@1A [DD] #, ,RGYA GAR SKAD DU, DZ'A TA KA N'A LA, BOD SKAD DU, SKYES PA'I RABS KYI RGYUD, BAM PO DANG PO, BCOM LDAN 'DAS NGAG GI DBANG PO LA PHYAG 'TSAL LO, ,DPAL [DD] LDAN YON TAN DAM PAS YONGS BZUNG BKRA SHIS PA, ,GRAGS PA'I GZHIR GYUR MA SMAD SHIN TU YID DU 'ONG, ,THUB PA'I SKU TSE SNGA MA'I SPYOD PA RMAD BYUNG RNAMS, ,BDAG GI SNYAN DNGAGS ME TOG SNYIM PAS GUS PAS MCHOD, ,GRAGS PA'I MTSAN MAR GYUR PA BZANG PO 'DI RNAMS KYIS, ,BDE BAR GSHEGS 'GYUR LAM RNAMS GANG YIN BSTAN PAR 'GYUR, ,YID LA DAD PA MED PA RNAMS KYANG DAD PAR 'GYUR, ,CHOS DANG LDAN PA'I GTAM GYIS RAB TU DGA' BAR 'GYUR, ,'JIG RTEN MCHOG GI SPYOD PA DAM PA PHYOGS TZAM GYIS, ,BDAG GI SNYAN DNGAGS MNYAN DU RUNG BAR BYA BA'I PHYIR, ,LUNG DANG GTZUG LAG RIG PAR MI 'GAL LAM BDAG GIS, ,DE LTAR 'JIG RTEN DON GYUR SNYAM NAS 'DI BRTZAMS SO, ,RANG DON BRTZON PAS GZHAN DON BRTZON PA GANG @2A *, ,YIN PA; ,YON TAN BSGRUB PA BZANG PO'I RJES SU MTHUN MA GYUR, ,THAMS CAD MKHYEN CES BRJOD PA MA NOR GSAL BAR GRAGS, ,MNYAM MED DE DANG CHOS DANG DGE 'DUN SPYI BOS 'DUD, ,BCOM LDAN 'DAS DE SKU TSE SNGA MA LA YANG, SEMS CAN THAMS CAD LA RGYU MED PAR RAB TU BYAMS PA'I NGO BO NYID YIN PAS, SANGS RGYAS BCOM LDAN 'DAS LA SEMS RAB TU DANG BAS PHYAG 'TSAL LO, ,DE YANG 'DI SKAD THOS SO, , BDAG CAG GI BLA MA DKON MCHOG GSUM BLA MAR BYED PA, SGRUB PA'I YON TAN RNAMS KYIS BLA MA MGU BAR BYAS PA, YON TAN GYI TSOGS KYIS BLA MAR GYUR PA RNAMS KYIS, BCOM LDAN 'DAS KYI SKU TSE SNGA MA'I RTOGS PA BRJOD PA 'DI YONGS SU BSGRAGS PA RJES SU THOS TE, BYANG CHUB SEMS DPA' YID DAM BCAS PA KHYAD PAR CAN DANG MTHUN PAR GYUR PA, SBYIN PA DANG, TSIG SNYAN PA DANG, DON SPYOD PA LA SOGS PA SHES RAB KYIS YONGS SU ZIN PAS SKYON MED CING SNYING RJE'I RGYU MTHUN PA RNAMS KYIS 'JIG RTEN YONGS SU 'DZIN PA NA, RANG GI CHOS LA MNGON PAR DGA' BA LAS GYUR PA'I GTZANG SBRA DANG, SPYOD PA DANG LDAN PA'I BRAM ZE'I RIGS CHEN PO JE MTHO JE MTHOR GYUR PA ZHIG TU SKYE BA @2B YONGS SU BZUNG BAR GYUR TO, ,ZHES GRAGS SO, ,DE SKYES PA'I LAS BYA BA LA SOGS PAS SBYANGS PA RIM PA BZHIN DU BYAS SHING MNGON PAR SKYES PA NI, RANG BZHIN GYIS YID GZHUNGS PA DANG, MGON SKYABS KYI KHYAD PAR DANG, SHES PA CHED CHER 'DZIN PA DANG, LE LO MED PAS RING PO MA THOGS PAR RIG PA'I GNAS BCO BRGYAD DANG, BDAG GI RIGS DANG MI 'GAL BA'I SGYU RTZAL RNAMS LA SLOB KYI SLOB DPON GYI GO 'PHANG DAM PA THOB PAR GYUR TO, ,RIG BYED SHES LA DE NI TSANGS PA BZHIN, ,RGYAL PO RNAMS KYIS BKUR BAS RGYAL PO BZHIN, ,SKYE DGU RNAMS LA BRGYA BYIN MNGON SUM BZHIN, ,SHES 'DOD RNAMS LA DON SPYOD PHA DANG 'DRA, ,DE SKAL BA DANG LDAN ZHING YON TAN KHYAD PAR CAN DU GYUR PAS, RNYED PA DANG, BKUR STI DANG, GRAGS PA'I KHYAD PAR RNAMS RAB TU BYUNG BAR GYUR TO, ,BYANG CHUB SEMS DPA' DE BLO CHOS LA GOMS PAR BSGOMS PA DANG, RAB TU BYUNG BA LA 'DRIS PAR BYAS PAS DE LA MNGON PAR DGA' BAR MA GYUR TO, ,SNGON GYI SPYOD PAS DE'I BLO YONGS SU DAG ,'DOD PA RNAMS LA SKYON MANG MTHONG NAS NI, ,KHYIM NA GNAS PA NAD BZHIN YONGS SPANGS NAS, ,NAGS TSAL GNAS SHING RAB TU BRGYAN PAR GYUR, ,DE NI DER YANG CHAGS MED DE YIS SU, ,SHES RAB YONGS SU SBYANGS SHING ZHI BA YIS, ,MI YI 'JIG RTEN DAM PA'I SPYOD BRAL BA, ,NGAN PAR SPYOD LA CHAGS PA BZLOG PA BZHIN, ,DE YI RANG BZHIN BYAMS PA'I BDAG NYID KYIS, ,RNAM PAR BRLAN PA BZHIN DU SEMS MTHUN ZHING, ,PHAN TSUN GNOD PA MED PA'I SEMS GYUR NAS, ,DKA' THUB CAN BZHIN GCAN GZAN KHRO BO'ANG SPYOD, ,SPYOD PA DAG CING DBANG PO DUL BA DANG, ,CHOG SHES LDAN ZHING SNYING RJE'I YON TAN GYIS; ,'JIG RTEN DAG NA SKYE BO MA 'DRIS PA'ANG, ,GZHAN LA DE BYAMS BZHIN DU DE LA BYAMS, ,'DOD PA CHUNG LA NGAN G-YO MI SHES SHING, ,RNYED DANG GRAGS DANG BDE LA MA CHAGS PAS, ,DE LA LHA RNAMS YID KYANG MGU GYUR NAS, ,DANG ZHING GUS LA RAB TU GZHOL BAR @3A *, ,BYED; ,DE NI RAB TU BYUNG BAR MIS THOS TE, ,DE YI YON TAN RNAMS KYIS SEMS DRANGS NAS, ,GNYEN DANG YONGS SU BZUNG BA RNAMS SPANGS TE, ,DGONGS SGRUB BZHIN DU DE YI SLOB MAR GYUR, ,TSUL KHRIMS GTZANG SBRA DBANG PO DUL BA DANG, ,DRAN PA MA NYAMS RAB TU DBEN PA DANG, ,BYAMS LA SOGS DANG YID NI TING 'DZIN LA, ,DE NI SLOB MA RNAMS LA CI NUS STON, ,DE NAS BDAG NYID CHEN PO DE RE ZHIG CIG NA SLOB MA'I TSOGS RNAMS NI PHAL CHER YONGS SU RDZOGS SHING RGYA CHAR GYUR, DGE BA'I LAM LA NI RAB TU BKOD, 'JIG RTEN PA RNAMS NI NGES PA'I LAM DAM PA LA BTZUD, NGAN SONG GI SGO NI BCAD PA BZHIN DU BYAS, BDE 'GRO'I LAM NI LAM PO CHE BZHIN DU BYAS NAS, TSE 'DI LA BDE BA SPYAD PA'I PHYIR DE'I TSE RJES SU MTHUN PA'I SLOB MA MA PHAM PA DANG 'GROGS TE, RNAL 'BYOR DANG MTHUN PA'I GNAS RI'I SMAN LJONGS ZHIG TU GNAS SHING SPYOD DO, ,DE NAS RI KHROD DE NA NI, ,STAG MO PHRU GU 'BRANGS PA ZHIG ,PHRU GU 'BRANGS PA'I SDUG BSNGAL GYIS, ,SPYOD PA NYAMS PAR GYUR PA MTHONG, ,MIG GNYIS LTA BA ZHAN PAR GYUR, ,BKRES PAS LTO BA RAB TU NYAMS; ,PHRU GU BDAG GI BU YIN KYANG, ,KHA ZAS BZHIN DU LTA BAR GYUR, ,MA LA YID GCUGS 'JIGS MED CING, ,NU ZHO 'DOD PHYIR LHAGS PA LA, ,STAG SKAD NYER NYER SGRA 'BYIN CING, ,GZHAN GYI BU BZHIN SPANG BAR GYUR, ,BYANG CHUB SEMS DPAS DE MTHONG NAS; ,BRTAN YANG SNYING RJE'I DBANG GYUR PAS, ,SA G-YOS PA YIS LJON SHING BZHIN, ,GZHAN GYI SDUG BSNGAL GDUNGS PAS 'DAR, ,BDAG GI SDUG BSNGAL CHEN POS KYANG, ,SNYING RJE'I BDAG NYID BRTAN PA GSAL, ,GZHAN GYI SDUG BSNGAL CHUNG DUS KYANG, ,'DAR BAR GYUR PA DE RMAD DO, ,DE NAS BYANG CHUB SEMS DPA' RTABS SHING RINGS RINGS SKAD DU, SMRA BA'I TSIG RANG BZHIN KHYAD PAR CAN GSAL BAR STON PA, SNYING RJE'I DBANG GIS TSIG 'BRU GSAL BAR SLOB MA LA SMRAS PA, BU BU 'KHOR BA YON TAN MED LA LTOS, ,GCAN @3B GZAN MO NI LTOGS NAS SU, ,BYAMS PA'I MTSAMS LAS 'DAS NAS NI, ,RANG GI BU YANG ZA BAR 'DOD, ,KYE MA HO BDAG LA BYAMS PA 'DI, ,HA CANG MA 'OS MI BZOD DO, ,GANG PHYIR MA YIS BDAG GI BU, ,ZA BAR 'DOD PA GA LA SRID, ,GANG PHYIR 'DI 'DRA'I LAS DAG KYANG; ,BYED PAR RTZOM PA DE LTA BU'I, ,BDAG LA BYAMS PA'I DGRA BO DE, ,'PHEL BAR BYED PA SU ZHIG YOD, ,DE BAS NA STAG MO DAG DANG PHRU GU RNAMS MA RUNG BAR MA GYUR PA 'DI BKRES PA'I SDUG BSNGAL BSAL BA'I RGYU GA SHED NA MYUR DU TSOL CIG ,BDAG KYANG 'DI'I THUB CHOD 'DI LAS BZLOG PA'I PHYIR 'BAD DO, ,DES KYANG DE MNYAN TE DE BZHIN DU BGYI'O BYAS NAS, DE'I ZAS TSOL BA LA 'BAD PAR GYUR TO, ,DE NAS BYANG CHUB SEMS DPAS SLOB MA DE SNYAD BTAGS TE BTANG NAS BSAMS PA, BDAG GI LUS 'DI TSANG BAR YOD BZHIN DU, ,CI PHYIR GZHAN LAS SHA NI BTZAL BAR BYA, ,DES KYANG RNYED DAM MI RNYED GTOL MED LA, ,BDAG GI DGONGS PA 'DI YANG MI 'GRUB SRID, ,GNYIS SU NA, BDAG MED 'JIG LA SNYING PO MED PA'I LUS, ,SDUG BSNGAL DRIN MED RTAG TU MI GTZANG BA'I, ,LUS KYIS GZHAN LA PHAN THOGS 'GYUR BA LA, ,DGA' BAR MI 'GYUR DE NI MKHAS MA YIN, ,BDAG GI BDE LA CHAGS NAS GZHAN DAG GI ,SDUG BSNGAL YAL BAR 'DOR BA MTHU MED DAM, ,GZHAN DAG SDUG BSNGAL BDAG LA BDE BA MED, ,NUS PA YOD BZHIN CI STE YAL BAR DOR, ,NUS PA YOD BZHIN BDAG GIS YAL BOR NA, ,GSOD PA'I DGRA YANG SDUG BSNGAL BYING BA LA, ,YAL BAR BOR NA SDIG PA BYAS PA BZHIN, ,BDAG GI SEMS NI 'DAM BU MES TSIG BZHIN, ,DE BAS LUS KYIS BSRUNG BAR BYA BA NI, ,G-YANG SAR LHUNG LA THUG PA'I SROG YOD PAS, , PHRU GU BSAD LA STAG MO BSRUNG BA DANG, ,STAG MO LAS KYANG DE YI PHRU GU BSRUNG, ,GZHAN YANG, 'JIG RTEN PHAN BRTZON RNAMS LA BSTAN PA DANG, ,BRTZON 'GRUS ZHAN PA SPRO BA BSKYED PA DANG, ,GTONG PHOD RNAMS NI DGA' BA BSKYED PA DANG, ,SKYE BO DAM PA'I YID NI DRANG @4A *, ,BA DANG; ,BDUD KYI SDE CHEN SPA NI BKOD BA DANG, ,SANGS RGYAS YON TAN DGA' BA DANG BA DANG, ,BDAG GI DON BRTZON NGO TSA BSKYED PA DANG, ,'JUNGS DANG 'DOD CHEN CAN YANG NGO TSA BSKYED, ,THEG PA MCHOG LA BRTEN PA DAD BSKYAD CING, ,GTONG BAS SNYEMS PA NGO MTSAR BSKYED PA DANG, ,GTONG LA DGA' BA RJES SU YI RANG RNAMS, ,MTHO RIS LAM CHEN RNAM PAR SBYANG PHYIR RO, ,LUS TZAM GYIS KYANG GZHAN LA PHAN THOGS PAR, ,NAM ZHIG 'GYUR ZHES BDAG GIS GANG BSAMS PA, ,SMON LAM LA NI 'BRAS BU YOD PAR BYA,, BYANG CHUB MCHOG KYANG RAB TU NYE BAR BYA, ,'GRAN PHYIR MA YIN GRAGS PA 'DOD PHYIR MIN, ,MTHO RIS 'DOD DANG RGYAL SRID BSGRUB PHYIR MIN, ,BDAG GIS BDE BA MCHOG THOB PHYIR MIN GYI, ,GZHAN DON BSGRUB PHYIR BDAG GIS 'DI BRTZAMS SO, ,DE BAS BDAG NI 'DI YIS DUS GCIG TU, ,'JIG RTEN DAG LA SDUG BSNGAL BDE 'BYUNG BA, ,GSAL ZHING BSGRUB PA RTAG TU NUS GYUR CIG ,NYI MAS MUN BSAL SNANG BYUNG NUS BZHIN NO, ,MTHONG ZHING THOS SAM RJES SU DRAN KYANG RUNG, ,REG GAM GTAM DU BRJOD PAR GYUR KYANG RUNG, ,RNAM PA KUN DU 'GRO LA PHAN PA NI, ,BDE DANG LDAN PA RTAG TU BYED GYUR CIG ,DE LTAR GZHAN DON BSGRUB PHYIR NGES BYAS NAS, ,SROG DANG BRAL YANG RAB TU DGA' GYUR TE, ,BRTAN PA'I LHA RNAMS NGO MTSAR SKYE 'GYUR BAR, ,BDAG GIS LUS NI DE NAS BOR BAR GYUR, ,DE NAS STAG MO DES BYANG CHUB SEMS DPAS LUS BOR BA'I SGRA DE THOS SHING NGO MTSAR SKYES NAS, BDAG GI PHRU GU BCA' BA BTANG STE, DE NAS MIG GNYIS KYIS BLTAS NAS, BYANG CHUB SEMS DPA' DE'I LUS SROG DANG BRAL BA MTHONG NAS, DE MA THAG TU NYE BAR 'ONGS NAS BZA' BAR BRTZAMS SO, ,DE ZA ZHING 'DUG PA DANG, DE'I 'OG TU DE'I SLOB MA DES SHA MA RNYED PAR SLAR 'ONG STE, MKHAN PO GANG NA BZHUGS SNYAM NAS BLTAS PA NA, BYANG CHUB SEMS DPA' DER LUS SROG DANG BRAL NAS STAG MO DES ZA ZHING 'DUG PA MTHONG BA DANG, DES DE'I SPYOD PA KHYAD PAR CAN DE NGO MTSAR CHE @4B BAR BZUNG NAS, MYA NGAN DANG SDUG BSNGAL GYI SHUGS BTANG STE, DE'I YON TAN GYI GZHI LA SMON PA'I TSIG TU SMRAS PA BZHIN DU YID LA BSAM PA TSIG TU SMRAS PA, AE MA'O SDUG BSNGAL CAN LA SNYING RE RJE, ,BDAG NYID CHE BA BDAG GI BDE MA CHAGS, ,DAM PA RNAMS KYI SPYOD PA MCHOG TU BYAS, ,GZHAN GYI DPAL DANG GRAGS PA ZIL GYIS MNAN, ,AE MA'O RAB TU DPA' BA 'JIGS PA MED, ,YON TAN BYAMS MCHOG RNAM PAR BSTAN, ,AE MA'O YON TAN CHEN PO BDAG GI LUS, ,PHYAG GI GNAS KYI KHYAD PAR CAN DU BYAS, ,RANG BZHIN ZHI BA SA GZHI BZHIN DU BRTAN, ,AE MA'O GZHAN GYI SDUG BSNGAL MI BZOD PA, ,AE MA'O DPA' BO PHUN SUM TSOGS PA 'DIS, ,BDAG GI SKYON NI RAB TU GRAGS PAR GYUR, ,MGON PO 'DIS NI MGON DANG BCAS BYAS PAS, ,DA NI 'GRO BA MYA NGAN BYA MI DGOS, ,GZHAN GYIS PHAM DU BYAS PA'I BDUD DAG KYANG, ,DA NI NGES PAR SHUGS KYANG NAR ZHES 'BYIN, ,YONG YE SKAL BA CHEN PO 'DI SEMS CAN THAMS CAD KYI SKYABS SU GYUR PA, THUGS RJE SHIN TU RLABS CHE BA, SNYING STOBS DPAG TU MED PA, BYANG CHUB SEMS DPA'I DON JI LTA BU NYID LA PHYAG 'TSAL LO; ,ZHES SMRAS NAS, DE NAS DE'I DON DE TSANGS PAR SPYOD PA RNAMS LA SBRAN NO, ,DE NAS DE YI SPYOD PAS NGO MTSAR GYUR PA'I SLOB MA DANG, ,DRI ZA GNOD SBYIN KLU DANG SUM CU RTZA GSUM BDAG PO RNAMS, ,PHRENG BA NA BZA' RGYAN DANG TZANDAN PHYE MA CHAR PHAB PAS, ,DE YI SKU GDUNG RIN CHEN MDZES PAS SA GZHI KHEBS PAR BYAS, ,DE LTA BAS NA, BCOM LDAN 'DAS DE SKU TSE SNGA MA LA YANG SEMS CAN THAMS CAD LA SGYU MED PAR RAB TU BYAMS PA'I RANG BZHIN CAN SEMS CAN THAMS CAD BDAG GIR GYUR PA YIN PAS, SANGS RGYAS BCOM LDAN 'DAS LA RAB TU DAD PAR BYA'O, ,DAD PA SKYES PA RNAMS KYIS SANGS RGYAS BCOM LDAN 'DAS RNAMS LA DGA' BA BSKYED PAR BYA'O, ,DE LTA BAS NA DE NI BDAG CAG GIS DAD PAR BYA BA'I GNAS YIN NO, ,ZHES DE LTAR YANG SBYAR BAR BYA'O, ,DE LTAR CHOS KYANG BYA DKA' BA MANG @5A *, ,POS BSGRUB PA YIN PA'I PHYIR RIM GRO BSKYED DE CHOS MNYAN PAR BYA'O, ,DE LTAR SNYING RJE NI GZHAN LA PHAN 'DOGS PA'I RGYU YIN ZHING NGO BO NYID KHYAD PAR CAN BSGRUB PA YIN PA'I PHYIR, SNYING RJE'I YON TAN LA YANG BSNGAGS PA BRJOD PAR BYA'O, ,BYANG CHUB SEMS DPA'I RTOGS PA BRJOD PA'I RGYUD LAS RTOGS PA BRJOD PA DANG PO'O,, ,,BCOM LDAN 'DAS DES BYA DKA' BA BRGYA PHRAG MANG POS, BDAG CAG GI DON DU DAM PA'I CHOS 'DI YANG DAG PAR BSGRUB PA'I PHYIR RIM GRO BSKYED DE CHOS MNYAN PAR BYA'O, ,DE YANG 'DI SKAD THOS TE, BCOM LDAN 'DAS 'DI BYANG CHUB SEMS DPAR GYUR PA'I TSE, DPAG TU MED PA'I DUS NAS GOMS PAR BYAS PAS, BSOD NAMS KYI LAS BSAGS SHING 'DRIS PAR BYAS PA DE, RE ZHIG CIG YUL SHI PI PA RNAMS KYI RGYAL POR GYUR TO, ,ZHES GRAGS SO, ,DE BYIS PA NAS RGAN PO LA BSNYEN BKUR BYED PA LA DGA' BA, DUL BA LA RJES SU DGA' BA, RJE BLON BYAMS PA, RANG BZHIN GYIS YID GZHUNGS PA, RIG PA DU MA RTOGS PAS BLO RGYA CHE BA, SPRO BA DANG, GSANG TSIG DANG, GZI BYIN GYI MTHU DANG SKAL BA PHUN SUM TSOGS PAS SKYE DGU RNAMS BDAG GI PU BZHIN SKYONG BAR GYUR TO, ,DE LA 'KHOR GSUM RJES MTHUN YON TAN TSOGS, ,PHAN TSUN 'GRAN PA BZHIN DU GNAS PAR GYUR, ,DNGOS PO THAMS CAD YONGS SU RDZOGS GYUR ZHING, ,'GAL ZHING 'KHRUG PAS GTZES PA MED PAR GYUR, ,MA DUL 'CHAL PA RNAMS LA 'PHYA 'GYUR BA, ,BLUN PO RNAMS NI RAB TU PHUNG BYED PA, ,BDAG NYID CHUNG DU RNAMS NI MYOS 'GYUR GANG, ,DPAL DE DE LA MING NI DON BZHIN GYUR, ,RANG BZHIN RGYA CHE SNYING RJE'I YON TAN LDAN, ,RGYAL PO DE NI NOR LA DBANG YOD PHYIR, ,PHONGS PA RNAMS NI 'DOD PA'I DON GRUB PAS, ,NGO 'DZUM MI GNAG BZHIN BZANG MTHONG BAS DGA', ,DE NAS RGYAL PO SBYIN PA LA DGA' BAS, GRONG KHYER GYI KHO RA KHOR YUG TU SBYIN PA'I KHANG PAR NOR DANG, 'BRU DANG, YO BYAD THAMS CAD PHUN SUM TSOGS PA BRTZIGS SU BCUG NAS, @5B BDAG GI BDAG NYID CHE BA DANG RJES SU MTHUN PA, RE BA CI LTA BA BZHIN DU SKONG BA, GUS PA DANG BCAS PAS YID DGA' BAR BYED PA, DUS BZHIN DU 'BYOR PAS YID DU 'ONG BA'I SBYIN PA'I CHAR RDZOGS LDAN GYI DUS KYI SPRIN BZHIN DU PHAB PAR GYUR TE, ZAS 'DOD PA RNAMS LA NI ZAS, BTUNG BA 'DOD PA RNAMS LA NI BTUNG BA, MAL CHA DANG, STAN DANG, GOS DANG, BZA' BA DANG, BYUG PA DANG, SPOS DANG, PHRENG BA DANG, GSER DANG, DNGUL LA SOGS PA 'DOD PA RNAMS LA DE DAG CHAR BZHIN DU PHAB PO, ,DE NAS RGYAL PO DE'I SBYIN PA RLABS PO CHE DE THOS NAS; PHYOGS THA DAD PA'I YUL NA GNAS PA'I MI RNAMS YA MTSAN CHE ZHING SNYING DGA' BAR GYUR TE YUL DER LHAGS SO, ,MI YUL KUN TU YID KYIS BRTAGS NA YANG, ,GZHAN DU BSLANG BA'I SKABS NI MA RNYED NAS, ,PHONGS PA RNAMS NI DGA' BZHIN DER LHAGS PA, ,NAGS TSAL GLANG PO MTSO CHEN DANG LHAGS BZHIN, ,DE NAS RGYAL PO DE SKYE BO SLONG BA THOB TU RE BAS YID DGA' BAR GYUR PA 'GRON PO'I CHAS SU ZHUGS PAS, MI SDUG PAR GYUR PA RNAMS SO SO NAS LHAGS PA DANG, SKYE BO MDZA' BSHES BYES NAS 'ONGS PA DAG ,MTHONG BAR GYUR NA DGA' BA'I MIG BGRAD BZHIN, ,SLONG BA'I TSIG NI GTAM SNYAN THOS BZHIN DGA', ,BYIN NAS DGA' BA SLONG BA LAS KYANG LHAGS, ,SBYIN PA LAS BYUNG DE YI GRAGS PA'I DRI, ,PHONGS PA'I TSIG GI RLUNG GIS BSGRAGS PA DAG ,RGYAL PO GZHAN GYI DREGS PA MED BYAS PAS; ,SPOS KYI GLANG POS GLANG PO GZHAN GYI BZHIN, ,DE NAS RE ZHIG CIG ,RGYAL PO DE SBYIN GTONG GI KHANG PA RNAMS NYUL DU SONG SONG BA DANG, PHONGS PA RNAMS RE BSKONG BA'I SLONG BA'I SKYE BO 'DU BA NYUNG BA MTHONG NAS, SBYIN PA'I BSOD NAMS MI 'PHEL BAR 'GYUR BAS MGU BAR MA GYUR TO, ,DE LA BRTEN NAS PHONGS PA TSIM PAR GYUR, ,SBYIN LA DPA' BA DE NI SNYING MA TSIM, ,PHONGS PA RNAMS KYIS SLONG BA'I TSAD DAG GIS, ,DE YI SBYIN PA'I TSAD LA THUB MA GYUR, ,DES BSAMS PA PHONGS PA RNAMS 'DZEM PA MED CING BAG MED @6A *, ,PAR; BDAG GI LUS SLONG BA YANG YOD NA SKYES BU DAM PA YA RABS DE DAG RE SKYID, NGAS NYON MONGS PAS PHONGS PA RNAMS TSIG RTZUB PAS BSDIGS TE BSKRAD PA BZHIN DU NOR TZAM LA YANG BAG BSKUM STE SLONG MI PHOD PAR GYUR TO SNYAM MO, ,DE NAS RGYAL PO'I SBYIN PA RLABS PO CHE, ,BDAG GI LUS LA 'ANG MNGON PAR MA CHAGS PAR, ,SBYIN PAR BYA BA RNAM RTOG DE RIG NAS, ,BUD MED KHYO LA GDUNG BZHIN SA G-YOS SO, ,DE NAS LHA'I DBANG PO BRGYA BYIN SA GZHI G-YOS PAS RI'I RGYAL PO RI RAB RIN PO CHE'I 'OD GSAL BA YANG G-YOS PAR GYUR PA DANG, 'DI CI SNYAM DU RTOGS PA SKYES SO, ,RGYAL PO DE'I RNAM PAR RTOG PA KHYAD PAR CAN DE LAS SA G-YOS PAR RIG NAS, SEMS LA YA MTSAN CHE BAR GYUR NAS BSAMS PA, SBYIN LA RAB TU DGA' BA'I YID KYIS SU, ,'DI NI RGYAL BOS GYI NAR RNAM BRTAGS SAM, ,BDAG GIS LUS 'DI NGES PAR SBYIN BYAS NA, ,'ON TE SNYING NAS 'BAD DE BSAM PA YIN, ,DE BAS NA, DA 'DI RE ZHIG BRTAG PAR BYA'O SNYAM MO, ,DE NAS RGYAL PO DE BLON PO'I TSOGS KYIS BSKOR TE 'KHOR GYI NANG NA 'DUG PA DANG; PHONGS PA RNAMS LA GAR 'OS 'OS SU GANG CI 'DOD CES BOS TE, NOR BU RIN PO CHE DANG, GSER DANG, DNGUL DANG, NOR GYI TSOGS RNAMS NI BYUNG STE, DKOR GYI BLA MA RNAMS KYIS SPYAN PA BYAS NAS GOS RNAM PA SNA TSOGS KYIS BKANG BA'I SNOD RNAMS NI KHA PHYES; BZHON BA DUL BA SNA TSOGS KYIS DRANGS PA'I SHING RTA'I KHYAD PAR BZANG PO RNAMS NI BSOGS, SKYE BO PHONGS PA RNAMS NI SO SO NAS LHAGS PA DANG, LHA RNAMS KYI DBANG PO BRGYA BYIN BRAM ZE RGAN PO LONG BA CIG GI GZUGS SU BSGYUR NAS, RGYAL PO'I SPYAN SNGAR 'ONGS BAR GYUR TO, ,DE NAS RGYAL PO DE'I SNYING RJE DANG BYAMS PA BSGOM PA'I LTA BA BRTAN ZHING GSAL LA ZHI BAS BSU BA BZHIN 'KHYUD PA BZHIN DU BLTAS PA DANG, RGYAL PO'I 'KHOR RNAMS KYIS CI 'DOD CES DRIS NAS, MI'I BDAG BO DANG NYE BAR 'ONGS NAS RGYAL @6B BAR GYUR CIG TSIG GIS SHIS PA BRJOD DE, RGYAL PO LA 'DI SKAD CES SMRAS SO, ,SA BDAG DAM PA KHYOD KYI SPYAN 'TSAL PHYIR, ,RGAN PO RING NAS MI MTHONG BZHIN DU MCHIS, ,PADMA'I SPYAN MNGA' SPYAN NI GCIG PUS KYANG, ,'JIG RTEN BDAG POS 'JIG RTEN BGYI BA 'GRUB; ,BYANG CHUB SEMS DPAS YID LA BSAMS BZHIN SMON LAM RAB TU GRUB PAS RAB TU DGA' ZHING RAB TU SPRO BAR GYUR TE, CI BRAM ZE 'DIS 'DI BDEN PAR SMRAS SAM, 'ON TE 'DI LTA BU'I RTOG PA LA GOMS PAS, BDAG NYID KYIS 'DI LTA BA ZIN SNYAM DU RTOGS PA SKYES NAS, YID LA MIG SLONG BA'I TSIG SNYAN PA NYAN PAR 'DOD DE, MIG SLONG BA DE LA SMRAS PA, BRAM ZE'I GTZO BO NGA LA MIG SLONG BA, ,SU YIS BSTAN NAS KHYOD NI 'DI RU 'ONG, ,MIG NI RAB TU GTANG DKA' ZHES GRAGS PA'I, ,SRID PA SU ZHIG NGA LA MED PAR 'GYUR; ,DE NAS BRAM ZE'I CHA LUGS SU BSGYUR BA'I BRGYA BYIN DES, RGYAL PO DE'I BSAM PA RIG NAS SMRAS PA, BRGYA BYIN 'DRA BA BRGYA BYIN GYIS BSTAN NAS, ,KHYOD LA SPYAN SLONG SLAD DU 'DIR MCHIS SO, ,DE YI SRID DANG BDAG GI RE BA DAG ,SPYAN STZAL BAS NI 'BRAS BU MCHIS PAR MDZOD, ,DE NAS RGYAL PO DES BRGYA BYIN SMOS PAS, LHA'I MTHUS BRAM ZE'I MIG 'DI, GDON MI ZA BAR CHO GA 'DIS MIG DANG LDAN PAR 'GYUR RO SNYAM DU BSAMS NAS, RAB TU DGA' BA'I TSIG GSAL BAS DE LA 'DI SKAD SMRAS SO, ,YID LA RIB GANG GIS 'DIR 'ONGS PA'I, ,BRAM ZE KHYOD KYI RE BA DE NGAS BSKANG, ,NGA YI MIG NI YA GCIG 'DOD PA LAS, ,KHYOD LA MIG NI GNYIS KA NGAS SBYIN GYIS, ,DES KHYOD AUTPAL RGYAS PA'I MIG GIS GDONG BRGYAN NAS, ,CI STE 'DI NYID YIN NAM 'ON TE MA YIN ZHES, NAM RTOG YENGS PA DE 'DI YIN ZHES NGO MTSAR GYUR, ,JI LTAR 'DOD PA'I GNAS SU 'GRO BAS MTHONG BAR SONG, ,DE NAS RGYAL PO DE'I BLON PO RNAMS MIG SBYIN PA STZOL BAR RIG NAS BRTAB PA DANG BCAS PA'I SHUGS KYI SKRAG PAS GDUNGS PA'I YID DU GYUR NAS, RGYAL PO LA @7A *, ,SMRAS PA, SBYIN PA LA DGYES CHES NA MI RIGS PA DANG GNOD PAR 'GYUR BA MI BRTAG PAR LHA DE LTAR MI MDZAD DU GSOL, SPYAN STZAL BAR MI RIGS SO, ,BRAM ZE 'DI NI GCIG PU'I PHYIR, ,BDAG CAG THAMS CAD MI 'DOR GSOL, ,SKYE DGU BDE BAR BSKYED PA RNAMS, ,MYA NGAN ZHUGS KYIS MI BSREG GSOL, ,DPAL CHEN SKYED PAR BYED PA'I NOR RNAMS DANG, ,DPAL DANG LDAN PA RIN CHEN BA BZHON DANG, ,DUL BA'I RTA DANG SBYAR BA'I SHING RTA STZOL, ,GLANG PO DREGS PAS GZI LDAN 'GYING BA STZOL, ,RKANG GDUB 'KHROL BA'I SGRA RNAMS GRAGS PA YI, ,KHANG PA DUS RNAMS KUN TU BDE LDAN PA, ,STON KA'I SPRIN BAS RAB TU DKAR BA STZOL, ,'GRO BA'I MIG GCIG NYID KYI SPYAN MA STZAL, ,GZHAN YANG RGYAL PO RE ZHIG DGONGS SU GSOL, ,GZHAN GYI MIG GZHAN LA JI LTAR SBYAR DU RUNG; DE STE 'DI LHA YI MTHU CI LAGS NA, KHYOD KYI SPYAN LA YANG LTOS CI 'TSAL, LHA GZHAN YANG GZHAN GYI 'BYOR PA DBANG BYED PA, MIG GIS DBUL LA CI ZHIG BGYI, ,DE BAS DKOR LAS STZAL DU GSOL, ,LHA GCIG THUB CHOD MI MDZAD GSOL, , DE NAS RGYAL PO DES, BLON PO RNAMS LA BYAMS PA'I TSIG 'JAM POS SMRAS PA, GANG ZHIG SBYIN ZHES SMRAS NAS NI, ,MI SBYIN PA YI BLO BSKYED PA, ,DE NI 'DOD PA'I ZHAGS PA YIS, ,BDAG NYID SLAR NI 'CHING BAR BYED, ,SBYIN NO ZHES NI KHAS BLANGS NAS, ,GANG ZHIG YID LA GZHAN SEMS PA, ,SER SNAS MA NGES BLO CAN DE, ,DE LAS SDIG CHE GANG ZHIG YOD, ,SBYIN NO ZHES NI KHAS BLANGS PAS, ,PHONGS PA'I RE BA BRTAN BYAS NAS, ,BSLU BA'I TSIG NI RTZUB PO DE'I, ,SKYIN PO'I BSAB PA CI YANG MED, ,GANG YANG KHYED NA RE; LHA'I MTHU NYID KYIS 'DI'I MIG YOD PAR CI'I PHYIR MI 'GYUR ZHES ZER BA DE YANG NYON, RGYU GCIG GIS NI 'GRUB PA YI, ,'BRAS BU GANG YANG YOD MA YIN, ,LHA RNAMS KYIS NI BYAS PA YANG, ,RGYU RKYEN GZHAN LA LTOS PA YOD, ,DE BAS NA NGAS SBYIN PA CHEN PO @7B BYED PA LA KHYED KYIS GEGS BYED PAR MI RIGS SO, ,DE NAS BLON PO RNAMS KYIS SMRAS PA, LHA NOR DANG, 'BRU DANG, RIN PO CHE LA SOGS PA RNAMS STZAL BAR RIGS KYI, SPYAN NI STZAL BAR MI RIGS SO, ,ZHES BDAG CAG GIS SNGAR GSOL BA LAGS TE, DE BAS NA BDAG CAG LHA SHUL MA LAGS PAR GSHEGS SU MI GSOL LO, ,RGYAL POS SMRAS PA, GANG ZHIG SLONG BA DE NYID SBYIN PAR BYA, ,MI 'DOD PA NI BYIN YANG DGA' MI 'GYUR, ,CHUS KHYER BA LA CHU YIS CI ZHIG BYA, ,DE BAS SLONG BA'I DON 'DI 'DI LA SBYIN, ,DE NAS RGYAL PO'I BLON PO CHEN PO RAB TU YID GCUGS SHING 'DRIS PA GCIG BYAMS PA'I SHUGS KYI ZHES BTANG STE, RGYAL PO DE LA SMRAS PA, KYE CUNG ZHIG GZHES SHIG ,LA LAS DKA' THUB TING 'DZIN CHO GA CHEN POS GANG ZHIG THOB 'GYUR ZHING, ,GANG LA BRTEN NAS MCHOD SBYIN CHEN PO MANG POS GRAGS DANG MTHO RIS THOB, ,BRGYA BYIN LONGS SPYOD LA YANG 'GRAN PA'I RGYAL PO'I RGYAL SRID THOB PA DE SPANGS NAS, ,CI ZHIG MTHONG NAS KHYOD KYIS MIG SBYIN CHO GA 'DI NI SU LAS LOBS, ,MCHOD SBYIN BYAS PAS SUM CU RTZA GSUM NYE, ,GRAGS PAS KUN TU RAB TU GSAL 'GYUR ZHING, ,MI DBANG GTZUG GI 'OD KYIS RKANG BRGYAN PA, ,CI ZHIG 'DOD PHYIR MIG NI SBYIN PAR BYED, ,DE NAS RGYAL PO DES BLON PO RNAMS LA BYAMS PA DANG BCAS PA'I TSIG GIS SMRAS PA, DA 'BAD 'DI NAS SA KUN THOB PHYIR MIN, ,MTHO RIS THAR PA GRAGS PA THOB PHYIR MIN, ,SLONG BA 'DI NI DON MED MI 'GYUR ZHING, ,'JIG RTEN BSKYAB PHYIR NGA NI 'DI LTAR 'BAD, ,DE NAS RGYAL PO DES ME TOG AUTPAL MTHING GA'I 'DAB MA LTAR MDZES SHING YID DU 'ONG BA'I MIG YA GCIG SMAN DPYAD LAS BYUNG BA BZHIN DU DAL BUS MA SNAD PAR PHYUNG STE RAB TU DGA' BZHIN DU MIG SLONG BA LA BYIN TO, ,DE NAS LHA'I DBANG PO BRGYA BYIN GYIS CI NAS KYANG MIG DE DE'I MIG TU GNAS PAR GYUR PA, RGYAL PO 'KHOR DANG BCAS PA DES MTHONG BAR GYUR PA DE LTA BU'I RDZU 'PHRUL MNGON PAR BYAS SO, ,DE @8A *, ,NAS MIG YA GCIG PHYES TE, SLONG BA PO LA BLTAS PA DANG, RGYAL PO DE SNYING RAB TU DGA' BAR GYUR NAS, MIG YA GCIG KYANG DE LA BYIN TO, ,DE NAS RGYAL PO DE YIS MIG BYIN NAS, ,PADMA MED PA'I PADMA'I MTSO 'DRA GDONG, ,GZHAN LA MED PAS RAB TU DGA' BAR GYUR, ,BRAM ZE'ANG MIG DANG LDAN PAR 'KHOR GYIS MTHONG, ,RGYAL PO'I BTZUN MO 'KHOR DANG PHO BRANG 'KHOR RNAMS KYANG, ,MYA NGAN MCHI MAS SA GZHI THAMS CAD CHAG CHAG GDAB, RGYAL PO RDZOGS PA'I BYANG CHUB BLO BRTAN MTHONG NAS NI, ,BRGYA BYIN DE YANG NGO MTSAR CHE ZHING RAB TU DGA', ,DE NAS BRGYA BYIN NGO MTSAR CHEN POS SEMS RAB TU DGA' BA DANG DANG BAR GYUR NAS 'DI SNYAM DU SEMS SO, ,AE MA'O BRTAN ZHING SNYING STOBS CHE, ,AE MA'O SEMS CAN PHAN 'DOGS PA, ,LAS 'DI MNGON SUM GSAL GYUR KYANG, ,THE TSOM ZA BAR GYUR PA 'DRA, ,DE LTA BAS NA NGO MTSAR CHE BA'I SEMS CAN 'DI YUN RING DU 'DI LTAR NYON MONGS SU GZHUG PAR MI RIGS KYI, THABS KYIS 'DI'I MIG SLAR SKYE BAR 'GYUR BAR BYA'O SNYAM MO, ,DE NAS RGYAL PO DE'I RIM GYIS MIG GI RMA NI SOS SO, ,BTZUN MO'I 'KHOR DANG PHO BRANG 'KHOR GYI MI RNAMS KYI MYA NGAN SRABS KYI SONG NAS, RAB TU DBEN PAR 'DOD PA'I PHYIR RDZING BU'I 'GRAM NA ME TOG GI LJID KYIS NON PA'I SHING BZANG PO STUG PO YOD PA SER BU BSIL ZHING BDE LA DRI ZHIM PO'I NGAD LDANG BA, BUNG BA MANG POS SGRA 'BYIN PA ZHIG TU SKYIL MO KRUNG BCAS TE 'DUG PA DANG, LHA'I DBANG PO BRGYA BYIN MDUN DU 'ONGS SO, ,DE NAS RGYAL POS 'DI SU YIN ZHES DRIS PA DANG, SMRAS PA, NGA NI LHA'I DBANG PO BRGYA BYIN YIN TE KHYOD KYI DRUNG DU 'ONGS SO, ,GSHEGS PA LEGS SO CI BZHED PA BKA' STZAL DU GSOL, ZHES ZHES DANG BCAS PAS SMRAS PA DANG, RGYAL BO LA YANG SMRAS PA, RGYAL PO DRANG SRONG NGA LA CI 'DOD PA'I MCHOG DE SLONG CIG ,DE NAS RGYAL PO DE SBYIN PA LA GOMS SHING SLONG BA LA MA GOMS PA'I PHYIR BRTAN PAS 'DZUM ZHING NGO MTSAR MI CHE ZHING RLABS CAN DU SMRAS PA, BRGYA BYIN BDAG @8B LA NOR MANG ZHING, ,DMAG TSOGS CHE ZHING MTHU DANG LDAN, ,DA NI LONG BAR GYUR PAS BDAG ,'CHI BA 'BA' ZHIG MNGON PAR 'DOD, ,GZHAN YANG SLONG BA RNAMS NI YID LA RE BA KUN, ,YONGS SU BSKONGS PAS RAB TU DGA' 'GYUR ZHING, ,LEGS PAR LTA BA'I BZHIN RNAMS MI MTHONG BAS, ,DE PHYIR DBANG PO BDAG NI 'CHI BAR DGA', ,BRGYA BYIN GYIS SMRAS PA, SKYES BU DAM PA RNAMS 'DI LTA BU NYAMS SU MYONG BAR GYUR GYIS, DE SNYAM DU MA SEMS SHIG ,'ON KYANG KHYOD LA NGAS DRI'O, ,SLONG BA RNAMS KYIS 'DI LTA'I GNAS SKABS GYUR BYAS NAS, ,DA NI DE LA KHYOD KYI YID NI CI SNYAM SEMS, ,CI NAS YID NI RAB TU CHES PAR 'GYUR BA RU, ,DE NI GSANG BA MED PAR RAB TU SMRA BAR GYIS, ,RGYAL POS SMRAS PA, BDAG DOM DU ZHUGS PA DE TZAM DU KHYOD LA CI YID CHES, 'ON KYANG LHA YI DBANG PO GSAN DU GSOL, ,DE TSE NGA NI DE LTAR SLONG RNAMS KYIS, ,SLONG ZHES NGES PAR SMRA BA'I TSIG RNAMS LA, ,SHIS PA BRJOD PA BZHIN DU BDAG DGA' NA, ,BDAG GI MIG NI YA GCIG MTHONG BAR SHOG ,DE NAS RGYAL PO DE'I BDEN PA'I BYIN RLABS KYI MTHU DANG BSOD NAMS SPEL BA'I KHYAD PAR GYIS, TSIG DE SKAD SMRAS MA THAG TU ME TOG AUTPAL MTHING GA'I DBUS RIN PO CHE AAN DA RNYIL GYIS SPRAS PA 'DRA BA'I MIG YA GCIG MTHONG BAR GYUR TO, ,YA MTSAN CHE BA'I MIG DES MTHONG BAR GYUR NAS RGYAL PO DE SEMS RAB TU DGA' BAS, YANG BRGYA BYIN LA SMRAS PA, GANG YANG BDAG LA MIG YA GCIG SLONGS NAS, ,DE LA BDAG GIS MIG GCIG DGA' BZHIN BYIN, ,DGA' ZHING SPRO LA RTZE GCIG SEMS GYUR NA, ,YA GCIG MIG KYANG BDAG LA YOD PAR SHOG ,DE NAS DE SKAD SMRAS MA THAG TU RGYAL PO DE'I MIG YA GCIG KYANG SNGA MA DANG 'DRA BA BZHIN DU YOD PAR GYUR TO, ,DE NAS RI DANG BCAS PA'I SA CHEN G-YOS, ,RGYA MTSO'I RLABS KYANG DUS LAS 'DAS PA BYUNG, ,LHA RNAMS KYIS NI RNGA BO CHE DAG KYANG, ,ZAB CING SNYAN PA'I SGRA CHEN SGROGS PAR GYUR, ,PHYOGS RNAMS KUN KYANG @9A *, ,DANGS SHING GSAL BAR SNANG, ,STON KA'I DUS BZHIN NYI MA GSAL BAR SNANG, ,TZANDAN PHYE MAS BSGOS PA'I ME TOG RNAMS, ,NAM MKHA'I NANG NAS LDENG ZHING BAB PAR GYUR, ,LHA YI BU MO 'KHOR BCAS LHA RNAMS KYANG, ,YA MTSAN CHE BA'I MIG BGRAD DER LHAGS GYUR, ,SER BU YID DU 'ONG BA BDE BA LDAN, ,'GRO BA RNAMS KYI YID KYI DGA' BAR GYUR, ,'BYUNG PO MTHU CHEN NGO MTSAR GYUR PA RNAMS, ,YID NI RAB TU DGA' BAS KHYAB GYUR NAS, ,RGYAL PO'I SPYOD MCHOG BSTOD PA'I GZHI BRJOD PA, ,SNYAN PA'I TSIG RNAMS KUN TU GRAGS PAR GYUR, ,AE MA'O RLABS CHEN AE MA'O SNYING RJE CHE, ,'DI YI SEMS NI JI LTAR RNAM DAG LTOS, ,AE MA'O BDAG GI BDE LA SEMS MA CHAGS, ,BRTAN ZHING DPA' MCHOG KHYOD LA PHYAG 'TSAL LO, ,PADMA'I SPYAN NI DPAL LDAN SLAR RGYAS PAS, , KHYOD KYIS 'GRO BA MGON BCAS BGYIS PA LEGS, ,AE MA'O BSOD NAMS TSOGS NI DON YOD PA, ,RING ZHIG LON NAS KHYOD KYI BYIN GYIS RGYAL, ,DE NAS BRGYA BYIN GYIS LEGS SO LEGS SO, ,ZHES BYA BAS DE MGU BAR BYAS NAS YANG SMRAS PA, RGYAL PO KHYOD KYI BSAM PA DAG PA NI; ,NGA YIS SNGAR NAS MI SHES MA YIN TE, ,RGYAL PO KHYOD KYI MIG 'DI GNYIS, ,DE LTAR KHYOD LA SBYIN PAS NA, ,DPAG TSAD BRGYAR NI KHOR YUG TU, ,BRAG RI RNAMS KYIS BAR BCAD KYANG, ,KHYOD KYI MIG NI 'DI GNYIS KYIS, ,THOGS PA MED PAR MTHONG BAR 'GYUR, , ZHES SMRAS NAS, BRGYA BYIN DE NYID DU MI SNANG BAR GYUR TO, ,DE NAS BYANG CHUB SEMS DPA' BLON PO CHEN PO RNAMS DANG, RJES SU 'BRANG BA RNAMS DANG PHO BRANG 'KHOR GYI MI RNAMS YA MTSAN CHE ZHING SEMS RAB TU DGA' BAR GYUR PA'I MIG GIS LTA ZHING, BRAM ZE RNAMS KYIS KYANG RGYAL BAR GYUR CIG ,CES BYA BA'I SHIS PA BRJOD PA'I TSIG SMRA BAS MNGON PAR DGA' BAR BYAS TE, PHO BRANG DAM PA RGYAL MTSAN DANG BA DAN SNA TSOGS BTZUGS PA, MNGON PAR MTHO BA'I RGYAN RNAMS KYIS BRGYAN PAR PHYIN NAS, 'KHOR GYI NANG NA 'DUG STE DGA' BA LTA @9B BA'I PHYIR LHAGS PA'I BLON PO LA SOGS PA BRAM ZE DANG, PHO BRANG 'KHOR GYI MI YA RABS RNAMS LA DE LTAR BDAG GIS NYAMS SU MYONG BA'I CHOS BSHAD DE, RAB TU SBYIN PA'I BSOD NAMS LAS GYUR PA'I, ,LHA YI MTHU LDAN NGA YI MIG MTHONG NAS, ,PHONGS PA RNAMS NI NOR GYIS MGU BYAS LA, ,'JIG RTEN NA NI SU ZHIG BSGRIM PA LHOD, ,DPAG TSAD BRGYA NI TSUN CHAD DU, ,BRAG RI MANG POS BAR BCAD KYANG, ,SHIN TU RING NA GNAS PA YANG, ,BLTA BAR BYA BA GSAL BAR MTHONG, ,GANG PHYIR MI YI MIG NI 'DIR BYIN NAS, ,MI LAS 'DAS BA'I LHA MIG BDAG GIS THOB, ,GZHAN LA BRTZE ZHING DUL BA LAS BYUNG BA'I, ,SBYIN LAS GZHAN PA'I MNGON MTHO'I THABS GANG YOD, ,SHI PI PA RNAMS DE LTAR RIG BYAS NAS, ,SBYIN DANG SPYAD PAS NOR RNAMS DON YOD BYOS, ,'JIG RTEN 'DI DANG GZHAN LA'ANG 'DI NYID NI; ,GRAGS PA CHE BA'I BDE BA 'BYUNG BA'I LAM, ,'JIG RTEN PHAN PHYIR BYIN PA GANG YIN PA, ,SNYING PO MED PA'I NOR YANG SNYING POR SPYOD, ,SBYIN PA BYAS NA GTER DANG 'DRA BAR 'GYUR, ,MA SBYIN NA NI SHIN TU CHUD ZOS 'GYUR, ,DE LTAR BCOM LDAN 'DAS DES BDAG CAG GI PHYIR BYA DKA' BA MANG POS DAM PA'I CHOS 'DI BSGRUBS PA YIN PAS, RIM GRO BSKYED DE CHOS MNYAN PAR BYA'O, ,DE BZHIN GSHEGS PA'I CHE BA NYID DANG, SNGA MA BZHIN DU SNYING RJE'I YON TAN BSNGAGS PA DANG, TSE 'DI NYID LA BSOD NAMS KYI 'BRAS BU MTHONG BAR 'GYUR BA LA YANG BRJOD PAR BYA'O, ,DE LTAR RIM GRO BSKYED DE BSOD NAMS BSAGS PA NI, BDAG GIS MTHU CHEN PO THOB PAR 'GYUR BA'I ME TOG GRAGS PA'I RGYUN CHAGS PA YID DU 'ONG BA TSE 'DI NYID LA BSTAN PA YIN NO, ,YUL SHI PI PA'I RGYAL POR SKYES PA'I RABS TE GNYIS BA'O;; ,,SEMS RAB TU DANG BA LAS BYUNG BA DANG, SNOD KHYAD PAR CAN LA SBYIN PA BYIN PA NI RNAM PAR SMIN PA CHE BA'I PHYIR CHUNG ZHES BYA BA GANG YANG MED DO, ,DE YANG 'DI SKAD THOS TE, BCOM LDAN 'DAS 'DI BYANG CHUB SEMS DPAR GYUR PA'I TSE, YUL KOS LE'I RGYAL @10A *, ,POR GYUR TO ZHES GRAGS SO, ,DE YANG SPRO BA DANG GSANG TSIG DANG MTHU DANG NUS PA PHUN SUM TSOGS PA LA SOGS PA RGYAL PO'I YON TAN RNAMS MCHOG TU GYUR DU ZIN KYANG SKAL BA PHUN SUM TSOGS PA'I YON TAN BZANG POS 'BYOR PA LHAG PAR GYUR TO, , SKAL BA PHUN SUM TSOGS BRGYAN PAS, ,DE YI YON TAN LHAG PAR GSAL, ,STON KA'I DPAL NI GSAL GYUR PAS, ,ZLA BA'I 'OD ZER GSAL BA BZHIN, ,DES DGRA DREGS PA RNAMS KYANG BTANG, ,DE LA BRTEN PA RNAMS LA CHAGS, ,KHROS DANG BYAMS PA'I RJES 'BRANG DPAL; ,RGYAL PO GZHAN LA DE LTAR GYUR, ,DE NI CHOS KYI BDAG NYID GYUR PAS NA, ,GZHAN LA GNOD PA'I SEMS DUG MED PAR 'GYUR, ,DE YI DPAL NI DGRA LA MI 'GO BAS, ,'BANGS KYANG DE LA GLO BA NYE BAR GYUR, ,DE BDAG GI TSE SNGA MA 'DAS PA RJES SU DRAN PAR GYUR TO, , DE RJES SU DRAN PAR GYUR PAS RAB TU SKYE BAR GYUR NAS, DGE SBYONG DANG BRAM ZE DANG PHONGS PA DANG SLONG BA RNAMS LA, BDE BA'I RGYU DANG GZHIR GYUR PA'I SBYIN PA KHYAD PAR CAN BYIN PAR GYUR TO, ,TSUL KHRIMS KYI SDOM PA NGAN PA MA YIN PA DANG, GSO SBYONG NGES PAR GNAS PA DAG KYANG DUS MTSAMS KYI NYIN PAR YANG DAG PAR LEN TO, ,RGYAL PO'I 'KHOR DANG, BDAG GI BTZUN MO'I 'KHOR GYI NANG NA BSOD NAMS KYI MTHU BSGRAGS PA DANG, 'JIG RTEN PA RNAMS LEGS PA LA BKOD PA 'DOD PAS DANG BA'I SEMS KYIS DON NGES PA'I TSIGS SU BCAD PA 'DI GNYIS YANG DANG YANG DU SMRAS SO, ,BDE BAR GSHEGS LA BKUR STI BYAS PA CHUNG NGU YANG, ,'BRAS BU 'BYOR PA CHUNG NGU MED CES SNGON THOS KYI, ,ZAN DRON KHENGS PA RTZUB MO LAN TSVA MED PA YI, ,'BRAS BU 'BYOR PA CHEN PO 'DI LTAR GYUR LA LTOS, ,SHING RTA SNA TSOGS RTA DANG GLANG PO 'GYING BA DANG; ,BDAG GI DMAG TSOGS CHEN PO 'DI DANG SA CHEN 'DI, ,NOR MANG DPAL YANG RJES CHAGS BTZUN MO RGYA CHEN LDAN, ,ZAN DRON CHANGS CIG 'BRAS BU GRUB PA BZANG PO LTOS, ,BLON PO CHEN PO RNAMS DANG, BRAM ZE RGAN PO RNAMS DANG, PHO BRANG 'KHOR GYI MI STOD RIM RNAMS @10B YID LA NGO MTSAR CHER GYUR KYANG, RGYAL PO CHEN PO CI LA DGONGS TE, TSIGS SU BCAD PA 'DI GNYIS RTAG TU GSUNGS ZHES DE LA SLAR ZHU MA NUS SO, ,DE NAS RGYAL PO DE'I BTZUN MO GNANG CHEN SMRA BA'I SPOBS PA THOGS PA MED PA CIG NGO MTSAR SKYES NAS, GTAM GLENG BA'I SKABS SU BAB STE 'KHOR GYI NANG DU DE LA ZHUS PA, MI YI BDAG PO NGES PAR GSUNGS PA NI, ,THUGS LA DGONGS PA DGYES PA ZHAL DU BYUNG, ,KHYOD KYIS DE SKAD GSUNGS PAS BDAG GI SEMS, ,NGO MTSAR CHE BAS RAB TU G-YENGS PAR GYUR, ,SKYE BO 'DI YIS DE NI THOS RUNG NA, ,RGYAL PO CI PHYIR GSUNGS PA BKA' STZAL GSOL, ,GSANG NA DE SKAD GAR YANG MI BSGRAGS TE, ,DE BAS BDAG GIS GUS PAS ZHU BA LAGS, ,DE NAS RGYAL PO DE DGA' ZHING RAB TU BYAMS PA'I LTA BAS BTZUN MO LA BLTAS TE, 'DZUM PA'I BZHIN MDANGS DANG LDAN PAS SMRAS PA, , DON DANG RGYU MTSAN MA PHYES PAR, ,NGA YIS SMRAS PA 'DI THOS NAS, ,'DI NI KHYOD NYID 'BA' ZHIG TU, ,NGO MTSAR CHE GYUR YID G-YOS MIN, ,BLON PO CHEN PO TSOGS PA 'DI DAG THAMS CAD KYANG, ,YID NI NGO MTSAR CHEN POS RAB TU G-YOS PAR GYUR, ,NGA YI PHO BRANG 'KHOR DANG BTZUN MOR BCAS PA YANG, ,GANG PHYIR NGA YIS DE SKAD SMRAS PA MNYAN PAR GYIS, ,GNYID LAS SAD PA BZHIN DU SKYE BA NGAS DRAN PA, ,TSUL DANG LDAN YANG NOR TZAM GYIS NI MTHO BA LA, ,LAS KYIS MGU BAR BYAS NAS DMAN CHAS 'TSO BA YIS, ,GLA MI GCIG TU GRONG KHYER 'DIR NI NGA GYUR TO, , GZHAN GYIS BRNYAS SHING NGAL BA DMAN PA'I GLA DE YANG, ,SKYABS SU RE ZHING MI 'TSOR DOGS NAS DE LA ZHUGS, ,DGE SLONG BZHI SDE BSOD SNYOMS PHYIR LHAGS MTHONG BAR GYUR, ,DBANG PO DUL ZHING 'DGE SLONG DPAL GYI RJES 'BRANGS BZHIN, ,'JAM PA'I YID KYIS DE LA PHYAG 'TSAL NAS, ,ZAN DRON TZAM CIG BDAG GIS KHYIM DU GUS PAR BYIN, ,DE YIS MYU GU TZAM ZHIG BYUNG BA 'DI YIN TE, ,RGYAL PO GZHAN GYI GTZUG GIS NGA YI ZHABS LA GTUGS, ,NGA YIS DE LA BSAMS NAS NI, ,LHA MO KHYOD LA SMRAS PA YIN, ,BSOD NAMS KYIS NI @11A *, ,NGOMS MI MYONG, ,DGRA BCOM MTHONG BAS MI NGOMS SO, ,DE NAS LHA MO DGA' ZHING YA MTSAN CHE BA'I MIG BGRAD NAS, RGYAL PO LA RAB TU GUS PAR BLTA ZHING SMRAS PA, MNGON PAR MTHO BA'I KHYAD PAR 'DI LTA BU NI, BSOD NAMS KYI RNAM PAR SMIN PA LAGS PAR GDA'O, ,RGYAL PO CHEN PO 'DI LTAR MDZAD PA LA GUS PA NI, BSOD NAMS KYI 'BRAS BU MNGON SUM DU GYUR PA'I SLAD DU'O, ,DE BAS NA 'DI LTAR DNGOS SDIG MI MDZAD PA DANG, SKYE DGU RNAMS LA PHA BZHIN DU YONGS SU SKYONG BA LEGS PAR MDZAD PA DANG, BSOD NAMS KYI YON TAN BSGRUB PA LA MNGON PAR PHYOGS PAS LAGS SO, ,GRAGS DANG DPAL DANG SBYIN PA PHUN SUM TSOGS PAS 'BAR, ,BKA' LUNG GNYEN PO RGYAL PO GZHAN GYI SPYI BOS NOD, ,BSER MA LANGS PAS RLABS BSKYOD RGYA MTSO'I GOS GYON PA'I, ,CHOS KYI TSUL BZHIN SA CHEN YUN RING SKYONG BAR 'GYUR, ,RGYAL POS SMRAS PA, LHA MO DE DE LTAR GA LA ZHIG MA YIN, MTSAN MA BZANG POS MNGON PAR MTSON PA LEGS PA'I LAM, ,DE NYID LA NI BDAG GIS DA DUNG BSTAN PAR BYA, ,'JIG RTEN PA NI SBYIN PA'I 'BRAS BU THOS NAS STER, ,NGA BDAG NYAMS SU MYONG NA CI PHYIR SBYIN MI BYA, ,DE NAS RGYAL PO DES LHA MO BZHIN DU DPAL 'BAR BA'I LHA MO LA RAB TU BYAMS PAS BLTAS NAS, DPAL PHUN SUM TSOGS PA LA SEMS ZHEN PAS YANG SMRAS PA, SKAR MA'I NANG NA ZLA BA BZHIN, ,BUD MED NANG NA RNAM PAR MDZES, ,SHIN TU YID 'ONG 'BYUNG BA'I LAS, ,DGE LDAN KHYOD KYIS CI ZHIG BYAS, ,LHA MOS SMRAS PA, LHA BDAG GIS KYANG TSE SNGA MA CUNG ZAD CIG BGYIS PA RJES SU DRAN NO, ,DE SMROS SHIG CES RGYAL POS DRIS PA DANG, SMRAS PA, BYIS PA'I TSE NA MYONG BA RJES DRAN BZHIN, ,BDAG NI BRAN MO BYED PA'I TSE NA ZAN CHANGS CIG ,THUB PA ZAG PA ZAD LA GUS PAR PHUL BA YIS, ,DE TSE GNYID KYIS LOG PA 'DIR NI SAD PA BZHIN, ,MI RJE LHAS MDZAD DGE BA DE NI BDAG GIS DRAN, ,DE YIS BDAG NI SA DANG BCAS PA'I MGON DU GYUR, ,ZAG PA ZAD LA BYAS PA CHUNG BA GANG @11B YANG MED; ,JI LTAR THUB PAS BKA' STZAL BZHIN DU KHYOD KYIS GSUNGS, ,DE NAS RGYAL PO DES BSOD NAMS KYI 'BRAS BU MTHONG BAS, BSOD NAMS LA GUS PA BSKYED PAR SEMS RAB TU DAD PAR GYUR PA'I 'KHOR YA MTSAN CHE LA RTZE GCIG TU GYUR PAR RIG NAS, NGES PAR 'DI 'DRA CUNG ZAD CIG RJES SU DRAN TO, ,DGE BA MI CHE BAS KYANG RNAM SMIN RGYA CHEN DPAL 'DI MTHONG NAS SU, ,SBYIN DANG TSUL KHRIMS SPYAD PAS BSOD NAMS BYA LA MI 'BAD SU ZHIG YOD, ,NOR GYIS CHOG PAR YOD KYANG SER SNA'I MUN PAS GANG ZHIG BLO BSGRIBS NAS, ,SBYIN PAS GRAGS PA THOB PAR MI BYED MI DE BLTAR MI RUNG, ,DBANG MED PAR NI GANG ZHIG BTANG DGOS DE BZHIN SU LA'ANG PHAN MI THOGS, ,NOR DE RIGS PAR BTANG NA GAL TE YON TAN 'GA' ZHIG THOB GYUR NA, ,YON TAN RNAMS NI YOD BZHIN DE LA SU ZHIG SER SNA'I LAM LA BRTEN, ,SBYIN PA LAS BYUNG YON TAN DGA' BA LA SOGS SNA TSOGS GRAGS DANG LDAN, ,SBYIN PA ZHES BYA GTER CHEN RJES 'GRO RKUN PO LA SOGS THUN MONG MIN, ,SBYIN PA 'DOD DANG SER SNA'I SKYON GYIS RDUL CAN SEMS NI SBYONG BAR BYED, ,SBYIN PAS 'KHOR BA'I LAM BGROD NGAL BA MED PA BZHON PA BDE BA YIN, ,SBYIN PAS BDE BA MANG PO 'GRUB CING GROGS PO BZANG PO'I MCHOG YIN NO, ,'BYOR PA PHUN SUM TSOGS PA'AM BKA' LUNG YON TAN NAM, ,SUM CU RTZA GSUM PHO BRANG GNAS SAM GZUGS BZANG YON TAN NAM, ,GANG ZHIG 'DOD PA DE DAG THAMS CAD SBYIN PAS THOB PAR 'GYUR, ,DE LTAR NGES DON GTAN LA PHAB NA SBYIN PA SUS MI BYED, ,SBYIN PAS NOR GYI SNYING PO LEN PAR GSUNGS, ,SBYIN PA DBANG PHYUG RNAMS KYI RGYU ZHES GSUNGS, ,SBYIN PA DPAL LDAN SKYE PO MCHOG GI TSUL, ,SHES RAB CHUNG DUS RDUL TZAM SBYIN MI NUS, ,DE NAS 'KHOR DE DAG GIS RGYAL PO DE'I TSIG BZUNG BA LA RAB TU DGA' ZHING GUS PAR BYAS NAS, SBYIN PA LA SOGS PA'I YON TAN BSGRUB PA LA MNGON DU PHYOGS PAR GYUR TO, ,DE BAS NA SEMS RAB TU DANG BA LAS BYUNG BA DANG, SNOD KHYAD PAR CAN LA SBYIN PA'I RNAM PAR SMIN PA CHE BA'I PHYIR, @12A *, ,SBYIN PA CHUNG ZHES BYA BA GANG YANG MED DO, ,DE BAS NA SEMS RAB TU DANG BAS BLAN MED PA'I BSOD NAMS KYI ZHING 'PHAGS PA'I DGE 'DUN LA SBYIN PA BYIN NA, BDAG KYANG DE LTA BU'I PHUN SUM TSOGS PA 'AM DE BAS KYANG KHYAD PAR DU 'PHAGS PA THOB PAR 'GYUR BA RING POR MI THOGS SO SNYAM DU BSAMS TE, DGA' BA BSKYED PAR BYA'O ZAN DRON CHANGS CIG BYIN PA'I SKYES PA'I RABS TE GSUM PA'O,, ,,BAM PO GNYIS PA, SKYES BU DAM PA RNAMS NI BDAG BRLAG PAR 'GYUR BA LA MI 'DZEM PAR SBYIN PA BYED NA, BDE BAR 'DUG PAS LTA SU ZHIG SBYIN PAR MI BYED, DE YANG 'DI SKAD THOS TE, BCOM LDAN 'DAS 'DI SNGON BYANG CHUB SEMS DPAR GYUR PA'I TSE, SKAL BA KHYAD PAR CAN DANG LDAN PA YON TAN SPRO BA PHUN SUM TSOGS PAS NOR PHUN SUM TSOGS PA DANG NI LDAN, SPYOD TSUL MI MTHUN PA MED PA'I NGANG TSUL CAN YIN PAS, 'JIG RTEN PA RNAMS KYIS BKUR STI BYA BA'I GNAS SU NI GYUR, CHO RIGS BTZUN PA DANG NI LDAN, RIG PA SGYU RTZAL GYI KHYAD PAR RNAM PA DU MA KHONG DU CHUD PAS, BLO RAB TU DRI MA MED PAR NI GYUR, YON TAN CHE BAS RGYAL POS NI BKUR STIR BYAS, RAB TU SBYIN PA'I NGANG TSUL CAN YIN PAS, 'BYOR PA RNAMS NI 'JIG RTEN PA RNAMS DANG THUN MONG DU SPYOD PA'I TSONG DPON ZHIG TU SKYES SO, ,ZHES GRAGS SO, ,PHONGS PA RNAMS NI DGA' 'GYUR BAS, ,PHAN TSUN KUN TU BSGRAGS PA NI, ,DE MING SBYIN LA DPA' BA ZHES, ,PHYOGS BCU KUN TU KHYAB PAR GYUR, , SBYIN NAM MI SBYIN SNYAM PA'I RNAM RTOG PA, ,YID LA SEMS PA PHONGS PA RNAMS LA MED, ,DE YI SBYIN PA'I MTHU CHEN GRAGS PAR GYUR, ,PHONGS PA RNAMS NI YID CHES SPOBS SHING SLONG, ,DES NI BDAG GI BDE PHYIR NOR MI SBED, ,'DREN PA DANG NI CHAGS PAS ZIL GNON MIN, , DES NI PHONGS PA'I SDUG BSNGAL BZOD MI NUS, ,DE BAS MED CES SMRA BA SPAS PAR 'GYUR, ,DE NAS RE ZHIG CIG SEMS DPA' CHEN PO DE ZAS KYI DUS LA BABS PA'I TSE, KHRUS BYAS BYUG SPOS KYIS BYUGS PA DANG, G-YOS MKHAN MKHAS PAS G-YOS PA'I BZA' BA DANG, BCA' BA DANG, @12B BTUNG BA DANG, RO DANG 'JAM PA LA SOGS PA'I YON TAN DANG LDAN PA SNA TSOGS BSHAMS PA DANG, RANG SANGS RGYAS NYON MONGS PA'I BUD SHING THAMS CAD BSREGS PA BSOD NAMS KYI TSOGS RNAMS 'PHEL BAR 'DOD PA CIG DE'I KHYIM DU BSOD SNYOMS KYI PHYIR 'ONGS SO, ,'ONGS NAS KYANG DE'I SGO KHANG NA BSDAD DE, DOGS MED MI G-YO BRTAN ZHING ZHI BA YI, ,MIG GIS SA LA GNYA' ZHING GANG DU BLTA, ,RAB TU ZHI BAR GYUR CING DE NA BSDAD, ,DE LAG PADMA'I MCHOG NI LHUNG BZED THOGS, ,DE NAS BDUD SDIG CAN GYIS BYANG CHUB SEMS DPA'I SBYIN PA PHUN SUM TSOGS PA LA MI BZOD PAS DE LA GEGS BYA BA'I PHYIR, RANG SANGS RGYAS DE DANG BAR SGO GNYIS KYI BAR NA SEMS CAN DMYAL BA CHEN PO'I NANG NA ME CHEN PO 'BAR BA, ZABS SU MI 'GRED DU YOD PA RAB TU ZAB PA, MTHONG NA RAB TU 'JIGS PA, 'JIGS SU RUNG BA'I SGRA BSGRAGS PA, SKYE BO MANG PO RNAM PAR G-YO BAS GANG BA CIG MNGON PAR SPRUL TE, DE NAS BYANG CHUB SEMS DPAS RANG SANGS RGYAS BSOD SNYOMS LA GSHEGS PAR MTHONG NAS, CHUNG MA LA BDAG NYID KYIS 'PHAGS PA LA BSOD SNYOMS PHUL CES SMRAS SO, ,DES DE LTAR MNYAN NAS DE BZHIN DU BGYI'O ZHES SMRAS NAS, BZA' BA DANG BCA' BA BZANG PO KHYER TE SONG SONG BA LAS, SEMS CAN DMYAL BA'I GNAS MTHONG BA DANG, 'JIGS SHING SKRAG NAS MIG RIG RIG POR GYUR TE, SGO DRUNG NAS SLAR LOG PA DANG, 'DI CI NYES BYANG CHUB SEMS DPAS DRIS PA DANG, DE SKRAG PAS SKAD 'GAGS NAS DE LA SMRA YANG DE'U MA NUS TE SMRAS SO, ,DE NAS BYANG CHUB SEMS DPAS BSAMS PA, AE MA HO, 'PHAGS PA 'DI BDAG GI KHYIM NAS BSOD SNYOMS MA BZHES PAR SLAR BZHUD NA GA LA RUNG BSAMS NAS DES SMRAS PA LA MA NYAN PAR, RINGS RINGS LTAR BZA' BA DANG, BCA' BA BZANG PO BDAG NYID KYIS KHYER TE, MTHU CHEN PO DE LA BSOD SNYOMS 'BUL BA'I PHYIR, SGO KHANG GI DRUNG DU PHYIN PA DANG, SEMS CAN DMYAL BA'I GNAS CHEN PO RAB TU 'JIGS PA DE MTHONG BAR GYUR TO, ,DE NAS 'DI CI ZHIG YIN SNYAM DU RNAM PAR @13A *, ,RTOGS PA SKYES PA DANG, BDUD SDIG CAN KHANG PA'I NGOS KYI RTZIG PA'I NANG NAS BYUNG STE, LHA'I LUS YA MTSAN CHE BAR MNGON SUM DU BSTAN NAS BAR SNANG LA GNAS TE, PHAN PAR 'DOD PA BZHIN DU GSAL BAR SMRAS PA, KYI KHYIM BDAG SEMS CAN DMYAL GNAS CHEN PO 'DI NI, NGOM GROG CHEN PO ZHES BYA BA YIN NO, ,PHONGS PAS BSNGAGS PA'I TSIG GIS BSLUS NAS NI, ,SBYIN LA ZHUGS PA GANG GIS NOR CHUD GSAN, ,DE DAG LO NI STONG PHRAG DU MAR YANG, ,'DI NA GNAS 'GYUR DBYUNG BA RAB TU DKA', ,NOR NI 'KHOR GSUM BYANG BAR RGYU YIN TE, ,DE MED BYAS NA SU YIS CHOS MA BRLAG ,NOR CHUD GSAN PAS CHOS NI BRLAGS GYUR NA, ,CI PHYIR SEMS CAN DMYAL BAR GNAS MI 'GYUR, ,SBYIN PA'I PHYIR NI CHOS KYI RTZAR GYUR PA'I, ,NOR NI KHYOD KYIS CHUD GSAN SDIG BYAS PAS, ,DMYAL BA'I GSHED PO MI BZAD 'BAR BA'I LCES, ,DE PHYIR KHYOD NI ZA BAR 'DIR 'ONGS SO, ,DE BAS BLO NI SBYIN LAS BZLOG NA LEGS, ,'ON TE 'PHRAL DU LTUNG BAR KHYOD MI 'GYUR, ,SNYING RJER DU ZHING 'GRE LDOG BYED PA YI, ,GTONG BA 'DI DANG LHAN CIG KHYOD MA 'GROGS, ,SBYIN PA TSUL MIN MI BYED LEN PA PO'I, ,SKYE BO RNAMS NI LHA YUL 'GRO BAR 'GYUR, ,DE BAS MTHO RIS LAM BSGRIB BTANG NAS NI, ,SBYIN LA BRTZON PA BZLOG PAR GNAS PAR GYIS, ,DE NAS BYANG CHUB SEMS DPAS BSAMS PA, 'DI SKAD ZER BA'I BDAG NYID NGAN PA 'DI NI, BDAG GIS SBYIN PA BYED PA LA NGES PAR GEGS BYED PA YIN NO SNYAM NAS, BDAG GIS SNYING STOBS KYI KHUR MA BOR TE, BRTAN PAR BYAS NAS, TSIG 'JAM PO'I RGYUN MA CHAD PAR DE LA 'DI SKAD CES SMRAS SO, ,BDAG CAG 'DRA LA PHAN PAR DGONGS NAS NI, ,KHYOD KYIS 'PHAGS PA'I LAM 'DI RNAMS BSTAN PA, ,GZHAN LA PHAN 'DOGS MKHAS PA'I SPYOD PA CAN, ,LHA RNAMS KYIS NI DE LTAR BGYI BA'I RIGS, ,NYES PA 'BYUNG BA'I SNGON NAM 'OG TU YANG, ,ZHI BA'I LAM DER 'CHI BA RAB TU RIGS, ,NAD LA CHOG SPYAD PA NONGS PA YIS, ,TSABS CHER GYUR LA DPYAD KYIS PHAN MI @13B THOGS; ,SBYIN LA ZHUGS PA BDAG GIS SDUG BSNGAL 'DI, ,DPYAD KYIS RLON PA RAB TU MI 'GYUR RO, ,KHYOD KYIS PHAN PAR BSTAN PA'ANG MI NYAN PAR, ,BDAG GI SEMS NI SBYIN LAS SLAR MI LDOG ,SBYIN PA SDIG PA 'GYUR ZHES GANG SMRAS SHING, ,NOR YANG CHOS KYI RGYU YIN ZHES BGYI BA, ,SBYIN PA MA GTOGS CHOS LAM GZHAN YOD PA, ,DES NI GTER SBAS CHOS KYI RGYUR 'GYUR BA, ,'ON TE RKUN PO 'ONG NAS PHROG GYUR TAM, ,'DOD PAS KHYER TE MI SNANG 'GYUR BA'AM, ,ME YIS TSIG NA BSOD NAMS THOB 'GYUR BAR, ,MI YI BLOS NI RTOGS PAR MI NUS SO, ,NOR SBYIN PAS NI DMYAL BAR 'GRO BA DANG, ,LEN PA LHA YUL 'GRO ZHES BYA BA YANG, ,KHYOD KYIS SBYIN LAS BZLOG PAR BYAS MOD KYI, ,DE YIS BDAG NI SBYIN LA BRTZON PAR 'GYUR, ,KHYOD KYI TSIG DE GZHAN DU MA GYUR CIG ,BDAG LA SLONG BA DE DAG MTHO RIS DANG; ,'JIG RTEN PHAN PHYIR BDAG NI SBYIN PA BYED, ,BDAG NI BDE BA BSGRUB PHYIR 'DI MI BYED, ,DE NAS YANG BDUD PHAN PAR 'DOD PA BZHIN BRTAN PAR BYA BA'I PHYIR LAG PA BRKYANG NAS, BYANG CHUB SEMS DPA' LA SMRAS PA, 'DI NI NGA YIS PHAN PA'AM BRDZUN SMRAS PA, ,LEGS PAR RTOGS LA GANG DU BDE BAR SONG, ,BDE DANG LDAN PAS GUS BYAS BDE BAR GYIS, ,YANG NA 'GYOD BZHIN NGA NI DRAN PAR BYOS, ,BYANG CHUB SEMS DPAS GROGS PO KHYOD BZOD PA MDZOD CIG CES SMRAS NAS, PHONGS PA RNAMS KYIS BAG PHAB SPOBS TE SLONG BA LA, ,SBYIN PA'I DUS SU BRNYAS TE MA BYIN DGA' BA BAS, ,MI BZAD ME LCE 'BAR BA'I SEMS CAN DMYAL BA DER, ,ME LCE 'BAR BAS PHOG NAS SPYI GTZUG LTUNG YANG RUNG, ,DE SKAD SMRAS NAS BYANG CHUB SEMS DPA' BDAG GI SKAL BA'I MTHU LA BRTEN NAS SBYIN PA LA NYES DMIGS MED PAR YANG SHES TE, BU SMAD DANG G-YOG 'KHOR 'GRO MI STER BA RNAMS BOR TE, BLO LA THE TZOM MED CING SBYIN PA BYED PAR 'DOD PA SKYES TE, DMYAL BA'I NANG NAS PHAR SONG NGO, ,DE NAS DE YI BSOD NAMS MTHU YIS DER, ,'DAM RDZA BA MED PAR 'DAM LAS SKYES PA BYUNG, ,ZE'U 'BRU DKAR PO @14A *, ,SO YI PHRENG BA DAG ,BDUD LA 'PHYA BA BZHIN DU DGOD PAR GYUR, ,DE NAS BYANG CHUB SEMS DPA' BDAG GI BSOD NAMS KHYAD PAR CAN LAS BYUNG BA'I PADMA'I STEGS BU LAS SONG STE, RANG SANGS RGYAS KYI DRUNG DU PHYIN NAS SEMS RAB TU DANG ZHING DGA' BAS DE LA BSOD SNYOMS PHUL LO, ,DE YI YID NI RAB TU DANG BYA'I PHYIR, ,DE NAS DGE SLONG DE NI MKHA' LA LDING, ,DES NI DE NA CHAR 'BABS 'BAR BAR BYED, ,GLOG DANG BCAS PA'I SPRIN GYI DPAL BZHIN MDZES, ,BDUD NI YID LA BSAM PA MA GRUB NAS, ,YI CHAD NAS NI MDANGS KYANG NYAMS PAR GYUR, ,DE LA PHYOGS TE LTA YANG MA NUS NAS, ,DMYAL BA DANG BCAS DE NA MI SNANG GYUR, ,DE CI'I PHYIR BSHAD CE NA, DE LTAR SKYES BU DAM PA RNAMS NI BDAG BRLAG PAR 'GYUR BA LA YANG MI 'DZEM PAR SBYIN PA BYED NA, BDE BAR 'DUG PA LTA SU ZHIG SBYIN PAR MI BYED, DE BAS NA SNYING STOS CAN NI BSDIGS KYANG MI RIGS PA BYED DU GZHUG MI NUS SO, ,ZHES KYANG BSHAD PAR BYA'O, ,TSONG DPON GYI SKYES PA'I RABS TE BZHI PA'O,, ,,SKYES BU DAM PA RNAMS NI 'BYOR PA ZAD DU DOGS NAS, SBYIN PA BYED PA LA ZHUM PAR MI 'GYUR RO, , DE YANG 'DI SKAD THOS TE, BYANG CHUB SEMS DPA' GTONG BA DANG, TSUL KHRIMS DANG, CHO RIGS DANG, DUL BA DANG, MANG DU THOS PA DANG, SHES RAB DANG, DREGS PA MED PA LA SOGS PA'I YON TAN DANG NI LDAN, 'BYOR PA PHUN SUM TSOGS PAS NI NOR SBYIN PO DANG 'DRA, GLO BUR PA THAMS CAD LA SBYIN PA BYED PAS SBYIN PA'I 'BYOR PA NI RGYUN MI 'CHAD, 'JIG RTEN LA PHAN PA'I DON BYED PA'I PHYIR SBYIN PA PO'I GTZO BO TSONG DPON ZHIG TU GYUR TO, ,ZHES GRAGS SO, ,SER SNA LA SOGS PA'I NYES PAS ZIL GYIS MI GNON PA'I PHYIR, MING YANG ZIL GYIS MI GNON PA ZHES BTAGS SO, ,'DOD PA'I DON PHYIR THE TSOM MED GYUR PAS, ,DGA' BA SKYE BA'I KHYAD PAR RGYUR GYUR PA, ,PHONGS PA RNAMS KYIS DE NI MTHONG BA BZHIN, ,DES KYANG PHONGS PA RNAMS NI MTHONG NA DGA', ,SLONG BAS SLONG ZHES NGES PAR BSLONGS PA LA, DES @14B NI MED CES BYA BAR MI 'GYUR TE, ,DE YI SEMS NI NOR LA CHAGS PA'I SKABS, ,SNYING RJE CHEN POS RAB TU MED PAR BYAS, ,PHYONGS PA RNAMS KYIS DE YI KHYIM NAS NI, ,NOR GYI SNYING PO PHYUNG NA RAB TU DGA', ,RGYU RKYEN MED PAR MYUR DU CHUD ZA BA'I, ,NOR NI SHIN TU MI BZAD NOR MI RIGS; ,'JIG RTEN DAG NA NOR NI PHAL CHER YANG, ,CHAGS PA'I GZHI DANG NGAN 'GRO'I GROGS SU 'GYUR, ,DE YI NOR NI BDAG DANG GZHAN DAG GI ,'BYOR PA THOB PAS DON DANG LDAN PAR 'GYUR, ,DE NAS SEMS DPA' CHEN PO DES, KUN TU SLONG BA RNAMS JI LTAR 'DOD PA BZHIN DU NYON MA MONGS PAR GUS PA KHYAD PAR CAN GYIS BRGYAN CING, NOR SBYIN PA RLABS PO CHES RAB TU TSIM PAR BYAS PA DANG, LHA RNAMS KYI DBANG PO BRGYA BYIN GYIS SBYIN PA RLABS PO CHE DE THOS NAS, YID LA YA MTSAN CHE BAR GYUR TE 'DI SBYIN PA LA BRTAN NAM MI BRTAN NYAMS BSKYED PA DANG; 'DI'I NOR ZAD KYIS DOGS PAS SER SNA BYED DU GZHUG PA'I PHYIR, NYIN RE ZHING RIM GYIS 'BRAS BU DANG NOR DANG, RIN PO CHE DANG, YO BYAD KYI RNAM PA DE DANG DE DAG MI SNANG BAR BYAS SO, ,SEMS DPA' CHEN PO DE NI SBYIN PA LA MOS PAS, CHU YI THIGS PA NYI MAS PHOG PA BZHIN; ,DE YI NOR NI CI TZAM ZAD GYUR PA, ,DE TZAM GYIS NI SBYIN PA CHEN PO YI, ,ME YIS TSIG PA BZHIN DU KHYIM NAS 'BYIN, ,DE NAS LHA'I DBANG PO BRGYA BYIN GYIS SEMS DPA' CHEN PO DE'I NOR THAMS CAD ZAD PAR GYUR KYANG, SBYIN PA LA RAB TU GZHOL BAR GYUR PA RIG NAS BLO LA SHIN TU NGO MTSAR BAR GYUR TE, DE'I NOR GCES PA THAMS CAD NUB CIG MI SNANG BAR BYAS NAS, THAG PA ZHIG DANG ZOR BA ZHIG BZHAG GO, ,DE NAS BYANG CHUB SEMS DPAS NANG PAR NAM LANGS NAS DUS BZHIN DU LANGS TE BLTAS PA NA, BDAG GI KHYIM GYI NOR DANG, 'BRU DANG, YO BYAD DANG, MI RNAMS NI MED LA SGRA CA CO YANG MED LA SDUG BSNGAL BA LTAR 'DUG CING, SRIN POS PHUNG BAR BYAS PA BZHIN DU BLTAS NA NYAMS MI DGA' BAR GYUR PA MTHONG NAS, 'DI CI NYES SNYAM DU RTOGS PA SKYES TE, KUN TU NYUL NYUL BA DANG, THAG PA BSDOGS PA ZHIG DANG, @15A *, ,ZOR BA ZHIG DE NA 'DUG PA MTHONG NAS, DES BSAMS PA, GAL TE 'GA' ZHIG GIS SLONG BA'I TSIG SMRA MA PHOD DE, BDAG GI ZHO SHAS 'TSO BAS BDAG GI KHYIM DU SPOBS PA DE LTA BU BSTAN NA NI BDAG GI NOR LEGS PAR SPYAD PA NYID DU GYUR TO, ,DE STE BDAG SKAL BA CHUNG BA'I SKYON GYIS MTHONG BAR GYUR PA MA BZOD NAS SUS KYANG MA SPYAD PAR MED PAR GYUR NA NI MA RUNG BAR GYUR TO SNYAM MO, ,NOR RNAMS NGO BO MI RTAG PAR, ,BDAG GIS SNGA NAS SHES ZIN NA, ,PHONGS PA RNAMS KYI SDUG BSNGAL GYIS, ,BDAG GI YID NI 'DIR BSREGS SO, ,SBYIN DANG BKUR STIS YUN RING BDE BYAS PA, ,BDAG GI KHYIM NI NOR DANG BRAL MTHONG NAS, ,MTSO SKAMS DRUNG DU SKOM PA LHAGS PA BZHIN, ,BDAG GI PHONGS PA DE DAG JI LTAR 'GYUR, ,DE NAS BYANG CHUB SEMS DPA' BDAG GIS BRTAN PA LA BRTAN PAS ZHUM PA DANG SPRO BA'I BLO ZHI BAR MA GYUR TO, ,DE'I GNAS SKABS NA YANG SLONG BA LA MA GOMS PA NGO SHES KYANG GZHAN LA SLONG MA PHOD PA DANG, SLONG BA DE NI DE LTAR DKA' BA LTA ZHIG SNYAM NAS, DES SLONG MI RNAMS LA DE BAS KYANG RJES SU BRTZE BAR GYUR TO, ,DE NAS BDAG NYID CHEN PO DES SLONG MI RNAMS LA 'ONGS PA LEGS SO, ,ZHES BYA BA TZAM LA LTOS NAS, BDAG NYID KYIS THAG PA BSDOGS PA DE DANG ZOR BA GNYIS BLANGS TE, NYIN RE BZHIN RTZVA BTZONGS PA'I RIN RNYED PA TZAM GYIS SKYE BO PHONGS PA RNAMS SLONG BA LA MGU BAR BYAS SO, ,DE NAS LHA'I DBANG PO BRGYA BYIN GYIS DE RAB TU DBUL BAR GYUR KYANG DE LTAR ZHUM PA MED CING SBYIN PA LA RAB TU GZHOL BAR MTHONG NAS YA MTSAN CHE ZHING GUS PAR GYUR TE, LHA'I LUS MNGON SUM DU BSTAN NAS BAR SNANG LA GNAS TE, SBYIN PA LAS BZLOG PA'I PHYIR SEMS DPA' CHEN PO LA SMRAS PA, KHYIM BDAG BYAMS KYIS 'GYOD PA'I GNAS SKABS 'DI LTA BUR, ,SBYIN PA DRAGS PAS KHYOD KYIS MYONG BA NI, ,RKUN POS MA KHYER CHU DANG MES MA CHIG ,RGYAL PO RNAMS KYIS NOR YANG MA 'PHROGS SO, ,DE BAS KHYOD LA PHAN PHYIR NGA YIS SMRA, ,SBYIN LA ZHUGS PA'I CHAGS PA @15B BTANG BAR GYIS, ,'DI LTAR GYUR KYANG GAL TE MA SBYIN NA, ,SNGON GYI 'BYOR PA BZANG PO THOB PAR 'GYUR, ,CHUNG DU GOD KYANG RTAG TU SPYAD NA NI, ,YUN RING SPYAD NA MIG SMAN ZAD LA LTOS, ,BSAGS NA GROG MKHAR MTHON POR GYUR LA LTOS, ,DAR BAR 'DOD PAS BSDAM PAR BYAS NA LEGS, ,DE NAS BYANG CHUB SEMS DPAS SBYIN PA'I YON TAN BSTAN PA'I PHYIR BRGYA BYIN LA SMRAS PA, SPYAN STONG MNGA' BA RAB TU PHONGS GYUR KYANG, ,'PHAGS PAS MA RABS CHOS BYA RAB TU DKA', ,GANG ZHIG THOB PHYIR SER SNA'I SEMS BYUNG BA, ,BRGYA BYIN NOR DE BDAG LA MED KYANG RUNG, ,SLONG BA'I SDUG BSNGAL SHI DANG 'DRA BA YI, ,GNYEN PO'I LAM DU BGROD PAR 'DOD PA LA, ,DE YIS PHONGS PA YA RABS GZI BYIN CAN, ,SU ZHIG MED CES ZER BA'I SER BAS BRDEG ,SLONG BAS GDUNGS NAS NGO ZUNG GNAG GYUR PAS, ,PHONGS PA RNAMS NI MGU BAR MI 'GYUR BA'I, ,NOR RAM RIN CHEN LHA YI RGYAL SRID KYANG, ,DE LTA BU DAG BDAG NI SOGS SAM CI, ,GANG ZHIG SER SNA'I SKYON NI 'PHEL 'GYUR ZHING, ,GTONG BA'I SEMS KYANG SKYE BAR MI 'GYUR BA, ,BDAG LTA BU YIS DE NI BTANG BA'I RIGS, ,YONGS SU BZUNG BAR SNYAD BTAGS PHONGS PA YIS, ,GLOG NI 'GYU BA BZHIN DU MI BRTAN NOR, ,KUN DANG THUN MONG PHONGS PA DU MA'I RGYU, ,BDE BA 'BYUNG BA'I RGYU NI SBYIN PA YIN, ,YA RABS SU ZHIG SER SNA'I LAM LA BRTEN, ,BRGYA BYIN KHYOD KYIS BDAG LA GNYEN PO BSTAN, ,PHAN PA SMRAS PAS BDAG LA BRTZE BAR BGYIS, ,SBYIN PAS YID NI DGA' LA GOMS PAR GYUR, ,DE BAS LAM MIN SU ZHIG DGA' BAR 'GYUR, ,KHYOD KYI THUGS NI KHRO BAR GYUR PA YIS, ,LAM DU 'JUG PAR BGYI BA MI RIGS SO, ,NGO BO NYID NI MI MTHUN PHYOGS KYI LAM, ,BGROD DKA' BZHUGS PA SLAB MA YIN NO, ,BRGYA BYIN GYIS SMRAS PA, KHYIM BDAG 'BYOR PA PHUN SUM TSOGS SHING BANG MDZOD YONGS SU GANG BA DANG, ,ZHING GI SO NAM LEGS PAR BYED CING RLABS CHE RNAM PA SNA TSOGS BYED PA DANG, ,DBANG PHYUG DBANG DU GYUR PA LA, ,RIM PA 'DI 'JIG RTEN NA DAR BAR 'GYUR @16A *, ,GYIS; GNAS SKABS 'DI LTA BU MI RUNG NGO LTOS SHIG ,BDAG GIS BLO YIS LCOGS SHING MA YENGS PA 'AM, ,GRAGS PA'I RJES MTHUN RIGS DANG MTHUN PA 'AM, ,LAS KYI YON TAN GYI NI 'BYOR THOB NAS, ,NYI MA BZHIN DU 'GRAN ZLA ZIL MNAN TE, ,SKYE BO RNAMS NI ZHOR LA GROGS BTZAL NAS, ,MDZA' BOR BCAS PA'I GNYEN RNAMS MGU BYAS TE, ,RGYAL PO LAS KYANG BKUR STI THOB GYUR NAS, ,MNGON PAR CHAGS BZHIN DPAL GYIS 'KHYUD GYUR NA, ,DE NAS SBYIN PA'AM BDE BA'I RIM PA LA, ,RAB TU ZHUGS NAS SKYE BOS 'PHYAS GDAB MED; ,'DAB GSHOG MA RDZOGS MKHA' LA 'PHUR 'DOD BZHIN, ,SBYIN PA 'BA' ZHIG 'DOD PAS BRLAG PAR 'GYUR, ,DE BAS SDOM ZHING MI G-YENG GNAS BCAS LA, ,SBYIN PA THONG LA RE ZHIG NOR SOGS SHIG ,'BYOR PA MED PAR GANG ZHIG MI SBYIN PA, ,DE LA MA RABS GYUR PA CI ZHIG YOD; ,BYANG CHUB SEMS DPAS SMRAS PA, KHYOD DE LTAR HA CANG DUS MA CHE BAR THONG ZHIG ,GZHAN GYI DON PAS GANG ZHIG BDAG DON CHER 'DZIN PA, ,DES KYANG 'BYOR PA KHYAD DU BSAD NAS SBYIN DGOS SO, ,GANG DAG CHAGS PA SPANGS NAS SBYIN PAR DGA' 'GYUR BA, , 'BYOR PA CHEN PO YIS KYANG DGA' BA DE MI MYONG, ,'BYOR PA 'BA' ZHIG GIS KYANG MTHO RIS THOB MI 'GYUR, ,SBYIN PA YIS NI GRAGS PA SNYAN PA THOB PAR 'GYUR, ,SER SNA LA SOGS SKYON GYIS ZIL GYIS GNON MI 'GYUR, ,DE BAS 'BYOR PA DE PHYIR SBYIN PA SUS MI BYED, ,GANG ZHIG SKYE SHIS NYEN PA'I 'JIG RTEN SKYONG 'DOD PA'I, ,SNYING RJE'I DBANG GIS BDAG KYANG RAB TU GTONG BYED CING, ,GZHAN SDUG BSNGAL BAS BDAG GIS BDE BA MI MYONG BAS, ,DE BAS DPAL LDAN KHYOD KYI NOR YANG CI ZHIG BYA, ,LHA'I DBANG PO GZHAN YANG, NOR RNAMS PHUN SUM TSOGS PA BZHIN, ,TSE YANG GNAS PA MI BRTAN TE, ,DE BAS SLONG MI MTHONG NA NI, ,PHUN SUM TSOGS LA MI LTA'O, ,SHING RTA GCIG GIS GANG DU SA LA LAM DRANGS PA, ,DE BZHIN GZHAN DANG GZHAN YANG LAM DER BRTUL TE 'DONG, ,DE LTAR THOG MA'I LAM NI BDE BA 'DI @16B BOR NAS; ,YANG DAG MA YIN LAM DU 'JUG PA BDAG MI DGA', ,GAL TE BDAG NI PHYIS KYANG NOR DANG LDAN GYUR NA, ,SLONG MI RNAMS KYI SEMS NI NGES PAR MGU PAR BYA, ,BRGYA BYIN BDAG NI SBYIN LAS LDOG PAR MI BYED CING, ,'DI LTAR GYUR KYANG CI 'BYOR PA NI SBYIN PAR BYA, , DE SKAD CES SMRAS PA DANG, LHA'I DBANG PO BRGYA BYIN YID RAB TU DGA' BAR GYUR NAS, LEGS SO LEGS SO ZHES BYA BAS MGU BAR BYAS TE RAB TU GUS SHING BYAMS PA'I LTA BAS BLTAS NAS SMRAS PA, SKYE BO RNAMS NI GRAGS DANG 'GAL BAR 'GYUR BA'I LAS, ,MI BZAD NGAN PA RNAMS KYIS 'BYOR PA THOB PAR 'DOD, ,BDAG GI BDE LA CHAGS PA'I NYES DMIGS MANG MTHONG NAS, ,SHIN TU G-YENG BA'I SEMS KYIS CHAGS PA RAB TU 'JUG ,KHYOD KYIS NOR NI ZAD PAR 'GYUR BA'ANG MA BSAMS SHIG ,BDAG GI BDE NYAMS NGA YIS BSLUS PA'ANG MA BSAMS PAR, ,GZHAN GYI NOR BSGRUB PA LA SEMS NI BRTAN GYUR PAS, ,BDAG NYID PHUN SUM TSOGS PAR RAB TU CHE BAR BSTAN, ,AE MA 'O RLABS CHEN KHYAD PAR 'PHAGS PA GSAL BA YIS, ,SNYING GI SER SNA'I MUN PA RAB TU BSAL BAR GYUR, ,NOR NI MED PAR GYUR KYANG DE LA CHAGS PA YIS, ,RAB TU SBYIN LAS ZHUM PA'I SKYON DU YONGS MA GYUR, ,GZHAN SDUG PA YIS SDUG LA NGO MTSAR MI CHE STE, ,SNYING RJE'I DBANG GIS KHYOD NI 'JIG RTEN PHAN PAR 'DOD, ,GANGS KYI RI BO RLUNG GIS BSKYOD PAR MA NUS BZHIN, ,RAB TU SBYIN LAS BDAG GIS BSKYOD PAR MI NUS SO, ,GRAGS PA KUN TU BSGRAGS PHYIR YONGS SU BRTAGS PA 'DIS, ,KHYOD KYI NOR 'DI RNAMS NI BDAG GIS SBAS PAR GYUR, ,DE LTAR MA BYAS NA NI NOR BU BZANG PO YANG, ,NOR BU DE NI GRAGS DANG RIN CHEN MI RTOGS SO, ,DE BAS SLONG MI RNAMS LA SBYIN PA'I CHAR PHOB LA, ,SPRIN CHEN GYIS NI MTSO RNAMS GANG BA BZHIN DU BYOS, ,NGAS NI RJES SU BZUNG BAS NOR RNAMS ZAD MI 'GYUR, ,BDAG GIS GTZES PA 'DI YANG KHYOD KYIS BZOD PAR BYOS, ,ZHES BYA BAS DE MGU BAR BYAS NAS, BRGYA BYIN GYIS DE'I NOR GYI RNAM PA @17A *, ,DE DAG SLAR BYIN TE, BZOD PAR BYAS NAS DE NYID DU MI SNANG BAR GYUR TO, ,DE LTA BAS NA SKYES BU DAM PA RNAMS KYI BDOG PA ZAD DU DOGS PA'AM, 'BYOR PA LA CHAGS PA'I PHYIR SBYIN PA DANG 'GAL BAR MI BYED DO, ,TSONG DPON ZIL GYIS MI GNON PA'I SKYES PA'I RABS TE LNGA PA'O,, ,,SEMS DPA' CHEN PO RNAMS NI DUD 'GROR GYUR KYANG SBYIN PA CI NUS BYED PA YOD NA, MIR GYUR PA RNAMS LTA SU ZHIG SBYIN PA MI BYED, DE YANG 'DI SKAD THOS TE, DGON PA'I GNAS LDUM BU DANG, RTZVA DANG SHING LJON PA YID DU 'ONG BA YOD PA, ME TOG DANG 'BRAS BUR LDAN PA DANG, CHU GTZANG MA BEE d'URYA MTHING GA DANG 'DRA BA, 'BAB PA'I MTSOS MTHA' BSKOR BA, SA GZHI NE'U GSING SNGON PO 'JAM PA DANG LDAN PA, SKYE BO DKA' THUB CAN DAG GNAS PA CIG NA, BYANG CHUB SEMS DPA' RI BONG ZHIG TU GYUR TE GNAS SO ZHES GRAGS SO, ,DE NI LUS BZANG SNYING STOBS CHE BA DANG, ,STOBS KYANG CHE ZHING GZI MDANGS CHE BAS NA, ,GCAN GZAN NGAN PAS GLAGS LTA BAG MI TSA, ,RI DVAGS RGYAL PO'I TSUL GYIS DE NA GNAS, ,BDAG GIS PAGS PA AA DZIN GYON, ,BDAG GI SPU YIS SHUN PHRAGS BYAS, , RTZVA YI MYU GUS SEMS MGU ZHING, ,THUB PA BZHIN DU DE NA MDZES, ,DE YI LUS DANG NGAG YID LA, ,BYAMS PAS YONGS SU BSKOR BA YI, ,RI DVAGS SLOB MA BDER GNAS SHING, ,BDAG NYID NGAN PA SPANGS PAR GYUR, ,DE'I YON TAN KHYAD PAR CAN GYIS BYAMS PA DANG GUS PA BSKYED PAS SEMS RAB TU CHAGS PA'I GROGS GSUM YOD PA NI, SRAM DANG, CE SPYANG DANG, SPRE'U RNAMS SO, ,DE DAG KYANG PHAN TSUN GNYEN 'DUN 'BREL BA BZHIN DU GCIG LA GCIG BYAMS SHING CHAGS PAR GYUR, GCIG LA GCIG SPOBS SHING BKUR STI BYED PAS RAB TU MDZA' BAR GYUR PA'I GROGS PO BZHIN DU DGA' ZHING DE NA GNAS TE, DUD 'GRO'I RANG BZHIN LA NI DE MI PHYOGS, ,SROG CHAGS RNAMS LA SNYING RJE CHE BA DANG, ,BRKAM PA MED PA DANG, RKU BA MI DRAN PA DANG, CHOS DANG MTHUN PA'I 'TSO BA LA GNAS PA DANG, RNAM PAR SHES PA @17B GSAL BAS DUL BA DANG, SDOM PA SPYOD PA BRTAN PA'I PHYIR, LHA RNAMS KYANG YA MTSAN DU GYUR TO, ,BDE DANG MTHUN ZHING YON TAN MI MTHUN TSUL, ,YON TAN MTHUN ZHING BDE DANG MI MTHUN TSUL, ,MI YANG YON TAN PHYOGS LA BRTEN NA NI, ,RNAM PAR MDZES PA DUD 'GRO SMOS CI DGOS, ,RI BONG GZUGS CAN MKHAS TE DE RNAMS KYI, ,GZHAN LA SNYING RJE CHE BA'I BLA MAR GYUR, ,YON TAN RJES 'GRO RANG BZHIN PHUN SUM TSOGS, ,DE RNAMS GRAGS PA LHA YUL DU YANG GRAGS, ,DE NAS RE ZHIG CIG BDAG NYID CHEN PO DES PHYI DRO'I DUS SU GROGS DE RNAMS CHOS NYAN PA'I PHYIR LHAGS TE, RAB TU GUS PAS BKUR STI BYAS PA DANG, ZLA BA YAR GYI NGO 'I TSES BCU BZHI LA DKYIL 'KHOR YONGS RDZOGS SU NYE BA NYI MA DANG THAG RING BA RNAM PAR DKAR ZHING MDZES PA, DNGUL GYI ME LONG LUNG MED PA 'DRA BA NGOS CIG CUNG ZAD SNGO BA SHAR BA LA BLTAS NAS GROGS RNAMS LA SMRAS PA, DKYIL 'KHOR CUNG ZAD MA RDZOGS PA, ,BZANG PO 'DI LA DGONGS PA BZHIN, ,DGE BA RNAMS LA GSO SBYONG GIS, ,SPRO BA ZLA BA 'DI STON TO, ,DE BAS NA NGES PAR SANG NI TSES BCO LNGA STE, KHYED RNAMS KYANG GSO SBYONG DANG SDOM PA LA BRTZON ZHING, RIGS PAR RNYED PA'I KHA ZAS KYI DUS SU LHAGS PA'I GLO BUR PA BYUNG NA MGRON GYIS LA SROG GZUNG BAR BYA BAR RIGS SO, ,KHYED RNAMS LTOS SHIG ,'DU BA GANG YOD MTHA' NI BRAL BAR 'GYUR, ,DAR BA YOD NA DE YANG RGUD PA'I MTHA', ,TSE YANG GLOG BZHIN 'GYUR ZHING MI BRTAN NO, ,DE PHYIR BAG YOD PA LA BRTAN PAR GYIS, ,DE BAS SBYIN PA TSUL KHRIMS BRGYAN PA YI, ,BSOD NAMS DAG NI KHYED CAG SPEL BAR GYIS, ,KYE HO NGAN 'GRO'I NANG NA 'KHOD PA'I TSE, ,'JIG RTEN RNAMS LA BSOD NAMS RTEN GYI MCHOG ,SKAR MA RNAMS KYI DPAL NI ZIL MNAN NAS, ,GZI MDANGS YON TAN GYIS NI ZLA BA MDZES, ,'OD ZER CAN RNAMS NYI MAS ZIL[?] MNAN NAS, ,MDZES PAR GANG 'GYUR DE NI BSOD NAMS MTHU, ,SA YI DBANG GYUR RNAMS KYI BSOD NAMS MTHUS, ,RGYAL PO RNAMS DANG BLON PO DREGS @18A *, ,PA RNAMS; ,DREGS PA KUN SPANGS RTA MCHOG TSUL DAG GIS, ,DGA' BA BZHIN DU BKA' LUNG NYAN PAR BYED, ,SO CHIS BYA BA'I DON LA 'BAD GYUR KYANG; ,BSOD NAMS MI LDAN DPAL MIN RJES SU 'BRANG, ,BSOD NAMS CHE BAS DE NI BSKRAD PA BZHIN,, DE DANG MI MTHUN DRUNG DU KHROS BZHIN 'GRO, ,SDUG BSNGAL GZHIR GYUR GTAM NGAN RJES 'BRANG BAS, ,SDIG PA'I LAS LAM DE LAS SLAR LOG LA, ,DE LAS BSOD NAMS SPYAD PA DPAL LDAN PA, ,BDE BA RAB BYUNG BSGRUB LA BLO BYOS SHIG ,DE DAG GIS DE BZHIN BGYI'O ZER NAS RJES SU BSTAN PA MNYAN TE PHYAG 'TSAL BSKOR BA BYAS NAS, RANG RANG GI GNAS SU SONG NGO, ,GROGS DE DAG SONG NAS, RING PO MA LON PAR BDAG NYID CHEN PO DES BSAMS PA, MGRON CIG BYUNG NA DE DAG GIS, ,CIR YANG RUNG BAS MGRON BYAR YOD, ,BDAG GIS CI YANG SBYIN DU MED, ,BDAG GIS SO RTZES BCAD PA YI, ,RTZVA YI MYU GU KHA BO NI, ,MGRON LA SBYIN DU YANG MI RUNG, ,MI NUS PA NI YONG YE SMAD, ,DE BAS CI YANG MI NUS PA, ,BDAG NI GSON YANG CI LA PHAN, ,BDAG NI MGRON CIG BYUNG GYUR NA, ,DGA' ZHING MYA NGAN SKYE BAR 'GYUR SNYAM MO, ,DA MGRON BYAR RUNG BA SNYING PO MED PA'I LUS 'DI GAR BOR NA, 'GA' ZHIG LA PHAN THOGS PAR 'GYUR SNYAM DU BSAMS PA DANG, BDAG NYID CHEN PO DES DRAN PA RNYED PA, AE MA'O, DBANG BDAG LA YOD CING RNYED SLA BA BDAG GI LUS PO 'DI NYID MGRON RNAMS LA SBYIN DU RUNG BA'I NOR KHA NA MA THO BA MED PA BDAG LA YOD BZHIN DU CI'I PHYIR MYA NGAN BYED, BDAG GIS MGRON BYAR RUNG BA 'DI RNYED KYIS, ,SNYING KHYOD DA NI MI DGA' MA BYED CIG ,BDAG GIS DA NI MGRON RNAMS SPOBS PA LA, ,RDZOGS PAR YOD PA'I LUS 'DIS BKUR STI BYA'O SNYAM DU NGES PAR BSAMS NAS, SEMS DPA' CHEN PO DE RNYED PA'I MCHOG RNYED PA BZHIN DU DGA' BAR GYUR CING DE NA 'DUG GO, ,DE YI SNYING LA RNAM RTOG PA, ,KHYAD PAR CAN NI SKYES GYUR PAS, ,MTHU DANG RAB TU DANG BA DAG ,LHA RNAMS LA NI BSTAN PAR GYUR, ,DE NAS @18B SA GZHI RI DANG BCAS PA G-YOS PA NI, ,RGYA MTSO 'KHRUG PA'I GOS GYON DGA' BA BZHIN, ,MKHA' LAS LHA YI RNGA SGRA RGYAS PAR GRAG ,PHYOGS KYANG RAB TU DANG BA'I GOS GYON GSAL, ,SPRIN KYANG GLOG DANG LDAN PA 'BRUG GI SGRA, ,RGYUN CHAGS DAL BUS SGROGS SHING DGOD PA BZHIN; ,PHAN TSUN BDAS PAS RDUL RNAMS LHAGS PA YI, ,ME TOG RGYUN CHAGS RNAMS KYIS DE LA 'THOR, ,SER BU DAL BUR LDANG BA'I RLUNG GIS KYANG, ,LJON SHING SNA TSOGS ME TOG DRI ZHIM RDUL, ,RAB TU 'KHRIGS PA SRAB MO'I GOS BKRAM BZHIN, ,RAB TU DGA' BAS DE LA MCHOD BYED 'DRA, ,DE'I RNAM PAR RTOG PA RMAD DU BYUNG BA DE LA RAB TU DGA' ZHING YID LA NGO MTSAR SKYES PA'I LHA RNAMS KYIS KUN TU BSGRAGS PA LHA'I DBANG PO BRGYA BYIN GYIS THOS NAS, YID LA YA MTSAN DANG NGO MTSAR CHE BAR GYUR NAS, DE'I BSAM PA NYAMS BSKYED PA'I PHYIR, PHYIR NYIN NYI MA PHYED KYI DUS NA NYI ZER GYI 'OD KYIS NI RAB TU GSAL BAR GYUR, PHYOGS THAMS CAD KYI SMIG RGYU 'KHRIGS PA'I GOS NI GYON, NYI MA TSA BA'I 'OD KYIS NI MGO G-YOGS, MIG GIS BLTAR YANG MI BZOD PAR GYUR PA'I TSE NA, NAGS TSAL CHEN PO RNAMS KYI GRIB MA NYI ZER GYIS BSGRIBS PA LTA BUR GYUR, TSA BA'I SBRANG BU RNAMS KYI SGRA NI CHER GRAG ,BYA RNAMS LDING ZHING RGYU BA'I RGYUN NI CHAD, MGRON PO RNAMS NI TSA BAS GDUNG ZHING NGAL BAR GYUR PAS NA, LHA RNAMS KYI DBANG PO BRGYA BYIN BRAM ZE'I GZUGS SU BSGYUR NAS LAM NOR BA 'DRA BAR BYAS NAS, BKRES PA DANG SKOM PA DANG NGAL BAS GDUNGS SHING MGRIN PA 'GAG PA BZHIN DU DE DANG NYE SA CIG TU SGRA PHYUNG STE DUS SHING BOS PA, GROGS DANG BRAL BA GCIG PUR GYUR, ,NAGS TSAL STUG PO'I NANG DU 'KHYAMS, ,BKRES SHING NGAL BAS BDAG LUS DUB, , DGE SEMS KYIS NI BSKYAB PAR RIGS, ,BDAG NI LAM DANG LAM MIN MI SHES PAS, ,GCIG PU PHYOGS SLAR GAR 'GRO GTOL YANG MED, ,DGON PA 'DI NA TSA ZHING SKOM PAS GDUNGS, ,MA 'JIGS SGRA YIS SU ZHIG BDAG TSIM BYED, ,DE NAS SKYES BU CHEN PO DES @19A *, ,SNYING RJE RJE SKAD ZER BA'I SGRA DE THOS NAS SNYING 'DAR BAR GYUR TE RINGS RINGS LTAR MGYOGS SU SONG STE, PHYOGS DER PHYIN PA DANG, MGRON PO LAM NOR TE NYAM THAG PA DE MTHONG NAS NYE BAR LHAGS TE, GUS PA DANG BCAS PAS DBUGS PHYUNG ZHING SMRAS PA, BDAG NI DGON PAR 'KHYAMS SNYAM DU, ,KHYOD KYI BSAMS PA DE THONG SHIG ,BDAG GI SLOB MA 'KHOD BZHIN DU, ,BDAG CAG GANG PHYIR NYE BAR 'KHOD, ,DE BAS DE RING BDAG CAG GIS, ,BKUR STI BYA BA YONGS BZUNG ZHING, ,ZHI BA YONGS SU BZUNG NAS SU, ,SONG NI JI LTAR 'DOD PAR SONG, ,DE NAS CANG MI ZER BAS MGRON DU BOS PA KHAS BLANGS PA, SRAM GYIS RIG NAS, DGA' BAS RTAB RTAB POR GYUR ZHING MGYOGS PAR SONG STE, NYA MO BDUN KHYER TE 'ONGS NAS SMRAS PA, NYA PA RNAMS KYIS BRJED NAS BOR BA'AM, SDANGS TE BRGAL NAS THANG LA 'DRES PA DAG ,MI DGA' GNYID KYIS LOG PA'I NYA BDUN PO, ,BDAG GIS RNYED PA 'DI DAG ZO LA 'DUG ,DE NAS CE SBYANG YANG CI SNYED PA'I ZAS DAG KHYER TE 'ONGS NAS PHYAG BYAS TE GUS PAR SMRAS PA, SKYIN GOR GCIG DANG ZHO NI RJE'U GANG ZHIG ,LA LA CIG GIS BOR BA RNYED PA 'DI, ,BDAG LA PHAN PA'I PHYIR NI DER BSNAMS LA, ,YON TAN GNAS KHYOD NAGS TSAL 'DIR BZHUGS SHIG ,CES SMRAS NAS YID DGA' BZHIN DU DE LA BYIN NO, ,DE NAS SBRE'US SHING THOG AA MRA'I 'BRAS BU RAB TU SMIN PA 'JAM PO LDONG ROS KYI PHYE MAS KHA BSGYUR BA 'DRA BA SER BA RTZA BA DMAR BA'I SNYE MA DAG KHYER TE 'ONGS NAS THAL MO SBYAR TE DE LA SMRAS PA, AA MRA SMIN DANG YID DU 'ONG BA'I CHU, ,GRIB MA BSIL BA DAM PA RNAMS DANG 'GROGS, ,BDAG LA MCHIS KYI TSANGS PA RIG PA'I MCHOG ,'DI DAG BSNAMS NAS KHYED NI 'DIR BZHUGS SHIG ,DE NAS RI BONG GIS ZHES DANG BCAS PAS DE'I DRUNG DU 'ONGS TE GUS PAR LTA ZHING, BDAG GI LUS KYIS MGRON DU BYED PA NI, ,NAGS KYI RI BONG LA NI CI YANG MED, ,MUNGGA DANG NI TIL DANG 'BRAS KYANG MED, ,BDAG GI LUS NI ME LA BSREG PA 'DI, , @19B BSNAMS LA DE RING DKA' THUB NAGS NA BZHUGS, ,GANG GI DON GRUB NOR NI CI YOD PA, ,PHONGS PA 'ONG NA DA NI DE LA 'BUL, ,BDAG LA LUS LAS LHAG PA'I NOR YANG MED, ,DE BAS BDAG GI NOR PHYIR 'DI KHYER CIG ,BRGYA BYIN GYIS SMRAS PA, BDAG CAG LTA BUS GZHAN DAG GI ,SROG KYANG GCOD PAR MI BYED NA, ,DE LTAR RAB TU BYAMS BSTAN PA, ,KHYED LTA BU LA SMOS CI DGOS, ,RI BONG GIS SMRAS PA, BRAM ZE CHOS LA 'DI LTA BU'I SNYING RJE NYE BAR GNAS PA NI RIGS KYI, DE BAS NA BDAG LA PHAN PA'I THABS 'GA' ZHIG GUD NAS BTZAL TE 'ONG GI DE'I BAR DU BDAG LA PHAN PA'I SLAD DU RE ZHIG 'DI NA BZHUGS SHIG ,DE NAS LHA'I DBANG PO BRGYA BYIN GYIS DE'I BSAM PA SHES NAS, ME'I PHUNG PO GSER BTZO MA'I MDOG 'DRA BA CUNG ZAD 'BAR BA ME STAG RNAM PAR 'PHRO BA DU BA MED PA ZHIG MNGON PAR SPRUL LO; ,DE NAS RI BONG GIS PHYOGS KUN TU BLTAS PA DANG ME'I PHUNG PO DE MTHONG NGO, ,MTHONG NAS KYANG YID DGA' NAS, BRGYA BYIN LA SMRAS PA, BDAG LA PHAN PA'I THABS 'DI BDAG GIS RNYED DE, DE BAS NA BDAG GIS LUS LONGS SPYOD DU BYAS PAS PHAN GDAGS PA'I BSAM PAS 'BRAS BU DANG BCAS PA BDAG LA MDZAD PAR RIGS SO, ,BRAM ZE CHEN PO GZIGS SU GSOL, ,SBYIN PAR BYA DANG SBYIN 'DOD GZHOL SEMS DANG, ,KHYOD LTA BU YI MGRON DANG LDAN GYUR PA, ,'DI LTA BU NI RNYED PA RAB TU DKA', ,DE LA BRTEN NAS BDAG NI DON YOD 'GYUR, ,CES MGRON LA DGA' BA'I PHYIR GUS SHING RIM GRO BSKYED DE, DE LA 'DI SKAD SMRAS SO, ,DE NAS DE NI ME 'BAR DE NANG DU, ,NOR 'DOD PA DAG GTER NI MTHONG BA BZHIN, ,RAB TU DGA' BAS ME YI NANG DU ZHUGS, ,PADMA RGYAS PA'I CHU NANG DANG PA BZHIN; ,LHA RNAMS KYI BDAG POS DE MTHONG NAS, YID LA NGO MTSAR SKYES TE, BDAG NYID KYI LUS SU GNAS NAS, LHA'I ME TOG CHAR BZHIN DU 'BAB PA DANG BCAS PA'I TSIG RNAR SNYAN CING YID DU 'ONG BAS MNGON PAR BSTOD DE, BDAG NYID KYI LAG PA PADMA'I 'DAB MA 'DRA @20A *, ,BA; DPAL PHUN SUM TSOGS PA, SOR GDUB KYI RGYAN BZANG POS BRGYAN PA GNYIS KYIS DE BLANGS NAS, SUM CU RTZA GSUM GYI LHA'I RIS NA GNAS PA'I LHA KHYED RNAMS LTOS SHIG ,SKYES BU CHEN PO'I LUS RAB TU YA MTSAN CHE BA 'DI LA RJES SU YI RANG BAR GYIS SHIG ,MGRON LA BYAMS PAS DE RING MA CHAGS PAR, AE MA'O, 'DI YIS CI LTAR LUS BTANG BA, ,SEMS CAN MI BRTAN RNAMS KYIS DMAN MA YANG, ,DE LTAR THE TSOM MED PAR GTONG MI NUS, ,'DI LTA'I RIGS DANG DE DAG 'GAL BA YI, ,GTONG BA RGYA CHEN SEMS KYANG GSAL BA 'DI, ,LHA MI BSOD NAMS MI BYED PA RNAMS LA, ,DPE BSTAN BZHIN DU 'DI NI RNAM PAR GSAL, ,AE MA'O YON TAN GOMS BYAS PA, ,'DI YI BLO LA BSGOS PA DANG, ,AE MA'O DAM PA'I SPYOD GZHOL BA, ,SPYOD PA RGYA CHEN 'DI YIS BSTAN,, DE NAS BRGYA BYIN GYIS DE'I LAS KHYAD PAR CAN BRTAN PA'I PHYIR, 'JIG RTEN LA PHAN PAR BSAMS NAS, KHANG BZANGS MCHOG RNAM PAR RGYAL BA DANG, LHA'I 'DUN SA CHOS BZANG GI KHANG PA BRTZEGS PA DANG, ZLA BA'I DKYIL 'KHOR LA RI BONG GI GZUGS BRNYAN GYIS BRGYAN TE BZHAG GO, ,ZLA BA'I DKYIL 'KHOR BZANG PO LA, ,DING SONG DU YANG RI BONG GZUGS, ,ME LONG DKYIL NA GZUGS BRNYAN BZHIN, ,RAB TU MNGON PAR MDZES PAR SNANG, ,DE DAG PHYIN CHAD 'JIG RTEN PAS, ,KU MU TA YI KHA 'BYED PA, ,MTSAN MO'I MTSAN MA ZLA BA LA; ,RI BONG MTSAN MA CAN ZHES GRAGS, ,DE BAS NA DE LTAR SEMS DPA' CHEN PO DUD 'GROR GYUR PA RNAMS KYANG CI NUS PAR SBYIN PA BYED PA MTHONG NA MIR GYUR PA SU ZHIG SBYIN PA MI BYED, DE BZHIN DU DUD 'GROR GYUR PA RNAMS YON TAN LA DGA' NA, DAM PA RNAMS KYIS MCHOD PAR GYUR PA'I PHYIR, YON TAN LA GUS PAR BYA'O, ,ZHES KYANG BSHAD PAR BYA'O, ,RI BONG DU SKYES PA'I RABS TE DRUG PA'O,, ,,DKA' THUB KYI NAGS TSAL NA GNAS PA RNAMS LA YANG GTONG BA DANG DPA' BA GNYIS RGYAN DU GYUR NA, KHYIM NA GNAS @20B PA RNAMS LA SMOS CI DGOS, DE YANG 'DI SKAD THOS TE, BCOM LDAN 'DAS 'DI BYANG CHUB SEMS DPAR GYUR PA'I TSE, 'JIG RTEN LA PHAN PA'I PHYIR 'KHOR BA NA GNAS PA'I TSE, SPYOD PA DANG YON TAN RNAM PAR DAG PAS MNGON PAR MTSON PA, SA'I STENG NA RGYAN DU GYUR PA, ZLA BA'I DKYIL 'KHOR YONGS SU RDZOGS PA NAM MKHA' LA SHAR BA BZHIN DU BRAM ZE'I RIGS CIG TU SKYES PAR GYUR TO, ,ZHES GRAGS SO, ,DE BZHIN DU THOS PA DANG, DRAN PA LAS BYUNG BA'I CHO GA BZHIN DU SKYES PA'I LAS LA SOGS PA'I BYA BA RNAMS NI BYAS, RIG BYED YAN LAG DANG BCAS PA NI BSLAB, MKHAS PA'I GRAGS PAS NI MI'I 'JIG RTEN MA LUS PAR KHYAB PAR BYAS, SBYIN PA PO YON TAN LA DGA' BA RNAMS KYIS GSOL BA BTAB STE, PHUL BA RNAMS BLANGS PAS 'BYOR PA'I PHYIR, NOR RAB TU PHUN SUM TSOGS PAR GYUR TO, , GNYEN DANG MDZA' BSHES BRTAN DANG PHONGS RNAMS DANG, ,MGRON DANG BLA MAR BKUR SDI BYA BA RNAMS, ,'BYOR PA DES NI RAB TU TSIM BYAS NAS, ,YUL DU SPRIN GYI CHAR CHEN BAB PA BZHIN, ,MKHAS PA'I PHYIR NI DE YI GRAGS PA DE, ,GTONG BA DANG NI DPA' BAS LHAG GYUR PAS,, STON KA'I ZLA BA RNAM PAR DAG PA DANG, ,YONGS SU RDZOGS PAS LHAG PAR GSAL BA BZHIN, ,DE NAS BDAG NYID CHEN PO DE KHYIM NA GNAS PA BYA BA NGAN PAS BREL BA'I NYES PAS GLAGS PA, BAG MED PA'I GNAS SU GYUR PA, NOR SGRUB CING BSRUNG BA'I ZHAR GYIS RNAM PAR DKRUGS PA; NYE BAR ZHI BA DANG 'GAL BA, SDUG BSNGAL MANG PO'I MDA'I 'BEN DU GYUR PA, SO TSIS KYI LAS BSGRUB PA MTHA' YAS PAS DUB PAR GYUR PA, CHOG MI SHES PAS BDE BA MYONG BA CHUNG BAR RIG NAS, RAB TU BYUNG BA NI DE'I NYES PA MED CING BDE BA LA CHOS BSGRUB PA DANG RJES SU MTHUN PA, THAR PA'I CHOS BRTZAMS PA'I GNAS SU GYUR PAR MTHONG BAS NYON MA MONGS PAR RNYED PA'I NOR PHUN SUM TSOGS PA 'JIG RTEN GYIS BKUR STI BYAS PA, YID DU 'ONG BA DE DAG KYANG RTZVA BZHIN SPANGS NAS, RAB TU BYUNG BA DKA' THUB CAN GYI CHOS 'DUL BA DANG, SDOM PA @21A *, ,LA RAB TU 'BAD PAR GYUR TO, ,SEMS DPA' CHEN PO DE RAB TU BYUNG BAR GYUR KYANG, GRAGS PA CHE BA DANG, SNGON SHES PA RJES SU DRAN PA DANG, SRID PA'I YON TAN DANG RAB TU ZHI BAS MTSON PA'I PHYIR LEGS PAR 'DOD PA'I SKYE BO RNAMS DE'I YON TAN MANG POS YID MGU BAS DE'I PHYI BZHIN DU 'DU ZHING 'ONG BAR GYUR TO, ,DE'I SKYE BO KHYIM PA'I 'DU 'DZIS RAB TU DBEN PA'I BDE BA MED PAR BYED PA, 'KHRUG PA DANG G-YENG BA DANG BAR CHAD DU GYUR PA DE LA MI DGA' NAS SEMS RAB TU DBEN PA LA DGA' BA'I PHYIR, KU RU ZHES BYA BA'I GLING LHO PHYOGS KYI RGYA MTSO'I NANG NA 'DUG PA, RGYA MTSO'I RLABS RLUNG GIS BSKYOD PA, AAN DA RNYIL GYI BCAG 'PHRO LTAR SNGO BA 'THOR BAS MTHA' MA BSKOR BA, SA GZHI BYE MA SKYA BOS KHEBS PA, SHING LJON PA RNAM PA SNA TSOGS PA ME TOG DANG, 'BRAS BU DANG 'DAB MAS BRGYAN PA RNAMS KYIS MDZES PAR BYAS PA, CHU GTZANG MA BTUNG DU RUNG BA YOD PA CIG TU GNAS NAS, DKA' THUB LA GNAS SHING DPAL DANG LDAN PAR BYAS SO, ,LUS BZANG DE NI DKA' THUB KYIS, ,RID PAR GYUR CING DE NA MDZES, ,MKHA' LA ZLA BA TSES PA BZHIN, ,GZI MDANGS CHE BA'ANG MKHA' LA SNANG, ,SPYOD DANG DBANG PO RAB TU ZHI ZHING DUL, ,BRTUL ZHUGS SDOM LA NGES BYAS NAGS TSAL GNAS, ,BLO YI MTHU CHUNG RNAMS KYIS THUB PA ZHES, ,BYA DANG RI DVAGS RNAMS KYANG DE LA 'KHOR, ,DE NAS BDAG NYID CHEN PO DE DKA' THUB KYI NAGS TSAL NA GNAS KYANG SBYIN PA LA RAB TU GOMS PAS GLO BUR PA RNAMS DUS SU 'ONG NA RTZA BA DANG 'BRAS BU JI SNYED PA DANG, CHU GTZANG MA DANG 'DIR 'ONGS PA LEGS SO ZHES BYA BA'I TSIG GIS SHIS PA BRJOD PA, YID DU 'ONG BA SKYE BO DKA' THUB CAN RNAMS KYIS MCHOD PAR BYED DO, , GLO BUR DU LHAGS PA RNAMS LA MGRON BYAS PA'I LHAG MA RNAMS NAGS TSAL NAS BYUNG BA 'TSO BA'I PHYIR ZA ZHING GNAS SO, ,DE'I DKA' THUB MCHOG TU GYUR PA'I GRAGS PA 'PHROS PAS, LHA RNAMS KYI DBANG PO BRGYA BYIN SEMS MGU BAR GYUR NAS, SEMS DPA' CHEN PO DE NYAMS @21B BRTAN NAM MI BRTAN NYAMS BSKYED PA'I PHYIR, DGON PA'I GNAS DE NA RTZA BA DANG, 'BRAS BU DKA' THUB CAN RNAMS KYIS BZAR RUNG BA THAMS CAD MTHAR GYIS MI SNANG BAR BYAS SO, ,BYANG CHUB SEMS DPA' YANG YID BSAM GTAN LA ZHUGS PA DANG, CHOG SHES PA LA GOMS PA DANG, KHA ZAS LA ZHEN PA MED PA DANG, LUS LA MA CHAGS PA'I PHYIR DE DAG MI SNANG BAR GYUR PA'I RGYU YID LA MI BYED DO, ,DES SHING GI LO MA GZHON NU RNAMS BTZOS TE DES KHA ZAS KYI DGOS PA BYAS NAS ZHEN PA MED CING ZAS KHYAD PAR CAN MI TSOL BAR BLO BDE BAR BYAS TE DER GNAS SO, ,CHOG SHES NGES PA'I BDAG NYID CAN, ,'TSO BA GANG NA'ANG BTZAL MI DKA', ,RTZVA DANG LO MCHU YI GNAS, ,GANG NA'ANG MED PA MA YIN NO, ,DE DE LTAR GNAS PAS LHA'I DBANG PO BRGYA BYIN NYID YID LA NGO MTSAR CHE BAR GYUR NAS, ,YON TAN RAB TU BRTAN PA DE DAG BRTAG PA'I PHYIR NAGS TSAL DGON PA DE NA SHING LJON PA DANG LDUM BU THAMS CAD DPYID KYI RLUNG GIS BTAB PA BZHIN DU LO MA THAMS CAD MED PAR BYAS SO, ,DE NAS BYANG CHUB SEMS DPA' DES LO MA LHAGS SHING RNYINGS PA CUNG ZAD YOD PA RNAMS BTUS TE CHU'I NANG DU BTZOS PA DE DAG ZA ZHING MI DGA' BA MED PAR DER BSAM GTAN GYI BDE BAS YID TSIM PAR BYAS TE, BDUD RTZI'I DAM PA BZHIN DU GNAS SO, ,MANG DU THOS PA SNYEMS PA MED, ,'BYOR PA RNAMS NI SER SNA MED, ,NAGS TSAL GNAS RNAMS CHOG SHES PAS, ,YON TAN RGYAN GYI MCHOG YIN NO; ,DE NAS DE'I CHOG SHES BRTAN PA NGO MTSAR DU GYUR PA DES, BRGYA BYIN NGO MTSAR CHER GYUR NAS BOS PA BZHIN DU, SEMS DPA' CHEN PO DE DRO LA BABS PA'I TSE, ME LA SBYIN SREG BYA BA NI ZIN, BZLAS BRJOD NI RDZOGS NAS, SKYE BO GLO BUR DU 'ONGS PA LTA BA'I PHYIR PHYOGS SU BLTAS PA DANG, LHA'I DBANG PO BRGYA BYIN BRAM ZE'I GZUGS SU BSGYUR NAS GLO BUR DU 'ONGS PA 'DRA BAR MDUN DU 'ONGS SO, ,BYANG CHUB SEMS DPA' YID RAB TU DGA' NAS, DE'I DRUNG DU 'ONGS NAS, 'DIR 'ONGS PA LEGS SO, ,ZHES BYA BA LA SOGS PA'I @22A *, ,TSIG SNYAN PAR BRJOD NAS, ZAS KYI DUS LA BABS PA BSTAN NAS MGRON DU BOS SO, ,DES KYANG MI SMRA BAS KHAS BLANGS PA BDAG NYID CHEN PO DES SHES NAS, SBYIN PA 'DOD PAS MIG BGRAD BZHIN NI 'DZUM PAS MDZES, ,YID 'ONG RNAR SNYAN TSIG GIS DGA' BAR BYAS NAS NI, ,DKA' BAS RNYED DE BTZOS PA DE DAG THAMS CAD KYANG, ,DE LA BYIN NAS BDAG NYID DGA' BAS TSIM PAR GYUR, ,DE DE BZHIN DU BSAM GTAN GYI GNAS SU ZHUGS NAS DGA' ZHING MGU BA NYID KYIS NYIN MCHAN GNAS SO, ,DE NAS BRGYA BYIN DE PHYI DE GNYIS DANG, NYI MA GSUM LA YANG DE BZHIN DU BRTUL ZHUGS KYIS DE'I MDUN DU 'ONGS SO, ,DE'ANG RAB TU DGA' NAS DE BZHIN DU DE LA MCHOD PA BYAS SO, ,SBYIN PAR 'DOD PA'I DGE BA RNAMS, ,SNYING RJE GOMS PA LAS SKYES PAS, ,SDUG BSNGAL SROG LA BABS NA YANG, , DMAN ZHING ZHUM PAR YONGS MI 'GYUR, ,DE NAS BRGYA BYIN SEMS LA NGO MTSAR CHE BAR GYUR NAS, 'DI NI DKA' THUB CHE BAS SUM CU RTZA GSUM PA'I BDAG PO'I DPAL THOB PAR BYA BA YANG 'DOD PA TZAM GYIS 'GRUB PAR RIG NAS DOGS PA DANG 'JIGS PA SKYES NAS, BDAG GI LUS LHA'I CHA LUGS NGO MTSAR CHE BAR BZANG PO DANG LDAN PA MNGON PAR BSTAN NAS, DE LA DKA' THUB KYI DGOS PA DRIS SO, ,GNYEN DANG MDZA' BSHES MCHIMS 'JU BA DANG, ,BDE BA'I RGYUR GYUR YONGS SU BZUNG BOR NAS, ,BSAM PA'I LCAGS KYU GANG DU DMIGS NAS NI, , DKA' THUB SDUG BSNGAL 'DI LA GNAS PAR GYUR, ,BDE BA 'BYOR PA'I LONGS SPYOD YONGS BOR ZHING, ,GNYEN BSHES RNAMS KYANG MYA NGAN BSLONGS NAS SU, ,RGYU RKYEN CHUNG DU DAG GIS BRTEN PA RNAMS, ,BDE DANG 'GAL BA'I DKA' THUB NAGS MI 'GRO, ,GANG GI YON TAN THOS NAS KHYOD LTA BU'I, ,BLO YANG DE LTAR DBANG DU BYAS PA DE, ,BDAG LA GAL TE SMRA BAR BYA RUNG NA, ,DE BAS BDAG GI RTOG PA BSAL BAR RIGS, ,BYANG CHUB SEMS DPAS SMRAS PA, GANG GI PHYIR BDAG LTAR 'BAD PA GROGS PO KHYOD NYON CIG ,YANG DANG YANG DU @22B SKYE BA'I SDUG BSNGAL DANG, ,RGAS DANG RGUD DANG NA BA'I SDUG BSNGAL DANG, ,'CHI BAR GYUR SNYAM SEMS PA'I 'JIG RTEN RNAMS, ,BSKYAB PA'I PHYIR NA BDAG NI DE LTAR GNAS, ,DE NAS BRGYA BYIN GYIS BSAMS PA, 'DI NI BDAG GI DPAL 'DOD PA MA YIN NO SNYAM NAS DBUGS PHYIN TE, LEGS PAR SMRAS PA DES DGA' BAR GYUR TE, DE'I TSIG DE RIGS SO, ,ZHES BYA BAS DGA' BA BSKYED DE, BYANG CHUB SEMS DPA' LA MCHOG SBYIN PAR BYAS SO, ,'DIR KHYOD KYIS DKA' THUB CAN DANG MTHUN PA'I TSIG LEGS PAR SMRAS PA'I PHYIR 'ONGS BAS; KHYOD LA MCHOG SBYIN GYI GANG 'DOD PA DE SLONGS SHIG ,DE NAS BYANG CHUB SEMS DPAS SRID PA'I BDE BA LA MA CHAGS PA DANG, SLONG BA NYID SDUG BSNGAL DU RIG CING CHOG SHES PA LA GOMS PAS, BRGYA BYIN LA SMRAS PA, RJES SU PHAN PAR BYED PA'I MCHOG ,GAL TE BDAG LA SBYIN 'DOD NA, ,LHA YI MCHOG LA DAM PA 'DI, ,BDAG GIS DA NI BSLONG BAR BYA'O, ,CHUNG MA YID DU 'ONG DANG BU DANG DBANG BYED DANG, ,MNGON PAR 'DOD PA'I NOR RNAMS RGYA CHEN THOB GYUR KYANG, ,GANG GIS YID GDUNGS RNAMS KYANG CHOG MI SHES PA YI, ,BRKAM PA'I RLUNG DE BDAG GI SNYING LA MED PAR BYOS, ,DE NAS DE'I CHOG SHES PA LA GZHOL BA LA LEGS PAR SMRAS PAS BSAL BAR BYAS PA DES, BRGYA BYIN YID RAB TU DANG BAR GYUR NAS, BYANG CHUB SEMS DPA' LA LEGS SO ZHES BYA BAS BSTOD DE, YANG MCHOG SBYIN PAS 'DUN BAR BYAS SO, ,'DIR YANG SKYE BO DKA' THUB PA DANG MTHUN PA'I TSIG KHYOD KYIS LEGS PAR SMRAS PA LA DGA' BAS, SKYES LAN DANG 'DRA BAR MCHOG GZHAN LA YANG SBYIN PAR BYA'O, ,DA NAS BYANG CHUB SEMS DPAS MCHOG SLONG BA LA SNYAD BTAGS TE, NYON MONGS PA DANG BRAL BA THOB DKA' BA NYID DE LA BSTAN PA'I PHYIR YANG DE LA CHOS BSHAD DO, ,YON TAN MCHOG NI BRGYA BYIN KHYOD, ,NGA LA GAL TE MCHOG SBYIN NA, ,LHA YI DBANG PO DAM PA'I MCHOG ,DE BAS GZHAN YANG 'DI BSLANG NGO, ,SEMS CAN GANG GIS ZIL NON DGRA BO BZHIN, ,NOR @23A *, ,YANG NYAMS SHING MDOG BZANG GRAGS PA DANG, ,BDE BA LAS KYANG NYAMS PAR GYUR PA YI, ,ZHE SDANG MED DE BDAG LA RING DU BYOS, ,LHA'I DBANG PO BRGYA BYIN GYIS DE THOS NAS, NGO MTSAR DU GYUR TE, LEGS SO ZHES BYA BAS DE LA GUS PAS BSTOD DE, YANG SMRAS PA, RAB TU BYUNG LA GRAGS PA DE, ,RJES SU CHAGS BZHIN BSTAN PAR 'OS, ,DE BAS LEGS PAR SMRAS PA YI, ,MCHOG DE BDAG LA BZHES SU GSOL, ,DE NAS BYANG CHUB SEMS DPA' NYON MONGS PA DANG MI MTHUN PA'I PHYIR, MCHOG 'DOD PA LA SNYAD BTAGS NAS SEMS CAN NYON MONGS PA CAN DANG 'GROGS PA SMAD PA'I PHYIR 'DI SKAD SMRAS SO, ,BYIS PA RNAMS NI NAM YANG MI THOS SHING, ,MTHONG BAR MI 'GYUR NAMS KYANG MI SMRA ZHING, ,DE DANG 'GROGS PAR SKYO BA'I SDUG BSNGAL YANG, ,MI MYONG MCHOG NI BDAG GIS KHYOD LA SLONG, ,BRGYA BYIN GYIS SMRAS PA, PHONGS PAR GYUR LA KHYAD PAR DU, ,DAM PAS PHAN BTAGS MA YIN NA, ,PHONGS PA'I GNAS SU GYUR PA'I PHYIR, ,BYIS PA THA MA YIN PAR 'DOD, ,BYIS PA 'DI DAG KHYAD PAR DU, ,SNYING RJE'I GNAS SU GYUR PA NI, ,CI PHYIR SNYING RJE CAN YIN YANG, ,MTHONG BA TZAM DU KHYOD MI 'DOD, ,BYANG CHUB SEMS DPAS SMRAS PA, GROGS PO KHYOD MI NUS MOD 'DI LA LTOS SHIG ,JI LTAR BYAS KYANG BYIS PA LA, ,PHAN GDAGS PAR NI MI NUS TE, ,BDAG CAG LTA BU JI LTAR NA, ,DE LA PHAN PAR BRTZON MI BYED, ,DE LTA BAS NA 'DI DAG PHAN GDAGS PAR BYA BA'I SNOD MA YIN PAR ZUNG SHIG ,'DI DAG TSUL MIN PA YANG TSUL BZHIN BYED, ,GZHAN YANG 'DI LA RAB TU SBYOR BAR 'DOD, ,'DUL DANG DRANG PO'I RIM DANG MI MTHUN PAR, ,PHAN PAR BSTAN KYANG RAB TU 'KHRUG PAR 'GYUR, ,MKHAS PA'I NGA RGYAL GTI MUG MES BSREGS SHING, ,PHAN PAR SMRA LA'ANG KHRO BAS RTZUB 'GYUR BA, ,'DUL DANG BRTZON 'GRUS CHUNG BAS GZU LUMS CAN, ,DE LA JI LTAR PHAN BTAGS RUNG BA SMOS, ,LHA'I GTZO BO DE LTA BAS NA, SNYING RJE CHEN POR GYUR PA YANG, ,BYIS PA RJES SU MI RUNG BA, ,MTHONG @23B BA TZAM DU'ANG MI 'DOD DO, ,BRGYA BYIN GYIS DE THOS NAS, LEGS SO LEGS SO ZHES DE LA BSTOD DE LEGS PAR SMRAS PAS SEMS RAB TU DAD PAR GYUR NAS, YANG SMRAS PA, LEGS PAR SMRAS PA RIN CHEN LA, ,RIN NI CI YANG YOD MA YIN, ,DGA' BAS ME TOG SNYIM BKANG NAS, ,'DIR YANG KHYOD LA MCHOG SBYIN NO, ,DE NAS BYANG CHUB SEMS DPAS SKYES BU DAM PA GNAS SKABS THAMS CAD DU BDE BA BSTAN PA'I PHYIR, BRGYA BYIN LA SMRAS PA, BRTAN PA MTHONG ZHING BRTAN PA THOS PA DANG, DE DAG NYID DANG BRGYA BYIN BDAG 'GROGS GYUR, , DE DANG SMRA ZHING SPOBS PA'I BDE LDAN GYUR, ,LHA YI DAM PA MCHOG DE BDAG LA STZOL, ,BRGYA BYIN GYIS SMRAS PA, KHYOD NI BRTAN PA LA RAB TU DGA' NA, DE SMROS SHIG ,BRTAN PAS KHYOD LA CI ZHIG BYAS, ,'OD SRUNGS DE YI RGYU SMROS SHIG ,BRTAN PA MTHONG BAR 'DOD PA YI, , GANG PHYIR MI BRTAN BZHIN DU 'GYUR, ,DE NAS BYANG CHUB SEMS DPAS SKYES BU DAM PA'I YON TAN BSTAN PA'I PHYIR SMRAS PA, BDAG GANG GI PHYIR BRTAN PA 'BA' ZHIG MTHONG BAR 'DOD PA DE GROGS PO KHYOD NYON CIG ,YON TAN LAM DU BDAG NYID 'GRO BAR BYED, ,GZHAN YANG LAM DE NYID DU 'DZUD PAR BYED, ,RTZUB MO'I TSIG KYANG MI BZOD BSKYED MI 'GYUR, ,DE YI TSIG NI PHAN PAR LDAN PA YIN, ,G-YO SGYU MED PA'I 'DUL BAS RTAG TU BRGYAN, ,DE LTAR PHAN PA DAG KYANG BSTAN PAR NUS, ,DE LTAR BDAG BLO YON TAN DGA' BA LA, ,YON TAN DGA' PHYIR RAB TU GZHOL BAR GYUR, ,DE NAS DE LA BRGYA BYIN GYIS, LEGS SO 'DI NI LEGS SO ZHES BSTOD DO, ,SEMS RAB TU DANG BAR GYUR NAS, YANG MCHOG SBYIN PAR BYAS SO, ,CHOG SHES PA LA GOMS GYUR PAS, ,KHYOD KYIS KUN TU BZLOG GYUR KYANG, ,BDAG LA PAN BTAGS BLO YIS SU, ,MCHOG NI BLANG BAR BYA BA'I RIGS, ,GUS DANG PHAN PA'I BSAM PA DANG, ,MTHU YANG CI YOD THAMS CAD KYIS, ,MCHOG NI SBYIN PAR BYAS PA LA, ,MA BLANGS PA NI SDUG BSNGAL CHE, ,DE NAS BYANG CHUB SEMS DPAS DE RAB TU PHAN 'DOGS PAR @24A *, ,'DOD PA RTOGS NAS DE DAG LA DGA' BA DANG PHAN PAR 'DOD PAS SBYIN PA LA RAB TU DGA' BA DE LA BRTAN PA'I PHYIR SMRAS PA, KHYOD KYI KHA ZAS ZAD PA'I NYES PA SPANGS, ,YID KYANG SBYIN LA DGA' DANG MTHUN GYUR ZHING, ,SLONG MI RNAMS NI TSUL KHRIMS RNAM DAG BRGYAN; ,'DI DAG BDAG LA YOD GYUR MCHOG SLONG NGO, ,BRGYA BYIN GYIS SMRAS PA, 'DIR YANG KHYOD NI LEGS PAR SMRAS PA RIN PO CHE'I 'BYUNG KHUNGS SU GYUR TO, ,GZHAN YANG KHYOD KYIS GANG BLANGS PA, ,DE DAG THAMS CAD DE BZHIN DU 'GYUR RO, ,LEGS PAR SMRAS PA 'DI LA YANG; ,KHYOD LA MCHOG NI SBYIN PAR BYA, ,BYANG CHUB SEMS DPAS SMRAS PA, LHA RNAMS KUN GYI MCHOG TU GYUR PA KHYOD, ,BDAG LA PHAN 'DOGS RGYUR GYUR MCHOG SBYIN NA, ,GSAL BAR BDAG DRUNG SLAN CHAD MI 'BYON PA'I, ,MCHOG 'DI LHA MIN 'JOMS PA KHYOD LA BSLONG, , DE NAS BRGYA BYIN NGO MTSAR DU GYUR NAS, ,MI BZOD PA BZHIN DU DE LA SMRAS PA, KHYOD RE ZHIG LTOS SHIG DANG, BZLAS BRJOD BRTUL ZHUGS MCHOG SBYIN DKA' THUB SPYAD PA YIS, ,SKYE BO 'DI DAG KHO BO'I RJES SU MTHUN 'DOD NA, ,KHO BO MCHOG SBYIN 'DOD PHYIR 'DI LTAR 'ONGS PA LA, KHYOD NI DE LTAR MTHONG BAR MI 'DOD CI YI PHYIR, ,BYANG CHUB SEMS DPAS SMRAS PA, 'DI LA BDAG GIS KHYOD MNYES PAR BGYI YIS, LHA'I DBANG PO KHYOD MA BKYON CIG ,'DI MI SRUN PA'I TSUL KYANG MA LAGS, MA GUS PAR BGYID PA YANG MA LAGS, KHYOD DANG 'PHRAD PAR MI 'TSAL BA YANG MA LAGS NA, LHA YI GZUGS MCHOG RMAD DU BYUNG BA MTHONG BA DANG, ,GZI BRJID GSAL ZHING MDANGS DANG LDAN PA MTHONG GYUR NA, ,KHYOD NI RAB TU DANG ZHING ZHI BAR GYUR PA YANG, ,BDAG GI DKA' THUB NYAMS PAR 'GYUR DU DOGS LAGS MOD, ,DE NAS BRGYA BYIN GYIS DE LA PHYAG 'TSAL TE BSKOR BA BYAS NAS DE NYID DU MI SNANG BAR GYUR TO, ,DE NAS NAM LANGS PA DANG, LHA'I BZA' BA DANG BTUNG BA BRGYA BYIN GYIS SBYAR BA RNAMS DANG, RANG SANGS RGYAS BRGYA PHRAG DU MA BRGYA BYIN GYIS SBYAN DRANGS PA RNAMS DANG, LHA'I BU GZHON NU BSHOS 'DREN @24B PAR CHAS SHING BSDOGS PA DU MA TZAM LHAGS PA, BYANG CHUB SEMS DPAS MTHONG BAR GYUR TO, ,BZA' BA DANG NI BTUNG BA SBYAR BA DE DAG GIS, ,DRANG SRONG CHEN PO DE DAG MCHOD PAR BYAS PA DANG, ,THUB PA DE NI DGA' BA CHEN PO THOB PAR GYUR, ,SKYE BO DKA' THUB CAN DANG MTHUN PA'I TSUL DAG DANG, ,BSAM GTAN TSAD MED SDOM DANG ZHI BA'I GNAS, ,DE BAS NA DE LTAR DKA' THUB KYI NAGS TSAL NA GNAS PA RNAMS LA YANG GTONG PHOD PA DANG DPA' BAS RGYAN DU GYUR NA, KHYIM NA GNAS PA RNAMS LTA SMOS KYANG CI DGOS TE, DE BAS NA MI RNAMS KYI GTONG PHOD PAS BDAG BRGYAN PAR BYA'O, ,ZHES SBYIN BDAG GZENGS BSTOD PA'I PHYIR DE LTAR BCOM LDAN 'DAS DE SKU TSE SNGA MA LA YANG LEGS PAR GSUNGS PA KHYAD PAR CAN RIN PO CHE'I 'BYUNG GNAS SU GYUR PA YIN NA, MNGON PAR RDZOGS PAR SANGS RGYAS PA NA LTA SMOS KYANG CI DGOS ZHES DE BZHIN GSHEGS PA'I CHE BA NYID BSTAN PA LA YANG SBYAR BAR BYA'O, ,AA GASTYA'I SKYES PA'I RABS TE BDUN PA'O,, ,,BAM PO GSUM PA, SNYING RJE CHEN PO GZHAN GYI SDUG BSNGAL GYIS GDUNG BA RNAMS NI BDAG GI BDE BA LA MI LTA STE, DE YANG 'DI SKAD THOS SO; ,BYANG CHUB SEMS DPA' DAG GI CHE BA NYID KYIS SNYING RJE DANG LDAN ZHING, 'GRO BA YONGS SU BSKYAB PA'I LHAG PA'I BSAM PA CAN, SBYIN PA DANG DUL BA DANG SDOM PA DANG, NGES PA LA SOGS PA 'JIG RTEN LA PHAN 'DOGS PA DANG, MTHUN PA'I YON TAN KHYAD PAR CAN MNGON PAR 'PHEL BA, SEMS CAN THAMS CAD LA BYAMS PA'I YID DU GYUR PA, BYAMS PA'I STOBS ZHES BYA BA'I RGYAL POR GYUR TO, ,ZHES GRAGS SO, ,SKYE DGU RNAMS NI BDE DANG SDUG BSNGAL GANG, ,RGYAL PO DE YANG DE DAG DE BZHIN GYUR, ,DE BAS DE NI SKYE DGU BSRUNG LA MKHAS, , MTSON CHA DANG NI GTZUG LAG RNAMS LA GOMS, ,MI YI BDAG PO'I BKA' KHRIMS SPYI BOS MNOS, ,DE YI MTSON CHA RGYAN DANG 'DRA BAR GYUR, ,'JIG RTEN PHAN BYUNG BSTAN BCOS TSUL RNAMS KYI, ,GTZUG LAG DAG KYANG RNAM PAR GSAL BAR SNANG, ,TSAR GCAD PA DANG PHAN GDAGS BYAS @25A *, ,PA LA; ,CHOS DANG 'GAL BA DE NI YONGS MI BYED, ,TSUL LA MKHAS SHING PHAN PAR SEMS PA'I PHYIR, ,SKYE DGU RNAMS LA RTOG MKHAS PHA DANG 'DRA, ,DE DE LTAR CHOS KYIS SKYE DGU RNAMS SKYONG BA NA, BDEN BA DANG GTONG BA DANG, SHES RAB LA SOGS PA GZHAN LA PHAN PA YONGS SU BSNGOS PA'I PHYIR KHYAD PAR CAN GYUR PA LA RLABS CHE BA'I RIM PAS BYANG CHUB KYI TSOGS BSAGS SHING MNGON PAR DAR BA LAS, RE ZHIG CIG NYES PA 'GA' ZHIG BYUNG BA'I PHYIR GNOD SBYIN GZHAN GSOD PA LA MKHAS PA MDANGS 'PHROG PA LA DGA' BA LNGA SDE CIG ,GNOD SBYIN GYI BDAG POS RANG GI YUL NAS SPYUGS PA YUL DER LHAGS SO, ,DE'I YUL NA GNOD PA THAMS CAD MED PA DANG RTAG TU DGA' BA SNA TSOGS YOD PA DANG, PHUN SUM TSOGS PA MCHOG DANG LDAN PAS RTAG TU MI RNAMS RAB TU DGA' MGU ZHING DAR BA MTHONG NAS, DE DAG YUL DE NA GNAS PA'I MI RNAMS KYI MDANGS 'PHROG 'DOD PAR GYUR TO, ,DE DAG RAB TU BSGRIMS NAS NI, ,RANG GI LAS LA 'JUG BYAS KYANG, ,DE NA GNAS PA RNAMS KYI MDANGS, ,'PHROG PAR BYA BAR MI NUS SO, ,RGYAL PO DE'I MTHU KHYAD PAR CHE BAS NA, ,BDAG GI YIN PA'I BLO NI GAR BZHAG PA, ,DE NYID DE YI SRUNG MA MCHOG YIN PAS, ,DE DAG GIS NI MDANGS 'PHROG NUS MA GYUR, ,DE LTAR RAB TU 'BAD KYANG YUL DE NA GNAS PA'I MI GANG GI MDANGS 'PHROG PAR MA NUS PA DE'I TSE, DE DAG GCIG LA GCIG BLTAS NAS, GROGS PO DAG 'DI CI ZHIG YIN SNYAM DU SEMS PAR GYUR TO, ,BDAG CAG MTHU LA GNOD PAR NUS PA YI, ,RIG SNGAGS DKA' THUB DNGOS GRUB KHYAD PAR YANG, ,DE DAG LA NI YOD PA MA YIN NA, ,'ON KYANG DE RING BDAG CAG THAMS CAD KYI, ,MING NI DON DANG MTHUN PAR MA GYUR TO, ,DE NAS GNOD SBYIN DAG BRAM ZE'I GZUGS SU BSGYUR TE SONG SONG BA DANG, GRIB SHING SNGON PO CIG GI DRUNG NA NAGS NA RGYU BA'I BA GLANG GI RDZI'U CIG LHAM DANG BCAS PAR 'DUG CING, NAGS TSAL GYI SHING GI ME TOG LO MA DANG BCAS PA'I PHRENG BA NI THOGS, DBYUG PA DANG DGRA STA NI G-YAS ROL DU BZHAG ,GCIG @25B PUS SRAD BU NI 'KHAL, SPYUGS GLU NI LEN CING 'DUG PA MTHONG NAS, DE'I DRUNG DU LHAGS TE SMRAS PA, KYE BA GLANG RDZI'U 'DI LTA BU'I DGON PA DBEN PA 'GRO BA MED PA NA GCIG PUR JI LTAR MI 'JIGS, DES DE DAG LA BLTAS NAS SU LA 'JIGS ZHES SMRAS SO, ,GNOD SBYIN RNAMS KYIS SMRAS PA, SRIN PO RNAMS DANG 'DRE RNAMS RANG BZHIN GYIS GTUM ZHING MA RUNGS PA YIN PAR KHYOD KYIS SNGON MA THOS SAM, RIG SNGAGS DKA' THUB BDE LEGS LDAN PA DAG ,GROGS KYIS BSKOR BA'I NANG NA 'DUG GYUR ZHING, ,DPA' LA 'JIGS PA MED PA'I MI DAG KYANG, GANG LAS THAR BAR 'GYUR BA RAB DKA' BA, ,NAGS TSAL RAB TU DBEN ZHING ZAB PA LA, ,'JIGS PA'I SA NA GROGS KYANG YONG MED PAR, ,MI YI SHA DANG TSIL DAG ZA BA YI, ,SRIN PO DE DAG CI PHYIR KHYOD MI SKRAG ,DE SKAD CES SMRAS PA DANG, BA GLANG RDZI'U DES DGOD NAS SMRAS PA, BDE LEGS CHEN POS 'GRO BA 'DI, ,YONGS SU BSKYANG BAR GYUR BA NA, ,LHA YI DBANG PO DAG GIS KYANG, ,'DI DAG GTZO BAR MI NUS NA, ,SHA ZA RNAMS KYIS GA LA NUS, ,DE BAS NAGS NA KHYIM BZHIN DU, ,MTSAN MO DAG KYANG NYIN PAR BZHIN , GCIG PU 'ANG GROGS KYI NANG 'DUG 'DRA, ,BDAG NI 'JIGS PA MED PAR 'DUG ,DE NAS GNOD SBYIN DE DAG NGO MTSAR CHER GYUR NAS, DE LA ZIL GYIS GNON PA BZHIN DU CHED CHER BYAS NAS SMRAS PA, KYE BZANG PO KHYOD KYI BDE LEGS KYI BYE BRAG DE CI 'DRA BA ZHIG RE ZHIG SMROS SHIG ,DE DGOD CING DE DAG LA SMRAS PA, BDAG CAG GI BDE LEGS KYI BYE BRAG RMAD DU BYUNG BA CI 'DRA BA NYON CIG ,GSER GYI RI BO'I BRAG LTAR YANGS PA'I BRANG, ,STON KA'I ZLA BA DRI MED MDZES BA'I ZHAL, ,DPUNG PA GSER GYI SDONG PO LTA BUR RGYAS, ,MI DBANG KHYU MCHOG SPYAN 'DRA RNAM PAR GNON, ,BDAG CAG GI BDE LEGS KYI KHYAD PAR NI 'DI'O ZHES SMRAS NAS, NGO MTSAR CHE ZHING KHRO BA DANG BCAS PAS GNOD SBYIN DE DAG LA BLTAS TE YANG SMRAS PA, AE MA HO 'DI NGO MTSAR CHE'O, ,MI DBANG THUB CHEN 'DI LTAR GRAGS PA YANG, ,KHYED @26A *, ,KYI RNA LAM CI LTAR MA GRAGS KYE, ,'ON TE THOS KYANG SHIN TU RMAD BYUNG BAS, ,KHYED CAG YID MI CHES PHYIR MA BZUNG NGAM, ,KHYED CAG GANG NAS LHAGS PA'I YUL DE YI, ,MI RNAMS YON TAN TSOL LA MI MKHAS SAM, ,CHED CHER MI 'JIN SKAL BA MED PA'I PHYIR; ,MI DBANG GRAGS PAS RNAM PAR SPANGS SU DOGS, ,DE BAS NA YUL DE LTA BU MTHA' 'KHOB NAS 'DIR LHAGS PA NI, KHYED CAG LA SKAL BA CUNG ZAD CIG YOD DO, ,GNOD SBYIN RNAMS KYIS SMRAS PA, BZANG PO DE'I YUL NA GNAS PA'I SKYE BO RNAMS LA MI MA YIN PA RNAMS KYIS GNOD PA BYED MI NUS PA RGYAL PO DE'I MTHU DE LTA BU CI LAS GYUR, BA GLANG RDZI'US SMRAS PA, NGED KYI RGYAL PO CHEN PO'I MTHU 'DI LTA BU 'DI NI RANG GI CHE BA NYID KYIS THOB PA'O, ,BRAM ZE DAG LTOS SHIG ,DE'I DPUNG BYAMS PA'I RU MTSON KHRO BO'I DPUNG NI CHO GA TZAM, ,DE NI MI KHRO TSIG RTZUB MI SMRAS YANG LEGS PAR BSRUNG, ,DE YI BKA' KHRIMS CHOS YIN RGYU MED NOR YANG DAM PA MCHOD, ,DE LTAR RMAD DU BYUNG YANG NGAN PA'I CHOS NYID DREGS PA MED, ,KHO BO CAG GI RJE 'DI NI DE LTA BU LA SOGS PA'I YON TAN MANG PO DANG LDAN TE, DE BAS YUL NA GNAS PA'I SKYE BO RNAMS LA GNOD PAR MI NUS SO, ,DE LTA BAS NA KHO POS KHYED LA CI SNYED CIG SMRA BAR MI NUS KYIS, MI'I BDAG PO'I YON TAN THOS PAR 'DOD NA KHYED GRONG KHYER DE NYID DU 'DONG BAR RIGS SO, ,KHYED DER SONG DANG SKYE BO RNAMS RANG RANG GI CHOS LA DGA' BAS YA RABS KYI TSUL LA GNAS PA DANG RTAG TU BDE ZHING LO LEGS PAS RAB TU DGA' BA PHUN SUM TSOGS SHIN TU LUGS BZANG LA MI 'PHYA BA DANG, SKYE BO GLO BUR DU LHAGS PA RNAMS LA KHYAD PAR DU BYAMS PA DANG, MI'I BDAG PO'I YON TAN SNYING LA DRAN PA DANG, DE'I GRAGS PA'I GZHI BSTOD PA DANG BKRA SHIS PA DANG BDE LEGS BZHIN DU RAB TU DGA' ZHING GOMS PAR BYED PA DAG MTHONG NA RGYAL PO'I YON TAN RGYA CHER SHES PAR 'GYUR RO, ,DE LTAR YON TAN MANG PO BRJOD PAS DE MTHONG BAR 'DOD PA LA NGES PAR DE'I YON TAN MNGON SUM DU 'GYUR RO, ,DE NAS GNOD SBYIN DE DAG RANG GI MTHUS MA TSUGS PAS RGYAL PO DE LA SEMS @26B MI BZOD PA DANG BCAS PAS YON TAN SNYING NAS BRJOD CING TSIG RIGS PA DANG, BDEN PAR SMRAS PA DES KYANG SEMS 'JAM POR MA GYUR TO, ,DMAN PA RNAMS NI PHAL CHER YANG, ,MI BZOD PAS NI YID GDUNGS PAS, ,DNGOS PO GANG LA DE GRAGS PA, ,DE YIS LHAG PAR GDUNGS PAR GYUR, ,RGYAL PO DE SBYIN PA LA DGA' BAR SHES NAS, DE LA GNOD PA BYED PAR 'DOD PA'I GNOD SBYIN DE DAG GIS RGYAL PO DE MTHONG NAS MTHONG BA'I TSE, BZA' BA SLONGS SO, ,DE NAS RGYAL PO DE RAB TU DGA' NAS DE'I LAS SU BSKOS PA'I MI RNAMS LA KHA ZAS ZHIM PO BRAM ZE RNAMS LA MYUR DU BYIN CIG CES BKA' STZAL TO, ,DE NAS BRAM ZE LA DGOS PA'I KHA ZAS RNAMS KHYER TE 'ONGS NA YANG, GNOD SBYIN DE DAG NA RE KHA ZAS DE LTA BU BDAG CAG MI BZA'O ZHES SMRAS NAS, STAG GZIG RTZA SNGON PO MI 'DOD PA BZHIN DU LEN DU MA BTUB BO, ,DE RGYAL PO DES THOS NAS, DE DAG GI DRUNG DU SONG STE, 'O NA KHYED CAG RNAMS KHA ZAS CI LTA BU 'DOD DE 'DRA BA BTZAL LO, ,ZHES SMRAS SO, ,GNOD SBYIN RNAMS KYIS SMRAS PA, MI SHA SHIN TU DRON PO DANG, ,MI YI KHRAG NI DRON MO DAG ,BRTUL ZHUGS MNYAMS PADMA'I SPYAN, ,GNOD SBYIN RNAMS KYI BZA' BTUNG LAGS, ,ZHES SMRAS NAS, RANG GI LUS KHA NAS MCHE BA GTZIGS PA, MIG DMAR ZHING SER LA G-YO ZHING MI SDUG PA DANG, SNA LEB CING MI SDUG PA DANG, SKRA DANG KHA SPU ME 'BAR BA LTAR SER BA DANG, LUS CHAR SBRIN LTAR GNAG CING MI SDUG PA 'JIGS PA BSTAN PA DE DAG MTHOR NAS, RGYAL PO DES BSAMS PA, 'DI DAG NI SHA ZA YIN TE MI MA YIN NO, ,DE BAS NA BDAG CAG GI BZA' BA DANG BTUNG BA MA 'DOD DO SNYAM DU NGES PAR GYUR TO, ,DE NAS MI'I DBANG PO DE SNYING RJE CAN YIN PAS, BSAM PA DAG PAS DE DAG LA SNYING RJE DE BAS YANG CHES GYUR SNYING LA SNYING RJE 'BA' ZHIG SEMS, GNOD SBYIN DE DAG LA MYA NGAN BYED CING DON 'DI LTA BU NGES PAR BSAM MO, ,SNYING RJE CAN LA 'DI LTA BU'I, ,BZA' DANG BCA' BA RAB TU DKON, ,NYIN RE ZHING YANG DE BTZAL BA, ,DE LAS SDUG BSNGAL CHE BA MED, ,SNYING RJE MED @27A *, ,CING MI NUS NA'ANG, ,'BAD PA DON NI MED PAR 'GYUR, ,NUS NA'ANG PHAN BYED GOMS PA LA, ,DE BAS DKA' BA CI ZHIG YOD, ,SNYING RJE MED CING YID NI MA ZHI BA, ,DE LTA BU YI KHA ZAS ZA BA RNAMS, ,TSE 'DI DANG NI PHA ROL RANG DON BSREG ,'DI DAG SDUG BSNGAL NAM ZHIG MED PAR 'GYUR, ,DA 'DI DAG GI KHA ZAS SBYAR BAS NYIN ZHAG 'GA' TZAM YANG GZHAN GSOD PA LA ZHUGS PA 'DI LAS CI LTAR BZLOG PAR BYA, PHONGS TE SLONG DU 'ONGS PA RNAMS KYI GDONG, ,RE BA BZLOG PAS NGO 'DZUM GNAG GYUR PA, ,BU YUG RLUNG GIS PADMA RNYING PA BZHIN, ,MI DGA' BYAS PAS NAMS KYANG BDAG MI DRAN, ,GDON MI ZA BAR BDAG LUS RGYAS PA 'DI, ,KHRAG DANG BCAS PA'I SHA RNAMS SBYIN BAR BYA, ,PHONGS PA 'ONGS NA DE NI RIGS PA SNYAM, ,DE LAS GZHAN PA BDAG GIS GANG DU BTZAL, ,BDAG RANG SHI BA'I SHA RNAMS DROD MED LA, ,KHRAG RNAMS 'ANG DEL YOD PA MA YIN NO, ,BRU BA TSA BAS SEMS NI GDUNGS PA LA, ,DE YIS LEGS PAR MGU BAR 'GYUR MA YIN, ,GSON PO'I SHA YANG BDAG GIS JI LTAR BTZAL BAR BYA, ,'DI DAG BDAG GI THAD DU 'ONGS NAS BKRES PA LA, ,SKOM PAS MIG DANG GDONG GI MDONGS NYAMS SHING, ,BSLONG DANG RE BA'I 'BRAS BU MED PAS YID, ,SDUG BSNGAL BZHIN DU SLAR DONG NA YANG CI ZHIG BYA, ,DE BAS NA 'DI NI DUS LA BAB KYIS, RTAG TU NA ZHING GDUG PA'I RMA DANG 'DRA, ,NAD KYI 'BYUNG KHUNGS NGAN PA'I LUS 'DI LA,, DGOS PA KHYAD PAR CAN DU SPYAD PA YIS, ,BCOS PA'I SDUG BSNGAL SHIN TU BZOD PAR BYA, ,DE LTAR NGES PAR BYAS NAS RGYAL PO RAB TU DGA' BAR GYUR PAS, MIG RTZA DANG GDONG GI MDANGS BZANG POS RANG GI LUS BSTAN NAS, GNOD SBYIN DE DAG LA SMRAS PA, BDAG GI SHA NI KHRAG DANG BCAS PA 'DI, ,'JIG RTEN RNAMS LA PHAN PA'I PHYIR BZUNG STE, ,GAL TE DE RING MGRON DU BYAR RUNG NA, ,DE NI BDAG GIS MNGON PAR THOB PAR 'GYUR, ,DE NAS GNOD SBYIN DE DAG RGYAL PO DE'I LHAG PA'I BSAM PA SHES BZHIN DU NGO MTSAR RAB TU CHE BAS YID MA CHES NAS, @27B RGYAL PO LA SMRAS PA, PHONGS PAS BDAG GI SDUG BSNGAL DAG ,SLONG ZHING DMAN PAS BSTAN PA LAGS, ,DE LAS SBYIN PA PO NYID KYIS, ,DUS LA BAB PA MKHYEN PAR MDZOD, ,DE NAS RGYAL PO DES BSAMS PA DA NI 'DI DAG DGA' 'DOD DO SNYAM NAS, SNYING RAB TU DGA' STE, RTZAD BRAL BA'I PHYIR SMAN PA RNAMS BOS SHIG CES BKA' STZAL TO, ,DE NAS RGYAL PO DE'I BLON PO RNAMS RGYAL PO'I SHA DANG KHRAG RNAMS SBYIN PAR STZOL BAR RIG NAS, RTAB RTAB POR GYUR TO, ,MI BZOD CING SEMS 'KHRUGS NAS BYAMS PA'I DBANG GIS DON 'DI LTA BU CUNG ZAD CIG GSAL BAR SMRAS SO, ,LHA SBYIN PA LA DGYES CHES PAS 'BANGS GLO BA NYEB RNAMS LA PHAN PA DANG, GNOD PAR 'GYUR BA MI GZIGS PA MI RIGS SO, ,LHAS 'DI DAG NI MI MKHYEN PA YANG MA LAGS TE, ,'DI LTAR SKYE DGU RNAMS LA GNOD PA GANG DANG GANG, ,DE DANG DE DAG GNOD SBYIN RNAMS LA DGA', ,GZHAN LA GNOD PAS 'TSO ZHING DGA' BA SKYE, ,'DI DAG RIGS DANG RANG BZHIN DE LTA LAGS, ,RGYAL SRID DPAL 'DI 'JIG RTEN PHAN PA'I PHYIR, ,BDE LA MA CHAGS LHA YIS BZUNG BAR MDZOD, ,DE BAS BDAG GI SHA SBYIN GSOL BA YI, ,LOG PA'I LAM DU YI DAM BCAS PA MTHONG, ,SKYES BU DPA' BO KHYOD KYI MTHUS BSKYABS PA'I, ,'JIG RTEN GDON MI ZA BAR 'DI MI BZOD, ,PUNG BAR BYED LA MKHAS PA 'DI DAG NI, ,TSUL GYIS TSUL MIN SKYE DGU PHUNG BAR 'DOD, ,MCHOD SBYIN TSE NA SUM CU RTZA GSUM PA'ANG, , TSIL DANG ZHAG LA SOGS PA BSREGS PAS MGU, ,KHYOD KYI ZHAL ZAS PHUN SUM TSOGS PA DAG ,GUS PAR SBYIN YANG 'DI DAG 'DOD MI 'GYUR, ,LHA'I THUGS NI BDAG CAG LTA BU'I SKYE BOS BCOS PA MA LAGS MOD KYI, 'ON KYANG 'DI NI BDAG CAG GI DON DU GCES PA'I SLAD DU BDAG CAG 'DI LTAR KO LONG GSOL BAR GYUR TO, ,GNOD SBYIN LNGA PO 'DI RNAMS KYI DON DU 'BANGS THAMS CAD MGON MA MCHIS PAR BGYI'AM, LHA 'DI LTA BU'I CHOS GANG GI LAM LAGS, GZHAN YANG 'DI LTA BDAG CAG LA MI BYAMS PA CI LAS GYUR, RJE'I CHED DU 'TSAL BA @28A *, ,LA SHA DANG KHRAG YONGS SU RDZOGS PAR MCHIS PA 'DI DAG SNGON BDAG CAG GANG GIS SBAS TE MA PHUL NA LHA NYID KYIS STZAL BAR BZHED, DE NAS RGYAL PO DES BLON PO DE DAG LA SMRAS PA, YOD BZHIN DU NI MED CES SU, ,NGED CAG LTA BUS CI LTAR SMRA, ,BRTUL TE GSAL BAR SLONG BA LA, ,MI SBYIN ZHES KYANG CI SKAD SMRA, ,CHOS KYI BKA' KHRIMS THOG MAR 'GRO BA DAG ,GAL TE NGAN PA'I LAM DU BDAG SONG NA, ,NGA YI SPYOD PA'I RJES SU 'JUG PA YI, ,NGA YI 'BANGS RNAMS GNAS SKABS CI LTAR 'GYUR, ,'DI YANG SKYE DGU RNAMS KYI DON GYI PHYIR; ,NGAS NI LUS LA SNYING PO DBYUNG BAR BYA, ,NGA YI SEMS NI SER SNAS PHROGS GYUR NA, ,SKYE BO'I DON LA DGE BA'I GZI CI 'DRA, ,KHYED KYIS NGA LA GUS PA DANG BCAS PAR BYAMS PA DANG BAG PHAB STE GANG SMRAS PA, 'DI LTAR BDAG CAG LA NI MI BYAMS PA NI CI LAS GYUR, SHA DANG KHRAG BDAG CAG LA YONGS SU RDZOGS PAR MCHIS BZHIN DU, LHA NYID KYIS STZAL BAR BZHED CES ZER BA DE YANG KHYED LA BSHAD DO, ,NGA KHYED LA MI 'BYOR ZHING MI BYAMS PA YANG MA YIN LA, MA BYIN DU DOGS PA YANG MED MOD KYIS, RIM GYIS NOR NI NYUNG NGUR GYUR PA'AM, SKAL BA CHUNG PAS ZAD PAR GYUR NA NI, ,MDZA' BO RNAMS LA SLONG BA MDZES PAR GYUR, ,NOR LDAN DBUL LA SLONG BA YONGS MI MDZES, ,SKYE BO PHONGS PA RNAMS KYI PHYIR BSKYED PA'I, ,LUS NI SHA RGYAS SHIN TU MTHO BA DANG, ,NGA BDAG NYID LA CHEN PO YOD BZHIN DU, ,KHYOD LA SLONG BA LEGS PA MA YIN NO, ,MI SHES GZHAN GYI GNOD PA'ANG MI BZOD NA, ,KHYOD KYI GNOD PA BDAG GIS GA LA BZOD, ,'DI DAG KHYOD LA MI SLONG NGA LA SLONG, ,DE BAS NGA BDAG SHA NI SBYIN PAR BYA, ,DE BAS NA NGA LA RAB TU BYAMS PAS CHOS KYI GEGS LA 'DZEM PA MED PA 'DI THONG SHIG ,NGA'I DON DU KHYOD KYIS SPYOD PA 'DI LTA BU BYA BA MI RIGS SO, ,'DI NI RE ZHIG DPYAD DGOS TE, BZA' BA LA SOGS BDOG BZHIN DU, ,SBYIN PA 'GOG PA JI LTAR 'GYUR, ,LEGS SAM GAL TE MA LEGS NA, ,DE LTAR BYED PA CI 'DRAR 'GYUR, ,DE @28B LTAR 'DIR BSAM PA DE LTA BU DE THONG LA, NGA'I GROGS RJES SU MTHUN PAR BYAS NA RIGS PAS DPYAD PAR BYA'O, ,LAM LOG PAR 'GRO BA LAS BZLOG PA'I YID CAN DU BYAS LA RJES SU YI RANG BA DANG MTHUN PAR 'DI LA KHYED KYIS BYAS NA BZANG GI DE LTAR MI BRTAN PAR BYA BA MI RIGS SO,, CI'I PHYIR ZHE NA, NOR NI GCIG PUS SPYAD PA MA YIN LA, ,SLONG BA 'ANG NYIN RE RTAG TU 'ONG MA YIN, ,SLONG BA 'DI LTA BU DANG 'PHRAD PA NI, ,LHA DAG MNYES PAR BYAS KYANG MI 'GRUB NA, ,SLONG PA 'DI LTA BU'ANG 'ONG 'GYUR ZHING, ,LUS KYANG CHUD ZA MI BDE'I GNAS GYUR LA, ,THE TSOM ZA NA 'ANG RGYA CHER MI 'GRUB NA, ,'DZUM ZHING ZHUM PA MED PA'I MCHOG YIN NO, ,DE LTAR RGYAL PO DES RANG GI 'KHOR RNAMS LA KHYED KYIS DE LTAR NGA LA BRGAL BAR MI RIGS SO, ,ZHES TSIG 'JAM POS BSGOS NAS, SMAN PA RNAMS BOS TE RANG GI LUS LA RTZA LNGA DBRAL TE, GNOD SBYIN DE RNAMS LA SMRAS PA, NGA YI LUS 'DI KHYER NAS SU, ,CHOS KYI GROGS KYANG BYA BA DANG, ,NGA YANG RAB TU DGA' GYUR PAR, ,KHYOD KYIS DA NI BYA BAR RIGS, ,DE DAG GIS DE LTAR BGYI'O ZHES SMRAS NAS, RGYAL PO'I KHRAG TZANDAN DMAR PO'I KHU BA 'DRA BA SNYIM PA ZED DE BTUNG BAR CHAS SO, , RGYAL PO DE'I LUS GSER MDOG 'DRA BA LA, ,MTSAN MO SPYOD PA RNAMS NI KHRAG 'THUNG BA, ,RI RAB LHUN PO'I RI LA DPYAR DUS KYI, ,CHAR SPRIN STUG POS NYE BAR BSKOR BA BZHIN, ,DGA' BA MCHOG LDAN BSTAN DANG LDAN PA DANG, ,LUS KYI YON TAN LDAN PAS RGYAL PO DE, ,LUS KYANG MA NYAMS SEMS KYANG BRGYAL BA MED, ,KHRAG GI RGYUN YANG ZAD PA YOD MA GYUR, ,GNOD SBYIN DE DAG SKOM GYIS GDUNG BA ZHI NAS DA NI 'DIS 'TSAL TO ZHES RGYAL PO LA SMRAS SO, ,SDUG BSNGAL MANG PO 'BYUNG BA'I GNAS KYI LUS, ,RTAG TU BYAS PA MI GZO YIN YANG RGYAL PO DE, , SLONG BA DAG LA SBYIN BA'I DON GRUB PAS, ,RAB TU DGA' DANG RJES MTHUN BZUNG BAR GYUR, ,DE NAS RGYAL PO DE RAB TU DGA' BAS BSKUL BAS MIG DANG BZHIN GYI MDANGS LHAG PAR GSAL BAR GYUR NAS, AUTPA LA MTHING GA'I 'DAB MA LTAR MDOG SNGO BA'I RAL GRI RNON PO RDO RJE RIN PO CHES SPRAS @29A *, ,PA'I 'OD KYIS MDZES PA BLANG STE, BDAG GI SHA BCAD CING DE DAG LA BYIN NO, ,BYIN LA DGA' BAS YANG DANG YANG, ,SKABS NI MED PAR BYAS PA NA, ,BCAD PA'I SDUG BSNGAL DE YID LA, ,DMIGS PAR BYED NI MA NUS SO, ,RAL GRI RNON POS BCAD PAS DRANGS PA YI, ,DGA' BAS PHYIR YANG RING DU BSREGS PA BZHIN, ,DE YI SDUG BSNGAL SKYO ZHING NGAL BA LTAR, ,YID LA 'JUG PAR BYED PA CHUNG BAR 'GYUR, ,RANG GI SHA YIS GNOD SBYIN DE DAG NI, ,TSIM PAR BYAS PAS DE NI DE BZHIN DGA', ,DE DAG SEMS NI KHRO BA'I RANG BZHIN YANG, ,DE LTAR BYAS NAS 'JAM ZHING NGES PAR GYUR, ,CHOS LA DGA' ZHING SNYING RJE'I DBANG GYUR TE, ,GZHAN GYI DON DU BDAG LUS GCES BTANG BAS, ,ZHE SDANG ME YIS BSREGS PA'I YID RNAMS KYANG, ,RAB TU DANG ZHING MDOG KYANG GSAL BAR BYAS, ,DE NAS GNOD SBYIN DE DAG RGYAL PO DES RANG GI SHA GCOD PA LA 'BAD CING SHA BCAD PA'I SDUG BSNGAL GYIS BZHIN MDANGS MA GYUR PA DANG, MI G-YO BA DE BZHIN DU BZHUGS PA MTHONG NAS, RAB TU DGA' ZHING NGO MTSAR CHE BAR GYUR TO, ,AE MA HO NGO MTSAR RMAD BYUNG 'DI DAG CI, ,BDEN NAM BRDZUN ZHES DPYOD CING DGA' BA SKYES, ,BRGYA LA MI BZOD ZHI NAS YID KYANG DANG, ,DE LA BSTOD CING PHYAG KYANG 'TSAL BAR GYUR, ,LHA NYID KYI SKU'O BRGYAL BAR MDZAD PA BTANG DU GSOL, BDAG KYANG TSIM PAR BGYIS LAGS SO, ,SKYE BO SLONG BA YID DGA' BAR BGYID PA SHIN TU RMAD DU BYUNG BA KHYOD KYI SPYOD PA 'DI NGO MTSAR GYIS BTANG DU GSOL, ZHES RGYAL PO LA GUS PA DANG BCAS, PHYAG 'TSAL BA DANG BCAS PAS RAB TU DGA' ZHING GDONG MCHI MA CAN GYIS BLTAS NAS YANG SMRAS PA, GUS PA'I DBANG GIS SKYE BOS KHYOD KYI GRAGS PA SGROGS PA THOG TU BAB, ,DPAL YANG PADMA'I NAGS TSAL BTANG STE KHYED LA BRTEN PA THOG TU BAB, ,BRGYA BYIN MGON DU GYUR KYANG KHYOD KYI MTHUS BSKYABS SA YI LHA MO 'DI, ,MTHO RIS KYIS MTHONG SMON PAR NGES TE GAL TE MI SMON BSLUS SU ZAD, ,MAR DU SMOS KYANG MI DGOS TE, SKYE BO @29B 'DI LTA BUS MNGON PAR BZUNG BA'I MI'I 'JIG RTEN 'DI DAG NI SKAL PA DANG LDAN PA'O, ,KHYOD LTA BU'O BRGYAL BAR BGYIS PA 'DIS NI BDAG CAG BSREGS KYI 'GRAN ZLA MA MCHIS SO, ,DE LTAR GYUR PA LAS KYANG SKYE BO KHYOD LTA BU LA BRTEN NAS BDAG CAG THAR PAR NUS NGES SO, , BDAG CAG GIS NONGS PA BGYIS PA GSOL BA'I SLAD DU ZHU BAR 'TSAL LO, ,BDE BA BRNYES PAR GYUR PA DANG, ,RGYAL PO'I DPAL YANG BOR NAS NI, ,'DI LTA BU YI SPYOD PA YIS, ,RMAD DU BYUNG BA'I GNAS CI BZHED, ,THAMS CAD SA YI BDAG PO'AM, ,NOR GYIS PHYUG PA'AM DBANG PO'AM, ,TSANGS PA'AM RNAM PAR GROL BA DAG ,DKA' THUB 'DI YIS BZHED LAGS SAM, ,'DI LTA BU YI RTZOL PHOD PAS, ,BZHED PA'I DON NI MI RING STE, ,GAL TE BDAG CAG THOS RUNG NA, ,BDAG CAG LA NI BKA' STZAL RIGS, ,RGYAL POS SMRAS PA, CI'I PHYIR NGAS 'DI LTAR BYED PA NYON CIG ,RNYED PAR DKA' LA 'JIG PAR SLA BA DANG, ,CHOG PA'I BDE MED RAB TU ZHI MED PA'I, ,SRID PA'I LONGS SPYOD BDE BA NGA MI 'DOD, ,LHA DBANG DPAL YANG 'DOD PA MA YIN NA, ,DE LAS GZHAN PA SMOS KYANG CI ZHIG DGOS, ,BDAG GIS SDUG BSNGAL ZAD PA TZAM GYI PHYIR, ,NGA YI YID NI MGU BAR 'GYUR MA YIN, ,SDUG BSNGAL MI BZAD NANG KYIS NYEN PA YI, ,LUS CAN MGON MED 'DI RNAMS NGAS BLTAS NA, ,BSOD NAMS 'DIS NI THAMS CAD GZIGS PA YI, ,GO 'PHANG THOB CING SKYON GYI DGRA BTUL NAS,, RGA DANG NA DANG 'CHI BA'I RLABS 'KHRUGS PA'I, ,SRID PA'I MTSO LAS SKYE BO 'DON PAR 'DOD, ,DE NAS GNOD SBYIN DE DAG RAB TU DANG ZHING BA SPU LANGS NAS, RGYAL PO LA PHYAG 'TSAL TE SMRAS PA, 'DI LTA BU'I RTZOL BA KHYAD PAR CAN GYI LAS 'DI NI RIGS TE, DE BAS NA KHYOD LTA BU'I DGOS PA GRUB PA NI, RING POR MI THOGS SO SNYAM DU YID LA NGES PAR BSAMS PAS GSOL BA BTAB PA, KHYOD KYI BSAM PA 'DI KUN NI, ,'JIG RTEN PHAN PA'I PHYIR LAGS KYANG, ,BDAG CAG RANG LA PHAN 'TSAL BAS, ,DE TSE BDAG CAG DGONGS SU GSOL, ,MA 'TSAL BAS @30A *, ,NA BDAG CAG GIS, ,BDAG GI DON YANG MA MTHONG BAS, ,DE LTAR KHYOD NI 'O BRGYAL BA, ,DE YANG BZOD PA MDZAD DU GSOL, ,KHYOD KYI BKA' YANG BDAG CAG LA, ,RJES SU BZUNG BA'I RGYUR GYUR PA, ,BLON PO DAG LA BGYI BA BZHIN, ,'DZEM PA MED PAR STZAL BA RIGS, ,DE NAS RGYAL PO DES DE DAG SEMS RAB TU ZHI ZHING 'JAM PAR GYUR PA RIG NAS SMRAS PA, 'DI NI NGA LA PHAN PA YIN GYI GNOD PA MA YIN PAS MI BZOD DU DOGS PA MA BSKYED CIG ,GZHAN YANG, CHOS KYI LAM LA 'DI LTAR GROGS BYED PA, ,BYANG CHUB THOB NAS RJED[?] PAR GA LA 'GYUR, ,RNAM PAR THAR PA'I CHOS KYI BDUD RTZI LAS, ,KHYED CAG NYID LA THOG MAR BGO BAR BYA, ,NGA NI DE LA DGA' BAR SHES BYAS NAS, ,SROG GCOD KHYED KYIS DUG BZHIN SPANG BAR BYOS, ,GZHAN NOR CHUNG MA DAG LA CHAGS PA DANG, ,BRDZUN DU SMRA DANG CHANG GI SDIG PA SPONGS; ,DE NAS GNOD SBYIN DE DAG GIS DE BZHIN DU BGYI'O ZHES DE LA MNYAN NAS, DE LA BSKOR BA BYAS TE PHYAG 'TSAL NAS DE NYID DU MI SNANG BAR GYUR TO, ,SEMS DPA' CHEN PO DES BDAG GI SHA DANG KHRAG NGES PAR SBYIN PAR BYAS PA DE NYID KYI TSE, SA NI RNAM PA MANG POR G-YOS PAR GYUR TO, ,GSER GYI RI BO RNAM PAR 'GUL BAR GYUR, ,DE NA GNAS PA'I BYA RNAMS SGRA YANG 'GYIN, ,SHIN RNAMS 'GUL BAS ME TOG LHAGS PAR GYUR, ,DE DAG RDZIS BSKYOD MKHA' LA SPRIN LTAR CHAGS, ,LA LA BLA RES BRES SHING BYA BRGYUS BZHIN, ,KHA CIG TU NI PHRED BA BRGYUS PA BZHIN, ,MI YI BDAG PO KHOR YUG MNYAM PAR LHAGS, ,RGYA MTSO CHEN PO SHIN TU G-YO BA'I RLABS, ,RANG BZHIN LAS NI LHAG PA'I SHUGS DANG SGRAS, ,'GRO BA BRTUL BA'I LUS NI GZI MDANGS CAN, ,SA YI BDAG PO'I BZLOG PA BZHIN DU BYUNG, ,DE NAS LHA YI DBANG POS 'DI CI ZHES, ,BRTAGS PAR GYUR NAS DE YI RGYU RTOG CING, ,RGYAL PO NYES PAR DOGS TE RAB MYUR BAR, ,RGYAL PO'I PHO BRANG MYA NGAN 'KHRUGS PAR 'ONGS, ,SA YI BDAG PO DE LTAR GYUR NA YANG, ,GZI MDANGS GSAL BAS LHAG PAR YA MTSAN SKYES, , @30B THAD DU 'ONGS NAS SNYAN PA'I TSIG RNAMS KYIS, ,DANG ZHING DGA' BAS DE YI SPYOD PA BSTOD, ,AE MA HO, ,SKYE BO DAM PA'I CHO RIGS BZANG, ,AE MA HO, ,YON TAN BSGOMS PAS RGYA RE CHE, ,AE MA HO, GZHAN LA PHAN PAS BLO RE BDE, ,SA 'DI KHYOD LA GTAD PA MGON DANG BCAS; ,ZHES BSTOD NAS, LHA'I DBANG PO BRGYA BYIN GYIS LHA DANG MI'I SMAN GYI KHYAD PAR GYI RMA GSAR PA SOS PAR BYED NUS PA RNAMS KYIS, DE'I LUS SNGON BZHIN DU SDUG BSNGAL MED PAR BYAS NAS, RGYAL PO DES KYANG MTHUN PA DANG GUS PA DANG YO BYAD KYIS SLAR MCHOD PAR BYAS TE, NYID KYI GNAS SU SLAR SONG NGO, ,DE LTAR NA SNYING RJE CHEN PO RNAMS NI GZHAN GYI SDUG BSNGAL GYIS SDUG BSNGAL ZHING, BDAG GI BDE BA LA MI LTA BA YIN NA, NOR TZAM LA CHAGS NAS GTONG MI PHOD PA LTA SU ZHIG YOD CES, SKYE BO SBYIN PA BYED PA DAG LA GZENGS BSTOD PA DANG, SNYING RJE'I YON TAN BSNGAGS PA DANG, ,DE BZHIN GSHEGS PA'I CHE BA BSTAN PA DANG, BSTI STANG DU BYAS TE CHOS NYAN PA LA YANG BRJOD PAR BYA'O, ,BCOM LDAN 'DAS KYIS DGE SLONG LNGA PO 'DI DAG NI MANG DU BYED BYED PA'O, ,ZHES GSUNGS PA DE YANG 'DI LA DGONGS TE, DE'I TE GNOD SBYIN LNGA POR GYUR PA DE DAG LA BCOM LDAN 'DAS KYIS JI LTAR ZHAL GYIS BZHES PA DE BZHIN DU CHOS KYI BDUD RTZI BYIN PA YIN NO, ,BYANG CHUB SEMS DPA' BYAMS PA'I STOBS SU SKYES PA'I RABS TE BRGYAD PA'O,, ,,BYANG CHUB SEMS DPA'I SPYOD PA NI SEMS CAN PHAL PA RNAMS KYIS RJAS SU YI RANG BA TZAM YANG LAGS PAR MI NUS NA KUN TU SPYAD PA LTA GA LA NUS, DE YANG 'DI SKAD THOS TE, DBANG PO THUL BA GOMS PAR GYUR PA DANG, DPA' BA DANG, TSUL DANG DUL BA PHUN SUM TSOGS PAS RNAM PAR RGYAL BA'I DPAL THOB PA, RGAN PA LA BSNYEN BKUR NGES PAR BYAS PAS RIG BYED GSUM DANG BRTAG PA'I DON GYI DE KHO NA NYID KHONG DU CHUD PA RANG GI 'KHOR RANG GI CHOS DANG LAS LA 'BAD PA, YID DE'I RGYU MED PAS MA GYUR ZHIG BDE BAR 'TSO BA SNYING NYE BA RNAMS KYIS BKA' KHRIMS BZANG PO BSGRAGS PA, SO CHIS BYAS @31A *, ,PA LEGS PAR 'BYOR PA, YUL SHI BI PA RNAMS KYI RGYAL PO KUN TU RGYAL BA ZHES BYA BA ZHIG BYUNG NGO, ,YON TAN LDAN PAS MI YI BDAG PO'I DPAL, ,RIGS LDAN CHUNG MA BZHIN DU SNYING NYE BA, ,RI PHUG SENG GES BSRUNGS PA'I RI DVAGS BZHIN, ,SA YI BDAG PO GZHAN RNAMS GLAGS MI LTA, ,DKA' THUB RNAMS DANG RIGS DANG SGYU RTZAL LA, ,NANG GI 'KHOR GYIS GOMS PAR BYAS PA RNAMS, ,'ONGS NAS RIM GRO LHAG PAR CHE BAR 'GYUR, ,BKUR STI BYAS PA GTZO BO YIN PAR SNANG, ,DAR RGYAL SRID THOB MA THAG TU DE'I BU THAMS CAD SGROL ZHES BYA BA YON TAN MANG PO RAB TU GRAGS PA CIG RGYAL TSAB TU GYUR TE, DE'I TSE RGYAL TSAB DE BCOM LDAN 'DAS 'DI NYID YIN NO, ,GZHON YANG RGAN PA'I NYE BAR ZHI LA DGA', ,GZI BRJID CHE YANG BZOD CING DES PA'I DANG, ,MKHAS PAR GYUR KYANG SHES BA'I NGA RGYAL MED, ,DPAL DANG LDAN ZHING 'BYOR YANG DREGS PA MED, ,DE YI GRAGS PAS 'JIG RTEN GSUM KHYAB PAS, ,PHYOGS RNAMS RAB TU RGYA CHEN MTHONG GYUR KYANG, ,GZHAN GYI GRAGS PA CUNG ZAD YOD PA RNAMS, ,'PHRO BA'I SKABS KYANG MED PA BZHIN DU 'GYUR, ,SKYE BO RNAMS KYI SDUG BSNGAL DPAG MED PA, ,DE YIS MA BZOD SNYING RJE'I GZHU DAG DANG, ,SBYIN PA'I MDA' RNAMS CHAR BZHIN 'BEBS PA YIS, ,DE DANG LHAN CIG G-YUL CHEN 'GYED PA 'DRA, ,DE NYIN RE BZHIN SLONG BA LHAGS PA RNAMS LA BSLONGS PA BAS KYANG LHAG PHAR NYON MA MONGS PAR NAR GTONG ZHING TSIG 'JAM PO DANG GUS PA DANG YID DU 'ONG BAS RAB TU TSIM PAR BYED PAR GYUR TO, ,DUS MTSAMS KYI NYI MA DAG LA YANG GSO SBYONG NGES PAR GNAS PA DANG, RAB TU ZHI BAS BRGYAN TE, MGO KHRUS BYAS TE GOS DKAR PO BGOS NAS GLANG PO CHE'I MCHOG GANGS RI 'DRA BA, DREGS PA DNGUL GYIS GDONG BRGYAN PA, MTSAN NYID DANG, DUL BA DANG, MGYOGS PA DANG, SNYING STOBS CHE BA PHUN SUM TSOGS PA, GRAGS PA BZHON PAR 'OS PA'I SPOS KYI GLANG PO CHE MCHOG ZHON NAS, GRONG KHYER GYI KHOR KHOR YUG NA BDAG GIS SBYIN @31B PA BTANG BA'I KHANG PA SKYE BO PHONGS PA RNAMS KYI RDZING BU DANG 'DRA BA BSHAMS TE BZHAG PA RNAMS NYUL DU SONG NGO, ,DGA' BA'I KHYAD PAR 'DI LTA BU DAG THOB PAR GYUR TE, PHONGS PA RNAMS LA SBYIN 'DOD PA'I, ,DGA' BA GANG DAG SKYE BA NI, ,KHYIM NA GNAS PA'I LONGS SPYOD LA, , DE TZAM DU NI DGA' BA MED, ,DE NAS RE ZHIG CIG DE DE LTAR SBYIN PA LA RAB TU DGA' BA'I SLONG MO PA RNAMS KYIS KUN TU BSKRAGS PA THOS NAS, DE'I TSE NYI 'OG GI RGYAL PO GZHAN CIG GIS BSAMS PA, 'DI NI SBYIN PA LA DGA' BA'I DBANG DU GYUR PAS BSLU BAR NUS SO SNYAM NAS, GLANG PO CHE'I MCHOG SONG BA'I PHYIR DER BRAM ZE CIG BTANG NGO, ,DE NAS THAMS CAD SGROL RANG GIS SBYIN BTANG GI KHANG PA NYUL ZHING RAB TU DGA' BAS BZHIN GYI MDANGS BZANG PO DANG LDAN PA LA, BRAM ZE DE DAG GIS RGYAL BA DANG SHIS PA BRJOD NAS LAG PA G-YAS PA BSGRENG STE BSTOD NAS MDUN DU SDOD PA DANG, ,DES GLANG PO CHE'I MCHOG DE BZUNG NAS ZHES DANG BCAS PAS CI BZHED GSUNGS SHIG CES CI'I PHYIR LHAGS PA DRIS SO, BRAM ZE RNAMS KYIS SMRAS PA, KHYOD NI SBYIN LA DGA' BA DANG, ,KHYOD KYI GLANG PO CHEN PO 'DI, ,'GROS BZANG 'GYING ZHING 'GRO BA YI, ,YON TAN 'TSAL PHYIR BDAG CAG MCHIS, ,TI SE'I GANGS DANG 'DRA BA YI, ,GLANG CHEN 'DI NI STZAL BA YIS, ,'JIG RTEN 'DI DAG YA MTSAN GYIS, ,'DI NI RAB TU DGA' BAR MDZOD, ,CES SMRAS PA DANG, BYANG CHUB SEMS DPA' SNYING DGA' BAS KUN TU RGYAS PAR GYUR NAS, YUN RING MO ZHIG NAS GDOD SLONG MO PA'I SKYE BO RLABS CHER SLONG PHOD PA MTHONG BAR GYUR TO SNYAM DU BSAM MO, ,BRAM ZE 'DI DAG LA NI GLANG PO CHE'I RGYAL PO 'DI LTA BU NI CANG MI DGOS KYI, GDON MI ZA BAR 'DI NI BRKAM PA DANG, PHRAG DOG GI SKYON GYIS BDAG LA YID DKRUGS PA'I RGYAL PO 'DOD CHEN CIG GIS SBYAR TE BTANG NGO SNYAM DU NGES SO, ,GRAGS DANG CHOS LA'ANG MA BLTAS PAR, ,NGA LA PHAN BZHIN GANG BYED PA, ,RGYAL PO DE YI BSAMS PA DAG ,RE THAG CHAD PAR MI BYA'O, ,DE LTAR NGES PAR BYAS NAS, BDAG NYID CHEN PO DE GLANG PO CHE'I MCHOG DE @32A *, ,LAS MYUR DU BABS TE BZHES SU GSOL ZHES BYAS NAS GSER GYI RIL BA GTAD DE, DE DAG GI MDUN NA 'DUG GO, ,NOR BSGRUB NGOR NI CHOS LAM MI MTHUN PA'I, ,RGYAL PO GTZUG LAG DAG LA MKHAS GYUR KYANG, ,CHOS LA DGA' BAS DE NAS GLANG CHEN BYIN, , TSUL DANG DGA' BAS DE NI G-YOS MA GYUR, ,GLANG CHEN GSER GYI DRA BAS MDZES PAR LEGS BRGYAN PA, ,STON KA'I SPRIN TSOGS GLOG 'GYU 'DRA BA DE BYIN NAS, ,MI YI BDAG PO'I SRAS DE RAB TU DGA' BAR GYUR, ,TSUL GYI PHYOGS LA DGA' BA'I GRONG KHYER PA RNAMS 'KHRUG ,DE NAS GLANG PO CHE'I RGYAL PO DE BYIN PA THOS NAS YUL SHI BI PA'I BRAM ZE RGAN PO DANG BLON PO BKA' LA GTOGS PA DANG, DMAG MI DANG GRONG KHYER GYI GTZO BO RNAMS CA CO'I SGA PHYUNG NAS, RGYAL PO KUN TU RGYAL GYI DRUNG DU LHAGS NAS, RTAB RTAB POR GYUR NAS MI BZOD CING SDANGS TE ZHES BTANG NAS KO LONG DU SMRAS PA, LHA RGYAL SRID KYI DPAL 'DI LTAR MCHOG TU GYUR PA YAL BAR DOR BA NI CI LAGS, LHA NYID KYI RGYAL SRID 'DI LTAR NYAMS PAR GYUR PA BZOD PAR MDZAD PA MI RIGS SO, ,RGYAL POS RINGS RINGS SKAD DU 'DI CI NYES ZHES SMRAS PA DANG, YANG SMRAS PA, CI LHA MI MKHYAN TAM, GANG GI 'GRAM PA BUD PA SGRA SGROGS PA, ,DNGUL GYI DRI ZHIM RLUNG GIS REG BA YI, ,GZHAN GYI GLANG PO MYOS SHING DREGS PA RNAMS, ,STZAL BA'I SDUG BSNGAL MED PAR ZIL GNON PA, ,GANG GI GZI YIS KHYOD KYI DGRA BO RNAMS, ,MTHU STOBS MNAN ZHING DRAGS PA MED BYAS PA, ,THAMS CAD SGROL GYIS GLANG PO DE BYIN BAS, ,KHYOD KYI RGYAL BA GZUGS CAN GZHAN YUL SONG, ,BA DAN GSER DANG GOS DANG BZA' BA DAG ,RGYAL POS BRAM ZE RNAMS LA SBYIN PAR 'OS, ,GANG LA DPAL DANG RGYAL BA NGES YOD PA'I, ,GLANG CHEN BTANG BA SBYIN PA DPA' CHES SO, ,TSUL DANG 'GAL BA'I LAM DU SONG BA 'DIS, ,RGYAL PO'I DPAL NI JI LTAR 'GRO ZHES 'GYUR, ,'DI NI YAL BAR DOR BA KHYOD LA GNOD, ,KHYOD KYI DGRA NI MDUN NA DGA' BAR BYED, ,DE SKAD THOS NAS RGYAL PO BU LA BYAMS PAS DE DAG NYID LA CUNG ZAD CIG MI @32B DGA' BAR GYUR NAS, DGOS PA'I DBANG GIS MI DGA' BZHIN DU DE LTAR BYA'O SMRAS NAS, YUL SHI BI PA'I MI RNAMS LA YID BZHOS TE SMRAS PA, THAMS CAD SGROL 'DI SBYIN PA LA ZHUGS SHING, ,TSUL GYI RIM PA LA MI LTA BA NGAS SHES TE, RGYAL SRID LA DBANG BYED DU BCUG PA NI DE LTAR SPANG BAR BYA BA MI RIGS MOD, 'DIS KYANG RANG GI GLANG PO CHE BYIN ZIN PAS, SKYUGS PA DANG 'DRA BAR BOR BA LTA BU CIG SLAR 'PHROG ,'ON KYANG 'DI CI NAS SBYIN PA LA TSOD SHES PAR BYA YIS KHYED DE LTAR 'KHRUG PAR MA BYED CIG ,SHI BI PA RNAMS KYIS SMRAS PA, RGYAL PO CHEN PO THAMS CAD SGROL 'DI NI DON DE LTA BU DAG LA GTAMS PA TZAM GYIS DAM BCA' BZLOG TU BTUB PA MA LAGS SO, ,KUN TU RGYAL BAS SMRAS PA, 'O NA DE LA NGAS GZHAN CI ZHIG BYA, ,NYES PA SPYOD LA GANG ZHIG RAB DGA' ZHING, ,YON TAN BRTAN LA SKYON DU BZUNG NGAM CI, ,GLANG PO DE YI PHYIR NI BDAG GI BU, ,BSAD DAM 'ON TE BZUNG NGAM CI ZHIG BYA, ,DE BAS NA KHYED RNAMS 'DI LA RNGAM ZHING 'KHRUG PAR MA BYED CIG ,NGAS THAMS CAD SGROL LA 'DI LTA BU DAG BYED DU MI 'JUG GO, ,DE NAS YUL SHI BI PA RNAMS KHROS NAS RGYAL PO LA SMRAS PA, MI YI BDAG PO KHYOD KYI SRAS 'DI LA, ,BSAD DAM BCING NGAM BRDEG PAR SU ZHIG 'TSAL, ,CHOS LA ZHEN PA SNYING RJE'I BDAG NYID PAS, ,'DIS NI RGYAL SRID BZUNG BA YONGS MI NUS, ,'KHOR GSUM BRTEN ZHING GZI BRJID CHE BA LA, ,GRAGS PA THOB PA SENG GE'I KHRI LA 'OS, ,TSUL LA MI LTA CHOS LA RAB DGA' BAS, ,'DI NI DKA' THUB NAGS NA GNAS PAR 'OS, ,SA YI BDAG PO RNAMS KYI TSUL NYES SKYON, ,DE LA BRTEN PA RNAMS LA 'BYUNG MOD KYI, ,'ON KYANG DE DAG BCOS SU RUNG MA MCHIS, ,SA BDAG GTZO BO NYAMS NA BCOS MI RUNG, ,'DI LA MANG DU GSOL YANG CI 'TSAL TE, ,KHYOD KYI SRID NYAMS MI BZOD SHI BI PA, ,'DI RNAMS KYIS NI 'DI LTAR NGES PAR BCAD, ,MI RJE'I SRAS 'DI BKA' THUB 'PHEL BA'I PHYIR, ,THUB PAS BSTAN PA'I RI PO 'BANG KAR BTANG, ,TSUL MA YIN PAR NYAMS SU DOGS SHING PHAN PAR DGA' BA'I SKYE BO DE @33A *, ,DAG GIS NGO BZLOG MA PHOD PAR SMRAS PA DANG, DE NAS RGYAL PO DE BU DANG BRAL BA'I SEMS GDUNGS BAS NGO TSA BA BZHIN DU, MGO SMAD DE NYAM NGA NGA LTAR SHUGS NAR SE BYUNG NAS, BYAMS SHING SBOBS PA DANG, YID GCUGS PA'I DBANG GIS YUL SHI BI PA RNAMS LA SMRAS PA, KHYED DE LTAR 'DI LA GAL GYIS 'CHU NA RE ZHIG NYIN ZHAG GCIG TZAM CIG SPRO SRINGS SHIG DANG, SANG NANG PAR KHYED KYIS BSAMS PA BZHIN DU THAMS CAD SGROL BYED DU BCUG GO, ,YUL SHI BI PA RNAMS KYIS DE LTAR BGYI'O ZHES SMRAS NAS, BSGO BA NYAN PA DANG, RGYAL PO DES GSOL KA BA LA KHYOD SONG LA 'DI LTAR GYUR PA THAMS CAD SGROL LA SPRON CIG CES BKA' STZAL TO, ,DES KYANG DE BZHIN DU BGYI'O ZHES MNYAN NAS, MYA NGAN GYI MCHI MAS GDONG KHEBS SHING, THAMS CAD SGROL RANG GI KHANG PA NA 'DUG PA DE'I DRUNG DU SONG STE, MYA NGAN GYI SDUG BSNGAL GYIS SHUGS KYI SKAD PHYUNG STE DUS NAS, DE'I RKANG PA GNYIS LA PHYAG 'TSAL LO, ,THAMS CAD SGROL GYIS RTAB RTAB LTAR, AE MA RGYAL PO THUGS BDE'AM ZHES DRIS PA DANG, MI DGA' BAS TSIG MI GSAL BAR DE LA RGYAL PO THUGS BDE ZHES SMRAS SO, ,'O NA CI'I PHYIR DE LTAR MI BRTAN PAR GYUR ZHES THAMS CAD SGROL GYIS YANG YANG DRIS PAS, GSOL KA BA MCHI MAS BRNANGS SHING SKAD 'JOR LA DBUGS KYIS BRNANGS PA'I TSIG MI GSAL BAS, GCOM CHUNG DUS SMRAS PA, SHI BI PA RNAMS MI SRUN PA, ,'KHRUGS PAR GYUR NAS RGYAL PO'I BKA', ,'JAM POR STZAL YANG MI NYAN PAR, ,RGYAL PO KHYOD NI YUL NAS 'BYIN, ,THAMS CAD SGROL GYIS SMRAS PA, YUL SHI BI PA RNAMS CI'I PHYIR 'KHRUGS NAS NGA SKRAD, 'DUL DANG 'GAL BA'I LAM MI 'GRO, ,BAG MED PA LA NGA MI DGA', ,NYES PAR BYAS PA MA MTHONG NA, ,SHI BI PA RNAMS CI PHYIR 'KHRUG ,GSOL KA PAS SMRAS PA, HA CANG RLABS CHES PAS LEN NO, ,KHYOD NI CHAGS PA MED LA DGA' BAR GYUR, ,SLONG BA RNAMS KYI YID NI CHAGS LA DGA', ,GLANG PO'I RGYAL PO KHYOD KYIS BYIN PA'I PHYIR, ,SHI BI PA RNAMS 'KHRUGS NAS BSTAN PA NYAMS, ,DE BAS RANG GI @33B CHOS BOR TE, ,KHYOD LA TSAM TSOM MED PAR NI, ,GANG DU SPYUGS KYANG MI DANG PAS, ,LAM DER KHYOD KYANG SONG ZHES ZER, ,DE NAS BYANG CHUB SEMS DPA' SNYING BRTZE BA LA GOMS PA SHAS CHE BA DAG, GZHUNG LUGS SKYE BO SLONG BA RNAMS LA BYAMS PA DANG, RANG GI BSTAN PA PHUN SUM TSOGS PA'I PHYIR SMRAS PA, YUL SHI BI PA RNAMS NI MI BRTAN PA'I RANG BZHIN CAN YIN TE, NGAS RANG BZHIN MI SHES PA LTAR BYED MOD, ,'JIG RTEN DON DU NGA YI LUS 'DZIN NA, ,PHYI ROL NOR LTA SMOS KYANG CI ZHIG DGOS, ,RANG GI MIG DANG MGO YANG NGAS SBYIN NA, ,PHYI ROL NOR SBYIN SMOS KYANG CI ZHIG DGOS, ,SLONG BA RNAMS KYI SLONG BA'I TSIG RNAMS LA, ,RANG GI LUS KYANG GTONG BAR SEMS PA LA, ,SKRAG PAR BYAS NAS MI SBYIN SEMS SNYAM PA, ,BYIS PA RANG GI RANG BZHIN STON PA ZAD, ,SHI BI PA RNAMS THAMS CAD KYIS, ,NGA NI BSAD DAM SPYUGS KYANG RUNG, ,MI SBYIN PA NI NGAS MI BYED, ,DKA' THUB TSAL DU 'GRO ZAD MOD, ,DE NAS BYANG CHUB SEMS DPA'I BTZUN MOS GTAM NGAN DE THOS NAS BZHIN 'GYUR BA LA, YUL SHI BI PA RNAMS KYIS 'DIR JI LTAR NGES PAR BYAS PA KHYOD KYIS THOS SAM, NGA LAS KHYOD KYIS CI THOB DANG, ,GANG YANG KHYOD KYI PHA MA YI; ,NOR RNAMS CUNG ZAD CI YOD PA, ,DE DAG KHYOD KYIS GTER DU SPOS, ,MA DRIS SMRAS PA, LHA 'DI DAG GAR GTER DU SBA BAR BGYI, THAMS CAD SROL GYIS SMRAS PA, RTAG PAR TSUL KHRIMS LDAN PA LA, ,SBYIN PA BKUR STIS BRGYAN PA SBYIN, ,NOR RNAMS DE LTAR GTER BCUG PA; ,RJES SU 'GRO ZHING PHROG TU MED, ,GYOS SGYUG GNYIS KYANG DGA' BAR BYOS, ,CHOS LA GCIG TU BAG YOD BYOS, ,NGA MED MYA NGAN MA BYED CIG ,MA DRIS DE THOS NAS SNYING RAB TU GDUNGS NAS, KHYIM THAB MI DGA' BA SPANG BA'I PHYIR MYA NGAN DANG MI DGA' BA BTANG STE SMRAS PA, RGYAL PO CHEN PO NYAG GCIG PU, ,NAGS SU GSHEGS PA'I CHOS MA MCHIS, ,RGYAL RIGS GANG DU GSHEGS PA DER, ,BDAG KYANG DE BAS MCHI BAR 'TSAL, ,KHYOD SPANGS NAS NI YONGS BSKOR TE, ,GNAS KYANG BDAG NYID NGES PAR MCHI, ,DUL BA KHYED GANG GSON PA DER, ,'CHI @34A *, ,BA'I SDUG BSNGAL MED PAR 'GYUR, ,LHA BDAG NI NAGS NA GNAS PA MI BDE BAR MA MTHONG LAGS SO, ,CI'I PHYIR ZHE NA, MI SRUN MI MED SHING DANG CHU MANG BSKYED, ,BYA RNAMS SNA TSOGS SGRA 'BYIN RI DVAGS MANG, ,NE'U GSENG SNGON PO YID 'ONG BEE d'U RA 'DRA, ,SKYED MOS TSAL BAS DKA' THUB NAGS TSAL DGYES, ,LHA GZHAN YANG, NAGS TSAL LCUG MA'I KHROD DAG NA, ,GZHON NU 'DI GNYIS PHRENG BA YIS, ,BRGYAN CING BRTZE BA GZIGS NA NI ,RGYAL SRID DAG KYANG DGOS MI 'GYUR, ,DUS KYI DBANG GIS GYUR PA YI, ,NAGS TSAL MDZES PA GSAR PA DANG, ,SMAN LJONGS 'BAB CHUR BCAS PA YI, ,NAGS TSAL DAG NA DGYES PAR 'GYUR, ,DGA' BAS 'TSAL BA'I BYA RNAMS NI, ,SNA TSOGS SGRA 'BYIN SIL SNYAN BZHIN, ,'DOD CHAGS BDE BA'I SLOB DPON GYIS, ,BSTAN PA'I RMA BYA GAR YANG BGYID ,BUNG BA'I NA CHUNG GLU LEN PA, ,RAB TU SNYAN CING MA SMAD PA, ,NAGS TSAL DAG NA GLU GAR GYIS, ,KHYOD KYI THUGS NI DGYES PAR BGYID, ,NAGS TSAL DAG NA MTSAN MO ZLA 'OD NI, ,RAS DKAR BZANG POS G-YOGS PA'I RDO LEB DANG, ,ME TOG SHING GI DRI ZHIM BSGOS PA YI, ,NAGS TSAL SER BU'I BSIL YAB G-YOB PAR BGYID, ,'BAB CHU'I NA CHUNG GOR MAS BSKYOD PA YI, ,CHAB SGRA SNYAN PA LHANG LHANG SGRA SGROGS PA, RGYAN GYI SGRA RNAMS SIL KHROL MCHIS PA BZHIN, ,KHYOD KYI THUGS NI RAB TU DGYES PAR BGYID, ,DE DE LTAR BTZUN MO GNANG CHEN GYIS YID BZHOS PA DANG, NAGS SU 'GRO BA LA SEMS SPRO BAR GYUR NAS, SKYE BO SLONG MO PA RNAMS LA BLTAS TE, SBYIN PA CHEN PO SBYIN PA LA ZHUGS SO, ,DE NAS THAMS CAD SGROL DE LTAR BTANG BAR GYUR PA THOS NAS, RGYAL PO'I PHO BRANG NA DUD MO'I SGRA CHEN PO BYUNG BAR GYUR TO, ,SKYE BO SLONG MO PA RNAMS KYANG MYA NGAN GYIS GDUNGS PA'I SHUGS KYIS BRGYAL BA BZHIN DU GYUR ZHING, SMYO BLA CAN DU GYUR PA BZHIN DU SMRE SNGAGS RNAM PA MANG PO 'DON PAR GYUR TO, ,'BRAS BU ZHIM PO YOD PA'I GRIB SHING DAG ,BCAD PA'I PHYIR NI STA RE GZAS PA RNAMS, ,'DZIN PA'I SA NI NGO MTSAR @34B MA GYUR PA, ,'DI NI SEMS DPA' MED PAR GSAL BAR MNGON, ,CHU GTZANG ZHIM PO BSIL BAS GANG BA YI, ,RDZING BU 'DRA BA DAG KYANG MI 'GOG NA, ,'JIG RTEN SKYONG RNAMS MING NI DON MED GYUR, ,GRAGS PAS ZAD DAM GAL TE GUD DU SONG, ,GANG NA RGYAL PO THAMS CAD SGROL, , RANG GI SRID LAS PHYUNG BAS NA, ,KYE MA'O CHOS MIN GNYID MA LOG ,CHOS NI GNYID LOG YANG NA SHI, ,BDAG CAG PHONGS PA SLONG MO PA, ,NYES PA CUNG ZAD MED PA LA, ,SROG LA RGOL BA MI SRUN PA, ,DE LAS PHUNG BYED MKHAS PA MED, ,DE NAS BYANG CHUB SEMS DPAS NOR BU RIN PO CHE DANG, GSER DNGUL GYIS GANG BA'I MDZOD 'BUM PHRAG DU MA DANG, NOR DANG 'BRU MANG POR LDAN PA'I BANG MDZOD RNAMS DANG, BRAN PHO DANG, BRAN MO DANG, THEG PA DANG, BZHON PA DANG, GOS DANG YO BYAD LA SOGS THAMS CAD PHONGS PA RNAMS LA JI LTAR RIGS PA BYIN TE, PHA MA MYA NGAN GYI SDUG BSNGAL GYIS BRTAN PA ZIL GYIS GNON PA'I RKANG PA GNYIS LA PHYAG 'TSAL NAS, BU DANG CHUNG MAR BCAS TE SHING RTA'I MCHOG LA ZHON NAS, BSOD NAMS KYI NYIN BAR GYI SGRA BZHIN DU SKYE BO MANG PO CHO NGE 'DON PA'I SGRA SGROGS SHING, GRONG KHYER CHEN PO MCHOG GI NANG NAS PHYIR BYUNG STE, ,RJES SU CHAGS PA'I DBANG GIS RJES SU 'BRANG BA'I SKYE BO MYA NGAN GYIS GDUNGS PA'I MCHI MA LA GDONG G-YOGS PA RNAMS NAN GYIS SLAR BZLOG STE BKYE NAS, BDAG NYID KYIS SRAB SKYOGS BZUNG STE, RI BO 'BANG KA LA GAL BA DER SONG NGO, ,GRONG KHYER GYI MCHOG GI NYE KOR BA SKYED MOS TSAL BZANG PO YID DU 'ONG BA DNGAR BA 'DAS NAS KYANG, YID LA 'KHRUGS PA MED PA MTHAR GYIS GRIB SHING NYUNG ZHING SKYE BO MANG PO 'DU BA'I RGYUN CHAD PA, RI DVAGS MANG PO RGYU BA, PHYOGS GSAL BAR SNANG BA, TSAD PAS BYI'U TZA TZA'I SGRA GRAG PA'I DGON PA CIG TU PHYIN TO, ,DE NAS BRAM ZE 'KHYAMS PA DAG CIG GIS DE LA SHING RTA 'DREN PA'I RTA BSLANGS SO, ,DPAG TSAD DU MA'I LAM DU DE LUS PA, ,BU SMAD BCAS SHING GROGS NI MED GYUR KYANG, ,SBYIN LA DGA' BAS PHYI RJES MI LTA BAR, ,BRAM ZE RNAMS LA RTA BZHI BYIN @35A *, ,PAR GYUR; ,DE NAS BYANG CHUB SEMS DPA' BDAG NYID KYIS SHING RTA DRANGS PAR BRTZAMS NAS LEGS PAR CHAS PA DANG, GNOD SBYIN GZHON NU BZHI RI DVAGS DMAR PO'I GZUGS SU BSGYUR NAS RTA BZANG PO RAB TU DUL BA BZHIN DU BDAG NYID KYI SHING RTA'I GNYA' SHING GNYA' BAR THOGS PAR GYUR TO, ,DE MTHONG BA DANG MA DRIS DGA' ZHING NGO MTSAR DU GYUR PAS MIG BGRAD PA LA BYANG CHUB SEMS DPAS SMRAS PA, GANG NA 'DI LTAR GLO BUR 'ONGS PA LA, ,BYAMS PA'I RTZA ZUG RI DVAGS MCHOG 'KHOD NAGS, ,DKA' ZUR CAN GYI NAGS BCAS BKUR BA YI, ,MTHU CHEN KHYAD PAR 'PHAGS PA 'DI LA LTOS, ,MA BRIS SMRAS PA, DAM PA RNAMS KYI YON TAN DANG, ,RAB TU GOMS KYANG MI 'DRA BAS, ,BDAG GIS BSAMS NA MTHU CHEN 'DI, ,RGYAL PO KHYOD KYI LAGS PA SNYAM, ,MTSO YI NANG NA SKAR MA'I GZUGS BRNYAN RNAMS, , KU MUD RGYAS PA LHAG PAR MDZES GYUR PA, ,ZLA BA'I 'OD ZER LTAD MO LTA BA BZHIN, ,'DIR MCHIS PA RNAMS RGYUR GYUR LAGS PA SNYAM, ,'DI LTAR DE DANG DE DAG PHAN TSUN RJES SU MTHUN PAS GCIG LA GCIG SNYAN PAR SMRA ZHING LAM DU ZHUGS TE DONG PA LAS, BRAM ZE CIG BYUNG NAS BYANG CHUB SEMS DPA' LA SHING RTA BSLANGS SO, ,SLONG LA DGA' BAS SNYAN GYUR PA, ,BDAG GIS NOR LA MA CHAGS DES, ,SHING RTA BYEN PAS BRAM ZE DE, ,RE BA YONGS SU RDZOGS PAR BYAS, ,DE NAS BYANG CHUB SEMS DPA' YID DGA' BZHIN DU, BDAG DANG BU SMAD SHING RTA LAS BABS TE, SHING RTA'I MCHOG BRAM ZE LA BYIN NAS, GZHON NU DRA BA CAN PANG DU THOGS TE RKANG PAS LAM DU ZHUGS SO, ,MA DRI YANG YID LA MI DGA' BA MED PAR GZHON NU MA KRishnA 'DZIN PANG DU THOGS TE DE DANG 'GROGS TE SONG NGO, ,LJON PA'I SHING RNAMS 'BRAS BU BZANG PO YI,, RTZE MO BTUD NAS MGRON DU GNYER BA BZHIN, ,BSOD NAMS MTHU YIS MNGON DU LTA BYED CING, ,SLOB MA DUL BA PHYAG KYANG 'TSAL BA 'DRA, ,GANG DU CHU 'DOD GYUR PA DE DAG TU, ,DAD PA'I DPUNG MGOS PADMA BSKYOD PA YI, ,ZE BA LHAGS PAS SER PO GSAL GYUR PA'I, ,MTSO RNAMS @35B DE LA RAB TU BYUNG BAR GYUR, ,SPRIN RNAMS KYIS KYANG BLA RE BZANG PO BRES, ,SER BU BDE BA'I DRI ZHIM NGAD KYANG LDANG, ,NGAL BA'I SDUG BSNGAL MYONG BA MI BZOD PAS, ,GNOD SBYIN RNAMS KYIS DE YI LAM YANG BSTUNGS, ,DE LTAR BYANG CHUB SEMS DPA' SKYED MOS TSAL GYI NANG DU 'GRO BA BZHIN DU CHOS LA DGA' BA'I BDE BA RJES SU MYONG ZHING; ,LAM GYIS DUB PA'I SDUG BSNGAL MA MYONG BAR BU SMAD DANG BCAS TE PHYIN NAS, 'BANG KA'I RI MTHONG BAR GYUR TE, DE NA YANG ME TOG DANG, 'BRAS BU DANG, LO MAS BRGYAN PA'I SHING LJON PA SNUM SNUM LTAR 'DUG PA DU MAS GANG BA, BYA MANG PO 'DOD PAS MYOS SHING, DGA' BA'I SGRA 'BYIN CING, RMA BYA MANG PO GANG BYED PAS MDZES PAR GYUR PA, RI DVAGS KYI RIGS DU MA RGYU BA MTSO CHU SNGON PO GTZANG MAS CHED DU BSKOR BA LTAR 'DUG PA, ME TOG GI DRIS BSGOS PA'I SER BU'I NGAD LDANG BA'I DKA' THUB KYI NAGS TSAL DU, NAGS TSAL NA RGYU BA RNAMS KYIS LAM MTSON TE ZHUGS PA DANG, DE YANG BRGYA BYIN GYIS BKA' STZAL TE, LAS SNA TSOGS BYED PA NYID KYIS BYAS PA, SHING LO'I KHANG PA MTHONG NA YID DU 'ONG BA, DUS THAMS CAD DU BDE BA DE LTA BU ZHIG NA GNAS BCAS TE 'DUG GO, ,NAGS TSAL DE NA CHUNG MA 'DUG PAS BKUR STI BYAS, ,BDAG GIS BYIS PA'I SNYAN NGAG MA BSGRIB SNYAN PA NYAN, ,SKYED MOS TSAL NA 'DUG BZHIN RGYAL SRID BSAM PA MED, ,LO PHYED LHAG TZAM DE NI DKA' THUB SPYOD PAR GYUR, ,DE NAS RGYAL PO'I BTZUN MOS RTZA BA DANG, 'BRAS BU TSOL DU SONG BA'I 'OG TU BYIS PA GNYIS SKYONG BA'I PHYIR RGYAL PO BU DANG GNAS BSRUNG ZHING 'DUG PA NA, BRAM ZE LAM GYI RDUL GYIS RKANG PA DANG BYIN PA RTZUB RTZUB LTAR 'DUG PA, SHIN TU NGAL BA BZHIN MDOG DANG MIG RTZA NYAMS PA, RIL BA SPYI BLUGS DBYUG PA LA BTAGS PA PHRAG PAR THOGS PA, CHUNG MAS G-YOG KHRID LA SHOG CIG PAR CHED CHER SBRAN PA CIG PHYOGS DER 'ONGS PAR GYUR TO, ,DE NAS BYANG CHUB SEMS DPA' YUN RING MO CIG NAS SLONG MO BA 'ONGS PA MTHONG NAS YID RAB TU DANG BAS MIG DANG BZHIN GYI MDANGS RAB TU GSAL BAR GYUR NAS BSUS TE 'ONGS PA @36A *, ,LEGS SO ZHES BYA BA LA SOGS PA TSIG SNYAN PA BRJOD DE, DKA' THUB KYI NAGS KYI NANG DU BZHAG NAS, GLO BUR DU 'ONGS PA LA BKUR STI BYAS TE, CI'I PHYIR 'ONGS PA DRIS SO, ,DE NAS BRAM ZE DE CHUNG MA LA BYAMS PAS BRTEN PA DANG NGO TSA BA BOR ZHING SLONG BA 'BA' ZHIG TU CHAS PAS DON 'DI LTAR SMRAS SO, ,GANG NA SNANG ZHING MNYAM PA'I LAM YOD PAS, ,'JIG RTEN 'DI DAG DER DONG NYAM NGAR MIN, ,'GRO BA 'DI NI PHAL CHER SER SNAS BSGRIBS, ,BDAG GIS GZHAN DU SLONG BA'I TSIG MI PHYIN, ,SBYIN LA DPA' BA'I GRAGS DANG DPAL DAG GIS; ,MTHAR BYUNG MA LUS KHYOD KYIS MTHAR PHYIN PAS, ,DE PHYIR BDAG NI SLONG MO BGYID PAR GYUR, ,DE BAS SRAS GNYIS BDAG LA G-YOG TU STZOL, ,DE SKAD SMRAS PA DANG, BYANG CHUB SEMS DPA' SEMS DPA' CHEN POS SBYIN PA LA DGA' BAS GOMS PAR BYAS SHING, SLAR BZLOG PA NI MA BSLABS PAS, ,RAB TU SDUG PA'I BU GNYIS KYANG, ,TSAM TSOM MED PAR SBYIN ZHES SMRAS, ,BDE LEGS SU GYUR CIG ,DA 'DI NA MCHIS TE CI BGYIS ZHES BRAM ZES SMRAS PA, BU GNYIS KYIS SBYIN PA'I GTAM THOS NAS SKRAG PAS MIG RIG RIG POR GYUR PA LA, BYANG CHUB SEMS DPA' SEMS DPA' CHEN PO BYAMS PA'I SHUGS KYIS SNYING GDUNGS PAR GYUR TE SMRAS PA, ,KHYOD LA 'DI GNYIS NGAS BYIN NA, ,'DI GNYIS MA NI NAGS TSAL DU, ,RTZA BA 'BRAS BU TSOL DU SONG, ,DE YANG DE RING 'DIR 'ONG GIS, ,'DIR YANG ZHAG GCIG NGAL SOS LA; ,DA DANG 'PHRAD NAS GTAM BYAS PA, ,RGYAN GYIS BRGYAN CING PHRENG BA CAN, ,NGA YI BU GNYIS SANG KHRID CIG ,BRAM ZES SMRAS PA, KHYOD 'DI LA DUS KYI 'TSUB 'DI THONG CIG ,BUD MED RNAMS NI MI DRANG BAS, ,MING NI G-YO CAN ZHES SU BTAGS, ,KHYOD KYI SBYIN LA GEGS BYED KYIS, ,DE BAS BDAG NI 'DUG MI 'DOD, ,BYANG CHUB SEMS DPAS SMRAS PA, SBYIN PA'I GEGS SU 'GYUR DU MA DOGS SHIG ,DE NI NGA YI CHOS SPYOD PA'I GROGS YIN MOD KYI, 'ON KYANG 'DI LA KHYOD CI DGAR ZAD MOD, GZHAN YANG BRAM ZE CHEN PO, RAB TU GZHON ZHING @36B BYIS PA GNYIS, ,G-YOG GI BYA BA MI MKHAS PAS, ,'DI GNYIS KHYOD KYI BRAN BYED KYANG, ,JI LTA BUR NA MGU BAR 'GYUR, ,SHI BI'I RGYAL PO NGA YI YAB, ,'DI GNYIS 'DI LTAR GYUR MTHONG NAS, ,'DI GNYIS BSLU BA'I NOR DAG NI, ,CI 'DOD KHYOD LA NGES PAR STER, ,DE BAS DE YI YUL DU NI, ,'DI GNYIS KHRID NA LEGS PAR 'GYUR, ,DE LTAR BYAS NA NOR CHEN DANG, ,CHOS RNAMS DANG YANG LDAN PAR 'GYUR, ,BRAM ZES SMRAS PA, BDAG NI RGYAL PO SPRUL GDUG PA DANG 'DRA BA'I DRUNG DU MI DGA' BA SKYES 'TSAL TE MCHI BA'I RNGO MI THOGS SO, ,RGYAL POS BDAG GI 'DI GNYIS 'PHROG ,YANG NA CHAD PAS GCOD KYANG SRID, ,DE BAS 'DI GNYIS BRAM ZE CHEN MO YI, ,G-YOG TU BDAG GIS KHRID DE MCHI, ,DE NAS BYANG CHUB SEMS DPAS DON YONGS SU MA RDZOGS PAR 'O NA CI DGAR ZAD CES SMRAS NAS, BU GNYIS LA CHAGS PA DANG BCAS PAR G-YOG LEGS PAR BYOS SHIG CES GDAMS NAS LEN DU GZHUG PA'I PHYIR, BRAM ZE'I LAG PA BRKYANG PA LAS, RIL BA SPYI BLUGS GTAD DO, ,DE YIS BSGRIMS PA'I MTHU DAG GIS, ,RIL BA LAS NI CHU BYUNG NAS, ,MIG NI PADMA'I 'DAB 'DRA LAS, ,MA BSGRIM PAR YANG MCHI MA BYUNG, ,DE NAS BRAM ZE DE BRKAM PAS HA CANG YANG DGA' CHES NAS, RTABS PA DANG BCAS PA'I YID KYIS, BYANG CHUB SEMS DPA'I BU 'PHROG PAR RINGS NAS SHIS PAR BRJOD PA'I TSIG MDOR SMRAS PA, TSIG DRAG PO RTZUB MOS PHYIR BYUNG ZHES SMRAS NAS, GZHON NU GNYIS DKA' THUB KYI NAGS NAS PHYIR PHYUNG NGO, ,DE NAS GZHON NU GNYIS PHA MA DANG BRAL BA'I SDUG BSNGAL GYIS SNYING GDUNGS PAS, PHA LA PHYAG 'TSAL NAS, MIG MCHI MAS GANG BZHIN DU SMRAS PA, YAB GCIG YUM YANG SLAD ROL BYUNG, ,KHYOD KYIS BDAG CAG GTONG BAR BZHED, ,MA DANG MA 'JAL BAR DU GZHES, ,DE NAS BDAG CAG KHYOD KYIS STZOL, ,DE NAS BRAM ZE DES BSAMS PA, 'DI GNYIS KYI MA YANG DE RING TSUR 'ONG LA, 'DI YANG BU LA BYAMS PAS, 'GYOD PA SKYE YANG SRID DO SNYAM NAS, PADMA'I BAM PO BCINGS PA BZHIN DU @37A *, ,DE GNYIS KYI LAG PA LCUG MAS BCINGS PA DANG, DE GNYIS GCIG LA GCIG 'KHRI ZHING, ,PHA LA BZHIN SLAR PHYOGS TE, LTA BA RAB TU GZHON PA'I GZHON NU GZHON SHA CAN GNYIS BSDIGS SHING KHRID DO, ,DE NAS GZHON NU MA KRishnA 'DZIN SDUG BSNGAL DANG PO MYONG BA DES SKAD PHYUNG STE DU ZHING PHA LA SMRAS PA, PHA GCIG BDAG LA BRAM ZE 'DIS, ,BRTZE BA MED PAR LCUG MAS BKYIGS, ,BRAM ZE CHOS DANG LDAN ZHES GDA', ,'DI NI BRAM ZE MA LAGS NGES, ,GNOD SBYIN BRAM ZER BSGYUR NAS NI, ,NGES PAR ZA BA'I PHYIR KHRID DO, ,SHA ZAS BDAG CAG KHRID GYUR NA, ,YAB KYIS CI PHYIR YAL BAR BOR, ,DE NAS GZHON NU DRA BA CAN GYIS SMRE SNGAGS 'DON CING SMRAS PA, BRAM ZES BDAG LA BRDEG PA YI, ,DE TZAM SDUG BSNGAL MI CHE YI, ,DE RING YUM DANG MA 'JAL BA, ,DE YIS BDAG SNYING GAS PA BZHIN, ,DKA' THUB NAGS TSAL STONG PA NA, ,YUM NI YUN RING NGES PAR BSHUM, ,NYON MONGS BU YI SDUG BSNGAL GYIS, ,BYI'U PHRUG BSAD PA'I MA MA BZHIN, ,BDAG CAG PHYIR NI NAGS TSAL NAS, ,RTZA BA SHING THOG MANG PO RNAMS, ,BSNAMS TE BYON NAS GNAS STONG 'DIR, ,GZIGS NAS YUM NI JI LTAR 'GYUR, ,YAB GCIG CHIBS RTA 'DI RNAMS DANG, ,GLANG CHEN SHING RTA GANG MCHIS LAS, ,PHYED TZAM YUM LA PHUL NA NI, ,DE YI THUGS NGAL CHUNG YANG SRID, ,'PHRIN GYIS YUM LA PHYAG 'TSAL ZHING, ,THUGS NGAL MDZAD LAS BZLOG TU GSAL, ,YAB GCIG KHYOD DANG YUM DE YI, ,ZHAL NI MTHONG BA RAB TU DKA', ,KRishnA TSUR SHOG BDAG CAG 'DONG, ,BRAM ZE'I BRAN G-YOG 'DOD PA LA, ,YAB KYIS BDAG CAG BYIN ZIN GYIS, ,BDAG CAG GSON YANG CI ZHIG RUNG, ,DE NAS BYANG CHUB SEMS DPAS BUS SMRE SNGAGS BTAN PA SNYING RJE RJE SKAD ZER BA DE'I BLO RAB TU BSKYED KYANG BYIN ZIN PAS DA 'GYOD KYANG CI PHAN SNYAM NAS, MYA NGAN GYI ME BZLOG DKA' BAS, SNYING BRTZE STE DUG LANGS NAS BRGYAL BA BZHIN DU SEMS BLONG BLONG POR GYUR NAS DE NYID DU 'DUG GO, , @37B SER BU BSIL BA'I RLUNG YAB KYIS 'DU SHES SLAR RNYED PA DANG, SGRA CI YANG MI GRAG CING BU MI 'KHOR BA'I GNAS MTHONG NAS, ,MGRIN PA DBUGS KYIS BRNANGS BZHIN DU RANG LA RANG GIS SMRAS PA, NGA YI SNYING BU GCES PA LA, ,'DZEM DOGS MED PAR MNGON SUM DU, ,MTSON GYIS 'DEBS PA CI LTAR NA, ,BRAM ZE NGAN PA NGO MI TSA, ,LHAM YANG MED PAR RKANG GIS DONG, ,RAB TU GZHON PAS NGAL MI BZOD, ,JI LTAR LAM DU ZHUGS TE DONG, ,JI LTAR DE YI BRAN G-YOG BYED, ,LAM DU NGAL ZHING DUB PA LA, ,SU ZHIG DE RING NGAL BSOR 'JUG , BKRES SKOM SDUG BSNGAL NYEN PA GNYIS, ,SLONG PA'I GNAS KYANG SU ZHIG YOD, ,BDAG NI BRTAN PAR BYED 'DOD KYANG, ,'DI LTA BU NI SDUG BSNGAL NA, ,NGA'I BU BDE BAR SKYES PA GNYIS, ,GNAS SKABS JI LTAR 'GYUR ZHING 'KHONG, ,KYE MA 'O BU DANG BRAL BA YI, ,SDUG BSNGAL MES NI BDAG SEMS BSREGS, ,DAM PA RNAMS NI CHOS DRAN NAS, ,SU ZHIG RJES SU 'GYOD PA BYED, ,DE NAS MA DRIS MI DGA' BA BYUNG BA'I LTAS NGAN PA RNAMS KYIS YID MI DGA' BAR GYUR BZHIN DU RTZA BA DANG 'BRAS BU KHYAR TE RAB TU MYUR BAR 'ONG BAR 'DOD KYANG GCAN GZAN KHRO BO RNAMS KYIS LAM CHOD PAS RINGS SHIG LON NAS DKA' THUB KYI GNAS SU PHYIN NAS BSUR 'OD RAN PA'I SA DANG, RTZED MO RTZE BA'I SA NA YANG BU GNYIS MI SNANG BA DANG, RAB TU MI DGA' BA'I DBANG DU GYUR TO, ,LTAS BA NA BYUNG NAS DOGS PA SKYES PAR GYUR, ,DE NAS BU BTZAL PHYIR NI MIG KYANG BLTA, ,YANG DANG YANG BOS BU GNYIS LEN MED PAS, ,MYA NGAN GDUNG NAS SMRE SNGAGS 'DON PAR GYUR, ,BYIS PA SMRA BA'I SGRA GRAG NAGS TSAL 'DI, ,SNGON NI BDAG LA MANG PO TSOGS BZHIN SNANG, ,DE GNYIS MI SNANG DE GNYIS DE RING NI, ,BDAG LA 'BROG DGON BZHIN DU SKYABS MED SNANG, ,KYE MA GZHON NU DE GNYIS CI NYES KYE, ,RTZE RTZE NGAL NAS GNYID KYIS LOG GYUR TAM, ,NAGS TSAL 'THUG POR BRLAG GAM 'ON TE NYAL, ,BDAG 'ONG PHYIS PAS MA MGU MCHIS GYUR TAM, ,BYIS PAR GYUR PAS GANG ZHIG GAB @38A *, ,CING 'KHOD; ,GAL TE BSAD PA MTHONG NA 'KHRUGS NAS NI, ,BYA 'DI KUN KYANG CI STE SGRA MI 'BYIN, ,'BAB CHU DRAG PO RLABS CHEN 'KHRUG PA YI, ,CHU YIS GAL TE DE GNYIS KHYER GYUR TAM, ,'ON KYANG DA NI BDAG GIS LOG PAR RTOG PA 'DI LTAR MA GYUR CIG RGYAL PO YAB SRAS BDE LEGS SU GYUR CIG ,LTAS NGAN MTSAN MA NGAN PA STON PA YANG, BDAG GI LUS LA SMIN PAR GYUR CIG ,BDAG GI SNYING 'DI YANG LTAS NGAN, DGA' BA NI BZLOG ,MI DGA' BA'I MUN PAS NI KHEBS NAS GSAB BZHIN DU GYUR TAM CI, BDAG GI LUS KYANG LHU TSIGS BRAL SNYAM BYED, PHYOGS RNAMS KYANG 'KHRUG PA SNYAM BYED, NAGS TSAL 'DI YANG DPAL NYAMS SHING G-YO BA SNYAM BYED PAR GYUR TO, ,DE NAS DKA' THUB KYI NAGS KYI NANG NAS 'ONGS NAS RTZA BA DANG 'BRAS BU RNAMS PHYOGS GCIG TU BZHAG STE, ZHES DANG BCAS PAS KHYIM THAB LA BYIS PA GNYIS GAR SONG DRIS SO, ,DE NAS BYANG CHUB SEMS DPAS, MA NI BU LA BYAMS PAS STOBS CHUNG BA DANG, MI DGA' BA'I TSIG BRJOD PAR DKA' BAR SHES NAS, DE LA CUNG ZAD KYANG SMRA MA NUS SO, ,DGA' BAR BYA RIGS SKYE BO LA; ,MI DGA' SMRA BA'I MI DAG GIS, ,CHED KAR YID NI GDUNGS BYA BA, ,SNYING RJE CAN GYIS RAB TU DKA', ,DE NAS MA DRIS BSAMS PA, 'DI 'DI LTAR MYA NGAN GYIS GDUNGS NAS CANG MI SMRA BA DANG SBYAR NA BDAG GI BU GNYIS GDON MI ZA BAR MA RUNG BAR GYUR TO SNYAM NAS; DKA' THUB KYI NAGS KUN TU SEMS KYIS BRTAGS NA BU GNYIS MI SNANG BAS MCHI MAS BRNANGS NAS YANG SMRAS PA, BYIS PA GNYIS KYANG YONG MI SNANG, ,KHYOD KYANG BDAG LA CANG MI GSUNG, ,MI DGAR GYUR PA MI GSUNGS PAS, ,KYI HUD BDAG NI BSAD KYIS MED, ,DE SKAD CES SMRAS NAS, MYA NGAN GYI MES SNYING BSREGS PAS LCUG MA RTZA BA NAS BCAD PA BZHIN DU 'GYEL TO, ,DE 'GYEL MA THAG TU BYANG CHUB SEMS DPAS BLANGS NAS RTZVA'I STAN LA BZHAG STE, CHU GRANG MO BTAB NAS SLAR SOS PA DANG, DBUGS PHYUNG @38B PA'I PHYIR SMRAS PA, BYAMS PA'I YID KYIS MI BZOD LA, ,BRTAN PO MED DU DOGS PAS NA, ,MA DRI KHYOD LA NGA YIS NI, ,SDUG BSNGAL MYUR DU MA SMRAS SO, ,RGAS SHING DBUL BA'I SDUG BSNGAL GYIS, ,NYEN PA'I BRAM ZE NGA CAN BYUNG, ,DE LA NGA YIS BU GNYIS BYIN,, MYA NGAN MA BYED SPRO BSRINGS LA, ,BU LA MA SEMS NGA LA LTOS, ,BU YI MYA NGAN GDUNGS SNYING LA, ,MTSON GYIS 'DEBS PA BZHIN MA BYED, ,BSLANGS PAR GYUR NA SROG DAG KYANG, ,MI SBYIN PAR NI JI LTAR NUS, ,DE BAS NGA YI SBYIN PA LA, ,BZANG MOS RJES SU YI RANG BYOS, ,MA DRIS DE THOS NAS BU SHOR DOGS TE SNYING BRTZE BA LA, BU GNYIS GSON PA'I GTAM THOS NAS MYA NGAN CHUNG NGUR GYUR NAS, KHYIM THAB MYA NGAN BSAD BA'I PHYIR, MCHI MA PHYIS TE, YA MTSAN CHE BAR BLTAS NAS KHYIM THAB LA SMRAS PA, MANG DU GSOL YANG CI 'TSAL TE NGO MTSAR CHE'O, ,'DI LTAR KHYOD KYI THUGS LA NI, ,'DZUM PA'I SKABS KYANG MA RNYED PA, ,LHA YI SEMS KYANG NGES PAR NI, ,YA MTSAN CHE BA'I DBANG DU GYUR, ,KHYOD KYI GRAGS PA'I TSIG BSDEB SGRA GRAG PA, ,LHA YI RNGA CHEN BRDUNGS PA'I SGRA RNAMS KYI, ,BRAG CHA'I SGRA YIS PHYOGS RNAMS THAMS CAD DU, ,TSIG 'BRU GSAL BAS NAM MKHA' KHYAB PAR GYUR, ,SA GZHI RI YI NU MA G-YO BA CAN, ,'DOD CHAGS LANGS PA BZHIN DU RAB TU G-YOS, ,GSER GYI ME TOG RNAMS KYANG MKHA' LA LHAGS, ,GLOG 'GYU'I 'OD KYIS NAM MKHA' GSAL GYUR BZHIN, ,DE BAS THUGS NGAN MA MDZAD PAR, ,STZAL BAS THUGS NI DGYES PAR MDZOD, ,'JIG RTEN RNAMS LA BTUNG CHU BZHIN, ,SLAN CHAD KYANG NI SBYIN BDAG MDZOD, ,DE NAS LHA'I DBANG PO BRGYA BYIN SA GZHI G-YOS PAS, RI'I RGYAL PO RI RAB 'GUL BA DANG, 'DI CI YIN ZHES RTOG PA SKYES PA, 'JIG RTEN SKYONG BA YA MTSAN SKYES PAS MIG BGRAD PA RNAMS LAS G-YOS PA'I RGYU THAMS CAD SGROL GYI SBYIN PA YIN PAR RTOGS NAS SEMS RAB TU DGA' BAR GYUR TE, DE'I MTSAN MO NAM LANGS PA DANG, @39A *, ,BRGYA BYIN GYIS BRAM ZE'I GZUGS SU BSGYUR NAS SLONG MO SPYOD PA 'DRA BA BYAS TE, THAMS CAD SGROL GYI DRUNG DU 'ONGS SO, ,BYANG CHUB SEMS DPAS GLO BUR DU BYUNG BA LA BKUR STI BYAS NAS, CI 'DOD CES SKABS PHYES PA DANG, DE LA CHUNG MA BSLANGS SO, , MCHO CHEN DAG LA CHU NI MI ZAD BZHIN, ,DAM PA RNAMS LA SBYIN PA'I CHOS MI ZAD, ,DE BAS LHA 'DRA KHYOD LA 'PHAGS MA SLONG, ,BTZUN MO 'DI NI BDAG LA STZAL BAR RIGS, ,BYANG CHUB SEMS DPA' YID MI DGA' BA MED PA NYID DU DE BZHIN DU BYA'O ZHES SBYIN PAR BYAS SO, , DE NAS LAG PA G-YON PAS MA DRI BZUNG, ,LAG PA G-YAS PAS RIL BA SPYI BLUGS BZUNG NAS NI, ,DE YI LAG G-YAS RTZE LA CHU SBRENG NAS, ,'DOD LHA'I SEMS NI MYA NGAN ME YIS TSIG ,DE YI RANG BZHIN PHAN SEMS SHES NAS NI, ,SEMS KYANG MA 'KHRUG DUS KYANG MA DUS TE, , SNGON MED SDUG BSNGAL KHUR GYIS NON GYUR NAS, ,DE LA MIG TSUGS LTA ZHING BRIS BZHIN 'DUG ,LHA'I DBANG PO BRGYA BYIN GYIS DE MTHONG NAS SNYING LA NGO MTSAR RAB DANG LDAN PAR GYUR TE, SEMS DPA' CHEN PO DE LA BSTOD NAS SMRAS PA, YA RABS MA RABS CHOS GNYIS NI, ,AE MA KHYED PAR RE CHE STE, ,BDAG NYID MA SPYANGS PA RNAMS NI, ,SUS KYANG YID CHES MI NUS SO, ,'DOD CHAGS BRAL BAR MA GYUR PAS, ,BUD MED RAB TU SDUG PA DAG ,DE LTAR MA CHAGS SBYIN BYED PA, ,'DI DRA'I RLABS CHEN SU LA YONG, ,KHYOD KYI YON TAN CHAGS PA'I GTAM DAG GIS, ,KHYOD KYI GRAGS PA PHYOGS SU BSGRAGS PA DES, ,NYI MA'I 'OD KYIS GZHAN 'OD ZIL MNAN BZHIN, ,GZHAN GYI DPAL GRAGS ZIL GYIS NON PAR GYUR, ,KHYOD KYI SPYOD PA MI LAS 'DAS, ,'DI LA GNOD SBYIN DRI ZA DANG, ,LTOS 'GO SUM CU RTZA GSUM PA, ,BRGYA BYIN BCAS PA YI RANG 'GYUR, ,BRGYA BYIN GYIS DE SKAD SMRAS TE, BDAG GI LUS 'OD GSAL BAR 'DUG PA BSTAN NAS, BDAG NI BRGYA BYIN LAGS SO ZHES SBRAN TE, BYANG CHUB SEMS DPA' LA SMRAS PA, ZLA BA BTANG STE ZLA 'OD RNAMS, ,GZHAN DU 'GRO BAR MI RIGS KYI, ,KHYOD @39B KYI BTZUN MO MA DRI 'DI, ,KHYOD BDAG NYID LA BDAG 'BUL LO, ,BRTAN PA RNAMS NI BSLANGS NA STER, ,SENG GE'I CHUNG MA CE SBYANG LA, ,BYIN YANG DE YIS CI ZHIG BYA, ,DE NI SENG GE NYID LA 'OS, ,MTHON PO RNAMS DANG DMAN PA LA, ,RGYAL PO'I MYU GU 'DRA BAR SEMS, ,DE BAS DE YI SPYOD PA DES, ,'JIG RTEN RNAMS NI DGA' BAR 'GYUR, ,DE BAS BU DANG BRAL BAR MA SEMS SHIG ,RGYAL SRID NYAMS PA'I MYA NGAN MA BYED CIG ,KHYOD KYI YAB NI TSAD BYUG GNYIS DANG 'GROGS, ,KHYOD KYI MGON BYAS YUL NA RGYAL SRID BYED, ,DE SKAD CES SMRAS NAS, BRGYA BYIN DE NYID DU MI SNANG BAR GYUR TO, ,BRGYA BYIN GYI MTHUS BRAM ZE DES KYANG, BYANG CHUB SEMS DPA'I BU GNYIS YUL SHI BIR KHRID DE SONG NGO, ,DE NAS YUL SHI BI PA RNAMS DANG, YUL SHI BI PA'I RGYAL PO KUN TU RGYAL BAS, BYANG CHUB SEMS DPA'I SPYOD PA NI SHIN TU BYA DKA' BA THOS NAS SNYING BRLAN PAR GYUR TE, BRAM ZE LAS BYANG CHUB SEMS DPA'I BU GNYIS BSLUS NAS, THAMS CAD SGROL MGU BAR BYAS TE BSUS NAS RGYAL SRID BYED DU BCUG GO, ,DE LTAR BYANG CHUB SEMS DPA'I SPYOD PA NI SHIN TU RMAD DU BYUNG BA YIN NO, ,DE LA PHYOGS PA'I SEMS CAN KHYAD BAR CAN RNAMS LA BRNYAS PA'AM GNOD PAR MI BYA'O, ,DE BZHIN GSHEGS PA'I YON TAN BSNGAGS PA DANG, BKUR STI BYED DE DAM PA'I CHOS NYAN PA LA YANG SBYAR BAR BYA'O, ,THAMS CAD SGROL DU SKYES PA'I RABS TE DGU PA'O,, ,, BAM PO BZHI PA, BSAM PA DGE BA RNAMS NI SDIG PA BYED DU GZHUG PAR BSLUR MI TSUGS TE, DE BAS NA BSAM PA DGE BA BYA BA LA 'BAD PAR BYA'O, ,DE YANG BYANG CHUB SEMS DPA' 'DI LTAR RANG GI BSOD NAMS KYI MTHU THOB PA, RGYAL PHRAN THAMS CAD PHYAG 'TSAL BA, BDAG DANG GZHAN GYI 'KHOR LA SOGS PA'I GNOD PA RAB TU ZHI BAS 'TSE BA MED PA, GDUGS ZLA MED PA, BGO SKAL GYI RIM PAS THOB PA'I SA SKYONG ZHING 'DUG GO ZHES GRAGS SO, ,DBANG PO'I DGRA THUL DE NI SA YI MGON, ,'BRAS BU SMIN PA SPYAD LA MA CHAGS SHING, ,DNGOS PO KUN @40A *, ,GYIS 'GRO LA PHAN BYED PA, ,THUB PA BZHIN DU CHOS DON GCIG PUR BYED, ,SKYE DGU RNAMS NI GTZO BO'I RJES SPYOD PAR, ,'JIG RTEN RANG BZHIN DE YIS SHES GYUR NAS, ,SKYE DGU RNAMS NI DGE LA GZUD PAR BYED, ,KHYAD PAR DU NI CHOS LA SPYOD PAR GYUR, ,NOR YANG SBYIN ZHING TSUL KHRIMS SPYOD PA MNOS, ,BZOD PA BRTAN CING 'GRO BA'I DON YANG SPYOD, ,'GRO LA PHAN SEMS MTHONG NA ZHIB SNANG, ,GZUGS CAN CHOS BZHIN BZHIN DE NI RNAM PAR MDZES, ,DE NAS RE ZHIG CIG DE'I MTHUS DE'I YUL BSKYABS KYANG MA PHAN TE, SEMS CAN RNAMS KYI LAS KYI NYES PA DANG, LHA'I BU CHAR 'BEBS PA'I LAS SU BSKOS PA RNAMS BAG MED PAR GYUR PA'I DBANG GIS KHA CIG TU THAN PA BYUNG BAS 'KHRUG CING GNOD PAR GYUR TO, ,DE NAS RGYAL PO DES BSAMS PA 'DI NI BDAG CAG SKYE DGU RNAMS KYIS CHOS LEGS PAR MA SPYAD PAS LAN GYIS MA RUNG PAR GYUR TO, ,ZHES BLO NGES PAR GYUR TO, ,SKYE DGU RNAMS LA PHAN PA'I BSAM PA CHE BA DANG, DE'I SDUG BSNGAL MI BZOD PAS CHOS KYI DE KHO NA NYID LA BSLAB PAR GYUR PA MDUN NA 'DON PA'I GTZO BO BRAM ZE RGAN PO RNAMS DANG BLON PO RNAMS LA DE CI LTAR THAR PA'I THABS DRIS SO, ,DE NAS DE DAG GIS MCHOD SBYIN GYI CHO GA RIG BYED LAS BYUNG BA, SROG CHAGS DUM GSOD PA 'JIGS 'JIGS SKAD ZER BA BYAS NA, CHAR LEGS PAR 'BAB PAR 'GYUR BAR BSAMS NAS CHO GA DE DE LA GSOL TO, ,RGYAL PO DES MCHOD SBYIN LAS BYUNG BA'I CHO GA SROG CHAGS GSOD PA'I RGYUS SHES NAS, SNYING RJE'I BDAG NYID YIN PA'I PHYIR DE DAG GI TSIG YID LA 'BAB PAR MA GYUR TE, 'DUL BA'I 'KHOR RJES SU MTHUN PAR DE DAG LA NGO BZLOG PHONG BA'I TSIG RTZUB MO MA SMRAS PAR SKABS GZHAN DAG GIS DE DAG GI GTAM DE KHYAD DU BSAD DO, ,DE NAS YANG RGYAL PO DE LA CHOS KYI GTAM BYA BA'I SKABS RNYED NAS, DE'I BSAM PA ZAB CING DGA' ZHING, DAD PA SKYE BA'I 'GRO BA 'DI DAG NI SHIN TU MA ,RGYAL POS BGYI BAR NGES PA GANG LAGS PA, ,SA GZHI THOB DANG YONGS SU SKYONG BA STE, ,DE DAG KHYED NI DUS LAS 'DA' MI MDZAD, ,DE DAG @40B GO RIMS CHOS DANG BDE BA BZHIN, ,'KHOR GSUM BRTEN LA MKHAS PAR GYUR PA DANG, ,'BANGS LA PHAN PHYIR GNAM RU BSNAMS PA STE, ,MCHOD SBYIN CHO GA MTHO RIS THEM SKAS LA, ,JI LTAR KHYOD THUGS BAG MED DBANG DU GYUR, ,KHYOD KYI BKA' NI RGYAL PO GZHAN RNAMS KYIS, , 'DI NI DNGOS GRUB MNGON DU GRUB YIN ZHES, ,'BANGS DANG 'DRA BAR RAB TU GUS NOD NA, ,MCHOD SBYIN DAG GIS GRAGS 'BAR LEGS PA DAG ,DA NI KHYOD KYIS MDZAD PA'I DUS LA BAB, ,SBYIN PA MDZAD CING SDOM LA GNAS PA YIS, ,RTAG PAR KHYOD NI DBANG BSKUR LAGS GYUR KYANG, 'ON KYANG RIG BYED GRAGS PA'I MCHOD SBYIN GYIS, ,LHA YI BU LON BRAL PAR MDZAD PAR RIGS, ,MCHOD SBYIN LEGS PAR BGYIS PAS LHA MNYES NA, ,CHAR PA 'BAB PAS 'BYUNG PO MGU BAR BGYID, ,DE BAS 'BANGS DANG BDAG LA PHAN PA'I PHYIR, ,GRAGS PAR GYUR PA'I MCHOD SBYIN CHO GA MDZAD, ,DES BSAMS PA, KYE MA'O GZHAN GYI DRID LA 'JOG CING, ,BLO CHUNG LA DPYOD PA MI NUS PA'I CHOS TZAM LA DGA' ZHING, DAD PA SKYE BA'I 'GRO BA 'DI DAG NI SHIN TU MA LEGS PAR BSTAN TO, ,GANG YANG, 'JIG RTEN DAG NA GANG LA SKYABS BTZAL BA, ,DE DAG BSAD PAS CHOS SU 'GYUR BA NI, ,DE YIS BSTAN PA'I SKYE BO LAM NGAN SONG, ,NGAN SONG MI BDE DOGS PA'I NANG NA 'KHOD, ,PHYUGS RNAMS BSAD PAS CHOS 'GYUR ZHING, ,LHA YI 'JIG RTEN SKYE BA DANG, ,LHA PYANG MNYES PAR 'GYUR BDAG ,CI LTA BUR NA 'THAD PAR 'GYUR, ,PHYUGS RNAMS BSAD PA'I SNGAGS KYI MTHUS, ,MTHO RIS 'GRO PHYIR DE BAS DE BSAD NA, ,CHOS SU 'GYUR ZHES ZER BA DE YANG BRDZUN, ,GZHAN GYIS BYAS PA PHA ROL SU ZHIG THOB, ,LEGS PAR SPYOD LAS YID NI MA BZLOG CIG ,DGE BA'I LAS LA NGES PAR MA BYAS PA'I, ,PHYUGS RNAMS MCHOD SBYIN DAG LA BSAD GYUR KYANG, ,BDAG BYAS GZHI MED JI LTAR THO RIS KYE, ,MCHOD SBYIN LA BSAD MTHO RIS 'GRO NA NI, ,BRAM ZE BDAG NYID PHYUGS SU BSKYUR LA RAG ,GANG PHYIR TSUL 'DI GANG NA'ANG MI SNANG BAS, ,DE PHYIR DE DAG CHIG NI SU ZHIG NYAN, ,MTSUNGS MED @41A *, ,MTHU BSUNG RO GANG GZI LDAN PA'I, ,BDUD RTZI'I ZAS MCHOG LHA MOS PHUL BA DAG ,BOR NAS PHYUGS BSAD SHA KHRAG LA SOGS PAS, ,LHA RNAMS MGU BAR GYUR PA GA LA SRID, ,RGYAL PO DES DA NI 'DI 'DI LTAR BYA DGOS SO SNYAM DU BSAMS NAS, MCHOD SBYIN BYED PA LA MOS PAR 'DRA BAR BYAS TE, DE DAG GI TSIG MNYAN NAS, DE DAG LA SMRAS PA, KHYED CAG 'DI LTAR BDAG LA PHAN PAR SEMS PA NI, BDAG MGON DANG BCAS SHING PHAN 'DOGS PA DANG LDAN PAR GYUR TO, ,DE BAS NA BDAG NI MI STONG GI MCHOD SBYIN BYED 'DOD KYIS, JI SKAD DU BSKOS PA'I BLON PO RNAMS DE'I YO BYAD SBYOR DU CHUG SHIG ,BKOD SA RTZIG TU RUNG BA'I SA PHYOGS DANG, DE DANG MTHUN PA'I TSES GRANGS DANG, BYED PA DANG YUD TZAM DANG, RGYU SKAR DANG SBYOR BA YANG RTOGS SHIG ,DE NAS DE'I MDUN NA 'DON GYIS SMRAS PA, 'DOD PA'I DON GRUB PAR BGYID PA'I SLAD DU, RGYAL PO CHEN PO RE ZHIG KHRUS MDZOD CIG DANG MCHOD SBYIN CIG BGYIS LAGS NA, BDAG CAG RNAMS KYIS BKOD PA BRTZAM MO, ,CIG CHAR MI STONG BZUNG NA KHYOD KYI 'BANGS RNAMS GDON MI ZA BAR YID 'BYUNG BAR 'GYUR RO, ,BRAM ZE RNAMS KYIS KYANG DE MAD DO ZHES SMRAS SO, ,RGYAL PO DES DE DAG LA SMRAS PA, KHYED 'BANGS 'KHRUG PAR GYUR DU MA DOGS SHIG DANG, BDAG GIS CI NAS KYANG YID 'BYUNG BAR MI 'GYUR BA DE LTAR BYA'O, ,DE NAS RGYAL PO DES GRONG KHYER GYI MI RNAMS BSDUS NAS SMRAS PA, NGAS NI MI STONG GI MCHOD SBYIN BYED 'DOD NA NYES PA MED PAR MI 'DOD BZHIN DU SU YANG PHYUGS SU BYAR NGAS MI NUS KYI, DE BAS NA DE RING PHAN CHAD KHYED CAG LAS GANG DANG GANG TSUL DANG BKA' KHRIMS LAS 'GAL BAR BYED CING, NGA'I BKA' GCOG PA DE DANG DE DAG NGA'I RTOG CHEN GYI MI BAG MED PA'I GNYID KYIS MA LO GCIG ,DRI MA MED PAR BRTAG PAR BYA'O, ,RANG GI RIGS LA GNOD PA DANG YUL LA GNOD PAR BYED PA DAG YOD NA, NGAS PHYUGS KYI GOR BZUNG BAR KHYED KYIS SHES PAR GYIS SHIG ,DE NAS DE DAG GI NANG NAS GTZO BO RNAMS KYIS THAL MO SBYAR NAS DE LA SMRAS PA, KHYOD KYI SPYOD PA @41B THAMS CAD 'BANGS LA PHAN PAR GZHOL, ,MI RJE LHAS MDZAD DE LA BRGAL BA GA LA SRID, ,KHYED KYI SPYOD LA TSANGS PA RJES SU YI RANG NGO, ,KHYOD NI LEGS PAR TSAD MA'I NANG NAS TSAD MA MCHOG ,LHA GCIG DGYES PA GANG LAGS PA, ,BDAG CAG KUN KYANG DE LA DGYES, ,'O SKOL DGYES SHING SMON PA LAS, ,DGYES PAR GUD NA GZHAN MA MCHIS, ,DE LTAR GRONG KHYER GYI 'BANGS RNAMS KYIS BKA' STZAL PA MNYAN PA DANG, RGYAL PO DES BLON PO THUGS CHES PA RNAMS SKYE BO MANG BOS MTHONG BAR GYUR PA'I YO LANG CHEN PO DANG BCAS PAR LJONGS DANG GRONG KHYER RNAMS SU SDIG PA BYED PA'I MI RNAMS 'DZIN DU BKYE'O, ,KHO RA KHOR YUG TU YANG NYIN RE ZHING 'DI SKAD BSGOS SO, ,BRTAN ZHING GTZANG MA'I TSUL KHRIMS NOR LDAN MI MCHOG LA, ,RGYAL PO MI 'JIGS SBYIN PAS MI 'JIGS SBYIN PAR MDZAD, ,'BANGS LA PHAN PHYIR TSUL MIN BYED PA'I MI RNAMS NI, , PHYUGS SU BSGYUR BA STONG GIS MCHOD SBYIN MDZAD PAR BZHED, ,DE BAS DE RING PHYIN CHAD GANG ZHIG TSUL MIN RJES SBYOD CING, ,RGYAL PO'I BKA' LUNG SA SKYONG BLON POS BKUR DANG 'GAL BYED PA, ,DE NI RANG GI LAS KYI MCHOD SBYIN PHYUGS SU BYAS GYUR NAS, ,MCHOD SDONG LUS BTAGS GRIM SHING SKAMS PA SKYE POS MTHONG BAR 'GYUR, ,DE NAS YUL DE NA GNAS PA'I MI RNAMS KYIS MCHOD SBYIN GYI PHYUGS SU BYA BA'I PHYIR, RGYAL POS TSUL BZHIN MI BYED PA'I MI TSOL DU 'JUG PA DANG, NYIN RE BZHIN 'JIGS 'JIGS SKAD BSGO BA DE THOS PA DANG, RGYAL PO'I MI RNAMS KYIS SDIG BYED PA'I MI RNAMS BZUNG BA'I PHYIR, THAMS CAD DU TSOL ZHING 'ONG BAR MTHONG NAS, TSUL MA YIN PAR BYED PA LA DGA' BA NI BTANG, TSUL KHRIMS DANG SDOM PA DANG YANG DAG PAR BLANGS PA LA NI 'BAD, DGRAR 'DZIN PA LAS NI PHYIR PHYOGS, GCIG LA GCIG DGA' BA DANG MGU BAR NI BYED, 'THAB PA DANG RTZOD PA NI RAB TU ZHI, BLA MA'I MAN NGAG NYAN CING RJES SU MTHUN PAR NI BYED, BGO BSHA' BYED PA LA BAG TSA BA NI MED, GLO BUR DU 'ONGS PA LA MGRON BYED PA LA NI DGA' ZHING DUL BA DANG, GUS PAR BYA BA LA NI 'BAD PAR GYUR TE, RDZOGS @42A *, ,LDAN GYI DUS BZHIN DU GYUR TO, ,SHI BAS 'JIGS SHING 'JIG RTEN PHA ROL SEMS, ,RIGS KYI NGA RGYAL GRAGS PA BSRUNG BA DANG, ,BSAM PA DAG CING NGO TSA SHES PA YIS, ,SKYE BO RANG GI TSUL KHRIMS DRI MED BRGYAN, ,JI LTA JI LTAR SKYE BO CHOS 'BAD PA, ,DE LTA DE LTAR SRUNG MA KHYAD PAR DU, ,TSUL BZHIN MI BYED SKYE BO TSOL BAR GYUR, ,DES NI CHOS LAS SU YANG G-YOS MA GYUR, ,RANG GI YUL NI DE LTAR THOS GYUR NAS, ,RGYAL PO DGA' BA'I KHYAD PAR BRGYAN PA NI, ,DGA' BA'I GTAM SNYAN RGYA CHER BSGRAGS PA YIS, ,BLON PO MGU BAR BYAS NAS BKA' STZAL PA, ,NGA NI 'BANGS RNAMS BSRUNG BAR RAB TU SEMS, ,DE RNAMS KUN KYANG DA NI SBYIN GNAS GYUR, ,NGA NI MCHOD SBYIN BYED 'DOD CES BSAMS NAS, ,MCHOD SBYIN PHYIR NI NOR RDZAS BSAGS PA 'DI, ,GANG ZHIG BDE BA BSKYED PA'I NOR GANG 'DOD, ,NGA YI DRUNG NAS 'DI DAG CI BDER KHYER, ,'DI LTAR NGA YI YUL NI DBEN SPYOD PA'I, ,DBUL BA NI NAS YUL NA MED PAR 'GYUR, ,'BANGS RNAMS BSRUNG BAR SEMS PAR NGA 'DUG CING, ,GROGS LDAN YO BYAD PHUN SUM TSOGS BZHIN DU, ,SKYE BO PHONGS BYED NGA NI MI BZOD PA, ,NGA YI SEMS NI YANG YANG BSREGS PA BZHIN, ,DE NAS RGYAL PO DE'I BLON PO RNAMS LEGS SO SNYAM NAS DE'I CHIG MNYAN TE, ,GRONG DANG LJONGS DANG GRONG KHYER THAMS CAD DANG LAM GYI NGAL BSO BA'I SA PHYOGS THAMS CAD DU SBYIN BTANG GI KHANG PA BRTZIGS NAS, RGYAL POS JI SKAD BKA' STZAL PA BZHIN DU, NYIN RE ZHING PHONGS PA RNAMS CI 'DOD PA'I NOR GYIS MGU BAR BYAS SO, ,DE NAS SKYE BO DE DAG DBUL BOR TE, ,SA BDAG LAS NI MTHUN PAR NOR THOB NAS, ,RNAM MANG GOS DAR RIN CHEN RGYAN GYIS BRGYAN, ,DGA' STON BZHIN DU BZANG POS BRGYAN PAR GYUR, ,PHONGS PA RAB TU DGA' NAS BSTOD PA'I TSIG ,RGYAL PO'I GRAGS PA PHYOGS SU RGYAS GYUR PA, ,MTSO LAS PADMA'I GE SAR PHYE MA DANG, ,RLABS KYIS BSKYOD DE KUN TU KHYAB PA BZHIN, ,DE LTAR RGYAL PO'I TSUL BZANG YON TAN GZHIS, ,SKYE BO MA LUS LEGS PAR SPYOD GYUR PAS, ,DGE BA CHEN @42B POS GNAD PA RNAMS KYI MTHU, ,ZIL GYIS MNAN NAS CHAGS MED ZAD PAR GYUR, ,DUS TSIGS RNAMS KYANG DUS LA MTHUN PAR BDE, ,RGYAL PO DE BZHIN CHOS LA GZHOL BAR GYUR, ,SA GZHI 'BRU RNAMS SNA TSOGS SKYE BAR GYUR, ,CHU BZHI CHU GTZANG SNGON PO PADMAR BCAS, , 'GRO BA NAD CHEN DAG GIS MI 'DEBS GYUR, ,SMAN RNAMS YON TAN RAB TU CHE BAR GYUR, ,DUS TSIGS DBANG GIS SER BU'I NGAD KYANG LDANG, ,GZA' RNAMS LAM NI BZANG POR RGYU BAR GYUR, ,GZHAN GYI DMAG GI 'JIGS PA MED PAR GYUR, ,PHAN TSUN GNOD DANG DMAG GI 'JIGS PA MED; ,SKYE BO NGES PAR CHOS SPYOD DUL GYUR PAS, ,RDZOGS LDAN DUS BZHIN PHUN SUM TSOGS PAR GYUR, ,DE NAS RGYAL POS DE LTAR CHOS KYI MCHOD SBYIN BYAS PA DANG, ,SKYE BO PHONGS PA RNAMS KYI SDUG BSNGAL DANG, GNOD PA RNAMS NI RAB TU ZHI BAR GYUR, SA GZHI NI SKYE BO RAB TU DGA' BA MANG POS GANG ZHING MNGON PAR MTHO BA NYAMS DGA' BAR NI SNANG, 'JIG RTEN PA RNAMS NI RGYAL PO'I SHIS PA BRJOD PA 'BA' ZHIG KHA TON DU BYED, RGYAL PO'I GRAGS PAS NI THAMS CAD DU RGYAS PAR GYUR PA DANG, BLON PO'I GTZO BO CIG YID RAB TU DGA' BAR GYUR NAS RGYAL PO LA 'DI SKAD CES GSOL TO, ,MCHOG DANG 'BRING DANG THA MA YI, ,DGOS PA RTAG TU GZIGS PAS NA, ,DBANG PHYUG RNAMS KYI BLO DAG NI, ,GONG NAS GONG DU DPYOD PAR 'GYUR, ,ZHES BYA BA 'DI NI LEGS PAR SMRAS PA LEGS SO, ,'DI LTAR LHA'I ZHAL SNGA NAS PHYUGS 'GUM PA'I SKYON MA MCHES PAR, CHOS KYI MCHOD SBYIN GYIS 'BANGS RNAMS 'JIG RTEN DANG 'JIG RTEN LAS 'DAS PA GNYIS KA LA PHAN PAR BGYIS SO, GNOD PA DANG DBUL BA'I SDUG BSNGAL YANG RAB TU ZHI BAR GYUR TE, MANG DU GSOL YANG CI 'TSAL TE, 'BANGS DE DAG NI SKAL BA DANG LDAN PA LAGS SO; ,ZLA BA BZHIN DU SKU LA DRI MED 'OD GSAL ZHING, ,DBANG BSKUR SNGOM PAS RANG BZHIN MDZES PA'I SPYOD PA YONGS MA ZHUM, ,SPYI BO GDUGS DANG 'DRA BA'I DBU MDZES BSKYIL BA DE BZHIN GNAS, ,KHYOD KYI GTONG BAS BRGYA BYIN GRAGS PA RMAD BYUNG ZIL GYIS NON, ,'JIG RTEN MCHOD SBYIN @43A *, ,PHAL CHER GSOD CING SMAD, ,'BRAS BU 'TSAL BAS MCHOD SBYIN MA LAGS KYI, ,KHYOD KYI MCHOD SBYIN GRAGS PA'I RGYAN GYI BRGYAN, ,TSUL KHRIMS SKYON MED YID DU 'ONG DANG MTHUN, ,GANG RNAMS SKYOB PA KHYOD BZHUGS PA'I, ,SKYED GU DE RNAMS SKAL DANG LDAN, , BU RNAMS LA YANG PHA DAG NI, ,NGES PAR DE LTAR SKYOB MI 'GYUR, ,GZHAN ZHIG GIS SMRAS PA, SBYIN ZHES BYA BA NOR YANG STER BA'I SKYE BO DE YI DBANG DU GYUR, ,TSUL KHRIMS BSRUNG BA'ANG 'JIG RTEN BDE LA PHYOGS SHING MTHO RIS 'DOD LA CHAGS, ,GZHAN GYI DON BSGRUB PHYIR NI DE GNYIS DE BZHIN SPYOD PA GANG LAGS PA, ,MKHAS PA MA LAGS SEMS STOBS MI LDAN PA LA DE DAG YOD MA MCHIS, ,DE LTA BAS NA BSAM PA DGE BA RNAMS NI, SDIG PA BYED DU GZHUG PAR BSLUR MI TSUGS PAS BSAM PA DAG PAR BYA BA LA 'BAD PAR BYA'O, ,DE BAS 'BANGS LA PHAN BRTZON LA,, LEGS DANG GRAGS DANG BDE BA THOB, ,DE BAS RGYAL PO'I TSUL DE LAS, ,'GAL BAR BYA BA YONGS MI RIGS, ,DE BZHIN DU RGYAL PO'I GDAMS NGAG LA YANG BRJOD PAR BYA'O, ,CHOS LA GOMS PAR BYAS PA NI, SKYE DGU RNAMS LONGS SPYOD CHE BAR 'GYUR BAS NA, LONGS SPYOD CHE BAR 'DOD PAS CHOS KYI RJES SU 'BRANG BAR BYA'O ZHES DE LTAR YANG SBYAR BAR BYA'O, ,MNGON PAR MTHO BA NI SBYIN PA DANG DUL BA DANG SNGOM PA LA GNAS PAS THOB PAR 'GYUR GYI, PHYUGS BSAD PAS NI NAM YANG MNGON PAR MTHO BAR MI 'GYUR RO, ,DE BAS NA DE 'DOD PAS SBYIN PA LA SOGS PA LA GUS BAR 'BAD PAR BYA'O, ,BCOM LDAN 'DAS DE NI SKU TSE SNGA MA LA YANG 'JIG RTEN GYI DON SPYOD PA LA THUGS GZHOL BA YIN NO, ,ZHES DE BZHIN GSHEGS PA'I YON TAN BSNGAGS PA LA YANG BRJOD PAR BYA'O, ,MCHOD SBYIN GYI SKYES PA'I RABS TE BCU PA'O, ,SNGOM LA, STAG MO SHI BI KOS LA BDAG ,TSONG DPON GNYIS DANG RI BONG DANG, ,AA GASTYA DANG SHA SBYIN DANG, ,THAMS CAD SGROL DANG MCHOD SBYIN BYED, ,BTZU TSAN DANG PO'O,, ,,BDAG NYID CHEN PO RNAMS NI RGUD PAR GYUR TAM, DBANG PHYUG PHUN SUM TSOGS PAR GYUR KYANG RUNG @43B STE, SEMS CAN RNAMS LA SNYING BRTZE BA LHOD PAR MI 'GYUR, DE YANG 'DI LTAR BYANG CHUB SEMS DPA' YUN RING PO NAS BSOD NAMS SPYOD PA LA RAB TU GOMS SHING SBYIN PA DANG, DUL BA DANG, SNGOM PA DANG, SNYING RJE LA 'DRIS PAR GYUR PA, GZHAN LA PHAN PAR SBYOD PA KHYAD PAR CAN LA NGES PAR BYED PA DE RE ZHIG LHA RNAMS KYI DBANG PO BRGYA BYIN DU GYUR TO ZHES GRAGS SO, ,LHA DBANG DPAL NI DE LA BRTEN BYAS PAS, ,GZHI BYIN CHEN POS LHAG PAR MDZES GYUR PA, ,YANG THOG RDO THAL GSAR DU BSKUS PA LA, ,ZLA BA'I 'OD ZER PHOG PAS GSAL BA BZHIN, GANG PHYIR LHA MA YIN RNAMS TSAM TSOM MED PAR NI, ,PHYOGS KYI GLANG CHEN MCHE BA LTO BAS ZED 'ONG BA, ,SKAL BA CHE BAS BDE BA THOB PA'I DPAL DE NI, ,DE SNYING DREGS PA'I DRI MA CAN DU BYED PAR GYUR, ,DE LHA'I YUL DANG MI'I YUL LEGS PAR BSKYANGS PA LAS GYUR PA'I GRAGS PA PHUN SUM TSOGS PA 'JIG RTEN THAMS CAD KYI MTHAS KLAS PA RMAD DU BYUNG BA'I DPAL DE LHA MA YIN RNAMS KYIS MA BZOD NAS, GLANG PO CHE DANG SHING RTA DANG, RTA DANG RKANG THANG GI DMAG BSHAMS TE CHES PA RAB TU 'JIGS 'JIGS LTAR SNANG BA, SGRA 'JIGS 'JIGS SKAD SGROGS PAS, RGYA MTSO 'KHRUG PAR BYED PA, MTSON CHA DANG GO CHA DRI MA MED PA BGOS PAS 'BAR 'BAR LTAR 'DUG PA, MIG GIS MI BZOD PA'I DPUNG GI TSOGS CHEN PO DANG BCAS TE, DE LA DMAG RGOL DU LHAGS SO, ,CHOS KYI BDAG NYID YIN YANG DE LA GZHAN BSNGO BA, ,ROL PA'I GEGS GYUR YID 'BYUNG 'GRO BA 'JIGS PAR GYUR, ,GZI BRJID CAN GYIS TSUL BZHIN BYA BA RIGS PAS NA, ,SNYING NI DMAG DRANGS G-YENGS LA MNGON PAR PHYOGS PAR GYUR, ,DE NAS BYANG CHUB SEMS DPA' CHEN PO DES, GSER GYI SHING RTA NGAM PA RTA BZANG PO STONG DANG SBYAR BA, GOS BZANG PO 'OS PAS BRGYAN PA'I BA DAN MDZES PA PHYAR BA'I RGYAL MTSAN BSGRENG BA, RIN PO CHE SNA TSOGS KYI 'OD GSAL BAR SNANG BA, LUS 'BAR BA RGYAN GDAGS PA'I GO RIMS NGES PAR BYAS PA, NGOS GNYIS MTSON CHA RNAM PA SNA TSOGS 'BAR BAS MDZES PAR BYAS PA, LHA'I GOS DKAR PO @44A *, ,CAN GYI STENG NA 'DUG NAS, RTA DANG GLANG PO CHE DANG, SHING RTA DANG RKANG THANG RNAM PA SNA TSOGS DANG LDAN PA'I LHA'I DMAG GI DPUNG CHEN POS YONGS SU BSKOR NAS, LHA MA YIN GYI DMAG GI DPUNG TSOGS DE RGYA MTSO'I 'GRAM DU THUG PAR BSUS SO, ,DE NAS DER NI G-YUL BSRES PAS, ,SNGAR MA RNAMS NI SKRAG PAR BYED, ,PHAN TSUN MTSON 'DEBS PHYE MAR LHAGS, ,GO CHA RNAMS NI RAL BAR GYUR, ,NGA NI 'DI NA 'DUG BZHIN DU, ,MTHONG BZHIN THAR PA GA LA 'GYUR, ,THOB SHIG 'DI NI MED ZIN TO, ,DE LTAR PHAN TSUN DMYAL 'DRAR GYUR, ,DE NAS MTSON CHA 'KHRUG PA YI, ,SGRA CHEN G-YUL NI BSRES PA DANG, ,RNGA BRDUNGS SGRA NI GRAG BA YIS, ,NAM MKHA'I NGOS NI RAL BA BZHIN, ,BRTAG LTAR 'JIGS PA'I GLANG CHEN DAG ,PHAN TSUN 'THAB MO 'GYED PA YI, ,RDUL GYI DRI NI MI BZOD PA, ,DUS MTHA'I RLUNG GIS G-YOS PA BZHIN; ,GLOG LTAR 'GYU BA'I BA DAN CAN, ,SHING RTA'I SGRA CHEN GRAG PA NI, ,PHYOGS RNAMS KUN TU KHYAB GYUR PA, ,SPRIN CHEN GLO BUR LANGS PA BZHIN, ,PHAN TSUN MDA' RNAMS 'PHANGS PA YIS, ,LHA DANG LHA MIN DPA' BO YI, ,GDUGS DANG RGYAL MTSAN GO CHA DANG, ,COD PAN DAG NI 'GYEL BAR GYUR, ,DE NAS LHA MIN MDA' 'PHANGS BSDAD PA DANG, ,LHA DBANG DPUNG NI 'JIGS PAS BYER BAR GYUR, ,DGRA YI DPUNG NI SHING RTAS RNAM BCIL NAS, ,LHA DBANG GCIG PU G-YUL NGOR 'THEN PAR GYUR, ,DE NAS LHA MA YIN GYI DPUNG RAB TU DGA' BAS SHIN TU NGA RGYAL BAR GYUR TE, CA CO'I SGRA CHEN PO SENG GE'I SGRA BZHIN SGROGS PA MTHONG BA DANG, LHA'I DBANG PO'I KHA LO SGYUR BA MA TA LIS BDAG CAG GI DPUNG BROS PAR GYUR PA MTHONG NAS, DA NI SLAR LOG PA'I DUS LA BAB PO SNYAM NAS LHA'I DBANG PO'I SHING RTA SLAR BZLOG GO ,DE NAS LHA'I DBANG PO BRGYA BYIN GYIS SHING SHAL MA LI LA NAM MKHA' LDING GI TSANG BCAS PA CIG SHING RTA DRANGS PA'I GNYA' SHING GI RTZE MOS PHOG PAR GYUR PA'I STENG DU BAB PA MTHONG NGO, ,MTHONG MA THAG TU SEMS SNYING RJE LA DMIGS PAS KHA LO SGYUR BA MA TA LI LA 'DI SKAD CES SMRAS SO, , @44B SHAL MA LI YI SHING LA BYA TSANG DAG ,BCAS PA'I NANG NA BYI'U PHRUG MA TSAR BA, ,'KHOD PA 'DI NI SHING RTA'I GNYA' SHING GIS, ,PHOG NAS MI LHUNG BAR NI SHING RTA DRANGS, ,MA TA LIS SMRAS PA, 'PHAGS PA LHA MA YIN GYI DMAG 'DI DAG DA RUNG SLAR MI LDOG GO, ,BRGYA BYIN GYIS SMRAS PA, 'O NA 'DI CI NYES NAM MKHA' LDING GI TSANG 'DI DAG LAS LEGS PAR ZUNGS SHIG ,MA TA LIS SMRAS PA, SHING RTA 'DI NI SLAD DU LDOG NA 'DOD, ,BYA RNAMS LA NI RAB TU PHAN GYUR NA, ,LHA RNAMS LA NI GNAS NAS SKABS RNYED PA'I, ,DGRA YI DMAG TSOGS 'DI DAG MNGON PHYOGS MCHIS, ,DE NAS LHA'I DBANG PO BRGYA BYIN SNYING RJE'I DBANG GIS RANG GI LHAG PA'I BSAM PA KHYAD PAR CAN, SNYING STOBS KYI KHYAD PAR BSTAN PA'I PHYIR SMRAS PA, SEMS CAN 'JIGS PAS NYEN PA 'DI BSAD PHYIR, ,SMOD PA'I GTAM NGAN PHOG CING GSOD BA PAS, ,LHA MIN MTSON GYIS PHOG STE SHI YANG SLA, ,DE BAS SHING RTA SLAD DU BZLOG PAR BYOS, ,DE NAS MA TA LIS DE LTAR BGYI'O ZHES MNYAN NAS, DE'I SHING RTA RTA STONG DANG LDAN PA SLAR LDOG GO, ,DGRA RNAMS KYIS NI DE YI MTHU MTHONG ZHING, ,SHING RTA G-YUL NGOR SLAR LOG MTHONG PA DANG, ,CHAR SPRIN NAG PO RLUNG GIS GTOR BA BZHIN, ,SKRAG NAS RTAB BZHIN RAB TU MGYOGS PAR BYED, ,BDAG GI DMAG TSOGS PHAM YANG SLAR LOG CING, ,DGRA YI DMAG TSOGS LAM NI BKAG STE 'THEN, ,GCIG PUR GYUR KYANG RAB TU DPA' SRID PAS, ,DGRA RNAMS DREGS PA SPA NI BKOD BAR GYUR, ,LHA MIN DPUNG DE PHAM PAR GYUR MTHONG NAS, ,LHA DBANG DPUNG YANG DE NAS SLAR LOG GYUR, ,LHA YI DGRA RNAMS 'JIGS NAS BYER GYUR PA, ,DE NAS SLAR LOG PHOD PA YONGS MA GYUR, ,LHA RNAMS DGA' ZHING NGO YANG MTSAR BZHIN DU, ,LHA YI DBANG PO LA NI PHYAG KYANG BYED, ,RGYAL BA'I DPAL GYIS RAB MDZES MDANGS GSAL ZHING, ,SRAS RNAMS DGA' BA'I MKHAR GYI NANG DU SONG, ,DE LTAR DE NYID DE'I G-YUL LAS RNAM PAR RGYAL BAR GYUR TO, ,DE BAS NA GSUNG RAB LAS KYANG, NGAN PA RNAMS NI SNYING RJE MED PAR SDIG PA @45A *, ,SPYOD; ,BLO 'BRING RNAMS NI PHONGS NA SNYING RJES BCAS SHING SPYOD, ,SKYE BO DGE BA RNAMS NI SROG DANG BRAL GYUR KYANG, ,RGYA MTSO'I DUS BZHIN RANG GI TSUL DANG 'GAL MI BYED, ,DE LTAR LHA'I RGYAL SRID DANG SROG KYANG BOR TE, BCOM LDAN 'DAS KYIS YUN RING PO NAS SEMS CAN RNAMS YONGS SU BSKYANGS PAS NA, ,SHES RAB CAN GYIS DE DAG LA, 'DIR NGAN SEMS BSKYED PA'ANG MI RIGS NA, GNOD PAR BYED PA LTA SMOS KYANG CI DGOS, DE BAS NA 'PHAGS PA RNAMS KYIS NI SROG CHAGS RNAMS LA SNYING RJE DANG LDAN PAR BYA BA RIGS SO, , DE LTA BAS NA CHOS SPYOD PA RNAMS NI CHOS NYID SRUNG BAR BYED DO ZHES GSUNGS PA DANG YANG SBYAR BAR BYA'O, ,DE BZHIN GSHEGS PA'I YON TAN BSNGAGS PA DANG, RIM GRO BSKYED DE CHOS MNYAN PA LA YANG SBYAR BAR BYA'O, ,BRGYA BYIN GYI SKYES PA'I RABS TE BCU GCIG PA'O,, ,, SKYES BU DAM PA RNAMS NI BDAG NGO TSA BA NYID KYIS SPYOD TSUL GYI DUS LAS MI 'DA'O, ,DE YANG 'DI LTAR BYANG CHUB SEMS DPA' BRAM ZE'I RIGS CHEN PO RUS DANG SPYOD PA MA SMAD PA, RANG GI CHOS LA SPYOD PA'I SGRA GRAG PA DANG 'DUL BA DANG SPYOD TSUL BZANG PO CIG TU SKYE BA YONGS SU BZUNG BAR GYUR TO ZHES GRAGS SO, ,DE GO RIMS BZHIN DU SKYES NAS KHRUS BYA BA DANG, SKRA MTSAMS DBYE BA DANG, BTZAS PA'I CHO GA BYA BA LA SOGS PA YONGS SU SBYANGS NAS, RIG BYED BSLAB PA'I PHYIR, BLA MA THOS PA DANG RIGS BTZUN PA DANG, SPYOD TSUL PHUN SUM TSOGS PA CIG LA BCAR TE GNAS PAR GYUR TO, ,DES NI THOS PA SLOB CING 'JIN GSAL DANG, ,RANG RIGS GAGS DANG GUS DANG DUL BA DANG, ,LANG TSOS CHE YANG ZHI ZHING CHOS BZANG BAS, ,DE LA BLA MA BYAMS SHING DGA' BAR GYUR, ,YON TAN DBANG DU BYED PA'I SDAGS, ,RTAG TU MA NYAMS MTHU DANG LDAN; ,ZHE SDANG 'KHRUGS PA DBANG BYED NA, ,THA MAL SEMS LTA SMOS CI DGOS, ,DE NAS DE'I MKHAN PO DANG SLOB MA THAMS CAD KYI NGAN TSUL BRTAG PA'I PHYIR, BSANG BA'I DUS DAG TU BDAG NYID DBUL BA'I SDUG BSNGAL RTAG TU BSGRAGS SO, ,DBUL BA 'BRAS BU RE BA MED, , @45B BDAG GI MI LA SMRA MED CING, ,DGA' STON TSE YANG DGA' MI MYONG, ,KYI HUD SBYIN PA'I GTAM YANG ZHAN, ,SMA DBAB GNAS GYUR NYON MONGS NGAL BA'I RGYU, ,BDE BA YONGS SPANGS SHIN TU MI BRJID PA, ,NYAMS NYES BZHIN DU RTAG TU MYA NGAN BYED, ,NOR MED GYUR PA SHIN TU 'JIGS SU RUNG; ,DE NAS DA'I SLOB MA DE DAG RTA BZANG PO LA LCAG GIS BSKUL BA BZHIN DU, BLA MA LA BYAMS PAS MI DGA' BAR GYUR TO, ,BSOD SNYOMS RAB TU BZANG ZHING SHIN TU MANG DU BYUNG NGO, ,DES DE DAG LA SMRAS PA, BSOD SNYOMS KYI ZAS KYIS SU 'I DBUL PHONGS PA YANG PHYED PAR MI 'GYUR GYI, KHYED CAG NYON MONGS PAR BYED PA 'DI THONG SHIG ,NGA NYON MONGS PA MI BZOD