@1A [DD] #, ,RGYA GAR SKAD DU, HA RI BH'A N'A MA DZ'A TA KA M'A LA, BOD SKAD DU, SENG GE ZHABS 'BRING PA'I SKYES PA RABS KYI PHRENG BA ZHES BYA BA, 'JAM DPAL GZHON NUR GYUR PA LA PHYAG [DD] 'TSAL LO, ,GANG ZHIG MA LUS PHA ROL PHYIN PA'I STOBS KYIS THONG GYUR PA'I, ,ZHI BA'I GO 'PHANG GIS NI ME TOG TOG CAN SDUG BSNGAL MDZAD, ,RNAM PAR DAG PA'I YON TAN 'OD ZER DKYIL 'KHOR CAN RMONGS LA, ,MUN PA SEL BAR MDZAD PA'I THUB PA DE LA PHYAG 'TSAL SHOG ,SLOB DPON DPA' BOS MDZAD PA'I SKYES PA'I RABS KYI RGYUD RNAMS DANG, ,GZHAN DAG MNYAM PA NYID DU RJES SU 'GRO PHYIR BYED NUS MIN, ,BSIL BA'I 'OD KYIS KU MU DA NI SO SOR BYED NUS KYI, ,SKAR MA'I TSOGS GZHAN GCIG TU BSDUS KYANG MI NUS PA NYID DO, ,SNYAN DANG GAS MKHAS CHEN RNAMS KYI SNYAN DNGAGS NYID NI 'DI SHES PAS, ,SHIN TU LUNG LA MKHAS PAR GRAGS PA NYID DU NGAG 'GRO SDE, ,BYANG CHUB SEMS DPA'I SBYOD PAR GRAGS PA LA NI DE LTAR YANG, ,RANG DON 'DOD LA MKHAS PA BDAG GIS 'DI DAG NGES @2A *, ,PAR SBYAR, ,GAL TE 'JIG RTEN BYA BA LA RGOD BDAG LA 'DIR SKYON GANG, ,'ON KYANG NGO TSA MED PAS SMRA NA BDEN PAR BRJOD MED KYI, ,RANG DON BSGRUB PAR 'DOD PA YON TAN DAG LA SRID PA GANG, ,THAMS CAD BZOD PA'I SKYES BUS 'BYUNG BA'I PHYIR NI RIG PA STE, ,ZAS GTZANG SRAS KYI RIG PA DANG PO BDAG NI SMRA BA NA, ,NGES PAR YON TAN GRAGS PA LA MKHAS BDAG GYUR CIG ,GOMS PA BSAGS PA'I MKHAS PA NYID KYIS RNAM PAR DAG PA'I BLOS; ,RI MO MKHAN GYI GZUGS LTAR 'JAM PO CI ZHIG MI 'DRI 'AM, ,LUS DANG NGAG DANG YID DAG GIS KYANG DGE BA YI NI LAS, ,SKYES BU LE LO CAN GYI YID KYIS THOB PAR NUS MA YIN, ,ME TOG DU MA DON GNYER 'BAD MED GAL TE 'GYUR BA NA, ,ME TOG LAS BYUNG SBRANG RTZI BUNG BAS 'THUNG BAR MI 'GYUR RAM, ,KYE MA RGYAL BA'I YON TAN BRJOD PA CHUNG YANG DGE BA'I PHYIR MI NUS, ,DE SLAD SNYAN DNGAGS MKHAN NI SU ZHIG GUS PA LHOD PAR BYED, ,RNYED PA CHEN PO RNAM PAR MTHONG NA GTONG BA CHUNG BA NI, ,BLO NI RGYU CHEN LDAN PAS TSONG PHYIR THOGS PAR MI RIGS SO, ,DE PHYIR RNAM PA GANG GIS MI LUS THOB PA RTOGS BYAS NAS, ,BSTAN PA 'DI YANG DRANG SRONG GI NI RAB RIB BSAL MDZAD DE, ,YUN @2B RING BOS KYANG MI 'DRA'I BSTOD PA RDUL GYIS KHYAB PA YI, ,TSIG NI SANGS RGYAS RTOGS PA BRJOD PA'I CHU RNAMS KYIS NI BKRU BAR BYA, ,GANG GI PHYIR CHOS KYI GTAM LA MKHAS PA 'DI NI MDO SDE'I RJES SU BRJOD PAS PHYIS BYANG CHUB SEMS DPA'I SKYES RABS RJES SU BRJOD DE RI MO BRIS PA'I KHANG PA LA MAR ME'I 'OD DANG 'DRA BAS BDE BLAG TU GSAL BAR NYAN PA PO'I SKYE BO'I YID LA DGA' BA LHAG PAR SKYED PAR BYED PA, KHAMS GSUM DU SKYES PA'I SEMS CAN RNAMS KYI SDUG BSNGAL GYI RGUD PA BSAL BAR BYA BA'I PHYIR SMON LAM CHEN PO YANG DAG PAR BSKYED PA'I BCOM LDAN 'DAS KYI SBYOD PA RJES SU BRJOD PAR 'GYUR BA'I GNYID RMUGS PA'I SKYON BSAL NAS YID MNYAM PAR GZHAG PA'I NYAN PA PO RNAMS KYIS BDUD RTZI BZHIN DU 'THUNG BAR 'DOD PA RNAMS KYIS 'KHOR BA'I SDUG BSNGAL DU MA 'DZAD PA'I PHYIR DU YANG DAG PAR MYANG BAR BYA'O, ,RNAM PA SNA TSOGS NYON MONGS SBRUL LTA BU'I, , SRID TSOGS SA 'OG NAS NI 'GRO DON PHYIR, ,SANGS RGYAS NYID PHYIR SMON LAM RGYA CHEN PO, ,BDAG NYID CHE MIN RNAMS LA 'BYUNG BA MIN, ,'DI LTAR RJES SU THOS TE, SNGON 'DAS PA'I DUS NA RTAG TU ME TOG 'BYUNG BA'I SKYED MOS TSAL NYAMS DGA' BA MTHA' DANG LDAN PA SKYE BO'I TSOGS MTHA' MED PA LA KUN NAS MI GNOD PA'I RTZIG PA'I NGOS BZHI DANG TSONG DUS NA, NOR BU DANG, GSER GYI KA BA'I PHRENG BAS YID 'PHROG PAR BYED PA'I KHANG PA RNAMS KYIS BAR DU CHOD PA, STON KA'I DUS PAS LHAG PA'I DRI MA DANG BRAL BA'I SKAR MA'I BDAG PO DANG, SKAR MA'I TSOGS KYIS MNGON PAR BRGYAN PA MTHO RIS DANG 'DRA BA'I 'OD DANG LDAN PA 'OD LDAN ZHES BYA BA'I RGYAL PO'I PHO BRANG BYUNG BAR GYUR TO, ,DE LA YANG MTHA' DAG GIS SA'I BUD MED LA MU TIG GI CHUN PO'I SROG SHING DU GYUR PA'I NOR BU DANG 'DRA BAR DRI MA MED PA'I RAB TU SNANG BAS RAB SNANG ZHES BYA BA'I RGYAL PO BYUNG BAR GYUR TO, , GANG GI KHANG PA'I NANG DU DRI MED SHEL GYI RTZIG NGOS LA, ,RNA BAR ME TOG PHRENG DANG THIG LE RAB TU SNANG BA YI, ,BUD MED RNAMS KYI LAG PA 'JAM PO RGYAN GYI CHO GA LTAR, ,ME TOG 'DZIN PAS YONGS SU NGAL BA'I SDUG BSNGAL 'DZIN MI 'GYUR, ,GANG ZHIG NYE BA RNAMS NI CHU 'DZIN DANG 'DRA @3A *, ,MTHONG BA STE, ,SBYIN PA'I CHU YIS YONGS SU 'PHEL BA'I SA BON NI, ,GANG GI KHRO BA YIS NI STOBS DANG LDAN PA'I DGRA RNAMS KYANG, ,NYIN MO GLOG GIS BYUNG BA'I ME LTAR BZOD PAR MI 'GYUR RO, ,DUS GCIG NA DE LTA BU'I 'BYOR BA DANG STOBS 'BYUNG BA NYI MA SHAR BA'I RI'I RTZE MO DANG 'DRA BA'I DRI MA MED PA'I NOR BU STONG PHRAG GIS RNAM PAR SHAR BA'I LOGS GNYIS SU SENG GE'I KHRI LHAG PAR GNAS PA'I SA'I BDAG PO DE'I GNAS JI LTA BA BZHIN DU BZHUGS PA'I BRAM ZE DANG RGYAL PO DANG BLON PO CHEN PO DANG, ,BLON PO DANG PHO NYA'I TSOGS DANG LDAN PA, THA MAL PA'I SKYE BO YONGS SU DOGS PA DANG LDAN PA SGO BA RNAMS KYIS BKAG BZHIN PA, PHYI ROL DU NGES PAR BCINGS PA'I GLANG PO CHE DANG RTA DANG SHING RTA'I MCHOG GI 'DUG SA LA KUN NAS GZIGS SHING KUN NAS 'ONGS TE, ZHUGS PA RJES SU GNANG BA'I NAGS NA RGYU BA RNAMS KYIS SA'I STENG DU RNAM PAR GZHAG PA'I BUS MO DANG RANG BZHIN DU YANG BA'I YID DANG LDAN PA'I PHYIR BRTABS PA DANG TSIG MI GSAL BA DANG DOR BA'I TSIG RNAMS KYIS NGES PAR ZHUS SO, ,BDAG CAG GIS NI NAGS MTHUG PA LA GLANG PO CHE YI TSOGS NANG NA, ,GLANG PO MTHONG STE KU MU TA YI TSOGS LTAR DKAR BA YI NI GZUGS, , SAR PA'I CHU 'DZIN TSOGS KYIS 'DOR BAR BYAS PA'I RTZA BA LA, ,KHA BA CAN GYI RI YI RTZE MO DANG MTSUNGS GZUGS KYI BZHIN DANG LDAN, ,DE NI DE 'DZIN PA LA LHA TSAD MA YIN ZHES BYA'O, ,DE NAS GSHOL GYI RTZE MOS RMO BZHIN PA'I MO STA'I 'BRAS BU DANG KU SHA'I RTZA YANG YANG DAG PAR BYUNG BA'I TZAG TZAG ZHES BYA BA'I SGRA DANG LDAN PA 'GA' ZHIG TU ZHING SRUNG MA'I LAG PA'I THAL MO'I SGRAS RNAM PAR BSRES PA'I TEB TEB KYI SGRAS KUN NAS SKRAG PA'I YANG DAG PAR BLANGS PA'I NE TZO'I GSHOG PAS 'PHANGS PAS RNAM PAR BSKYOD PA'I YONGS SU GYUR PA'I SPRE'U'I DUM BU'I GOS KYI DRA BA CAN DANG, 'BRAS KHUR BA'I YONGS SU TSOL BAR GYUR BA'I ZHING PA RNAMS DANG, NYE BAR NGES PAR 'BREL BA'I SKRAG PA'I BYA RGOD CAN DANG, RDZING GI CHU RNYOG PA CAN LA GNAS PA'I SKYUG LDAD DU GYUR PA'I MA HE MO'I RIGS MTHUN PA'I PHYOGS KYI GDONG GIS BSGUL BAS BZLOG PAR BYAS PA'I DE'I YAN LAG @3B DANG LDAN PA DANG, THOS BZHIN PA'I RAB TU BSKYOD PA'I BA GLANG GI TSOGS BSKYOD PA'I SIL SIL GYI SGRA DANG LDAN PA DANG, ZHING GI PADMA RNAMS KYI SDONG BU LHUNG BAS DANG SKYA DANG, DUR PA DANG KHRUNG KHRUNG BZA' GNYIS DANG LDAN PA DANG, GRONG DANG, GRONG KHYER DANG YANG DAG PAR 'BREL BA'I ZHING GIS LAS SHIN TU 'DAS NAS DMAG GI TSOGS KYIS KUN TU SKRAG PAS RNAM PAR BYED BAR GYUR PA'I RI DAGS KYI TSOGS KYIS KHYAB PA DANG, RTA RNAMS KYI RMIG PAS GCOD PAR GYUR PA'I RTZVA SAR PA'I MYU GU CAN DE'I RI'I NAGS CAN DE'I STON KA'I DUS YANG DAG PAR BYUNG BA NA, GLANG PO CHE 'DZIN PAS MNGON PAR 'PHEL BA'I LTAD MO DANG LDAN PA'I SHING RTA MCHOG LA ZHON PA GDUGS DKAR POS NYIN MOR BYED PA'I 'OD ZER GYIS YANG DAG PAR BZLOG PAR BYAS PA'I RGYAL PO DE NAGS GZHAN DU RAB TU ZHUGS PAR GYUR TO, ,DE NAS GLANG PO'I BDAG PO RING NAS TSOGS KYI DBUS SU DER GNAS PA, DRI ZHIM BSIL BA'I DRI LDAN ME TOG SHING DAG DUM BU BYED BZHIN PA, ,SA YI BDAG POS MTHONG BAR GYUR PA SMYON CHU'I RI MO NYE BAR GNAS PA LA, ,BUNG BA'I TSOGS KYIS BSKOR ZHING RNA BA CUNG ZAD BSKYOD PAS SDEBS PAR BYED, ,DE NAS RE ZHIG GLANG PO'I BDAG PO 'DI DANG BDAG CAG GIS GLANG PO CHE SMYON PA 'DI 'THAB PA BLTA BAR BYA'O ZHES RNAM PAR BSAMS NAS RGYAL PO RAB SNANG GIS KUN NAS BSDAMS PA ZHES BYA BA'I GLANG PO CHE 'DUL BA LA GLANG PO'I MCHOG 'DI NI GDONG G-YOGS RAB TU BSAL BAR BYAS NAS NAGS KYI GLANG PO CHE DANG LHAN CIG 'THAB PA'I PHYIR YANG DAG PAR BSKUL BAR GYIS SHIG CES BSGO'O, ,JI LTAR LHAS BKA' STZAL PA BZHIN DU BYA'O ZHES SNA BRKYANG BAS 'THAB PA LA SPRO BA SKYES PA'I GLANG PO CHE GZHAN GYI DMAG TSOGS LDOG PAR BYED PA DE LA MNGON DU PHYOGS PA GLANG PO CHE 'DUL BAR BYED PAS BYED PAR 'GYUR RO, ,DE NAS PHAN TSUN MTHONG BA'I KHROS PAS SHIN TU LHAG PA'I MNGON PAR 'PHEL BA SMYON CHU'I THIGS PA'I PHRENG BAS KUN NAS BRLAN PA DANG, DRI ZHIM PAR BYAS PA'I SA'I RDUL DANG LDAN PA KUN NAS LCI BA'I MCHE BAS YANG DAG PAR PHRAD PA'I SGRAS 'JIGS PAR BYED PA, 'DI NI BROS SO BROS SO ZHES DMAG MI'I SKYE BOS LTA BAR GYUR PA @4A *, ,DAG LA YUN RING POR 'THAB MO BYUNG BAR GYUR TO, ,PHAN TSUN SO SOR 'THAB PAS THA DAD GDONG CAN KUN NAS ZLUM PA SER SKYA'I MIG LDAN PA, ,KUN NAS 'PHANGS PAS RNAM PAR BRTAGS PA'I SNA LDAN DKAR DANG DKAR MIN SPRIN GYI 'OD LDAN PA, ,KHROS PAS SNA NI GYEN DU BSLANG BA'I GLANG PO DAG LA SBOM PA'I BSKYOD PA'I CHU LDAN PA, ,CUNG ZAD 'DAB MA DKAR DANG DMAR BA'I GSAL BAR 'GRO 'GYUR DE DAG GI NI DKAN GNYIS DAG ,DKAR BA'I GNYIS 'THUNG BA DAG PO MCHE BA RNAM PAR 'PHRAD PA YIS, ,YANG DAG 'BYUNG BA'I ME STAG GIS NI KHYAB PAR BYAS PA DANG, , DE NAS RGYAL PO'I GLANG PO CHE DE'I MCHE BA LA BRTEN PA'I, ,LCAGS KYIS DKRIS PA YONGS SU GLOD PA 'BYUNG BAR GYUR PA STE, ,GLANG PO CHEN DES NI SA YI BDAG PO'I GLANG PO CHE NI BCOM, ,'DUL BYED DE NI NGO TSA DANG LDAN THUR DU BLTA BAR GYUR, ,DE YI TSOGS LA GLANG PO'I DBANG PO DE NI SLAR YANG ZHUGS, ,ZAB MO SA YI BDAG PO YANG NI NGO MTSAR DANG BCAS GYUR, ,DES NA RGYAL PO RAB SNANG LA BLON PO CHEN PO RNAMS YANG 'DUS NAS, LHA GLANG PO CHE RNAMS THAMS CAD KYIS KYANG 'DI NI BSGRUB PAR DKA' BA STE, SNGAGS KYI BZLAS PA DANG SMAN GYI STOBS RNAMS KYIS DU MAS 'THUNG BA 'DI DBANG DU BYA'O ZHES ZHUS SO DE BZHIN DU BYA'O ZHES RGYAL PO DES BRJOD NAS SLAR RGYAL PO'I PHO BRANG DU GSHEGS PAR GYUR TO, ,DE RNAMS KYANG THABS DES SPOS KYI GLANG PO DE LA GLANG MO RNAMS KYIS YONGS SU BSKOR BA 'ONGS NAS GLANG PO CHE'I RA BAR ZHUGS PAR BYAS TE, KA BA LA BCINGS NAS GLANG PO CHE DE 'ONGS SO ZHES RGYAL PO LA ZHU BA BYAS PAR GYUR TO, ,DE NAS RGYAL POS KUN NAS SONG BA ZHES BYA BA GLANG PO CHE 'DUL BYED LA BZANG PO DE LTAR 'DI GLANG PO CHE'I RGYAL PO DUL BAR BYA BA JI LTAR BDAG LA BZHON PAR RUNG BAR 'GYUR BA ZHIG CES BKA' STZAL TO, ,DES KYANG MGOS PHYAG 'TSAL BA DANG BCAS PAS RGYAL PO'I NGAG GZUNG NAS GLANG PO CHE DE 'DUL BA LA ZHUGS SO, ,GANG GANG GLANG PO 'DUL BA DES, ,BSLAB PA YANG DAG BRTAN GYUR PA, ,BLO LDAN SLOB MA BZANG PO LNGAR, ,GLANG PO DE DANG DE NI GZUNG, ,DE NAS GLANG PO CHEN PO YANG DAG YONGS @4B NAS NI, ,GLANG CHEN RNAMS KYI NGA RGYAL RGYAGS PA PHROG BYED PA, ,RNAM PAR 'DUD PA'I SPYI BO 'DUL BAS THAL MOR BCAS, ,SA YI DBANG PHYUG LA NI GLANG PO 'DUL BAR ZHUS PA'O, ,'DI NI DUL BAS SKYONG BA'I GLANG PO CHE, ,SHIN TU SA SKYONG GZHAN LA ZLOG PAR BYED PA DE, ,GLANG PO'I DBANG PO'I BSLAB PA THOB NAS DE LTAR NI, ,RGYAGS PA YANG NI DE LTAR MIN NA MGU MI BYED, ,LCAGS KYU MED PAS KYANG NI SMYUG MA MED PAS KYANG, ,RNAM PAR 'GYUR BA 'GRO MIN DUS SOGS MED PAS KYANG, ,BDAG GIS LONGS SHIG CES BYA SLAR NI BSKUL BYAS PA, ,GLANG PO 'DI NI 'BAR BA'I LCAGS KYI RI LU ZA, ,DE NAS DE'I STENG DU RGYAL PO ZHON NAS RTOG ,GLANG PO'I DBANG PO 'DI NI KHA BA'I RI DANG 'DRA, ,'ON KYANG RANG NYID RIN PO CHE NI RTOG LA MKHAS, ,NGO MTSAR SKYES PA NYID KYIS 'DI NI BRTAG PAR GYIS, ,DE NAS RGYAL PO RAB SNANG GLANG PO CHE'I MCHOG DE LA ZHON NAS STON KA'I DUS LTAR DKAR BA'I NYIN MOR BYED PA SPRIN LA ZHON PA LTAR BTZUN MO'I 'KHOR GYIS BSKOR BA DANG BCAS PA BAG MED PAS NAGS SU RTZE BA NYAMS SU MYONG BA'I DON DU ZHUGS PAR MDZAD DO, ,DE NAS MTSO NANG SGEG BCAS CHU NI YAN LAG LA NI GTOR BYED PA, ,GSAL BA 'DUD PA BCAG PA'I PAD MA'I RTZA BA DUM BUR BYED PA NI, ,GLANG MO MTHONG BAS GLANG PO'I RGYAL PO SGEG PAS KYANG NI 'GRO 'GYUR TE, ,PAD MAS PAD MA BCAG PAR GYUR PA MNGON PAR BZOD PAR BYED PA YI, ,PAD MA'I NAGS TSAL GYI NI DBUS SU GLANG MO DE NI DES MTHONG NAS, ,GLANG PO'I BDAG PO CHAGS PA'I GZUGS DNGOS KYI NI SEMS LA KHYAB, ,'CHAL PA RTZUB PA'I DAG GIS 'DUL BAR BYED PAS BZLOG PAR GYUR PA YANG, ,SHIN TU MGYOGS PAR RGYUG PA DE YANG 'JIGS PAS RAB TU 'GRO BAR 'GYUR, ,GLANG PO RJES SU 'GRO BA RAB TU ZHUGS PA GLANG PO DE LA NI, ,RI MO'I MDOG NI DMAR PO LUS KYIS RNAM PAR 'BYED PA YANG, ,MGYOGS PAR RJES SU SONG BA'I RTA RNAMS KYIS NI RLUNG GIS 'CHAG PA NI, ,BZHON PA BZHIN DU 'GRAM LA GNAS PA'I BRAN GYIS CUNG ZAD MTHONG BAR 'GYUR, ,KHYOD KYIS BDAG NI NAM YANG BTANB BA YIN TE, ,KHYOD KYIS BRTZE BA MED PA CI ZHIG 'DI LTA BU, ,DE LTAR @5A *, ,RKANG PA DRUG PA'I PHRANG BA YUD TZAM ZHIG ,SGRA 'BYIN DE YI LAM LA RJES SU 'GRO BAR 'GYUR, ,GLANG PO'I DPRAL BA'I DBYES LA LCAGS KYUS BTAB KYANG DE, ,'DUL BAR BYED PAS DE NI PHYIR LDOG MI NUS TE, ,SKYES PA YANG NI 'DUL BAR BYA BA NUS MA YIN, ,CI ZHIG DUD 'GRO 'DOD PA'I DON LA DMAN PA'I BLO, ,DE NA MYUR BA NYID DU MA HE'I RA DANG DRI MA DANG BCAS PA'I NAGS KYI ME'I DU BAS MI GSAL BA'I RI'I TSANG TSING GI NANG SHIN TU MI MNYAM PA'I SA'I CHA DANG LDAN PA'I PHYOGS GCIG NA GLANG PO CHE TSOGS KYIS SHING RTZA BA NAS BTON PA'I RTZE MO NAS 'PHUR BA'I 'DAB CHAGS RNAMS KYI TSANG NAS SGONG NGA LHUNG STE CHAG PA'I DUM BU RNAMS KYI BSRES PA DANG LDAN PA, STAG RNAMS KYIS NYE BAR LONGS SPYOD CING ZOS PA'I RLAN GYIS SHIN TU GOS PA LA BYA RGOD DANG, KHRA DA DANG, CE SBYANG RNAMS ZA BA DANG LDAN PA, SHING BYA'I SGRA SHIN TU RTZUB PAS 'JIGS PAR BYED PA, SKYA RENGS ZHES BYA BAS SHING RTA SKUL BAR BYED PA'I 'OD ZER GYIS KUN NAS GDUNGS PA'I SA 'DZIN GYI RTZE MO RDO'I TSOGS DANG LDAN PA, DAM PA MA YIN PA DANG 'BREL BA LTA BUR MNGON PAR MI DGA' BA'I GNAS SU GLANG PO DE 'JIGS PA DANG LDAN PAS RAB TU ZHUGS PAR GYUR TO, ,DE YANG CHAGS PA'I DBANG GIS TSER MA DANG LDAN PA'I SMYUG MA'I SHING GI YAL GA LHUNG BA ZUG PAS, BRLA DANG RJE NGAR DANG LAG PA DANG BRANG GI MTHIL LAS RAB TU 'DZAG PA'I KHRAG DANG LDAN PA'I SA'I BDAG PO KHUR ZHING LCAGS KYU BTAB PA RNAMS MI TSOR BAR DGON PA DE NYID DU ZHUGS PAR GYUR TO, ,PA LA SHA DANG AU DUM B'A RA LTA BU DMAR SKYA'I BZHIN LDAN SKAD CIG MI G-YO BAR, ,DRIL BU'I MA LA NGO MTSAR BAS NI SHING LA GNAS PA'I YAL GA'I RI DAGS RNAMS KYIS BLTA BYAS PA, ,GLANG PO CHE NI LCAGS KYU SHOR BAS KU SHA'I TSOGS KYI THANG NI SNGO BSANGS RNAM SPANGS NAS, ,RTZVA SAR BCAD NAS ZA ZHING MGRIN PA GYEN DU LTA BA'I RI DAGS RNAMS KYANG YUD TZAM MTHONG, ,DE NAS GLANG PO 'DUL BAS RGYAL PO DE LA LHA LAGS GLANG PO'I BDAG PO 'DI DA NI LCAGS KYU MED PA NYID KYIS SKYE BO NGAN PA LTAR NGO TSA DANG BRAL BA'I PHYIR SHIN TU YANG DBANG DU BYA BA MA YIN PA STE, GAL TE RNAM PA GANG GIS KYANG @5B GLANG PO GDUG PA CAN 'DI SHING KHA CIG GI 'OG NAS 'GRO BAR GYUR PA DE BAS NA DE'I YAL GA BZUNG NAS LHAS BDAG NYID BRTAN PAR BYA'O ZHES ZHUS SO, ,DE NAS RGYAL PO DE COD PAN DANG DPUNG RGYAN DANG MU TIG GI CHUN 'PHYANG DANG, NA BZA' LHUNG BA NA TZO RNAMS KYIS MYANG BAR BYAS TE, SIN DHU RAS RJES SU KHA BSGYUR BA'I GTZO MO'I MCHU DANG RJES SU MTHUN PA'I 'BRAS BU DANG LDAN PA, 'BRAS BU MED PA'I SROG GI RE BA CAN RNAM PA GANG GIS KYANG N+YA GRO DHA'I SHING GI YAL GA YUN RING POR MA PHRAD PAS SHIN TU 'DOD PA SKYES SHING YID DU 'ONG PA LTAR 'PHYANGS SHING 'KHYUD PAR GYUR NAS SHING GI SDONG BU MCHOG LA GNAS PAR GYUR TO, ,MCHE BA GNYIS PA RNAMS KYI BDAG PO SO BA'I SHING RNAMS KYI, ,YAL GA'I RTZE MO RNAMS KYIS BSHIG PA'I RNA BA'I RNGA YAB NI, ,RING BA'I PHYIR NI MIG GI LAM LAS 'DAS PA MTHON PO DANG, ,DRIL BU'I SGRA DES SKYONG GIS NI THOS PAR MA GYUR TO, ,DE NAS MI'I BDAG PO DE'I BTZUN MO'I 'KHOR GYI BUD MED RNAMS DU BRO BAS BZLOG PA DANG BCAS PAS RAB TU ZHUGS TE SA'I BDAG PO'I MYA NGAN GYI DBANG GIS SA'I STENG NA GNAS PAR YANG NAS YANG DU 'DI LTAR SDUG BSNGAL BYED PA'I PHYIR RTZOM PAR GYUR TO, ,SA RDUL LHUNG BA SKYES PA LA NI 'GA' ZHIG TU, , RI YI TSANG TSING CHE BA'I BRAG GIS MI MNYAM LA, ,SA BDAG RGYAL PO DE NI MTSON CHA DANG BRAL BA, ,'JIGS PA DANG BCAS NAGS NAS CI LTAR 'ONG BAR 'GYUR, ,RNAM PAR LHUNG BAS CHAG DANG BYUNG BA'I DPUNG PA LAG ,YANG NA DE NI SNYOM PA'I STOBS LDAN GNOD BYAS PA, ,RKANG MTHIL 'JAM PO DAG LA KU SHA'I RTZE RNAMS 'BIGS, ,DENG SANG CHU NI 'THUNG 'DOD CI LTAR 'THUNG BAR 'GYUR, ,MA BSAMS PA YI RGUD PA DE NI THOB BYAS PA, ,SKYE BO RNAMS KYIS BSKOR KYANG JI LTAR GLANG PO CHES, ,YANG NA BDE SDUG 'BRAS BU CAN GYI LHA YI LAM, ,GANG ZHIG SU ZHES BYA BA 'DA' BAR BYED PAR 'GYUR, ,GAL TE MI YI BDAG PO DE YI CUNG ZAD MI SHES PA, ,NGES PAR BDAG CAG KYANG NI 'CHI BAR 'DOD PA STE, ,'ON TE GLANG PO'I BDAG PO GNYA' RAL CAN GYIS KYANG, ,GLANG MO'I TSOGS NI NAGS KYI RI LA DGA' BA MIN, ,GLANG PO 'DUL DES BKA' STZOL YANG DAG @6A *, ,RTOGS NAS SHES BYA BA, ,SA YI STENG GI DBANG PO DE NI GSON ZHES SU ZHIG SMRA'AM, ,SLAR YANG BZHED PA YIS NI YID 'PHROG ZLA BA'I ZHAL CAN DE, ,MI YI BDAG PO'I DPAL NI 'DZIN CING NAM ZHIG MTHONG 'GYUR ZHE'O, ,DE LTAR BTZUN MO'I 'KHOR DE RNAMS SMRE SNGAGS 'DON PA RTZE GCIG PA MIG GI MCHI MAS SMUG RTZI BKRUS PA DE YANG YANG DAG PAR DBUGS PHYUNG NAS BLON PO'I SKYE BO 'KHOR DANG BCAS PA SHING RTA RNAMS LA ZHON NAS RIM GYIS SONG STE, GLANG PO CHE'I BDAG PO DE'I RKANG PA'I RJES KYIS RTZA DANG BONG BA KUN NAS BRDZIS PA DANG, SMYON CHU'I THIGS PA KUN NAS LHUNG BAS RTZVA'I MYU GU'I MTHAR THUG PA DRI DANG BCAS PA DANG, SBRANG RTZI BYED PA'I TSOGS KYIS KUN NAS BSKOR BA'I LAM DE RJES SU TSOL BAR GYUR TO, ,DER MU TIG GI TSOGS LAS LHUNG BA'I LCI BA'I RIN PO CHE'I TSOGS KYI GZHI DRI DANG BCAS PA DKAR PO MU TIG GI TSOGS KYI SKUD PA 'DUG PA RTZVA LA THOGS PA RI DANG NYE BAR DE NAS MU TIG GI PHRENG BA DE NA GNAS PA G-YO ZHING SHIN TU DKAR BA'I LTO 'PHYE DANG 'DRA BA'I 'OD KUN NAS BYED NUS PA MI'I BDAG PO'I SKYE BO DES MTHONG NGO, ,MU TIG GI PHRENG BA MTHONG BAS KYANG NGES PAR LHA NYE BAR GNAS SO ZHES BSAMS PAR GYUR PA'I BLON PO DE RNAMS DE NAS CUNG ZAD KYI BAR DU PHYIN NAS N+YA GRO DHA DE'I 'OG TU RGYAL PO DE SKOM PAS BSKAMS TE LUS SKYA BOR GYUR CING KUN NAS COD PAN LHUNG BA SHIN TU RNO BA'I TSER MA CAN GYIS RGYAS PA'I SHING RNAMS KYIS PHOG PAS SDUG BSNGAL GYI TSOR BA MTHONG BAR GYUR TO, ,RTA DANG SHING RTA RNAMS LAS BABS TE DGA' BA'I YID DANG LDAN PA RNAMS PAD MA'I RTZA BA'I BUG PA RNAMS LAS NGES PAR BYUNG BA'I LHA'I DBANG PO LHA RNAMS KYIS MTHONG BA BZHIN DU GUS PA DANG BCAS PAS BSNYEN BKUR BYED PAR GYUR TO, ,MI'I BDAG PO DES KYANG MA LUS PA DE RNAMS LA SMRAS PAR GYUR TO, ,DE NAS BLON PO DE RNAMS YI RANG BA NI SHING RTA BCU PA'I SRAS LTAR SHING RTA'I MCHOG DE LA BSKYON NAS DGON PA'I SA PHYOGS DE LAS SLAR GRONG KHYER DER 'ONGS PA NA RTA BABS LA DRI ZHIM PO RNAM PA SNA TSOGS PA'I ME TOG GI PHRENG BA RNAMS KYIS BCINGS PAR GYUR PA NA BUNG BAS NGES PAR 'BREL ZHING RGYAL MTSAN DANG BA DAN GYIS SKUL BAR @6B BYED PA, DRI DANG BCAS PA'I CHUS LAM PO CHE'I BAR DRI ZHIM POR BYAS PA, SNA TSOGS PA'I GAR GYI DGA' STON LA 'JUG PA RGYAL PO'I PHO BRANG 'OD LDAN GYI GRONG KHYER BA RNAMS KYI YID DGA' BAR BYAS PAR GYUR TO, ,GLANG PO CHE DE YANG GLANG MO DE LA 'DOD PAS LTAD MO BYED PA NI DREGS PA DANG BCAS PA'I GSHOL 'DZIN PA'I RTZE BA LTAR GOMS PAR BYED CING, GLANG PO 'DUL BA 'JIGS PA DANG NGO CHA BAS RNAM PAR RMONGS PA'I YID KYIS DE DANG LHAN CIG TU RGYAL PO DE'I DRUNG DU 'ONGS SO, ,SKRAG PAS 'DAR BA BSKYED PA'I GLANG PO 'DUL BA DES, ,DE NAS MTHONG BAS MI YI BDAG PO DE YIN, ,SPYAN GNYIS KHROS PAS SKAD CIG GIS NI 'GYUR BA CAN, ,AUTPAL DMAR PO ZE'U 'BRU MED PA BZHIN DU DMAR, ,KHRO BA'I SGRA CAN GYIS DRI MA DANG BCAS PAR BYAS PA'I ZHAL GYI ZLA BA CAN GYI RGYAL POS BDAG NYID NGAN PA GLANG PO 'DUL BYED DMAN PA KVA'I CI KHYOD SU ZHIG GIS BSKUL BA YIN, GANG GI PHYIR DREGS PA 'DZIN PA'I GLANG PO CHE NGAN PA 'DI LA KHYOD KYIS BDAG BSKYON BAR GYUR TO ZHES SMRAS SO, ,JI LTAR GLANG PO CHE'I MCHOG 'DI BDAG GI TSIG GIS LCAGS KYI RI LU 'BAR BAR 'GYUR BA ZA'O ZHES 'ON KYANG KHYOD KYI BDEN PA DA LTAR BLTA YIS, DE NAS NYI MA SHAR BA DANG, ,'DRA BA'I GLANG CHEN MDUN DU DE, ,BYIN ZA DBUS NAS PHYUNG NAS NI, ,LCAGS KYI RI LU GZHAG PAR GYUR, ,BLON PO CHEN PO LA SMRAS PA, ,NGO MTSAR CAN GYI BLON POS BSKOR, ,GLANG PO'I THOG TU ZHON NAS NI, ,LCAGS KYI RI LU KHYER SHOG CES, ,DE LTAR DES NI THOS PA DANG, ,SMYUG MA MDUN DU BLANGS NAS SU, ,GLANG PO LONG SHIG CES SMRAS PAS, ,DE YANG MI MTHUN NYID MA GYUR, ,LCAGS RIL LEN PAR 'DOD PA DE, ,MTHONG NAS GLANG CHEN DE YANG NI, ,GLANG PO CHE NI 'DI LAS BZLOG ,KUN NAS BSDAMS PA RGYAL POS SMRAS, ,GLANG PO 'DUL BYED DES NI GLANG PO BZLOG PA DANG,, DE NAS SLAR YANG MI YI BDAG POS SMRAS PA STE, ,LUS PO TZAM NI RNAM PAR 'DUL BAR NUS YIN GYI, ,SEMS KYI G-YO BA 'DI NI CHAR GCOD NUS MA YIN, ,DE NAS GNAS GTZANG MA'I LHA CIG BAR SNANG LA GNAS TE SA'I BDAG PO 'DI GAL TE SANGS RGYAS BCOM LDAN 'DAS RNAMS KYI YON @7A *, ,TAN GYI TSOGS THOS NA DE NAS THE TSOM MED PAR SANGS RGYAS NYID KYI PHYIR SMON LAM BYED CES BYA BA'O, ,DE'I PHYIR 'DI 'DIR DUS LA BAB PAS GLANG PO SKYONG BA 'DI NYID LA BDAG RJES SU ZHUGS SO ZHES RNAM PAR BSAMS NAS SKAD CIG NYID KYIS DE'I LUS LA RJES SU ZHUGS PAR GYUR TO, ,DE NAS KUN NAS BSDAMS PA'I RGYAL PO DE LA GSOL PA, ,DKA' THUB KYIS NI YAN LAG RING GYUR 'DOD PA RNAMS, ,'DOD LHAS THUB PA RNAMS KYANG RNAM 'GYUR THOB BYAS PAS, ,DE RNAMS KYIS KYANG GAL TE YID NI 'DUL NUS MIN, ,GZHAN GYIS RAB TU BYED PA JI LTAR BYAS PAR 'GYUR, ,RGYAL POS SMRAS PA, SU ZHIG GIS SEMS 'DUL BA NUS PAR 'GYUR, KUN NAS BSDAMS KYIS GSOL PA, SANGS RGYAS ZHES BYA 'GRO BA'I MGON, ,BYUNG 'GYUR 'BYUNG BA RNAMS NYID NI, ,DE RNAMS RANG DANG GZHAN GYI SEMS, ,'DUL BAR BYED PAR NUS PA YIN, , SANGS RGYAS ZHES BYA'I TSIG THOS NAS, ,NGAL BA DE LAS DE YI NI, ,DANG BA SPU LANGS BYUNG RNAMS KYIS, ,MANG PO NYID DU YANG DAG THOB, ,RGYAL POS SMRAS PA, BZANG PO SANGS RGYAS RNAMS LA JI LTA BU'I MTHU DANG LDAN PA RE ZHIG SMOS SHIG, KUN NAS BSDAMS KYIS GSOL BA, ,MA RIG RAB RIB LONG RNAMS KYI, ,SRID PA GZHAN NI BZLOG PHYIR RO, ,GANG DE RTOGS BYA'I GO 'PHANG ZHI, ,DE RTOGS PAS NI DE BZHIN GSHEGS, ,DE NAS RGYAL PO DE YID RAB TU DGA' BA DANG LDAN PAS SLAR SMRAS PA, 'O NA RE ZHIG SANGS RGYAS NYID JI LTAR RTOGS PAR BYA BA BRJOD PAR GYIS SHIG CES SO, , SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB YANG DAG LDAN, ,SLOB MAR GYUR PA'I MI RNAMS KYIS, ,'BAD PAS SANGS RGYAS NYID NI THOB, ,DE NAS RGYAL BO DES SANGS RGYAS NYID RTOGS PA'I LAM LA NYE BAR DMIGS NAS 'DI LTAR SMON LAM BYAS PAR GYUR TO, ,SEMS CAN RNAMS NI ZHI DON DU, ,SBYIN SOGS YON TAN MANG LDAN PA, ,SANGS RGYAS RTOGS BYA LA MKHAS PA, ,DE NAS MYUR DU BDAG GYUR CIG ,DE NAS DE LTAR SMON LAM CHEN PO BYANG CHUB SEMS DPA' DAG PA YIS, ,BYAS PA'I BLO CAN BYAS PAR GYUR LA BLO LDAN RNAMS NI DGA' BAR 'GYUR, ,RANG GI @7B STOBS NI RNAM PAR NYAMS PA'I YID NI RGYA YI DBUS GNAS PA, ,MDAS PHUG RI DAGS LTAR NI ME TOG RGYAL MTSAN GYIS NI SDUG BSNGAL MYONG, ,YID KYI ZHING RNAMS KYIS NI 'DZIN PA'I SMON LAM SHING NI SKYE BO DGA' BYED PA, ,'PHAL CHER YANG DAG 'BYUNG BA DANG PO SNYING RJE'I ME TOG GIS NI NUS LDAN PA; ,RIM GYIS RGYUN MA CHAD PAR 'DOD PA'I DBANG PHYUG CHEN PO SBYIN PA'I CHU YIS NI, ,'BRAS BU DON DU GNYER BA'I SA SKYONG NYIN RE ZHING DU ZHING DANG 'DRA BAR 'CHU, ,SA YI BDAG PO SPYOD PA NAM MKHA' LTA BUR RGYAS PAS RAB TU BRGYAN PAR BYAS PA NI, ,BSAL BAR DKA' BA 'GRO BA'I MI SHES RAB RIB G-YOGS PA BSAL BAR 'DOD PA YIS, ,RGYAL PO ZLA BA'I SMON LAM STON KA DANG 'DRA RTZOM PAS DRI MA DANG BRAL RGYAS, ,SHIN TU SBYIN PA'I ZLA 'OD DON DU GNYER LA KU MU DA YI DGA' BA SKYED PAR BYED, ,G-YOG RNAMS GLANG PO'I PHRU GU LTAR NI SHIN TU SKYOD BYED PA, ,DPAL NI GLANG MO BZHIN DU YUN RING POR NI MNYES BYED CING, ,SBYIN PA'I DON DU GNYER BA 'DOD PA RNAMS NI 'ONGS NAS NI, ,SA BDAG DE LA GLANG PO'I DBANG PO BUNG BA LTAR NI BSKOR, ,GANG ZHIG SNGON NI THOB DKA' ME LTAR 'GYUR BA STE, ,GANG ZHIG NYID NI BYA BAS DKYIL 'KHOR 'BYIN 'KHYOG PA YI MIG DANG LDAN, ,DE NYID BYANG CHUB LA NI RNAM 'BREL NGES PA CAN, ,MI YI BDAG PO MTSO BZHIN SKYE BO RNAMS LA BSKYED, ,LUS CAN RNAMS KYI SENG SNA'I MUN PA BSAL BA NI, ,RIM GYIS YID NI RANG BZHIN GZHAN DU 'GRO BA STE, ,DU BA GANG ZHIG NYID NI MIG LA RAB GNOD PA, ,DE NYID BSAGS PA SPRIN NYID DU NI 'GRO BA'O, ,SHIN TU SBYIN LA SEMS RTZE GCIG PA'I RGYAL PO LA, ,'BANGS KYI SKYE BO YANG NI SBYIN PA DE LA SBYIN, ,GANG PHYIR DUS NYID DE LTA BU DE 'GA' ZHIG TU, ,ZHING RNAMS GANG DU 'BRAS BU MANG BAR 'GYUR BA YIN, ,YON TAN LA NI RJES CHAGS MI BDAG MTHONG NAS NI, ,BLON PO RNAMS KYANG YON TAN LA 'DOD SKYED PAR BYED, ,RI BONG CAN GYI 'OD KYIS RJES SU 'BREL GYUR BA, ,CHU SHEL DRI MA DANG BRAL CHU NI STER BAR BYED, ,YON TAN DANG BCAS SKYE BOS SBYAR BAR GYUR PA NI, ,MDZES PA'I YID NI YON TAN RJES CHAGS SU MI 'GYUR, ,THUB PA'I SPOD YUL 'ONGS TE DMAN PA'I BLO LDAN PA,, @8A *, ,SPRUL DANG RI DAGS KYANG NI DRAG PO'I NGO BO 'DOR, ,DE LTAR SANGS RGYAS YON TAN RJES MTHUN YI GE CAN, ,GLANG PO 'DUL BA LA NI YID 'PHROG NGAG THOS NAS, ,SRID PA'I 'CHING BA 'JOMS PA'I RGYU CAN SMON LAM 'DI, ,SNGAR BYUNG SH'AKYA'I SRAS KYI 'BYUNG BAR 'GYUR BA YIN, DE LTAR BDE BAR GSHEGS PA'I YON TAN GYI CHE BA'I BDAG NYID THOS PA'I SKYES PA KHYAD PAR CAN RNAMS LUS CAN RNAMS KYI 'KHOR BA'I SDUG BSNGAL RNAM PAR GCOD PA'I PHYIR DANG, SANGS RGYAS NYID RTOGS PA'I PHYIR BRTZON 'GRUS KYI GO CHA GYON PA ZHES BYA BA RNAM PAR BSAMS NAS YANG DAG PAR RDZOGS PA'I BYANG CHUB THOB PA'I DON DU SLOB BZHIN PA'I BLO CAN GYIS THOG MA NYID DU SBYIN BA'I PHA ROL TU PHYIN PA LA 'BAD PAR BYA ZHES BYA'O, ,RAB SNANG GI SKYES PA'I RABS TE DANG PO RDZOGS SO,, ,,GANG ZHIG GZHAN GYI SDUG BSNGAL RNAMS KYIS SDUG ,DE NI RNAM PAR GCOD PHYIR DAM BCA' BYAS,, 'GRO BA RNAMS KYI DON NI BYED GYUR PA, ,DE NYID SHIN TU SDUG BSNGAL RNAMS NI BZOD, ,'DI LTAR RJES SU THOS TE SA'I STENG NA COD PAN DU GYUR PA TSUL GYIS RAB TU GDUNG BAS BLON PO CHEN PO THAMS CAD LAS RNAM PAR RGYAL BA'I RGYAL PO TSANGS PAS BYIN GYIS BRLABS PA'I GRONG KHYER B'A R'An S'I'I RGYAL PO'I PHO BRANG NA, BSOD NAMS KYI TSOGS SNA TSOGS PA NYE BAR BSAGS PA, BSTAN BCOS DU MA'I CHA LA MKHAS PA'I GRAGS PAS RAB TU GRAGS PA, GTONG BA DANG KHREL YOD PA DANG BZOD PA LA SOGS PA'I YON TAN RNAMS LHAG PAR GNAS PA, BSHES PA DANG DON DU GNYER BA DANG GNYEN 'DUN DU GYUR PA'I SKYE BO RNAMS KYI YID DU 'ONG BA'I DI DE DPON SHIN TU DGA' BA ZHES BYA BA'I BYANG CHUB SEMS DPA' BYUNG BAR GYUR TO, ,DUS KUN DU NI THAMS CAD NYID, ,KUN GYI PHYIR NI SBYIN BYA ZHES, ,SEMS CAN KUN LA BRTZE BA YI, ,DE YI DAM BCA' BYUNG BAR GYUR, ,'JIG RTEN SDUG BSNGAL BCAD PA'I PHYIR, ,SHIN TU BYAS PA'I SEMS RNAMS KYI, ,SEMS CAN LA CHE DAM BCA' NI, ,CHEN PO NYID RNAMS LA NI SKYE, ,GTONG BAS SKYE BO RAB DGA' BYED, ,DES NA SEMS DPA' DAG PAR 'GYUR, ,STON KA'I DUS NA ZLA BA BZHIN, ,CHEN PO SHAR BAS MUN PA SEL, ,BDAG CAG @8B DON DU 'DIS NI 'DZIN, ,LONGS SPYOD BSOD NAMS STOBS KYIS RNYED, ,DON DU GNYER RNAMS RDZAS RNAMS LA, ,DE YI BDAG 'DZIN DE LTAR DMIGS, ,NGES PAR LEGS PA'I BLO GLOS 'DI YI SMON LAM SA BON NI, ,YID KYIS 'DI LA NI RGYAL BA NYID KYI 'BRAS BU'I PHYIR, ,SNGON NI SBYIN BA'I PHA ROL PHYIN PAS BSOD NAMS KYI NI LAS, ,DE NI PHRAD PAS DGA' BA BZHIN DU MYUR DU SPRAD NAS 'KHYUD, ,DE LTAR DGE BA'I RTZA BA NYE BAR BSAGS PAS SBYIN PA CHEN PO LA ZHUGS PA, SEMS CAN GYI DON GYI PHYIR SNYING RJE'I LCAG GIS YID KYI RTA YANG DAG PAR BSKUL PAR BYAS PA, NGES PA'I SHING RTA LA LHAG PAR ZHON PA'I BYANG CHUB SEMS DPAS, NYIN PAR 'DI NI GTONG MI 'GYUR, ,SBYIN BA'I PHA ROL PHYIN PA ZHES, ,LHAG MA PHA ROL PHYIN RNAMS DE'I, ,PHRAD 'DOD LTA BUR GNAS PAR GYUR, ,DE NAS BDAG NYID CHEN PO DE SO GA'I DUS KYI NYIN MOR BYED PA'I 'OD ZER LTAR CHU'I SNOD KYIS CHU KUN NAS 'THUNG BAR GYUR PA NYID DAM RE RER DON DU GNYER BA RNAMS KYIS LHAG MA CUNG ZAD TZAM MDZOD KYI SNYING PO MTHONG NAS, SLONG MO PA'I SKYE BO'I RE BA 'BRAS BU MED PAR BYED PA MI NUS PAS RIN PO CHE'I GLING DU MNGON PAR 'GRO BAR 'DOD CING, SNA TSOGS PA'I ZONG GIS YONGS SU GANG BA, MTHON PO'I RLUNG RAS LA 'JAM PA'I RLUNG LHUNG BA DANG, SHIN TU MKHAS PA'I SKYA CHEN 'DZIN PA RNAMS KYIS SKYA BA 'DZIN PA RNAMS DANG, YID CHES PA'I 'KHOR GYI SKYE BO RNAMS KYIS LHAG PAR GNAS PA'I GZINGS SU ZHUGS NAS, TSONG PA'I SKYE BO DU MAS YONGS SU BSKOR BA, AA TA SA YI ME TOG KHA BYE BKRAM PA NGANG 'DRA BA'I, ,NAM MKHA'I CHU NYID DU NI KUN NAS 'ONGS PA 'DRA BA STE, ,'OD LDAN LTO 'PHYE'I NOR BU MAR ME STONG GI NANG NAS NI, ,ZAB CING BGROD PAR DKA' BA'I CHU LDAN RGYA MTSO 'KHRUG PAR BYAS, ,GZINGS 'GRO BA'I DBANG GIS CHU MTHO BA'I 'GRAM GYI SHING RNAMS BUM PA LTAR SKAD CIG NYID DU NI YANG DAG PAR MTHONG NAS RLUNG GI STOBS KYIS 'BYUNG BAR GYUR PA'I RLABS CHEN PO RNAMS KYIS MI MNYAM PA MDUN DU RGYUG PA DANG 'DRA BAR RIM GYIS RGYA MTSO CHEN BO LA BRGAL NAS RIN PO CHE'I GLING DU PHYIN TE, RNAM PA SNA TSOGS PA'I RIN PO CHE RNAMS BLANGS NAS TSONG PA DE RNAMS DANG LHAN CIG TU GEGS @9A *, ,MED PAR SHIN TU DGA' BAS SLAR LOG STE 'GRON PO THANG GI LAM NAS KHRID PA BRTZAMS PAR GYUR TO, ,'DI LA BRTEN NAS DON GNYER TSOGS NI RGYAB PHYOGS MA SONG STE, ,'DI YI SEMS NI DGRA DANG BU LA'ANG MNYAM PAR 'JUG PA ZHES, ,DE LTAR YON TAN RNAMS NI BRJOD CING YON TAN 'DOD PA YIS, ,DE YI 'GRON PO RKUN MO'I TSOGS KYIS KYANG NI CHOMS MI 'GYUR, ,TSUL KHRIMS GTZANG MAS BRGYAN PA'I SKYE BO LA, ,'GRO BA'I DON DU SO SOR 'BREL BA'I SEMS, ,'ON KYANG CHOS LA RGYAB PHYOGS SKYE BO NI, ,BSHES PA BZHIN DU BZANG BA NYID DU 'GRO, ,DE NAS BDAG NYID CHEN PO DE B'A R'A nA S'IR NYE BAR 'ONGS NAS DGA' BA'I YID CAN GNYEN 'DUN RNAMS KYIS MTHONG BAR GYUR TE RANG GI KHYIM DU RJES SU ZHUGS NAS RIN PO CHE'I GLING NAS RNYED PA LA RANG DBANG DU SPYOD PA NGES DON DU GNYER BA'I SKYE BO RNAMS LA YANG NYIN RE BZHIN DU 'GYED PAR BYAS PAR GYUR TO, ,BDAG NYID CHEN PO DES NI GZHAN DON PHUN SUM TSOGS, ,RGYA CHE'I SEMS DANG LDAN PAS SBYIN PA RAB SBYIN CING, ,'BRAS BU DANG BCAS DON GNYER MANG PO 'ONGS PA YI, ,DON GNYER RNAMS KYIS KHYIM GYI SGO NI STONGS MA GYUR, ,DE NAS BDAG NYID CHEN PO DE DUS GCIG GI TSE MAL CHA MCHOG LA GNAS SHING NUB MO 'DI BSAMS PAR GYUR TO, ,NOR 'DI YANG SKYE BO DON DU GNYER BA LA SO SOR MCHOD PA'I PHYIR NUS PA NYID MA YIN SNYAM MO, ,SLAR NI SBYIN PA'I 'BRAS BU JI LTA BU BSGRUB PAR BYA, GANG GIS BDAG LA RTAG TU SBYIN PA RGYUN MA CHAD PAS YID TSIM PA DON DU GNYER BA RNAMS LA 'GYUR ZHES BYA'O, ,GZHAN YANG MTSAN MO 'DI MYUR DU 'DA' BA NI GANG GI PHYIR BDAG GIS DON DU GNYER BA'I TSOGS RNAMS LA JI LTAR DGYE BAR BYA ZHES BSAMS SO, ,SKYE BO THAMS CAD NA BA'I DUS SU GNYID 'DOD DE, ,SEMS NI BDE BA'I PHYIR NI NGAL BAS GDUNGS PA'AM, ,'DI NI SBYIN BA'I BDAG PO STER BA'I GEGS BYED CES, ,DAM PA DE NI GNYID LOG PAS NI SDUG BSNGAL GYUR, ,DE NAS SEMS DPA' CHEN PO DE GNYID KYI DBANG DU NYE BAR SONG BA NA RMI LAM DU 'OD ZER DRI MA MED PA 'KHOR YUG LA MNGON PAR 'BYUNG BA'I 'OBS LAM NA LUS NUS PA BUNG BA'I TSOGS KYIS SHIN TU NAG PA LHOD PA'I SKRA'I TSOGS KYIS @9B DPUNG PA PHYOGS GCIG BKAB PAR BYAS TE, PAD MA'I 'DAB MA LTAR SHIN TU DMAR ZHING YANGS PA'I MIG DANG LDAN PA, GSER GYI BUM PA DANG RJES SU MTHUN PA'I NU MA'I STENG DU KHYAB PA'I MU TIG GI CHUN PO DANG NOR BU'I 'OD KYIS KUN NAS GSAL BAR BYAS PA'I BRANG GI MTHIL CAN, ME TOG BAN DU DZI BA SAR PA LTAR SHIN TU DMAR BA'I MCHU DANG LDAN PA, GSUS GNYER GSUM NI SKAS KYI GDANG BU LA 'DZEGS PAS RAB TU SRAB PA'I SPU'I PHRENG BA 'KHYOG ZER BAR BYAS PA, ZLA BA'I MDZES PA GZUGS DANG LDAN PA LTAR RNA BA'I RGYAN GYI NOR BU'I 'OD KYIS MKHUR TSOS KYI SMUG RTZI 'DOR BA, SRAB PA DANG DKAR BA'I STOD G-YOGS KYIS YAN LAG SBAS PA, STON KA ZLA BA TSES PA'I 'OD KYIS KUN NAS KHYAB PA'I GSER GYI SKU GZUGS LTAR RJES SU MTHUN PA'I LHA MO MTHONG NGO, ,DES KYANG MNGON BAR GSAL BAR GYUR PA'I SO DANG NOR BU'I 'OD KYIS BZHIN SNANG BAR BYAS TE, GSAL BA DANG 'JAM PA'I TSIG GIS 'DI SKAD CES GSUNGS SO, ,SBYIN LA SHIN TU CHAGS PAS MDZOD KYI PHUN TSOGS NI, ,KHYOD KYIS 'DI NI RIM GYIS SRAB PA NYID DU 'GYUR, ,MTSAN MO MDZES BAS ZLA BA'I MDZES PA ZAD PA STE, ,RGYA MTSO'I RLABS NI NGES PAR BZLOG PAR 'GYUR BA LTAR, ,DE NAS KHYOD LA SHAR BA SONG BA 'GRO 'GYUR TE, ,LTA BA BZLOG CING DON DU GNYER LA RGYAB PHYOGS PA, ,SKAD DANG BRAL BA YID 'ONG DNGOS NI LHUNG BA YI, ,STON KA'I DUS NI SPRIN LA YUN RINGS RMA BYA BZHIN, ,DE LTAR 'DZAD PAR 'GYUR BA'I MDZOD KYI PHUN TSOGS LA, ,KHYOD NI DON GNYER RNYED NAS MYA NGAN 'GRO 'GYUR TE, ,KHYOD KYI SBYIN 'DOD 'DI NI SHIN TU GRAGS PA NI, ,NAM ZHIG KYANG NI RNAM PAR 'GYUR BAR 'GRO MI 'GYUR, ,SHING NI ZAD PA'I SONG BAR G-YO BA'I 'OD ZER GYIS, ,ME NI 'BAR BA ZAD PAR YANG NI RAB 'GRO STE, ,PHAL CHER GOMS PAS RNAM PAR 'PHEL BA'I SKYE BO NI, ,CHEN PO RNAMS KYI SBYIN 'DOD RGUD KYANG DE LTA MIN, ,'DI NI NOR RNAMS YONGS SU ZAD KYANG DON GNYER RNAMS, ,SLONG LA BRTEN PA'I 'JIGS PA 'JIGS PAR MI BYED DE, ,DE LTAR GSAL BAR BYAS PA'I NGES PA SKYED RNAMS KYIS, ,SKYE BA DKA' BA LA YANG RGYA CHEN NYID MI SPONG, ,DE LTAR KHYOD NI BDEN @10A *, ,PAR SMRA BA STE, ,SRID PA RNAM PAR GCOD PA'I GO 'PHANG TSUL BYED PA, ,BYA BA NYUNG BA NYID NI MYUR DU BCINGS NAS SU, ,'JIG RTEN RNAMS LA 'BYOR PHYIR RGYA SHUG GLING DU GSHEGS, ,BDAG GIS NYE BAR BSTAN PA DE NYON CIG ,'GRO BA SA 'DZIN KLU DANG GNOD SBYIN GYIS 'JIGS PA, ,RGYA MTSO MANG BA RNAMS KYIS KYANG NI 'GAG 'GYUR BA, ,DE NI SHIN TU SGRUB PA'I DON DU KHYOD NYID NUS, ,RI BO MA LA YA LA 'DZEG BYED BDUD RTZI ZHES, ,BRTZON PA BTANG NA GTZANG BA'I DRI LDAN SMAN YOD DE, ,DGANG BLUGS YONGS SU SMIN NAS DE ZO SHIG ,NGAL DANG SKOM PA SEL DANG BKRES PA SEL BA'I PHYIR, ,GLING RNAMS BRGYA PHRAG LNGA DANG 'JIGS PA'I CHU LDAN CHU BO DE DANG DE RNAMS 'DAS NAS NI, ,CHU GTER RNAMS LA BSOD NAMS DANG NI BRTZON 'GRUS KYIS NI GZINGS RNAMS DBUS NAS RGAL NAS KYANG, SA 'DZIN MTHON PO'I STENG NA CHEN MO MING GI TSOGS NI CHEN PO ZHES BYA SMAN YOD DE, ,DE NI BLANGS NAS LTO 'PHYE CHEN PO'I DUG NI CHAD PAR BYA PHYIR DER NI KHYOD SONG CIG ,LCANG NGAR GYIS PHUG PAR BYAS PA'I SPA'I NAGS RGAL BAR BYAS NAS RGYA MTSO'I 'GRAM DUS 'DZIN GYI PHUG GI NANG NA GNAS PA SKAR MA'I MIG CES BYA BA SRIN PO KHYOD KYIS MTHONG BAR 'GYUR TE, GNYID LOG PA LAS SAD PA BZHIN DU 'BAR BA'I MES 'BAR BA, ,GANG GIS MIG DANG NYI MA'I DKYIL 'KHOR 'DRA BA'I 'BRAS BU CAN, ,KUN NAS SER BA'I RDZI MAS YONGS BSKOR LAM GYI PRI KA CAN, ,GNYID SANGS PA LA BSKUM PA DANG 'DRA BAR NI 'DZUMS MED PA, ,DE NI GNYID LOG PA NA MTHUG PA'I DBUGS KYI RLUNG GIS NI, ,SHING RNAMS KYI NI ME TOG DKAR PO RAB TU RNYINGS PAR 'GYUR, ,'DI YI LCE NI G-YO BA RNAM PAR 'GYUR TE KHA YI SBYOR BA LAS, ,'JIGS PA'I SGRA YI CHU 'DZIN PA LAS GLOG 'GYU'I RGYUN BZHIN NO, ,DE NAS GNOD SBYIN DANG LTO 'PHYE RNAMS ZHI BA'I DON DU 'DAS PA'I SANGS RGYAS RNAMS KYIS GSUNGS PA'I MDO'I TSIG RNAMS 'DON CING KHYOD KYIS 'GRO BAR BYAS TE SONG NAS KYANG SHIN TU RING BA MA YIN PA NI SKYED MOS TSAL RNAM PA SNA TSOGS PA'I ME TOG RNAMS KYIS DRI ZHIM PA'I RLUNG DANG LDAN PA RIN PO CHE DU MAS RAB TU SNANG BAR BYAS PA'I @10B RGYA MTSO'I 'GRAM NA SA 'DZIN RNAMS KYIS RAB TU BYAS PA DU MA THA DAD PA'I SKYE BO RNAMS KYIS YANG DAG PAR GNON PA'I SKYES BU'I LAM SHI BA MED PA'I GRONG DANG 'DRA BA'I RO HI TA ZHES BYA BA'I GRONG KHYOD KYIS MTHONG BAR 'GYUR RO, ,DER YANG ZLA BA NYA BA LTAR YID DU 'ONG BA RNAM PA SNA TSOGS PA'I YON TAN GYI TSOGS DANG LDAN PA DED DPON MA GHA ZHES BYA BA YOD DE, ,DE NI RGYA SHUG GI GLING GI LAM KHYOD LA NYE BAR STON PAR 'GYUR RO, ,DED DPON CHEN PO DE YANG NAD SHIN TU DRAG PO NYID KYIS SENG GE DANG STAG GIS 'JIGS SU RUNG BA'I RI BO DANG NAGS KYIS KHYAB PA'I DPAG TSAD MANG POR SONG STE DUS DUS KYI LAM GYIS SBYAR BAR 'GYUR RO, ,KHYED KYANG DER SDUG BSNGAL MI BYA'O, ,SNYING RJES RAB TU BSKUL BA NI, ,SEMS CAN PHAN PHYIR BSTAN PA RNAMS, ,SPRO BA DANG 'BREL RANG BZHIN CHOS, ,'DOD PA YANG DAG SGRUB PA YIN, ,PHYI NAS LHA'I MTHU DANG BSOD NAMS KYI MTHUS RING POR 'DA' BAR BYA STE; KHA BA CAN GYI RI'I RTZE MOR RJES SU BYED PA'I RA BAS YONGS SU BSKOR ZHING DNGUL GYI GRONG KHYER SGA BCAD PA KHYOD KYIS MTHONG BER 'GYUR ZHES BYA BA'O, ,DER YANG KHYOD KYIS MDO'I TSIG DE RNAMS NYID GDON PAR BYA'O, ,DE NAS SGO GLEGS DE RANG NYID KYIS PHYE BA 'BYUNG BAR 'GYUR RO, ,DE YI RJES SU MI 'AM CI MO BZHI NI NGES PAR 'BYUNG BAR 'GYUR TE LCI BA YI, ,NU MA'I BUM PA'I KHUR GYIS SHIN TU NGAL ZHING DGOD PA'I DBANG GIS SO YI 'OD NI GSAL, ,SMIN MA'I RI MO CHE BAR LDAN ZHING AUTPAL 'DAB LTAR SNGO BA'I MIG LDAN PA, ,SRAB CING DKAR BA'I LHA LAS 'BYUNG BA'I GOS KYI NA BZA' 'DZIN PAR BYED PA MO, ,'JAM PA'I RGOD PAS ZUR MIG GIS LTA BA DANG SMIN MTSAMS SGEG PAS 'DOD PA'I LHA GSAL BAR BYAS PA DE RNAMS LA YANG KHYOD KYIS SRING MO'I 'DU SHES BSKYED PAR BYA'O, ,DE RNAMS KYANG KHYOD LA RGYA SHUG GI GLING GI LAM STON PAR BYED PAR 'GYUR RO, ,DE NAS RGYA SHUG GI GLING GI BDAG PO MI 'AM CI'I RGYAL PO RNAMS KYIS RAB TU SPRO BA SKYED DE KHYOD LA YID BZHIN NOR BU SBYIN PAR 'GYUR RO, ,DER YANG BEE d'URYA'I RANG BZHIN GYI GRONG KHYER DANG NYE BAR SKYES PA SKYED MOS TSAL DU YONGS PA MA RMOS PAR BTAB PA'I LO THOG GI 'BRAS BU SBUN PA MED PAR ZA ZHING STON KA'I SPRIN ZHES BYA BA @11A *, ,SKYES PA LTAR RTA'I RGYAL PO KHYOD KYIS MTHONG BAR 'GYUR RO, ,DES KHYOD LA NAM MKHA'I LAM GYIS DON BYAS PA'I B'A R'A nA S'IR 'GUGS PAR 'GYUR BA YIN NO ZHES BYA BA SMRAS NAS LHA MO DE MI SNANG BAR GYUR TO, ,BYANG CHUB SEMS DPA' YANG DGE BA'I RMI LAM MTHONG BAS TU DGA' BA MCHOG 'DZIN CING NGES PAR BDAG RGYA SHUG GI GLING DU PHYIN PA'I 'BRAS BU RNYED PAR 'GYUR ZHES BYA BA RNAM PAR BSAMS NAS LHA RNAMS MCHOD PAR BYAS TE, DGE SBYONG DANG BRAM ZE DANG SDUG PHONGS RNAMS LA SBYIN PA BYIN NAS JI LTAR LHA MOS NYE BAR BSTAN PA'I LO BCU GNYIS RGYA SHUG GI GLING DU PHYIN TE MI'AM CI'I BDAG PO'I DRUNG NAS YID BZHIN GYI NOR BU DE THOB NAS CI NAS KYANG RTA'I BDAG PO DE 'ONG NGAM SEMS SHING 'DUG GO, ,BSOD NAMS LAS CAN DE LAS KYANG NI RNAM BSAMS PA, ,GZHAN DON SGRUB BA LA NI NGES PAR 'BREL SEMS KYIS, ,ZLA BA'I 'OD ZER RNAMS SPRO BA'I SPUNGS PA LTAR, ,RTA YI RGYAL PO DE YANG KUN NAS MYUR DU 'ONGS PAR GYUR, ,KUN NAS 'ONGS TE MI YI SKAD DU DES SMRAS PA, ,GOS KYI SKUD PA'I RNAM PA MTHUN PA'I ZE'U SOGS CAN, ,GRONG KHYER 'DI LAS RI DANG RGYA MTSOS BGROD DKA' BA'I, ,RANG YUL LAS PHYOGS NAM MKHA'I LAM LAS SU BDAG KHYER, ,RAB TU DGA' BA YON TAN LA DGA' YON TAN CAN GYIS DBYEN, ,RTA MCHOG ZLA BA'I 'OD ZER LTAR NI DKAR BA DE LA SMRAS, ,BUNG BA RGYAS PA RNAMS KYIS KHYAB PA'I SKYED MOS TSAL GYI NANG, ,BDAG GI P'A R'A nA S'IR RTA RGYAL KHYOD KYIS MYUR KHRID CIG ,DE NAS RTA YI RGYAL POS BSTAN PA'I SEMS CAN DE LA SMRAS, ,BDAG GI RGYAB 'DI LA NI ZHON NAS YAN LAG BRTAN PAR SHOG, ,RANG GI GOS LA DAG PA'I 'OD ZER RIN PO CHE BCINGS NAS, ,DE NI BYA YI RGYAL PO DANG MNYAM SBRIN LA ZHON PAR GYUR, ,RMIG PA RNAMS KYIS THUG MED CHU 'DZIN 'BIGS SHING 'GA' ZHIG TU; ,GLOG NI KUN DU SNANG BAS YAN LAG KUN NAS SER BYAS PA, ,NAM MKHAR PHYIN NAS G-YO MED RGYA MTSO'I CHU LTAR SNGO BA YI, ,B'A R'A nA S'IR RTA YI RGYAL PO DE NI BABS PAR GYUR, ,DE YANG RANG GI KHANG PA DANG NYE BAR 'JUG STE SPRIN GYI SHUGS SLAR YANG RGYA SHUG GI GLING NYID DU LO @11B PAR GYUR TO, ,BYANG CHUB SEMS DPAS KYANG ZHUGS NAS RAB TU DGA' BA'I YID DANG LDAN PA DON DU GNYER BA RNAMS DANG GNYEN BSHES RNAMS KYIS BSDUS TE RANG GI KHYIM DU ZHUGS NYI MA GZHAN LA PHYIR BYUNG STE, YID BZHIN NOR BU DE RGYAL MTSAN GYI MCHOG LA BZHAG NAS 'DI SKAD CES SMRAS SO, , GANG ZHIG GANG GANG RDZAS 'DOD PA, ,MI RNAMS KYIS NI 'DI RNYED DKA', ,YID BZHIN NOR 'DI YANG DAG PAR, ,DE PHYIR DE DE SBYIN GYUR CIG ,DE'I TSE YUL DE NA ZHING PA'I SKYE BO CHU MED PA NYID KYI CHU 'DZIN DKAR PO RNAMS KYIS MA LUS PAR KHYAB PA'I PHYOGS KYI MTHA' CAN, SHI BA'I BA GLANG RNAMS KYI LUS LA KHA'I TSOGS GNAS PA DBUL PO'I TSOGS KYIS SHIN TU KHYAB PA, SLONG MO'I NYE BAR SPYOD PAS MA RNYED PA'I MU GE CHEN PO BYUNG BAR GYUR TO, ,DE NAS SKYE BO DE RNAMS 'ONGS TE RAB TU DGA' BA LA RE ZHIG NOR BU'I MCHOG 'BRAS KYI SO BA NYID PHOB SHIG CES SMRA BAR GYUR TO, ,DE LTAR SHOG CIG CES BYA BA BYANG CHUB SEMS DPAS SMRAS PA DANG, RNAM PAR BSAMS NAS NOR BU CHEN PO 'DI LA BLTAS SO, ,'GA' ZHIG PA LA SHA YI SHING, ,NANG 'BYUNG NAM MKHA' LAS LTUNG BA'I, ,'BRAS SO MANG POS SA 'DI NI, ,BAR MA CHAD PAR BYUNG BAR GYUR, ,DE NAS NOR BU SNA TSOGS SPRO BA'I 'OD LDAN PA, ,GTZANG BA'I 'OD DANG LDAN PA'I RGYAN RNAMS YANG DANG YANG, ,RLUNG GIS RNAM PAR G-YO BA KUN NAS LTUNG BA NI, ,SRAB PA'I GOS RNAMS KYANG NI NAM MKHA' LAS LTUNG STE, ,DE NAS SNA TSOGS RGYAN DANG GOS KYI PHRENG BA DANG, ,DGA' STON SNA TSOGS DANG NI DBYANGS SNYAN SGRA 'JUG PA'I, ,NGO MTSAR DANG BCAS SKYE BO TSOGS LA BRTZE BAS DE, ,MDUN GNAS DON GNYER RNAMS NI 'DI LTAR TSIM PAR GYUR, ,KYE MA KYI HUNG SHIN TU NGO MTSAR 'DOD 'DI NI, ,GZHAN LA PHAN PHYIR SKYE BA BLANGS GYUR TE, ,AE MA KUN DA LTAR DKAR GRAGS PA RNAMS KYIS NI, ,YONGS SU 'DOR BA'I SA NI RGOD PA 'DRA BAR BYED, ,CIS KYANG SKYE BO DE LTA BU NI YOD NYID DE, ,RANG GI SKAL BA'I PHUN SUM TSOGS DGE LA DMIGS PA'I, ,KHYOD CAG LTA BU'I 'GRO BA'I DON NI BYED RNAMS LA, ,GANG ZHIG DE LTAR SKYE BA SKYE BAR DON YOD PA, ,SDUG BSNGAL CHEN PO LAS GROL @12A *, ,BA'I; ,NYON MONGS MED PA'I 'BRAS CHEN STER, ,CHOS KYI RNAM PAR SMIN LTAR KHYOD, ,DON GNYER RNAMS KYIS BDE BA'I RGYU, ,DE LTAR BDAG NYID KYIS SDUG BSNGAL LA MA RTZIS SHING 'GRO BA RNAMS LA BDE BAR BYED PA RNAMS KYI SNYING RJE CHEN PO DANG LDAN PA'I BDAG NYID CHEN PO DAM BCAS PA LAS 'DA' BAR MI BYED DE, ,DE LTAR BDAG GI BDE BA LA MA LTOS PAR GZHAN DON SGRUB PAR BYED PA LA MKHAS PAS BYANG CHUB TU 'GRO BAR BYA ZHES 'GRO BA'O, ,RGYA SHUG GI GLING DU 'GRO BA'I SKYES PA'I RABS TE SKYES PA'I RABS GNYIS PA'O,, ,,MI SHES MUN PA BSAL BA'I DON DU NI, ,BYANG CHUB SEMS DPA' LAS GZHAN NUS PA MIN, ,LEGS PAR SMRAS PA'I NOR BU 'GA' ZHIG NI, ,SROG GI RIN GYIS NYOS PAR GYUR PA YIN, ,'DI LTAR RJES SU THOS PA YIN TE, THOS PA DANG TSUL KHRIMS LA SOGS PA'I YON TAN RNAMS KYIS MNGON PAR MTSON CING, SA'I STENG DU RGYAN DU GYUR PA, SEMS CAN RNAMS BRTZE BA DANG LDAN PA, DUS RTAG TU 'JUG PA'I TSANGS PA'I DBYANGS KYIS ME'I SBYIN SREG LA YAM SHING DANG KU SHA'I LAS KYI MTHA' DANG LDAN PA DUL BAR GYUR PA'I SLOB MA RNAMS KYIS YONGS SU BSKOR BA'I SLOB DPON DANG LDAN PA'I BRAM ZE'I RIGS LA 'JIG RTEN PA LA PHAN PA'I DON DU BRTZON 'GRUS DANG LDAN PA'I BYANG CHUB SEMS DPA' DBANG DU BYA BA'I PHYIR 'KHRUNGS PAR GYUR TO, ,BDAG NYID CHEN PO DE NYI MA RE RE ZHING YANG DAG PAR RDZOGS PAR GYUR PA'I MDZES PA DANG LDAN PA NI, 'GRO BA'I YID 'ONG JI LTA JI LTAR KUN NAS 'PHEL, ,RI BONG CAN LTAR 'OD ZER RNAMS KYIS MUN 'BYED CING, ,DE LTA DE LTAR CHEN PO'I RIGS CAN CHE BA DES, ,RGYA MTSO'I CHU LTAR 'PHEL BA KUN NAS BYUNG BAR GYUR, ,LA LA ZHIG NYID SKAL BA CHE, ,DAM PA RNAMS LA 'DOD PA SKYE, ,GANG LA DMIGS NAS RIGS KYI DPAL, , SHING GI YAL GA BZHIN DU 'PHEL, ,MTHU CHEN PO DANG LDAN PA TSANGS SKUD 'DOGS PA'I 'DU BYED BYAS PA, ,BAG MED MANG BA'I LANG TSO LA GNAS PAR GYUR PA YANG, CHAGS PA'I SKYON RNAM PAR BZLOG PA DE'I CHOS 'DOR BA NYID MCHOG TU MTHONG NAS NYE 'DUN RNAMS KYIS CHOS 'DOD PA @12B ZHES BYA BA RJES SU MTHUN PA'I MING BTAGS PAR GYUR TO, ,SROG CHAGS PHAL CHER 'JIG RTEN LA, ,YON TAN CAN NAM YON TAN GYI, ,MING YANG BSOD NAMS LAS BYUNG BA, ,DGA' BA NYID DU RAB TU 'GYUR, ,DE LA YANG RNAM PA SNA TSOGS PA'I DON DANG LDAN PA'I BSTAN BCOS LEGS PAR SMRAS PA RNAMS LA YANG MCHOG TU DGA' BAR GYUR TO, ,LEGS PAR SMRAS PA DON DU GNYER BA DE YI LEGS DPYAD NI, ,MKHAS PA GANG LAS KYANG NI MNYAN PAR 'GYUR BA YIS, ,SHIN TU SNA TSOGS LAS BYED DGA' BAR GYUR PA NI, ,BA SPU LANGS DANG THIGS PA 'JUG PA BYAS PAR GYUR, , GTZANG BA 'JIG RTEN RNAM PAR SNANG BAR BYED PA KUN NAS NI, ,MDZES PA MUN PA 'BIGS PAR BYED PA 'ONG BAR GRAGS PA DANG, ,DGE BA GANG GI SNYING GA RI BONG CAN GYI MTSAN MA LTAR, ,SKYES BU BZANG PO'I LEGS PAR BSHAD PAS CI PHYIR BDER MI 'GYUR, ,GANG LAS LEGS PAR BSHAD PA SHIN TU LEGS PAR BSHAD PA ZHES, ,RAB RIB THAR BYED THOS PAR GYUR PAS RAB RIB 'BYED PA NI, ,BLO YI CHE BA RAB TU GRAGS PA CHEN PO RNAMS KYI 'DU BA'I SAR, ,THO RANGS MCHOG TU DE NI DE LA STONG PHRAG BRGYA SBYIN 'GYUR, ,BDAG NYID CHEN PO DE YANG GANG DANG GANG DU 'GRO BAR GYUR PA DE DANG DER SKYE BOS SO SOR MCHOD PAR GYUR TO, ,DE NAS DUS GCIG GI TSE NA GDUG PA'I SEMS DANG LDAN PA BRAM ZE GZHAN DAG DE LA GNOD PA BYED PAR 'DOD PAS BDAG NYID CHEN PO DE'I RNYED PA DANG BKUR STI'I KHYAD PAR DE NYID RE RER MNGON PAR 'PHEL BAR GYUR PA MI BZOD PAS KHRO BA DANG LDAN PAS MYUR DU GOM PA 'DOR BAS DE'I GAN DU 'ONGS PAR GYUR TE, YON TAN GYIS RNYED MCHOD PA NI, ,GZHAN LAS THOB MIN SKYE BO NGAN, ,MCHOD SBYIN PA YI MKHAS PA YANG, ,GZHAN DAG LA YANG PHRAG DOG BYED, ,GDUG PA'I BDAG NYID BRAM ZE'I GZUGS 'DZIN PA DE YANG SHA ZA LTAR SEMS DPA' CHEN PO GANG NA DER NYE BAR SONG STE 'DI SKAD CES SMRAS SO, ,BDAG GIS THOS PA KHYOD NI SHIN TU LEGS SPYAD DGA', ,SHES PA'I KHYAD PAR CAN LA NOR NI SBYIN PA PO, ,DE PHYIR BDAG NI SKYE BA SHES PA KHYED CAN DU, ,LEGS PAR BSHAD PA RNAMS KYIS KHYER ZHING NYE BAR 'ONGS, , @13A *, ,BUNG BA RNAMS NI YONGS SU BSKOR BAR BYED GYUR PA, ,LHAN CIG BYED PA'I SNYE MA KHA BYE RNAM SPANGS NAS, ,MCHE BA CAN GYI SMYON CHU 'THUNG 'DOD YANG DAG 'GRO, ,DE LA YON TAN KHYAD PAR DE NI NGES PAR MTHONG, ,DE NAS BYANG CHUB SEMS DPA' LEGS PAR BSHAD PA'I SKYES SU 'BUL BAR BYED PA'I BRAM ZE DE MTHONG NAS RAB TU DGA' BAS BA SPU RAB TU LANGS PAR GYUR PA'I MDZES PA DANG LDAN PA KUN NAS LANGS TE LAGS PAR 'ONGS PA DANG, LEGS PAR BSHAD PA'I RIN PO CHA 'TSONG BA'I BRAM ZE LA BDAG CAG NI LEGS PAR BSHAD PA'I NOR BU RNAMS NYO'O ZHES BYA BA SMRAS NAS BRAM ZE DE BDAG NYID KYI GDAN CHEN PO LA 'DUG TU BCUG STE RANG NYID SA LA 'DUG PAR GYUR TO, ,DE NAS CHOS 'DOD PA LA GROGS PO RNAMS NGO MTSAR DANG BCAS PAS 'DI SKAD CES SMRAS PAR GYUR TO, ,LEGS BSHAD RNAMS NI THOS PAR 'GYUR BA ZHES BYA KHYOD KYI BZHIN NI DGOD DANG BCAS PAR 'GYUR, ,THOS NAS MIG GNYIS MCHI MA DANG BCAS PAS NI DGA' BAS DPAL GANG YANG NI 'GRO BAR 'GYUR, ,YAN LAG GCOD PA'I DBANG GIS DRI ZHIM KU MU TA NI DAL GYIS KUN NAS PHYE 'GYUR TE, ,ZLA BA'I 'OD ZER MUN PA BSAL BAR BYED PA THOB NAS MDZES PA MCHOG NI RGYAS PAR 'GYUR, ,DE NAS CHOS 'DOD GUS PA MANG BA DANG BCAS PAS BRAM ZE DE MTHONG STE DE LA SLOB MA'I SKYE BO NYAN PAR 'DOD PA LA, SLOB DPON GYIS MNGON PAR BRJOD PAR 'OS SO ZHES SMRAS SO, ,DE NAS SDIG CAN DES GAL TE KHYOD LEGS PAR BSHAD PA'I RIN PO CHE 'DOD PA'I PHYIR DU BA MED PA'I MES YONGS SU GANG BA'I 'OBS CHEN PO LA BDAG NYID MCHONG BAR NUS NA DE NAS BDAG GIS LEGS PAR BSHAD PA SNGON MA THOS PA YID DU 'PHROG PA 'DI SBYIN PAR BYA'O ZHES DE LA SMRAS SO, ,DE NAS BYANG CHUB SEMS DPAS SEMS CAN RNAMS LA YONGS SU 'PHEL BA'I BLO DANG LDAN PA 'DI SMRAS PAR GYUR TO, ,BRAM ZE CHEN PO BDAG NYID KYI SDUG BSNGAL LA MI LTOS PAR BDAG CAG LTA BU RNAMS LA 'DI NI BYA DKA' BA MA YIN TE 'ON KYANG, LEGS BSHAD 'GRO BA RNAMS PHYIR DAM PA'I SKYE BO LAS, ,ZHING LAS 'BRAS BU BZHIN DU BDAG GIS KUN NAS BSAGS PA STE, , @13B ME DANG LDAN PA'I 'OBS CHEN NANG DU BDAG NI 'GRO BA LA, ,SKYE BO 'DI NI RNAM PA GANG GIS DE NI 'DZIN PAR 'GYUR, ,BRAM ZES SMRAS PA, LEGS PAR BSHAD PA 'DI NI SKYE BO'I TSOGS MA LUS PA LA THOS PAR BYA STE, DE NAS ME'I 'OBS SU BDAG NYID MCHONG BAR GYIS SHIG ,BYANG CHUB SEMS DPAS SMRAS PA, JI LTAR SLOB DPON 'DOD PA DE LTAR BGYI'O, ,RNAM PAR RTOG PA'I RGYA MTSO SHIN TU RGYA CHE BA, ,YUN NI RING POR RGAL BAR DKA' BA MA BRGAL ZHING, ,GTI MUG RAB RIB CHEN PO ZAD PAR BYED PA YIS, ,BYANG CHUB NOR BU 'GRO BAS JI LTAR RNYED PAR 'GYUR, ,DE BAS BDAG GIS LEGS PAR BSHAD PA 'DI 'DOD PAS, ,SREG BLUGS ZA BA LA NI CHU BZHIN ZHUGS PAR BGYI, ,CHOS KYI GTAM GYIS PHROGS PA'I SEMS LDAN BDAG LA NI, ,SREG BLUGS 'DZIN PA YANG NI SDUG BSNGAL BYED MI 'GYUR, ,DE LTAR THOS NAS 'OBS CHEN PO NI BRKO BYAS TE, ,DE NI ME DANG LDAN PAR MI RNAMS BYED DU BCUG, ,KHYIM GZHAN NAS NI PHYI ROL DU NI BYUNG NAS NI, ,SKAD CIG DE LA BRAM ZE SRIN PO LHAN CIG PAS, ,BLO GROS CHEN POS SREG BLUGS ZA BA 'BAR BA LA, ,MCHONG BA'I DON DU NGES PAR BYAS PA'I YID LDAN PAS, ,MCHI MAS GANG BA'I MIG DANG LDAN PA'I GROGS RNAMS KYIS, ,GROGS PO NYID KYIS YONGS SU 'KHYUD NAS DE NI BKAG ,DE NAS CHOS 'DOD LA GROGS PO RNAMS DANG GNYEN 'DUN RNAMS SDUG BSNGAL GYI MIG MCHI MAS YONGS SU GANG BAS SGRA DANG BCAS PAS 'DI SKAD CES SMRAS SO, ,SHIN TU LEGS PAR BSHAD PA 'DIS CI ZHIG BYA STE, BYA BA DANG BYA BA MA YIN PA LA MI LTOS PA DRI MA MED PA'I RIGS LAS SKYES PA SKAR MA'I BDAG PO'I 'OD ZER LTAR RNAM PAR DAG PA GRAGS PA'I RTEN MI LUS RNYED PAR DKA' BA 'DI LA BRNYAS PAR BYAS NAS GNYEN 'DUN GYI SKYE BO YANG SHIN TU SDUG BSNGAL GYI SKAL BA CAN DU BYAS NAS BDAG NYID YONGS SU 'DOR BAR 'DOD BA STE, 'O NA LAM MA YIN PAR 'GRO BA'I BLO 'DI BZLOG PAR GYIS SHIG ,RE ZHIG KHYOD KYIS LTA BAR GYIS SHIG ,GANG RNAMS ZHES BYA RTAG TU SHIN TU YID 'ONG SKYE BO LA, ,BUNG BAS KYANG NI 'DOD PA'I 'BRAS STER GROGS PO'I SKYE BO LA, ,SROG DE RNAMS KYIS BDAG @14A *, ,GI BDE LA MA LTOS NYO BA STE, ,CI PHYIR LEGS PAR BSHAD PA SHIN TU LEGS PAR BSHAD PA ZHES, ,DE NAS BYANG CHUB SEMS DPA' SKYE BO'I TSOGS DE LA LEGS PAR BSHAD PA'I YON TAN BRJOD PAR 'DOD PAS CHOS BSTAN PA 'DI LTAR BYAS PAR GYUR TO, ,RNAM PAR SHES PA 'BAR BAR BYED CING SPOBS PA RGYAS PAR BYED, ,DE NYID RAB TU GSAL BAR BYED CING LAM NGAN GCOD PAR BYED, ,DAM PA'I LEGS PAR BSHAD PA KYE MA YONGS SU BSAGS GYUR PA, ,DGE BA'I BSHES GNYEN LTAR NI PHAN PA JI BZHIN BYED MI 'GYUR, ,GANG DU SHAR BA'I DRI MA MED PA'I LAM LA NYI MA SHAR, ,SKYES PA RNAMS KYI BLO NI PADMA LTA BUR RNAM PHYE 'GYUR, ,SHIN TU RAB RIB 'BIGS PA GZHAN LAS LEGS PA'I BLO GROS KYIS, ,DE NI GZUNG BYA BDAG NYID TSUL GYIS LEGS BSHAD CI LTAR MIN, ,DE PHYIR BDAG GIS ME YIS SREG PA LA NI MA BSAMS SHING, DE BZHIN GSHEGS PA'I GO 'PHANG RJES SU BSGRUB PAR 'DOD BZHIN DU, ,SHES RAB BLA MA BLA MA BZHIN DU NYUNG MIN LEGS BSHAD PHYIR, ,DGA' ZHING LUS KYI YON TAN RNAMS KYIS BLA MA MCHOD PAR BYA, ,MI LUS LHA YI MCHOD PA'ANG RUNG, ,LEGS PAR BYAS PA'I RTEN GYIS THOB,, LEGS PAR BSHAD PA'I BCUD LEN NI, ,BSOD NAMS KYIS THOB BRGYA LAM NA, ,DE'I PHYIR BDAG DGE BA'I PHYOGS LA DMIGS PA'I KHYED CAG BGEGS BYED PA'I PHYIR 'OS PA MA YIN TE, ,DE BAS GROGS PO DE RNAMS DANG GNYEN 'DUN RNAMS LA YANG RJES SU