NA, KHYOD KYIS NOR BSGRUB BA LA 'BAD PAR BYA BA 'DI NI RIGS SO, ,DE CI'I PHYIR ZHE NA, BKRES SKOM ZAN DANG CHU YI PHYIR, ,SNGAGS BCAS SMAN GYIS NAD SOS 'GYUR, ,RGYUN GNAS NOR GYIS DBUL POR 'GYUR, ,THABS KYIS NOR BTZAL DBUL BA 'DOR, ,SLOB MA RNAMS KYIS SMRAS PA, BDAG CAG SKAL BA CHUNG BAS 'DI TZAM LAS LHAG PAR RDO MI THOGS NA CI LTAR BGYI, GZHAN YANG, MKHAN PO NOR YANG BSOD SNYOMS BZHIN, ,GAL TE RNYED PAR GYUR NA NI, , KHYOD KYIS DBUL BA'I SDUG BSNGAL 'DI, ,DE LTAR BDAG CAG GA LA BZOD, ,BRAM ZE RNAMS KYIS NOR BSGRUB TU, ,BLANG BA'I THABS NI RAB TU CHUNG, ,SKYE BO 'DI YANG SBYIN MI PHOD, ,DE BAS THABS MED BDAG CAG PHUNG, ,MKHAN POS SMRAS PA, BRAM ZE RNAMS LA NI NOR BSGRUB PA'I THABS GTZUG LAG LAS BYUNG BA GZHAN DAG KYANG YOD NA, BDAG NI RGAS PAS MTHU MED PAR GYUR TE DE SGRUB MI NUS SO, ,SLOB MA RNAMS KYIS SMRAS PA, SLOB DPON BDAG CAG NI MA RGAS PAS MTHU NYAMS PAR MA GYUR NA, GAL TE GTZUG LAG LAS BYUNG BA'I THABS DE DAG BDAG CAG GIS BSGRUB TU RUNG BAR DGONGS NA GSUNGS SHIG DANG, BDAG CAG LA CHOS 'CHANG PA'I DRIN LAN BLA NA PAR BGYI'O, ,MKHAN POS SMRAS PA, GZHON YANG SNYING LA RTZOL MI PHOD PA RNAMS KYIS NI 'DI LTA BU'I NOR BSGRUB PAR DKA' MOD KYI, 'ON KYANG DE LTAR KHYED @46A *, ,KYIS DUS KYIS 'TSUN NA LEGS KYIS NYON CIG NOR BSGRUB PA'I RIM PA GCIG YOD PA DE YANG GANG ZHE NA, BRAM ZE RGUNG TSE RKU BA CHOS SU 'CHAD, ,'JIG RTEN NA YANG NOR MED RGUD PA'I MCHOG ,DE BAS GZHAN NOR MA MTHONG BLANG BAR GYIS, ,'DI DAG KUN KYANG BRAM ZE'I NOR YIN NO; ,MNGON SUM DU NI NOR 'PHROG NUS GYUR KYANG, ,BDAG GI GRAGS PAS BSRUNG BAR BYA DGOS SO, ,KHYED CAG LTA BUS 'DI LTAR BYAR MI RUNG, ,DE BAS DE LTAR MA MTHONG BSGRUB PAR BYA, ,DE LTAR DES BSDAM PA GLOD PA DANG, SLOB MA DE DAG GIS DE'I TSIG DE MI RIGS KYANG, RIGS PA BZHIN DU DE LTAR BGYI'O ZHES MNYAN NAS, BYANG CHUB SEMS DPA' 'BA' ZHIG NI MA GTOGS SO, ,DE LA RANG BZHIN DGE BAS NA, ,DE LA RJES SU YI MI RANG, ,DE DAG GIS NI MA BRTAGS PAR, ,BYAR RUNG BZHIN DU KHAS BLANGS SO, ,BYANG CHUB SEMS DPA' NI NGO TSA BAS MGO SMAD DE CUNG ZAD CIG SHUGS NAR ZHES PHYUNG NAS CANG MI SMRA BAR 'DUG GO, ,DE NAS DE DAG GI MKHAN PO DES BYANG CHUB SEMS DPA' DE CHO GA BSTAN PA DE LA DGA' BAR YANG MA GYUR, SLAR LDOG PAR YANG MA GYUR PA MTHONG NAS, SEMS DPA' CHEN PO DE LA YON TAN ZHIG YOD PAR BSAMS NAS, 'DIS CI STZOL MI PHOD DAM, NGA LA MI BYAMS SAM, 'ON KYANG CHOS KYI 'DU SHES KYIS RKUN PO BYED DU MI BTUB BAM SNYAM NAS DE'I RANG BZHIN BRTAG PA'I PHYIR, BYANG CHUB SEMS DPA' LA SMRAS PA, KYE BRAM ZE CHEN PO, ,BRAM ZE 'DI RNAMS NGA RGUD MI BZOD PAS, ,MI RNAMS DPA' BO'I LAM LA BRTEN PAR GYUR, ,KHYOD NI SPRO BA MED CING BLUN PAR MNGON, ,NGA RGUD PAS NI NGES PAR MA GDUNGS SO, ,NGA YI SDUG BSNGAL RGYA CHER RAB BSGRAGS SHING, ,TSIG TU SMRAS PAS MA BCABS BSTAN GYUR KYANG, ,KHYOD NI JI LTAR MI BSGRIM BRTEN GYUR NA, ,DE LTAR THA MAL BZHIN DU GNAS PAR GYUR, ,DE NAS BYANG CHUB SEMS DPAS GUS PA DANG BCAS PAS PHYAG 'TSAL TE, MKHAN PO LA SMRAS PA, SDIG PA ZHI BAR GYUR CIG ,BDAG NI MI BYAMS SHING SNYING SRA BA'I PHYIR BLA MA'I SDUG BSNGAL GYIS MA GDUNGS TE, 'DI LTAR MA MCHIS PA MA LAGS KYIS, MKHAN POS BSTAN PA'I @46B RIM PA 'DI MI SRID PA'I PHYIR 'DI LTAR MCHIS SO, ,SUS KYANG MA MTHONG BAR SDIG PA SPYAD DU RUNG BA NI GANG YANG MA MCHIS SO, ,DE CI'I PHYIR ZHE NA, DBEN PA NI MI SRID PA'I SLAD DU'O, ,SDIG PA'I LAS RNAMS BYED PA NA, ,'JIG RTEN NA NI DBEN PA MED, ,MI SNANG BA YI 'BYUNG PO RNAMS, ,MI RNAMS LA NI LTA BAR BYED, ,LHA YI SPYAN NI PHYE BA YIS, ,THUB PA BDAG NYID SBYANGS PA RNAMS, ,DE YIS MA MTHONG DBEN SNYAM NAS, ,BYIS PA SDIG PA SPYOD LA 'JUG ,BDAG GIS GANG NA'ANG BSTOD PA NI, ,CUNG ZAD MCHIS PAR MA MTHONG NGO, ,GANG NA GZHAN DAG MI SNANG BA, ,DE NI BDAG GIS STONG MA LAGS, ,NYES PHYAS GZHAN GYIS MTHONG BA DANG, ,GANG YANG BDAG GIS MTHONG BA DAG ,BDAG GIS MTHONG BA GANG YIN PA, ,DE NI LEGS PAR MTHONG BA YIN, ,BDAG GIS DGOS PAS YID NI G-YENGS GYUR PHYIR, ,PHA ROL SPYOD PAS GZHAN GYIS MI MTHONG SRID,, BDAG NI CHAGS PAS RTZE GCIG YID GYUR PHYIR, ,SDIG PA BYED PA NGES PAR RIGS PAR GYUR, ,DE YI SLAD DU BDAG NI DE LTAR MCHIS PAR MA GYUR TO, ,DE NAS BYANG CHUB SEMS DPAS MKHAN PO'I YI DGA' BAR RIGS NAS, YANG SMRAS PA, KHYOD NI DE LTAR NOR GYI PHYIR ZHUGS PAR, ,BDAG GI TSIG LA NGES PAR MI 'DZIN TO, ,SKYON DANG YON TAN BYE BRAG SHES GYUR PA, ,SU ZHIG NOR PHYIR YON TAN CHUNG GSON BYED, ,LHA DBANG PHYIR YANG NGO TSA BOR NAS NI, ,YID LA CHOS DANG 'GAL BAR BYED PA LAS, ,GYO MO'I SNOD THOGS GOS NGAN GON NAS NI, ,DGRA YI KHYIM NA 'BYOR PA BSLONG YANG SLA, DE NAS DE'I MKHAN PO SNYING RAB TU DGA' ZHING YA MTSAN DU GYUR NAS STAN LAS LANGS TE, DE LA LAG PAS 'KHYUD NAS SMRAS PA, BU LEGS SO LEGS SO BRAM ZE CHEN PO LEGS SO, ,KHYOD KYI SHES RAB RAB TU ZHI BAS BRGYAN PA 'DI LA DON DE RIGS SO, ,BYIS PA RNAMS NI MTSAN MA CUNG ZAD LA, ,BRTEN NAS RANG GI CHOS LAM 'DOR PAR BYED, ,DKA' THUB THOB DANG SHES PA'I NOR LDAN PA, ,DGE BA RNAMS NI PHONGS KYANG MI 'GYUR RO, ,KHYOD KYIS RANG RIGS DRI MED BRGYAN PA 'DI, ,STON ZLA SHAR BAS NAM MKHA' BRGYAN PA BZHIN, ,KHYOD KYI THOS PA RNAMS @47A *, ,NI DON DANG LDAN, ,NGA YIS 'BAD PA'I NOR YANG LEGS PAR 'BYUNG, ,DE BAS NA SKYES PU DAM PA RNAMS NI, ,DE LTAR BDAG NGO TSA BA NYID KYI SBYOD YUL GYIS DUS LAS 'DA' BAR MI BYED DO, ,DE BZHIN DU 'PHAGS PA RNAMS KYIS KYANG NGO TSA SHES PA'I STOBS DANG LDAN PAR BYA BA'I RIGS SO, ,DE BZHIN DU 'PHAGS PA NYAN THOS RNAMS NI NGO TSA SHES PA'I 'OBS KYIS BSKOR BAS MI DGE BA RAB TU SPONG BAR 'GYUR RO, ,ZHES BYA BA LA SOGS PA NGO TSE SHES PA'I BSNGAGS PA DANG LDAN PA'I MDO SDE DANG 'JIG RTEN LA DBANG BYED PA'I MDO SDE DAG LA YANG SBYAR BAR BYA'O, ,BRAM ZER SKYES PA'I RAB TE BCU GNYIS PA'O,, ,,SKYES PU DAM PA RNAMS NI BDAG RANG SRAN THUB PAS BRTAN PA'I PHYIR SDUG BSNGAL MI BZAD PAS GDUNGS KYANG LAM NGAN PAR 'JUG PAR MI 'GYUR RO, ,DE YANG 'DI LTAR BYANG CHUB SEMS DPA' BDEN PA DANG GTONG BA DANG, NYE BAR ZHI BA DANG, SHES RAB LA SOGS PA'I YON TAN KHYAD PAR CAN RNAMS KYIS 'JIG RTEN LA PHAN PAR BRTZON PA DE, RE ZHIG CIG YUL SHI BI PA RNAMS KYI RGYAL POR GYUR TO, ,ZHES GRAGS SO, ,CHOS DANG 'DUL BA LAS MNGON SUM DU GYUR PA BZHIN SKYE DGU RNAMS LA PHA DANG 'DRA BAR PHAN 'DOGS NUS PAR GYUR TO, ,NYES PA SPYOD LAS RNAM PAR BZLOG PA DANG, ,YON TAN 'PHEL BA RAB TU DGONGS PA'I PHYIR, ,RGYAL PO DES NI PHA YIS BU DAG BZHIN, ,'JIG RTEN GNYIS KAR MI RNAMS DGA' BAR 'GYUR, ,NANG GI MI DANG PHYI MI 'DRA BAR SNYOMS, ,DE YI BKA' KHRIMS CHOS DANG RJES SU MTHUN, ,SKYE BO'I CHOS MIN LAM NI BSGRIBS NAS SU, ,MTHO RIS LAM NI THEM SKAS RIM PA BZHIN, ,'JIG RTEN PHAN PA CHOS LDAN DE MTHONG NAS, ,MI RNAMS SKYONG BA CHOS RNAMS 'BA' ZHIG SPYOD, ,RNAM PA KUN TU CHOS KYI LAM LA DGA', ,GZHAN GYI CHOS LA GNOD BYAS YONGS MI BZOD, ,RGYAL PO CHEN PO DE'I BLON PO CHEN PO'I BU MO ZHIG DPAL MO GZUGS DANG LDAN PA BZHIN, DGA' BA MNGON SUM GYUR PA BZHIN, LHA'I BU MO BZHIN GZUGS DANG GZI MDANGS MCHOG DANG LDAN PA, BLTA NA SDUG PA, BUD MED RIN PO CHE RAB TU BKUR @47B BA ZHIG YOD PAR GYUR TO, ,'DOD CHAGS MA BRAL BAS NI DE YI LUS, ,JI SRID MTHONG BAR GYUR PA DE SRID DU, ,DE YI GZUGS DANG YON TAN RNAMS LA CHAGS, ,DE YI LTA BA BZLOG PAR YONG MI NUS, ,DE BAS NA GNYEN RNAMS KYIS KYANG, DE'I MING MYOS BYED MA ZHES BTAGS SO, , DE NAS DE'I PHAS RGYAL PO LA GSOL PA, LHA KHYED KYI YUL DU BUD MED RIN PO CHE ZHIG BYUNG BAR GYUR NA, PHYAG TU BZHES SAM MI BZHES PA LHA NYID MKHYEN TO ZHES GSOL TO, ,DE NAS RGYAL PO DES BUD MED KYIS MTSAN NYID LA MKHAS PA'I BRAM ZE RNAMS LA 'DI CI LA 'OS PA YIN NAM MA YIN KHYED KYIS LTOS SHIG CES BKA' STZAL TO, ,DE NAS BU MO DE'I PHAS BRAM ZE DE DAG RANG GYI KHYIM DU PHYIN NAS MYOS BYED MA LA, BZANG MO KHYOD RANG GIS BRAM ZE RNAMS LA KHA ZAS DRANGS SHIG CES SMRAS PA DANG, BU MO DES DE BZHIN DU BGYI'O ZHES MNYAN NAS, BRAM ZE RNAMS LA GO RIMS BZHIN DU KHA ZAS DRANGS SO, ,DE NAS BRAM ZE DE DAG DE'I GDONG DU MIG MI 'DZUMS PAR LTA, 'DOD CHAGS KYIS NI BRTEN PA NYAMS PAR GYUR, ,MIG DANG YID LA DBANG YANG MED PAR GYUR, ,'DOD PAS MYOS NAS 'DU SHES NYAMS PAR GYUR, ,GANG GI TSE BRTAN CING MI G-YO BAR 'KHOD PAR YANG GNAS MA NUS PAR GYUR PA DE'I TSE, KHA ZAS BZA' BA LTA GA LA NUS TE, DE NAS KHYIM BDAG DES RANG GI BU MO DE DAG GI MIG LAM DU MI SNANG BAR BYAS TE, BDAG NYID KYIS BRAM ZE RNAMS LA KHA ZAS BYIN TE SLAR GYIS SO, ,DE NAS DE DAG GIS BSAMS PA, 'DI NI BCOS MA'I GZUGS YIN NO, ,BU MO 'DI'I GZUGS BYAD NI YID 'PHROG PAR BYED PA ZHIG GO ,'DI NI RGYAL POS GZIGS PAR BYA BA YANG MI RIGS NA, BTZUN MO 'BUL DU LTA GA LA RUNG, 'DI BYAD BZHIN BZANG CHES PAS GDONG MI ZA BAR RGYAL PO DE SEMS MYOS NAS CHOS DANG SRID KYI DON BSGRUB PA LA G-YEL BAR 'GYUR ZHING, RGYAL PO'I DON BSGRUB RGYU DUS LAS YOL BAS 'BANGS RNAMS LA PHAN PA DANG, BDE BA'I LAM CHAD DE 'DIS PHUNG BAR 'GYUR RO, ,'DI NI MTHONG BAR GYUR PA TZAM GYIS KYANG, ,DRANG SONG RNAMS LA'ANG DNGOS GRUB GEGS GYUR NA, , @48A *, ,'DOD CHAGS CAN GYI MIG LA LANG TSOR LDAN, ,RGYAL PO BDE BAR GNAS PA SMOS CI DGOS, ,DE BAS NA DA NI DUS LA BAB PO SNYAM NAS, SKABS CIG TU RGYAL PO'I SPYAN SNGAR SONG STE, RGYAL PO CHEN PO BU MO DE BDAG GIS MTHONG STE, DE'I BYAD GZUGS NI RAB TU BZANG LA MTSAN NGAN TE, ,DPAL DANG MI LDAN PA ZHIG LAGS PAS, RGYAL POS GZIGS SU MI RUNG NA, ,KHAB TU BGYID LTA GA LA RUNG, ,SMAD PA'I BUD MED KHYIM NI GNYIS KAR YANG, ,GRAGS PA DANG NI 'BYOR PA MED PAR BYED, ,MTSAN MO'I ZLA BA SPRIN RUM NUB PA NI, ,GNAM SA'I BYE BRAG MDZES PA MED PA BZHIN, ,RGYAL POS DE'I DON THOS NAS BU MO DE MTSAN NGAN ZHES GRAGS PAS, NGA'I RIGS DANG MTHUN PA MA YIN NO SNYAM NAS DE LA CHAGS PA MED PAR GYUR TO, ,RGYAL POS MI BZHED PAR SHES NAS, KHYIM BDAG DE'I BU MO DE RGYAL PO DE NYID KYI BLON PO CIG LA BYIN NO; ,DE NAS RE ZHIG CIG RGYAL PO DE MTHAR GYIS RANG GI GRONG KHYER NA ME TOG KU MU TA'I DGA' STON BZANG PO BYUNG BA LA LTA BAR 'DOD NAS SHING RTA MCHOG LA ZHON TE GRONG KHYER GYI LAM PO CHE SRANG DANG TSONG KHANG THAMS CAD PHYAG DAR BYAS SHING CHAG CHAGS GDAB PA DANG, GDUGS DANG, RGYAL MTSAN DANG, BDAN BSGRENG BA, SA'I STENG THOG DAG ME TOG SIL MAS BKRAM PA GLU GAR DANG BZHAD GAD DANG, RTZED MO DANG SIL SNYAN SGROGS PA, ME TOG DANG, GDUGS DANG, RGYAL MTSAN DANG, SPOS DANG, PHYE MA DANG, GOS DANG, PHRENG BA DANG, KHRUS DANG, BYUG SPOS KYI BSUNG ZHIM PO'I NGAD LDANG BA, TSONG ZONG BZANG BA RNAM PA MANG PO BKRAM PA, GRONG KHYER GYI MI DAR ZHING DGA' LA CHAS RAB TU BZANG BA RNAMS KYIS GANG BA'I GRONG KHYER MCHOG GI NANG NAS SONG SONG BA LAS, BLON PO DE'I KHYIM DANG NYE BA CIG TU PHYIN PA DANG, DE NAS MYOS BYED MAS BSAMS PA, BDAG NI RGYAL PO 'DIS MTSAN NGAN ZHES BTAGS NAS SPONGS SO SNYAM STE, SNYING NA BZHIN DU RGYAL PO LA LTA 'DOD PA 'DRA BA BYAS NAS LUS BYAD MDZES PAR BSTAN NAS, SPRIN GYI STENG NA GLOG 'GYU BA BZHIN DU, YANG THOG GI STENG NA RAB TU GSAL BAR SNANG BAR BYAS TE 'DUG GO ,DA @48B BDAG LTA BU MTSAN NGAN PA MTHONG NA, 'DI'I DRAN PA RNAM PA G-YO BA, BDAG RANG GIS 'DZIN NUS SAM MI NUS LTA'O SNYAM MO, ,DE NAS RGYAL PO DES GRONG KHYER MCHOG BRGYAN PA LA BLTAS PA LAS, BU MO DE MIG SNGA NA 'DUG PA MTHONG BAR GYUR TO, ,DE NAS RGYAL PO DES, PHO BRANG STENG DU NA CHUNG BZANG MO YI, ,LUS BZANG CHES PA TSIM PAR MTHONG GYUR CING, ,CHOS LAM RJES SU DGA' BAS MA 'PHYAR LA, ,DBANG PO DUL BAR BYED LA BRTZON GYUR CING, ,BRTEN PA'I YON TAN CHE LA NGO TSA SHES, ,GZHAN GYI BUD MED LTA LA MA SMOS KYANG, ,'DOD CHAGS LANGS SHING YA MTSAN CHER GYUR NAS, ,BUD MED DE LA MIG GIS RING BZHIN BLTAS, ,'DI CI KU MU TA YIN NAM, ,'ON TE KHYIM 'DI'I LHA YIN NAM, ,LHA 'AM LHA MIN CHUNG MA YIN, ,'DI NI MI LUS MA YIN NO, ,SNYAM NAS, ,RGYAL POS DE LTAR DPYOD DPYOD NAS DE LA BLTAS PAS TSIM PAR MA GYUR BZHIN DU, SHING RTA DE PHYOGS DE NAS THAL BYUNG DU BYED PA DANG YID LA MI 'BAB PAR GYUR TE, DE NAS RGYAL PO DE SNYING STOR BA BZHIN DU DE LA SEMS RTZE GCIG TU GYUR ZHING BDAG GI GNAS SU PHYIN PA DANG,, 'DOD CHAGS KYIS BRTEN PA MED PAR GYUR PA DANG, KHA LO SGYUR BA RAB TU DGA' BA ZHES BYA BA LA GSANG STE SMRAS PA, PHYIR DKAR POS BSKOR BA YI, ,KHYIM DE SU'I YIN KHYOD SHES SAM, ,SPRIN DKAR STENG NA GLOG BZHIN DU, ,DE NA MDZES PA SU ZHIG YIN, KHA LO SGYUR BAS SMRAS PA, LHA NYID KYI BLON PO AA BHI PA RA KA ZHES BGYI BA ZHIG MCHIS TE, KHYIM DE NI DE'I LAGS SO, ,BU MO DE YANG DE NYID KYI MCHIS 'BRANG LAGS TE, KI R'I TA B'A TSA ZHES BGYI BA'I BU MO MYOS BYED MA ZHES BGYI BA LAGS SO, ,RGYAL PO DES DE SKAD CES THOS NAS, GZHAN GYI CHUNG MA YIN NO SNYAM STE RE THAG CHAD NAS SEMS KHONG DU CHUD NAS MIG RTZA DANG MDANGS NYAMS SHING SHUGS NAR GYIS PHYUNG NAS, DE LA SEMS CHAGS PA BZHIN DU DAL BUS BDAG RANG LA SMRAS PA, AE MA'O 'DI MING 'DI LTAR BTAGS PA NI, ,DON DANG RJES SU MTHUN ZHING TSIG KYANG SNYAN, ,'DZUM PA'I MDANGS DKAR MYOS BYED MA ZHES PA, ,'DI @49A *, ,LTAR BDAG NI MYOS PA BZHIN DU BYED, ,DE NI BZHED PAR BDAG 'DOD NA, ,SEMS KYIS MTHONG BA BZHIN DU GYUR, ,BDAG GI SEMS NI DE LA GNAS, ,SEMS NI DE YI DBANG DU GYUR, ,GZHAN GYI CHUNG MA YIN PA LA, ,BDAG KYANG DE LTAR MI BRTEN PAR, ,DE NI MYOS TE NGO TSA DANG, ,BRAL BA BZHIN DU GNYID DANG BRAL, ,DE YI LUS BZANG CHAS SHING 'GRENG DANG LDAN PA LA, ,CHAGS PAS RTZE GCIG YID DU GYUR ZHING 'DUG PA'I TSE, ,DON SGRUB GO RIMS SPRON PA'I CHAB TSOD SGRA GRAGS PA'I, ,CHAB TSED DE NI NGA YI SEMS LA ZHE SDANG LDANG, ,DE LTAR RGYAL PO DE 'DOD PAS MYOS PA'I MTHU BRTEN PA NI NYAMS, ,BDAG RANG GIS BRNAG STE BOR YANG MDANGS NI SEMS SKYAR GYUR CING LUS KYANG SHA BRI SRAB MOR GYUR, SEMS KHONG DU CHUD CING SHUGS NAR GYIS PHYUNG BA LA, ,GLAL BA YANG DANG YANG DU NI BYUNG, 'DOD CHAGS KYIS MYOS PAR GYUR PA'I RNAM PA NI RAB TU MNGON PAR GYUR TO, ,BRTAN PA CHEN POS BRNAGS SHING BSGRIMS BYAS KYANG, ,RGYAL PO DE YI YID NI GYUR PA DE, ,SEMS KHONG CHUD PA'I MIG DANG BZHIN MDANGS DANG, ,SHA BRI SRAB MOR GYUR PAS RAB TU MNGON PAR GYUR, ,DE NAS BLON PO AA BHI PA RA KA BRDA DANG MTSAN MA LA MKHAS PA DES; RGYAL PO DE DE LTAR GYUR PAR SHES NAS SNYING NYE BAS RGYAL PO MA RUNG BAR GYUR DU DOGS PA DANG, 'DOD CHAGS KYANG MTHU CHE BAR SHES NAS RGYAL PO LA ZHUS TE, NANG DU MCHIS PAR GNANG BA DANG, DBEN PAR GSANG STE GSOL PA, DA NANG BDAG NI LHA MCHOD BGYIS PA'I CHE ,GNOD SBYIN ZHIG GIS MNGON SUM MCHIS NAS SU, ,MYOS BYED MA LA RGYAL PO'I THUGS CHAGS PA, ,KHYOD KYIS MI SHES SAM ZHES BDAG LA MCHIS, ,DE SKAD SMRAS NAS MOD LA MI SNANG GYUR, ,BDAG NI RTOG PA SKYES NAS 'DIR MCHIS LAGS, ,DE LTAR MED NA LHA GCIG 'DI LTA BU, ,CI YI SLANG DU BDAG LA BKA' MI STZAL, ,DE BAS NA LHA BDAG LA THUGS BRTZE BA'I SLAD DU, BU MO 'DI PHYAG TU BZHES PAR RIGS SO, ,DE NAS RGYAL PO DE LTAS KYIS BSKUL BAS NGO TSA STE, MGO SMAD NAS 'DOD CHAGS KYI DBANG DU GYUR KYANG, CHOS LA SEMS RAB TU GOMS PA'I PHYIR BRTEN PA @49B NYAMS PAR MI 'DOD PA'I TSIG RAB TU GSAL BAS DE LA SMRAS PA, DE NI MI RIGS SO, ,DE CI'I PHYIR ZHE NA, BSOD NAMS NYAMS GYUR BDAG KYANG MI 'CHI MIN, ,BDAG GI SDIG 'DI'ANG GZHAN GYIS SHES PAR 'GYUR, ,DE DANG BRAL BAS 'GYOD PAR 'GYUR BA'I MES, ,KHYOD KYI SEMS KYANG RTZA BZHIN BSREG PAR 'GYUR, ,'JIG RTEN 'DI DANG PHA ROL GNYIS KA LA, ,BDAG CAG GNYIS LA DER LTAR GNOD PA'I LAS, ,GANG PHYIR MI MKHAS BSTEN PAR BYED GYUR PA, ,DE PHYIR MKHAS PAS BSTEN PAR YONG MI BYED, ,AA BHI PA RA KAS SMRAS PA, LHA CHOS DANG 'GAL BAR DOGS PA MI MDZAD DU GSOL, ,SBYIN PA BGYID PA'I GROGS BGYID PAS, ,KHYOD LA BSOD NAMS NYID DU 'GYUR, ,DE NI BDAG LAS MA BZHES NA, ,SBYIN LA GEGS PAS CHOS MIN 'GYUR, ,LHA LAS BKA' MCHID NGAN PA'I SKABS KYANG MA MTHONG NGO, ,DE CI'I SLAD DU ZHE NA, 'O SKOL GNYIS LAS MA GTOGS PA, ,GZHAN NI SU ZHIG 'DI SHES 'GYUR, ,DE BAS MI YIS KHREL GYUR PA'I, ,THUGS LA DGONGS PA MA MDZAD CIG ,DE LTAR BGYIS NA BDAG LA PHAN YON BTAGS PAR 'GYUR GYI GNOD PAR NI MI 'GYUR RO, ,RJE YI DON DU SBYAD PAS MGU BA YIS, ,SEMS LA KHYAB PAR GYUR NA GA LA GNOD, ,DE BAS THUGS LA BZHES PA DON BCAS MDZOD, ,BDAG LA GNOD PAR DOGS PA KHYOD MA MDZAD, ,RGYAL POS SMRAS PA, SDIG PA ZHI BAR GYUR CIG ,NGA LA RAB TU BYAMS PA'I PHYIR, ,KHYOD KYIS DE NI MA BRTAGS SO; ,'DI LTAR SBYIN PA THAMS CAD DU, ,CHOS BSGRUB PA YI GROGS MA YIN, ,RAB TU BYAMS PAS NGA YI PHYIR, ,SROG KYANG PHANGS PAR MI LTA BAR, ,GNYEN PAS LHAG PA DE LTA BU'I, ,GROGS PO'I CHUNG MA GROGS MO YIN, ,DE BAS NA DE LTA BU BYED DU BCUG PA MI RIGS SO, ,GANG YANG 'DI GZHAN SUS KYANG SHES PAR MI 'GYUR RO, ,ZHES ZER BA DE YANG, 'DI CI SDIG TU MI 'GYUR RAM, MA MTHONG BAR NI SDIG PA BYAS PA DAG ,DUG ZOS BZHIN DU BDE BAR CI LTAR 'GYUR, ,LHA DANG RNAL 'BYOR CAN GYI MIG DAG NI, ,RNAM DAG MIG GIS MI MTHONG MI SRID DO,, @50A *, ,GZHAN YANG, DE NI KHYOD LA MI PHANGS ZHE'AM, ,DE NI BTANG MA THAG TU YANG, ,SDUG BSNGAL 'BYUNG BAR MI 'GYUR ZHES, ,SU ZHIG DE LA YID CHES 'GYUR, ,AA BHI PA RA KA SA SMRAS PA, BDAG NI BU SMAD BCAS PA 'BANGS, ,KHYOD NI BDAG GI RJE DANG LHA, ,DE BAS BRAN MO 'DI LTA LA; ,CHOS DANG 'GAL BA CI ZHIG MCHIS, ,'DI BDAG LA PHONGS ZHES BGYI BA DE YANG, PHANGS NA PHANGS SU BAS MOD, ,'DI NI BDAG LA PHANGS PA LAGS MOD KYI, ,DE YI SLAD DU 'DI NI KHYOD LA 'BUL, ,PHANGS PA BYIN NA TSE RABS PHYI MA LA, ,RAB TU DGA' ZHING PHANGS PA THOB PAR 'GYUR; ,LHA DE BAS NA 'DI BZHES SU GSOL, RGYAL POS SMRAS PA, DE LTAR BYAR MI RUNG GIS, DE SKAD MA ZER CIG ,CI'I PHYIR ZHE NA, CHOS SPYOD PA LAS DPAL NI THOB GYUR NA, ,DE NYID LA YANG GNOD PAR BYED PA BAS, ,BDAG NI MTSON CHA RNON POS BTAB PA'AM, ,ME STAG 'PHRO PA'I ME NANG ZHUGS KYANG SLA, ,AA BHI PA RA KAS SMRAS PA, GAL TE 'DI GZHAN GYI PHYIR 'BRANG LAGS PA'I SLAD DU, LHA MI BZHES NA YANG 'DI SKYE BO THAMS CAD KYI BTUD DU RUNG BA SMAD 'TSONG MA'I TSUL 'DZIN DU 'TSAL LO, ,DE BAS LHA 'DI BZHES SU GSOL, RGYAL POS SMRAS PA, KHYOD MYOS SAM CI; SKYON MED CHUNG MA BOR NA NI, ,NGA YI CHAD PAS BCAD TA RE, ,SMAD PA'I GNAS SU KHYOD GYUR NA, ,'DI DANG PHA ROL BSREG PAR 'GYUR, ,DE BAS NA BYAR MI RUNG BA LA, YUS MA CHE BAR RIGS PA LA DGA' BAR GYIS SHIG ,AA BHI PA RA KAS SMRAS PA, KHYOD LA BDE BAS BDAG YID BDER GYUR NA; ,GAL TE CHOS DANG 'GAL BAR GYUR KYANG RUNG, ,SKYE BOS SMAD CING BDE BA NYAMS KYANG RUNG, ,DE DAG THAMS CAD LTO BAS BZOD PAR GYIS, ,SA BDAG CHEN PO 'JIG RTEN 'DI NA NI, ,KHYOD LAS LHAG PA'I MGRON MCHOG GZHAN MA MTHONG, ,BDAG GI BSOD NAMS 'PHEL PHYIR MYOS BYED MA; ,DUS TSIGS MCHOD PA'I YON BZHIN BZHES SU GSOL, ,RGYAL POS SMRAS PA, NGAL RAB TU BYAMS PA'I PHYIR, ,BDAG LA PHAN PA DANG GNOD PAR GYUR PA LA YANG MI LTA BAR KHYOD 'DI LTAR 'BAD PA NI DA'I DON DU SKYOD PA YIN PAS, ,DE'I PHYIR YANG KHYOD LHAG PAR YAL BAR DOR DU @50B MI RUNG NGO, ,'JIG RTEN PAS SMAD PA LA YANG 'DZEM PA MED PAR BYA BA'I MI RIGS SO, ,LTOS SHIG ,'JIG RTEN SMOD PAS 'DZEM PA MED PA DANG, ,CHOS DANG PHYI MA'I 'BRAS BU MI LTA BAR, ,GANG YIN DE LA SKYE BO YID MI CHES, ,LHA DANG DPAL GYIS RAB TU SPANG BAR 'GYUR, ,DE BAS NANGS KHYOD LA'ANG SMRA'O; ,SROG GI PHYIR NI CHOS DANG NI, ,'GAL BAR GYUR LA DGA' MI BYED, ,NYES PA CHER 'GYUR GDON MI ZA, ,LEGS 'BYUNG CHUNG LA DOGS DANG BCAS, ,GZHAN YANG, DAM PA RNAMS NI PHA ROL SMOD LA SOGS, ,SDUG BSNGAL BYAS NA BDAG NYID BDE MI 'GRUB, ,DE BAS NGA NI CI LA'ANG MI GNOD PAR, ,CHOS LA GNAS NAS BDAG GI DON GRUB PO, ,AA BHI PA RA KAS SMRAS PA, RJE'I DON DU GUS PA'I 'BANGS KYIS SPYAD PA 'DI LA BDAG CAG LA CHOS MA LAGS PA'I SKABS CI ZHIG MCHIS, 'DI BDAG GIS PHUL BA LHAS BA ZHES PA LA YANG NONGS PA CI MCHIS, DE'I SMAD DU YUL SHI PI PA'I LJONGS KYI MI DANG BCAS PAS KYANG 'DI LA CHOS MA LAGS PA'I SNYAD GDAGS SU CI ZHIG MCHIS, DE LTA BAS NA LHA 'DI BZHES SU GSOL, ,RGYAL POS SMRAS PA, KHYOD NI NGA'I DON SPYAD PA LA RAB TU GZHOL BAR NGOS MOD KYI, 'DI LA 'O CAG GNYIS DANG, YUL SHI BI PA'I LJONGS KYI MI DANG BCAS PA'I NANG NA SU CHOS SHES PA'I MCHOG YIN PA 'DI NI DPYAD DGOS SO, ,DE NAS AA BHI PAR KAS GUS PA DANG BCAS PAS RGYAL PO LA SMRAS PA, RGAN PA BSNYEN BKUR BYA BA BYAS PA DANG, ,THOS PA MANG ZHING BLO YANG RNO BA DANG, ,'KHOR GSUM DON GYI MCHOG NYID RIG PA NI, ,LHA GCIG KHYOD DANG BDAG PO CHE LA MCHIS, ,RGYAL POS SMRAS PA, DE BAS NA 'DI LA NGA BSLU BAR MI RIGS SO, ,CI'I PHYIR ZHE NA, 'JIG RTEN PA LA PHAN PA DANG GNOD PA NI RGYAL PO RNAMS KYI SPYOD PA LA RAG LUS TE, DE BAS 'BANGS RNAMS SNYING NYE BSAMS NAS SU, ,GTAM SNYAN 'BYUNG BA'I LAM GYI MCHOG DGA', ,KHYU MCHOG 'GRO BA DANG NGAM G-YO BA BZHIN, ,RJES SU 'GRO BA RNAMS NI DOGS MED CING, ,'KHRUL PA MED PAR RJES SU 'BRANG BA BZHIN, ,'BANGS KYANG DE BZHIN RGYAL PO'I RJES SU 'BRANGS, ,GZHAN YANG KHYOD LTOS SHIG ,NGA BDAG RANG YANG SRUNG BA NI, ,GANG TSE NUS @51A *, ,PAR MA GYUR PA, ,DE TSE NGA YIS BSRUNG 'DOD PA'I, ,SKYE BO RNAMS NI JI LTAR 'GYUR, ,DE LTAR 'BANGS LA PHAN PAR LTA BA DANG, ,BDAG GI CHOS DANG GRAGS PA DRI MED LA, ,BLTAS NAS SEMS KYI DBANG DU NGA MI 'GRO, ,KHYU MCHOG BZHIN DU NGA NI 'BANGS KYI MGON, , DE NAS BLON PO AA BHI PA RA KAS, RGYAL PO SRAN TSUGS PAR DE MGU NAS, RGYAL PO LA PHYAG 'TSAL TE, THAL MO SBYAR TE SMRAS PA, GANG RNAMS BSRUNG BA'I RGYAL PO KHYOD BZHUGS PA'I, ,AE MA HO 'BANGS RNAMS SKAL BA PHUN SUM TSOGS, ,CHOS LA BGYIS SHING BDE LA MA CHAGS PA, ,DE LTA BU NI DKA' THUB NAGS NA'ANG DKON, ,RGYAL PO CHEN PO CHEN PO'I SGRA, ,'DI NI RGYAL PO KHYOD LA MDZES, ,YON TAN MED LA YON TAN BRJOD, ,SMAD CING RTZUB PA'I TSIG TU GYUR, ,RGYA MTSOR RIN CHEN 'BYUNG GNAS BZHIN, ,YON TAN 'BYUNG GNAS KHYED LAGS PAS, ,KHYED NI DE LTAR ZHI GYUR PA; ,DE LA NGO MTSAR CHER MI 'DZIN, ,DE LTAR SKYES BU DAM PA RNAMS NI BDAG RANG SRAN THUB PAS BSTAN PA DANG CHOS KYI 'DU SHES RAB TU GOMS PAR BYAS PA'I PHYIR, SDUG BSNGAL MI BZAD PAS GDUNGS KYANG LAM NGAN PAR 'JUG PAR MI 'GYUR RO, ,DE BAS NA SRAN THUB PAR BYA BA DANG, CHOS LA GOMS PAR BYA BA LA BRTZON PAR BYA'O, ,MYOS BYED MA'I SKYES PA'I RABS TE BCU GSUM PA'O,, ,,BAM PO LNGA PA, CHOS LA GNAS NA BDEN PA'I TSIG TZAM GYIS KYANG MA RUNGS PAR GYUR PA LAS THAR BAR 'GYUR NA, DE'I 'BRAS BU LTA SMOS KYANG CI DGOS, ,DE BAS NA CHOS KYI RJES SU 'JUG PAR BYA'O, ,DE YANG 'DI LTAR BYANG CHUB SEMS DPA' CHEN PO BLO RAB TU RNO BA GRU'I KHA LO SGYUR BA CIG TU GYUR TO, ,ZHES GRAGS SO, ,'DI LTAR BYANG CHUB SEMS DPA' RNAMS NI RANG BZHIN GYIS SHES RAB RNO BAS GTZUG LAG KHYAD PAR CAN GANG DANG GANG SLOB PAR 'DOD PA DANG, SGYU RTZAL KHYAD PAR CAN GANG DANG GANG SLOB PAR 'DOD PA DE DANG DE DAG LA SHES RAB RNO ZHING SKYE BO GZHAN PAS LHAG PAR GYUR TO, ,BDAG NYID CHEN PO DE LTAR SKAR MA RGYU BA LA MKHAS PAS, PHYOGS KYI BYE BRAG LA BLO MA RMONGS SHING NAR MA DANG, GLO BUR DU 'BYUNG BA'I LTAS SHES LA, MTSAN MA LA @51B MKHAS SHING DUS DANG DUS MA YIN PA'I GO RIMS LA MKHAS PAS NYA DANG CHU'I KHA DOG DANG SA'I BYE BRAG DANG BYA DANG RI DAGS LA SOGS PA'I MTSAN MAS KYANG RGYA MTSO'I PHYOGS NI LEGS PAR RTOGS, DRAN PA DANG LDAN ZHING LE LO DANG GNYID NI CHUNG, GRANG BA DANG TSA BA DANG CHAR 'BAB PA LA SOGS PA'I SDUG BSNGAL NI CI MI SNYAM, BAG CHE LA BRTEN PA DANG NI LDAN, DRANG BA DANG BZLOG PA LA SOGS PA LA MKHAS PA'I PHYIR, TSONG PA RNAMS 'DOD PA'I YUL DU PHYIN PAR BYED PA CIG TU GYUR TO, ,DES 'GRO BA'I DON RAB TU 'GRUB PAR 'GYUR BA'I PHYIR, MING YANG LEGS PA'I PHA ROL TU PHYIN PAR BYED PA ZHES BYA'O, ,DE GNAS PA'I MING YANG LEGS PAR PHA ROL PHYIN PA ZHES SNGON GRAGS SO, ,DING SONG NI SU P'A RA KA RA ZHES BYA'O, ,DE RAB TU BKRA SHIS PA PHUN SUM TSOGS PA'I PHYIR, RGAS PA RNAMS KYANG RGYA MTSOR 'DONG BA'I TSONG PA DON 'GRUB PAR 'DOD PA RNAMS KYIS GSOL BA BTAB PA DANG BKUR STI CHER BYED DE GRU BO CHE'I NANG DU 'JUG PAR BYED DO, ,DE NAS RE ZHIG CIG YUL BHA RU KA TZTSA NAS TSONG PA GSER GLING DU 'DONG BA DON GRUB PAR 'DOD PA CIG YUL LEGS PAR PHA ROL TU PHYIN PAR LHAGS NAS, SEMS DPA' CHEN PO DE GRU BO CHE DE'I NANG DU GZHAG PA'I PHYIR GSOL BA BTAB PO; ,NGES DE DAG LA SMRAS PA, RGAS PA'I DBANG GIS LTA BA NYAMS GYUR ZHING, ,GZHON SHA CHUNG BAS DRAN PA RAB TU NYAMS, ,BDAG GI LUS KYI BYA BA'ANG NYAM CHUNG NA, ,BDAG LA GROGS BYAR RE BA GA LA SRID, ,TSONG PA RNAMS KYIS SMRAS PA, KHYOD KYI LUS NI GNAS SKABS CI 'DRA BA BDAG CAG GIS 'TSAL TE, KHYOD LA DRAG SHUL SPYAD PA'I MTHU MA MCHIS LAGS KYIS KYANG, BDAG CAG NI KHYOD LA PHRIN LAS BGYI BAR MI GSOL GYI, GZHAN DU NA, KHYED KYI ZHABS KYI PADMA LA BRTEN PA'I, ,MTHU YIS GRU NI BKRA SHIS LDAN GYUR NA, ,MTSO YI NANG NAS RAB TU BGROD DKA' YANG, ,BDE BAR THAR 'GYUR SLAD DU BDAG CAG MCHIS, ,DE NAS BDAG NYID CHEN PO DES DE DAG LA SNYING BRTZE BA'I PHYIR RGAS PAS LUS SHIG SHIG POR GYUR DU ZIN KYANG GRU BO CHE'I NANG DU ZHUGS SO, ,DE GRU NANG DU ZHUGS PA DANG, TSONG PA DE DAG THAMS CAD KYIS BSAMS PA, ,DA NI @52A *, ,GDON MI ZA BAR BDAG CAG RNAMS DON GYI MCHOG GRUB PAR 'GYUR RO SNYAM NAS SEMS RAB TU DGA' BAR GYUR TO, ,DE NAS MTHAR GYIS RGYA MTSO CHEN POR NYA'I RIGS RNAM PA SNA TSOGS RNAM PAR RGYU BA, CHU RLABS KYI SGRA CHEN PO GRAG PA, RLUNG GIS BSKYOD PA'I CHU RLABS MANG PO GNYER BA, RIN PO CHE RNAM PA SNA TSOGS DANG SA'I KHA DOG GI KHYAD PAR MANG POS MDOG BSGYUR BA, LBU BA SBRENG BAS ME TOG GI PHRENG BA BZHIN DU MDZES PAR BYAS PA, LHA MA YIN DANG KLU MCHOG RNAMS KYI GNAS SU GYUR PA, GTING DPAG DKA' BA CHU TSAD MED PA'I NANG DU ZHUGS SO, ,DE NAS AANDA RNYIL GYI 'OD LTAR SNGO, ,NYI MA'I 'OD KYIS GNAM SNGON BZHU BA BZHIN, ,KHOR KHOR YUG CHU 'GRAM BA LTAR MI SNANG, ,GTING DPAG DKA' BA'I MTSO 'JING NANG DU ZHUGS, ,DE NAS DE DAG DER PHYIN PA DANG PHYI DRO'I DUS SU NYI MA'I 'OD KYI DKYIL 'KHOR NI CHUNG NGUR GYUR, GLO BUR DU LTAS NGAN CHEN PO RAB TU 'JIGS SU RUNG BA CIG BYUNG BA DANG, ,RLABS NI RNAM PAR 'KHRUGS SHING LBU BA 'THOR, ,DRAG PO'I RLUNG GIS BSKYOD PAS 'JIGS SGRA 'BYIN, ,CHU KUN THA MAL 'DUG LAS RAB TU G-YOS, ,RGYA MTSO DE MA THAG TU 'KHRUGS PAR GYUR, ,LTAS NGAN GLO BUR LANGS PA'I RLUNG GIS BSKYOD, , RLABS CHEN 'JIGS SU RUNG BA'I SHUGS KYIS DKRUGS, ,DUS MTHA'I RLUNG GIS RI G-YOS SA GZHI BZHIN, ,RGYA MTSO'I 'JING NI RAB TU 'KHRUGS PAR GYUR, ,GLOG PHRENG RGYU BA'I 'OD 'BAR LCE G-YO BA, ,SBRUL NAG MGO MANG BZHIN DU MDOG SNGO BA'I, ,SBRIN GYIS NYI MA'I LAM YANG BSGRIBS PAR GYUR, ,'BRUG SGRA 'JIGS SU RUNG BA RGYUN MAR GRAGS, ,SBRIN CHEN 'THUG POS 'OD KYI DRA BA SGRIB, ,NYI MA MTHANG GYIS NUB TU NYE LA GYUR, ,NYI MA NUB PA'I SKABS NI RNYED PA DANG, ,MUN PA'ANG RIM GYIS GNAG TU NYE BAR GYUR, ,CHAR RGYUN MDA' YIS RLABS LA PHOG PA DANG; ,RGYA MTSO'I 'JING NI GNAM DU BRGAL BA 'DRA, ,GRU YANG 'JIG PA BZHIN DU RAB TU G-YOS, ,DE DAG SNYING LA 'JIGS PA SKYED PAR BYOD, ,DE DAG SKRAG CING SPA BKONG MI SMRA ZHUM, ,BRTEN PO DAG NI THAR PA'I THABS LA 'BAD, ,KHA CIG YI DAM LHA LA GSOL BA 'DEBS, @52B SEMS STOBS YON TAN BSAM BA RNAM PAR STON, ,DE NAS TSONG PA DE DAG RLUNG DANG CHU'I SHUGS KYIS BRDAS PA'I GRU BO CHE G-YENGS NAS NYIN ZHAG DU MAR CHU'I 'GRAM MA MTHONG ZHING, RGYA MTSO'I MTSAN MA JI LTAR 'DOD PA YANG MA MTHONG LA, RGYA MTSO'I MTSAN MA SNGAR MA MTHONG BA SHA STAG MTHONG BAS, CI'I PHYIR SEMS MI DGA' LA, 'JIGS SHING BAG TSA BAS, CI BYA GTOL MED PAR GYUR TO, ,DE NAS BYANG CHUB SEMS DPA' LEGS PAR PHA ROL PHYIN PAS, DE DAG SPRO BSRING BA'I PHYIR SMRAS PA, RGYA MTSO'I NANG NA ZHUGS PA RNAMS LA LTAS NGAN GLO BUR DU BYUNG BAS 'KHRUGS SHING, NYON MONGS PAR 'GYUR BA 'DI LTA BU NGO MTSAR MI CHE KHYED CAG BAG TSA BAR MA BYED CIG ,ZHUM PA PHANGS LAS THAR LA MI PHAN GYIS, ,DE BAS MYA NGAN GDUNG BAR MA BYED CIG ,DGOS PA'I DON SGRUB MKHAS LA BRTEN BYAS NAS, ,RAB TU DKA' BA'ANG SLA BAS THAR PAR 'GYUR, ,DE BAS 'JIGS SHING MI DGA' MA BYED PAR, ,JI LTAR BYA BA'I THABS KYIS DGOS PA BSGRUB, ,MKHAS PAS GZI BRJID BRTAN PAS GZENGS BSTONG NAS, ,DON RNAMS THAMS CAD 'GRUB PA LAG NA YOD, ,DE LTAR BDAG NYID CHEN PO DES TSONG PA DE DAG SEMS BRTAN PAR BYAS PA DANG, RGYA MTSO'I 'GRAM MTHONG DU RE NAS, RGYA MTSO LA BLTAS NAS MI'I GZUGS 'DRA BA DANG DNGUL GYI YA LAD GYON PA CIG CHU'I NANG DU YANG BYING STENG DU YANG 'BYUNG BA MTHONG NGO, ,DE DAG GI BYAD GZUGS DANG MTSAN MA LAGS PAR BRTAGS NAS YA MTSAN CHER GYUR TE, LEGS PAR PHA ROL BYIN PA LA SMRAS PA, RGYA MTSO 'DI'I NANG NA SNGON MA MTHONG BA'I MTSAN MA DAG CIG SNANG STE, DE DAG NI LHA MA YIN GYI DMAG MI BZHIN DU DNGUL GYI GO CHA BGOS, MIG MI SDUG LA SNA YANG SPU GRI 'DRA BAR SNANG, ,STENG DU BYING ZHING RGYAL BA'I ZHOR LA NI, ,RGYA MTSO'I CHU LA RTZED MO BYED PA SU ZHIG LAGS, LEGS PAR PHA ROL TU PHYIN PAS SMRAS PA, 'DI DAG NI MI MA YIN GYI NYA MI 'DRA BA SNANG BA DAG YIN GYIS, 'DI DAG GIS MA 'JIGS SHIG ,'ON KYANG, BDAG CAG YUL NI GNYIS KA LAS, ,DE LAS RAB TU RING BAR GYUR, ,RGYA MTSO DE NI SPU GRI'I PHRENG, ,DE LAS BZLOG LA 'BAD PAR BGYIS,, @53A *, ,CHU YANG DRAG TU 'BAB PA DANG, ,NUB PHYOGS NAS LANGS PA'I RLUNG DRAG POS GRU RAB TU MGYOGS PAR SONG BAS CHONG PA DE DAG GIS SLAR BZLOG MA NUS SO, ,DE NAS CHUS KHYER BA LAS MTHAR GYIS DNGUL GYI MDOG 'DRA BA'I CHU DKAR PO LBU BA MANG PO 'KHRIGS PA'I RGYA MTSO GZHAN CIG MTHONG NAS YA MTSAN CHER GYUR TE, LEGS PAR PHA ROL TU PHYIN PA LA SMRAS PA, CHU RNAMS RANG GI LBU BAS G-YOGS PA BZHIN, ,RGYA MTSO CHEN POS GOS DKAR GYON PA BZHIN, ,ZLA BA'I 'OD ZER ZHU BA 'BAB PA BZHIN, ,NGANG PA BZHIN DU BAB PA 'DI CI LAGS, ,LEGS PAR PHA ROL TU PHYIN PAS SMRAS PA, RAB TU RING DU CHUS KHYER BAS SHIN TU DKA'O, ,'O MA'I RGYA MTSO ZHES BYA STE, ,'DI NI ZHO PHRENG RGYA MTSO YIN, ,GAL TE BZLOG PAR NUS NA NI, ,'DI LAS THAR TE 'GROR MI RUNG, ,TSONG PA RNAMS KYIS SMRAS PA, GRU BO CHE RAB TU MGYOGS PA DANG RLUNG YANG DRAG TU LANGS PAS GRU DAL BUS BTANG BA YANG MI NUS NA, SLAR LOG PA GA LA NUS, DE NAS RGYA MTSO DE YANG 'DAS PA DANG, YANG RGYA MTSO GZHAN CIG RLABS KYI PHRENG BA RAB TU 'KHRUGS PA GSER GYI MDOG 'DRA BA, CHU'I MDOG ME 'BAR BA 'DRA BA MTHONG NAS, TSONG PA DE DAG YA MTSAN DANG NGO MTSAR CHER GYUR TE, LEGS PAR PHA ROL TU PHYIN PA LA DRIS PA, NYI MA 'CHAR KA'I KHA DOG 'DRA BA LA, ,SNGON PO MA YIN CHU RLABS GNAM DU RGAL, ,ME CHEN RAB TU 'BAR BA 'DRA BA YI, ,MTSO 'DI'I MING NI 'DI LTAR CI PHYIR GYUR, ,LEGS PAR PHA ROL TU PHYIN PAS SMRAS PA, 'DI LTAR SNANG BA'I RGYA MTSO 'DI, ,ME YI PHRENG BA ZHES GRAGS TE, ,DE BAS 'DI LAS BZLOG NUS NA, ,KHYED LA RAB TU LEGS PAR 'ONG, ,DE LTAR BDAG NYID CHEN PO DE'I MING TZAM ZHIG BSTAN NAS RGYANG RING DU BLTAS PAS CHU'I KHA DOG GYUR PA'I GTAN TSIGS NI MA BSTAN TO, ,DE NAS TSONG PA DE DAG RGYA MTSO DE LAS KYANG THAL BA DANG, YANG RGYA MTSO GZHAN CHU'I KHA DOG RIN PO CHE SDUR LEN DANG, AA NA DA RNYIL GYI MDOG KYANG 'DRA LA, RTZVA KU SHA SMIN PA'I KHA DOG KYANG 'DRA BA MTHONG NAS NGO MTSAR DU GYUR TE, LEGS PAR PHA ROL TU PHYIN PA LA DRIS PA, KU SHA SMIN PA'I 'DAB @53B MA 'DRA BA'I MDOG ,DRAG TU LANGS PA'I RLUNG GIS BSKYOD PA'I RLABS, ,LBU BA BKRAM PA ME TOG BCAS PA BZHIN, ,'DI LTAR GDA' BA RGYA MTSO GANG ZHIG LAGS, ,LEGS PAR PHA ROL TU PHYIN PAS SMRAS PA, KYE DED DPON DAG SLAR BZLOG PA'I PHYIR 'BAD PA GYIS SHIG ,'DI LAS 'DAS NA MI RUNG NGO, ,KU SHA'I PHRENG CAN RGYA MTSO 'DI, ,GLANG PO LCAGS KYU MED PA BZHIN, ,BZOD PAR DKA' BA'I CHU 'BAB PA, ,BDAG CAG DGA' BA 'PHROG PAR BYED, ,DE NAS TSONG PA DE DAG GIS RAB TU 'BAD KYANG GRU BO CHE DE BZLOG PAR MA NUS NAS, RGYA MTSO DE LAS KYANG THAL TE, CHU'I MDOG SNGON PO SMYUG MA'I MDOG DANG, BEEd'U RYA'I MDOG 'DRA BA'I RGYA MTSO GZHAN ZHIG MTHONG NAS, LEGS PAR PHA ROL TU PHYIN PA LA SMRAS PA, RIN CHEN MAR GAD MDOG LTAR SNGO BA'I CHU, ,NE'U GSING SNGON PO MDZES PA BZHIN DU 'BAB, ,KU MU TA DANG 'DRA BA'I LBU BAS BRGYAN, , DE LTAR GDA' BA'I RGYA MTSO 'DI GANG LAGS, ,DE NAS BDAG NYID CHEN PO DES TSONG PA DE DAG SDUG BSNGAL BAR GYUR PA DES SEMS GDUNGS NAS MI DGA' ZHING SHUGS RING DU NAR GYIS PHYUNG STE DAL BUS SMRAS PA, DA NI RAB TU PHA ROL THAL, ,'DI LAS BZLOG PA RAB TU DKA', ,'JIG RTEN THA MAR BYED PA BZHIN, ,RGYA MTSO 'DI NI 'DAM BU'I PHRENG, ,TSONG PA DE DAG GIS DE SKAD THOS NAS MI DGA' ZHING SEMS NI ZHU MA LUS KYI TSIGS NI SHIG SHIG POR GYUR, SHUGS NAR GYIS 'BYIN PA TZAM LA BRTEN CING DE NYID DU MCHIS SO ZHES 'KHOD DO, ,RGYA MTSO DE LAS KYANG THAL NAS PHYI DRO'I DUS LAS BAB CING NYI MA'I 'OD ZER JE CHUNG JE CHUNG DU GYUR TE, NYI MA YANG MTSO'I NANG DU NUB PAR GYUR BA 'DRA BA LA, RGYA MTSO YANG BLA 'OG BZLOG PA 'DRA ZHING RGYA MTSO'I CHU SGRA YANG SER BA DRAG PO 'BAB PA DANG, SMYUG MA'I TSAL MES TSIG STE TOG YAR GYIS 'GENGS PA DANG 'DRA BAR SGRA CHE ZHING RAB TU 'JIGS PAR BYED PA THOS PAR GYUR TO, ,DE THOS NAS KYANG RAB TU SKRAG CING SNYING 'DAR BZHIN DU LA 'UR DU LANGS NAS PHYOGS KUN DU BLTAS NAS, CHU'I 'JING CHEN PO DE G-YANG SA GCONG RANG GI NANG DU 'BAB PA 'DRA BA MTHONG NGO, ,DE LTA BU MTHONG NAS RAB TU BLONG BLONG POR GYUR TE, LEGS PAR PHA ROL TU PHYIN PA'I @54A *, ,DRUNG DU LHAGS NAS SMRAS PA, BDAG CAG RNA BA GAS SHING SNYING YANG 'JIGS PAS DKRUGS PA BZHIN DU GYUR, ,CHU YI BDAG PO KHROS PA 'DRA BA'I SGRA 'DI RGYANG RING NAS KYANG GRAG ,CHU 'DI THAMS CAD GCONG RONG 'JIGS PA'I NANG DU MDUN NA 'BAB PA 'DRA, ,RGYA MTSO 'DI 'DRA CI LAGS KHYOD KYANG 'DI LA CI LTAR BGYI BA DGONGS, ,DE NAS BDAG NYID CHEN PO DE RTAB RTAB POR GYUR NAS, AE MA HO MTSAR BYAS MTSAR BYAS ZHES SMRAS TE, RGYA MTSO LA BLTAS NAS SMRAS PA, GANG DU PHYIN NAS SLAR MI LDOG ,'CHI BDAG KHAR NI SNGON SONG BZHIN, ,BDAG CAG MA RUNGS GYUR GYIS MED, ,RGYA MTSO'I GLONG DE 'DI YIN NO, ,TSOD PA DE RNAMS KYIS DE SKAD THOS NAS, BDAG CAG NI RGYA MTSO'I GLONG GI KHAR SONG NGO SNYAM NAS GSON DU RE BA MED CING SHI BAS 'JIGS PAS SEMS BLONG BLONG POR GYUR TE, KHA CIG SKAD PHYUNG NGUS PAR GYUR TO, ,KHA CIG SMRE SNGAGS 'DON ZHING 'BOD; ,KHA CIG CI YANG BYED MA NUS, ,KHA CIG SKRAG NAS SEMS KYANG STOR, ,PHANGS PAR GYUR PA'I YID KYIS RAB BSKUL NAS, ,KHA CIG LHA DBANG GUS PAS PHYAG KYANG 'TSAL, ,KHA CIG NYI MA DRAG PO THA SKAR DANG, ,NOR LHA RGYA MTSO NYID LA SKYABS SU 'DONG, ,LA LA GSANG SNGAGS BZLAS BRJOD BYED; ,GZHAN DAG LHA MO NYID LA PHYAG 'TSAL GYUR, ,LEGS PAR PHA ROL PHYIN LA KHA CIG GIS, ,DRUNG DU 'ONGS NAS BSKOR NAS SMRE SNGAGS 'DON, ,PHONGS PAR GYUR LA 'JIGS PA MED BYED PA, ,GZHAN LA PHAN 'DOGS YON TAN BSAGS PA YI, ,KHYOD KYI MTHU CHEN KHYAD PAR CAN DE NI, , DA NI SBYAR BA'I DUS LA BAB CIR MCHIS, ,BDAG CAG MGON MED PHONGS NAS SKYABS SU MCHI, ,DE BAS BRTAN POS BSKYAB PAR THUGS LA DGONGS, ,RGYA MTSO 'DI NI KHROS BZHIN BDAG CAG RNAMS, ,RGYA MTSO'I GLONG GIS CIR CHAR RIL MID BGYID, ,SKYE BO CHAB KYI NANG DU 'GUM PA 'DI, , KHYOD KYIS YAL BAR DOR BA MI SRID DO, ,RGYA MTSO 'DIS KYANG KHYOD KYI BKA' MI GCOG ,DE BAS 'KHRUGS PAR GYUR PA 'DI LAS BZLOG ,DE NAS BDAG NYID CHEN PO DE SNYING RJE CHEN POS SEMS GDUNGS NAS, TSONG PA DE DAG SPRO BSRING BA'I PHYIR SMRAS PA, 'DI LA YANG BDAG LA BCOS SU YOD @54B PA'I THABS 'GA' ZHIG YOD PAR MTHONG STE, DE LA RE ZHIG SNYING RJES SBYAR BAR BYA, ,DE'I PHYIR KHYED CAG RE ZHIG SPRO SRINGS SHIG CES SMRAS PA DANG, DE NAS TSONG PA DE DAG GIS 'DI LA'ANG BCOS SU YOD DO ZER RO SNYAM NAS RE THAG MA CHAD DE, BSAM PA BRTAN PO BRTAS PAR GYUR NAS, DE LA YID RTON CING KHA ROG STE SDOD CING 'KHOD PAR GYUR TO, ,DE NAS BYANG CHUB SEMS DPA' LEGS PAR PHA ROL TU PHYIN PAS BLA GOS PHRAG PA GCIG TU GZAR NAS, PUS MO G-YAS PA'I LHA NGA GRU BO CHE LA BTZUGS TE, LUS THAMS CAD KYIS BTUD DE, DE BZHIN GSHEGS PA RNAMS LA PHYAG BYAS NAS, TSONG PA DE DAG LA SMRAS PA, TSONG PA KHYED RNAMS DANG, RGYA MTSO DANG NAM MKHA' LA GNAS PA'I LHA KHYAD PAR CAN RNAMS GSON CIG ,BDAG NI SHED BYE TSUN CHAD DU, ,NAM YANG CHED DU BSAMS NAS SU, ,SROG CHAGS RNAMS NI NAM DU YANG, ,BSAD PAR BDAG NI YANG MI DRAN, ,BDEN PA'I TSIG NI 'DI DAG DANG, ,BDAG GI BSOD NAMS MTHU DAG GIS, ,RGYA MTSO'I GLONG DU MA SONG BAR, ,GRU 'DI BDE BAR SLAR LOG CIG ,DE NAS BDAG NYID CHEN PO DES BDEN PA'I BYIN RLABS KYI MTHU DANG, BSOD NAMS KYI MTHUS RLUNG DE CHU'I SHUGS DANG BCAS PAS SLAR LOG PA DANG, GRU DE YANG SLAR LOG PAR GYUR TO, ,GRU DE DE LTAR SLAR LOG PAR MTHONG NAS, TSONG PA DE DAG RAB TU YA MTSAN CHE ZHING YID RAB TU DGA' BAR GYUR NAS, LEGS PAR PHA ROL TU PHYIN PA LA PHYAG 'TSAL ZHING ZHES BSKYED DE, GRU SLAR LOG GO SLAR LOG GO ZHES SMRAS SO, ,DE NAS BDAG NYID CHEN PO DES TSONG PA RNAMS LA SMRAS PA, BA DAN MYUR DU TSUG CIG CES BSGO BA DANG, DE'I LAS SU BSKOS PA DE DAG RAB TU DGA' ZHING STOBS DANG SPRO BA BSKYED DE BSGO BA BZHIN DU BYAS SO, ,DE NAS SKYE BO DGA' BA'I SGRA 'BYIN PA, ,BA DAN DKAR PO PHYAR BA'I 'DAB MA MDZES, ,RGYA MTSO'I NANG NA 'JUG PA GRU MDZES PA, ,SPRIN MED MKHA' LA NGANG MO MDZES PA BZHIN, ,GRU DE DE LTAR SLAR LOG STE, CHU DANG RLUNG MTHUN PAR BAB CING LANGS PAS GZHAL MED KHANG MDZES PA'I TSUL DU RANG DGAR NI 'GRO, NAM SROD DU NYE BA'I @55A *, ,MCHAMS KYI DUS NI KHAD KYIS SNGO ZHING PHYOGS RNAMS MUN NAG GI BLA RES KHEBS SHING SKAR MA'I RGYAN GYIS BRGYAN PAR SNANG, NAM SROD GYI DUS LA BAB PA DANG, LEGS PAR PHA ROL TU PHYIN PAS TSONG PA DE DAG LA SMRAS PA, KYE DED DPON DAG 'DAM BU'I PHRENG BA TSUN CHAD KYI RGYA MTSO LAS BYE MA DANG, RDO BA CI MTHONG BA RNAMS LONG LA GRUS CI THEG PA GRU'I NANG DU RDZONGS SHIG ,DE LTAR BYAS NA GRU 'DI LJOD KYIS NON PAS LDOG PAR MI 'GYUR RO, ,BYE MA DANG RDOB 'DI DAG KYANG BKRA SHIS PAR BKUR BA SHA STAG YIN PAS KHYOD GDON MI ZA BAR RNYED PA GRUB PAR GYUR TO, ,LEGS PAR PHA ROL TU PHYIN PA LA YID DGA' ZHING GUS PAR GYUR PA'I LHA RNAMS KYIS BSTAN PA'I GLING RNAMS LAS DE DAG GIS BYE MA DANG RDO BA YIN SNYAM PA'I BLOS, BEE d'U RYA LA SOGS PA'I RIN PO CHE RNAMS BLANGS NAS GRU BO CHE'I NANG DU BRDZONGS SO, ,DE NYID KYI MTSAN MO LA GRU DE YUL BHA RU KATZTSAR PHYIN TO; ,DE NAS NANG PAR DNGUL DANG, AAN DA RNYIL DANG, BEE d'URYA DANG, GSER GYIS GRU BKANG STE, DE DAG BDAG YUL CHU 'GRAM PHYIN GYUR NAS, ,RAB DGA' BYAMS PAS DE LA MCHOD PA BYAS, ,DE BAS NA DE LTAR CHOS LA GNAS PA LA BDEN PA'I TSIG TZAM GYIS KYANG MA RUNGS PAR GYUR PA LAS THAR BAR GYUR NA, DE'I 'BRAS BU LTA SMOS KYANG CI DGOS, DE BAS CHOS KYI RJES SU 'JUG PAR BYA'O, ,DGE BA'I BSHES GNYEN LA BRTEN NA DE LTAR BDE BA THOB PAR 'GYUR BAS NA, DGE BA'I BSHES GNYEN LA BRTEN PA'I YON TAN BSNGAGS PA LA YANG BRJOD PAR BYA'O, , LEGS PAR PHA ROL TU PHYIN PAR SKYES PA'I RABS TE BCU BZHI PA'O,, ,,TSUL KHRIMS DANG LDAN PA RNAMS NI TSE 'DI NYID LA YANG DGE BA'I BSAM PA 'GRUB PAR 'GYUR NA, TSE RABS GZHAN LA LTA SMOS KYANG CI DGOS, DE BAS NA TSUL KHRIMS RNAM PAR DAG PA LA 'BAD PAR BYA'O, , DE YANG 'DI LTAR BYANG CHUB SEMS DPA' RE ZHIG CIG MTSO MI CHE BA ME TOG KA LA HA RA DANG, PADMA DMAR PO DANG, PADMA DKAR PO DANG, AUTPAL RNAMS KYIS CHU BZANG PO BRGYAN PA NGANG PA DANG, BYA KA RAN DAG DANG, DUR PA KHYO SHUG TU 'GROGS PA RNAMS KYIS MDZES PAR BYAS PA, CHU @55B 'GRAM NA SHING LJON PA DANG ME TOG MANG PO YOD PA CIG NA NYA'I RGYAL PO ZHIG TU GYUR TO ZHES GRAGS SO, ,TSE RABS MANG POR GZHAN GYI DON SPYAD PA LA GOMS PAR BYAS PAS, DE NA GNAS PA'I TSE YANG GZHAN LA PHAN PA DANG BDE BA BYED PA 'BA' ZHIG TU GYUR TO, ,DGE DANG MI DGE'I LAS RNAMS GOMS BYAS NA, ,MI RNAMS LA NI 'DRIS PA NYID DU GYUR, ,DE LTA BU DAG CHED DU MA BSGRIMS KYANG, ,TSE RABS GZHAN LA RMI LAM BZHIN DU SPYOD, ,SEMS DPA' CHEN PO DES NYA DE RNAMS LA BDAG GI BU SDUG PA RNAMS LA BYAMS PA BZHIN DU, SBYIN PA DANG TSIG 'JAM PO DANG DON SPYOD PA LA SOGS PA'I RIM PAS RAB TU PHAN 'DOGS PAR GYUR TO, ,PHAN TSUN GNOD PAR BYED LAS RAB TU BZLOG ,GCIG LA GCIG NI BYAMS PA RAB TU BSKYED, ,THABS LA MKHAS SHING RIGS PAS DE DAG LA, ,NYA YI CHOS TSUL RAB TU BRJOD PAR BYA, ,DE YIS DE DAG LEGS PAR BSKYANGS PAS NA, ,NYA RIGS DE DAG RAB TU DANG BAR GYUR, ,MI YI BDAG PO TSUL BZHIN SPYOD PA YIS, ,'BANGS RNAMS BSKYANGS PAS GNOD PA MED PA BZHIN, ,DE NAS RE ZHIG CIG SEMS CAN RNAMS SKAL BA MED PAR GYUR PA DANG, CHAR 'BEBS PA'I LHA'I BU RNAMS BAG MED PAR GYUR PAS CHAR LEGS PAR MA BAB PAR GYUR TO, ,DE LTAR CHAR LEGS PAR MA BAB PA DANG, MTSO ME TOG RGYAS PA PADMA DKAR PO DANG LDAN PA'I CHU GCANG MAS SNGON BZHIN DU GANG BAR MA GYUR TO, ,DE NAS RIM GYIS DPYID KYI DUS LA BAB PA DANG, NGAL ZHING LE LO'I DBANG GIS BUL BAR GYUR PA 'DRA BA'I NYI MA'I 'OD ZER RNO ZHING TSA BAS SA GZHI MNGON PAR GDUNGS SHING 'BAR BAR GYUR PA'I RJES SU 'BRANG BA'I RLUNG SKAM PA'I DBANG GIS BSIL BA 'DOD PAS NYIN RE ZHING 'THUNGS PA BZHIN DU MTSO DE LTENG KA BZHIN DU GYUR TO, ,DPYID KYI DUS SU NYI MA 'BAR BA DANG, ,'BAR BA'I RJES 'BRANG RLUNG NI DRAG PO DANG, ,RIMS NAD GDUNGS 'DRA'I SA GZHI TSA BA YIS, ,KHROS PA BZHIN DU CHU NI BSKAMS PAR BYAS, ,DE NAS BYANG CHUB SEMS DPAS NYA MANG PO DE RNAMS LA KHVA DA RNAMS KYIS GLAGS LTA BAR GYUR NA, CHU 'GRAM NA RGYU BA'I BYA RNAMS KYIS LTA SMOS KYANG CI @56A *, ,DGOS TE; DPA' BSKUM ZHING MI DGA' BA'I DBANG DU NI GYUR, CUNG ZAD 'GUL NUS PA RNAMS LA BLTAS NAS, SNYING RJE BZHIN DU BSAMS PA, KYI HUD KYE MA NYA 'DI RNAMS NI MA RUNGS PAR GYUR NA MI RUNG NGO SNYAM NAS, CHU YANG NYIN RE BRI BAR GYUR, ,TSE ZAD PA DANG 'DREN PA BZHIN, ,CHAR BZHIN 'DU BAR 'GYUR BA YANG, ,DA RUNG RAB TU DKA' BA 'DRA, ,BROS TE 'GRO BA'I LAM YANG MED, ,GZHAN DU KHYER BA'ANG SU YANG MED, ,BDAG CAG BRLAG PAR DGA' BA YI, ,DED KYI DGRA YANG DE RING BYUNG, ,CHU YI LHAG MA 'DI BSKAMS NA, ,GDON MI ZA BAR G-YO BZHIN YANG, ,BDAG GIS MNGON SUM MTHONG BZHIN DU, ,DGRA RNAMS KYIS NI ZOS YANG DAG ,DE LA 'DI CI LTAR BYAS NA RUNG SNYAM DU BDAG NYID CHEN PO DES RNAM PAR BRTAGS NAS, BDEN PA'I BYIN RLABS 'BA' ZHIG GIS PHONGS PA RNAMS LA PHAN 'DOGS PAR MTHONG NGO, ,SNYING RJES KYANG SEMS GDUNGS PAS SHUGS NAR GYIS PHYUNG STE, GNAM DU BLTAS NAS SMRAS PA, RAB TU PHONGS PAR GYUR NAS BDAG GIS NI, ,BSAM BZHIN SROG CHAGS BSAD PA MI DRAN TE, ,BDEN PA 'DI YIS LHA YI RGYAL PO RNAMS, ,CHAR PA 'BAB CING MTSO NI GANG BAR SHOG ,DE NAS BDAG NYID CHEN PO DES BSOD NAMS BSAGS PA'I YON TAN DANG, BDEN PA'I BYIN RLABS KYI MTHU DANG, DE LA DGA' BAR GYUR PA'I LHA DANG KLU DANG GNOD SBYIN RNAMS KYI MTHUS DUS MA YIN PA'I SPRIN CHUS GANG BA'I GZUGS CAN RNAMS SGRA SNYAN PA ZAB MO NI SGROGS, GLOG 'GYU BAS NI BRGYAN SPRIN MGO SNGON PO RGYA CHE BA RAB TU 'PHRO BA NI KHA GLAL BA BZHIN SPRIN GYI RTZE MO PHAN TSUN DU 'DUS PA NI LAG PAS 'KHYUD PA 'DRA BAR SPRIN NAG PO RNAMS BYUNG BAR GYUR TO, ,NAG PO'I SPRIN RNAMS RI BO'I GRIB MA BZHIN, ,PHYOGS KYI THA GRU'I TSAD NI 'JAL BA BZHIN, ,SPRIN MGO NAG POS MUN NAG SPEL BA BZHIN, ,ME LONG NANG BZHIN NAM MKHA'I DKYIL NA MDZES, ,RMA BYA RAB DGA' ZE PA SBREL BA RNAMS, ,GLU GAR MDZES PAS RAB TU BSTOD PA BZHIN, ,SPRIN TSOGS DE DAG DPA' BO DGOD PA BZHIN, ,RGYUN CHAGS ZAB MO'I SGRA 'DZIN RNAM PAR MDZES, ,DE YIS CHAR PA MU TIG @56B GTOR BA BZHIN, ,CHU RGYUN 'BAB PAS RDUL RNAMS RAB ZHI ZHING, ,CHAR SPRIN LANGS PA'I RLUNG GIS RNAM BSKYOD PAS, ,SA GZHI DRI ZHIM NGAD KYIS KHYAB PAR GYUR, ,DPYID KYI DUS LA BAB PAS RNAM SPEL KYANG, ,NYI MA'I 'OD ZER SNANG BA MED PAR GYUR, ,LBU BA'I PHRENG BA 'KHRIGS PAS BSKOR BA YI,, CHU RNAMS SHONG BU DMA' BAR 'BAB PAR GYUR, ,'BRUG GI RNGA SGRAS RAB TU DGA' GYUR NAS, ,GLOG PHRENG 'GYU BA BRO GAR BYED PA BZHIN, ,YANG DANG YANG DU GSER 'OD GSAL BA YI, ,'OD ZER 'PHRO BAS PHYOGS RNAMS KHYAB PAR GYUR, ,DE NAS CHAR PA'I RGYUN MDOG SKYA BO KUN TU KHYAB PAR BAB PAR GYUR PAS MTSO GANG BAR GYUR TE, CHAR GYI RGYUN BAB MA THAG TU KHVA DA LA SOGS PA BYA MANG PO RNAMS NI BYER, NYA MANG BO RNAMS GSON DU RE BA'I BSAM PA GRUB CING RAB TU DGA' BAR GYUR PA DANG, BYANG CHUB SEMS DPA' SNYING RAB TU DGA' BAR GYUR KYANG CHAR CHAD DU DOGS NAS CHAR SBRIN LA SMRAS PA; CHAR SPRIN 'BRUG SGRA ZAB CING BRTAN PAR SGROGS, KHVA DA RAB TU DGA' BA MED PAR MDZOD, ,GLOG RGYUN 'BAR BA 'GYU BA'I 'OD ZER CAN, ,CHAR PA'I RGYUN RNAMS RIN CHEN 'DRA BAR PHOB, ,LHA'I DBANG PO BRGYA BYIN GYIS TSIG DE THOS NAS, YID LA YA MTSAN RAB TU CHE BAR GYUR TE, DE'I DRUNG DU MNGON SUM DU 'ONGS NAS MGU BAR GYUR TE SMRAS PA, CHAR SPRIN 'BRUG SGRA SNYAN PA RAB SGROGS SHING, ,BUM PA BSDUS PA BZHIN DU GANG BAB PA, ,'DI NI NYA DBANG MTHU CHEN KHYOD NYID KYI, ,BDEN PA KHYAD PAR CAN GYI MTHU YIN TE, ,'JIG RTEN DON LA BRTZON PAR GYUR PA YIS, ,SKYES BU KHYOD LTA BU YI SBYOD PA LA, ,NGAN SGROGS BYA BA BDAG GIS GANG BYAS PA, ,BDAG GIS BAG MED 'KHRUL PA MTSAR CIG BYAS, ,SKYES BU DAM PA'I GROGS NI BDAG GIS BGYIS, ,DE RING SLAN CHAD DE LTAR KHYOD MA DGONGS, ,YUL PHYOGS 'DI YAR KHYOD KYI YON TAN GZHI, ,SLAN CHAD 'DI LTAR PHONGS PAR YANG MI 'GYUR, ,DE LTAR TSIG SNYAN PAS MGU BAR BYAS NAS DE NYID DU MI SNANG BAR GYUR TO, ,MTSO DE YANG CHUS GANG ZHING RAB TU 'BYOR PAR GYUR TO, ,DE LTAR NA TSUL KHRIMS DANG LDAN PA RNAMS NI TSE 'DI NYID LA YANG DGE BA'I BSAM PA 'GRUB PAR 'GYUR NA, TSE RABS GZHAN @57A *, ,LTA SMOS KYANG CI DGOS, DE BAS NA TSUL KHRIMS RNAM PAR DAG PA LA 'BAD PAR BYA'O, ,NYA RU SKYES PA'I RABS TE BCO LNGA PA'O,, ,,BDEN PA'I TSIG BSGOMS NA MES KYANG 'DA' BAR BYED MI NUS SO, ,DE BAS NA BDEN PA'I TSIG LA BRTZON PAR BYA'O, ,DE YANG 'DI LTAR BYANG CHUB SEMS DPA' DGON PA'I GNAS CIG NA, BYA SREG PA'I PHRU GU ZHIG TU GYUR TO ZHES GRAGS SO, ,DE YANG SGO NGA'I SBUBS NAS BYUNG NAS ZHAG GRANGS MANG PO NI MA LON, SPU GSAR PA NI MA SKYES, RAB TU RID PAS YAN LAG DANG NYID LAG GI PHYOGS RNAMS NI GSAL BAR MNGON, PHA MA GNYIS KYIS RTZVA DANG LDUM BU STUG PO'I NANG DU TSANG BCAS PA'I NANG NA PHRU GU MANG PO SPUN DANG LHAN CIG TU 'KHOD DO, ,DE LTA BU'I GNAS SKABS NA YANG CHOS KYI 'DU SHES MA NYAMS PA'I PHYIR, PHA MA GNYIS KYIS ZAS RNYED BA SROG CHAGS KHYER TE 'ONGS PA NI ZAR MI BTUB CING RTZVA'I SA BON DANG SHING N+YA GRO DHA'I 'BRAS BU KHYER TE 'ONGS PA DE 'BA' ZHIG ZOS TE, PHA MA GNYIS KYIS KYANG DE 'BA' ZHIG GIS GSOS SO, ,DE KHA ZAS RTZUB CING CHUNG BA DES, LUS RGYAS PAR MA GYUR 'DAB GSHOG KYANG MA RDZOGS SO, ,BYA SREG PA'I PHRU GU GZHAN RNAMS KHA ZAS CI 'ONGS PA ZOS PAS MTHU CHE ZHING 'DAB GSHOG RNAMS KYANG RGYAS PAR GYUR TO, ,'DI NI CHOS NYID YIN TE, 'DI LTAR, CHOS DANG CHOS MIN MI 'DZEM ZHING, ,THAMS CAD ZA BA BDE BAR GNAS, ,CHOS DANG LDAN PA'I TSUL 'DOD NA, ,CHO GA'I ZAS ZA BZHIN DU 'DUG ,BCOM LDAN 'DAS KYIS KYANG NGO TSA MI SHES PA NI BDE PAR 'TSO'O, ,ZHES TSIGS SU BCAD PA GNYIS GSUNGS TE, DE YANG 'PHAGS PA GNAS BRTAN PA'I GZHUNG LAS 'BYUNG BA, BRKAM ZHING BYA ROG LTAR DPA' BA, ,NGO TSA MED PA LEGS PAR 'TSO, ,BRNAB CING SPYI RTOL CHE BA YI, ,'TSO BA SHIN TU NYON MONGS LDAN, ,RTAG TU SKYON MED TSOL BA DANG, ,ZHUM ZHING BAG DANG BCAS PA DANG, ,'TSO BA SKYON MED BLTA BA DANG, ,NGO TSA SHES PAS 'TSO MI BDE, ,DE DAG GI GNAS SKABS DANG MI RING BA CIG NA NAGS TSAL CHEN PO MES TSIG STE, 'JIGS SU RUNG BA'I SGRA NI 'UR 'UR ZER, DUD PA'I TSOGS NI 'KHYIL, ME LCE G-YO BA 'KHRIGS SHING ME STAG NI RNAM @57B BAR 'PHRO, NAGS TSAL NA RGYU BAR BYED PA RNAMS NI SKRAG PAR BYED PA, NAGS TSAL STUG PO RNAMS NI 'JIG PAR BYAD PA CIG BYUNG BAR GYUR TO, ,DE NI RLUNG GIS BSKYOD PAS RNAM PAR 'PHRO, ,ME LCE 'KHRUG PA'I LAG PA GAR MDZES BYED, ,DUD PAS 'KHRIGS PA'I SGRA NI BSDIGS PA BZHIN,, SGRA DANG BCAS PA DE DAG 'JIGS PA BSKYED, ,DRAG PO'I RLUNG GIS BSKYOD PAS RAB TU G-YO, ,NAGS KYI RTZVA RNAMS 'JIGS PAS NYEN PA 'DRA, ,ME DE RNGAM PA BZHIN DU MNGON PAR 'ONGS, ,ME STAG 'PHRO BA MANG POS KHYAB PAR BSREG ,BYA TSOGS MANG PO SKRAG NAS RAB TU BYER, ,RI DVAGS 'JIGS PAS RGYU ZHING KUN TU BROS, ,DUD PA'I NANG NAS ME SGRA DRAG PO GRAG ,DE YIS SKRAG NAS NAGS TSAL DU BA 'DRA, ,ME DE RLUNG DRAG POS BDAS PAS GNOD PA BZHIN DU RTZVA MTHUG PO LA ME MCHED PAS DE DAG GI TSANG DANG NYE BAR 'ONGS SO, ,DE NAS SREG PA'I PHRU GU DE RNAMS 'JIGS SHING SKRAG PAS 'KHRUG PA'I SGRA MI SNYAN PA 'BYIN CING GCIG LA GCIG MI LTA BAR RTAB BZHIN DU 'PHUR TE SONG NGO, ,BYANG CHUB SEMS DPA' NI NYAM CHUNG BAS 'DAB GSHOG MA RDZOGS PAR 'PHUR BAR MA STZAL TO, ,BYANG CHUB SEMS DPA' CHEN PO DE BDAG GI MTHU STOBS SHES PAS MA 'KHRUGS PA NYID DU ME DE BTZAN THABS SU 'ONGS PA 'DRA BA LA TSIG 'JAM POS SMRAS PA, BDAG GI RKANG PA'I MING DON MED CING 'DAB MA MED, ,BDAG GI PHA MA GNYIS KYANG KHYOD LA SKRAG NAS BROS, ,KHYOD LA MGRON BYAR RUNG BA 'DI NA CI YANG MED, ,DE BAS ME KHYOD 'DI NAS SLAR NI LDOG PAR RIGS, ,SEMS DPA' CHEN PO DES BDEN PA YONGS SU BSGOMS PA'I TSIG GIS DE SKAD SMRAS PA DANG, RTZVA RNAMS TSANG TSING SKAM PO 'DAB CHAGS LA, ,ME DE RLUNG GIS RAB TU SBAR GYUR KYANG, ,'BAB CHU KLUNG CHEN 'BRUB DANG 'PHRANG PA BZHIN, ,DE YI TSIG THOS DE MA THAG TU ZHI, ,DENG SONG DUS NA GANGS RI'I KHROD NAS SA PHYOGS DER, ,DGON PA'I MI LCE RLUNG GIS BSKYOD DE RGOD PA YANG, ,MGO MANG SPRUL NI SNGAGS KYIS BTAB STE BZLOG PA BZHIN, ,ME LCE G-YO BA DAL ZHING ZHI BAR 'GYUR ZHES GRAGS, ,DE CI'I PHYIR BSTAN ZHE NA, SMRAS PA, RGYA MTSO'I DUS SHUGS RAB TU G-YO BA'I GDENGS @58A *, ,CAN DANG; ,BDAG LA PHAN 'DOD THUB DBANG BSTAN PA'I BSLAB PA BZHIN, ,BDEN PA'I BDAG NYID CAN GYIS GANG DAG BSGO BA NI, ,MES KYANG MI 'DA' DE BAS BDEN PA MI BTANG NGO, ,DE LTAR BDEN PA YONGS SU BSGOMS PA'I TSIG NI MES KYANG 'DA' BAR MI NUS TE; DE BAS NA BDEN PA'I TSIG LA BRTZON PAR BYA'O, ,DE BZHIN GSHEGS PA'I YON TAN BSNGAGS PA LA YANG BRJOD PAR BYA'O, ,BYA SREG PA'I PHRU GUR SKYAS PA'I RABS TE BCU DRUG PA'O,, ,,CHANG 'THUNG BA NI NYES PA DU MA 'BYUNG ZHING, SHIN TU MA RUNGS PAR 'GYUR BA'I PHYIR, DGE BA RNAMS NI GZHAN DAG KYANG 'DI LAS ZLOG PAR BYED NA BDAG NYID LTA SMOS KYANG CI DGOS, DE YANG 'DI LTAR BYANG CHUB SEMS DPA' SNYING RJE CHEN POS YONGS SU BSGOS PA'I BLO CAN, GZHAN LA PHAN ZHING BDE BAR BYED PA LA DGA' BA, SBYIN PA DANG DUL BA DANG ZHI BA LA SOGS PAS BSOD NAMS 'PHEL BA NYAMS SU LEN PA STE, DE RE ZHIG CIG LHA RNAMS KYI DBANG PO BRGYA BYIN DU GYUR TO ZHES GRAGS SO, ,DE LHA'I LONGS SPYOD KYI BDE BA RNAMS PHUN SUM TSOGS KYANG SNYING RJE'I DBANG DU GYUR PAS 'JIG RTEN GYI DON BYA BA LA BRTZON PA LHOD PAR MA GYUR TO, ,'JIG RTEN YONGS KYI PHAL CHER DPAL LDAN NA, ,CHANG GIS MYOS BZHIN BDAG GI DON YANG 'DOR, ,THAG[?] YOD RNAMS NI GZHAN GYI DON LA YANG, ,LHA DBANG DPAL DANG LDAN YANG DES MI MYOS, ,SDUG BSNGAL MANG POS GDUNGS PA'I SEMS CAN LA, ,GNYEN BSHES SDUG PA RNAMS LA BYAMS PA BZHIN, ,BRTAN ZHING DPAL GYI RANG BZHIN SHES PAS NA, ,DE NI GZHAN GYI DON SPYOD YOD MI BRJED, ,DE NAS RE ZHIG CIG BDAG NYID CHEN PO DES MI'I 'JIG RTEN NYUL BA'I TSE, ,SNYING BRTZE BA DANG BYAMS SHING MTHU CHE BA'I MIG GIS MTHONG BA NI, THAMS CAD KYI MDZA' BO ZHES BYA BA'I RGYAL PO CIG MI DGE BA'I BSHES GNYEN LA BRTEN PA'I SKYON GYIS BLON PO DANG 'BANGS SU BCAS PAR CHANG 'THUNG BA LA DGA' BAR GYUR TE, DE LA SKYON DU MI LTA BAR GYUR PA LA CHANG 'THUNG BA YANG SKYON CHE BAR MTHONG NAS, BDAG NYID CHEN PO DE SNYING RJE CHEN POS MI DGA' BAR GYUR TE BSAMS BA, KYE MA HO, 'JIG RTEN 'DI DAG NI RAB TU @58B MA RUNGS PAR GYUR CING 'KHOD DO SNYAM NAS, 'THUNG NA THOG MAR RAB TU ZHIM, ,SKYON DU LTA BA RMONGS PAR GYUR, ,LEGS PAR 'GYUR BA MED PAR BYAS, ,LOG PA'I LAM NI BZANG PO BZHIN, ,DE LA 'DIR NI JI LTAR BYAS NA RUNG SNYAM PA DANG, SLAR THABS YOD DO SNYAM NAS, GTZO BOR GYUR PA RNAM PA GANG SPYOD PAR, ,SKYE BO RNAMS KYANG DE YI RJES SU 'JUG ,DE BAS 'DIR NI RGYAL PO NYID BCAS NA, ,'JIG RTEN DAG NA DGE SDIG DE LAS 'BYUNG, ,DE LTAR RNAM PAR NGES PAR BYAS NAS, SEMS DPA' CHEN PO DE GSER BTZO MA'I MDOG LTAR YID DU 'ONG BA SKRA'I THOR TSUGS CUNG ZAD RTZUB PA 'KHYIL BA CAN SHING GI SHUN LNGAGS DANG RI DVAGS AA DZI NA'I PAGS PA GYON PA TSANGS PA'AM, LUS GZI BYIN LDAN PA CIG TU MNGON PAR SPRUL NAS, CHAR GIS GANG BA'I BUM PA HA CANG MI CHE BA ZHIG NI LAG PA G-YON NA THOGS TE 'ONGS PA, DE NAS THAMS CAD KYI MDZA' BO RGYAL PO'I 'KHOR GYI NANG DU 'DUS TE, CHANG DANG SBRANG CHANG DANG BU RAM SHING GI CHANG DANG, CHANG BCOS MA DANG RGUN CHANG GI GTAM GYI GNAS SKABS GLENG BA'I TSE, MDUN GYI NAM MKHA' LA BYUNG STE 'DUG PAR GYUR TO, ,DA NAS SKYE BO DE DAG NGO MTSAR CHE ZHING RAB TU GUS PAS LANGS TE THAL MO SBYAR NAS RIM GRO BSKYED PA DANG, CHAR SPRIN 'BRUG SGRA ZAB MO'I SGRA 'BYIN PA BZHIN DU GSAR BSTOD DE SMRAS PA, ME TOG PHRENG BA MGUL NA BKOD, ,MGRIN PA MAN CHAD RAB TU GANG, ,BUM PA RGYAN GYIS BRGYAN PA YI, ,BUM PA 'DI NI SU NYO 'DOD, ,ME TOG PHRENG BAS GDU BUR BTAGS PA BZHIN, ,BUM PA'I KHA RGYAN 'DAM BUS BRGYAN PA DAG ,RLUNG GIS BSKYOD PAS RAB TU G-YO BA YI, ,BUM PA 'DI NI RIN GYIS SU NYO 'DOD, ,DE NAS RGYAL PO DE YA MTSAN DANG NGO MTSAR CHE BAR GYUR TE, RAB TU GUS PAS LTA ZHING THAL MO SBYAR NAS SMRAS PA, GZI CHEN NYI MA 'BAR 'DRA MDZES PA ZLA BA BZHIN, ,KHYOD KYI SKU MDZES THUB BA 'GA' ZHIG LAGS PAR GDA', ,DE BAS 'JIG RTEN KUN GYIS 'TSAL BAR GSUNG PA'I RIGS, ,KHYOD KYI YON TAN MTSAR CIG MCHIS PA BDAG CAG RE, ,BRGYA BYIN GYIS SMRAS PA, NGA NI SU YIN PHYIS KYANG SHES 'GYUR GYIS, ,KHYED CAG 'JIG RTEN GZHAN LA MI 'JIGS SHING,, @59A *, ,TSE 'DI LA YANG BRLAG PAR ME 'JIGS NA, ,BUM PA 'DI NI NGA LAS NYO BAR GYIS, ,RGYAL POS SMRAS PA, AE MA HO, ,KHYOD KYIS TSONG ZONG BTZONG BA 'DI NI SNGON MA BYUNG BA ZHIG GO, ,'JIG RTEN NA NI TSONG ZONG RNAMS, ,GANG LA YOD KYANG YON TAN BRJOD, ,NYES PA'I SKYON NI BCAS PA YIN, ,TSONG ZONG BTZONG PA DE LTAR GRAGS, ,BRDZUN DU SMRAS PAS 'JIGS PA RNAMS, ,KHYOD LTA BU YI TSUL 'DZIN TE, ,DGE BA RNAMS NI BDEN PA DANG, ,PHONGS PAR GYUR KYANG MI GTONG NA, ,BUM PA 'DI NI CI YIS BKANG, ,KHE SPOGS CHEN PO CI YOD NA, ,KHYOD LTA BUS YANG BDAG LA TSONG, ,BDAG NYID CHEN PO DES SMROS SHIG ,BRGYA BYIN GYIS SMRAS PA, RGYAL PO CHEN PO GSON CIG ,'DI NI CHU DANG ZHO DANG DAR BA'AM MU TIG CHU YIS GANG BA MIN, ,GE SAR DRI ZHIM KHU BA'I CHANG DANG MAR GYIS GANG BA YANG MA YIN LA, ,KU MU TA DANG SPRIN MED ZLA 'OD 'DRA BA'I 'O MAS GANG BA MIN, ,SDIG PA'I RANG BZHIN CAN GYIS GANG BA'I BUM PA DE YI YON TAN NYON, ,GANG ZHIG 'THUNGS NA RA RO SONG NAS GOM PA DBANG MED 'DOR ZHING 'GRO, ,YUL PHYOGS MA 'DRIS PAR YANG 'KHYAMS SHING RDEG 'CHOS DRAN PA NYAMS PAR 'GYUR, ,BZA' DANG MI BZA' DPYAD PA MED PAR DE DAG BZAR GYUR PA, ,DE DANG DE YIS GANG BA'I BUM PA THA SHAL 'DI NYOS SHIG ,GANG GIS BDAG GI SEMS LA DBANG MED BLO NYAMS RNAM PAR 'KHYAMS, ,PHYUGS DANG 'DRA BAR BLUN ZHING DGRA BOS 'PHYAS KYANG BYED PAR 'GYUR, ,GANG GIS MDUN SAR GAR BYED 'GYUR ZHING BRANG GIS 'KHAR RNGA BRDUNGS, ,DGE BA MED PA'I BUM PA'I CHANG 'DI KHYED KYIS NYO BAR RIGS, ,'THUNGS NA GANG GIS BDAG GI NGO TSA 'OS PA 'DOR, ,GOS DANG BRAL ZHING GCER BUR BYUNG YANG NGO TSA MED, ,GRONG KHYER SKYE BO MANG PO'I LAM DU YID RTON 'GRO, ,BUM PA 'DI NI BTZONG BAR 'OS TE DE BLUGS SO, ,GANG 'THUNGS NA NI SKYUGS PA'I ZAS KYIS GOS 'GYUR ZHING, ,KHYI YIS KHA YANG DOGS PA MED PAR BLDAG PAR 'GYUR, ,DRAN PA MED PAR LAM PO CHE NA NYAL BAR 'GYUR, ,BTZONG NA 'GRIM PA DE NI BUM PA 'DIR BLUGS SO, ,GANG ZHIG 'THUNGS NAS MYOS TE DBANG MED PAR, , @59B PHA MA DAG KYANG SHI LA 'CHING BAR BYED, ,NOR GYI BDAG PO DAG KYANG KHYAD DU GSOD, ,PHAN BRLAGS DE NI BUM PA 'DIR BLUGS SO, ,GANG ZHIG 'THUNGS NA MYOS PAS DRAN BRLAGS TE, ,'BRI SNA AAN DHA DAG KYANG DME BYUNG NAS, ,DBYUG TSEN THOGS TE PHAN TSUN THA MAL PHYUNG, ,MYOS 'GYUR DE NI BUM PA 'DIR BLUGS SO, ,GANG LA CHAGS NA DPAL GYI GZHIR GYUR RIGS, ,JE MTHO JE MTHOR 'GYUR BA'ANG BRLAG PAR 'GYUR, ,NOR GYI DBYIG LDAN RIGS KYANG PHUNG BAR 'GYUR, ,BTZONG RGYU DE NI BUM PA 'DI NA 'DUG ,GLO BUR DU ZHING 'DUG LA DGOD CING MA NGES SMRA, ,GDON GYIS ZIN PA BZHIN DU MIG NI MCHIMS GANG, ,SMAD CING BRNYAS PAR 'GYUR BA'I GNAS SU NGES 'GYUR BA, ,BLO NYAMS 'GYUR BA 'DI NI BUM PA 'DI NA YOD, ,RGAS PAR GYUR KYANG GANG GIS SEMS NYAMS SHING, ,BDAG LA PHAN PAR 'DOD PA'I LAM DU MI 'JUG NA, ,MA BRTAGS MANG DU SMRA BAR NGES 'GYUR LA, ,BTZONG RGYU DE NI BUM PA 'DI NA YOD, ,GANG GI NYES PAS SNGON GYI LHA RNAMS MYOS, ,LHA YI RGYAL PO'I DPAL NI NYAMS BYAS NAS, ,SKYABS 'DOD PHYIR NI RGYA MTSO'I NANG NA GAB, ,DE YIS GANG BA'I BUM PA 'DI NYOS SHIG ,MI BDEN PA YANG BDEN PA BZHIN DU NGO MTHON SMRA, ,MI BYA BA YANG BYA BA BZHIN DU DGA' BZHIN BYED, ,GANG GI LAN GYIS YOD MED PHYIN CI LOG TU SHES, ,DE NI SMAD PA'I LUS BZHIN BUM PA 'DI NA 'DUG ,MYOS 'GYUR RIG SNGAGS SDUG BSNGAL RGYUR 'GYUR BA, ,SDIG PA'I MA MO BYUNG RAN MNGON SUM BZHIN, ,RTZOD PA'I LAM DANG THA DAD MA YIN PA, ,SNYING GI MUN PA MI BZAD DE MYOS SHIG ,GANG GIS BLO NI RAB TU NYAMS GYUR NAS, ,PHA MA NYES PA MED PA'ANG GSOD 'GYUR ZHING, ,BDE LA MA CHAGS DKA' THUB CAN YANG GSOD, ,BTZONG PA'I MCHOG 'DI RGYAL LA PHUL BAS BZHES, ,MI YI BDAG PO CHANG NI 'DI 'DRA YANG, ,'JIG RTEN NA NI LHA ZHES RAB TU GRAGS, ,YON TAN LA NI GANG DAG MI DGA' BA, ,DE DAG CHANG 'DI NYOS LA 'BAD PAR GYIS, ,GANG ZHIG BSTEN NA NGAN PA SPYOD PAR 'GYUR, ,RAB TU 'JIGS PAS SEMS CAN DMYAL BAR LTUNG, ,DUD 'GRO'I GNAS DANG @60A *, ,YI DVAGS DBUL GYUR PA, ,MTHONG BAR 'DOD PA DE NI SU ZHIG YOD, ,CHANG DE NYUNG DU 'THUNGS KYANG RNAM PAR SMIN PA NI, ,MI YI GNAS SU SKYES KYANG TSUL KHRIMS LTA BA NYAMS, ,GANG GIS PHYOGS KYANG MNAR ME 'BAR BAS BSREG PAR 'GRO, ,YI DVAGS YUL DANG DUD 'GRO DMAN PAR GNAS PAR 'GYUR, ,TSUL KHRIMS NYAMS PAR 'GYUR ZHING GTAM NGAN MNGON SUM 'BYUNG, ,NGO TSA MED CING BLO GROS DRI MA CAN DU 'GYUR, ,GANG ZHIG 'THUNGS NA YON TAN DE DANG DE NYAMS PA, ,DE BAS RGYAL PO KHYOD KYIS CHANG 'THUNG GA LA RIGS, ,DE NAS RGYAL PO DES SNYING LA BAB PA'I TSIG RNAMS CHANG 'THUNG BA'I NYES PA KHONG DU CHUD PAR BYAS PA DANG, CHANG 'THUNG BA LA MA CHAGS SHING ZHEN PA MED PAR GYUR NAS, BRGYA BYIN LA 'DI SKAD CES SMRAS SO, ,BYAMS PA'I PHA MA'AM 'DUL BAS MNYES BYAS BLA MA BZHIN, ,TSUL DANG TSUL MIN MKHAS PA'I THUB PAS SMRAS PA BZHIN, ,KHYOD KYIS BDAG LA PHAN PHYIR LEGS PAR GDAMS PA DE, ,SPYOD PAS NYAMS SU BLANG STE TSUL BZHIN MNYES PAR BGYI'O, ,LEGS PAR SMRAS PA'I LAN DU MCHOD PA 'DI KHYOD KYIS BDAG LAS BZHES PAR RIGS SO, ,YUL GRU BZANG PO LNGA YANG KHYOD LA 'BUL, ,BRAN BRGYA PO DANG BZHON PA LNGA BRGYA 'BUL; ,RTA MCHOG SBYAR BA'I SHING RTA 'DI BCU BZHES, ,BDAG GI BLA MA PHAN PA STON PAR 'GYUR, ,GZHAN YANG BDAG GIS GANG DANG GANG BGYI BA 'DIR SPRING ZHING SLAN CHAD KYANG BDAG LA SPYAN RAS KYIS STZAL PAR GSOL, BRGYA BYIN GYIS SMRAS PA, YUL GRU MCHOG LA SOGS PA'ANG NGA MI 'DOD, ,LHA DBANG NGA YIN RGYAL POS SHES PAR BYOS, ,PHAN PAR SMRAS LA MCHOD PAR BYA BA NI, ,BSGO BA'I TSIG BZHIN NYAMS SU LEN PA YIN, ,GRAGS DANG DPAL GYI LAM NI 'DI YIN TE, ,TSE RABS GZHAN LA BDE BA DE YANG THOB, ,DE BAS CHANG LA CHAGS PA RAB SPONGS LA, ,CHOS LA GNAS PA NGA YI YUL LA BRTEN, ,DE SKAD SMRAS NAS BRGYA BYIN DE NYID DU MI SNANG BAR GYUR TO, ,RGYAL PO DE YANG BLON PO DANG 'BANGS SU BCAS PA CHANG MI 'THUNG BAR GYUR TO, ,DE LTAR NA CHANG 'THUNG BA NI NYES PA DU MA 'BYUNG ZHING SHIN TU MA RUNGS PAR 'GYUR BA'I PHYIR, DGE BA RNAMS NI GZHAN DAG KYANG 'DI @60B LAS ZLOG PAR BYED NA, BDAG NYID LTA SMOS KYANG CI DGOS, BCOM LDAN 'DAS DE TSE RABS SNGA MA LA YANG 'JIG RTEN LA PHAN PA 'BA' ZHIG MDZAD PA'O ZHES, DE BZHIN GSHEGS PA'I YON TAN BSNGAGS PA LA YANG BRJOD PAR BYA'O, ,BUM PA'I SKYES PA'I RABS TA BCU BDUN PA'O,, ,, BAM PO DRUG PA, KHYIM NA GNAS PA NI TSUL KHRIMS KYI GNYEN POR 'GYUR ZHING GNOD PA'I PHYIR BDAG LA PHAN PAR 'DOD PA RNAMS KHYIM NA GNAS PA YONGS SU GTONG NGO, ,DE YANG 'DI LTAR BYANG CHUB SEMS DPA' RE ZHIG CIG RGYAL RIGS PHYUG PO'I RIGS 'TSO BA'I TSUL DANG SPYOD PA PHUN SUM TSOGS PA; CHO RIGS MTHON PO LA DGA' BA RNAMS KYIS GNYEN BYA BAR GSOL BA BTAB PA, DGE SBYONG DANG BRAM ZE RNAMS KYI RE BA'I GNAS SU GYUR PA, BANG MDZOD RNAMS NA GNYEN BSHES DANG THUN MONG DU SPYOD PA, PHONGS SHING SLONG BA RNAMS NI MNGON PAR 'KHOR BA, LAG BZO BA RNAMS KYI 'TSO BA'I GNAS SU GYUR PA, DPAL GYI GZHIR GYUR PA DANG, RGYAL POS BKUR STI BYA ZHING PHAN BTAGS PAR GYUR PA, 'JIG RTEN PAS MNGON PAR BKUR BA'I KHYIM CIG TU SKYES PAR GYUR TO ZHES GRAGS SO, ,DE RIM GYIS NAR SON PAR GYUR PA DANG, 'JIG RTEN PAS BSNGAGS PA'I RIG PA'I GNAS RNAMS NI BSLAB PA DANG SGYU RTZAL GYI THABS RNAM PA SNA TSOGS LA NI BLO GSAL BAR GYUR, LUS BYAD BZANG PO SKYE BO'I MIG TU SDUG PA DANG, CHOS DANG MI 'GAL BAR 'JIG RTEN GYI TSUL LA MKHAS PAS 'JIG RTEN PA RNAMS KYIS NANG MI BZHIN DU SNYING LA CHAGS PAR GYUR TO, ,NANG MI RNAMS NI NANG MI ZHES, ,LHAG PAR DGA' BAR 'GYUR BA MED, ,PHYI MI RNAMS KYANG PHYI MI ZHES, ,NANG MI DAG LAS GZHAN DU MIN, ,SKYON DANG YON TAN LAS BRTAGS NAS, ,NANG MI'AM YANG NA PHYI MI'ANG RUNG, ,'JIG RTEN NA NI BKUR STI DANG, ,SMAD PAR BYA BA'I GNAS SU GYUR,, SEMS DPA' CHEN PO DE SNGON RAB TU BYUNG BA LA GOMS PAR BYAS PAS, ,KHYIM NA GNAS PA TSOL BA'I SDUG BSNGAL DANG, CHOS DANG 'GAL BAR RAB TU SHES GYUR CING, ,DKA' THUB NAGS TSAL BDE 'BYUNG GNAS RIG NAS, ,KHYIM GYI BDE LA YID NI CHAGS MA GYUR, ,DE PHA MA GNYIS @61A *, ,TSE 'DAS PAS SNYING MI DGA' BAR GYUR TO, ,KHYIM GYI RDZAS DANG DBYIG BRGYA STONG DU MA YOD PA DE YANG GNYEN BSHES DANG DGE SBYONG DANG BRAM ZE DANG PHONGS PA RNAMS LA CI LTAR RIGS PAR BYIN NAS RAB TU BYUNG BAR GYUR TO, ,DE RIM GYIS GRONG DANG LJONGS DANG PHO BRANG 'KHOR DU RGYU ZHING SONG SONG BA LAS GRONG KHYER CIG TU BRTEN TE, NAGS TSAL GYI GNAS CIG TU GNAS PAR GYUR TO, ,DE BSAM GTAN GYI YON TAN LA GOMS PAS TSUL BCOS PA MA YIN PAR DBANG PO RANG BZHIN GYIS DANG BA DANG MA KHENGS PA DANG RNYED PA LA RE BA'I BRKAM PA DANG ZHUM PA MED PA DANG, DUL ZHING GZI BRJID CHE BA DANG; CI LTAR RIGS PAR 'JAM POR SMRAS SHING GSAL BA DANG CHOS DANG CHOS MA YIN PA RAB TU 'BYED PA LA MKHAS PA DANG, RNA BA DANG SNYING CHIM PAR BYAD PA'I TSIG LA MKHAS PA YIN PAR MNGON PAR SMRA BA DANG, RAB TU BYUNG BA'I SPYOD TSUL BZANG PO DANG YA RABS RNAMS DGA' BA'I SPYOD PAS DE NA YANG RAB TU GRAGS PAR GYUR TO, ,SKYE BO RTOG DPYOD CAN RNAMS KYIS KYANG, DE'I CHO RIGS BTZUN PA LAS RAB TU BYUNG BAR SHES NAS, DE NAS 'JIG RTEN PA RNAMS KYIS BKUR STI CHER BYAS PAR GYUR TO, ,RIGS DANG GZUGS KYI YON TAN LAS, ,YON TAN RAB TU BRJID PAR 'GYUR, , SA GZHI RAB TU BZANG PO LA, ,ZLA BA'I 'OD ZER SHAR PA BZHIN, ,DE NAS DER 'ONGS PAR DE'I PHA'I MDZA' BOS SHES NAS DE'I DRUNG DU 'ONG STE, YON TAN BRJOD CING GUS PAR NAD DRIS NAS DE LA BDAG PHA'I MDZA' BO YIN PAR SHES PAR BYAS TE, GTAM GYI GLENG BSLANG NAS 'JAM POS SMRAS PA; NA TSOD 'DI TZAM LAS CHO RIGS LA YANG MI LTA BAR 'DI LTAR RAB TU BYUNG BA NI, BTZUN PA KHYED KYIS MI BRTAN PA BZHIN DU BYAS SO, ,KHYIM NA 'DUG GAM DGON PAR SONG YANG RUNG, ,LEGS PAR BSGRUBS PAS CHOS NI BRNYES GYUR NA, ,KHYIM BZANG DPAL DANG LDAN PA BOR NAS NI, ,CI PHYIR KHYOD BLO DGON PAR DGA' BAR GYUR, ,GZHAN GYI DRING LA LTOS SHING SLONG MO SPYOD, ,NGAN PA BZHIN DU SKYE BO RNAMS KYIS SMAD, ,NGAN PA'I GOS GYON GNYEN BSHES RNAMS DANG BRAL, ,BAS MTHA'I SA NA LUS NI BSKYUR TE BOR, ,DBUL PO'I LUS NI NYE BAR BLANGS PA BZHIN, ,KHYOD KYI GNAS @61B SKABS 'DI LA BLTAS NA NI, ,DGRA YI MIG KYANG MCHI MAS GANG 'GYUR NA, ,MYA NGAN DBANG DU JI LTAR MA GYUR KYANG, ,DE BAS KHYOD KYI PHA YI KHYIM DU 'DONG, ,THOS PA'I DON NI KHYOD KYIS YOD PAR BYOS, ,BU MCHOG KHYOD KYIS DER NI GNAS BCAS NAS, ,CHOS DANG YID LA BSAM PA GRUB PAR GYIS, ,'JIG RTEN NA YANG 'DI SKAD DU GRAGS TE, GZHAN GYI LAS BYED PA DAG KYANG, ,BDAG GI KHYIM NA RE GNAS BDE, ,'BYOR PA'I DPAL NI 'BYOR GYUR PA, ,BDE BA THOB PA SMOS CI DGOS, ,DE NAS BYANG CHUB SEMS DPA' DBEN PA LA GNAS PA'I BDE BA'I BDUD RTZI 'DI LA BLO GOMS PAR BYAS PA DANG, SNYING DE LA GZHOL BAR GYUR PA, KHYIM NA GNAS PA DANG NAGS TSAL NA GNAS PA'I BYE BRAG SHES PAR GYUR PA, LTOS 'GRANGS ZIN PA LA KHA ZAS KYI GTAM ZER BA YID DU MI 'ONG BA BZHIN DU 'DOD PA LA BSTABS PA YID DU MI 'ONG BAR GYUR NAS SMRAS PA, KHYOD KYIS TSIG 'DI SMRAS PA YI, ,SMRAS PA NYES PA CHUNG MOD KYI, ,BTZON RA 'DRA BA'I KHYIM LA NI, ,NAM YANG BDE BAR MA SEMS SHIG ,PHYUG GAM YANG NA DBUL YANG RUNG, ,KHYIM NA GNAS PA NAD DU CHE, ,GCIG NI BSRUNG BAS NYON MONGS LA, ,GNYIS PA TSOL BAS SHA THANG NGO; ,PHYUG GAM YANG NA DBUL YANG RUNG, ,GANG NA BDE BA MED GYUR PA, ,DE LA DGA' BA RMONGS PA NI, ,SDIG PA'I 'BRAS BU SMIN PA NYID, ,KHYIM NA GNAS PAS KYANG CHOS 'DI MNYES PAR BYAR RUNG NGO, ,ZHES ZER BA DE YANG KHYIM YANG CHOS KYI GNYEN PO DANG 'DOM PA DANG, LAS SU BYA BA MANG CHES PAS RAB TU DKA'O, ,KHYOD LTOS SHIG ,KHYIM GYI SO NAM BYAS NA NI, ,BRDZUN DU MI SMRA MI RUNG ZHING, ,PHA ROL NYES PA BYED PA LA, ,NAN TUR MI BYAR MI RUNG NGO, ,DE LTA BAS NA SKYE PO 'DI DAG KHYIM GYI BDE BA LA SNYING CHAGS NAS, DE BSGRUB BA LA 'BAD PA NI, GAL TE CHOS SPYAD KHYIM GYI SO NAM 'CHOR, ,KHYIM LA CHAGS NA CHOS KYANG GA LA 'GRUB, ,CHOS KYI LAM NI RAB TU ZHI BA YIN, ,KHYIM GYI DON NI DRAG SHUL CAN GYIS 'GRUB, ,DE BAS CHOS DANG 'GAL BA'I SKYON YOD PHYIR, ,BDAG LA PHAN 'DOD SU ZHIG KHYIM NA GNAS, ,CHOS NI BDE LA CHAGS PA @62A *, ,SPONG BA YIN, ,BDE BA BSGRUB PA'ANG NGES PA YOD MA YIN, ,GDON MI ZA BAR GRAGS PA MED PAR 'GYUR, ,YID LA GDUNG BA SKYE ZHING NGAN 'GROR LTUNG, ,DE BAS CHOS DANG 'GAL BA BDE BA'I THABS, ,TSUL LA MKHAS PA RNAMS NI MI BSGRUB PO, ,GZHAN YANG KHYIM NA GNAS PA BDE'O ZHES BYA BA 'DI YANG YID CHES PAR BYA BA YIN PAR BDAG GIS MA MTHONG NGO, ,BSGRUB CING BSRUNG LA SOGS PA'I SDUG BSNGAL DES, ,BCING ZHING BSAD PA'I SDUG BSNGAL GZHIR GYUR PA, ,RGYAL PO DAG KYANG 'BYOR PAS CHOG MI SHES, ,CHAR CHU 'BAB PAS RGYA MTSO MI GANG BZHIN, ,YONGS SU RTOGS PA'I DBANG DU MA GYUR NA, ,'DI LA CI LTAR NAM ZHIG GANG LA BDE, ,RMONGS PAS 'DOD CHAGS NYE BAR SPYOD PA YANG, ,RMA G-YA' 'PHRUGS PA'I BDE BA BZHIN DU ZAD, ,GZHAN YANG PHAL CHER NI 'DI LTA BU YIN NO, ,KHYIM NI 'BYOR NA PHAL CHER RGYAGS PAR 'GYUR, ,RIGS BTZUN NGA RGYAL CHE ZHING STOBS KYIS BSNYEMS, ,SDUG BSNGAL KHRO ZHING RGUD NA ZHUM PAR 'GYUR, ,DES NA NAM ZHIG RAB TU ZHI BAR 'GYUR, ,DE BAS NA 'DIR BTZUN PA KHYOD LA GDAMS NGAG TU BYA BA NI, DREGS DANG NGA RGYAL GTI MUG SBRUL GYI TSANG, , RAB TU ZHI LA DGA' BA'I BDE 'JIGS PA, ,SDUG BSNGAL MI BZAD MANG PO'I GNAS GYUR KHYIM, ,KHUNG DANG 'DRA BAS SU ZHIG GNAS PAR BYED, ,SKYE BO CHOG SHES RNAMS KYI KHYIM, ,RAB TU BDE BA DBEN PA'I TSAL, ,JI LTAR SEMS NI DGA' 'GYUR BA, ,DE 'DRA LHA YI YUL NA'ANG MED, ,DE BAS TSAL NA NGAN PA'I GOS GYON TE, ,GZHAN GYI DRING LA 'JOG CING 'TSO YANG RUNG, ,BDAG LA PHAN 'DOD DUG CAN MI BZA' BZHIN, ,CHOS MIN 'DRES PA'I BDE BA MI 'DOD DO, ,DE LTAR DES YID DU 'ONG BA'I TSIG GIS PHA'I MDZA' BO DE YID CHES PAR BYAS PA DANG, SEMS DPA' CHEN PO DE LA RAB TU GUS SHING BKUR STI'I BYA BA KHYAD PAR CAN GYIS RAB TU MGU BAR BYAS SO, ,DE LTA BAS NA KHYIM NA GNAS PA'I TSUL KHRIMS DANG RAB TU ZHI BA'I GNYEN PO LA GNOD PA YIN PAS, BDAG LA PHAN PAR 'DOD PA RNAMS YONGS SU GTONG NGO,, @62B RAB TU DBEN PA'I RO MYONG NA 'DOD PA LAS SLAR LOG GO ZHES RAB TU DBEN PA'I GTAM BYA BA LA YANG SBYAR BAR BYA'O, ,RGYAL RIGS PHYUG POR SKYES PA'I RABS TE BCO BRGYAD PA'O,, ,,RAB TU DBEN PA BDE BA'I RO MYANG BA RNAMS NI, 'DOD PA LAS 'PHYAS KYI GNAS DANG, GNOD PA LTA BUR MI MTHUN PAR SEMS SO, ,DE YANG 'DI LTAR BYANG CHUB SEMS DPA' RE ZHIG CIG ,BRAM ZE'I RIGS CHEN PO YON TAN GYI GRAGS PA RGYAS PA 'PHYAS SU BYAS PA'I SKYON MED PA ZHIG TU SKYES PAR GYUR TO ZHES GRAGS SO, ,DE LA YANG NU BO DRUG YOD PA YANG, DE'I GZUGS DANG YON TAN MTHUN PA, BYAMS SHING GUS PA'I YON TAN DANG LDAN PA, RTAG TU RJES SU 'BRANG BA DAG DANG SRING MO GCIG DANG BDUN 'KHOD PA LAS, DE NI RIG BYED YAN LAG DANG BCAS PA, NYE BA'I RIG BYED DANG BCAS PA NI LOBS, MKHAS PA'I GRAGS PA NI THOB, SKYE BO RNAMS KYIS NI BKUR STI BYAS, PHA MA GNYIS LA LHA BZHIN DU RAB TU GUS PAR BSNYEN BKUR BYAS, NU BO DE RNAMS LA SLOB DPON DANG PHA BZHIN DU RIG PA SLOB CING, TSUL DANG 'DUL BA LA MKHAS PAR BYAS NAS KHYIM NA GNAS SO, ,DE YUN RING ZHIG NA PHA MA GNYIS DUS BYAS PA'I MYA NGAN GYIS GDUNGS PA LAS PHA MA GNYIS KYI SHID BYAS ZIN NAS, MYA NGAN BYED PA'I NYIN ZHAG 'DAS PA DANG, NU BO RNAMS LA SMRAS PA, YUN RING LHAN CIG 'KHOD 'DOD KYANG, ,'CHI BAS SO SOR BRAL GYUR ZHING, ,MYA NGAN CHEN POS GDUNGS GYUR PA, ,'DI NI 'JIG RTEN 'DI NA NGES,, BDAG NI KHYIM NA CHAGS BZHIN DU, ,'CHI BA'I DGRA YIS DE'U RE BSAD, ,DE BAS PHAN PA'I LAM BZANG PO'I, ,BDAG NI RAB TU BYUNG BAR 'DOD, ,DE BAS NA KHYED RNAMS KYIS SHES PAR GYIS SHIG ,BRAM ZE'I KHYAM NA CHOS KYI LAM GYIS RNYED PA'I LONGS SPYOD TZAM YOD DE, DES 'TSO BA 'BYOR GYIS DE BAS NA KHYED RNAMS PHAN TSUN BYAMS PA DANG, BKUR STI NI BYED, TSUL KHRIMS DANG GCANG SBRA SPYOD PA LA NI 'BAD, RIG BYED SLOB PA LA NI 'GRUS, GNYEN BSHES DANG SLONG BA RNAMS NI RE THAG MI GCOD, CHOS LA NI GZHOL BAR BYOS LA KHYIM NA LEGS PAR @63A *, ,'KHOD CIG ,'DUL BA LA NI RTAG TU 'BAD, ,KHA THON SLOB PA DAG LA 'GRUS, ,SBYIN PA LEGS PAR RAB SBYIN ZHING, ,KHYIM GYI DKA' THUB SPYAD PAR GYIS, ,DE LTAR BYAS NA KHYED LA GRAGS PA 'PHEL, ,CHOS DANG SRID DANG BDE BA'ANG 'PHEL, ,'JIG RTEN PHYI MA LA YANG BDE BAR 'GYUR, ,DE BAS BAG YOD KHYIM NA GNAS PAR GYIS, ,DE NAS DE'I NU BO RNAMS KYIS DE RAB TU BYUNG ZHES ZER BA THOS NAS BRAL DU DOGS PA'I MYA NGAN GYIS SEMS GDUNGS TE, MYA NGAN GYI MCHIMS GDONG KHEBS BZHIN DU PHYAG 'TSAL TE, DE LA 'DI SKAD CES SMRAS SO, ,BDAG CAG PHA MA DANG BRAL BA'I MYA NGAN GYI ZUG RDU'I RMA MA SOS PAR SDUG BSNGAL GZHAN GYIS MNAN TE, KHYOD KYIS 'DIR RMA DKRUGS PAR MI RIGS SO, ,PHA MA'I MYA NGAN ZUG RDU DA RUNG DU, ,BDAG CAG YID LA RMA NI MA SOS BZHIN, ,DE BAS BRTAN PA'I BLO CAN 'DI BTANG LEGS, ,BDAG CAG RMA NI 'JIG PAR MA MDZAD CIG ,'ON TE KHYIM NA GNAS PA MI BZHED LA, ,NAGS TSAL GNAS PA BDE BA'I LAM DAG NA, ,BDAG CAG MGON MED KHYIM DU BOR NAS SU, ,CI PHYIR GCIG PU NAGS SU BZHUGS PAR DGYES, ,DE BAS NA KHYOD GANG DU BZHUD PA DER BDAG CAG KYANG MCHIS TE, BDAG CAG KYANG RAB TU BYUNG NGO ZHES SMRAS PA DANG, BYANG CHUB SEMS DPAS SMRAS PA, DBEN PAR GNAS LA MA GOMS SHING, ,'DOD LA CHAGS PA'I RJES 'BRANG BA'I, ,SKYE BO PHAL CHER RAB BYUNG LA, ,G-YANG SAR LHUNG BA BZHIN DU LTA, , DE BAS NA KHYIM DU GNAS PA DANG, NAGS CHAL NA GNAS PA'I BYE BRAG SHES BZHIN DU RAB TU BYUNG BA LA GNAS PAR BDAG CAG GI CHED DU MA SMRAS SO, ,DE LTAR KHYOD RAB TU BYUNG BAR 'DOD NA, YU BU CAG RAB TU BYUNG BAR 'DOD KYIS 'DOD NGO, ,DE NAS BU BDUN PO DE DAG DANG, SRING MO DANG BRGYAD CHAR GYIS KHYIM GYI LONGS SPYOD CHEN PO BZANG PO DANG, MDZA' BO DANG, NANG MI DANG NYE DU'I 'KHOR GDONG MCHI MAS GANG BA RNAMS BOR TE DKA' THUB NAGS SU RAB TU BYUNG NGO, ,DE DAG GI GROGS PO CIG DANG, BRAN PHO DANG BRAN MO SNYING NYE BA CIG KYANG DE'I PHYI BZHIN DU RAB TU BYUNG NGO,, @63B DE DAG DGON PA'I NAGS TSAL CHEN PO CIG NA MTSO CHEN PO ME TOG PADMA MANG PO KHA BYE BAS MDZES PA NI 'BAR BA BZHIN, ME TOG KU MU TA MANG PO KHA 'BUS PA BKOD PA BZHIN, BUNG BA MANG PO NI TI RI RI CHU GTZANG SNGON POS NI GANG BA CIG GI 'GRAM DU BRTEN NAS, SHING LO'I SPYIL PO RAB TU GTZANG ZHING YID DU 'ONG BA GRIB SHING GIS BSGRIBS PA, SO SO SO SOR BAR MI NYE BAR BYAS PA RNAMS SU BRTUL ZHUGS DANG SDOM PA LA RAB TU 'BAD CING YID BSAM GTAN LA SBYOR BAS GNAS PAR GYUR TO, ,ZHAG LNGA LNGA ZHING BYANG CHUB SEMS DPA'I DRUNG DU CHOS MNYAN PA'I PHYIR 'DU'O, ,BYANG CHUB SEMS DPA' DE YANG DE DAG LA BSAM GTAN GYI MAN NGAG LA 'JUG PA 'DOD PA'I NYES DMIGS STON PA, SKYO ZHING YID 'BYUNG BAR 'GYUR BA, RAB TU DBEN PA DANG CHOG SHES PA'I BSNGAGS PA MANG DU 'BYUNG LA, TSUL 'CHOS PA DANG, GCAM SGYU DANG LE LO LA SOGS PA'I SKYON LA SMOD PA, NYE BAR ZHI BA DANG RAB TU DAD PA'I LAM DU GYUR PA'I CHOS KYI GTAM DE DANG DE DAG ZER RO, ,DE DAG GI BRAN MO DE YANG RAB TU GUS SHING SNYING NYE BAS DE BZHIN DU G-YOG BYED DO, ,DES MTSO DE'I NANG NAS PADMA'I RTZA BA BTON TE, PADMA'I LO MA CHEN PO LA MTSO 'GRAM DU GTZANG BAR CHA MNYAM PAR BKOD NAS, TOG BRDUNG BA'I SGRAS DUS BSTAN TE SLAR SONG NGO, ,DE NAS DRANG SRONG DE DAG BZLAS BRJOD DANG SBYIN SREG GI CHO GA BYAS ZIN PA DANG, RGAN RIMS KYIS RE RE NAS SONG STE, PADMA'I RTZA BA CHAR BGOS TE BZHAG PA DE LAS GO RIMS BZHIN DU RE RE NAS BLANGS NAS; RANG RANG GI SHING LO'I SPYIL POR CHO GA BZHIN DU ZOS TE, BSAM GTAN LA BRTZON PA'I BLOS GNAS SO, ,DE DAG DE LTAR 'KHOD PA NA, CHOS NYAN PA'I DUS MA GTOGS PAR GCIG LA GCIG LTAR MI 'DOD DO, ,DE DAG DE LTAR TSUL KHRIMS DANG SPYOD TSUL DE LTA BU DANG RAB TU DBAN PA LA DGA' BA DANG BSAM GTAN LA GZHOL BAS GRAGS PA 'DRA BA GTZANG MA, PADMA'I ME TOG GI 'DAB MA DANG ZE BA'I BRTAG PA'I PHYIR DER SONG NGO, ,DES KYANG DE DAG BSAM GTAN LA MNGON PAR PHYOGS PA DANG, BYA BA NGAN PA DANG MA 'BREL ZHING GDUNG BA MED @64A *, ,LA; RAB TU ZHI BA LA MNGON PAR DGA' ZHING 'KHOD PAR MTHONG NAS, YON TAN RAB TU BRTAN PA YOD PAR RE ZHIG DE BRTAG PA LA YID GZHOL BAR GYUR TO, ,RTZOL BA MED PAR BAS MTHA' NAS, ,ZHI LA RAB TU GZHOL ZHING 'KHOD, ,DGE BA RNAMS NI YON TAN LA; ,RE BA SNYING LA 'JOG PAR BYED, ,DE NAS PADMA'I RTZA BA GLANG PO CHE'I PHRU GU'I MCHE BA LTAR DKAR LA 'JAM PA RNAMS BTON TE BKRUS NAS PADMA'I LO MA SNGON PO RIN PO CHE MAR GAD 'DRA BA GTZANG MA, PADMA'I ME TOG GI 'DAB MA DANG ZE BA'I RGYAN GYIS BRGYAN PA LA CHA MNYAM PAR BKOD NAS, TOG BRDUNGS PA'I SGRAS DRANG SRONG DE DAG LA DUS BSTAN TE BRAN MO DE SLAR SONG BA DANG, BYANG CHUB SEMS DPA' BRTAG PA'I PHYIR LHA'I DBANG PO BRGYA BYIN GYIS, PADMA'I RTZA BA'I CHA DANG PO DE MI SNANG BAR BYAS SO, ,SDUG BSNGAL 'BYUNG BAR GYUR PA DANG, ,BDE BA MED PAR GYUR KYANG RUNG, ,DGA' BA RNAMS KYI BRTAN PA'I RGYU, ,RNAM PAR 'PHRO BA BZHIN DU MTHONG, ,DE NAS BYANG CHUB SEMS DPA' SONG SONG NAS CHA DANG PO'I GNAS DE NA PADMA'I RTZA BA NI MED, PADMA'I LO MA NI RGYAN 'KHRUGS SHING 'DUG PA MTHONG NAS, BDAG GI PADMA'I RTZA BA'I SKAL BA CIG GIS KHYER RO SNYAM STE, SEMS 'KHRUG PA DANG KHONG KHRO BA MED PAR DE NAS SLAR LOG NAS SHING GI SPYIL POR ZHUGS TE, BSAM GTAN GYI CHO GA TSUL BZHIN DU BRTZAM MO, ,DRANG SRONG GZHAN RNAMS SNYING MI DGA' BAR MI 'GYUR BAR BYA BA'I PHYIR DON MA SMRAS SO, ,DA'I NU BO GZHAN GYI SNYING LAM NA, 'DIS RANG GI SKAL BA NGES PAR BLANGS BA 'DRA SNYAM NAS, RANG RANG GI PADMA'I RTZA BA'I SKAL BA BLANGS NAS, RANG RANG GI LO MA'I SPYIL POR CHO GA BZHIN ZOS TE BSAM GTAN BYED CING 'KHOD DO, ,DE BZHIN DU ZHAG GNYIS PA DANG, GSUM PA DANG BZHI PA DANG ZHAG LNGA PA'I BAR DU YANG DE'I PADMA'I RTZA BA'I SKAL PA BRGYA BYIN GYIS MI SNANG BAR BYAS SO, ,BYANG CHUB SEMS DPA' SEMS DPA' CHEN PO DE YANG DE BZHIN DU SEMS 'KHRUGS PA MED CING RAB TU ZHI BAR GYUR TO, ,DAM PA RNAMS NI SEMS DKRUGS PAS, ,TSE ZAD NAS NI SHI YANG SLA, ,DE BAS MKHAS PAS SROG PHYIR YANG,, @64B YID NI 'KHRUG PAR MI 'GYUR RO, ,DE NAS PHYI DRO'I DUS LA BAB STE, DRANG SRONG DE DAG CHOS MNYAN PA'I PHYIR, BYANG CHUB SEMS DPA'I SHING LO'I SPYIL POR GO RIMS BZHIN DU LHAGS PA DANG, DE'I LUS NI RAB TU RING 'GRAM PA DANG MIG NI KONG, BZHIN GYI MDANGS RNAMS NI NGAN, SKAD KYI GDANGS NI CHUNG, NYAMS DMAS KYANG BRTAN PA DANG RAB TU ZHI BA'I YON TAN ZLA BA TSES PA MTHONG NA DGA' BA 'DRA BA MTHONG BA DANG, NYE BAR BRTEN NAS ZHES BSKYED DE RTABS PA BZHIN DU 'DI CI NONGS ZHES RID PAR GYUR PA'I RGYU DE LA DRIS SO, ,DE NAS BYANG CHUB SEMS DPAS DE DAG LA DE'I DON CI LTAR 'GYUR BA SMRAS SO, ,DE NAS DKA' THUB CAN DE DAG 'DI SNYAM DU 'DI LTA BU'I CHOS MA YIN PA MI SRID DO SNYAM NAS, DE NYAM THAG PAS KYANG MI DGA' BAR GYUR TE, MTSAR BYAS SO ZHES GCIG LA GCIG SMRAS NAS NGO TSA ZHING MGO SMAD DE 'KHOD DO, ,SHES PA 'JUG PA'I YUL YANG BRGYA BYIN GYI MTHUS BSGRIBS PAS, 'DI CI LAS GYUR PA YANG NGES PAR MA GYUR TO, ,DE NAS BYANG CHUB SEMS DPA'I NU BO 'OG MAS RANG GI YID LA GCAGS MED PA, BDAG NYID GTZANG BAR BSTAN PA'I PHYIR, MNA' KHYAD PAR CAN BOR BA, BRAM ZE KHYOD KYI RTZA BA SUS KHYER BA, ,'BYOR PA'I MTSAN MAS BRGYAN PA'I KHYIM DAG DANG, ,CHUNG MA YID DU 'ONG BA RNYED PA DANG, ,BU DANG TSA BO RNAMS DANG LDAN PAR SHOG ,DE'I 'OG MAS SMRAS PA, BRAM ZE KHYOD KYI RTZA BA SUS KHYER BA, ,PHRENG BA DO SHAL TZANDAN GOS BZANG DANG, , BU YIS REG PA'I RGYAN RNAMS THOGS PA YI, ,'DOD PA MI ZAD PA LA SPYOD PAR SHOG ,YANG GCIG GIS SMRAS PA, KHYOD KYI RTZA BA GANG GIS KHYER BA DE, ,ZHING RMOS PA LAS NOR DANG 'BRU RNYED CING, ,BU DANG SMRA BAS RAB TU DGA' BAR 'GYUR, ,TSE LA'ANG MI LTA KHYIM NA DGA' BAR 'GYUR, ,YANG GCIG GIS SMRAS PA, KHYOD KYI RTZA BA BRKAM PAS GANG KHYER BA, ,RGYAL PO BRAN BZHIN DUL BAR SPYOD PA YI, ,GTZUG TOR BTUD PAS RAB TU PHYAG BYAS SHING, ,RGYAL PO'I TSUL GYIS MA LUS SA SKYONG GYUR, ,YANG GCIG GIS SMRAS PA, @65A *, ,KHYOD LTA BU YI RTZA BA GANG KHYER BA, ,DE NI RGYAL PO'I MDUN NA 'DON GYUR TE, ,SANGS LA SOGS PAS BDE LEGS BYED GYUR CIG ,DE BZHIN RGYAL POS BKUR STI BYA BAR SHOG ,YANG GCIG GIS SMRAS PA, RTZA BA 'DOD CING YON TAN MI 'DOD PA, ,RIG BYED LEGS PAR LOBS NAS STON PAR BYED, ,DKA' THUB CAN DU RE BA CHEN PO YIS, ,YUL MI KUN GYIS DE LA MCHOD PAR SHOG ,GROGS POS SMRAS PA, KHYOD LTA BU YI RTZA BA LA CHAGS GANG, ,YUL GRU DAM PA 'BYOR PA BZHI BRGYA TZAM, ,RGYAL PO DAG LAS THOB NAS SPYOD GYUR CING,, 'DOD CHAGS MA BRAL BAR NI SHI BAR GYUR, ,BRAN GYIS SMRAS PA, RTZA BA'I PHYIR NI BDAG DON CHUD GSON PA, ,GROGS PO'I NANG NA DE NI GRONG DPON GYUR, ,RGYAL PO'I CHAD PA DAG GIS MI GCOD PAR, ,BUD MED GLU GAR DAG GIS DGA' BAR GYUR, ,SRING MOS SMRAS PA, KHYOD LTA BU YI RTZA BA GANG KHYER BA, ,DE NI RGYAL PO'I BTZUN MOR GYUR NAS SU, ,GZUGS DANG DPAL GYI GZI BYIN 'BAR 'GYUR ZHING, ,BTZUN MO DAM PA STONG GI MCHOG TU GYUR, ,BRAN MOS SMRAS PA, GANG GIS RTZA BA MTHONG LA CHOS MA MTHONG, ,DE NI GCIG PU DGE BA RNAMS DANG BRAL,, BKUR STI BYAS NAS MYOS PAR GYUR NAS SU, ,KHA ZAS ZHIM PO DAG LA DGA' BAR GYUR, ,DE NAS NAGS TSAL DE NA 'KHOD PA'I GNOD SBYIN DANG, GLANG PO CHE DANG, SPRE'U DAG CIG DER CHOS NYAN DU LHAGS PAS GTAM DE THOS NAS, RAB TU NGO TSA ZHING MI DGA' BAR GYUR TE, ,DE NAS GNOD SBYIN GYIS BDAG GTZANG MAR BSTAN PA'I PHYIR, DE DAG GI MDUN DU MNA' BOR BA, KHYED KYI RTZA BA'I PHYIR NI GANG 'KHRUL BA, ,GTZUG LAG KHANG CHEN DAG NI BRGYAN PAR GYUR, ,BKRU BSHAL STOR KHUNG DAG GI ZHIG RAL 'CHOS, ,NYI MA'I 'OD KYIS SNANG BAR BYED PAR 'GYUR, ,GLANG PO CHES SMRAS PA, THUB MCHOG KHYOD KYI RTZA BA GANG BRKUS PA, ,DE NI ZHAGS PA DAM PA DRUG BRGYAS 'CHINGS, ,LCAGS KYU RNON POS DKRUGS PA'I RMA NAD BZHIN, ,NAGS TSAL NYAMS DGA' BOR NAS GRONG 'DAB SONG, ,SPRE 'US SMRAS PA, KHYOD KYI RTZA BA BRKAM PAS GANG BRKUS @65B PA; ,DE NI ME TOG PHRENG CAN ZHA NYE THOGS, ,DBYUG PAS BRDEG CING SBRUL GYI KHAR GTONG ZHING, ,SE RAL KHAR BCINGS KHYIM NA GNAS PAR SHOG ,DE NAS BYANG CHUB SEMS DPAS DE DAG THAMS CAD LA, 'JAM ZHING DUL BA DANG BZOD BA DANG ZAB PA STON PA'I TSIG 'DI SKAD CES SMRAS SO, ,GANG ZHIG MA BRLAG PAR NI BRLAG CE'AM, ,GANG ZHIG 'DI 'DRAR KHYED LA DOGS GYUR PA, ,'DOD PA'I YID 'ONG CI BDER SPYAD NAS SU, ,KHYIM NA GNAS BZHIN 'CHI BA'I DUS BYED GYUR, ,DE NAS LHA'I DBANG PO BRGYA BYIN DE DAG 'DOD PA LA NYE BAR SBYOD PA DANG MI MTHUN PA SMOD PA ZHI NAS KHYAD PAR CAN DU GYUR PAR SMRAS PA DES, GUS PA DANG YA MTSAN SKYES PAR GYUR TE, DER RANG GI GZUGS 'BAR BA DRANG SRONG DE RNAMS KYI MDUN DU BSTAN NAS, MI BZOD PA BZHIN DU SMRAS PA, KHYED RE ZHIG SDOD CIG ,GANG DAG THOB PHYIR YID LA RTZOL BYED CING, ,BDE BA 'DOD PHYIR YID LA GNYID KYANG MED, ,DKA' THUB 'BAD PAS GANG DAG THOB 'DOD PA'I, ,'DOD PA DE DAG CI PHYIR DMOD PAR BYED, ,BYANG CHUB SEMS DPAS SMRAS PA, GROGS PO 'DOD PA NI NYES DMIGS MTHA' YAS TE, GANG LA BRTAGS NA THUB PA RNAMS 'DOD PA LA MI SPYOD PA DE MDO TZAM ZHIG NYON CIG ,'DOD PA'I PHYIR NA 'JIG RTEN BCING ZHING BSAD PAR 'GYUR, ,MYA NGAN GDUNGS SHING 'JIGS PA MANG PO'I SDUG BSNGAL MYONG, ,RGYAL PO RNAMS KYANG 'DOD PA'I PHYIR NI BRLAG PAR 'GYUR, ,PHYI MA LA YANG CHOS NYAMS SEMS CAN DMYAL BAR LTUNG, ,GANG GIS MDZA' BO RNAMS DANG MYUR DU 'KHON 'BYUNG 'GYUR, ,GANG GIS G-YO SGYU DRI MA CAN GYI LAM DU 'GRO, ,GRAGS PA NYAMS SHING PHYI MA LA YANG SDUG BSNGAL MYONG, ,DE DAG THOB PAR 'GYUR BA'I RGYU NI 'DOD PA YIN, , DE BAS RAB DANG 'BRING DANG THA MA RNAMS, ,'DI DANG PHA ROL DU YANG 'DOD PAS GSOD PAR BYED, ,BDAG LA PHAN 'DOD SBRUL GDUG KHROS PA BZHIN, ,THUB PA RNAMS NI DE LA MI BSTEN NO, ,DE NAS LHA'I DBANG PO BRGYA BYIN GYIS TSIG DE BDEN NO SNYAM NAS, MNGON PAR @66A *, ,BSTOD DE, DRANG SRONG DE DAG GI MTHU DES YID DGA' BAR GYUR NAS, DE DAG LA BDAG GI NYES PA KHAS BLANGS SO, ,GANG DAG BRTAGS NA YON TAN RNAMS, ,RE BA BZHIN DU RTOGS PAR GYUR, ,BRTAG PA'I PHYIR NI BDAG GIS 'DIR, ,PADMA'I RTZA BA SBAS PA YIN, ,PADMA'I RTZA BA 'DI DAG GIS, ,KHYED CAG RNAMS KYIS SPYOD PA BRTAN, ,THUB PA BDEN PAR SMRA BA YI, ,'GRO BA MGON DANG BCAS PA MTHONG, ,DE SKAD CES SMRAS NAS, PADMA'I RTZA BA DE DAG BYANG CHUB SEMS DPA' LA PHUL LO, ,DE NAS BYANG CHUB SEMS DPA' DE'I SPYOD PA RLABS PO CHE DE LA GA ZI BRJID ZIL GYIS NON PA'I TSIG DRAG POS SMRAS PA, NGED CAG KHYOD KYI GNYEN DANG GROGS MA YIN, ,GAR MKHAN KHYOD MIN NGED CAG 'PHYAS GDAGS MIN, ,LHA DBANG CI PHYIR KHYAD DU BSAD NAS SU, ,DRANG SRONG RNAMS LA RTZED MO'I LAM BZHIN BYA, ,DE SKAD CES SMRAS PA DANG, LHA'I DBANG PO BRGYA BYIN RAB TU GUS PAS RNA CHA DANG COD PAN 'GUL BA'I 'OD KYIS GDONG GSAL BAR GYUR TE RAB TU GUS PAS PHYAG 'TSAL NAS, DE LA BZOD PAR GSOL BA, BDAG GIS 'DI LTAR MI BRTAN PA, ,BGYIS PA DGOS PA SNGAR SMRAS LAGS, ,PHA DANG SLOB DPON 'DRA BA RU, ,BDAG LA KHYED KYIS BZOD PAR MDZOD, ,SHES PA'I MIG NI BTZUMS PAR GYUR PA RNAMS, ,RANG BZHIN GYIS NI MNYAM PA'ANG 'KHRUL PAR 'GYUR, ,BDAG LA PHAN PAS DE LA BZOD PAR MDZOD, ,DE BAS BDAG LA THUGS LA MI 'CHANG GSOL, ,DE LTAR BZOD PAR GSOL NAS DE NYID DU MI SNANG BAR 'GYUR RO, ,DE LTA BAS NA RAB TU DBEN PA'I BDE BA'I RO MYONG BA RNAMS NI, 'DOD PA LA 'PHYAS KYI GNAS DANG GNOD PA LTA BUR MI MTHUN PAR SEMS SO, ,DE LA SKYES PA'I RABS 'DI YANG BCOM LDAN 'DAS KYIS LUNG BSTAN TE, NGA DANG SHA RA DVA TI'I BU, ,MOOD GAL BU DANG 'OD SRUNGS DANG, ,GANG PO MA 'GAGS KUN DGA' BO, ,DE YI TSE NA SPUN DU GYUR, ,SRING MO AUTPAL MDOG YIN NO, ,BRAN MO KUBDZA AUTTA RA, ,BRAN PHO KHYIM BDAG MDZES PA YIN, , @66B GNOD SBYIN RI BO BDE BA YIN, ,GLANG PO PA RI LO KA YIN, ,SPRE'U NI SBRANG RTZI 'BUL BA YIN, ,BRGYA BYIN NAG PO 'CHAR KA YIN, ,SKYES PA'I RABS NI DE LTAR BZUNG, ,DKA' THUB CAN DU SKYES PA'I RABS TE BCU DGU PA'O,, ,,YON TAN MED PA LA YOD PAR GRAGS PA NI SKYES BU DGE BA RNAMS LA BSKUL MA BTAB BA DANG 'DRA BAR 'GYUR TE, DE BAS NA YON TAN BSGRUB PA LA 'BAD PAR BYA'O, ,DE YANG 'DI LTAR BYANG CHUB SEMS DPA' THOS PA DANG DUL BA DANG CHO RIGS BTZUN PA DANG, MA 'JUNGS SHING KHONG BZO BA DANG, 'JIG RTEN GYI THA SNYAD BYA BA LA 'GAL BA MED PA; GTZUG LAG MANG PO LA GOMS PAS TSIG LA MKHAS PAR GRAGS PA, SNYING RJE DANG LDAN ZHENG SBYIN GTONG CHE BAS NOR GYI 'BYOR PAS THAMS CAD KHYAB PA, RAB TU PHYUG PAS KHYIM BDAG RIN PO CHE LTAR BKUR BA'I RGYAL PO ZHIG GI TSONG DPON DU SKYES PAR GYUR TO ZHES GRAGS SO, ,DE NAS RANG GZHAN CHOS KYI BDAG ,THOS LA SOGS PA'I YON TAN BRGYAN, ,'JIG RTEN DAG GIS PHAL CHER NI, ,BKUR STI BYA BA'I GNAS SU GYUR, ,DE NAS RE ZHIG CIG SEMS DPA' CHEN PO DE RGYAL PO'I PHO BRANG DU SONG BA'I 'OG TU DE'I SGYUG MO GCIG DON ZHIG GNYER ZHING BU MO DANG 'PHRAD PA'I PHYIR DE'I KHYIM DU SONG NGO, ,MGRON 'ONGS PA'I BKUR STI'I BYA BA BYAS NAS, GTAM GLENG LANGS PA LAS RANG GI BU MO BYANG CHUB SEMS DPA'I CHUNG MA LA BDE 'AM MI BDE DRIS PA'I SKABS SU, BU MO KHYOD KYI KHYIM THAB KYIS KHYOD LA BYAMS SAM MI BYAMS, KHYOD KYIS BKUR STI BYAS PA'I YON TAN DRIN DU GZO 'AM MI GZO MI BDE BA LTA YOD DAM MED CES DRIS PA DANG, DE NI NGO TSA BAS MGO SMAD DE MI SPOBS BZHIN DU GCOM BSKYUNGS TE SMRAS PA, DE LTA BU'I TSUL KHRIMS DANG, YON TAN DANG SPYOD YUL NI RAB TU BYUNG BA LA MA MCHIS SO ZHES BYAS PA DANG, DE NAS DE'I MA DE RGAS NAS, RNA BA MI GSANG ZHING SEMS MI GSAL BA DANG, BU MOS DE SKAD DU SMRAS PA'I TSIG KYANG NGO TSA ZHING GCOM CHUNG BAS LEGS PAR MA THOS NAS, RAB TU BYUNG BA'I SGRA CIG KYANG THOS PAS, BDAG GI DMAG PA NGES PAR RAB TU @67A *, ,BYUNG BA LTA CI ZHIG SNYAM NAS, BU MO DE'I MYA NGAN DANG DE'I SDUG BSNGAL GYI DBANG DU GYUR NAS SMRE SNGAGS 'DON CING DES KYANG SKAD PHYUNG STE DUS SO, ,'DI LTAR SNYING NYE BA'I BDAG GI MI YANG BOR TE, RAB TU BYUNG BAS DE'I TSUL KHRIMS KYI YON TAN DANG SPYOD TSUL YANG CI 'DRA BA ZHIG GO, ,BU DE'I RAB TU BYUNG BA YANG CI LTA BU ZHIG GO, ,DAR LA BAB CING BYAD GZUGS BZANG, ,GZHON SHA CAN LA BDE BAR GSOS, ,DE NI RGYAL PO'I GNAD CHEN YIN, ,DGON PAR GNAS BLO CI LTAR SKYES, ,NANG MI DAG DANG 'KHON MA BYUNG, ,RGAS PAS MI SDUG MA GYUR ZHING, ,NAD MED CI LTAR TSIG GCIG GIS, ,KHYIM GYI LONGS SPYOD DE YIS BTANG, ,MDZANGS SHING DUL BA'I RGYAN GYIS BRGYAN, ,GZHAN LA SNYING BRTZE MNYES KYANG GSHIN, ,MI BRTAN NANG MI SNYING RJE MED, ,'DI LTA BU NI CI LTAR LOBS, ,DGE SBYONG BRAM ZE MDZA' BO'I RTEN, ,NANG MI DAG DANG PHONGS PA GSOL, ,NAGS TSAL DGON PAR GANG 'TSAL BA, ,GTZANG SBRA TSUL KHRIMS NOR LDAN PA'I, ,KHYIM NA RNYED PAR MI 'GYUR RAM, ,RJES SU MTHUN ZHING CHOS GROGS BYED, ,NYES PA MED PAR BOR NAS SU, ,HA CANG CHOS LA DAD CHES NAS, ,CHOS DANG 'GAL BAR 'DI MI LTA, ,'DI LTAR GUS PA'I SKYE BO SPANGS, ,YID LA SNYING RJE CUNG ZAD MED, ,CHOS NI CUNG ZAD 'GRUB RE SKAN, ,KYE MA HO GNAM GYIS MNAR BA LTAR, ,DE NAS BYANG CHUB SEMS DPA'I CHUNG MAS, BDAG GI KHYIM THAB RAB TU BYUNG BA'I PHYIR, ,BDAG GI MA SNYING NYE ZHING SNYING NAS SMRE SNGAGS 'DON PA DES BUD MED KYI RANG BZHIN MI BRTEN PA'I PHYIR SNYING MI DGA' BAS 'KHOM ZHING BLONG BLONG POR NI GYUR, MYA NGAN GYI SDUG BSNGAL GYIS SEMS DKRUGS NAS GTAM GLENG SLONG BA'I 'PHRO YANG BRJED, BDAG GI KHYIM THAB RAB TU BYUNG BA'I GTAM NGAN THOS NAS, BDAG GI MA BDAG LA MYA NGAN BSANG BA'I PHYIR 'DIR 'ONGS SO SNYAM NAS, BU MOS SMRE SNGAGS 'DON ZHING SKAD PHYUNG STE DU BA LAS BRGYAL BAR GYUR TO, ,KHYIM GYI MI DANG G-YOG 'KHOR RNAMS KYIS KYANG DE THOS NAS MYA NGAN GYI SDUG BSNGAL GYI SHUGS KYIS CHO NGES @67B BTAB PO, ,KHYIM TSES DANG MDZA' BO DANG GNYEN BSHES DE LA BRTEN PA'I SKYE BO BRAM ZE DANG KHYIM BDAG RNAMS KYIS KYANG DE THOS NAS KHYIM BDAG DE LA RJES SU CHAGS PA'I DBANG DU GYUR PA RNAMS PHO BRANG 'KHOR GYI MI RNAMS KYANG PHAL CHER KHYIM DER DONG NGO, ,GANG PHYIR 'JIG RTEN DAG NA SRID PA NI, , BDE DANG SDUG BSNGAL DAG LA MTSUNGS PAR SPYOD, ,DE BAS 'DI YANG 'JIG RTEN SLOB MA BZHIN, ,BDE DANG SDUG BSNGAL DAG LA MTSUNGS SPYOD GYUR, ,DE NAS BYANG CHUB SEMS DPA' RGYAL PO'I PHO BRANG NAS SLAR LOG STE KHYIM DANG NYE BA CIG TU PHYIN PA DANG, BDAG GI KHYIM NA CHO NGES 'DEBS PA DANG; MI MANG PO 'DUS PA MTHONG NAS, BDAG GI G-YOG PO LA 'DI LTA BUR GYUR PA CI NYES RTOGS LA SHOG CIG CES BSGOS SO, ,DES DE LTAR BRTAGS NAS DE'I DRUNG DU PHYIN NAS, DES DE LA SMRAS PA, JO BOS 'BYOR PA'I KHAB SPANGS NAS, ,RAB TU BYUNG ZHES THOS NAS SU, ,SKYE BO 'DI DAG GANG ZHIG NAS, ,BYAMS PA'I DBANG GIS 'DUS PAR GYUR, ,DE NAS BYANG CHUB SEMS DPA' RANG BZHIN GYIS BSAM PA DAG PAS TSIG DES BSKUL MA BTAB PA BZHIN, NGO TSA ZHING MI DGA' BAR GYUR NAS SMRAS PA, AE MA HO, ,SKYE BO RNAMS BDAG LA DE LTAR RE BA LEGS SO SNYAM NAS, SKYE BO RNAMS KYI YON TAN DU, ,BRJOD CING BSNGAGS PA THOB GYUR LA, ,GAL TE KHYIM LA PHYOGS NA NI, ,BDAG LTAR MIR YANG GA LA RUNG, ,DE LTAR BDAG GI SKYON LA DAD GYUR CING, ,YON TAN KHYAD DU GSOD LA TSUL NGAN NA, ,SKYE BO DGE BA SPANGS PA NYID DU 'GYUR, , DE LTAR GYUR NA GSON YANG CI ZHIG RUNG, ,DE BAS SKYE BO RE BAR GYUR PA 'DI, ,SPYOD PA NGAN PA'I NYON MONGS KHYIM SPANGS NAS, ,DKA' THUB NAGS NA DGA' BA'I YON TAN GYIS, ,NYAMS SU BLANGS TE RAB TU BKANG BAR BYA, ,BDAG NYID CHEN PO DES DE LTAR NGES PAR BYAS TE, DE NAS SLAR LA LOG STE, RGYAL PO'I GSOL KHA BA LA TSONG DPON SPYAN SNGAR MCHIS 'TSAL LO ZHES GSOL CIG CES SMRAS SO, ,SPYAN SNGAR MCHI BAR GNANG NAS KYANG TSUL BZHIN DU RGYAL PO'I SPYAN SNGAR 'ONGS PA DANG, RGYAL POS CI'I PHYIR 'ONG ZHES SMRAS PA LA, LHA BDAG NI RAB TU 'BYUNG BAR 'TSAL NA @68A *, ,GNANG BAR RIGS SO, ,DE NAS RGYAL PO DES RIM GRO BSKYED DE BYAMS PA'I TSIG GIS 'DI SKAD CES SMRAS SO, ,NGA 'DRA'I GNYEN DANG MDZA' MCHOG YOD BZHIN DU, ,NOR DANG THABS DANG MTHU RTZAL GANG DAG GIS, ,NGA YIS THUB PAR 'GYUR BA MA YIN PA'I,, SDUG BSNGAL GANG GIS KHYOD NI BAS MTHAR 'GRO, ,GAL TE NOR 'DOD NGA LAS NOR KHYER CIG ,GNOD PA YOD NA DE LAS BZLOG PAR BYA, ,NGA DANG GNYEN BSHES GSOL BA 'DEBS PA RNAMS, ,CI ZHIG MI 'DOD PHYIR NI BAS MTHAR 'GRO, ,DE LTAR BDAG NYID CHEN PO DE LA RGYAL POS BYAMS PA DANG GUS PAS BSGO BA DANG, DE LA TSIG 'JAM POS SMRAS PA, KHYOD LA BRTEN NAS GNOD PA GA LA MCHIS, ,NOR GYIS PHONGS PA'ANG MCHIS PAR GA LA 'GYUR, ,DE BAS PHONGS PAS BAS MTHAR BDAG MI MCHI, ,GANG GI SLAD DU MCHI BA GSAN DU GSOL, ,SKYE BO MYA NGAN GDUNGS PA'I MCHI MA CAN DAG GIS, ,BDAG NI RAB TU BYUNG BAR GYUR CES RAB TU BSGRAGS, ,BDAG NI YON TAN LDAN ZHES DAD PA'I SKABS SU GYUR, ,DE BAS BDAG NI BAS MTHA' DBEN PAR GNAS PAR 'TSAL, ,RGYAL POS SMRAS PA, KHYOD SKYE BO RNAMS KYI TSIG TZAM GYIS NGED 'DOR BAR MI RIGS SO, ,KHYOD LTA BU'I YON TAN PHUN SUM TSOGS PA NI SKYE BO'I TSIG BSRUNG BA TZAM GYIS CHOG PA YANG MA YIN LA, DE MA BYAS NA MI RUNG BA YANG MA YIN NO, ,'JIG RTEN MU COR SMRA BA'I GTAM RNAMS NI, ,RANG GAR RTOGS PA RNAMS LA RNAM PAR 'PHRO, ,GANG ZHIG DE DAG SNYING LA SEMS NA YANG, ,PHYAS SU 'GYUR NA BYED PA CI ZHIG SMOS, ,BYANG CHUB SEMS DPAS SMRAS PA, RGYAL PO CHEN PO DE SKAD BKA' MI STZAL DU GSOL, SKYE BO'I BKA' MCHID DGE BA GRAGS PA RNAMS LA LTAR MI BGYID PA YANG MA LAGS SO, ,LHA GZIGS SU GSOL, MI YI BDAG PO GANG TSE DGE BA YI, ,CHOS DANG LDAN ZHES GRAGS PAR GYUR PA LAS, ,MI YI DE LAS NYAMS PAR MI BGYI ZHING, ,NGO TSA'I PHYIR YANG RAB TU 'BAD PAR RIGS, ,YON TAN YOD CES GRAGS SHING RE BA DAG ,JI LTAR GYUR KYANG RUNG STE GNANG NA NI, ,GRAGS PA DAG @68B LAS GTAM SNYAN 'PHEL BAR 'GYUR, ,GZHAN DU BGYIS NA KHRON PA SKAM PO BZHIN, ,DON BZHIN MA YIN YON TAN GRAGS MI 'PHEL, ,RNAM PAR RTOG PA'I RLUNG GIS BSKYOD PA LAS, ,MI RNAMS GRAGS PA NYAMS PAR GYUR PA NI, ,SLAR YANG GRAGS PAR 'GYUR BA RAB TU DKA', , SBRUL NAG KHROS NAS GDENG KA BTEG 'DRA BA'I, ,YONGS SU BZUNG BA RTZOD PA'I RGYUR GYUR CING, ,SPANG RIGS DE NI SPONG BAR BGYID PA LA, ,LHA GCIG BDAG NI BZLOG PAR MI RIGS SO, ,GUS PAR MKHYEN NAS 'BANGS LA BYAMS PA YI, ,KHYOD KYIS DE LTAR BGYI BA RIGS MOD KYI, ,BDAG GIS SEMS KYI RAB TU BYUNG LAGS NA, ,'DU 'DZI NYON MONGS CAN GYIS CI ZHIG BGYI, ,DE LTAR GSOL BA BTAB NAS, BDAG NYID CHEN PO DE RGYAL POS GNANG STE, DKA' THUB CAN GYI NAGS TSAL DU 'GRO BAR CHAS SO, ,DE NAS DE'I MDZA' BO DANG, NYE DU DANG; DE LA BRTEN PA RNAMS LHAGS NAS, MYA NGAN GYIS MIG MCHI MAS GANG ZHING RKANG PA LA 'JUS TE 'GRO BAR MI STER BAR GYUR PA NI, KHA CIG GIS THAL MO SBYAR TE GSOL BA 'DEBS SHING, DE'I LAM BKAG STE 'KHOD DO, ,KHA CIG NI MGUL NAS 'JUS TE TSIG 'JAM BOS BRID CING KHYIM LOGS SU KHRID PAR BYED, KHA CIG NI SPOBS PA'I TSUL GYIS TSIG RTZUB MOS GTOL MED PA SHA STAG BYED ZER ZHING GSHE, KHA CIG NI MDZA' BO DANG NANG MI LA NI SNYING MI RJE 'AM ZHES ZER ZHING 'GROR MI STER, LA LA NI KHYIM NA GNAS PA'I DKA' THUB NYID BSOD NAMS CHE MOD ZHES ZER ZHING, RNAR 'ONG PA DANG RIGS PA'I TSIG GIS RTOGS PA BSKYED, GZHAN DAG NI DKA' THUB KYI NAGS TSAL NA GNAS PA SDUG BSNGAL CHE BA DANG, DA DUNG BYA BA KHA CIG MA ZIN PA YONG PA SKAD DU GSOL BA 'DEBS, KHA CIG NI TSE PHYI MA LA BSOD NAMS KYI 'BRAS BU YOD DAM MED GTOL MED CES THE TSOM BSKYED DE, GZHUNG LUGS KYI KHYAD PAR DE DANG DE DAG SMOS SHING, DE SLAR CI LDOG TU 'BAD PAR GYUR TO, ,DE DE LTAR RAB TU BYUNG DU MI STER BA NAGS TSAL DU 'GRO BA LA 'GOG CING 'THEN PA, GDONG MCHIMS GANG PA'I @69A *, ,MDZA' BO DE DAG LA BLTAS NAS, 'DI LTAR SEMS PAR MNGON NO, ,MDZA' BO 'THAM PAS MDZA' BO BAG MED PA, ,PHAN PAR 'GYUR NA RTZUB MO'ANG SBYAR BA RIGS, ,PHAN ZHING 'JAM NA SMOS KYANG CI ZHIG DGOS, ,DAM PA RNAMS KYI TSUL NI DE LTAR YIN; ,NAGS PAS KHYIM DGA' SNYAM DU 'DI LTAR SEMS, ,NAGS NA GNAS PA DOGS SHING 'JIGS MED PAR, ,THA MAL GNAS PAR JI LTAR MI SEMS KYE, ,SDIG PAS GOS PA BZHIN DU 'GOG PAR BYED, ,MI DAG SHI 'AM SHI BAR GYUR PA LA, ,CHOS LAS NYAMS NA DU BAR 'GYUR BA BZHIN, ,NAGS TSAL GNAS 'DOD NGA NI GSON BZHIN DU, ,CI ZHIG SEMS SHING 'DI DAG DU BAR GYUR, ,NGA DANG BRAL BAS DE LTAR MI DGA' NA, ,NGA DANG LHAN CIG NAGS NA CIR MI 'KHOD, ,GAL TE DU BAS KHYIM NA 'KHOD DGA' NA, ,MCHI MA ZAD PAR DU BA CI CHED CHE; ,DE STE BDAG GI MI LA CHAGS PA'I PHYIR, ,DKA' THUB BYED DU 'GRO BAR MI STER NA, ,DGRA DANG DMAG 'GYED DE DANG DE DAG TU, ,'GRO BA NA YANG DE LTAR CIS MI BYED, ,PHONGS PAR GYUR PA'I TSE NA MDZA' BO RNAMS, ,MCHI MAS 'JU ZHING 'ONG BA'I MTHU YANG MTHONG; ,MDZA' BA'I RANG BZHIN RAB TU BRTEN GYUR KYANG, ,PHYI BZHIN MI 'BRANG G-YO DANG THABS BYED BZHIN, ,SLAR DU BZLOG PA'I PHYIR NI SKAD 'DZER ZHING, ,MIG NI MCHI MAS GANG BZHIN SMRAS PA DANG, ,MTSUNGS PA LA YANG BLA MA 'DRA BAR NI, ,MGO BO BTUD DE BDAG LA PHYAG 'TSAL BA, ,RAB TU BYUNG BA'I RJES SU RAB BYUNG BA, ,'DI DAG BYAMS NA DE BZHIN BYA BAR RIGS, ,DAM PA'I SEMS NI NGO MTSAR GYUR PA YI, ,GAR MKHAN SPYOD PA BZHIN DU MI 'GYUR RAM, ,YON TAN MED LA PHONGS PAR GYUR PA'I TSE, ,GROGS LA GNYIS GSUM YOD PAR NGES PAR 'GYUR, ,YON TAN YONG BZHIN NAGS SU 'GRO BA NA, ,GROGS PO GCIG KYANG MED PA NGO MTSAR CHE, ,GLONG CHEN SMYON PA'I G-YUL NGO DOGS PA NA, ,NGA YI SNGON DU 'GRO ZHING SGRIB PA DAG ,NAGS SU NGA 'GRO'I PHYIR NI MI 'BRANG BA, ,DE @69B DAG YIN NAM NGA YANG DE MA YIN, ,DE LTAR BYAMS PA MED PAR 'GYUR BA'I RGYU, ,NYES PA BYAS PAR BDAG NI MI DRAN NAM, ,BDAG NI MDZA' BO 'DI LTAR 'KHON BZHIN DU, ,'DI LTAR GYUR PA RUNG BAR 'ONG NGAM KYE, ,BDAG NI NAGS SU 'GRO PHYIR MI 'BRANG BA, , BDAG LA YON TAN MED PAS DE LTAR GRANG, ,YON TAN DAG LA RJES SU CHAGS PA RNAMS, ,DE LTAR 'BRAL BAR NUS PA SU ZHIG YOD, ,GANG DAG KHYIM GYI NYES PA GSAL BAR MNGON, ,DKA' THUB NAGS TSAL YON TAN MI MTHONG BA, ,SHES PA'I MIG NI BTZUMS GYUR DE DAG LA, ,BDAG GI GZHAN DU BRTAG TU CI YANG MED, ,PHYI MA'I TSE DANG TSE 'DI'I SDUG BSNGAL RGYU, ,'DOD PA DAG NI SPONG BAR MI 'DOD PA, ,DKA' THUB NAGS DANG 'GAL BAR BYED PA DE, ,DE RING BDAG 'DOD PA NI GTI MUG YIN, ,BDAG GI MDZA' PO 'DI RNAMS GANG GIS BSLUS, ,'JIG RTEN MA LUS ZHI BAR MA GYUR PA, ,DKA' THUB NAGS TSAL RNYED PA'I MTHU CHEN GYIS, ,NYES PA DE DAG MNGON DU GZHOM PAR BYED, ,DE LTAR NGES PA'I BDAG NYID CAN GYIS YONGS BRTAGS NAS, ,MDZA' BSHES SPOBS PA RNAMS KYI RNAM PAR SPYOD PA DAG ,'JAM ZHING RAB TU MNYEN PAR SMRA BA'I TSIG RNAMS KYIS, ,BAGS KYIS BRID DE BOR NAS DKA' THUB NAGS SU SONG, ,DE LTA BAS NA YON TAN MED PA LA YOD PAR GRAGS PA NI SKYES BU DGE BA RNAMS LA BSKUL MA 'DEBS PA DANG 'DRA BAR 'GYUR TE, ,DE BAS NA YON TAN BSGRUB PA LA 'BAD PAR BYA'O, ,DE LTAR DGE SLONG NGO ZHE'AM DGE BSNYEN NO ZHES YON TAN DU BRJOD PAR GYUR NA, DGE BA RNAMS KYIS YON TAN DE BSGRUB PA'I PHYIR BDAG YON TAN GYIS BRGYAN PAR BYA'O, ,DE BZHIN DU CHOS SGRUB PA'I GROGS BYED PA RAB TU DKON NO ZHES DE LTAR YANG SBYAR BAR BYA'O, ,TSONG DPON DU SKYES PA'I RABS TE NYI SHU PA'O, ,SNGOM LA, BRGYA BYIN BRAM ZE MYOS BYED MA, ,LEGS PAR PHA ROL PHYIN DANG NYA, ,BYA DANG BUM PA PHYUG PO'I BU, ,DKA' THUB CAN DANG TSONG DPON NO, ,BCU TSAN GNYIS PA'O,, ,, @70A *, ,KHRO BA THUL NA DGRA ZHI BAR 'GYUR GYI GZHAN DU BYAS NA DGRA 'PHEL LO, ,DE YANG 'DI LTAR BYANG CHUB SEMS DPA' CHEN PO BRAM ZE'I RIGS CHEN PO YON TAN LA GOMS PA'I MTHUS GRAGS PA RGYAS PA'I 'BYOR PA'I YON TAN NGES PA, RGYAL POS BKUR STI BYAS PAS; 'JIG RTEN PAS LHA BZHIN DU BKUR BA CIG TU SKYES PAR TO ZHES GRAGS SO, ,DE YUN RING DU GYUR NAS CHO GA'I LAS SU BYA BA RNAMS NE BYAS PA DANG, MANG DU THOS PA'I YON TAN LA GOMS PAR BYAS PAS MKHAS PA RNAMS KYI NANG DU MING GRAGS PAR GYUR TO, ,MKHAS PA RNAMS KYI GRAGS PA NI, ,MKHAS PA NYID KYI NANG DU 'PHEL, ,RIN CHEN SHEL LA RIN CHEN DANG, ,G-YUL NGO DAG TU DPA' BO BZHIN, ,DE NAS BYANG CHUB SEMS DPA' CHEN PO DE TSE RABS SNGA MA LA RAB TU BYUNG BA LA GOMS SHING CHOS LA SEMS GOMS PAR BYAS PA DANG, BLO DANG SHES RAB RAB TU GSAL BA'I PHYIR KHYIM NA GNAS BA DAG LA DGA' BAR MA GYUR TO, ,DE 'DOD PA RNAMS 'THAB MO DANG RTZOD PA DANG DREGS PA DANG, 'KHON DANG MI MTHUN PA MANG PO DANG, RGYAL PO DANG, RKUN PO DANG, CHU DANG, ME DANG, DGRA DANG, BGO SKAL LA DBANG BA RNAMS DANG, THUN MONG MA YIN PA DANG, CHOG MI SHES PAR GYUR PA DANG, NYES PA MANG PO'I GNAS SU GYUR PA'I PHYIR BDAG CAG LA PHAN PAR 'DOD PA RNAMS, ZAS DUG CAN SPONG BA BZHIN DU YONGS SU SPANGS NAS SKRA DANG KHA SKU BZANG PO RNAMS BREGS TE, GOS KHA DOG BSGYUR BA DUR SMRIG NI GYON, KHYIM PA'I CHA LUGS NI BOR, RAB TU BYUNG BA'I 'DUL BA DANG SDOM PA'I DPAL LA GNAS PAR GYUR PA DANG, DE'I CHUNG MA DE LA SNYING NYE BA'I DBANG DU GYUR PA YANG SKRA BREGS TE, LUS LA RGYAN DANG LHAB LHUB NI MED PAR BYAS, RANG BZHIN GYI YON TAN MANG POS NI BRGYAN, GOS DUR SMRIG NI GYON NAS DE'I PHYI BZHIN DU RAB TU BYUNG BAR GYUR TO, ,DE NAS BYANG CHUB SEMS DPA' DE DKA' THUB KYI NAGS TSAL DU 'GRO BA'I RJES SU 'BRANG BAR SHES NAS, BUD MED SDUG MA MYONG BA DKA' THUB KYI NAGS TSAL LA GNAS MI NUS PA'I PHYIR DE LA SMRAS PA, BZANG MO KHYOD NGA LA BYAMS PA'I RANG BZHIN @70B BSTAN ZIN GYI, KHYOD NGA'I PHYI BZHIN DU 'GRO BAR CHAS PA THONG SHIG ,BUD MED RAB TU BYUNG BA GZHAN DAG GANG NA 'KHOD PA DE DAG DANG LHAN CIG 'DUG PA'I RIGS SO, ,DGON PA'I NAGS NA 'DUG PA NI RAB TU DKA'O, ,LTOS SHIG DUR KHROD DANG NI KHANG STONG RI BO DANG, ,NAGS TSAL GCAN GZAN KHRO BOS GANG BA NA, ,NYI MA GANG DU NUB PAR GYUR PA DER, ,DKA' THUB CAN RNAMS GNAS BYED 'KHOD PAR 'GYUR, ,BSAM GTAN BYED CING RTAG PAR GCIG PUR GNAS, ,BUD MED DAG NI BLTAR YANG MED PAR BYED, ,KHYOD KYI 'BAD PA 'DI NI CI ZHIG DGOS,, DE BAS KHYED BLO SLAR DU LOG PAR GYIS, ,DE YANG DE'I PHYI BZHIN DU 'GRO BAR YID DAM BCAS PAS MIG MCHI MAS GANG BZHIN DU CUNG ZAD CIG 'DI SKAD SLAR SMRAS SO, ,KHYOD KYI PHYI BZHIN 'GRO BA LA, ,BDAG NI GAL TE NYON MONGS NA, ,BDAG SDUG KHYOD KYANG MI DGYES BZHIN, ,CI YI SLAD DU DE LTAR BGYI, ,BDAG NI KHYOD DANG BRAL BZHIN DU, ,MCHIS PAR NUS PA MA LAGS KYIS, ,DE LTAR BKA' DANG 'GAL BA NI, ,BDAG LA BZOD PAR MDZAD DU GSOL, ,DE LTAR DE LAN GNYIS LAN GSUM DU BSGO YANG SLAR LOG TU MA RUNG BA DANG, DE NAS BYANG CHUB SEMS DPAS DE LA CANG MI SMRAS PA DANG, BYA DUR PA'I PHYI BZHIN DU DUR PA MO 'BRANG BA DANG 'DRA BAR DE'I PHYI BZHIN DU 'BRANG STE, GRONG DANG LJONGS SU RGYU ZHING SONG SONG BA LAS, ZAS KYI BYA BA BYAS NAS RE ZHIG CIG NAGS TSAL RAB TU DBEN PA NYAMS DGA' BA SHING LJON PA SNA TSOGS KYIS BRGYAN PA, GRIB MA STUG PA, LA LA DAG NA NYI MA'I 'OD ZER TIG TIG PO DAG GIS ME TOG SIL MA BKRAM PA LTAR 'DUG PA, ME TOG SNA TSOGS KYI PHYE MAS KHEBS PA'I SA GZHI GTZANG MA CIG TU BSAM GTAN GYI CHO GA BYAS NAS PHYI DRO'I DUS SU TING NGE 'DZIN LAS LANGS TE, PHYAG DAR KHROD KYI TSEM BU DRUB CING 'DUG GO, ,BUD MED RAB TU BYUNG BA DE YANG DE DANG MI RING BA CIG NA RANG GI LUS KYI GZI MDANGS LHA MO DANG 'DRA BAR MDZES PAS SHIN TU BRGYAN PA BZHIN DU 'DUG CING, YID LA BYA BA'I MAN NGAG DES BSTAN PA'I TSUL BZHIN DU BSAM GTAN BYED CING 'DUG GO, ,DE NA @71A *, ,YUL DE'I RGYAL POS SA PHYOGS DE DANG NYE BA'I NAGS TSAL, DPYID KYI DUS LA BAB PA'I SHING LO LHAG PAR MDZES PA DANG NI LDAN, BUNG BA CHE PHRA MANG PO'I SGRA TI RI RI ZER, BYA KO KI LA MANG PO NI SGRA SNYAN PA 'BYIN, MTSO'I GNAS RAB TU NYAMS DGA' BA ME TOG PADMA DANG, AUTPA LA KHA BYE BA NI RAB TU DGOD PA BZHIN DU 'DUG PA, ME TOG DRI ZHIM PO SNA TSOGS KYI BSUNG GIS BSGOS PA'I SER BU'I NGAD NYAMS SU BDE BA DANG LDAN PA YOD PA NAS MTHAR GYIS RGYU ZHING SONG SONG BA LAS PHYOGS DER PHYIN TO, ,ME TOG SNA TSOGS TSOM BU RAB TU MDZES, , DPYID KYI DPAL GYI CHED DU BSHAMS PA BZHIN, ,KO KI LA DANG RMA BYA'I SGRA YANG 'BYIN, ,MTSO GNAS BZANG PO CHU SKYES ME TOG LDAN, ,NE'U GSING SNGON PO MDZES PA'I RTZVA 'JAM YOD, ,BUNG BA MYOS PA'I NAGS TSAL SGRA 'BYIN DAG ,'DOD PA'I LHA YI RTZED MO'I GNAS GYUR 'DRA, , YID LA LTA BA RAB TU 'DOD PAR GYUR, ,DE NAS RGYAL PO DE DUL ZHING ZHES BSKYED DE, BYANG CHUB SEMS DPA' LA DGA' BA'I GTAM BYAS NAS, DE DANG NYE BA'I PHYOGS GCIG TU 'DUG GO, ,DES BUD MED DE RAB TU BYUNG BA MTHONG NAS YID RAB TU 'PHROG PAR 'GYUR BA DE MTHONG NAS, DE'I GZUGS BZANG BA DE LA SNYING CHAGS PAR GYUR TE, DE NI CHUNG MA YIN YANG DAG GO SNYAM NAS, 'DOD PA'I RANG BZHIN CAN YIN PA'I PHYIR DE 'PHROG PA'I THABS BSAM MO, ,DKA' THUB CAN GYI DMOD PA ME 'BAR BA'I, ,MTHU NI KHRO BO'I ME 'BAR DE SHES NAS, ,YID LA 'DOD PA BSTAN PAS G-YENGS GYUR KYANG, ,DE LA 'PHRAL DU BRNYAS THABS MA BYAS SO, ,DES BSAMS PA, DE'I DKA' THUB KYI MTHU SHES PAR BYAS LA NUS NA NI DE BYA BAR RIGS KYI, DE LTA MA YIN NA NI MI RUNG NGO SNYAM NAS, GAL TE 'DI DE LA SEMS CHAGS PA'I DBANG DU GYUR NA NI, DE LA DKA' THUB KYI MTHU MED GOR MA CHAGS SO, ,DE STE 'DOD CHAGS DANG BRAL BA ZHIG YIN NA NI DE LA MI LTA BAR RIGS SO, ,DE BAS DE'I DKA' THUB KYI MTHU CHE 'AM CHUNG BRTAG GO SNYAM NAS, RGYAL PO DES DKA' THUB KYI MTHU BRTAG PA'I PHYIR, BYANG CHUB SEMS DPA' LA @71B PHAN PAR DGA' BA BZHIN DU SMRAS PA, KYE RAB TU BYUNG BA KHYOD 'JIG RTEN 'DI NA MI G-YON CAN DANG THUB CHOD CAN RAB TU MANG NA, NAGS TSAL DBEN PA RAB MDA' BZLOG TU YANG MED PA 'DI LTA BU NA CHUNG MA 'DI LTA BU DANG LHAN CIG 'KHOD DU RUNG NGAM, KHYOD KYI CHUNG MA 'DI LA 'GA' ZHIG GIS GTZES NA NI NGA LA YANG GSHE BAR 'GYUR RO LTOS SHIG ,DBEN PA'I GNAS NA DKA' THUB CHUNG MA PA, ,'GA' ZHIG CHOS DANG BCAS TE BRNYAS BYAS NAS, ,CHUNG MA 'DI NI MNGON SUM PHROGS GYUR NA, ,MYA NGAN BYED LAS GZHAN NI CI BYAR YOD, ,KHRO BA BSKYED NA'ANG YID NI 'KHRUGS 'GYUR ZHING, ,CHOS DANG 'GAL BA GRAGS PA MED PAR 'GYUR, ,DE BAS 'DI NI GRONG DU BZHAG PAR RIGS, ,DKA' THUB CAN LA BUD MED BSNYEN CI DGOS, ,BYANG CHUB SEMS DPAS SMRAS PA, RGYAL POS GSUNGS PA'ANG MAD NA GAL TE DE LTAR GYUR NA BDAG GIS CI LTAR BGYI BA GSAN DU GSOL, RGYAGS PAS SNYEMS SAM GAL TE MA BRTAGS PAR, ,BDAG LA GNOD PAR BYED PA 'DIR BYUNG NA, ,SA RDUL STUG PO CHAR PAS MNAN PA BZHIN, ,BDAG NYID GSON BZHIN DE NI YONG MI GTANG, ,DE NAS RGYAL PO DES BSAMS PA, 'DI NI CHUNG MA 'DI LA RAB TU CHAGS PAS DKA' THUB KYI MTHU MED DO SNYAM NAS, SEMS DPA' CHEN PO LA BRNYAS PAR GYUR TO, ,DES GNOD PA BYAS SU MI DOGS LA 'DOD PA'I 'DOD CHAGS KYI DBANG DU YANG GYUR PAS, BUD MED DE MTHONG BA'I MI RNAMS LA BSGOS PA, KHYED RNAMS SONG LA BUD MED RAB TU BYUNG BA DE PHO BRANG GI NANG DU KHRID CIG CES BSGOS SO, ,BUD MED RAB TU BYUNG BA DES DE SKAD ZER BA THOS NAS NAGS TSAL GYI RI DAGS MO GCAN GZAN MA RUNGS PAS GTZES PA BZHIN DU 'JIGS SHING BAG TSA BAS NGO 'DZUM NI GYUR MIG MCHI MAS GANG SKAD NI 'DZER PHONGS NAS SMRE SNGAGS 'DI SKAD BTON TO, ,'JIG RTEN PHONGS SHING DGRA YIS GTZES GYUR NA, ,RGYAL PO DAG LA PHA BZHIN SKYABS TSOL NA, ,DE NYID GANG LA MI RIGS BYAS GYUR NA, ,DE YIS SU LA PHA SKYABS BTZAL BAR BYA, ,KYE MA HO 'JIG RTEN SKYONG BA'I TSUL LAS NYAMS, ,GANG DAG PHONGS @72A *, ,PA LEGS PAR MI SKYONG BA, ,'ON TE MED DAM SHI BAR GYUR TAM CI, ,CHOS KYANG GRAGS PA TZAM DU ZAD PAR LTA, ,JO BO BZHUGS BZHIN LHA YIS CI ZHIG BYA, ,GZHAN ZHIG YIN NA'ANG RJES SU BSRUNG RIGS NA, ,SDIG CAN RNAMS KYIS BDAG NI KHRID BZHIN DU, ,BDAG LA SKAL BA MED PAS CANG MI GSUNGS, ,BDAG LA DMOD PA'I SER BA BAB GYUR NA, ,RI YI GZUGS KYANG MI SNANG DRAN GYUR PA, ,BDAG NI 'DI LTAR GYUR KYANG CANG MI SMRA, ,'ON KYANG BYUR NGAN MA NI CUNG ZAD GSON, ,BDAG NI 'DI LTAR RAB TU PHONGS GYUR KYANG, ,SNYING RJE'I SNOD DU MA GYUR SNYING RE RJE, ,PHONGS LA SNYING RJE CAN GYIS BSKYAB BYA BA, ,'DI NI DKA' THUB CAN GYI TSUL MIN NAM, ,BDAG NI SLAD DU BZLOG KYANG MA LOG PAR, ,DE NYID DA RUNG THUGS LA 'CHANG BA 'DRA, ,KHYOD NI MI DGYES BZHIN DU BDAG MCHIS PA; ,KYE MA BDAG DGAR BGYIS PA GA LA SRID, ,DE LTAR BUD MED RAB TU BYUNG BA DES SNYING RJE RJE SKAD DU SMRE SNGAGS 'DON LA DU BA TZAM LA BRTEN PA RGYAL POS BSGOS PA'I MI DE RNAMS KYIS, SEMS DPA' CHEN POS DE MTHONG BZHIN SHING RTA'I STENG DU BZHAG STE, PHO BRANG GI NANG DU KHRID PAR GYUR TO, ,BYANG CHUB SEMS DPAS KYANG SO SOR BRTAGS PA'I MTHUS KHRO BA'I STOBS BCINGS TE, DE BZHIN DU SEMS 'KHRUG PA MED CING RAB TU ZHI BAR PHYAG DAR KHROD PA'I TSEM BU DRUB CING 'DUG GO, ,DE NAS DE LA RGYAL POS SMRAS PA, MI BZOD KHRO BA'I DBANG DU GYUR PA'I CHIG ,KHYOD KYIS BSNYEMS SHING GSANG BSTOD SMRAS ZIN NA, ,NYON MONGS MA DE MTHONG ZHING PHROGS GYUR GYANG, ,MTHU MED ZHUM NAS RAB TU ZHI BAR 'DUG ,DE BAS RANG GI MTHU RTZAL BSTAN PAR GYIS, ,DKA' THUB GNAS PA'I GZI BRJID BSTZAGS PA'ANG STON; ,BDAG GI TSOD KYANG BZUNG BA MA SHES NAS, ,KHAS 'CHES DON MED LHAG PA MA MTHONG NGO, ,BYANG CHUB SEMS DPAS SMRAS PA, RGYAL PO BDAG GIS YID DAM BCAS PA'I DON MA MCHIS PAR MA LAGS KYIS, MKHYEN PAR MDZAD DU GSOL, GANG ZHIG BDAG LA GNOD PAR @72B BGYID PA DE, ,G-YO BZHIN DU YANG BDAG GIS YANG MA BTANG, ,BDAG GIS MNGON SUM DU YANG ZHI BAR BGYIS, ,DE BAS BDAG GIS YID DAM BCAS BZHIN GYUR, ,DE NAS BYANG CHUB SEMS DPA'I TSIG RAB TU BRTAN PA DANG RAB TU ZHI BA'I TSUL STON PA DES, DKA' THUB CAN GYI YON TAN YOD PAR YID CHES PAR GYUR NAS BSAMS PA, BRAM ZE 'DIS NI GZHAN ZHIG LA BSAMS NAS SMRAS PA LTA ZHIG NA, BDAG GIS DE MA SHES PAR 'DI LTA BU MI BRTAN PAR BYAS SO SNYAM STE RTOG PA SKYES NAS, BYANG CHUB SEMS DPA' LA SMRAS PA, RNAM PAR G-YO BZHIN KHYOD KYIS MA BTANG BA, ,KHYOD LA GNOD BYED DE NI SU ZHIG YIN, ,CHAR PA BAB PAS RDUL PHRAN BKAB PA BZHIN, ,KHYOD KYIS GANG ZHIG RAB TU ZHI BAR BYAS, ,BYANG CHUB SEMS DPAS SMRAS PA, RGYAL PO CHEN PO GSAN DU GSOL, SKYES NA'ANG GANG ZHIG MI MNGON LA, , MA SKYES PA NI DGE BA MNGON, ,BDAG LA GNOD PA'I KHRO BA DE, ,BDAG GIS SHOR BAR MA GYUR TO, ,MI PHAN 'DOD PA'I MI RNAMS NI, ,NAM ZHIG SKYES NA DGA' 'GYUR BA, ,DGRA RNAMS DGA' 'GYUR KHRO BA DE, ,BDAG GIS KHRO BAR MA GYUR TO, ,GANG ZHIG SKYES PAR GYUR NA NI, ,DAM PA'I DON LA SPYOD MI 'GYUR, ,RGYAL PO LOG PAR SPYOD PA YI, ,KHRO BA DE LA BDAG MI GNAS, ,GANG GIS ZIL GNON DGE BA GTONG 'GYUR BA, ,DON RNAMS GRUB KYANG NYAMS PAR 'GYUR BA YIN, ,KHRO BA MA RUNGS GDON GYIS BSGYUR BA 'DRA, ,TSUL MIN BYED PA GDON GYIS ZIN PA'O, ,GTZUB SHING GTZUBS PA LAS NI ME BYUNG NA, ,DE NYID RAB TU TSIG PAR 'GYUR 'DRA BA, ,LOG PAR RTOG LAS 'BAR BAR 'GYUR BA YIN, ,KHRO BAS DE BZHIN BDAG NYID PHUNG PAR BYED, ,RAB TU 'BAR ZHING TSIG PA'I ME 'DRA BA, ,SNYING LA GDUNG BA'I KHRO BA MA MCHIS NA, ,SPONG BAR GYUR BAS DE LA GTAM NGAN 'BYUNG, ,NANG BAR NAM LANGS ZLA BA'I 'OD NYAMS BZHIN, ,GZHAN LA GNOD PAR BYA BAR MI SEMS PAR, ,KHRO BA LA NI DGRA BZHIN GANG LTA BA, ,DE YI GRAGS PA NGES PAR RGYAS PAR 'GYUR, ,ZLA BA YAR GYI 'OD ZER @73A *, ,GSAL BA BZHIN, ,KHRO BA LA NI NYES DMIGS CHEN PO 'DI, ,'DI LTA BU NI GZHAN DAG KYANG YOD DE, ,KHRO BA'I ME YIS BZHIN MDANGS NYAMS GYUR NA, ,RGYAN GYIS BRGYAN YANG BZANG POR YONG MI SNANG, ,MAL STAN BZANG PO DAG LA NYAL GYUR KYANG, , KHRO BA'I ZUG RDUS SEMS NI SDUG BSNGAL 'GYUR, ,BDAG LA PHAN PA'I DON GRUB BYED GYUR TE, ,KHRO BAS GDUNGS NAS LAM NGAN 'GRO BAR BYED, ,GRAGS DANG DON GRUB PA LAS NYAMS GYUR TE, ,ZLA BA MAR GYI NGO BZHIN DPAL LAS NYAMS, ,MDZA' BSHES DAG GIS RAB TU GCUGS GYUR KYANG, ,KHRO BAR MI RIGS G-YANG SAR LHUNG BAR 'GYUR, ,PHAN DANG GNOD PA SEMS LAS BLO NYAMS NA, ,PHAL CHER 'GAL ZHING SEMS NI RMONGS PAR 'GYUR, ,KHRO BAS SDIG PA'I LAM NI GOMS BYAS PAS, ,NGAN SONG DAG TU LAN BRGYAR SDUG BSNGAL 'BYUNG, ,GNOD PA CHEN POR BYAS PAS SHAR GNYER BA'I, ,DGRAS KYANG DE LA LHAG PAR CI BYAR YOD, ,KHRO BA 'DI NI NANG GI DGRA, ,BDAG GIS DE LTAR SHES NAS SU, ,DE YI MTHU NI KHRO BA DAG ,SKYES BU SU ZHIG BZOD PAR BYED, ,DE BAS BDAG NI GSON BZHIN DU, ,KHRO BA G-YOS KYANG MA SHOR RO, , PHUNG PAR BYED PA'I DGRA BO DE, ,SU ZHIG YAL BAR DOR MI BYED, ,DE NAS DE'I RAB TU ZHI BA'I YON TAN RMAD DU BYUNG BA DANG TSIG SNYING LA BAB PA DES RGYAL PO DE'I YID RAB TU MGU BAR GYUR NAS SMRAS PA, KHYOD KYIS SMRA BA'I RIM 'DI DANG, ,ZHI BA'I RJES SU MTHUN PA 'DI, ,MANG DU SMOS KYANG CI DGOS TE, ,KHYOD DANG MA 'PHRAD BRLAG PAR 'GYUR, ,DE SKAD CES BSTOD NAS DRUNG DU BSNYEN TE, DE'I RKANG PA GNYIS LA PHYAG 'TSAL NAS, SDIG PA BYAS PA YANG BSHAGS SO, ,BUD MED RAB TU BYUNG BA DE LA YANG BZOD PAR GSOL NAS SLAR BTANG NGO, ,BDAG NYID KYANG BYANG CHUB SEMS DPA'I G-YOG TU KHAS BLANGS SO, ,DE LTA BAS NA KHRO BA THUL BAR GYUR NA DGRA ZHI BAR 'GYUR GYI, GZHAN DU BYAS NA DGRA 'PHEL LO, ,DE BAS NA KHRO BA THUL BAR BYA BA LA 'BAD PAR BYA'O, ,DE LTAR NA KHON DU 'DZIN PA MED NA DGRA ZHI BAR 'GYUR LA DUL BAR BYAS NA DGRA ME 'PHEL LO, ,DE @73B BZHIN DU MI KHRO BA NI GNYIS KA'I DON SPYOD PAR 'GYUR RO, ,ZHES BYA BA LA SOGS PA BZOD PA'I PHAN YON 'BYUNG BA'I MDO SDE DAG LA [?] BAR BYA'O, ,KHRO BA'I NYES DMIGS KYI GTAM BYA BA DANG, DE BZHIN GSHEGS PA'I CHE BA NYID LA BRJOD PAR BYA'O, ,GTZUG PHUD BYANG CHUB TU SKYES PA'I RABS TE NYI SHU GCIG PA'O,, ,,BAM PO BDUN PA, DAM PA RNAMS DUD 'GROR LHUNG PA'I SPYOD PA LA YANG, SKYES BU DAM PA MA YIN PA RNAMS KYIS RJES SU MTHUN PAR BYA BA TZAM YANG MI NUS SO, ,DE YANG 'DI LTAR BYANG CHUB SEMS DPA' YID BZHIN GYI RGYA MTSO CHEN PO'I NANG NA, NGANG PA'I KHYU CHEN PO BRGYA STONG PHRAG DU MA GRANGS MANG PO'I BDAG PO NGANG PA'I RGYAL PO YUL 'KHOR SRUNG ZHES BYA BAR GYUR TO, ,ZHES GRAGS SO, ,DE'I BLON PO NGANG PA'I RGYAL PO RIGS PA DANG MI RIGS PA YONGS SU SHES PAR BYA BA LA MKHAS PA YUN RING POR YANG DRAN PA'I MTHU DANG LDAN PA, RIGS MTHON PO'I NANG NAS GTZO BOR GYUR PA, MKHAS PA DANG DES PA DANG DUL BAS BRGYAN PA BRTAN PA DANG GTZANG SBRA DANG TSUL KHRIMS DANG SPYOD TSUL DANG SPYOD LAM PHUN SUM TSOGS PA, DPA' LA SDUG BSNGAL BZOD CING BAG YOD PA, G-YUL NGOR 'GYED PA'I DGRA THABS LA MKHAS SHING MI 'JIGS PA JO BO LA SNYING NYE ZHING LEGS PAR LTA BA BZHIN BZANG ZHES BYA BA ZHIG KYANG YOD PAR GYUR TE, DE'I TSE DE LTAR GYUR PA DE YANG GNAS BRTAN 'PHAGS PA KUN DGA' BO YIN NO, ,DE GNYIS GCIG LA GCIG BYAMS SHING MDZA' BA'I YON TAN GYI GZHIS YON TAN GYI MTHU RAB TU CHE BAR GYUR TE, 'JIG RTEN GNYIS KA LA PHAN PAR 'BYUNG BAR BYA BA'I DON DU LEGS PAR 'JOG PA NI, SLOB DPON DANG SLOB MA'I GTZO BO GZHAN RNAMS NI SLOB MA PHAL BA BZHIN, RNAM PA GCIG TU NA PHA DANG BU RAB THU BO BZHIN GZHAN NI BU PHAL BA BZHIN NO, ,LHA DANG, KLU DANG, GNOD SBYIN DANG, DRI ZA DANG, GRUL BUM DANG, RIG SNGAGS 'CHANG DANG, DKA' THUB CAN MNGON SUM DU MTHONG BA RNAMS RAB TU NGO MTSAR CHE BAR GYUR TO, ,DE GNYIS NGANG PA'I TSOGS RNAMS 'KHOD PA DE'I, ,BDE PA'I LUS 'DEGS SPYOD PA GCIG TU GYUR, , @74A *, ,MKHA' LA RGYU BAR BYED PA'I 'DAB MA GNYIS, ,LUS 'DEGS PHYIR NI SPYOD PA GCIG PA BZHIN, ,DE LTAR DE GNYIS KYIS NGANG PA'I TSOGS DE DAG RJES SU SKYONG BA NI CHOS DANG SRID DAR BA GNYIS KYIS MI RNAMS RJES SU BSKYANG BA BZHIN DU RAB TU DAR BAR GYUR PA DES MTSO DE YANG RAB TU MDZES PAR GYUR TO, ,DANG PA MANG PO TSOGS PA YI, ,SGRA SNYAN YID DU 'ONG BA DE, ,PADMA DKAR PO 'GYU BA BZHIN, ,MTSO DE RAB TU MDZES PAR BYAS, ,LA LA NGANG PA SO SOR GYES, ,KHA CIG TU NI PHANG PHUNG CHAS, ,MKHA' LA SBRIN RNAMS GYES PHUNG BA'I, ,MDZES PA'I DPAL YANG ZIL GYIS NON, ,DE NAS NGANG PA'I RGYAL PO SEMS CAN THAMS CAD LA PHAN PAR DGA' BA DE DANG, BLON PO DANG PA'I SDE DPON BZHIN BZANG BYA BA DE'I YON TAN KHYAD PAR CAN GYI MTHU CHEN POS YID LA YA MTSAN CHER GYUR PA'I GRUB PA DANG DRANG SRONG RIG SNGAGS 'CHANG BA DANG LHA MANG PO RNAMS DE GNYIS KYI GRAGS PA'I GZHI LAS GYUR PA'I GTAM 'BA' ZHIG 'DZER ZHING DE DANG DE DAG NA 'KHOD DO, ,GSER MCHOG BTZO MA'I KHA DOG 'DRA BA'I MDOG ,DPAL LDAN LUS CAN TSIG 'BRU GSAL BAR SMRA, ,DUL ZHING RIG PA CHOS KYI TSUL LAS BYUNG; ,NGANG PA'I LUS CAN 'DI GNYIS NGES PAR GZHAN, ,PHRAG DOG MED PAS YON TAN BSGRAGS PA DANG, ,DE GNYIS GRAGS PA PHYOGS SU RGYAS PAR GYUR, ,RGYAL PO RNAMS KYANG DE LA DAD PA SKYES, ,DAM PA TSOGS SAR SKYES DANG 'DRA BAR GYUR, ,DE'I TSE YUL B'A R'A nA S'IR RGYAL PO TSANGS BYIN BYA BA ZHIG YOD DE, DES NGANG PA'I RGYAL PO DE DANG NGANG PA'I SDE DPON DE'I YON TAN KHYAD PAR CAN GYI GTAM, BLON PO YID CHES PA DANG BRAM ZE RGAN PO RNAMS KYIS TSOGS PA'I NANG DU GLONG BSLANGS PA LA LAN DU MA ZHIG THOS TE, DE GNYIS LHAG PAR LTA 'DOD NAS, , BLON PO BKA' LA GTOGS PA'I GTZUG LAG DU MA LA GOMS SHING MKHAS PA'I BLO DANG LDAN PA RNAMS LA SMRAS BA, KYE NGANG PA'I MCHOG DE GNYIS CI NAS KYANG NGA'I SPYAN SNGAR BRIM DU RUNG BA'I THABS BZANG PO 'GA' ZHIG TSOL CIG ,DE NAS BLON PO DE DAG GIS RANG RANG GI BLO LA CI DRAN PA DANG @74B GZHUNG LUGS DAG DANG YANG SBYAR TE RGYAL PO LA GSOL BA, SEMS CAN RNAMS NI BDE BA 'CHAL, ,BDE BAR GYUR BA'I YON TAN MCHOG ,DE DANG DE NAS 'GUGS PAR BGYID, ,DE PAS DE THOS DE GNYIS MCHIS, ,DE BAS NA MTSO GANG NA DE GNYIS MNGON PAR DGA' BAR GYUR PA'I BKA' MCHID GDA' BA DE BAS KYANG, YON TAN KHYAD DU 'PHAGS PA'I MTSO ZHIG ,YUL 'DIR YANG DGON PA'I SA PHYOGS GCIG TU BGYID DU STZAL LA, GDUGS RE RE ZHING YANG BYA THAMS CAD LA MI 'JIGS PA SBYIN PA'I SGRA BSGRAGS SHING, CI NAS KYANG NGO MTSAR CHER GYUR PA'I BDE BA'I YO BYAD KYI YON TAN KHYAD PAR CAN THOS NAS, DE GNYIS 'DIR MCHI BAR 'GYUR BA DE LTAR BGYI BAR RIGS SO, ,LHA GZIGS SU GSOL, LHA GCIG SEMS CAN PHAL CHER NI, ,BDE BRNYED PA KHYAD DU GSOD, ,THOS NAS BDE BA'I DGA' BDAG , GUD DU 'DUG KYANG YID 'PHROG GYUR, ,DE NAS RGYAL PO DES BSAMS PA, DE BDEN NO SNYAM NAS RING POR MA LON PAR GONG KHYER GYI SKYED MOS TSAL DANG HA CANG MI RING BA CIG TU YID BZHIN GYI MTSO'I LONGS SPYOD KYI YON TAN LA 'GRAN DU RUNG BA ME TOG PADMA DANG, AUTPA LA DANG, KU MU TA DANG, PADMA DKAR PO DANG, SOO GAN DHI KA DANG, PADMA DMAR PO DANG, KU MU TA DMAR POS KHEBS SHING CHU GTZANG MAS GANG BA, RAB TU YID DU 'ONG BA'I MTSO CHEN PO CIG BYED DU BCUG GO, ,LJON SHING ME TOG BZANG LDAN ZHING, ,LO MA BZANG PO 'OD GSAL RNAMS, ,DE LA LTAD MO LTAR LHAGS BZHIN, ,MTSO YI MTHA' MA YONGS SU BSKOR, ,PADMA RNAMS NI DGOD PA BZHIN, ,CHU RLABS 'KHRUG PAS G-YO BAR GYUR, ,DE LA CHAGS PA'I BUNG BA RNAMS, ,G-YO ZHING 'PHUR BA MANG POS GANG, ,KHA CIG NA NI ZLA 'OD KYIS, ,KHA BYE KU MU TA DAG DANG, , SHING GI GRIB MAS BAR BCAD PAS, ,KHA CIG ZLA BA'I DUM BU 'DRA, ,PADMA AUTPAL PHYE BA RNAMS, ,RLABS KYIS SOR MOS BRIS PA BZHIN, ,MTSO YI 'GRAM DAG RAB TU BRGYAN, ,KHA CIG GSER PHYE'I RI MO BZHIN, ,PADMA AUTPA LA 'DAB MA DAG ,GE SAR BCAS PA DE DANG DER, , @75A *, ,ME TOG SIL MA BKRAM PA BZHIN, ,RAB TU NYAMS DGA' RNAM PAR MDZES, ,CHU NI RAB GSAL MI G-YO BAS, ,LUS KYI YON TAN GSAL MDZES PA'I, ,NYA YI CHOGS NI MANG PO DAG ,MKHA' LA RGYU BA 'DRA BAS BRGYAN, ,LA LA MU TIG PHRENG BCAD BZHIN, ,GLANG CHEN SNA NAS BUS PA DANG, ,BRAG LA PHOG PA'I CHU 'PHROS PAS, ,RLABS KYI PHYE MA RAB TU 'PHRO, ,RIG 'DZIN NA CHUNG KHRUS BYA ZHING, ,GLANG CHEN RGYAL BA'I BSUNG DAG DANG, ,ME TOG RNAMS KYI PHYE MA YIS, ,KHA CIG TU NI BSUNG BSGOS BZHIN,, ZLA BA'I CHUNG MA SKAR MA RNAMS, ,SPYI YI GDONG LTA ME LONG BZHIN, ,BYA RNAMS DGA' BA MANG POS GANG, ,DE YI SGRA SNYAN RAB TU GRAGS, ,MTSO CHEN PO DE LTA BUR BYA MANG PO DAG THAMS CAD KYI BDE BA'I YO BYAD DGAG PA MED PA DE LTA BU BYED DU BCUG NAS DE DAG LA BYIN TE BYA RNAMS YID CHES PAR BYA BA'I PHYIR, NYIN RE ZHING YANG MI 'JIGS PA SBYIN PA'I SGRA SGROG TU BCUG GO, ,MTSO 'DI ME TOG PADMA DANG, ,AUTPAL 'DAB MAS GANG BA'I CHU, ,RGYAL POS BYA RNAMS KUN LA SBYIN, ,DGA' ZHING MI 'JIGS YON TAN BCAS, ,DE NAS RE ZHIG CIG STON GYI DUS LA BAB PA'I TSE, SPRIN GYI MUN PA YOL BA LTAR SGRIB PA NI MED, STON GYI DUS SU YON TAN BZANG PO NI BYUNG, PHYOGS RNAMS NI GSAL BA LTAR SNANG, ME TOG PADMA MANG PO KHA PHYE BAS NI MDZES PAR GYUR, MTSO'I CHU RNAMS NI RAB TU DANGS SHING YID DU 'ONG BAR GYUR, ZLA BA NI GZI MDANGS KYI MCHOG DANG LDAN ZHING 'OD ZER RAB TU 'PHEL BA BZHIN DU GYUR, SA GZHI NI ME TOG RNAM PA MANG PO PHUN SUM TSOGS PAS BRGYAN PAR GYUR, BYA NGANG PA GZHON NU MANG PO NI RGYU BAR GYUR PA'I TSE, YID BZHIN GYI MTSO'I NANG NAS NGANG PA MANG PO 'KHOD PA DE'I NANG NAS NGANG PA KHYO SHUG GNYIS, STON GYI DUS NYAMS DGA' BA'I TSE YUL LJONGS SU RGYU ZHING MTHAR GYIS SONG SONG BA LAS RGYAL PO DE'I YUL DU PHYIN TO, ,DE NA YANG BYA MANG PO NI SGRA 'BYIN, BUNG BA MANG PO NI SGRA TI RI RI ZER, SER BU BSIL BA LANGS PAS RLABS KYI PHRENG BA 'KHRIGS PAR @75B BYAS SHING KHO RA KHOR YUG TU ME TOG PADMA DANG, AUTPA LA'I DRI ZHIM PO'I NGAD NI LDANG, PADMA KHA BYE BA RNAMS NI 'BAR BA BZHIN, ME TOG KU MU TA DKAR PO RNAMS NI DGOD PA BZHIN DU 'DUG PA'I MTSO DE MTHONG BAR GYUR TO, ,NGANG PA KHYO SHUG GNYIS PO DE YID BZHIN GYI MTSON 'KHOD KYANG, MTSO DE'I DPAL RAB TU YID DU 'ONG BA MTHONG NAS, RAB TU YA MTSAN CHE ZHING RANG GI NGANG PA'I TSOGS KYANG RJES SU DRAN PAR GYUR TE, AE MA HO, ,NGANG PA'I TSOGS DE DAG KYANG 'DIR LHAGS KYANG CI MA RUNG SNYAM NAS, 'JIG RTEN PA NI PHAL CHER DU, ,SPYI YI BDE BA MYONG NAS NI, ,BYAMS SHING RJES SU CHAGS PA YIS, ,MDZA' BSHES THOG MAR DRAN PAR 'GYUR, ,DE NAS NGANG PA KHYO SHUG GNYIS PO DE NA RE, JI SRID 'DOD PA 'KHOD 'KHOD NAS, DBYAR GYI DUS SU BAB PA DANG GLOG 'GYU BA NI MTSON CHA 'DEBS PA 'DRA, SPRIN GYIS KHEBS PA'I MUN PA NI HA CANG MI GNAG ,SPRIN GYI TSOGS MANG PO 'DU BA NI LHA MA YIN GYI DMAG TSOGS 'DU BA BZHIN, RMA BYA'I MDONGS YONGS SU RGYAS PA NI MDZES PAR GYUR, RMA BYA'I SGRA CONG CONG BU 'BYIN PA NI DBYAR SPRIN RNAMS RGYAL BAR GYUR PA BZHIN DU MGU BAR BYED, RMA BYA MANG PO NI GAR SNA TSOGS BYED, BYA BRAN MANG PO NI SGRA SNA TSOGS 'BYIN CING RNAM PAR RGYU, ME TOG KA DAM PA DANG, SARDZA DANG, AARDZU NA DANG, KE TA KA'I DRI ZHIM POS BSGOS PA'I SER BU BSIL BA'I NGAD LDANG BA NI NAGS TSAL DBUGS 'BYIN PA BZHIN, BYA MANG PO'I PHRENG BA BRGYUS PA NI SPRIN GYI SO'I PHRENG BA GTAMS PA BZHIN, NGANG PA'I TSOGS RNAMS NI GUD DU 'DONG 'DOD PAS, SGRA CHER MI 'BYIN ZHING 'GRO CHAS BYED PA DE BZHIN DU DANG PA KHYO SHUG GNYIS PO DE YANG YID BZHIN GYI MTSO DE NYID DU SLAR SONG NGO, ,NGANG PA'I BDAG PO'I DRUNG DU LHAGS NAS KYANG YUL DANG PHYOGS KYI GTAM GLENG BSLANG BA'I TSE, MTSO DE'I YON TAN KHYAD PAR CAN DE GLENG NGO, ,LHA GANGS RI'I LHO PHYOGS NA YUL B'A R'A n'A S'I ZHES BGYI BA NA RGYAL PO TSANGS BYIN ZHES BGYI BA ZHIG MCHIS TE, DES MTSO CHEN PO RMAD DU BYUNG BA, BZANG BA, YON TAN CHE BA BRJOD KYIS MI LANG BA CIG BYA RNAMS LA RANG DGA @76A *, ,SPYOD CING, BDE BA'I LONGS SPYOD DU STZAL TE, NYIN RE ZHING YANG MI 'JIGS PA SBYIN PA'I SGRA YANG SGROGS, BYA RNAMS KYANG DE NA RANG GI KHYIM NA MCHIS PA BZHIN DU 'JIGS SHING BAG TSA BA MA MCHIS PAR SPYOD CING MCHIS SO, ,DE BAS NA LHA YANG DGUNG LO SLAD MA LA DER GSHEGS PA RIGS SO, ,DE SKAD CES ZER BA THOS NAS DANG PA'I TSOGS DE DAG THAMS CAD LTA BAR 'DOD PAR GYUR TO, ,DE NAS BYANG CHUB SEMS DPAS NGANG PA'I SDE DPON BZHIN BZANG LA GROS DRIS PA'I TSIG DANG YI GE GSAL BA RGYA CHER BSTAN NAS JI LTAR BYA BAR RIGS ZHES SMRAS SO, ,DE NAS BZHIN BZANG GIS PHYAG 'TSAL NAS DE LA SMRAS PA, LHA DER GSHEGS PA MI RIGS SO, ,DE CI'I SLAD DU ZHE NA, 'O SKOL GYI LUS 'DI DAG NI SHA BZAR RUNG STE CHAGS PA'I GNAS LAGS SHING YID DU 'ONG BA SHA STAG LAGS LA, BDAG CAG 'DI NA CIS KYANG PHONGS PA MA MCHIS SO, ,MI RNAMS KYI SNYING YANG TSIG 'JAM PO BCOS MA PHYI BZHAG CAN DU SMRA LA, GNOD PAR SEMS PA'I RANG BZHIN NGAN PA NI MI MNGON PAR BGYID CING PHAL CHER SNYING RJE CHUNG BA NGAN G-YO CAN LAGS SO, ,RJE GCIG GZIGS SU GSOL, PHAL CHER BYA DANG RI DAGS RNAMS, ,SMRA DANG SEMS PA MTHUN PAR BGYID, ,MI YI NANG NA KHA CIG NI, ,DE LAS BZLOG PA'I TSUL LA MKHAS, ,'JAM ZHING SNYAN PA'I TSIG SMRAS KYANG, ,DON DANG MTHUN PAR MA MCHIS SO, ,TSONG PA RNAMS KYIS KHE TSOL PHYIR, ,BDAG GI NOR YANG 'GOD PAR BGYID, ,SKYON DANG BCAS SHING MI RIGS PA, ,DGOS PA MCHIS KYANG MI SMAN TE, ,DE BAS LHA GCIG DE TZAM GYIS, ,THUGS CHES MDZAD PAR MI RIGS SO, ,GAL TE DER MI GSHEGS SU MI RUNG NA YANG, DER GSHEGS LA MTSO DE'I LONGS SPYOD BTANG STE; SLAR MYUR DU GSHEGS PAR RIGS KYIS DE NA YUN RING DU BZHUGS PAR YANG MI RIGS LA, GTAN DU BZHUGS DGONGS PAR MI RIGS SO, ,DE NAS BYANG CHUB SEMS DPA' STON GYI DUS LA BAB CING ZLA BA DANG SKAR MA DANG RGYU SKAR DRI MA MED PAS BRGYAN PA'I TSE, NGANG PA'I TSOGS @76B MANG PO YUL B'A R'A nA S'I'I MTSO LTA BAR 'DOD PA RNAMS KYIS DER 'DOD BA'I PHYIR YANG DANG YANG DU GSOL BA GDAB PA DANG, NGANG PA DE DAG GI NGO BZLOG MA PHOD NAS, BZHIN BZANG LA SOGS PA NGANG PA MANG POS YONGS SU BSKOR TE, ZLA BA STON GYI SPRIN GYIS BSKOR BA BZHIN DU DER SONG NGO, ,MTSO CHEN DE YI NYAMS DGA' DPAL MTHONG NAS, ,YID DU 'ONG DGU BKOD PA SNA TSOGS RNAMS, ,RAB TU DGA' BAS SEMS PA DE RNAMS KYI, ,GNAS SU RUNG PA YON TAN MTSUNGS PAR GYUR, ,MTSO DE GNAS SKABS DE DANG DE DAG GIS, ,YID BZHIN MTSO BAS GANG DAG LHAG GYUR PA, ,DE YI PHYIR NA RING DU GNAS PAR SEMS, ,YID BZHIN MTSO LA DE DAG MI SEMS SO, ,DE DAG GIS MI 'JIGS PA SBYIN PA'I SGRA DE YANG THOS LA, DE NA BYA MANG PO RNAMS KYANG BDE BAR 'KHOD, MTSO DE'I LONGS SPYOD KYIS SEMS RAB TU DGA' ZHING DE NAS SKYED MOS TSAL DU RTZER DONG DONG BA BZHIN DU LONGS SPYOD RJES SU MYONG ZHING DGA' BAR GYUR RO, ,DE NAS MTSO DE DAG BSRUNG BAR BSKOS PA'I MI RNAMS KYIS DANG PA DE DAG DER LHAGS PAR RGYAL PO LA BZLAS PAR GSOL PA, LHA SNGON NGANG PA MCHOG GNYIS SHIG YON TAN DANG GZUGS DKA' MCHID DU GDA' BA, DE KHO NA DANG 'DRA BA'I DANG PA MCHOG GNYIS SHIG 'DAB MA NI GSER GYI 'DAB MA LTAR MDZES, GDONG DANG RKANG PA GNYIS NI GSER BTZO MA BAS KYANG LHAG PAR MDOG 'JAM ZHING MDZES, LUS KYI TSAD NI LHAG PAR CHE ZHING LEGS PA DAG CIG ,NGANG PA'I G-YOG 'KHOR BRGYA PHRAG DUMS BSKOR TE, LHA'I MTSO BRGYAN PA'I PHYIR MDZES PA BZHIN DU 'DIR MCHIS SO ZHES GSOL TO, ,DE NAS RGYAL PO DES BYA BSHOR BA'I MI BYA BSHOR BA'I LAS LA MKHAS PAR GRAGS SHING GRUB PA CIG BTZAL NAS, BYA DE GZUNG BA'I PHYIR RIM GRO BSKYED DE BKA' STZAL TO, ,DES KYANG DE BZHIN DU BGYI'O ZHES RGYAL PO'I BKA' NYAN NAS NGANG PA DE GNYIS KYI GNAS DANG SPYOD YUL LEGS PAR BRTAGS TE, DE DANG DE DAG TU RNYI DAM PO RNAMS NI MI MNGON PAR BYAS TE BTZUGS SO, ,DE NAS NGANG PA DE DAG BRTAN ZHING MI RUNG DU DOGS PA MED PAS @77A *, ,RAB TU DGA' NAS YID G-YENGS SU RGYU ZHING 'KHOD 'KHOD PA LAS, NGANG PA'I BDAG PO'I RKANG PA GNYIS RNYIS ZIN PAR GYUR TO, ,BRID PA'I THABS NI MKHAS PA YIS, ,NYES SU DOGS PA MED PA RNAMS, ,BAG PHAB PA NI LOG PAR 'GYUR, , BAG MED BRLAG PA'I 'BYUNG KHUNGS YIN, ,DE NAS BYANG CHUB SEMS DPAS BSAM PA GZHAN DAG LAS KYANG KHA CIG 'DI LTA BU'I NYAMS NYES PAR GYUR NA MI RUNG NGO SNYAM NAS SGRA 'BYIN PA'I BYE BRAG GIS MTSO 'DI 'JIGS PA DANG BCAS PA YIN NO, ,ZHES BSGRAGS SO, ,DE NAS NGANG PA DE DAG NGANG PA'I BDAG PO RNYIS ZIN PAS SNYING 'DAR NAS 'JIGS SHING SKRAG LA RTAB PA'I SKAD MI SNYAN PA PHYUNG STE GCIG LA GCIG MI LTA BAR DMAG GI DPUNG G-YUL NGOR PHAM PA BZHIN DU PHYOGS PHYOGS NAS 'PHUR TE BYER RO, ,NGANG PA'I SDE DPON BZHIN BZANG NI NGANG PA'I BDAG PO'I DRUNG NAS MA G-YOS SO, ,BYAMS PA'I BCING BAS YID NI BCINGS PA RNAMS, ,RANG GI SROG DANG BRAL BA'ANG MI SEMS SO, ,MDZA' BSHES NYAMS NYES GYUR PA'I MYA NGAN NI, ,SROG DANG BRAL BA BAS KYANG SDUG BSNGAL CHE, ,DE NAS BYANG CHUB SEMS DPAS BZHIN BZANG LA SMRAS PA, SONG SHIG SONG SHIG BZHIN BZANG KHYOD, ,'DI NA 'DUG PA MI RIGS SO, ,NGA NI 'DI LTAR GYUR PA LA, ,KHYOD KYI SROGS BYAR GA LA YOD, ,BZHIN BZANG GIS SMRAS PA, 'DI NA MCHIS NA'ANG 'GUM PAR NGES MA MCHIS, ,GUD DU MCHIS KYANG RGA SHI MED MI 'GYUR; ,BDE BA'I TSE NA RTAG TU KHYOD BKUR LA, ,NYAMS NYES TSE NA DOR DU GA LA RUNG, ,BDAG GI SROG BZUNG TZAM GYI PHYIR, ,BYA YI RGYAL PO KHYOD BOR NA, ,GTAM NGAN CHAR BZHIN BAB PA YI, ,SKYABS NI BDAG LA CI ZHIG MCHIS, ,RGYAL PO CHEN PO NYAMS NYES PA, ,BOR TE 'GRO BA CHA MCHIS SAM, ,BYA RGYAL KHYOD NI CIR GYUR PA, ,DE LTAR BDAG NYID GYUR KYANG RUNG, ,BYANG CHUB SEMS DPAS SMRAS PA, RNYIS NI ZIN PAR GYUR PA LA, ,TSANG MANG MIN PA GANG DU 'GRO, ,KHYOD NI MA ZIN BDE BAR GNAS, ,CI PHYIR DE LTAR 'GYUR BAR 'DOD, ,DE LTAR BYAS NA CIR @77B 'GYUR LTOS, ,GNYIS KA SROG DANG BRAL GYUR NA, ,GNYEN BSHES PHYIR NI 'KHOD PA DANG, ,KHYOD DANG NGA LA CI ZHIG PHAN, ,BDE DANG MI BDE MUN KHUNG BZHIN, ,PHAN PA'I DON NI MI MNGON PAS, ,DE LTA BU LA SROG BOR NA, ,KHYOD KYIS DON NI CI ZHIG BSTAN, ,BZHIN BZANG GIS SMRAS PA, 'DAB CHAGS RNAMS KYI GTZO BO MCHOG ,CHOS KYI DON KYANG MA GZIGS SAM, ,CHOS DON LEGS PAR BGYID NA NI, ,SRID PA'I DON MCHOG THOB PAR 'GYUR, ,BDAG NI CHOS KYI DON LA LTA, ,CHOS KYI SRID KYANG THOB PAR 'GYUR, ,KHYOD LA GLO BA NYE BA'I PHYIR, ,BDAG NI GSON PAR MI 'TSAL LO, ,BYANG CHUB SEMS DPAS SMRAS PA, ,MDZA' BO NYAMS NYES GYUR PA LA, ,GROGS PO GANG DAG CHOS DRAN ZHING, ,SROG GI PHYIR YANG MI GTONG BA, ,DAM PA RNAMS KYI CHOS YIN BDEN, ,DE BAS KHYOD KYIS CHOS BZHIN BYAS, , NGA LA GUS PA BSTAN ZIN GYI, ,NGAS NI GSOL BA BTAB PA BZHIN, ,NGA BDAG 'DOD PA BZHIN DU SONG, ,DE LTAR BYAS NA RUNG BA NI, ,MDZA' BSHES NGA DANG BRAL BA RNAMS, ,BLO GROS PHUN SUM TSOGS PA KHYOD, ,SONG NA 'BYOR PA MCHOG TU 'GYUR, ,DE LTAR DE GNYIS GCIG LA GCIG ,BYAMS PA'I YID KYIS SMRAS PA LA, ,'CHI BDAG MNGON SUM 'ONGS PA BZHIN, ,RNGON PA DE YANG 'ONG BA MTHONG, ,DE NAS NGANG PA'I MCHOG DE GNYIS KYIS RNGON PA DE 'ONG BA MTHONG BA DANG CANG MI SMRA BAR 'KHOD DO, ,DES KYANG NGANG PA MANG PO DE DAG BYER TE MED PAR GYUR PA MTHONG NAS, 'DIR 'GA' ZHIG NI RNYIS ZIN YANG DAG GO SNYAM NAS, BLO LA NGES PA SKYES TE RNYI BTZUGS PA'I NAGS RNAMS NYUL DU SONG SOD BA DANG, NGANG PA'I MCHOG DE GNYIS MTHONG NGO, ,DE'I GZUGS BZANG PO DES YID LA NGO MTSAR CHER GYUR TE, GNYIS KA RNYIS ZIN TO SNYAM NAS, DER BTZUGS PA'I RNYI GNYIS BSGUL BA DANG, DE NAS GCIG NI RNYIS ZIN GCIG NI MA ZIN PAR BDE BAR 'DUG BZHIN DU, RIM GRO BYED CING 'DUG PA MTHONG NAS, SNYING LA YANG MTSAN CHER GYUR TE, ,BZHIN BZANG LA CHED DU SMRAS PA, ,BYA 'DI RNYI YIS ZIN @78A *, ,PAS NA, ,'PHUR TE 'GRO BA'I MTHU RTZAL MED, ,NGA YANG DRUNG DU 'ONGS BZHIN DU, ,MKHA' LA 'PHUR TE MI 'GRO 'AM, ,KHYOD NI MA ZIN BDE BAR 'DUG ,'DAB GSHOG RDZOGS SHING MTHU DANG LDAN, ,NGA NI 'DI LTAR 'ONG GYUR KYANG, ,CI PHYIR MKHA' LA MYUR MI 'GRO, ,BZHIN BZANG GIS DE SKAD ZER BA THOS NAS, TSIG 'BRU RAB TU GSAL ZHING SPEL LEGS LA RANG BZHIN GYIS YID DU 'ONG ZHING BRTAN PA'I YON TAN GYI GZI BYIN DANG LDAN PA'I SGRA PHYUNG STE, MI'I SKAD DU SMRAS PA, NUS BZHIN DU NI MI 'GRO BA, ,BYA 'DI RNYI YIS ZIN GYUR TE, ,SDUG BSNGAL CHEN PO MYONG BAR GYUR, ,DE PHYIR NGA NI MI 'GRO'O, ,KHYOD KYIS 'DI YI RKANG PA GNYIS, ,RNYI YI ZHAGS PA CHEN POS BZUNG, ,BDAG KYANG 'DI YI YON TAN GYI, ,RNYIS NI DE BAS DAM DU ZIN, ,DE NAS RNGON PA DE RAB TU YA MTSAN CHER GYUR TE, BA SPU ZING ZHES BYED PAR GYUR NAS; BZHIN BZANG LA YANG SMRAS PA, NGA YIS 'JIGS NAS NGANG PA GZHAN, ,'DI BOR NAS NI GUD DU SONG, ,KHYOD NI 'DI LTAR 'DI MI GTONG, ,BYA 'DI KHYOD KYI CIR 'ONG GI, ,BZHIN BZANG GIS SMRAS PA, NGANG PA'I RGYAL PO SROG DANG 'DRA BA'I GROGS, ,BDE BA SBYIN PA DE NI NYAMS NYES GYUR, ,DE BAS BDAG GI SROG NI YAL GYUR KYANG, ,'DI NI BTANG BAR BDAG GIS MI NUS SO, ,DE NAS BZHIN BZANG GIS RNGON PA DE YID MGU ZHING YA MTSAN CHER BYED PAR SHES NAS YANG SMRAS PA, BZANG PO BDAG CAG SMRAS PA 'DIS, ,GAL TE BDE BA 'BYUNG 'GYUR ZHING, DE RING BDAG CAG BTANG NA NI, ,CHOS DANG LDAN PA'I GRAGS PA THOB, ,RNGON PAS SMRAS PA, NGAS NI KHYED LA GNOD MI BYED, ,KHYOD NI NGA YIS BZUNG BA'ANG MED, ,DE BAS KHYOD NI CI BA DER SONG, ,GNYEN DANG 'PHRAD CING DGA' BAR GYIS, ,BZHIN BZANG GIS SMRAS PA, BDAG GI SDUG BSNGAL MI BZHED NA, ,BDAG GIS GSOL BA BZHIN DU MDZOD, ,GAL TE GCIG GIS MNYES GYUR NA, ,'DI NI THONG LA BDAG ZUNG SHIG ,BDAG CAG CHU DANG ZHENG YANG MNYAM, ,NA TSOD LA YANG RGAN GZHON MED, ,'DI LTAR BSLUS PAR GYUR PA LA, ,KHYOD DANG BDAG @78B GNYIS PHAM RGYAL MED, ,BDAG LA THUGS CHES MI 'GYUR NA, ,KHYOD KYIS BDAG NYID SNGAR ZUNG LA, ,BYA YI RGYAL PO PHYI NAS THONG, ,KHYOD KYI RNYED PA'ANG DE BZHIN LA, ,BDAG GIS GSOL BA'ANG GNANG BAR MDZOD, ,NGANG PA MANG PO'ANG DGA' BAR GYIS, ,DE BAS MDZA' BA'ANG DE BZHIN 'GYUR; ,KHYOD KYIS BTANG NA'ANG JI LTAR 'GYUR BA GZIGS, ,NGANG PA MANG PO GRAGS PA'I BDAG PO 'DI, ,NAM MKHA' DANGS PA'I NANG NA RNAM MDZES PA, ,LHA MIN RGYAL PO ZLA BA BZANG PO BZHIN, ,DE NAS RNGON PA DE SNYING SRA ZHING RTZUB PA LA GOMS KYANG, DE RANG GI SROG LA YANG MI BLTA BAR JO BO LA SNYING NYE ZHING BYAMS PAS CHU GANG KHREL LTAS CHE BA'I YON TAN GYI GZI BYIN DANG LDAN PA, BRTAN ZHING 'JAM POR SMRA BA'I RGYAN GYIS BRGYAN PA'I TSIG DES SEMS DUL BAR GYUR NAS NGO MTSAR CHE ZHING RAB TU GUS PA'I DBANG GIS THAL MO SBYAR TE BZHIN BZANG LA SMRAS PA, SKAL BA CHEN PO LEGS SO LEGS SO, ,JO BO'I DON DU SROG BTANG BA, ,KHYOD KYIS 'DIR NI GANG BSTAN PA, ,DE LTA BU YI CHOS BZANG BA, ,MI 'AM LHA YI NANG NA DKON, ,DE BAS KHYOD KYI RGYAL PO DE, ,MGU BAR BYAS NAS GTANG BAR BYA'O, ,KHYOD KYI SROG PAS PHONGS DE LA, ,GNOD PA BYED PA SU ZHIG YOD, ,DE SKAD CES SMRAS NAS, RNGON PA DES RGYAL PO DE'I BKA' MNYAN PAR NGANG PA'I RGYAL PO SNYING RJE CAN DE LA RIM GRO BYAS NAS RNYI BKROL TE BTANG NGO, ,DE NAS DANG PA'I SDE DPON BZHIN BZANG DE, NGANG PA'I RGYAL PO DE BTANG BAS SNYING RAB TU DGA' BAR GYUR TE, RNGON PA LA DGA' ZHING BYAMS PA'I LTA BAS BLTAS NAS SMRAS PA, NGANG PA'I RGYAL PO KHYOD KYIS DE BTANG BAS, ,BDAG NI MDZA' BOS JI LTAR DGA' GYUR PA, ,MDZA' BO KHYOD KYANG GNYEN DANG LHAN CIG TU, ,STON BRGYA MANG PO RAB TU DGA' BAR SHOG ,KHYOD KYI LAS BYAS DON MED MI 'GYUR PHYIR, ,NGA DANG NGANG PA MANG PO'I BDAG PO GNYIS, ,BDE BAR ZUNG LA KHUR GYI NGOR BSNGOS TE, ,PHO BRANG NANG DU RGYAL PO'I SPYAN SNGAR BRIM, ,NGANG PA'I RGYAL PO G-YOG DANG BCAS GZIGS NAS, ,RGYAL PO DE NI NGES PAR DGYES PAR 'GYUR, ,KHYOD LA MGU BAR GYUR PA'I NOR CHEN RNAMS, ,DE YANG @79A *, ,MI RE BA DAG STZOL BAR 'GYUR, ,DE NAS DES DE LTAR GAL GYIS GCUS PA DANG, RNGON PA DES BSAMS PA, 'DI LTA BU'I NGANG PA NGO MTSAR RMAD DU BYUNG BA 'DI GNYIS RE ZHIG RGYAL PO'I SPYAN SNGAR BRIM MO SNYAM NAS, NGANG PA'I MCHOG DE GNYIS KHUR GYI NGOR BSNGOS TE, BDE ZHING MA BCINGS PAR KHYER TE SONG SONG NAS RGYAL PO'I SPYAN SNGAR BRIM MO, ,BDAG GIS NGANG PA'I RGYAL PO 'DI, ,SDE DPON DANG BCAS 'TSAL TE MCHIS, ,RMAD DU BYUNG BA'I SPYAN GZIGS 'DI, ,RGYAL PO'I SPYAN SNGAR BRIM DU GSOL, ,DE NAS RGYAL PO DE YA MTSAN CHE ZHING SNYING RAB TU DGA' BAR GYUR NAS, NGANG PA'I MCHOG GSER GYI PHA BONG 'DRA BA GZI MDANGS DANG LDAN PA'I GZUGS YID DU 'ONG BA DE GNYIS LA BLTAS NAS, RNGON PA DE LA SMRAS PA, BYA 'DI GNYIS NI MA BCINGS LA, ,SNAD CING SMAS PA'ANG YANG MED PAR, ,KHYOD NI SA LA 'GRO BA YIS, ,JI LTAR ZIN PA ZHIB TU SMROS, ,DE SKAD CES SMRAS PA DANG, RNGON PA DES RGYAL PO LA PHYAG 'TSAL NAS SMRAS PA, MTSO DANG LU MA'I 'GRAM DAG NA, ,BYA RNAMS RGYU BA'I SA PHYOGS SU, ,BYA RNYI RAB TU MI BZAD PA, ,BDAG GIS SHIN TU MANG PO BTZUGS, ,DE NAS NGANG PA'I MCHOG 'DI NI, ,BAG PHAB DOGS PA MED PAR RGYU, ,RNYI RNAMS BTZUGS PA DE DAG GIS, ,RKANG PA GNYIS NAS ZIN PAR GYUR, ,GCIG NI MA ZIN DE LA 'KHOR, ,BDAG LA DE YIS GSOL BA BTAB, ,NGANG PA'I RGYAL PO'I SROG GLUD DU, ,BDAG NYID MCHIS BGYIS ZER BAR GYUR,, MI YI SKAD DU TSIG SMRAS PA, ,RNAM PAR GSAL LA TSIG 'BRU 'JAM, ,BDAG GIS SROG KYANG YONGS BTANG ZHING, ,GSOL BA 'DEBS SHING GZI BYIN CHE, ,DE BAS 'DI TSIG RAB TU 'JAM PA DANG, ,RJE LA SNYING NYE SPYOD TSUL BRTAN PA DES, ,BDAG NI MGU BAR GYUR NAS 'DI YI RJE, ,BDAG GIS KHRO BA BTANG NAS 'DI YANG BTANG, ,DE LTAR BYA RGYAL 'DI NI BTANG BA YIS, ,DGA' BAR GYUR NAS SNYAN PA MANG DU SMRAS, ,BDAG GI SUG LAS DON MED MI 'GYUR PHYIR, ,KHYOD KYI SPYAN SNGAR BRI MA ZHES BDAG LA MCHIS, ,DE BAS 'DI NI BYA'I GZUGS CAN CHOS DANG MTHUN PA GZHAN ZHIG @79B LAGS; ,GANG GIS BDAG GI SEMS KYANG DE MA THAG TU 'JAM ZHING MNYEN PAR GYUR, ,DE BAS BDAG GIS BYA YI RGYAL PO RNYI LAS BKROL TE BTANG BA DANG, ,BDAG LA DRIN GZO PHYIR NI RJE KHOL BCAS TE KHYOD KYI SPYAN SNGAR MCHIS, ,RGYAL PO DES DE SKAD THOS NAS RAB TU DGA' ZHING YID LA NGO MTSAR CHER GYUR TE, GSER GYI STAN KHRI RGYAL PO'I GDAN DU 'OS PA'I KHRI DES RKANG PA RIN PO CHE SNA TSOGS KYIS SPRAS PA'I 'OD ZER 'PHRO ZHING SDUG PA, LHA'I GDAN RIM PA DU MAR BSHAMS SHING BZANG BA RGYAB RTEN BDE ZHING NYAMS DGA' BAS BRGYAN PA, RKANG RTEN BTZUGS PA GCIG DANG PA'I RGYAL PO DE'I STAN DU THINGS SHIG CES BKA' STZAL TO, ,BLON PO CHEN PO'I GDAN KHRI GCIG NI BZHIN BZANG GI STEN DU THINGS SHIG CES BSGOS SO, ,DE NAS BYANG CHUB SEMS DPAS BSAMS PA, DA NI DGA' BAR GYUR PA'I GTAM BYA BA'I DUS LA BAB PO SNYAM NAS, DRIL BU LTAR SNYAN PA'I SKAD PHYUNG STE, RGYAL PO LA SMRAS PA, GZI BYIN CHE ZHING MDANGS DANG LDAN PA'I SKU, ,BDE BAR GNAS KHYOD DA LTA THUGS BDE 'AM, ,KHYOD KYI CHOS KYI SKU LA RMA MED DAM, ,BKA' LUNG SNYAN PAS RGYA CHER DBUGS PHYUNG NGAM, ,PHAN BTAGS NAN TUR BGYI BA'I BKA' KHRIMS KYIS; ,'BANGS KYI SKYE DGU BSRUNG BA'I DBANG BSKUR TAM, ,BDAG GI GRAGS PA'I GTAM SNYAN RGYAS GYUR TAM, ,'BANGS RNAMS GLO BA NYE ZHING PHAN BTAGS SAM, ,BLON PO MDZANGS SHING GLO BA NYE RNAMS LA, ,BRTAG PA'I THABS KYIS LEGS PAR BRTAGS LAGS SAM, ,'BANGS LA SMAN PA RTAG TU DGONGS LAGS SAM, ,DE DAG MI MKHYEN PA NI MI BZHUGS GRANG, ,DPA' ZHING THABS LA MKHAS PA'I THUGS RJE CAN, ,RGYAL PHRAN DE DAG BKA' NI NYAN LAGS SAM, ,THUGS RJE CHEN PO'I MDZAD PA MA LAGS SAM, ,THUGS CHEN BAG MED PAR NI MI MNAL GRANG, , CHOS DANG BDE DANG SRID RNAMS MTHUN LAGS SAM, ,KHYOD KYI SPYOD PA DAM PA DGA' BA YI, ,GRAGS PA PHYOGS SU RGYAS PAR GYUR PA YIS, ,DGRA RNAMS SHUGS 'BYIN SPYOD PAR GYUR LAGS SAM, ,DE NAS RGYAL PO DE SEMS RAB TU DANG ZHING DBANG PO RNAMS KYANG DANG LA GSAL BAR GYUR @80A *, ,NAS; DE LA SLAR SMRAS PA, NGANG PA DE RING BDAG KYANG BDE, ,THAMS CAD DU YANG BDE BAR 'GYUR, ,DAM PA BDAG DANG 'PHRAD PAS 'DIR, ,YUN RING BSAM PA 'GRUB PAR GYUR, ,KHYOD NI RNYI YIS ZIN PA NA, ,DGA' BAS SEMS NI G-YENGS GYUR NAS, ,KHYOD LA DBYUG PAS BRDEGS NAS NI, ,'DI YIS SNAD PAR MA BYAS SAM, ,DE LTAR RNGON PA 'DI DAG NI, ,BYA RNAMS ZIN CING SNAD GYUR TE, ,DGA' BAS SEMS NI G-YENGS GYUR NA, ,NGAN PA DAG KYANG SPYOD PAR 'GYUR, ,BYANG CHUB SEMS DPAS SMRAS PA, 'DI LTA BUR NI NYAMS NYES KYANG, ,RGYAL PO CHEN PO BDE ZHING MCHIS, ,'DIS KYANG BDAG LA DGRA BZHIN DU, ,GNOD PA CI YANG MA BGYIS SO, ,BZHIN BZANG 'DI YANG MA ZIN PAR, ,BDAG LA BYAMS PAS ZIN BZHIN 'DUG ,'JAM POR SMRAS PA MTHONG BA DANG, ,NGO MTSAR CHE BAR GYUR PA YIS; ,'DI YI TSIG NI 'JAM PO YIS, ,DE NAS YID NI MGU GYUR NAS, ,DUL ZHING RIM GRO CHER BSKYED DE, ,BDAG NI 'DI YIS RNYI LAS BKROL, ,DE BAS 'DI LTAR BZHIN BZANG GIS, ,'DI LA PHAN YON GDAGS PA DANG, ,BDE BA CHEN PO 'BYUNG BA'I PHYIR, ,BDAG CAG GNYIS NI 'DIR MCHIS SO, ,RGYAL POS SMRAS PA, BSAM PA GNYIS NI 'DIR BYON TE, ,KHYED GNYIS BYON PA RAB TU LEGS, ,KHYED GNYIS MTHONG BAR GYUR PAS NA, ,BDAG NI RAB TU DGA' BAR GYUR, ,RNGON PA 'DI YANG DE RING NAS, ,DON CHEN GRUB PA GZIGS SU GSOL, ,'O SKOL GNYIS KA DGA' BGYIS PAS, ,'DI NI MGU BAR 'GYUR BAR RIGS, ,DE SKAD CES SMRAS NAS, RGYAL PO DES RNGON PA DE LA NOR RAB TU MANG ZHING RGYA CHE BA BYIN TE MGU BAR BYAS NAS, YANG RGYAL POS SMRAS PA, KHYED GNYIS CHED DU BDAG GI KHYIM DU BYON, ,DE BAS BDAG LA 'DZEM DOGS MA MCHIS PAR, ,CI DANG CI BZHES DE DAG BDAG LA GSUNGS, ,BDAG GI BDOG PA KHYED DANG THUN MONG LAGS, ,MDZA' BOS SPOBS TE DOGS MED TSIG GSAL BA, ,LONGS SPYOD BDOG LA BSLANGS NAS MGU GYUR PA, ,DE LTA BU NI NOR GYIS MGUR MI 'GYUR, ,DE BAS MDZA' BO'I SPOBS @80B PA PHAN YON CHE, ,DE NAS RGYAL PO DES BZHIN BZANG LA SMRAR GZHUG PAR 'DOD NAS 'DZUM DMUL TE BZHIN BZANG LA BLTAS NAS SMRAS PA, SKYE BO GSAR BU BSHES SHING MA 'DRIS PA, ,RAB TU SPOBS SHING BAG PHAB MI RUNG YANG, ,DES SHING MNYAM PAR BZHAG PA'I TSIG DAG GIS, , ZHE SAR BCAS SHING SNYAN PAR MI SMRA MIN, ,DE BAS TSIG TZAM SMRA BA YIS, ,BDAG NI SPOBS PAR RE BA DANG, ,PHYI PHYIR MDZA' BAR 'DOD PA DANG, ,BSAM PA DON YOD BGYI BAR RIGS, ,DE SKAD CES SMRAS PA DANG, NGANG PA'I SDE DPON BZHIN BZANG GIS DE LA TSUL BZHIN DU PHYAG 'TSAL TE SMRAS PA, DBANG CHEN 'DRA BA KHYOD DANG GNYIS, ,DE LTAR BKA' MCHID GSUNGS PA NI, ,RAB TU DGYES PA'I TSUL BSTAN NA, ,SU ZHIG YID LA BSAM MI RDZOGS, ,MI YI BDAG PO BKA' MCHID GSUNG BZHIN LA, ,BYA YI BDAG PO RAB TU DGA' BZHIN DU, ,BKA' MCHID DE LTA'I NANG DU 'BANGS DAG GIS, ,SPYI BRTOL BSKYED DE SMRA BA GAL RIGS, ,YA RABS DUL BA'I TSUL NI DE MA LAGS, ,DE LTAR 'TSAL BZHIN RAB TU JI LTAR 'JUG ,RGYAL PO CHEN PO DE BAS BDAG MI SMRA, ,BZOD PAR MDZAD PA'I RIGS NA BZOD PAR GSOL, , DE SKAD CES SMRAS PA DANG, RGYAL PO RAB TU DGA' ZHING BZHIN GYI MDANGS PHYUNG NAS BZHIN BZANG LA 'DI SKAD CES SMRAS SO, ,KHYOD KYI YON TAN GTAM SNYAN MI RNAMS ZER BAR RIGS, ,NGANG PA'I BDAG PO DANG YANG GROGS PO 'THAMS PAR RIGS, ,DUL BA DANG NI TSUL LA MKHAS PA 'DI LTA BU, ,RANG GI SEMS NI MA SBYANGS GA LA YOD, ,DE BAS BDAG CAG MDZA' BA 'DI, ,CI NAS RGYUN MI CHAD PA DANG, ,DE BZHIN BDAG LA SPOBS PAR GYIS, ,YA RABS 'PHRAD PA NYAMS MA GYUR, ,DE NAS BYANG CHUB SEMS DPAS RGYAL PO DE RAB TU MDZA' PAR 'DOD PA DANG BYAMS PAR SHES NAS, DE LA MGU BAR BYED CING 'DI SKAD CES SMRAS SO, ,DANG PO BSHES PAR GYUR PA NA'ANG, ,BDAG NYID CHEN PO'I TSUL 'DZIN PAS, ,MDZA' BO DAM PAS BYA BA GANG, ,DE NI KHYOD KYIS BDAG LA BYAS, ,BKUR STI BGYI BA'I CHO GA 'DIS, , @81A *, ,KHYOD KYIS BDAG LA GANG BSTAN PA, ,RGYAL PO CHEN PO SU YIS SEMS, ,DRAN BZHIN DMIGS PAR MI 'GYUR MCHIS, ,DGOS PA LTA ZHIG CHED CHE CI ZHIG MCHIS, ,RGYAL PO CHEN PO KHYOD LA BRTEN ZHING LTA, ,KHYOD NI MGRON LA DGA' ZHING YON TAN 'DOD, , 'DI LTAR GYUR PA NGES PAR GOMS PA YIS, ,'BANGS LA PHAN PHYIR RGYAL PO'I TSUL 'DZIN PA, ,DRANG SRONG MNYAM GZHAG DKA' THUB 'BAD PA BZHIN, ,KHYOD KYI YON TAN RANG GI NGANG GIS GNAS, ,RANG BZHIN DUL BA KHYOD LTA LAGS KYANG MOD, ,DE BAS BSTOD PAR 'OS PA'I YON TAN BDE,, 'BYUNG PO NGES PA'I GCONG RONG MI 'DOD DO, ,YON TAN SKYON GYI CHOS NYID 'DI SHES NAS, ,SEMS YOD SU ZHIG MI PHAN LAM NGAN 'GRO, ,DPA' BAS YUL 'KHOR THOB PAR MI 'GYUR LA, ,NOR DANG RTZOL PHOD THABS KYIS DE MI THOB, ,YON TAN MED NA NOR GOS 'BAD MI PHAN, ,RGYAL PO YON TAN GYIS NI THOB PAR 'GYUR, ,LHA YI DBANG PO'I DPAL YANG YON TAN LTOS, ,YON TAN YOD NA RGYUD KYANG RAB TU 'PHEL, ,GRAGS PA RNAMS KYANG YON TAN NYID LAS 'PHRO, ,BDAG NYID CHE BA'I MTHU YANG YON TAN GNAS, ,ZLA BA'I 'OD LAS GSAL BA'I YON TAN NI, , DGRA BO MI BZAD DREGS PAS SDANG BA DANG, ,'KHON SNYING YOD CING PHRAG DOG CHE BA DANG, ,YID NI DANG ZHING RAB TU MGU BAR BYED, ,RGYAL PO DE LTAR DUL LA SOGS PA YI, ,YON TAN BZANG ZHING CHE BA MA NYAMS PAR, ,RGYAL PHRAN DREGS PA MTHU YIS BTUL NAS NI, ,SA 'DI SKYONG LA 'BANGS KYANG BSKYANG DU GSOL, ,'BANGS LA PHAN GDAGS RGYAL PO'I DON GYI MCHOG ,RGYAL PO CHOS LA DGA' BAR GYUR NA NI, ,TSE RABS GNYIS KA BDE BA'I LAM 'DI YIN, ,RGYAL PO'I SPYOD PA BZHIN DU 'BANGS KYANG SPYOD, ,DE BAS CHOS BZHIN SA LA GNAS PA SLOBS, ,SUM CU RTZA GSUM RJE YANG KHYOD LA BSRUNG, ,KHYOD KYI DRUNG NA BDE BAR GNAS GYUR KYANG, ,BDAG GI GROGS MANG SDUG BSNGAL 'BOD PA BZHIN, ,DE NAS RGYAL PO 'KHOR DANG BCAS PA DE'I TSIG DE LA MNGON PAR DGA' BAR GYUR NAS, BKUR STI DANG TSIG SNYAN PAR SMRAS TE, NGANG PA'I GTZO BO DE GNYIS @81B SLAR BKYES SO, ,DE NAS BYANG CHUB SEMS DPA' STON GYI NAM MKHA'I DKYIL RAL GRI DRI MA MED PA LTAR SNGO ZHING DANGS LA MDZES PA LA 'PHUR NAS, BZHIN BZANG DE'I PHYI BZHIN DU 'BRANG BA NI, GZUGS BRNYAN DRUNG NA 'DUG PA DANG 'DRA BAR BYAS TE, NGANG PA'I TSOGS MANG PO'I DRUNG DU 'ONG BA DANG; MTHONG MA THAG TU RAB TU DGA' BA DANG LDAN PAR BYAS SO, ,DUS DUS DAG TU NGANG PA'I RGYAL PO DE, ,GZHAN LA SNYING BRTZE'I PHYIR NI RGYAL PO YI, ,CHED DU SONG NAS CHOS KYANG STON PAR BYED, ,RGYAL PO DES NI MCHOD PA GUS PAR BYAS, ,DE LTA BAS NA DAM PA RNAMS DUD 'GROR LHUNG BA'I SPYOD PA LA YANG, SKYES BU DAM PA MA YIN PA RNAMS KYIS RJES SU MTHUN PAR BYA BA TZAM YANG MI NUS NA, BDE 'GRO LA GNAS PA RNAMS LA LTA SMOS KYANG CI DGOS, DE LTAR TSIG SNYAN PA NI GNYIS KA LA PHAN PAR 'GYUR BA YIN NO, ,ZHES TSIG SNYAN PAR SMRA BA'I YON TAN BSNGAGS PA LA YANG SBYAR BAR BYA'O, ,DE LTAR DGE BA'I BSHES GNYEN DANG LDAN PAS DON BSGRUB DKA' BA YANG GRUB PAR GYUR TO, ,ZHES DGE BA'I BSHES GNYEN GYI YON TAN BSNGAGS PA LA YANG BRJOD PAR BYA'O, ,GNAS BRTAN KUN DGA' BO'I SNGON GYI RIS MTHUN PA LA YANG BRJOD PAR BYA STE, 'DI LTAR BYANG CHUB SEMS DPA' DANG LHAN CIG TU 'GROGS TE, YUN RING POR BYAMS PA DANG RAB TU GUS PA 'BA' ZHIG BYED PA YIN NO, ,ZHES BRJOD PAR BYA'O, ,NGANG PAR SKYES PA'I RABS TE NYI SHU GNYIS PA'O,, ,,BAM PO BRGYAD PA, SKYES BU DAM PA RNAMS NI PHAN BTAGS PA LA DRIN DU GZO BA DANG BZOD PA LA GOMS PAS RIM GRO MA BYAS KYANG SNGON PHAN 'DOGS PA LA SNYING BRTZE BA LHOD PAR MI 'GYUR RO, ,DE YANG 'DI LTAR BCOM LDAN 'DAS 'DI SNGON BYANG CHUB SEMS DPAR GYUR PA'I TSE, KUN DU RGYU BYANG CHUB CES BYA BAR GRAGS SO, ,DE KHYIM NA GNAS BZHIN DU 'JIG RTEN PAS BSNGAGS PA'I GNAS RNAMS KYI GO RIMS NI RGYA CHER SHES, SGYU RTZAL RNAM PA SNA TSOGS LA NI MKHAS PAR BYAS, RAB TU BYUNG NAS KYANG 'JIG RTEN LA PHAN 'DOGS PAR BRTZON PAS CHOS KYI GTZUG LAG RNAMS LA LHAG PAR YANG BLO ZHEN PAR GYUR TE, DE DAG @82A *, ,LA SLOB DPON GYI GO 'PHANG THOB PAR GYUR TO, ,DE BSOD NAMS DANG LDAN ZHING SHES PA RGYA CHE BA DANG 'JIG RTEN GYI SPYOD TSUL LA MKHAS PA DANG NAN TAN CHE BA'I YON TAN DANG LDAN PAS, GANG DANG GANG DU SONG BA DE DANG DER MKHAS PA RNAMS DANG MKHAS PA LA DGA' BA RNAMS DANG, RGYAL PO'I BLON PO RNAMS DANG, BRAM ZE DANG, KHYIM BDAG RNAMS DANG, GZHAN MU STEGS CAN RNAMS DANG, RAB TU BYUNG BA RNAMS KYIS BKUR STI BYA ZHING DRAN PAR BYA BAR GYUR TO, ,BSOD NAMS GZHI LAS 'BAR BA'I YON TAN RNAMS, ,NAN TAN BSGRUB PA'I BYIN GYIS DGA' BAR GYUR, ,DGRA YANG RANG GI GRAGS PA BSRUNG BA'I PHYIR, ,LHAG PAR BKUR STI BYED PA NYID DU GYUR, ,DE NAS BDAG NYID CHEN PO DE 'JIG RTEN LA PHAN BTAGS PA'I PHYIR, GRONG DANG GRONG KHYER DANG LJONGS DANG, GRONG RDAL DANG YUL 'KHOR DANG RGYAL PO'I PHO BRANG 'KHOR DU RGYU ZHING SONG SONG BA LAS, RGYAL PO ZHIG GI YUL GYI 'DAB TU PHYIN PAR GYUR TO, ,DE'I YON TAN GYI MTHU RGYA CHEN PO DES THOS SHING DE RGYANG RING PO NAS 'ONGS PAR SHES NAS YID RAB TU DGA' STE, RANG GI SKYED MOS TSAL NYAMS DGA' BA'I SA PHYOGS GCIG TU DE'I GNAS BYED DU BCUG GO,, BSU BA LA SOGS PA BKUR STI CHER BYAS TE, DE RANG GI YUL DU BZHAG NAS SLOB DPON LA SLOB MAS BYA BA BZHIN DU RIM GRO DANG BKUR STI TSUL BZHIN DU BYAS TE MCHOD CING BKUR RO, ,LONGS SPYOD YON TAN PHUN SUM TSOGS, ,KHYIM DU RE BA'I MGRON 'ONGS NAS, ,YON TAN CAN LA DGA' BA RNAMS, ,RAB TU DGA' ZHING SPRO BAR GYUR, ,BYANG CHUB SEMS DPAS KYANG DE LA CHOS KYI GTAM YID DU 'ONG ZHING RNA BAR SNYAN PA RNAMS KYIS PHAN PAR 'GYUR BA'I LAM BSTAN PAS NYI MA RE RE ZHING PHAN 'DOGS PAR 'GYUR RO, ,GUS PA MED LA'ANG CHOS LA DGA' BA RNAMS, , GZHAN LA SNYING BRTZE PHAN PA'I TSIG SMRAN, ,PHAN PAR 'DOD CING YON TAN DGA' BA YI, ,SKYE BO SNOD GTZANG 'DRA LA SMOS CING DGOS, ,DE NAS RGYAL PO DE'I BLON PO RNAMS DANG MKHAS PA'I THABS THOB PA RNAMS 'KHOR TSOGS PA'I NANG DU, BYANG CHUB SEMS DPA' SEMS DPA' CHEN PO LA RIM @82B GRO CHER BYAS PA DANG, YON TAN PHUN SUM TSOGS PA LA PHRAG DOG GI SEMS SKYES NAS MI BZOD PAR GYUR TO, ,RANG GI YON TAN GRAGS PA KHYAD PAR CAN, ,'GRO BA MGU BAR NUS PA'I MTHU CAN LA, ,YON TAN BCOS MAS BKUR STI THOB PA RNAMS, ,PHRAG DOG ME NI GOR MA CHAGS PAR 'BAR, ,DE LA GTZUG LAG GI GTAM GYIS MNGON SUM DU ZIL GYIS MNAN MI NUS SHING, RGYAL PO CHOS LA BRTEN PA'ANG MA BZOD NAS, THABS DE DAG GIS RGYAL PO BYANG CHUB SEMS DPA' LA MI DGA' BAR GYUR PA BYAS SO, ,LHA KUN TU RGYU BYANG CHUB LA THUGS CHE PAR MDZAD PAR MI RIGS SO, ,GDON MI ZA BAR 'DI NI LHA YON TAN LA DGYES PA DANG CHOS LA PHYOGS PAR 'TSAL NAS, BRLAG PAR BGYI BA'I SLAD DU G-YO DANG BCAS PA'I TSIG 'JAM PO SMRA ZHING SPYOD PA'I NYAMS DROD 'DZIN PA LAGS TE NYI 'OG GI RGYAL PO 'GA' ZHIG GIS BYA MA RTA BTANG BAR LAGS PAR GOR MA CHAGS SO, ,DE LTAR CI MNGON ZHE NA, 'DI LTAR CHOS KYI BDAG NYID CAN DU BGYIS NAS, LHA'I ZHAL SNGA NAS CIG KHO NA THUGS RJE CHE BA DANG, NGO TSA MKHYEN ZHING 'JAM DES CAN DU BSLAB STE SRID DANG 'DOD PA DANG MI MTHUN PA RGYAL RIGS KYI CHOS MA YIN PA SNYAN DNGAGS DANG MI MTHUN PA, CHOS LA SKUL MA 'DEBS SHING, SNYING RJE DANG LDAN PA BGYI BA'I DON DU BSGRUB CING CHED CHER BGYIS NAS THABS KYIS BAG 'BEBS SO, ,NYI 'OG GI RGYAL PO'I PHO NYA GZHAN DAG DANG BSHES SHING 'DRUL LA, 'DI NYID KYANG RGYAL PO'I GTZUG LAG GI RGYUS LA MI MKHAS PA YANG MA LAGS TE, DE BAS NA BDAG CAG NI 'DI LA GLO BA MI CHES SO, ,DE NAS RGYAL PO DE LA DBYEN GYI THABS YANG DANG YANG DU LAN DU MAR PHAN PAR 'DOD PA BZHIN DU MI MANG POS SMRAS PA DANG, BYANG CHUB SEMS DPA' LA YID MI CHES PAR GYUR TE BYAMS PA DANG BKUR STI CHUNG ZHING SEMS SNGON DANG MI 'DRA BAR GYUR TO, ,'BRUG SGRA DRAG PO SER BA 'DRA BA YI, ,DBYEN GYI SER BA RDO RJE 'BAB PA NI, ,MING TZAM TSOD KYIS MDZA' BA BRTAN PA DAG ,NYAMS SHING ZHIG PAR MI 'GYUR SU ZHIG YOD, ,DE NAS RGYAL PO DE BYANG CHUB SEMS DPA' DE LA BAG MI 'BEBS SHING DGA' DGA' LTAR BYED PA BTANG STE @83A *, ,BKUR STI CHUNG BAR GYUR NAS, SNGON BZHIN DU RIM GRO MI BYED PAR GYUR TO, ,BYANG CHUB SEMS DPA' YANG SEMS GTZANG BAS RGYAL PO RNAMS 'BANGS KYI BYA BA MANG POS BLO BREL TO SNYAM NAS, DE LTAR GYUR PA YID LA YANG MI BYED NA, DE'I 'KHOR 'KHOD PA RNAMS GUS PA DANG RIM GRO BYED PA LA G-YEL BAR GYUR PA MTHONG BA DANG, RGYAL PO THUGS MA DGYES PAR GYUR PA SHES NAS, KUN TU RGYU'I YO BYAD DBYUG PA GSUM DANG RIL BA SPYI BLUGS LA SOGS PA KHYER TE 'GRO BAR CHAS SO, ,DE LTAR GYUR PA RGYAL PO DES THOS NAS DA DUNG 'KHON BYUNG BA NYID DU YANG MA GYUR PAS, DES SHING DUL BA'I TSUL BSTAN TE, DE'I DRUNG DU SONG NAS RTAB RTAB POR GYUR PA 'DRA BAR BYAS TE SLAR LOG PAR 'DOD BZHIN DU SMRAS PA, CI PHYIR 'DI LTAR 'PHRAL DU BDAG POR TE, ,KHYOD NI 'GRO BAR CHAS PA BZHIN DU SEMS, ,NONGS PAR DOGS PA 'GA' ZHIG 'BYUNG BA'I GZHI, ,BDAG GI NONGS PA KHYOD KYIS MTHONG NGAM CI, ,DE NAS BYANG CHUB SEMS DPAS DE LA SMRAS PA, ,BDAG NI 'PHRAL LA 'DI LTAR MI MCHI ZHING, ,BKUR STI CHUNG BA TZAM GYIS KHROS MA LAGS, ,KHYOD NI CHOS KYI SNOD DU MA GYUR CING, ,G-YO DANG BCAS PAS 'DI NAS BDAG NI CHA, ,DE NAS RGYAL PO DES KHYI GNANG CHEN CIG KHROS ZHING ZUG STE SO GTZIGS NAS DER ZAR 'ONGS PA BSTAN NAS YANG SMRAS PA, RGYAL PO CHEN PO MI MA LAGS PA 'DIS MCHE BZHI BGYIS PA GZIGS SU GSOL, KHYI 'DI SNGON NI KHYOD KYI RJES 'BRANG ZHING, ,BDAG LA RAB TU 'DRIS PAR BGYIS PA LAS, ,MDZAD STANGS GSANG BAR SHES PAR MA GYUR NAS, ,ZUGS SHING ZA BAS KHYOD KYI DGONGS PA BSTAN, ,BDAG LA MGUS RTZUB PA CUNG ZAD CIG ,KHYOD LAS NGES PAR 'DI YIS THOS LAGS GRANG, ,DE BAS 'DIS KYANG RJES SU 'BRANG BAR GYUR, ,'KHOR RNAMS SPYOD PA KHYOD NI DGYES PAR BGYID, ,DE NAS RGYAL PO DE BRTAGS PA LA BAB PA DANG NGO TSA BAS MGO SMAD DE 'DI'I BLO RNO BA DES SEMS MI DGA' BAR GYUR TE, NGA NI G-YO BYA BA'I DUS LA MA BAB PO SNYAM NAS, BYANG CHUB SEMS DPA' LA PHYAG 'TSAL TE SMRAS PA, KHYOD LAS GLENG NAS BKA' MCHID 'DI LTA BU, ,BDAG CAG TSOGS PA'I NANG DU BGYIS KYANG @83B MAD; ,DGOS PA'I DBANG GIS BDAG GIS YAL BAR BOR, ,DE BAS BZOD PAR MDZOD LA MA BZHUD BZHUGS, ,BYANG CHUB SEMS DPAS SMRAS PA, BDAG NI BKUR STI CHUNG BA'I PHYIR MI BZOD DE MCHI BA MA LAGS KYI RGYAL PO CHEN PO DA NI MCHI BA'I DUS LAGS PA'I SLAD DU MCHIS SO, ,KHYOD KYIS GZIGS SU GSOL, BKUR STI CUNG ZAD BRI BAR GYUR PA'I TSE, ,BDAG RANG LANGS TE SONG BAR MA GYUR NA, ,PHONGS SHIG 'DUG PA NGAN ZHING BYIS PA'I CHOS, ,MA BLTAS NA NI SLAD KYIS BSKRAD PAR 'GYUR, ,DE BAS NA NI MCHI BA'I DUS LA BAB, ,MI DGA' BZHIN DU MCHIS SU GAL RUNG, , LAN CIG TZAM GYIS SMA BAB GYUR PA YIS, ,SNGON CHAD PHAN BTAGS PA YANG GA LA SNYAM, ,BYAMS PA'I RLAN MED BRTEN DU MI RUNG STE, ,KHRON PA SKAM PO CHU 'DOD MI BSTEN BZHIN, ,DE LA RAB TU BSGRIMS TE DON BSGRUB KYANG, ,DE DON CHUNG ZHING RNYOG PA CAN DU GYUR, ,BDE BA 'DOD CING NYON MONGS MI 'DOD PAS, ,MTSO CHEN STON KA'I CHU GTZANG 'DRA BA NI, ,RAB TU DANGS PA NYID LA BRTEN PAR RIGS, ,TSUL 'DI 'JIG RTEN DAG NA GSAL BAR GRAGS, ,GUS PAR BYED KYANG GZHAN DU PHYOGS PA DANG, ,GZHAN DU PHYOGS KYANG ZHUM PAS DE LA LTA, ,SNGON CHAD PHAN BTAGS DRIN DU MI GZO PA, ,MI YI GZUGS DE CI LAGS GTOL MA MCHIS, ,MA BRTEN PA DANG RAB TU BRTEN DRAGS DANG, ,BSLANG BA DRAGS NA BYAMS PA MED PAR 'GYUR, ,DE BAS GNAS PA'I SKYON LA MDZA' BA'I MJUG 'DI NI, ,BSRUNG BAR 'TSAL GYIS BDAG NI RE ZHIG MCHIS; ,RGYAL POS SMRAS PA, GAL TE KHYOD MI 'GROR MI BTUB YANG, ,NGA LA SEMS NAS DA RUNG SLAR YANG 'DIR BYON CING BDAG SPYAN RAS KYIS BTZAL BAR RIGS SO, ,HA CANG MA BRTEN PA LAS 'KHON BYUNG BA MI RIGS SO, ,BYANG CHUB SEMS DPAS SMRAS PA, RGYAL PO CHEN PO 'JIG RTEN GNAS PA 'DI DAG NI BAR CHAD MANG LA GNOD PA DANG DGRA MANG BAS GDON MI 'TSAL BAR MCHI'O ZHES MCHID KYIS 'TSAL DU MI RUNG NGO, ,GAL TE MCHI BA'I SKABS DANG LDAN NA KHYOD KYI ZHAL LTA'O ZHES BDAG NYID CHEN PO DES, RGYAL PO DE LA TSIG 'JAM POS DGA' BAR BYAS NAS, RGYAL PO @84A *, ,DE MA BKUR STI BYAS TE, DE'I YUL LAS BYUNG STE SONG NGO, ,DE KHYIM PA DANG BRTEN PA DES, SEMS MI BDE BAR GYUR NAS DGON PA'I GNAS ZHIG TU GNAS TE BLO BSAM GTAN LA BRTZON PAR DE NA GNAS PA LAS, RING POR MA LON PAR BSAM GTAN BZHI DANG, MNGON PAR SHES PA LNGA THOB PAR GYUR TO, ,RAB TU ZHI BA'I BDE BA'I RO MYONG BA DES RGYAL PO LA SNYING BRTZE BA'I DRAN PA BYUNG BAR GYUR PA NI, RGYAL PO DE DA LTA JI LTAR 'DUG SNYAM PA DANG, DE NAS DES 'DI LTAR BLON PO DE DAG GIS LTA BA GANG LA CHAGS PA DE DAG LA LTAR BCUG PA MTHONG NGO, ,DE LA BLON PO LA LAS NI RGYU BRTAGS MI BZOD PA'I DPE RNAMS KYIS RGYU MED PA'I LTA BA LAS DRANGS SO, ,PADMA'I SDONG PO LO MA ME TOG SNYING PO DANG, ,KHA DOG DBYIBS DANG 'JAM LA SOGS PA'I RGYU NI GANG, ,BYA YI 'DAB MA SNA TSOGS RIS SU BRIS PA SU, ,'GRO BA 'DI DAG NGO BO NYID KYIS DE BZHIN NGES, ,KHA CIG NI DBANG PHYUG GI BLOS SBYAR BA RGYU YIN PAR STON TE, 'DI DAG THAMS CAD RGYU MED BYUNG BAR MI RIGS TE, ,'DI LA KUN TU BDAG PO MTHA' YAS GCIG CIG YOD, ,SNA TSOGS 'DI DAG RANG DGAR BYED PA NGES PAR YOD, ,'JIG RTEN BYAS NA PHYIS KYANG MNYAM DU MED PAR BYED, ,YANG LA LAS NI BDE DANG MI BDE BA 'DI DAG THAMS CAD SNGON GYI LAS KYIS BYAS KYI 'BAD PA'I MTHUS BYAS PA MA YIN NO ZHES DE LA DE LTAR 'DZIN DU BCUG GO, ,DNGOS PO MTHA' YAS SO SOR GNAS PA MANG PO RNAMS, ,GCIG PUS DUS GCIG TU NI JI LTAR BYA BAR NUS, ,BDE BAR BYED LA'ANG MKHAS PA SDUG BSNGAL MYONG BAR 'GYUR, ,DE BAS 'DI DAG THAMS CAD SNGON GYI LAS LAS GYUR, ,GZHAN DAG NI CHAD PAR LTA BA'I GTAM GYIS DE 'DOD PA'I LONGS SPYOD BYED DU GZHUG PA'I PHYIR SMRAS PA, RNAM PA SNA TSOGS KHA DOG YON TAN LDAN PA'I SHING, ,LAS KYIS BYAS PA MA YIN 'ON KYANG 'BYUNG BAR 'GYUR, ,CHU DAGS NA RNAMS KYANG SLAR NI DE BZHIN SKYE MI 'GYUR, ,'JIG RTEN DE DANG 'DRA BAR BDE LA GZHOL BAR MDZOD, ,KHA CIG NI DE LA RGYAL RIGS KYI GTZUG LAG LAS 'BYUNG BA G-YO DANG DGRA THABS DANG 'BREL PA, SNYING RJE MED CING @84B SKYON DANG BCAS PA CHOS DANG 'GAL BA LA, 'DI NI RGYAL PO'I CHOS LAGS SO ZHES STON TO, ,BRTEN PA'I MI RNAMS LA NI GRIB MA'I LJON SHING BZHIN, ,DE DAG JI SRID DGOS PA'I DUS LA MA BAB PA, ,DE SRID BYAS PA GZO BAS RANG GI GRAGS PA BSRUNG, ,DGOS PA BYUNG NA MCHOD SBYIN PHYUGS BZHIN DE DAG SPYAD, ,DE LTAR BLON PO DE DAG GIS RGYAL PO DE LTA BA NGAN PA'I LAM DE DANG DE DAG TU DRANGS PAR GYUR TO, ,DE NAS BYANG CHUB SEMS DPAS RGYAL PO DE SKYE BO SDIG PA CAN DAG BRTEN CING BLO GZHAN GYI DRING LA 'JOG PAS LTA BA NGAN BA'I G-YANG SAR LHUNG DU NYE BAR DGOS NAS DE LA SNYING BRTZE BAR GYUR NAS DE LAS BZLOG PA'I THABS BSAMS PA, YON TAN GOMS PAS DGE BA RNAMS, ,LEGS PAR BYAS PA SEMS LA GNAS, ,PADMA'I 'DAB LAS CHU BO BZHIN, ,NYES PAR BYAS PA MI CHAGS SO, ,DE NAS BYANG CHUB SEMS DPAS BSAMS PA, DA NI DE'I DUS LA BAB PO SNYAM NAS, RANG GI DKA' THUB KYI GNAS SU SPRE'U CHEN PO ZHIG MNGON PAR SPRUL NAS, RDZU 'PHRUL GYI MTHUS DE'I PAGS PA BSHUS TE, GZHAN MI SNANG BAR BYAS NAS, DES SPRE'U'I PAGS PA CHEN PO SPRUL PA DE GYON NAS RGYAL PO'I PHO BRANG GI SGOR PHYIN PA DANG, CHAB SGO BAS KYANG SBRAN NAS, RGYAL PO'I 'KHOR TSOGS PA GO RIMS BZHIN DU MI 'KHRUG PAR 'KHOD PA'I MTHA' NI MTSON CHA THOGS PA RNAMS KYIS BSKOR, BLON PO DANG, BRAM ZE DANG, PHO NYA DANG, NANG MI GTZO BO RNAMS KYIS NI GANG, SKYE BO RNAMS KYI CHAS NI BRTAN ZHING DUL LA RGYA CHE, CHAB SGO CHEN PO'I SGO BA RAL GRI DANG DBYUG PA THOGS PA RNAMS KYIS NI BSRUNG, MI'I BDAG PO NI SENG GE'I KHRI LA 'DUG PAR 'ONGS SO, ,RGYAL PO DES KYANG BSU BA LA SOGS PA MGRON 'ONGS PA'I BKUR STI BYA BA DANG SNYAN PAR SMRA PA GDAN BTING BA BYAS NAS, SPRE'U'I PAGS PA GYON PA NGO MTSAR CHER BZUNG NAS DRIS PA, 'PHAGS PA LA SPRE'U'I PAGS PA 'DI PHUL BAS BDAG NYID LA PHAN PA CHEN PO BTAGS PA SU ZHIG LAGS, BYANG CHUB SEMS DPAS SMRAS PA, RGYAL PO CHEN PO 'DI NI BDAG NYID KYIS RNYED KYI GZHAN SUS KYANG MA 'TSAL TO, ,SA GZHI RANG BZHIN GYIS MKHRAD BA LA, RTZVA KU SHA DANG RTZVA TZAM @85A *, ,BTING BA LA MCHIS SHING NYAL BAS GDUNGS NA, CHOS KYI CHO GA BDE BLAG TU BGYI BA RDO MI THOGS LA, SPRE'U CHEN PO 'DI YANG DKA' THUB KYI NAGS NA MCHIS PA BDAG GIS MTHONG NAS, DE LA BDAG GIS BSAMS PA, BDAG GIS CHOS SPYOD PA'I YO BYAD SPRE'U 'DI'I PAGS PA RNYED DO SNYAM MO, ,'DI LA 'DUG GAM NYAL NA CHOS KYANG 'GRUB NUS LA, RGYAL PO'I MAL STAN BZANG PO LAM CHAGS PAR YANG RANG GI CHOS KYI CHO GA BSGRUB TU RUNG NGO SNYAM NAS, BDAG GIS DE'I PAGS PA BCANG STE DE YANG MA MCHIS PAR BGYIS SO, ,DE SKAD ZER BA THOS NAS, RGYAL PO DES DUL ZHING DES PA'I TSUL BZUNG STE, BYANG CHUB SEMS DPA' LA CI YANG SLAR MA SMRAS SO, ,DE NGO TSA BAR GYUR NAS CUNG ZHIG MA GO SMAD DE 'DUG GO, ,DE NAS BLON PO DE DAG SNGON YANG SEMS DPA' CHEN PO DE LA SEMS MI BZOD CING SMRA BA'I SKABS RNYED BAS 'DZUM DMUL TE MDANGS PHYUNG NAS RGYAL PO LA BLTAS NAS, BYANG CHUB SEMS DPA' DE BSTAN TE SMRAS PA, AE MA HO, ,KHYOD KYI CHOS LA RJES SU DGA' BAS BLO LA LTOS, ,AE MA HO, ,RTZOL PHOD PA'I MTHU CHE ZHING BRTAN KYANG BKA' THUB KYI NAGS NA 'DUG BZHIN DU, GCIG PUS DKA' THUB SPYOD CING LUS NYAM CHUNG YANG, SPRE'U CHEN PO 'DI LTA BU SOD PA NGO MTSAR CHE'O, ,DKA' THUB GRUB PAR GYUR CIG ,DE NAS BYANG CHUB SEMS DPAS MA KHROS PAR SMRAS PA, KHYOD RANG GI LTA BA BZANG PO LA MI LTA BAR 'DI LTAR BDAG SMAD PAR MI RIGS SO, ,'DIS MKHAS PA'I GRAGS PA PHYIN PAR MI 'GYUR RO, ,TSE DANG LDAN PA DAG GZIGS SU GSOL, BDAG GI LTA LA GNOD PA'I TSIG ,GANG GIS GZHAN LA GNOD BYED PA, ,DE NI BDAG LA GNOD PA YIS, ,GZHAN GYIS MI SNYAN SGROGS PAR 'DOD, ,DE LTAR BDAG NYID CHEN PO DES BLON PO DE DAG LA SPYIR SMRAS PA, SO SOR SMRA BAR 'DOD NAS BLON PO RGYU MED PAR SMRA BA DE LA SMRAS PA, 'GRO BA'I NGO BO NYID KYIS DE BZHIN NYID ZER NA, ,GAL TE DE LTAR BDEN NA BDAG LA CI ZHIG SMAD, ,SPRE'U NGO BO NYID KYIS SHI BAR GYUR PA LA, ,BDAG LA CI PHYIR SDIG 'GYUR BSAD DU MA ZAD DAM, ,DE STE DE BSAD BDAG LA SDIG TU GYUR NA NI, , @85B 'O NA 'DI NI RGYU LAS GYUR PAR GRUB PAR 'GYUR, ,DE BAS RGYU MED SMRA BA 'DI NI DOR BAR RIGS, ,'DIR NI DE SKAD SMRA BA KHYOD LA MI RIGS 'GYUR, ,GAL TE PADMA'I SDOD BU SKYES LA SOGS 'DRA NA, ,'O NA RTAG TU RGYU MED PAR YANG CIR MI 'BYUNG, ,CHU LA SOGS DANG SA BON DAG GIS DE BYAS NGES, , DE DAG YOD NA SKYE LA MED NA MI SKYE'O, ,GZHAN YANG TSE DANG LDAN PA DAG RE ZHIG LEGS PAR RTOGS SHIG ,GTAN TSIGS BCAS PA RGYU MED ZER BA NI, ,BDAG NYID KYIS NI KHAS 'CHES SUN PHYUNG NGO, ,DE STE GTAN TSIGS BSTAN PAR MI 'DOD NA, ,KHAS 'CHES TZAM GYIS 'DI LA CI ZHIG PHAN, , GANG ZHIG KHA CIG TU NI RGYU RKYEN MA MTHONG BAS, ,DE NYID KYIS NI THAMS CAD RGYU MED SMRA NA NI, ,DE DAG RGYU DANG BCAS PAR MNGON SUM MTHONG BZHIN DU, ,DE LA SDANG BAS 'GAL BA'I TSIG NGAN SMRA BAR 'GYUR, ,GAL TE GANG NA'ANG RGYU NI YOD PAR MA MTHONG NA, ,DE NI MED CES NGES PAR CI LTAR SMRA BAR 'GYUR, ,NYI MA NUB TSE NYI MA'I DKYIL 'KHOR DRI MED BZHIN, ,YOD BZHIN DU YANG RGYU RKYEN GZHAN GYIS MI SNANG MOD, ,GZHAN YANG KHYED CAG YID DU 'ONG BA'I YUL NI BDE BAR 'DOD PHYIR BRTEN, ,DE DANG 'GAL BA DAG NI BRTEN PAR YONG MI 'DOD, ,DE YI PHYIR YANG RGYAL PO DAG LA BRTEN PAR BYED, ,RGYU YANG YOD PA MA YIN ZHES NI RTAG TU SMRA, ,GAL TE DNGOS RNAMS DE LTAR YIN, ,RGYU YANG YOD PAR MA MTHONG NA, ,RGYU MED MTHONG NA SPRE'U BSAD PA, ,BDAG LA SMAD DU CI ZHIG YOD, ,DE LTAR BDAG NYID CHEN PO DES RGYU MED PAR SMRA BA DE GSAL BA RNAMS KYIS SPOBS PA MED PAR BYAS NAS, DBANG PHYUG RGYUR SMRA BA DE LA BOS TE SMRAS PA, CHOS DANG LDAN PA DAG GIS KYANG, BDAG DE LTAR SMAD PAR MI RIGS SO, ,THAMS CAD KYI RGYU DBANG PHYUG GI BYED PAR KHYED 'DOD NA LTOS SHIG ,GAL TE THAMS CAD DBANG PHYUG BYED NA NI, ,'O NA SPRE'U DE DE NYID KYIS BSAD PAS, ,KHYED NI BDAG LA CI PHYIR SEMS MI DGA', ,GZHAN GYI NYES PA BDAG LA CI PHYIR BSGO, ,DE NA SPRE'U CHEN PO DE SHI BA, ,DE YI SNYING RJE BLTAS TE MA BSAD NA, ,'GRO BA'I RGYU NI DBANG PHYUG YIN ZHES SU, ,KHYED CAG CI PHYIR RGYA CHER SGROGS PAR BYED, ,KYE BZANG PO GZHAN YANG @86A *, ,THAMS CAD DBANG PHYUG GIS BYAS PAR LTA NA, DBANG PHYUG LA NI RE BA YIS, ,CI PHYIR PHYAG LA SOGS PA 'TSAL, ,KHYOD KYI DE NI RANG BYUNG STE, ,GANG GIS BYAS PA DE LAS YIN, ,MCHOD SBYIN KHYOD KYIS GANG BYAS PA, ,DE NI MI BYED MA YIN TE, ,BDAG NYID 'BYOR PA THOB PA'I PHYIR, ,GANG BYED DE NYID BYED PA PO, ,SDIG PA CHEN PO MA LUS PA, ,GAL TE DBANG PHYUG BYED NA NI, ,DE LA GUS PAR BYED PA DAG ,YON TAN CI ZHIG MTHONG NAS BYED, ,SDIG PAS 'JIGS NA DE DAG KUN, ,GAL TE DE NI MI BYED NA, ,THAMS CAD DBANG PHYUG GIS BYAS ZHES, ,DE BAS SMRA BAR MI RIGS SO, ,DE YANG DBANG PHYUG NYID DU GYUR PA NI, ,CHOS SAM GZHAN NAS 'GYUR GRANG NA, ,GAL TE CHOS LAS GYUR NA NI, ,DE YI SNGON ROL DBANG PHYUG MIN, ,GANG DAG GZHAN GYIS BYAS GYUR PA, ,DE NI BRAN DU GYUR PA NYID, ,DBANG PHYUG DE NI CI YI PHYIR; ,RGYU YIS BYAS PAR MA GYUR KYE, ,DE LTAR GYUR KYANG GUS SHING CHAGS, ,RIGS DANG MI RIGS PA DOR NAS, ,GAL TE 'GRO BA MA LUS PA YI RGYUR, ,DBANG PHYUG CHEN PO NYID DU KHYOD 'DOD NA, ,DBANG POS SPRE'U'I RGYAL PO BSAD PA'I SKYON, ,BDAG LA SKUR PA BTAB PA MI RIGS SO, , DE LTAR BDAG NYID CHEN PO DES DBANG PHYUG RGYUR SMRA BA DE LA GTAN TSIGS BZANG PO RNAMS KYIS SHAGS MED PAR BYAS NAS, SNGON GYI LAS KYIS BYAS PA SMRA BA DE LA BOS TE SNGON DU LTAR BCUG NAS SMRAS PA NI, KHYED RNAMS KYANG BDAG LA SMOD PA LEGS PA MA YIN NO, ,'DI DAG THAMS CAD SNGON GYI LAS KYIS BYAS SO ZHES PA RGYAL SKYE BA DE'I PHYIR KHYED LA SMRA'O, ,GAL TE THAMS CAD SNGON GYI LAS KYIS BYAS NA NI, DE BAS SPRE'U 'DI BDAG GIS BSAD PA NYES PA MED, ,SNGON GYI LAS KYIS DGON PA MES TSIG GYUR PA LAS, ,GANG PHYIR BDAG LA SMAD PA'I SDIG PA CI ZHIG YOD, ,DE STE BDAG GIS SPRE'U BSAD SDIG YOD NA, ,BDAG GIS BSAD KYI SNGON GYI LAS MA YIN, ,GAL TE LAS DANG LAS KYI RGYU 'DOD NA, ,DE LTAR YIN NA SU YANG GROL MI 'GYUR, ,SDUG BSNGAL RGYU LA'ANG GAL TE BDE BAR 'GYUR, ,BDE BA BSGRUB LA'ANG SDUG BSNGAL GNAS PAR 'GYUR, ,DA LTAR GYUR NA BDE DANG SDUG BSNGAL @86B DAG ,SNGON GYI LAS KYIS BYAS PA NGES PAR MNGON, ,BDE DANG SDUG BSNGAL DE LTAR GYUR PA'ANG MED, ,DE BAS SNGON GYI LAS KYI RGYU MA YIN, ,GSAR DU BYAS PA'I LAS KYANG MED PAR 'GYUR, ,DE MA GRUB NA SNGA MA'ANG JI LTAR 'GRUB, ,SNGON GYI LAS KYIS KUN BYAS ZHES, ,'ON KYANG DE LTAR SEMS NA NI, ,CI PHYIR LAS NI SPRE'U BSAD PA, ,BDAG GIS BYAS PAR YONGS SU BRTAG ,DE LTAR BDAG NYID CHEN PO DES SLAR BZLOG TU MED PA'I GTAN TSIGS RNAMS KYIS DE LTAR MI SMRA BA'I DGA' THUB BLANGS PA BZHIN DU BYAS, CHAD PAR SMRA BA DE LA 'DZUM DMUL TE SMRAS PA, CHO DANG LDAN PA DAG CI'I PHYIR BDAG DMONG PA LA 'DI LTAR DGA' BAR 'GYUR, GAL TE CHAD PAR LTA BA DE KHO NA NYID YIN PAR SEMS NA, 'JIG RTEN PHA ROL MED NA SUS KYANG CI ZHIG YANG, ,SDIG DANG DGE BA DAG LA'ANG SU ZHIG 'BAD DU YOD, ,MKHAS PA RNAMS KYANG RANG DGAR CI BDER SPYOD PA'I RIGS, ,DE LTAR GYUR NA SPRE'U DE BSAD KYANG NYES PA MED, ,'GRO BAS 'PHYA BA DAG GIS 'JIGS NAS SU, ,SDIG PA SPONG ZHING DGE LA GNAS NAS NI, ,BDAG GI TSIG DANG MI MTHUN SPYOD PA YIS, ,'GRO BAS 'PHYA BA 'DI YANG SHES MI 'GYUR, ,'JIG RTEN TSUL LA GNAS PAR 'GYUR NA NI, ,RANG GI GZHUNG LUGS BDE BA MI THOB STE, ,DE BAS SMRA BAR 'KHRUL BAR DON MED 'GYUR, ,'DI NI BYIS PA'I DUS NA THA MA YIN, ,GANG YANG KHYED KYIS SMRAS PA LA, RNAM PA SNA TSOGS KHA DOG YON TAN LDAN PA'I SHING, ,LAS KYIS BYAS PA MA YIN 'ON KYANG 'BYUNG BAR 'GYUR, ,CHUD GZAN RNAMS KYANG SLAR NI DE BZHIN SKYE MI 'GYUR, ,'JIG RTEN DE DANG 'DRA BRGYU NI GANG ZHIG YIN, ,DE LTAR GYUR KYANG KHYED CAG NI, ,CHAD PAR LTA LA DAG 'GYUR NA, ,SPRE'U 'AM YANG NA MI YANG RUNG, ,GSOD PA SMAD DU CI ZHIG YOD, ,DE LTAR SEMS DPA' CHEN PO DES,, CHAD PAR LTA BA DE LA LAN BTAB PA'I RIM PA LEGS SHING GSAL BAS CANG MI SMRA BAR BYAS NAS, RGYAL RIGS KYI GZHUNG LUGS LA MKHAS PA DE LA BOS TE SMRAS PA, KHYED CAG BDAG LA CI PHYIR SMOD, GAL TE SRID GZUGS PA'I GTZUG LAG LAS 'BYUNG BA'I CHO GA RIGS PAR SEMS NA, SRID @87A *, ,PHYIR DGE 'AM MI DGE'ANG RUNG, ,CI YANG RUNG BA BYAS NAS SU, ,DE NAS BDAG NYID THAR NAS NI, ,NOR KYIS CHOS NI BSGRUB PAR BYA, ,ZHES ZER BA DE'I PHYIR KHYOD LA SMRA'O, ,DGOS PA DAG NI 'BYUNG BAR GYUR PA'I TSE, ,MDZA' DANG GNYEN LA'ANG DGE TSUL MI LTA NA; ,SPRE'U 'DI PAGS PA'I PHYIR NI NGAS BSAD NA, ,GTZUG LAG GZHUNG LUGS KYIS NI SMAD DU MED, ,'ON TE SNYENG RJE MED PHYIR SMAD 'GYUR RAM, ,'DI 'DRI'I LAS DAG 'BRAS BU SDUG BSNGAL MTHONG, ,GZHUNG LUGS SNANG BA BZHIN DU MI BYED PAR, ,GANG GI SGO NAS KHYOD KYIS 'DI LTAR BYED, , GANG NA RIGS PA'I GZHUNG LDAN 'DI 'DRA BA, ,DE NI MA RIG 'KHRUL PA CI 'DRA BA, ,AE MA HO SPYI BRTOL CAN GYIS ZIL MNAN NAS, ,GTZUG LAG LAM GYIS CHOS MIN DAR BAR BYAS, ,KHYED CAG DGA' BA DE NI YONG MA MTHONG, ,GTZUG LAG LAS NI GSAL BAR BSTAN CES GRAGS, ,GZHUNG LAS BYUNG BA'I TSUL GYIS 'GRO BA LA, ,SPRE'U BSAD PAS NI SMAD PA MI RIGS SO, ,DE LTAR 'KHOR GYI NANG NAS RGYAL BAR GYUR PA SPOBS PA CHE BAR GOMS PA'I BLON PO RNAMS KYANG MNGON SUM DU ZIL GYIS MNAN TE, RGYAL PO 'KHOR DANG BCAS PA SEMS RAB TU MGU BAR GYUR PA SHES NAS, DE DAG GIS SPRE'U BSAD PA SNYING LA GCAGS PA MED PAR BYA BA'I PHYIR RGYAL PO LA SMRAS PA, RGYAL PO CHEN PO BDAG GIS SROG DANG BCAS PA'I SPRE'U BKUM PA NI MA LAGS KYI, 'DI NI SPRUL BA LAGS TE, BKA' MCHID KYI GO RIMS 'DI LTA BU GLENG BSLANG BA'I SLAD DU SPRE'U SPRUL PA'I PAGS PA 'DI BDAG GIS 'TSAL TO, ,DE BAS NA BDAG LA GZHAN DU MI DGONGS SU GSOL, ZHES SMRAS NAS, RDZU 'PHRUL MNGON PAR 'DU BYAS PA DE BTANG STE, RGYAL PO 'KHOR DANG BCAS PA SEMS RAB TU MGU BAR GYUR PA SHES NAS SMRAS PA, RGYU LAS GRUB PA MTHONG BZHIN LA, ,RANG DBANG 'JIG RTEN PHA ROL SHES, ,DGE BAR KHAS LEN SNYING RJE CAN, ,SROG CHAGS GSOD PA SU ZHIG BYED, ,RGYAL PO CHEN PO GZIGS SU GSOL, ,RGYU MED SMRA DANG RANG DBANG LTA BA DANG, ,YOD PAR MI LTA RGYAL RIGS GZHUNG LUGS CAN, ,GRAGS PA CUNG ZAD PHYIR NI GZHUNG BYED PA, ,RIGS @87B PAR SMRA DE CI LTAR KHAS BLANG BYA, ,MI YI BDAG PO LTA BA BZANG NGAM NGAN, ,RIS MTHUN LAS NI BSGRUB PA'I RGYU DAG GIS, ,DE DANG DE DAG KHYOD KYIS BRTAGS NA NI, ,TSIG DANG SPYOD PA RNAMS KYIS NGES PAR STON, ,DE BAS LTA BA BZANG PO BRTEN PAR RIGS, ,LTA BA NGAN PAS PHUNG BAR 'GYUR BA YANG, ,SKYE BO NGAN PA RING DU SPANGS NAS NI, ,DAM PA RNAMS LA BRTEN NA 'DI SHES 'GYUR, ,MI SDOM PA YANG SDOM PA'I TSUL 'DZIN PA, ,SA YI STENG NA DGE SLONG SRIN PO RNAMS, ,LTA BA NGAN PAS SKYE BO BYIS PA RNAMS, ,GDUG PA SBRUL BZHIN BRLAG PAR BYED CING RGYU; ,RGYU MED SMRA BA SOGS PA RTZUB POS BSGOS, ,DES NA KHYAD PAR MNGON PA CE SPYANG BZHIN, ,DE BAS MKHAS PAS DE DAG RTEN MI RIGS, ,DE DAG DON NI NUS PA SPYAD PA'I RIGS, ,SKYE BO MI MTHUN PA DAG GRAGS PA CHER GYUR KYANG, ,DGOS PA YOD PAR GYUR KYANG MDZA' BAR MI BYA STE, ,DGUN GYI DUS KYI YUL NGAN 'BYUNG BAS BSGRIBS NA NI, ,MTSAN MO GSAL BYED ZLA BA'I 'OD KYANG MI GSAL 'GYUR, ,SKYE BO YON TAN SPONG BA DE DAG SPANG BA DANG, ,YON TAN STON LA MKHAS PA RNAMS DANG BSTEN PA YIS, ,'BANGS RNAMS SKYON LA MI DGA' YON TAN DGAR 'JUG CING, ,BDAG GI GRAGS PA RAB TU GSAL ZHING RGYAS PAR MDZOD, ,KHYED KYI CHOS SPYAD GYUR NA MI YI 'JIG RTEN PHAL CHER NI, ,LEGS PAR SPYOD LA PHYOGS SHING MTHO RIS LAM LA GNAS PAR 'GYUR, ,KHYOD KYIS BRTZON 'GRUS BSKYED DE 'GRO BA 'DI DAG RJES SU SKYONGS; ,DE BAS 'DUL BA BZANG PO'I LAM DANG LDAN PA'I CHOS LA BRTEN, ,TSUL KHRIMS RNAM PAR SBYONGS LA SBYIN PA'I GRAGS PA SPEL, ,NANG MI BZHIN DU PHYI MI LA YANG BYAMS PAR GYIS, ,SA LA 'KHOD PA CHOS KYIS SKYONG LA BAG MED SPONGS, ,DE LTAR BYAS NA GRAGS PA DANG NI MTHO RIS THOB, ,CHUN PA RNAMS DANG PHYUGS LUG 'TSO BA RNAMS, ,ME TOG 'BRAS BUR LDAN PA'I LJON SHING BZHIN, ,RGYU DPYA 'BUL BA'I 'BANGS RNAMS MA SKYONG NA, ,SMAN RNAMS KUN DANG RGYAL PO 'BRAL BAR 'GYUR, ,TSONG ZONG SNA TSOGS NYO TSONG BGYID PA YI, ,TSONG PA RNAMS @88A *, ,KYANG PHO BRANG 'KHOR GYI MI, ,DE BZHIN SHO