CHAGS PA DANG BCAS PA RNAM BAR BZLOG NAS BDAG NYID ME'I RANG BZHIN DU BYED PA'I PHYIR SHING SDONG PO LA ZHON NAS, BRAM ZE DE LA NI SLOB DPON LEGS PAR BSHAD PA DE RAB TU BRJOD PAR MDZOD CIG CES SMRAS SO, ,BRAM ZES SMRAS PA, RTAG TU RAB SBYIN LA MKHAS SHING, ,GTZO BO G-YER BAG CAN RNAMS KYIS, ,TSUL KHRIMS DRI MED LA GNAS PA'I, ,SHIN TU BRTZON 'GRUS GO CHA YIS, ,MI ZAD GO 'PHANG THOB PAR 'GYUR, ,ZHES BYA BA'O, ,DE NAS BYANG CHUB SEMS DPA' YANG RAB TU DGA' BAS TSIGS SU BCAD PA DE BZUNG NAS SKYE BO'I TSOGS DE LA THOS PAR BYED CING GNAS SO, ,DE NAS GROGS PO DE RNAMS @14B LA DES DON 'DI SMRAS SO, ,DGE BA LA DMIGS KHYED NYID KYIS NI LEGS BSHAD PA, ,MCHOG TU DGA' BA YANG YANG BSKYED PA STE, ,GANG PHYIR SDUG BSNGAL RGYU NYID DU NI NYER SONG BA, ,'O NA DE PHYIR BDAG CAG LA NI LEGS BSHAD MIN, ,DE NAS DER RANG BZHIN GYI SNYING RJES BRLAN PA'I BSAM PA DANG LDAN PA'I MA MO'I TSOGS NI DAM PA DE'I 'BREL BA MED PA YANG MYA NGAN GYI DBANG GIS 'DI LTAR RTZE GCIG PA'I YID MI BDE BA BYUNG BAR GYUR TO, ,DRI ZHIM NGAG GI SBRANG RTZI SHIN TU DRI ZHIM PA, ,YONGS SU SPROS PA'I 'OD ZER GE SAR LDAN, ,ZHAL GYI CHU SKYES DANG LA LDAN 'DI NI SREG BLUGS ZA, ,SNYING RJE DANG BRAL JI LTAR 'DI NI SREG PAR BYED, ,RNAM PAR DAG PA'I GSER LTAR DKAR BA'I ME YIS NI, ,YONGS SU RNYINGS GYUR YONGS SU SGRA SGROGS MIG LDAN PA, ,'DI YI LUS KYI KYE MA 'BYUNG BAR GYUR PA STE, ,RAB TU TSIG PA'I SHING DANG 'DRA BA DRI MA CAN, ,TOG TOG SGRA NI 'BYUNG GYUR PA, ,ME YI NANG DU 'JUG PA NI; ,LUS PO 'DI NI DAG GYUR CING, ,'DI NI SU ZHIG BLTA BAR NUS, ,RNAM PA GNYIS SU BYED 'GYUR BA'I, ,GLING BU RNAMS KYI DUS TSIGS SGRA, ,GNYEN 'DUN RNAMS KYI RE BA 'DI'I, ,JI LTAR SGRA NI GSAL THOS 'GYUR, ,RLUNG GIS CHAGS PA 'DI RNAMS NI, ,BSKYOD PAS 'DAB MA LHAGS RNAMS KYIS, ,'DI NI SREG PAR MA BYED CIG ,SHING RNAMS ME LA BZLOG BZHIN BYED, ,SDUG BSNGAL CHUS NI MIG DMAR BA'I, ,HA HA ZHES PA'I YIG GCIG NGAG ,'DI YIS GNYEN 'DUN SDUG BSNGAL BA'I, ,BDAG CAG YID NI RNAM PAR GDUNG, ,'DI NI 'DI 'DRA'I NGAG BYAS TE; ,DON DU GNYER LA 'DIR NOR SBYIN, ,DE LTAR DAM PA'I GROGS 'DI RNAMS, ,MCHI MA DANG BCAS STON PAR 'GYUR, ,NYE BAR MIN PAR BDAG CAG GI ,YID NI SDUG BSNGAL SREG PAR BYED, ,GROGS PO'AM NI GNYEN RNAMS NI, ,SROG CHAGS JI LTAR 'DZIN PAR BYED, ,DE BAS NA SHIN TU SNYING RJE BA'I DRAG PO'I LAS BYA DKA' BA 'DI LTA BA 'DI NUS PA MA YIN NO ZHES BYA BA MNGON PAR BRJOD NAS BUD MED KYI SKYE BO DE KHYIM LA MNGON PAR PHYOGS TE RAB TU SONG BAR GYUR TO, ,DE NAS BYANG CHUB SEMS DPAS SMON LAM 'DI LTAR BYAS PAR GYUR TE, BDAG NI BRGYA BYIN GO 'PHANG DGE @15A *, ,BAS RNYED PA DON MI GNYER, ,RIG 'DZIN BDAG PO NYID KYANG MIN TE RGYAL SRID KYANG MA YIN, ,DGE BA SKYES PA 'DI YIS 'GRO BA 'DI LA BDE GSHEGS NYID, ,THOS NAS SDUG BSNGAL ZAD PA'I DON DU 'BYUNG BAR 'GYUR BAR SHOG ,DE LTAR BRJOD NAS BDAG NYID CHEN PO DES BDAG NYID DOR TE DOR MA THAG TU ME DE 'BAR BA'I TSOGS DANG DU BA'I TSOGS NYE BAR ZHI NAS DRI ZHIM PA'I PADMA KHA PHYE BA'I DRIS DRI ZHIM PAR BYAS PA'I PHYOGS KYI DBUS SU PADMA DANG LO MA SNGON PO LA GNAS PA'I DRI MA DANG BRAL BA'I CHU'I THIGS PA DANG LDAN PA, SHEL DANG 'DRA BA'I THIGS PAS KHYAB PA'I MAR GAD KYI BRAG DANG RJES SU MTHUN PA'I TSOGS DANG NGAR NGUR ZUNG DANG, NGANG PA DANG, CHU SKYAR RNAMS KYIS NYE BAR MDZES PAR BYAS PA PADMA'I 'BYUNG GNAS NYID DU 'GRO BAR GYUR TO, ,DON BYAS 'DRA BA PADMA NYID, ,RLOM PA'I SEMS KYI PADMA LA, ,DE YANG BLO LDAN RNAMS KYI MCHOG , BDAG NYID GNAS PA MTHONG BAR 'GYUR, ,ZHABS DANG NYE BAR MYOS PA'I BUNG BA'I 'KHOR BA NI, ,ZHI BA'I CHOS 'DOD PA LA CHOS NI GSUNGS GYUR PA, ,PADMA'I 'DAB LTAR RGYAS PA'I SBYAN NI PAD GNAS PA, ,PADMA'I SKYE GNAS MDZES PA SHIN TU 'DZIN PAR GYUR, ,'DI NI RMI LAM YIN TE 'ON TE 'DI SGYU MA, ,ME NI 'DI GANG GANG DU 'DI NI CHU SKYES NYID, ,DE LTAR NGO MTSAR PHANGS PA'I SEMS LDAN PA, ,DE LA MTHONG ZHING SKYE BO DE RNAMS NGAG TU SMRA, ,SKYE BO DE RNAMS DE NI MTHONG BAR GYUR PA LA, ,CHU SKYES DBUS SU GNAS PAR 'DOD PA MTHONG BA NI, ,DGA' BA'I MCHI MA YANG DAG 'BYUNG BA'I SKAD CIG GIS, ,KHRO BAS MYA NGAN MCHI MA'I CHU NI GTONG BA LTAR, ,DE NAS NAM MKHA' LAS NI ZE'U 'BRUS KHYAB PA'I DRI LDAN LHUNG BA LTAR, ,BUNG BA'I PHRENG RNAMS KYIS NI KUN NAS RJES SU 'GRO BA ME TOG CHAR, ,BDUD KYANG ME TOG GIS BYAS GZHU NI BZUNG NAS LOGS SU 'BYUNG 'GYUR TE, ,MYA NGAN NYE BAR 'DZIN CING LAG PA RNAM PAR GNAS PA'I 'KHOR LO CAN, ,DE NAS BRAM ZE DE 'BAR BA'I SOL BA'I DBUS SU GNAS PA DANG 'DRA BA'I BDAG NYID KYI DBUGS DRI BAS MNGON PAR TSA BA'I BZHIN GYI BAR DANG LDAN PA BDAG NYID RNAM PA GANG GIS KYANG 'DZIN @15B CING 'DI SKAD CES SMRAS SO, ,SA YI BUG PA ZAB MO LA NI YONGS SU SPRO BYED PA, ,ME DANG 'DRA BAR MDUN DU CHE BA DAG NI MTHONG BA STE, ,'DI LA RIM GYIS YONGS SU BSDIGS BYED SHIN TU SDUG BSNGAL GYIS, ,SA LA BDAG GI GZUGS NI RNAM PAR NUB PA LTA BUR BYED, ,DRAG PO'I ME LDAN DMYAL BA 'DIR NI BDAG NI LHUNG GYUR PA, ,CHOS 'DOD KHYOD NI DE RING 'DIR NI BDAG GI SKYABS GYUR CIG ,'DOD PA MTHON PO GZHAN LA PHAN PAR BYED PA CHEN PO RNAMS, ,KHYED CAG LTA BU GROGS PO DANG NI DGRA LA MNYAM SEMS LDAN, ,DE NAS BYANG CHUB SEMS DPA' DE LA SNYING BRTZE BAS BDEN PA'I BYIN GYI RLABS BYAS PAR GYUR TE, BDEN PA GANG GIS SEMS CAN DON, ,BYANG CHUB SPYOD PA BDAG SPYOD PAS, ,DMYAL BA 'BAR BA'I ME LDAN PAR, ,DES NI BRAM ZE MA SONG CIG ,DE LTAR BYANG CHUB SEMS DPAS BRAM ZE DE LA GNAS PA'I SKAD CIG DE NYID DU HA RI TZAN DAN GYIS RJES SU BYUGS PA DANG 'DRA BAR BDAG NYID RAB TU DGA' BAR GYUR TO, ,DGE BA'I BSHES GNYEN LA BRTEN NAS, ,'GRO BA'I DON LA MKHAS PA LA, ,SDIG PA BYAS PA RNAMS KYI YANG, ,SDIG PA MYUR DU 'JIG PAR 'GYUR, ,DE NAS BYANG CHUB SEMS DPA' LA RAB TU DGA' BA'I YID DANG LDAN PA'I GROGS PO DANG GNYEN BSHES DANG DON DU GNYER BA RNAMS KYIS KUN LA SNANG BAR GYUR PA'I SBYIN PA DANG TSUL KHRIMS LA SOGS PA YANG DAG PA'I GZI BRJID KYI DON DU CHOS DANG MTHUN PA'I GTAM BYAS PAR GYUR TO, ,LUS DANG RJES SU DPAG PAS KYANG, ,GNYI GA MA NGES RGYU PHYIR NI, ,KHYAD PAR NGES PAR SKYED PA'I PHYIR, ,MNGON SUM SHIN TU STOBS DANG LDAN, ,YONGS SU GTONG BA CHEN PO 'DI NI NGO MTSAR BCAS, ,YUN RINGS RNAM MTHONG BDAG LA ME LCE 'PHRO BA NI, ,ME 'DI MNGON SUM LUS CAN RNAMS LA THAMS CAD DU, ,RAB RGYAS PADMA'I 'BYUNG GNAS NYID DU NYE BAR SONG, , DE NAS RGYA NI CHE BA'I LAS KYI MTHU 'DI DANG, ,NGO MTSAR CHEN PO YANG DAG PAR NI MTHONG NAS NI, ,DGE MI DGE YI 'BRAS BU BDE DANG SDUG BSNGAL YOD PA STE, ,'DI NI RNAM PAR BSAMS NAS LAM NI NGAN PA SPONGS, ,BDAG MED NYID KYIS RNAM PAR BTZUMS PA'I BDAG NYID KYI, ,LUS CAN @16A *, ,RNAMS KYI RAB SAD NYE BAR MKHO BA STE, ,MKHAS PA RNAMS NI GSAL BAR BLO YI MIG RNAMS LA, ,RAB SAD YOD BA LA NI CI ZHIG RAB TU SAD, ,PHAN PAS MNGON PAR PHYOGS RNAMS LA YANG CHOS NGAG GIS, ,DAM PA RNAMS NI SHIN TU RAB SAD SKYED PAR BYED, ,LCAG GIS YANG DAG BSKUL BAS RAB TU 'GRO BA YI, ,RTA RNAMS LA NI 'GROS KYI KHYAD PAR 'BYUNG BAR 'GYUR, ,G-YO SGYU MANG BA'I KHYIM GYI GNAS NI SKYONG BYED PA'I, ,BLO LDAN RNAMS LA CUNG ZAD KYANG NI YID BRTAN MED, ,RAB TU GRAG PA'I MCHE GNYIS MYOS PA 'DZEG RNAMS LA, ,LCAGS KYU MA BTAB PAR NI GNYID NI MI RIGS SO, ,BU CHUNG SMRA BA DANG NI KHYIM NI PHUN SUM TSOGS LDAN PA, ,SGEG DANG GZUGS BYAD RNAM PAR MDZES PA'I BUD MED RNAMS, ,RAB TU CHAGS CAN BLO MED RNAMS KYI 'DI THAMS CAD, ,ZHI BA RJES SU MTHUN LA LAM NI 'GAG PAR BYED, ,RNAM PA GANG GIS MI KHOM BRGYAD PO DANG BRAL BA'I, ,MI LUS SHIN TU RNYED DKA' 'THOB NAS KYANG, ,GANG ZHIG BAG MED BSTEN PAS ZHI BA'I DON MI MYUR, ,'DI NI BA GLANG RNAMS KYI GRAL DU RNAM PAR SBYAR, ,'DI NI THOB DANG THOD NI THOB BYA MA YIN PA, ,'DI NI BYAS DANG 'DI NI BYED 'GYUR MI RNAMS LA, ,DE LTAR YID KYI SNA TSOGS PAS ZAD PA, ,YID KYI SHING RTAS 'JUG PA 'GRO BAR MI 'GYUR RO, ,YUL RNAMS LA NI NYE BAR LONGS SPYOD MTHAR NI RTZUB PA STE, ,SBRUL GYIS DKRIS PA'I TZAN DAN BZHIN DU YONGS SU 'KHYUD PA NI, ,BDE BA ZHES BYA YANG DAG MA YIN KUN RTOG RJES 'GRO BA'I, ,SKYE BO RNAMS NI SDUG BSNGAL DRA BA MANG LA LHAG PAR NYAL, ,KYE MA MA RIG PAS NI 'GRO BA MA LUS 'OG TU BYAS, ,GLO BUR SKYES PA'I DRI MA RNAMS KYIS DRI MAR BCAS PA SMAD, ,GANG ZHIG 'DI NI BSDUS BYAS 'CHI BA'I SGRA YI SPYOD YUL NI, ,GLANG PO CHE NI NYAL BA BZHIN DU BABS NAS GNAS PAR 'GYUR,, G-YO SGYU CAN GYI SGRIB PA'I SGRA RNAMS KYIS NI LAM BZANG 'PHROG ,MI RTAG PA YI 'JIGS PA RTAG TU RNAM PAR BSAM PAR MA BYAS SHING, ,BDE BAR GSHEGS PA'I RJES SU BSTAN PA'I GRU NI SPANGS BYAS NAS, ,'GRO BA SDUG BSNGAL RGYA MTSO LA NI RNAM PAR NUB PAR 'GYUR, ,SKAD CIG RE RER @16B SROG NI NYE BAR ZAD PAR 'GYUR BA STE, ,DU BA'I LAM CAN RAB TU ZHI BAR 'GYUR BA'I GZUGS BZHIN DU, ,DE BAS RTAG TU YUL RNAMS LA NI RTAG TU RGYAB KYIS PHYOGS PA 'DI, ,MYUR BA DANG BCAS PHAN PA'I PHYIR NI BLO GROS DANG LDAN MDZOD, ,DE LTAR TSIG NI RIGS PA MA LDAN GAL TE BDAG GIS SMRAS PA NI; ,JI LTAR 'DOD PAS 'DOD PA'I BDE BA'I CHOS 'BREL NYAMS SU MYONG BAR GYIS, ,'ON TE 'DI NI YON TAN DANG LDAN DAM PA RNAMS KYIS BSAMS BYAS KYE, ,YUL LA SRED PA 'GAG PAR BYED PA'I ZHI BA MCHOG NI BSTEN PAR MDZOD, ,DE LTAR CHOS BSTAN PA MDZAD NAS BYANG CHUB SEMS DPA' GROGS PO'I SKYE BO DANG BCAS PA KHYIM DU ZHUGS PAR GYUR TO, ,DE LTAR LEGS PAR SPYOD PA LA MKHAS PA'I BCOM LDAN 'DAS DES SROG RNAMS KYIS KYANG LEGS PAR BSHAD PA RNAMS NYO BAR MDZAD DO ZHES BYA BA BSAMS NAS DUS RTAG TU SDUG BSNGAL GCOD PAR 'DOD PA'I SHES RAB CAN GYI CHOS KYI GTAM NYAN PA LA GUS PA CHEN PO BYA'O, ,DGE BA'I BSHEN GNYEN LA BRTEN PA YANG MNGON PAR 'DOD PA'I 'BRAS BU 'GRUB PAR BYED PAR 'GYUR BAS NA, ,DE'I PHYIR DE DANG RJES SU 'JUG PAS GNAS PAR BYA ZHES BYA'O, ,CHOS 'DOD PA'I SKYES PA'I RABS ZHES BYA BA STE SKYES PA'I RABS GSUM PA'O,, ,,DAM PA DUD 'GRO'I SKYE GNAS SON RNAMS KYANG, ,GZHAN DON SROG NI KUN NAS GTONG BA STE, ,SU ZHES BYA BA SKYES PAR GYUR PA STE, ,NOR TZAM LA NI SU ZHIG CHAGS PAR BYED, ,'DI LTAR RJES SU THOS TE, G-YO BA MED PA NGES PAR THIM PA'I NE TZO'I TSOGS DANG; RTZVA SNGON POS NYE BAR KHYAB PA'I SA'I CHA RNAM PA SNA TSOGS PA'I RI'I RTZE MOR SHING RNAMS KYI GRIB MA NYE BAR 'DUG CING SKYUG LDAD BYED PAR GYUR PA'I RI DVAGS KYI TSOGS DANG LDAN PA DANG, BUNG BA'I TSOGS KYIS BSKOR ZHING NYE BAR SGRA 'BYIN PAR GYUR PA'I ME TOG SKYES PA'I LJON SHING RNAMS LA YANG DAG PAR REG PAS DRI ZHIM PA'I RLUNG GIS BSKYOD PAR GYUR PA'I RI LAS 'BAB PA'I CHUS DAG PAR BYAS PA'I BRAG GIS RGYAB KYI MTHA' DANG LDAN PA DANG, THUB PA'I SKYE BO RNAMS KYI YID DANG RJES SU MTHUN PA DANG, RIGS DANG LDAN PA'I SHING DANG LJON SHING RNAMS KYI ZE'U 'BRU LHUNG BAS CHU BO'I RLABS @17A *, ,KYIS KUN NAS GDUNGS PA'I KU MU DA LTAR DKAR BA'I DBU BA'I TSOGS KYIS BRGYAN PAR BYAS PA'I CHU DANG LDAN PA DANG, MCHOG GI CHU DANG 'DAB CHAGS RNAMS KYI SGRA 'BYIN PA'I PADMA'I NAGS DANG LDAN BA'I RI BO'I NAGS 'GA' ZHIG GI NANG DU BYANG CHUB SEMS DPA' RI BONG BYUNG BAR 'GYUR TE, DER LHAN CIG GNAS PA'I YON TAN LAS MNGON PAR 'PHEL BA'I GROGS BSHES RAB TU ZHI BA NYE BAR BSAGS PA'I DBANG PO'I TSOGS NYE BAR ZHI BA, GRONG PA'I CHOS KYI NYE BAR LONGS SPYOD PA LA RGYAB TU PHYOGS PA'I YID DANG LDAN PA, RI DAGS KYI PAGS PA DANG SBYI BLUGS TZAM YONGS SU 'DZIN ZHING DKA' THUB KYIS GDUNGS PA'I DKA' THUB PA DE'I GROGS SU BYUNG BAR GYUR TO, ,ZHI DANG CHOS NI MTSUNGS PA DANG, ,BDE SDUG BSKYED PA MNYAM PA DANG, ,DE DAG PHAN TSUN MA MTHONG ZHING, ,GROGS BA SHES MCHOG DAG DGA' MI 'GYUR, ,BYIS PA'I DUS NA RI BONG DANG BRAL BA, ,CUNG ZAD DUS NA DRO MIN 'OD ZER 'BYUNG, ,RI BONG RNAM PA DES NI BRGYA LAM NA, ,BRTUL ZHUGS CAN DES LEGS PAR BYAS PA MIN, ,GOM PA BDUN DU DOR BA'I GROGS BSHES NYID YIN TE, ,RANG BZHIN GYIS DAG SEMS LDAN DAM PA RNAMS LA NI, ,PHAN TSUN YON TAN GTAM GYIS YID NI CHES GYUR PA'I, ,NGES PAR 'BREL PA'I BSAM LDAN RNAMS LA SMOS CI DGOS, ,SKYES PA TING 'DZIN GNAS PA RNAMS KYI BLO LA NI, ,CHOS KYI DON DU GSAL BA NYID NI 'BYUNG BA STE, ,RAB TU YANG BA'I YID LDAN DUD 'GRO RNAMS LA NI, ,CHOS LA RTZOM PA'I 'DU SHES CI PHYIR GYUR PA YIN, ,KYE MA RI BONG SKYES PA 'DI NI GANG DU SKYE, ,GANG DU TSIG BRTAN 'DI NI ZHI BA 'DI GANG DU, ,'DI LTAR LHA RNAMS LA NI BYUNG BAR GYUR PA YIN, ,RI BONG NYID LA NGO MTSAR BA DANG BCAS PA'I SEMS, ,DE NAS DUS NAM ZHIG NA CHU MED PA NYID KYIS KUN SKYA BA DANG PHRAG DOG DANG BCAS PA'I ZHING BA'I SKYE BO RNAMS KYIS MTHONG BAR GYUR PA DANG, GLOG GI RGYUN GYI SGEG PA RNAM PAR ZLOG PA DANG, RLUNG GI STOBS KYI TSOGS RNAM PAR CHAD PA'I SBRIN GYI TSOGS YOD PA LA NYIN MOR BYED PA'I 'OD ZER RNAMS KYIS BSKAMS PA'I CHU LHAG MA DANG BCAS PA DANG, SNYING PO YONGS @17B SU RNYINGS PAS YANG BA'I LO TOG RNAMS KYIS BKAB PA'I ZHING RNAMS YOD PA LA LAN CIG CHU RNAM PAR CHAD PAS RAB TU GRAM PA'I CHUS RNAM PAR GROL BA SHIN TU RGYA CHE BA'I CHU'I 'GRAM NA CHAG PA DANG, GAN RKYAL DU NYA PHYIS GNAS PA'I CHU BO RNAMS YOD PA DANG, RDUL BABS BAS RDUL GYIS MA NUS PA'I RNAM PAR 'BREL BA'I DBUGS KYIS RAB TU BSKYOD PA'I MGRIN PA DANG LDAN PA MYOS PA'I DUS LA YANG GAR GYI BYA BA RNAM PAR BZLOG PA'I MGRIN PA SNGON PO CAN RNAMS YOD PA LA DMA' BAR SKYES PA'I RTZVA SAR PA'I MYU GU BSKAMS PAS SA LA RTZVA ZA BA MA RNYED PA NYID KYIS KUN NAS DKRIS PA'I LTO BA DANG LDAN PA DAL GYIS 'GRO BAS BSKYOD PA DANG LKOG SHAL 'PHYANG ZHING LHOD PA CAN 'O MA ZAD PAS NU 'BUR CHUNG BA, KUN NAS STOBS CHUNG BA'I BA BE'U DANG LDAN PA YOD PA'I DUS NA, SNGO DANG 'DRA BA'I NAS NGAN PA 'TSAL BAS RID PA DANG RTZUB PA'I YAN LAG CAN DBUL PO'I SKYE BO YOD PA NA, MU GE'I SKYON GYIS DON DU GNYER BA LA BKUR STI RGYAB TU PHYOGS PAR BYAS PA'I GRONG DANG LDAN PA, SKABS SKABS SU BSGRUB PA'I SGRA THOS BZHIN PA'I BA GLANG GI RA BA RNAMS YOD PA'I DUS SU, DKA' THUB PA DES RI BONG DE LA KYE MA PHAN PAR BYAS PA LA YANG PHONGS PA'I DUS SU RANG BZHIN GYIS DMAN PA'I SROG CHAGS RJES SU 'JUG PA MA YIN TE ZHES BYA BA SMRAS SO, ,KHYOD KYIS BLTA BAR GYIS SHIG GANG GI PHYIR 'DI NI, ,CHU RGYUN 'BAB PAS RNAM 'BYED ZLA BA'I NOR BU CAN GYI SGRO TSOGS DGA' BAS RGYAS BYED CING, ,GAR GYIS SGEG PAR LDAN PA SNGON DU RNAM BSAMS SKAD KYIS GANG ZHIG LA NI BSTOD BZHIN PA, ,RMA BYA CHU MED PA YI SPRIN DE NYID LA MIG GNYIS BLTA BA LA NI LE LO CAN, ,PHAL CHAR SKAL BA DANG LDAN NYID LA RANG GI DON LA MKHAS PA'I SKYE BO RTEN PAR BYED, ,CHU DANG BRAL BA'I CHU 'DZIN RNAMS NI SO SOR 'GYUR TE DBANG PO'I GZHU NI RNAM PAR CHAD, ,RI YI PHUG RNAMS DANG NI 'BREL PAS ZAB MO'I TSIG RNAMS RMA BYA RNAMS KYIS THOS MIN TE, ,DNGOS PO THAMS CAD RANG BZHIN GYIS NI 'JIG CES BSAMS BZHIN MYA NGAN GYIS NI YUN RING POR, ,GLOG GI GAR MKHAN MAS NI 'JAM BA'I SGEG PAS GAR BYED PA YANG YONGS SU DOR BAR BYED, ,'BRAS BU CAN GYI SHING GI @18A *, ,NAGS NI 'BRAS ZAD 'GYUR TE LJON SHING RNAMS NI SKAM PAR 'GYUR, ,RIM GYIS PADMA'I RTZA BA RNAMS NI RNYINGS PAS PADMA'I RTZA BA'I 'DAB NI SRA 'GYUR BA, ,'DIR NI BDAG GI SHING LO'I KHANG PAR GANG ZHIG RGYA SHUG DANG NI AE GU DHI 'BRAS TSOGS, ,DE YANG ZAD DE SHIN TU BYA DKA'I DKA' THUB DON DU LTAD MO CI LTAR BYED PAR 'GYUR, ,KHA ZAS MED PAS SKAD CIG RE RER LUS PO 'DI NI NUS PA MED PAR 'GRO BA STE, ,NUS PA MED PAS RNAL 'BYOR RNAMS KYI SEMS LA RAB TU 'JOMS PHYIR TING 'DZIN GA LA BRTAN, ,TING 'DZIN DMAN PA'I YID CAN SHES RAB CAN YANG DE NYID MNGON DU PHYOGS PAR CI PHYIR 'GYUR, ,DE NYID MA MTHONG BAS KYANG GTI MUG RAB RIB BCINGS PA PHYIS NI DON MED NGAL BAR 'GYUR, ,DE PHYIR PAGS PA'I SPYI'U BLUGS SHING SHUN GOS RNAMS DOR BYAS NAS, ,RANG GI KHYIM DU GNYEN 'DUN SKYE BO LHAN CIG GNAS PAR BGYI, ,MU GE'I SKYON LAS THAL BAR GYUR NAS SLAR NI NAGS NANG DU, ,BYAMS PA 'DIR NI KHYOD DANG LHAN CIG YUN RINGS GNAS PAR BGYI, ,DE NAS BYANG CHUB SEMS DPA' YUN RING POR LHAN CIG TU GNAS PAS MNGON PAR 'PHEL BA'I GNYEN BZHIN PAS BRLAN PA'I SNYING GTAM DRANG SRONG DE LA SMRAS PA, 'CHING BA'I SDONG PO BTON NAS BDE BA MNGON 'DOD CING, ,RNAM PA GANG GIS MCHE GNYIS PA NI NAGS MTHAR SONG, ,SLAR NI LCAGS KYU 'DEBS PA'I SDUG BSNGAL MA DRAN PAS, ,MI SHES PA NI SKYE BO'I NANG NYID 'GRO BAR 'DOD, ,ZHI DANG SHES RAB NYID DANG DKA' THUB YON TAN DANG, ,SHES BYA LA NI JI BZHIN RJES 'GRO'I THOS PAS KYANG, ,KHYOD NI THUB PA GZHAN RNAMS ZIL GYIS MNAN NAS GNAS, ,NYI MAS MAR ME BZHIN DU RING BA'I 'OD ZER GYIS, ,MUN PA MED PA'I RNAM PAR DBEN PA'I MIG GIS NI, ,DE LTAR KHYOD KYI BSTAN BCOS NGES PAR YANG NI MTHONG, ,SPYOD YUL LAS 'DAS YUL LA RAB TU ZHUGS 'DOD PA, ,JI LTAR BAG MED BYED BZHIN ZHES BYA MTSON PA YIN, ,MUN PA RNAM PAR 'BYED CING JI LTAR GSAL BYED PA, ,LUS CAN RNAMS LA YID NI DANG BA BSKYED PA STE, ,RMONGS PAS MKHAS PA RNAMS KYI LEGS BSHAD MI SHES PAS, ,DMUS LONG ZA BA'I DKYIL 'KHOR @18B GSAL BAR BYED PA BZHIN, ,LEGS PAR BLO YI MAR ME MED PAS DKA' THUB MA, ,BDE BA RJES CHAGS 'DOR BYED CES BYA GTAM GANG YIN, ,KHYIM PA NYID LA GANG ZHIG YID NI DGA' BYED PA, ,RNAM PAR DAG PA'I BSAM LDAN DE NI CHE MI RIGS, ,THUN GSUM DU NI MAR GYI SREG BLUGS DRIS BSGOS PA'I, ,RGYA SHUG DANG NI AEm GU DHI 'BRAS NANG ZHUGS PA, ,CHU LA BRTEN PA'I NGANG SKYA DANG NI SA RA SAS, ,ZHING LA NYE BAR SPAS PA'I SHING LO'I KHANG PAS BRGYAN, ,DKA' THUB CAN GYI BU MOS BLUGS PA'I BUM CHU YIS, ,RAB TU GTOR ZHING 'BYUNG BA'I SHING NI CHUNG BA RNAMS, ,'GRAM DU SHING GI GRIB MAS CHU RNAMS 'GAG PA NI, ,KUN NAS DBUGS 'BYUNG ME TOG DRI ZHIM RLUNG LDAN PA, ,DKA' THUB CAN GYI BU RNAMS YONGS 'KHOR RJES 'GRO BA'I, ,RI DAGS RNAMS KYI MYUR BAR DAM BYAS 'GA' ZHIG TU, ,BZLAS PAS KHA SPU 'GUL ZHING MGRIN PA RENGS PA YI, ,DKA' THUB NOR CAN RNAMS KYIS RI BO TSAD TSING RTEN, ,KYE MA MNYES GSHIN BRTAN PAS NGES PAR 'BREL BA'I SEMS, ,DAM MIN BDE BA MYONG BA'I CHA DANG RJES CHAGS PAS, ,CHAGS CAN SHES RAB MED PA RNAMS KYI SEMS 'DI NI, ,RI RTZE'I SA RNAMS CHAGS PA BSKYED PAR MI 'GYUR RAM, ,MI DGE'I SKYE BO RNAMS KYIS BRTEN BYA LAM NGAN THOB NAS GTI MUG GIS, ,NGES PAR MI SHES PA NI MNYES GSHIN ZHAGS PA MA SPANGS NYAMS PAR 'GYUR, ,LEGS PAR BYAS PA RNAMS KYI RJES SU 'GRO BA'I LAM YANG YANG DAG 'DZIN, ,GANG PHYIR RDUL BRAL LAM NI GNAS PAR MI 'GYUR 'DI NI 'DIR MA THOB, ,KHYIM NA GNAS BA'I SDUG BSNGAL GYI SKYON MANG PO DANG LDAN BA'O ZHES BYA BAR SHES NAS, ZHI BA DANG RJES SU MTHUN PA RNAM PAR GROL BA'I LAM GSAL BAR BYED PA'I RAB TU BYUNG BA NYID 'DI SPANGS NAS BDE BA CUNG ZAD TZAM GYI PHYIR 'JIGS PA CHEN PO'I SDUG BSNGAL GYI SA 'OG TU ZHUGS PA'I PHYIR KHYOD NYID 'DOD PA STE, GANG YANG KHYOD KYIS MNGON PAR BRJOD PA NI, SLAR YANG BDAG DKA' THUB KYI DON DU NAGS SU 'ONG BAR BYA'O ZHES BYA BA 'DI NI DAD PAR BYA BA MA YIN TE, CI'I PHYIR ZHE NA, GANG GI PHYIR KHYIM NA GNAS PA NI GEGS MANG BA STE, DBANG PO'I DON LA DBANG DU SONG BA'I 'DOD CAN MA,, @19A *, ,MTHONG BAR BYED CING DGOD PA'I SGEG PA'I RGYAN GYIS BRGYAN, ,MA SMRAS 'BRAS BU STER BA'I DKA' THUB CAN RI LA, ,GZHAN YANG DRANG SRONG CHEN PO YUL RNAMS LA RJES SU 'JUG PA'I SROG CHAGS NI SDUG BSNGAL CHEN PO NYAMS SU MYONG BA YIN TE, LTOS SHING RNGON PA'I GLU YIS RI DAGS NI, ,MDA' YIS 'BEN DU KHYER BA LTAR, ,YUL RNAMS MYONG BAR 'DOD RNAMS KYI, ,RGUD PA RNAM NYID 'BYUNG BAR 'GYUR, ,SO CHAG PA NI NYI MAR LTUNG BA SHI BAR 'GYUR BA STE, ,LCI BA TSA BA'I SDUG BSNGAL NYE BAR NYAMS SU MYONG NAS NI, ,JI LTAR YID DU 'ONG BA'I GZUGS LA SEMS DANG BCAS RNAMS KYI, ,SDUG BSNGAL LA NI CHAGS PA RNAMS KYI DRUNG DU MI 'GYUR RAM, ,GAL TE MCHIL PA LA GNAS SHA NI BZUNG BAR MI 'GYUR RAM, ,LUS CAN 'DI NI CHU LAS SU ZHIG GIS NI 'DON PAR BYED, ,BDE BA LA NI CHAGS PA'I BLO CAN MDUN DU RJES 'BREL BA'I, ,RMONGS PA'I SKYE BO YIS NI 'JIGS PAR RNAM PAR MTHONG MI BYED, ,ZUM PA'I PADMA LA NI BUNG BA GNAS PAR BYED PA STE, ,SHIN TU DRI LA CHAGS PA DKA' BA KUN NAS THOB 'GYUR TE, ,GLANG PO CHES NI NAGS NAS GLANG MO'I RJES SU 'BRANG BYED CING, ,SHIN TU RNO BA'I LCAGS KYU'I SDUG BSNGAL CHEN PO BZOD PAR 'GYUR, ,CHUNG BA'I BLO CAN RNAMS NI RNAM RMONGS RGUD PA'I RTEN YIN LA, ,BLO BRTAN BDAG NYID CHEN PO RNAMS KYIS KUN NAS SPONG BA STE, ,GAL TE RTAG 'BYUNG BA DE LA 'DOD PA KHYED RNAMS LA NI YOD, ,DE PHYIR DUG BZHIN YUL GYI SBRUL GYI SPYOD YUL SPONG BAR MDZOD, ,DRANG SRONG GIS SMRAS PA, GNOD PA LA SOGS DU MA DANG SKYON GYI MDA' RNAMS KYI 'BEN DU GYUR PA NI KHYIM NA GNAS PA STE, BDE BA CUNG ZAD MYONG BAS RMONGS PAR BYAS PA'I BDAG NYID CAN RNAMS KYIS YONGS SU DOR BA'I DON DU NUS PA MA YIN TE 'ON KYANG, SHIN TU SNYING GROGS RI BONG TSUL KHRIMS RGYA MTSO CAN, ,KHYED NYID KYI NI YON TAN RNAMS NI DE LTA BU, ,BDAG GI SEMS NI 'PHRO BAR GANG RNAMS KYIS 'GYUR BA, ,ZHI BA 'DOD PAS SLAR YANG 'DIR NI 'ONG BAR BYED, ,BYANG CHUB SEMS DPAS SMRAS PA, GAL TE KHYOD GDON MI ZA BA NYID DU MNGON PAR 'GRO BA 'DOD PA DE LTA NA YANG NYI MA GCIG PO 'DI 'DIR @19B GNAS PAR BYAS TE, NANG PAR RANG GI 'DOD PA KHYED KYIS RJES SU 'GRUB PAR GYIS SHIG ,DE NAS THUB PA DES 'DI LTAR BSAMS SHING 'DUG STE, NGES PAR BDAG LA 'DI SPYAN DRANG BAR 'DOD PA'O SNYAM MO, ,'DZAM BU'I TSAL NI 'BRAS BU RNAMS KYIS MNGON DGA' 'GA' ZHIG 'DIS, ,MTHONG BAR GYUR TAM 'ON TE TZ'U TA'I SHING 'DIR 'BRAS SKYES SHING, ,SMIN ZHING SHIN TU DMAR BA 'JAM PA'I 'BRAS BU'I DRI LDAN PA, ,AU DUM B'A RA'I SHING NGAM RI GZHAN 'GA' ZHIG TU NI MTHONG, ,DE NAS RI BONG MTSAN MO DE 'DAS PA DANG THO RANGS KYI DUS SU NAGS DE THAMS CAD LA YONGS SU BSKOR ZHING RTZA BA DANG 'BRAS BU MA RNYED PA LA SEMS SHING GNAS SO, ,LTO STONG DANG LDAN BKRES PA DANG BCAS YAN LAG RID PA 'DI, ,ZHI BA'I THUB PA BDE SDUG MNYAM PA GROGS BZANG YOD PA LA, ,BDAG NI RTZVA SNGON NAGS KYI NANG DU JI LTAR ZA BAR BYED, ,BSIL BAR DRI MA MED PA'I CHU NI JI LTAR BTUNG BAR BGYI, ,YANG NA DON DU GNYER BA'I SKYE BO RE BSGRUB PAR BYED NUS PA'I LUS 'DI YOD PA LA BDAG NUS PA MED PA DANG 'DRA BAR YID MI BDE BAS CI'I PHYIR GNAS PAR BYED, ,DE NAS DRANG SRONG DE'I DRUNG DU SONG NAS SMRAS PA, ,DRANG SRONG CHEN PO RE ZHIG YUD TZAM BZHUGS SHIG JI SRID BDAG GIS KHA ZAS KYI TSOGS CUNG ZAD DBUL BAR BGYI'O, ,DE NAS THUB PA DE 'DI LTAR LDUM GYI RTZA BA DANG 'BRAS BU KUN NAS ZAD PA'I NAGS 'DIR SLAR KHA ZAS NYE BAR SDUD PA'I NUS PA JI LTA BU 'DI LA YOD PAR 'GYUR SNYAM DU BSAMS SO, ,DE NAS BDAG NYID CHEN PO DES SOL BA'I PHUNG PO 'BAR BAR MTHONG NAS SMON LAM 'DI LTAR MNGON PAR 'PHEL ZHING 'DUG GO, ,JI LTAR DON GNYER BKRES PA ZHI PHYIR SDUG BSNGAL DANG BRAL BA, ,BDAG GIS SREG BLUGS ZA BA 'BAR ZHING 'KHRUNGS LA SROG RNAMS DOR, ,DE LTAR 'GRO BA RNAMS KYI SDUG BSNGAL SEL BAR BYED PA NI, ,SHIN TU RNYED PAR DKA' BA'I STOBS BCU NYID NI THOB PAR BGYI, ,GZHAN GYI DON LA RANG GI BDAG NYID DOR BA RAB TU DGA' BA'I YID DES DE LTAR BSAM BYAS NAS, ,NYON MONGS BCAS PAR BYA PHYIR ZHI BA'I GO 'PHANG MNGON PAR 'DOD CING SROG CHAGS RNAMS KYI GNYEN DU NI, ,NAGS KYI ME DE RNAMS KYANG 'BAR BA'I @20A *, ,TSOGS NI NYE BAR ZHI GYUR DE YI BSOD NAMS MTHU YIS TE, ,SGEG PA'I CHU RLABS RI MO CAN DANG RAB BSKYOD BUNG BA'I TSOGS LDAN PADMA'I 'BYUNG GNAS NYID DU GYUR, ,DE NAS THUB PA DES SDUG GO ZHES BRJOD NAS ME ZHI BAR BYA BA'I PHYIR CHUS GANG BA'I SPYI BLUGS BZUNG STE, DE'I DRUNG DU NYE BAR SONG NAS BDAG NYID CHEN PO DE RNAM PAR KHA BYE BA'I PADMA DKAR PO'I DBUS SU NYE BAR GNAS BZHIN PAS CHOS STON PAR MDZAD PA MTHONG BAR GYUR TO, ,RI BONG DES NI SHIN TU BYIN GYIS BRLABS PA NI, ,CHU NANG PADMA DKAR PO DES NI MDZES PAR GYUR, ,STON DUS GSAL BA'I NAM MKHA' LA NI RAB GSAL BA, ,RI BONG GIS MTSAN GZUGS NI GSAL BAS MTSAN PA LTAR, ,DE NAS PADMA DKAR PO'I NANG DU GNAS PA'I RI BONG DE MTHONG NAS THUB PA DE NGO MTSAR BA'I YID DANG LDAN PAS BSTOD PA 'DI RAB TU SMRA BAR GYUR TO, ,AE MA GZHAN GYI DON NI SGRUB PAS BKRA SHIS PA, ,GRAGS PA'I GTER KHYOD KYI NI PHRIN LAS 'DI NGO MTSAR, ,BSAM BYAS BDAG NYID CHEN PO'I KHYAD PAR YANG DAG BSTEN, ,BLO GROS CHEN PO SU DAG RI BONG LTAR KHYED SPYOD, ,RLUNG GIS KHA LO SGYUR BA RAB 'BAR 'DI GANG DU, ,PADMA'I NAGS TSAL NYID NI 'DI 'DRA GANG DU YANG, ,BDAG NYID CHEN PO RNAMS KYI BSOD NAMS STOBS KYIS NI, ,BYIN GYIS BRLABS PAS DUG SHING 'DI YANG SMAN SHING 'GYUR, ,DE NAS BDAG NYID CHEN PO DE PADMA DKAR PO LAS BABS NAS THUB PA DE DANG LHAN CIG TU SHING LO LAS BYAS PA'I KHANG PAR ZHUGS TE, ,BYANG CHUB SEMS DPA'I MDZAD PA SHES PAS NGO MTSAR BA'I YID DANG LDAN PA'I LHA'I DBANG POS KUN NAS MIG SMAN GYI RI BO LTAR SNGO BA'I CHU 'DZIN GYI TSOGS KYIS NYIN MOR BYED PA BSGRIBS PAS YUN RING PO MA YIN PA'I 'OD KYI GSAL BAS KUN NAS DMAR BA'I PHYOGS KYI BAR DANG LDAN PA'I NAM MKHA'I MTHONGS BYAS SO, ,DE NAS RAB TU BSKYOD BYAS CHU YIS BSIL BA'I RLUNG RNAMS NI, ,KUN NAS SHING LOS BYAS PA'I KHANG PA BYED CING RGYU BAR 'GYUR, ,RI BONG LHAN CIG BYED PA'I SHING LA NE TZO RNAMS BRTEN PA, ,YANG DAG 'BYUNG BA'I PHRED CAN 'BRAS BU DANG BCAS RNAM MDZES GYUR, ,BUNG BA'I GLING BU RNAMS KYI SGRA NI KUN NAS 'BYUNG BA DANG, , @20B CHU YI RI NI 'BAB CHU DANG BCAS RDZA RNGA BZHIN DU SGRA SGROGS DUS, ,RI YI STENG DU GNAS PA'I RMA BYA DANG 'BRAL NAM MKHA' LA, ,SPRIN NI SAD PA RNAM PAR LDANG BAR BYED CING GAR BYED 'GYUR, ,LHA DBANG YID NI 'PHROG PAR BYED PA'I GZHUNG NI RGYAS BYAS NAS, ,GANG ZHIG MANG BA BSIL BA'I CHAR CHU 'BAB PAR BYAS PA NI, ,CHU 'DZIN RNAMS NI SO GA RNAM PAR LDANG BAR ZAD BYAS PA, ,SPRO ZHING YUN MI RING BA'I 'OD ZER RNAMS KYIS RNAM PAR RGYAS, ,KUN NAS 'KHOR BA'I BUNG BA NGES PAR LTUNG BAS KHROS PA NI, ,KUN NAS DBUGS BUNG RAB TU BZHON PA'I KE TA'I SHING GNAS PA, ,DBUGS NI BUNG BA RANG GI NGO BO 'KHYIL PA'I LUS 'DZIN PA, ,YANG DANG YANG DU LTO 'PHYES GDENGS KA RGYAS PAR BYED PAR 'GYUR, ,BUD MED MED PAR BA YI MTHONG BAR SPRO BAS SPRO, ,RI LAM SHING LA BRTEN PA'I LAM PA YIS, ,CHU RGYUN NANG NA SPYOD PA'I NYUNG BA NI, ,'TSED BYED RNAMS KYI NGAG NI KUN THOS 'GYUR, ,NGO BO LAM PA'I BUD MED RNAMS KYIS 'PHROG PAR BYED PA'I GLOG ,MTHONG STE CHU RNAMS GTONG LA ZUR GYIS BLTA BA'I MIG ,MCHE BA GNYIS PA'I STENG DU RLUNG GIS BSKYOD PA NI, ,RGYAL MTSAN LA BCINGS BA DAN GUR KUM GYIS BTZOS BZHIN, ,RMA BYA'I SGRO DANG BSRES PA'I KA SHA'I NYAG MA NI, ,'GA' ZHIG BSKOR ZHING KUN NAS BSKOR BA'I SI LEN DRA, ,CHU BO RNAMS KYI CHU NI RNYOG CAN 'GYUR BA STE, ,'GRAM DU 'DZAM BU'I 'BRAS BU LHUNG BAS DBU BA 'BYED, ,CHU BO'I 'GRAM RNAMS 'DZAM BU'I 'BRAS BU RNAMS KYIS 'BREL PA STE, ,NE'U GSING 'JAM PO DANG 'BREL NYAMS DGA' MDZES PA LTA BAR GYIS, ,CHU YI THIGS PA LHUNG BAS SGRA SGROGS SHING LO'I KHANG PA NA, ,THUB PA DE NI RI BONG LHAN CIG GNAS SHING RAB DGAR GYUR, ,DE NAS DE LA DRIS PA STE, ,RNAM PAR RTOG PA CHEN PO 'DIS, ,LHA YI BDE BA 'DOD PA KHYOD, ,LHA DBANG GNAS NI 'DOD DAM CI,, RI BONG BRTAN PA'I SEMS LDAN PA'I, ,DKA' THUB CAN DE LA NA SMRIS, ,SROG CHAGS SDUG BSNGAL ZHI BYA'I PHYIR, ,BDAG NI SANGS RGYAS NYID 'DOD DO, ,DE NAS DE LA THUB PAS SMRAS, ,GANG TSE SANGS RGYAS KHYOD 'GYUR BA, ,DE TSE BDAG SLOB BDAG GYUR CIG ,DES KYANG DE LA KHAS BLANGS @21A *, ,SO; ,DE LTAR DUD 'GRO'I SKYE GNAS SU SKYES PA NA YANG BCOM LDAN 'DAS 'DI BYANG CHUB SEMS DPA' RNAMS KYI SPYOD PA LA SPYOD CING SROG RNAMS KYIS KYANG GZHAN RNAMS LA PHAN PA MDZAD PA STE, DE BAS NA SANGS RGYAS BCOM LDAN 'DAS LA DANG BA DANG RTZE GCIG PAS GNAS PAR BYA ZHES BYA BA NI, RI BONG GI SKYES PA'I RABS TE, SKYES PA'I RABS BZHI PA'O,, ,,BYANG CHUB SEMS DPA'I MGO BO YONGS SU GTONG BA STE, ,SU ZHIG NGO MTSAR BAR NI GANG PHYIR MA GYUR TAM, ,YANG NA 'BRAS BU DANG NI RJES SU MTHUN PA NI, ,PHAL CHER CHEN PO RNAMS KYI KUN NAS RTZOM PA RNAMS, ,'DI LTAR RJES SU THOS TE, SREG BLUGS 'DZIN PA'I GROGS PO'I STOBS KYIS YANG DAG PAR SKYES PA'I RLABS CHEN PO DANG LDAN PA'I 'O MA'I RGYA MTSO'I RJES SU BYED PA'I KHA BA CAN GYI RI DANG 'DRA BA'I MU TIG GI PHRENG BAS MNGON PAR BRGYAN PAR BYAS PA'I LUS NGAN GYI PHYOGS KYI BUD MED LA RAB TU DGA' BA'I YID CAN LHA'I BZO BO BI SHVA KARMAS SMUG RTZI DANG 'DRA BAR BRIS PA, RNAM PA SNA TSOGS PA'I SKYE BOS KUN NAS GNOD PAR BYAS PA RLUNG GIS RNAM PAR BSKYOD BZHIN PA'I SKYED MOS TSAL GYI ME TOG RNAMS KYI DRIS DRI ZHIM PAR BYAS PA'I PHYOGS RNAMS KYI DBUS DANG BCAS PA; RTAG TU LO LEGS PA'I PHYIR MDZOD DANG BANG MDZOD YONGS SU GANG BA CAN GRONG KHYER GYI NGO BOS DPAL GNAS PA DANG 'DRA BA'I BZANG PO'I BRAG CES BYA BA'I RGYAL PO'I PHO BRANG BYUNG BAR GYUR TE, GANG ZHIG 'DI DA LTAR YANG BZANG PO'I BRAG CES BYA BA'I GRAGS PA THOB PA'O, ,DE NAS RGYAL PO'I TSUL GYI LAG PA'I STOBS KYIS RGYAL PO'AM RGYAL PO'I BLON PO CHEN PO GZHAN 'PHAM PAR BYAS PA, CHU BO RNAMS RGYA MTSO DANG 'DRA BA PHUN SUM TSOGS PA THAMS CAD KYI RTEN RIG PA THAMS CAD KYI SNOD DU GYUR PA 'BYUNG PO RNAMS LA BRTZE BA DANG LDAN PA, DRI MA DANG BRAL BA'I ZHAL GYI ZLA BA MDZES PAS ZLA BA'I 'OD SKYENGS PAR BYED PA'I RGYAL PO ZLA 'OD CES BYA BA BYUNG BAR GYUR TE, DGRA'I GRONG KHYER RNAMS NA MI MO'I BAD GNAS DPAL NI 'PHROG BYED CING, ,GROGS PO'I SKYE BO KU MU DA RNAMS LA NI BDE BA SKYED BYED PA, ,MI YI BDAG PO ZLA BA DE YI LUS KYI 'OD NYID MTSAN MO'I DUS @21B LA NI; ,MUN PA'I TSOGS NI ZAD PAR BYED CING MAR ME'I 'BRAS BU BYED PAR GYUR, ,RGYAL PO DE LA YANG 'JIG RTEN LAS 'DAS PA'I SKYE BO MA LUS PA NYID NGO MTSAR BAR BYED PA'I DAM BCA' 'DI BYUNG BAR GYUR TO, ,GAL TE BDAG LA DON GNYER LA LA SLONG GYUR NA, ,MIG DAG DANG NI SROG GI RTEN GYI MGO BO'AM, ,SRID PA 'JIG PAR BYED PA'I GO 'PHANG 'GRO 'DOD PA, ,DON DU GNYER LA BDAG NI CHAD PAR MI BYED DO, ,BRGYA PHRAG BCU'I NOR LA SKYA RENGS DANG 'DRA BAR BYANG CHUB SEMS DPA'I MDUN DU RTAG TU RGYU BA BLON PO'I TSOGS RNAMS KYI GTZO BO SHES RAB CHEN PO DANG LDAN PA ZLA BA CHEN PO ZHES BYA BA'I BLON PO BYUNG BAR GYUR TE, PHAN TSUN YON TAN SMRA BA PO, ,PHAN TSUN PHAN LA MNGON PHYOGS LA, ,DE DAG NAM YANG YOD MIN TE, ,PHAN CHUN RNAM PAR 'BRAL BA CAN, ,DE NAS DUS 'GA' ZHIG GI TSE ZLA BA CHEN POS MTSAN MO GNYID KYI DBANG DU NYE BAR SONG BA NA, RMI LAM DU SHING LO'I PHUNG PO TSIG PA LTAR SONG BA SNGO BA DANG RTZUB PA'I 'OD CAN GYI 'BAR BA'I ME'I TSOGS LTAR SKRA DANG KHA SPU RNAMS SER SKYA DANG LDAN PA SENG GE'I SEN MO LTAR 'KHYOG PA DANG RNO BA'I SEN MO CAN CHUS BUD PAR BYAS PA'I LCI BA'I CHU 'DZIN LTAR GSUS PA CHE BA, LCAGS KYI KA BA LTAR GRIMS PA DANG CHE BA'I LAG BA DANG BRANG DANG LDAN PA, RI BONG CAN GYI CHA LTAR 'KHYOG PA'I MCHE BA RNAMS KYIS RNAM PAR 'BYED PAS SHIN TU MDZES PA, 'PHRO ZHING YUN RING PO MA YIN PA'I 'OD KYIS RNAM PAR G-YO BAS SMIN MA BSKYOD PA, KHRAG DANG BCAS PA'I SKYES PA'I PAGS PAS SMAD G-YOGS PAR BYAS PA'I GNOD SBYIN RNAMS KYIS MI'I BDAG PO DE'I NYE BAR 'PHROG BZHIN PA DANG COD PAN GYI GTZUG GI NOR BU RNAMS PAR LHUNG BA MTHONG BAR GYUR TO, ,GNYID SAD NAS YID MI BDE BAS 'DI LTAR BSAMS PAR GYUR TO, ,KYE MA BDAG GI RMI LAM RNAM PAR SMIN PA RTZUB PA 'DI MTHONG NGO, ,BDAG CAG GI RJE BO'I LUS KYANG BLANGS NA DON DU GNYER BA LA BDAG GIS SBYIN PAR BYA'O ZHES DAM BCAS TE, DE BAS NA JI SRID DU MI'I BDAG PO NGE'I MGO BO SU ZHIG SLONG BAR MI BYED PA DE SRID DU DU MA RIN PO CHE'I RANG BZHIN GYI MGO BO RNAMS BZO BO RNAMS LA BYED DU GZHUG GO SNYAM MO, ,DE RNAMS NYID KYIS KYANG MGO BO SLONG @22A *, ,BA SU ZHIG LA PHYI ROL NYID DU SO SOR MCHOD NAS GTANG BAR BYA ZHES TE, SA SKYONG BAS NI SA 'DI NA, ,DBANG PO SKYONG BYED SKYONG BYED CING, ,YUN RING BYAS BDAG NYID 'TSO ZHING, ,SKYE BO MA LUS GSO BAR BYED, ,DE NAS ZLA BA CHEN PO BLON PO RNAMS KYI GTZO BOS RIN PO CHE'I RANG BZHIN GYI MGO RNAMS BYED DU BCUG STE, PHYI ROL NYID DU SLONG BA PA'I SKYE BO RNAMS LA GANG GIS DON GRUB CES BYA BA RNAM PAR SPYOD CING 'DUG GO, ,DE NAS SPOS NGAD LDANG BA'I RIL SPRA'I GDONG CAN SKRA DANG SMA RA YONGS SU SMIN PA, MA BYAS PA'I KHRO GNYER BYAS PA 'DRA BA, SDONG DUM TSIG PA LTAR DKAR BA MA YIN PA DANG PAGS PA RTZUB PA DANG LDAN PA DANG, 'GRO BA LA SRIN BU PADMA LTAR 'KHYOG PA DANG RAGS PA'I RTZA'I DRA BAS MI MNYAM PA'I BYIN PA DANG BRLA DANG LAG PA DANG LDAN PA DANG, SBRUL LTAR RANG BZHIN GYIS DRAG PA, DRAG PO'I MIG CAN ZHES BYA BA'I BRAM ZE SO SOR GNAS PAR GYUR TO, ,DE LA BSAM PA KUN NAS BYUNG STE, ZLA 'OD CES BYA BA'I RGYAL PO THAMS CAD GTONG BA STE, DE BAS NA RE ZHIG 'GRO BAR BGYI'O, ,RGYAL PO DE LA MGO BO BLANGS PAS DAM BCA' DON MED PAR BYA'O SNYAM MO, ,MGO BO RAB TU SBYIN PA'I NUS PA SU ZHIG CES BYA BA LA YOD BA ZHES BYA BA RNAM PAR BSAMS NAS, ,RIM GYIS BZANG PO'I BRAG TU 'ONGS PAR GYUR TO, ,DE NAS SA 'DZIN BCAS PA RNAM G-YOS TE, ,YANG DANG YANG DU RGYA MTSO 'KHRUG PA'I SA, ,CHU BO'I CHU NI GANG BA RNYOG PA CAN, ,BSKYOD PA'I NYA RNAMS KYIS NI G-YOS PA'I BAR, ,NYI ZLA DAG NI RNAM PAR MDZES MI 'GYUR, ,RDUL GYIS 'OD MED ME LONG RNAM PA CAN, ,PHYOGS RNAMS KUN NAS DRI MA CAN GYUR TE, ,BDAG PO MYANG BA BYAS PA DANG NI 'DRA, ,DUS MA YIN PA YAL GA CAN RNAMS LAS, ,ME TOG SNGO SKYA GE SAR CAN 'BYUNG STE, ,RDUL TSOGS 'BYUNG BA'I RLUNG RNAMS LDANG BA NI, ,GTZUG PHUD CHA YIS RJES SU 'GRO BA LTAR, ,RGYU DANG MI RGYU DANG BCAS SA 'BYUNG STE, ,DRI BCAS RID PA'I SKYE BOS KHYAB CING KHYAB, ,MTSAN MO KUN NAS DUD PA'I SKAR MA CAN, ,NUB DANG NYE BAR SONG BA'I ZLA BA BZHIN, ,NAGS KYI BDAG PO RNAMS KYANG RTZVA 'JAM PA, ,BA RNAMS 'O MA SKAD CIG GIS ZAD @22B 'GYUR; ,GTZANG BAR GYUR KYANG ZHUGS PA'I SREG BLUGS CAN, ,MCHOD SBYIN BYED PA'I ME NI DE MI 'BAR, ,DE NAS RNAM PA SNA TSOGS PA'I MTSAN MA NGAN PA MTHONG NAS BZANG PO'I BRAG LA GNAS PA'I SKYE BOS 'DI NI CI ZHIG CES BYA BA KUN NAS DOGS PAR BYED CING KUN NAS G-YENG BA DANG BCAS PAS 'GRO BAR GYUR TO, ,DER NI GANG ZHIG SHIN TU MKHAS PA DE RNAMS RGYAL PO'I BRLAG PA NYE BAR RTOGS PAR GYUR PA YID MI BDE BAR GYUR NAS 'DI LTAR SMRAS PAR GYUR TO, ,DKA' BA SDUG BSNGAL LAS SKYES PA, ,SA SKYONG 'DI LA MA GYUR CIG ,GANG GI DPUNG PA'I GRIB MA LA, ,BRTEN NAS LUS CAN BDE BAR NYAL, ,DE NAS MCHI MA DANG BCAS PA'I, ,MIG DANG LDAN PA'I GRONG KHYER GYI LHA MOS BLON PO ZLA BA CHEN PO LA, DRAG PO'I MIG CAN ZHES BYA BA'I BRAM ZE 'DI RGYAL PO 'DI'I DBU SLONG BA'I PHYIR 'ONGS PA STE, DE BAS NA THABS GANG GIS KYANG 'DI BZLOG PAR MDZOD CIG CES SMRA ZHING 'DUG GO, ,DE NAS BLON POS RIN PO CHE'I RANG BZHIN GYI MGO DE RNAMS SPUNGS TE, BRAM ZE CHEN PO GANG GIS KHYED KYI DON 'GRUB PA DE BDAG NYID KYIS DON BSGRUB PAR BYA YIS KHYOD KYIS RGYAL PO MTHONG BAS DGOS PA CI ZHIG YOD CES DRAG PO'I MIG CAN LA SMRAS SO, ,GAL TE NOR NI CHUNG BA'I SKYES BU LAS KYANG NI, ,'DOD PA RNYED 'GYUR DE PHYIR NOR MANG BAS NI CI ZHIG BYA, ,GAL TE GLANG CHEN GOM PA TZAM NI BRKOS PA'I CHUS, ,SKOM PA SEL NA RGYA MTSO SA DGOS PA CI ZHIG SMROS, ,BRAM ZES SMRAS PA, RAGS PA'I 'O MA'I NU 'JING LDAN ZHING SPRIN DKAR LTAR NI 'OD LDAN PA RNAMS BE'U BCAS MI 'DOD DE, ,CUNG ZAD RNA BA G-YO BA SKOR BA'I BUNG BA'I TSOGS MYOS PA YI GLANG PO'I DBANG PO RNAMS MI 'DOD, ,RGYAN YANG GSAL BA GSAL BA'I 'OD ZER LDAN PA'I NOR BU RNAMS DANG GOS KYANG KHYAD PAR CAN MI 'DOD, ,'DI NI THAMS CAD STER BA ZHES BYA DE PHYIR BDAG NI SA SKYONG 'DI LAS MGO BO SLONG BAR 'DOD, ,BLON POS SMRAS PA, DAM PA RIN CHEN RANG BZHIN MGO BO 'DI RNAMS NI, ,DAD PA RTZE GCIG PAS NI BDAG GIS KHYED LA 'BUL, ,GAL TE 'DI RNAMS KYIS NI KHYED LA DON MED NA, ,DA LTA NYID DU BDAG GI MGO BO KHYER BAR MDZOD, ,RJE BO'I DON DU SROG 'DZIN PA'I,, @23A *, ,'BANGS KYI DON NI BSTAN 'GYUR BA, ,DE YI DON DU 'GRUB GYUR PA, ,GAL TE DE RNAMS DON BYAS NYID, ,BRAM ZES SMRAS PA, YANG DANG YANG DU SMRAS PA 'DIS CI ZHIG BYA, ,MNGON SBYOD KYI LAS LA SA'I BDAG PO'I MGO BOS BDAG LA DGOS PA YOD DO, ,DE NAS RGYAL PO ZLA 'OD LHA'I MIG GIS MGO BO SLONG BA PO DE PHYI ROL NA GNAS PA MTHONG NAS LANGS TE DGA' BA'I GROGS PO DANG 'DRA BAR BLON PO'I GTZO BO DE LA SMRAS PA, MANG POS SMRAS PAS CHOG STE DON DU GNYER BAR MA BYAS PAS 'KHOR BA'I RGYA MTSO LAS RGAL BA'I PHYIR ZAM PAR GYUR PA BYANG CHUB SEMS DPA' RNAMS KYI DON DU GNYER BA RNAMS TE, PHA ROL RING ZHING RGAL DKA' BA, ,RGYA MTSO RGAL BAR 'DOD PA LAS, ,GANG ZHIG 'BREL BA'I GRU GCOG PA, ,DE NI JI LTAR GROGS POR BRJOD, ,DE NAS CHOS LA GROGS GYUR PA'I, ,SKYES BU CHOS KYI RJES 'JUG LA, ,SPRO BA NYID DU BYA BA STE, ,CHOS KYI GEGS NI MI RIGS SO, ,GAL TE DON GNYER 'DI LTA BU, ,THAR PA'I RGYU NI MED GYUR NA, ,SBYIN PA'I PHA ROL PHYIN PA 'DI, ,BYANG CHUB SEMS DPAS JI LTAR RDZOGS, ,DE LTAR BLANGS TE RAL GRI BLANGS, ,MI BDAG 'DIS NI BRAM ZE LA, ,BRAM ZE BDAG GI MGO CHOD CIG ,CES BYA SDUG BSNGAL MED PAR SMRAS, ,BRAM ZE GANG DU SEMS NI SNYING RJE MED PA GANG DU STE, ,GTUM PO DANG NI YANG DAG 'BREL PA LTA BU BDAG 'DIS ZHES, ,MCHOD PHYIR THOGS PAS YUN RING POR NI RNAM BSAMS NAS, ,BRAM ZE'I BRANG LA NGO TSA DANG BCAS 'DRA BAR GNAS PAR GYUR, ,DE NAS BRAM ZE DES SMRAS PA, ,BLON PO DANG GROGS PO DANG GNYEN 'DUN GYI SKYE BOS YONGS SU BSKOR BAR BYAS PAS KHYED LA BDAG GCIG PUS MGO GCOD PAR NUS PA MA YIN TE, ,DE BAS NA KHYED GCIG PU 'DUG PAR 'OS SO ZHES ZER RO, ,DE NAS RGYAL PO DES MNA' DANG BCAS PAR SDUG BSNGAL GYI CHUS KUN NAS GDUNGS PA'I MIG DANG LDAN PA'I SKYE BO'I TSOGS DE BZLOG NAS RAL GRI'I LAG PA CAN GYI BRAM ZE DE DANG RJES SU 'GRO BAR GYUR PA RIN PO CHE'I SNYING PO ZHES BYA BA'I SKYED MOS TSAL DU SONG BAR GYUR TO, ,DE NAS BLON PO ZLA BA CHEN POS 'DI LTAR SMRE SNGAGS KYIS KUN NAS BSLANG BA'I YI GE @23B SMRAS PA, KYE MA MI YI BDAG PO MGO BO MED PA NI, ,DE RING SU ZHIG GIS NI NGES PAR LTA BAR NUS, ,MCHOD SBYIN BYED PA'I NUS PA NYE BAR NYAMS PA NI, ,MCHOD SBYIN SRIN PO RNAMS KYIS NYE BAR NYAMS PA LTAR, ,SA NI SKYOD BA MED PAR DE RING GRONG KHYER 'DIR, ,SHIN TU PHONGS PAR RNAMS PAR SNANG BA NYID 'GYUR TE, ,BUD BA'I TSOGS KYIS BSKOR BAS KHYAB PA'I CHU NAS NI, ,GLANG POR NAMS KYIS PADMA RGYAS PA 'DON PA LTAR, ,DE BAS JI SRID MI YI BDAG PO 'DI NI SHI BA MA THOS PAR, ,DE SRID THOG MA NYID DU BDAG GI SROG 'DI BTANG BAR BGYI, ,DE LTAR RNAM PAR BSAMS NAS TING 'DZIN STOBS KYI BLO LDAN DE, ,RANG LUS RNAM PAR SPANGS NAS RANG 'BYUNG 'GRO BA NYID DU GYUR, ,SKYES BU DE NYID DON BYAS BDE BA YANG DAG THOB NAS NI, ,ZLA BA'I 'OD LTAR DKAR BA'I LAS NI 'GRO LA GSAL BYAS NAS, ,GROGS PO RNAMS LA RGUD PA CHEN PO THOB PAR BLTA BYAS TE, ,GANG ZHIG THOG MA NYID DU LUS KYI 'JIG PA THOB PAR GYUR, ,DE NAS RIN PO CHE'I SNYING PO ZHES BYA BA'I SKYED MOS TSAL DU ZHUGS PA'I RGYAL PO LA DE'I BTZUN MO'I 'KHOR DU 'O DOD 'BOD PA'I SGRA CHEN PO KUN NAS BYUNG BAR GYUR TO, ,SKYED MOS TSAL DER ZHUGS NAS BRAM ZE DES RGYAL PO LA SMRAS PA, ,GSON PA'I GZUGS DE LTAR GNAS PA'I KHYED KYI MGRIN PA LA BDAG GIS RAL GRI RDEG PAR NUS PA MA YIN NO, ,RGYAL POS SMRAS PA, BRAM ZE DE BAS NA RTAG TU ME TOG 'BYUNG BA'I TZAM PA KA'I SHING 'DI LA BDAG BCING BAR GYIS SHIG, BRAM ZE DES KYANG DE LTAR BYAS PAR GYUR TO, ,DE NAS SKYED MOS TSAL NA GNAS PA'I LHA MO RNAMS DRAG PO'I LAS CAN DE LA 'DI SKAD CES SMRAS SO, ,'GRO BA'I GNYEN DU GYUR PA YI, ,SA YI BDAG PO 'DI YI NI, ,MGRIN PAR RNO BA'I RAL GRI YIS, ,JI LTAR SDIG CAN KHYOD RDEG BYED, ,RGYU MTSAN MED PA'I DRAG PO NYID KYIS RTZUB PA'I YID, ,KHYOD NI GAL TE SA YI BDAG PO'I MGO GCOD NA, ,ME STAG 'PHRO BAR BYED PA'I THOG GIS KHYED KYI YANG, ,MGO 'DI BDAG CAG RNAMS KYIS KHYAD PAR DU BRLAG BGYI, ,DE NAS RGYAL PO DES NAGS KYI LHA MO RAB TU MYOS PA RNAMS LA GUS PA DANG BCAS PAR 'DI LTAR BZLOG CING 'DUG GO, ,BDAG BLA NA MED PA YANG @24A *, ,DAG PAR RDZOGS PA'I BYANG CHUB TU 'GRO BAR 'DOD PA LA KHYED CAG RNAMS KYIS BAR CHAD CHEN PO BYA BAR NI MI RIGS TE, GANG GI PHYIR RJES SU YI RANG PAS NI BSOD NAMS THOB PAR 'GYUR RO, ,'DI LAS GZHAN DU NA DGE BA'I PHYOGS NYAMS PA NYID DU 'GYUR RO, ,DON GNYER SLONG BZHIN PA RNAMS LA, ,BDAG GIS MGO RNAMS SNGON YANG BYIN, ,MGO BO 'DIS NI GZHAN RNAMS KYI, ,STONG PHRAG YONGS SU RDZOGS PAR 'GYUR, ,DE LTAR BYANG CHUB SEMS DPA'I TSIG THOS NAS LHA MO DE RNAMS GNAS DE NAS LOG PAR GYUR TO, ,DE NAS RGYAL PO DES 'DI LTAR SMON LAM BTAB STE, ,'JIG RTEN YUN RING NGO MCHAR SKYED BYED PA'I, ,MGO BO BYIN PA 'DI LAS DGE BA GANG, ,BYANG CHUB THOB NAS DES NI ZHI BA GANG, ,PHRA RAB RDUL LDAN DBANG PO BDAG LA SHOG, ,BZANG PO'I BRAG CES BYA BA'I GRONG KHYER 'DI NYID DANG, ,BDAG GIS GANG LA MGO BO RNAMS NI BYIN PA STE, ,YID NI MNGON BAR DGA' BA'I GNAS DER MCHOD RTEN NI, ,CHEN PO LUS 'DZIN RNAMS LA PHAN PA'I DON GYUR CIG ,DE LTAR SMON LAM BTAB PA'I SA BDAG NYID KYI NI, ,SNYING RJE 'JAM PA'I SEMS DANG LDAN LA SNYING RJE MED PA DES, ,LTO 'PHYE'I 'OD DANG 'DRA BA'I 'OD LDAN RAL GRIS GLO BUR DU, ,ZHAL GYI 'DAM SKYES PADMA BZHIN DU GCOD PAR GYUR, ,DE NAS SKAD CIG GIS NI SA'I BDAG PO'I MGO BO GCOD PA LA, ,ME TOG KHA BYE MCHI MA'I THIGS PA DOR BAS RJES 'BREL PA, ,RLUNG GIS BSKYOD PA'I RANG 'DAB LAG PA RNAMS KYIS BDAG NYID LA, ,LCUG MA GZHON NU MA RNAMS RANG DBANG MED PAR BRDUNG BAR GYUR PA BZHIN, ,RLUNG GIS RNU BA BSKOR BA'I MA LUS 'BYED PA NI, ,RLUNG GIS RNAM 'KHRUGS RLABS KYI LAG PAS PAD GDONG G-YO BYAS PA'I, ,SKYED MOS TSAL DER PADMO'I BUD MED RNAMS KYI TSOGS BYUNG BA, ,RKANG PA DRUG PA'I SKAD KYIS MYA NGAN DANG BCAS BZHIN DU GYUR; ,SGRA SGROGS RGYA MTSO'I MU YI RNAM 'GYUR CAN, ,SA NI G-YO BAR GYUR CING LHA RNAMS KYANG NI NGO MCHAR GYUR, ,NAM MKHA' SA DANG PHYOGS RNAMS NGOS LA DRI ZHIM BSGOS BYAS PA'I, ,MAN DAR BA'I CHAR NI SA BDAG LUS LA 'BAB BAR GYUR, ,RGYAL PO 'JIG RTEN PHA ROL SONG BAR GYUR NA @24B RGYAL PO'I KHAB, ,DPAL MED SKYE BO MANG POS KHYAB PA MDZES PAR MI 'GYUR RO, ,SGRA MED PA DANG G-YO MED CHU SKYAR DANG NI NGANG PA CAN, ,NYIN MOR BYED PA NUB PAR GYUR PA LA NI PADMA LTAR, ,DE NAS CHANGS PA'I 'JIG RTEN SA SKYONG GSHEGS PAR GYUR PA DE LA NI, ,RGYA MTSO'I CHU YI RLABS BSKYED PAS NI SKAD MED PA YI SDUG BSNGAL SHUGS LDAN PA, ,SA NI DU BA LTAR NI MTHON PO RNAMS LA RING POR 'DZEG BYAS NAS, ,SER SKYA DANG NI DKAR PO'I 'OD LDAN RI RAB GANGS KYI DPUNG PA CAN, ,BRAM ZE DES KYANG DE'I MGO BO'I SKRA LA YANG DAG PAR BZUNG NAS SKYED MOS TSAL DE LAS PHYIR 'BYUNG BAR BRTZAMS SO, ,DE NAS BZANG PO'I BRAG LA GNAS PA'I SKYE BOS MYA NGAN GYI DBANG GIS 'DI SKAD CES SMRAS SO, ,MI SKYONG SENG GE'I KHRI LA GNAS PA'I 'BANGS RNAMS KYIS, ,DGA' BA SKYES PA'I GDONG GIS JI LTAR MTHONG BA NI, ,MTSO LAS SKYES PA RNYING PA LTA BU'I MGO BO DE, ,BRAM ZES SKRA NAS BZUNG NAS KHYER BA NYID DU GYUR, ,GZHAN YANG GANG ZHIG SHAR GYI RI BOR YANG DAG GNAS PA'I RI BONG CAN GYI MDZES CHEN 'DZIN BYED CING, ,GLANG PO MCHOG GI RGYAB GNAS GYEN LTA'I GDONG CAN RGYAL PO RNAMS KYIS GUS PA DANG BCAS MTHONG, MGO BO BCAD PAS RNAM PAR 'GRO BA'I 'THUG PA'I KHRAG GIS BRANG GI STENG NI NYER GOS PA, ,'OG TU BLTA ZHING BSKOR BA'I KHRI RNAMS KYI NI SA YI BDAG PO 'DING BA KUN NAS LTA BA'O, ,BLON PO SKYABS MED DU ZHING SHIN TU CHE BA'I SREG PA'I SAR, ,GA PUR DANG NI TZAN DAN DU RU SKA YI SHING LDAN BYAS NAS NI, ,MI YI BDAG PO DER NI BCUG NAS RLUNG YANG RLUNG GIS NI, ,SREG BLUGS 'DZIN PAS GSANG SNGAGS KYIS NI BSNUN PAS 'BAR ZHING 'BYUNG, ,DE NAS 'BAR BZHIN PAS SREG PA MTHONG NAS SMRE SNGAGS 'DON PAR GYUR PA'I SKYE BO'I TSOGS DES 'DI SKAD CES SMRAS SO, ,KYE MA BCOM LDAN 'DAS MA MI RTAG BA ZHES BYA BA KHYAD PAR MED PA STE, ,DAL ZHING SO YI RNAM PAR BYUGS PA SNGAR NI RI BONG 'DZIN PA'I MDZES PA 'PHROG PAR BYED PA'O, ,GANG ZHIG BUD MED RNAMS KYI SOR MO'I ZE'U 'BRU GI WANG 'DZIN PA RNAMS KYIS REG PA NI, ,DE YI LHA YI DBANG PO'I RGYAL MTSAN LHUNG BA DANG 'DRA ZHI BA LA NI DMIGS @25A *, ,PAR BYED PA YI, ,G-YO BA'I SBYIN SREG 'BAR BA'I SOR MO RNAMS KYIS RGYAL PO'I LUS NI KUN NAS SREG PAR BYED, ,DE LTAR SMRE SNGAGS BTON NAS SKYE BO'I TSOGS DE MYA NGAN GYIS 'KHRUG PA'I YID CAN GYIS RANG RANG GI GNAS SU SONG BAR GYUR TO, ,DE LTAR NA RANG GI MGO BO YONGS SU GTONG BA LA YANG YID MI G-YO BAS BYANG CHUB SEMS DPAR GYUR PA'I BCOM LDAN 'DAS KYIS MDZAD DO ZHES BYA BA RNAM PAR BSAMS NAS BYANG CHUB 'DOD PA GZHAN GYIS KYANG GTONG BA LA RTZE GCIG BA'I DAM PAS GNAS PAR BYA ZHES BYA'O, ,BCOM LDAN 'DAS KYI SKYES RABS 'DI, ,DGRA BCOM RNAMS LA MCHOD BYA'I MCHOG, ,'KHOR BA'I SDUG BSNGAL CHEN PO'I RGYUN, ,RGYAL BAR MDZAD PA NYID KYIS GSUNGS, ,DE TSE ZLA 'OD CES BYA BA'I, ,SA YI BDAG POR BDAG GYUR TE, ,SH'A RI'I BU NI BLON POR GYUR, ,BRAM ZE DE NYID LHA SBYIN NO, ,ZLA 'OD KYI SKYES PA'I RABS TE SKYES PA'I RABS LNGA PA'O,, ,,BYANG CHUB SEMS DPAS BUD MED NYID DUS NA'ANG, ,RANG LUS LAS NI SHA NI BCAD CING BYIN, ,GZHAN DON NUS PA'I MI YI LUS NYID LA, ,LHAG PA'I BSAM PA STOBS LDAN SMOS CI DGOS, ,'DI LTAR RJES SU THOS TE, RNAM PA SNA TSOGS PA'I SKYED MOS TSAL SNGO BAS MTHAR THUG PAR BYAS PA, NOR SBYIN DANG 'DRA BAR GYUR PA'I TSONG PA'I SKYE BOS YONGS SU GANG BA'I TSONG 'DUS KYI LAM DANG LDAN PA, DRI ZA'I YUL LA DKAR PO GTZO BOR GYUR PA, SA LA RGYAN DANG 'DRA BA AUTPA LA DANG LDAN PA ZHES BYA BA RGYAL PO'I PHO BRANG GANG ZHIG RDZOGS PA DANG LDAN PA ZHES BYA BA DA LTAR YANG GRAGS PAR GYUR PA'O, ,DE LA LANG TSO DANG POS NYE BAR BSAGS BZHIN PA'I MDZES PA'I RANG GI SA LA LHA MO DANG 'DRA BA'I BYANG CHUB SEMS DPA' GZUGS LDAN MA ZHES BYA BA'I BUD MED BYUNG BAR GYUR TE, NYE BAR ZHI BA NYID KYIS GZHAN LA PHAN PA NI, ,GRUB PAR BYED DANG YID KYANG GSAL BAR BYED NYID KYIS, ,SKYE BO RNAMS LA SHIN TU NGO MTSAR BYED 'GYUR BA, ,DE NI SNYING RJES GZUGS DANG LDAN PA 'DRA BAR SNANG, ,DE NAS DUS GCIG GI TSE YUL DER DGE BA'I RTZA BZAD PAS MDZOD DANG BANG MDZOD KUN NAS ZAD PA MTHONG NAS KUN NAS PHONGS PA'I SKYE BA DANG LDAN PA @25B LA SKYA RENGS KYI KHA LO SGYUR BA'I 'OD ZER RNAMS KYI TSA BAS LHAG MA DANG BCAS PA'I KHA BA CAN RI'I KHA BA RNAM PAR ZHU BA DANG, KHA BA MED PA NYID KYIS CHU BO KUN GYI CHU KUN NAS SKAMS PA DANG, CHU MED PA NYID KYIS ZHING PA RNAMS KUN NAS RNYINGS PA DE MTHONG NAS ZHING PA'I SKYE BO YID MI BDE BA DANG, DON DU GNYER BA RNAMS KYI YID KYI RE BA YONGS SU MA RDZOGS PA DANG, SHIN TU STOBS CHUNG BA'I BA GLANG RDZI RNAMS KYIS RJES SU 'GRO BZHIN BA'I SHI BA LHAG MA'I BA GLANG GI TSOGS DANG LDAN PA, KHA ZAS LA RTZE GCIG PA'I DBUL PO'I SKYE BO DANG LDAN PA, DAM PA MA YIN PA'I SKYE BOS 'BREL BA DANG 'DRA BAR GNOD PA BYED PA'I MU GE SHIN TU CHE BA BYUNG BAR GYUR TO, ,YID 'ONG NU MA'I RDEG PO NUB GYUR PA, ,GCANG BA'I GSER GYI BUM PA DANG 'DRA BA'I, ,KHA ZAS MED PA'I BUD MED RNAMS KYIS NI, ,SO 'DZIN LCI BA SRA BA NYID NI DOR, ,BDE BA YONGS SU DMAN PA 'DZIN PAR BYED BZHIN PAS, ,LHAG PA DPUNG PA'I YAL GA RNAMS LA SRA BA NYID, ,YONGS SU PHONGS PA'I MIG CAN BUD MED RNAMS KYI NI, ,GDU BU RNAMS NI LHOD PA NYID DU KUN NAS 'GYUR, ,KUN NAS YEGS PA'I SKRA RNAMS KYIS NI KHYAB GYUR PA, ,MTSAN MO ZAD PAS RI BONG MCHAN LTAR 'OD MED CING, ,SMIN MA SGEG PA'I RGOD PA 'BYUNG BA RNAM BRAL BA, ,BUD MED RNAMS KYI GDONG PA RNAMS NI BYUNG BAR GYUR, ,KHYIM GYI NANG DU 'DAG PAS NYE BAR BYUGS NAS NI, ,BZA' BA RNYING PA BYIS PA LA NI SBYIN BYAS NAS, ,KHYIM BDAG MO NI RANG GIS DE LTAR GDUNG BA MIN, ,KHYIM BDAG LAM GYIS BKRES LDAN MTHONG NAS 'DZIN MI 'GYUR, ,BE RU SHI BA NYID KYIS RTZVA YI BZA' BA 'DOR BA NI, ,SKAD 'DON PAS NI G-YO BAR GYUR PA'I LKOG SHAL LDAN, ,NAGS NAS BDAG PO'I KHYIM DU 'ONGS PA'I BA NYID NI, ,LHAG PAR MCHI MA DANG BCAS MIG LDAN BYED PAR GYUR, ,RIM GYIS KUN NAS STOBS CHUNG NYID DU SONG BA YI, ,RTZVA ZA MED PA NYID KYIS RIM GYIS 'GRO RNAMS KYI, ,LHAG PAR LHOD PA NYID DU SONG BAR GYUR PA STE, ,BA RNAMS NU 'JING RNAMS LA 'O MA ZAD PAR GYUR, ,KUN NAS STOBS NI CHUNG BA DMAN PA CUNG ZAD MTHONG NAS NI, ,MJUG MA'I RTZA BA LA NI NYE BAR DMIGS NAS KUN 'KHRUGS PA, ,RNAM PA GANG GIS KYANG NI RUNG BA'I TSIG LA GSAL BA NI, , @26A *, ,PHYUGS RDZIS RGAS SHING YAN LAG RID PA'I BA NI BSLANG BAR GYUR, ,BZA' DANG BTUNG BA ZAD PAS BA GLANG NOR NI SHI BA YANG, ,GOS NI RNYING BA GON PAS LUS BO SKYA BA DANG LDAN PA, ,SKYE BO GNAS PAS NYE BAR NYAMS PA'I YUL PHYOGS DE LA NI, ,KHYIM LAS PHYI ROL BYUNG BA'I DON DU NUS BAR MI 'GYUR RO, ,DE NAS GZUGS LDAN MAS KHYIM 'GA' ZHIG TU BUD MED GANG ZHIG MNGAL PHYIR BYUNG BA'I DBANG GIS SHIN TU LHAG PAR RAB TU 'BAR ZHING DREGS PA'I MES GDUNG BAR BYAS PA'I LUS CAN 'GRAM PA DANG MIG DANG LTO BA SHIN TU ZHOM PA'I KHUNG BU CAN RTZIB MA'I PHRENG BA MNGON PAR GSAL BA, SHIN TU DRI MA CAN GYI GOS RUL GYIS YAN LAG G-YOGS PA, BDAG NYID LA MNYES GSHIN PA'I GUS PAS BU LA CHAGS PA DANG BRAL BA'I BUD MED SU ZHIG BU DE NYID ZA BAR 'DOD PA MTHONG NGO, ,MTHONG NAS KYANG SRING MO SHIN TU DRAG PA'I LAS 'DI KHYED BYED PAR 'DOD DAM ZHES BYA BA DE LA SMRAS SO, ,BUD MED DE YANG 'DI LTAR BSAMS TE GZUGS LDAN MA ZHES BYA BA 'DI NI SBYIN PA'I NGANG TSUL CAN LA SNYING RJE DANG LDAN PA STE, ,DE BAS NA GAL TE BDAG GIS 'DI LA BYA BA 'DI SMRAS PAR GYUR NA NGES PAR 'DI BDAG LA BKRES PA'I GNYEN PO BYED PAR 'GYUR ZHES BYA BA RNAM PAR BSAMS NAS SMRAS PA, SRING MO BDAG SHIN TU MNGAL BYUNG BAS MNGON PAR 'PHEL BA'I BKRES PA'I MES KUN TU SONG BA'I LUS DANG LDAN PA STE, DE BAS NA BU CHUNG 'DI ZA BAR 'DOD DO ZHES BYA BA'O, ,BRANG SKYES ZHES BYA'I BU CHUNG 'DI, ,SDANG BAR BYED PA LTAR MTHONG ZHING, ,BDAG CAG SEMS CAN RNAMS LA NI, ,CHOS DANG CHOS MIN DAG MI MTHONG, ,DE NAS GZUGS LDAN MA SNYING RJE SKYES PAR GYUR PA'I MCHI MAS GANG BAR GYUR PA'I MIG GI AUTPALA DANG LDAN PA DES BUD MED LA 'DI SKAD CES SMRAS SO, ,SNYING RJE DANG BCAS NGUS PA TZAM GYIS RNAM MTHONG BA'I, SDUG BSNGAL CAN 'DI KHYIM PA'I SBA[?] YIS KHYAB PA NI, ,RI DAGS PHRU GU LTAR NI YID 'PHROG MIG LDAN PA'I, ,SNYING RJE MED MA KHYOD NI BYIS PA JI LTAR ZA BAR BYED, ,MYUR DU 'GRO BAS RAB BSKYOD MTHO BA'I GTZUG PHUD CAN, ,SA YI RDUL GYIS MIG GI RDZI MA RTZUB GYUR PA'I, ,BYIS PA GZHAN GYI BU LA YANG @26B NI 'JAM SEMS PA, ,BUD MED RNAMS LA BYAMS PA NYID NI 'BYUNG BAR 'GYUR, ,RGOD PAS RNAM PAR 'PHRO BYAS PA YI MCHU YI 'DAB MA CAN, ,KHYAD PAR BYAS PA SHIN TU RGYA CHE'I MIG DANG LDAN, ,ZUR CHAG SMRA BAS KHYAB PA JI LTAR 'DI LA NI, ,BU YI GDONG PA BLTA BA'I DON DU CI YI PHYIR MI NUS; ,RTA YI 'GROS KYI LAD MO BYIS PA'I PHYIR NI BYED BZHIN PA, ,DBYUG PA'I RTA LA GNAS PA DRI CAN GTZUG PHUD KYIS KHYAB PA, ,RGOD PAS 'PHRO BA'I SO YI PHRENG BA 'KHYOG CING MDZES LDAN PA, ,BUD MED SU ZHIG BU NI BLTA BA'I PHYIR NI 'DOD MA YIN, ,MCHU GNYIS PHYE BA DGA' BAS KUN NAS LTA BAR GYUR PA NI, ,KHA ZAS ZA BAR 'DOD PAS RTZUB PA'I SGRA NI SGROGS BYED PA, ,KHVA TA MO NI BKRES PAS YONGS SU GDUNG YANG PHRU GU NI, ,RJES 'GRO 'BAD PAS GSON BUD MED DAM PAS SPOS CI DGOS, ,GZHAN YANG BRGYA LAM NA SKYE BOS 'DI THOS NAS SHA ZA MO LTAR KHRO BA'I DBANG GIS 'DI BU GSOD PA ZHES BYA BA YIN PAS YUL PHYOGS 'DI NAS SKROD PAR BYED