GAM GCOD CING DPYA 'BUL BA, ,RGYAL POS MI SKYONG DKOR GYIS BREL BAR 'GYUR, ,SKYON MED G-YUL NGOR RAB TU DPA' BA DANG, ,MTSON CHA DGRA THABS MKHAS PA DE LTA BU, ,RGYAL POS YAL BAR DOR ZHING MA BKUR NA, , DGRA LAS RGYAL BA'I DBU RMOG BTZAN MI 'GYUR, ,DE BZHIN TSUL LDAN MKHAS PA DGE BA DANG, ,YON TAN CHE BAR GRAGS PA DGE BA RNAMS, ,RGYAL POS SMAD CING YAL BAR BOR NA NI, ,MTHO RIS 'GRO BA'I SGO DANG 'GAL BAR 'GYUR, ,'BRAS BU MA SMIN SHING LAS GANG 'THOG PA, ,SA BON CHUD GSAN RO YANG DES MI MYONG, ,DE BZHIN RGYAL PO CHOS MIN SPYOD PA NA, ,YUL YANG PHUNG LA DES KYANG PHAN MI THOGS, ,DE LTAR LJON SHING YON TAN PHUN SUM TSOGS, ,'BRAS BU SMIN PA SHING THOG CHER 'PHEL BA, ,RGYAL POS BSRUNGS PA'I YUL YANG DE BZHIN DU, ,CHOS DANG SRID DANG BDE BA 'BYOR PAR BYED, ,BLON PO MDZANGS LA GLO BA NYE BA DANG, ,GROGS PO SKYON MED BDAG GIS NANG MI RNAMS, ,RIM GRO BYAS PA'I BYA DGA' STZAL BA DANG, ,DGA' BAR SMRA BAS KYANG NI CHAGS PAR MDZOD, ,DE BAS KHYOD KYIS CHOS NI LHUR BLANG STE, ,BDE BA THOB PHYIR 'BANGS RNAMS SEMS PAR MDZOD, ,CHAGS DANG ZHE SDENG MED PA'I NAN TUR GYIS, ,'BANGS RNAMS SKYONGS LA BDAG GIS 'JIG RTEN SRUNGS, ,DE NAS BDAG NYID CHEN PO DES RGYAL PO 'KHOR DANG BCAS PA DE LTA BA LAS GYUR PA'I LAS NGAN PA DE DANG PHRAL NAS YANG DAG PA'I LAM LA BTZUD DE DE NYID NAS NAM MKHA' LA LDING BA DANG, SKYE BO DE DAG GIS THAL MO SBYAR TE GUS PAR PHYAG 'TSAL ZHING MCHOD PA BYAS NAS DGON PA'I GNAS DE NYID DU SLAR SONG NGO, ,DE LTA BAS NA SKYES BU DAM PA RNAMS NI PHAN BTAGS PA LA DRIN DU GZO BA DANG BZOD PA LA GOMS PAS RIM GRO MA BYAS KYANG, SNGON CHAD PHAN 'DOGS PA RNAMS LA SNYING BRTZE BA LHOD PAR MI 'GYUR RO, ,DE BAS NA RIM GRO MA BYAS PA TZAM GYIS SNGON PHAN BTAGS PA BRJED PAR BYA BA MI RIGS SO, ,DE BZHIN DU BCOM LDAN 'DAS DE MNGON PAR RDZOGS PAR SANGS MA RGYAS PA'I TSE NA YANG PHA ROL GYI RGOL BA RNAMS ZIL GYIS MNAN NAS SEMS CAN 'DUL @88B BAR MDZAD DO, ,ZHES SANGS RGYAS KYI YON TAN BSNGAGS PA LA YANG BRJOD PAR BYA'O, ,DE BZHIN DU LTA BA LOG PA LA RJES SU CHAGS PAR BYA BAR MI RUNG BA DANG, SDIG PA'I GZHIR GYUR PA BRTEN DU MI RUNG BA'I PHYIR, LTA BA LOG PA SMAD PA LA YANG SBYAR BAR BYA'O, ,DE LAS BZLOG NAS YANG DAG PAR LTA BA'I YON TAN BSNGAGS PA LA YANG SBYAR BAR BYA'O, ,BYANG CHUB SEMS DPA'I SKYES PA'I RABS TE NYI SHU GSUM PA'O,, ,,SKYES BU DAM PA RNAMS NI GNOD PA BYED PA RNAMS DGE BA'I PHYOGS LAS NYAMS NA JI LTAR SEMS GDUNGS PAR GYUR PA DE TZAM DU BDAG GI SDUG BSNGAL GYIS SEMS GDUNG BAR MI 'GYUR RO, ,DE YANG 'DI LTAR BYANG CHUB SEMS DPA' RE ZHIG CIG ,GANGS RI DPAL DANG LDAN PA'I NGOS 'BYUNG KHUNGS KYI RDZAS RNAM PA SNA TSOGS KYIS BRGYAN PA NAGS STUG PO BZANG POS NI KOO SH'AMB'I'I DAR SNGON PO'I STOD G-YOGS BYAS PA BZHIN, THEL LDING DANG, SHANG SHANG RNAM PA MANG PO KHA DOG DANG DBYIBS RNAMS PA DU MA DAG NI CHED DU BSHAMS PA BZHIN, SHING DRUNG GI GAD PA BANG RIM RNAM PA SNA TSOGS KYIS NI BRGYAN, 'BAB CHU RNAM PA DU MA DAG NI KHA DU MA NAS 'BAB, GCONG RONG DOG MO G-YANG ZA BA DAG NI MANG PO YOD, BUNG BA MANG PO NI SGRA TI RI RI ZER, SHING LJON PA ME TOG 'BRAS BU SNA TSOGS DANG LDAN PA DAG NI SER BU BSIL BA YID DU 'ONG BA LANGS PAS BSIL YAB BYED PA BZHIN RIG SNGAGS 'CHAD RNAMS KYI RTZED MO'I SAR RUNG BA ZHIG NA, SPRE'U CHEN PO GCIG PUR RGYU BA ZHIG TU GYUR TO ZHES GRAGS SO, ,DE DE LTA BU'I GNAS SKABS SU GYUR PA'I TSE YANG, CHOS KYI 'DU SHES NI MA NYAMS LA BYAS PA GZO BA LA 'DZUM PA'I RANG BZHIN CAN RAB TU BRTAN PA DANG LDAN PA DE LA RJES SU CHAGS PA BZHIN DU SNYING RJE MA BTANG NGO, ,NAGS TSAL RI MCHOG RGYA MTSOR BCAS PA'I SA, ,DUS MTHA'I ME DANG CHU DANG RLUNG DAG GIS, ,BRGYA PHRAG DU MAR RNAM PAR ZHIG PAR GYUR, ,BYANG CHUB SEMS DPA'I SNYING RJE YONGS MA NYAMS, ,BDAG NYID CHEN PO DGA' THUB CAN DU NAGS KYI SHING GI LO MA DANG 'BRAS BU TZAM GYIS 'TSO ZHING, TSUL DE DANG DE DAG GIS SPYOD PA'I SPYOD YUL DU BAB PA'I SROG CHAGS RNAMS LA SNYING BRTZE BAR BYED CING, DGON PA'I PHYOGS @89A *, ,DE NA GNAS PAR GYUR TO, ,DE NAS MI ZHIG BA STOR BA TSOL BA'I PHYIR KUN TU RGYU ZHING SONG SONG BA LAS, LAM STOR ZHING PHYOGS SLAD DER 'KHYAMS SHING, SA PHYOGS DER 'ONGS SO, ,DE BKRES PA DANG SKOM PA DANG TSA BA DANG NGAL BAS LUS NI RMYA, YID MI DGA' BA'I SEMS KYIS NI KHONG PA'I NANG GDUNGS, MYA NGAN GYI KHUR LCI BAS NI NON PA BZHIN DU SHING GI DRUNG DU 'DUG PA DANG, SHING TIN DU'I 'BRAS BU SMIN NAS LHAGS PAR KHA DOG SER POR GYUR PA CUNG ZAD CIG MTHONG NGO, ,DES DE DAG MYANGS NAS BKRES PAS NYEN PAS RAB TU ZHIM PAR RTOGS TE, DE GANG LAS BYUNG BA'I SHING BTZAL BA'I PHYIR SPRO BA SKYES NAS KUN TU BLTAS PA DANG, SHING TIN DU CIG GAD PA G-YANG ZA BA'I KHA NA 'DUG PA'I YAL GA 'BRAS BU SMIN PA'I LCID KYIS DRUD CING SER POR GYUR PA ZHIG MTHONG NGO, ,DE'I 'BRAS BU DE 'DOD PA'I PHYIR RI'I GAD PA G-YANG ZA BA DE LA 'DZEG STE, SHING TIN DU'I YAL GA 'BRAS BU CAN G-YANG SA LOGS SU DRUD PA DE LA 'DZEGS PA DANG, 'BRAS BU LEN PA'I PHYIR SHING DE'I RTZE MO LA THUG PAR PHYIN TO, ,DE NAS LJON PA'I SHING GI YAL GA DE, ,LCI BA'I LJID KYIS NON ZHING PHRA BA YIS, ,STA RES CHED DU RTZAD NAS BCAD PA BZHIN, ,SGRA DANG BCAS PAR CHAG NAS LHUNG BAR GYUR, ,DE YANG DE DANG BCAS TE LHUNG BA LAS NI RI'I GCONG RONG KHOR KHOR YUG BRAG GIS BSKOR BA KHRON PA DANG 'DRA BA ZHIG TU LHUNG BA DANG, SHING LO STUG PO DANG, CHU GTING ZAM MO ZHIG KYANG YOD PAS, LUS KYI YAN LAG LA NI CHAG GRUGS SU NI CUNG ZAD KYANG MA GYUR TO, , DE CHU'I NANG NAS LANGS TE KHO RA KHOR YUG TU BSKOR NAS KYANG THAR BAR 'GYUR BA'I LAM MA MTHONG BA DANG DES BSAMS PA, THABS CI YANG MED PAS BDAG NI DE RING DU 'CHI 'O SNYAM NAS, GSON DU RE BA NI MED MYA NGAN GYIS GDUNGS PA'I MCHI MAS NI GDONG G-YOGS, YID RAB TU MI BDE BA'I ZUNG RDUS NI BTZUGS; SEMS SPA GONG NAS SMRE SNGAGS DE DANG DE DAG 'DON PAR GYUR TO, ,NAGS KHUNG DGON PA BGROD DKA' BA, ,SKYE BO 'DRUL BA YONG MED PA, ,'DI LTA BUR NI BDAG LHUNG STE, ,GANG DU BRTAGS KYANG 'CHI LAS MED, ,GNYEN BA SHES KUN DANG BRAL NAS GCIG PUR GYUR, ,SHA @89B SBRANG MANG PO SBRANG MA 'DU BA'I SA, ,GCONG RONG ZAB MO KHA YI NANG DU SONG, ,RI DVAGS 'DRA BA SU ZHIG BDAG LA 'BYIN, ,SKYED MOS TSAL DANG NAGS TSAL LDING KHANG SNA TSOGS MTSO, ,NOR BU RIN CHEN DKAR BKRA SPRIN MDZES 'GRO BA DAG ,NAG PO'I PHYOGS KYI MUN NAG 'DRA BA'I GSHIN RJE YIS, , KYI HUD BDAG LA DE DAG SNANG BA MED PAR BYED, ,DE LTAR MI DES SMRE SNGAGS DE DANG DE DAG 'DON ZHING CHU DER BDAG DANG LHAN CIG TU LTUNG BA'I SHING TIN DU'I 'BRAS BU DES 'TSO ZHING RE ZHIG DE NA 'DUG 'DUG PA LAS, DE NAS SPRE'U BDAG NYID CHEN PO DE ZAS TSOL ZHING NAGS DE'I NANG NAS SONG SONG BA DANG, SHING TIN DU'I YAL GA'I RTZE MO RLUNG GIS BSKYOD PAS G-YABS TE BOS PA BZHIN DU DER 'ONGS NAS, DE GAD PA DE'I KHAR 'DZEGS TE BLTAS NAS MI DE LTOGS PAS MIG RTZA NGAN ZHING BZHIN MDANGS NI NYAMS, LUS NI RID LA SKYA BO SING SING POR GYUR TE, DE NAS 'GRE LDOG BYED CING RTZOL BA MTHONG BAS, MI DE PHONGS SHING NYAM THAG PAS SPRE'U CHEN PO DES SNYING BRTZE BAR GYUR TE, ZAS BTZAL BA BTANG NAS MI DE LA YUN RING DU BRTAGS TE, MI'I SKAD DU SMRAS PA, MI YIS THAR SA MA YIN PA'I, ,G-YANG SA 'DI NA 'DUG PA KHYOD, ,CI PHYIR 'DIR 'ONG SU ZHIG YIN, ,DE NI LEGS PAR SMRA PAR RIGS, ,DE NAS SPRE'U CHEN PO DE LA MI DES RAB TU PHYOGS NAS PHYAG 'TSAL ZHING THAL MO SBYAR TE LTA ZHING 'DI SKAD CES SMRAS SO, ,LHA DPAL BDAG NI MI ZHIG LAGS, ,'KHYAMS NAS NAGS NA RGYU BA LAS, ,SHING 'DI'I 'BRAS BU TSOL TSOL NAS, ,'DI LTA BU YI NYAMS NYES BYUNG; ,DE BAS GNYEN BSHES DANG YANG BRAL, ,NYAMS NYES CHEN PO 'BYUNG BA LA, ,SPRE'U TSOGS MANG PO'I MGON PO KHYOD, ,BDAG GI SKYABS KYANG MDZAD DU GSOL, ,DE SKAD CES ZER BA THOS NAS SEMS DPA' CHEN PO DE SNYING RJE CHEN PO SKYES PAR GYUR TO, ,NYAMS NYES GYUR ZHING GNYEN BSHES RNAMS DANG BRAL, ,THAL MO SBYAR NAS DMAN PAS GSOL BA NI, ,DGRA BO RNAMS KYANG SNYING RJE SKYE BAR 'GYUR, ,SNYING RJE CAN RNAMS BRTZE BA G-YO BAR 'GYUR, ,DE NAS BYANG CHUB SEMS DPAS DE LA SNYING RJE BLTAS TE, DE LTA BU'I DUS NA DKON PA'I TSIG 'JAM POS DBUGS PHYUNG BA, @90A *, ,G-YANG SAR LHUNG BAS BDAG LA SKYABS MED CING, ,GNYEN BSHES MED SNYAM MYA NGAN MA BYED CIG ,KHYOD LA GNYEN GYIS BYA BA CI YOD PA, ,THAMS CAD NGAS BYA 'JIGS PAR MA GYUR CIG ,DE LTAR SEMS DPA' CHEN PO DES MI DE DBUGS PHYUNG NAS, DE'I 'OG TU DE LA SHING TIN DU'I 'BRAS BU GZHAN DAG CIG KYANG BYIN TE, DE DBYUNG DU RUNG BA'I THABS SU RDO BA LJID MI'I KHUR TSAD TZAM CIG LA GOMS PAR BYAS SO, ,DE NAS BDAG GI MTHU STOBS NYAMS SAD PA DANG, BDAG GIS MI 'DI DBYUNG NUS SO SNYAM DU NGES PAR BSAMS NAS G-YANG SA DE'I NANG DU ZHUGS TE, SNYING RJES BSKUL NAS MI DE LA SMRAS PA, TSUR SHOG NGA YI RGYAB TU ZHON, ,KHYOD NI STENG DU PHYIN PA DANG, ,RANG GI LUS LAS SNYING PO DAG ,PHYIN GYI BAR DU LEGS PAR 'JUS, ,MKHAS PAS GZHAN LA PHAN PA'I PHYIR, ,SGRUB PAR BYED PA GANG YIN PA, ,SNYING PO MED PA'I LUS LA NI, , DAM PAS SNYING PO BLANG BAR 'DOD, ,DES DE LTAR BGYI'O ZHES MNYAN NAS PHYAG 'TSAL TE DE LA ZHON NO, ,DE NAS MI DES MNGON PAR ZHON PA DES, ,RAB TU LCI BA'I KHUR GYIS NON BZHIN YANG, ,SNYING STOBS CHE BAS BRTAN PA MA NYAMS PAR, ,SDUG BSNGAL CHEN POS DE NI STENG DU PHYIN, ,DE NI PHYIN NAS RAB TU DGA' BAR GYUR, ,NGAL ZHING CHAD PAS GOM PA 'KHYOR ZHING 'DOR, ,CHAR SPRIN SNGON PO 'DRA BA'I RDO LEB LA, ,NGAL NI SOS PAR BYA PHYIR NYAL BAR GYUR, ,DE NAS BYANG CHUB SEMS DPA' RANG BZHIN YONGS SU DAG PA DANG, PHAN BTAGS PA'I PHYIR MI DES NYES PA BYED DU DOGS PA MED DE BAG PAB NAS DE LA SMRAS PA, KUN NAS THAR PA MED PA'I SA PHYOGS 'DIR, ,GCAN GZAN KHRO BO THAGS THOGS MED PAR 'ONG, ,LA LA NGA DANG RANG LA PHAN PA DANG, ,NGAL BA GNYID KYIS LOG PA GSOD KYANG SRID, ,NGA NI NGAL ZHING LUS KYANG RAB TU RMYA, ,DE BAS NGA NI CUNG ZHIG NYAL BAR 'DOD, ,DE PHYIR KHYOD KYIS PHYOGS SU MIG LTOS LA, ,NGA DANG KHYOD BDAG GNYIS KA BSRUNG BAR GYIS, ,DE NAS DUL BA LTAR TSUL 'CHOS PA LA MKHAS PA DES NA RE SLAR YANG BDE BAR SAD PAR GYUR PA'I BAR DU KHYOD CI BDE BAR MNOL CIG DANG, KHYOD BSRUNG BA'I PHYIR BDAG NYID 'DI LTAR MCHIS SO ZHES DE LA BSGOS SO,, @90B DE NAS SEMS DPA' CHEN PO DE NGAL BAR GYUR PA'I MTHUS GNYID KYI DBANG DU GYUR PA DANG, MI DES SEMS NGAN PAR BSAMS PA, RAB TU 'BAD PAS RNYED PA'I RTZA BA DANG, ,NAGS KYI 'BRAS BU CI DGAR RNYED PAS KYANG, ,'DI LTAR YONGS SU RMYA BAR GYUR PA'I LUS, ,'TSO BA TZAM YANG DKA' NA 'DI LTAR BLTAS, ,DGON PA 'DI YANG THAR BAR BYA BA DKA', ,MTHU STOBS MED PAR JI LTAR THAR BAR 'GYUR, ,DGON PA BGROD DKA' 'DI LAS THAR BYAS NA, ,'DI YI SHA 'DIS BDAG NI SOS PAR 'GYUR, ,PHAN PA BYAS KYANG BZAR NI RUNG BA NYID, ,BZA' BA 'DI YI RANG BZHIN DE 'DRA STE, ,PHONGS PAR GYUR NA CHOS 'DI BSGRUB PA YIN, ,DE BAS 'DI NI LAM GYI BRGYAGS SU RUNG, ,JI SRID BAG PHAB BDE BAR GNYID LOG PA, ,DE YI BAR DU BDAG GIS BSAD PAR NUS, ,'DI DANG 'THAB MO SNGON DU SPRAD GYUR NA, ,SENG GE DAG KYANG PHAM DU DGOS PA BSKYED, , DE BAS BDAG GIS 'DI NI BSHOL BAR MI RIGS SO, ,SNYAM NAS NGES PAR BYAS TE, BDAG NYID NGAN PA DE CHAGS PA'I SKYON GYIS BLO NI RMONGS, BYAS PA'I DRIN NI MED, CHOS KYI 'DU SHES NI NYAMS, SNYING RJE DANG DES PA'I NGO BO NYID NI RAB TU SPANGS, NYAM CHUNG YANG MI DGOS PA BYED PA LA RAB TU CHAGS; RDO BA CHEN PO ZHIG BTEG STE, SPRE'U CHEN PO DE'I MGO STENG DU 'PHANG NGO, ,DE NAS DE NI NYAM CHUNG MI BRTAN ZHING, ,DGOS PA RAB TU CHE BAS RINGS PAR DES, ,RDO DES GNYID LAS SANGS PAR BYA BA'I PHYIR, ,'PHANGS PA BZHIN DU SPRE'U DE GNYID SANGS GYUR, ,RDO DE RIL GYIS PHOG PAR MA GYUR NAS, ,DE YI MGO BO PHYE MAR MA GYUR NAS, ,MTHA' MA'I ZUR GYIS DE LA RMA BYUNG NAS, ,RDO LEB STENG DU SER BA BZHIN DU BAB, ,RDO 'PHANGS PAS NI MGO BO MA ZHOM STE, ,BYANG CHUB SEMS DPA' MYUR DU MCHONGS NAS NI, ,BDAG LA SU ZHIG GSOD PA YIN SNYAM BLTAS, ,DE NYID SKYENGS BZHIN CAN DU 'DUG PA MTHONG, ,SKYENGS PAS GZI NYAMS SPOBS PA MED PAR GYUR, ,MI DGA' SPA GONG MDOG KYANG NYAMS PAR GYUR, ,SKRAG PAR GYUR PAS SKANG 'GAG KHA YANG SKAM, ,RDUL GYIS GSHER ZHING LTA YANG YONG MA NUS, ,DE NAS SPRE'U CHEN PO DES BSAMS PA, 'DI NYID KYIS 'DI @91A *, ,LTAR BYAS SO SNYAM DU BLO LA NGES PAR BYAS NAS, BDAG SNAD PA'I SDUG BSNGAL LA MI SEMS PAR, DES BDAG LA PHAN PA LA YANG MI LTA BAR MI BZOD PA'I LAS BYED PA DES YI CHAD CING SNYING RJE SKYES NAS, KHRO BA DANG 'KHRUG PA'I SKYON MED PAR MIG MCHI MAS GANG BZHIN DU MI DE LA, BLTAS TE MYA NGAN BYED CING SMRAS PA, BZANG PO KHYOD NI MIR GYUR KYANG, ,'DI 'DRA BDAG LA KHYOD KYIS BYAS, ,BYA BA CI LTAR BYAS BSAMS NAS, ,JI LTA BUR YANG RTZOM PAR GYUR, ,NGA LA GNOD PA BYED PA NI, ,GZHAN DAG 'ONGS NA'ANG KHYOD NYID KYIS, ,BRTZON 'GRUS RAB TU BSKYED NAS SU, ,MTHU RTZAL CHEN POS BZLOG PAR RIGS, ,BDAG GIS DKA' BA SPYAD DO SNYAM, ,NGA RGYAL SKYES PAR GYUR NAS NYAL, ,HA CANG DKA' BA SPYAD KHYOD KYIS, ,DE YANG RING DU SPANGS PAR GYUR, ,'CHI BDAG KHA YI NANG 'DRA BA, ,'JIG RTEN GZHAN NAS BLANGS PA BZHIN, ,G-YANG SA 'DI NAS NGAS PHYUNG NAS, , KHYOD NI GZHAN DU LHUNG BAR 'GYUR, ,SPYOD PA NGAN PA KHYOD CI RUNG, ,MI SHES SHIN TU MI BZAD PA, ,'GRO BA BDE BAR 'DOD PA RNAMS, ,GANG GIS SDUG BSNGAL RNAMS SU LHUNG, ,BDAG NYID NGAN 'GRO RNAMS SU LHUNG, ,NGA LA'ANG MYA NGAN ME YIS GTOR, ,GRAGS PA'I DPAL NI MED PAR BYAS, , YON TAN DGA' BAS 'GAL BAR 'GYUR, ,NGAN PAR SMRA BA'I GZHIR YANG GYUR, ,YID KYANG BRTAN DU MI RUNG NGO, ,KHYOD KYIS DE LTAR BYAS PA YIS, ,DON NI CI ZHIG GRUB PAR 'GYUR, ,JI LTAR 'DI NYID NGA YI YID LA GNOD GYUR PA, ,DE LTAR NGA LA RMA 'DIS GNOD PAR MI 'GYUR RO, ,KHYOD KYI PHYIR NI NGA YANG SDIG PA CAN DU GYUR, ,GANG PHYIR 'DI NI NGAS KYANG MED PAR BYED MI NUS, ,NAGS KHUNG STUG PO 'JIGS PA MANG PO 'DI NAS KHYOD, ,GRONG 'DAB LAM DU BSKYAL TE PHYIN PAR MA GYUR PA, ,DE YI BAR DU NGA YI DRUNG NAS GNANG BZHIN 'DONG, ,GTAN DU MA RUNGS DOGS PAR GYUR KYANG LEGS PAR BSKYAL; ,KHYOD NI GCIG PUR LUS KYANG NYAM CHUNG LA, ,LAM YANG MI SHES NAGS NA 'KHYAMS NA NI, ,'GA' ZHIG 'ONGS NAS GNOD PA BYED PAR 'GYUR, ,KHYOD LA GNOD NANG YANG DON MED 'GYUR, ,SPRE'U CHEN PO DES MI DE LA YANG DE LTAR BYAS TE 'PHYAS NAS GRONG 'DAB TU PHYIN PAR BYAS TE DE LA @91B LAM YANG BSTAN NAS YANG SMRAS PA, NAGS 'DAB NYAMS DGA' 'DI NAS GRONG 'DAB KHYOD PHYIN GYIS, ,DGON PA 'GRO DKA' 'JIGS PA BOR LA BDE BAR SOD, ,SDIG PA'I LAS KYANG YONGS SU SPANG BAR 'BAD PAR RIGS, ,DE YI RNAM PAR SMIN PA NGES PAR SDUG BSNGAL 'GYUR, , DER SPRE'U CHEN PO DES MI DE LA SNYING BRTZE BAS SLOB MA BZHIN DU RJES SU GDAMS NAS, SLAR NAGS KYI NANG DU SONG NGO, ,DE NAS MI DES DE LTA BU'I SDIG PA'I LAS MI BZAD PA BYAS PAS 'GYOD PA'I MES SEMS GDUNGS NAS, DE MA THAG TU MDZE'I NAD CHEN POS BTAB, GZUGS NI GZHAN DU GYUR; LUS KYI PAGS PA NI KHRA BOR SONG, ,RMA ZHIG PA'I CHU SER GYIS NI LUS GSHER BAR GYUR, LUS KYI DRI NI RAB TU MI ZHIM PA MNAM PAR GYUR TO, ,DE GANG DANG GANG DU SONG BA DE DANG DE DAG TU RAB TU 'JIGS PAR SNANG BAS MI'I GZUGS YIN BAR YID CHES SU MI RUNG BAS, SKAD 'DZER ZHING DMAN PAR SMRA BA MTHONG NAS, MI RNAMS KYIS 'DI NI SDIG PA MNGON SUM DU 'ONGS SO SNYAM NAS, RDO 'PHAN ZHING DBYUG PAS GDENGS TE, SKROD PA'I TSIG RTZUB POS RAB TU SKROD PAR GYUR TO, ,DE NAS RGYAL PO ZHIG RI DVAGS BSHOR DU SONG SONG BA LAS DGON PA ZHIG NA RI DVAGS BZHIN DU 'KHYAMS PA NYAM RAB TU CHUNG ZHING GOS DRI MA CAN GEN PA, PA CHAR GYIS MDOMS DKRIS PA DE LTA NA RAB TU MI SDUG PA ZHIG MTHONG NAS, SDANGS SHING NGO MTSAR DU BZUNG STE DRIS PA, MDZE YIS LUS NI MI SDUG GYUR, ,SHU BAS LUS KYI PAGS PA BKRA, ,SKYA BSED LUS RID RAB TU DMAN, ,SKRA NI RDUL GYIS GANG ZHING SPAGS, ,KHYOD NI SU ZHIG YI DAGS 'DRI'AM, ,SDIG GI GZUGS SAM SRUL PO'AM, ,NAD RNAMS MANG PO'I TSOGS PA'AM, ,NAD KYI NANG NA GANG ZHIG YIN, ,DES DE LA PHYAG BYAS NAS SKAD DMAN PAS SMRAS PA, RGYAL PO CHEN PO BDAG NI MI LAGS TE, MI MA LAGS PA MA LAGS SO, ,RGYAL POS 'O NA CI'I PHYIR 'DI LTAR GYUR CES DRIS PA DANG, DE LA BDAG GIS NYES PAR SPYAD PA RNAMS SMRAS PA, BYAMS LA SNYING RING BYAS PA YIS, ,ME TOG 'DI NI RE ZHIG MYOS, ,DE BAS RAB TU MI BZAD PA'I, ,'BRAS BU GZHAN NI SLAD KYIS MCHIS,, @92A *, ,DE BAS BYAMS PA SNYING RING BA, ,DGRA BO BZHIN DU LTA BAR RIGS, ,RANG BZHIN BYAMS PA'I MDZA' BSHES LA, ,RANG BZHIN BYAMS PAS LTA BAR MDZOD, ,BYAMS PA RNAMS LA SDANG BAR SPYOD PA'I TSUL BZUNG NAS, ,TSE 'DI NYID LA 'DI 'DRA'I GNAS SKABS MYONG BAR 'GYUR, ,CHAGS LA SOGS PA'I SKYON GYIS YID NI RNYOG PA RNAMS, ,BYAMS LA SNYING RING 'GRO BA GZHAN DU 'DI LAS DBAG ,MDZA' BO RNAMS LA SEMS SHING BYAMS PAS GRAGS PA THOB, ,YID BRTAN RIM GRO BYED PA'I BDE BA'ANG DE LAS THOB, ,NGAN GROGS BYED PA'I YON TAN THOB CING YID KYANG DGA', ,DGRA RNAMS KUN GYIS MI TSUGS MTHO RIS THOB PAR 'GYUR, ,BYAMS PA'I PHYOGS LA LEGS NONGS CI MCHIS PA'I, ,MTHU RNAMS GRUB PA RGYAL POS MKHYEN NAS SU, ,SKYE BO DAM PA 'DOD PA'I LAM LA BRTEN, ,LAM DER SONG NAS 'BYOR PA RJES SU 'BRANG, ,DE LTA BAS NA SKYES BU DAM PA RNAMS NI GNOD PA BYED PA RNAMS LA DGE BA'I LAM LAS NYAMS NA, JI LTAR SEMS GDUNG PAR GYUR PA DE TZAM DU BDAG GI SDUG BSNGAL GYIS SEMS GDUNG BAR MI 'GYUR RO, ,ZHES DE BZHIN GSHEGS PA'I BDAG NYID CHE BA LA YANG BRJOD PAR BYA'O, ,RIM GRO BSKYED DE DAM PA'I CHOS MNYAN PA DANG, BZOD PA'I GTAM BYA BA DANG, BYAMS PA LA SNYING NYE BAR BYA BA DANG, SDIG PA'I LAS KYI NYES DMIGS BSTAN PA LA YANG BRJOD PAR BYA'O, ,SPRE'U CHEN POR SKYES PA'I RABS TE NYI SHU BZHI PA'O,, ,,BAM PO DGU PA, SNYING RJE CHEN PO DANG LDAN PA RNAMS NI BDAG LA GSOD PAR BYED PA RNAMS KYANG NYAMS NYES PAR GYUR NA SNYING BRTZE BAR BYED KYI YAL BAR MI DOR RO, ,DE YANG 'DI LTAR BYANG CHUB SEMS DPA' RE ZHIG CIG 'BROG DGON PA MI'I RGYUN LHUNG MED CING SGRA MI GRAG PA, RI DVAGS KYI RIGS MANG PO GNAS PA SHING GI RTZA BA DANG LDUM BU MANG PO RTZVA STUG PO'I NANG DU NUB PA, MGRON PO RNAMS KYI SHING RTA DANG BZHON PA'I RKANG PAS LAM GYI SROL MA BTOD PA, 'BAB CHU 'BAB PA DANG, GROG MKHAR DANG, GAD PA DAG GIS SA GZHI'I PHYOGS MI BDE BA ZHIG NA RI DVAGS SHA RA BHA STOBS RTZAL DANG, MGYOGS PA DANG, SEMS @92B STOBS PHUN SUM TSOGS SHING LUS SRAB PA DANG LDAN PA ZHIG TU GYUR TO ZHES GRAGS SO, ,DE SNYING RJE LA GOMS PA DANG SEMS CAN RNAMS LA GNOD PA MI BYED CING RTZVA DANG LO MA DANG CHU TZAM GYIS 'TSO BA CHOG SHES PA'I YON TAN GYIS DGON PA NA GNAS PA LA DGA' BA'I BLO DANG LDAN PA'I RNAL 'BYOR PA RAB TU DBEN PA LA DGA' BA BZHIN DU 'BROG DGON PA DE NA BRGYAN TE GNAS PAR GYUR TE, ,RI DVAGS LUS LA MI LTAR BRTAN PA'I SEMS, ,DKA' THUB CAN BZHIN 'GRO BA RNAMS LA BRTZE, ,NAGS TSAL DBEN PA DER NI DER GNAS PA, ,RNAL 'BYOR CAN BZHIN RTZVA MCHOG DAG GIS MGU, ,DE NAS RE ZHIG CIG YUL DE LA DBANG BA'I RGYAL PO SHING RTA BZANG PO LA NI ZHON, LAG NA MDA' GZHU THOGS TE, BDAG NYID RI DVAGS LA 'PHONG SKYEN NAM MI SKYEN TSAD PA'I PHYIR CHAGS PA'I DBANG GIS RI DVAGS BSNYEGS PA DANG, RTA RAB TU MGYOGS PAS RTA DANG, GLANG PO CHE DANG, SHING RTA DANG, RKANG THANG GI TSOGS RNAMS RGYANG RING POR LUS BZHIN DU PHYOGS DER 'ONGS PA DANG, RGYANG RING PO NAS SEMS DPA' CHEN PO DE MTHONG NAS BSAD PAR BSAMS TE, MDA' MDE'U RNON PO CAN PHYUNG NAS, BDAG NYID CHEN PO GANG NA 'DUG PA DE'I PHYOGS SU RTA MGYOGS PA DE BRGYUGS PA DANG, DE NAS BYANG CHUB SEMS DPAS RGYAL PO DE RTA MGYOGS PA LA ZHON TE MDA' GZHU THOGS NAS BSNYEGS PA MTHONG BA DANG, SLAR RGOL BAR NUS SU ZIN KYANG GYA TSOM DU RGOL BA SPANG BA'I PHYIR, RAB TU MGYOGS PA'I SHUGS KYIS BRGYUGS TE SONG NGO, ,DE RTA BZANG DES BSNYEGS PA DANG LAM KA NA GROG RONG CHEN PO CIG YOD PA LA BA GLANG GI RJES LA BYA BA BZHIN DU MCHONGS NAS BROS TE SONG NGO, ,DE NAS RTA DE RI DVAGS SHA RA BHA BROS PA'I LAM DE NYID DU MGYOGS PAR BSNYEGS PA DANG, GROG RONG DE LA THUG NAS MCHONGS MA NUS NAS 'THEN NO, ,DE NAS RTA YI THOG NAS RGYAL PO MTSON CHER BCAS PA STE, ,GROG RONG CHEN PO'I NANG DU LHUNG, ,LHA MIN DMAG MI MTSOR LHUNG BZHIN, ,DE YI MIG NI RI DVAGS DE LA YENGS, ,GROG RONG DE YANG MTHONG BAR MA GYUR ZHING, ,MI BRTAN SKYON GYIS RTA YI GONG NAS G-YOS, ,RTA MGYOGS SHUGS KYIS RGYAL PO LHUNG BAR GYUR, ,DE NAS BYANG CHUB SEMS DPAS RTA'I @93A *, ,RMIG PA'I SGRA MI GRAGS PA DANG, CI RGYAL PO DE SLAR LOG GAM SNYAM DU RTOG PA SKYES TE SLAR BLTAS PA DANG, RTA ZHON PA MED PAR GROG RONG KHA NA 'DUG PA MTHONG NGO, ,DES BSAMS PA, RGYAL PO DE GROG RONG GI NANG DU LHUNG GOR MA CHAG GO SNYAM MO, ,'DI NA NGAL BSO RUNG BA'I RTEN NAM, SHING DRUNG GRIB MA STUG PO CAN NAM, AUTPA LA'I 'DAB MA SNGON PO 'DRA BA'I MTSO YANG MED, 'DI LTA BU'I 'BROG DGON PA GCAN GZAN KHRO BO RNAMS RGYU BA NA RTA BZHAG STE NGAL BSO ZHING 'DUG PA'I GNAS KYANG MED, RI DAGS BSHOR DU YANG MED, GAB TU RUNG BA'I RTZVA MTHUG PO YANG CUNG ZAD KYANG MED DE, ,DE BAS NA RGYAL PO DE NI GDON MI ZA BAR GROG RONG 'DI'I NANG DU LHUNG BAR GYUR TO SNYAM MO, ,BDAG NYID CHEN PO DES DE LTAR NGES PAR GYUR NAS, DES BDAG GSOD PA LA 'ONGS PA YIN KYANG, DE LA SNYING RJE CHEN PO SKYES PAR GYUR TO, ,DE NYID RGYAL MTSAN BZANG PO'I RGYAN RNAMS DANG, ,PHUB DANG MTSON CHA MANG POS RNAM PAR MDZES, ,RTA DANG GLANG CHEN SHING RTA RKANG THANG DANG, ,SIL SNYAN SNA TSOGS SGRA SGROGS DPUNG DAG GIS, ,PHYI BZHIN BSKYAL ZHING MDZES PA'I GDUGS KYIS BSKYABS, ,G-YAG RNGA'I BSIL G-YAB G-YOB PAS MDZES PAR BYAS, ,SKYE BO MANG POS LHA YI DBANG PO BZHIN, ,MCHOD PA'I RGYAL SRID BDE BA MYONG GYUR NAS, ,DE RING KHO NAR G-YANG SA CHEN POR LHUNG, ,LHUNG BA'I SHUGS KYIS YAN LAG GRUGS PAR GYUR, ,RGYAL BAR GYUR TAM YANG NA MYA NGAN BYED, ,KYE MA'O MTSAR BYAS NYON MONGS RANG BZHIN GYUR, ,SDUG BSNGAL MA MYONG RAB TU GZHON SHA CAN, ,YA RABS RNAMS LA NYAMS NYES GNOD PA BZHIN, ,MA RABS RNAMS LA RMA RNYING SOS 'DRA BAR, ,SDUG BSNGAL RNAMS KYIS DE LA GNOD MI 'GYUR, ,DE BAS NA 'DI NAS BDAG RANG THAR BAR NI MI NUS TE, SROG GI LHAG MA TZAM CIG LUS SU ZIN KYANG 'DI YAL BAR 'DOR BAR MI RIGS SO SNYAM NAS, BDAG NYID CHEN PO DE SNYING RJES SEMS DRANGS NAS G-YANG SA'I 'GRAM DU PHYIN PA DANG, DE DE NA 'THAB BER NI RDUL GYIS G-YOGS, THOD BCINGS PA NI ZHIG ,G-YANG SAR @93B LHUNG STE SNAD PA'I TSOR BA MYONG BAS NI SEMS LA KHYAB PAR GYUR TE, 'GRE ZHING 'DUG PA MTHONG NGO, ,GROG RONG DE YI NANG NA 'GRE ZHING 'DUG PA YI, ,RGYAL PO MTHONG NAS MIG NI MCHIMS GANG, ,SNYING RJE'I DBANG GIS DGRA YI 'DU SHES BRJED, ,DE YI SDUG BSNGAL THUN MONG NYID DU GYUR; ,SKYE BO DGE BA'I RANG BZHIN STON BYED CING, DA BUGS 'BYIN 'GYUR BA 'JAM ZHING GSAL BA'I TSIG ,ZHE SAR BCAS SHING YID DU 'ONG BA YIS, ,YA RAB SA TSUL BZHIN DE LA 'DI SKAD SMRAS, ,RGYAL PO CHEN PO SNAD PAR MA GYUR TAM, ,G-YANG SA ZAB MO 'DIR NI LHUNG BA YIS; ,LUS LA CHAG GRUGS BYUNG BAR MA GYUR TAM, ,KHYOD KYI NAD RNAMS RGYAS PAR MA GYUR TAM, ,MI YI BDAG PO BDAG NI GZHAN MA LAGS, ,KHYOD KYI YUL NA GNAS PA'I RI DVAGS LAGS, ,KHYOD KYI RTZVA DANG CHU YIS BDAG SKYED BSKYED, ,DE BAS BDAG LA BAG NI PHAB PAR RIGS; ,G-YANG SAR LHUNG BAS MI DGYES MA MDZAD CIG ,KHYOD NI 'DI NAS BDAG GIS DBYUNG BAR NUS, ,BDAG LA THUGS RJES RUNG BAR DGONGS NAS SU, ,'O NA BDAG MCHIS MYUR DU BKA' STZOL MDZOD, ,DE NAS RGYAL PO DES DE SKAD SMRA BA RAB TU NGO MTSAR CHE BAR GYUR PA DES YA MTSAN DU GYUR ZHING SEMS MGU YANG NGO TSA SKYES TE BDEN NAM RDZUN SNYAM NAS BSAMS PA, DGRA LA RGOL BAR NUS BZHIN DU, ,BDAG LA JI LTAR SNYING RJE SKYES, ,BDAG GIS GNOD PAR BYAS PA'ANG SHES, ,SKYON MED 'DI NI SU ZHIG YIN, ,AE MA HO 'JAM ZHING RNO BA YI, ,LAS KYIS BDAG NI BSKUL BAR GYUR, ,BDAG NYID PHYUGS SAM RI DVAGS YIN, ,RI DVAGS GZUGS CAN 'DI NI GZHAN, ,DE BAS NA 'DIS BAG PHAB STE SMRAS PA 'DI BZHIN DU BYA BAR RIGS SO SNYAM NAS DE LA SMRAS PA, 'THAB BER MTHUG PO BGOS PAS NA, ,BDAG GI LUS 'DI CHER MA SNAD, , G-YANG SA NA NI LHUNG BA YIS, ,CUNG ZAD SNAD PA BDAG GIS BZOD, ,KHYOD LTAR DGE BAR SEMS PA LA, ,NONGS PA BGYIS PA'I SDUG BSNGAL TZAM, ,G-YANG SA NA NI LHUNG BA YI, ,SDUG BSNGAL BDAG LA GA LA MCHIS, ,GZUGS KYI RKYEN GYIS RI DVAGS LTAR, ,BDAG GIS KHYOD @94A *, ,NI MTHONG BAR GYUR, ,KHYOD KYI RANG BZHIN MA 'TSAL BA, ,DE NI THUGS LAM BCANGS SHIG ,DE NAS RGYAL PO DE YI TSIG ,DGA' BAR STON PA SMRAS PA DES, ,GROG RONG NAS DBYUNG BAR 'DOD PA SHA RA BHAS RIG NAS, RDO BA MI'I LJID TZAM DU LJIB GCIG LA TSAD DE DBYUNG NUS PAR GOMS PAR BYAS NAS, BDAG GI STOBS KYI NYAMS DROD RIG PA DANG, RGYAL PO DE DBYUNG BAR CHAS TE, GROG RONG DE'I NANG DU ZHUGS NAS DE'I DRUNG DU 'ONGS NAS GUS PAR SMRAS PA, BDAG LA PHAN PAR GYUR PAR GZIGS NAS SU, ,DGYES SHING DANG BA'I ZHAL GYIS MNGON PHYOGS PA; ,DE YI BAR DU BDAG LUS REG PA 'DI, ,DGOS PA'I DBANG GIS RE ZHIG BZOD PAR MDZOD, ,RGYAL PO CHEN PO DE BAS NA BDAG GI RGYAB TU BCIBS LA BDAG LA LEGS PAR 'JUS SHIG CES SMRAS PA DANG, DES KYANG DE BZHIN DU BGYI'O ZHES MNYAN NAS RTA LA ZHON PA BZHIN DU DE LA ZHON NO, , DE NAS RO STOD GYEN DU MNGON BSTOD NAS, ,MI YI BDAG POS LEGS PAR ZHON PA DANG, ,SNYING STOBS CHEN PO DRAG PO'I SHUGS KYIS MCHONGS, ,RTA BABS RGYAN BZHIN STENG DU BYUNG BAR GYUR, ,DE NAS RGYAL PO GROG RONG NAS PHYUNG BA DANG, DGA' BAR GYUR NAS RTA YANG BLANGS TE BYIN, ,RANG GI KHYIM DU 'GRO BA'I LAM BSTAN NAS, ,NAGS TSAL NANG DU 'GRO BAR CHAS PAR GYUR, ,DE NAS RGYAL PO DE BYAS PA DRIN DU GZO BAS, DE'I PHAN BTAGS PA'I DUL ZHING 'JAM PA DES SEMS RAB TU DGA' BAR GYUR NAS, SHA RA BHA LA MGUL NAS 'KHYUD DE SMRAS PA, BDAG GI SROG KYANG RI DVAGS KHYOD MNGA' NA, ,BDAG LA BZLOG PA GZHAN LTA CI ZHIG SMOS, ,DES NA BDAG GI KHYIM 'DI GZIGS PAR RIGS, ,BZHUGS SU GNANG NA DE NA BZHUGS SU GSOL, ,NAGS TSAL RNGON PA GANG ZHIG 'JIGS DANG BCAS, ,GRANG DANG TSA DANG CHAR 'BAB SDUG BSNGAL CAN, ,'DI LTA BUR NI BDAG GIS KHYOD BOR NAS, ,BDAG NI GCIG PUR KHYIM DU 'GRO MI RIGS, ,DE BAS NA 'O SKOL 'GROGS TE BZHUD KYIS TSUR SPYON ZHES SMRAS PA DANG, DE NAS BYANG CHUB SEMS DPA' 'DUL ZHING 'JAM PA'I TSIG GIS MGU BAR BYAS NAS DE LA SLAR SMRAS PA, MI MCHOG YON TAN @94B DGA' BA KHYOD LTA BU, ,NYID LA TSUL 'DI RAB TU RIGS PA LAGS, ,GOMS PAR BYAS PAS SKYE BO DAM PA RNAMS, ,YON TAN MANG PO RANG GI NGANG DU GYUR, ,GAL TE BDAG LA PHAN BTAGS BZHED NA NI, ,BDAG CAG KHYIM NA MI GNAS NAGS NA GOMS, ,DE BAS MI RNAMS BDE BA'ANG GZHAN KHYIM LAGS, ,RI DAGS RIGS DANG MTHUN PA'I BDE PA'ANG GZHAN, ,GAL TE BDAG NI DGA' BAR KHYOD BZHED NA, ,DPA' BO KHYOD KYIS RNGON PA'I PHRIN LAS SPANGS, ,DUD 'GRO'I RANG BZHIN SEMS NI GLAN PA CAN, ,RI DAGS NYON MONGS RNAMS LA SNYING RJE MDZOD, ,BDE LA GNAS DANG SDUG BSNGAL BRAL 'DOD PA, ,SEMS CAN THAMS CAD MTSUNGS PAR THUGS LA DGONGS, ,DE BAS BDAG NYID MI 'DOD GANG YIN PA, ,DE DAG GZHAN LA BGYI BAR MI RIGS SO, ,GRAGS PA MED CING DAM PAS SMAD PAR 'GYUR, ,SDUG BSNGAL SDIG LAS BYUNG BAR RIG NAS NI, ,DGRA BO'I PHYOGS BZHIN SDIG PA SPONG BAR MDZOD, ,DE NI RANG BZHIN YAL BAR DOR MI RIGS, ,GANG LA BRTEN NAS DPAL GYI GNAS GYUR PA, ,'JIG RTEN BSNGAGS PA'I RGYAL SRID THOB 'GYUR BA'I, ,BSOD NAMS DE NYID RNAM PAR 'PHEL BAR MDZOD, ,PHAN 'DOGS PHYOGS NI SPONG BAR YONG MI RIGS, ,DUS SU RIM GRO BYAS PA'I SBYIN PA RGYA CHEN DANG, ,SKYE BO DGE DANG MTHUN PA'I TSUL KHRIMS BRTAN PA DANG, ,BDAG DANG GZHAN LA PHAN PA BSGRUB PA'I BLOS, ,BDE BA BSGRUB DANG GRAGS DANG BSOD NAMS SOGS, ,DE LTAR BDAG NYID CHEN PO DES RGYAL PO DE LA TSE 'DI DANG TSE PHYI MA'I DON DU BYA BA LA PHAN NI BTAGS, RGYAL PO DES KYANG DGOS PA'I TSIG MNYAN TE RAB TU GUS PAS LTA BZHIN DU NAGS TSAL DE NYID KYI NANG DU BZHUD DE SONG NGO, ,DE LTA BAS NA SNYING RJE CHEN PO RNAMS NI BDAG LA GNOD PAR BYED PA RNAMS KYANG NYAMS NYES PAR GYUR NA SNYING BRTZE BAR BYED KYI YAL BAR MI DOR RO, ,DE BZHIN DU SNYING RJE CHEN PO'I YON TAN BSNGAGS PA LA YANG BRJOD PAR BYA'O, ,DE BZHIN GSHEGS PA'I YON TAN BSNGAGS PA DANG, RIM GRO BSKYED DE DAM PA'I CHOS MNYAN PA DANG, 'KHON MED PAR BYAS NA DGRA ZHI BAR 'GYUR BA'I DPE DANG, @95A *, ,BZOD PA'I GTAM BYA BA LA YANG SBYAR BAR BYA STE, DUD 'GROR GYUR PA RNAMS KYANG 'DI LTAR BDAG GSOD PA LA SNYING RJE BYED PA YOD NA, MIR GYUR PA'AM RAB TU BYUNG BAR KHAS 'CHES PA LA SEMS CAN RNAMS LA SNYING RJE MED NA LTAG LA RUNG ZHES SROG CHAGS RNAMS LA SNYING RJE DANG LDAN PAR BYA ZHES KYANG BRJOD PAR BYA'O, ,RI DVAGS SHA RA BHAR SKYES PA'I RABS TE NYI SHU LNGA PA'O,, ,,DGE BA RNAMS NI GZHAN SDUG BSNGAL BA NYID KYIS BDAG SDUG BSNGAL TE DE MI BZOD KYI BDAG GI SDUG BSNGAL BZOD PA NI MA YIN NO, ,DE YANG 'DI LTAR BYANG CHUB SEMS DPA' RE ZHIG CIG DGON PA'I NAGS TSAL CHEN PO'I SHING S'A LA DANG, BA KU LA DANG, PI YA LA DANG, HI NA TA LA DANG, MU LE GRUM SHING DANG, TA MA LA DANG, NAG TA LA DANG, BI DU LA DANG, NI TZU LA MANG PO DANG, SHING SHA PA DANG, AA TI NI SHA DANG, SHA MI DANG, PA LA SHA DANG, RTZVA KA SHA DANG, KU SHA DANG, 'OD MA DANG, SMYUG MA'I NAGS TSAL STUG PO CAN DANG, SHING KA DAM PA DANG, SARDZA DANG, AARDZU NA DANG, DHA BA DANG, SENG LDENG DANG, KU tA DZA STUG PO YOD PA, SHING LJON PA LDUM BU MANG PO 'KHRI SHING SNA TSOGS KYIS DKRIS PA, RI DVAGS RU RU DANG, PRi shA TA DANG, SRI MA RA DANG, G-YAG RGOD DANG, GLANG PO CHE DANG, BA MAN DANG, MA HE DANG, DGO BA DANG, NYA KU DANG, PHAG RGOD DANG, STAG DANG, GZIG DANG, SENG GE DANG, SPYANG KI DANG, DOM DANG, DRED LA SOGS PA MANG PO RGYU BA, MI'I RGYUN LUGS MED PA'I SA PHYOGS CIG NA, RI DVAGS RU RU GSER BTZO MA'I KHA DOG GSAL BA 'DRA BA, SPU RAB TU 'JAM PA, LUS KYI MDOG RIN PO CHE AAN DA RNYIL DANG, MAR GAD DANG, BEE d'URYA'I KHA DOG 'DRA BA'I TSON SNA TSOGS KYI THIG LES BRGYAN PA, MIG GI DKYUS NI RING ZHING BKRAG BZANG BA, RVA DANG RMIG PA RIN PO CHE LTAR 'JAM ZHING 'OD DANG LDAN PA, GZUGS BLTA NA RAB TU SDUG PA, RIN PO CHE'I 'BYUNG GNAS 'GRO SHES PA 'DRA BA CIG TU GYUR TO ZHES GRAGS SO, ,DE YANG RANG GI LUS CHAGS SU RUNG BA DANG SKYE BO RNAMS SNYING RJE CHUNG BAR SHES NAS, NAGS TSAL @95B STUG PO SKYE BO MED PA DAG NA NYAMS DGA' BAR 'DUG GO, ,DE SEMS RNO BAS PHYOGS GANG DANG GANG NA RNGON PA RNAMS RGYU BA DANG, 'KHRUL 'KHOR DANG, GTOR DANG, RGYA MO DANG, RNYI BCUGS PA DANG, RNYONG DANG, SHING GI WA DANG 'DZOL RNAMS LEGS PAR SPANGS NAS RI DVAGS MANG PO RJES SU 'BRANG BA RNAMS LA YANG SLOB DPON DANG PHA MA BZHIN DU SLOB PA DANG, RI DVAGS RNAMS KYI BDAG PO BYED CING 'DUG GO, ,GZUGS DANG SHES PA PHUN SUM TSOGS, ,BYA BA RNAMS LA MKHAS PAS BRGYAN, ,BDAG LA PHAN 'DOD SKYE BO LA, ,MCHOD PA MI BYED SU ZHIG YOD; ,DE NAS RE ZHIG CIG BDAG NYID CHEN PO DE NAGS TSAL STUG PO DE NA GNAS BCAS SHING 'DUG 'DUG PA LAS, DE DANG NYE BA CIG NA 'BAB PA'I CHU GSAR DU BAB PAS GANG BA RAB TU SHUGS DRAG POS MI ZHIG KHYER NAS DU ZHING 'BOD PA'I SGRA THOS PAR GYUR TO, ,CHU CHEN 'BRUB PA RAB TU DRAG PO YIS, ,KHYER NAS MGON MED GZINGS KYANG YOD MA YIN, ,BDAG LTAR PHONGS SHING NYAM THAG BSGRAL BA'I PHYIR, ,SDUG BSNGAL BYAMS PAS MYUR DU BRGYUGS TE BZUNG, ,DA NI SHOL DU RUNG BA MA YIN TE, ,NGAL ZHING DUB PAS DPUNG PA'ANG 'GYUR MI NUS, ,ZUG CING 'BOG TU RUNG BA'ANG CUNG ZAD MED, ,DE BAS BRGYUGS TE 'ONG BA'I DUS LA BAB, ,DE NAS BYANG CHUB SEMS DPA' DES SNYING RJE RJE SKAD DU DU ZHING 'BOD PA'I SGRA DES SNYING LA BRDEG PA BZHIN DU GYUR NAS, MA 'JIGS MA 'JIGS ZHES ZER BA'I TSIG 'JIGS PA DANG, MI DGA' BA DANG, NGAL BA DUB PA MED PAR BYED PA LO BRGYA GOMS PAR BYAS PA GSAL BAR GSANG BSTOD DE SNYING RJES GDUNGS NAS MI'I SKAD DU PHYUNG STE, ,NAGS TSAL STUG PO DE NAS BYUNG BA DANG THAG RING PO NAS MI GDE CHUS KHYER BA YID DU 'ONG BA'I SKYES BSKUR TE BTANG BA BZHIN DU 'ONG BA MTHONG NGO, ,DE NAS DE BSGRAL PHYIR NI NGAS BYAS PAS, ,BDAG SROG YAL BAR BOR YANG MI SEMS PAR, ,DE NI 'BAB CHU DRAG PO'I 'JING DER BZHUGS, ,DGRA YI DPUNG RNAMS 'JOMS PA'I DPA' BO BZHIN, ,DE NAS LUS KYIS DE YI LAM BKAG NAS, ,NGA LA 'JUS ZHES DE LA TSIG TU SMRAS, ,SKRAG @96A *, ,PAS NYAN LA NGAL BAS YAN LAG 'KHUMS, ,DE NI DE YI RGYAB TU ZHON PAR GYUR, ,MI DE'I LJID KYIS RAB TU NON GYUR ZHING, ,'BAB CHU DRAG PO'I SHUGS KYIS BDAS GYUR KYANG, ,DPA' SNYING BRTAN LA RTZOL BA DRAG PO YIS, ,YID DU 'ONG BA'I 'GRAM DU MA NYAMS PHYIN, ,DE NAS MI DE 'GRAM DU PHYIN PAR BYAS NAS SU, ,RAB TU DGA' BAS NGAL BA'I SDUG BSNGAL MED PAR GYUR, ,BDAG GI DROD KYIS DE YI GRANG BA MED PAR BYAS, ,LAM YANG BSTAN NAS DE LA SONG ZHES SMRAS PAS BTANG, ,DE NAS MI DE DES GROGS BYAS SHING PHAN BTAGS PA DE LTA BU NYE DU DANG GROGS PO MDZA' BA SU LA YANG MED PAR RAB TU NGO MTSAR CHE BA DES SEMS NI RAB TU MGU BAR GYUR, DE'I GZUGS BZANG PO DES KYANG YA MTSAN DANG ZHES BSKYED NAS PHYAG 'TSAL TE, DE LA TSIG SNYAN PA DE DANG DE DAG SMRAS PA, KHYOD KYIS BDAG LA BGYIS PA NI, ,GNYEN BSHES BYIS PA TSUN CHAD NAS, ,BYAMS PAR GYUR PA BDAG GIS KYANG, ,'DI LTA BU DAG BYAR MI NUS, ,BDAG GI SROG 'DI KHYOD KYI LAGS, ,KHYOD KYI DON DU CUNG ZAD TZAM, ,DGOS PA CIG TU SPYAD NAS SU, ,BDAG LA RAB TU BKA' DRIN CHE, ,DE BAS CI BGYI BKA' STZAL BAS, ,BDAG LA RJES SU BZUNG BAR RIGS, ,KHYOD LA GANG DU CI 'TSAL BA, ,DE NI BDAG NYID BSKYED DU GSOL, ,DE NAS BYANG CHUB SEMS DPAS DE LA GUS PAR SMRAS PA, SKYE BO DAM PA DRIN GZO RMAD MI CHE, ,DE YI CHOS NYID RANG BZHIN GRUB PA YIN, ,'GRO BA RNAMS NI 'GYUR BA MANG DU MTHONG, ,BYAS PA DRIN DU GZO BA DENG SONG YON TAN CHE, ,DE BAS NA KHYOD LA GDAMS PA NI PHAN BTAGS PA RJES SU DRAN PAR BYA BA NA, SEMS CAN 'DI LTA BU ZHIG GIS BDAG CHU'I NANG NAS PHYUNG NGO ZHES KHYOD SU LA YANG MA ZER CIG ,NGA'I LUS 'DI YANG SHA BZAR RUNG BAS RAB TU CHAGS PAR GYUR PA CIG YIN LA, MI RNAMS KYI SNYING YANG 'DOD PA CHE LA BAG MED PA MANG STE, DE BAS NA BDAG GI YON TAN DANG, NGA YANG LEGS PAR BSRUNG BAR RIGS, ,MDZA' BO DAG LA SNYING RING BA, ,GANG NA'ANG BDE BA YOD MA YIN, ,NGED CAG NI RI DVAGS @96B YIN LA MI NI G-YO SGYU DANG PHYI BZHAG LA GOMS PA'I PHYIR, NGAS DE SKAD SMRAS PA LA 'KHON DU 'DZIN PA'AM, SNYING MI DGA' BAR MA SEMS SHIG ,GZHAN YANG, LOG PA'I CHOS LA MKHAS PA YIS, ,DE LTA'I G-YO DAG BYAS PA'I PHYIR, ,RANG BZHIN GYIS NI DUL BA YI,, SKYE BO RNAMS KYANG DOGS PA SKYE, ,DE SKAD CES SMRAS PA DANG, KHYOD LA PHAN PAR 'DOD PA'I PHYIR RO, ,DES KYANG DE BZHIN BGYI'O ZHES MNYAN NAS PHYAG 'TSAL TE, SEMS DPA' CHEN PO DE LA BSKOR BA BYAS NAS RANG GI KHYIM DU SONG NGO, ,DE'I TSE YUL DE'I RGYAL PO ZHIG GI BTZUN MO RMI LAM RNO BA ZHIG YOD DE, DE YANG RMI LAM NGO MTSAR CHE BA GANG DANG GANG MTHONG BA DE DANG DE DAG DE BZHIN DU 'GYUR RO, ,DE RE ZHIG CIG GNYID KYIS LOG PA LAS THO RANGS KYI RMI LAM DU, RI DVAGS RU RU ZHIG RIN PO CHE THAMS CAD BRTZEGS PA'I TSOGS BZHIN DU, DPAL RAB TU 'BAR BA SENG GE'I KHRI STENG NA 'DUG CING, RGYAL PO DANG BCAS PA'I 'KHOR GYIS YONGS SU BSKOR TE TSIG GSAL ZHING SDEB LEGS PAS CHOS 'CHAD PA MTHONG NGO, ,DE NAS SEMS DE LAS NGO MTSAR CHER BZUNG BA LAS, RGYAL PO BZHENGS SU GSOL BA'I RNGA SGRA THOS TE SAD PA DANG SPOBS SHING GNANG BA'I SKABS SHIG TU RGYAL PO DE'I SPYAN SNGAR SONG NGO, ,NGO MTSAR CHE BAS MIG BGRAD DPAL LDAN DE'I, ,DGA' BAS MKHUR TSOS MDZES PAR G-YO BZHIN DU, ,RMI LAM NGO MTSAR MTHONG BA BZLAS PA DES, ,SKYES 'BUL BZHIN DU MI YI BDAG PO'I LTAS, ,RMI LAM BZANG PO RGYAL PO LA GSOL NAS, ,ZHES BSKYED DE SLAR SMRAS PA, LHA GCIG DE BAS RI DVAGS BZANG PO DE, ,RNYED PA'I SLAD DU NAN TAN BSKYED DU GSOL, ,RI DVAGS RIN CHEN DE YIS PHO BRANG NANG, ,MKHA' LA SKAR MA BZHIN DU MDZES PAR MDZOD, ,DE NAS RGYAL PO DES BTZUN MO DE'I RMI LAM RNO BA YIN PAS, DE'I TSIG MNYAN TE DE DGA' BAR BYA BA DANG, RI DVAGS RIN PO CHE RNYED PAR 'DOD PAS, RI DVAGS DE BTZAL BA'I PHYIR RNGON PA THAMS CAD LA BSGOS TE, NYIN RE ZHING YANG PHO BRANG DAM PA'I 'KHOR DU 'DI SKAD SGROGS SU BCUG GO, ,RI DVAGS @97A *, ,GSER GYI MDOG CAN RIN CHEN SNA TSOGS KYIS, ,LUS BRGYAN GRAGS PA THOS SAM GANG GIS MTHONG YANG RUNG, ,DE NI RAB TU STON PA RGYAL POS YUL GRU MCHOG ,BZHI BCU TZAM DANG BUD MED RAB TU SDUG PA SBYIN, ,DE NAS MI DES SKAD DU BSGRAGS PA YANG DANG YANG DU THOS NAS, DBUL BA'I SDUG BSNGAL BSAMS NAS SEMS NI YONGS SU SKYO, RI DVAGS RU RUS PHAN PA CHER BYAS PA YANG DRAN, BRKAM PA DANG NI PHAN BTAGS DE NI DRAN PAS NA, ,SNYING NI BAR MA DOR GYUR DE DANG DE DAG SEMS, ,JI LTAR BYA KYE YON TAN LA LTA'AM YANG NA NOR 'BYOR PA LA LTA, ,PHAN BTAGS PA DE RJES SU BSKYANG NGAM 'ON TE KHYIM GYI SO NAM BSKYANG, ,'JIG RTEN PHA ROL GYI SRID BYA'AM 'ON TE 'JIG RTEN 'DI'I SRID BYA, ,DAM PA'I TSUL BZUNG NGAM 'ON TE 'DOD CHEN GYI TSUL BZUNG, ,DPAL CHEN NYAMS SU MYONG BAR BYA'AM 'ON TE DBEN PA RNAMS LA DGA' BA'I NGO TSA LTA, ,DA LTA 'PHRAL GYI DON CHED CHER LTA'AM 'ON TE YUN RINGS KYI DON CHED CHER LTA, ,SKYE BO DAM PA'I PHYOGS SU BZUNG NGAM 'ON TE SKYE BO NGAN PA'I PHYOGS SU BZUNG SNYAM PA LAS, ,DE NAS 'DOD CHEN GYI G-YEN SPYO BA'I BLO CAN DES 'DI SNYAM DU BSAMS SO, ,NOR MANG PO RNYED DE PHUN SUM TSOGS PAR GYUR NA, MDZA' BSHES DANG NANG MI DANG MGRON DANG PHONGS PA RNAMS KYANG MGU BAR BYED CING, BDE BA NYAMS SU MYONG BAR BYAS NAS, 'JIG RTEN PHA ROL GYI DON BSGRUB KYANG NUS SO SNYAM DU NGES PAR BSAMS NAS, RI DAGS RU RUS PHAN PA CHEN PO BYAS PA DE NI BRJED DE, RGYAL PO'I DRUNG DU SONG NAS SMRAS PA, LHA RI DVAGS KYI MCHOG DE GANG NA GNAS PA BDAG GIS 'TSAL TE SU LA STON PAR BGYI BKA' STZAL DU GSOL, RGYAL PO DES DE SKAD ZER BA THOS PA DANG, YID RAB TU DGA' BAR GYUR TO, ,BZANG PO NGA NYID LA DE STON CIG CES SMRAS NAS, RI DVAGS BSHOR DU 'GRO BA'I CHA LUGS SU CHAS TE, DMAG GI TSOGS CHEN POS YONGS SU BSKOR NAS PHO BRANG DAM PA'I NANG NAS BYUNG STE, MI DES LAM DRANGS NAS 'BAB CHU DE'I DOGS SU SONG NGO, ,NAGS TSAL STUG PO DE YANG DMAG GI DPUNG THAMS CAD KYIS @97B YONGS SU BSKOR TE, LAG NA MDA' GZHU NI THOGS YID CHES PA'I MI RNAMS KYIS BSKOR NAS, RGYAL PO MI DE NYID KYIS LAM DRANGS NAS NAGS TSAL STUG PO DE NYID DU ZHUGS SO, ,DE NAS MI DES RI DVAGS RU RU DE BAG PHAB CING 'DUG BA MTHONG NAS, RGYAL PO LA BSTAN PA, LHA RI DVAGS KYI MCHOG DE NI 'DI LAGS TE, DE BAS NA NAN TAN CHE BAR MDZAD DU GSOL ZHES SMRAS SO, ,RI DVAGS LEGS PAR BSTAN PA'I PHYIR, ,DE YI LAG PA BSGRENGS PA DANG, ,RAL GRI RNON POS BCAD PA BZHIN, ,LAG PA'I MKHRIG MA CHAD DE LHUNG, ,DNGOS PO DE LTA BU LA BRTEN PA DANG, , BYA BA'I KHYAD PAR DAG GIS BTANG NAS NI, ,GNYEN PO CHUNG NA RAB TU RGYAS GYUR NAS, ,LAS RNAMS 'BRAS BU 'PHRAL DU SMIN PAR 'GYUR, ,DE NAS RGYAL PO DE MI DES BSTAN PA'I LAM PHYOGS SU RI DVAGS LTA 'DOD PA'I PHYIR MIG GIS BLTAS PA DANG, CHAR SPRIN 'DRA BA'I NAGS TSAL SNGON PO NA, ,RIN CHEN GTER 'DRA LUS KYI DPAL GYIS 'BAR, ,RI DVAGS RU RU YON TAN MCHOG DE MTHONG, ,SPRIN GYI NANG NA GLOG 'GYUR ME 'BAR BZHIN, ,DE NAS DE'I GZUGS BZANG POS YID 'PHROG NAS, RGYAL POS DE NI BZUNG BAR 'DOD PA YIS, ,GZHU BDUNGS MDA' NI LTONG DU BCUG NAS SU, ,DE LA 'PHEN BA'I PHYIR NI GZHU BKANG NGO, ,DE NAS BYANG CHUB SEMS DPAS BSAMS PA, KHO RA KHO RA YUG NA MI MANG PO KU CO 'DON PA GRAGS PA DANG SBYAR NA, BDAG NI KUN NAS BSKOR ZIN GOR MA CHAG GO SNYAM NAS, RGYAL POS BDAG LA MDA' 'PHEN PAR CHAS BSHES TE, DA NI BROS KYANG MI PHAN NO SNYAM NAS, MI'I SKAD DU PHYUNG STE TSIG 'BRU GSAL BAS RGYAL PO LA SMRAS PA, RGYAL PO CHEN PO RE ZHIG DGONGS, ,MI MCHOG BDAG LA MDA' 'PHEN PAR, ,RE ZHIG NGO MTSAR CHEN PO YI, ,THE TSOM 'DI NI BSAL DU GSOL, ,NAGS TSAL STUG PO 'DI LTA BU, ,SKYE BO RGYUN LUGS MED PA NA, ,RI DVAGS 'DI 'DRA GNAS SO ZHES, ,KHYOD LA SU YIS BKA' MCHID GSOL, ,DE NAS RGYAL PO DE RI DVAGS MI SKAD DU SMRAS PA RAB TU NGO MTSAR CHE BA DES SEMS RAB TU DUL BAR GYUR NAS, DE LA 'DI LTA BU'I NGO MTSAR @98A *, ,CHEN PO BDAG LA STON PA NI 'DI LAGS SO, ,ZHES MI DE LA MDA'I RTZE MOS BSTAN TO, ,DE NAS BYANG CHUB SEMS DPAS MI DE NGO SHES NAS SMAD PA'I PHYIR SMRAS PA, KYI HUD DA KYE KHYED LTA BU'I NGAN PA, ,KHROL MED MI DAG PHYUNG BA BAS, ,CHU YI SHUGS KYIS KHYER BA YI, ,SHING DAG PHYUNG YANG SLA'O ZHES, ,GTAM DU GRAGS PA DE RE BDEN, ,DE LTAR 'BAD PA DE YI LAN, ,'DI LTA BU YIS PHAN GDAGS SAM, ,BDAG LA'ANG PHAN PA MA MTHONG NA, ,TSUL MIN MTHONG BAR GAL 'GYUR, ,DE NAS RGYAL PO DES 'DI LTAR SU LA YOD SNYAM NAS NGO MTSAR CHER GYUR TE, MI DGA' BZHIN DU RI DVAGS RU RU DE LA SMRAS PA, MING GIS MA PHYES DON ZAB PA, ,SPYI LA RNAM PAR SMAD PA 'DI, ,BDAG GIS THOS PAR GYUR NAS SU, ,BDAG GI YID KYANG 'DRA BAR 'DRA, ,DE BAS RI DVAGS DAM PA KHYOD, , SU LA BRTZAMS TE BKYON PA GSUNGS, ,MI'AM 'ON TE MI MA YIN, ,BYA 'AM 'ON TE RI DVAGS LAGS, ,BYANG CHUB SEMS DPAS SMRAS PA, RGYAL PO CHEN PO GZHAN LA 'DI NI SMAD MA LAGS, ,LAS 'DI SMAD PAR 'OS PA'I PHYIR SMRA'O, ,'DI 'DRA PHYIN CHAD BYA BAR MI RIGS SNYAM; ,BDAG GIS BSAMS NAS DE PHYIR DE SKAD SMRAS, ,SMAD PA'I RMAL SU ZHIG RTZUB POR SMRA, ,SDUG PA'I BU LA PHAN PAR 'DOD PA'I PHYIR, ,NAD KYI DBANG GIS SMAN DPYAD BYED PA'ANG YOD, ,'BAB CHU DRAG POS KHYER TE SONG BA LAS, ,SNYING RJE'I DBANG GIS BDAG GIS PHYUNG BA LAS; ,DE BAS BDAG LA 'JIGS PA 'DI 'DRA BYUNG, ,MA RABS BSTEN DU RUNG BAR GA LA 'GYUR, ,DE NAS RGYAL PO DES MI DE LA SDANG MIG BLTAS TE 'PHYA BA'I TSIG SMRAS PA, KVA YE KHYOD DE LTAR NYAMS NYES PA LAS RI DVAGS 'DIS PHYUNG BA BDEN NAM, DE NAS MI DE 'JIGS SHING SKRAG LA BZHIN GYI MDOG NYAMS SHING NGO TSA BAS GCOM BSKYUNGS TE MAD DO ZHES SMRAS SO, ,DE NAS RGYAL PO DES KHYOD LTA BU'I NGAN PA MED DO, ,ZHES PHYAS NAS MDA' 'DREN DU BCUG STE SMRAS PA, KVA YE KHYOD SDOD CIG ,DE LTAR 'BAD DE PHAN PA CHAR BYAS KYANG, ,BDAG GI SEMS NI DUL BAR MA GYUR @98B LA; ,TSOGS PA'I NANG NA GTAM NGAN RGYAL MTSAN THOGS, ,MI NGAN DE 'DRA GSON TE CI ZHIG RUNG, ,DE SKAD CES SMRAS NAS, MDA' LTONG DU BCUG STE GSAD PA'I PHYIR NI GZHU BKANG NGO, ,DE NAS BYANG CHUB SEMS DPA' SNYING RJE CHEN POS SNYING GDUNGS NAS DE GNYIS KYI BAR DU 'DUG GO; ,RGYAL PO LA SMRAS PA, RGYAL PO CHEN PO GUMS LAGS PA BKUM STE CI RUNG MA MDZAD MA MDZAD, GANG GI TSE NA 'DOD CHEN DGRAS BSKUL TE, ,SMAD PA'I GNAS SU NYE BAR 'DIR SONG BA, ,GRAGS PA NGAN PAS DE TSE BKUM PAR 'GYUR, ,BSOD NAMS MIN PAS SLAD MA'I TSE LA'ANG BKUM; ,SDUG BSNGAL BZOD PAR DKA' BAS YID GDUNGS NAS, ,MI RNAMS 'DI LTA BUR NI BRLAG PAR GYUR, ,'BRAS BU PHUN SUM TSOGS PA 'DOD PAS BSLUS, ,MAR ME'I 'OD KYIS PHYE MA LEB BRID BZHIN, ,DE BAS SNYING RJE MDZOD LA MA BKYON CIG ,'DI NYID CUNG ZAD CI DANG CI 'TSAL BA, ,DE DAG STZOL LA THUB CHOD DON YOD MDZOD, ,BDAG NI KHYOD KYIS BKA' STZAL SPYI BOS NOD, ,DE NAS RGYAL PO DE DE LTAR GNOD PA BYED PA PO LA YANG SNYING RJE BA DANG BCAS SHING G-YO BA MED PAR DE LA PHAN 'DOGS PAR BYED PA DES RAB TU NGO MTSAR CHE BAR GYUR NAS DE LA SEMS DANG BA SKYES TE, GUS PA DANG BCAS PAS BLTAS NAS, RE DVAGS KYI MCHOG DE LA SMRAS PA, SKAL PA CHEN PO LEGS SO LEGS SO, ,'PHRAL DU MI BZAD GNOD PA LA'ANG, ,GANG GIS SNYING RJE 'DI 'DRA BA, ,KHYOD NI YON TAN NYID KYI MI, ,BDAG CAG MI YI GZUGS SU BAS, ,BLUN PO 'DI LA KHYOD KYIS BRTZE BAR MDZOD, ,SKYES BU MCHOG DANG BDAG MJAL RGYU LAGS PAS, ,DE NYID 'TSAL BA'I NOR RNAMS STZAL BAR BGYI, ,RGYAL SRID 'DI LA'ANG KHYOD NI CI BDER SPYOD, ,RU RUS SMRAS PA, RGYAL PO CHEN PO KHYOD KYIS GNANG BA 'DI DON MCHIS BAR BGYIS TE BDAG GIS BLANGS KYI, DE BAS NA KHYOD 'DIR BYON PA'I DGOS PA DE BDAG GIS SBYAR BAR 'TSAL NA BKA' STZAL DU GSOL, DE NAS RGYAL PO CHEN PO DES RI DVAGS RU RU DE SHING RTA MCHOG GI STENG DU BZHAG NAS BKUR STI CHEN PO BYAS TE, ,PHO BRANG DAM PA'I NANG DU BCUG @99A *, ,NAS MGRON DU BYA BA'I BKUR STI BYAS TE, SENG GE'I KHRI CHEN PO LA BZHAG NAS BTZUN MO'I 'KHOR DANG, BLON PO MANG POS BSKOR TE DGA' ZHING ZHES BSKYED NAS ZHI BAR LTA ZHING CHOS DRIS PA, MI RNAMS CHOS LA LTA BA'I PHYIR, ,BLO NI RNAM PA MANG DU GYES; ,KHYOD NI CHOS RNAMS GTAN LA 'BEBS, ,JI LTAR LAGS PAR BSHAD DU GSOL, ,DE NAS BYANG CHUB SEMS DPAS RGYAL PO 'KHOR DANG BCAS PA RNAMS LA TSIG 'BRU GSAL ZHING SNYAN PA BZANG POS CHOS BSHAD PA, RGYAL PO CHOS NI MDOR BSHAD NA, ,SEMS CAN RNAMS LA SNYING RJE BSKYED, ,GSOD DANG RKU LA SOGS PA SPONGS, ,RNAM PA GSUM DU DGYES PAR BYED, ,RGYAL PO CHEN PO GZIGS SU GSOL, ,BDAG RANG NYID DANG NANG MI LA'ANG, ,BRTZE BA BZHIN DU GZHAN LA'ANG BRTZE, ,DE YIS SEMS NI CHOS MIN LA, ,'JUG PA'I MI DGE GA LA 'BYUNG, ,SKYE BO SNYING RJE MED PAS NA, ,LUS NGAG YID KYI SPYOD PA RNAMS, ,NANG MI LA YANG PHYI MI BZHIN, ,MI RIGS SPYOD PA MCHOG TU 'GYUR, ,DE BAS CHOS LA DAD PA YIS, ,SNYING RJE GTANG BAR MI BYA STE, ,CHAR 'BEBS LO THOG 'PHEL BA BZHIN, ,DE LAS YON TAN 'PHEL BAR 'GYUR, ,SNYING RJES NON PA'I SEMS NI GZHAN LA GNOD PA BYED MI 'GYUR, ,GTZANG MA DE LA LUS SAM NGAG KYANG GZHAN DU 'GYUR BA MED, ,DE LTAR BYED PA GZHAN LA PHAN 'DOD DE NI DGA' BAS DAR, ,SBYIN DANG BZOD LA SOGS PA'I YON TAN GRAGS DANG MTHUN PAR 'PHEL, ,SNYING RJE CAN GNYIS NYE BAR ZHI BAS GZHAN GYI YID MI DBYUNG, ,SNYING RJE LDAN PAS SKYE BO RNAMS KYI GNYEN BZHIN YID BRTAN 'GYUR, ,SNYING RJE'I DBANG GYUR SNYING LA 'THAB MO'I 'KHRUGS PA YONG MI 'BYUNG, ,SNYING RJE'I CHUS BRLAN SEMS LA 'KHRUGS PA ME 'BAR YONG MI 'BYUNG, ,DE BAS MDOR NA SNYING RJE BRTAN PA'I MKHAS PA CHOS LA LTA, ,DGE BA DGA' BA'I YON TAN BRTZE LA MI BRTAN GANG ZHIG YOD, ,DE BAS BDAG DANG BU BZHIN SKYE BO DAG LA SNYING RJE BSKYED, ,DAM PA'I TSUL GYIS 'GRO BA YID 'ONG RGYAL PO'I TSUL STON CIG, @99B DE NAS RGYAL PO DE DE'I TSIG DE LA MNGON PAR DGA' BAR GYUR NAS PHO BRANG 'KHOR GYI MI RNAMS DANG BCAS PAS CHOS NYAMS SU LEN PAR GYUR TE, RI DVAGS DANG BYA THAMS CAD LA'ANG MI 'JIGS PA BYIN NO, ,DE LTA BAS NA DGE BA NI GZHAN GYI SDUG BSNGAL NYID MA BZOD PAS, RANG GI SDUG BSNGAL MI BZOD PA NI MA YIN NO, ,ZHES SNYING RJE CAN GYI YON TAN BSNGAGS PA LA'ANG BRJOD PAR BYA'O, ,SKYES BU DAM PA RNAMS NI RANG NYID YAL BAR DOR NAS GZHAN LA PHAN 'DOGS PAR MDZAD PA'O, ,DE BZHIN DU YON TAN RNAMS NI RANG NYID GSOD PA LA YANG BLANG DOR GSAL BAR STON CING 'GRO BA RNAMS 'DREN PAR MDZAD DO, ,ZHES KYANG BRJOD PAR BYA'O, ,BYAMS PA DANG LDAN PA RNAMS LA GNOD PA'I 'BRAS BU MTHONG BA'I CHOS LA MYONG BAR 'GYUR ZHES GNOD PA BYED PA'I NYES DMIGS LA'ANG SBYAR BAR BYA'O, ,RI DAGS RU RUR SKYES PA'I RABS TE NYI SHU DRUG PA'O,, ,,DAM PA'I TSUL GYI RJES SU 'BRANG BA RNAMS NI DGRA RNAMS KYI YID KYANG MGU BAR BYED DO, ,DE YANG 'DI LTAR BYANG CHUB SEMS DPA' RE ZHIG CIG GANGS RI DPAL DANG LDAN PA'I KHROD, SMAN GYI KHYAD PAR RO DANG MTHU DANG RNAM PAR SMIN PA'I YON TAN RNAM PA MANG PO DANG LDAN PA YOD PA'I SA PHYOGS ME TOG DANG, 'BRAS BU DANG, LO MA DANG, 'DAB MA DANG, LDUM BU RNAM PA SNA TSOGS KYIS BRGYAN PA'I SHING LJON PA BRGYA PHRAG MANG POS GANG BA, 'BAB CHU SHEL SGONG LTAR DANGS SHING GTZANG MA 'BAB PA, BYA MANG PO'I SGRA SNYAN MANG PO GRAG PA ZHIG NA SPRE'U MANG PO'I BDAG PO ZHIG TU GYUR TO ZHES GRAGS SO, ,DE DE LTA BU'I GNAS SKABS SU GYUR KYANG, GTONG BA DANG SNYING RJE LA GOMS PA'I PHYIR, GNYEN PO LA BRTEN PAS MI DGA' BAR GYUR PA BZHIN DU PHRAG DOG DANG, 'JUNGS PA DANG KHRO BA RNAMS NYE BAR 'ONG BAR MA GYUR TO, ,DE DE NA SHING N+YA GRO DHA CHEN PO CIG YOD PA LA, RI'I RTZE MO MTHON PO BZHIN DU NAM MKHA' LA REG LA THUG PA NAGS TSAL DE'I BDAG PO 'DRA BA, LO MA DANG LDUM BU RGYAS PAS KHEBS PA'I GRIB MA NI SPRIN STUG POS G-YOGS PA BZHIN, DE'I 'BRAS BU'I KHYAD PAR RO MCHOG TU MNGAR BA KHA DOG DANG DRI ZHIM PA YID DU 'ONG BA, MU LE GRUM SHING GI @100A *, ,'BRAS BU BAS KYANG CHE BA RNAMS KYI LJID KYIS YAL GNON PA CIG GI DRUNG NA GNAS SHING 'DUG GO, ,DAM PA RNAMS NI DUD 'GROR SKYES GYUR KYANG, ,DBANG THANG LHAG MAS BDE BA'I GNAS SU 'GYUR, ,PHAN BTAGS 'BREL PA'I MDZA' BSHES SKYE BO RNAMS, , BYES YUL DONG BA'I NOR GYI LHAG MA BZHIN, ,NAGS TSAL GYI BDAG PO 'DRA BA'I SHING DE'I YAL GA GCIG DE'I DRUNG NAS 'BAB PA'I CHU LA GZHOL BAR GYUR TO, ,DE NAS BYANG CHUB SEMS DPAS PHYI RJES SU RGYANG RING DU LTA BAS, SPRE'U MANG PO DE DAG LA RJES SU GDAMS PA, SHING N+YA GRO DHA'I YAL GA 'DI'I 'BRAS BU RNAMS ZAD PAR MA BYAS KYI BAR DU, KHYED CAG SU YANG YAL GA GZHAN LAS 'BRAS BU BTOGS TE MA ZA CIG CES BSGO BA DANG, DE DAG KYANG DE BZHIN DU BYED PAR GYUR TO, ,DE NAS RE ZHIG CIG YAL GA DE'I 'BRAS BU MA SMIN PA HA CANG MI CHE BA GCIG GROG MA RNAMS KYIS SHING GI LO MA BSDUS PAS G-YOGS PA SPRE'U RNAMS KYIS MA MTHONG NGO, ,DE MTHAR GYIS SKYES PA DANG KHA DOG DANG DRI DANG RO PHUN SUM TSOGS SHING 'JAM POR GYUR NAS YONGS SU SMIN PA'I DBANG GIS RTZA BA SNYI BAR GYUR TE, 'BAB CHU'I NANG DU LHUNG NAS 'BAB CHU'I RGYUN GYIS KHYER TE SONG BA LA, RGYAL PO ZHIG BTZUN MO'I 'KHOR DANG BCAS TE CHU DE'I NANG NA RTZE BA'I MTHA' RGYA MOS BSKOR BA'I NGOS CIG NA CHAGS PAR GYUR TO, ,NA CHUNG KHRUS BYED PHRENG BA DRI ZHIM DANG, ,KHRUS RTZIS BSGOS PA'I BSUNG ZHIM SOGS PA'I DRI, ,DE YI DRI ZHIM YON TAN SNAR SNOM PA, ,KHYAB PAR GYUR PAS DE DAG ZIL GYIS MNAN, ,NA CHUNG DE DAG DE YI DRI YIS MYOS, ,SNAR SNOM DBUGS NI BSRINGS BAS MIG KYANG BTZUMS, ,NGO MTSAR CHE ZHING DE NAS G-YO BAR GYUR, ,PHYOGS KUN TU MIG KYANG RNAM PAR LTA, ,BUD MED DE DAG NGO MTSAR CHE BA'I MIG G-YO ZHING RIG RIG POR LTA BAR GYUR NAS, SHING N+YA GRO DHA'I 'BRAS BU MU LE GRUM SHING GI 'BRAS BU SMIN PA BAS KYANG CHE BA DE, RGYA MO BRES PA'I NGOS LA CHAGS SHING 'DUG PA MTHONG BA DANG, 'DI CI ZHIG YIN SNYAM NAS DE LA MIG CHAGS PA BZHIN DU RGYAL PO DANG BCAS PA DER 'DUS NAS 'DI CI YIN NO @100B ZHES GLENGS PAR GYUR TO, ,DE NAS RGYAL PO DES 'BRAS BU DE BLANGS TE, SMIN PA YID CHES PA RNAMS KYIS BRTAGS TE, BDAG RANG GIS RO MYONG NGO, ,DE NAS RMAD DU BYUNG BA'I ROS, ,RGYAL PO YA MTSAN CHE BAR GYUR, ,CHED DU SBYAR BA'I YON TAN MCHOG ,RMAD DU BYUNG BA'I RO MCHOG BZHIN; ,SNGON MED KHA DOG DRI DAG GIS, ,DE LA YA MTSAN CHE BAR GYUR, ,DE YI RO LA CHAGS PA YIS, ,YA MTSAN CHE BA'I RNAM PAR GYUR, ,DE NAS RGYAL PO DE'I KHA ZAS RO ZHIM PO PHUN SUM TSOGS KYANG DE'I RO LA CHAGS PA'I DBANG GIS 'DI SNYAM DU BSAMS SO, ,GANG ZHIG 'BRAS BU 'DI DAG MA ZOS PAR, ,DES NI RGYAL SRID 'BRAS BU CI ZHIG ZOS, ,RGYAL SRID BSGRUB PA'I NYON MONGS MED PAR YANG, ,'DI 'DRA ZA BA DE NYID RGYAL PO YIN, ,DE NAS DES 'BRAS BU GANG LAS BYUNG BA BTZAL BAR BSAMS TE, RANG GI BLOS BRTAGS PA, GANG LAS 'BRAS BU 'DI LTA BU'I SHING LJON PA BZANG PO DE NI 'DI NAS MI RING BA CIG NA YOD LA, 'BAB CHU'I 'GRAM CIG NA'ANG 'DUG PA GOR MA CHAG BGO, ,DE LTAR CI MNGON ZHE NA, 'DI LTAR KHO DOG DANG DRI DANG RO YANG MA NYAMS LA RMA MED CING MA SNAD PA LA BLTAS TE, CHU'I NANG DU LHUNG NAS KYANG RING POR MA LON PAR 'DRA STE, DE BAS 'DI GANG NAS BYUNG BA'I GNAS SHES PAR NUS YANG DAG GO SNYAM NAS, DE'I RO LA CHAGS PA'I DBANG GIS CHU DE'I NANG DU RTZE BA BTANG STE, BDAG RANG GI PHO BRANG DAM PA BSRUNG BA'I SRUNG MA LEGS PAR BSKOS NAS, DMAG DRANG DU RUNG BA'I DPUNG GI TSOGS CHEN POS YONGS SU BSKOR TE, 'BAB CHU DE'I 'GRAM THOG THAG MTHAR GYIS NAGS TSAL STUG PO GCAN GZAN DANG BCAS PAS NI GANG ZHING, BDE BA'I RO RNAM PA SNA TSOGS NI RJES SU MYONG BAR BYED, NAGS TSAL GYI KHYAD PAR MDZES SHING NYAMS DGA' BA CHED DU MA BYAS PA GZHAN DANG GZHAN DAG LA NI LTA, RNGA SGRA DRAG POS NAGS TSAL GYI RI DVAGS RNAMS NI SKRAG PAR BYED CING SHING LJON PA NAGS TSAL GYI BDAG PO MI RNAMS KYIS BGROD DKA' BA DE DANG NYE BA CIG TU PHYIN TO, ,CHAR SPRIN CHU YI LJING KYIS NON PA 'DRA BA DE, ,RI DANG 'DRA YANG RI RTZE MTHON PO 'DRA BAR SNANG, ,LJON SHING @101A *, ,GZHAN GYI RGYAL PO BZHIN DU LTA, ,NAGS TSAL DBANG PO DE NI RGYAL POS RING NAS MTHONG, ,SHING AA MRA'I 'BRAS BU SA HA KA RA SMIN PA'I DRI BAS KYANG LHAG PAR DRA ZHIM PA YID DU 'ONG BA'I NGAD LDANG BAS MDUN NAS BSU BA BZHIN DU BSUNG TSOR BA DANG, 'BRAS BU DE'I SHING NI 'DI YIN GOR MA CHAG GO SNYAM NAS, DE'I DRUNG DU 'ONG BA DANG, SPRE'U BRGYA PHRAG DU MA SHING DE'I 'BRAS BU ZA BA RNAMS KYIS YAL GA KHEBS PAR MTHONG NAS, RGYAL PO DES BDAG 'DOD PA'I DON MED PAR BYED PA'I SPRE'U DE RNAMS LA SEMS KHROS NAS, SPRE'U NGAN PA 'DI DAG THAMS CAD LA RGYOB RGYOB CHOM KHA THOG CES TSIG RTZUB POS SMRA ZHING RANG GIS MI RNAMS LA BSGOS SO, ,DE NAS RGYAL PO'I MI DE RNAMS KYIS SPRE'U DE DAG BSKRAD PA'I SGRA DRAG PO PHYUNG STE, LAG NA MDA' GZHU THOGS NAS 'PHEN PAR GZAS, KHA CIG NI RDO BA DANG, DBYUG PA DANG, MTSON CHA GZAS TE, DGRA'I MKHAR SGO NON PA BZHIN DU SHING DE'I DRUNG DU LHAGS PA DANG, DE NAS BYANG CHUB SEMS DPAS RGYAL PO'I DPUNG GI TSOGS MANG PO RGYA MTSO'I CHU RLABS RLUNG GI SHUGS DRAG POS PHUL BA 'DRA BA, CA CO'I SGRA CHEN PO 'BYIN PA MNGON DU PHYOGS TE LHAGS PA, SHING LJON PA MCHOG DE'I KHO RA KHOR YUG NAS, MDA' DANG RDO BA DANG DBYUG PA 'PHEN PA NI SER BA 'BAB PA BZHIN DU GYUR PA NI MTHONG, SPRE'U MANG PO RNAMS NI 'JIGS SHING MI DGA' BA'I SKAD NGAN 'BYIN PA TZAM LA BRTEN CING, NGO 'DZUM GNAG PA SPA GONG STE, MIG GYEN DU LTA ZHING 'KHOD PA MTHONG NAS, SEMS NI SNYING RJE CHEN POS NON, 'JIGS SHING SKRAG CING SKRAG PA DANG, MYA NGAN NI BTANG NAS, SPRE'U MANG PO DE DAG DBUGS PHYUNG NAS, DE DAG YONGS SU SKYABS PA'I BLO BSKYED NAS, SHING CHEN PO DE'I RTZE MOR 'DZEG STE, DE DANG NYE BA NA 'DUG PA'I RI CIG GI KHAR MCHONGS PAR CHAS SO,, RI DE YANG MCHONGS PA GCIG GIS MCHONGS TE PHYIN PA'I SA MA YIN YANG SEMS DPA' CHEN PO DE RANG GI MTHU KHYAD PAR DU 'PHAGS PAS BYA 'PHUR BA BZHIN DU DER MCHONGS TE PHYIN TO, ,SPRE'U GZHAN GYIS MCHONGS PA GNYIS KYIS KYANG, ,MCHONGS MI NUS PA'I SA KHYON CHEN PO DE, ,MCHONGS PA'I @101B MTHU RTZAL CAN DES BYA 'PHUR BZHIN, ,MCHONGS PA GCIG GIS LEGS PAR MCHONGS PAR GYUR, ,DES NI SNYING RJE RNAM PAR BSKYED PA DANG, ,DPA' BA'I SHUGS KYIS RTZOL BA DRAG POR GYUR, ,DE YI 'BAD PA KHYAD PAR DRAG PO DES, ,YID LA BSAMS PA BZHIN DU PHYIN PAR GYUR; ,RI DE'I RTZE MO MTHON POR PHYIN NAS KYANG, ,SPA THAG SA KHYON DE'I BAR BAS KYANG RING BAR SKYES SHING RTZA BA BRTAN PA SRA BA ZHIG GIS BDAG GI RKANG PA GNYIS BCINGS NAS SLAR YANG SHING CHEN PO DE'I KHAR MCHONGS PA DANG, DE GNYIS KYI BAR THAG RING ZHING RKANG PA GNYIS BCINGS PAS ZO MDOG MI BDE BA'I PHYIR, SEMS DPA' CHEN PO DES SHING DE'I YAL GA'I RTZE MOR DE'U MA SLEBS TE SLEBS SO, ,DE NAS YAL GA DE LA DAM DU 'JUS, ,SPA THAG DE YANG RAB TU BSGRIMS TE BRGYANGS, ,SHING 'DI'I KHA NAS 'DI LAS MYUR DU DENG, ,SPRE'U'I TSOGS RNAMS BDAG GI SKAD KYIS SBRAN, ,DE NAS SPRE'U DE DAG 'JIGS PAS NYEN CING BROS PA'I LAM RNYED NAS, RAB TU RTAB PA'I 'GROS KYIS DE'I LUS BRDZI BA LA TSAM TSOM MED PAR SPA THAG DE LAS BRGYUD DE BDE BAR BROS TE SONG NGO, ,SPRE'U'I TSOGS DE DAG 'JIGS PAS NYEN PA YI, , RKANG LAG RNAMS KYIS DE YI LUS BRDZIS PAS, ,BDAG GI LUS KYI SHA DANG BRAL GYUR KYANG, ,RAB TU BRTAN PAS SEMS NI YONG MA BRAL, ,DE LTAR SPRE'U'I RGYAL PO DE RGYAL PO DANG MI DE DAG GIS MTHONG NAS RAB TU YA MTSAN CHE BAR GYUR TO, ,'DI NI DPA' ZHING BLO YANG PHUN SUM TSOGS, , BDAG LA'ANG MI LTA GZHAN LA SNYING BRTZE BA, ,THOS PAR GYUR NA NGO MTSAR CHE GYUR PA, ,MNGON SUM MTHONG BA SMOS KYANG CI ZHIG DGOS, ,DE NAS MI DE DAG LA RGYAL PO DES BSGOS PA, SPRE'U'I BDAG PO 'DI SPRE'U MANG PO 'JIGS TE BROS PA'I RKANG LAG GIS BRDZIS PAS, LUS SNAD LA YUN RING DU ZAM PA BYED CING 'DUG 'DUG PAS DUB PA'I PHYIR GDON MI ZA BAR BDAG RANG LDANG MI NUS KYIS, DE BAS NA 'DI'I 'OG TU RAS BRGYANGS PA ZED LA, SPA THAG 'DI DANG SHING N+YA GRO DHA'I YAL GA 'DI YANG MNGA' GNYIS KYIS DUS GCIG TU CHOD CIG CES BSGOS SO, ,DE @102A *, ,NAS MI DE DAG GIS KYANG DE BZHIN DU BYAS SO, ,DE NAS RGYAL PO DES RAS BRGYANGS TE ZED PA LA PHAB NAS, LUS RMA BYUNG BA'I SDUG BSNGAL GYIS BRGYAL BAR GYUR TE, SEMS MI DRAN PA DE MAL STAN 'JAM PO ZHIG LA BZHAG NAS RMA GSER PA GSO BA'I SMAN LA SOGS PAS DE'I LUS KYI RMA BKRUS TE CUNG ZAD CIG LON PAR GYUR CING DBUGS PHYUNG BAR GYUR PA DANG, RGYAL PO DE NGO MTSAR DANG YA MTSAN CHE ZHING GUS PAR GYUR NAS, NAD DRIS PHYIR SMRAS PA, SNYING RJE BSKYED DE BDAG GI SROG BOR NAS, ,GANG RNAMS PHYIR NI BDAG GIS ZAM PA BYAS; ,KHYOD KYIS BSGRAL BA'I SPRE'U TSOGS MANG PO 'DI, ,KHYOD KYI CIR 'ONG KHYOD KYANG KHONG GI CI, ,GAL TE NGED KYIS 'DI NI MNYAN RUNG NA, ,SPRE'U RGYAL GTZO BO DE NI RJES SMROS SHIG ,RAB TU MDZA' BA'I RGYU 'BREL CHUNG NGU DAG ,DE LTA BU NI YID LA BYED MI 'GYUR, ,DE NAS BYANG CHUB SEMS DPAS RGYAL PO DE DE LTAR GUS SHING LEGS PAR SMRAS PA LA LAN LEGS PAR GLAN PA'I PHYIR, MI NGOMS PA'I TSUL GYIS BDAG NYID SU YIN PAR BSTAN PA, BDAG GI NGAG MNYAN GUS PA 'DI DAG GIS, ,BDAG LA RGYAL PO'I KHUR NI BSKUR BAR GYUR, ,DE BAS 'DI DAG BU DANG 'DRA BAR SDUG ,KHUR TE BSKUR BA'I PHYIR NI 'DI LTAR BGYI, ,RGYAL PO CHEN PO BDAG DANG 'DI RNAMS NI, ,YUN RING DUS NAS 'DI LTAR 'BREL PAR GYUR, ,RIGS GCIG SKYES PAS 'DI LTAR MDZA' GYUR CING, ,LHAN CIG GNAS PAS GNYEN DANG 'DRA BAR GYUR, ,DE SKAD ZER BA RGYAL PO DES THOS NAS, ,YA MTSAN CHE BAR GYUR NAS YANG SMRAS PA, ,BLON PO LA SOGS RGYAL PO'I PHYIR, ,DE DAG PHYIR NI RGYAL PO MIN, ,DE BAS BDAG GI BRAN GYI PHYIR, ,CI PHYIR KHYOD KYIS BDAG LUS BOR, ,BYANG CHUB SEMS DPAS SMRAS PA, RGYAL PO CHEN PO DE LTAR BGYID PA NI MAD NA, RGYAL PO'I GZHUNG LUGS DE LTA BU, ,BDAG GI GZHUNG LUGS NGAN PAR MTHONG, ,MA 'DRIS PAR YANG SDUG BSNGAL MI BZOD PA, ,YAL BAR BOR NA SDUG BSNGAL CHER GYUR NA, ,SEMS NI RAB TU GUS PAS SKYE BO RNAMS, ,GNYEN DANG MDZA' BOR GYUR PA SMOS CI @102B DGOS; ,SPRE'U RNAMS RAB TU NYAMS NYES CHER GYUR ZHING, ,PHONGS NAS MYA NGAN BYED PA 'DI MTHONG NAS, ,BDAG GI DON BSGRUB SEMS PAR MI 'GYUR BA'I, ,SDUG BSNGAL CHEN PO BDAG LA BYUNG BAR GYUR, ,DE BAS GZHU RNAMS RAB TU BKANG NAS SU, ,MDE'U RTZE RNON PO RAB TU 'PHEN PA YI, ,GZHU RGYUD SGRAS 'JIGS SEMS LA MA BSAMS PAR, ,SHING DE'I KHA NAS RI KHA 'DIR MCHONGS MOD, ,BDAG GI 'KHOR NI RAB TU SKRAG PA'I SEMS, ,NGU ZHING 'BOD PAS BDAG NI RAB BSKUL NAS, ,SA KHYON TSAD NI LEGS PAR BRTAGS NAS SU, ,SPA THAG BCAD NAS BDAG GI RKANG PA BCINGS, ,RI BO DE LAS SLAR YANG 'DIR MCHONGS TE, ,LJON SHING 'DI LAS BDAG GI 'KHOR BSGRAL PHYIR, ,DE YI YAL GA LAG PA BRKYANG 'DRA BA, ,BDAG GI LAG PA GNYIS KYIS ZIN PAR GYUR, ,SPA THAG DE NI RAB TU BRKYANGS PA DANG, ,LJON SHING DE YI YAL GAS BTUD PA LAS, ,BDAG GI LUS BRDZIS TSAM TSOM MA MCHIS PAR, ,BDAG LA BRTEN NAS 'KHOR RNAMS BDE BAR THAR, ,DE NAS RGYAL PO DE, SEMS DPA' CHEN PO DE DE LTA BU'I GNAS SKABS NA YANG DE LTAR BYED PA MTHONG NAS RAB TU DGA' BAR GYUR TE RAB TU YA MTSAN CHE BAR GYUR NAS YANG 'DI SKAD CES SMRAS SO, ,BDAG GI BDE BA KHYAD DU BSAD, ,GZHAN LA NYAMS NYES BYUNG BA DANG, ,DE LTAR BDAG GIS NYAMS SU BLANGS, ,KHYOD KYI YON TAN CI ZHIG THOB, ,BYANG CHUB SEMS DPAS SMRAS PA, GANG RNAMS RGYAL PO BDAG GIS YUN RING BYAS,, DE DAG SDUG BSNGAL BDAG GIS RNAM PAR BZLOG ,DE BAS SEMS NI RAB TU DGA' BAR GYUR, ,BDAG GI LUS LTA BCAD PAR GYUR KYANG RUNG, ,DREGS PA'I DGRA RNAMS G-YUL NGO PHAM BYAS NAS, ,LUS LA RMA BYUNG RGYAN GYIS BRGYAN PA BZHIN, ,DPA' BO RNAMS NI DPA' BO'I MTSON GYIS BRGYAN; ,DE BZHIN RMA 'DI BDAG GIS DGA' BZHIN BZOD, ,RIGS MTHUN RNAMS NI RAB TU GUS BYAS NAS, ,GUS PAS PHYAG 'TSAL BKUR STI CHER BYAS PA'I, ,DBANG PHYUG BDE BA THOB PAR GYUR PA YI, ,BU LON BDAG GI DE RING 'KHOR BAR GYUR, ,DE BAS BDAG NI MDZA' DANG BRAL @103A *, ,BA'AM; ,BDE BA MED PAR SDUG BSNGAL MA MCHIS KYIS, ,'DI LTAR BGYIS PAS BDAG NI 'GUMS GYUR KYANG, ,'DI NI DGA' DANG 'PHRAD PAR GYUR PA BZHIN, ,SNGON DU PHAN BTAGS BU LON 'KHOR BAS MGU, ,MYA NGAN GDUNGS SHING GRAGS PA DRI MED THOB; ,RGYAL PO'I MCHOD BYAS 'CHI LA 'JIGS PA MED, ,DAM PAS PHAN BTAGS DRIN KYANG DRAN PAR GYUR, ,YON TAN MCHOG GNAS YON TAN 'DI DAG NI, ,SDUG BSNGAL 'DI MYONG BDAG GIS THOB BAR 'GYUR, ,BDAG PO SNYING RJE MED LA RTEN BCAS NA, ,DE DANG MI MTHUN PHYOGS RNAMS THOB PAR 'GYUR, ,YON TAN MED CING GRAGS PA MED GYUR PA, ,NYES PA 'BYUNG BA'I GNAS SU GYUR PA RNAMS, ,DMYAL BA'I ME 'BAR RAB TU 'KHRUG PA LAS, ,GZHAN DU 'GRO BA'I GNAS NI CI ZHIG YOD, ,DE BAS KHYOD LA YON TAN SKYON GYI MTHU, ,BDAG GIS LEGS PAR BSTAN PA 'DI LAGS KYI, ,LHA DPAL 'GRO BA'ANG BUD MED RANG BZHIN CAN, ,DE BAS CHOS KYIS RGYAL SRID SKYONG BAR MDZOD, ,GZHON PA'I DPUNG DANG LJONGS DANG BLON PO DANG, ,MGON MED 'BANGS DANG DGE SBYONG BRAM ZE DANG, ,RGYAL POS PHA BZHIN PHAN PA'I RJES MTHUN PAR, ,THAMS CAD BDE DANG LDAN PAR MDZAD PAR RIGS, ,DE LTAR BYAS NA CHOS SRID GRAGS PA 'PHEL, ,'DI DANG GZHAN LA'ANG KHYOD NI BDE BAR 'GYUR, ,DE BAS KHYOD NI 'BANGS LA THUGS BRTZE BAS, ,RGYAL PO DRANG SRONG DPAL GYIS BRJID PAR MDZOD, ,DE LTAR RGYAL PO SLOB MA BZHIN DU BSTAN, , RAB TU BSTOD PA'I TSIG GIS DE BSTAN NAS, ,SNAD PA'I SDUG BSNGAL RAB TU ZIL MNAN TE, ,LUS DE BOR NAS MTHO RIS SONG BAR GYUR, ,DE LTA BAS NA DAM PA'I TSUL GYI RJES SU 'BRANG BA RNAMS NI YID KYANG MGU BAR BYED DO, ,ZHES 'JIG RTEN PA RNAMS MGU BAR BYED PAR 'DOD PAS, DAM PA RNAMS KYI TSUL GYI RJES SU 'BRANG BAR BYA'O, ,BCOM LDAN 'DAS DE GZHAN GYI DON JI LTAR BSGRUB PA DE LTAR SEMS CAN RNAMS BDAG GIS KYANG BSGRUB MI NUS SO, ,ZHES DE BZHIN GSHEGS PA'I YON TAN BSNGAGS PA LA YANG BRJOD PAR BYA'O, ,RIM GRO BSKYED DE DAM PA'I CHOS MNYAN @103B PA DANG SNYING RJE CHEN POS YON TAN BSNGAGS PA DANG, RGYAL PO'I 'BANGS RNAMS LA DE LTAR SNYING RJE DANG LDAN PAR BYA'O, ,ZHES RGYAL PO LA GDAMS PA DANG, SKYES BU DAM PA RNAMS NI DE LTAR CHU GANG CHE'O ZHES CHU GANG CHE BA'I GTAM BYA BA LA YANG BRJOD PAR BYA'O, ,SPRE'U'I RGYAL POR SKYES PA'I RABS TE NYI SHU BDUN PA'O,, ,,BAM PO BCU PA, BZOD PA LA GOMS SHING SO SOR BRTAGS TE, BRNAGS PA'I SHAS CHE BA RNAMS NI BRNAGS MI THUB CES BYA BA MED DO, ,DE YANG 'DI LTAR BYANG CHUB SEMS DPA' KHYIM NA GNAS PA NI NYES PA MANG PO'I SDUG BSNGAL DANG LDAN PA, SRID DANG 'DOD PA LHUR LEN PAS NYE BAR MA ZHI ZHING 'DOD CHAGS DANG, ZHE SDANG DANG, MI BZOD PA DANG, 'THAB PA DANG, DREGS PA DANG, NGA RGYAL DANG, SER SNA LA SOGS PA'I SKYON RNAMS KYI GNAS NGO TSA BA'I CHOS MED PAR BYED PA 'DOD ZHEN CHE BA'I SKYE GNAS BYA BA NGAN PA'I SKAL BAS CHOS SPYAD PA'I GO SKABS MED PAR SHES LA, RAB TU BYUNG BA NI 'DU 'DZI'I DUG SPONG ZHING NYES PA DE LTA BU MED PA'I BDE BA CAN DU MTHONG NAS, TSUL KHRIMS DANG, MANG DU THOS PA DANG, RAB TU ZHI BA DANG, DUL BA LA YID DES PAR BYA BA'I DKA' THUB CAN ZHIG TU GYUR TO ZHES GRAGS SO, ,DES BZOD PA BYAS PA'I DAM BCAS PA MA NYAMS SHING BZOD PA'I BSNGAGS BRJOD PAR BYED PA DE DANG RJES SU MTHUN PA'I CHOS GO RIMS BZHIN DU 'CHAD PAS, BDAG RANG GI MING RUS NAS SU YANG MI 'BOD PAR BZOD PAR SMRA BA ZHES 'JIG RTEN PA RNAMS KYIS YANG DAG PAR BLO BSKYED DE MING DU GRAGS SO, ,DBANG PHYUG RIGS PA DKA' THUB PHUN SUM TSOGS, ,SGYU RTZAL RNAMS LA GOMS PA RGYA CHE BA, ,LUS DANG NGAG GI SPYOD PA MTHU RTZAL CAN, ,MI RNAMS MING NI GZHAN DU 'DOGS PAR BYED, ,DE NI BZOD PA'I YON TAN MTHU SHES NAS; ,DE YIS BDAG GZHAN 'JIG RTEN RAB TU BRGYAN, ,BZOD PA'I GTAM YANG RGYUN DU BYED PAR GYUR, ,DE BAS DE NI BZOD PAR SMRA ZHES GRAGS, ,BZOD PA CHEN PO RANG GI NGANG DU GYUR, ,GZHAN LA GNOD PA MI BYED RAB TU BRTAN, ,DE YI DON DANG MTHUN PA'I GTAM DAG GIS, ,THUB @104A *, ,PA DE YI GRAGS PA RGYAS PAR GYUR, ,DE NAS BDAG NYID CHEN PO DE NAGS TSAL GYI PHYOGS RAB TU DBEN ZHING NYAMS DGA' BA, ME TOG DANG 'BRAS BU DUS THAMS CAD DU RNYED PAR SLA BA, MTSO CHU GTZANG MA PADMA DANG AUTPA LAS BRGYAN PA, SKYED MOS TSAL NYAMS DGA' BA BZHIN DU MDZES PA ZHIG TU GNAS BCAS PAS DKA' THUB KYI NAGS TSAL SHIN TU BKRA SHIS PAR BYAS SO, ,DAM PA YON TAN MCHOG LDAN PA, ,GANG NA GNAS PA DE DAG NYID, ,BKRA SHIS YID DU 'ONG BA DANG, ,RI NYID BRTEN DANG DKA' THUB TSAL, ,DE NA GNAS PA'I LHA RNAMS NI, ,DE LA SHIN TU DAD PA SKYES, ,SKYE BO PHAN PAR 'DOD CING YON TAN LA DGA' BA RNAMS NI BKUR STI BYED CING 'ONG BAR GYUR TE, SKYE BO MANG PO DE RNAMS LA CHOS KYI GTAM BZOD PA DANG LDAN PA, RNAR 'ONG ZHING SEMS LA 'BAB PA RNAMS KYIS PHAN BTAGS SO, ,DE NAS RE ZHIG CIG YUL DE'I RGYAL PO DPYID KYI DUS LA BAB PAS, CHU'I NANG DU RTZER 'GRO 'DOD PAR GYUR TE, SKYED MOS TSAL GYI YON TAN PAS KYANG LHAG PA'I GNAS SU GYUR PA'I NAGS TSAL GYI PHYOGS DER BTZUN MO'I 'KHOR DANG BCAS TE SONG NGO, ,DGA' BA'I TSAL LTAR NYAMS DGA' MDZES PA'I TSAL, ,DE YI BTZUN MO'I 'KHOR GYIS GANG BAR GYUR, ,LONGS SPYOD CAN GYI SPYOD TSUL MDZES PA YI, ,NA CHUNG CHAS PA RNAMS KYIS BRGYAN PA BZHIN, ,'KHRI SHING 'KHYIL PAS GTIBS PA LDING KHANG BZHIN, ,ME TOG RGYAS PA'I LJON SHING BKOD PA BZHIN,, PADMA RAB TU RGYAS PA'I MTSO 'GRAM NA, ,BTZUN MO RNAMS NI RAB TU DGA' ZHING RTZE, ,ME TOG PHRENG DANG KHRUS KYI BYUG SPOS KYI, ,BSUNG ZHIM NGAD KYIS BUNG BA 'DUS RNAMS LA, ,BTZUN MO KHA CIG LTAD MO CHER LTA BA, ,YA MTSAN CHER GYUR BSNGAGS SHING 'DZUM PAS MDZES, ,ME TOG RNA CHA GSAR PAS RAB TU MDZES PA DANG, ,SKRA YI RGYAN DU BTAGS PA'I PHRENG BA MDZES YOD KYANG, ,DE DAG ME TOG 'DOD PAS TSIM PAR MA GYUR TE, ,DE BZHIN RGYAL PO'I BTZUN MO RTZE BAS SNYING MA TSIM, ,ME TOG SHING LA BUD MED MIG LTA ZHING, ,GZHAL MED KHANG LA LTA BAS CHAGS @104B GYUR PA, ,PADMA'I MTSON BUNG BA DNGAR BA BZHIN, ,RAB TU MDZES PA RGYAL POS MTHONG BAR GYUR, ,KO KI LA DAG MYOS PA'I SGRA RNAMS DANG, ,RMA BYA GAR BYED BUNG BA GLU LEN DANG, ,NA CHUNG TSIG SMRA GLU LEN GAR BYED PAS, ,DE DAG DE NA RAB TU MDZES PAR SNANG, ,'BRUG SGRA ZAB MO RNGA SGRA BRDUNGS PA BZHIN, ,RMA BYA MANG PO LHANG LHANG SGRA 'BYIN ZHING, ,RAB TU SGYU RTZAL THABS KYIS GAR BYED PA, ,RGYAL PO DE LA RMA BYA GAR BYED 'DRA, ,DE DE NA BTZUN MO'I 'KHOR DANG BCAS PA NAGS TSAL SKYED MOS TSAL 'DRA BA NA SPYOD PA'I BDE BA NYAMS SU MYONG NAS RTZE RTZE BAS CHAD CING 'DOD PA LA CHAGS PA'I DBANG GIS SHING GRIB DPAL DANG LDAN PA GZHAL MED KHANG PA'I DRUNG DU MAL CHA BZANG PO BTING BA LA NYAL TE GNYID KYIS LOG PAR GYUR TO, ,DE NAS BTZUN MO DE DAG RGYAL PO MNAL BA'I SKABS SU BAB PA SHES NAS, ,NAGS TSAL MDZES PA LA SNYING CHAGS SHING DE LTA BAS MA NGOMS PAS DGA' STE DGA' BA DER CHAS SO, ,RGYAN RNAMS SIL SIL ZER BA'I SGRA DANG MDZES PA'I SKAD SNYAN PA 'BYIN CING KUN TU 'KHYAMS SU SONG NGO, ,DE DAG GDUGS DANG RNGA YAB STAN LA SOGS, ,GSER GYIS BRGYAN PA RNAMS NI BRAN MOS THOGS, ,DBANG PHYUG RTAGS DANG BCAS PA RJES SU 'BRANG, ,BUD MED RANG BZHIN 'PHYAR BA RNAM PAR RGYU, ,DE DAG LJON SHING BZANG PO'I ME TOG DANG, ,LO MA SDUG GU BSNYAB TU SLEBS PA RNAMS, ,BRAN MOS BTOGS TE DBUL GYIS MI SLEBS PA, ,CHAGS PA'I DBANG GIS BDAG CAG NYID KYIS BTOGS,, SHING LO G-YO BA'I SHING DANG GEL PA RNAMS, ,LAM DANG NYE BA ME TOG RGYAS PA KUN, ,ME TOG PHRENG BA'I RGYAN GYIS BKLUBS ZIN KYANG, ,CHAGS PA'I DBANG GIS MA BTOGS DE MA DONG, ,DE NAS RGYAL PO'I BTZUN MO DE DAG NAGS TSAL NYAMS DGA' BA DE LAS SEMS G-YENG BZHIN DU, NAGS TSAL DE'I NANG NAS MTHAR GYIS SONG SONG BA LAS, BZOD PAR SMRA BA'I DKA' THUB KYI NAGS SU PHYIN TO, ,BUD MED BSRUNG BA'I NYUG RUM PA RNAMS KYIS, THUB PA DE'I DKA' THUB KYI MTHU CHE BAR SHES SHING, BTZUN MO DE RNAMS KYANG RGYAL PO'I GNANG CHEN YIN LA BCOS DKA' BA'I @105A *, ,PHYIR DER MI 'DOD BAR BZLOG MA NUS SO, ,DKA' THUB KYI NAGS DE BYI DOR LEGS PAR BYAS PAS NYAMS DGA' ZHING YID DU 'ONG BAS, BTZUN MO DE DAG DRANGS PA BZHIN DU DER LHAGS PA DANG, DE NA THUB PA'I MCHOG DE RAB TU ZHI ZHING DUL BAR SNANG YANG RAB TU ZAB PAS DKA' THUB KYI DPAL ME 'BAR BA BZHIN DU BSNYEN PAR NI DKA', BSAM GTAN LA GOMS PAR BYAS PAS 'DOD CHAGS KYI YUL BZANG PO NYE BAR GYUR KYANG DBANG PO DUL ZHING MA 'KHRUGS PAS NI MDZES, CHOS MNGON SUM DU MTHONG BA BZHIN DU BKRA SHIS SHING BSOD NAMS DANG NI LDAN PAR SHING DRUNG DU STAN BTING BA LA 'DUG PA MTHONG BAR GYUR TO, ,DE NAS RGYAL PO DE'I BTZUN MO DE DAG DE'I DKA' THUB KYI GZI BYIN GYIS SEMS ZIL GYIS NON PAS, MTHONG MA THAG TU G-YENG BA DANG 'DZUM 'PHYAR BA DANG 'DOD PA BTANG STE, DUL ZHING GUS PAR BYAS TE, DE'I DRUNG DU LHAGS NAS BSNYEN BKUR BYAS SO, ,DES KYANG DE DAG LA 'DIR 'ONGS PA LEGS SO ZHES BYA BA LA SOGS PA'I TSIG SNYAN PA BRJOD NAS, MGRON 'ONGS PA DGA' BAR 'GYUR BA'I RIM GRO BYAS TE, DE DAG LA NAD DRI BA'I SKABS NAS GLENG BSLANGS TE, CHOS KYI GTAM BUD MED KYIS GO BAR SLA BA DPE DANG BCAS PA RNAMS KYIS DE RNAMS LA MGRON BYAS SO, ,MI YI LUS SU GYUR PA MA SMAD THOB PAR 'GYUR, ,DE BZHIN DBANG PO RNAMS KYANG MA NYAMS SNOD DANG LDAN, ,'ON KYANG 'CHI BDAG DES NI LEGS PAR MI BYED NGES, ,BAG MED GYUR PA DE DAG NYIN RE BSLUS PAR 'GYUR,, RAB TU SBYIN DANG TSUL KHRIMS LA SOGS MA SBYANGS NA, ,RIGS DANG GZUGS DANG LANG TSO'I YON TAN RNAMS DANG NI, ,STOBS NI RAB TU CHE ZHING NOR GYIS PHYUG GYUR KYANG, ,PHYI MA'I TSE LA SU YANG BDE BA THOB MI 'GYUR, ,RIGS LA SOGS PA DMAN YANG SDIG LA MA CHAGS SHING, ,RAB TU SBYIN DANG TSUL KHRIMS LA SOGS YON TAN LDAN, ,DBYAR GYI DUS NA 'BAB CHUS RGYA MTSO GANG BA BZHIN, ,PHYI MA'I TSE LA NGES PAR BDE BA RGYAS PAR 'GYUR, ,RIGS DANG GZUGS DANG LUS KYI YON TAN RNAMS KYANG RUNG, ,STOBS NI RAB TU CHE ZHING NOR GYIS PHYUG KYANG RUNG, ,YON TAN @105B YOD NA TSE 'DI LA YANG RGYAN DU 'GYUR, ,GSER GYI PHRENG BAS PHYUG PO'I MTSAN MA BSTAN PA BZHIN, ,ME TOG RNAMS NI LJON PA'I SHING GI RGYAN DU 'GYUR, ,GLOG PHRENG 'GYU BA CHAR SPRIN RNAMS KYI RGYAN DU 'GYUR, ,BUNG BA MYOS PA 'DU BA PADMA MTSO YI RGYAN, ,YON TAN KHYAD PAR 'PHAGS PA LUS CAN RNAMS KYI RGYAN, ,NAD MED TSE RING NOR DANG GZUGS DANG RIGS RNAMS NI, ,RAB DANG 'BRING DANG THA MA'I BYE BRAG SNA TSOGS PA'I, ,SKYE BO 'DI DAG NGO BO NYID LAS GYUR MA YIN, ,GZHAN GYI SKYED MIN LAS NI RNAM PA GSUM LAS GYUR, ,'GRO BA'I CHOS NYID 'DI LTAR NGES PAR GNAS PAR GYUR, ,SROG KYANG MI BRTAN SHI DANG NYE BAR SHES NAS SU, ,DGE BA'I PHYOGS LA BRTEN NAS SDIG PA SPONG BAR GYIS, ,GRAGS DANG BDE BA THOB PA'I LAM NI 'DI YIN NO, ,YID LA ZHE SDANG YOD NA BDAG DANG GZHAN DGAL, ,PHAN PAR 'GYUR BA ME BZHIN RAB TU SREG PAR BYED, ,DE BAS SKYE BO SDIG LA 'DZEM PA DE DAG GIS, ,GNYEN PO RNAMS LA BRTEN NAS SDIG PA SPANG BAR BYA, ,DGON PA'I ME NI RAB TU 'BAR BAR GYUR PA YANG, ,CHU KLUNG CHEN PO MTHA' KLAS 'BAB DANG 'PHRAD GYUR NA, ,ZHI LTAR RAB TU ZHI BAR GYUR PA DE BZHIN DU, ,YID KYI GDUNG BA'ANG BZOD LA BRTEN NA ZHI BAR 'GYUR, ,DE BAS DE'I RGYU ZIL GYIS MNAN PAS BZOD PA SDIG PA SPONG, ,DE PHYIR BYAMS LA BRTEN PA'I STOBS KYIS DGRA YANG 'PHEL MI 'GYUR, ,DE LA DGA' RZHING MCHOD 'OS BDE BA'I SKAL DANG LDAN PAR 'GYUR, ,BSOD NAMS BYAS PA'I YON GYIS THA MAR MTHO RIS 'GRO BAR 'GYUR, ,GZHAN YANG KYI BTZUN MO DAG BZOD PA ZHES BYA BA 'DI NI, DGE BA'I RANG BZHIN CAN DU RAB TU GRAGS, ,BSOD NAMS GRAGS PA DAG KYANG RAB TU 'PHEL, ,CHU YIS MA BKRUS PAR YANG DAG PAR 'GYUR, ,YON TAN DE DANG DE DAG PHUN SUM TSOGS; ,GZHAN LA GNOD PA RTAG TU YONG MI SHES, ,SNYING STOBS CAN GYI CHOS NYID YID DU 'ONG, ,YON TAN MNGON BSGRUB BZOD PA MDZES PA'I MING, ,SNYING RJES BKA' STZAL 'JIGS RTEN DON BYED PA, ,MTHU DANG LDAN PA RNAMS KYI RGYAN KYANG YIN, ,DKA' THUB CAN GYI STOBS @106A *, ,MCHOG PHUN SUM TSOGS, ,GNOD SEMS DGON PA'I ME LA CHU RGYUN 'BEBS, ,GNYIS KA'I TSE LA DON MED ZHI BAR BYED, ,DAM PA RNAMS KYI GO CHA BZOD PA YIN, ,SKYE BO NGAN PA'I TSIG NGAN MDA' YANG RDUGS, ,PHAL CHER YON TAN BSNGAGS PA ME TOG 'GYUR; ,DE NI GRAGS PA'I YAN LAG CAN DU 'GYUR, ,CHOS KYI MI MTHUN PHYOGS RNAMS BZOD PAS 'JOMS, ,RNAM PAR THAR PA'I BDE PA'ANG BZOD PAS THOB, ,RAB TU 'BAD NA BZOD PA PHAN PAR 'GYUR, ,BZOD PA DE NI MI BYED SU ZHIG YOD, ,DE LTAR BDAG NYID CHEN PO DES BTZUN MO DE RNAMS LA CHOS KYI MGRON BYAS SO, ,DE NAS RGYAL PO DE GNYIS KYIS LOG PA LAS SAD PA DANG, 'DOD CHAGS LHAG MA LUS PAS, MIG LCI BAR GYUR NAS, CHAGS PA'I DBANG GIS BTZUN MO RNAMS GAR SONG ZHES GZIMS MAL BA RNAMS LA SMIN MA BSKYUR TE DRIS SO, ,LHA BTZUN MO DE RNAMS NI NAGS KYI LTAD MO RNAMS LTA ZHING LONGS SPYOD BGYID DU MCHIS SO, ,ZHES GZIMS MAL BA RNAMS KYIS GSOL PA THOS PA DANG, RGYAL PO DES BTZUN MO RNAMS SPOBS PAS BAG YANGS SU DGOD CING SMRA BA DANG RTZE BA LTA 'DOD PA'I PHYIR MAL NAS LANGS TE, GDUGS DANG RNGA YAB DANG; BSIL YAB DANG, BLA GOS DANG, RAL GRI RNAMS NI NA CHUNG RNAMS KYIS BZUNG, BTZUN MO'I 'KHOR NYUG RUM PA LAG NA SBA GAR THOGS PA RNAMS KYIS BSKOR TE, NAGS TSAL DE'I NANG NAS MTHAR GYIS SONG NGO, ,DES DE NA BUD MED RNAMS NYAMS RANGS SU RGYU ZHING SONG SONG BA'I LAM ME TOG DANG LO MA SNA TSOGS KYIS GTOR BA, SO RTZI'I KHU BA'I TSON GYIS KHRA BOR GYUR PA'I RJES BZHIN DU SONG SONG NAS DKA' THUB KYI NAGS DER PHYIN TO, ,RGYAL PO DES DRANG SRONG GI MCHOG BZOD PAR SMRA BA DE BTZUN MO'I 'KHOR GYIS BSKOR ZHING 'DUG PA MTHONG NAS, SNGON GYI 'KHON SNYING YOD PA DANG, 'DOD CHAGS KYIS DRAN PA NYAMS PAR GYUR PA DANG, PHRAG DOG GIS ZIL GYIS NON PA'I PHYIR SEMS RAB TU 'KHRUGS PAR GYUR TE SO SOR BRTAGS TE BRNAGS PA'I MTHU CHUNG BAS DUL BA DANG NGES PA'I SPYOD PA NI NYAMS, 'THAB MO RGAL 'DOD PA'I SHUGS KYIS @106B RDUL NI BYUNG, LUS 'DAR ZHING SMIN MA BSDUS TE, MIG RTZA DMAR PO NI BGRAD, GZI MDANGS BZANG PO NI NYAMS, GSER GYI GDU BU DANG SOR GDUB KYIS BRGYAN PA'I LAG PA GNYIS NI MNYES TE, ,DRANG SRONG GI MCHOG DE LA SKUR PA 'DEBS PA'I TSIG DE DANG DE DAG SMRAS PA, NGAN PA DES, NGA YI GZI BYIN ZIL MNAN NAS, ,THUB PA'I CHA LUGS GO BGOS TE, ,NGA YI BTZUN MO'I 'KHOR LTA BA, ,TSUL 'CHOS DE NI SU ZHIG YIN, ,DE SKAD ZER BA NYUG RUM PA RNAMS KYIS THOS NAS, RTAB CING SKRAG PA'I SHUGS KYIS, RGYAL PO LA SMRAS PA, LHA DE LTAR MA MDZAD CIG ,THUB PA 'DI NI YUN RING PO NAS BRTUL ZHUGS DANG SDOM PA DANG DKA' THUB BSGOMS PA'I BDAG NYID CAN LAGS TE, MING YANG DKA' THUB BZOD PA SMRA BA ZHES BGYI'O, ,RGYAL PO DE NI NANG GI BSAM PA NGAN PAS DE DAG GI TSIG MI NYAN PAR SMRAS PA, AE MA 'O KHYED CAG CI ZER ZHIG ,'JIG RTEN 'DI DAG YUN RING NAS, ,'DI YIS DE LTAR BSLUS PAR GYUR, ,TSUL 'CHOS G-YO SGYU'I RANG BZHIN CAN, ,DKA' THUB TSUL STON 'DI LTAR BYED, ,DES 'DI LTAR DKA' THUB CAN GYI TSUL DU BSGYUR NAS, G-YO DANG, SGYU BYED PA LA GOMS PAS TSUL 'CHOS PA'I RANG BZHIN CAN YIN TE, DA NGAS BSTAN PAR BYA'O ZHES SMRAS NAS, GSOL KA BA'I LAG NA RAL GRI 'DUG PA BLANGS TE, DRANG SRONG GI MCHOG DE DGRA BZHIN DU NGES PAR BSAD PAR BSAMS NAS SONG BA DANG, DE NAS BTZUN MO DE DAG LA 'KHOR RNAMS KYIS RGYAL PO GAR GSHEGS PAR SBRAN PA DANG, RGYAL PO LA BLTAS NA KHROS NAS ZHI BA'I MDANGS MED PAR MTHONG NAS, SNYING MI DGA' BAR RTAB RTAB POR GYUR PA'I SHUGS KYIS MIG RIG RIG POR LTA ZHING LANGS TE DRANG SRONG MCHOG DE LA THAL MO SBYAR TE PHYAG 'TSAL NAS, STON KA'I PADMA KHA 'BUS PA 'DRA BA BZHIN CUNG ZAD 'DZUM BAR BYAS TE, RGYAL PO'I DRUNG DU SONG NGO, ,DE'I YID LA KHROS PA'I ME 'BAR BAS, BTZUN MO DE DAG GI SPYOD TSUL MDZES PA DANG DUL ZHING GUS PAR 'ONG BAR MKHAS PA DES KYANG DE'I YID ZHI BAR MA GYUR TO, ,BTZUN MO DE DAG RAB TU SPOBS SHING BAG PHEBS PAS, RGYAL PO DE RAB TU KHROS SHING BZHIN 'GYUR LA SPYOD PA @107A *, ,NYAMS SHING RTZUB PAR MNGON PAS LAG NA MTSON CHA THOGS TE, DRANG SRONG MCHOG DE LA SDANG MIG TU LTA BAR MTHONG NAS YID GCUGS PA'I PHYIR SMRAS PA, 'DI NI BCOM LDAN 'DAS BZOD PAR SMRA BA LAGS KYI, LHA DE LTA BU'I THUB CHOD MA MDZAD CIG CES BYAS PA DANG, RGYAL PO DE SEMS RAB TU GDUG PAS, 'DI DAG NI DES MGU BAR BYAS ZIN TO SNYAM NAS RAB TU KHROS PAR GYUR TE MI BZOD PA'I SHUGS DRAG POS SMIN MA RAB TU G-YO ZHING MIG ZUR GYIS LTA BAS, BTZUN MO DE DAG GIS SPOBS PA DANG 'JAM PAR SMRA BA'I TSIG MI NYAN PAR BTZUN MO'I 'KHOR BSRUNG BA'I NYUG RUM LA KHRO BA DANG BCAS PAS LTA ZHING MGO BSGYUR BAS RNA CHA DANG COD PAN ZUR PHUD G-YO BA BZHIN DU BTZUN MO DE DAG LA BLTAS NAS SMRAS PA, 'DI NI BZOD PAR SMRA ZHES ZER, ,DE YANG NYAMS SU YONG MI LEN, ,'DI LTAR BUD MED BSTEN PA YI,, SRED PA 'DI NI BZOD MA GYUR, ,TSIG TU GZHAN SMRA LUS KYI SPYOD PA GZHAN, ,BSAM PA GDUG CING YID LA GZHAN DU SEMS, ,DKA' THUB NAGS NA MA ZHI 'DI SU ZHIG ,BRID PA'I TSUL CAN PHYI TSUL 'CHOS SHING 'DUG ,DE NAS BTZUN MO DE DAG RGYAL PO KHROS SHING RNGAM PAS SNYING RTZUB PAR GYUR PA LAS YID GCUGS MA NUS TE, RGYAL PO DE RAB TU GTUM ZHING BCOS DKA' BAR YANG SHES NAS, YID MI DGA' ZHING MYA NGAN GYIS NI GDUNGS, NYUG RUM PA RNAMS KYANG 'JIGS SHING SKRAG PAS 'KHRUGS PA'I LAG BRDAS NI BSKRAD, NGO TSA BAS MGO NI SMAD, DRANG SRONG MCHOG DE'I MYA NGAN BYED CING DE NAS BYER TE SONG NGO, ,DKA' THUB CHEN POS DUL LA YON TAN GRAGS PA 'DI, ,BDAG CAG RNAMS KYI PHYIR NI NYES PA YONG MED PAR, ,RGYAL PO KHRO BA 'DI NI CI ZHIG GYUR NAS SU, ,GANG ZHIG LAM DU ZHUGS NAS CI BYED SUS SHES KYI, ,RGYAL PO'I RGYAL SRID GRAGS PA THOB PA DANG, ,THUB PA 'DI LUS DKA' THUB LUS 'DI DANG, ,BDAG CAG NYID NI NYES PA MED 'DI DAG ,RGYAL POS CIG CAR BSAD PAR MI 'GYUR RAM, ,DE LTAR BTZUN MO DE DAG MYA NGAN BYED PA'I SHUGS RING PO 'BYIN PA RNAMS BYER TE SONG BA'I 'OG TU RGYAL PO DES, DRANG SRONG MCHOG @107B DE LA BSDIGS SHING KHRO BA'I SHUGS KYIS RAL GRI PHYUNG STE BDAG RANG 'DEBS SU SONG NGO, ,SEMS DPA' CHEN PO DE LTAR SMA PHAB KYANG MA 'GYUR ZHING BRTAN PA MA NYAMS LA RANG BZHIN DU SPYOD PA DE MTHONG NAS RAB TU RNGAM ZHING DE LA SMRAS PA, AA DZI NA DANG DBYUG PA THOGS, ,G-YO SGYU'I BRJID BAG 'CHOS PA NI, ,BDEN PA BZHIN DU MTHAR PHYIN KYANG, ,THUB PA BZHIN DU NGA LA LTA, ,DE NAS BYANG CHUB SEMS DPA' BZOD PA LA GOMS PAS, SMAD CING 'PHYAS PA DES KYANG BRTAN PA MA NYAMS PAR, RGYAL PO KHROS SHING RNGAM PAS SPYOD PA'I TSUL NI MI SDUG PAR GYUR, DUL BAR SPYOD PA'I DPAL NI NYAMS, BDAG LA PHAN PA DANG GNOD PA'I LAM NI BRJED PAR GYUR PA LA YA MTSAN CHER GYUR NAS, CUNG ZAD CIG BLTAS TE SNYING RJE BZHIN DU TSIG 'JAM POS BZHAMS TE 'DI SKAD CUNG ZAD CIG SMRAS PAR NGES SO, ,'DI LTAR DMOD LA SKAL BA MED LAS GYUR PA NI, ,'GRO BA DAG LA SRID PAS DE PHYIR BDAG MI SEMS, ,KHYOD LA 'OS PA'I BKUR STI BDAG GIS BYA BA LAS, ,TSIG TZAM GYIS KYANG MI RIGS MA BYAS SEMS LA GCAGS, RGYAL PO CHEN PO GZHAN YANG, 'GRO BA'I DON BYED KHYED LTA BU DAG NI, ,DAM PA MA YIN SPYOD PA'I LAM 'JUG PA, ,THUB CHOD BYAS TE SPYAD PA MI RIGS KYI, ,DE BAS RNAM PAR BRTAGS PA'I LAM DU 'JUG PAR RIGS, ,LEGS PA DAG KYANG CUNG ZAD MI RIGS MTHONG, ,KHA CIG NYES KYANG LEGS PA 'DRA BAR SNANG, ,GTAN TSIGS KHYAD PAR CAN DAG MA BRTAGS PAR, ,DGOS PA'I DON NI CHED DU MI RTOGS SO, , DGOS PA'I DON NI LEGS PAR BRTAGS NAS SU, ,RIGS DANG MI RIGS BYA BA LEGS RTOGS NAS, ,BSTAN DAG LAM DU LEGS PAR ZHUGS NAS NI, ,CHOS DANG SRID DANG BDE BA'I DON BSGRUBS NA, ,DE DAG NYID KYIS SKYE BO NYAMS MI 'GYUR, ,DE BAS RAB TU RGOD PA'I BLO BTUL NAS,, GRAGS PAR GYUR PA'I LAS NYID BRTZAM PAR RIGS, ,SNGON CHAD MA BYUNG NYES PA SPUNGS NAS SU, ,MNGON PA'I NGA RGYAL CAN RNAMS GTAM NGAN 'PHEL, ,KHYOD KYI MTHU YIS BSRUNGS BA'I NAGS TSAL NA, ,GZHAN GYI GNOD PA BYAS NA'ANG BSKYAB PAR RIGS, ,PHAN PA'I TSUL MED DAM PAS @108A *, ,SMAD PA DAG ,RGYAL PO CHEN PO RANG GIS JI LTAR SPYAD, ,SRUNG MA NYUG RUM BCAS PAR BUD MED RNAMS, ,BDAG GI GNAS SU RANG DGAR LHAGS PA LA, ,BDAG GIS NONGS PA CUNG ZAD CI LTAR BGYI, ,DE LTAR BKYON PAR GYUR PA GA LA SRID, ,DE STE BDAG GIS NONGS PAR GYUR NA YANG, ,'ON KYANG RGYAL POS BZOD NA MDZES PAR 'GYUR, ,NUS PA DAG LA BZOD PA RGYAN GYI MCHOG ,YON TAN RJES SU SRUNGS LA MKHAS PAR STON, ,BZOD PAS BRGYAN NA JI LTAR MDZES PA BZHIN, ,GDONG LA 'OD ZER SNANG BA RNA CHA DANG, ,RIN CHEN SNA TSOGS 'OD 'BAR COD PAN RNAMS, ,DE LTAR RGYAN DU MDZES PA MA LAGS DGONGS, ,RTAG TU BSTEN DU MI RUNG MI BZOD THONG, ,PHAN PAR GYUR PA'I BZOD PA BSRUNG BAR RIGS, ,DKA' THUB TSUL DU RGYAL PO 'ONG NA NI, ,DES SHING GUS PA'I TSUL DU SPYOD PAR RIGS, ,THUB PA'I MCHOG DES DE LTA BU'I TSIG 'JAM POS GDAMS KYANG, RGYAL PO DE MI BSRUN PAS BLO NYAMS PA'I PHYIR DE LA RNAM PA GZHAN DU DOGS NAS, YANG SMRAS PA, DKA' THUB CAN LTAR KHYOD KYIS MA BCOS LA, ,RANG GI SDOM LA GAL TE GNAS NA NI, ,BZOD PA'I MAN NGAG BSTAN PAR SNYAD BTAGS NAS, ,CI PHYIR NGA LA MI 'JIGS SBYIN PAR GSOL, ,BYANG CHUB SEMS DPAS SMRAS PA, RGYAL PO CHEN PO CI PHYIR BDAG NYID 'DI LTAR BGYIS PA GSAN DU GSOL, BRAM ZE LAS RAB TU BYUNG BA NYES PA MED PAR RGYAL POS BSAD DO ZHES BDAG GI SLAD DU KHYOD KYI GRAGS PA 'PHYAS BYA BAR 'GYUR DU DOGS SO, ,SEMS CAN RNAMS NI 'CHI 'GYUR BA'I, ,TSUL 'DI NGES PA NYID DU GNAS, ,BDAG GI TSUL LA'ANG RJES BLTAS NAS, ,BDAG NI DE BAS SHIS MI 'JIGS, ,PHYI NAS CHOS KYI BDEN PA LA, ,DE LTAR BYAS NA GNOD DU DOGS, ,BDE BA THOB LA PHAN PA YI, ,BZOD PA DE PHYIR KHYOD LA SMRAS, , BZOD PA YON TAN 'BYUNG GNAS YIN, ,NYES PA RNAMS KYANG ZLOG PAR BYED, ,RAB TU BZANG PO'I SKYES BZHIN DU, ,DGA' BAS BDAG NI BZOD PAR SMRA, ,DE NAS RGYAL PO DES TSIG RAB TU BDEN PAR SMRAS KYANG MI NYAN PAR, THUB PA DE'I TSIG ME TOG DANG 'DRA BA LA KHROS BZHIN DU @108B DRANG SRONG MCHOG DE LA SMRAS PA, KHYOD BZOD PA LA DGA' BA DE RING NGAS LTA'O ZHES SMRAS NAS, THUB PA DE'I LAG PA G-YAS PA CUNG ZAD BSGRENG STE, DGAG PA'I PHYIR SOR MO NI PHRA ZHING RING BA BKRAM PA DANG, RAL GRI RNON POS PADMA'I RTZA BA BZHIN DU MKHRIG MA BCAD DE, DE'I LAG PA'I MKHRIG MAR BCAD PA NA, GCOD PA PO NI BDE BAR GNAS PA LAS, ,PHYIS NAS SDUG BSNGAL MI BZOD MYONG 'GYUR BA'I, ,SDUG BSNGAL CI LTAR MI BZOD SDUG BSNGAL BA, ,DE LTAR BDAG NI SDUG BSNGAL MA GYUR TO, ,DE NAS BYANG CHUB SEMS DPAS BSAMS PA, AE MA HO NGO MTSAR BYAS KYIS MED, ,MI 'DIS BDAG LA PHAN PA'I BSAM PA LAS NI 'DAS, ,RJES SU GDAMS PA'I SNOD DU YANG MA GYUR GYI DON MED DO SNYAM NAS, NAD PA SMAN PAS BOR BA BZHIN DU DE LA MYA NGAN BYAS TE CANG MI ZER BAR 'DUG GO, ,DE NAS YANG RGYAL POS DE LA BSDIGS NAS SMRAS PA, DE LTAR MTHAR GYIS BCAD NA NI, ,KHYOD KYI LUS NI MED PAR 'GYUR, ,MA RUNGS PA YI BLO RNYED PA, ,TSUL 'CHOS BRTUL ZHUGS 'DI THOD SHIG ,DE NAS BYANG CHUB SEMS DPAS, DE RJES SU GDAMS SU MI RUNG ZHING 'DI LTAR NGAN DU BYED PAR RIG NAS, DE LA CI YANG MA SMRAS SO, ,DA NAS RGYAL PO DES BDAG NYID CHEN PO DE'I LAG PA YA GCIG DANG DPUNG PA GNYIS DANG RNA BA DANG SNA DANG RKANG PA GNYIS KYAD DE BZHIN DU BCAD DO, ,DE YI LUS BCAD 'GYEL BAR GYUR NA YANG, ,LUS KYI KHOG PA GNAS PA'I MTHA' SHES SHING, ,SKYE BO RNAMS LA BZOD PA GOMS GYUR PAS, , THUB PA'I MCHOG DE MA 'KHRUGS MYA NGAN MED, ,LUS DE BCAD PAR GYUR KYANG DE YI SEMS, ,DGE BA'I TSUL BLTAS BZOD PA GTAN MA NYAMS, ,DGA' BA'I TSUL GYIS SDUG BSNGAL YONG MA GYUR, ,RGYAL PO CHOS NYAMS MTHONG NAS MI DGAR GYUR, ,SO SOR BRTAGS BZOD SNYING RJE CAN, GZHAN GYI SDUG BSNGAL MI BZOD PA, ,BDAG GI SDUG BSNGAL CHEN PO YANG, ,DE TZAM DU NI GNOD MI 'GYUR, ,RGYAL PO DE YIS MI BZAD LAS BYAS PAS, ,DE MA THAG TU RIMS NAD ME BZHIN 'BAR, ,NAGS TSAL NYE BA'I NANG NAS THA MAR BYUNG, ,SA GAS NANG DU DE MA THAG TU SONG, ,RGYAL PO DE @109A *, ,SAGS PAS 'JIGS PA'I SGRA BYUNG LA, ME 'BAR BA 'KHRUG PA DE'I NANG DU SONG NAS, KHO RA KHOR YUG TU KU CO 'DON PA'I SGRA CHEN PO NI 'BYIN, RGYAL PO'I 'KHOR NI RAB TU 'KHRUG PAR GYUR PA DANG, RGYAL PO'I BLON PO RNAMS KYIS THUB PA DE'I DKA' THUB KYI MTHU CHE BA DANG, RGYAL PO DE SA'I 'OG TU SONG BA YANG DE LAS GYUR PAR SHES NAS, RGYAL PO DE NYES PAS DRANG SRONG 'DIS NI MKHAR DANG YUL 'DI THAMS CAD BSREG GO SNYAM NAS, 'JIGS SHING DOGS PA SKYES NAS, DRANG SRONG DE'I DRUNG DU LHAGS NAS PHYAG BYAS NAS BZOD PAR GSOL ZHING THAL MO SBYAR NAS GSOL BA GDAB PA, RGYAL PO BLUN ZHING RAB TU MI BRTAN PAS, ,KHYOD NI 'DI LTAR MA RUNGS BGYIS PAR GYUR, ,DE NI KHYOD KYI DMOD PAS MI SHIS SONG, ,MKHAR 'DI ZHUGS KYIS BSREG PAR MI MDZAD GSOL, ,BUD MED BYIS PA RGAN PO NAD PA SMAN, ,BRAM ZE NYES PA MED PA BSREG MI RIGS, ,DE BAS RGYAL PO 'DI YI YUL 'DI KUN, ,YON TAN CHOS KYIS RANG GI PHYOGS BZHIN BSRUNG, ,DE NAS MI DE RNAMS LA BYANG CHUB SEMS DPAS DBUGS PHYUNG STE SMRAS PA, TSE DANG LDAN PA DAG MA 'JIGS SHIG ,BDAG NI NAGS NA GNAS PA LA, ,NYES PA MED PAR RAL GRI YIS, ,LAG PA DANG NI RKANG PA DANG, ,SNA DANG RNA BA BCAD GYUR KYANG, ,BDAG LTA BU YIS JI LTAR NA, ,DE LA GNOD PAR BSAM PAR BYA, ,RGYAL PO DE NI TSE RING GYUR, ,DE LA SDIG TU MA GYUR CIG ,'CHI DANG NA BA'I SDUG BSNGAL CAN, ,'DOD CHAGS ZHE SDANG DBANG DU GYUR; ,NYES PAR SPYAD PAS TSIG PA LA, ,MYA NGAN BYED MOD GA LA KHRO, ,GAL TE BCOS SU RUNG NA DE YI SDIG ,BDAG LA RNAM PAR SMIN PAR GYUR KYANG RUNG, ,BDE BA CAN LA SDUG BSNGAL RJES 'BRANG ZHING, ,YUN RING MIN YANG MI BZAD BRNAG MI NUS, ,BDAG LA BAN PAR MI SHES RGYAL PO DE, ,DE LTAR TSIG LA BSKYAB PAR MA NUS PA, ,BDAG GIS MA NUS NYES PA DE BOR TE, ,RGYAL PO LA NI CI LTAR 'KHON DU 'DZIN, ,RGYAL PO GRONG NA'ANG 'CHI LA SOGS PA YI, ,SDUG BSNGAL SKYES NA KUN GYIS MYONG BAR 'GYUR, ,DE BAS SKYEL 'KHON DU BZUNG MI RIGS, ,DE MED SDUG @109B BSNGAL CI ZHIG CI LAS GYUR, ,NAGS NA GNAS SHING RAB TU BYUNG BAR SHES, ,BZOD PA SMRA BA RING PO MI THOGS 'CHI, ,CI PHYIR MI BZOD SKABS NI 'BYED PAR BYED, ,DE BAS MA 'JIGS KHYED CAG BDE BAR DONG, ,DE LTAR THUB PA MCHOG GIS RJES BSTAN PA, ,SLOB MA NYID DU LEGS PAR BZUNG BAR BYAS, ,BZOD LA GNAS PAS BSTAN PA MA NYAMS PAR, ,BZOD PA'I MTHU YIS MTHO RIS SONG BAR GYUR, ,DE LTAR THUB PA LAS GLENGS NAS BZOD PA'I YON TAN BSNGAGS PA LA YANG BRJOD PAR BYA'O, ,RGYAL PO DE'I DPES MI BRTAN ZHING MI BZOD PA'I SKYON BSTAN PA LA YANG BRJOD PAR BYA'O, ,DE LTAR 'DOD PA'I NYES DMIGS KYI PHYIR NYES PAR SPYAD PAS NGAN SONG DU LTUNG BAR GYUR TO, ,ZHES 'DOD PA'I NYES DMIGS KYI GTAM LA YANG BRJOD PAR BYA'O, ,'BYOR PA MI RTAG PAR BSTAN PA LA YANG BRJOD PAR BYA'O, ,BZOD PAR SKYES PA'I RABS TE NYI SHU BRGYAD PA'O,, ,,LOG PAR LTA BA NI KHA NAM THO BA RAB TU CHE BA'I PHYIR, LOG PAR LTA BA LA ZHEN PA RNAMS LA, DAM PA RNAMS KYIS LHAG PAR RJES SU BRTZE BAR BYA BA RIGS SO, ,DE YANG 'DI LTAR BCOM LDAN 'DAS 'DI BYANG CHUB SEMS DPAR GYUR PA'I TSE, BSAM GTAN LA GOMS PAR BYAS PA'I DGE BA'I LAS KYI RNAM PAR SMIN PA'I MTHUS, TSANGS PA'I 'JIG RTEN DU SKYES SO ZHES GRAGS SO, ,DE TSANGS PA'I BDE BA CHEN PO BSAM GTAN GYI KHYAD PAR THOB KYANG TSE RABS SNGA MA LA SNYING RJE BYA BA LA GOMS PAR BYAS PAS GZHAN LA PHAN PAR BYED PA'I YID LA BYED BA RTZOL BA MED PAR MA GYUR TO, ,YUL GYI BDE BA TZAM GYI TSOD KYIS KYANG, ,'JIG RTEN RNAMS NI BAG MED DBANG DU GYUR, ,DAM PA RNAMS NI BSAM GTAN BDE BAS KYANG, ,GZHAN LA PHAN PAR 'DOD PA YONG MI NYAMS, ,DE NAS RE ZHIG CIG BDAG NYID CHEN PO DE 'DOD PA'I KHAMS SNYING RJE'I GNAS SU GYUR PA, SDUG BSNGAL DANG YID MI BDE BA RNAM PA SNA TSOGS BRGYA DANG LDAN PA, GNOD SEMS DANG 'TSE BA MANG PO LA BLTAS NAS, YUL LUS 'PHAGS PO'I RGYAL PO YAN LAG SBYIN ZHES BYA BA BSHES GNYEN NGAN PA BRTEN PA'I SKYON DANG YANG DAG PA MA YIN @110A *, ,PA YID LA BYED PA 'DRIS PAS LOG PAR LTA BA STUG PO'I NANG NA 'KHYAMS SHING, 'JIG RTEN PHA ROL MED PAS DGE BA DANG MI DGE BA'I LAS KYI RNAM PAR SMIN PA LTA GA LA YOD CES ZER ZHING DES DE LTAR NGES PAR BYAS NAS, CHOS SPYOD PA'I SPRO BA NI MED, SBYIN PA DANG TSUL KHRIMS LA SOGS PA LEGS PAR SPYAD PA LA NI RGYAB KYIS PHYOGS, CHOS SPYOD PA RNAMS LA NI BRNYAS PAR SEMS, CHOS KYI GTZUG LAG RNAMS LA NI DAD PA MED CING BLO RTZUB, 'JIG RTEN PHA ROL GYI GTAM LA NI 'PHYAS SU 'DZIN, DGE SBYONG DANG BRAM ZE RNAMS LA NI DUL BA DANG BKUR STI DANG GUS PAR BYA BA LA NI LHOD PAR GYUR TO, ,'DOD PA'I BDE BA LA GZHOL BAR GYUR PA MTHONG NGO, ,DGE DANG MI DGE'I LAS LA 'JIG RTEN PHA ROL TU, ,BDE DANG SDUG BSNGAL 'BYUNG BAR RAB TU NGES BYAS NAS, ,SDIG PA SPANGS TE DGE BA'I LAS LA RAB TU 'BAD,, DAD PA MED PA DAG NI JI LTAR 'DOD PAR SPYOD, ,DE NAS BDAG NYID CHEN PO LHA'I DRANG SRONG DES, RGYAL PO DE LTA BA NGAN PA LA ZHEN PAS, NGAN SONG DU LHUNG BAR 'GYUR BA, 'JIG RTEN RNAMS DON MED PAR GYUR PA LA SNYING RJE SKYES PAR GYUR NAS, YUL GYI BDE BA LA SEMS CHAGS PAR GYUR PA'I RGYAL PO DE, GZHAL MED KHANG GTZAD MA BZANG PO CIG NA 'DUG PA DE'I MDUN DU TSANGS PA'I 'JIG RTEN NAS 'OD 'BAR ZHING BAB STE 'ONG BAR GYUR TO, ,DE NAS RGYAL PO DES MI DE MI'I PHUNG PO BZHIN DU 'BAR, GLOG MANG PO 'GYU BA BZHIN DU NI 'OD GSAL, NYI MA'I 'OD ZER MANG PO LTAR GZI BYIN CHE ZHING MDZES PA MTHONG NAS, DE'I GZI BYIN GYIS SEMS ZIL GYIS GNON TE RTAB RTAB POR GYUR NAS, DE NAS THAL MO SBYAR TE LANGS NAS GUS PAR LTA ZHING 'DI SKAD CES SMRAS SO, ,KHYOD KYI ZHABS DANG PHYAG MDZES PADMA BZHIN, ,NAM MKHA' LA YANG SA BZHIN YONGS SU 'DZIN PAR BGYID, ,'OD ZER 'BAR BA NYI MA BZHIN DU GSAL, ,BLTA NA MDZES PA'I GZUGS CAN KHYOD SU ZHIG ,BYANG CHUB SEMS DPAS SMRAS PA, MNYAM PAR GZHAG PA'I SEMS KYIS 'DOD CHAGS ZHE SDANG GNYIS, ,DREGS PA'I DGRA RNAMS G-YUL NGO PHAM BYAS BZHIN DU BCOM, , @110B GANG DAG TSANGS PA'I 'JIG RTEN SKYES PAR GYUR PA YI, ,LHA YI DRANG SRONG NANG NAS GCIG NI BDAG LAGS SO, ,DE SKAD SMRAS PA DANG, RGYAL PO DES GSHEGS PA LEGS SO, ,ZHES BYA BA LA SOGS PA SMRAS TE, DE LA MCHOD YON PHUL BA DANG RKANG PA BKRUS PAS BKUR STI BYAS NAS; DE LA YA MTSAN CAN DU BLTAS TE SMRAS PA, 'PHAGS PA KHYOD KYI RDZU 'PHRUL GYI MTHU 'DI LTA BU NI NGO MTSAR CHE'O, ,KHANG BZANG RTZIG PA DAG LA THOGS MED LA, ,SA LA 'GRO BA BZHIN DU MKHA' LA'ANG 'CHAG ,GLOG GI 'OD BZHIN GZI BRJID PHUN SUM CHOGS, ,KHYOD KYI RDZU 'PHRUL 'DI NI CI THOB SMROS, ,BYANG CHUB SEMS DPAS SMRAS PA, BSAM GTAN TSUL KHRIMS DRI MA MED PA DANG, ,DBANG PO RNAMS NI RAB TU BSDAMS PA DANG, ,SRID PA GZHAN LA'ANG GOMS PAR BYAS PA YI, ,DE YI 'BRAS BU GRUB PA YIN PAR 'DRA'O, ,RGYAL POS SMRAS PA, 'JIG RTEN PHA ROL CES ZER BA 'DI BDEN NAM, TSANGS PAS SMRAS PA, RGYAL PO CHEN PO MANG DE 'JIG RTEN PHA ROL MCHIS SO, ,RGYAL POS SMRAS PA, 'PHAGS PA 'DI BDAG GIS CI LTAR YID CHES PAR BGYI, BYANG CHUB SEMS DPAS SMRAS PA, RGYAL PO CHEN PO 'DI RAB TU GSAL TE, MNGON SUM LA SOGS PA'I RIG PA'I TSAD MAS GZUNG DU RUNG LA, YID GCUGS PA'I TSIG GIS BSTAN PA DANG, BRTAG PA'I RIM PAS KYANG YID CHES PAR BYAR RUNG NGO, ,KHYOD GZIGS SU GSOL, NYI ZLA SKAR MAS BRGYAN PA'I NAM MKHA' DANG, ,DUD 'GRO BRTAG PA'I RNAM PA MANG PO 'DI, ,'JIG RTEN PHA ROL MNGON SUM BZHIN DU SNANG, ,'DI LA THE TSOM BLO NGAN KHYOD MA BSKYED, ,BSAM GTAN GOMS BYAS DRAN PA GSAL BA YIS, ,TSE RABS DRAN PA'ANG DE DANG DE NA YOD, ,'JIG RTEN PHA ROL DE LA RJES SU DPOGS, ,DA BDAG LAS KYANG MNGON PAR MI 'GYUR RAM; ,SNGA MA'I BLO LA PHYI MA'I BLO 'GRUB NA, ,'JIG RTEN PHA ROL YOD PAR DE LAS MNGON, ,MNGAL NA 'DUG PA'I SNGON ROL BLO DE NI, ,DE MA THAG PA'I TSE RABS SNGA MA'I BLO, ,SHES BYA RTOGS PAR BYED PA'I BLO YIN ZER, ,DE BAS SKYE SOGS BLO NI YUL YOD GYUR, ,MIG SOGS MED @111A *, ,PAS DE NI TSE 'DI MIN, ,DE YI BLO NI 'JIG RTEN PHA ROL YIN, ,SKYE DGU TSUL KHRIMS LA SOGS BYE BRAG RNAMS, ,PHA MA'I RANG BZHIN DAG DANG MI MTHUN SNANG, ,GLO BUR GYUR PA GANG YANG GRUB PA MED, ,DE BAS TSE RABS GZHAN LA GOMS DE YIN, ,BLO YI MTHU STOBS GSAL BA MED PA DANG, ,DBANG PO RNAMS KYANG BLUN PA'I RANG BZHIN CAN, ,BCAS MA THAG TU SUS KYANG MA BSTAN PAR, ,NU ZHO 'THUNG BA RTZOL BAR BYED PA DANG, ,KHA ZAS BZA' BAR RTZOL BAR BYED PA YANG, ,SRID PA GZHAN LA GOMS PAR BYAS PA MNGON, ,DE DANG DE 'DRA'I LAS LA SLOB LOBS PA, ,GOMS PAR BYAS PAS MKHAS PAR GYUR PAR GRUB, ,DE LA 'JIG RTEN PHA ROL YOD PAR YID CHES PA LA MA 'DRIS PAS KHYED CAG 'DI LTAR DOGS PA SKYE YANG SRID, PADMA RNAMS NI 'BYED DANG 'DZUMS PA DAG ,SRID PA GZHAN LA SPYOD PA GOMS LAS GYUR, ,DE LTAR MI 'DOD NU ZHO 'THUNG BA DAG ,TSE RABS SNGA MA'I GOMS LAS CI PHYIR 'DOD, ,CES ZER BA'I DOGS PA DE YANG SKYES PA MI RIGS SO, ,DUS NGES PA DANG MA NGES PA LAS 'GYUR BA SNANG BA DANG, 'BAD PA RIGS PA DANG MI RIGS PA'I PHYIR TE, PADMA KHA 'BYED 'DZUMS LA DUS NGES YOD, ,NU ZHO 'THUNG BAR RTZOL LA DUS NGES MED, ,PADMA MI RTZOL NU ZHO 'THUD BAR RTZOL, ,DE BAS PADMA KHA BYE NYI MA'I MTHU, ,DE BAS NA RGYAL PO LEGS PAR BRTAGS NA 'JIG RTEN PHA ROL YOD NA YID YOD PAR RUNG NGO, ,DE NAS RGYAL PO DE LEG PAR LTA BA LA BLO ZHEN CING SDIG CHE BAS, 'JIG RTEN PHA ROL YOD PA'I GTAM DES NYAMS MI BDE NAS SMRAS PA, KYE DANG SRONG CHEN PO, 'JIG RTEN PHA ROL GAL TE BYIS BA BSDIGS TSUL MA YIN LA, ,'DI NI BDAG GI YID CHES BYA BAR GAL TE KHYOD SEMS NA, ,'O NA DE RING 'DIR NI GSER SRANG LNGA BRGYA NGA LA BYIN, ,DE YI SKYIN PO SRID PA GZHAN DU GSER SRANG STONG SBYIN NO, ,DE NAS BYANG CHUB SEMS DPAS, DE SPYI BRTOL CHE BA LA GOMS SHING 'DZEM DOGS MED LA, LOG PAR LTA BA'I DUG GI SGREGS PA DANG 'DRA BA'I MI RIGS PA'I TSIG DE'I LAN RIGS PA'I TSUL GYIS SMRAS PA, 'DI LA'ANG RE ZHIG NOR NI 'BYOR PAR 'DOD PA @111B YIS; ,BDAG NYID NGAN PA DAG LA NOR NI YONG MI GTONG, ,BRKAM DANG MI MKHAS LE LO CAN LA'ANG NOR MI GTONG, ,DE DAG LA NI BTANG NA DE NYID ZAD PA'I MTHAR, ,GANG DAG NGO TSA SHES PA MNGON PA DANG, ,CHO RIGS BTZUN ZHING NOR SPEL MKHAS PA DANG, ,RAB TU DBUL YANG BU LON 'JAL BYED PA, ,DE LA BYIN NA NOR NI 'PHEL BAR 'GYUR, ,NOR GTONG TSUL NI DE LTAR MKHYEN PAR MDZOD, ,'JIG RTEN GZHAN LA BU LAN 'JAL BYA BA, ,LTA BA NGAN PA SPYOD PA KHYOD LA NI, ,NOR RNAMS BYIN YANG DON NI MED PAR 'GYUR, ,LTA BA NGAN PA'I SKYON GYUR MI BZAD PA'I,, BDAG GI LAS KYIS KHYOD NI DMYAL BAR LTUNG, ,SEMS NYAMS NAD KYIS GDUNGS PAR GYUR PA LA, ,GSER SRANG STONG GI PHYIR NI SU ZHIG BSKUL, ,DE NA NYI ZLA'I 'OD ZER RNAMS KYIS KYANG, ,PHYOGS KYI NANG DU MUN GYIS G-YOGS MI SNANG, ,SKAR MA MANG POS BRGYAN PA'I NAM MKHA' YANG; ,KU MUD RGYAS PA'I MTSO 'DRA YONG MI SNANG, ,MED PAR LTA BA TSE RABS PHYI MA LA, ,GNAS PA DE NA MUN NAG RLUNG GRANG LDANG, ,DES NI RUS PA'ANG 'JIG PA'I NAD SLONG NA, ,BDAG LA PHAN 'DOD SU ZHIG DE RU 'JUG ,MUN NAG 'THIBS PO DU BA DKU BA YI, ,DMYAL BA'I NANG NA KHA CIG YUN RING GNAS, ,RANG GI PAGS PA'I 'BRENG BAS DRANGS PAR SNANG, ,PHAN TSUN BRNGOS TE SNAD PAS 'O DOD 'BOD, ,ME MUR 'BAR BA'I DMYAL BA GZHAN DAG NI, ,YANG DANG YANG DU RKANG LAG TSIG BZHIN DU, ,DE LAS THAR BAR 'DOD PHYIR PHYOGS SU RGYUG ,MI DGE MA BYANG BAR DU TSE MI 'DA', ,LA LA GSHIN RJE'I GSHED MA MA RUNGS PAS, ,SHING MKHAN BZHIN DU YAN LAG GSHAGS PA NI, ,LJON SHING RLON PA DAG LA SKABS RNYED BZHIN, ,MTSON CHA RNON POS RAB TU GTUBS SHING GSHAGS, ,DE BZHIN GZHAN DAG DUM BUR RAB TU GTUBS, , PAGS PA BSHUS PA'I SDUG BSNGAL MI BZAD MYONG, ,SHA RNAMS BTOGS PAS KHA CIG RUS PA TZAM, ,RANG GI SDIG GIS SROG NI CHAD MI 'GYUR, ,KHA CIG 'BAR BA'I SRAB KYIS KHA BSRABS NAS, ,LCAGS KYIS GZHI RAB TU 'BAR BA LA, ,GLANG LCAG ME LTAR 'BAR BAS @112A *, ,DBANG MED BYAS, ,RAB TU 'BAR BA'I SHING RTA 'DREN CING 'KHOD, ,BSDUS 'JOMS RI YIS KHA CIG LUS KYANG GZIR, ,DE YIS BRDZIS PAS PHYE MAR LHAGS GYUR KYANG, ,SDIG PA'I LAS RNAMS MA ZAD PAR DU NI, ,SDUG BSNGAL RGYUN CHAGS CHE YANG YONG MI 'CHI, ,LCAGS GTUN RAB TU 'BAR BA'I NANG DAG TU, ,LCAGS KYI BLA GTUN RAB TU 'BAR BA YIS, ,LO GRANGS LNGA BRGYAR TSANG GI BAR DU NI, ,PHYE MAR BTAGS KYANG DA RUNG SROG MI 'DOR, ,BYI RU BZHIN DU RAB 'BAR SHING DAG GI ,LCAGS KYI TSER MA 'BAR ZHING RTZUB PA LA; ,GSHIN RJE'I GSHED PO KHRO BAS MGON MED PAR, ,STENG DANG 'OG TU RAB TU DRANGS SHING BSDUS, ,LA LA ME MDAG PHUNG PO CHEN PO NI, ,BTZO MA'I GSER LTAR RAB TU 'BAR BA NA, ,BDAG GIS LAS NGAN SPYAD PA'I 'BRAS BU MYONG, ,'GRE LDOG DU 'BOD TZAM GYI MTHU LA BRTEN, , KHA CIG SA GZHI RAB TU 'BAR BA LA, ,PHUR PA BRGYA YIS LCE YANG RAB TU BRGYANGS, ,MI BZAD NAD KYIS LUS GZIR SGRA YANG 'BYIN, ,DE DAG DE TSE 'JIG RTEN PHA ROL SHES, ,LCAGS KYI LEB MA 'BAR BAS KHA CIG DKRIS, ,GZHAN DAG LCAGS KYI RDZA CHEN NANG DU BSKOL, ,LA LA MTSON RNON CHAR 'BAB LUS KYANG DMYAL, ,GCAN GZAN KHRO BOS SHA LPAGS ZAD PAR BTOGS, ,KHA CIG ME 'BAR TSA BAS GDUNGS GYUR NAS, ,CHU BO BRGAL DKA' RTZUB MO'I NANG DU 'JUG ,DE NA DE RNAMS SHA NI MYAGS PAR 'GYUR, ,NGAN SPYOD MTHUS BZUNG SROG NI CHAD MI 'GYUR, , GZHAN DAG TSABS RAB TU GDUNGS GYUR NAS, ,MI GTZANG RO MYAGS KHROD LA 'TSO SNYAM STE, ,ZHUGS NAS SDUG BSNGAL MTSUNGS MED DE NA MYONG, ,SRIN BU MANG POS LUS DANG RUS PA BSHIG ,KHA CIG ME YI NANG DU LUS 'BAR ZHING, ,RAB TU TSA BA'I SDUG BSNGAL YUN RING MYONG, ,ME 'BAR NANG NA LCAGS BSREG 'DRAR GYUR KYANG, ,RANG GI LAS KYIS THAL BAR LHAGS MI 'GYUR, ,GZHAN DAG SOGS LE 'BAR BAS DRA ZHING KHA CIG SPU GRI RNON POS GTUB, ,LA LA LCAGS KYI THO BAS MGO BCOM MYA NGAN GDUNGS SHING 'O DOD 'BOD, ,KHA CIG GSAL SHING CHEN POS LUS BRGYANGS DU BA @112B MED PA'I ME LA RAB TU BSREG ,GZHAN YANG LCAGS KYI KHU BA MA LTAR 'BAR BA BLUD NAS MKHUN SGRA 'BYIN, ,LA LA SNA TSOGS KHYI RNAMS STOBS CHEN GYIS, ,MCHE BA RNON PO'I SO YIS RAB TU 'DRAD, ,LUS KYI SHA RNAMS BTOGS PAS SRAB MOR GYUR, ,DMAN PA'I SGRA 'BYIN GCOM CHUNG DU ZHING 'GYEL, ,DMYAL BA MI BZAD DE LTA BU NI MI BDE BA, ,BDAG GI LAS KYIS 'PHANGS NAS MYONG BA DE YI TSE, ,MYA NGAN SEMS GDUNGS 'JIGS SHING NYAM THAG GYUR PA LA, ,DE TSE SU ZHIG KHYOD LA BU LON DED DU 'GRO, ,LCAGS KYI RDZA CHEN RAB TU ME 'BAR RNYED DKA' BA, , MA BZAD NANG NA 'GRO NGAN LUS RNAMS SLONG GYUR CING, ,RAB TU BSKOL BA'I SHUGS KYIS DBANG MED RNAM PAR 'GYUR, ,DE TSE SU ZHIG KHYOD LA BU LON DED DU 'GRO, ,SA GZHI ME 'BAR DU BA MED PA SER PO LA, ,LCAGS KYI PHUR PA ME 'BAR BRGYA YIS LUS BRGYANGS NAS, ,RAB TU LUS BSREGS SNYING RJER RUNG BAR DU BA NA, ,DE TSE KHYOD LA SU ZHIG BU LON DED DU 'GRO, ,RAB TU MNAR BA'I GNAS NA 'DUG PA NA, ,DE TSE SDUG BSNGAL CHEN PO MYONG 'GYUR BAS, ,TSIG GI LAN KYANG SMRA BAR MI NUS NA, ,DE TSE KHYOD LA SU ZHIG BU LON DED DU 'GRO, ,KHU YUG RLUNG GIS RAB TU BDAS GYUR ZHING, ,MKHUN PA'I SGRA YANG 'BYIN PAR MI NUS PAS, ,RUS PA'I RGYA ZHIG PHONGS PA'I SGRA 'BYIN PA, ,PHYI MA'I TSE LA SU ZHIG NOR DED YONG, ,GSHIN RJE'I GSHED POS BSAD PAR GYUR PA'AM, ,RAB TU 'BAR BA'I ME YIS TSIG PA'AM, ,SHA DANG KHRAG RNAMS KHYER ZHING ZA BAS NA, ,SU ZHIG KHYOD LA NOR SLONG SDUG BSNGAL MYONG, ,BSAD DANG BCAD DANG GSHAGS DANG BRDEG PA DANG, ,BSREG DANG BZHOG DANG BRDUNG DANG GZHIG PA DANG, ,GNOD PA MANG POS RTAG TU SDUG BSNGAL NA, ,DE TSE JI LTAR NGA LA BU LON BTZAL, ,DE NAS RGYAL PHO DES SEMS CAN DMYAL BA'I GTAM RAB TU 'JIGS SU RUNG BA DE THOS NAS MI DGA' BAR GYUR TE, LOG PAR LTA BA LA RJES SU CHAGS PA NI BTANG, 'JIG RTEN PHA ROL YOD PAR YID CHES PAR GYUR NAS, DRANG SRONG CHEN PO DE LA PHYAG 'TSAL TE SMRAS PA, ,DMYAL BA'I SDUG BSNGAL BDAG GIS THOS NAS SU,, @113A *, ,BDAG GI YID NI 'JIGS PAS RNAM PAR SKRAG ,DE DAG BDAG GIS JI LTAR MYONG GYUR SNYAM, ,RNAM RTOG ME YIS BDAG NI BSREGS PA BZHIN, ,BDAG GI SEMS NI LTA NGAN LHUNG GYUR ZHING, ,YUN RING MA MTHONG NGAN PA'I LAM DU SONG, ,'DI LA DGE BA'I GNAS SU KHYOD KYIS MTHONG, ,THUB PA KHYOD NI BDAG GI MGON DANG SKYABS, ,BDAG GI LTA NGAN MUN PA KHYOD KYIS BSAL, ,NYI MA SHAR BAS MUN NAG BSAL BA BZHIN, ,GANG GIS BDAG NI NGAN 'GROR MI LTUNG BA, ,DE 'DRA'I LAM NI BDAG LA BSHAD DU GSOL, ,DE NAS BYANG CHUB SEMS DPAS RGYAL PO DE YID MI DGA' BAR GYUR TE LTA BA DRANG POR GYUR NAS CHOS BSGRUB NUS PA'I SNOD DU GYUR PA MTHONG NAS, PHA BU LA SNYING BRTZE BA DANG, SLOB DPON SLOB MA LA SNYING BRTZE BA BZHIN DU 'DI LTAR RJES SU BSTAN TO, ,SNGON GYI RGYAL PO YON TAN DGA' BA RNAMS, , SLOB MA MCHOG TSUL DGE SBYONG BRAM ZE DANG, ,'BANGS LA'ANG NGANG TSUL SNYING RJE LDAN BSTAN PA, ,GRAGS LDAN DE NI MTHO RIS 'GRO BA'I LAM, ,DE BAS CHOS MIN THUB DGA' THUB BYED CING, ,SER SNA DOR DKA' RING DU BOR NAS SU, ,LHA DBANG PHO BRANG GSER GYI RTA BABS CAN, ,RIN CHEN MCHOG 'BAR DE NI 'BAR BZHIN SONG, ,YANG DAG LTA LA KHYOD YID 'DRIS PAR GYIS, ,SKYE BO MCHOG RNAMS LTA BA BLO GNAS TE, ,BYIS PA DGA' BYED SKYE BO'I LTA BA SPONGS, ,CHOS NYID NGES PA GANG DAG BSTAN LA RTOGS, ,DA NI KHYOD KYIS YANG DAG LTA DGE ZHING, ,RGYAL PO'I TSUL GYIS 'GRO BAR 'DOD PAR GYIS, ,YON TAN MI DGA' SEMS DE MED PAR BYOS, ,DE NYID SEMS KYI GO 'PHANG LAM DU GYUR, ,DE BAS YON TAN BSGRUB PA'I DBYIG TU BYOS, ,BDAG DANG GZHAN LA PHAN 'DOD SNYING RJE BSKYED, ,TSUL KHRIMS BRTAN ZHING DBANG PO RAB TU SDOMS, ,DE YIS PHYI MA'I TSE LA KHYOD MI SDUG , RANG GI BSOD NAMS RGYAL PO'I DPAL GYI GZI, ,MDZA' BSHES RNAMS LA RAB GSAL YID 'ONG DKA', ,GRAGS PA SNYAN PAS 'GRO BA'I SDUG BSNGAL BSAL, ,BDAG GI DON DANG LDAN PA'I PHAN PA SPYOD, ,KHYOD 'DIR BKUR STI SPYIN PA'I SHING RTA DAG ,RANG LUS YON TAN 'BYUNG PA'I SHING RTA @113B NYID; ,MIG RTZUB MIG LDAN SBYIN DUL 'KHOR LO CAN, ,BSOD NAMS 'DOD PA'I SHING RTA'I MDA' DANG LDAN, ,DBANG PO DUL RTA DRAN PA'I SRAB SKYOGS CAN, ,BLO GROS LCAGS LDAN THOS PA RGYA CHEN BRTZON, ,NGO TSA YO BYAD NGAN GROGS MDZES PAS BCINGS, ,BZOD PA'I GNYA' SHING DES 'GRO BRTAN PAS BRTAN, ,TSIG NGAN BSDOMS PAS MI SNYAN SGRA MI 'BYIN, ,YID 'ONG TSIG TZAM SMRA BAS ZAB PA'I SGRA, ,GDAMS PA MA ZHIG PAS NA MTSAMS MA BYED, ,SPYOD PA NGAN PA'I GYA GYU SPANGS PAS DRANGS, ,THEG PA 'DI DANG GRAGS PA'I RU MTSON DANG, ,SNYING RJE BSKYAL ZHING ZHI BA'I RGYAL MTSAN MTHO, ,BDAG DANG GZHAN DON MA RMONGS GSAL SPYOD PAS, ,RGYAL PO NAM YANG DMYAL BAR YONG MI LTUNG, ,DE LTAR BDAG NYID CHEN PO NGES, RGYAL PO DE'I LTA BA LOG PA'I MUN NAG DE TSIG GSAL BA'I NYI MA SHAR BAS BSAL NAS, DE LA BDE 'GRO'I LAM YANG BSTAN TE, DE NYID DU MI SNANG BAR GYUR TO, ,DE NAS RGYAL PO 'JIG RTEN PHA ROL YOD PA'I DON YANG DAG PAR NI RTOGS YANG DAG PA'I LTA BA'I SEMS NI RNYED NAS, BLON PO DANG PHO BRANG 'KHOR GYI MI DANG BCAS PA DAG SBYIN PA DANG DUL BA DANG SDOM PA LA GZHOL BAR GYUR TO, ,DE LTA BAS NA LOG PAR LTA BA NI KHA NA MA THO BA RAB TU CHE BA'I PHYIR, LOG PAR LTA BA LA ZHEN PA RNAMS LA DAM PA RNAMS KYIS LHAG PAR RJES SU BRTZE BAR BYA BAR RIGS SO, ,DE BZHIN DU DAM PA'I CHOS YONGS SU RDZOGS PAR MNYAN PA NI DAD PA YONGS SU RDZOGS PAR BYED PAR 'GYUR RO, ,ZHES KYANG SBYAR BAR BYA'O, , DE BZHIN DU GZHIN LAS CHOS MNYAN NA YANG DAG PA'I LTA BA SKYE BA'I RKYEN DU 'GYUR RO, ,ZHES SBYAR BAR BYA'O, ,DE LTAR NA SKYES BU DAM PA RNAMS NI BRNYAS THABS BYAS KYANG BZOD PA LA GOMS PAR BYAS PAS DE LA PHAN PA'I MAN NGAG STON PAR BYED KYI TSIG RTZUB MO NI MI SMRA'O, ,ZHES DE BZHIN GSHEGS PA RNAMS KYI YON TAN BSNGAGS PA LA YANG BRJOD PAR BYA'O, ,SKYO ZHING YID 'BYUNG BAR BYAS NAS MYUR DU LEGS PA'I LAM LA PHYOGS PAR 'GYUR BA'I PHYIR, SKYO ZHING YID 'BYUNG BAR BYA BA'I GTAM BYA BA LA BRJOD PAR BYA'O, ,TSANGS PAR SKYES PA'I RABS TE NYI SHU DGU @114A *, ,PA'O;, ,,BAM PO BCU GCIG PA, DGE BA RNAMS NI PHYIS GZHAN LA PHAN PAR 'GYUR NA, SDUG BSNGAL YANG KHE RNYED PA DANG 'DRA BAR SEMS SO, ,DE YANG 'DI LTAR BYANG CHUB SEMS DPA' GLANG PO CHE'I NAGS TSAL SHING LJON PA GZHON NU BZANG PO'I RTZE MO ME TOG DANG 'BRAS BU DANG SHING LOR LDAN PA RNAMS KYIS DE DANG DE DAG TU BRGYAN PA BZHIN DU 'DUG PA, LDUM BU DANG, SHING GEL BA DANG, RTZA BA RNAM PA SNA TSOGS KYIS KHEBS PA'I SA PHYOGS NA, RI'I LJONGS RNAMS NA NAGS TSAL NYAMS DGA' BA LA SNYING CHAGS NAS GZHAN DU G-YENG BA MED PAR GNAS BCAS PA BZHIN DU NI 'DUG ,NAGS NA RGYU BA RNAMS KYI GNAS SU NI GYUR, MTSO ZAB MO RGYA CHEN POS NI DGON PA DANG BCAS PAR BYAS, SHING DANG RTZVA DANG CHU MED PA'I MYA NGAM DGON PA CHEN POS KHOR KHOR YUG TU BSKOR BAS YUL DANG LJONGS THAG RING DU GYUR PA ZHIG NA, GLANG PO CHE LUS CHEN PO GCIG PU RGYU BA ZHIG TU GYUR TO, ,ZHES GRAGS SO, ,DE DE NA SHING LO DANG, PADMA'I RTZA BA DANG, CHU TZAM GYIS 'TSO ZHING CHOG SHES PA DANG, ZHI BAS DKA' THUB CAN BZHIN DU DGA' BAR GNAS SO, ,DE NAS RE ZHIG CIG SEMS DPA' CHEN PO DE NAGS TSAL DE'I MTHA' NAS RGYU ZHING SONG SONG BA LAS, MYA NGAM DGON PA NA MI'I SGRA CIG THOS PA DANG DES BSAMS PA, 'DI CI ZHIG SA PHYOGS 'DI NA YUL DU RGYU BA'I LAM NI CI YANG MED, MYA NGAM DGON PA CHEN PO 'DI LTA BUR BRGAL TE RI DVAGS BSHOR BA YANG MI RIGS NA TSEGS CHEN PO BYUNG STE, SHA THANG SHING BDAG CAG GLANG PO CHE'I KHYU NAS 'DZIN PA LTA SMOS KYANG CI DGOS TE 'ONG BA MI RIGS NA GOR MA CHAG PAR 'DI DAG NI PHYOGS SLAD NAS LAM NOR BA CIG YIN NAM, DE DAG GIS MI RIGS PAR BYAS NAS, RGYAL PO KHROS TE SPYUGS PA DAG CIG YIN PA 'DRA STE, 'DI LTAR 'DI DAG GCOM CHUNG ZHING, ,DGA' BA'I SKAD GSANG MTHON PO NYAMS, ,RAB TU NYAM THAG PHONGS PA'I SGRA, ,'BA' ZHIG DU BA BZHIN DU GRAG ,DE BAS NA 'DI CI YIN RE ZHIG BRTAG PAR BYA'O SNYAM NAS, BDAG NYID CHEN PO DE SNYING RJE CHEN @114B POS DRANGS NAS, MI'I SGRA GANG NA GRAG PA DE LOGS SU SONG STE, SMRE SNGAGS 'DON PA'I TSIG DANG MI 'GAL ZHING MYA NGAN BYED PA'I TSIG GIS DU BA'I SGRA NYAN CING SNYING RJES SEMS BSKUL NAS, SEMS DPA' CHEN PO DE DER RINGS PAR SONG STE NAGS TSAL STUG PO DE NAS BYUNG BA DANG, SA PHYOGS DE NA SHING DANG TSANG TSING MED PAS RGYANG RING POR BLTAS PA NA, MI BDUN BRGYA TZAM CIG BKRES PA DANG, SKOM PA DANG, NGAL BAS NYEN PA DAG NAGS TSAL DE LOGS SU'ONG BA MTHONG NGO, ,MI DE DAG GIS KYANG SEMS DPA' CHEN PO DE DAG GANGS RI'I RTZE MO 'GRO SHES PA'AM, STON KA'I SPRIN NAM, NA BUN GYI TSOGS RLUNG GIS BSKYOD PA BZHIN TSUR 'ONG BA MTHONG NGO, ,MTHONG NAS KYANG SKRAG CING MI DGA' STE, DA NI BDAG CAG RNAMS BSAD DO SNYAM NAS YID SKRAG PAR GYUR KYANG BKRES PA DANG, SKOM PA DANG, NGAL BAS SGYID LUG PAS PHYIR 'BROS MA NUS SO, ,DE DAG RAB TU 'JIGS GYUR KYANG, ,BKRES SKOM NGAL BAS NYAMS SMAD CING, ,MI DGA' 'JIGS PAS SPA GUM PAS, ,'BROS PA RTZOL NI MA NUS SO, ,DE NAS BYANG CHUB SEMS DPAS DE DAG SKRAG PAR RIG NAS, NGA LAS KHYOD RNAMS LA 'JIGS PA MI 'BYUNG GI, MA 'JIGS SHIG MA 'JIGS SHIG CES GLANG PO CHE SNA MDOG CUNG ZAD DMAR ZHING SNUM PA BSGRENGS PAS DBUGS PHYUNG STE, DRUNG DU PHYIN NAS SNYING RJE BA BZHIN DU DRIS PA, KHYED CAG SU YIN CI YI PHYIR, ,'DI LTAR GYUR CING 'DI NA 'KHOD, ,RDUL DANG NYI MA'I 'OD ZER GYIS, ,KHA DOG NYAMS SHING RID PAR GYUR, ,MYA NGAN GDUNGS PHONGS KHYOD SU YIN, ,KHYED CAG GANG NAS 'DIR LHAGS GYUR, ,DE NAS MI DE DAG MI'I SKAD DU SMRA ZHING MI 'JIGS PA SBYIN PAR KHAS LEN PAS DGA' BAR BYED PA DES SEMS BRTAS PAR GYUR TE DE LA PHYAG 'TSAL NAS SMRAS PA, GLANG CHEN RGYAL PO BDAG CAG NI, ,RGYAL PO KHROS PA'I RLUNG LANGS PAS, ,GNYEN BSHES MYA NGAN GDUNGS BZHIN DU, ,'DIR NI BSKRAD DE BTANG BA LA, ,GNYEN BSHES PAS KYANG LHAG GYUR PA, ,KHYOD KYIS BDAG @115A *, ,CAG GZIGS PAS NA, ,BDAG CAG SKAL BA LHAG MA MCHIS, ,LHA DPAL MNGON DU GYUR PAR NGES, ,KHYED KYI SPYAN SNGAR BAB PAS NA, ,PHONGS PA 'DI LAS THAR BAR 'GYUR, ,RMI LAM DU YANG KHYOD MTHONG NA, ,PHONGS LAS MI THAR SU ZHIG MCHIS, , DE NAS GLANG PO CHE DES MI DE RNAMS LA 'DI NA KHYED CAG DU TZAM YOD CES DRIS PA DANG, MI DE RNAMS KYIS SMRAS PA, YID 'ONG SKU LDAN BDAG CAG STONG TZAM CIG ,SA YI BDAG POS 'DIR NI SPYUGS PA LA, ,DE LAS PHAL CHER SDUG BSNGAL MA MYONG BAS, ,BKRES DANG SKOM PAS GDUNGS NAS GUM PAR GYUR, ,GLANG CHEN GTZO BO BDAG CAG 'DI NA NI, ,MI YI LHAG MA BDUN BRGYA TZAM CIG MCHIS, ,'CHI BDAG KHA YI NANG DU MCHIS PA LAS, ,KHYOD NI DBUGS 'BYIN LUS DANG 'DRA BAR GSHEGS, ,DE SKAD THOS NAS SEMS DPA' CHEN PO DE SNYING RJE LA GOMS PAS MYA NGAN BYED CING MCHI MA PHYUNG STE, DE DAG LA 'DI SKAD SMRAS SO, ,KYE MA HO KHYED CAG NYON MONGS NGO MTSAR BYAS KYIS MED, ,SNYING RJE MED CING KYI HUD 'DZEM PA MED, ,RGYAL PO'I BLO NI PHYI TSE MI SEMS SHING, ,RGYAL PO'I DPAL YANG GLOG LTAR MI BRTAN ZHING; ,BDAG LA PHAN SEMS MED PAS DBANG PO 'PHROG ,'CHI BDAG DE'U RE 'ONG BA DE ME SEMS, ,SDIG PA'I MTHA' YANG RING BAR MA THOS SAM, ,RNAM RTOG ZHEN PAS TSIG GIS GDAMS SU MED, ,RGYAL PO NYON MONGS RAB TU MGON MED GYUR, ,NAD KYI GZHIR GYUR CHUD ZA BA'I, ,'DI LTAR LUS 'DI GCIG BU'I PHYIR, ,SEMS CAN RNAMS LA SNYING MI BRTZE, ,KYI HUD GTI MUG 'DI CI RUNG, ,DE NAS GLANG PO CHE'I BDAG PO DES MI DE RNAMS SNYING RJE ZHING BYAMS PA'I SEMS KYIS BSAMS PA, 'DI RNAMS 'DI LTAR BKRES PA DANG SKOM PA DANG NGAL BAS NYAM THAG PAR NI GYUR, LUS NI RID CING NYAM CHUNG BAS, ,MYA NGAM GYI DGON PA DPAG TSAD DU MA YOD PA CHU MED CING GRIB MA MED PA 'DI LAS LAM BRGYAGS KYANG MED PAR CI LTAR THAR BAR 'GYUR, GLANG PO CHE'I NAGS TSAL NA YANG 'DI RNAMS NYIN GCIG TZAM NYON MA MONGS PAR GNAS @115B SU RUNG BA YANG CI YANG MED NA CI LTAR BYA, NGA'I SHAS 'DI RNAMS KYI LAM BRGYAGS BYAS TE, NGA'I RGYU MAS KYANG RKYAL PA BZHIN DU CHU SNOD BYAS NAS, GDOD MYA NGAM GYI DGON PA 'DI LAS THAR BAR 'GYUR GYIS, THABS GZHAN NI MED DO SNYAM NAS, DE BAS NAD MANG BRGYA YI GNAS, , LUS 'DI SDUG BSNGAL NYAM THAG PA, ,'DI RNAMS PHONGS LAS BSGRAL BA YI, ,GZINGS SU GYUR PA BDAG GIS BYA, ,MI YI LUS SU SKYES PA YIS, ,MTHO RIS THAR PA'I BDE BA THOB, ,'DI DAG DE LTAR GYUR PA LA, ,PHAN 'DOGS NUS PA'ANG SHIN TU DKON, ,BDAG GI SPYOD YUL GNAS SU LHAGS PAR GYUR, ,'DI 'DRA'I MGRON KYANG BSOD NAMS BYAS PAS THOB, ,GNYEN DANG BRAL BAS PHONGS SHING NYAM THAG GYUR, ,DE BAS BDAG GIS LHAG PAR BSKYAB PAR RIGS, ,LUS ZHES BYA BA 'DI NI DON MED MANG, ,YUN RING BAR DU SDUG BSNGAL MANG BA'I GNAS; ,RTAG TU NA BAS NYON MONGS MANG PO'I GZHI, ,GZHAN GYI DON DU PHAN NA SPYAD PAR RIGS, ,DE NAS DE DAG LAS KHA CIG NI BKRES PA DANG SKOM PA DANG, NGAL BA DANG TSA BA'I SDUG BSNGAL GYIS LUS NYAM THAG NAS THAL MO SBYAR TE, MIG MCHI MAS GANG BZHIN DU PHYAG 'TSAL ZHING PHONGS NAS LAG BRDAS CHU BSLANG BA NI, BDAG CAG MGON MED KHYOD MGON LAGS, ,KHYOD NI BDAG CAG SKYABS DANG RTEN, ,SKAL BA CHEN PO CI RIGS PAR, ,BDAG CAG RAB TU BSKYAB PAR RIGS, ,ZHES KHA CIG DE LA SNYING RJE RJE SKAD DU SMRAS SO, ,GZHAN DAG NI SEMS RAB TU BRTAN PAS CHU GANG NA YOD PA'I SA PHYOGS DANG, MYA NGAM DGON PA BGROD DKA' BA BRGAL BA'I LAM DRIS TE, MTSO'I GNAS SAM CHU BSIL KLUNG YANG RUNG, ,G-YA' CHAB BSIL MA GANG NA YOD KYANG RUNG, ,GRIB SHING ZLUM PO'AM BSIL LA SNGON PO'ANG RUNG, ,GLANG CHEN BDAG PO BDAG LA BSTAN DU GSOL, ,DGON PA 'DI LAS GANG DAG NA, ,THAR BAR NUS PAR 'GYUR BA DE, ,THUGS NI BRTZE BAR MDZAD NAS SU, ,PHYOGS DE BSTAN NA RAB TU LEGS, ,MYA NGAM DGON NA YUN RING DU, ,BDAG CAG 'KHYAMS SHING MCHIS PA LA, ,MDZA' @116A *, ,BO KHYOD KYIS BSGRAL BAR GSOL, ,ZHES SMRAS PA DANG, DE NAS BDAG NYID CHEN PO DES, DE DAG GIS SNYING RJE RJE SKAD DU GSOL BA BTAB PA DE DAG GIS SEMS RAB TU BRLAN PAR GYUR NAS, MYA NGAM DGON PA DE LAS THAR BAR 'GYUR PA'I RI ZHIG YOD PA DE, DE DAG LA BSTAN PA'I PHYIR, GLANG PO CHE'I SNA SPRUL CHEN PO'I MGO BO'I GDENGS KA 'DRA BA BRKYANG STE SMRAS PA, RI 'DI'I DRUNG NA MTSO CHEN PO ME TOG PADMA DANG AUTPA LAS BRGYAN PA, CHU GTZANG MAS GANG BA ZHIG YOD DE, DE BAS NA LAM 'DI NAS SONG LA, DER YANG TSA BA SKOM PA NGOMS SHING NGAL SOS PAR GYIS LA, DE DANG MI RING BA ZHIG NA RI DE'I KHA NAS LHUNG BA'I GLANG PO CHE'I RO CIG YOD KYIS, DE'I SHAS LAM BRGYAGS GYIS LA, DE'I RGYU MAS RKYAL PA BZHIN DU CHU SNOD BYAS TE CHU LONG LA, SA PHYOGS 'DI NAS DENGS SHIG DANG, MYA NGAM DGON PA 'DI LAS THAR BAR 'GYUR GYIS KHYED RNAMS LAM 'DI NAS PHAR DENGS SHIG CES SMRAS NAS, BDAG NYID CHEN PO DES MI DE RNAMS DBUGS PHYUNG STE, DE NAS GYES TE LAM GZHAN CIG NAS SONG STE, RI DE'I KHAR 'DZEG NAS, SKYE BO RNAMS BSGRAL BA'I PHYIR, DE NAS RANG GI LUS POR BA NA, SMON LAM 'DI LTAR BTAB PAR NGES SO, ,BDAG GIS 'DI BYAS BDE 'GRO THOB PHYIR MIN, ,MI DBANG RGYAL SRID GDUGS GCIG DPAL PHYIR MIN, ,MTHO RIS BDE MCHOG MYONG BA'I PHYIR MA YIN, ,TSANGS PA'I DPAL DANG THAR PA'I BDE PHYIR MIN, ,MYA NGAM DGON PAR 'KHYAMS PA'I SKYE BO 'DI; ,BDAG GIS BSGRAL PA'I BSOD NAMS YOD NA NI, ,DE YIS 'KHOR BA'I DGON PAR 'KHYAMS PA YI, ,'JIG RTEN RNAMS NI SGROL BAR NUS PAR SHOG ,BDAG NYID CHEN PO DES DE LTAR NGES PAR BYAS NAS RAB TU DGA' BA'I SHUGS KYIS RANG GI LUS G-YANG SA NA LHUNG STE, ZHIG NAS 'CHI BA'I SDUG BSNGAL LA MI LTA BAR RI DE'I KHA NAS RANG GI LUS SA PHYOGS DER BOR RO, ,DE NAS DE LHUNG STON KA'I SPRIN BZHIN MDZES PAR GYUR, ,ZLA BA'I DKYIL 'KHOR NUB KYI RI KHAR NUB PA BZHIN, ,KHYUNG GI 'DAB MA BSKYOD PA'I RLUNG GIS BSKYOD PA YIS, ,GANGS RI RTZE MOS @116B STOD G-YOGS LHUNG BAR GYUR PA BZHIN, ,DE NAS SA DANG RI RNAMS G-YOS PAR GYUR, ,BDAG POR BSNYEMS PA'I BDUD KYI SEMS KYANG 'DAR, ,GNAM GRUM SGRA BZHIN SA LA LHUNG BAR GYUR, ,NAGS TSAL 'KHRI SHING LHA RNAMS 'DUD PAR GYUR, ,NAGS TSAL DE NA GNAS PA'I LHA RNAMS NI, ,DE TSE NGES PAR YA MTSAN SKYES PAR GYUR, ,RAB TU DGA' NAS SPU LANGS NAM MKHA' LA, ,LAG PA BSGRENGS NAS MDZUB MOS BSTAN PAR GYUR, ,KHA CIG TZAN DAN PHYE MAS BSGOS PA YI, ,ME TOG DRI ZHIM RNAMS KYIS RTAG TU 'THOR, ,LA LA MA BTAGS STOD G-YOGS GSER GYIS BRGYAN, ,RGYAN RNAMS KYIS NI DE LA MCHOD PAR BYED, ,DE BZHIN GZHAN DAG DAD PAS BSTOD PA DANG, ,THAL MO SBYAR BA PADMA KHA 'BUS 'DRA, ,COD PAN MDZES LDAN SPYI BOS BTUD PA YIS, ,DE LA PHYAG 'CHAL MCHOD PA BYED PAR GYUR; ,KHA CIG MTSO RLABS 'KHRUGS PAR BYED PA'I RLUNG, ,ME TOG DRI ZHIM NGAD DANG LDAN PA YIS, ,DE LA BSIL G-YAB BYED CING GZHAN DAG NI, ,SPRIN GYI BLA RE STUG PO 'DRA BAR BYED, ,LA LA DAD PAS DE LA MCHOD PA'I PHYIR, ,LHA YI RNGA SGRAS NAM MKHA' DGOD PAR BYED; ,GZHAN DAG DER NI LJON SHING ME TOG DANG, ,'BRAS BU LO MAR LDAN PAS BRGYAN PAR BYED, ,PHYOGS RNAMS STON KA'I MDANGS BZANG MDZES PAR GYUR, ,NYI MA'I ZER YANG SNGON POS GSAL BA 'DRA, ,RGYA MTSO DE YANG DANGS LA RLABS BSKYOD NAS, ,DGA' BAS DE YI DRUNG DU 'ONGS PA 'DRA, ,DE NAS MI DE DAG MTHAR GYIS SONG SONG BA LAS MTSO DE'I DRUNG DU PHYIN NAS DER TSA BA DANG, SKOM PA DANG, NGAL BZHI BAR GYUR PA DANG, BDAG NYID CHEN PO DES JI SKAD BSTAN PA BZHIN DU, DE DANG MI RING BA CIG NA GLANG PO CHE ZHIG SHI NAS RING POR MA LON PA'I RO ZHIG 'DUG PA MTHONG NGO, ,DE DAG GIS BSAMS PA, AE MA HO GLANG PO CHE 'DI, GLANG PO CHE'I BDAG PO DE YANG RE 'DRA BA ZHIG GO, ,'DI NI GLANG CHEN MCHOG DE'I SPUN ZHIG GAM, ,GNYEN ZHIG YIN NAM YANG NA BU YIN NO, ,'DI LTAR, PHYE MAR LHAGS KYANG 'DI YI @117A *, ,GZUGS; ,GANGS RI DKAR PO 'DRA BAR SNANG, ,ME TOG KU MUD SPUNGS LTAR MDZES, ,ZLA BA'I 'OD ZER SPUNGS PA BZHIN, ,'DI NI DE YI GZUGS BRNYAN ZHIG ,ME LONG NANG NA 'DUG PA 'DRA, ,DE NAS MI DE DAG GI NANG NAS RAB TU MDZANGS PA KHA CIG GIS BRTAGS NAS BSAMS PA, 'DI NI PHYOGS KYI GLANG PO'I GZUGS MCHOG DANG 'DRA BA'I GLANG PO CHE DE NYID YIN GOR MA CHAG STE, BDAG CAG GNYEN BSHES MED PA PHONGS SHING NYAM THAG PA RNAMS BSGRAL BA'I PHYIR RI 'DI'I KHA NAS LUS BOR BA SNYAM, GNAM GRUS SGRA SKAD GANG GRAG DANG, ,SA YANG G-YOS BZHIN DU GYUR PA, ,BDAG CAG RNAMS KYIS THOS PA STE, ,NGES PAR 'DI NYID LHUNG BA YIN, ,LUS 'DI PADMA'I RTZA BA DKAR PO DE NYID 'DRA, ,ZLA BA'I 'OD LTAR LUS KYI SPU DKAR THIG LE MDZES, ,SEN MO RUS SBAL DBYIBS 'DRA, DKAR ZHING RKANG LAG DKAR, ,RGYAB BSHUL GZHU LTAR SKU ZHING MDZES PA DE NYID YIN, ,MYOS PA'I DBYES CAN GDONG DE DE NYID YIN, ,NGO PHEL CHEN PO DRI ZHIM RAB TU MDZES, ,MGO GTZUG MTHO MDZES LCAGS KYU'I RMA YANG MED, ,MJING PA STUG PO DE YANG 'DI NYID YIN, , PA SNYEMS PAS GAD PA BSNYOGS PA'I MTSAN MA CAN, ,MCHE BA MDOG DKAR DE GNYIS 'DI NYID YIN, ,GANG GIS BDAG CAG LAM 'DI BSTAN PA YANG, ,SOR MO RING BA'I SNA LAG 'DI NYID YIN, ,KYE MA'O 'DI NI NGO MTSAR RMAD DU CHE, ,BDAG CAG RNAMS KYI CHO RIGS DANG, TSUL DANG, ,DAD PA CI 'DRA SNGON CHAD MA MTHONG BAR, ,SKAL NYAMS NGED LA'ANG 'DI LTAR SEMS BYAMS NA, ,GNYEN BSHES RNAMS LA 'DI NI CI 'DRA ZHIG ,SKAL BA CHEN PO DE LA RNAM PA THAMS CAD DU PHYAG 'TSAL LO, ,PHONGS SHING NYAM THAG 'JIGS LA MYA NGAN GDUNGS, , BDAG CAG RNAMS LA 'DI LTAR PHAN 'DOGS PA, ,GLANG PO LTAR SNANG 'DI NI SU ZHIG YIN, ,YA RABS SPYOD TSUL MA NYAMS GSAL BAR BYED, ,SPYOD BZANG 'DI 'DRA GANG DU BSLAB ZHIG GU, ,BLA MA GANG LA GNAS NAS BSNYEN BKUR BYAS, ,YON TAN MED PAR GZUGS @117B BZANG MI 'GYUR ZHING, ,SKYE BO SMRA BA DE NI 'DI LAS SNGON, ,AE MA HO RANG BZHIN 'PHAGS PA PHUN SUM TSOGS, ,DON BZHIN BSGRUB PA 'DI YIS BSTAN PAR GYUR, ,'DI NI SHI BAR GYUR KYANG BDAG MGU BAS, ,GANGS RI 'DRA BA'I LUS MDZES RGOD PA BZHIN, ,DE BAS NA DE NI 'DI LTAR SU ZHIG GNYEN BSHES BYAMS PA BAS KYANG LHAG PAR BYAMS PA PHAN 'DOGS PA BDAG CAG LA PHAN PA'I PHYIR, RANG GI SROG STZAL TE, RAB TU LEGS PAR BYED BYED PA 'DI'I SHA ZA SUS PHOD, BDAG CAG GIS 'DI LA MCHOD PA BYED CING MER BSREG PA'I ZHAL TA BYAS LA DRIN LAN BLAN PA RIGS SO SNYAM NAS, MI DE RNAMS NYE DU SHI BA BZHIN DU SEMS MYA NGAN GYIS GDUNGS TE, MIG NI MCHI MAS GANG SKAD NI 'DZER BA LA BLTAS NAS, SEMS BRTAN PO KHA CIG GIS DON LA BRTAGS TE SMRAS PA, DE LTAR BYAS PAS GLANG PO CHE MCHOG 'DI LA BDAG CAG GIS MCHOD CING BKUR STI BYAS PAR MI 'GYUR GYI, 'DI'I BSAM PA RDZOGS PAR BYAS NAS, 'DI LA BDAG CAG GIS MCHOD PA BYAS PAR 'GYUR RO SNYAM MO, ,BDAG CAG RNAMS NI BSGRAL BA'I PHYIR, ,SNGON CHAD MA 'DRIS GNYIN 'DI YIS, , RAB TU PHANGS PA'I LUS BTANG NAS, ,RAB TU GCES PA'I MGRON BYAS PAS, ,DE BAS DE YI BSAM RDZOGS PAR, ,BDAG CAG RNAMS KYIS BYA BAR RIGS, ,GZHAN DU BYAS NA 'DI LTA BU, ,'DI YIS BYAS PA DON MED 'GYUR, ,DE YIS BYAMS TE CI BDOG PA, ,THAMS CAD MGRON DU BYAS PA 'DI, ,BDAG CAG RNAMS KYIS MA BLANGS NA, ,DE LA CI ZHIG BKUR STI BYED, ,DE BAS DE LA BLA MA BZHIN, ,TSIG NI MNYAN PAR BYAS NAS SU, ,BKUR STI CHEN PO BYA BAR RIGS, ,BDAG CAG RNAMS LA'ANG PHAN PAR 'GYUR, ,SDUG BSNGAL 'DI LAS THAR NAS CHOGS PA'AM, ,SO SO NAS NI GLANG PO MCHOG 'DI LA, ,BSHES GNYEN 'DAS PA DAG LA MCHOD PA BZHIN, ,BYA BA THAMS CAD BDAG CAG RNAMS KYIS BYA, ,DE NAS MI DE RNAMS MYA NGAM DGON PA DE NAS THAR PAR BYA BA'I PHYIR GLANG PO CHE'I BDAG PO DE'I BSAM PA YANG DRAN @118A *, ,PAR BYAS TE, DE'I TSIG MNYAN NAS SEMS DPA' CHEN PO DE'I SHA RNAMS KYANG BLANG, DE'I RGYU MA RNAMS KYIS KYANG RKYAL PA BZHIN DU CHU SNOD BYAS NAS CHU YANG BLANGS TE DES BSTAN PA'I SA PHYOGS DE NAS SONG STE, MYA NGAM DGON PA DE NAS THAR TE DONG NGO, ,DE LTA BAS NA DGE BA RNAMS NI PHYIS GZHAN LA PHAN PAR 'GYUR NA, SDUG BSNGAL YANG KHE RNYED PA DANG 'DRA BAR SEMS SO ZHES SKYE BO DGE BA RNAMS KYI YON TAN BSNGAGS PA LA'ANG BRJOD PAR BYA'O, ,DE BZHIN GSHEGS PA'I YON TAN BSNGAGS PA DANG RIM GRO BSKYED DE DAM PA'I CHOS MNYAN PA DANG, DE LTAR RANG BZHIN BZANG PO LA GOMS PAR BYAS NAS, TSE RABS GZHAN LA YANG RJES SU 'BRANG BAR 'GYUR RO ZHES RANG BZHIN BZANG PO BSGRUB PA'I YON TAN BSNGAGS PA LA YANG BRJOD PAR BYA'O, ,NOR BTONG BA LA GOMS PAR BYAS NA BDAG GI LUS LA PHONGS PA MED PA YANG THAGS THOGS MED PAR GTONG NGO ZHES GTONG BA LA GOMS PA'I YON TAN BSNGAGS PA LA YANG BRJOD PAR BYA'O, ,BCOM LDAN 'DAS YONGS SU MYA NGAN LAS 'DAS NAS LHA'I ME TOG DANG SIL SNYAN LA SOGS PAS MCHOD PA'I TSE, BCOM LDAN 'DAS KYIS GANG 'DI SKAD DU, KUN DGA' BO DE TZAM GYIS NI, DE BZHIN GSHEGS PA LA BKUR STI BYAS PAR MI CHUD DO ZHES GSUNGS PA DE YANG 'DI LTAR BSTAN PAR BYA STE, DE LTAR BSAM PA RDZOGS PAR BYAS NA MCHOD PA BYAS PAR 'GYUR GYI, SPOS DANG PHRENG BA LA SOGS PA PHUL BAS MCHOD PA BYAS PAR MI 'GYUR RO ZHES BSTAN PAR BYA'O, ,GLANG PO CHER SKYES PA'I RABS TE SUM CU PA'O, ,SDOM LA, ,BYANG CHUB NGANG PA BYANG CHUB CHE, ,SPRE'U RI DVAGS SHA RA BHA, ,RU RU SPRE'U RGYAL BZOD PAR SMRA, ,TSANGS DANG GLANG CHEN DE DANG BCU, ,BCU TSAN GSUM PA'O,, ,,SKYE BO DAM PA RNAMS DANG 'PHRAD NA JI LTAR 'PHRAD KYANG RUNG STE, LEGS PAR 'GYUR BA'I PHYIR, LEGS PAR 'DOD PA RNAMS KYIS SKYE BO DAM PA RNAMS LA BRTEN PAR BYA'O, ,DE YANG 'DI LTAR BCOM LDAN 'DAS NI BYANG CHUB SEMS DPAR GYUR PA'I TSE, KU RU'I RGYUD RAB TU GRAGS PA'I RIGS DANG LDAN, YON @118B TAN YONGS SU 'DZIN PAR BYED PAS 'BANGS RNAMS NI RANG BZHIN GYIS GLO BA NYE BA, GZI BYIN CHE BAS RGYAL PHRAN DREGS PA RNAMS NI PHYAG 'TSAL BAR GYUR PA, RGYAL PO'I RIGS DPAL DANG LDAN PA CIG TU SKYES PAR GYUR TO ZHES GRAGS SO, ,ZLA BA DANG 'DRA BAR MTHONG NAS DGA' BA YON TAN GYI 'OD ZER BRGYA DANG LDAN PA'I BU DE PHA MAS MING YANG ZLA BA ZHES BTAGS SO, ,DE ZLA BA YAR GYI NGO BZHIN DU NYIN RE ZHING GZI BYIN JE CHER GYUR TE, RIM GYIS RIG BYED YAN LAG DANG BCAS PA, NYE BA'I RIG BYED DANG BCAS PA LA NI MKHAS PAR GYUR PA, SGYU RTZAL MCHOG DANG BCAS PA'I SGYU RTZAL RNAMS KYI GO RIMS NI MTHONG BAR GYUR, 'JIG RTEN PA RNAMS NI RAB TU DGA' ZHING GUS PAR BYED PA'I GNAS SU GYUR, LEGS PAR PHAN 'DOGS SHING NYE BAR BSDU BA LA MKHAS PA DANG, GUS PA JE CHE JE CHER GYUR PA DANG, YONGS SU SKYONG BA LA NGES PAR BYED PA'I PHYIR, 'GRO BA RNAMS KYI GNYEN DANG 'DRA BAR GYUR TO, ,TSUL KHRIMS THOS DANG GTONG DANG SNYING RJE DUL, ,GZI BYIN BZOD DANG SHES RAB BRTAN DANG BYAMS, ,MA DREGS NGO TSA BYIN CHE MDANGS LDAN GRAGS, ,DE LA STOBS CHEN STOBS CHEN DAG PA RNAMS, ,YON TAN DE DANG DE DAG YOD PA NI, ,LONG TSOR GYUR PA'I RGYAN GYIS BRGYAN PA BZHIN, ,RNAM PAR DAG CING RGYA CHER YID 'ONG BA, ,ZLA BA'I 'OD ZER 'DRA BA'I GNAS SU GYUR, ,DE NAS DE 'BANGS RNAMS SKYONG NUS PA DANG MA 'JUNGS SHING RANG BZHIN BZANG BA'I PHYIR RGYAL POS RGYAL TSAB KYI LONGS SPYOD BYED DU BCUG GO, ,RAB TU MKHAS PAS CHOS LDAN LEGS SMRA RNAMS, ,DE YI GNANG CHEN BZHIN DU SDUG PAR GYUR, ,GANG DAG DE LA LEGS PAR SMRA BA DE, ,MCHOD PA KHYAD PAR CAN GYIS BKUR STI BYED, ,DE NAS BDAG NYID CHEN PO DE RE ZHIG CIG GRONG KHYER DANG NYE BA'I SKYED MOS TSAL DPYID KYI ZLA BA'I DUS LA BAB PA'I MTHUS, SHING GI LO MA RNAMS NI MDZES SHING 'JAM PAR GYUR, ME TOG SDUG GU KHA 'BUS PA RNAMS NI DGOD PA BZHIN, SA GZHI RNAMS NI NE'U GSING SNGON PO GSAR PA RNAMS KYIS RI MOR BKRAM PA BZHIN DU MDZES PAR BYAS, CHU GTZANG MA @119A *, ,RNAMS NI ME TOG PADMA DANG, AUTPA LA'I 'DAB MAS KHEBS BUNG BA MANG PO RNAMS NI DGA' BA'I SGRA 'BYIN, BYA KO KI LA DANG, RMA BYA RNAMS NI SKRA CHER 'BYIN, SER BU BSIL BA'I DRI ZHIM PO NYAMS SU BDE BA DAG NI DAL BUS LDANG YID RAB TU DGA' BAR BYED PA ZHIG NAS DMAG GI DPUNG RAB TU MI MANG BA ZHIG GIS YONGS SU BSKOR TE, RTZE BA'I PHYIR RGYU ZHING SONG SONG BA LAS SKYED MOS TSAL GZHAN CIG TU PHYIN TO, ,DE NI NAGS TSAL KO KI'I SGRA 'BYIN PA, LDING KHONG RGYAN CAN YID 'ONG SKYED MOS TSAL, ,LJON SHING SNA TSOGS ME TOG G-YUR GYIS DUD, ,DGA' BA'I TSAL NA LTA ZHING DGA' DANG SPYOD, ,BUD MED RNAMS NI GLU DANG RNGA SGRA SNYAN DANG 'BREL, ,'DZIN LA MKHAS PA'I YAN LAG MDZES PAR BSGYUR BA'I GAR, ,BUD MED BZANG MO MDZES PA CHAS PA DE DAG DANG, ,SKYED MOS TSAL BZANG DE NA DE NI DGA' BAR GNAS, ,DE DE NA 'DUG PA'I DRUNG DU BRAM ZE LEGS PAR SMRA BA LA MKHAS PA ZHIG 'ONGS TE, ZHES DANG PHYAG BYAS NAS DE'I GZUGS BZANG PO LA SEMS CHAGS BZHIN DU DER 'DUG GO, ,DE NAS SEMS DPA' CHEN PO DE DE NA LANG TSO LA BAB CING BSOD NAMS PHUN SUM TSOGS PA'I MTHU LAS BYUNG BA'I ROL MO BYED PA RNAMS LA LTA ZHING 'DUG PA LAS BRAM ZE 'ONGS PAS RAB TU DGA' BAR NI GYUR NA, DES LEGS PAR SMRAS PA, THOS PA DANG DER 'ONGS PA'I DON MA GRUB PAR GLO BUR DU CA CO CHEN PO GLU DANG SIL SNYAN GYI SGRA'I BAR CHAD DU 'GYUR BA ROL MO'I DGA' BA LA GNOD PA, BUD MED GZHON NU RNAMS 'JIGS SHING BAG 'KHUMS PAR BYED PA ZHIG BYUNG BA THOS NAS, NYUG RUM PA RNAMS LA 'DI CI YIN RTOGS SHIG CES CHED CHER BSGOS SO, ,DE NAS DE'I CHAB SGO BA RNAMS RTAB RTAB POR GYUR NAS, 'JIGS SHING SKRAG PAS NGO 'DZUM GNAG STE, MYUR DU LHAGS NAS GSOL BA, LHA SU D'A SA'I BU RKANG BKRA MI ZAN PO DE MI MANG PO ZA BA LA GOMS PAS GSHIN RJE MNGON SUM DU MCHIS PA BZHIN DU, SRIN PO BAS KYANG SEMS RTZUB PA, STOBS DANG MTHU LA SOGS PA MI LAS LHAG PA, SRIN PO BAS KYANG LHAG PAR MI BZAD PA 'JIGS @119B PA; MI RNAMS 'JIGS PAR BGYID PA GZUGS CAN BZHIN DU 'DIR MCHIS TE, DES SKRAG NAS SHING RTA DANG GLANG PO CHE DANG RTA DANG DMAG MI MANG PO'I DPUNG YANG BRTAN PA NYAMS TE BYER BAR GYUR CING MCHIS NA, LHA DE LAS CI LEGS PAR MDZAD CING BKA' GROS MDZAD PA'I DUS LA BAB PO ZHES GSOL TO, ,DE NAS BYANG CHUB SEMS DPAS SU D'A SA'I BU'I NGANG CHUL GYI SKYON DANG SPYOD PA SNGA NAS SHES PAS SNYING RJES DE GSO BAR BSAMS TE, DE'I NGANG TSUL NGAN PA ZHI BAR BYA BA'I MTHU BDAG LA YOD PAR SHES PAS, SU D'A SA'I BU 'DIR 'ONGS SO ZHES ZER BA GTAM SNYAN PA THOS PA BZHIN DU DGA' BAR GYUR NAS 'DI SKAD SMRAS PAR NGES SO, ,MI SHA 'DOD PAS RGYAL SRID NYAMS PAR GYUR, ,SMYON PAR GYUR PA BZHIN DU RANG DBANG MED, ,RANG GI CHOS BTANG BSOD NAMS GRAGS PA NYAMS, ,MYA NGAN BYA BA'I GNAS SKABS GNAS PA LA, ,BDAG GIS BRGAL BA'I GO SKABS GA LA YOD, ,DE LTA BU LA 'JIGS SU 'ANG GA LA RUNG, ,'DI NI 'THAB MO BRGAL BA MED PAR YANG, ,DE YI SDIG PA SNGON DU GZHOM PAR BYA, ,BDAG GIS SONG STE RJES SU BZUNG DGOS LA, ,BDAG GI DRUNG DU KHO BDAG 'ONGS PA LA, ,DE BAS DE LA BDAG GIS MGRON BYAR DGOS, ,DAM PA RNAMS NI DE LTAR MGRON YANG BYED, ,DE NAS DES PHO BRANG GI NANG GI MI RNAMS LA KHYED RNAMS LA JI LTAR BSGOS PA BZHIN DU LEGS PAR GYIS SHIG CES BSGOS NAS BTZUN MO'I 'KHOR MI DGA' ZHING YID BLONG PAS MIG MCHI MAS GANG, SKAD 'DZER ZHING SMRA BA'I TSIG NI 'KHRUL BZHIN DU LAM 'GOG PA RNAMS DBUGS PHYUNG STE SLAR BZLOG NAS CA CO CHEN PO GANG NA ZER BA DE LOGS SU SONG BA DANG, SU D'A SA'I BUS GOS DRI MA CAN GYIS RKED PA BCINGS TE MGO BO'I SKRA G-YENGS SHING RING LA RDUL GYIS GOS PA SHING SHUN GYIS THOD NI BCINGS, GDONG NI KHA SPU RING PO 'DZINGS PAS NGAM GNAG PAR GYUR LA, KHROS SHING RNGAMS PAS MIG NI BGRAD CING 'JIGS 'JIGS LTAR 'DUG ,RAL GRI DANG PHUB NI PHYAR NAS RGYAL PO'I DPUNG BYER BA'I PHYI BZHIN DU SNYEGS PA MTHONG NAS, @120A *, ,'JIGS PA DANG TSA MTSOM MED PAR, KVA YE BU ZLA BA NI NGA YIN TE 'DI NA 'DUG GIS, MI SHA ZA BA LA ZHUGS PA'I BKREN CHOS NGAN PA DES CI ZHIG BYA, SLAR LOG TSUR LA SHOG ,SU D'A SA'I BUS KYANG DE SKAD 'BOD PA'I SGRA THOS NAS, SENG GE BZHIN DU BSNYEMS PA DANG BCAS PAS DE NAS SLAR LOG PA DANG, BYANG CHUB SEMS DPA' GCIG PU PHUB DANG MTSON CHA YANG MED PAR RANG BZHIN GYIS ZHI BAR SNANG BA MTHONG NAS, NGA YANG KHYOD NYID TSOL ZHES SMRAS TE, 'DZEM DOGS DANG TSAM TSOM MED PAR RNGAM BZHIN DU DE'I DRUNG DU BRGYUGS TE 'ONGS NAS PHRAG PA LA BSKYON TE BROS NAS SONG NGO, ,BYANG CHUB SEMS DPAS KYANG DE'I SEMS RNGAM ZHING DREGS PAS G-YENGS PA LA, BLO RTAB RTAB POR GYUR CING, RGYAL PO'I DPUNG BYED BAS RAB TU DGA' BAR YANG GYUR LA, DOGS PA DANG BCAS PAR YANG SHES NAS, DA CUNG ZHIG 'DI BCOS PA'I DUS LA MA BAB PO SNYAM NAS BTANG SNYOMS SU BZHAG GO, ,SU D'A SA'I BU YANG 'DOD PA'I DON GRUB PAS RNYED PA CHEN PO RNYED PA BZHIN DU YID RAB TU DGA' NAS RANG GI GNAS RDZONG, MI RNAMS BSAD PA'I KENG RUS MANG POS GANG, ,SA GZHI KHRAG GIS GSHER BAS RTZUB RTZU BLTAR, ,CE SBYANG KHA 'BAR MI SNYAN SGRA SGROGS PA, ,KHRO TSIG RTZUB MOS RAB TU SKRONG PA BZHIN, ,BYA RGOD KHA NAS LO MA DMAR BA'I SHING, ,RO MANG BSREGS PA'I DU BAS MDOG 'GYUR ZHING, ,SRIN PO YI DVAGS GAR BYED LTAS NGAN 'JIGS, ,MGRON POS RGYANG NAS MTHONG NA MIG BSGYUR BA, ,DE LTA BU'I NANG DU SONG NAS DER BYANG CHUB SEMS DPA' BZHAG STE, DE'I BYAD GZUGS BZANG PO PHUN SUM TSOGS PA LA CHAGS NAS, MIG BGRAD DE DE LA LTA ZHING NGAL BSO ZHING 'DUG GO, ,DE NAS BYANG CHUB SEMS DPAS BRAM ZE LEGS PAR SMRA BA'I SKYES KHYER TE 'ONG BA, RIM GRO MA BYAS PA SKYED MOS TSAL DER SLAR 'ONG DU RE ZHING SDOD PA DE RJES SU DRAN NAS BSAMS PA, KYE MA'O MTSAR CIG BYAS KYIS MED, ,LEGS PAR SMRA BA'I SKYES BU LA, ,RE BA'I SEMS KYIS RING NAS 'ONGS, ,'DI LTAR BDAG KHRID THOS NAS SU, , @120B BRAM ZE DES NI CI BYED CIG ,RE THAG CHAD PA'I MI YIS SEMS BSREGS TE, ,MYA NGAN MI BZAD CHEN POS GDUNGS GYUR TAM, ,BDAG GI MYA NGAN BYED CING SHUGS 'BYIN TAM, ,RANG GI SKAL BA CHUNG ZHES SMAD CING 'DUG ,BYANG CHUB SEMS DPA' DES DE SNYAM DU SEMS SHING BRAM ZE'I SDUG BSNGAL GYIS SEMS GDUNGS NAS SNYING RJE'I DBANG GIS MCHI MA BYUNG NGO, ,DE NAS SU D'A SA'I BUS BYANG CHUB SEMS DPA' MIG MCHI MAS GANG BA LA BLTAS NAS DGOD CING SMRAS PA, KHYOD CUNG ZHIG SDOD CIG ,YON TAN MANG PO DE DAG GIS, ,KHYOD NI RAB TU BRTAN ZHES GRAGS, ,'ON KYANG NGA YI DBANG GYUR NA, ,'DI LTAR MCHI MA BYUNG NGAM CI, ,NYAMS NYES BRTAN PA DON MED 'GYUR, ,MYA NGAN BYUNG NA THOS MI PHAN, ,BRDEG NA G-YO BAR MI 'GYUR BA'I, ,SEMS CAN DE NI GANG YANG MED, ,CES ZER BA DE RE BDEN GYI, DE BAS NA DRANG POR KHYOD SMROS SHIG ,SROG GAM SDUG PA'AM 'ON TE BDE BA BSGRUB PA'I NOR, ,GNYEN NAM MI I BDAG PO RGYAL SRID MYA NGAN BYED, ,BU LA BYAMS PA'I PHA NI DU BA 'AM BU YANG RUNG, ,DRAN NAS KHYOD KYI MIG NI MCHIM AS GANG BAR 'GYUR, ,BYANG CHUB SEMS PAS SMRAS PA, SROG DANG PHA MA BU DANG GNYEN DANG CHUD MA'I PHYIR YANG MA YIN LA, ,BDAG LA MCHI MA BYUNG BA 'DI NI DBANG PHYUG BDE BA DRAN PA'ANG MIN, ,B RAM ZE LEGS PAR SMRA BA RE BAS 'ONGS PA BDAG KHRID THOS NAS SU, ,RE THAG CHAD PAS NGES PAR DE GDUNGS DRAN NAS BDAG NI MCHI MA BYUNG, ,DE BAS BRAM ZE RE THAG CHAD PAS SEMS DKRUGS TE, ,BKUR STI'I CHUS BKRUS GSAL BAR BYAS NAS DE LAS KYANG, ,LEGS PAR SMRAS PA'I BDUD RTZI MYOD BAR BYAS NAS SU, ,SLAD DU 'ONG BA'I BAR DU BDAG NI BTANG DU GSOL, ,BDAG GIS BRAM ZE'I DRIN LA LAN BLAN NAS, ,KHYOD KYI DRIN YANG DE NAS LEN 'DON DU, ,'DIR NI 'ONGS NAS KHYOD KYI MIG GNYIS KYIS, ,RAB TU DGA' BA'I SKABS PHYE LTAR YANG GZHUG ,'DI NI BROS PA'I THABS CIG YIN SNYAM DU, ,SEMS SHING YID LA DOGS PA MA BSKYED CIG ,RGYAL PO BDAG LTA BU YI LAM YANG GZHAN, ,SKYE @121A *, ,BO GZHAN YANG DE LTAR MIN PAR SPYOD, ,SU D'A SA'I BUS SMRAS PA, ,DE SKAD KHYOD KYIS RAB TU GUS SMRAS KYANG, ,JI LTAR BYAS KYANG YID CHES MI RUNG NGO, ,'CHI BDAG KHA NAS THAR TE BDE GNAS PA, ,SU ZHIG DE NI SLAD DU 'ONG BA YOD, ,'CHI BDAG 'JIGS PA THAR BAR DKA' LAS THAR, ,RANG GI KHYIM NA BDE BAR GNAS GYUR PA, ,GANG PHYIR KHYOD NI NGA YI DRUNG 'ONGS PA, ,DE YI RGYU NI CI ZHIG YOD PAR SMROS, ,BYANG CHUB SEMS DPAS SMRAS PA, ,BDAG 'DIR SLAR 'ONG BA'I RGYU CHEN PO CIG YOD PAR YANG KHYOD KYIS YID CHES SU MI RUNG BA CI YOD, NGAS SLAR 'ONG NGO ZHES KHAS MA BLANGS SAM, DE LTAR MI NGAN PA DANG MGO BSNYAMS TE DOGS PA MA BSKYED CIG ,NGA NI BU ZLA BA ZHES BYA BA YIN NO, ,KHA CIG 'DOD PA'I 'JIGS PA 'AM, SHIR DOGS PAS BDEN PAR SMRA BA RTZVA DANG 'DRA BAR DOR, YA RABS RNAMS NI BDEN PA SROG DANG 'DRA, ,DE BAS RAB TU PHANGS KYANG DE NI 'DOR, ,BDEN PA MED NA TSE 'DI'I BDE BA'AM, ,SROG KYANG NGAN 'GRO DAG LAS BSRUNG MI NUS, ,DGA' BA GRAGS DANG BDE BA'I 'BYUNG GNAS GANG, ,BDE BA SU ZHIG DE PHYIR SPONG PAR BYED, ,GYA GYU'I TSUL ZHIG GAL TE MTHONG GYUR TAM, ,LEGS PAR SPYOD PA GAL TE MA MTHONG NGO, ,DE LTAR BDEN PA YID CHES MI 'GYUR BA, ,NGA LA CI ZHIG KHYOD MTHONG DOGS PA SKYE, ,KHYOD KYIS NGA NI GAL TE 'JIGS GYUR TAM, ,BDE LA CHAGS PAS SNYING RJE MED GYUR NA, ,DPA' BAR SEMS SHING GTUM POR SPYOD GRAGS PA, ,PHUB BZUNG MTSON BZUNG DRUNG DU NGA 'ONG NGAM, ,KHYOD DANG BSHES PA RANG YANG 'DOD PA NYID, ,'DI NAS BRAM ZE DE YI DON BYAS NAS, ,SLAR YANG BDAG NI KHYOD KYI GAN DU 'ONG, ,NGED CAG LTA BU BRDZUN GYI TSIG MI SMRA, ,DE NAS SU D'A SA'I BUS BYANG CHUB SEMS DPA'I TSIG DE RANG LA BSTOD PA 'DRA BAS MA BZOD NAS BSAMS PA, ,'DI NI BDEN PAR SMRAS PA DANG CHOS DANG LDAN PAR YANG MNGON NA, ,DE BAS NA RE ZHIG 'DI BDEN PA LA DGA' BA DANG CHOS LA DGA' BA LA LTA'O, ,GZHAN YANG 'DI MED DU ZIN YANG RGYAL RIGS KYI BU @121B BRGYA CAM RANG GI MTHUS RNYED PA BDAG LA YOD KYIS, JI LTAR KHAS BLANG BA BZHIN DU DE DAG GIS 'BYUNG PO'I MCHOD SBYIN BYA'O SNYAM NAS, BYANG CHUB SEMS DPA' LA SMRAS PA, 'ON SONG SHIG KHYOD KYIS BDEN PAR SMRA BA KHAS 'CHES PA DANG, CHOS DANG LDAN PAR KHAS 'CHES PAR LTA'O, ,SONG LA BRAM ZE DE CI DANG CI 'DOD PA BYOS LA SLAR MYUR DU SHOG CIG ,NGA YANG KHYOD BSREG PA'I STA GON BYED CING SDOD DO, ,DE NAS BYANG CHUB SEMS DPAS DE BZHIN DU BYA'O ZHES DE'I TSIG NYAN NAS RANG GI KHYIM DU SONG NGO, ,RANG GI MI RNAMS KYANG RAB TU DGA' BAR GYUR TO, ,BRAM ZE DE YANG BKUG STE DE LAS TSIGS SU BCAD PA BZHI THOS SO, ,DES DE THOS NAS LEGS PAR SMRAS PAS YID MGU NAS SEMS DPA' CHEN PO DES, BRAM ZE DE LA MGU BAR BYAS PA DANG, TSIG SNYAN PA DANG, BKUR STI BYAS NAS TSIGS SU BCAD PA GCIG GSER SRANG STONG STONG GI THANG DU BRTZIS TE, CI 'DOD PA'I NOR GYIS MCHOD PAR BYAS SO, ,DE NAS DE'I PHAS DE LA GNAS MA YIN PAR GOD TSABS CHE BA DGAG PA'I BSAM PAS SKABS SHIG TU GLENG BSLANG STE TSIG 'JAM POS SMRAS PA, BU LEGS PAR SMRAS PA LA MCHOD PA YANG RAN PAR BYAS NA, ,LEGS PAR SHES PAR BYA BAR RIGS SO, ,KHYOD KYIS 'BANGS MANG PO GSO DGOS LA, RGYAL PO'I DPAL YANG NOR PHUN SUM TSOGS PA LA LTOS SO, ,DE BAS NA KHYOD LA SMRA'O, ,LEGS PAR SMRAS PA'I MCHOD PA MNGAN BRGYA, ,DE BAS MANG NA NUS PAR MI 'GYUR TE; ,SBYIN PA DRAGS NA NOR GYI DBANG PHYUG GI ,NOR YANG JI SRID CIG TU THUB PAR 'GYUR, ,NOR DANG RAB TU LDAN NA BSGRUB PAR NUS, ,DE DANG MI LDAN NA NI BSGRUB MI NUS, ,NOR MED NA NI RGYAL PO'I DPAL DE YANG, ,DGA' BAR MI 'GYUR SMAD 'TSONG BUD MED BZHIN, ,BYANG CHUB SEMS DPAS SMRAS PA, LEGS PAR SMRAS PA RNAMS KYI RI THANG CIG ,GAL TE NGES PAR BCAD DU RUNG NA NI, ,DE YI RIN DU RGYAL SRID NYID KYANG SBYIN, ,KHYOD KYIS 'GYOD KYANG SMRA BAR GA LA 'GYUR, ,GANG ZHIG THOS NAS YID NI DAD GYUR NAS, ,LEGS PAR DGA' LA BRTAN PA NYID @122A *, ,DU 'GYUR, ,SHES RAB SKYE ZHING GTI MUG MED PAR 'GYUR, ,RANG GIS SHES KYANG DE NYID NYO BAR RIGS, ,THOS PA GTI MUG MUN SEL SGRON ME YIN, ,RKUN PO LA SOGS MI KHYER NOR GYI MCHOG ,KUN TU RMONGS PA'I DGRA 'JOMS MTSON CHA YIN, ,THABS TSUL MAN NGAG STON PA'I GROGS KYI MCHOG ,PHONGS PAR GYUR KYANG MI 'GYUR MDZA' BO YIN, ,GNOD PA MED PA'I MYA NGAN NAD KYI SMAN, ,NYES PA CHEN PO YI NI DPUNG 'JOMS PA, ,GRAGS DANG DPAL GYI GTER GYI MCHOG KYANG YIN, ,YA RABS RNAMS DANG 'PHRAD NA SKYES KYI MCHOG , TSOGS KYI NANG NA MKHAS PA DGA' BAR 'GYUR, ,PHAS KYI RGOL BA NYI MA'I 'OD DANG 'DRA, ,'DREN PA RNAMS KYANG GRAGS DANG DREGS PA SEL, ,MI SHES RNAMS KYANG RAB TU DGA' GYUR NAS, ,MIG DANG BZHIN MDANGS RAB TU GSAL GYUR CING, ,LAG PA'I SE GOL MGU BYED RDEB PA YIS, ,KHYAD PAR RAB TU CHE BA RNAM PAR SGROGS, GTAN TSIGS DON RNAMS RAB TU GSAL BAR STON, ,GTZUG LAG LUNG RNAMS SNA TSOGS STON DANG MTSUNGS, ,BSNYEN ZHING SBYANGS PAS YID DU 'ONG BA'I PHYIR, ,ME TOG PHRENG BA MAR RNYING BKRAM PA BZHIN, ,DUL ZHING RAB TU GSAL BA'I SPOBS PA BSKYED, ,GRAGS PA CHEN PO 'PHRAL DU 'BYUNG BAR BYED, ,SMRA LCE BA DER 'GYUR KHYAD PAR CAN GYI RGYU, ,THOS PA'I DPAL GOMS DON GSAL RTOGS PAR 'GYUR, ,THOS DANG LDAN NA 'GAL BA MED PA YI, ,'KHOR GSUM LAM LA RAB TU GNAS PAR 'GYUR, ,THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,DE LTAR THOS PA YON TAN DU MA CAN, ,THOS PA BDAG GIS SKYES DANG 'DRA RNYED NAS, ,NUS BZHIN DU NI JI LTAR MCHOD MI BGYI, ,KHYOD KYI BKA' YANG CI PHYIR BCAG MI 'GYUR, ,SKYON GYI LAM DU ZHUGS NAS DON MED PAR, ,YON TAN NYAMS PAR 'GYUR BA THOB 'GYUR BA'I, ,RGYAL SRID SPYOD PA BDAG LA DGOS PA MED, ,DE BAS SU D'A SA YI DRUNG DU 'GRO, ,DE NAS DE'I PHA DE DE LA BYAMS PAS RTAB RTAB POR GYUR NAS, ZHES BSKYED NAS DE LA @122B SMRAS PA, BU KHYOD NYID LA PHAN PA'I PHYIR NGAS KHYOD LA DE SKAD SMRAS KYIS, DE LTAR MI DGA' MA BYED CIG KHYOD KYI DGRA RNAMS SU D'A SA'I BU'I DBANG DU 'GRO 'AM, 'ON TE DE'I DRUNG DU 'GRO BA KHYOD KYIS KHAS BLANGS TE, BDEN PA BSRUNG BA'I PHYIR KHA 'OG TU LUS 'KHRUD PAR BYA 'DOD NA DE YANG NGAS MI GNANG NGO, ,DE CI'I PHYIR ZHE NA, RANG GI SROG BSRUNG BA DANG BLA MA'I DON DU BRDZUN BYAS KYANG SDIG TU MI 'GYUR BAR RIG BYED MKHAS PA DAG GIS BSHAD PA'I PHYIR, DE BAS NA BRTZUN SPONG BA LA 'BAD PAS KHYOD LA CI ZHIG BYA, SRID DANG 'DOD PA NYID DANG 'GAL BA'I CHOS LA BRTEN PA YANG THABS DANG TSUL MA YIN LA SDUG BSNGAL YIN PAR RGYAL PO THABS DANG TSUL MA MKHAS PAR SMRA'O, ,DE BAS NA NGED KYI SEMS GDUNGS PAR 'GYUR BA DANG, RANG GI DON LA YANG MI LTA BAR KHYOD KYI NGAN DUS DE THONG SHIG ,DE STE GZHUNG LUGS KYI CHOS DANG 'GAL BAS GTAM NGAN PA DANG YID DAM BCAS PA DANG 'GAL BAR MI RIGS SO SNYAM NAS KHYOD KYI YID LA MI 'THAD NA YANG KHYOD THAR BAR BYA BA'I PHYIR NGA'I DMAG GI DPUNG RTA DANG, GLANG PO CHE DANG, SHING RTA DANG, RKANG THANG DU LDAN PA'I SNYING NYE BA, DGRA THABS LA MKHAS SHING DPA' BA G-YUL NGO DU MA LAS RGYAL BAR GYUR PA'I DPUNG CHEN PO 'JIGS 'JIGS LTAR 'DUG PA BSHAMS ZIN GYIS, DE BAS NA DES YONGS SU BSKOR TE SONG LA, DE'I DBANG DU GYUR PA LAS THAR PA DANG, GSHIN RJE'I DBANG DU GYUR PA LAS KYANG THAR BAR BYAS NAS, KHAS BLANGS PA YANG KHA 'OG TU LUS 'KHRUD PAR 'GYUR LA, BDAG KYANG BSRUNG BAR 'GYUR RO, ,BYANG CHUB SEMS DPAS SMRAS PA, LHA KHAS BLANGS LAS GZHAN DU BGYID PA'I RDO MI THOGS SO, ,RNAM PA GCIG TU MYA NGAN BGYIR RUNG BA SDUG BSNGAL GYI 'DAM DU BYING BA, SEMS CAN DMYAL BA LA MNGON DU PHYOGS PA, MDZA' BO DANG GNYEN BSHES KYIS SPANGS PA, MGON MA MCHIS PA DE LTA BU LA BRGAL BA'I GTOL YANG MA MCHIS SO, ,GZHAN YANG MI SHA 'TSOL BAS BDAG LA NI, ,DE LTA BU YIS YANG BAR BGYIS, ,BDAG GI TSIG @123A *, ,GIS YID CHES NAS, ,DBANG DU GYUR PA BTANG BAR DGA', ,DE YI DRIN GYIS BDAG GIS NI, ,LEGS PAR SMRAS PA 'DI YANG THOS, ,DE BAS LHAG PAR DRIN CHE BAS, ,DA NI BDAG GIS RJES SU BZUNG, ,LHA 'DI LA BDAG BKUM DU DOGS PA YANG MI MDZAD DU GSOL, BDAG 'DI LTAR KHO BO'I DRUNG DU MCHIS PA LA GUM PA'I RDO GA LA THOGS, DE LTAR BDAG NYID CHEN PO DES PHAS 'GROR MI STER BA LA TSIG 'JAM POS GSOL BA BTAB PA SPOBS TE GSOL BA 'DEBS PA'I MI RNAMS DANG, DMAG GI DPUNG NYE BA RNAMS NI SLAR BZLOG STE, GCIG PU 'JIGS PA DANG MI DGA' BA MED PAR BDEN PA RJES SU BSRUNG ZHING 'JIG RTEN LA PHAN PA'I PHYIR, SU D'A SA'I BU SEMS SHING DE'I GNAS SU SONG NGO, ,SU D'A SA'I BUS BYANG CHUB SEMS DPA' CHEN PO DE RGYANG RING PO NAS MTHONG NAS, YA MTSAN CHER BZUNG STE, SEMS RTZUB PA LA YUN RING DU GOMS PA'I DRI MAS SHAS CHER G-YOGS KYANG RAB TU GUS SHING DANG BAR GYUR NAS 'DI LTAR SEMS PAR MNGON NO, ,AE MA'O, ,AA LA LA, AA LA LA, AE MA'O NGO MTSAR CHE, DE BZHIN RMAD DU BYUNG BAS RMAD, ,RGYAL PO DE YI SEMS RLABS NAS, ,LHA DANG MI LAS RAB TU 'PHAGS, ,'CHI BDAG MI BZAD PA LA YANG, ,'JIGS SKRAG CUNG ZAD TZAM YANG MED, ,'DI LTAR BDAG RANG 'DIR 'ONGS PA, ,AE MA 'O BDEN SMRA BSTAN LA DGE ,'DI LTAR BDEN PA BSRUNG BA'I PHYIR, , SROG DANG RGYAL SRID GANG GTONG BA, ,BDEN PAR SMRA ZHES GRAGS PA DE, ,THOG TU BAB PAS RNAM PAR GRAGS, ,DE NAS BYANG CHUB SEMS DPA' LA YA MTSAN CHE ZHING RAB TU GUS PAR GYUR LA, SEMS RAB TU DANG BAR GYUR NAS DE'I DRUNG DU 'ONGS TE SMRAS PA, LEGS PAR SMRA BA'I NOR RNYED PHONGS PA MCHOD PAR BYAS, ,KHYOD KYI DRIN LA YID KYANG RAB TU DGA' BAR GYUR, ,BDAG KYANG DA NI 'DIR 'ONG JI LTAR 'DOD PA ZO, ,YANG NA MCHOD SBYIN PHYIR NI PHYUGS KYI BRTUL ZHUGS 'BYIN, ,SU D'A SA'I BUS SMRAS PA, NGA YIS KHYOD BZA'I DUS NI DA CUNG @123B YOD; ,BSREG PA'I GNAS KYANG DA CUNG DUD PA 'THUL, ,SHA YANG DUD PA MED PAR BSREG NA ZHIM, ,LEGS PAR SMRAS PA DE DAG RE ZHIG MNYAN, ,BYANG CHUB SEMS DPAS SMRAS PA, KHYOD DA 'DI LTAR MA RUNGS GYUR PA LAS, ,LEGS PAR SMRAS PA CI ZHIG MNYAN PAR BYA, ,SKYE DGU RNAMS LA SNYING RJE MED GYUR PAS, ,LTO YI PHYIR NI GNAS SKABS CI 'DRA RNYED, ,TSIGS BCAD 'DI RNAMS CHOS NYID 'BA' ZHIG SMRA, ,CHOS DANG CHOS MIN DE BAS MI MTHUN NO, ,SRIN PO BAS KYANG SPYOD TSUL NGAN, ,'PHAGS PA'I LAM NI RAB TU SPANGS, , BDEN PA'ANG MED NA SMOS CI DGOS, ,THOS PAS KHYOD LA CI ZHIG BYA, ,DE NAS SU D'A SA'I BUS 'PHYAS PA DE MA BZOD NAS SLAR SMRAS PA, KHYOD CUNG ZHIG SDOD CIG RGYAL PO GANG ZHIG MTSON CHA GZAS NAS RTZED MO'I PHYIR, NAGS TSAL RI DVAGS SDUG GU MA BSAD YOD PA SMROS; ,DE BZHIN 'TSO BA'I PHYIR YANG GAL TE MI BSAD NA, ,DE NI CHOS 'GAL ZER LA RI DVAGS GSOD PA MIN, ,BYANG CHUB SEMS DPAS SMRAS PA, GANG DAG RI DVAGS BROS PA BSNYAGS SHING GZHU BDUNGS PA, ,DE DAG KUN KYANG CHOS LA GNAS PA MA YIN TE, ,MI SHA ZA BA DE DAG BAS KYANG RAB TU SMAD, ,MI RNAMS RIGS KYIS MTHO BA YIN PAS BZAR MI RUNG, ,DE NAS SU D'A SA'I BU LA, BYANG CHUB SEMS DPAS TSIG RTZUB POS 'PHYAS KYANG, DE'I BYAMS PA'I YON TAN GYI MTHUS, KHRO BA'I RANG BZHIN ZIL GYIS NON NAS, DE'I TSIG RNAR 'ONG BA BZHIN DU 'DZUM DMUL TE SMRAS PA, DA YIS KHYOD BTANG KHYIM DU PHYIN NAS SU, ,RGYAL PO'I LONGS SPYOD DGA' BA THAMS CAD MYONG, ,'ON KYANG NGA YI DRUNG DU KHYOD 'ONGS PA, ,DE BAS KHYOD NI GZHUNG LUGS TSUL MI MKHAS, ,BYANG CHUB SEMS DPAS SMRAS PA, DE LTA MA YIN NO, ,TSUL DE SPYOD PAR MI 'DOD PA'I PHYIR NGA NYID GZHUNG LUGS KYI TSUL LA MKHAS SO, ,DE LA SPYOD PAR GYUR PA NI, ,CHOS KYI GZI BYIN RAB TU CHE, ,'PHRAL GYI BDE BA RAB BSGRUB PA, ,DE LAS MKHAS PA SU ZHIG YOD, ,GZHAN YANG, GZHUNG LUGS TSUL @124A *, ,SPYOD BRTAN PA GANG YIN PA, ,DE DAG PHAL CHER SHI NAS NGAN SONG LHUNG, ,DE BAS GZHUNG LUGS TSUL NGAN LAM SPONGS NAS, ,BDEN PA'I TSIG BSRUNG SLAR YANG 'DIR 'ONGS SO, ,BRDZUN SMRA BTANG NAS BDEN PAR NGAS SMRA STE, ,DE BAS GZHUNG LUGS MKHAS PA NGA NYID YIN, ,GRAGS DANG BDE BA'I DAN DANG 'GAL BA GANG, ,DE NI GZHUNG BZANG MIN ZHES DE MKHAS SMRA, ,SU D'A SA'I BUS SMRAS PA, PHANGS PA'I SROG DANG NANG MI'I MCHI MAS 'JU BA DANG, ,RGYAL SRID BDE BA YID DU 'ONG BA BOR NAS SU, ,BDEN PA'I TSIG LA DON DU 'GYUR BA CI MTHONG NAS, ,DE BA SRUNG PHYIR NI 'DI LTAR NGA YI DRUNG DU 'ONGS, ,BYANG CHUB SEMS DPAS SMRAS PA, BDEN PA'I YON TAN LA GNAS NA YON TAN KHYAD PAR CAN MANG DU YOD KYIS, MDO TZAM ZHIG NYON CIG ,PHRENG BA MDZES PA'I BRGYAN PAS KHYAD PAR 'PHAGS RO RNAMS KUN LAS ZHIM PAS KHYAD PAR 'PHAGS, ,DKA' THUB SPYOD DANG MU STEGS 'GRO BA YI, ,NYON MONGS MED PAR BSOD NAMS YON TAN BSGRUB, ,'GRO BA MTHA' DAG KHYAB PA'I GRAGS PA 'PHEL, ,BDEN PA 'JIG RTEN GSUM LAS 'DAS PA'I LAM, ,LHA YI GNAS SU 'JUG PA'I SGO YANG YIN, ,'KHOR BA'I RDZOD LAS THAR PA'I ZAM PA YIN, ,DE NAS SU D'A SA'I BUS DE LA LEGS SO ZHES BSTOD NAS, YA MTSAN DANG BCAS PAS LTA ZHING YANG SMRAS PA, MI RNAMS GZHAN NI NGA YI DBANG GYUR NA, ,BRTAN PA NYAMS NAS SKRAG CING SPA YANG GUM; ,KHYOD NI DPA' BRTAN DPAL GYIS MA BTANG BAS, ,MI DBANG KHYOD NI 'CHI BA'I 'JIGS MED 'DRA, ,BYANG CHUB SEMS DPAS SMRAS PA, RAB TU BSGRIMS KYANG GNAS MI NUS, ,GANG LA BCOS SU MI RUNG BA, ,'JIGS SHING 'DAR BAR BYAS PA YIS, ,DE LA CI ZHIG PHAN PA YOD, ,DE LTAR 'JIG RTEN CHOS NYID LA BRTAGS NAS, ,MI RNAMS SDIG PA BYAS PAS RJES SU 'GYOD PAR 'GYUR, ,DGE BA'I LAS KYANG LEGS PAR YONG MA BYAS, ,PHYI MA'I TSE LA SDUG BSNGAL 'BYUNG DU DOGS, ,'CHI BAR 'GYUR BA'I 'JIGS PAS RMONGS PAR 'GYUR, , @124B GANG LAS BDAG GI YID NI 'GYOD GYUR PA, ,DE NYID BDAG GIS BYAS PAR YONG MI DRAN, ,DKAR PO'I LAS KYANG RAB TU GOMS PAR BYAS, ,CHOS LA GNAS NA 'CHI BAS SU ZHIG 'JIGS, ,PHONGS PA RNAMS NI SLONG DU 'ONG BA LA, ,MGU BAR MA BYAS BDAG NI YONG MI DRAN, , DE LTAR SBYIN PAS MA GU BAR RNYED GYUR LA, ,CHOS LA GNAS NA 'CHI BAS SU ZHIG 'JIGS, ,RING DU BRTAGS TE BSAMS KYANG SDIG BYA BAR, ,YID LA BSAMS PA TZAM YANG YONG MI DRAN, ,BDAG GIS DE LTAR MTHO RIS LAM SBYANGS NA, ,'CHI BAS BDAG NI JI LTAR 'JIGS PAR 'GYUR; ,BRAM ZE RNAMS DANG GNYEN DANG MDZA' BO BSTEN PA DANG, ,GNAS KYI RGYAN GYUR DKA' THUB CAN DANG PHONGS PA LA, ,CI RIGS SBYIN PAS BDAG GI NOR YANG MANG DU BZHAG ,GANG GIS BYA BA CI YOD DE YANG BDAG GIS BYAS, ,GRAGS PA'I GZHIR GYUR DPAL DANG LDAN PA BRGYA DAG BRTZIGS, ,DKA' THUB GNAS DANG 'DUN SA BTUNG BA'I GNAS RNAMS BYAS, ,DE BYAS DGA' BAR GYUR PAS 'CHI BAS NGA MI 'JIGS, ,DE BAS NGA NI MCHOD SBYIN BYA 'AM YANG NA ZO, ,DE SKAD SMRAS PA DANG, SU D'A SA'I BUS THOS NAS DAD PA SKYES TE MIG NI MCHI MAS GANG BA DANG, LUS KYI BA SPU NI LANGS, SDIG PA CAN GYI MUN NAG NI BRJID PAR GYUR NAS, BYANG CHUB SEMS DPA' LA GUS PAR BLTAS TE SMRAS PA, SDIG PA ZHI BAR GYUR CIG ,RGYAL MCHOG KHYOD LTA BU LA SU ZHIG SHES BZHIN DU, ,SDIG PA BYED PA DE NI MI BZAD DUG 'THUNG BZHIN, ,YANG NA MYUR PAR DUG 'THUNG LCAGS BSREG 'BAR BA ZO, ,SNYING DANG SPYI BO TSAL PA BRGYA RU 'GAS PAR 'GYUR, ,LEGS PAR SMRAS PA DE DAG KYANG, ,BDAG LA KHYOD KYIS BSHAD DU GSOL, ,KHYOD KYI TSIG SNYAN PA'I ME TOG CHAR BZHIN DU BAB PA DES, BDAG GI SEMS RAB TU DAD PAR GYUR PAS LEGS PAR SMRAS PA DE DAG RAB TU NYAN 'TSAL BAR GYUR TO, ,KYE GZHAN YANG BDAG GI SPYOD PA NGAN PA'I GZUGS, ,CHOS KYI ME LONG GSAL MTHONG NAS, ,YID LA GDUNG BA RAB SKYES TE, ,BDAG NI CHOS LA PHYOGS PAR GYUR, , @125A *, ,DE NAS BYANG CHUB SEMS DPAS DE'I BSAM PA SNOD DU GYUR CING CHOS MNYAN PA LA YID RAB TU 'DUN PAR RIG NAS SMRAS PA, 'O NA CHOS 'DOD PA DE RJES SU MTHUN PA'I SPYOD PA LA MKHAS PAR BYAS TE CHOS MNYAN PAR RIGS SO, ,RAB TU DMA' BA'I STAN LA 'DUG ;DUL BA'I DPAL NI RNAM PAR BSKYED, ,DGA' DANG LDAN PA'I MIG GIS LTA, ,TSIG GI BDUD RTZI 'THUNG BA BZHIN, ,GUS PAR BSKYED CING RTZE GCIG BTUD, ,RAB TU DAD LA DRI MED YID, ,NAD PAS SMAN PA'I TSIG NYAN BZHIN, ,RIM GRO BSKYED DE CHOS NYON CIG ;DE NAS SU D'A SA'I BUS RDO LEB MTHON PO GCIG GI STENG DU BDAG GI STOD G-YOGS BTING STE DE LA BYANG CHUB SEMS DPA' BZHAG NAS BDAG RANG YANG BAR GZHAN GYIS MCHOD PA'I SA LA BYANG CHUB SEMS DPA'I MDUN DU 'DUG STE, DE'I GDONG DU BLTAS NAS, SEMS DPA' CHEN PO DE LA 'PHAGS PA DA GSUNGS SHIG CES SMRAS SO, ,DE NAS BYANG CHUB SEMS DPAS DBYAR GYI 'BRUG SGRA SNYAN CING ZAB PA DANG 'DRA BA'I TSIG GIS NAGS TSAL DE GANG BAR GYUR PA BZHIN DU KUN TU KHYAB PAR SMRAS PA, DAM PA DAG LA LAN CIG TZAM, ,JI LTAR 'DOD PAR 'PHRAD KYANG RUNG, ,'DRIS PAR BYA BA MI DGOS PAR, ,RAB TU BRTAN PA NYID DU GYUR, ,SU D'A SA'I BUS DE SKAD THOS NAS LEGS SO LEGS SO ZHES SMRAS NAS, MGO BSGYUR SE GOL GTOGS NAS MGU BAR BYAS TE, BYANG CHUB SEMS DPA' LA DE NAS YANG GSUNGS SHIG CES SMRAS SO, ,DE NAS BYANG CHUB SEMS DPAS TSIGS SU BCAD PA GNYIS PA SMRAS PA, DAM PA RNAMS NI SUS KYANG MI BSRING NGO, ,DUL BA'I TSUL GYIS DGE BA BSTEN PAR BYA, ,DE DANG NYEN DE YI YON TAN RDUL, ,CHED DU MA BSGOS PAR YANG GOS PAR 'GYUR, ,SU D'A SA'I BUS SMRAS PA, DGE BA RNAMS KYIS LEGS SMRAS PA, ,KHYOD KYIS RNAM PA KUN MCHOD PA, ,NOR YANG GNAS SU PHYIN PAR BTANG, ,'BAD DE DON GRUB THOG TU BAB, ,DE NAS YANG CUNG ZHIG GSUNGS SHIG ,BYANG CHUB SEMS DPAS SMRAS PA, RGYAL PO'I SHING RTA RIN CHEN GSER GYIS BRGYAN, ,LUS @125B KYANG RGAS PAS MI SDUG PAR YANG 'GYUR, ,DAM PA RNAMS KYI CHOS NI RGAS MI 'GYUR, ,DGE BA RNAMS NI YON TAN RJES CHAGS BRTAN, ,SU D'A SA'I BUS SMRAS PA, AE MA'O BDAG NI BDUD RTZI'I CHAR BAB PAS DOMS PAR BGYIS SO, ,DE NAS YANG CUNG ZHIG GSUNGS SHIG BYANG CHUB SEMS DPAS SMRAS PA, NAM MKHA' DANG NI SA GZHI'I BAR YANG RING, ,RGYA MTSO'I PHA ROL TSU ROL 'GRAM YANG RING, ,SHAR DANG NUB KYI RI YI BAR YANG DE BAS RING, ,PHAL PA DAG DANG DAM PA'I CHOS KYANG DE BAS RING, ,DE NAS SU D'A SA'I BU YA MTSAN CHE ZHING DAD PAS DGA' ZHING GUS PAR GYUR NAS, BYANG CHUB SEMS DPA' LA SMRAS PA, KHYOD KYI TSIGS SU BCAD PA SNYAN PA DANG, ,TSIG DANG DON KYANG RAB TU GSAL LA 'PHAGS, ,DE THOS DGA' GYUR DE LA MCHOD PA'I PHYIR, ,DAM PA BZHI ZHIG KHYOD LA 'BUL BAR 'TSAL, ,DE BAS NA CI BZHED PA BDAG LA BSLAD DU GSOL, DE NAS BYANG CHUB SEMS DPA' YA MTSAN DU GYUR NAS SMRAS PA, BDAG LA'ANG RANG BZHIN MED PAR GYUR PA KHYOD, ,MI RIGS BYED LA DGA' BAS PHAM PAR GYUR, ,DGE BA SPYOD LA RANG BZHIN PHYIN CI LOG ,KHYOD KYIS JI LTAR GZHAN LA DAM PA SBYIN, ,BDAG GIS DAM PA SBYIN ZHES GNANG GYUR NA, ,KHYOD KYI YID KYANG SBYIN PAR SPRO MI 'GYUR, ,SKYON DANG BCAS PA KHREL YOD SU ZHIG SMRA, ,DE SKAD RE ZHIG NGA LA MA SMRA CIG ,DE NAS SU D'A SA'I BU CUNG ZAD NGO TSA BAR GYUR TE MGO SMAD NAS, BYANG CHUB SEMS DPA' LA SMRAS PA, KHOD[?] DE LTAR BDAG LA DOGS PA MA SKYED CIG ,BDAG GIS SROG KYANG YONGS BTANG NAS, ,DAM PA DE RNAMS BDAG 'BUL GYIS, ,RGYAL BO CI DANG CI BZHED BA, ,BAG PHAB NAS NI DE SLONG SHIG ,BYANG CHUB SEMS DPAS SMRAS PA, 'O NA, ,BDEN PA'I BRTUL ZHUGS LONG LA SEMS CAN GSOD PA SPONGS, ,SKYE BO BTZON DU BZUNG BA 'DI RNAMS MA LUS THOD, ,DPA' BO KHYOD KYIS MI SHA ZA BA RAB TU SPONGS, ,DAM PA'I NANG NAS MCHOG GYUR 'DI BZHI SBYIN PAR GYIS, ,SU D'A SA'I BUS SMAS PA, DAM PA SNGA MA GSUM NI KHYOD LA 'BUL, ,DAM PA BZHI @126A *, ,PA GZHAN ZHIG BSLAD DU GSOL, ,BDAG NI MI SHA MI ZA MI NUS PAS, ,SNGA NAS KHYOD NYID MKHYEN PAR MA GYUR TAM, ,BYANG CHUB SEMS DPAS SMRAS PA, KHYOD KYIS DAM PA SBYIN PA GA LA NUS ZHES NGAS MA SMRAS SAM, AI MA 'O DE LTAR ZER BA DE KHO NA BZHIN DU GYUR TO, ,KYE GZHAN YANG KHYOD NYON CIG ,MI SHA ZA BA MA SPANGS NA, ,JI LTAR BDEN PAR SMRA BAR 'GYUR, ,RGYAL PO KHYOD KYIS SROG CHAGS RNAMS, ,MI GSOD PA YANG GA LA NUS, ,BDAG GI SROG KYANG YONGS SPONGS NAS, ,DAM PA 'DI RNAMS SBYIN NO ZHES, ,THOG MAR DE SKAD MA SMRAS SAM, ,DE BAS 'DI LTAR GZHAN DU GYUR, ,SHA YI PHYIR NI MI BSAD NA, ,SROG CHAGS MI GSOD GA LA NUS, ,DE LTAR GYUR NA DAM PA GSUM, ,KHYOD KYIS JI LTAR SBYIN PAR 'GYUR, ,SU D'A SA'I BUS SMRAS PA, GANG GI PHYIR NI RGYAL SRID NYAMS, ,NAGS CHEL SDUG BSNGAL BDAG GIS MYONG, ,CHOS LAS NYAMS SHING GTAM NGAN THOB, ,BDAG GIS DE NI JI LTAR BTANG, ,BYANG CHUB SEMS DPAS SMRAS PA, DE BAS NA KHYOD KYIS DE BTANG BA'I RIGS MED, GANG PHYIR KHYOD NI CHOS DANG SRID, ,BDE DANG GRAGS PA NYAMS PAR GYUR, ,PHUNG BAR GYUR PA'I 'BYUNG GNAS DE, ,JI LTAR BTANG BA MI RIGS KYE, ,BYIN NA 'GYOD PA SKYE BA 'DI, ,SKYE BO SEMS RGYA CHUNG DU LA, ,SRID PAR 'GYUR BA'I 'OS YIN TE, ,DE BAS KHYOD KYANG ZIL GNON TAM, ,DE BAS NA KHYOD SDIG PA'I RJES SU 'BRANG BA THONG LA, BDAG NYID SHES PAR BYA BAR RIGS SO, ,KHYOD SU D'A SA'I BU MA YIN NAM, SMAN PA MKHAS PAS BRTAGS TE LEGS PAR SBYAR BA'I SHA ,GRONG DANG DGON PA SKAM GSHER CHU DANG THAD LAS SKYES, ,DE LTA BU YI SHA RNAMS YOD KYI DE YIS SEMS MGU BYOS, ,MI SHA SMAD PAR 'GYUR BA BTANG NA RAB TU LEGS, ,RDA SGRA SNYAN PA DBYAR GYI 'BRUG SGRA BZHIN DU SGROGS, ,GLU SGRA SNYAN DANG RGYAL SRID DE DANG DE, ,GNYEN DANG BU DANG NANG MI YID DU 'ONG BA RNAMS, ,BOR NAS NAGS TSAL DBEN PA 'DI NA CI ZHIG DGA', ,RGYAL POS SEMS KYI DBANG DU 'GRO @126B BAR MI RIGS KYI, ,CHOS DANG SRID LA MI GNOD LAM DU 'JUG PAR RIGS, ,RGYAL PO GCIG PUS G-YUL DOR DMAG GI DPUNG LAS RGYAL, ,SEMS TZAM TSAR BCAD PHYIR NI SDAR MA MA BYED CIG ,MI YI BDAG PO 'JIG RTEN PHYI MA'ANG LTA BAR RIGS, ,DE BAS DGA' YANG PHAN PA MA YIN BRTEN MI RIGS, ,LAM GANG YID DU 'ONG BA GRAGS DANG MI 'GAL BA'I, ,DE NI MI DGA' 'ANG SMAN BTUNG BZHIN DU BRTEN PAR RIGS, ,DE NAS SU D'A SA'I BU RAB TU DAD PAR GYUR NAS, MIG NI MCHI MAS GANG SKAD NI 'DZER BZHIN DU, BYANG CHUB SEMS DPA'I DRUNG DU 'ONGS NAS, RKANG PA GNYIS LA 'JUS NAS SMRAS PA, YON TAN ME TOG PHYE MAS BSOD NAMS DRI ZHIM DANG, ,KHYOD KYI GRAGS PA'I RGYU YIS 'GRO BA 'DI DAG KHYAB, ,'DI LTAR SDIG SPYOD 'CHI BDAG PHO NYAR BDAG GYUR LA, ,KHYOD LTAR THUGS RJE CHE BA GZHAN NI SU ZHIG MCHIS, , KHYOD NI BDAG GI STON PA BLA MA LHA NYID LAGS, ,KHYOD KYIS BSGO BA 'DI RNAMS BDAG GIS SBYI BOS MCHOD, ,DA PHYIN SLAN CHAD BDAG NI MI SHA YONG MI 'TSAL, ,BDAG LA CI SKAD BKA' STZAL DE DAG DE BZHIN BGYI, ,MCHOD SBYIN PHYIR NI RGYAL PO'I BU 'PHROG PA, ,BDAG GIS BTZON RAR STZAL BAS MI DGA' ZHING, ,BZHIN MDANGS NYAMS LA MYA NGAN GDUNGS PA'I YID, ,DE DAG KUN KYANG BTANG GIS LHAN CIG BZHUD, ,DE NAS BYANG CHUB SEMS DPAS DE BZHIN DU BYA'O ZHES DES SMRAS PA BZHIN DU MNYAN NAS, RGYAL PO'I BU BTZON DU BZUNG BA GANG NA 'KHOD PA DER SONG NGO, ,RGYAL PO'I BU DE RNAMS KYIS BU ZLA BA MTHONG NAS BLTAS SO, ,BDAG CAG NI THAR RO SNYAM NAS RAB TU DGA' BAR GYUR TE, RGYAL BU DE DAG ZLA BA MTHONG NAS NI, ,RAB TU 'DZUM DMUL MDANGS GSAL RNAM PAR MDZES, ,STON KA'I DUS KYI ZLA BA'I 'OD ZER GYIS; ,ME TOG KU MUD KHA BYE MTSO GSAL BZHIN, ,DE NAS BYANG CHUB SEMS DPA' DE DAG GI DRUNG DU 'ONGS NAS DBUGS PHYUNG TSIG SNYAN PAS DGA' BAR BYAS TE, DE BAS RGYAL BU DE RNAMS SU D'A SA'I BU LA GNOD PA MI BYED PAR MNA' BSGAGS BTZON NAS PHYUNG STE, SU D'A SA'I BU DANG RGYAL @127A *, ,BU DE DAG GIS BSKYAL TE, RANG GI RGYAL SRID LA GNAS NAS RGYAL BU DE DAG DANG SU D'A SA'I BU LA JI LTAR RIGS PAR RIM GRO BYAS TE SO SO'I RGYAL SRID LA BKOD DO, ,DE LTA BAS NA SKYE BO DAM PA RNAMS DANG 'PHRAD NA, JI LTAR 'PHRAD KYANG RUNG STE LEGS PAR 'GYUR BA'I PHYIR; LEGS PAR 'DOD PA RNAMS KYIS SKYE BO DAM PA LA BRTEN PAR BYA'O, ,SANGS RGYAS BCOM LDAN 'DAS RNAMS NI TSE RABS SNGA MA LA YANG MA 'DRIS PA LA BYAMS SHING PHAN 'DOGS PA YIN NO, ,DE BZHIN GSHEGS PA'I YON TAN BSNGAGS PA LA YANG BRJOD PAR BYA'O, ,DE BZHIN DU DAM PA'I CHOS MNYAN NA, SKYON MED CING YON TAN DANG LDAN PAR 'GYUR BA'I PHYIR, DAM PA'I CHOS MNYAN BA'I YON TAN BSNGAGS PA LA YANG BRJOD PAR BYA'O, ,CHOS THOS NA DE LTAR PHAN YON RNAM PA DU MA YOD PA'I PHYIR, MANG DU THOS PA'I YON TAN BSNGAGS PA LA YANG BRJOD PAR BYA'O, ,BDEN PA'I TSIG BSRUNG NA DE LTAR SKYE BO DAM PA RNAMS DGA' ZHING BSOD NAMS DANG GRAGS PA'I 'BYUNG GNAS SU GYUR PA'I PHYIR BDEN PA'I TSIG BSRUNG BA'I YON TAN BSNGAGS PA LA YANG BRJOD PAR BYA'O, ,SKYES BU DAM PA RNAMS NI DE LTAR BDAG GI SROG DANG BDE BA DANG DBANG PHYUG LA YANG MI LTA BAR BDEN PA'I TSIG BSRUNG NGO ZHES SKYES BU DAM PA'I YON TAN BSNGAGS PA LA YANG SBYAR BAR BYA'O, ,ZLA BAR SKYES PA'I RABS TE SUM CU GCIG PA'O,, ,,BAM PO BCU GNYIS PA STE THA MA'O, ,YID SKYO BAR GYUR PA RNAMS LA NI RGYAL SRID KYI DPAL YANG LEGS PA'I LAM LA SGRIB PAR MI 'GYUR BA'I PHYIR SKYO BA LA GOMS PAR BYA'O, ,DE YANG 'DI LTAR BCOM LDAN 'DAS 'DI BYANG CHUB SEMS DPAR GYUR PA'I TSE, 'JIG RTEN NA NA BA DANG, RGAS PA DANG, 'CHI BA DANG, SDUG PA DANG BRAL BA LA SOGS PA'I SDUG BSNGAL MANG PO BYUNG BAS SDUG BSNGAL BA DANG, MGON MED PA DANG, SKYABS MED PA DANG, DPUNG GNYEN MED PA DAG MTHONG NAS SNYING RJES BSKUL NAS DE DAG LA BSKYAB PAR SEMS PA RAB TU DGE BA'I RANG BZHIN CAN TE, 'JIG RTEN MI MTHUN PA DANG, MA SHES PA @127B LA YANG PHAN PA DANG, BDE BA'I KHYAD PAR DE DANG DE DAG BSGRUB CID, RE ZHIG RGYAL PO'I RIGS, 'BANGS GLO BA NYE BA'I BDE BA DANG, 'KHRUGS PA MED PA'I DAL BA PHUN SUM TSOGS PA DANG, RGYAL PHRAN DREGS PA RNAMS PHYAG 'TSAL NAS MNGON PAR GRAGS PAR GYUR CING, DBANG THANG CHE BA DUL BA LA DGA' BA'I RIGS ZHIG TU SKYES PAR GYUR TO ZHES GRAGS SO, ,DE DANG PO SKYES PA'I TSE NA'ANG RGYAL PO'I RIGS DE DANG PHO BRANG 'KHOR GYI MI RNAMS KYANG BDE BA DANG LDAN ZHING SDUG BSNGAL DANG BRAL BA DE DANG MTSUNGS PAR GYUR PAS MNGON PAR MTHO ZHING DAL BA'I DPAL CHEN PO DANG LDAN PAR GYUR TO, ,SBYIN PA THOB PAS BRAM ZE MGU ZHING G-YENGS, ,'BANGS RNAMS DREGS SHING CHA LUGS BZANG PO 'PHYAR, ,RNGA SGRA MANG PO'I BRAG NAS RI LUNG GANG, ,KUN DU DGA' BA'I GAR NI RGYUN MI CHAD, ,GLU SGRA SNYAN DANG DGOD SGRA 'BREL MAR 'BYUNG, , GCIG LA GCIG 'DUS DGA' BA RNAM PAR 'PHEL, ,GTAM SNYAN BSKYAL BA'I BYA DAGS MGU BA'I MIS, ,RGYAL PO'I MNGON PAR MTHO BA'I SHIS PA BRJOD, ,SGO RNAMS PHYE ZHING BTZON DU BZUNG BA MED, ,SRANG GI BZHI MDOR RGYAL MTSAN BTZUGS PAS MDZES, ,ME TOG PHYE MA KHU BAS SA GZHI BRGYAN, ,DGA' STON BZANG POS GRONG KHYER NYAMS DGAR GYUR, ,KHANG PA CHEN PO'I STENG NAS GSER DANG GOS, ,RGYAN LA SOGS PA CHAR BZHIN 'BAB PA YIS, ,'JIG RTEN 'DI DAG DPAL GYIS KHYAB PAR STZOL, ,GANGG'A SMYON PA DRAG TU 'BAB PA 'DRA, ,DE'I TSE YANG RGYAL PO DE'I BU BTZAS SO COG SHI BAR GYUR TE, DE LTAR GYUR PA DE YANG MI MA YIN PAS BYAS PA YIN PAR SEMS NAS, BU DE BSUNG BA'I PHYIR BU BTZAS PA'I KHANG PA LCAGS 'BA' ZHIG LAS BYAS PA BZANG PO NOR BU DANG GSER DNGUL GYI RGYAN GYIS BRGYAN PA ZHIG TU BZHAG STE, 'BYUNG PO'I RIG SNGAGS KYI CHO GA DANG, RIG BYED LAS BYUNG BA'I RIM PAS BSRUNG BA'I CHO GA DANG, BKRA SHIS KYI DPYAD BZANG POS BDE LEGS NI BYAS, BTZAS PA'I CHO GA LA SOGS PA SBYANG BA'I CHO GA YANG BYAS SO, ,SEMS DPA' CHEN PO DE NYID KYANG STOBS DANG LDAN PA DANG, BSOD NAMS BSAGS @128A *, ,PA'I MTHU DANG, BSRUNG BA LEGS PAR BYAS PAS GDON RNAMS KYIS MA TSUGS SO, ,DE RIM GYIS BSKYED PA'I CHO GA GO RIMS BZHIN DU BYAS NAS, SLOB DPON BLA MA MANG DU THOS PA DANG, CHO RIGS BTZUN PA DANG, SPYOD TSUL BZANG BA DANG, MKHAS PAR GRAGS PA DANG, BKUR STI THOB BA DANG, RAB TU ZHI BA DANG, DUL BA DANG, SHES RAB KYI YON TAN DANG LDAN PA RNAMS LAS RIG PA'I GNAS DU MA NI LOBS, LANG TSO'I GZI MDANGS NI NYIN RE ZHING SKYES PAS LUS NI YONGS SU RDZOGS PAR GYUR, RANG BZHIN GYIS DUL BA DANG DGA' BAS NI SKYE BO DANG, YONGS KYI SKYE BO RNAMS NI RAB TU DGA' BA'I GNAS SU GYUR TO, ,DAM PA RING NA GNAS GYUR KYANG, ,MA 'DRIS GNYEN DU MA 'BREL BA'I, ,SKYE BO DGA' BAS RJES 'BRANG BA, ,DE YI RGYU NI YON TAN DPAL, ,'OD ZER RAB TU GSAL BA YIS, ,GNAM NI DGOD PA LTAR BYED PA'I, ,STON KA'I ZLA BA DE DANG NI, ,'JIG RTEN RNAMS DANG CI ZHIG 'BREL, ,DE NAS SEMS DPA' CHEN PO DE BSOD NAMS KYI MTHU LAS BYUNG BA'I BDE BA CHEN PO LHA'I LONGS SPYOD DANG 'DRA BA'I LONGS SPYOD LA NYE BAR SPYOD CING, PHAS KYANG BYAMS SHING RAB TU BKUR STI BYAS TE YID BRTAN ZHING BAG PHAB STE, RIM GRO CHER BYAS PA LAS RE ZHIG CIG RANG GI PHO BRANG DAM PA NAS ME TOG KU MU TA'I LONGS SPYOD KYI DUS LA BAB STE, RGYAN BZANG PO DGA' DGA' LTAR 'DUG PA LA BLTAR 'GRO BA LA PHAS KYANG GNANG STE, SHING RTA BZANG PO GSER DANG NOR BU DANG DNGUL GYI RGYAN BZANG PO SNA TSOGS KYIS BRGYAN, BA DAN DANG RGYAL MTSAN KHA DOG SNA TSOGS CAN RAB TU G-YO BA RNAMS BTZUGS, GSER GYI 'JIM BAG GIS G-YOGS PA, RTA DUL ZHING BDE PAS DRANGS PA, KHA LO BSGYUR BA BZO ZHING DES LA MKHAS SHING GTZANG LA DUL ZHING BRTAN PA DANG LDAN PA; G-YOG 'KHOR CHA LUGS BZANG PO SNA TSOGS SU BYAS PAS BSKOR BA, RNGA SGRA SNYAN PA'I RNGA BRDUNG BAS MDUN DU DRANGS PA LA ZHON TE, PHO BRANG MCHOG DE NAS RGYU ZHING SONG SONG BA LAS, PHO BRANG 'KHOR GYI MIS RGYAL BU DE LA LTA BAS SEMS NI G-YENGS, NGO MTSAR CHE BAS MIG NI RIG @128B RIG POR NI BLTA, BSTOD PAS DGA' BAR BYED CING THAL MO SBYAR TE, SHIS PAR BRJOD PA'I TSIG NI 'DON, DGA' STON GYI DGA' BA'I CHAS BZANG POR ZHUGS PA RNAMS KYIS MDZES PA MANG PO RNAMS LA BRTAGS NA, SEMS DGA' BAR GYUR BA'I SKABS LA BAB KYANG, TSE RABS SNGA MA LA SEMS SKYO BA LA GOMS PAR BYAS PA'I PHYIR DRAN PA 'DI LTA BU RNYED PAR GYUR TO, ,KYE MA 'O 'JIG RTEN NYON MONGS DAG ,GNAS PA MI BRTAN MI DGAR GYUR, ,KU MU TA YI DPAL 'DI YANG, ,DRAN PAR BYA BA NYID DU 'GYUR, ,'GRO BA 'DI LTA BUR NI 'KHOD PA LA, ,SKYE BO 'JIGS PA MED PAR RE MTSAR KYE, ,LAM RNAMS THAMS CAD 'CHI BDAG NYID KYIS BKAG ,DOGS PA MED PAR RAB TU DGA' BZHIN SPYOD, ,NA DANG RGAS DANG 'CHI BAS GNOD BYED DGRA, ,MTHU CHEN DGAG TU MI NUS YOD BZHIN LA, ,'JIG RTEN PHA ROL NYAM NGAR NGES 'GRO NA, ,SEMS SHES SU ZHIG 'DI LA DGA' BAR SEMS, ,SPRIN CHEN GLOG 'GYU GSER PHRENG 'DRA BA DAG ,RGYA MTSO CHEN PO RNAMS KYI SGRA YANG PHYUNG, ,CHAR CHEN 'BAB PA'I RTZOM PA CHEN PO BYAS, ,KUN TU 'DUS KYANG DE NAS DENGS PAR 'GYUR, ,CHU 'BAB DRAG PA'I SHUGS KYIS SHING RNAMS KYI, ,RTZA BA 'GRAM NA ZAB TU ZUG PA YANG, ,RTZAD NAS BTON TE SLAR YANG CHU DE NYID, ,'BREL ZHING BRI NAS MYA NGAN GDUNGS PA BZHIN, ,RLUNG GI MTHUS KYANG RI YI RTZE MO BSNYIL, ,SPRIN GYI TSOGS KYANG DRAG PO'I SHUGS KYIS GTOR, ,RGYA MTSO'I CHU YANG RNAM PAR DKRUGS SHING KLONG, ,DE LTA'I RLUNG YANG RAB TU ZHI BAR 'GYUR, ,ME LCE RAB 'BAR ME STAG 'PHRO BA YIS, ,NAGS TSAL MDZES DANG RTZVA RNAMS KUN BSREGS NAS, ,DE 'DRA'I ME YANG RIM GYIS ZHI BAR 'GYUR, ,RAB TU 'BAR YANG DE NAS MED PAR 'GYUR, ,'DUS PA GANG ZHIG 'BRAL BA MA GYUR YOD, ,DAR BA GANG ZHIG RGUD PAR MA GYUR YOD, , 'GRO BA'I RGYUD NI RAB TU G-YO BA LA, ,MA BRTAGS PAR NI SKYE BO DGA' BAR 'GYUR, ,BDAG NYID CHEN PO DE SEMS SKYO BA DES DE LTAR BRTAGS NAS, RAB TU DGA' BAS SEMS G-YENGS PA'I YID NI SLAR BZLOG ,PHO BRANG DAM PA RGYAN GYIS BRGYAN PA DGA' DGA' LTAR 'DUG PA DANG, MI MANG PO SNA @129A *, ,TSOGS CHER 'DUS PA RNAMS LA YANG SEMS MA CHAGS PAR SLAR LOG STE MTHAR GYIS RANG GNAS SU PHYIN NAS, BDAG RANG LA 'DI LTAR RTOG GO, ,LONGS SPYOD KYI BDE BA LA SEMS RAB TU SKYO BAR GYUR TE, MA CHAGS NAS CHOS 'BA' ZHIG SKYABS SU RUNG NGO SNYAM NAS; DE BSGRUB PAR NGES PAR BSAMS TE, SKABS CIG TU RGYAL PO'I DRUNG DU SONG STE DKA' THUB KYI NAGS TSAL DU 'GRO BAR THAL MO SBYAR TE GSOL BA GDAB PA, RAB TU BYUNG LA BRTEN NAS SU, ,BDAG LA PHAN PAR BGYI BAR 'TSAL, ,KHYOD KYI THUGS DPAG MDZAD NAS SU, ,GSOL BA DE YANG GNANG BAR MDZOD, ,RGYAL PO DE BU LA BYAMS PAS DE SKAD ZER BA THOS PA NAS, GLANG PO CHE MDA' DUG CAN GYIS TSABS CHER PHOG PA DANG, RGYA MTSO RAB TU ZAB PA RLUNG GIS BSKYOD PA BZHIN DU, DE'I MYA NGAN GYIS SEMS GDUNGS NAS 'KHUMS TE 'DAR BAR GYUR TO, ,DE NAS RGYAL PO DE YIS DE BZLOG PHYIR, ,BYAMS PAS MCHI MAS BRNANG STE MGUL NAS 'JUS, ,BU GCIG CI PHYIR JI LTAR GLO BUR DU, ,BDAG CAG DOR BA'I BLO 'DI SKYES PAR GYUR, ,BDAG NYID PHUNG BAR BYED PA SU ZHIG GIS, ,KHYOD NI MI DGAR BYAS NAS 'CHING BAR 'GYUR, ,SU YIS RANG GI MI RNAMS MYA NGAN GYIS, ,GDUNGS NAS MIG NI MCHI MAS GANG BAR BYAS, ,'ON TE NGA LA CUNG ZAD DOGS PA 'AM, ,'KHRUL PAR GYUR PA CUNG ZAD THOS KYANG RUNG, ,DE DAG SMRA NA DE LAS BZLOG PAR BYED, ,DE LTA BU NI BDAG GIS MA MTHONG NGO, ,BYANG CHUB SEMS DPAS SMRAS PA, DE LTAR RAB TU BYAMS KHYOD LA, , 'KHRUL PA LTA ZHIG GA LA 'GYUR, ,BDAG LA MI DGAR BGYID PA YANG, ,DE LTAR NUS PA SU ZHIG MCHIS, ,'O NA CI PHYIR NGA 'BOR BAR SEMS ZHES MIG MCHI MAS GANG BZHIN DU, RGYAL POS SMRAS PA DANG, YANG DES SMRAS PA, SHI BAS 'JIGS PA'I PHYIR LHA GZIGS SU GSOL, DANG PO MNGAL DU ZHUGS PA'I NUB MO NAS, ,BRTZAMS TE 'JIG RTEN 'JIG RTEN 'DI RNAMS NI, ,LAM DU ZHUGS NAS GZHAN DU MA GOL BAR, ,'CHI BDAG DRUNG DU DE NI NYE BAR 'GRO, ,THABS DANG RAB TU LDAN ZHING MTHU YOD KYANG, ,'CHI DANG RGA LAS SU YANG THAR BA MED, ,'DI GNYIS KYIS NI 'DI KUN RAB TU GTZES, ,DE @129B BAS CHOS KYI DON DU DGON PAR MCHI, ,MI RTA GLANG CHEN SHING RTA MANG PO'I DMAG TSOGS RNAMS, ,RGYAL PO DPUNG DANG LDAN BA THAGS THOGS MED BAR THUB, ,GSHIN RJE'I DGRA NI GCIG PUR 'DUG KYANG MI THUB LA, ,DE BAS BDAG GI SEMS NI CHOS DON BSGRUB PAR 'TSAL, ,RTA DANG GLANG CHEN RKANG THANG SHING RTAS YONGS BSRUNGS NA, ,RGYAL PO RNAMS NI DGRA LAS RNAM PAR THAR BAR 'GYUR, ,SHED CAN LA SOGS DPUNG DANG BCAS PA'ANG DBANG MED PAR, ,RAB TU MTHU CHEN 'CHI BDAG DGRA YI DBANG DU GYUR, ,GLANG CHEN SMYON BA'I MCHE BA MKHAR GYI RTA BABS DANG, ,G-YUL DOR MI DANG SHING RTA GLANG PO RNAMS KYANG BCOM, ,GAD PA CHEN PO'I NGOS BRAL BRGYAL BAR GYUR PA YI, ,MCHE BA DE YIS GSHIN RJE'I KHAR SONG 'BEBS MA NUS, ,GO MTSON BZANG PO BGOS SHING PHUB BZUNG NAS, ,G-YUL DOR RGYANG GIS MDA' YANG 'PHEN PAR NUS, ,DE LTAR 'PHONG SKYEN RNAMS KYANG 'KHON SNYING CAN, ,DGRA BO GSHIN RJEL NI 'PHEN MI NUS, ,SENG GE RNAMS KYANG SEN MO RNON POS GLANG CHEN GYI, ,GZI BRJID ZIL MNAN SPYI BOR SDER MOS 'BRAD CING 'BAD, SGRA SKAD DRAG PO GRAG PAS GZHAN GYI SEMS SKRAG BYAS, ,GSHIN RJE 'ONGS NAS MTHU DANG DREGS PA NYAMS NAS NYAL; ,RGYAL PO RNAMS KYANG GZHAN GYIS NYES BYAS NA, ,NYES DANG RJES SU MTHUN PAR CHAD PAS GCOD, ,'CHI BDAG DGRA BOS NYES PA CHER BYAS KYANG, ,CHAD PAS BCAD PA'I THABS NI YONG MI SHAMS, ,RGYAL PO RNAMS NI MJAL DUM LA SOGS PA'I, ,THABS KYIS NYES PA BYAS PA ZHI BAR BYED, ,'CHI BDAG GTUM PO DREGS PA GOMS BYAS PAS, ,MJAL DUM LA SOGS PAS NI BSDUM MI NUS, ,SBRUL CHEN KHROS PA'I RLUNG GIS MCHE BA DU GA CAN GYI, ,RTZE MO 'BAR BAS MI RNAMS MNGON SUM DU 'BIGS SHING, ,SHA CHAGS BSAD PA'I THABS LA RAB TU MKHAS GYUR KYANG, ,'CHI BDAG 'ONGS NA ZA BAR BRTZAMS PA'ANG NYAMS PAR GYUR, ,SPRUL GDUG KHROS NAS RAB TU 'KHRUGS PAS ZIN PA YANG, ,SMAN PA RNAMS KYIS SNGAGS DANG SMAN GYIS DUG ZHI BYED, ,GSHIN RJE 'DI NI MYUR BA'I DUG LAS RAB GDUG PA, ,SNGAGS DANG SMAN LA SOGS PAS THUB PAR YONG MI NUS, ,'DAB BZANG KHYUNG YANG GSHOG PA'I RLUNG GIS RGYA @130A *, ,MTSO'I CHU, ,NYA MANG 'PHYO BA 'BRUG SGRA DRAG POS DKRUGS PA YANG, ,RNAM PAR GTOR NAS GDENGS KA PHYAR BA'I SBRUL RNAMS 'DZIN, ,DE BZHIN 'CHI BDAG RAB TU GZHOM PAR YONG MI NUS, ,STAG KYANG NAGS TSAL DAG NA RI DVAGS BROS PA RNAMS, ,RAB TU MGYOGS PAS BSNYAGS NAS SDER MO RDO RJE YIS, ,THANG CIG BTAB PA TZAM GYIS BZUNG NAS KHRAG 'THUNG NA, ,'CHI BDAG 'ONG NA DE LTAR RTUL PHOD MED PAR 'GYUR, ,STAG GIS KHA GDANGS MCHE BA RAB TU GTZIGS PA YI, ,NANG DU SOD BA'I RI DVAGS RNAMS KYANG THAR BA SRID, ,GSHIN RJE'I KHA GDANGS NA DANG RGAS PA'I MCHE BA GTZIGS; ,DE YI NANG DU SOD BA SU ZHIG THAR BA YOD, ,MI SDUG 'JIGS LA DAM DU 'DZIN PA'I GDON, ,GZI DANG BCAS PAS MI YI SROG KYANG 'PHROG ,'CHI BDAG DGRA DANG 'THAB MO'I DUS RAN NA, ,RAB TU BSNYEMS PA'I MTHU RTZAL NYAMS PAR 'GYUR, ,MCHOD 'DOD GNOD BYED 'ONG BA'I GDON RNAMS KYANG, ,RIG SNGAGS GRUB PA RNAMS KYE MTHU DAG DANG, ,DKA' THUB BDE LEGS SMAN GYIS ZHI BAR NUS, ,'CHI BDAG GDON NI BZLOG PAR YOD MI NUS, ,MANG PO 'DUS PA'I NANG DU SGYU MA MKHAN, ,SKYE BO RNAMS KYI MIG KYANG BSLU BAR NUS, ,GSHIN RJE 'DI LA MTSAR GYI MTHU CI YOD, ,DE DAG GIS KYANG BSLU BAR YONG MI NUS, ,GSANG SNGAGS GRUB PA'I DKA' THUB MTHU YIS DUG ZHI NUS, ,SMAN PA MCHOG GIS MI YI NAD KYANG ZHI BAR NUS, ,DHAN NAN TA RI LA SOGS PA YANG MED PAR GYUR, ,DE BAS CHOS PHYIR BDAG BLO BAS MTHAR MCHI BAR MOS, ,RIG SNGAGS 'CHANG RNAMS GSANG SNGAGS MTHU STOBS SNA TSOGS KYIS, ,MNGON DU BYUNG NAS BAR BAR SLAR YANG MI SNANG GYUR, ,BAR BAR MKHA' LA 'GRO ZHING BAR BAR SA 'OG NUB, ,'CHI BDAG BYUNG NA MTHU STOBS RAB TU NYAMS PAR GYUR, ,LHA DBANG DREGS PA RNAMS KYANG LHA MIN DMAG GIS BZLOG ,LHA MIN DREGS PA RNAMS KYANG LHA YI DPUNG GIS BZLOG ,NGA RGYAL BSNGO BA'I BLO CAN DMAG TSOGS CHEN PO'I DPUNG, ,DE DAG KUN BSDONGS PAS KYANG 'CHI BDAG YONG MI THUB, ,GSHIN RJE DGRA BO'I GLANG PO MI BZLOG PA, ,'DI 'DRA RIG NAS KHYIM NA BDAG MI DGA', ,KHROS PA 'AM BYAMS PA MA MCHIS PHYIR MA LAGS, ,CHOS @130B KYI DON DU BDAG NI NGES PAR MCHI, ,RGYAL POS SMRAS PA, 'O NA DE LTAR 'CHI BDAG GIS 'JIGS PA BCOS SU MI RUNG NA CHOS YONGS SU BZUNG STE NAGS TSAL DU SOD YANG CI LA PHAN, KHYOD KYI NAGS SU 'CHI BDAG GI DGRA DE MI 'ONG DAM CI, DRANG SRONG CHOS LA GNAS PA 'ANG NAGS SU MA SHI'AM, ,DE LTAR THAMS CAD NA'ANG CHOS KYI RANG BZHIN NA, ,KHYIM DAG BOR TE NAGS SU SONG YANG CI LA PHAN, ,BYANG CHUB SEMS DPAS SMRAS PA, NAGS DANG KHYIM NA 'DUG KYANG 'CHI BDAG 'ONG 'GYUR LA, ,CHOS LA GNAS DANG LOG PAR SPYOD LA MTSUNGS SPYOD KYANG, ,CHOS KYI BDAG NYID CAN RNAMS MYA NGAN GDUNG MI 'GYUR, ,CHOS KYANG NAGS TSAL DAG NA BDE BAR BSGRUB TU MCHIS, ,LHA GZIGS SU GSOL, BAG MED DREGS DANG 'DOD CHAGS DANG, ,BRKAM DANG ZHE SDANG GZHIR GYUR KHYIM, ,DE YI GNYEN POR GYUR PA'I CHOS, ,SPYAD PA'I SKABS LTA GA LA MCHIS, ,LAS RNAMS NGAN PA MANG POS RNAM PAR G-YENGS, ,YONGS SU BZUNG DANG BSGRUB DANG BSRUNG BAS BREL, ,SEMS NI MA ZHI SDUG BSNGAL 'BYUNG BA'I GNAS, ,KHYIM PAS NAM YANG ZHI BA'I LAM MI 'GRUB, ,NAGS NA BYA BA NGAN PA MANG PO BTANG, ,YONGS SU BZUNG BA'I SDUG BSNGAL SPANGS LA GTZANG, ,ZHI BA 'BA' ZHIG BYED CING YID KYANG MGU, ,BDE DANG BSOD NAMS GRAGS PA'ANG THOB PAR GYUR, ,MI RNAMS CHOS KYIS BSRUNGS KYI NOR DANG DPUNG GIS MIN, ,CHOS KYIS BDE BA CHEN PO 'THOB KYI 'BYOR BAS MIN, ,CHOS KYI BDAG NYID CAN NI SHI NA DGA' BAR 'GYUR, ,CHOS LA 'BAD PAS NGAN 'GRO'I 'JIGS PA MED PAR 'GYUR, ,LAS KYI KHYAD PAR DAG KYANG JI BZHIN GNAS, ,DGE DANG SDIG PA'I MTSAN NYID THA DAD LA, ,RNAM PAR SMIN PA MI DGE NGAN 'GROR LHUNG, ,BSOD NAMS BSAGS PA BDE BA'I GNAS SU 'GRO, ,DE LTAR BDAG NYID CHEN PO DES PHA LA GSOL BA BTAB NAS, PHAS KYANG GNANG STE, RGYAL SRID KYI DPAL RTZVA DANG 'DRA BAR BOR NAS DKA' THUB KYI NAGS TSAL DU GNAS PAR GYUR TE, DE YANG BSAM GTAN RNAMS DANG, CHAD MED PA RNAMS BSGRUBS NAS, 'JIG RTEN PA RNAMS KYANG DE DAG LA BKOD U @131A *, ,DE; TSANGS PA'I 'JIG RTEN DU SKYES PAR GYUR TO, ,DE LTA BAS NA YID SKYO BAR GYUR PA RNAMS NI RGYAL SRID KYI DPAL YANG LEGS PA'I LAM LA SGRIB PAR MI 'GYUR BA'I PHYIR SEMS SKYO BA LA GOMS PAR BYA'O, ,'CHI BA'I 'DU SHES BSKYED NA MYUR DU SEMS SKYO BAR 'GYUR PA'I PHYIR, 'CHI BA'I 'DU SHES BSKYED PA'I YON TAN BSDAGS PA LA YANG BRJOD PAR BYA'O, ,'DU BYED RNAMS NI 'DI LTAR MI RTAG GO ZHES DE BZHIN DU 'CHI BA RJES SU DRAN PA'I YON TAN BSNGAGS PA DANG MI RTAG PA'I GTAM BYA BA LA YANG BRJOD PAR BYA'O, ,'DUS BYAS RNAMS NI 'DI LTAR DBUGS MA PHYIN PA'O ZHES 'JIG RTEN PA THAMS CAD LA MNGON PAR MA CHAGS PA'I 'DU SHES BSKYED PA DANG, DE BZHIN DU 'JIG RTEN 'DI DAG DPUNG GNYEN MED CING GROGS BYED PA MED DO ZHES KYANG BRJOD PAR BYA'O, ,DE BZHIN DU NAGS TSAL DGON PA NA CHOS BDE BAR BSGRUB NUS KYI KHYIM NA DE LTAR MI NUS SO ZHES KYANG SBYAR BAR BYA'O, ,LCAGS KYI KHYIM LA SKYO BA SKYES PA'I RABS TE SUM CU GNYIS PA'O,, ,,BZOD PAR BYA BA YOD NA, BZOD PA YOD PAR 'GYUR GYI MED NA MA YIN NO, ,DE BAS NA DGE BA RNAMS NI GNOD PAR BYED PA LA YANG KHE RNYED PA DANG 'DRA BAR DGA' BAR 'GYUR RO; ,DE YANG 'DI LTAR BYANG CHUB SEMS DPA' NAGS TSAL DGON PA ZHIG NA, MA HE RGOD KYI KHYU MCHOG LUS 'DAM RDZAB KYIS BSKUS PAS RTZUB PAR GYUR PA, SPRIN GYI PHUNG PO LOGS SHIG TU CHAD PA RKANG GIS 'GRO SHES PA 'DRA BA ZHIG TU GYUR TO ZHES GRAGS SO, ,DE DUD 'GRO'I SKYE GNAS NA CHOS KYI 'DU SHES DKON PAS GTI MUG CHE BA'I GNAS SU SKYES KYANG, RNAM PAR SHES PA GSAL BAS CHOS SPYOD PA LA SEMS MI BRTZON PAR MA GYUR TO, ,DE LA SNYING RJE YUN RING 'DRIS PA BZHIN, ,DES NI SNYING RJE RNAMS KYANG YONGS MA BTANG, ,LAS KYI DBANG GIS DE LTAR DE GYUR TAM; ,DE NYID MTHU YIS DE NYID DE LTAR GYUR, ,DE BAS NA BCOM LDAN 'DAS KYIS 'DI SKAD DU, LAS KYI RNAM PAR SMIN PA BSAM MI KHYAB, ,SNYING RJE'I BDAG NYID CAN YANG DUD 'GROR SKYE, ,DE NA'ANG CHOS KYI 'DU SHES SKYE BAR 'GYUR, ,LAS MED NA NI SKYE BA'I MTSAMS MI @131B SBYOR; ,DGE BA'I RNAM PAR SMIN PA MI BDEN MED, ,CHOS KYI 'DU SHES YOD KYANG LAS KYI BAG CHAGS KYIS, ,DE DANG DE BRTEN DE LTA DE LTAR 'GYUR, ,DE NAS SPRE'U MI SRUN PA ZHIG GIS, DE'I RANG BZHIN DES SHING SNYING RJE CHE BAS KHRO SHING 'KHRUGS PA MED PAR YUN RING PO NAS MNGON PAR GSAL BAR SHES TE DE LA 'JIGS PA MED DO SNYAM NAS, SEMS DPA' CHEN PO DE LA 'TSE BA'I RNAM PA DE DANG DE DAG GIS RAB TU GNOD PA BYED PAR GYUR TO, ,SNYING RJE CHE ZHING 'JAM PA LA, ,SKYE BO MI SRUN BSNYEMS SHING DREGS, ,DE LA 'JIGS PA MED MTHONG NAS; ,RAB TU RNAM PAR 'GYUR BAR BYED, ,GANG ZHIG CUNG ZAD 'JIGS GYUR NA, ,RAB TU DUL BA LTAR BYAS TE, ,BSNYEMS PA BOR NAS DE LA NI, ,DMAN PA'I TSUL GYIS SPYOD PAR 'GYUR, SEMS DPA' CHEN PO DE RE ZHIG CIG GNYID KYIS LOG NAS BAG PHAB STE NYAL ZHING 'DUG PA LA; SPRE'U DE DRAG TU MGUL NAS GLO BUR DU STENG DU MCHONGS TE 'ONGS SO, ,BAR BAR NI DE LA ZHON NAS RAB TU BRGYUG GO, ,BAR BAR NI BKRES TE ZAS BTZAL DU 'GRO BA'I LAM BKAG STE 'DUG GO, ,BAR BAR NI SHING GIS KYANG DE'I RNA BA GNYIS DKRUGS SO, ,BAR BAR NI DE CHU NANG DU RKYAL DU 'GRO BA LA MGO'I STENG DU ZHON TE LAG PA GNYIS KYIS DE'I MIG GNYIS BKAB PO, ,BAR BAR NI DE LA ZHON TE DBYUG PA PHYAR NAS BRGYUGS PAS GSHIN RJE'I TSUL DU 'CHOS SO, ,'ON KYANG BYANG CHUB SEMS DPA' SEMS DPA' CHEN PO DE NI DES MA RUNGS PA'I KYAL KA BYAS PA DE DAG THAMS CAD LA 'KHRUG PA DANG KHRO BA DANG MI DGA' BA MED PAR PHAN BTAGS PA BZHIN DU BZOD PAR GYUR TO, ,SDIG CAN RNAMS NI RANG BZHIN GYIS, ,'DUL DANG 'GAL BA'I LAM LA BRTEN, ,DAM PA RNAMS NI GOMS PA'I PHYIR, ,DE LA'ANG PHAN BTAGS BZHIN DU BZOD, ,DE NAS GNOD SBYIN ZHIG GIS DES GTZES PA DE MA BZOD PA DANG, SEMS DPA' CHEN PO DE'I BSAM PA BRTAG PA'I PHYIR, MA HE KHYU MCHOG DE SPRE'U MI SRUN PA DES ZHON TE 'ONG BA'I LAM DU BSGUGS NAS SMRAS PA, KYE KHYOD CUNG ZHIG CIG SDOD CIG ,KHYOD SPRE'U MI SRUN PA 'DIS NYOS SAM CI, ,'ON TE RGYAN @132A *, ,POS PHAM MAM, 'ON TE 'JIGS PA CUNG ZAD CIG YOD DAM, DE STE BDAG LA MTHU MED PAR SHES SAM, CI STE 'DI DE LTAR BRNYAS SHING ZHON, ,KYE MA'O, ,KHYOD KYI RVA YI RTZE MO RDO RJE'I SHUGS KYIS KYANG, ,RDO RJE 'AM RI YANG RDO RJE BZHIN DU 'JOMS, , KHYOD KYI RKANG LAG KHROS TE 'PHRAD NA NI, ,BRAG GI RTZE MO 'DAM DU BYING PA BZHIN, ,KHYOD KYI LUS 'DI BRAG BZHIN MKHREGS LA BRTAN, ,MTHU STOBS PHUN SUM TSOGS PAS KUN TU MDZES, ,RANG BZHIN GZI CHE LTA BAS BRJID PA NI, ,SENG GE DAG KYANG RAB TU SPA BKONG 'GYUR, ,DE BAS 'DI NI RMIG PAS RGYOB LA CHOM, ,YANG NA RVA RTZIS 'DI YI DREGS PA SOL, ,MTHU MED 'DRA BA SPREL NGAN SDIG CAN 'DIS, ,RAB TU GTZES PA'I SDUG BSNGAL BZOD PAR BYED, ,YON TAN TSUL SPYOD BDE ZHING BSIL BA YIS, ,SKYE BO NGAN PA BCOS SU GA LA RUNG, ,TSA ZHING DROD CHE RTZUB PAS BSGRUB PA YI, ,BAD KAN NAD BZHIN RAB TU 'PHEL BAR 'GYUR, ,DE NAS BYANG CHUB SEMS DPAS GNOD SBYIN DE LA BLTAS TE, BZOD PA'I PHYOGS BZUNG NAS TSIG 'JAM POS SMRAS PA, 'DI NI MTHU STOBS CHUNG BA DANG, ,RTAG TU MA DRANG SPYOD PA'ANG SHES, ,DE BAS 'DI LA BDAG GIS NI, ,BZOD PAR BYA BA MI RIGS SAM, ,MTHU CHEN BCOS SU MI RUNG LA, ,BZOD PA CI ZHIG BYAR YANG YOD, ,DGE BA DUL BA'I TSUL SPYOD LA, ,BZOD PAR BYA BA 'ANG CI ZHIG YOD, ,MTHU CHUNG 'KHRUL PA DAG LA NI, ,MTHU YOD BZHIN DU BZOD NA RUNG, ,DE PHYIR YON TAN NYAMS PA BAS, ,RAB TU BRNYAS PAR GYUR KYANG RUNG, ,MTHU STOBS CHUNG BAS BRNYAS THABS BYAS PA LA, ,DANG DU LEN PA YON TAN RNAMS KYI MCHOG ,YON TAN DGA' BAS KHYAD DU DE BSAD NAS, ,RANG GI BSTAN PA NYAMS PHYIR CI PHYIR BRGAL, ,BZOD PA RTAG TU BDE BAR 'GYUR BA YI; ,DUS NI RAB TU RNYED PAR DKA' BA LA, ,GZHAN GYI DE LTA BU DAG BYAS GYUR NA, ,DE LA 'KHRUL PAR GYUR PA SU ZHIG YOD, ,GANG ZHIG RANG GI CHOS NYAMS MI SEMS PAR, ,BDAG GI SDIG SPYAD PHYIR NI ZHUGS 'DRA LA, ,'DI LA'AD BDAG NI BZOD PAR MI BYED NA, ,DE LAS GZHAN PA @132B DRIN MED CI 'DRA ZHIG ,GNOD SBYIN GYIS SMRAS PA, DE BAS NA KHYOD NI 'DIS GNOD PAR BYAS PA LAS NAMS KYANG THAR BAR MI 'GYUR RO, ,YON TAN RNAMS LA MI DGA' ZHING, ,MI SRUN PA NI MA BTUL BA, ,BZOD PA BSGOM PA MA BTANG NA, ,SPA BKOD NUS PA SU ZHIG YOD, ,BYANG CHUB SEMS DPAS SMRAS PA, GZHAN LA GNOD PA BYAS PA'I BDE BA 'AM, ,SDUG BSNGAL 'BYUNG BA DGAG PAR 'DOD PA DES, ,RNAM PAR SMIN PA BDE BA MI 'GRUB PAS, ,BDE BA 'DOD PAS DE NI BSGRUB MI NUS, ,DE BAS BDAG GI BZOD LA GNAS NA NI, ,THABS KYIS BSGO YANG GAL TE MA GO NA, ,BZOD PA CHUNG BA GZHAN DAG YOD PAS NA, ,DE DAG 'DI NI LOG PA'I LAM LAS BZLOG ,SKYE BO DE LTA BU YIS BRNYAS BYAS NA, ,BDAG TU LTA BA 'ANG DE LTAR DE MI BYED, ,NYES DMIGS MTHONG NA DE LTAR PHYIS MA BYED, ,'ON KYANG BDAG NYID DE LAS THAR BAR 'GYUR,, DE NAS GNOD SBYIN DE SEMS RAB TU DGA' ZHING YA MTSAN CHE BAR GYUR TE, RAB TU MGU NAS SEMS DPA' CHEN PO DE LA MGO BOS BTUD DE SE GOL BRDAB NAS LEGS SO LEGS SO ZHES SMRAS TE, MGU BAR BYAS NAS TSIG SNYAN PA DE DANG DE DAG SMRAS SO, ,DUD 'GRO RNAMS LA CHOS 'DI GA LA YOD, ,YON TAN DGA' BA 'DI 'DRA GA LA YOD, ,MTSAR GYIS BSAMS PA 'DI 'DRA'I LUS SU GNAS, ,DKA' THUB NAGS NA KHYOD NI DKA' BA SPYOD, ,CES DE LTAR DE LA MNGON PAR BSTOD NAS, SPRE'U RMI SRUN PA YANG DE'I RGYAB NAS PHAB STE, DE BSRUNG BA YANG BSKOS NAS DE NYID DU MI SNANG BAR GYUR TO, ,DE LTA BAS NA BZOD PA BYA BA YOD NA, BZOD PA YOD PAR 'GYUR GYI MED NA MA YIN PA'I PHYIR, DGE BA RNAMS NI GNOD PA BYED PA LA YANG KHE RNYED PA DANG 'DRA BAR DGA' BAR 'GYUR RO, ,ZHES BZOD PA'I GTAM BYA BA LA YANG BRJOD PAR BYA'O, , DUD 'GROR GYUR PA RNAMS LA YANG DE LTAR SO SOR BRTAGS PA'I MTHU YOD NA MIR GYUR PA 'AM, RAB TU BYUNG BA KHAS 'CHES PA LA BZOD PA DE DAG DANG MI LDAN NA MDZES PAR GA LA 'GYUR, ,ZHES DE SKAD KYANG BRJOD PAR BYA'O, ,DE BZHIN GSHEGS PA'I YON TAN BSNGAGS PA @133A *, ,DANG; RIM GRO BSKYED DE CHOS NYAN PA LA 'ANG BRJOD PAR BYA'O, ,MA HER SKYES PA'I RABS TE SUM CU GSUM PA'O,, ,,RANG BZHIN GYIS DGE BDAG NI BSKUL MA BTAB KYANG MA GOMS PA'I PHYIR SDIG PA ME SPYOD DO, ,DE YANG 'DI LTAR BYANG CHUB SEMS DPA' NAGS TSAL ZHIG NA, BYA SHING RTA MO 'DAB GSHOG KHA DOG SDUG GU RNAM PA SNA TSOGS DANG LDAN PA ZHIG TU GYUR CING GNAS SO, ,ZHES GRAGS SO, ,SNYING RJE LA GOMS PAS DE LTA BU'I GNAS DE NA YANG BYA SHING RTA MO'I 'TSO BA SROG CHAGS GSOD PA'I SKYON CAN MI BYED DO, ,LJON SHING LDUM BUS MYU GU RAB TU GSAL, ,ME TOG BSUNG ZHIM KHU BAS BSGOS PA DANG, ,RO DANG DRI BSUNG KHA DOG SNA TSOGS PA'I, ,SHING THOG RNAMS KYIS 'TSO BA CHOG PAR 'DZIN, ,JI LTAR RIGS PAR GZHAN LA CHOS KYANG 'CHAD, ,PHONGS PA RNAMS LA CI NUS PHAN YANG 'DOGS, ,NGAN PA RNAMS KYANG MI RIGS PA LAS BZLOG ,GZHAN GYI DON SPYAD RAB TU GSAL BAR STON, ,SEMS DPA' CHEN PO DES NAGS TSAL DE NA 'KHOD PA'I SEMS CAN MANG PO RNAMS YONGS SU BSKYANGS PAS, DE DAG SLOB DPON DANG BCAS PA BZHIN; BSHES GNYEN DANG BCAS PA BZHIN, SMAN PA DANG BCAS PA BZHIN, RGYAL PO MNYES GSHIN PAS BSKYANG BA BZHIN DU BDE BAR BYA'O, ,DE NAS RE ZHIG CIG SEMS DPA' CHEN PO DE SEMS CAN LA SNYING BRTZE BA'I PHYIR NAGS TSAL GYI NANG NAS RGYU ZHING SONG SONG BA LAS; NAGS TSAL GYI PHYOGS SHIG NA SENG GE ZHIG NAD DRAG POS BTAB STE, MDA' DUG CAN GYIS PHOG PA BZHIN DU, 'GRE LDOG BYED CING ROL BA RNAMS NI RDUL GYIS GOS DRI MA CAN DU GYUR LA 'DZINGS PA ZHIG MTHONG BA DANG, SNYING RJES BSKUL NAS DE'I DRUD DU SONG STE DRIS PA, RI DVAGS KYI RGYAL PO KHYOD KYI LUS RAB TU MI BDE BA 'DRA NA 'DI CI NYES, GLANG PO DAG LA DREGS PAS BRGAL DRAGS SAM, ,RAB TU MGYOGS PAS RI DVAGS BSNYAGS DRAGS SAM, ,MCHONGS PA DRAGS PAS 'DI LTAR KHYOD SMAD DAM, ,RNGAN PA DAG GIS @133B MDA' 'PHANGS SNAD GYUR TAM, ,BSTAN DU RUNG NA KHYOD KYIS 'DI SMROS SHIG ,'DI LA CI LTAR BYAS NA RUNG BA'ANG SMROS, ,BDAG GIS GROGS BYAR RUNG BA'I MTHU YOD NA, ,BDE BAR DE BSGRUB KHYOD KYANG SOS PAR BYA, ,SENG GES SMRAS PA, BYA'I NAD NAS MCHOG TU GYUR PA KHYOD LEGS SO LEGS SO, ,BDAG 'DI LTAR MI BDE BAR GYUR PA 'DI NI, RTZAL DRAG PO LAS GYUR PA'ANG MA LAGS, RNGON PA'I MDA' PHOG STE SNAD PA YANG MA LAGS TE, RUS PA'I TSAL PA 'DI 'DRA BA ZHIG GRE BAR ZUG STE, NANG DU MID DU YANG MA RUNG, PHYIR DBYUNG DU YANG MA RUNG STE, ZUG RDUS ZUG PA BZHIN DU BDAG RAB TU SDUG BSNGAL ZHING MCHIS NA, DE BAS NAD 'DI JI LTAR BGYI BA GROGS PO DAG GIS BGYI BA'I DUS LA BAB KYIS JI LTAR MKHYEN PAR BDAG BDE BAR MDZAD DU GSOL, ,DE NAS BYANG CHUB SEMS DPA' SEMS RNO BAS ZUG RDU DBYUNG BA'I THABS BSAMS TE; DE'I KHA GDANGS SU RUNG BA'I SHING ZHIG BLANGS NAS SENG GE DE LA KHYOD KYIS CI NUS SU KHA LEGS PAR GDANGS SHIG CES SMRAS PA DANG, DES KYANG DE BZHIN DU BYAS SO, ,DE NAS BYANG CHUB SEMS DPAS SHING DE DE'I SO BAR DU LEGS PAR BCUG NAS, DE'I GRE BAR ZHUGS TE RUS PA'I TSAL PA BSEGS KHAR ZUG PA DE'I RTZE MO GCIG NAS MCHUS BSGUL TE LHOD PAR BYAS NAS RTZE MO GCIG NAS BZUNG STE PHYUNG NAS PHYIR DBYUNG BA'I TSE YANG DE'I KHA BKAG PA'I SHING DE PHYUNG STE BOR RO, ,SHES RAB RNON PO TSE RABS BRGYAR GOMS PAS, ,MA BSGOMS PAR YANG JI LTAR DER PHYUNG BA, ,RAB TU GOMS SHING MKHAS PA'I SMAN PAS KYANG, ,RAB TU BSGRIMS KYANG ZUG RDU DE MI 'BYIN, ,ZUG RDU PHYUNG NAS DE MA THAG TU NI, ,DE YI SDUG BSNGAL MYA NGAN MED PAR BYAS, ,ZUG RDU PHYUNG NAS JI LTAR DE DGA' BA, ,ZUG RDU PHYUNG BAS DE LTAR DE DGAR GYUR, ,SKYE BO DAM PA RNAMS KYI CHOS NYID NI DE LTA BU YIN TE, SKYE BO DAM PA GZHAN GYIS DE BSGRUBS SAM, ,SDUG BSNGAL BZLOG NA'ANG DE DANG MTSUNGS PAR NI, ,BDE DANG SDUG BSNGAL RAB TU MYONG BAR 'GYUR, ,RANG GI BDE BA 'GRUB KYANG DE LTAR MIN, ,SEMS DPA' CHEN PO DES DE LTAR DE'I SDUG BSNGAL @134A *, ,DE ZHI BAR BYAS NAS SEMS RAB TU DGA' BAR GYUR TE, SENG GE DE LA GAR 'GRO BAR BRDA SPRAD NAS, DES KYANG DGA' BAR BYAS TE GAR DGA' BAR SONG NGO, ,DE NAS RE ZHIG CIG BYA SHING RTA MO DE 'DAB GSHOG SDUG GU RAB TU PHYAR NAS 'PHUR TE 'KHYAMS SHING SONG SONG BA LAS, KHA ZAS BZAR RUNG BA DE LTA BU MA RNYED DE, ,BRU BA TSA BAS GDUNGS PA DANG, SENG GE DE YANG RI DVAGS GZHON NU SONG MA THAG PA'I SHA NI ZA, KHA DANG SDER MO DANG RAL PA'I RTZE MO RNAMS NI DE'I KHRAG GIS SBAGS PA STON KA'I SPRIN GYI DUM BU MTSAMS KYI DUS LA BAB PA'I MDOG 'DRA BAR 'DUG PA MTHONG NGO, ,DE YIS PHAN PA BYAS NAS DE LA NI, ,SLONG BA'I TSIG 'BRU NGAN PA BRJOD MA NUS, ,'JIGS MED YIN YANG DE YI NGO TSA NI, ,DE TSE MI SMRA'I BRTUL ZHUGS LEN DU 'JUG ,'ON KYANG DGOS PA'I DBANG GIS NGO TSA BTANG, ,DE YI MIG SNGAR BAB PAR NYE BAR 'ONGS, ,BDAG NYID NGAN PA DES NI DE MTHONG YANG, ,MGRON BYA'I TSIG KYANG DE LA YONG MA BRJOD, ,RDO LEB STENG DU SA BON BTAB PA BZHIN, ,ME MED THAL BA DAG LA BSREGS PA BZHIN, ,'BRAS BU SMIN PA'I DUS NA BYE BRAG MED, ,PHAN BTAGS DRIN MED BENDU'I ME TOG BZHIN, ,DE NAS BYANG CHUB SEMS DPAS BSAMS PA, 'DIS NI BDAG GOR MA CHAG PAR NGO MA SHES SO SNYAM NAS, DOGS SHING 'DZEM PA MED PAR DE'I DRUNG DU MGRON GSAR DU 'ONGS PA'I TSUL GYIS SHIS PA BRJOD DE SLONG MO BTAB BO, ,RI DVAGS RGYAL PO BDUD RTZIR GYUR, ,MTHU RTZAL CHEN POS RNYED PA LAS, ,PHONGS PAS BTZAL BA CUNG ZAD 'TSAL, , KHYOD KYI BSOD NAMS GRAGS PA 'GRUB, ,DE LTAR SHIS PA BRJOD PA DANG TSIG 'JAM POS BSLANGS KYANG SENG GE DE KHRO BA DANG SER SNA LA GOMS PAS YA RABS KYI TSUL NI MED, MIG GNYIS KHRO BA'I ME 'BAR BAS SER POR GYUR PA BZLOG NAS BSREGS PA BZHIN DU, BYANG CHUB SEMS DPA' LA BLTAS TE SMRAS PA, KVA YE KHYOD CUNG ZHIG SDOD CIG ,SNYING RJE'I BRLAN BAG GANG MED PA, ,RI DVAGS RNAM PAR G-YO BA ZA, ,NGA YI KHA NI DER SONG NAS, ,GSON PA DE NI GNANG CHE MOD, ,'ON KYANG NGA LA BRNYAS THABS SU, ,DE LTAR SLONG MO 'DEBS PA NI, ,SROG GIS SKYO BAR KHYOD GYUR TAM, , @134B 'JIG RTEN PHA ROL LTA BAR 'DOD, ,DE NAS BYANG CHUB SEMS DPA' DE DE'I TSIG RTZUB MOS SLAR BZLOG PA DE NGO TSA BAR GYUR TE, DE NYID NAS NAM MKHA' LA 'PHUR TE 'DAB MA BRDABS PA'I GSHOG SGRAS NGED CAG NI BYA YIN PAS CI BYAR YANG MED DO ZHES TSUL GYIS BSTAN NAS LANGS TE SONG NGO, ,DE NAS NAGS TSAL GYI LHA ZHIG DES DE LA BRNYAS THABS BYAS BA DE MA BZOD PA DANG, CI TZAM DU SPRO RING BA BRTAG PA'I PHYIR, SEMS DPA' DE'I DRUNG DU 'ONGS TE SMRAS PA, KYE BYA RNAMS KYI MCHOG BDAG NYID NGAN PA 'DI LA PHAN BTAGS PA'I STENG DU, BDAG LA YANG MTHU YOD BZHIN DU 'DI LTAR BRNYAS THABS BYAS PA CI'I PHYIR BZOD PAR BYED, KHREL MED DE LA DE LTAR BZOD PA BYAS KYANG CI PHAN, KHYOD KYI MCHU YIS 'DI YI MIG KYANG DBYUNG BAR NUS, ,RNAM PAR G-YO ZHING STOBS DANG LDAN YANG GZHOM PAR NUS, ,MCHE BA'I BAR NA 'DUG PA'I SHA YANG 'PHROG NUS NA, ,CI PHYIR 'DI YI STOBS BSNYEMS DREGS PA BZOD PAR BYED, DE NAS BYANG CHUB SEMS DPA' DE LTAR BRNYAS PAR BYAS PA'I PHYIR, LHA DES GCUGS BYAS TE RAB TU BSKUL YANG, BDAG NYID KYI RANG BZHIN BZANG PO BSTAN PA'I PHYIR SMRAS PA, BDAG CAG LTA BU'I TSUL DE LTA BU MA YIN GYIS, DE SKAD CES MA ZER CIG ,PHONGS PA DAG LA DGE BA RNAMS, ,SNYING RJES SPYOD KYI KHE PHYIR MIN, ,GZHAN GYIS SHES SAM MA SHES NA, ,DE LAS 'KHRUL PA SU ZHIG BYED, ,GZHAN GYIS PHAN BTAGS DRIN MED NA, ,KHO BDAG RAB TU BSLUS PAR ZAD, ,PHAN PA BYAS PA'I LAN 'DOD PHYIR, ,SU ZHIG DE LA PHAN 'DOGS YOD, ,PHAN 'DOGS PA NI BSOD NAMS THOB, ,PHYI MA'I TSE NA'ANG 'BRAS BU YOD, ,TSE 'DI LA YANG GRAGS DANG DPAL, ,GDON MI ZA BA THOB PAR 'GYUR, ,DE LTAR BSOD NAMS BYAS PA LA, ,'KHON DU 'DZIN PA SU ZHIG YOD, ,DE STE PHAN BTAGS LAN 'DOD NA'ANG, ,BU LON CHAGS BYAS PHAN MA BTAGS, ,BDAG GIS PHAN BTAGS PHA ROL DRIN MED CES, ,GANG ZHIG DE LA GNOD PA BYED NA NI, ,YON TAN GRAGS DANG BCAS PAS LUS BKRUS NAS, ,GLANG CHEN TSUL DU SPYAD PAR MI 'GYUR RAM, ,PHA ROL PHONGS LA PHAN BTAGS DRIN DU MI GZO BA, ,YON TAN BYIN CAN DPAL DANG LDAN @135A *, ,PAR MI 'GYUR MOD, ,SEMS DANG LDAN PA SU ZHIG PHYIN CHAD PHAN 'DOGS BYED, ,BDAG GI GRAGS PA MED PAR PHYIN CHAD RTZOL DU ZAD, ,'DI LA BDAG GIS 'DI LTAR BYAS NA RUNG BA SNYAM, ,GANG LA DGE BA'I TSUL SPYAD KYANG, ,GROGS PO'I CHOS TSUL MI SNANG NA, ,MA KHROS RNGAM PAR MA GYUR PAR, ,DE NAS BAGS KYIS GUD DU 'GRO, ,DE NAS LHA DE LEGS PAR SMRAS PA DES YID MGU NAS LEGS SO ZHES YANG DANG YANG DU BSNGAGS TE, TSIG SNYAN PA DE DANG DE DAG SMRAS PA, THOR GTZUG SHING SHUN GOS NI MED PAR YANG, ,KHYOD NI DRANG SRONG MI MNGON DKA' THUB CAN, ,CHA LUGS TZAM GYIS THUB PAR 'GRUB MI 'GYUR, ,YON TAN LDAN NA YANG DAG THUB PA YIN, ,DE SKAD SMRAS NAS MNGON PAR DGA' BAR GYUR TE, DE NAS MCHOD PA BYAS NAS DE NYID DU MI SNANG BAR GYUR TO, ,DE LTA BAS NA DGE BA DAG NI BSKUL MA BTAB KYANG MA GOMS PA'I PHYIR SDIG PA MI SPYOD DO, ,ZHES SKYES BU DAM PA RNAMS KYI YON TAN BSNGAGS PA LA 'ANG BRJOD PAR BYA'O, ,DE LTAR BZOD PA GOMS PAR GNAS NA DGRA MANG BAR MI 'GYUR ZHING, KHA NA MTHOB YANG MANG BAR MI 'GYUR BA DANG, SKYE BO MANG PO DGA' ZHING YID DU 'ONG BAR 'GYUR BA'I PHYIR BZOD PA'I GTAM BYA BA LA YANG SBYAR BAR BYA'O, ,DE LTAR SO SOR BRTAGS BA MANG DU BYAS NA, MKHAS PA RNAMS RANG GI YON TAN BZANG PO RJES SU BSRUNG BAR 'GYUR BA'I PHYIR, SO SOR BRTAGS PA'I YON TAN BSNGAGS PA LA 'ANG BRJOD PAR BYA'O, ,DE BZHIN GSHEGS PA'I BDAG NYID CHE BA DANG, DE LTAR RANG BZHIN BZANG PO LA GOMS PAR BYAS NA, DUD 'GROR GYUR KYANG MED PAR MI 'GYUR RO, ,ZHES RANG BZHIN BZANG PO LA GOMS PAR BYA BA'I YON TAN BSNGAGS PA LA YANG BRJOD PAR BYA'O, ,BYA SHING RTA MOR SKYES PA'I RABS TE SUM CU BZHI PA'O, ,SKYES PA'I RABS KYI RGYUD SLOB DPON DPA' BOS SBYAR BA RDZOGS SO, ,SHLO KA SUM STONG PHYED DANG BZHI STE BAM PO BCU GNYIS MA LANGS SO,, ,,RGYA GAR GYI MKHAN PO BIDY'A KA RA SI HAm DANG, ZHU CHEN GYI LO TZ'A BA BANDE MANYDZU SHR'I WARMAS BSGYUR CING ZHUS NAS GTAN LA PHAB BA'O,, ,, @135B #, ,RGYA GAR SKAD DU, DZ'A TA KA M'A L'A t'I K'A, BOD SKAD DU, SKYES PA'I RABS KYI RGYA CHER BSHAD PA, BCOM LDAN 'DAS NGAG GI DBANG PO LA PHYAG 'TSAL LO, ,THUB PA'I LEGS SPYOD RMAD BYUNG DPAG MED PA, ,SNYAN NGAG MKHAN PO 'PHAGS PA DPA' BOS BKOD, ,BDAG BLO ZHAN KYANG GUS PAS BSHAD PA NI, ,BLO CHUNG DAG LA PAN PHYIR RAB TU BRTZAMS, ,DPAL LDAN ZHES BYA BA LA SOGS PA'I TSIGS BCAD 'DI NI 'OG NAS 'BYUNG PA'I SNYAN NGAG MTHA' DAG GI BSDUS PA'I DON YIN TE, BSOD NAMS DANG YE SHES KYI TSOGS KYI RANG BZHIN BYANG CHUB SEMS DPA'I SPYOD PA'I DBANG DU BYAS NAS BDAG GIS SNYAN NGAG 'DI BYA'O, ,ZHES BYA BA NI TSIGS SU BCAD PA 'DI'I BSDUS PA'I DON NO, ,DE LA PHA ROL TU PHYIN PA DRUG STE, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA'O, ,PHA ROL TU PHYIN PA DE DAG LAS DANG PO'I PHA ROL TU PHYIN PA GSUM PO SBYIN PA DANG, TSUL KHRIMS DANG, BZOD PA'I PHA ROL TU PHYIN PA NI BSOD NAMS KYI TSOGS TE, 'KHOR BA'I 'KHOR DANG, LONGS SPYOD PHUN SUM TSOGS PA'I RGYUR GYUR PAS SO, ,BSAM GTAN DANG, SHES RAB KYI PHA ROL TU PHYIN PA GNYIS NI RNAM PAR GROL BA'I RGYUR GYUR PA YIN PAR NGES PAR GZUNG NGO, ,BRTZON 'GRUS KYI PHA ROL TU PHYIN PA NI GNYIS KA'I PHYOGS LA BRTEN PA YIN NO, ,GANG DAG LA DPAL I YOD PA DE NI DPAL LDAN TE, GZI MDANGS BZANG PO DANG LDAN PA YIN NO, ,DPAL DANG, 'OD DANG, 'BAR BA ZHES BYA BA NI RNAM GRANGS SO, ,'DIR DPAL ZHES BYA BA SMOS PAS NI, BSOD NAMS KYI TSOGS KYI 'BRAS BU STE, 'KHOR BA'I LONGS SPYOD DANG, 'KHOR PHUN SUM TSOGS PA BZUNG STE, SBYOR BA 'DIS ZHES BYA BAR SBYAR BAR BYA'O, ,YON TAN DAM PAS YONGS BZUNG BKRA SHIS PA, ,ZHES BYA BA NI YON TAN YANG YIN LA DAM PA YANG YIN PAS YON TAN DAM PA'O, ,YANG NA YON TAN BZANG PO YIN PAS YON TAN @136A *, ,DAM PA'O, ,YANG NA SKYES BU DAM PA RNAMS KYI YON TAN YIN PAS SO, ,YONGS BZUNG ZHES BYA BA NI 'DI DAG GIS YONGS SU BZUNG BAS NA'O, ,YON TAN DAM PA YANG YIN LA YONGS SU BZUNG BA YANG YIN PAS YON TAN DAM PAS YONGS BZUNG NGO; ,DE DAG GI BKRA SHIS YIN PAS YON TAN DAM PAS YONGS BZUNG BKRA SHIS SO, ,DE LA YON TAN NI GZHAN LA PHAN PA KHA NA MA THO BA MED PA'I BSOD NAMS LA 'JUG PA'O, ,GAL TE DE NI DE LTA NA DAM PA ZHES SMOS PA CI ZHIG DGOS SHE NA, BYANG CHUB SEMS DPA' MA YIN PA YANG GZHAN LA PHAN PA LA 'JUG PA DE DAG NI BDAG LA PHAN PA DANG 'BREL PA'I DNGOS PO STON CING YON TAN GYI 'BRAS BU YOD PAR GYUR PA STE, GANG ZHIG CE NA, NYAN THOS DANG RANG SANGS RGYAS LTA BU STE, DE'I YON TAN NI RANG GI RGYUD LAS BYUNG BA'I NYON MONGS PA 'JOMS PA'O, ,YONGS SU SNGO BAR BYED PA STE, SNGA MA NI DE LTA BU MA YIN PA'I PHYIR RO, ,YANG NA YONGS SU BZUNG BA YIN PAS NA YONGS SU BZUNG BA STE, YON TAN DAM PA RNAMS KYIS YONGS SU BZUNG BAS NA, YON TAN DAM PAS YONGS BZUNG NGO, , YON TAN DAM PHAS YONGS SU GZUNG BA'I BKRA SHIS PA NI, YON TAN DAM PAS YONGS BZUNG BKRA SHIS PA'O, ,BKRA SHIS ZHES BYA BA NI, DGE SHIS DANG DAG BYED DO, ,GRAGS PA'I GZHIR GYUR CES BYA BA NI GRAGS PA'I GZHIR GYUR PAS NA GRAGS PA'I GZHIR GYUR TE, GRAGS PA'I GNAS SU GYUR PA ZHES PA'I DON TO, ,'DIS NI MNGON DU 'GRO BAS DE'I SPYOD PA STON PA YIN NO, ,GAL TE DE LTA YIN NA NI, BYANG CHUB SEMS DPA' MA YIN PA GZHAN BRGYA BYIN DANG, PA BSANGS DANG, SKEM BYED DANG, NYE DBANG LA SOGS PA'I SPYOD PA DAG LA YANG GRAGS PA'I GZHIR GYUR PA YOD CE NA, SMRAS PA, MA SMAD BZHIN DU SHIN TU YID DU 'ONG, ,ZHES SMOS SO, ,GRAGS PA NI SNYAN PA STE RNAM GRANGS SO, ,MA SMAD CES BYA BA NI SMAD PA MA YIN PAS NA MA SMAD PA STE, DES RANG GI RGYUD BRGYAN @136B CING 'JIG RTEN LAS 'DAS PAR GYUR PAS SO, ,YANG NA MA SMAD PA NI MCHOD PAR 'OS PA'I GZHIR GYUR PA STE MA SMAD PA'O, ,DE BAS NA DE NYID YID DU 'ONG BA STE, MA SMAD SHIN TU YID 'ONG NGO, ,'DIS NI SPYOD PA DE'I YE SHES KYI TSOGS GZHAN LA PHAN PAR STON PA YIN NO, ,'JIG RTEN PA RNAMS LA YANG, SHES PA NI YOD MOD KYI TSOGS NI MA YIN TE, 'DIS SANGS RGYAS PA'I RGYUR GYUR PA DANG, SANGS RGYAS SU 'JOG PAR BYED PAS TSOGS SO, ,YID 'PHROG PAR BYED PAS YID DU 'ONG BA'O, ,SKU TSE SNGA MA RNAMS SU ZHES BYA BA NI 'DI LTAR SNGON GYI MTHA'I SKYE BA NAS GANG DU MNGON PAR RDZOGS PAR BYANG CHUB PA'I BAR BRNYES PA'I SKYE BA DE NI MTHA'I BAR RO, ,THUB PA ZHES BYA BA NI GSUM THUB BAS NA THUB PA STE, BCOM LDAN 'DAS SO, ,YANG NA NYON MONGS PA SKYE BA 'GOG PAS NA THUB BA'O; ,DE'I SPYOD PA NI SPYOD PA STE TSUL LO, ,DE'I SPYOD PA RMAD DU BYUNG BA YIN PAS RMAD DU BYUNG BA STE SPYOD PA NGO MTSAR BA'O, ,YANG NA DE'I SPYOD PA 'DAS PAR GYUR PAS NI MTHONG BA STE, BRGYA LA ZHIG NA NYE BAR DMIGS PA YIN PAS RMAD DU BYUNG BA RNAMS SO, ,GUS PAS ZHES BYA BA NI DGA' ZHING ZHES PAS ZHES BYA'O, ,'DIS NI BSAM PA PHUN SUM TSOGS PA STON PA YIN NO, ,RANG GI SNYAN NGAG YIN PAS BDAG GI SNYAN NGAG GO, ,BDAG GI SNYAN NGAG NYID ME TOG YIN PAS BDAG GI SNYAN NGAG ME TOG GO, ,ME TOG BZHIN DU ME TOG GI MCHOD PA'I YO BYAD CHOS MTHUN PA YIN PA'I PHYIR JI LTAR DE ME TOG LA SOGS PA'I SNYIM PA STE, BDAG GI SNYAN NGAG ME TOG SNYIM PA'O, ,SNYIM PA NI LAG PA GNYIS SBYAR BA'O, ,YANG NA ME TOG GI SNYIM PA YIN PAS ME TOG SNYIM PA'O, ,RANG GI SNYAN NGAG NYID ME TOG SNYIM PA YIN PAS NA BDAG GI SNYAN NGAG ME TOG SNYIM PA'O, ,DES NA BDAG GI SNYAN NGAG GI ME TOG SNYIM PA ZHES BYA BA 'DIS NI MCHOD PA'I YO BYAD CUNG ZAD TZAM DU BSTAN TE, ME TOG GI GNAS DAG LA SNYAN NGAG NYE BAR BSTAN PA YIN NO, ,DE LTAR NA 'DIS NI SBYOR BA @137A *, ,PHUN SUM TSOGS PA BSHAD PA YIN NO, ,GRAGS PA'I MTSAN MAR GYUR PA 'DI RNAMS KYIS ZHES BYA BA DANG, 'JIG RTEN DON 'GYUR ZHES BYA BA LA SOGS PA'I TSIGS SU BCAD PA GNYIS NI SNYAN NGAG BRTZAMS PA'I DGOS PA BSTAN PA YIN TE, DGOS PA DANG DGOS PA BYED PA GNYIS KYIS BSDUS PA'I DON TE, TSIGS BCAD 'DI GNYIS NI BDAG DANG GZHAN GYI DON MTHA' DAG 'DI LAS 'BYUNG BAR BSTAN TO, ,DE LA GZHAN GYI DON MTHA' DAG LAS BRTZAMS TE, GRAGS PA'I MTSAN MAR GYUR PA ZHES BYA BA'I TSIGS SU BCAD PA BSTAN TE, 'DI RNAMS KYI ZHES BYA BA NI SNGAR BSHAD PA'I BSOD NAMS DANG YE SHES KYIS YONGS SU BZUNG BA DES NA GRAGS PA ZHES BYA BAR GRAGS PAR BYED PA YIN TE RAB TU BSNGAGS PA'O, ,JI LTAR GRAGS PA YIN ZHE NA SMRAS PA, MNGON SNANG MTSAN MAR GYUR PA ZHES SMOS TE, SEMS CAN RNAMS KYI MNGON PAR SNANG BA'I MTSAN MAR GYUR PA STE, 'DIS NI GNAS KYI KHYAD PAR GYI SPYOD PA'I KHYAD PAR BSHAD PA YIN NO, ,YANG NA MNGON PAR SNANG BA YANG YIN LA, MTSAN MAR GYUR PA YIN BAS MNGON SNANG MTSAN MAR GYUR PA'O, , 'DIS NI DE'I SPYOD PA DAG GIS SKYE BO KUN LA PHAN PAR STON PAR BSHAD DE BSDUS PA'I DON TO, ,GRAGS PA ZHES BYA BA NI DGE SHIS SO, ,'DI RNAMS KYIS ZHES BYA BA NI SPYOD PA STE MNGON SNANG MTSAN MAR BYAS PA'O, ,DE GANG GI ZHE NA, SANGS RGYAS NYID KYI'O, ,MTSAN MAR GYUR PA NI RTAGS SU GYUR PA DANG, MTSON PAR GYUR PA'O, ,BDE BAR GSHEGS 'GYUR LAM ZHES BYA BA NI BDE BAR GSHEGS PAR 'GYUR BA YIN PAS BDE BAR GSHEGS 'GYUR RO, ,MDZES PAR GSHEGS PAS NA BDE BAR GSHEGS PA'O, ,DE KHO NA NYID NI PHYIN CI MA LOG PA'O, ,LAM RNAMS ZHES BYA BA NI 'PHAGS PA'I LAM YAN LAG BRGYAD PA'O, ,GANG YIN ZHES BYA BA NI GANG GI PHYIR RO, ,BSTAN PA NI BSHAD PA STE RAB TU STON PA YIN NO, ,YID LA DAD PA MED PA RNAMS KYANG ZHES BYA BA LA, 'DIR YANG ZHES BYA BA NI @137B DE YANG DE LTAR 'GYUR ZHES PA STE, KYANG GI SGRA NI SRID PA'I TSUL LO, ,YANG NA YID LA DAD PA MED PA RNAMS KYANG DE BZHIN DU 'GYUR BA STE GZHAN DAG GI YANG NGO, ,'DIR KYANG GI SGRA YANG SRID PA'I TSUL NYID DO, ,CHOS DANG LDAN PA'I GTAM GYIS RAB TU DGA' BA ZHES BYA BA NI GRAGS PA'I SPYOD PA 'DI RNAMS KYIS RAB TU DGA' BAR GYUR PA'I PHYIR RO, ,JI LTAR ZHE NA, 'DIR NYAN PA THA MAL PA RNAMS GANG GI PHYIR RAB TU DGA' BAR 'GYUR BA YIN PAS SO, ,DES NA YANG SKYE BO THA MAL PA LA MNGON PAR BRTAGS NAS 'BAD DE BRTZAM MO ZHES BYA BAR SBYAR RO, ,DE LA SKYE BO'I BYE BRAG KYANG RNAM PA GSUM STE, DAD PA DANG LDAN PA DANG, DAD PA NYAMS PA DANG, THA MAL PA'O, ,SKYE BO DE GSUM THA MAL PA LA MNGON PAR BRTAGS SHING 'BAD NAS BYA'O ZHES PA NI TSIGS BCAD 'DI'I BSDUS PA'I DON TO, ,DE SKYE BO DAD PA DANG LDAN PA'I DBANG DU BYAS NAS, BSTAN PAR 'GYUR BA NI BDE BAR GSHEGS 'GYUR LAM RNAMS GANG YIN ZHES BYA BAS BSTAN TO, ,DAD PA NYAMS PA'I DBANG DU BYAS PA NI YID LA DAD PA MED PA RNAMS KYANG DAD PAR 'GYUR ZHES BYA'O, ,THA MAL PA'I DBANG DU BYAS PA NI CHOS DANG LDAN PA'I GTAM GYIS RAB TU DGA' BAR 'GYUR ZHES BYA BA YIN NO, ,DE LA CHOS NI YAN LAG BCU GNYIS BRJOD PA'I RNAM PA'O, ,GTAM YIN PAS NA GTAM STE RAB TU DGA' BA'O, ,RAB TU ZHES BYA BA NI LHAG PAR ZHES BYA BA DANG, RAB TU ZHES BYA BA'I DBYE BAS SO, ,'GYUR ZHES BYA BA NI 'ONG BAR 'GYUR BA'O, ,'JIG RTEN GYI DON NI 'JIG RTEN LA PHAN PA'I PHYIR RO, ,MNGON PAR BRTAGS ZHES BYA BA NI BLTAS NAS BRTZAMS SO, ,ZHES BYA BA'I TSIG GI DON NO, ,'BAR ZHES BYA BA NI KUN LA SBYAR BAR BYA'O, ,THOS PA DANG GTZUG LAG DANG RIGS PA NI THOS PA DANG GTZUG LAG RIGS PA DAG STE, THOS PA NI NYAN PA'O, ,GTZUG LAG NI SANGS RGYAS KYIS GSUNGS PA'O, ,RIGS PA NI RIGS PA'I BSTAN BCOS SO, ,YANG NA RIGS PA NI TSAD MA'O, ,MI 'GAL @138A *, ,BA NI SKYON DANG BRAL BA'I LAM DAG GIS SO, ,'BAD PA NI MNGON PAR SPRO BAS SO, ,'JIG RTEN MCHOG GI SPYOD PA ZHES BYA BA NI 'JIG RTEN NI SKYE DGU'O, ,MCHOG NI GTZO BO'O, ,SPYOD PA NI SPYOD PA'O, ,DAM PA ZHES BYA BA NI LHAG PA'O, , PHYOGS TZAM ZHES BYA BA NI PHYOGS GCIG GO, ,MNYAN PAR RUNG BA NI MNYAN DU RUNG BA'O, ,SHES PAR 'GYUR BA YIN PAS NA SHES PAR RUNG BA STE, SNYAN NGAG GO, ,RTOGS PA NI NYE BAR 'DUL BA'I DON DU'O, ,MNYAN PA NI RNA BA'I DBANG POS SO, ,RUNG BAR BYA BA NI DGA' BAR BYA BA'O, ,RANG DON BRTZON PAS ZHES BYA BA LA RANG GI DON NI RANG LA PHAN PA'O, ,BRTZON PA NI MNGON PAR BRTZON PA'O, ,YANG GI SGRA NI SRID PA'I TSUL LO, ,GZHAN DON BRTZON ZHES BYA BA NI GZHAN GYI DON LA SPYOD PA YIN PAS GZHAN DON BRTZON PA'O, , YON TAN SGRUB PA BZANG PO ZHES BYA BA LA SGRUB PA NI PHUN SUM TSOGS PA'O, ,BZANG PO NI BZANG POR GYUR PAS SO, ,RJES SU MTHUN MA GYUR ZHES BYA BA NI, DE'I RJES SU MA GYUR CES BYA'O, ,YANG NA RANG DON BRTZON PA NI NYAN THOS DANG RANG SANGS RGYAS TE, DES KYANG RJES SU MTHUN PAR MA GYUR PA STE, DE BZHIN GSHEGS PA'I YON TAN LA YONGS SU SPYOD PA'AM, ,SKYED PAR MI NUS NA SKYE BO GZHAN DAG GIS LTA SMOS KYANG CI DGOS ZHES BYA BA'O, ,THAMS CAD MKHYEN PA ZHES BYA BA NI THAMS CAD THUGS SU CHUD PA'I PHYIR THAMS CAD MKHYEN PA'O; ,'DI LTAR MA NOR BA NI PHYIN CI MA LOG PA'O, ,GSAL BA NI SNANG BAR GYUR PA'O, ,GRAGS PA NI SNYAN PA'O, ,CHOS DANG DGE 'DUN DANG BCAS PA NI CHOS DANG DGE 'DUN DANG LHAN CIG PA'O, ,SPYI BO NI MGO BO'I GTZUG GIS SO, ,'DUD CES BYA BA NI DES PHYAG 'TSAL BAR BYED PA'O, ,BCOM LDAN 'DAS DE SEMS CAN THAMS CAD LA RGYU MED PAR BYAMS PA'I NGO BO NYID YIN ZHES BYA BA NI PHYOGS SO, ,'BYUNG PO KUN LA DGA' BZHIN DU GYUR PA ZHES BYA BA NI GTAN TSIGS SO, ,'DI SKAD THOS TE, BYANG CHUB SEMS DPA' ZHES @138B BYA BA NI DPE'O, ,SEMS CAN ZHES BYA BA NI SKYE DGU'O, ,THAMS CAD NI LUS PA MED PA'O, ,RGYU MED PAR ZHES BYA BA NI DGOS PA MED PAR RO, ,RAB TU ZHES BYA BA NI, YANG DAG PAR RAB TU DANG BA'O, ,BYAMS PA NI MNYES GSHIN PA DANG LDAN PA'O, ,NGO BO NYID CES BYA BA NI RANG BZHIN NO, ,'BYUNG PO KUN ZHES BYA BA NI SEMS CAN THAMS CAD DO, ,BDAG BZHIN DU GYUR PA ZHES BYA BA NI BDAG DANG MNYAM PAS SO, ,SKU TSE SNGA MA LA YANG ZHES BYA BA NI BYANG CHUB SEMS DPA'I DUS NA'O, ,SANGS RGYAS BCOM LDAN 'DAS ZHES BYA BA NI RANG BZHIN GYIS 'JIG RTEN LA DE BZHIN NYID DU RAB TU STON PA YIN PAS NA SANGS RGYAS KYI YON TAN BSHAD PA'O, ,BCOM LDAN 'DAS ZHES BYA BA NI BDUD BZHI BCOM BAS NA BCOM LDAN 'DAS SO, ,DE BAS NA GTZO BO STE DAM PA DE LA SEMS DANG BAR BYA BA NI DAD PAR BYA BA'O, ,DE YANG ZHES BYA BA NI DKON MCHOG GSUM MO, ,'DI SKAD THOS ZHES BYA BA NI BSHAD PA'O, ,BDAG CAG GI BLA MA DKON MCHOG GSUM BLA MAR BYED PA GANG YIN PA DE DAG NI BLA MA DKON MCHOG GSUM BLA MAR BYED PA'O, ,BSGRUB PA'I YON TAN NI TSUL KHRIMS KYIS BSGRUB PA'I YON TAN TE, SKYON MED CING 'DREN MAR MA GYUR PAS BLA MA RNAMS TE, SLOB DPON DANG, MKHAN PO DANG, 'PHAGS PA DGA' MGU BAR BYA'O, ,YON TAN GYI TSOGS NI YON TAN BSAGS PA STE DES BDAG CAG GI BLA MAR GYUR PA'O; ,MKHAN PO DAG GIS YONGS SU BSGRAGS PA NI BSNGAGS PAR SMRA BA DAG BSTAN PA'O, ,'DI ZHES BYA BA NI STON PA YIN TE, CI ZHIG STON PA YIN ZHE NA, BCOM LDAN 'DAS KYI SKU TSE SNGA MA ZHES BYA BA NI BYANG CHUB SEMS DPAR GYUR PA'I'O, ,RTOGS PA BRJOD PA SPYOD PA'I MTSAN MA'O, ,BYANG CHUB SEMS DPA' NI BYANG CHUB SEMS DPAS NA BYANG CHUB SEMS DPA'O, ,DAM BCAS PAS KHYAD PAR CAN ZHES BYA BA DANG PO SEMS BSKYED PA DE DANG RJES SU MTHUN PA STE, BCOM LDAN 'DAS SH'AKYA THUB PA 'DIS SO, ,DAM @139A *, ,BCAS PA KHYAD PAR CAN NI DAM BCAS PA DAM PA'O, ,DE GANG YIN ZHE NA, SANGS RGYAS TE DE DANG MTHUN PA NI 'DRA BA'O, ,GANG BYIN PA DE NI SBYIN PA'O, ,TSIG SNYAN PA NI GTAM SNYAN PA'O, ,DON SPYOD PA NI PHAN PA SPYOD PA'O, ,SOGS ZHES BYA BA LA SOGS PA'I SGRA NI DON MTHUN PA DANG GZHAN YANG YON TAN DAG GO, ,DON MTHUN PAR SPYOD PA NI DON MTHUN PA STE DGE BA'I CHOS SO, ,GZHAN YANG YON TAN GYI CHOS RNAMS YONGS SU GZUNG NGO, ,SHES RAB KYIS YONGS SU ZIN PAS ZHES BYA BA NI 'DIS YONGS SU BZUNG BAS NA YONGS SU ZIN PA STE, SHES RAB NYID KYIS YONGS SU GZUNG BA'I PHYIR SHES RAB KYIS YONGS SU ZIN PA'O, ,SHES RAB KYIS BZUNG BAS NA SKYON MED PA STE MA SMAD PA'O SNYING RJE'I RGYU MTHUN PA ZHES BYA BA NI SNYING RJE'I RGYUS SNYING RJE DANG RJES SU MTHUN PA STE, RGYU MTHUN PA NI RGYU DANG 'DRA BA'I TSIG GO, ,YONGS SU 'DZIN PA NI MGU BAR BYAS PA'O, ,RANG GI CHOS YIN PAS NA RANG GI CHOS DE LAS RNAM PA DRUG GO, ,DE YANG MCHOD SBYIN DANG, MCHOD SBYIN BYED DU 'JUG PA DANG, 'DON PA DANG, 'DON DU 'JUG PA DANG, SBYIN PA DANG, LEN PA'O, ,CHOS DE RNAMS LA MNGON PAR DGA' BA LAS GYUR PA'I RIGS KYI GTZANG SPRA SPYOD PA GANG YIN PA DE NI RANG GI CHOS LA MNGON PAR DGA' BA LAS GYUR PA'I GTZANG SPRA'I SPYOD PA STE, DE LA GTZANG SPRA NI DAG PA'I SPYOD PA STE, DAG PAR SPYOD PA'I TSUL KUN TU SPYOD PA'O, ,CHEN PO ZHES BYA BA NI RIGS GZHAN LA LTOS PAS CHEN PO'O, ,JE MTHO JE MTHOR ZHES BYA BA NI SKYES SHING SKYES PA NA'O, ,YANG NA MTHO BA'I RIGS DE LAS BYANG CHUB SEMS DPA' MTHO BAR GYUR PA'I PHYIR RO, ,SKYE BA ZHES BYA BA NI 'BYUNG BAR 'GYUR BA'O, ,YONGS SU BZUNG BA NI THOB PAR BYAS PA'O, , GRAGS SO ZHES BYA BA NI MNGON SUM DU MA GYUR BA'I TSIG GO, ,DE ZHES BYA BA NI BYANG CHUB SEMS DPA'O, ,SKYES PA'I LAS NI RUM SKYED PA DANG, MING GDAGS PA DANG, ,BZAS SBYIN PA DANG, GTZUG PHUD BYA BA DANG, TSANGS SKUD GDRAGS PA DANG, GTZUG PHUD @139B BCING BA DANG, SKA RAGS BCING BA LA SOGS PA GZUNG NGO, ,SPYANGS PA RIM PA BZHIN DU BYAS PA NI GO RIMS BZHIN DU BYAS PA'O, ,MNGON PAR SKYES PA ZHES BYA BA NI MNGON PAR 'PHEL BA NA'O, ,RANG BZHIN GYIS YID GZHUNGS PA NI NGO BO NYID KYIS YID GZHUNGS PA'O, ,MGON SKYABS KYI KHYAD PAR NI MGON SKYABS KYI SBYOR BA'O, ,CHED CHER 'DZIN PA NYID LTA BA YIN TE, SHES PA LA GCIG TU LTA BA ZHES BYA BA'I DON TO, ,LE LO NI SNYOM LAS TE, DE MED PA NI LE LO MED PA STE, RING POR MA THOGS PAS ZHES BYA BA'I DON TO, ,RIG PA'I GNAS BCO BRGYAD NI 'DI LTA STE, ROL MO DANG, 'KHRIG THABS DANG, 'TSO TSIS DANG, GRANGS CAN DANG, SGRA DANG, GSO BA'I DPYAD DANG, BZO DANG, 'PHONG DPYAD DANG, GTAN TSIGS KYI SBYOR BA DANG, RNAL 'BYOR DANG, THOS SHING DRAN PA DANG, SKAR MA'I DPYAD DANG, RTZIS DANG, MIG 'PHRUL DANG, SNGON GYI RABS DANG, DE BZHIN DU BYE BRAG PA DANG, DON GYI PHRENG BA DANG, RIG PA'I BSTAN BCOS DANG, YONGS SU BRTAGS PA'O, ,DE BZHIN DU YANG BDAG GI RIGS ZHES BYA BA NI BRAM ZE'I RIGS LA GNAS PA LAS MA 'DAS PA STE, MI 'GAL BA NI BRAM ZE'I GNAS PA LAS MA 'KHRUL PA'O, SGYU RTZAL RNAMS ZHES BYA BA NI SGYU RTZAL MTHA' DAG STE, SNYAN NGAG DANG, GLU DBYANGS DANG, GLEGS 'DRA MKHAN DANG, 'THAB MO DANG, ROL MO DANG, MTSAN MA DANG; ME TOG GI LAS KYI SBYOR BA DANG, DMAG GI BKOD PA DANG, RTZIS DANG, G-YOS KYI LAS DANG, BUD MED KYI MTSAN NYID DANG, SKYES PA'I MTSAN NYID DANG, GAR DANG, TSONG DANG, SHING 'JOG PA DANG, 'DRI BA DANG, RTZIG PA'I LAS DANG, RI MO'I LAS DANG, SOG LE'I LAS DANG, KHYIMS BRTAG PA'I MTSAN NYID DANG, MAL STAN GYI MTSAN NYID DANG, RIN PO CHE BRTAG PA DANG, SKU GZUGS KYI MTSAN NYID DANG, GLANG PO CHE BRTAG PA DANG, BZHAD GAD DANG, BRO GAR DANG, LUS KYI BSKU @140A *, ,MNYE DANG, LTAS SHES PA DANG, HO RA DZNY'A NA NOR SGYUR MKHAN DANG, GTER SHES PA DANG, MCHOD SBYIN GYI CHO GA SHES PA DANG, MTSON CHA BRTAG PA DANG, LUGS KYI BSTAN BCOS SHES PA DANG, MIG 'PHRUL SHES PA DANG, BZHON PA DANG LHAN CIG SPYOD PA DANG, DE LA SOGS PA'I SGYU RTZAL DRUG CU RTZA BZHI'O, ,RANG GI RIGS NI BRAM ZE'I RIGS SO, ,SLOB DPON DAM PA'I GO 'PHANG NI SLOB DPON DAM PA'I GO 'PHANG STE, DAM PA'I KHYAD PAR THOB PAR GYUR ZHES PA'O, ,RIG BYED SHES LA BYA BA SMOS TE, DE ZHES BYA BA NI BYANG CHUB SEMS DPA'O, ,RIG BYED SHES LA ZHES BYA BA DE TSANGS PA SHES PA'O, ,TSANGS PA BZHIN ZHES BYA BA NI TSANGS PA BZHIN GYUR PA'O, ,RGYAL PO ZHES BYA BA NI JI LTAR YUL NA GNAS PA'I RGYAL PO BZHIN DU SKYE DGU RNAMS LA MDZES PA YIN TE, BKUR BA NI ZHE SA DANG MCHOD PA MANG POS SO, ,GNAS NI SNOD DU GYUR PA'O, ,SKYE DGU RNAMS NI DON SPYOD PA STE, SPRIN LAS CHAR BAB PA LTA BU YIN TE, BRGYA BYIN NI MIG STONG LDAN NO, ,MNGON SUM NI MNGON SUM NYID DO, ,SHES 'DOD RNAMS NI SHES PAR 'DOD PA'I SLOB MA RNAMS SO; ,DON SPYOD NI PHAN PAR 'DOD PA STE, JI LTAR BU'I PHA LTA BUR RO, ,DE ZHES BYA BA NI BYANG CHUB SEMS DPA'O, ,SKAL BA DANG YON TAN ZHES BYA BA NI SKAL BA DANG YON TAN TE, SKAL BA DANG YON TAN NYID KHYAD PAR DU GYUR PA YIN PA'I PHYIR SKAL BA DANG YON TAN KHYAD PAR DU GYUR PA'O,, DE YANG DAG PAR SOGS PA YIN PAS SKAL BA DANG YON TAN KHYAD PAR DU GYUR PA DANG LDAN PA'O, ,SKAL BA NI BSOD NAMS SO, ,YON TAN NI PHA ROL TU PHYIN PA DRUG GO, ,KHYAD PAR NI LHAG PA'O, ,LDAN PA NI MNGON DU BYAS PA'O, ,RNYED PA NI DBYIG DANG GSER LA SOGS PA'O,, BKUR STI NI MCHOD PA'O, ,CHEN PO NI MANG PO STE MANG PO'I SGRA NI RE RE LA SBYAR NA RNYED PA CHEN PO DANG BKUR STI CHEN PO'O, ,GRAGS PA NI SNYAN PAR GRAGS PA'O, ,KHYAD PAR NI KHYAD PAR DU 'PHAGS PA STE BYUNG BAR GYUR TE ZHES BYA BA NI BYUNG NGO ZHES BYA BA'I THA TSIG GO, ,BYANG CHUB SEMS DPA' @140B DE'I BLO NI SEMS SO, ,CHOS LA GOMS PA ZHES BYA BA LA CHOS NI RNAM PA GNYIS TE, KHYIM NA GNAS PA'I CHOS DANG, MNGON PAR 'BYUNG BA'I CHOS SO, ,KHYIM NA GNAS PA'I CHOS LA GOMS SHING BSGOMS PAR GYUR KYANG DE RNYED PA LA SOGS PA DE LA MNGON PAR DGA' BAR MA GYUR TE, RAB TU BYUNG BA DANG 'DRIS PAR BYAS PA ZHES BYA BA RAB TU BYUNG BA LA 'DRIS PAR BYAS PAS NI, BYANG CHUB SEMS DPA' DE RAB TU BYUNG BA LA DGA' ZHING, DE LA DGA' BAR MA GYUR PA NI, MNGON PAR DGA' BA MED PA YIN NO; ,SNGON GYI SPYOD PAS DE BLO YONGS SU DAG ,CES BYA BA NI SKYE BA GZHAN DAG LA DES YONGS SU DAG PAR BYAS PA STE, GANG GIS BLO YONGS SU DAG PA DE NI BLO YONGS SU DAG PA'O, ,'DOD PAR BYA BA YIN PAS 'DOD PA RNAMS SO, , MNGON PA NI RTOGS PA'O, ,SKYON MANG ZHES BYA BA NI BSAGS PA DANG, BSRUNGS PA DANG, NYE BAR SPYOD PA'I KUN NAS NYON MONGS PA LA SOGS PA'I MNGON PA'I NYES PAS SO, ,KHYIM NA GNAS PA NAD BZHIN YONGS SPANGS NAS ZHES BYA BA NI NAD NI MI BDE BA'O, , YONGS SU SPANGS PA NI YONGS SU DOR BA'O, ,NAGS TSAL GNAS SHING ZHES BYA BA NI NAGS KYI PHYOGS GCIG GO, ,BRGYAN PAR GYUR ZHES BYA BA NI SDUD PA'O, ,DE NI ZHES BYA BA NI BYANG CHUB SEMS DPA'O, ,DER NI ZHES BYA BA NI NAGS KYI GNAS DER RO, ,CHAGS MED CES BYA BA NI ZHEN PA MED PA STE, CHAGS PA MED PAR GYUR PA'I PHYIR CHAGS PA MED PA'O, ,DE YIS ZHES BYA BA NI CHAGS PA MED PA DE YIS ZHES 'DREN PA YIN NO, ,SHES RAB YONGS SU SBYANGS PA NI SHES RAB DAG PA'O, ,ZHI BA NI NYE BAR ZHI BA'O, ,MI'I 'JIG RTEN ZHES BYA BA NI MI'I 'JIG RTEN DU'O, ,DAM PA NI GZHUNG LUGS STON PAR BYED PA'I SKYES BU DAM PA DE DAG GI RJES SU SPYOD PA STE, RJES SU 'JUG CING DBANG PO SDOM PA'O, ,BRAL BA NI MED PAR GYUR PA'O, ,NGAN PA NI 'JIG RTEN NGAN PA BZHIN DU SPYOD PA STE, NGAN PA BYED PA YIN PAS @141A *, ,NGAN PA SPYOD PA'O, ,CHAGS PA NI ZHEN PA'O, ,BZLOG PA NI BSAL BA'O, ,BYAMS PA'I RANG BZHIN ZHES BYA BA NI BYAMS PA'I NGO BO NYID KYIS SO, ,RAB ZHI ZHES BYA BA NI NYE BAR ZHI BA NYID DO, ,DE'I ZHES BYA BA NI BYANG CHUB SEMS DPA'I 'O, , RNAM PAR BRLAN PA ZHES BYA BA NI RNAM PAR BRLAN CING 'JOG PA'O, ,SEMS MTHUN ZHING ZHES BYA BA NI MI MTHUN PA MED PA'O, ,PHAN TSUN NI GCIG LA GCIG GO, ,GNOD PA MED PA ZHES BYA BA NI LDOG PA STE, DE GANG LAS LDOG PA YIN ZHE NA, GNOD PA'I DNGOS PO STE KUN NAS GNOD PA'I SEMS LAS SO, ,DKA' THUB CAN ZHES BYA BA NI DRANG SRONG BZHIN NO, ,GCAN GZAN KHRO BO NI SENG GE DANG, STAG DANG, DOM LA SOGS PA'O, ,SPYOD CES BYA BA NI SPYOD PA DANG LDAN PA'O, ,SPYOD PA DAG PA NI GZHUNG LUGS DAG PA'O, , YANG NA SPYOD PA DAG PA NI BDUN LAS LDOG PA'O, ,DBANG PO DUL BA ZHES BYA BA NI DBANG PO DAM PAR BSDAMS PA'O, ,CHO GA SHES PA NI NGAN DON TZAM GYIS CHO GA SHES PA'O, ,BZA' BA DANG BGO BA LA SOGS PA'I RGYUS SO, ,SNYING RJE'I YON TAN ZHES BYA BA NI GOMS PAS SO; ,'JIG RTEN NI SNOD KYI 'JIG RTEN NO, ,SKYE BO NI DE NA GNAS PA'I SKYE BO LA BRJOD DO, ,MA 'DRIS PA NI YONGS SU 'DRIS PAR MA GYUR PA'O, ,'ANG GI SGRA NI SRID PA'I DON NO, ,JI LTAR BYANG CHUB SEMS DPA' SKYE BO LA BYAMS PAR GYUR PA DE BZHIN DU MA 'DRIS PA'I SKYE BO DANG BYANG CHUB SEMS DPA' DE LA BYAMS PAR GYUR TO, ,'DOD PA CHUNG BA NI YONGS SU BZUNG BA LA RGYAB KYIS PHYOGS PA YIN TE, CHOG SHES PA'O, ,NGAN G-YO ZHES BYA BA NI RNYED PA DANG BKUR STI'I CHED DU SPYOD LAM 'CHOS PA'O, ,MI SHES PA NI MNGON PAR MI SHES PA'O, , CHAGS PA NI, RNYED PA DANG, GRAGS PA DANG, BDE BA DAG LA'O, ,'DIS NI CHAGS PA MED PAR BSTAN PA YIN NO, ,DE NI ZHES BYA BA NI BYANG CHUB SEMS DPA'O, ,LHA RNAMS KYI YID KYANG MGU BAR GYUR PAS DANG ZHING GUS PA LA RAB TU GZHOL BA NI RJES SU MTHUN PA'O,, @141B BYED PA NI BYED PA DANG LDAN PA'O, ,DE NI ZHES BYA BA NI BYANG CHUB SEMS DPA'O, ,RAB TU BYUNG BA NI RTAGS DANG LDAN PAR BYAS ZHES BYA BA'I DON TO, ,MIS ZHES BYA BA NI SKYE BOS SO, ,THOS TE ZHES BYA BA NI RNA BA'I DBANG PO GTAD PA LAS SO, ,DE NAS ZHES BYA BA NI DE MA THAG TU'O, ,YON TAN ZHES BYA BA NI SBYIN PA DANG, TSUL KHRIMS DANG, DES PA LA SOGS PA'O, ,SEMS DRANGS NAS ZHES BYA BA NI YON TAN 'DZIN PAR BYED PA SEMS YIN PAS SO, ,RNAM SPANGS TE ZHES BYA BA NI YONGS SU DOR BA'O, ,DE GANG YIN ZHE NA, GNYEN DANG YONGS SU BZUNG BA STE, GNYEN NI PHA DANG MA DANG 'BREL PA'O, ,YONGS SU BZUNG BA NI, DBYIG DANG, GSER DANG, GLANG PO CHE LA SOGS PA'O, ,DE'I SLOB MA ZHES BYA BA NI, BYANG CHUB SEMS DPA' DE'I SLOB MAR NYE BAR KHAS BLANGS PA'O, ,JI LTAR ZHE NA, 'DI LTAR DNGOS GRUB GRUB PA LTA BUR RO, ,YANG NA DE'I SLOB MA NI, DNGOS GRUB BZHIN DU STE BYA BA RNAMS GRUB PA BZHIN DU'O, ,GYUR PA NI THOB PA'O, ,TSUL KHRIMS NI SO SO THAR PA'I SDOM PA'O, ,GTZANG BA BSLAB PA'I GZHI YANG DAG PAR BSRUNG BA LA SOGS PA'O, ,DBANG PO DUL BA NI DANG PA LA SOGS PA YONGS SU GZUNG NGO, ,BSGOM PA NI GOMS PA'I SBYOR BAS SO, ,DRAN PA ZHES SMOS PAS NI DRAN PA NYE BAR GZHAG PA GZUNG NGO, ,MA NYAMS PA NI DRAN PA MNGON DU 'GRO BAS DRAN PA NYE BAR GNAS PA'O, ,RAB TU DBEN PA NI RAB TU DBEN PAR BYAS PA STE, LUS NGAG YID GSUM RNAMS DBEN PAR GNAS PAS SO, ,BYAMS PA ZHES BYA BA LA SOGS PA SMOS PAS NI SNYING RJE DANG, DGA' BA DANG, BTANG SNYOMS GZUNG NGO, ,YID NI SEMS SO, ,TING NGE 'DZIN NI BSAM GTAN NO, ,CI NUS ZHES BYA BA NI GANG GANG LA CI NUS PA STE JI LTAR NUS PA'O, ,DANG PO TSUL KHRIMS LA GZHAG PAR STON TO, ,TSUL KHRIMS LA GNAS NAS DBANG PO'I SGO SDOM PA'O, ,DE LA SOGS PA'I RIM PA JI LTAR 'TSAM BA BZHIN DU CI NUS PA STE, STOBS JI LTA BA BZHIN DU RJES SU STON PA ZHES BYA BA'I DON TO, ,SLOB MA @142A *, ,DE GANG YIN ZHE NA, DE NAS ZHES BYA BA NI DE MA THAG PA'O, ,BDAG NYID CHEN PO ZHES BYA BA LA, BDAG NYID CHEN PO GANG LA YOD PA DE LA BDAG NYID CHEN PO STE, TSUL KHRIMS LA SOGS PA YOD PA'O, ,DE ZHES BYA BA NI BYANG CHUB SEMS DPA'O, ,RE ZHIG CES BYA BA NI DUS GANG GI TSE NA'O, ,SLOB MA'I TSOGS ZHES BYA BA NI SLOB MA 'DUS PA RNAMS SO, ,PHAL CHER ZHES BYA BA NI MANG DU'O, ,YONGS SU RDZOGS PA NI BYA BA RNAMS MTHAR PHYIN PA'O, ,RGYA CHE BA NI YANGS PAR GYUR PA ZHES BYA BA'I DON TO, ,DGE BA NI DES DAG PA'O, , LAS NI LAM STE, 'PHAGS PA'I LAM YAN LAG BRGYAD PA'O, ,RAB TU BKOD PA NI RNAM PAR GZHAG PA'O, ,'JIG RTEN PA RNAMS ZHES BYA BA NI SLOB MA'I MCHOG TU BZUNG BA YIN NO, ,YANG NA 'JIG RTEN PA THA MAL PA'O, ,NGES PA NI MYA NGAN LAS 'DAS PA'O, ,NGES BA'I LAM NI 'PHAGS PA'I LAM YAN LAG BRGYAD PA DE NYID SBYAR BAR BYA'O, ,BTZUD PA NI YANG DAG PAR ZHUGS PAR BYAS PAS SO, ,NGAN SONG NI DMYAL BA DANG, DUD 'GO DANG, YI DAGS LA SOGS PA'O, ,SGO NI 'JUG PAR BYED PA STE, BCAD PA NI BKAG PA'O, , BDE 'GRO ZHES BYA BA NI MDZES PAR 'GRO BAS BDE 'GRO'O, ,YANG NA LHA DANG MI'I MYA NGAN LAS 'DAS PA'O, ,LAM PO CHE STE RGYAL PO'I LAM SRANG BZHIN DU ZHES BYA BA NI DPES NYE BAR 'JAL BA STE, JI LTAR BRAM ZE'I KHYE'U SENG GE LTA BU'O, ,BYAS NAS ZHES BYA BA NI BYAS PAR GYUR NAS ZHES PA YIN NO, ,TSE 'DI LA ZHES BYA BA NI MTHONG BA'I CHOS LA'O, ,BDE BA SPYAD PA'I PHYIR ZHES BYA BA NI TSANGS PA'I GNAS PA BZHI STE, DE YANG GCIG TU BDE BA YIN PAS DES GNAS PA'I PHYIR SBYOD PA'O, ,DE'I TSE ZHES BYA BA NI SEMS CAN GDUL BYA RNAMS 'DUL BA'I TSE'O, ,YANG NA DE'I TSE ZHES PA NI SLOB MA SMIN PA'I TSE NA'O, ,SLOB MA'I NGANG TSUL CAN YIN PAS NA SLOB MA'O, ,MA PHAM PA NI BYAMS PA 'DI'O, ,RJES SU MTHUN PA ZHES BYA BA NI RJES SU 'GRO BA'O, ,RNAL 'BYOR DANG MTHUN PA NI ZHIG NAS DANG LHAG MTHONG DANG @142B RJES SU MTHUN PA'I GNAS SO, ,RI SUL NI RI'I SMAN LJONGS DANG, PHUG DANG TSANG TSING DANG BCAS PA'O, ,GNAS SHING SPYOD PA NI SPYOD CING 'DUG PA'O, ,DE NAS ZHES BYA BA NI DE MA THAG PA'O, ,RI'I KHROD NI RI'I KHROD DE SUL DAG GO, ,DE NA NI ZHES BYA BA NI DE'I TSE NA'O, ,STAG MO NI STAG MO NYID DO, ,PHRU GU 'BRANGS BAR GYUR PA ZHES BYA BA NI BTZAS PAR GYUR PA'O, ,BTZAS PA'I NAD KYIS SDUG BSNGAL BA NYID NI NYON MONGS PA'O, ,SKYON NI DE'I SKYON GYIS LTOGS SHING DES SHIN TU GZIR BA'I SDUG BSNGAL GYI DBANG DU GYUR TE'O, ,SPYOD PA NYAMS PAR GYUR ZHES BYA BA NI 'GRO BA NYAMS PA STE MI NUS PAR GYUR PA'I PHYIR RO, ,MTHONG BA NI SHES PA'O, ,GANG LA MIG ZUNG YONG PA DE NI MIG GNYIS LTA BA'O, ,LTA BA NI MIG GO, ,GNYIS NI ZUNG NGO, ,ZHAN PAR GYUR PA NI MIG PHUGS SU ZHUGS PA'O, ,BKRES PA NI ZA BAR 'DOD PA'O, ,LTO BA NI GSUS PA STE RAB TU RNYONG BA NI RAB TU ZHUM PAR GYUR PA STE, BTZAS PA'I NAD KYIS LTO RAB TU ZHUM PAR GYUR PA'O, ,KHA ZAS ZHES BYA BA NI BZA' BA BZHIN DU MTHONG BAR GYUR PAS SO, ,DE GANG YIN ZHE NA, PHRU GU DE SHIN TU GZHON PA'I GZUGS CAN NO, ,BDAG GI ZHES BYA BA NI RANG GI'O, ,BU ZHES BYA BA NI RANG LAS SKYES PA'O, ,MA ZHES BYA BA NI 'DZIN PA'O, ,YID GCUGS 'JIGS MED CES BYA BA NI DOGS PA MED PAR RO, ,NU ZHO NI, NU MA NAS 'ONG BA'O, ,'DOD PHYIR ZHES BYA BA NI SRED PA STE, 'THUNG BAR 'DOD PA'O, ,LHAGS PA ZHES BYA BA NI NYE BAR PHYIN PA'O, ,STAG SKAD CES BYA BA NI SKAD RTZUB PA'O, ,NYER NYER SKAD 'BYIN CING ZHES BYA BA NI SGRA'I KHYAD PAR LAS BYA BA YIN TE, 'JIGS SU RUNG BAS BSDIGS PA DANG SKROD PA'O, ,GZHAN GYI ZHES BYA BA NI, PHA ROL GYI'O, ,BZHIN ZHES BYA BA NI, DPES NYE BAR 'JAL BA'O, ,BYANG CHUB SEMS DPAS STAG MO DE MTHONG NAS, ,BRTAN YANG SNYING RJE'I DBANG GYUR BAS, ,ZHES BYA BA NI BRTZE BA'I DBANG DU GYUR PAS 'BAR BAR GYUR PA'O, ,CI'I PHYIR 'DAR ZHE NA, GZHAN GYI SDUG BSNGAL GYIS SO, ,JI LTAR 'DAR ZHE NA, SA G-YOS PA'I LJON SHING LTA BUR RO, ,SA NI 'BYUNG BA'I @143A *, ,RTEN NO, ,LJON SHING NI SHING STE, JI LTAR SA G-YOS PA NA, SHING 'GUL BA DE BZHIN DU BYANG CHUB SEMS DPA' GZHAN GYI SDUG BSNGAL GYIS 'DAR RO ZHES BYA BA'I DON NO, ,BDAG GI SDUG BSNGAL ZHES BYA BA NI RANG GI SDUG BSNGAL CHEN PO LA YANG BRTAN PAS YI CHAD PA DANG; SGYID LUG PA SPANGS PA YIN NO, ,SNYING RJE'I BDAG NYID CES BYA BA NI SNYING RJE'I BDAG NYID DU GYUR PA'O, ,GZHAN GYI ZHES BYA BA NI PHA ROL GYI'O, ,CHUNG DU NI CUNG ZAD TZAM GYIS KYANG NGO, ,SDUG BSNGAL NI PHONGS PA'O, ,'DAR BAR GYUR PA ZHES BYA BA NI GNOD PAR GYUR PA'O; ,DE ZHES BYA BA NI DE'I PHYIR RO, ,RMAD DO ZHES BYA BA NI NGO MTSAR RO ZHES BYA BA'O, ,DE NAS ZHES BYA BA NI DE MA THAG PA'O, ,BYANG CHUB SEMS DPA' BRTABS SHING RINGS PA'I TSIG GANG YIN PA DE NI RINGS RINGS SKAD DU SMRA BA'I TSIG BZLAS PA STE, JI LTA BU ZHES BYA BA LTA BU'O, , RANG BZHIN KHYAD PAR CAN GSAL BA ZHES BYA BA LA RANG BZHIN NI NGO BO NYID DO, ,KHYAD PAR CAN NI DAM PA'O, ,GSAL BAR STON PA ZHES BYA BA NI RAB TU STON PA'O, ,SNYING RJE NI BRTZE BA'O, ,DBANG GIS ZHES BYA BA NI SPRO BAS SO, ,TSIG GI 'BRU ZHES BYA BA NI YI GE'O, ,GSAL BA ZHES BYA BA NI SEMS MA 'KHRUL PA'O, ,SLOB MA NI MA PHAM PA'O, ,SMRAS PA NI BSTAN PA'O, ,BU BU ZHES BYA BA NI RTAG PAR ZLOS PA'O, ,'KHOR BA NI 'KHOR BAR BYED PAS NA 'KHOR BA'O, ,YON TAN MED PA ZHES BYA BA NI YON TAN PHYIR RGOL BAR GYUR PAS SO, ,LTOS ZHES BYA BA NI LTOS SHIG CES PA'O, ,GCAN GZAN MO ZHES BYA BA NI GCAN GZAN GYI RIGS SO, ,BYAMS PA NI BRTZE ZHING DGA' BA DANG RJES SU 'BREL BA'O, ,MTSAMS NI RNAM PAR GNAS PA'O, ,'DAS PA NI BRGAL BA'O, ,BDAG GI BU ZHES BYA BA NI RANG GI BU'O, ,'DI SKAD BSTAN TE, BYAMS PA'I MTSAMS SU BYAS PA STE, STAG MO GANG YIN PA DES 'DAS PAR BYAS ZHES PA'O, ,AE MA ZHES PA NI NGO MTSAR DU GYUR PA'O, ,KYI HUD CES BYA BA NI SKYO BA DANG RJES SU BRTZE BAS SO, ,KYI HUD CES BYA BA NI, DKA' BAS SO, ,BDAG LA BYAMS PA NI BDAG LA DGA' BA'O, ,MI BCAD DO @143B ZHES BYA BA NI SNYING RJE MED PA'O, ,GANG GI PHYIR ZHES BYA BA NI GANG GIS SO, ,MA NI SKYED PAR BYED PA'O, ,YANG GI SGRA NI SRID PA'I TSUL LO, ,BU NI BU'O, ,BZA' BA NI ZA BA'O, ,'DOD PA NI MNGON PAR 'DOD PA'O, ,GANG GI PHYIR ZHES BYA BA NI GANG GI RGYUS SO, ,'DI 'DRA'I ZHES BYA BA NI BU ZA BAR 'DOD PA DE'I LAS STON PAR BYED PA YIN NO, ,LAS NI BYA BA'O, ,KYANG GI SGRA NI SRID PA NYID DO, ,BYED PA NI BYED PAR GYUR PA'O, ,RTZOL BA DE LTA BU ZHES BYA BA NI RAB TU GNAS PA DANG, 'BAD PA DANG 'JUG PA'O, ,BDAG LA BYAMS PA NI BDAG LA DGA' BA'O, ,'DI ZHES BYA BA NI NYE BAR STON PA YIN NO, ,DGRA NI SHA KHON CAN NO, ,SU ZHIG CES BYA BA JI LTAR ZHES PA'O, ,'PHEL BAR BYED PA NI SKYED PAR BYED PA'O, ,YOD CES BYA BA NI 'OS ZHES BYA BA'I DON TO, ,DE BAS NA ZHES BYA BA NI DE'I PHYIR ZHES BYA BA STE, BU ZA BAR 'DOD PA DE BAS NA CHOL CIG PA'O, ,MYUR DU ZHES BYA BA NI RINGS PAR RO, ,TSOL CIG PA NI BTZAL BA STE, DES BU ZA BAR MI 'GYUR BA DE LTAR TSOL CIG PA'O, ,GANG ZHIG NAS ZHES BYA BA NI JI LTAR YONG NGO, ,'DI ZHES BYA BA NI STAG MO'O, ,BKREN PA'I SDUG BSNGAL NI ZHES BYA BA NI 'DOD PA'I TSOL BA'O; ,BSAL BA NI GSO BA'O, ,RGYU NI RGYU NYID DO, ,JI LTAR MO BDAG DANG PHRU GU RNAMS MA RUNG BAR MI 'GYUR BAR ZHES BYA BA NI STAG MO DANG PHRU GU GNYIS TE, BU DANG BDAG NYID MA RUNGS PAR MA GYUR PA ZHES BYA BA NI 'CHI BAR MA GYUR PA'O, ,DGAG PA GNYIS SMOS PA NI DON GYI RANG BZHIN SMOS PAR BYED PA STE, 'TSE BA NYID KYIS 'CHI BAR MI 'GYUR BA'O, ,MO BDAG LA GNOD PA NI BU BSAD PA'I SDIG PAS 'JIG RTEN PHA ROL DU NGAN SONG DU 'GRO BA'O, ,BDAG KYANG 'DI ZHES BYA BA 'DIS NI BYANG CHUB SEMS DPA' RANG GI LUS KYI SBYIN PA YIN PA LA BSAMS NAS SMRAS PA'O, , DES ZHES BYA BA NI SLOB MA'O, ,DE BZHIN DU BGYI'O ZHES NAS SO, ,DE ZHES BYA BA NI BYANG CHUB SEMS DPA' LAS DE'O, ,MNYAN TE ZHES BYA BA NI MNYAN NAS SO, ,DE'I ZAS ZHES BYA BA NI STAG MO DANG SBYAR RO, ,TSOL BA NI BTZAL BA'O, ,'BAD PA NI NAN TAN TE, DE BYAS PAR GYUR TO ZHES BYA BA'I DON @144A *, ,TO; ,DE NAS ZHES BYA BA NI DE MA THAG PA'O, ,BYANG CHUB SEMS DPA' ZHES BYA BA NI BYANG CHUB KYI PHYIR SEMS DPAS NA BYANG CHUB SEMS DPA'O, ,SLOB MA DE ZHES BYA BA NI MA PHAM PA'O, ,SNYAD BTAGS TE ZHES BYA BA'I DON DANG LDAN PAR BYAS TE'O, ,BTANG BA NI GZHAN DU BTANG BA'O; ,BSAMS PA NI BSAMS PA LA ZHUGS PA'O, ,YOD BZHIN DU ZHES BYA BA NI LDAN BZHIN DU'O, ,TSANG BA ZHES BYA BA NI MA LUS PA'O, ,TSANG BA ZHES SMOS PA NI GZHAN DAG 'DI LTAR MA GYUR PA'I PHYIR TE, LA LA YAN LAG MA TSANG BA LAS NI YONGS SU GTONG BA DANG LDAN PA YIN NO ZHES MI 'DZIN PAS SO, ,LUS NI 'JIG PA'I BDAG NYID PAS LUS SO, ,CI PHYIR ZHES BYA BA NI CI'I RGYUS SO, ,GZHAN LA ZHES BYA BA NI GZHAN DAG GI STE SHA'O, ,BTZAL BA NI BSLANG BAR BYA BA'O, ,DE ZHES BYA BA NI SLOB MAS KYANG NGO, ,GTOL MED CES BYA BA NI GLO BUR DU RNYED DAM MI RNYED MA NGES ZHES BYA BA'I DON TO, ,GANG GI PHYIR BDAG GI DGOS PA ZHES BYA BA NI RNYED PA PHUN SUM TSOGS PA'O, ,DGOS PA MI 'GRUB SRID CES BYA BA NI BYA BA MI 'GRUB CING 'JIG PAR 'GYUR ZHES BYA'O, ,GNYIS SU NA ZHES BYA BA NI GZHAN YANG NGO, ,BDAG MED CES BYA BA NI BDAG DANG BRAL BA'O, ,'JIG LA ZHES BYA BA NI 'JIG PA'I NGO BO NYID YIN PAS SO, ,SNYING PO MED PA NI SNYING PO MED PA'I BDAG NYID DE CHU SHING GI SDONG PO LTA BU'O, ,SDUG BSNGAL ZHES BYA BA NI GNOD PA SNA TSOGS KYI GZHIR GYUR PA YIN PAS SDUG BSNGAL LO, , DRIN MED CES BYA BA NI GANG PHAN PA BYAS PA GANG YIN PA DE YANG 'JIG PAR BYED PA'I PHYIR RO, ,RTAG TU ZHES BYA BA NI DUS THAMS CAD DU'O, ,MI GTZANG BA NI PHYIS DANG, GCIN DANG, MCHIL MA LA SOGS PA 'DZAG PA'I PHYIR MI GTZANG BA'O, ,LUS NI LUS SO, ,GZHAN LA ZHES BYA BA NI GZHAN GYI DON DU'O, ,PHAN THOGS PAR GYUR PA NI NYE BAR SBYOR BAR GYUR PA'O, ,DGA' BAR MI 'GYUR BA NI DGA' BAR GYUR PA'O, ,MKHAS PA NI RTOGS PA'O, ,BDAG NI BDE BA LA CHAGS ZHES BYA BA NI RANG GI BDE BA LA ZHEN PA'O, ,GZHAN GYI SDUG BSNGAL YAL @144B BAR 'DOR BA NI THA MAL PAR 'DUG PA NYID DO, ,MTHU MED DAM ZHES BYA BA NI, SBRO BA NYAMS PA'O, ,DAM ZHES BYA BA'I SGRA NI RNAM PA GNYI GAR BRTAG PA'O, ,GZHAN GYI SDUG BSNGAL ZHES BYA BA NI DE GZHAN LA SDUG BSNGAL YOD PA STE, 'DI LTAR GZHAN DAG SDUG BSNGAL BAS SDUG BSNGAL BDAG LA BDE BA MED DO, ,NUS PA YOD BZHIN DU ZHES BYA BA NI SKYES BU'I BYED PA STE, 'DI LTAR LUS YONGS SU GTONG BA'O, ,CI STE ZHES BYA BA NI CI'I PHYIR YAL BAR 'DOR BAR BYED CES BYA BA YIN NO, ,NUS PA YOD BZHIN ZHES BYA BA NI LDAN PA STE SKYES BU'I BYED PA'O, ,BDAG GIS ZHES BYA BA NI BDAG NYID KYIS SO, ,GAL TE YAL BOR ZHES BYA BA STE, ,GAL TE THA MAL PAR BDAG 'DUG NA'O, ,GSOD PA'I DGRA NI PHAS KYI DGRA STE GSOD PAR 'DOD PA'O, ,SDUG BSNGAL BYING BA ZHES BYA BA NI PHONGS PAR BYING BA ZHES BYA BA'I DON TO, ,SDIG PA BYAS PA BZHIN ZHES BYA BA NI BDAG GIS TE PHYI NAS YID LA GCAGS PA'I PHYIR RO, ,BDAG GI SEMS NI RANG GI SEMS SO, ,DE 'GYOD PA'I MI DES SEMS KUN TU TSIG PA YIN TE, JI LTA BU ZHE NA, 'DI LTAR ME CHEN POS 'DAM BU'AM RTZVA DAG TSIG PA YIN NO, ,DE BAS ZHES BYA BA NI DE'I PHYIR RO, ,BSRUNG BAR BYA BA NI BSRUNG BA'O, ,LUS ZHES BYA BA LA, KA ZHES BYA BA'I SGRA NGAN PAR BSTAN TO, ,G-YANG SAR LHUNG BA LA THUG PA YIN PAS DE'I PHYIR GANG GI SROG THUG PA YOD PA STE LUS KYI'O, ,THUG PA ZHES BYA BA NI NYE BAR 'DOD PA'I SROG DANG LDAN PA'I LUS ZHES BYA BA'I DON TO, ,PHRU GU BSRUNG BA NI PHRU GU GSOD PA LAS SO, ,GCAN MO NI STAG MO'O, ,DE'I PHRU GU NI DE'I BU'O, ,GZHAN YANG ZHES BYA BA NI GZHAN YANG YOD PAR BSTAN PA'O, ,YANG NA GZHAN YANG ZHES BYA BA NI 'DI LTAR YANG BSTAN PA YIN TE, 'DI LTAR MDO'I TSIG BSTAN PA NI YANG DAG PAR 'DZIN DU 'JUG PA'O, , SPRO BA BSKYED PA NI YANG DAG PAR GZENGS BSTOD PA'O, ,DE LA BSTAN PA NI RAB TU BSHAD PA'O, ,GANG LA BSHAD PA YIN ZHE NA, GANG 'JIG RTEN LA PHAN PAR BRTZON PA RNAMS SO, ,'JIG RTEN NI SEMS CAN NO, ,PHAN BRTZON NI PHAN 'DOGS PAR BYED PA'O, ,BRTZON 'GRUS ZHAN PA NI @145A *, ,RMONGS PA STE, PHA ROL GNON PA ZHAN PA DANG, SPRO BA CHUNG BA RNAMS SO, ,DGA' BA BSKYED PA NI TSIM PAR BYA BA'O, ,SU ZHE NA, GANG ZHIG SBYIN PA GTONG PHOD PA STE, DE GANG YIN ZHE NA, MGON MED ZAS SBYIN LA SOGS PA'O, ,GTONG BA NI BTANG BA'O, ,PHOD PA NI RLABS CHE BA NYID DO, ,SKYE BO DAM PA ZHES BYA BA NI BAG YOD PA LA GNAS PA STE, BYANG CHUB SEMS DPA' DANG SKYES BU DAM PA DAG GO, ,YID DRANG BA NI 'DREN PA'O, ,'DI SKAD STON PA YIN TE, SKYES BU DAM PA RNAMS KYI SEMS 'DREN PAR BYED PA YIN NO, ,ZHES BYA BA'I DON TO,, YANG NA BDAG LAS SKYES PA NI BU BU LAS BSTAN PA NI RAB TU STON PA'O, ,BRTZON PA NI 'BAD PA'O, ,SPRO BA BSKYED PA NI GZENGS BSTOD PA'O, ,YID DRANG BA NI YID DRANG BAR BYA BA'O, ,BDUD NI 'DOD PA'I LHA'O, ,CHEN PO NI MANG PO NYID DO, ,SDE NI TSOGS SO, ,SPA BKONG BA NI SEMS ZHUM PAR BYA BA'O, ,YANG NA SPA BKONG BA NI YID SKYO BAR BYA BA'O, ,SANGS RGYAS KYI YON TAN NI SANGS RGYAS KYI CHOS MA 'DRES PA BCO BRGYAD DO, ,GZHAN YANG DRAN PA NYE BAR GZHAG PA LA SOGS PA MTHA' DAG GO, ,DGA' BA NI YON TAN LA DGA' BA'O, ,DANG BA NI SEMS DANG BA'O,, GANG DE DAG LA MNGON PAR DAD PA DANG MA DAD PA RNAMS KYANG DANG BAR 'GYUR RO, ,BDAG GI DON BRTZON ZHES BYA BA NI BDAG GI DON LA GZHOL BA'O, ,NGO TSA ZHES BYA BA NI NGO TSA'I GNAS KYIS SO, ,'JUNGS DANG 'DOD CHEN ZHES BYA BA LA, 'JUNGS PA NI KUN TU BZUNG BA'I YO BYAD KYI TSOGS YONGS SU MI GTONG BA'I DANG TSUL LO, ,'DOD CHEN ZHES BYA BA NI ZHEN PAS GZUNG BA STE, BZUNG BA DANG RJES SU 'BREL PA'O, ,DE LTAR DES NI 'JUNGS PA DANG 'DOD CHEN PA'I SEMS NYE BAR BCOM PA YIN TE, NGO TSA BSKYED PAR GYUR PA YIN NO, ,DAD PA BSKYED PA NI DANG BAR BYED PA YIN TE, SU DAG CE NA, THEG PA MCHOG LA BRTEN PA RNAMS SO, ,THEG PA ZHES BYA BA NI NYAN THOS DANG RANG SANGS RGYAS KYI THEG PA'O, ,MCHOG GI SGRA NI RANG SANGS RGYAS KYI THEG PA YONGS SU BZUNG NGO, ,BRTEN PA RNAMS KYANG THEG PA GSUM LA BRTEN PA DAD PA'O, ,NGO MTSAR @145B MED PA ZHES BYA BA NI YA MTSAN MED PA STE, SU ZHIG CE NA, GTONG BA BYAS PA RNAMS KYI STE, SBYIN PA CHUNG DUS SNYEMS PA DE RNAMS KYI NGO MTSAR GZHIG PA'O, ,SPYANG PHYIR ZHES BYA BA NI DAG PAR BYA BA'I PHYIR TE, GANG GI ZHE NA, MTHO RIS LAM CHEN ZHES BYA BA YIN NO, ,GTOD LA DGA' BA ZHES BYA BA NI SBYIN PAR 'DOD PA RNAMS TE, SU DAG CE NA, BYANG CHUB SEMS DPA' SBYIN PA RTUL PHOD PA RNAMS SO, ,GTONG LA DGA' BA ZHES BYA BA LA SOGS PA'I TSIGS BCAD MTHA' DAG LA DE BAS LUS KYIS YONGS SU BSRUNG BAR BYA ZHES SBYAR RO, ,DE'I 'BRAS BU YOD PAR BYA BA NI DE 'BRAS BU GANG YIN PA DE 'BRAS BU DANG BCAS PAR BYA BA STE, YID LA SEMS PA'I SMON LAM MO, ,BYANG CHUB MCHOG KYANG BDAG GIS NYE BAR BYA, ,ZHES BYA BA NI BDAG GIS BYA'O ZHES SBYAR RO, ,DE BAS LUS KYIS YONGS SU BSRUNG BAR BYA BA'I DANG PO'O, ,TSIGS SU BCAD PA LNGAS NI RIM PA BZHIN DU DBYAD PAS DUS GSUM GYI SEMS CAN GYI DON SGRUB PA'I PHYIR MNGON PAR BRTAG CING NGES PAR BYAS PA STE, RANG GI LUS BTANG BAS STAG MO DANG STAG PHRUG GNYIS YANG DAG PAR BSRUNGS PA NI DA LTAR GYI GZHAN GYI DON NO, ,'JIG RTEN PHAN BRTZON RNAMS LA BSTAN ZHES PA'I DANG PO'I TSIGS BCAD GSUM GYIS MA 'ONGS PA'I SEMS CAN THAMS CAD KYI DON BSTAN TO, ,PHUN SUM TSOGS PA BSKYED PA LA MNGON PAR BRTAGS NAS LUS TZAM GYIS KYANG NAM ZHIG PHAN THOGS PAR GYUR ZHES BYA BA LA SOGS PAS NI 'DAS PA'I DUS KYI LUS KYIS GZHAN LA PHAN PAR BYA BA YIN NO, ,SMON LAM NI 'DOD PA'I DON NO, ,'BRAS BU YOD PAR BYA BA'I PHYIR YANG BDAG GI LUS GTANG BAR BYA STE, DE YIS BSAMS PA'I SMON LAM 'DAS PAR GYUR PA YIN PAS DE'I SMON LAM SGRUB PA NI 'DAS PA'I SEMS CAN RNAMS KYI DON ZHES BRJOD DO, ,BYANG CHUB MCHOG KYANG NYE BAR BYA ZHES BYA BA 'DI LA KYANG GI SGRA NI GZHAN GYI SGRA MA YIN PAR STON TO, ,BYANG CHUB KYI MCHOG THOB PA NI GZHAN GYI DON BYA BAS SO, ,'GRAN PHYIR MA YIN ZHES BYA BA LA SOGS PA'I TSIGS BCAD 'DI'I BSDUS PA'I DON NI 'DI YIN TE, MTHONG BA'I CHOS DANG, MNGON PAR MTHO BA DANG, NGES PAR LEGS PA'I 'BRAS BUR BCAS PA @146A *, ,DANG 'BREL PA'I PHYIR BDAG GIS BYAS PA MA YIN PAR STON TO, ,MTHO RIS 'DOD DANG RGYAL SRID BSGRUB PHYIR MIN, ,ZHES BYA BA STE, 'JIG RTEN RNAMS NI GZHAN PHAL CHER ZIL GYIS GNON PA DANG, BDAG NYID KYI YON TAN 'BYUNG BA'I PHYIR DGE BA RNAMS LA BRTZON PAR BYED DE GNYI GA MA YIN PA'I PHYIR 'GRAN PHYIR MA YIN GRAGS PA'I DON PHYIR MIN ZHES BYA'O, ,'DI GNYIS KYIS NI MNGON PAR MTHO BA 'DOD PA MA YIN PAR STON TO, ,MTHO RIS 'DOD DANG RGYAL SRID BSGRUB PHYIR MIN, ,ZHES BYA BA STE, 'DI GNYIS KYIS NI MNGON PAR MTHO BA'I LHAR SKYE BA DANG, MI RIGS KHYAD PAR CAN DU SKYE BA MI 'DOD PAR BSTAN TO, ,BDAG GIS BDE BA MCHOG NI THOB PHYIR MIN, ,ZHES BYA BA 'DIS NI NGES PAR LEGS PA DON DU MI GNYER BA YIN, BDAG GIS BDE BA MCHOG CES BYA BA NI BDAG BDE BA MYA NGAN LAS 'DAS PA THOB PA YIN TE, DE LA YANG BRTZON PAR MI BYED DO ZHES PA STE; SMRAS PA, GZHAN DON SGRUB PHYIR ZHES BYA BA SMOS TE, GZHAN DON BSGRUB PA ZHES BYA BA BSHAD PA'I GZHAN DON SGRUB PA DE GANG YIN ZHE NA, GZHAN GYI DON SGRUB PA STE, GZHAN GYI DON SGRUB PA'I RNAM PA DON DU GNYER BA'O, ,DE BAS BDAG NI ZHES BYA BAS NA MTHONG ZHING THOS SAM ZHES BYA BA'I TSIGS BCAD 'DIS NI MNGON PAR MTHO BA LAS BRTZAMS TE, 'DIS ZHES BYA BA NI RANG GI LUS SBYIN PA'I DGE BAS SO, ,DUS GCIG TU ZHES BYA BA NI CIG CAR SDUG BSNGAL BSAL BA DANG BDE BA 'BYUNG BAR GYUR CIG PA'O, ,MNGON PAR MTHO BA LAS BRTZAMS TE, MTHONG ZHING THOS SAM ZHES BYA BA'I TSIGS SU BCAD PA LA, REG GAM ZHES BYA BA NI LUS DANG NGO, ,GTAM DU BRJOD PAR GYUR KYANG ZHES BYA BA NI CHOS BSTAN PA DANG MNYAN PAS SO, ,RNAM KUN TU ZHES BYA BA NI DGE BA'I RTZA BA BSKYED CING 'PHEL BA DANG, NUS PAR LDAN ZHING RNAM PAR GROL BA'I MTSAN NYID NI, RNAM PA KUN TU PHAN PA'O, ,KHROS SHING NGO MTSAR SKYES NAS ZHES BYA BA LA, KHROS SHING NGO MTSAR SKYES PA NI CI ZHIG CES LANGS NAS BROS TE GZHAN DAG GI PHRU GU ZOS PAR DOGS PA DANG, LTOGS PAS ZA BAR 'DOD PA YANG BTANG STE'O, ,NYE BAR 'ONGS TE ZHES PA NI DRUNG DU PHYIN PA'O, ,BRTZAMS PA NI @146B RTZOM PA'O, ,DE SPYOD PA ZHES BYA BA NI DE'I LAS KHYAD PAR CAN NO, ,LAS KHYAD PAR CAN DES NGO MTSAR BA DE NI SPYOD PA KHYAD PAR CAN NGO MTSAR RO, ,DE BAS NA MYA NGAN DANG SDUG BSNGAL NI MYA NGAN DANG SDUG BSNGAL TE, MYA NGAN NI BLA MA SDUG PA DANG BRAL BAS SO, ,SDUG BSNGAL NI MYA NGAN GYIS KUN NAS BSLANG BA STE, LUS DANG SEMS KYI SDUG BSNGAL LO, ,DE GNYIS KYI SHUGS KYIS YANG DAG PAR BSKYED PA'O, ,BTANG BA NI SPANGS PA STE, GANG GI MYA NGAN DANG SDUG BSNGAL GYI SHUGS BTANG BA GANG YIN PA DE NI MYA NGAN DANG SDUG BSNGAL GYI SHUGS BTANG BA'O, ,KYE MA'O SDUG BSNGAL ZHES BYA BA'I TSIGS BCAD PHYED KYI BYED PAS NI SHES RAB KYI DBANG DU BYAS TE, SEMS CAN LA BRTZE BA'I SNYING RJE'I BSAM PA DANG, DE LA CHAGS PA MED PA'I SHES RAB STE, DE GNYI GA BYANG CHUB KYI RTZA BA STE, DE BAS NI 'DI DANG POR SMOS PAS NI BYANG CHUB SEMS DPA'O, ,GZHAN GYI ZHES BYA BA 'DI NI GNYIS PO 'DI YIN TE, DE'I DBANG DU BYAS NAS, GNYIS PA'I TSIGS BCAD PHYED KYIS DON DAM PA RNAMS ZHES BYA BA LA SOGS PA STE, DAM PA RNAMS NI BYANG CHUB SEMS DPA' RNAMS KYI SNYING RJE DANG LDAN PA NI NGO MTSAR GYI BYA BA YIN TE, NGO MTSAR DU BYAS PAR GYUR PAS SO, ,GZHAN GYI ZHES BYA BA NI BYANG CHUB SEMS DPA' MA YIN PA RNAMS KYI'O, ,AE MA'O ZHES BYA BA LA SOGS PA'I TSIGS BCAD 'DI'I PHYED KYIS NI BYANG CHUB SEMS DPA'I SBYOR BA DANG, BSAM PA PHUN SUM TSOGS PA BSTAN TO, ,'OG MA PHYED KYIS NI DE'I 'BRAS BU SMIN PA YIN NO, ,PHYAG GI GNAS ZHES BYA BA NI RTEN DU GYUR PA'O, ,DE NAS RANG BZHIN ZHI BA ZHES BYA BA'I TSIGS BCAD 'DIS NI BYANG CHUB SEMS DPA' BDAG GI RGYUD RAB TU STON TO, ,RANG BZHIN ZHI BA NYID NI SA BZHIN DU BRTAN PA YIN TE, MI BZOD PA MED PA'I RGYUS SO, ,MI BZOD PA MED PA 'DIS NI MYUR DU BYED PA STON PA YIN NO, ,SKYON DU GYUR PA YIN PAS DANG PO DE'I SDUG BSNGAL SKYE BA NI MED DO, ,MGON PO 'DIS NI ZHES BYA BA LA SOGS PA'I TSIGS BCAD 'DIS NI 'GRO BA'I DGRA DANG BDUD 'DI GNYIS TE, DE GNYIS KYI BYE BRAG DANG LDAN PA'O, ,GZHAN GYIS PHAM GYIS DOGS PA'I BDUD DAG @147A *, ,KYANG; ,ZHES BYA BA YIN TE, BDUD KYANG GZHAN GYIS PHAM DU DOGS PA SKYE BAR 'GYUR BA GANG YIN PA DE NI GZHAN GYIS PHAM DU DOGS PA'O, ,SEMS CAN THAMS CAD KYI SKYABS SU GYUR PA ZHES BYA BA 'DI NI BSTAN PA'O, ,JI LTAR SEMS CAN THAMS CAD KYI SKYABS YIN ZHE NA; THUGS RJE SHIN TU RLABS CHE BA DANG, SNYING STOBS DPAG TU MED PAS SO, ,SNYING STOBS DPAG TU MED PA NI SHES RAB DPAG TU MED PA'O, ,DE GNYI GA'I SBYOR BA DON JI LTA BA BZHIN YOD PAS BYANG CHUB SEMS DPA' STE, BYANG CHUB SEMS DPA' DON JI LTA BA NYID DO, , SLOB MA ZHES SMOS PA NI MI DAG BZUNG STE, DE NA GZHAN MI DAG MED PAS SO, ,DRI ZA DANG GNOD SBYIN ZHES BYA BA NI GSHOL MDA' 'DZIN PA LA SOGS PA'I RI'I BAR DAG LA GNAS PAS SO, ,KLU ZHES SMOS PAS NI, 'DI NAS 'OG NA GNAS PA'I SPRUL GZUNG NGO, ,SUM CU RTZA GSUM GYI BDAG PO ZHES SMOS PAS RI RAB LA GNAS PA RNAMS GZUNG NGO, ,DE DAG GIS SKU GDUNG GI STENG DU SA GZHI THAMS CAD G-YOGS PAR GYUR PA STE, PHRENG BA LA SOGS PA SMOS PAS NI GOS DANG YO BYAD RNAMS GZUNG NGO, ,RGYAN ZHES SMOS PAS NI YO BYAD DE, DRI ZHIM PO'I YO BYAD DANG; GOS KYI YO BYAD DANG, PHRENG BA DANG, GOS DANG, RGYAN DANG, RGYAN GYI YO BYAD RNAMS SO, ,TZANDAN GYI PHYE MA NI DRI ZHIM PO'I YO BYAD DO, ,DE LA SOGS PA 'JIG RTEN PA RNAMS KYIS MNGON PAR MCHOD DE, MCHOD PA'I YO BYAD RNAMS KYIS DE NYID DU SLOB MA LA SOGS PAS MCHOD PA BYAS PA'O, ,RAB TU DAD PAR BYA'O ZHES BYA BA NI MA DAD PA RNAMS KYI DBANG DU BYAS PA'O, ,DAD PA SKYED PA RNAMS KYIS NI DGA' BA SKYED PA ZHES PA NI, DAD PA RNAMS PHYIR ZHING NYE BAR 'GRO BAR BYA BA'I PHYIR BSTAN PAR BYA'O, ,GNAS NI GNAS SU GYUR PA STE, DAD PA DANG DGE PA'I TSAS SKYE BA'I GNAS YIN PAS SANGS RGYAS BCOM LDAN 'DAS GNAS TE, GNAS DE DAG LA DAD PAR BYA'O, ,DE LTAR GNAS DE LA DAD PAR BYAS NAS CHOS LA RIM GRO BSKYED CING CHOS MNYAN PAR BYAS TE RAB TU BYED PA SGRUB PA DANG, NGO BO NYID KHYAD PAR CAN SGRUB PA LA 'BAD DE GNAS PAR BYA'O ZHES PA @147B YIN NO; ,SLOB DPON DPA' BOS MDZAD PA'I SKYES PA'I RABS KYI MDO DANG MTHUN PA'I RGYA CHER BSHAD PA LAS STAG MO'I SKYES PA'I RABS TE DANG PO'O,, ,,DPAG TU MED PA'I DUS NAS GOMS PA NI BSKAL PA GRANGS MED PA GSUM DU GOMS PAR BYAS PA'O, ,BSOD NAMS KYI LAS BYAS SHING 'DRIS PA ZHES BYA BA NI SBYIN PA'I RGYU MTHUN PA DANG RNAM PAR SMIN PA'I NUS PA'I 'BRAS BU YIN TE, BSOD NAMS KYI LAS BRTAG PA DANG GUS PAR BYED PA'I SBYOR PA GNYIS KYIS NI DON GNYIS 'GRUB PA YIN NO, ,RTAG TU SBYOR PAS NI BSOD NAMS KYI LAS RGYU MTHUN PA'I 'BRAS BU SBYOR BA YIN, TA; RTAG PAR BYED PA'I BAG CHAGS KYIS PHYIS KYANG BSOD NAMS KYI BYA BA MNGON PAR BSGRUB PA YIN PA'I PHYIR RO, ,GUS PAR BYA BA'I SBYOR BAS NI BSOD NAMS KYI LAS RGYA CHER SOGS SHING RNAM PAR SMIN PA'I 'BRAS BU SBYIN PA'I NGES PAR 'BYUNG BAR 'GYUR RO, ,DE YANG BSOD NAMS KYI LAS GOMS SHING 'DRIS PAR BYAS PA STE, DPAG TU MED PA'I DUS NAS GOMS PAR BYAS PAS SO, ,BSOD NAMS ZHES SMOS PAS NI SBYIN PA DANG, TSUL KHRIMS DANG, BZOD PA'I PHA ROL TU PHYIN PA GZUNG NGO, ,DE BAS NA DE NYID KYIS RGYAL PO NYID DU GYUR PA YIN TE, BSOD NAMS KYI 'BRAS BU'I STOBS KYIS SO, ,RGYAL PO DAG GI BU BZHIN DU ZHES BYA BA NI RANG GI SKYE BO BZHIN DU SKYE DGU SKYONG BAR GYUR PA'O, ,YON TAN CI DANG LDAN PAS YONGS SU SKYONG ZHE NA, DE NYID SMRAS PA, BYIS PA NAS RGAN PO LA BSNYEN BKUR BYED PA ZHES BYA BA'I YON TAN DANG LDAN PA NYID KYIS SO, , GANG DAG SKYONG BAR GYUR ZHE NA, RANG GI TSOGS DANG GZHAN GYI TSOGS GNYIS TE, RANG GI TSOGS KYI SKYE BO SKYONG BAR BYED PA NI RGAN PA LA SOGS PA LA BSNYEN BKUR BYA BA LA DGA' BA DANG, RJE BLON BYAMS PA DANG, YID GZHUNGS PA STE, 'DIS NI RIGS PA RTOGS SHING BLO DRI MA MED PAR GYUR PA'O, ,GZHAN GYI TSOGS KYI SKYE BO SKYONG BAR BYED PA NI NUS PA GSUM DANG LDAN PA DANG, SKAL BA PHUN SUM TSOGS PA DANG, DES NA DE NYID KYI TSIG GIS NI LUGS KYI BSTAN BCOS DANG GNYIS SU DBYER MED PA YIN NO, ,YANG NA 'KHOR GSUM DANG RJES SU MTHUN PA'I YON TAN GYI TSOGS @148A *, ,ZHES BYA BA DE BSTAN PA'I PHYIR RGAN PA LA BSNYEN BKUR BYED PA LA SOGS PA'I YON TAN 'DI DAG BSTAN TE, CHOS KYI YON TAN DANG NUS PA GSUM GYI YON TAN DANG, DON GYI YON TAN DANG, SKAL BA PHUN SUM TSOGS PA'I YON TAN DANG, DAD PA'I YON TAN NO, , PHAN TSUN 'GRAN PA BZHIN DU GNAS PAR GYUR CES BYA BA 'DIS NI JI LTAR YOD PA'I YON TAN DANG LDAN PA DE DAG KYANG LHAN CIG TU GNAS PAR GYUR PA YIN PAR BSTAN TO, ,DNGOS PO THAMS CAD NI DNGOS PO JI SRID PAS MA LUS PA'I YON TAN YOD PAR GYUR PA STE, CHOS DANG DON DANG 'DOD PA PHAN TSUN 'GAL BA YIN YANG DE'I YON TAN 'GAL ZHING 'KHRUG PAS GTZES PA MED PAR GYUR, ZHES PA'I DON TO, ,MA DUL 'PHYAR BA ZHES BYA BA'I TSIGS BCAD 'DIS NI ZHE SDANG DANG, GTI MUG DANG, 'DOD CHAGS KYI NYES PAS MA RUNGS PAR BYAS PAS MA DUL BA LA SOGS PA'O, , GSUM DU GYUR PA'I NYES PAS GSUM PA MED PA STE NYES PA DE GSUM GYI GNYEN POR GYUR PA BYAMS PA DANG, RTEN CING 'BREL BAR 'BYUNG BA DANG, MI SDUG PA BSGOM PA DANG LDAN PA STE, DPAL DE DE LA MING NI DON BZHIN DU GYUR CES BYA BA LA SOGS PA NI MTSAN NYID DANG MTSAN DU GYUR PA'O,, RANG BZHIN RGYA CHE ZHES BYA BA 'DI'I LUS NI BSAM PA DANG, SBYIN PA'I DNGOS PO DANG, SLONG BA'I SGRUB PA PHUN SUM TSOGS PA YIN NO, ,RANG BZHIN RGYA CHE BA DANG, SNYING RJE'I YON TAN ZHES BYA BA 'DIS NI BSAM PA PHUN SUM TSOGS PA BSTAN TO, ,RGYA CHE BAS NI RANG GI BDE BA LA MI CHAGS PAR 'GYUR BA YIN NO, ,SNYING RJE'I YON TAN GYIS NI GZHAN GYI SDUG BSNGAL SEL BAR MNGON PAR 'DOD PA YIN NO, ,YANG NA BDAG GI LONGS SPYOD LA MI LTOS PA DANG, SEMS CAN LA LTOS PA DANG GNYIS STON PA YIN NO, ,YANG NA 'BRAS BU LA MI LTOS PA DANG, SEMS CAN LA LTOS PA YIN PAR BSTAN TO, ,SBYIN PA'I DNGOS PO NI NOR GYI RGYAL POS MI LEN CING, SEMS CAN GYI SDUG BSNGAL SEL BAR 'DOD PA YIN PAS, LONGS SPYOD SEMS CAN RNAMS LA SBYIN PA'I DNGOS PO SGRUB PA YIN NO, ,NOR LA DBANG YOD PHYIR ZHES BYA BA 'DIS NI SBYIN PA'I DNGOS PO PHUN SUM @148B TSOGS PA BSTAN TO, ,'DOD PA'I DON GRUB CES BYA BA SMOS PA NI SBYIN PA'I DNGOS PO SGRUB PA PHUN SUM TSOGS PA YIN TE, JI LTA BU 'DOD PA DANG, JI SNYED 'DOD PA DANG, GANG 'DOD PA DE DAG YANG DAG PAR SGRUB PA'O, ,'DOD PA'I DON GRUB PAS PHONGS PA DAG NGO ZUM MI GNAG BZHIN BZANGS MTHONG BAS DGA' BA STE, DE LTAR SLONG MO BA RNAMS PHUN SUM TSOGS PA'O, ,DE'I PHUN SUM TSOGS PA GANG ZHE NA, SBYIN PA'I DNGOS PO RNAM PA THAMS CAD BSLANGS PA STE, 'DOD PA ZHES SMOS PAS THOB PA YIN TE, DES DUS PHYI ZHIG NA MING DANG GZUGS KYI LUS DGA' BA DANG MDZES PAR BYED DO, ,SBYIN PA LA DGA' BAS ZHES BYA BAS NI SNGAR SMOS PA BZHIN DU RGYU MTHUN PA'I 'BRAS BU STON PA YIN TE, RGYU MTHUN PA NI RGYU DANG 'DRA BA STE DE'I TSIG GIS SNGON GYI SBYIN PA BYAS PAS SBYIN PA LA MNGON PAR DGA' BA SKYE BAR 'GYUR TE, RGYU MTHUN PA'I 'BRAS BU SBYIN PA LA DGA' BA NYID DO, ,YO BYAD PHUN SUM TSOGS PA ZHES BYA BA LA SOGS PA SMOS PA LA, YO BYAD NI NOR DANG 'BRU ZHES SMOS PA STE, NYE BAR SPYAD PA DANG, LONGS SPYAD PA'I BYE BRAG GIS GSUM GYI NANG DU 'DUS PA YIN NO, ,GANG DAG MA SMOS PA'I SBYIN PA'I DNGOS PO DE YANG 'DI'I NANG DU CHUD PA YIN TE, DE DAG KYANG DE'I RANG BZHIN YIN PA'I PHYIR RO, ,BDAG GI BDAG NYID CHE BA DANG RJES SU MTHUN PAS ZHES BYA BAS NI SBYIN PA'I DNGOS PO MANG DU YOD PA BSTAN TO, ,RE BA JI LTA BA BZHIN ZHES BYA BAS NI GANG DANG GANG 'DOD PA DE DE RE BA JI LTA BA BZHIN DU'O, ,'DIS NI DNGOS PO SNA TSOGS SBYIN PAR BSTAN PA'O, ,GUS PA DANG BCAS PAR ZHES BYA BA NI BSGRUB PA PHUN SUM TSOGS PAR BSTAN TO, ,DUS BZHIN DU 'BYOR PAS YID DU 'ONG BA NI DUS GANG GI TSE GANG 'DOD PA BZHIN DU STE, RDZOGS LDAN GYI SPRIN DANG 'DRA BAR BDAG GI BDAG NYID CHE BA DANG RJES SU MTHUN PAR RE BA JI LTA BAR DUS BZHIN DU 'BYOR PA SGRUB PA'I CHOS DANG MTHUN PA YIN NO, ,'DIS NI RE BA JI LTA BA BZHIN DU ZHES BYA BA 'DI'I KHYAD PAR BSTAN PA STE, ZAS 'DOD PA LA SOGS PA SMOS PAS NI GANG DANG GANG 'DOD PAR GYUR PA DE DANG DE SGRUB PA YIN NO, ,YANG NA YO BYAD THAMS CAD DE, NOR DANG 'BRU LA SOGS PA GANG GONG DU BSTAN PA DES ZAS 'DOD PA RNAMS LA NI @149A *, ,ZAS; BTUNG BA 'DOD PA RNAMS LA NI BTUNG BA STE, GANG GONG DU BSHAD PA DE SBYIN PA'O, ,MAL CHA DANG, STAN DANG, GOS DANG, BZA' BA DANG, BYUG SPOS DANG, PHRENG BA DANG, DNGUL LA SOGS PA'I NOR SGRUB PAS SNYING DGA' BAR BYED DE, BDAG GI BDAG NYID CHEN PO DANG RJES SU MTHUN PAS SO, ,SBYIN PA DES DGA' BAR 'GYUR TE ZHES BYA BA NI RE BA JI LTA BA BZHIN DU BSGRUB PA LA SOGS PA GSUM GYIS SO, ,PHYOGS THA DAD PA'I YUL NA GNAS PA DE NI PHYOGS THA DAD PA'I YUL NA GNAS PA'O, ,YANG NA PHYOGS THA DAD PA'I GNAS PAS MTSON PA'I TSUL GANG LA YOD PA DE DAG GO, ,PHYOGS THA DAD PA ZHES SMOS PAS NI THAG RING PO NAS 'ONG BAR STON PA MNGON PAR MTSON PA'O, ,YUL NA GNAS PA ZHES SMOS PAS NI YUL NA GNAS PA PHUN SUM TSOGS PA STON TO, ,GZHAN DAG NA RE RE BA YONGS SU RDZOGS PAR BYED PA MED DAM; CI'I PHYIR THAG RING PO NAS LHAGS SHING 'ONGS SHE NA, DE'I RGYU BSTAN PA'I PHYIR, MI YUL KUN TU YID KYIS BRTAGS NA YANG, ,ZHES BYA BA'I TSIGS BCAD 'DI SMOS SO, ,GZHAN DU BSLANG BA'I SKABS NI MA RNYED PA ZHES BYA BA NI SER SNA CHE BAR GYUR PA STE, SKYE BO RNAMS SBYIN PA LA 'JUG PA MED PAR STON TO, ,DE BAS NA RING PO NAS LHAGS PAR GYUR PA YIN NO, ,NAGS TSAL GLANG PO MTSO CHEN DOGS LHAGS BZHIN, ,ZHES BYA BA 'DIS NI YUL NA GNAS PA'I SKYE BO DAG SBYIN PA LA 'JUG CING RE BA YONGS SU RDZOGS PAR BYED PA YOD KYANG DE DAG SPANGS TE LHAGS PA YIN NO, ,SKYE BO MDZA' BA SHES BYES NAS 'ONGS PA DAG ,CES BYA BA'I TSIGS BCAD 'DI'I LUS NI SBYOR BA DANG, DNGOS DANG, MJUG SANGS RGYAS KYI BKA' DANG MTHUN PAR STON PA YIN TE, DE YANG MDO'I DON DANG MTHUN PAR 'GYUR BA STE, SBYIN PA'I SNGA ROL TU YID DGA' BAR 'GYUR BA DANG, SBYIN PA'I TSE NA SEMS DANG BAR 'GYUR BA DANG, BYIN NAS MTHAR YANG RJES SU DGA' BAR GYUR PA YIN TE, SBYOR BA DANG, DNGOS DANG, MJUG NYID KYIS LUS DANG NGAG DANG YID KYI LAS BSTAN TE, GO RIMS JI LTA BA BZHIN DU SKYE BO MDZA' BSHES ZHES BYA BA LA @149B SOGS PA DANG SBYAR RO, ,SBYIN PA LAS BYUNG BA ZHES BYA BA DANG, TSIGS BCAD 'DI GNYIS KYIS NI MTHONG BA'I CHOS KYIS RTOGS PA GNYIS BSTAN TE, BDAG NYID LA LTA BA DANG, GZHAN DAG LA YANG GRAGS PAR BYED PA'O, ,SBYIN PA'I BSOD NAMS MI 'PHEL BAR GYUR PAS ZHES BYA BA'I BLOS KUN TU BRTAGS PA BZHIN DU GZHAN LA NOR BGEGS SU GYUR CING 'PHEL BAR GYUR PAS SO, ,SBYIN PA'I BSOD NAMS MI 'PHEL BA DE NYID SMRAS PA, SLONG BA'I SKYE BO 'DU BA NYUNG BA ZHES BYA BA YIN TE, 'DI NYID BSGRUB PA'I PHYIR, DE LA BRTEN NAS PHONGS PA TSIM PAR GYUR, ,ZHES BYA BA 'DI YIN TE, RGYAL PO NI SBYIN PA'I BSOD NAMS MI 'PHEL BAR GYUR PAS MGU BAR MA GYUR TE, SBYIN LA DPA' BA DE NI SNYING MA TSIM, ,ZHES BYA BA 'DI YIN NO, ,PHONGS PA RNAMS TSIM PAR GYUR NA DE CI'I PHYIR TSIM PAR MA GYUR ZHE NA, SMRAS PA, PHONGS PA RNAMS KYIS SLONG BA'I TSAD DAG GIS, ,ZHES BYA BA LA SOGS PA SMOS SO, ,BDAG GI LUS NI NGES PAR SBYIN BYAS NAS SAM, 'DI NI RGYAL POS GYI NA DA RNAMS BRTAGS PA STE, DE BRTAG PA'I PHYIR BRAM ZE RGAN PO LONG BA ZHIG GI GZUGS SU BSGYUR NAS ZHES BYA BA LA, GSUM SMOS PA'I LONG BA SMOS PA NI LAM DU 'GRO BAR MI NUS PA'O, ,RGAN PO SMOS PA NI DKA' BAR GYUR PA YIN NO, ,BRAM ZE SMOS PA NI 'DI DAG GIS SBYIN PA'I GNAS SU BSTAN PA'O, ,SNYING RJE DANG BYAMS PA BSGOM PA ZHES BYA BA 'DIR RIM PA SMOS PA NI SDUG BSNGAL BSAL BAR BYAS LA, PHYI NAS BDE BA LA GZHAG PAR BYA STE, SDUG BSNGAL LAS THAR BAR MA BYAS PAR NI BDE BA LA GZHAG PAR MI NUS SO, ,LTA BA BRTAN ZHING GSAL LA ZHI BA ZHES BYA BA NI 'DOD CHAGS DANG, GTI MUG DANG, ZHE SDANG GI NYON MONGS PA LA MI GNAS PAR STON PA YIN NO, ,GTI MUG BAR DU SMOS PA NI DE GNYI GA'I YANG RGYUR GYUR PA'I PHYIR RO; ,GTI MUG CHE BAR GYUR NA LTA BA GSAL BA MED PAR 'GYUR RO, ,BSU BA BZHIN ZHES BYA BA NI THAG RING BA NA GNAS PA'O, ,'KHYUD PA BZHIN ZHES BYA BA DE DANG NYE NA GNAS PAR GYUR PA STE, YANG NA BSU BA NI SNYING RJE BSGOMS PAS SO, ,'KHYUD PA BZHIN DU LTA BA NI BYAMS PA YONGS SU @150A *, ,BSGOMS PA STE, SDUG BSNGAL BSAL BA DANG BDE BA LA NYE BAR SBYAR BA GNYIS KYIS BYA BA PHUN SUM TSOGS PA'I BSAM PA GSAL BAR BYED PA YIN NO, ,SA BDAG DAM PA KHYOD KYI ZHES BYA BA LA SOGS PA 'DI'I LUS NI GANG SLONG BA DANG, JI LTA BU SLONG BA DANG, GONG NAS 'ONGS TE SLONG BA'O, ,GNAS SKABS JI LTA BUS SHE NA, GNAS SKABS GNYIS PO'I YON TAN MED PAS NI LAM DU 'GRO BA'I PHUN SUM TSOGS PA MED PA YIN TE, MIG GI YON TAN MED PA NI MI MTHONG BZHIN ZHES BYA BA'I TSIG GIS SO, ,NUS PA'I YON TAN YANG MED DE RGAN PO ZHES BYA BA'I TSIG GIS SO,, GANG SLONG BA DE NI MIG GANG LA GANG YOD PA DE STE, SPYAN 'TSAL PHYIR ZHES BYA BA YIN TE, DE'I MIG GCIG SLONG BA STE, 'JIG RTEN GYI BYA BA SGRUB PA'I PHYIR RO, ,DE LTAR GANG DANG GANG GI DON DU SLONG BA DE TSIG BCAD 'DIS BSTAN PA YIN NO, ,GANG SLONG BA NI 'DOD PA'I NOR SLONG BA STE, SLONG BA'I DNGOS POS DE DGA' BA THOB PAR GYUR PA YIN TE, SPYAN NI GCIG PUS KYANG 'JIG RTEN BGYI BA 'GRUB CES BYA BA SMOS PA YIN NO, ,SU YIS BSTAN ZHES BYA BA NI LHAS YIN NAM ZHES RTOGS PA SKYES TE DRIS PA'O, ,GZHAN GYI SPYOD LAM NI MA YIN PA'I PHYIR BDAG NYID LA RNAM PAR RTOG PA STE; DE BAS NA SLOB DPON GYIS 'DI SMRAS PA YIN NO, ,RGYAL PO DE'I BSAM PA RIG NAS ZHES BYA BA NI DE NYID KYIS BSAMS PA'O, ,LHA'I MTHUS ZHES PA NI GAL TE LHA'I MTHU YIN NA 'DI'I MIG GI DBANG PO YANG CI'I PHYIR LHA'I MTHUS DE LTAR MI 'GYUR TE 'GYUR RO ZHES BYA BA'I GNAS SKABS SO; ,DES NA DE NYID SMRAS PA, CHO GA 'DIS MIG DANG LDAN PAR 'GYUR RO ZHES BYA BA NI BDAG GIS MIG BYIN PA DANG, LHA'I MTHU DANG LDAN PA'I BRAM ZE'I MIG GI PHUN SUM TSOGS PA'I RGYU'O ZHES SO, ,YID LA RE BA GANG GIS 'DIR 'ONGS PA, ,ZHES BYA BA NI MIG GCIG THOB PAR 'DOD PA GANG YIN PA DE NYID BRAM ZE KHYOD KYI RE BA BSKANG BAR BYA ZHES BYA BA YIN TE, MIG GCIG SBYIN NO ZHES BYA BA'I DON TO, ,RE BA BSKANG BA NYI TSER MA ZAD DE, GZHAN YANG MIG GNYI GA YANG NGAS SBYIN GYIS ZHES BYA BA YIN NO, ,YANG NA 'DI'I DON NI MIG GCIG SBYIN PA NYID JI LTAR RE BA BSKANG BA YIN TE, RE @150B BA SKONG BA NI RE ZHIG JI LTAR YANG MIG GNYIS THOB PAR BYA BA YIN NO, ,'ON KYANG 'DIS YID LA RE BA BZHIN DU SLONG BAR MI NUS TE, CI'I PHYIR ZHE NA, MI SBYIN SNYAM PA DANG, MIG GNYIS BSLANGS NA RGYAL PO LA GNOD PAR 'GYUR BA DANG, GZHAN GYI SEMS SRUNG BAR STON PA YIN TE, YID LA RE BA NI RE ZHIG MIG GNYI GA THOB PA NYID DE, DES NA DE NYID SMRAS PA, YID LA RE BA YONGS SU BSKANG BA ZHES SMOS PA DE NYID NI MIG GNYIS KYANG NI NGAS SBYIN GYIS ZHES BYA BA'I TSIG GIS SO, ,GZHAN DU JI LTAR RE BA YONGS SU SKONGS BAR 'GYUR TE, NGA'I MIG NI YA GCIG 'DOD PA LA ZHES BYA BA STE, SLONG BA LA GNYIS SBYIN PA'I DON NI 'DI YIN NO, ,SHUGS KYIS SKRAG PA NI SHUGS KYIS SKRAG PA STE, RTABS PA DANG BCAS PA'I SHUGS KYIS SKRAG PA'O, ,RTABS PA DANG BCAS PA DANG SHUGS KYIS SKRAG PA DE GNYIS KYIS GDUNGS PA'I YID GANG YIN PA DE NI RTABS PA DANG BCAS PA'I SHUGS KYIS SKRAG PA DANG BCAS PA YIN NO, ,RTABS PA NI LUGS KYI 'GYUR BA'O, ,SHUGS NI SKYO BA'O, ,SKRAG PA NI SEMS SO, ,MI RIGS PA DANG GNOD PAR 'GYUR ZHES PA NI GNOD PA DANG RJES SU 'BREL PA'O, ,YANG NA DON MED PA DANG MI RIGS PA DANG RJES SU 'BREL PA'O, ,SBYIN PA LA DGYES CHES BYA PA 'DIS NI MIG SBYIN PA LAS ZLOG PAR BYED PA STE, MIG SBYIN PA MI RIGS PA DANG, GNOD PAR 'DOD PA DE BSGRUB PAR 'DOD NAS, BRAM ZE 'DI NI GCIG PU'I PHYIR ZHES BYA BA LA SOGS PA'I TSIGS SU BCAD PA SMOS PA YIN NO, ,GCES PA DANG, MI GCES PA BLOS BRTAGS SHING SBYIN PA DANG MI SBYIN PAR BYA BA STE, GCIG PU DANG MANG PO LA GCES PA DANG MIG GCES PA BRTAGS PA'I RIGS TE, BDAG CAG THAMS CAD CES BYA BA 'DI NI MANG PO NYID DE, BYIS PA DANG, BAR MA DANG, RGAN PO DANG BCAS PA'I BRAM ZE DANG, RGYAL RIGS DANG RJE'U RIGS LA SOGS PA CI'I PHYIR DOR ZHES PA'O, ,THAMS CAD LA GNOD PAR 'GYUR BA'I PHYIR 'DI NYID KYIS NI RE ZHIG MIG BTANG BA RIGS PA MA YIN PAR BSTAN TO, ,GNOD PAR 'GYUR BA NI, SKYE DGU BDE BAR BSKYED PA RNAMS, ,MYA NGAN ZHUGS KYIS MI BSREGS GSOL, ,ZHES BYA BA YIN TE, SKYE DGU BDE BAS RGYAL PO BDE ZHES BYA BA'I TSIG GIS SO, ,DA NI SPYAN STZAL MI RIGS SO, ,ZHES BYA BA DE MI RIGS PAR SGRUB PA STE, SPYAN @151A *, ,STZAL BAR MI RUNG BA'I DMIGS KYIS DBYE BA NI GZHAN NI STZAL BAR RIGS TE ZHES STON PA YIN TE, GZHAN YANG GANG DAG YIN ZHE NA, DE BSTAN PA'I PHYIR, DPAL CHEN SKYED PAR 'GYUR BA'I ZHES BYA BA LA SOGS PA'I TSIGS BCAD GNYIS SMOS PA YIN NO, ,DPAL CHEN BSKYED PA'I NOR ZHES BYA BA NYID KYIS NI 'DI'I NANG DU SBYIN PA'I DNGOS PO THAMS CAD 'DUS PA YIN TE, SPYAD PAR BYA BA DANG, YID DGA' BAR BYED PA DANG, BKRES PA DANG, SKOM PA'I SDUG BSNGAL ZLOG PAR BYED PA DANG, 'KHRIG PA'I 'DOD PA NYE BAR SPYOD PA'I BDE BA DANG, YO BYAD NI NOR LA SOGS PA YIN PAS DE LTAR SMOS PA YIN NO, ,RTZOD PA ZLOG PAR BYED PA YIN PAS NOR LA SOGS PA 'DI'I THA SNYAD DO, ,RIN CHEN ZHES BYA BA NI YID DGA' BAR BYED PAS SO, ,SHING RTA DANG GLANG PO SMOS PAS NI NGAL BA LAS GYUR PA'I SDUG BSNGAL SEL BAR BYED PA'O, ,RKANG GDUB 'KHROL BA'I SGRA RNAMS GRAG PA YI, ,ZHES BYA BA NI 'KHRIG PA'I 'DOD PA NYE BAR SPYOD PA'I YO BYAD DO, ,KHANG PA DUS RNAMS KUN TU BDE LDAN PA, ,ZHES BYA BA 'DIS NI RTZOD PA MED PAR 'GYUR BA YIN NO, ,SPYAN RTZAL BA MI RIGS PA DE DMIGS KYIS DBYE BA NI GZHAN GYI MIG GIS GZHAN LA JI LTAR SPYAR DU RUNG ZHES BYA BA LA SOGS PA'I TSIGS BCAD GNYIS TE, RGYU DE GNYIS KAS SPYAN STZAL BA DE MI RIGS TE, NYID KYI SPYAN STZAL KYANG DE'I MIG SKYE BAR MI 'GYUR BA'I PHYIR DANG, GAL TE 'BYUNG BAR GYUR NA NI KHYOD KYI SPYAN MA BYIN PAR YANG YOD PAR 'GYUR BA'I PHYIR RO, ,GZHAN DAG GO MIG GIS ZHES BYA BA 'DIS NI MIG 'BYIN PAR MI RIGS PA'O, ,MIG YOD KYANG NOR GYI PHUN SUM TSOGS PA MED PA DANG, GONG DU BSHAD PA'I NOR DANG LDAN PA GANG GCES PA YIN TE, MIG GCES PA YIN NAM, 'ON TE NOR DANG LDAN PAS GCES PA YIN CES BSAMS NA NOR NYID GTZO BO YIN TE, MIG DANG LDAN PA NOR MED PAR NI NYAMS PA NYID DU 'GYUR TE, MIG YOD KYANG NOR GYI PHUN SUM TSOGS PA MED PA DANG, NOR DANG LDAN ZHING MIG MED DE LONG BA NI BLA'I, PHONGS PA NI MA YIN TE, PHONGS SHING MIG DANG LDAN PAR GYUR NA GZHAN GYI 'BYOR PA MTHONG NA YID GDUNGS @151B PAR 'GYUR RO, ,'BYOR PA PHUN SUM TSOGS PA NI LONG NA YANG DBANG PO GZHAN GYIS NYE BAR LONGS SPYOD PA'I PHYIR RO, ,DE BAS DKOR LAS STZAL DU GSOL, ,ZHES BYA BA YIN TE, NOR NYID SBYIN PAR BYA'I SPYAN NI STZAL BAR BYA BA MA YIN ZHES PA'O, ,'DIR YANG SPYAN STZAL BAR MI RIGS PA DMIGS KYIS 'BYED PAS GZHAN NYID SNGAR BSHAD PA STE, NOR GZHAN DAG NI STZAL BAR RIGS SO, ,GCIG GI PHYIR NI ZHES BYA BA'I DBANG DU BYAS NAS DPAL BSKYED PA'I NOR ZHES BYA BA LA SOGS PA'I TSIGS BCAD GNYIS KYIS BSTAN PA YIN NO, ,GZHAN LA JI LTAR SBYAR DU RUNG,, ZHES BA NI DBYE BA'O, ,LHA GZHAN YANG ZHES BYA BAS CI ZHIG STON PAR 'GYUR ZHE NA NOR DANG MIG GNYIS 'DOD PA DE LA NOR NYID CHES PHAN PA YIN GYI, MIG SBYIN BA NI MA YIN NO ZHES STON PA YIN NO, ,GANG ZHIG SBYIN ZHES SMRAS NAS NI ZHES BYA BA LA SOGS PA'I TSIGS BCAD GSUM GYIS NI MIG SBYIN PA NYID RIGS PAR PHYOGS BLANGS NAS SMAS PA STE, BSAM PA NYAMS PA DANG, SBYOR BA NYAMS PA LAS BRTZAMS TE, GNYIS KYIS NI BSAM PA NYAMS PA'O, ,GCIG GIS NI SBYOR BA NYAMS PA STE, RGYU GSUM GYIS SO, ,SBYIN PA'I DNGOS PO LA CHAGS PA'AM, BDAG NYID LA CHAGS SHING NYAMS PAS 'JIGS PA'AM, PHONGS PA RNAMS KYI SDUG BSNGAL YAL BAR 'DOR PAS NI KHAS BLANGS PA'I DNGOS PO SBYOR BAR MI 'DOD PA YIN TE, SBYIN PA'I DNGOS PO LA CHAGS PA DE NYID MI RIGS PA'I DBANG DU BYAS NAS, GANG GIS SBYIN ZHES SMRAS NA NI, ZHES BYA BA LA SOGS PA'I TSIGS BCAD YIN TE, SKYE BO RNAMS NI SPYIN PA'I DNGOS PO LA CHAGS SHING 'DOD PA YIN PAS SO, ,'DOD PA GANG ZHE NA SBYIN PA DANG 'GAL BA'I SEMS KYIS KUN TU 'DZIN PA ZHES BYA BA'I TSIG GIS SO, ,BDAG LA CHAGS SHING NYAMS PAS 'JIGS PA'I DBANG DU BYAS NAS SBYIN NO ZHES NI KHAS BLANGS NAS ZHES BYA BA LA SOGS PA'I TSIGS SU BCAD PA YIN TE, GANG ZHIG YID LA GZHAN SEMS PA, ,ZHES BYA BA NI MI SPYIN PAR YID LA SEMS PA'O, ,SER SNAS MA NGES BLO CAN TE, ,ZHES BYA BA NI SER SNAS BDAG NYID LA @152A *, ,CHAGS SHING SBYIN PA DANG MI MTHUN PA YOD PAS SO, ,SER SNAS MA NGES PA'I BLO GANG YIN PA DE NI, SER SNAS MA NGES PA'I BLO CAN TE'O, ,MA NGES PAR GYUR PA DE NI PHYIS MI SBYIN PA'I SEMS YIN NO ZHES RJES SU SHES PA'O, ,PHONGS PA'I SKYE BO YAL BAR DOR BA'I DBANG DU BYAS NAS SBYOR BA, SBYIN NO ZHES NI KHAS BLANGS NAS, ,ZHES BYA BA LA SOGS PA YIN NO, ,BRTAN PAR BYAS NAS ZHES BYA BA NI CI NAS KYANG SBYIN PAR BYA'O ZHES KHAS BLANGS NAS SO, ,SLU BA'I TSIG NI RTZU BA PO YIS, ,ZHES BYA BA'I TSIG GIS PHONGS PA RNAMS KYI SDUG BSNGAL YAL BAR DOR BA'AM GZHAG PA DE'I TSIG SMRA BAR MI NUS PA YANG YIN TE, TSIG NI NGAG GI SBYOR BA'O, ,SKYIN BSAB PA NI CI YANG MED, ,CES BYA BA NI SHIN TU SDIG CHE'O ZHES BYA BA'I DON TO, ,DE LA DE NYID NGES PAR GZUNG BAS BSTAN PA NI GZHAN GYI MIG GIS GZHAN LA JI LTAR SBYAR DU RUNG ZHES BYA BA DE'I LAN 'DIS BSTAN PA YIN TE, RGYU GCIG GIS NI GRUB PA YI, ,ZHES BYA BA SMOS PA YIN TE, RKYEN GCIG GIS BSKYED PA NI CI YANG MED PA'I PHYIR RGYU RKYEN GZHAN LA MA LTOS PA'I MIG NI MED DO, ,RGYU RKYEN GZHAN LA LTOS PA NI LHA RNAMS KYIS BYAS PA'I MIG NYID KYANG SBYIN PAR BYA BA DANG, RGYU RKYEN GZHAN LA LTOS PAR 'GYUR BA YIN NO, ,SBYIN PA CHEN PO LA BGEGS BYA BA ZHES BYA BA NI NANG GI SBYIN PA NI SBYIN PA CHEN PO STE, PHYI ROL LAS KHYAD PAR DU GYUR PA YIN NO, ,GANG GI PHYIR NANG GI SBYIN PA NI SHIN TU DKA' BA YIN PAS DE DAG DANG MA 'DRES PA'O, ,SBYIN PA'I BGEGS BYED PAS MI TSUGS PA BSTAN PA YIN NO, ,DOGS BA SKYED PA'I MTSAN NYID THA MI DAD CING SBYIN PA'I BYE BRAG MIG SBYIN PA DGAG PA'I PHYIR YANG SMRAS PA, LHA NOR DANG 'BRU DANG RIN PO CHE DANG ZHES BYA BA LA SOGS PA SMOS TE, 'DI DAG SBYIN PA BGEGS BYAS PAR GYUR NA DE'I TSE BGEGS BYED PA YIN NA, DE LTA NI MA YIN GYI BDAG NYID SBYIN PA NYES PAR 'GYUR ZHES BSTAN PA YIN NO, ,GANG ZHIG SLONG BA DE NI SBYIN PAR BYA, ,ZHES PA'I TSIGS BCAD 'DI LTA STE, GZHAN YANG DE RNAMS KYI SBYIN PA'I BGEGS KYI NYES PAR BSGRUBS PA'I PHYIR, GANG ZHIG SLONG BA DE NI SBYIN PAR BYA ZHES BYA BA 'DIS TE, GANG @152B LAS SHE NA, SLONG BA DE NYID THOB CING SLONGS NAS NI DGA' BAR GYUR PA YIN TE, SBYIN PA LEN PA PO DGA' BAR 'GYUR BA'I DON YIN NO, ,DE LTAR RANG GI MIG SBYIN PA RIGS PAR BSTAN NAS NOR DANG 'BRU LA SOGS PA GZHAN NI DE LA BYIN YANG SBYIN PA MA YIN PAR BSTAN PA'I PHYIR, MI 'DOD PA NI BYIN YANG DGAR MI 'GYUR, ,ZHES BYA BA STE, 'DI NI MI MTHUN PA'I SBYIN PAS DGA' BAR MI 'GYUR BA BSTAN PA'I PHYIR BSHAD DE, 'DIS NI DGE BA SKYE BA'I MTHUS MI MTHUN PA DANG LDOG PA BSTAN PA YIN NO, ,MI SLONG BA DANG MI 'DOD PA SPYIN PA NI MI MTHUN CING DGOS PA MED PA'I PHYOGS YIN TE, JI LTA BU ZHE NA, DPES BSTAN PA'I PHYIR, CHUS KHYER BA LA CHUS YIS CI ZHIG BYA, ,ZHES PA YIN TE, CHOS MTHUN PA'I DPE'O, ,SKOM PA LA CHU'I SBYIN PA DANG 'DRA BAR BSLANGS PA'I DON NI 'DI LA SBYIN ZHES BYA BA SMOS TE, BLANGS PA DE NYID SBYIN NA SKYE BO DGA' BA KUN TU 'DZIN CING DGA' BA SKYE BAR 'GYUR RO, ,DE NAS RGYAL PO DE ZHES BYA BA LA SOGS PA'I 'DI'I BSDUS PA'I DON NI GANG SMRA BA DANG GANG GI PHYIR SMRA BA DANG, JI LTAR SMRA BA DANG, GANG LA SMRA BA ZHES BYA BA LA SOGS PA 'DI DAG STE, CI RIGS PAR SBYAR BAR BYA'O, ,LA LAS DKA' THUB TING 'DZIN ZHES BYA BA LA SOGS PA'I TSIGS BCAD 'DI'I BSDUS PA'I DON NI RGYAL SRID THOB PA'I RGYU DANG, 'BRAS BU DANG NGO BO NYID KYI KHYAD PAR YIN TE, RTAG TU BYED PA DANG YUN MI THUNG BAS DE'I DKA' THUB CHEN PO'O, ,DKA' THUB TING 'DZIN CHEN PO ZHES BYA BA NI DKA' THUB NYID TING 'DZIN YIN PAS DKA' THUB TING NGE 'DZIN NO, ,GANG DU RGYU SBYIN PA DANG, YANG DAG PAR SDOM PA LA SOGS PA'I MTSAN NYID YOD PA DE NI DKA' THUB TING 'DZIN CHO GA ZHES BYA'O, ,GUS PAR BYED PA'I RGYUS CHO GA ZHES BYA STE, CHOG NYAMS NA NI GANG GIS KYANG NGAM, THAMS CAD KYIS LUS NYON MONGS PAR BYAS TE RTAG TU DKA' THUB DANG THOS PA LA BRTEN KYANG, GUS PAR SBYOR BA'I CHO GA NYAMS NA MI THOB PO, ,'DIS NI RGYAL SRID THOB PA'I RGYU BSTAN TO, ,MANG PO JI LTAR BSTAN PA'I MCHOD SPYIN BRGYA PHRAG YIN TE, 'DIS NI JI SRID DU BSTEN PAR BYAS PA'O, ,GRAGS PA NI MTHONG BA'I @153A *, ,CHOS KYI 'BRAS BU STE, MTHO RIS ZHES BYA BA NI 'JIG RTEN PHA ROL LO, ,DE LTAR JI LTAR BSTEN PA STE RTAG TU BSTEN PA DANG GUS PAR BYA BA'I SBYOR BA'I MCHOD SBYIN CHEN PO MANG POS 'BRAS BU CI ZHIG THOB CE NA, SMRAS PA, MTHONG BA'I CHOS LA NI GRAGS PA'O, , 'JIG RTEN PHA ROL GYI 'BRAS BU NI MTHO RIS SO, ,'DIS NI 'BRAS BU PHUN SUM TSOGS PA BSTAN TO, ,BRGYA BYIN DANG 'GRAN PA'I LONGS SPYOD CES BYA BAS NI RANG BZHIN PHUN SUM TSOGS PA BSTAN TO, ,CI ZHIG MTHONG NA ZHES BYA BA NI 'BRAS BU ZHES BYA BA'I DON TO, ,CI ZHIG MTHONG NAS MIG SBYIN ZHES BYA BA'I DON TE, GANG SBYIN PA DE THAMS CAD 'BAD PA MED PAR YOD DO, ,ZHES PA'O, ,CHO GA 'DI NI SU LAS LOBS ZHES BYA BA NI CHO GA 'DI ZHES BYA BA NI 'BRAS BU YANG DAG PAR 'THOB CES BYA BA'I LUNG NGO, ,SU LAS LOBS ZHES BYA BA NI GANG GIS BSTAN CES BYA BA'I TSIG STE, RTZE ZHIG MTHONG NAS KHYOD KYIS MIG SBYIN ZHES BSTAN PA YIN NO, ,GANG GI DON DU SBYIN PA DE THAMS CAD KYANG PHUN SUM TSOGS PA BSTAN PA'I PHYIR SMRAS PA, MCHOD SBYIN BYAS PAS SUM CU RTZA GSUM NYE, ,ZHES BYA BA'I TSIGS BCAD 'DI YIN NO, ,DE'I PHYIR RGYU NI SNGAR BYAS ZIN PAS SO, ,JI LTA BU ZHE NA, MCHOD SBYIN BYAS PAS ZHES BYA BA LA SOGS PAS SO, ,GAL TE 'JIG RTEN 'DI'I 'BRAS BU GRAGS PA DANG, TSIG BTZUN PO 'DOD NA NI DE GNYI GA YANG PHUN SUM TSOGS PA BSTAN PA'I PHYIR, GRAGS PAS KUN TU RAB TU GSAL GYUR RING, ,MI DBANG GTZUG GI 'OD KYIS RKANG BRGYAN PA, ,ZHES BYA BA STE GO RIMS BZHIN DU SBYAR RO, ,CI ZHIG 'DOD PHYIR MIG NI SBYIN PAR BYED, ,CES BYA BA NI GANG GI DON DU BSTAN PA DE CI ZHIG MTHONG NA, KHYOD KYIS MIG SBYIN ZHES BYA BA STE, DE NYID 'DIR YANG BSTAN PA YIN NO, ,SA KUN 'THOB PHYIR DANG MTHO RIS DANG THAR PA STE 'JIG RTEN PHA ROL GYI 'BRAS BU'O, ,SA KUN THOB PA DANG MTHO RIS 'THOB PA ZHES BYA BA 'DI GNYIS NI MNGON PAR MTHO BA'I DBANG DU BYAS PA'O, ,THAR PA NI NYAN THOS DANG RANG SANGS RGYAS KYI 'BRAS BU STE, 'DIS NI NGES PAR LEGS PA 'THOB PA'I DBANG DU BYAS PAS SO, ,GRAGS @153B PA NI MTHONG BA'I CHOS KYI 'BRAS BU'O, ,SLONG BA RNAMS MTHONG BA'I CHOS LA 'BRAS BU'AM DON MED PAR RO, ,'JIG RTEN BSKYAB PHYIR ZHES BYA BA NI SANGS RGYAS KYI GO 'PHANG THOB PAR BYA BA'I GNAS SKABS KYI DON NO, ,SMAN DPYAD LAS BYUNG BA ZHES BYA BA'I SMAN DPYAD LAS BYUNG BA JI LTA BU ZHE NA, SMRAS PA DAL BUS DANG MA SNAD PAR RO, ,YANG NA SMAN DPYAD LAS BYUNG BA BZHIN DU ZHES BYA BA'I SMAN YIG LAS BYUNG BA BZHIN DU STE, PHYOGS GANG DU MTSON GTANG BAR BYA BA DANG, JI LTAR DBYUNG BA STON PA YIN TE, DAL BUS BYA BA DANG MA SNAD PAR RO, ,DE LTAR PHYUNG BA LA RAB TU DGA' BA BZHIN DU ZHES 'BYIN PA DNGOS TE, LAS KYI DUS NA SEMS DANG BA GANG BCOM LDAN 'DAS KYIS GSUNGS PA DE STON PA YIN TE, SBYOR BA'I TSE NA MCHOG TU DGA' BA DANG, BYIN NAS KYANG YID DGA' BAR BYED PA STE, GANG BCOM LDAN 'DAS KYIS GSUNGS BA DE STON TO, ,SLONG BA NI DON BSGRUB PA'I PHYIR SLONG MO PA'I MIG TU GNAS PAR GYUR PA NI MIG GIS MTHONG BAR BYA BA'O, ,PADMA DANG BRAL BA'I PADMA'I MTSO GANG YIN PA DE NI PADMA'I MTSO'O, ,DE LTA BU'I BZHIN GANG LA YOD PA DE NI PADMA MED PA'I PADMA'I MTSO 'DRA BA'I GDONG NGO, ,GZHAN LA MED PA'I RAB TU DGA' BAR GYUR, ,ZHES BYA BA NI SKYE BO DANG THUN MONG MA YIN PA'I DGA' BA YIN TE, DE LTAR NA SKYE DGU DANG RGYAL PO NI DE LTAR SKYE DGU BDE LA RGYAL PO YANG BDE, MI BDE NA YANG DE BZHIN NO ZHES PA'I TSIG GIS RGYAL PO NYID MYA NGAN SKYES PA YIN MOD KYI, 'ON KYANG DGA' BSKYE BA YIN TE, 'DI NI SKYE BO GZHAN LA MED PA'I DGA' BA'O, ,BRAM ZE'ANG MIG DANG LDAN PAR MTHONG, ,ZHES BYA BA NI 'KHOR GYIS ZHES BYA BAR SBYAR[?] RO, ,'KHOR GZHAN RNAMS LA MED PA'I RAB TU DGA' BA DE NYID MED PAR BSTAN PA'I PHYIR, RGYAL PO'I BTZUN MO'I 'KHOR ZHES BYA BA LA SOGS PA 'DI'I DON YIN NO, ,AE MA'O BRTAN ZHING ZHES BYA BA NI RANG GI BDE BA LA 'DOD PA MED PA'I BRTAN PA'O, ,AE MA'O SNYING STOBS CHE ZHES BYA BA NI RANG GI MI BDE BA LA 'JIGS PA MED PA'O, ,DE GNYI GAS KYANG SHES RAB KYI YON TAN BSTAN TO, ,AE MA'O SEMS CAN PHAN 'DOGS PA, ,ZHES BYA BA 'DIS @154A *, ,NI SNYING RJE'I YON TAN STON TO, ,SHES RAB DANG SNYING RJE DE GNYIS KA SMOS PA DE GNYIS BSGOMS PAS BYANG CHUB PA STE, DE GNYIS KA YANG RGYUR GYUR PA'I PHYIR BYANG CHUB SEMS DPA'I SGRUB PA'O, ,MI GNAS PA'I MYA NGAN LAS 'DAS PA DANG, RAB TU GNAS PA'I MYA NGAN LAS 'DAS PA'I RGYUR GYUR CING, DE GNYI GA YANG KUN NAS NYON MONGS PA YANG MTHAR BYED CING SPONG BAS NA SEMS DPA' CHEN PO'I RAB TU SGRUB PA'O, ,DE BAS NA ZHES BYA BA NYID SEMS CAN LA PHAN 'DOGS PAS NA'O, ,YANG NA SHES RAB DANG SNYING RJE'I YON TAN GNYIS DANG LDAN PAS SO, ,NGO MTSAR CHE BA'I SEMS CAN ZHES BYA BA NI GANG GI PHYIR BRTAN PA DANG, SNYING STOBS CHE BA DANG, SEMS CAN LA PHAN 'DOGS PAR BYED PA STE, SEMS CAN ZHES BYA BA NYID SMOS PA YIN NO, ,YUN RING POR 'DI LTAR NYON MONGS SU GZHUG PA'I MI RIGS ZHES BYA BA 'DI LTAR BRJOD PAR 'DOD DE, YONGS SU NYON MONGS PA LA 'JIGS PA MED PA'I RGYUR GYUR PA, DE NYID SEMS CAN GYI YON TAN NYID YIN TE, SEMS CAN GYI YON TAN DU GZUNG NGO, ,MIG GI RMA NI SOS ZHES BYA BA NI MIG GI GNAS KYI RMA ZHES BRJOD PA YIN NO, ,MIG GI RMA NI SOS ZHES BYA BA'I TSIG GIS NI GNAS KYIS GNAS PA STON TE, JI LTAR RGYAL PO MDUN SAN MI SNANG YANG, RGYAL PO'I GNAS SU STON PA DANG 'DRA'O, ,BSRABS SHING SANGS PA ZHES BYA BA LA BSRABS PA YIN, SANGS PA YIN PAS BSRABS SHING SANGS PA'O, ,BTZUN MO'I 'KHOR DANG PHO BRANG 'KHOR GYI MI RNAMS NI BTZUN MO'I 'KHOR DANG PHO BRANG 'KHOR GYI MI RNAMS SO, ,BTZUN MO'I 'KHOR ZHES SMOS PAS NI BTZUN MO'I 'KHOR NA SPYOD PA'I SKYE BO YIN PAS DE SKAD CES BYA'O, ,YANG NA BTZUN MO'I 'KHOR GYI SGRA NYID 'KHOR GYI MI RNAMS LA 'JUG GO, ,BTZUN MO'I 'KHOR DANG PHO BRANG 'KHOR GYI MI RNAMS KYI MYA NGAN NI BTZUN MO'I 'KHOR DANG PHO BRANG 'KHOR GYI MYA NGAN NO, ,BSRABS SHING SANGS PA NI BTZUN MO'I 'KHOR DANG PHO BRANG 'KHOR GYI MI RNAMS KYI MYA NGAN GANG YIN PA STE, BTZUN MO'I 'KHOR DANG PHO BRANG 'KHOR GYI MI RNAMS KYI ZHES DE LTAR BSDU BAR BYA'O, ,'DIR RGYAL POL NI MYA NGAN MED PA YIN TE, 'ON KYANG @154B BTZUN MO'I 'KHOR DANG PHO BRANG 'KHOR GYIS NI RGYAL PO DE MYA NGAN YOD DE, BTZUN MO'I 'KHOR LA SOGS PA'I TSIG GI 'BREL PA CUNG ZAD YOD DE, SKYE DGU BDE NA NI RGYAL PO BDE ZHES BYA BA'I TSIG GIS SO, ,DE BSTAN PA'I PHYIR, RGYAL PO DE NYID KYI MYA NGAN DANG BCAS PA NI GANG BTZUN MO'I 'KHOR LA SOGS PA YIN NO ZHES BSTAN PA YIN NO, ,RAB TU DBEN PA 'DOD PA'I PHYIR ZHES BYA BA NI SKYE BA GZHAN DU DPEN PA LA GOMS PA STON PA'O, ,RDZING BU'I 'GRAM NA ZHES BYA BA NAS SKYIL MO KRUNG BCAS TE ZHES BYA BA'I BAR GYI TSIG GI BSDUS PA'I DON NI MIG GNYIS MED PAS MIG GI YUL MA BSTAN TE; REG BYA DANG, DRI DANG, SGRA'I YUL DANG LDAN PA YIN NO, ,DES KYANG YID DU 'ONG BAR BSTAN PA YIN TE, JI LTAR RIGS PAR SBYAR BAR BYA'O, ,BRGYA BYIN MDUN DU 'ONGS NAS 'DI SU ZHES DRIS PA STE, MI LAS KHYAD PAR DU GYUR PA ZHIG YIN PAR RTOGS SO, ,YANG NA LHA'I DBANG PO NYID KYIS RANG 'ONGS PAR BRDA PHRAD PA'I PHYIR RKANG PA'I SGRA BYAS PAR GYUR TO, ,GZHAN DU NA DRI BA'I SKABS MED PAR 'GYUR RO, ,'DI SU ZHES DRIS PA DANG, 'DI LTAR DE NYID SMRAS PA, KHYOD KYI DRUNG DU 'ONGS SO ZHES PA STE SKABS DBYE BA'I PHYIR RO, ,BKA' STZAL DU GSOL ZHES BYA BA'I TSIG NI ZHE SA DANG BCAS PA DANG ZHES BYA BA YIN TE, MDUN BSU BA LA SOGS PA SNGON DU 'GRO BA ZHES BYA BA'I DON TO, ,MCHOG SLONGS SHIG ZHES BSHAD PA NI CI 'DOD PA SMOS SHIG CES BYA BA'I THA TSIG GO, ,MCHOG 'DI NYID DU NGES PAR GZUNG BA'I DNGOS PO BSTAN PA'I PHYIR, BRGYA BYIN BDAG LA NOR MANG ZHING; ,ZHES BYA BA'I TSIGS BCAD 'DIS BSTAN PA YIN TE, 'DI LUS SU GZHAG PA NI MCHOG SLONG BA'I 'BYOR PA'I MTSAN NYID RNAM PA GNYIS TE, PHYI ROL GYI DNGOS PO DANG 'BREL PA DANG, NANG GI DNGOS PO DANG 'BREL PA DANG, DE GNYI GA'I DON BSTAN PA'I PHYIR PHYI ROL YANG RNAM PA GNYIS TE; SEMS CAN DANG SEMS CAN MA YIN PA'O, ,SEMS CAN MA YIN PA NI NOR DANG 'BRU LA SOGS PA YIN TE, NOR MANG ZHES BYA BA SMOS PA'O, ,MANG PO ZHES BYA BA SMOS PAS NI DE LAS GZHAN PA'I SEMS CAN MA YIN PA GZUNG NGO, ,SEMS CAN NI MTHU DANG GUS PA DANG LDAN PAR BSTAN PA STE, @155A *, ,DMAG TSOGS CHE LA ZHES SMOS PAS SO, ,PHYI ROL DANG SEMS CAN MTHA' DAG PHUN SUM TSOGS PA BZUNG BAS NI NANG GI DNGOS PO YANG PHUN SUM TSOGS PAR BSTAN TO, ,'ON KYANG SNGAR DE LTA BU'I RNAM PA YIN NA YANG LONG BA DAG LA MIG BYIN PAS DES NA MCHOG 'DI SLONG NGO ZHES BYA BA YIN TE, LONG BAR GYUR PAS ZHES BYA BA SMOS PA YIN NO, ,GANG GONG DU BSTAN PA DE BSTAN PAS NGO MTSAR MI CHE ZHING RLABS CAN DU ZHES BYA BA YIN TE, 'DI NI NGO MTSAR MI CHE ZHING BRTAN BAS RLABS CAN DU SMRAS PA STE, NGO MTSAR MED PAS GANG GI PHYIR MCHOG DANG MCHOG MA YIN PA TSOL BA LA'O, ,BDAG NYID KYI YON TAN DANG LDAN PAS SNGON MA BYUNG BA'I NGO MTSAR MED PA'I PHYIR RO, ,NOR MANG PO YOD CING DMAG TSOGS CHE LA MTHU DANG YANG LDAN PA YIN NO, ,GAL TE DE LTAR GNYI GA DANG LDAN PA YIN NA CI'I PHYIR MCHOG TSOL BAR BYED CE NA, DE BSTAN PA YIN NA, LONG BAR GYUR PAS 'DI LTA BU'I GNAS SKABS 'DI LAS NI 'CHI BA NYID 'DOD DO ZHES MCHOG SLONG BA'I TSIG GI RNAM PA YIN NO, ,NGO MTSAR MI CHE BA DANG RLABS CAN DU SMRA BA NI GANG GIS MCHOG KYANG MI LEN PA STE, DE BAS NA DE SMOS SO, ,BDAG LA NOR MANG ZHES BYA BA'I TSIGS BCAD 'DI'I DON GZHAN DU NI BSOD NAMS KYI TSOGS KYI 'BRAS BU'I MTSAN NYID NI RNAM PA GSUM STE MCHOG SBYIN PAR BYA BA DANG, KHYOD KYIS SBYIN PAR BYA BA DANG, BDAG LA SBYIN PA'O SBYIN PAR BYA BA DE LAS NI GNYIS YOD DE, BZOD PA'I BSOD NAMS KYI TSOGS KYI 'BRAS BU'I MTHU DANG LDAN PA DANG, DMAG TSOGS YOD PA'O, ,DA NI ZHES BYA BAS NI TSUL KHRIMS KYI BSOD NAMS KYI TSOGS KYI 'BRAS BU NANG GI PHUN SUM TSOGS PA YIN TE, DE YANG YOD PA LAS MED PA STE, GANG YIN ZHE NA, MIG MED PA'O, ,DE MCHOG 'DI SLONG NGO ZHES BYA BA NI 'DI LTAR LONG BA'I GNAS SKABS SU GYUR PAS 'CHI BA 'BA' ZHIG MNGON PAR 'DOD CES BYA BA YIN NO, ,SNGAR BSHAD PA STE, NGO MTSAR MI CHE BA'I RLABS CAN DU 'DIS BSTAN PA YIN TE, TSIGS BCAD 'DI'I DON GYIS SO, ,TSIGS BCAD KYI DON GNYIS SU YANG 'GYUR BA STE, LONG BAR GYUR PAS ZHES BYA BA NI LNGA PA RGYU'I MTSAN @155B NYID DE, LONG BA NYID KYI RGYUS 'CHI BA 'BA' ZHIG MNGON PAR 'DOD CES SBYAR TE, 'DI LTAR 'DI'I DON DU YANG 'GYUR RO, ,'DI LTA'I GNAS SKABS GYUR BYAS NAS, ,ZHES BYA BA NI MIG MED PA'I GNAS SKABS SO, ,DA NI DE LA KHYOD KYI YID NI CI SNYAM SEMS, ,ZHES BYA BA NI 'DI DANG RJES SU MTHUN PA'I TSIG BSHAD PA STE, TSIG RKANG GSUM GYIS SO, ,CI NAS YID NI RAB TU CHES PAR 'GYUR BA RU, ,ZHES BYA BA NI DE DANG RJES SU MTHUN PAR BSHAD, ,BDAG GI MIG NI YA GCIG MTHONG BAR SHOG ,CES BYA BA'I BDEN PA'I BYIN RLABS KYI MTHU ZHES BYA BA NI DA LTAR BYUNG BA'I DGE BA'I SEMS KYI STOBS SO, ,BSOD NAMS SPEL BA'I KHYAD PAR GYIS, ,ZHES BYA BA NI RGYA'I STOBS SO, ,JI LTA BU'I BSOD NAMS BSAGS PA'I KHYAD PAR GYIS SHE NA SMRAS PA, MIG GI SBYIN PA LA BYUNG BA'I LAS BYAS PA LAS NYE BAR BSAGS PAS SO, ,DE SKAD SMRAS MA THAG TU ZHES BYA BA NI BDEN PA'I BYIN GYI RLABS KYI MTHUS SKYES MA THAG NYID DO, ,AANDA RNYIL GYIS SPRAS PA ZHES BYA BA LA SOGS PAS NI BDEN PA'I BYIN GYI RLABS KYI STOBS KYIS MIG KHYAD PAR CAN SKYES PAR STON PA YIN NO, ,MIG SNGA MA LA 'GRAN PA BZHIN ZHES BYA BA NI SNGAR SKYES PA'I MIG GI YON TAN DANG LDAN PA BZHIN ZHES BYA BA'I DON TO, ,LHA RNAMS KYIS NI RNGA BO CHE DAG KYANG, ,ZHES BYA BA LA SOGS PAS NI REG PAR BYA BA DANG BLTA BAR BYA BA DANG, BSNAM PAR BYA BA STE DON GSUM STON TO, ,YID DU'ONG BA ZHES BYA BAS NI, REG PAR BYA BA'O, ,RGYAL PO'I SPYOD MCHOG BSTOD PA'I GZHI ZHES BYA BA NI DON PHUN SUM TSOGS PA'O; ,SNYAN PA'I TSIG RNAMS KUN TU ZHES BYA BAS NI SGRA PHUN SUM TSOGS PA BSTAN TO, ,SPYOD MCHOG BSTOD PA'I GZHI ZHES BSTAN PA'I SPYOD PA'I MCHOG GI GZHI DE NYID KYI DBANG DU BYAS NAS SMRAS PA, KYE MA'O RLABS CHEN ZHES BYA BA NAS, ,KHYOD KYIS 'GRO BA MGON BCAS BGYIS PA LEGS,, ZHES BYA BA LA SOGS PA STE, KYE MA'O RLABS CHEN ZHES BYA BA'I BSDUS PA'I DON NI 'DI YIN TE, SBYOR BA PHUN SUM TSOGS PAS BSAM PA PHUN SUM TSOGS PA BSTAN TO, DANG PO'I GNYIS PO STE, KYE MA'O RLABS CHEN ZHES BYA BA 'DIS NI SBYIN PA'I DBANG PO LA CHAGS PA MED PAR BSTAN TO, , @156A *, ,AE MA'O SNYING RJE CAN ZHES BYA BA 'DIS NI RAB TU 'DZIN PAR BYED PA'I SNYING RJE DANG LDAN PA STE, 'DI GNYIS KYI PHYIR SBYOR BA PHUN SUM TSOGS PA'O, ,'DI YI SEMS NI JI LTAR RNAM DAG LTOS, ,ZHES BYA BA 'DIS NI 'BRAS BU YONGS SU 'GYUR BA'O, , AE MA'O BDAG GI BDE LA SEMS MA CHAGS, ,ZHES BYA BA 'DIS NI BDAG LA CHAGS PA MED PA YIN TE, GNYIS KAS KYANG BSAM PA PHUN SUM TSOGS PA BSTAN PA'O, ,DES NA DE NYID BRTAN ZHING DPA' MCHOG CES BYA BA YIN TE, BRTAN PA NI BRTAN PA'I BSAM PA STE SEMS RNAM PAR DAG PA DANG, BDAG NYID GYI BDE BA LA MA CHAGS PAR DES BSTAN TE, ,DANG PO'I GNYIS PO 'DIS NI DPA' BA STE, SBYOR BA PHUN SUM TSOGS PA DES SO, ,DE LTAR DANG PO'I TSIGS BCAD KYIS MIG SBYIN PA'I SPYOD PA GZHI LAS BSTOD PA'I DBANG DU BYAS PA'O, ,PADMA'I SPYAN RGYAS ZHES BYA BA LA SOGS PA 'DIS NI MIG RNYED PA'I SGO NAS BSTOD PA YIN TE, MGON DANG BCAS PAS SO, ,BSOD NAMS TSOGS NI DON YOD PA, ,ZHES BYA BA 'DIS NI DON GYIS TE, BRGYA BYIN GYI MCHOG LA LTOS PA MED PAR BDEN PA'I BYIN GYIS RLABS KYIS RANG GI MIG SLAR RNYED PA'O, , BYIN GYIS ZHES BYA BA NI BDEN PA'I BYIN GYIS RLABS KYIS SO, ,RGYAL BA NI BRGYA BYIN MCHOG LA MA LTOS PAR RANG GI MIG SLAR RNYED PA'O, ,BSAM PA DAG PA NI DE TSE DANG NI DA LTAR SLONG RNAMS KYI ZHES BYA BA DANG, GANG YANG BDAG LA YA GCIG MIG BSLANGS NA, ,ZHES BYA BA'I TSIGS BCAD GNYIS BSTAN PA DE'I DBANG DU BYAS PA'O, ,DE LTAR ZHES BYA BA NI SLONG BA RNAMS KYIS 'DI LTA'I GNAS SKABS ZHES GANG BSHAD PA'I TSIGS BCAD DES BSTAN TO, ,DPAG TSAD BRGYA NI KHOR YUG TU, ,ZHES BYA BA NI RING DU BSTAN PA'O, ,BRAG RI RNAMS KYIS BAR BCAD KYANG; ,ZHES BYA BA NI SGRIB G-YOGS BSTAN TO, ,DE GNYI GA MTHONG BA NI LHA'I MIG GI MTSAN NYID YIN NO, ,BRAG RI RNAMS KYIS BAR BCAD KYANG, ,ZHES BYA BAS NI BAR DU GCOD PA GZHAN BSTAN PA YANG RAB TU 'GRUB BO, ,YA MTSAN CHE ZHING SEMS RAB TU DGA' BAR 'GYUR @156B BA'I MIG GIS ZHES BYA BA LA, YA MTSAN CHE BA NI MIG NYAMS PA LAS YANG BSKYED PA'O, ,SEMS RAB TU DGA' BAR GYUR PAS NI DES NA MGON DANG BCAS PAR BYAS PAS SO, ,RAB TU SBYIN PA'I BSOD NAMS LAS GYUR PA'I, ,ZHES BYA BA LA SOGS PA'I TSIGS BCAD GSUM GYIS NI SBYIN PA RAB TU BSGRUBS PAR BSTAN PA'I PHYIR RO, ,SHI BI PA RNAMS DE LTAR RIG BYAS ZHES BYA BA'I TSIGS SU BCAD PA 'DIS NI YANG DAG PAR 'DZIN DU GZHUG PA'O, ,'JIG RTEN PHAN PHYIR SBYIN PA GANG BYIN PA, ,ZHES BYA BA'I TSIGS BCAD DE 'DIS NI SHI BI PA RNAMS DE LTAR RIG BYAS NAS ZHES BYA BA'I TSIG DE NYID SGRUB PA STE, PHYI ROL GYI NOR GYI SBYIN PA GYIS SHIG CES BYA BAR BSHAD PAR BYA'O, ,LHA'I MTHU LDAN ZHES BYA BA NI LHA'I MTHU BZHIN DU GANG GIS NUS PAS MIG GNYIS KYIS MTHONG BA DE NI MIG GIS MTHONG BAS DE LHA'I MTHU'O, ,RAB TU SBYIN PA'I BSOD NAMS LAS GYUR PA; ,ZHES BYA BA NI MIG RAB TU SBYIN PA'I BSOD NAMS LAS GYUR PA STE, LHA'I MTHU LDAN ZHES BSTAN PA DE'O, ,LHA'I MTHU LDAN ZHES BYA BA DE NYID BSTAN PA'I PHYIR, ,DPAG TSAD BRGYA NI TSUN CHAD DU, ,ZHES BYA BA'I TSIGS SU BCAD PA YIN NO, ,SHIN TU RING NA GNAS PA YANG, ,BLTA BAR BYA BA GSAL BAR MTHONG; ,ZHES BYA BA NI NYE BAR GNAS PA BZHIN DU RNAM PAR GSAL BA YIN PA'I PHYIR NYE BAR GNAS PA BZHIN DU GSAL BAR MTHONG BA'O, ,BLTA BAR BYA BA ZHES BYA BA NI PHYOGS KUN TU STE, 'OG DANG STENG DU YANG MNGON SUM DU DMIGS SO, ,SBYIN PA'I MTHONG BA'I CHOS KYI 'BRAS BU BSTAN PA DANG, PHA ROL TU MNGON PAR MTHO BA RAB TU BSGRUB PA'I PHYIR, GANG PHYIR MI YI MIG NI ZHES BYA BA'I TSIGS BCAD BSTAN TE, GZHAN DAG LA BRTZE BA NI GZHAN DAG LA SNYING BRTZE BA STE SNYING RJE ZHES BYA BA'I DON TO, ,'DIS NI BZOD PA BSTAN TA, ,GZHAN LA BRTZE BA DANG DUL BA'I TSUL NI GZHAN LA BRTZE ZHING DUL BA'O, ,DE LAS SKYES PA NI GZHAN LA BRTZE ZHING DUL BA LAS BYUNG BA'O, ,DE BAS NA MNGON PAR MTHO BA SBYIN PA'I 'BRAS BU STE LONGS SPYOD PHUN SUM TSOGS PA'O, ,TSUL KHRIMS KYI 'BRAS BU NI GOMS PA'I DNGOS PO PHUN SUM TSOGS PA'O, BZOD @157A *, ,PA'I 'BRAS BU NI 'KHOR PHUN SUM TSOGS PA'O, ,MNGON PAR MTHO BA'I THABS KYANG RNAM PA GSUM STE, GANG PHYIR MI YI MIG NI ZHES BYA BA'I TSIGS BCAD PHYED PA BSGRUB PA'I PHYIR, SBYIN DANG SPYAD PAS NOR RNAMS DON YOD BYOS, ,ZHES BYA BA GNYIS KA BZUNG BA YIN NO, ,GSUM PA NI MA BYIN ZHING GZHAG PA DE BZLOG PA YIN TE, 'JIG RTEN 'DI DANG GZHAN LA BDE BA 'BYUNG BA'I LAM ZHES BYA BA 'JIG RTEN 'DIR NI GRAGS PA GTZO BO YIN PAS 'JIG RTEN 'DIR BDE BA 'BYUNG BA'O, ,LAM NI GANG GI PHYIR LONGS SPYOD DO, ,DE BAS NA DON YOD BYOS ZHES BYA BA YIN TE, SBYIN DANG SPYAD PAS NOR RNAMS DON YOD ZHES BYA BA'O, ,'DIR DON GNYIS PO DE RAB TU BSGRUB PA DANG SKYON BSTAN PA'I PHYIR BSHAD PA STE, MNGON PAR 'DOD PA NI KHYAD PAR DU 'PHAGS PA'I GTER BSTAN PA'I PHYIR DANG, NGES PAR LEGS PA'I LAM NYE BAR BSTAN PA'I PHYIR, 'JIG RTEN PHAN PHYIR ZHES BYA BA'I TSIGS BCAD BRTZAMS PA YIN NO, ,SNYING PO MED PA'I ZHES BYA BA NI SNYING PO MED PAS MI GCES PA NI SNYING PO MED PA'O, ,DE'I SNYING PO NI GANG BYIN PA'I SNYING PO YOD PA STE, BYIN PA GANG YIN PA STE GANG BTANG BA DANG SNYING PO'O, ,'JIG RTEN PHAN PHYIR ZHES BYA BA NI SANGS RGYAS NYID DU MNGON PAR 'DOD PA STE, 'DIS NI KHYAD PAR DU NGES PAR LEGS PA'I LAM BSTAN TO, ,JI LTAR SBYIN PA SBYIN PAR BYA BA YIN ZHE NA, SMRAS PA, SBYIN PA BYIN NA GTER DANG 'DRA BAR 'GYUR, ,ZHES BYA BA STE, MNGON PAR 'DOD PA GANG YIN PA DE KHYAD PAR DU GYUR PA'I GTER YIN PAS BTANG BA BYAS NA NI 'KHOR BA'I SKYE BA GZHAN DAG TU NYE BAR LONGS SPYOD PAR 'GYUR TE, DE LA SBYIN PA BYIN NA ZHES BYA BA'I DON TO, ,SHIN TU CHUD ZOS 'GYUR ZHES BYA BA NI GTER RNAM PAR NYAMS PA STE, GCIG TU CHUD ZOS PA GANG YIN PA DE NI SHIN TU CHUD ZOS 'GYUR ZHES BYA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS YUL SHI BI PA'I SKYES PA'I RABS SO,, ,,SEMS RAB TU DANG BA LAS BYUNG BA ZHES BYA BA NI SEMS DAM PA DANG KHYAD PAR DU GYUR PA @157B LAS BYUNG BA'O, ,CHUNG ZHES BYA BA NI SBYIN PA'I DNGOS PO CHUNG ZHES BYA BA MED CES BYA BA'I DON TO, ,RAB TU BYED PA NI JI LTA BA BZHIN DU YOD PA'I RGYAL PO'I YON TAN NO, ,GYUR ZHES BYA BA NI BDAG NYID PHUN SUM TSOGS PA YIN TE, 'DIS NI YON TAN DANG LDAN PAR BSTAN TO, ,SKAL BA PHUN SUM TSOGS PA NYID YON TAN YIN PAS SKAL BA PHUN SUM TSOGS PA'I YON TAN NO, ,DE NYID BZANG PO STE BLTA NA SDUG PAR GYUR PAS SO, ,ZLA BA LTA BU NI RGYAL PO YIN LA, 'OD LTA BU NI DE'I YON TAN NO, ,STON KA LTA BU NI SKAL BA PHUN SUM TSOGS PA'O, ,KHROS PA'I RJES SU 'BRANGS PA'I DPAL DE LA GNAS TE, GANG LAS SHE NA, 'DI LTAR DE'I DGRA DREGS PA RNAMS KYANG BTANG ZHES PAS SO, ,BYAMS PA'I RJES SU 'BRANG BA'I DPAL DU YANG 'GYUR TE, GANG LAS SHE NA, DE LA BRTEN PA RNAMS LA CHAGS ZHES BYA BA YIN TE, SPRO BA PHUN SUM TSOGS PA DANG LDAN ZHES BYA BA'I DON TO, ,DE'I DGRA DREGS PA RNAMS KYANG BTANG BAS DPAL ZHES BSHAD PA DE NI BYANG CHUB SEMS DPA' LA NYES PA DANG BCAS TE MI MTHUN PA YIN PAS SNYING RJE'I YON TAN DANG 'GAL BAR SNANG NGO ZHE NA, DE'I LAN BSTAN PA'I PHYIR, DE NI CHOS KYI BDAG NYID GYUR PAS NA ZHES BYA BA'I TSIGS BCAD BRTZAMS PA YIN TE, GZHAN GYI GNOD PA NI GZHAN LA GNOD PA'O, ,DES GDUG PA NI GZHAN LA GNOD PA'I GDUG PA'I SEMS SU MA GYUR PA'O, ,GAL TE GZHAN LA GNOD CING GDUG PA'I SEMS SU GYUR NA NI SNYING RJE'I YON TAN DANG 'GAL BA'I SKYON DU 'GYUR GYI DE MED PAS SO, ,CI'I PHYIR ZHE NA, DE SMRAS PA, CHOS KYI BDAG NYID DU GYUR PA ZHES PAS SO, ,DE LTA NA NI JI LTAR DE'I DGRA MTSON CHA BTANG ZHE NA DE BSGRUB PA'I PHYIR, 'BANGS KYANG DE LA GLO BA NYE BAR GYUR, ,ZHES BYA BA YIN TE, GLO BA NYE BA NI DE'I 'BANGS RJE LA SNYING NYE BA DES DPAL MNGON PAR SBYOR BAR BYED DE, BYANG CHUB SEMS DPA' MA YIN PA'O, ,DE BDAG GI TSE SNGA MA 'DAS PA ZHES BYA BA LA, 'DAS PA ZHES SMOS PAS NI, SNGA MA'I KHYAD PAR BSTAN PA'I PHYIR RO, ,BDAG GI @158A *, ,ZHES SMOS PAS NI, TSE RJES SU DRAN PA'I KHYAD PAR BSTAN PA'I PHYIR TE, GZHAN GYI SKYE BA DRAN PA DGAG PA'O, ,RAB TU SKYO BAR GYUR NAS, ZHES BYA BA NI, 'KHOR BA'I GNAS SKABS RTOGS SHING TSE SNGA MA LA DBUL BA DE RJES SU DRAN PA'I RGYUS SA, ,SBYIN PA KHYAD PAR CAN ZHES BYA BA LA CI'I PHYIR KHYAD PAR CAN YIN ZHE NA, TSE RABS SNGA MA LA SBYIN PA DANG, TSUL KHRIMS LA SOGS PA YANG DAG PAR BLANG BA DANG, BDAG GI SKYE BA RJES SU DRAN PA'I RGYUS SBYIN PA LA SOGS PA'I YON TAN DANG LDAN PA STE; CI'I PHYIR 'BRAS BU DANG 'BREL CE NA MNGON SUM DU GYUR PAS SO, ,DE LA DGE SBYONG DANG, BRAM ZE DANG, PHONGS PA DANG, SLONG BA NYID SMOS PA NI YON TAN 'BYUNG BA'I ZHING GI DBYE BA BSTAN PA'I PHYIR TE, DGE SBYONG DANG BRAM ZE NI 'JIG RTEN PA RNAMS KYI YON TAN GYI ZHING DU YANG DAG PAR 'DOD PA'I PHYIR RO, ,DON DAM PA DANG KUN RDZOB GNYIS SO, ,PHONGS PA DANG SLONG BA SMOS PAS NI RANG GI 'TSO BAS 'JIGS PA DANG, SLONG BA DE NYID KYI 'TSO BA'I DBYE BAS SNYING RJE'I ZHING GI DBYE BA BSTAN PA'O, ,BDE BA'I RGYU DANG GZHIR GYUR PA ZHES BYA BA NI SBYIN PA PO DANG BYANG CHUB SEMS DPA'O, ,BDE BA'I RGYU ZHES BYA BA LA BDE BA NI LUS DANG SEMS KYIS MYONG BA GANG YIN PA'O, ,DE'I RGYU NI LONGS SPYOD DO, ,DE'I GZHIR GYUR PA NI SBYIN PAR BYA BA YIN TE, SBYIN PA'I DNGOS PO DAM PA'O, ,'DIS NI SBYIN PA'I DNGOS PO PHUN SUM TSOGS PA BSTAN TE, SBYIN PA THAMS CAD BYIN PAR STON TO, ,DE DAG GIS NI GANG DAG LA SBYIN PA DANG GANG GI PHYIR SBYIN PA DE BSTAN PA YIN NO, ,BDE BA'I RGYU DANG GZHIR GYUR PA ZHES BYA BA LA, TSUL KHRIMS DANG GSO SBYONG NI BDE BA'I RGYU STE, TSUL KHRIMS KYI 'BRAS BU MNGON PAR MTHO BA PHUN SUM TSOGS PA'O, , DE'I GZHIR GYUR PA NI TSUL KHRIMS NGAN PA MA YIN PA DE DAG GO, ,YANG GANG SROG GCOD PA LA SOGS PA LAS LDOG PA'I MTSAN NYID DO, ,MU STEGS LA SOGS PA GZHAN DAG NI RANG GI BTAGS PA'I TSUL KHRIMS ZHES BYA BA'I DON TO, ,'DIS NI BSLAB PA'I GZHI LDA 'DZIN PAR BSTAN @158B TO; ,GSO SBYONG DANG NGES PAR GNAS PA DAG KYANG YANG DAG PAR LEN TE, GSO SBYONG NGAN PA MA YIN PA NI YAN LAG BRGYAD PA STE, BDE BA'I RGYU DANG GZHIR GYUR PA ZHES BYA BA DANG SBYAR RO, ,BSOD NAMS KYI MTHU BSGRAGS PA ZHES BYA BA LA, BSOD NAMS NI DGE BA DANG CHOS SO, , DE'I MTHU NI 'BRAS BU CHEN POR GYUR PA YIN PAS DE BSGRAGS PAS TE, BSOD NAMS KYI MTHU BSGRAGS PA'I RGYUS SO, ,LEGS PAR DGOD PAR 'DOD PAS DANG BA'I SEMS KYIS ZHES BYA BA NI BSOD NAMS KYI 'BRAS BU MNGON SUM DU BSTAN PAS SO, ,DON NGES PA ZHES BYA BA NI MI 'GYUR BA NYID KYI DON TO, ,BDE BAR GSHEGS LA BKUR STI ZHES BYA BA LA, MDZES PAR GSHEGS PAS NA BDE BAR GSHEGS PA STE, 'DI'I LAM DU ZHUGS PA ZHES BYA BA'I DON TO, ,DE LA BKUR STI NI SBYIN PA DANG, NYE BAR 'GRO BA DANG RIM GRO LA SOGS PA'I MTSAN NYID DO, ,MED CES THOS ZHES BYA BA'I SGRA NI MTHONG BAR 'GYUR BA MED BA STE, GANG THOS PA ZHES BYA BA'I DON TO, ,SNGON ZHES BYA BA NI SKYE BA GZHAN DAG TU'O, ,ZAN DRON KHENGS PA ZHES BYA BA LA SOGS PA'I BSDUS PA'I DON NI DNGOS PO DANG, TSAD DANG, LEGS PAR MA SBYAR BA STE; SBYIN PA'I DNGOS PO SHIN TU ZHAN PA YIN PAS DE SKAD BSTAN TO, ,LAN TSVA MED PA ZHES BYA BA 'DIS NI RO DMAN PA'O, ,KHENGS PA ZHES BYA BA NI TSOD MA MED PA STE, 'DIS NI REG BYA ZHEN PA'O, ,RTZUB PA ZHES BYA BA NI SNUM MED PA'O, ,'DIS NI DRI DMAN PA'O, ,'DI DAG GIS NI LEGS PAR MA SBYAR BA BSTAN BA YIN NO, ,DE DAG NYE BAR BLANGS PA'I TSUL YIN TE, DES NA DE'I PHUN SUM TSOGS PA MED PAR GYUR PA'O, ,ZAN DRON ZHES SMOS PAS NI DNGOS PO STE NGAN PA'O, ,CHANG GCIG ZHES PAS NI CHUNG BA STE TSAD DO, ,DE GNYIS KYIS NI PHUN SUM TSOGS PA DANG BRAL BAR YANG STON TO, ,'BRAS BU 'BYOR PA CHEN PO ZHES BYA BA NI KHA DOG LA SOGS PA PHUN SUM TSOGS PA'I DNGOS PO STE, GZUGS BZANG BAR GYUR PA DANG, GRAGS PA DANG LDAN PA DANG, DGA' BAR GYUR PA DANG, GZHON SHA CHAGS PA DANG, BDE BA'I REG PA DANG @159A *, ,LDAN PA'O, ,DE LTAR SBYIN PA'I DNGOS PO NI KHA DOG LA SOGS PA MED KYANG BDE BAR GSHEGS PA LA BKUR STI BYAS PAS NI 'BRAS BU PHUN SUM TSOGS PA BSHAD PA YIN NO, ,YANG NA MTHO RIS KYI 'BRAS BU PHUN SUM TSOGS PA'O, ,PHYI ROL GYI DNGOS PO'I 'BRAS BU PHUN SUM TSOGS PA DANG, NANG GI 'BRAS BU PHUN SUM TSOGS PA STE, DE LAS NANG GI PHUN SUM TSOGS PA'I DNGOS PO'I DBANG DU BYAS NAS SBYIN PA'I DNGOS PO KHA DOG LA SOGS PA MED KYANG GZUGS MDZES PAR 'GYUR BA DANG, DRI DANG BRAL BA YIN YANG GRAGS PA CHE BA DANG, REG BYA PHUN SUM TSOGS PA MED KYANG BDE BA'I REG PA DANG LDAN PA STE, 'DI NI NANG GI PHUN SUM TSOGS PA'O, ,YANG NA NANG GI NI ZLA MED PA YIN PAS DE NI THAMS CAD KYI MNGON SUM DU GYUR PAS BRJOD PAR BYA BA MA YIN NO, ,DA NI PHYI ROL GYI DNGOS PO PHUN SUM TSOGS PA'I DBANG DU BYAS NAS; SHING RTA SNA TSOGS RTA DANG ZHES BYA BA LA SOGS PA SMOS TE, SHING RTA DANG, RTA DANG GLANG PO CHE SMOS PAS NI NUS PA PHUN SUM TSOGS PA BSTAN TO, ,SA CHEN 'DI NI ZHES BYA BA 'DIS YUL MI DANG, MKHAR DANG, GROGS PO DANG, MDZA' BSHES LA SOGS PA GZUNG NGO; ,NOR MANG ZHES BYA BA 'DIS NI MDZOD PHUN SUM TSOGS PA'O, ,DPAL YANG RJES CHAGS BTZUN MO RGYA CHEN LDAN ZHES BYA BA 'DIS NI LONGS SPYOD PHUN SUM TSOGS PA'O, ,LONG SPYOD PA'I DNGOS PO YANG RNAM PA GNYIS TE, RDZAS LA NYE BAR LONGS SPYOD PA'I DNGOS PO DANG, 'KHRIG PA LA NYE BAR LONGS SPYOD PA'I DNGOS POR BSHAD DE, DE GNYIS KYANG GO RIMS JI LTA BA BZHIN DU RANG BZHIN GYIS PHUN SUM TSOGS PA DANG, NYE BAR LONGS SPYOD PA'I PHUN SUM TSOGS PA'O, ,'BRAS BU GRUB PA BZANG PO ZHES BYA BA NI 'BRAS BU PHUN SUM TSOGS PA STE, BZANG PO NI MDZES PA'O; ,ZAN DRON CHANG GCIG CES BYA BA NI SNGAR BSHAD PAS MTSON PAR BYA'O, ,BLON PO CHEN PO ZHES BYA BA LA SOGS PA NYID SMOS PA NI THAG NYE BA NA SPYOD PA DANG, RIGS MTHO BA PHUN SUM TSOGS PA DANG, GLO BA NYE ZHING ZHU BAR NUS PA'O, ,SMRA BA'I SPOBS PA NI SMRA BAR NUS PA'O, , @159B THOGS PA MED PA NI SMRA BA THOGS PA GANG YANG MED PA GANG LA YOD PA'O, ,DE SMRA BA NI THOGS PA MED PAS, GTAM GLENG BA'I SKABS NI GTAM GLENG BA'I DUS SKABS TE, DE BAB PA NI DE NYID LA BAB PA'O, ,NGES PAR NI DUS RTAG TU'O, ,GSUNG BA NI ZHES BYA BA'I DON NI GANG BSHAD PA'I TSIGS BCAD DO, ,DE SKAD CES BYA BA 'DI TSIGS BCAD GNYIS SO, ,NGO MTSAR CHE BA DANG, RAB TU G-YENG BA NI NGO MTSAR CHE BAS RAB TU G-YENGS PA'O, ,DE'I DON THOS PA MNGON PAR 'DOD PAS RAB TU G-YENGS PA'AM, DE'I DON YONGS SU SHES PAR 'DOD PAS SO, ,SKYE BO NI BLON PO LA SOGS PA'I MTSON PA'O, ,YANG NA BDAG NYID LA STON CIG PA STE, GZHAN LA BSTAN DU MI RUNG BAR MNGON PAR 'DOD PA'I DON 'DRI BA STE, DE BAS NA GSAL BAR DRIS PA'O, ,MI BSGRAG CES BYA BA NI DOGS PA BSU NAS SMRAS PA STE, GSANG NA ZHES BYA BA 'DI'I DON YIN NO, , GSANG BA NI GSAL BAR MI BSGRAG PA'O, ,GRAGS PA ZHES BYA BA NI GSAL BAR BDAG GIS DRIS PA'O, ,DE DGA' ZHING RAB TU BYAMS PAS ZHES BYA BA NI LHAG PAR DGA' ZHING BYAMS PA NYID DE, SNGA MA BAS KYANG DA LTAR RAB TU BYAMS PA STE, BYAMS PA NI MNGON PAR 'DOD PA YANG DAG PAR BSGRUBS PAS SO, ,BYAMS PA'I LTABS BZHIN GSAL ZHING DGA' BA'I MTSAN MAS PHYOGS GCIG TU ZUNG GYIS LTA ZHING DANG BA'I LTA BAS TE DGA' BA'I MTSAN MA DAG GIS SO, ,DON DANG RGYU MTSAN MA PHYE BAR ZHES BYA BA LA RGYU MTSAN DANG DON NI DON DANG RGYU MTSAN NO, ,GANG GI DON DANG RGYU MTSAN MA PHYE BAR SMRAS PA DE NI DON DANG RGYU MTSAN MA PHYE BAR RO, ,RGYU MTSAN CI ZHIG BSTAN PA DANG, 'DI'I DON CI STON PA STE, DE LTAR MA PHYE BAR SMRAS PA'O, ,NGO MTSAR CHE BA DANG YID G-YOS PA NI SNGAR BSTAN PA GANG YIN PA STE, NGO MTSAR CHE BAS RAB TU G-YENGS BAR GYUR ZHES BYA BAR BSTAN PA YIN NO, ,NGO MTSAR CHEN POS RAB TU G-YOS PAR GYUR PA NI BSKYOD PA STE, NGO MTSAR CHEN POS RAB TU G-YOS PAR GYUR PA NYID RAB TU G-YENGS PA YIN NO, ,YID NI SEMS TE NGO MTSAR CHEN POS RAB TU G-YOS PA'I YID DO, ,GANG GI PHYIR ZHES BYA BA NI GANG GI RGYU'AM GANG GI MTSAN MA'O, ,ZHIG TU ZHES BYA BA NI SKYES PA'O, ,'DIR ZHES BYA BA NI 'DI NYID DU'O, , @160A *, ,NOR TZAM GYIS NI MTHO BA LA, ,ZHES BYA BA NI TSUL KHRIMS LA SOGS PA'I YON TAN NI MA TSANG BA ZHES BYA BA'I DON TE, LAS DAG GIS MGU BA NI LAS KYIS MGU BA STE, DES SGRUB PA NI BYAS PA'O, ,DMAN TSIS KYIS 'TSO BA GANG YIN BDE NI LAS KYIS MGU BAR BYAS NAS DMAN TSIS KYIS 'TSO BA STE, LUS NGAG GI 'TSO ZHING SPYAD PAR BYED PA NI 'TSO BA'O, ,DE'I 'BYOR PA DMAN ZHING, ZHUS PA SKYED PAR BYAD PA YIN PAS DMAN TSIS SO, ,GLA 'DIS SROG BZUNG BA YIN PAS GLA MI STE, GZHAN DAG GIS LAS BYED PAS NA SEMS KYIS BSAMS SHING DE LA ZHUGS TE ZHES BYA BA NI ZHUGS PAR GYUR PA'O, ,MTSAN NYID JI LTA BU ZHE NA, BRNYAS SHING ZHES BYA BA YIN TE, GZHAN GYIS KHYAD DU GSAD PA'I GZHIR GYUR PA'O, ,NGAL BA NI RANG GI LUS YONGS SU DUB PAR GYUR PA'O, ,DMAN PA NI SEMS ZHUM PA'O, ,DES BRNYAS SHING NGAL BA DMAN PA'I GNAS NI BRNYAS SHING NGAL BA DMAN PA'I GNAS TE, GNAS DES YONG SU BRNYAS SHING NGAL BA YIN PAS SO, ,CI'I PHYIR DE LTAR NYES PAS MA RUNG BA DE LA 'JUG CE NA, SMRAS PA, MI 'TSOR DOGS NAS ZHES BYA BA YIN TE, 'TSO BA MED PAS 'JIGS PAS SO, ,DBANG PO DUL ZHING ZHES BYA BA NI DBANG PO BSRUNG ZHING BSNGAMS PA YIN PAR STON TO, ,DGE SLONG DPAL GYI RJES 'BRANG BZHIN, ,ZHES BYA BA NI KUN TU LTA BA DANG, RNAM PAR LTA BA DANG, SNAM SBYAR DANG, LHUNG BZED DANG, CHOS GOS 'CHANG BA LA SOGS PA JI LTAR MDO SDE LAS GSUNGS PA BZHIN DU RIG PAR BYA'O, ,BZHI ZHES SMOS PAS NI DGE 'DUN GYI TSOGS DANG RJES SU MTHUN PAR BSTAN PA'I PHYIR RO, ,'DIS NI SNOD PHUN SUM TSOGS PA BSTAN TO, ,DANG ZHING 'JAM PA ZHES BYA BA LA DAN BA NI DAD PA'I GZHI STE 'JAM PA ZHES BSTAN PA YIN NO, ,SBYIN PA PO'I PHUN SUM TSOGS PA NI DANG BA ZHES BYA BA LA SOGS PA'I TSIG GIS SO, ,TSUL KHRIMS NI GO[?] BSHAD PA YIN PAS YANG BSHAD PAR BYA BA MA YIN TE, TSUL DANG LDAN YANG NOR TZAM GYIS NI ZHES BYA BA'I TSIG GIS SO, ,PHYAG BYAS NAS ZHES BYA BA NI BKUR STI DANG GUS PA DANG BCAS PA'I SBYIN PA'O, ,BSNYEN @160B BKUR DANG BCAS PAS BYIN PA NI DE THOB PA'O, ,ZAN DRON TZAM ZHIG GUS PAR BYIN, ,ZHES BYA BA 'DIS NI SBYIN PA CHUNG ZHES BYA BA GANG YANG MED DO, ,ZHES GONG DU BSTAN PA DE SGRUB PA YIN NO, ,BDAG GI KHYIM DU GUS PAR ZHES BYA BA 'DIS NI SBYIN PA'I DNGOS PO DAG PAR STON TO, ,DE YI MYU GU TZAM ZHIG BYUNG, ,ZHES BYA BA DAG GIS NI GUS PAR BYAS TE, BSOD NAMS BYAS PAS BSNYEN BKUR THOB PAR STON PA YIN NO, ,NGA YIS DE LAS BSAMS NAS NI, ,ZHES BYA BA GONG DU BSHAD PA STE, GANG YIN ZHE NA, ,RGYAL PO CHEN PO CI LAS DGONGS, ,ZHES BYA BA LA SOGS PA DE NYID BSHAD PA'O, ,BSOD NAMS KYIS NI NGOMS MI MYONG, ,ZHES BYA BA'I TSIGS BCAD PHYED PO 'DIS NI LAS KYI 'BRAS BU MNGON SUM DU GYUR PA'I PHYIR SBYIN PA'I ZHING LA SBYIN PA'I DNGOS PO BYIN PAS MI NGOMS PAR BSTAN TO, ,DGA' BA NI YID TSIM PA STE, BDAG NYID KYIS KYANG LAS KYI 'BRAS BU DE DANG MNYAM PAR MNGON SUM DU GYUR PA'I PHYIR RO, ,NGO MTSAR CHE BA NI SBYIN PA'I DNGOS PO CHUNG BA LAS 'BRAS BU CHEN PO STON PAS SO, ,RAB TU GUS PA NI SLAR YANG BSOD NAMS LA BRTZON PAS 'JUG PAR STON TO, ,BSOD NAMS KYIS ZHES BYA BA NI DANG ZHING 'JAM PA'I YID KYIS ZHES BYA BA LA SOGS PA GANG GONG DU BSTAN PA DE'AM, YANG NA, ,BDE BAR GSHEGS LA BKUR STI BYAS PA CHUNG DU YANG, ,ZHES BYA BA'I TSIGS SU BCAD PA GANG BSTAN PA 'DI RU BSHAD DO, ,MNGON PAR MTHO BA'I KHYAD PAR 'DI LTA BU'I RNAM PAR SMIN PA ZHES BYA BA NI, SHING RTA SNA TSOGS RTA DANG GLANG PO 'GYING BA DANG, ,ZHES BYA BA'I TSIGS BCAD GANG BSTAN PA DES BSTAN PA YIN TE, RNAM PAR SMIN PA NYID MNGON PAR MTHO BA YIN PAS RNAM PAR SMIN PA MNGON PAR MTHO BA'O, ,MNGON PAR MTHO BA NYID BYE BRAG YIN PAS NA MNGON PAR MTHO BA'I KHYAD PAR RO, ,BSOD NAMS KYI 'BRAS BU MNGON SUM DU GYUR PAS ZHES BYA BA LA SOGS PA NI GANG GONG DU BSTAN PA'I, ,BSOD NAMS KYIS NI NGOMS MI MYONG, ,ZHES BYA BA'I DPANG DU BYAS PA YIN NO, ,DNGOS SDIG MI MDZAD PA ZHES BYA BA'I LDOG PA'I TSUL 'DIS NI TSUL KHRIMS KYI PHA ROL TU PHYIN PA BSTAN TO, ,SKYE @161A *, ,DGU RNAMS LA PHA BZHIN DU, ,ZHES BYA BAS NI BZOD PA'I PHA ROL TU PHYIN PA BSTAN TE, KHO NA MED PA'I PHYIR RO, ,BSOD NAMS KYI YON TAN SGRUB PA LA MNGON PAR PHYOGS PA ZHES BYA BA 'DIS NI BRTZON 'GRUS KYI PHA ROL TU PHYIN PA BSTAN TO, ,BSOD NAMS KYI YID YON TAN YIN PAS GTZO BOR YANG DAG PAR BZUNG BAS SO, ,BRTZON 'GRUS ZHES BYA BA 'DIS KYANG DGE BA'I CHOS MA SKYES PA RNAMS BSKYED PA DANG, SKYES PA RNAMS PHYIR ZHING 'PHEL BAR BYED PA'O, ,SBYIN PA PHUN SUM TSOGS PA ZHES BYA BAS NI SBYIN PA'I PHA ROL TU PHYIN PA BSTAN TO, , GRAGS PA NYID DPAL YIN PAS GRAGS DANG DPAL LO, ,DES NA GRAGS PA DANG DPAL NI, SBYIN PA'I PHA ROL TU PHYIN PA'I MTHONG BA'I CHOS KYI 'BRAS BU'O, ,DE BZHIN DU CHOS KYIS TSUL BZHIN DU YUN RING SA CHEN SKYONG BAR GYUR, ZHES BYA BA NI JI LTA BDE BZHIN DU YUN RING DU SKYONG BAR GYUR CIG PA'O, ,LHA MO DE DE LTAR GAL ZHIG MA YIN ZHES BYA BA NI GONG DU BSTAN MA THAG PA STE, DE BAS NA 'DI LTAR ZHES BYA BA LA SOGS PA'O, ,DE NYID LA NI ZHES BYA BA NI LEGS PA'I LAM LA STE, DA DUNG BRTZON PAS BSTAN PAR BYA'O, ,CI'I PHYIR ZHE NA, DE'I 'BRAS BU NYAMS SU MYONG BA STE, MNGON SUM DU MTHONG BAS SO, ,DPAL PHUN SUM TSOGS PA'I RGYU YIN PAS DPAL PHUN SUM TSOGS PA'I RGYU DE LA SEMS ZHEN PA GANG YIN PA DE NI DPAL PHUN SUM TSOGS PA LA ZHEN PA ZHES BYA'O, ,CI'I PHYIR RGYAL PO LA DPAL PHUN SUM TSOGS PA'I RGYU 'DI 'DRA BAR 'GYUR, CI THAMS CAD NYID SKYE BA DRAN PAR 'GYUR RO ZHE NA, DE NI MA YIN PAR BSTAN PA'I PHYIR DE LTA BAS NA 'DRI BA STE, DE NAS LHA MO ZHES BYA BA'I TSIG GIS SO, ,BSOD NAMS KYI YON TAN ZHES BYA BA LA SOGS PAS KYANG BSKYED PA'I GNAS YIN PA'I PHYIR DRI BA YIN NO, , GANG GIS THOB PA'I MTSAN MA DES NA ZAN CHANG GCIG CES BYA BA'I SKAL PA SGOM PA'O, ,THUB PA NI RAB TU BYUNG BA LA'O, ,GUS PAR PHUL BA ZHES BYA BA NI SRI ZHUS BYIN PA'O, ,DE TSE GNYID KYIS LOG LAS ZHES BYA BAS NI SNGA MA'I LUS YANG DAG PAR RTOGS PA'O, ,'CHI BA'I SEMS LAS @161B SAD PA BZHIN, ,ZHES BYA BA YIN TE, NYING MTSAMS SBYOR BAR GYUR PAS SO, ,MGON KHYOD CES BYA BA NI GANG GI MGON GANG YIN PA DE NI MGON PO STE, DER GYUR PA DE NI MGON KHYOD GYUR PA'O, ,SA DANG BCAS PA ZHES BYA BA NI JI LTAR SA'I MGON DU GYUR PA ZHES BYA BA YIN TE, DES NA BDAG KYANG KHYOD DANG 'DRA BAR GYUR ZHES BYA BA BSTAN PA'I DON TO, ,JI LTAR THUB PAS ZHES BYA BA NI SANGS RGYAS BCOM LDAN 'DAS KYIS TE, JI LTAR BSOD NAMS KYI 'BRAS BU BSTAN PA BZHIN DU RGYAL POS KYANG BSOD NAMS KYI 'BRAS BU BSTAN PA STE, DE BAS NA BSOD NAMS LA GUS PA BSKYED PA ZHES BYA BA NI BSOD NAMS DE NYID CHUNG NGU YIN YANG RNAM PAR SMIN PA CHE BA YIN PAS BSOD NAMS LA SEMS MNGON PAR DANG BA STE, BSOD NAMS KYI BYA BA BSKYED PA DAG PA DANG, SEMS MNGON PAR DANG BAR 'GYUR ZHING LAS KYI 'BRAS BU LA YID CHES PAS SEMS RNYOG PA DANG BRAL BA YIN TE, CHU DANGS PA BZHIN NO, ,YA MTSAN LA RTZE GCIG TU GYUR ZHES BYA BA NI GONG DU BSHAD PA DAG GIS YA MTSAN DU GYUR PA DE LA YANG DAG PAR BSTAN PA'O, ,DA NI DGE BA MI CHE BAS KYANG ZHES BYA BA LA SOGS PA'I TSIGS BCAD LNGAS NI YANG DAG PAR LEN PA'I DBANG DU BYAS PA STE, DE LA DGE BA MI CHE BAS KYANG ZHES BYA BA'I TSIGS BCAD 'DI'I DON NI 'DI YIN TE, DGE BA ZHES BYA BA NI TSUL KHRIMS DANG SBYIN PA LA SOGS PA'O, ,RGYA CHEN ZHES BYA BAS NI BDAG NYID PHUN SUM TSOGS PA STON TO, ,SBYIN PA DANG TSUL KHRIMS KYI BYA BAS RNAM PA THAMS CAD KYIS MNGON PAR MTHO BA LA 'JUG PA DANG LDAN PAR BSTAN PAS RNAM PA THAMS CAD KYIS DGE BA BYA BA DANG LDAN PAR BSTAN PA'O, ,DE RNAM PA THAMS CAD KYIS NUS PA YIN NA YANG BYA BA GZHAN BSTAN PA YIN NO, ,DE LTAR MI RUNG ZHES BYA BA'I DON BSTAN PA NI DE LTAR YANG MI BZOD DO ZHES BYA BA STE, 'DI NI DE BAS NA SKYE BA GZHAN DAG TU MED PAR BSTAN PA YIN TE, JI LTAR ZHE NA, NOR GYIS CHOG PAR YOD KYANG ZHES BYA BA SMOS PA STE, SBYIN PA'I DNGOS PO LA YANG NGAN CING ZHEN PA'I PHYIR SBYIN PA CHUNG BA STE, BDAG NYID LA CHAGS PA DANG LDAN PAS DE PHUN SUM @162A *, ,TSOGS PA YIN YANG SBYIN PA MI NUS PAR STON TO, ,DE LTAR MI RUNG ZHES BYA BA LA RUNG BA NI BZOD PAR ZHES BSTAN PA YIN NO, ,DA NI DE'I RGYU BSTAN PA'I PHYIR BLO BSGRIBS NAS ZHES SMOS TE, MUN PA BZHIN DU BLO BSGRIBS PA YIN PA'I PHYIR RO, ,GRAGS PA ZHES SMOS PA NI 'JIG RTEN PHA ROL GYI 'BRAS BU NI RE ZHIG GZHAG GI, 'JIG RTEN 'DI'I 'BRAS BU MNGON SUM DU 'DOD PA'I PHYIR YANG SBYIN PA SBYIN PAR BYA BA STE, GRAGS PA'I DON DU YANG NGO, ,SER SNA'I MUN PAS ZHES BYA BA NI SER SNA'I MUN PAS BLO RAB TU G-YOGS PA'I PHYIR RO ZHES BSTAN PA YIN NO, ,DE NYID BSGRUB PA'I PHYIR, DBANG MED PAR NI GANG ZHIG CES BYA BA LA SOGS PA'I TSIGS BCAD BRTZAMS PA YIN TE, DBANG MED PAR NI GANG ZHIG BTANG DGOS ZHES BYA BA NI RKUN PO DANG, CHU LA SOGS PA RNAMS KYIS KYANG NOR 'JIG PAR 'GYUR LA, THA MAR YANG BDAG NYID 'CHI BAS MI RTAG PA STE, DES NA NOR NI BTANG DGOS PA YIN NO, ,DE BZHIN SU LA'ANG PHAN MI THOGS, ,ZHES BYA BA NI DBANG MED PAR YONGS SU BTANG BAS BDAG NYID KYI YIN ZHING GZHAN RNAMS KYI NOR YIN PA'I PHYIR RO, ,NOR DE RIGS PAR ZHES BYA BA'I YON TAN DE PHAN PA YIN ZHING, GAL TE SBYIN PA'I ZHING LA BYIN NA NI YON TAN 'GA' ZHIG THOB PAR 'GYUR ZHES BYA BA YIN TE, THA NA GRAGS PA YANG NGO, ,DE LA ZHES BYA BA NI NGES PAR YONGS SU BTANG BA LA'O, ,SER SNA'I LAM LA BRTEN ZHES BYA BA NI MI STER BA ZHES BYA BA'I DON TO, ,SNGAR SHES BZHIN DU STE YON TAN GYI NYAMS SAM, YON TAN GYI RO TSOR BZHIN DU SU ZHIG DE LTAR MI SBYIN ZHES PA'O, ,YON TAN DE DAG GANG YIN ZHE NA, SMRAS PA, SBYIN PA LAS BYUNG YON TAN DGA' LA SOGS PA ZHES SMOS TE, JI LTAR DGA' BA LA SOGS PA'I YON TAN YIN ZHE NA, LHAG PAR RJES SU 'BRANG BA'I YID TSIM PA'I DGA' BA SKYES PAS LUS SBYANGS PAR 'GYUR RO, ,LUS SBYANGS PA LAS NI BDE BA SO SOR MYONG BAR 'GYUR RO, ,SEMS BDE BAS NI TING NGE 'DZIN LA MNYAM PAR 'JOG PAR 'GYUR RO, ,SEMS MNYAM PAR @162B GZHAG PA LAS NI YANG DAG PA JI LTA BA BZHIN SHES PAR 'GYUR TE, DE LTAR DGA' BA LA SOGS PA'I YON TAN SBYIN PA LAS BYUNG BA'I GRAGS PA DANG YANG LDAN PAR 'GYUR RO, ,DA NI SBYIN PA'I CHOS DANG, DON DANG, 'DOD PA'I 'KHOR GSUM GYI RGYU NYID DU BSTAN PA'I PHYIR 'DI BRTZAMS PA YIN TE, SBYIN PA ZHES BYA GTER CHEN ZHES BYA BA'I TSIGS BCAD SMOS TE, GTER CHEN ZHES BYA BA GTER GZHAN NI, GOD PA DANG YONGS SU ZAD PA'O, ,RJES SU 'GRO ZHES BYA BA NI GTER GZHAN NI 'JIG RTEN PHA ROL DU MI 'GRO BA YIN TE, 'DI NI 'JIG RTEN PHA ROL TU RJES SU 'BRANG BA YIN NO, ,GTER GZHAN NI RKUN PO LA SOGS PA DANG THUN MONG YIN GYI, 'DI NI THUN MONG MA YIN TE, SBYIN PA'I BDAG NYID KHYAD PAR 'PHAGS PA'I DON GYI RGYUR GYUR PA YIN NO, ,JI LTAR CHOS KYI RGYUR 'GYUR ZHE NA, CHOS KYI RGYU DE BSTAN PA'I PHYIR SMRAS PA, SBYIN PA 'DOD DANG SER SNA ZHES BYA BA SMOS TE, SBYIN PA DANG 'GAL BA'I SEMS KYIS KUN TU 'DZIN PA NI SER SNA'O, ,GZHAN GYI PHUN SUM TSOGS PA LA MI BZOD PA NI 'DOD PA'O, ,SKYON NI DE LAS GZHAN PA STE, SRED PA DANG, ZHE SDANG DANG, NGA RGYAL DANG, MA RIG PA LA SOGS PA'O,, DE NYID RDUL YIN PAS DE'I RDUL TE, RDUL NI SGRIB PA'I DON TO, ,DE BAS NA SKYON DE RNAMS SBYONG BAR BYED PAS CHOS KYI RGYUR GYUR PA'O, ,SBYIN PA 'KHOR BA'I ZHES PA 'DI'I DON GYIS NI 'DOD PA'I RGYUR GYUR PA YIN TE, 'KHOR BA NYID LAM YIN PAS NA 'KHOR BA'I LAM STE, BGROD PAR BYA BA YIN PAS 'KHOR BA'I LAM ZHES BRJOD DO, ,'KHOR BA'I LAM DU BGROD PAS NGAL BA NI 'KHOR BA'I LAM BGROD PAS NGAL BA STE, BKRES PA DANG, SKOM PA LA SOGS PA'I SDUG BSNGAL GYIS NGAL BA'O, ,SEL BA YIN PAS MED PA STE, DE LA MED PA NI 'KHOR BA'I LAM BGROD NGAL BA MED PA'O, ,'DIS NI SDUG BSNGAL LAS LDOG PAR BSTAN TO, ,SDUG BSNGAL BSAL NAS BDE BA BSGRUB PA'I DBANG DU BYAS NAS, SBYIN PA BDE BA MANG PO ZHES BYA BA LA SOGS PA'I TSIG RKANG YIN TE, GCIG MA YIN PA'I BDE BA YIN TE, BDE BA MANG PO'O, , @163A *, ,DE DAG SGRUB PA NI BDE BA MANG PO 'GRUB PA'O, ,GROGS PO BZANG PO ZHES BYA BA NI GROGS PO YANG YIN LA BZANG PO YANG YIN PAS GROGS PO BZANG PO'O, ,JI LTAR GROGS PO BZANG PO YIN ZHE NA, SNGAR BSHAD PA'I TSUL GYIS TE, BDE BA MANG PO SGRUB PAR BYED PAS SO, ,MCHOG YIN NO ZHES BYA BA NI RTAG TU NYE BAR 'KHOR BA'I PHYIR RO, ,DE LTAR SBYIN PAS CHOS DANG, DON DANG, 'DOD PA RNAMS 'GRUB PAR BSTAN NAS, SBYIN PA NI DANG PO YIN TE, DES NA DES YONGS SU BZUNG BA STE, DE'I DBANG DU BYAS PA YIN PAS GZHAN LAS GTZOR BYAS PA YIN NO, ,SBYIN PA NYID KYIS BSOD NAMS KYI TSOGS KYI 'BRAS BU MTHA' DAG THOB PAR 'GYUR RO ZHES BSTAN PA'I DON YIN TE, BSOD NAMS KYI TSOGS KYANG RNAM PA GSUM STE, SBYIN PA DANG, TSUL KHRIMS DANG, BZOD PA STE RNAM PA GSUM MO, ,BSOD NAMS KYI TSOGS RNAM PA GSUM LAS 'BRAS BU YANG RNAM PA GSUM STE, SBYIN PAS NI LONGS SPYOD CHEN POR 'GYUR RO, ,BZOD PAS NI 'KHOR MANG BA NYID DU 'GYUR RO, ,TSUL KHRIMS KYIS NI BDE 'GROR SKYE BA STE BDAG GI PHUN SUM TSOGS PA'O, , SBYIN PA'I 'BRAS BUS NI 'BYOR PA PHUN SUM TSOGS PA'O, ,BZOD PAS NI BKA' LUNG PHUN SUM TSOGS PA'O, ,DE YANG SBYIN PA NYID KYIS 'GRUB PA STE, SNGON SBYIN PA'I DUS SU SLONG MO BA RNAMS KYI NGAG BZHIN DU BYAS TE, 'DOD PA'I DON RAB TU BSGRUBS PA YIN PA'I PHYIR BKA' LUNG MNYAN PA'I YON TAN THOB PA'O, ,SUM CU RTZA GSUM PHO BRANG GNAS SAM ZHES BYA BA NI TSUL KHRIMS KYI 'BRAS BU STE, SBYIN PA'I DUS SU SLONG MO BA RNAMS KYI NGAG BZHIN DU BYAS TE, 'DOD PA'I DON RAB TU BSGRUBS PA YIN PA'I PHYIR BDE BA BSKYED PA YIN TE, DE BAS NA SUM CU RTZA GSUM GYI PHO BRANG DU GNAS PA'I RGYUR GYUR PA NYID DO, ,GZUGS BZANG YON TAN ZHES BYA BA YANG TSUL KHRIMS KYI 'BRAS BU NYID DO, ,DE'I PHYIR JI LTAR 'DIS THOB PA YIN TE, MDOG PHUN SUM TSOGS PA SBYIN PA'I DNGOS PO MA YIN PA LAS SO, ,GANG ZHIG 'DOD PA @163B DE DAG THAMS CAD SBYIN PAS THOB PAR 'GYUR ZHES BYA BA NI RE ZHIG 'DOD PA'I KHAMS KYI BSOD NAMS KYI 'BRAS BU THAMS CAD 'DIS 'THOB CES BYA BA'I DON TO, ,DE LTAR NGES DON GTAN LA PHAB NA ZHES BYA BA NI 'DI LTAR BSTAN CING DE LTAR NGES PA'I DON DU GYUR PA YIN PA'I PHYIR RO, , YANG DAG PAR BSTAN PA'I PHYIR, SBYIN PA NOR GYI SNYING PO ZHES BYA BA'I TSIGS BCAD BSTAN PA YIN TE, 'JIG RTEN DANG 'JIG RTEN LAS 'DAS PA'I PHUN SUM TSOGS PA'I RGYU NI SBYIN PA YIN TE, DE LTAR NGES DON GTAN LA PHAB NA SBYIN PA NOR GYI SNYING PO ZHES BYA BA STE, MTHONG BA'I CHOS KYI THUN MONG DU GYUR PA'I NOR LAS THUN MONG MA YIN PA'I RGYUR GYUR PA YIN PAS SBYIN PA NI SNYING PO LEN PA'O, ,SBYIN PA DBANG PHYUG RNAMS KYI RGYU, ,ZHES BYA BA NI MA 'ONGS PA'I MNGON PAR MTHO BA'I RGYUR BYAS PA'O, ,SKYE BO MCHOG GI TSUL ZHES BYA BA NI 'JIG RTEN LAS 'DAS PA'I BYANG CHUB SEMS DPA' RNAMS KYI TSUL LO, ,RDUL TZAM SBYIN PA ZHES BYA BA LA, SBYIN PA RDUL TZAM YANG SBYIN PAR MI BYED PA NI SHES RAB CHUNG NGU DAG STE, NGES DON GTAN LA MA PHAB PA ZHES BYA BA'I DON TO, ,SBYIN PA LA SOGS PA ZHES BYA BA LA SOGS PA SMOS PAS TSUL KHRIMS LA SOGS PA GZUNG NGO, ,SLOB DPON DPA' BOS MDZAD PA'I SKYES PA'I RAB TU RGYA CHER BSHAD PA LAS ZAN DRON CHANG PA BYIN PA'I SKYES PA'I RABS SO,, ,,BRLAG PAR 'GYUR BA NI NGAN SONG GSUM DU 'GRO BAS NA BRLAG PA'O, ,NGAN SONG GSUM DU 'GRO BA BRJOD PAS NI GZHAN MA BRJOD PA YANG GRUB PO, SKAL BA KHYAD PAR CAN DANG LDAN PA, YON TAN DANG SPRO BA PHUN SUM TSOGS PA ZHES BYA BAS NI SKAL BA DANG SKYES BU BYED PA PHUN SUM TSOGS PA GNYIS YIN NO, ,SPRO BA PHUN SUM TSOGS PAS ZHES BSHAD PA'I SPRO BA PHUN SUM TSOGS PA GANG YIN ZHE NA, DE NYID SMRAS PA, SPYOD TSUL MI MTHUN PA MED PA'I NGANG TSUL CAN ZHES BYA BA'O, ,CHO RIGS BTZUN PA DANG LDAN ZHES BYA BA LA SOGS PA LA, RIGS BTZUN PA DANG, RIGS PA DANG GZHUNG LEN PAR BSTAN PA YIN NO, ,PHONGS PA RNAMS NI DGAR GYUR PAS, ,ZHES BYA BA 'DIS @164A *, ,NI MTHONG BA'I CHOS KYI 'BRAS BU GRAGS PA BSTAN PA'O, ,RNAM PAR RTOG PA NYID G-YO BA YIN PA'I PHYIR RNAM PAR RTOG PA G-YO BA STE, SBYIN NAM MI SBYIN SNYAM PA'O, ,PHYOGS GNYI GAR RGYU BA DANG, CHOS MTHUN PA RNAM PAR RTOG PA'I G-YO BAS BSKYOD PA'I YID DANG LDAN PA'I PHONGS PA GANG YIN PA DE NI RNAM PAR RTOG PA'I G-YO BAS BSKYOD PA YIN LA, SEMS CAN PHONGS PA RNAMS LA'O, ,YID CHES PAS SPOBS PA'I PHONGS PA'I SBYOR BA GANG YIN PA DE NI YID CHES SPOBS SHING SLONG BA'O, ,DE NI BDAG GI BDE PHYIR NOR MI SBED, ,CES BYA BA 'DI DAG GIS BSDUS PA'I DON YONGS SU BZUNG BA YIN PAS NOR YONGS SU BZUNG BA'I BYA BA YIN PA STE, 'JIG RTEN PA RNAMS NI BDAG GI BDE BA'I DON DANG, MNGON PAR CHAGS PA'I DON DU BYED PA'O, ,GSUM PO DE MED PA'I PHYIR RO, , GZHAN GYI DON DU MED CES BYA BA DANG, BZLOG PA DE MI NUS PA'I PHYIR SPANGS PAR GYUR PA YIN TE, 'DIS NI 'JIG RTEN LAS 'DAS PA'I NOR YONGS SU BZUNG BA BSTAN TO, ,MDOG DANG BSUNG DANG 'JAM PA LA SOGS PA'I ZHES PA SOGS PA'I SGRAS NI SMIN PA'I NUS PA DANG BZA' BA'I YON TAN LA SOGS PA DANG LDAN PA'O, ,RNAM PA SNA TSOGS ZHES BYA BA NI DNGOS PO'I RNAM PA'O, ,YANG NA BCA' BA LA SOGS PA RE RE'I RNAM PA YANG SNA TSOGS PAR GYUR PA YIN PAS SNA TSOGS PAR BSHAMS PA'O, ,BZA' BA DANG BCA' BA LA SOGS PA'I SGRAS GZHIB PA DANG BLDAG PA LA SOGS PA YANG GZUNG NGO, ,DE'I BSOD NAMS KYI TSOGS RNAM PAR 'PHEL BAR 'DOD PA ZHES BYA BA LA, DE'I ZHES BYA BA NI BYANG CHUB SEMS DPA'I 'O, ,'DIS STZOGS PA YIN PAS TSOGS TE BSOD NAMS NYID TSOGS SO, ,'DIR SBYIN PA'I NYI TSE LA BSAMS PA YIN GYI, TSUL KHRIMS DANG BZOD PA RNAM PAR 'PHEL BAR 'DOD PA NI MA YIN NO, ,NYON MONGS PA THAMS CAD NI KHAMS GSUM GYI MTHONG BAS SPANG BAR BYA BA DANG, BSGOM PAS SPANG BAR BYA BA'O, ,NYON MONGS PA NYID BUD SHING YIN PAS NYON MONGS PA'I BUD SHING NGO, ,DE YANG MI MTHUN PA'I CHOS SU BSTAN TE, JI LTAR MES @164B BUD SHING BSREGS PA DE BZHIN DU YE SHES KYI MES NYON MONGS PA THAMS CAD NGES PAR BSREG PA YIN NO, ,NYON MONGS PA'I BUD SHING THAMS CAD BSREGS PA GANG YIN PA DE NI NYON MONGS PA'I BUD SHING THAMS CAD BSREG PA YIN NO, ,DOGS MED MI G-YO ZHES BYA BA 'DI'I BSDUS PA'I DON NI GANG 'DUG PA DANG, JI LTAR 'DUG PA DANG, CI'I PHYIR 'DUG PA STE, TSIG RKYANG PA 'DI'I DON 'DI DAG NI TSIGS BCAD KYIS SGRUB PA'O, ,GANG 'DUG PA NI NYON MONGS PA'I BUD SHING THAMS CAD BSREGS PA'O, ,JI LTAR 'DUG PA NI NYON MONGS PA'I BUD SHING THAMS CAD BSREGS PAR GYUR PA LAS SHES PA YIN TE, DES SMRAS PA, DOGS MED MI G-YO BRTAN ZHING ZHI BA'I ZHES BYA BA DES BSTAN PA STE, DOGS MED CES SMOS PAS NI MTHONG BAS SPANG BAR BYA BA'I NYON MONGS PA'I BUD SHING THAMS CAD BSREGS PAR BSTAN TO, ,GANG GI PHYIR DOGS PA DANG MA BRAL BA NI BDAG TU LTA BA YIN ZHING BDAG TU LTA BA LA 'JUG PA SKYES PA YIN TE, DE MED BAS NA DE MED PAR RJES SU DPAG PA YIN NO, ,MI G-YO BA BRTAN ZHING ZHI BA ZHES PA DAG GIS BSGOM PAS SPANG BAR BYA BA'I NYON MONGS PA SPANGS PAR BSTAN PA YIN TE, GTI MUG DANG, CHAGS PA DANG, ZHE SDANG GO RIMS JI LTA BA BZHIN DU SBYAR TE, KUN TU RMONGS PAS NI LTA BAR G-YO BAR 'GYUR RO, ,CHAGS PAS NI MI BRTAN PAR 'GYUR RO, ,ZHE SDANG GIS NI MA ZHI BAR 'GYUR TE, NYON MONGS PA DE DAG SPANGS SHING MED PA'I PHYIR RO, ,MIG GIS SA LA GNYA' SHING GANG DU LTA, ,ZHES BYA BA NI KHYIM DU 'GROR RUNG BA'I LTA BA DES DBANG PO'I SGO BSDAMS PA'O, ,RAB TU ZHI BAR GYUR CING ZHES BYA BA 'DIS NI KUN TU LTA BA LA SOGS PA LA SHES BZHIN DU LDAN PAR BSTAN TO, ,DE NA SDOD CES BYA BA NI SGO GANG NA SLONG BA'I DON DU'O, ,CI'I PHYIR ZHE NA, SMRAS PA, DE'I LAG PADMA'I MCHOG NI LHUNG BZED THOGS, ,ZHES BYA BA NI 'DI YIN TE, GANG GI PHYIR LHUNG BZED LAG NA YOD PA NI SLONG BAR SHES PA YIN NO, ,SBYIN PA PHUN SUM TSOGS PA DE ZHES BYA BA NI LEN PA DANG GTONG PA PO PHUN SUM TSOGS PAR GYUR PAS SBYIN PA PHUN SUM TSOGS PA STE, 'DIR SBYIN PA'I SGRA NI RGYUD LA @165A *, ,SOGS PA LA YANG DAG PAR 'JUG STE, GANG GIS SBYIN PA DE NI SBYIN PA STE, MCHOD PA DANG RJES SU BZUNG BA'I 'DOD PAS LUS DANG NGAG GIS LAS SPRO BA DANG BCAS PA'I ZHES BYA BA'I THA TSIG GO, ,DE LA BGEGS BYA BA'I PHYIR ZHES BYA BA NI SBYIN PA'I BAR DU GCOD PAR BYA BA'I PHYIR RO, ,BZA' BA DANG BCA' BA NYID SMOS PA NI DE NA BTUNG BA DANG BLDAG PA LAS DGAR BA'O, ,DE LA ZHES BYA BA NI DMYAL BA'I GNAS SKABS KYIS SO, ,DES SMRAS PA NI DMYAL BA ZHES BYA BA'I MING YANG MA BRJOD CING DNGOS PO MA SMRAS PA NI DES SMRAS PA'O, , KHANG BA'I NGOS KYI RTZIG PA NAS BYUNG STE BDAG GI LUS YA MTSAN CHE BA BSTAN PAS BAR SNANG LA GNAS TE, DE LA TSIG 'DI BSTAN PA'I PHYIR RO, ,PHONGS PAS BSNGAGS PA'I TSIG GIS BSLUS NAS NI, ,ZHES BYA BA NI MTHONG BA'I CHOS KYI GRAGS PA'I PHAN YON GYIS SO, , NOR NYAMS PA'I RGYUS NI NYES PA BSGRAGS PA'I PHYIR BSHAD PA YIN TE, JI LTAR NOR CHUD ZOS SHE NA, DE DAG NI LO STONG PHRAG DU MAR YANG, DMYAL BA 'DI NA GNAS 'GYUR ZHES BYA BA YIN NO, ,DE BSGRUB PA'I PHYIR, NOR NI 'KHOR GSUM KHYAD PAR RGYU YIN TE, ,ZHES BYA BA'I TSIGS BCAD YIN TE, JI LTAR NOR 'KHOR GSUM GYI KHYAD PAR GYI RGYU YIN ZHE NA, 'DI LTAR NOR NI CHOS DANG DON DANG 'DOD PA RNAMS KYI MNGON SUM DANG, BRGYUD PA'I TSUL GYIS TE, JI LTAR MNGON SUM GYI RGYU YIN ZHE NA, MTHONG BA NYID KYI CHOS LA ZHING LA NOR SKYED PAS CHOS KYI RGYU YANG NOR YIN NO, ,NOR YANG NOR NYID KYI RGYUN YIN TE, NOR DANG NOR NI 'BREL PA STE, ,GLANG PO NAGS KYI GLANG PO BZHIN, ,ZHES BYA BA'I TSIG GIS SO, ,'DOD PA'I YANG RGYUR GYUR PA NYID DE BRGYUD PA'I TSUL GYIS KYANG NOR DANG CHOS KYI BYA BA YIN TE, DE YANG RANG GI CHOS KYI'O, ,RTAG TU YANG CHOS DANG, NOR DANG, 'DOD PA RNAMS KYI RGYUR GYUR PA NYID DO, ,CHOS KYANG 'KHOR GSUM GYI RGYU YIN TE, RGYUN DU 'KHOR GSUM GYI RGYUR GYUR PAS SO, ,MTHONG BA'I CHOS LA YANG RES 'GA' DON DANG, 'DOD PA'I RGYUR GYUR PA YIN NO, ,DE'I @165B PHYIR NA KHYAD PAR GYI RGYU ZHES SMOS SO, ,DE MED BYAS NA ZHES BYA BA NI 'KHOR GSUM GYI KHYAD PAR GYI RGYU NOR DANG CHOS MED PAR BYAS NA NYAMS PAR BYAS PA'O, ,JI LTAR ZHE NA, SMRAS PA, NOR CHUD GSAN PAS ZHES BYA BA YIN TE, DE LTAR NOR NYAMS PAR BYAS NA DMYAL BAR GNAS PAR 'GYUR BA'I PHYIR RO, ,DMYAL BAR GNAS PAR 'GYUR BA DE LTAR RAB TU BSGRUB PA'I PHYIR, SBYIN PA'I PHYIR NI CHOS KYI RTZAR GYUR PA'I, ,ZHES BYA BA'I TSIGS BCAD YIN NO, ,CHUD GZAN SDIG BYAS PAS ZHES BYA BA NI CHOS NYAMS PAR BYAS PA'O, ,DE'I PHYIR ZHES BYA BA NI RGYU 'DIS SO, ,DMYAL BA'I GSHED PO ZHES BYA BA NI MTHAR BYED PA'I KHA YIN PAS GSHED PO'O, ,DE LTAR TSIGS SU BCAD PA DE DAG GIS YANG DAG PAR BSTAN PAR BYAS NAS, YANG DAG PAR LEN DU GZHUG PA'I PHYIR RO, ,DE BAS BLO NI SBYIN LAS BZLOG NA LEGS, ,ZHES BYA BA'I TSIGS SU BCAD PA BRTZAMS PA YIN NO, ,'ON KYANG 'PHRAL DU LTUNG BAR KHYOD MI 'GYUR, ,ZHES BYA BAS NI DUS PHYI NAS KYANG LTUNG BAR MI 'GYUR BA STE, CHOS KYI RTZA BA NOR YIN PAS SO, ,DE DANG 'GAL BAS NA DANG PO'I TSIGS BCAD PHYED KYIS NI SBYIN PA LAS LDOG PA'I YON TAN BSTAN NAS, SBYIN PA LA SA MI LDOG PA'I SKYON BSTAN PA'I DBANG DU BYAS NAS SMRAS PA, SNYING RJE DU ZHING ZHES BYA BA LA SOGS PA 'DI'I DON YIN NO, ,SBYIN PA LAS LDOG NA NI 'PHRAL DU DMYAL BAR MI LTUNG BA NYID KYI YON TAN YOD DE, DE'I GNYEN POR GYUR PAS SO, ,DA NI LAN PA PO'I PHAN YON BSTAN PA'I PHYIR SBYIN PA TSUL MIN ZHES BYA BA LA SOGS PA'I TSIGS BCAD YIN TE, TSUL BZHIN BYED PA DANG LEN PO NI MTHO RIS 'GRO BA YIN TE, MCI'I PHYIR ZHE NA, SBYIN PA TSUL MIN MI BYED PAR GYUR PAS SO, ,CHOS KYI RGYU NI NOR RNAM PAR SPEL BA NA CHOS RNAM PAR 'PHEL BAR 'GYUR RO, ,'DIS SGRIB PAR BYED PA YIN PAS SGRIB PA'O, ,MTHO RIS KYI LA MA SGRIB PA STE, DE BAS NA MTHO RIS KYI LAM SGRIB PA'O, ,LDOG PA ZHES BYA BA NI SBYIN PA LAS LDOG PA'O, ,'DI NI ZHES BYA BA NI BDUD DO, ,BDAG NYID KYI SNYING @166A *, ,STOBS NI BDAG GI SNYING STOBS SO, ,BDAG GI SNYING STOBS NYID KYI KHAR BOR BA YIN PAS BDAG GI SNYING STOBS KYI KHAR POR BA'O, ,BRTAN PA NI BDAG GI SNYING STOBS KYI KHAR BOR BA DE BRTAN PAR BYAS PA'O, ,TSIG 'JAM PO RGYUN MI 'CHAD PA GANG YIN PA DE NI TSIG 'JAM PA RGYUN MI 'CHAD PA'O, ,'DIS GNAS NI BDAG CAG LA PHAN PA YIN PA'I PHYIR BDAG CAG 'DRA LA PHAN PA'O, ,BDAG CAG 'DRA LA DGONGS PA NI BDAG CAG 'DRA LA PHAN PAR DGONGS PA STE, DMYAL BAR LTUNG BA LAS BZLOG PA'O, ,DE LA MTHUN PA NI LE LO MED PA'O, ,YANG NA DGE BA STE BDAG CAG 'DRA LA PHAN PAR DGONGS PA'O, ,'PHAGS PA'I LAM NI LAM GZHAN LA 'JUG PA'I LAM MO, ,DE LTAR ZHES BYA BA NI KHYAD PAR DU STE, LAS KYI 'BRAS BU MNGON SUM DU MTHONG BA'I LHA RNAMS KYIS SO, ,GZHAN LA PHAN 'DOGS MKHAS PA'I SPYOD PA YIN, ,ZHES BYA BA LA, PHAN 'DOGS PA'I MKHAS PA NI SBYIN PA LAS LDOG PA'I RGYU DMYAL BA MNGON SUM DU BSTAN PAS SO, ,NYES PA BYUNG BA ZHES BYA BA NI RLUNG DANG MKHRIS PA DANG BAD KAN BYUNG BA'O, ,'DIS NI RANG GI 'TSO BA BSTAN PA YIN NO, , NYES PA BYUNG BA'I 'OG TU YANG ZHES BYA BA NI NYES PA BYUNG MA THAG CES BYA BA'I DON TO, ,ZHI BA'I LAM DER ZHES BYA BA NI NYES PA MI 'BYUNG BA'I LAM DU STE, NYES PA MI SKYE BA NI THA MAL PAR GNAS PA'O, ,NYES PA BYUNG BA'I 'OG TU YANG NYES PA DE ZHI BA'I LAM DU 'GRO BAR BYA BA STE, NANG BYUNG BA DE MA THAG PAR NYES PA DE DAG NYID LA ZHI BA'I LAM DU 'GRO BAS SO, ,ZHI BA'I LAM DU 'GRO BAS KYANG MA RUNG BA NI TSABS CHER GYUR LA ZHES BYA BA YIN TE, GSOR MI RUNG BAR GYUR PA'O, ,CHO GA SPYAD PA NONGS PA YIS, ,ZHES BYA BA NI MTHUN PA'I ZAS KYIS MA BZLOG PA DANG, MI MTHUN PA'I ZAS BSTAN PAS NI SMAN MI THOGS PA ZHES BYA BA YIN TE, NGAL BA'I 'BRAS BU NYI TSER ZAD DE, DE LTAR NAD NYE BAR ZHI BAR MI 'GYUR RO, ,DE LTAR DPE BSTAN NAS DPE BSGRUB PAR BYA BA DE BSTAN PA'I PHYIR, SBYIN LA ZHUGS PA BDAG GI SDUG BSNGAL 'DI, ,ZHES BYA BA'I TSIGS @166B BCAD YIN TE, ,DPYAD KYIS SLON PAR RAB TU MI 'GYUR DOGS, ,ZHES BYA BA NI PHAN PAR BSTAN PA'I DPYAD KYIS GSO BA'I YUL DU MI 'GYUR BA'O, ,DE BSGRUB PA'I PHYIR KHYOD KYIS PHAN PA BSTAN PA'ANG ZHES BYA BA'I TSIGS BCAD PHYED BSTAN PA YIN TE, PHAN PA BSTAN PA YANG MI NYAN PAR ZHES BYA BA NI PHAN 'DOGS PA'I GDAMS NGAG MI SGRUB PA'O, ,SEMS ZHES BYA BA NI SBYIN PAR 'DOD PA'I YID DO, ,NAD DANG 'DRA BA NI DE'I SBYIN PA'I SEMS TE, SEMS LA GNAS PAR GYUR PAS DE'I SGRAR BRJOD DE, JI LTAR SGRA 'BYIN ZHES BYA BA DE BZHIN NO, ,NOR NI 'KHOR GSUM KHYAD PAR RGYU YIN TE, ,ZHES BYA BA'I TSIG GANG SNGAR BSTAN PA DE LAS 'DI BRTZAMS PA YIN TE, ,SBYIN PA SDIG PAR 'GYUR ZHES GANG SMRAS SHING, ,ZHES BYA BA'I TSIGS BCAD DE SBYIN PA SDIG PAR 'GYUR ZHES GANG SMRAS PA ZHES BYA BA LA, JI LTAR SMRAS PA YIN ZHE NA, NOR NI 'KHOR GSUM GYI RGYU YIN TE, SBYIN PAS CHUD ZOS PAR 'GYUR ZHING DE'I RGYUS CHOS KYANG NYAMS PAR 'GYUR LA, NOR YANG CHOS KYI KHYAD PAR RGYU YIN ZHES BYA BA YIN TE, NOR NI 'KHOR GSUM GYI RGYU YIN NO ZHES BSHAD PAR GYUR PA'O, ,GAL TE SBYIN PA SDIG YIN NA NI GZHAN DU NA NOR JI LTAR SDIG PAR 'GYUR BA MA YIN TE, SPYIN PA NI CHOS MA YIN PAR BSHAD PAS SO, ,GTER DU SPAS PA'AM, 'JIG PAR 'GYUR BA DE CHOS SU 'GYUR RO ZHE NA, DE BSTAN PA'I PHYIR, DE NI GTER SPAS ZHES BYA BA LA SOGS PA'I TSIGS BCAD SMOS PA YIN NO, ,DE BAS NA NYE BAR LONGS SPYOD PAS NA CHOS KYI RGYUR GYUR PA YIN TE, KUN TU 'DZIN PA NI MA YIN NO, ,NYE BAR LONGS SPYOD PAR 'DOD PA'I TSUL DANG, 'DOD PA'I RGYUR NOR GYI DBANG DU BYAS PA MA YIN ZHING CHOS KYI RGYU YANG MA YIN TE, BAR DU GCOD PAR BYED PAS SO, ,GTER SPAS ZHES BYA BA NI NOR GTER DU SPAS NA CI ZHIG CHOS KYI RGYUR GYUR ZHES PA'O, ,'ON TE 'JIG PA STE 'JIG PA NI RKUN PO LA SOGS PA RNAMS PA LNGAS SO, ,MNGON STON PHROGS PAR GYUR PA NI MNGON SUM DU'O, ,RKUN MA SMOS PAS RGYAL PO LA SOGS PA BZUNG STE, LNGA PO DE DAG KYANG MA BYIN PAR @167A *, ,LEN PAR CHOS MTHUN PAS SO, ,DE LTAR LNGA DANG THUN MONG DU GYUR PA YIN PAS 'JIG PAR BSTAN TO, ,GANG GONG DU BSTAN PA'I, SBYIN PA TSUL MIN MI BYED LEN PA PO, ,ZHES BYA BA DAG GI LAN BSTAN PA'I PHYIR, NOR SBYIN PA NI DMYAL BAR 'GRO BA DANG, ,ZHES BYA BA'I TSIGS BCAD 'DI BSTAN PA YIN NO, ,DE BSGRUB PA'I PHYIR, ,KHYOD KYI TSIG DE GZHAN DU MA GYUR CIG ,CES BYA BA'I TSIGS BCAD BSTAN PA'O, ,PHAN PAR 'DOD PA BZHIN BRTAN PAR BYA BA'I LAG PA BRKYANG STE ZHES BYA BA NI PHAN ZHING BRTAN PA'I LAG PAS SO,, PHAN PAR SMRAS NA YANG LEGS PAR RTOGS LA GANG DU DGA' BAR SONG SHIG PA STE, SBYIN PA LAS LOG PAR GYIS SHIG PA'O, ,BRDZUN DU SMRAS NA YANG LEGS PAR RTOGS LA GANG DU DGA' BA DER SONG SHIG PA STE, SBYIN PA LA 'JUG PAR GYIS SHIG PA'O, ,DE GNYIS KYIS CIR 'GYUR ZHE NA, DE SMRAS PA, PHAN PAR SMRAS PA 'DI LEGS PAR RTOGS LA GAL TE SBYIN PA LAS LDOG NA NI BDE BA DANG LDAN PA YIN TE, GUS BCAS DRAN PAR GYIS ZHES PA'O, ,GAL TE BRDZUN DU SMRAS NA YANG LEGS PAR RTOGS LA SBYIN PA LAS MA LOG NA NI 'GYOD BZHIN NGA NI DRAN PAR BYAS SO ZHES BYA BA YIN NO, ,GANG SNGAR BSTAN PA'I BRDZUN DU SMRAS PA LA LEGS PAR RTOGS LA SBYIN PA LAS MA LOG PA NI, 'GYOD BZHIN NGA NI DRAN PAR BYOS, ,ZHES BYA BA DE'I LAN BRTZAM PA'I PHYIR, PHONGS PA RNAMS KYIS PHAG SPOBS TE BSLANGS PA LA, ZHES BYA BA'I TSIGS SU BCAD PA 'DI YIN NO, ,DES NA PHONGS PA RNAMS KYIS BAG PHAB STE BSLANGS PA GANG YIN PA DE NI PHONGS PA RNAMS KYIS BAG PHAB SPOBS TE BSLANGS PA'O, ,MI BZAD PA YANG YIN LA ME LCE YANG YIN PAS MI BZAD ME LCE 'BAR BA'O, ,MI BZAD ME LCE 'BAR BA DES PHOG NAS SPYI'U TSUGS SU LHUNG YANG NGO, ,DE'I BSOD NAMS KYI MTHU YIS ZHES BYA PA NI GANG GI BSOD NAMS KYI MTHUS ZHE NA, SNGON BYAS PA'I STE GANG GONG DU BSTAN PA'I BDAG GI SKAL BA'I MTHU LA BRTEN PA DANG, SBYIN PA LA YANG NYES DMIGS MED PAR YANG SHES PA DANG, @167B 'JIG RTEN PA'I YANG DAG PA'I LTA BA LAS KYI 'BRAS BU LA YID CHES PA'I MTSAN NYID KYI BSOD NAMS DA LTAR BYUNG BA DANG, DE GNYI GA'I BSOD NAMS KYI MTHUS SO, ,BSOD NAMS KHYAD PAR CAN LAS BYUNG BA'I ZHES BYA BA 'DIS NI GNYI GA BSTAN TE, DES NA KHYAD PAR CAN ZHES SMOS SO, ,DA NI CHAR 'BEBS 'BAR BAR BYED, ,CES BYA BA NI 'PHAGS PA DE'I RDZU 'PHRUL STON PA YIN NO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS TSONG DPON GYI SKYES PA'I RABS SO,, ,,TSUL KHRIMS DANG GTONG BA LA SOGS PA'I TSIG 'DI DAG GIS NI BSOD NAMS DANG YE SHES KYI TSOGS DANG MA 'ONGS PA DANG, DA LTAR GYI BSOD NAMS DANG YE SHES KYI TSOGS KYI 'BRAS BU BSTAN TO, ,GTONG BA DANG TSUL KHRIMS RNAM PA GNYIS NI DA LTAR BYUNG BA'I BSOD NAMS KYI TSOGS TE, SBYIN PA DANG TSUL KHRIMS KYI MTSAN NYID DU BSTAN TO, ,MANG DU THOS PA ZHES SMOS PA NI DA LTAR BYUNG BA'I YE SHES KYI TSOGS SO, ,CHO RIGS DANG DUL BA ZHES SMOS PA NI 'DAS PA'I TSUL KHRIMS DANG DUL BA LAS BYUNG BA'I BSOD NAMS KYI TSOGS KYI 'BRAS BU'O, ,'DAS PA'I SBYIN PA LAS BYUNG BA'I BSOD NAMS KYI TSOGS KYI 'BRAS BU NI SBYOR BA PHUN SUM TSOGS PA NYID DO, ,SHES PA ZHES BYA BA SA NI 'DAS PA'I TSE'I YE SHES KYI TSOGS KYI 'BRAS BU'O, ,'DI DAG GIS DREGS PA MED DE ZHES PA SGYU RTZAL DU MA DANG SKAD KYI RNAM PA SHES KYANG NGO, 'DI DAG NI GONG DU BSHAD PA'I SBYIN PA'I KHYAD PAR GYI DON NO, ,GLO BUR BA THAMS CAD LA ZHES BRTZAMS TE, SBYIN PA PO'I GTZO BOR GYUR PA DE RGYU DES NA 'JIG RTEN LA PHAN PA'I PHYIR ZHUGS PA'O, ,SER SNA LA SOGS PA'I NYES PAS ZIL GYIS MA NON PA ZHES BYA BA LA, 'DIR SOGS PA'I SGRA NI CHAGS PA DANG, PHRAG DOG DAR; ,ZHE SDANG LA SOGS PA STE, SBYIN PA'I BGEGS KYI RGYUR GYUR PAS NYAS PA ZHES SMOS SO, ,'DOD PA'I DON 'BYOR THE TSOM MED GYUR PAS, ,ZHES BYA BA LA, BYIN PA DE NI 'DOD PA'I DON NO, ,MA BYIN PA DE NI THE TSOM STE, DE MED PA YIN PA'I PHYIR 'DOD PA'I DON 'BYOR THE TSOM @168A *, ,MED PA'O, ,DE BAS SLONG ZHES NGES PAR ZHES BYA BA LA, NOR GANG SLONG BA DE NI SLONG ZHES NGES PAR SMRAS SO, ,GANG GI PHYIR ZHE NA, SMRAS PA, DE'I SEMS NI ZHES BYA BA LA SOGS PA SMOS TE, CHAGS PA'I SKABS MED PAR BYAS PA STE, SEMS CAN GYI DON LA CHAGS PAS SO, ,SHIN TU MI BZAD NOR MIN ZHES BYA BA LA, MI BZAD PA NI DRAG PA'O, ,DE RAB TU MANG POR GYUR PA'I PHYIR SHIN TU'O, ,GZHAN MANG PO GZHAN DAG STE, NOR MA YIN PA DAG LAS KYANG NOR MA YIN PA 'DI SHIN TU MI BZAD NOR MIN PA'O, ,DE LTAR BSAGS PA DANG; BSRUNG BA GNYIS KYI DUS NA YANG NYES PA CHEN POR GYUR PAS NA PHUNG KHROL LAM NOR BA YIN PAR BSHAD DO, ,RGYU RKYEN MED PAR MYUR DU CHUD ZA BA'I, ,ZHES BYA BA LA BAR DU GCOD PA'I NYES PA YIN PAS NA'O, ,MYUR DU ZHES BYA BA NI YUN MI RUNG BAR RO, ,DE LA MI THOGS PA'I TSUL GANG YANG YOD PA DE NI RGYU RKYEN MED PAR MYUR DU CHUD ZA BA ZHES BYA BA YIN TE, 'DIS NI LEGS PAR BSRUNGS BZHIN DU YANG 'JIG PA DANG, MYUR DU 'JIG PAR BSHAD DO, ,CHAGS PA'I GZHI YIN PA'I PHYIR, DES NA NGAN 'GRO'I GROGS SU GYUR PA YIN TE, NGAN 'GRO'I LAM GYI DED DPON ZHES BYA BA'I DON TE, JI LTAR DED DPON GYIS LAM DU 'JUG PA RNAMS KYI GROGS BYED PAR GYUR PA DE BZHIN DU'O, ,BDAG DANG GZHAN GYI 'BYOR PA THOB CES BYA BA LA, GZHAN GYI 'BYOR PA THOB PA NI MTHONG BA'I CHOS LA SLONG BA RNAMS KYI DBUL BA 'JIG PA'I PHYIR RO, ,BDAG GI 'BYOR PA THOB PA NI PHUN SUM TSOGS PA THAMS CAD KYI PHA ROL TU PHYIN PA'I RGYUR GYUR PAS SO, ,DON DANG MTHUN PAR 'GYUR BA ZHES BYA BA NI 'DOD PA'I DON ZHES BYA BA'I THA TSIG STE, 'DOD PA'I DON PHUN SUM TSOGS PA'O, ,SLONG BAS BSLANG ZHES NGES PAR SMRAS PA LA SOGS PA 'DIS NI SBYOR BA PHUN SUM TSOGS PA BSTAN TO, ,PHONGS PA RNAMS KYI ZHES BYA BA LA SOGS PA 'DIS NI DNGOS GZHI PHUN SUM TSOGS PA BSTAN TO, ,'JIG RTEN DAG NA NOR NI PHAL CHER YANG, ,ZHES BYA BA'I TSIGS SU BCAD PA 'DIS NI MJUG PHUN @168B SUM TSOGS PA BSTAN TE, DES NA SBYIN PA'I SNGA ROL NA YID BDE BAR 'GYUR BA DANG, SBYIN PA'I TSE NA DANG BA DANG, THA MAR BYIN NAS KYANG RJES SU DGA' BAR BYA'O ZHES BCOM LDAN 'DAS KYIS GANG BSTAN PA DE DANG YANG 'THAD PA NYID DO, ,JI LTAR 'DOD PA BZHIN ZHES BYA BA LA GANG GI TSE GANG SLONG BA DE'I TSE DE BYIN PA YIN TE, DE BAS NA JI LTAR 'DOD PA BZHIN ZHES BYA BA 'DIS NI DUS DANG MTHUN PA'I SBYIN PA BSTAN TO, ,NYON MA MONGS PAR ZHES BYA BA LA NGOR LTA BA DANG SBYIN PA DMAN PA DANG LDAN PA MI SBYIN PA STE, DES NA BU LTA BU LA PHAN PA'I CHED DU DGAG PA YIN TE, 'DIS NI YUN RING BA'I BDE BA'I RGYUR GYUR PA BSHAD DO, ,GUS PA KHYAD PAR CAN GYIS BRGYAN, ,ZHES BYA BA NI BKUR STI'I SBYIN PA'O, ,RLABS CHE BAS ZHES BYA BA NI RGYA CHE BA'O, ,KUN TU ZHES BYA BA NI PHYOGS SU MA LHUNG BAR BSTAN PA'O, ,YON TAN 'DI DAG DANG LDAN PAS NA DE NYID SBYIN PA RLABS PO CHE'O, ,NOR DANG 'BRU DANG RIN PO CHE DANG YO BYAD KYI RNAM PA BZHI SMROS PA NI YANG DAG PAR THA SNYAD DANG, BSAGS PAR BYA BA DANG YONGS SU LONGS SPYAD PA 'DI DAG 'JIG RTEN NA YONGS SU GZUNG BA'I DNGOS PO STE, DE BAS NA BZHI PO NYID SMOS SO, ,SBYIN PA CHEN PO ZHES BYA BA NI SNGON GYI DUS NAS BYED PAS KYANG NGO, ,SLONG BA'I TSIG SMRA MA PHOD DE, BDAG GI ZHO SHAS 'TSO BA ZHES BYA BA NI RKUN PO ZHES BYA BA'I DON TO, ,DE STE BDAG SKAL BA CHUNG BA'I SKYON GYIS MTHO BAR GYUR PA ZHES BYA BA LA, BDAG SKAL BA CHUNG BA'I SKYON GYIS ZHES BYA BA BDAG GI SKAL BA CHUNG BA'I SKYON NI DBUL BA 'BYUNG BA'I LAS DANG, LONGS SPYOD PA'I BAR DU GCOD PAR GYUR PA ZHES PA STE, MTHONG BAR GYUR PA DE'I DBANG DU BYAS NAS SO, ,NOR RNAMS NGO NI MI RTAG PAR, ,ZHES BYA BA'I TSIGS SU BCAD PA DANG PO'I PHYED 'DIS NI MI RTAG PAR BRTAGS TE, SEMS MI GDUNG BAR BSTAN TO, ,TSIG RKANG 'OG MA GNYIS KYIS NI SLONG BA RNAMS LA LTOS TE YID GDUNGS PAR BSTAN TO, ,DE BSGRUB PA'I PHYIR, SBYIN PA DANG BKUR STI ZHES BYA BA LA SOGS PA'I TSIGS SU BCAD PA STE, SBYIN PA DANG BKUR STIS @169A *, ,YUN RINGS BDE BYAS PA ZHES BYA BA LA, SBYIN PA DANG BKUR STI NI SBYIN PA DANG BKUR STI'O, ,DE GNYIS LAS GANG BYUNG BA'I BDE BA NI SBYIN PA DANG BKUR STI'I BDE BA'O, ,DES BYAS PA NI SBYIN PA DANG BKUR STIS BDE BA BYAS PA'O, ,BSLANG BA NI DE LTAR DKA' BA LTA ZHIG CES BYA BA LA,, BDAG NI RE ZHIG 'DRIS PA LA SLONG BAR MI SPRO NA, MA 'DRIS PA LA'ANG SLONG BAR BYED PA DE DAG NI RE LTA ZHIG DKA' SNYAM PA STE, DE BAS NA DKA' BA LTA ZHIG BYA'O, ,SBYIN PA DRAGS PA ZHES BYA BA LA, SBYIN PA DRAGS PA NYID KYI NYES DMIGS KYIS NYAMS PAR STON PA YIN TE, RKUN POS MA KHYER ZHES BYA BA LA SOGS PA'I TSIGS BCAD PHYED KYIS SO, ,ZHUGS PA NI ZHUGS PA NYID YIN TE, SBYIN PA DE LA RJES SU CHAGS PA STE SBYIN PA LA ZHUGS PA'I CHAGS PA STE, BYAMS PAS BSKYOD PA'O, ,DE BAS KHYOD LA PHAN PHYIR ZHES BYA BA'I TSIGS BCAD GNYIS KYIS SBYIN PA DRAGS PA'I RGYUS NOR ZAD PA DANG, MA BYIN PA LAS NI 'BREL PAR BSHAD DE, DE GNYI GA'I DPE BSTAN PA'I PHYIR SMRAS PA, CHUNG DU GOD KYANG ZHES BYA BA LA SOGS PA'I TSIGS BCAD 'DI SMOS PA YIN TE, RTAG TU ZHES BYA BA NI RGYUN TU'O, ,CHUNG NGU GOD KYANG ZHES BYA BA LA, KYANG GI SGRAS NI MANG PO SPYAD PA LTA SMOS KYANG CI DGOS ZHES BYA BA'I DON TO, ,GANG GIS DUS RTAG TU BYAS PA YANG GROG MKHAR LTAR MTHON POR BYAS PA'O, ,DAR BAR 'DOD PAS BSAM PA BYAS NA LEGS, ,ZHES BYA BA 'DIS NI ZAD CING GOD PA'I LAM ZHES BYA BA BSTAN PA YIN NO, ,MA RABS ZHES BYA BA NI SBYIN PA MI BYED PA'O, ,SBYIN PAR BYED PA NI 'PHAGS PA NYID DE, TSIGS BCAD 'OG NAS SMOS PAS GANG THOB PA'I RGYU 'DI LAS GANG THOB PAR 'DOD PA NI MA RABS ZHES BYA BA'I DON TO, ,'DI LTAR GYUR KYANG GAL TE MA BYIN NA, ,ZHES BYA BA'I LAN NI, BDAG LA MED KYANG RUNG ZHES BYA BA 'DI'I DON TE, GANG YANG SNGON GYI 'BYOR PA BZANG PO THOB PAR 'GYUR, ,ZHES BYA BA 'DI JI LTAR SBYIN PA BYIN PA 'PHAGS PA NYID DE, DES NA DE MA RABS SU BSGRUB PA'I PHYIR, SLONG PA'I SDUG BSNGAL ZHES BYA BA'I TSIGS BCAD DO, ,SLONG BA NYID SHI BA YIN PAS SLONG BA SHI BA DANG 'DRA'O, ,DE'I GNYEN PO'I LAM NI NOR THOB PA DANG @169B NOR RNYED PA'O, ,DES DE'I SDUG BSNGAL GSO BAR BYED DE SDUG BSNGAL NI DBUL BA'I SDAG BSNGAL LO, ,DE YIS PHONGS PA NI SLONG BA SHI BA DANG 'DRA BA NYID KYIS SO, ,SER BAS BSNUN PAR BYED PA NI MA RABS TE, SLONG BA SHI BA DANG 'DRA BA 'DZIN PA LA YANG MED CES BYA BA'I SER BAS RDEG PAR BYED PAS SO, ,GANG RDEG PAR BYED PA DE NI MA RABS TE, KHYAD PAR DU YANG YA RABS GZI BYIN CAN GYIS DE RDEG PAR BYED PA NI MA LAGS SO, ,DE LTAR RE ZHIG 'DI'I MA RABS BSGRUBS NAS, GANG ZHIG THOB PHYIR SER SNA ZHES BYA BA LA SOGS PA'I TSIGS BCAD PHYED PO DE'I DON BSGRUB PA'I PHYIR, SLONG BAS BRDUNGS NAS ZHES BYA BA LA SOGS PA SMOS SO, ,GZHAN LA PHAN PA LA ZHUGS PA LA CI SOGS PAR BYED DAM ZHES PA STE, SNGA NA MED PA'I RIN PO CHE LA SOGS PA BDAG LA MED KYANG RUNG BA STE, DE BDAG GI SEMS 'DI LTAR 'DIS BSGRUB PA'O, ,GANG ZHIG THOB PHYIR SER SNA'I SEMS BYUNG BA, ,ZHES BYA BA 'DIS BSGRUB PA'I PHYIR, SLONG BAS GDUNGS SHING ZHES BYA BA'I DON DE SER SNA'I SEMS KYIS SLONG BA'I BDE BA MI BSGRUB CING SNGA NA MED PA SOGS PA NI MI RIGS PA NYID DU BSTAN TO, ,GANG ZHIG THOB PA'I PHYIR SER SNA'I SEMS BYUNG BA NA, DA NI SKYES PA LA YANG MI RIGS PA'I DBANG DU BYAS NAS GANG GIS SER SNA'I SKYON ZHES BYA BA'I TSIGS BCAD BSHAD DO, ,GANG GIS SER SNA'I SKYON NI 'PHEL 'GYUR ZHING, ,ZHES BYA BA LA, SER SNA NI GZHAN GYI PHUN SUM TSOGS PA LA MI BZOD PA STE, DES NI SNYING RJE MED PAR BSTAN TA, , GTONG BA'I SEMS KYANG SKYE BAR MI 'GYUR BA, ,ZHES BYA BA LA CHAGS PA'I GNYEN PA NI GTANG BA'I SEMS TE, YONGS SU SKYE BA ZHES BYA BA 'DIS NI SHES RAB RNAM PAR 'PHEL BAR BYED PA STE, SHES RAB KYIS NI PHAN PA MED PA NGO BO NYID KYIS YONGS SU SPYOD PA'I PHYIR RO, ,GTANG PA'I SEMS SKYE BA DE DANG SBYIN PA STE, SKYES NA YANG ZHES BYA BA'I DON TE MA SKYES PA LA LTA SMOS KYANG CI DGOS, DE YONGS SU GZUNG BAR SNYAD BTAGS ZHES BYA BA NI YONGS SU GZUNG BA NYID SNYAD BTAGS PA STE SNYAD BTAGS PA NI SGRIB PA'I CHOS SO, ,YANG NA GYA GYU'O, ,YONGS SU GZUNG @170A *, ,BAR SNYAD BTAGS PA MI LTOGS PAR NI YONGS SU GZUNG BAR SNYAD BTAGS PA'I RANG BZHIN NO, ,DE GANG ZHE NA, PHONGS PA STE, 'DIS RNAM PAR BCOM PA YIN PAS PHONGS PA NYID LAS YONGS SU GZUNG BAR SNYAD BTAGS PA NYID DO, ,YONGS SU GZUNG BA'I TSUL NYID DU GNAS PAS BCOM ZHES BYA BA'I DON TE, PHONGS PA'I RGYU YIN PAS RGYU LA 'BRAS BU BTAGS PA'O, ,PHONGS PA DE NYID BSGRUB PAR 'DOD PAS, GLON NI 'GYU BA BZHIN DU ZHES BYA BA'I TSIGS BCAD BRTZAMS SO, ,GLOG NI 'GYU BA BZHIN DU ZHES BYA BA LA SOGS PAS NI SKAD CIG GIS 'JIG CING MI RTAG PAR BSTAN TE, RANG NYID RNAM PAR 'JIG PA'I PHYIR RO, ,THUN MONG ZHES BYA BA 'DIS NI LNGA'I THUN MONG DU GYUR PA STE, 'DIS NI RNAM PAR 'JIG PA'I RGYUS 'JIG PA'I PHYIR TE 'BRAL BA'I MI RTAG PA BSTAN TO, ,PHONGS PA DU MA'I RGYU ZHES BYA BA NI SNGAR BSTAN PA'I PHONGS PA ZHES BYA BA DA NYID BSTAN TE, PHONGS PA'I RGYU ZHES BYA BA NI BSAGS PA DANG 'JIG PA'I DUS SU BSRUNG BA DANG, GRANG BA DANG, TSA BA DANG, GSAD PA DANG, BCING BA DANG, BRDEG PA LA SOGS PA PHONGS PA'I RGYU'O, ,'DIS NI YONGS SU BCOM PAS PHONGS PA NYID DU BSTAN TO, ,DE LTAR PHONGS PA LA NOR GYI SER SNA'I YA RABS SU ZHIG BSTAN PAR BYED DE NOR SBYIN PA NYID LA SU ZHIG 'DI LTAR SER SNA BYED PA'O, ,DA NI DE'I RGYU BSTAN PA'I LAM LAS BRTZAMS TE, BRGYA BYIN KHYOD KYIS ZHES BYA BA'I TSIGS SU BCAD PA 'DI'O, ,GNYEN PA NI BDAG NYID KYI NYE DU LTA BU STE, CI'I PHYIR NA PHAN PA SMRAS PAS SO, ,DE BAS LAM MIN ZHES BYA BA LA, SBYIN PA'I LAM MA YIN PA NI SBYIN PA MA YIN PA STE, SMRAS PA PHAN PA MA YIN PA BSTAN CING SGRUBS PAS NI KHRO BA YONGS SU 'DZIN PA'I PHYIR, KHYOD KYI THUGS NI ZHES BYA BA'I TSIGS BCAD SMOS SO, ,MTHUN PA'I PHYOGS NYID BGROD PAR DKA' BA'O, ,NGO BO NYID KYI SBYIN PA NI NGO BO NYID KYIS SBYIN PA'O, ,NGO BO NYID KYI SBYIN PA'I MI MTHUN PA'I PHYOGS NI SBYIN PA MA YIN PA NGO BO NYID KYIS MI MTHUN PA'O, ,BGROD DKA' BA NI SDUG BSNGAL GYIS @170B BGROD DKA' BA'I PHYIR RO, ,GZHUG PA NI 'GRO BA'O, ,SLA BA ZHES BYA BA NI 'BAD PA CHUNG DUS SO, ,'BYOR PA PHUN SUM TSOGS PA ZHES BYA BA NI GOS DANG, RGYAN DANG, YO BYAD DANG, MAL CHA LA SOGS PA GZUNG NGO, KHANG MDZOD YONGS SU GANG BA DANG ZHES BYA BA 'DI GNYIS KYIS NI GANG SOGS SHING 'DU BA DE BSTAN TO, ,GANG SOGS PA DE'I DBANG DU BYAS NAS, LEGS PAR BYED CING ZHES BYA BA LA SOGS PA STE, LEGS PAR BYED PA NI JI LTAR BYA BA DE BZHIN DU BYED PA'I PHYIR RO, ,RLABS PA CHE BAm NI RE RE LA YANG LAS KYI MTHA' MANG PO YOD PA'I PHYIR RO, , RNAM PA SNA TSOGS PA NI ZHING RMED PA DANG CHONG LA SOGS PA STE, ZHING GI RNAMS NI SNA TSOGS PAS SO, ,DAR BAR GYUR PA ZHES BYA BA NI BRTAN PA DANG GNAS PAR GYUR PA STE, GNAS PAR GYUR PA GANG YIN PA DE NI 'JIG RTEN NA DAR BAR GYUR PA ZHES BYA BA'I DON YIN TE, 'JIG RTEN DBANG PHYUG DBANG DU GYUR PA ZHES BYA BA NI GANG GIS 'JIG RTEN GYI DBANG PHYUG GI DBANG DU GYUR PA STE, SEMS CAN 'JIG RTEN PA RNAMS BKA' BZHIN DU BYED PAR BSTAN TO, ,BDAG GI BLO YIS ZHES BYA BA LA SOGS PA SMOS PA LA, RANG GI BLOS LCOGS PA NI BDAG GI BLOS LCOGS PA'O, ,DES MNYAM PAR GZHAG PA NI MA YENGS PA'AM, YANG DAG PAR KHYAB PAR BYAS PA'O, ,LAS DANG YON TAN GYI DBANG DU BYAS PA STE, DE YANG GRAGS PA'I RJES SU MTHUN PAR 'GYUR BA'I 'JIG RTEN PAS RAB TU BSNGAGS PA NI RIGS MTHO BA'AM GRAGS BA DANG RJES SU MTHUN PA'O, ,DE YANG RNAM PA GNYIS TE, LAS DANG RIGS DANG RJES SU MTHUN PA'O, ,'GRAN ZLA ZIL MNAN TE ZHES BYA BA NI DGRA'I PHYOGS LAS BRTZAMS PA'O, ,SKYE BO RNAMS NI ZHAR LA GROGS BTZAL NAS, ,ZHES BYA BA NI THA MAL PA RNAMS LAS BRTZAMS PA'O, , ZHAR LA ZHES BYA BA NI PHAN TSUN 'DUD CING PHYAG 'TSAL BA'O, ,MDZA' BOR BCAS LA ZHES BYA BA LA SOGS PA NI GROGS PO'I PHYOGS LAS BRTZAMS PA'O, ,RGYAL PO LAS KYANG ZHES BYA BA NI PHUN SUM TSOGS PA BSTAN PA'I RGYU NYID DU BSTAN TE, DES YONGS SU BSRUNG BA'I PHYI @171A *, ,RO; ,DPAL GYIS 'KHYUD GYUR NA ZHES BYA BA YIN TE, 'DI LTAR YONGS SU GTONG BA CAN NI 'BYOR PA DANG BDE BA YIN TE, 'DI NI NYE BAR LONGS SPYOD PA'O, ,SDOM ZHING MI G-YENG GNAS PA ZHES BYA BA LA SDOM PA NI SBYIN PA LAS LDOG PA'O, ,MI G-YENG BA NI NYE BAR LONGS SPYOD PA LAS LDOG PA'O, ,YANG NA MI G-YENG BA NI RGYAL PO LA SOGS PA'I CHAD PA'I LAS KYIS SO, ,DE LA MA RABS 'GYUR BA ZHES BYA BA NI GANG DE LTAR BSTAN PA STE, 'PHAGS PAS MA RABS CHOS BYA ZHES BYA BA LA SOGS PA DE'I LAN GYIS BSTAN PA YIN NO, ,'BYOR PA MED PAR ZHES BYA BA LA, 'BYOR PA MED BZHIN DU STE, BDAG GI DON ZHES BYA BA LAS BRTZAMS PA'O, ,GANG ZHIG CES BYA BA LA SOGS PA'I TSIGS SU BCAD PA GNYIS BSTAN PA LAS 'JIG RTEN PA DANG, NYAN THOS DANG RANG SANGS RGYAS KYI DBANG DU BYAS PA'O, ,GZHAN GYI DON LAS ZHES BYA BA'I TSIGS SU BCAD PA 'DI NI 'JIG RTEN PA'I DBANG DU BYAS PA STE, BDAG GI DON CHED CHER 'DZIN PA'O, ,GZHAN GYI DON CHED CHER MI 'DZIN PA DES KYANG SBYIN DGOS PA YIN TE, DE CI'I PHYIR ZHE NA, 'DIS NI LONGS SPYOD CHOG PA MED PAS SO, ,DES NI MTHONG BA'I CHOS KYIS BDE BA BSTAN NAS MTHO RIS THOB MI 'GYUR ZHES BYA BA NI 'JIG RTEN PHA ROL GYI BDE BA'O, ,CI'I PHYIR MTHONG BA'I CHOS NYID LA BSOD NAMS SU MI 'GYUR ZHE NA, SBYIN PA'I 'BRAS BU NI 'BYOR PA YIN PAS SO ZHES BYA BA'I DON TO, ,SER SNA LA SOGS ZHES BYA BA 'DI'I DON NI NYAN THOS DANG RANG SANGS RGYAS KYI DBANG DU BYAS PA STE, GANG GI PHYIR DE NI NYON MONGS PA SPONG BA LA 'BAD PAS SO, ,'BYOR PA DE'I PHYIR ZHES BYA BA NI PHUN SUM TSOGS PA'I RGYU'I PHYIR RO, ,GANG ZHIG SKYE SHIS NYEN PA'I ZHES BYA BA'I TSIGS SU BCAD PA 'DIS NI BYANG CHUB SEMS DPA'I DBANG DU BYAS PA STE RGA BA DANG SHI BA ZHES BYA BA LA, GNYIS KHO NA SMOS PAS NI NAD NI NGES PAR 'BYUNG BA'I PHYIR LA, SKYE BA NI MA BSHAD KYANG GRUB PA'I PHYIR 'DI LTAR BSTAN TO, ,BDAG KYANG GTONG BYED CING ZHES BYA BA 'DIS NI SEMS CAN GYI DON BYED PA'I TSUL KHRIMS LA 'JUG @171B PA'I MTSAN NYID BSTAN TO, ,GZHAN SDUG BSNGAL BAS BDAG GI BDE BA MI MYONG BA ZHES BYA BA 'DIS NI SDOM PA'I TSUL KHRIMS BSTAN TO, ,KHYIM BDAG 'BYOR PA PHUN SUM TSOGS PA ZHES BYA BA LA SOGS PA GANG BSTAN PA DE'I LAN NI NOR RNAM PA PHUN SUM TSOGS PA ZHES BYA BA'I TSIGS BCAD DO; ,BDAG GI BSGRUB PA PHUN SUM TSOGS PA DANG, GZHAN GYI BSGRUB PA PHUN SUM TSOGS PA'I RGYU NI BDAG GI SGRUB PAS GZHAN GYI DON LAS BRTZAMS TE, SHING RTA GCIG GIS ZHES BYA BA LA SOGS PA'I TSIGS SU BCAD PA'O, ,GANG DU LAM DRANGS PA ZHES BYA BA NI DANG PO'I LAM BYED PA'O, ,GZHAN ZHES BYA BA NI GNYIS PA'O, ,DE BZHIN GZHAN ZHES BYA BA NI GSUM PA'O, ,BDE BA NI ZHES BYA BA NI GTZO BOR GYUR PA STE, DANG PO GANG GI RJES SU 'GRO BA LA SOGS PA'I BLOS 'KHOR BAR BYANG CHUB SEMS DPA'I LAM DAM PA MA YIN PA STE, BDAG GI DON MCHOG TU BYED PA NI LAM MO, ,'DI LTAR GYUR KYANG ZHES BYA BA NI 'BYOR PA MA ZAD PAR GYUR KYANG NGO, ,MI BZAD NGAN PA ZHES BYA BA LA NGAN PA NI SHIN TU SMAD PA'O, ,MI BZAD PA NI SDIG PA MCHOG TU BYED PA'O, ,NYES DMIGS MA MTHONG NAS ZHES BYA BA NI 'JIG RTEN 'DI'I BSAD PA DANG BCING BA LA SOGS PA GRAGS PA MA YIN PA'I NYES DMIGS DANG, 'JIG RTEN PHA ROL DU NGAN 'GRO LA SOGS PA'I NYES DMIGS SO, ,RAB TU 'JUG PA NI RAB TU 'GRO BA'O, ,GANG GIS SHE NA, SHIN TU G-YENGS PA'I SEMS KYIS SO, ,KHYOD KYIS NOR NI ZANG PAR 'GYUR BA'ANG MA BSAMS SHING ZHES BYA BA 'DI'I BSDUS PA'I DON NI SLONG BA'I SKYE BO'I SDUG BSNGAL BSAL BA'O, ,MI BYED PA'I RGYU DE YANG GSUM STE, NOR LA CHAGS PA DANG, BDAG GI BDE BA LA CHAGS PA DANG, MI DGE BA'I BSHES GNYEN LA BRTEN PA'O, ,RGYU GSUM PO DE DAG ZIL GYIS MNAN NAS GZHAN GYI DON SGRUB PA LA SEMS BRTAN PAR 'GYUR BA'I PHYIR RO, ,RAB TU CHE BA BRTAN ZHES BYA BA NI TSIGS BCAD SNGA MA 'DIR BZLOG PA BSTAN PAS 'JIG RTEN GYI NGO BO NYID BSTAN TE, NOR NI ZAD PAR GYUR PA ZHES BYA BA BZLOG PAS SO, ,GRAGS PA DANG 'GAL @172A *, ,BAR GYUR PAS ZHES BYA BA'I PHYED KYIS NI BDAG GI BDE NYAMS ZHES BYA BA 'DI'I MI MTHUN PA'O, ,BDAG GI BDE LA CHAGS PAS ZHES BYA BA NI NGA YIS BSLUS PA ZHES BYA BA'I MI MTHUN PA'I PHYOGS BSTAN TO, ,SHIN TU G-YENGS PA'I SEMS KYIS RAB TU 'JUG ,CES BYA BA NI BDAG NYID CHEN PO PHUN SUM TSOGS PA'I ZHES BYA BA 'DI'I BZLOG PA'I PHYOGS SO, ,SKYE BO NI SKYE BA THA MAL PA'O, ,DE LTAR MI MTHUN PA'I PHYOGS DANG GNYEN PO BSTEN TE, BYAMS KYIS BSKYOD PA ZHES BYA BA BRGYA BYIN GYIS DANG PO SMRAS PA DE'I DBANG DU BYAS PA'O, ,DA NI AE MA'O RLABS CHEN ZHES BYA BA LA SOGS PA TSIGS SU BCAD PA GNYIS NI KHYIM BDAG 'BYOR PA PHUN SUM TSOGS PA ZHES BYA BA LA SOGS PA LHA'I DBANG PO BRGYA BYIN GYIS SMRAS PA DE'I DBANG DU BYAS PA STE, RLABS CHEN KHYAD PAR GSAL BA ZHES BYA BA LA, RLABS CHE BA NYID KYI KHYAD PAR DES RANG BZHIN GYIS RLABS CHE BA STE, BDAG NYID LA CHAGS PA MED PAR GZHAN LA PHAN PA DANG BDE BA LA 'JUG PA'O, ,SER SNA NYID KYI MUN PA NI SER SNA'I MUN PA'O, ,SNYING GI SER SNA'I MUN PA RAB TU BSAL BA DE NYID NI SNYING GI SER SNA'I MUN PA RAB TU BSAL BA'O, ,SER SNA NI MUN PA DANG CHOS MTHUN PA YIN TE, ,NOR NI SNYING PO MED CING SEMS CAN DAG SDUG BSNGAL BAR BYED LA PHAN PAR LTA BA'I GNAS SU GYUR PA'I PHYIR RO, ,DE BSGRUB PAR 'DOD NAS SMRAS PA, RAB TU SBYIN LA ZHUM PA'I SEMS SU YONGS MA GYUR, ,ZHES BYA BA GANG YIN PA DE NYID RNAM PA SNYING LA YOD PA STE, DE BAS NA SNYING GI SER SNA'I MUN PA RAB TU BSAL BA'O, ,RAB TU SBYIN PAS ZHUM PA NI RAB TU SBYIN PA LA ZHUM PA STE, RAB TU SBYIN PA LA ZHUM PA'I SEMS SU YONGS MA GYUR, ,ZHES BSTAN PA NOR MED PAR GYUR KYANG NGO, ,DE BAS SDOM ZHING MI G-YENG GNAS BYAS LA; ,ZHES BYA BA 'DI'I THABS KYIS TE STON PA'O, ,GANG ZHIG SKYE SHIS NYEN PA'I 'JIG RTEN SKYONG 'DOD PA, ,ZHES BYA BA BYANG CHUB SEMS DPAS SMRAS PA DE'I DBANG DU BYAS PA NI, GZHAN SDUG PA'I SDUG LA NGO MTSAR MI CHE STE ZHES BYA BA'I TSIGS BCAD DO, ,'DIR GZHAN GYI @172B SDUG BSNGAL GYIS SDUG BSNGAL BA NI NGO MTSAR MA YIN NO ZHES BYA BA NI GANG SNGAR BSTAN PA'I GZHAN SDUG BSNGAL BAS BDAG GI BDE BA MI MYONG BA ZHES BYA BA DE'I DBANG DU BYAS TE BSHAD PA'O, ,SNYING RJE'I DBANG GIS KHYOD NI 'JIG RTEN PHAN PAR 'DOD, ,CES BYA BA NI GANG SNGAR BYANG CHUB SEMS DPAS BSTAN PA'I GANG ZHIG SKYE SHIS NYEN PA'I ZHES BYA BA LA SOGS PA BSTAN PA YIN NO, ,GANGS KYI RI BO RLUNG GIS ZHES BYA BA'I PHYED 'DIS NI GANG SNGAR BSTAN PA'I DE LA, ,KHYOD KYI DPAL LDAN NOR YANG CI ZHIG BYA, ,ZHES PA DE BSTAN PA YIN NO, ,DA NI DE'I 'BYOR PA MI SNANG BAR BYAS PA'I RGYU LAS BSAMS TE, GRAGS PA KUN TU ZHES BYA BA'I TSIGS BCAD SMROS SO, ,KUN TU GRAGS PA'I PHYIR ZHES BYA BA NI KUN TU BSTAN PA'O, ,YONGS SU BRTAG PA NI YONGS SU BRTAGS PA'I PHYIR TE, MA BRTAGS PAR NI GRAGS PA KUN TU BSGRAG CING BSGRUB PAR MI NUS SO, ,DE LTAR MA BYAS NA NI ZHES BYA BA'I TSIGS BCAD PHYED PA 'DI LA MDZES PA'I RJES SU 'GRO BA NI NOR BU BZANG PO STE, 'DIS NI MTHONG BA'I YUL DU BSTAN TO, ,DE BZHIN DU YON TAN THOS PA'I YUL DU BSTAN PA NI GRAGS PA STE, NOR BU BZANG PO LTA BU NI GRAGS PA'O, ,DE LTAR MA BYAS NA NI ZHES BYA BA NI YONGS SU BRTAG PA MA BYAS PAR RO, ,NOR BU DAG NI GRAGS PA YIN PAS NOR BU'I GRAGS PA'O, ,RIN CHE BA NYID PAS NI RIN CHEN NO, ,BDAG GI GRAGS PA YANG MI LTOS LA RIN CHE BA NYID DU YANG MI LTOS PA STE, NOR BU BZANG PO YIN YANG YONGS SU BRTAG PA MED PAR RO, ,DE BZHIN DU GRAGS PA YANG YONGS SU BRTAG PA MED PAR NI KUN TU GRAGS PAR MI 'GYUR TE, BRTAG PA'I RGYU DES NA, ,KHYOD KYI NOR 'DI RNAMS NI BDAG GIS SBAS PAR GYUR, ,ZHES BYA BA YIN NO, ,DE BAS ZHES BYA BA NI GANG GI PHYIR BRTAGS PA'I RGYU DES KHYOD KYI NOR SBAS PAR GYUR PA'O, ,DES NA SBYIN PA CHAR BZHIN PHOBS ZHES BYA BA NI GANG NOR SBAS PA DE NYID KYIS BSGRUB PAR BSTAN TO, ,NGAS NI RJES SU BZUNG BAS NOR YANG ZAD MI 'GYUR, ,ZHES BYA BA 'DIS NI MCHOG SBYIN PAR BSTAN TO, ,KHYOD KYIS BZOD PAR BYOS @173A *, ,ZHES BYA BA 'DIS NI, NOR SBAS PA DE DANG DE 'DIS NI BZOD PAR MDZOD CIG PA'O, ,MGU BAR BYAS PA ZHES BYA BA NI GRAGS PA KUN TU BSGRAGS PA ZHES BYA BA LA SOGS PA'I TSIGS BCAD LNGAS SO, ,DE YI NOR GYI RNAM PA SLAR BYIN TE, DE BAS SBYIN PA ZHES BYA BA'I TSIGS BCAD SNGAR BSTAN PA DES BSTAN TO, ,BZOD PAR BYAS NAS ZHES BYA BA NI BDAG GIS GTZES PA 'DI YANG KHYOD KYIS BZOD PA MDZOD CES BYA BA 'DIS BSTAN TO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS TSONG DPON ZIL GYIS MA NON PA'I SKYES PA'I RABS SO,, ,,LDUM BU DANG, RTZVA DANG SHING LJON PA YID DU 'ONG BA ZHES BYA BA 'DIS NI GRIB MA PHUN SUM TSOGS PA BSTAN TO, ,ME TOG DANG 'BRAS BUR LDAN PA ZHES BYA BA 'DIS NI ZAS PHUN SUM TSOGS PA'O, ,CHU