DO, ,DE BAS NA 'DI MA BRTZAMS PA LAS YID SKYO BAR GYIS SHIG CES BYA BA'O, ,STAG MOS RI DAGS PHRU GU LTAR, ,BU CHUNG 'DI NI BZA' BYAS NAS, ,RI DAGS SDIG CAN RAB 'BAR 'DI, ,LCAGS KYI RI LU ZA BAR BYED; ,DES SMRAS PA, SRING MO JI LTAR BYA STE GANG GI PHYIR YAN LAG THAMS CAD NAS BYUNG BA'I BKRES PA'I ME 'DI BZOD PAR MI NUS SO ZHES ZER RO, ,DE NAS GZUGS LDAN MA 'DI LTAR BSAM PAR BYED DE, ,GAL TE BDAG BYIS PA BLANGS NAS 'GRO BAR GYUR PA NA DE'I TSE NGES PAR 'DI SROG DANG BRAL BAR 'GYUR RO, ,'ON TE 'DI LA BKRES PA ZHI BA'I DON DU BZA' BA SHIN TU RING PO NAS BLANGS PAR GYUR NA DE NAS 'DIS BU 'DI SROG DANG BRAL BAR BYED PAR 'GYUR RO, ,DUS LAS 'DAS PA 'BRAS BU MED PA'I LAS BYED CING, ,RMONGS PAS 'JIG RTEN SPYOD PA NYID DU NGAL BAR 'GRO, ,DRO BA'I 'OD ZER JI SRID DU NI NUB MI 'GYUR, ,DE SRID NYID DU NYI MA SKYONG BA GZUNG BAR RIGS, ,DE NAS 'DIR DUS LA BAB PAS RANG GI SHA RNAMS KYIS 'DI NI TSIM PAR BGYI ZHES ZER RO, ,SDIG CAN SNYING PO MED 'DI YI, ,LUS LAS SNYING PO BLANG BYA STE, ,CHU KLUNG GIS ZOS RTZA 'GUL BA'I, ,'GRAM @27A *, ,GYI SHING LAS 'BRAS BU BZHIN, ,DE NAS BUD MED DES SLAR SMRAS PA, ,SRING MO SONG SHIG DANG KHYOD KYI DRUNG DU BDAG GIS BYIS PA 'DI BAG MED PAR BYED MI NUS SO, ,DE NAS GZUGS LDAN MAS DE LA SMRAS PA, ,GAL TE KHYOD LA 'DIR MTSON CHA CUNG ZAD YOD NA RA ZHIG LONG SHIG, DES KYANG GZUGS LDAN MA LA MTSON CHA GTAD CING 'DUG GO, ,DE NAS GZUGS LDAN MAS NI RANG GI LUS KYI SDUG BSNGAL MA BSAMS SHING, ,GSER GYI BUM PA'I RNAM PA CAN GYI NU MA GNYIS BCAD NAS, ,MTSON CHA SHIN TU RNON PO DES NI KHRAG NI 'BAB BYED PA, ,BKRES PAS NYE BAR GDUNGS PA'I BUD MED DE LA BYIN PAR GYUR, ,BDAG GIS SDUG BSNGAL LTOS MED PAR, ,SROG CHAGS RNAMS KYI SDUG BSNGAL SEL, ,GZHAN GYI SDUG BSNGAL GYIS GNOD DE, ,GANG PHYIR RANG SDUG BSNGAL GYIS MIN, ,NU MA GNYIS PO DE YANG BUD MED DE LA BYIN NAS GZUGS LDAN MA RANG GI KHYIM GYI NANG DU RAB TU ZHUGS PAR GYUR TO, ,NU MA GNYIS BCAD RNAM PAR 'DZAG PA'I KHRAG GIS NI, ,MU TIG HAR DANG GOS DANG SKYE RAGS BCINGS BA GOS, ,GZUGS NI BZANG BA TZAN DAN DMAR POS GOS PA LA, ,GSER GYI SKU GZUGS 'DRA BA'I BUD MED DE BYUNG GYUR, ,DE NAS GZUGS LDAN MA LA KHYIM THAB KYIS NGO MTSAR BA DANG BCAS PAS STAN LAS LANGS TE DRIS BA, KHYED LA DGE BA 'DI GANG GIS, ,MDZES MA DGE BA MED PAS NI, ,LUS LA SHA ZA BZHIN DU YANG, ,'O MA 'DZIN DAG BCAD PAR BYAS, ,DES KYANG GTAM DE KHYIM THAB LA BRJOD PA, ,'PHAGS PA'I BUS MNGAL BYUNG BAS MNGON PAR 'PHEL BA'I BKRES BA'I ME DANG LDAN PA'I BUD MED DE LA MYUR DU BZA' BA DANG BTUNG BA SBYIN PAR 'OS ZHES SLAR SMRAS SO, ,GZUGS LDAN MA'I KHYIM THAB DES KYANG NGO MTSAR BA'I YID DANG LDAN PAS DE LTAR BYA ZHES BRJOD NAS, SNYING RJE'I SNOD DU GYUR PA YI, ,DES SMRAS LA LA SHIN TU ZHIM, ,SNOD KUN NAS 'BYUNG ZA BA NI, ,PHONGS PA'I BUD MED DE LA BYIN, ,DE NAS SKYE BO'I TSOGS DES NI, ,GZUGS LDAN MA YI NGO MTSAR DE, ,MTHONG NAS YUD TZAM NGO MTSAR BAS, ,SOR MO'I 'DAB MA BSKYOD CING 'DUG ,'JIG RTEN 'DI YANG DE LA SMRAS, ,KHYOD KYI PHRIN LAS 'DI YIS @27B NI; ,SER SNA CAN GYI SEMS KYANG NI, ,NGES PAR GTONG LA RAB SPRO BYAS, ,SBYIN PA'I PHA ROL PHYIN PA GANG, ,BYANG CHUB 'DOD RNAMS KYIS THOS 'DI, ,'JIG RTEN PHAN PHYIR DE NI KHYOD, ,NGAS PAR GZUGS DANG LDAN PAR GNAS, ,BUD MED NYID NI GANG DU BLO RNO 'DI GANG DU, ,GTONG BA 'DI NI GANG DU 'JAM NYID 'DI GANG DU, ,DAM PA 'DI YIS KUN NAS GTONG BA SNGON 'GRO BA'I, ,GTONG BAS GTONG BA DANG LDAN GZHAN DAG NGO TSAR BYAS, ,DE NAS GZUGS LDAN MA'I KHYIM THAB DES BDEN BA'I BYIN RLABS 'DI LTAR BYAS PAR GYUR TO, ,JI LTAR SKYES PA GZHAN GYI YANG, ,SBYIN PA 'DI 'DRA MI THOS PA; ,DE LTAR MYUR DU BDEN PA DES, ,BDAG GI NU MED NU 'BYUNG SHOG, ,BDEN PA'I BYIN GYIS BRLABS BYED PA'I, ,DE LTAR KHYIM BDAG DES SMRAS PA, ,NU MA'I KHUR GYIS MI NUS PA, ,DE YI BRANG LA SLAR SKYES GYUR, ,SBYIN PA'I CHU YIS 'JIG RTEN SKOM PA SEL BYED CING, ,SO YI 'OD ZER ZE 'BRUS YID 'PHROG ZHAL GYI PADMA CAN, ,GRONG KHYER DE LA LCI BA'I NU 'JING GI NI NGANG SKYA CAN, ,GZUGS LDAN MA NI SLAR YANG PADMO KUN NAS SNANG BAR GYUR, ,DE NAS LHA'I BDAG POS 'JIG RTEN PA THAMS CAD KYI GTONG BA LAS LHAG PAR GYUR PA'I GTONG BA 'DIS GZUGS LDAN MA BDAG LHA'I GRONG KHYER LAS LHUNG BAR BYAS NAS RANG NYID KYI BDAG PO NYID BYED 'DOD PAR SLAR CI ZHIG 'GYUR RAM ZHES BYA BA RNAM PAR BSAMS NAS, DOGS PA DANG BCAS PA'I YID DANG LDAN PAS DGONGS PA DE'I SHES PAR 'DOD BZHIN PAS, ,RAB TU BRGYAD BAR BYAS PA'I CHU 'DZIN PA'I TSOGS KYIS SHIN TU SNGO BA'I BAR SNANG LA 'DUG STE, AUTPA LA DANG LDAN PA'I RGYAL PO'I PHO BRANG DU ZHUGS NAS PADMA'I SDONG PO'I SKUD PA LTAR DKAR BA'I MCHOD PHYIR THOGS KYIS BRANG GI DBUS SU MNGON PAR BRGYAN PAR BYAS PA DANG LDAN BA DANG, MGRIN PAR BTAGS PA'I PHRENG BA DANG LDAN PA DANG, ,BUD MED KYI MIG DANG 'DRES PA LTAR, KHRI SNYAN SA LE NAG PO'I PIGS PA PHUG PA'I PHYOGS SU BKAL BAR BYAS PA, LAG PA G-YAS PAS SHING LO'I THUM BU GNYIS THOGS PA, BRAM ZE GNYIS SKYES KYI GZUGS MNGON PAR SPRUL NAS SLONG MO DON DU GNYER BA ZHES BYA BA GZUGS LDAN MA'I KHYIM DU PHYIN PAR GYUR TO, ,DE NAS GZUGS LDAN @28A *, ,MAS RNAM PA SNA TSOGS PA'I BZA' STON BLANGS NAS BRAM ZE GNYIS SKYES KYI BRGYA BYIN LA BYIN NO, ,GNAS SKABS LA BAB PA SNGON DU 'GRO BAR, LHA YI BDAG POS 'DI LA SMRAS, ,KHYED KYIS NU MA YONGS BTANG BAS, ,KUN NAS 'BYUNG ZHING KHYAB PA NI, ,BCAG PA'I DUNG LTAR DKAR BA YI, ,GRAGS PAS 'GRO BA BRGYAN PAR BYAS, ,DKA' THUB 'DIS NI CI ZHIG KHYOD, ,LHA YI DBANG PO'I GNAS 'DOD DAM, ,BZANG MO NGO MTSAR DBANG GIS KHYOD, ,NYID LA BDAG NI 'DRI BAR BYED, ,DE NAS LHA YI BDAG PO LA NI JI BZHIN DES SMRAS PA, ,SA GSUM ZHI BA'I DON DU RGYAL BA NYID NI BDAG 'DOD DE, ,BRAM ZE BDAG GI BDEN PA 'DIS NI DE LTAR 'GRO BA LA, ,YON TAN RNAMS KYI RTEN GYUR DES NI SKYES PA'I DNGOS POR SHOG ,TSIG NI DE LTAR SMRAS PA DES NI SKYES PA NYID GYUR TE, ,DGA' BA'I SEMS LDAN BRGYA BYIN YANG NI RANG GI GRONG KHYER SONG, ,'GRO BA LA NI NGO MTSAR BA DE 'BYUNG BAR SHES NAS NI, ,'JIG RTEN PA YANG SHIN TU BRTEN PA'I NGO MTSAR CAN DU GYUR, ,KHA SPU 'BYUNG BA RNAM BSKYOD MIG SMAN PHYE MA LTAR GNAG PA, ,SKYES PAR GYUR BA NYE BAR MTHONG NAS DE ZHAL ZLA BA LA, ,NYID DU GLANG PO'I 'PHRAL SGONG LTAR TSO NU 'BUR GNYIS PO NI, ,YANGS PA'I BRANG LA NGO TSA LTAR NYID KYIS NI MI SNANG GYUR, ,BYANG CHUB SEMS DPA' LA YANG GZUGS DANG LDAN PA ZHES BYA BA 'JIG RTEN DU MING DU GRAGS PAR GYUR TO, ,DE NAS AUTPA LA LDAN PA'I RGYAL PO'I PHO BRANG LA DUS GCIG GI TSE NA RGYAL PO SRAS MED PAR GRONGS PA NYID NYE BAR SONG BAR GYUR TE, RGYAL PO GRONGS PAR GYUR PA SGA GCAN GYIS GZUNG BA'I MTSAN MO BYED PA'I MTSAN MO LTAR GRONG KHYER DE MDZES PAR MA GYUR TO, ,RGYAL PO ZHIG PAS MNGON PAR 'PHEL BA'I MYA NGAN DANG LDAN PA'I BLON PO RNAMS LA NYAMS PA 'GA' ZHIG LA BTZUN MO'I 'KHOR GYI SKYE BO LA DBUGS DBYUNG BAR BYAS NAS GRONG KHYER BA'I TSOGS LA 'DI SKAD CES SMRAS SO, ,GTZO BO MED PA'I PHYIR YUL 'DIR BRGYA LAM NA DGRA RNAMS 'ONGS TE RANG GI NOR DANG BRAL BAR BYED PAR 'GYUR TE, DE BAS NA KHYIM RAB TU 'BAR BA BSAL BA'I DON DU KHRON PA RAB TU RKO BA DANG 'DRA BAR DUS 'DAS PA SDUG BSNGAL GYI RGYU BDAG CAG 'DOD PAR 'GYUR @28B BAR BYA'O, ,DE BAS NA 'DIR DUS THOB PA 'DI 'DIR GZHON NU GZUGS LDAN 'DI LA RGYAL PO'I MTSAN MA LUS PA TSANG BA MNGON PAR 'BYUNG BA'I YON TAN RNAMS KYIS PHUN SUM TSOGS PA DANG LDAN PA STE, DE BAS NA 'DI NYID BDAG POR BYA BA'I PHYIR DBANG BSKUR BAR BGYI'O ZHES ZER RO, ,DE NAS GZHAN LA PHAN PA'I DON DU YID NI BRTAN BYAS TE, ,DE LA DGA' BA SKYES PA'I GRONG KHYER BAS NI DBANG BSKUR BYAS, ,RNGA YAB GNYIS DANG LAN CIG TU NI YID NI MNGON DGA' BA'I, ,GDUGS DKAR PO NI 'KHOR GYI SKYE BOS KUN NAS GZUNG BAR GYUR, ,TSONG DUS SAR NI RTA BABS STENG DU ME TOG PHRENG BAS 'BREL, ,RI BO'I BUNG BA RNAMS KYI GAR GYIS YID NI MNGON PAR DGA', ,DRI YI CHU YIS SPANGS PAS DRI ZHIM BYAS PA'I LAM NAS 'GRO, ,GRONG KHYER PA RNAMS LUS NGAN GRONG KHYER DANG MTSUNGS GRONG KHYER BYAS, ,CHU 'DZIN RNAMS NI DUS SU SHIN TU CHAR PA SBYIN GYUR TO, ,NYE BAR 'TSO BAS NAM YANG SDUG BSNGAL BYED PAR MI 'GYUR RO, ,DER NI KHRIMS KYIS SA NI SKYOD BAR BYED PA'I SA BDAG LA, ,SKYE BOS SDUG BSNGAL 'DI 'DRA NAM YANG THOS PAR MI 'GYUR RO, ,MA RMOS PAR NI 'BRAS BU CHE BA'I ZHING NI BYUNG GYUR TE, ,SHING RNAMS RTAG TU ME TOG DANG NI 'BRAS MANG STER BAR GYUR, ,RGYAL PO BZANG PO DES NI RGYAL SRID SKYONG BA SRID SGRUB LTAR, ,RNGA MO RNAMS KYANG RANG NYID KYIS NI 'O RGYUN MANG PO 'JO, ,MI 'CHAD SBYIN PAS YONGS SU RDZOGS PA'I YID KYI RE BA NI, ,NUS PA GSUM NI 'BYUNG BAR LDAN PA DBANG PO RNAMS RGYAL BA, ,SNA TSOGS YON TAN RNAMS KYI RGYAN GYIS BRGYAN PA'I LUS LDAN PA'I; ,SA SKYONG DES NI RGYAL PO DANG NI LDAN PA'I SAR NI GYUR, ,DE NAS NOR BU RNAMS KYIS YID 'ONG SENG GE'I KHRIR BZHUGS NAS, ,MI DBANG SENG GE MI SKYONG RNAMS KYIS ZHABS PAD 'DUD BYAS PA, ,PADMA 'DRA BA'I ZHAL LDAN RAB TU SHES RGYA'I CHOS DANG LDAN, ,SKYE BO'I DON DU 'BRAS BU DON DAM CHOS NI STON PAR MDZAD, ,SBYIN PA'I RNAM PAR SMIN PA CHE BA 'DI NI BLTA BAR BGYI, ,BDAG GIS 'DI NYID DU NI GANG GIS BUD MED NYID SPANGS TE, ,SKYE BA'I 'BRAS BU GRAGS PA'I TSOGS GSUM GRAGS PAR BYAS PA NI, ,'JIG RTEN BDAG POS DGA' BAR BYED PA'I SKYES PA NYID NI 'DI, ,SBYIN PA'I @29A *, ,SHING LAS ME TOG TZAM ZHIG 'DIR NI RAB TU SKYES, ,PHA ROL DU NI RGYA CHE'I 'BRAS BU GZHAN NI 'BYUNG BAR 'GYUR, ,'DI NA LAN GRANGS DU MAR SPYAD NAS DON GNYER SA LA NI, ,TSUL KHRIMS DRI MED MA LUS SBYIN PA'I GTER NI NGES PAR MDZAD, ,YON TAN CHU BRLAN MED GYUR NA; ,GAL TE DON GNYER ZHING SA RNAMS, ,SBYIN BDAG SBYIN PA'I 'BRAS 'DOD PA, ,SBYIN PA'I SA BON GANG DU GDAB, ,GRAGS DANG BSOD NAMS RAB SBYIN PA'I, ,GANG ZHIG GNYEN RNAMS LAS LHAG PA, ,DON GNYER RNAMS NI SHES RAB CAN, ,SMIN BSKYOD LTO 'PHYES SU ZHIG SKRAG, , GCIG NI BSTOD PA MANG PO DANG LDAN NGAG NI SMRA STE GCIG KYANG RTZUB PA'I YI GE CAN, ,GCIG NI NUS PA DANG BCAS LTA STE GZHAN NI NOR GYI NGA RGYAL GYIS NI BRNYAS BCAS DANG, ,GCIG GIS BSOD NAMS GRAGS PA DAG NI LEGS PAR STER LA GZHAN NI DNGOS PO GCIG NYID DO, ,RING POR SBYIN BDAG BDAG LTOS YON TAN 'DI RNAMS KYIS NI SLONG BA PO NI RNAM PAR RGYAL, ,GAL TE PHYOGS RNAMS YON TAN ME TOG PHRENG BAS DRI ZHIM PA NI BYED 'GYUR NA, ,GAL TE SLAR YANG SNYING DGA'I 'BRAS BUS LONGS SPYOD PHYIR NI 'DOD PA MI CHUNG YOD, ,GRAGS PA CHEN PO'I GRIB MA CAN NI NOR GYI SHING RNAMS SKYE BAR 'GYUR BA NI, ,DE BAS DON DU GNYER BA'I SKYE BO'I SA LA NYI MA RE RER GDAB PAR MDZOD, ,DE NAS DRUG CU'I LO RNAMS 'JIG RTEN PA LA RJES BSTAN NAS, ,YON TAN LDAN PA'I DON GNYER RNAMS LA YANG YANG BDE BYAS TE, ,KU MU DA LTAR DKAR BA'I GRAGS PAS PHYOGS RNAMS SNANG BYAS NAS, ,STOBS CHEN MI SKYONG DE NI SKYE BA GZHAN DU 'GRO BAR 'GYUR, ,DE LTAR BUD MED NYID DU GYUR PA NA YANG BCOM LDAN 'DAS DES RANG GI SHA RNAMS KYANG SBYIN PAR MDZAD NA MI'I LUS THOB PAR GYUR PA SU ZHIG CES BYA BA'I PHYI ROL GYI DNGOS PO LA LTOS PA BYED PAR GYUR ZHES DE BAS NA GTONG BA PO'I SKYE BA RAB TU SPRO BA BSKYED PA'I PHYIR 'DI BRJOD PAR BYA'O, ,GZUGS LDAN MA'I SKYES PA'I RABS TE SKYES PA'I RABS DRUG PA'O,, ,,PHYI ROL GYUR BA'I RDZAS KYANG DKA' BA YIS, ,DMAN PA RNAMS KYIS YON TAN CAN LA DBUL, ,DAM PA RNAMS KYIS DGA' BA'I LUS KYANG NI, ,DUD 'GRO RNAMS LA YANG NI GTONG BAR @29B MDZAD, ,'DI LTAR RJES SU THOS BZHIN PA YID 'PHROG CING MTHONG BZHIN PA NGO MTSAR BAR BYED PA, BYANG PHYOGS SU SNYING POR GYUR PA PADMA DANG AUTPA LA RNAM PAR PHYE BA'I TSOGS KYIS SKYED MOS TSAL MNGON PAR BRGYAN PAR BYAS PA, RLUNG GIS RNAM PAR BSKYOD BZHIN PA'I LHA'I NYE 'KHOR NA RGYAL MCHAN DANG BA DAN DANG AUTPA LA DANG LDAN PA'I RGYAL PO'I KHAB NA, LHA'I GRONG KHYER GZHAN DAG GI SHING PA RI DZ'A TA KA SKYES PAR GYUR PA DANG 'DRA BAR BYANG CHUB SEMS DPA' TSONG DPON GYI RIGS MDZES PAR GYUR TO, ,DE NAS TSONG DPON GTZO BO'I RGYU SKYES PAS RAB TU DGA' BA RNYED PAS DGA' STON GYI KHYAD PAR SNA TSOGS PA LA 'JUG PA'I KHANG PA'I PHYOGS GCIG NA RNAM PA SNA TSOGS PA'I ROL CHA RNAMS KYI SGRA THOS PAS GAR BYED PA'I RMA BYA RNAMS KYIS MNGON PAR BRGYAN PA DANG, SBRANG RTZI BYED PA KUN NAS 'DZAG PA'I SBRANG RTZI'I SMYON CHU BUD MED RNAMS KYI 'GRAM PA LA MNGON PAR CHAGS PAR GYUR PA DANG, NOR BU'I RANG BZHIN RTA BABS RNAMS LA RNAM PA SNA TSOGS PA'I DRI ZHIM PA'I ME TOG GI PHRENG BA BCINGS PAR GYUR PA DANG, DGA' BAS SMRAS PAS 'KHOR GYI SKYE BO'I DGA' BA DANG LDAN PA, GROGS PO RNAMS DANG GNYEN 'DUN GYIS KYE BO RNAMS KUN NAS TSIM PAR BYAS PA'I RANG GI KHANG PAR DON DU GNYER BA RNAMS LA SBYIN GTONG CHEN PO BYIN PAR GYUR TO, ,TSONG DPON BU YI 'PHRO BAR BYED PA'I 'OD KYIS NI, ,BSIL BA'I 'OD ZER CAN GYI 'OD NI KUN NAS 'PHROG ,GAL TE DE BAS RANG GI SKYE BOS RJES MTHUN PA, ,'DI YI MING NI ZLA 'OD NYID CES BTAGS PAR GYUR, ,RI BONG CAN SAR BZHIN DU NYI MA RE RER KUN NAS NYE BAR BSAGS BZHIN PA'I 'OD KYI MDZES PA DANG LDAN PA DE THOS PA DANG TSUL KHRIMS LA SOGS PA'I YON TAN GSAL ZHES BYA BA'I BLA MA GZHAN DAG LA BSTAN BCOS DANG SNYAN DANG GAS KYI CHA GZUNG BA'I DON DU PHAS GTAD CING 'DUG GO, ,DE NAS DE YI DRUNG GNAS LA, ,THOS PA DANG NI SHES RAB KYIS, ,YUN MI RING BA'I DUS NYID NA, ,DBANG PO RNAMS RGYAL DE RGYAL GYUR, ,DE YI SHES RAB MTHONG NAS NI, ,SLOB MA KUN PAS KHYAD PAR CAN, ,LEGS SMRAS RTZA GCIG 'DRI BA LA, ,BLA MA NGO MTSAR DANG BCAS GYUR, ,MUN PA'I TSOGS NI 'BYED BYED PA, ,LAM @30A *, ,DANG LAM MIN GSAL BYED PA, ,DER NI RIG PA LHAG PAR MDZES, ,KU MU DA 'BYUNG ZLA CHAS BZHIN, ,LHA YI MIG GIS MTHONG NAS NI, ,GTER NI GANG GANG DES THOB PA'I, ,DE DE MA LUS DON GNYER LA, ,DGE BA THOB PAS SBYIN PAR GYUR, ,RANG GI BRTAN PA 'DRA BA DES, ,DE LTAR SBYIN PA SBYIN PAR GYUR, ,JI LTAR DON GNYER RNAMS KYI TSIG ,BYIN CIG CES BYA SLAR MA THOS, ,DE NAS BLA MA DE'I SLOB MA BRGYA PHRAG LNGA TZAM PO DE RNAMS KYIS ZLA 'OD LA 'DI SKAD CES AE MA DON DU GNYER BA RNAMS KYI STENG DU KHYOD KYI BRTZE BA CHEN PO BDAG CAG GIS BSAM PAR BYA STE, GAL TE KHYOD LA DON DU GNYER BA SU ZHIG SROG RNAMS KYANG BSLANGS PAR GYUR NA NGES PAR DE LA DE RNAMS KHYOD KYIS SBYIN PAR 'GYUR ZHES SMRAS SO, ,BYANG CHUB SEMS DPAS SMRAS PA, DE LTAR MA YIN TE SLONG BA PO NYID NI BRTZE BAS SBYIN PA PO LAS KHYAD PAR DU 'PHAGS TE, CI'I PHYIR ZHE NA, GANG ZHIG BDAG NYID GNOD BYAS NAS, ,SBYIN PA DGE BAR BYED 'DOD PAS, ,SLONG BA'I SDUG BSNGAL BZOD PA STE, ,DE 'DRA BRTZE BA PO NI MED, ,'DIR NI GRAGS DANG PHA ROL DU, ,'BRAS BU GNYIS DON GNYER LA STER, ,NOR TZAM STER BA'I SBYIN PA PO, ,DE LAS DE NI KHYAD PAR 'PHAGS, ,DON GNYER BYIN CIG CES BRJOD CING, ,CHUNG ZHES BYA BAR MNGON PAR BRJOD, ,SBYIN BDAG MED CES RJOD BYED CING, ,DES NI SHIN TU CHUNG BAR 'GYUR, ,PHAN PA'I PHYIR NI MTHAR 'GRO BAS, ,SBYIN BDAG DPAG BSAM SHING 'DRAR BYED, ,GSAL BYAS 'BRAS BUS SNGAGS PA NI, ,DON GNYER NYID DE CI LTAR CHUNG, ,GAL TE 'GRO BA LA NI RNAM PAR SBYAR PHYIR YOD MI 'GYUR, ,KUN NAS BSOD NAMS CHUNG STER SLONG MO'I SPRIN RNAMS 'DI, ,SBYIN BDAG RGYA MTSO RNAMS NI 'BYUNG BA MA YIN TE, ,YON TAN LDAN PA MU TIG GRAGS PA CHE BA'I LTO BA BSTEN, ,DE NAS SLOB MA DE RNAMS SLAR YANG BYANG CHUB SEMS DPA' LA 'DRI BAR GYUR TO, ,CI ZHIG KHYOD SBYIN BDAG CHEN PO'I 'BRAS BU 'DIS NI MCHOD SBYIN BRGYA BYAS PA'I DPAL 'DOD DAM, 'O NA SGYUR BA NYID 'DOD CES RE ZHIG SMRA BAR GYIS SHIG ,BYANG CHUB SEMS DPAS SMRAS PA, BDAG GI BLO NI RANG BZHIN GYIS 'JIG PA'I GO 'PHANG MNGON PAR @30B 'DOD PA MA YIN TE, RE ZHIG KHYED CAG RNAMS KYIS BLTA BAR GYIS SHIG ,SRID PA'I THANG KA'I DBUS SU GANG GI GZUGS, ,'DU BYED BZO BO RNAMS KYIS BYAS GYUR PA, ,DE DANG DE NI MI RTAG PA 'DI NI, ,G-YO BAS KHRO BA BZHIN DU 'JIGS PAR BYED, ,CHAGS DANG SDANG LA RGYAB PHYOGS PA'I, ,GDUG PA'I BDAG NYID 'CHI BDAG LA, ,SRID PA'I RTZER YANG 'GRO BYA MIN, ,SROG CHAGS RNAMS KYI TSE'I GNAS PA, ,BSKYOD BZHIN PA YANG ZAD PAR 'GYUR, ,RI MO'I LAS LA RNAM BKOD PA, ,SKAD CIG RE RER SKYA RIS BZHIN, ,DRAG PO MI RTAG PA THOB NAS, ,DPAL NI YUN RING 'BAR BA MIN, ,BZHI MDOR GNAS PA'I MAR ME YI, ,RTZE MO RLUNG GIS BSKYOD PA BZHIN, ,YID BYUNG RMONGS PA KHA CIG NI, ,MI RTAG SENG GE MO BZHIN MTHONG, ,DE NYID BLOS BYAS GZHAN DAG NI, ,'JIGS PA MED PAS SBYANG MO BZHIN, ,BSOD NAMS BYAS PA'I BLO LDAN GYI, ,YID NI 'CHI BDAG GNOD MI 'GYUR, , GDUGS KYI GRIB MAS BSGRIBS PA NI, ,LAM ZHUGS NYI MAS GDUNG MI BYED, ,RGYAGS DANG NGA RGYAL MUN PA'I PHYIR NI 'DI DAG RNAMS, ,THOS PA'I SBRUL LTAR THOB PAR DKA' BA RTAG TU NYID, ,SKYE DGU RNAMS KYI LONGS SPYOD SKAD CIG GIS 'JIG PA, ,RJES SU 'BREL BA'I SGRA YI BSTAN BCOS BSTEN PA LTAR, ,DE LTAR 'GRO BA RGYU DANG MI RGYUR BCAS SHES NAS, ,CHU YI SHUGS KYIS 'JIG PA'I DBU BA'I TSOGS LTAR DON MED BA, ,RGYAGS DANG NGA RGYAL GTI MUG TSOGS NI BZLOG PA LA, ,SKYE MED DON DU SKYES RNAMS RE ZHIG 'BAD PA MDZOD, ,DE BAS NA BDAG KHYAB PA NYID DU 'JIG RTEN PA'I SDUG BSNGAL ZAD PAR BYA BA'I BLA NA MED PA YANG DAG PAR RDZOGS PA'I BYANG CHUB 'DOD DO, ,DE NAS SLOB MA DE RNAMS RAB TU DGA' BA'I YID DANG LDAN PAS SLAR 'DI SKAD CES SMRAS SO, ,MANG POS SMRAS PAS CI ZHIG BYA STE, SMIN MA'I DBUS NAS 'OD ZER 'PHRO BA MDZOD SPU'I RI BONG MTSAN MA 'DZIN BYED PA, ,MUN PA RNAM PAR RGYAL BA'I 'OD ZER RNAMS KYIS DKYIL 'KHOR KUN NAS RGYAS MDZAD CING, ,'BYUNG 'GYUR GZUGS CAN BDE BAR GSHEGS PA'I YON TAN CHEN PO KHYOD LA MTHONG BA STE, ,GSER NI BCAD LTAR 'OD LDAN LUS 'DZIN RNAMS LA GROL BA'I LAM NI GSAL BYED 'GYUR, ,BDAG CAG KYANG RNAM PA THAMS CAD DU @31A *, ,MNGON PAR RDZOGS PAR BYANG CHUB THOB PA KHYED KYI SLOB MAR GYUR CIG CES ZER RO, ,BYANG CHUB SEMS DPAS SMRAS PA, DGON PA CHEN PO SBRUL MANG BA, ,'BAD PA LDAN PAS RGAL 'DOD CING, ,ZHI BA'I GNAS SU 'GRO 'DOD PA, ,THABS NI SU ZHIG 'DOD MI BYED, ,BDAG NYID CHEN PO 'DIS BDUD RTZI BGOS SKAL BDAG CAG LA ZHAL GYIS BZHES SO ZHES BYA BA RNAM PAR BSAMS NAS, DGA' BA SKYES NAS SONG BA'I SLOB MA DE RNAMS RANG GI GNAS SU SONG BA DANG, DUS GCIG NA TSANG TSING DU NYE BAR SONG BA'I BYANG CHUB SEMS DPAS 'DI LTAR BSAMS SHING 'DUG GO, ,BDAG GIS DON DU GNYER BA'I SKYE BO'I DON SHIN TU BYAS TE, DA NI RANG GI SHA DANG KHRAG GIS DUD 'GRO RNAMS TSIM PAR BYA'O ZHES RNAM BAR BSAMS NAS MTSON CHA DANG SBRANG RTZI DANG MAR BLANGS TE, GNYEN 'DUN RNAMS LA MA SMRAS PAR MTSAN MO CHEN MO'I GOS DANG RJES SU MTHUN PA'I THUN MTSAMS SU, YOL BAS MI 'DOR BAR BYAS PA'I PHYOGS GZHAN LA MTHUG PAR GYUR PA'I MUN PAS MI SNANG BAR GYUR PA'I 'GRO BA LA KHYIM GZHAN DU RAB TU 'BAR BZHIN PA'I MAR ME'I 'OD KYIS REG PA NGO GDONG MDZES PA NYIS 'GYUR DU GYUR PA'I GZHON NU MA'I SKYE BO RNAMS YOD PA DANG, KHYAD PAR DU RGYAN 'DZIN PAR BYAS PA SGEG PA DANG BCAS PA'I SMIN MA'I LJON SHING GYEN DU BYAS PA MTHONG BAS, ,RGOD PA DANG SGEG PA'I MCHIL MAS BKUG PA'I 'DOD PA CAN SKYE BO'I SNYING GI NYA DANG LDAN PA'I SMAD 'TSONG MA RNAMS YOD PA DANG, GROGS MO'I SKYE BOS STER BZHIN PA'I DUS BTAB PA THOS PAS G-YENG BA MED CING G-YO BA MED PA'I MIG DANG LDAN PA'I BAR MI MO RNAMS YOD PA DANG, DGA' BA'I SKYE BO RNAMS KYIS DUS BTAB PA LA SPRO BA DANG LDAN PA YOD PA DANG, DRI'I THIG LE BYAS PA DE MTHONG BA LA 'PHROS PAS ME LONG GI NANG DU LTA BA RNAM PAR RGOD PA'I 'DOD MA RNAMS YOD PA DANG, 'O MA'I RGYUN GYI SGRA THOS BZHIN PA'I BA GLANG GI RDZI MO RNAMS KYIS BE'US LDAG PAS G-YO BAR BYED PA'I DRIL CHUNG LKOG SHAL DANG LDAN PA'I BA RNAMS YOD PA DANG LAM GYI BZHI MDOR LDUGS PA'I SKYUGS LDAD KYIS BDE BAR MIG RNAM PAR BTZUMS PAR BYAS PA'I TSONG DUS KYI KHYU MCHOG RNAMS KYIS LAM 'GAGS PAR GYUR PA'I GRONG KHYER GYI LAM RNAMS YOD PA LA, RGYAGS PA DANG BCAS PA'I @31B THONG GSHOL 'DZIN PA'I 'GRAM PA DMAR SKYA LTAR DMAR BA'I SHAR GYI RI BO'I RTZE MOR LHAG PAR GNAS PA'I RI BONG CAN GYI MTSAN MA YOD PAS, KU MU DA'I TSOGS RGYAS PAS SKYED MOS TSAL DRIS BSGOS PA'I MTSAN MO'I DUS SU GYUR PA NA, GZHAN DAG KHYIM THAB SHI BA'I SKRA LO LTAR MGO YEGS PA DANG, DU BAS 'OD MED PAR BYAS PA'I RNAM PA SNA TSOGS PA'I SHING DANG LDAN PA, GYEN DU LTA BA'I SDIG PA CAN GYI CE SPYANG MO RNAMS KYI SKAD KYIS KHA PHYE BA'I NGO GDONG GI BU GA NAS RNAM PAR BYUNG BA'I SREG BLUGS 'DZIN PA'I SNANG BAS GSAL SHING LA GNAS PA'I SKYES BU RNAMS KYI DPUNG PAR NGES PAR 'BREL PA'I SHAS CHE BAR GYUR PA'I MI G-YO BA'I BYA RGOD DANG KAm KA GSAL BAR BYAS PA DANG, SHIN TU DRAG PA'I BUD MED KYI TSOGS KYIS PHYED TSIG PA'I SHING KHANG GI DBUS SU GNAS PA'I SKYES BU RNAMS KYIS LUS 'GAGS PAR BYED BZHIN PA DANG, PHYOGS 'GA' ZHIG TU MTSAN MO RGYU BA RNAMS LA DOGS PAR GYUR PA'I ME SHA'I SKRA THOS PAS 'BYUNG PO'I TSOGS KYI GDONG NAS KHA CHU'I THIGS PA RNAM PAR 'DZAG PA DANG, GZHAN DU MKHA' 'GRO MA RNAMS KYI LAG PA BDAG GIS BZUNG BAR BYAS PA'I GRI GUG RNAMS KYIS RNAM PAR GCOD BZHIN PA'I SKYES BU'I BRLA LAS RNAM PAR 'DZAG PA'I KHRAG GI RGYUN GYIS SA STENGS KUN NAS BANGS PA DANG YANG NAS YANG DU SREG BLUGS 'DZIN PA'I 'BAR BA'I SOR MO RNAMS KYIS KUN NAS SDIGS MDZUB BYED PA DANG 'DRA BAR MUN PA CHEN PO BSAL BAR BYAS PA DANG PHYOGS 'GA' ZHIG TU ME TOG KUN DA SAR PA LTAR DKAR BA DANG KUN NAS SKYA BA'I MGO BO'I THOD PA DANG LDAN PA DANG, PHYOGS GZHAN DU DUR KHROD GNAS PA'I DGE SLONG RNAMS KYIS KUN NAS LTA BZHIN PA'I BUD MED RNAMS KYI LUS LA CE SPYANG GI TSOGS KYIS 'BREL BA DANG, PHYOGS 'GA' ZHIG TU RIG SNGAGS SMRA BA RNAMS KYIS BRIS PA'I DKYIL 'KHOR GYI MTHAR GNAS PA'I PHYOGS SKYONG RNAMS LA SHUBS NAS BTON PA'I DRI MA MED PA'I RAL GRI RNAMS KYI NANG DU SON PA 'PHRO BA'I SREG BLUGS ZA BA'I GZUGS BRNYAN GYIS 'JIGS SU RUNG BA'I MTHONG BA DANG LDAN PA'I DUR KHROD CHEN POR PHYIN PAR GYUR TO, ,BYAMS PA'I SNGAGS KYIS LUS BSRUNG BAR BYAS PA'I BYANG CHUB SEMS DPA' LA DER @32A *, ,SHA ZA BA'I BUD MED KYI SKYE BOS THO 'TSAMS PAR MA NUS SO, ,BDAG NYID CHEN PO DE YANG DUR KHROD KYI PHYOGS GCIG NA CE SBYANG RNAMS KYIS BKUG PAS RNAM PAR SKYONG BA'I LTO BA'I RGYU MA'I DRA BA DANG SHA DANG RTZIB MA'I MTSAMS DRI MA CAN GYIS GSAL BA DANG, RLUNG GIS BSKYOD PA'I RO BSREGS PA'I THAL BA'I CHAS KUN NAS SKYA BAR BYAS PA'I SKRA LO 'JINGS PAR GYUR PA, KHRAS MCHU 'THOG PA NYID KYIS SNANG BAR GYUR CING RNAM PAR 'GYUR BA'I SO'I PHRENG BA DANG LDAN PA SHI BA'I BUD MED MTHONG NAS YID BYUNG BA DER SONG BA'I MI G-YO BA'I LTA BA CAN GYIS 'DI SKAD CES, KYE MA 'DOD CHAGS CAN RNAMS KYIS RING PO MA YIN PAR MTHONG BA'I BLO STE, GANG RNAMS KYIS 'DI LTA BU'I CHAGS BRAL GYI BUD MED KYI LUS LA YANG CHAGS PA SKYE BAR 'GYUR ZHES SMRAS SO, ,YID 'PHROG RNAM PAR MI G-YO'I MIG CAN GANG LA NI, ,DGA' BA'I SKYE BOS SIN DHU RA YI KHYAD PAR BYAS, ,DA RING 'DIR NI SGEG MO'I GDONG CAN DE NYID LA, ,SLAR YANG CE SPYANG GIS NI RKANG 'DZIN BYED, ,GANG DAG RGOD PAS CUNG ZAD 'OD NI 'BYUNG 'GYUR BA, ,SKYE BO 'DOD CHAGS CAN GYI YID NI 'PHROG BYED PA, ,KHYI DANG KHVA TAS GCOD PA RNAM PAR RNYING BA'I MCHU, ,SO RNAMS DE NYID RNAM PAR 'GYUR BA NYID DU SONG, ,GANG DAG DGA' BOS RNAM PAR MTHONG ZHING DGAR 'GYUR TE, ,RKANG PA DRUG BCAS CHU SKYES 'DAB MA LTAR NI MDZES, ,MIG GNYIS BYA RNAMS KYIS NI SHA KHRAG 'PHROG BYAS PA, ,DE DAG SBRUL GYI TSANG DANG RJES SU ZLOS PA CAN, ,YUN RING GANG DAG LO MA LTAR 'JAM 'OD LDAN PA, ,SMUG RTZI DANG BCAS GROGS MO'I SKYE BOS BYAS GYUR PA, ,'GRAM PA'I RUS PA LHAG MA CAN NI DE DAG GI, ,MA DHA KA LTAR SKYA BA DA LTAR GANG DU SONG, ,DE BAS BTZUMS PAR BYAS PA'I MIG DANG LDAN PA'I GZHON NU MA'I, ,BA SPU'I TSOGS NI LANGS PA GANG ZHIG DGA' BOS REG PA NI, ,NU 'BUR GNYIS NI 'GYUR BA'I KHRAG GIS SHIN TU DMAR BA YI, ,DE LA KHYI SO RNAMS KYIS DE RING KUN NAS 'BIGS PAR BYED, ,DGA' BO'I DBUNG RGYAN GYIS NI SKRA LO'I ME TOG LHUNG BA NI, ,GANG ZHIG BTZUMS PAR BYAS PA'I MIG CAN 'KHYUD NAS BDE BAR NYAL, ,DE NI DUR KHROD SA YI MAL STAN LA NI NYAL BZHIN PA, ,GLO BUR @32B 'ONGS NAS SHIN TU DGA' MAR CI STE 'KHYUD MI BYED, ,RGYUS PA RUS PA SHA DANG KHRAG DANG RGYU MA'I RANG BZHIN LAS, ,BUD MED CAS BYA MANG BA'I SKYON GYI SBRUL GYIS KHYAB 'DI LA, ,YANG DAG MA YIN KUN TU BRTAGS PAS NYAMS PA'I SKYE BO 'DI, ,'DOD CHAGS DANG BRAL DNGOS PO LA NI DON MED CHAGS PAR 'GYUR, ,DE RNAMS SKYE NGAN TSOGS KYI RNON PO'I MDA' RNAMS KYIS MI 'BIGS, ,BRTAN PA DE ZHI BA DE'I LONGS SPYOD DE RNAMS NYID, ,BUD MED DUG NI LJON SHING GI NI RNAM SPANGS NAS, ,GANG DAG ZHI BA'I 'BRAS BU CAN GYI DKA' THUB NAGS RNAMS GNAS, ,DE NAS DER DU BA'I PHUNG PO MNGON PAR 'THUL BA'I MCHOD SBYIN GYI SHING DANG LDAN PA, MI'I RKANG MAR YONGS PAS DGANG BLUGS NGES PAR LHUNG ZHING 'BAR BAR SOL BA'I PHUNG PO RNAMS LAS SVA RA SVA RA'I SGRA 'BYUNG BA DANG, BHAndA KA'I BYA'I SKAD MNGON SPYOD KYI SNGAGS BRTZAMS PA'I LAS DANG LDAN PA'I DUR KHROD KYI MCHOD SBYIN LA MTSON CHA RNON POS YAN LAG RNAMS KUN NAS BZHOGS TE, SBRANG RTZI DANG NI MAR DAG GIS, ,'DZAG PA'I CHU YI RGYUN GYIS BRLAN, ,GROG SBUR RNAMS KYIS ZOS BZHIN PA, ,BDAG NYID BDAG NYID KYIS NI 'DI, ,LNGA BDAG PHYUGS NYID DU NI KHYER, ,DER YANG DRI MAS RTZUB PA'I RIL BUR BYAS PA'I GO CHA LTAR DRI MAR BCAS PA'I 'OD GLANG PO CHE'I KHRAG GIS NYE BAR GOS PA'I RI DAGS KYI BDAG PO'I SEN MO LTAR 'KHYOG CING DMAR ZHING RNO BA'I MCHU DANG LDAN PA, LTO 'PHYE KHROS PA'I MIG DANG 'DRA BA'I MIG CAN, LCAGS KYI TSER MA LTAR RTZUB PA'I SEN MO RTZUB CING DNGAR BA