GTZANG MA BEE d'URYA LTA BU ZHES BYA BA LA SOGS PA BZHIS NI MING GI TSOGS BTUNG BA PHUN SUM TSOGS PA'O, ,SA GZHI NE'U GSING 'JAM PA DANG LDAN PA DANG, SKYE BO DKA' THUB CAN GNAS PA DANG LDAN PAS NI 'JIGS PA MED PA NYID DU BSTAN TE, SNGAR BSTAN PA NYID KYIS SKYE BO DKA' THUB CAN GNAS PA'I RGYU BSTAN TO, ,DE NI LUS BZANG ZHES BYA BA LA SOGS PA BZHIS NI MING GI TSOGS DANG, GZUGS KYI LUS PHUN SUM TSOGS PA BSTAN TO, ,YON TAN DE DAG NYID DANG LDAN PA'I PHYIR, GCAN GZAN NGAN PAS GLAGS LTAR BAG MI TSA BAR GNAS TE, JI LTAR GLAGS MI LTA BAR 'DUG CE NA, SMRAS PA, , RI DAGS RGYAL PO'I TSUL GYIS ZHES BYA BA'O, ,CHA BYAD DANG, CHOG SHES PA GNYIS KYIS NI THUB PA BZHIN MDZES PA YIN TE, GANG GI PHYIR THUB PA RNAMS NI CHA BYAD DANG, CHOG SHES PAS RAB TU RNAM PAR 'BYED PA YIN TE, DE BAS NA 'DI BSTAN TO, ,BDAG GIS LAGS PA AA DZI NA GON ZHES BYA BA'I TSIGS BCAD 'DIS NI BDAG NYID NGAN PA STE, GNOD PAR BYED PA SPANGS BA ZHES BYA BA'I DON TO, ,SLOB MA BDER GNAS SHING ZHES BYA BA NI SLOB MA BZHIN DU BDE BAS SLOB MA BDER GNAS TE, BDE BA BYED PA'I PHYIR BDE BA LTA BU'O, ,'DUL BA SBYIN @173B PAR NUS PA'I DBANG DU BYAS NAS SLOB MA NYID DANG CHOS MTHUN PAS BDE BA YANG YIN TE, 'DI LTAR BDE BAS 'DUL BAR BYED PA'O, ,YON TAN KHYAD PAR CAN GYIS SKYES PA ZHES BYA BA NI YON TAN KHYAD PAR CAN GYIS YANG DAG PAR BSKYED PA'O, ,BYANG CHUB SEMS DPA' DE LA BYAMS PA DANG GUS PA KHYAD PAR CAN TE DE LA BYAMS DANG GUS PA'O, ,PHAN TSUN GNYEN DU 'BREL PA NI SKYE GNAS KYI 'BREL BA STE, DES 'BREL PA'I BYAMS SHING CHAGS PAR GYUR PA GANG YIN PA NI PHAN TSUN GNYEN DU 'BREL BZHIN DU GCIG LA GCIG CHAGS SHING BYAMS PAR GYUR PA'O, , GCIG LA GCIG NI PHAN TSUN 'BREL BAS SO, ,SPOBS PA DANG BKUR STI NI SPOBS PA DANG BKUR STI'O, ,DE DAG GCIG LA GCIG SPOBS SHING BKUR STIS RAB TU MDZA' BAR GYUR PA GANG YIN PA DE NI GCIG LA GCIG SPOBS SHING BKUR STI BYED PAS RAB TU MDZA' BAR GYUR PA STE, DE BAS NA 'DI LTAR RO ZHES BRJOD DO, ,DUD 'GRO'I RANG BZHIN LA NI MI PHYOGS ZHES BYA BA NI SROG GCOD PA LAS LDOG PA'O, ,BDE BA DANG MTHUN ZHING ZHES BYA BA LA SOGS PA 'DI'I LUS NI PHAN PA YIN BDE BA MA YIN PA DANG, BDE BA YANG MA YIN PHAN PA YANG MA YIN ZHES BYA BA LA SOGS PA RNAM PA BZHI LAS DE LA PHAN PA MED PA NI GCIG TU MI BYA BA YIN NO, ,GANG DU PHAN PA YOD PA DE NI GCIG TU BYA BA STE, DE LA PHAN LA BDE BA MA YIN PA DANG, PHAN LA BDE BA DE NI BYA BA YIN NO ZHES BSTAN TO, ,BDE DANG MTHUN ZHING YON TAN MI MTHUN TSUL, ,ZHES BYA BA NI GANG DU PHAN PA DANG BDE BA YOD PA DE BSTAN TO, ,YON TAN MTHUN ZHING BDE DANG MI MTHUN TSUL, ,ZHES BYA BA NI PHAN PA DE NYID BDE BA NYID DU BSTAN TO, ,YON TAN PHYOGS LA BRTEN NA NI ZHES BYA BA NI GANG LA PHAN PA YOD PA DE LA BRTEN PA ZHES BYA BA'I DON TO, ,GZHAN LA SNYING RJE DANG SGRUB PA NI SNYING RJE DANG SGRUB PA'O, ,DE GNYIS KYIS BLA MAR GYUR PA NI GZHAN LA SNYING RJE SGRUB PA'I BLA MA STE, BSAM PA DANG SBYOR BA GNYIS CHE BA'O, ,YANG NA BDAG DANG GZHAN LA PHAN PA SGRUB PA'O, ,YANG NA GZHAN LA SNYING RJE BA NYID SGRUB PA YIN PAS GZHAN LA SNYING RJE CHE BA'I BLA MAR GYUR @174A *, ,PA STE; GZHAN LA PHAN PAR SGRUB PA YIN PAS BLA MA ZHES BRJOD PA YIN NO, ,YON TAN RJES 'GRO RANG BZHIN PHUN SUM TSOGS, ,ZHES BYA BA LA SLOB MA RNAMS KYI RANG BZHIN PHUN SUM TSOGS PA BSTAN TO, ,SLOB MA DANG BLA MA'I PHUN SUM TSOGS PA GNYIS KYI GRAGS PA LHA YUL DU YANG GRAGS PAR GYUR PA'O, ,DKYIL 'KHOR YONGS SU RDZOGS PA NYE BA CUNG ZAD MA RDZOGS PA BZANG PO NI YONGS SU MA GANG BA'I MDZES PA'O, ,'DU BA GANG YOD MTHA' NI ZHES BYA BA LA SOGS PA'I TSIGS BCAD DRUG SMOS PA LA; DE LA 'DU BA GANG YOD DO, ,ZHES BYA BA'I TSIGS BCAD 'DIS NI BSOD NAMS KYI TSOGS KYI 'BRAS BU G-YOG 'KHOR DANG LONGS SPYOD CHEN PO'I BDAG NYID SRID PA'I PHUN SUM TSOGS PA MTHAR RGUD PA NYID DU BSTAN TE, 'DU BA GANG YOD MTHA' NI 'BRAL BAR 'GYUR; ,ZHES BYA BA NI MTHAR 'BYE BA YIN TE, 'DIS NI BSOD NAMS KYI TSOGS KYI 'BRAS BU G-YOG 'KHOR CHEN PO DANG BRAL ZHING MTHAR RGUD PA NYID DU BSTAN TO, ,DAR BA YOD NA NGAN PA RGUD PA'I MTHA', ,ZHES BYA BA 'DIS NI SBYIN PA LAS BYUNG BA'I BSOD NAMS KYI TSOGS KYI 'BRAS BU LONGS SPYOD CHEN PO LAS MTHAR RGUD PA NYID DU BSTAN TO, ,TSE YANG GLOG BZHIN 'GYU ZHING MI BRTAN NO, ,ZHES BYA BA 'DIS NI TSUL KHRIMS LAS BYUNG BA'I BSOD NAMS KYI TSOGS KYI 'BRAS BU BDAG GI PHUN SUM TSOGS PA 'CHI BA NYID KYIS RGUD PAR BSTAN TO, ,DE PHYIR ZHES BYA BA NI BSOD NAMS KYI TSOGS GSUM PO DE NYID KYI PHYIR BAG YOD PAR BYA BA STE, PHYIS KYANG DE'I RGYU 'PHEL BA LA BAG YOD PAR BYA'O, ,YANG NA 'DI'I BSDUS PA'I DON GZHAN NI DGE BA'I BSHES GNYEN DANG, LUS DANG SROG DANG BRAL BA DANG, RGUD PA DANG, 'JIG PA ZHES BYA BA STE, DE BAS NA MTHAR RGUD PAS 'JIGS PA MED BA LAS RGYU GSUM GYIS BAG YOD PAR 'GYUR TE, TSIGS BCAD 'DIS GO RIMS BZHIN DU SBYAR RO, ,BAG YOD PAR BYA'O ZHES BSTAN PA LA, JI LTAR BAG YOD PAR BYA BA DANG, DE'I PHAN @174B YON BSTAN PA'I PHYIR, DE BAS SBYIN PA TSUL KHRIMS ZHES BYA BA'I TSIGS BCAD SMOS SO, ,SBYIN PA ZHES BYA BAS NI SBYIN PA'I BSOD NAMS KYI TSOGS BSTAN TO, ,TSUL KHRIMS BRGYAN PA ZHES BYA BAS NI TSUL KHRIMS DANG, BZOD PA'I BSOD NAMS KYI TSOGS BSTAN TO, , TSUL KHRIMS LAS THA DAD PA DE YANG GANG ZHE NA, GNOD PAR BYED PA LA LAN DU GNOD PA BYED PA'I MTSAN NYID KYI BZOD PA MED PA'O, ,TSUL KHRIMS MED NA NI GNOD PA MI BYED PA LA YANG GNOD PA BYED PA STE, DES NA GNOD PA BYED PA LAS LDOG PA'O, ,DE BAS NA SBYIR GNYI GA LA SBYAR BA YIN TE, TSUL KHRIMS SMOS PAS BZOD PA MA SMOS KYANG GRUB PA YIN NO, ,SKYE BA'I NGAN 'GRO'I NANG NA ZHES BYA BA'I TSIGS BCAD KYI PHYED 'OG MAS NI BSOD NAMS KYI TSOGS DANG 'BREL PA'I PHAN YON NO, ,RTEN NI GNAS ZHES BYA BA'I DON TO, ,SKAR MA RNAMS KYI DPAL NI ZHES BYA BA LA SOGS PA'I TSIGS BCAD GSUM SMOS PA NI BSOD NAMS KYI GNAS SU SMOS PA'I PHYIR RO, ,DE LA SKAR MA RNAMS KYI DPAL NI ZHES BYA BA'I TSIGS BCAD NI TSUL KHRIMS LAS BYUNG BA'I BSOD NAMS KYI TSOGS KYI 'BRAS BU BSGRUB PA'I PHYIR TE, TSUL KHRIMS NI BDAG GI PHUN SUM TSOGS PA'I 'BRAS BU STE, DE YANG RIS 'DRA BA LAS TSUL KHRIMS DE KHYAD PAR DU GYUR PA'I 'BRAS BU NYID DU BSTAN TO, ,SKAR MA RNAMS DANG BSIL BAR RIGS 'DRA ZHING CHOS MTHUN PA DE LAS KHYAD PAR DU GYUR PA'I YON TAN GYIS ZLA BA MDZES PA YIN TE, MDZES SHING KHYAD PAR DU GYUR PA YIN NO, ,'OD ZER CAN NI 'OD DANG LDAN PA STE, CHOS MTHUN PA'I 'OD DANG LDAN PA GZHAN PA BA SANGS LA SOGS PA'I 'OD ZER CAN 'OD DANG LDAN PA'O, ,NYI MAS ZHES BYA BA NI TSUL KHRIMS KYI RANG BZHIN GYI BSOD NAMS KYI YON TAN LA SOGS PA'O, ,SA'I DBANG PHYUG CES BYA BA LA SOGS PA'I TSIGS BCAD NI BZOD PA'I RANG BZHIN GYI BSOD NAMS KYI TSOGS KYI 'BRAS BU STE, NGES PAR 'BYUNG BA STE DA LTAR BYUNG BA'I SKYES BU'I BYED PA DGON PA'I RI DGAGS KYANG CI YANG MI BYED DO ZHES STON TO, ,DE LTAR BSOD NAMS MA YIN PA RJES SU 'BRANG @175A *, ,BA ZHES BYA BA LA, JI LTAR RJES SU 'BRANG BA YIN ZHE NA, DE BSTAN PA'I PHYIR, BSOD NAMS CHE BAS ZHES BYA BA 'DI'I DON YIN TE, BSKRAD PA NYID YIN PAS BSKRAD PA STE, JI LTAR GANG SU DAG GIS BSKRAD CING DE RJES SU 'GRO BA BZLOG STE DE DANG MI MTHUN PA'I PHYOGS LA BRTEN PA DE BZHIN DU, BSOD NAMS CHE BAS SKRAG BA BZHIN DU DE NYE BAR 'GRO BA'I GLAGS SKABS THOB PAS DE'I MI MTHUN PA'I PHYOGS KYI BSOD NAMS RAB TU NYAMS PAS DE'I MI MTHUN PA'I PHYOGS SO, ,KHROS BZHIN ZHES BYA BA GANG LA KHROS BZHIN ZHE NA, BSOD NAMS CHE BA LA KHROS PA BZHIN DU DRUNG DU 'GRO'O, ,SNGAR BSTAN PA'I DE LAS SBYIN PA TSUL KHRIMS ZHES BYA BA'I TSIGS BCAD DES NI BSOD NAMS NYI TSE SPAL BA LA GROGS PO BTZUD PA YIN NO, ,SDUG BSNGAL GZHIR GYUR ZHES BYA BA'I TSIGS BCAD 'DIS NI MI MTHUN PA'I PHYOGS SPANG BA DANG; GNYEN PO'I PHYOGS BSTEN PA LA GROGS PO DAG YANG DAG PAR 'DZUD PA YIN NO, ,SDUG BSNGAL GYI GZHIR GYUR ZHES BYA BA NI 'DI LA SDUG BSNGAL GYI GNAS YIN PAS SDUG BSNGAL GNAS GZHI STE, GANG LA SDUG BSNGAL GYI GNAS KYI BSOD NAMS MA YIN PA'I LAS YOD PA DE NI SDUG BSNGAL GYI GZHI'O, ,DE BAS NA 'DIS NI SDIG PA'I LAS TE NGAN SONG GI RGYU NYID DU BSTAN TO, ,GANG LA GTAM NGAN DANG RJES SU 'BREL PA'I SDIG PA'I LAM DE NI GTAM NGAN RJES SU 'BRANG BA'O, ,DE BAS SLAR LOG LA ZHES BYA BA NI BSOD NAMS MA YIN PA'I LAM LAS LDOG PA STE, SER SNA DANG TSUL KHRIMS 'CHAL CING MI BZOD PA DE LAS SLAR LDOG PA'O, ,DPAL LDAN PA ZHES BYA BA NI MTHONG BA'I CHOS KYI GRAGS PA LA SOGS PA'O, ,BDE BA RAB TU 'BYUNG SGRUB LA, ZHES BYA BA NI BDE BA RAB TU 'BYUNG BA'O, ,DE'I SGRUB PA NI, BDE BA RAB TU 'BYUNG BA SGRUB PAS TE, 'DIS SGRUB PA YIN PAS SGRUB PA'O, ,BSOD NAMS SPYAD PA LAS ZHES BYA BA NI BSOD NAMS DANG 'BREL PA LA STE, 'DIS NI RTAG TU BYED PA LA SBYOR BA YIN NO, ,DE LTAR RE ZHIG SNYAN PAR SMRA BA'I MTSAN NYID KYI BSDU BA'I DNGOS POS BSDUS NAS DON MTHUN PA'I BSDU @175B BA'I DNGOS POS BSDU BA'I PHYIR, BDAG NYID CHEN PO DES BSAMS PA ZHES BYA BA SMOS TE, GZHAN DU NA JI SKAD DU SMRAS PA DE BZHIN BYED PA NYID DU STON PAR MI 'GYUR RO, ,'DIR CI'I PHYIR SBYIN PA DANG DON SPYOD PA'I BSDU BA'I DNGOS PO MA BSHAD CE NA, DE NI BSHAD PA NYID DE, SNGAR SBYIN PA'I RANG BZHIN GYI BSDU BA'I DNGOS PO BSTAN PA NI PHAN TSUN GNYEN DU 'BREL PA BZHIN DU GCIG LA GCIG BYAMS PAR NI GYUR ZHES BYA BA'I TSIG RKANG GIS BSDUS PA YIN TE, THABS SBYIN PA YANG BSDU BA'I DNGOS POR GRAGS PA NYID DE YANG BRJOD PAR MI BYA'O, ,DON SPYOD PA'I BSDU BA'I DNGOS PO YANG BSHAD PA DE NYID DE, GCIG LA GCIG SPOBS SHING BKUR STI ZHES BYA BA LA SOGS PA'I TSIG RKANG GIS BSTAN TE, GANG GI PHYIR SPOBS SHING BKUR STI NI DON SPYOD PA'I BSDU BA'I DNGOS PO STE, DE BAS NA BSDU BA'I DNGOS PO BZHI YANG BSTAN PA'I TSUL NYID YIN TE, YANG TSIG BSTAN PA NI BRJOD PAR MI NUS PA'I PHYIR RO, ,MGRON LA BSNYEN BKUR BYED PA CI'I PHYIR NUS PA MED CE NA, RTZVA NI SOS BCAD PAR NUS PA YIN TE, DE BAS NA BDAG GI SO RTZES ZHES BYA BA'I TSIGS SU BCAD PA 'DI STE, SNGAR MA BYUNG BA NYID BSTAN CING MGRON LA BSNYEN BKUR MI NUS PA NYID DE, DE LTAR GSAL BA NYID DU BSTAN PA'I PHYIR TSIGS BCAD BRTZAMS PA YIN TE, RTZVA'I MYU GU KHA BO NI ZHES BYA BA NI RDZAS DANG ROS MGRON LA SBYIN DU MI RUNG BA NYID DU BSTAN TO, ,YONG YE ZHES BYA BA NI MDOR BA SPU NA NUS PA MED PA DANG MNYAM PA'I SMAD PA NI CUNG ZAD KYANG MED PA'I PHYIR RO, ,DE BAS SBYIN PA MI NUS PA ZHES BYA BA NI GZHAN LA PHAN 'DOGS PA'I NUS PA NYID LA ZHAN PA'O, ,YANG NA NUS PA MED PA DANG ZHAN PA NI NUS MED ZHAN PA STE, SLONG BA RNAMS LA PHAN 'DOGS PAR MI NUS PA'O, ,GSON YANG CI LA PHAN ZHES BYA BA NI GSON PA ZHES BYA BA 'DIS GZHAN LA PHAN 'DOGS PA GANG YIN PA DE NI NUS PA MED PAS DON CI ZHIG YOD CES SO, ,DGA' BA ZHES BYA BA NI DGA' BA'I RGYU STE, RGYU LA 'BRAS BU BTAGS PA'I PHYIR RO, ,MYA NGAN YANG MYA NGAN GYI RGYU STE, BDAG NI MGRON BZHIN 'ONGS GYUR NA, , @176A *, ,ZHES BYA BA NI SNGAR BSTAN PA'I NUS PA MED PA DANG LDAN PA'O, ,'DI LTAR ZHES BYA BA NI BDAG GI SO RTZES ZHES BYA BA'I TSIGS BCAD DU BSTAN PA DE'I RNAM PAS MGRON LA BSNYEN BKUR BYA BAR MI NUS PAS SO, ,MGRON RNAMS KYI BSNYEN BKUR NI MGRON GYI BSNYEN BKUR RO, ,DE LA MI RUNG BA NI MGRON GYI BSNYEN BKUR BYA BAR MI RUNG BA'O, ,DES SNYING PO MED PA NI MGRON LA BSNYEN BKUR BYAR MI RUNG BAS SNYING PO MED PA'O, ,LUS NYID NOR YIN TE, NOR NI 'DOD PA'I DON SGRUB PA NYID KYIS TE, SEMS NI KHYOD DE BAS NA RTOGS PA DE LAS MI DGA' BA MA BYED CIG PA'O, ,YONGS SU RDZOGS PAR YOD PA 'DI SA MGRON GYI SKYE BO SPOBS PAR SLONG BA LA MGRON BYA'O ZHES SO, ,MTHU DANG RAB TU DANG BA DAG RAB TU BSTAN PA STE, LHA RNAMS BYANG CHUB SEMS DPA'I MTHU STON PAR BYED CING, BYANG CHUB SEMS DPA'I GTAM LHA RNAMS SGROGS PAR BYED DO, ,MTHU DANG DANG BA LHA RNAMS LA NI BSTAN PAR GYUR, ,ZHES BYA BA DE'I RGYU BSTAN PA'I PHYIR, DE NAS SA GZHI ZHES BYA BA LA SOGS PA'I TSIGS BCAD GSUM STE, TSIGS BCAD 'DI GSUM GYI BSDUS PA'I DON NI SA 'GUL BA'I MTSAN MA DANG, MCHOD PA'I DBANG DU BYAS PA STE, MKHA' LAS LHA'I RNGA SGRA ZHES BYA BA LA SOGS PA NI MCHOD PA'I DON TO, ,PHAN TSUN BSNGOS PAS ME TOG GI RDUL RNAMS LHAGS PAR GYUR PA GANG YIN PA DE NI PHAN TSUN BSNGOS PA'I RDUL RNAMS LHAGS PA'I ME TOG GO, ,RAB TU 'KHRIGS PA SRAB MO'I ZHES BYA BA NI RAB TU 'KHRIGS PA GANG YIN PA'I SRAB MO'I GOS YIN GYI, GZHAN RAB TU 'KHRIGS PA NI MA YIN NO, ,DE LAS THOS PA NI SA 'GUL BA LA SOGS PA'O, ,RAB TU DGA' ZHING NGO MTSAR SKYES PA NI SNGAR DANG BA THOB PA'O, ,YID LA YA MTSAN DANG NGO MTSAR CHE BA ZHES BYA BA NI NGO MTSAR YA MTSAN CHE BA GNYIS KYIS DRANGS PA STE, DES NGO MTSAR DU GYUR NAS RNAM PAR RTOG PA RMAD DU BYUNG BAR GYUR PA'I PHYIR RO, ,NGO MTSAR CHE BA DES NA DE NYID NYAMS SAD PAS 'DOD PA STE DES SO, ,NYI MA'I 'OD RAB TU GSAL BA GANG YIN BA DE NI NYI MA'I 'OD ZER RAB TU GSAL BAR @176B GYUR PA'O, ,'DIR TSA BAS BYAS PA'I NGAL BA DES GDUNGS PA GANG YIN PA DE NI TSA BAS GDUNGS SHING NGAL BAR GYUR PA'O, ,DE DAG GIS NI BKRES PA DANG SKOM PA DANG, NGAL BAS GDUNGS SHING MGRIN PA 'GAGS PA'O, ,YANG NA BKRES PA DANG, SKOM PA DANG, NGAL BAS BYAS PA'I GDUNG BA DES MGRIN PA 'GAGS PA GANG YIN PA'O, ,GROGS DANG BRAL BAS GCIG PUR GYUR, ,ZHES BYA BA'I TSIGS SU BCAD PA 'DI'I BSDUS PA'I DON NI LUS DANG SEMS SDUG BSNGAL GYIS NYAM THAG PA BDAG LA BSKYAB PA'I RIGS SO, ,ZHES BSTAN TO, ,DE LA SEMS KYI SDUG BSNGAL NI 'JIGS PA STE, GROGS MED PA'I PHYIR RO, ,NAGS TSAL STUG PO'I NANG DU 'DUG PA NI LUS KYI SDUG BSNGAL YIN TE, DE YANG RNAM PA GNYIS SO, ,LHAN CIG SKYES PA'I SDUG BSNGAL DANG, LAM DU ZHUGS PAS DUB PA'I SDUG BSNGAL TE, BKRES PA DANG NGAL BA DE GNYIS KYIS DUB PA'I LUS ZHES SMOS PA'I PHYIR RO, ,SKOM PA YANG LHAN CIG SKYES PA'I SDUG BSNGAL GYI RANG BZHIN YIN PAS MA SMOS SO, ,TSIGS BCAD SNGA MA'I DON NYID BSTAN PA'I PHYIR TSIGS BCAD GNYIS PA YANG BRTZAMS TE, BDAG NI LAM DANG LAM MIN ZHES BYA BA'O, ,YANG NA KHYAD PAR DMIGS PA YIN TE, TSIGS BCAD DE LAS NI SNGA MAR NAGS TSAL STUG PO'I NANG DU 'DUG CES BSHAD PA LA, NAGS TSAL GYI RGYU MA BSTAN PAS DE'I RGYU LAM DANG LAM MIN ZHES BYA BA 'DIS BSTAN TO, ,JI LTAR BSTAN PA'I DON NYID TSA BA DANG, SKOM PA DANG, NGAL BA'O ZHES SNGAR BSTAN PA'I KHYAD PAR TE, SNGAR BSHAD PA'I TSIGS BCAD KYI DON YANG LHAN CIG SKYES PA'I SDUG BSNGAL SKOM PA BSKANG BA STE, DE'I RANG BZHIN BKRES PA'I SDUG BSNGAL SMOS PA YANG RAB TU GRUB BO, ,RINGS RINGS LTAR MGYOGS SU DONG STE ZHES BYA BA NI RTABS SHING RINGS PAS MGYOGS PAR 'GRO BA GANG YIN BA DE NI RINGS RINGS LTAR MGYOGS SU DONG BA'O, ,DGA' BA DANG RTAB RTAB PO NI DGA' BAS RTAB RTAB PA'O, ,DE GNYIS KYIS MGYOGS PAR 'GRO BA GANG YIN PA DE NI DGA' BAS RTAB RTAB POR GYUR CING @177A *, ,MGYOGS POR SONG BA'O, ,NYA BA RNAMS KYIS BRJED NAS BOR BA'AM, ZHES BYA BA 'DIS NI GZHAN GYIS BSAD PA NYID DU BSTAN TO, ,SNGANGS TE BRGAL BAS THANG LA 'GRES PA DAG ,CES BYA BA 'DIS NI RANG NYID SHI BA NYID DU BSTAN TE, GNYI GAS KYANG BDAG GIS MA BSAD PA NYID DU BSTAN TO, ,DE BAS NA SBYIN PA'I DNGOS PO NYON MONGS PA MED PA NYID DU BSTAN TO, ,LA LA ZHIG GIS ZHES BYA BA 'DIS NI RKU BA DANG RNGON PA MA YIN PA NYID DU BSTAN TE, DES NA YANG NYON MONGS PA MED PA STE, LHAG MA RNAMS NI SNGA MA BZHIN NO, ,CHUNG DU NA 'BRAS BU 'DI SMOS PA YIN NO, ,RI BONG GRONG NA NYE BAR GNAS PA GZHAN DAG LA NI YOD DE, BDAG NI NAGS SU SKYES NAS MED DO ZHES BSTAN TO, ,DES NA YANG MUD GA LA SOGS PA BTZOS PA'I KHYAD PAR LAS MA GTOGS PAR YANG BZA' BAR NUS TE, DES NA DE DAG NYID SMOS SO, ,GANG GI DON SGRUB NOR CI YOD PA ZHES BYA BA 'DIS NI RANG DGAR YOD PAS NYON MONGS PA MED PA'I SBYIN PA BSTAN TO, ,LHAG PA'I ZHES BYA BA NI KHYAD PAR DU GYUR PA'O, ,NOR DBYIG CES BYA BA NI NOR THAMS CAD DE RE ZHIG BDAG NYID CES BYA BA LA, BDAG YONGS SU GTONG BA LA DGONGS PA'O, ,KHYOD LA BRTEN NAS BDAG NI DON YOD GYUR, ,ZHES BYA BA NI 'DI LTAR SBYIN PAS SO, ,GUS SHING RIM GRO SKYED DE ZHES BYA BA LA, GUS PA DANG RIM GRO MED PAR GZHAN DU NA DE JI LTAR NUS PAR GYUR PA'O, ,DE LA DE SKAD CES SMRAS TE ZHES BYA BA NI SLONG BA'I MGRON LA DGA' ZHING YON TAN CHE BAR RTOGS NAS ZHES BYA BA'I DON TO, ,JI LTAR MCHOG TU DGA' BA YIN ZHE NA, NOR 'DOD PA DAG GTER NI MTHONG BA BZHIN, ,ZHES BYA BA YIN NO, ,JI LTA BU'I ME'I NANG DU ZHUGS SHE NA, ME 'BAR DE'I NANG DU ZHES BYA BA DANG, PADMA RGYAS PA'I CHU NANG NGANG PA BZHIN, ,ZHES BYA BA'O, ,JI LTAR GSER MTHONG BAS NI MCHOG TU DGA' BA DE LTA BU MA YIN TE, DE BAS NA 'PHRAL LA ZHES SMOS SO, ,CI ZHIG BTANG ZHE NA, LUS SO, ,JI LTAR BTANG ZHE NA, CHAGS PA MED PA MGRON LA BYAMS PA'I PHYIR RO, ,'DI LTAR @177B YANG CHAGS PA MED PA NI ME TOG DMAN MA BZHIN NO, ,GTONG BA RGYA CHEN ZHES BYA BA STE, DE BAS NA LUS LA CHAGS PA MED PAR YONGS SU GTONG BAS SO, ,SEMS KYANG GSAL BA NI ZHES BYA BA NI MGRON LA BYAMS PAS GTONG BA'O, ,GTONG BA RGYA CHE BA DANG SEMS KYANG GSAL BA'I RGYU BSGRUB PA'I PHYIR, ,AE MA'O YON TAN GOMS BYAS PA, ,ZHES BYA BA'I TSIGS BCAD SMOS TE, DE BAS LUS LA CHAGS PA MED PAR DUD 'GRO'I SKYE GNAS SU GYUR PA YANG SEMS GSAL BAR BYED PA DANG, YON TAN LA GOMS PA'I PHYIR RO, ,RGYU DANG SKYE BA SNA TSOGS PA DAG LA YANG GTONG BA RGYA CHE BAR BYED PA'O, ,DAM PA'I SPYOD GZHOL BA ZHES BYA BA NI SNYING STOBS RGYA CHE BA'O, ,GANG DU RNAM PAR MDZES PA NI ZLA BA STE, GNAS SKABS JI LTA BA BZHIN DU YONGS SU RDZOGS PA STE, DA LTA'I DUS SU YANG GNYI GA LA SBYAR BAR BYA'O, ,JI LTA BU ZHE NA, DNGUL GYI ME LONG BZHIN DU'O, ,JI LTAR MDZES PAR SNANG ZHE NA, ZLA BA'I GZUGS BRNYAN BZHIN DU MDANGS DANG LDAN PA LTA BUR RO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS RI BONG GI SKYES PA'I RABS SO,, ,,DKA' THUB KYI NAGS TSAL NA GNAS PA RNAMS LA YANG ZHES BYA BA NI GZHAN YONGS SU BZUNG BA SPANGS PA'I PHYIR DKA' THUB KYI NAGS NA NI GTONG BA MED DE, GTONG BA'I NUS PA MED PA YIN PA'I PHYIR DE BAS NA YANG GI SGRA SMOS SO, ,KHYIM NA GNAS PA RNAMS LTA SMOS KYANG CI DGOS ZHES BYA BA NI DE LAS BZLOG PA'I PHYIR RO; ,'JIG RTEN LA PHAN PA'I PHYIR 'KHOR BA NA GNAS PA'I TSE ZHES BYA BA NI GAL TE 'JIG RTEN LA PHAN PA LA LTOS PA MED PAR MDZAD NA NI SKAD CIG GCIG GIS 'KHOR BA'I LAM GYI MTHAR GSHEGS PAR 'GYUR RO ZHES BYA BA'I DON TO, ,SPYOD PA DANG YON TAN RNAM PAR DAG PAS MNGON PAR MTSON PA ZHES BYA BA LA, SPYOD PA NI LUS DANG NGAG GI MTSAN NYID DO, ,YON TAN YANG SPYOD PA'I MTSAN NYID DO, ,YANG NA SPYOD PA NI SBYOR PA'O, ,YON TAN NI BSAMS PA'O, ,SPYOD PA DANG YON TAN DAG NI RNAM PAR DAG PA'I SPYOD PA DANG YON TAN RNAM PAR DAG PA'O, , @178A *, ,DES MNGON PAR MTSON PA NI SPYOD PA DANG YON TAN RNAM PAR DAG PAS MTSON PA'O, ,SA'I STENG NA RGYAN DU GYUR PA ZHES BYA BA NI RIGS MTHO ZHING MTHO BA'I RGYUD DU GYUR PA STE, SHAS CHER LHAG PAR MDZES PA DES RGYAN DU GYUR, ,SKYES PA'I LAS LA SOGS PA BYA BA RNAMS NI BYAS ZHES BYA BA 'DIS NI MCHOD SBYIN BSTAN TO, ,RIG BYED YAN LAG DANG BCAS PA NI BSLABS ZHES BYA BA 'DIS NI 'DON PA BSLABS PA'O, ,MKHAS PA'I GRAGS PA SA MI'I 'JIG RTEN KHYAB PAR BYAS, ,ZHES BYA BA 'DIS NI 'DON DU 'JUG PA BSTAN TO, , PHUL BA RNAMS BLANGS PA ZHES BYA BA 'DIS NI LEN PA BSTAN TO, ,GNYEN DANG MDZA' BSHES RTEN DANG ZHES BYA BA LA SOGS PAS NI SBYIN PA BSTAN TO, ,BRAM ZE LAS SU BSTAN PA LAS LHAG MA CI ZHIG LUS SHE NA, MCHOD SBYIN BYED DU 'JUG PA STE, DE NI BYANG CHUB SEMS DPA' MI MDZAD DE, 'GRO BA THAMS CAD LA 'TSE BA MED PA DANG LDAN PA'I PHYIR TE, 'TSE BA SPONG BAR 'DOD PAS SO, ,MNYEN DANG MDZA' BSHES RTEN DANG ZHES BYA BA NI LAS DANG GSO DGOS PA'I DBANG DU BYAS PA'O, ,PHONGS PA RNAMS ZHES BYA BA NI SNYING RJE'I ZHING GI DBANG DU BYAS PA'O; ,MGRON DANG BKUR STI BYA BA RNAMS, ,ZHES BYA BA NI YON TAN GYI ZHING STE MGRON YANG YON TAN GYI ZHING DU GZUNG BAR BYA STE, GANG GI PHYIR SLONG BA DAG NI BYANG CHUB SEMS DPA'I DGE BA'I BSHES GNYEN DU GZUNG BAR BYA'O ZHES BYA BA'I TSIG GIS SO, ,BLA MA ZHES BYA BA NI PHAN 'DOGS PA'I ZHING RO, ,ZLA BA LTA BU NI MKHAS PAR GRAGS PA'O, ,STON KA LTA BU NI GTONG BA DANG DPA' BA'O, ,BYA BA NGAN PAS BREL PA'I NYES PAS GLAGS PA ZHES BYA BAS NI MNGON PAR MTHO BA'I PHYOGS DANG 'GAL BAR BSTAN TO, ,BAG MED PA'I GNAS SU GYUR PA ZHES BYA BA 'DIS NI NGES PAR LEGS PA DANG 'GAL BAR BSTAN TO, ,BAG MED PA GANG ZHE NA, DGE BA'I CHOS RNAMS MI SGOM PA STE, 'DIS NI NYON MONGS PA'I KUN NAS NYON MONGS PAS NYON MONGS BA NYID DU BSTAN TO, ,SNGA MAS NI LAS KYI KUN NAS NYON MONGS PAS NYON MONGS PA NYID DU BSTAN TO, , @178B DA NI SKYE BA'I KUN NAS NYON MONGS PAS NYON MONGS PA NYID BSTAN TE, TSOL BA LA SOGS PA'I SKYON YIN PA'I PHYIR RO, ,NYE BAR ZHI BA DANG 'GAL BA ZHES BYA BA NI NYE BAR LONGS SPYOD PA'O, ,DBEN DU GYUR PA ZHES BYA BA NI 'JIG PA'I DUS SU MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA LA SOGS PA'I PHONGS PA BRGYA'I DBEN DU GYUR PA'I PHYIR RO, ,SO TSIS KYI LAS BSGRUB PA MTHA' YAS PAS ZHES BYA BA NI NOR SGRUB PA LA SOGS PA'I YONGS SU MA GRUB PA DANG MTHAR MA PHYIN PAS SO, ,CHOG MI SHES PA ZHES BYA BA NI NYE BAR LONGS SPYOD PAS NGOMS PA MED PA'O, ,DE'I NYES PA MED CING BDE LA ZHES BYA BA NI NGAN PAS BREL PA'I NYES PAS GLAGS PA MED PA'I BDE BA'O, ,CHOS SGRUB PA DANG RJAS SU MTHUN PA ZHES BYA BA LA CHOS NI 'DIR MNGON PAR MTHO BA LA DGONGS SO, ,DE SGRUB PA NI CHOS SGRUB PA'O, ,'DI'I RJES SU MTHUN PA NI RJES SU 'GRO BA DANG LUGS SU 'BYUNG BA STE, BYA BA NGAN PAS BREL PA'I GNYEN POS BYA BA BZANG PO SGRUB PA DANG RJES SU MTHUN PA NYID DU BSTAN TO, ,THAR PA'I CHOS BRTZAMS PA'I GNAS SU GYUR PA ZHES BYA BA LA, 'DIR CHOS NI THAR PA SGRUB PA'I CHOS LA DGONGS SO, ,THAR PA'I CHOS BRTZAMS PA DE'I RTZOM PA'I LHAG PA'I TSUL KHRIMS DANG SEMS DANG, SHES RAB KYI MTSAN NYID DE'I GNAS SU GYUR PA'O, ,NYON MA MONGS PAR RNYED PA ZHES BYA BA NI BSAGS PA'I SDUG BSNGAL MA YIN PAS RNYED PA STE, SNGA MA NYID DU YAN TAN LA DGA' BA'I SBYIN PA PO DAG GIS MCHOD CING PHUL BA BSLANGS PA ZHES BSTAN PA'I PHYIR TE, 'DIS NI SBYIN PA'I PHA ROL TU PHYIN PA'I 'BRAS BU BSTAN TO, ,'JIG RTEN GYI BKUR STI BYAS PA YID DU 'ONG BA DAG KYANG ZHES BYA BA 'DIS NI BZOD PA'I PHA ROL TU PHYIN PA'I 'BRAS BU BSTAN TE, BDAG NYID KYI PHUN SUM TSOGS PA SNGAR BSTAN PA'I PHYIR TSUL KHRIMS KYI 'BRAS BU YANG BSTAN TO ZHES BYA BA'I TSIG GIS SO, ,RAB TU BYUNG BA DKA' THUB CAN GYI DUL BA DANG BSDAMS PA LA RAB TU 'BAD PA ZHES BYA BA LA @179A *, ,RAB TU BYUNG BA'I DKA' THUB KYIS DUL BA DANG BSDAMS PA NI DKA' THUB CAN GYI RAB TU BYUNG BA DUL BA DANG BSDAMS PA'O, ,DE RAB TU BYUNG BA'I DUL BA DANG BSDAMS PA MCHOG TU BYED PA NI GTZO BOR BYED PA STE, DUL BA DANG BSDAMS PA ZHES BYA BA'I DON TO,, GRAGS PA CHE BA DANG ZHES BYA BA NI GRAGS PA GSAL BAR GYUR PAS SO, ,SNGON SHES PA RJES SU DRAN PA DANG ZHES BYA BA NI YONGS SU 'DRIS PA'I PHYIR RO, ,SRID PA'I YON TAN DANG, RAB TU ZHI BAS MTSON PA'I PHYIR ZHES BYA BA NI SRID PA'I YON TAN NYE BAR ZHI BA GANG YIN PA DE NI RAB TU ZHI BA'O, ,SRID PA'I YON TAN NYID RAB TU ZHI BA DES MNGON PAR MTSON NAS SRID PA'I YON TAN RAB TU ZHI BAS MNGON PAR MTSON PA'O, ,'DIS NI THOS PA STE, 'GROGS PAS NI MA YIN NO, ,DE LTAR NA MTHONG BA TZAM GYIS DE BZHIN DU 'ONG BAR 'GYUR RO ZHES SMOS TE, SNGON KHYIM PA'I GNAS SKABS BZHIN RAB TU BYUNG NAS KYANG RAB TU DBEN PA'I BDE BA MED PAR BYED PA 'KHRUG PA DANG ZHES BYA BA NI BSAM GTAN GYI BDE BA BCOM PA'O, ,YANG NA RAB TU BYUNG BA'I BDE BA BCOM PA'O, ,CI LTA ZHE NA, G-YENG BA DANG BAR CHAD DU GYUR PA DE LA ZHES BYA BA NI G-YENG BA DANG BAR CHAD DU GYUR PA'I KHYIM PA'I 'DU 'DZI STE, DBEN PA'I 'DU 'DZIS BAR DU GCOD PAR BYED PAS 'DRES PA'O, ,DE LA MI DGA' NAS ZHES BYA BA NI GZHAN GYIS NI DBEN PA'I RO MI SHES SHING 'DU 'DZI LA DGA' BA STE, DE BAS NA MNGON PAR 'JUG PA LA DGA' BA ZHES BSTAN TO, ,RAB TU DBEN PA LA DGA' BA'I PHYIR ZHES BYA BA LA DGA' BA'I PHYIR ZHES BYA BA NI LUS DANG SEMS DBEN PA LA DGA' BA'I PHYIR TE, LUS DBEN PA NI GNYIS SU MED PAR GNAS PA'O, ,SEMS DBEN PA NI NYON MONGS PAS KUN TU BCOM PA'I SEMS SPANGS SHING SEMS KYI RGYUD GCIG TU GYUR PA'O, ,AANDA RNYIL GYI BCAG 'PHRO LTAR MNGON PAR SNGO BA'I CHOS GSAL BA GANG YIN PA'I RLABS KYI PHRENG BA 'DI NI AANDA RNYIL LTAR MDOG SNGO BA'O, ,DE 'THOR BAS MTHA' MAR GTOR BA DE NI 'THOR BAS MTHA' @179B GTOR BA'O, ,'DI DAG GIS NI SKYE BO GZHAN GYIS BGROD PAR MI NUS PAR BSTAN TO, ,SA GZHI BYE MA SKYA BOS KHEBS PA ZHES BYA BA NI NYAMS DGA' BA DANG, RKANG PA DOR BA NA REG NA BDE BA NYID DU BSTAN TO, ,ME TOG DANG 'BRAS BU DANG 'DAB MAS BRGYAN PA ZHES BYA BA NI NYAMS DGA' BA DANG, 'TSO BA SGRUB TU RUNG BA NYID DU BSTAN TO, ,SHING RNAM PA SNA TSOGS KYIS MDZES PAR BYAS PA ZHES BYA BA NI 'TSO BA YOD PA SGRUB PA DANG RTAG TU MI 'BRAL BA NYID DU BSTAN TO, ,CHU GTZANG MA BTUNG DU RUNG BA YOD PA ZHES BYA BA NI BTUNG BA DANG; KHRUS DANG, GTZANG SBRA'I YO BYAD NYID BSTAN TO, ,DKA' THUB KYI GNAS DPAL DANG LDAN PAR BYAS SO ZHES BYA BA NI DKA' THUB LA DKA' THUB CAN DAG GIS LHAG PAR BSTEN PA'I PHYOGS NI DKA' THUB KYI GNAS ZHES BRJOD DO, ,LUS BZANG ZHES BYA BA NI KHYAD PAR DU GYUR PA'I LUS SHIN TU BZANG BA'O, ,RING PAR GYUR PA NI LUS SHIN TU BZANG PO DE LO MA DANG, 'BRAS BU DANG, RTZA BA LA SOGS PA ZA BA'I PHYIR RO, ,DE NA ZHES BYA BA NI KA RA'I GLING NA'O, ,DKA' THUB CAN ZHES BYA BA NI DUL BA DANG SDOM PA LA SOGS PA'I MTSAN NYID KYI DKA' THUB CAN GYIS MDZES PA LTA BU GAN GYIN PA NI DKA' THUB PA'O, ,ZLA BA CHOS PA LTA BU NI BYANG CHUB SEMS DPA'O, ,SPYOD PA DANG DBANG PO RAB TU ZHI ZHING DUL BA GANG YIN PA DE NI SPYOD PA DANG DBANG PO RAB TU ZHI ZHING DUL BA'O, ,RAB TU ZHI BA DANG, DUL BA DANG SPYOD PA LA LTA ZHING RNAM PAR LTA BA ZHES BYA BA LA SOGS PA LA, RAB TU ZHI ZHING DUL BA'I DBANG PO NI DBANG PO'I SGO BSRUNGS PA NYID DO, ,BRTUL ZHUGS BSDAMS LA NGES BYAS ZHES BYA BA LA BRTUL ZHUGS DANG BSDAMS PA NI BRTUL ZHUGS DANG BSDAMS PA'O, ,DE GNYIS LA RTZE GCIG PA GANG YIN PA DE NI BRTUL ZHUGS BSDAMS LA NGES BYAS SO, ,BRTUL ZHUGS KYIS NI BSDAMS PA YANG SMOS PA YIN NO, ,MI 'TSE BA DANG, BDEN PA'I TSIG DANG, MI RKU BA DANG, RTOG PA MED PA NYID DANG TSANGS PAR SPYOD PA STE, LNGA PO 'DI DAG NI BRTUL @180A *, ,ZHUGS SO, ,BSDAMS PA NI MI KHRO BA DANG, BLA MA LA SRI ZHU CHE BA DANG, GTZANG SBRA DANG, SPYOD PA YANG BA DANG, BAG YOD PA STE LNGA PO 'DI DAG NI BSDAMS BA ZHES BSGRAGS SO, ,BYA DANG RI DVAGS RNAMS KYANG DE LA 'KHOR TE, DE BAS NA THUB PA ZHES BYA BA STE, RGYU 'DI'I PHYIR RO, ,'DIS NI DEL PHAN PA PA DES DKA' THUB CAN KHYAD PAR DU GYUR PA BSTAN TO, ,SKYE BO DKA' THUB CAN LA 'OS PA ZHES BYA BA NI RGYU PHAB PA BSTAN PA DANG LDAN PA'O, ,'TSO BA'I PHYIR ZHES BYA BA NI SPA BA DANG, DREGS PA'I PHYIR MA YIN NO, , JI SRID DE LTAR 'DOD PA LA GNAS PA ZHES BSTAN PA'I RIM PAS SO, ,LHA'I DBANG PO BRGYA BYIN ZHES BYA BA NI RANG GI NGO BO DANG KHYAD PAR LAS BSTAN TO, ,NUS PA YIN PAS BRGYA BYIN TE, SPRO BA DANG, GSANG TSIG DANG, GTZO BO'I NUS PA DANG LDAN PA'I PHYIR RO, ,BRGYA BYIN ZHES BYA BA 'DIS NI RANG GI NGO BO'I KHYAD PAR BSTAN TO, ,LHA RNAMS KYI DBANG PO ZHES BYA BAS NI LAS KYI KHYAD PAR BSTAN TO, ,YID BSAM GTAN LA ZHUGS PA ZHES BYA BA LA SOGS PA NI DUS GSUM DU MI SNANG BA'I RGYU YID LA MI BYED PAS SO, ,'DI LA 'TSOL BA'I DUS SU DER MI SNANG BA'I RGYU YID LA MI BYED PA CI'I PHYIR ZHE NA, YID BSAM GTAN LA ZHUGS PAS TSOL BA'I DUS SU YANG DE MI SNANG BA'I RGYU YID LA MI BYED DO, ,CI'I PHYIR ZHE NA, CHO GA SHES PA LA GOMS PA DANG, ZHES BYA BA NI GANG YONGS SU LONGS SPYOD PA'I DUS NA MI SNANG BA'I RGYU DE YID LA MI BYED PA STE, CI'I PHYIR ZHE NA, KHA ZAS LA RMONGS PA MED PAS SO, ,ZHEN PA MED PA ZHES BYA BA NI BSAM PAS DON DU MI GNYER BA'O, ,ZAS KHYAD PAR CAN MI 'TSOL BA NI SBYOR BAS SO, ,BLO BDE BAR BYAS TE GNAS SO ZHES BYA BA NI RGYU GNYIS PO DES SO, ,DE BZHIN DU ZHES BYA BA NI JI LTAR SNGA MA DE BZHIN NO, ,SHING DANG SHING GI LO MA'I KHA ZAS KYIS BLO BDE BAR GNAS PA NYID KYI RGYU BSTAN PA'I PHYIR, CHOG SHES NGES PA ZHES BYA BA'I TSIGS BCAD SMOS SO, ,RTZVA DANG LO MA CHU YI GNAS, , @180B ZHES SMOS PAS NI GSUM PO 'DI DAG NI 'BAD PAS BSKYED MI DGOS PAR THAMS CAD NA YANG YOD PA'I PHYIR THOB PA NYID KYI 'JUG PA BSTAN PA YIN NO, ,LO MA LHAGS SHING RNYINGS BA NI CUNG ZAD RLON PA ZHES BYA BA'I DON TO, ,SHING GI LO MA'I KHA ZAS KYI SA MI DGA' BA MED PA NI BLO MI DGA' BA MED PA'O, ,NGOMS PA'I RGYU BSTAN PA'I PHYIR MANG DU THOS PAS ZHES BYA BA LA SOGS PA'I TSIGS BCAD SMOS SO, ,TSIGS SU BCAD PA 'DI'I BSDUS PA'I DON NI KHYIM NA GNAS PA YANG RANG GI BSOD NAMS DANG, YE SHES KYI TSOGS KYI 'BRAS BU LA 'JUG PA STE, MNGON PAR MTHO BA DON DU GNYER BA'O, ,RAB TU BYUNG BA YANG NGES PAR LEGS PA DON DU GNYER BA'O, ,GANG DE DAG GI DON RTZOM PA DE'I GNYEN PO DANG RJES SU MTHUN PA'I YON TAN NYE BA'I NYON MONGS PA MED PA NYID DU BSTAN TO, ,SNYEMS PA NI BDAG GIR BYED PA STE BDAG GO ZHE NA'O, ,DES NA SNYEMS PAS NI BDAG LA BSTOD PA DANG GZHAN LA SMOD PAR BYED DE, DES NA SHES RAB YONGS SU NYAMS PA THOB PAR 'GYUR RO, ,'BYOR PARNMS LA SER SNAS NI LONGS SPYOD BSAGS PA DANG, PHUN SUM TSOGS PA THAD PA'I RGYU YIN NO, ,NAGS TSAL DU GNAS PA LA CHOG MI SHES PAS NI NGES PAR LEGS PA MI 'THOB BO, ,THAMS CAD LA CHAGS PA MED PA LA GOMS PAS NI MYA NGAN LAS 'DA' STE, MYA NGAN LAS 'DSA PA GSUM THOB PA MNGON PAR 'DOD PAS SO, ,DRO LA BAB PA'I TSE ZHES BYA BA NI BZA' BA'I DUS TE, DUS 'DI LA BZA' BA BYA'O ZHES PA'O, ,BRTUL ZHUGS KYI DUS DE NI BRTUL ZHUGS KYI DUS ZHES BYA'O, ,ZAS KYI DUS LA BAB PA BSTAN PA ZHES BYA BA NI 'DI NI BDAG CAG GI KHA ZAS KYI DUS SO ZHES SO, ,MGRON DU BOS SO ZHES BYA BA NI KHYED DANG 'U BU CAG LHAN CIG BZA' BAR BYA'O ZHES SO, ,MIG BGRAD BZHIN NI 'DZUM PA MDZES ZHES BYA BA 'DIS NI LUS KYI KHRO GNYER DE'I GNYEN PO DGA' BA'I MTSAN MA NYID BSTAN TO, ,YID 'ONG RNAR SNYAN TSIG GIS DGA' BAR BYAS NAS NI, ,ZHES BYA BA NI TSIG RTZUB @181A *, ,CING KHRO BA'I DNGOS PO DE'I GNYEN PO'I TSIG PHUN SUM TSOGS PA YANG BSTAN TO, ,DGA' BAS TSIM PAR GYUR ZHES BYA BA 'DIS NI YID KYI RNAM PAR GYUR PA'I DNGOS PO DE'I GNYEN PO YID RAB TU DGA' BA YANG BSTAN TO, ,YID RAB TU DGA' NAS DE BZHIN DU ZHES BYA BAS NI JI LTAR SNGA MA DE BZHIN DU DE BYED PAR BSTAN TO, ,SBYIN PAR 'DOD PA'I ZHES BYA BA'I TSIGS BCAD 'DIS NI SPYOR BA 'DOD PA LA ZHUM PA MED PA DANG LDAN PA DE CI'I PHYIR ZHE NA, SNYING RJE GOMS PA LAS SKYES PAS SO, ,'DOD PA TZAM GYIS 'GRUB PAR RIG NAS ZHES BYA BA LA, 'DOD PA TZAM GYIS DON GRUB PAR RIG PA GANG YIN PA DE NI 'DOD PA TZAM GYIS 'GRUB PAR RIG PA'O, ,DOGS PA DANG 'JIGS PA SKYES TE ZHES BYA BA 'DIS NI SKYES PA'I DOGS PA DANG 'JIGS PA GANG YIN PA DE NI DOGS PA DANG 'JIGS PA SKYES PA'O, ,'JIGS PA NI BDAG GI DPAL 'PHROG PAR BYED PAS SO, ,DOGS PA NI CI ZHIG BSTAN NAS DKA' THUB SPYOD PAR BYAD PA ZHES PA'O, ,DE GNYIG 'I RGYU DE DRI BAR GNYEN DANG MDZA' BSHES ZHES BYA BA'I TSIGS BCAD 'DI SMOS TE, 'DI'I DON NI SEMS CAN DANG SEMS CAN MA YIN PA'I BZOD PA DANG, SBYIN PA'I BSOD NAMS KYI TSOGS KYI 'BRAS BU PHUN SUM TSOGS PA MNGON PAR SPANGS NAS CI ZHIG 'DOD PA'I PHYIR DKA' THUB SPYOD PAR BYED CES BYA BA'I DRI BA'I SKABS 'DI YIN NO, ,GZHAN BSLUB 'I DOGS PA SHES NA DRI BA'I TSIG GI RGYU BSTAN PA'I PHYIR, BDE BAR SBYOR BA'I LONGS SPYOD CES BYA BA'I TSIGS BCAD 'DI LTA STE, PHYED KYIS NI TSIGS BCAD SNGA MA'I PHYED NYID KYI DON RTOGS PAR BYA'O, ,TSIGS BCAD 'OG MA'I PHYED KYIS KYANG GONG MA'I PHYED NYID KYI DON BSTAN TO, ,GANG GI YON TAN THOS NAS ZHES BYA BA NI GANG THOS NAS DE SPANGS PA STE, PHUN SUM TSOGS PA DANG 'DRA BA'I PHUN SUM TSOGS PA TSOGS KYI NANG DU ZHES BYA BA'I DON TO, ,RGUD PA ZHES BYA BA LA LONGS SPYOD DANG SHES PA LA SOGS PA RGUD PA'O, ,SKYE BO DKA' THUB CAN DANG MTHUN PA ZHES BYA BA NI RAB TU BYUNG BA'I SKYE BO DANG MTHUN PA STE, 'DIS NI RAB TU BYUNG BA @181B RNAMS KYIS NGES PAR LEGS PAR SGRUB PA DANG RJES SU MTHUN PAR BSTAN TO, ,SRID PA'I BDE BA LA MA CHAGS PA DANG ZHES BYA BA NI 'OG NAS BSTAN PA'I TSIGS BCAD GANG GIS SBYIN PA LA SOGS PA DE DAG LA CHAGS PA MED PA'I PHYIR RO, ,SLONG BA NYID SDUG BSNGAL DU RIG CING ZHES BYA BA NI GANG GI PHYIR CHAGS PAS NI SLONG BAR GYUR LA, SLONG BAS NI CHAGS PAR 'GYUR RO, ,DE BAS NA SLONG BA SPANGS PA NI MCHOG YIN NO, ,CHOG SHES PA LA GOMS PA ZHES BYA BA NI DKA' BAS RNYED PAS 'TSO BA GNAS PA'I SGRUB PAS CHO GA SHES PA'I PHYIR RO, ,CHUNG MA YID DU 'ONG DANG BU DANG DBANG BYED DANG, ,ZHES BYA BA NI SEMS CAN DU BSTAN PA'I BSOD NAMS KYI TSOGS KYI 'BRAS BU BSTAN PA'O, ,NOR NI SBYIN PA LAS BYUNG BA'I BSOD NAMS KYI TSOGS KYI 'BRAS BU'O, ,NYON MONGS PA DANG BRAL BA THOB DKA' BA NYID CES BYA BA LA NYON MONGS PA'I SGRA NI ZHE SDANG NYID DE, CI'I PHYIR DE BZUNG ZHE NA, CHAGS PA LA SOGS PA SPYIR BSTAN PA YIN YANG 'DI NI NYON MONGS PA THAMS CAD KYI NANG NA THA CHAD YIN TE, BDAG DANG GZHAN GDUNG BAR BYED PAS SO, ,NOR YANG NYAMS SHING ZHES BYA BA NI PHYI ROL GYI SEMS CAN MA YIN PA LAS SO, ,MDOG BZANG ZHES BYA BA NI NANG GI MDOG RGUD PA'O, ,GRAGS PA NI SEMS CAN GZHAN GYI DAD PA RGUD PA'O, ,BDE BA LAS KYANG ZHES BYA BA NI BSAM PA DANG PHAN 'DOGS PA NYAMS PA'O, ,PHONGS PAR GYUR LA ZHES BYA BYA BA BSTAN PA LA PHONGS PA DE BSGRUB PA'I PHYIR PHONGS PA'I GNAS SU GYUR PA'I PHYIR ZHES BYA BA 'DI'I DON NO, ,BYIS PA THA MA YIN PAR 'DOD CES BYA BA NI PHONGS PA THAMS CAD KYI NANG NA KHYAD PAR DU SNYING RJE'I GNAS SU GYUR PA ZHES BYA BA YIN TE, BYIS PA NI PHONGS PA THAMS CAD KYI GNAS SU GYUR PA'I PHYIR KHYAD PAR DU SNYING RJE'I GNAS SU GYUR PA YIN NO, ,MTHONG BA TZAM DU'ANG MI 'DOD PA NYID NI LHAN CIG GNAS PA DANG PHEBS PAR SMRA BA LTA CI SMOS ZHES PA'O, ,'DI DAG TSUL MIN PA YANG ZHES BYA BA'I TSIGS BCAD 'DI'I BSDUS PA'I DAN NI @182A *, ,BDAG LA PHAN PA'I KHYAD PAR MI BYED CING GZHAN GYI KHA NA MA THO BA DANG SLU BAR BYED PA YANG BSTAN TO, ,BDAG NYID KYANG PHAN PA MA YIN PA DANG, LUGS MA YIN PA SGRUB PAR BYED LA, DE LA SMAS PA'I PHYIR GZHAN YANG RAB TU SBYOR BAR 'DOD DE, KHYAD PAR SGRUB PAR MI BYED PA DANG PHAN BSGRUB PAR MI BYED PA NYID DO, ,MKHAS PA'I NGA RGYAL ZHES BYA BA'I TSIGS BCAD 'DIS NI 'DI DAG TSUL MIN ZHES BYA BA'I TSIGS BCAD SGRUB PA YIN TE, MKHAS PA'I NGA RGYAL DANG GTI MUG NI MKHAS PA'I NGA RGYAL GTI MUG DAG GO, ,YANG NA MKHAS PA'I NGA RGYAL NYID GTI MUG STE MKHAS PA'I NGA RGYAL GTI MUG GO, ,BDAG GI RANG BZHIN NGA RGYAL GYI GTI MUG GIS BSGRIBS PA YIN TE, DES TSUL MA YIN PA LA TSUL BZHIN DU SGRUB PAR BYED LA, GZHAN YANG 'DI LA RAB TU SBYOR BAR 'DOD DO, ,'DIR PHAN PAR SMRA LA'ANG KHRO BAS RTZUB PA ZHES BYA BA NI SEMS CAN DAG NI PHAN PA YIN NA YANG PHAN PA MA YIN BZHIN DU RAB TU KHRO BAR BYED DO, ,DRANG PO'I RIM PA MI MTHUN BA ZHES BYA BA CI'I PHYIR ZHE NA, GZU LUMS CAN YIN PA'I PHYIR RO, ,'DUL BA DANG MI MTHUN PA CI'I PHYIR ZHE NA, 'DUL BA LA BRTZON 'GRUS CHUNG ZHES PA'I PHYIR RO, ,MKHAS PA'I NGA RGYAL GTI MUG MES BSREGS SHING, ,ZHES BYA BA NI BDAG NYID GZHAN GYI THAD DU SONG NAS PHAN PA'I DRI BA'I TSIG SGRUB PA MED PA'I PHYIR TE, DES NA DE NYID KYIS BDAG KYANG LOG PAR SGRUB PAR BYED LA, GZHAN YANG DE LA SBYOR BAR BYED PA YIN NO, ,BRTAN PA NI BYANG CHUB SEMS DPA'O, ,G-YO SGYU MED PA NI 'DUL BAS RTAG TU BRGYAN ZHES BYA BA NI SNGAR BSTAN PA'I 'DUL BA DANG, DRANG PO'I RIM PA MI MTHUN PA ZHES BYA BA DE'I GNYEN PO'O, , PHAN PA'I BSAM BA DANG ZHES BYA BA NI CI NAS PHAN 'DOGS PAR BYED PA'O, ,PHAN 'DOGS PAR BYED PA DE YANG GAL TE ZANG ZING DANG BCAS PA'I SEMS KYIS YIN NAM ZHE NA, SMRAS PA, GUS DANG ZHES SMOS PAS SO, ,MTHU YANG CI YOD CES BYA BA NI NUS PAS PHAN 'DOGS PA STE, RGYU @182B 'DI GSUM GYIS NI PHAN 'DOGS PAR 'DOD PA ZANG ZING MED PA'I SEMS KYIS NUS PA NYID DU BSTAN TO, ,SBYIN LA DGA' BA DES NGES PAR GYUR PA NI SBYIN PA LA DGA' PA DANG MTHUN PAR GYUR PA'O, ,SBYIN PA DANG MI MTHUN PA NI BSNYEN BKUR MA YIN PA 'DOD PAS SO, ,BZLAS BRJOD BRTUL ZHUGS DKA' THUB CES BYA BA'I TSIGS BCAD 'DI'I BSDUS PA'I DON NI 'JIG RTEN NA BSNYEN BKUR DU MAS NGA LA MCHOG SLONG BA'I PHYIR 'ONG ZHING MTHONG BAR 'DOD DO ZHES BSTAN PA'I TSIG RKANG DE NYID KYIS BSTAN TO, ,MCHOG SBYIN PAR 'OS PA LA ZHES BYA BA 'DI'I LAN NI 'DI NI MI SUN PA'I TSUL MA LAGS ZHES PA'O, ,BZLAS BRJOD BRTUL ZHUGS MCHOD SBYIN DKA' THUB SPYAD PA YIS, ,ZHES BYA BA 'DI'I LAN NI, MGU BAR MA BGYIS PA YANG MA LAGS ZHES BYA BA YIN NO, ,KHYOD NI MTHONG BAR MI 'DOD CI YI PHYIR, ,ZHES BYA BA 'DI'I LAN NI, KHYOD DANG PHRAD PAR MI 'TSAL BA YANG MA LAGS SO, ,ZHES BYA BA YIN NO, ,RJES SU MTHUN PA'I DNGOS PO'I RGYU NI BSTAN PAR MI BYA STE, RANG BZHIN GYIS GRUB PA'I PHYIR RO, ,DA NI PHRAD PAR MI 'DOD PA MA YIN NA JI LTAR MTHONG BAR MI 'DOD BA YIN ZHE NA, PHRAD PAR 'DOD PA'I RGYU YOD NA YANG MI MTHONG BA'I MCHOG SLONG BA'I RGYU BSTAN PA'I PHYIR, LHA'I GZUGS MCHOG RMAD DU BYUNG BA'I ZHES BYA BA'I TSIGS BCAD SMOS TE, GANG MTHONG BAR MI 'DOD PA'I RGYU DE NYID YIN NO ZHES BSTAN TE, LHA'I GZUGS MCHOG RMAD DU BYUNG BA ZHES BYA BA 'DIS NI DBYIBS PHUN SUM TSOGS PA BSTAN TO, ,GSAL BA GANG YIN PA DE NI GSAL BA'O, ,GZI BRJID DANG MDANGS KYIS NI KHA DOG PHUN SUM TSOGS PA BSTAN TO, ,'DI GNYIS MTHONG BAR MI 'DOD PA'I RGYU BSTAN PA'I PHYIR SMRAS PA, BDAG GI DKA' THUB NYAMS PAR GYUR DU DOGS LAGS MOD, ,CES BYA BA 'DIS SO, ,RAB TU DANG ZHING ZHI BAR GYUR PA YANG, ,ZHES BYA BA NI SNGAR BSTAN PA NYID KYI GSAL BA'O, ,DE NYID BSTAN PA SKYE BO DKA' THUB CAN DANG MTHUN PA'I TSUL DAG DANG, ZHES BYA BA NI SDONG BU DANG, RTZA BA DANG, @183A *, ,'BRAS BU LA SOGS PA 'DI DAG GIS 'PHAGS PA'I RIGS GSUM BSTAN TE, KHA ZAS NGAN NGON TZAM GYIS CHOG SHES PA DANG, GNAS MAL NGAN NGON TZAM GYIS CHOG SHES PA DANG, CHOS GOS NGAN NGON TZAM GYIS CHOG SHES PA'O, ,BSAM GTAN DANG, TSAD MED PA DANG, SNGOM PA ZHES BYA BAS NI SPONG BA LA DGA' BA'I 'PHAGS PA'I RIGS BSTAN TO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS AA KA TA'I SKYES PA'I RABS SO,, ,,BDAG GI CHE BA NYID KYIS SNYING RJE DANG LDAN ZHING, ZHES BYA BA LA, BDAG NYID KYI CHE BA NI BDAG GI CHE BA'O, ,DE GANG YIN ZHE NA, RIGS KYI SHES RAB CHE BA'O, ,RIGS DE GANG YIN ZHE NA, MING DANG, RGYU DANG, SA BON DANG, BYED PA DANG, KHAMS ZHES BYA BA NI DON GZHAN MA YIN NO, ,GANG RGYU YOD PA LAS NI THEG PA GSUM GYIS MYA NGAN LAS 'DA' BAR 'GYUR, BDAG NYID KYI CHE BA DANG SNYING RJE RNAM PA GNYIS YOD PA NI LDAN PA STE, MNGON PAR GRUB PA DANG, RAB TU THOB PA ZHES BYA BA NI DON GZHAN MA YIN NO, ,'GRO BA YONGS SU SKYOB PAR BYED PAS 'GRO BA YONGS SU SKYOB PA'O, ,SHAS CHE BA'I BSAM PA STE, SA LA 'JUG PA'I DUS SU BSAM PA DES 'GRO BA YONGS SU BSKYAB PA'I LHAG PA'I BSAM BA CAN TE, MNGON PAR 'PHEL BAR BYED PA LTA BU'O, ,SBYIN PA DANG, DUL BA DANG, DES PA LA SOGS PA GANG YIN PA'I YON TAN NI SBYIN PA DANG, DUL BA DANG, DES PA DANG, YANG DAG BAR SNGOM PA LA SOGS PA'O, ,DUL BA DANG SDOM PA GNYIS NI TSUL KHRIMS KYI PHA ROL TU PHYIN PA STE, DUL BA NI DBANG PO'I SGO BSDAMS PA YIN TE, TSUL KHRIMS KYI 'KHOR ZHES BYA BAS TSUL KHRIMS KYI PHA ROL TU PHYIN PA'I NANG DU 'DUS PA NYID DO, ,SNGOM PA YANG TSUL KHRIMS NYID DE, LUS DANG NGAG GI YANG DAG PAR SDOM PA'I MTSAN NYID YIN PA'I PHYIR RO, ,DES PA NI BZOD PA'I PHA ROL TU PHYIN PA STE, 'GROGS NA BDE BA'I DNGOS PO NI DES PA STE, BZOD PA DANG LDAN PA NI DES PAR 'GYUR RO, ,SOGS PA SMOS PAS NI BRTZON 'GRUS KYI PHA ROL TU @183B PHYIN BA DANG, BSDU BA'I DNGOS PO LA SOGS PA GZUNG NGO, ,'JIG RTEN LA PHAN 'DOGS PA DANG MTHUN PA ZHES BYA BA NI GZHAN LA PHAN ZHING BDE BA DANG RJES SU MTHUN PA'O, ,YON TAN KHYAD PAR CAN ZHES BYA BA NI THEG PA CHEN PO'I MDO SDE SA BCU PA LA SOGS BDAG TU GSUNGS PA'O, ,DE BYAMS PA'I STOBS ZHES BYA BA'I MING NI SA BCU BA NYID DU BSTAN PA'I PHYIR, SEMS CAN THAMS CAD LA BYAMS PA'I YID DU GYUR PA ZHES SMOS SO, ,DE BZHIN DU GYUR ZHES BYA BA NI BDE BA'AM SDUG BSNGAL DE BZHIN DU GYUR PA STE, JI LTAR SKYE DGU RNAMS LA GNOD PA DANG PHAN 'DOGS PAR BYED PA DE BZHIN DU DE YANG GNOD PA DANG PHAN 'DOGS PAR BYED DO, ,MTSON CHA DANG NI GTZUG LAG RNAMS LA GOMS, ,ZHES BSTAN PA LA, JI LTAR GOMS PA YIN ZHE NA, DE BSGRUB PA'I PHYIR, MI'I DBANG PO ZHES BYA BA'I TSIGS BCAD SMOS SO, ,DE YI MTSON CHA RGYAN DANG 'DRA BAR GYUR, ,ZHES BYA BA NI CHAD PAR SGRUB PA YIN PA NYID DU BSTAN TO, ,CI'I PHYIR ZHE NA, MI'I DBANG POS BKA' KHRIMS SPYI BOS MNOS PA'I PHYIR SKAL BA KHYAD PAR CAN NYID KYIS RGYAL PHRAN RNAMS RANG NYID 'DU BAR 'GYUR RO ZHES BYA BA'I DON TO, ,DE CI'I PHYIR ZHE NA, 'JIG RTEN PHAN 'BYUNG BSTAN NGAG TSUL RNAMS KYI, ,GTZUG LAG RNAMS KYANG RNAM PAR GSAL BAR SNANG, ,ZHES SMOS TE, 'JIG RTEN LA GNOD PAR MI 'JUG PA'O, ,BSTAN NGAG TSUL RNAMS KYI ZHES BYA BA LA 'JIG RTEN LA GNOD PAR MI 'JUG PA'I TSUL NI BSTAN NGAG TSUL LO, ,PHAN PAR SEMS PA'I PHYIR ZHES BYA BA NI SNYING RJE'I BSAM PA DANG LDAN PA'I PHYIR TE, 'DIS NI TSUL KHRIMS PHUN SUM TSOGS PA BSTAN TO, ,TSUL MKHAS ZHES BYA BA 'DIS NI SHES RAB PHUN SUM TSOGS PA DANG; SBYOR BA PHUN SUM TSOGS PA BSTAN TO, ,RTOGS MKHAS ZHES BYA BAS NI SBYOR BA PHUN SUM TSOGS PA DANG, SHES RAB PHUN SUM TSOGS PA BSTAN TO, ,PHA DANG 'DRA ZHES BYA BA 'DIS NI BSAM PA PHUN SUM TSOGS PA DANG, BYED PA PHUN SUM TSOGS PAR @184A *, ,BSTAN TE, DPER NA BU DAG LA TSAR GCOD PA DANG, PHAN 'DOGS PAR BYED PA DANG, CHOS DANG 'GAL BAR MI BYED PA'I PHA BZHIN DU SKYE DGU RNAMS LA YANG DE LTAR SBYAR BAR BYA'O, ,BDEN PA DANG, GTONG BA DANG, NYE BAR ZHI BA DANG, SHES RAB LA SOGS PA BYIN GYI RLABS 'DI BZHIS NI BSOD NAMS DANG YE SHES KYI TSOGS BSTAN TE, DE LAS DANG PO GSUM GYIS NI BSOD NAMS KYI CHOGS BSTAN TO, ,SHES RAB KYIS NI YE SHES KYI TSOGS BSTAN TO, ,GZHAN LA PHAN PAR YONGS SU BSNGO PA'I PHYIR ZHES BYA BA YIN TE, GZHAN DU NA BYIN GYI RLABS RNAM PA BZHI NI RANG GI DON DU YONGS SU BSNGOS PAR 'GYUR ZHING, NYAN THOS DANG RANG SANGS RGYAS KYI RGYUR 'GYUR BAS BSNGO BA BYE BRAG MED PAR 'GYUR RO, ,KHYAD PAR CAN DU GYUR LA RLABS CHE BA'I RIM PAS ZHES BYA BA NI KHYAD PAR DANG BCAS PA YIN PAR KHYAD PAR DU GYUR PA STE, SRA CHUNG BA'I PHYIR RO, ,SNGA MA MOS PAS SPYOD PA'I SA LAS KHYAD PAR DU GYUR PAS KHYAD PAR DU GYUR PA'O, ,RLABS CHE BA NI KHYAD PAR DU GZHAN LA PHAN PA SGRUB PAR BYED PA'O, ,RIM PA ZHES BYA BA SMOS PA NI SA DANG SA DAG TU KHYAD PAR DU BYED PA'I PHYIR DANG, RLABS CHE BA'I PHYIR RO, ,BYANG CHUB KYI TSOGS BSAGS SHING ZHES BYA BA LA, BYANG CHUB DAG GIS TSOGS KYI BYA BA YIN BAS BYANG CHUB KYI TSOGS TE, PHA ROL TU PHYIN PA DANG, YON TAN GZHAN YANG SA BCU PA'I MDO LAS GSUNGS PA'O, ,GNOD PA MED PA ZHES BYA BA NI ME DANG, CHU DANG, NAD DANG, MU GE DANG, BYI BA DANG, SROG CHAGS GDUG PA SDUL DANG, BDAG GI DMAG TSOGS DANG, GZHAN GYI DMAG TSOGS DANG, RKUN MA LA SOGS PA DANG BRAL BA'I PHYIR GNOD PA THAMS CAD MED PA'O, ,PHUN SUM TSOGS PHA MCHOG DANG LDAN PAS ZHES BYA BA NI LO LEGS PA LA SOGS PA'I PHUN SUM TSOGS PA DANG LDAN PA'O, ,MGU ZHING DAR BA ZHES BYA BA LA, MGU BA NI YID BDE ZHING TSIM PA PHUN SUM TSOGS PA STE, 'DOD PA SHAS CHE BA YOD PA'O, ,DAR BA NI LUS 'PHEL BA'O, ,DE'I @184B YUL NA NI ZHES BYA BA'I YUL TE DE DAG NA GNAS PA GANG YIN PA DE NI DE NA GNAS PA'O, ,MTHU KHYAD CHE BAS NA ZHES BYA BA NI KHYAD PAR YIN TE, KHYAD PAR NI THUN MONG MA YIN PA'I PHYIR TE, DPAG TU MED PA'I BSOD NAMS DANG YE SHES KYI TSOGS NYE BAR BSAGS PA'I PHYIR RO, , GANG GI ZHES BYA BA NI MDANGS 'PHROGS PA'I GNAS SU PHYIN PAR GYUR KYANG NGO, ,RIG SNGAGS DANG DKA' THUB NI RIG SNGAGS DANG DKA' THUB BO, ,DE GNYIS GRUB PA NI RIG SNGAGS DANG DKA' THUB GRUB PA'I RANG BZHIN TE, RIG SNGAGS DKA' THUB GRUB PA'I NGO BO NYID, , CES BYA BA'I DON TO, ,MING NI DON DANG MTHUN PAR MA GYUR ZHES BYA BA LA, DON MED PA'I MING GANG YIN PA DE NI DON MI MTHUN PA'I MING STE, GANG GI PHYIR MDANGS 'PHROGS PA ZHES BYA BA DE'I MING DON MED PAR 'GYUR BA STE, 'DI LTAR MDANGS 'PHROGS PAR MI NUS PA'I PHYIR RO, ,NAGS NA RAB TU RGYU BA ZHES BYA BA LA, 'DIR RAB TU ZHES BYA BA'I SGRA NI DE DANG LDAN PA STE, NAGS DANG LDAN PA NA RGYU BA ZHES BYA BA'I DON TO, ,GRIB MA DANG LDAN PA'I SHING NI GRIB SHING STE DE'I RTZA BA DE NI GRIB SHING GI DRUNG NA'O, ,SRAD BU 'KHAL ZHES BYA BA LA SRAD BU 'KHAL BA LA ZHUGS PA NI SRAD BU 'KHAL BA STE DE BYED PA'O, ,'DI LTA BU'I DGON PA ZHES BYA BA NI DE NA SKYE BO GNAS PA DANG BRAL BA'I PHYIR RO, ,'GRO BA MED PA NA ZHES BYA BA NI SKYE BO LAM DU 'GRO BA DANG BRAL BA'I PHYIR RO, ,GCIG PU NI GROGS PO MED PA'O, , BLTAS PAS NI GYEN KUN DU BLTAS PAR BYAS PA STE, SRIN PO DANG SHA ZA DE DAG LA'O, ,DE BAS NAGS NA'ANG KHYIM BZHIN DU, ,ZHES BYA BA NI GANG SNGAR BSTAN PA 'DI LTA BU DGON PA DBEN PA 'GRO BA MED PA NA ZHES BYA BA DE'I GNYEN POR BSTAN TO, ,MTSAN MO DAG KYANG NYIN PAR BZHIN, , ZHES BYA BA NI GANG GI TSE SRIN PO DANG SHA ZA RNAMS KYIS GZHAN ZIL GYIS GNON PA'I NUS PA MED PA DE'I TSE ZHES BYA BA'I DON TO, ,GANG GI PHYIR SRIN PO DANG SHA ZA DE DAG NI RANG BZHIN GYIS GTUM ZHING MA RUNGS PA YIN NO ZHES BSTAN PA DE'I GNYEN POR BSTAN TO, ,GCIG PUR GROGS KYI @185A *, ,NANG 'DUG 'DRA, ,ZHES BYA BA NI GANG SNGAR BSTAN PA'I GCIG PU JI LTAR MI 'JIGS ZHES BYA BA DE'I GNYEN POR BSTAN TO, ,KHYED CAG GANG NAS LHAGS PA'I YUL DE'I ZHES BYA BA'I TSIGS BCAD 'DI'I BSDUS PA'I DON NI RGYU GSUM GYIS YUL JI LTA BA BZHIN DU YONGS SU SHES PA'I PHYIR TE, NYAMS SAD PA'I DNGOS PO YOD PA'I PHYIR DANG, YUL GSAL BA'I RNAM PA YIN PA'I PHYIR DANG, YON TAN TSOL BA YONGS SU SHES PAS MKHAS PA'ANG YIN NO ZHES BSTAN PA YIN TE, YON TAN 'TSOL BA CHED CHER MI 'DZIN PA ZHES BYA BA 'DIS NI NYAMS SAD PA'I DNGOS PO BSTAN TO, ,THOS PAR MI 'DOD PA DES, MI DBANG GRAGS PA RNAM PAR SPANGS PA'AM, SKAL BA CUNG ZAD CIG YOD DO ZHES BYA BA 'DIS YUL GSAL BA'I RNAM PA'O, ,DE BAS NA ZHES BYA BA NI GANG YUL DE LAS 'DIR LHAGS PA'O, ,MTHA' 'KHOB CES BYA BA'I YUL GYI YANG DGON PA NYID DE, YON TAN SHES PA'I SKYES BU MED PA'I PHYIR TO, ,GANG GI DBUNG BYAMS PA STE, 'DI'I DON NI MTHUN PA LA SOGS PA'I THABS KYIS SA SRUNG BAR BYED PA'O, ,DE LTA MOD KYI BYAMS PA LA SOGS PAS BSRUNG BA NI CHAD PA BYAMS PA GANG YIN PA'I DPUNG GIS SO ZHES BYA BA'I TSIG STE, GANG DE THA MAL PA'I DPUNG NI CHO GA TZAM MO, ,CHO GA TZAM ZHES BYA BA NI RGYAL PO LA SOGS PA'I SPYOD PA'O, ,'DI NI RU MTSON KHRA BO'I DPUNG YONGS SU BZUNG STE, GZHAN LA GNOD PA'I PHYIR NI MA YIN NO, ,MI RIGS ZHES BYA BA NI DBYE BA LAS BRTZAMS PA'O, ,KHRO BA NI ZHE SDANG BA STE DE'I TSIG GIS SMRA BA'O, ,RTZUB PA NI SPYO BA'O, ,'DI GNYIS KYI DBYE BAS NI BSAM PA DANG SBYOR BA MED PAR BSTAN TO, ,BKA' KHRIMS CHOS YIN SGYU MED NOR YANG ZHES BYA BA NI MTHUN PA LAS BRTZAMS PA'O, , CHOS NI BDEN PA'O, ,BKA' KHRIMS NI GZHUNG LUGS SO, ,SGYU MED CES BYA BA NI BYA BA BSGRUB PA'I PHYIR BDEN PA DANG TSIG BSTAN PA'O, ,NOR YANG DAM PA MCHOD CES BYA BA NI SBYIN PA LAS BRTZAMS PA STE, DAM PA MCHOD PA'I PHYIR YIN GYI, RANG GI DON BSGRUB PA'I PHYIR @185B NI MA YIN TE, DPER NA LUGS KYI BSTAN BCOS KYI DON LA MKHAS PA NI RANG GI DON BSGRUB PA'I PHYIR NOR NYE BAR SGRUB PAR BYED DO, ,DE LTAR YANG RMAD DU BYUNG YANG ZHES BYA BA NI 'DI LTAR NGO MTSAR GYI YON TAN GYI MCHOG TU GYUR PA GANG YIN PA DE NI DE LTAR RMAD DU BYUNG BA'O, ,DREGS PA NI MTHO BAR SEMS PA'O, ,YA RABS KYI TSUL LA GNAS PA GANG YIN PA'I SKYE BO DE NI YA RABS KYI GZHUNG LUGS LA RNAM PAR GNAS PA'I SKYE BO'O, ,YANG NA 'PHAGS PA'I GZHUNG LUGS LA GNAS PA'I SKYE BO GANG YIN PA DE'O, ,RTAG TU BDE ZHING LO LEGS PAS RAB TU DGA' BA PHUN SUM TSOGS ZHES BYA BA NI RTAG TU BDE ZHING DGA' BA DANG, RTAG TU LO LEGS PA'I PHYIR PHUN SUM TSOGS PA'O, ,YON TAN MANG PO BRJOD PAS DE LA'O, ,SNYING NAS BRJOD CING ZHES BYA BA NI BRTZE BA DANG LDAN PA STE, RIGS PA DANG MI RIGS PA'O, ,BDEN PA ZHES BYA BA NI SNYAN PA DANG PHAN PA NI BDEN PA'O ZHES BSTAN PA'O, ,GSUM PO 'DIS NI GO RIMS BZHIN DU SEMS CAN GTI MUG GI RANG BZHIN DNGOS PO GANG LA MI BZOD PA'O, ,DE GRAGS PA ZHES BYA BA NI DE'I GRAGS PA YIN PAS DE GRAGS PA'O, ,DE YIS DE LHAG PAR GDUNG BAR 'GYUR ZHES BYA BA LA, DE YIS ZHES BYA BA NI MI BZOD PAS YID GDUNGS PAS LHAG PAR GDUNG ZHING TSIG PAR 'GYUR RO, ,MTHONG BA NYID KYI DUS NI MTHONG BA'I TSE NYE BAR GNAS PA DE'I DBANG DU BYAS PA'O, ,BZA' BA BSLANGS PA NI ZAS BLANGS PA BYAS PA'O,, ZHIM PO NI SHIN TU G-YOS LEGS PA DANG ZHIM PA ZHES BYA BA'I DON TO, ,KHYER TE 'ONGS NA YANG ZHES BYA BA NI GUS PA DANG BCAS PAS MDUN DU 'ONGS PA'O, ,STAG GZIG RTZVA SNGON MI 'DOD PA BZHIN DU ZHES BYA BA NI DPER NA RI DAGS RNAMS LA RTZVA SNGON PO SHIN TU ZHIM PA YIN YANG STAG LA SOGS PA MNGON PAR MI 'DOD PA YIN TE, RGYAL PO LA 'OS PA'I LRTZVA SNGON PO LTA BUR DE GNOD SBYIN RNAMS LA MNGON PAR MI 'DOD BA'I PHYIR RO, ,'O NA JI LTA BU ZHES BYA BA NI RJES SU MTHUN PA SGROGS SHIG PA'O, ,BTZAL LO ZHES BYA BA NI BTZAL BAR BYA'O ZHES SO, ,MI SHI BA'I @186A *, ,SHA DANG KHRAG YONGS SU GZUNG BA'I PHYIR TE, GZHAN DU NA KHA ZAS DANG KHRAG BTUNG BA MED DO, ,BRTUL ZHUGS NYAMS PA ZHES BYA BA NI DAM BCA' BA'I RJES SU 'GRO BA STE, NGES PAR YANG DAG PAR SBYIN DU GZHUG PA'I PHYIR RO, ,MCHE BA YONGS SU GTZIGS SHING KHA MCHU YONGS SU BSKYOD PA GANG YIN PA DE DAG NI KHA NAS MCHE BA GTZIGS PA'O, ,MI SDUG LA 'JIGS PA ZHES BYA BA LA, MI SDUG PA NI MI RNAMS LA'O, ,'JIGS PA NI 'JIGS PA BSKYED PA'O, ,JI LTAR ZHE NA, DE'I RNAM PA BSTAN TE, MCHE BA GTZIGS PA ZHES BYA BA LA SOGS PA'I RTAGS KYIS SO, ,'BAR ZHING SER BA ZHES BYA BA NI MDOG RNAM PAR BSGYUR ZHING 'JIGS SU RUNG BA NYID DU BSTAN TO, ,SNGO ZHING ZHES BYA BA NI DBYIBS RNAM PAR GYUR PA'O, ,SNA LEB CING MI SDUG PA DANG ZHES BYA BA NI GANG MTHONG NA BLTA BAR MI SDUG PA LA BA LANG GI SNA LTA BU GANG YIN PA'O, ,SNA LEB CES SMOS PAS NI RNAM PAR 'GYUR BA'O, ,MI SDUG PA NI 'JIGS SU RUNG BA'O, ,ME 'BAR BA LTA BU'I SER BA'I SKRA DANG KHA SPU GANG YIN PA NI DE'O, ,MDOG MUN PA LTAR GNAG PA DE NI CHAR SPRIN LTAR GNAG PA'O, ,'BA' ZHIG SEMS ZHES BYA BA NI DE DAG 'CHI BAR 'GYUR RO SNYAM DU SEMS PAS SLONG BA LAS GZHAN YID LA MI BYED BAR DE 'BA' ZHIG SEMS PA'I PHYIR RO, ,SNYING RJE CAN LA 'DI LTA BU, ,ZHES BYA BA LA SOGS PA'I TSIGS BCAD GSUM STE, GSUM PO 'DI'I BSDUS PA'I DON NI BKRES PA'I SDUG BSNGAL GSO BA'I KHA ZAS RNYED DKA' BA DES GNOD PA'I SDUG BSNGAL DANG, YANG NA BKRES PA'I SDUG BSNGAL BZLOG PA'I KHA ZAS RNYED KYANG MI DGE BA BSAGS PA'I RGYUS SDUG BSNGAL BA STE, RNAM PA THAMS CAD DU SDUG BSNGAL ZHING DE'I 'BRAS BU YANG SDUG BSNGAL BA'I DBANG DU BYAS NAS BSAM PA DAG PAS DE DAG LA SNYING RJE DE BAS CHER YANG GYUR ZHES BYA BA BSTAN TO, ,'ON TE SNYING RJE DANG LDAN ZHING NUS PA DANG LDAN PA DE MED PA'AM NUS PA MED PA 'DI GNYIS KYIS NI RE ZHIG RNAM PA THAMS CAD DU RNYED DKA'O, ,NYIN RE BZHIN YANG DE BTZAL BAS, ,ZHES BYA BA NI DUS @186B GCIG GI TSE RNYED NAS BYA BA BYAS PAR GYUR PA DE LTA BU MA YIN NO ZHES BYA BA'I DON TO, ,'DOD PA'I DON NI MED PAR 'GYUR, ,ZHES BYA BA NI BKRES PA'I SDUG BSNGAL GSO BA'I KHA ZAS RNYED PA'O, ,DE LTA BU'I KHA ZAS ZA BA RNAMS ZHES BYA BA NI SNYING RJE CAN LA DE LTA BU'I KHA ZAS ZA BA RNAMS KYI ZAS NI RNYED PAR DKA' BA'O, ,SNYING RJE MED CING YID NI MA ZHI BA, ,ZHES BYA BA NI SNYING RJES STONG PA'I PHYIR MA ZHI ZHING MI DGE BA'I YID GANG YIN PA DE DAG STE, 'DIS NI MI NUS KYANG RTAG TU DE'I KHA ZAS KYI RNAM PA LA GNAS PA'O, ,TSE 'DI DANG NI PHA ROL RANG DON SREG; ,CES BYA BA NI SNYING RJE'I SDUG BSNGAL BA STE, MTHONG BA'I CHOS DANG 'JIG RTEN PHA ROL GYI SDUG BSNGAL LO, ,YANG NA TSIGS BCAD GSUM PAS NI SNGAR BSHAD PA'I RNAM PA BZHI'I DBANG DU BYAS PA STE, SNYING RJE DANG LDAN ZHING NUS PA DANG, MI NUS PA'I SNYING RJE DANG LDAN PA DANG, MI NUS SHING SNYING RJE DANG BRAL BA DANG, SNYING RJE DANG MI LDAN ZHING NUS PA STE BZHI PO DE DAG GI DBANG DU BYAS PA'O, ,DE LTA BU'I KHA ZAS ZA BA RNAMS ZHES BYA BA NI SNYING RJE DANG LDAN ZHING MI NUS PA DANG NUS PA'I DBANG DU BYAS PA'O, ,SNYING RJE MED CING YID NI MA ZHI BA, ,ZHES BYA BA NI SNYING RJE MED CING NUS PA'I DBANG DU BYAS PA'O, ,TSE 'DI DANG NI PHA ROL RANG DON SREG ,CES BYA BA NI SNYING RJE DANG BRAL ZHING MI NUS PA'I DBANG DU BYAS PA'O, ,'DI DAG SDUG BSNGAL NAM ZHIG MED PAR 'GYUR, ,ZHES BYA BA NI MTHONG BA'I CHOS SAM PHYI MA LA'O, ,GZHAN GSOD PA LA ZHUGS PA 'DI LAS JI LTAR BZLOG PAR BYA ZHES BYA BA NI GZHAN GYI SROG GCOD PAR BYED PA LAS BZLOG PA'O, ,RE BA BZLOG PA NGO 'DZUM GNAG GYUR PA, ,ZHES BYA BA NI RE BA PHYIN CI LOG TU GYUR CING GZHAN DU STE, 'DOD PA'I GAGS SU GYUR PA ZHES BYA BA'I DON TO, ,RE BA PHYIN CI LOG TU GYUR PAS BZHIN GYI MDOG NYAMS PAR BYAS PA GANG YIN PA DE NI RE BA BZLOG PAS NGO 'DZUM GNAG PAR GYUR PA'O, ,BU YUG GIS KUN TU 'DRES PA'I RLUNG NI BU YUG RLUNG NGO, ,BU YUG RLUNG GIS RNYIS PAR BYAS PA NI BU YUG RLUNG GIS RNYIS PA STE, DE LTA BU'I PADMA NI BU YUG RLUNG GIS RNYIS @187A *, ,PA'I PADMA'O, ,BRTAN ZHING RGYAS PA ZHES BYA BA LA BRTAN PA DANG RGYAS PA NI BRTAN ZHING RGYAS PA'O, ,BRTAN PA'I KHYAD PAR NI RGYAS PA STE RNAM PA GNYIS SO, ,NAD LA SOGS PAS RGYAS PAR GYUR PA NI DE LTA BU MA YIN NO, ,BDAG RANG SHI BA ZHES BYA BA NI MNGON PAR 'DOD PA'I SBYIN PA MA YIN PA'O, ,GSON PA'I SHA YANG ZHES BYA BA LA SOGS PAS NI MNGON PAR 'DOD PA'I SBYIN PA'I DNGOS PO GZHAN LA MED PA'O, ,'DI DAG BDAG GI THA DAD DU, ,ZHES BYA BA LA SOGS PAS NI MI SPYIN PA NI RJES SU MTHUN PA MA YIN PA STE, SKYON GSUM PO 'DI SPANGS PA'I THABS BSTAN PAR 'DOD PAS SO, ,DE BAS NA 'DI NI ZHES BYA BA LA SOGS PA BRTZAMS SO, ,GDUNGS PA'I RMA 'DRA BA ZHES BYA BA NI 'DI LTA BU'I MTSAN NYID DE RTAG TU NA BA 'DI LTA BU'I LUS TE, RTAG TU NA BA NI LUS NAD DANG BRAL BA MED PA'I PHYIR RO, ,RTAG TU NA BA'O ZHES BSTAN PA LA, JI LTAR RTAG TU NA BA NYID YIN ZHE NA NAD KYI 'BYUNG KHUNG ZHES SMOS TE, NAD NI GNOD PA BYED PA STE, DE NI TSOR BAR BYED PA'I PHYIR GDUNGS PA'I RMA LA SOGS PA'I NAD KYI YANG 'BYUNG GNAS YIN PA'I PHYIR RO,, YANG NA NAD KYI 'BYUNG KHUNG ZHES BYA BA NI NAD KYI TSOR BA STE, DE'I 'BYUNG GNAS YIN PA'I PHYIR TE, GANG CUNG ZAD TSOR BA DE NI SDUG BSNGAL BA YIN NO ZHES BYA BA'I TSIG GIS SO, ,DGOS PA KHYAD PAR CAN DU SPYAD PA YIS, ,ZHES BYA BA NI 'BRAS BU DANG BRAL BA NI SDUG BSNGAL NYE BAR ZHI BA STE, DE NYID KYI KHYAD PAR NI SNGAR BSTAN PA'I RNAM PA STE, SDUG BSNGAL GYI SDUG BSNGAL LA SDUG BSNGAL GYIS NYE BAR SPYAD PA NI DGOS PA KHYAD PAR CAN DU SPYOD PA'O, ,SHIN TU BZANG POR BYA BA ZHES BYA BA NI GCIG TU NAD GTAN DU NYE BAR ZHI BAR BYED PA'I RGYU YIN PA'I PHYIR DANG, SHIN TU BZANG PO NI GZHAN LA PHAN 'DOGS PA MCHOG TU BYED PA'I PHYIR TE, NYAN THOS LA SOGS PA YANG RTZA 'BIGS SHING GSO BA STON PAR BYED DE, 'DIR BCOS PA GNYIS KYI KHYAD PAR NI GDUNGS PA'I RMA'I RTZA BKROL TE, 'DI DAG LA NI DGOS PA @187B KHYAD PAR CAN DU SPYAD PA MED DE, DE BAS NA 'DI NI SHIN TU BZANG PO MA YIN NO, ,DE RAB TU DGA' BAR GYUR PAS MIG RTZA DANG, GDONG GI MDANGS BZANG PO GANG YIN PA DE NI RAB TU DGA' BAR GYUR PAS MIG RTZA DANG GDONG GI MDANGS BZANG PO'O, ,BDAG GI SHA NI KHRAG DANG BCAS PA 'DI, ,ZHES BYA BA 'DIS NI SBYIN PA'I DNGOS PO DON DU GNYER BA'I MTSAN NYID DANG LDAN PA NYID DU BSTAN TO, ,'JIG RTEN RNAMS LA PHAN PA'I PHYIR, ,ZHES BYA BA 'DIS NI KHYED CAG GI DON DU 'DI BZUNG BA YIN NO ZHES BYA BA'I TSIG GIS YONGS SU GTONG BAD YONGS SU GTONG BA NI SNGAR YONGS SU BTANG BA'O ZHES GZHAN GYI NGOR BYED PA BZHIN TE, LEN PAR MI 'GYUR BA'I RGYU MED PAR BSTAN PA YIN NO, ,MGRON DU BYAR RUNG NA ZHES BYA BA NI MGRON NYID DU RUNG BA NI MGRON BYAR RUNG BA'O, ,CHEN PO 'BYUNG BAR 'GYUR BA NI 'BRAS BU CHEN PO STE, 'JIG RTEN THAMS CAD LA PHAN PA'I PHYIR RO, ,MNGON PAR MTHO BA 'BYUNG BA NI 'JIG RTEN PHA ROL GYI 'BRAS BU YIN PA'I PHYIR TE, KHYAD PAR CAN GYI MNGON PAR MTHO BA SANGS RGYAS NYID LA MNGON PAR MTHO BA ZHES BRJOD DO, ,YID MA CHES NAS ZHES BYA BA NI GAL TE YID CHES NA NI BRTAN PA YIN TE, CUNG ZAD DE LA MI BRTAN PA YOD PAS GANG GI PHYIR BYIN CIG CES BYA BA LA SOGS PA SMRA BAS MI BRJOD DE, DE BAS NA YID MI CHES PA'O ZHES RTOGS PA YIN NO, ,BDAG GI SDUG BSNGAL DAG CES BYA BA NI BKRES PA'I SDUG BSNGAL LO, ,SLONG BA NYID DMAN PA YIN PAS SLONG ZHING DMAN PA'O, ,DE LAS DUS LA BAB PA ZHES BYA BA NI SBYIN PAR BYA BA BTUNG BAR BYA BA STE, RANG GI KHRAG DANG SHA'O, ,SBYIN PA LA RTZOL BA NI SBYIN BAR STZOL BA STE, RANG GI SHA KHRAG STE SBYIN PAR STZOL BA'O, ,RTAB RTAB POR GYUR TE MI BZOD CING SEMS 'KHRUGS NAS ZHES BYA BA LA, RTAB RTAB POR GYUR PA NI RANG GI SHA DANG KHRAG SBYIN PAR BYED PAS SO, ,DE'I SDUG BSNGAL DES MI BZOD CING SBYIN PAR BYA BA MA YIN PA SBYIN PA STE, DE GNYIS KYIS SEMS 'KHRUGS PAR GYUR PA'O, ,SBYIN PA LA HA CANG DGYES CHES PAS ZHES BYA BA NI @188A *, ,SBYIN PA BYAS PA'I DGYES PA NI SBYIN PA LA DGYES PA'O, ,DE LA HA CANG ZHES BYA BA NI SHIN TU RO TSOR BA STE, SBYIN BA LA KHA CANG DGYES PA'O, ,DE BAS NA PHAN PA DANG GNOD PA ZHES BYA BA LA, PHAN PA DANG GNOD PA'I RIM PA NI PHAN PA DANG GNOD PAR GYUR PA STE; RIM PA DANG GANG GIS PHAN PA DANG GNOD PA'O, ,DE NYID NI 'OG NAS 'BYUNG BA BZHIN DU RTOGS PAR BYA'O, ,MI MKHYEN PA YANG MA LAGS TE, ZHES BYA BA NI MKHYEN PA NYID DE, SKYES BU RNAMS LA GNOD PAR 'BYUNG BA NI SKYE DGU RNAMS LA GNOD PA STE, PHAN PA MA YIN PA BSKYED PA'O, ,DE LA PHAN PA MA YIN PA 'BYUNG BA LA CI'I PHYIR DE DGA' BA YIN ZHE NA, GZHAN LA GNOD PAS 'TSO ZHING DGA' BA SKYE BA'I PHYIR RO, ,GZHAN LA GNOD PAR BYED PA NI GZHAN LA GNOD PA STE, DES 'TSO ZHING DGA' BA GANG YIN PA DE DAG NI GZHAN LA GNOD PAS 'TSO ZHING DGA' BA SKYE BA'O, ,DE BAS NA DE DAG NI DES DGA' BA YIN NO ZHES BSTAN PA'I PHYIR RANG BZHIN DE LTAR LAGS ZHES BYA BA SMOS TE, 'DIS NI CHOS NYID KYI RIGS PAS RIGS PA NYID DU BSTAN TO, ,DA NI PHAN PA'I RIM BA LA MI GZIGS PA'I DBANG DU BYAS TE, 'DI SKAD STON TE, SBYIN PA LA NI RNAM PA 'DI GSUM BSAM PAR BYA STE, LEN PA PO DANG, SBYIN PA PO DANG, SBYIN PAR BYA BA STE, GSUM PA NI PHUN SUM TSOGS PA YIN NA NI SBYIN PA PHUN SUM TSOGS PAR 'GYUR TE, DE LA LEN PA PO YON TAN MED PA'I DBANG DU BYAS NAS, SKYE DGU RNAMS LA GNOD PA GANG DANG GANG ZHES BYA BA'I TSIGS BCAD SMOS SO, ,SBYIN PA PO DANG SBYIN PA'I DBANG DU BYAS NAS, RGYAL SRID DPAL 'DI ZHES BYA BA'I TSIGS BCAD YIN NO, ,DE LAS SKYE DGU LA PHAN PA'I DBANG DU BYAS NAS, RGYAL SRID DPAL 'DI ZHES BYA BA'I TSIGS BCAD PHYED DANG PO'O, ,DE BAS BDAG GI SHA SBYIN STZOL BA'I ZHES BYA BA NI SBYIN BA'I DNGOS PO'I DBANG DU BYAS PA STE, BDAG GI SHA SBYIN PAR STZOL BA THONG SHIG CES BYA BA NI RANG GI SHA SBYIN PA LA STZOL BA NI RANG GI @188B SHA SBYIN PA LA STZOL BA'O, ,BDAG GI SHA SBYIN PAR STZOL BA NYID NI BDAG GI SHA SBYIN PAR STZOL BA STE, RES PAR BZUNG BA NI STZOL BA DANG GTONG BA DANG SBYIN PA RAB TU DGAG PA STE, RANG GI SHA SBYIN PA NI NGES PAR BZUNG BA'O, ,GZHAN GYI SHA SBYIN PA NI DGAG PA MA YIN NO, ,'DIS NI 'DI LTAR STON PA YIN TE, GAL TE 'DI LTAR SBYIN PAR BYA BA YIN NA NI DGRA LA SOGS PA SBYIN PAR BYA BA STE, GAL TE NGES PAR SHA NYID SBYIN PAR BYA'O ZHE NA, GZHAN DAG GI SHA NYID SBYIN PAR BYA STE, 'DI NYID NGES PAR BZUNG BA'O, ,SMRAS PA, LOG PA'I LAM DU YID DAM BCAS PA ZHES SMOS TE, LAM MA YIN PA LA NGES PAR BYAS PA ZHES BYA BA'I DON TO, ,DU ZHES BYA BA NI RGYU'I DON TO, ,LOG PA'I LAM DU YID DAM BCAS PA NYID BSGRUB PA'I PHYIR SKYES BU DPA' BO KHYOD KYI ZHES BYA BA'I TSIGS BCAD SMOS SO, ,MI BZOD PA NI DANG DU LEN PAR MI NUS PA STE, CI'I PHYIR ZHE NA, KHYOD KYI MTHUS BSKYABS ZHES BYA BA NI, KHYOD KYI MTHUS BSKYAB PA'I PHYIR MI BZOD DO, ,'JIG RTEN ZHES BYA BA NI GA LAS SHE NA, DE BSGRUB PA'I PHYIR GNYIS PA'I DON TO, ,PHUNG BAR BYED PAL MKHAS PA NI MKHAS PA STE, 'JIG RTEN PHUNG ZHING GNOD PAR BYED PA LA'O, ,DE YANG GNOD PA NI SKYE BA GZHAN DU DUS MTHA' MED PAR NGAN SONG GNOD PA'O, ,PHUNG BAR BYED PA LA MKHAS PA DES TSUL GYIS ZHES SMRAS SO, ,KHYOD KYI SHA DANG KHRAG SLONG BA'I TSUL GYIS SO, ,TSUL MIN SKYE DGU ZHES BYA BA NI DES PHUNG BA NI GANG GI PHYIR SKYE DGU RNAMS RGUD PAR 'GYUR BA'O, ,YANG NA TSUL MIN SKYE DGU NI KHYOD KYI MTHUS BSKYABS PA'I 'JIG RTEN MI BZOD CING KHYOD DANG BRAL BAR MI BZOD PA'O, ,DE LTAR THABS 'DIS SKYE DGU TSUL MA YIN PAR PHUNG BAR 'DOD PA'O, ,DA NI RANG NYID KYI SHA NYID GTANG BAR BYA'O ZHES 'DIS NGES PAR GZUNG BA SKABS DANG BCAS PAS SHA NI GZHAN GYI SBYIN PAR BYA'O ZHES 'DIS 'DOD PA YIN TE, DES NA BLON PO LA SOGS PAS NGES PAR BZUNG BA DON MED PAR MTHONG BA STE, MCHOD SBYIN TSEN ZHES BYA BA LA SOGS PA'I TSIGS BCAD GSUM SMOS @189A *, ,SO; ,TSIL DANG ZHAG LA SOGS PA'I BZA' BA GANG YIN PA DE NI TSIL DANG ZHAG LA SOGS PA'O, ,'DIS NI SBYIN PA'I DNGOS PO'I GYA NOM PA BSTAN TO, ,SUM CU RTZA GSUM ZHES BYA BA 'DIS NA LEN PA PO BSTAN TO, ,BSREGS PA ZHES BYA BA NI ME LA BSREGS PA'I PHYIR TE GUS PA MED PAR BSTAN TO, ,MGU ZHES BYA BA 'DIS NI LEN PA RJES SU 'DZIN PA NYID DU BSTAN TO, ,GUS PAR BYIN YANG ZHES BYA BA NI ME LA MNGON PAR BSREGS PA GUS PA MED PA DE'I GNYEN PO YIN NO, ,KHYOD KYIS ZHES BYA BA 'DIS NI SBYIN PA PO'I PHUN SUM TSOGS PA BSTAN TO, ,PHUN SUM TSOGS PA ZHES BYA BA 'DIS NI TSIL DANG ZHAG LA SOGS PA ZHES BYA BA BSTAN PA DE'I GNYEN PO SBYIN PA'I DNGOS PO PHUN SUM TSOGS PA BSTAN TO, ,'DOD MI 'GYUR ZHES BYA BA 'DIS NI MGU BA'I MI MTHUN PA'I PHYOGS BSTAN TO, , MOD KYI ZHES BYA BA NI 'ON KYANG ZHES BYA BA'I DON TO, ,LHA'I THUGS NI BDAG CAG LTA BU'I SKYE BOS BCOM PA MA LAGS ZHES BYA BA NI 'DI SBYIN PAR BYA, 'DI NI SBYIN PAR MI BYA ZHES SO, ,GAL TE DE LTA NA CI'I PHYIR BDAG GI SHA SBYIN STZOL BA THONG ZHES STON CE NA, DE'I LAN BSTAN PA'I PHYIR, BDAG GI DON DU GCES PA'I SLAD DU ZHES BYA BA LA SOGS PA YIN NO, ,RKO LONG GSOL BAR GYUR TO ZHES BYA BA NI 'DI LA SBYIN PAR MI BYA'O ZHES BYA BA'I RKO LONG GSOL BAR GYUR PA'O, ,DE LTAR 'DAS PA'I TSIG DES NI DON MED PA NYID DU BSTAN PA STE; RANG GI SHA SBYIN PA'I DBYE BA DANG LDAN PA'O, ,DA NI RANG GI SHA SBYIN PA MA YIN PA NYID LAS BRTZAMS TE, GNOD SBYIN LNGA PO ZHES BYA BA LA SOGS PA SMOS SO, ,LNGA PO ZHES BYA BA NI NYUNG BA NYID DO, ,THAMS CAD CES BYA BA NI DE'I GNYEN PO STE MANG PO'O, ,'DI RNAMS KYI ZHES BYA BA NI SNGAR BSTAN PA'I MTSAN NYID KYI SKYE DGU LA PHAN PAR 'JUG PA'I MTSAN NYID DE, DE'I GNYEN PO'I 'BANGS ZHES SMOS TE, KHYAD PAR MED PAS BZANG PO DANG, BAR MA DANG, THA MA'I 'GRO BA DAG GO, ,'DI LTA BU CHOS GANG GI LAM LAGS ZHES BYA BA NI SNGON MA @189B THOS PA'I CHOS KYI LAM MO, , BDAG CAG LA ZHES BYA BA NI BDAG GI DON NI DRUG PA'O, ,DEL SHA DANG KHRAG CES BYA BA DE LA NI 'DI DAG LA SHA DANG KHRAG YOD BZHIN DU ZHES BYA BA'I TSIGS BCAD BRTZAMS SO, ,BDAG GI SHA SBYIN PAR STZOL BA 'DI THONG ZHES BSTAN PA LA JI LTAR MI GTANG BA YIN ZHE NA, NGED CAG LTA BU ZHES BYA BA SMOS TE, 'PHAGS PA RNAMS LA NI MED CES BYA BA YIN TE, BRDZUN GYI TSIG MED PA'I PHYIR DANG, TSOGS PAR MI 'BYUNG BA DANG, RTZUB PA'I TSIG MED PA'I PHYIR RO, , GSAL BAR BSLANGS PA LA ZHES BYA BA NI NGED CAG LTA BUS NI MA BSLANGS KYANG YOD PAR GYUR NA MTSAN MA LAS SHES PAR BYA STE, SBYIN PAR BYA'O ZHES BYA BA'I DON TO, ,DA NI LNGA PO 'DI DAG CES BYA BA LA SOGS PA'I TSIG RKANG GI LAN CHOS KYI LAM NYID DU BSTAN PA'I PHYIR, CHOS KYI BKA' KHRIMS ZHES BYA BA LA SOGS PA'O; ,MDUN DU 'GRO BA YIN PAS THOG MAR 'GRO BA'O, ,NGAN PA'I LAM DU ZHES BYA BA NI BRDZUN DU SMRA BA DANG, TSIG RTZUB PO'I MTSAN NYID KYIS SO, ,NGA'I YANG YIN LA SPYOD PA'I LAM YIN BAS NGA'I SPYOD PA'I LAM MO, ,DE'I RJES SU 'GRO BA NI NGA'I SPYOD PA'I LAM GYI RJES SU 'JUG PA DE DAG GO, ,NGA YI 'BANGS RNAMS GNAS SABS JI LTAR GYUR, ,ZHES BYA BA NI SHIN TU NYAMS PAR 'GYUR RO ZHES BYA BA'I DON TO, ,DE LTAR 'DIR SBYIN PAS NI CHOS KYI LAM NYID DU BSTAN LA, SPYIN PA MA YIN PAS NI CHOS MA YIN PA'I LAM NYID DU BSTAN NAS, NGA NI GANG SNGAR BSTAN PA'I 'BANGS THAMS CAD MGON MA MCHIS PAR BGYIS PA'AM ZHES BYA BA DE'I DBANG DU BYAS PA STE, 'DI YANG SKYE DGU RNAMS KYI DON GYI PHYIR, ,ZHES SMOS TE, 'BANGS THAMS CAD MGON MA MCHIS PAR BGYIS PA NYID 'GRO BA'I DON BZANG PO STE, 'GRO BA'I DON NUS PA ZHES BYA BA'I DON TO, ,SER SNAS PHROGS PA NYID NI SER SNAS PHROGS PAR GYUR PA STE, SER SNAS PHROGS PA'I SNYING GANG YIN PA DE NI SEMS SER SNAS PHROGS PAR GYUR PA'O, ,DGA' BA DANG GUS PA NI DGA' BA DANG GUS PA NI DGA' BA DANG GUS PA STE, NGA LA DGA' BA DANG @190A *, ,GUS PA NI NGA LA DGA' BA DANG GUS BA DANG BCAS PA'O, ,BYAMS PA DANG, BAG PHAB PA NI BYAMS PAS BAG PHAB PA STE, DE GNYIS KYI SNYING PO GANG YIN PA DE NI BYAMS PA DANG, BAG PHAB PA'I SNYING PO NYID DO, ,'DI LTAR BDAG CAG LA MI BYAMS BA CI LAS GYUR ZHES BYA BA 'DIS NI BAG PHAB PA'I SNYING PO BSTAN TO, ,RJE'I CHED DU 'TSAL BA LA ZHES BYA BA LA SOGS PA DANG, 'DI LTAR BDAG CAG LA MI BYAMS PA CI LAS GYUR ZHES BYA BA'I LAN NI, NGA KHYED LA MI 'JAR ZHING MI BYAMS PA YANG MA YIN LA ZHES BYA BA YIN TE, 'JAR BA NI BAG 'BEBS PAR BYED PA'I DON TO, ,'JAR BA MED PA NI MI 'JAR BA'O, ,MI 'JAR BA YANG YIN LA MI BYAMS PA YANG YIN PAS NA MI 'JAR ZHING MI BYAMS PA'O, ,SHA DANG KHRAG BDAG CAG LA MTSIS BZHIN DU ZHES BYA BA LA SOGS PA'I LAN NI, MA BYIN DU DOGS PA YANG MED MOD KYI ZHES BYA BA LA SOGS PA'O, ,YONGS SU DOGS SHING RGAL DKA' BA GANG YIN PA DE NI DOGS SHING RGAL DKA' BA STE, DKA' BAS RTOGS PA GANG YIN PA'I BYAMS PA'I LAM GANG YIN PA DE NI RTOGS PAR DKA' PA'I DOGS PA'O, ,RTOGS PAR DKA' BA YANG YIN LA RGAL BAR DKA' BA YANG YIN PAS DOGS PA DANG RGAL DKA' ZHING RTOGS PAR DKA' BA STE, SKAL BA'I TSUL 'DI CHUNG BA DANG ZAD PAR GYUR PA DANG ZHES BYA BAR SBYAR RO, ,SLONG BA RNAM PAR MDZES PA GANG YIN PA DE NI SLONG BA MDZES PA STE, SLONG BA 'PHEL BA ZHES BYA BA'I DON TO, ,DBUL BA ZHES BYA BA'I TSIG GIS NI 'BYOR PA DANG LDAN PA NOR GYIS RGUD PAR GYUR PA LA STE, DBUL ZHING PHONGS PAR GYUR PA LA'O, ,YANG NA DBUL BA NYID SLONG BA 'PHEL BA YIN NO, ,YANG NA NOR RIM GYIS NYUNG NGUR GYUR PA NI MDZA' BO NOR DANG LDAN PA RNAMS LA SLONG BA 'PHEL BA MDZES PA YIN TE, DE ZAD CING DBUL POR GYUR PA MDZA' BO DAG LA SLONG BA 'PHEL BA MDZES PA YIN NO, ,'DI JI LTAR SHES PAR BYA STE, NOR DANG LDAN PA NI DBUL PO LA MI MDZES TE, DE BAS NA NGA LA NI NOR ZAD @190B PA YANG MED LA, GANG LTAR BUS BSTAN PA DE JI LTAR NOR DANG LDAN PA LA SBYAR TE, 'BYOR PA NYUNG NGUR GYUR PA LA YANG MI RIGS NA, 'BYOR PA CHUNG BA'I MDZA' BO LA NOR DANG LDAN PAS BSLANG BA LTA CI SMOS TE, DE BAS NA KHYAD PAR BSTAN PAR 'GYUR TE, SHIN TU SKAL BAS 'GYUR BA'I PHYIR RO, ,SKYE BO PHONGS PA RNAMS KYIS PHYIR BSKYED PA'I, ,LUS NI NGA BDAG NYID LA YOD BZHIN DU, ,ZHES BYA BA 'DIS NI SBYIN PA'I DNGOS PO THA DAD PA MED PAR BSTAN TO, ,LUS NI CHEN PO SHA RGYAS ZHES BYA BA 'DIS NI NYUNG NGUR GYUR PA MED PAR BSTAN TO, ,KHYED LA ZHES BYA BA 'DIS NI MI 'JAR ZHING MI BYAMS PA'I SKYON MED CING LUS RING BDAG LA SLONG BA NI RIGS PA MA YIN NO ZHES SMOS TE, BRGYA LA 'BYOR PA ZAD PAR MA GYUR NA YANG BYAMS SHING YID GTZUGS PAR BSTAN PA'I PHYIR DBUL BA LA YANG SLONG BAR MI RIGS SO, ,NAM YANG NANG GI DNGOS PO NI SLONG BAR RIGS PA MED DE, GZHAN LA GNOD PA DANG 'BREL PA'I PHYIR RO ZHES BSTAN PA'I PHYIR, MI SHES GZHAN GYI GNOD PA 'ANG MI BZOD NA, ,ZHES BYA BA'I TSIGS BCAD BRTZAMS SO, ,MI SHES PA ZHES BYA BA NI SNGON MA MTHONG ZHING MA 'DRES PA'O, , KHYED KYI GNOD PA BDAG GIS GA LA BZOD, ,CES BYA BA NI 'DI LTAR BYAMS SHING YID GCUGS PA'I DNGOS PO DAG LA STE, ,DES NA KHYED LA YANG GNOD PA BTANG SNYOMS SU BYA ZHING, GANG 'DI DAG KHYED LA SLONG NA DE LA SBYIN PA'I RJES SU YI RANG BAR BYAS TE, 'DI LTAR PA'I SBYIN PAL KHYED CAG GIS RJES SU YI RANG BA DE LTAR BYA'O, ,JI LTAR 'OG NAS BRJOD PA ZHES BYA BA NI MDUN NAS SO, ,DE LTAR RE ZHIG SBYIN PA'I BYA BA RIGS PA NYID DU BSTAN NAS, SNGAR BSHAD PA'I DBYE BAS DBYE BA BSTAN PA'I PHYIR, DE BAS NA NGA LA RAB TU BYAMS PA'I ZHES BYA BA LA SOGS PA SMOS SO, ,CHOS KYI BGEGS LA MDZEM PA MED PA ZHES BYA BAS NI DE DAG CHOS MA YIN PA NYID DU BSTAN PAS 'DZEM PA BSKYED PA'I MTSAN NYID KYI DBYE BA BSTAN TO, ,JI LTAR DBYE BA DE YANG CHOS MA YIN PA NYID DU BSTAN TO, ,DA NI LOG PA NYID DU BSTAN PAR 'DOD @191A *, ,PAS; NGA'I DON DU KHYOD CI SPYOD PA 'DI LTA BU BYA BA MI RIGS TE ZHES BYA BA 'DI BRTZAMS SO, ,NGED CAG GI DON NI NGA'I DON TE NGED CAG GI DON DU'O, ,KHYED CAG GIS NAM YANG NGA'I DON DU SBYIN PA'I BGEGS NI BYA BA MA YIN NO ZHES BYA BA'I DON TO,, BDAG GI DON DU BZA' BA LA SOGS PA ZHES BYA BA LA BDAG NYID KYI YIN PAS BDAG STE, MNGON PAR MTHO BA DANG NGES PAR LEGS PA 'THOB PA'I PHYIR RO, ,PHYI ROL GYI DNGOS PO NI BZA' BA DANG BTUNG BA LA SOGS PA'O, ,SOGS PA SMOS PAS NI SEMS CAN DANG SEMS CAN MA YIN PA NYID DO, ,DE LTAR BYED PA CI 'DRAR 'GYUR, ,ZHES BYA BA NI SEMS CAN THAMS CAD KYI DON DU NANG GI SBYIN PA NI SNGON GANG GIS MA SBYIN TE BYANG CHUB SEMS DPA' DAG GIS SO, ,LEGS SAM GA LA TE MA LEGS KYANG, ,ZHES BYA BA NI, JI LTAR LEGS PA NYID MA YIN NO, ,ZHES BRJOD PAR BYA STE, 'DIS KYANG CHOS MA YIN PA DANG BDEN PA MA YIN PA NYID BSTAN TE SBYIN PA'I GEGS SO, ,DE ZHES BYA BA NI NANG GI DNGOS PO GTONG BA 'GOG PAR BYED PA STE; 'DI LTAR LEGS PA MA YIN PAR 'GYUR ZHING CHOS MA YIN PA DANG LDAN PA STE, KHYED CAG NAM YANG DE LTA BU MA BYED CIG PA'O, ,NANG GI DNGOS PO GTONG BA'I DGAG PA GANG YIN PA DE NI LEGS PA MA YIN LA, DGAG PA MA YIN PA DE NI LEGS PA NYID DO, ,KHYED KYI NI SROG GCOD PA LA RJES SU YI RANG BAR BYA'O ZHES BYA BA LTA BU YIN TE, DES NA NGA'I RJES SU 'GRO BAR BYA BA NI RIGS PAS DPYAD PAR BYA'O ZHES BYA BA 'DI BRTZAMS SO, ,NGA'I GROGS RJES SU MTHUN PA ZHES BYA BA BSTAN PA LA, GROGS KYI NGO BO NI GOGS TE BKA' LA GTOGS TE ZHES BYA BA'I DON TO, ,NGED CAG BYANG CHUB SEMS DPA'I GROGS DE DANG MTHUN PA NI NGA'I GROGS MTHUN PA STE, 'DI NI GZHAN MI MTHUN PA'I ZHES BSTAN PA'I TSUL DU 'GYUR TE, DE GANG YIN ZHE NA, LAM LOG PAR 'GRO BA LAS BZLOG PA'I STE, LAM LOG PA LAS BZLOG PA @191B YIN PAS LOG PAR 'GRO BA DE LAS BZLOG PA'O, ,DE GANG ZHE NA YID DO, ,RIGS PAS DPYAD PAR BYA'O ZHES BYA BA NI GANG LA LA SEMS CAN RNAMS KYI DON DU BDAG NYID YONGS SU GTONG BAR BYED PA STE, GZHAN GANG ZHIG RJES SU YI RANG BAR MI BYED PA DE NI RJES SU YI RANG BA SROG GCOD PA'I KHA NA MA THO BA DANG LDAN PAR 'GYUR RO ZHES 'DIR YANG KHA CIG ZHUGS PAR 'GYUR ZHES 'DIR YANG KHA CIG ZHUGS PA'O, ,CI STE RIGS SAM MI RIGS SHE NA, SKYES PA'I RABS THOS PAS KYANG BSOD NAMS MED PAR 'GYUR TE, DE NA NI BYANG CHUB SEMS DPA' NANG GI DNGOS PO YONGS SU GTONG BA YOD PA'I PHYIR RO, ,DE LA RJES SU YI RANG BAR BYED PA DANG, RJES SU YI RANG BA YANG BSOD NAMS MA YIN PAR 'GYUR TE, GAL TE 'DAS MA THAG PA DE LTAR RIGS PAS DPYAD PAR BYAS PA DE BAS NA BSOD NAMS MA YIN PA GANG YIN BA DE NYID LOG PA'I LAM DE LAS BZLOG PAR BYAS PA DE LA RJES SU YI RANG BA DANG MTHUN PA'I TSIG GANG YIN PA DE NI RJES SU YI RANG BA DANG MTHUN PA'I TSIG GO, ,BZANG NGO ZHES BYA BA NYID NI BZANG BA NYID DO, ,DE LTAR BYED PA CI 'DRA BAR 'GYUR BA LTA CI SMOS, DE LTAR BYA BA'I KHYAD PAR BSTAN PA'I PHYIR, NOR NI GCIG PUS SPYAD PA ZHES BYA BA'I TSIGS BCAD GNYIS SMOS SO, ,BYA BA DE'I KHYAD PAR RNAM PA GNYIS SU BSTAN PA STE, SLONG BA NYID DU RNYED DKA' BA'I PHYIR DANG, SBYIN PA'I DNGOS PO SHES PAS MA RUNG BA YONGS SU GTONG BA LEGS PA'I PHYIR RO, , DE LAS NANG GI DNGOS PO GTONG BA RNYED DKA' BA'I DBANG DU BYAS NAS, NOR NI GCIG PUS SPYAD PA MA YIN LA, ,ZHES BYA BA'I TSIGS BCAD SMOS SO, ,GCIG PUS MA YIN LA ZHES BYA BA NI NOR 'DI DAG GCIG PUS SPYAD PA GANG YIN PA DE NI DE STE, NOR GCIG PUS SPYAD PAR BYA BA ZHES BYA BA'I DON TO, ,NOR ZHES SMOS PAS NI BZA' BA DANG, BTUNG BA DANG, GOS LA SOGS PA BYE BRAG MED PAR GZUNG NGO, ,NYIN RE MA YIN LA ZHES BYA BA NI, NYI MA RE RE ZHING MA YIN PA STE, DUS MA YIN PA ZHES BYA BA'I DON TO, ,MI 'GYUR RO ZHES BYA BA NI RNYED DKA' BA NYID DU @192A *, ,BSTAN TO, ,SLONG BA 'DI LTA BU DANG ZHES BYA BA NI NANG GI DNGOS PO LONGS SPYOD CING SLONG BA'I SKYE BO NI NYUNG BAS SO, ,LHA DAG MNYES PAR BYAS KYANG MI 'GRUB NA, ,ZHES BYA BA 'DIS NI SHIN TU RNYED DKA' BA NYID DU BSTAN TO, ,SLONG BA 'DI LTA BUS YANG ZHES BYA BA'I TSIGS BCAD KYIS NI SBYIN PA'I DNGOS PO NYES PAS MA RUNG BAR GYUR PA'I SBYIN PA DANG, SBYIN PA GTONG BA SLA BA NYID DU STON PAR 'DOD PAS BRTZAMS PA YIN NO, ,CUNG ZAD CES BYA BA NI 'CHI BA'I CHOS CAN YIN LA, JI SRID DU 'DUG PA DE SRID DU YANG MI BDE BA'I GNAS SU GYUR CING MI BDE BA'I GZHIR GYUR PA STE, RGA BA DANG NAD LA SOGS PA'I SDUG BSNGAL GYI GZHIR GYUR PA'I PHYIR RO, ,THE TSOM ZA BA'ANG ZHES BYA BA NI SBYIN PAR BYA BA'AM, SBYIN PAR MI BYA ZHES SO, ,RGYA CHER MI 'GYUR NA ZHES BYA BA NI SLONG BA'I SKYE BO NYID DO, , 'JUNGS SHING ZHUM PA ZHES BYA BA NI SBYIN PAR MI 'DOD PA NYID DO, ,MUN PA'I MCHOG YIN NO ZHES BYA BA NI GTI MUG GI RAB MCHOG STE, DE BAS NA THE TSOM ZA BA YANG MI RIGS PA NYID NA, MI SBYIN PA LTA SMOS KYANG CI DGOS, RANG GI LUS LA RTZA BKROS TE, GNOD SBYIN DE RNAMS LA ZHES BYA BA NI, DANG PO NYID DU RJES SU 'DOD PA NI 'DI NYID DU YIN PAS SO, ,CHOS KYI GROGS KYANG BYA BA DANG, ,ZHES BYA BA NI, SLONG BA RNAMS KYI BYANG CHUB SEMS DPA' DGE BA'I BSHES GNYEN YIN NO ZHES BYA BA'I TSIG GIS SO; ,'DI NI RE ZHIG 'JIG RTEN PHA ROL GYI PHAN YON NO, ,NGA YANG RAB TU DGA' BAR 'GYUR BA ZHES BYA BA NI MTHONG BA'I CHOS KYI PHAN YON NO, ,CHOS DGA' BA DE GNYIS KYI DNGOS POS NI 'DZIN PA'I 'JIG PA LAS LDOG PA STE, DE'I PHAN YON RNAM PA GNYIS BSTAN TO, , SNYIM PA BZED DE ZHES BYA BA SMOS PAS NI SNOD DANG 'BRIM PAS DUS LAS 'DAS KYIS DOGS PA'O, ,'DIR KHYAD PAR BSTAN PA'I PHYIR, TZANDAN DMAR PO'I KHU BA 'DRA BA ZHES SMOS TE, DMAR BA'I KHYAD PAR NI RGYAL PO DE'I MTSAN NYID DANG LDAN PA'O, ,KHRAG GI MTSAN NYID KYI KHYAD @192B PAR BSTAN PA'I PHYIR RO, ,MTSAMS DUS KYI CHAR SPRIN LTA BU NI KHRAG GO, ,KHRAG DANG 'BREL PA DE NI GNOD SBYIN NO, ,DGA' BA MCHOG DANG LDAN PAS LUS KYANG MA NYAMS PA NI BRTAN PA DANG LDAN PA'O, ,SEMS KYANG BRGYAL BA MED PA NI LUS KYI YON TAN DANG LDAN PA STE, KHRAG GI RGYUN KYANG ZAD PAR YONG MA GYUR TO, ,DA NI 'DIS 'TSAL TE ZHES BYA BA NI KHRAG DE DGAG PA STE, GANG GZHAN SNGAR BSLANGS PAR GYUR PA DE NI BYIN PAR GYUR TO ZHES BSTAN PA YIN NO, ,SDUG BSNGAL MANG PO 'BYUNG BA'I GNAS, , ZHES BYA BA 'DIS NI SDUG BSNGAL BA NYID DU BSTAN TO, ,BYAS PA MI GZO ZHES BYA BA 'DIS NI MI GTZANG BA NYID DE, GTZANG BA'I RDZAS KYIS BSKYED KYANG YANG MI GTZANG BA NYID YONGS SU MI 'DOR BAS SO, ,YANG NA SDUG BSNGAL MANG PO 'BYUNG BA'I GNAS DE NYID KYI KHYAD PAR GYI DON TO, ,SDUG BSNGAL GSO BA'I GZHI'I DON TO, ,SLONG BA RNAMS KYI BSNYEN BKUR NI SLONG BA RNAMS LA SBYIN PA'O, ,DE'I GRUB PA NI SLONG BA DAG LA SBYIN PA DE'I DON GRUB STE, SLONG BA DAG LA SBYIN PA'I DON GRUB PA'O, ,RAB TU DGA' DANG RJES SU MTHUN, ,ZHES BYA BA NI SDUG BSNGAL MANG PO'I 'BYUNG GNAS YIN YANG BZUNG BAR GYUR PA BDE BA'I RGYUR GYUR PA STE, SBYIN PA PO RANG GI BDE BA'I RGYUR GYUR PAS SO, ,BDE BA ZHES SMOS PA NI, BYAS PA MI GZO BA NYID YIN NO ZHES GZHAN DAG TU BSTAN PA NI LAN DU PHAN 'DOGS PAR BZUNG BA'I PHYIR RO, ,RAB TU DGA' BA DANG, RAB TU TSIM PA ZHES BYA BA NI RAB TU DGA' BA DANG RJES SU MTHUN PAR GYUR PA ZHES BYA BA BSTAN MA THAG PA 'DI'I RGYUS SO, ,AUTPA LA'I 'DAB MA LTAR MDOG SNGO ZHING MTHING GA GANG YIN PA DE NI AUTPA LA MTHING GA LTAR MDOG SNGO BA'O, ,RDO RJE RIN PO CHES SPRAS PA'I RAL GRI SNGON PO'I 'OD KYIS MDZES PA GANG YIN PA DE NI RAL GRI RNON PO RDO RJE RIN PO CHES SPRAS PA'I 'OD KYIS MDZES PA'O, ,SKABS NI MED PAR BYAS PAS NA, ,ZHES BYA BA NI SRAN THUB PA MED PA'I SKABS @193A *, ,MED PAR BYAS PA'O, ,CI'I PHYIR ZHE NA, SBYIN PA LA DGA' BAS SO, ,DRANGS PAS NA ZHES BYA BA NI 'DREN PAR BYED PA STE, CI LTAR 'DI BSTAN MA THAG PAS DRANGS PA STE, DE BAS NA DE NI TSIGS BCAD KYIS SO, ,DE LTAR BYAS PAS ZHES BYA BA NI GRAGS PA'I SEMS KYI TSIG GIS SO, ,CHOS LA DGA' ZHING ZHES BYA BA NI MNGON PAR MTHO BA 'DOD PA'I PHYIR RAM, BDAG THAR PA 'DOD PA'I PHYIR RO, ,SNYING RJE'I DBANG DU GYUR TE ZHES BYA BA NI SEMS CAN GZHAN LA PHAN PA'I DON TO, ,MDOG GSAL BAR BYAS PA NI MDOG GSAL BAR BYAS PA'O, ,BZHIN MDANGS MA GYUR CING RAB TU DANG BA ZHES BYA BA NI BZHIN MDANGS GSAL BA GZUNG STE, DGA' BA YIN PAS RJES SU DPAG GO, ,MI G-YO BAR DE BZHIN 'DUG PA ZHES BYA BA NI LUS KYI TSOR BA LA SOGS PAS SO, , RAB TU DANG BA CHER GYUR TO, ,ZHES BYA BA NI, BZHIN MDANGS MA GYUR CING GSAL BA'I PHYIR RO, ,NGO MTSAR CHER GYUR TO ZHES BYA BA NI MI G-YO ZHING DE BZHIN DU 'DUG PA'I PHYIR TE, SHA GCOD PA DANG BCAS PA'I SDUG BSNGAL GYIS SO, ,NGO MTSAR NI SNYING RJES GZHAN LA BDE BA 'DOD PA STE, SEMS CAN LA DGA' BA SHAS CHE BA'I PHYIR RO, ,RMAD DU BYUNG BA NI MI G-YO BAR DE BZHIN 'DUG PA STE, SHA CHOD PA DANG BCAD PA'I TSOR BA'I SDUG BSNGAL ZIL GYIS NON PA'I PHYIR RO, ,BDEN NAM BRDZUN ZHES DPYOD CING NGO MTSAR SKYES ZHES BYA BA NI NGO MTSAR RMAD DU BYUNG BA SKYES PAS SO, ,DE LA BSTOD CING PHYAG KYANG 'TSAL BAR GYUR, ,ZHES BYA BA NI DE LA BSTOD PA DANG PHYAG 'TSAL BAR GYUR PA STE, DE LA BSTOD PA DANG 'DUD PA NA, KHRAG DANG SHA SBYIN PAS PHYAG 'TSAL BA'O, ,GUS PA'I DBANG GIS ZHES BYA BA'I TSIGS BCAD 'DI'I BSBUS PA'I DON NI GSANG TSIG DANG, GTZO BO DANG, SPRO BA'I NUS PA BSTAN TO, ,DANG PO'I RKANG PAS NI GSANG TSIG GI NUS PA BSTAN TE, GUS PA DANG GRAGS ,GUS PA'I DBANG @193B PAS NI BDAG BO'I NUS PA BSTAN TE, DPAL ZHES SMOS PA'I PHYIR RO, ,KHYED KYI MTHUS BSKYABS ZHES BYA BA 'DIS NI SPRO BA'I NUS PA BSTAN TO, ,BRGYA BYIN MGON DU GYUR LA ZHES BYA BA LA, NUS PA YIN PAS BRGYA BYIN TE, SPRO BA'I YON TAN STAN PAR BYED PA'I MING SMOS PAS, SPRO BA'I NUS PA'I RJES SU BSTAN PA'I DON TO, ,DE LAS BYANG CHUB SEMS DPA'I SPRO BA 'DI KHYAD PAR DU BSTAN PA'I PHYIR, KHYOD LTA BU'O BRGYAL BAR BGYIS PHA DE BAS NA'O, ,THAMS CAD SA'I BDAG PO 'AM ZHES BYA BA'I TSIGS BCAD 'DI'I BSDUS PA'I DON NI, GCIG TU MNGON PAR MTHO BA'I SPYOD PA LAS KYANG BRTZAMS PA MA YIN LA, NGES PAR LEGS PA LAS KYANG BRTZAMS PA MA YIN NO, ,RNAM PAR GROL BA'AM ZHES SMOS PA LA, RNAM PAR GROL BA NI 'DIR NYAN THOS DANG RANG SANGS RGYAS TE RNAM PA GNYIS SO, ,MNGON PAR MTHO BA NI 'DOD CHAGS DANG BRAL BA DANG 'DOD CHAGS DANG MA BRAL BA'I DBYE BAS SO, ,'DOD CHAGS DANG BRAL BA'I DBANG DU BYAS NAS, TSANGS PA'AM ZHES SMOS SO, ,'DOD PA SPYOD PA'I MNGON PAR MTHO BA YANG RNAM PA GNYIS TE, LHA DANG MI'I DBANG DU BYAS PA'O, ,NOR GYIS PHYUG PA'AM DBANG PO'AM ZHES BYA BA LA, LHA'I MNGON PAR MTHO BA YANG RNAM PA GNYIS TE, RGYAL CHEN RIGS BZHI DANG SUM CU RTZA GSUM PA'I DBYE BAS SO, ,DE LA RGYAL CHEN RIGS BZHI DANG MNGON PAR MTHO BA'I DBANG DU BYAS NAS, NOR GYIS PHYUG PA'AM ZHES BYA BA YIN NO, ,SUM CU RTZA GSUM PA'I DBANG DU BYAS NAS DBANG PO'AM ZHES BSTAN TO, ,MI'I MNGON PAR MTHO BA'I KHYAD PAR GYI DBANG DU BYAS NAS, THAMS CAD SA'I BDAG PO'AM ZHES BYA BA YIN TE, 'KHOR LOS SGYUR BA'I RGYAL SRID CES BYA BA'I DON TO, ,BZHED PA'I DON NI MI RING STE, RTZOL PHOD PA GANG YIN PAS THAMS CAD 'THOB PAR NUS PA'O, ,RNYED PAR BYA DKA' BA ZHES BYA BA'I TSIGS BCAD 'DI'I BSDUS PA'I DON NI SRID PA'I LONGS SPYOD LA MI GNAS PA STE, NYES PA GSUM GYIS MA @194A *, ,RUNGS PAR BYAS PAR STON TE, DE LA NYES PA GSUM NI RGYU DANG, NGO BO DANG, 'BRAS BU'I NYES PAS SO, ,RGYU'I NYES PA'I DBANG DU BYAS NAS RNYED PAR DKA' LA ZHES BYA BA STE, GAL TE 'BAD PA PHUN SUM TSOGS PAS THOB PAR 'GYUR BA YIN YANG RTAG PA MED PAS SO, ,'DI LA GANG GI PHYIR MI RTAG PA YIN ZHE NA, RANG BZHIN GYI SKYON GYI DBANG DU BYAS NAS, 'JIG PAR SLA BA DANG ZHES BYA BA YIN TE, RANG GI NGANG GIS 'JIG PA'O, ,'JIG PAR SLA BA YIN YANG, RANG GI BYA BA BYED PAR NUS PAR GYUR NA, DE LTA NA YANG 'DOD PAR BYA BA YIN NA, DE MAD PAR BSTAN PA'I PHYIR, CHOG PA'I BDE MED CES SMOS TE, DE LA DE NYE BAR LONGS SPYOD PAS PHYIS KYANG SPYAD MI DGOS PAR MI 'GYUR BAS SO, ,CI'I PHYIR ZHE NA, RAB TU ZHI MED PA ZHES SMOS TE; GANG PHUN SUM TSOGS PA DON DU GNYER BA DE DAG LA CHAGS PA LAS ZHI BAR MI NUS SO, ,CI'I PHYIR ZHE NA, SRID PA'I LONGS SPYOD BDE BA ZHES BYA BA YIN TE, 'DIS NI 'DOD PA'I KHAMS KYI 'DOD PAR RTOGS PAR BYA'O, ,CI LTAR 'DI RTOGS PAR BYA ZHE NA, LHA DBANG DPAL ZHES SMOS SO, ,DE LAS GZHAN PA ZHES BYA BA 'DIS NI THAMS CAD SA'I BDAG PO DANG, NOR GYIS PHYUG PA GNYIS NI THA MAL PA NYID DU BSTAN TO, ,BDAG GI SDUG BSNGAL ZAD PA TZAM GYI PHYIR, ,ZHES BYA BA'I TSIGS BCAD 'DIS NI, MYA NGAN LAS 'DAS PA DON DU MI GNYER BA NYID KYI DBANG DU BYAS PA STE, DE MI BZHED PA'I PHYIR DANG, TSANGS PA YANG YONGS SU DGAG PAR BYAS PA YIN NO, ,BDAG GI SDUG BSNGAL ZAD PA TZAM GYI PHYIR, ,ZHES BYA BA NI, NYAN THOS DANG RANG SANGS RGYAS KYI MYA NGAN LAS 'DAS PA THOB PA'O, ,SDUG BSNGAL MI BZAD NAD KYIS NYEN PA'I ZHES BYA BA 'DI LA, RAB TU NYEN PA NI RTAG TU'O, ,MI BZAD PA NI SHAS CHE BA'O, ,SDUG BSNGAL MI BZAD PA DES BYAS PA'I NGAL BA NI SDUG BSNGAL MI BZAD PA'I NGAL BA STE, DE'I NAD KYIS NYEN PA'O, ,GAL TE 'DI @194B THAMS CAD DON DU MI GNYER NA GZHAN GANG DON DU GNYER BA YIN ZHE NA, BSOD NAMS 'DI YIS THAMS CAD CES BYA BA'I TSIGS BCAD SMOS SO, ,THAMS CAD GZIGS PA'I GO 'PHANG THOB CING, ZHES BYA BA 'DIS NI SHES BYA SGRIB PA SPANGS PA BSTAN TO, ,SKYON GYI DGRA BTUL NAS ZHES BYA BA 'DIS NI NYON MONGS PA'I SGRIB PA THAMS CAD SPANGS SO, ,BSOD NAMS 'DI YIS ZHES BYA BA 'DIS NI TSOGS PHUN SUM TSOGS PA BSTAN TO, ,THAMS CAD GZIGS PA'I GO 'PHANG THOB CING SKYON GYI DGRA BTUL NAS, ZHES PA 'DIS NI 'BRAS BU PHUN SUM TSOGS PA BSTAN TO, ,RGA BA DANG NA BA ZHES BYA BA'I TSIGS SU BCAD PA 'OG MA PHYED KYIS NI DON THAMS CAD KYI BYA BA PHUN SUM TSOGS PA BSTAN TE, RGA NAD 'CHI BA'I RLABS CHEN PO DANG CHOS MTHUN PA STE, CHEN PO YIN PA'I PHYIR DANG, YANG DANG YANG DU RGYUN MI 'CHAD PAR 'JUG PA'O, ,'DI LTA BU'I BRTZAL BA ZHES BYA BA NI, SANGS RGYAS NYID DON DU GNYER BA'I BRTZAL BA GANG YIN PA STE, BYANG CHUB KYI SEMS ZHES BYA BA'I DON TO, ,LAS 'DI ZHES BYA BA NI, RANG GI SHA DANG KHRAG SBYIN PA'I LAS SO, ,KHYOD LTA BU ZHES BYA BA BYANG CHUB SEMS DPA' RNAMS SO, ,'JIG RTEN PHAN PA'I PHYIR LAGS KYANG, ,ZHES BYA BA NI 'GRO BA MTHA' DAG YONGS SU BSKYAB PA'I PHYIR TE, THAMS CAD KYI NOR BUR KHYOD GYUR PAS BDAG KYANG 'GRO BA'I KHONGS SU GTOGS PAR GYUR PA STE, DE BAS NA JI LTAR YANG DON DU GNYER PAR BYA'O, ,BDAG CAG RANG LA PHAN 'TSAL BA, ,ZHES SMOS TE, YANG 'BYOR PA DON DU GNYER BA'O ZHES BYA BA SANGS RGYAS NYID THOB PA'O, ,MA 'TSAL BA NI ZHES BYA BA NI, 'DI'I DON DAM PA LA 'JUG PA'O, ,BDAG GI DON YANG ZHES BYA BA NI, MA 'ONGS PA'I MTHA'I DUS KYI NGAN SONG GI SDUG BSNGAL GYI RGYUR GYUR PA'I LAS KYANG NGO, ,RJES SU GZUNG BA'I RGYUR GYUR BA, ,ZHES BYA BA NI RJES SU BZUNG BAR BYED PA'I LAM DU GYUR PA STE, MI SHES PA DE'I RJES SU BZUNG BAR 'GRO BA STE, DE BAS NA RJES @195A *, ,SU BZUNG BA'I RGYUR GYUR PA ZHES BRJOD DO, ,MI SHES PAS BDAG RJES SU GZUNG BAR 'GYUR BA'O ZHES BYA BA'I DON TO, ,RNAM PAR THAR PA'I CHOS KYI BDUD RTZI LAS, THOG MAR BGO BAR BYA ZHES BYA BA LA, RNAM PAR GROL BA NI RNAM PAR THANG PA STE; NYON MONGS PA SPANGS PA'O, ,RNAM PAR THAR PA NYID CHOS YIN PAS RNAM PAR THAR PA'I CHOS SO, ,'DIS NI NYAN THOS KYI THEG PAS MYA NGAN LAS 'DAS PA'I RNAM PAR GROL BA'O, ,RNAM PAR THAR PA'I CHOS NYID BDUD RTZI YIN PAS RNAM PAR THAR PA'I CHOS KYI BDUD RTZI'O, ,DE YANG DAG PAR 'GYED PA NI RNAM PAR THAR PA'I CHOS KYI BDUD RTZI BGO BAR BYA BA'O, ,KUN TU SHES PA SBYIN PA'I DBANG DU BYAS NAS, NGA NI DE LA DGA' BA LA ZHES BYA BA LA SOGS PA'I TSIGS BCAD SMOS TE, ,GZHAN NOR CHUNG MA DAG LA CHAGS PA DANG, ,ZHES BYA BA LA, GZHAN NOR ZHES BYA BA SMOS PAS NI MA BYIN PAR LEN PA LAS LDOG PA DANG, CHUNG MA DAG CES BYA BAS NI GZHAN GYIS YONGS SU BZUNG BA'I CHUNG MA NI, 'DOD PAS LOG PAR G-YEM PA LAS LDOG PA'O, ,BRDZUN DU SMRA BA ZHES BYA BAS NI SMAD PA'I NGAG LAS LDOG PA STE, DE LTAR YANG BSLAB PA'I GZHI LNGA DAG 'DZIN DU BCUG PA'O, ,DE DAG CES BYA BA NI ME TOG GO, ,RDZIS BSKYOD CES BYA BA'I SGRAS NI 'DIR SHING DANG ME TOG DANG SBYAR BAR BYA'O, ,'GUL BAR GYUR CES BYA BA NI SA 'GUL BA'O, , RGYA MTSO CHEN PO SHIN TU BDO BA ZHES BYA BA'I TSIGS SU BCAD PA YANG SA 'GUL BAS ZHES BYA BA'I DBANG DU BYA BA RJES SU 'BRANG NGO, ,YANG NA RGYA MTSO CHEN PO SHIN TU BDO BA ZHES BYA BA 'DIS NI DON BYAS PA NYID DU BLTA BAR BYA'O, ,RANG BZHIN LAS NI LHAG PA'I SHUGS DANG SGRAS; ,ZHES BYA BA'I RANG BZHIN DE LAS LHAG PA'I SHUGS DANG LDAN PA'I SGRA DANG SKAD GANG LA YOD PA'I CHU DE NI RANG BZHIN LAS LHAG PA'I SHUGS DANG SGRA'O, ,SRA YAM KRA MA ZHES BYA BA'I TSIGS BCAD 'DI NI RGYU PHUN SUM TSOGS PA DANG, 'BRAS BU PHUN SUM TSOGS PA DANG, @195B SEMS CAN GYI DON BYA BA'I PHUN SUM TSOGS PA'I DBANG DU BYAS PA'O, ,RGYU PHUN SUM TSOGS PA'I DBANG DU BYAS PA NI, SKYE BO DAM PA'I CHOS RE BZANG ZHES BYA BA STE, SKYE BO BZANG PO NI BYANG CHUB SEMS DPA' STE, RANG GI SROG LA CHAGS PA MED PAS SO, ,CHOS NI GNAS PA'O, ,YANG NA 'DUG PA YIN PAS GNAS PA STE; RANG GI SROG LA LTOS PA MED PA NI, BYANG CHUB SEMS DPA'I SPYOD PA LA GNAS PA'O, ,YANG NA CHOS NI SEMS BSKYED PA'O, ,DES KHYAD PAR DU GYUR PA NI SA'I PHYOGS LA SOGS PA STE, LHAG PA'I BSAM PA'I SA LA GNAS PA'I BYANG CHUB SEMS DPA' RNAMS SO, ,RANG GI SBYIN PA NI MOS PAS SPYOD PA'I SA LA GNAS PA MED DO, ,'DIS NI RGYU PHUN SUM TSOGS PA BSTAN TO, ,YON TAN BSGOMS PA ZHES BYA BA NI YON TAN DAG LA GOMS PA YIN PAS YON TAN GNAS PA'O, ,YON TAN GOMS PA NYID DE'I BYA BA YIN PAS DE'I YON TAN GOMS PAR BYA BA'O, ,DE LA 'DIS NI SBYIN PA'I PHA ROL TU PHYIN PA'I YON TAN BYAS PA STE, GANG GI PHYIR SNGON GYI PHYI ROL GYI DNGOS PO YONGS SU GTONG BA LA GOMS PA DE'I DBANG GIS NANG GI DNGOS PO YONGS SU GTONG BA YIN NO ZHES BSTAN PA STE, CI RIGS PAR SNGON GYI DUS SU GOS DANG, BZA' BA DANG, BTUNG BA DANG MAL STAN SBYIN PA STE, ,PHONGS PA'I LUS DANG MTHUN BZHIN DU, ,BYANG CHUB SEMS DPA' GANG DU YON TAN LA GOMS PAS GTONG BA NYID DO, ,'DIS NI SBYOR BA KHYAD PAR CAN THOB PA STE, SBYOR BA LA SOGS PAS 'BRAS BU PHUN SUM TSOGS PA NYID DE, SBYOR BA KHYAD PAR CAN GYIS TE, SANGS RGYAS NYID DU 'DIR DGONGS SO, ,GZHAN LA PHAN PA'I BLO RE DES, ,ZHES BYA BA 'DIS NI SEMS CAN GYI DON BYA BA PHUN SUM TSOGS PA'O, ,MTHUN PA DANG GUS PA DANG YO BYAD KYIS ZHES BYA BA LA, MTHUN PA ZHES BYA BA NI DES PA'O, ,YANG NA DMAN PA'I TSUL NYID DO, ,YANG NA BYAS PA GZO BA NYID DO, ,GUS PA NI DUL PA'O, ,MTHUN PA DANG GUS PA'I YO BYAD NI MTHUN ZHING GUS PA'I YO BYAD DO, ,DE MNYEN PAR GYUR PA NI MTHUN PA DANG GUS PA'I YO BYAD KYIS MNYEN PAR GYUR PA'O, ,GZENGS BSTOD PA @196A *, ,LAS BRTZAMS NAS MNGON PAR 'PHEL BA'O, ,SNYING RJE'I SDUG BSNGAL BA LA YANG BRJOD PAR BYA STE, 'DI LTAR SNYING RJE'I DBANG GIS RANG GI SHA DANG KHRAG KYANG YONGS SU GTONG BAR BYED PAS SO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS BYAMS PA'I STOBS KYI SKYES PA'I RABS SO,, ,,DBANG PO THUL BA GOMS PAR GYUR PA ZHES BYA BA NI SO SOR BRTAGS PAS BYAS PA MA YIN PA'I PHYIR DBANG PO SBAS PA LA, DBANG PO THUL BA LA GOMS PAR GYUR PA NYID DO, ,CI'I PHYIR DBANG PO THUL BA LA GOMS PAR GYUR PA 'DIR LUGS KYI BSTAN BCOS KYI RIM PA DANG 'GAL BAR DANG POR BRJOD CE NA, LUGS KYI BSTAN BCOS DE NI GZHON NU'I RIM PA BSTAN PA DANG, RIGS PA DANG, RGAN PA LA BRTEN PA'I RIM PA YIN LA, 'DIR NI RGYAL PO DANG, RGYAL BU RNAMS KYI GTZO BOR GYUR PA'I YON TAN DBANG PO THUL BA NYID YIN TE, RIGS PA DANG RGAN PA LA BRTEN PA LA SOGS PA'I 'BRAS BUR GYUR PA NI DBANG PO THUL BA YIN TE, DE BAS NA 'DI BSTAN TO, ,DPA' BA DANG TSUL PHUN SUM TSOGS PA NI SPRO BA DANG GSANG TSIG GI NUS PA BSTAN TO, ,RNAM PAR RGYAL BA'I DBANG THOB PA, ,ZHES BYA BAS NI, GTZO BO'I NUS PA BSTAN TO, ,RNAM PAR RGYAL BA NYID NI DPAL YIN PAS RNAM PAR RGYAL BA'I DPAL LO, ,RNAM PAR RGYAL BA'I DPAL THOB PA GANG YIN PA DE NI, RNAM PAR RGYAL BA'I DPAL THOB PA'O, ,YANG NA PHA ROL GNON PA BSTAN TO, ,GANG GI TSUL DANG DUL BA PHUN SUM TSOGS PAS BSTAN PA NI RGYAL SRAS SO, ,RGAN PA LA BSNYEN BKUR NGES PAR BYAS PAS, ZHES BYA BA NI, RIGS PAS RGAN PA LA BRTAN PA'I PHYIR RO, , RGAN PA LA BSNYEN BKUR NYID NGES PA YIN TE, DE BAS NA RGAN PA LA BSNYEN BKUR PAR BYED PA NGES PA'O, ,RIG BYED GSUM PA ZHES BYA BA, GSUM PA NI NGES BRJOD DANG, SNYAN TSIG DANG, MCHOD SBYIN GYI RIG BYED DO, ,YANG NA SRID SRUNG GI RIG BYED DANG, YANG NA DE @196B LTA BU 'BYUNG BA YANG RIG BYED DO, ,BSTAN PA NI GRANGS CAN DANG, RNAL 'BYOR PA DANG, 'JIG RTEN RGYANG 'PHEN BA BRTAG PA'O, ,DON GYI DE KHO NA NYID KHONG DU CHUD PAS ZHES BYA BA NI DE'I GRUB PA'I MTHA' MNGON PAR RTOGS PA'O, ,'DI NI MCHOD SBYIN LA SOGS PA'I BYA BA MI BYED PAR BSTAN TO, ,RANG GI CHOS DANG LAS LA 'BAD PA ZHES BYA BA NI GNAS DANG, LAS DANG, RIGS KYI'O, ,YANG NA THAMS CAD KYI LAS KYI 'TSO BA'O, ,CHOS NI 'JIG RTEN PHA ROL TU PHYIN PA'I BYA PA'O, ,YID MA BYUNG ZHING BDE BAR 'TSO BA ZHES BYA BA NI SDUG BSNGAL MED PAS YID SKYO BA MED PA'O, ,YANG NA SKYO BA MED PA NI 'TSE BA MED PA'I PHYIR RO, ,BDE BAR 'TSO BA NI LO LEGS PA LA SOGS PA'I YON TAN DANG LDAN PAS SO, ,SNYING NYE BA NI RGYAL PO'I YON TAN PHUN SUM TSOGS PAS SO, ,BKA' KHRIMS NI DON GYI BSTAN BCOS SO, ,'TSO TSIS KYI BYA BA LEGS PAR 'BYOR PA NI ZHING LAS DANG, BSRUNG BA DANG, TSONG LA SOGS PA 'TSO TSIS ZHES BRJOD DO, ,DPA' BA PHUN SUM TSOGS PA'I RNAM PAR RGYAL BA'I DPAL THOB PA DANG ZHES BYA BA 'DIS NI MA THOB PA 'THOB PAR BSTAN TO, ,RANG GI CHOS DANG LAS DANG 'BAD PA DANG YID MA BYUNG ZHING BDE BAR 'TSO BA DANG, 'TSO TSIS BYAS PA LEGS PAR 'BYOR PA ZHES BYA BA DAG GIS NI RNAM PAR 'PHEL BA BSTAN TO, ,YON TAN LDAN PAS ZHES BYA BAS NI THOB PA RNAM PAR SPEL BA DANG, YONGS SU BSRUNG BA DBANG DU BYAS PA'O, ,YON TAN DANG LDAN PAS ZHES BYA BA'I PHYED KYIS NI YON TAN DANG LDAN PA DES RANG BZHIN GYIS NYAMS PA MED PA BSTAN TE, DES NA YANG DE BSRUNG BAR 'GYUR BA YIN TE, 'DIS NI GSANG TSIG GI NUS PA BSTAN TO, ,RANG GI YUL 'KHOR LA NI RI PHUG SENG GES BSRUNGS PA ZHES BYA BA'I 'OG MA 'DIS STOBS DANG LDAN PAS RGYAL PHRAN RNAMS ZIL GYIS GNON PA NYID DU BSTAN TE, 'DIS NI SPRO BA'I NUS PA BSTAN TO, ,MI'I BDAG PO'I DPAL ZHES BYA BA NI GTZO BO'I NUS PA STE, MI'I BDAG PO NI DPAL GYI SGRAS BRJOD DO,, @197A *, ,CI'I PHYIR RIM PAS YONGS SU BSRUNG BA 'DI LTAR SMOS SHE NA, GANG GI PHYIR 'DI NYID KYI RIM PA NI YONGS SU SPEL BA DANG, BSRUNG BA YIN PA'I PHYIR RIGS PA'I TSUL YIN NO, ,GZHAN DU LUGS KYI BSTAN BCOS LTAR NA NI RNAM PAR SPEL BA DANG YONGS SU BSRUNG BA BSHAD PA MED PAR 'GYUR RO, ,DKA' THUB RNAMS DANG RIGS DANG SGYU RTZAL ZHES BYA BA'I TSIGS BCAD 'DIS NI MU STEGS KYIS RAB TU BSGRUBS PA'I DBANG DU BYAS NA DKA' THUB LA SOGS PA 'DI GSUM SMOS PA NI LUS DANG, NGAG DANG, YID KYI LAS KHYAD PAR CAN BZUNG BA'I PHYIR RO, ,'ONGS NA RIM GRO LHAG PA CHE BA ZHES BYA BA NI DKA' THUB LA SOGS PA GSUM CHE BAR GYUR PAS RIM GRO LHAG PA STE, KHYAD PAR DU JI LTAR 'OS PA BZHIN DU BYED PAR 'GYUR BA'O, ,BKUR STI BYAS NAS ZHES BYA BAS NI SBYIN PA LA SOGS PAS SO, ,GTZO BOR SNANG NGO ZHES BYA BA LA MCHOD PAS PHAN PA KHYAD PAR DU GYUR PA STE, DKA' THUB LA SOGS PA'I PHAN PA KHYAD PAR DU GYUR PA'I SNANG BA YIN NO, ,RIM GRO DANG BKUR STI ZHES BYA BA GNYIS KYIS NI RNYED PA DANG BKUR STI GO RIMS BZHIN DU BSTAN TO; ,RGYAL SRID THOB MA THAG TU ZHES BYA BAS NI RGYAL PO'I SRID DE, DE MA THAG TU NI RGYAL PO'I SRID THOB PA YIN TE, RGYAL PO DANG MNYAM ZHING RGYAL PO'I SRID BYED PAR 'OS PA'I PHYIR RO, ,YON TAN MANG PO RTAG TU GRAGS PA ZHES BYA BA NI YON TAN GYI GRAGS PA THAMS CAD DU KHYAB PA ZHES BYA BA'I DON TO, ,GZHON YANG RGAN PA'I ZHES BYA BA'I TSIGS BCAD 'DI'I BSDUS BA'I DON NI BSOD NAMS DANG YE SHES KYI TSOGS KYI 'BRAS BU LA GNAS KYANG BSOD NAMS DANG YE SHES KYI TSOGS LA BAG YOD PA YIN NO ZHES BYA BA'I DON TO, ,GZHON YANG ZHES BYA BA 'DIS NI TSUL KHRIMS KYI BSOD NAMS KYI TSOGS KYI 'BRAS BU LA GNAS PA BSTAN TO, ,GZHON PA ZHES BYA BA 'DIS NI BDAG GI PHUN SUM TSOGS PA'I TSIG GIS TSUL KHRIMS KYI 'BRAS BU BSTAN PA YIN NO ZHES RTOGS TE, @197B BDAG GI PHUN SUM TSOGS PA NI TSUL KHRIMS YIN PA'I PHYIR RO, ,RGAN PA RNAMS KYI NYE BAR ZHI BA YIN PAS RGAN PA'I NYE BAR ZHI BA'O, ,YANG NA RGAN PA BZHIN DU NYE BAR ZHE BAS RGAN PA'I NYE BAR ZHI BA'O, ,DE LA MNGON PAR DGA' BA NI RGAN PA'I NYE BAR ZHI BA LA MNGON PAR DGA' BA STE, 'DIS NI TSUL KHRIMS LAS BYUNG BA'I BSOD NAMS KYI TSOGS BSAGS PA LA BAG YOD PA NYID DU BSTAN TO, ,GZI BRJID CHE YANG ZHES BYA BA 'DIS NI BZOD PA'I PHA ROL TU PHYIN PA'I BSOD NAMS KYI TSOGS KYI 'BRAS BU LA GNAS PA STE, BZOD PA'I PHA ROL TU PHYIN PAS NI SKYE BO MANG PO'I G-YOG 'KHOR GYI 'BRAS BU YIN TE, DE LA GNAS PA'I GZI BRJID CHE BA STE, GANG GI MTHU CHE BA'I GZI BRJID CHE BA YIN NO, ,BZOD CING BDE BA'I DANG ZHES BYA BA 'DIS NI BZOD PA'I BSOD NAMS KYI TSO GSAL BAG YOD PA NYID DU BSTAN TO; ,SHES PAR GYUR KYANG ZHES BYA BAS NI YE SHES KYI TSOGS KYI 'BRAS BU LA GNAS PA BSTAN TO, ,SHES PA'I NGA RGYAL MED CES BYA BA 'DIS NI YE SHES KYI TSOGS BSAGS PA LA BAG YOD PA NYID BSTAN TO, ,GANG GI PHYIR SHES PAS NGA RGYAL SKYE BAR GYUR NA NI BDAG NYID LA BSTOD CING GZHAN LA SMOD PAR BYED DE, BDAG LA BSTOD CING GZHAN LA SMOD PAS NI BCOM LDAN 'DAS KYIS THEG PA CHEN PO DAG TU SHES RAB NYAMS PAR GSUNGS TE, YE SHES KYI TSOGS LA BAG YOD PAR BSTAN TO, ,YANG NA MKHAS PAR GYUR KYANG SHES PA'I NGA RGYAL MED CES BYA BAS NI SHES PAS NGOMS PA MED PA BSTAN TO, ,YE SHES KYI TSOGS LA YANG DANG YANG DU SBYOR BAR BYED PA YIN NO, ,DPAL DANG LDAN ZHING 'BYOR YANG ZHES BYA BAS NI SBYIN PA'I BSOD NAMS KYI TSOGS KYI 'BRAS BU LA GNAS PA NYID DO,, DREGS PA MED CES BYA BA LA DREGS PA NI DPAL GYI DREGS PAS DREGS PA NYID DE, DE BAS NA DRAGS PA DES 'JUG NA NI SBYIN PA'I BSOD NAMS KYI TSOGS SOGS PA LA 'JUG PAR MI 'GYUR RO, ,DREGS PA MED PA LA YANG 'JUG PA YIN TE, RGYA CHE MTHONG GYUR ZHES BYA BA @198A *, ,'DI DANG SBYAR BAR BYA'O, ,GZHON YANG ZHES BYA BA'I TSIGS SU BCAD PA 'DI LA NI PHA ROL TU PHYIN PA DRUG DANG, 'JIG RTEN GSUM DU RAB TU LDAN BA RGYU DANG 'BRAS BU'I GNAS SKABS SU BSTAN PA DE GNYI GA'I YON TAN LDAN PA DES GRAGS PA'I KHYAD PAR GYIS KHYAB PA YIN NO, ,MTHONG BAR 'GYUR PA NI RIGS PA'O, ,RGYA CHE BA NI YANGS PA'I PHYOGS GANG YIN PA MTHONG BA STE RGYA CHEN MTHONG GYUR PA'O, ,KHYAB PA NI MTHA' YAS PAR GRAGS PAS KHYAB PAR BSTAN TO, ,'JIG RTEN GSUM NI SA'I STENG DANG, NAM MKHA' DANG, MTHO RIS TE, STENG DU GRAGS PA 'JUG PAR BSTAN TO, ,DE YI GRAGS PAS 'JIG RTEN GSUM KHYAB PAS, ,ZHES BYA BA 'DIS NI GRAGS PA CUNG ZAD YOD PA ZHES SMOS TE, SHIN TU CHUNG BA MNGON PAR BZUNG BA'I PHYIR TE, DE LAS GZHAN PA'I YON TAN NI CUNG ZAD NYID DE, SBYIN PA'I MDA' RNAMS CHAR BZHIN 'BEBS PA ZHES BYA BAS NI SBYIN PA'I MDA' NYID DE, DBUL BA'I SDUG BSNGAL 'BYUNG BA RNAM PAR 'JIG PA'O, ,SNYING RJE'I GZHU DRAG PA NYID KYIS NI SBYIN PA 'PHEN PAR BYED PA'I PHYIR RO, ,DE DANG ZHES BYA BA NI 'GRO BA RNAMS KYI DBUL BA'I SDUG BSNGAL 'BYUNG BA DANG NGO, ,BSLANG SA PA BAS LHAG PA NI 'DOD PAS LHAG PA STE 'DIS NI SBYIN PA'I DNGOS PO MANG DU GTONG BAR BSTAN TO, ,NYON MA MONGS PAR ZHES BYA BA 'DIS NI BSAM PA PHUN SUM TSOGS PAR BSTAN TE; BDAG NI 'KHOR BA'I PHUN SUM TSOGS PA'I BDAG NYID MYA NGAN LAS 'DAS PAR YONGS SU BSNGO BAS SO, ,TSIG 'JAM PO DANG, GUS PA DANG YID DU 'ONG BA ZHES BYA BAS NI SBYOR BA PHUN SUM TSOGS PA BSTAN TE, LUS DANG NGAG GI LAS KYIS SLONG BA RNAMS KYI YID DU 'ONG BA'I PHYIR RO, ,'DIS NI 'DAS PA'I DUS SU SBYIN PA'I PHA ROL TU PHYIN PA BSAGS PA BSTAN TO, ,DA NI DUS MTSAMS KYI NYI MA DAG NAS ZHES BYA BA NAS BRTZAMS PA NI TSUL KHRIMS KYI PHA ROL TU PHYIN PA DANG LDAN PAR BSTAN TO, ,GANGS RI 'DRA BA ZHES SMOS PAS NI MDOG @198B DANG TSAD KYI YON TAN BSTAN TO, ,DREGS PA'I RDUL GYIS ZHES BYA BA 'DIS NI DREGS PA'I GNAS SKABS SO, ,DUL BA ZHES SMOS PAS NI LEGS PAR BSLAB PA GZUNG NGA, ,CI'I PHYIR 'BRAS BU MA SMOS SHE NA, TSAD DANG MTSAN NYID SMOS PA NYID KYIS MA BSTAN KYANG GRUB PA'I PHYIR RO, ,SBYIN GTONG GI KHONG PA ZHES BYA BA NI SBYIN PA GTONG BA'I GNAS SO, ,DES NYUL DU SONG STE DGA' BA'I KHYAD PAR ZHES BYA BA SBYIN GTONG GI KHYAD PAR MA MTHONG BA YIN YANG SNGON BCAS PA'I PHYIR DGA' BA YOD PA YIN LA, MTHONG BAS KYANG KHYAD PAR DU DGA' BAR GYUR PA'O, ,DE TZAM DU ZHES BYA BA NI 'BYOR PA'O, ,BSLU BAR NUS SO ZHES BYA BA NI STER BAR BYED NUS PA'O, ,BTANG NGO ZHES BYA BA NI BRDZANGS PA'O, ,KHYOD NI SBYIN LA DPA' BA DANG ZHES BYA BA'I TSIGS BCAD 'DI'I BSDUS PA'I DON NI RNAM PA GNYIS KYIS SLAB PA'I 'DOD PA 'GRUB PAR GYUR PA STE, BSLANGS PA'I DNGOS PO DANG SBYIN PA PO PHUN SUM TSOGS PA STE, DE GNYIS GANG YANG RUNG BAS MA TSANG BA NI SLONG BA'I DON GRUB PAR MI 'GYUR RO, ,RLABS CHE BA'I SLONG BA DES PHOD PA NI RLABS CHER SLONG PHOD PA'O, ,YANG NA RLABS CHE BA YANG YIN PAS RLABS CHER SLONG BA DE DES PHOD PA'O, ,BRKAM PA DANG PHRAG DOG GI SKYON GYIS YID DKRUGS PA ZHES BYA BA LA, BRKAM PA NI GLANG PO CHE LA'O, ,PHRAG DOG NI BYANG CHUB SEMS DPA'I PHUN SUM TSOGS PA MI BZOD CING ZHE SDANG BA STE, RANG BZHIN GYIS SA GZHAN DU GYUR PAS DGRA BOR GYUR PA'I PHYIR RO, ,'DOD CHEN GYIS SBYAR TE ZHES BYA BA NI NGAN PA'I SBYOR BAS GRAGS PA MA YIN PA DANG, 'DOD CHEN GYI SBYOR BAR 'GYUR ZHING LEGS PA'I SPYOD PA NYID KYIS NI GRAGS PAR 'GYUR RO, ,CHOS MA YIN PA NI BRKAM PA DANG, PHRAG DOG DANG, ZHE SDANG GIS YID DKRUGS PA NYID KYIS GRUB PA NYID DE, DE BAS NA GRAGS PA'I RGYUR GYUR PA DANG, BYANG CHUB SEMS DPA' DANG LDAN PAS 'GA' ZHIG 'DOD CHEN GYIS SBYAR BA YIN NO ZHES SEMS PA'O, ,CI'I PHYIR DANG PO'I ZHE NA, NOR GRUB NOR NI ZHES BYA BA'I @199A *, ,TSIGS BCAD BRTZAMS TE, RGYAL PO'I GTZUG LAG DAG LA MKHAS GYUR DANG, ,CHOS LA DGA' BAS DE NAS GLANG CHEN BYIN, ,TSUL DANG 'GAL BAS DE NI G-YOS MA GYUR, ,ZHES BYA BA YIN NO, ,CI'I PHYIR ZHE NA, NOR GRUB NOR NI CHOS LAM MI MTHUN PA'I PHYIR DANG, GLANG PO CHE BYIN PA NI CHOS KYI LAM YIN PA'I PHYIR RO ZHES BYA BA 'DI NYID BSTAN PA NI CHOS LA DGA' BA ZHES SMOS SO, ,G-YOS MA GYUR ZHES BYA BA NI SBYIN PA LAS ZHES BYA BA'I DON TO, ,DE GNYI GA SBYIN PA ZHES NGES PAR BZUNG BAS BSNYAD MA YIN TE, NGES PAR BZUNG BA THA MAL PA'I DON BSGRUB PA'I PHYIR, G-YOS MA GYUR ZHES BSTAN PA YIN NO, ,GZHAN DU NA KHYOD CES BYA BA'I SGRA BSTAN TO, ,KUN TU 'KHRUGS SHING KHRO BA DANG RTAB RTAB PO GANG YIN PA DE NI KUN TU 'KHRUGS SHING KHRO BA'I RTAB RTAB PO'O,, KHRO BA NI DA LTAR BYUNG BA'I GNOD PA LA RTOG PA'I SEMS KYIS KHONG NAS 'KHRUGS PA'O, ,RTAB RTAB POR GYUR PA NI SKYOB PA STE, GNOD PAR BYED PA DE LA MI SDUG PAR 'DOD PAS SO, ,RTAB RTAB POR GYUR PA DANG, MI BZOD PA NI RTAB RTAB POR GYUR CING MI BZOD PA DANG RNGAM PA'O; ,RTAB RTAB POR GYUR PA NI LUS KYI 'GYUR BA'I RNAM PAR G-YO BA'O, ,MI BZOD PA NI GNOD PA BYED PA LA MI BZOD PA STE, DE NYID KYI RNGAM PA GANG YIN PA DE NI RTAB RTAB POR GYUR NAS RNGAM PAS DE BAS NA'O, ,ZHE SA'I TSUL NI ZHES BYA BA'I RIM PAS SO, ,ZHES BTANG NAS RKO LONG DU GYUR PA GANG YIN PA DE NI ZHES BTANG NAS RKO LONG DU SMRAS PA'O, ,ZA BA DAG CES BYA BA NI DE LTA BU'I RNAM PA GZHAN YANG DE'I RANG BZHIN NO, ,TSUL DANG 'GAL BA'I LAM ZHES BYA BA LA, TSUL NI SNYAN NGAG GI BSTAN BCOS TE, DE LAS 'DAS PA'I LAN NI TSUL DANG 'GAL BA'I LAM MO, ,JI LTAR 'GO BAR 'GYUR ZHES BYA BA NI YUN RING PO DE NA GNAS PA MA YIN NO ZHES BYA BA'I DON TO, ,KHYOD KYI DGRA NI MDUN NAS DGA' BAR BYED, ,CES BYA BA NI 'DIS NI LHA RING PO MI THOGS PAR PHYIR RGOL BAR BYED DO ZHES BYA BA'I DON TO, , @199B DGOS PA'I DBANG GIS ZHES BYA BA NI DGOS PA LA RJES SU DGA' BA'O, ,SBYIN PA LA CHAGS SHING ZHUGS PA ZHES BYA BA NI SBYIN PA LA DGA' BA NYID DU ZHUGS PA YIN TE, ZHEN PA NYID DU ZHUGS PA STE, GTONG BAR DKA' BA DES SEMS ZIL GYIS GNON PA LA GNAS PAS, SBYIN PA LA CHAGS SHING ZHUGS PA 'DI LTAR SHES PA'O, ,GANG GI 'GRAM PA BUNG BA ZHES BYA BA LA SOGS PA'I TSIGS BCAD GSUM GYI LAN NI TSUL GYI RIM PA LA MI LTA BA ZHES BYA BA 'DI YIN NO, ,TSUL DANG 'GAL BA'I LAM DU SONG BA 'DIS ZHES BYA BA'I LAN NI; RGYAL SRID LA DBANG BYED DU BCUG PA NI DE LTAR BYA BA YANG MI RIGS SO ZHES BYA BA YIN NO, ,RGYAL PO'I DPAL NI JI LTAR 'GO BAR 'GYUR, ,ZHES BYA BA'I LAN NI, 'DIS KYANG RANG GI GLANG PO CHE BYIN ZIN PAS SGYUGS PA 'DRA BA LTA SU ZHIG 'PHROG PAR BYED CES BYA BA YIN NO, ,'DI NI YAL BAR BOR NA KHYOD LA GNOD, ,CES BYA BA'I LAN NI SU ZHIG SLAR 'PHROG CES BYA BA STE, 'DI LA RANG GI GLANG PO CHE BYIN PA NI SKYUGS PA DANG 'DRA BAR LTOS PA MED PAR BTANG BA DE LA GZHAN SU ZHIG 'PHROG PAR BYED CES BYA BA'I DON TO, ,'ON KYANG ZHES BYA BA LA SOGS PA NI BCOR MED PA NYID DU BRTAGS SHING BZUNG NAS BYA BA GZHAN GYIS BSTAN PA'I PHYIR BRTZAMS SO, ,RGYAL PO CHEN PO THAMS CAD SGROL 'DI NI DON 'DI LTA BU DAG LA GTAMS PA TZAM GYIS MCHIS SU 'TSAL BA MA LAGS SO ZHES BYA BA 'DIS NI GLANG PO CHE SLAR PHROGS NA DE RIGS PA NYID DU MNGON PAR KHAS LEN PA YIN NO, ,SKYON MA YIN PA SKYON DU BZUNG BA'I SKYON GANG YIN PA DE NYID NI YON TAN LA SMOD PA'O, ,YANG NA KHYED CAG GI SA SKYON DU BZUNG BA BYAS PA'O, ,BDAG GI BU ZHES BYA BA NI GZHAN DAG LA YANG 'DI LTA BU'I BYA BA STE, GSAD PA DANG, BCING BA DANG, RDEG PA MI BYED PA YIN NA, JI LTAR BDAG GI BU LA BYED CES BYA BA'I DON TO, ,BCING NGAM RDEG PAR ZHES BYA BA NI RDEG PA MA BSTAN PA'I TSIG GIS 'KHRUG PA BSKUL BA DE'I TSIG BSTAN TO, ,KHYOD KYI SRAS ZHES BYA BA NI 'KHRUG PA'I TSIG NYID DO, , @200A *, ,GZI CHE ZHES BYA BAS NI SPRO BA PHUN SUM TSOGS PA BSTAN PA ZHES BYA BA'I DON TO, ,'KHOR GSUM BSTAN LA MKHAS SHING ZHES BYA BA 'DIS NI GSANG TSIG GI NUS PA BSTAN PA STE, CHOS DANG, DON DANG, 'DOD PA NI GCIG LA GCIG 'GAL BA BSTAN PAR 'KHOR GSUM BSTAN PA LA MKHAS PAR GYUR TO, ,CHOS LA RAB TU DGA' BAS ZHES BYA BA NI SPRO BA'I NUS PA MED PA NYID DU BSTAN TO, ,TSUL LA MI LTA ZHES BYA BAS NI GSANG TSIG GI NUS PA NYAMS PAR BSTAN TO, ,GANG GI PHYIR CHOS DANG DON DANG 'DOD PA LHAG PAR BSTAN PAS NI RANG BZHIN GYIS GZHAN 'GOG PAR BYED DO ZHES BYA BA'I BSTAN BCOS KYI TSIG GIS DE'I TSIG DANG 'GAL LO, ,TSUL LA LTOS PA MED PA DES, ,'DI NI DKA' THUB NAG SA NA GNAS PAR 'OS, ,ZHES BYA BA 'DIS NI GTZO BO'I NUS PA MED PAR BSTAN TE, TSUL LA LTOS PA MED PA'I PHYIR RO, ,'DI LA CI'I PHYIR SPYUGS PA'I RGYU BSTAN PA 'DI'I DBANG DU BYAS PA NI, SA YI BDAG PO RNAMS KYI TSUL NYES SKYON, ,ZHES BYA BA'O, ,MOD KYI ZHES BYA BA NI DE LTA YANG ZHES BYA BA'I DON TO, ,TSUL NYES SKYON ZHES BYA BA LA, TSUL NGAN PA'I SKYON GANG YIN PA DE NI TSUL NYES SKYON NO, ,DE LA BRTEN PA RNAMS LA ZHES BYA BA NI RANG BZHIN GYIS SO, ,BCOS SU RUNG BA MCHIS PA NI BCOS SU BZOD PA ZHES BYA BA'I DON TO, ,BZOD PA GANG DAG GI YIN ZHE NA, DE DAG DE LA BRTEN PA RNAMS ZHES BYA BA STE TSUL NYES PA'I SKYON DE DAG GO, ,DE LA BRTEN PA LA LTA BA GANG DAG YIN ZHE NAS BDAG RNAMS SO, ,CI'I PHYIR ZHE NA, GTZO BO NYAMS NA NYAMS PA'I PHYIR RO, ,GANG GI PHYIR RTZA BAR GYUR PA'I RGYAL PO DE NYAMS NA'O, ,'DI SKAD STON PA YIN TE, RGYAL PO'I TSUL NYES PA'I SKYON NI DE LA BRTEN PA RNAMS LA 'BYUNG MOD KYI, 'ON KYANG BCOS SU RUNG BAR SNANG NGO, ,GANG GI PHYIR GTZO BO NYAMS NA NI DE'I TSUL NYES PA DE'I SKYON BCOS PAR MI NUS ZHES STON TE, GTZO BO NYAMS NA DE LA BRTEN PA RNAMS KYANG NYAMS PAR 'GYUR RO, ,DES NA 'DI NYID TSUL NYES PA'I SKYON @200B RGYAL PO LA BYUNG NA DE LA BRTEN PA RNAMS KYIS BCOS PAR MI NUS PAR SNANG STE, CI'I PHYIR ZHE NA, 'DI LTAR RTZA BAR GYUR PA'I GTZO BO NYAMS PA'I PHYIR RO, ,DE'I PHYIR DE DAG GI NI GSO BA NYID DU 'GYUR GYI GANG GI PHYIR DE NYAMS NA NI GANG GIS GSO BAR 'GYUR ZHES BYA'O, ,SRID NYAMS MI BZOD CES BYA BA NI KHYOD KYI SRID NYAMS PA 'AM 'JIG PAR MI BZOD PA GANG YIN PA DE NI MI BZOD PA'O, ,YANG NA MI BZOD PA GANG LA YOD PA DE MI BZOD PA STE, KHYOD KYI SRID NYAMS MI BZOD PA'O, ,CI'I PHYIR GTANG BA YIN ZHE NA, SMRAS PA DKA' THUB 'PHEL BA ZHES SMOS SO, ,CI'I PHYIR DE NYID DU DKA' THUB 'PHEL BAR 'GYUR NA GRUB PAS BSTAN PA'I PHYIR RO, ,BYAMS SHING SPOBS PA DANG YID GCUGS PA'I DBANG GIS ZHES BYA BA LA, BYAMS PA NI DGA' BA DANG BDAG PO DANG 'BREL PA MED PAS BYAMS PA'I BDAG GIR BYED BA'O, ,YID GCUGS PA NI NYES PAR DOGS PA MED PAS SO, ,TSUL MA YIN PAS ZHES BYA BA NI, BSTANm NGAG GI BSTAN BCOS LAM LOG PA YIN PA'I PHYIR TSUL MA YIN PAS SO, ,DE'I RGYU CAN GYI PHAN PA MA YIN PAR 'GYUR BA NI NYAMS PAR DOGS PA ZHES SMOS PA STE, PHAN PA MCHOG TU BYED PA DE LA'O, ,LHA RGYAL SRID KYI DPAL 'DI LTAR TSAB BTZAL KYANG ZHES BYA BA LA SOGS PAS NI BYAMS PA'I DBANG GIS BSTAN TO, ,LHA CI MI MKHYEN NAM ZHES BYA BA LA SOGS PAS NI SPOBS PA'I DBANG DU BYAS PA'O, , TSUL DANG 'GAL BA'I LAM ZHES BYA BA 'DI DANG, RGYAL PO CHEN PO THAMS CAD SGROL 'DI NI DON 'DI LTA BU DAG LA ZHES BYA BA 'DI NI YID GCUGS PA'I DBANG NYID DU BSTAN TO, ,GRAGS PA THOB PA SENG GE'I KHRI LA 'OS, ,ZHES BYA BA'I TSIGS BCAD 'DI NI 'DIR MTHONG BA'I 'DRAS BU BSKYED PA'O, ,SA YI BDAG PO RNAMS KYI TSUL NYES SKYON, ,ZHES BYA BA 'DIS NI TSUL MA YIN PA BSTAN TO, ,'DI LA MANG DU GSOL KYANG CI 'TSAL TE, ,ZHES BYA BA 'DIS NI NYAMS PAR DOGS PA BSTAN TO, ,NGO BZLOG PHOD PA NI DE THAMS CAD LA STZAL BA MED PA NYID DU RGYAL @201A *, ,PO DE MI 'DOD PA YIN PA'I PHYIR RO, ,RANG BZHIN GYIS KHONG NGAS SHING NGO TSA BZHIN DU MGO SMAD DE ZHES BYA BA LA, RANG BZHIN GYIS KHONG NGAS PA RGYU DANG BCAS PAR MNGON PAR GYUR PA'I PHYIR DE LA SPYUGS PA LA KHONG NGAS PA STE, DE SKYON GYIS SPYUGS PAR GYUR KYANG BU DANG BRAL BAS SEMS YONGS SU GDUNGS PAR GYUR PA'O, ,KHYED DE LTAR GAL GYIS 'CHU NA ZHES BYA BA 'DIS NI BU DANG BRAL BA'I SDUG BSNGAL GYIS KYANG KHONG NGAS PA'I SDUG BSNGAL DU BSTAN TO, ,DE LA RE ZHIG NYIN ZHAG GCIG TZAM ZHIG CES BYA BA 'DIS NI BU LA BYAMS PAR DMIGS PA DANG BCAS TE, DE LA RJES SU DPAG PA'I RGYU NI BAB COL DU BSTAN PAR MI NUS PA'I PHYIR RO, ,DE LTAR BGYI'O ZHES BYA BA NI DE LTAR BYED PA DANG RJES SU MTHUN PA DE'O, ,MYA NGAN GYI SDUG BSNGAL GYI SHUGS KYIS ZHES BYA BA LA, MYA NGAN GYI SDUG BSNGAL DANG BRAL BAS SMRE BA'I RGYU'I RNAM PAR RTOG PA MYA NGAN NO, ,SDUG BSNGAL NI SDUG PA DANG BRAL BA STE, LUS KYIS MI 'DOD PAR RIG PAR BYA'O, ,DE NYID KYI SHUGS NI MYA NGAN GYI SDUG BSNGAL GYI SHUGS SO, ,DE BAS NA SHIN TU YANG SKYO BAS MI DGA' BAR GYUR PA'O, , MI DKA' BA DANG TSIG MI GSAL BA GANG YIN PA DE NI TSIG MI GSAL BA STE, MI DGA' BA DANG TSIG MI GSAL BA NI MI DGA' BAS TSIG MI GSAL BA'O, ,MCHI MAS BRNANGS SHING SKAD 'DZER BA GANG YIN PA DE NI DE STE, MCHI MAS BRNANGS SHING SKAD 'DZER BA'O ZHES BSTAN PA YIN NO, ,DBUGS KYIS BRNANGS PA NI GNAS LAS NYAMS PA'O, ,MI GSAL BA NI TSIG NI 'KHRUGS PA'I TSIG STE, TSIG 'BRU MI GSAL BA'I TSIG GANG YIN PA DE NI TSIG MI GSAL BA'O, ,'JAM POR STZAL BA ZHES BYA BA NI DE LTAR BYA'O ZHES BYA BA LA SOGS PAS BSTAN TO, ,NYES PA SPYOD PA MA MTHONG NA, ,ZHES BYA BA LA SOGS PAS NI RGYAL PO'I BKA' ZHES BYA BA LA SOGS PA BSTAN TO, ,YUL NAS 'BYIN ZHES BYA BA LA SOGS PA 'DI LA MANG DU GSOL TE ZHES BYA BA LA SOGS PAS BSTAN TO, ,'DUL DANG 'GAL BA'I LAM MI 'GRO, , @201B ZHES BYA BA 'DIS NI MI DGE BA LAS LDOG PA BSTAN TO, ,BAG MED PA LA'ANG NGA MI DGA', ,ZHES BYA BA 'DIS NI DGE BA LA 'JUG PA BSTAN TE, BAG YOD PA GANG ZHE NA, DGE BA'I CHOS RNAMS BSGOM PA'O ZHES BYA BA'I TSIG GIS SO, ,NYES PAR BYAS PA MA MTHONG NA, ,ZHES BYA BA NI DE LA 'KHRUGS PA ZHES BYA BA'I DON TO, ,KHYOD NI CHAGS PA MED LA DGA' BAR GYUR, ,ZHES BYA BA LA CHAGS PA MED PA'I SEMS DANG LHAN CIG SKYES PAS SO, ,CHAGS PA LA DGA' BA ZHES BYA BA NI LHAG PAR CHAGS PA'I SEMS DANG LHAN CIG SKYES PAS SO, ,RANG GI CHOS ZHES BYA BA NI RANG GI GZHUNG LUGS TE, MI 'DA' BA DANG YONGS SU MI GTONG BA NI RANG GI GZHUNG LUGS LAS MI 'DA' BA ZHES GNYIS PA'I PHYED KYIS BSTAN TO, ,BYANG CHUB SEMS DPAS SNYING BRTZE BA LA SOGS PA'I SHAS CHE BA DANG; SKYE BO SLONG BA LA BYAMS PA DANG, RANG GI BSTAN PA PHUN SUM TSOGS PA BSTAN PA'I PHYIR DANG, YUL SHI BI PA RNAMS NI ZHES BYA BA'I TSIG KYANG NI, 'JIG RTEN DON DU NGA'I LUS 'DZIN ZHES BYA BA LA SOGS PA'I TSIGS BCAD GNYIS KYIS BSTAN TO, ,RANG GI MIG DANG MGO YANG NGAS SBYIN NA, ,ZHES BYA BA 'DI'I SGRUB PA NI, ,'JIG RTEN DON DU NGA'I LUS 'DZIN NA, ,ZHES BYA BA'I TSIGS BCAD 'DIS BSTAN PA YIN NO, ,MIG DANG MGO SMOS PA NI GTZO BO YIN PA'I PHYIR RO, ,GNYIS PO DE NI YUL GYI BYED DAM, YANG NA GDONG NI THAMS CAD YIN NO ZHES BRJOD DE, DE YANG SNA NI MCHOG TU GYUR PA YIN LA, DE BAS KYANG MCHOG TU GYUR PA NI MIG GO ZHES BYA BA'I TSIG GIS SO, ,YANG NA MGO SMOS PAS NI RANG GI SROG GTONG BA BSTAN TO, ,MIG CES BYA BA 'DIS NI LUS KYI SBYIN PA'O, ,PHYI ROL NOR LTA SMOS KYANG CI ZHIG DGOS, ,ZHES BYA BA 'DI SGRUB PA NI, PHYI ROL NOR SBYIN SMOS KYANG CI ZHIG DGOS, ,ZHES BYA BA 'DIS BSTAN TO, ,RANG GI LUS KYANG ZHES BYA BA NI BSTAN MA THAG PAR BSHAD PA STON TO, ,RANG GI MIG DANG MGO YANG NGAS SBYIN NA, ,ZHES BYA BA 'DIS NI, SKRAG PAR @202A *, ,BYAS NA MI SBYIN ZHES SMOS TE, PHYI ROL GYI DNGOS PO ZHES BYA BA'I DON TO, ,GANG SNGAR BSTAN PA'I RANG GI BSTAN PA PHUN SUM TSOGS PA BSTAN PA'I PHYIR ZHES BYA BA DE'I DBANG DU BYAS PA NI, SHI BI PA RNAMS THAMS CAD KYIS ZHES BYA BA SMOS SO, ,NGES PA NI BSKRAD PAR 'DOD PA NGES PAR BYAS PA'O, ,CI THOB DANG ZHES BYA BA NI DE NYID NGES PAR BYAS PA'I PHYIR NGA LAS THOB PA'I NOR CI YOD PA'O, ,PHA'I NOR RNAMS ZHES BYA BA NI GNYI GA BZUNG STE, GYOS PO'I NOR BZUNG TSUL KHRIMS LDAN PA ZHES BYA BA NI LEN PA PO PHUN SUM TSOGS PA'O, , RTAG PAR BYIN PA ZHES BYA BA NI RTAG TU SBYIN PAR BYED PA'O, ,BKUR STIS BRGYAN PA SBYIN ZHES BYA BA NI GUS PAR BYIN PA'O, ,SBYIN PAR BYED PA YIN PAS SBYIN PA STE, SBYIN PA'I DNGOS PO'O, ,DBROG TU MED CES BYA BA NI SNGA MA DANG THUN MONG DU GYUR PA'I NOR LAS KHYAD PAR DU GYUR PA BSTAN TO, ,RJES SU 'GRO ZHES BYA BA NI GZHAN GYI RNAM PA NI BOR NAS 'GRO BA YIN PAS DE'I MI MTHUN PA'I PHYOGS BSTAN TO, ,GYOS SGYUG GNYIS ZHES BYA BA NI GYOS PO DANG SGYUG MO NI GYOS SGYUG GNYIS SO, ,BU DANG BU MO NI BUS PA GNYIS SO, ,GYOS SGYUG GNYIS ZHES BYA BA'I TSIGS BCAD 'DI'I BSDUS PA'I DON NI NOR GYI SGRUB PA DANG, CHOS KYI SGRUB PA BSTAN TE, DANG PO'I PHYED KYIS NI NOR GYI SGRUB PA STE, DE NYID NI 'JIG RTEN 'DI SGRUB PA'O, ,CHOS LA GCIG TU BAG YOD BYOS, ,ZHES BYA BA NI CHOS KYI SGRUB PA STE, DE NYID NI 'JIG RTEN PHA ROL GYI SGRUB PA'O, ,'DI NI 'BRAL BA DANG 'DU BA LAS BRTZAMS TE, NGA MED MYA NGAN MA BYED CIG ,CES SMOS SO, ,DE THOS NAS ZHES BYA BA NI 'BRAL BAR BYA BA BSTAN PA'O, ,SNYING RAB TU GDUNGS KYANG ZHES BYA BA NI THOS PAS YID RAB TU GDUNGS PAR GYUR KYANG NGO, , CHOS MA MCHIS ZHES BYA BA NI CHUNG MA BOR NAS DKA' THUB KYI NAGS SU GSHEGS PA'O, ,DE BAS ZHES BYA BA NI GCIG PU GSHEGS PA'I CHOS MED PAS SO, ,NGES PAR NAGS SU GNAS PA NYID NI SDUG BSNGAL BA YIN NO ZHES SHES SHING CHOS MA YIN PA NYID DE, GCIG @202B PU NAGS SU 'GRO ZHING BDAG SPANGS NAS GANG DU 'GRO BAR BYED PA'O ZHES RTOGS PA'O, ,MI SRUN MI BYED SHING DANG ZHES BYA BA 'DI'I BSDUS PA'I DON NI SKYED MOS TSAL BAS KYANG LHAG PAR DKA' THUB KYI NAGS BDE BA STE, YON TAN GANG GIS SKYED MOS TSAL BAS DKA' THUB KYI NAGS LHAG PA YIN ZHE NA, SKYED MOS TSAL NI MI SRUN PA'I SKYE BO'I GNOD PA YOD LA DKA' THUB KYI NAGS NA NI DE MED DE SHING DANG CHU LA SPYOD PA'I PHYIR RO, ,SKYED MOS TSAL NI MI GTZANG BA YIN LA DE MED PAS NA GTZANG BA'O, ,SKYED MOS TSAL NI SKYE BO'I SGRA DANG LDAN LA, DKA' THUB KYI NAGS NA NI BYA RNAMS SKAD SNA TSOGS 'BYIN PA YIN NO, ,SKYED MOS TSAL NA NI MI LA SOGS PA'I GNOD PA YOD PA YIN LA, DKA' THUB KYI NAGS NA NI RI DAGS MANG BA YIN NO, ,SKYE BO RGYU BAS BRDZIS PA'I NE'U GSING NI REG NA SDUG BSNGAL BA YIN LA, DKA' THUB KYI NAGS NA NI SA GZHI BEEd'URYA LTA BU'I RANG BZHIN NE'U GSING SNGON PO YID DU 'ONG BA DANG SKYE BO RGYU BA MED PA'I PHYIR RO, ,'DIS NI BDAG NYID KYI SDUG BSNGAL MED PA BSTAN NAS, DA NI BYANG CHUB SEMS DPA' NAGS NA GNAS PA LA SDUG BSNGAL MED PA NYID DU BSTAN PA'I TSIGS BCAD DRUG GIS SPRO BA BSKYED PA YIN NO, ,NAGS TSAL LCUG MA'I KHROD DAG NA, ,ZHES BYA BA 'DIS NI G-YOG 'KHOR PHUN SUM TSOGS PA LAS BRTZAMS TE, RGYAL SRID YONGS SU SPANGS KYANG SDUG BSNGAL MED CING RGYAL SRID DRAN PAR MI 'GYUR BA YIN TE, RGYAL SRID NI G-YOG 'KHOR GYI RNAM PA'I PHYIR TE, G-YOG 'KHOR PHUN SUM TSOGS PA DES DRAN PAR MI 'GYUR BA'O, ,GZHON NU MA DANG GZHON NU NI GZHON NU GNYIS SO, ,NAGS LA SDUG BSNGAL MED PA'I DBANG DU BYAS NAS, DUS KYI DBANG GIS ZHES BYA BA'I TSIGS BCAD SMOS SO, ,GLU DANG GAR DANG ROL MO'I DBANG DU BYAS TE GSUM YONGS SU SPANGS KYANG KHYAD PAR DU GYUR PA GSUM YOD DO ZHES BSTAN PA'I PHYIR, DGA' BA 'TSAL BA'I BYA RNAMS ZHES BYA BA SMOS SO, ,GANG GI GNAS MAL YONGS SU SPANGS KYANG KHYAD PAR DU GYUR PA'I @203A *, ,GNAS MAL YOD DO ZHES BSTAN PA'I DBANG DU BYAS NAS, NAGS TSAL DAG NA MTSAN MO'I ZLA 'OD NI, ,ZHES BYA BA LA SOGS PA SMOS TE, REG PA DANG DRI ZHIM PA PHUN SUM TSOGS PA'I GNAS SU TSIGS BCAD 'DI GNYIS KYIS GO RIMS BZHIN DU BSTAN TO, ,MYA NGAN GYIS GDUNGS PA'I SHUGS ZHES BYA BA LA, MYA NGAN DANG GDUNGS PA GNYIS NI GONG DU BSHAD PA'I DON GYI RJES SU RTOGS PAR BYA'O, ,BRGYAL BA BZHIN DU GYUR ZHES BYA BA NI BRGYAL BAR GYUR PA DANG 'DRA BA STE, DRAN PA MED PAR GYUR PA LAS PHYIS YANG DRAN PA DANG LDAN PA'O, ,SMYO BLA CAN DU GYUR PA YIN, ,ZHES BYA BA NI SEMS RNAM PAR 'KHRUGS PA THOB PA'O, ,GRIB SHING LTA BU NI BYANG CHUB SEMS DPA' STE, PHONGS PA'I TSA BAS MNGON PAR GDUNGS SHING 'KHOR BA'I 'BROG DGON PAR YUN RING POR YONGS SU DUB PA'I SEMS CAN RNAMS KYI SDUG BSNGAL SEL BA'I PHYIR TE, BZHIN KHRO GNYER MED PA DANG TSIG GI LAN LA SOGS PAS SO, ,'BRAS BU ZHIM PO YOD PA ZHES BYA BA NI GUS PAR BYED PAS JI LTAR BSAMS PA'I 'DOD PA'I DON STER BAR BYED PA'I PHYIR RO, ,SHING LTA BU NI GZHAN GYI DON BYED PA DANG, DE'I 'BRAS BU LA 'JUG PA'O, ,STA RIS GZAS PA RNAMS 'DZIN PA NI ZHES BYA BA NI 'DZIN PAR BYED PA'I 'BRAS BU SEMS PA'O, ,CHU GTZANG ZHIM PO BSIL BA'I RDZING BU ZHES BYA BA NI MTSO LA SOGS PA GANG 'THUNGS NA BSIL BA DANG, DRI MA MED PA DANG, CHU ZHIM PA'I CHUS GANG BA YIN PA DANG, BSIL BA NI DBUL BA'I SDUG BSNGAL SEL BA'I PHYIR RO, ,DRI MA MED PA NI NYON MONGS PA MED PA'I PHYIR RO, ,ZHI BA NI GUS PAR BYED PA'I SBYOR BA LA SOGS PA'I KHYAD PAR CAN GYIS YID DU 'ONG BA'I PHYIR RO, ,'DRAL BA DAG CES BYA BA NI 'JIG PA 'DOD CING DBUL BA BZLOG PA'O, ,MING LA NI DON MED CES BYA BA NI 'DI DAG DON DANG LDAN PA MA YIN TE 'DOD DGA'I MING NGO, ,YANG NA DON DANG LDAN PA YIN DU ZIN KYANG 'ON KYANG GUD DU SONG BA ZHES SMOS TE, YUL PHYOGS GZHAN DU SONG ZHING NYE BA DAG NA MI GNAS PA'O, , @203B YANG NA GRAGS PA ZAD CES BYA BA SMAS TE MED CES BYA BA'I DON TO, ,GRIB SHING 'BRAS BU ZHIM PO YOD PA DAG DANG DRI MA MED PA DANG, GTZANG ZHING ZHIM PA'I CHUS GANG BA'I RDZING BU ZHES SMOS PAS NI NGAL BSO BA'I GNAS DANG, BZA' BA DANG BTUNG BA'I SDUG BSNGAL GSO BA'I THUN MONG GI RGYUR GYUR PA DE BZHIN DU BYANG CHUB SEMS DPA' YANG SEMS CAN THAMS CAD KYI THUN MONG GI DGOS PA YIN TE, GRIB SHING DANG RDZING BU LTA BU YIN PA'I PHYIR RO, ,DE LTAR RE ZHIG 'BRAS BU ZHIM PO YOD PA ZHES BYA BA DANG, CHU GTZANG ZHIM PO ZHES BYA BA'I TSIGS BCAD 'DA GNYIS KYIS NI BYANG CHUB SEMS DPA'I BSKRAD PA'I SGO NAS BDAG GI SDUG BSNGAL LAS BRTZAMS TE SMRE SNGAGS 'DON PA BSTAN TO, ,GANG NA RGYAL PO THAMS CAD SGROL ZHES BYA BA 'DIS NI BYANG CHUB SEMS DPA' SPYUGS PA'I DBANG DU BYAS NAS SMRE SNGAGS 'DON PA BSTAN TO,, BDAG CAG PHONGS PA ZHES BYA BA'I TSIGS BCAD 'DIS NI BDAG NYID SDUG BSNGAL LAS BRTZAMS SO, ,NOR BU RIN PO CHE DANG ZHES BYA BA LA SOGS PAS NI THA SNYAD KYI DNGOS PO'I DBANG DU BYAS PA'O, ,NOR DANG 'BRU MANG PO ZHES BYA BA LA SOGS PAS NI NYE BAR DOGS PA'I DNGOS PO BZUNG BA'O, ,NYE 'KHOR SKYED MOS TSAL BZANG PO YID DU 'ONG BA GANG YIN PA DE NI NYE 'KHOR SKYED MOS TSAL BZANG PO YID DU 'ONG BA'O, ,MTHAR GYIS ZHES BYA BA NI GRONG KHYER GYI MCHOG LAS SO, ,'DAS PA 'DI RIM GYIS ZHES BYA BA'I DON TE, GRONG DANG GRONG KHYER LAS 'DAS PA'O, ,GRIB SHING BAR MTSAMS MED PA'I DGON PA GANG YIN PA DE NI GRIB SHING BAR MTSAMS MED PA'O, ,RAB TU RGYU BA PHYOGS GSAL BA GANG YIN PA DE NI RAB TU RGYU BAS PHYOGS GSAL BAR SNANG BA'O, ,SHING RTA 'DREN PA'I RTA NI GZHAN MA YIN BA ZHES BYA BA'I DON TO, ,DPAG TSAD DU MA'I LAM DU ZHES BYA BA'I TSIGS BCAD 'DI'I DON RTA BYIN PA STE, CI'I PHYIR ZHE NA, SBYIN PA LA DGA' BA STE, DE BAS NA SGRUB PA'I KHYAD PAR MTHA' DAG 'DIR DPAG TSAD DU MA ZHES BYA BA LA SOGS PA'I TSIGS BCAD SMOS SO, , @204A *, ,'DI DAG LAS GZHAN MED PAS DE SGRUB PAR MI 'GYUR RO, ,LAM DU DE LUS LA ZHES BYA BA NI RTA DE BYIN PA'I SLONG BAS DE NYID DU BSTAN TO, ,DPAG TSAD DU MA NI DUS MANG PO'I DBANG DU BSTAN TO, ,GROGS NI MED GYUR KYANG ZHES BYA BA NI GZHAN DE NA BYED PA MED PA'O; ,BU SMAD BCAS SHING ZHES BYA BA NI DON GNYER BA'I GZHAN GYI DON NYID DE, DE YANG RANG GI SKYO BA BZOD PA'O, ,PHYI RJES MI LTA BAR ZHES BYA BA NI SDUG BSNGAL DE BCOS PA'I RGYU THOB PA DAG GSAL BA'O, ,RTA BZHIN NI THAMS CAD LUS PA MED PAR BYIN PA'O, , TSIG RKANG DE DAG GIS NI SBYIN PA LA DGA' BA'I RGYU NYID DU BSTAN PA YIN NO, ,NAGS ZHES BYA BA NI DKA' THUB KYI NAGS SO, ,GOMS KYANG ZHES BYA BA NI YUN RING POR SHIN TU GOMS PA STE YUN RING DU RTAG TU BYED PA DANG, GUS PAR SBYOR BA DANG LDAN PA DES SO, ,DAM PA NI BYANG CHUB SEMS DPA' RNAMS TE, YON TAN LA GOMS PA NI GZHAN LA PHAN PA DANG BDE BA BYED PA LA GOMS PA STE, GANG LA GANG ZHIG BYED PA DE NYID DE'I BSOD NAMS KYI STOBS YIN GYI BYED PA PO'I YON TAN NI MA YIN NO, ,DE CI'I PHYIR ZHE NA, SEMS CAN THAMS CAD LA PHAN ZHING BDE BA LA 'JUG PA NI MI 'GRUB PAR SNANG BAS SO, ,DPER NA BYANG CHUB SEMS DPA' NI GZHAN LA PHAN ZHING BDE BAR 'JUG PAR GYUR NA YANG, YI DAGS DANG DMYAL BA LA SOGS PAR SKYES PA'I SEMS CAN BDE BAR 'JUG PA GRUB PA MED PAS SO, ,KU MU TA'I KHA 'BYED PA'I ZLA BA YANG GAL TE ZLA BA KHA 'BYED PA YIN NA NI, CI'I PHYIR PADMA KHA 'BYED PAR MI BYED DE, KHYAD PAR MED PAR LTOS SHING KHA 'BYED RGYUR GYUR PAS SO, ,RANG GI NUS PA'I KHYAD PAR NYID MA YIN NO ZHES BSTAN PA'I PHYIR MTSO'I NANG NA ZHES BYA BA'I TSIGS BCAD YIN NO, ,SKAR MA RNAMS KYI GZUGS BRNYAN NI SKAR MA RNAMS KYI GZUGS BRNYAN NO, ,DES MDZES PA'I SKAR MA'I GZUGS BRNYAN RNAMS LHAG PAR MDZES PA STE, KU MU TA RGYAS PA DANG 'DRA BA'I MTSO'I NANG NAS SKAR MA'I @204B GZUGS BRNYAN DE DAG LA'O, ,KU MU TA RNAM PAR DAG PAS NI LHAG PAR SKAR MA'I GZUGS BRNYAN MDZES PA YIN GYI GZHAN DU NI MA YIN TE, 'DIS NI KU MU TA KHA 'BYED PA DAG TZAM 'DIR NI BRJOD LA GZHAN GYI RGYAN GYI DON DU BSTAN TO, ,ZLA BA'I 'OD ZER LTAD MO LTA BA BZHIN ZHES BYA BA 'DIS NI MTSO'I NANG NA SKAR MA'I GZUGS BRNYAN RNAMS KU MU TA RGYAS PA MTHONG NA LHAG PAR LTAD MO LTA BAR BYED PA YIN NO, ,RGYUR GYUR PA ZHES BYA BA NI MTSAN MA TZAM DU GYUR PA STE, ZLA BAS KHA 'BYED PAR BYAS PA NI ZLA BA 'CHAR BA'I DUS SU DE KHA 'BYED PAR SNANG BA'I PHYIR TE, GAL TE KHA 'BYED PA'I NUS PA YOD PAR GYUR NA NI PADMA LA SOGS PA CI'I PHYIR KHA 'BYED PAR MI BYED, DE BZHIN DU BDAG GIS BSAMS NA RGYAL PO KHYOD KYI MTHU STOBS YIN SNYAM NA, RI DAGS KYI MCHOG DAG NI THAMS CAD DU MNYAM PAR RAB TU GNAS PA DANG BCAS PA YIN BA'I PHYIR KHYED NYID KYI'O, ,GCIG LA GCIG SNYAN PAR SMRA ZHING ZHES BYA BA LA, RE ZHIG RIGS PA NI MAD DRIS BYANG CHUB SEMS DPA' LA RIGS KYI BYANG CHUB SEMS DPA' NI DE LA SNYAN PAR SMRA BA MA YIN NO, ,GLO BUR DU 'ONGS PA LA BYAMS PA ZHES BYA BA 'DIS NI GLO BUR DU 'ONGS PA YID LA BYED PA BSTAN TE, GCIG LA GCIG SNYAN PAR SMRA BA'O, ,BU SMAD CES BYA BA NI MAD DRI DANG GZHON NU GNYIS SO, ,PHAB NAS NI BABS SU BCUG PA'O, ,RGYAB TU ZHES BYA BA 'DIS NI 'GRO BA LA SKYOB PA NYID DU BSTAN TO, ,CI'I PHYIR ZHE NA, 'DI NI 'DI LTAR KHA ZAS KYI DBANG DU BYAS PA'O, ,MNGON DU LTA BYED CING ZHES BYA BA NI DON DU GNYER BA NYID CES BYA BA'I DON TO, ,ZEB RNAMS KYI RDUL DE STE DE LHAGS PAS KHYAB CING GSAL BAR GYUR PA'I SER PO GANG YIN PA DE NI ZE BA LHAGS PAS SER POR GSAL BAR GYUR PA'O, ,NYI MA'I 'OD ZER GYIS GDUNGS PA'I SDUG BSNGAL GYIS 'JIGS PA MED PA'I DBANG DU BYAS NAS, SPRIN RNAMS KYIS KYANG ZHES BYA BA'I TSIGS BCAD SMOS TE, DE'I PHYED KYIS NI LAM GYIS YONGS SU DUB PA'I SDUG BSNGAL MED PA'I DBANG DU BYAS PAS SO, ,NGAL BA'I SDUG BSNGAL ZHES BYA @205A *, ,BA'I TSIGS BCAD PHYED KYIS MI 'CHAG PA'I 'JIG PA MED CING BDE BA'O, ,'CHAG PA NYID RNAM PAR 'JIG PA YIN PAS 'CHAG PA RNAM PAR 'JIG PA'O, ,DE NYID BDE BA YIN PAS 'CHAG PA RNAM PAR 'JIG PA'I BDE BA'O, ,LAM GYIS DUB PA DE'I SDUG BSNGAL GYI TSOR BA NI LAM DU 'GRO BA'I SDUG BSNGAL GYI TSOR BA STE DES SO, ,ME TOG DANG, 'BRAS BU DANG, LO MAS BRGYAN PA'I SHING LJON PA NI SHING LJON PA'O, ,SNUM PA YANG YIN LA RNAM PA SNA TSOGS PA YIN PAS SNUM SNUM LTAR 'DUG PA RNAM PA DU MA'I SHING LJON PA STE, ME TOG DANG, 'BRAS BU DANG, LO MA RNAMS KYIS BRGYAN PA'I SHING LJON PA SNUM SNUM LTAR 'DUG PA RNAM PA DU MA'O, ,GANG BA NI ME TOG DANG, 'BRAS BU DANG, LO MA RNAMS KYIS BRGYAN PA'I SHING LJON PA SNUM SNUM LTAR 'DUG PA DU MAS GANG BA STE SEMS MED PA'I DGA' PA'O, , 'DOD PAS MYONG BA'I DGA' BA YANG YIN LA BYA YANG YIN PAS 'DOD PAS DGA' BA'I BYA'O, ,DU MA'I SGRA NI MANG PO'I SGRA'O, ,DE DAG GI SGROGS PA NI MANG PO'I SGRA 'BYIN PAR RO, ,'DOD PAS MYOS SHING RAB TU DGA' BA MANG PO SGRA 'BYIN PA'I DKA' THUB KYI NAGS TSAL GANG LA YOD PA DE NI BYA MANG PO 'DOD PAS MYOS SHING DGA' BAS SGRA 'BYIN PA'I DKA' THUB KYI NAGS TSAL LO, ,GANG DU RI DAGS KYI RNAM PA DU MA RGYU BA DE NI RI DAGS KYI RIGS RNAM PA DU MA RGYU BA'O, ,GAR BYED PA GANG YIN PA DE NI GAR BYED PA NYID DO, ,GAR BYED PA NYID RMA BYA YIN PAS RMA BYA MANG PO GAR BYED PA STE DES MDZES PA'O, , ME TOG GI DRIS BSGOS PA NI ME TOG GI DRIS BSGROS PA'O, ,DKA' THUB KYI NAGS TSAL GANG DU ME TOG GI DRIS BSGROS PA'I SER BU LDANG BA DANG LDAN PA DE NI LAM GYI RDUL GYIS RKANG PA DANG BYIN PA RTZUB RTZUB LTAR 'DUG PA'O, ,NGAL BAS NYAMS PA'I MDOG DANG MIG RTZA GANG YIN PA DE NI NGAL BAS BZHIN MDOG DANG MIG RTZA NYAMS PA'O, ,DBYIG PA LA BTAGS SHING PHRAG PA LA THOGS PA'I SPYI BLUGS GANG YIN PA DE NI SPYI BLUGS DBYIG PA LA BTAGS PA PHRAG PA LA THOGS PA'O, ,GLO BUR DU 'ONGS PA LA BKUR STI'I BYA BA BYAS PA GANG YIN PA DE NI GLO BUR DU 'ONGS PA LA BKUR STI'I BYA BA BYAS SO, ,'GRO BA 'DI DAG NI ZHES BYA BA @205B NI MI BZAD PA STE, MI BZAD PA'I SEMS YOD PA'I PHYIR RO, ,SER SNA'I MOS PA YIN PAS SER SNAS BSGRIBS PA'I 'GRO BA'O, ,'DI GNYIS NI SEMS MI BZAD PA'I PHYIR 'JIG RTEN SNANG BA MED PA NYID DU BSTAN TO, ,GZHAN DU ZHES BYA BA NI KHYED LAS GZHAN DU ZHES BYA BA'I DON TO, ,SLONG BA NYID NI SLONG BA'O, ,SLONG BA NYID KYI TSIG YIN PAS SLONG BA'I TSIG STE, DON DU GNYER BA'I TSIG CES BYA BA'I DON TO, ,MA PHYIN PA NI MI NUS PA ZHES BYA BA'I DON TE, SNANG BA MED PA DANG, MI MNYAM PA'I 'JIG RTEN PA'O, ,GANG LAS SHE NA, MI MNYAM PA'I LAM LAS 'JIG RTEN 'GRO BA NYID DU SNANG BA'I PHYIR TE, GZHAN NI MI 'GRO BA YIN NO ZHES DON GYIS RTOGS PA'O, ,DE BAS NA BSTAN PA'I SKYON GNYIS MED DE, MTHONG BZHIN DU LAM MNYAM PA NAS 'GRO BAR SNANG BA'I PHYIR KHYOD NYID LA PHYIN PA YIN LA, GZHAN PA MI SLONG BA'I TSIG PHYIN PA MA YIN NO ZHES SBYAR RO, ,DE'I RGYU SKYON GNYIS DANG BRAL BA MED NA NI DE JI LTAR SLONG BA'I DBANG DU BYAS NAS, SBYIN PA LA DPA' BA'I ZHES BYA BA'I TSIGS BCAD YIN NO, ,DE'I PHYIR ZHES BYA BA NI GRAGS PA THOS PA'I PHYIR RO, ,STZOL ZHES BYA BA NI SLONG MO PA NYID DU KHAS LEN PA'I PHYIR RO, ,CI'I PHYIR KHYOD LA SLONG ZHES DE LTAR RTOG PA LA G-YOG TU ZHES PAS BSTAN TO, ,TSAM TSOM MED PAR SBYIN ZHES BYA BA NI DPYAD PA MED PA'I PHYIR RO ZHES BYA BA STE, DES NA SMRAS PA, SBYIN PA LA DGA' BA GOMS PAR BYAS PA'I RAB TU SDUG PA'I BU BAS KYANG SBYIN PA LA DGA' BA STE, CHES GCES PA'I PHYIR JI LTAR SBYIN PA LA DGA' BA GOMS PAR BYAS PA DE LTA BU LA DGA' BA NI MA YIN TE, BU LA DGA' BA NI RES 'GA' BYAS PA'I PHYIR DANG, SBYIN PA LA DGA' BA NI RGYUN DU GOMS PA'I PHYIR RO, , DE YANG BU NI MI RTAG PA LA GOMS PAR SO SOR BRTAGS PA DES LHAG PAR DGA' BA MED LA, SBYIN PA NI YON TAN THAMS CAD DANG LDAN PAR SNANG BAS SO, ,YANG NA THAMS CAD PAS SBYIN PA NI CHE BA NYID DO, ,SBYIN PA LAS DGA' BAS BU GNYIS KYANG TSAM TSOM MED PAR SBYIN PA ZHES BYA BA @206A *, ,MA BYIN PA'I DNGOS PO NYID DU BSTAN TO, ,BU GNYIS KYANG ZHES BYA BA'I SGRAS GCIG TU DE LTAR CI'I PHYIR SMRAS SHE NA, SLAR BZLOG PA NI MA BSLABS PAS ZHES BYA BA SMOS TE, SBYIN PA'I BYA BA MA YIN PAS KYANG BYA BA MA YIN PA MCHOG TU GYUR PA'I PHYIR RO, ,SLAR BZLOG PA ZHES BYA BA 'DIS NI DKA' BA'I SBYIN PA NYID DU BSTAN TE, SBYIN PA YON TAN GNYIS DANG LDAN PA'O, ,DA 'DI NA MCHIS TE CI ZHIG BGYI ZHES BYA BA NI GAL TE BYIN NA ZHES BYA BA'I DON TO, ,BYIN PA'I GTAM THOS NAS MI DGA' BA SKYES PA'I MIG RIG RIG PO GANG YIN PA DE NI SBYIN PA'I GTAM THOS NAS SKRAG PA'I MIG RIG RIG POR GYUR PA DE'O, ,DE GNYIS KYI SNYING GDUNGS PAR GYUR PA GANG YIN PA DE NI SNYING GDUNGS PAR GYUR PA'O, ,'DI NI ZHES BYA BA DES SMRAS PA DE'I LAN NI, KHYOD 'DI GNYIS NGAS BYIN NA ZHES BYA BA YIN NO, ,DA NI MCHIS TE CI BGYI ZHES BYA BA 'DI'I LAN NI, 'DI GNYIS MA NI SONG ZHES BYA BA'O, ,GANG DU CI'I PHYIR SONG ZHES BYA BA 'BRI BA'I TSIG GI SKABS RTOGS PA LA NAGS TSAL DU RTZA BA 'BRAS BU TSOL DU SONG ZHES BYA BA YIN NO, ,DE YANG DE RING 'DIR 'ONG GIS, ,ZHES BYA BA 'DIS NI RING PO MI THOGS PAR 'ONG BAR BSTAN TO, ,DE 'ONGS NAS CI ZHIG BYED PA YIN ZHES RTOGS PA LA DE DANG PHRAD NAS 'O BYAS ZHES BYA BA STE, 'DIS NI MED DRI LA PHAN 'DOGS PA NYID DU BSTAN TO, ,RGYAN GYIS BRGYAN CING PHRENG BA CAN, ,ZHES BYA BA NI GZHON NU GNYIS SO, ,'DIR NI ZHAG GCIG NGAL SO LA, ,ZHES BYA BA 'DI NI BRAM ZE DE LA PHAN 'DOGS PA BSTAN TE, LAM GYIS RNGUB PA SEL BAR SNANG BA'I PHYIR RO, ,BUD MED RNAMS NI MI DRANG BAS ZHES BYA BA 'DIS NI MA NI BU SBYIN PA DE LA 'GYOD PAR 'GYUR BA RJES SU SHES TE, DE BAS NA KHYOD KYI SBYIN PA LA GEGS BYAS PAR 'GYUR BAS CHOS MA YIN PA DANG LDAN PAR 'GYUR BA YIN PAS ZHAG GCIG 'DUG PA'I SKYON BSTAN PA'O, ,KHYOD KYI SBYIN PA LA GEGS BYED KYIS ZHES BYA BA 'DIS KYANG BYANG CHUB SEMS DPA'I SKYON BSTAN TO, ,BDAG NYID KYIS NI MA BSTAN KYANG GRUB PA'I PHYIR TE, SBYIN PA MA BYIN PA'I NYES DMIGS BSTAN PAS GANG RNYED PA'I BAR CHAD KYI MTSAN NYID DO, , @206B SBYIN PA'I GEGS SU 'GYUR DU MA DOGS SHIG CES BYA BA NI BDAG NYID KYI SBYIN PA'I GEGS MED PA'O, ,CI'I PHYIR ZHE NA, DE NGA'I CHOS SPYOD PA'I GROGS YIN MOD KYI ZHES PA SMOS TE, GANG SNGAR BSTAN PA'I MING NI G-YON CAN ZHES SU BTAGS ZHES BYA BA DE'I LAN BTAB PA YIN NO, , DA NI NGA'I CHOS SPYOD PA'I GROGS YIN MOD CES BYA BA NI JI LTAR NGA SBYIN PA LA DGA' BA DE LTAR DE YANG DGA' BA YIN TE, CHOS SPYOD PA'I GROGS YIN PA'I PHYIR RO, ,'ON KYANG 'DI LA KHYOD CI DGAR ZAD MOD, ,CES BYA BA NI GAL TE KHYOD KHYER BAR 'DOD NA DE RING KHYOD KHYER CIG CES BYA BA'I DON TO, ,RAB TU GZHON ZHING ZHES BYA BA'I TSIGS BCAD 'DI'I DON GYI YON TAN RNAM PA GSUM DANG LDAN NA NI BRAN GYI LAS SU 'OS PA YIN TE, LAS CI 'DOD PA BSGRUBS PAS BDAG PO DGA' BA SKYED PA DANG, SDUG BSNGAL BZOD CING LAS BYED PAR NUS PA DANG MKHAS PA'O, , GSUM PO DE DAG LAS GANG ZHIG DANG YANG MI LDAN PA MED NA NI JO BO LAS BYED PAS DGA' BA BSKYED PA YIN LA, TSIGS SU BCAD PA 'DIS NI YON TAN DE DAG DANG MI LDAN PAR BSTAN TO, ,DE LA NYES PA BSTAN PA DANG, BTANG BA'I YON TAN BSTAN PA'I PHYIR SHI BI PA'I RGYAL PO NGA'I YAB CES BYA BA LA SOGS PA TSIGS SU BCAD PA GNYIS SO, ,'DI LTAR GYUR PA NI BRAN NYID KYI DNGOS POR GYUR PA'O, ,NGES PAR NI GDON MI ZA BAR RO, ,DE'I YUL NI ZHES BYA BA NI SHI BI PA'I RGYAL PO'I YUL LO, ,DE LTAR BYAS NA NOR CHEN DANG, ,ZHES BYA BA NI BU'I GLUD KYI PHYIR THOB PAR 'GYUR BA'O, ,CHOS RNAMS DANG YANG LDAN PAR 'GYUR, ,ZHES BYA BA NI NOR CHEN PO DE NYID KYIS CHOS BYED NUS PA'I PHYIR DANG, BYIS PA'I NYON MONGS PA MED PA'I YANG PHYIR RO, ,SBRUL GDUG PA DANG 'DRA BA'I DRUNG DU ZHES BYA BA NI SBRUL GDUG PA LTA BUR BSNYEN PAR DKA' BAS SO, ,MI DGA' BA NYID KYI SKYES PA YIN PAS MI DGA' BA'I SKYES SO, ,DE LTA BU'I MTSAN NYID DANG LDAN PA'I RGYAL PO'I DRUNG DU 'GRO BA'I NYES DMIGS BSTAN PA'I PHYIR RGYAL POS BDAG LA 'DI GNYIS ZHES BYA BA'I TSIGS BCAD SMOS SO, ,BRAM ZE MO'I G-YOG TU BDAG NI KHRID DE MCHI @207A *, ,ZHES BYA BA NI RGYAL PO'I GAM DU MI 'GRO BA ZHES BYA BA'I DON TO, ,DON YONGS SU MA RDZOGS PAR ZHES BYA BA NI DA KHYOD KYIS JI LTAR DGA' BA DE DE BZHIN DU GYIS SHIG PA STE, DE LTAR DON YONGS SU MA RDZOGS PA'O, ,G-YOG LEGS PAR BYOS ZHES BYA BA NI BAG YOD PAR YONGS SU SPYAD PAR BYA'O ZHES BYA BA LA SOGS PA'O, ,DE'I BSGRIMS PA'I MTHU ZHES BYA BAS NI 'BAD PAS RJES SU 'JUG PA STE, DES NA 'BAD PA ZHES BYA BA'I DON TO, ,MDOR SMRAS NAS ZHES BYA BA NI RGYAL BAR GYUR CIG CES SO, ,BRAL BA'I SDUG BSNGAL NYID KHUR CHEN PO YIN PAS BRAL BA'I SDUG BSNGAL GYI KHUR RO, ,DES GDUNGS PA'I SNYING GANG YIN PA DE NI BRAL BA'I SDUG BSNGAL GYIS GDUNGS PA'O, ,YAB GCIG YUM YANG SLAD ROL 'BYUNG, ,KHYOD KYANG BDAG CAG GTONG BAR BZHED, ,CES BYA BA NI GANG GI TSE MA SLAD ROL DU 'BYUNG BA DE'I TSE SBYIN PAR BZHED CES BYA BA'I DON TO, ,SDUG BSNGAL GYI MYONG BA NI SDUG BSNGAL MYONG BA'O, ,DE NYID DANG POR SDUG BSNGAL MYONG BA GANG YIN PA DE NI SDUG BSNGAL DANG PO MYONG BA DE'O, ,DE BAS NA SKAD PHYUNG STE ZHES BYA BA NI SGRA DANG BCAS PA'O, , BRAM ZE ZHES BSTAN PA LA, GAL TE BRAM ZE YIN NA NI GANG GI PHYIR 'DI NI BRTZE BA MED PA STE, DE BAS NA 'DI NI BRAM ZE MA YIN TE, BRAM ZE'I MTSAN NYID NI CHOS DANG LDAN PA NYID DE DE MED PAS SO, ,DE LTA NA 'DI GANG ZHIG YIN ZHE NA GNOD SBYIN ZHES SMOS SO, ,CI'I PHYIR ZHE NA, BRTZE BA MED PA'I PHYIR RO, ,BRAM ZER BSGYUR NAS NI ZHES BYA BA NI CHA BYAD DO, ,GNOD SBYIN GYIS CI'I PHYIR KHRID PA BZHIN ZHE NA BZA' BA'I PHYIR RO, ,BRAM ZE BDAG LA BRDEG PA 'DI, ,ZHES BYA BA'I TSIGS BCAD KYIS NI BDAG NYID DE DANG BRAL BA'I SDUG BSNGAL GYI DBANG DU BYAS PA'O, , DKA' THUB NAGS TSAL STONG PA NA, ,ZHES BYA BA LA SOGS PA'I TSIGS BCAD GNYIS KYIS BDAG NYID DANG BRAL BA'I SDUG BSNGAL GYIS MA'I DBANG DU BYAS PA'O, ,GLANG PO CHE LTA BU YIN PAS GLANG CHEN TE, GLANG PO CHE BYAS PA ZHES BYA BA'I DON TO, ,DE BZHIN DU SHING RTA DANG, RTA PA DANG, @207B RKANG THANG YANG NGO, ,PHYED TZAM YUM LA PHUL NA NI, ,ZHES BYA BAS NI PHYED NI KHYOD NYID LA ZHES BYA BA YIN NO, ,CI'I PHYIR 'DI SBYIN ZHE NA, MYA NGAN BSAL BA'I PHYIR RO, ,'PHRIN GYIS YUM LA PHYAG 'TSAL ZHING, ,ZHES BYA BA CI ZHE NA, ZHAL NI MTHONG BA RAB TU DKA' BA NYID DE; THUGS NGAN MDZAD LAS BZLOG TU GSOL, ,DA YANG ZHAL MTHONG DKA' BA'I PHYIR TE, ZHAL MTHONG BA MI SRID PA LA MYA NGAN DON MED PA'I PHYIR RO, ,BRAM ZE NGAN PA NGO MI TSA, ,ZHES BYA BA NI MA BSTAN PA RJES SU BSTAN PA STE, GZHAN DU NA BRAM ZE KHO NA ZHES MI BRJOD CING TSIG DE YANG STZAL BA MED PAS SO, ,LHAM YANG MED PAR RKANG GIS 'DONG, ,ZHES BYA BA 'DI NI LAM GYI SDUG BSNGAL GYI DBANG DU BYAS PA'O, ,LAM DE'I SDUG BSNGAL YANG RGYU GSUM GYIS 'BYUNG BA YIN TE, LAM GYIS DUB PA SO BA MED PA DANG, GNAS KYI KHYAD PAR DANG GZHAN GYI DBANG DU BYAS PAS SO, ,LHAM YANG MED PAR RKANG GIS 'DONG, ,ZHES BYA BA 'DIS NI LAM GYI NGAL SO BA MED PA NYID DU BSTAN TO, ,RAB TU GZHON PAS NGAL MI BZOD, ,CES BYA BA 'DIS NI GNAS KYI KHYAD PAR BSTAN TO, ,DE'I BRAN G-YOG BYED PA ZHES BYA BA 'DIS NI RANG BZHIN MED PA NYID DU BSTAN TE, DE LTAR YONGS SU NGAL SOR MED PA'I DBANG DU BYAS NAS, LAM GYIS NGAL ZHING DUB PA LA, ,ZHES BYA BA'I TSIGS BCAD SMOS SO, ,DANG PO'I PHYED KYIS NI LAM GYIS DUB PA'I NGAL SO BA MED PA LAS BRTZAMS SO, , PHYED GNYIS PAS NI LHAN CIG SKYES PA'I BKRES PA DANG SKOM PA'I SDUG BSNGAL GSO BA MED PA NYID DU BSTAN TO, ,BDAG NI BRTAN PAR BYED 'DOD KYANG, ,ZHES BYA BA'I TSIGS BCAD 'DI'I DON NI SO SOR RTOG PA'I STOBS YOD KYANG NGO, ,BU NI BYIS PA STE SO SOR RTOG PA MED PAS SO,, RE ZHIG BDAG 'DI LTA BUR NI SDUG BSNGAL NA ZHES BYA BA BSTAN PA LA DE'I SDUG BSNGAL BSTAN PA'I PHYIR, KYE MA'O ZHES BYA BA'I TSIGS BCAD PHYED 'DI SMOS SO, ,BSTAN PAR BYED 'DOD KYANG ZHES BYA BA BSTAN PA LA, ,JI LTAR BSTAN PAR BYED PAR 'DOD PA YIN, ,ZHES PA DE LAS BRTZAMS TE, @208A *, ,DAM PA RNAMS KYI CHOS ZHES BYA BA'I TSIGS BCAD KYI PHYED 'OG MA'O, ,MI DGA' 'BYUNG BA NI MI DGA' BA DAG 'BYUNG BA'O, ,DE BRTAN PA'I NGANG TSUL GANG YIN PA DE NI MI DGA' BA 'BYUNG BA'I TSUL LO, ,YANG DANG YANG BOS TE DE GNYIS LAN MED PAS ZHES BYA BA NI, MA THOS PA STE BOD PAS DE GNYIS GCIG GIS KYANG MA THOS PA'O, ,DE GNYIS NI DE DAG CES BYA BA'I DON TO, ,RTZE RTZE NGAL NAS ZHES BYA BA'I TSIGS BCAD 'DI NI 'TSO BA'I GNAS SKABS NA YANG MA MTHONG BAS BRAL BA'I SDUG BSNGAL GYI DBANG DU BYAS PA'O, ,RTZE RTZE BA LAS BYUNG BA'I NGAL BA NI RTZE RTZE NGAL BA'O, ,DE LAS SKYES PA'I GNYID GANG YIN PA DE NI RTZE RTZE NGAL NAS SKYES PA'I GNYID DO, ,BDAG 'ONGS MCHIS PAS ZHES BYA BA'I TSIGS BCAD 'DI NI 'CHI BA'I GNAS SKABS LA RNAM PAR RTOG PA'I DBANG DU BYAS PA'O, ,GANG GI PHYIR DE GNYIS SHI BA NI MA YIN TE, DE BSAD MTHONG NA 'DI LTAR SGRA MI 'BYIN PA'O, ,BYA'I SGRA MED PAR YANG 'CHI BA SRID DO ZHES RNAM PAR RTOG PA LAS BRTZAMS NAS, 'BAB CHU DRAG PO ZHES BYA BA'I TSIGS BCAD PHYED 'OG MA'O, ,'DI LA LTAS BZANG PO YOD PA MA YIN PA NI LTAS NGAN PA'O, ,LTAS NGAN PAS BZLOG PA'I DGA' BA'I SEMS GANG YIN PA DE NI SNYING 'DI YANG LTAS NGAN PAS DGA' BA NI BZLOG PA'O, ,GAS PA NI ZAG PA ZHES BYA BA'I DON TO, ,DGA' BAR BYA RIGS ZHES BYA BA NI DGA' BAR THOS PAR RIGS PA'O, ,CHED KAR ZHES BYA BA NI MNGON PAR GNOD PA'I PHYIR RO, ,KYI HUD BDAG NI BSAD KYIS MED, ,CES BYA BA NI SHI BA'I DON TO, ,ZAD PA'AM SHI BAS BDAG NYID KYANG NGES PAR 'CHI BA'I PHYIR BSAD CES BSTAN TO, ,BRTAN PA MED DU DOGS PAS NA, ,ZHES BYA BA NI GAL TE BRTAN PA MED DU DOGS PAS 'CHI PAR 'GYUR RO ZHES DOGS PA'I DON TO, ,RGAS PA DANG DBUL BA NI RGAS SHING DBUL BA'O, ,DE NYID KYI SDUG BSNGAL NI RGAS SHING DBUL BA'I SDUG BSNGAL TE, DES SDUG BSNGAL BA ZHES BYA BA'I DON TO, ,'DIS NI SNYING RJE'I DON BSTAN TO, ,BRAM ZE ZHES BYA BA 'DIS NI @208B YON TAN GYI ZHING DU BSTAN TO, ,YANG NA RGAS SHING DBUL BA'I SDUG BSNGAL GYIS NYEN PA ZHES BYA BA NI SDUG BSNGAL BA NYID DO, ,BRAM ZE ZHES BYA BA NI SLONG BA NYID DU BSTAN TE, SLONG BAS 'TSO BA DE BAS NA BRAM ZE ZHES BRJOD DO, ,NGA GAN 'ONGS ZHES BYA BA NI RTEN MED PA NYID DE; GANG GZHAN DU MI RNYED PAR BYED PA'I GNAS 'DI NA 'ONGS SHING SPYOD PA STE, GANG GI PHYIR BDAG LA SLONG BA DE BAS NA DE RTEN MED PAS DES RTOGS PAR BYA'O, ,BU LA MA BLTAS NA JI LTAR KHYOD LA BLTA BAR BYA ZHE NA, SMRAS PA, MYA NGAN GDUNG BAR MA BYED LA, ,ZHES BYA BA SMOS SO, ,DE LTA NA CI ZHIG BYA BA YIN ZHE NA, BU YI MYA NGAN GDUNG SNYING LA, ,MTSON GYIS 'DEBS PA ZHES SMOS TE MTSON DANG 'DRA BA'I PHYIR RO, ,DE LA MYA NGAN GYIS YONGS SU GDUNGS NA CI'I PHYIR BU BYIN ZHES BYA BA YIN ZHE NA, TSIG GI SKABS SHES PAR BYAS NAS, BSLANGS PAR GYUR NA ZHES BYA BA'I TSIGS BCAD SMOS SO, ,BU SHIR DOGS DE SNYING BTZOS PA LAS ZHES BYA BA NI BU SHIR DOGS PA'I SNYING GI GDUNG BA ZHES BYA BA'I DON TO, ,'DI LTAR ZHES BYA BA NI GANG GI PHYIR TE, GANG GIS SKABS MA RNYED PA DE NI SKABS MA RNYED PA'O, , DE GANG ZHE NA 'JUNGS PA'O, ,BRAG CA'I SGRA'I KHYAB PA'I SGRA GANG YIN PA'I RNGA SGRA CHEN PO'I SGRA DE NI KHYAB PA'I BRAG CA DANG SGRA BRNYAN ZHES BYA BA'I DON TO, ,GSAL BA'I TSIG DANG 'BRU GANG YIN PA'I NAM MKHA' DE NI TSIG 'BRU GAS LA BA'I NAM MKHA' LA'O, ,G-YO BA GANG LA YOD PA DE NI G-YO BA CAN TE RAB TU G-YO BA CAN NO, ,RI'I NU MA G-YO BA CAN GANG YIN PA DE NI RI'I NU MA G-YO BA CAN NO, ,NAM MKHA' NI MTHO RIS SO, ,GLOG GIS GSAL BA DANG BCAS PA'I GLOG 'GYU BA NI 'OD KYIS GSAL BA'O, ,DES GSAL BA DANG BCAS PA DE LA NI GLOG 'GYU BA'I 'OD KYIS GSAL ZHING MTHONG BA'O, ,YANG NA BRTZAMS PA'O, ,YANG NA 'OD DANG LDAN PA STE, DES GSAL BAR GYUR PA'O, ,STZAL BA'I THUGS NI DGYES PAR MDZOD, ,CES BYA BA NI 'DI LTAR MJUG GI LAS SGRUB PA YIN NO, ,DE LTAR SEMS DAD PA'I PHAN @209A *, ,YON GANG YIN ZHE NA, 'JIG RTEN RNAMS LA BTUNG CHU BZHIN, ,ZHES SMOS SO, ,JI LTAR BTUNG CHU BZHIN DU GYUR PA YIN ZHE NA, SLAN CHAD KYANG NI SBYIN BDAG MDZOD, ,CES SMOS TE, CI NAS KYANG SBYIN PA LAS BTUNG CHU BZHIN DU GYUR PA ZHES BYA BA'I DON TO, , SBYIN PA NYID CHOS YIN PAS SBYIN PA'I CHOS SO, ,ZAD PA SKAMS PA'O, ,'DOD LHA'I SEMS NI MYA NGAN ME YIS TSIG ,CES BYA BA NI SBYIN PA'I PHA ROL TU PHYIN PA RDZOGS PA'I PHYIR TE, DE BAS NA YANG SANGS RGYAS NYID THOB PA LA NI THAMS CAD KYI THAMS CAD DU SBYIN PA LAS SNYING RJE KHYAD PAR DU GYUR PA YIN NO ZHES BYA BA'I TSIG GIS SO, ,'O NA MA DRI SKYES BU GZHAN LA BYIN PAS 'KHRUGS PAR MA GYUR TAM ZHE NA MA YIN TE, KHYIM THAB DANG BRAL BA'I MYA NGAN GYI KHUR GYIS NON PAR GYUR PA'I PHYIR TE, SLONG BA LA MI BZLOG PA'I RANG BZHIN YIN PAS SO, ,DE LA MIG TSUGS LTA ZHING BRIS BZHIN 'DUG, ,CES BYA BA CI'I PHYIR ZHE NA, SNGON MED PA'I SDUG BSNGAL GYI KHUR GYIS NON PA'I PHYIR RO, ,BRIS BZHIN ZHES BYA BA NI G-YO BA MED PA DANG, MIG 'BYED PA DANG 'DZUMS PA MED PA'I PHYIR RO, ,YA RABS MA RABS CHOS GNYIS NI, , ZHES BYA BA LA, DAM PA DANG DAM PA MA YIN PA NI YA RABS DANG MA RABS SO, ,DE GNYIS KYI CHOS NI YA RABS MA RABS KYI CHOS GNYIS SO, ,MA RABS KYI CHOS NI GZHAN GYI BUD MED LA 'GRO BA'O, ,'DI NI YA RABS KYI CHOS TE, RANG GI CHUNG MA GZHAN LA SBYIN PA'O, ,DAM PA DANG DAM PA MA YIN PA NI YA RABS MA RABS TE, ,JI LTAR KHYAD PAR RE CHE SNYAM NA, BDAG NYID MA SBYANGS PA RNAMS NI, ,SUS KYANG YID CHES MI NUS SO, ,ZHES SMOS TE, 'DI LTAR DAM PA YIN PAS DE NI NGES PA YIN PA'I PHYIR RO, ,DE LTAR MA RABS KYI CHOS KYI RANG GI NGO BO BSTAN NAS; YA RABS KYI CHOS KYI SMRA BA LAS BRTZAMS PA, 'DOD CHAGS BRAL BAR MA GYUR PAS, ,ZHES BYA BA'I TSIGS BCAD SMOS TE, RGYU GSUM GYIS NI NYON MONGS PA SKYE BAR 'GYUR TE, ,PHRA RGYAS SPANGS PAR MA GYUR DANG, ,YUL NI NYE BAR GNAS PA DANG, ,TSUL BZHIN @209B MA YIN YID BYED LAS, ,NYON MONGS RGYU NI TSANG BA YIN, ,ZHES BYA BA'I TSIG GIS SO, ,DAM PA RNAMS NI SEMS RGYA CHE BA YIN PAS YUL MNGON DU GYUR KYANG NYON MONGS PA 'GOG CING NYON MONGS PA KUN TU MI SPYOD PA YIN TE, DE BAS NA RGYU MA TSANG BAS NYON MONGS PA MI SPYOD PA YIN NO ZHES BSTAN TO, ,'DOD CHAGS DANG MA BRAL BA NI 'JIG RTEN PA'I LAM GYIS NYON MONGS PA 'GOG PA'O, ,CIG SHOS NI 'DOD CHAGS KYI PHRA RGYAS SPANGS PA YIN TE, DA BU DANG CHUNG MA LA DGA' BA NYID KYANG MED DE, DE BAS NA NYON MONGS PA 'GOG PA MED PA'ANG BSTAN TO, ,'DOD CHAGS DANG BRAL BAR MA GYUR PA ZHES SMOS PA 'DIS NI 'DOD CHAGS SKYE BA'I RGYU BSTAN TO, ,BU SMAD RAB TU SDUG PA DANG, ,CES BYA BA 'DIS NI RGYA CHE BA'I YUL DANG NYE BA NYID DU BSTAN TO, ,DE LTAR MA CHAGS SBYIN BYED PA, ,ZHES BYA BA LA, 'DIR 'DOD CHAGS PA NI SRED PA'I 'DOD CHAGS SAM CHAGS PA'O, ,CHAGS PA DANG BRAL BA NI GANG GI PHYIR MA CHAGS PA'O, ,DE LTAR ZHES BYA BA NI 'DI LTAR MNGON SUM NYID DU BSGOM PA BSTAN TE, 'DIS NI TSUL BZHIN MA YIN PA YID LA BYED PA MED PA NYID DE, DE LTAR YA RABS DANG MA RABS KYI CHOS GNYIS SHIN TU KHYAD PAR CHE BA NYID DU BSTAN TO, ,NYI MA'I 'OD KYIS ZHES BYA BA LA NYI MA'I 'OD NI NYI MA'I GZI BRJID DO, ,GZHAN GYI 'OD NI ZLA BA SOGS PA'I 'OD DO, ,NYI MA'I 'OD KYIS ZHES BYA BA DANG, BSGRAGS PA ZHES BYA BAR SBYAR RO, ,KHYOD KYI YON TAN CHAGS PA'I GTAM DAG GIS, ,ZHES BYA BA LA CHAGS PA'I GTAM GANG YIN ZHE NA, DE BSTAN PA'I PHYIR, KHYOD KYI SPYOD PA ZHES TSIGS BCAD BRTZAMS SO, ,JI LTAR CHAGS PA'I GTAM YIN ZHE NA, CHAGS PA'I GTAM NYID DU TSIGS BCAD PHYED 'OG MAS BSTAN TO, , KHYOD KYI SPYOD PA MI LAS 'DAS, ,ZHES BYA BA GANG YIN ZHE NA, TSIGS BCAD PHYED 'OG MAS BSTAN TO, ,GNOD SBYIN DRI ZA ZHES BYA BA LA SOGS PAS GSHOL MDA' 'DZIN LA SOGS PA'I RI DAG GI BAR NA GNAS PA'O, ,LTOS 'GRO ZHES BYA BA SMOS PAS NI SA'I 'OG NA GNAS PA @210A *, ,PA DANG; RGYA MTSON GNAS PA GZUNG NGO, ,SUM CU RTZA GSUM PA BRGYA BYIN ZHES BYA BA 'DI NI RI RAB LA GNAS PA STE, 'DI LTAR LHO PHYOGS SU ZHES BYA BA GANG SNGAR BSTAN PA STON PA YIN NO, ,BU DANG BRAL BAR MA SEMS SHIG ,CES BYA BA CI'I PHYIR ZHE NA; PHA NI BU DANG LDAN PA'I PHYIR RO, ,RGYAL SRID NYAMS PA'I MYA NGAN MA BYED CIG ,CES BYA BA NI GANG GI PHYIR, KHYOD KYIS MGON BYAS DGOS BCAS RGYAL SRID CES BYA'O, ,'DIR KHA CIG RGOL TE, BRAM ZE LA NI BYANG CHUB SEMS DPA' SNYING BRTZE BAR BYED LA, DMAN PAS DU ZHING SDUG PA'I BU GNYIS CI'I PHYIR GTONG ZHES GRUB PA'I MTHA' YONGS SU MA SHES PA NYID RGOL LO, ,DES MCHOD PA NI BDAG NYID SNGON BYANG CHUB SEMS DPA'I DUS SU BYANG CHUB SEMS DPAS DUS GCIG TU TSOGS BSAGS PAR BYA'O ZHES 'DI LTAR DGONGS PA YIN TE, BDAG NYID BTANG BA MA YIN PAR JI LTAR TSOGS YONGS SU RDZOGS PAR 'GYUR, DE LTAR BYANG CHUB SEMS DPA' NI TSOGS CHEN PO DE DAG LAS SKYES PA'O, ,DE LTAR NA CI'I PHYIR DU BAR BYED CE NA CHOS NI GNYIS TE, DON DAM PAR BSTAN PA DANG, KUN RDZOB TU BSTAN PA'O, ,'DI NI KUN RDZOB TU BSTAN PA STE, NYAM NGA BA DAG YID DANG BA BSKYED PAR BYA BA'I PHYIR RO, ,SKYES PA'I RABS 'DI NYID DU YANG SLOB DPON GYIS BSHAD PA SBYIN PA'I GEGS SU 'GYUR DU MA DOGS SHIG, ,'DI NI NGA YI CHOS SPYOD GROGS YIN NO, ,ZHES BYA BA DANG, SBYIN LA DGA' BA GOMS BYAS SHING, ,ZHES BYA BA'I TSIGS BCAD 'DIS MI SBYIN PAR MI BYA BA NYID DU BSTAN PA'I PHYIR RTZOD PA MED PA NYID DO, ,SPYOD PA DE LA PHYOGS PA ZHES BYA BA NI BYANG CHUB SEMS DPA'I SPYOD PA DE LA SOGS PA'I SEMS CAN LA STE, SMON LAM BTAB PA ZHES BYA BA'I DON TO, ,BRNYAS PA MI BYA ZHES BYA BA NI ZIL GYIS GNON PAR MI BYA BA STE, MOS PA SPYOD PA LA GNAS PA LA'O, ,GNOD PA MI BYA BA NI SAR CHUD PA'I SEMS CAN GYI KHYAD PAR GYI YON TAN DANG LDAN PAR THOS PAS DE LA MI MOS PAR MI BYA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS THAMS CAD @210B SGROL GYI SKYES PA'I RABS SO,, ,,RANG GI BSOD NAMS KYI MTHU THOB PA ZHES BYA BA 'DIS NI SKAL BA PHUN SUM TSOGS PA'O, ,RGYAL PHRAN THAMS CAD PHYAG 'TSAL BA, ,ZHES BYA BA 'DIS NI SPRO BA PHUN SUM TSOGS PA BSTAN TO, ,BDAG DANG GZHAN GYI 'KHOR LA SOGS PA'I GNOD PA RAB TU ZHI BAS 'TSE BA MED PA ZHES BYA BA 'DIS NI GSANG TSIG GI NUS PA BSTAN TO, ,GDUGS ZLA MED PA BGO SKAL GYI RIM PAS THOB PA ZHES BYA BA 'DIS NI GTZO BO'I NUS PA BSTAN TO, ,CHOS KYI DON GCIG TU SBYANGS PAR GYUR TE, JI LTA BU ZHE NA, THUB PA BZHIN DU ZHES SMOS SO, ,JI LTAR CHOS DON GCIG TU SPYOD PA YIN ZHE NA, DNGOS PO KUN GYIS 'GRO LA PHAN BYED PA, ,ZHES SMOS TE, DNGOS PO THAMS CAD KYIS PHAN PA'I PHYIR RO, ,CI'I PHYIR DE LTAR GYUR PA YIN ZHE NA, DBANG PO THUL BA'I PHYIR DANG, 'BRAS BU SMAD PA SPYAD PA LA MA CHAGS PA'I PHYIR RO, ,YANG NA DNGOS PO KUN GYIS PHAN PA BYED PAR 'GYUR TE, CI'I PHYIR ZHE NA, DBANG PO THUL BA'I PHYIR DANG, CHOS DON GCIG TU BYED PAS 'BRAS BU SMAD PA SPYAD PA LA MA CHAGS PA'I PHYIR TE, 'DIS NI NOR GYI 'DOD PA LA CHAGS PA MED PAR BSTAN TE, 'BRAS BU ZHES SMOS PAS SO, ,JI LTA BU ZHE NA, THUB PA BZHIN NO, ,CHOS DON GCIG TU BYED CES BYA BA DE'I RGYU YANG BSTAN PA YIN TE, RANG GI DON LAS BRTZAMS PA'O, ,DA NI GZHAN GYI RGYU LAS KYANG SMRAS PA YIN TE, GZHAN GYI MTSAN NYID LAS BRTZAMS NAS, SKYE DGU RNAMS ZHES BYA BA'I TSIGS BCAD SMOS SO, ,GTZO BO RNAMS KYI SPYOD PA NI GTZO BO'I SPYOD PA'O, ,DE'I RJES NI GTZO BO'I SPYOD PA'I RJES TE, SGRUB PA GANG LA YOD PA'I RANG BZHIN NI GTZO BO'I RJES SPYOD RANG BZHIN NO, ,GTZO BO NI KHYAD PAR DU GYUR PA'O, , SNGAR BSTAN PA'I CHOS DON GCIG TU SPYOD PA DANG, DNGOS PO KUN GYIS 'GRO LA PHAN BYED PA, ,ZHES PA DE GNYI GA BSTAN PA'I PHYIR, NOR YANG BYIN ZHES BYA BA'I TSIGS BCAD SMOS SO, ,TSIGS BCAD 'DIS NI BDAG DANG GZHAN GYI DON LAS BRTZAMS TE PHA ROL TU PHYIN PA DRUG @211A *, ,BSTAN TO, ,SBYIN PA DANG, TSUL KHRIMS DANG, BZOD PAS NI BDAG GI DON PHUN SUM TSOGS PA STE, SBYIN PA LA SOGS PA PHA ROL TU PHYIN PA GSUM NI LONGS SPYOD KYI BDAG NYID SRID PA'I G-YOG 'KHOR PHUN SUM TSOGS PA'I RGYUR GYUR PA'I PHYIR RO, ,'GRO BA'I DON YANG SPYOD CES BYA BA 'DIS NI BRTZON 'GRUS KYI PHA ROL TU PHYIN PA BSTAN TO, ,'GRO LA PHAN SEMS MTHONG NA ZHI BAR SNANG, ,ZHES BYA BA NI SKYE DGU RNAMS LA PHAN PAS NA 'GRO LA PHAN PA'O, ,'GRO BA'I DON LA PHAN PA'I LHAG PA'I BSAM PA YOD PA NI 'GRO LA PHAN PA'I SEMS SO, ,DE MTHONG NA ZHI BAR SNANG BA GANG YIN PA DE NI 'GRO LA PHAN SEMS MTHONG NA ZHI BAR SNANG BA STE, 'DIS NI BSAM GTAN DANG SHES RAB KYI PHA ROL TU PHYIN PA BSTAN TO, ,SEMS ZHES BYA BA SMOS PAS NI THABS LA MKHAS PA'I RNAM PA STE, MKHAS PA'I RNAM PA NI SHES RAB STE, DE YANG SEMS RTZE GCIG PAS BYAS PAR BSTAN PA'I PHYIR GNYI GA SMOS SO, ,DON YANG SBYOD CES BYA BA 'DIS NI SBYOR BA PHUN SUM TSOGS PA BRTZON 'GRUS KYI PHA ROL TU PHYIN PA'O, ,'GRO LA PHAN SEMS ZHES BYA BA 'DIS NI BSAM PA PHUN SUM TSOGS PA BSTAN TE, BSAM GTAN DANG SHES RAB KYI PHA ROL TU PHYIN PA 'DI GNYIS KYIS SO, ,BAG MED PA'I DBANG GIS KHA CIG TU THAN PA 'BYUNG BAS 'KHRUG CING GNOD PAR GYUR TO ZHES BYA BA LA, CHAR 'BAB MI MKHAS PAS KHA CIG TU THAN PA 'BYUNG BA DES 'KHRUGS PA'O, ,GANG DAG CE NA, SEMS CAN RNAMS SO, ,CHOS LEGS PAR MA SPYAD PA ZHES BYA BA LA, NGAN PAR SPYAD PA NI LEGS PAR MA SPYAD PA STE, DE BAS NA MA RUNGS PAR GYUR PA NI GOMS PAR GYUR PA'O, ,DE'I SDUG BSNGAL NI 'GRO BA'I SDUG BSNGAL LO, , DE LAS THAR PAR BYA BA'I THABS NI SKYE DGU RNAMS SDUG BSNGAL LAS 'DON PA'I THABS SO, ,RNAM PA DU MA'I SROG CHAGS DAG NI SROG CHAGS DU MA'O, ,DE DAG GSOD CING 'JIGS 'JIGS SKAD ZER BA'I SROG CHAGS DU MA GSOD PAR RTZOM PA DE GANG DU GNOD SBYIN NO, ,YID LA 'BAB PA @211B ZHES BYA BA NI BSAM PA'O, ,NGO ZLOGS PHOD PA NYID TSIG RTZUB PA YIN PAS NGO ZLOGS PHOD PA'I TSIG RTZUB PO, ,YANG NA DO ZLOGS PHOD PA'AM TSIG RTZUB PO NI NGO ZLOGS PHOD PA'I TSIG RTZUB PA'O, ,SEL BAR BYED PA NI GCOD PAR BYED PA'O, ,CHOS KYI GTAM NYID NI CHOS KYI GTAM MO; ,CHOS KYI GTAM GYI SKABS NI CHOS KYI GTAM BYA BA'I SKABS TE, DE'I SKABS KYI GO SKABS RNYED PA GANG YIN PA DE NI CHOS KYI GTAM BYA BA'I SKABS RNYED PA'O, ,BSAM PA NI MNGON PAR SEMS PA'O, ,GANG DU DUS LAS MI 'DA' BA NI GANG GI TSE DMIGS PA YONGS SU SRUNG BAR BYED PA DE'I TSE SNYING RJE BAS SO, ,DE DAG SA GZHI LEGS PAR YONGS SU SKYONG BA'I BYA BA GANG YIN PA DE DAG NI BGYI BA STE, BGYI BA LAS MI 'DA' BA'O, ,RIM PA GANG GIS BYA BA DE NI DUS LAS MI 'DA' BA'O, ,CHOS DANG BDE BA BZHIN ZHES BYA BA NI DUS LAS KYANG MI 'DA' BA STE, DE DAG GI CHOS DANG BDE BA RNAMS LAS MI 'DA' BA DE BZHIN NO, ,'KHOR GSUM BSTAN LA MKHAS PAR GYUR PA DANG, ,ZHES BYA BA BSTAN MA THAG PA'I TSIGS BCAD DU JI SKAD BSHAD PA'O, ,DE BZHIN DU, ,'BANGS LA PHAN PHYIR GNAM RU BSNAMS PA DE, ,ZHES BYA BA NI, LTA BA NGAN PAS NYAMS PA'I SKYE DGU DAG ,CI'I PHYIR YAL BAR DOR ZHES BYA BA DANG SBYAR BAR BYA'O, ,MTHO RIS 'DOD PAS 'DI SKAD STON TE, MTHO RIS THEM SKAS ZHES BYA BA NI MTHO RIS KYI LAM MO, ,BAG MED PA NYID LAM YIN PAS BAG MED PA'I DBANG NGO, ,MTHO RIS KYI THEM SKAS DE LA BAG MED PA'I DBANG GIS YUN RING POR LHAN CIG TU BAG MED PA'I DBANG DU GYUR PA'O, ,BAG MED PA'I DBANG GIS NI MCHOD SBYIN BYA BA'I DUS LAS 'DAS PA NYID DU STON TO, ,KHYOD KYI BKA' NI ZHES BYA BA'I TSIGS BCAD 'DI BRTZAMS PA NI GAL TE 'DI LTAR YANG 'GYUR TE, MA THOB PA THOB PAR 'DOD PA DANG LHAG MA YOD DO ZHES PA MED PA DE MED PAR BSTAN PA'I PHYIR RO, ,YANG NA STOBS DANG LDAN PAS KUN NAS RNAM PAR 'GAL BA DE MED PA STE, MCHOD SBYIN DANG 'GAL BAR BRTZAMS PAR MI 'GYUR RO ZHES BSTAN TO, ,YANG NA @212A *, ,YONGS SU SRUNG BA RNAM PAR SPEL BA'I SKABS THOB PA'I NGO BO BSTAN TE, GANG GI PHYIR RGYAL PHRAN DAG BKA' BZHIN DU BYED PA DE DANG LAS GANG THOB PA LA SOGS RNYED PA'O, ,YONGS SU SRUNG BA LAS BYUNG BA YANG BSTAN TO, ,DA NI STEGS MANG PO LA SGRUB PA TZAM GYIS LHAG MA DE'I SKABS 'DI ZHES BSTAN TO, ,LEGS PA DAG CES BYA BA NI BSOD NAMS TE, MNGON PAR MTHO BA'I RGYUR GYUR PAS STEGS LA RAB TU SGRUB PA NI LEGS PA ZHES BRJOD DE, 'DIS NI 'JIG RTEN PHA ROL GYI 'BRAS BU CHEN PO NYID DO, ,GRAGS 'BAR ZHES BYA BA NI MTHONG BA'I CHOS KYI 'BRAS BU NYID DO, ,DUS LA BAB CES BYA BA NI GANG SNGAR BSTAN PA'I BAG MED DBANG GYUR ZHES BYA BA DE'I GNYEN POS DUS DE LAS MI 'DA' BAS LAS LA GZUNG BA YIN NO, ,SBYIN PA MDZAD CING ZHES BYA BA'I TSIGS BCAD 'DI NI 'DI LTAR 'GYUR TE, RTAG TU DBANG BSKUR ZHING RGYUN DU DBANG BSKUR BA NYID DE, SBYIN PA DANG TSUL KHRIMS DANG LDAN PA'I PHYIR RO, ,'ON KYANG ZHES BYA BA NI BYA BA GZHAN DAG BSTAN PA'I PHYIR RO, ,DBANG BSKUR KYANG ZHES BYA BA NI JI LTAR DBANG BSKUR BAR GYUR KYANG NGO, ,LHA YI BU LON BRAL BAR MDZAD PA'I RIGS,, ZHES BYA BA 'DIS NI RANG GI DON PHUN SUM TSOGS PA 'GRUB PA'I DBANG DU BYAS NAS BRTZAMS PA'I KHYAD PAR BSTAN TO, ,DA NI SKYE DGU RNAMS KYI PHUN SUM TSOGS PA 'GRUB PA'I DBANG DU BYAS NAS MCHOD SBYIN LEGS PAR BGYIS PAS ZHES BYA BA'I TSIGS BCAD DO, ,DE BAS 'BANGS LA PHAN PA'I PHYIR ZHES BYA BA NI MCHOD SBYIN LEGS PAR BYAS PAS LHA MNYES PAR GYUR TE CHAR GRUB PA'I PHYIR RO, ,BDAG LA PHAN PA'I PHYIR ZHES BYA BA NI DGRA LAS RNAM PAR GROL BA'O, ,GRAGS PAR 'GYUR BA'I ZHES BYA BA NI GNYIS KAR GRAGS PAR 'GYUR BA NYID KYI MCHOD SBYIN GYI CHO GA'O, ,GZHAN GYI DRING LA 'JOG PA NI GZHAN GYI DRING 'JOG PA'O, ,YANG NA GZHAN GYIS BKRIR RUNG BA NI GZHAN GYI DRING LA 'JOG PA STE, DAD PA SKYE BA LA RAG LUS PA'O, ,BLO CHUNG BA'I 'GRO BA GANG YIN PA DE NI GZHAN GYI DRING LA 'JOG CING BLO CHUNG BA'I 'GRO @212B BA'O; ,SPYOD MI NUS PA NI RIG PA LA NYE BAR GNAS PA'I SEMS MED PAS SO, ,CHOS TZAM LA DGA' BA ZHES BYA BA NI BSOD NAMS 'DOD PA'O, ,CHOS NI 'DIR CHOS KYI 'BRAS BU LA RIG PAR BYA'O, ,'JIG RTEN DAG NA ZHES BYA BA'I TSIGS BCAD 'DIS NI TSAD MAR BYAS NA SKYE BO MANG PO LA PHAN PA DANG MI MTHUN PA YIN TE, LONG BAS BSTAN PA'I LONG BA'I SKYE BO BZHIN NO, ,NGAN SONG MI BDE DOGS PA'I NANG NA 'KHOD, ,CES BYA BA NI BSOD PA NI CHOS SU SBYOR BA'I BYED PA PO DE NYID KYANG NGAN SONG MI BDE BA DOGS PA'I NANG NA 'KHOD PAR BSTAN TO, , DA NI DE NYID SGRUB PA'I PHYIR, PHYUGS RNAMS BSAD PAS ZHES BYA BA LA SOGS PA'I TSIGS SU BCAD PA LNGA SMOS TE, DE LAS PHYUGS RNAMS BSAD PAS ZHES BYA BA'I TSIGS BCAD 'DI NI DAM BCAS PA'I TSIGS BCAD DE SGRUB PA'I RJES SU BSTAN PAS SO, ,'DI'I BSDUS PA'I RGYU DANG 'BRAS BU'I MTSAN MA'I RTAGS KYI DBANG DU BYAS PA STE, CHOS KYI RGYU NI PHYUGS RNAMS GSOD PA'O, ,DE NI MI RIGS PA KHAS LEN PA STE 'DIS NI LHA'I 'JIG RTEN DU SKYE BA ZHES BYA BA NI SKYE BA'I 'BRAS BU DE YANG MI RIGS PA NYID DU DAM BCAS PA YIN NO, ,LHA MNYES PA'I CHED DU ZHES BYA BA DE YANG MI RIGS PA NYID DU DAM BCA' BA YIN TE, PHYUGS RNAMS BSAD PA ZHES BYA BA'I TSIGS BCAD 'DI NI JI LTAR MCHOD SBYIN PA DE DAG PHYUGS RNAMS BSAD PA CHOS NYID DU RIGS PAR STON PAR BYED DE, DE MI RIGS PA'I DBANG DU BYAS NAS PHYUGS RNAMS BSAD PAS ZHES BYA BA'I TSIGS BCAD SMRAS SO, ,SNGAGS KYI MTHUS ZHES BYA BA NI GANG GI PHYIR MCHOD SBYIN PA DE DAG PHYUGS BSAD PA NYI TSES NI CHOS NYID DU MI STON TE 'ON KYANG SNGAGS KYI MTHU DANG LDAN PAS BSAD NA NI MTHO RIS SU 'GRO BA YIN TE, CI'I PHYIR ZHEN, SNGAGS KYI MTHUS BSAD NA DE YANG RGYU SBYOR BA DANG MNGON PAR MTHO BA LA SBYOR BA'I BYED PA PO DANG, GSAD PAR BYA BA NYID KYIS MTHO RIS KYI RGYU YIN PAS GZHAN GYI KHA NA MA THO BA MED CING BDE BA DANG PHAN PA LA 'JUG PA'I CHOS TE, CHOS DE NI LHA'I 'JIG RTEN DU SKYE BA'I RGYU'O, ,SNGAGS KYI MTHUS @213A *, ,BSAD PA'I PHYUGS MTHO RIS SU 'GRO BAG LAS SHE NA, GZHAN GYIS BYAS PA'I LAS KYIS GZHAN GYI 'BRAS BUR SMIN CING STER BA MI RIGS PA YIN TE, GZHAN GYI RGYUD KYI SEMS KYIS BYAS PA NI BYED PA PO DE NYID LA DGE BA DANG MI DGE BAR 'GYUR BA YIN GYI, GZHAN LA NI MA YIN TE; CI'I PHYIR ZHEN, BSAD PA DANG DE NYID DU 'BREL PA MED PA'I PHYIR RO, ,BSAD PA DANG DE CHOS DANG MTHUN PA YIN PA LA, BSAD PA 'BRAS BU DANG LDAN PAR GYUR NA YANG BDAG NYID KYI LHA'I 'JIG RTEN DU SKYE BA DE MED PAS DE YANG MED DO, ,DON 'DI NYID SGRUB PA'I PHYIR LOG PAR SPYOD PAS ZHES BYA BA'I TSIGS BCAD SMOS SO, ,GZHAN GYIS BSAD PA'I PHYUGS MTHO RIS SU MI 'GRO STE, BSAM PA DANG SBYOR BA GNYIS KYIS DGE BA DANG MI DGE BA'I RTAGS MED PA'I PHYIR RO, ,LOG PAR SPYOD PAS YID NI MA BZLOG CING, ,ZHES BYA BA 'DIS NI SDIG PA LAS LDOG PA MED PA BSTAN PA STE BSAM PAS SO, ,DGE BA'I LAS LA NGES PAR MA BYAS PA, ,ZHES BYA BA 'DIS NI BSAM PA DANG SBYOR BA GNYIS KYIS DGE BA LA 'JUG PA MED PAR BSTAN TO, ,SEMS PA NI RNAM PA GSUM STE, KUN TU SBYOR BA DANG, NGES PAR SEMS PA DANG TSOL BA'O; ,KUN TU SBYOR BA DANG, NGES PAR SEMS PAS BSKYOD PA'I SEMS KYIS LAS NGES PAR BYED PA NYID NA, 'DIS NI DE DAG MED PAS SBYOR BA MED PAR BSTAN TE, DGE BA'I MTSAMS SBYOR BA MED PAR BSTAN PA'I TSUL LO, ,YANG NA PHYUGS NI MTHO RIS SU MI 'GRO STE; RANG GIS BYAS PA'I DGE BA MED PA'I PHYIR RO, ,DGE BA LA YANG RNAM PA GNYIS TE, LDOG PA DANG, 'JUG PA'I MTSAN NYID DO, ,MI DGE BA DAG LAS LDOG PA NI BSAM PA DANG SBYOR BA GNYIS KYIS SO, ,DGE BA DAG LA 'JUG PA LA YANG BSAM PA DANG SBYOR BA GNYIS KYIS SO, ,YID NGES PA ZHES BYA BAS NI MI DGE BA LAS BSAM PAS LOG PA MED PA DANG, DGE BA LA 'JUG PA'I BSAM PA MED PAR BSTAN TO, ,DE MED BA LAS DGE BA LAS LDOG PA'I SBYOR BA MED PA DANG, DGE BA LA 'JUG PA'I SBYOR BA MED PAR BSTAN TO, ,BSAM PA SDON @213B DU 'GRO BAS DGE BA DANG MI DGE BA LA 'JUG PA DANG LDOG PA YIN NO, ,PHYUGS MTHO RIS SU 'GRO BA DE MI RIGS PA NYID DU SGRUB PA'I PHYIR, MCHOD SBYIN LA BSAD CES BYA BA'I TSIGS BCAD SMOS SO, ,PHYUGS SU ZHES BYA BA NI JI LTAR PHYUGS DAG MCHOD SBYIN DU BSAD PA DE BZHIN DU KHYED BDAG NYID GSOD PAR BYED PA'O, ,MCHOD SBYIN LA NI TSUL 'DI YIN TE, BDAG NYID GSOD PA'I TSUL LO, ,DE PHYIR DE DAG TSIG NI SU ZHIG NYAN, ,ZHES BYA BA NI JI SKAD SMRAS PA DE BZHIN DU NI MI BYED NA NI TSIG BTZUN PAR MI 'GYUR RO ZHES BYA BA'I DON TO, ,DE LTAR LHA'I 'JIG RTEN DU SKYE BA MI RIGS PAR BSTAN NAS, BSTAN MA THAG PA'I TSIGS BCAD GNYIS KYIS LHA MNYES PAR 'GYUR BA NYID DU MI RIGS PAR BSTAN PA'I PHYIR, MTSUNGS MED MTHU BSUNG ZHES BYA BA'I TSIGS BCAD SMOS SO, ,BSUNG NYID MTHU YIN PAS MTHU BSUNG NGO, ,MTHU BSUNG DANG, RO DANG, GZI NI MTSUNGS MED MTHU BSUNG LDAN PA'O, ,MTSUNGS PA MED PA'I MTHU BSUNG DANG, RO DANG, GZI LDAN PA'I BDUD RTZI GANG YIN PA DE NI MTSUNGS PA MED PA'I MTHU BSUNG DANG, RO DANG, GZI LDAN PA'I BDUD RTZI'O, ,ZAS MCHOG NI GTZANG BA'O, ,LHA MOS PHUL BA ZHES BYA BA NI LHA MO MCHOG GIS PHUL BA'I YID DU 'ONG BA NYID DU BSTAN TO, ,DE LTAR GSUM GYI MI MTHUN PA'I PHYOGS GSUM GYIS BSTAN TO, ,MTSUNGS MED MTHU BSUNG RO DANG GZI LDAN PA, ,ZHES BYA BA NI KHYAD PAR MED PA'O, ,PHYUGS BSAD SHA KHRAG CES BYA BA BSTAN PA LA MCHOD SBYIN LA PHYUGS KYI SHAS RUNG BA MA YIN NO, ,STZOGS PA SMOS PA NI GANG DER SBYIN PA GZHAN DAG KYANG GZUNG NGO, ,DE LTA BU'I RNAM PA'I ZAS 'DI'I GNYEN POS PHYUGS BSAD SHA KHRAG CES BYA BA BSTAN PA DANG, LHA RNAMS MGU BAR 'GYUR BA ZHES BYA BAS NI GANG SNGAR BSTAN PA'I MCHOD SBYIN LEGS PAR BGYIS PAS LHA MNYES NA ZHES BYA BA DE MI RIGS PAR BSTAN TO, ,PHAN 'DOGS PA DANG LDAN PAR 'GYUR RO ZHES BYA BA GANG GI PHYIR, KHYED CAG GIS NGA LA RJES SU BZUNG BA DANG LDAN PA STE, DES NA RJES SU BZUNG BA YIN PAS PHAN 'DOGS PA DANG LDAN PAR 'GYUR BA'O, , @214A *, ,BAG MED PA'I GNYID KYIS LOG PA GANG YIN PA DE NI BAG MED PA'I GNYID KYIS MA LOG PA STE, BAG MED PA'I GNYID KYIS MA LOG CING DRI MA MED PA DES SO, ,RTOG CHEN NYID MIG YIN PAS RTOG CHEN MIG GO, ,RANG GI YUL KHO NA LA MTHUN PA'I CHOS KYIS THOB PA'I RJES SU DPAG PA'I TSUL LO, ,GA LA BGYID CES BYA BA NI RJES SU DPAG PA'I TSUL 'DI'I DON NI BDAG GIS MI SHES SO ZHES BYA BA'I DON TO, ,DAM PA RNAMS KYI TSAD MA'I MCHOG NI LEGS PA'I TSAD MA'I NANG NA TSAD MA'I MCHOG GO, ,SKYE BO MANG POS MTHONG BAR GYUR PA ZHES BYA BA NI SKYE BO LA BSTAN PAR GYUR PA'O, ,SDIG PA BYED PA'I MI RNAMS 'DZIN PA'I PHYIR ZHES BYA BA NI SDIG PA BYED PA'I SKYE PO GZUNG BA'I PHYIR RO, ,BRTAN ZHING GTZANG MA TSUL KHRIMS NOR LDAN ZHES BYA BA LA, BRTAN PA'I TSUL KHRIMS NI RGYUN DU BSRUNG BA'I PHYIR RO; ,GTZANG MA NI GUS PAR BYED PA'I PHYIR RO, ,DE NYID NOR YIN TE, 'DOD PA'I DON SGRUB PA'I PHYIR RO, ,GANG DE LTA BU DE NYID NI MI MCHOG CES BRJOD DO, ,STONG GIS ZHES BYA BA NI STONG PHRAG DU MA'O, ,TSUL MA YIN PA'I RJES SU SPYOD PA DE BRNYES PA NI TSUL MIN RJES SPYOD BRNYES PA'O, ,DE BAS NA SDIG PA BYED PA'I MI BZUNG BA'I PHYIR RO ZHES BYA BA NI BZUNG BA MCHOG TU BYED PA'O, ,TSUL KHRIMS DANG SDOM PA YANG DAG PAR BLANG BA LA NI 'BAD CES BYA BA NI TSUL KHRIMS NYID SDOM PA YIN PAS TSUL KHRIMS KYI SDOM PA'O, ,TSUL KHRIMS YOD PA'I PHYIR TSUL KHRIMS LDAN PA STE, 'GYOD PA LA SOGS PA SEMS KYI GDUNG BA MED PA'I PHYIR RO, ,TSUL KHRIMS KHO NA SDOM PA STE, MI DGE BA'I LAS SPANGS PA'I MTSAN NYID YIN PAS SO, ,TSUL KHRIMS KYI SDOM PA YANG DAG PAR BLANG BA NI TSUL KHRIMS DANG SDOM PA YANG DAG PAR BLANG BA'O, ,DE LA 'BAD CING MCHOG TU BYED PA DE DAG NI TSUL KHRIMS KYI SDOM PA YANG DAG PAR BLANG BA LA 'BAD PA STE, DE LTAR TSUL KHRIMS KYI SDOM PA LA YANG DAG PAR 'BAD PA'I PHYIR RO, ,TSUL MA YIN PA LA BYED PAR DGA' BA NI BTANG ZHES @214B BSTAN PA YIN TE, 'DIS NI DGE BA'I LAS KYI LAM BDUN PO LUS DANG NGAG GI MTSAN NYID KYI LDOG PA BSTAN TO, ,DGRAR 'DZIN PA LAS NI PHYIR PHYOGS ZHES BYA BA NI YID KYIS ZHE 'GRAS PA LAS LDOG PA BSTAN TO, ,GCIG LA GCIG DGA' BA DANG GUS PAR NI BYED CES BYA BA 'DIS NI ZHE SDANG GI MI MTHUN PA'I PHYOGS YON TAN YANG DAG PAR BSTEN PA BSTAN TO, ,'THAB PA DANG RTZOD PA ZHES BYA BA 'DIS NI MI DGE BA'I LAM DAG GIS BSDUS PA LAS LDOG PA BSTAN TO, ,BLA MA'I NGAG NYAN ZHING RJES SU MTHUN PAR NI BYED CES BYA BA 'DIS NI GANG TSUL KHRIMS KYI SDOM PA BLANGS SHING SPONG BA LAS SKYES PA'I DBANG DU BYAS PA STE, BLA MAS NI MI DGE BA LAS LDOG PA DANG, DGE BA LA 'JUG PA BSTAN TO, ,BGO BSHA' BYED PA LA NI, BAG TSA BA MED CES BYA BA NI NANG GI PHA MA LA SOGS BA'O; ,GLO BUR DU 'ONGS PA LA NI DGA' ZHES BYA BA NI MGRON LA MNYES GSHIN PA'O, ,DUL BA DANG GUS PAR BYA BA LA NI 'BAD PAR GYUR ZHES BYA BA LA, DUL BA NI NYON MONGS PA NYE BAR ZHI BA'O, ,GUS PAR BYA BA NI LUS NGAG GI YANG DAG PAR 'JUG PA'O, ,TSUL ZHES BYA BA'I TSIGS BCAD 'DI'I BSDUS PA'I DON NI THA MA DANG, BAR MA DANG, DAM PA'I TSUL KHRIMS LA 'JUG PA'I RGYU BSTAN TE, SHI BAS 'JIGS SHING ZHES BYA BA LA, GANG THA MA NI PHYUGS LTAR BSAD PAS 'JIGS PA STE, GANG THA MA NI DES TSUL KHRIMS SRUNG BAR BYED DO, ,'JIG RTEN PHA ROL SEMS ZHES BYA BA NI NGAN 'GROS 'JIGS PA DANG, BDE 'GROR 'GRO BA LA SRED PAS SO, ,RIGS KYIS NGA RGYAL ZHES BYA BA NI BDAG GI RIGS MTHO BAS BSNYEMS PA'I TSUL LO, ,GRAGS PA BSRUNG BA DANG ZHES BYA BA NI KHREL YOD PAS SKYOD PA STE; GSUM LAS BAR MA'I TSUL KHRIMS LA 'JUG PA'I RGYU BSTAN PA'O, ,BSAM PA DAG CING ZHES BYA BA NI SNGON DGE BA RGYUD LA BSTAN PA DES SO, ,NGO MTSAR SHES PA YIS ZHES BYA BA NI BDAG GI DBANG DU BYAS NAS KHA NA MA THO BA LA 'JIGS PAR LTA BA'O, ,DE GNYIS KYIS @215A *, ,NI DAM PA DAG TSUL KHRIMS KYI RJES SU 'JUG PA BSTAN TO, ,TSUL KHRIMS DE'I SEMS KYI RJES SU 'JUG PA'I RGYU BSTAN PA'I PHYIR, JI LTA JI LTAR SKYE BO CHOS 'BAD PA ZHES BYA BA'I TSIGS BCAD YIN NO, ,JI LTAR CHOS LA 'BAD PA NI BSTAN MA THAG PA NYID KYI RGYUS SO, ,G-YOS PAR MA GYUR ZHES BYA BA NI TSUL KHRIMS LA BRTAN PAR GYUR PA BSTAN TO, ,GROGS DANG LDAN ZHING PHUN SUM TSOGS PA'I YO BYAD GANG LA YOD PA DE NI GROGS LDAN YO BYAD PHUN SUM TSOGS PA STE DE LA'O, ,PHONGS PA YANG YIN LA RAB TU MGU BA YANG YIN PAS PHONGS PA RAB TU MGU BA'O, ,DE'I BSTOD PA DES RAB TU 'PHEL BA'I TSIG NI PHONGS PAS RAB TU DGA' BAS BSTOD PA'I TSIG GO, ,SNA TSOGS PA NI RNAM PA DU MA'O, ,GOS DANG RGYAN RNAMS NI GOS DANG RGYAN NO, ,GOS RNAM PA SNA TSOGS PA MANG PO DANG, RGYAN RNAM PA SNA TSOGS BA STE, GOS DANG RGYAN RNAM PA SNA TSOGS PAS BRGYAN PA GANG YIN PA DE NI RNAM MANG GOS DANG SNA TSOGS RGYAN GYIS BRGYAN PA'O, ,SKYE BO NGES PAR CHOS SPYOD CES BYA BA NI LDOG PA'I TSUL DANG 'JUG PA'I TSUL GYIS TSUL KHRIMS LA 'BAD PA'O, ,SKYE BO RAB TU DGA' BA MANG POS GANG ZHING ZHES BYA BA 'DIS NI SEMS CAN GYI GRANGS PHUN SUM TSOGS PA BSTAN TO, ,MNGON PAR MTHO BA NYAMS DGA' BAR SNANG BA ZHES BYA BA 'DIS NI SKYE BO MANG PO'I 'BYOR PA PHUN SUM TSOGS PA BSTAN TO, ,BRGYA BYIN NI MCHOD SBYIN BRGYA BA'O, ,GSOD CING CES BYA BA NI DE LA PHYUGS DU MA GSOD PA'I PHYIR TE, DMAN PA 'BRAS BU 'DOD PA DES 'TSE BA LA ZHEN PA'O, ,DMAN PA DE'I MI MTHUN PA'I PHYOGS TSUL KHRIMS YIN TE, DMAN PA'I MI MTHUN PA'I PHYOGS GRAGS PA'I RGYAN GYIS BRGYAN PA NI 'BRAS BU LA 'DOD PA MED PAS GRAGS PA MNGON PAR 'PHEL BA'O, ,SKYE DGU BU BZHIN DU SKYOB PA NI SRUNG BA'O, ,DE'I DBANG DU GYUR PA ZHES BYA BA NI 'JIG RTEN 'DIR DBANG DU GYUR PA DANG, 'JIG RTEN PHA ROL GYI LONGS SPYOD KYI DBANG DU GYUR PA'O, ,'JIG RTEN BDE LA PHYOGS SHING ZHES BYA BA NI @215B 'JIG RTEN GYI BDE BA LA MNGON DU PHYOGS PA NI JI LTAR YANG BDAG LA DAD PA'I 'JIG RTEN TSUL KHRIMS DANG LDAN PAR BYAS PA'O, ,DE GNYIS ZHES BYA BA NI SBYIN PA DANG TSUL KHRIMS TE, MKHAS PA MA LAGS PA NI SBYIN PA DANG TSUL KHRIMS LA 'JUG PA YONGS MA MCHIS PA'O, ,GZHAN LA PHAN ZHING BDE BA LA 'JUG PA YON TAN YONGS SU SHES PAS NI GZHAN GYI DON DU DE GNYIS LA 'JUG PA YIN TE, MKHAS SHING YONGS SU SHES PAS SNYING STOBS DANG LDAN NA NI BDAG LA CHAGS PA MED PAR SBYIN PA DANG TSUL KHRIMS DE GNYIS LA 'JUG STE, SNYING STOBS MA TSANG BA MED PA'I PHYIR RO, ,LEGS PAR THOB PA NI TSE 'DIR YANG 'PHOL BAR 'GYUR LA, 'JIG RTEN PHA ROL DU YANG BDE 'GRO THOB PA'O, ,GRAGS PA DANG BDE BA THOB BA NI TSE 'DIR YANG BDE BA THOB CING 'JIG RTEN PHA ROL DU YANG BDE BA 'THOB PA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS MCHOD SBYIN GYI SKYES PA'I RABS TE BCU PA'O,, ,,BDAG GIS NI 'DI TZAM ZHIG GO BAR ZAD DE, LHAG MA NI GZHAN DAG TU BLTA BAR BYA'O, ,SDOM LA, STAG MO SHI PI KO SAL BDAG ,TSONG DPON GNYIS DANG RI BONG DANG, ,AA GASTA DANG SHA BYIN DANG, ,THAMS CAD SGROL DANG MCHOD SBYIN BYED, ,SKYES PA'I RABS KYI RGYUD KYI GO RIMS RNAM PAR GZHAG PA'I RGYU NI RIM PA GANG GIS BKOD PA'I SKYES PA'I RABS BCU PO 'DI DAG GI GO RIMS LTAR NI BDAG GIS MA MTHONG GI, ,'DI NI SLOB DPON DPA' BOS BKOD PA'I RIM PA YIN TE, CI'I PHYIR ZHE NA, DE'I GO RIMS KYI BYED PA'I SBYOR BAS SO, ,BDAG GIS NI GO RIMS KYI TSUL 'DI LTAR RIGS PAR MTHONG STE, STAG MO RI BONG SHI PI DANG, ,SHA SBYIN TSONG DPON KO SA LA BDAG ,THAMS CAD SGROL DANG ZIL MI NON, ,AA GASTA DANG MCHOD SBYIN BYED, ,SBYIN PA'I PHA ROL TU PHYIN PA'I DBANG DU BYAS NAS BCU TSAN DANG PO 'DI YIN TE, SBYIN PA RNAM PA GSUM LA, BYANG CHUB SEMS DPA' RNAMS KYI SBYIN PA'I PHA ROL TU @216A *, ,PHYIN PAS BRJOD DE, ZANG ZING GI SBYIN PA DANG, CHOS KYI SBYIN PA DANG, MI 'JIGS PA'I SBYIN PA'O, ,DE LA ZANG ZING GI SBYIN PA'I DBANG DU BYAS NAS SKYES PA'I RABS BRGYAD YIN NO, ,GZHAN GNYIS KYIS NI CHOS KYI SBYIN PA DANG, MI 'JIGS PA'I SBYIN PA BSTAN TO, ,ZANG ZING GI SBYIN PA LA YANG RNAM PA GNYIS TE, NANG GI SBYIN PA DANG PHYI'I SBYIN PA'O, ,NANG GI SBYIN PA LAS BRTZAMS NAS DANG PO BZHI'O, ,PHYI ROL GYI SBYIN PA LAS BRTZAMS NAS 'OG MA BZHI'O, ,DE LA NANG GI SBYIN PA'I DNGOS PO YANG GNYIS TE, LUS DANG SROG GO, ,SBYIN PA DE YANG GNYIS KYI DON DU YIN TE, YONGS SU LONGS SPYOD PA DANG YONGS SU BSKYAB PA'I PHYIR RO, ,DANG PO STAG MO'I SKYES PA'I RABS LA NI BZHI PO 'DI DAG DANG LDAN PA YIN TE, DE BAS NA SKYES PA'I RABS DE THOG MAR BSTAN TO, ,SROG SBYIN PA YANG BDAG NYID 'CHI BA MA GTOGS PAR DE'I LONGS SPYOD PA DANG LUS KYI SBYIN PA MI NUS PA'I PHYIR RO, ,LUS KYI SBYIN PA YOD PA NYID KYIS RANG GI LUS SBYIN PA DES STAG MO LONGS SPYOD PA YOD PAR RAB TU RIG PAS SO, ,YONGS SU SKYOB PA YANG YOD DE DE BAS NA SKYES PA'I RABS DE NYID DU BSHAD PA STE, DE BAS LUS KYIS BSRUNG BAR BYA BA NI, G-YANG SAR LTUNG LA THUG PA'I SROG YOD PAS, ,PHRU GU GSAD LAS GCAN MO BSRUNG BA DANG, ,GCAN MO LAS KYANG DE YI PHRU GU BSRUNG, ,ZHES PA YIN TE, DE BAS LUS KYIS BSRUNG BAR BYA BA NI ZHES BYA BA 'DIS NI LUS KYI SBYIN PA YIN NO, ,G-YANG SAR LHUNG LA THUG PA'I SROG YOD PAS, ,ZHES BYA BA 'DIS NI SROG GI SBYIN PA YIN NO, ,PHRU GU GSAD LAS GCAN MO BSRUNG BA DANG, ,ZHES BYA BA 'DIS NI YONGS SU LONGS SPYOD PA'I SBYIN PA YIN NO, ,GCAN MO LAS KYANG DE YI PHRU GU BSRUNG, ,ZHES BYA BA 'DIS NI YONGS SU BSKYAB PA'I SBYIN PA YIN TE, NANG GI RNAM PA 'DI BZHI YOD PAS SKYES PA'I RABS 'DI DANG POR SMOS PA YIN NO, ,GNYIS PA RI BONG GI SKYES PA'I RABS KYIS NI NANG GI LUS DANG SROG GNYIS KYI SBYIN PAS YONGS SU LONGS SPYOD @216B PA YIN TE YONGS SU SKYOB PA NI MA YIN NO, ,GANG, BDAG GI LUS NI ME LA BSREGS PA 'DI, ,SNOM LA DE RING DKA' THUB NAGS NA BZHUGS, ,ZHES BYA BA'I TSIG GIS NANG GI LUS KYI SBYIN PA'O, ,BDAG LA LUS LAS LHAG PA'I NOR YANG MED, ,CES BYA BA'I TSIG GIS NI SROG GI SBYIN PA'O, ,BDAG CAG LTA BUS GZHAN DAG GI ,SROG KYANG GCOD PAR MI BYED NA, ,DE LTAR RAB TU BYAMS BRTAN PA, ,KHYOD LTA BU LA SMOS CI DGOS, ,ZHES BYA BA'I TSIG DE THOS NAS ME'I NANG DU BDAG NYID ZHUGS SO, ,DES NA SROG GI SBYIN PA DES YONGS SU LONGS SPYOD PA'I SBYIN PA DE NYID DU BSHAD PA YIN NO, ,BDAG GI LUS NI ME LA BSREGS PA 'DI, ,SNOMS LA DE RING DKA' THUB NAGS SU BZHUGS, ,ZHES BYA BA'I TSIG GIS NI DER YONGS SU BSKYAB PA NI MED DE, BDAG NYID 'CHI BA DE LAS GZHAN MA RNYED PAS SO, , SRAM DANG CE SPYANG