MA YIN PA'I SKAD KYIS BYA'I CHOGS GZHAN RNAMS KUN NAS SKRAG PAR BYAS PA, BYA RNAMS KYIS SRA BA'I 'DAB MA'I SGRAS 'GRO BA KUN DU MTSON BZHIN PA, MTHON POR 'GRO BA ZHES BYA BA'I 'DAB CHAGS NI, RI BO LTAR NI MTHON PO'I GZUGS CAN DE YI PHRAG PAR BYA DES NI, ,GLO BUR DU NI MNGON PAR 'DZEG PAR BYAS NAS MTHO YOR LTAR, ,AUTPA LA CHEN PO'I 'DAB MA DANG MTSUNGS MIG NI GDON BYAS NAS, ,KHRAG GIS KHYAB PA'I MIG RDZI'I RI MO SLAR YANG LHUNG BAR GYUR, ,PHRUG PA RJE SKYONG DON DU MNYES GSHIN PAS NI REG BYAS BA, ,RI DAGS MO NI MNGON PAR PHYOGS PAR STAG LA YANG NI RAB TU 'GRO, ,MNYES GSHIN PA YANG @33A *, ,SNYING RJE ZHES BYA GZHAN DON SGRUB PA'I PHYIR, ,SKYED BYED BYANG CHUB SEMS DPA' LA NI JI LTAR GNOD PAR BYED, ,DE NAS NAM MKHA' LA 'GRO BA DES BYANG CHUB SEMS DPA' LA DRIS PAR GYUR TO, ,NGES PAR BDAG GI 'DON BZHIN PA'I MIG 'DI LA KHYED KYI SDUG BSNGAL CHEN PO NYAMS SU MYONG NGAM ZHES SO, ,BYANG CHUB SEMS DPAS SMRAS PA, ,GAL TE GANG GIS KYANG MI DGOS PA'I BDAG GI LUS ZAD PAR SONG BAR GYUR NA DE NAS BDAG LA SDUG BSNGAL 'BYUNG BAR 'GYUR TE, DA LTA'I NYE PAR DGOS BAR GYUR BA SEMS CAN DU MA RNAMS KYIS MTHONG NAS MCHOG TU DGA' BA BDAG GIS NYAMS SU MYONG ZHES ZER RO, ,GAL TE LUS PO 'DI NI SDUG BSNGAL RNAMS KYI RTEN, ,YAN LAG CAN RNAMS LA NI 'GRUB PA NYID DU 'GRO, ,CHE MING MANG 'DOD RNAMS LA DE LTAR RIN CHEN LDAN, ,'DI LAS GZHAN DU LTO 'PHYE BZHIN DU SKYON MANG NGO, ,DE NAS BYANG CHUB SEMS DPAS SHA ZA RNAMS KYIS JI LTAR BA DE BAR BDAG LA ZO SHIG CES RNAM PAR BSAMS NAS, BDAG NYID RI DAGS DANG 'DRA BAR STON ZHING 'DUG GO, ,DE NA BYA RNAMS YANG DAG 'ONGS PA LA, ,RGYUN MI 'CHAD PA'I SKAD KYIS 'JIGS BYAS PA, ,DE YI SHA NI CIG CAR ZAD 'GYUR TE, ,SEMS KYI BRTAN PA LA NI RGYAB PHYOGS MIN, ,DE NAS DE YI LUS NI YON TAN ME TOG GI ,DRI YIS LHAG PAR DRI ZHIM BYAS NAS SROG RNAMS KYIS, ,JI LTAR YANG NI RNAM PAR SPANGS TE SKYES PA YI, ,SDUG BSNGAL GYIS KHYAB BYA RNAMS LTUNG BA'I GNAS SHING BZHIN, ,DE NAS NUS PA'I RI'I RTZE MO NAS SHIN TU RING BAR KUN NAS LONGS SPYOD PA'I BUNG BA BZHIN DU KUN DA LTAR DKAR SKAR MA'I BDAG PO SPANGS NAS MTSAN MO SONG BA LA, BZLAS PA'I ME TOG RTZE MO DANG 'DRA BAR NYI MA'I GDONG GIS NYE BAR 'BREL BAR GYUR PA'I SHAR GYI RI'I RTZE MOR NYI MA YOD PA LA NYIN MOR BYED PA'I 'OD ZER RNAMS KYI LAG PAS YANG DAG PAR REG PA'I BDE BA DANG 'DRA BAR MNGON PAR GSAL BAR GYUR PA'I PADMA'I SDONG BU'I TSER MA RNAMS KYIS KHA SPU LANGS SHING GNYID DANG BRAL BA'I PADMA'I BUD MED RNAMS YOD PA LA SROG CHAGS KU RA RA RNAMS KYI SKAD RJES SU BYED PA'I RNAM PAR GROL BAR GYUR PA'I GRONG KHYER GYI SGO DANG SGO GLEGS YOD PA LA GNYID @33B SAD NAS, BYANG CHUB SEMS DPA'I MI 'DOD PA'I DOGS PAS YID SDUG BSNGAL BAR GYUR PA GROGS PO DANG 'KHOR GYI SKYE BO DANG, GNYEN 'DUN GYI CHOGS DANG BCAS PA BU TSOL BAS SEMS G-YENGS PA DE DANG DE LA SEMS SHING 'DUG GI, BDAG GI BU DE MTSAN MO KUN NAS 'KHOR ZHING SBRUL GYIS SOS BTAB GYUR TAM CI, ,'ON TE SNYING RJE DANG BRAL SO SOR 'GUGS BYED RNAMS KYIS RGYAN RNAMS PHROGS NAS BSAD, ,SA YI DBANG PHYUG MCHE BA CAN GYI MCHE BAS BRANG DU KUN NAS BRGYAB PAS ZAD PAR GYUR, ,BCINGS PA'I KA BA BCAG PAR BYAS NAS GSHIN RJE'I GRONG KHYER CI ZHIG SONG BAR GYUR, , RIM GYIS NYA BAR SONG NAS DUR KHROD KYI PHYOGS GCIG TU BYA RGOD RNAMS KYIS SHA LA GCOD PAR BYED BZHIN PA'I BYANG CHUB SEMS DPA' RNAM PA GANG GIS KYANG MNGON PAR SHES NAS SKYE BO DES TSONG DPON LA SMRA ZHING 'DUG GO, ,KYE MA BDAG NYID CHEN PO 'DI SHI BA NYID DU NYE BAR SONG STE, JI LTAR RTOG PAR BYED PA DE LTAR NGES PAR 'DIS BDAG NYID DUD 'GRO RNAMS LA SBYIN PAR BYA ZHES BYA BA'O, ,DE YANG THOS NAS TSONG DPON DE DGRA STAS MA LUS PAR GCOD PA'I SHING BZHIN DU LTUNG BAR GYUR TE, YUN RING POR 'DU SHES SO SOR SKYES PA 'DI LTAR SMRE SNGAGS 'DON PA LA RTZE GCIG PAR GYUR TO, ,BDAG SKYES 'DI NI BYA RNAMS KYIS NI GCOD BZHIN PA, ,RUL PA'I 'BREL PA LHOD PA 'DI LTAR RNAM MTHONG NAS, ,KYE MA LHA YI NYES PAR SPYAD PA CHEN POS NI, ,DE LTA NA YANG RTZUB PA'I BSAM LDAN BDAG NI 'TSO, ,DUD 'GRO RNAMS KYI BRTZI BA 'DI 'DI 'DRA, ,GAL TE RANG GI LUS NI SBYIN BAS GSAL BYAS PA, ,SDIG PA MED PA'I PHA DAG KUN NAS DOR BYED PA, ,KHYOD KYIS JI LTAR SNYING RJE MED PA NYID NI BRTZAMS, ,'JAM PA'I LTAN LDAN MAL CHA YID NI 'PHROG BYED PAR, ,DKAR PO STENG DU G-YOGS PAR BDE BAR NYAL BYAS NAS, ,DE RING 'DIR NI RUS PA RNAMS KYIS KUN KHYAB PA'I, ,THAL BA DANG BCAS SHING KHANG SA MAL JI LTAR NYAL, ,DE RING MTHO RIS SONG BA'I SNYING RJE'I GROGS LDAN DU KHYOD LA, ,SKYE BOS LTA 'DOD BYAS PA RANG BDE LA NI MA LTOS PA, ,DAM PA'I YON TAN GTAM GYIS ME TOG RNAMS MCHOD GTAM RNAMS LA, ,YID NI 'PHROG BYED GANG GI TSOGS RNAMS BDAG GIS @34A *, ,THOS PAR GYUR, ,KHYOD KYIS BDAG LA GSHIN PA'I CHU SNYEMS MCHI MAS 'DRES PA NI, ,LTA 'DOD SBYIN PAR GYUR CES BYA BA GANG ZHIG RNAM BSAMS PA, ,MNYES GSHEN PAS BRLAN DAG PA'I YID KYIS DE SHES 'GYUR NA NI, ,BUD MED KYIS NI BDAG YID REB CI PHYIR NYAMS PAR BYAS, ,DE LTAR TSONG DPON GYIS YUN RING POR SMRE SNGAGS 'DON PAR BYAS NAS BYANG CHUB SEMS DPA'I LUS LA MES 'DU BYAS TE, MIG GI CHU RAB TU 'DZAG PAS DBANG BSKUR BAR BYAS PA'I BZHIN DANG LDAN PAS STONG PA DANG 'DRA BAR SMRE SNGAGS KYI SGRA DANG BCAS PAR RANG GI KHYIM DUNG SONG BAR GYUR TO, ,DE NAS RI RAB KYI NI PHYOGS RER PHUG RNAMS LAS NI SGRA CHEN GRAG, ,GSER GYI RNGE'U CHUNG DANG NI RNGA CHEN RNGA CHUNG RNAMS NI BRDUNG BYAS NAS, ,LHA YI TSOGS KYIS MYA NGAN 'DAS PA'I ME NI DE LA DRI ZHIM PA'I, ,ME TOG CHAR NI BYANG CHUB SEMS DPA'I RUS PA'I PHUNG PO LA 'BEBS GYUR; ,DE LTAR BCOM LDAN 'DAS DES BYANG CHUB SEMS DPA'I SPYOD PA SPYAD CING GZHAN GYI DON DU BDAG NYID LAN DU MAR YONGS SU GTONG BA ZHES BYA BA RNAM PAR BSAMS NAS SANGS RGYAS BCOM LDAN 'DAS LA MCHOG TU DAD PA BSKYED PAR BYA'O ZHES BYA BA'O, ,TSONG DPON GYI SKYES PA'I RABS TE SKYES PA'I RABS BDUN PA'O,, ,,GZHAN GYI DON NI YANG DAG BSGRUB PA'I PHYIR, ,BYANG CHUB SEMS DPA' RTZVA BZHIN LUS NI BTANG, ,GZHAN LA BDE BA SGRUB BYED BRTAN PA RNAMS, ,RANG GI BDE BA LA NI LTOS PA MIN, ,'DI LTAR RJES SU THOS TE, STON KAR CHU 'DZIN GYI TSOGS GSAL BA'I NAM MKHA' LA ZLA BA LTAR, MA LUS PA'I RI BONG CAN GYI DKYIL 'KHOR GYI 'OD ZER RNAMS KYIS SNANG BAR BYAS PA'I MTSAN MO LA KU MU DA'I TSOGS KHA BYE BA DANG 'DRA BAR, RAB TU MYOS PA'I NAGS KYI SA LA PADMA'I 'BYUNG GNAS BZHIN DU, LANG TSO DANG PO PHUN SUM TSOGS PA LA DUL BA DANG 'DRA BA, GSAL BA DANG 'JAM PA'I YI GE'I TSIG DANG LDAN PA'I NGAG LA DON DANG 'DRA BAR STON KA'I ZLA TSES RING PO NYID DU SONG BA LTAR DRI MA MED PA'I CHU DANG LDAN PA'I GSAL BA'I NYA'I TSOGS KYIS GTING DU KHYAB PA, 'GRAM GYI SHING RNAMS KYI ME TOG GI RDUL GYIS KUN NAS SER SKYAR BYAS PA'I DBU BA'I PHRENG BA'I @34B SKYE RAGS KYI TSOGS DANG LDAN PA'I B'A R'A nA S'I ZHES BYA BA'I CHU BOS BRGYAN PAR BYAS PA'I RANG BZHIN GYIS DGE BAR GYUR PA'I B'A R'A nA S'IR RGYAL PO'I PHO BRANG DU, SPROS PA'I SO'I NOR BU RNAMS KYI 'OD ZER GYI SNANG BAS MNGON PAR BRGYAN PAR BYAS PA'I BZHIN GYI PADMA CAN ZHES BYA BA'I RGYAL PO BYANG CHUB SEMS DPA' BYUNG BAR GYUR, MDZES PA DANG NI GZUGS DANG GZI BRJID RNAMS KYIS KYANG, ,BDE BA DANG NI RMONGS PAR BYED PA GDUNG BA'I RGYU, ,RI BONG MTSON DANG ME TOG MTSON CHA DRO BA'I 'OD, ,GANG ZHIG NYAMS PAS CIG CAR DU NI RGYAL BAR BYAS, ,NAM MKHAR 'GRO BA RNAMS LA 'BRAS BU DANG BCAS SHING, ,PADMA'I NAGS LA PHUNG BA'I TSOGS RNAMS DANG NI 'DRA, ,GCIG TU 'GRO BA RNAMS KYI GNYEN DU GYUR RNAMS LA, ,GANG LA GROGS PO BZHIN DU BDE BA 'BYUNG BAR GYUR, ,'GRO RNAMS DON NI SGRUB BDE YANG DAG BRTZON PA'I BDAG NYID CAN, ,SNYING RJES YONGS SU 'DZIN DANG RNAM PAR DAG PA'I BLO LDAN PA, ,GANG GI SNYING GAR SER SNA RAB TU RNAM PAR MA ZHUGS TE, ,KHYIM GYI SBRUL NI SNGAGS RNAMS KYIS NI BSRUNG BAR BYAS, ,GANG GI BSAM PA CHE BA RAB TU GRAGS PA'I SBYIN PAS NI, ,SER SNA RNAM PAR BZLOG PAR BYAS SHING PHYOGS RNAMS SU NI KHYAB, ,SLONG BA'I SKYE BOS NAM YANG BYIN ZHES BYA BA'I TSIG RNAMS NI, ,CHUNG BAR BYED PA'I SLAR YANG 'JIG RTEN PAS NI THOS MA GYUR, ,SNYING GI KHA BA'I RI LAS SBYIN PA MNYAM PA'I SA LAS 'JUG PA NI, ,KUN NAS RDUL NI NYE BAR BZLOG PA 'JIG RTEN MA LUS KHRUS BYAS PA, ,GANG ZHIG SA RNAMS KUN GYIS 'DUD BYA GZHAN DON GCIG PA'I 'BRAS BU CAN, ,RI BONG CAN GYI 'OD ZER RNAM DAG GRAGS PA'I GANG G'A GZUNG BAR GYUR, ,GANG GI RGUD PA BSAL BYAS TE, ,DE RING NOR GYIS CHIM BYAS GANG, ,ZHI BA'I LAM LA GZHAG PA GANG, ,'DI 'DRA GANG GIS GNAS PAR 'GYUR, ,BDAG NYID SRID PA RNAM GCOD PHYIR, , LAM BZANG LA NI BZHAG 'DOD PAS, ,GZHAN DON MED PAS 'GA' ZHIG GZHAN, ,BYA BA BDAG NYID CHEN RNAMS MED, ,DPUNG PA DANG NI BRTZON 'GRUS KYIS 'PHAM DGRA LAS RGYAL, ,GZHAN GYI YUL DU STOBS CAN GANG GI STOBS RNAMS NI, ,MNGON PAR SONG STE MTHONG BA'I 'PHEL BA BYUNG BA YI, , @35A *, ,RGYA MTSO'I CHU RNAMS 'GRAM GYI MTHAR NI SONG BA BZHIN, ,SGRA SGROGS PHAN TSUN YIN PA'I RNGA DANG LDAN PA YIS, ,GANG GIS KHROS PA RNAM PAR RGYAS BZHIN GLANG PO RNAMS, ,KUN NAS DBANG DU SONG BA BYES SU 'GRO BA'I TSE, ,LCAGS KYU 'DZIN RNAMS JI LTAR YANG NI 'BYUNG BAR 'GYUR, ,'JIG PA'I DBANG GIS SMYON CHU 'BYUNG BA NYER ZHI BA, ,RAL GRI DANG NI MDA' STAN KHU TSUR LHOD BYAS PA'I, ,G-YUL NGOS DGRA RNAMS GANG GI NGA RGYAL BZOD MIN TE, ,RI DAGS BDAG PO LA NI GLANG PO CHE RNAMS LTAR, ,GANG LA GRAGS PA'I GZI BRJID CAN GYIS PHAN TSUN DU, ,DON GNYER BDE BA'I DNGOS PO RNAM 'PHEL PHUN TSOGS CAN, ,'BRAS BU STER BA'I SHING LA BYA BZHIN SKYE DGU RNAMS, ,RTAG PA NYID NI BDE BA'I PHYIR NI NGAL SO 'GYUR, ,DE NAS DUS GCIG GI TSE RGYAL PO DE'I YUL DU KHAMS MI SNYOMS PAS LTO BA'I ME NYE BAR 'GRIB PAR 'GYUR TE, NYIN RE BZHIN DU KUN NAS SKYA BA DANG STOBS CHUNG BA'I LUS CAN GZI BRJID MED PA'I SKYE BO'I TSOGS NAD CHEN POS BTAB PAR GYUR TO, ,BYANG CHUB SEMS DPA'I BKAS SMAN PA RNAMS, 'BAD PA DANG BCAS PAR YANG DPYAD BYED CING NAD DE BSAL BA'I PHYIR SKYE BO DE LA NUS PAR MA GYUR TO, ,DE NAS RGYAL PO DES SMAN PA DE RNAMS LA SMRAS PA, THABS GANG GIS SKYE BO RNAMS KYI NAD 'DI BSAL NUS PAR 'GYUR ZHES ZER RO, ,SMAN PA RNAMS KYIS SMRAS PA, LHA LAGS GAL TE NYA RO HI TA'I SHA YOD PAR GYUR NA DE NAS BDAG CAG GIS SKYE BO 'DI RNAMS NAD MED PAR BYED NUS SO ZHES GSOL TO, ,DE NAS RGYAL PO DES MCHOG TU 'BAD PAR BYAS KYANG GANG NAS KYANG NYA RO HI TA NYE BAR RNYED PAR MA GYUR TO, ,DE NAS NAM ZHIG DE NI PHYI ROL BYUNG BA DANG, ,GLANG CHEN SKYED PAR GNAS PAS YID KYI DBANG PHYUG NI, ,DKAR PO'I GDUGS KYIS RAB TU LOG PA'I NYI MA LA, ,RLUNG YAB G-YABS PAS RNAM PAR G-YOS PA'I NA BZA' CAN, ,DE NAS G-YOG 'KHOR SKYE BOS RJES SU SONG BA'I SA SKYONG NI, ,GLANG PO'I BDAG PO RNYED NAS NAD PA RNAMS KYIS RNAM MTHONG NAS, ,MI NUS BZHIN LDAN GLO BUR NYID DU LAG PA RNAM BTEG STE, ,MI SKYONG NAD LAS BDAG CAG SKYOBS SHIG CES NI TSIG SMRAS GYUR, ,DE NAS BYANG CHUB SEMS DPAS NAD DANG LDAN ZHING YID @35B 'KHRUG PA DE RNAMS KYIS SNYING RJE BA'I 'O DOD 'BOD PA'I SGRA THOS NAS, SEMS SDUG BSNGAL BAR GYUR PA DANG LDAN PA BRTZE BA DANG YONGS SU 'DRIS PA SDUG BSNGAL GYI MCHI MAS MIG GANG BAR BYAS PAS 'DI SNYAM DU SEMS PAR GYUR TO, ,BDAG LA RGYAL SRID KYI BDE BAS CI ZHIG BYA STE, GANG DU BDAG GI YUL 'KHOR NA GNAS PA RNAMS LA GNAS SKABS 'DI ZHES BYA BA BSAMS PAR GYUR TO, ,KHYIM DU ZHUGS NAS BLON PO RNAMS LA BOS TE, BDAG GIS NI SRAS DBANG BSKUR BA RAB TU BYA BA'I PHYIR 'DOD PA ZHES 'DI SKAD CES SMRAS SO, ,DE NAS BLON PO RNAMS KYIS SMRAS PA, LANG TSO SAR PAS RTZUB PA'I LUS 'DI YOD PA LA, ,SDANG BA 'JIGS PAR BYED PA'I PHA ROL GNON PA NI, ,GZHAN DON RGYU YI MNGON PAR MTHONG BA YOD PA STE, ,KHYED NI NAGS SU 'GRO BAR 'DOD PA DUS MIN CI, ,RGYAL POS GSUNGS PA, JI LTAR KHYED CAG RNAMS KYIS RTOG PAR BYED PA DE LTAR NI MA YIN NO, ,BLON PO RNAMS KYIS DE'I PHYIR SLAR 'DI LA ZHUS PA, LHA YI DGONGS PA GANG ZHIG YIN, RGYAL POS GSUNGS PA, RMI LAM NGAN PA MTHONG BAS DOGS PA SKYES PA BDAG 'DI LTAR RTOG PAR BYED DE DUS 'GA' ZHIG NA MA BRTAGS PA NYID DU MI RTAG PA 'DI KUN NAS 'ONGS TE BDAG NYID NYAMS PAR BYED DE DE BAS NA SRAS DBANG BSKUR BA LTA BA'I PHYIR 'DOD DO ZHES ZER RO, ,BLON PO RNAMS KYIS SMRAS PA, JI LTAR LHAS BKA' STZAL PA DE BZHIN NO ZHES BYA BA'O, ,DE NAS KUN NAS MTHO BA GSER GYI RTA BABS CAN, ,SIL SNYAN MCHOG GIS GSAL BA YI SGRA KHYIM MCHOG LA, ,SRAS LA DBANG NI BSKUR BAR BYAS GYUR SRAS LA BYAMS, ,SA YI BDAG PO SA SKYONG RNAMS KYIS 'DUD BYAS PA'O, ,DE NAS GZHON NU DES YAB KYI DRUNG DU SONG NAS ZHUS PA, BDAG GIS JI LTAR GNAS PAR BGYI ZHES BYA BA YAB KRIS BKA' STZAL BAR MDZOD CIG, RGYAL POS GSUNGS PA BU NYON CIG RNAM PA THAMS CAD DU DUS NAM ZHIG NA YANG TSE LDAN KHYOD KYIS DON DU GNYER BA RNAMS KYI STENG DU GUS PA MED PAR GNAS PAR MI BYA ZHES BYA BA'O, ,LTOS SHIG, SMOD PA'I RGYU STE BDE 'GRO RNAMS NI 'GOG BYED PA, ,BSAGS PA SHA ZA MO NI STONG PA'I KHANG PA STE, ,LEGS PA'I ZAM PA 'JIG PAR BYED PA'I CHU TSOGS NI, 'DOD PAS LONG BA @36A *, ,RNAMS LA SER SNA DGRA GYUR PA, ,SNGON NI RANG GI NOR LA CHAGS PA'I SMAN PA RNAMS, ,NYA YI RGYAL PO ZOS PAS BDAG NYID TSIM BYAS NAS, ,SMIN MA BSKYOD PAS 'OD 'BAR RTZUB PA'I TSIG RNAMS KYIS, ,THA MAR MED CES SLONG BA PO NI SREG PAR BYED, ,BLO LDAN DE RNAMS LEGS PA'I SKYE BA 'PHAGS PA RNAMS, ,SKYA BA GZHAN DANG DE RNAMS NGAN SONG MI MTHONG STE, ,GANG RNAMS KYIS NI BDAG NYID SDUG BSNGAL RGYU LAS 'DON, ,SER SNA'I SBRUL GYIS KHAD PA NYID DU MA BYAS PA'O, ,GZHAN YANG GANG ZHIG DGAG PA'I RDUL GYI DRI MA CAN GYI PHONGS PA'I TSIG NI SMRA BA STE; ,RING NAS SKYE BO DE NI RE BA SLU BAR BYED PAS SLONG MO RNAMS KYIS YONGS SU SPONG, ,SKOM PAS RKAN NI SKAMS PAR GYUR PA LAM ZHUGS RNAMS KYANG KHRUS DANG BTUNG BA'I BYA BA RNAMS, ,DRI MA MED PA'I SKYE BO 'GRO BA'I KHYIM GYI SGO YI CHU LA BYED PAR MI 'GYUR RO, ,KHA SPU RING BA RNAMS KYIS MUN PA'I GDONG CAN RING POR RAB ZHUGS PA YI MIG LDAN PA, ,SKYE BO DBYIG PA 'DZIN PA RNAMS KYIS GANG TSE CHU NI DON GNYER YI DAGS RNAMS NI BZLOG, ,DE NYID MKHYEN PA SKYE DGU RNAMS KYI GNYEN NI RGYAL BAS SER SNA'I 'BRAS BU DE GSUNGS TE, DE LTAR YANG DAG BSAMS NAS GZHAN LA PHAN PA RGYAB TU PHYOGS PA'I BLO GROS SKYES PAS MI BYA'O, ,BU GZHAN YANG 'JIG RTEN DU BDAG NYID CHE BAR 'DOD PA KHYOD KYI BDEN PA DANG, GTONG BA DANG, BZOD PA DANG, SBYIN GNAS LA SOGS PA'I YON TAN GYI NOR BU RNAMS KYIS BDAG NYID MNGON PAR BRGYAN PAR BYA'O, ,YON TAN LDAN ZHING ZHI BA 'GRO BA RNAMS LA PHAN MIN RNAM GCOD LA MKHAS PA, ,YON TAN CAN NI MNYES GSHIN RNAM 'JUG LEGS PA'I BLO LDAN SHIN TU BDEN PA'I TSIG, ,DPAL DANG YONGS SU CHAGS PA RGYAS PA'I DRIMS DRI MA DANG BCAS MIN PA NI, ,SKYES PA RNAMS KYIS SKYES PA'I GRANGS SOGS MDZES PA'I SKYE BO RNAMS NI 'JOG PAR BYED, ,GANG DAG DRAL 'DZIN 'GRO BA MA LUS NANG GI NAD KYIS DUB PA SEL BYED PA, ,GANG DAG GIS NI BLO RNAMS DANG BA MUN BRAL NOR BU RNAMS KYI 'OD BZHIN DU, ,GANG DAG SLONG MO BA NI 'DI LA SROG RNAMS KYIS KYANG DGA' BA BYED 'DOD CING, ,DE RNAMS YON TAN LDAN PA RNAMS @36B KYI DANG PO'I GRANGS LA JI LTAR 'JUG MI BYA, ,KHYOD KYIS KYANG SKYES BU THUN MONG BA LTAR, YON TAN DANG LDAN PA RNAMS LA GUS PA MED PAR GNAS PAR MI BYA'O, ,LTOS SHIG MA DROS 'OD ZER 'THON NAS YON TAN CAN BZHIN DON DU GNYER BA RNAM DAG THOB, ,CHU 'PHEL BAS NI RGYA MTSO SKAD CIG DER NI KUN NAS 'KHRUL BZHIN GRAGS PAR BYED, ,MTSAR BA DANG LDAN DE NYID LA NI RGYA MTSO RNAMS KYI CHU 'PHEL MI 'GYUR TE, RAB TU DGA' BA 'BYUNG BA CHEN PO CHEN PO RNAMS NYID LA NI 'BYUNG BAR 'GYUR, ,DE NAS GSAL BAR GYUR PA'I SKAR MA'I TSOGS DANG 'DRES PA'I NAM MKHA' LA RI BONG CAN GYI KHYAD PAR BRTZAMS PA'I SHAR GYI PHYOGS LA DPE CHAGS PA'I TSOGS LHUNG BAS RNAM PAR BSKYONG PA'I MAR ME'I RTZE MO'I SOR MOS SDIGS MDZUB DANG 'DRA BAR SAR PA'I CHU GTER LTAR SNGO BAR SNANG BA'I MUN PAS BAR RNAM PAR GROL BA'I KHYIM RNAMS LA GNAS PA'I SROG SHING LA RNAM PAR 'BREL PA'I G-YO BA MED PA'I KHYIM BYA YOD PA DANG, AA KA RU'I SPOS KYI DRIS DRI ZHIM PAR BYAS PA'I BYUG PA'I BYA BAS G-YO ZHING SGRA SGROGS PA'I GDU BU RNAMS KYIS BRGYAN PAR BYAS PA'I LAG PA'I PADMA CAN GYI BUD MED RNAMS KYIS LHAG PAR GNAS PA DANG, 'JAM PA'I MAL STAN GYI DKYIL DANG LDAN PA'I GNAS PA'I KHAD PA RNAMS LA RAB TU MA 'BREL BA'I SKYE BO NYO TSONG GYUR PA 'GA' ZHIG TU RNAM PAR MA BYAS PAR GYUR PA'I TSONG DUS KYI SAR BYANG CHUB SEMS DPAS SRAS LA RJES SU BSLABS NAS, MAR ME'I SNANG BAS SNANG BAR GYUR PA'I RGYAN RNAMS KYIS MDZES PA DANG LDAN PA'I KHYIM GYI MCHOG GIS LA 'DZEGS NAS, BTZUN MO'I 'KHOR GYI SKYE BO THAMS CAD BTANG BAR BYAS PA B'A R'A nA S'I'I CHU BO DE LA BDAG NYID MCHONG BAR 'DOD CING 'DI SKAD CES SMRAS PAR GYUR TO, ,CHU BO 'DI LA LUS CHE BA, ,RIN CHEN DKAR PO LTAR DRI MED, ,TSUL 'JIG RTEN NAD ZHI'I PHYIR, ,RO HI TA NYAR BDAG GYUR CIG ,DE LTAR SKYE DGU'I DON DU YONGS 'PHEL SHAR LDAN PA, ,BRTZE BA'I KHYAD PAR RJES SU 'GRO BA'I YON TAN LUS, ,LUS NI BTANG BAR BYAS TE SPRO ZHING KHYAB PA'I MCHOG, ,CHU BO B'A R'A nA S'IR SA YI DBANG PHYUG GIS, ,DE NAS SA BDAG DE NI RNAM PAR MDZES PAR GYUR, ,RANG GI KHYIM NAS CHU LA NGES PAR MCHOD BYED CING, @37A *, ,RI BO MCHOG RAB 'GRAM NAS BSKAL PA'I SHING 'DRA BAR, ,LHA YI DBANG PHYUG GLANG PO DPRAL 'BUR GYIS BRDUNGS PA, ,DE NAS SA YI SKYONG BAS MCHONGS PAR GYUR PA LA, ,RLUNG GIS BSHIG PA'I DKAR BAS KHYAB PA'I NAM MKHA' CAN, ,CHU YIS BSKYOD PAR BYAS PA'I NYA YI TSOGS DANG LDAN, ,BSKYOD PA'I NGANG SKYA CAN GYI 'GRAM NI RGAL BAR GYUR, ,CHU BO DE LA MCHONGS PAS SKAD CIG GIS NI DE, ,KUN NAS MTHO BA'I CHU YI SGRAS NI 'JIGS BYAS PA, ,KHA BA CAN GYI RI MNYAM PA DANG 'DRA BA'I LUS, ,RO HI'I NYA NI MI YI DBANG PO BYUNG BAR GYUR, ,BDAG NYID CHEN PO DAS BYE MA DKAR PO LTAR YID 'PHROG PA'I CHU BO'I 'GRAM NAS RGAL NAS GAL TE SKYE BO'I TSOGS 'DI BDAG SROG RNAMS LAS RNAM PAR BRAL BAR BYED NA DE NAS NYES PAR SPYAD PA'I 'BRAS BU DANG LDAN PAS NGAN 'GRO LA MNGON DU PHYOGS PAR 'GYUR ZHES BYA BA'O, ,DE BAS NA 'DIR RNYED PA 'DI RANG NYID KYIS DBANG PO THAMS CAD 'GAGS PAR BYAS NAS SROG YONGS SU DOR BAR BYA'O ZHES BYA BA RNAM PAR BSAMS NAS SROG RNAMS DOR BAR GYUR TO, ,DE NAS RNYOG PA CAN GYI CHUS DBANG BSKUR BA DKAR PO MCHE BA GNYIS PA DBRAL BAR 'BUR GNYIS LDAN PA, NUB PA'I RI'I RTZE MO BZUNG BA'I BSIL BA'I 'OD ZER CAN YOD PA LA SHIN TU SRAB PA'I RDUL GYIS NYE BAR BSAMS PA'I SHEL GYI NOR BU DANG 'DRA BA'I RAB TU SRAB PAR GYUR PA'I SKAR MA YOD PA RNAMS LA KU MU DA'I TSOGS ZUM PAR GYUR PA LA PADMA'I 'BYUNG GNAS GNYID LOG PA DANG BRAL BAR GYUR PA RNAMS YOD PA DANG, BA BLA'I RDUL DANG 'BRA BA'I CHUNG BA'I 'OD ZER GYIS RI'I RTZE MO RNAMS KUN NAS BYUG PAR BYAS PA YOD PA RNAMS LA MI'I BDAG POS STONG PA'I MAL CHA SKYONG BAR BYED PA'I SKYE BO LAS NYE BAR THOS NAS, BLON PO RNAMS KYIS RGYAL PO DE GANG DU GSHEGS PAR GYUR CES BYA BA KHYIM DANG NYE BAR SKYES PA'I SKYED MOS TSAL NYE BAR MTHONG NAS KUN NAS YONGS SU BSKOR CING, B'A R'A nA S'I ZHES BYA BA'I RGYA MTSO'I BUD MED KYI 'GRAM DU MU TIG GI PHUNG PO LTAR RING BAR GYUR PA NYA RO HI TA ZHES BYA BA MTHONG BAR GYUR TO, ,GZUGS MA MTHONG BAR GYUR PA NAM MKHA' LA GNAS PA'I LHA RNAMS KYI ZAB PA'I TSIG DE RNAMS KYIS KYANG THOS @37B PAR GYUR TE, NAD KYI SDUG BSNGAL RNAM GCOD PHYIR, ,SKYE BO 'DI LA SA BDAG DE, ,BDAG NYID CHU BO'I CHU LA NI, ,DOR NAS RO HI TA NYAR GYUR, ,DE NAS BLON PO DE RNAMS KYIS DE THOS NAS MYA NGAN GYI SDUG BSNGAL GYIS YID SDUG BSNGAL BAR GYUR PAS 'DI SKAD CES SMRAS SO, ,KYE MA SNYING RJES RGYAL BO'I BDAG NYID SEMS CAN RNAMS LA PHAN DON DU 'DI LTAR YONGS SU DOR BAR BYED CING, SA LA MA LUS PA 'DI MGON MED PAR GYUR PA ZHES BYA BA RNAM PA MANG POR DE LTAR SMRE SNGAGS BTON NAS YID STONG ZHING RANG GI KHYIM RNAMS SU MNGON PAR SONG BAR GYUR TO, ,GTAM 'DI BLON PO RNAMS LAS NI, ,NYE BAR DMIGS NAS MUN PAS KHYAB, ,LHA MO MCHI MA 'DZAG PA'I MIG, ,SA BDAG DE LA SMRE SNGAGS 'DON, ,'JIG RTEN GNYEN GYUR KHYOD NI THOS PA TZAM GYIS KYANG, ,RANG NYID KYIS NI SA BDAG MTHO RIS SONG BA ZHES, ,DE LTAR NA YANG MTHA' MED SDUG BSNGAL SKAL BA CAN, ,'TSO BAR 'DOD PA BDAG NI RNAM SPANGS PHYIR NI 'DOD MA YIN, ,SHIN TU 'JAM PA'I SEMS LDAN KHYED KYIS BRTZE BA NI, ,NAM YANG SEMS NI RTZUB MED SDANG BAR BYED BA YANG, ,SKYON MED PAR NI RJES SU 'GRO BA'I SKYE BO 'DI, ,RJES SU CHAGS CAN RNAM SPANGS CI PHYIR KHYOD NI SONG, ,KHROS PA SHIN TU CHE BA DRAG MO RNAM PAR MTHONG, ,BUD MED SKYE BO'I MDUN DU 'DI LTAR SMRA BYED CING, ,RGYU MTSAN MED PA'I PHRAG DOG GIS KHROS THUR DU BLTA, ,BDAG LA DI RING NYE BAR 'ONGS NAS SU ZHIG DANG, ,RNA BAR KHA PHYE AUTPAL SAR PA BYAS PA CAN, ,DPRAL 'PHYANG SKRA RNAMS MDZES PA RLABS CAN BYAS NAS NI, ,RGYAN GYI DON DU SA LA GNAS PAR RIM GYIS TE, ,YID 'PHROG THIG LE BDAG LA SU ZHIG BYED PAR 'GYUR, ,GANG ZHIG SBANG PAR ZHUGS PAS G-YOB BA BYAS GYUR PA, ,BDAG GI DGA' BOS CHAGS LDAN DGA' MO BZHIN DU GANG, ,DE MED PAS NI DE RING PI WANG DE YUN RING, ,KHYIM DU BSAM GTAN LDAN PA 'BYUNG BAR 'GYUR, ,GANG ZHIG GZHAN GYI ZLA BA MDZES PAS ZHUGS 'GYUR BA, ,PADMA GCIG PAR GNAS PA'I CHU DANG MTSUNGS PA NYID, ,DE NYID MYA NGAN BYED PA BZHIN DU KYE MA NI, ,THO RANGS ZLA BA'I RNAM PA ME LONG 'DI NI BYUNG, ,YID 'PHROG SHING GI RA BA'I DBUS SU 'JUG PA NI, ,YONGS SMIN 'DZAM @38A *, ,BUR LDAN PA KHYED CAG LA BYIN NAS, ,BDAG GI DGA' BO MED PAS SHIR shA'I ME TOG 'DRA, ,NI TZO KHYOD LA DI RING SU ZHIG KLOG PAR 'GYUR, ,BDAG GI 'GA' BO GROGS DANG BRAL BA DES SONG BAS, ,SLAR YANG BDAG LA SKRA LO BZHAG PAS DGOS PA MED, ,YUN RING KHYOD NI MED PAR BYED PA DON GNYER CAN, ,BDAG GI DI RING SKRA LO CI PHYIR 'CHING MI 'GYUR, ,DE NAS BTZUN MO'I 'KHOR GYI MDZES MA'I SKYE BO NI, ,DE LTAR LHA MO'I SMRE SNGAGS 'DON PA NYES BYAS NAS, ,ME LONG LTA BU'I GUS PA GTONG BA SKAD CIG GIS, ,YID NI 'PHROG PA RGYAN 'DOGS SA NI DOR BAR GYUR, ,GANG DAG MIG NI THA MA DANG 'BREL MIG THUR NI, ,MIG SMAN BYED PAR 'DOD PA MYUR DU RNAM SPANGS NAS, ,SDUG BSNGAL DANG NI LDAN PA PHYED RDZOGS BUD MED NI, ,MCHI MA DANG BCAS RGYAN GYIS KHYAB PAR PHYIS PAR GYUR, ,RNAM PAR PHYI ZHING GE SAR DANG BCAS ME TOG NI, ,MGO LA SKYES PA RNAMS NI KUN NAS BKROL NAS NI, ,NUS MED DRI ZHIM THIGS PA'I DBYE BAS SER SKYA CAN, ,KHA CIG LHAN CIG BYED PA'I SNYE MA BRAL BAR BYAS, ,RNAM PAR BSKYOD PA'I PHRENG BA'I RGYAN GYIS KHYAB PA'I GOS, ,GZHAN DAG GIS NI 'KHYOG PA'I DPRAL GNAS SKRAS KHYAB PA, ,BUD MED RNAMS NI LHUNG GYUR BUNG BAS 'KHOR BA STE, ,BSKAL PA'I RLUNG GIS GDUNGS PA YID 'PHROG BSKAL SHING 'DRA, ,KHA CIG BSNYEN BKUR BA YI SKYE BO LAS SHES NAS, ,MCHI MA BCAS PA'I MIG CAN SA BDAG SHI BA NYID, ,MTSAN MO'I PADMA LTAR KHYAB PA YI TSIG LDAN PA, ,SA LA LHUNG STE BUD MED RNAMS NI SHI BAR GYUR, ,GZHAN NI RIM GYIS 'KHOR BA'I SKYE BOS RNAM PAR MTHONG BZHIN PA, ,MI BDAG ZLA BA'I 'OD NI RNAM PAR RGYAL BA DE BRIS NAS, ,PANG DU YANG DAG GNAS PA BUD MED DU ZHING SDUG BSNGAL GYIS, ,RI MO'I SHING LE BA SKYA RIS RNAMS DANG LHAN CIG DOR BAR GYUR, ,SKRA RNAMS RNAM PAR 'DZINGS NAS DRI ZHIM KUN NAS CHAD PA YI, ,SKUD PA RNAMS KYIS ME TOG KHA PHYE RNAMS KYIS LDAN PA NI, ,GZHON NUM NI KHA CIG GDU GU CHAD PA'I PADMA LTAR, ,DMAR BA'I LAG PA RNAMS KYIS BRANG NI SKAD CIG DE LA BRDUNGS, ,DE NAS BLON PO CHEN PO DE RNAMS MYA NGAN GYI DBANG GIS @38B MIG GI MCHI MA'I THIGS PA 'BYUNG BA'I SNYING RJE RJE 'DRA BA'I SMRE SNGAGS 'DON PA DANG LAG PA'I SRAS CHE BA DES, GZHAN LA SNYIM BA'I CHU SBYIN PAR BYAS NAS BTZUN MO'I 'KHOR DE RNAMS RNAM PA GANG GIS KYANG DBUGS 'BYUNG BAR BYAS TE, NAD KYIS MNAR BA'I SKYE BO DE LA SMRAS PAR GYUR TO, ,RGYAL PO DE'I DGONGS PA LTAR GYIS SHIG, DE LTAR NA DE MCHOD PAR 'GYUR RO ZHES ZER RO, ,DE NAS SKYE BO'I TSOGS DES MTSON CHA RNAMS KYIS BCAD NAS NYA RO HI TA DE'I SHA LAS BLANGS NAS SMAN PAS BSGO BA'I RIM PAS NYE BAR LONGS SPYOD PAR BYAS TE NANG DE LAS RAB TU GROL BAR GYUR TO, ,DE LTAR NA BCOM LDAN 'DAS DE BYANG CHUB SEMS DPAR GYUR PA'I TSE NA YANG SEMS CAN RNAMS KYI DON DU DKA' BA SPYAD PA RNAMS MDZAD PA DE BAS NA SNYING RJE CHEN PO DANG LDAN PA'I SANGS RGYAS BCOM LDAN 'DAS DE LA SEMS DANG BCAS PA'I SKYE BO SU ZHIG CES BYA BA GUS PA DANG LDAN PAR MI 'GYUR RAM ZHES BYA BA'O, PADMA CAN GYI SKYES RABS TE SKYES PA'I RABS BRGYAD PA'O,, ,,BDAG NYID KUN NAS GDUNG BAR BYAS KYANG NI, ,SBYIN PA'I 'BRAS BU SHES PAS SBYIN PA BTANG, ,DE NI ZHING GI SA LA NGAL BA STE, ,GANG ZHIG SA BON LAS NI 'BRAS BUR DAD, ,'DI LTAR RJES SU THOS TE, B'A R'A nA S'I'I RGYAL PO'I PHO BRANG NA TSUL GYI STOBS KYIS PHA ROL RNAM PAR GNON PAS RGYAL PO'I CHOGS GZHAN DBANG DU BYAS PA, 'KHOR LOS SGYUR BA LTAR THOGS PA MED PA'I 'KHOR LO CAN KHYAD PAR RNAM PA BZHIS BLON PO'I TSOGS BRTAGS PAR BYAS PA, THOS PA DANG, TSUL KHRIMS DANG, GTONG BA LA SOGS PA'I YON TAN NOR BU RNAMS KYI GTER DON DU GNYER BA'I SKYE BO DANG THUN MONG BA'I DBANG PHYUG DANG LDAN PA, NOR BU DKAR PO BCAD PA LTAR DKAR BA'I GRAGS PAS RGYA MTSO'I PHA ROL KUN NAS BRGAL BAR BYAS PA GZHAN GYI DON SGRUB PA'I PHYIR 'BAD PAS RTZOL BA DE DUS GCIG GI TSE NA, BYANG CHUB CHEN PA NYE BAR RGYAS PAR BYAS PA'I BYANG CHUB SEMS DPA' TSANGS PAS BYIN ZHES BYA BA'I RGYAL PO BYUNG BAR GYUR TO, ,SU ZHIG RGUD PA BSAL BYAS TE, ,DE RING NOR GYIS TSIM BYAS GANG, ,SU ZHIG ZHI BA'I LAM LA GZHAG ,GANG GI 'DI 'DRA GNAS PA 'BYUNG, ,BDAG NYID SRID PA RNAM GCOD @39A *, ,PHYIR; ,LAM BZANG PO LA GZHAG 'DOD DE, ,GZHAN DON MED PAR GZHAN 'GA' NI, ,BDAG NYID CHE RNAMS BYA BA MED, ,DER YANG CHOS KYI RGYAL SRID RJES SU SKYONG BA'I RGYAL PO LA DUS GCIG NA MU GE SHIN TU DRAG PO BYUNG BAR GYUR TO, ,RIM GYIS KYANG YUL DER RAB TU SRAB PA'I CHU GTER MTHONG BA GCOD PA'I DBANG GIS KUN NAS SKAMS PA'I KU BA'I LJON SHING CHUS BKAB PA'I TSOGS DANG LDAN PA DANG, BANG MDZOD STONG PA'I BUG PA NAS ZHUGS PA'I BYI BA RNAMS KYIS PHYIR 'BYUNG BZHIN PA'I RAB TU SRAB PA'I S'A LU'I SNUM PAS RTZIG PA'I RTZA BA KHYAB PA DANG, GTUN SHING DANG SRUB PA'I SGRA MA RTOGS PA DANG, BKRES PAS RID PA'I DU BA'I SKYE BOS MTHONG BZHIN PA'I SGED PO LA KUN NAS GZHAG PA'I RLANGS PA DANG LDAN PA'I LO MA'I PHUNG PO DANG LDAN PA DANG, DON DU GNYER BA'I SKYE BO RNAMS GYIS SGO RNAMS NA LHAG PAR MI GNAS PA DANG, BU MO RNAMS KYIS BTUS BZHIN PA'I KUN NAS RNYING BA'I LO MA NI LO MA DANG LDAN PA DANG, SHI BA LAS LHAG MAR GYUR PA'I STOBS CHUNG BA'I BA GLANG GI TSOGS KYIS LHAG PAR GNAS PAR GYUR PA'I SKAMS PA DANG RAB TU CHAD CING 'GRIB PA'I BA GLANG GI TSOGS DANG LDAN PA DANG, MTSAN MO MAR ME DANG BRAL BAS ZHUGS PA'I MUN PAS BGROD PAR DKA' BA DANG, DRI MA CAN DANG RNYING PA'I GOS GYON PA'I DBUL BA'I SKYE BO DANG LDAN PA DANG KHA BAS PHYID PA'I PADMO'I NAGS LTAR KHYIM RNAMS DPAL MED PA NYID DU SONG BAR GYUR TO, ,DE NAS SKYE BO'I TSOGS DES KUN NAS NYE BAR 'ONGS SHING RGYAL PO LA SMRAS PA, 'GRO BA'I DON DU 'BAD PA KUN NAS BRTZAMS PA YIS, ,BRGYA BYIN DANG MTSUNGS SA YI DBANG PHYUG KHYOD NI YOD PA LA, ,SKYE BO 'DI NI BKRES PA'I ME YIS GDUNGS PAS NYAMS PA NI, ,STOBS CHUNG YAN LAG SROG SHING JI LTAR SKAMS PAR GYUR, ,DE NAS SKYE BO DE NI DRI BCAS RNYING PA'I GOS LDAN PA, ,'OD NI RTZUB PA DREGS PAS NYE BAR GDUNGS SHING SDUG BSNGAL PA, ,BYA BA RNAM PAR BRAL BA YANG DAG MTHONG NAS SA BDAG NI, ,MIG DAG SDUG BSNGAL GYIS NI MCHI MA YANG DAG 'BYUNG BAR 'GYUR, ,DE NAS RGYAL PO DES LO LEGS PA DUS 'DI TZAM NAS 'BYUNG BAR 'GYUR ZHES BYA BA RNAM PAR SHES NAS BANG MDZOD @39B NAS 'BRAS SO BA'I TSAD YONGS TE, SKYE BO'I TSOGS DE LA 'BRAS CHANG PA RE RE NYI MA RE RE ZHING BYIN PAR GYUR TO, ,BDAG NYID KYIS KYANG CHANG PA GNYIS MNGON PAR 'TSAL BAR GYUR RO, ,SKYE BO'I GRANGS 'JUG PAR GYUR PA DE LA BRAM ZE GZHAN DAG SDOD PAR MA GYUR TO, ,DES KYANG YUN RING PO NAS GTAM DE THOS NAS NYE BAR 'ONGS TE, BYANG CHUB SEMS DPA'I MDUN DU SDUG BSNGAL GYIS YONGS SU PHONGS PA'I YI GE 'DI SMRAS SO, ,RANG GI SKYE BO'I GROGS DANG RNAM BRAL BAS, ,'DOD PA'I PHUN SUM TSOGS PA MA 'ONGS PAS, ,SNA TSOGS RGUD PA RNAMS KYI SKYON GYIS KYANG, ,KYE MA 'GRO BA GTAM NI MANG BA YIN, ,BSTAN PA'I SDUG BSNGAL ZIL GNON PA'I, ,SLONG BA SDUG BSNGAL CHEN PO'I PHYIR, ,YUN RING LAM GYIS KUN DUB PA'I, ,MDUN DU RI LA 'DZEG PA LTAR, ,SDUG BSNGAL BSTAN PA YID RE NGA, ,'BRAS BU MA THOB SKYE BO NI, ,YUN RING BYA BYED 'CHING BDAG GIS, ,SHIN TU 'DI NI SDUG BSNGAL BYED, ,BDE BA'I RE BA'I KHYIM RMONGS PAS, ,MTHON POR 'DZEG PA'I MI RNAMS LA, ,SDUG BSNGAL SKAS RIM PHRENG BA RNAMS, ,MDUN DU 'PHEL BA NYID DU GYUR, ,'DI NI MI LUS SDUG BSNGAL NYID, ,SKYE BA DANG LDAN 'GAG PA DANG, ,DE LTA NA YANG RMONGS RNAMS LA; ,BDE PA'I 'DU SHES 'JUG PAR GYUR, ,RMONGS PAS SEMS KYI GLANG PO SKYON, ,DRAN PA'I STOBS KYIS LCAGS KYU DOR, ,DBANG PO'I MCHE BA GNYIS RNAMS KYIS, ,SDUG BSNGAL RGYU YIS RINGS NAS PHROGS, ,SO GA'I DUS KYIS GDUNGS PAR BYAS PA'I RMA BYA YANG, ,SA YI STENG DU GNAS PA'I CHU NI 'THUNG MI BYED, ,NAM MKHA' LA 'KHOR CHAR DUS SKYES LA SDOD PA NI, ,KHYAD PAR 'DOD PA'I SDUG BSNGAL STEN BYAD SKYE BO YIN, ,GAL TE DBANG PO GCIG LA GNAS PAR BYAS PAR GYUR NA DE NYID LA NI SDUG BSNGAL 'BYUNG, ,STOBS DANG LDAN PA GCIG GIS KYANG NI KHUR PO CHEN PO KHUR BOR NUS PA MA YIN TE, ,DE LTAR LHA YI LAM GYI RJES 'BRANG SDUG BSNGAL SHIN TU CHE BA BDAG GIS RNAM BSAMS NAS, ,BDAG NYID RNAM PA DU MAR KHYAB BDAG NYID KYIS BYAS TE DBANG PO THAMS CAD LA NI GNAS, ,RGYAL BOS GSUNGS PA, BRAM ZE CHEN PO BDAG NYID KYI SDUG BSNGAL 'DI LTAR @40A *, ,YANG DANG YANG DU RJES SU BRJOD PA RNAMS KYIS CI ZHIG BYA, ,GANG GIS DGOS PA DE MYUR DU BRJOD PAR GYIS SHIG CES ZER RO, ,BRAM ZES SMRAS PA, BLANGS PAR MA GYUR PA YANG LHA YI DBANG POS STER, ,GTZUNG ZHING MANG BA'I CHU NI CHUNG BA SLONG BA LA, ,DE LTA NA YANG MI BRTAN DE NI SKAD CIG SLONG, ,DON GNYER SKYE BO 'JIGS PA GANG PHYIR RANG BZHIN NYID, ,'DOD PA CHUNG BA BDAG YID KYANG, ,SGRUB PAR BYED PA MA TSANG BAS, ,'GYOD DE GUS PA STER DE BAS, ,SDOM CHANGS GCIG NI BDAG LA RTZOL, ,DE NAS BYANG CHUB SEMS DPAS 'DI LTAR RNAM PAR BSAMS PAR GYUR TE, ,KYE MA 'DOD PA CHEN PO NYID CES BYA BA SDUG BSNGAL THAMS CAD KYI RGYU MTSAN DU GYUR PA NI, 'DOD PA CHUNG BA LA YANG DGOS PA'I BSAM PA NGAL BAR BYED PA NYID DU 'GYUR, ,'DOD PA CHE BA LA NI NGAL BA MA SPYAD LHAG PAR YID NI SDUG BSNGAL BYED, ,ME NI KHUR MED PA YANG DKA' BAS SA 'DZIN LA NI KUN NAS 'DZEG PA STE, ,PHRAG PAR BKOD PA'I CHE SHING LCI BA'I KHUR BUS RAB TU GNON PA SMOS CI DGOS, ,DE NAS RNAM PAR BSAMS NAS RGYAL PO DES BRAM ZE DE LA NYI MA RE RE ZHING BDAG NYID KYI KHAM GNYIS PO DE LAS KHAM GCIG BYIN PAR GYUR TO, ,KHAM GCIG ZOS PA DE'I DE NYID DU YID TSIM ZHING RNAM PAR BZHUGS PAR GYUR TO, ,DE NAS BLON PO RNAMS KYIS RGYAL PO DE LA NGO MTSAR BA DANG BCAS PAS 'DI SKAD CES SMRAS PAR GYUR TO, ,AE MKHAM GCIG ZOS PAS KYANG LHA'I LUS LA STOBS DANG 'OD RNAMS 'GRIB PAR MA GYUR TO, ,RGYAL POS GSUNGS PA, GANG GI PHYIR 'DIR CHOG SHES PA NI BSNGAGS PAR BYA BA STE, KHYED CAG RNAMS LTOS SHIG, ,CHOG SHES PA DANG CHOG MI SHES DAG NI, ,BDE SDUG RNAM PAR BYED PA SHES BYAS NAS, ,SKYE BO 'DI NI BDE BA 'DOD PA STE, ,CHOG MI SHES NI GTONG BAR MI BYED DO, ,BDE BA'I SRED PA MA BTANG ZHING, , CHAGS PA LA SOGS 'JUG BYED PA, ,SDUG BSNGAL SKAS RIM PHRENG RNAMS KYI, ,MTHAR NI SU ZHIG 'GRO BAR 'GYUR, ,LCAGS KYIS LCAGS KYANG BRDUNG BAR BYAS NA 'JIG PAR 'GYUR BA STE, KA BA STOBS LDAN YANG NI GNYIS 'THUNG DBANG BOS GCOG PAR BYED, ,LHA YI DGRA STA'I SO @40B YIS KYANG NI YUD TZAM DU LHUNG BA, ,SRID PA'I LJON SHING 'DI NI RNAM PA GANG GIS GCOD MI 'GYUR, ,CHOG SHES SNGAGS KYIS YANGS SU SKYONG BAR BYED PA'I SEMS 'JUG PA, ,YUL GYI SBRUL GYI 'JIGS PA RNAM SPANGS BDE BAR GNAS PA STE, ,BRTEN PA YANG NI 'BRAS BU MI 'BYUNG YID 'DOD SHING RNAMS LA; ,LHA YI GNYIS 'THUNG GIS NI CHAGS PA RNAMS LA ZAD MI 'GYUR, ,BSNYEN PA PHONGS PAS NAM YANG MGO NI 'DUD BAR MI BYED DON DU GNYER BA CHUNG YANG MI 'GRO STE, ,NOR GYI NGA RGYAL RNAMS KYI MDUN DU RJE BO BKA' STZOL ZHES PA'I TSIG NI SMRA MIN TE, ,SKYE BO NGAN BA SBRUL RNAMS DAG GI ME NI PHRAG DOG ZHAN PAR MI 'GYUR TE, ,CHOG SHES THOB PA GCIG PU SKYE BAR LDAN PA NYID NI BDE BAR 'BRAS BU DANG LDAN BLANGS PAR GYUR, ,DE BAS NA SHIN TU BDE BA 'DOD BA'I SKYES BUS CHOG SHES PA LA YONGS SU 'DRIS PAR BYA'O, ,DE LTAR AE MA LEGS PAR GSUNGS PA ZHES BYA BA BYANG CHUB SEMS DPA'I TSIG LA MNGON PAR BSTEN PAR BYAS TE, BLON PO DE RNAMS RANG GI KHYIM DU SONG BAR GYUR TO, ,DE NAS LHA'I DBANG PO LA RGYAL PO DE'I DKA' BA SPYAD PA DE DANG GZHAN LA PHAN PA'I SGRUB PA LA MNGON PAR PHYOGS PA MTHONG NAS 'DI LTAR BYUNG BAR GYUR TO, ,AE MA NGO MTSAR BA STE GANG GI PHYIR RGYAL PO TSANGS PAS BYIN 'DI RANG GI LUS KYI SDUG BSNGAL YANG MA BRTZIS PAR NYI MA RE RE NYID DU SEMS CAN GYI DON DU SGRUB PAR BYED CES BYA BA'O, ,DE BAS NA 'DI'I NGES PA RE ZHIG SHES PAR BYA ZHES RGYAL PO DE'I BZA' BA'I DUS NA BRAM ZE'I GZUGS SU MNGON PAR SPRUL NAS LO MA'I THUM PO GZUNG ZHING MDUN DU GNAS TE SMRAS PAR GYUR PA, CIS KYANG DUG GI SHUGS KYIS BRGYAL BA YI, ,DON GNYER RNAMS KYIS BDAG GI SDUG BSNGAL BSAL BYA STE, ,SKOM PAR GYUR KYANG MA DUS PAR NI NU MA DAG ,'THUNG 'DOD LA YANG MA NI NU MA STER MI 'GYUR, ,DREGS PAS GDUNGS PA'I LUS LDAN PA, ,YUN RING LAM GYIS SDUG BSNGAL BSKYED, ,SLONG BZHIN PA LAS BDAG KHYED, ,BZANG BA CUNG ZAD BDAG LA STZOL, ,DE NAS BYANG CHUB SEMS DPAS RANG GI BSAM PAS YID TSIM PAR BYAS PA RAB TU DGA' BA MCHOG GI RJES SU 'GRO BAS KHAM GCIG PO DE GNYIS SKYES KYI GZUGS DANG LDAN PA'I LHA'I BDAG @41A *, ,PO LA BYIN PAR GYUR TO, ,DE NAS LHA'I DBANG PHYUG DRI MA MED PA DANG RNAM PA SNA TSOGS PA'I COD PAN GYI NOR BU RNAMS KYI 'OD KYIS KUN NAS BSLANG BA'I DBANG PO'I GZHU'I KHOR YUG GIS KUN NAS SONG BA'I LUS DANG LDAN PA BUS MO'I MTHAR RAB TU 'PHYANG BA'I MU TIG GI GTER GYIS MNGON PAR BRGYAN PAR BYAS PA MGRIN BAR BSKOR BAR BYAS PA'I DRI ZHIM PO'I MAN D'A RA BA'I ME TOG GI PHRENG BA DANG NYE BAR BSKOR BA'I BUNG BA'I TSOGS DANG LDAN PA'I BDAG NYID KYIS GZUGS GSAL BAR BYAS TE, YANG DANG YANG DU 'DI LTAR BYANG CHUB SEMS DPA' LA MNGON PAR BSTOD PA BYAS PAR GYUR TO, , BDAG GI NGOR NI BYANG CHUB KYANG, ,LUS CAN RNAMS NI SBYIN BA STER, ,RANG GI SDUG BSNGAL MA BSAMS PAR, ,KHYED LAS GZHAN GYIS STER BA MIN, ,SNYAN SMRA DAM PA'I SKYE BO'I LAM NI STEN BYED PA, ,GZHAN LA PHAN PA'I PHYIR NI RTAG TU BRTZON PA RNAMS, ,KHYED CAG DON DU GNYER BA SU ZHIG BDE MI BYED, ,'BRAS BU RJES SU 'BREL PAS YID KYI RE BA BZHIN, ,GANG PHYIR DON GNYER MNYES GSHIN PAS NI GNYEN BZHIN DGA' BA SKYES PA'I MIG GIS BLTA BA STE, ,GANG ZHIG 'DAS PA'I DUS MIN 'JAM PA STER BAR GYUR TE GANG ZHIG GUS PA NYUNG BA YANG, ,DON DU GNYER LA LHAG MA'I BDE BA BYIN NA GANG ZHIG LAN MANG BDE BA THOB 'GYUR BA, ,DE NI RING BYAS PA YI LHAG MA'I SBYIN PA'I SPYOD PA MKHAS PA RNAMS KYIS SBYIN PA PO NI SMRA, ,RNAM PA THAMS CAD DU SA 'DI MGON DANG BCAS PA GANG LA KHYED NI BSRUNG BA PO STE DE BAS NA ZHING PA RNAMS LA SA BON THAMS CAD 'DEBS PAR MDZOD CIG ,BDAG NI DI RING NYID NAS BRTZAMS TE CHAR PA 'BEBS PAR 'GYUR ZHES BYA BA SMRAS NAS MI SNANG BAR GYUR TO, ,DE NAS 'BRAS KYI SO BA THAMS CAD 'DEBS PA YOD PA LA LHA'I BDAG PO'I MTHUS BSKYOD PAR BYAS PA'I GLOG GIS KUN NAS DKRIS PAR BYAS PA'I LTO BA CAN, GSER GYIS BRGYAN PAR BYAS PA'I GLANG PO CHE DANG 'DRA BAR KUN NAS GSER GYI RGYAN GYIS BRGYAN PA'I GLANG PO CHE BZHIN DU KUN NAS CHUS SBOS PA'I CHE BA'I GZUGS DANG LDAN PA, BSIL BA DANG 'JAM PA'I RLUNG GIS REG PA'I DBANG GIS RAB TU SRAB PAR GYUR PA'I DBUGS KYIS GNYA' BA BSKYOD PA'I RMA BYA GYEN DU LTA BA RNAMS KYIS SGRA 'BYIN PA DANG, CHU 'BYUNG BA'I DUS LA @41B KUN NAS TSIM PA'I BRTAN PA RNAMS KYI 'BRUG DANG 'DRA BAR KUN NAS PHYOGS KYI SGO DANG BCAS PA BAR SNANG LA CHU 'DZIN PA RNAMS KUN NAS 'KHRIGS PAR GYUR TO, ,DE NAS KA DAM PA DANG AA RDZU NA YI DRIS, ,'BYED PA'I BSIL BA'I RLUNG GIS KUN NAS GDUNGS PA STE, ,LTO 'PHYE RNAMS KYIS RING BAR TZAN DAN SHING RNAMS NI, ,KUN NAS DBUGS 'BYUNG GNYEN DANG 'DRA BAR GTONG BAR GYUR, ,TZ'U TA'I GSER BZHIN SER SKYA 'BRAS BU SPANGS BYAS NAS, ,'JUG CING NGES PAR 'BYUNG BA'I STOBS LDAN NE TZOS NI, ,SHING LO DANG MTSUNGS MCHU DANG 'DZAM BU'I 'BRAS BUR LDAN, ,LCE NI GSAL BA YONGS SU SMIN BA DU MA BUR BYAS, ,CHU 'DZIN DUS NI YUN RING BOS NI 'BYUNG 'GYUR BA, ,BDE BA DANG LDAN KHYIM BDAG GI NI PANG GNAS 'DRA, ,RTZVA YI MYU GU CHAD PAS GOS MED BYAS PA STE, ,SA NI SPU LANGS LDAN PA 'DRA BA BYUNG BAR GYUR, ,CHU BO RAB TU 'JUG PA'I CHUS NI 'GRAM 'BIGS PA, ,S'A LU SKYES PA AUTPAL ZUM PAS KHYAB PA NI, ,ZHING GIS RNAMS KUN LAS YUN NI RING POR YANG, ,RNAM PAR MTHONG ZHING ZHING PA RNAMS NI DGA' BAR GYUR, ,SHIN TU SHA NI NYE BAR 'PHEL BAS PAGS PA MTHO, ,SNGO BA'I RTZVA YI MYU GU KUN NAS ZAD BZHIN PA'I, ,ZHAG RER 'O MA 'PHEL BAR 'GYUR BA'I BA RNAMS KYI; ,NU 'JING RNAMS NI LCI BA NYID DU SONG BAR GYUR, ,RIM GYIS KYANG KUN NAS SRAB PA DKAR PO'I CHU 'DZIN GYI DUM BU RNAMS KYIS KHYAB PA'I NAM MKHA' DANG LDAN PA DKAR BA'I KA SHA'I ME TOG GI GOS KYI CHU BO RNAMS KYIS BAR KHYAB PA, KHA PHYE BA'I PADMA DANG AUTPA LA RNAMS KYIS BRGYAN PAR BYAS PA'I CHU'I RTEN STON KA BYUNG BA LA, MTHING SHING GIS KHA BSGYUR BA'I KHYIM GYI RTZIG PA DANG 'DRA BAR NAM MKHA' SNGO BA LA CHU 'DZIN GYI GOS DANG BRAL BA, NGO TSA BA DANG BCAS PA'I MTSAN MO'I BUD MED LTAR MTHONG NAS NGO MTSAR BAR GYUR PA DANG 'DRA BAR SKYE BO RNAMS KYI MIG LA DGA' STON DU GYUR PA'I RI BONG CAN YOD PA LA, RAB TU PHYE BA'I AUTPAL SNGON PO'I RDUL 'PHROG PA'I, ,RNAM PAR 'GRO BA'I RLUNG GIS CUNG ZAD 'DOR BA NI, ,DRI ZHIM S'A LU RNAMS KYI SRAB PA'I DRA BA'I TSOGS, ,SMIN MA CHA CHAR SER SKYA NYID DU KHYER BAR 'GYUR, ,SAR PA GSER GYI PHYE MA DANG NI MTSUNGS PA'I 'OD LDAN PA, ,SBRANG GIS BRLAN PA @42A *, ,AUTPAL DANG NI PADMA'I SNOD GNAS PA, ,GSAL ZHING ME TOG RO YI CHA YIS SLONG MO NGAL BA YI, ,SBRANG BYED DGE SLONG LA NI STON KA'I BUD MED SBYIN PAR GYUR, ,MUN PA ZAD CING MTSAN MO RNAMS LA 'OD NI 'ONGS PA STE, ,ZLA BA'I NOR BU DKAR PO'I 'JIG PA'I DAG PA 'GRO BZHIN PA, ,SGRA BRAL CHU NI RLABS KYI RI MO NYUNG ZHING DANG BA NYID, ,CHU BO RNAMS KYI GSAL BA'I NYA YI TSOGS LDAN 'GRO BAR GYUR, ,PHYOGS RNAMS KYI NI BAR MTSAMS CUNG ZAD 'DRES PAR GYUR, ,SUM CU'I BDAG PO'I GZHU YIN DBUS SU CHAD PA BYAS PA NI, ,KUN NAS SKYE ZHING 'DZAG PA GLOG NI RAB TU THIM, ,SPRIN GYI TSOGS RNAMS RLUNG GIS NYE BAR G-YO BA NYID DU GYUR, ,RGYA CHE BA YI MUN PA BUNG BA LTAR SNGO GSAL 'DOD CING, ,GDENGS KA'I DGRA DANG GNYIS 'THUNG BDAG PO'I DPRAL 'BUR DANG MNYAM PA'I, ,MTSAN MO'I RI BONG CAN GYI BUM PAS SBYIN PAR GYUR PA NI, ,ZLA TSES CHU YI KU MU TA NI 'THUNGS TE BTUNG 'DOD PA, ,DE NAS MU GE'I SDUG BSNGAL GYIS NYE BAR 'TSE BA RNAM PAR BZLOG PA'I SKYE BO'I TSOGS DES BDE BAR BZHUGS SHING BLON PO'I TSOGS KYIS KUN NAS BSKOR BA'I RGYAL PO DE'I GAN DU 'ONGS NAS, ,'DUN PA LA SOGS PA'I DUS SU GUS PA DANG BCAS PAS 'DI LTAR SMRAS PAR GYUR TO, ,KHYOD KYI BSOD NAMS MTHU YIS NI, ,SHIN TU CHE BA'I MI DBANG PHYUG ,'GRO BA'I SDUG BSNGAL BSAL BA STE, ,LO LEGS PA NI YANG BYUNG NGO, ,SA STENGS DGA' STON GYUR PA YI, ,'BYUNG PO KUN LA BRTZER LDAN PA, ,SA YI BDAG PO SA 'DI NI, ,MGON PO KHYOD KYI MGON DANG LDAN, ,RIN CHEN TSOGS NI GTZANG BA'I GZI BRJID RGYA MTSO DANG, ,BSIL BA'I 'OD ZER CAN GYI 'OD TSOGS DRI MED PA, ,YAL GA CHEN PO CAN GYI 'BRAS BU PHUN TSOGS DANG, ,LHA LAGS KHYOD KYI PHUN TSOGS RNAMS KYANG GZHAN DON PHYIR, ,RGYA MTSO'I RLABS CHEN CHU NI BA TSVA CAN YIN TE, ,ZLA BA LA NI MTSAN MA DRI MA CAN YOD DE, ,AE MA KHYED CAG LTA BU LEGS PA'I SKYE RNAMS SLAR, ,YID NI SKYON GYI DRI MA RNAM PAR BRAL, ,KHYED NI RGYA CHE'I BLO LDAN GTI MUG MUN PA NI, ,ZAD PAR BYED PA GAL TE SKYE BAR MA GYUR NA, ,SDUG BSNGAL RGYA MTSO'I CHU LA SKYOB PAR BYAD PA NI, ,'GRO BA MA @42B LUS RNAM PAR KHYAB PA NYAMS PAR GYUR, ,DE LTAR NA BCOM LDAN 'DAS DE NYID BYANG CHUB SEMS DPAR GYUR PA NA, BDAG NYID KYANG SDUG BSNGAL BAR MDZAD NAS SEMS CAN RNAMS RJES SU BZUNG NGO ZHES BYA BA RNAM PAR BSAMS NAS RGAL BAR DKA' BA'I 'KHOR BA'I RGYA MTSO 'DI RGAL BAR 'DOD PAS DKA' BA MCHOG LA YANG SBYIN PA LA RTZE GCIG PAS GNAS PAR BYA ZHES PA'O, ,TSANGS PAS BYIN GYI SKYES PA'I RABS TE SKYES PA'I RABS DGU PA'O,, ,,RANG GI NAD LA BRTZI BAR MA BYAS TE, ,GANG ZHIG RANG SANGS RGYAS LA MAR NI PHUL, ,NYON MONGS PA YI NAD KYI GSO BA NI, ,DE NYID SKYE BO 'DI LA BYAS PAR GYUR, ,'DI LTAR RJES SU THOS TE, KHA BA CAN GYI SA 'DZIN PA'I RTZE MO DANG RJES SU MTHUN PA'I LHA RNAMS KYI NYE 'KHOR GYI MNGON PAR BRGYAN PAR BYAS PA, RTAG TU LO LEGS PA'I PHYIR RAB TU DGA' BA'I KHYIM BDAG GIS KUN NAS MCHOD PAR GYUR PA'I DON DU GNYER BA'I SKYE BO DANG LDAN PA, NOR GYI BDAG PO'I PHUN SUM TSOGS PA DANG 'DRA BAR SHIN TU DGA' BAR GYUR PA KU MU TA DANG LDAN PA ZHES BYA BA'I RGYAL PO'I PHO BRANG BYUNG BAR GYUR TE, DE LTA BUR GYUR PA'I RGYAL PO'I PHO BRANG 'DI PA YANG, DGRA YI SKYE BO NYE ZHING SKYE BO LA BYAMS PA, ,YON TAN NOR CAN DPAL GYI NOR SBYIN DANG MNYAM PA, ,RTZUB MIN SKYES BU'I BYA BA BRTAN PAR GRAGS PA NI, ,SKYES BU SENG GE ZHES BYA SA SKYONG BYUNG BAR GYUR, ,KU MU TA YI MDOG CAN ZHES, ,'OD DANG LDAN PA ZLA TSES LTAR, ,SA SKYONG DE YI BTZUN MO NI, ,MCHOD SBYIN BRGYA PA'I BTZUN MO BZHIN, ,DE NAS DGE MO DE'I SRAS NI, ,DGE BA'I YON TAN RNAMS KYI SNOD, , BU LA DGA' BA DAM PA NI, ,YID MIG DGA' BYED SKYES PAR GYUR, ,NGAG NI DON LDAN BZHIN DAG PA, ,TSUL NI MIG LDAN 'DRA BA DANG, ,DES NI LHAG PAR DE MDZES TE, ,MTSAN MO ZLA BA LDAN PA BZHIN, ,DE NAS SRAS SKYES PAS RAB TU DGA' BA'I SA SKYONG LA RGYAL MTSAN DANG BA DAN RAB TU MTHO BA'I RNAM PA SNA TSOGS PA'I TSONG DUS KYI BZHI MDO CAN, SHIN TU DRI ZHIM PA'I DRI'I CHUS RGYAL PO'I LAM CHAG CHAG BTAB PA, LAM GYI SKYE BO'I MCHOD PA LA G-YENGS PA'I MI'I BDAG PO'I NANG MI'I SKYE BO DANG LDAN PA, KUN NAS BRDUNG BZHIN PA RNAM PA SNA TSOGS PA'I ROL CHA'I SKAD KYIS BTZUN MO'I 'KHOR @43A *, ,GYI GNAS GANG BAR BYAS PA, BRGYAN BZHIN PA'I GAR MKHAN MO'I TSOGS DANG LDAN PA, GAR RTOG PA'I KHANG PA'I MDZES PA LA NYE BAR GNAS PA'I GAR GYI SLOB DPON RNAMS KYIS BLTA BAR GYUR PA, BTZON KHANG GI SKYES BU BKROL BAR GYUR PA'I LHA'I GRONG KHYER GYI RNAM PA CAN GYI GRONG KHYER DE BYUNG BAR GYUR TO, ,DER NI MI YI DBANG PHYUG LA NI SRAS DE SKYES PA YI, ,GANG PHYIR SEMS CAN RNAMS LA YID NI PHAN 'DOD 'GYUR, ,DI RING GZHON NU'I YON TAN RJES MTHUN PA, ,SKYE BOS PHAN 'DOD CES BYA MING DU BTAGS PAR GYUR, ,DE NAS BYANG CHUB SEMS DPA' PHAN 'DOD MTSON RNAMS THAMS CAD GSAL BAS KUN NAS MTSON BZHIN PA'I 'BRAS BU CHEN PO DANG LDAN PA, SHING GZHON NU LTAR SKYED BZHIN PA'I ME TOG DRUNG BA NYI MA RE RE ZHING DON DU GNYER BA'I SKYE BO RNAMS KYIS, LONGS SPYOD CHEN PO'I SNYING PO LA NYE BAR LONGS SPYOD PA, BYES SU SONG BA ZLOG PA'I RIM PAS DGA' BO'I GROGS PO LTAR LANG TSO SAR PAS KUN NAS KHYAB PA NI, 'JIG RTEN SDUG BSNGAL BYED RNAMS LA, ,SDUG BSNGAL DRAG PO BYED 'GYUR BA, ,LUS KYI PHYED NI SKAM BYED PA'I, ,NAD KYIS 'DI NI NYAMS PAR BYED, ,DE NI NAD KYIS CUNG ZAD CIG ,KUN NAS SKYE BO NYID DU GYUR, ,MTSAN MO MUN PA 'JIGS PA LA, ,PHYED NI ZAD PA'I ZLA BA BZHIN, ,JI LTA JI LTAR RIM GYIS DE'I, ,LUS KYI PHYED NI ZAD 'GYUR BA, ,DE LTA DE LTAR 'JIG RTEN GYI, ,SNYING GI NAD NI 'PHEL BAR 'GYUR, ,YON TAN CAN RNAMS PHUN TSOGS RGUD, ,BDE SDUG BYED PAR 'GYUR RNAMS LA, ,SKYE DGU MA LTAR 'GRO BA STE, ,BDE SDUG NYAMS SU MYONG BA CAN, ,DE NAS RGYAL PO DES MYA NGAN GYI ZUG RDUS SNYING ZAD PAR NYI MA RE RE ZHING LUS PHYED 'GRIB PAR GYUR PA'I PHAN 'DOD MTHONG NAS SMAN PA RNAMS LA SMRAS PA, GANG GIS BDAG GI RIGS RGYUD 'DI RNAMS RNAM PAR CHAD PAR MI 'GYUR BA DE LTAR 'BAD PAR MDZOD CIG; KHYED RNAMS NYON CIG ,BDAG GIS DGRA RNAMS THAMS CAD PHAM PAR BYAS PA STE, ,NOR RNAMS BYIN TE GRAGS PA YANG NI RJES SU BSKYANGS, ,'DIR YANG MI SKYONG DPAL NI SRAS LA RNAM BKOD NAS, ,BDAG ZHI BA YI CHED DU DKA' THUB NAGS SU 'GRO 'GYUR RAM, ,DE NAS BYANG CHUB @43B SEMS DPAS NAD DANG RGAS PA DANG, 'CHI BA DANG YANG 'BREL BA'I GTAM GYIS NANG MI'I TSOGS DANG BCAS PA'I YAB KYI YID SKYO BA BSKYED CING 'DUG GO, ,LTO 'PHYE RNAMS KYI TSANG PA YI, ,NAD RNAMS KYIS 'KHRUGS LUS LA NI, ,BDE BA BSAMS BZHIN CI PHYIR 'DI, ,LUS CAN RNAMS LA 'BYUNG BAR 'GYUR, ,MI BDE BA YI TSOR BA KUN NAS KHYAB PA NI, ,MCHI MA DANG LDAN GNYEN RNAMS KYIS NI MTHONG GYUR PA, ,GANG TSE NAD KYI MDA' RNAMS KYIS NI 'BIGS 'GYUR BA, ,DE TSE MI NI SRID PA LAS NI SKYONG BAR GYUR, ,NAD KYIS BTAB PAS RID BYAS YAN LAG SROG SHING NI, ,LAM DU KUN NAS 'DRE ZHING LDOG PAS KHYAB PA LA, ,KHA BA'I SMAN NI 'THUNGS PAS MTHONG NAS 'JIGS LDAN PA'I, ,SKYE BO'I YUL GYI 'DOD PA RNAM PAR BZLOG PAR GYUR, ,DBANG PO RNAMS DANG DRAN PA'I STOBS NI NYE BAR GDUNG BA 'DI, ,LUS CAN RNAMS KYI SPYI BOR RKANG PA RNAM PAR BZHAG NAS NI, ,RAB TU SKYE BAR 'DOD PA'I RTOGS PAS NGA RGYAL RGAS PA LA, ,SKRA DKAR G-YO BAS 'BAD PA DANG BCAS RGOD PA 'DRA BAR BYED, ,DBANG PO RNAMS KYIS SGRIB PA CHEN PO NYE BAR BYED PA 'DI, ,RGAS PA RLUNG GI RI DAGS LTAR NI RING PO NAS MTHONG NAS, ,SKYES BU'I LANG TSO'I RGYAGS PA 'DOD PA DANG NI LHAN CIG TU, ,RAB TU 'BROS PAR 'GYUR TE 'JIGS PAS KHYAB PA'I RI DAGS BZHIN, ,YAN LAG CAN RNAMS KYIS NI LHOD PA NYID DU NYE BAR SONG BA 'DI, ,YUL RNAMS NYE BAR LONGS SPYOD KUN NAS STOBS CHUNG DBANG POR LDAN, ,RGAS PA 'DIS NI KUN NAS LHAG PAR ZHON PA'I BTZAN THABS KYIS, ,GZUGS NI SGUR BAR BYED DE GZHU RGYUD KYIS NI GZHU BZHIN NO, ,TSUL MIN GTZO BO GANG NYID DU NI NGES GNAS BYED PA ZHES, ,KYE MA LUS 'DI DE NYID RGAS PA NYID DU JI LTAR 'BYED, ,GANG GI YUN RING 'OG TU 'DUG PA 'BRAS BU RNAMS STER BA, ,YAL GA CAN DE LA NI SU ZHIG DGRA STA LTUNG BAR 'DOD, ,RNON PO SKYON GYI MDA' RNAMS KYIS NI JI LTAR YANG NI DRAG PO'I YID LA GDUNG BYED PA'I, ,RING GNAS GNAD LA BYED NI NGES GDUNG MIN NAM GANG PHYIR GSON PO BZHIN DU GNAS PAR BYED, ,GANG DU YANG NI YUN RING GNAS PA'I SHI BA'I RDON PAS 'DI NI RNAM PAR RGYAS BYED PA, ,SEMS KYI RI DAGS KHYED NI RGAS PA'I SNYING @44A *, ,NI RIL PO LAS NI JI LTAR 'DA' BAR 'GYUR, ,DE NAS DMAN PA RNAMS KYIS GNAS DBEN PA LA SKYES BU'I SENG GA DANG 'DRA BAR YING PA DE LA SMRAS PA, SMAN RNAMS YOD PAR GYUR PA RNAMS LA YANG 'DAB CHAGS SHANG SHANG DE'U'I SHA MED PAS MAR CHEN PO SMIN PA YANG 'DI NAS RAB TU ZHI BAR BYED PAR NUS PAR 'GYUR BA MA YIN TE, DE BAS NA 'DIR CI ZHIG BYA ZHES ZER RO, ,DE NAS RGYAL PO DES BYA 'DZIN PA LA MKHAS PA'I BYA SHOR BA GNYIS BOS NAS BKA' BSGO BA, BYA SHANG SHANG DE'U GANG NAS KYANG KHYED CAG GIS LONG SHIG ,DE'I PHYIR NOR CHEN PO RAB TU BYIN PAS KHYED CAG LA SBYAR BAR BYA STE, GZHAN DU NA BYA SHOR BA'I TSOGS THAMS CAD NYID BSKRAD PAR BYA ZHES ZER RO, ,DE NAS BYA SHOR BA DE DAG GIS RGYAL PO DE LA ZHUS PAR GYUR PA, LHA LAG RGYA MTSO'I 'GRAM NA YAL GA CAN GZHAN RNAMS KYI BDAG PO DANG 'DRA BA SPRE'U'I CHU ZHES BYA BA'I SHING CHEN PO YOD DE, DER YANG MI SKAD SMRA BA'I SHANG SHANG DE'U RNAMS SO SOR GNAS PA STE DE RNAMS KYANG RGYAL PO LA NYE BAR MKHO BA'I TSOGS PAS 'DZIN PAR NUS KYI GZHAN DU NI MA YIN ZHES GSOL TO, ,RGYAL POS GSUNGS PA, GANG DANG GANG GI DGOS PA DE DANG DE THAMS CAD BDAG GI MDZOD 'DI NAS NYE BAR LONG SHIG CES ZER RO, ,JI LTAR LHAS BKA' STZAL PA ZHES RGYAL PO'I BKA' THOB NAS, ,DE NAS BYA BA YO BYAD 'DZIN PAR BYAS PA DE DAG NI, ,DE'I TSOGS DANG CHU BO DE DANG DE RNAMS RGAL BYAS NAS, ,YAL GA CAN DE'I YAL GA 'BRAS BU CAN RNAMS 'DUD PA CHE BA NI, ,RGYA MTSO'I 'GRAM SKYES GYEN LTA'I GDONG CAN DAG GIS MTHONG BAR GYUR, ,RIM GYIS KYANG KUN NAS DER PHYIN NAS GAS PA'I NYA PHYIS KHA SPYOD KHA PHYE NAS BYUNG BA'I MU TIG GI RDOG MA RNAMS KYIS KHYAB PA'I DKAR PO'I 'GRAM DANG LDAN PA'I DBUS SU RAB TU RGYUG PA'I SPRE'U DANG BYAR LDAN PA, MIG SMAN GYI PHYE MA'I TSOGS LTAR SNGO BA'I CHU DANG LDAN PA, RLABS CHEN PO'I RGYUN GYIS LA PA KA'I ME TOG BSKUL BAS KUN NAS BSRES PA'I DBU BA'I PHRENG BAS BSKOR BAR BYAS PA'I 'GRAM GYI RI MO CAN, SHIN TU MYUR BA'I GZINGS 'GRO BAS SGRA BSKYOD PA, NANG DU CHU SRIN KUN NAS 'KHOR BAS KUN NAS CHAG PA'I GZHON NU MA'I BYI RU CAN, @44B CHU'I GLANG PO RNAMS KYI SNAS MNGON PAR BRDUNGS PA'I G-YO BA'I DUNG GI TSOGS DANG LDAN PA DANG, SBRUL MCHOG RNAMS KYI NOR BU STONG GI 'OD RNAMS KYIS SA 'OG SNANG BAR BYAS PA DANG, MKHA' LDING GI GSHOG PA GNYIS BSKYOD PAS RLABS CHEN PO'I TSOGS RNAM PAR 'KHRUG PAR BYAS PA, SHIN TU YID 'PHROG PA'I NA LI GE LA DANG PA NA SA DANG KA PUN TA DANG BA KU LA DANG, PUN NA KA DANG, TZAM PA KA DANG, TI LA KA DANG, MYA NGAN MED DANG, LHAN CIG BYED PA DANG, AU DUM B'A RA DANG, ,PA LA KshA DANG, N+YA GRO DHA'I SHING GI NAGS RNAMS KYI MTHA' MI MNGON PA DANG, MTHA' MED PA'I NGO MTSAR SNA TSOGS PA'I GZHI DANG, KE TA KA'I TSOGS KYI ME TOG RNAMS REG PAS DRI ZHIM PA'I RLUNG GI STOBS KYIS TZAN DAN GYI SHING RNAM PAR 'KHRUGS PAS NYE BAR SBAS PA DANG, MA LA YA'I RI BO LAS 'BAB PA'I DUS KYI CHUS DAG PAR BYAS PA'I BRAG GI DKYIL NA NYE BAR GNAS PA'I RIG PA 'DZIN PA PHO MO GNYIS KYIS LTA BAR GYUR PA'I RGYA MTSO CHEN PO LA LTA BAR BYED PA'I BYA BA GNYIS KYIS 'ONGS NAS MTHONG STE, SHING GI TSOGS DE LA NGES PAR 'BREL BA'I SHANG SHANG DE'U RNAMS YAL GA CAN DE'I 'OG TU, PADMA RNAMS KYIS BKAB PA'I CHU NI CHE BA LA, ,'GRAM GYI MTHA' YI PHYOGS NA DUNG RGYAN RNAMS KYIS NI, , MAL NI CHEN PO GOS KYIS KUN NAS BSKOR BYAS PA'I, ,YID DU 'ONG BA DRI ZHIM PO NI BTING BAR GYUR, ,RGYA SKYEGS KHU BAS MTSAN MA'I SHEL BZHIN SHIN TU DMAR, ,CHANG GI RLUNG GI RLABS NI 'BYUNG BAR BYAS PA NI, ,RGYA CHEN GSER GYI SNOD RNAMS LA NI DE DAG GIS, ,CHANG NI BLUGS SHING 'DUG PA NYID DU GNAS PAR GYUR, ,DER YANG BYA BA GNYIS SONG BA LA SHING DE LAS BABS NAS SHANG SHANG DE'U GNYIS RO MYANG BAS BKUG BZHIN PA'I RNYI DANG LDAN PA, MAL DE LA 'BREL NAS CHANG DE MYANG ZHING 'DUG PAR GYUR TO, ,MYANGS NAS KYANG MYOS PA'I DBANG GIS DRAN PA RNAM PAR RMONGS PAS KUN NAS 'PHUR MI NUS SHING DE NYID DU NYAL BAR GYUR TO, ,DE NAS SNA TSOGS GOS CAN MAL GYI DBUS SU NYAL BZHIN PA, ,CUNG ZAD BTZUMS PAR BYAS PA'I MIG CAN KUN NAS BTUD PA'I GDONG, ,MYUR BAR 'ONGS NAS BYA 'DZIN PA LA MKHAS PA DE DAG GIS, ,RIM GYIS RTOGS PAR BYAS NAS BYA NI GNYIS @45A *, ,PO BZUNG BAR GYUR, ,YUL GYI BDE BA LA NI NGES 'BREL YID LDAN PA'I, ,RANG GI PHAN DANG GNOD PA 'JUG PA RTOG BYED PA'I, ,MOD LA LCI BA'I SDUG BSNGAL RJES SU 'BREL BA'I RGYU, ,BAG MED CI ZHIG BZHIN DU 'BYUNG BAR MI 'GYUR RO, ,DE NAS SHANG SHANG DE'U DE DAG RIM GYIS CHANG 'THUNGS PA'I MYOS PA DANG BRAL