DANG, SPRE'U RNAMS KYIS NI ZAS RNYED PA YIN TE, DE BAS NA DE DAG GIS DANG POR ZAS BYIN PA YIN NO, ,DA NI SHI PI PA DANG, BYAMS PA'I STOBS BSKYED PA'I SKYES PA'I RABS GNYIS KYIS NI LUS KYI SBYIN PA NYID BSTAN PA YIN TE SROG NI MA YIN NO,, YONGS SU LONGS SPYOD PA'I SBYIN PA NYID DE, YONGS SU BSKYAB PA'I SBYIN PA NI MA YIN NO, ,LUS KYI SBYIN PA LA YANG RNAM PA GNYIS TE, DBANG PO'I DBYE BAS SBYIN PA DANG, DBANG PO'I DBYE BA MED PAS SBYIN PA'O, ,DE LA DBANG PO'I DBYE BAS SBYIN PA'I DBANG DU BYAS NAS SHI BI PA'I SKYES PA'I RABS LAS MIG GI SBYIN PA YIN NO, ,JI LTAR DE YONGS SU LONGS SPYOD PAR 'GYUR ZHE NA, DE'I MIG YONGS SU LONGS SPYOD PA NI YUL LA DMIGS PA DES YUL LA DMIGS SHING YONGS SU LONGS SPYOD PA YIN TE, DE DE NYID DU BSTAN PA, PADMA'I SPYAN MNGA' SPYAN NI GCIG PUS KYANG, ,'JIG RTEN BDAG PO 'JIG RTEN BGYI BA 'GRUB, ,CES BYA BA DANG, CI NAS KYANG MIG DE DE'I MIG TU GNAS PAR GYUR PA DANG, DE NAS MIG YA GCIG PHYE STE ZHES BYA BA'I TSIG GIS SO, ,DBANG POS NI LONGS SPYOD CING ZA BAR BYED @217A *, ,PA MA YIN GYI, DBANG PO DE LA BRTEN NAS YONGS SU LONGS SPYOD PA YIN TE, GZHAN DU NA LONGS SPYOD PAR MI NUS TE DES NA YUL DMIGS PA DE NYID KYIS LONGS SPYOD PA'O, ,BYAMS PA'I STOBS BSKYED PA LA YANG NANG GI SBYIN PA DBANG PO'I DBYE BA SHA DANG KHRAG GI SBYIN PA YIN TE, SROG GI SBYIN PA NI MA YIN PAR DE NYID LAS BSTAN PA STE, LHA DANG MI'I SMAN GYI KHYAD PAR RMA SAR PA SOS PAR BYED NUS PA RNAMS KYIS DE'I LUS SNGON BZHIN DU SDUG BSNGAL MED PAR BYAS ZHES PA'I TSIG GIS SO, ,YONGS SU LONGS SPYOD PA NYID DU BSHAD PA'I PHYIR, LHA NYID KYI SKU 'O BRGYAL BAR MDZAD PA BTANG DU GSOL, BDAG CAG KYANG TSIM PAR BGYIS LAGS KYIS ZHES BYA BAS SO, ,SKYOB PA MA YIN TE, GANG DE LAS GZHAN YONGS SU BSKYAB PAR BYA BA MED PA'I PHYIR RO, ,DE LTAR RE ZHIG NANG GI SBYIN PA RNAM PA BZHI'I DBYE BA YIN TE, DE BAS NA DE LTAR SKYES PA'I RABS RGYU RNAM PA BZHI BKOD PA YIN NO, ,BZHI PO DE'I NANG DU DE'I RANG BZHIN GZHAN YANG CHUD PA YIN TE, DE'I RIGS DES SKYES PA'I RABS GZHAN YANG RAB TU 'GRUB BO, ,DE GO BAR 'DOD PA RNAMS LA MTHA' DAG GI THABS BSTAN PA YIN NO, ,DA NI PHYI ROL GYI DNGOS PO'I SBYIN PA'I DBANG DU BYAS NAS SKYES PA'I RABS CIG SHOS BZHI BSTAN PA YIN TE, JI LTAR PHYI ROL GYI SBYIN PA YIN ZHE NA, RNAM PA GSUM DU BRTZAMS PA YIN TE, SBYIN PA PO PHUN SUM TSOGS PA DANG, LEN PA PO PHUN SUM TSOGS PA DANG, SBYIN PA'I DNGOS PO PHUN SUM TSOGS PA'O, ,PHUN SUM TSOGS PA 'DI GSUM GYI DBANG DU BYAS NA TSONG DPON GYI SKYES PA'I RABS SU LEN PA PO PHUN SUM TSOGS PA NI DE NYID DU RANG SANGS RGYAS NYON MONGS PA'I BUD SHING THAMS CAD BSREGS PA DE'I BSOD NAMS KYI TSOGS RNAM PAR 'PHEL BAR 'DOD PA ZHIG DE'I KHYIM DU BSOD SNYOMS KYI PHYIR 'ONGS SO ZHES PAS SO, ,SBYIN PA'I DNGOS PO PHUN SUM TSOGS PA YANG DE NYID DU BSTAN TE, DES DE'I LTAR MNYAN TE DE BZHIN DU BGYI'O ZHES SMRAS NAS BZA' BA DANG BCA' BA BZANG PO KHYER TE @217B ZHES BYA BA'I TSIG GIS SO, ,SBYIN PA PO PHUN SUM TSOGS PA YANG DE NYID DU BSTAN TE, BYANG CHUB SEMS DPA' DAG GI SKAL PA DANG BSOD NAMS KYI MTHU LA BRTEN NAS SBYIN PA LA NYES DMIGS MED PAR YANG SHES TE, BU SMAD DANG G-YOG 'KHOR 'GROR MI STER BAR 'THEN PA RNAMS BOR NAS BLO LA TSAM TSOM MED CING SBYIN PA BYED PAR 'DOD PA SKYES TE DMYAL BA'I NANG NAS SONG NGO ZHES BYA BA'I TSIG GIS SO, ,DA NI KO SA LA'I BDAG PO'I SKYES PA'I RABS LA NI PHUN SUM TSOGS PA GNYIS YOD DE SBYIN PA PO PHUN SUM TSOGS PA DANG, LEN PA PO PHUN SUM TSOGS PA DANG KO SA LA'I BDAG PO LA NI SBYIN PA'I DNGOS PO PHUN SUM TSOGS PA MED DO, ,DE LA SBYIN PA PO'I PHUN SUM TSOGS PA YANG DE NYID DU BSTAN TE, TSUL DANG LDAN YANG NOR TZAM GYIS NI MTHO BA LA, ,LAS KYIS MGU BAR BYAS NAS SMAN TSIS 'TSO BA'I ZHES BYA BA DANG, GZHAN YANG DANG ZHING 'JAM PA'I YID KYIS DE LA PHYAG 'TSAL NAS, ,ZHES PA'I TSIG GIS SO, ,LEN PA PO PHUN SUM TSOGS PA YANG DE NYID DU BSHAD DE, DGE SBYONG BZHI ZHIG BSOD SNYOMS PHYIR NI LHAGS PA MTHONG, ,DBANG PO DUL ZHING DGE SBYONG DPAL GYI RJES 'BRANG BA, ,ZHES BYA BA YIN TE, BZHI SMROS PA NI SBYIN PA'I GNAS DGE 'DUN DU BSTAN PA'I PHYIR TE, DE BAS NA LEN PA PO PHUN SUM TSOGS PAR BSTAN TO, ,SBYIN PA'I DNGOS PO PHUN SUM TSOGS PA NI MED DE, DE YANG DE NYID DU BSTAN PA, ZAN DON KHENGS PA RTZUB PO LEN CHA MED PA'I 'BRAS BU 'BYOR PA CHEN PO 'DI LTAR 'GYUR LA LTOS, ,ZHES BYA BA DANG, SKYES PA'I RABS DE NYID DU GCIG GI BAR DU BYAS PA STE, GANG GI TSE LEN PA PO PHUN SUM TSOGS PA NYI TSE BSTAN PA YIN TE, THUB PA ZAG PA ZAD LA GUS PAR PHUL BA YIS, ,ZHES BYA BA'I TSIG GIS SO, ,SBYIN PAR BYA BA'I DNGOS PO PHUN SUM TSOGS PA NI MED DE, ZAS LAS BGO SKAL BGOS PA'O, ,SBYIN PA PO PHUN SUM TSOGS PA YANG MED DE, BRAN MO BGYID PA'I TSE NA ZHES PA'I TSIG GIS SO, ,GUS PAR PHUL BA NI DUS TSOD DE TZAM NA GUS PA YOD PA'O, ,DE'I PHYIR 'BRAS BU @218A *, ,CHUNG BA STE BUD MED DU GYUR PA'O, ,DA NI SBYIN PA'I DNGOS PO PHUN SUM TSOGS PA DANG, SBYIN PA PO PHUN SUM TSOGS PA NI THAMS CAD SGROL GYI SKYES PA'I RABS YIN TE, SBYIN PA'I DNGOS PO PHUN SUM TSOGS PA NI PHYI ROL GYI DNGOS PO SEMS CAN DANG SEMS CAN MA YIN PA'I GRANGS SU 'GRO BA'I RNAM PA THAMS CAD DE, PHYI ROL GYI SBYIN PA'I DNGOS PO'O, ,SEMS CAN GYI GRANGS SU 'GRO BA'I PHYI ROL GYI SBYIN PA NI GLANG PO RIN PO CHE DANG, RTA CHAS DANG BCAS PA LA SOGS PA MTHA' DAG SBYIN PA'O, ,SEMS CAN MA YIN PA NI BU SMAD DANG BCAS PA YIN YANG DE LA MA LTOS PAR SHING RTA SBYIN PA'O, ,BU SBYIN PA DANG, CHUNG MA SBYIN PA NI BDAG NYID GYI PHYI ROL GYI SBYIN PA'I DNGOS PO KHYAD PAR DU GYUR PA'O, ,SBYIN PA PO PHUN SUM TSOGS PA'I KHYAD PAR DU GYUR PA DE NYID DU BSTAN TE, 'JIG RTEN DON DU NGA YI LUS 'DZIN NA, ,PHYI ROL NOR LTA SMOS KYANG CI ZHIG DGOS, ,SHI BI PA RNAMS THAMS CAD KYIS, ,NGA NI BSAD DAM SBYUGS KYANG RUNG, ,MI SBYIN PAR NI NGA MI BYED, ,DKA' THUB TSAL DU 'GROR ZAD MOD, ,CES BYA BA'I TSIG GIS SO, ,GZHAN YANG, SBYIN LA DGA' BA GOMS BYAS SHING, ,SLAR BZLOG PA NI MA BSLABS PAS, ,RAB TU SDUG PA'I BU GNYIS KYANG, ,TSAM TSOM MED PAR SBYIN ZHES SMRAS, ,ZHES BYA BA DANG, GZHAN YANG PHYI ROL GYI DNGOS PO SBYIN PA PO PHUN SUM TSOGS PA'I DBANG DU BYAS NAS BSHAD PA DE THAMS CAD KYANG SBYAR BAR BYA'O, ,DA NI TSONG DPON ZIL GYIS MNON PA'I SKYES PA'I RABS KYIS SBYIN PA PO PHUN SUM TSOGS PA DE'I DBANG DU BYAS NAS BSTAN PA YIN NO, ,PHUN SUM TSOGS PA DE YANG DE NYID DU BSTAN TE, 'BYOR PA ZAD PAR GYUR KYANG SBYIN PA LAS MI LDOG PA YIN TE, BRGYA BYIN GYIS NOR RNAMS MI SDANG BAR BYAS KYANG LTOS PA MED PAS SO, ,DE LTAR RE ZHIG GSUM GYIS PHUN SUM TSOGS PA YIN TE, SBYIN PA PO DANG, SBYIN PA'I DNGOS PO DANG, LEN PA PO'O, ,SBYIN PA PO DANG LEN PA PO GNYIS KYIS PHUN SUM TSOGS PA YANG LEN PA PO'I YIN GYI, SBYIN @218B PA PO'I MA YIN NO, ,SBYIN PA'I DNGOS POS NI SBYIN PA PO KHYAD PAR DU MI BYED DO, ,SBYIN PA NI SBYIN PA PO'I YIN GYI, LEN PA PO'I MA YIN NO, ,RNAM PA 'DI'I NANG DU THAMS CAD 'DUS PA'I PHYIR GZHAN GYI PHYI ROL GYI ZANG ZING SBYIN PAR GZUNG BA YANG GRUB PAR 'GYUR RO, ,SBYIN PA PO'I SBYIN PA'I PHA ROL TU PHYIN PA YONGS SU RDZOGS PAR BSTAN PA'I PHYIR DE LTAR BSTAN TO, ,DA NI CHOS KYI SBYIN PA'I DBANG DU BYAS NAS AA GA STE'I SKYES PA'I RABS SU BRGYA BYIN GYIS MCHOG SBYIN PAR BYAS PA LAS PHYIR LEGS PAR GSUNGS PA BSTAN PA YIN TE, DE YANG DE NYID DU BSHAD PA STE, LEGS PAR SMRAS PA RIN CHEN LA, ,RIN NI CI YANG YOD MA YIN, ,ZHES BYA BA LA SOGS PA DES BRJOD PA THAMS CAD KYIS SO, ,MI 'JIGS PA'I SBYIN PA NI MI'I MCHOG YIN TE, BRTAN ZHING GTZANG LA TSUL KHRIMS NOR LDAN MI MCHOG LA, , ZHES BYA BA LA SOGS PA TSIGS BCAD GNYIS KYIS DER BSTAN TE DE NI MI 'JIGS PA'I SBYIN PA'O, ,DE BAS SKYES PA'I RABS 'DI DAG NI GO RIMS SU RIGS PA YIN TE, GO RIMS 'DI'I RIM PAS NI GSUM PO BSTAN PAR 'GYUR RO, ,SLOB DPON DPA' BOS NI SKYES PA'I RABS GO RIMS TSUL BZHIN MA BKOD PAR YI GER BRIS SHING BZHAG BA YIN TE, DE YANG JI LTAR ZHEN 'JIG RTEN LAS GRAGS PA'I GO RIMS KYIS TE, 'JIG RTEN BRJOD PA BZHIN DU'O, ,'DI NI ZANG ZING GI SBYIN PA LA SOGS PA'I GO RIMS YIN TE, ZANG ZING GI SBYIN PAS NI GZUGS DANG LUS RJES SU BZUNG BA YIN NO, ,CHOS DANG MI 'JIGS PA'I SBYIN PA GNYIS NI MING DANG LUS KYI GO RIMS SO, ,YANG NA ZANG ZING GI SBYIN PA DANG POR GZUNG NGO, ,DE'I 'OG TU CHOS DANG MI 'JIGS PA'I SBYIN PA RNAM PA GNYIS SO, ,CHOS KYI SBYIN PA DANG POR SMOS PA NI MI 'JIGS PA'I SBYIN PA LAS GTZO BO YIN PA'I PHYIR RO, ,YANG NA 'DI LTAR GO RIMS YIN TE, DANG PO NI MI 'JIGS PA'I SBYIN PA LA, DE'I 'OG TU CHOS KYI SBYIN PA YIN TE, THOG MAR 'JIGS PA BSAL NAS DE'I 'OG TU SEMS BDE BA @219A *, ,DANG; CHOS KYI SBYIN PAS 'DOD PA'I DON 'GRUB PAR BSTAN PA YIN NO, ,BCU TSAN DANG PO'O,, ,,DBANG PHYUG PHUN SUM TSOGS PA ZHES BYA BA NI MTHU DANG NUS PA PHUN SUM TSOGS PA ZHES BYA BA YIN TE, MTHO BAR GYUR PA DES GZHAN DAG LA SNYING BRTZE BA LHOD PAR MI 'GYUR BA STE BDAG NYID CHEN PO DE'O, ,YUN RING MO NAS BSOD NAMS SPYOD PA LA RAB TU GOMS ZHING ZHES BYA BA NI YUN RING MO NAS BSOD NAMS LA RAB TU GOMS PA STE, BDAG DANG GZHAN LA PHAN PA SGRUB PA'I MTSAN NYID KYI LAS GANG YIN PA DE NI BSOD NAMS TE, YUN RING MO NAS BSOD NAMS SPYOD PA LA RAB TU GOMS PA'O, ,'DIS NI 'DAS PA'I DUS KYI BSOD NAMS KYI TSOGS BSTAN TO, ,SBYIN PA DANG, DUL BA DANG, SDOM PA DANG, SNYING RJE LA 'DRIS PA GANG YIN PA DE NI SBYIN PA DANG, DUL BA DANG, SDOM PA DANG SNYING RJE LA 'DRIS PAR GYUR PA STE, 'DIS NI DA LTAR BYUNG BA'I DUS SU BDAG DANG GZHAN LA PHAN PA SGRUB PA'I MTSAN NYID BSTAN TO, ,GZHAN LA PHAN PAR SPYOD PA KHYAD PAR CAN LA NGES PAR BYED PA GANG YIN PA DE NI GZHAN LA PHAN PAR SPYOD PA KHYAD PAR CAN LA NGES PAR SPYOD PA'O, ,'DIS NI RTAG TU GUS PA DANG SBYOR BA GNYIS KYIS GZHAN LA PHAN PA SGRUB PA BSTAN TO, ,DE LA RTEN BCAS PA ZHES BYA BA NI MTSON PA STE, BDAG DANG GZHAN GYI SGRUB PA KHYAD PAR CAN YANG DAG PAR BRTEN PA'O, ,YANG TOG RDO THAL GSAR DU BSKUS PA ZHES BYA BA LTA BU NI SNGAR BSHAD PA'I BYANG CHUB SEMS DPA'O, ,ZLA BA'I 'OD ZER LTA BU NI LHA'I DBANG PO'I DPAL LO, ,DE GNYIS DANG 'DRA BAR GYUR PA YIN NO, ,RTEN DANG BRTEN PAR GYUR PA NYID DO, ,TSIG RKYANG DANG TSIGS BCAD DE DAG GIS NI BYANG CHUB SEMS DPA' BDAG NYID KYI RGYU BSTAN PA'O, ,DA NI GANG GONG DU BSTAN PA'I DBANG PHYUG PHUN SUM TSOGS PA DANG RJES SU MTHUN PA YIN YANG SNYING RJE LHOD PAR MI 'GYUR RO ZHES BYA BA DE NYID SGRUB PA'I PHYIR, GANG GI PHYIR LHA MA YIN RNAMS ZHES BYA BA LA SOGS PA'I TSIGS BCAD BRTZAMS PA YIN NO, ,SKAL BA @219B CHE BA NI BSOD NAMS KYI TSOGS KYI KHYAD PAR RO, ,DES BDE BA THOB PA NI 'BAD PA MED PAR RNYED PA STE, SKAL BA CHE BAS BDE BA THOB PA'O, ,GANG GI PHYIR GANG LAS DE'I SNYING DREGS PA'I DRI MA CAN BYED PAR GYUR PA NI DE'I PHYIR DBANG PHYUG PHUN SUM TSOGS PAR GYUR KYANG SNYING BRTZE BA LHOD PAR MI 'GYUR RO, ,BSHAMS PA NYID CHAS PA YIN PA'I PHYIR BSHAMS PA CHAS PA'O, ,DE RAB TU CHAS PA YIN PAS 'JIGS 'JIGS LTAR SNANG BA STE, GLANG BO CHE DANG, SHING RTA DANG, RTA DANG, RKANG THANG LA SOGS PA GANG GI DPUNG GI TSOGS GANG YIN PA DE NI, GLANG PO CHE DANG, SHING RTA DANG, RTA DANG, RKANG THANG GI DMAG BSHAMS PA RAB TU 'JIGS 'JIGS LTAR SNANG BA'O, ,CHOS KYI BDAG NYID YIN YANG ZHES BYA BA LA SOGS PA'I DON NI 'DI YIN TE, CHOS LA BDAG NYID SEMS PA GANG YIN PA DE NI CHOS KYI BDAG NYID DO, ,DE LTA YIN YANG GZHAN SNGO BA NI GZHAN DAG LA MNGON PAR MA NGES PA'O, ,ROL PA'I BGEGS SU GYUR PA NI ROL PA LA GNOD PAR GYUR PA STE, ROL PA'I BGEGS SU GYUR PA LAS YID BYUNG BA'O, ,ROL PA'I BGEGS GYUR YID 'BYUNG 'GRO BA 'JIGS PAR 'GYUR, ,ZHES BYA BA LA 'GRO BA NI RANG LA BRTEN PA'I SKYE BO'O, ,TSUL BZHIN BYA BA'I RIGS ZHES BYA BA LA TSUL NI LUGS TE, LUGS NYID RIGS PA YIN PAS 'DOD PA'I DON THOB PAR BYED PA NI 'DI TSUL BZHIN BYA BA'I RIGS PA'O, ,'DOD PA'I DON THOB PAR BYED PA'I RIM PA NI 'DUM PAR BYA BA DANG, DBYE BA DANG, CHAD PAS SGRUB PA'O, ,LHA MA YIN DE DAG NI DE DAG LAS CHAD PAS BSGRUB PAR BYA BA YIN PAR MTHONG STE, THABS GZHAN GYIS NI DE DAG BSGRUB PAR MA MTHONG BAR ZHES BYA BA'I DON TO, ,DMAG DRANG BA LA G-YENGS PA NI DMAG DRANG G-YENGS PA'O, ,YANG NA DMAG DRANG BA NYID G-YENGS PA YIN PAS DMAG DRANG G-YENGS PA'O, ,DE LA MNGON PAR PHYOGS PA NI DMAG DANG G-YENGS LA MNGON PAR PHYOGS PA STE, DE LA MNGON PAR PHYOGS @220A *, ,PAR GYUR PA'O, ,DE'I DON NI 'DI YIN TE, CI'I PHYIR BYANG CHUB SEMS DPA' CHOS MA YIN PA DMAG DRANG BA LA MNGON PAR PHYOGS PAR GYUR ZHE NA, DE LTAR GYUR PA DE'I RGYU BSTAN PA, DMAG DRANG BA LA MNGON PAR PHYOGS PA'I RGYU NI GSUM STE, GZHAN GYI TSUL MA YIN PA ZHI BAR BYA BA'I PHYIR DANG BDAG NYID LA BRTEN PA RNAMS KYI TSUL MA YIN PA ZHI BAR BYA BA'I PHYIR DANG, BDAG GIS KYANG DE GNYI GA'I ZHI BAR BYED NUS PAR BDAG NYID LA SHES PA'O, ,NUS PA DE YANG RNAM PA GNYIS TE, GTZO BO'I NUS PA DANG, SPRO BA'I NUS PA DANG LDAN PA'O, ,'OS PA YANG YIN LA BSGRENG BA YANG YIN PAS 'OS PA BSGRENG BA'O, ,YANG NA ZLA MED PA'I GOS BZANG PO GANG LA YOD PA DE NI GOS BZANG PO 'OS PA'O, ,BSGRENG BA YANG YIN LA GOS BZANG PO PHYAR BA YANG YIN PAS BSGRENG BA'I GOS BZANG PO 'OS PAR PHYAR BA'O, ,BA DAN YANG YIN LA MDZES PA YANG YIN PAS BA DAN MDZES PA'O, ,GOS BZANG PO 'OS PAS BA DAN MDZES PAR PHYAR BA'I PHYIR RGYAL MTSAN BSGRENG BA GANG YIN PA DE NI GOS BZANG PO 'OS PAS BA DAN MDZES PAR PHYAR BA'I RGYAL MTSAN BSGRENG BA'O, ,RIN PO CHE SNA TSOGS PA NYID NI RIN PO CHE'I RNAM PA SNA TSOGS PA'O, ,YANG NA NOR BU DANG 'DRA BA'I RIN PO CHE NI NOR BU RIN PO CHE'O, ,RIN PO CHE SNA TSOGS PA NI RIN PO CHE SNA TSOGS PA STE, DE RNAMS KYI 'OD NI NOR BU RIN PO CHE SNA TSOGS KYI 'OD DO, ,DES GSAL BAR GYUR PA NI GSAL BAR SNANG BA'O, ,RGYAN GDAGS PA'I GO RIMS SU GYUR PA NI RGYAN GDAGS PA'I GO RIMS SO, ,RGYAN GDAGS PA'I GO RIMS DANG, NGES PAR BYAS PA DANG, NGOS GNYIS MTSON CHA RNON PO RNAM PA SNA TSOGS 'BAR BAS MDZES PA GANG YIN PA DE NI LHA'I GOS DKAR PO CAN NO; ,YONGS SU BSKOR BA NI SHING RTA GOS DKAR PO CAN TE, RGYA MTSO'I 'GRAM DU THUG PAR ZHES BYA BA DE NI GANG GI PHYIR DE RNAMS KYI RGYA MTSO'I 'GRAM NA GNAS TE, DES NA 'GRAM DU YOD PA YIN NO, ,LHA MA YIN RNAMS KYI SNGA MA LTAR 'ONG BA DE SHES PA STE, ROL PA'I BGEGS GYUR 'GRO BA @220B 'JIGS PAR 'GYUR BA STE, LHA'I 'GRO BA'O, ,DES NA RGYA MTSO'I 'GRAM LA THUG PAR SNGON SU BAR BYED PA YIN NO, ,'DUG BZHIN DU ZHES BYA BA STE MTSON RDEG PAR BYED DO, ,NGA NI 'DI NA ZHES SMRAS NAS KYANG RAB TU RDEG PAR BYED DO, ,MTHONG BZHIN ZHES BYAS NAS KYANG GZHAN DAG LA RDEG PAR BYED DO, ,DA NI THAR PAR GAL 'GYUR ZHES BYAS SHING YANG GZHAN DAG LA RAB TU SNUN PAR BYED DO, ,DE LTAR SMRAS NAS GZHAN DAG LA THOB CIG CES SMRAS TE PHYIR LOG PA DANG, DE DAG LAS GZHAN DAG GIS KYANG MTSON 'DEBS PAR BYED CING, DA NI MED ZIN GYIS ZHES SMRAS TE MTSON 'DEBS PAR BYED DO, ,MTSON CHA 'KHRUGS PA NI G-YUL DU'O, ,GLOG BZHIN DU 'GYU BA'I BA DAN CAN GANG DAG NI SHING RTA STE, DE NI GLOG LTAR 'GYU BA'I BA DAN CAN NO, ,GDUGS DANG, RGYAL MTSAN DANG, GO CHA DANG, MTSON CHA DANG, COD PAN RNAMS TE, DE DAG LHUNG BAR GYUR PA NI 'GYEL BAR GYUR PA'O, ,PHOG PAR GYUR PA NI LAM DU STE PHOG PAR GYUR PA'I STENG DU'O, ,DER BAB PA NI PHOG PAR GYUR PA'I STENG DU BAB PA'O, ,KHA LO PA NI KHA LO SGYUR BA'O, ,PHRU GU MA TSAR BA ZHES BYA BA NI GSHOG PA MA SKYES PA'O,, MA TSAR BA NYID BYA YIN PAS BYA'I PHRU GU STE, BYA PHRUG MA TSAR BA DE'I TSANG BCAS PA'O, ,LHA MA YIN 'DI DAG BCUNG SLAR MI LDOG GO ZHES BYA BA DANG, CE ZHES BYA BA NI SKYON CI YOD CES BYA BA'I DON TO, ,SHING RTAM BZLOG PAR NAM MKHA' LDING GI TSANG LAS BZUR BAR MI NUS PA'I PHYIR RO; ,SHING RTA BZLOG PA DE LAS NYES PA MED, ,CES PA DE'I DBANG DU BYAS NAS SHING RTA 'DI NI SLAD DU BZLOG NA GDOD CES BYA BA'I TSIGS BCAD BRTZAMS PA YIN TE, NAM MKHA' LDING GI TSANG 'DI LAS ZUR CIG CES BYA BA'I LAS NI, SHING RTA 'DI NI SLAD DU BZLOG NA GDOD CES BYA BA'I TSIGS BCAD PHYED YIN NO, ,'O NA CI ZHES BYA BA'I LAN NI LHA RNAMS LA NI ZHES BYA BA STE, TSIGS BCAD KYI PHYED 'OG MA'O, ,DE BAS NA ZHES BYA BA NI SHING RTA BZLOG PA LA NI NYES PA YOD DO ZHES GONG DU MA TA LIS SMRAS PA'I TSIG GO, ,LHA RNAMS LA NI GNAS NAS @221A *, ,SKABS RNYED PA ZHES BYA BA 'DI'I LAN NI MTSON GYIS PHOG STE SHI BA BLAS ZHES BYA BA YIN TE, RANG GI LHAG PA'I BSAM PA KHYAD PAR CAN BSTAN PA'I PHYIR SMRAS PA'O, ,SHI YANG BLAS ZHES BYA BA LA SOGS PA NI SNYING RJE'I DBANG GIS SMRAS PA STE, DE LTAR SPYOD PA'I SEMS CAN 'JIGS PAS NYEN PA 'DI'I CHED DU'O, ,'JIGS PAS BRTABS SHING RAB TU MGYOGS PAR GYUR PA GANG YIN PA DE NI SKRAG NAS BRTABS SHING RAB TU MGYOGS PAR BYED PA'O, ,JI LTA BUR ZHE NA, CHAR SPRIN NAG PO RLUNG GIS GTOR BA BZHIN, , , BDAG GI DMAG TSOGS PHAM YANG ZHES BYA BA'I TSIGS BCAD YIN NO, ,DGA' BA DANG NGO TSA BA NI DGA' ZHING NGO TSA BA'O, ,DGA' BA DANG NGO TSA BA DANG BCAS PA NI DGA' ZHING NGO TSA BZHIN DU'O, ,PHONGS NA ZHES BYA BA'I SGRA NI NGAN PA DANG BLO 'BRING PO GNYI GA LA SBYAR BAR BYA'O, ,NGAN PA DANG BLO 'BRING PO NI SDIG PA SPYOD PA'I TSE NA MI MNYAM PA STE, SNYING RJE DANG BCAS PAS SO, ,SKYE BO DAM PA RNAMS KYI KHYAD PAR NI 'DI YIN TE, RNAM PA THAMS CAD DU SDIG PA MI BYED DE, SNYING RJE DANG BCAS PAR GRUB PA YIN PAS YANG MI BRJOD DO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS BRGYA BYIN GYI SKYES PA'I RABS SO,, ,,BDAG NGO TSA BA NYID KYIS ZHES BYA BA NI NGO TSA BA NYID KHREL YOD PA ZHES BYA BA'I DON TO, ,BDAG DANG CHOS KYI DBANG DU BYAS TE KHA NA MA THO BA ZHES BYA BA'I TSIG GIS SO, ,SPYOD YUL GYI DUS ZHES BYA BA NI TSUL DANG SPYOD PA STE GANG BYA BA'O, ,RANG GI CHOS ZHES BYA BA NI 'DON PA DANG, 'DON DU 'JUG PA DANG, MCHOD SBYIN BYED PA DANG, BYED DU 'JUG PA DANG, SBYIN PA DANG, LEN PA STE, DE DAG NI RANG GI CHOS SO, ,RANG GI CHOS DE DAG GI RJES SU SPYOD PA'I GRAGS PA GANG YIN PA DE NI RANG GI CHOS LA SPYOD PA'I GRAGS PA'O, ,'DUL BA NI BYA BA MA YIN PA'I LAS LA SOGS PA LAS LDOG PA STE, JI LTAR RIGS PA'I SGRUB PA'O, ,BTZAS PA'I CHO GA BYA BA LA SOGS PAS ZHES SMOS PAS NI LHAG MCHOG BCU GNYIS KYANG GZUNG NGO, , @221B LDOG PA DANG, 'DZIN PA NI LDOG PA DANG 'DZIN PA DAG STE, THOB PA LDOB CING 'DZIN PA DE GNYIS LA GANG GSAL BAR GYUR PA NI THOB PA LDOB CING 'DZIN PA GSAL BA'O, ,'DI DAG NI BYA BA SHES PA DANG, SLOB PA'I YAN LAG YIN NO, ,RGYUD NYID GUS PA YIN PAS RGYUD GUS TE; GUS PA'I RGYUD CES BYA BA'I DON TO, ,DUL BA NI BYA BA RNAMS LA BLA MA'I RJES SU 'JUG PA YIN TE, 'DIS NI BSLAB PA'I YAN LAG DANG LDAN PA BSTAN TO, ,ZHI ZHING CHOS BZANG PO GANG LA YOD PA DE NI ZHI ZHING CHOS BZANG PO'O, ,'DIS KYANG TSUL KHRIMS KYI YAN LAG BSTAN TO, ,BYAMS PA NI CHAGS PA'O, ,DGA' BA NI DAD PA 'AM DANG BA'O, ,BYAMS SHING DGA' BA GNYIS SU GYUR PA NI DE GNYIS KYIS YIN TE, BYAMS PAR GYUR PA NI ZHI BAS SO, ,CHOS BZANG BAR GYUR PA NI BLA MA DGA' BAR GYUR PA'O, ,DBANG DU BYED PA NI SNGAGS KYI DON GYIS SO, ,YON TAN DBANG DU BYED PA'I SNGAGS RTAG TU ZHES BYA BA LA, SNGAGS YON TAN DBANG DU BYED PA LAS GZHAN DAG LAS YON TAN GYI MTSAN NYID KYIS DBANG DU BYED PA'I SNGAGS 'DI NI KHYAD PAR DU BSTAN PA YIN TE, YON TAN NI RTAG TU YOD PA YIN PAS SNGAGS GZHAN LTAR MI RTAG CING NYAMS PA NI MA YIN TE, YON TAN DBANG DU BYED PA'I SNGAGS 'DI LAS GZHAN PA'I DBANG DU BYED PA'I SNGAGS NI, ZHE SDANG GIS 'KHRUGS PA STE, DBANG DU BYED PA'I NUS PA MED DO, ,SNGAGS 'DIS NI DE LTA BU'ANG DBANG DU BYED PA YIN NO, ,SNGAGS THA MAL PAS NI BDAG NYID KYI SEMS DBANG DU BYED PA YIN NO, ,GZHAN DAG NI MA YIN NO, ,GSANG DUS DAG TU ZHES BYA BA NI MI 'DOD PA'I DUS RTAG TU'O, ,DBUL BA 'BRAS BU RE BA MED, ,CES BYA BA'I TSIGS BCAD KYI DON NI 'DI YIN TE, BDAG DANG GZHAN GYI PHAN PA DANG, 'DZIN RTEN 'DI DANG PHA ROL TU PHAN PA MED PA STE, BDAG GIS MI LA'ANG SMRAR MED CING, ,CES BYA BA 'DIS NI GZHAN LA PHAN PA MI NUS PA NYID DO, ,DGA' STON TSE NA 'AD DGA' MI MYONG, ,ZHES BYA BA 'DIS NI BDAG GI DON MI NUS PA NYID DO, ,KYI HUD SBYIN PA'I GTAM YANG GZHAN, ,ZHES BYA BA 'DIS NI 'JIG RTEN PHA @222A *, ,ROL GYI PHAN PA MI NUS PA NYID DE, GANG GI PHYIR SBYIN PA YOD NA NI 'JIG RTEN PHA ROL TU MNGON PAR MTHO BA THOB PAR 'GYUR RO, ,DBUL BA 'BRAS BU RE BA MED, ,CES BYA BA 'DIS NI 'JIG RTEN 'DI LA PHAN PA'I BYA BA MI NUS PA NYID DO, ,RE BA NI MNGON PAR 'DOD PA STE; 'DI DANG 'DI BYA'O ZHES BYA BA DE DANG DE'I 'BRAS BU MED PA YIN TE, 'BYOR PA MA YIN PAR NI BSAM PA 'BRAS BU DANG BCAS PAR MI 'GYUR RO, ,SMA 'BAB GNAS GYUR ZHES BYA BA'I TSIGS BCAD KYI DON NI 'DI YIN TE, BDAG DANG GZHAN GYI SGRUB PA'I RGYU MED PA DANG, BDAG NYID KYI SDUG BSNGAL GYI RGYU DANG, BDE BA MI THOB PA'I RGYU DANG, GZHAN LA YANG DAG PAR SGRUB PA MI 'THOB PA'I RGYU DANG BZHI PO 'DI DAG GO RIMS BZHIN DU SBYAR BAR BYA'O, ,NYAMS NYES BZHIN DU RTAG TU MYA NGAN BYED, ,CES BYA BA NI BZHI PO DE DAG GI RGYUS SO, ,BKRES SKOM ZAN DANG ZHES BYA BA 'DI'I LUS NI RNAM PA GSUM STE, SDUG BSNGAL RNAM PA GSUM GYI GSO BAR BSTAN PA YIN TE, BKRES PA LA NI ZAN NO, ,SKOM PA LA NI CHU'O, ,'DI GNYIS NI LHAN CIG SKYES PA'I SDUG BSNGAL GYI GSO BAR BSTAN TO, ,SMAN BCAS SNGAGS KYIS NAD SOS 'GYUR, ,ZHES BYA BA 'DIS NI GLO BUR GYI SDUG BSNGAL GSO BAR BSTAN TO, ,RGYUN GNAS NOR GYIS DBUL POR 'GYUR, ,ZHES BYA BA 'DIS NI SNGON BYAS PA'I RGYU'I DBUL BA'I SDUG BSNGAL LAS GSO BAR BSTAN TE, GANG GI PHYIR DBUL PO NI SKYE BA SNGA MA LA RANG GI SER SNA BYAS PA'I RGYU YIN TE; DA GSO BA NI NOR RO, ,BLANG BA'I THABS RAB TU CHUNG BA GANG YIN PA DE NI BLANG BA'I THABS RAB TU CHUNG BA'O, ,BRAM ZE RGUD TSE RKU BA CHOS SU BSHAD, ,CES BYA BA'I TSIGS SU BCAD PA 'DIS NI BRAM ZE RGUD PAR GYUR PA'I TSE NA NI BRAM ZE RGUD PA NYID LA NYES PA MED PA NYID DU BSTAN TO, ,GAL TE BRAM ZE RNAMS KYI RANG NYID KYI NOR YIN NA CI'I PHYIR MA MTHONG BAR BLANG ZHE NA, DE'I LAN BSTAN PA'I PHYIR, NGO MTHON DU NI NOR 'PHROG NUS GYUR KYANG, ,ZHES BYA BA'I TSIGS BCAD BRTZAMS BA YIN NO, ,YANG NA 'DI'I BSDUS PA'I DON NI MNGON SUM DU YANG BLANG BAR BYA BA YIN NA, CI'I PHYIR @222B MA MTHONG BAR BLANG ZHE NA, RKU BA LA NYES PA YIN TE, DES NA, NGO MTHON DU NI NOR 'PHROG NUS GYUR KYANG, ,ZHES BYA BA LA SOGS PA'I TSIGS BCAD BRTZAMS PA YIN NO, ,RJES SU YI RANG BA YANG MI BYED DE, RANG BZHIN GYI DGE BA YIN PAS SO, ,CHO GA BSTAN PA NI RKU BA'O, ,DGA' BAR MA GYUR ZHES BYA BA NI RAB TU MI SGRUB PA DANG, BDAG GIR MI BYED PA'O, ,SLAR BZLOG PAR MA GYUR PA NI SLAR MI SMRA BA'O, ,YON TAN ZHIG YOD PAR BSAMS NAS ZHES BYA BA NI SRID PA GANG YIN PA DE NI YON TAN ZHIG YOD PAR BSAMS PA'O, ,RTZOL MI PHOD DAM ZHES BYA BA NI BDAG NYID KYI RTZOL BA DANG BRAL BA STE, SNYING STOBS MED PA ZHES BYA BA'I DON TO, ,NGA RGUD PA ZHES BYA BA DE LA MI BZOD PAR GYUR PA DE NI NGA RGUD MI BZOD PAS SO, ,MI RNAMS DPA' BO'I LAM ZHES BYA BA NI DPA' BO'I 'DRON PO'O, ,SPRO BA DANG BRAL BA NI SPRO BA MED CING LE LO STE DES BLUN PA'O, ,YANG NA 'DI LA SPRO BA MED PA'O, ,SPRO BA MED PA GANG YIN PA DE NI BLUN PA YIN PAS SPRO BA MED CING BLUN PA'O, ,RAB BSGRAGS SHING ZHES BYA BA NI SKYE BO MANG PO LA'O, ,MA BCABS RGYA CHER ZHES BYA BA NI 'DI MI MNGON PA MA YIN ZHING RGYA CHER RO, ,BSTAN PA NI THAMS CAD LA ZHES BYA BA'I DON TO, ,TSIG DANG ZUR LA SOGS KYANG STE, RGYU 'DI GSUM GYI SDUG BSNGAL RAB TU BSGRAGS PA STE, SHIN TU DKA' BAR BSTAN PA DES NA YANG SHIN TU SDUG BSNGAL CHEN PO NYID DO, ,BSGRIMS PA DANG BRAL BA GANG YIN PA DE NI MI SGRIM PA'O, ,MI SGRIM PA GANG YIN PA BRTAN PA YANG YIN PAS MI SGRIM BRTAN GYUR PA'O, ,MI SGRIM BRTAN PAR GYUR PA'I YID GANG YIN PA DE NI MI SGRIM BRTAN PAR GYUR PA'O, ,DE LTAR THA MAL BZHIN DU ZHES BYA BA NI CI LTAR SDUG BSNGAL THOS PA'I DUS DE BZHIN DU GDUG CES BYA BA'I DON TO, ,BYAMS PA DANG BRAL BA NI 'DI LTAR MI BYAMS PA'O,, MI BYAMS PA YANG YIN LA SRA BA YANG YIN PAS MI BYAMS SHING SRA BA'O, ,MI BYAMS SHING SRA BA GANG YIN PA DE NI MI BYAMS SHING SRA BA NYID DE, DE YOD PA DE'I PHYIR RO, ,DE LTAR GANG GONG DU BSTAN PA DE MI SGRIM BRTAN PAR GYUR PA'I YID DANG THA MAL BZHIN DU GNAS GYUR PA, ,ZHES BYA @223A *, ,BA DAG DE LTA BU'I DON TO, ,MKHAN POS BSTAN PA'I RIM LA ZHES BYA BA NI, ,GZHAN NOR MA MTHONG BLANG BAR GYIS, ,ZHES BYA BA YIN TE DE'I RIM PA'O, ,SDIG PA'I LAS RNAMS BYED PA NA, ,ZHES BYA BA'I TSIGS BCAD 'DIS BDAG GIS MI RIG PA LHA'I MIG GI SPYOD YUL DU BSTAN TO, ,BDAG NYID SBYANGS PA LHA YI SPYAN, ,ZHES BYA BA 'DIS NI MNGON PAR SHES PA'I RANG BZHIN GYI LHA'I MIG GI RANG BZHIN DU BSTAN TO, ,NYES BYAS GZHAN GYIS MTHONG BA DANG, ,GANG YANG BDAG GIS MTHONG BA ZHES BYA BA NI GNYI GAS MTHONG BA LAS SO,, LEGS PAR MTHONG BA ZHES BYA BA NI DE LTAR DPYAD NA GANG DE BDAG GIS MTHONG BA DE NI LEGS PAR MTHONG BA YIN TE, BDAG GIS MTHONG BA'I PHYIR RO, ,LEGS PAR MTHONG BA DE NYID BSGRUB PA'I PHYIR, ,BDAG GI DGOS PAS ZHES BYA BA'I TSIGS BCAD SMOS PA YIN TE, LEGS PAR MTHONG BA DE NI MTHONG BA NGES PAR BSTAN PAS SO, ,CHAGS PA LA ZHEN PA NI CHAGS PA LA ZHEN PA'O, ,RTZE GCIG TU DMIGS PA NI RTZE GCIG PA'O, ,CHAGS PAS ZHEN PA YANG YIN LA RTZE GCIG PA YANG YIN PAS CHAGS PAS RTZE GCIG PA'O, ,CHAGS PAS RTZE GCIG PA'I YID GANG LA YOD PA DE NI CHAGS PAS RTZE GCIG YID GYUR PA STE, BDAG GI DGOS PA LA CHAGS PAS RTZE GCIG PA'I YID DU GYUR PA ZHES BYA BA'I DON TO, ,DE LTAR NOR GYI PHYIR ZHUGS ZHES BYA BA NI RKU BA LA ZHUGS PA'O, ,SKYON DANG YON TAN NI YON TAN DANG YON TAN MA YIN PA'I KHYAD PAR RO, ,NOR PHYIR YON TAN ZHES BYA BA NI NOR LA BTZONG BA ZHES BYA BA'I DON TO, ,LHA'I DBANG POR GYUR PA'I PHYIR NI LHA'I DBANG PHYIR TE, LHA'I RGYAL POR SKYE BA'I PHYIR ZHES BYA BA'I DON TO, CHOS DANG 'GAL BA ZHES BYA BA NI CHOS NYAMS PA'O, ,GOS NGAN PA GYON PA NI GOS NGAN PA 'CHANG BA'O, ,DGRA BO'I KHYIM NA 'BYOR PA MTHONG BA ZHES BYA BA NI DE'I GAN DU BSLANG BA'I DON DU 'GRO BA ZHES BYA BA'I DON TO, ,BU LEGS SO LEGS SO BRAM ZE CHEN PO LEGS SO ZHES BYA BA NI GANG GONG DU BSTAN PA'I RGYU DGUS DUL BA ZHES BYA BA DANG, RANG GI CHOS NYID @223B GRAGS PA ZHES BYA BA STE, DE DANG RJES SU MTHUN PA'I PHYIR RO, ,RAB TU ZHI BAS BRGYAN PA ZHES BYA BA NI GANG GONG DU BSTAN PA'I LANG TSO'I TSE YANG ZHI ZHING CHOS BZANG BAS ZHES BYA BA DE DANG RJES SU MTHUN PA'I TSIG GO, ,KHYOD KYI SHES RAB CES BYA BA NI GANG GONG DU BSTAN PA'I, THOS PA LDOB CING 'DZIN GSAL DANG, ,ZHES BYA BA YIN TE, DE DANG RJES SU MTHUN PA'I TSIG GO, ,RANG GI CHOS NYID LAM YIN PAS RANG GI CHOS LAM STE, RANG GI CHOS KYI BDE 'GRO THOB PAR BYED PA NI CHOS YIN NO, ,DKA' THUB CES SMOS PAS NI NGO TSA SHES PA DANG KHREL YOD PA GNYIS GZUNG NGO, ,THOS PA DANG SHES PA SMOS PAS NI SEMS LAS BYUNG BA LHAN CIG SKYES PA'I SHES RAB GZUNG STE, 'DI DAG GIS NI BDAG LA PHAN PA'I THABS BSTAN TO, ,DGE BA RNAMS ZHES BYA BA 'DIS NI GZHAN LA PHAN PA SGRUB PA RNAMS NI PHONGS PAR GYUR KYANG 'GYUR BA MED PAR BSTAN TO, ,YANG NA KHREL YOD PA ZHES BYA BA BSTAN PA LAS NGO TSA SHES PA DANG KHREL YOD PA'I DBANG DU BYAS PA YIN PAS, DES NA KHREL YOD PA YANG MI BRJOD DE GRUB ZIN PA'I PHYIR RO, ,RNAM PAR GRAGS PA NI MDZES PAR SPYOD PA DANG, LEGS PAR SBYOR BA STE, THOS PA DON DANG LDAN PA'O, ,LEGS PAR SPYOD PA SPYAD PA'I PHYIR THOS PA GZUNG STE, DE LA LEGS PAR SPYOD PA YIN PAS THOS PA DON DANG LDAN PA STE, DE 'BRAS BU DANG BCAS PA'O, ,THOS PA DE YANG NGA YI 'BAD PAS LEGS PAR 'BYUNG BA STE, DE GA LAS SHE NA, DON YOD PA LAS TE, DES NA 'DI LAS 'BYUNG BA'O, ,BDE BA 'BYUNG BA NI LEGS PAR 'BYUNG BA'O, ,DE'I PHYIR 'BAD PA'I DON YOD PA YIN TE, 'BRAS BU DANG BCAS PA NYID PAS NGAL BA DON YOD PA NYID DO, ,BDAG NYID NGO TSA BA NYID KYIS ZHES BYA BA GANG GI PHYIR 'DZEM PA ZHES BYA BA'I DON DE NYID 'JIG RTEN GYI DBANG DU BYAS PA NYID KYIS KHREL YOD PA YANG DE NYID YIN TE, KHREL YOD PA BSTAN PA NI 'DI LTAR, SDIG PA'I LAS RNAMS BYED PA LA, ,ZHES BYA BA LA SOGS PA'I TSIGS BCAD GNYIS KYIS BSTAN TO, ,BDAG NYID KYI NGO TSA SHES PA NYID SMAS PA, BDAG GIS GANG @224A *, ,BSKYED PA'I PHYIR RO, ,BDE 'BYUNG GNAS ZHES BYA BA NI, 'JIG RTEN GNYI GAR BDE BA 'BYUNG BA NYID YIN TE, DKA' THUB KYI NAGS TSAL NA NI TSOL BA DANG CHOS DANG 'GAL BA'I SGRUB PA MED PA'I PHYIR RO, ,KHYIM RDZAS DANG DBYIG BRGYA STONG DU MA YOD PA DE YANG BSHES GNYEN DANG, DGE SBYONG DANG, BRAM ZE DANG, PHONGS PA DANG, SLONG BA RNAMS LA JI LTAR RIGS PA ZHES BYA BA NI JI LTAR 'OS PAR BTANG ZHING RAB TU BYUNG BA STE, TSIG 'DIS NI CI ZHIG STON PA YIN ZHE NA, THEG PA CHEN PO'I YAN LAG NYID DU BSTAN PA STE, GANG GI PHYIR BYANG CHUB SEMS DPA' LOG PAR SPYOD PA RNAMS LA CHAGS PA MED PA'I PHYIR TE, DE BAS NA SBYIN PA NI BYANG CHUB SEMS DPA' RNAMS KYI THEG PA CHEN PO NYID DO, ,PHA ROL TU PHYIN PA RNAMS KYANG CI RIGS PAR THEG PA CHEN POR BRJOD DO, ,DON RNAM PA GZHAN DU NA YUL RNAMS LA CHAGS PA ME DPA'I LAM NI SBYIN PA STE, GTONG BA LA GOMS PAS CHAGS PA DANG BRAL BA'I PHYIR RO, ,DE LTAR SBYIN PA NI BYANG CHUB SEMS DPA' RNAMS KYI LAM MO, ,DE BZHIN DU PHA ROL TU PHYIN PA GZHAN DAG KYANG CI RIGS PAR BRJOD PAR BYA'O, ,BSAM GTAN GYI YON TAN LA GOMS PAS ZHES BYA BA NI BSAM GTAN NYID YON TAN YIN TE, YON TAN GZHAN THAMS CAD KYI RGYUR GYUR PA'I PHYIR RO, ,DE BAS NA DE LA GOMS PA'O, ,RNA BA DANG SNYING TSIM PAR BYED PA'I TSIG YIN TE, TSIG 'DI'I DON NI CHOS STON PA NA GRONG KHYER PA'I SKAD DANG, SNYAN CING 'JEBS PA DANG, RNAM PAR GSAL BA DANG, RNAM PAR RIG PAR BYA BA DANG, MNYAN PAR 'OS PA DANG, MI GNAS PA DANG, MI MTHUN PA MED PA DANG, MI GSAL BA MED PA STE, GANG MDO'I DON DE NYID 'DIR YANG RNA BA DANG SNYING TSIM PAR BYED PA YIN TE, DE YANG GSUNG RGYA CHE BAS RNAR SNYAN PAS YONGS SU TSIM PAR BYED PA YIN NO, ,RNA BA DANG SNYING TSIM PAR BYED PA ZHES BYA BA 'DIS NI SNYAN PAR STON PA YIN TE, SKAD SNYAN CING 'KHOR YONGS SU TSIM PAR BYED PAS GRONG KHYER PA'I SNYAN PA'I @224B TSIG GIS BRJOD DO, ,DE BAS NA RNA BA DANG SNYING TSIM PAR BYED PAS ZHES BYA BA 'DIS NI 'JEBS PAR STON TE, SNYAN CING 'JEBS PA'O, ,DES NA SNYING TSIM PAR BYED PA'I TSIG LA MKHAS PA MNGON PAR SMRA BA YIN TE, DES RNAM PAR RIG PAR BYA BA YIN PAR DE BSTAN TE, GANG GI PHYIR RNAM PAR RIG PAR BYA BA NI BSHAD PA'I DON RNAM PAR SHES PA'I BYA BA YIN PAS MKHAS PA YIN PAR MNGON NO, ,MA KHENGS PA ZHES BYA BAS NI MNYAN PAR 'OS PA BSTAN TE, MNYAN PA'I DON NYID YIN PA'I PHYIR RO, ,MA KHENGS PA DANG, RNYED PA LA RE BA'I BRKAM PA DANG ZHUM PA MED PA ZHES BYA BA 'DIS NI MI GNAS PA BSTAN TE, RNYED PA LA SOGS PA'I 'DOD PA DANG BRAL BAS DE MI GNAS PA'O, ,DES DE NYID RNYED PA LA SOGS PA MED PA'O, ,DUL ZHING GZI BYIN CHE BA DANG, ,JI LTAR RIGS PAR 'JAM POR SMRA ZHING GSAL BA ZHES BYA BA 'DI GNYIS KYIS NI MI MTHUN PA MED PAR BSTAN TE, JI LTAR G-YOG 'KHOR 'JUG PA DES DUL ZHING GZI BYIN CHE BA YANG DES 'JUG STE, JI LTAR RIGS PAR 'JAM POR SMRA ZHING GSAL BA'I PHYIR SNYAN PA'I SKYE BO RNAMS LA MI MTHUN PA MED PA YIN NO, ,DE BAS NA JI LTAR G-YOG 'KHOR GYI 'JUG PA DES CHOS DANG CHOS MA YIN PA RAB TU 'BYED PA MKHAS PA ZHES BYA BA YIN TE, 'DIS NI MI GSAL BA MED PA BSTAN TE, DPAG TU MED PA'I SPOBS PA DANG LDAN PA'I PHYIR MI GSAL BA MED PA YIN TE, DES NA YANG CHOS DANG CHOS MA YIN PA RAB TU 'BYED PA LA MKHAS PA NYID DO, ,DE LTAR MDO'I TSIG GI RJES SU 'BRANG BA YIN TE, TSIG BRGYAD PO 'DI'I GO RIMS KYIS YANG DAG PAR BSTAN TE, 'DIS NI NGAG GI LAS PHUN SUM TSOGS PA BSTAN TO, ,RAB TU BYUNG BA'I SPYOD TSUL BZANG PO DANG, YA RABS RNAMS DGA' BA'I SPYOD PAS ZHES BYA BA 'DIS LUS KYI LAS PHUN SUM TSOGS PA BSTAN TO, ,CHO RIGS BTZUN PA LAS RAB TU BYUNG BAR SHES NAS ZHES BYA BA NI JI LTAR SNGAR BSTAN PA'I RGYAL RIGS PHYUG PO'I RIGS ZHES BYA BA LA SOGS PA'I RIGS @225A *, ,BZHIN DU RIM PAS DGOD DO, ,DPAL MO GZUGS DANG LDAN PA BZHIN, ,ZHES BYA BA NI GZUGS GZI MDANGS MCHOG DANG LDAN PAS SO, ,DGA' BA MNGON SUM DU GYUR PA BZHIN ZHES BYA BA NI BLTA NA RAB TU SDUG PAS SO, ,LHA MO BZHIN DU ZHES BYA BA NI BUD MED RIN PO CHER GYUR PAS SO, ,RGYU 'DI GSUM GYIS NI GZUGS MDZES SHING BZANG BAR BLTA'O, ,MTHONG NA YID NI 'PHROG PA MI'I RIGS LAS YANG DAG PAR 'DAS PA STE, BUD MED RIN PO CHER BKUR BA BZHIN DU GYUR PAR BSHAD DO, ,JI SRID CES BYA BA 'DIS DUS DANG YUL GZUNG STE, KHYAD PAR SEMS DANG 'BREL PAR STON PA NYID DE, DE'I LUS DUS DANG YUL GANG LA MTHONG BAR GYUR PA DE SRID KYI DUS DANG, DE SRID KYI YUL LTA BA ZLOG PAR NUS PA MED PA'O, ,DE BAS NA ZHES BYA BA NI GANG MTHONG BA RNAMS KYI LTA BZLOG PAR MI NUS PA'I RGYUR GYUR PAS SO, ,MYOS PAR BYED PAS NA MYOS BYED MA ZHES BYA BAR BTAGS TE MING GI YON TAN BSTAN PA'O, ,'DAS PA NI RIGS PAR GSOL BA'O, ,JI LTAR GSOL ZHE NA, DE NYID BSTAN PA'I PHYIR LHA KHYOD KYI YUL ZHES BYA BA LA SOGS PA YIN NO, ,NA ZHES BYA BA NI BUD MED RIN PO CHE YIN PA'I PHYIR RO, ,MIG DANG YID LA DBANG YANG MED PAR GYUR, ,ZHES BYA BA NI DE'I GDONG DU MIG MI 'DZUMS PAR LTA BAS MIG LA DBANG MED PA'O, ,YID LA DBANG YANG MED PAR GYUR PA NI CHOS KYI RJES SU 'BRANG BA'I BAG CHAGS PHROGS PA YIN TE; MI BRTAN PAR GYUR PA YIN PA'I PHYIR RO, ,JI LTA BU ZHE NA, MIG LA DBANG BYED PAS LUS MTHONG BAR GYUR PA DE SRID KYI DUS DANG YUL YID LA DBANG BYED PAR GYUR PA STE, 'DOD PAS MYOS NAS 'DU SHES NYAMS PAR GYUR PA'O, ,MIG LAM DU MI SNANG BAR GYUR PA ZHES BYA BA NI SNGAR BSHAD PA DANG RJES SU MTHUN PA YIN TE, 'DOD CHAGS MA BRAL BA YIS ZHES BYA BA DE'I TSIGS BCAD KYIS SO, ,CHOS DANG SRID NI CHOS DANG SRID DO, ,SRID KYI DON YANG YIN LA SGRUB PA YANG YIN PAS SRID KYI DON SGRUB PA'O, ,CHOS DANG SRID DE GNYIS KYI @225B DON SGRUB PA ZHES BYA BA LA, SRID KYI DON SGRUB PA NI NOR BSGRUB PA ZHES BYA BA'I DON TE, NOR SGRUB PA NI MA THOB PA THOB PAR BYA BA DANG, THOB PA YONGS SU BSRUNG BA DANG, BSRUNGS PA RAB TU 'PHEL BAR BYA'O, ,CHOS KYI DON SGRUB PA NI STEGS LAM RAB TU BSGRUB PA'O, , RGYAL PO'I DON SGRUB PA RNAMS ZHES BYA BA NI RGYAL POS SGRUB PA'I DON TE, BZHI PO DE DAG NI RGYAL PO'I DON SGRUB PA'O, ,SGRUB PA DE'I DUS LAS YOL BA NI 'DAS PA'O, ,PHAN PA DANG BDE BA NI PHAN PA DANG BDE BA'O, ,'BYUNG BA NI SKYE BA STE, DE NI LAM NI SKYE BA'I LAM YIN PAS PHAN PA DANG BDE BA 'BYUNG BA'I LAM MO, ,RGYAL PO'I DON SGRUB PA LAS YOL BA DE NI 'BANGS RNAMS LA PHAN PA DANG BDE BA'I LAM CHAD DE PHUNG BAR 'GYUR ZHES BSAMS PA'O, ,'DI NI MTHONG BA TZAM GYIS NI, ,ZHES BYA BA NI GANG YUL MNGON SUM DU GYUR PAS KYANG STE, 'DIS NI DBANG PO'I SGO BSDAMS PA BSTAN TO, ,DRANG SRONG RNAMS KYANG ZHES BYA BA NI NYON MONGS PA THUB PA'O, ,NYON MONGS PA'I BAG CHAGS MA SPANGS PA DANG, TSUL BZHIN MA YIN PA YID LA BYED PA LA SOGS PA RGYU GSUM PO TSANG BAS NI NYON MONGS PA RNAMS DUS RES 'GA' SKYE BAR 'GYUR TE, YUL RGYA CHER MNGON SUM DU GYUR PA DANG, TSUL BZHIN MA YIN PA YID LA BYED PA DANG, BAG CHAGS MA SPANGS PA STE, DE'I PHYIR BSHAD PA, PHRA RGYAS SPANGS PA MA YIN DANG, ,YUL 'DI NYE BAR GNAS PA DANG, ,TSUL BZHIN MA YIN YID BYED PAS, , NYON MONGS RGYU NI TSANG BA YIN, ,ZHES GSUNGS SO, ,'DOD CHAGS CAN GYI MIG LTA ZHES BYA BA'I TSIGS BCAD PHYED KYIS GONG MA LAS BZLOG PA BSTAN TO, ,'DOD CHAGS CAN GYI MIG CES PAS NI DBANG PO'I SGO MA BSDAMS PA DANG, BAG CHAGS YANG DAG PAR MA SPANGS PA NYID DO, ,RGYAL PO ZHES BYA BA 'DIS TSUL BZHIN YID LA BYAD PA YIN TE, RANG DBANG DU GYUR PAS TSUL BZHIN YID LA MI BYED PA MI LDOG PA'O, ,BDE BAR GNAS PA ZHES BYA BA 'DIS NI YUL NYE BAR GNAS PA YIN TE, DE LTAR NYON MONGS PA'I RGYU TSANG BAR GYUR PAS SO, ,NYON MONGS @226A *, ,PA RNAMS NI SEMS RANG DBANG DU GYUR PA LAS KYANG 'BYUNG STE, SNGAR BSTAN PA THAMS CAD 'DI LAS 'BYUNG BAR BSTAN TO, ,YANG NA DON GZHAN DU NA NYON MONGS PA RNAMS NI RGYU BZHIS SKYE BAR 'GYUR TE, DBANG PO'I SGO MA BSDAMS PA DANG, DE NI YUL MNGON DU GYUR PA DANG, YID LA BYED PAS DE LA LTA BA DANG, RGAS PAS NI MI NUS PA STE, DE LA NUS PA MA TSANG BAS SO, ,NANG YANG GZUNG STE, DE'I RANG BZHIN NYID DO, ,GZHAN DBANG YANG RANG LA NUS PA MED PA'I PHYIR RO, ,DE LA 'DOD CHAGS CAN GYI MIG GIS LTA ZHES BYA BA'I SKABS KYIS NI DE LAS BZLOG PA LA YANG MI 'BYUNG BA'I PHYIR RO, ,SKABS ZHIG TU ZHES BYA BA NI GNAS SKABS KYI DBANG DU BYAS PA'O, ,GRAGS PA MED PA BYED PA DANG, RANG GI DGE BA LOG PAR SPYOD PA'I SKYON GYIS 'BYOR PA MED PAR BYED PA STE, KHYIM THAB KYI DGE MTSAN NGAN PAS PHUN SUM TSOGS PA'I BGEGS SU GYUR PAS SO, ,SMAD PA NI MTSAN DANG BRAL BA'O, ,MDZES PA MED PAR BYED PA NI ZLA BA SPRIN RUM DU NUB PAS GNAM SA'I BYE BRAG MI MDZES PAR BYED PA YIN TE, GNAM DANG SA GNYIS KYI BYE BRAG MED PAR BYED PA'O, ,NGA'I RIGS DANG MTHUN PA MA YIN NO ZHES BYA BA NI DE'I MTSAN NGAN PA'I PHYIR RO, ,RE ZHIG RIGS DANG MTHUN PAR 'GYUR RO ZHES BSAMS TE DE NYID KYI KHYAD PAR BSTAN PA'I PHYIR RIM GYIS ZHES BYA BA NI DUS PHYI ZHIG NA ZHES BYA BA'I DON TE, BLON BO DE LA PHYIN MA THAG PA NI MA YIN TE, DE BAS NA 'DI LTAR STON PA STE, DE'I CHE NI RGYAL POS MTHONG BA'I LAM GYI GNAS SKABS KYANG MED DE, BAG MA SAR PAR GYUR PA'I PHYIR RO, ,BDAG RANG GI GRONG KHYER MCHOG CES BYA BA NI RGYAL PO DE'I KU MU TA'I DGA' STON LTA BA NI SKYON MED PA YIN TE, DE LTA BA'I PHYIR RO, ,KU MU TA'I DGA' STON MA YIN PA GZHAN DU NA BRKAM CHAGS CAN DU 'GYUR TE, DE YONGS SU BCAD PA'I PHYIR MCHOG CES SMOS SO, ,BLTAS RUNG BA'I PHYIR NI KU MU TA'I DGA' STON BSTAN TO, ,PHYAG DAR BYAS SHING CHAG CHAG BTAB PA ZHES BYA BA LA SOGS PA'I TSIG RKYANG PAS NI MIG DANG, RNA BA @226B DANG; SNA'I DBANG PO'I YUL PHUN SUM TSOGS PA STON TE, GRONG KHYER GYI MCHOG DE'I ME TOG KU MU TA DGA' STON BYED PA LAS TE, JI LTAR RIGS PA BZHIN DU SBYAR BAR BYA'O, ,MTSAN NGAN PA MTHONG BA NI MTSAN NGAN PA MTHONG BA'O, ,DES NA DRAN PA RNAM PAR G-YO BA GANG YIN PA DE NI MTSAN NGAN PA MTHONG NA 'DIS DRAN PA RNAM PAR G-YO BA'O, ,PHO BRANG SLAS GYI NANG NA NA CHUNG BZANG MO ZHES BYA BA DANG, BRTAN PA'I YON TAN CHE LA NGO TSA SHES, ,ZHES BYA BA'I TSIGS BCAD 'DI GNYIS KYI BSDUS PA'I DON NI BYANG CHUB SEMS DPA' DE BDAG GI PHUN SUM TSOGS PA DANG LDAN PA YIN YANG PHUN SUM TSOGS PA DE DAG 'JIG PA'I RGYU NYID DU DE'I GZUGS PHUN SUM TSOGS PA BSTAN TO, ,TSIM PAR ZHES BYA BA NI JI LTAR 'DOD PA'O, ,PHO BRANG SLAS KYI NANG NAN CHUNG BZANG MO'I ZHES BYA BA 'DIS NI 'JIG RTEN PA RNAMS LAS BUD MED DE KHYAD PAR DU BSTAN TO, ,LUS BZANG BA DANG CHAS PA NI LUS BZANG CHAS SO, ,LUS BZANG ZHES SMOS PAS NI MDOG DANG DBYIBS PHUN SUM TSOGS PA GZUNG NGO, ,CHAS PA ZHES SMOS PAS NI SPYOD PA DANG NYE BAR SPYOD PA GZUNG NGO, ,CHAGS PA NI RNAM PA BZHI STE KHA DOG GI CHAGS PA DANG DBYIBS KYI CHAGS PA DANG NYE BAR SPYOD PA'I CHAGS PA DANG, RAG PA'I CHAGS PA STE, 'DIR REG PA'I 'DOD CHAGS MA SMOS PA NI DER YUL DU MA GYUR PAS SO, ,KHA DOG DANG DBYIBS DANG, SPYOD YUL DU GYUR PA'I PHYIR MTHONG GYUR CING ZHES BYA BA YIN TE, MTHONG BAR GYUR KYANG ZHES BYA BA'I TSIGS BCAD PHYED PO DES NI BUD MED KYI LONGS SPYOD 'JIG RTEN PA LAS KHYAD PAR DU GYUR PA DANG LDAN PA YIN YANG BRTAN PA NYAMS PAR NUS PA STE, DE DANG RJES SU MTHUN PAR BSTAN PA YIN NO, ,MA 'PHYAR BA NI MI G-YO BA STE, MA 'PHYAR BA'I SEMS KYI YUL DU GYUR PA'I PHYIR MA 'PHYAR BA STE, 'PHYAR BA MED PA NI MA 'PHYAR BA'O, ,CHOS KYI LAM NI CHOS LAM MO, ,'DIR CHOS NI MNGON PAR MTHO BA STE DE'I LAM MO, DBANG PO THUL BA NI 'JIG RTEN PA STE, 'DI NI CHOS GTZO BOR BSTAN TO, ,BRTZON GYUR CING ZHES BYA BA NI 'BAD BA DANG LDAN PA @227A *, ,STE; BAG YOD PA ZHES BYA BA'I DON TO, ,DBANG PO THUL BAR GYUR PA ZHES BYA BA 'DIS NI LUGS KYI BSTAN BCOS KYI RJES SU 'JUG PA'I TSUL GCER BSTAN PA YIN TE, GANG GI PHYIR BSTAN BCOS THAMS CAD KYI NANG NA DBANG PO THUL BAR BYED PA ZHES BYA BA'I TSIG 'DIS SO, ,BSTAN PA'I YON TAN CHE LA NGO TSA SHES, ,ZHES BYA BA 'DIS NI BDAG GI DBANG DU BYAS TE, NGO TSA SHES PA DANG LDAN PA DANG, GZHAN GYI DBANG DU BYAS NAS KHREL YOD PA STE, DE GNYIS KYIS NI 'JIG RTEN SKYONG BA'I CHOS DANG LDAN PA YIN TE, SNGAR BSTAN PA'I 'KHOR GSUM LAS MI 'DA' BA DANG, THEM SKAS SU GYUR PA NI CHOS 'DI GNYIS SO, ,GZHAN GYI BUD MED LTA BA MA SMOS KYANG, ,ZHES BYA BA NI SKYE BA SNGA MA LA TSUL KHRIMS LA GOMS PAR BSTAN TE, 'DIS NI RGYU PHUN SUM TSOGS BAR BSTAN TO, , 'DOD CHAGS LANGS SHING YA MTSAN CHE BAR GYUR PA GANG YIN PA DE NI 'DOD CHAGS LANGS SHING YA MTSAN CHE BA STE, 'DIS NI NGO TSA NYAMS PAR BSTAN TO, ,BUD MED DE LA ZHES BYA BA NI PHO BRANG SLAS KYI NA CHUNG ZHES BYA BA DAG KYANG YOD CING GZHAN GYI BUD MED LTA LA MA SMOS KYANG ZHES BYA BA LA SOGS PA YIN YANG MIG GIS RING DU BLTAS PA STE, 'DIS NI KHREL YOD PA NYAMS PAR BSTAN TO, ,'DI CI KU MU TA YIN NAM ZHES BYA BA'I TSIGS BCAD 'DIS BSTAN PA NI 'DOD CHAGS KYI GNAS SKABS BCU LAS 'DOD CHAGS KYI GNAS SKABS DANG PO BSTAN PA YIN TE, MI LUS LAS 'DAS PA'I GZUGS YOD PA'I PHYIR RO, ,DE LA GNAS PA'I RNAM PA DE NI DE LTAR GYUR PA'O, ,SEMS RTZE GCIG TU DMIGS PA NI RTZE GCIG PA'O, ,DE LA RTZE GCIG TU GYUR PA'I SEMS GANG YIN PA DE NI DA LA SEMS RTZE GCIG PA'O; ,RE THAG CHAD PA'I YID GANG YIN PA DE NI RE THAG BCAD PA'I SEMS SO, ,DE LA SEMS CHAGS PA BZHIN DU ZHES BYA BA NI RNAM PAR CHAGS PA LDOG BAR MA GYUR TE, 'DOD BZHIN DU GZHAN GYI CHUNG MA YIN NO ZHES PAS SO, ,DON GYI RJES SU 'GRO BA NI DON DANG RJES SU @227B MTHUN PA'O, ,SNYAN PA DE DAG NI TSIG STE TSIG KYANG SNYAN PA'O, ,DON DANG RJES SU MTHUN PA YIN LA TSIG SNYAN PA YANG YIN PAS DON DANG RJES SU MTHUN ZHING TSIG SNYAN PA'O, ,DON DANG RJES SU MTHUN PA'I TSIG GIS 'DI LTAR BTAGS PA'I MING GANG YIN PA DE NI DON DANG RJES SU MTHUN PA'I TSIG SNYAN MING DU BTAGS PA'O, ,MING DE GANG YIN ZHE NA, MYOS BYED MA ZHES PA'O, ,DON DANG RJES SU MTHUN PA'I TSIG NYID BSTAN PA'I PHYIR SMRAS PA, BDAG NI MYOS PA BZHIN DU BYED, ,CES BYA BA YIN NO, ,DE NI BRJED PAR BDAG 'DOD NA, ,ZHES BYA BA NI GZHAN GYI CHUNG MA YIN PA'I PHYIR RO, ,SEMS KYIS MTHONG BA BZHIN DU GYUR, ,ZHES BYA BA NI DE'I GZUGS PHUN SUM TSOGS PA DANG 'DOD PAS DE NI BRJED PAR BDAG 'DOD NA MA BRJED PAS SO, ,BDAG GI SEMS NI DE LA GNAS, ,ZHES BYA BA NI SEMS KYIS MTHONG BA BZHIN DU GYUR ZHES BYA BA YIN TE, GANG GI PHYIR ZHE NA, SEMS DE DE'I DBANG DU GYUR PAS SO, ,DE'I DBANG DU GYUR ZHES BYA BA NI SEMS DE'I DBANG DU GYUR PA STE, DE LTAR BRJED PAR 'DOD KYANG MI BRJED PA'I RGYU DANG, MI MTHONG BAR 'DOD KYANG MTHONG BA'I RGYUS ZHES TSIGS BCAD 'OG MA PHYED NYID BSTAN TO, , CHUNG MA YIN BA LA ZHES BYA BA NI CHUNG MA'I PHYIR RO, ,BDAG KYANG ZHES BYA BA NI SNGAR BSHAD PA'I YON TAN GYI MTSAN NYID DANG LDAN PAR BSTAN PA'O, ,DE LTAR MI BRTAN PA ZHES BYA BA NI, ,DE NI BRJED PAR 'DOD PA LA, ,SEMS KYIS MTHONG BA BZHIN DU GYUR, ,ZHES BYA BA DE NYID SNYEN PAR BYED PA YIN NO; ,DE BAS NA GONG DU BSHAD PA'I RGYU DE DAG GIS NGO TSA BA DANG BRAL BZHIN DU ZHES BYA BA NI DE MI BRTAN PA NYID YIN TE, BAG CHAG SA ZHEN PA NYID DU STON TO, ,GNYID DANG BRAL BA ZHES BYA BA NI DE'I MI BRTAN PA YIN TE, SHAS CHER STON PA'O, ,SEMS KYIS MTHONG BA BZHIN DU ZHES BYA BA NI GANG GONG DU BSTAN PA YIN TE, JI LTAR MTHONG BA YIN ZHE NA, DE NYID BSTAN PA'I PHYIR, DE'I LUS BZANG CHAS SHING ZHES BYA BA'I TSIGS BCAD YIN NA, ,LUS BZANG ZHES BYA BA SMOS PAS NI SNGA MA BZHIN DU MDOG DANG DBYIBS GNYIS GZUNG NGO, ,CHAS SHING 'GRENG DANG LTA BA LA, ,ZHES BYA BA @228A *, ,NI SNGAR BSHAD PA'I NYE BAR SPYOD PA'I DBYE BA BSTAN PA'I PHYIR RO, ,CHAGS PAS MA G-YOS PA'I YID GANG YIN PA DE NI CHAGS PAS RTZE GCIG PA'I YID DU GYUR PA'O, ,DE BAS NA GZHAN DON SGRUB PA DE'I GO RIMS NI RIM GYIS YIN TE, DE'I SBRON PA NI DON SGRUB GO RIMS SBRON PA STE, DE LA SGRA GRAG PA GANG YIN PA DE'O, ,ZHE SDANG NI KHRO BA'O, ,SEMS LA SDANG ZHES BYA BA NI RAB TU SAD PAR BYED PA STE, RAB TU NYAL TE ZHEN PA LAS SAD PAR BYED PA'O, ,BRNAGS TE BOR YANG ZHES BYA BA NI 'DOD PAS MYOS PA'I MTHU YIN PA'I PHYIR RO, ,BRNAGS KYANG BRTAN PA NYAMS PAR GYUR TO, ,MDABS NI SER SKYAR GYUR CING LUS KYANG SHA BRI STE SRAB MOR GYUR ZHES BYA BA NI 'DOD CHAGS KYIS MYOS PAR GYUR PA'I RNAM PA RAB TU MNGON PAR GYUR PA'O, ,SEMS KHONG DU CHUD CING SHUGS NAR ZHES 'BYUNG LA, GLAL YANG DANG YANG DU 'BYUNG BA ZHES BYA BA NI BYA BA'I TSUL LAS 'DOD CHAGS KYIS MYOS PAR GYUR PA RAB TU MNGON PA'O, ,SPYOD YUL GYI MTSAN NYID YIN PA'I PHYIR SHIN TU GSAL BA'I DON TE, SPYOD TSUL 'DI'I RNAM PA YIN PA STE, 'DOD PAS MYOS PAR GYUR PA'I RNAM PA'O, ,'DOD CHAGS KYIS MYOS PAR GYUR PA'I RNAM PA RAB TU MNGON PAR GYUR PA GANG YIN PA DE NI 'DOD PAS MYOS PAR GYUR PA'I RNAM PA RAB TU MNGON PA STE, RNAM PA'AM SPYOD TSUL RAB TU GSAL ZHING MNGON PAR GYUR PA ZHES BYA BA'I DON TO, ,'DOD CHAGS KYIS MYOS PAR GYUR PA'I RNAM PA RAB TU MNGON ZHES BYA BA 'DI'I DON NI BSTAN PA CHEN POS ZHES BYA BA'I TSIGS BCAD 'DI SA STON PA YIN TE, 'DI'I DON NI BRNAGS SHING BSGRIMS PA NI RAB TU BKAG PA BZHIN DU'O, ,YID GYUR PA NI LUS KYI BYA BA DANG SPYOD PA GYUR PA'I RNAM PA SNANG BA LAS MNGON PAR GYUR PA YIN TE, TSIGS BCAD 'DIS NI BSHAD PA'I DON DE NYID BSTAN TO, ,YID GYUR PA NI 'DOD CHAGS KYIS MYOS PAR GYUR PA'O, ,SEMS KHONG DU CHUD PA'I MIG DANG, BZHIN DANG MDANGS ZHES BYA BA NI GANG GONG DU BSTAN PA'I SEMS KHONG DU CHUD CING SHUGS NAR ZHES 'BYUNG LA GLAL YANG DANG YANG DU 'BYUNG @228B ZHES BYA BA DE NYID STON TO, ,SHA BRI SRAB MOR GYUR ZHES BYA BA 'DIS NI SER SBKAR GYUR CING SHA BRI STE SRAB MOR GYUR ZHES BYA BA DE NYID BSTAN PA YIN NO, ,DES BRDA DANG MTSAN MA LA MKHAS PA ZHES BYA BA LA BRDA NI GANG GONG DU BSTAN PA'I SEMS KHONG DU CHUD CING SHUGS NAR ZHES 'BYUNG LA; GLAL YANG DANG YANG DU 'BYUNG ZHES BYA BA DE NYID KYIS BSTAN PA YIN NO, ,MTSAN MA NI GANG GONG DU BSTAN PA'I SER SKYAR GYUR CING LUS KYANG SHA BRI STE SRAB MOR GYUR ZHES PA DANG, 'DOD CHAGS KYIS MYOS PAR GYUR PA'I RNAM PA MNGON PAR GYUR BA ZHES GANG BSTAN PA'O, , BRDA DANG MCHAN MA ZHES BYA BA BSDUS PA NI RNAM PA ZHES SMOS PA STE DE NYID YIN TE, SPYOD TSUL DU RNAM PA DE'I MTSAN NYID DU BYAS NAS BRDA DANG MTSAN MA LA MKHAS PA'I BLO'O, ,GANG LA YOD PA DE NI BRDA DANG MTSAN MA LA MKHAS PA'I BLO'O, ,RGYAL PO DE DE LTAR GYUR ZHES BYA BA NI SER SKYAR GYUR CING LUS KYANG SHA BRI SRAB MOR GYUR PA DANG, SEMS KHONG DU CHUD CING SHUGS NAR ZHES 'BYUNG LA GLAL YANG DANG YANG DU 'BYUNG BA STE, DE'I RGYU NI MYOS BYED MA MTHONG BA'I RGYUS DE RGYU DANG BCAS PAR RO, ,DE MA RUNG DU GYUR PA NI MA RUNG BAR GYUR PA STE SHI BAR RO, ,DE LA DOGS LA YOD PA GANG YIN PA DE NI MA RUNG DU DOGS PA'O, ,DE MA RUNG DU DOGS PA'I RGYU BSTAN PA'I PHYIR SMRAS PA, 'DOD CHAGS KYANG MTHU CHE BAR ZHES BYA BA YIN NO, ,NANG DU MCHI BAR GNANG BA NI ZHU BA'I DON YOD DO ZHES SMRAS NAS GNANG BA'O, ,RTOG PA SKYE BA NI CI BDEN PA NYID DAM BRDZUN PA ZHES SO, ,DE LTAR MAD NA ZHES BYA BA NI DE JI LTAR SMRA BA BZHIN DU STE, MYOS BYED MA DE LA RGYAL PO'I THUGS CHAGS PA'O, ,BKA' STZAL PAR BYA BA DE MI BSRUNG BA NI BKA' MA STZAL PA'O, ,BU MO 'DI PHYAG TU BZHES ZHES BYA BA NI CI NAS KYANG BSNAMS PA'I RIGS SO ZHES PA'O, ,YANG NA BKA' STZAL PA'I PHYIR RO, ,LTAS KYIS BSKUL BAS ZHES BYA BA NI GAB PA YIN NA'ANG 'DI'I DON GSAL BAR BSTAN PAS SO, ,MI 'DOD PA'I TSIG 'BRU GSAL BA STE, GANG GI TSIG DE'O, ,DE NI MI RIGS SO ZHES BYA BA NI BU MO DE PHYAG TU BZHES SHIG CES GANG SMRAS PA'I TSIG DE MI RIGS PAR BSHAD PA'O, ,MI 'DOD PA'I RGYU BSTAN PA'I PHYIR, BSOD NAMS @229A *, ,NYAMS GYUR ZHES BYA BA LA SOGS PA'I DANG PO'I TSIGS BCAD GNYIS YIN TE, BSOD NAMS NYAMS GYUR ZHES BYA BA NI BGROD PA MA YIN PAR BGROD PAS SO, ,DES CIR 'GYUR ZHE NA, DES SMRAS PA, BDAG KYANG MI 'CHI MIN ZHES BYA BA STE, 'DIS NI SHI BAR GYUR NA BSOD NAMS NYAMS PAR 'GYUR BAS BDAG GI BGROD PA'I NYES DMIGS BSTAN PA'O, ,BDAG GI SDIG PA 'DI YANG GZHAN GYIS SHES PAR 'GYUR, ZHES BYA BA NI GRAGS PA MA YIN PA THOB PA'I NYES DMIGS YIN NO, ,DE DANG BRAL BAR GYUR BAS ZHES BYA BA 'DIS NI 'JIG RTEN 'DI DANG PHA ROL GNYIG LA GNOD PA YIN TE, 'JIG RTEN 'DIR NI SHI BAR GYUR PAS GNOD PA'O, ,YID 'GYOD CING SHI BAS 'JIG RTEN PHA ROL TU NGAN 'GROR 'GRO BA YIN NO, ,'JIG RTEN 'DI DANG ZHES BYA BA'I TSIGS BCAD 'DI NI BSOD NAMS NYAMS PA ZHES BYA BA DE'I RJES SU 'GRO BA'I TSIG YIN TE, GNYI GA LA GNOD PAR 'GYUR BA NI BDAG DANG PHA ROL GNYIG LA STE, 'JIG RTEN 'DIR BDAG NI 'GRO BA MA YIN PAR 'JUG PA'I RGYUS NGAN 'GROR 'GRO BAR 'GYUR ZHES BYA BA YIN LA, PHA ROL NI 'GYOD CING 'CHI BAR GYUR PAS NGAN 'GROR 'GRO BA'O,, DE GCIG BUR YANG MA ZAD DE, BDAG NYID LA NI MI SNYAN PA YANG YIN LA, PHA ROL NI 'CHI BAR 'GYUR BA STE, DE LTAR BZHI PO DES GNOD PA YIN NO, ,DE MI 'DOD PA NI TSE 'DI DANG PHA ROL GNYI GA LA GNOD PA'I LAS SO, ,GANG PHYIR ZHES BYA BA NI BDAG GI RGYU DE NYID DE'I RGYU ZHES BYA BA YIN TE; BDAG GI RGYU NYID LA MKHAS PA STE, DE LTAR GNOD PAR GYUR PA'I LAS DE LA RTOGS PAR BYED PA LA MKHAS PA'O, ,BSOD NAMS NYAMS ZHES BYA BA'I TSIG GI LAN NI, SBYIN PA BGYID PA'I GROGS BGYIS PAS, ,ZHES BYA BA'I TSIGS BCAD 'DI YIN TE, SBYIN PA BKAG PAS CHOS KYI BGEGS SU JI LTAR 'GYUR ZHE NA, DE NYID SMRAS PA, DE MA BZHES PA STE, BDAG LAS SBYIN PA MA BZHES PAS DES NA DE LTAR SBYIN PA'I BGEGS SU 'GYUR BA YIN NO, ,BDAG GI SDIG PA 'DI YANG GZHAN GYIS SHES PAR 'GYUR, ,ZHES BYA BA 'DI'I LAN NI, 'O SKOL GNYIS LAS MA @229B GTOGS BA, ,ZHES BYA BA'I TSIGS BCAD YIN NO, ,DE DANG BRAL BAR GYUR PAS 'GYOD PA'I ME, ,ZHES BYA BA DE'I LAN NI, DE LTAR BGYIS NA BDAG LA SMAN YON BTAGS PAR 'GYUR, ,ZHES BYA BAS DANGS PA'I TSIGS BCAD KYIS BSTAN TE, BDAG LA SMAN YON BTAGS PAR 'GYUR GYI; DE DANG BRAL BAS 'GYOD PA NI MED DO ZHES PA'O, ,DE MED PAS 'CHI BA YANG MED DE DE'I RGYUR GYUR PA'I 'CHI BA DE MED PAS NGAN SONG DU 'GRO BA MED PA'O, ,TSIGS BCAD 'DI GSUM GYIS NI SNGAR BSTAN PA'I NYES PA BZHIN PO'I LAN BSTAN PA YIN NO, ,SPYIN PA BGYID PA'I GROGS BGYIS PAS, ,ZHES BYA BA'I TSIGS BCAD GANG BSTAN PA DE'I LAN NI, NGA LA RAB TU BYAMS PA'I PHYIR, ,ZHES BYA BA'I TSIGS BCAD YIN TE, SNGAR GYI SBYIN PA ZHES BYA BA NI SEMS CAN GYI SBYIN PA NI RNAM PA BZHI STE, PHAN PA YIN LA BDE BA MA YIN BA DANG, BDE BA YIN LA PHAN PA MA YIN PA DANG, BDE BA YANG YIN LA PHAN PA YANG YIN PA DANG, BDE BA YANG MA YIN LA PHAN PA YANG MA YIN PA'O, ,BZHI PO DE LAS PHAN PA MED PAR 'GYUR BA NI RNAM PA THAMS CAD DU SBYIN PAR MI BYA BA YIN PAS GANG PHAN PA MA YIN LA BDE BA YIN PA DE YANG SBYIN PAR BYA BA YIN NO, ,PHAN PA YANG MA YIN LA BDE BA YANG MA YIN PA DE YANG SBYIN PAR BYA BA MA YIN NO, ,GANG PHAN PA DANG BDE BA DE NI SBYIN PA YIN NO, ,GANG MI BDE NA YANG PHAN PA DE NI SBYIN PA YIN NO, ,DE BAS NA 'DI NI BDE BA NYID YIN GYI PHAN PA NI MA YIN TE, 'DI LTA BU'I MTSAN NYID KYI SBYIN PA NI RNAM PA THAMS CAD DU CHOS SGRUB PA'I GROGS MA YIN NO, ,BDAG LA SMAN BTAGS PAR 'GYUR ZHES BYA BA LA SOGS PA'I TSIGS BCAD GANG GONG DU BSTAN PA DE'I LAN NI, RAB TU BYAMS PAS NGA YI PHYIR, ,ZHES BYA BA'I TSIGS BCAD YIN TE, GROGS PO LAS KHYAD PAR DU GYUR PA NI GNYEN PAS LHAG BA STE; RGYU DES NA RAB TU BYAMS PAS NGA'I PHYIR, RANG GI SROG KYANG PHONGS PAR MI LTA BAS SO, ,'O SKOL GNYIS LAS MA GTOGS PAR, ,ZHES BYA BA GANG GONG DU BSTAN BA'I TSIGS BCAD DE'I LAN NI, MA MTHONG BAR NI SDIG PA BYAS PA ZHES BYA BA YIN TE, LKOG TU SDIG PA BYAS PA @230A *, ,LA YANG BDE BA MED DE, LKOG TU SDIG PA SPYOD PA DE'I DBANG DU BYAS NAS, RNAM DAG MIG GIS MI MTHONG MI SRID DO, ,ZHES BYA BA LA SOGS PA YIN TE, LHA ZHES SMOS PAS NI LAS LAS GYUR PA'I LHA'I MIG GZUNG NGO, ,RNAL 'BYOR CAN ZHES SMOS PAS NI MNGON PAR SHES PA LAS BYUNG BA'I LHA'I MIG GZUNG NGO, ,BDAG LA SMAN YON BTAGS PAR 'GYUR, ,ZHES BYA BA LA SOGS PA'I LAN NI, ,DA NI KHYOD LA MI PHANGS SAM, ,ZHES BYA BA'I TSIGS BCAD YIN TE, DE NI BDAG NYID KYIS DE'I LUS LA SOGS PA'I YON TAN DANG LDAN PAR MTHONG BA STON PA YIN NO, ,DE NI BTANG BA ZHES BYA BA DE DE LTA BU'I MTSAN NYID DANG LDAN PA 'O, ,SDUG BSNGAL ZHES BYA BA NI 'GYOD PA'O, ,NGA LA RAB TU BYAMS PA'I PHYIR, ,ZHES BYA BA LA SOGS PA'I TSIGS BCAD GSUM GYI LAN NI, BDAG NI BU SMAD CES BYA BA'I TSIGS BCAD 'DI SMRAS PA YIN TE, BRAN MO 'DI SBYIN PA NI CHOS SBYIN PA'I GROGS NYID YIN GYI, GROGS PO NYID DU NI MA YIN TE, RJER GYUR PA DANG LHAN CIG YIN PA'I PHYIR RO, ,MA MTHONG BAR NI SDIG PA BYAS PA ZHES BSTAN PA DE YANG SDIG PA MIN TE RGYU DE GNYIS KYI PHYIR RO, ,DE LTAR TSIGS BCAD GSUM ZAM PA LAS GCIG GI LAN NI MA BSTAN TO, ,DE NI KHYOD LA MI PHANGS ZHE'AM ZHES BYA BA'I TSIGS BCAD DE'I LAN NI 'DI BRTZAMS BA YIN TE, DE NI BDAG LA PHANGS PA LAGS MOD KYI, ,ZHES BYA BA LA SOGS PA'I TSIGS BCAD 'DI YIN NO, ,CHOS SPYOD PA LAS DPAL NI ZHES BYA BA'I TSIGS BCAD 'DI NI RANG GI NGES PA NGES PAR GZUNG BA DANG, BDAG NYID KYI NGO TSA NYID GZUNG BA'I PHYIR SMRAS PA STE, NGO CHA YANG GANG ZHE NA BDAG DANG CHOS KYI DBANG DU BYAS NAS KHAN MA THO BA LA 'DZEM PA'O ZHES BYA BA'I TSIG GIS SO, ,MTSON GYIS RAB[?] PA'AM, ME'I NANG DU ZHUGS PA ZHES BYA BA 'DI GNYIS SMOS PAS NI LUS KYI DBANG PO BDE BA'I MTHUN PA NYID YIN TE, TSIG PA DANG BCAS PA'I RGYU GNYIS KYIS SO, ,ME DANG MTSON GYIS TSIG PA DANG CHAD PAS NI 'JIG RTEN PHA ROL TU NGAN 'GROR 'GRO BA MED DE, DE NYID KYIS BTAB PA DANG ZHUGS PAS NI KHAS LEN @230B PA'O; ,CHOS MA YIN PA SPYOD PAS NI 'JIG RTEN PHA ROL TU NGES PAR NGAN SONG DU 'GRO BA'I PHYIR RO, ,SKYON MED CHUNG MA BOR NA NI, ,ZHES BYA BA NI CHOS DANG 'GAL BAR BSTAN TE, DES NA CHOS DANG 'GAL BA YIN BAS, NGA YIS CHAD PAS BCAD TA RE, ,ZHES PA'O, ,SMAD PA'I GNAS SU KHYOD GYUR NA, ,ZHES BYA BA NI GRAGS PA MA YIN PA THOB PAR BSTAN TO, ,PHA ROL BSREG PAR 'GYUR ZHES BYA BA NI SKYON MED CHUNG MA BOR BA'I PHYIR RO, ,NGA YIS CHAD PAS BCAD PA DANG SMAD PA'I GNAS SU GYUR PA ZHES BYA BA NI 'DIR BSREGS PA'O, ,CHOS DANG 'GAL BAR GYUR PA ZHES BYA BA NI SKYON MED CHUNG MA BOR BAS SO, ,SKYE BOS SMAD PA NI, SMAD PA'I GNAS SU KHYOD GYUR NA, ,ZHES BYA BAS SO, ,BDE BA NYAMS KYANG RUNG ZHES BYA BA NI RGYAL POS CHAD PAS BCAD KYANG RUNG BA'O, ,BZOD PAR BGYI ZHES BYA BA NI RAB TU 'DOD PA'O, ,RNAM PA 'DI GSUM BZOD PAR BYA BA'I RGYU SMRAS PA, KHYOD LA BDE BAS BDAG NYID BDER GYUR NA, ,ZHES BYA BA YIN TE, SNGAR BSHAD PA'I NYES PA RNAM PA GSUM GYI NYES PA MED PA DE RAB TU BSGRUB PA'I PHYIR, SA BDAG CHEN PO 'JIG RTEN 'DI NA NI, ,ZHES BYA BA'I TSIGS BCAD BRTZAMS PA YIN TE, JI LTAR MCHOD SBYIN LA SBYIN PAR BYA BA'I GNAS KYI SBYIN GNAS DAM PA LA BYIN PAS NI CHOS MA YIN PA MED PA LTAR 'DIS NA YANG KHYOD KYIS CHAD PAS BCAD PAR YANG MI 'GYUR LA DE NYID KYI PHYIR GRAGS PA MA YIN PAR YANG 'BYUNG BAR MI 'GYUR BAS DE BAS NA NYES PA GSUM YANG MED DE, BDAG LA BRTZE BA'I PHYIR YANG DE BZHES SU GSOL ZHES BSTAN PA YIN NO, ,GAL TE CHOS DANG 'GAL BAR GYUR KYANG DE LTO BA BZED PAR BGYI ZHES BYA BA'I LAN NI NGA LA RAB TU BYAMS PA'I PHYIR PHAN PA DANG ZHES BYA BA LA SOGS PA YIN NO, ,SKYE BOS SMAD CING ZHES BYA BA DE'I LAN NI 'JIG RTEN PAS SMAD PA LA 'DZEM PA MED PAR BYA BA MI RIGS SO ZHES BYA BA YIN NO, ,DE BAS NA 'JIG RTEN PAS SMAD PAR BYA BA LA YANG MI 'DZEM PAR BYA BA MI RIGS TE, DE YANG, 'JIG RTEN SMOD PAS 'DZEM PA MED PA DANG, ,ZHES BYA BA'I TSIGS BCAD 'DIS @231A *, ,'DIS SGRUB PA STE, SMOD PAS 'DZEM PA MED PA NI CHOS LA MI LTA BA'I PHYIR RO, ,PHYI MA NI 'JIG RTEN PHA ROL GYI CHOS KYI 'BRAS BU LA MI 'DZEM PA STE, CHOS LA MI LTA BA'I PHYIR RO, ,DE BZHIN DU LHAG MA 'JIG RTEN 'DI'I MCHOG TU 'DZIN PA YIN NO ZHE NA, YANG 'DI'I DON MI 'GRUB PAR BSTAN PA'I PHYIR SMRAS PA, GANG YIN SKYE BO DE LA YID MI CHES, ,ZHES SMOS TE, DE LA ZHES BYA BA NI SMAD CING CHOS DANG PHYI MA'I 'BRAS BU LA MI LTA BA STE, CI NAS KYANG BSAM PA CHOS DANG 'JIG RTEN PHA ROL GYI 'BRAS BU RNAM PAR SPANGS PA'O, ,DE BZHIN DU MTHOD BA'I CHOS LA YANG DPAL GYI 'BRAS BU SPANGS PAR 'GYUR TE, DPAL NI SKYE BO YID CHES PA RTZA BAR GYUR PA NYID LAS SO, ,BDE BA NYAMS KYANG RUNG ZHES BYA BA SNGAR BSTAN PA DE'I LAN NI 'DIS BSTAN TE, BDE BA MA YIN PA NI CHOS MA YIN PAR SPYOD PA GTZO BOR BSTAN PA'I PHYIR KHYOD LA NGA SMRA'O ZHES BYA BA YIN TE, SROG GI PHYIR YANG ZHES BYA BA'I TSIGS BCAD YIN NO, ,CHOS DANG 'GAL BA LA NI 'GAL BAR MA BYED CIG PA STE, CI'I PHYIR ZHE NA, NYES PA CHE BAR 'GYUR BAR GDON MI ZA BA'I PHYIR RO, ,NGAN SONG DU 'GRO BA'I RGYU YIN PAS SROG GI PHYIR YANG ZHES BYA BA YIN NO, ,CI'I PHYIR ZHE NA, LEGS 'BYUNG CHUNG LA DOGS PA DANG BCAS PA'I PHYIR RO, ,DOGS PA DANG BCAS PAS DE'I SROG KYANG YID BRTAN DU MI RUNG BAS SO, , LEGS 'BYUNG CHUNG YANG ZHES BYA BA NI YUN RING DU 'TSO BAR GYUR KYANG MTHONG BA'I CHOS LA BDE BA SHIN TU CHUNG BA'I PHYIR RO, ,DE LTAR DE LA RANG GI CHUNG MA YONGS SU GTONG BA MI RIGS PAR BSTAN NAS, DE NI BDAG NYID KYIS BLANG BA NYID DU MI RIGS PAR BSTAN PA'I PHYIR SMRAS PA, DAM PA RNAMS NI PHA ROL SMAD LA SOGS, ,ZHES BYA BA'I TSIGS BCAD SMOS SO, ,SMAD PA LA SOGS PA'I SDUG BSNGAL GANG YIN PA DE NI SMAD PA LA SOGS PA'I SDUG BSNGAL BYAS PA STE, GANG SNGAR BSTAN PA'I CHOS DANG 'GAL BA DANG, SKYE BOS SMAD PA DANG, BDE BA @231B NYAMS PA'I MTSAN NYID NI SMAD PA LA SOGS PA'I SDUG BSNGAL SMOS PA 'DIS GZUNG NGO, ,MI GNOD PAR ZHES BYA BA NI SMAD PA LA SOGS PA'I SDUG BSNGAL BLANGS NAS SO, ,BDAG GI DON SGRUB CES BYA BA NI BYANG CHUB SEMS DPA'I SGRUB PA STE, BDAG DANG GZHAN GYI CHOS SU BSHAD PA'O, ,GNYI GA'I CHOS MA YIN PA MED PAR BSTAN PA'I PHYIR RJE'I DON DU ZHES BYA BA LA SOGS PA'I TSIGS BCAD 'DI YIN TE, DE'I SLAD DU LJONGS KYI MI DANG BCAS PAS ZHES BYA BA 'DIS NI GNYI GA LA YANG CHOS MA YIN PA DANG GRAGS PA MA YIN PA MED PAR BSTAN TO; ,RGAN PA BSNYEN BKUR BYA BA BYAS PA DANG, ZHES BYA BA'I TSIGS BCAD 'DI'I BSDUS PA'I DON NI DGE BA'I BSHES GNYEN BSTAN PA DANG, CHOS NYAN PA DANG TSUL BZHIN YID LA BYED PA BSTAN TO, ,YANG NA BLA MA DANG DAM PA'I TSOGS LA BSNYEN BKUR BYAS PA DANG SHES RAB PHUN SUM TSOGS PAR BSTAN TO, ,'KHOR GSUM GYI RIG PA NI 'KHOR GSUM RIG PA'O, ,DON GYI DE KHO NA NYID NI DON GYI DE NYID DO, ,LHAG PA'I DON GYI DE KHO NA NYID NI LHAG PA'I DE KHO NA NYID DE, 'KHOR GSUM RIG PA'I LHAG PA'I DON GYI DE KHON NYID DO, , 'JIG RTEN PA LA PHAN DANG GNOD PA NI, ,ZHES BYA BA LA SOGS PA'I TSIGS BCAD GNYIS NI SKYE DGU RNAMS CHOS DANG 'GAL BAR 'GYUR BA'I DBANG DU BYAS PA'O, ,GAL TE RGYAL PO RNAMS LEGS PAR SPYOD NA NI 'BANGS RNAMS LA PHAN PA YIN LA, CI STE LEGS PA MA YIN PA SPYOD NA NI GNOD PA YIN NO, ,'BANGS RNAMS SNYING NYE BSAMS NAS NI, ,ZHES BYA BA NI GZHAN GYI SKYE BO BAS LHAG PAR BDAG LA SNYING NYE BA YIN TE, KHYAD PAR DES NA BDAG GIS LEGS PA DANG LEGS PA MA YIN PA SPYAD PA DE GNYIS KYIS 'JIG RTEN PA'I PHAN PA DANG, GNOD PA'I RGYUR GYUR PA YIN PAR BSTAN TO, ,GTAM SNYAN PA NI GRAGS PA'O, ,LAM GYI MCHOG NYID NI CHOS KYI LAM MO, ,RGYAL PO RNAMS KYI SPYOD PA LA 'BANGS RNAMS RA GA LUS PA YIN TE, PHAN PA DANG GNOD PAR 'GYUR BA DE NYID BSGRUB PA'I PHYIR DPES BSTAN PA STE, KHYU @232A *, ,MCHOG 'GRO BA DRANG NGAM YO BA BZHIN, ,ZHES BYA BA'I TSIGS BCAD YIN NO, ,RGYAL PO'I LEGS PA DANG LEGS PA MA YIN PA'I SPYOD PA LA SKYE DGU'I PHAN PA DANG GNOD PA RAG LUS PA BDAG NYID KYANG MI RIGS PA LAS LDOG PAR MI NUS NA GZHAN DAG JI LTAR BZLOG PAR MI NUS ZHES PA STE, JI LTAR 'KHRUL PA MED PAR RJES SU 'BRANG BA'I SKYE DGU'O, ,DE LTAR 'BANGS LA PHAN PA'I ZHES BYA BA'I TSIGS BCAD NI 'BANGS LA PHAN PAR LTA BA'I TSIGS BCAD YIN TE, 'BANGS LA PHAN PA 'OG TU BSHAD PA NI MI RIGS TE, SNGAR SMOS PA NI SKYE DGU LA PHAN PA GTZO BO YIN PA'I PHYIR DE LTAR GONG DU BSTAN TO, ,DE'I 'OG TU SMOS PA'I CHOS DANG GRAGS PA LAS NI 'GAL BAR GYUR KYANG PHAN PA LAS MI 'DA' BAR BSTAN PA'I PHYIR GTZO BO YIN TE, 'BANGS LA PHAN PAR LTA BA NI GCES PA'I PHYIR RO, , DE LTAR PHAN PA DE LA ZHUGS PA DANG, DE'I 'OG TU CHOS DANG, DE'I 'OG TU GRAGS PA'O, ,DE BAS NA RIM PA 'DI NI BDAG GIS DE LTAR BSTAN TO, ,AE MA'O 'BANGS RNAMS SKAL BA PHUN SUM TSOGS, ,ZHES BYA BA NI CI'I PHYIR ZHE NA, DPE MED PA'I CHOS LA RJES SU DGA' BA DANG, BDE BA LA MA CHAGS PA DE LTA BUS BSRUNGS PA THOB PAS SO, ,DPE MED PA NI DKA' THUB KYI NAGS NA GNAS PA LA YANG CHOS LA DGA' ZHING BDE BA LA MA CHAGS PA DE LTA BU DKON TE, DKA' THUB NAGS NA GNAS PA'I YON TAN DAG LAS SHIN TU LHAG PA'I PHYIR RO, ,RGYAL PO CHEN PO ZHES BYA BA NI THA MAL PA MA YIN PA STE, DON JI LTA BA BZHIN GYI MING BSTAN PA'O, ,CHEN PO'I SGRA NI SNGAR SMOS PA DE NYID BSGRUB PA'I PHYIR SMOS PA YIN TE, GANG RNAMS BSRUNG BA'I RGYAL PO KHYOD, ,CES BYA BA'I LAS KYIS SO, ,DE LA NGO MTSAR CHE BA NYID MED PAR BSTAN PA'I PHYIR, RGYA MTSO RIN CHEN 'BYANG GNAS BZHIN, ,ZHES BYA BA'I TSIGS BCAD YIN TE, 'DIS NI GZHAN LA MED PA'I YON TAN STON TO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS @232B MYOS BYED MA'I SKYES PA'I RABS SO,, ,,CHOS LA GNAS NA ZHES BYA BA NI BDEN PA'I TSIG GANG GI GNAS CHOS YIN PA DE NI, BDEN PA'I TSIG CHOS LA GNAS PA'O, ,'DIR CHOS ZHES SMOS PAS NI SROG GCOD PA LAS LDOG PA YIN TE, DE LA GNAS PA'I GANG BDEN PA'I TSIG DE NI CHOS LA GNAS PA'I BDEN PA'I TSIG YIN NO, ,'BRAS BU NI DE'I 'BRAS BU LTA SMOS KYANG CI DGOS ZHES BYA BA YIN TE, DE ZHES BYA BA NI GANG BDEN PA'I TSIG GI GNAS SROG CHAGS LA PHAN 'DOGS PAR 'JUG PA DANG, SROG GCOD PA LAS LDOG PA'O, ,YANG NA BDEN PA'I TSIG DE'I 'BRAS BU DE NI DE'I 'BRAS BU STE, SROG CHAGS LA PHAN GDAGS PA DANG, RNAM PAR 'TSE BA LAS BZLOG PA'O, ,CHOS KYI RJES SU 'JUG PA ZHES BYA BA NI BDEN PA'I TSIG GI 'BRAS BUR GYUR PA'I CHOS KYI RJES SU 'JUG PA'O; ,YANG NA CHOS NI SROG GCOD PA LAS SLAR LDOG PA'O, ,DE LA GNAS PA'I BDEN PA'I TSIG GANG YIN PA DE NI CHOS LA GNAS PA'I BDEN PA'I TSIG STE, DE'I 'BRAS BU GANG SROG GCOD PA LAS LDOG PA NYID DO, ,DE BAS NA CHOS KYI RJES SU 'JUG PAR BYA'O ZHES BYA BA YIN TE, SROG GCOD PA LAS LDOG PA'I MTSAN NYID KYI CHOS KYI RJES SU 'JUG PAR BYA'O ZHES PA'O, ,RANG BZHIN GYIS SHES RAB RNO BAS ZHES BYA BA NI SHES RAB DANG SNYING RJE RAB TU BSGOMS PA'I PHYIR BYANG CHUB SEMS DPA' NI RIGS KYIS SHES RAB SHAS CHE BA YIN PAS SHES RAB RNO BA ZHES SMOS SO, ,RANG BZHIN DANG RIGS DANG, RGYU DANG SA BON ZHES BYA BA RNAM GRANGS SO, ,RANG BZHIN GYIS SHES RAB RNO BA NI RIGS KYIS GRUB PA'I SHES RAB RNO BA'O, ,GTZUG LAG KHYAD PAR CAN GANG DANG GANG, SGYU RTZAL KHYAD PAR CAN GANG DANG GANG ZHES BYA BA LA, KHYAD PAR CAN SMOS PA NI GTZUG LAG DANG SGYU RTZAL GYIS SEMS CAN RJES SU BZUNG BAR BYED PA YIN TE, SLOB PAR 'DOD PA DE YANG DAG PAR BSTAN PA'I PHYIR DE DANG DE DAG LA ZHES BYA BA YIN TE, SKYE BO GZHAN PAS LHAG PAR 'GYUR, , @233A *, ,ZHES BYA BA NI SKYE BO DRI MA'I SHES RAB LAS KYANG LHAG PAR 'GYUR RO ZHES BYA BA'I DON TE, SHES RAB RNO ZHING SKYE BO GZHAN PAS ZHES BYA BAS NI LHAN CIG SKYES PA'I SHES RAB KYIS KYANG LHAG PAR 'GYUR BA YIN TE, GZHAN DAG GI SHES RAB NI 'BAD PA LAS BYUNG BA'I ZHES BYA BA'I DON TO, ,NAR MA DANG GLO BUR NI NAR MA DANG GLO BUR RO, ,'BYUNG BAR 'GYUR BA'I LTAS NI 'BYUNG BAR 'GYUR BA'I LTAS SO, ,'BYUNG BA'I LTAS DANG MTSAN MA NI 'BYUNG BA'I LTAS DANG MTSAN MA STE, NAR MA DANG GLO BUR DU 'BYUNG BA'I LTAS DANG MTSAN MA GANG GIS SHES PA NI NAR MA DANG GLO BUR DU 'BYUNG BA'I LTAS DAD MTSAN MA SHES PA'O, ,BDAG NYID CHEN PO DE SKAR MA RGYU BA LA MKHAS ZHES BYA BA NAS BRTZAMS TE, JI SRID DU RGYA MTSO'I PHYOGS NI LEGS PAR RTOGS ZHES BYA BAS NI SHES RAB KYI KHYAD PAR BSTAN TO, ,DRAN PA DANG LDAN ZHING LE LO DANG GNYID NI CHUNG ZHES BYA BAS NI BSAM GTAN GYI PHA ROL TU PHYIN PA'I RTAGS BSTAN TO, ,GRANG BA DANG TSA BA DANG CHAR LA SOGS PA LA JI MI SNYAM ZHES BYA BA 'DIS NI BZOD PA'I PHA ROL TU PHYIN PA'I RTAGS BSTAN TO, ,SOGS PA'I ZHES SMOS PAS NI BKRES PA DANG SKOM PA LA SOGS PA LA JI MI SNYAM PAR GZUNG NGO, ,BAG CHE LA ZHES BYA BAS NI BRTZON 'GRUS KYI PHA ROL TU PHYIN PA'I RTAGS BSTAN TO, ,BRTAN PA DANG SDAN PA'I ZHES BYA BAS NI TSUL KHRIMS KYI PHA ROL TU PHYIN PA'I RTAGS BSTAN TO, ,SBYIN PA'I PHA ROL TU PHYIN PA NI CI YANG MI BYED PA'I PHYIR RTAGS SU MA SMOS SO, ,DRANG BA LA MKHAS PA NI SNGON DU 'GRO BA LA MKHAS PA'O, ,LDOG PA LA MKHAS PA NI PHYIR NUR BA LA MKHAS PA'O, ,SOGS PA SMOS PAS NI THAD KAR 'GRO BA LA SOGS PA LA MKHAS PA'O, ,YANG DAG PAR PHA ROL TU PHYIN PA YIN PAS LEGS PAR PHA ROL TU PHYIN PAR BYED PA STE, 'DOD PA'I YUL DU PHYIN PAR BYED PA ZHES BYA BA'I DON TO, ,YANG NA DON RAB TU 'GRUB PAR BYED PA'O, ,'DOD PA ZHES BYA BA NI GANG CHAS PAR BRTZAMS PA'O, ,RGAS PA'I DBANG GIS LTA BA NYAMS GYUR CING, ,ZHES BYA BA 'DIS NI GANG GONG DU BSTAN PA'I BDAG NYID @233B CHEN PO DE SKAR MA DANG RGYU SKAR LA MKHAS PA ZHES BYA BA NAS, RGYA MTSO'I PHYOGS NI LEGS PAR RTOGS, ,ZHES BYA BA DE'I NUS PA MED PAR BSTAN TO, ,DRAN PA RAB TU NYAMS ZHES BYA BA 'DIS NI GANG BSTAN PA'I DRAN PA DANG LDAN ZHES BYA BA DE MED PAR BSTAN PA'O, ,BDAG GI LUS KYI BYA BA'ANG NYAM CHUNG NA, ,ZHES BYA BA 'DIS NI SNGAR BSTAN PA'I LE LO DANG GNYID NI CHUNG ZHES BYA BA LA SOGS PA DE MED PAR BSTAN TO, ,KHYOD KYI LUS KYI GNAS SKABS DE LTA BU'O, ,'TSAL TE ZHES BYA BA'I TSIG GIS NI DRAN PA DANG BLO DE'I GNAS SKABS NYID BSTAN PA'I PHYIR RO, , BGROD DKAR ZHES BYA BA NI JI LTA BU'I MTSAN NYID CAN GYI RGYA MTSO STE, RAB TU ZHES BYA BA NI JI SNYED KYI MTSAN NYID CAN STON TO, ,MTSO 'JING NANG DU ZHUGS ZHES BYA BA LA JI LTA BUR ZHE NA, RNAM PA GSUM PA'I MTSAN NYID CAN TE, MDOG DANG, 'GRAM BLTAR MI SNANG BA DANG; GTING DPAG DKA' BA STE, DE GSUM YANG AANDA RNYIL ZHES BYA BA'I TSIGS BCAD 'DIS BSTAN PA YIN NO, ,NYI MA'I DKYIL 'KHOR NI NYI MA'I DKYIL 'KHOR RO, ,DE'I 'OD NI NYI MA'I DKYIL 'KHOR GYI 'OD DO, ,CHUNG DU GYUR PA NI NYI MA'I DKYIL 'KHOR GYI 'OD DE; GANG DE CHUNG DU GYUR PA DE NI NYI MA'I DKYIL 'KHOR GYI 'OD CHUNG DU GYUR PA'O, ,DE LA LTAS NGAN CHEN PO ZHES BYA BA NI LTAS 'BYUNG BA STE, SHIN TU CHE BA NYID DU BSTAN PA'I PHYIR, RLABS NI RNAM PAR 'KHRUG CING ZHES BYA BA'I TSIGS BCAD SMOS TE, RGYU GSUM GYI LTAS NGAN CHEN PO NYID DU STON TO, ,MDOG DANG, SGRA DANG, DBYIBS SO, ,DE YANG DBYIBS NI, CHU KUN THA MAL 'DUG LAS RAB TU G-YOS, ,ZHES BYA BA'I TSIGS BCAD PHYED KYIS BSTAN TO, ,CHU KUN THA MAL 'DUG LAS RAB TU G-YOS, ,ZHES BYA BA NYID BSTAN PA'I PHYIR, LTAS NGAN GLO BUR LANGS PA'I RLUNG GIS ZHES BYA BA'I TSIGS BCAD SMOS TE, CHU THA MAL PAR 'DUG PA LAS RAB TU BSKYED PA NYID NI SGRA SGROGS PA DANG, TSAD DANG, SHUGS DANG, 'GROS KYIS BSTAN PA YIN TE, DKRUGS PA NI 'GROS TE, SNA TSOGS SU 'GRO BA'I PHYIR RO,, @234A *, ,'JING NI RAB TU 'JIGS SU RUNG BA STE, DE'I RAB TU 'JIGS SU RUNG BA NI, GLOG PHRAN 'GYU BA'I 'OD 'BAR LCE G-YO BA, ,ZHES BYA BA'I TSIGS BCAD GSUM GYIS BSTAN TE, DE'I RAB TU 'JIGS SU RUNG BA NI SPRIN DANG BA DANG, SNANG BA NUB PA DANG, DE'I MI MTHUN PA'I PHYOGS KYI LTAS NGAN 'BYUNG BA STON PAS SO, ,GLOG PHRAN 'GYU BA ZHES BYA BA 'DI'I BSDUS PA'I DON NI MDOG DANG TSAD DANG, SGRA DANG, SPRIN GYI KHYAD PAR TE, GLOG PHRAN 'GYU BA 'OD 'BAR LCE G-YO BA, ,ZHES BYA BA DANG, SNGO BA ZHES BYA BAS NI MDOG BSTAN TO, ,SPRIN GYIS NYI MA'I LAM YANG BSGRIBS PAR 'GYUR, ,ZHES BYA BA 'DIS NI TSANG BSTAN TO, ,SEMS STOBS YON TAN BSAM PA STON ZHES BYA BA NI SNYING STOBS NYID KYI YON TAN GANG YIN PA DE NI SEMS STOBS YON TAN TE, SEMS STOBS KYI YON TAN JI LTA BA BZHIN DU BSAM PA NI 'DOD PA STE STON CING SMRA BA'O, ,DE DAG SKRAG CING SPA GONG MI SMRA ZHUM, ,ZHES BYA BA NI SEMS CAN DMAN PA'I DBANG DU BYAS PA'O, ,BRTAN PO DAG NI THAR PA'I THABS LA 'BAD, ,CES BYA BA NI SEMS CAN DMAN PA'I DBANG DU BYAS PA'O, ,KHA CIG RANG GI LHA LA GSOL BA 'DEBS, ,ZHES BYA BA NI BAR MA'I DBANG DU BYAS PA'O, ,'JIGS PA DANG BAG TSA BA NI 'JIGS SHING BAG TSA BA STE, SEMS DANG LUS LA GO RIMS BZHIN DU'O, ,DE GNYIS KYIS CI BYA GTOL MED PA NI 'JIGS SHING BAG TSABS CI BYA GTOL MED PA'O, , LTAS NGAN GLO BUR DU BYUNG BA NI LTAS NGAN GLO BUR DU BYUNG BAR GYUR PA'O, ,LTAS NGAN GLO BUR DU BYUNG BA YIN LA 'KHRUGS PA YANG YIN PAS LTAS NGAN GLO BUR BYUNG BAS 'KHRUGS PA'O, ,DE NI RGYUS NYON MONGS PAR GYUR PA NI LTAS NGAN GLO BUR DU BYUNG BAS 'KHRUGS SHING NYON MONGS PAR GYUR PA'O, ,'DI LTA BUS ZHES BYA BA NI NGO MTSAR MI CHE BA'I PHYIR RO, ,ZHUM PAS PHONGS LAS THAR LA MI PHAN GYIS, ,ZHES BYA BA NI GANG SNGAR BSTAN PA DE DAG SKRAG CING MI SMRA BAS SPA GONG ZHUM ZHES BYA BA DE'I DBANG DU BYAS PA'O, ,MYA NGAN GDUNG BAR MA BYED PAR, ,ZHES BYA BA NI GANG @234B SNGAR BSTAN PA'I RANG GI LHA LA GSOL BA 'DEBS ZHES BYA BA DE'I DBANG DU BYAS PA STE, GANG GI PHYIR MYA NGAN DANG GDUNG BAS NI RANG GI SKYES BU BYED PA NYAMS PAR 'GYUR ZHING LHA LA GSOL BA MCHOG TU 'DZIN PAS KYANG NGO, ,BRTAN BYAS NAS ZHES BYA BA NI GANG SNGAR BSTAN PA'I BRTAN PO DAG NI THAR PA'I THABS LA 'BAD, ,CES BYA BA DE'I DBANG DU BYAS PA'O, ,'JIGS PA DANG MI DGA' BA NI 'JIGS SHING MI DGA' BA'O, ,MKHAS PA NI THABS SHES PA'O, ,GZI BRJID BRTAN PAS ZHES BYA BA NI SKYES BU BYED PA'I GZI BRJID KYIS TE GZENGS BSTOD, PA'O; ,DON THAMS CAD GRUB PA LAG PA'I RTZE LA YOD PA DE NI DON RNAMS THAMS CAD GRUB PA LAG NA YOD PA'O, ,STENG DU 'BYUNG BA NI GYEN DU 'BYUNG BA'O, ,'JUG PA NI NANG DU 'JUG PA'O, ,G-YO BA NI THAD KAR 'GRO BA STE, DE DAG GI ZHAR NI ZHAR YIN TE, STENG DU 'BYUNG ZHING NANG DU 'JUG PA'I ZHAR PA'O, ,DE BAS NA BDAG CAG YUL NI GNYIS LAS ZHES BYA BA NI 'DI LTAR BDAG CAG YUL GANG LAS BYUNG BA DANG, GANG DU 'GRO BAR 'DOD PA'I YUL LO, ,'BAB PA NI CHU'I RGYUN NO, ,NUB PHYOGS NAS ZHES BYA BA NI NUB PHYOGS KYI PHYOGS NAS SO, ,DNGUL GYI MDOG NI DNGUL GYI KHA DOG STE, DE DANG 'DRA BA'I CHU DKAR PO GANG YIN PA DE NI DNGUL GYI MDOG 'DRA BA'I CHU DKAR PO'O, ,DBU BA MANG PO 'KHRIGS SHING SKYA BA DE NI DBU BA MANG PO 'KHRIGS SHING SKYA BA'O, ,'O MA'I RGYA MTSO ZHES BYA BA DE NI 'JIG RTEN PA RNAMS KYIS DE LTAR MING DU BRJOD PA STE, ZHO'I PHRENG BA ZHES BRJOD DO, ,MI MTHUN PA'I RLUNG GIS ZHES BYA BA NI 'DOD PA'I YUL DANG MI MTHUN PAR GYUR PA ZHES BYA BA'I DON TO, ,GSER GYI MDOG 'DRA BA'I RLABS KYI PHRENG BA RAB TU 'KHRUGS PA GANG YIN PA DE NI RLABS KYI PHRENG BA RAB TU 'KHRUGS PA'I GSER GYI MDOG 'DRA BA'O, ,ME 'BAR BA NYID SER SKYA YIN PAS CHU'I MDOG ME 'BAR BA SER SKYA STE CHU DE'O, ,SNGO BA MA YIN TE ZHES BYA BA NI RANG BZHIN GYIS DMAR BA YIN PAS SNGON PO DGAG PA STE, GNAS SKABS KYI DBANG GIS DE DMAR BAR RTOGS @235A *, ,PAR BYA'O, ,SBUR LONG DANG AANDA RNYIL NI SBUR LONG DANG AANDA RNYIL LO, ,DE GNYIS KYI MDOG GANG LA YOD PA DE NI SBUR LONG DANG AANDA RNYIL GYI MDOG GO, ,DE GNYIS DANG 'DRA BA'I CHU GANG YIN PA DE NI SBUR LONG DANG AANDA RNYIL GYI MDOG 'DRA BA'O, ,CHU DE YONGS SU SMIN PA'I KU SHA DANG 'DRA BA'I KHA DOG KYANG YOD PAS SO, ,SMYIG MA'I MDOG DANG, BEE d'URYA'I 'OD NI SMYIG MA'I MDOG DANG BEE d'URYA'I 'OD DO, ,DE DANG 'DRA BAR NI MTHUN PAR SNANG BA STE, SNGO BA'I CHU GANG YIN PA'O, ,RGYA MTSO YANG BLA 'OG BZLOG PA 'DRA'O, ,ZHING ZHES BYA BA NI KHAS BUB TU'O, ,SER BA DRAG PO 'BAB PA 'DRA ZHING ZHES BYA BA NI SHIN TU 'JIGS SU RUNG BA'O, ,SMYIG MA'I TSAL MES TSIG STE TOG YAR GYIS 'GENGS PA DANG 'DRA BAR THOS NAS KYANG RAB TU SKRAG CING 'DAR BA'O, ,G-YANGS BZHIN DU ZHES BYA BA NI MYUR DU LTUNG BA'I PHYIR RO, ,GCOD RONG BZHIN DU ZHES BYA BA NI BSDUS NAS LTUNG BA'I PHYIR RO, ,BDAG CAG RNA BA GAS SHING ZHES BYA BA'I TSIG RKANG 'DIS NI GANG GONG DU BSTAN PA'I 'JIGS PA BYED PA THOS PAR GYUR ZHES BYA BA DE NYID BSTAN PA YIN NO, ,CHU'I BDAG PO KHROS PA 'DRA BA'I ZHES BYA BA'I TSIG RKANG 'DIS NA GANG DE SNGAR BSTAN PA'I ME'I TOG YAR GYIS 'GENGS PA 'DRA BA'I SGRA CHE ZHING ZHES BYA BA YIN NO, ,'JIGS SU RUNG BA NI DE'I SGRA SHIN TU CHE BAS 'JIGS SU RUNG BA NYID DU BSTAN PA STE, DE NYID 'DIS BSTAN PA'I PHYIR, CHU 'DI THAMS CAD GCONG RONG 'JIGS PA'I ZHES BYA BA YIN TE, 'DI NI GANG DE SNGAR BSTAN PA'I CHU'I 'JING CHEN PO STE G-YANG SA DANG GCONG RONG GI NAD DU BAB PA ZHES BYA BA DE NYID STON TO, ,MNGON SONG ZHES BYA BA DE NI NYE BAR GYUR PA YIN TE, NYE BAR PHYOGS SHING MNGON DU BLTAS PA'AM MNGON DU PHYOGS PA NI MNGON SONG NGO, ,LHA DANG NGA GUS PAS PHYAG 'TSAL ZHES BYA BA LA NYI MA ZHES SMOS PAS LHA THAMS CAD GRUB MOD KYI, SO SOR SMOS PA NI LHA'I BDAG PO YIN PA'I PHYIR RO, ,PHONGS PAR GYUR LA 'JIGS PA MED PA ZHES BYA BA NI SBYOR BA PHUN SUM TSOGS PA'O, ,GZHAN LA PHAN 'DOGS YON TAN BSAGS @235B PA'I ZHES BYA BA NI BSAM PA PHUN SUM TSOGS PA'O, ,YANG NA TSIG RKANG DANG POS NI YONGS SU SKYOB PA'I NUS PA BSTAN TO, ,GNYIS PAS NI BYED PAR 'DOD PA NYID BSTAN TO, ,KHYOD KYI MTHU CHEN KHYAD PAR CAN, ,ZHES BYA BA DES NI RNAM PA GNYIS TE, SBYOR BA'I MTSAN NYID KYIS NUS PA'AM, BYED PAR 'DOD PA'I MTSAN NYID DO, ,NYAM THAG PA NI SDUG BSNGAL BA NYID DO, ,MGON MED PA NI SKYABS MED PAR GYUR PA'O, ,SKYABS SU MCHIS ZHES BYA BA NI YONGS SU SKYABS PA'I DON DU STE, RGYU 'DI GSUM GYIS NI BDAG NYID SNYING RJE'I GNAS SU STON PA YIN NO, ,DA NI BCOS PA'I CHED NYID LAS BRTZAMS NAS, SKYE BO CHAB KYI NANG DU 'GUM PA 'DI, ,ZHES BYA BA'I TSIGS BCAD YIN TE, DE BAS ZHES BYA BA NI KHYOD KYI BKA' LAS MI 'DA' BAS NA'O, ,BSAD PAR BDAG NI YONGS MI DRAN, ,ZHES BYA BA NI DUS DE YAN CHAD DU'O, ,BDAG NI SHED BYE TSUN CHAD DU, ,ZHES BYA BA NI SHED BYE ZHING GO BA NAS BRTZAMS PA'O, ,BDAG GI BSOD NAMS MTHU DAG GIS, ,ZHES BYA BA NI SROG GCOD PA LAS LDOG PA'I RGYU DE'I BSOD NAMS KYI STOBS SO, ,YANG NA SKYE BA DUM NAS BSAGS PA'I BSOD NAMS DE'I MTHUS SO, ,GANG SNGAR BSTAN PA'I CHOS LA GNAS NA BDEN PA'I TSIG TZAM GYIS KYANG MA RUNG BAR 'GYUR BA LAS THAL BAR 'GYUR NA DE'I 'BRAS BU LTA CI SMOS ZHES BYA BA DE YANG GSAL BAR BYED PA YIN NO, ,GZHAL MED KHANG MDZES PA'I TSUL DU ZHES BYA BA NI MTHUN PA'I RLUNG GIS 'GRO BA DANG CHOS MTHUN PAS SO, ,YANG NA RANG DGAR ZHES BYA BA NI RLUNG GI DBANG MA YIN PAR YANG DE'I BDEN PA'I BYIN GYI BSOD NAMS KYIS YONGS SU GZUNG BAS SO, ,NYI MA NUB BA'I LAM ZHES BYA BA NI NAM MKHA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS LEGS PAR PHA ROL TU PHYIN PA'I SKYES PA'I RABS SO,, ,,TSUL KHRIMS DANG LDAN PA ZHES BYA BA NI NYAR SKYES PA 'DI NYID DU DE'I TSUL KHRIMS GZUNG BA YIN TE, ZAS SU GYUR PA'I NI NANG GI NYA DAG LAS @236A *, ,SO; ,MIR GYUR PA GZHAN DAG LA NI DGE BA DANG MI DGE BA'I LAS LA GOMS PA 'DI LTA BU MED PA YIN TE, TSE RABS GZHAN DANG GZHAN DU GOMS PAR BYAS PA'I PHYIR RO, ,DE LTA BU DAG CES BYA BA NI DGE BA DANG MI DGE BA'I LAS RNAMS SO, ,MA BSGRIBS KYANG ZHES BYA BA NI GOMS PAR BYAS PA'I PHYIR TE, RMI LAM GYI NANG BZHIN DU STON PA'I PHYIR RO, ,BYAMS PA ZHES BYA BA 'DIS NI BSAM PA PHUN SUM TSOGS PA BSTAN TO, ,SBYIN PA DANG, TSIG 'JAM PO DANG, DON SPYOD PA LA SOGS PA'I RIM PAS RAB TU PHAN 'DOGS PAR 'GYUR RO ZHES BYA BA 'DIS NI SBYOR BA PHUN SUM TSOGS PA BSTAN TO, ,'DIR JI LTAR BSDU BA'I DNGOS PO BZHIS PHAN 'DOGS PA'I DON YIN ZHE NA, MTHUN PAR BDAG DANG GZHAN LA PHAN 'DOGS PAR 'JUG PA NI 'DI DAG GI BSDUS PA'I DON TE, 'DIR NI GZHAN LA PHAN 'DOGS PA RANG 'JUG PA 'BA' ZHIG GI DBANG DU BYAS PA'O, ,RIM PA ZHES SMOS PA NI 'DUL BA'I SKYE BO LA SNGON DU SBYIN PAR BYA BA YIN NO, ,DE NAS TSIG 'JAM POS YANG DAG PAR BSTAN CING YANG DAG PAR GZENGS BSTOD PAR BYA'O, ,DE'I 'OG TU RAB TU ZHUGS PAR GYUR PA RNAMS LA DON SPYOD PAS GANG DU DE 'DZIN DU BCUG CING DE'I GROGS BYED PA YIN TE, BSDU BA'I DNGOS PO DE'I RIM PA NI 'DI YIN NO, ,DES NA BYANG CHUB SEMS DPA'I PHAN 'DOGS PA KHYAD PAR DU GYUR PA'O, ,THABS LA MKHAS PA NI SHES RAB KYIS SO, ,RIGS PAS ZHES BYA BA NI BRTZON 'GRUS KYIS SO, ,DE GNYIS KYIS NI RTAG TU BYED PA DANG GUS PAR BYED PA BSTAN TO, ,NYA RNAMS KYI CHOS KYI TSUL NI NYA ZA BAR BYED PA'O, ,NYA'I RIGS DES LEGS PAR BSKYANGS BAS RAB TU DAR ZHING RGYAS PA YIN TE, CI'I PHYIR ZHE NA, GNOD PA MED PA'I PHYIR RO, ,JI LTA BUR ZHE NA, MI'I BDAG POS TSUL BZHIN SPYOD PAS YONGS SU BSKYANGS PA NI 'BANGS RNAMS GNOD PA MED PA BZHIN NO, ,SKAL BA MED PAR GYUR PA ZHES BYA BAS NI RGYU MA TSANG BAR STON TO, ,CHAR 'BEBS PA'I LHA'I BU BAG MED PA ZHES BYA BAS NI @236B RKYEN MA TSANG BAR STON TE RGYU DANG RKYEN RNAM PA GNYIS NI DNGOS PO THAMS CAD 'BYUNG BA YIN TE GZHAN DU NI MA YIN NO, ,NGAL ZHING LE LO'I DBANG GIS BUL BAR GYUR PA 'DRA BA'I ZHES BYA BA NI NYI MA RING ZHING SO GA'I DUS SU 'GROS BUL BA'I PHYIR RO, ,JI LTAR 'JIG RTEN PA RNAMS NGAL BA DANG LE LO'I DBANG DU GYUR NA MYUR DU 'DA' BAR BYED MI NUS SO, ,DE BZHIN DU NYI MA'I DKYIL 'KHOR YANG DE LTA BUS 'JUG PA'I PHYIR RO, ,DES NA YANG SKOM PA'I DBANG GIS NYIN RE BZHIN 'THUNG BA BZHIN DU ZHES BYA BA NI SA DANG KLUNG GNYIS LA NYI MA'I 'OD KYIS GDUNGS PA'I DROD KYIS SO, ,TSA BA DANG SKOM PA'I DBANG GIS BSIL BA 'DOD PAS NYIN RE ZHING 'THUNGS PA BZHIN DU ZHES BYA BA DE NYID BSGRUB PA'I PHYIR, DPYID KYI DUS KYI NYI MA 'BAR BA DANG, ,ZHES BYA BA'I TSIGS BCAD DE SNGAR SMOS PA'I TSIG RKANG GI DON 'DIS STON TE, RGYU 'DI GSUM GYIS CHU SKAM PAR 'GYUR GYI GZHAN DU NI MA YIN NO, ,KHVA RNAMS KYANG ZHES BYA BA NI CHU LAS RING DU SPYOD PA'O, ,CHU YANG NYIN RE ZHING ZHES BYA BA DANG, BROS TE 'GRO BA'I LAM YANG MED, ,CES BYA BA'I TSIGS BCAD KYIS NI NYA RNAMS RNAM PAR 'JIGS PA'I RGYU MA LUS PAR BSTAN TE, RGYU GSUM GYIS DGRA LAS THAR PAR MI 'GYUR BA YIN TE, DGRA RNAMS STOBS CHE ZHING DE'I GNAS NA 'DUG PA DANG, DE MED KYANG YUL GZHAN DU 'GRO BAR MI NUS PA DANG, DE MED KYANG DGRA DANG NYE BAR GNAS PA STE, RGYU 'DI GSUM YOD PAS GDON MI ZA BAR NYA RNAMS 'JIGS PA'I RGYUR STON TO, ,DGRA RNAMS STOBS CHE ZHING, GNAS NA 'DUG PAS SKYABS MED PA'I DBANG DU BYAS NAS, CHU YANG NYIN RE BRI BAR GYUR, ,ZHES BYA BA'I TSIGS BCAD YIN TE, SNGAR GNAS PA'I CHU ZAD PA DANG; CHU PHYI MA MA BYUNG BAS SO, ,TSIGS BCAD GNYIS PAS NI DE YUL GZHAN DU 'GRO MI NUS PA DANG, DGRA DANG NYE BAR GNAS PAR BSTAN TO, ,YUL GZHAN DU 'GRO BAR MI NUS PA'I RGYU NI GNYIS TE, RANG GI SKYES BU'I BYED PA'AM, GZHAN GYI DPUNG STA GNYI GA @237A *, ,MED PA'O; ,BDAG CAG BRLAG PAR DGA' BA'I ZHES BYA BA'I TSIGS BCAD PHYED KYIS NI DGRA DANG NYE BAR GNAS PA STON TO, ,NAG PO'I SPRIN RNAMS RI BO'I GRIB MA BZHIN, ,ZHES BYA BA LA SOGS PA'I TSIGS BCAD LNGA NI CHAR 'BAB PA'I RTAGS KYI DBANG DU BYAS PA DANG, CHAR 'BAB PA'I DBANG DU BYAS PA STE, CHAR 'BAB PA'I RTAGS KYI DBANG DU BYAS NAS, NAG PO'I SPRIN RNAMS RI BO'I GRIB MA BZHIN, ,ZHES BYA BA'I TSIGS BCAD DANG, 'BRUG GI RNGA SGRAS RAB TU DGA' GYUR NAS, ,ZHES BYA BA DANG, DE YIS CHAR PHAB MU TIG GTOR BA ZHES BYA BA 'DI DAG NI CHAR PHAB PA'I RTAGS BSTAN TO, ,'BRUG GI RNGA SGRA BZHIN DU ZHES BYA BA'I TSIGS BCAD 'DI DAG GO RIMS BZHIN DU GNAS PA YIN TE, DE'I GO RIMS NI RMA BYA RAB DGA' ZE BA 'BREL PA ZHES BYA BA'I 'OG TU 'DI BRI BAR BYA'O,, DE'I CHAR 'BAB PA'I DUS KYI RTAGS NI RNAM PA LNGA STE, SPRIN LANGS PA DANG, 'BRUG ZER BA DANG, GLOG DANG, CHAR DANG, RLUNG STE, GO RIMS JI LTA BA BZHIN SBYAR BAR BYA'O, ,BAB PA'I DBANG DU BYAS NA NI DPYID KYI DUS LA BAB PAR RNAM PAR SPEL KYANG, DPYID KYI DUS KYI TSA BA NYE BAR ZHI BA STE, CHAR BAB PAS SO, ,DPYID KYI DUS LA BAB PAS ZHES BYA BA 'DIS NI CHAR BAB PAR BYED PA BSTAN TO, ,'DI NYID SNGAR BSTAN PA'I RTAGS NYID LA 'JUG PAR 'DOD PA YIN TE DE BSTAN PA'I PHYIR, CHAR SPRIN 'BRUG SGRA ZAB CING BRTAN,, ZHES SMOS TE, CHAR SPRIN 'BRUG SGRA ZHES BYA BA 'DIS NI SPRIN DANG 'BRUG SGRA NYID BSTAN TO, ,CHAR PA'I RGYUN RNAMS ZHES BYA BA 'DIS NI CHAR BSTAN TO, ,GLOG 'GYU 'BAR BA ZHES BYA BA 'DIS NI GLOG BSTAN TO, ,CI'I PHYIR RLUNG 'DIR MA SMOS SHE NA, RLUNG MED PAR YANG 'BAB PA'I PHYIR TE, DE NI DE LA 'JIGS PA MED PA'I PHYIR RO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS NYA'I SKYES PA'I RABS SO,, ,,BRTZON PAR BYA BA NI GOMS PAR BYA'O, ,MI NUS PA NI SPRO BA MED PA'O, ,SGO NGA'I SBUBS NAS @237B BYUNG NAS ZHAG GRANGS MANG PO MA LON PA GANG YIN PA STE, 'DIS NA TSOD BSTAN TO, ,SPU SAR PA GDOD SKYE BA GANG YIN PA DES NI 'GRO BA'I BYA BA MI NUS PA BSTAN TO, ,RAB TU RID PAS ZHES BYA BA YANG 'GRO MI NUS PA'I RGYU NYID DE, 'DAB GSHOG RNAMS KYANG RGYAS ZHES BYA BA NI 'PHUR DU RUNG BA'I GSHOG PA YOD PAS SO, ,THAMS CAD ZA ZHING ZHES BYA BA NI KHA ZAS CI YANG RUNG BA ZA BA STE, DES NA MI 'CHI ZHING BRTAS PAR 'GYUR TE, BCOM LDAN 'DAS KYIS KYANG GSUNGS PA, BRKAM ZHING BYA ROG LTAR DPA' BA, ,NGO TSA MED PA LEGS PAR 'TSO; ,BRNAB CING SPYI BRTOL CHE BA YI, ,'TSO BA SHIN TU NYON MONGS LDAN, ,ZHES BYA BA NI CHOS MA YIN PA BYED PA'O, ,RTAG TU SKYON MED 'TSOL BA DANG, ,ZHUM ZHING BAG DANG CHAS PA DANG, ,'TSO BA SKYON MED LTA BA DANG, ,NGO TSA SHES PA'I 'TSO MI BDE, ,CHOS DANG LDAN PAS CHOS SHES PA'I PHYIR RO, ,GAR GYI KHYAD PAR MDZES PA YIN PAS GAR MDZES PA'O, ,MING DON MED PA GANG YIN PA DE NI MING DON MED PA'O, ,MING DON MED PA'I RKANG PA GANG YIN PA DE NI RKANG PA MING DON MED PA'O, ,RKANG PA NI 'GRO BAR BYED PAS NA RKANG PA STE, DE'I NUS PA MED PA'I PHYIR MING DON MED PA NYID DE, 'DIS NI 'GRO BAR MI NUS PA'O, ,BDAG GI RKANG PA MING DON MED PA DANG, 'DAB MA MED PA 'DI GNYIS KYIS 'GRO BAR MI NUS PAR BSTAN TO, ,PHA MA GNYIS KYANG ZHES BYA BA NI, PHA DANG MA GNYIS SO, ,BYER ZHES BYA BA NI YUL GZHAN DU SONG BA STE, 'DIS NI BRAL BAR STON TO, ,BDAG KYANG RE ZHIG 'DI LTA BU'I GNAS SU GYUR PA STE, KHYOD LA MGRON BYAR RUNG BA CI YANG MED, ,CES BYA BA 'DIS NI KHYOD KYI 'ONG BA YANG RGYU MED PA YIN NO ZHES BSTAN TO, ,DE BAS NA ZHES BYA BA NI RGYU DE GNYIS NA'O, ,RGYA MTSO ZHES BYA BA DANG, BDAG LA PHAN PAR 'DOD PA ZHES BYA BA GNYIS KYIS NI DPE SMOS PA YIN TE, SEMS CAN DANG SEMS CAN MA YIN PA'I DPE RNAM PA GNYIS BSTAN TE, DE DANG RIGS MI MTHUN PA DPER RAB TU GRAGS PAS CHOS MTHUN PA'I DPE BSTAN PA'I PHYIR RO, ,SLOB DPON DPA' BOS MDZAD PA'I SKYES PA'I @238A *, ,RABS RGYA CHER BSHAD PA LAS BYA SREG PA'I PHRU GU'I SKYES PA'I RABS SO,, ,,NYES PA DU MA 'BYUNG BA ZHES BYA BA NI NYES PA DU MA BSKYED PA'I PHYIR ZHES BYA BA'I DON TO, ,SHIN TU MA RUNG BAR GYUR PA'I PHYIR ZHES BYA BA NI GNOD PA STE, GZHAN DAG PAS SHIN TU SDIG PAR 'BYUNG BA'I PHYIR RO, ,DGE BA RNAMS ZHES BYA BA NI BYANG CHUB SEMS DPA'O, ,SNYING RJE CHEN POS YONGS SU BSGOS PA'I BLO ZHES BYA BA NI SNYING RJE CHEN POS SPAGS PA STE, 'DIS NI BSAM PA PHUN SUM TSOGS PA BSTAN TO, ,GZHAN LA PHAN ZHING BDE BA BYED PA LA DGA' BA ZHES BYA BA 'DIS NI SBYOR BA PHUN SUM TSOGS PA BSTAN TO, ,BSOD NAMS SPEL BA NYAMS SU LEN PA ZHES BYA BA NI BSOD NAMS KYI TSOGS SPEL ZHING SGROGS PA'O, ,SBYIN PA DANG DUL BA DANG ZHI BA ZHES BYA BAS NI PHA ROL TU PHYIN PA GSUM BSTAN TE, SBYIN PAS NI SBYIN PA'I PHA ROL TU PHYIN PA BSTAN TO, ,DUL BAS NI TSUL KHRIMS KYI PHA ROL TU PHYIN PA BSTAN TO, ,ZHI BA NI KHRO BA NYE BAR ZHI BA'I MTSAN NYID DE, BZOD PA'I PHA ROL TU PHYIN PA BSTAN TO, ,SOGS PA SMOS PAS NI BRTZON 'GRUS KYI PHA ROL TU PHYIN PA BSTAN TE, BSOD NAMS DANG YE SHES KYI TSOGS GNYI GA LA 'JUG PA'I PHYIR RO, ,PHUN SUM TSOGS KYANG ZHES BYA BA NI LHA'I DBANG PO'I GO 'PHANG THOB STE LONGS SPYOD CI 'DOD PA DANG LDAN PAR GYUR KYANG NGO, ,SNYING RJE'I DBANG DU GYUR PAS ZHES BYA BA NI SNGAR BSTAN PA'I BSAM PA PHUN SUM TSOGS PA BSTAN TO, ,'JIG RTEN GYI DON LA BRTZON PA LHOD PAR MA GYUR TO ZHES BYA BA NI SNGAR BSTAN PA'I SBYOR BA PHUN SUM TSOGS PA BSTAN TO, ,DPAL DANG LDAN PA NYID CHANG YIN PAS DPAL LDAN CHANG GI ZHES PA'O,, DES MYOS PA NI DPAL LDAN CHANG GIS MYOS BZHIN NA'O, ,DPAL DANG LDAN PA CHANG GIS SEMS YONGS SU DKRUGS TE BDAG GI DON YANG 'DOR BA NI BAG MED PA'O, ,BAG YOD RNAMS NI ZHES BYA BA NI BAG DANG LDAN PA YIN TE, TSUL KHRIMS DANG GZHAN GYI DON @238B DU'O; ,BAG YOD PA NYID DU BSTAN PA'I PHYIR, SDUG BSNGAL MANG POS GDUNGS PA'I SEMS CAN LA, ,ZHES SMOS TE, 'DI'I BSDUS PA'I DON NI SNYING RJE DANG, BRTAN PA DANG SHES RAB KYI YON TAN DANG LDAN PA'I PHYIR GZHAN GYI DON SPYOD PA YONGS SU MI BRJED PA'O, , SEMS CAN LA BRTZE ZHING RANG GI BDE BA LA MA CHAGS PA DANG, BRTAN PA LA GNAS PA'I SPYOD PA DANG, SHES RAB KYI RANG BZHIN SHES PAS SO, ,SNYING RJE BA NI MI DGE BA'I LAM LAS BZLOG PA DON DU GNYER BA'O, ,BYAMS PA NI PHAN PA DANG BDE BA LA SOGS PA'O, , MTHU CHE BA'I MIG GIS ZHES BYA BA NI LHA'I MIG GIS SO, ,MI DGE BA'I BSHES GNYEN LA BRTEN PA'I SKYON GYIS ZHES BYA BA NI RKYEN GYIS 'BYUNG BA'I PHYIR RANG NYID KYIS NI LDOG PAR MI NUS PA NYID DE, DE BAS NA SKYON ZHES BSTAN TO, ,BLON PO DANG 'BANGS SU BCAS PAR ZHES BYA BA NI SKYE BO MANG PO LA GNOD PA YIN TE, DE'I RKYEN GYIS SO, ,DE LA ZHES BYA BA NI CHANG 'THUNG BA LA'O, ,SKYON DU YANG MI LTA BAR GYUR PA ZHES BYA BA NI, SKYON DU LTA BA'I NUS PA LAS NYAMS PAR STON TO, ,SKYON CHE BA ZHES BYA BA 'DIS NI DE NYID STON PAR BYED PA YIN NO, , 'DI DAG THAMS CAD NI BSAM PA'I DON GYI RGYU YIN TE, 'THUNGS NA THOG MAR RAB TU ZHIM ZHES BYA BA 'DI DAG SMRAS SO, ,THOG MAR ZHIM PA NI SKYON DU LTA BA LA RMONGS PA YIN TE, PHYI NAS RJES SU 'BREL PA'I NYES PA LA NI RMONGS PAR GYUR PAS SO, ,LEGS PAR 'GYUR BA ZHES BYA BA NI MNGON PAR MTHO BA DANG, NGES PAR LEGS PA GNYIS LA GZUNG NGO, ,YANG NA LOG PA'I LAM BZHIN ZHES BYA BA NI LAM NGAN PA BZHIN DU'O, ,CUNG ZAD RTZUB PA ZHES BYA BA NI CUNG ZAD RTZUB PA'O, ,RAL PA'I THOR TSUGS YIN PAS NA SKRA'I THOR TSUGS SO, ,GYEN DU MDUD PA'I PHYIR 'KHYIL BA'O, ,CUNG ZAD RTZUB PA YANG YIN LA 'KHYIL PA YIN PAS CUNG ZAD RTZUB LA 'KHYIL BA'O, ,SKRA'I THOR TSUGS CUNG ZAD RTZUB LA 'KHYIL BA GA LA YOD PA DE NI SKRA'I THOR TSUGS CUNG ZAD RTZUB PA 'KHYIL BA CAN NO, ,SHING GI SHUN LPAGS DANG, RI DAGS AA DZI NA'I PAGS PA @239A *, ,GNYIS GYON PA'O, ,CHANG GIS GANG BA NI CHANG GIS GANG BA STE, BUM PA YANG MNGON PAR SPRUL LO, ,RIM GRO BSKYED PA ZHES BYA BA NI 'DRA BA'I RIM GRO BSKYED PA STE, RJES SU MTHUN PA'I RIM GRO ZHES BYA BA'I DON TO, ,ME TOG GI PHRENG BA MGUL NA BKOD PA GANG YIN PA DE NI ME TOG GI PHRENG BA MGUL NA BKOD PA'O, ,RGYAN GYIS BRGYAN PA YIN TE, GANG GIS SHE NA, BUM PA'I RGYAN GYIS TE, BUM PA'I RGYAN NI RNA BA LA BRGYAN PA'O, ,KHYOD KYI SKU ZHES BYA BA NI CHA BYAD DO, ,DE BAS NA ZHES BYA BA NI 'OG NAS BSTAN PA'I RGYUS SO, ,KHYED CAG 'JIG RTEN GZHAN LA MI 'JIGS SHING ZHES BYA BA LA SOGS PA YIN PA'I PHYIR RO, ,NGED LA ZHES BYA BA NI MI RNAMS LA'O, ,KHYOD LTA BU ZHES BYA BA NI LHA'O, ,'DI NI CHU DANG ZHES BYA BA LA SOGS PA'I TSIGS BCAD DE NI CHANG 'THUNG BA'I PHYIR GZHAN LTUNG BAR BYA BA LA ZHO LA SOGS PA MI 'DOD PA YIN PAS DE DAG GIS DGA' BA MA YIN PA BSTAN PA'I PHYIR DANG, CHU LA SOGS PA 'JIG RTEN PA DAG LA RAB TU BSNGAGS PA YIN TE, DES NA 'DI DAG SMOS SO, ,GANG GONG DU BSTAN PA DE LA SKYON DU YANG MI LTA BAR 'GYUR LA, CHANG 'THUNG BA YANG SKYON CHE BAR MTHONG NAS ZHES BYA BA NI CHANG GI SKYON CHE BAR YANG DAG PAR BSTAN PA'I PHYIR TSIGS BCAD BCU BDUN GYIS BSTAN PA STE, DE LA CHANG GI SKYON YANG RNAM PA GNYIS TE, MTHONG BA'I CHOS KYI DANG, DE LAS SKYE PA GZHAN PA'O, ,DE LA MTHONG BA'I CHOS KYI NYES DMIGS KYI DBANG DU BYAS NAS TSIGS BCAD BCU GSUM YIN TE, MTHONG BA'I CHOS KYI SKYON LA YANG RNAM PA GNYIS TE, BYA BA MI 'PHEL BA'I SKYON SHI BA LTAR GYUR PA DANG, BYA BA MA YIN PA LA 'JUG PA MYOS PA LTAR GYUR PA'O, ,DE LA BYA BA MI 'PHEL BA'I SKYON GYI DBANG DU BYAS PA'I GO RIMS MDOR BSTAN PA NI TSIGS BCAD GCIG GO, ,'JIG RTEN PHA ROL GYI NYES DMIGS KYI DBANG DU BYAS PA'I GO RIMS MDOR BSTAN PA YANG TSIGS BCAD GCIG GO, ,DE LA BYA BA MI @239B 'PHEL BA'I DBANG DU BYAS PA'I TSIGS BCAD BDUN PO RNAMS BSDUS PA'I DON NI 'DI YIN TE, SLOB DPON BTZUN PA GZHAN LA PHAN PA'I DBYANGS KYIS MDO SDE RGYAN GYI NANG DU CHANG 'THUNG BA'I NYES PA'I DBANG DU BYAS NAS GSUNGS TE, DE NI TSIGS BCAD 'DI DAG BSDUS PA'I DON YIN TE, JI SKAD DU, GANG ZHIG 'THUNGS PAS LUS RNYOG DRAN 'PHROG TSUL LAS 'DA' BA DANG, ,BLO RMONGS NGO TSA'I CHOS GCOD 'DU SHES NYAMS SHING RIGS BSLAD 'GYUR, ,DGA' MCHOG NYAMS SHING ZHE SDANG SKYED PAR BYED PA GANG ZHIG GIS, ,'THUNGS NA MYOS PAR 'GYUR ZHING DRAN NYAMS DE NI 'CHI BZHIN GNAS, ,ZHES BSHAD DO, ,DE BAS NA TSIGS BCAD 'DI'I GO RIMS KYIS MTSON PA 'DIS NI, GANG ZHIG 'THUNGS NA RA RO BLONG NAS ZHES BYA BA LA SOGS PA'I TSIGS BCAD DAG GI DON BSTAN PA YIN NO, , LUS RNYOG CES BYA BA DANG, DRAN PA 'PHROG PA DANG, TSUL LAS 'DA' BA ZHES BYA BA NI GANG GI PHYIR 'CHI BAR GYUR NA YON TAN 'DI DAG NYAMS PA YIN TE, DE BZHIN DU CHANG 'DI 'THUNGS NA YANG RA RO BLONG NAS GOM PA DBANG MED 'DOR ZHING 'GRO BA DANG, YUL PHYOGS MA 'DRIS PAR YANG 'KHYAM ZHING RDEG 'CHOS ZHES BYA BA YIN TE, 'DIR NI SNGAR BSTAN PA'I LUS RNYOG CES BYA BA DE BSTAN PA YIN NO, ,DRAN PA NYAMS PA ZHES BYA BA 'DIS NI GONG DU BSTAN PA'I DRAN PA 'PHROG CING ZHES BYA BA DE NYID STON TO, ,BZA' DANG MI BZA' DPYAD PA MED PAR DE DANG DE DAG ZAR 'GYUR BA, ,ZHES BYA BA 'DIS NI GANG GONG DU BSTAN PA'I TSUL LAS 'DA' BA ZHES BYA BA DE STON TO, ,TSIGS BCAD KYI DON GANG SNGAR BSTAN PA'I NGO TSA'I CHOS GCOD CES BYA BA DE'I DBANG DU BYAS NAS TSIGS BCAD GNYIS YIN TE, GANG GIS BDAG GI SEMS LA DBANG MED CES BYA BA DANG, 'THUNGS NA GANG GIS BDAG GI NGO TSA 'OS PA 'DA' DOR, ,ZHES BYA BA'I TSIGS BCAD GNYIS TE, NGO TSA'I CHOS ZHES BYA BA NI KHREL YOD PA YANG 'DI YIN NO, ,SNGAR BSTAN PA'I BLO RMONGS PAR BYED CES BYA BA 'DI NI KHREL @240A *, ,MED PA'I DBANG DU BYAS NAS GSUNGS PA STE, GANG GIS BDAG GI SEMS LA DBANG MED BLO NYAMS RNAM PAR 'KHYAM, ,ZHES BYA BA'I TSIGS BCAD YIN NO, ,GANG GI PHYIR SHI NA NI BLO LA KHREL YOD PA MED DE, DES NA BDAG GI SEMS LA DBANG MED BLO NYAMS RNAM PAR 'KHYAM, ,ZHES TE, 'DI NI GANG SNGAR BSTAN PA'I BLO RMONGS PAR BYED CES BYA BA DE NYID BSTAN TO, ,PHYUGS DANG 'DRA BAR BLUN ZHING DGRA BOS 'PHYAS KYANG BYED PAR 'GYUR, ,GANG GIS 'DUN SAR GAR BYED 'GYUR ZHING RANG GI KHAR RNGA BRDUNG, ,ZHES BYA BA'I TSIG 'DI GNYIS KYIS NI KHREL YOD PA GCOD PAR BSTAN TO, ,NGO TSA'I CHOS GCOD PA'I DBANG DU BYAS NAS 'THUNGS NA GANG GIS BDAG GI NGO TSA 'DOR ZHES BYA BA'I TSIGS BCAD YIN TE, BDAG GI NGO TSA BA NI MDZES PA YIN TE, BDAG NYID LA LTOS NAS 'DZEM PA LA BDAG GI NGO TSA BA ZHES BRJOD DE BDAG GI DBANG DU BYAS NAS, KHA NA MA THO BA LA 'DZEM PA ZHES BYA BA'I TSIG GIS SO, ,GANG 'THUNGS NA NI ZHES BYA BA'I TSIGS BCAD 'DI NI GANG GONG DU BSTAN PA'I 'DU SHES NYAMS PAR 'GYUR ZHES BYA BA DE'I DBANG DU BYAS PA STE, 'DU SHES NYAMS PAR GYUR PA NI, ,DRAN PA MED PAR ZHES BYA BA'I TSIG GIS SO, ,GANG ZHIG 'THUNGS NA MYOS TE ZHES BYA BA'I TSIGS BCAD KYIS NI GANG GONG DU BSHAD PA'I RIGS BSLAD CES BYA BA DE'I DBANG DU BYAS PA STE, 'DI LTAR BUD MED LA 'PHYOS PAR GYUR PAS RIGS BSLAD PAR 'GYUR RO, ,GANG ZHIG 'THUNGS NA MYOS PAS DRAN BRLAG STE, ,ZHES BYA BA'I TSIGS BCAD 'DIS NI DGA' MCHOG NYAMS ZHES BYA BA DE'I DBANG DU BYAS PA STE, ME BYUNG NAS ZHES BYA BA'I TSIG GIS SO, ,GANG LA CHAGS NA DPAL GYI GZHIR GYUR RIGS, ,ZHES BYA BA'I TSIGS BCAD 'DIS NI ZHE SDANG SKYED PAR BYED PA DE'I DBANG DU BYAS PA STE, GANG GI PHYIR ZHE SDANG LAS NI RIGS GCOD PAR BYED PAS SO, ,GLO BUR DU DU ZHING ZHES BYA BA LA SOGS PA'I TSIGS BCAD DRUG GIS NI, GANG @240B ZHIG 'THUNGS NA BYA BA NYAMS SHING BAG TSA BA MED CHOS MI SPYOD, ,DON MED PHUNG KHROL SHES SHING 'DUL DANG MI LDAN BRNYAS LA GNAS MIN RDEG ,DU LA RMONGS SHING SMRA DANG 'DON ZLOS DGOD BYED SMYO 'GYUR YON TAN DAG ,MA LUS 'PHROG BYED YA RABS NGO TSA CAN DAG SU ZHIG 'THUNG BAR BYED, ,CES BYA BA'I TSIGS BCAD 'DI NI BSDUS PA'I DON YIN TE, DE LAS GLO BUR DU DU ZHING 'DUG LA ZHES BYA BA'I TSIGS BCAD 'DI NI BRNYAS PA LA SOGS PA DE'I DBANG DU BYAS PA YIN NO, ,RGAS PAR GYUR KYANG GANG GI SEMS NYAMS SHING, ,ZHES BYA BA'I TSIGS BCAD 'DI NI 'DUL DANG MI LDAN ZHES BYA BA DE'I DBANG DU BYAS PA'O, ,GANG GI NYES PAS SNGON GYI LHA RNAMS ZHES BYA BA'I TSIGS BCAD 'DI NI BYA BA NYAMS ZHES BYA BA DE'I DBANG DU BYAS PA YIN NO, ,MI BDEN PA YANG BDEN PA BZHIN DU NGO MTHON SMRA, ,ZHES BYA BA'I TSIGS BCAD 'DIS NI CHOS MI SPYOD CES BYA BA DANG, PHUNG KHROL DON MED SHES SHING ZHES BYA BA DE'I DBANG DU BYAS PA'O, ,DE LA MI BDEN PA YANG BDEN PA BZHIN DU NGO MTHON SMRA, ,ZHES BYA BA DANG, MI BYA BA YANG BYA BA BZHIN DU DGA' BZHIN BYED, ,CES BYA BA'I TSIGS BCAD PHYED PO 'DIS NI CHOS MI SPYOD CES GANG BSTAN PA DE NYID BSTAN PA YIN NO, ,GANG GI LAN GYIS YOD MED PHYIN CI LOG TU SHES, ,ZHES BYA BA 'DIS NI PHUNG KHROL DON MED CES BYA BA SNGAR BSTAN PA DE NYID BSTAN TO, ,MYOS GYUR RIG SNGAGS ZHES BYA BA'I TSIGS BCAD 'DIS NI GANG SNGAR BSTAN PA'I GNAS MIN RDEG CING MYOS 'GYUR YON TAN 'PHROG BYED YA RABS SU ZHIG 'THUNG BAR BYED, ,CES BYA BA DE DAG GI DBANG DU BYAS PA'O, ,GANG GIS BLO NI RAB TU NYAMS GYUR NAS, ,ZHES BYA BA'I TSIGS BCAD 'DI NI BAG TSA BA MED CES BYA BA GANG BSTAN PA DE'I DBANG DU BYAS PA'O, ,'DIR BAG TSA BA MED PA NI MI 'JIGS PA STE, MTSAMS MED PA LNGA'I LAS KYIS NGAN 'GROR 'GRO BAS ZHES BYA BA'I DON TE, TSIGS BCAD 'DI GNYIS KYI DON MDO SDE RGYAN LAS BLANGS PA YIN TE, GZHUNG RAB TU MANGS @241A *, ,KYIS DOGS PAS SKABS MA YIN PA MANG PO NI 'DIR MA BRIS SO, ,'DI DAG GI GO RIMS KYI RGYU NI DANG POR LUS DANG ZUNGS NI GZHI YIN PA'I PHYIR LUS DRI MA CAN DU BYED PA ZHES BSTAN PA DE NYID DO, ,DE'I 'OG TU NI DRAN PA GTZO BO YIN PA'I PHYIR RO, ,LUS DANG DRAN PA NYAMS PA'I 'OG TU NI TSUL KHRIMS DANG MTHUN PA'I RIGS ZHES BYA BA'I DBANG DU BYAS NAS SMRAS PA'O, ,DE'I 'OG TU KHREL YOD PA DANG NGO TSA SHES PA NI 'JIG RTEN BSRUNGS PA'I PHYIR RO, ,GNYIS PO DE'I 'OG TU NI 'DU SHES NYAMS PA'O, ,DE NAS RIGS BSLAD PAR GYUR PA NI SEMS CAN THAMS CAD KYI NYES PA'I RGYU YIN PA'I PHYIR RO, ,DA NI DGA' MCHOG NYAMS ZHES BYA BA DANG, ZHE SDANG SKYED PA ZHES BYA BA DE GNYIS SMOS PA YIN TE, SKYE BO NYE DU DANG NYE DU MA YIN PA RNAMS KYANG GCIG LA GCIG RNAM PAR 'JIG PA'I RGYU YIN PA'I PHYIR RO, ,DE LTAR RE ZHIG TSIGS BCAD BDUN GYI GO RIMS KYI RGYU BSTAN NAS, DA NI TSIGS BCAD DRUG GI GO RIMS KYI RGYU BSTAN PAR BYA STE, GZHAN DAG LA BRNYAS PA YIN PAS YONGS SU BRNYAS PA STE, DE BRNYAS PA BYUNG BA'I RGYU'O, ,DE'I 'OG TU 'DUL DANG MI LDAN PA YIN NO, ,DE'I 'OG TU NI BYA BA NYAMS PA'O, ,DE'I 'OG TU NI CHOS MI SPYOD PAR RO, ,DE'I 'OG TU NI TSUL KHRIMS MI SHES PA STE, MI'I 'JIG RTEN DU SKAL BA NYAMS PA YIN NA YANG NGAN PAR GYUR PA DANG, 'JIG RTEN PHA ROL TU YANG MTSAMS MED PA'I LAS KYI RGYU 'DI 'BYUNG BA'O, ,DE LTAR TSIGS BCAD DRUG GI GO RIMS KYI RGYU 'DI DAG GO, ,DE LTAR TSIGS BCAD BCU GSUM PO 'DI RNAMS KYI DON BSDUS PA'I TSIGS BCAD GCIG STE, MI YI BDAG PO CHANG 'DI DE 'DRA YANG, ,ZHES BYA BA YIN NO, ,DA NI 'JIG RTEN PHA ROL GYI NYES DMIGS KYI DBANG DU BYAS NAS, ,GANG ZHIG BSTEN NA NGAN PA SPYOD PAR 'GYUR, ,ZHES BYA BA DANG, CHANG DE NYUNG NGU 'THUNGS KYANG ZHES BYA BA'I TSIGS BCAD GNYIS TE, GANG ZHIG BSTEN NA RAB TU 'JIGS PAR LTUNG, ,ZHES BYA BA NI GANG SNGAR BSTAN MA @241B THAG PA'I GANG ZHIG BLO NI RAB TU NYAMS GYUR NAS, ZHES BYA BA'I TSIGS BCAD DE'I MTSAMS MED PA'I LAS KYIS NGAN SONG GI 'GRO BAR 'JUG PA YIN TE, LAS DE BYAS NAS DMYAL BA LA SOGS PA'I NGAN SONG RNAM PA GSUM DU 'GRO BAR 'GYUR TE, DE LTAR 'GRO BA'I LAS KYANG CHUNG NGU DANG 'BRING DANG CHEN PO'I DBYE BAS SO, ,BSTEN PA ZHES BYA BA NI CHANG BSTEN PA'O, ,NGAN PA SPYOD PAR 'GYUR ZHES BYA BA NI LUS KYI LAS LA SOGS PA RNAM PA GSUM NGAN PAR SPYOD PAR 'GYUR BA'O, ,YANG NA, GANG ZHIG BSTEN NA NGAN PAR SPYOD PAR 'GYUR, ,ZHES BYA BA NI CHANG 'THUNG BA NYID NGAN PA SPYOD PAR 'GYUR BA NYID DE, DE NYID SHAS CHE BA LA SOGS PA BSTAN PA 'DIS NA CHANG 'THUNG BA NYID KYIS NGAN SONG GSUM DU 'GRO BA YIN NO, ,YI DVAGS DBUL BAR 'GYUR ZHES BYA BA LA, DBUL BA ZHES SMOS PA NI YI DAGS RDZU 'PHRUL CHE BA DAG MA YIN PA'I DON TE, GANG GI PHYIR DE NI LHA'I 'BYOR PA LTA BUR RJES SU MYONG BA YIN TE, CHANG 'THUNG BA NI NYES PA CHE BA YIN PAS GCIG TU MI 'DOD PA'I 'BRAS BU BSKYED PA YIN PA'I PHYIR YI DAGS RDZU 'PHRUL CHE BA DAG TU SKYE BA NI MI RIGS SO, ,JI LTAR CHANG 'THUNG BA NGAN PA LA SPYOD PA YIN ZHE NA, DE'I PHYIR SLOB DPON BTZUN PA GZHAN LA PHAN PA'I DBYANGS KYIS BSHAD PA, MI 'TSE MI RKU 'KHRIG PA MI SPYOD PA, ,LUS KYI DGE BA BYAS PA GSUM YIN NO, ,'BREL MED PHRA MA BRDZUN DANG TSIG RTZUB SPONG, ,NGAG GI DGE BA RNAM PA BZHIN YIN NO, ,CHANG 'THUNG SPONG BA 'DI NI SDOM PA BRGYAD PA STE, ,GANG TSE KUN DU 'TSO BA DGE BA LDAN GYUR PA, ,DE TSE TSUL KHRIMS CHO GA GNAS PAR GYUR PA YIN, ,DE LAS TSUL KHRIMS 'CHAL PAR MKHAS PAS BSHAD, ,DE BAS NA CHANG 'THUNG BA NI NGAN PAR SPYOD PA NYID DO, ,DE LTAR RE ZHIG 'THUNG BAS NI NGAN SONG GSUM DU 'GRO BA'I RNAM PAR SMIN PA'I 'BRAS BU BSHAD NAS, DA NI RGYU MTHUN PA'I 'BRAS BU'I DBANG DU BYAS NAS, CHANG DE NYUNG NGU 'THUNGS KYANG ZHES BYA @242A *, ,BA'I TSIGS BCAD YIN TE, NYUNG NGU ZHES BYA BA NI CHUNG NGU DANG 'BRING DANG SHAS CHE BAS CHANG 'THUNG BA GSUM GYI LAS KYI RNAM PAR SMIN PA STE, SHAS CHER 'THUNGS PA'I RNAM PAR SMIN PAS NI SEMS CAN DMYAL BAR SKYE BAR 'GYUR RO, ,'BRING DU 'THUNGS PAS NI DUD 'GRO'O, ,CHUNG NGU 'THUNGS PAS NI YI DVAGS SU SKYE BAR 'GYUR RO, ,DE NYUNG NGU 'THUNGS PA'I RNAM PAR SMIN PAS MI'I NANG DU SKYES KYANG ZHES BYA BAS NI CHUNG NGU 'THUNGS PA'I RNAM PAR SMIN PAS YI DAGS KYI 'BRAS BU RJES SU MYONG NAS GAL TE MI RNAMS KYI NANG DU SKAL BA MNYAM PAR SKYES NA YANG TSUL KHRIMS LTA BA NYAMS ZHES SMOS PA YIN TE, TSUL KHRIMS KYIS PHONGS PA DANG, LTA BAS PHONGS PAR 'GYUR BA YIN NO, ,RGYU MTHUN RGYU DANG 'DRA BA'O ZHES BYA BA'I TSIG GIS CHANG 'THUNGS PA NA'O, ,TSUL KHRIMS NYAMS PAR 'GYUR BA DANG, BLO YANG RNAM PAR RMONGS PA YIN TE, DE BAS NA MIR SKYES NA YANG TSUL KHRIMS DANG LTA BA GNYIS KYIS PHONGS PA YIN TE, RGYU DANG 'DRA BA YIN PA'I PHYIR 'BRAS BU YANG TSUL KHRIMS DANG LTA BA NYAMS PAR 'GYUR BA YIN TE, PHYIS KYANG GSUM PO GANG YANG RUNG BA DAG TU SKYE BAR 'GYUR RO, ,DA NI THAMS CAD KYIS BSDUS PA'I DON GYI TSIGS BCAD TSUL KHRIMS NYAMS PAR 'GYUR ZHING ZHES BYA BA'I TSIGS BCAD BSTAN PA YIN TE, TSUL KHRIMS NYAMS PAS NI NGAN 'GRO DAG TU SHIN TU YUN RING POR SDUG BSNGAL BAR 'GYUR BA YIN TE, 'DIS NI 'JIG RTEN PHA ROL GYI NYES DMIGS BSTAN TO, ,GTAM NGAN ZHES BYA BA 'DIS NI MTHONG BA'I CHOS KYI NYES DMIGS YIN TE, GANG GI PHYIR GRAGS PA NI MTHONG BA'I CHOS KYI PHUN SUM TSOGS PA YIN TE, GZHAN DANG 'BREL PA'I PHYIR RO, ,'JIG RTEN 'DI'I PHUN SUM TSOGS PA THAMS CAD KYI RGYU NI GRAGS PA YIN TE, MED NA NI RGYU MED PA'I PHYIR RO, ,NGO TSA MED CING BLO GROS DRI MA CAN DU 'GYUR, ,ZHES BYA BA LA, NGO TSA ZHES SMOS PAS NI NGO TSA SHES PA DANG KHREL YOD PA GNYIS GZUNG @242B NGO; ,BLO GROS DRI MA CAN DU 'GYUR, ,ZHES BYA BA NI LTA BAS PHONGS PAR 'GYUR BA'I PHYIR RO, ,'DI GNYIS KYIS KYANG TSUL KHRIMS GRAGS PA NYAMS PAR BYED PA YIN NO, ,RGYU BZHI PO 'DI DAG GIS NI 'JIG RTEN PHA ROL GYI PHUN SUM TSOGS PA'I RGYU NYAMS PAR BSTAN TE, BZHI PO 'DI'I NANG DU NYES PA THAMS CAD 'DUS PA'I PHYIR YON TAN THAMS CAD NYAMS PAR BSTAN TE, DE NYID KYI PHYIR SMRAS PA, ,YON TAN DE DANG DE DAG NYAMS, ,ZHES SMOS SO, ,DE BAS NA ZHES BYA BA NI CHANG 'THUNG BA NYID SKYON CHEN PO YIN PA'I PHYIR RO, ,CHANG 'THUNGS PA'I NYES PA KHONG DU CHUD PAR BYAS PA ZHES BYA BA NI GANG SNGAR BSTAN PA'I DE LA SKYON DU YANG MI LTA BAR GYUR LA ZHES BYA BA DE NYID BSTAN PA YIN TE, SKYON DU MI LTA BA ZHES BYA BA NI CHANG 'THUNG BA LA CHAGS PA'I SKYON YONGS SU MA SHES PA'I PHYIR RO, ,ZHEN PA MED PAR 'GYUR ZHES BYA BA NI DE LA ZHEN PA MED PA'I RGYU YIN PA BYAS NAS DE'I NYES PA BSTAN PA'I PHYIR BRTZAMS PA NI NYES PA DE BSGRUBS PA YIN NO, ,BYAMS PA'I PHA MA ZHES BYA BA 'DI'I BSDUS PA'I DON NI MI'I 'JIG RTEN GNYEN BSHES PHAN PAR STON PA NI GSUM ZHIG YOD DE, BDE BAR 'DOD PA DANG, PHAN PAR 'DOD PA DANG; THABS STON PA'O, ,GANG DE GSUM GYI YON TAN DANG LDAN PAR STON PA YIN TE, BDE BAR 'DOD PA NI PHA MA'O, ,PHAN PAR 'DOD PA NI BLA MA'O, ,THABS STON PA NI THABS DANG BSAM PA DANG BAG LA NYAL SHES PA STE THUB PA'O, ,GSUM PO DE DANG 'DRA BAR STON PA'I PHYIR GSUM PO DE DANG MNYAM PA'O, ,YUL GRU MCHOG LA SOGS PA'I NOR NI NGA MI 'DOD DE, DE CI'I PHYIR ZHE NA, LHA'I DBANG PO YIN PA'I PHYIR RO, ,RGYU GONG MA GNYIS KYI LAN NI 'DI YIN TE, PHAN PAR SMRA LA MCHOD PAR BYED, ,CES BYA BA NI TSIGS BCAD PHYED DES GRAGS DANG DPAL ZHES BYA BA'I TSIG BCAD 'DI GNYIS KYIS NI MTHONG BA'I CHOS KYI PHAN YON BSTAN TO, ,DPAL ZHES BYA BA NI RNYED PA YIN TE DE'I BDE BA'O, ,DE YANG ZHES BYA BA NI MTHONG BA'I CHOS DANG, 'JIG RTEN PHA ROL GYI BDE BA YIN NO, ,DE NYID SMRAS PA, NGA'I LUNG LA ZHES BYA BA NI @243A *, ,MTHO RIS SU 'GRO BAR BYED PA STE, 'JIG RTEN PHA ROL GYI BDE BA THOB PAR BYED PA'O, ,YANG NA BDE BA DE YANG 'THOB, ,CES BYA BA NI MTHONG BA'I CHOS NYID KYI YIN NO, ,NGA YI LUNG LA BRTEN ZHES BYA BA 'DI NI 'JIG RTEN PHA ROL LA BDE BA 'THOB PA'I TSIG GO ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS BUM PA'I SKYES PA'I RABS SO,, ,,TSUL KHRIMS KYI GNYEN POR 'GYUR ZHING GNOD PA ZHES BYA BA LA 'DIR GNYEN POR ZHES SMOS PA NI TSUL KHRIMS KYI MI MTHUN PA'I PHYOGS SU GZUNG STE, TSUL KHRIMS KYI MI MTHUN PA YIN PAS DES NA GNOD PA YANG YIN NO, ,PHYUG PO'I RIGS 'TSO BA'I TSUL DANG SPYOD PA PHUN SUM TSOGS PA ZHES BYA BA 'DIS NI BDAG GI SKYE BA CHO RIGS PHUN SUM TSOGS PAR BSTAN TO, ,CHO RIGS MTHON PO LA DGA' BA RNAMS KYIS GNYEN BYA BAR GSOL BA BTAB PA ZHES BYA BA 'DI NI 'DAS PA'I DUS KYI TSUL KHRIMS KYI PHA ROL TU PHYIN PA'I 'BRAS BU'O, ,DGE SBYONG DANG BRAM ZE RNAMS KYI RE BA'I GNAS SU GYUR PA ZHES BYA BA LA SOGS PA BZHIS NI MA 'ONGS PA'I LONGS SPYOD CHEN PO'I 'BRAS BU'I RGYUR GYUR PA STE, SBYIN PA'I PHA ROL TU PHYIN PA BSTAN TO, ,MA 'ONGS PA'I SKYE BAR G-YOG 'KHOR MANG BA'I 'BRAS BUR GYUR PA STE, SLONG BA RNAMS KYIS BZOD PA'I PHA ROL TU PHYIN PA BSTAN TO, ,DPAL GYI GZHIR GYUR PA ZHES BYA BAS NI 'DAS PA'I TSE RABS KYI SBYIN PA'I PHA ROL TU PHYIN PA'O, ,RGYAL POS BSKUR STI BYA ZHING PHAN 'DOGS PA'I 'OS SU GYUR PA ZHES BYA BA LA, PHAN BTAGS PA ZHES BYA BA NI G-YOG 'KHOR GYI SBYIN PA LA SOGS PA'O, ,BKUR STI NI GDUGS LA SOGS PA SBYIN PA'O, ,'JIG RTEN PAS MNGON PAR BKUR BA ZHES BYA BA DANG DE GNYIS KYIS NI 'DAS PA'I SKYE BA'I BZOD PA'I PHA ROL TU PHYIN PA'I 'BRAS BU BSTAN TO, ,DE BZHIN DU SBYIN PA DANG, TSUL KHRIMS DANG, BZOD PA'I MTSAN NYID DO, ,BSOD NAMS KYI TSOGS KYI 'BRAS @243B BU YANG RNAM PA GSUM LAS LONGS SPYOD CHEN PO'I BDAG NYID DANG, 'KHOR BAR G-YOG 'KHOR PHUN SUM TSOGS PA'I MTSAN NYID NI RGYAL PO'I RIGS DANG, PHYUG PO'I RIGS ZHES BYA BAS BSTAN TO, ,'JIG RTEN PAS BSNGAGS PA'I RIG PA'I GNAS RNAMS LA NI BSLABS, SGYU RTZAL GYI THABS RNAM PA SNA TSOGS LA NI BLO GSAL BAR GYUR ZHES BYA BA 'DIS NI YE SHES KYI TSOGS KYI 'BRAS BU BSTAN TO, ,LUS BYAD BZANG PO SKYE BO'I MIG TU SDUG ,CES BYA BA 'DIS NI TSUL KHRIMS KYI PHA ROL TU PHYIN PA'I 'BRAS BU BSTAN TO, ,CHOS DANG MI 'GAL BAR 'JIG RTEN GYI TSUL LA MKHAS PAS ZHES BYA BA 'DIS NI SBYIN PA DANG, BZOD PA'I PHA ROL TU PHYIN PA LA 'JUG PA'O, ,'JIG RTEN PA RNAMS KYI NANG MI BZHIN DU SNYING LA CHAGS PAR GYUR TO ZHES BYA BA 'DIS NI BZOD PA'I PHA ROL TU PHYIN PA'I 'BRAS BU'O, ,GZHAN BSOD NAMS KYI TSOGS THAMS CAD NI CHO RIGS MTHO BA'I KHYAD PAR NYID KYIS BSTAN TE YANG MI BRJOD DO, ,SKYON DANG YON TAN GNYIS BRTAG PA NI SKYON DANG YON TAN LA BRTAGS PA STE, SKYON DANG YON TAN LA BRTAN PA DANG, SKYON DANG YON TAN LA SMRA BA'O, ,SKYON DANG YON TAN LA BRTAGS NAS NANG MI'AM PHYI MI RNAMS KYIS BKUR STI'AM SMAD PAR BYA BA YIN TE, SKYON LA BRTAGS NAS NI NANG MI 'AM PHYI MI GANG YANG RUNG BAS BKUR BA MA YIN PA'I GNAS SU 'GYUR RO, ,DE SNGON RAB TU BYUNG BA LA GOMS PAR BYAS PAS ZHES BYA BA NI TSE RABS SNGA MA LA 'DRIS PAR BYAS PA'I PHYIR RO, ,RAB TU BYUNG BA LA GOMS PAR BYAS PAS ZHES BYA BA 'DIS NI RGYU'I 'BRAS BU STON TO, ,TSOL BA ZHES BYA BA 'DIS NI RKYEN GYI 'BRAS BU LAS BRTZAMS PA YIN TE, TSUL BZHIN YID LA BYED PA'I RKYEN GYIS TE, GTZO GZHAN GYI SGRA'I RKYEN GYIS BDAG NYID TSUL BZHIN YID LA BYED PA ZHES BYA BA'I TSIG GIS SO, ,TSOL BA'I SDUG BSNGAL ZHES BYA BA 'DIS NI MTHONG BA'I CHOS KYI NYES DMIGS KYI DBANG DU BYAS PA'O, ,CHOS DANG 'GAL BA NI 'JIG RTEN PHA ROL GYI YIN TE, LOG PA'I 'TSO BA STE, KHYIM NA GNAS SHING MI DGE BA'I LAS KYIS @244A *, ,BSKYED PA'I PHYIR RO, ,BDE 'BYUNG GNAS ZHES BYA BA NI, 'JIG RTEN GNYI GAR BDE BA 'BYUNG BA NYID YIN TE, DKA' THUB KYI NAGS TSAL NA NI TSOL BA DANG CHOS DANG 'GAL BA'I SGRUB PA MED PA'I PHYIR RO, ,KHYIM RDZAS DANG DBYIG BRGYA STONG DU MA YOD PA DE YANG BSHES GNYEN DANG, DGE SBYONG DANG, BRAM ZE DANG, PHONGS PA DANG, SLONG BA RNAMS LA JI LTAR RIGS PA ZHES BYA BA NI JI LTAR 'OS PAR BTANG ZHING RAB TU BYUNG BA STE, TSIG 'DIS NI CI ZHIG STON PA YIN ZHE NA, THEG PA CHEN PO'I YAN LAG NYID DU BSTAN PA STE, GANG GI PHYIR BYANG CHUB SEMS DPA' LOG PAR SPYOD PA RNAMS LA CHAGS PA MED PA'I PHYIR TE, DE BAS NA SBYIN PA NI BYANG CHUB SEMS DPA' RNAMS KYI THEG PA CHEN PO NYID DO, ,PHA ROL TU PHYIN PA RNAMS KYANG CI RIGS PAR THEG PA CHEN POR BRJOD DO, ,DON RNAM PA GZHAN DU NA YUL RNAMS LA CHAGS PA MED PA'I LAM NI SBYIN PA STE, GTONG BA LA GOMS PAS CHAGS PA DANG BRAL BA'I PHYIR RO, ,DE LTAR SBYIN PA NI BYANG CHUB SEMS DPA' RNAMS KYI LAM MO, ,DE BZHIN DU PHA ROL TU PHYIN PA GZHAN DAG KYANG CI RIGS PAR BRJOD PAR BYA'O, ,BSAM GTAN GYI YON TAN LA GOMS PAS ZHES BYA BA NI BSAM GTAN NYID YON TAN YIN TE, YON TAN GZHAN THAMS CAD KYI RGYUR GYUR PA'I PHYIR RO, ,DE BAS NA DE LA GOMS PA'O, ,RNA BA DANG SNYING TSIM PAR BYED PA'I TSIG YIN TE, TSIG DI'I DON NI CHOS STON PA NA GRONG KHYER PA'I SKAD DANG, SNYAN CING 'JEBS PA DANG, RNAM PAR GSAL BA DANG, RNAM PAR RIG PAR BYA BA DANG, MNYAN PAR 'OS PA DANG, MI GNAS PA DANG, MI MTHUN PA MED PA DANG, MI GSAL BA MED PA STE, GANG MDO'I DON DE NYID 'DIR YANG RNA BA DANG SNYING TSIM PAR BYED PA YIN TE, DE YANG GSUNG RGYA CHE BAS RNAR SNYAN PAS YONGS SU TSIM PAR BYED PA YIN NO, ,RNA BA DANG SNYING TSIM PAR BYED PA ZHES BYA BA 'DIS NI SNYAN PAR STON PA YIN TE, SKAD SNYAN CING 'KHOR YONGS SU TSIM PAR BYED PAS GRONG KHYER PA'I SNYAN PA'I @244B TSIG GIS BRJOD DO, ,DE BAS NA RNA BA DANG SNYING TSIM PAR BYED PAS ZHES BYA BA 'DIS NI 'JEBS PAR STON TE, SNYAN CING 'JEBS PA'O, ,DES NA SNYING TSIM PAR BYED PA'I TSIG LA MKHAS PA MNGON PAR SMRA BA YIN TE, DES RNAM PAR RIG PAR BYA BA YIN PAR DE BSTAN TE, GANG GI PHYIR RNAM PAR RIG PAR BYA BA NI BSHAD PA'I DON RNAM PAR SHES PA'I BYA BA YIN PAS MKHAS PA YIN PAR MNGON NO, ,MA KHENGS PA ZHES BYA BAS NI MNYAN PAR 'OS PA BSTAN TE, MNYAN PA'I DON NYID YIN PA'I PHYIR RO, ,MA KHENGS PA DANG, RNYED PA LA RE BA'I BKRAM PA DANG ZHUM PA MED PA ZHES BYA BA 'DIS NI MI GNAS PA BSTAN TE, RNYED PA LA SOGS PA'I 'DOD PA DANG BRAL BAS DE MI GNAS PA'O, ,DES DE NYID RNYED PA LA SOGS PA MED PA'O, ,DUL ZHING GZI BYIN CHE BA DANG, ,JI LTAR RIGS PAR 'JAM POR SMRA ZHING GSAL BA ZHES BYA BA 'DI GNYIS KYIS NI MI MTHUN PA MED PAR BSTAN TE, JI LTAR G-YOG 'KHOR 'JUG PA DES DUL ZHING GZI BYIN CHE BA YANG DES 'JUG STE, JI LTAR RIGS PAR 'JAM POR SMRA ZHING GSAL BA'I PHYIR SNYAN PA'I SKYE BO RNAMS LA MI MTHUN PA MED PA YIN NO, ,DE BAS NA JI LTAR G-YOG 'KHOR GYI 'JUG PA DES CHOS DANG CHOS MA YIN PA RAB TU 'BYED PA MKHAS PA ZHES BYA BA YIN TE, 'DIS NI MI GSAL BA MED PA BSTAN TE, DPAG TU MED PA'I SPOBS PA DANG LDAN PA'I PHYIR MI GSAL BA MED PA YIN TE, DES NA YANG CHOS DANG CHOS MA YIN PA RAB TU 'BYED PA LA MKHAS PA NYID DO, ,DE LTAR MDO'I TSIG GI RJES SU 'BRANG BA YIN TE, TSIG BRGYAD PO 'DI'I GO RIMS KYIS YANG DAG PAR BSTAN TE, 'DIS NI NGAG GI LAS PHUN SUM TSOGS PA BSTAN TO, ,RAB TU BYUNG BA'I SPYOD TSUL BZANG PO DANG, YA RABS RNAMS DGA' BA'I SPYOD PAS ZHES BYA BA 'DIS LUS KYI LAS PHUN SUM TSOGS PA BSTAN TO, ,CHO RIGS BTZUN PA LAS RAB TU BYUNG BAR SHES NAS ZHES BYA BA'I JI LTAR SNGAR BSTAN PA'I RGYAL RIGS PHYUG PO'I RIGS ZHES BYA BA LA SOGS PA'I RIGS @245A *, ,KYI KHYAD PAR GYIS SO, ,RAB TU BYUNG BAR SHES NAS ZHES BYA BA DE YANG SNGAR BSTAN PA YIN TE, DE'I PHA MA GNYIS TSE 'DAS PAS ZHES BYA BA LA SOGS PA'I RIM PAS RAB TU BYUNG BAR SHES PAR BYA'O, ,RIGS DANG GZUGS KYI YON TAN LAS, ,ZHES BYA BA LA, RIGS KYI YON TAN RNAMS NI SNGAR BSHAD PA DAG GO ,GZUGS KYI YON TAN YANG SNGAR BZHIN BSHAD PA YIN TE, LUS BYAD BZANG PO SKYE BO'I MIG TU SDUG ,CES BYAB A'I TSIG GIS SO, ,SA GZHI BZANG PO ZHES BYA BA NI YANG THOG GI RTZIG PA DKAR GYIS BSKUS PA LA ZLA BA'I 'OD ZER BAB PA BZHIN NO, ,NA TSOD 'DI TZAM LA CHO RIGS LA YANG MI LTA BAR 'DI LTAR RAB TU BYUNG ZHES BYA BA NI BU SKYED NAS NA TSOD RGUD PA LA RAB TU 'BYUNG BAR BYA BA YIN NO ZHES BYA BA'I DON TO, ,SONG ZHES BYA BA NI 'GRO BAS 'GYUR BA STE, DES NA 'DI NYID LAS CHOS BRNYES PAR 'GYUR BA'I PHYIR RO, ,CI'I PHYIR ZHES BYA BA NI RGYU GZHAN GYI PHYIR RO, ,GZHAN GYI DRING LA LTOS SHING SLONG MO SPYOD, ,CES BYA BA DANG, GOS NGAN PA GYON PA DANG, BAS MTHA'I SA NA LUS NI BSGYUR TE BOR, ,ZHES BYA BA 'DI DAG GIS ZAS BSOD SNYOMS DANG GNAS MAL DANG BRAL BAR STON TE, 'DIS NI SBYIN PA'I PHA ROL TU PHYIN PA'I 'BRAS BU MED PAR BYAS PA'I PHYIR RO, ,DBUL PO'I LUS ZHES BYA BA DANG, NGAN PA BZHIN DU SKYE BO KUN GYIS SMAD, ,CES BYA BA 'DIS NI TSUL KHRIMS KYI PHA ROL TU PHYIN PA'I 'BRAS BU RIGS LA SOGS PA PHUN SUM TSOGS PAR 'BYOR KYANG SMAD PA NYID DU GYUR PA STE, GSUM PO 'DI DANG BRAL BA'I PHYIR RO, ,GNYEN GYI SKYE BO DANG BRAL BA DANG, GNYEN BSHES RNAMS DANG BRAL BA ZHES BYA BA 'DIS NI BZOD PA'I PHA ROL TU PHYIN PA'I 'BRAS BU G-YOG 'KHOR DANG BRAL BA'I PHYIR RO, ,BU MCHOG YID LA BSAM PA GRUB PAR GYIS, ,ZHES BYA BA NI DE SU'I YID LA BSAM PA 'GRUB PA YIN ZHE NA, DBUL PO'I LUS SU GYUR PA NYID KYIS TE, RE GNAS BZHIN DU BDAG NYID DE, RE GNAS NI STEGS SO, ,DBEN @245B BAS BYAS PA NI DBEN PA'I BDE BA'O,, ,,DBEN PA NI RNAM PA GNYIS TE, LUS DBEN PA DANG, SEMS DPON PA'O, ,DE LA LUS DBEN PA NI GNYIS SU MED PAR GNAS PA'O, ,SEMS DBEN PA NI SEMS KYI G-YENG BA SPANGS PA'O, ,DBEN PA NA GNAS PA'I BDE BA NYID BDUD RTZI'I RO YIN TE, DES YONGS SU BSGOS PA'I BYA BA GANG LA YID LA DE NI DBAN PA NA GNAS PA'I BDE BA'I BDUD RTZI'I ROS BLO GOMS PAR BYAS PA STE, DE'I BDE BAS LUS DANG SEMS TSIM PAR BYED PA'I PHYIR RO, ,SNYING DE LA GZHOL BAR GYUR PA NI DBEN PA NA GNAS PA'I BDE BA LA GZHOL BAR GYUR PA'O, ,KHYIM NA GNAS PA DANG, NAGS NA GNAS PA'I BYE BRAG SHES PAR GYUR PA ZHES BYA BAS NI KHYIM NA GNAS PA'I BDAG NYID KYIS MNGON SUM DU SKYON MTHONG BA'I PHYIR RO, ,NAGS NA GNAS PA YANG BDAG NYID KYIS MNGON SUM DU YON TAN MTHONG BA'I PHYIR RO, ,DE BAS NA NAGS DANG KHYIM GYI KHYAD PAR MI SHES PA DAG NI SMRA BAR MI RIGS KYI, DE NI 'DIR MNYAN PAR YANG RIGS PA MA YIN TE, GNYI GA YANG NGO SHES PAR PHYIR RO, ,BTZON RA 'DRA BA'I KHYIM ZHES BYA BA NI KHYIM NI BTZON RAR GYUR PA YIN TE, NGAN SONG DU 'GRO BAR BYED PA'I PHYIR RO, ,PHYUG PO NI PHAL CHER GCIG TU SDUG BSNGAL BA YIN NO, ,CIG SHOS DBUL BA YANG NGO, ,DGA' BA NYID DU KUN DU RMONGS PA NI DGA' BAS RMONGS PA STE, SDUG BSNGAL LA BDE BAR PHYIN CI LOG PA ZHES BYA BA'I DON TO, ,SDIG PA'I 'BRAS BU SMIN PA NYID, ,CES BYA BA NI SKYE BA SNGA MA DAG LA RANG GI GOMS PAS TSDUG BSNGAL LA BDE BAR PHYIN CI LOG PA'I 'BRAS BU SMIN PA'O, ,'DIR BYAR RUNG BO ZHES BYA BA GAL TE DE LTAR CHOS BRNYAS PAR RUNG BA ZHES BYA BA NI MA YIN NO, ,CHOS KYI GNYEN PO DANG 'DOM PA'I PHYIR TE CHOS DANG 'GAL BA DANG, PHYOGS RNAM PAR 'JIG PA'I PHYIR RO, ,LAS SU BYA BA MANG CHES PAS, ,ZHES BYA BA NI KHYIM GYI BDE BA YIN NO SNYAM NAS KHYIM MA BTANG BAS NI CHOS BYA BAR 'DOD @246A *, ,KYANG KHYIM MA BTANG BAR NI GZHAN DU 'GYUR BAS JI LTAR CHOS BYA BAR MI RUNG STE, 'DI NI KHYIM GYI BDE BA DE DANG DE LA MNGON PAR ZHEN PA DE LA SDUG BSNGAL YIN PAR BSTAN PAR BYA BA'I PHYIR, LAS SU BYA BA MANG CHES PAS, ,ZHES BYA BA 'DI BSTAN PA YIN NO, ,CHOS KYI GNYEN PO DANG 'DOM PA ZHES BYA BA'I DBANG DU MDZAD NAS, KHYIM GYI SO NAM BYA NA NI, ,ZHES BYA BA LA SOGS PA'I TSIGS BCAD BZHI YIN TE, CHOS KYI GNYEN PO'I CHOS GANG YIN ZHE NA, DE DANG MI MTHUN PAR GRAGS PA, ,ZHES BYA BA'I DON TE; KHYIM GYI SO NAM BYA NA NI, ,ZHES BYA BA'I TSIGS BCAD YIN NO, ,KHYIM NA NOR MED NA NI SO NAM BYA BA YIN NO, ,SO NAM GYI BYA BA BYAS PAR GYUR NA NI CHOS KYI DON NYAMS PA YIN NO, ,DE LTAR LUNG DU MA BSTAN PA'I LAS KYANG CHOS KYI GNYEN PO YIN PAR BSTAN TO, , BRDZUN DU MI SMRA MI RUNG ZHING, ,ZHES BYA BA NI MI DGE BA DE LA 'JUG PA'I DBANG DU BYAS NAS BRDZUN DU SMRA BZHES BYA BA SMOS TE, NGAG GI LAS KYI LAM GYI MI DGE BA BZHI BZUNG STE, SMRA BA ZHES SMOS PAS DE LA GZHAN DAG KYANG 'GRUB PO, ,NYES PA BYED PA LA NAN TUR NI ZHES BYA BA NI, SROG GCOD PAR NAN TUR BYA BA YIN TE, MI DGE BA'I LAS KYI LAM DAG LAS SROG GCOD PA THOG MAR SMOS PA YIN TE, DE DANG POR SMOS PAS LUS KYI MI DAG BA'I LAS DAG KYANG 'GRUB PO, ,DE BAS NA GZHAN LA NAN TUR ZHES BYA BAS MI DGE BA'I LAM LAS BZLOG STE, RAL GRI DANG THAL LCAG LA SOGS PA'I MTSAN NYID KYIS BCAD CING NAN TUR BYA BA YIN TE, GZHAN SLU BAS SGRUB PA LA SOGS PA DES GZHAN DAG LA GNOD PAR 'GYUR BA YIN TE DE LA NAN TAN DU BYA BA'O, ,'DI DAG GIS NI 'DI LTAR STON TE, LUNG DU MA BSTAN PA'I LAS KYI SO NAM GYIS KYANG MI DGE BA'I LAS KYI LAM YANG DAG PAR 'DZIN PA STE, LUS DANG NGAG GI LAS KYI NAN TUR BYA BA STE, LAS KYI LAM RNAM PAR SPANGS PA'I MI DGE BA'I LAS BYED PA LA NAN TUR BYA'O, ,YID KYI MI DGE BA GNOD SEMS LA @246B SOGS PA YANG KHYIM NA MED PA MA YIN NO, ,SO NAM BYA BA LA SOGS PA LA 'JUG PA'I RGYU'I DBANG DU BYAS NAS, DE LTA BAS NA SKYE BO 'DI DAG CES BYA BA LA SOGS PA'I TSIG GO, ,DE LTA BAS NA ZHES BYA BA NI GANG GI PHYIR KHYIM GYI SO NAM MA BYAS PAR KHYIM MED DO, ,KHYIM MED NA BDE BA MED DO, ,DE SGRUB PA LA 'BAD PA ZHES BYA BA NI KHYIM GYI BDE BA SGRUB PA LA 'BAD PA STE, KHYIM GYI BDE BA SGRUB PA'I SO NAM LA SOGS PA'O, ,DA NI KHYIM NA GNAS PAS NI CHOS DANG CHOS MA YIN PA PHAN TSUN 'GAL BAS RAB TU DKA' BA YIN PA'I PHYIR DE SGRUB PA'I DBANG DU BYAS NAS, GAL TE CHOS SPYOD KHYIM GYI SO NAM 'CHOR, ,ZHES BYA BA 'DI YIN NO, ,GAL TE CHOS SPYOD PAR GYUR TE SO NAM LA SOGS PA MI BYED NA NI KHYIM MED DE, SO NAM 'CHOR BA'I PHYIR JI LTAR BSTAN MA THAG PA'I TSIGS SU BCAD PA BSTAN PA'O, ,GAL TE KHYIM LA MNGON PAR PHYOGS NA NI, ,ZHES BYA BA NI SO NAM LA SOGS PA BYAS NA'O, ,DE SGRUB PA'I PHYIR SMRAS PA, CHOS KYI LAM NI RAB TU ZHI BA ZHES BYA BA'I TSIGS BCAD PHYED KYIS BSTAN TE, RAB TU ZHI BA NI NYON MONGS PA NYE BAR ZHI PA'O, ,YANG NA RAB TU ZHI BA NI SEMS CAN GYI RTZOM PA LAS LDOG PA STE, THAR PA NI DON THAMS CAD LAS LDOG PA YIN NO ZHES BYA BA'I TSIG GIS SO, ,DRAG SHUL CAN ZHES BYA BA NI SNGAR BSHAD PA'I SO NAM LA SOGS PA'I RIM PA'O, ,DE BAS CHOS DANG 'GAL BA'I SKYON YOD PHYIR, ,ZHES BYA BA'I TSIGS BCAD KYI DON RNAM PAR GZHAG PA NI SNGAR BSHAD PA'I DON KHYIM NA GNAS PA'I BDE BA DANG GCIG PA MA YIN NO ZHES PA'O, ,GNYIS SU NA KHYIM NI BDE BA PHYOGS GCIG TU MA NGES PAR BSTAN PA'I PHYIR NGES PA YOD PA MA YIN ZHES SMOS TE, GCIG TU BDE BA NYID MA NGES SO, ,DE SGRUB PA'I PHYIR, GDON MI ZA BAR GRAGS PA MED PAR 'GYUR, ,ZHES BYA BA'I TSIGS BCAD YIN TE, GRAGS PA MED PAR 'GYUR ZHES BYA BA NI BDE BA'I RGYU 'JIG RTEN PA RNAMS DGA' BA LA SOGS PA MED PAR BDE BA 'GRUB PA MED DO, ,GDUNG PA SKYE BA ZHES BYA BA NI 'CHI @247A *, ,BA'I DUS SU YID LA GCAGS BZHIN DU 'CHI BA'I PHYIR RO, ,YID LA GDUNG BA SKYE BA LAS NI NGAN 'GRO SKYE BAR 'GYUR TE, 'JIG RTEN PHA ROL DU NGAN SONG GI SDUG BSNGAL 'BYUNG BA'I PHYIR BDE BA 'GRUB PA MED DO, ,BDE BA'I THABS ZHES BYA BA NI, GANG GI PHYIR KHYIM DANG KHYIM LA GNAS PA BDE BA'I RGYU'O ZHES MNGON PAR ZHEN PA'I DBANG DU BYAS PA NI KHYIM LA BDE BA'I THABS ZHES BRJOD DO, ,NGAN 'GRO BZHIN DU ZHES BYA BA NI NGAN 'GRO BZHIN DU'O, ,KHYIM NA GNAS PA BDE BAR NI GA LA BSHAD DE, DE BAS NA DAD PAS YID CHES PAR BYA BA YIN PAR BDAG GIS MA MTHONG NGO ZHES BSHAD PA NI GZHAN GYI LAS BYED PA DAG KYANG ZHES BYA BA'I TSIGS BCAD KYIS SO, ,BCING BA DANG GSAD PA DANG SDUG BSNGAL NI BCING ZHING GSAD PA'I SDUG BSNGAL LO, ,DE DAG NYID KYI GZHIR GYUR PA YIN TE, YOD PAR GYUR NA BCING BA DANG, GSAD PA'I SDUG BSNGAL GYI GZHIR GYUR BA'O, ,'DOD PA DE DAG GAL TE NGOMS PAR GYUR NA MI RUNG NA DE YANG MED DE, DE BSTAN PA'I PHYIR RGYAL PO DAG KYANG ZHES BYA BA'I TSIGS BCAD PHYED YIN NO, ,YANGS SU RTOGS PA'I DBANG DU BYAS PA'I TSIGS BCAD NI, BSGRUB CING BSRUNG BA LA SOGS PA ZHES BYA BA'I TSIGS BCAD DE'I DON RNAM PAR 'GREL TE, 'DI GA LA BDE ZHES BYA BA NI BCINGS PA DANG GSAD PA'I SDUG BSNGAL GYI GZHIR GYUR PAS GA LA BDE STE, DE BAS NA GA LA BDE'O, ,JI LTAR BDE ZHES BYA BA NI RGYAL PO DAG KYANG 'BYOR PAS CHOG PA MED DE, DES NA JI LTAR BDE BA'O, ,NAM ZHIG BDE ZHES BYA BA NI BSGRUB CING BSRUNG LA SOGS PA'I TSE NA SDUG BSNGAL BA'I PHYIR NAM ZHIG BDE BA YIN TE, DES NA YANG RNAM PA GSUM GYIS BDE BA MED DO, ,JI LTAR DE LA 'JIG RTEN PA RNAMS BDE BA'I BLO 'BYUNG ZHE NA, SMRAS PA, YONGS SU RTOGS PA'I DBANG GIS BDE BA 'BYUNG BA YIN GYI, NGO BO NYID KYIS NI MA YIN NO, ,DE LTAR RE ZHIG BDE BA YID KYIS YONGS SU RTOGS PA'I MTHU YIN PAR BSTAN NAS, ,YUL @247B RNAMS LA RMONGS PAS NYE BAR SPYOD PA ZHES BYA BA YIN TE, DBANG PO LNGA'I YUL GYI NYE BAR SPYOD PA'I BDE BA NI DE LA RNAM PAR RTOG PA MED PAS JI LTAR BDE BAR 'GYUR TE DE LA BDE BA'I RNAM PAR RTOG PA MED PAS SO, ,RNAM PAR RTOG PA TZAM YANG MNGON PAR SHES PA LNGA DANG LDAN PAS NA DE NYID SMRAS PA, RMA G-YA' PHRUGS PA'I BDE BA BZHIN DU ZAD, CES BYA BA YIN TE, RMA G-YA' BA LA PHRUGS PA'I BDE BA 'BYUNG BA DE BZHIN DU YUL RNAMS LA YANG BRTEN PAS KYANG BDE BA BZHIN NO, ,CHOS KYI LAM NI RAB TU ZHI BA YIN, ,ZHES BYA BA GANG SNGAR BSHAD PA'I RAB TU ZHI BA YANG GNYIS PA BSHAD PA LAS, 'DIR KHYIM NA GNAS NA NYON MONGS PA RAB TU ZHI BAR MI 'GYUR ZHING MI BZLOG PAR BRTAN PA'I PHYIR, GZHAN YANG PHAL CHER ZHES BYA BA'I TSIGS BCAD 'DI BRTZAMS PA YIN NO, ,'DI'I BSDUS PA'I DON NI PHUN SUM TSOGS PA'I GNAS SKABS DANG, RGUD PA'I GNAS SKABS GNYI GA NA YANG NYON MONGS PA NYE BAR ZHI BA MED PAR BSTAN TO, ,TSIGS BCAD PHYED DANG POS NI PHUN SUM TSOGS PA'I GNAS SKABS SU NYON MONGS PA NYE BAR MA ZHI BAR BSTAN TO, ,GNYIS PA'I PHYED KYI TSIG RKANG DANG POS NI RGUD PA'I GNAS SKABS BSTAN TO, ,DE NA ZHES BYA BA NI KHYIM DE NA STE PHUN SUM TSOGS PA DANG, RGUD PA'I GNAS SKABS GNYI GA NA YANG NYE BAR ZHI BA MED DE, DE GNYIS MA GTOGS PA'I GNAS SKABS GSUM PA NI MED PA'I PHYIR, NAM ZHIG RAB TU ZHI BAR 'GYUR, ,ZHES BSTAN TO, ,DREGS DANG NGA RGYAL ZHES BYA BA'I TSIGS BCAD 'DIS NI SNGAR BSHAD PA THAMS CAD KYI DON MJUG BSDU BA YIN TE, DREGS DANG NGA RGYAL GTI MUG SBRUL GYI TSANG, ,ZHES BYA BA NI PHAL CHER KHYIM NA 'BYOR NA ZHES BYA BA'I TSIGS BCAD BSTAN PA DE'I NAM ZHIG RAB TU ZHI BAR 'GYUR ZHES PA'I MJUG BSDU BA YIN NO, ,DREGS DANG NGA RGYAL GTI MUG SBRUL GYI TSANG BZHIN DU @248A *, ,GNAS DANG GZHIR GYUR PA STE, DE BSAN, RAB TU ZHI LA DGA' BA'I BDE 'JIG PA, ,ZHES BYA BA YIN TE, DGA' BA'I BDE BA 'JIG PA STE, TSANG DANG GNAS BZHIN DU SDUG BSNGAL DRAG PO'I GZHIR GYUR PA'I PHYIR RO, ,'DIS NI GANG SNGAR BSTAN PA'I BSGRUB CING BSRUNG LA SOGS PA'I SDUG BSNGAL ZHES BYA BA DE'I MJUG BSDU BA YIN NO, ,RAB TU ZHI LA DGA' BA'I BDE 'JIG PA, ,ZHES BYA BA NI JI LTAR RAB TU ZHI BA BDE BA YIN ZHE NA, BDE BA BSTAN PA'I PHYIR SKYE BO CHOG SHES BYA BA'I TSIGS BCAD YIN TE, BDE BA YANG RNAM PA GNYIS TE, LUS DANG SEMS KYI DBANG DU BYAS PA'O, ,SEMS KYI BDE BA'I DBANG DU BYAS NAS, SKYE BO CHOG SHES ZHES BYA BA'I TSIGS BCAD YIN NO, ,YO BYAD RNAMS KYIS CHO GA SHES PA'I 'TSO BA NI CHOS GOS LA SOGS PA NGAN NGON TZAM GYIS CHOG SHES PA'I PHYIR RO, ,CHOG SHES PA'I SKYE BO NI DKA' THUB CAN GYI SKYE BO'O, ,CHOG SHES PA'I SKYE BO RNAMS NI KHYIM BZHIN DU NAGS NA DE BZHIN NO, ,RAB TU DBEN PA'I BDE BA NI LUS DANG, SEMS KYI RAB TU DBEN PA'I BDE BA YIN TE, SEMS DBEN PA'I BDE BAS SEMS DGA' BAR GYUR PA YIN TE, 'DIS NI YID DGA' BAR BSTAN TO, ,DE NYID KYI PHYIR YID BDE BA'I DBANG DU BYAS TE, DE 'DRA LHA YI YUL NA'ANG MED, ,CES BYA BA NI MI'I 'JIG RTEN NA LHA GAL YOD CES BYA BA YIN NO, ,LUS KYI BDE BA'I DBANG DU BYAS NAS, DE BAS TSAL NA ZHES BYA BA'I TSIGS BCAD YIN NO, ,TSIGS BCAD 'DI'I DANG PO'I PHYED KYIS NI ZAS DANG, GNAS MAL DANG, CHOS GOS DMAN PAR BSTAN PA YIN NO, , 'TSO BA SGRUB PA NYID KYANG 'DI LTAR MI SGRUB STE, CHOS MIN 'DRES PA ZHES BYA BA STE SNGAR BSTAN PA'I BYA BAS SO, ,BDE BA NI KHYIM GYI BDE BA'O, ,MI 'DOD PA NI DUG DANG 'DRES PA'I BZA' BA 'DRA BA STE, ZAS DANG BTUNG BA DANG KHYIM GYI 'TSO BAS BSGRUBS SHING @248B BSKYED PA'I KHYIM GYI BDE BA DUG CHEN BO DANG 'DRES PA'I ZAS DANG 'DRA BA DE NI CHOS MA YIN PA DANG 'DRES PA'I PHYIR RO, ,BDAG LA PHAN PAR 'DOD PA NI BLO DANG LDAN PA'O, ,BKUR STI'I BYA BA KHYAD PAR CAN GYIS ZHES BYA BA NI MNGON DU SMRA BA DANG, PHYAG LA SOGS PA'O, ,'DOD PA LAS SLAR LDOG GO ZHES BYA BA NI PHYIS YANG 'DOD PA LA 'JUG PAR MI BYED PA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS RGYAL RIGS PHYUG PO'I SKYES PA'I RABS SO,, ,, 'PHYAS KYI GNAS ZHES BYA BA NI RJES SU BYED PA LTA BU'O, ,GNOD PA LTA BUR ZHES BYA BA NI NYE BAR MTSON PA LTA BU'O, ,DE'I GZUGS DANG YON TAN DANG MTHUN PA ZHES BYA BA NI DE DANG MNYAM PA STE, RTAG TU RJES SU 'BRANG BA ZHES BYA BA'I DON TO, ,RIG BYED KYI YAN LAG CES BYA BA NI SO MA NI BSHAD CES BYA BA'I RIG BYED DO, ,BDAG NI RAB TU 'BYUNG BAR 'DOD, ,CES BYA BA 'GRO BAR 'GYUR RO, ,LAM GANG GIS SHE NA, DE NYID SMRAS PA, DE BAS NA PHAN PA'I LAM BZANG POS ZHES BYA BA YIN TE, DGE BA DANG LEGS PA'I LAM YIN PAS LAM BZANG PO STE, LAM 'DIS THAMS CAD DU 'BYUNG NGO ZHES BYA BA'O, ,RIG BYED SLOB BA LA NI 'GRUS, ,ZHES BYA BA NI RIG BYED SLOB PA NI BRAM ZE'I LUS SU BSHAD DO, ,MDZA' BO DANG MGRON DANG GNYEN BSHES DANG, SLONG BA RNAMS NI RE THAG MI GCOD CES BYA BA NI SBYIN PA'I LAS KYIS SO, ,CHOS LA GZHOL BA ZHES BYA BA NI 'TSE BA SPANGS PA'I MCHOD SBYIN GYI LAS SO, ,'DUL BA LA NI RTAG TU 'BAD, ,CES BYA BA 'DIS NI CHOS LA GZHOL BAR BYA BA NYID BSTAN TE, 'DI DAG NI SLA'O, , DE LTAR ZHES BYA BA NI, 'DUL BA LA NI RTAG TU 'BAD, ,CES BYA BA LA SOGS PA GSUM LA LEGS PAR 'JUG PAS SO, ,RANG GI CHOS LA 'BAD PAS NI GRAGS PA DANG, SRID DANG BDE BA 'GRUB STE, GSUM GYI DON LA LEGS PAR ZHUGS NA NI DGA' @249A *, ,BAR BYED PA'I RGYU YIN PA'I PHYIR RO, ,DE LTAR RE ZHIG TSE 'DI'I PHAN YON BSTAN NAS, DA NI 'JIG RTEN PHA ROL GYI PHAN YON BSTAN TE, 'JIG RTEN PHYI MA LA YANG BDE BAR 'GYUR, ,ZHES BYA BA 'DIS SO, ,PHA MA GNYIS DANG BRAL BA NI PHA MA DANG BRAL BA'O, ,PHA MA DANG BRAL BAS BYAS PA'I MYA NGAN NI, PHA MA DANG BRAL BA'I MYA NGAN NO, ,PHA MA DANG BRAL BA'I MYA NGAN NYID ZUG RDU'I RMA YIN TE, ZUG RDU DE'I RMA GANG YIN PA DE LA, SDUG BSNGAL GZHAN GYIS BSNAN TE ZHES BYA BA NI PHA MA DANG BRAL BA'I SDUG BSNGAL GYI STENG DU BSNAN PA'O, ,YANG NA PHA DANG MA DANG BRAL BA'I MYA NGAN NYID ZUG RDU YIN BAS PHA MA DANG BRAL BA'I MYA NGAN GYI ZUG RDU'O, ,DES BYAS PA'I YID KYI RMA GANG YIN PA DE NI PHA MA DANG BRAL BA'I MYA NGAN GYI ZUG RDU'I RMA STE, DE LA YID CES BYA BA NI TSIG GI LHAG MA'O,, DE BAS BRTAN PA'I BLO CAN 'DI BTANG LEGS, ,ZHES BYA BA NI RAB TU BYUNG BA'I BLO'O, ,'DIR RMA ZHES BYA BA LA YID CES BYA BA YANG TSIG GI LAM BSTAN TO, ,DE LTAR KHYOD 'DOD NA ZHES BYA BA NI RAB TU 'BYUNG BAR RO, ,KU MU TA MANG PO KHA 'BUS PA YOD PA'I MTSO GANG YIN PA DE NI KU MU TA MANG PO KHA 'BUS PA'I MTSO'O, ,BRTUL ZHUGS DANG SDOM PA LA 'BAD CES BYA BAS NI LUS DANG NGAG GI LAM BSTAN TO, ,YID BSAM GTAN LA SBYOR ZHES BYA BAS NI YID KYI LAM BSTAN TO, ,BSAM GTAN GYI MAN NGAG NI BSAM GTAN MAN DAG GO, ,DE'I PHYIR 'JUG PA NI BSAM GTAN GYI MAN NGAG LA 'JUG PA'O, ,DE JI LTAR BSAM GTAN GYI MAN NGAG LA 'JUG PA'I RNAM PAS BSAM GTAN BSTAN PA NYIN ZHE NA, 'DOD PA'I NYES DMIGS ZHES BYA BA LA SOGS PA BRTZAMS PA YIN TE; DBEN PA RNAM PAR BSGOM PA'I PHYIR BSAM GTAN DANG PO'I NYES DMIGS BSTAN PA STE, JI LTAR MDO SDE NYID LAS RIG PAR BYA STE, GSOG DANG, BRDZUN DANG, SLU BA'I CHOS CAN DANG, BYIS PA 'DRID PAR BYED PA ZHES BYA BA DANG, SHING GI @249B 'BRAS BU ZHES BYA BA LA SOGS PA'O, ,CI'I PHYIR 'DOD PA'I NYES DMIGS STON CE NA SMRAS PA, 'DOD KHAMS LAS SKYO ZHING YID 'BYUNG BAR 'GYUR BA DANG, RAB TU DBEN PA DANG, CHOG SHES PA'I BSNGAGS PA MANG DU 'BYUNG ZHES BYA BA YIN TE, 'DOD PA LAS DBEN PA DANG, CHOG SHES PA'I BSNGAGS PA'I YON TAN MANG PO BRJOD PA'O, ,DE'I GTAM MANG PO GANG YIN PA DE NI RAB TU DPEN PA DANG CHOG SHES PA'I GTAM MANG PO 'BYUNG BA'O, ,DE LTAR 'DOD PA LAS RAB TU DBEN PA'I PHAN YON BSTAN NAS TSUL 'CHOS PA DANG GCAM SGYU LA SOGS PAS NI SDIG PA MI DGE BA'I CHOS RNAMS LAS DBEN PA'I THABS BSTAN PA YIN TE, TSUL 'CHOS PA LA SOGS PA'I NYES PA BSTAN PA DE DAG LAS RAB TU DBEN PAR GYUR PA'O, ,DE LTAR RE ZHIG BSAM GTAN DANG PO'I MAN NGAG LA 'JUG PA'I GTAM BSTAN TO, ,NYE BAR ZHI BA DANG RAB TU ZHI BA NI NYE BAR ZHI BA DANG RAB TU ZHI BA'O, ,DE GNYIS LAM DU GYUR PA NI NYE BAR ZHI BA DANG RAB TU DANG BA'I LAM DU GYUR PA'O, ,DE LA NYE BAR ZHI BA NI NYON MONGS PA NYE BAR ZHI BA'O, ,RAB TU DANG BA NI SEMS KYI DAD PA'O, ,NYON MONGS PA DANG NYE PAR ZHI BA MNGON SUM DU BSTAN PA DES NI BSAM GTAN GNYIS PA LA SOGS PA'I MAN NGAG LA 'JUG PA'I GTAM BSTAN PA YIN NO, ,CHOS KYI GTAM DE DANG DE ZHES BYA BA NI 'DIR MA BSTAN PA'I LHAG MA'I CHOS KYI GTAM MA LUS PAR BSTAN TO, ,DE BZHIN DU G-YOG BYED CES BYA BA NI JI LTAR KHYIM NA GNAS PA'I DUS LTA BUR RO, ,PADMA'I LO MA CHEN PO LA, ,ZHES BYA BA SMOS PA NI BSAM GTAN GYI SBYOR BA DANG MTHUN PA'I ZAS TZAM BSTAN PA'I PHYIR RO, ,SLAR SONG NGO ZHES BYA BYA BA'I TSIG GIS NI SNGAR BSTAN PA'I ZHAG LNGA ZHING BYANG CHUB SEMS DBA'I DRUNG DU CHOS MNYAN PA'I PHYIR 'DU'O ZHES BYA BA 'DI'I GNAS SKABS YONGS SU MI NYAMS PAR BYA BA'I PHYIR RO, ,DE NYID KYI PHYIR YANG RING PAR YANG YONGS SU SHES NAS ZHES BYA BA STE, NYI MA LNGAS @250A *, ,BAR DU CHOD PA'I PHYIR RO, ,TSUL KHRIMS DANG SPYOD TSUL DE LTAR ZHES BYA BA NI GANG SNGAR BSTAN PA'I DKA' THUB DANG, BZLAS BRJOD DANG, SBYIN SREG GI CHO GA DE NYID BSTAN PA YIN TE, 'DIR YANG TSUL KHRIMS DANG BRTUL ZHUGS NI DON GZHAN MA YIN TE, BZLAS BRJOD DANG, SBYIN SREG LA SOGS PA BYAS NAS DUS BSTAN TE, SLAR DONG BA LA SOGS PA'O, ,RAB TU DBEN PA LA DGA' BA ZHES BYA BA NI ZHAG LNGA ZHING LNGA ZHING BYANG CHUB SEMS DPA'I GAN DU 'ONG BA'I PHYIR RO, ,BSAM GTAN LA GZHOL BAS ZHES BYA BA NI GANG SNGAR BSTAN PA'I YID BSAM GTAN LA SBYOR BAS GNAS ZHES BYA BA DE NYID BSTAN PA'O, ,BYA BA NGAN PA DANG MA 'BREL ZHING ZHES BYA BA NI GANG SNGAR BSTAN PA'I BRTUL ZHUGS DANG, BZLAS BRJOD DANG SBYIN SREG GI CHO GA BYED KYI LAS GZHAN MI BYED PAS SO; ,GDUNG BA MED LA ZHES BYA BA NI BSTAN PA'I LAM LA DGA' BAR STON TO, ,RAB TU ZHI BA LA MNGON PAR DGA' ZHING 'KHOD PAR ZHES BYA BA NI SPYOD YUL LA SOGS PA'I GNAS PA'O, ,RTZOL BA MED PAR ZHES BYA BA 'DIS NI BYA BA NGAN PA MA 'BREL ZHING GDUNG BA MED PA RAB TU ZHI BA NYID DU BSTAN TO, ,YON TAN RE BA SNYING LA ZHES BYA BA NI PHYI ROL GYI 'JUG PA STON PA'I PHYIR TE, SNYING GI YON TAN LA RE BA ZHES BYA BA'I DON TO, ,PADMA'I RTZA BA'I CHA DANG PO MI SNANG BAR BYAS SO ZHES BYA BA LA, CI'I PHYIR ZHE NA, DE MI SNANG BAR BYAS PA BSTAN PA'I PHYIR, ,SDUG BSNGAL BYUNG BAR GYUR PA LA, ,ZHES BYA BA'I TSIGS BCAD SMOS PA YIN TE, BDE BA SDUG BSNGAL GNYIS YOD PA DANG MED PAR GYUR KYANG BYANG CHUB SEMS DPA' LA NI BLO DANG LDAN PA'I PHYIR MI SNANG BAR BYAS KYANG MI G-YO ZHING DE LTAR SHES PAR 'GYUR BAS SO, ,DE LTAR MI SNANG BAR BYAS PAS DE LA SEMS 'KHRUGS PAS SHI YANG SLA ZHES BYA BA NI SKYE BA DU MAR MI SDUG PA'I RNAM PAR SMIN PA'I RGYUR 'GYUR BA'I PHYIR RO, ,SEMS 'KHRUGS PA NI TSE ZAD PA YIN TE, TSE ZAD PA DE'I RGYU YIN PA'I @250B PHYIR RO, ,SROG GI PHYIR YANG ZHES BYA BA NI SROG GI CHED DU YANG NGO, ,GAL TE 'KHRUGS SHING GSON PAR RUNG NGO ZHES 'GA' ZHIG SMRA NA NI, DE'I TSE 'KHRUGS PAR GYUR NA DE MA THAG 'CHI BA LTA BU STE, 'CHI BAR NYE BAR 'GRO BA YIN TE, DES SEMS 'KHRUGS PA YIN PA'I PHYIR RO, ,DES NA SEMS 'KHRUGS BZHIN DU 'TSO BA NI MA YIN NO ZHES BYA BA'I DON TO, ,'GRAM PA DANG MIG NI KONG ZHES BYA BAS DBYIBS 'GYUR BA NYID DO, ,BZHIN GYI MDANGS NI NGAN ZHES BYA BA NI MDOG 'GYUR BA'O, ,SKAD KYI GDANG SA ZAB MO NI CHUNG ZHES BYA BAS NI SGRA 'GYUR BA'O, ,NYAM DMAS KYANG BRTAN PA DANG RAB TU ZHI BA'I YON TAN ZHES BYA BA 'DIS NI RNAM PAR RIG BYED MA 'GYUR BAR BSTAN TO, ,DE LTAR PHYI ROL GYI YUL GYIS MTHONG BA STE, MIG DANG RNA BA'I DBANG PO GNYIS KYIS MDOG DANG DBYIBS RNAM PAR RIG PA YIN NO, ,RID PAR GYUR PA'I RGYU DE LA DRIS SO ZHES BYA BA NI CI'I PHYIR RID PA'I RGYU DE LA DRIS SHE NA, RID PA DANG 'BREL PAR GYUR PA'I PHYIR RO, ,'GYUR BA GZHAN DAG NI MI RIGS PA'I PHYIR TE, DRI BA GZHAN DAG NI MA BRJOD KYANG GRUB PA NYID DE, DE LAS GZHAN DU 'GYUR BA'I RGYU'O, ,JI LTAR GYUR PA ZHES BYA BA NI DANG PO'I GNAS NA PADMA'I RTZA BA NI MED DE, PADMA'I LO MA NI RGYAN 'KHRUGS SHING 'DUG PAR MTHONG ZHES BYA BA DE DAG BSTAN PAR GYUR PA'O, ,CHOS MA YIN PA ZHES BYA BA NI PADMA'I RTZA BA KHYER BA'O, ,SHES PA 'JUG PA'I YUL YANG BSGRIBS ZHES BYA BA NI SHES PA 'JUG PA YIN PAS SHES PA 'JUG PA'O, ,SHES PA 'JUG PAR BYED PA'I YUL NI SHES PA 'JUG PA'I YUL LO, ,SHES PA 'JUG PA'I YUL BSGRIBS PA GANG YIN PA DE NI SHES PA 'JUG PA'I YUL BSGRIBS PA STE, MNGON PAR SHES PA LAS BYUNG BA'I LHA'I MIG GIS MTHONG BA'I YUL DE BSGRIBS PA'I PHYIR RO, ,CI'I PHYIR ZHE NA, BRGYA BYIN GYI MTHU LAS BYUNG BA'I RDZU 'PHRUL GYI KHYAD PAR GYIS MNGON PAR SHES @251A *, ,BA LAS BYUNG BA'I MIG GI YUL YANG MI SNANG BAR BYED NUS PAS SO, ,CI LAS GYUR ZHES BYA BA NI GANG GIS 'DI LTAR BYAS ZHES PA'O, ,'DI ZHES BYA BA NI PADMA'I RTZA BA MED PA'O, ,RANG GI YID LA GCAGS PA ZHES BYA BA NI BYANG CHUB SEMS DPA' DE NYAM THAG PA'I RGYUS SO, ,BDAG NYID GTZANG BA ZHES BYA BA NI BDAG NYID PADMA'I RTZA BA MA KHYER BA'O, ,'DIR TSIGS BCAD BCU GCIG GIS MNA' KHYAD PAR CAN BOR BA STE, RAB DANG, 'BRING DANG, THA MA RNAMS KYI 'DOD PA'I NYES DMIGS BSTAN PA'I PHYIR JI LTAR RIGS PAR SBYAR TE, DANG PO GSUM GYIS MNA' KHYAD PAR CAN BOR BA NI THA MA'I DBANG DU BYAS PA'O, ,KHYOD KYI RTZA BA BRKAM PAS GANG KHYER BA, ,ZHES BYA BA'I TSIGS BCAD NI RAB KYI DBANG DU BYAS PA'O, ,KHYOD LTA'I RTZA BA GANG KHYER BA, ,ZHES BYA BA NAS, KHYOD LTA BU YI RTZA BA LA CHAGS GANG, ,ZHES BYA BA'I TSIGS BCAD GSUM NI 'BRING GI DBANG DU BYAS PA'O, ,RTZA BA'I PHYIR NI BDAG NYID CHUD GSON PA, ZHES BYA BA DANG, GANG GIS RTZA BA MTHONG LA CHOS MA MTHONG, ,ZHES BYA BA'I TSIGS BCAD GNYIS NI THA MA'I DBANG DU BYAS PA'O, , DAM PA'I MCHOG TU GYUR ZHES BYA BA'I TSIGS BCAD NI RAB KYI GNAS SKABS KYI DBANG DU BYAS PA'O, ,GNOD SBYIN DANG, GLANG PO CHE DANG, SPRE'U RNAMS KYIS KYANG 'DOD PA'I NYES DMIGS BSTAN PA'I PHYIR TE, DE DAG NI 'DOD CHAGS DANG MA BRAL BA'I PHYIR GNAS SKABS DANG RJES SU MTHUN PA'I MNA' GSUM BOR BA YIN NO, ,GANG ZHIG MA BRLAG PAR NI BRLAG CA'AM, ,ZHES BYA BA'I TSIGS BCAD 'DI NI BAR MA'I DBANG DU BYAS PA'O, ,GANG DAG THOB PHYIR YID LA RTZOL BYED CING, ,ZHES BYA BA'I TSIGS BCAD PHYED NI MTHONG BA'I CHOS KYI BDE BA 'DOD PA'I DBANG DU BYAS PA'O, ,DKA' THUB 'BAD PAS GANG DAG THOB 'DOD PA'O, ,ZHES BYA BA'I PHYED 'OG MAS NI 'JIG RTEN PHA ROL GYI BDE BA 'DOD PA'I DBANG DU BYA BA'O, ,'DOD PA'I PHYIR NI 'JIG RTEN BCINGS SHING GSOD PAR 'GYUR, ,ZHES BYA BA DANG, GANG GIS MDZA' BO @251B RNAMS DANG MYUR DU 'KHON 'BYUNG 'GYUR, ,ZHES BYA BA'I TSIGS BCAD 'DI GNYIS DANG, DE BAS RAB DANG 'BRING DANG THA MA RNAMS, ,ZHES BYA BA'I TSIGS BCAD PHYED KYIS NI RNAM PA GSUM GYI 'DOD PA'I NYES DMIGS MDOR BSDUS NAS BSTAN PA STE, THA MA'I 'DOD PA'I NYES DMIGS KYI DBANG DU BYAS PA NI, 'DOD PA'I PHYIR NI 'JIG RTEN BCINGS SHING GSOD PAR 'GYUR, ,ZHES BYA BA PHYED DO, ,RAB KYI DBANG DU BYAS PA NI, RGYAL PO RNAMS KYANG 'DOD PA'I PHYIR, ,ZHES BYA BA PHYED 'OG MA'O, ,'BRING GI DBANG DU BYAS PA NI, GANG GIS MDZA' BO RNAMS DANG MYUR DU 'KHON 'BYUNG 'GYUR, , ZHES BYA BA'I TSIGS BCAD PHYED 'OG MA YIN NO, ,'DI DANG PHA ROL DU YANG 'DOD PAS GSOD PAR BYED, ,CES BYA BA NI, GRAGS PA NYAMS SHING PHYI MA LA YANG SDUG BSNGAL MYONG, ,ZHES BYA BA TSIGS BCAD DE'I DBANG DU BYAS PA STE, GRAGS PA NYAMS PA ZHES BYA BA NI MTHONG BA'I CHOS KYI NYES DMIGS SO, ,SDUG BSNGAL MYONG ZHES BYA BA NI 'JIG RTEN PHA ROL GYI NYES DMIGS SO, ,BDAG LA PHAN 'DOD SBRUL GDUG KHROS PA BZHIN, ,ZHES BYA BA NI DUS RTAG TU PHUNG KHROL GYI RGYUR GYUR PA'I PHYIR RO, ,BDAG GIS 'DIR PADMA'I RTZA BA SBAS PA ZHES BYA BA CI'I PHYIR ZHE NA SMRAS PA BRTAG PA'I PHYIR RO, ,CI'I PHYIR BRTAG CE NA, SMRAS PA, YON TAN RNAMS RE BA BZHIN PA RTOGS PAR 'GYUR BA'O, ,SPYOD PA RNAM PAR DAG PA NI GANG GI YID 'KHRUGS PA MA YIN ZHING DON GZHAN DU MA GYUR PA'I PHYIR RO, ,BRTAN PA'I SPYOD PA NI BDE BA DANG SDUG BSNGAL LDOG PA DANG 'JUG PA GNYIS LA YANG BRTAN PA'I KHYAD PAR GYIS GZHAN DU MI 'GYUR BA'I PHYIR RO, ,NGED CAG KHYOD KYI GNYEN DANG GROGS MA YIN, ,ZHES BYA BA'I TSIGS BCAD 'DI'I BSDUS PA'I DON NI RTZED MO'I LAM 'BYUNG BA'I RGYU NI RNAM PA BZHI STE, DE'I DBANG DU BYAS NAS, NGED CAG KHYED KYI GNYEN DANG ZHES BYA BA NI GANG GIS LHAN CIG SKYES PA'I SPUN ZLA'O, ,GROGS NE'U LDANGS TE, 'DI GNYIS KYIS NI RANG GI SKYE BO YIN PA'I PHYIR DANG, NA TSOD MNYAM PA'I PHYIR RTZED MO'I LAM BZHIN DU BYA BAR RIGS PA YIN NO, ,GAR MKHAN NI 'DRA BAR BYED PA YIN TE, GAR MKHAN DANG 'PHYAS GDAGS PA NI GCIG LA @252A *, ,GCIG RTZED MO'I LAM RIGS PA YIN TE, DES KUN DU 'TSO BA'I PHYIR RO, ,CI 'I PHYIR KHYAD DU BSAD NAS ZHES BYA BA NI GZI BYIN GYIS NON PA'I TSIG STE, RTZED MO'I LAS ZHES BYA BA'I TSIG GIS NI SPYOD PA GLANG POS SPYOS SO ZHES BYA BA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS PADMA'I RTZA BA'I SKYES PA'I RABS SO,, ,,THOS PA DANG, DUL BA DANG, CHO RIGS BTZUN PA ZHES BYA BA LA THOS PA NI DA LTAR BYUNG BA'I SHES RAB KYI TSOGS SO, ,DUL BA DANG, CHO RIGS BTZUN PA NI 'DAS PA'I SKYE BA'I TSUL KHRIMS KYI PHA ROL TU PHYIN PA'I 'BRAS BU STE, RNAM PAR SMIN PA DANG, RGYU MTHUN PA'I 'BRAS BU 'O, ,MA 'JUNGS SHING KHONG BZO BZHIS BYA BA NI 'DAS PA'I SKYE BA'I SHES RAB KYI TSOGS DE'I 'BRAS BU'O, ,'JIG RTEN GYI THA SNYAD DU BYA BA LA 'GAL BA MED PA ZHES BYA BA NI DA LTAR BYUNG BA'I DUS KYI TSUL KHRIMS KYI PHA ROL TU PHYIN PA'O, ,GTZUG LAG MANG PO LA GOMS PAS TSIG LA MKHAS PAR GRAGS PA ZHES BYA BA NI SNGAR BSTAN PA'I THOS PA GSAL BAR BYED PA YIN NO, ,SNYING RJE DANG LDAN ZHES BYA BA LA SOGS PA'I TSIG GIS NI DA LTAR BYUNG BA'I SKYE BA'I SBYIN PA'I PHA ROL TU PHYIN PA'O, ,RAB TU PHYUG PAS ZHES BYA BA NI TSE SNGA MA'I SBYIN PA'I PHA ROL TU PHYIN BA'I 'BRAS BU'O, ,DE LTAR 'DI DAG THAMS CAD KYI BSOD NAMS DANG YE SHES KYI TSOGS KYI RGYU DANG 'BRAS BU LA 'JUG PA BSTAN PA'O, ,DE NI RANG BZHIN CHOS KYI BDAG, ,CES BYA BA 'DIS NI SBYIN PA DANG, TSUL KHRIMS KYI PHA ROL TU PHYIN PA LA GNAS PA NYID DU BSTAN TO, ,THOS LA SOGS PA'I YON TAN BRGYAN, ,CES BYA BA 'DIS NI YE SHES KYI TSOGS KYI PHA ROL TU PHYIN PA LA GNAS PA NYID DU BSTAN TO, ,TSOGS GNYIS KYI GNAS NYID DU GYUR PAS BKUR STI BYA BA'I GZHIR GYUR PA YIN NO, , PHRAD PA'I PHYIR ZHES BYA BA NI BLTA PA'I PHYIR RO, ,DE'I KHYIM DU ZHES BYA BA NI SEMS DPA' CHEN PO'O, ,MGRON 'ONGS PA'I BKUR STI'I BYA BA BYAS PA GANG YIN PA DE NI MGRON 'ONGS PA'I BKUR STI'I BYA BA BYAS PA'O, ,GTAM SMRA BA'I SKABS LA BAB PA NI SKABS LA BAB PA'I GTAM GLENG BA 'O, , @252B DE LAS 'PHROS PA'I GLENG LANGS PA'O, ,KHYOD LA BYAMS SAM ZHES BYA BA NI RJES SU BRTZE 'AM ZHES DRI BA YIN TE, BUD MED GZHAN LA CHAGS PA MED DAM ZHES DRI BA 'O, ,KHYOD KYIS NI BKUR STI BYAS PA'I YON TAN DRIN DU GZO 'AM MI GZO ZHES BYA BA NI GSO ZHING BSKYED PA LA SOGS PA STE, GNOD NGA MA BYAS PA NYID DANG, BKUR STI BYAS PA'I YON TAN YONGS SU SHES PAR GYUR PA'O, ,MI BDE BA LTA YOD DAM MED CES BYA BA'I TSIGS BCAD LA SOGS PA RNAM PA GNYIS TE, 'DI GSUM GYIS NI BDAG NYID DANG MNYAM PAR LONGS SPYOD DANG NYE BAR SPYOD PAS RJES SU 'DZIN PA YIN TE, MI BDE BA MED PA NI NYE BAR 'TSE BA MED PAR BSTAN TO, ,DE LTAR RE ZHIG BUD MED RNAMS GZHAN LA RAG LUS PA'I TSUL YIN PAS 'DRI BAR BYED PA'O, ,DE NGO TSA BAS MGO SMAD DE MI SPOBS BZHIN DU ZHES BYA BAS NI GNAS MA YIN PAR DRIS PAS DE NGO TSA STE MGO SMAD PA'O, ,SPOBS PA NI DE'I LAN DE MI SPOBS BZHIN DU'O, ,DAR LA BAB CING BYAD GZUGS BZANG, ,ZHES BYA BA'I DON NI BDAG GI DBANG NGAM GZHAN GYI DBANG GIS RAB TU BYUNG BAR BYED PA'I RGYU YIN NA RAB TU BYUNG BA'I RGYU DE GNYI GA MED PAR STON TO, BDAG GI DBANG YANG RNAM PA GNYIS KYIS RAB TU BYUNG BA YIN TE, LONGS SPYOD SPYOD PAR MI NUS PA DANG, DKA' THUB KYI NAGS SU GNAS PAR 'OS PA STE GNYIS SO, ,DE GNYI GA YANG MED PAR BSTAN PA'I PHYIR DANG PO'I PHYED KYIS BSTAN PA YIN TE, DAR LA BAB CING BYAD GZUGS BZANG, ,ZHES BYA BA 'DI GNYIS KYIS NI NYE BAR LONGS SPYOD PAR RIGS PAR BSTAN TE, DAR LA BAB PAS NI RANG NYID KYIS LONGS SPYOD PAR NUS PA DES SO, ,BYAD GZUGS BZANG ZHES BYA BAS NI BUD MED RNAMS KYIS KYANG 'DOD PAR BYA BA DES SO, ,GZHON SHA CAN DANG BDE BAR GSOS, ,ZHES BYA BA 'DI GNYIS NI NAGS SU GNAS PA MI RIGS PAR BSHAD DE, LUS GZHON SHA CA NA YIN PA'I PHYIR DANG, BDE BA DANG RJES SU MTHUN PA'I RKYEN THOB PA'I PHYIR RO, ,DE LTAR BZHI PO 'DIS BDAG GI DBANG GIS RAB TU BYUNG BA MI RIGS PAR STON TO, ,GZHAN GYI DBANG GIS KYANG RAB TU 'BYUNG BA MI RIGS PAR STON TO, ,DE NI RGYAL PO'I GNANG CHEN YIN, ,ZHES PA STE, @253A *, ,GAL TE RGYAL POS GZHAN DU SPYUGS NA NI RAB TU 'BYUNG GI, DE NI GNANG CHEN YIN ZHES BYA BA'I TSIG GIS DE MED PAR STON TO, ,DE LTAR NAGS GNAS SU RIG NAS KHYIM YONGS SU GTONG BA'I RGYU MED DO, ,DES NA KHYIM YONGS SU GTANG BA'I RGYU MED PAR BSTAN BA'I PHYIR, NANG MI DAG DANG ZHES BYA BA'I TSIGS BCAD BRTZAMS PA YIN TE, RGYU GSUM GYIS NI KHYIM YONGS SU GTANG BAR BYA BA YIN TE, RNAM PA GSUM PO YANG BSOD NAMS KYI 'BRAS BUS PHONGS PAR BSTAN PA'O, ,DE MED NA JI LTAR BAB COL DU KHYIM YONGS SU GTAD ZHES BYA BA NI TSIGS BCAD 'DI'I BSDUS PA'I DON TO, ,NANG MI DAG DANG 'A KHO NA MA BYUNG, ,ZHES BYA BA 'DIS NI BZOD PA'I PHA ROL TU PHYIN PAS PHONGS PA MED PAR BSTAN TO, ,RGAS PAS MI SDUG MA GYUR CING, ,ZHES BYA BA DANG, NAD MED CES BYA BA 'DI GNYIS KYIS NI BDAG NYID TSUL KHRIMS KYI BSOD NAMS KYI TSOGS KYI 'BRAS BU YOD PAR BSTAN TO, ,KHYIM GYI LONGS SPYOD SPYOD PA ZHES BYA BA 'DIS NI SBYIN PA LAS BYUNG BA'I BSOD NAMS KYI TSOGS KYI 'BRAS BU PHONGS PA MED PAR BSTAN TO, ,TSIG GCIG CES BYA BA NI GSUM PO DE DAG MA TSANG BA MED KYANG BAB COL DU GTONG BAR NUS ZHES PA'O, ,DE MCHOG TU GSAL BA'I PHYIR, MDZANGS SHING DUL BA'I RGYAN GYIS BRGYAN, ,ZHES BYA BA'I TSIGS BCAD YIN TE, RANG GI CHUNG MA BOR BA MI RIGS PA LAS BRTZAMS PA'O, ,'DI LTA BU ZHES BYA BA NI 'DOD PA'I DON DANG LDAN PA'O; ,NANG MI NI RANG GI CHUNG MA'O, ,MI BRTAN NANG MI SNYING DANG 'GAL BA YIN ZHE NA, SMRAS PA, DUL BA'I RGYAN GYIS BRGYAN DANG 'GAL BA YIN ZHE NA, SMRAS PA, DUL BA'I RGYAN GYIS BRGYAN ZHES BYA BA SMOS TE, BRGYAL 'DOD PA'I DON DU RANG GI CHUNG MA YONGS SU BTANG STE, BUD MED GZHAN DAG LA CHAGS NA DES NI DE LA SNYING NYE BA MED NA 'DI NI DE LTA MA YIN TE, CI'I PHYIR ZHE NA, DUL BA'I RGYAN GYIS BRGYAN PA'I PHYIR TE, GANG GI PHYIR MA DUL BA NI BUD MED GZHAN LA YANG CHAGS PAR 'GYUR NA, DE MED PAS RANG GI CHUNG MA YANG YONGS SU GTONG BA 'DI NI 'DOD BA'I DON DANG 'GAL @253B BA'O, ,MDZANGS SHING ZHES BYA BA 'DIS NI NOR DANG 'GAL BAR BSTAN TE, GANG GI PHYIR MDZANGS NA NI RIGS LA SOGS PA'I YON TAN DANG, YON TAN MA YIN PA'I BYA BRAG MTHONG BA YIN TE, DE'I NUS PA DANG LDAN PA'I PHYIR RO, ,RIGS LA SOGS PA'I YON TAN GYIS KHYAD PAR DU 'PHAGS PA DANG LDAN BA GZHAN NI MA MTHONG LA, DE DAG MA MTHONG YANG RANG GI CHUNG MA YONGS SU GTONG BAS NI NOR DANG 'GAL BAR GYUR PA'O, ,MNYES KYANG GSHIN ZHES BYA BA 'DIS NI CHOS DE LTA BU DANG LDAN YANG RANG GI CHUNG MA YONGS SU GTONG BA NYID DE, DE LTAR RE ZHIG BDAG LA LTOS PA NANG MI YONGS SU GTONG BAR MI RIGS PAR BSTAN TE, DA NI NANG MI LA LTOS NAS NANG MI YONGS SU GTONG BAR MI RIGS PAR STON TE, GZHAN LA SNYING BRTZE BA ZHES PAS SO, ,GZHAN GYI SDUG BSNGAL LA LTOS PAS KYANG GZHAN LA SNYING BRTZE BA'I PHYIR NANG MI YONGS SU GTONG BAR MI RIGS PA NYID DU BSTAN TO, ,MNYES KYANG GSHIN ZHES BYA BA BSHAD PAS MNYES GSHIN PAS NI MCHOG TU NANG MI YONGS SU GTANG BAR RIGS TE, CI'I PHYIR ZHE NA, RAB TU BYUNG BA'I CHOS DANG MTHUN PAR 'DOD PAS SO ZHES GANG DAG YONGS SU RTOG PA LA, DE'I LAN BRTZAMS PA'I PHYIR; DGE SBYONG BRAM ZE MDZA' BO'I RTEN, ,ZHES BYA BA DANG, RJES SU MTHUN ZHING CHOS GROGS BYED, ,CES BYA BA'I TSIG GNYIS YIN TE, DGE SBYONG BRAM ZE ZHES BYA BA'I TSIGS BCAD KYI DON NI RAB TU BYUNG NAS NAGS SU GANG RNYED PA'I CHOS DE NI KHYIM DU YANG RNYED PA DANG, KHYAD PAR GYI CHOS KYANG RNYED PA NYID DU BSTAN PA'I PHYIR SMRAS PA'O, ,DGE SBYONG DANG BRAM ZE ZHES BYA BA'I TSIGS BCAD PHYED KYIS NI SBYIN PA'I ZHING RNYED PAR DKA' BA BSTAN TE, DGE SBYONG BRAM ZE ZHES BYA BA SMOS PAS NI YON TAN GYI ZHING NGO, ,MDZA' BO'I RTEN DANG NANG MI ZHES SMOS PAS NI PHAN 'DOGS PA'I ZHING NYID DO, ,PHONGS PA ZHES SMOS PAS NI SNYING RJE'I ZHING NYID DO, ,'DI NI RE ZHIG NAGS NA GNAS PA LAS KHYAD PAR DU BYA BA'I CHOS SO, ,GTZANG SPRA TSUL KHRIMS NOR ZHES BYA BA 'DIS NI NAGS DANG KHYIM GNYIS KYI THUN MONG GI THOB PA'I CHOS BSTAN TO, ,NAGS TSAL DGON PAR GANG BTZAL @254A *, ,BA; ZHES BYA BA NI GANG NAGS KYI PHYOGS SU 'DOD CING BTZAL BA DE CI KHYIM 'DIR MI RNYED DAM ZHES PA'O, ,DE LTAR YANG NAGS SU 'JUG PA LA NI SKYON DANG 'BREL PA'O ZHES BSTAN PA'I PHYIR, RJES SU MTHUN ZHING CHOS GROGS BYED, ,CES BYA BA'I TSIGS BCAD BRTZAMS SO, ,RGYU GSUM GYIS BUD MED YONGS SU SPANG BAR BYA BA YIN TE, RGYU GSUM MA GTOGS PAR RANG GI CHUNG MA YONGS SU GTONG BA LAS NI CHOS MA YIN PAR 'GYUR TE, CI CHOS MA YIN PA LA MI LTA, ZHES BYA BA NI BSDUS PA'I DON TO, ,NYES PA BA'AM; RJES SA MI MTHUN PA'AM, RANG DGAR BYED PA'I G-YOG 'KHOR NI YONGS SU SPANGS KYANG CHOS MA YIN PA THOB PAR MI 'GYUR RO, ,YON TAN GSUM DANG LDAN NA NI CHOS MA YIN PA THOB PAR 'GYUR RO, ,NYES PA MA BYAS PA NI GUS PA'I SKYE BO SPANGS PA NYID YIN TE, 'KHRUL PA'I SKYON MED PAS SO, ,RJES SU MTHUN ZHES BYA BA NI KHYIM THAB LAS MI 'PHYO BA'O, ,CHOS GROGS BYED CES BYA BA NI BDEN PA'I CHUNG MA'O, ,BUD MED SPANGS PA'I RGYU GZHAN YANG YOD DE SNGON LAS NGAN BA BYAS PA'I RGYU DANG LDAN PA YIN TE, DES NA YID LA SNYING RJE CUNG ZAD MED, ,CES BYA BA'I TSIGS BCAD BRTZAMS SO, ,DE YONGS SU BTANG BA DANG MTHUN PA NYID NI BTANG ZHING SNYANG RJE SPANGS PA'I PHYIR TE, 'DIS NI CHOS DANG MI LDAN PAR STON TE, SNYING RJE CUNG ZAD MED CES BYA BAS SO, ,KYE MA'O CHOS NI CUNG ZAD 'GRUB RE SKAN, ,ZHES BYA BA NI SKYE BO SNYING NYE BA SPANGS PA'I PHYIR RO, ,KHYIM THAB RAB TU BYUNG BA'I SMRE SNGAGS 'DON PA GANG YIN PA DE NI DES SMRE SNGAGS 'DON PA'O, ,BDE BA DANG SDUG BSNGAL MTSUNGS ZHES BYA BA'I TSIGS BCAD KYI BDE BA SPYOD PA NI BDE BA'I RIM PA'O, ,SDUG BSNGAL SPYOD PA NI SDUG BSNGAL KYI RIM PA'O, ,THOS NAS NI SKYE BO 'DI DAG GANG ZHEG NAS ZHES BYA BA NI GANG LAS RAB TU 'BYUNG NGO ZHES DE THOS PA'O, DE THOS NAS BYAMS PA'I DBANG GIS DER LHAGS TE, ZHES BYA BA NI CHO NGES 'DEBS PAR GYUR PA'O, ,NGO TSA ZHING MI DGA' BAR GYUR PA GANG YIN PA DE NI PO TSA ZHING MI DGA' BAR GYUR PA'O, ,NGO TSA NA NI YON TAN DAM @254B PA STE; DAM PA DE YOD PA DANG, MI DGA' BA NI RANG GI KHYIM YONGS SU SPANG BAR 'DOD PA STE, DE GNYIS KA BSGRUB PA'I PHYIR, SKYE BO RNAMS KYI YON TAN DU ZHES BYA BA DANG, DE LTAR BDAG NI SKYON LA DAD GYUR CING, ,ZHES BYA BA'I TSIGS BCAD GNYIS KYIS BSTAN TO, , DE LA SKYE BO RNAMS KYI YON TAN DU ZHES BYA BA'I TSIGS BCAD KYIS NI NGO TSA ZHING ZHES BYA BA DE NYID BSGRUB PA YIN TE, BDAG LTA MIR YANG GAL RUNG, ,ZHES BYA BA'I TSIG GIS SO, ,DE LTAR BDAG NI SKYON LA DAD GYUR CING, ,ZHES BYA BA'I TSIGS BCAD KYIS NI MI DGA' BAR GYUR PA DE NYID BSGRUB PA YIN TE, DE LTAR BDAG NI ZHES BYA BA NI KHYIM LA MNGON PAR PHYOGS PA NYID DU STE, YON TAN KHYAD DU GSOD LA TSUL NGAN PAS YON TAN GYI BSNGAGS PA BRJOD PA LAS 'JUG PA'I BYA BAS LEGS PAR MA BSKYED PA'I PHYIR, BRTZI BAR 'GYUR ZHES BYA BA YIN TE, SKYON LA DAD PAR GYUR CING YON TAN LA NI KHYAD DU GSOD LA TSUL NGAN PAR GYUR PA 'DI GNYIS KYIS SO, ,DE LTAR GYUR NA ZHES BYA BA NI SKYE BO DGE BA YANG BRTZI BAR GYUR NA GSON YANG CI ZHIG RUNG ZHES BYA BA 'DIS NI MI DGA' BA NYID BSTAN TO, ,DE BAS SKYE BO RE BAR GYUR PA ZHES BYA BA'I TSIGS BCAD NI KHYIM LA MNGON PAR PHYOGS PA'I NYES DMIGS BSTAN PA DANG, DE DANG MI MTHUN NAGS NA GNAS PA'I DBANG DU BYAS PA STE, RE BA NI YON TAN LA RE BAR GYUR PA'O, ,DE BAS NA ZHES BYA BA NI KHYIM LA MNGON PAR PHYOGS NA NI MIR MI RUNG BA'I PHYIR RO, ,SKYE BO DGE BAS YANG DAG PAR BRTZI BAR 'GYUR TE, DE'I 'TSO BA NI DGOS PA CI YANG MED PA'I PHYIR RO, ,YON TAN NYAMS SU BLANGS TE BSKANG, ,ZHES BYA BA NI BSGRUB CING 'BAD PAS RE BA YONGS SU BSKANG BAR BYA STE NYAMS SU BLANGS PAS SO, ,PHAN YON GYI DBANG DU BYAS NAS, SPYOD PA NGAN PA'I NYON MONGS KHYIM SPANGS NAS, ,DKA' THUB NAGS NA DGA' BA'I YON TAN GYIS, ,ZHES BYA BA YIN NO, ,NOR DANG THABS ZHES BYA BA 'DIS NI GZHUNG LUGS BSTAN TE, NOR GYI BSDU BA'AM DBYE BA GNYIS KYIS SO, ,MTHU RTZAL GANG DAG GIS ZHES BYA BA NI BKA' KHRIMS KYI TSUL GYIS SO, ,RE ZHIG TSIGS BCAD DES NI RGYAL @255A *, ,PO GZHAN LAS SKYE BA'I SDUG BSNGAL GYI DBANG DU BYAS PA'O, ,DA NI RANG GI YUL 'KHOR GYI DBANG DU BYAS NAS, GAL TE NOR 'DOD CES BYA BA'I TSIGS BCAD YIN TE, NOR MA TSANG BA'AM, GNOD PA THOB PAS RANG GI YUL LAS PAS MTHAR 'GRO ZHES BYA BA DE'I DBANG DU BYAS NAS, CI ZHIG 'DOD PHYIR ZHES BYA BA YIN TE RGYU GZHAN GANG GIS SO, ,GAL TE NOR 'DOD CES BYA BA DES NI SDUG BSNGAL LAM GNOD PA STE, SNGAR BSTAN PA'I SDUG BSNGAL GANG GIS KHYOD NI BAS MTHAR 'GRO ZHES BYA BA DE GSAL BA YIN NO, ,SKYE BO'I TSIG BSRUNGS PA TZAM GYIS ZHES BYA BA NI GANG DE 'JIG RTEN GYI TSIG NI 'JIG RTEN GYI GTAM LA ZHEN PA'O, ,DE LAS ZHES BYA BA NI DGE BA'I CHOS LAS NYAMS PAR MI BGYI BA STE, CHOS ZHES BYA BA NI BDAG LA PHAN PAR 'DOD PA STE, DE LTAR BDAG NYID KYI CHOS LA LTOS PAR BSTAN PA'O, ,NGO TSA'I PHYIR YANG ZHES BYA BA NI BLTAS PAS KYANG STE, NGO TSA'I PHYIR YANG RAB TU 'BAD PA'I RIGS, ,ZHES BYA BA YIN TE, NGO TSA'I PHYIR YANG CHOS DANG LDAN PA LA 'BAD PAR BYA BA'O, ,DE'I PHAN YON BSTAN PA'I PHYIR, YON TAN YOD CES GRAGS SHING RE BA DAG ,CES BYA BA'I TSIGS BCAD YIN TE, YON TAN 'BYUNG BA YIN PAS YON TAN YOD CES PA'O, ,JI LTAR GYUR KYANG RUNG STE ZHES BYA BA NI NGO TSA BA'I PHYIR YANG GTAM SNYAN 'PHEL BAR 'GYUR TE, CI'I PHYIR ZHE NA, GRAGS PA RAB TU 'GRUB PAS NGO TSA'I PHYIR YANG DE RAB TU 'BAD PA'I RIGS TE, 'DI LTAR GRAGS PAS RAB TU 'GYUR BAS SO, ,GZHAN DU BGYIS NA ZHES BYA BA NI BDAG NYID KYI PHUN SUM TSOGS PA'I YON TAN THAMS CAD MED BAR BYAS PA STE, RE BA'I TSUL GYIS LTA BA NA CHU MIG SKAM PO'I GNAS DANG 'DRA BAR 'GYUR TE, DE LTAR CHU MIG SKAM PO LA SKOM ZHING CHU 'DOD PA RNAMS KYIS CHU DON DU GNYER ZHING RE BA DANG BCAS PA LAS SKAMS PAR GYUR NA DE DAG GI RE BA NYAMS PAR 'GYUR TE, DE BZHIN DU 'DIR YANG YON TAN YOD PAR RE BA DANG BCAS PA RNAMS TE, YON TAN LA SKOM PA'I SKYE BO DGA' BA RNAMS KYIS RE BA DANG BCAS PA LAS MA MTHONG NA NI 'JIG PA YIN TE, YON TAN GNYER BA RNAMS KYIS KHRON PA SKAM PO BZHIN DU MTHONG BAR @255B 'GYUR RO, ,GZHAN DU BGYIS NA ZHES BYA BAS YON TAN YED CES GRAGS SHING RE BA DAG LAS MTHONG NA MI MDZES PAR 'GYUR RO, ,JI LTAR MI MDZES PAR 'GYUR ZHE NA, DE NYID BSGRUB PA'I PHYIR DON BZHIN MA YIN ZHES BYA BA'I TSIGS BCAD SMOS SO, ,DON BZHIN MA YIN YON TAN GRAGS PA 'PHEL, ,ZHES BYA BA NI YON TAN GYI GNAS SKABS MA YIN PA'I YON TAN GYI 'PHEL BA STE, GANG GI RNAMS KYI GRAGS PA MDUN NA BRJOD PA MA YIN TE, DON BZHIN MA YIN PA YUN RING DU 'PHEL BA'O, ,RNAM PAR RTOG PA'I RLUNG GIS BSKYOD PA NI RTOG PA'I RLUNG GIS NYAMS PAR BYAS PA'O, ,MI RNAMS KYI GRAGS PA DE NYAMS PAR GYUR NA NI DE PHYIS YANG GRAGS PAR 'GYUR BA ZHES BYA BA NI 'PHEL BAR 'GYUR BA'O, ,SBRUL NAG CES BYA BA 'DI NI MJUG BSDU BA'I TSIGS BCAD YIN TE, LHA GCIG BDAG NI BZLOG PAR MI RIGS SO, ,ZHES BYA BA NI BZLOG PA RIGS PA YANG YIN MOD KYI 'ON KYANG BDAG NI BZLOG PAR MA MDZAD CIG CES PA STE, NGES PAR GZUNG BA MA YIN BA DANG NGES PAR GZUNG BA'I RGYU STE, GUS PAR MKHYEN NAS ZHES BYA BA'I TSIGS BCAD SMOS TE, GUS PAR MKHYEN NAS ZHES BYA BA TSIGS BCAD PHYAD KYIS NI NGES PAR GZUNG BA MA YIN PA'I RGYU BSTAN TE, , NGES PAR GZUNG BA NI, BDAG NI SEMS KYIS RAB TU BYUNG, ,ZHES BYA BA PHYED 'OG MAS BSTAN TO, ,BYAMS PA YIS ZHES BYA BA NI RJE BO'I YON TAN NO, ,GUS PAR MKHYEN NAS ZHES BYA BA NI 'BANGS KYANG YON TAN GUS PA DANG LDAN PAR KHYOD KYIS DE MI SHES PA YANG MA YIN TE, KHYOD KYIS 'BANGS KYI SKYE BO LA DE LTAR BGYI BA RIGS TE, DE BAS NA KHYOD KYIS BZLOG PA'I RIGS SO, ,BDAG NI RE ZHIG BZLOG PAR BYA BA MA YIN TE, CI'I PHYIR ZHE NA, SEMS KYIS RAB BYUNG ZIN PA'I PHYIR RO, ,DES NA RAB TU BYUNG BA NI 'DU 'DZI'I NYON MONGS CAN 'DZIN PA MI RIGS PA'I PHYIR RO, DE NAS DE YI MDZA' BO DANG, ZHES BYA BA LA SOGS PA'I TSIG GIS NI MDZA' BO LA SOGS PA DMAN PA DANG, BAR MA DANG, GONG MA DAG GIS BZLOG PA'I LUS DANG NGAG GI LAS KYI BYA BA RNAMS BSTAN TO, ,DE LA RKANG PA LA 'JUS TE ZHES BYA BAS NI DMAN PA RNAMS KYI LUS KYI LAS KYI BYA BA BSTAN TO, ,KHA CIG THAL MO SBYAR TE ZHES BYA BAS @256A *, ,NI RAB DANG MNYAM PA BAR MA'I BSTAN TO, ,MGUL NAS 'JUS TE ZHES BYA BAS NI GONG MA RNAMS KYI DBANG DU BYAS PA'O, ,'DI GSUM NI LUS KYI LAS LAS BRTZAMS PA'O, ,BZLOG PAR RTZOM PA BSHAD PA'O, ,KHA CIG NI SPOBS PA'I TSUL GYIS ZHES BYA BA LA SOGS PA'I NGAG GI LAS LAS BRTZAMS TE BZLOG PA'I DBANG DU BYAS PA STE, KHA CIG NI SPOBS PA'I TSUL GYIS ZHES BYA BA NI BAR MA'I DBANG DU BYAS PA'O, ,KHA CIG NI MDZA' BO DANG NANG MI ZHES BYA BA NI DMAN PA'I DBANG DU BYAS PA'O, ,LA LA NI KHYIM NA GNAS PA'I TSUL GYIS ZHES BYA BA LA SOGS PAS NI GONG MA'I DBANG DU BYAS PA'O, ,MDZA' BOR 'THAMS PAR ZHES BYA BAL SOGS PA'I TSIGS BCAD GNYIS KYIS NI BYANG CHUB SEMS DPA' LA PHAN PAR 'DOD PA DES NAGS SU 'GRO BA MI RIGS SO ZHES 'GOG PA'I DBANG DU BYAS PA'O, ,MDZA' BOR 'THAMS PA ZHES BYA BA'I TSIGS BCAD 'DI'I DON NI MDZA' BO BAG MED PA LAS MDZA' BO RNAMS KYIS PHAN PA'I TSIG SMRAS PA STE, YUN RING POR 'JUG PA'I PHYIR RO, ,PHAN PA'I LAM 'DI LA NI LEGS PA DANG PHAN PA GNYIS LHAN CIG MI 'THOB STE, RTZUB PA YIN NA YANG PHAN PAR 'GYUR BA SBYAR BA'I RIGS TE, DE LA MA SBYAR BAR GYUR NA MI DGE BAR 'GYUR TE, DGE BA DANG MI DGE BA RNAMS LAS DGE BA'I CHOS MI SGOM ZHING, MI DGE BA'I CHOS LA 'JUG PAR 'GYUR TE, MI PHAN PAR SGRUB PA'I PHYIR RO, ,NAGS PAS KHYIM DGA' ZHES BYA BA'I TSIGS BCAD 'DI'I DON NI NAGS NA GNAS PA LAS BDAG LA ZLOG PAR BYED DE, JI LTAR LDOG PAR BYED CE NA, SDIG PAS GOS PA BZHIN DU STE, DOGS SHING 'JIGS PA MED PAR RO, ,JI LTAR SDIG PAS GOS PA NI DOGS SHING 'JIGS PA MED PAR RTZUB PA YIN NA YANG ZLOG CING 'GOG PAR BYED PA DE BZHIN DU 'DI DAG SEMS ZHES BYA BA YIN TE MDZA' BO LA SOGS PA RNAMS SO, ,THA MAL GNAS PA'I SEMS ZHES BYA BA NI NAD MED PA STE, NAGS PAS KHYIM DGA' SNYAM DU JI LTAR SEMS PA'O, ,JI LTAR SEMS PA DE NYID SGRUB PA'I PHYIR SMRAS PA, NAGS NA GNAS PA DOGS SHING ZHES BYA BA DANG, @256B SDIG PAS GOS BZHIN DU ZHES BYA BA GNYIS KYIS BSTAN TO, ,DA NI BYANG CHUB SEMS DPA' LA PHAN PAR 'DOD PA'I DBANG DU BYAS NAS DU BA LA NAGS TSAL GNAS PA LA ZHES BYA BA NI CHOS BSGRUB PAR 'DOD PA'O, ,GSON BZHIN DU ZHES BYA BA NI SHI BA YANG MA YIN, SHI BAR 'GYUR BA YANG MA YIN PA'I DON TO, ,DA NI BDAG NYID DANG BRAL BA'I MYA NGAN GYI RGYU LA YANG, NGA DANG BRAL BAS DE LTAR MI DGA' NA, ,ZHES BYA BA'I TSIGS BCAD YIN TE, RAB TU MI 'BYUNG BA'I RGYU NI KHYIM YONGS SU GTANG BAR DKA' BA'I PHYIR NGA DANG MI 'BRAL NA NI ZHES BYA BA'I DBANG DU BYAS NAS TSIGS BCAD KYI PHYED 'OG MAS BSTAN TO, ,NANG MI YONGS SU GTONG BA SHIN TU DKA' BA YIN YANG RAB TU MI 'BYUNG BA NI MI RIGS SO, ,ZHES BSTAN PA'I PHYIR, DE STE BDAG GI MI LA CHAGS PA'I PHYIR, ,ZHES BYA BA'I TSIGS BCAD SMOS SO, ,DE LTAR CIS MI BYED CES BYA BA NI JI LTAR NGA'I RJES SU RAB TU 'BYUNG BA'I RANG MI LA CHAGS PAS BGEGS SU BYED PA YIN NA DE LTAR DGRA DANG DMAG 'GYED CING 'JUG PA NA YANG RANG ME'I SKYE BO MANG PO LA CHAGS PAS BGEGS CI'I PHYIR MI BYED CES PA'O, ,PHONGS PAR GYUR PA'I TSE NA MTHONG BAR GYUR PA'I MDZA' BO'I RANG BZHIN GANG YIN PA DE NI PHONGS PAR GYUR PA'I TSE MTHONG BA'O, ,MDZA' BO'I RANG BZHIN NI PHONGS PA'I TSE RJES SU 'BRANG BA DANG DU BA'O, ,DE LA PHONGS PA'I TSE MTHONG BA NI SNGAR DUS GZHAN GYI TSEN YIN TE, SNGAR MTHONG BA'I PHYIR PHONGS PA'I RJES SU 'BRANG BA'O, ,MDZA' BO BRTEN PAR GYUR KYANG ZHES BYA BA NI YUN RING PO NAS 'DRIS PAR GYUR KYANG NGO, ,G-YO NYID G-YO YIN PAS G-YO PHYI BZHIN MI 'BRANG BA ZHES BYA BA NI RJES SU 'GRO BA MED PA STE, MCHI MAS 'JU ZHING 'ONG BA NYI TSER ZAD PA'O, ,MDZA' BO'I RANG BZHIN NI DU BA DANG PHONGS PA RJES SU 'BRANG BA YIN TE, DE LA DE GNYIS LAS PHONGS PA'I RJES SU 'BRANG BA MED DO, ,RAB TU 'BYUNG BA'I MTSAN NYID NI RAB DU BYUNG BA DE PHONGS PA NYID YIN TE, DU BAR 'OS PA'I PHYIR RO, ,GAL TE PHONGS PA MA YIN NA NI RAB DU BYUNG BA LA MI DU BA YIN TE, DES NA DE PHONGS PA YIN PAS PHONGS PA DE'I RJES SU 'BRANG BAR BYA STE RJES SU RAB DU @257A *, ,'BYUNG BAR BYA'O, ,JI LTAR MDZA' BO MYA NGAN GYIS GDUNGS SHING DU BA LA, MDZA' BOS MYA NGAN BYA BA DANG DU BA YIN TE, DE BZHIN DU 'DIR YANG 'JIGS PA MED PAR BYA BA YIN TE, RGYU GCIG LAS NI MDZA' BO'I RANG BZHIN G-YO NYID DU 'GRO BA STE, JI LTAR SHES SHE NA, RJES SU 'GRO BA NI MED DE, MCHI MAS 'JU BA NYI TSE'O, ,DE NYID BSTAN PA'I PHYIR, SLAR DU BZLOG PA'I PHYIR NI SKAD 'DZER ZHING, ,ZHES BYA BA'I TSIGS BCAD SMOS SO, ,JI LTAR SKAD 'DZER BA DANG BCAS PA DANG, MCHI MA DANG BCAS PA'I MIG DANG, MGO BO BTUD DE MTSUNGS PA LA YANG BLA MA 'DRA BA PHYAG 'TSAL ZHING ZHES BYA BA YIN TE, CI'I PHYIR BYED CE NA, BZLOG PA DE'I PHYIR TE, DE LTAR DE DAG THAMS CAD NI BZLOG PA'I PHYIR BYED PA YIN GYI, RJES SU 'GRO BA'I PHYIR NI MA YIN NO, ,GAL TE RJES SU 'GRO BA YIN NA NI CI'I PHYIR DE DAG NYI TSE BYED PA YIN TE, RJES SU 'GRO BAR MI BYED PA'O, ,GANG GI PHYIR RJES SU 'GRO BAR MI BYED KYI, BZLOG PA'I PHYIR BYED PA YIN PAS, DE BAS NA MDZA' BO'I RANG BZHIN TE, G-YO DANG THABS SU 'GYUR BA'O, ,DE LTAR RE ZHIG TSIGS BCAD 'DIS NI GANG SNGAR BSHAD PA'I MCHI MAS 'JU ZHING DU BA ZHES BYA BA DE NYID BSGRUB PA YIN NO, ,PHYI BZHIN MI 'PHRANG BA DE BSAN PAR BYA BA'I PHYIR, RAB TU BYUNG BA'I RJES SU ZHES BYA BA'I TSIGS BCAD YIN TE, 'DI DAG CES BYA BA NI MCHI MAS 'JU BA'O, ,JI LTAR BYAMS PAS MCHI MA 'BYUNG BAR BYED PA DE BZHIN DU RAB TU 'BYUNG BA LA YANG BYA BA'I RIGS SO, , CI'I PHYIR DE LTAR BYA BA'I RIGS SHE NA, SMRAS PA, NGO MTSAR BAR 'GYUR PA 'DI BZHIN DU MI 'GYUR RAM ZHES PA STE, DAM PA'I SEMS LA SPYOD PA DE'O, ,NAGS SU BDAG NYID GCIG PU 'GRO YANG GROGS SHIN TU RNYED PAR DKA' LA, GZHAN DAG GIS NI RNYED PAR SLA'O ZHES BYA BA DE'I DBANG DU BYAS NAS; YON TAN MED PA ZHES BYA BA DE'I TSIGS BCAD SMOS SO, ,PHONGS PAR GYUR PA'I TSE ZHES BYA BA NI BSAD PA DANG, BCING BA DANG BRDEG PA'I PHONGS PAR GYUR PA'O, ,YON TAN YOD BZHIN ZHES BYA BA PHONGS PA NYID BSTAN PA'I PHYIR, YON TAN YOD BZHIN DU ZHES BYA BA YIN TE, NAGS SU 'GRO @257B ZHING RAB TU BYUNG BA DE NI PHONGS PA BZHIN DU PHONGS PAR GYUR PA YIN NO, ,THAMS CAD DU GROGS YOD KYANG DE DAG NYID NAGS SU 'GRO ZHING RJES SU 'GRO BA MED PA NYID KYI DBANG DU BYAS NAS, GLANG CHEN SMYON PA ZHES BYA BA'I TSIGS BCAD YIN TE, GANG LA RJES SU MI 'GRO BA DANG, GANG GI PHYIR RJES SU MI 'GRO BA ZHES BYA BA'I DON TO, ,DE DAG MIN NAM NGA YANG DE MA YIN, ,ZHES BYA BA NI THE TSOM GYI TSIG GO, ,DE LTA MOD KYI BDAG GI BYAMS PA MED PAR 'GYUR BA'I RGYU CUNG ZAD CIG BYAS NA NI, DE LAS RJES SU MI 'BRANG BA YIN TE, DE MED PAR BSTAN PA'I PHYIR, DE LTAR BYAMS PA NYAMS PAR 'GYUR BA'I RGYU, ,ZHES BYA BA'I TSIGS BCAD SMOS SO, ,'DI LTAR 'KHOD BZHIN DU ZHES BYA BA NI RGYAB KYIS BLTAS PAR GNAS PA'O, ,'DI LTAR GYUR PA ZHES BYA BA NI GLANG CHEN SMYON PA ZHES BYA BA'I TSIGS BCAD SNGAR BSTAN PA DE NYID BDAG GI YON TAN GANG GIS SNGON DU 'GRO BAR BSTOD PA DAG RUNG BAR 'ONG NGAM KYE ZHES BYA'O, ,BDAG NI NAGS SU 'GRO PHYIR ZHES BYA BA NI BDAG NYID KYI NYES PA STON PA YIN NO, ,CI'I PHYIR DE LTAR RTOG CE NA DE'I RGYU BSTAN PA'I PHYIR, GANG DAG KHYIM GYI NYES PA ZHES BYA BA'I TSIGS BCAD SMOS SO, ,DE GANG YIN ZHE NA, KHYIM GYI NYES PA GSAL BAR MNGON PA DANG, DKA' THUB KYI NAGS KYI YON TAN GSAL BAR MNGON PA'O, ,DE GSAL BAR BSTAN PA'I PHYIR, PHYI MA'I TSE DANG TSE 'DI'I SDUG BSNGAL RGYU, ,ZHES BYA BA SMOS SO, ,PHYI MA'I SDUG BSNGAL GYI RGYU NI 'DOD PA DE'I CHED DU NYES PAR SPYOD PA DE NYES PAR SPYAD PA DE'I RGYU NGAN 'GROR 'GRO BA'I PHYIR RO, ,TSE 'DI'I SDUG BSNGAL GYI RGYU NI, GSAD PA DANG, BCING BA DANG, BRDEG PA LA SOGS PA SDUG BSNGAL DU MA'I RGYUR GYUR PA'I PHYIR RO, ,DKA' THUB KYI NAGS NI DE LTAR BZLOG PA STE, 'JIG RTEN 'DI DANG PHA ROL GYI BDE BA'I RGYUR GYUR PA'I PHYIR RO, ,'JIG RTEN 'DIR BDE BA'I RGYU NI 'DOD PA RNAMS LA CHED CHER MI 'DZIN PA STE, RANG GI DON MTHONG BA'I PHYIR RO, ,'JIG RTEN PHA ROL DU NI BDE 'GRO DANG MYA NGAN LAS 'DAS PA THOB PA'I PHYIR RO, ,RANG GI RGYU 'DOD PA SPONG BAR MI 'DOD PA DE NI SDUG BSNGAL GYI RGYU YIN NO, ,DKA' THUB KYI NAGS NA NI DE RNAMS KYIS BZLOG PA YIN TE, 'DI DAG SPONG BA YIN NO, ,DE'I @258A *, ,RGYU NYES PA DAG LA BDAG NYID KYI BSGRUB PA BSTAN PA'I PHYIR, BDAG GI MDZA' BO 'DI RNAMS ZHES BYA BA'I TSIGS BCAD SMROS SO, ,BSLUS ZHES BYA BA NI PHYIN CI LOG LA ZHEN PA'O, ,ZHI BAR MA GYUR PA NI MYA NGAN LAS 'DAS PAR MA GYUR PA'O, ,NYES PA DE DAG CES BYA BA NI KHAMS GSUM GYI NYON MONGS PA THAMS CAD DO, ,MNGON DU GZHOM PAR BYA ZHES BYA BA NI BAG CHAGS DANG BCAS PA GZHOM PAR BYA'O ZHES PA'O, ,DE LTAR GYUR PA NI DAM PA RNAMS SU DE DGE SLONG DANG DGE BSNYEN RNAMS SU GYUR PAS SO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS TSONG DPON GYI SKYES PA'I RABS SO,, ,,SDOM LA, BRGYA BYIN BRAM ZE MYOS BYED MA, ,LEGS PAR PHA ROL PHYIN DANG NYA, ,BYA DANG BUM PA PHYUG PO'I BU, ,DKA' THUB CAN DANG TSONG DPON NO, ,ZHES PA LA, 'DIR YANG SKYES PA'I RABS BCU PO 'DI DAG GI GO RIMS BDAG GIS 'DI LTAR MTHONG STE, BRGYA BYIN BRAM ZE MYOS BYED MA, ,LEGS PAR PHA ROL PHYIN DANG NYA, ,BYA DANG BUM PA TSONG DPON DANG, ,PHYUG PO'I BU DANG DKA' THUB CHEN, ,SKYES PA'I RABS BCU PO 'DI DAG GIS BSDUS PA'I DON NI TSUL KHRIMS KYI PHA ROL TU PHYIN PA'I DBANG DU BYAS PA'O, , TSUL KHRIMS KYANG RNAM PA GNYIS TE, KHYIM PA'I PHYOGS LA BRTEN PA DANG, RAB TU BYUNG BA'I PHYOGS LA BRTEN PA DANG, DE LA KHYIM PA'I PHYOGS LA BRTEN PA'I TSUL KHRIMS KYI DBANG DU BYAS PA NI BDUN NO, ,RAB TU BYUNG BA'I PHYOGS LA BRTEN PA NI GSUM MO, ,DE LA KHYIM PA'I PHYOGS LA BRTEN PA'I TSUL KHRIMS NI, SROG GCOD PA DANG, MA BYIN PA LEN PA DANG, 'DOD PAS LOG PAR G-YEM PA DANG, BRDZUN DU SMRA BA DANG, 'BRU'I CHANG DANG, BCOS PA'I CHANG MYOS PAR 'GYUR BA 'THUNG BA LAS LDOG PA STE, 'DI DAG NI BSLAB PA'I GZHI LNGA'O, ,DE LA BRGYA BYIN GYI SKYES PA'I RABS SU NI SROG GCOD PA LAS LDOG PA'I DBANG DU BYAS NAS, LHA'I DBANG PO DE RANG GI SROG LA MI LTA BAS DUD 'GRO'I SKYE GNAS SU GYUR PA'I SROG GCOD PAR 'JUG PA LAS LDOG PA STE, DE NI SROG GCOD PA SPANGS PA YIN NO, ,BRAM ZE'I SKYES PA'I RABS SU RANG GI BLA MA LA SOGS PAS SBYOR BA @258B BYAS SHING THOS PA'I RJES SU DPAG PAS YANG DAG PAR BSTAN KYANG SKYE BOS GZHAN DAG LAS NYE BAR RTOG PA DANG, BDAG GI DBANG DU BYAS NAS, NGO TSAB NYID KYIS MA BYIN PAR LEN PA LAS LOG BA DE NI MA BYIN PAR LEN PA SPANGS PA'O, ,BDAG NYID LA RANG DBANG DU BYIN PAR 'GYUR TE, SMAD 'TSONG MA'I GNAS SKABS SU BYA'O ZHES PAS BYIN NA YANG BGROD PA MA YIN PAR 'JUG PA STE, 'DOD PA LAS LOG PAR G-YEM PA SPONG BA NI MYOS BYED MA'I SKYES PA'I RABS SU BSTAN TO, ,BRDZUN RNAM PA GSUM GYI DBANG DU BYAS NAS SKYES PA'I RABS GSUM YIN TE, GNOD PA BZLOG PA'I PHYIR DANG, GNOD PA BDAG GIS THOB PA LA 'DOD PA'I DON RNYED PA'I PHYIR DANG, BRDZUN SMRA BA LA GOMS PAR MA BYAS PA'O, ,GNOD PA BZLOG PA NI BDEN PA'I TSIG NYID KYIS 'GYUR BAR BSTAN PA'I PHYIR, LEGS PAR PHA ROL TU PHYIN PA'I SKYES PA'I RABS SO, ,BDAG NYID KYIS PHONGS PA'I GNAS SKABS DANG PHRAD PAR GYUR KYANG, BDEN PA'I TSIG NYID THAR PAR GYUR PA BSTAN PA NI NYA'I SKYES PA'I RABS SO, ,BDEN PA'I TSIG LA GOMS PAS NI ME'I 'JIGS PA LAS KYANG THAR BAR BYED NUS NA, GZHAN LTA SMOS KYANG CI DGOS ZHES BSTAN PA'I PHYIR, SREG PA'I PHRU GU'I SKYES PA'I RABS BSTAN TO, ,BUM PA'I SKYES PA'I RABS SU NI CHANG LAS LDOG BA STE, GZHAN YANG LDOG PAR BYED NA BDAG NYID LTA SMOS KYANG CI DGOS ZHES BYA BA'I TSIG GIS SO, ,DA NI RAB TU BYUNG BA'I PHYOGS LA BRTEN PA LAS BRTZAMS TE SKYES PA'I RABS GSUM MO, ,DE LA DANG POR RE ZHIG TSONG DPON GYI SKYES PA'I RABS SU RGYA CHUNG DUS KYANG SNYING STOBS DANG LDAN PA DAG KHYIM YONGS SU GTANG BA YIN TE, PHUN SUM TSOGS PA THAMS CAD BOR ZHING NAGS SU GNAS PA STE, NGES PAR 'BYUNG BAR 'DOD PAS NANG MI DANG, NYE NGU'I SKYE BO DANG, MDZA' BSHES LA SOGS PA'I TSOGS KYIS BZLOG PAR GYUR KYANG MI 'DOD NA, GZHAN DAG GIS LTA SMOS KYANG CI DGOS ZHES BSTAN PAS SO, ,RGYAL RIGS PHYUG PO'I BU SKYES PA'I RABS SU NI MDZA' BSHES KYIS LONGS SPYOD LA SOGS PA BSTABS KYANG, DE LA CHAGS PA MED PA DES RAB TU BYUNG BA LA MNGON PAR DGA' BAR GYUR @259A *, ,PA BSTAN PA'I PHYIR RO, ,DKA' THUB CAN GYI SKYES PA'I RABS SU NI, SMON LAM DANG, TSANGS PAR SPYOD PA LA DGA' ZHING CHOG SHES PA DANG, SEMS 'KHRUGS PA MED PA LA MNGON DU PHYOGS PA'I DBANG DU BYAS NAS BRTZAMS PA'I PHYIR RO, ,DE LTAR SKYES PA'I RABS 'DI DAG GI GO RIMS KYI RGYU NI RIGS PAR 'GYUR TE, GZHAN LA YANG PHAN PA'I PHYIR BSTAN PA'O, ,SDE TSAN GNYIS PA STE, BCU TSAN GNYIS BA RDZOGS SO,, ,,BRAM ZE'I RIGS CHEN PO YON TAN LA GOMS PA'I MTHUS GRAGS PA RGYAS PA ZHES BYA BA 'DIS NI TSUL KHRIMS KYI PHA ROL TU PHYIN PA'I 'BRAS BU DANG, RGYU LA GOMS PA YANG BSTAN TO, ,'BYOR PA'I YON TAN NGES PA ZHES BYA BA 'DIS NI SNGA MA'I SBYIN PA'I PHA ROL TU PHYIN PA'I 'BRAS BU BSTAN TO, ,RGYAL POS BKUR STI BYAS PA DANG, 'JIG RTEN PAS LHA BZHIN DU BKUR BA ZHES BYA BA 'DIS NI BZOD PA'I PHA ROL TU PHYIN PA'I 'BRAS BU BSTAN TO, ,DE LTAR 'DI DAG GIS NI BSOD NAMS KYI TSOGS BSAGS PA NYID DU BSTAN PA YIN TE, 'DI LTAR NGER SKYES PA YIN PAS, DE BAS NA DE YANG DE'I BSOD NAMS KYI TSOGS NYID DU BSTAN TO, ,DE LTAR MANG DU THOS PA'I YON TAN LA GOMS PA ZHES BYA BA LA SOGS PA NI SHES RAB KYI PHA ROL TU PHYIN PA'I SBYOR BA BSTAN TO, ,MKHAS PA RNAMS KYI GRAGS PA NI, ,MKHAS PA NYID KYI NANG DU 'PHEL, ,ZHES BYA BA LA, DE'I NANG DU GRAGS PA CI'I PHYIR 'PHEL ZHE NA, MKHAS PA NI YON TAN RTOG PA LA MKHAS PA'I PHYIR TE, RIN CHEN SHES LA RIN CHEN DANG, ZHES BYA BA YIN TE, MKHAS PA NYID MKHAS PA'I NANG DU GRAGS PA 'PHEL BA'O, ,CI'I PHYIR ZHE NA, DE NI RANG GI YON TAN STON PAR NUS PA'I PHYIR RO, ,CI LTA BU DAG CE NA, G-YUL NGO DAG TU DBA' BO BZHIN, ,ZHES BYA BA YIN NO, ,TSE RABS SNGA MA LA RAB DU BYUNG BA LA GOMS SHING ZHES BYA BA 'DIS NI RGYU MTHUN PA BSTAN TO, ,CHOS LA SEMS PA ZHES BYA BA NI CHOS DANG LHAN CIG PA'I DRAN PA YOD PA'I PHYIR RO, ,CHOS DANG BCAS PA'I SEMS SO, ,DER GYUR PA'I CHOS LA SEMS PA NYID DE, DE BAS NA CHOS DANG 'GAL BA'I PHYIR, KHYIM SPANGS @259B ZHES BYA BA'I DON TO, ,BLO DANG SHES RAB RAB TU GSAL BA'I PHYIR, ,ZHES BYA BA 'DIS NI KHYIM GYI NYES DMIGS YONGS SU SHES PA'I PHYIR RO, ,RGYU 'DI GSUM GYIS KHYIM LA DGA' BA MED PAR 'GYUR ZHING, DE DANG MI MTHUN PA'I PHYOGS NAGS LA NI MNGON BAR DGA' BA YIN TE, KHYIM NA GNAS PA ZHES BYA BA LA SOGS PA'O, ,GANG SNGAR BSTAN PA'I CHAS PA SEMS PA ZHES BYA BA DE BSTAN PA'I PHYIR, KHYIM YONGS SU MA BTANG ZHING, 'DOD PA RNAMS LA NYE BAR LONGS SPYOD PA LAS NI CHOS DANG 'GAL BA YIN TE, 'THAB MO LA SOGS PA MANG BA'I PHYIR RO, ,DE LTAR CHOS LA SEMS PA NI KHYIM NA GNAS PA NA DGA' BAR MA GYUR PA'O, ,SHES RAB DANG LDAN PA'I PHYIR KHYIM NA GNAS PA LA DGA' BAR MA GYUR PA DE BSTAN PA'I PHYIR, RGYAL PO DANG, RKUN PO LA SOGS PA LNGA DANG THUN MONG DU GYUR PAR SHES PA'I PHYIR DANG, CHOG MI SHES PAR YONGS SU SHES PA'I PHYIR DANG, NYES PA DU MA 'I GNAS SU GYUR PAR SHES PA'I PHYIR TE, BLO DANG SHES RAB RAB TU GSAL BA'I PHYIR, KHYIM NA GNAS PA LA DGA' BAR MA GYUR TO, ,KHYIM PA'I CHA LUGS BOR NAS ZHES BYA BA LA, JI LTAR KHYIM PA'I CHA LUGS BOR ZHE NA, SKRA DANG KHA SPU BZANG PO BREGS PA'I PHYIR DANG, GOS KHA DOG BSGYUR BA DUR SMIG BGOS PA'I PHYIR RO, ,JI LTAR RAB TU BYUNG BA'I CHA LUGS BLANGS SHE NA, RAB TU BYUNG BA'I SDOM PA'I DPAL LA GNAS PAR GYUR PA'I PHYIR RO, ,DE YANG DKA' THUB KYI NAGS TSAL NA GNAS MI NUS PAR SHES NAS SO, ,RAB TU DKA'O ZHES BYA BA NI BGROD PAR DKA' BA YIN PA'I PHYIR RO, ,DUR KHROD DANG, KHONG STONG SMOS PAS NI, GNAS MAL GRONG DANG NYE BAR STON PA YIN NO, ,DE YANG GNYIS TE, BYAMS PA DANG, MI BYAMS PA'I BYE BRAG GIS SO, ,RI BO DAG NI GCAN GZAN KHRO BOS GANG BA'O, ,DE GNYIS SMOS PA NI GRONG LAS THAG RING BAR STON TO, ,DE LTA BU'I GNAS MA LA GYI BYE BRAG MTHUN PA DANG, MI MTHUN BA DAG TU BSAM GTAN BYED CING ZHES BYA BA'I TSIGS BCAD SMOS SO, ,GROGS MED PAR DES RAB TU DKA' BAS BSAM GTAN BYED PAR BSTAN PA'I PHYIR, 'DI SA NI SKYES BU GCIG PU GNYIS @260A *, ,SU MED PAR GNAS PA BSTAN TO, ,BUD MED DAG NI LTAR YANG MED PAR BYED, ,CES BYA BA 'DIS NI, BSAM GTAN MI BYED KYANG BUD MED DANG REG PAR GNAS PA DANG LHAN CIG TU 'GROGS PAR MI RUNG BA NYID DU BSTAN TO, ,'CHI BA LA PHYOGS PA'I GNAS DE LTA BU GNYI GA 'GRO BA'I 'JIGS SU RUNG BA DANG, GROGS BYED PA BSTAN PA'I SDUG BSNGAL DES NI BDAG SDUG CING DES KHYOD KYANG MI DGYES PA ZHES BYA BA'I DON TO, ,MCHIS PAR NUS PA ZHES BYA BA NI 'TSO BAR RO, ,DPYID KYI DUS LA BAB PA'I ZHES BYA BA LA SOGS PAS NI, MIG DANG, RNA BA DANG, SNA DANG; LCE DANG, LUS KYI DBANG POS NYE BAR SPYOD PA SPYAD DU RUNG BA'I NAGS TSAL BSTAN TO, ,SHING LO LHAG PAR MDZES PA DANG NI LDAN, ,ZHES BYA BA 'DIS NI MIG GI DBANG POS NYE BAR LONGS SPYOD DU RUNG BA'O, ,BUNG BA MANG PO SGRA DI RI RI ZER ZHES PA LA SOGS PAS NI RNA BA'I DBANG POS LONGS SPYAD DU RUNG BA BSTAN TO, ,PADMA DANG, AUTPA LA KHA BYE BA ZHES BYA BA 'DIS NI LCE DANG, LUS KYI DBANG POS LONGS SPYAD DU RUNG BA BSTAN TO, ,ME TOG DRI ZHIM PO SNA TSOGS KYI BSUNG GIS ZHES BYA BA LA SOGS PA NI SNA'I DBANG PO DANG, LUS KYI DBANG POS LONGS SPYAD DU RUNG BA BSTAN TO, ,ME TOG SNA TSOGS TSOM BU RAB TU MDZES, ,ZHES BYA BA LA SOGS PA'I TSIGS BCAD GNYIS KYIS NI TSIG RKANG GONG MA DAG NI DON NYID BSTAN TO, ,G-YON CAN DANG THUB CHOD CAN RAB TU MANG NA ZHES BYA BA LA, G-YON CAN NI MA DUL BAS BUD MED LA SOGS PA YANG DUL BA MED DO, ,THUB CHOD NI 'PHROG PAR 'DOD PA'O; ,DBEN PA 'DI NA ZHES BYA BA NI RAB MDA' BZLOG TU MED PAR BSTAN TO, ,DKA' THUB CHUNG BA ZHES BYA BA 'DIS NI RANG NYID NUS PA MED PAR STON TO, ,CHOS DANG BCAS TE ZHES BYA BA NI KHYOD DANG KHYOD KYI CHOS LA BRNYAS PA STE, 'DI DAG GIS NI 'JIG RTEN 'DI DANG, 'JIG RTEN PHA ROL LA 'JIGS PA MED PA'I RGYU NYID DU BSTAN TO, DBEN PA 'DI NI DKA' THUB CES BYA BA'I TSIGS BCAD 'DIS NI NAGS NA GNAS PAS BUD MED DE LA STON TO, ,KHRO BA SKYED NA ZHES BYA BA'I TSIGS BCAD 'DIS NI KHYOD NYID LA YANG PHAN PA MED PAR BSTAN PA'I PHYIR TE, 'JIG RTEN GNYI GA LA YANG PHAN PA MED PAR KHRO BA SKYED PA MI RIGS @260B SO; ,DE CI'I PHYIR ZHE NA, YID 'KHRUGS PA NYID KYI PHYIR 'DIS NI CHOS DANG 'GAL BAR BSTAN TE, CHOS DANG 'GAL BAR GYUR PAS NI 'JIG RTEN PHA ROL TU PHAN PA MED PA NYID DO, ,CHOS DANG 'GAL BA LAS NI GRAGS PA'ANG MED PAR 'GYUR TE, 'DIS NI 'JIG RTEN 'DI NYID LA PHAN PA MED PA NYID DO, ,DES NA DE DANG KHYOD GNYI GA LA PHAN PA MED PA'I PHYIR, GRONG DU ZHES BYA BA NI SKYE BO'I NANG NYID DU ZHES BYA BA'I DON TO, ,CI STE SKYON DE GNYI GA MED KYANG DKA' THUB CAN LA BUD MED BSNYEN CI DGOS ZHES BYA BA SMOS TE, 'DI NI BDAG NYID DANG RJES SU MTHUN PAR STON TO, RGYAGS PAR BSNYEMS SAM, GAL TE MA BRTAGS PAR ZHES BYA BA 'DI GNYIS KYIS NI, ZHE SDANG GI SHAS CHE BA DANG DMAN PAR STON TO, ,RGYAGS PAS BSNYEMS PAS ZHES BYA BA NI BRTAGS PAR BYAS KYANG SPYOD PA ZIL GYIS MNON PA'O, ,MA BRTAGS PAR ZHES BYA BA NI DRAN PA NYAMS PA LA SOGS PAS SO; ,MI MTHUN PA'I PHYOGS MI BSTAN PA'I PHYIR DGRA ZHE SDANG LA YANG RGYAGS PAS BSNYEMS PA DANG, MA BRTAGS PA CI RIGS PAR BRJOD PAR BYA'O, ,DES GNOD PA BYAS SU YANG MI DOGS LA ZHES BYA BA NI DE'I RGYUS GNOD PAS NA DES GNOD PA NI DES GNOD PA'O, ,DE LA DOGS PA DANG BRAL BA GANG YIN PA DE NI DES GNOD PA BYAS SU MI DOGS PA'O, ,'DIS NI 'JIG RTEN 'DI'I 'JIGS PA MED PAR BSTAN TO, ,'DOD PA'I 'DOD CHAGS KYI DBANG DU YANG GYUR PAS ZHES BYA BA NI 'JIG RTEN PHA ROL GYI 'JIGS PA MED PAR STON TO, ,'DOD PA'I 'DOD CHAGS KYIS ZIL GYIS MNAN PA DES CHOS LA MI LTA BAS SO, ,'JIGS PA DANG, BAG TSA BA NI 'JIGS PA DANG BAG TSA BA STE, DE GNYIS KYIS BZHIN GYUR PA GANG YIN PA DE NI 'JIGS SHING BAG TSA BAS NGO 'DZUM 'GYUR BA'O, ,RGYAL PO'I MTHUS PHO BRANG GI NANG DU KHRID CES THOS PAS NI, GCAN GZAN MA RUNGS PAS DGO BA MO GCES PA BZHIN DU 'JIGS SHING BAG TSA BAS NGO 'DZUM 'GYUR BA'O, ,'DIR SKYOB PA NI GZHAN MED PA'I PHYIR, SKYE DGU SKYONG BA'I RGYAL POS KHYER BAR GYUR NA, GZHAN SU ZHIG SKYOB PAR 'GYUR TE, NAGS KYI DGO BA MO BZHIN NO, ,DE BAS NA DE NYID KYI PHYIR, NAGS ZHES SMOS PA YIN TE, @261A *, ,GANG GI PHYIR GZHAN DU NA NI DGO BA MO ZHES BYA BA NYID STON PAR 'GYUR RO, ,DE NYID KYI PHYIR 'JIGS SHING BAG TSA BAS NGO 'DZUM GYUR BA NYID KYI RGYU BSTAN PA'I PHYIR, 'JIG RTEN PHONGS SHING ZHES BYA BA'I TSIGS BCAD BRTZAMS PA YIN NO, ,DE NYID GANG LA MI RIGS BYED GYUR NA, , ZHES BYA BA 'DIS NA 'JIGS PA DANG, BAG TSA BA'I RGYU BSTAN TO, ,YANG NA DE NYID GANG LA MI RIGS BYED GYUR NA, ,ZHES BYA BA 'DIS NI 'JIGS PA'I RGYU BSTAN TE, DE YIS SU LA PHA SKYABS BTZAL BAR BYA, ,ZHES BYA BA 'DIS NI BAG TSA BA'I RGYU BSTAN TE, PHA SKYABS DE MED KYANG GANG DAG 'JIG RTEN SKYONG BA DANG, GZHAN YANG SKYE BOS BYED PA DAG ,SKYABS BYED PA MED CES BSTAN PA'I PHYIR, KYE MA 'JIG RTEN SKYONG BA'ANG, ,ZHES BYA BA'I TSIGS BCAD BRTZAMS PA YIN TE, TSUL LAS NYAMS ZHES BYA BA NI 'JIG RTEN SKYONG BA NYID NYAMS PA'AM, 'JIG RTEN SKYONG BA'I MING NYID NYAMS NAS MED PA STE, GZHAN GYI DON MI BYED PA'I PHYIR, DE 'JIG RTEN SKYONG BA DE LAS NYAMS PA'AM MED PA'O, ,DE CI'I PHYIR ZHE NA, LEGS PAR MI SKYONG BAS SO, ,SHI BAR GYUR TAM CI ZHES BYA BAS NI LHA'I 'GRO BA DE LAS NYAMS PA'O, ,DE NAS GAL TE YOD KYANG TSUL LAS NYAMS PA DES MI NUS PA'AM, SHI BAS GANG DAG PHONGS PA LEGS PAR SKYOB PAR MI BYED PA'O, ,RANG BZHIN GYIS KYANG YONGS SU BSRUNG BAR NUS MOD KYI, BDAG LA MI BSRUNG BA YIN NO ZHES BSTAN PA'I PHYIR, JO BO BZHUGS BZHIN LHA YIS CI ZHIG BGYI, ,ZHES BYA BA'I TSIGS BCAD SMOS SO, ,GZHAN ZHIG YIN NA'ANG RJES SU BSRUNG BAR RIGS NA BDAG NI CHOS SPYOD PA'I GROGS YIN PA'I PHYIR RO, SNYING RJE'I SNOD DU MA GYUR CES BYA BA NI SNYING RJE'I DNGOS PO DANG BDAG NYID SKAL BAR 'GYUR BA'I PHYIR GSO BA'I DNGOS POR MA GYUR PA STON TO, ,BYANG CHUB SEMS DPA' DE NI PHONGS PA RNAMS LA BSGRUB PA DANG, RJES SU MTHUN PAR BSTAN PA'I PHYIR, PHONGS LA SNYING RJE CAN GYIS ZHES BYA BA'I TSIGS BCAD 'OG MA YIN TE, BDAG NI SNYING RJE'I DON MA GYUR PA NYID DO, ,RAB TU BYUNG BA RNAMS NI PHONGS PA RNAMS SGRUB PA DANG MI 'GAL BAR BYED MOD KYI, 'ON KYANG MI @261B SGRUB PA'I RGYU GZHAN BSTAN PA'I PHYIR, BDAG NI SLAD DU BZLOG KYANG MA LOG PAR ZHES BYA BA'I TSIGS BCAD SMOS SO, ,SO SOR BRTAGS PA'I STOBS KYIS KHRO BA'I STOBS BCIL ZHES BYA BA NI GANG SNGAR BSTAN PA'I RGYAGS PAS BSNYEMS SAM, GAL TE MA BRTAGS PAR ZHES BYA BA DE 'DIS BSTAN PA YIN NO; ,DE 'KHRUGS PA DANG BRAL BA GANG YIN PA DE NI 'KHRUGS PA MED PA'O, ,SEMS RAB TU ZHI BA GANG YIN PA DE NI SEMS RAB TU ZHI BA'O, ,'KHRUGS PA MED PA DANG, SEMS RAB TU ZHI BA NI SEMS 'KHRUGS PA MED CING RAB TU ZHI BA'O, ,'KHRUGS PA MED BA NI KHRO BO'I STOBS KYIS ZIL GYIS MI NON PA'I PHYIR RO, ,SEMS RAB TU ZHI BA NI SO SOR BRTAGS PA'I STOBS KYIS SO, ,BSNYENGS SHING GSANG BSTOD CES BYA BA NI GANG SNGAR BSTAN PA'I RGYAGS PAS BSNYEMS PAS ZHES BYA BA'I TSIGS BCAD DO, ,MTHU MED PAS ZHUM ZHING ZHI BAR GYUR PA GANG YIN PA DE NI MTHU MED PAS ZHUM NAS RAB TU ZHI BA STE, GANG SNGAR BSTAN PA'I SEMS 'KHRUGS PA MED CING RAB TU ZHI BA ZHES BYA BA DE BSTAN PA'O, ,MTHU RTZAL ZHES BYA BA DE LUS KYI STOBS SO, ,DKA' THUB GNAS PA'I GZI BRJID BSAGS PA'ANG STON, ,ZHES BYA BA NI DKA' THUB BSTAN PA'I STOBS ZHES BYA BA'I DON TO, , BDAG GI TSOD DE BZUNG BA NI BDAG GI TSOD BZUNG BA'O, ,DE MI RIGS PA NI BDAG GI TSOD KYANG BZUNG BAR MA SHES PA STE, BDAG NYID MI SHES PA ZHES BYA BA'I DON TO, ,G-YO BA BZHIN DU YANG BDAG GIS YONGS SU MA BTANG BA ZHES BYA BA NI GANG SNGAR BSTAN PA'I RGYAGS BAS BSNYEMS SAM ZHES BYA BA STE KHRO BA'I DBANG DU BYAS PA'O, ,MNGON SUM DU YANG ZHI BAR BGYIS ZHES BYA BA NI GANG SNGAR BSTAN PA'I MA BRTAGS PA ZHES BYA BA YIN TE, KHRO BA'I STOBS MA BRTAGS PA DE NYID BSTAN PA YIN NO, ,RTOG PA SKYES NAS ZHES BYA BA NI DPYOD PA SKYES PA'O, ,SKYES NA'ANG GANG ZHIG MI MNGON LA, ,ZHES BYA BA'I TSIGS BCAD KYI BSDUS PA'I DON NI KHRO BA'I MTSAN NYID KYI NGO BO NYID DANG, LAS BSTAN TE SKYES NA GANG ZHIG CES BYA BA NI KHRO BA SKYES PA DES SO, ,KHRO BA GANG ZHIG SKYES NA MI MNGON PA NI KHRO BA'I LAM YIN ZHING BZANG BA STE DGE BA NYID DO, ,YANG NA SKYES @262A *, ,PAR SNANG BA DE GANG YIN ZHE NA, DGE BA STE MKHAS PA'O, ,DES NA SKYES BU YANG MI MNGON PA DE NI DGE BA YIN TE, MKHAS PA 'ANG BDAG NYID LA PHAN PA'O, ,'DI NI KHRO BA'I RANG GI NGO BO'O, ,MA GYUR TO ZHES BYA BA NI SHOR BAR MA GYUR PA'O, ,JI LTA RMA SHOR BA YIN ZHE NA, 'DOD PA NI SPYOD PA'I NYON MONGS PA SPANGS PA'I PHYIR, NAN GYIS MA BTANG BA STE NANG NYID DU DE 'GAG PA'O, ,BDAG LA GNOD PA ZHES BYA BA NI LUS LA GNAS SHING BDAG LA GNOD PA STE, KHRO BA'I RANG BZHIN DANG LAS LA TSIGS BCAD BDUN GYIS BSTAN PA LA, SKYES NA GANG ZHIG MI MNGON LA, ,ZHES BYA BA'I PHYED 'OG MAS NI BDAG LA GNOD PA'I LAS BSTAN TO, ,TSIGS BCAD GNYIS PAS NI DGRA DGA' BAR 'GYUR BA'I LAS BSTAN TO, ,GANG ZHIG SKYES PAR GYUR NA NI, ,ZHES BYA BA'I TSIGS BCAD 'DIS NI DGE BA SNGA NA MED PA MI BSGRUB PAR BSTAN TO, ,GANG GI ZIL NON DGE BA GTONG 'GYUR BA, ,ZHES BYA BA'I TSIGS BCAD 'DIS SNGAR BSKYED PA'I DGE BA RNAMS KHRO BAS 'JIGS PAR BSTAN TO, ,GTZUB SHING GTZUBS PAS ZHES BYA BA'I TSIGS BCAD 'DIS NA GTZU BA SHING GTZUBS PA BZHIN DU LOG PAR RTOGS PAS BDAG NYID BCOM PAR GYUR PA YIN NO, ,GAL TE GZHAN DAG LA GNOD PA BYED PAR NUS PA YIN NA YANG DE'I GRAGS PA NYAMS PAR 'GYUR RO ZHES BSTAN PA NI, BDAG NYID 'BAR ZHING TSIG PA'I ME 'DRA BA, ,ZHES BYA BA'I TSIGS BCAD GNYIS KYIS SO, ,KHRO BA'I LAS NI 'DI DAG TU BSTAN TE, BDAG LA GNOD PA DANG, SKYES PAR GYUR NA DGRA RNAMS DGA' BAR 'GYUR BA DANG, SKYES PA NYID KYIS DGE BA MA SKYES PA RNAMS KYI BAR DU GCOD PAR BYED PA DANG, DE RAB TU 'PHEL BAS DGE BA BSGRUB PA RNAMS YONGS SU NYAMS PAR BYED PA DANG, DE'I 'OG TU LOG PAR RTOGS PA LAS 'BAR BAR GYUR PAS BDAG NYID PHUNG BAR 'GYUR BA DANG, GZHAN DAG LA GNOD PAR BYED PAR NUS KYANG RE ZHIG GRAGS PA NYAMS PA'I RGYUR 'GYUR BA YANG YIN TE, 'DI DAG GIS NI MTHONG BA'I CHOS KYI NYES DMIGS BSTAN NO, ,KHRO BA LA NYES DMIGS CHEN PO 'DI @262B LTA BU GZHAN DAG KYANG YOD DO ZHES BYA BA LAS BRTZAMS NAS MTHONG BA'I CHOS DANG, 'JIG RTEN PHA ROL GYI NYES DMIGS BSTAN PA'I PHYIR TSIGS BCAD BZHI SMOS TE, KHRO BA'I ME YIS BZHIN MDOG CES BYA BA'I TSIGS BCAD 'DI'I MING DANG, GZUGS GNYIS 'GYUR BA'I SDUG BSNGAL BA SKYED PA YIN TE, GNYIS KA'I RGUD PA'I SDUG BSNGAL BSTAN PA'I DBANG DU BYAS PA'O, ,MDZES PAR BYED PA'I RGYU RGYAN GYIS BRGYAN PAR BYAS KYANG LUS KYI GZUGS MI MDZES PA'I RGYUR GYUR PA'I PHYIR DANG, BDE BA'I RGYU MAL STAN BZANG PO LA NYAL YANG SDUG BSNGAL GYI RGYUR GYUR PA'I PHYIR RO, ,BDAG LA PHAN PA'I DON BSGRUB CES BYA BA'I TSIGS BCAD 'DI NI BDAG NYID KYI DGE BA SPANGS SHING MI DGE BA'I RGYU RTZOM PA LAS BRTZAMS PA STE, BDAG GI PHAN PA NI BDAG LA PHAN PA'O, ,BDAG LA PHAN PA SGRUB PA NI BDAG LA PHAN PA'I SGRUB PA'O, ,'DI'I DON NI BDAG LA PHAN PA BSGRUB PA'I DON NO, ,MI DGE BA'I LAS NI LAM NGAN PA STE, BDAG LA PHAN BSGRUB PA'I DON BRJED PA LAS LAM NGAN PAR 'GRO BA'O, ,BDAG LA PHAN SGRUB PA'I DON BRJED CING LAM NGAN PAR 'GRO BAS NI NYAMS PAR 'GYUR TE LOG PA'I LAM GYIS SO, ,SGRUB GRAGS PA NYID DON GRUB PA YIN PAS GRAGS PA DON GRUB PA'O, ,YANG NA GRAGS PA GRUB PA DANG DON GRUB PA DE GNYIS NI GRAGS PA DON GRUB PA'O, ,GRAGS PA DANG DON GRUB PA LAS NYAMS PA DES NA MI DGE BA'I LAS KYI LAM RAB TU 'JUG PA NYID DO, ,GZHAN GYIS BZLOG BZHIN DU YANG DE LA BRTEN CING GROGS BSHES DANG, 'KHON DANG BCAS PAR 'GYUR BA LAS BRTZAMS NAS, MDZA' BA SHES DAG GIS RAB TU GCUGS KYANG ZHES BYA BA YIN TE, 'DIS NI RE ZHIG MTHONG BA'I CHOS KYI NYES DMIGS BSTAN TO, ,DA NI 'JIG RTEN PHA ROL GYI NYES DMIGS KYI DBANG DU BYAS NAS, KHRO BAS SDIG PA'I LAS NI GOMS BYAS PAS, ,ZHES BYA BA'I TSIGS BCAD SMOS TE, SDIG PA'I LAS NI GOMS BYAS PAS, ,ZHES BYA BA 'DIS NI SDIG PA'I LAS BYAS SHING BSAGS PAR BSTAN TO, ,GNOD PA DRAG POS SHAR GNYER GANG YIN PA DE NI, GNOD PA CHEN PO BYAS PAS SHAR GNYER @263A *, ,BA'O; ,'DIS NI GANG SNGAR BSTAN PA'I DGRA RNAMS DGA' BAR 'GYUR ZHES BYA BA DE SGRUB PA YIN NO, ,KHRO BA 'DI NI NANG GI DGRA, ,ZHES BYA BA'I TSIGS BCAD 'DIS NI GANG SNGAR BSTAN PA'I GANG ZHIG SKYES NA MI MNGON PA, ZHES BYA BA LA SOGS PA'I TSIGS BCAD GNYIS KYI BSDUS PA'I DON YIN TE, NANG GI DGRAR GYUR PA NI SNGAR BSHAD PA'I BDAG LA GNOD PA ZHES BYA BA'I RGYUR GYUR PAS SO, ,DE YI MTHU NI 'PHRO BA DAG ,CES BYA BA NI PHYI ROL DU MI 'PHRO BAR BYAS PA STE, DES NA MA BTANG BA ZHES BYA BA'I TSIGS BCAD DO, ,KHRO BA'I ME YIS BZHIN MDOG NYAMS GYUR NA; ,ZHES BYA BA'I TSIGS BCAD BZHI'I BSDUS PA'I DON NI, PHUNG BAR BYED PA'I DGRA BO DE, ,ZHES BYA BA'O, ,'DI NI 'DI'I TSIG GIS NI NYES DMIGS CHEN PO'I PHYIR TSIGS BCAD LNGA YANG YIN NO, ,YANG NA TSIGS BCAD BCU GCIG PO THAMS CAD LA BSDUS PA'I DON GYI TSIGS BCAD GNYIS TE, DANG PO'I TSIGS BCAD KYI, KHRO BA 'DI NI NANG GI DGRA, ,ZHES BYA BA NI DE LTAR SHES NAS BSTAN PA'O, ,KHRO BA DE'I MTHU NI 'PHRO BA ZHES BYA BA NI 'PHEL BAR MI GZHUG CING NANG NYID DU GNAS PAR BYA BA STE, DE BAS NA, KHRO BA G-YOS KYANG MA SHOR TO, ,ZHES BYA BA NI PHYI ROL TU MA SHOR TO, ,DE BAS NA NANG GI DGRAR SHES PA'I PHYIR, PHUNG BAR BYED PA'I DGRA BO DE, ,ZHES BYA BA SMOS TE, MTHONG BA'I PHYIR CHOS DANG 'JIG RTEN PHA ROL GYI PHUNG BAR BYED PA'I RGYU YIN PA'I PHYIR TE, GANG SNGAR BSHAD PA DAG GO, ,YAL BAR 'DOR ZHES BYA BAS NI DE'I RANG BZHIN GYI RGYU BSTAN PA YIN NO, ,MA PHRAD PAS NI KHYOD KYI YON TAN MI SHES BA'I PHYIR RO, ,SLOB DBON DPA' BOS MDZAD PA'I SKYES PA'I RABS RGYA CHER BSHAD PA LAS GTZUG PHUD BYANG CHUB KYI SKYES PA'I RABS SO,, ,,BRGYA STONG PHRAG DU MA GRANGS MANG PO'I ZHES BYA BA NI, STONG PHRAG DU MAS RGYA CHE BA'I GRANGS GANG YIN PA DE NI DE'I BRGYA PHRAG DU MAS GRANGS MANG PO'O, ,DE BAS NA NGANG PA'I KHYU CHEN PO YIN NO, ,RIGS PA DANG MI RIGS PA ZHES BYA BA LA SOGS PA'I TSIG RKANG GIS NI SNYAN NGAG GI GTZUG LAG TU BSTAN PA'I BLON PO'I RANG BZHIN GYI YON TAN NYI SHU RTZA LNGA DANG LDAN PA STE, @263B BDAG NYID KYI PHUN SUM TSOGS PA YIN PAR CI RIGS PAR GZUNG NGO, ,DE DAG LAS KYANG KHYAD PAR DU GYUR PA STE, DE RNAMS KYI DPON POR GYUR PA'I PHYIR RO, ,RIGS PA DANG MI RIGS PA YONGS SU SHES PAR BYA BA LA MKHAS PA ZHES BYA BA 'DIS NI SHES RAB CAN DU BSTAN TO, ,YUN RING POR YANG DRAN PA'I MTHU DANG LDAN PA ZHES BYA BA NI YUN RING POR BYAS PA DANG, YUN RING POR SMRAS PA DANG, YUN RING DU BSAMS PA DANG, YUN RING DU THOB PA RNAMS DRAN PA'O, ,GZHAN DAG YUN RING DU DRAN PA'I MTHU ZHES SMOS PAS DRAN PA KUN TU DAG PA NYID DO, ,RIGS MTHON PO'I NANG NA GTZO BOR GYUR PA ZHES BYA BA 'DIS NI RIGS MTHO BA SNGA NA MED PA KHYAD PAR CAN NYID DU BSTAN TO, ,MKHAS PA NI LE LO MED PA'O, ,DES PA NI LEGS PAR BYED PA NYID DO, ,DUL BA NI LUS DANG NGAG GI LAS DAG PA'O, ,MKHAS PA DANG, DES PA DANG, DUL BA NYID KYI RGYAN GANG LA YOD PA DE NI MKHAS PA DANG, DES PA DANG, DUL BAS BRGYAN PA'O, ,BRTAN PA NI RTAG TU MI 'GYUR BA'I PHYIR TE, BDAG DANG GZHAN GYI PHYOGS LA KHRO BA SPANGS PAR GYUR PA'O, ,TSUL KHRIMS LA BRTEN NAS SPYOD PA DANG, MI SPYOD PA'I TSUL GANG DANG GANG DAG LA JI LTA BA BZHIN DU 'JUG PAR BYA BA DE DANG DE DAG LA DE BZHIN DU 'JUG PA'O, ,SPYOD LAM PHUN SUM TSOGS PA ZHES BYA BA NI RIGS BYAS PA'I RGYU'O, ,TSUL KHRIMS DANG, SPYOD TSUL DANG, SPYOD LAM PHUN SUM TSOGS PA NI TSUL KHRIMS DANG, SPYOD LAM PHUN SUM TSOGS PA'O, ,BRTAN PA DANG, GCANG BA DANG, TSUL KHRIMS DANG, SPYOD TSUL DANG, SPYOD LAM PHUN SUM TSOGS PA GANG LA YOD PA DE NI BRTAN PA DANG, GTZANG BA DANG, TSUL KHRIMS DANG, SPYOD TSUL DANG, SPYOD LAM PHUN SUM TSOGS PA'O, ,SDUG BSNGAL BZOD CING ZHES BYA BA NI LUS KYI PHUN SUM TSOGS PA'O, ,BAG YOD PA ZHES BYA BA NI BYA BA DANG BYA BA MA YIN PA RJES SU 'BAD PA'O, ,G-YUL NGOR 'GYED PA'I DGRA THABS LA MKHAS PA ZHES BYA BA NI DMAG GI DGOD PA'I RIGS PA DANG, YUL DANG DUS DANG, MDUN DU BSNUR BA DANG, PHYIR 'GYED PA LA SOGS PA LA MKHAS PA'O, ,RJE BO LA SNYING NYE ZHING LEGS @264A *, ,PAR LTA BA ZHES BYA BA NI RJE BO LA RJES SU CHAGS SHING BRTEN PA'I GUS PA NYID DO, ,DE NYID KYI PHYIR, BZHIN BZANGS ZHES BYA BA'I MING DU BYAS PA'O, ,SLOB DPON SLOB MA'I GTZO BO BZHIN, ,ZHES BYA BA NI 'JIG RTEN PHA ROL LA PHAN PA'O; ,PHA DANG BU RAB THU BO BZHIN, ,ZHES BYA BAS NI 'JIG RTEN 'DI LA PHAN PA NYID DO, DE LTAR 'JIG RTEN GNYI GA LA PHAN PA'O, ,LHA ZHES BYA BA LA SOGS PA SMOS PAS NI YID BZHIN GYI MTSO STE, BRTAN PA'I YUL DU BYAS PA'I PHYIR RO, ,DKA' THUB CAN ZHES SMOS PAS NI MNGON PAR SHES PA'I MTHU KHYAD PAR CAN GZUNG BA'I PHYIR RO, ,BDE BA NYID LUS YIN PAS BDE BA'I LUS SO, ,DE'I 'DEGS PA NI BDE BA'I LUS 'DEGS PA NYID DO, ,DE GNYIS SPYOD PA GCIG TU GYUR PA GANG YIN PA DE NI, BDE BA'I LUS 'DEGS SPYOD PA GCIG TU GYUR PA'O, ,GRUB PA GANG YIN PA DE DRANG SRONG YIN PAS GRUB PA DRANG SRONG DAG STE, GANG GI RDZU 'PHRUL GYIS MI SNANG BA DAG GO, ,GRUB PA'I DRANG SRONG DANG, RIG 'DZIN DANG, LHA RNAMS NI GRUB PA'I DRANG SRONG DANG, RIG SNGAGS 'CHANG DANG; LHA'O, ,DE RNAMS KYI TSOGS NI GRUB PA DANG, DRANG SRONG DANG, RIG SNGAGS 'CHANG DANG, LHA MANG PO'O, ,'DIR CI'I PHYIR SNGAR BSHAD PA'I KLU MA SMOS SHE NA, DE NI DES PAR GNAS PA YIN PA 'PHYIR RO, ,GSER MCHOG BTZO MA'I KHA DOG 'DRA BA'I MDOG ,CES BYA BA'I TSIGS BCAD 'DI'I BSDUS PA'I DON NI LUS DANG, NGAG DANG, YID LA BRTEN NAS DE'I GRAGS PA KHYAD PAR DU STON PA YIN TE, GSER MCHOG GTZO MA'I KHA DOG 'DRA BA'I MDOG ,DPAL LDAN LUS ZHES BYA BAS NI LUS KHYAD PAR DU BSTAN TO, ,DUL ZHING RIGS PA CHOS KYI TSUL LAS BYUNG, ,ZHES BYA BAS NI YID KYI LAS KHYAD PAR DU BSTAN TO, ,NGES PAR GZHAN ZHES BYA BA NI LHA LA SOGS PAR KHYAD PAR CAN ZHIG STE, NGANG PA'I TSUL ZHES BYA BA NI NANG PA'I CHA LUGS CAN NO, ,DES NA NGANG @264B PA'I TSUL CAN 'DI GNYIS NGES PAR GZHAN ZHES BYA BAR STON TO, ,YON TAN BSGRAGS PA ZHES BYA BA NI YON TAN CAN BSTAN PA DANG, YON TAN GSAL BAR BYED PA ZHES BYA BA'I DON TE, DE DANG BRAL BA DA NI PHRAG DOG STE, PHRAG DOG MED PAS SO, ,RGYAS BAR GYUR ZHES BYA BAS NI GZHAN DANG GZHAN DE DAG GIS GRAGS PA RGYA CHER BYAS SHING YON TAN BSTAN PA STE, GANG GI PHYIR GRAGS PA RGYAS PAR GYUR PA DE BAS NA DAD PA SKYES PAR GYUR BA STE, YON TAN DANG LDAN PA'I TSIG NI GZUNG BAR 'OS PA'I PHYIR RO, ,'DI DAG NI SNGAR BSTAN PA RNAMS TE, GRUB PA DRANG SRONG LA SOGS PA DANG; GANG YANG GZHAN DAG LAS DE'I GRAGS PA THOB PAR GYUR PA DES GCIG LA GCIG BRGYUD DE RGYAS PAR 'GYUR ZHES BYA BA'I DON TO, ,SKYES DANG 'DRA BAR GYUR ZHES BYA BA NI GANG LAS THOS PA'I GRAGS PA DE YANG GZHAN DAG LA STON TE, DES KYANG GZHAN DAG LA BRTEN PA YIN PAS NYE BAR BRGYUD PA DES NA SKYES DANG MNYAM PAR GYUR PA'O, ,BLON PO DANG BRAM ZE RGAN PO SMOS PA NI TSOGS PA'I NANG DU SMRA BAR 'OS PA DANG, YON TAN SGROGS PA'I PHYIR DANG, SHES RAB BKUR BA'I PHYIR RO, ,GTZUG LAG DU MA LA GOMS SHING MKHAS PA'I BLO GANG LA YOD PA DE NI GTZUG LAG DU MA LA GOMS SHING BLO DANG LDAN PA RNAMS SO, ,DE LA 'DIS NI LHAN CIG SKYES PA'I DUL BA DANG SHES RAB DANG LDAN PA YIN NO ZHES BSHAD DO, ,BLON PO BKA' LA GTOGS PA ZHES BYA BA NI BLO LA GROGS BYED PA'O, ,SPYAN SNGAR BRIM DU RUNG BA ZHES BYA BA NI LHAN CIG SMRA BA DANG, RAB TU DGA' BAR BYA BA'I GTAM BYAR RUNG BA'O, ,BDE BA'I RGYU NI BDE BAR 'GYUR BA'O, ,BDE BA'I RGYU NYID YON TAN YIN PAS BDE BAR 'GYUR BA'I YON TAN TO, ,BDE BA'I RGYU'AM KHYAD PAR DU GYUR PA'I BDE BA SKYED PA'I RKYEN NI MCHOG GO, ,DE BAS NA SNGAR GYI BDE BAR 'GYUR BA'I YON TAN NYID KHYAD PAR DU GYUR PA DE THOS NA BDE BAR 'GYUR BA'I YON TAN MCHOG THOS PA YIN TE, DE BAS NA DE GNYIS MCHI BA LAGS TE, BDE BA'I GZHIR GYUR PAS 'GUGS PAR BYED PA'I PHYIR RO, ,BDE BA LA GNAS PAR 'DOD PA'I DBANG GIS NI GANG GI PHYIR, TSANGS BA'I 'JIG RTEN DU SKYES BA LAS KYANG RIGS PAR MTHONG @265A *, ,BA'O; ,BKA' MCHID GDA' BA ZHES BYA BA NI BDE BAR 'GYUR BA'I YON TAN STON PA YIN NO, ,YON TAN KHYAD PAR CAN DU 'PHAGS SHING BZANG BA'I ZHES BYA BA NI DE LAS MCHOG TU GYUR PA'O, ,MI 'JIGS PA SBYIN PA'I SGRA BSGRAGS PA ZHES BYA BA YANG CI NAS KYANG BYA BA'I RIGS PA YIN NO, ,BDE BA'I YO BYAD KYI YON TAN KHYAD PAR CAN THOS NAS ZHES BYA BA NI SNGAR BSTAN PA BZHIN DU SHES PAR BYA'O, ,LHA GCIG SEMS CAN PHAL CHER NI, ,ZHES BYA BA NI TSIGS BCAD 'DI NI BDE BAR 'GYUR BA'I YON TAN GYI MCHOG LA GCIG TU CHAGS PA YIN YANG BDE BA'I RGYUS 'GUGS PA YIN PAR BSTAN TE, DE LA 'DREN PA'I PHYIR RO, ,BDAG NYID KYI BDE BA'I RGYUR GYUR PA'I YID BZHIN GYI MTSO DE YONGS SU SPANGS NAS, JI LTAR MTSO DER 'ONG ZHES BYA BA'I TSIG GI SKABS DE'I LAN BSTAN PA'I PHYIR, YID BZHIN MTSO'I YON TAN LA 'GRAN DU RUNG BA ZHES BYA BA YIN TE, YON TAN RGYA CHE BA ZHES BYA BA'I DON TO, ,YON TAN RGYA CHE BA DE YANG ME TOG PADMA ZHES BYA BA LA SOGS PA'I TSIG GIS BSTAN PA YIN NO, ,LJON SHING ME TOG BZANG LDAN ZHES BYA BA LA SOGS PA'I TSIGS BCAD DGUS NI MTSO DE KUN NAS DGA' BA NYID DU BSTAN PA'I PHYIR RO, ,LJON SHING ME TOG BZANG LDAN ZHES BYA BA'I TSIGS BCAD 'DIS NI MTSO'I MTHA' MA MDZES PA'I DBANG DU BYAS PA STE, MTHA' MA YONGS SU BSKOR BA GANG YIN PA DE MTHA' MA YONGS SU BSKOR BA'O, ,CHU'I RLABS RNAMS 'KHRUGS PA NI CHU'I RLABS 'KHRUGS PA'O, ,DES G-YO BAR GYUR PA GANG YIN PA DE NI CHU'I RLABS 'KHRUGS PAS G-YO BAR 'GYUR BA'O, ,ZLA BA'I 'OD KYIS KHA PHYE BA, ,ZHES BYA BA NI ZLA 'OD KYIS KHA PHYE BA'O, ,KHA BYE BA NI BSKUL BA LTA BU YIN TE, JI LTAR GANG GIS GNYID KYIS LOG PA LA, ,BSKUL BAR 'GYUR BA DE BZHIN DU KU MU TA DAG KYANG KHA 'BYED PA'I RGYUR GYUR PA'I PHYIR, KHA 'BYED PA ZHES BRJOD DE, ZLA BA'I 'OD KYIS KHA PHYE BA NI JI LTAR GNYID LOG PA LAS BSLANG BA LTA BU YIN TE, RAB TU SAD PAR BYED PA ZHES BYA BA'I DON TO, ,PADMA RNAMS NI DGOD PA BZHIN, ,ZHES BYA BA DANG, KHA CIG NA NI ZLA 'OD KYIS, ,ZHES BYA @265B BA'I TSIGS BCAD GNYIS KYIS NI CHU'I NANG DU ME TOG LA SOGS PAS MTSO MDZES PAR BSTAN PA'O, ,PADMA AUTPAL PHYE BA RNAMS, ,ZHES BYA BA'I TSIGS BCAD 'DIS NI MTSO'I MTHA' MAR GYUR PA MDZES PAR LDAN PA'I PHYIR RO, ,RLABS NYID SOR MO YIN PA STE, DES BRIS PA NI BKOD PA'I ZHES BYA BA'I DON TE, RLABS KYI SOR MOS BRIS PA'O, ,THAMS CAD DU KHYAD PAR MDZES PA'I DBANG DU BYAS NAS, PADMA AUTPA LA 'DAB MA DAG ,CES BYA BA'I TSIGS BCAD SMOS SO, ,CHU'I NANG NYID DU MDZES PA'I DBANG DU BYAS NAS, CHU NI RAB GSAL MI G-YO BAS, ,ZHES BYA BA'I TSIGS BCAD YIN NO, ,MCHO'I LHAN CIG SKYES PA'I MI ZAD PAS MDZES PA'I DBANG DU BYAS NAS, LA LAR MU TIG PHRENG CHAD BZHIN, ,ZHES BYA BA DANG, RIG 'DZIN NA CHUNG ZHES BYA BA DANG, ZLA BA'I CHUNG MA SKAR MA RNAMS, ,ZHES BYA BA'I TSIGS BCAD GSUM YIN TE, DES NA GNAS SU RUNG ZHING MDZES PAR BYAS PA'I DBANG DU BYAS PA'O, ,ZLA BA'I CHUNG MA SKAR MA RNAMS, ,ZHES BYA BA'I TSIGS BCAD KYI PHYED KYIS NI MTHO RIS SU SKYES PA'I SEMS CAN GYI YANG NYE BAR LONGS SPYOD DU RUNG BA LTA BUR YONGS SU BRTAGS SHING RJES SU MTHUN PA'O, ,BDE BA'I YO BYAD DGAG PA MED PA ZHES BYA BA LA, DGAG PA MED PA NI BYA BA THAMS CAD KYI THUN MONG DU GYUR PA'I PHYIR TE, BDE BA'I YO BYAD DANG, MI 'JIGS PA BYIN PAS SO, ,RGYAL POS BYA RNAMS KUN LA BYIN, ,ZHES BYA BA 'DIS NI DGAG PA MED PA NYID BSTAN TO, ,MI 'JIGS YON DANG BCAS PA'I YID BZHIN GYI MTSO GANG YIN PA DE NI MI 'JIGS YON DANG BCAS PA STE, 'DIS NI BDE BA'I YO BYAD NYID BSTAN TO, ,SBRIN GYIS BYAS PA'I MUN PA NI SPRIN GYI MUN PA'O, ,SPRIN GYIS BSGRIBS PA NYID YOL BA YIN PAS SPRIN GYI MUN PA YOL BDAG GO, ,SPRIN GYI MUN PA YOL BA LTA BUS BSGRIBS PA GANG YIN PA DES NA PHYOGS RNAMS TE, MUN PA YOL BA LTAR BSGRIBS PA MED PA'I PHYOGS RNAMS SO, ,KHA BYE BAR GYUR PA'I ME TOG PADMA NI ME TOG PADMA MANG PO KHA BYE BA'O, ,DES MDZES PAR BYAS PA GANG YIN PA'I MTSO DE NI ME TOG PADMA MANG PO KHA BYE BAS MDZES PAR GYUR PA'O, ,CHU @266A *, ,RNAMS RAB TU DANG ZHING YID DU 'ONG BAR GYUR PA NI CHU RNAMS RAB TU DANG ZHING YID DU 'ONG BA'O, ,RAB TU 'PHEL BAR NUS PA DANG, RAB TU TSOGS PA DANG, RGYAS PAR GYUR PA'I 'OD ZER RAB TU 'PHEL BA'O, ,RNAM PA SNA TSOGS PA'I ME TOG NI ME TOG RNAM PA MANG PO'O,, ME TOG DANG RNAM PA SNA TSOGS GNYIS KYI PHUN SUM TSOGS PA NI ME TOG RNAM PA MANG PO PHUN SUM TSOGS PA'O, ,ME TOG RNAM PA MANG PO PHUN SUM TSOGS PA NYID RGYAN YIN PAS ME TOG RNAM PA MANG PO PHUN SUM TSOGS PAS BRGYAN PA DANG LDAN PA'O, ,BYA'I TSOGS KYI CA CO NI MANG PO'I SGRA'O, ,BYA MANG PO'I SGRA SGROGS PA NI SGRA 'BYIN PA'O, ,RLABS RNAMS KYI PHRENG BA BKOD PA NI RLABS KYI PHRENG BA 'KHRIGS PA'O, ,DES BYAS BA GANG YIN PA DE NI RLABS KYI PHRENG BAS BSIL BAR BYAS PA STE, SER BU BSIL ZHING GRANG BA LDAN PA GANG YIN PA DES SO, ,DRI ZHIM PO DANG NGAD LDAN PA GANG YIN PA DE NI DRI ZHIM PO'I NGANG LDAN BA'O, ,ME TOG PADMA DANG AUTPA LA RNAMS KYI DRI ZHIM PO'I NGAD LDANG BA NI ME TOG PADMA DANG, AUTPA LA'I DRI ZHIM PO'I NGAD LDANG BA'O, ,KHO RA KHOR YUG TU 'PHRO BA'I ME TOG PADMA DANG, AUTPA LA'I DRI ZHIM PO'I NGAD LDANG BA DE NI KHO RA KHOR YUG TU ME TOG PADMA DANG, AUTPA LA'I DRI ZHIM PO'I DANG LDANG BA'O, ,RANG GI NGANG PA'I TSOGS RNAMS KYI RJES SU DRAN PA'AM, RANG GI NGANG PA'I TSOGS LA RJES SU DRAN PA NI RANG GI DANG BA'I TSOGS RNAMS RJES SU DRAN PA'O, ,JI LTAR NA RANG GI NGANG BA'I TSOGS RNAMS RJES SU DRAN PAR GYUR CE NA, SMRAS PA, AE MA'O ZHES BYA BA LA SOGS PA DANG, 'JIG RTEN PA NI PHAL CHER ZHES BYA BA YIN NO, ,NAM YANG PHYI'I BDE BAR NI MI 'GYUR MOD KYI, RGYU'I MING 'BRAS BU LA BTAGS NAS BDE BA'I RGYU NI THUN MONG YIN TE, GANG SKYE PO THAMS CAD KYI THUN MONG DU LONGS SPYOD PA'O, ,GAL TE SKYE BO KUN GYI THUN MONG GI BDE BA'I RGYU YIN NA NI SER SNA 'BYUNG BAR 'GYUR TE, DNGOS PO 'DI KUN DU 'DZIN PA YIN NO, ,DE BAS NA THOG MAR MDZA' BSHES DRAN PAR 'GYUR BA YIN TE, DE'I RGYU BSTAN PA'I PHYIR SMRAS PA'O, , @266B BYAMS SHING RJES SU CHAGS PA'I PHYIR TE, BYAMS SHING RJES SU CHAGS PA'I RGYU DES SO, ,SPYI YI BDE BA MYONG NAS NI, ,ZHES BYA BA NI RKYEN LAS SKYES BAR GYUR PA'I BAD BA NI SPYI'I ZHES BRJOD DO, ,YANG NA BDE BA'I RGYU LA 'BRAS BU BTAGS BA STE, RGYU LA 'BRAS BU BDE BA BTAGS NAS SPYI ZHES SMOS PAS NI BYE BRAG MED PA STE, THAMS CAD KYI THUN MONG DU LONGS SPYOD PA'I PHYIR GANG GCIG NYID KYI BDE BA'I RGYUR GYUR PA BZHIN DU DE LAS GZHAN DAG GI YANG NGO, ,BYAMS PA'I RJES SU 'GRO BA NI BYAMS SHING RJES SU CHAGS PA'O, ,DES NA BYAMS PA STE, GANG LA RJES SU CHAGS PA DES BYAMS SHING RJES SU CHAGS PA'I RGYUS SO, ,DE NA ZHES BYA BA NI YID BZHIN GYI MTSO NA'O, ,JI SRID 'DOD PA ZHES BYA BA NI JI TZAM 'DOD PA'O, ,'KHOD NAS ZHES BYA BA NI LONGS SPYAD NAS SO, ,DBYAR GYI DUS LA BABS ZHES BYA BA LAS BRTZAMS TE, GLOG RNAMS G-YO BA NI GLOG 'GYU BA DANG, GLOG 'GYU BA'I MTSON CHA 'DEBS PA 'DRA BA GANG YIN PA DE NI GLOG 'GYU BA MTSON CHA 'DEBS PA 'DRA BA'O, ,DE LA YONGS SU RDZOGS PA RMA BYA'I MDONGS NI RMA BYA'I MDONGS RGYAS PA'O, ,DES MDZES PA GANG YIN PA DE NI RMA BYA'I MDONGS MDZES PAR GYUR PA'O, , DE DAG GI CONG CONG GI SGRA 'BYIN PA NI RMA BYA'I SGRA CONG CONG DU 'BYIN PA'O, ,DES MGU BAR BYED PA NI SGRA BA SGRAGS PAS ZHES BYA BA'I DON TO, ,GAR GYI BYED PA NI GAR BYED PA STE, DE DAG BYED PA'O, ,PHRA MO NYID BYA YIN PAS BRAN NO, ,YANG NA BYA DANG BRAN MANG PO NI BYA BRAN MANG PO'O, ,ME TOG KA DAM PA DANG, SARDZA DANG, AARDZU NA DANG, KE TA KA'I DRI ZHIM POS BSGOS PA GANG YIN PA DE NI ME TOG KA DAM PA DANG, SARDZA DANG, AARDZU NA DANG, KE TA KA'I DRI ZHIM POS BSGOS PA'O, ,GLENG LANGS PA NI BRTZAMS PA'O, ,YUL DANG PHYOGS NI YUL DANG PHYOGS SO, ,DE RNAMS KYI GTAM NI YUL DANG YUL PHYOGS RNAMS KYI GTAM MO, ,DES ZHES BYA BA NI NGANG PA KHYO SHUG GNYIS KYIS SO, ,BSNGAGS PA RMAD DU BYUNG BAR BZANG PO'I MTSO GANG YIN PA DE NI RMAD DU BYUNG BAR BZANG BA'I YON TAN RNAMS SO, ,YON TAN CHE BA BRJOD BAR MI NUS PA STE, BRJOD KYIS MI LANG BA'I YON @267A *, ,TAN GANG LA YAD PA DE NI YON TAN BRJOD KYIS MI LANG BA'O, ,'JIGS PA DANG BAG TSA BA NI 'JIGS SHING BAG TSA BA'O, ,'JIGS PA DANG BAG TSA BA MA MCHIS PA GANG YIN PA DE NI 'JIGS PA DANG, BAG TSA BA MA MCHIS PA'O, ,GROS 'DRI BA'I TSIG DANG YI GE GSAL BA GANG YIN PA DE NI GROS 'DRI BA'I TSIG DANG YI GE GSAL BA'O, ,JI LTAR CHAGS PA'I GNAS YIN ZHE NA SMRAS PA, SHA BZAR RUNG BA DANG, BLTA NA SDUG PA'I PHYIR TE, BLTA NA SDUG PA NI YID DU 'ONG BA'O, ,SHA BZAR RUNG BA NI BZA' BAR BYA BA YIN PA'I PHYIR RO, ,'DI GNYIS KYI RGYUS BDAG CAG GZUNG BA DANG GSAD PAR 'OS PA NYID YIN TE, 'DIS NI BDAG CAG NYID KYI RANG BZHIN BSTAN TO, ,'DIS NI CIS KYANG PHONGS PA MA MCHIS SO ZHES BYA BA NI CI STE BDAG NYID KYI GNAS CHAGS PAR BYA BA MED NA NI GNAS NGAN PA'I PHYIR DE YONGS SU GTANG BAR BYA BA YIN NA DE YANG MA YIN NO, ,GNAS DER 'GRO BA'I NYES DMIGS BSTAN PA'I PHYIR, ,TSIG 'JAM PO BCOS MA ZHES BYA BA LA SOGS PA YIN TE, PHYI BZHAG CAN DU SMRA BA NI PHYI BZHAG CAN DU SMRA BA'O, ,TSIG 'JAM PO BCOS MA NYID PHYI BZHAG CAN DU SMRA BA NI TSIG 'JAM PO BCOS MA PHYI BZHAG CAN DU SMRA BA'O, ,RANG BZHIN NGAN PA'I DNGOS PO NYID GNOD PAR SEMS PA NYID YIN PAS GNOD PAR SEMS PA'I RANG BZHIN NGAN PA'O, ,TSIG 'JAM PO BCOS MA DANG PHYI BZHAG CAN DU SMRA BA GNYIS KYIS MI MNGON PAR BYAS PA'I GNOD PAR SEMS PA'I RANG BZHIN GANG YIN PA PA DE NI TSIG 'JAM PO BCOS MA PHYI BZHAG TU SMRA LA GNOD PAR SEMS PA'I RANG BZHIN MI MNGON PAR BYED PA'O, ,CHUNG BA DANG DMAN PA'I SNYING RJE GANG LA YOD PA DE NI SNYING RJE CHUNG BA'O, ,DON GYI RJES SU 'GRO BA NI DON MTHUN PAR BYED PA'O, ,SMRA BA DANG SEMS PA MTHUN PAR BYED PA GANG YIN PA DE NI SMRA BA DANG SEMS PA MTHUN PA'O, ,PHAL CHER ZHES BYA BA NI BYA DANG RI DAGS THAMS CAD NI MA YIN PA STE, DE YANG DE DAG LAS MI RNAMS KYIS BSLABS PA KHA CIG NI SMRA BA DANG, SEMS PA MTHUN PAR BYED PA MA YIN PAS SO, ,MI'I NANG NA KHA CIG CES BYA BA NI DAM PA RNAMS MA GTOGS PAR @267B TE; DE NI SMRA BA DANG, SEMS PA MTHUN PAR BYED PA NYID DO, ,DE DAG LAS BZLOG PA NI DE LAS BZLOG PA'I TSUL TE, DE LAS MKHAS PA DE NI DE LAS BZLOG PA'I TSUL LA MKHAS PA STE, SMRA BA DANG SEMS PA MTHUN PAR BYED PA'AM, SMRA BA DANG SEMS PA MI MTHUN PA MED PA LAS SO, ,DE LAS BZLOG PA MKHAS PA NYID BSTAN PA'I PHYIR, 'JAM ZHING SNYAN PA'I TSIG SMRA YANG, ,ZHES BYA BA'I TSIGS BCAD YIN NO, ,DA LTAR NI SNYAN LA MA 'ONGS PA NA NI DON DANG MTHUN PA MED CING SKYON DANG BCAS PAS GNOD PA YIN TE, 'DIR SNYAN PA SMRA BA YIN NA YANG SKYON DANG BCAS SO ZHES BYA BAR BSTAN TE, ,CI'I PHYIR DE LTAR SMRA ZHE NA, DE NYID SMRAS PA, KHE 'TSAL PHYIR ZHES BYA BA YIN TE, SPOGS 'GRUB PA DE NI KHE 'DOD PA STE, DE NI TSONG PA RNAMS KYANG RANG GI NOR 'GED PAR BYED DE, KHE 'DOD PA'I PHYIR RO, ,DE BAS LHAN CIG DE TZAM ZHES BYA BA NI PHYI BZHAG CAN DU SMRA BA TZAM GYIS SO, ,YANG NA TSIG 'JAM PO LA SOGS PA'O, ,DGOS PA MCHIS KYANG ZHES BYA BA NI DER SONG ZHING GNAS PAS CI ZHIG 'GRUB PAR GYUR KYANG MI SMRA NA NI, DE MED PA LTA SMOS KYANG CI DGOS TE, SKYON DANG BCAS SHING MI RIGS PA NYID KYI PHYIR RO, ,SKYON DANG BCAS SHING TSUL MA YIN PA GANG YIN PA DE NI SKYON DANG BCAS SHING MI RIGS PA'O, ,ZLA BA DANG RGYU SKAR DANG SKAR MA NI ZLA BA DANG RGYU SKAR DANG SKAR MA STE, STON GYI DUS LA BAB CING DRI MA MED PA'I SKAR MA DANG RGYU SKAR GYI RGYAN GANG LA YOD PA NYID DE DE BAS NA'O, ,NGANG PA'I TSOGS MANG PO ZHES BYA BA NI NGANG PA'I KHYU MANG POS MTSO DER 'DOD PAR BYA BA'I GTAM BRJOD DE, 'DONG BA NI MTSO DER 'GRO BA'I PHYIR RO, ,YID DU 'ONG BA'I BKOD PA YIN BAS YID DU 'ONG BA'I BKOD PA'O, ,YON TAN MNYAM PA MED PA NI YON TAN MTSUNGS PA MED PAR GYUR PA'O, ,GSER GYI 'DAB MA LTAR MDZES PA'I 'DAB MA GANG LA YOD PA DE NI GSER GYI 'DAB MA LTAR MDZES PA'I 'DAB MA'O, ,GDONG DANG RKANG PA GNYIS MDZES PA NI GDONG DANG RKANG PA GNYIS MDZES PA STE, GSER BTZOM BAS KYANG LHAG PAR MDZES SO, ,DE YANG TSAD LHAG PA DANG LEGS PA'I LUS CAN GANG YIN PA DE GNYIS SO, , @268A *, ,MKHAS PAR GRAGS PA GANG YIN PA DE NI DE GNYIS GZUNG BA'I PHYIR RO, ,NGANG PA'I MCHOG DE GNAS DANG SPYOD YUL ZHES BYA BA NI GNAS PA'I PHYOGS SA, ,NYES SU DOGS PA MED PA YIN TE, CI'I PHYIR ZHE NA, BRID PA'I THABS MKHAS PA'I PHYIR RO, ,BAG MED PA NYID BRLAG PA YIN PAS BAG MED BRLAG PA'O, ,DE BAG MED BRLAG PA'I 'BYUNG GNAS YIN PAS NA 'BYUNG KHUNG NGO, ,DE LTA BUR ZHES BYA BA NI BCING BA'I RNAM PAR RO, ,'JIGS PA DANG BCAS PA YIN NO, ,ZHES BYA BA NI BDAG NYID BCINGS SO ZHES BRJOD PA'I TSIG DES GZHAN MI BDE BAR 'GYUR BAS DE LTAR SMRAS PA'O, ,YANG NA NYAMS NYES PAR GYUR PA'I TSUL TE, BDAG NYID BCINGS SO ZHES BSGRAGS NA YANG 'DIR NYES PA MED DO, ,'JIGS PAS SKRAG LA BRTABS PA GANG YIN PA DE NI 'JIGS SHING SKRAG LA BRTABS PA'O, ,BYAMS PAS BCINGS PA'I YID NI RANG GI SROG DANG BRAL BA YANG MI SEMS SO, ,GANG GI PHYIR ZHE NA, RANG GI SROG DANG BRAL BA'I SDUG BSNGAL NI SHIN TU CHE BA YIN MOD KYANG, DE BAS KYANG SHIN TU SHAS CHE BA'I SDUG BSNGAL GYIS ZHES SBYAR TE, MYA NGAN DANG SDUG BSNGAL NI MYA NGAN DANG SDUG BSNGAL LO; ,SDUG BSNGAL NI LUS KYI'O, ,MYA NGAN SEMS KYI STE, DE DAG NI GANG GI PHYIR NYAMS NYES PAS BYAS PA'O, ,SONG SHIG SONG SHIG CES BYA BA'I TSIGS BCAD KYI BSDUS PA'I DON NI DE LA GNOD PAR 'GYUR BA'I PHYIR DANG, BDAG GI NYAMS NYES PA'I GROGS MI NUS PA'I PHYIR RO, ,JI LTAR BSHAD PA'I RGYU DE GNYI GA'I GNAS SKABS KYANG MI RIGS PAR BSTAN PA'I PHYIR, 'DI NA MCHIS KYANG 'GUM BAR NGES MA MCHIS, ,ZHES BYA BA'I TSIGS BCAD SMOS SO, ,SONG SHIG SONG SHIG CES BYA BA'I TSIGS BCAD DER GANG BSTAN PA, DE GNYIS KYI LAN BSTAN PA'I PHYIR, 'DI NA MCHIS KYANG ZHES BYA BA'I TSIGS BCAD PHYED KYIS BSTAN TE, 'DI NA 'DUG PA'I MI RIGS SO ZHES BYA BA'I LAN NI 'DI NA MCHIS PA LAS, GAL TE GUD DU MCHIS KYANG RGA SHI MED PAR 'GYUR NA 'DI NA 'DUG PA'I MI RIGS NA DE MED PAS SO, ,SONG CIG CES BYA BA'I LAN NI NGES MA MCHIS ZHES @268B BYA BA YIN TE, GAL TE 'GRO BAR MI 'GYUR NA GDON MI ZA BAR GSOD PA YIN NO ZHE NA, DE LTA NA NI SONG SHIG CES SMRA BA'I RIGS NA DE YANG MED DO, ,GROGS BYAR GA LA YOD CES BYA BA DE'I LAN NI BDE BA'I TSE NA RTAG TU KHYOD BKUR BA ZHES BYA BA'I TSIG GIS SO, ,NGA NI 'DI LTAR GYUR PA LA ZHES BYA BA DE'I LAN NI, NYAMS NYES TSE NA DOR DU GA LA RUNG, ,ZHES BYA BA'I TSIG GIS TE, THA MAL PA'I TSE YANG MA BTANG NA 'DI LTAR GYUR PA NI LTA CI'I PHYIR DOR ZHES PA'O, ,GAL TE 'DI NA MA MCHIS KYANG 'GUM PAR NGES PA MA MCHIS PA DANG, DE LTAR YONGS SU BOR ZHING BTANG NA YANG GCIG TU 'CHI BA DANG, RGA BA MED PA NI MA YIN PAR 'GRO BAR NI MI RIGS PAS 'DUG PA NI RIGS PA NYID DE DE'I PHYIR SMRAS PA, BDAG GI SROG BZUNG TZAM GYI PHYIR, ,ZHES BYA BA'I TSIGS BCAD SMOS SO, ,BDAG NYID KYI SROG YIN PAS BDAG GI SROG GO, ,BDAG GI SROG NYID GZUNG BA YIN PAS BDAG GI SROG GZUNG BA'O, ,DE TZAM NYID YIN PAS NA BDAG GI SROG GZUNG BA TZAM MO, ,DES NA BDAG GI SROG GZUNG BA TZAM GYI PHYIR TE, RANG GI SROG NYID KYI PHYIR ZHES BYA BA'I DON TO, ,GTAM NGAN PA YIN PA'I PHYIR GTAM NGAN NO, ,GTAM NGAN PA NYID CHAR YIN PAS GTAM NGAN PA CHAR BZHIN DU 'BAB PA'O, ,DE'I SKYABS NI GTAM NGAN CHAR BZHIN 'BAB PA'I SKYABS SO, ,'DIR SGRIB PAR BYED PA YIN PAS SKYABS TE, 'DIS NI BDAG NYID KHREL YOD PAR BSTAN TO, ,RGYAL PO CHEN PO NYAMS NYES PA, ,BOR TE MCHI BA'I CHOS MA MCHIS, ,ZHES BYA BA NI NGO TSA SHES PA'I DBANG DU BYAS PA STE, BDAG DANG CHOS KYI DBANG DU BYAS NAS KHA NA MA THO BA LA 'DZEM ZHES BYA BA'I TSIG GIS SO, ,BDE BA'I TSE NA RTAG TU KHYOD BKUR LA, ,NYAMS NYES TSE NA ZHES BYA BA STE, PHONGS PAR GYUR BA NI BDAG GIS BOR NAG LA ZHIG RUNG STE, SMRAS PA, KHYOD NI CIR GYUR PA ZHES BYA BA YIN TE, DANG PO KHYOD JI LTAR GYUR PA DE LTAR BDAG NYID KYANG 'GYUR BAR 'TSAL LO ZHES BYA BA'O, ,DE'I LAN BYANG CHUB SEMS DPAS SMRAS PA, TSANG MANG ZHES BYA BAS NI NGES PAR GSOD PAR 'GYUR BA'I DON TO, ,BDE BAR GNAS ZHES BYA BAS NI SEMS BDE BAR GNAS PA'O, ,GAL @269A *, ,TE SEMS BDE BAR MI GNAS KYANG GZUNG BA YIN NA NI, DER 'GRO BA'I RIGS NA GZUNG BA MA YIN PA'I PHYIR RO, ,DE LTA MOD KYI GAL TE MA BZUNG ZHING BDE BAR GNAS KYANG BDAG GI 'GRO BA'I RJES SU 'GRO BA NI DON GZHAN DAG LAS LTOS PA YIN NA GANG NA YANG MED DO ZHES BSTAN PA'I PHYIR, DE LTAR BYAS NA CIR 'GYUR LTOS, ,ZHES BYA BA'I TSIGS BCAD SMOS SO, ,'DI'I 'GRO BA NI BDAG DANG, KHYOD 'CHI BA DANG, GNYEN BSHES RNAMS DANG 'DI GSUM GYI DON MED PAR TSIGS BCAD 'DIS BSTAN PA YIN NO, ,GSUM PO 'DI MED PAS 'CHI BA DMIGS PA NYID DU BSTAN PA'I PHYIR, BDE DANG MI BDE MUN KHUNG BZHIN, ,ZHES BYA BA'I TSIGS BCAD SMOS SO, ,PHAN PA'I DON ZHES BYA BA NI SNGAR BSHAD PA GSUM PO'I 'O, ,CHOS DON LEGS PAR BGYIS NA NI, ,ZHES BYA BA'I PHYED 'OG MAS NI CHOS DANG, DON GNYIS BDAG GI 'DOD PAS NGES PAR BSGRUBS PA STE, BDAG NYID KYI DON NYID DU ZHES BSTAN TO, ,RJE BO YONGS SU MA BTANG BAR SPYOD CING, KHYOD LA GLO BA NYE BA'I PHYIR, ,ZHES BYA BA 'DIS NI, RJE BO'I DON DU BDAG NYID SNYING NYE BAR STON TE, DES NI GNYI GA YANG BSTAN PA YIN NO, ,DE LTAR BYAS NA ZHES BYA BA'I TSIGS BCAD 'DI SMOS PA LA 'TSO BAR GYUR NA NI DON GZHAN 'DI DAG YOD DO ZHES BSTAN PA STE, DON GZHAN DE YONGS SU BSTAN PA'I PHYIR, MDZA' BSHES NGA DANG PHRAL BA RNAMS, ,ZHES BYA BA SMOS TE, BDAG GIS BSRUNG ZHING SBA BAR BYA BA DE BRAL BAR GYUR KYANG KHYOD KYIS MCHOG TU 'BYOR PAR BYED PAR 'GYUR TE, JI LTA BA BZHIN DU GSOL BA GDAB KYANG MI DGOS PAR BLO GROS PHUN SUM TSOGS PA'I PHYIR RO, ,DE GNYIS GCIG LA GCIG BYAMS PA NYID YON TAN YIN PAS DE BAS NA GCIG LA GCIG BYAMS PA'I YON TAN NO, ,DE GZUGS BZANG BA YIN PAS, DE'I GZUGS BZANG BA STE, DE'I GZUGS BZANG BA DES SO, ,BDE BAR 'DUG BZHIN DU ZHES BYA BA NI BAG TSA BA MED PAR RO, ,KHYOD NI MA ZIN BDE BAR 'DUG ,CES BYA BA'I TSIGS BCAD KYI BSDUS PA'I DON NI RGYU RNAM PA LNGAS BYA RNAMS NAM MKHA' LA 'GRO BAR MI @269B NUS PA YIN TE, DE MED KYANG CI'I PHYIR NAM MKHA' LA MI 'GRO ZHES BYA BAR STON PA YIN NO, ,DE DAG KYANG GANG ZHE NA, RNYIS ZIN PA DANG, RANG GI DBANG MED PAS MI BDE BAR 'DUG PA DANG, SPU MA SKYES SHING GSHOG PA MED PA DANG, RTZOL BA YOD KYANG STOBS CHUNG BA DANG, 'JIGS PA'I RGYU MA MTHONG BAS 'GRO BAR MI 'GYUR BA STE, NYES PA 'DI DAG MED KYANG 'PHUR BAR MA GYUR PA'I RGYU 'DRI BA YIN NO, ,CHIG DANG, 'BRU DANG, SBREL LEGS PA NI TSIG 'BRU SBREL LEGS PA'O, ,TSIG 'BRU SBREL LEGS PA'I SGRA GANG YIN PA DE NI TSIG 'BRU RAB TU GSAL ZHING SBREL LEGS PA'O, ,DE LA 'BRU SMOS PAS NI AA LA SOGS PA'I YI GE GZUNG NGO; ,TSIG SMOS PAS NI NGO BO NYID KYI TSIG BLA DGAS SU GZUNG NGO, ,TSIG SPREL LEGS PA ZHES BYA BA SMOS PAS NI KHYAD PAR GYI TSIGS BLA DGAS SU GZUNG NGO, ,YID DU 'ONG BA ZHES BYA BA NI MNYAN PAR 'OS PA'O, ,GANG GI GZI BYIN GANG LA YOD PA NI GZI BYIN DANG LDAN PA'O, ,BRTAN PA'I YON TAN GYIS GZI BYIN DANG LDAN PA NI BRTAN PA'I YON TAN GYIS GZI BYIN DANG LDAN PA STE, DES SGRA SGROGS SHING SKAD CHER PHYUNG BA YIN NO, ,DAM DU ZIN ZHES BYA BA NI PHYI ROL GYI RNYI NI MTSON LA SOGS PAS GCAD PAR NUS LA, BRTZE BA'I ZHAGS PA NI GCAD PAR MI NUS PA'I PHYIR TE, JI LTA BU ZHE NA, SMRAS PA, RNYIS NI DE BAS ZHES BYA BA YIN TE, LUS KYI 'CHING BA DANG, RJES SU MTHUN PA'I BRTZE BA'I ZHAGS PA GANG YIN PA DES BCINGS PA STE, 'DOD CHAGS DANG BRAL BA MA GTOGS PAS GCOD PAR MI NUS PA'I PHYIR RO, ,NGA YI RGYAL PO SROG DANG 'DRA BA'I GROGS, ,ZHES BYA BA'I TSIGS BCAD KYI BSDUS PA'I DON NI GANG YONGS SU MI 'DOR BA DANG, CI'I PHYIR YONGS SU MI 'DOR BA STE, DE GNYIS TSIGS BCAD 'DIS STON PA YIN NO, ,GANG YONGS SU MI 'DOR ZHE NA, RJE BO'O, ,CI'I PHYIR YONGS SU MI 'DOR ZHE NA, BDE BAR SBYIN PAR BYED PA'I PHYIR RO, ,GROGS PO CI'I PHYIR YONGS SU MI 'DOR ZHE NA, NYAMS NYES PAR GYUR PA'I PHYIR RO, ,'DI GNYIS KYIS NI PHAN 'DOGS PA DANG, SNYING RJE'I ZHING NYID DU STON TE, YON TAN RE RE LAS RE RE TZAM YOD KYANG YONGS SU GTANG BAR BYA BA MA YIN NA, YON TAN BZHI DANG LDAN PA LTA SMOS KYANG CI DGOS ZHES STON TO, , @270A *, ,BZANG PO BDAG CAG SMRAS PA 'DIS ZHES BYA BA LA, GAL TE BDE BA ZHES BYA BA'I SGRA NI DAG SHIS SO, ,BDAG CAG BTANG NA NI ZHES BYA BA YANG 'DIR DGE SHIS SO, ,SNGAR BSHAD PA'I SMRAS PA 'DIS, GAL TE BDE BA 'BYUNG 'GYUR ZHING, ,ZHES BYA BA'I LAN NI, NGA NI KHYOD LA GNOD MI BYED, ,CES BYA BA YIN NO, ,BTANG NA NI ZHES BYA BA DE'I LAN NI, KHYOD NI NGA YIS GZUNG BA MED, ,CES BYA BA YIN NO, ,CHOS DANG LDAN PA'I GRAGS PA 'THOB, ,CES BYA BA'I LAN NI, DE BAS KHYOD NI CI BDER SONG, ,ZHES BYA BA'I TSIGS BCAD PHYED 'OG MA YIN NO, ,NGA NI KHYOD LA GNOD MI BYED, , CES BYA BA DE'I LAN NO, ,BDAG NI SDUG BSNGAL MI BZHED NA, ,ZHES BYA BA'I TSIGS BCAD KYI PHYED DO, ,DE BAS KHYOD NI CI BDER SONG, ,ZHES BYA BA'I LAN NI, GAL TE GCIG GIS MNYES GYUR NA, ,ZHES BYA BA PHYED 'OG MA YIN NO, ,GAL TE GCIG GIS MNYES GYUR NA, ,ZHES BYA BA LA, 'DI BLO DANG NA TSOD LA SOGS PA MI MNYAM PA DE KHYAD PAR YOD DO ZHES RTOG PA LA, DE KHYAD PAR MED PAR BSTAN PA'I PHYIR, BDAG CAG CHU DANG ZHENG YANG MNYAM, ,ZHES BYA BA SMOS SO, ,CHU DANG ZHENG RNAM PA GNYIS KYIS NI BYE BRAG MED PA STON TE, DE KHYAD PAR MED PAS SEMS KYANG KHYAD PAR MED DO, , GAL TE TSOD LA KHYAD PAR YOD NA NI SHA LA KHYAD PAR YOD PAR 'GYUR TE, DE KHYAD PAR MED PAR BSTAN PA'I PHYIR, NA TSOD LA YANG RGAN GZHON MED, ,CES BYA BA 'DIS SO, ,BDAG LA THUGS CHES MI 'GYUR NA, ,ZHES BYA BAR BSHAD PA NI CI ZHIG LTAR DOGS NA DE YANG NYES PA MED DE, GAL TE SNGAR BYA'I RGYAL PO BTANG STE, BDAG KYANG MA BZUNG BAR BTANG NA NI GNYI GA LAS NYAMS PAR 'GYUR NA, DE'I NYES PA MED PAR BYA BA'I PHYIR, KHYOD KYIS BDAG NI SNGAR ZUNG LA, ,ZHES BYA BA'I TSIGS BCAD PHYED 'OG MA'O, ,BDAG BZUNG ZHING BYA'I RGYAL PO BTANG NA NI PHAN YON 'DI DAG YIN TE, DE BSTAN PA'I PHYIR, KHYOD KYI RNYED PA'ANG DE BZHIN LA, ,ZHES BYA BA'I TSIGS BCAD SMOS TE, KHYOD KYI RNYED PA'ANG DE BZHIN NO, ,DE BAS MDZA' BO'ANG DE BZHIN 'GYUR, ,ZHES BYA BA 'DI GNYIS KYIS RNGON PA'I PHAN YON BSTAN TO, ,BDAG GIS GSOL BA ZHES BYA BA DAG DANG, KHYOD KYIS BTANG NA'ANG @270B JI LTAR 'GYUR BA GZIGS, ,ZHES BYA BA 'DIS NGANG PA'I RGYAL PO'I PHAN YON BSTAN PA'O, ,DE RANG GI SROG LA YANG MI LTA BAR ZHES BYA BAS NI GANG SNGAR BSHAD PA'I, DE BAS BDAG GI SROG NI YAL GYUR KYANG, ,'DI NI GTONG BAR BDAG GIS MI NUS SO, ,ZHES BYA BA DE BSTAN PA YIN NO, ,JO BO LA SNYING NYE ZHING BYAMS PA ZHES BYA BA 'DIS NI GANG SNGAR BSTAN PA'I, NGA YI RGYAL PO SROG DANG 'DRA BA'I GROGS, ,'DI NI NYAMS NYES GYUR CES BYA BA DE STON PA YIN NO, ,GANG CHU GANG DANG KHREL LTAS CHE BA'I YON TAN GYI GZI BYIN DANG ZHES BYA BA 'DIS NI BDE BA SBYIN PA 'DI NI NYAMS NYES GYUR ZHES BYA BA DE STON TO, , BRTAN PA'I RGYAN GYIS BRGYAN CES BYA BA 'DIS NI GANG SNGAR BSHAD PA'I, BDAG NI SDUG BSNGAL MI BZHED NA, ,ZHES BYA BA LA SOGS PA DE DAG STON PA YIN NO, ,'JAM PA'I RGYAN GYIS BRGYAN CES BYA BA 'DIS NI, BZANG PO BDAG CAG SMRAS PA 'DIS, ,ZHES BYA BA'I TSIGS BCAD KYI DON DE STON TO, , NGO MTSAR CHE ZHING RAB TU GUS PA'I DBANG GIS ZHES BYA BA NI DUD 'GRO'I SKYE GNAS SU GYUR PA YIN DU ZIN KYANG, DE'I YON TAN LA NGO MTSAR CHE BAS GUS PA YIN TE, YON TAN KHYAD PAR DU GYUR PA DANG LDAN PA'I PHYIR RO, ,NGO MTSAR DANG GUS PA GNYIS BSTAN PA'I PHYIR, JO BO'I DON DU SROG BTANG BA, , ZHES BYA BA'I TSIGS BCAD 'DI SMOS SO, ,SNYING RJE CAN ZHES BYA BA SNYING RJE DANG LDAN PA YIN PAS SNYING RJE CAN TE, SDUG BSNGAL DANG BRAL BA DE DES DON DU GNYER BA'I SNYING RJE'I YON TAN STON PA'O, ,KHYOD KYIS LAS BYAS DON MED MI 'GYUR PHYIR, ,ZHES BYA BAS NI, JI LTAR BDAG DGA' BAR 'GYUR BAR LAS BYAS PA NI NGANG PA'I RGYAL PO KHYOD KYIS BTANG BA STE, DE'I 'BRAS BU MED PAR MI 'GYUR BA'O, ,BDE BAR ZHES BYA BA NI BAG TSA BA MED PAR RO, ,PHO BRANG NANG DU RGYAL PO'I SPYAN SNGAR BRIMS, ,ZHES BYA BA NI DBEN PAR BSTAN PA MI 'DOD CING PHO BRANG GI NANG DU 'OS PA STE, BDAG NYID SKYE BO MANG PO'I MNGON DU BSTAN PA NI RANG GI RIGS PA DANG MTHUN PA'I PHYIR RO, ,MI'I G-YOG BZHIN DU G-YOG DANG BCAS PA'I MTSAN NYID DO, ,MI LRE BA DAG GANG YIN PA DE NI, RE YANG MI RE BA DAG STE CHE ZHING RGYA CE BA DAG GO, ,MGU BAR 'GYUR BA ZHES BYA BA 'DIS NI YID LA CI 'DOD PA NYID STON TO, ,BDE ZHING ZHES BYA BA 'DIS NI @271A *, ,'JIGS PA MED PAR RO, ,BYA 'DI GNYIS NI ZHES BYA BAS NI SA LA 'GRO BA'I SPYOD YUL MA YIN PA NYID DU BSTAN TO, ,RAB TU DGA' ZHING NGO MTSAR CHE BA ZHES BYA BA NI DGA' BA DANG, NGO MTSAR DU GYUR PA GNYIS NI DGA' BA DANG, NGO MTSAR RO, ,DE LA RAB TU DGA' BA NI 'DOD PA'I DON 'GRUB PAS SO, , NGO MTSAR CHER GYUR PA GNYIS NI SHIN TU RNYED PAR DKA' BA RNYED PA'I PHYIR RO, ,SNA TSOGS PA'I RIN PO CHE NI RIN PO CHE SNA TSOGS PA'O, ,RIN PO CHE SNA TSOGS PA'I 'OD NI 'OD ZER TE, 'OD ZER 'PHRO ZHING SDUG PA'I RKANG PA GANG YIN PA'I STAN NI STAN DE'O, ,SPRAS PA NI GSAL BAR BYED PA'O, ,'OD ZER 'PHRO ZHING SDUG PA ZHES BYA BA NI DBYIBS SO, ,LHA'I GDAN YANG YIN PAS LHA'I GDAN RIM PA DU MA'O, ,DE BSHAMS PA NI LHA'I GDAN RIM PA DU MAR BSHAMS PA STE, DES MNGON PAR DGA' BAR BYA BA GANG YIN PA DE NI LHA'I GDAN RIM PA DU MAR BSHAMS SHING BZANG BA'O, ,RGYAB RTEN DANG BDE ZHING NYAMS DGA' BA NI RGYAB RTEN BDE ZHING NYAMS DGA' BA'O, ,BRGYAN PA DANG BCAS PA NI RGYAB RTEN BDE ZHING NYAMS DGA' BAS BRGYAN PA'O, ,BTZUGS PA'I RKANG RTEN GANG YIN PA 'DI NI RKANG RTEN BTZUGS PA'O, ,DRIL BU BZHIN DU SNYAN PA NI DRIL BU LTAR SNYAN PA STE DES SO, ,GZI BYIN CHE ZHING MDANGS DANG LDAN PA'I SKU, ,ZHES BYA BA LA SOGS PA'I TSIGS BCAD DANG PO LNGAS NI DGA' BAR 'GYUR BA'I GTAM LAS BRTZAMS PA STE, 'DI'I BSDUS PA'I DON NI LUS LA RNAM PA GNYIS KYIS BDE'AM MI BDE ZHES DRI BA BSTAN TE, GZUGS KYI LUS LA SNYUN GSOL PA LAS BRTZAMS TE, GZI BYIN CHE ZHING ZHES BYA BA'I TSIGS BCAD PHYED KYIS BSTAN TO,, GZI BYIN DANG MDANGS NI, GZI BYIN DANG MDANGS SO, ,GZI BYIN DANG MDANGS KYI GNAS SU GYUR PA NI GZI BYIN DANG MDANGS KYI GNAS SO, ,MDANGS SMOS PAS NI KHA DOG GZUNG NGO, ,GZI BYIN SMOS PAS NI DBYIBS GZUNG NGO, ,GNYIS PA NI GANG GI PHYIR, MIG GI YUL GYIS BDE'AM ZHES DRIS PA YIN TE, NAD MED PA NI BDE BA'I GNAS YIN TE, SNGON DGE BA BSAGS PA'I PHYIR BDE BA'I GNAS SO, ,CHOS KYI SKU LA ZHES BYA BA LA, CHOS KYI SKU NI BSOD NAMS KYI TSOGS BSAGS PA STE, PHA ROL TU PHYIN PA BZHI NI CHOS KYI SKU'O, ,'DIS NI RGYAL PO'I CHOS KYI LUS SKYE DGU SRUNG ZHING SKYOB PAR BSTAN TO, , @271B RMA MED ZHES BYA BA NI TSUL LAS MA NYAMS SO ZHES BYA BA'I DON TO, ,BKA' LUNG SNYAN PAS RGYA CHER DBUGS PHYUNG NGAM ZHES BYA BAS NI SBYIN PA'I PHA ROL TU PHYIN PA BSTAN TO, ,DA NI RGYAL PO'I CHOS KYI DBANG DU BYAS PA STE, PHAN GDAGS NAN TUR ZHES BYA BA LA SOGS PA'I TSIGS SU BCAD PA GSUM MO, , DE LA PHAN GDAGS NAN TUR ZHES BYA BA DANG, BLON PO MDZANGS SHING GLO BA NYE BA ZHES BYA BA'I TSIGS BCAD GNYIS NI RANG GI YUL 'KHOR GYI DBANG DU BYAS PA'I RGYAL PO'I CHOS SO, ,SKYE DGU BSRUNG BA DE YANG TSUL YIN TE, PHAN GDAGS NAN TUR BGYI BA'I BKA' KHRIMS KYIS, ,ZHES BYA BA NI MNGON SUM DU BTAGS NAS BSTAN PA DANG, DANG BAS JI LTAR RIGS PAR CHAD PAS BCAD PA DANG, GLO BA NYE BA LA PHAN GDAGS PAR BYA BA NYID DO, ,NAN TUR GYIS NI PHAN PA 'BYUNG BA YIN TE, BSRUNG BA'I DBANG BSKUR BA'I PHYIR RO, ,BDAG GI GRAGS PA'I GTAM SNYAN RGYAS GYUR TAM, ,ZHES BYA BA 'DI DAG GIS NI MNGON SUM NYID DU RGYAL PO'I CHOS BSTAN TE, ,RGYAL PO'I TSUL NI MNGON SUM DANG, ,LKOG TU GYUR PA RJES SU DPAG PA YIN PA'I PHYIR RO, ,DE LA BDAG GIS MTHONG BA NI MNGON SUM MO, ,BLON PO MDZANGS SHING GLO BA NYE BA RNAMS, ,BRTAG PA'I THABS KYIS ZHES BYA BA NI LKOG TU GYUR PA RJES SU DPAG PA'I TSUL LO, ,LEGS PAR ZHES BYA BA NI RANG BZHIN MI DGA' BA'I PHYIR BRTAG PA'I THABS NI RNAM PA LNGA'O, ,NYE BAR STZOGS PA DANG THABS MTHAR MA PHYIN PA NI BRTAG PA'I THABS ZHES BRJOD DO, ,GLO BA NYE BA ZHES BYA BA NI BSAM PA PHUN SUM TSOGS PA'O, ,MDZANGS PA NI SBYOR BA PHUN SUM TSOGS PA'O, ,'BANGS LA SMAN PA RTAG TU DGONGS LAGS SAM, ,ZHES BYA BA NI GSUM PO DE LKOG TU GYUR PA'I RGYAL PO'I TSUL STON PA YIN NO, ,DE DAG MI MKHYEN PAR NI MI ZHUGS GRANG, ,ZHES BYA BAS NI RJES SU DPAG PA NYID STON TO, ,DE LTAR RE ZHIG BYA BA MA YIN PA BYED PA LAS LDOG PA'I TSUL BSTAN TE, CHOS KYI SKU LA ZHES BYA BA NI BYA BA MA YIN PA LAS LDOG PA'I TSUL LO, ,PHAN GDAGS NAN TUR ZHES BYA BA DANG, BLON PO MDZANGS SHING ZHES BYA BA GNYIS KYIS NI SKYE DGU SKYONG BA LA 'JUG PA'I TSUL LO, ,DPA' ZHING THABS MKHAS ZHES BYA BA'I TSIGS SU BCAD PA NI @272A *, ,RGYAL PO'I CHOS KYI DBANG DU BYAS PA STE, YUL PHYOGS GZHAN GYI DBANG DU BYAS NAS THABS MKHAS PA ZHES SMOS TE, BSDUM PA DANG DBYE BA'I THABS KYIS BYA BA YIN PAS THABS MKHAS PA ZHES BRJOD DO, ,DPA' BAS ZHES BYA BA NI BKA'I BKA' KHRIMS BSTAN TO, ,THUGS RJE CHEN PO'I MDZAD PA MA CHIS LAGS SAM, ,ZHES BYA BA NI BZOD PA'I PHA ROL TU PHYIN PA'O, ,THUGS RJE BAG MED PAR NI MI MNAL GRANG, ,ZHES BYA BA NI BRTZON 'GRUS KYI PHA ROL TU PHYIN PA STE, CHAGS PA'I DBANG DU MI GTANG BAR STON PA YIN NO, ,CHOS DANG BDE DANG SRID RNAMS MTHUN LAGS SAM, , ZHES BYA BA 'DI YANG BRTZON 'GRUS KYI PHA ROL TU PHYIN PA'I DBANG DU BYAS PA STE, CHOS DANG BDE DANG SRID RNAMS MTHUN LAGS SAM, ,ZHES BYA BA NI RGYAL PO'I 'KHOR GSUM GTZO BO YIN PA'I PHYIR, BRTZON 'GRUS KYI PHA ROL TU PHYIN PA DANG MTHUN PAR GYUR PA'I SPYOD PA STON PA YIN NO, ,SHUGS 'BYIN SMOD PAR 'GYUR LAGS SAM, ,ZHES BYA BA NI DE'I YON TAN THOS NA MKHAS PA'I PHYIR RO, ,MI BZOD PA YIN PAS, SHUGS 'BYIN PA YIN TE SMOD PAR 'GYUR RO, ,ZHES STON TO, ,DE RING BDAG KYANG BDE ZHES BYA BA NI CI'I PHYIR ZHE NA, PHRAD PAS YUN RING POR BSAMS PA 'BYOR CING THOB PA'I PHYIR RO, ,THAMS CAD DU YANG BDE ZHES BYA BA YANG DE DANG PHRAD PAS GRUB PA'I PHYIR RO, ,DANG PA DE RING BDAG KYANG BDE, ,ZHES BYA BA'I TSIGS BCAD 'DI NI SNGAR BSHAD PA'I DRI BA MTHA' DAG GI LAN YIN NO, ,KHYOD NI RNYI YIS ZIN PA NA, ,ZHES BYA BA DANG, DE LTAR RNGON PA 'DI DAG NI, ,ZHES BYA BA'I TSIGS BCAD GNYIS NI DGA' BAR GYUR PA'I GTAM LAS BRTZAMS PA'O, ,'DI YIS SNAD PAR MA BYAS SAM, ,ZHES BYA BA SMOS PA LA, SNAD PAR BYED PA'I RGYU DE NYID KYIS SGRUB PA'I PHYIR SMRAS PA, KHYOD NI RNYI YIS ZIN PA YI, ,ZHES BYA BA'I TSIGS BCAD KYIS PHYE STE, DGA' BAS SEMS G-YENGS PAR GYUR PA'I PHYIR RO, ,DGA' BAS SEMS G-YENGS PA NYID KYI RGYU YANG BSTAN PA'I PHYIR, DE LTAR RNGON PA 'DI DAG GIS, ,ZHES BYA BA'I TSIGS BCAD KYI PHYED DO, ,BYA RNAMS ZIN CING SNANG GYUR NA, ,ZHES BYA BA NI BYA RNAMS DBANG DU GYUR CING THOB NA GNOD PA NYID DU DGA' BA YIN NO, ,DGA' @272B BAS SEMS NI G-YENGS GYUR NAS, ,ZHES BYA BA NI DGA' BSNYEMS PAS DE LA NGAN PA DAG KYANG SPYOD PAR 'GYUR TE, BSNYEMS PA'I DBANG GIS SO, ,'DI LTA BUR NI NYAMS NYES KYANG, ,ZHES BYA BA NI RNYI'I DBANG DU GYUR KYANG NGO, ,DGRA BZHIN DU NI GNOD PA MA BGYIS SO, ,ZHES BYA BA NI DBYIG PA LA SOGS PAS MA BRDEGS PAS SO, ,'O SKOL GNYIS KA DGYES BGYIS PAS, ,ZHES BYA BA NI SNGAR NGANG PA'I RGYAL PO BTANG BAS BZHIN BZANGS NGANG PA'I RGYAL PO KHYED KYANG DGA' BAR BYAS LA, 'DIR KHYER TE 'ONGS PAS BDAG CAG KYANG DGA' BAR BYAS TE, DES NA BDAG NGANG PA'I RGYAL PO BZHIN BZANGS KYANG DGA' BAR BYAS PA STE, DE LTAR GNYI GA DGA' BAR BYAS PA GANG YIN PA'O, ,MANG BA NI SPANGS PA'O, ,NOR RGYA CHER BYIN TE ZHES BYA BA NI RE RE'I RNAM PA YANG MANG PO YIN PAR STON TO, ,CI BZHED DE DAG CES BYA BA NI DNGOS SU SMOS PA BZUNG STE, NOR DE'I DMIGS KYIS DBYE BA'I TSUL MED PAR RO, ,CI DANG ZHES BYA BA NI DE DANG 'TSAM PA'I THABS STON PA YIN NO, ,DE ZHES BYA BA NI LONGS SPYOD BDOG PA'O, ,DE BAS NA MDZA' BO'I PHAN YON CHE BA'I SPOBS PA GANG YIN PA DE NI SPOBS PA PHAN YON CHE BA'O, ,BZHIN BZANGS SMRAD GZHUG PAR 'DOD PA GANG YIN PA DE NI BZHIN BZANGS SMRAR GZHUG PAR 'DOD PA'O, ,GSAR DU BSHES PA GANG YIN PA DE NI GSAR DU BSHES PA'O, ,SU DANG GSAR DU BSHES SHE NA, SKYE BO MA 'DRIS PAS ZHES BYA BA YIN TE, MA 'DRIS PA DE LA RAB TU SPOBS SHING SMRA BA DANG BAG DBAB PA NI MI RUNG BA YIN PAS SO, ,BKA' MCHID NYID GSUNG YIN PAS BKA' MCHID GSUNG BA'O, ,TSUL NI DE MA LAGS ZHES BYA BA NI BKA' MCHID DE LTA BU'I NANG DU 'JUG CING SPYI BRTOL BSKYED PA'I TSUL DANG, LAM MA YIN TE, TSUL MA YIN PA'I LAM DES SO, ,BZOD PAR GSOL BA NI MI SMRA BAR 'DUG PA DE LA'O, ,KHYOD KYI YON TAN GTAM SNYAN MI RNAMS ZER BA'I RIGS, ,ZHES BYA BA LA, CI'I PHYIR RIGS SHE NA, SMRAS PA, 'DI LTA BUR KHYOD DUL BA'I PHYIR RO, ,NGANG PA'I BDAG PO DANG YANG GROGS POR 'THAMS PA'I RIGS TE, GROGS POR 'THAMS PA CI'I PHYIR RIGS SHE NA, 'DI LTA BUR KHYOD DUL BA DANG TSUL MKHAS PAS SO,, @273A *, ,RAB TU MDZA' BAR 'DOD PA ZHES BYA BA NI RAB TU GCUGS PAR 'DOD PA ZHES BYA BA'I DON TE, ,JI LTAR DE BAS BDAG CAG MDZA' BA 'DI, ,ZHES BYA BA'I TSIGS BCAD 'DIS BSTAN PA DE BZHIN DU GZUNG NGO, ,BYAMS PA'I 'JUG PA NI BYAMS PAR 'GYUR BA'O, ,JI LTAR BYAMS PAR GYUR PA YIN ZHE NA, JI SKAD DU SNGAR BSHAD PA'I, KHYED GNYIS KHYED DU BDAG GI KHYIM DU BYON, ,ZHES BYA BA'I TSIGS BCAD KYIS BSTAN TO, ,DANG PO BSHES PAR GYUR PA NA'ANG, ,ZHES BYA BA'I TSIGS BCAD KYIS NI BYAMS PAR GYUR BAR SHES NAS DE LA MGU BAR BYED PA DE BSTAN TO, ,RAB TU MDZA' BAR 'DOD PA ZHES BYA BA DE SGRUB PA'I PHYIR, BKUR STI BYA BA'I CHO GA 'DIS, ,ZHES BYA BAS BSTAN TO, ,CI DANG CI BZHED DE DAG BDAG LA GSUNGS, ,ZHES BYA BA DE'I LAN NI, BDAG NYID DON DU MI GNYER BAR BSTAN PA'I PHYIR, DGOS PA LTA ZHIG CHED CHE CI ZHIG MCHIS, ,ZHES BYA BA'I TSIGS BCAD YIN NO, ,CHED CHE MCHIS ZHES BYA BA NI BDAG NYID KYI SROG CUNG ZAD TZAM GYI PHYIR RO, ,CI ZHIG MCHIS ZHES BYA BA NI GZHAN GANG DON DU MI GNYER BAR 'DOD PA'O, ,KHYOD LA BDAG BRTEN PA GANG YIN PA DE LTA YIN PAS SO, ,CI DANG CI BZHED DE DAG BDAG LA GSUNGS, ,ZHES BYA BA YANG GOMS PA'I YON TAN YIN TE, GZHAN DAG TU MGRON DAG LA SPYOD PA NYID YIN PA'I PHYIR, MGRON LA DGA' BA'I PHYIR ZHES BYA BA BDAG LA 'DI LTAR GYUR PA'O, ,YON TAN LA DGA' BA NI YON TAN 'DOD PA STE DE YON TAN 'DOD PA GNYIS KYI YON TAN LA DGA' BA ZHES BYA BA'I DON TO, ,GANG GI PHYIR YON TAN 'DOD PA DE BAS NA MGRON LA DGA' BA YIN TE, YON TAN DANG MGRON LA DGA' BA'O, ,YON TAN LA DGA' BA NYID BSTAN PA'I PHYIR, 'BANGS LA PHAN PHYIR ZHES BYA BA'I TSIGS BCAD YIN TE, KHYOD LTA LAGS KYANG MOD CES BYA BA NI MGRON LA DGA' BA'I PHYIR RO, ,RANG BZHIN DUL BA ZHES BYA BA NI NGANG GIS SEMS SBYANGS PA GANG YIN PA DE NI RANG BZHIN DUL BA STE, MI BZOD PA SPANGS PAS RANG BZHIN DUL BAR GYUR PA'O, ,GAL TE MI BZOD PA SPANGS SO ZHES BSTAN NA CI'I PHYIR SA'I BDAG PO BYED PAR 'GYUR ZHE NA, SMRAS PA, 'BANGS LA PHAN PHYIR RGYAL PO'I @273B TSUL 'DZIN PA, ,ZHES BYA BA SMOS TE, 'DIS NI BDAG NYID KYI NYE BAR LONGS SPYOD PA'I PHYIR MA YIN PAR STON TO, ,RANG GI NGANG GIS ZHES BYA BA NI 'BAD PA MED PAR GOMS PA STE, DE LA YON TAN RNAMS GNAS PAR STON TO, ,DE BAS ZHES BYA BA NI RGYUN MI 'CHAD PA'I TSUL GYIS YIN TE DES NI BDAG NYID KYI TSUL BSTAN TO, ,YON TAN BSTOD PAR 'OS PA ZHES BYA BA LA, 'OS PA NI RIGS PA ZHES BYA BA'I DON TO, ,BDE BA'I RGYU YON TAN DANG PHAN YON RNAM PA GNYIS BSTAN TE, ,'JIG RTEN 'DIR BSTOD PA'I 'OS SU GYUR PA DANG, 'JIG RTEN PHA ROL TU BDE BA'I RGYUR GYUR PA'I PHYIR RO, ,BSTOD PAR 'OS PA ZHES BYA BA DANG, 'BYUNG PO NYES PA'I GCONG RONG MI 'DONG NGO, ,ZHES BYA BAS NI 'DI GNYIS MED PAR STON TO, ,'JIG RTEN 'DIR GRAGS PA MA YIN PA DANG, PHA ROL TU YANG NGAN SONG DU 'GRO BA'I SDUG BSNGAL MED PA YIN TE, YON TAN GYI CHOS KYI PHAN YON RNAM PA GNYIS BSTAN NAS SKYON GYI CHOS NYID NI DE'I MI MTHUN PHYOGS NYES DMIGS NYID DU BSTAN TE, DE YANG, SEMS YOD SU ZHIG MI PHAN LAM NGAN 'GRO, ,ZHES BYA BA NI NYES PA'I LAM YIN TE, 'BYUNG PO NYES PA'I GCONG RONG MI 'DONG NGO, ,ZHES BYA BA DE NYID STON PA YIN NO, ,CI'I PHYIR 'BYUNG PO'I GCONG RONG DU MI 'DONG ZHE NA, DE'I RGYU BSTAN PA'I PHYIR, DPA' BAS YUL 'KHOR ZHES BYA BA LA SOGS PA'I TSIGS BCAD GSUM YIN NO, ,YUL ZHES BYA BA NI GNAS ZHES BYA BA'I DON TE YUL DER DPA' BAS SO, ,NOR GYI RTZOL PHOD PA YIN PAS NOR GYI RTZOL PHOD PA STE, NOR GYI MTHU ZHES BYA BA'I DON TO, ,'DIS NI BDAG PO'I NUS PA BSTAN TE, NOR DANG, BKA' KHRIMS DANG, STOBS NI BDAG PO'I NUS PA ZHES BYA BA'I TSIG GIS SO, ,YANG NA NOR DANG, RTZOL PHOD PA NI NOR RTZOL PHOD PA'O, ,RTZOL PHOD PA SMOS PAS NI BKA' KHRIMS GZUNG NGO, ,THABS KYIS DE MI 'THOB CES BYA BA NI NGES PA MED PA'O, ,NOR BKOD PA DANG 'BAD PA ZHES BYA BA NI LUS KYI YONGS SU NGAL BA DANG, NOR ZAD PA GNYIS TE, 'DIS NI MTHONG BA'I CHOS KYI PHAN YON BSTAN TE, ,RGYAL PO'I SRID THOB CES BYA BA NI SBYIN PA'I @274A *, ,PHA ROL TU PHYIN PA'I 'BRAS BU YON TAN NYID KYIS THOB PA YIN NO ZHES BSTAN TO, ,LHA'I RGYAL PO'I DPAL YANG ZHES BYA BA NI MI LAS KHYAD PAR DU GYUR PA'I RGYAL SRID 'THOB PA'I DBANG DU BYAS PA STE, 'DI YANG PHAN YON NYID DE SBYIN PA'I PHA ROL TU PHYIN PA'I 'BRAS BU'O; ,YON TAN YOD NA RGYUD KYANG RAB TU 'PHEL, ,ZHES BYA BA YIN TE, GZHAN RAG LUS PA NI PHAN YON TE LUS KYI 'DUD PA'O, ,GRAGS PA RNAMS KYANG YON TAN NYID LAS 'PHRO BA ZHES BYA BA 'DIS NI GRAGS PA 'PHEL BA STE, GZHAN RAG LUS PA'I PHAN YON YIN NO, , ZLA BA'I 'OD LAS GSAL BA'I YON TAN NI, ,ZHES BYA BA'I TSIGS BCAD 'DI NI GZHAN PHA DANG MA DANG 'BREL BA NYID DANG BAR BYED PA'I RGYU YIN TE, YID KYI LAS KYI DBANG DU BYAS NAS MI BZOD PA ZHES BYA BA NI GZHAN GYI PHUN SUM TSOGS PA LA MI BZOD PA'O, ,DREGS PA ZHES BYA BA NI SKYES BU'I STOBS LA SOGS PAS BSNYEMS PA'O, ,MI BZOD PA DANG DREGS PA NI MI BZOD DREGS PA'O, ,DE GNYIS KYI SDANG BA NI RTZUB PA STE MI BZOD DREGS PAS SDANG BA'O, ,'DI DAG GIS NI SEMS LA KHRO BA'I KUN NAS DKRIS PA NYID DU BSTAN TO, ,KHRO BA'I MTSAN NYID NI GNOD PAR BYAS PA DANG, BRNYAS PA LAS SEMS KUN NAS MNAR SEMS PA YIN NO, ,'KHON RNYING GANG YIN PA DE NI 'KHON RNYING YOD PA STE, 'KHON RNYING YOD PA DE GANG YIN PA DES PHRAG DOG CHE BA'O, ,'KHON RNYING YOD PA DANG PHRAG DOG CHE BA NI 'KHO NA RNYING YOD CING PHRAG DOG CHE BA'O, ,'DIS NI 'KHON DU 'DZIN PA BSTAN TE 'KHON DANG RJES SU 'BREL PA ZHES BYA BA'I DON TO, ,DGRA NI RNAM PA GNYIS TE, LHAN CIG SKYES PA DANG, KUN DU BRTAGS PA'O, ,DGRA BO MI BZAD CES BYA BA 'DI NI KUN TU BRTAGS PA'I DBANG DU BYAS PA'O, ,'KHON RNYING YOD CES BYA BA 'DI NI LHAN CIG SKYES PA'I DBANG DU BYAS PA'O, ,DE LTAR ZHES BYA BA NI DE BAS NA 'JIG RTEN GNYI GA LA PHAN PA'I PHYIR RAM, YANG NA BSTOD PAR 'OS PA'I PHYIR DANG, BDE BAR 'GYUR BA'I PHYIR RO, ,YON TAN GYIS RGYAL PHRAN GYI DREGS PA BTUL BA'I PHYIR PHA ROL GYI TSOGS SBYONG BA YIN TE, DUL BA LA @274B SOGS PA'I YON TAN GYI TSOGS YONGS SU SBYONG PA'O, ,DUL BA LA SOGS PA ZHES BYA BA LA, SOGS PA SMOS PAS NI TSUL KHRIMS DANG, SBYIN PA DANG, BZOD PA DANG, BRTZON 'GRUS TE BSOD NAMS KYI TSOGS YONGS SU GZUNG NGO, ,YON TAN BZANG ZHING ZHES BYA BA NI YON TAN GYI LAM LA RJES SU DGA' BA STE, DE'I YON TAN LA RJES SU DGA' BAR 'BANGS KYANG BSLABS PA'O, ,DES NA RGYAL PO CI ZHIG TU 'GYUR ZHE NA, DE'I PHAN YON 'BANGS LA PHAN GDAGS ZHES BYA BA'I TSIGS BCAD SMOS SO, ,'BANGS LA PHAN GDAGS PA NI RGYAL PO'I DON GYI MCHOG YIN TE, CI'I PHYIR ZHE NA, TSE RABS GNYI GA'I BDE BA'I PHYIR RO, ,'JIG RTEN 'DIR NI GRAGS PA LA SOGS PA 'THOB PAR 'GYUR RO, ,'JIG RTEN PHA ROL DU NI BDE 'GROR 'GRO BAS PHAN PA'O, ,'DI YIN ZHES BYA BA NI CHOS LA DGA' BA STE, RGYAL PO'I CHOS LA DGA' BA DES SKYE DGU LA PHAN PAR 'GYUR TE, CI'I PHYIR ZHE NA, RGYAL PO'I RJES SU 'BANGS KYANG SPYOD PA'I PHYIR RO, ,DE BAS CHOS BZHIN SA LA ZHES BYA BA NI SKYE DGU LA PHAN PA DES NI 'JIG RTEN GNYI GA LA PHAN PA'I PHYIR RO, ,GNAS PAR BYED PA YIN PAS GNAS PAR GYUR PA STE, DE BAS NA 'DI DAG GIS NI DE'I DRUNG NA GNAS PA'I PHAN YON BSTAN TO, ,BKUR STI DANG TSIG SNYAN PA NI BKUR STI DANG TSIG SNYAN PA DAG GO, ,DE'I SBYOR BA NI BKUR STI DANG TSIG SNYAN PA'I SBYOR BA'O, ,RAL GRI DANG DRI MA MED PA NI RAL GRI DRI MA MED PA'O, ,DE LTAR SNGO BA NI RAL GRI DRI MA MED PA LTAR SNGO BA'O, ,YANG NA RAL GRI DRI MA MED PAS SNGO BA NI RAL GRI DRI MA MED PA LTAR SNGO BA'O, ,STON KA MDZES PA NI STON GYI MDZES PA'O, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS NGANG PA'I SKYES PA'I RABS SO,, ,,SKYES BU DAM PA RNAMS NI RIM GRO MA BYAS KYANG SNYING BRTZE BA LHOD PAR MI 'GYUR TE, CI'I PHYIR ZHEN, BZOD PA LA GOMS PA'I PHYIR RO, ,PHAN BTAGS PA LA YANG SNYING BRTZE BA LHOD PAR MI 'GYUR TE, DRIN TU GZO BA'I PHYIR RO, ,'DIR DE GNYIS KYANG JI LTAR RIGS PA BZHIN DU SBYAR RO, ,RIG PA'I GNAS RNAMS KYI GO RIMS GANG YIN PA DE NI RIG PA'I GNAS RNAMS KYI GO RIMS TE, RGYUN @275A *, ,MI 'CHAD PAR PHA ROL TU 'GRO BA YIN PA'I PHYIR RIG PA'I GNAS KYI RIM PA'O, ,MKHAS PAR BYA BA RNAMS LA DE MKHAS PAR BYAS PA STE, SGYU RTZAL RNAMS LA NI MKHAS PAR BYA BA NYI TSER ZAD KYI, LAS KYIS SGRUB PA NI MA YIN NO, ,RAB TU BYUNG NAS KYANG ZHES BYA BA NI RAB TU BYUNG BA LA BRTEN PA YIN PAS RAB TU BYUNG BA'O, ,RAB TU BYUNG BA DANG 'JIG RTEN LA PHAN 'DOGS PA GNYIS KYIS NI BDAG DANG GZHAN LA PHAN PA SGRUB PA'I YON TAN DANG MTHUN PA NYID DE, DES CHOS KYI GTZUG LAG LHAG MA RNAMS 'DZIN PA'O, ,SLOB DPON GYI GO 'PHANG NI GZHAN GYIS NYE BAR 'TSO BA NYID DU BSTAN TO, ,DE BSOD NAMS DANG LDAN ZHING ZHES BYA BA 'DIS NI SBYIN PA DANG, TSUL KHRIMS DANG, BZOD PA'I PHA ROL TU PHYIN PA RAB TU BSGOM PA NYID DU STON TE, 'DI LTAR SBYIN PAS NI GZUGS BZANG BA LA SOGS PA'I YON TAN DU 'GYUR RO, ,TSUL KHRIMS KYIS NI MNGON DU BSDU BA LA SOGS PA'I BKUR STI'I BDE BA 'BYUNG NGO, ,BZOD PAS NI SKYE BO MANG PO'I 'KHOR SNYING NYE BA NYID DU 'GYUR RO, ,SHES RGYA CHE BAS ZHES BYA BA NI YE SHES KYI TSOGS YONGS SU BSAGS PA'I PHYIR RO, ,'DI GNYIS KYIS NI RGYU DANG 'BRAS BU BSTAN TO, ,'JIG RTEN GYI SPYOD TSUL LA MKHAS PA DANG YON TAN DANG LDAN PAS ZHES BYA BA NI BDAG DANG GZHAN LA PHAN PA'I YON TAN PHUN SUM TSOGS PA DANG LDAN PAR BSTAN TO, ,YANG NA GANG GIS SNA TSOGS PA NYID KYI RNAM PA'I RGYU BSTAN TE, BSOD NAMS DANG LDAN PA'I PHYIR RO, ,BSOD NAMS CHEN PO DANG LDAN PA LA NI RGYAL PO DANG RGYAL PO'I BLON PO RNAMS BKUR STI BYED PA YIN NO, ,SHES PA RGYA CHE BA'I PHYIR NI MKHAS PA RNAMS KYIS BKUR STI BYA BA YIN NO, ,'JIG RTEN GYI SPYOD TSUL LA MKHAS PAS NI BRAM ZE DANG, KHYIM PA RNAMS KYIS BKUR STI BYA BA YIN NO, ,NAN TAN CHE BA'I YON TAN DANG LDAN PAS NI GZHAN MU STEGS CAN RNAMS DANG RAB TU BYUNG BA RNAMS KYIS BKUR STI BYA BA YIN NO, ,LAS SU DRAN PAR BYED PA YIN TE, YID KYI LAS KYIS SO, ,YON TAN ZHES BYA BA NI BLO KHYAD PAR DU 'PHAGS PA LAS GYUR PA'I YON TAN NO, ,BSOD NAMS NYID GZHI YIN PAS BSOD NAMS GZHI'O, ,BSOD NAMS KYI GZHI LAS THOB @275B CING 'BAR BA GANG YIN PA DE NI BSOD NAMS KYI GZHI LAS 'BAR BA'O, ,BSOD NAMS ZHES SMOS PAS NI GANG SNGAR BSTAN PA'I BSOD NAMS DANG LDAN PA'I ZHES BYA BA DE NYID BSTAN TO, ,NAN TAN SGRUB PA'I BYIN GYIS ZHES BYA BA NI GANG SNGAR BSTAN PA'I BDAG GI SGRUB PA STE, NAN TAN CHE BA'I YON TAN ZHES BYA BA DANG, GZHAN GYI SGRUB PA STE 'JIG RTEN GYI TSUL LA MKHAS PA ZHES BYA BA DE GNYI GA NI NAN TAN SGRUB PA'I BYIN GYIS ZHES BYA BA YIN NO, ,YANG NA YON TAN ZHES SMOS PAS NI 'JIG RTEN GYI SPYOD YUL LA MKHAS PA ZHES BYA BA DE GZUNG NGO, ,YON TAN SGRUB PA'I BYIN GYIS ZHES BYA BA NI SNGAR BSTAN PA'I NAN TAN CHE BA YIN PAR BSTAN TO, ,DGRA YANG RANG GI GRAGS PA BSRUNG BA'I PHYIR, ,ZHES BYA BA NI YON TAN DANG LDAN PA LA BSNYEN BKUR BYED PAS SO, ,YON TAN CAN LA SDANG BA DE, ,ZHES PA NI RANG GI GRAGS PA 'JIG PAR BYED PA'I PHYIR, YON TAN CAN LA BSNYEN BKUR BYED, ,CES BYA BA'I DON TO, ,RGYA CHE BA DANG MTHU NI RGYA CHE BA DANG MTHU'O, ,YON TAN RNAMS KYI MTHU CHE BA THOS PA NI YON TAN GYI MTHU CHE BA DES THOS PA'O, ,YON TAN 'DI RNAMS JI SRID DU LDAN PA DANG, JI LTAR LDAN PA BSTAN TE, BSU BA LA SOGS PA'I BKUR STI CHER BYAS TE, ZHES BYA BA LA SOGS PA SMOS PAS NI MNGON PAR SMRA BA LA SOGS PA GZUNG NGO, ,RIM GRO NI MNYES PA'I LAS LA SOGS PA'O, ,BKUR STI NI NYE BAR 'GRO BA LA SOGS PA'O, ,NYE BAR LONGS SPYOD PAR BYA BA YIN PAS NA LONGS SPYOD DO, ,LONGS SPYOD NYID YON TAN YIN PAS NA LONGS SPYOD YON TAN NO, ,YON TAN CAN LA DGA' BA NYID KYIS PHAN 'DOGS PAR BYED PA'I RGYU RAB TU NUS PA STE BSAM PA'I CHO GA BSTAN TO, ,GUS PA MED PA GANG YIN PA DE DAG NI GUS PA MED PA RNAMS SO, ,GANG LA ZHE NA, CHOS DANG CHOS SMRA BA RNAMS LA'O, ,CHOS LA GUS PA MED PA LA CI'I PHYIR CHOS STON PAR BYED CE NA, CHOS LA DGA' BA'I PHYIR RO, ,CHOS STON PA LA MI GUS PA LA YANG CI'I PHYIR BSTAN PAR 'DOD CE NA, GZHAN LA SNYING BRTZE BA'I PHYIR RO, ,PHAN PAR 'DOD CING YON TAN DGA' BA YIN, ,SKYE BO GNOD GTZANG 'DRA LA SMOS CI DGOS, ,ZHES BYA BA SMOS TE, @276A *, ,'DI GSUM GYIS NI PHYI ROL GYI SNOD DANG 'DRA BAR CHOS NYAN PA RNAMS KYI NYES PA GSUM MED PAR STON TE, GANG GI PHYIR SNOD 'DI GSUM LA CHAR BAB KYANG DON MED PA NYID DE, BSIL BA DANG PHAN PA YIN YANG CHU MI 'JUG PA DANG, GANG DU CHU 'JUG KYANG MI GTZANG BAS MA RUNG BAR 'GYUR BA DANG, GANG DU CHU ZHUGS KYANG SNOD RDOL BAS MI GNAS PA STE, DE LTAR NYAN PA'I SKYE BO RNAM PA GSUM PA LA NI CHOS BSTAN KYANG DON MED CING CHUD ZOS PA NYID YIN TE, GANG DU THOS PA BYA BA G-YENG BA DANG, RMUGS PA RNAM PA GNYIS KYIS MI 'JUG PA DANG, GANG DU 'JUG TU ZIN KYANG TSUL BZHIN DU YID LA MI BYED PAS MA RUNG BAR 'GYUR BA DANG, GANG DU YANG DRAN PA MED PAS MI GNAS PA'O, ,GANG YON TAN 'DOD PA'I SKYE BO ZHES SMOS TE, 'DIS NI GANG DU THOS PA MI 'JUG STE, G-YENG BA DANG, RMUGS PA RNAM PA GNYIS KYIS SKYON MED PAR STON TO, ,YON TAN DGA' BA ZHES BYA BA LA, YON TAN LA DGA' ZHING GZENGS BSTOD PA DE NI YON TAN LA DGA' ZHING GZENGS BSTOD PA'O, ,GANG ZAG GANG GIS YON TAN LA DGA' BA DE NI G-YENG BA MED PA YIN NO, ,CHOS KYI YON TAN LA DGA' BA DE NI GNYID DANG RMUGS PA MED PA YIN NO, ,MKHAS PA RNAMS KYI GO 'PHANG YIN PAS NA MKHAS PA'I THABS TE, MKHAS PA'I THABS THOB PA DE DAG DES SO, ,PHRAG DOG GI SEMS BSKYED PA ZHES BYA BA NI GZHAN GYI PHUN SUM TSOGS PA LA PHRAG DOG GI SEMS BSKYED PA'I PHYIR RO, ,YON TAN GYI KHYAD PAR YIN PAS NA YON TAN KHYAD PAR RO, ,YANG NA YON TAN NYID KHYAD PAR YIN PAS YON TAN KHYAD PAR RO, ,BDAG NYID KYI YON TAN GYI KHYAD PAR YIN PAS RANG GI YON TAN KHYAD PAR RO, ,YANG NA BDAG GI YON TAN NYID KHYAD PAR YIN PAS RANG GI YON TAN KHYAD PAR RO, ,DE DANG LDAN PA YIN PAS RANG GI YON TAN KHYAD PAR CAN NO, ,DES 'GRO BA MGU BAR NUS PA'I MTHU SBYOR BA GANG YIN PA DE NI 'GRO BA MGU BAR NUS PA'I MTHU CAN NO, ,YON TAN BCOS MAS ZHES BYA BA NI YON TAN BCOS MA NYID KYIS TE, DES BKUR STI THOB PA'O, ,DE LA SHIN TU 'BAR BA NYID YIN TE 'PHEL BA NYID DO, ,PHRAG @276B DOG GI ME ZHES BYA BA LA, PHRAG DOG NYID ME YIN PAS PHRAG DOG GI ME'O, ,PHRAG DOG GI ME DES NI ME BZHIN DU RANG GI GNAS SREG PA'I PHYIR RO, ,RGYAL PO CHOS LA BRTEN PA ZHES BYA BA NI RGYAL PO'I CHOS DANG MI MTHUN PA'I PHYIR CHOS LA BRTEN PA DE'O, ,YON TAN LA DGYES PA ZHES BYA BA NI CHOS KYI GTAM GYIS SO, ,CHOS LA MNGON 'TSAL NAS ZHES BYA BA NI CHOS LA MNGON PAR PHYOGS PA STE RJES SU DGA' ZHING 'DOD PA ZHES BYA BA'I DON TO, ,BRLAG PAR BGYI BA'I SLAD DU G-YO DANG BCAS PA'I TSIG 'JAM POR SMRA ZHING SPYOD PA GANG YIN PA DE NI BRLAG PAR BGYI BA'I SLAD DU G-YO DANG BCAS PA'I TSIG 'JAM POR SMRA ZHING SPYOD PA'O, ,BRLAG PA ZHES BYA BA NI DPAL GANG YIN PA DE NYAMS PAR BYED PA STE, CHOS NAN TAN DU BYED KYANG RGYAL PO NI RLAG PAR BYED PA NYID YIN TE, RGYAL PO'I CHOS DANG 'GAL BA'I PHYIR BRLAG PA ZHES BRJOD DO, ,NYAMS DROD NI SPYOD PA LA 'JUG PA ZHES BYA BA'I DON TO,, DE'I RTEN DU GYUR PAS NA NYAMS DROD 'DZIN PA LAGS TE, ZHES BYA BA'O, ,BYA MA RTA ZHES BYA BA NI NYAN RNA BA'O, ,BYA MA RTA NYID BTANG BA YIN PAS BYA MA RTA BTANG BA'O, ,THUGS RJE CHE BA ZHES BYA BA LA THUGS RJE NI GZHAN SDUG BSNGAL DANG BRAL BA'I DON DU GNYER BA'O, ,NGO TSA MKHYEN PA NYID KYI 'JAM DES CAN DU GYUR TE, DES LAS LA SOGS PA SPANGS PA'I PHYIR RO, ,SRID DANG 'DOD PA DANG MI MTHUN PA'I TSUL GANG LA YOD PA DE NI SRID PA DANG 'DOD PA DANG MI MTHUN PA'O, ,DE YANG SNYING RJE DANG LDAN PAR BGYI BA'I CHED DU BGYID PA STE, DE GZHAN GYI BRAN BZHIN DU BYED PAS DON DU SGRUB CING GANG GZHAN GYIS BRNYAS PAR 'OS PA DE BYED PA NI DON SGRUB PA NYID DU YIN NO, ,CHED CHER BGYIS NAS THABS KYIS BAG 'BEBS SO, ,ZHES BYA BA NI SDUG BSNGAL BA DANG, YID MI BDE BA MED PA'I THABS KYIS SO, ,BSHES SHING 'DRUL LA ZHES BYA BA NI MDZA' BAR 'BREL PA'O; ,YID MI CHES PA DANG, BRTZE BA CHUNG BA GNYIS KYIS SEMS SNGON DANG MI 'DRA BAR GYUR PA GANG YIN PA DE NI YID MI CHES PAR GYUR TE, BYAMS PA DANG BKUR STI CHUNG ZHES SEMS SNGON DANG MI 'DRA BAR GYUR PA'O, ,DBYEN GYI RDO RJE NYID SER BA YIN TE, DE LTUNG BA NI DBYEN GYI @277A *, ,SER BA RDO RJE 'BAB PA'O, ,MDZA' BA BRTAN PA ZHES BYA BA NI BRTAN PAR GYUR PA'I MDZA' BA DE LA PHAN PA MI 'DOD PAS SMRAS PA'I DBYEN GYI TSIG YIN TE, SEMS KYI LONGS SPYOD MED PA'I PHYIR RO, ,NYAMS SHING ZHIG PAR MI 'GYUR SU ZHIG YOD, ,CES BYA BA NI GCIG KYANG MED PAS THAMS CAD KYANG NYAMS SHING ZHIG PAR 'GYUR BA NYID DO, ,YANG NA MDZA' BA BRTAN PA NI YID CHES PA'O, ,NYAMS SHING ZHIG PA NI SNGON JI LTA BA BZHIN DU MDZA' BA BRTAN PA'AM YID CHES PA MED PAR 'GYUR BA'I PHYIR RO, ,BKUR STI CHUNG BAR 'GYUR BA ZHES BYA BA NI BRTZE BA DANG GUS PA CHUNG BA'I PHYIR RO, , BYA BA MANG PO LA BREL BA GANG YIN PA DE NI BYA BA MANG POS BREL BA'O, ,DE LTAR GYUR PA YID LA'ANG MI BYED NA, ,ZHES BYA BA NI RIM GRO MI BYED PAR GYUR PA'O, ,DE'I DRUNG NA GNAS PA NI DRUNG NA 'KHOD PA'O, ,DE'I DRUNG NA 'KHOD CING 'KHOR BA'I TSUL GANG LA YOD PA DE NI DE'I 'KHOR NA 'KHOD PA RNAMS SO, ,GUS PA DANG RIM GRO NI GUS PA DANG RIM GRO'O, ,DE GNYIS KYI LHOD PAR GYUR PA NI G-YEL BA'O, ,DE'I PHYIR BSHAD PA, STON PA DANG BYED PA GNYIS THA DAD DO ZHES BYA BA NYID YIN PA'I PHYIR RO, ,DOGS PA 'BYUNG BA'I GNAS YIN PAS DOGS PA 'BYUNG BA'I GZHI'O, ,NONGS PAR DOGS PA 'BYUNG BA'I GZHI ZHES BYA BA NI NYES PA 'BYUNG BA'I GZHI ZHES BYA BA'I DON TO, ,BAG MED PA NYID NYES PA YIN PAS BAG MED NONGS PA'O, ,YANG NA BAG MED PAS NONGS PA'O, ,'PHRAL LA 'DI LTAR MI MCHI BA ZHES BYA BA NI RGYU DANG BCAS PA NYID DO, ,BKUR STI CHUNG ZHING KHROS PA'I YID GANG YIN PA DE NI BKUR STI CHUNG BA'I SEMS TE DE MED PA'O, ,'O NA RGYU DE GANG YIN ZHE NA, SMRAS PA, KHYOD NI CHOS KYI SNOD DU ZHES BYA BA LA SOGS PA YIN NO, ,DE NAS RGYAL PO DE'I KHYI GNANG CHEN ZHES BYA BA LA SOGS PA'I TSIG GIS NI MI MA YIN PA KHYI YANG ZUG PA'I TSUL GYIS RGYU YOD PA YIN TE, DBYEN GYI TSUL NGES BSTAN PA'I PHYIR RO, ,BRI BAR GYUR PA NI YAL BAR BOR BA'O, ,GSUM PO 'DI NI BDAG GI 'GRO BA'I RGYU YIN TE, GNAS LA LHAG PAR ZHEN PA DANG, GZHAN DU 'GRO BA'I GNAS @277B MA MTHONG BA DANG, BSNYEN BKUR CHUNG BAR YONGS SU SHES PA'O, ,PHYIS BSKRAD PAR 'GYUR BA GANG YIN PA DE NI SLAD KYIS BSKRAD PAR 'GYUR BA STE, RJES SU RGYAL POS BSKRAD PA DANG, SPYUGS PAR 'GYUR ZHES PA'O, ,MI DGA' BA NI BRTZE BA GCOD PA'O, ,MI DGA' BAS GDUNGS PA'I SEMS GANG YIN PA DE NI MI DGA' BA BZHIN DU'O, ,LAN CIG TZAM ZHIG SMA BAB GYUR PA YIS, ,ZHES BYA BA NI BRNYAS PAR 'GYUR PA'O, ,SNGON CHAD PHAN BTAGS ZHES BYA BA NI PHAN BTAGS PA MANG DU BYAS PA STE, GA LA MNYAM ZHES BYA BA NI MNYAM PAR MI BYA'O ZHES BYA BA'I DON TO, , DES NI DE'I PHYIR, MI DGA' BZHIN DU MA CHIS SU GA LA RUNG, ,ZHES BYA BA YIN NO, ,DE LTA BAS NA 'GRO BAR BYA'O ZHES BYA BA'I TSIG GI SKABS SHES PAR BYAS NAS DE'I LAN BSTAN PA'I PHYIR, BYAMS PA'I RLA NA MED CES BYA BA'I TSIGS BCAD SMOS TE, BYAMS PA'I RLAN MED PA GANG YIN PA DE NI BYAMS PA'I RLAN MED PA'O, ,BSTAN DU MI RUNG BA NI GNAS PAR BYA BA MA YIN PA'O, ,CI'I PHYIR ZHE NA, RAB TU BSGRIMS TE DE'I DON BSGRUBS KYANG RNYOG PA CAN DU GYUR PA'I PHYIR RO, ,RNYOG PA CAN DU GYUR PAS NA DON CHUNG BA NYID DE, BYAMS PA'I RLAN MED PA DES NA'O, ,JI LTA BU ZHE NA, KHRON PA SKAM PO BZHIN DU BSTEN PAR MI BYA'O, ,JI LTAR KHRON PA SKAM PO LA NI CHU 'DOD PA DES RAB TU BSGRIBS TE BSGRUBS KYANG CHUNG ZHING RNYOG PA CAN DE DANG DER 'GYUR RO, ,RAB TU DANG BA NYID LA BSTEN PA'I RIGS TE, CI'I PHYIR ZHE NA, DE LAS NI DON GRUB PA NYID DE, 'BAD PAR BSGRUBS MI DGOS PA DANG; DANG BA NYID YIN TE, JI LTA BU ZHE NA, STON KA'I MTSO CHEN PO'I TSU GTZANG BA LTA BU STE, DE NI BSTEN PA'I RIGS SO, ,BDE BA 'DOD CING NYON MONGS MI 'DOD PAS, ,ZHES BYA BA NI SEMS KYIS SNGAR MYONG BA ZHES BYA BA'I DON TO, ,'DIS KYANG BLO PHYIN CI LOG PAR BSTAN TE, GANG SNGAR BSTAN PA'I NGAN CING BYIS PA'I CHOS ZHES BYA BA'I TSIGS BCAD DE'I GNYEN PO 'DIS BSTAN TO, ,GUS PAR BYED KYANG GZHAN DU PHYOGS PA DANG, ,ZHES BYA BA'I TSIGS BCAD 'DIS NI SNGAR BSTAN MA THAG PA'I TSIGS BCAD GSUM GYI GNYEN PO BSTAN PA'I PHYIR RO, ,GUS PAR BYED @278A *, ,PA GANG YIN PA DE NI GUS PAR BYED PA'O, ,DE BAS NA GZHAN DU PHYOGS PA NI RGYAB KYIS BLTAS PA'O, ,'DI NI RAB TU BDE BA 'DOD CING NYON MONGS MI 'DOD PAS ZHES BYA BA'I TSIGS BCAD DE'I GNYEN PO BSTAN TO, ,GZHAN DU PHYOGS KYANG ZHUM PAS DE LA LTA, ZHES BYA BA 'DIS NI, BYAMS PA'I RLAN MED CES BYA BA'I TSIGS BCAD DE'I GNYEN PO BSTAN TO, ,SNGON CHAD PHAN BTAGS DRIN DU MI GZO BA, ,ZHES BYA BA 'DIS NI, LAN CIG TZAM ZHIG SMA BAB GYUR PA YIS, ,ZHES BYA BA'I TSIGS BCAD PHYED KYI GNYEN PO BSTAN TO, BSLANG BA DREGS NA ZHES BYA BA NI BSLANG BA NYID DREGS PA NI BSLANG DREGS PA STE, DES NI BYAMS PA MED PAR BYED DO ZHES GZUNG BAR BYA'O, ,GNAS PA'I SKYON ZHES BYA BA NI LHAN CIG TU 'DUG PA LA SOGS PA'I SKYON YIN TE, DES NA DE'I NYES PA YIN PA'I PHYIR DA NI RE ZHIG 'GRO'O ZHES BYA BA'I DON TO, ,BAR CHAD MANG LA GNOD PA DANG DGRA MANG BAS ZHES BYA BA NI SEMS CAN DANG SEMS CAN MA YIN PA'I BAR CHAD GANG YIN PA'I RGYU BSTAN TO, ,MCHI BA'I SKABS DANG LDAN NA ZHES BYA BA NI RKYEN TSOGS NA'O, ,GAL TE ZHES BYA BA NI DGE SHIS PA'O, ,MNGON PAR SHES PA LNGA NI MNGON PAR SHES PA DRUG LAS ZAG PA ZAD PA'I MNGON PAR SHES PA MA GTOGS PA'O, ,SNYING BRTZE BAS RJES SU 'BRANG BA'I TSUL GANG LA YOD PA DE NI SNYING BRTZE BA'I DRAN PA BYUNG BAR GYUR PA STE, SNYING BRTZE BA NI SNYING RJE STE, MI DGE BA'I RGYU LAS BZLOG PAR 'DOD PA NYID NI SNYING RJE'O,, RGYA BRTAG MI BZOD PA ZHES BYA BA LAS RGYU BSTAN PAR MI NUS PA'I LTA BA GANG YIN PA DE NI RGYU BRTAG PA MI BZOD PA'I LTA BA'O, ,'DIR RGYU NI GANG YANG MED PAR 'DOD PA STE, MED PAR 'DOD PA NYI TSE TZAM DU ZAD PAR LTA BA'O, ,PADMA'I SDONG BU NI 'JAM PA'O, ,LO MA NI 'JAM PA'O, ,KHA DOG NI SNGON PO LA SOGS PA'O, ,ZE BA NI 'JAM PA'O, ,SNYING PO NI DBYIBS SO, ,DE BZHIN DU SEMS CAN LA RGYU MED PAR LTA BA NI BYA'I 'DAB MA ZHES BYA BAS BSTAN PA YIN NO, ,'GRO BA 'DI DAG NGO BO NYID KYIS NGES TE, CI'I PHYIR ZHE NA, PHYI DANG NANG GI DNGOS PO RNAMS LA BYED PA PO MED PAR @278B YANG SNA TSOGS PAR SNANG BA'I PHYIR RO, ,RGYU MED PAR 'BYUNG BAR MI RIGS ZHES BYA BA NI NGO BO NYID KYIS MED PAR ZHES BYA BA'I DON TO, ,GCIG GCIG YOD CES BYA BA NI RANG DAGS SPRUL PAR BYED PA STE, 'JIG RTEN SNA TSOGS SO, ,PHYIS KYANG MNYAM DU MED PAR BYED, ,CES BYA BA NI, CI'I PHYIR ZHE NA, BYED PA PO RANG DGA'I KHYAD PAR GYIS SHING RTA LA SOGS PA RNAM PA SNA TSOGS PA'I DNGOS PO 'BYIN PAR SNANG BA'I PHYIR RO, ,DE'I YANG RANG DGA'I DBANG GIS MI SNANG BAR BYED PA LTA BU'O, ,'DI DAG THAMS CAD CES BYA BA NI SEMS CAN DANG SEMS CAN MA YIN PA DAG GO, , SNGON GYI LAS KYIS BYAS ZHES BYA BA LA, SNGON GYI LAS KYIS BYAS PA YIN PAS NI SNGON GYI LAS KYIS BYAS PA STE, SNGON GYI LAS LAS BYAS PA'I RGYUS ZHES BYA BA'I DON TO, ,BDE BA DANG MI BDE BA ZHES BYA BA NI BDE BA DANG SDUG BSNGAL YIN TE, SNGON GYI LAS KYIS BYAS PAS ZHES BSTAN NAS DE'I 'OG TU BDE BA DANG MI BDE BA GZUNG NGO, ,SKYE BA SNGA MAR BYAS PA'I LAS NYID KYIS NI SANGS RGYAS PA DANG YANG 'DRA BA NYID DU STON KYANG GANG BYAS PA DE NGES PAR SNGA MA'I LAS GYIS BYAS PA NYID DU STON PA YIN PAS DE BSTAN PA'I PHYIR, 'BAD PA'I MTHUS BYAS PA NI MA YIN NO ZHES BYA BA SMOS PA YIN TE, 'DIS NI DE LTAR BYUNG BA'I SKYES BU BYED PA'I RKYEN 'GOG PA YIN NO, ,BDE BA DANG SDUG BSNGAL GYI BYED PA'I 'GRO BA RNAMS KYI BYED PA PO GCIG TU MI RIGS PA NYID DE, CI'I PHYIR ZHE NA, DUS GCIG TU GNAS PA MANG PO DU MA STE, MTHA' YAS PA'I DNGOS PO BYED PAR MI RIGS PA'I PHYIR RO, ,BDE BAR BYED PA LA MKHAS PA NI BDE BAR BYED PA LA MKHAS PA STE, DE YANG SDUG BSNGAL BAR MTHONG BA'I PHYIR TE, DE BAS THAMS CAD SNGON GYI LAS LAS GYUR PA NYID DU GZUNG NGO, ,SNGAR BSTAN PA'I SKYON DANG, DBANG PHYUG RGYUR BYED PA'I SKYON BSTAN PA YIN TE, SNA TSOGS PA'I PHYIR LAS KYI BYED PA PO LAS DNGOS PO SKYE BA'I RGYU NYID DU NI RUNG STE, DUS GCIG TU SO SOR GNAS PA MANG PO DPAG TU MED PA'I DNGOS PO SKYE BA NI RIGS PA NYID DO, ,KHA DOG NI SNGON PO LA SOGS PA'O, ,YON TAN NI DRI DANG, RO DANG, REG BYA LA SOGS PA'I MTSAN @279A *, ,NYID DO, ,LDAN PA NI DBYIBS KYI KHYAD PAR DANG, KHA DOG DAG DANG, YON TAN DANG LDAN PA'O, ,RNAM PA SNA TSOGS PA'I KHA DOG DANG, YON TAN DANG LDAN PA GANG YIN PA DE NI RNAM PA SNA TSOGS KHA DOG YON TAN DANG LDAN PA'O, ,'GRO BA RNAMS KYI LAS KYI RGYU MED PAR BSTAN TE, DUS GCIG TU 'BYUNG ZHES BYA BAS BSTAN PA NI DUS GCIG TU SO SOR GNAS PA MTHA' YAS PA MANG PO RNAMS DPAG TU MED PA'I DNGOS POR SKYE BAR MTHONG BA'I PHYIR LAS GANG YIN PA DE NI MED DE, DE LA DUS GCIG TU DNGOS PO MTHA' YAS PA DPAG TU MED PA'I DNGOS PO SKYE BA MED PAR 'GYUR NA NI SHING RNAM PA SNA TSOGS PA'I KHA DOG DANG LDAN PA SNANG BAS DE RNAMS KYI LAS NI MED DO, ,DE BAS NA RGYU MED PA NYID DE RANG GI SA BON GYI RGYUS SO, ,RKYEN YANG MED DE DBANG PHYUG BYED PA POS 'DOD PA DE'I NYES PAR THAL BA'I PHYIR RO, ,SNGON GYI LAS GYUR 'DOD PA YANG MA YIN TE, LAS MED PAR KHA DOG DANG YON TAN LA SOGS PA RNAM PA SNA TSOGS PA'I DNGOS PO SKYE BAR SNANG BA'I PHYIR RO, ,'JIG RTEN PHA ROL YANG MED DE, SHING DE DAG NYID ZHIG PAR GYUR NA PHYIS YANG SKYE BAR MA MTHONG BA'I PHYIR TE, DE BAS NA DE BZHIN DU 'GRO BA 'DI DAG THAMS CAD GNAS PAR 'DOD DO, ,RGYAL RIGS KYI GTZUG LAG LAS 'BYUNG BA ZHES BYA BA NI, LUGS KYI BSTAN BCOS LAS 'BYUNG BA'O, ,LUGS KYI BSTAN BCOS NYID G-YO BA DANG DGRA THABS YIN PAS, LUGS KYI BSTAN BCOS KYI G-YO BA DANG DGRA THABS YIN NO, ,G-YO BA DANG DGRA THABS BSTEN PA NI G-YO BA DANG DGRA THABS 'BREL PA'O, ,SNYING RJE MED CING SKYON DANG BCAS PA, CHOS DANG 'GAL BA LA ZHES BYA BA NI SROG GCOD PA LA SOGS PA DANG BCAS PA'O, ,GRIB MA RNAMS KYI SHING YIN PAS GRIB MA'I LJON SHING NGO, ,GRIB MA'I LJON SHING DAG LA BRTEN PA GANG YIN PA DE NI GRIB MA'I LJON SHING LA BRTEN PA'O, ,BYAS PA GZO BA'I SPYOD BA GANG YIN PA DE BYAS PA GZO BA'O, ,DES BSRUNG BA NI 'THOB PAR 'DOD PA'O, ,BSRUNG BA DE NYID SMAS PA, DE DAG JI SRID DGOS PA'I DUS LA MA BAB PA DE SRID DU RANG GI GRAGS PA BSRUNG BA'O, ,DGOS PA BYUNG NA ZHES BYA BA NI @279B DGOS PA'I DUS LA BAB NA ZHES BYA BA'I DON TO, ,DE LTA BA LNGA PO 'DI DAG BYAS PA 'DI'I BSDUS PA'I DON NI RANG BZHIN GYI DBANG DU BYAS NAS LTA BA RNAM PA GNYIS TE, RGYU MED PAR SMRA BA DANG, MI MTHUN PA'I RGYUR SMRA BA'O, ,RGYU MED PAR SMRA BA'I DBANG DU BYAS PA NI LTA BA'I RNAM PA DANG PO'O,, DBANG PHYUG RGYUR SMRA BA NI MI MTHUN PA RGYUR SMRA BA'O, ,THAMS CAD SNGON GYI LAS KYIS BYAS SO ZHES BYA BA NI DA LTAR BYUNG BA'I LAS RNAM PAR GCOD PA'O, ,DE BZHIN DU MTHONG BA'I CHOS LA MYA NGAN LAS 'DAS PAR 'DOD PA CHAD PAR LTA BA STE, 'JIG RTEN PHA ROL RNAM PAR GCOD PA'O, RGYAL RIGS KYI CHOS KYI GTZUG LAG LAS 'BYUNG BAR SMRA BA NI MNGON PAR MTHO BA'I RGYU MI MTHUN PAR SMRA BA'O, ,LTA BA'I RNAM PA 'DI DAG LAS DANG PO LAS BRTZAMS PA NI GNYIS SO, ,BAR MA LAS BRTZAMS PA NI GCIG PA'O, ,DE LAS GZHAN PA LAS BRTZAMS PA NI GNYIS TE, DE LTA BAS NA LTA BA 'DI DAG GI GO RIMS NI 'DI YIN NO, ,SKYE BO SDIG PA CAN RNAMS DANG BSTEN PA ZHES BYA BA 'DIS NI RKYEN BSTAN TO, ,BLO GZHAN GYI DRING LA 'JOG PAS ZHES BYA BA 'DIS NI RGYU BSTAN TO, ,LTA BAS BYAS PA NYID G-YANG SAR LHUNG BA NYID YIN PAS LTA BA NGAN PA'I G-YANG SAR LTUNG BA ZHES BRJOD DO, ,NGAN SONG GI RGYUR GYUR PA'I PHYIR RO, ,DE LA BRTZE BAR GYUR TE ZHES BYA BA'I RGYU'I DBANG DU BYAS NAS, YON TAN GOMS PAS ZHES BYA BA'I TSIGS BCAD SMOS SO, ,DE LAS BZLOG PA'I THABS ZHES BYA BA NI BZLOG PA'I CHED DU'O, ,DUL ZHING BRTAN PA DANG RGYA CHE BA'I CHA BYAD YOD PA'I SKYE BO GANG YIN PA DE NI DUL ZHING BRTAN LA RGYA CHE BA'I CHA BYAD KYI SKYE BO STE PHYOGS NA 'KHOD PA'O, ,SNYAN PAR SMRA BA DANG, BSNYEN BKUR BA DANG, STAN GDING BA BYAS PA NI SNYAN PAR SMRA BA DANG, BSNYEN BKUR BA DANG, STAN GDING BA BYAS PA'O, , SNYAN PAR SMRA BA DANG, BSNYEN BKUR DANG, STAN GDING BA GANG YIN PA DE NYID NI, SNYAN PAR SMRA BA DANG, BSNYEN BKUR DANG, STAN GDING BA BYAS PA'O, ,AE MA 'O KHYOD KYI CHOS LA DGA' BA LA LTOS ZHES BYA BA YIN TE, DGA' BA NI CI'I PHYIR ZHE NA, DKA' THUB KYI NAGS NA 'DUG @280A *, ,BZHIN DU SPRE'U CHEN PO MED PAR BYAS PA'O, ,AE MA'O RTZOL PHOD CES BYA BA NI SPRE'U CHEN PO BSAD PAS SO, ,MTHU CHE BA ZHES BYA BA NI NUS PA STE, GCIG TU DKA' THUB SPYAD PAS LUS NYAM CHUNG YANG SONG BA'I PHYIR RO, ,'GRO BA'I NGO BO NYID KYIS DE BZHIN KHYED ZER NA,, ZHES BYA BA'I TSIGS BCAD NI 'GRO BA 'DI DAG NGO BO NYID KYIS YIN NA, SPRE'U BSAD PA YANG NGO BO NYID KYIS YIN NO, ,ZHES BYA BA'I DBANG DU BYAS NAS, DE STE SDIG PA YOD NA NI, ,ZHES BYA BA'I TSIGS BCAD SMOS TE, GAL TE SDIG PA YOD NA NI 'GRO BA 'DI NYID LA RGYU YOD PA NYID DU BSTAN TE; GRUB PA NYID KYI DBANG DU BYAS NA'O, ,DE LA RE ZHIG DAM BCAS PA DANG, SDIG PA YOD DO ZHES ZER BA NI PHAN TSUN 'GAL BA NYID DU BSTAN NAS, DA NI DPE MA GRUB PA NYID DU BSTAN PA'I PHYIR, GAL TE PADMA'I SDONG BU SKYE LA SOGS ZHES BYA BA'I TSIGS BCAD SMOS SO, ,PADMA'I SDONG BU SKYE BA LA SOGS PA DE RGYU MED PA NYID YIN NA, CI'I PHYIR RTAG TU MI 'BYUNG, PADMA'I LO MA SKYE BA LA SOGS PA'I RGYU NI CI ZHIG YIN ZHE NA, CHU LA SOGS PA'I RKYEN YOD PA DANG, SA BON GYI RGYUS BYAS PA YIN TE, JI LTAR SHES SHE NA, MED PA LAS BYUNG BA'I PHYIR TE, CHU LA SOGS PA YOD PA DANG, PADMA'I SDONG BU LA SOGS PA YOD PAR 'GYUR LA, CHU DANG, SA BON LA SOGS PA MED NA NI MI 'BYUNG BA YIN TE, DE NI GANG GI PHYIR, RGYU DANG RGYU CAN GYI MTSAN NYID GTAN TSIGS KYIS MKHAS PA DAG DE LTAR 'DOD DO, ,GANG LA RGYU MED PAR 'BYUNG BA DANG, GANG 'BYUNG BA DANG, GANG DU MI 'BYUNG BA DE NI RGYU DANG BCAS PA DANG, RGYU MED PA YIN TE, GANG ZHIG KHA CIG TU NI ZHES BYA BA LA SOGS PA'I TSIGS BCAD GSUM YIN TE, DE LA RE ZHIG GANG ZHIG KHA CIG TU NI ZHES BYA BA NI TSIGS BCAD 'DIS NI, PHYOGS SNGA MA DANG 'GAL BAR BSTAN TO, ,TSIGS BCAD GNYIS PAS NI GRUB PA'I MTHA' DANG 'GAL BAR BSTAN TO, ,GSUM PAS NI DPE MA GRUB PA BSTAN TE, RGYU YANG YOD PA MA YIN ZHES NI RTAG TU SMRA, ZHES BYA BA'I TSIGS BCAD GSUM GYIS NI, RANG GI GNAS SKABS KYI DBANG DU BYAS PA STE, MA MTHONG BAS ZHES BYA BA NI MA SHES @280B PAS SO, ,DE NYID KYIS ZHES BYA BA NI RGYU MA MTHONG BA NYID KYIS SO, ,THAMS CAD RGYU MED SMRA NA NI, ,ZHES BYA BA NI GANG DAG RGYU MTHONG BA DE DAG LA YANG RGYU MED PAR STON PA STE, RGYU DANG BCAS PAR MNGON DU MTHONG BZHIN DU, ,ZHES BYA BA YIN TE, GANG DAG RGYU YOD PA DE DAG NI RGYU YOD PA NYID DU MNGON SUM DU DMIGS PA YIN NO, ,DE LA SDANG BAS 'GAL BA'I TSIG NGAN SMRAS PAR 'GYUR, ,ZHES BYA BA NI 'GAL BAS TSIG NGAN SMRA BAR 'GYUR BA GANG YIN PA DE NI 'GAL BA'I TSIG NGAN SMRA BAR 'GYUR BA'O, ,TSIG NGAN PA NI 'DIR BDAG GI DAM BCAS PA LA GZUNG STE, BDAG NYID KYI DAM BCAS PA'I TSIG DANG 'GAL ZHES BYA BA'I DON TE, MNGON SUM DANG 'GAL BA'O, ,DAM BCAS PA NGAN PA SNGA MA'I DON RNAM PAR BCAD PA'I PHYIR, 'GAL ZHING NGAN PA NYID DU BSTAN TO, ,DA NI MNGON SUM DANG 'GAL BA DAM BCAS PA NGAN PAR BSTAN TO, ,GANG ZHIG KHA CIG TU NI RGYU RKYEN MA MTHONG BAS, ,ZHES BYA BA BSTAN PA LA, JI LTAR RGYU YOD BZHIN DU MA RTOGS PA, ,ZHES BYA BA YIN TE, RGYU YOD BZHIN DU MA RTOGS PA BSTAN PA'I PHYIR, ,GAL TE GANG NA'ANG RGYU NI YOD PAR MA MTHONG NA, ,ZHES BYA BA'I TSIGS BCAD SMOS TE, GANG GI RGYU MA MTHONG BA DE LA 'DIR RGYU MED CES SMRA BAR MI RIGS TE, CI'I PHYIR ZHE NA, YOD BZHIN DU YANG RKYEN GZHAN GYIS MI MTHONG BAR SNANG STE, JI LTAR MTSAN MO NYI MA'I DKYIL 'KHOR YOD KYANG SHIN TU SKAL BAR GNAS PA'I PHYIR, RKYEN GZHAN GYIS MA MTHONG BA YIN TE, MI DMIGS PA'I RGYU YIN NO; ,DE DAG RGYU DANG BCAS PAR MNGON DU MTHONG BZHIN DU, ,ZHES BYA BA BSTAN PA LA, JI LTAR MNGON SUM DU RGYU DANG BCAS PA MTHONG ZHES PA DE BSTAN PA'I PHYIR, YID DU 'ONG BA'I YUL NI BDE BA 'DOD PA'I PHYIR TE, RTEN ZHES BYA BA'I TSIGS BCAD SMOS SO, ,DE DANG 'GAL BA LA NI BDE BA DANG 'GAL BA STE, YID DU MI 'ONG BA'I YUL ZHES BYA BA'I DON TO, ,DE'I PHYIR YANG, RGYAL PO DAG LA RTEN PAR BYED, CES BYA BA NI YID DU 'ONG BA'I YUL LA BRTEN PA'O, ,YANG NA BDE BA 'DOD PA'I PHYIR RO, ,DE'I PHYIR DE LA SDANG BAS 'GAL BA'I TSIG NGAN SMRAS PAR GYUR PA'O, ,DE BSTAN @281A *, ,PA'I PHYIR; GAL TE DNGOS PO RNAMS DE LTA YIN ZHES BYA BA'I TSIGS BCAD SMOS TE, DE LTA YIN NA ZHES BYA BA NI RGYU DANG LDAN PA YIN NA PHYOGS MA GRUB PA YANG YIN PAS, DNGOS PO RNAMS KYI RGYU KHAS MI LEN PA STE, SPRE'U BSAD PA LA NYES PA ME DANG 'I MJUG BSDU BA'I PHYIR, GAL TE ZHES BYA BA NI SNGAR BSTAN PA'I RGYU STEN PA YIN NO, ,GAL TE ZHES BYA BA NI DNGOS PO RNAMS RGYU DANG LDAN PA NYID DU GRUB KYANG, JI LTAR DNGOS PO GZHAN RGYU MED PA DE BZHIN DU SPRE'U BSAD PA LA YANG RGYU MED PA YIN TE, DE LTA YIN NA NI CI'I PHYIR BDAG LA SMOD PAR BYED CES PA'O, ,KHYOD NI JI LTAR BDAG LA SEMS MI DGA', ,ZHES BYA BA LA, SEMS MI DGA' PA DE NYID BSTAN PA'I PHYIR, GZHAN GYI NYES PA BDAG LA CI PHYIR BSGO, ,CES BYA BA YIN TE, GZHAN GYI NYES PA NI DBANG PHYUG GI NYES PAS SO, ,SDIG PA CHEN PO MA LUS PA, ,ZHES BYA BA'I TSIGS BCAD 'DIS NI, SPRE'U BSAD PAS NI SDIG PA NYID DU KHAS LEN PA'I PHYOGS SNGA MA DANG 'GAL BA'I NYES BA NYID BSTAN TO, ,DE STE SPRA CHEN DPA' BO DE SHI BA, ,ZHES BYA BA 'DIS NI GRUB PA'I MTHA'I SKYON BSTAN TO, ,YANG NA DE GNYIS GCIG LA GCIG 'GAL BA'I SKYON BSTAN TO, ,DBANG PHYUG 'GRO BA THAMS CAD KYI BYED PA PO NYID YIN NA NI SKYES BU BYED PA'I RTZOL BA THAMS CAD DON MED PA YIN NO ZHES BYA BA LAS BRTZAMS TE, DBANG PHYUG LA NI RE BA YIS, ,ZHES BYA BA'I TSIGS BCAD SMOS SO, ,THAMS CAD KYI BYED PA PO DBANG PHYUG NI BYED PA'I RGYU MA YIN TE, DBANG PHYUG GIS BYED PA'I SKYON BSTAN PA'I PHYIR RO, ,SDIG PA CHEN PO MA LUS PA, ,ZHES BYA BA'I TSIGS BCAD SMOS SO, ,SKYON DE NYID KYIS DBANG PHYUG NYID MED PAR TSIGS BCAD 'DIS STON TO, ,YANG NA DES LTUNG BAS MI BYED NA NI GRUB PA'I MTHA' DANG 'GAL BAR BSTAN PA'I PHYIR, SDIG PAS 'JIGS NAS DE DAG KUN, ,ZHES BYA BA'I TSIGS BCAD SMOS SO, ,DBANG PHYUG CHEN PO NYID DU 'DOD PA DE LA, DBANG PHYUG CHEN PO MED PAR BSTAN PA'I PHYIR, DE YANG DBANG PHYUG 'GYUR BA NI, ,ZHES BYA BA'I TSIGS BCAD SMOS SO, ,DBANG PHYUG NYID @281B DU NI RGYU DANG BCAS PA'AM, RGYU MED PA YIN GRANG NA RGYU DANG BCAS PA NI CHOS KYI RGYU NYID DU 'GYUR BA'AM DE LAS RGYU GZHAN PA'I RGYU NYID YIN PA ZHIG GO, ,DE LA CHOS KYI RGYU NYID YIN NA NI CHOS LAS SNGA ROL DU DBANG PHYUG MED DO, ,DE STE DBANG PHYUG GIS DBANG PHYUG GZHAN NYID PHYUNG NA NI DBANG PHYUG KYANG NYAMS PA YIN TE, DES NA DBANG PHYUG MA YIN PA'I PHYIR RO, ,GZHAN DU NA DBANG PHYUG NYID KYI RGYU NYID YIN NA NI, BDAG GIS SPRE'U'I RGYAL PO BSAD PA LA SDIG PA YIN NO ZHES KHAS BLANGS PA'I PHYOGS SNGA MA DANG 'GAL BA'I NYES PA MED DO, ,GAL TE THAMS CAD SNGON GYI LAS KYIS ZHES BYA BA'I TSIGS BCAD NI SPRE'U BSAD PA LAS SDIG PA NYID DU KHAS LEN PA'I PHYOGS SNGA MA DANG 'GAL BA BSTAN PA'I PHYIR, GAL TE THAMS CAD SNGON GYI LAS KYIS BYAS NA NI, ,ZHES BYA BA'I TSIGS BCAD SMOS TE, GANG GI PHYIR BDAG LA SMAD CES BYA BA NI BDAG GI PHYIR SDIG PAS SO; ,DE STE BDAG GIS SPRE'U BSAD PA'I SDIG YOD NA, ,ZHES BYA BA'I TSIGS BCAD PHYED KYIS NI GRUB PA'I MTHA' NYAMS PA STON PA'I PHYIR RO, ,CI STE LAS DANG LAS KYI RGYU NYID YOD PAR STON TE, SNGAR BSHAD PA'I LAS KYIS BYAS PA STE, LAS GANG GIS SPRE'U DE BSAD PA'I LAS BYAS PA YIN NO ZHES DE LTAR 'DOD NA NI THAR PA MED PA'I SKYON DU THAL BAR 'GYUR RO ZHES BSTAN PA'I PHYIR, GAL TE LAS DANG LAS KYI RGYU YOD NA, ,ZHES BYA BA'I TSIGS BCAD PHYED YIN NO, ,SPRE'U BSAD PA'I LAS BYAS PA DE YANG SPRE'U BSAD PA'I LAS GZHAN GYI RGYUS YIN NO, ,DE YANG GZHAN DANG GZHAN GYI YIN PAS THAR PA MED PAR THAL BAR 'GYUR TE, LAS RJES SU MA SPYAD PA'I PHYIR RO, ,SNGON GYI LAS KYIS BYAS PA NGES PAR MNGON, ,ZHES BYA BA YIN NA NI, RGYU DANG RKYEN GZHAN BDE BA DANG SDUG BSNGAL GNYIS 'GAG PAR 'GYUR TE, DE RGYU DANG RKYEN GZHAN GYIS KYANG, SDUG BSNGAL RGYU YANG GAL TE BDE BAR 'GYUR, ,ZHES DANG, BDE DANG SDUG BSNGAL DE LTAR GYUR PA'ANG MED, ,CES BYA BA'I TSIGS BCAD YIN TE, 'DIS KYANG 'GOG PA YIN TE, NYE BAR 'GYUR BA'I RKYEN DANG DA LTAR BYUNG BA'I SKYES BU'I BYED PA STE, YUL NYE BAR GYUR PA'I YUL GYI RKYEN @282A *, ,DANG; DA LTAR BYUNG BA'I SKYES BU'I BYED PA'O, ,DE LA YUL NYE BAR GYUR PA NYID KYI BDE BA DANG, SDUG BSNGAL GNYIS BSTAN PA'I PHYIR, SDUG BSNGAL RGYU YANG GAL TE BDE BAR 'GYUR, ,ZHES BYA BA'I TSIGS BCAD SMOS SO, ,SDUG BSNGAL GYI RGYU NI YID DU MI 'ONG BA STE, DES NA BDE BA DANG SDUG BSNGAL GNYIS NI YID DU 'ONG BA DANG YID DU MI 'ONG BA LAS SKYES PA'I PHYIR RO, ,NGES PA ZHES BYA BA NI GDON MI ZA BAR ZHES PA'I DON TO, ,SNGON GYI LAS KYIS BYAS PA ZHES BYA BA NI, SNGON GYI LAS NYID KYIS BYAS PA GANG YIN PA STE, RGYU GZHAN MA YIN PA ZHES BYA BA'I DON TO, ,BDE DANG SDUG BSNGAL DE LTAR GYUR PA'ANG MED, ,CES BYA BA DANG PO'I PHYED KYIS NI BSTAN MA THAG PA'I DON MJUG BSDU BA'I PHYIR RO, ,TSIGS BCAD PHYED 'OG MAS NI DA LTAR BYUNG BA'I SKYES BU BYED PA'I RKYEN GYIS DNGOS PO'I SKYON BSTAN PA'I PHYIR TE, DE LTAR ZHES BYA BA NI BDE BA DANG SDUG BSNGAL PA DAG LA YID DU 'ONG BA DANG YID DU MI 'ONG BA'I YUL MNGON SUM DU GYUR PAS YIN GYI, SNGON GYI LAS KYIS BDE BA DANG SDUG BSNGAL BYAS PA MA YIN NO ZHES BRGYA LA DE SMRA NA, DE LTA MOD KYI, BDE BA DANG SDUG BSNGAL YUL GYI RKYEN LAS BYUNG BA YIN NO ZHES DE LTAR SMRAS PAS DA LTAR BYUNG BA'I SKYES BU BYED PA'I LAS BSAL BA YIN TE, DE MED PA'I SKYON BSTAN PA'I PHYIR SMRAS PA, GSAR DU BYAS PA'I LAS KYANG JI LTAR 'GYUR, ,ZHES BYA BA'I DON TO, ,GSAR DU BYAS PA'I LAS MA GRUB NA SKYON YOD CE NA, DE'I SKYON BSTAN PA'I PHYIR SMRAS PA, DE MA GRUB NA SNGA MA'ANG JI LTAR 'GRUB, ,CES BYA BA YIN TE, DE MA GRUB NA ZHES BYA BA NI GSAR DU BYAS PA'I LAS MA GRUB NA'O, ,KUN ZHES BYA BA NI SPRE'U BSAD PA LA SOGS PA'O, ,BDAG GIS BYAS PAR ZHES BYA BA NI SNGON GYI LAS KYIS BYAS PA 'DI DAG LA BDAG GIS BYAS PAR YONGS SU BRTAG PA NI MI RIGS ZHES BYA BA'I DON TO, ,PHYOGS SNGA MA SPRE'U BSAD PA LA SDIG PA YOD DO ZHES SMRAS PA DANG 'GAL BAR BSTAN PA'I PHYIR SMRAS PA, GAL TE CHAD PAR LTA BA DE KHO NA NYID YIN PAR SEMS NA ZHES BYA BA'I TSIGS BCAD SMOS SO, ,CI ZHIG SPANG ZHES BYA BA NI CI'I PHYIR @282B SPANG BA'O, ,CI ZHIG 'BAD DU YOD CES BYA BA NI CI'I PHYIR 'BAD DU YOD PA'O, ,YANG NA CI ZHIG CES BYA BA'I SGRA NI DRI BA'I TSIG GO, ,RANG DGAR CI BDER SPYOD PAR RIGS PA GANG YIN PA DE NI RANG DGAR CI BDER SPYAD PAR RIGS TE, SDIG PA DANG DGE BA DAG LA SPANG BA DANG, BSTEN PA'I NYES PA DANG YON TAN MED PAS SO, ,DE LTA MOD KYI 'JIG RTEN PA RNAMS KYI KHA NA MA THO BAS 'JIGS PAR BYED DO ZHES DE LTAR RTOG NA YANG SMRAS PA, 'GRO BAS 'PHYA BA DAG GIS 'JIGS NAS SU, ,ZHES BYA BA SMOS TE, 'JIG RTEN GYIS MI SMAN PAR SMRA BAS 'JIGS PA'O, ,BDAG GI TSIG DANG MI MTHUN SPYOD PA YIN,, ZHES BYA BA NI SDIG PA BSTEN PA DANG, DGE BA SGRUB PA LA SKYON DANG YON TAN MED DO ZHES SMRA NA SDIG PA BSTEN PA DANG, DGE BA BSTEN PAR BYED PA YIN PAS NA BDAG GI TSIG DANG MI MTHUN PAR SPYOD PA YIN TE, 'GRO BAS 'PHYA BA'I NYES PAS 'JIGS PAS NI RANG GI TSIG DANG MI 'GAL BAR SPYOD PA'O, ,DE YOD NA NI DE DAG KYANG YOD KYI CHAD PAR SMRA BA 'DI LA NI 'GRO BAS 'PHYA BA'I NYES PA MED DO, ,'GRO BAS 'PHYA BA'I SKYON GCIG PUR MA ZAD DE, 'DI LTAR RANG GI GRUB PA'I MTHA'I LAS BSTAN PA'I BDE BA'ANG MI 'THOB PA YIN NO ZHES BSTAN PA'I PHYIR, 'JIG RTEN TSUL LA GNAS PAR GYUR NA NI; ,ZHES BYA BA'I TSIGS BCAD SMOS TE, RANG GI GZHUNG LUGS ZHES BYA BA NI RANG GI GRUB PA'I MTHA'O, ,RANG GI GRUB PA'I MTHA' SMRA BA 'KHRUL PAS DON MED PAR 'GYUR BA NI BDE BA 'THOB PA STE, DE BAS NA 'GRO BAS 'PHYA BAR 'JIGS NA RANG GI GRUB PA'I MTHA'I 'BRAS BU MI THOB PAS SMRA BA DON MED PA NI 'KHRUL PA YIN PAS SMRA BA 'KHRUL PA'O, ,SMRA BA'I 'KHRUL PA NYID NI PHYIN CI LOG PA YIN TE, DE'I SMRA BA 'KHRUL PAS DON MED PA GANG YIN PA DE NI SMRA BA 'KHRUL PAS DON MED PA STE, MCHOG TU 'BRAS BU MED PA'I PHYIR RO, ,DE'I TSIG NI BYIS PA'I NANG NA THA MA NYID YIN TE, LTA BA THAMS CAD KYI NANG NA THA CHAD BZUNG ZHING 'JUG PA'I PHYIR RO, ,RNAM PA SNA TSOGS YON TAN DANG LDAN PA'I SHING ZHES BYA BA LA, BDAG GI LAS KYIS BYA BA MA YIN PAR 'BYUNG BA DAG ,'JIGS PA RNAMS KYANG PHYIS YANG MI SKYE'O ZHES KHAS LEN CING JI LTAR YANG SHING GI @283A *, ,MTSAN NYID 'DI LTA BUR 'JIG RTEN YANG RGYU GANG ZHIG YOD, DE LTA NA YANG 'JIG RTEN NA NI SHING DANG 'DRA BA YIN PAS DNGOS PO RNAMS KYI RGYU 'GRUB PA'I DNGOS PO YIN YANG DNGOS PO MED PA'O ZHES SMRA BA STE, CHAD PAR SMRA BA LA NI 'JIG RTEN PHA ROL MED PAS 'BRAS BU YID DU 'ONG BA MED DO, ,DES NA SDIG PA THAMS CAD KYI NANG NA KHYAD PAR DU GYUR PA YIN NO, ,BYAS NAS SU ZHES BYA BA NI GZHUNG LUGS KYI BSTAN BCOS PA'O, ,DE GANG YIN ZHE NA, DGE BA'AM MI DGE BA'O, ,CI'I PHYIR ZHE NA, SRID KYI PHYIR RO, ,RJES SU 'GRO BA NI DUS PHYI MA STE, PHYI NAS GANG ZHIG CES BYA BA LA, DGOS PA DAG NI BYUNG BAR GYUR PA'I TSE, ,ZHES BYA BA'I TSIGS BCAD YIN TE, PHYOGS KYI CHOS DANG 'GAL BAR BSTAN PA'I DON TO, ,'ON TE SNYING RJE MED PHYIR SMAD 'GYUR RAM, ,ZHES BYA BA'I TSIGS BCAD BSTAN PA LA, GRUB PA'I MTHA'I SKYON BSTAN PA'I PHYIR, SMAD 'GYUR ZHES BYA BA SMOS PA YIN TE, MTHONG BA'I CHOS LA BDE BA'I LAS MI SNYAN PAR BSTAN PA YIN NO, ,'BRAS BU SDUG BSNGAL ZHES BYA BA NI PHA ROL TU NGAN SONG DU 'GRO BA'I RGYUR GYUR PA'I PHYIR RO, ,GZHUNG LUGS ZHES BYA BA NI GZHUNG LUGS KYI BSTAN BCOS SO, ,GANG NA RIGS PA'I GZHUNG LDAN 'DI 'DRA BA, ,ZHES BYA BA NI TSE 'DIR SMAD PAR BYAS PA DANG, 'JIG RTEN PHA ROL TU YANG SDUG BSNGAL GYI 'BRAS BU YIN TE, GANG NA LAS 'DI YOD PA DER GNOD BZHIN DU BYED CING RIGS PA'I GZHUNG LUGS 'DI'O, ,'DI LTA BUR 'KHRUL PA GANG YIN PA DE NI 'KHRUL PA CI 'DRA BA'O, ,'KHRUL PA NI PHONGS PA'O, ,GTZUG LAG GI LAM GYI ZHES BYA BA NI GTZUG LAG GI TSUL GYIS TE, GTZUG LAG CES BYA BA NI BRDA TZAM DU SBYAR BA YIN TE, GTZUG LAG NYID NI MA YIN BSTAN BCOS KYI TSUL TZAM NYID DO, ,GTZUG LAG NYID LAM YIN PAS NA GTZUG LAG LAM STE, CHOS MA YIN PA SGRUB PA LA BRTEN PA'I PHYIR RO, ,LAM YANG YIN LA GSAL BA YANG YIN PAS LAM NI GSAL BA'O, ,DES BSTAN PA NI LAM GSAL BAR BSTAN PA'O, ,DE 'KHOR GYI NANG NA RGYAL BAR GYUR PA GANG YIN PA DE DAG NI 'KHOR GYI NANG NA RGYAL BAR GYUR @283B PA'O; ,SPOBS PA CHE BAR GOMS PA GANG YIN PA DE DAG NI SPOBS PA CHE BAR GOMS PA'O, ,SROG DANG BCAS PA'I SPRE'U BKUM PA NI MA LAGS KYI ZHES BYA BA 'DIS NI, SPRE'U'I PAGS PA YOD PA NI SPRE'U SPRUL PA YIN GYI SROG DANG BCAS PA NI MA YIN NO, ,DE SROG MED PA NYID KYIS BSAD PA YANG MED DO, ,DE BAS NA BKUM PA'ANG MA LAGS ZHES BYA BA'I DON TO, ,RGYU LAS GRUB PAR MTHONG BZHIN LA, ,ZHES BYA BA 'DIS NI RGYU MED PAR SMRA BA DGAG PA YIN NO, ,RANG DBANG ZHES BYA BA 'DIS NI, DBANG PHYUG RGYUR SMRA BA 'GOG PA YIN TE GANG GI PHYIR DBANG PHYUG RGYUR SMRA BA GZHAN DBANG YIN TE, DBANG PHYUG LA RAG LAS PA'I TSUL YIN PA'I PHYIR RO, ,'JIG RTEN PHA ROL ZHES BYA BA 'DIS NI CHAD PAR SMRA BA DGAG PA YIN TE, GANG GI PHYIR CHAD PAR SMRA BA NI 'JIG RTEN PHA ROL SHES PA MA YIN TE, 'JIG RTEN PHA ROL KHAS MI LEN PA'I PHYIR RO, ,DGE BAR KHAS LEN SNYING RJE CAN, ,ZHES BYA BA 'DIS NI LUS KYI BSTAN BCOS RJES SU 'JUG PA 'GOG PAR BYED PA YIN TE, GANG GI PHYIR DE NI DGE BAR DAM BCA' BA MA YIN TE, GZHAN LA KHRO BA DANG BCAS PA'I PHYIR RO, ,DE SNYING RJE CAN YANG MA YIN NO, ,BZHI PO 'DI DAG NI SROG GCOD PA'I NYES PA MED PAR BSTAN PA'I PHYIR RO, ,THAMS CAD SNGON GYI LAS KYIS BYAS PAR LTA BA DE CI'I PHYIR MA BSTAN CE NA, GANG GI PHYIR DE NI LAS KYI RGYU DE NYID DU SGRUB PA YIN TE, 'GRO BA RNAMS DE LTAR SGRUB PA NI SROG CHAGS GSOD PAR BYED DE, DE NI DA LTAR BYUNG BA'I SKYES BU BYED PA'I RKYEN NYI TSER 'GYUR RO,, GZHUNG BYED PA ZHES BYA BA NI MA YIN PA'I SDIG PA'O, ,CI'I PHYIR ZHE NA, GRAGS PA CUNG ZAD TZAM GYI PHYIR RO, ,GZHAN DU NA GZHUNG MI BYED DE, SDIG PA NYID YIN PAS SO, ,JI LTAR KHAS BLANG BAR BYA ZHES BYA BA NI KHAS LEN PAR BYED PA'O, ,SDIG PA LA SDIG PA MA YIN PA'I LTA BAS GANG DE GRAGS PA CUNG ZAD TZAM GYI PHYIR SDIG PA MI BYED DE, JI LTAR RIGS PAS SMRA BA KHAS LEN PAR BYED CES PA STE, GRAGS PA CUNG ZAD TZAM GYI PHYIR, GZHUNG MI BYED CES BYA BA'I TSIG GIS SO, ,GZHAN DU NA BYED PA DE NI DON GYIS MI 'GRUB PA'O, ,DES NA DE'I RGYU BSTAN PA'I PHYIR, MI YI @284A *, ,BDAG PO LTA BA BZANG NGAM NGAN, ,ZHES BYA BA'I TSIGS BCAD SMOS SO, ,SKAL BA MNYAM PA NI RIGS MTHUN PA'O, ,LAS NYID SGRUB PA YIN PAS LAS NI SGRUB PA'O, ,RIGS MTHUN PA'I LAS KYIS SGRUB PA NI RIGS MTHUN LAS NI SGRUB PA'O, ,DE DAG GI RGYU NI RIGS MTHUN PA'I LAS SGRUB PA'I RGYU'O, ,GAL TE LTA BA BZANG NA NI DGE BA'I LAS SGRUB PA'I RGYU YIN LA, GAL TE LTA BA NGAN NA NI MI DGE BA'I LAS SGRUB PA'I RGYU YIN NO, ,CI'I PHYIR ZHE NA, BRTAGS NA DGE BA DANG, MI DGE BA'I 'JUG PA'I TSIG DANG SPYOD PA RNAMS STON PA'I PHYIR RO, ,LTA BA DE YANG GANG LAS THOB PA YIN ZHE NA, DE'I PHYIR SMRAS PA, DAM PA RNAMS LA BRTEN NA 'DI SHES 'GYUR, ,ZHES SMOS PA YIN TE, 'DI NI LTA BA BZANG PO'I TSUL LO, ,'DI SKYE BO NGAN PA RNAMS RING DU SPANG BA NI THAG RING DU BYA BA'O, ,DAM PA MA YIN PA LA BRTEN PAS NI TSUL 'DI LTAR THOB PA YIN TE, DES NA DE NYID SMRAS PA, MI SDOM PAR YANG SDOM PA'I TSUL 'DZIN PA, ,ZHES BYA BA'I TSIGS BCAD SMOS TE, MI SDOM PAR YANG ZHES BYA BA NI SDOM PA'I RGYU MED KYANG MTHONG BA'I YUL DU BYED PA'I PHYIR, MI SDOM PAR YANG SDOM PA'I TSUL 'DZIN PA, ,ZHES BYA'O, SDOM BRTZON DAG GI CHA BYAD YIN PAS SDOM PA'I TSUL LO, ,DE 'CHANG BA'I TSUL GANG LA YOD PA DE NI SDOM PA'I TSUL 'DZIN PA'O, ,DGE SLONG SRIN PO DE RNAMS KYI MTSAN NYID NI CI JI LTAR NI DE DAG SHES PAR BYA ZHE NA, DE SMRAS PA, RGYU MED SMRA LA SOGS PA ZHES BYA BA'I TSIGS BCAD 'DI SMOS TE, SOGS PA'I SGRAS NI DBANG PHYUG RGYUR SMRA BA DANG, THAMS CAD SNGON GYI LAS KYIS BYAS PAR SMRA BA DANG, CHAD PAR SMRA BA DANG, RGYAL PO'I GTZUG LAG GI GZHUNG SMRA BA RNAMS KYANG GZUNG NGO, ,DE DAG GI KHYAD PAR GYI MTSAN NYID NI JI LTAR RTZUB POS BSGROS PA ZHES BYA BA CE SPYANG BZHIN DU CE SPYANG GI KHYAD PAR GYI MTSAN NYID CAN DES NA RLAG PAR BYED PA YIN TE, GANG GI PHYIR, SKYE BO BYIS PA DE RNAMS DGE SLONG SRIN BO SA'I STENG NA RGYU BAR BYED PAS SO, ,DE'I PHYIR DON NUS PA SPYAD CES BYA BA NI DGOS PA'I DON TO, ,DE'I LTA BA LAS BZLOG PA DE NI DON DU NUS PAR GYUR NA'O,, @284B DE BAS MKHAS PAS DE DAG BSTEN MI RIGS, ,ZHES BYA BAS BSTAN TO, ,DE LTAR YANG KHYAD PAR DU SKYE BO MI MTHUN PA DAG GRAGS PA CHE BAR GYUR NA YANG MDZA' BAR NI MI BYA BA NYID DE, KHYAD PAR KYI BYA BA BSTAN PA'I PHYIR, SKYE BO MI MTHUN PA DAG GRAGS PA CHER GYUR KYANG, ,ZHES BYA BA'I TSIGS BCAD SMOS SO, ,DGOS PA YOD PAR GYUR KYANG ZHES BYA BA NI DGOS PA'I DBANG GIS ZHES BYA BA'I DON TO, ,RGYU LAS GRUB PAR MTHONG BZHIN LA, ,ZHES BYA BA LA SOGS PA'I TSIGS BCAD BDUN GYIS NI LTA BA BZANG NGAN BSTAN PA'I PHYIR TE, DE LAS GRUB PAR MTHONG BZHIN LA, ,ZHES BYA BA'I TSIGS BCAD 'DIS NI LTA BA BZANG PO'I PHAN YON GYI DBANG DU BYAS PA STE, SNGAR BSHAD PA'I LTA BA NGAN PA RNAM PA LNGA'I MI MTHUN PA'I PHYOGS BSTAN PAS SROG GCOD PA LA SOGS PA BYA BA MA YIN PA MI BYED PA'I PHAN YON NO, ,RGYU MED SMRA DANG ZHES BYA BA'I TSIGS BCAD 'DIS NI, LTA BA NGAN PA'I BYA BA MA YIN PA BYED PA'I RGYU'I NYES DMIGS BSTAN PA'I DBANG DU BYAS PA STE, GAL TE BYA BA MA YIN PA MI BYED KYANG GRAGS PA CUNG ZAD KYI PHYIR BYED DO, ,GZHAN DU NA BYA BA BYED PA NYID SNANG BA'I PHYIR RO, ,MI YI BDAG PO LTA BA BZANG NGAM NGAN, ,ZHES BYA BA'I TSIGS BCAD 'DI NI LTA BA BZANG PO'AM NGAN PA YIN TE, DGE BA DANG MI DGE BA'I LAS KYI RGYU NYID RAB TU SGRUB PA'I PHYIR RO, ,DE BAS NA LTA BA BZANG PO BSTAN PA'I RIGS ZHES BYA BA'I PHYED DANG POS NI SNGAR BSTAN PA'I DON MJUG BSDU BA YIN NO, ,LTA BA BZANG PO DANG NGAN PA GNYIS SPONG BA DANG BSTEN PAR BYA BA BSTAN PA'I PHYIR, SKYE BO NGAN PA RING DU SPONG, ,ZHES BYA BA PHYED 'OG MA YIN TE, LTA BA BZANG PO STE DAM PA LA BRTEN PAS NI DAM PA YONGS SU SHES PAR 'GYUR BA DE BSTAN PA NI DGE BA'I BSHES GNYEN GANG LA BRTEN PA'O, ,GANG YONGS SU SPANG BA NI MI DGE BA'I BSHES GNYEN NI, MI SDOM PAR YANG SDOM PA'I TSUL 'DZIN PA, ,ZHES BYA BA'I TSIGS BCAD 'DI YIN TE, MI DGE BA'I BSHES GNYEN GANG YIN PA DE NYID BSTAN PA'I PHYIR, SA YI STENG NA DGE SLONG SRIN PO RNAMS, ,ZHES BYA BA YIN NO, ,RGYU MED SMRA LA SOGS PA'I TSIGS BCAD PHYED KYIS NI MI DGE BA'I BSHES @285A *, ,GNYEN DE'I MTSAN NYID BSTAN PA'I DON NO, ,DE BAS MKHAS PAS ZHES BYA BA 'OG MA PHYED KYIS NI DE LA MI DGE BA MI SGRUB PA'I KHYAD PAR BSTAN PA'I PHYIR RO, ,MI SGRUB PA YANG RNAM PA GNYIS TE, YONGS SU SPANG BA DANG, LTA BA NGAN PA LAS BZLOG PA'O, ,SKYE BO MI MTHUN PA DAG GRAGS PA CHER GYUR KYANG, ,ZHES BYA BA SMOS PA LA, RNAM PA THAMS CAD DU YANG BSTEN PAR BYA BA MA YIN PA'O, ,DPE BSTAN PAR BYA BA'I PHYIR, DGUN GYI DUS KYI ZHES BYA BA LA SOGS PA STE, RNAM PA THAMS CAD DU SKYE BO MI MTHUN PA DAG GRAGS PA THOB PAR GYUR KYANG DE DANG MJA' BAR MI BYA BA YIN NA NI GZHAN DAG DE BZHIN DU DGOS PA MED PAR GYUR PA LTA SMOS KYANG CI DGOS PA'O, ,DE DPE DANG BCAS PA'I NYES DMIGS BSTAN NAS, SKYE BO YON TAN SPONG BA DE DAG SPANG BA DANG, ZHES BYA BA LA SOGS PA'I TSIGS BCAD BCUS NI YANG DAG PAR 'DZIN DU GZHUG PA'I DBANG DU BYAS PA STE, GANG LA 'DZIN DU 'JUG PAR BYED CE NA, BDAG NYID KYI PHUN SUM TSOGS PA'I RANG BZHIN SGRUB PA 'DZIN DU 'JUG PAR BYED DE, DE LA BDAG GI RANG BZHIN NI SKYE BO YON TAN SPONG BA ZHES BYA BA LA SOGS PA'I TSIGS SU BCAD PA GSUM GYIS BSTAN TE, DE DAG CES BYA BA NI LTA BA BZANG PO NI DAM PA LA BRTEN PA DANG, DAM PA MA YIN PA YUN RING DU SPANGS PA LAS, 'THOB PA'I PHYIR DAM PA DANG DAM PA MA YIN PA BSTEN PA DANG, SPANG BA GNYIS KYIS LTA BA BZANG NGAN YONGS SU MA BSKYANGS PA'I PHYIR, SMAN RNAMS KUN DANG 'BRAL BAR 'GYUR RO, , ZHING RMED PA NI DPYA DBUL BA'I RTZA BA'I RGYU YIN PA'I PHYIR RO, ,DE DAG LA TSONG ZONG SNA TSOGS ZHES BYA BA 'DI SMOS TE, MKHAR DANG, NOR GYI RANG BZHIN LAS BRTZAMS PA STE, SNA TSOGS PA'I TSONG ZONG GANG YIN PA DE DAG GO, ,DE DAG GI NYO BA DANG, 'TSONG BA NI NYO TSONG NGO, ,RNAM PA SNA TSOGS PA'I NYO TSONG BYED PA NI TSONG ZONG SNA TSOGS NYO TSONG BYED PA STE, ,DE NI TSONG PA RNAMS YIN TE, YUL GZHAN DANG, CHU DANG, THANG DANG, LEN DU 'GRO BA'I DBANG DU BYAS PA'O, ,PHO BRANG 'KHOR GYI MI ZHES BYA BA NI, GRONG NA GNAS PA'I DBANG DU BYAS PA'O, ,SHO GAM GCOD CING DBYA DBUL BA ZHES BYA BA NIS KYE BO @285B YANG RNAM PA GNYIS TE, SHO GAM GCOD CING DPYA DBUL BA'I THA MAL PA'I GRONG GI MI STE, 'DIS NI RDZONG GI RANG BZHIN BSTAN TO, ,TSONG PA RNAMS SHO GAM GCOD CING DPYA DBUL BA ZHES BYA BA 'DIS NOR GYI RANG BZHIN BSTAN TE, TSONG PA'I SKYE BO YIN PA'I PHYIR DE BSRUNGS NA NOR YANG BSRUNGS PAR 'GYUR TE, NOR GYI TSONG PA RNAMS LA RAG LUS PA'I PHYIR RO, ,DE GNYIS KA'I PHYOGS GCIG TU BYAS TE NOR GYI PHUN SUM TSOGS PAR BSTAN TO, ,SKYON MED CES BYA BA LA SOGS PA NI BKA' KHRIMS KYI RANG BZHIN GYI DBANG DU BYAS PA'O, ,MA BKUR NA ZHES BYA BA NI BKA' KHRIMS KYIS MA BKUR BA STE, MA BSTAN PA'I SKYON BSTAN TO, ,YONGS SU MA BSKYANGS PA DAG DES YONGS SU MA BSKYANGS PA'I PHYIR, GZHAN GYI RANG BZHIN YUL MI SNGAR BSKYANGS PA'I SGRUB PA NYID DU BSTAN TO, ,DA NI RJES SU GZUNG BA DANG, DBYA DBAB PA'I BSGRUB PA'I DBANG DU BYAS NAS, DE BZHIN TSUL LDAN MKHAS PA DGE BA DANG, ,ZHES BYA BA'I TSIGS BCAD GSUM SMOS SO, ,DE LA PHAN GDAGS PA BSGRUB PA'I DBANG DU BYAS NAS, DE BZHIN TSUL LDAN MKHAS PA DGE BA DANG, ,ZHES BYA BA'I TSIGS BCAD YIN TE, RANG GI SKYE BO GNAS PA YANG RNAM PA GNYIS TE, GNAS PA DANG, RIGS SO, ,DE LA GNAS PA'I DBANG DU BYAS PA NI TSIGS BCAD DANG PO 'DI YIN NO, ,TSUL KHRIMS DANG, THOS PA DANG, RNAL 'BYOR DANG TSUL KHRIMS DANG, THOS PA DANG, RNAL 'BYOR TE DES DGE BA RNAMS SO, ,RNAL 'BYOR ZHES SMOS PAS NI ZHI GNAS DANG, LHAG MTHONG GZUNG NGO, ,TSUL KHRIMS KYI ZHI GNAS KYI STENG DU BSHAD CES BYA BA ZHI GNAS DANG LHAG MTHONG NYID DU BSTAN TE DES DGE BA RNAMS SO, ,DGE BA DE DAG RAB TU MTHONG BA 'DIS NI RANG GI DON SGRUB PA PHUN SUM TSOGS PA BSTAN TO, ,YON TAN CHE BAR GRAGS PAS DGE BA RNAMS, ,ZHES BYA BA 'DIS NI GZHAN GYI DON SGRUB PA PHUN SUM TSOGS PA BSTAN TO, ,CHE BAR GRAGS PA NYID NI CHE BAR GRAGS PA'O, ,CHE BAR GRAGS PA DE NYID YON TAN YIN PAS DE NYID KYI YON TAN SGROGS PA GANG YIN PA DE DAG NI YON TAN CHE BAR GRAGS PA'O, ,SMAD CING YAL @286A *, ,BAR BOR NA ZHES BYA BA 'DIS NI MNGON DU LDANG BA DANG, PHYAG 'TSAL BA DANG, BSNYEN BKUR BA DANG, RJES SU BSTAN PA DANG, MNYAN PA LA SOGS PA SPANG ZHES BYA BA'I DON TO, ,MTHO RIS 'GRO BA'I SGO DANG 'GROL BAR 'GYUR, ,ZHES BYA BA 'DIS NI MNGON PAR MTHOB DANG NGES PAR LEGS BA'I RGYU DE SKYES BU DAM PA LA BRNYAS SHING SMAD PA DANG, MA BSKYANGS PA DES MTHO RIS KYI SGO'I MTSAN NYID DU MNGON PAR MTHO BA DANG 'GAL BA NYID DO, ,DPYAD DBAB PA ZHES BYA BA DE BSGRUB PA'I DBANG TU BYAS NAS, 'BRAS BU MA SMIN SHING LAS GANG 'THOG PA, ,ZHES BYA BA'I TSIGS BCAD GNYIS SMOS TE DUS LA MA BAB PAR DPYA PHAB CING BLANGS PA'I SKYON BSTAN PA'I PHYIR, 'BRAS BU MA SMIN SHING LAS GANG 'THOG PA, ,ZHES BYA BA LTA BU NI CHOS MA YIN PAS DPYA PHAB PA'O, ,SA BON CHUD GSON CES BYA BA LTA BU NI YUL YANG PHUNG LA ZHES BYA BA YIN NO, ,RO YANG NGES MA MYONG ZHES BYA BA LTA BU NI DES CHOS MA YIN PAS DPYA PHAB PAS PHAN MI THOGS PA NYID DO, ,SNGAR BSTAN PA'I SKYON GYI MI MTHUN PA'I PHYOGS CHOS KYIS BSRUNGS PA'I YON TAN BSTAN PA'I PHYIR, DE LTAR LJON SHING YON TAN PHUN SUM TSOGS, ,ZHES BYA BA'I TSIGS BCAD SMOS SO, SMIN PA'I BAR DU YONGS SU BSKYANGS NA STE, SHING LTA BU NI RGYAL POS BSRUNGS PA'I YUL LO, ,YON TAN PHUN SUM TSOGS PA'I 'BRAS BU STER BA LTA BU NI CHOS DANG, SRID DANG, BDE BA 'BYOR PAR BYED PA LTA BUR SBYAR RO, ,BLON PO MDZANGS PA GLOB NYE BA ZHES BYA BA'I TSIGS BCAD 'DI NI BLON PO DANG; MDZA' BO'I SKYE BO'I DBANG DU BYAS PA STE, GLO BA NYE BA ZHES BYA BA NI DE'I BLO DANG MTHUN PAR 'DOD PA'O, ,MDZANGS PA ZHES BYA BA NI LHAN CIG SKYES PA DANG, SBYOR BA LAS BYUNG BA'I SHES RAB DANG LDAN PA'O, ,GLO BA NYE BA ZHES BYA BA 'DIS NI NUS PA BSTAN TO, ,GROGS PO SKYON MED CES BYA BA NI 'KHRUL PA MED PAR SPYOD PA'O, ,BDAG GI NANG MI RNAMS ZHES BYA BA NI SKYON MED PA STE 'KHRUL PA MED PAR SPYOD PA'O, ,DGA' BAR SMRA BAS ZHES BYA BA NI TSIG SNYAN PA BSTAN TO, ,RIM GROR BCAS PA'I BYA DGA' STZAL BA DANG, ,ZHES BYA BA 'DIS NI RIM GRO DANG BYA DGA' @286B GNYIS TE, DES NI RIM GRO DANG 'DI GSUM GYIS NI BSDU BA'I DNGOS PO BSTAN TE, SBYIN PA DANG, SNYAN PAR SMRA BA DANG, DON MTHUN PA DANG, DON SPYOD PA LAS DON SPYOD PA NI RGYAL PO LA MED PA'I PHYIR MA SMOS TE, BSDU BA'I DNGOS PO BZHI PA MED DO, ,DE BAS ZHES BYA BA NI, GANG SNGAR BSTAN PA'I, SA LA 'KHOD PA CHOS KYIS SKYONG LA BAG MED SPONGS, ,DE LTAR BYAS NA GRAGS PA DANG NI MTHO RIS 'THOB, ,CES BYA BA STE, DE LTAR BSTAN PA DANG, SPANG BA'I PHAN YON NI GANG YIN ZHE NA, DE'I PHAN YON BSTAN PA'I PHYIR, 'BANGS RNAMS SKYON LA MI DGA' ZHES BYA BA PHYED 'OG MA'O, ,PHAN YON RNAM PA SNA TSOGS PA NI BDAG NYID KYI GRAGS PA 'THOB PA DANG, 'BANGS RNAMS KYI YON TAN DANG, SKYON GNYIS LA DGA' BA DANG, MI 'GAL BAR 'GYUR BA STE, DANG PO BDAG NYID KYI PHUN SUM TSOGS PAS NI BDAG GI GRAGS PA 'THOB PA'O, ,JI LTAR 'BANGS RNAMS KYI YON TAN DANG, SKYON LA THOB PA DANG MI 'GAL BA YIN ZHE NA, DE SGRUB PA'I PHYIR, KHYOD KYIS CHOS SPYOD GYUR NA MI YI 'JIG RTEN PHAL CHER NI, ,ZHES BYA BA SMOS TE, PHAL CHER ZHES BYA BA NI MANG POR STON PA YIN TE, 'DIS NI GTAN DU SPYOD PA DE MA GTOGS PA'O; ,LEGS PAR SPYOD LA PHYOGS SHING ZHES BYA BA NI MTHONG BA'I CHOS KYI SGRUB PA'I PHAN YON NO, ,SKYE DGU RNAMS NI MTHO RIS LAM LA GNAS PAR 'GYUR, ,ZHES BYA BA NI 'JIG RTEN PHA ROL GYI PHAN YON NO, ,DE LTAR 'BANGS RNAMS BSKYANGS BA'I PHAN YON BSTAN PA'I PHYIR, KHYOD KYIS BRTZON 'GRUS BSKYED DE 'GRO BA 'DI DAG CES BYA BA'I PHYED 'OG MA'O, ,'GRO BA 'DI DAG YONGS SU SKYONG BA NI MTHONG BA'I CHOS KYI PHAN YON NO, ,DE YONGS SU BSKYANG BAR DAM BCAS PA'I PHYIR, DAM BCAS PAS CHOS LA BRTEN ZHES BYA BA NI 'JIG RTEN PHA ROL GYI PHAN YON NO, ,CHOS ZHES SMOS PAS NI LEGS PAR SPYAD PA'I 'BRAS BU GZUNG NGO, ,YANG NA LEGS PAR SPYOD PA 'DI NYID CHOS YIN PAS DE LA BRTEN CIG CES BSTAN PA YIN NO, ,CHOS DE GANG YIN ZHE NA, DE BSTAN PA'I PHYIR TSUL KHRIMS RNAM PAR SBYONG LA ZHES BYA BA'I TSIGS BCAD 'DI'I BSDUS PA'I DON NO,, @287A *, ,BSOD NAMS KYI TSOGS YONGS SU 'BYUNG STE, PHA ROL TU PHYIN PA DRUG PO BRTZON 'GRUS KYI PHA ROL TU PHYIN PA'I BAR DU BSTAN TO, ,TSUL KHRIMS RNAM PAR SBYONG LA ZHES BYA BAS NI TSUL KHRIMS KYI PHA ROL TU PHYIN PA BSTAN TE, TSUL KHRIMS RNAM PAR SBYONG LA ZHES BYA BAS NI SKYON MED PA DANG MA NYAMS PA ZHES BYA BA LA SOGS PA GANG BCOM LDAN 'DAS KYIS GSUNGS PA'I RIM PAS SBYONG BA'O, ,SBYIN PA'I GRAGS PA SPEL ZHES BYA BA NI 'DRA BA MED PA'I SBYIN PAS GRAGS PAR 'GYUR BA ZHES BYA BA'I DON TO, ,BYAMS PAR GYIS ZHES BYA BA NI SKYE BO GZHAN DAG GNOD PA MED PA LA YANG NANG MI JI LTA BA BZHIN DU ZHES BYA BA YIN TE, JI LTAR NYE DU'I SKYE BO BZHIN DU'O, ,SA LA 'KHOD PA CHOS KYIS SKYONG LA BAG MED SPONGS, ,ZHES BYA BAS NI BRTZON 'GRUS KYI PHA ROL TU PHYIN PA BSTAN TE, BRTZON 'GRUS LA YANG RNAM PA BZHI STE, DGE BA'I CHOS MA SKYES PA SKYES PA DANG, DGE BA'I CHOS SKYES ZIN PA RNAM PAR SPEL BAR BYA BA'I PHYIR TE, DE GNYIS NI SA LA 'KHOD PA CHOS KYIS SKYONG ZHES BYA BA 'DI BSTAN PA YIN NO, ,SDIG PA MI DGE BA'I CHOS MA SKYES PA RNAMS MI SKYED PA DANG, SKYES ZIN PA RNAMS SPANG BA'I PHYIR TE, DE GNYI GA NI BAG MED SPONGS ZHES BYA BA 'DIS BSTAN PA YIN NO, ,'DI NI BSOD NAMS KYI TSOGS KYI CHOS DANG, RJES SU MTHUN PA'I PHAN YON GYI DBANG DU BYAS PA STE, DE LTAR BYAS NA ZHES BYA BA'I TSIG RKANG GCIG GO, ,GRAGS PA 'THOB CES BYA BA NI MTHONG BA'I CHOS KYI PHAN YON NO, ,MTHO RIS 'THOB CES BYA BA NI 'JIG RTEN PHA ROL GYI PHAN YON NO, ,DE LTAR RE ZHIG RGYAL POS SPANG BA DANG, ,BLANG BA LA SOGS PA'I SGRUB PAS 'DZIN DU BCUG NAS YUL GYI MI'I RANG BZHIN BSGRUB PA'I DBANG DU BYAS NAS, CHUN PA RNAMS DANG PHYUGS LUG 'TSO BA RNAMS, ,ZHES BYA BA'I TSIGS BCAD SMOS SO, ,CI'I PHYIR LUGS KYI BSTAN BCOS LAS BSHAD PA'I RIM PA LAS 'DA' BAR BYA STE, DANG PO YUL GYI MI'I CHOS SMOS SHING BLON PO'I RANG BZHIN MA BSTAN, RJE BO DANG, BLON PO DANG, YUL MI DANG, MKHAR DANG, DKOR DANG, BKA' KHRIMS DANG, GROGS @287B PO RNAMS KYI RANG BZHIN RNAMS TE, 'DI LTAR BSTAN BCOS LAS BRJOD PA'I RIM PA 'DI NYID NI RIGS PA'I TSUL NYID DU 'GYUR TE, LUGS KYI BSTAN BCOS LAS BSHAD PA'I RIM PA'O, ,'DIR CI ZHIG BYAS SHE NA, BDAG POS GANG BSRUNG BA DANG, GANG DANG LHAN CIG BSRUNG BA ZHES BYA BA YIN TE, GANG BSRUNG BA NI YUL MI DANG, RDZONG DANG, NOR RO, GANG DANG LHAN CIG BSRUNG ZHE NA, BKA' KHRIMS DANG, BLON PO DANG, GROGS PO RNAMS YIN TE, DE BAS NA RIM PA 'DI NI RIGS PA NYID DO, ,DEL YUL MI'I RANG BZHIN GYI SGRUB PA YANG RNAM PA GNYIS TE, SRUNG BA'I SGRUB PA DANG, RJES SU PHAN GDAGS PA DANG, DPYA DBUL BA'I SGRUB PA'O, ,DE LAS SRUNG BA'I SGRUB PA'I DBANG DU BYAS NAS, CHUN PA RNAMS ZHES BYA BA'I TSIGS BCAD 'DI'O, ,CHUN PA ZHES BYA BA NI ZHING LAS GTZOR BYED PA YIN NO, ,PHYUGS LUG 'TSO BA RNAMS ZHES BYA BA NI BA LANG LA SOGS PA BSKYANG BA LA 'BAD PA STE, 'TSO TSIS LA 'JUG PA'O, ,YUL MI YONGS SU BSKYANG BA LA CI'I PHYIR TSONG LA 'JUG PA SMOS SHE NA, 'OG TU NOR GYI SGO NAS RJOD PAR BYED PAS SO, ,DANG PO GNYIS KYI GO RIMS NI CHUN PA NI ME TOG DANG LDAN PA'I LJON SHING LTA BU STE, RIM GYIS 'BRAS BU STER BA'I PHYIR RO, ,PHYUGS LUG 'TSO BA RNAMS ZHES BYA BA NI 'BRAS BU LDAN PA'I LJON SHING LTA BU STE, DE MA THAG TU 'BRAS BU STER BA'I PHYIR RO, ,SMAN RNAMS KUN DANG ZHES BYA BA NI 'BRAS S'A LU LA SOGS PA DANG PHYUGS LUG LA SOGS PA CHOS KYI 'BRAS BU CHEN PO YIN ZHES BYA BA 'DI'I DON TO, ,BDE BA 'DOD PHYIR 'BANGS RNAMS SEMS PAR MDZOD, ,CES BYA BAS NI GANG SNGAR BSTAN PA'I, KHYOD KYIS CHOS SPYAD GYUR NA MI YI 'JIG RTEN PHAL CHER NI, ,ZHES BYA BA'I TSIGS BCAD 'DIR YANG SBYAR BAR BYA'O, ,CHAGS DANG ZHE SDANG MED PA'I NAN THUR GYIS, ,ZHES BYA BA NI GANG SNGAR BSTAN PA'I RANG BZHIN DAG LA JI LTAR SBYAR BA BZHIN DU THAMS CAD LA YANG BRJOD DO, ,'JIG RTEN BSRUNGS ZHES BYA BA NI BDAG GI RANG BZHIN BSRUNG BA DANG, 'JIG RTEN GYI MTHO RIS KYI 'DOD PA THOB PA'I CHED DU SPYAD DO, , @288A *, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS BYANG CHUB CHEN PO'I SKYES PA'I RABS SO,, ,,RNAM PA SNA TSOGS PA'I 'BYUNG KHUNG NI, RNAM PA SNA TSOGS PA'I 'BYUNG KHUNG NGO, ,RNAM PA SNA TSOGS PA'I 'BYUNG KHUNG GI RDZAS GANG YIN PA'I RI'I NGOS DE NI 'BYUNG KHUNG GI RDZAS RNAM PA SNA TSOGS PA'I GANGS RI'I NGOS TE DE NA'O, ,KOO SH'AMB'I'I DAR SNGON POS STOD G-YOGS SU GANG GIS BYAS PA DE NI KOO SH'AMB'I'I DAR SNGON POS STOD G-YOGS GANG GIS BYAS PA DE'O, ,RNAM PA DU MA DAG GI DBYIBS KYI RNAM PA NI DBYIBS MANG PO'O, ,KHA DOG RNAM PA DU MA DANG, DBYIBS RNAM PA MANG PO GANG YIN PA'I THEL SDINGS DANG SHANG SHONG DE NI RNAM PA DU MA'I KHA DOG DANG, DBYIBS RNAM PA MANG PO DE'O, ,BANG RIM RNAM PA DU MA NI BANG RI MA RNAM PA SNA TSOGS PA STE, THEL SDINGS DANG, SHANG SHONG GI BANG RIM RNAM PA SNA TSOGS PA DE'O, ,GCONG RONG GI NANG NI GCONG RONG NGO, ,GCONG RONG YANG YIN LA ZAB MO YANG YIN PAS NA GCONG RONG ZA BA MO'O, ,GCONG RONG ZAB MO G-YANG ZAB NI GCONG RONG ZAB MO G-YANG ZAB STE, DE MANG PO YOD PA NI GCONG RONG ZAB MO DAG DER YOD PA'O; ,CHOS KYI 'DU SHES NI MA NYAMS, BYAS PA GZO BA MA 'JUNGS PA'I RANG BZHIN CAN BZHIN DU RAB TU BRTAN PA DANG LDAN PA ZHES BYA BA 'DI BZHI SMOS PA NI, RGYU 'DI BZHIS NI SNYING RJE GTONG BA YIN TE, 'DI LTAR CHOS KYI 'DU SHES NYAMS NA STE, CHOS NI MI 'TSE BA'I MTSAN NYID DE, DE'I 'DU SHES MA NYAMS PAR GYUR PA'O, ,CHOS DE BSTAN NA NI YUN RING POR 'DOD PA'I 'BRAS BU 'THOB PAR 'GYUR RO, ,MI BSTEN PA DES NI MI 'DOD PA'I 'BRAS BU 'THOB PAR 'GYUR TE, GANG 'DI'I 'DU SHES YONGS SU NYAMS PAR GYUR PA'I TSE NI SNYING RJE MED PA YIN NO, , BDAG LA CHAGS PA DANG BCAS PAS BYAS PA NI TSOR BA'AM, 'KHOR BA'I LAM DAG TU DA LTAR BYUNG BA DANG, 'DAS PA'I DUS SU SEMS CAN RE RE LA YANG MTHA' YAS PA'I MI 'DOD PAR SBYAR BAR BYAS PA DANG, MTHA' YAS PA'I MI 'DOD PA LA NYE BAR SBYOR BA BYAS PA YIN TE, DE @288B BAS NA DE BYAS PAS BDAG NYID KYIS KYANG SNYING RJE GTONG BAR 'GYUR RO, ,MTHONG BA'I CHOS LA 'JUNGS PA'I RANG BZHIN CAN YIN PA'I PHYIR, BDE BA CUNG ZAD TZAM 'THOB PA'I CHED DU 'JUNGS PA'I PHYIR SNYING RJE GTONG BA YIN NO, ,MTHONG BA'I CHOS NYID LA SEMS CAN RNAMS DANG BDAG NYID KYI MI 'DOD PA'I RGYUS MI BRTAN PA'I PHYIR, SNYING RJE YONGS SU GTONG BA YIN NO, ,BZHI PO DE DAG MED PAR BSTAN PA'I PHYIR, DE LA ZHES BYA BA YIN TE, YON TAN BZHI PO 'DI DANG LDAN PAS SNYING RJES MA BTANG NGO ZHES BSTAN PAR GYUR PA YIN NO, ,NAGS TSAL ZHES BYA BAS NI SA PHYOGS NYE BA DANG MI NYE BAR GZUNG NGO, ,RI MCHOG CES BYA BAS NI PHYOGS MTHON PO GZUNG NGO, ,RGYA MTSOR BCAS PA'I ZHES BYA BA NI BAGS KYIS GZHOL BA'I PHYOGS GZUNG NGO, ,MES NI BSAM GTAN DANG PO'I BAR DU 'JIG PAR 'GYUR RO, ,CHUS NI BSAM GTAN GNYIS PA'I BAR DU'O, , RLUNG GIS NI BSAM GTAN GSUM PA'I BAR DU'O, ,NAGS KYI SHING GI LO MA DANG 'BRAS BU ZHES SMOS PAS NI GZHAN GYIS MA GZUNG BA DANG, SROG CHAGS LA GNOD PA SPANGS PA'I TSUL NYID DU BSTAN PA'I PHYIR TE, 'DI NI SROG GCOD PA DANG, MA BYIN PAR LEN PA LAS LDOG PA BSTAN TO, ,SA PHYOGS DER 'ONGS SO ZHES BYA BA NI GANG BYANG CHUB SEMS DPA' GNAS PA DER RO, ,BKRES PA DANG, SKOM PA DANG, TSAB DANG, NGAL BAS LUS NI RMYA ZHES BYA BA LA BKRES PA DANG, SKOM PA GNYIS SMOS PAS NI, LHAN CIG SKYES PA'I SDUG BSNGAL BSTAN PA'I PHYIR, TSA BA SMOS PA YANG DE BZHIN DU SDUG BSNGAL BA'O, ,NGAL BA NI SPYOD YUL LAS GYUR PA'I LUS KYI SDUG BSNGAL BA'O, ,YID MI DGA' BA'I ME ZHES BYA BA NI SEMS KYI SDUG BSNGAL LO, ,BKRES PAS NYEN PA DES RAB TU ZHIM PAR RTOGS TE, ZHES BYA BA NI GANG GI PHYIR LTOGS PAS ZHIM PAR BYED PA YIN GYI, 'BRAS BU DE NI ZHIM PO MA YIN NO, ZHES PA'I DON TO, ,'DI LAS 'BYUNG BA YIN PAS DE LAS BYUNG BA STE, DE LAS BYUNG BA DE TSOL BA'O, ,DE 'DOD PA'I PHYIR ZHES BYA BA NI TIN DU'I 'BRAS BU 'DOD PA'O, ,DE'I ZHES BYA BA NI DE'I YAL GA'O, ,LJON @289A *, ,PA'I SHING ZHES BYA BA NI TIN DU KA ZHES BYA BA DE'I MING CAN TE, RANG BZHIN NYID KYIS SHING TIN DU KA NI RAB TU PHRA BA'I NGO BO NYID DANG, SHUN PHRAGS MED PA'I PHYIR TE, DE BAS NA SMRAS PA, LCI BA'I LCID KYIS NON PA DANG, DE 'DZEGS PA'I PHYIR DANG, PHRA BA'I PHYIR DANG; THOR TO LA SONG PA'I PHYIR, STA RES CHED DU RTZA BA NAS BCAD PA BZHIN ZHES BYA BA YIN TE, MA LUS PAR CHAD PA NYID DU STON TO, ,SGRA DANG BCAS PAR CHAG NAS ZHES BYA BA NI SHING TIN DU KA SRAB NYID DU STON TO, ,DE NAS LHAN CIG TU LTUNG BAR GYUR TO ZHES BYA BA 'DIS NI BAR DU 'CHI BA MED PA'I RGYU BSTAN TO, ,'CHI'O SNYAM STE GSON DU RE BA NI MED CES BYA BA NI 'TSO BA'I RE BA BTANG BAR GYUR PA'O, ,NAGS KHUNG BGROD DKA' ZHES BYA BA'I TSIGS BCAD 'DIS NI SKYE BO DANG 'BREL PA MED PA STE, YONGS SU SKYOB PA MED PAR BSTAN TO, ,GNYEN BSHES KUN DANG BRAL NAS ZHES BYA BA 'DIS NI SKYE BO 'DRIS PA DANG BRAL BA NYID KYI PHYIR TE DES NA YONGS SU SKYOB PA MED PA'O, ,GCIG PUR GYUR PA DANG, ,SHA SBRANG MANG PO 'DUN MA 'DU BA'I SA, ,ZHES BYA BA 'DIS NI, 'CHI BA DANG NYE BA NYID DU STON PA'O, ,RI DAGS 'DRA BA ZHES BYA BA NI SKYE BO MED PA'I PHYIR RO, ,BKRA BA NOR BU NI NOR BU BKRA BA'O, ,BKRA BA NI NOR BU NYID SKAR MA YIN PAS, BKRA BA'I NOR BU RIN CHEN SKAR MA'O, ,DES MDZES PA'I SPRIN GANG YIN PA DE NI NOR BU RIN CHEN SKAR MA BKRA BAS MDZES PA'O, ,'DIR 'ONGS ZHES BYA BA GLO BUR DU'O, ,CI'I PHYIR ZHES BYA BA NI GANG GI RGYUS SO, ,LTA ZHING ZHES BYA BA NI GYEN DU LTA BA'O, ,SU ZHIG YIN ZHES BYA BA'I LAN NI BDAG NI MI ZHIG LAGS ZHES BYA BA YIN NO, ,'DIR 'ONGS ZHES BYA BA'I LAN NI SHING 'DI'I 'BRAS BU TSOL ZHES BYA BA YIN NO, ,CI'I PHYIR ZHES BYA BA'I LEN NI 'DI LTA BUR NI NYAMS NYES BYUNG ZHES PA'O, ,DE BAS GNYEN BSHES DANG YANG BRAL, ,ZHES BYA BA 'DIS NI RJES SU 'BRANG BA MED PAS SNYING RJE'I GNAS SU STON TO, ,NYAMS NYES CHEN PO, ZHES BYA BA 'DIS NI SDUG BSNGAL NYID DU STON TO, ,SPRE'U TSOGS MANG PO'I MGON PO KHYOD, ,BDAG GI SKYABS KYANG MDZAD @289B DU GSOL, ,ZHES BYA BA 'DIS NI SKYABS SU 'GRO BAR GSOL BA 'DEBS PA'O, ,RGYU GSUM PO 'DI THAMS CAD KYIS KYANG SNYING RJE'I GNAS NYID DU STON TE, PHONGS PA DANG, SDUG BSNGAL BA DANG, RJES SU 'BRANG BA MED PAS SO, ,SNYING RJE CHEN PO ZHES BYA BA NI SNGAR BSTAN PA'I SNYING RJE'I GNAS THAMS CAD KYIS SO, ,NYAMS NYES GYUR CING ZHES BYA BA'I TSIGS BCAD 'DIS KYANG SNGAR BSTAN PA'I SNYING RJE'I GNAS KYI RGYU GSUM BSTAN PA YIN NO, ,NYAMS NYES GYUR ZHES BYA BA NI SDUG BSNGAL DANG LDAN PA NYID DU GYUR PA'O, ,GNYEN BSHES RNAMS DANG BRAL ZHES BYA BA 'DIS NI RJES SU 'BRANG BA MED PA NYID DO, ,THAL MO SBYAR NAS DMAN PAS GSOL BA NI, ZHES BYA BAS NI SKYABS SU 'GRO BAR GSOL BA DON DU GNYER BA'O, ,BRTZE BA G-YEL BAR GYUR CES BYA BA NI BRTAN PA NYAMS PAR GYUR CES BYA BA'I DON TO, ,DE LTA BU'I DUS NA DKON PA ZHES BYA BA NI RJES SU 'BRENG BAR THAMS CAD KYANG 'CHI BA'I DUS NA GAN DU 'ONG BA NI DKON PA'O, ,TSIG 'JAM POS ZHES BYA BA NI BDAG NYID KYIS YONGS SU BSKYAB PA'I YON TAN ZHES BYA BA'I DON TO, ,G-YANG SAR LHUNG BAS ZHES BYA BA'I TSIGS BCAD 'DIS KYANG SNGAR BSTAN PA'I SNYING RJE'I RGYU GSUM STON TE, DE YONGS SU BSKYAB CING BDE BAR 'GYUR RO ZHES SHES PAR BYA BA'I PHYIR RO, ,G-YANG SAR LHUNG BAS BDAG NI MTHU MED CING, ,ZHES BYA BA 'DIS NI SDUG BSNGAL CAN DU BSTAN TO, ,GNYEN BSHES MED CES BYA BA 'DIS NI RJES SU 'BRANG BA MED PA NYID DO, ,MA 'JIGS SHIG CES BYA BA NI SKYABS 'DOD PA STE SKYABS SGRUB PAR BSTAN TO, ,RANG GI LUS LAS SNYING PO DAG ,CES BYA BA NI SNYING PO MED PA'I LUS LAS GZHAN GYI DON SGRUB PA'I SNYING PO'O, ,DE BSTAN PA'I PHYIR, SGRUB PAR BYED PA'I SNYING PO DAG ,CES BYA BA SMOS SO, ,SNYING PO MED PA ZHES BYA BA NI CHU SHING GI PHUNG PO BZHIN DU'O, ,YANG NA RTAG PA DANG, BDE BA DANG, BDAG DANG, GTZANG BA MED PA'O, ,RAB TU LCI BA'I KHUR GYIS NON BZHIN YANG, ,ZHES BYA BA NI SDUG BSNGAL BAR GYUR KYANG SNYING STOBS CHE BAS BRTAN PA MA NYAMS PA'I PHYIR STENG DU PHYIN TO, ,RAB TU DGA' BAR GYUR CES BYA BA @290A *, ,NI SEMS KYI MI DGA' BA MED PAR STON TO, ,'DI LTAR SNYING STOBS CHE BAS BRTAN PA MA NYAMS PAR ZHES BYA BA YIN TE, DE BAS NA DE'O, ,NGAL ZHING CHAD PAS GOMS PA 'KHYOR ZHING 'DOR, ,ZHES BYA BA NI LUS KYI YONGS SU NGAL BA YOD PA YIN TE, GANG GI PHYIR YANG RAB TU LCI BA'I KHUR GYIS NON BZHIN ZHES BYA BA STE LCI BA'I RGYU DES SO, ,NGAL BA SOS PAR BYA PHYIR ZHES BYA BA NI LUS KYI NGAL BA MED PAR BYA BA'I PHYIR RO, ,RANG BZHIN YONGS SU DAG PA ZHES BYA BA NI BDAG GI RANG BZHIN YONGS SU DAG PAS, GZHAN GYI BSAM PA YONGS SU DAG PAR 'DZIN PA'I PHYIR RO, ,DES ZHES BYA BA NI PHAN GDAGS PA'I PHYIR, DOGS PA MED PA'I RGYU BSTAN TO, ,MI ZHES BYA BA 'DIS NI SKAL BA MI MNYAM PA YIN PAS, DOGS PA'I GNAS NYID DU BSTAN TO, ,YANG NA RANG BZHIN YONGS SU DAG PA DES, NYES PA BYAS PA DOGS PA MED PA STE; PHAN GDAGS PA'I PHYIR YANG BAG PHAB PA'O, ,GCAN GZAN KHRO BO THAGS THOGS MED PAR 'ONG, ,ZHES BYA BA LA, GCAN GZAN KHRO BO 'ONG BA NI 'BYUNG BA STE, NAGS KYI PHYOGS SU 'JUG PA'I PHYIR RO, ,THAGS THOGS MED PA NI KUN NAS THAR BA'I PHYIR RO, ,NGAL BAS GNYID KYIS LOG PA ZHES BYA BA NI BDAG NYID NGAL BA DANG GNYID KYIS LOG PA GNYIS KYIS GCAN GZAN KHRO BO BZLOG PAR MI NUS PA BSTAN PA YIN NO, ,NGAL PHAN PA 'BYUNG BA YIN PAS NGAL PHAN PA'O, ,MI DE LAM MTSON PA GZHAN MED PAS, NGA SHI BAR GYUR NA NI GROGS MED PA'I PHYIR, 'GRO BA LA NYAMS NYES PAR 'GYUR TE, DE BAS NA MI DE RANG LA PHAN PAR 'GYUR BA YIN NO, ,DE'I PHYIR ZHES BYA BA NI KUN NAS THAR PA'I NAGS KYI SA PHYOGS DER, GCAN GZAN KHRO BO THAGS THOGS MED PAR 'ONG, ,ZHES BYA BA YIN TE, THAGS THOGS MED PAR 'ONG BA'I PHYIR RO, ,MIG LTOS LA BSRUNG BAR GYIS ZHES BYA BA NI GCAN GZAN KHRO BO DAG LAS SO, ,NGA DANG KHYOD BDAG GNYIS ZHES BYA BA NI BDAG LA PHAN PA DANG, KHYOD BDAG NYID LA PHAN PA'I PHYIR RO, ,NGA NI NGAL ZHING LUS KYANG RAB TU RMYA, ,ZHES BYA BA NI SNGAR BSTAN @290B PA'I NGAL BA NYID DO, ,NGA NI NYAL BAR 'DOD CES BYA BA NI SNGAR BSTAN PA'I GNYID LOG PAR RO, ,DUL BA LTAR TSUL 'CHOS PA LA MKHAS PA DE NA RE ZHES BYA BA LA SOGS PA'I TSIG RKYANG PAS NI DE'I PHYIN CI LOG PA NYID BSTAN TE, RAB TU 'BAD PAS RNYED PA'I RTZA BA DANG, ZHES BYA BA'I TSIGS BCAD BZHIS BSTAN PA'O, ,RAB TU 'BAD PAS RNYED PA ZHES BYA BA NI BRKO BA LA SOGS PA'I RAB TU 'BAD PAS SO, ,CI DGAR RNYED PAS ZHES BYA BA NI 'BRAS BU RNYED PA DE GCIG MA YIN PA NYID DU BSTAN TE, RTZA BA DANG, 'BRAS BU GNYIS KYIS NI 'TSO BA TZAM YANG MI NUS PAR BSTAN TO, ,PHAN PAR BYAS KYANG BZA' BA NYID DU BSTAN TE, 'DI'I RANG BZHIN NI DE 'DRA BA'I PHYIR RO, ,PHONGS PAR GYUR NA CHOS NI GRUB PA YIN, ,ZHES BYA BA NI, DE'I PHYIR 'JIG RTEN PA RNAMS KYI CHOS SMRA BA, DRAG PO DANG NI 'JAM PA STE, ,GANG YANG RUNG BA'I LAS KYIS NI, ,BDAG NYID PHONGS PA'I TSE NA SPYAD, ,DE 'OG CHOS NI SPYAD PAR BYA, ,ZHES BYA BA YIN TE, RGYU DE'I PHYIR RO, ,CHAGS PA NYID SKYON YIN PAS CHAGS PA'I SKYON NO, ,DES RMONGS PA'I BLO GANG YIN PA DE NI CHAGS PA'I SKYON GYIS BLO RMONGS PA'O, ,BDAG NYID NGAN PA ZHES BYA BA NI GANG SNGAR BSTAN PA'I SNYING RJE MI GTONG BA'I RGYU BZHI MED PAR BSTAN TE, BDAG NYID NGAN PA ZHES BYA BA SMOS TE, 'JUNGS PA MED PA'I RANG BZHIN MED PAR BSTAN PA NI, CHAGS PA'I SKYON GYIS BLO RMONGS PA, ,ZHES BYA BA 'DIS SO, ,RAB TU BRTAN PA DANG LDAN PA ZHES BYA BA NI GANG SNGAR BSTAN PA STE, SNYING RJE MI GTONG BA'I RGYU DE'I MI MTHUN PA'I PHYOGS SNYING RJE DANG, DES PA'I NGO BO SPANGS ZHES BYA BAS BRTAN PA MED PAR STON TO, ,BYAS PA'I DRIN NI BRJED CES BYA BA 'DIR, SNGAR BSTAN PA'I BYAS PA GZO BA DE'I MI MTHUN PA'I PHYOGS BSTAN TO, ,CHOS KYI 'DU SHES NI NYAMS ZHES BYA BA NI, SNGAR BSTAN PA'I CHOS KYI 'DU SHES NI MA NYAMS ZHES BYA BA DE'I MI MTHUN PA'I PHYOGS BSTAN TO, ,BZHI PO 'DI DAG SNGAR BSTAN PA LTAR MA YIN PA CI'I PHYIR GO RIMS 'DI LTAR BKOD CE NA, DA LTAR 'DI NI RKYEN GYI RGYU LAS SKYES PA'I PHYIR, @291A *, ,BYAS PA MI GZO BA DANG, CHOS KYI 'DU SHES LAS NYAMS PA GNYIS KYI DANG POR, BDAG NYID NGAN PA CHAGS PA'I SKYON GYIS NI BLO RMONGS, ,ZHES BYA BA SMOS SO, ,GZHAN NI SNGAM BZHIN NO, ,RGYU BZHI PO 'DIS KYANG, SNYING RJE DANG, DES PA'I NGO BO NYID RAB TU SPANGS PA YIN NO, ,NYAM CHUNG BA YANG YIN LA MI BRTAN PA YANG YIN PAS NYAM CHUNG MI BRTAN NO, ,YANG NA NYAM CHUNG BAS MI BRTAN ZHES BYA BA'I DON TO, ,GNYID LAS SANGS PAR BYA BA'I PHYIR, ZHES BYA BA NI CHED DU STE, DE SANGS PAR BYA BA'I CHED LTA BUR RO, ,GNYID SANGS PAR BYA BA NI, SAD PAR GYUR PA'O, ,MGO LA RIL GYIS PHOG PAR MA GYUR TE, ,ZHES BYA BA NI, DE BAS NA MGO BO PHYE MAR MA GYUR TO, ,GZHAN DU BRJOD PA NI MGO DE LA PHOG PA STE, DE BAS NA PHYE MAR NI MA GYUR TE RMA PHYUNG BA'O, ,MGO BO MA ZHOM STE ZHES BYA BA NI, MGO CUNG ZAD ZHEM PA'O, ,SKYENGS BZHIN CAN DU ZHES BYA BA NI BYA BA MA YIN PA BYAS PAS SO, ,SKYENGS PAR GYUR PA NI SKYENGS PA STE, BRTZAMS PA'I KHA NA MA THO BA'I BYA BA MA YIN PA MA GRUB PAS SO, ,DES GZI NYAMS PA GANG YIN PA DE NI SKYENGS PAS GZI NYAMS SO, ,SPOBS PA MED PA ZHES BYA BA NI, 'JIGS PA MED PA MA YIN PA'O, ,DE BAS NA MI DGA' BAS ZHUM PAR GYUR PA NI MI DGA' SPA GONG NGO, ,MI DGA' BA NI GZHAN SKYOB PA MED PA'I PHYIR TE, DES SPA GONG BA'O, ,SKRAG PA NI BYANG CHUB SEMS DPAS SKAD CHER PHYUNG ZHING MCHONGS PAS SO, ,RGYU DES 'JIGS PA DANG, SKRAG PA SKYES PA STE, DE BAS NA SKRAG PA'O, ,DUG 'BYIN PA'I MTSAN MA GANG YIN PA LUGS KYI BSTAN BCOS LAS BRJOD PA 'DIR YANG NGES PAR 'BYUNG BAR BSHAD DE, DUG 'BYIN PAS KHA SKAM PA DANG, SKAD 'GAGS PA DANG, RDUL 'BYUNG BA STE, MTSAN MA 'DI DAG GZUNG BA YIN NO, ,SKYENGS PAS GZI NYAMS SPOBS PA MED PAR GYUR, ,CES BYA BA 'DIS NI, KHA SKAM PA BSTAN TO, ,MDOG KYANG NYAMS ZHES BYA BA 'DIS NI, BZHIN MDOG SNGO BAR BSTAN TO, ,SKAD 'GAGS PA ZHES BYA BA 'DIS NI SKAD 'GAGS PA NYID BSTAN TE, GANG GI PHYIR GRE BA 'GAGS @291B NA NI SKAD 'GAGS PAR 'GYUR RO, ,RDUL GYIS GSHER ZHING ZHES BYA BA 'DIS NI, RDUL NYID BSTAN TO, ,DE GANG GIS LTA YANG YONG MA NUS, ,ZHES BYA BA 'DIS NI RANG GI LAS THAL BAR BSTAN TE, GANG GI PHYIR DE'I TSE NI LTA BA LA GNAS PAR YANG MI NUS PA STE, 'DIR NI 'DI'I KHYAD PAR RO, ,DE DAG GI NI LUGS KYI BSTAN BCOS LAS BSHAD PA'I RTAGS DAG GI MTSAN MA DANG BCAS PA YIN TE, 'DI DAG DANG MTSAN MA DANG BCAS PA NI SNGAR BSTAN PA'I RGYU DAG GO, ,BLO LA NGES PAR BYAS NAS NI 'KHRUL PA MED PA'I RTAGS MTHONG BAS SO, ,BDAG LA PHAN PA LA YANG MI LTA BA NI, NGAN PA DE YIN PAS NA, BDAG LA PHAN PA LA MI LTA BA NGAN PA'O, ,DE BAS NA BDAG LA PHAN PA LA MI LTA BA DES, YID CHAD PA NI NGAN PA YIN PA'I PHYIR DANG, NGAN 'GROR 'GRO BA'I PHYIR SNYING RJE SKYES PA'O, ,'KHRUG PA NI SEMS KYI RNAM PAR 'KHRUG PA'O, ,KHRO BA NI LUS DANG, NGAG GI 'GYUR BA'O, ,KHRO BA DANG, 'KHRUG PA LAS BYUNG BA'I SKYON NI, ,KHRO BA 'KHRUG PA'I SKYON NO, ,MED PA NI KHRO BA DANG, 'KHRUG PA'I SKYON GANG GIS MED PA DE NI KHRO BA DANG, 'KHRUG PA'I SKYON MED PA STE, YID CHAD PA'I PHYIR KHRO BA DANG, 'KHRUG PA'I SKYON YONGS SU SPANGS PA'O, ,SNYING RJE SKYES PA'I PHYIR MIG MCHIMS GANG BA'O, ,'DI 'DRA BA DAG CES BYA BA NI LAS 'DI 'DRA BAR BYAS PA'O, ,JI LTAR ZHES BYA BA NI SEMS KYIS BSKUL BAR STON PA YIN NO, ,BYA BA JI LTAR ZHES BYA BA 'DIS NI SEMS KYIS NGES PAR BYAS PA'O, ,JI LTA BUR YANG BRTZAMS PAR GYUR, ,CES BYA BA NI YANG DAG PAR DPYAD PA'O, ,DE LA RE ZHIG DANG PO NI SEMS SPYOD PA LA 'JUG PAR BYA BA YIN TE, BYA'AM MI BYA ZHES BYA BA DANG, 'DI NI DE BZHIN DU BYA'O ZHES PA DANG, DE'I 'OG TU 'DI NI NGES PAR 'DI LTAR BYA'O ZHES SEMS PA LA 'JUG PA YIN NO, ,DE'I 'OG TU SEMS PAS LUS DANG, NGAG GI LAS LA 'JUG PAR BYED DO, ,'DI NI RIM PA MA YIN PA'I TSUL DU BSTAN TE, ,JI LTAR ZHE NA, 'DI 'DRA BDAG LA KHYOD KYIS BYAS, ,ZHES BYA BA DE'I LAS MTHONG BAS NGO MTSAR RTOGS NAS DRIS PA YIN TE, RGYU NI RE ZHIG GZHAG GI BSAM PA NYID KYANG DKA' NA DE BYED @292A *, ,PA LTA SMOS KYANG CI DGOS, BSAM PA LTAR RE ZHIG BZHAG NA DPYAD CING BYA'O ZHES BYA BA DE NYID KYANG SHIN TU DKA' BA YIN PAS NGO MTSAR DU RTOGS NAS DRIS PA YIN TE, DE BAS NA 'DI DAG GI RIM PA NI GO RIMS BZHIN DU BSTAN PA'O, ,JI LTA BUR YANG BRTZAMS PAR GYUR, ,CES BYA BA DE'I DKA' BA'I RGYU BSTAN PA'I PHYIR, NGA LA GNOD PA BYED PA NI, ,ZHES BYA BA SMOS TE, NGA LA GNOD PA BYED PA DE DANG 'BREL PA GZHAN DAG GO, ,BRTZON 'GRUS RAB TU BSKYED NAS KYANG, ,DE'I MTHU RTZAL GANG YIN BA DE NI, BRTZON 'GRUS RAB TU BSKYED PA'I MTHU RTZAL CHEN PO'O, ,BZLOG PA NI DGAG BAR RIGS PA'O, , DE BAS NA KHYOD KYIS KHYAD PAR DU CHE BA'I DKA' BA BYAS SO ZHES BYA BA STON PA YIN NO, ,BDAG GIS DKA' BA SPYAD DO SNYAM, ,ZHES BYA BA'I TSIGS BCAD DO, ,BZANG PO KHYOD NI MIR GYUR KYANG, ,ZHES BYA BA'I TSIGS BCAD GNYIS KYI DON YANG NGO MTSAR CHE BAR RTOGS PA DE BSTAN PA DANG, DE BSGRUB PA'I PHYIR RO, ,BDAG GIS DKA' BA SPYAD DO SNYAM, ,ZHES BYA BA'I TSIGS BCAD DE BSGRUB PA'I PHYIR RO, ,'CHI BDAG KHA YI NANG 'DRA BA'I, ,ZHES BYA BA'I TSIGS BCAD SMOS SO, ,BDAG GIS DKA' BA SPYAD DO SNYAM, ,NGA NI NGA RGYAL SKYES PAR GYUR, ,CES BYA BA CI'I PHYIR ZHE NA, 'DI LTAR, 'CHI BDAG KHA YIN NGA 'DRA BA, ,'JIG RTEN GZHAN NAS BLANGS PA BZHIN, ,ZHES BYA BA STE, DE BAS NA NGA RGYAL SKYES PAR GYUR PA'O, ,HA CANG DKA' BA KHYOD SPYOD KYIS, ,DE YANG RING DU SPANGS PAR GYUR, ,CES BYA BA NI, CI'I PHYIR ZHE NA, 'DI LTAR, G-YANG SA 'DI NAS NGAS PHYUNG NA, ,KHYOD NI GZHAN DU LHUNG BAR GYUR, ,CES BYA BA SMOS PA'O, ,G-YANGS 'DI NAS PHYUNG BA NI, ,'DI'I RTZA BA'I G-YANG SA NAS PHYUNG BA'O, ,GZHAN DU LHUNG BA NI NGAN SONG GI SKYE BA'I NGOGS KYI G-YANG SAR RO, ,DE LTA BU'I DKA' BA SPYAD PA 'DI'I RGYU GANG YIN ZHE NA, DE'I RGYU BSTAN BA'I PHYIR, SPYOD PA NGAN BA KHYOD CI RUNG, ,ZHES BYA BA'I TSIGS BCAD SMOS SO, ,SPYOD PA NGAN PA NI, 'JUG PA NGAN PA'I RGYUR GYUR PA'I PHYIR RO, ,SPYOD BA NGAN PA'I MTSAN NYID JI LTA BU ZHE NA, DE SMRAS PA, SHIN TU MI BZAD PA'I SPYOD PA NGAN PA'O, ,JI LTA BU ZHE NA, DE BSGRUB PA'I PHYIR, GANG GIS @292B SDUG BSNGAL RNAMS SU LHUNG, ,ZHES BYA BA YIN NO, ,'GRO BA GANG LHUNG ZHE NA, SMRAS PA, BDE BA 'DOD PA RNAMS YIN TE, MTHONG BA'I CHOS LA BDE BA 'DOD PAS, ,SDIG PA RNAMS BYED DE, DE NI MI SHES PA ZHES BYA BAS BSTAN TO, ,GANG GIS SDUG BSNGAL RNAMS SU LHUNG, , ZHES BSTAN PA DE'I SDUG BSNGAL GYI RNAM PA DU ZHE NA, DE'I SDUG BSNGAL GYI RNAM PA BSTAN PA'I PHYIR, BDAG NYID NGAN 'GRO RNAMS SU LHUNG, ,ZHES BYA BA'I TSIGS BCAD SMOS SO, ,SDUG BSNGAL YANG RNAM PA GNYIS TE, NGA LA'ANG MYA NGAN ME YIS GTOR, ,ZHES BYA BA STE, MTHONG BA'I LA BYAS PA'I SDUG BSNGAL LO, ,NGAN 'GRO RNAMS SU LHUNG ZHES BYA BA NI, BDAG NYID KYI 'JIG RTEN PHA ROL GYI SDUG BSNGAL LO, ,DA NI MTHONG BA'I CHOS KYI BDAG GIS NYES PAR BYAS PA'I SDUG BSNGAL YIN TE, NGA LA'ANG MYA NGAN ME YIS GTOR, ,ZHES BYA BA STE, MTHONG BA'I CHOS LA BYAS PA'I SDUG BSNGAL LO, ,BDAG NYID KYI MTHONG BA'I CHOS KYI SDUG BSNGAL YANG RNAM PA GNYIS TE, GRAGS PA'I DPAL NI MED PAR BYAS, ,ZHES BYA BA 'DIS NI, SNGAR BSHAD PA'I GRAGS PA NYAMS PA'I SDUG BSNGAL BSTAN TO, ,YON TAN LA DGA' BA NI YON TAN LA DGA' BA'O, ,'GAL BAR GYUR PA NI NYAMS PAR BYAS PA'O, ,JI LTAR GRAGS PA'I DPAL NYAMS PAR BYAS SHE NA, DE SMRAS PA, NGAN PAR SMRA BA'I GZHIR YANG GYUR, ,CES BYA BA YIN TE, NGAN PAR SMRA BA'I GZHIR 'GRO BA'I RGYU'O, ,JI LTAR YON TAN LA DGA' BA 'GAL BAR GYUR CE NA, SMRAS PA, YID KYANG BRTAN DU MA RUNG NGO, ,ZHES BYA BA YIN TE, YID BRTAN PA NYAMS PA'I RGYUS SO, ,DON NI CI ZHIG 'GRUB PAR 'GYUR, ,ZHES BYA BA NI, DE LTAR 'JIG RTEN GNYIG LA MI PHAN PA'I LAS BYAS PAS DON CE ZHIG 'GRUB PAR 'GYUR BA'O, ,JI LTAR 'DI NYID NGA YI YID LA GNOD GYUR PA, ZHES BYA BA DE NYID BSTAN PA'I PHYIR, SMRAS PA, SDIG PA CAN DU GYUR PA ZHES BYA BA YIN TE, 'DIR NGAN PAR SPYOD PA'O, ,NGAN PAR SPYOD PA 'DI NI NGAS MED PAR BYA BAR MI NUS TE, 'DI MED PAR ZHES SMOS SO, ,NGAN PAR SPYOD PA 'DI JI LTAR MED PAR GYUR @293A *, ,TE; DE'I 'BRAS BU RJES SU MYONG BAS DE'I 'BRAS BU MYONG BA BSAL BAR MI NUS SO, ,BRTEN DU MI RUNG DOGS PAR GYUR KYANG ZHES BYA BA DE BSHAD PA'I PHYIR, KHYOD NI GCIG PU LUS KYANG NYAM CHUNG LA, ,ZHES BYA BA'I TSIGS BCAD 'DI'I PHYED DANG POS BSTAN TO, ,RGYU BZHIS DOGS PAR GYUR PA YIN TE, GROGS MED PA'I PHYIR DANG, BDAG NYID NYAM CHUNG BA'I PHYIR DANG, LAM MI SHES PA'I PHYIR DANG, 'JIGS PA DANG BCAS PA'I GNAS SU 'KHYAM PA'O, ,GANG DANG LHAN CIG 'GRO BA DANG, GANG 'GRO ZHING STOBS DANG LDAN PA DANG, GANG NAS 'GRO BA SHES PA DANG, GANG GNAS SU 'GRO BA STE, SKYON BZHI PO 'DI DAG DANG LDAN PA'I PHYIR DOGS PAR 'GYUR BA YIN TE, GANG DOGS PA DE LA BRTEN TO, ,GANG LAS DOGS PA DE LAS BRTZAMS TE, 'GA' ZHIG 'ONGS NAS ZHES BYA BA SMOS TE, 'GA' ZHIG CES BYA BA GCAN GZAN KHRO BO RNAMS LA'O, ,DGON PA BGROD DKA' 'JIGS PA 'ONG LA ZHES BYA BA GRONG GI GAN DU PHYIN PA'O, ,JI LTAR GRONG GI GAN DU PHYIN PAR SHES PAR BYA ZHE NA, DGON PA DANG NAGS KYI MTHA' YIN PA'I PHYIR RO, ,BDE BAR SONG ZHES BYA BA 'JIGS PA MED PAR CI BDER DENGS SHIG PA'O, ,SDIG PA'I LAS KYANG YONGS SU SPANG BAR 'BAD PAR GYIS, ,ZHES BYA BA NI, CI'I PHYIR ZHE NA, SDUG BSNGAL GYI RNAM PAR SMIN PA NI NGES PA'I PHYIR RO, ,'GYOD PA'I ME ZHES BYA BA DANG, MDZE'I NAD CES BYA BA 'DI GNYIS KYIS NI MING DANG, GZUGS LUS KYI SDUG BSNGAL BSTAN TE, DE'I LAS DANG, SDIG PA MTHONG BA'I CHOS NYID LA DE LTAR SDUG BSNGAL BAR 'GYUR BA LAS BRTZAMS TE, DE'I LAS LUS 'JIG PA LA NI MI SPYOD PAS SO, ,RMA'I ZHIGS BA NI RMA ZHIGS PA'O, ,RMA'I CHU 'DZAG PA NI RMA ZHIGS PA'I CHU SER RO, ,DES GSHER BA'I LUS GANG YIN PA DE NI RMA ZHIGS PA'I CHU SER GYIS LUS GSHER BAR GYUR PA'O, ,SNGANGS SHING NGO MTSAR DU GYUR TE ZHES BYA BA NI DE'I 'JIGS SU RUNG BAS SO, ,NGO MTSAR CHER BZUNG STE ZHES BYA BA NI MI MA YIN PAR YID CHES SU MI RUNG BA'I GZUGS YOD PAS SO, ,SKYA BSENG NI PHYOGS GANG NA MDZE DANG, SHA BKRA'I NAD MED PA'I PHYOGS DE NA'O, ,SKRA NI RDUL @293B GYIS GANG ZHING G-YENGS, ,ZHES BYA BA NI GLO BUR GYI DRI MAS GOS PA NYID DU BSTAN TO, ,CIG SHOS NI LHAN CIG SKYES PA LAS GYUR PA'O, ,YANG NA SDANGS SHING NGO MTSAR DU BZUNG STE, DRIS PA ZHES BYA BA NI SNGANGS PAS TSUL DANG BRAL BA'I PHYIR, RMI YIN PAR YID MA CHES PAS NGO MTSAR CHER GZUNG STE, GNAS SKABS 'DI LTA BU RTOGS PAR BYA BA'I PHYIR RO, ,DRI BA'I SBYOR BA'O, ,'BRAS BU GZHAN NI SLAD KYIS MCHI, ,ZHES BYA BA NI NGAN 'GROR 'GRO BA'I 'BRAS BU STE, BYAMS LA SNYING RING BYAS PA ZHES BYA BA'I TSIGS BCAD YIN NO, ,BYAMS LA SNYING RING BAS NI 'JIG RTEN GNYI GAR MI BZAD PA'I 'BRAS BU BSTAN PA'I PHYIR, DE BAS BYAMS LA ZHES BYA BA'I TSIGS BCAD SMOS SO, ,YANG DAG PAR 'DZIN DU GZHUG PA'I PHYIR, GROGS PO GSUM DU SGRUB PA'I BYE BRAG GIS 'DZIN DU GZHUG PA YIN NO, ,MDZA' BO DAG LA LOG PAR SGRUB PA'I NYES DMIGS BSTAN PA'I PHYIR, BYAMS PHA RNAMS LA SNGANG BAR SPYOD PA'I TSUL BZUNG NA, ZHES BYA BA'I TSIGS BCAD SMOS SO, ,'JIG RTEN GNYI GA LA PHAN PA NYID DU BSTAN PA'I PHYIR, MDZA' BO RNAMS LA SEMS SHING BYAMS PAS GRAGS BA 'THOB, ,CES BYA BA'I TSIGS BCAD SMOS TE, MDZA' BO RNAMS LA LEGS PA SGRUB PA'I PHAN YON BSTAN PA'I PHYIR TE, PHAN YON YANG RNAM PA GNYIS TE, TSE 'DI'I NGANG, TSE PHYI MA'I 'O, ,TSE PHYI MA'I MTHO RIS 'THOB PAR 'GYUR ZHES BYA BA YIN TE, 'DI NA PHYI MA'I PHEN YON NO, ,DANG PO TSE 'DI'I PHAN YON LA NI BDAG DANG, GZHAN GYI RNAM PA GNYIS TE, MTHONG BA'I CHOS LA YID DGA' BA NI BDAG GI PHAN YON TE, 'CHI BA'I DUS SU YID LA GCAGS PA MED PAS, BDAG NYID YID DGA' BAR 'GYUR RO, ,GZHAN DANG 'BREL PA'I PHAN YON NI RNAM PA GSUM STE, THA MAL BA DANG, MDZA' BSHES DANG, DGRA'O, ,DE LA THA MAL PA'I PHAN YON GYI DBANG DU BYAS NAS GRAGS PA 'THOB PA DANG, YID BRTAN PA STE, THA MAL PA DAG LAS MA BTANG BA NI, ,YID KYI LAS KYI PHAN YON NO, ,RIM GRO BYED PA'I BDE BA DANG, DAN GROGS BYED PA'I YON TAN NI MDZA' SHES LAS @294A *, ,'THOB PA STE, LUS KYI LAS KYI PHAN YON NO, ,RIM GRO BYED CING BDE BA 'DOD PA BSTAN PA LA SOGS PAS DAN GROGS BYED PA'I YON TAN NI GROGS PO DMAN PA DAG LAS, RIM GRO SHAS CHER 'THOB PA'I PHAN YON NO, ,DGRA RNAMS KUN GYIS MI TSUGS PA NI DGRA'I PHAN YON NO, ,BYAMS PA'I PHYOGS LA LEGS NONGS CI BGYIS PA'I, ,ZHES BYA BA'I TSIGS BCAD 'DI NI SNGAR BSHAD PA'I DON GYI MJUG SDUD PA YIN TE, BYAMS PA'I PHYOGS ZHES BYA BA'I TSIGS BCAD KYI DANG PO PHYED KYIS NI, YID KYIS MKHYEN CING RIG PAR BYA BA STE, YID KYI LAS KYIS BSTEN CIG PA'O, ,SKYE BO DAM PA 'DOD PA'I LAM LA ZHES BYA BA NI, LUS DANG, NGAG GI SGRUB PA YIN NO, ,LAM DER SONG NA 'BYOR PA RJES SU 'BRANG, ZHES BYA BA NI LUS DANG, NGAG DANG, YID KYI PHAN YON NO, ,LEGS NONGS CI BGYIS PA'I MTHU RNAMS GRUB PA ZHES BYA BA LA, NONGS PA BGYIS PA'I MTHU RNAMS GRUB PA ZHES BYA BA NI BYAMS PA RNAMS LA SDANG BAR SPYOD PA'I TSUL BZUNG NA ZHES BYA BA'I TSIGS BCAD DER NYES DMIGS BSTAN PA'O, ,LEGS PA BGYIS PA'I MTHU RNAMS GRUB PA NI, ,MDZA' BO RNAMS LA SEMS SHING BYAMS PAS GRAGS PA 'THOB, , CES BYA BA DES PHAN YON BSTAN TO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS SPRE'U CHEN PO'I SKYES PA'I RABS SO,, ,,GANG NA MI DANG BRAL ZHING RGYUN LUGS MED PA'I 'BROG DGON PA'I PHYOGS NI MI'I RGYUN LUGS MED PA'O, ,GANG GI PHYIR SGRA MED PA DE NI SGRA MI GRAG PA STE, MI'I RGYUN LUGS MED PA'ANG YIN PAS MI'I RGYUN LUGS MED CING SGRA MI GRAG PA'O, ,RTZVA STUG PO'I NANG DU SHING GI RTZA BA LDAM LDUM NUB PA GANG YIN PA DE DAG NI SHING GI RTZA BA DANG, LDUM BU MANG PO RTZA STUG PO'I NANG DU NUB PA'O, ,GANG DU DE MED PA NI SHING GI RTZA BA DANG, LDUM BU NUB PA DE NA'O, ,'GRON PO RNAMS DANG, SHING RTA DANG, BZHON PA NI 'GRON PO RNAMS KYI SHING RTA DANG BZHON PA'O, ,DE RNAMS KYI RKANG PA NI 'GRON PO RNAMS KYI SHING RTA DANG BZHON PA'I RKANG PA STE DES SO, ,SROL GYI MTSAMS BTOD PA NI SROL BTOD PA STE, LAM SROL BTOD PA NI @294B LAM GYI SROL BTOD PA'O, ,MA BTOD PA'I LAM GYI SROL GANG YIN PA'I SA PHYOGS NI SA PHYOGS DE STE, SA GZHI'I PHYOGS DE LAM GYI SROL MA BTOD PA DE NA'O, ,'BAB CHU 'BAB PA DANG, GROG MKHAR DANG, GAD SA RNAMS NI 'BAB CHU DANG, GROG MKHAR DANG, GAD PA DAG GO, ,DE DAG GI SA PHYOGS NI MI BDE BA GANG YIN PA'I DGON PA'I PHYOGS DE NI 'BAB CHU 'BAB PA DANG, GROG MKHAR DANG, GAD PA DAG GIS SA PHYOGS MI BDE BA YOD PA DE NA'O, ,LUS DANG LDAN PA ZHIG TU GYUR TO ZHES BYA BA NI LUS DANG BCAS PAR SKYES SO ZHES BYA BA'I DON TO, ,RI DAGS GZUGS CAN ZHES BYA BA NI SNGAR BSTAN PA'I RI DAGS SHAR BHAR GYUR TO ZHES BYA BA YIN NO, ,RI DAGS GCIG PUR GYUR PA MA ZAD DE, DE GSAL BAR BYA BA'I PHYIR SNGAR BSTAN PA'I SEMS CAN RNAMS LA GNOD PA MI BYED CES BYA BA STE, JI LTAR MI BYED CE NA, DKA' THUB CAN BZHIN SROG CHAGS RNAMS LA BRTZE, ,ZHES BYA BA YIN TE, GZHAN NI SNGA MA BZHIN NO, ,YUL DE LA DBANG BA'I RGYAL PO ZHES BYA BA NI, DGON PA'I PHYOGS GANG NA BYANG CHUB SEMS DPA' GNAS PA'I 'O, ,RTA DANG, GLANG PO CHE DANG, SHING RTA DANG, RKANG THANG GI TSOGS RGYANG RING POR LUS BZHIN DU ZHES BYA BA NI GLANG PO CHE LA SOGS PA THAG RING DU BOR ZHES BYA BA'I DON TO, ,PHYUNG NAS ZHES BYA BA NI RAL NAS BLANGS PA'O, ,GANG GIS MDA' MDE'U RNON PO CAN DE PHYUNG BA NI MDA' MDE'U RNON PO CAN PHYUNG BA'O, ,GYA TSOM DU RGOL BA SPANG BA GANG YIN PA DE NI GYA TSOM DU RGOL BA SPANGS PA STE, RGOL BA SPANGS PA NI BDAG LA LTOS PA MED PA'I PHYIR, RGOL BA SPANGS PA'O, ,LAM KA NA ZHES BYA BA NI NYE BA NA YOD PA'O, ,THOG NAS LHUNG BA NI BSKYUR BA'O, ,CI'I PHYIR RTA LAS LHUNG ZHE NA, DEM MTHONG BA YIN TE, MA MTHONG BA YIN PA DE'I RGYU BSTAN PA'I PHYIR, MIG NI RI DAGS DE LA YENGS; ,ZHES BYA BA'I TSIGS BCAD KYI PHYED DANG POS BSTAN TO, ,SHIN TU BRTAN PAR RTA LA CHAGS KYANG CI'I PHYIR LHUNG ZHE NA, DE'I RGYU BSTAN PA'I PHYIR, TSIGS BCAD PHYED 'OG MA'O, ,SLAR BLTAS PA DANG ZHES BYA BA NI, GDONG PHYIR BSGYUR TE BLTAS NA ZHES BYA BA'I DON TO, ,NGAL @295A *, ,BSO BA'I CHED DU RTA LAS BABS ZHES BRTAGS PA STE, 'DIR YANG BABS PA BRTAGS PA'I PHYIR, 'DI NA GAB TU RUNG BA'I ZHES BYA BA LA SOGS PA'I TSIG RKANG SMOS TE, 'DI NA RTZA STUG PO ZHES BYA BA LA SOGS PA 'DIS NI GZHAN GYI DGOS PAS BABS SO; ,ZHES BYA BA DE'I DGOS PA YANG MED DE, MA MTHONG BAS SO, ,DE LTAR NGES PAR BYAS NAS SNYING RJE SKYES PAR GYUR TO, ,DE NYID RGYAL MTSAN BZANG PO'I ZHES BYA BA LA SOGS PA'I TSIGS BCAD BZHIS NI PHUN SUM TSOGS PA DANG BRAL BA DANG, SDUG BSNGAL DANG PHRAD PA'I DBANG DU BYAS PA STE, DE NAS TSIGS BCAD GNYIS KYIS NI PHUN SUM TSOGS PA DANG BRAL BA'I DBANG DU BYAS PA'O, ,PHUN SUM TSOGS PA YANG BSOD NAMS KYI 'BRAS BUS DBYE BAS GSUM DU SBYAR TE, BZOD PA LAS BYUNG BA'I BSOD NAMS KYI TSOGS KYI 'BRAS BU DANG BRAL BA'I DBANG DU BYAS NAS; DE NYID RGYAL MTSAN BZANG PO'I ZHES BYA BA'I TSIGS BCAD 'DI YIN TE, PHYI BZHIN BSKYAL ZHING ZHES BYA BA 'DIS NI, G-YOG 'KHOR PHUN SUM TSOGS PAR GZUNG NGO, ,MDZES PA'I GDUGS KYIS BSKYABS ZHES BYA BA DANG, G-YAG RNGA'I BSIL YAB G-YOB PAS MDZES PAR BYAS, ZHES BYA BAS NI, SBYIN PA LAS BYUNG BA'I BSOD NAMS TSOGS KYI 'BRAS BU DANG BRAL BA'I DBANG DU BYAS PA'O, ,SKYE BO MANG POS BKUR BA'I LHA YI DBANG PO BZHIN, ,ZHES BYA BA'I TSIGS BCAD PHYED KYIS NI, TSUL KHRIMS LAS BYUNG BA'I BSOD NAMS KYI TSOGS KYI 'BRAS BU DANG BRAL BA'I DBANG DU BYAS PA'O, ,DE RING KHO NAR G-YANG SA CHEN POR LHUNG, ,ZHES BYA BA NI SDUG BSNGAL DANG PHRAD PA'I DBANG DU BYAS PA'O, ,YAN LAG GRUGS PAR GYUR CES BYA BA NI, YAN LAG GRUGS PA DE MED KYANG BRGYAL BAR GYUR PA'AM, DE MED KYANG MYA NGAN BYED PA STE, DE BAS NA G-YANG SA 'DI LAS BDAG NYID KYIS THAR BAR MI NUS PA'I PHYIR RO, ,MYA NGAN BYED DO ZHES BSTAN PA LA, JI LTAR DE MYA NGAN BYED PAR 'GYUR ZHEN, DE BSTAN PA'I PHYIR, SDUG BSNGAL MA MYONG RAB TU GZHON SHA CAN, ,ZHES BYA BA'I TSIGS BCAD SMOS SO, , @295B MA RABS RNAMS LA RMA RNYING SOS 'DRA BAR, ,ZHES BYA BAS NI SDUG BSNGAL SKYES PA YIN NO, ,SROG GI LHAG MA TZAM ZHIG LUS SU ZIN KYANG ZHES BYA BA NI NGES PAR 'CHI BA NYID DE, G-YANG SA ZAB PA'I PHYIR RO, ,SNYING RJES SEMS DRANGS NAS ZHES BYA BA NI PHUN SUM TSOGS BA DANG BRAL BA DANG; SDUG BSNGAL GYI RGYUS SNYING RJE BA'O, ,DE NI 'THAB BER NI RDUL GYIS G-YOGS THOD BCINGS PA NI ZHIG CES BYA BA 'DIS NI, LUS LA GYON PA'I GOS DAG 'GYUR BAR STON TO, ,G-YANGS NAS LHUNG STE SNAD PA'I TSOR BA MYONG BA NI SEMS LA KHYAB PAR GYUR CES BYA BA 'DIS NI LUS KYI SDUG BSNGAL DES BYAS PA'I SEMS KYI SDUG BSNGAL LO, ,'DUG PA ZHES BYA BA NI DE LTAR GYUR PAS 'GRO BA'I SKABS MED DO, ,ZHES BYA BA'I DON TO, ,'GRO BA NI 'GYUR LDOG NYE BAR BYED PA'O, ,DE'I SDUG BSNGAL YIN PAS DE'I SDUG BSNGAL TE, RGYAL PO DE'I SDUG BSNGAL ZHES BYA BA'I DON TO, ,DE'I SDUG BSNGAL THUN MONG NYID DU GYUR PA NI, DE'I SDUG BSNGAL GYI RGYUS THUN MONG DU GYUR PA'O, ,YA RABS KYI TSUL BZHIN DU SKYE BO DGE BA'I RANG BZHIN STON PAR BYED PA'I TSIG DE BSGRUB PA'I PHYIR, RGYAL PO CHEN PO SNAD PAR MA GYUR TAM, ,ZHES TSIGS BCAD SMOS SO, ,DE LA YA RABS TSUL BZHIN ZHES BYA BA NYID NI RGYAL PO CHEN PO ZHES BYA BA'I TSIG GIS SO, ,SKYE BO DGE BA'I RANG BZHIN STON BYED CING, ,ZHES BYA BA'I TSIG GIS NI SNAD PAR MA GYUR TAM ZHES BYA BA LA SOGS PA'I TSIG GIS SO, ,'DI NI SKYE BO DGE BA'I RANG BZHIN TE, GZHAN SDUG BSNGAL BA LA RANG BZHIN GYIS BRTZE BA YIN TE, SNAD PAR MA GYUR TAM ZHES BYA BA NI, LUS SNAD PAR MA GYUR TAM ZHES BYA BA'I DBANG DU BYAS PA'O, ,LUS LA CHAG GRUGS BYUNG BAR MA GYUR TAM, ,ZHES BYA BA NI YAN LAG RNAMS CHAG PAR MA GYUR TAM ZHES BYA BA'I DBANG DU BYAS PA'O, ,KHYOD KYI NAD RNAMS RGYAS PAR MA GYUR TAM, ,ZHES BYA BA NI, DE GNYI GA LA GNONG PAR MA GYUR TAM ZHES BYA BA'I DBANG DU BYAS PA'O, ,DBUGS 'BYIN 'GYUR BA 'JAM PA ZHES BYA BA'I DBANG DU BYAS NAS, ,MI'I RGYAL PO BDAG NI GZHAN MA LAGS, ,ZHES BYA BA'I TSIGS BCAD SMOS SO, ,YID CHES PAR MI 'GYUR BA NI RNAM PA GNYIS TE, RI DAGS @296A *, ,MI'I TSIG TU SMRA BA THOS SHING MI MA YIN PAR SHES PA DANG, BDAG NYID KYIS GNOD PA BYAS PAS SO, ,DES NI YID MI CHES PAR 'GYUR BA'I RGYU GNYIS PA DE MED PAR STON TO, ,TSIGS BCAD GNYIS KYI PHYED PHYED KYIS GO RIMS BZHIN DU GCIG LA GCIG PHAN PA BYED PAR STON PA'I MTSAN NYID 'JAM PA NI GNYEN DU 'BREL PA LTA BU'I TSIG GI MTSAN NYID YIN PA'O, ,YANG NA, ZHE SAR BCAS SHING YID DU 'ONG BA YIS, ,ZHES BYA BA 'JAM PA'I DBANG DU BYAS PA STE, G-YANG SAR LHUNG BAS MI DGES MA MDZAD CIG ,CES BYA BA'I TSIGS BCAD SMOS TE, PHAN PA BYED PA'I MTSAN NYID NI 'JAM PAR STON PA YIN NO, ,BDAG LA THUGS CHES RUNG BAR DGONGS NAS NI, ,ZHES BYA BA NI ZHE SAR BCAS PA NYID DO, ,BDAG NI MCHI YIS MYUR DU BKA' STZOL CIG ,CES BYA BA NI YID DU 'ONG BA STE 'JAM PA'O, ,NGO MTSAR CHE BA DES ZHES BYA BA NI, SMRAS PA'I MTSAN NYID DAG GIS SO, ,YA MTSAN DU GYUR CING SEMS MGU ZHES BYA PA LA, DE'I RGYU BSTAN PA'I PHYIR, DGRA LA BRGAL BAR NUS BZHIN DU, ,ZHES BYA BA'I TSIGS BCAD KYI PHYED KYIS BSTAN TO, ,BDAG LA JI LTAR SNYING RJE SKYES, ,ZHES BYA BA DE BSGRUB PA'I PHYIR, BDAG GIS GNOD PA BYAS PA'ANG SHES, ,ZHES BYA BA PHYED 'OG MA YIN NO, ,TSIGS BCAD 'DI BSGRUB PA'I PHYIR, AE MA'O 'JAM ZHING RNO BA ZHES BYA BA'I TSIGS BCAD 'DI SMOS TE, SNGAR BSHAD PA NI BSGRUB PAR BYA BA YIN TE, SNGAR BSHAD PA'I TSIGS BCAD KYI PHYED DANG PO NI 'DI'I DANG PO PHYED KYIS SGRUB PA YIN NO, , DE'I GNYIS PA NI GNYIS PA'I 'O, ,'JAM ZHING RNO BA ZHES BYA BA NI 'JAM PA'I LAS NI SNYING RJES SGRUB PA'O, ,RNO BA'I LAS NI, DGRA LA BRGAL BAR NUS BZHIN DU, ,ZHES BYA BA STE, BDAG LA YANG DAG PAR LDAN PA'I PHYIR RAM, BDAG GI SNYING LA PHYI NAS 'GYOD PA'I PHYIR RO, ,BDAG NYID NI PHYUGS SAM RI DAGS YIN TE, CI'I PHYIR ZHE NA, SKYON MED PA LA GNOD PA BYAS PAS SO, ,RI DAGS GZUGS CAN 'DI NI GZHAN, ,ZHES BYA BA NI DGRA LA BRGAL BAR NUS BZHIN DU SNYING RJES SGRUB PA STE, DE NI DGRA LA BRGAL BAR NUS BZHIN DU BDAG LA SNYING RJE SGRUB PAS SO, ,'THAB BOR STUG PO BGOS @296B PAS NA; ,ZHES BYA BA'I TSIGS BCAD 'DI NI RGYAL PO CHEN PO SNAD PAR MA GYUR TAM, ,ZHES BYA BA DE'I LAN YIN NO, ,G-YANG SA NAS NI LHUNG BA YIS, ,ZHES BYA BA NI 'DI LHAG PAR MI CHE'O ZHES BYA BA'I DON TO, ,SDUG BSNGAL GZHAN DAG NI BZOD PA NYID DU BSTAN PA'I PHYIR, G-YANG SA NAS NI LHUNG BA YIS, ,ZHES BYA BA'I TSIGS BCAD SMOS SO, ,KHYOD DE LTAR DGE BAR SEMS PA ZHES BYA BA NI BRGAL BAR NUS KYANG, SNYING RJE DANG LDAN PA'I PHYIR DGE BAR SEMS PA'O, ,NYES PA'I RGYU BSTAN PA'I PHYIR, GZUGS KYI RKYEN GYIS RI DAGS LTAR, ,ZHES BYA BA'I TSIGS BCAD SMOS SO, ,GZUGS KYI RKYEN GYIS ZHES BYA BA NI GZUGS NYID KYI RKYEN NO, ,DE'I DRUNG DU 'ONGS TE BYA BA NI THAD DU LHAGS PA'O, ,DE BAS NA RANG BZHIN GYIS DE LTAR DGE BA'I BLO DANG, BSAM PA KHYAD PAR CAN NYID YIN NO, ,DGYES PA ZHES BYA BA NI MNGON PAR 'DOD PA'I DON GRUB PA'O, ,DANG BA NI DE'I TSE BDAG GIS PHYUNG BAR RO, ,DGYES PA DANG, DANG BA DAG NI, DGYES PA DANG DANG BA DAG GO, ,DE GNYIS KYIS ZHAL MNGON DU PHYOGS PA NI, DGYES BZHIN DANG BA'I ZHAL GYIS MNGON DU PHYOGS PA'O, ,YANG NA DGYES SHING DGA' BAS ZHAL MNGON DU PHYOGS PA NI, DGYES SHING DGA' BAS ZHAL MNGON DU PHYOGS PA'O, ,BDAG GI SROG KYANG RI DAGS KHYOD DBANG NA, ,ZHES BYA BA'I TSIGS BCAD NI GANG DU 'GRO BAR BYA BA DE'I PHAN YON BSTAN PA'I PHYIR RO, ,NAGS TSAL RNGON PAS GANG ZHING ZHES BYA BA NI 'DI DAG TU GNAS PA DE'I NYES DMIGS BSTAN PA'I PHYIR RO, ,NYES DMIGS KYANG RNAM PA GNYIS TE, LUS DANG SEMS KYI'O, ,DE LA SEMS KYI NYES DMIGS NI 'JIGS PA DANG BCAS PA STE, CI'I PHYIR 'JIGS PA DANG BCAS PA YIN ZHE NA, NAGS TSAL DE DAG RNGON PAS GANG BA'I PHYIR RO, ,LUS KYI NYES DMIGS NI GRANG BA DANG, TSA BA DANG, CHAR 'BAB PA'I SDUG BSNGAL DANG LDAN PA'I PHYIR TE, GRANG BA DANG, TSA BA DANG, CHAR SMOS PAS NI DUS LAS BYUNG BA'I NYES DMIGS SO, ,STZOGS PA SMOS PAS NI BKRES PA DANG, SKOM PA YIN TE, LHAN CIG SKYES PA'I SDUG BSNGAL GZUNG @297A *, ,NGO; ,BDAG GIS KHYOD BOR NAS ZHES BYA BA NI PHAN GDAGS PAR BYAS PAS SO, ,KHYIM GYI GNAS YIN PAS KHYIM NA GNAS PA STE, KHYIM DES MI GNAS PA'O, ,CI'I PHYIR MI GNAS SHE NA, DE BSTAN PA'I PHYIR, DE BAS MI RNAMS BDE BA'ANG GZHAN LAGS LA,, ZHES BYA BA SMOS TE, GZHAN NI RIGS MI MTHUN PA STE, ,RI DAGS RIGS DANG MTHUN PA'I BDE BA'ANG GZHAN, ,ZHES BYA BA'O, ,DUD 'GRO LA SNYING RJE BYA BA BSTAN PA STE, DUD 'GRO'I RANG BZHIN ZHES BYA BA 'DIS NI DUD 'GRO'I NYI TSE LA SNYING RJE BYA BAR BSTAN TO, ,THAMS CAD LA SNYING RJE BYA BAR BSTAN PA'I PHYIR, BDE LA GNAS DANG SDUG BSNGAL 'BRAL 'DOD PA, ,ZHES BYA BA'I TSIGS BCAD BZHI SMOS SO, ,BDE BA'I GNAS YIN PAS BDE LA GNAS PA STE, DE LA SDUG BSNGAL DANG MI LDAN PA NI BDE BA LA GNAS PA'O, ,MED PAR BYA BA'I BLO NI 'BRAL BAR 'DOD PA STE, SDUG BSNGAL DANG 'BRAL BAR 'DOD PA NYID SDUG BSNGAL BSAL BAR 'DOD PA ZHES BYA BA'I DON TO, ,DES NA DE'I PHYIR GANG LA BDAG NYID GNAS PA DANG, SDUG BSNGAL DANG 'BRAL BAR 'DOD PA DE LA BLO MTSUNGS PA'I PHYIR RO, ,CI'I PHYIR SDUG BSNGAL DANG 'BRAL BAR 'DOD PA PHYIS BSHAD CING SNGAR MA BSTAN, SDUG BSNGAL BSAL BAR YANG DAG PAR 'DZIN DU 'JUG PA SNGAR BSTAN NAS PHYIS BDE BA LA GNAS PA LA YANG DAG PAR 'DZIN DU 'JUG PAR RIGS SO ZHE NA, TSUL NGES RJES SU BSTAN PA NI MA YIN TE, 'DI LTAR BSTAN PA NI DANG BO DON DU GNYER BA'I DUS SU NI BDE BA THOG MAR DON DU GNYER BA YIN TE, DE'I 'OG TU SDUG BSNGAL MED PA YIN PAS BDE BA LA GNAS PA ZHES BYA BA SNGAR BSTAN TE, SDUG BSNGAL DANG BRAL BA ZHES BYA BA 'OG TU BSTAN TO, ,TSIGS BCAD 'DI'I DANG PO PHYED KYIS NI YANG DAG PAR BSTAN PA'I PHYIR RO, ,PHYED 'OG MAS NI YANG DAG PAR 'DZIN DU GZHUG PA'I PHYIR RO, ,BDE BA LA GNAS PA ZHES BYA BA 'DI BSTAN PA'I PHYIR, GRAGS PA MED CING ZHES BYA BA'I TSIGS BCAD SMOS SO, ,GZHAN NGAG MI 'DOD PAR BYED PA'I NYES DMIGS DANG, DE SPANG BAR BSGRUB PA'I DBANG DU BYAS NAS TSIGS BCAD 'DI GNYIS KYIS GO RIMS BZHIN DU SBYAR RO, ,NYES DMIGS KYANG RNAM PA GNYIS TE, GRAGS @297B PA MED PA DANG, SKYE BO DAM PAS SMAD PA STE, 'DI NI MTHONG BA'I CHOS KYI NYES DMIGS SO, ,SDUG BSNGAL SDIG LAS 'BYUNG BAR ZHES BYA BAS 'JIG RTEN PHA ROL GYI NYES DMIGS BSTAN TE, SDIG PA DE'I RGYUS NGAN SONG GI SDUG BSNGAL 'BYUNG BA'I PHYIR RO, ,DGRA BO'I PHYOGS BZHIN SDIG PA SPANG BAR MAN CES BYA BA NI DE SPANG BAR BSGRUB PA'I DBANG DU BYAS PA STE, DE YANG DGRA DANG 'GROGS PA'O, ,DGRA DAG LAS GRUB PA YANG RNAM PA GNYIS TE, GSAD PA DANG, GZHOM PAR BYA BA'O, ,GZHOM PA NI GNOD PA'I NANG DU 'DUS PA YIN NO, ,GROGS PO LA YANG RNAM PA PA GNYIS TE, GSAD PA DANG, GZHG BA'O, ,DE OLS,SDIG PA LA JI LTAR BSGRUB BAR BYA ZHE NA, SMRAS PA, JI LTAR DGRA CHEN PO LAS THAR CING DE SPANG BAR BYA ZHES BYA BA'I DON TO, ,DE NI NAD BZHIN YAL BAR DOR MI RIGS, ,ZHES BYA BA NI GROGS PO NGAN PA LA SGRUB PA YIN TE, DE YANG SDIG PA BYED DU MI GZHUG STE, DE GANG YIN ZHE NA, GZHAG PAR BYA'O, ,YAL BAR MI DOR BA NI DE'I GNAS LA GZHAG PA'I DON TO, ,'DI SKAD STON PA YIN TE, GSAD PAR MA NUS KYANG GZHOM PAR BYA BA DANG, JI LTAR 'PHAGS PA RNAMS KYIS GROGS PO LA GZHAG PAR BYA BA BZHIN ZHES BYA BA'I DON TO, ,GANG SNGAR BSTAN PA'I BDE BA LA GNAS PA DANG SDUG BSNGAL 'BRAL BAR 'DOD PA, SEMS CAN THAMS CAD MTSUNGS PA MED PAR 'DOD, ,CES BYA BA DE LA BSGRUB PAR BYA BA, DE BAS BDAG NYID MI 'DOD GANG YIN PA, ,DE DAG GZHAN LA'ANG BGYI BAR MI RIGS SO, ,ZHES BYA BA YIN TE, DE BAS NA DON LA 'JUG PAR 'GYUR BA YIN NO, ,DE BAS BDAG NYID MI 'DOD GANG YIN PA, ,DE DAG GZHAN LA'ANG BGYI BAR MI RIGS SO, ,ZHES BYA BA DE LA, DE MI 'DOD PA NI CI, JI LTAR BSGRUB PAR BYA ZHE NA, DE BSTAN PA'I PHYIR, GANG LA BRTEN NAS DPAL GYI GNAS GYUR PA, ,ZHES BYA BA'I TSIGS BCAD SMOS TE, DPAL GYI GNAS SU GYUR CES BYA BA 'DIS NI SBYIN PA'I 'BRAS BU BSTAN TE, GANG GI PHYIR SBYIN PAS NI 'BRAS BU LONGS SPYOD CHEN PO 'THOB PAR 'GYUR TE, GZHAN DAG GI DBUL BA BSAL BAS BDAG LA YANG DBUL BA'I GNYEN PO LONGS SPYOD 'BYUNG BA YIN TE, DE BAS NA BDAG NYID 'DOD PA GZHAN @298A *, ,LA SPYAD PA YIN NO, ,GANG LA BRTEN NAS ZHES BYA BA NI SBYIN PA GANG LA BRTEN NAS SO, ,'JIG RTEN BSNGAGS PA ZHES BYA BA 'DIS NI BZOD PA'I PHA ROL TU PHYIN PA'I 'BRAS BU BSTAN PA YIN TE, GANG GI PHYIR 'JIG RTEN PA RNAMS LA BZOD PA BYAS NAS NI SKYE BO MANG PO DAG DGA' BAR 'GYUR TE, G-YOG 'KHOR MANG BAR YANG 'GYUR RO, ,GANG LA BRTEN NAS ZHES BYA BA NI BZOD PA GANG LA BRTEN NAS SO, ,RGYAL SRID 'THOB 'GYUR ZHES BYA BAS NI TSUL KHRIMS KYI 'BRAS BU BSTAN TE, GANG GI PHYIR RIGS LA SOGS PA PHUN SUM TSOGS PA KHYAD PAR DU GYUR BA LA NI RGYAL SRID CES BRJOD DE, RGYAL SRID THOB PA DE YANG TSUL KHRIMS KYI 'BRAS BU'O, ,GANG LA BRTEN NAS ZHES BYA BA NI TSUL KHRIMS GANG LA BRTEN NAS SO, ,BSOD NAMS NYID CES BYA BA NI SBYIN PA DANG, BZOD PA DANG, TSUL KHRIMS RNAMS NI BSOD NAMS TE, BSOD NAMS KYI TSOGS YONGS SU BZUNG BA'I PHYIR, GSUM PO 'DI THOB BA YIN NO, ,DE BAS NA MANG PO'I TSIG TU BSTAN TE, RGYAL SRID THOB PAR 'GYUR BA'I BSOD NAMS KYI TSOGS DE 'PHEL BAR MDZOD CIG PA'O, ,GROGS PO RAB LA GANG BYAS PA NI, DES SBYAR BA YIN TE, SPANG BA'I YANG MI RIGS PA'O, ,GNOD PA CHUNG DU BYED PA YIN NA YANG GROGS PO LA JI LTAR BYA BA DE LTAR NI BSGRUB PAR BYA'I GZHOM PAR NI MI BYA ZHES BYA BA'I DON TO, ,'DIR YANG PHAN 'DOGS PHYOGS NI ZHES BYA BA LA, PHAN 'DOGS PA'I TSUL GANG LA YOD PA DE NI PHAN 'DOGS PHYOGS SO, ,GROGS PO'I PHYOGS NI PHAN 'DOGS PA'I PHYOGS TE, GROGS PO'I DON NYID DU BSTAN PAR 'GYUR RO, ,DON MA NUS KYANG GZHAG PAR BYA BA NI YIN TE, JI LTAR GROGS PO DMAN PA LA BSGRUB PAR BYA BA DE LTAR RO, ,BSOD NAMS KYI TSOGS RNAM PA GSUM BYA BA DE'I DBANG DU BYAS NAS, DUS SU RIM GRO BYAS PA'I SBYIN PA RGYA CHEN DANG, ,ZHES BYA BA'I TSIGS BCAD SMOS SO, ,DUS SU RIM GRO BYAS PA'I SBYIN PA RGYA CHEN DANG, ,ZHES BYA BA LA GANG RAB TU SBYIN PA DE NI SBYIN PA'O, ,RGYU 'DI GSUM GYIS TE, DUS SU SBYIN PA DANG, RIM GRO BYAS TE, SBYIN PA DANG, RGYA CHEN PO'I SBYIN PA BSTAN TO, ,DUS SU SBYIN PAS NI LONGS SPYOD DUS SU 'THOB PAR 'GYUR RO, , @298B RIM GRO BYAS BA SBYIN PAS NI GUS BA'I SBYIN PA 'THOB BO, ,RGYA CHEN PO BYIN PAS NI LONGS SPYOD RGYA CHEN PO 'THOB PA YIN NO, ,SKYE BO DAM PA DANG 'BREL BA NI SKYE BO DGE BA DANG MTHUN PA'O, ,SKYE BO DGE BA DANG MTHUN PA'I BRTAN PA NI DUS RTAG TU NYAMS PAR MI 'GYUR ZHES BYA BA'I DON TE, SKYON MED PA LA SOGS PA'I YON TAN DANG LDAN PA'I PHYIR RO, ,BDAG DANG 'DRA BAR GZHAN LA PHAN PA SGRUB PA'I BLOS, ,ZHES BYA BA LA PHAN PA'I BLO NI PHAN PA BSGRUB PA DES SO, ,'DIS NI BSAM PA DANG SBYOR BA PHUN SUM TSOGS PA BSTAN TE, BLO ZHES SMOS BAS NI BSAM PA PHUN SUM TSOGS PA'O, ,SGRUB PA SMOS BAS NI SBYOR BA PHUN SUM TSOGS PA'O, ,STZOGS ZHES SMOS PAS NI BSOD NAMS KYI TSOGS 'DI GSUM GZUNG BAR BYA'O ZHES BYA BA'I DON TO, ,GROGS DANG BDE BA BSGRUB PA ZHES BYA BA NI MTHONG BA'I CHOS DANG, 'JIG RTEN PHA ROL GYI PHAN YON BSTAN TE, MTHONG BA'I CHOS DANG 'JIG RTEN PHA ROL LA JI LTAR SNGAR BSHAD PA BZHIN DU SBYAR RO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS RI DAGS SHA RA BHA'I SKYES PA'I RABS SO,, ,,DE MI BZOD KYI ZHES BYA BA NI GZHAN GYI SDUG BSNGAL YIN GYI, BDAG GI SDUG BSNGAL MI BZOD PA NI MA YIN TE, DE BAS NA MI BZOD CES BYA BA'I DON TO, ,GANG NA SHING S'A LA LA SOGS BA MANG PO YOD PA'I DGON PA'I PHYOGS DE NI SHING S'A LA LA SOGS PA YOD PA'I DGON PA'I PHYOGS TE DE NA'O, ,RNAM PA SNA TSOGS PA'I SHING LJON PA'I LDUM BU'I 'KHRI SHING GIS DKRIS PA GANG NA YOD PA DE NI SHING LJON PA'I LDUM BU MANG PO'I 'KHRI SHING SNA TSOGS KYIS DKRIS PA'O, ,GSER BTZO MA'I KHA DOG GSAL BA 'DRA BA'I SPU RAB TU 'JAM PA GANG YIN PA NI, GSER BTZO MA'I KHA DOG GSAL BA 'DRA BA SPU RAB TU 'JAM PA'O, ,LUS KYI MDOG RIN PO CHE AANDA RNYIL DANG, MARGAD DANG, BEE d'URYA'I KHA DOG 'DRA BA'I TSON SNA TSOGS KYI THIG LES BRGYAN PA GANG YIN PA DE NI LUS KYI MDOG RIN PO CHE AANDA RNYIL DANG, MRGAD DANG, BEE d'URYA'I KHA DOG 'DRA BA'I TSON SNA TSOGS KYI THIG LES BRGYAN PA'O, ,SLOB PA ZHES BYA BA NI 'KHRUL 'KHOR LA SOGS PA'O, ,RI DAGS RNAMS KYI BDAG PO BYED CING ZHES BYA BA CI'I PHYIR BDAG BO BYED CE NA, SNGAR BSTAN PA'I DON MDOR @299A *, ,BSDUS TE BSTAN PA'I PHYIR, GZUGS DANG SHES PA PHUN SUM TSOGS, ,ZHES BYA BA'I TSIGS BCAD SMOS TE, TSIGS BCAD 'DI'I BSDUS PA'I DON NI BDAG NYID PHUN SUM TSOGS PA DANG, GZHAN LA PHAN PA SGRUB PA'I PHUN SUM TSOGS PA BSTAN TE, TSIGS BCAD DANG PO PHYED KYIS NI BDAG NYID PHAN PA PHUN SUM TSOGS PA'O, ,BDAG LA PHAN 'DOGS ZHES BYA BA NI GZHAN LA PHAN PA SGRUB PA PHUN SUM TSOGS PA'O, ,BDAG GI PHUN SUM TSOGS PA YANG RNAM PA GSUM STE, GZUGS KYI LUS PHUN SUM TSOGS PA DANG, MING GI LUS PHUN SUM TSOGS PA DANG, BYA BA PHUN SUM TSOGS PA'O, ,GSER BTZO MA'I KHA DOG GSAL BA 'DRA BA ZHES BYA BA LA SOGS PAS NI GZUGS PHUN SUM TSOGS PA BSTAN TO, ,DE SEMS RNO BA ZHES BYA BAS NI SHES PA PHUN SUM TSOGS PA BSTAN TO, ,'KHRUL 'KHOR DANG GTOR ZHES BYA BA DAG GIS NI BYA BA PHUN SUM TSOGS PA BSTAN TO, ,RI DAGS MANG PO RJES SU 'BRANG BA RNAMS LA YANG SLOB CES BYA BA LA SOGS PAS NI BDAG LA PHAN 'DOGS ZHES BYA BA BSTAN TO, ,RI DAGS KYI BDAG PO ZHES BYA BAS NI MCHOD PA ZHES BYA BA BSTAN TO, ,CHU CHEN 'BRUB PA RAB TU DRAG PO YIS, ,ZHES BYA BA 'DI'I BSDUS PA'I DON NI, BDAG NYID KYI SNYING RJE'I GNAS SU GYUR PA THAMS CAD BSGRAGS PA YIN TE, SNYING RJE'I ZHING NI GSUM STE, PHONGS PA DANG, SDUG BSNGAL BA NYID DANG, RJES SU 'BRANG BA MED PA'O, ,CHU CHEN 'BRUB PA RAB TU DRAG PO YIS, ,KHYER NAS ZHES BYA BA 'DIS NI SDUG BSNGAL BA NYID BSTAN TO, ,MGON MED GZINGS KYANG YOD MA YIN, ,ZHES BYA BAS NI SEMS CAN DANG, SEMS CAN MA YIN PA'I BAR DU BGRANG BA MED PA'O, ,PHONGS SHING NYAM THAG CES BYA BA DANG, MYUR DU BRGYUGS TE ZUNG ZHES BYA BAS NI BDAG NYID PHONGS PA NYID DO, ,SDUG BSNGAL BYAMS PAS ZHES BYA BA NI THUGS RJE CAN NO, ,MYUR BA NI MGYOGS PA'O, ,MYUR DU RGYUG PA'I RGYU BSTAN PA'I PHYIR, DA NI BSHOL DU RUNG BA MA YIN TE, ,ZHES BYA BA'I TSIGS BCAD SMOS SO, ,MYUR BAS RGYUG PA CI'I PHYIR ZHE NA, SDOD PAR MI TSUGS PA'I PHYIR RO, ,CI'I PHYIR BSHOL DU MI RUNG ZHE NA, DPUNG PA DANG RKANG PA DAG GIS BSHOL DU MI RUNG @299B BA'I PHYIR TE, DE GNYI GAS SDOD PAR MI NUS PA'I PHYIR RO, ,CI'I PHYIR DPUNG PAS BSHOL DU MI RUNG BAR 'GYUR ZHE NA, NGAL ZHING DUB PAS DPUNG PA YANG 'GYUR BAR MI NUS ZHES PAS SO, ,CI'I PHYIR RKANG PAS BSHOL DU MI RUNG BAR 'GYUR ZHE NA, ZUG CING 'BOG TU RUNG BA'ANG CUNG ZAD MED, , CES PAS SO, ,DUS LA BAB CES BYA BAS NI DUS LAS 'DAS NA RGAL BAR MI NUS PAR BSTAN TO, ,'JIGS PA DANG, MI DGA' BA DANG, NGAL BA DANG, DUB PA MED PAR BYED PA ZHES BYA BA LA, 'JIGS PA NI 'CHI BAS SO, ,MI DGA' PA NI RJES SU 'BRANG BA MED PAS SO, ,NGAL BA NI NGAL ZHING DUB PAS DPUNG PA 'GYUR MI NUS PA DANG, ZUG CING 'BOG TU RUNG BA CUNG ZAD MED PAS SO, ,SNYING RJE ZHES BYA BA NI LHAG PAR SNYING RJE BAR GYUR PA'O, ,DES GDUNGS PA'I GSAL BA'I TSIG GANG YIN PA DE NI GSAL BA'I TSIG SNYING RJES GDUNGS PA'O, ,'BAB CHU DRAG PO'I 'JING DER ZHUGS; ,ZHES BYA BA CI'I PHYIR ZHE NA, BSGRAL BAR NGES PAR BYAS PA'I PHYIR TE, 'DIS NI GZHAN LA SNYING RJE CHE BAR BSTAN TO, ,BDAG SROG YAL BAR BOR YANG MI SEMS PAR, ,ZHES BYA BA 'DIS NI BDAG LA CHAGS PA MED PAR BSTAN TO, ,GZHAN MA TSANG PAS NI CHU DRAG PO DER ZHUGS PAR MI NUS PA'I PHYIR RO, ,JI LTAR BUR ZHUGS SHE NA, DGRA DPUNG LTA BUR RO, ,JI LTAR ZHE NA, DGRA'I DPUNG RNAM PAR 'JOMS PA'I DPA' BO BZHIN NO, ,DE'I RGYAB TU ZHON PAR GYUR CES BYA BA NI CI'I PHYIR ZHE NA, SKRAG PAS NYEN PA YIN TE, 'CHI BAS SKRAG PA'I PHYIR DANG, YAN LAG 'KHUMS PA'I PHYIR RO, ,YID TU 'ONG BA'I 'GRAM DU MA NYAMS PHYIN PA NI LJID KYIS RAB TU NON PA DANG, 'BAB CHU DRAG PO'I SHUGS KYIS BDAS PAR GYUR KYANG DPA' SNYING BRTAN LA RTZOL BA DRAG PO'I PHYIR RO, ,NYE DU DANG GROGS PO DAG NI NYE DU DANG GROGS PO'O, ,DE DAG NYID MDZA' BO YIN PAS NYE DU DANG GROGS BO MDZA' BO'O, ,GROGS BYA ZHING PHAN 'DOGS PA YANG YIN LA, NYE DU DANG, GROGS PO DANG, MDZA' BO YANG YIN PAS GROGS BYAS SHING PHAN BTAGS PA'I NYE DU DANG GROGS PO DANG MDZA' BO'O, ,DE DAG LA 'ANG RNYED PAR DKA' BA YIN PAS, GROGS BYAS SHING PHAN BTAGS PA DE LTA BU NYE DU DANG GROGS @300A *, ,PO DANG MDZA' BO SU LA'ANG MED PA NYID DE, ,NGO MTSAR CHE BA DES MGU BAR GYUR PA NI NGO MTSAR CHE BA DES SEMS MGU BAR GYUR PA'O, ,DES PHYAG 'TSAL TE ZHES BYA BA LA, PHYAG 'TSAL BA'I RGYU BSTAN PA'I PHYIR NGO MTSAR CHE BAR GYUR PA DES SEMS RAB TU MGU BAR GYUR PA DANG, DE'I GZUGS BZANG PO DES KYANG YA MTSAN DANG ZHES SKYES PAR GYUR PAS DE LA PHYAG 'TSAL BA'O, ,'DI LTA BU DAG BYAR MI NUS, ,ZHES BYA BA NI GNYEN BSHES DANG, BYAMS PAR GYUR PA DAG GIS KYANG BDAG LA SKYOB PAR MI NUS PA'I PHYIR RO, ,DE BAS CI BGYI'I BKA' STZAL PAS, ,ZHES BYA BAS NI SHIN TU RJES SU GZUNG BA'I PHYIR RO, ,GANG DU ZHES BYA BA NI LAS SO, ,RANG BZHIN GRUB PA ZHES BYA BA NI DE'I CHOS NYID RANG BZHIN GYIS GRUB PA'I PHYIR RO, ,'GYUR BA ZHES BYA BA NI DRIN GZO BA ZHES BYA BA'I DON TO, ,DE'I ZHES BYA BA NI SKYE BO DAM PA 'DI'I DON TE, DON 'DI GANG YIN ZHE NA, SEMS CAN 'DI LTA BU ZHIG GIS ZHES BYA BA LA SOGS PA GANG BSTAN PA'O, ,SHA BZA' BAR RUNG BAS NI BZAR RUNG BA'O, ,RAB TU CHAGS PAR 'GYUR BA ZHES BYA BA NI SNGAR BSTAN PA'I GZUGS KYI YON TAN DANG LDAN PA'I PHYIR RO, ,DE GNYI GAS NYAMS PAR 'GYUR BA NI, SNYING RJE CHUNG BA YIN TE, NGA'I LUS NI SHA BZAR RUNG BA DANG RAB TU CHAGS PAR 'GYUR BA YIN LA, MI RNAMS KYI SNYING NI RAB TU CHAGS PAR BYED PA'I GZUGS YOD PAS SO, ,DE BAS ZHES BYA BA NI LUS DANG, MI RNAMS KYI SNYING SHES PAR BYAS NAS SO, ,BDAG GI YON TAN ZHES BYA BA NI DRIN GZO BA LA SOGS PA'O, ,'DIR DE LTAR GNOD PA BYED NA DE'I NYES DMIGS BSTAN PA'I DBANG DU BYAS NAS, MDZA' BO DAG LA SNYING RING BA, ,ZHES BYA BA'I TSIGS BCAD KYI PHYED DE, DE LTAR BYAS NA KHYOD KYI YON TAN DANG, NGA YANG MA BSRUNGS PA DE'I NYES DMIGS SO, ,KHYOD KYIS BDAG MA BSRUNGS SO ZHES BRJOD PA NA 'KHON DU GZUNG BAS NI MI DGA' BAR SEMS PA'I SNYING GANG YIN PA DE NI 'KHON DU 'DZIN PA'AM SNYING MI DGA' BAR SEMS PA'O, ,G-YO SGYU NYED KYI PHYI BZHAG YIN PAS, G-YO SGYU DANG PHYI BZHAG STE, MI RNAMS CI LA GOMS PA MED PAS SO, ,MI RNAMS KYI G-YO SGYU'I PHYI BZHAG LA MA GOMS PA GANG YIN PA DE NI MI'I @300B G-YO SGYU DANG PHYI BZHAG LA MA GOMS PA'O, ,GANG NA G-YO SGYU DANG, PHYI BZHAG NI G-YO SGYU DANG PHYI BZHAG GO, ,PHYI BZHAG NI LUS DANG, NGAG GI LAS KYI MTSAN NYID DO, ,G-YO SGYU NI SEMS GYA GYU BA'O, ,TSUL 'CHOS MKHAS PA ZHES BYA BA DANG, DE LTA'I G-YO DAG BYAS PA'I PHYIR, , ZHES BYA BA NI PHYI BZHAG BCOS MA LA MKHAS PA STE, GANG GIS BSAM PA MA DAG PA'O, ,RANG BZHIN GYIS NI DUL BA'I SKYE BO RNAMS, ,ZHES BYA BA NI BSAM PA DAG SPYOD PA DANG LDAN PA YIN YANG ZHES BYA BA'I DON TO, ,RANG BZHIN NI BSAM PA'O, ,DUL BA NI LUS DANG NGAG GI LAS DUL BA'I SPYOD PA NYID DE, BSAM PA DUL BAR GYUR PA NI BSAM PA DUL BA'O, ,DOGS PA SKYE ZHES BYA BA NI TSUL 'CHOS DANG, PHYI BZHAG SPYOD PA DES DOGS PA SKYE BA'O, ,YANG NA G-YO SGYU DANG PHYI BZHAG SPYOD PA DES SO, ,THO RANGS KYI RMI LAM ZHES BYA BA SMOS PAS NI DE'I TSE RMI LAM NGES PAR MTHONG BA'I PHYIR RO; ,TSIG GSAL ZHING SDEB LEGS PA GANG YIN PA DE NI,, TSIG GSAL ZHING SDEB LEGS PA'O, ,MIG NYID DPAL DANG LDAN PA YIN PAS MIG DPAL LDAN NO, ,NGO MTSAR CHE BAS BGRAD PA'I MIG GI DPAL DANG LDAN PA GANG YIN PA DE NI NGO MTSAR CHE BAS MIG BGRAD DPAL LDAN NO, ,MKHUR TSOS MDZES PA'I G-YO BA GANG YIN PA DE NI MKHUR TSOS MDZES PA G-YO BZHIN PA'O, ,DES ZHES BYA BA NI RMI LAM MTHONG BA'I PHYIR RO, ,DE'I ZHES BYA BA NI DE'I SNYING DGA' BAR BYA BA DANG, BDAG KYANG RI DAGS RIN PO CHE RNYED PAR 'DOD PA'O, ,MTHONG ZHES BYA BA NI SNGON MTHONG BA'O, ,BRKAM PA DANG NI DE YIS PHAN BTAGS PA, ,ZHES BYA BA NI DBUL BA'I SDUG BSNGAL GYIS YONGS SU SKYO BA DANG, BRKAM PA DE YIS DRANGS PAS SO, ,YON TAN LA LTA ZHES BYA BA NI BYAS PA GZO BA LA SOGS PA STE RI DAGS MI BSTAN PA'O, ,'ON TE 'BYOR PA LA LTA ZHES BYA BA NI RI DAGS BSTAN PAS SO, ,DPUNG THAMS CAD KYIS ZHES BYA BA NI DMAG GI TSOGS PA THAMS CAD KYIS SO, ,NAGS TSAL STUG PO DE'I NANG DU ZHUGS SO ZHES BYA BA NI GNOD PA DANG BCAS PA'I CHED DU'O, ,DE'I GNOD PA DE MED PA'I DBANG DU BYAS NAS, NAGS TSAL STUG PO DE YANG DMAG GI DPUNG THAMS CAD KYIS ZHES BYA BA LA SOGS @301A *, ,PA SMOS PA YIN NO, ,DNGOS PO DE LTA BU LA BRTEN PA ZHES BYA BA NI DE 'DRA BA LA STE, 'DIS NI YON TAN GYI ZHING DU BSTAN TO, ,BYA BA'I KHYAD PAR DAG GIS BTANG NA NI, ,ZHES BYA BA NI PHAN 'DOGS PA NYID DU BSTAN TO, ,GNYEN PO CHUNG NA ZHES BYA BA NI GAL TE DGE BA'I LAS YIN NA DE'I GNYEN PO NI NYON MONGS PA YIN TE DE TSUNG BA'O, ,GAL TE MI DGE BA'I LAS YIN NA NI DE'I GNYEN PO DGE BA YIN NO, ,'DIR GNYEN PO ZHES DGONGS PA NI DGE BA'I LAS NYAM CHUNG BA LA BYA'O, ,DGE BA DANG MI DGE BA 'PHRAL DU 'BRAS BU SMIN PA ZHES BYA BA NI, DE NYID DU SMIN PAR 'GYUR ZHING LUS 'JIG PA LA MI SDOD DE, DE RAB TU RGYAS PAR GYUR PA'I PHYIR RO, ,GNYEN PO CHUNG BAS NA 'BRAS BU DE CAM DU MYANG BAR MA ZAD DE, DE NI ME TOG TZAM DU ZAD DE, 'BRAS BU GZHAN YANG 'BYUNG BAR 'GYUR RO, ,CHAR SPRIN 'DRA BA'I SDON PO NI CHAR SPRIN SNGON PO 'DRA BA'O, ,LTONG DU BCUG CING GZHU BKANG BA NI 'PHEN PAR 'DOD PA STE, DA CUNG 'PHANGS PA NYID NI MA YIN NO, ,DE BZUNG 'DOD PA YIS ZHES BYA BA NI RI DAGS RU RU DANG NYE BAR GNAS PA ZHES BYA BA'I DON TO, ,RE ZHIG GZHES ZHES BYA BA NI NYE BAR BSNYAN NAS SMRAS PA YIN TE, 'DI GNYI GCI'I PHYIR THOB PAR 'GYUR CES PA STE, DE NYID SMRAS PA, NGO MTSAR CHEN PO BSAL BA'I PHYIR TE, PHYE NAS SMRA'O ZHES BYA BA'I DON TO, ,SKYE BO RGYUN LUGS MED PA NA, ,ZHES BYA BA NI 'DIR GANG YANG 'ONG BA MA MTHONG NGO ZHES BYA BA 'I DON TO, ,NAGS TSAL STUG PO 'DI LTA BU, ,ZHES BYA BA NI BDAG KYANG GZHAN DU MA SONG STE, DES NA YANG BDAG MTHONG BA MED DO ZHES BYA BA YIN NO, ,DE LTAR RNAM PA GNYIGS KYANG MTHONG BA MED NA SU YIS BDAG MCHIS PAR GSOL BA ZHES BYA BA YIN TE, 'DI LTAR SNGAR CHU'I RGYUN LAS BSGRAL BA'I MI DES GSOL BA YIN NO ZHES DOGS PA SKYES PA STE, CI'I PHYIR ZHE NA BYAS PA GZO BA MI SRID PA'I TSUL YIN TE, DE BAS NA SMRAS PA, SU YIS BDAG MCHIS GSOL ZHES BYA BA YIN NO, ,SNGAR RMI LAM DU THOS PA BAS KYANG LHAG PAR DUL BAR GYUR PA DE BAS NA RAB TU ZHES BYA'O, ,NGAN PA ZHES BYA BA NI 'JIG RTEN GYIS SMAD PA'O, ,BDAG LA PHAN GDAGS PA DANG, KHYOD LA PHAN PA DE GNYI GA LA LTOS PA MED PA'I DBANG DU BYAS NAS, DE LTAR 'BAD PA @301B DE YI LAN, ,ZHES BYA BA'I TSIGS BCAD SMOS SO, ,DE GNYI GA LA STOS PA MED PA NYID NI KHREL MED MI DAG CES BYA BA BSGRUBS PA YIN NO, ,DMIGS KYIS MA PHYE BA'I DON GANG YIN PA DE NI DMIGS KYIS MA PHYE BA'I DON NO, ,DMIGS KYIS MA PHYE BA'I DON YANG YIN LA ZAB PA YANG YIN PAS DMIGS KYES MA PHYE BA'I DON ZAB BA'O, ,SMAD PA ZHES BYA BA NI BSHUD PA'O, ,MI MA YIN ZHES BYA BA NI SHA ZA ZHES BYA BA'I DON TO, ,MI 'AM 'ON TE MI MA YIN, ,ZHES BYA BA LA SOGS PA SMOS PAS NI DE DAG DE NA YOD PA'I PHYIR RO, ,'DI NI GZHAN LA SMAD PA LAGS, ,ZHES BYA BA NI DGES PA MED PAR SMAD PA MA YIN TE, 'ON KYANG DOGS PA DANG BCAS PA MA YIN NO, ,DGOS PA DE GANG YIN ZHE NA, SMRAS PA, LAS 'DI SMAD PAR 'OS PA'I ZHES BYA BA LA SOGS PA STE, LAS 'DI SMAD PAR 'OS PA'I RGYU NYID DO, ,'KHYAMS PA LA TSIG RTZUB PO ZHES BYA BA DE'I DPE'I DBANG DU BYAS NAS, SMAD BA'I RMA LA SU ZHIG ZHIGS PAR BGYIS, ,ZHES BYA BA'I TSIGS BCAD SMOS SO, ,'DI'I TSIGS BCAD PHYED KYIS GO RIMS BZHIN DU 'DI NI GZHAN LA SMAD PA MA LAGS ZHES BYA BA DANG SBYAR RO, ,CI'I PHYIR ZHE NA, 'KHYAMS PA DAG LA TSIG RTZUB POS BYA BA MI RIGS PA'I PHYIR RO, ,TSIG DE'I DGOS BA YOD PA'I PHYIR DPE'I DBANG DU BYAS NAS, SDUG PA'I BU LA SMAN DBYAD LA 'JUG PA BZHIN DU'O, ,'BAB CHU DRAG POS KHYER TE SONG BA ZHES BYA BA NI, SNYING RJE'I GNAS KYI DBANG DU BYAS PA'O, ,SNYING RJE'I DBANG GIS ZHES BYA BA NI BSAM PA DAG PA'I DBANG DU BYAS PA'O, ,DBANG GIS PHYUNG BA ZHES BYA BA NI SBYOR BA PHUN SUM TSOGS PA LA 'JUG PA'I RGYU YIN GYI, GZHAN GYI RGYU MA YIN PAR SHES PAR BYA'O, ,MI DE 'JIGS SHING SKRAG LA RDUL GYIS MDOG NYAMS SHING GCOM BSKYUNGS TE ZHES BYA BA NI, DE LTAR BYA BA MA YIN PA BYAS PA'I MTSAN MA'O, ,MTSUNGS PA'I NANG ZHES BYA BA NI, DAM PA MI RNAMS DANG 'DRA BA'I DON TO; ,DE GNYIS KYI BAR ZHES BYA BA NI MI DANG MTSAMS SU'O, ,MTHONG BA'I CHOS LA JI LTAR BSOD NAMS ZAD PA YIN ZHE NA, BSOD NAMS ZAD PA'I NYES PA BSTAN PA'I PHYIR, ,SDUG BSNGAL BZOD PAR DKA' BAS ZHES BYA BA'I TSIGS BCAD SMOS SO, ,'DI LTA DUR NI BRLAG PAR 'GYUR, ,ZHES @302A *, ,BYA BA NI BYA BA MA YIN PA BYED PAS LTUNG BA STE, BYA BA MA YIN PA BYAS PAS BRLAG PA NI NGAN SONG GI SDUG BSNGAL YIN TE, BRLAG PA'I RGYUR GYUR PA'I PHYIR RO, ,'BRAS BU PHUN SUM TSOGS PA 'DOD PAS BSLUS, ,ZHES BYA BA NI, DAN 'GROR 'GRO BA'I LAS DE 'BRAS BU PHUN SUM TSOGS PA 'DOD PA LA BSLUS PA'I PHYIR RO, ,PHYE MA LEB BRID PA DANG 'DRA BA NI NGAN 'GROR 'GRO ZHING BRLAG PA'I RGYUR GYUR PA'I LAS KYI LTUNG BA'O, ,DE BAS SNYING RJE ZHES BYA BA LA 'DIR DE BAS ZHES BYA BA NI, 'JIG RTEN GNYIG LA PHAN PA'I PHYIR RO, ,'DIR GRAGS PA DANG, PHA ROL DU YANG SNYING RJE NI PHAN BA YIN TE, BKYON PAR MA MDZAD CIG PA'O, ,'DI NI CUNG ZAD CE DANG CI 'TSAL BA, ,ZHES BYA BA NI RNYED BA LA SOGS PA'O, ,DE DAG CES BYA BA NI BYA BA MA YIN PA BYAS PA DE'I CI 'TSAL BA DE DANG, DE RNYED PA LA SOGS PAS SO, ,THUB CHOD DON YOD CES BYA BA NI 'BRAS BU YOD BAR RO, ,DA NI KHYOD KYIS BKA' STZOL SPYI BOS NOD, ,CES BYA BA 'DIS NI GANG SNGAR BSTAN PA'I RGYAL PO CHEN PO RE ZHIG GZHES SHIG ,BDAG LA MA 'PHEN BAR ZHES BYA BA DE'I MI MTHUN PA'I PHYOGS BDAG GI SHUGS KHAS LEN PAR STON PA YIN NO, ,SNYING RJE DANG BCAS PAR STON PA ZHES BYA BA NI, GANG SNGAR BSTAN PA'I RGYAL PO CHEN PO GUM LAGS PA BKUM STE CI BGYI ZHES PA DANG, DE BAS SNYING RJE MDZOD LA MA BKYON PAR ZHES BYA BA DE DAG GIS BSTAN PA YIN NO, ,G-YO MED PAR DE LA PHAN 'DOGS PAR BYED PA DE ZHES BYA BA NI, GANG SNGAR BSTAN PA 'DI NI CUNG ZAD CI 'TSAL BA, ,ZHES BYA BA LA SOGS PA BSTAN TO, , GSOD DANG RKUN LA SOGS PA SPONGS, ,ZHES BYA BA LA SOGS PA SMOS PAS NI LOG PAR G-YEM PA DANG, BRDZUN DU SMRA BA DANG, PHRA MA DANG, TSIG RTZUB PO DANG, DAG 'KHYAL BA DANG, BRNAB SEMS DANG, GNOD SEMS DANG, LOG PAR LTA BA LAS LDOG PA'O, ,RNAM PA GSUM DU DBYE BA GANG YIN PA DE NI, RNAM PA GSUM DU GYES PA'I BYED PA'O, ,RNAM PA GSUM DU BYED PA NI, LUS KYI LAS DANG, NGAG GI LAS DANG, YID KYI LAS DANG RNAM PA GSUM MO, ,GSUM DANG, BZHI DANG, GSUM NI LAS KYI LAM MO, ,JI LTAR SNYING RJE BSKYED PA YIN ZHE NA, GANG GI PHYIR @302B SNYING RJE YOD NA NI, GSOD PA LA SOGS PA LAS SDIG PA'I MTSAN NYID KYI CHOS SU 'GYUR BA'I PHYIR RO, ,RNAM PA GSUM DU GYES PA BYED PA DE BSTAN PA'I PHYIR, BDAG RANG NYID DAM, NAD MI LA ZHES BYA BA'I TSIGS BCAD SMOS TE, JI LTAR BDAG DANG NAD MI DAG LA BRTZE BA DE BZHIN DU GZHAN LA YANG NGO; ,DE YIS SEMS NI CHOS MIN LA, ,'JUG PA'I MI DGE GA LA 'BYUNG, ,ZHES BYA BA STE, 'DIS NI MI DGE PA BCU'I LAS KYI LAM LAS LOG PAR BSTAN TO, ,SKYE BO SNYING RJE MED PAR GYUR NA NI, ,MI DGE BA BCU'I LAM LA 'JUG PAR 'GYUR BA DE'I DBANG DU BYAS NAS, SKYE BO SNYING RJE MED PAS NA, ,ZHES BYA BA'I TSIGS BCAD SMOS SO, ,DE BAS CHOS LA NGANG PA YIS, ,ZHES BYA PA'I TSIGS BCAD NI BSDUS PA YIN TE, DE LAS YON TAN 'PHEL BAR 'GYUR, ,ZHES BYA BA LA, YON TAN GANG YIN PA DE DAG BSTAN PA'I PHYIR, SNYING RJES NON PA'I SEMS NI GZHAN LA ZHES BYA BA'I TSIGS BCAD SMOS SO, ,GNOD PA BYED MI 'GYUR ZHES BYA BA NI YID KYI MI DGE BA'I LAS KYI LAM MED PAR BSTAN TO, ,NGAG KYANG GZHAN DU 'GYUR BA MED, ,CES BYA BA NI NGAG GI MI DGE BA'I LAS KYI LAM MED PAR BSTAN TO, ,LUS KYANG GZHAN DU 'GYUR BA MED, ,CES BYA BA 'DIS NI LUS KYI MI DGE BA'I LAM GYI LAM MED PAR BSTAN TO, ,DE LTAR MI DGE BA LAS LDOG PA'I TSUL BSTAN NAS, DA NI DGE BAL 'JUG PA'I TSUL GYI DBANG DU BYAS NAS, SBYIN DANG BZOD LA SOGS ZHES BYA BA SMOS TE, SOGS PA'I SGRAS NI BRTZON 'GRUS DANG, BSAM GTAN DANG, SHES RANG DANG; BSDU BA'I DNGOS PO RNAMS GZUNG NGO, ,TSUL KHRIMS MA SMOS PA NI, SDOM PA'I TSUL KHRIMS NI SDAR BSHAD PA'I PHYIR RO, ,DGE BA'I CHOS SDUD PA DANG, SEMS CAN GYI DON BYED PA NI STZOGS PA'I SGRAS SGRUB PA'O, ,GZHAN DAG KYANG STZOGS PA'I SGRAS GZUNG BAR BYA STE, YON TAN RNAMS BSTAN PA'I PHYIR, SNYING RJE CAN NI NYE BAR ZHI BAS ZHES BYA BA'I TSIG RKANG 'DI BSTAN PA YIN TE, 'DIS NI BDAG DANG GZHAN LA YID 'BYUNG BAR MI BYED PAS YON TAN NO, ,YID 'BYUNG BA MED PA NI NYI TSER MA ZAD DE, DE BZHIN DU YID BRTAN PAR YANG BYED PA YIN NO, ,YON TAN 'DI GNYIS NI @303A *, ,GZHAN DANG 'BREL PA'O, ,'THAB MO'I 'KHRUG PA YONG MI 'BYUNG, ,ZHES BYA BA 'DIS NI, LUS DANG, DAG GI LAS KYI SPYOR PAS BDAG DANG GZHAN LA GNOD PA MED PAR STON TO, ,'KHRUG PA'I ME 'BAR YONG MI 'GYUR, ,ZHES BYA BA 'DIS NI, BDAG GI BSAM PA LA GNOD PA MED PAR BSTAN TO, ,MDOR NA ZHES BYA BA NI, SNGAR BSTAN PA'I DON BSDU BA'I TSIGS SU BCAD PA YIN TE, MKHAS PA'I CHOS LA LTA ZHES BYA BA 'DIS NI, SEMS CAN RNAMS LA SNYING RJE SKYED, ,CES BYA BA'I TSIGS BCAD SNGAR BSTAN PA DE STON PA YIN NO, ,DGA' BA'I YON TAN BRTZEL MI BRTEN GANG ZHIG YOD, ,CES BYA BA 'DIS NI, GSOD DANG RKU LA SOGS PA SPONGS, ,ZHES GANG BSTAN PA DE DAG NYID BSTAN TO, ,DE BAS BDAG DANG BU BZHIN ZHES BYA BA'I TSIGS BCAD 'DIS NI, BDAG RANG NYID DAM NANG MI LA ZHES BYA BA'I TSIGS BCAD DU GANG BSTAN PA DA NYID BSTAN TO, ,DAM PA'I TSUL ZHES BYA BA 'JUG PA DANG, LDOG PA'I TSUL GYIS SO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS RI DAGS RU RU'I SKYES PA'I RABS SO,, ,,DAM PA RNAMS KYI TSUL NI DAM PA'I TSUL LO, ,YANG NA DAM PA NYID TSUL YIN PAS DAM PA'I TSUL LO, ,DAM PA'I RJES SU 'BRANG BA'I TSUL GANG LA YOD PA DE DAG NI DAM PA'I TSUL GYI RJES SU 'BRANG PA RNAMS SO, ,RO DANG, MTHU DANG, RNAM PAR SMIN PA'I YON TAN NI RO DANG, MTHU DANG, RNAM PAR SMIN PA'I YON TAN RNAMS TE, YON TAN RNAM PA MANG BO GANG YIN PA DE DAG GI NI, RO DANG, MTHU DANG, RNAM PAR SMIN PA'I YON TAN RNAM PA MANG PO DANG LDAN PA'O, ,RO NI MNGAR BA LA SOGS PA DRUG GO, ,MTHU NI RNAM PA GNYIS TE, DRO BA'I NUS PA DANG, BSIL BA'I NUS PA'O, ,RNAM PAR SMIN PA YANG RNAM PA GNYIS SO, ,GZHAN YANG RNAM PA SNA TSOGS PA'I ME TOG DANG, 'BRAS BU DANG, LOM DANG, 'DAB MA DANG; LDUM BU DE DAG GIS BRGYAN PA'O, ,GZHAN NI SNGA MA BZHIN NO, ,GANG DU 'BAB CHU SHEL SGONG LTAR DANG ZHING GSAL BA 'BAB PA GANG YIN BA DE NI 'BAB CHU SHEL SGONG LTAR DANG ZHING GSAL BA 'BAB PA'O, ,GTONG BA DANG, SNYING RJE NI, GTONG BA DANG, SNYING RJE'O, ,DE GNYIS LA GOMS @303B PA STE DE BAS NA'O, ,GTONG BAS NI SBYIN PA'I PHA ROL TU PHYIN PA GZUNG NGO, ,SNYING RJES NI TSUL KHRIMS DANG, BZOD PA'I PHA ROL TU PHYIN PA GNYIS GZUNG NGO, ,GTONG BA LA GOMS PA NI, PHRAG DOG DANG, 'JUNGS PA NYE BAR 'ONG BAR MA GYUR TE, GZHAN GYI PHUN SUM TSOGS PA LA SEMS 'KHRUG PA'I MTSAN NYID NI PHRAG DOG GO, ,SER SNA NI SBYIN PA DANG MI MTHUN PA'I YID KYIS KUN DU 'DZIN PA STE, DE GNYI GA'I MI MTHUN PA'I PHYOGS NI GTONG BA LA GOMS PA'O, ,GANG GI PHYIR SNYING RJE BSGOMS PAS NI, KHRO BA NYE BAR MA GYUR TE, KHRO BA BZLOG PAS NI TSUL KHRIMS DANG, BZOD PA'I PHA ROL TU PHYIN PA SKYE BAR 'GYUR BA'I PHYIR DE LTAR BSOD NAMS KYI TSOGS RNAM PA GSUM BSTAN TO, ,DUD 'GROR SKYES GYUR KYANG ZHES BYA BA NI BSAMS BZHIN DU DUD 'GRO'I SKYE GNAS YONGS SU BZUNG BA YIN NO, ,DBANG THANG LHAG MAS ZHES BYA BA NI GANG BDE 'GRO DAG TU SPYOD PA'I LHAG MA STE, LAS LA DBANG PA DES DRANGS PA'O; ,DAM PA RNAMS ZHES BYA BA NI DBANG THOB PA'I BYANG CHUB SEMS DPA' RNAMS SO, ,PHAN GDAGS 'BREL PA'I MDZA' BSHES KYI SKYE BO GANG YIN PA DE DAG NI PHAN GDAGS 'BREL PA'I MDZA' BSHES KYI SKYE PO RNAMS SO, ,'DIS NI 'DI SKAD STON PA YIN TE, 'BREL PA'I MDZA' BSHES SKYE BO DE DANG BRAL BA RNAMS, ,ZHES SBYAR RO, ,BYES YUL DU DONG BA LTA BU NI DUD 'GRO'I SKYE GNAS SU BYANG CHUB SEMS DPA' SKYES PA'O, ,PHAN GDAGS 'BREL BA'I MDZA' BSHES KYI SKYE BO DANG BRAL BA LTA BU NI BDE 'GRO LAS NYAMS TE, DUD 'GRO'I SKYE GNAS SU SKYES PA'O, ,NOR GYI LHAG MA LTA BU NI DBANG THONG GI LHAG MA'O, ,DE'I DRUNG NAS ZHES BYA BA NI NAGS TSAL GYI BDAG PO DE'I DRUNG NAS SO, ,CHU'I NANG NA RTZE BA'I MTHA' RGYA MOS BSKOR BA'I NGOS SHIG LA CHAGS SO ZHES BYA BA'I TSIG GIS NI CHU BO RGAL BA NYID DE, LUGS KYI BSTAN BCOS LAS 'BYUNG BA'I TSUL DU BDAG NYID BSRUNG BA BSTAN PA'I PHYIR RO, ,KHRUS RTZIS BSGOS PA YIN TE, DE GANG YIN ZHEN, NA CHUNG NGO, ,RMAD DU BYUNG BA ZHES BYA BA NI 'BRAS BU DE SNGAR MA SPYAD PA'I PHYIR RO, ,DE GA LAS BYUNG BA NI DE GA LAS BYUNG BA STE, GANG LAS BYUNG BA'O, ,DE BTZAL BAR BSAMS PA GANG YIN PA DE NI, DE GANG LAS BYUNG BA BSAMS @304A *, ,PA'O; ,RANG GI BLOS BRTAGS TE ZHES BYA BA NI, BKA' LA GTOGS PA DANG BCAS PAS ZHES BYA BA'I DON TO, ,CI'I PHYIR ZHE NA, GAL TE DE LA GNOD PA MTHONG BAR GYUR NI, RO LA SRED PA DANG, STOBS DANG LDAN PA NYID DU GYUR KYANG NGO, ,MI RING BA NI NYE BA'O, ,CI'I PHYIR ZHE NA, KHA DOG DANG, DRI MA NYAMS PA'I PHYIR TE, DE YANG 'BAB CHU'I 'GRAM MI RING BA ZHIG NA YOD PA NYID DU NGES TE, CI'I PHYIR ZHE NA, RMA MED CING MA SNAD PA'I PHYIR RO, ,GAL TE YUN RING BOR CHU'I NANG DU LHUNG NA NI, 'DI GA LAS 'BYUNG BA'I GNAS SHES PAR MI NUS PA STE, 'DI LTAR 'BAB CHU'I 'GRAM MI RING BA ZHIG NA ZHES SMOS PAS NYE BAR GYUR PA'I PHYIR DANG MI RING BA'I PHYIR SHES PAR NUS TE, 'BAB CHU'I 'GRAM NA 'DUG PAR NGES PA'I PHYIR, 'BAB CHU DE'I 'GRAM THOG THAG TU SONG NA DE GA LAS BYUNG BA SHES PAR NUS PA NYID DO, ,RING NAS MTHONG BA YIN TE, JI LTAR MTHONG BA YIN ZHE NA, CHU'I LJID KYIS NON PA 'DRA BA ZHES BYA BA DANG, RI DANG NYE YANG ZHES BYA BA STE, SBRIN GYI MDOG 'DRA BA'I PHYIR DANG, RI LTAR MTHO BA'I PHYIR RO, ,SHING AAMRA'I 'BRAS BU SA HA KA RA SMIN PA'I DE BAS KYANG LHAG PA DE NI AA MRA'I 'BRAS BU SA HA KA RA SMIN PA'I DRI BAS KYANG LHAG PA'O, ,GANG GIS 'JIGS SHING SKRAG PA DANG, MYA NGAN YONGS SU SPANGS PA DE NI 'JIGS SHING SKRAG PA DANG, ,MYA NGAN YONGS SU BTANG BA'O, ,'JIGS PA SPANGS PA NI BZLOG PA'I THABS SGUB PAS SO, ,MYA NGAN SPANGS PA DE NI, DE'I SKYABS SU 'GRO BAR MI BYED PA'I PHYIR RO, ,SKRAG PA SPANGS PA NI MI 'BROS PA'AM, MI BYED PAS SO, ,YANG NA SPRE'U 'KHOR DE DAG DBUGS DBYUNG BA'I PHYIR 'JIGS PA MED PA'O, ,YONGS SU SKYABS PA'I BLO BSKYED PA'I PHYIR, SKRAG PA DANG, MYA NGAN SPANGS PA'O, ,BYA 'PHUR BA BZHIN DU MCHONGS PA GCIG GIS LEGS PAR MCHONGS PAR GYUR TE, CI'I PHYIR ZHE NA, MCHONGS PA'I MTHU RTZA LA CHE BA'I PHYIR RO, ,DES NI SNYING RJE RNAM PAR BSKYED PA DANG, ,ZHES BYA BA'I TSIGS BCAD 'DI NI MCHONGS PA'I MTHU RTZAL CAN NO ZHES BSTAN PA DE NI MTHU RTZAL GYI RGYU BSTAN PA'I PHYIR TE, SNYING RJE DANG, DPA' BA'I SHUGS KYI RTZOL BA GANG YIN PA'I RGYUS SO, ,RTZOL BA DRAG PA NI 'BAD PA'I KHYAD PAR DES TE, DE'I PHYIR YID LA BSAMS PA @304B BZHIN DU PHYIN PAR GYUR TO, ,DE GNYIS KYI PAR NI DE'I BAR DE SHING DANG RI GNYIS KYI'O, ,MTHO BA'I 'GRAM NI DE'O, ,SA KHYON DE'I BAR BAS KYANG DKYUS RING BA GANG YIN PA'I SPA THAG DE NI SA KHYON DE BAS RING BA STE, DE SMIN PAR SKYES LA RTZA BA BRTAN ZHING PHRA BA GANG YIN PA DE'O, ,DE GNYIS KYI BAR THAG RING ZHING ZHES BYA BA NI SHING CHEN PO DE DANG, RI'I RTZE MO MTHON PO DE'I 'GRAM MO, ,RKANG PA GNYIS BCINGS PA NI, RKANG PA GNYIS BCINGS PA STE, DES ZO MDOG MI BDE PA'I PHYIR RO, ,BRGYANGS ZHES BYA BA NI DRANGS PA'O, ,BDAG GI LUS KYI SHA DANG BRAL BA CI'I PHYIR ZHE NA, SPRE'U'I TSOGS DE DAG 'JIGS PAS LUS BRDZIS PA'I PHYIR RO, ,DE LTAR NA YANG BRTAN PA NYID NI MA NYAMS PAR STON TO, ,'DI LTAR DPA' BA PHUN SUM TSOGS PAS NI SNGAR BSTAN PA'I 'BAD BA'I KHYAD PAR BSTAN TO, ,BLO PHUN SUM TSOGS BA NI RKANG PA GNYIS SPA THAG GIS BCINGS PA'I PHYIR RO, ,BDAG LA'ANG MI LTA ZHES BYA BA NI SPRE'U'I TSOGS RNAMS 'DI LAS MYUR DU DENG ZHES BYA BA'I TSIG GIS SO, ,GZHAN LA SNYING BRTZE ZHES BYA BA NI BDAG GIS SKAD KYIS SPRAN ZHES BYA BA'I TSIGS GIS SO, ,SPRE'U'I BDAG PO 'DI SPRE'U MANG PO 'JIGS TE BROS PA'I RKANG LAG GIS SNAD PA'I LUS GANG YIN PA DE NI SPRE'U'I BDAG PO 'DI SPRE'U MANG PO 'JIGS TE BROS PA'I RKANG LAG GIS SNAD PA'I LUS SO, ,RMAS BYAS PA'I SDUG BSNGAL DANG, SEMS MI DRAN PA NI LUS KYI RMA'I SDUG BSNGAL GYIS BRGYAL BAR GYUR TE SEMS MI DRAN BA'O, ,DE GNYIS LAS BYUNG BA NI RMA BYUNG BA'I SDUG BSNGAL GYIS BRGYAL BAR GYUR TE SEMS MI DRAN PA NYID DO, ,RMA'I SDUG BSNGAL DE YANG SPRE'U MANG PO 'JIGS TE BROS PA'I RKANG LAG GIS BRDZIS PAS LUS SNAD PA'I PHYIR RO, ,DUB PA YANG SPRE'U'I TSOGS KYIS RKANG PAS BRDZIS PA'I PHYIR TE, GNAS SKABS DE LTA BUR YUN RING DU DUB PAS SO, ,YA MTSAN CHE BA ZHES BYA BA NI LTAD MOR CHE BA'I PHYIR RO, ,KHYOD KYI CI 'ONG KHYOD KYANG KHONG GI CI; ,ZHES DRIS PA YIN TE, NGO MTSAR CHEB NI RANG GI SROG GTONG BA DANG, SNYING RJE DANG, GUS PAS SPRE'U'I TSOGS BSGRAL BA'I PHYIR TE, DE NYID KYI PHYIR, DE GTZO BO YIN PAS YA MTSAN CHE BA DANG POR BRJOD PA YIN NO, ,TSIGS BCAD 'OG MA SMOS PA YANG DE'I KHYAD PAR DE 'DIS 'BREL PA YIN @305A *, ,PAS RGYU 'BREL LO, ,RAB TU 'BREL PA'I RGYU 'BREL CHUNG GANG YIN PA DE NI RAB TU MDZA' BA'I RGYU 'BREL CHUNG DU'O, ,KHUR DE BSKUR BA ZHES BYA BA NI BDAG PO NYID KYI DNGOS PO'O, ,NYE DU YIN PAS GNYEN NO, ,DE DANG 'DRA BA YIN PAS, GNYEN DANG 'DRA BAR GYUR PA'O, ,BLON PO LA SOGS PA GANG YIN PA DE DAG NI BLON PO LA SOGS PA'O, ,GNYEN DANG MDZA' BO ZHES BYA BA 'DIS NI BYAMS PA BSTAN TO, ,NYAMS NYES RAB TU CHE BA DANG, ,PHONGS NAS MYA NGAN BYED PA ZHES BYA BA LA NYAMS NYES PA RAB TU CHE BA NI RGYAL PO'I DPUNG GI TSOGS KYIS ZIL GYIS MNAN PAS SO, ,DES BYAS PA'I PHONGS PA NI NYAMS NYES RAB TU CHER BYUNG BAS PHONGS PA'O, ,NYAMS NYES RAB TU CHER BYUNG ZHING PHONGS PAS BYAS PA'I MYA NGAN NI NYAMS NYES RAB TU CHER BYUNG ZHING, PHONGS NAS MYA NGAN BYED PA'O, ,NYAMS NYES RAB TU CHER BYUNG ZHING PHONGS NAS MYA NGAN BYED PA DE NYID KYI RGYU BSTAN PA'I PHYIR, DE BAS GZHU RNAMS BKANG NAS ZHES BYA BA'I TSIGS BCAD SMOS TE, DE BAS ZHES BYA BA NI GANG GI PHYIR, SDUG BSNGAL RAB TU BYUNG BA NYID DE, DE'I PHYIR, MDE'U RTZE MO RNON PO DAG 'PHEN PA RNAMS KYIS 'JIGS PA GANG YIN PA DE DAG LAS 'JIGS PA'I SGRA GANG YIN PA DE NI SGRA 'JIGS PA'O, ,SGRA 'JIGS PA'I GZHU RGYUD GANG YIN PA DE NI, GZHU RGYUD SGRA 'JIGS SO, ,PHONGS PA DANG, MYA NGAN BYED PA DE BSTAN PA'I PHYIR, BDAG GI 'KHOR NI ZHES BYA BA LA SOGS PA'I TSIGS BCAD SMOS SO, ,RAB TU SKRAG PA'I SEMS YIN PAS PHONGS PA'O, ,DU ZHING 'BOD PAS ZHES BYA BA 'DIS NI MYA NGAN BYED PA'O, ,SA KHYON LEGS PAR BRTAGS PA GANG YIN PA DE NI SA KHYON TSAD NI LEGS PAR BRTAGS PA'O, ,RTZA BCAS ZHES BYA BAS NI SNGAR BSHAD PA'I RTZA BA DANG LDAN PA'O, ,BDAG GI BDE BA KHYAD DU BSAD PA DE LA KHYOD KYIS YON TAN CI ZHIG 'THOB CES BSHAD PA LA, DE'I YON TAN BSTAN PA'I PHYIR, GANG RNAMS RGYAL PO BDAG GIS YUN RING BYAS, ,ZHES BYA BA'I TSIGS BCAD SMOS SO, ,BDAG GI LUS LTA SNAD PAR GYUR KYANG RUNG, ,ZHES BYA BA NI BDAG GI LUS 'DIL RMA YOD PAR GYUR KYANG RUNG ZHES BYA BA YIN TE, 'DIS NI BDE BA KHYAD DU GSOD PAR STON TO, ,DE BAS SEMS NI RAB TU DGA' BAR GYUR, ,CES BYA BA NI, YID @305B GYI BDE BA 'THOB PA STE, ,YON TAN 'DI THOB PA YIN NO, ,DE BAS NA YID DGA' BA THOB BA DE'I RGYU BSTAN PA'I PHYIR SMRAS PA, BDAG GIS DE DAG SDUG BSNGAL RNAM PAR BZLOG ,CES BYA BA NYID KYIS SO, ,DE BAS NA DE'I PHYIR DREGS PA'I DGRA RNAMS G-YUL NGOR ZHES BYA BA'I TSIGS BCAD SMOS PA YIN TE, 'DIS NI LUS KYI SDUG BSNGAL BA YANG MED PAR BSTAN TO, ,RMA TZAM NYI TSE 'AM, RMA LAS BYUNG BA'I SDUG BSNGAL TZAM YIN TE, CI'I PHYIR ZHE NA, JI LTAR DPA' BO RNAMS KYIS RMA BYUNG BA YANG, DGRA PHAM BAR BYAS PA'I PHYIR BZOD PA YIN TE, MNGON PAR 'DOD PA'I DON BSGRUB PA'I PHYIR, DGA' BZHIN DU RMAL BZOD BA'I PHYIR RO, ,DE BAS NA RMA LAS BYUNG BA'I SDUG BSNGAL BA YANG MED DE, BDE BA 'BA' ZHIG YIN NO, ,LUS SNAD PA DE'I SDUG BSNGAL MED DE, BDE BA NYID DU BSTAN NA, DPA' BO RNAMS RMA'I SDUG BSNGAL DGA' BZHIN DU BZOD PA LTAR BDAG NYID RMA DE LA DE JI LTAR DGA' BZHIN DU BZOD CE NA, DE'I RGYU BSTAN PA'I PHYIR, RIGS MTHUN RNAMS KYIS RAB TU GUS BYAS NAS, ,ZHES BYA BA'I TSIGS BCAD SMOS SO, ,DBANG PHYUG BDE BA THOB PAR !GYUR PA'I BU LON 'KHOR BAR GYUR PA'I PHYIR TE, DES NA DE'I PHYIR DGA' BZHIN BTHONG BAR BYA BA'O, ,DE BAS NA BDAG NYID MDZA' BA DANG BRAL BA'AM ZHES BYA BA'I TSAGS BCAD 'DI NI SNGAR BSHAD BA'I DON GYI MJUG SDUD BA YIN TE, DE BAS NA ZHES BYA BA NI BU LON 'KHOR BA'I PHYIR RO, ,DE TZAM NYI TSER YANG MA ZAD DE, 'DI LTAR YON TAN KHYAD PAR CAN 'THOB PA'I PHYIR RO, ,DE YON TAN DE GANG YIN ZHE NA, DE NYID SMRAS PA, SNGON DU PHAN BTAGS BU LON 'KHOR BAS MGU, ZHES BYA BA'I TSIGS BCAD SMOS TE, 'KHOR GYI SNGON DU PHAN BTAGS PA LA YANG DAG SGRUB PA'I PHAN YON TE, BDAG NYID MGU BA DANG, MYA NGAN ZHI BA NI BDAG DANG 'BREL PA'I PHAN YON, ,DA LTAR BYUNG BA'I GRAGS PA DRI MA MED PA 'THOB PA DANG, RGYAL POS MCHOD PA BYAS ZHES BYA BA 'ANGS GNYIS NI, GZHAN DANG 'BREL BA'I LUS DANG, NGAG GI PHAN YON NO, , 'CHI LA 'JIGS PA MED CES BYA BA NI, DUS GZHAN GYI PHAN YON NO, ,DE DANG MI MTHUN PA'I PHYOGS ZHES BYA BA NI, BU LON 'KHOR BA LA SOGS PA MED PA, DAM PAS PHAN BTAGS DRIN YANG DRAN PAR GYUR, ,ZHES BYA BA NI, DE DAG GZHAN DANG 'BREL BA'I YID KYI PHAN @306A *, ,YON NO, ,DE DANG MI MTHUN PA'I PHYOGS ZHES BYA BA NI BU LON 'KHOR BA LA SOGS PA MED PA NYID NI DE DANG MI MTHUN PA'I PHYOGS TE SKYON NO, ,YON TAN MED PA NI BU LON 'KHOR BA LA SOGS PA'I YON TAN MED PA'O, ,GRAGS PA MED PAR GYUR PA NI, ,SNGAR THOB PA'I GRAGS PA RNAMS NYAMS BA'O, ,NYES PA 'BYUNG BA'I GNAS SU GYUR PA RNAMS, ,ZHES BYA BA NI YON TAN GYI MI MTHUN PA'I PHYOGS SNGAR BSHAD PA DAG STE, YON TAN MED PA'O, ,BRTAN PA ZHES BYA BA NI SNGON DU PHAN BTAGS BU LON ZHES BYA BA'I TSIGS BCAD KYIS SO, ,SKYON GYI MTHU ZHES BYA BA NI, BDAG PO SNYING RJE MED LA RTEN BCAS NAS, ,ZHES BYA BA'I TSIGS BCAD PHYED 'OG MA DANG, YON TAN MED CING ZHES BYA BA'I TSIGS BCAD 'DIS SO, ,GZHON PA'I DPUNG DANG, LJONGS DANG, BLON PO DANG ZHES BYA BA YIN TE, BDE BA DANG LDAN PAR DON SGRUBS SHIG BA'O, ,MGON MED 'BANGS DANG, DGE SBYONG BRAM ZE RNAMS KYANG BDE BA DANG LDAN PAR MDZOD CIG PA'O, ,CHOS 'PHEL BAR BYAS NA NI, BDE BA GNYIS DANG LDAN PAR 'GYUR TE, GRAGS PA 'PHEL BA DANG, SRID 'PHEL BA'O, ,'DI NI 'DIR BDE BA'O, ,YANG NA GNYI GA LA YANG BDE BAR 'GYUR BA'O, ,SLOB DPON DPA' BO MDZAD PA'I SKYES PA'I RABS RGYA CHER BSHAD PA LAS SPRE'U'I RGYAL PO'I SKYES PA'I RABS SO,, ,,BZOD PA LA GOMS PA ZHES BYA BA NI, SKU TSE SNGA MA DAG TU BZOD PA'I RGYU BSGOMS PAR BSTAN TO, ,SMRAS PA, SO SOR BRTAGS TE ZHES BYA BA SMOS TE, SO SOR BRTAGS PA'I RKYEN GYIS SO, ,YANG NA BZOD PA LA GOMS PA ZHES BYA BA NA, BSGOMS PA LAS BYUNG BA'I BZOD PA NYID DU BSTAN PA'I PHYIR SMRAS PA'O, ,KHYIM NA GNAS PA NI NYES PA MANG PO ZHES BYA BA LA SOGS PA'I TSIG RKANG GIS BSTAN TO, ,KHYIM NA GNAS PA NI SKYE BA'I KUN NAS NYON MONGS PA DANG, LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA NYID DANG LDAN PAR BSTAN PA STE, DE LAS NYES PA MANG PO'I SDUG BSNGAL DANG LDAN ZHES BYA BA 'DIS NI, MTHONG BA'I CHOS LA SKYE BA'I KUN NAS NYON MONGS PAS NYON MONGS PA NYID DU BSTAN TO, ,SRID DANG 'DOD BA LHUR LEN PAS NYE BAR MA ZHI BA ZHES BYA BA 'DIS NI, YUN RING BOR YANG SKYE @306B BA'I KUN NAS NYON MONGS PAS NYON MONGS BA NYID DU BSTAN TO, ,'DOD CHAGS DANG, ZHE SDANG LA SOGS PAS NI NYON MONGS PA'I KUN NAS NYON MONGS PAS NYON MONGS PA NYID DU BSTAN TO, ,NYON MONGS PA YANG RNAM PA GNYIS TE, MTHONG BAS SPANG BAR BYA BA DANG BSGOM PAS SPANG PAR BYA BA STE, DES KUN NAS NYON MONGS PA NYID DU CI RIGS PAR SBYAR RO, ,BYA BA NGAN PA'I SKAL BAS CHOS BYA BA'I GO SKABS MED PAR SHES PA ZHES BYA BA 'DIS NI LAS KYI KUN NAS NYON MONGS PA NYID DU BSTAN TO, ,NYES PA DE LTA BU MED PA'I BDE BA CAN DU ZHES BYA BA NI KUN NAS NYON MONGS PA DE LTA BU MED PA'I BAR RO, ,TSUL KHRIMS ZHES SMOS PAS NI, LHAG PA'I TSUL KHRIMS KYI BSLAB PA BSTAN TO, ,MANG DU THOS PA ZHES SMOS PAS NI LHAG PA'I SHES RAB BSTAN TO, ,RAB TU ZHI BA SMOS PAS LHAG PA'I SEMS SO, ,RGYU GSUM GYIS BZOD PA SMRA BA ZHES BYA BAR MING DU BTAGS TE, DE BZOD PAR BYA BA'I YID DAM MA NYAMS SHING ZHES BYA BA LA SOGS PA SMOS TE, YID DAM BCAS PA YANG TSIG GIS BCAD PA YIN PA'I PHYIR DE BAS NA BZOD PA SMRA BA ZHES BYA'O, ,DE'I BSNGAGS PA BRJOD PA DANG, GZHAN DAG LA DE DANG MTHUN BA'I CHOS 'CHAD PA YANG DE NYID DE, BZOD PA SMRA BAR BDAG NYID KYIS KHAS BLANGS PA DANG, BZOD PA'I YON TAN BRJOD PA DANG, GZHAN LA BZOD PA SMRA BA ZHES BYA BA'I DON TO, ,DE LA DKA' THUB PHUN SUM TSOGS, ,ZHES BYA BA'I MING NI BZOD BA BYA BAR YID DAM BCAS PA MNYAMS PA'I PHYIR RO, ,MTHU RTZAL CAN ZHES BYA BA NI BZOD PA'I BSNGAGS PA BRJOD PA DANG, GZHAN DAG LA DE DANG MTHUN BA'I CHOS 'CHAD PA'I PHYIR RO, ,DE LA RE ZHIG BDAG NI BZOD PA'I YID DAM BCAS BA MA NYAMS PAS BZOD PA SMRA BA ZHES BYA BA NI RIGS NA, CI'I PHYIR BZOD PA'I BSNGAGS BRJOD PAR BYED PA DANG, DE DANG RJES SU MTHUN PA'I CHOS 'CHAD PA YIN ZHE NA, DE'I PHYIR SMRAS PA, DE NI BZOD BA'I YON TAN MTHU SHES NAS, ,ZHES BYA BA'I TSIGS BCAD SMOS TE, DE NI BZOD PA'I YON TAN MTHU SHES NAS, ,ZHES BYA BA NI BZOD PA'I BSNGAGS PA BRJOD PA'I RGYUS SO, ,DE YIS BDAG BZHIN 'JIG RTEN RAB TU BRGYAN, ,ZHES BYA BA NI, DE DANG RJES SU MTHUN PA'I CHOS GO RIMS BZHIN DU 'CHAD, ,ZHES BYA BA'I RGYUS @307A *, ,SO; ,BZOD PA'I GTAM YANG RGYUN DU BYED PAR GYUR, ,CES BYA BA LA GTAM RGYUN DU BYED PA NI RNAMS PA GNYIS SO, ,BZOD PA CHEN PO RANG GI NGANG DU GYUR, ,CES BYA BA'I TSIGS BCAD SMOS TE, SNGAR BSTAN PA'I DON 'DIS BSDU ZHING RIG PAR BSTAN PA'I PHYIR TE, BZOD BA CHEN PO RANG GI NGANG DU GYUR, ,CES BYA BA 'DIS NI, GANG SNGAR BSTAN PA'I BZOD PAR BYA BA'I YID DAM MA NYAMS PA ZHES BYA BA DE NYID BSTAN TO, ,DE YI DON DANG MTHUN PA'I GTAM DAG GIS, ,ZHES BYA BA NI SNGAR BSTAN PA'I BZOD PA'I BSNGAGS PA RJOD PAR BYED LA, DE LA MTHUN PA'I CHOS KYANG RGYUN DU 'CHAD, ,CES BYA BA DE STON TO; ,RAB TU DBEN PA DANG, NYAMS DGA' BA NI RAB TU DBEN ZHING NYAMS DGA' BA'O, ,DUS THAMS CAD DU RNYED PAR SLA BA'I ME TOG DANG, 'BRAS BU GANG NA YOD PA DE NI, ME TOG DANG, 'BRAS BU DUS THAMS CAD DU RNYED SLA BA'O, ,SKYED MOS TSAL NYID DGA' ZHING MDZES PA GANG YIN PA DE NI SKYED MOS TSAL NYAMS DGA' BA SHIN TU MDZES PA DE'O, ,BKRA SHIS PA NI THOS PA'I CHOS LA 'DOD PA'I 'BRAS BU STER BA'I PHYIR RO, ,YID DU 'ONG BA NI MTHONG BA'I CHOS KYI YID KYI DRI MA SEL BA'I PHYIR RO, ,RTEN NI 'JIG RTEN PHA ROL GYI MI 'DOD PA'I 'BRAS BU SMIN PAR BYED PA'I SDIG PA 'KHRU BA'I PHYIR RO, ,DKA' THUB KYI TSAL NI 'JIG RTEN PHA ROL GYI YID DU 'ONG BA'I 'BRAS BU'I RGYU DGE BA SKYE BA'I GZHI YIN PA'I PHYIR RO, ,SKYED MOS TSAL GYI YON TAN PAS KHYAD PAR DU GYUR PA NI, SKYED MOS TSAL GYI YON TAN BAS LHAG BA'O, ,DE'I GNAS SU GYUR PA NI SKYED MOS TSAL GYI YON TAN BAS KYANG LHAG PA'I GNAS SU GYUR PA'O; ,'KHRING SHING 'KHYIL PAS GTIBS PA ZHES BYA BA NI, GRANG PHA SEL BAR BYED PA STE, LDING KHANG NI BSIL BA'O, ,ME TOG RGYAS PA'I LJON SHING DGOD PA BZHIN, ,PADMA RAB TU RGYAS PA'I MTSO 'GRAM NA, ,ZHES BYA BAS NI TSA BA BTZAL BAS SO, ,GZHAL MED KHANG LA LTA BAS CHAGS GYUR BA,, ZHES BYA BA NI DUS DRO BA'I PHYIR DANG, GZHAL MED KHANG RAB TU MDZES PA'I PHYIR RO, ,PADMA'I MTSO ZHES BYA BA LA PADMA'I MTSO NI GRANG PA'I PHYIR TE, DUS NI DRO BA NYID KYIS BUNG BA DANG RAD PA BZHIN DU ME TOG SHING LA ZHES PA NI ME TOG LA LHAG PAR CHAGS PA'I PHYIR RO, ,SKABS NI MTSAMS TE, DUS LA BAS BAR @307B SHES PA STE, GNYID KYI DBANG DU GYUR PA'I PHYIR RO, ,JI LTAR DGA' BA'I TSAN TSAN DU CHAD PA DE NI DGA' STE, DGA' SDER CHAD PA'O, ,DES NA DKA' THUB KYI GNAS SU PHYIN PAR GYUR TO, ,BSNYEN DKA' BA'I RGYUS RAB TU ZAB PA'O, ,DKA' THUB KYI DPAL 'BAR BA DANG, BSAM GTAN LA GOMS PAR BYAS ZHES BYA BA NI NYON MONGS PA BKAG PA'I PHYIR RO, ,G-YENG BA DANG, 'DZEM PA DANG, 'PHYAR BA GANG GIS BTANG BA DE NI, G-YENG BA DANG, 'DZEM PA DANG, 'PHYAR BA BTANG BA'O, ,DRI BA NI DE DAG LA NANG DRI BA'O, ,DE DAG LA NAD DRI BA'I SKABS NAS GLENG BSLANG BA GANG YIN PA'I GTAM DON DE DAG LA NANG DRI PA'I SKABS NAS GLENG BSLANG BA'O, ,GO BAR SLA BA'I DON GANG YIN PA DE NI GO BAR SLA BA'O, ,BUD MED KYI SKYE BO DAG GIS GO BAR SLA BA'I DON GANG YIN PA DE NI, BUD MED KYIS GO BAR SLA BA'O, ,YANG NA GZUNG BAR BYA BA YIN PAS GZUNG BA'O, ,BDE BAR GZUNG BA'I DON GANG YIN PA DE NI BDE BAR ZIN PA'O, ,LHAG MA NI SNGA MA BZHIN NO, ,NAD DRI BA'I SKABS NAS GLENG BSLANG BA ZHES BYA BA LA SOGS PA GSUM GYI DAM BCA' BA DANG, GTAN TSIGS DANG, DPE STE, GO RIMS BZHIN DU SBYAR RO, ,MA SMAD CES BYA BA NI YA RABS NYID DU SKYES PA ZHES BYA BA'I DON TO, ,MI'I LUS SU SKYES PA ZHES BYA BA NI MI NYID DU ZHES BYA BA YIN NO, ,DE BZHIN DBANG PO RNAMS KYANG MA NYAMS RNO DANG LDAN, ,ZHES BYA BA LA DBANG PO THAMS CAD MA NYAMS PA NI, MA TSANG BA MED PA DANG, RNO BA DANG LDAN PA'O, ,DES PAR 'CHI BDAG CES BYA BA NI 'CHI BA'I CHOS SO, ,BAG MED PAR GYUR BA ZHES BYA BA NI DGE BA'I CHOS RNAMS MI BSTEN PA'O, ,DGE BA'I CHOS DE YANG SBYIN PA DANG, TSUL KHRIMS LA SOGS PA STE, DE DAG LA MA BRTEN CING, MA BSGOMS PAS NI BSLUS PAR GYUR PA YIN TE, DGE BA'I CHOS MA BSGOMS NA NI YANG DE'I 'BRAS BU 'THOB PAR MI 'GYUR RO, ,DE YANG TSE SKAD CIG MA GCIG GIS ZAD PA DANG, TSE THUNG BA'I PHYIR DANG, 'DAS NAS KYANG LDOG PA MED PA'I PHYIR RO, ,'DI NI RE ZHIG DAM BCA' BA'O, ,CI'I PHYIR SLU BA YIN ZHE NA, DGE BA MI BYED BAS SO, ,'DI NI GTAN TSIGS SO, ,DE'I RGYU RAB TU MI 'BYUNG ZHING ZAD PA DANG, DE'I RGYU 'BYUNG BAR BSTAN PA'I PHYIR TSIGS BCAD GNYIS SMOS TE, RAB TU @308A *, ,SBYIN DANG ZHES BYA BA DANG, RIGS LA SOGS PA DMAN YANG ZHES BYA BA'I TSIGS BCAD DO, ,RIGS NI TSUL KHRIMS KYI 'BRAS BU'O, ,GZUGS DANG, LANG TSO'I YON TAN DANG, STOBS RAB TU CHE BA DANG, NOR LA SOGS PA NI SBYIN BA'I 'BRAS BU'O, ,DE YANG KHA DOG PHUN SUM TSOGS BAR BYIN PAS NI, GZUGS BZANG BA'O, ,YANG NA GOS BYIN PAS SO, ,LANG TSO'I YON TAN RNAMS DANG, STOBS RAB TU CHE BA NI, NYAMS BRTAS PA'I BZA' BA DANG, BTUNG BA BYIN PA'I 'BRAS BU'O, ,NOR GYIS PHYUG PAR GYUR PA NI NOR BYIN PA'I 'BRAS BU'O, ,PHYI MA LA YANG BDE BA 'THOB MI 'GYUR, ,ZHES BYA BA NI 'JIG RTEN PHA ROL DU STE, 'JIG RTEN 'DI'I BDE BA'I RGYUS TE, BDE BA NI DGE BA LA SOGS PA YIN PAS SO, ,RAB TU SBYIN DANG TSUL KHRIMS LA SOGS PA ZHES BYA BA LA SOGS PA SMOS PAS NI BZOD PA DANG, BRTZON 'GRUS KYANG GZUNG NGO, ,DGE BA DE NI THAMS CAD KYI RGYU YIN PA'I PHYIR, 'DI LAS BYUNG ZHES BYA BAS BSTAN BA YIN NO, ,DA NI 'BRAS BU DE MED PAR YANG SBYIN PA LA SOGS PA DANG LDAN NA 'BRAS BU SKYE BA'I DBANG DU BYAS NAS, DE MED KYANG DE'I DNGOS PO'I RGYU MTSAN NYID BSTAN PA'I PHYIR SMRAS PA, RIGS LA SOGS PA DMAN YANG ZHES BYA BA'I TSIGS BCAD SMOS SO,, SDIG PA LA MA CHAGS SHING ZHES BYA BAS NI, SDIG PA LAS LDOG PAR STEN TE, MI DGE BA'I LAS KYI LAM LAS LDOG PA ZHES BYA BA'I DON TO, ,RAB TU SBYIN DANG TSUL KHRIMS LA SOGS YON TAN LDAN, ,ZHES BYA BA NI, SBYIN PA DANG, TSUL KHRIMS DANG, BZOD PA DANG, BRTZON 'GRUS KYI PHA ROL TU PHYIN PA DANG LDAN PA'O, ,PHYI MA'I TSE LA'ANG BDE BA ZHES BYA BA NI, 'JIG RTEN PHA ROL DU YANG BDE BA'I RGYU DGE BA LA SOGS PA'O, ,TSUL KHRIMS LA SOGS PA'I 'BRAS BU JI LTA BU ZHE NA, DBYAR GYI DUS NA 'BAB CHUS RGYA MTSO GANG BA BZHIN, ,ZHES BYA BA YIN NO, ,'JIG RTEN DU BDE BA RGYAS PAR 'GYUR BAR MA ZAD DE, MTHONG BA'I CHOS 'DI LA YANG TSUL KHRIMS KYI PHAN YON RIGS LA SOGS PA'I RGYAN DU YANG 'GYUR TE, TSUL KHRIMS LA SOGS PA DANG LDAN PA DE BSTAN PA'I PHYIR, RIGS DANG GZUGS DANG LUS KYI YON TAN RNAMS KYANG RUNG, ,ZHES BYA BA'I TSIGS BCAD SMOS SO, ,'DI'I BSDUS @308B PA'I DON NI TSUL KHRIMS DANG, BZOD PA DANG, SBYIN PA'I 'BRAS BU BDAG NYID CHE BA DANG, 'BYOR PA DANG, G-YOG 'KHOR PHUN SUM TSOGS PA LA GNAS PA'O, ,DE LTAR BYUNG BA'I BDAG NYID CHE BA DANG, G-YOG 'KHOR 'BYOR PA'I RGYU DE BAS KHYAD PAR DU GYUR CING, DE DAG GI RGYAN DU GYUR PA YIN TE, JI LTAR SHING DANG, CHAR SPRIN DANG, MTSO DAG LA ME TOG DANG, GLOG PHRAN 'GYU BA DANG, BUNG BA MYOS PA 'DU BA'I PADMA LTA BU STE, DE LA SHING LTA BU NI TSUL KHRIMS KYI 'BRAS BU STE, DA LTAR BYUNG BA'I BDAG NYID CHEN PO'I MTHO BA NYID DE LA RGYAN DU GYUR BAR BYED DE, DE LAS KYANG KHYAD PAR DU GYUR PA'I MTHO BA PHUN SUM TSOGS PA'I RGYU DA LTAR BYUNG BA'I TSUL KHRIMS TE, JI LTAR SHING RNAMS MTHO BA NYID LA GZHAN ME TOG GIS BRGYAN PA'I RGYUS SO, ,CHAR SPRIN LTA BU NI DA LTAR BYUNG BA'I SBYIN PA'I 'BRAS BU LONGS SPYOD PHUN SUM TSOGS PA'O, ,CHANG GYI RTAGS GLOG PHRAN 'GYU BA LTA BU NI SBYIN PA PO'I RTAGS MA 'ONGS PA NA KHYAD PAR DU GYUR PA'I BDAG NYID KYI PHUN SUM TSOGS PA MTHONG BA, SBYIN PA'I 'BRAS BU DA LTAR BYUNG BA LA BYAS PA NI CHAR GYI RTAGS GLOG PHRAN 'GYU BA DANG 'DRA BAR SBYIN PA PO'I RTAGS MA 'ONGS PA NA, DE LAS KHYAD PAR DU GYUR PA'I LONGS SPYOD KYI RGYU DAG GIS BRGYAN PAR GYUR PA YIN NO, ,MTSO LTA BU NI DA LTAR BYUNG BA'I BZOD PA'I 'BRAS BU BKUR STI DANG, G-YOG 'KHOR PHUN SUM TSOGS PA'O, ,BUNG BA MYOS PA'I PADMA LTA BU NI GZHAN DE LAS KHYAD DU GYUR PA'I G-YOG 'KHOR PHUN SUM TSOGS PA'I RGYU BZOD PA DA LTAR BYUNG BA'I RGYAN DU GYUR BA YIN NO, ,YON TAN KHYAD PAR 'PHAGS PA LUS CAN DAG GI RGYAN, ,ZHES BYA BA LA, TSUL KHRIMS DANG, SBYIN PA DANG, BZOD PA RNAMS KYI KHYAD BAR DU GYUR PA'I DBANG DU BYAS PA NI DE LAS KHYAD PAR DU GYUR PA RNAMS KYIS SO, ,TSUL KHRIMS LA SOGS PAS RIGS LA SOGS PA 'THOB PAR 'GYUR ZHING, GZHAN DU MI 'GYUR BAR JI LTAR SHES PAR BYA ZHE NA, DE BSGRUB PA'I PHYIR, NAD MED TSE RING NOR DAR ZHES BYA BA'I TSIGS BCAD SMOS SO, ,NAD MED PA DANG, TSE RING BA DANG, RIGS NI TSUL KHRIMS KYI'O, ,NOR NI SBYIN PA'I 'O, ,GZUGS NI BZOD PA'O, ,RAB DANG, 'BRING DANG, THA MA NI RAB 'BRING THA MA'O, ,DE NYID KYI BYE BRAG DAG NI RAB 'BRING THA MA'I BYE BRAG GO, ,DE DAG SNA @309A *, ,TSOGS PA NI RAB 'BRING THA MA'I BYE BRAG SNA TSOGS PA'O, ,YANG NA RAB 'BRING THA MA DAG NI BYE BRAG STE, LHAG MA NI SNGA MA BZHIN NO, ,NGO BO NYID LAS GYUR PA NI MA YIN TE, CI'I PHYIR ZHE NA, RGYU MED PA NYID KYI BYE BRAG LAS BYUNG BA'I DNGOS PO MED DE, 'DIS NI RGYU MED PAR SNA BA BSAL TO, ,SEMS CAN SNA TSOGS PA NI GZHAN GYIS BSKYED PA MA YIN TE, DBANG PHYUG LA SOGS PAS SO, ,GAL TE RGYU GCIG GIS BSKYED PA YIN NA, 'GRO BA RNAMS BYE BRAG MED PAR 'GYUR TE, 'DIS NI MI MTHUN PA RGYUR SMRA BA BSAL TE, DE LTA MOD KYI RAB LA SOGS PA'I BYE BRAG NI SEMS LAS BYUNG BA YIN TE, DE'I PHYIR SMRAS PA, LAS NI RNAM PA GSUM LAS GYUR, ,CES BYA BA STE, RNAM BA GSUM NI LUS DANG, NGAG DANG, YID RNAM BA GSUM GYI DBYE BA'O, ,DE NI SO SO'I DBANG GIS MTHA' YAS PA STE 'GRO BA SNA TSOGS KYI DBYE BA MTHA' YAS PAR RIGS BA NYID DO, ,'DI DAG LAS RNAM PA GSUM LAS GYUR PAR SHES PA YIN PA'I PHYIR, 'DI LTAR 'JUG PAR BYA STE, MI BRTAN PA ZHES BYA BA NI SKAD CIG GIS 'JIG PA STE, MI RTAG PA NYID DU STON TO, ,'CHI BA DANG NYE BA ZHES BYA BA SKAL BA MTHUN PA'I RIS LAS MI RTAG PA NYID DU STON TO, ,SDIG PA SPANG BAR GYIS ZHES BYA BA NI MI DGE BA'I LAS KYI LAM MO, ,DGE BA'I PHYOGS LA BRTEN PA NI, SBYIN PA DANG, TSUL KHRIMS DANG, BZOD PA DANG, BRTZON 'GRUS KYI PHA ROL TU PHYIN PA LA BRTEN PA'O, ,CI'I PHYIR GA LAS SHE NA, LAM NI 'DI YIN NO ZHES BYA BA[?]E STE, DGE BA'I PHYOGS LA BRTEN PA DANG, SDIG PA SPANG BA'O, ,GRAGS PA NI TSE 'DI'I PHAN YON BSTAN PA YIN NO, ,BDE BA 'THOB PA NI 'JIG RTEN PHA ROL GYI YIN TE, BDE BA 'DOD PA DAG TU BDE BA 'THOB PA'O, ,'GRO BA DAG LA 'DAS PA'I DUS KYI BZOD PA NI MA BSTAN TE, BSOD NAMS KYI TSOGS KYI MTSAN NYID DANG, BSOD NAMS KYI TSOGS KYI 'BRAS BU'I DBANG DU BYAS NAS THA DAD PAR RJES SU BSTAN PA'O, ,DES NA DA NI BZOD PA LAS BRTZAMS NAS, YID LA ZHE SDANG YOD NA YANG, ,ZHES BYA BA LA SOGS PA'I TSIGS BCAD BRGYAD KYIS BSTAN TE, YID LA ZHE SDANG YOD NA YANG, ,ZHES BYA BA NI, BZOD PA MED NA ZHES BYA BA'I DON TO, ,GZHAN LA PHAN PA MA YIN PAS MI BZOD PAR @309B BYED PA STE, GZHAN MI 'DOD PAR BYED PA'I PHYIR RO, ,BDAG LA YANG SKYE BA GZHAN LA PHAN PAR 'GYUR BA MED CING, RAB TU SDIG PAR BYED DE, BDAG DANG GZHAN GYI NGAN SONG GI RGYUR GYUR PA'I PHYIR RO, ,DE DAG GIS ZHES BYA BA NI YID LA ZHE SDANG YOD PA'O, ,SDIG LA 'DZEM PA NI MI 'DOD PA'I 'BRAS BU LA 'JIGS PAS SO, ,GNYEN PO RNAMS LA BRTEN NAS ZHES BYA BA NI, BZOD PA LA BRTEN PA'O, ,YID LA ZHE SDANG YOD PA'I GNYEN PO NYID DU BSTAN PA'I PHYIR, DGON PA'I ME NI ZHES BYA BA'I TSIGS BCAD SMOS SO, ,MA DANG 'DRA BA NI YID LA ZHE SDANG YOD PA STE, BDAG DANG GZHAN LA GNOD CING SREG PA'I PHYIR RO, ,CHU KLUNG CHEN PO DANG 'DRA BA NI BZOD PA STE, YID LA YOD PA'I ZHE SDANG GI ME RAB TU ZHI BAR BYED PA'I PHYIR RO, ,BZOD PA BSTEN NA ZHI BAR 'GYUR, ,ZHES BYA BA LA, JI LTAR BZOD PA BSTEN NA ZHI BAR 'GYUR BA NYID BSTAN PA'I PHYIR, DE BAS DE'I RGYU ZIL GYIS MNAN PAS BZOD PA SDIG PA SPONG, ,ZHES BYA BA'I TSIGS BCAD YIN TE, SDIG PA ZHES BYA BA NI MI DGE BA'I LAS SO, ,DE'I RGYU ZIL GYIS MNAN PAS ZHES BYA BA NI SDIG PA DE'I RGYU STE, DE'I RGYU NI YID LA ZHE SDANG YOD PA'O, ,DE ZIL GYIS MNAN PA NI DE'I GNYEN PO BZOD BA LA BRTEN PAS SO, ,DE'I PHYIR ZHES BYA BAS NI SDIG PA YONGS SU SPANGS PAS SO, ,DGRA YANG 'PHEL MI 'GYUR ZHES BYA BA NI SNGAR SKYES PA ZHI BAR BYED PA DANG, SNGAR MA SKYES PA YID LA GNAS PA'I MI DGE BA LA 'JUG PA MED PA STE, MI DGE BA'I BDAG NYID GNOD BA NYID DO, ,'GA' ZHIG CES BYA BA NI DGRA STE, MI MTHUN PA'I PHYOGS MGU BA BSKYED BA STE; BDAG NYID LA YID KYIS SO, ,MCHOD PAR 'OS PA NI LUS DANG, NGAG GI LAS KYIS MCHOD PA THOB PAR BSTAN TO, ,BDE BA'I SKAL BA DANG LDAN PAR 'GYUR ZHES BYA BA NI, MTHONG BA'I CHOS KYI GZHAN DANG 'BREL PA'I BDE BA STE, MCHOD PA DANG, DGA' BA GNYIS KYIS BDE BA'I SKAL BA DANG LDAN PAR 'GYUR BA'O, ,MTHO RIS 'GRO BAR 'GYUR ZHES BYA BA NI, 'JIG RTEN PHA ROL DU BDE BA 'THOB PA YIN TE, DE BAS NA SKYON 'DI MED PA YIN PAS, BZOD PA BSTEN NA DE DAG GI MTHU NYID DU 'GYUR RO, ,GZHAN YANG KYE BTZUN MO ZHES BYA BA NI BZOD PA'I RNAM PA GZHAN BSTAN PA'I PHYIR, DGE BA'I RANG @310A *, ,BZHIN CAN DU RAB TU GRAGS, ,ZHES BYA BA'I TSIGS BCAD LNGA SMOS TE, DE LA DGE BA'I RANG BZHIN ZHES BYA BA'I TSIGS BCAD NI BZOD PA'I 'BRAS BU'I RANG BZHIN GYI GNYEN PO DANG RJES SU MTHUN PA'I YON TAN GYI DBANG DU BYAS PA STE, DGE BA ZHES BYA BA LA DGE BA'I RANG BZHIN NI JI LTA BU YIN, JI LTAR MA CHAGS PA DANG, ZHE SDANG MED PA DANG, GTI MUG MED PA YIN NAM, 'ON TE MTSUNGS PAR LDAN PA STE, JI LTAR TSOR BA LA SOGS PA THAMS CAD DU 'GRO BA RNAMS DANG BCAS PA YIN NAM, 'ON TE KUN NAS BSLANG BA STE, JI LTAR LAS RNAMS DANG BCAS PA YIN NAM, 'ON TE DON DAM PA'I CHOS TE, JI LTAR MYA NGAN LAS 'DAS PA YIN NAM SNYAM NA, JI LTAR RANG BZHIN GYI DGE BA STE, ZHE SDANG MED PA'I MTSAN NYID KYI PHYIR RO, ,RANG BZHIN YANG YIN LA KHYAD PAR YANG YIN PAS RANG BZHIN KHYAD PAR CAN NO, ,DE'I RAB TU GRAGS PA NI RAB TU GRAGS BA KHYAD PAR CAN NO, , 'DIS NI RANG BZHIN GYI DGE BA NYID DU BSTAN TE, 'DI NI RE ZHIG RANG BZHIN GYI BZOD PA YIN NO, ,BSOD NAMS GRAGS PA DAG KYANG RAB TU 'PHEL, ,ZHES BYA BA BSOD NAMS RAB TU 'PHEL BA NI, 'JIG RTEN PHA ROL DU 'BRAS BU BDE 'GROR 'GRO BA'O, ,GRAGS PA RAB TU 'PHEL BA NI, ,MTHONG BA'I CHOS KYI 'BRAS BU'O, ,CHU YIS MA BKRUS PAR YANG DAG PAR 'GYUR, ,ZHES BYA BA 'DIS NI, MI DGE BA THAMS CAD KYI GNYEN PO NYID DO, ,YON TAN DE DANG DE DAG PHUN SUM TSOGS, ,ZHES BYA BA 'DIS NI YON TAN THAMS CAD DANG RJES SU MTHUN PA NYID DO, ,DGE BA'I RANG BZHIN CAN DU RAB TU GRAGS,, ZHES BYA BA BSTAN PA LA DGE BA'I RANG BZHIN NYID DU BSTAN PAR 'DOD PA'I PHYIR, GZHAN LA GNOD PA RTAG TU YONG MI SHES, ,ZHES BYA BA'I TSIGS BCAD SMOS SO, ,CHOS NYID CES BYA BA NI RTAG PA'O, ,YANG NA CHOS NYID KYI MTSAN NYID JI LTA BU NYID YIN PA DE NYID BSTAN PA'I PHYIR SMRAS PA, GZHAN DAG LA NYE BAR GNOD PA NI GNOD BA STE, SROG GCOD PA LA SOGS PA MI DGE BA BCU'I LAS LA MI 'JUG PA'I MTSAN NYID CES BYA BA'I DON TO, ,GANG DAG GI CHOS NYID YIN ZHE NA, SNYING STOBS CAN TE BYANG CHUB SEMS DPA' RNAMS KYI'O, ,CHOS NYID JI LTA BU YIN ZHE NA, YID DU'ONG ZHES BYA BA SMOS SO, , @310B DE'I MING JI SKAD DU BTAGS SHE NA, BZOD PA ZHES BYA BA'I MING YIN TE, DE'I MING YON TAN DANG LDAN PA NYID DU BSTAN PA'I PHYIR SMRAS PA, YON TAN GYIS MNGON PAR BSGRUBS PA NYID DU MDZES PA'I MING GANG YIN PA DE NI YON TAN MNGON BSGRUBS BZOD PA STE, MDZES PA'I MING BDAG DANG, GZHAN GNYI GAL MDZES PA'I PHYIR BZOD PA'O, ,'JIG RTEN GYI DON BYED PA NI, 'JIG RTEN LA PHAN PAR BYED PA STE, 'DIS NI GZHAN LA PHAN PA'I RGYU NYID DU BSTAN TO, ,SNYING RJES BKA' STZAL CES BYA BA NI, SNYING RJE CAN GYI BKA' YIN PAS SNYING RJES BKA' STZAL PA'O, ,'DOD CHAGS MED PA'I RANG BZHIN DANG, 'DOD CHAGS MED PA'I MTSAN NYID BZOD PA GZHAN GYI DON BYED PAR 'JUG PA YIN TE, JI LTAR BZOD PA'I RGYU BSTAN TO, ,BSOD NAMS GRAGS PA DAG KYANG RAB TU 'PHEL, ,ZHES BYA BA DE'I DON RJES SU BSTAN PA NI MA BSHAD DE, DE BAS DE'I RGYU ZIL GYIS MNAN PAS BZOD PAS SDIG PA SPONG BA ZHES BYA BA'I TSIGS BCAD DER BSTAN ZIN PA'I PHYIR RO, ,CHU YIS MA BKRUS PAR YANG DAG PAR 'GYUR, ,ZHES BYA BA 'DI'I RJES SU BSTAN PA NI, MTHU DANG LDAN PA RNAMS KYI RGYAN YANG YIN, ,ZHES BYA BA'I TSIGS BCAD 'DIS BSTAN TE, GANG DAG 'DI RNAM PAR DAG PAR BYED PA YIN ZHE NA; DE BSTAN PA'I PHYIR TSIGS BCAD 'DI SMOS TE, KHYIM PA DANG, RAB TU BYUNG BA RNAMS KYI'O, ,KHYIM PA RNAMS KYI NI, MTHU DANG LDAN PA RNAMS KYI RGYAN YANG YIN, ,ZHES BYA BA YIN TE, GNOD SEMS KYIS DGON PA'I ME LA CHU RGYUN 'BEBS PA'O, ,DKA' THUB CAN GYI STOBS MCHOG PHUN SUM TSOGS PA YOD NA NI, GNOD SEMS DGON PA'I ME LA CHU'I RGYUN 'BEBS PA YIN TE, GNOD SEMS KYI DGON PA'I ME LA CHU'I RGYUN 'BEBS ZHES BYA BA YIN TE, GNOD SEMS KYI DGON PA'I ME LA CHU'I RGYUN DANG 'DRA BAR DE NYE BAR ZHI BA STE, DE BAS NA GNOD SEMS DGON PA'I ME LA CHU RGYUN 'BEBS ZHES BYA BA YIN NO, ,DE'I PHYIR, GNYI GA'I TSE LA DON MED ZHI BAR BYED, ,CES BYA BA SMOS TE, DE BAS NA CHU YIS MA BKRUS PAR YANG DAG PAR BYED DE, DON MED PAR NYE BAR HZHI BAR BYED PA'I PHYIR RO, ,YON TAN DE DANG DE DAG PHUN SUM TSOGS, ,ZHES BYA BA DE'I RJES SU BSTAN PA NI, @311A *, ,DAM PA RNAMS KYI GO CHA BZOD PA YIN, ,ZHES BYA BA'I TSIGS BCAD DE BSNGAGS PA'I ME TOG GI RGYUR GYUR PA'I PHYIR, BZOD PA'I YON TAN GYI TSOGS RJES SU 'PHEL BAR 'GYUR RO, ,DE LTA BUL SBYAR BA'I PHYIR, CHOS KYI MI MTHUN PA'I PHYOGS RNAMS ZHES BYA BA'I TSIGS BCAD 'DI SMOS PA YIN NO, ,CHOS KYI BGEGS MI MTHUN PA'I PHYOGS NI MI MTHUN PA'I PHYOGS SO, ,CHOS KYI MI MTHUN PA'I PHYOGS KYANG YIN LA, BZOD PA YANG YIN PAS CHOS KYI MI MTHUN PA'I PHYOGS RNAMS BZOD PA'O, ,DES 'JOMS PA YIN PAS GANG DES SMRAS PA'O, ,BZOD PA PHAN PAR 'GYUR ZHES BYA BA LA BZOD PA'I PHAN PA NI, BZOD PA PHAN PAR 'GYUR BA STE, PHAN PA DANG MTHUN PA ZHES BYA BA'I DON TO, ,'DOD CHAGS KYANG YIN LA, LHAG MA LUS PA YANG YIN PAS, 'DOD CHAGS KYI LHAG MA LUS PA'O, ,DES LCI BAR GYUR BA'I MIG GANG YIN PA DE NI, 'DOD CHAGS KYI LHAG MA LUS PAS MIG LCI BAR GYUR PA'O, ,BTZUN MO RNAMS KYI SBOBS PAS BSRUNG BA DANG BRAL BA'I BAG YANGS SU DGOD CING, RTZE BA DANG, LTA 'DOD PA GANG YIN PA DE NI BTZUN MO RNAMS KYI SBOBS PAS BSRUNG BA DANG BRAL BA'I BAG YANGS SU DGOD CING, CE BA DANG, LTA 'DOD PA'O; ,ME TOG DANG, LO MA SNA TSOGS KYIS GTOR BA GANG YIN PA DE NI, ME TOG DANG, LO MA RNAMS KYIS GTOR BA'O, ,ME TOG DANG LO MA SNA TSOGS KYIS GTOR BA'I NAGS KYI LAM NI LAM STE, ME TOG DANG LO MA SNA TSOGS KYIS GTOR BA'O, ,YANG NA LAM ME TOG DANG, LO MA SNA TSOGS KYIS GTOR BA DANG LDAN PA'O, ,'KHON SNYING YOD PA ZHES BYA BA NI, DE'I KHRO BA'I RGYUS BYAS BA NYID DU STON TO, ,'DOD CHAGS KYIS DRAN PA NYAMS ZHES BYA BA NI DA LTAR BYUNG BA'I DRAN PA 'JIG PA'I RGYU YIN TE, 'DIS NI KHRO BA'I GNYEN PO MED PAR BSTAN TO, ,PHRAG DOG GIS ZIL GYIS NON PA'I PHYIR ZHES BYA BA NI NYON MONGS BA KUN DU SPYOD PAS DA LTAR BYUNG BA'I RKYEN DU BSTAN TO, ,DUL BA DANG, DES PA NI DUL BA DANG DES PA'O, ,DE GNYIS KYI SPYOD PA NI DUL BA DANG, DES PAR SPYOD PA'O, ,NYAMS PA'I DUL BA DANG, DES PA SPYOD PA GANG YIN PA DE NI, DUL BA DANG, NGES PAR @311B SPYOD PA NYAMS PA'O, ,'THAB MO DANG, RGOL BAR 'DOD PA DE'I SHUGS NI 'THAB MO RGOL BAR 'DOD PA'I SHUGS TE DE LAS SO, ,RDUL DANG, MDOG 'GYUR BA DANG, 'DAR BA NI RDUL DANG, MDOG 'GYUR BA DANG, 'DAR BA DAG GO, ,RDUL DANG, MDOG 'GYUR BA DANG, LUS 'DAR BA 'BYUNG, BA GANG YIN PA DE NI, RDUL DANG, MDOG 'GYUR PA DANG, LUS 'DAR BAR GYUR PA'O, ,SMIN MA BTZUMS PAS MIG RTZA DMAR PO BGRAD PA GANG YIN PA DE NI, TSUL 'CHOS ZHES BYA BA'I BYA BA PA'O, ,TSUL 'CHOS KYI G-YO SGYU'I RANG BZHIN GANG YIN PA DE NI DE'O, ,DE DAG GI SPYOD TSUL DANG, MDZES PA DANG; DUL BA NI SPYOD TSUL MDZES PA DUL BA'O, ,DE DAG GI GUS PA DANG, MKHAS PA'I SPYOD TSUL MDZES PA DANG, DUL BA NI GUS SHING 'OS PA MKHAS PA'O, ,RAB TU KHROS SHING BZHIN GYUR LA, ,ZHES BYA BA 'DI NI, SO SOR BRTAGS TE BRNAG PA'I MTHU CHUNG BAS, ,ZHES BYA BA LA SOGS PA STON PA YIN NO, ,YANG NA 'THAB MO RGOL 'DOD PA'I SHUGS LAS RDUL NI BYUNG LUS 'DAR BA ZHES BYA BA DE NYID STON TO, ,SPYOD PA NYAMS SHING RTZUB PAR MNGON LA ZHES BYA BA NI GANG SNGAR BSTAN PA'I, NGA YI GZI BRJID ZIL MNAN NAS, ,ZHES BYA BA DE STON PA YIN NO, ,MTSON CHA THOGS TE ZHES BYA BA NI GANG SNGAR BSTAN PA'I GSOL KA BA'I LAG NA RAL GRI 'DUG PA BLANGS TE ZHES BYA BA DE NYID STON TO, ,DES MGU PAR BYAS ZIN TO ZHES BYA BA NI SEMS DBANG DU BYAS PA'O, ,DE YANG NYAMS SU MI LEN TE, DE CI'I PHYIR ZHE NA, BUD MED BSTAN PAR SNANG BA LAS BZOD PA MED DO, ,'CHOS PA'I TSUL YIN PAS 'CHOS PA'I TSUL LO, ,'CHOS PA'I TSUL NYID 'DRID PA YIN PAS TSUL 'CHOS 'DRID PA'O, ,DES BRTAN PA 'DUG PA'I TSUL NI BZOD PA SMRA BA YIN NO, ,ZHES BYA BA'I SGRA SMRA ZHING 'DUG PA'O, ,YID MI DGA' BA ZHES BYA BA NI BYANG CHUB SEMS DPA' NONGS KYIS DOGS PA'O, ,MYA NGAN NI BSHUGS PAR MA NUS PA'O, ,DE GNYIS KYIS GDUNGS BA'I YID GANG YIN PA DE NI YID MI DGA' ZHING MYA NGAN GYIS GDUNGS PA'O, ,'JIGS PA NI RGYAL PO'I CHAD PAS SO, ,SKRAG PA NI DE BCOS BA'I THABS LA MA SHES PAS SO, ,DE GNYIS KYIS G-YEN SBYO BA NI, 'JIGS SHING SKRAG PAS 'KHRUGS @312A *, ,PA'O; ,DRANG SRONG MCHOG DE'I MYA NGAN BYED CING ZHES BYA BA LA, CI'I RGYUS MYA NGAN BYED BA YIN ZHE NA, DE'I PHYIR SMRAS PA, BDAG CAG RNAMS KYI DON NI BDAG CAG RNAMS KYI PHYIR RO, ,NYES PA YONG MED PAR ZHES BYA BA NI GANG LA RGYAL PO NYES PAR BYAS PAS DOGS PA'I NYES PA DE MED CING MA YIN PAS SO, ,DUL BA ZHES BYA BA NI LUS DANG NGAG GI DUL BA DAG GO, ,DKA' THUB CHEN PO ZHES BYA BA NI RAB TU BYUNG BA'O, ,YON TAN GRAGS PA ZHES BYA BA NI, YON TAN 'JIG RTEN GYIS BRJOD PA'O, ,LAM DU ZHUGS ZHES BYA BA NI MNGON PAR 'GRO BA ZHES BYA BA'I DON TO, ,BYED PA NI LUS DANG, NGAG GI 'GYUR BA'O, ,CI ZHIG GYUR NAS SU ZHES BYA BA NI BRDEG PA DANG, BCINGS PA LA SOGS PA'I LAS KYI LAM GYIS ZHES BYA BA'I DON TO, ,GRAGS PA THOB PA ZHES BYA BA NI THUB PA'I LUS BCAD PAS, RANG GI CHOS KYI LUS BCAD CING 'CHI BA LA SOGS PAS SO, ,AA DZIN DANG DBYIG PA GANG YIN PA DE NI AA DZIN DANG DBYIG PA'O, ,DE YOD PA NI AA DZI NA DANG PA BYIG PA THOGS PA'O, ,G-YO SGYU NI SLU BA'O, ,G-YO SGYU NYID BRJID BAG TU 'CHOS PA YIN PAS G-YO SGYU BRJID BAG 'CHOS PA'O, ,KHROS PA DANG, RNGAM PA ZHES BYA BA LA, KHROS PA NI ZHE SDANG NGO, ,RNGAM PA NI DE LA MNGON PAR 'JUG PA'O, ,DE GNYIS KYI SPYOD PA'I TSUL MI SDUG BAR GYUR PA DE NI DE'O, ,'DIS NI MTHONG BA'I CHOS BDAG NYID BLA MED PA NYID DU BSTAN TO, ,DUL BAR SBOD PA'I DPAL NI NYAMS, ,ZHES BYA BA 'DIS NI, BYANG CHUB SEMS DPA' LA ZLA MED PA'I 'JUG PA BSTAN TO, ,DE LTAR DE GNYIS NI MTHONG BA'I CHOS LA BDAG DANG, BYANG CHUB SEMS DPA' LA SGRUB PA BSTAN TO, ,BDAG LA PHAN PA DANG, GNOD PA'I LAM NI BRJED PAR GYUR, ,CES BYA BA 'DIS NI SKYE BA GZHAN GYI MI 'DOD PA'I 'BRAS BU BSTAN TO, ,SKAL BA MED LAS GYUR PA ZHES BYA BA 'DIS NI, SNGAR BYAS BA'I LAS NGAN PA LAS GYUR BA'O, ,SEMS LA GCAGS PA NI TSIG TZAM GYIS KYANG MA BYAS NA GZHAN LTA CI SMOS ZHES BYA BA YIN TE, 'DIS NI SNGAR DRIS BA'I RGYU'O, ,DAM PA MA YIN PA'I SPYOD PA NI NYES PA'I LAM STE, RANG GI CHOS KYI LAM MA YIN BA'O, ,'GRO BA'I DON BYED CES BYA BA NI NYES PA MI BYED @312B PA DAG LA PHAN 'DOGS PAR 'JUG PA'O, ,RNAM PAR BRTAG PA'I LAM ZHES BYA BA NI YANG DAG PA'I LAM MO, ,CI'I PHYIR LAM RNAM PAR BRTAG CE NA, DE'I PHYIR SMRAS PA, LEGS PA DAG KYANG CUNG ZAD MI RIGS MTHONG, ,ZHES BYA BA'I TSIGS BCAD SMOS TE, MI RIGS PA ZHES BYA BA NI NYES PA ZHES BYA BA'I DON TO, ,LEGS PA DAG KYANG ZHES BYA BA NI NYES PA MED PA'O, ,KHA CIG NI NYES KYANG LEGS PAR MTHONG ZHES BYA BA STE, DES NA DE'I PHYIR MA BRTAGS ZHES BYA BA YIN NO, ,YUL CI ZHIG LA MA BRTAGS PA YIN ZHE NA, DE'I PHYIR SMRAS PA, GTAN TSIGS KHYAD PAR CAN LA STE, KHYAD PAR GYI GTAN TSIGS DAG NI GTAN TSIGS KHYAD PAR CAN DAG STE DE LA'O, ,DGOS PA'I DON NYID CES BYA BA NI, DE'I DNGOS PO NYID YIN PAS DGOS PA'I DON NYID DO, ,DGOS PA'I DON YOD PAR BRTAGS PA NYID, GTAN TSIGS KHYAD PAR GYIS TE, DE LTAR BRTAG PA BYAS NA NI, DGOS PA'I DON RTOGS PA NYID DU 'GYUR ZHING NYES PA YANG NYES PA NYID DU RTOGS SO, ,LEGS PAR ZHUGS NAS NI ZHES BYA BA NI CHOS KHRIMS LAS BSHAD PA BZHIN DU'O, ,BSTAN NGAG LAM DU ZHES BYA BA NI LUGS KYI BSTAN BCOS KYI TSUL KYIS SO, ,CHOS KHRIMS DANG LUGS KYI BSTAN BCOS KYI TSUL GYIS BKA' KHRIMS KYI BYA BAS NAN TUR BYA BA DANG, PHAN GDAGS PAR BYA BA LA RJES SU GZUNG BAR BYAS NA DE DAG NYID KYI CHOS DANG, SRID DANG, BDE BAR 'GYUR RO, ,BTUL NAS ZHES BYA BA NI GANG GI PHYIR, DE LTAR BYA BA DAG LEGS BAR BRTAGS PA'I RGYUS CHOS DANG, SRID DANG, BDE BA'I DON NYAMS PAR MI 'GYUR BAS DE'I PHYIR RO, ,GRAGS BAR GYUR PA ZHES BYA BA NI, NYES BA MED PA'I RIGS PA STE, GRAGS PA MA YIN PA'I RGYUS SO, ,NYES PA CIR 'GYUR ZHE NA, DE'I PHYIR SMRAS PA, NAGS TSAL NA GTAM NGAN PA 'PHEL ZHES BSTAN PA YIN TE, RANG GI SKYES BU BYED PA'I BSRUNG BA NYAMS PAR STON TO, ,KHYOD KYI MTHU YIS BSRUNG BA ZHES BYA BA NI, BDAG PO GZHAN MA YIN PA NYID DU STON TO, ,PHAN PA'I TSUL MED CES BYA BA NI, 'JIG RTEN PHA ROL BA LA PHAN PA'O, ,DAM PAS SMAD PA NI 'JIG RTEN 'DI'I GRAGS PA MA YIN PA'O, ,DE BAS RNAM PAR BRTAGS PA'I LAM DU 'JUG @313A *, ,PA'I RIGS, ,ZHES GANG BSHAD PA LA, JI LTAR RNAM PAR BRTAGS PA'I LAM DU 'JUG PAR BYA ZHE NA, SMRAS PA, SRUNG MA NYUG RUM BCAS PA ZHES BYA BA'I TSIGS BCAD YIN TE, LHAGS PA LA ZHES BYA BA 'DIS NI, BDAG NYID BUD MED LA 'GRO BA BSAL TO, ,BDAG GI ZHES BYA BA NI RAB TU BYUNG PA'O, ,GNAS ZHES BYA BA NI SEMS CAN THAMS CAD KYI THUN MONG DU STON TE, SNGON MA MTHONG BAR YANG 'ONG BAS SO, ,SRUNG MA NYUG RUM ZHES BYA BA NI DBEN PA MA YIN PA NYID DU BSTAN TO, ,BDAG GIS NONGS PA CUNG ZAD CES BYA BA 'DIS NI, BUD MED LA 'GAL BAR GYUR PA'O; ,DE NI BDAG LA MED PA NYID MOD KYI, ,DE STE BUD MED RNAMS BDAG GI GNAS SU 'ONGS PA TZAM GYIS, GAL TE NONGS PAR GYUR KYANG RGYAN GYI MCHOG, ,CES BSTAN PA YIN NO, ,RGYAN GYI MCHOG GI BZOD PA DE NYID BSTAN PA'I PHYIR, SMRAS PA, BZOD PAS BRGYAN NA JI LTAR MDZES PA BZHIN; ,ZHES BYA BA'I TSIGS BCAD SMOS TE, BZOD PA LA BRTEN CIG PA'O, ,BZOD PA'I MAN NGAG BSTAN PA YIN PAS BZOD PA'I MAN NGAG GO, ,BZOD PA'I MAN NGAG BSTAN PA NYID SNYAD BTAGS PA YIN PAS, BZOD PA'I MAN NGAG BSTAN PAR SNYAD BTAGS PA'O, ,NYES PA MED PA NI SKYON MED PA'O, ,BRAM ZE LAS RAB TU BYUNG BA NI YON TAN GYI ZHING NYID DU STON TO, ,BSOD PAR BYED PA RNAMS YONGS SU SRUNG BA PO NI, RGYAL PO YIN NA 'DI LTAR CI'I PHYIR 'JUG CES BYA BA'O, ,BZOD PA'I MAN NGAG BSTAN PA'I RTZOL BA DE NYID, BDAG 'JIGS NAS GSOL BA NI MA YIN TE, CI'I PHYIR 'JIGS NAS MI GSOL ZHE NA, MI 'JIGS PA'I RGYU BSTAN PA'I PHYIR, SEMS CAN RNAMS NI 'CHI 'GYUR BA'I, ,ZHES BYA BA SMOS TE, 'DI GNYIS KYI RGYUS 'CHI BAS 'JIGS PA YIN TE, DE GNYI GA YANG MED PA NYID DU BSTAN PA'I PHYIR SMRAS PA, 'JIG RTEN GYI RANG BZHIN YONGS SU MA SHES NAS BSOD NAMS MA BYAS PA DANG, NGAN 'GROR 'GRO BA'I DGOS PA YOD PA'O, ,DE GNYI GA YANG MED PA STE, SEMS CAN RNAMS NI 'CHI BAR 'GYUR BA'I TSUL 'DIS NGES PA NYID DU GNAS, ,ZHES BYA BA YONGS SU SHES PA'I PHYIR, RGYU DANG PO MED DO, ,BDAG GI TSUL LA'ANG RJES BLTAS @313B NA; ,ZHES BYA BA 'DIS NI, BSOD NAMS BYAS PA'I PHYIR, GNYIS PA YANG MED PAS SO, ,CI SDE DE GNYI GA MED NA CI'I PHYIR, DE LTAR BZOD PA'I MAN NGAG BSTAN PAR THA SNYAD BTAGS SHE NA, PHYI NAS CHOS KYI BDE BA LA, ,ZHES BYA BA'I TSIGS BCAD BRTZAMS SO, ,PHYI NAS CHOS KYI BDE BA LA GNOD PA ZHES BYA BA LA, GNOD DU DOGS PA NI CHOS MA YIN PAR MA GYUR CIG PA'I DON TO, ,BDE BA 'THOB LA PHAN PA'I ZHES BYA BA NI, BDE BA 'THOB PA GCIG PUR MA ZAD DE, CHOS MA YIN PA 'THOB CING GNOD PA'O, ,DE LTA MOD KYI YON TAN RNAMS KYI 'BYUNG GNAS SU GYUR PA DANG, NYES PA RNAMS KYANG ZLOG PAR BYED PA'I PHYIR, RAB TU BZANG PO'I SKYES BZHIN DU, ,DGA' BAS BDAG NI BZOD PA SMRA, ,ZHES BYA BA STE, DE NYID BSTAN PA NI BZOD PA YON TAN 'BYUNG GNAS ZHES BYA BA'I TSIG GO, ,TSUL 'CHOS KYI BRTUL ZHUGS NI G-YO'I BRTUL ZHUGS SO, ,MYA NGAN MI BYED DE BDAG NYID CHEN PO'I NYAMS PA'I RGYU YIN PA'I PHYIR RO, ,BDAG LA GNOD PA BYED PA'I RGYAL PO LA YANG 'KHRUGS PAR MI BYED DO, ,CI'I PHYIR MYA NGAN MI BYED CE NA, LUS KYI PHUNG PO GNAS PA'I MTHA' SHES PA'I PHYIR RO, ,CI'I PHYIR 'KHRUGS PAR MI BYED CE NA, SKYE BO RNAMS LA BZOD PA GOMS SHING 'DRIS PA'I PHYIR RO; ,DE'I SEMS ZHES BYA BA NI RANG GI SEMS SO, ,DE'I PHYIR, DGA' BA'I TSUL GYIS YONGS SU NYAMS BAR MA GYUR TO, ,SO SOR BRTAGS BA NI, BDAG GI SDUG BSNGAL CHEN PO PA'O, ,SNYING RJE CAN NI GNOD PA BYED PA LA'O, ,DKA' THUB KYI NAGS SU BDAG NYID LA SDUG BSNGAL CHEN BO 'BYUNG BA NI BZOD PA CHEN PO DANG LDAN PA'I PHYIR RO, ,DE NYID KYI SDUG BSNGAL GYIS GNOD PAR GYUR PA NI, SNYING RJE'I BDAG NYID YIN PA'I PHYIR RO, ,DE MA THAG TU RIMS NAD CES BYA BA NI, BYANG CHUB SEMS DPA' YAN LAG BCAD MA THAG NYID DU'O, ,NAGS TSAL NYE BA'I NANG NAS THA MAR BYUNG, , ZHES BYA BA NI BYANG CHUB SEMS DPA' BDAG NYID CHEN PO DE'I MNGON SUM NAS TE, DE MA THAG TU SONG ZHES BYA BA'I DON TO, ,BLUN ZHING ZHES BYA BA NI GTI MUG GI RGYUS SO, ,LHAG PAR MI BRTAN PA GANG YIN PA DE NI, RAB TU MI BRTAN PA STE DES NA MI BRTAN PA DES SO, ,BUD MED DANG BYIS PA ZHES @314A *, ,BYA BA LA SOGS PA SMOS PAS NI SNYING RJE'I GNAS SO, ,BRAM ZE YON TAN GYI ZHING YIN PA'I PHYIR RO, ,'CHI BA DANG, NA BA'I SDUG BSNGAL CAN ZHES BYA BA 'DI'I BSDUS PA'I DON NI SKYE BA'I KUN NAS NYON MONGS PA DANG, LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA LA MYA NGAN BYED MOD, GA LA KHRO ZHES BYA BA YIN TE, 'CHI BA DANG, NA BA'I SDUG BSNGAL ZHES BYA BAS NI, SKYE BA'I KUN NAS NYON MONGS PAS NYON MONGS PA NYID DU BSTAN TO, ,'DOD CHAGS ZHE SDANG DBANG DU GYUR, ,ZHES BYA BAS NI NYON MONGS PA'I KUN NAS NYON MONGS PAS NYON MONGS PA NYID DU BSTAN TO, ,NYES PAR SPYOD PAS TSIG PA LA, ,ZHES BYA BA 'DIS NI LAS KYI KUN NAS NYON MONGS PAS NYON MONGS PA NYID DU BSTAN TO, ,BDAG LA RNAM PAR SMIN PAR GYUR KYANG RUNG STE, DE LA NI MA YIN NO, ,CI'I PHYIR ZHE NA, DE BSGRUB PA'I PHYIR, BDE BA CAN LA SDUG BSNGAL RJES 'BRANG BA, ,ZHES BYA BA'I TSIGS BCAD 'OG MA SMOS SO, ,SKYOB PAR MA NUS PA ZHES BYA BA NI LAS BDAG GIR BYA BA'I PHYIR RO, ,RGYAL PO GRONGS NA'ANG ZHES BYA BA NI RGYAL PO NYI TSER MA ZAD DE ZHES BYA BA'I DON TO, ,SKYES NA ZHES BYA BA NI SKYE BA YOD NA ZHES BYA BA'O, ,DE BAS ZHES BYA BA NI SKYE BA YOD NA SDUG BSNGAL YOD BA'I PHYIR TE, SKYE BA NI SDUG BSNGAL GYI RTZA BA YIN PA'I PHYIR, SKYE BA NYID LA 'KHON DU GZUNG BA'I RIGS TE, SKYE BA MED NA SDUG BSNGAL MED PA'I PHYIR RO, ,SKYE BA YOD NA NI SDUG BSNGAL MYONG BA YIN TE, BZOD PA MI BYED PA MA YIN PA'I RGYU'I DBANG DU BYAS NAS, NAGS NA GNAS SHING ZHES BYA BA'I TSIGS BCAD SMOS TE, NAGS NA GNAS ZHES BYA BAS NI YONGS SU BZUNG BA THAMS CAD SPANGS PAR STON TO, ,RAB TU 'BYUNG BAR SHES ZHES BYA BA 'DIS NI BZOD PA LA DAM BCAS PA NYID DU STON TO, ,RAB TU BYUNG BA RNAMS NI BZOD PA'I STOBS YOD PA'I PHYIR DANG, BZOD PA SMRA LA ZHES GZHAN DAG LA BZOD PA'I MAN NGAG STON PA NYID DE, 'DI GNYIS KYIS RAB TU BYUNG BA RNAMS NI BZOD PA'O, ,NGO TSA SHES PA DANG, KHREL YOD PAS KYANG MI BZOD PA'I RNAM PA MED PAR STON TO, ,RING POR MI THOGS 'CHI ZHES BYA BA 'DIS NI, 'JIG RTEN PHA ROL DANG NYE BA NYID PAS MI BZOD PA'I @314B 'BRAS BU'I RKYEN BYUNG BAR NYE BA'I PHYIR RO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS BZOD PAR SMRA BA'I SKYES PA'I RABS SO,, ,,KHA NA MA THO BA NI RAB TU SMAD PAR BYA BA'O, ,YUL GYI BDE BA TZAM GYI TSOD KYIS KYANG, ,ZHES BYA BAS NI NGAN DON TZAM YIN PA'I PHYIR RO, ,YUL GYI BDE BA NI BSAGS PA DANG, BSRUNG BA LA SOGS PA'I SDUG BSNGAL MONG BO'I DBEN DU GYUR PA'I PHYIR, YUL GYI BDE BA TZAM ZHES BYA'O, ,'JIG RTEN RNAMS NI BAG MED DBANG DU GYUR, ,CES BYA BA NI RANG GI BDE BA YANG MI SGRUB PAS SO, ,BSAM GTAN BDE PAS KYANG ZHES BYA BAS KYANG BSAM GTAN GYI BDE BA KHYAD PAR DU 'PHAGS PA DES KYANG NGO, ,DE'I KHYAD PAR DU 'PHAGS PA DES NI CIG SHOS RNAM PAR BCAD PA YIN TE, BSAGS PA LA SOGS PA'I NYES PA DANG BRAL BA'I PHYIR DANG, MTHAR YANG BDE 'GROR 'GRO BA'I RGYUR GYUR PA'I PHYIR RO, ,GANG NA GNOD SEMS MANG BA'I KHAMS DANG, RNAM PAR 'TSE BA MANG BA'I KHAMS DANG, 'DOD PA MANG PA'I KHAMS DE NI, GNOD SEMS DANG, 'TSE BA MANG BA 'DOD PA'I KHAMS TE, DE LA BLTAS NA'O, ,BSHES GNYEN NGAN PA LA BRTEN PA'I SKYON GYIS ZHES BYA BAS NI, GZHAN GYI SGRA'I DRING LA 'JOG PAR BSTAN TO; ,YANG DAG PA MA YIN PA YID LA BYED PA LA 'DRIS PAS ZHES BYA BAS NI SKYON TSUL BZHIN MA YIN PA YID LA BYED PA NYID STON TO, ,LOG PAR LTA BA STUG PO'I ZHES BYA BA NI LOG PAR LTA BA YONGS SU MA BRTAGS PA'I PHYIR, GNYI GA'I RKYEN CAN NYID DU BSTAN TO, ,DGE BA DANG MI DGE BA'I LAS KYI RNAM PAR SMIN PA NI, 'JIG RTEN PHA ROL GYI BLA NA MED PA'I PHYIR, DGE BA DANG, MI DGE BA'I 'BRAS BU RNAM PAR SMIN PA GA LA YOD DE, 'JIG RTEN PHA ROL YANG MED PA'I PHYIR RO, ,CHOS LA SPYOD PA'I SPRO BA MED PA GANG YIN PA DE NI DE'O, ,'DI NI LHA KHANG DANG, GTZUG LAG KHANG DANG, KUN DGA' RA BA DANG; RDZING BU LA SOGS PA BYED PA'I SBRO BA MED PA'O, ,YANG NA SBYIN PA LA SOGS PA NYID CHOS YIN TE, DE DAG GIS BSAM PA LAS LDOG PA NYID DU STON TO, ,SBYIN PA DANG, TSUL KHRIMS LA SOGS PA'I LEGS PAR SPYAD PA GANG YIN PA DE NI, SBYIN PA DANG, TSUL KHRIMS LA SOGS PA'I @315A *, ,LEGS PAR SPYAD PA STE, DE SGRUB PA LA RGYAB KYIS PHYOGS PA'O, ,'DIS NI SPYIN PA LA SOGS PAR SBYOR BA'I BYED PA DANG BRAL BA NYID DU BSTAN TO, ,CI'I PHYIR DE DE LTAR GNAS SHE NA, DE'I RGYU BSTAN PA'I PHYIR, DGE DANG MI DGE'I LAS LAS ZHES BYA BA'I TSIGS BCAD SMOS SO; ,DGE BA'I LAS LAS NI BDE BA BCU 'BYUNG NGO, ,MI DGE BA'I LAS LAS NI SDUG BSNGAL 'BYUNG BA YIN NO, ,PHA ROL ZHES BYA BA 'DIS NI 'JIG RTEN PHA ROL NYID DU BSTAN TO, ,SDIG PA SPANGS TE ZHES BYA BA SDIG PAS NI SDUG BSNGAL 'BYUNG BA'I PHYIR TE, SDUG BSNGAL 'BYUNG BA NI MI 'DOD PA NYID KYI PHYIR RO, ,DGE BA'I GNAS LA RAB TU 'BAD PA NI BDE BA 'BYUNG BA'I PHYIR TE, BDE BA NI 'DOD PA NYID 'BYUNG BA'I PHYIR RO, ,DAD PA MED PA DAG NI ZHES BYA BA NI DGE BA LA SOGS PA LA'O, ,NGAN SONG DU LTUNG BAR 'GYUR BA NI BDAG NYID DO, ,BDAG NYID GCIG PUR MA ZAD DE, DE BZHIN DU 'DI LTAR 'JIG RTEN RNAMS DON MED PAR BYED PA STE, SBYIN PA DANG, TSUL KHRIMS LA SOGS PA LAS BZLOG PA'I PHYIR RO, ,BZANG PO ZHES BYA BA NI YID DU 'ONG BA'O, ,RAB TU DBEN PA ZHES SMOS PAS NI BAG YANGS SU DE STON PA'I PHYIR RO, ,GZHAL MED KHANG ZHES SMOS PAS NI BDAG NYID PHYOGS DE NA 'DUG PA'O, ,GZHAL MED KHANG LA YANG THOGS PA MED PAR 'GRO BAS, RDZU 'PHRUL DANG LDAN PA NYID DU BSTAN PA'I PHYIR, KHYOD KYI ZHABS DANG PHYAG MDZES ZHES BYA BA LA SOGS PA'I TSIGS BCAD SMOS TE, 'DI'I BSDUS PA'I DON NI RDZU 'PHRUL GYI MTHUS, BDAG NYID KYI GZUGS KYANG THUN MONG MA YIN PA NYID DU STON TO, ,'DOD CHAGS DANG, ZHE SDANG GNYIS SMOS PAS NI, 'DOD CHAGS DANG, ZHE SDANG GNYIS PO 'DOD PA NA SPYOD PA'I BSGOM PAS SPANG BAR BYA BA GNYIS GZUNG STE, TSANGS PA'I 'JIG RTEN DU SKYE BAS SO, ,KHAD BZANGS RTZIG PA DAG LA 'ANG THOGS PA MED, ,CES BYA BA NI, RDZU 'PHRUL GYIS THOGS PA DANG BCAS PA LA YANG THOGS PA MED PAR 'GRO BA'O, ,SA LA 'GRO BA BZHIN DU MKHA' LA 'CHAG ,CES BYA BA NI SA'I 'OG DANG, NAM MKHA' LA 'PHUR BA STE, 'DI GNYIS KYIS NI 'GRO BA'I RDZU 'PHRUL BSTAN TO, ,GLOG GI 'OD BZHIN GZI BRJID PHUN SUM TSOGS,, @315B ZHES BYA BA 'DIS NI, RDZU 'PHRUL GYI CHO 'PHRUL GYI SPRUL PA'O, ,BSAM GTAN ZHES BYA BA NI LHAG PA'I SEMS SO, ,TSUL KHRIMS NI SDOM PA'I TSUL KHRIMS SO, ,DBANG PO RNAMS NI RAB TU BSDAMS, ,ZHES BYA BA NI, DBANG PO'I SGO BSDAMS PA'O, ,GOMS PAR BYAS PA NI BSGOMS PA'O,, 'BRAS BU GRUB PA 'DI 'DRA'O, ,ZHES BYA BA NI GRUB PA PHUN SUM TSOGS PA'O, ,'DI JI LTAR ZHES BYA BA NI 'JIG RTEN PHA ROL YOD PA NYID DU'O, ,'DI NI RAB TU GSAL TE ZHES BYA BA NI 'JIG RTEN PHA ROL YOD PA NYID DO, ,MNGON SUM LA SOGS PA'I TSAD MA GANG YIN PA DANG, GANG GI MNGON SUM LA SOGS PA'I TSAD MA'O, ,DE NYID RIGS PA YIN PAS MNGON SUM LA SOGS PA RIGS PA'I TSAD MA'O, ,DES GZUNG DU 'OS PA'I PHYIR MNGON SUM LA SOGS PA RIGS PA'I TSAD MAS GZUNG DU RUNG BA STE, 'JIG RTEN PHA ROL LO, ,'JIG RTEN PHA ROL YANG RNAM PA GNYIS TE, MI'I 'JIG RTEN 'DI LAS GZHAN PA'I 'JIG RTEN PHA ROL LO, ,DE RAB TU GRUB PA NI MNGON SUM LA SOGS PA'I RIGS PA'I TSAD MA DAG GIS SO, ,SKYE BA 'DI LAS GZHAN PA'I SKYE BA DE YANG 'JIG RTEN PHA ROL ZHES BRJOD DO, ,DE YOD PAR NI LUNG GI TSIG GIS BSTAN PA DANG, BRTAG PA'I RIM PA STE, BRTAG PA'I RIM PA NI, RIGS PAS YID CHES PAR BYA'O ZHES BYA BA'I DON TO, ,DE LAS MI'I 'JIG RTEN LAS GZHAN PA'I 'JIG RTEN YOD PAR BSTAN PA'I PHYIR TE, NYI ZLA SKAR MAS BRGYAN PA'I NAM MKHA' DANG, ,ZHES BYA BA'I TSIGS BCAD SMOS SO, ,NYI ZLA SKAR MAS BRGYAN PA'I NAM MKHA' DANG, ,ZHES BYA BA 'DIS NI MI'I 'JIG RTEN 'DI LAS GZHAN PA'I 'JIG RTEN NYID MNGON SUM GYI RIGS PA'I TSAD MAS GZUNG DU RUNG BA NYID DU BSTAN TO, ,DUD 'GRO BRTAG PA NI, DUD 'GRO BRTAG PA STE, GLANG PO CHE DANG, RTA DANG BONG BU RNGA MO DANG, ,BYA LA SOGS PA'I MTSAN NYID DO, ,RNAM PA MANG PO ZHES BYA BA NI, RIGS GCIG LA RNAM PA MANG PO MTHA' YAS SO, ,'DI LTAR 'BU SRIN LA SOGS PA GZHAN DAG KYANG, DE BZHIN NYID DU SBYAR TE, 'DIS NI MI'I 'JIG RTEN LAS GZHAN DU DUD 'GRO MNGON SUM GYIS YOD PA NYID DU STON TO, ,MNGON SUM DU GSAL BAR SNANG BA NI MNGON SUM BZHIN DU'O, ,'DI LA ZHES @316A *, ,BYA BA NI 'JIG RTEN PHA ROL LO, ,STZOGS PA SMOS PAS GZUNG BA'I LUNG DANG, RJES SU DPAG PA NI 'DIR MI GZUNG NGO, ,'DIR DA LTAR BYUNG BA SKYE BA LA, 'DAS PA'I SKYE BA YOD PA NYID DU RIGS PAS BSTAN PA NYID DO, ,MI'I SKYE BA YOD PAR SGRUB PA YIN NO, ,LUNG GI TSIG NI PHYOGS GNYI GA LA YANG GRUB PA'I PHYIR, LUNG GI TSIG GNYI GAR YANG NGO, ,BSAM GTAN GOMS BYAS ZHES BYA BA LA SOGS PA'I TSIGS BCAD DRUG SMOS TE, SKYE BA 'DI LAS 'DAS PA'I SKYE BA RJES SU DPAG PAS YOD PA NYID DU SGRUB PA'I PHYIR, BSAM GTAN GOMS BYAS ZHES BYA BA'I TSIGS BCAD 'DI SMOS TE, DA LTAR BYUNG BA'I SKYE BA LAS 'DAS PA'I SKYE BA DMIGS TE DRAN PAR SNANG BA'I PHYIR RO, ,'JIG RTEN PHA ROL YOD DO ZHES BYA BA LA, 'JIG RTEN PHA ROL YOD PA NYID DU SGRUB PA'I PHYIR, 'JIG RTEN PHA ROL YOD PA NI 'DAS PA'I SKYE BA YOD DO ZHES BYA BA'I DON TO, ,BSAM GTAN LA GOMS PA DANG, DRAN PA GSAL BA NYID KYIS NI SKYE BAR SNANG BA'I PHYIR RO, ,NGA BDAG LAS KYANG MNGON PAR MI 'GYUR RAM, ,ZHES BYA BA NI, BDAG NYID DPE NYID DU BYA'O ZHES BYA BA'I DON TO, ,BSAM GTAN GOMS BYAS ZHES BYA BA NI BSAM GTAN LA BRTEN NAS, SNGON GYI GNAS RJES SU DRAN PA'I SHES PA'I MNGON PAR SHES PA STON TO, ,DRAN PA GSAL BA ZHES BYA BA NI BSAM GTAN THOB NA, TSE RABS DRAN PA'I RGYU NYID DU STON TO, ,DE LAS ZHES BYA BA NI TSE RABS DRAN PAR SNANG BA DANG, TSE RABS DRAN PA'I PHYIR RO, ,LHAG MA THAMS CAD KYANG 'JIG RTEN PHA ROL YOD PA NYID DU BSTAN PA'I PHYIR TSIGS BCAD LNGA SMOS SO, ,BLO GZHAN SONG BA LAS BLO GZHAN SKYE BA YIN TE, DE BAS NA 'JIG RTEN PHA ROL YOD DO ZHES SGRUB PA'I PHYIR, SNGA MA'I BLO LAS PHYI MA'I BLO 'GRUB NA, ,ZHES BYA BA'I TSIGS BCAD SMOS TE, MNGAL NA 'DUG PA'I SNGON ROL BLO, ,ZHES BYA BA NI BLO SNGON DU BYAS PA LAS THAMS CAD 'GYUR TE, BLO SNGON DU 'GRO BAR SNANG BAS, DPER NA DA LTAR BYUNG BA'I MNGAL GYI SNGA ROL DU BLO 'BYUNG BA NI SNGA MA'I BLO YIN TE, DE NI 'JIG RTEN PHA ROL LO, ,DE BAS NA 'JIG RTEN PHA ROL YOD PA NYID DO, ,DANG PO'I BLO NI YUL YOD PAR GYUR PA'I PHYIR, 'JIG RTEN PHA ROL YOD PA YIN NO @316B ZHES SGRUB PA'I PHYIR, SHES BYA RTOGS PAR BYED PA BLO YIN ZER, ,ZHES BYA BA'I TSIGS BCAD SMOS SO, ,DANG PO'I SKYE BA'I BLO NI YUL YOD PA NYID DO, ,YUL MED PAR NI BDAG NYID KYIS RTOGS PAR MI SNANG BA'I PHYIR TE, DA LTAR BYUNG BA'I BLO LTA BUR RO, ,DANG PO'I BLO'I YUL DU GYUR PA DE NI 'JIG RTEN PHA ROL TE, DE BAS NA 'JIG RTEN PHA ROL YOD DO, ,DANG PO'I BLO NI 'DAS PA'I YUL GYI YIN TE, CI'I PHYIR ZHE NA, MIG LA SOGS PA'I DBANG PO LNGA DAG MED CING YID KYI RNAM PAR SHES PA YANG MIG LA SOGS PA'I DBANG PO GANG LA BRTEN NAS SKYE BA YANG MED PA'I PHYIR RO, ,KHA CIG 'DI SKAD BRJOD DE, JI LTAR SHING LA SOGS PA SEMS CAN MA YIN PA STON PA RNAMS RANG GI SA BON GYI BYE BRAG GIS SNA TSOGS PA'I NGO BO YANG YOD DE, DE DAG LA 'JIG RTEN PHA ROL MED PA DE BZHIN DU SEMS CAN DU BSTAN PA'I DNGOS PO RNAMS KYANG PHA MA'I KHU KHRAG GI SA BON GYI BYE BRAG GIS DE DE DANG MTHUN PAR SNA TSOGS PA'I NGO BO NYID YOD DE, 'JIG RTEN PHA ROL NA NI MED DO ZHES DE LTAR SMRAS PA DE'I DBANG DU BYAS NAS, SKYE DGU'I TSUL KHRIMS LA SOGS ZHES BYA BA'I TSIGS BCAD SMOS SO, ,PHA MA GNYIS KYI YIN PAS PHA MA GNYIS KYI'O, ,DE'I RANG BZHIN DAG DANG MI MTHUN PA NI 'DAS PA'AM THA DAD PA'O, ,TSUL KHRIMS LA SOGS ZHES BYA BA LA SOGS PA SMOS PAS NI GZUGS BZANG BA DANG, GZUGS NGAN PA DANG, PHYUG BO DANG, DBUL PO LA SOGS PA'I MTSAN NYID KYI DBYE BA'O, ,GLO BUR DU GYUR PA MED DE ZHES BYA BAS NI, RGYU MED PA'I SMRA BA'I RGYU MED PA'I DBYE BA'I SBYOR BAS SO,, YANG NA RGYU MED PA'I GANG YANG 'BYUNG BA MED PA'I PHYIR RO, ,GAL TE DE LTA YIN NA NI PHA MA LA SOGS PA'I SA BON GYI BYE BRAG LAS SEMS CAN RNAMS KYI KHYAD PAR DE LTAR 'JUG PA MED DAM ZHE NA, MED DE CI'I PHYIR ZHE NA, TSUL KHRIMS LA SOGS PA'I BYE BRAG PHA MA'I RANG BZHIN DAG DANG MI MTHUN PAR SNANG BA'I PHYIR RO, ,'JIG RTEN RGYANG PHAN PA LA SOGS PA KHA CIG 'DI SKAD DU GLO BUR DU SGRUB PA YIN NO ZHES SMRAS TE, GLO BUR 'BYUNG BA NI ZHES MI SNANG BA'I PHYIR, 'JIG RTEN PHA ROL NI YOD DE, THAMS CAD KYANG RGYU DANG BCAS PAS SNANG BA'I PHYIR RO, ,'DI LTAR BUM PA LA SOGS PA LA GLO BUR GYI DBYE @317A *, ,BA MA MTHONG BA'I PHYIR, JI LTAR NAM MKHA' LTA BU'O, ,'ON KYANG LHAG MA NI SKYE BA GZHAN LA GOMS PA'I KHYAD PAR YIN TE, DE BAS NA 'JIG RTEN PHA ROL YOD DO, ,SKYES MA THAG TU SEMS CAN GYI SKYE BA'I RGYU SRED PAS BYAS PA'I BYA BA LA 'JUG PAR SNANG BA LAS BRTZAMS TE, BLO'I MTHU STOBS ZHES BYA BA'I TSIGS BCAD SMOS SO, ,BLO'I MTHU STOBS ZHES BYA BA NI, YID KYI RNAM PAR SHES PA'I DBANG DU BYAS PA'O, ,BLUN PA'I DBANG PO RNAMS KYANG ZHES BYA BA NI DBANG PO LNGA'I RNAM PAR SHES PA'O, ,MA BSTAN PAR ZHES BYA BA NI GZHAN GYIS BSTAN PA MED PAR RO, ,BTZAS MA THAG TU ZHES BYA BA NI SKYES MA THAG TU'O, ,BLO'I MTHU STOBS GSAL BA MED CES BYA BA DE BSGRUB PA'I PHYIR, KHA ZAS ZA BAR RTZOL BAR ZHES BYA BA'I TSIGS BCAD YIN TE, DANG PO'I CHOS BSGRUB PAR BYA'O, ,SRID PA GZHAN LA KHA ZAS ZA BAR RTZOL BAR BYAS PA YIN TE, CI'I PHYIR ZHE NA, GZHAN GYIS BSTAN PA MED PAR SKYES MA THAG TU NU ZHO 'THUNG BAR RTZOL BAR SNANG BA'I PHYIR TE, GOMS PA'I CHOS RNAMS LA 'BAD PA MED PAR 'JUG PA BZHIN NO, ,GAL TE RTZOL BA MED PAR BYA BA LA 'JUG PA MED DE, SRID PA GZHAN LA GOMS PA'I BYA BA MED PAR MI 'BYUNG BA YIN NO ZHE NA NI PADMA RNAMS KYANG KHA BYE BA DANG; ZUMS PA DAG SRID PA GZHAN LA GOMS PA'I RGYU DANG BCAS PAR KHYED KYI GZHUNG LA GRUB PAR 'GYUR RO, ,'ON TE DE LTAR MI 'DOD NA NI ZHES BYA BA NI DE DAG DE LTA MA YIN PA LTA NA NI SRID PA GZHAN LA GOMS PAR BYAS PA'I RTAGS KYIS SKYES MA THAG TU YANG NU ZHO 'THUNG BA RTZOL BA MI 'GRUB PA'O, ,LAN DU DUS NGES PA DANG, MA NGES PA LAS 'GYUR BAR SNANG STE, NUB MO KHA 'BYE BA MA YIN TE, NUB MO KHA ZUMS SHING NYIN PAR NI SBA BA YIN TE, DE BAS NA PADMA KHA BYE BA DANG, ZUMS PA NI DUS NGES PAR SNANG LA, DE LTAR BYIS PA'I RTZOL BA NI MI SNANG NGO, ,PADMA LA NI NYI MA'I 'OD ZER 'BAB PA'I RGYUS PADMA KHA 'BYE BA YIN GYI, BYIS PA NU ZHO 'THUNG BA'I RTZOL BA NI, RANG GIS BYAS PAR SNANG BA YIN TE, DE BAS NA MI 'DRA BA NYID DO, ,LOG PAR LTA BA LA BLO ZHEN CING ZHES BYA BA 'DIS NI, BSAM PA NYAMS PA NYID DU STON TO, ,SDIG CHE BAS ZHES BYA BA NI SBYOR BA NYAMS PA NYID DU STON TO, ,SPYI BRTOL CHE BA @317B LA GOMS SHING 'DZEM DOGS MED LA ZHES BYA BA NI SBYOR BA NYAMS PA DE NYID STON PA YIN NO, ,LOG PAR LTA BA'I DUG GI SGREGS PA DANG 'DRA BAR, ,ZHES BYA BA NI BSAM PA NYAMS PA'I RGYU NYID DO ZHES BSTAN PA DE NYID DO, ,BZHI PO 'DI DAG DANG LDAN PA'I BSAM PA NYAMS PA LA NI SBYIN PA'I DNGOS PO MA TSANG BA NYID DE, BDAG NYID NGAN PA ZHES BYA BA 'DIS NI BSAM PA NYAMS BA NYID DU STON TO, ,GANG GI PHYIR BSAM PA NYAMS NA NI, SBYIN PA'I DNGOS PO YOD KYANG BU LON SBYIN PAR MI BYED PA'O, ,RGYU GSUM GYIS KYANG SBYIN PA SBYIN PAR MI BYED DE, SKYES SHING SKYES SHING NOR ZA BA DANG, NOR BSKYED PA LA MKHAS PA DANG, MKHAS PA YIN YANG LE LO DANG LDAN PA'O, ,DE NYID ZAD PA'I MTHA' ZHES BYA BA NI PHYIS MI 'THOB CES BYA BA'I DON TO, ,NGO TSA SHES PA ZHES BYA BA NI KHREL YOD PA STE, 'JIG RTEN GYI KHA NA MA THO BAS 'JIGS PAS BU LON 'JAL BAR BYED PA'O, ,RIGS BTZUN ZHING YON TAN DANG LDAN PA GANG YIN PA DE NI RIGS BTZUN ZHING YON TAN DANG LDAN PA'O, ,RIGS BTZUN ZHES SMOS PAS NI BRKAM PA'I NYES PA MED PAR STON TE, CHE BA NYID DANG MTHUN PAR SPYOD PA'I PHYIR RO, ,YON TAN DANG LDAN PA ZHES BYA BA NI LE LO'I GNYEN PO STE, LE LO MED PA'O, ,MKHAS PA LA NI MI MKHAS PA'I GNYEN PO'O, ,DBEN YANG ZHES BYA BA NI MNGON SUM MA YIN PAR YANG DE LA 'JAL BAR BYED DE, DE LA DBUL BA YIN PAS 'JAL BA STE, GANG GI NOR GANG YIN PA DE'I NOR 'JAL BA DE NI DBUL PO'O, ,LTA BA NGAN PA SPYOD PA ZHES BYA BA 'DIS NI BSAM PA DANG, SBYOR BA RGUD PA NYID DU STON TE, 'DIS NI RANG BZHIN NGAN PA ZHES BYA BA DE BSTAN TO, ,MI BZAD PA'I BDAG GI LAS ZHES BYA BA NI MI DGE BA'I LAS KYI LAM MO, ,SEMS NYAMS ZHES BYA BA NI YID SDUG BSNGAL GYIS NYEN PA'O, ,NAD KYIS GDUNGS PA ZHES BYA BA NI LUS KYI SDUG BSNGAL KYIS GDUNGS PA'O, ,DE LA NYI ZLA'I 'OD ZER ZHES BYA BA DANG; MED PAR LTA BA TSE RABS PHYI MA LA, ,ZHES BYA BA'I TSIGS BCAD GNYIS NI GRANG BA'I DA MYAL BA'I DBANG DU BYAS PA'O, ,MUN NAG CES BYA BA NI MUN NAG 'KHRIGS PA NYID KYIS G-YOGS PAS SO, ,DE NGES PAR GZUNG BA'I PHYIR MUN NAG THIBS PO DU BA DGU BA'I ZHES BYA BA'I TSIGS BCAD @318A *, ,SMOS SO, ,YANG SOS ZHES BYA BA TSA BA'I DMYAL BA'I DBANG DU BYAS PA'O, ,ME MUR 'BAR BA DMYAL BA'I NANG NA GZHAN DAG NI, ,ZHES BYA BA'I TSIGS BCAD SMOS TE, ME MAR MUR ZHES BYA BA NI NYE 'KHOR BA YIN TE, SNGAR GTZO BO'I DMYAL BA BSHAD NAS, PHYIS PHYI ROL GYI NYE 'KHOR GYI DMYAL BA BSTAN PA'O, ,NYE 'KHOR BA DE YANG RNAM PA BZHI STE, ,ME MAR MUR DANG, RO MYAGS KYI 'DAM DANG, SPU GRI'I LAM DANG, CHU BO RAB MED DE BZHI PO DE LAS NYE 'KHOR BA'I DMYAL BA ME MAR MUR ZHES BYA BA YIN NO, ,DE LAS THAR PAR 'DOD PA NI DE 'DOD PA'O, ,DES NA THIG NAG CES BYA BA'I DMYAL BA DE'I DBANG DU BYAS NAS, LA LA GSHIN RJE'I GSHED MA MA RUNGS PAS, ,ZHES BYA BA LA SOGS PA'I TSIGS BCAD GSUM SMOS SO, ,'BAR BA'I ME 'DRA BA'I GLANG DANG, LCAGS DE GNYIS KYIS DBANG MED PAR BYAS PA NI, GLANG LCAGS ME LTAR 'BAR BAS DBANG MED BYAS PA'O, ,BSDUS 'JOMS RI YIS ZHES BYA BA'I TSIGS BCAD 'DIS NI DMYAL BA BSDUS 'JOMS ZHES BYA BA'I DBANG DU BYAS PA STE, BSDUS 'JOMS ZHES BYA BA RI GNYIS PHRAD PA NI BSDUS 'JOMS RI'O, ,DER LUS GZIR BA GANG YIN PA DE NI BSDUS 'JOMS RI YIS KHA CIG LUS KYANG GZIR PA'O; ,DE YIS BRDZIS PA STE, BSDUS 'JOMS RI BOS BRDZIS PA'O, ,DES LUS PHYE MAR BYAS PA GANG YIN PA DE NI DE YIS BRDZIS PAS PHYE MAR LUS GYUR PA'O, ,LCAGS GTUN RAB TU 'BAR BA'I NANG DAG TU, ,ZHES BYA BA'I TSIGS BCAD GNYIS NI SEMS CAN DMYAL BA DU 'BOD DAG GI DBANG DU BYAS PA'O, ,RNO BA YANG YIN LA LCAGS KYANG YIN PAS LCAGS RNO BA'O, ,LCAGS RNO ZHING 'BAR BA'I TSER MA NI LCAGS KYI TSER MA RNO ZHING 'BAR BA'O, ,DE RTZUB PA NI LCAGS KYI TSER MA RNO ZHING RTZUB PA'O, ,LA LA ME MDAG PHUNG PO ZHES BYA BA'I TSIGS BCAD 'DI NI SEMS CAN DMYAL BA TSA BA ZHES BYA BA'I DBANG DU BYAS PA'O, ,'GRE LDOG PA'I DU 'BOD NI 'GRO LDOG DU 'BOD DO, ,'GRE LDOG DU 'BOD NYID TZAM NI 'GRE LDOG DU 'BOD TZAM MO, ,DE NYID KYI MTHU LA BRTEN PA GANG YIN PA DE NI 'GRE LDOG DU 'BOD TZAM GYI MTHU LA BRTEN PA'O, ,KHA CIG SA GZHI RAB TU 'BAR BA LA, , @318B ZHES BYA BA DANG, LCAGS KYI LEB MA DAG GIS KHA CIG DKRIS, ,ZHES BYA BA'I TSIGS BCAD GNYIS NI, RAB TU TSA BA'I DBANG DU BYAS PA'O, ,BRGYANGS SHING BRKYANG BA'I LCE GANG YIN PA DE NI LCE YANG RAB TU BRGYANGS PA'O, ,GCAN GZAN KHRO BO ZHES BYA BA NI GCAN GZAN GDUG PA DAG GI TSOGS SO; ,KHA CIG ME 'BAR TSA BAS GDUNGS GYUR NAS, ,ZHES BYA BA'I TSIGS BCAD 'DIS NI, NYE 'KHOR BA CHU BO RAB MED CES BYA BA'I DBANG DU BYAS PA'O, ,MI GTZANG RO MYAGS KHUNG LA MTSO SNYAM STE, ,ZHES BYA BA'I TSIGS BCAD 'DIS NI, NYE 'KHOR PA RO MYAGS ZHES BYA BA'I DBANG DU BYAS PA'O; ,KHA CIG ME YI NANG NA LUS 'BAR ZHING, ,ZHES BYA BA LA SOGS PA'I TSIGS BCAD GSUM NI SEMS CAN DMYAL BA MNAR MED PA ZHES BYA BA'I DBANG DU BYAS PA'O, ,LCAGS KYI RNAM PAR GYUR TE, KUN DU 'BAR ZHING TSA BAR GYUR PA DE NI ME 'BAR LCAGS BSREGS SO, ,DE DANG MNYAM PA NI ME 'BAR NANG NA LCAGS BSREGS 'DRAR GYUR PA'O, ,RANG GI LAS KYIS BZUNG ZHES BYA BA NI MI DGE BA'I LAS KYIS BZUNG PA'O, ,SGRA 'BYIN ZHES BYA BA NI SGRA SNA TSOGS 'BYIN PA'O, ,BU LON DE DA DU MI RUNG BA NYID KYI DBANG DU BYAS NAS DMYAL BA MI BZAD CES BYA BA LA SOGS PA'I TSIGS BCAD LNGA SMOS SO, ,DE LA LCAGS KYI RDZA CHEN ZHES BYA BA'I TSIGS BCAD 'DIS NI RDZA MA CHEN POR CHUD PA'I PHYIR RANG DBANG MED PA NYID DU BSTAN TE, DE JI LTAR KHYOD LA BU LON DED DU 'GRO BA'O, ,SA GZHIR ME 'BAR DU BA MED PA ZHES BYA BA'I TSIGS BCAD 'DI NI LCAGS KYI PHUR BA ME 'BAR BA LNGA BRGYAS LUS BRGYANGS PA DES RANG DBANG MED PA NYID DU STON TO, ,DER JI LTAR BU LON DED DU 'GRO ZHES PA'O, ,RAB TU MNAR BA NI YONGS SU GDUNGS PA'O, ,SDUG BSNGAL CHEN PO MYONG PA NI SDUG BSNGAL GYI TSOR BA NYAMS SU MYONG BA STE, 'DIR KHYOD RANG DBANG MED PA'O, ,GRANG BA'I DMYAL BA LAS BRTZAMS TE, BU YUG RLUNG GIS ZHES BYA BA'I TSIGS BCAD SMOS TE, RUS PA DUM BU BRGYAR ZHIGS PA DES PHONGS SHING SGRA 'BYIN PA GA LA YOD PA DE NI RUS PA BRGYAR ZHIGS PHONGS PA'I SGRA 'BYIN PA'O, ,GSHIN RJE'I GSHED POS BSAD PAR GYUR PA ZHES BYA BA'I TSIGS BCAD @319A *, ,'DI NI DMYAL BA THAMS CAD KYI SDUG BSNGAL BSDU NA RNAM PA BDUN DU 'GYUR TE, DE BSTAN PA'I PHYIR GSHIN RJE'I GSHED PA POS GSAD PAR GYUR PA ZHES BYA BA'I TSIGS BCAD YIN TE, JI LTAR BSAD PA ZHE NA, DE BSAD PA'I RNAM PA BSTAN PA'I PHYIR, GSAD DANG BCAD DANG GSHAGS DANG BRDEG PA DANG, ,ZHES BYA BA'I TSIGS BCAD SMOS SO, ,BSAD PA NI RDO LA SOGS PAS SO, ,BCAD PA NI RAL GRI LA SOGS PAS SO, ,GSHAGS PA NI SOG LE LA SOGS PAS SO, ,BSREGS PA NI ME 'AM, RDZA MA CHEN PO'I NANG DU BCUG STE, BTZO BA LA SOGS PAS SO; ,GZHOG PA NI STE'U LA SOGS PAS SO, ,BRDUNG BA NI BAN GLANG LA SOGS PA DANG, BSDUS 'JOMS KYI RI BO LA SOGS PAS SO, ,GZHIG PA NI MDUNG THUNG LA SOGS PAS SO, ,GNOD PA MANG POS SDUG BSNGAL BA STE, DE LTAR BSHAD PA DAG LAS MA GROL BA YIN NA, JI LTAR NGAL BU LON GZHAL BA'O, ,DE DAG BDAG GIS ZHES BYA BAS NI BSAD PA LA SOGS PAS SO, ,DGE BA DAG GI GNAS NI DGE BA'I GNAS SO, ,YANG NA DGE BA'I GNAS GANG YIN PA DE NI DGE BA'I GNAS SO, ,GNOD PA MANG POS YID MI DGA' BAR 'GYUR TE ZHES BYA BA NI DMYAL BA'I GTAM THOS PAS SO, ,LTA BA DRANG POR GYUR NAS ZHES BYA BA NI DE SMAD PAR BYA BA'I LOG PA'I LTA BA YONGS SU BTANG BAS SO, ,CHOS SGRUB PA'I SNOD CES BYA BA NI MYA NGAN LAS 'DAS PA'I LAM SGRUB PA'I SNOD DO, ,YANG NA CHOS NI BSOD NAMS KYI CHOGS TE, DE SGRUB PA'I SNOD DO, ,SNGON GYI RGYAL PO YON TAN DGA' BA RNAMS, ,ZHES BYA BA PHYED DANG PO 'DIS NI YON TAN GYI ZHING SGRUB PA NYID BSTAN TO, ,'BANGS LA NGANG TSUL SNYING RJE LDAN BRTAN PA, ,ZHES BYA BA 'DIS NI SNYING RJE'I ZHING SGRUB PA NYID BSTAN TO, ,GRAGS LDAN ZHES BYA BAS NI MTHONG BA'I CHOS KYI PHAN YON YIN NO, ,MTHO RIS 'GRO ZHES BYA BA 'DI NI, 'JIG RTEN PHA ROL GYI YON TAN NO, ,DE BAS NA CHOS MIN THUB DKA' THUB BYED CING ZHES BYA BA 'DIS NI TSUL KHRIMS KYI BSOD NAMS KYI TSOGS BSTAN TE, CHOS MA YIN PA'I MI MTHUN PA'I PHYOGS LAS CHOS KYIS RGYAL BAR BYED DO ZHES BYA BA'I TSIG GIS SO, ,SER SNA NI CHAGS @319B PA STE, DE MED PA NI SBYIN PA LAS BYUNG BA'I BSOD NAMS KYI TSOGS TE GNYEN PO YIN NO, ,DE RING DU SPANGS PA NI GNYEN PO YIN PA'I PHYIR, SBYIN PA LAS BYUNG BA'I BSOD NAMS KYI TSOGS NYID DU BSTAN TO, ,RIN CHEN MCHOG 'BAR ZHES BYA BA DES 'GRO BAS SO, ,YANG DAG PA'I LTA BA LA 'DRIS PA NI GOMS PA'O, ,GNAS PA NI BRTEN PA'O, ,BLO NI 'DOD PA'O, ,BYIS PA DAG CHAGS PAR BYED PAS NI BYIS PA DGA' BAR BYED PA STE, BYIS PA DGA' BAR BYED PA NGES SO, ,CHOS NYID NGES PA ZHES BYA BA NI CHOS LA NGES PA'O, ,YANG DAG PA'I LTA BA YANG YIN LA, DGE PA YANG YIN BAS YANG DAG LTA BA DGE BA'O, ,YANG DAG PA'I LTA BA DGE BA DES, DA NI ZHES BYA BA NI PHYIN CHAD DO, ,'GRO BAR SPRO BA NI 'GRO BAR 'DOD PA'O, ,YON TAN DAG LA RTZUB PA NI, YON TAN DAG LA MI DGA' BA STE, MI DGA' BA NI SKYO BA'O, ,LAM DU GYUR PA'I GO 'PHANG DES, LAM DU BYAS PA YIN PAS LAM DU GYUR PA'O, ,GO 'PHANG NI LAM DU GYUR PA'I RAB TU GNAS PA'O, ,YON TAN SGRUB PA DBYIG TU BYOS, ,ZHES BYA BA 'DIS NI, SBYIN PA'I PHA ROL TU PHYIN PA BSTAN TO, ,BDAG DANG GZHAN LA PHAN 'DOGS ZHES BYA BA 'DIS NI, BZOD PA'I PHA ROL TU PHYIN PA BSTAN TO, , TSUL KHRIMS BRTAN ZHING DBANG PO RAB TU SDOMS, ,ZHES BYA BA 'DIS NI TSUL KHRIMS KYI PHA ROL TU PHYIN PA BSTAN TO, ,RAB GSAL ZHES BYA BA NI NUS PA CHE BAS SO, ,YID DU'ONG BAS NI YID KYI NUS PA NYID DO, ,GRAGS PA NI SNYAN PA'I PHAN PA DANG LDAN PA'I 'GRO BA'I SDUG BSNGAL BSAL BA'O, ,DE YANG SHING RTA YOD PA DE NI SHING RTA DAG GO, ,BKUR STI NYID SBYIN PA'I SHING RTA GANG YIN PA DE NI BKUR STI SBYIN PA'I SHING RTA STE, TSUL BZHIN YID LA BYED PA'I SHING RTA DAG GO, ,YON TAN 'BYUNG BA ZHES BYA BA NI YON TAN SKYE BA YIN PAS YON TAN 'BYUNG BA STE, DE NI SHING RTA NYID DE RANG GI LUS SO, , MI RTZUB PA'I MIG DANG LDAN PA GANG YIN PA DE NI MI RTZUB MIG LDAN TE, MI RTZUB PA'I BYAMS PA'O, ,SBYIN PA DANG DUL BA NI SBYIN DUL LO, ,DE GNYIS KYI 'KHOR LO GANG LA YOD PA DE NI SBYIN DUL 'KHOR LO CAN NO, ,SBYIN PA DANG, TSUL KHRIMS DANG BSOD NAMS NYID 'DOD PA'I BSOD NAMS PA ZHES BYA @320A *, ,BA'I DON TO, ,DBANG PO DUL BA NI DBANG PO BSDAMS PA'O, ,DRAN PA NYID SRAB SKYOGS YIN PAS DRAN PA'I SRAB SKYOGS CAN NO, ,BLO GROS DANG LDAN PA NYID LCAG YIN PAS SHES RAB KYI SKUL MA'O, ,THOS PA RGYA CHE BA NYID KYI MTSON GANG LA YOD PA DE NI, THOS PA RGYA CHEN MTSON NO, ,NGO TSA NYID YO BYAD YIN PAS NGO TSA YO BYAD DO, ,BCINGS PA MDZES PA'I GROGS GANG YIN PA DE NI GROGS MDZES PAS BCINGS PA'O, ,BZOD PA NYID KYI GNYA' SHING GANG LA YOD PA DE NI BZOD PA'I GNYA' SHING NGO, ,'GRO BA BRTAN PA GANG YIN PA DE NI 'GRO BA BRTAN PA'O; ,TSIG NYID NGAN PA YIN PAS TSIG NGAN NO, ,DE BSDAMS PA NI TSIG NGAN BSDAMS PA'O, ,TSIG NGAN PA NI BRDZUN DU SMRA BA LA SOGS PA NGAG GI SKYON RNAM PA BZHI'O, ,YID 'ONG TSIG TZAM SMRA BAS ZAB PA'I SGRA, ,ZHES BYA BA NI TSIG NGAN PA'I MI MTHUN PA'I PHYOGS DGE BA'I LAS KYI LAM GZUNG NGO, ,BSDAMS PA MA ZHIG PAS NA MTSAMS MA BYE ZHES BYA BA 'DIS NI YANG DAG PA'I 'TSO BA BSTAN TO, ,SPYOD PA NGAN PA'I GYA GYU SPANGS PAS DRANG, ,ZHES BYA BA 'DIS NI YANG DAG PA'I LAS KYI MTHA' BSTAN TO, ,RGYAL MTSAN MTHO ZHES BYA BA NI NYON MONGS PA NYE BAR ZHI BA MTHO PA'O; ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS TSANGS PA'I SKYES PA'I RABS SO,, ,,GZHAN DAG LA PHAN PA YIN PA'I PHYIR GZHAN LA PHAN PA'O, ,DE NYID SHAS CHE BA'I SDUG BSNGAL GANG YIN PA DE NI GZHAN LA PHAN PAR BYED PA'I SDUG BSNGAL LO,, YUL LJONGS THAG RING DU GYUR PA ZHES BYA BA NI, GRONG GI SKYE BO DANG THAG BSRINGS PA'O, ,ZHI BA ZHES BYA BA NI TSUL KHRIMS YIN TE, LUS KYI LAS KYI MTSAN NYID DO, ,SPYUGS PA ZHES BYA BA NI YUL GYI SKYE BO DANG BRAL BAR BYAS PA'O, ,KHROS PA ZHES BYA BA NI NYES PA YOD PAS ZHES BYA BA'I DON TO, ,DE DAG GIS MI RIGS PA BYAS PA NI NYES PA YOD PAS RGYAL POS SPYUGS PA'O, ,GCOM CHUNG BA NI GZI BRJID CHUNG BA'O, ,NYAM THAG CING PHONGS PA'I SGRA 'BA' ZHIG GANG YIN PA DE NI NYAM THAG PHONGS PA'I SGRA 'BA' ZHIG GO, ,NAGS TSAL DE LOGS SU 'ONG BA NI NAGS TSAL DE LA MNGON DU @320B PHYOGS TE 'ONG BA'O, ,GANGS RI'I RTZE MO 'GRO SHES PA 'DRA BZHES BYA BAS NI MDOG DANG MTSAN NYID BSTAN TO, ,STON KA'I SPRIN NAM, NA BUN GYI TSOGS RLUNG GIS BSKYOD PA BZHIN ZHES BYA BA NI, 'GROS DANG, MDOG DANG, TSANG MTHUN PA BSTAN TO, ,MDOG CUNG ZAD DMAR ZHING SNUM PA GANG YIN PA DE NI, SNA MDOG CUNG ZAD DMAR ZHING SNUM PA'O, ,RDUL DANG NYI MA'I 'OD ZER NI, ,RDUL DANG NYI MA'I 'OD ZER RO, ,DES REG PA NI RDUL DANG NYI MA'I 'OD ZER GYIS REG PA STE DE BAS NA'O, ,KHA DOG MA RUD PA GANG YIN PA DE NI KHA DOG NYAMS PA'O, ,RID PA STE, CI'I PHYIR RID PA YIN ZHE NA; DE NYID SMRAS PA, MYA NGAN GDUNGS PHONGS ZHES BYA BA LA MYA NGAN NI SEMS KYI SDUG BSNGAL LO, ,GDUNGS PHONGS ZHES BYA BA NI LUS KYI SDUG BSNGAL TE, DE GNYIS KYIS RID PAR GYUR PA'O, ,MI'I SKAD DU SMRA ZHING ZHES BYA BA NI, AA LA SOGS PA'I YI GE'I KHYAD PAR GYIS SO, ,MI 'JIGS PA'I SBYIN PAR KHAS LEN PA ZHES BYA BA NI NGA LAS KHYED 'JIGS PA MI 'BYUNG GI MA 'JIGS SHIG MA 'JIGS SHIG CES BYA BA'I TSIG GO, ,DGA' BAR BYED PA ZHES BYA BA NI KHYED CAG SU ZHIG ,CI'I PHYIR 'DI LTAR GYUR CING 'DI NA 'KHOD, ,CES BYA BA LA SOGS PA GANG YIN PA DE NYID DE, TSIG 'DI GNYIS KYIS DON BSTAN PA'O, ,KHROS PA'I RLUNG YANGS ZHES BYA BA NI BDAG NYID LA SKYON MED PAR RGYAL POS SPYUGS PA NYID DU BSTAN TO, ,SKAL PA LHAG MA ZHES BYA BA 'DIS NI BDAG NYID 'TSO BA NYID DU RE BA'O, ,LHA DPAL MNGON DU ZHES BYA BA NI DE MTHONG BAS BDAG NYID DGA' BA NYID DU STON TO,, BSHES BAS KYANG LHAG PA MTHONG BA'I PHYIR, SKAL BA LHAG MA YOD PA'O, ,GNYEN BAS KYANG LHAG PA MTHONG BA'I PHYIR NI, LHA DPAL MNGON DU GYUR PA'O, ,PHONGS PA 'DI LAS ZHES BYA BA NI 'BROG DGON PA NA SDUG BSNGAL ZHING PHONGS PA'O, ,SNYING RJE MED CING ZHES BYA BA NI SNYING RJE DANG MI LDAN PA'O; ,'DZEM PA MED PA NI KHREL MED PA STE, 'JIG RTEN GYI BRJOD PA LA MI LTA BA'O, ,PHYI TSE MI SEMS SHING ZHES BYA BA 'DIS NI BDAG NYID LA LTOS PA NYID DU STON PA'O, ,NGAN SONG DU 'GRO BAR MI SEMS PA'I PHYIR, RANG LA PHAN PA LA MI LTA BA STE, 'DIS NI MNGON PAR MTHO BA DANG, NGES PAR @321A *, ,LEGS PA YOD PA'I MTSAN NYID DAG LA PHAN PA LA MI SEMS PA NYID DU STON TO, ,BDAG LA PHAN PA LA MI LTA ZHING, TSE PHYI MA LA MI SEMS PA'I RGYU'I DBANG DU BYAS NAS, SMRAS PA, RGYAL PO'I DPAL GLOG LTAR MI BRTAN PA DANG DBANG PO PHROGS PA'I PHYIR RO, ,YANG NA SNYING RJE MED CING ZHES BYA BA LA SOGS PA BZHI'I RGYU BSTAN PA YIN TE, RGYAL BA'I DPAL MI BRTAN PA DANG, DBANG PO PHROGS PA'I PHYIR RO, ,YANG NA RANG LA PHAN PA LA LTOS PA MED KYI RGYU NI RGYAL PO'I DPAL MI BRTAN PAS DBANG PO PHROGS PA'I PHYIR RO, ,GZHAN GSUM NI SNYING RJE MED CING MI 'DZEM PA DANG, TSE PHYI MA MI SEMS PA LA SOGS PA'O, ,'CHI BDAG DE'U RE 'ONG BAR DE MI SEMS ZHES BYA BA LA SOGS PA'I TSIGS BCAD GNYIS KYIS BSTAN TE, 'CHI BDAG DE'U RE 'ONG BAR DE MI SEMS ZHES BYA BA 'DI TSIGS BCAD KYI DANG PO PHYED KYIS NI, TSE PHYI MA LA MI SEMS PA'I RGYU GNYIS YIN TE, TSE PHYI MA MI SEMS PA'I BLO YOD PAR MI 'GYUR BA NI, 'CHI BA NYE BAR GNAS PA MTHONG BA'I PHYIR DANG, 'CHI BA YOD KYANG SDIG PA YOD PAR MI SHES PA'AM, MA THOS PA'O, ,'DZEM PA MED PA'I RGYU BSTAN PA NI TSIGS BCAD PHYED 'OG MA YIN TE, GNYI GA'I RGYUS KYANG 'DZEM PA MED PA STE, PHAN PAR STON PA'I DGE BA'I BSHES GNYEN MED PA'I PHYIR, RNAM RTOG ZHEN BAS GDAMS SU MED PA'AM, MGON MED PAR GYUR PAS SO, ,SNYING RJE MED PA'I RGYU BSTAN PA'I PHYIR, NAD KYI GZHIR GYUR CES BYA BA SMOS TE, LUS ZHES BYA BA 'DIS NI MI GTZANG BA NYID DU BSTAN TO, ,GCIG PU ZHES BYA BA 'DIS NI BDAG PO DANG BRAL BA'I PHYIR BDAG MED PA NYID DU BSTAN TO, ,NAD CES BYA BA NI SDUG BSNGAL NYID DU BSTAN TO, ,CHUD ZA BA'I ZHES BYA BA 'DIS NI MI RTAG PA NYID DU BSTAN TO, ,KYI HUD GTI MUG CES BYA BA 'DIS NI MA RIG PAS NYE BAR BCOM PA STE, ZIL GYIS MNAN PA NYID DU STON TE, SEMS CAN RNAMS NI PHYIN CI LOG RNAM PA BZHIS PHYIN CI LOG PA NYID DU BSTAN TO, ,NAD MANG BRGYA'I GNAS ZHES BYA BAS NI GANG GI SDUG BSNGAL DANG LDAN PA BSTAN TO, ,LUS 'DI SDUG BSNGAL NYAM THAG PA, ,ZHES BYA BA NI SDUG BSNGAL GYIS NYAM THAG PA GZHAN DAG GO, ,'DI RNAMS PHONGS LAS BSGRAL BA'I GZENGS GYUR PA,, @321B ZHES BYA BA NI SDUG BSNGAL LAS BSGRAL PA'I GZINGS TE, SDUG BSNGAL GYI LUS KYI RGYUS GZHAN SDUG BSNGAL LAS BSGRAL BAS 'BRAS BU DANG BCAS PA NYID DU BYA'O ZHES BYA STE, DES NA BYANG CHUB SEMS DPA'I LUS SDUG BSNGAL MANG PO'I GNAS YIN PA DE BZHIN DU 'DI DAG GI LUS KYANG YIN NO, ,CI'I PHYIR LUS 'DI BSGRAL BA'I GZINGS SU GYUR PA ZHES BYA BA'I RGOL BA'I SKABS SHES PAR BYAS NAS, RANG DANG GZHAN GYI LUS KYI KHYAD PAR BRDZUN PA'I PHYIR, MI YI LUS SU SKYES PA YIS, ,ZHES BYA BA'I TSIGS BCAD SMOS SO, ,MTHO RIS THAR PA'I BDE BA THOB PAR NUS PA ZHES BYA BA 'DIS NI MI'I LUS KYIS MNGON PAR MTHO BA DANG, NGES PAR LEGS PA THOB PAR NUS PA NYID DU STON TO, ,BDAG GI MTHONG BA'I CHOS KYI LUS KYIS NI MI NUS PA NYID DU STON TO, ,'DI LTAR GYUR PA LA PHAN 'DOGS PA YANG SHIN TU DKON ZHES BYA BA LA 'DI DAG CES BYA BA NI MI SKYE BA'O, ,'DI LTAR ZHES BYA BA NI DA LTAR BYUNG BA'I DGE BA DES MED PA NYID DU STON TO, ,BDAG NI RNYED PAR BLA BA STE, MI'I SKYE BA LA BSOD NAMS KYI TSOGS LA GOMS PAR BYAS PAS SKYE BA GZHAN GYI RGYU BSTAN PA'I PHYIR, BDAG GI SPYOD YUL GNAS SU LHAGS PAR GYUR, ,CES BYA BA'I TSIGS BCAD SMOS SO, ,'DI 'DRA'I MGRON KYANG BSOD NAMS BYAS PAS 'THOB, ,CES BYA'O, ,GAL TE BDAG GIS BOS TE, 'DIR 'ONGS PA MA YIN NA YANG BSOD NAMS BYAS PAS 'THOB CES BYA BA YIN TE, CI'I PHYIR ZHE NA, SPYOD YUL GNAS SU LHAG PAR GYUR PA'I PHYIR TE, RANG GIS DON DU GNYER BA NYID BSTAN TO, ,PHONGS SHING NYAM THAG GYUR ZHES BYA BA NI SDUG BSNGAL BA NYID DO, ,GNYEN DANG BRAL BA ZHES BYA BA NI RJES SU 'BRANG BA MED PA BSTAN TO, ,RGYU 'DI GSUM GYIS NI DE SNYING RJE'I GNAS SU BSTAN TE, DON DU GNYER BA DANG, SDUG BSNGAL BA DANG, RJES SU 'BRANG BA MED PA STE, DE BAS NA BSKYAB PA'I RIGS ZHES BYA BA'I DON TO, ,SDUG BSNGAL MANG PO'I GNAS ZHES BYA BA LA CI'I PHYIR ZHE NA, RTAG TU NA BA'I PHYIR TE, LHAN CIG SKYES PA'I SDUG BSNGAL GYIS SO, ,NYON MONGS PA MANG PO'I GZHI ZHES BYA BA NI, GNOD PA SNA TSOGS SKYE BA'I NYON MONGS PA'I GZHI YIN PA'I PHYIR RO, ,DE NAS DE DAG LA KHA CIG NI ZHES BYA BA'I TSIG GIS NI, SEMS MI BRTAN PA'I @322A *, ,DBANG DU BYAS PA'O, ,BDAG CAG MGON MED RNAMS KYI MGON, ,ZHES BYA BA'I TSIGS BCAD NI, SEMS STOBS BAR MA'I DBANG DU BYAS PA'O, ,GZHAN NI SEMS RAB TU BRTAN PAS ZHES BYA BA LA SOGS PA NI SEMS BRTAN PA'I DBANG DU BYAS PA'O, ,BDE 'GRO THOB PHYIR ZHES BYA BA NI MI NYID DU SKYE BA'I PHYIR RO, ,MI DBANG RGYAL SRID GDUGS GCIG DPA' PHYIR ZHES BYA BA NI, RGYAL SRID KYI PHYIR YANG MA YIN ZHES BYA BA'I DON TO, ,MTHO RIS BDE MCHOG MYONG BA'I PHYIR MA YIN, ,ZHES BYA BA NI 'DOD PA NA SPYOD PA'I MNGON PAR MTHO BA THOB PA'I PHYIR YANG MA YIN NO, ,TSANGS PA'I GNAS PHYIR MA YIN ZHES BYA BA NI, GZUGS DANG, GZUGS MED PA NI G-YANG SAR MNGON PAR MTHO BA THOB PA'I PHYIR YANG MA YIN PA'O, ,THAR PA'I BDE PHYIR MIN ZHES BYA BA NI, NYAN THOS DANG, RANG SANGS RGYAS KYI PHYIR YANG MA YIN PA'O, ,G-YANG SAR LTUNG STE ZHIG NA NI 'CHI BA'O, ,DE GNYIS KYIS BYAS PA'I SDUG BSNGAL NI G-YANG SAR LTUNG STE ZHIG NAS 'CHI BA'I SDUG BSNGAL LO, ,DE LA MI LTA BA GANG YIN PA DE NI G-YANG SAR LTUNG STE ZHIG NAS 'CHI BA'I SDUG BSNGAL LA MI LTA BA'O, ,SA PHYOGS DE ZHES BYA BA NI DE DAG LA SNGAR PHYOGS GANG BSTAN PA'I PHYOGS DER ZHES BYA BA'I DON TO, ,GANGS RI'I RTZE MO ZHES BYA BA NI GANGS RI NAS LHUNG BA DE'I GANGS RI DE'I RTZE MO NYID DO, ,GNAM GRUM PA'I SGRA GANG LA YOD PA DE NI, GNAM GRUM SGRA BZHIN NO, ,MA BTAGS ZHES BYA BA NI DPAG BSAM GYI SHING LAS BYUNG BA ZHES BYA BA'I DON TO, ,ME TOG KU MUD SPUNGS LTAR MDZES, ,ZLA BA'I 'OD ZER SPUNGS PA BZHIN, ,ZHES BYA BA DE DE GNYIS KYIS MDOG BSTAN TO, ,'DI NI DE YI GZUGS BRNYAN ZHIG, ,CES BYA BA 'DIS NI KHA DOG DANG, DBYIBS GNYIS MNYAM PAR BSTAN TO, ,BDAG CAG RNAMS KYI CHO RIGS DANG, TSUL DANG, DAD PA CI 'DRA ZHES BYA BA 'DIS NI YON TAN DANG, PHAN GDAGS PA'I ZHING NYID MA YIN PA ZHES BYA BA'I DON TO, ,YANG NA YON TAN GYI ZHING NYID MA YIN PA'O, ,CHO RIGS ZHES SMOS PAS NI BRAM ZE'I RIGS NI 'JIG RTEN PA RNAMS KYIS BKUR BA'I GNAS YIN PA'I PHYIR DE YANG MA MTHONG BA'O, ,NGANG TSUL GYI ZHES BYA BA NI YON TAN GYI ZHING NYID DU BSTAN TO, ,DAD PA ZHES BYA BA NI PHAN 'DOGS PA'I ZHING NYID DU BSTAN TO, ,SKAL MNYAM ZHES @322B BYA BA NI SNYING RJE'I ZHING NYID DU BSTAN TO, ,MA THOS PAR ZHES BYA BA NI MA 'DRIS PAR ZHES BYA BA'I DON TO, ,PHONGS SHING NYAM THAG CES BYA BA NI SDUG BSNGAL BA NYID DO, ,'JIGS LA MYA NGAN GDUNGS ZHES BYA BA NI RJES SU 'BRANG BA MED PA'O, ,SPYOD BZANG 'DI 'DRA GANG DU BSLABS ZHIG GU, ,ZHES BYA BA NI MKHAN PO GANG YIN PA'I DON TO, ,BLA MA GANG LA GNAS NAS BSNYEN BKUR BYAS, ,ZHES BYA BA NI DPON GANG LA BSNYEN BKUR BYAS PA'O, ,DE NI 'DI LAS MNGON ZHES BYA BA NI GZUGS DANG RJES SU MTHUN PA NYID KYIS YON TAN MNGON PA'I DON TO, ,GZUGS DANG RJES SU MTHUN PA'I YON TAN GANG YIN PA SMRAS PA, DE 'DIR DE NYID MNGON SUM DU MTHONG BA YIN TE, YON TAN DANG LDAN PA DE NI GANG DU BSLABS ZHES BYA BA DANG SBYAR RO, ,RANG BZHIN YANG YIN LA 'PHAGS PA YANG YIN PAS RANG BZHIN 'PHAGS PA'O, ,DE'I PHUN SUM TSOGS PA DE NI RANG BZHIN DU 'PHAGS PA PHUN SUM TSOGS PA'O, ,YANG NA RANG BZHIN 'PHAGS PA NYID PHUN SUM TSOGS PA YIN PAS RANG BZHIN 'PHAGS PA PHUN SUM TSOGS PA'O, ,RANG BZHIN PHUN SUM TSOGS PA DES DON BZHIN BSGRUB PA'I DON DANG MTHUN PA YIN PAS DON BZHIN NO, ,DE BSGRUBS PA ZHES BYA BA NI BZANG PO ZHES BYA BA GLANG PO CHE BDAG NYID GANG YIN PA DE NI DON BZHIN BSGRUBS ZHES BYA BA 'DIS NI BSTAN TO, ,GANG GI RANG BZHIN PHUN SUM TSOGS PA YIN PA DANG, JI LTAR RANG BZHIN PHUN SUM TSOGS PA YIN PAR SHES PAR BYA ZHE NA, DE NYID KYI PHYIR SMRAS PA, 'DI LTAR SHI BAR 'GYUR NA NI DGON PA BZHIN DU SHES PA'O, ,SPYOD BZANG 'DI 'DRA GANG DU BSLABS ZHIG GU, ,ZHES BYA BA 'DI BSTAN PA DE LA DE'I SPYOD PA BZANG PO BSGRUB PA'I PHYIR, KYE MA'O RANG BZHIN 'PHAGS PA PHUN SUM TSOGS, ,ZHES BYA BA'I TSIGS BCAD SMOS PA YIN NO, ,GNYEN DANG BSHES NI GNYEN BSHES SO, ,DE NYID BYAMS PA YIN PAS GNYEN BSHES BYAMS PA'O, ,DE DAG LAS KHYAD PAR DU GNYEN BSHES GANG MIN PA DE NI GNYEN BSHES BYAMS PA BAS KYANG LHAG PA ST,E 'DIS NI BSAM PA PHUN SUM TSOGS PA BSTAN TO, ,PHAN 'DOGS PA BDAG CAG LA PHAN PA'I PHYIR ZHES BYA BA NI SNGAR BSTAN PA'I DBUGS PHYUNG ZHES BYA BA DE NYID BSTAN TO, ,RANG GI SROG GI GSAL TE RAB TU LEGS PAR BYED BYED PA ZHES BYA BA NI @323A *, ,GANG DE BDAG NYID YONGS SU BTANG BA DE NYID BSTAN TO, ,DE LTAR MCHOD PAR MI 'GYUR RO ZHES BYA BA NI GANG SNGAR BSTAN PA 'DI LA MCHOD PAR BYA STE ZHES BYA BA DE NYID YIN NO, ,BKUR STI BYAS PAR MI 'GYUR GYI, ,ZHES BYA BA NI GANG SNGAR BSTAN PA'I MER SREG PA'I ZHAL TA BYOS ZHES BYA BA DE NYID BSTAN PA YIN NO, ,'DI YI BSAM PA RDZOGS PAR BYA, ,ZHES BYA BA NI GANG GI BSAM PA YIN ZHE NA, BDAG YONGS SU BTANG BA'I BSAM PA RDZOGS PAR BYA'O, ,MCHOD PAR BYAS PAR 'GYUR RO ZHES BYA BA NI MCHOD PA BSGRUBS PAR 'GYUR RO ZHES BYA BA'I DON TO, ,'DI BSAM PA RDZOGS PAR BYA'O ZHES BSTAN PA LA, BSAM PA GANG YIN PA DE BSTAN PA'I PHYIR, BDAG CAG RNAMS NI BSGRAL BA'I PHYIR, ,ZHES BYA BA'I TSIGS BCAD SMOS SO, ,BDAG CAG RNAMS KYI BSGRAL BA NI BDAG CAG RNAMS BSGRAL BA'O, ,DE'I CHED DU GTONG BA'I TSUL GANG LA YOD PA DE NI BDAG CAG BSGRAL BA'I PHYIR RO, ,RAB TU PHONGS PA'I LUS BTANG BA, ,ZHES BYA BA YIN TE, CI'I PHYIR ZHE NA, RAB TU GCES PA'I MGRON BYA BA'I PHYIR RO, ,DE BAS DE YI BSAM PA RDZOGS PAR BYA, ,ZHES BYA BA NI BDAG BSGRAL BA'I BSAM PA STE, DGON PA LAS BSGRAL BA'I PHYIR RO, ,BDAG CAG RNAMS KYIS BYA BA'I RIGS SO, ,ZHES BYA BA NI RIGS PA YIN PA'I PHYIR, DE BAS NA BSAM PA NYID BDAG CAG RNAMS KYIS BYA BA'I RIGS TE DGON PA 'DI LAS BRGAL BAR BYA'O ZHES BYA BA'I DON TO, ,GZHAN DU BYAS NAS ZHES BYA BA NI GANG SNGAR BSTAN PA'I MCHOD PA BYAS TE, MER SREG PA'I ZHAL TA BYAS LA ZHES BYA BA DE YIN TE, 'DI NAS BSGRAL BA'I PHYIR LUS BTANG BA YIN NO, ,CI'I PHYIR ZHE NA, MA 'DRIS PA'I PHYIR RO, ,'DRIS PA DAG LA NI 'DRIS PA LA LTOS PAS PHAN 'DOGS PAR BYED PA YIN TE, DE BAS NA 'DRIS PA'ANG MED DO, ,BDAG CAG RNAMS BSGRAL BA 'DI LA YON TAN CI YOD CE NA, SMRAS PA, DES NA LUS SHIN TU GCES PA YIN YANG BTANG BA NI RAB TU GCES PA'I MGRON YIN PA'I PHYIR TE, LUS PAS KYANG RAB TU GCES PA NI GANG GI PHYIR MGRON YIN PA'I PHYIR TE LUS BTANG BA'O, ,BSAM PA NI BDAG CAG BSGRAL BA'I BSAM PA STE, RAB TU GCES PA'I MGRON YIN PA'I PHYIR LUS BTANG BA YIN NO, ,DE BAS NA GZHAN DU NA @323B ZHES BYA BA STE, DE'I BSAM PA MA BYAS PAR GYUR NA NI BYAS PA DON MED PAR 'GYUR RO, ,RAB TU GCES PA'I MGRON LA RAB TU PHANGS PA'I LUS BTANG BA BYAS PA'I 'BAD PA'O, ,DE LTAR RE ZHIG BYANG CHUB SEMS DPA' LAS RJES SU MA BLANGS NA RIGS PA MA YIN PA NYID DU BSTAN NAS, DA NI BDAG CAG NYID KYIS MA BLANGS PA MI MTHUN PA NYID DU BSTAN PA'I PHYIR, 'DI YIS BYAS TE CI BDOG PA, ,ZHES BYA BA'I TSIGS CAD SMOS TE, GZHAN DU BYAS NA DON MED 'GYUR, ,ZHES BYA BA 'DI DON MED PA NYID DU BSGRUB PA'I PHYIR, BYAMS PA ZHES BYA BA NI BSAM PA PHUN SUM TSOGS PA'O, ,CI BDOG PA ZHES BYA BA NI SBYOR BA PHUN SUM TSOGS PA'O, ,BDOG PA THAMS CAD CES BYA BA NI SBYIN PAR BYA BA'I DNGOS PO PHUN SUM TSOGS PA'O, ,BDAG CAG RNAMS KYIS MA BLANGS NA DON MED PAR 'GYUR BA'I PHYIR, BDAG CAG RNAMS KYIS MA BLANGS NA'O, ,DE GANG YIN ZHE NA, DE NI MGRON NO, ,DE LAS CI ZHIG BKUR STI BYA, ,ZHES BYA BA NI SNGAR BSTAN PA'I ME LA SBYANG BA DES BU LON MED PA STE, DES MES MA BSREGS PA NYID DU STON TO, ,GAL TE MA BLANGS PA DANG, ME LA SBYANGS PAS MA BSREGS NA, ,DE LTAR NA BKUR STI CI ZHIG BYAS PA YIN ZHE NA, DE BSTAN PA'I PHYIR, DE BAS DE LA BLA MA BZHIN, ,ZHES BYA BA'I TSIGS BCAD SMOS SO,, DE BAS NA ZHES BYA BA NI MA BLANGS SHING DON MED PA DES MGRON GYI BSNYEN BKUR MED PA'I PHYIR, DE LAS GZHAN PA DE'I TSIG NYAN PAR BYAS NA BKUR STI NYID DU BSTAN PAR 'GYUR RO, ,BKUR STI CHEN PO BYA BA TZAM DU MA ZAD DE, DE BDAG LA PHAN PAR 'GYUR BA'I PHYIR YANG BKUR STI CHEN PO BYA BA'I RIGS TE, DE'I TSIG MNYAN PAR BYA BAS SO, ,GAL TE KHYED CAG GIS DE LA BYAS PA GZO BA'I PHYIR, DE LA MCHOD PA BYAS NA YANG DE BZHIN DU BYA ZHING MNGON PAR MCHOD PA'I CHO GA'I THABS BSTAN PA'I PHYIR, SDUG BSNGAL 'DI LAS THAR NAS ZHES BYA BA'I TSIGS BCAD SMOS TE, SDUG BSNGAL 'DI LAS THAR PA ZHES BYA BA NI 'BROG DGON PA 'DI'I SDUG BSNGAL LAS THAR PA'O, ,TSOGS PA NI 'DUS PAR GYUR PA'O, ,DE DAG GI TSIG NI DE DAG GI TSIG GO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS GLANG PO CHE'I SKYES PA'I RABS SO,, ,,SDOM LA, BYANG CHUB NGANG PA BYANG CHUB @324A *, ,CHE; ,SPRE'U DANG RI DVAGS SHA RA BHA, ,RU RU SPRE'U RGYAL BZOD PA SMRA, ,TSANGS DANG GLANG CHEN DE DAG BCU, ,SDOM 'DI NI 'JIG RTEN DU GRAGS PA YIN TE, SKYES PA'I RABS BCU PO 'DI DAG GI GO RIMS BDAG GIS NI 'DI LTAR MTHONG NGO, ,BYANG CHUB NGANG PA BYANG CHUB CHE, ,SHA RA RU RU SPRE'U DANG, ,BZOD PA SMRA DANG SPRE'U RGYAL DANG, ,GLANG CHEN TSANGS PA DE DAG BCU, ,'DIR SKYES PA'I RABS BCU PO 'DI DAG GI GO RIMS KYI RGYU YANG BZOD PA'I PHA ROL TU PHYIN PA'I DBANG DU BYAS PA STE, GZHAN GYIS GNOD PA BYAS PA LA MI MED PA'I BZOD PA DANG, SDUG BSNGAL LA JI MI SNYAM PA'I BZOD PA DANG, CHOS LA NGES PAR SEMS PA'I BZOD PA'O, ,DE LA CHOS LA NGES PAR SEMS PA'I BZOD PA'I DBANG DU BYAS NAS, TSANGS PA'I SKYES PA'I RABS YIN TE, CHOS LA NGES PAR SEMS PA'I BZOD PA NI ZAB CING RGYA CHE BA'I CHOS DAG LA 'DOD CING MI SKRAG PA'O, ,BZOD PA DE YANG BYANG CHUB SEMS DPA' LA YOD PA YIN NO ZHES JI LTAR SHES PAR BYA ZHE NA, BDAG NYID MNGON PAR 'DOD PA'I LTA BA DE LA GZHAN YANG RAB TU 'GOD PA YIN PA'I PHYIR, CHOS LA NGES PAR SEMS PA'I BZOD PA DE NI TSANGS PA'I SKYES PA'I RABS KYIS BRJOD PA YIN NO, ,GZHAN DU NA JI LTAR SKYES PA'I RABS 'DI BZOD PA'I PHA ROL TU PHYIN PA'I SKYES PA'I RABS SU BSHAD, GAL TE 'DI LTAR BLO SKYE BAR 'GYUR TE, SKYES PA'I RABS DE NYID DU BSTAN PA'I BZOD PA'I PHA ROL TU PHYIN PA STE, MTSAN NYID DU BSHAD PA'I SKYES PA'I RABS 'DI NI RIGS PA YIN NO ZHE NA, DE YANG MI RIGS PA NYID DE, CI'I PHYIR ZHE NA, BZOD PA GONG NAS GONG DU KHYAD PAR DU BSTAN PA'I SKYES PA'I RABS KYI GO RIMS RNAM PAR GZHAG PA'I PHYIR TE, BZOD PA'I TSIG DE NI ZHAR LAS BYUNG BA'I PHYIR RO, ,GTZOR NI RANG BZHIN GYIS LTA BA NGAN PA LA ZHEN PAR GYUR PA LA LHAG PAR SNYING BRTZE BA YIN TE, DE BAS NA TSANGS PA'I SKYES PA'I RABS NI CHOS LA NGES PAR SEMS PA'I DBANG DU BYAS PA NYID NGO; ,SPRE'U'I RGYAL PO DANG, GLANG PO CHE'I SKYES PA'I RABS SU NI SDUG BSNGAL LA JI MI SNYAM PA'I BZOD PA'I DBANG DU BYAS PA'O, ,GNYIS PO DE DAG LAS KYANG GNOD PAR GYUR PA'I SDUG BSNGAL LA JI MI SNYAM PA'I BZOD PA'I PHA ROL TU PHYIN PA'I DBANG DU BYAS PA NI SPRE'U RGYAL PO'I SKYES PA'I RABS SU BSTAN TE @324B MI BZOD PA MED PA'I PHYIR BZOD PA'I DBANG DU BYAS PA STE, GNOD PAR BYED PA'I RGYAL PO LA BZOD PAR BYA BA NI, 'BREL PA MED PA'I PHYIR DANG, RGYAL PO NYID KYANG PHAN PA BYED PAR 'JUG PA'I PHYIR RO, ,GLANG PO CHE'I SKYES PA'I RABS SU NI G-YANG SA NAS LTUNG BA'I SDUG BSNGAL DANG, 'CHI BA'I SDUG BSNGAL LA JI MI SNYAM PA'I DBANG DU BYAS PA STE, MA 'DRIS PA'I SKYE BO LA RJES SU BRTZE BA'I PHYIR RO, ,DE LAS GZHAN PA SKYES PA'I RABS BDUN GYIS NI GNOD PA BYAS PA LA MI MJED PA'I BZOD PA'I DBANG DU BYAS PA'O, ,GNOD PA BYED PA LA YANG RNAM PA GNYIS TE, BDAG DANG 'BREL PA DANG, BDAG LA GNOD PA BYAS PA'O, ,BDAG DANG 'BREL PA LA GNOD PA BYED PA'I DBANG DU BYAS NAS, GTZUG PHUD BYANG CHUB KYI SKYES PA'I RABS SU RGYAL PO DES RANG GI CHUNG MA 'PHROG PAR BYED PA'I GNOD PAS 'JUG PA'I PHYIR RO, ,BDAG LA GNOD PA BYED PA LA YANG RNAM PA GNYIS TE, RNAM PAR 'TSO BA'I GNOD PA DANG, GSOD PA'I GNOD PA BYED PA'O, ,DE LAS RNAM PAR 'TSE BA'I GNOD PA'I DBANG DU BYAS NAS, NGANG PA DANG, BYANG CHUB CHEN PO'I SKYES PA'I RABS SU BSTAN TE, LUS DANG, SEMS LA NYE BAR GNOD PA'I RANG BZHIN YIN PA'I PHYIR RO, ,NGANG PA'I SKYES PA'I RABS SU NI RNYIS BZUNG BAS LUS KYI 'TSE BA LA 'JUG PA'I GNOD PA LAS BZOD PA'O, ,BYANG CHUB CHEN PO'I SKYES PA'I RABS SU NI SEMS LA GNOD PA YIN TE, BRNYAS PAS NYE BAR GTZES PAS 'JUG PA'I GNOD PA LA BZOD PA'O, ,GSOD PA'I GNOD PAR BYED PA'I DBANG DU BYAS NAS SKYES PA'I RABS LHAG MA BZHI YIN TE, GSOD PA'I GNOD PA BYED PA LA YANG RNAM PA GNYIS TE, GSOD PA'I GNOD PA BYED PAR SBYOR BA DANG, GSOD PA'I GNOD PAR SBYOR BA'O, ,DE LAS GSOD PAR SBYOR BA'I GNOD PA BYED PA'I DBANG DU BYAS NAS, SHA RA BHA DANG, RU RU DANG, SPRE'U'I SKYES PA'I RABS SO, ,DE LA SHA RA BHA'I SKYES PA'I RABS SU NI BDAG NYID KYIS MDA' 'PHEN PA DANG, GNOD PA MA BYAS TE, PHAN BTAGS SHING RGYAL PO LA BZOD PA STE, SBYOR BA BYED PA LA BZOD PA PA BYED PA'I DBANG DU BYAS PA'O, ,RU RU DANG, SPRE'U'I SKYES PA'I RABS SU NI BYANG CHUB SEMS DPAS DE GNYIS LA PHAN BTAGS PA YIN DU ZIN KYANG GNOD PA BYED PAR 'JUG PA DE @325A *, ,GNYIS LA BZOD PA'I PHYIR RO, ,'DI GNYIS LA KHYAD PAR NI 'DI YOD DE, RU RU'I SKYES PA'I RABS SU NI RGYAL PO BYANG CHUB SEMS DPA' LA GSOD PAR SBYOR BAS SBYOR DU BCUG PAR BSTAN TE, BDAG NYID KYIS NI GSOD PAR SBYOR BA MA BRTZAMS SO, ,SPRE'U'I SKYES PA'I RABS SU NI BYANG CHUB SEMS DPAS PHAN BTAGS PA BYAS PA GANG YIN PA DE LA BDAG NYID KYIS GSOD PAR SBYOR BA RTZOM PA'O, ,DE NYID KYI PHYIR RU RU'I SKYES PA'I RABS SU MTHONG BA'I CHOS NYID LA LAG PA CHAD PAR STON PA YIN NO, ,DE BZHIN DU SPRE'U'I SKYES PA'I RABS SU YANG BDAG NYID GSOD PAR RTZOM PA YIN PAS MDZE'I NAD KYIS DE MA THAG TU ZIL GYIS MNAN TO, ,DA NI BZOD PA SMRA BA'I SKYES PA'I RABS SU NI BDAG NYID GSOD PAR RTZOM PA YIN PA'I PHYIR, DE MA THAG TU RIMS NAD ME BZHIN 'BAR ZHES BYA BA DANG, SA GAS NANG DU ZHUGS ZHES BYA BA'O, ,GTZUG PHUD BYANG CHUB KYI SKYES PA'I RABS SU NI BYANG CHUB SEMS DPA' LA GNOD PA BYED PA'I RGYAL PO MTHONG BA'I CHOS NYID LA MI SDUG PA'I RNAM PAR SMIN PA MA THOB PA STE, BYANG CHUB SEMS DPA' LA ZHE SDANG BA MED PA'I PHYIR DANG, KHYIM THAB DANG CHUNG MA PHAL PA MED PA'I PHYIR RO, ,NGANG PA'I SKYES PA'I RABS SU YANG SDIG PA'I BSAM PA MED PA'I PHYIR DANG, BYANG CHUB SEMS DPA'I YON TAN BRJOD PAS PHRAD PAR 'DOD PA DES BYANG CHUB SEMS DPA' LA GNOD PA BYAS KYANG MI 'DOD PA'I 'BRAS BUM THOB PA'O, ,BYANG CHUB CHEN PO'I SKYES PA'I RABS SU NI RGYAL PO LA SDIG PA'I BSAM PA MED PA'I PHYIR DANG, MA GUS PA NYI TSE TZAM DU ZAD PA'I PHYIR DANG, MI 'DOD PA'I 'BRAS BU MED DO; ,SHA RA BHA'I SKYES PA'I RABS SU YANG RGYAL PO LA SDIG PA'I BSAM PA MED PA DANG, GNOD PA'I SBYOR BA NYI TSE TZAM YOD PA'I PHYIR DANG, BYANG CHUB SEMS DPA' LA GNOD PA BYED PAR SBYOR BA YANG BYANG CHUB SEMS DPA' YIN PAR SNGAR MA SHES PA DANG, RGYAL POS GNOD PA MA BYAS PA'I PHYIR MI 'DOD PA'I 'BRAS BU MED DO, ,DE NYID KYIS 'DI DAG NI BZOD PA CHUNG BA YIN PA'I PHYIR DANG POR SMOS PA YIN NO, ,SKYES PA'I RABS 'DI DAG LAS GZHAN DU RU RU DANG, SPRE'U DANG, BZOD PA SMRA BA SKYES PA'I RABS PHYIS BKOD PA NI GO RIMS BZHIN DU KHYAD PAR DU GYUR BA'I PHYIR TE, BYANG CHUB SEMS DPA' PHAN @325B BTAGS PA LA GNOD PA BYED PA LA PHYI MA GSUM YIN TE, MI 'DOD PA'I 'BRAS BU RNAM PAR SMIN PA YIN TE, SEMS KYI GO SKABS MED PA NYID DO, ,BYANG CHUB SEMS DPA' LA NI GNOD PA MED PA'I PHYIR DANG, BSAM PA NGAN PA MED PAS SPRE'U'I TSOGS DE DAG GIS BYANG CHUB SEMS DPA' LA BRDZIS PA YIN NA YANG BYANG CHUB SEMS DPAS GNANG BA NYID YIN GYI, GZHAN DU MA YIN PAS MI 'DOD PA'I 'BRAS BU MED PA NYID DO, ,SKYES PA'I RABS GZHAN DAG KYANG SEMS KYI GO SKABS MED PA NYID DO, ,GO RIMS DE LTAR BKOD PAR GYUR NA NI BZOD PA BSGOMS PA LA 'JUG PA RNAMS KYI BZOD PA'I RNAM PA GO RIMS BZHIN DU BSTAN PAR 'GYUR TE, DE SGRUB PA'I THABS BSTAN PAR RIGS PA YIN NO, ,SKYES PA'I RABS 'DI DAG GI GO RIMS 'DI BZHIN DU RIG PAR BYA STE, GAL TE PHYOGS SU MI 'DZIN PA DAG YOD NA YANG 'DI BZHIN DU GLEGS BAM DAG TU BRI BAR BYA'O, ,BZOD PA'I TSOMS TE SDE TSAN GSUM PA RDZOGS SO,, ,,JI LTAR PHRAD KYANG RUNG STE ZHES BYA BA NI MI 'DGE BA MNGON PAR 'DOD PA'AM, DGE BA MNGON PAR 'DOD PA ZHES BYA BA'I DON TO, ,RAB TU GRAGS PA'I RIGS DANG, DPAL DANG LDAN PA ZHES BYA BA 'DI GNYIS KYIS NI GTZO BO'I NUS PA BSTAN TO, ,YON TAN YONGS SU 'DZIN PAR BYED PAS 'BANGS RNAMS NI GLO BA NYE BA ZHES BYA BA 'DIS NI GSANG TSIG GI NUS PA BSTAN TO, ,GZI BYIN CHE BAS RGYAL PHRAN DREGS PA RNAMS PHYAG 'TSAL BAR GYUR PA ZHES BYA BAS NI SPRO BA'I NUS PA BSTAN TO, ,YON TAN BRGYA'I 'OD ZER GYI PHRENG PA NI YON TAN BRGYA'I 'OD ZER GYI PHRENG BA'O, ,'OD ZER BRGYA DANG LDAN PA GANG LA YOD PA DE NI YON TAN GYI 'OD ZER BRGYA DANG LDAN PA'O, ,ZLA BA BZHIN DU MTHONG NA DGA' BA GANG YIN PA DE NI, ZLA BA DANG 'DRA BAR MTHONG NA DGA' BA'O, ,DE NYID KYI PHYIR, BU ZLA BA ZHES BYA BA YIN TE, ZLA BA DANG 'DRA BA'I PHYIR BU ZLA BA ZHES BTAGS TE, DE'I MING YON TAN DANG LDAN PA NYID DU STON TO; ,LEGS PAR PHAN 'DOGS PA ZHES BYA BAS NI MI DGE BA'I CHOS MA SKYES PA RNAMS MI SKYED PA DANG, MI DGE BA'I CHOS SKYES PA RNAMS SDANG BA NYID DU STON TO, ,SDUD PA LA MKHAS PA DANG, GUS PA JE CHE JE CHER GYUR PA DANG, ,ZHES BYA BAS NI DGE BA'I CHOS SKYED PA DANG, SKYES ZIN PA RNAMS PHYIR ZHING @326A *, ,BSGOMS PA NYID DU BSTAN PA YIN NO, ,YONGS SU BSKYANGS PA LA NGES PAR BYED PA'I PHYIR ZHES BYA BA NI DGE BA'I CHOS RNAMS BSGOM PAR BYA'O ZHES BSTAN TO, ,DE NYID KYI PHYIR SKYES PA'I RABS 'DI NI BRTZON 'GRUS KYI PHA ROL TU PHYIN PA BSTAN PA'I PHYIR YIN TE, MI DGE BA'I CHOS MA SKYES PA RNAMS MI SKYED PA DANG, SKYES ZIN PA RNAMS SPANGS PA NYID DU STON TO, ,MI DGE BA'I CHOS SPANGS PA MED PAR NI DGE BA'I CHOS SKYED PA DANG, 'PHEL BA DANG, GNAS PA MED PA'I PHYIR RO, ,YON TAN GNYEN DANG 'DRA BAR GYUR TO ZHES BYA BA BSTAN PA LA, 'GRO BA RNAMS KYI GNYEN DE GANG YIN ZHE NA; GNYEN DANG 'DRA BA DE NYID BSTAN PA'I PHYIR, TSUL KHRIMS THOS DANG ZHES BYA BA'I TSIGS BCAD SMOS SO, ,YANG NA GZHAN DANG MNGON PAR 'BREL PAS YON TAN GYI 'OD ZER BRGYA DANG LDAN PA ZHES BSHAD PA'I YON TAN GANG DAG YIN ZHE NA, TSUL KHRIMS THOS DANG GTONG DANG SNYING RJE DUL, ,ZHES BYA BA'I TSIGS BCAD SMOS SO, ,DE DANG DE DAG CES BYA BA NI YON TAN GZHAN DAG YANG LDAN PA NYID DU STON TO, ,YON TAN YOD PA NI ZHES BYA BA NI YON TAN NYID YOD PA YIN TE, DE'I YON TAN MANG PO ZHES BYA BA'I DON TO, ,LANG TSOR GYUR PA'I RGYAN GYIS BRGYAN PA BZHIN, ,ZHES BYA BA NI, BYANG CHUB SEMS DPA'I RGYAN GYIS BRGYAN PA'I LANG TSO BZHIN DU ZHES BYA BA'I DON TE, LANG TSO NI DA LTAR BYUNG BA'I YON TAN GYIS MDZES PA YIN TE, DE BAS NA YON TAN LANG TSO'I RGYAN GYIS BRGYAN PA NYID DO, ,YANG NA LANG TSOR GYUR PA'I RGYAN GYIS BRGYAN PA BZHIN DU YON TAN GSAR PA DAG GIS RAB TU BRGYAN PA STE; DE BAS NA LANG TSOR GYUR PA'I RGYAN GYIS BRGYAN PA ZHES BRJOD DO, ,RNAM PAR DAG PA YANG YIN LA RGYA CHE BA YANG YIN PAS RNAM PAR DAG CING RGYA CHE BA'O, ,RNAM PAR DAG PA DANG, RGYA CHE BA GNYIS KYIS YID DU 'ONG BA DE NI RNAM PAR DAG CING RGYA CHE YID DU 'ONG BA STE, DE BZHIN DU DE'I YON TAN RNAMS SO, ,GNAS SU GYUR CES BYA BA 'DIS NI YON TAN GYI 'OD ZER BRGYA DANG LDAN PA'I GNAS SU GYUR PA'I PHYIR TE, 'DIS NI GSANG TSIG GI NUS PA BSTAN TO, ,'BANGS RNAMS SKYONG NUS PA DANG ZHES BYA BA 'DIS NI SPRO BA'I NUS PA BSTAN TO, ,MA 'JUNGS SHING RANG BZHIN BZANG BA'I PHYIR ZHES BYA BA @326B 'DIS NI RGYU PHUN SUM TSOGS PA BSTAN TO, ,RANG BZHIN DANG RGYU DANG SA BON ZHES BYA BA NI DON GZHAN MA YIN TE, 'DIS NI DE NYID KYI PHUN SUM TSOGS PA BSTAN TO, ,DANG PO 'DI GNYIS KYIS NI SKYES BU'I BYED PA PHUN SUM TSOGS PA'O, ,RGYAL TSAB KYI LONGS SPYOD CES BYA BA NI BDAG PO'I NUS PA BYED DU BCUG CES BYA BA'I DON TO, ,RAB TU MKHAS PAS ZHES BYA BA NI SNGAR BSTAN PA'I THOS PA DANG, SHES RAB DANG, YID GZHUNGS SHING MNGON PAR BRTZON PA'I SBYOR BAS SO, ,MKHAS PAS CHOS LDAN ZHES BYA BA NI DON DANG 'DOD PA DANG YANG LDAN PA YIN NO, ,LEGS PAR SMRA BA LA JI LTAR BYED CE NA, MCHOD PA KHYAD PAR CAN GYIS ZHES BYA BA YIN TE, DES NA DE NYID KYI PHYIR TE, LEGS PAR BSHAD PA LA DGA' BA'I PHYIR RO, ,DPYID ZLA'I DUS LA BAB PA ZHES BYA BA NI ME TOG 'BYUNG BA'I DUS KYI ZLA BA LA BAB PA'O, ,SHING LO RNAMS MDZES SHING 'JAM POR GYUR PA GANG YIN PA DE DAG NI DPYID ZLA'I DUS LA BAB PA'I MTHUS SHING LO RNAMS MDZES SHING 'JAM POR GYUR PA'O, ,ME TOG NYID KHA 'BUS PAS SDUG CING, DGOD PA LTAR GYUR PA GANG YIN PA DE NI ME TOG SDUG GU KHA 'BUS PA RNAMS NI DGOD PA BZHIN NO, ,NE'U GSING SNGON PO NI NE'U GSING SNGON PO'O, ,DE NYID KYI RI MO BKRAM PA LTA BU YIN PAS NE'U GSING SNGON PO GSAR PA RNAMS KYIS RI MO BKRAM PA'O, ,DES SA GZHI MDZES PAR BYAS PA GANG YIN PA DE NI, SA GZHI NE'U GSING SNGON PO GSAR BU RNAMS KYIS RI MO BKRAM PA BZHIN DU MDZES PAR BYAS PA'O, ,YID DGA' BA 'BYUNG BA YIN PAS YID DGA' BA SKYES PA'O, ,SKYED MOS TSAL NA LDING KHANG YOD PA DE NI LDING KHANG SKYED MOS TSAL LO, ,YID DU 'ONG BA'I LDING KHANG GI RGYAN SKYED MOS TSAL GANG LA YOD PA DE NI LDING KHANG RGYAN CAN SKYED MOS TSAL LO, ,BUD MED RNAMS KYI GLU SGRA SNYAN DANG 'BREL, ,ZHES BYA BA NI RNA BA'I YUL GYI LONGS SPYOD KYI DBANG DU BYAS PA'O, ,'DZUM LA MKHAS PA ZHES BYA BA NI MIG GI YUL GYI LONGS SPYOD KYI DBANG DU BYAS PA'O, ,YAN LAG MDZES PAR BSGYUR BA'I ZHES BYA BA NI REG BYA'I LONGS SPYOD KYI DBANG DU BYAS PA'O, ,BZANG MO MDZES PAR ZHES BYA BA NI LONGS SPYOD KYI DBANG DU BYAS PA STE, DE LTAR 'DI DAG GIS NI SEMS CAN GYI LONGS SPYOD KYI RKYEN BSTAN PA'O, ,DA NI SEMS @327A *, ,CAN MA YIN PA'I LONGS SPYOD KYI DBANG DU BYAS NAS, SKYED MOS TSAL BZANG DE NA DE NI DGA' BAR GNAS, ,ZHES BYA BA SMOS TE, MIG DANG, RNA BA DANG, SNA'I LONGS SPYOD KYI DBANG DU BYAS PA'O, ,LANG TSO LA BAB PA NI ZHES BYA BA NI 'DI'I 'DOD PA'I YUL LA CHAGS PA NYID DU STON TO; ,BSOD NAMS PHUN SUM TSOGS PA'I MTHU LAS BYUNG BA ZHES BYA BA NI SBYIN PA DANG, TSUL KHRIMS LA SOGS PA'I BSOD NAMS PHUN SUM TSOGS PA'I KHYAD PAR DU GYUR PA STE, DE'I MTHU NI BSOD NAMS PHUN SUM TSOGS PA'I MTHU'O, ,DE LAS BYUNG BA NI BSOD NAMS PHUN SUM TSOGS PA'I MTHU LAS BYUNG BA STE, 'DIS NI 'BAD PA MED PAR BYUNG BA NYID DE RGYU'I STOBS LAS BYUNG BA NYID DU STON TO, ,ROL MO'I DGA' BA LA GNOD PA ZHES BYA BA NI SNGAR SKYES PA'I DGA' BA NYAMS PA YIN TE, BUD MED DANG SKYES PA RNAMS KYI BSTAN NAS, DA NI BUD MED KYI DBANG DU BYAS NAS, BUD MED GZHON NU RNAMS 'JIGS SHING BAG 'KHUMS PAR BYED PA ZHES BYA BAS BSTAN TO, ,MI'I STOBS DANG, MTHU RTZAL LA SOGS PA LAS 'DAS PA GANG LA YOD PA DE NI STOBS DANG, MTHU RTZAL LA SOGS PA MI PAS LHAG PA'O, ,SRIN PO DAG PAS KYANG LHAG PAR MI BZAD PA'I GZUGS GANG LA YOD PA DE NI, SRIN PO BAS KYANG LHAG PAR MI BZAD PA'I GZUGS CAN NO, SHING RTA DANG, RTA DANG, GLANG PO CHE DANG, DMAG MI BRTAN PA NYAMS PAR GYUR PA GANG YIN PA DE NI, SHING RTA DANG, RTA DANG, GLANG PO CHE DANG, DMAG MI BRTAN PA NYAMS PAR GYUR PA'O, ,CI LEGS MDZAD PA NI GO CHA BGO BA LA SOGS PA'O, ,NGANG TSUL GYI SKYON SHES PA GANG YIN PA DE NI DE STE, NGANG TSUL GYI SKYON NI MA BSNGAGS PA'I DNGOS PO YIN NO, ,SNGAR CHAB SGO PAS BSTEN PA'I STE, LHA DE LAS CI LEGS PAR MDZAD CING BKA' GROS MDZAD PA'I DUS LA BAB PO ZHES GSOL TO ZHES BYA BA DE GNYI GA DUS LA BAB PA NYID DU BSTAN PA DE'I DE LTAR MI BYA BA'I RGYU NYID DU BSTAN PA'I PHYIR, MI SHA 'DOD PA ZHES BYA BA DANG, BDAG GIS BRGAL BA'I GO SKABS ZHES BYA BA'I TSIGS BCAD GNYIS SMOS SO, ,MI SHA 'DOD PAS RGYAL SRID NYAMS PAR GYUR, ,ZHES BYA BAS NI 'DOD PA NYAMS PA NYID DU STON TO, ,SMYOS PA LTA BUR GYUR PA NI SMYOS PA BZHIN DU GYUR PA STE, SMYOS PA @327B ZHES BYA BA 'DIS NI DON NYAMS PA NYID DU STON TO, ,RANG GI CHOS BTANG ZHES BYA BAS NI CHOS YONGS SU SPANGS PA NYID DU STON TO, ,RANG GI CHOS BTANG BA NYID KYIS BSOD NAMS DANG GRAGS PA YANG NYAMS PA NYID DO, ,'DIR BSOD NAMS ZHES SMOS PA NI BSOD NAMS KYI TSOGS KYI 'BRAS BU LA DGONGS TE, 'DIS NI 'JIG RTEN PHA ROL GYI MNGON PAR MTHO BA'I 'BRAS BU NYAMS PA NYID DU STON TO, ,GRAGS PA ZHES SMOS PAS NI MTHONG BA'I CHOS KYI 'BRAS BU NYAMS PA NYID DU STON TO, ,MYA NGAN BYA BA'I GNAS SKABS GNAS PA LA, ,ZHES BYA BA'I RGYU BZHI PO DE DAG NYID KYIS SO, ,BDAG GIS BRGAL BA'I SGO SKABS GAL YOD, ,CES BYA BAS NI LHA DE LA CI LEGS PAR MDZAD PAR GSOL ZHES BYA BA DE'I LAN NO, ,DE LTA BU LA 'JIGS SU GA LA RUNG, ,ZHES BYA BA NI GANG SNGAR BSTAN PA'I BKA' GROS MDZAD PA'I DUS LA BAB PO ZHES BYA BA DE'I LAN BSTAN PA YIN NO, ,'THAB MO MED PAS NA 'THAB MO MED PA'O,, 'THAB MO YANG YIN LA BRGAL BA YANG YIN PAS 'THAB MO BRGAL BA STE DES SO, ,MNGON DU ZHES BYA BA NI RTZA BA LAS SO, ,RJES SU GZUNG BA ZHES BYA BA NI SDIG PA GZHOM PA LA'O, ,DE LAS ZHES BYA BA NI BDAG GI DRUNG DU KHO DAG 'ONGS PA'I PHYIR RO, ,DAM PA RNAMS NI DE LTAR MGRON YANG BYED, ,CES BYA BA SNYING RJE DANG LDAN PA RNAMS MGRON BYED PA'I NGANG TSUL CAN YIN NO, ,MI DGA' ZHING YID BLONG BAS MIG MTSIMS GANG BA DE NI MI DGA' ZHING YID BLONG BAS MIG MCHI MAS GANG BA'O, ,DRI MA CAN GYI GOS BSRINGS TE, RKED PA BCINGS PA GANG YIN PA DE NI GOS DRI MA CAN BSRINGS TE RKED PA BCINGS PA'O,, RDUL GYIS GOS SHING RING LA YEGS PA DE LA SHING SHUN GYI THOD KYIS BCINGS PA STE, RDUL GYIS GOS SHING RTZUB PAS RING ZHING YEGS PA'I SKRA GANG YIN PA DE SHING SHUN GYI THOD KYIS BCINGS PA'O, ,KHA SPU RING PO 'DZINGS PA DES GDONG NGAMS GANG PAR GYUR PA GANG YIN PA DE NI GDONG GI KHA SPU RING POS NGAMS GNAG PAR GYUR PA'O, ,KHROS PA DANG RNGAM PA NI KHROS SHING RNGAM PA'O, ,BGRAD PA DANG 'JIGS 'JIGS LTAR 'DUG PA NI BGRAD PA DANG 'JIGS 'JIGS LTAR 'DUG PA STE, KHROS SHING RNGAM PA GNYIS KYIS BGRAD PA'I MIG GANG LA YOD PA DE NI KHROS SHING RNGAM PAS MIG BGRAD PA'O, , @328A *, ,GCIG PU PHUB DANG MTSON MED CES BYA BAS NI SU D'A SA'I BU LA SNGAR BSTAN PA'I BRGAL BA MED PA NYID DU BSTAN PA'O, ,RANG BZHIN GYIS ZHI BAR SNANG BA ZHES BYA BAS NI SNGAR BSTAN PA 'DI LTA BU LA 'JIGS SU GA LA RUNG ZHES BYA BA DE STON PA STE, 'JIGS PA MED PA'I PHYIR RO, ,RNGAM PA DANG DREGS PA GNYIS KYIS G-YENGS PA'I SEMS GANG YIN PA DE NI SEMS RNGAM ZHING DREGS PAS G-YENGS PA'O, ,SRIN PO DANG YI DAGS GAR BYED PA BZHIN DU 'JIGS PA NI, SRIN PO DANG YI DAGS GAR BYED PA BZHIN DU 'JIGS PA'O, ,'DOD PA NI NOR LA SOGS PA LA CHAGS PA'O, ,SHIR DOGS PA NI SROG GI 'JIGS PA'O, ,YA RABS NI BDEN PA LA SOGS DANG 'DRA BA ZHES BYA BA NI DE BAS NA 'DOD PA LA SOGS PA'I PHYIR YONGS SU MI GTONG BAS SO, ,DAM PA RNAMS NI BDEN PA SROG GI PHYIR YANG MI GTONG STE, JI LTAR MI GTONG ZHE NA, DE'I PHYIR BDEN PA DANG 'BYOR PA'I DON DE BDE BA'O, ,BDEN PA NYAMS NA NI NGAN 'GRO DAG LAS SRUN MI NUS PA YIN TE, JI LTAR DAM PA RNAMS KYI BDEN PA SROG DANG 'DRA BA YIN ZHE NA, SMRAS PA, GSON ZHING BDEN PA NYAMS PA NI NGAN 'GRO LAS SRUN MI NUS PA'I PHYIR TE, DE'I PHYIR NOR DANG SROG DAG LAS MI NUS SHING, 'CHI BA'I DUS SU YID LA GCAGS TE 'CHI BA'I PHYIR RO, ,GRAGS PA NI MTHONG BA'I CHOS KYI BDEN PA'O, ,BDE BA NI MTHO RIS SU 'GRO BA'O, ,GYA GYU TSUL ZHIG PA MTHONG BA GANG YIN PA DE NI GYA GYU TSUL ZHIG GAL TE MTHONG GYUR PA'O, ,SNGA MA DANG PHYI MA GNYIS 'GAL BA YIN PAS SNGA MA DANG PHYI MA GNYIS 'KHRUL PAR SNANG BA'I PHYIR RO, ,GANG DU LEGS PAR SPYOD PA MA MTHONG BA DE NI LEGS PAR SPYOD PA GAL TE MA MTHONG BA STE, DGE BA'I CHOS MA MTHONG BA ZHES BYA BA'I DON TO, ,RGYU GSUM GYIS NI SLAR BZLOG PAR MI 'GYUR TE, KHYOD LA 'JIGS PAR 'GYUR BA'AM, BDE BA LA CHAGS PA'AM KHYOD LA SNYING RJE MED PAR GYUR PA STE, RGYU GSUM PO 'DI DAG NI YOD PAR GYUR NA NI PHUB DANG, MTSON CHA MED PAR KHYOD KYI GAN DU 'ONGS PA YANG MA YIN TE, DE BAS NA GANG GI PHYIR SNGAR NYID MI 'ONG BA NYID DO DE BAS NA DE NYID DU 'ONG BA'I RGYU NYID DU RTOGS PAR BYA'O, ,BRAM ZE DE'I DON BYAS NAS SLAR YANG NGA BDAG KHYOD KYI DRUNG DU 'ONG NGO, ,CI'I PHYIR ZHE NA, KHYOD DANG LHAN CIG @328B BSHES SHING 'DRIS PA'I PHYIR DANG, GANG GI PHYIR BDAG CAG LTA BU NI DE LTA BU'I BRDZUN GYI TSIG MI SMRA BA DE'I PHYIR RO, ,DE LA MGU BAR BYA BA NI LEGS PAR SMRA BA DE LA LEGS PAR SBYIN PA'O, ,TSIG SNYAN PA NI LEGS PAR GSUNGS PA'I SBYIN PA LA GANG GIS MCHOD PA'O, ,BKUR STI NI LEGS PAR BSHAD PA STON PA LA LUS KYIS MCHOD PA'O, ,TSIGS BCAD GCIG LA SRANG STONG DU BYAS PAR STON TE, DE'I THAD DU BRTZIS PA ZHES SMOS PA NI DE DANG TSAD MNYAM PA'I NOR BZHAG STE, GSER LA SOGS PA GAL TE 'DOD PAS DE LA MCHOD PAR BYAS SO, ,DE NYID BSTAN PA'I PHYIR, GNAS MA YIN PA LA LHAG PAR GOD PA NI GNAS MA YIN PA GONG TSABS CHE BA'O, ,DE LAS BZLOG PA NI GNAS MA YIN PAR GONG TSANGS CHE BA DE LA DGAG PAR RTZOL BA'I SEMS TE, GNAS MA YIN PAR GOD TSABS CHE BA DGAG PA'I BSAM PA'O, ,LEGS PAR SHES PAR BYA BA'I RIGS TE, CI'I PHYIR ZHE NA, 'BANGS MANG PO GSO DGOS PA'I PHYIR RO, ,RGYAL PO'I DPAL YANG NOR PHUN SUM TSOGS PA LA LTOS PA'I PHYIR GOD PA TSAD DANG LDAN PAR BYA BA YIN TE, 'DI LTAR TSIGS BCAD GCIG LA SRANG STONG DU BYAS TE BYIN PAS NOR GYI DBANG PHYUG GI NOR YANG ZAD PAR 'GYUR RO, ,'BANGS MANG PO GSO DGOS SO ZHES BSTAN PA LA, DE NI MI NUS PA NYID DU BSTAN PA'I PHYIR, SBYIN PA DRAGS NA ZHES BYA BA'I PHYED DANG PO SMOS TE, NOR GYI DBANG PHYUG GI NOR YOD PA YANG JI SRID CIG TU THUG PAR 'GYUR ZHES BYA BA BSTAN PA 'DIS NI NOR MED PA NYID DU BSTAN TO, NOR MED NA NI 'BANGS MANG PO GSO BAR BYA BA DE MI NUS PA NYID DU STON TO, ,RGYAL PO'I DPAL YANG NOR PHUN SUM TSOGS PA LA LTOS SO ZHES BYA BA DE BSGRUB PA'I PHYIR, NOR DANG RAB TU LDAN NA BSGRUB PAR NUS, ,ZHES BYA BA'I TSIGS BCAD SMOS SO, ,RGYAL PO'I DPAL NOR PHUN SUM TSOGS PA LA LTOS PA CI'I PHYIR ZHE NA, NOR DANG RAB TU LDAN NA BSGRUB PAR NUS PA'I PHYIR TE, GANG LA NOR YOD PA DE LA RGYAL PO'I DPAL YOD DE, DE LTAR NA NOR YOD PA NYID KYIS RGYAL PO'I DPAL YOD PA NYID DU BSTAN TO, ,NOR MED NA NI RGYAL PO'I DPAL MED PA'I DBANG DU BYAS NAS, NOR MED NA NI RGYAL PO'I DPAL DE YANG ZHES BYA BA'I TSIGS BCAD PHYED 'OG MA'O, ,DE LTAR 'DI GNYIS KYIS DE YOD NA NI YOD LA MED NA NI MED PA'I PHYIR RGYU DANG RGYUN CAN GYI MTSAN @329A *, ,NYID DU BSTAN TO, ,LEGS PAR SMRAS PA'I MCHOD PA MANG NA BRGYA, ,DE LAS MANG NA NUS PAR MI 'GYUR TE, ,ZHES BYA BA RGYAL POS SMRAS PA DE'I LAN LAS BRTZAMS TE, LEGS PAR SMRAS PA RNAMS KYI RIN THANG ZHIG ,CES BYA BA'I TSIGS BCAD SMOS SO, ,RIN THANG GI TSAD NI RIN THANG NGES PA STE, RIN THANG GI TSAD CES BYA BA'I DON TO, ,KHYOD KYANG DMA' BAR GA LA 'GYUR, ,ZHES BYA BA YIN TE, CI'I PHYIR ZHE NA, LEGS PAR BSHAD PA LA MCHOD PA SBYIN PAR BYA BA'I DON DU NI RGYAL SRID KYANG RING DU MCHOD PA MA YIN PA'I PHYIR RO, ,RIN THANG BCAD PAR MI NUS PA'I GTAN TSIGS BSTAN PA'I PHYIR, GANG ZHIG THOS NAS YID NI ZHES BYA BA'I TSIGS BCAD SMOS SO, ,'DI'I BSDUS PA'I DON NI THOG MA DANG, BAR MA DANG, THA MA DGE BA'I PHYIR, LEGS PAR BSHAD PA'I RIN NGES PAR BCAD DU MI RUNG NGO ZHES STON TO, ,THOG MAR DGE BA GANG ZHE NA, THOS SHING NYAN PA'I TSE NA YID DGA' BAR 'GYUR BA YIN TE, DE YANG, GANG ZHIG THOS NAS YID NI DAD 'GYUR BA, ,ZHES BYA BA 'DIS BSTAN TO, ,BAR DU DGE BA GANG ZHE NA, BSAM PA DANG LDAN ZHING NYE BAR GNAS PA STE, BSAM PAS BSAMS PA DE NI LEGS PAR DGA' LA BRTEN PAR 'GYUR BA'O, ,THA MAR DGE BA GANG ZHE NA; BSGOMS PA DES SHES RAB SKYE ZHING GTI MUG MED PAR 'GYUR BA STE, GTI MUG NI MA RIG PA SPANGS PA STE, DE SPANGS PA'I PHYIR YANG BYA BA BYAS PA'I PHYIR RO, ,RANG GI SHAS KYANG DE NI NYO BA'I RIGS, ,ZHES BYA BA NI NANG GI LUS KYIS KYANG NYO BAR BYA BA YIN NA, PHYI ROL GYI DNGOS PO LTA SMOS KYANG CI DGOS ZHES BYA BA'I DON TO, ,THOS PA GTI MUG CES BYA BA'I TSIGS BCAD 'DI NI 'JIG RTEN LAS 'DAS PA'I YON TAN DANG RJES SU MTHUN PA'I DBANG DU BYAS PA STE, GTI MUG MUN SEL ZHES BYA BAS NI MTHONG BA'I LAM GYI RGYUS MTHONG BA'I LAM GYI MI MTHUN PA MA RIG PA SPONG BA'I GNYEN PO THOS PA MA YIN PA'I PHYIR RO, ,THOS PA NI SGRON MA'O, ,THOS PA NI NOR GYI MCHOG STE, 'JIG RTEN LAS 'DAS PA'I 'PHAGS PA'I NOR GYI RGYUS DE'I TSE DANG BSHES PA'O, ,THOS PA NI KUN DU RMONGS PA'I SGRA 'JOMS PA'I MTSON CHA YIN TE, BSGOM PA'I LAM GANG GI BAG CHAGS DANG BCAS PA SPONG BAR BYED PA'I PHYIR @329B RO; ,THOS PA NI, THABS TSUL MAN NGAG STON PA'I GROGS KYI MCHOG, ,CES BYA BA YIN TE, DE LA LHAG PAR BSGOM PAS SPANG BAR BYA BA'I NYON MONGS PA SPONG BAR SGRUB PA NI GZHAN GYIS BSTAN PA MED PAR THOS PA'I 'BRAS BU NYID KYIS BSGOM PA'I LAM BSGRUB PA'I THABS STON PA'I PHYIR RO, ,DA NI MTHONG BA'I CHOS NYID LA PHAN 'DOGS PA'I DBANG DU BYAS NAS PHONGS PAR GYUR KYANG ZHES BYA BA'I TSIGS BCAD SMOS SO, ,MTHONG BA'I CHOS LA PHAN 'DOGS PA YANG RNAM PA GNYIS TE, PHONGS PA LAS BZLOG PA'I PHAN 'DOGS PA DANG, PHAN YON SKYED PAR BYED PA'I PHAN 'DOGS PA'O, ,PHONGS PAR GYUR KYANG MI 'GYUR MDZA' BO YIN, ,ZHES BYA BA NI, BCING BA LA SOGS PA'I PHONGS PA SEL PA'I PHYIR RO, ,SEMS KYI NAD MYA NGAN GYI MTSAN NYID LA THOS PA NI SMAN YIN TE, MYA NGAN SEL BAR BYED PA'I PHYIR RO, ,THOS PA NI DPUNG YIN TE SO SOR BRTAGS TE YANG DAG PAR BLANGS NAS 'DOD CHAGS LA SOGS PA NYES PA RNAMS KYI DPUNG 'JIG PAR BYED PA'I RGYUR GYUR PA STE, DE YANG 'DOD CHAGS LA SOGS PA'I NYES PA SO SOR BRTAGS PA'I STOBS KYI ZIL GYIS MNAN PA YIN PA'I PHYIR NYES PA 'JOMS PAS DPUNG GI MCHOG GO, ,THOS PA NI GRAGS PA DANG DPAL GYI GTER GYI MCHOG KYANG YIN TE, THOS PA LA NYE BAR GNAS PAS NA MI BZAD PA'I GRAGS PA DANG DPAL THOB PA YIN NO, ,DA NI THOS PA SMRA BAR BYED PA RNAMS KYI PHAN GDAGS PA CHEN PO NYID DU BSTAN PA'I PHYIR, YA RABS RNAMS DANG PHRAD NA SKYES KYI MCHOG ,CES BYA BA LA SOGS PA'I TSIGS BCAD SMOS SO, ,DE LA SMRA BA RNAMS LA THOS PA PHAN 'DOGS PA NYID DU BSTAN PA'I PHYIR, YA RABS RNAMS DANG PHRAD NA ZHES BYA BA LA SOGS PA'I TSIGS BCAD BZHI SMOS SO, ,DE LA TSIG BZANG POR GYUR PA NI RNAM PA BZHI STE, RANG GI PHYOGS GNAS PAR BYED PA NYID DU SMRA BA'I TSIG LA MKHAS PAR 'GYUR BA DANG, LEGS PAR BSHAD PA'I SNYAN DANG[?] GAS BYED PA'I TSIG LA MKHAS PAR 'GYUR BA DANG, CHOS STON PA'I TSIG LA MKHAS PAR 'GYUR BA DANG, BSTAN BCOS KYI RIM PA BZHIN DU SHES PA STE, TSIGS BCAD BZHI DANG GO RIMS BZHIN DU SBYAR RO, ,YA RABS RNAMS DANG PHRAD NA ZHES BYA BA'I TSIGS BCAD 'DI NI RANG GI PHYOGS GNAS PAR BYED PA SMRA BA'I @330A *, ,TSIG LA MKHAS PAR GYUR PA'I DBANG DU BYAS PA STE, GANG GI PHYIR DE'I TSIG NI YA RABS RNAMS DANG PHRAD NA SKYES BZHIN DU 'GYUR TE, YAN LAG SKYON MED PA DES 'DOD PA'I DON SGRUB NUS PA'I PHYIR RO, ,TSOGS KYI NANG NA MKHAS PA DGA' BAR 'GYUR, ,ZHES BYA BA NI BRJOD PA DANG BRJOD PAR BYA BA'I DON RIGS PAR LDAN PA DES SO, ,PHAS KYI RGOL BA NYID 'OD YIN PAS PHAS KYI RGOL BA 'OD DO, ,DE RNAMS KYI JI LTAR NYI MA LTA BU YIN TE, NYI MAS NI ZLA BA LA SOGS PA'I 'OD ZER ZIL GYIS GNON PA BZHIN DU RANG GI PHYOGS GNAS PAR BYED PA'I TSIG LA MKHAS PA YIN TE, RANG GI PHYOGS GNAS PA NYID KYIS PHAS KYI RGOL BA'I 'OD ZIL GYIS MNAN PAR 'GYUR RO, ,'GRAN PA RNAMS KYI ZHES BYA BA NI GANG DAG DE LA 'GRAN ZHING RGOL BAR 'DOD PA'O, ,DE RNAMS KYI GRAGS PA DANG, DRAGS SEL BA YIN TE, 'GRAN PA RNAMS KYIS 'DOD PA'I DON SGRUB PAR MI NUS PA'I PHYIR RO, ,MIG DANG BZHIN MDANGS RAB TU GSAL GYUR CING, ,ZHES BYA BA'I TSIGS BCAD NI LEGS PAR BSHAD PA'I TSIG LA MKHAS PAR 'GYUR BA'I DBANG DU BYAS PA STE, MIG DANG BZHIN NI MIG DANG BZHIN NO, ,MDANGS DANG RAB TU GSAL BA NI MDANGS DANG RAB TU GSAL BAR GYUR PA'O, ,MIG DANG BZHIN MDANGS RAB TU GSAL BAR GYUR PA GANG YIN PA DE NI MIG DANG BZHIN MDANGS RAB TU GSAL BAR GYUR PA'O, ,MIG DANG BZHIN MDANGS RAB TU GSAL BA DANG, MDANGS RAB TU GSAL BAR GYUR PA DES RAB TU DGA' BA NI RAB TU DGA' BAR GYUR NAS SO, ,YANG NA MIG DANG BZHIN NI MIG DANG BZHIN NO, ,MDANGS NYID RAB TU GSAL BA YIN PAS MDANGS RAB TU GSAL BA STE, MIG DANG BZHIN MDANGS KYANG YIN LA RAB TU GSAL BA YANG YIN PAS RAB TU GSAL BAR GYUR PA'O, ,LHAG PAR TSIM PA YIN PAS LHAG PAR DGA' BA STE, RAB TU DGA' BAR GYUR PA'O, ,RAB TU DGA' BAR GYUR PA DE GANG YIN ZHE NA, MIG DANG BZHIN MDANGS RAB TU GSAL BAR GYUR PA'O, ,MI BSHES PA NI MA 'DRIS PA STE SNGAR MA MTHONG BA'O, ,LAG PA'I SE GOL RNGOB PAS MGU BAR BYED PA GANG YIN PA DE NI LAG PA'I SE GOL MGU BYED RNGOB PA'O, ,CHOS BSTAN PA'I TSIG LA MKHAS PAR 'GYUR BA'I DBANG DU BYAS NAS, GTAN TSIGS DON RNAMS RAB TU GSAL BAR STON, ,ZHES BYA BA'I TSIGS BCAD SMOS SO, ,GTAN @330B TSIGS KYANG YIN LA GSAL BA YANG YIN PAS GTAN TSIGS GSAL BA'O, ,DES DON STON PA ZHES BYA BA NI GTAN TSIGS RAB TU GSAL BAS DON RAB TU STON PA'O, ,GTZUG LAG DANG LUNG RNAM PA SNA TSOGS PA NI GTZUG LAG LUNG RNAMS SNA TSOGS SO, ,LUNG NI MAN NGAG STE, GTZUG LAG DANG, LUNG SNA TSOGS STON PA DANG MTHUN PA'O, ,DE LTAR RE ZHIG CHOS STON PAS DON PHUN SUM TSOGS PA BSTAN TO, ,MNYEN ZHING SBYANGS PAS YID DU 'ONG BA'I PHYIR, ,ZHES BYA BA LA, MNYEN PA NI SGRA SNYAN PA'O, ,SBYANGS PA NI SGRA'I MTSAN NYID DANG LDAN PA STE, SGRA SNYAN PA DANG, LEGS PAR SBYAR BA GNYIS KYIS YID DU 'ONG BA NI MNYEN ZHING SBYANGS PA YID DU 'ONG BA NYID DO, ,DE BAS NA 'DIS NI BRJOD PA PHUN SUM TSOGS PA BSTAN TO, ,ME TOG PHRENG BA MA RNYES BKRAM PA BZHIN, ,ZHES BYA BA NI ME TOG MA RNYIS PHUNG PO BZHIN NO, ,BSTAN BCOS KYI RIM PA BZHIN DU TSIG LA MKHAS PAR GYUR PA'I DBANG DU BYAS NAS, DUL ZHING RAB TU GSAL BA'I ZHES BYA BA'I TSIGS BCAD SMOS SO, ,DUL BA DANG RAB TU GSAL BA NI DUL ZHING RAB TU GSAL BA'O, ,DUL ZHING RAB TU GSAL BA DES SPOBS PA NI DUL ZHING RAB TU GSAL BA'I SPOBS PA'O, ,DE GNYIS 'BAR BA DE NI DUL ZHING RAB TU GSAL BA'I SPOBS PA SKYE BA'O, ,DUL BA NI NYON MONGS PA MED PA'I PHYIR RO, ,RAB TU GSAL BA NI GNOD PA MED PA'I PHYIR RO, ,'PHRAL DU ZHES BYA BA NI ZIL GYIS GNON PA'O, ,SMRA BA LEGS PA NI LCE BDE BAR GYUR PA STE GANG BZANG PO'O, ,NGA LA GOMS PA NI LDAN PA'O, ,THOS PA NYID DPAL YIN PAS THOS PA'I DPAL LO, ,DON GSAL BAR RTOGS PAR GYUR PA GANG LA YOD PA DE NI DON GSAL BAR RTOGS PAR 'GYUR BA'O, ,DE NYID THOS PA'I DPAL YIN PAS DON GSAL RTOGS 'GYUR THOS PA'I DPAL LO, ,BSGRUB PA'I RGYU'I DBANG DU BYAS NAS, THOS I DANG LDAN NA 'GAL BA MED PA'I ZHES BYA BA'I TSIGS BCAD SMOS SO, ,'GAL BA'I DNGOS PO YIN PAS 'GAL LO, ,'GAL BA YIN LA NYES PA YANG YIN PAS 'GAL BA'I NYES PA'O, ,DA SPANGS PA NI 'GAL BA'I NYES PA MED PA'O, ,'KHOR GSUM LAM LA ZHES BYA BA NI MNGON PAR MTHO BDE 'GRO'O, ,SGRUB PA'I RGYU LA RAB TU GNAS PA ZHES BYA BA'I DON TO, ,JI LTAR RAB TU GNAS PA YIN @331A *, ,ZHE NA; THOS PA'I RJES SU 'JUG PAS BSGRUB PA YIN PAS THOS PA'I RJES SGRUB PA'O, ,DE SNYING POR BYED PA GANG YIN PA DE NI THOS PA'I RJES 'JUG SGRUB PA SNYING POR BYED PA'O, ,SKYE BA'I RDZONG LAS TSEGS CHUNG THAR BAR 'GYUR, ,ZHES BYA BA NI NGES PAR LEGS PA'I DBANG DU BYAS PA STE, THOS PA'I RJES 'JUG SGRUB PA SNYING POR BYED PA DE NYID KYIS THAR BA'O, ,YON TAN DU MA CAN ZHES BYA BA NI GONG DU BSTAN PA'I YON TAN LAS GZHAN DAG KYANG GZUNG STE BDAG GIS NUS BZHIN DU JI LTAR THOS PA DE LA MCHOD PA MI BYA BA'O, ,KHYOD KYI BKA' YANG CI PHYIR BCAG PAR 'GYUR, ,ZHES BYA BA 'DI YIN TE, LEGS PAR SMRA BA STON PA LA YANG MCHOD PA BYA BA MCHOG TU TSAD MA YIN TE, DE LAS MCHOG TU GYUR PA MED PA'I PHYIR DOGS PA MED PA'I YON TAN NYAMS PAR 'GYUR, SKYON GYI LAM DU ZHUGS PAS 'THOB 'GYUR BA'I, RGYAL SRID SPYOD PA YIN TE, DE BAS NA RGYAL SRID SPYOD PA BDAG LA DGOS PA MED PA'O,, SU D'A SA'I BU'I DRUNG DU 'GRO ZHES BSTAN PA DE RGYU GNYIS KYIS BSTAN PA YIN NO, ,LEGS PAR BSHAD PA LA MCHOD PA'I TSAD KYI TSIG DANG, BDAG NYID 'BYOR BA'I DON LAS LDOG PA'O, ,MI DGA' BA LAS BRTZAL BA'I PHYIR, CI STE BDEN PA BSRUNG BA'I PHYIR, BDAG NYID LA MI DGA' BA MI BYA BA'I DBANG DU BYAS NAS BU KHYOD NYID LA PHAN PA'I PHYIR ZHAS BYA BA LA SOGS PA SMOS SO, ,BDEN PA BSRUNG BA'I DBANG DU BYAS NAS, 'ON TE DE'I DRUNG DU 'GRO BAR KHYOD KYIS KHAS BLANGS TE, ,ZHES BYA BA LA SOGS PA'O, ,GZHUNG LUGS KYI CHOS DANG 'GAL BA ZHES BYA BA NI DRANG SRONG GI CHOS YIN PAS GZHUNG LUGS KYI CHOS SO, , DE DANG 'GAL BA'I CHOS GANG LA YOD PA DE NI GZHUNG LUGS KYI CHOS DANG 'GAL BA'O, ,SDUG BSNGAL GYI 'DAM DU BYING BZHES BYA BA NI, MI'I SHA ZA BA'I SDUG BSNGAL BA NYID DU BYING BA'O, ,SEMS CAN DMYAL BA LA MNGON DU PHYOGS PA ZHES BYA BA NI, DMYAL BAR SKYE BA LA MNGON DU PHYOGS PA STE, DE BAS NA, DE NYID KYIS SDUG BSNGAL GYI 'DAM DU BYING BA'I PHYIR TE, DE LTAR 'DI GNYIS KYIS SDUG BSNGAL BA NYID DU BSTAN TO, MJA' BO DANG GNYEN BSHES KYIS YONGS SU SPANGS PA ZHES BYA BA NI, BZOD PA'I 'BRAS BU G-YOG 'KHOR GYIS YONGS SU SPANGS PA'O, ,MGON MA MCHIS PA ZHES BYA BA NI GZHAN YANG SDANG MA MTHONG @331B BA'I SKYE BO RNAMS KYIS YONGS SU SPANGS PA STE DON MED PA'I PHYIR RO, ,DE'I DRIN GYIS ZHES BYA BA NI BTANG BA'I RGYUS SO, ,YUN RING DU GOMS PA DES SEMS SHIN TU RTZUB CING DRI MA SHAS CHER YOG PA GANG LA YOD PA DE NI SEMS RTZUB PA YUN RING DU GOMS PA'I DRI MAS SHAS CHER YOG PA'O, ,'JIGS PA DANG SKRAG PA CUNG ZAD KYANG MED PA'I PHYIR BRTAN PAS BDAG RANG 'DIR 'ONGS PA YIN TE, DE BAS NA BDEN PA SMRA ZHING DGE BA'O, ,BDEN PA SMRA ZHES GRAGS PA DE JI LTA BU'I BDEN PA LA GNAS PA YIN ZHE NA, DE'I PHYIR SMRAS PA, 'DI LTAR BDEN PA BSRUNG BA'I PHYIR, ,SROG DANG RGYAL SRID GANG GTONG BA, ,ZHES BYA BA SMOS TE, GZI BYIN RAB TU NYAMS ZHES BYA BA 'DIS NI 'JIG RTEN PHA ROL GYI SDUG BSNGAL GYI 'BRAS BU NYID DU BSTAN TO, ,'PHRAL GYI BDEN PA MI 'GRUB PA, ,ZHES BYA BA NI MTHONG BA'I CHOS KYI BDEN PA YANG MI 'GRUB PA NYID DU BSTAN TO, ,'ON KYANG KHYOD NI 'JIG RTEN GNYI GA LA PHAN BA SGRUB PA MA YIN TE, GZHUNG LUGS KYI TSUL LA NI NGA NYID MKHAS SO, ,CHOS KYI GZI PHYIN RAB TU NYAMS SO ZHES BYA BA DES NI CI ZHIG TU 'GYUR ZHE NA, DE'I PHYIR SMRAS PA, GZHUNG LUGS TSUL SPYOD CES BYA BA'I TSIGS BCAD BRTZAMS SO, ,SHI NAS NI NGAN SONG DU LTUNG BA YIN TE, CI'I PHYIR ZHE NA, CHOS KYI GZI BYIN NYAMS PA'I PHYIR RO, ,BRDZUN SMRA BTANG NAS BDEN PA NGA SMRA STE, ,ZHES BYA BA'I TSIGS BCAD NI SNGAR BSTAN PA'I DON SDUD PA YIN TE, DE BAS SHES ZHES BYA BA SPYOD PAR GYUR NA NI, CHOS KYI GZI BYIN NYAMS PA DANG, 'PHRAL GYI BDE BA MI 'GRUB PA DANG, SHI NAS NGAN SONG DU 'GRO BA STE, DE BAS NA NYES BA DAG GIS MI RUNG BA'I TSUL YIN PA'I PHYIR, YONGS SU DOR BAR BYA'O, ,MKHAS SMRA BA ZHES BYA BA NI LUGS KYI BSTAN BCOS LA MKHAS PA'O, ,GRAGS DANG BDE BA'I DON DANG 'GAL BA GANG, ,ZHES BYA BA LA GRAGS PA SMOS PAS NI MKHAS PA NI MCHOD PAR 'OS PA'I PHYIR RO, ,BDE BA SMOS PAS NI 'DOD PA RNAMS GZUNG NGO, ,RE ZHIG 'DIS CI DANG 'GAL BA YIN ZHE NA, MTHUN PA DRUG GANG BSTAN PA DE STON PA YIN TE, 'GAL BA'I DON DANG, GNOD PA DANG, MTHUN PA'I DON DANG, 'GAL BA'I GNOD PA DANG, DON DANG MTHUN PA'I GNOD PA DANG, 'DI BZHI NI GZHUNG BZANG PO ZHES MKHAS PA MI SMRA STE, DE LTAR DON DANG RJES SU MTHUN PA DANG, @332A *, ,GNOD PA DON DANG RJES SU MTHUN PAR BYA'O ZHES BYA BA DANG, DANG DU LEN PAR GYUR PA YIN TE, DES NA PHANGS PA'I SROG DANG ZHES BYA BA LA SOGS PA BRTZAMS PA YIN TE, PHANGS PA'I SROG CES BYA BA 'DIS NI TSUL KHRIMS KYI 'BRAS BU YONGS SU SPANGS PA NYID DU BSTAN TO, ,NANG MI MCHI MAS 'JU BA ZHES BYA BAS NI BZOD PA'I 'BRAS BU SPANGS PA NYID DU BSTAN TO, ,RGYAL SRID BDE BA YID DU 'ONG BA ZHES BYA BA 'DIS NI SBYIN PA'I 'BRAS BU SPANGS PA NYID DU BSTAN TO, ,DE LTAR BSOD NAMS KYI TSOGS KYI 'BRAS BU GSUM PO YONGS SU SPANGS PA YIN TE ZHES BSTAN TO, ,DON 'DI JI LTAR DON DANG MTHUN PAR 'GYUR, ,ZHES 'DRI BA YIN TE, DON DU 'GYUR BA CI MTHONG NA, ,ZHES BYA BA 'DIS NI JI LTAR MKHAS PAS SROG YONGS SU GTONG BA'O, ,BDEN PA'I TSIG CES BYA BA DE NYID BSGRUB PA'I PHYIR, DE BSRUNG PHYIR NI ZHES BYA BA LA SOGS PA SMOS TE, DE BSRUNG PHYIR NI ZHES BYA BA NI BDEN PA BSRUNG BA'I PHYIR RO, ,DRUNG DU 'ONGS ZHES BYA BA NI, DE LTAR GCIG PU PHUB DANG MTSON CHA MED PAR RO, ,NGA'I ZHES BYA BA NI GSAD PAR BYA BA BTANG BA LA SOGS PA'O, ,PHRENG BA MDZES PA ZHES BYA BA'I TSIGS BCAD KYI PHYED NI LONGS SPYOD PA RNAMS KYI YID DU 'ONG BA'I DBANG DU BYAS PA'O, ,BSOD NAMS KYI YON TAN YIN PAS BSOD NAMS YON TAN NO, ,DE 'GRUB PA NI BSOD NAMS YON TAN 'GRUB PA STE, BSOD NAMS YON TAN 'GRUB PA DES KHYAD PAR DU 'PHAGS PA'O, ,NYON MONGS PA MED PAR ZHES BYA BA NI LUS KYI NGAL BA MED PAR ZHES BYA BA'I DON TO, ,DKA' THUB NI GANG GI PHYIR YON TAN 'PHEL BA'I MTSAN NYID DO, ,MU STEGS 'GRO BA ZHES BYA BA NI STEGS LA BRTEN NAS BSOD NAMS RAB TU 'GRUB CING, NGAN PAR SPYOD PA DAG LA YIN TE, STEGS DAG TU 'GRO BA'I NYON MONGS MED PAR BSOD NAMS THOB PA YIN PA'I PHYIR, 'DIS NI SNGAR BSAGS PA'I SDIG PA BDEN PA NYID KYIS DAG PAR BSTAN TE, DKA' THUB SPYOD PA DANG, MU STEGS SU SPYOD PA 'DI GNYIS KYIS BSOD NAMS DANG YON TAN 'GRUB PA NYID DU BSTAN PA YIN NO, ,'GRO BA MTHA' DAG KHYAB PA'I ZHES BYA BA'I TSIGS BCAD 'DI NI MTHONG BA'I CHOS KYI 'BRAS BU DANG, MNGON PAR MTHO BA DANG, NGES PAR LEGS PA'I DBANG DU BYAS PA'O, ,'GRO BA MTHA' DAG KHYAD PAR 'PHEL BA NI 'GRO BA MTHA' DAG KHYAD PAR 'PHEL BA'O, ,'JIG RTEN GSUM LAS @332B 'DA' BA'I ZHES BYA BA NI SA'I STENG DANG, NAM MKHA' DANG, MTHO RIS TE, DE LTA BU'I MTSAN NYID KYI 'JIG RTEN GSUM LAS 'DA' BA'I LAM NI BDE BA STE, 'DIS NI MTHONG BA'I CHOS KYI 'BRAS BU BSTAN TO, ,LHA'I GNAS SU 'DZUG PA'I SGO YANG YIN, ,ZHES BYA BA 'DIS NI BDEN PA MNGON PAR MTHO BA'I LAM NYID DU BSTAN TO, ,'KHOR BA'I RDZONG LAS THAR BA'I ZAM PA YIN, ,ZHES BYA BA 'DIS NI NGES PAR LEGS PA'I LAM NYID DU BSTAN TO, ,LHA YIS RAB TU BSGRIBS KYANG GNAS MI NUS, ,ZHES BYA BA'I TSIGS BCAD NI BCOS SU MI NUS PA'I PHYIR, 'CHI BAS 'JIGS PA MED DO ZHES BYA BA DE NYID KYI DBANG DU BYAS PA'O; ,DE LTAR ZHES BYA BA NI 'CHI BA BCOS SU MED PA NYID KYIS SO, ,'JIG RTEN GYI CHOS KYI CHOS NYID LA BRTAGS NA ZHES BYA BA YIN TE, SDIG PA BYAS PAS RJES SU 'GYOD PAR 'GYUR, ,ZHES BYA BA'I TSIGS BCAD 'DIS NI LDOG PA MED PA DANG 'JUG PA'I TSUL GYI DBANG DU BYAS PA'O, ,SDIG PA BYAS NA RJES SU 'GYOD PAR 'GYUR, ,ZHES BYA BA 'DIS NI LDOG PA'I TSUL MED PA NYID DU BSTAN TO, ,DGE BA'I LAS KYANG LEGS PAR YONGS MA BYAS, ,ZHES BYA BA 'DIS NI 'JUG PA'I TSUL MED PA NYID DU BSTAN TO, ,PHYI MA'I TSE LA SDUG BSNGAL 'BYUNG DU DOGS, ,ZHES BYA BA NI DE GNYIS KA'I TSUL MED PA'I PHYIR RO, , GANG LAS BDAG GI YID NI 'GYOD 'GYUR BA, ,ZHES BYA BA'I TSIGS BCAD KYIS BDAG NI DE GNYI GA'I DON GYI TSUL MED PA YIN TE, DES NA 'CHI BA'I 'JIGS PA MED DO ZHES PA'O, ,PHONGS PA RNAMS NI SLONG DU 'ONGS PA LA, ,ZHES BYA BA'I TSIGS BCAD 'DIS NI BSTAN MA THAG PA, DKAR PO'I LAS KYANG RAB TU GOMS BYAS PA, ,ZHES BYA BA STE, DKAR PO'I CHOS BYAS PA'I PHYIR RO, ,CHOS LA GNAS PA ZHES BYA BA DE BSTAN PA'I PHYIR, MGU BA RNYED PAR 'GYUR ZHES BYA BA STE, SLONG DU 'ONGS PA LA NOR THOB PAS MGU BA YIN TE, PHONGS PA RNAMS MI MGU BAR BYAS PA NI MED DE MA DRAN PA'O, ,BDAG GIS BYAS PAR YANG MI DRAN ZHES BYA BA DE GANG YIN ZHE NA DE NYID BSTAN PA'I PHYIR, RING DU BRTAGS TE BSAMS KYANG ZHES BYA BA'I TSIGS BCAD SMOS SO, ,SDIG PA BYAS PAR YONGS MI DRAN, ,ZHES BYA BA NI SROG GCOD PA LA SOGS PA'O, ,YID LA BSAMS BA TZAM YANG ZHES BYA BA NI YOD PAR BKOD PA YIN PAS YID LA BSAMS PA'O, ,YANG NA YID NYID @333A *, ,BSAMS PA YIN PAS YID LA BSAMS PA STE, SEMS BSKYED PA TZAM YANG MA DRAN NO ZHES BYA BA'I DON TE, DE LTAR RNAM PA GNYIS KYIS MTHO RIS KYI LAM SBYANGS PA GANG YIN PA DE NI MTHO RIS LAM SBYANGS SO, ,DE LTAR DE GNYIS KYIS CHOS LA 'JUG PA DANG, SDIG PA LAS LDOG PA'I TSUL LO, ,PHONGS PA RNAMS NI SLONG DU 'ONGS PA LA, MGU BAR MA BYAS PA NI YONGS MI DRAN, ,ZHES BSTAN PA LA, PHONGS PA DE DAG GANG YIN ZHE NA, DE'I PHYIR SMRAS PA, BRAM ZE RNAMS DANG GNYEN DANG ZHES BYA BA'I TSIGS BCAD SMOS SO, ,DE LA BRAM ZE ZHES BYA BA NI YON TAN GYI ZHING NGO, ,GNYEN DANG MDZA' BO ZHES BYA BA NI PHAN 'DOGS PA'I ZHING NGO, , BRTEN PA DANG PHONGS PA ZHES BYA BA NI SNYING RJE'I ZHING NGO, ,JI LTAR BYANG CHUB SEMS DPA' PHAN 'DOGS MGU BAR BYED PA YIN ZHE NA, DE'I PHYIR SMRAS PA, DE DAG LA NOR MANG PO BZHAG CING JI LTAR 'OS PA'I SBYIN PAS PHONGS PA RNAMS MGU BA'I PHYIR RO, ,YANG NA NOR SHIN TU MANG PO CI RIGS PAR SBYIN PA YIN TE, BYANG CHUB SEMS DPA' DANG GNYI GA YANG DGA' BA'I PHYIR RO, ,GANG GI BYA BA CI YOD DE YANG BDAG GIS BYAS PA ZHES BYA BA NI GZHAN DAG KYANG RJES SU BSTAN PA'O, ,NGA MI 'JIGS ZHES BYA BA NI CHOS LA GNAS PA'I PHYIR DANG, MTHO RIS KYI LAM SBYANGS PA'I PHYIR RO, ,DE BYAS DGA' BAR GYUR PAS ZHES BYA BA NI CHOS LA GNAS PA DGA' BA THOB PA'I PHYIR DANG, MTHO RIS KYI LAM SBYANGS PA'I PHYIR RO, ,YANG NA BRAM ZE LA SOGS PA NOR MANG PO BZHAG PA'I PHYIR DGA' BAR 'GYUR BA STE, RGYU RNAM PA GNYIS KYIS DGA' BA YIN NO, ,BDAG GI SPYOD PA NI BDAG GI SPYOD PA'O, ,BDAG GI SPYOD PA NYID GZUGS YIN PAS BDAG GI SPYOD PA'I GZUGS TE NGAN PA'O, ,DE NI DE LTA BU'I CHOS KYI ME LONG LA'O, , DGA' DANG LDAN PA'I MIG GIS LTA, ,ZHES BYA BA 'DIS NI CHOS 'CHAD PA LA GUS PA DANG LDAN PA NYID DU BSTAN TO, ,TSIG GI BDUD RTZI 'THUNG BA BZHIN, ,ZHES BYA BA 'DIS NI TSIG LA RNA GTOD PA NYID DO, ,GUS PA BSKYED CING RTZE GCIG BTUD, ,RAB TU DANG LA DRI MED YID, ,CES BYA BA 'DIS NI DON LA RNA GTOD PA NYID KYIS DAM PA'I CHOS MNYAN PAR BYA'O ZHES BYA BA YIN TE, 'DI DAG GIS NI DAM PA'I CHOS MNYAN PAR BYA'O ZHES BYA BA'I DON TO, ,JI LTAR 'DOD PAR PHRAD KYANG RUNG, ,ZHES BYA BA NI DAM PA DAG DANG 'GROGS PA LA DGONGS PA YIN TE, BRNYEN BKUR MA BYAS PA NYID DU STON TO, ,LAN CIG TZAM ZHES BYA BA 'DIS NI RTAG TU BYED PA MED PA NYID DO, ,BSNYEN BKUR BYAS PA @333B MED KYANG SKYE BO DAM PA DANG 'GROGS PA BRTEN PA NYID DU BSTAN TO, ,RAB TU BRTAN PA NYID DU 'GYUR, ,ZHES BYA BA 'DIS NI DE LA RTAG TU BYAS PA MED KYANG DUS YUN RING DU GNAS PA THOB PA NYID DU STON TO, ,'DRIS PA DANG BYA BA NI 'DRIS PAR BYA BA'O, ,'DRES PAR BYA BA DE LA MI LTOS PA NI 'DRIS PAR BYA BA NI MI DGOS PAR RO, ,BSNYEN BKUR BYAS PA'I BYA BA YANG MI DGOS TE, JI LTAR PHRAD KYANG RUNG BA'I PHYIR RO, ,JI LTAR PHRAD KYANG RUNG STE, DAM PA DAG DANG 'GROGS PA NI BRTAN PAR 'GYUR TE, DE CI'I PHYIR ZHE NA, BYA BA MI DGOS PA STE, SKYE BO DAM PA DAG DANG 'GROGS PA LA BYA BA MI DGOS PA'I PHYIR RO, ,'DI LTAR 'DRIS PA LA LTOS PA YIN NA NI LAN CIG PHRAD PAS GTAN DU MI 'GYUR TE CI'I PHYIR ZHE NA, 'DRIS PA LA LTOS PA'I PHYIR RO, ,MGO BSGYUR BA DANG, SE GOL GTOGS PA GNYIS NI MGO BSGYUR SE GOL GTOGS PA'O, ,DAM PA RNAMS NI SUS KYANG MI BSRING NGO, ,ZHES BYA BA LA SOGS PA'I TSIGS BCAD GSUM NI, DAM PA DAG DANG LHAN CIG TZAM, ,ZHES BYA BA'I TSIGS BCAD DE'I RJES SU BSTAN PA'O; ,SNGAR BSTAN PA'I JI LTAR 'DOD PAR PHRAD PAR RUNG STE ZHES BYA BA'AM, GUS PAR BYED PA DANG, RTAG TU SBYOR BA GNYIS DANG BRAL BA LA YANG DAM PA DAG DANG 'GROGS PA DANG BRTAN PA DANG, GTAN DU BA NYID BSTAN TO, ,DA NI GUS PA DANG RTAG TU BYA BA'I SBYOR BAS DAM PA DAG DANG 'GROGS PAR 'DOD PA DANG SGYAR BA'I PHAN YON BSTAN PAR 'DOD PAS, DAM PA RNAMS NI SUS KYANG ZHES BYA BA'I TSIGS BCAD 'DI BRTZAMS SO, ,DAM PA RNAMS NI SUS KYANG MI BSRING NGO, ,ZHES BYA BA NI SNGAR BSTAN PA'I DAM PA DAG DANG 'GROGS NA GTAN DU BA YIN PA'I PHYIR RO, ,DUL BA'I TSUL GYIS DGE LA BSTAN PAR BYA, ,ZHES BYA BA NI SNGAR BSTAN PA'I JI LTAR 'DOD KYANG RUNG STE ZHES BYA BA YIN TE, DAM PA DAG DANG 'GROGS PA NI BRTAN PA'I PHYIR RO, ,DGE BDAG LA BSTEN PA JI LTAR BYA ZHE NA, SMRAS PA, DUL BA'I TSUL DU BYA ZHES BYA BA YIN TE, 'DIS NI GUS PAR BYED PA'I SBYOR BA NYID DU SBYOR BA YIN NO, ,DAM PA DAG DANG 'GROGS PA LA DE GNYI GA'I PHAN YON BSTAN PA'I PHYIR SMRAS PA, DE DANG NYE NA ZHES BYA BA'I TSIGS BCAD PHYED 'OG MA YIN NA; ,CHED DU MA BSGRUBS PAR YANG ZHES BYA BA NI BSTAN BCOS NYAN PA LA SOGS PA'I BYA BA MA BYAS PAR YANG STE, MA BSRINGS PA DE TZAM STE, MA BSRINGS PA DANG DUL BA'I TSUL TZAM GYIS SO, ,DE DANG NYEN ZHES BYA BA NI DGE BA DE DANG NYE NA'O, ,SKYE BO DAM PA DE'I YON TAN NI DE'I YON TAN NO, ,DE'I YON TAN NYID ME TOG YIN PAS YON TAN ME @334A *, ,TOG GO, ,DE'I RDUL NI YON TAN GYI RDUL TE, 'DI NI DAM PA DANG 'PHROGS PA'I PHAN YON NO, ,DE LTAR RE ZHIG JI LTAR 'DOD PAR PHRAD KYANG RUNG STE, DAM PA DAG DANG LAN CIG TZAM, ,ZHES BYA BA 'DI NI RJES SU BSTAN PA STE, DAM PA RNAMS KYI PHAN YON NO, ,YANG NA SKYE BO DAM PA NI BDAG NYID LA PHAN PAR ZHUGS PA YIN TE, DE BAS NA SUS KYANG MI BSRING NGO, ,DGE BA LA BSTEN PAR BYA ZHES BYA BA NI GZHAN LA PHAN PAR 'JUG PA'O, ,DA NI RAB TU BRTAN PA NYID DU 'GYUR, ,ZHES BYA BA DE RJES SU BSTAN PA LAS BRTZAMS TE, RGYAL PO'I SHING RTA RIN CHEN GSER GYIS BRGYAN, ,ZHES BYA BA'I TSIGS BCAD YIN TE, LUS KYANG RGAS PAS MI SDUG PAR YANG 'GYUR, ,ZHES BYA BA 'DIS NI PHYI ROL GYI DNGOS POR 'GYUR BA NYID DU BSTAN TO, ,NOR BU GSER GYIS BRGYAN ZHES SMOS PA NI GZUGS GNAS PA NYID DU RIGS PA YIN NA YANG PHYIS RGAS PAS MI SDUG PAR 'GYUR BA YIN NA GZHAN DAG LTA SMOS KYANG CI DGOS PA'O, ,RGYAL PO ZHES SMOS PAS NI MNGON PAR SBYAR BA'I KHYAD PAR DANG LDAN PA'I SHES PA YIN TE, DE'I SHING RTA BSTAN PA'I PHYIR RO, ,RGYAL PO'I LUS RIN PO CHE GSER GYIS BRGYAN PA YANG RGAS PAS MI SDUG PAR 'GYUR RO ZHES BYA BA NI NANG GI DNGOS PO YANG RNAM PAR 'GYUR BA NYID DU STON TO, ,DAM PA RNAMS KYI CHOS NI RGAS MI 'GYUR, ,ZHES BYA BA 'DIS NI GANG SNGAR BSTAN PA'I RAB TU BSTAN PA NYID DU 'GYUR ZHES BYA BA DE'I RGYU NYID BSTAN TO, ,CI'I PHYIR DAM PA RNAMS KYI CHOS RGAS PAR MI 'GYUR ZHE NA, DE'I PHYIR SMRAS PA, DGE BA RNAMS NI GANG GI PHYIR YON TAN LA RJES SU CHAGS PA BRTAN PAR 'GYUR BAS DAM PA RNAMS KYI CHOS NI RGAS PAR MI 'GYUR BA STE, YON TAN LA GOMS PAR BYA BA'I PHYIR, SKYE BO 'GROGS PA DE DAG LA YON TAN GZHAN DU MI 'GYUR TE, DE GOMS PAR BYAS PAS JI LTAR GZHAN DU 'GYUR ZHES BYA BA'I DON TO, ,'DRIS PAR BYA BA MI DGOS PAR, ,ZHES BYA BA DE RJES SU BSTAN PA LAS BRTZAMS TE, NAM MKHA' DANG NI SA GZHI'I BAR YANG RING, ,ZHES BYA BA'I TSIGS BCAD 'DI YIN TE, NAM MKHA' PAR RAB TU RING BA YIN TE, GANG LAS SHE NA SA LAS SO, ,SA YANG RAB TU RING BA YIN TE, GANG LAS SHE NA NAM MKHA' DANG NGO, ,PHA ROL TSU ROL 'GRAM YANG RING BA YIN TE, PHA ROL DANG PHA ROL MA YIN PA'O, ,YANG NA SA DANG NAM MKHA' GCIG RING BA YIN NO, ,DE BZHIN DU PHA ROL DANG TSU ROL GYI 'GRAM YANG PHA ROL DANG TSU ROL GYI 'GRAM @334B NYID DO, ,SHAR NUB GNYIS KYI RI BAR DE BAS RING, ,PHAL DANG DAM PA'I CHOS KYANG DE BAS RING, ,ZHES BYA BA NI PHAN TSUN DE BAS RING BA'O, ,CI'I PHYIR NAM MKHA' DANG SA'I BAR RAB TU RING BA DANG, RGYA MTSO'I PHA ROL DANG TSU ROL RAB TU RING BA DANG, SHAR NUB GNYIS KYI RI RAB TU RING BA STE, CI'I PHYIR DPE GSUM PO 'DI DAG NYID GZUNG GI, GZHAN MA YIN ZHE NA, CHOS 'DI NI TSUL KHRIMS DANG, TING NGE 'DZIN DANG, SHES RAB KYI MTSAN NYID YIN TE, NAM MKHA' DANG RING BA NYID KYIS NI TSUL KHRIMS LAS BRTZAMS PA YIN TE, NAM MKHA' LTA BU NI DAM PA RNAMS KYI CHOS TE, TSUL KHRIMS KYI MTSAN NYID DO, ,MI DGE BA THAMS CAD KYIS GOS PA'AM, SBAGS PA DES NA SA LTA BU NI DAM PA MA YIN PA'I CHOS TE, MI GTZANG BA THAMS CAD KYIS GOS PA DES SO, ,TING NGE 'DZIN NI RGYA MTSO'I PHA ROL DANG TSU ROL LTA BU YIN TE, RGYA MTSO'I PHA ROL LTA BU NI DAM PA RNAMS KYI TING NGE 'DZIN GYI MTSAN NYID KYI CHOS TE, BSTEN PA DAG LA RJES SU 'DZIN PA DANG SBYOR BA NI CHU DANG 'DRA BA NYID KYI PHYIR DANG, SPYOD PA'I TSAD TING NGE 'DZIN NI SPYOD PA'I MTHAR THUG PA YIN PA'I PHYIR RO, ,TSU ROL GYI 'GRAM LTA BU NI DAM PA MA YIN PA'I CHOS TE, DE GNYI GA'I MED PA'I PHYIR RO, ,SHES RAB LAS BRTZAMS TE, SHAR NUB GNYIS KYI RI BAR DE BAS RING, ,ZHES BYA BA YIN TE, SHAR GYI RI LTA BU NI DAM PA RNAMS KYI MTSAN NYID KYI CHOS TE, JI LTAR NYI MA SHAR BA LA BRTEN PA DE BZHIN DU DAM PA RNAMS KYI CHOS SHES RAB KYI NYI MA 'CHAR BA'I GNAS YIN NO, ,NUB PA'I RI LTA BU NI DAM PA MA YIN PA RNAMS KYI CHOS TE, SHES RAB KYI NYI MA NUB PA LA BRTEN PA'O, ,TSIGS BCAD 'DI BZHI THOS PAS, SU D'A SA'I BU DUL BAR GYUR TE, BDAG NYID KYI GNAS SKABS DANG, RJES SU MTHUN PA'I TSIGS BCAD YIN TE, DE DAG GIS SO, ,JI LTAR PHRAD KYANG RUNG STE, DGE BA'I BSHES GNYEN DANG PHRAD CING BSNYEN BKUR BYAS NA SDUG BSNGAL LAS THAR PA DANG, DAM PA DAG DANG 'GROGS PA'I STOBS YIN PA'I PHYIR YANG NGO, ,DAM BA DANG DAM PA MA YIN PA'I CHOS 'DI GNYIS NI RAB TU BSKAL PA YANG YIN TE, NAM MKHA' DANG NI SA GZHI'I BAR YANG RING, ,ZHES BYA BA'I TSIGS BCAD 'DI DANG SBYAR RO, ,'DRIS PAR BYA BA MI DGOS PAR, ,ZHES GONG DU BSTAN PA LA 'DI SKAD SMRAS TE, DAM PA MA YIN PA DANG 'GROGS PA LA YANG 'DRIS PAR BYA BA @335A *, ,MI DGOS PA NYID DU STON TE, CI'I PHYIR DAM PA MA YIN PA DANG 'DRIS PAR BYA BA MI DGOS PAS DAM PA MA YIN PA DANG MI 'GROGS PA YIN ZHE NA, DES NA DAM PA DANG DAM PA MA YIN PA'I CHOS NI RAB TU RING BA YIN NO ZHES BYA BA BRTZAMS TE, DAM PA DANG DAM PA MA YIN PA'I CHOS THAG RING BA NI, DAM PA DANG 'GROGS PA YIN YANG BSKAL PA YIN NO ZHES BSTAN PA'I PHYIR KHYOD KYI TSIGS SU BCAD PA SNYAN PA DANG ZHES BYA BA'I TSIGS BCAD SMOS SO, ,RAB TU GSAL BAR 'PHAGS PA'I DON GYI TSIG GANG YIN PA DE NI TSIG DON KYANG RAB TU GSAL BAR 'PHAGS PA'O, ,TSIG CES BYA BA NI LUS SO, ,DON RAB TU GSAL BAR 'PHAGS PA NI SROG GO, ,TSIGS SU BCAD PA NI NGA RGYAL LO, ,SNYAN PA NI RGYAN TE, DE DE LTAR RNAM PA BZHI DANG LDAN PA'I SNYAN DANG GAS BSTAN PA YIN NO, ,GANG LA MNYAN PA DANG, GANG MNYAN PA DANG, MNYAN PA DE'I 'BRAS BU DANG BCAS PA DE'I DBANG DU BYAS NAS, KHYOD KYI TSIGS SU BCAD PA SNYAN PA ZHES BYA BA'I TSIGS BCAD SMOS SO, ,GANG LAS MNYAN PA NI BYANG CHUB SEMS DPA' LAS SO, ,GANG MNYAN PA YIN ZHE NA, YON TAN BZHI DANG LDAN PA'I SNYAN DNGAGS SO, ,GANG NYAN PA YIN ZHE NA, SU D'A SA'I BU'O, ,MNYAN PA DE'I 'BRAS BU GANG YIN ZHE NA, DE THOS DGA' BAR GYUR PA'O, ,DE'I 'BRAS BU DANG BCAS PA NI MCHOG SBYIN PA STE, MCHOG SLONGS SHIG PA'O, ,GANG GI PHYIR BDAG LA DGA' BAR GYUR PA DE TZAM GYIS MCHOG SBYIN PAR MI NUS TE, DE CI'I PHYIR ZHE NA, BDAG LA YANG RANG DBANG MED PAR GYUR PA'I PHYIR RO, ,JI LTAR RANG DBANG MED PA YIN ZHE NA, MI RIGS PA BYED PA LAS DGA' BAS PHAM PA'I PHYIR DANG, MI DGE BA SPYOD PA LA 'JUG PA'I PHYIR RO, ,SKYON NI NYES PA'O, ,DE SKAD RE ZHI GANG NGA LA MA SMRA ZHIG ,CES BYA BA GANG BSTAN PA NI, SBYIN PAR BYA BA NYID RE ZHIG THONG SHIG PA STE, NGA NI BDAG LA'O, ,GANG GI PHYIR SKYON DANG BCAS PA'I PHYIR DANG, BDEN PA DANG LDAN PA'I BRTUL ZHUGS KYI MCHOG SLONG BA STE, BDEN PA SNGON DU 'GRO BA YIN NA NI, MCHOG GZHAN YANG SBYIN PAR NUS PA YIN TE, MCHOG GZHAN YANG SBYIN PAR NGES PAR GZUNG BA'I PHYIR RO, ,SEMS CAN RNAMS LA GSOD PAR SPONGS, ,ZHES BYA BA NI SROG GCOD PA LAS SLAR ZLOG PA'O, ,BTZON DU GZUNG BA 'DI RNAMS MA LUS THONG, ,ZHES BYA @335B BA 'DIS NI MA BYIN PAR LEN PA LAS SLAR ZLOG PA STE, GANG GI PHYIR, DE DAG MA BYIN PAR LEN PA NI NAN GYIS KHYER BA STE, DE RNAMS THONG SHIG PA'O, ,GZHAN YANG SBYIN PAR NUS PA'I MCHOG SBYIN PAR BYA STE, MCHOG SBYIN GZHAN GSUM PO YANG NGES PAR SBYIN PAR BYAS PA'I PHYIR RO, ,BTZON DU GZUNG BA 'DI THONG SHIG CES BYA BA NI DGAG PA DER ZAD KYI, DAM PA SNGA MA GSUM NI KHYOD LA 'BUL, ,ZHES SNGAR SU D'A SA'I BUS SMRAS PA DE DAG LAS MCHOG GSUM YANG MED PA NYID DU BSTAN PA'I PHYIR SMRAS PA, MI SHA ZA BA MA BTANG NA, ,ZHES BYA BA'I TSIGS BCAD SMOS SO, ,BDEN PA SMRA BA JI LTAR MI 'GYUR ZHE NA, MI'I SHA ZA BA YONGS SU MA BTANG NA 'DI LTAR YANG MCHOG GSUM SBYIN PAR BYA'O ZHES DAM BCAS PA STE, DE LTAR MCHOG SBYIN PA NYID DU KHAS BLANGS PA JI LTAR BDEN PA SMRA BAR 'GYUR ZHES BYA BA YIN NO, ,BDEN PA'I BRTUL ZHUGS ZHES SMOS PAS NI SNGA MA NYID DU BSTAN PAS NGE BAS NA NYES PA MED DE, YANG NA DAM PA SNGA MA GSUM NI KHYOD LA SBYIN ZHES BYA BA YIN TE, MCHOG GSUM NYID KYI DON YIN GYI, 'DI'I DON NI MA YIN TE, DE LTAR NYES PA MED DO ZHE NA, DE'I TSIG GIS JI LTAR SROG GCOD PA SPONG BAR 'GYUR TE, SROG GCOD PA MA YIN PAR NI MI'I SHA MED PA'I PHYIR RO, ,BDAG GI SROG KYANG YONGS SPANGS NAS, ,ZHES BYA BA'I TSIGS BCAD 'DIS KYANG GANG SNGAR LTAR BSTAN PA'I MCHOG SBYIN PAR BYA'O ZHES BYA BA DE'I TSIG LOG PA NYID DU SGRUB PA YIN TE, BDEN PA'I BRTUL ZHUGS SU JI LTAR 'GYUR ZHES BYA BA DE'I RJES SU BSTAN PA STE, GAL TE DE LTAR SNGAR GYI NYES PA DE YONGS SU SPONG BAR JI LTAR 'GYUR ZHES PA'O, ,RGYAL PO KHYED KYIS SROG CHAGS RNAMS, ,MI GSOD PAR YANG GA LA NUS, ,ZHES BYA BA DE'I RJES SU BSTAN PA NI 'DI YIN TE, SHA YI PHYIR NI MI BSAD NA, ,ZHES BYA BA'I TSIGS BCAD DO, ,DE LTAR GYUR NA ZHES BYA BA NI BRDZUN SMRA BA LAS LDOG PA DANG, SROG GCOD PA LAS LDOG PA STE, DE BAS NA DE GNYIS KYANG MA BYIN PAR JI LTAR MCHOG GSUM PO DE DAG BYIN PA YIN, MCHOG GCIG PO SKYE BO BCON DU BZUNG BA BTANG BA DE NYID BYIN PA YIN TE, MCHOG GZHAN NI MA YIN NO ZHES BYA BA'I DON TO, ,RGYAL SRID NYAMS ZHES BYA BA 'DIS NI DON LAS NYAMS PA NYID DU BSTAN TO, ,NAGS TSAL ZHES BYA BA 'DIS NI 'DOD PA YONGS SU NYAMS PA @336A *, ,BSTAN TO, ,CHOS LAS NYAMS ZHES BYA BA 'DIS NI CHOS YONGS SU SPANGS PA'O, ,MI BSAD PA DANG, BZA' BA MA ZOS PA'I PHYIR GTAM NGAN THOB PA'O, ,DE NYID KYIS CHOS NYAMS PA YIN TE, 'DIS NI 'JIG RTEN PHA ROL LA GNOD PA THOB PA NYID DU STON TO, ,GTAM NGAN THOB CES BYA BA 'DIS NI MTHONG BA'I CHOS KYI GNOD PA THOB PA NYID DU BSTAN TO, ,GANG GI PHYIR NI RGYAL SRID NYAMS, ,ZHES BYA BA'I TSIGS BCAD SU D'A SA'I BUS SMRAS PA, DE'I RJES SU BSTAN PA NI TSIGS BCAD 'DI YIN TE, CHOS LAS NYAMS PAR 'GYUR BA ZHES BYA BA NI GANG SNGAR BSTAN PA'I CHOS LAS NYAMS ZHES BYA BA DE NYID BSTAN TO, ,SRID LAS NYAMS ZHES BYA BA NI GANG SNGAR BSTAN PA'I RGYAL SRID LAS NYAMS ZHES BYA BA DE NYID BSTAN TO, ,BDE BA LAS NYAMS PAR 'GYUR BA ZHES BYA BA NI GANG SNGAR BSTAN PA'I, NAGS TSAL SDUG BSNGAL BDAG GIS MYONG, ,ZHES BYA BA DE NYID BSTAN TO, ,GRAGS PA NYAMS PAR 'GYUR BA ZHES BYA BA NI GANG SNGAR BSTAN PA'I GTAM NGAN PA THOB PA ZHES BYA BA DE BSTAN TO, ,PHUNG BAR GYUR PA'I 'BYUNG GNAS DE, ,ZHES BYA BA'I RGYU BZHI PO DE DAG NYID PHUNG BA'I 'BYUNG GNAS SO, ,BYIN NAS 'GYOD PA SKYE BA ZHES BYA BA NI, 'GYOD PA YOD NA NI 'GYOD PA SKYE BA'O, ,GAL TE SHA MED NA 'TSO BAR MI NUS NA NI SHA'I TSUL BSTAN PA'I PHYIR; SMAN PA MKHAS PAS BRTAGS TE ZHES BYA BA'I TSIGS BCAD SMOS SO, ,SMAN PAS BRTAGS PA NI PHAN PA'O, ,LEGS PAR SBYAR BA'I SHA ZHES BYA BA NI SMAN PAS LEGS PAR BRTAGS PA STE, 'DIS NI G-YOS KYI KHYAD PAR BSTAN TO, ,GNAS RNAMS BZHI LAS SKYES PA'I SHA BSTAN PA YIN TE, DUS JI LTA BA DANG, NAD GZHI JI LTA BA BZHIN DU SMAN PAS NA BA NYID DU SBYAR RO, ,DE LTAR RE ZHIG YID DU 'ONG ZHING 'DOD PA'I SHA RNYED CING 'GRUB PA NYID DU BSTAN NAS, GZHAN YANG BDE BA THOB PA YIN NO ZHES BSTAN PA'I PHYIR, RNGA SGRA SNYAN PA DBYAR GYI 'BRUG SGRA BZHIN DU SGROGS, ,ZHES BYA BA'I TSIGS BCAD SMOS SO, ,RNGA SGRA SNYAN PA ZHES BYA BA'I TSIGS BCAD PHYED DANG POS NI, SBYIN PA'I 'BRAS BU LONGS SPYOD CHEN PO'I PHAN YON YONGS SU BTANG BA NYID DU BSTAN TO, ,GNYEN DANG, BU DANG, NANG MI ZHES BYE BA PHYED 'OG MAS NI, BZOD PA'I 'BRAS BU G-YOG 'KHOR MANG POS PHAN YON YONGS SU BTANG BA BSTAN TO, ,DGAG PAR BYA BA DANG, DGAG PA LA SBYAR @336B ZHING DBANG BYA BA DE GNYIS KYI RGYU'I DBANG DU BYAS NAS, RGYAL PO'I SEMS KYI DBANG DU BYAS PA STE, RGYAL PO'I SEMS KYI DBANG DU 'GRO BA NI MI RIGS TE, CI'I PHYIR ZHE NA, PHYI ROL GYI STOBS DANG LDAN PA LAS KYANG RGYAL BAR NUS PA YIN PA'I PHYIR, NANG GI BDE BA NI TSAR BCAD CING RGYAL BAR BYA BA DE LA SDANG BAR BYA BA MI RIGS SO, ,CHOS DANG, SRID LA MI GNOD PA'I LAM DU 'JUG PAR RIGS TE, CI'I PHYIR ZHE NA, DE'I RGYU BSTAN PA'I PHYIR, MI YI BDAG PO 'JIG RTEN PHYI MA'ANG, ,ZHES BYA BA'I TSIGS BCAD SMOS SO, ,CHOS DANG SRID LA MI GNOD LAM LA 'JUG PA ZHES BYA BA CI'I PHYIR ZHE NA, 'JIG RTEN PHA ROL LA LTOS PA'I PHYIR RO, ,CHOS DANG, SRID LA MI GNOD PA DE GANG YIN ZHE NA, DE'I PHYIR SMRAS PA, CHOS DANG SRID LA GNOD PA'I DBANG DU BYAS NAS, DE BAS 'GA' YANG PHAN BA MA YIN BSTAN MI RIGS, ,ZHES BYA BA YIN NO, ,GANG CHOS DANG, SRID LA GNOD PA MA YIN PA'I LAM DE NYID SMRAS PA, LAM GANG YID DU 'ONG LA ZHES BYA BA'I TSIGS BCAD BYED 'OG MA'O, ,GRAGS DANG MI 'GAL BA ZHES BYA BA'I GRAGS PA DANG MI 'GAL BA'I MTSAN NYID JI LTA BU YIN ZHE NA, DE NYID SMRAS PA, LAM GANG YID DU 'ONG LA ZHES BYA BA STE, DAM PA RNAMS BZHED PA ZHES BYA BA'I DON TO, ,JI LTAR MI DGA' BA YIN NA YANG PHAN PA'I SMAN NI NAD PAS BTUNG BAR BYA BA DE BZHIN DU BSTEN PA'I RIGS SO, ,RGYU'I SKABS SU GNAS PA STE, JI LTAR ZHE NA, GRAGS PA'I RGYU YIS 'GRO BA 'DI DAG KHYAB, ,CES BYA BA YIN TE, DE NYID BSTAN PA'O, ,'DI LTAR GANG GIS SDIG PA SPYOD PA DE NI 'DI LTAR SDIG PA SPYOD PA DE'O, ,SDIG PA SPYOD PA'I 'CHI BDAG GI PHO NYA GANG YIN PA DE NI 'CHI BDAG PHO NYAR GYUR PA STE, SDIG PA SPYOD PA'I KHYAD PAR 'DIS SO, ,BDAG LA JI LTAR BKA' STZAL DE BZHIN BGYI, ,ZHES BYA BA NI BKA' STZAL PA GZHAN YANG DE BZHIN DU BGYI'O ZHES PA'O, ,BTZON RAR STZAL BAS MI DGA' ZHING, ,ZHES BYA BA NI SDUG BSNGAL BA NYID DO, , BZHIN MDANGS NYAMS LA ZHES BYA BA NI GZUGS KYI LUS KYI GZI MDANGS NYAMS PAR BSTAN TO, ,MYA NGAN GDUNGS PA'I YID CES BYA BA NI, MIG GI SDUG BSNGAL BA NYID DU BSTAN TO, ,SLOB DPON DPA' BOS MDZAD PA'I SKYES PA'I RABS RGYA CHER BSHAD PA LAS BU ZLA BA'I SKYES PA'I RABS SO,, ,, @337A *, ,LEGS PA'I LAM NI THAR PA'I LAM MO, ,RGA BA DANG, NA BA DANG, 'CHI BA DANG, SDUG PA DANG BRAL BA ZHES BYA BA LA 'DIR STZOGS PA SMOS PAS NI, MI SDUG PA DANG PHRAD PA GANG 'DOD PA BTZAL TE MA RNYED PA DE YANG SDUG BSNGAL LO ZHES BYA BA LA SOGS PA GZUNG NGO, ,MGON MED PA RNAMS ZHES BYA BA NI BDAG NYID SDUG BSNGAL ZHING 'DOD PAS 'JUG PA STE, DE MED PA'O, ,SKYABS MED PA ZHES BYA BA NI SKYOB PAR BYED PA BDAG NYID LA MED PA STE, 'DI NI SKYABS MED PA'O, ,DPUNG GNYEN MED PA ZHES BYA BA NI BDE LEGS SU YUL DAG TU PHYIN PAR BYED PA, BYANG CHUB SEMS LAS GZHAN MED PA STE, RGYU DE GSUM MED PAR BSTAN TO, ,SNYING RJES BSKUL TE ZHES BYA BA NI DE LTAR MGON MED PA LA BDAG NYID MGON DU KHAS LEN PA BSTAN TO, ,DE DAG BSKYAB PAR SEMS BA ZHES BYA BA NI, DE LTAR SKYABS MED PA DAG LA BDAG NYID BSKYAB PAR SEMS PA NYID DU STON TO, ,RAB TU DGE BA'I RANG BZHIN CAN DE BSGRUB PAR 'DOD PA'I YID CES BYA BA NI DPUNG GNYEN MED PA'I 'JIG RTEN LA BDAG NYID DPUNG GNYEN BYED PA NYID DU STON TO, ,'DIS NI GSUM PO DE DAG GI KHYAD PAR BSTAN PA YIN TE, MGON MED PA DANG, SKYABS MED PA DANG, DPUNG GNYEN MED PA DAG GI KHYAD PAR DU GTOGS PAR BYA STE, SNYING RJES BSKUL BA'I PHYIR MGON NO, ,DE DAG BSKYAB PAR SEMS PA'I PHYIR SKYABS SO, ,RAB TU DGE PA'I RANG BZHIN CAN DE PHAN PA DANG, BDE BA'I KHYAD PAR CAN ZHES BYA BA 'DIS NI DPUNG GNYEN NO, ,RGYU 'DI GSUM DANG LDAN PA'I PHYIR, SDUG BSNGAL LAS SKYOB PA NYID KYIS PHAN PA DANG BDE BA BSGRUB PA NYID DU STON TO, ,DE BZHIN DU GZHAN 'DAS PA GANG DANG GANG DAG TU TSIG GSUM PO 'DI BSTAN PA DE DANG DE DAG TU YANG 'DI BZHIN DU RTOGS PAR BYA'O, ,'BANGS RNAMS GLO BA NYE PA'I BDE BA DANG 'KHRUG PA MED PA'I DAR BA PHUN SUM TSOGS PA ZHES BYA BA 'DIS NI RANG GI YUL GYI PHUN SUM TSOGS PA BSTAN TO, ,RGYAL PHRAN THAMS CAD KYI DREGS PA GANG YIN PA DE NI RGYAL PHRAN THAMS CAD KYI DREGS PA'O, ,DE RNAMS PHYAG 'TSAL BA NI RGYAL PHRAN DREGS PA RNAMS PHYAG 'TSAL BA'O, ,'DIS NI YUL GZHAN DU GYUR BA'I PHUN SUM TSOGS PA BSTAN TO, ,DUL BA LA DGA' BAS ZHES BYA BAS MA 'ONGS @337B PA'I 'BRAS BU RGYU PHUN SUM TSOGS PA BSTAN TO, ,RGYAL PO'I RIGS DE DANG DE DAG BDE BA DANG SDUG BSNGAL 'DRA BAR 'GYUR BA STE, DE'I BDE BA SDUG BSNGAL MNYAM PA'O, ,SBYIN PA THOB PAS BRAM ZE MGU ZHING G-YENGS, ,ZHES BYA BA NI PHONGS PA'I SKYE BO MGU BA PHUN SUM TSOGS PA'I DBANG DU BYAS PA'O,, 'BANGS RNAMS DREGS PAS ZHES BYA BA NAS BRTZAMS TE, GLU SGRA SNYAN PA DGOD PAS ZHES BYA BA'I BAR GYIS NI NYE BAR LONGS SPYOD PA PHUN SUM TSOGS PA BSTAN TO, ,GCIG LA GCIG 'JUS DGA' BA RNAMS PAR 'PHEL, ,ZHES BYA BA NI SDUG PA DANG PHRAD PA'I BDE BA PHUN SUM TSOGS PA'O, ,GTAM SNYAN SKYEL BA ZHES BYA BA'I TSIGS BCAD 'OG MA PHYED 'DIS NI GANG 'DOD PA BTZAL TE MA RNYED PA DE YANG SDUG BSNGAL BA'O ZHES BYA BA DE'I GNYEN PO BDE BA'I PHYOGS KYI DBANG DU BYAS PA'O, ,SGO RNAMS PHYE ZHING BTZON DU BZUNG BA MED, ,CES BYA BAS NI BDE BA NYID DU BSTAN TO, ,SRANG GI BZHI MDO RGYAL MTSAN ZHES BYA BA LA SOGS PA SMOS PA NI GRONG KHYER GYI RGYAN PHUN SUM TSOGS PA'O, ,KHANG PA CHEN PO'I STENG NAS ZHES BYA BA'I TSIGS BCAD 'DI NI SKYE BO SBYIN PA PO'I SGRUB PA PHUN SUM TSOGS PA'I DBANG DU BYAS PA'O, ,SNYING STOBS DANG LDAN PA DANG, BSOD NAMS BSAGS PA'I KHYAD PAR 'DI GNYIS KYIS NI RGYU PHUN SUM TSOGS PA BSTAN TE, YE SHES DANG, BSOD NAMS KYI TSOGS KYI RGYU YONGS SU GZUNG BA'I PHYIR, BSRUNG BA LEGS PAR BYAS PAS ZHES BYA BA YIN TE, YONGS SU GZUNG BA'I PHYIR RE, ,RAB TU ZHI BA ZHES BYA BA NI LUS DANG NGAG GI RAB TU ZHI BA'O, ,DUL BA NI BYA BA MA YIN PA LAS LDOG PA'O, ,YID GZHUNGS PA'I YON TAN NI SHES RAB KYI YON TAN TE, SRI ZHU CHE BA DANG, MNYAN PA ZIN PA DANG, 'DZIN PA DANG, RNAM PAR SHES PA DANG, RTOG PA DANG, SEL NUS PAS MNGON PAR 'JUG PA'I MTSAN NYID DO, ,RAB TU ZHI BA DANG, DUL BA DANG, SHES RAB KYI YON TAN DE DAG DANG LDAN PA NI RAB TU ZHI BA DANG, DUL BA DANG, SHES RAB KYI YON TAN DANG LDAN PA'O, ,MA DRIS PA NI MA SHES PA'O, ,GNYEN DU MA 'BREL PA'I ZHES BYA BA NI GANG DE LA RIGS LA SOGS PA'I MTSAN NYID KYIS NA GNYEN DU 'BREL BA STE, GNYEN DU 'BREL PA DE MED PA'I PHYIR RO, ,DAM PA'I RING @338A *, ,DU GNAS GYUR KYANG, ,ZHES BYA BA NI RAB TU BSKAL PA'O, ,RGYU GSUM GYIS NI BYAMS PAR 'GYUR TE, YONGS SU 'DRIS PA DANG, GNYEN DU 'BREL BA DANG, NYE BA NA GNAS PA STE, GSUM PO 'DI'I DBANG DU BYAS PA'O, ,SDUG PA DANG BRAL BAS SDUG BSNGAL NYID KYI PHYIR TE, DAR BA ZHES BYA BA NI BDAG GI YO BYAD PHUN SUM TSOGS PA'O, ,RGUD PA ZHES BYA BA NI 'JIG CING GZHAN DU 'GYUR BAS DE MI RTAG PA'O, ,BDAG LA PHAN PA BGYI BAR 'TSAL, ,ZHES BYA BA NI DER GNAS NA'O, ,THUGS DPAG MDZAD DU GSOL ZHES BYA BA NI RJES SU GZUNG BAR GSOL BA'O, ,GLANG PO CHE MDA' DUG CAN GYIS TSABS CHER PHOG PA BZHIN DU DE'I MYA NGAN GYIS SEMS GDUNGS PA DANG, RGYA MTSO RAB TU ZAB PA RLUNG GIS SLONGS PA BZHIN DU 'KHAMS TE 'DAR BAR GYUR PA ZHES DE LTAR SPYAR RO, ,BDAG NYID BUNG BAR BYED PA ZHES BYA BA'I TSIGS BCAD PHYED PO 'DIS NI SUS DE LTAR GNOD PA BYAS ZHES PA'O, ,SU YIS NGA YI MI ZHES BYA BA PHYED 'OG MAS NI, SU ZHIG GSAD PAR BYA ZHES BSTAN PA'O, ,DANG PO MNGAL DU ZHUGS PA'I NUB MO NAS, ,ZHES BYA BA'I TSIGS BCAD 'DIS NI, SKAD CIG MAS 'JIG CING MI RTAG PA NYID DU BSTAN TO, ,YANG NA SKYE BA DANG GNAS PA BSTAN TO, ,DANG PO MNGAL DU ZHUGS PA'I NUB MO ZHES BYA BA 'DIS NI SKYE BA'O, ,DE NAS BRTZAMS TE GZHAN DU MA GOL BAR, ,ZHES BYA BA 'DIS NI GNAS PA BSTAN TO, ,GNAS PA ZHES BYA BA NI SKYE BA'I GNAS TE, SKAD CIG MA'I RE RES 'CHI BDAG GI DRUNG DU NYE BAR 'GRO BA'O, ,THABS DANG RAB TU LDAN PA ZHES BYA BA'I TSIGS BCAD 'DIS NI, RGA BA DANG, MI RTAG PA NYID BSTAN TE, THABS DANG LDAN YANG SU YANG THANG PA MED, ,CES BYA BAS NI MDZANGS PAS KYANG DGA' BA DANG, 'CHI BA BZLOG PAR MI NUS PA NYID DU BSTAN TO, ,MTHU YOD KYANG ZHES BYA BA 'DIS NI GZUGS KYI LUS KYI STOBS KYIS BZLOG PAR MI NUS PA NYID DU BSTAN TO, ,DE LTAR TSIGS BCAD DE GNYIS KYIS NI 'DUS BYAS KYI MTSAN NYID BZHI DANG LDAN PA'I PHYIR, 'DUS BYAS RNAMS YONGS SU DOR BA NYID DU STON TO, ,'DUS BYAS KYI MTSAN NYID BZHI NI SKYE BA DANG, GNAS PA DANG, RGA BA DANG MI RTAG PA'O, ,MI RTA GLANG CHEN SHING RTA @338B MANG PO ZHES BYA BA NAS BRTZAMS PA'I TSIGS BCAD THAMS CAD KYIS NI 'CHI BA MI ZLOGS PA NYID LAS BRTZAMS NAS SO, ,TSIGS BCAD 'DI DAG GI DON NI 'DI YIN TE, MI DANG, DUD 'GRO DANG, LHA DANG, LHA MA YIN GYI 'GRO BA LA GNAS PAS KYANG 'CHI BA LAS MI ZLOGS PA NYID DU BSTAN TO, ,DMYAL BA RNAMS SU NI DE'I BAS MA PA'I SKABS MED PA'I PHYIR, DMYAL BA 'DIR MA SMOS SO, ,DE LTAR RE ZHIG TSIGS BCAD 'DI DAG GI KHYAD PAR NI 'DI LTAR SNANG STE, KHYAD PAR GZHAN NI GANG YANG MED DO, ,MI RTA GLANG CHEN SHING RTA ZHES BYA BA'I TSIGS BCAD KYIS NI DGRA GZHAN DAG NI THUB PAR NUS KYI, 'CHI BDAG GI DGRA LAS NI RGYAL BAR MI NUS SO ZHES PA'I DON TO, ,RTA DANG GLANG CHEN RKANG THANG ZHES BYA BA'I TSIGS BCAD KYIS NI DMAG GIS YONGS SU BSRUNGS NA, DGRA DAG LAS NI THAR PAR 'GYUR GYI, 'CHI BDAG GI DGRA LAS NI DMAG GIS THAR BAR MI 'GYUR RA ZHES PA'I DON TE, DE BZHIN DU TSIGS BCAD GZHAN DAG LA YANG BYE BRAG DE LTAR BRJOD PAR BYA'O, ,GAD PA CHEN PO'I NGOS DRAL RGYAL BAR GYUR PA YI, ,ZHES BYA BA NI CHU BO'I DOGS KYI GAD PA LAS RGYAL BA'O, ,RTZE ME NYID 'BAR BA YIN PAS RTZE ME 'BAR BA'O, ,KHROS PA'I RLUNG GIS RTZE ME 'BAR BA DE NI KHROS PA'I RLUNG GIS RTZE ME 'BAR BA'O, ,'BRUG SGRA DRAG POS DKRUGS PA GANG YIN PA DE NI 'BRUG SGRA DRAG POS DKRUGS PA'O, ,NAD DANG DGA' BA'I MCHE BA GTZIGS PA'I KHA GDANGS PA GANG YIN PA DE NI KHA GDANGS NAD DANG RGA BA'I MCHE BA GTZIGS PA NYID DO, ,MI SDUG PA DANG, 'JIGS PA'I GDON GANG YIN PA DE NI MI SDUG PA DANG 'JIGS PA'I GDON NO, ,DAM DU 'DZIN PA GANG YIN PA DE NI DAM DU 'DZIN PA'O, ,SNYEMS PA'I MTHU RTZAL NI RAB TU SNYEMS PA'I MTHU RTZAL TE, RAB TU SNYEMS PA'I MTHU RTZAL RGUD PA GANG YIN PA DE DAG NI RAB TU SNYEMS PA'I MTHU RTZAL NYAMS PAR 'GYUR BA'O, ,MCHOD PAR 'DOD PA DANG, GNOD PA NI MCHOD 'DOD GNOD PA'O, ,DE DAG MCHOD 'DOD GNOD BYED NI, MCHOD PAR BYA BA DANG, GNOD PA BYED PA'I CHED DU 'ONGS SHING LHAGS PA ZHES BYA BA'I DON TO, ,ZHI BAR NUS PA NI DE SEL BAR BYED PA'O, ,DKA' @339A *, ,THUB BDE LEGS ZHES BYA BA LA, DANG GI SGRA NI RIGS PA YANG BSDU BA'O, ,SGYU MA MKHAN ZHES BYA BA NI MIG 'PHRUL LA MKHAS PA'O, ,MANG PO 'DUS PA NI SKYE BO MANG PO'I TSOGS SO, ,SLU BAR NUS ZHES BYA BA NI GANG GIS RMONGS PAR BYED PA YIN PAS SLU BAR NUS PA STE, RTA DANG GLANG PO CHE LA SOGS PA SKYE BO RNAMS KYIS MTHONG BA'I SGYU MA BYAS PA'O, ,DKA' THUB NYID MTHU YIN PAS DKA' THUB MTHU'O, ,GRUB PA RNAMS KYI GSANG SNGAGS NI GSANG SNGAGS GRUB PA'O, ,DKA' THUB KYI MTHU DANG GSANG SNGAGS GRUB PA NI DKA' THUB KYI MTHU'O, ,KHA CIG TU NI GSANG SNGAGS GRUB PAS ZHES KYANG BRJOD DE, DKA' THUB KYI MTHU GRUB PA NI, DKA' THUB KYI MTHU GRUB PA STE, DKA' THUB KYI MTHUS GSANG SNGAGS GRUB PA NI DKA' THUB KYI MTHU'O, ,CHOS PHYIR BDAG BLO BSAM MTHAR ZHES BYA BA NI CHOS KYI BLOS SO, ,MNGON DU BYUNG NAS ZHES BYA BA NI GSAL BAR STON PA'O; ,SLAR YANG MI SNANG 'GYUR ZHES BYA BA NI MIG LAM DU MI SNANG BAR GYUR PA'O, ,BAR BAR MKHA' LA 'GRO ZHING ZHES BYA BA NI, MI SNANG BAR 'GRO BA LAS KYANG NAM MKHA' LA 'GRO BA'O, ,SA 'OG NUB PA ZHES BYA BA NI, THOGS PA DANG BCAS PA LA THOGS BA MED PAR 'GRO BA'O, ,MNGON DU BYUNG NAS SLAR YANG MI SNANG 'GYUR, ,ZHES BYA BA 'DIS NI SPRUL PA'I RDZU 'PHRUL BSTAN TO, ,BAR BAR MKHA' LA 'GRO ZHING BAR BAR SA 'OG NUB, ,CES BYA BA 'DIS NI 'GRO BA'I RDZU 'PHRUL BSTAN TO, ,GSANG SNGAGS RNAMS KYI MTHU NI GSANG SNGAGS KYI MTHU'O, ,GSANG SNGAGS KYI MTHUS BYAS PA'I STOBS NI GSANG SNGAGS KYI MTHU STOBS SO, ,RNAM PA SNA TSOGS PA'I GSANG SNGAGS KYI MTHU STOBS GANG YIN PA DE DAG NI GSANG SNGAGS KYI MTHU STOBS RNAMS SO, ,NGA RGYAL BDO BA'I BLO CAN ZHES BYA BA NI LHA DANG LHA MA YIN GYI DMAG TSOGS SO, ,KHROS PA MA MCHIS ZHES BYA BA 'DIS NI GANG SNGAR BSTAN PA'I BDAG NYID PHUNG BYED PA SU ZHIG GIS ZHES BYA BA'I TSIGS BCAD DE'I DON MA YIN PA NYID DU BSTAN TO, ,BYAMS PA MA MCHIS ZHES BYA BA 'DIS NI GANG SNGAR BSTAN PA'I DA LA CUNG ZAD DOGS PA'AM ZHES BYA BA'I TSIGS BCAD DON DE MED PA NYID DU STON TE, DE LTAR NA CI'I PHYIR 'GRO ZHE NA, SMRAS PA, CHOS KYI DON DU @339B 'GRO ZHES BYA BA YIN TE, GANG DU 'GRO ZHE NA, NAGS SU'O, JI LTAR 'GRO ZHE NA, NGES PAR RO, ,GAL TE 'CHI BDAG 'ONG BAR GYUR NA YANG, JI LTAR LOG PAR SPYOD PA NI CHOS MA YIN PA'I BDAG NYID DE, RJES SU GDUNGS PA'I RGYU YIN PA'I PHYIR RO, ,DE LTA MOD KYI, CI'I PHYIR, CHOS KYI DON RTOGS PAR BYA BA'I PHYIR RGYUR 'GYUR ZHE NA, SMRAS PA, CHOS KYI NAGS TSAL DAG NA BDE BAR SGRUB DU MCHIS, ,ZHES BYA BA SMOS SO, ,BAG MED DREGS DANG 'DOD CHAGS ZHES BYA BA'I TSIGS BCAD 'DIS NI, KHYIM NI NYON MONGS PA'I KUN NAS NYON MONGS PAS NYON MONGS PA'I PHYIR; NYON MONGS PA'I KUN NAS NYON MONGS PA NI, CHOS KYI DGRA YIN PA'I PHYIR DE DANG MI MTHUN PA NYID DU BSTAN TO, ,LAS RNAMS MANG PO ZHES BYA BA'I TSIGS BCAD NI, LAS DANG SKYE BA'I KUN NAS NYON MONGS PAS NYON MONGS PA NYID DU BSTAN TE, SDUG BSNGAL 'BYUNG BA'I GNAS ZHES BYA BA 'DIS NI SKYE BA'I KUN NAS NYON MONGS PA NYON MONGS PA NYID DU BSTAN TO, ,ZHI BA'I LAM NI THAR PA'I LAM MO, ,DE LTAR KUN NAS NYON MONGS PA GSUM GYIS NYON MONGS PA'I PHYIR CHOS DANG 'GAL BA NYID DO, ,NAGS NA NI KUN NAS NYON MONGS PA GSUM PO DE DAG MED PA'I PHYIR; NAGS NA BYA BA NGAN PA ZHES BYA BA'I TSIGS BCAD SMOS SO, ,NAGS NA BYA BA NGAN PA MANG PO BTANG, ,ZHES BYA BA 'DIS NI LAS KYI KUN NAS NYON MONGS PA NAGS NA MED PA NYID DU BSTAN TO, ,BSOD NAMS 'THOB CING YONGS SU BZUNG BA'I SDUG BSNGAL SPANGS LA GTZANG ZHES BYA BA 'DIS NI SKYE BA'I KUN NAS NYON MONGS PA MED PAR BSTAN TO, ,DE MED PA NYID KYIS, GTZANG LA ZHI BA 'BA' ZHIG BYED, ,CES BYA BA 'DIS NI BYA BA NGAN PA MANG PO BTANG BA DE'I GNYEN PO NYON MONGS PA NYE BAR ZHI BA 'BA' ZHIG BYED PA'I PHYIR YANG CHOS YONGS SU BZUNG BA NI NYON MONGS PA'I PHYOGS YONGS SU SPANGS PA'O, ,MGU BA DANG, GRAGS PA DE GNYIS NI MTHONG BA'I CHOS NYID KYI'O, ,MI RNAMS CHOS KYIS BSRUNGS KYIS NOR DANG DPUNG GIS MIN, ,ZHES BYA BA 'DIS NI DON BZLOG PA'I RGYU NYID DU CHOS STON TE, NOR DANG DPUNG NI MA YIN NO, ,ZHES BYA BA STE, SEMS @340A *, ,CAN DANG, SEMS CAN MA YIN PAS MI BSRUNG NGO ZHES PA'O, ,CHOS KYI BDE BA ZHES BYA BA NI, CHOS NYID KYIS 'DOD PA'I DON SGRUB PA NYID DU STON TO, ,'THOB CES BYA BA NI SEMS CAN DANG SEMS CAN MA YIN PA'I DBANG PHYUG GO, ,CHOS KYI BDAG NYID CAN NI SHI NA'ANG DGA' BAR 'GYUR, ,ZHES BYA BA 'DIS NI 'CHI BA'I 'JIGS PA MED PA NYID DU STON TO, ,NGAN 'GRO'I 'JIGS PA MED PAR 'GYUR, ,ZHES BYA BA 'DIS NI NGAN SONG DU 'GRO BA'I 'JIGS PA MED PAR STON TO, ,'CHI BA'I DUS SU NGAN SONG GI 'JIGS PA MED PA NI CHOS LA GNAS PA'I PHYIR RO, ,DA NI DE'I RGYU BSTAN PA'I PHYIR, LAS KYI KHYAD PAR DAG KYANG ZHES BYA BA'I TSIGS BCAD SMOS SO, ,DGE BA'I MTSAN NYID THA DAD PA NI, SROG GCOD PA LA SOGS PA LAS LDOG PA'I MTSAN NYID KYI LAS KYI KHYAD PAR RO, ,SDIG PA'I LAS KYI MTSAN NYID NI, SROG GCOD PA LA SOGS PA'I MTSAN NYID DANG, SBYIN PA LA SOGS PA MED PA'I MTSAN NYID DO, ,JI LTAR DGE BA DANG MI DGE BA'I LAS KYI KHYAD PAR THA DAD PA DE BZHIN DU, RNAM PAR SMIN PA YANG THA DAD PA YIN TE, JI LTAR ZHE NA SMRAS PA, MI DGE BAS NI NGAN SONG DU LTUNG BA YIN LA, BSOD NAMS BSAGS PAS NI BDE BA'I GNAS SU 'GYUR TE, BDE BA'I GNAS SU 'GRO BA GANG YIN BA DE NI BDE BA'I GNAS SU 'GRO BA'O, ,RGYAL SRID DPAL YANG RTZVA DANG 'DRA BAR BOR, ,ZHES BYA BA NI PHUN SUM TSOGS PA CHEN PO LA YANG MA CHAGS PA STE, DES NI BSAM PA PHUN SUM TSOGS PA BSTAN TO, ,DKA' THUB KYI NAGS TSAL DU GNAS PAR GYUR TO ZHES BYA BAS NI SBYOR PA PHUN SUM TSOGS PA BSTAN TO, ,BSAM GTAN NI BSAM GTAN BZHI'O, ,TSAD MED PA NI BYAMS PA LA SOGS PA BZHI'O, ,SLOB DPON DPA' BOS MDZAD PA'I SKYAS PA'I RABS RGYA CHER BSHAD PA LAS, LCAGS KYI KHYIM NAS BSKYED PA'I SKYES PA'I RABS SO, ,SKYES PA'I RABS KYI RGYA CHER BSHAD PA SLOB DPON DHARMA KLI RTIS MDZAD PA RDZOGS SO,, ,,RGYA GAR GYI MKHAN PO PAndI TADZA N'AR DHA NA DANG, ZHU CHEN GYI LO TZ'A BA AI BU DGE SLONG SH'AKYA BLO GROS KYIS BSGYUR BA'O,, ,,