NAS BYA SHOR BA GNYIS PO DE LA SMRAS PAR GYUR PA, BZHIN BZANGS DAG KHYED CAG GIS BDAG CAG DGOS PA CI ZHIG GI PHYIR 'DZIN PA SMRA BAR GYIS SHIG ,BYA SHOR BA DAG GIS KYANG GTAM DE SMRAS PAR GYUR TO, ,DE NAS SHANG SHANG DE'U GCIG GIS 'DI SKAD CES SMRAS SO, ,BYA SHANG SHANG DE'U 'DI BZUNG NAS RE ZHIG KHYED GNYIS SDOD CIG ,JI SRID DU BDAG GIS SO DHA ZHES BYA BA'I SMAN BCUD KYIS LEN GYI GTZO BOR GYUR PA YONG PAR BYA YIS, ,DES MAR BTZO BAR BYAS NAS RGYAL PO'I SRAS DE LA SBYIN PAR BYA STE, DE 'THUNGS PAS KYANG 'DI SHIN TU SKYES BU'I TSE DANG LDAN PA DANG, GZUGS DANG STOBS KYIS PHA ROL RNAM PAR GNON PA 'BYUNG BAR 'GYUR RO ZHES ZER RO, ,RGYAL PO DE YANG DGE BA LA SBYAR BAR 'GYUR RO ZHES KHAS BLANGS PAS, BYA SHOR BA DE DAG GI NANG NAS SHANG SHANG DE'U CIG SONG NAS SMAN DE BLANGS TE MYUR BAR 'ONGS TE BYA SHOR BA DE DAG LA GTAD CING 'DUG GO, ,DE NAS KYANG BYA DE DAG DER 'DI SKAD SMRAS NAS DE SMAN DE BLANGS NAS RGYAL PO'I GAN DU NYE BAR 'ONGS TE SHANG SHANG DE'U'I PHRIN DE SMRAS NAS SMAN DE SMAN PA RNAMS LA GTAD CING 'DUG PAR GYUR TO, ,RGYAL PO DES KYANG NOR SBYIN PA CHEN POS BYA SHOR BA DE DAG YANG DAG PAR MGU BAR MDZAD DO, ,DE NAS 'BYUNG PO'I RIG PA LA YONGS SU MTHONG BA NYE BAR SPYOD PA CHEN POS SMAN PA DE RNAMS KYIS BCUD KYIS LEN TE, KUN NAS BTZOS TE BYANG CHUB SEMS DPA' LA DNGUL GYI SNOD DU BZHAG NAS BTUNG BA'I PHYIR NYE BAR PHUL BAR GYUR TO, ,GRONG KHYER DE DANG SHIN TU RING BA MA YIN PAR DBUGS BYUNG BA'I RI DAGS KYI TSOGS KYIS LHAG PAR GNAS PA'I SHING LO'I KHANG PA'I NYE 'KHOR DANG LDAN PA DANG, SHING DU MA'I ME TOG RNAMS KYIS DRI ZHIM PAR BYAS PA'I RLUNG GIS RNAM PAR BSKYOD PA'I PADMA'I TSOGS DANG LDAN PA DANG, DKA' THUB KYI NOR CAN GYI SKYE BOS KHYAB PA'I DKA' THUB KYI NAGS @45B CHEN PO YOD DE, DER YANG RANG SANGS RGYAS SO SOR GNAS PA DES LHA'I MIG GIS BYANG CHUB SEMS DPA' MTHONG STE, GZHON NU PHAN 'DOD PA 'DI SBYIN PA'I PHA ROL TU PHYIN PA RDZOGS PAR 'DOD PA STE, BDAG LA YANG NAD 'DI NYID YOD DE BAS NA BCUD KYIS LEN GYIS BTZOS PA'I MAR 'DI LA BSLANG BAR BYA'O SNYAM MO, ,DES KYANG KHO BO CAG LA DE RAB TU BYIN NAS NAD DE LAS GROL BAR 'GYUR TO, ,SBYIN PA'I 'BRAS BU CHEN PO YANG SBYOR BAR 'GYUR ZHES RNAM PAR BSAMS NAS, BUD MED MCHOG GI MIG GI 'BRAS BU LTAR NAG PA'I, ,LHUNG BZED BZUNG NAS DE NI CHOS GOS RNAM 'PHYANG BA; ,SHUGS KYIS MKHA' LAS KUN NAS BSAMS TE MKHA' LDING LTAR, ,SA SKYONG KHYIM NI MDZES PAR RNAM PAR BZHUGS PAR GYUR, ,SA SKYONG BA YI KHYIM DER RAB TU ZHUGS NAS NI, ,CHE BA NYID KYIS SGO SRUNG RNAMS KYIS MA MTHONG BAR, ,ZHI BA NYE BAR 'ONGS NAS 'GRO LA PHAN 'DOD PA, ,BYANG CHUB TU NI RTZE GCIG PHAN 'DOD LA NI GSUNGS, ,DPAG MED 'OD CAN SA SKYONG SRAS LAGS BDAG LA YANG, ,NAD NI CHEN PO DON MIN LUS NI SKAMS BYED PA, ,'DI NI RAB TU DANG BAS BZHU BA'I SEMS KYIS ,NI, ,MAR DE LAS NI BDAG CAG LA YANG RAB SBYIN MDZOD, ,DE NAS THUB PA DE LA DE NI DANG BA LDAN, ,NAD DE GUS PA'I DBANG GIS BSAM BAR MA BYAS SHING, ,DGA' BAS SA LA PUS MO GNYIS NI BTZUGS BYAS NAS, ,MAR DE BDAG NYID KYIS NI GUS BCAS PHUL BAR GYUR, ,JI LTA JI LTAR 'DIS NI DRI MED 'DI 'THUNGS PA, ,RIM GYI RIM GYIS SNYING RJE CAN NI THUB PA CHE, ,RTAG PAR RTAG TU SPOBS PA RNYED PA PHAN 'DOD CAN, ,DE LTA DE LTAR 'JIGS PA BZHIN DU NAD KYIS BTANG, ,DE NAS NAD DANG RNAM PAR BRAL BA'I BYANG CHUB SEMS DPA' DE MTHONG NAS DE LA NYIS 'GYUR GYI DANG BA SKYES PA'I PHYIR, RAL GRI PHYIS LTAR SNGO BA'I NAM MKHA'I DKYIL DU SONG NAS RANG SANGS RGYAS, ,NYIN MO BYED PA 'OD ZER 'BAR BA KUN NAS REG PA STE, ,ME NI 'OD RNAMS 'BYUNG BA SKAD CIG GIS NE SPRUL PA STE, ,BAR CHAD MED PAR DKAR BA'I NOR BU CHAG LTAR DRI MA MED, ,CHU NI DPUNG PAS CHU GTER BZHIN DU SPRUL PA NYID DU GYUR, ,DE NAS BDAG NYID CHEN PO DES RAB TU DGA' BA'I YID KYIS BYANG CHUB SEMS @46A *, ,DPA' MDUN DU SONG BA'I SKYE BOS PHYAG BTZAL BAR GYUR CING DKA' THUB KYI GNAS DE NYID DU LOG PAR GYUR TO, ,DGA' BA'I YID DANG LDAN PA'I PHAN 'DOD GDAN LA 'DUG STE GUS PA DANG BCAS PAR NYE BAR GNAS PA'I SKYE BO'I TSOGS DE LA PHAN PA TSOL ZHING CHOS LAS MA 'DA' BA'I GTAM 'DI LTAR BYAS PAR GYUR TO, ,RANG SANGS RGYAS NI DE LA YANG, ,GUS BCAS MAR NI PHUL BA LA, ,BDAG GI LUS NI SKAD CIG DES, ,SDUG BSNGAL MED CING NAD MED GYUR, ,SBYIN PA'I ZHING GI ME TOG DANG, ,'DI LA MA 'ONGS 'BRAS BU CHE, ,DE LTAR KHYED RNAMS KYIS SHES NAS, , SER SNA 'BYUNG DOR 'BYUNG GYUR CIG, ,DON GNYER NYID KYIS BDAG CAG CHUNG BAR GYUR TE 'DI LA SHIN TU DGE BA 'BYUNG GYUR CIG ,NGO TSA BA YI BUD MED BDAG CAG GIS NI BTANG STE GRAGS PA'I BUD MED BSTEN CING YUN RING DU, ,'DI NI YANG DAG BSAMS BZHIN RANG GI NGAL BA BRAL BA GANG RNAMS SBYIN PA POR 'ONGS PA, ,GROGS PO DANG NI DON GNYER PHAN PA TSOL BA DE RNAMS KYIS MTSUNGS GZHAN NI SU ZHIG YOD, ,GROGS PO'I RANG BZHIN SKAR MA'I BDAG PO LTAR DKAR ME TOG RNAMS NI GANG ZHIG BSAL BYAS NA, ,CHE BA ZHIM PA'I RO NI RNAM PAR SMIN PA RNYED PAR BLA BA DGE BA'I 'BRAS BU STE; ,GANG ZHIG SBYIN PA'I BDAG PO YI NI SNYING LA BDE BA BSTOD PA'I GRIB MAS BYED PA STE, ,SLONG BA PO YI ZHING DE RAB TU SBYIN PA'I CHU CHEN POS NI SU ZHIG SBENGS MI BYED, ,GANG ZHIG SBYIN PA'I PHA ROL PHYIN PAS SA LA BYANG CHUB SEMS, ,SEMS CAN DON DU BRTZON PA'I BLO CAN RIM BZHIN SBYANG BAR BYED, ,GNAS LA DON GNYER BCOM LDAN 'DAS DE DON DAM MKHYEN PA NI, ,DGE BA'I BSHEN GNYEN ZHES BYA DE NI BDE BAR GSHEGS PAS GSUNGS, ,BYANG CHUB SEMS DPA'I TSOGS DE LA LEGS SO ZHES BYA BA MNGON PAR BSGRUB PAR BYAS NAS SKYE BO'I TSOGS DE SBYIN PA LA RTZE GCIG PA BYUNG BAR GYUR TO, ,DE LTAR NA BDAG NYID KYI SDUG BSNGAL LA YANG MA BRTZIS SHING, BCOM LDAN 'DAS DE BYANG CHUB SEMS DPAR GYUR PA NA GZHAN DON NYID MDZAD DO ZHES BYA BA RNAM PAR BSAMS NAS SANGS RGYAS BCOM LDAN 'DAS LA RTAG TU DAD PA DANG LDAN PA RNAMS KYIS GNAS PAR BYA ZHES BYA BA'O, , @46B PHAN 'DOD KYI SKYES PA'I RABS TE SKYES PA'I RABS BCU PA'O, ,SDOM LA, RAB SNANG DED DPON LEGS BSHAD NI, ,DON GNYER RI BONG MGO BO GTONG, ,NU SBYIN TSONG DPON NYA DANG YANG, ,SDOM TSANGS SBYIN DE BZHIN MAR SBYIN,, ,,SNYING RJES RJES SU 'BREL PA GZHAN DON DU, ,SROG NI GTONG ZHING RTZA BZHIN 'DOD PA STE, ,SRA BA'I YID CAN RNAMS KYI YANG NI YID, ,BDAG NYID CHE RNAMS 'JAM PA NYID DU KHYER, ,'DI LTAR RJES SU THOS TE, CHU BTANG BA NYID KYIS ZLA TSES ZHU BAR GYUR PA LTAR 'JAM PA'I RLUNG GIS BSKUL BA'I CHU'I RLABS KYI TSOGS DANG LDAN PA'I DUR PA PHO MO GNYIS KYIS NYE BAR MDZES PAR BYAS PA'I 'GRAM DANG LDAN PA'I B'A R'A n'A S'I ZHES BYA BA'I CHU BOS MNGON PAR BRGYAN PAR BYAS PA'I RI BO'I BAR NA, RNAM PA SNA TSOGS PA'I SHING RNAMS KYI GRIB MAS CHU RTEN GYIS CHU BSGRIBS PAR BYAS PA RTZVA SNGON POS SA'I CHA SNGON POR BYAS PA'I 'BROG DGON PA 'GA' ZHIG NA, BYANG CHUB SEMS DPA' RI DAGS KYI TSOGS KYI BDAG PO BYUNG BAR GYUR TO, ,'O MA'I RGYA MTSO'I DBU BA LTAR NI DKAR ZHING LTO BA SRAB, ,RGYAB KYANG BUNG BA RNAMS KYI TSOGS LTAR NAG PAR GYUR PA NI, ,GANG ZHIG NAGS KYI MTHA' YIS LA ZUR MIG GIS LTA 'DRA BA YI, ,SGEG PA'I MIG 'BRAS 'DRES SHING SPRO BA'I MIG RDZIS MDUN NI MDZES, ,DE LTAR GYUR PA'I BYANG CHUB SEMS DPA' DE'I CUNG ZAD GZUGS DANG MDANGS DANG TSAD RJES SU 'DRA BA'I LHA SBYIN DE DANG NYE BAR SBYOD PA NI SHIN TU CHE BA MA YIN PA'I RI DAGS KYI TSOGS LA BDAG PO NYID BYAS BAR GYUR TO, ,DE DAG BDAG PO DE DAG GIS, ,RTZVA NI ZA ZHING SKYONG BYAS PA, ,DOGS PA RNAMS BRAL DBUGS PHYUNG BAR, ,RI DAGS TSOGS DAG LA SPYOD 'GYUR, ,DE NAS DUS 'GA' ZHIG NA RI DAGS SHOR BA LA CHAGS SHING GOMS PAR BYAS PA TSANGS PAS SBYIN ZHES BYA BA'I RGYAL PO B'A R'A n'A S'IR NGES PAR 'BYUNG STE, ,'KHYOG CING BRANG GI MTHIL LA GZHU RNAM PAR ZHUGS PAR BYAS PA, RTA MCHOG LA ZHON PA DANG RANG DANG 'DRA BA'I SKYE BOS RJES SU 'BRENG BA, RTA RNAMS KYI RMIG PA LAS KUN NAS 'BYUNG BA'I RDUL GYIS KUN NAS DRI MA CAN DU SONG BA'I MIG GI RDZI MA NYIN MO BYED PAS KUN NAS GDUNGS PA'I RDUL GYI THIGS PA SKYES PAS DPRAL BA'I PHYOGS KUN @47A *, ,NAS MNAN PA, DMAG TSOGS KYI SGRAS KUN NAS SKRAG PAS STENG DU 'PHUR BA'I RMA BYA DANG TI TTI RI DANG TZA KO RA'I TSOGS DANG KHYIM BYA CAN DANG, MI MNYAM PA DANG MTHON PO DANG DMA' BA'I SA'I CHA DANG LDAN PA DANG, 'GA' ZHIG TU RKANG THANG RNAMS KYI RKANG PA DANG RI DAGS RNAMS KYI RMIG PA RNAM PAR BKOD PAS NGO MTSAR BA DANG SPROS PA DANG NYA'I TSOGS KYIS RNAM PAR BSTEN PA'I CHU KLUNG GI 'GRAM GYI CHU DANG LDAN PA DANG, MYOS PA'I GLANG PO'I BDAG PO DPRAL 'BUR BRAD PAS YANG DAG PAR ZHUGS PA'I SMYON CHUS DRI DANG BCAS PA DANG, SHING GI SDONG BU DANG NYE BAR 'KHOR BZHIN PA SBRANG RTZI'I BYED PA'I TSOGS DANG LDAN PA DANG, 'GRAM GYI SHING RNAMS KYI YAL GA LA 'BYAR BA SKAMS PA'I SHA MO DANG MIG GI 'BRAS BU DANG, BY'A KA RAndA DANG, DUR SKYA'I MJUG SGRO DANG KUN NAS 'DRES PA'I KA SHA DANG, RTZVA KU SHA DANG, SMYUG MA'I SDONG PO DANG, LO MA'I TSOGS KYIS MTSON PAR BYED BZHIN PA YUN RING POR 'DAS PA'I RI BO RNAMS DANG CHU KLUNG DANG LDAN PA DANG, RDZING BU RNAMS KYI 'DAB LA KHYAD PAR DU BYING BA'I STAG GI RJES CAN DANG, AU DUM B'A RA SMIN PA'I DRIS DRI ZHIM PAR BYAS PA'I TSANG TSING DANG LDAN PA DANG, RLUNG GIS BSKYOD PA'I BA DAN SRAB PA RNAMS LTAR 'KHYOG PA'I LTO 'PHYE RNAMS 'GRO BA RNAMS KYIS MTSON PAR BYAS PA'I LAM GYI RDUL DANG LDAN PA DANG, NAGS KYI NANG RNAMS SU RNAM PAR MTHONG ZHING CUNG ZAD 'DA' BAR BYAS NAS, RI DAGS KYI TSOGS GNYIS DE DBUGS 'BYIN ZHING GNAS PA DMAG TSOGS KYIS KUN NAS BSKOR ZHING 'DUG GO, ,DE NAS DMAG GI GZHU NI BDUNGS PA RNAMS MTHONG NAS, ,BSKYOD PA'I G-YER KHA LAS NI BYUNG BA'I SGRA LDAN PA, ,SKYABS MED TSOGS PA RNAMS NI KUN NAS 'BYER BA CAN, ,'JIGS PA'I DBANG GIS RI DAGS RNAMS NI KUN NAS 'BROS, ,KUN NAS BSKOR BA'I RI DAGS RNAMS NI MTHONG NAS KYANG, ,MI BSKYOD DMAG TSOGS KYIS NI BYANG CHUB SEMS DPA' DE, ,RING PO NAS NI DONG BA'I MDA' NI 'DON BYED CING, ,SA YI DBANG PHYUG GAN DU 'ONGS SHING SMRA BAR GYUR, ,CIG CAR RI DAGS ZAD PA'I DON DU CI PHYIR NI, ,GZHU 'DI KHYOD KYIS MDA' DANG BCAS PA BYAS PA STE, ,NYIN MO BYED PA KHYED KYI NAG PO'I TSANG DU @47B NI; ,RI DAGS RE RE BDAG GIS RNAM PAR GTANG BAR BGYI, ,DE NAS SA YI BDAG POS DE LA SMRAS PA STE, ,RI DAGS GAL TE DE NI BDEN NA DE LTAR BGYI, ,GAL TE RNAM PAR GZHAG PA 'DI NI MI BYED NA, ,DE NAS RI DAGS RNAMS LA SLAR NI BRDEG PAR BGYI, ,DE NAS KHAS NI BLANGS TE SA SKYONG SONG BA DANG; ,DKAR PO'I GDUGS KYIS NYI MA'I GDUNG BA BZLOG BYAS PA, ,RI DAGS DE RNAMS SLAR NI GCIG NYID DU GYUR PA'I, ,GAN DU 'ONGS TE BYANG CHUB SEMS DPAS SMRAS PA YIN, ,CIG CAR 'JIGS PA KUN NAS NYE BAR 'ONGS PA LA, ,GAL TE SLAR NI RIM PA RNYED 'GYUR DAM PA DE, ,RING POR ZHI BA'I RGYU NI RIM BZHIN THOB NAS NI, ,NAM ZHIG TSE NA GZHAN NYID CES BYA 'BYUNG BA YIN, ,GLANG PO'I DPRAL 'BUR RNAM PAR 'BYED LA MKHAS PA YIN, ,STOBS LDAN GNYA' RAL CAN RNAMS LA YANG SDANG BYED PA'I, ,MI DBANG RNAMS NI MDA' YIS SROG RNAMS ZAD BYED DE, ,KU SHA'I RTZE ZA RI DAGS NAGS SU SMOS CI DGOS, ,NOR BU DKAR PO LTAR NI GTZANG BA'I 'OD RNAMS KYIS, ,MUN PA 'JOMS SHING 'GRO BA SNANG BYED RI BONG MTSAN, ,'OD NI BRAL ZHING NUB PA'I RI LAS LHUNG BA STE, ,DNGOS PO THAMS CAD SKAD CIG GIS NI 'JIG PA NYID, ,CHU RLABS CHEN PO DANG LDAN CHU NI SHUGS KYIS 'KHRUG PAR BYAS NAS NI, ,RGYA MTSO'I NANG NAS SBRUL NI 'DUL BYED BU YIS 'DON PAR BYED PA STE, ,LAS RNAMS KYIS NI RNAM PAR MKHAS PA SU ZHIG 'DA' MI BYED, ,DON DU BYAS PA'I LAS RNAMS KYIS NI RNAM PAR SMIN PA MKHAS PAS KYANG, ,STOBS NI CHE BAR GRAGS PA SU ZHIG GIS KYANG 'DA' BAR MI BYED DO, ,DE LTAR LAS 'GRO SHES NAS NI, ,SHES PA LA GSAL MKHAS PA RNAMS, ,SROG NI GTONG YANG NGAL BA NI, ,BRTAN PA'I SEMS BRTAN 'GRO MI 'GYUR, ,DE NAS DES RI DAGS KYI TSOGS KYI BDAG PO GNYIS KYI BKAS TSOGS DE DAG LAS NYI MA RE RE ZHING RGYAL PO DE'I KHA ZAS 'TSED PA'I TSE RI DAGS RE RE TSANG MANG DU BTANG BAR GYUR TO, ,DE LTAR NA YANG NYIN ZHAG KHA CIG 'DAS PA DANG LHA SBYIN GYI RI DAGS KYI TSOGS LA 'JUG PA NA RI DAGS MO SBRUM MA CIG LA 'GRO BA'I RES BAB PO, ,DE NAS DES RANG GI RI DAGS KYI TSOGS DES BDAG PO'I GAN DU 'ONGS NAS SMRAS PA, @48A *, ,RJE BO LAGS NGES PAR SANG NANG PAR BDAG NI PHRU GU SKYE BAR 'GYUR BA STE, ,DE NAS PHRUG PA SKYES NAS NAGS NA RI DAGS KYI PHRUG PA RNAM PAR BZHAG NAS BDAG NI 'GRO BA STE, BDAG GIS KYANG DE NAS 'CHI BAR RIGS DE MNGAL NA GNAS PA'I PHRUG PA 'DI DANG NI MA YIN ZHES ZER RO, ,RI DAGS KYI TSOGS KYI BDAG PO LHA SBYIN GYIS SMRAS PA, DE'I PHYIR KHYOD KYI RE MOS BAB PAS NA RI DAGS GZHAN SU ZHIG 'GRO BAR 'GYUR TE RNAM PA THAMS CAD DU KHYOD NYID 'GRO BAR RIGS SO, ,KHYOD NI BDAG NYID MI SHES PA, ,GZHAN ZHIG BDAG GI BKA' LAS 'DA' BAR BYED DO ZHES ZER RO, ,DE LTAR RI DAGS KYI TSOGS KYI BDAG PO DES NGES PAR BSKRAD PAS RI DAGS MO DE SONG NAS 'DI LTAR SEMS ZHING 'DUG STE, GANG ZHIG 'DI RI DAGS KYI BDAG PO GNYIS PA SHIN TU SNYING RJE DANG LDAN PA DE BAS NA YANG RE ZHIG GSOL BA GDAB PAR BGYI'O SNYAM STE SONG NAS KYANG BYANG CHUB SEMS DPA' LA SMRAS PA; TSOGS BDAG BDAG LA RE MOS NI, ,MI SKYONG KHANG BAR 'GRO RES BAB, ,BDAG KYANG MNGAL 'BYUNG NYE BA NI, ,DE PHYIR PHRUG PA 'DI SRUNGS SHIG ,SKYES MA THAG TZAM 'DUG PA NI, ,LCES KYANG NYE BAR LDANG BYAS TE, ,NU MA 'THUNG DU BCUG NAS BDAG ,PHRU GU G-YO BA'I MIG LDAN PA, NAGS MTHAR DUNG GI DUM BU BZHIN, ,GRIB LDAN SO NI SAR BA YIS, ,LJANG SNGON RTZE MOR REG BYED PA, ,MDUN DU GNAS PA RNAM MTHONG NAS, ,TSOGS LDAN TSOGS LA BDAG GI NI, ,NU MO CHUNG BA YOD PA STE, ,DE LA BU NI BTANG BYAS NAS, ,DON BYAS BDAG NI 'GRO 'GYUR BA, ,BU LA GDUNG BA'I RI DAGS MO, ,'DI LTAR MNGON DU BRJOD CING MTHONG BYAS NAS, ,TSOGS KYI BDAG PO LA NI SHIN TU YANG, ,SNYING NI BRTZE BAS KUN NAS GNAS PA STE, ,SDUG BSNGAL LDAN PA MA 'DRIS PA LA YANG, ,DAM PA'I BRTZE BA SHIN TU 'PHEL BA STE, ,RTZA BA'I TSOGS LA CHU YIS SBANGS BA NI; ,SHING LA YANG DAG BRTEN NAS LJON SHING BZHIN, ,PHONGS PA SKYABS SU 'GRO BA MTHONG NAS NI, ,GANG ZHIG NYE BAR BRTZE BA YOD PA STE, ,DE YI SDUG BSNGAL 'JOMS PAR BYED PA'I RGYU, ,'BAD PA MCHOG NI DE NYID BYED PA YIN, ,DE NAS RI DAGS KYI TSOGS KYI MGON POS RI DAGS MO @48B DE LA SMRAS PA, ,BZANG MO YID LA 'PHROG PA'I MYA NGAN KUN NAS DOR, ,BDE BA NYE BAR THOB NAS NAGS NA SPYOD CING KHYOD 'DUG SHOG ,MI YI BDAG KHYIM RANG NYID KYIS NI BDAG NYID 'GRO BAR 'GYUR, ,SAR PA SHIR SHA LTAR 'JAM RTZVA NI KUN NAS 'DZIN BYED CING, ,ZLA BA'I 'OD KYI TSOGS LTAR DRI MED CHU NI 'THUNG BYED PA, ,'DIR NI RI DAGS PHRUG RNAMS LHAN CIG KUN NAS ROL BZHIN PA, ,BU NI G-YO BA'I MIG CAN YUN RING POR NI LTA BAR GYIS, ,DE LTAR RI DAGS MOD DE DBUGS PHYUNG NAS NI BRTAN DES SMRAS, ,DE RING RI DAGS MO NI 'CHI LAS SKYOB PA BDAG GIS NI, ,JI LTAR SRID PA GZHAN DU BYAS PA'I SDUG BSNGAL SKYED BYED NI, ,BDUD LAS RGYAL BA'I BYANG CHUB THOB NAS DE LTAR SKYOB GYUR CIG ,DE LTAR SMRAS NAS LTO BA MNAN PAS DROD BCINGS SHING RMIG PA SBYAR BAS RDUL 'BRAD PAR BYED CING, RI DAGS RNAMS KYI SKYUG LDAD KYIS RGYA SHUG GI TSI GU DOR BAS THA MA NGES PAR BSAGS PA'I 'DUG PA'I GNAS LAS SNGAR KUN NAS LANGS NAS, YID MI BDE BA'I TSOGS DANG RJES SU 'GRO BZHIN PA'I TSOGS KYI BDAG PO DE B'A R'A nA S'IR MNGON PAR SONG BAR GYUR TO, ,DE NAS ME TOG PHYE MA 'BRAS BU RNAMS KYIS KHYAB, ,RNAM KHYAB BUNG BA RNAMS KYI SKAD KYIS KHYAB PA DANG, ,RLUNG GI YAL GA'I RTZE MO'I LAG PA G-YOB PA YIS, ,RI SHING RNAMS KYANG DE LAS ZLOG PAR BYED LTAR 'DUG ,GROGS LTAR RI DAGS DES NI RNAM PAR GROL BZHIN PA, ,RLUNG GIS GDUNGS SHING G-YO BA YI NI 'DAB MA CAN, ,KUN NAS RNAM PAR KHYAB PA'I SHING BYE'U SKAD LDAN PA, ,BLTA ZHING LTA BAR BYED PA'I NAGS NI DU BA 'DRA, ,DE NAS BYANG CHUB SEMS DPA' B'A R'A nA S'I DANG NYE BAR 'ONGS TE CUNG ZAD THOGS PAS RI DAGS KYI TSOGS DE LA 'DI SKAD CES SMRAS SO, ,DA NI KHYED RNAMS LOG PAR MDZOD CIG DANG GANG GI PHYIR 'JIG RTEN PA DANG YANG DAG PAR 'BREL PA RNAMS NI RNAM PAR SBYOR BA RNYED PAR SLA BA'O; ,SHIN TU YUN RING POR YANG DPYID KA'I DUS NA NYAMS DGA' BA'I AUTPA LA'I TSOGS LA BRTEN NAS KHA BA'I DUS KYI KUN NAS RNYING BA'I 'DAB MA ZE 'BRU'I LTE BA CAN DRI DANG BRAL BA SPANGS NAS RANG BZHIN GYI G-YO BA'I DPAL 'GRO BA KHO NA STE, CHAR PA'I DUS KYI CHU GTER BA'I SNAM BUS 'KHRIGS PA'I @49A *, ,PHYOGS KYI BUD MED KYI BZHIN RNAMS KUN NAS SNANG BAR BYAS TE, GAR BYED PA DANG 'DRA BAR BSTAN PAR BYAS NAS STON KA'I DUS NA CHU RNAM PAR DOR BAS YANG BA'I CHU 'DZIN PA RNAMS LA CHAGS PA DANG BRAL BA'I SMAD 'TSONG MA'I BUD MED RNAMS KYIS YUN RING PO MA YIN PA'I 'OD TSOGS PA DANG BRAL BA'I CHAGS PA CAN DANG 'DRA BAR YONGS SU GTONG BAR BYED DO, ,MTSAN MO'I GDONG LA KHYAD PAR DU BYED PA'I BSIL BA'I 'OD ZER CAN YANG THO RANGS KYI DUS NA LHAN CIG SKYES PA'I 'OD KYIS YONGS SU DOR BAR BYED DE RNAM PA THAMS CAD DU CUNG ZAD DANG 'GRO BA LA YOD PA MA YIN TE, GANG ZHIG PHAN TSUN DU RNAM PAR BRAL BAR 'GYUR ZHES BYA BA RNAM PAR BSAMS NAS, CHOS LA RTZE GCIG PA'I KHYED RNAMS KYI GNAS NAS YANG DAG PAR BDAG NYID YONGS SU SKYO BAR BYA ZHES ZER RO, ,RI DAGS KYI TSOGS DE YANG 'DUG NAS BYANG CHUB SEMS DPA' BDAG NYID MIG GI YUL DU 'GRO BZHIN PAR MTHONG STE PHA DANG BRAL BA 'DRA BAR MYA NGAN GYI ZUG RDUS SNYING STOBS SHING ZAD PA DANG 'DRA BAS NAGS DER SO SOR 'GRO BAR GYUR TO, ,BYANG CHUB SEMS DPAS KYANG RI DAGS DANG, PHAG DANG MA HE DANG LUG RNAMS KYI RUS PA'I TSOGS LA 'BYAR BA'I TSOGS KYI KU COS 'JIGS SU RUNG BA, 'PHUR ZHING NYE BAR 'BREL BA'I SBRANG BU RNAMS KYIS SHA DANG CHU RGYUS KHYAB PA GRI RNON PO NYE BAR GZHAG CING RI DAGS 'ONG BA LA SDOD PA'I SHAN PA RNAMS KYIS KHYAB PA'I PHYUGS GSOD PA'I GNAS SU PHYIN NAS GNAS PAR GYUR TO, ,DE GSOD PA LA DBANG DU BYED PA'I SKYES BU DE RNAMS KYIS KYANG TSOGS KYI BDAG PO BLANGS NAS RGYAL PO LA STON CING 'DUG GO, ,RGYAL PO RI DAGS MIG 'DRA BAS, ,DE NAS RI DAGS DE LA SMRAS, ,YONGS SU MI ZAD TSOGS KHYOD NI, ,CI PHYIR RANG NYID KYIS 'ONGS SMROS, ,BYANG CHUB SEMS DPAS SMRAS PA, ,LHA LAGS SBRUM MA'I RI DAGS MO, ,BDAG LA SKYABS SU NYER SONG BA, , DE YI RE MOS BDAG 'ONGS SO, ,BU NI MTHONG BAR 'DOD PA YIS, ,'DOD CHAGS MI DE'I YID RA BA, ,RDZOGS PAR BYAS NAS MCHOG DGA' BA, ,BDAG NI 'CHI BDAG DGA' STON 'DOD, ,RI DAGS MO YANG RI DAGS 'DIR, ,SHI BA'I DON DU 'GRO MTHONG BA, ,GANG ZHIG BDAG LA SDUG @49B BSNGAL GYUR, ,DE NI DE RING 'BYUNG MI 'GYUR, ,DE PHYIR NGA NI DBANG PHYUG BDAG KYANG MJAL BAR MDZOD, ,SHAN PA RNAMS KYIS LHA LAGS GSUNGS SHIG CI YI PHYIR NI 'GOR, ,SHIN TU YANGS PA'I SNYING RJE'I GO CHAS BCINGS PAR 'BYUNG BA NI, ,BDAG GI SEMS 'DI SDUG BSNGAL MDA' YIS PHIGS PAR MI 'GYUR RO, ,DE NAS RGYAL PO DE DE'I GZHAN GYI DON BSGRUB PA LA MKHAS PA DE SNYING BRTZE RNAM PAR BSAMS TE NGO MTSAR BA BLOS NGO MTSAR BA NYE BAR THOB PA DANG 'DRA BA'I BYANG CHUB SEMS DPA' LA SMRAS PA, ,TSOGS KYI BDAG PO LEGS SO, ,GZHAN DON BSGRUB PA LA NI NGES PAR 'BREL BA'I SEMS, , RI DAGS GZUGS CAN RNAMS NI SKYES BU RNAMS KYI MCHOG ,GZHAN LA GNOD PHYIR 'BAD PA NGES PAR 'BREL BA NI, ,KHO BO CAG NI SBRUL DANG RI DAGS RNAMS DANG MTSUNGS, ,DE NAS BYANG CHUB SEMS DPAS RGYAL PO 'GYOD PA DANG BCAS PAR SHES NAS DBUGS 'BYIN ZHING BDE BA SKYES PA LA 'DI SKAD CES GSUNGS SO, ,NONGS PA BYAS PA SKYABS SU NYE BAR SONG BA STE, ,DGRA YANG KHRO BA RNAM PAR SPANGS NAS KHYED KYIS BSRUNGS, ,NONGS PA MED PA'I RI DAGS RNAMS KYI STENG DU NI, ,KHYOD KYI RNO BA'I MDA' RNAMS JI LTAR BTANG STE SMOS, ,RGYAB PHYOGS LDANG BA LA YANG NI, ,G-YUL NGOR KHYOD KYIS MA BRDEGS TE, ,'JIGS PAS SKRAG PA'I NYAMS BZHIN PA'I, ,RI DAGS RNAMS LA JI LTAR BRDEG ,KUN RTOG YANG DAG MIN PAS 'PHEL, ,RI DAGS SHOR BA BTANG BAR GYIS, ,'PHRO BA'I 'OD LDAN DMYAL ME LA, ,GANG ZHIG SREG BLUGS 'BYUNG BAR 'GYUR, ,DE NAS RGYAL PO DE YID RAB TU DGA' BAS TSOGS KYI BDAG PO DE SENG GE'I KHRI LA 'DUG TU BCUG NAS GUS PA DANG BCAS PAS DMA' BA'I STAN LA 'DUG STE, AE MA'O LEGS PAR BSHAD PA GTI MUG GI RAB RIB SEL BAR BYED PA'I CHOS BSTAN PA BDAG LA MDZOD CIG BYA BAR RAB TU SMRAS PAR GYUR TO, ,DE NAS BYANG CHUB SEMS DPA' RGYAL PO 'KHOR MA LUS PAS LTA BAR GYUR PA RGYAL PO DE LA RTEN PAR BYED CING 'DI SKAD CES GSOL TO, ,LEGS PAR BSHAD PAS DGA' BA DPAL GYI NGA RGYAL MED, ,GZHAN DON BSGRUB LA SHIN TU MKHAS PA'I BYA BA NA, ,YON TAN RNAMS KYIS TSIM MED YON TAN LDAN RNAMS GUS, @50A *, ,BDAG NYID CHEN PO RNAMS KYI SPYOD PA 'DI NI GRAGS, ,SHIN TU GSAL BAR BYAS PA'I MTHO BA'I GZI BRJID CAN, ,MI LA MI YI MTSAN MA GNYIS YIN TE, ,SEMS LA GUS PAS RGUD PA RNAMS KYANG PHONGS MED DANG, ,'PHAGS PA'I LAM NI GSAL BAR BYED PA'I KHREL YOD KYANG; ,SKYE NGAN RANG BZHIN NYID KYIS BSAM PA DRI MAR BCAS, ,DON MED GZHAN GYI GRAGS PA MIN LA SEMS BRTZE BYED, ,RANG SEMS DAG PA LA NI RNAM PAR ZHUGS PA'I BLO, ,MKHAS PA RNAMS NI DE LA'ANG SHIN TU BRTZE BAR LDAN, ,SKYES BU'I BYA BA 'DRA BAR BYUNG BA'I MI RNAMS LA, ,BYA BA KUN NI GZHAN LA PHAN PAR BYED PA MIN, ,KUN NAS 'PHROS PA'I 'OD KYI SPRIN BRAL NAM MKHA' LA, ,AA KA STI NYID DUG DANG BRAL BA'I CHU NI BYED, ,DAM PA'I SKYE BO DAM PA'I SPYOD PA 'PHRO BA YIS, ,RNAM PAR BSAMS BZHIN PA YANG NGO MTSAR SKYED PAR BYED, ,GANG TSE LUS CAN RNAMS LA MIG GI LAM DU 'GRO, ,DE TSE BDUD RTZI BZHIN DU YID RNAMS LA NI GTOR, ,GANG GI MA 'ONGS PA NA GZHAN LA PHAN PA'I CHU RGYUN RNAM PAR 'CHAD PAR MI 'GYUR RO, ,GANG GI BLO YI MIG NI MUN PA RNAM BRAL DE DAG GNYIS GNYID SAD PAR BYED, ,GZHAN RNAMS NYID NI PHYUGS KYI CHOS CAN GZHAN LA PHAN PA BYA BA LA NI DMAN PA'I BLO, ,BAG MED YID CAN MI SHES GNYIS DANG LDAN PA RNAMS LA NYIN DANG MTSAN MO DAG NI MNYAM, ,'KHOR BAR 'KHOR BAR BYED CING MUN NAG CHEN PO LA NI KUN NAS GNAS PAR BYED BZHIN NAM, ,DAM PA LA NI 'BRAS BU BSAGS PA SHIN TU CHE BA BDAG GI CHAD PA RNAM GNYIS YIN; ,GANG ZHIG KHYIM NI SPANGS NAS LEGS PA'I DON DU DKA' THUB NAGS LA MNGON PAR GNAS BYED PA, ,GANG LA YANG NI RNAM PAR DBEN PA LA MKHAS MKHAS PA RNAMS DANG LHAN CIG GTAM BYED PA, ,GANG GI PHUN TSOGS BDE BAR RANG KHYIM GNAS PA BZHIN DU DON GNYER RNAMS KYI LONGS SPYOD DE, , MUN PA RAB TU 'JOMS PHYIR GANG GI BLO YANG GSAL BAR DE DAG GNYIS NYID 'TSO BA STE, ,GANG ZHIG TSOGS PA MTHONG BA LA YANG BDAG NYID MKHAS PA NYID DANG BRAL BA YANG, ,BRIS PA'I NOR BU LTAR NI GZUGS 'DZIN DE YI YOD PA NYID KYANG NGES PAR MED PA NYID, ,DKA' BAS RNYED PA @50B YANG NI RIM GYIS BDE BA SLAR NI RAB TU 'JIG PAR 'GYUR BA STE, ,DE 'JIG PA LAS SKYES BU BSAM PA'I ME NI 'BAR BAR BYED CING KUN NAS GDUNG BAR 'GYUR, ,SDUG BSNGAL 'DI YIS SRID PA RJES SU 'BREL BA SKYED BYED G-YO SGYU'I DRA BA CAN NI RGYU, ,DE RNAMS SHIN TU BDE LDAN GANG GIS YID RNAMS LA NI CHUNG 'DOD YANG NGAG TU NI GTAD, ,GTI MUG GCOD PA'I LEGS PAR BSHAD PA 'BAD PA MED NYID RDZAS NI STER BAR BYED, ,RDZAS MED PA NI GSAL BA'I TSIG LDAN NGAG RNAMS DON MED PAR NI 'GYUR BA STE, ,BZO BO MKHAS PAS KYANG NI SPRIN BRAL NAM MKHA' DANG NI AINDRA N'I LA'I MDOG 'DRA BA'I, DPAL GYI SNYING PO BYED DE DRI MAS RTZUB PA'I DRIL BUR BCAS PA'I LCAGS KYIS MA YIN NO, ,DE LTAR YON TAN DANG YON TAN MA YIN PA'I BYE BRAG SHES PA'I RGYAL PO CHEN POS DAM PA'I LAM LA BRTEN NAS GNAS PAR BYA ZHES ZER RO, ,DE NAS RGYAL PO DE CHOS KYI GTAM GYI BDUD RTZI MYANG BAS TSIM PA'I YID RI DAGS RNAMS LA MI 'JIGS PA SBYIN PA GUS PA DANG BCAS PAS 'DI LTAR BYANG CHUB SEMS DPA' LA BSNGAGS PAR GYUR TO, ,SKYE BA YOD NA 'JIG RTEN 'DI NI 'CHI DANG NA BA'I NGAL BA RNAMS KYIS GNOD PA STE, ,SRID PA'I RGYUN GYIS NGES PAR BCINGS PA'I 'GRO BA LA NI SLAR YANG DE NYID SEMS KYI NAD, ,DE LTA SRID PA GZHAN GYI RAB TU 'JIGS PA CAHD PA'I 'KHOR BA MYA NGAN 'DAS PA'I MTHAR, ,KHYED CAG YANG DAG 'BREL PA'I RGYU ZHES RTOG PA SKYON DANG BCAS PA 'DI YANG BDAG CAG LA'O, ,DE NAS BYANG CHUB SEMS DPA' DE SENG GE'I KHRI LAS BABS NAS RGYAL PO LA DRIS PAR GYUR TO, ,MI YI MCHOG LAGS BDAG NI MED PAR YID MI BDE BAS NI, ,KUN NAS KHYAB PA'I RI DAGS TSOGS NI 'BYUNG BAR 'GYUR BA STE, ,YUN RING POR NI TSER MA MED PAR SA NI RJES SU SKYONG, ,DE NAS GAN DU GOM PA RINGS PAR BDAG NI 'GRO BAR BGYI, ,DE NAS TSOGS KYI BDAG PO DE SA SKYONG BAS RJES SU GNANG BAS NAGS DE NYID DU KUN NAS 'ONGS PAR GYUR TO, ,DE NAS TSOGS KYI BDAG PO RING PO NAS MTHONG STE, ,RI DAGS TSOGS DE DGA' BAS PHRAD 'DOD MIG LDAN PA, ,SO RTZES RTZVA SAR DANG NI KU SHA 'DZIN BYED PA, ,GRAL NI ZHIG STE MYUR DU MDUN NAS BSUS PAR GYUR, ,GANG ZHIG RNAM PAR BTZUM @51A *, ,BYAS MIG DANG 'DRA BA YOD 'GYUR BA, ,RI DAGS MOS NI TSOGS BDAG NAGS MTHA' NAS SONG BA, ,BRTAN PA DER NI KUN NAS 'ONGS PA DE NYID NI, ,SLAR YANG MIG NI PHYE BA 'DRA BAR SONG BA'O, ,DE NAS RI DAGS GTZO BO LA NI RI DAGS MO 'ONGS NAS, ,DGA' BA BSKYED CING YANGS PA'I MIG CAN 'DI SKAD CES NI SMRAS, ,BDAG GI YID NI BDE BAR BYED CING PHRUG GU 'DI NAGS SU, ,RI DAGS MGON PO KHYOD KYI DRIN GYIS KUN NAS ROL BAR BYED, ,BYANG CHUB SEMS DPAS KYANG RI DAGS KYI KHYU GNYIS PO DE LA DBUGS DBYUNG BAR BYAS NAS MCHOG TU DGA' BA NYE BAR SONG BAR GYUR TO, ,DE LTAR NA GZHAN DAG LA PHAN PA LA RTZE GCIG PA'I BCOM LDAN 'DAS DE DUD 'GROR GYUR PA NA YANG YOD PAR GYUR TO ZHES BYA BA RNAM PAR BSAMS NAS DE LA DANG BA NYE BAR BSKYED PA LA KHYED CAG GIS KYANG GNAS PAR GYIS SHIG CES BYA'O, ,RI DAGS KYI SKYES PA'I RABS TE SKYES PA'I RABS DANG PO'O,, ,,TSUL KHRIMS YONGS SU SKYONG BAR BYED PA NI, ,RMA BYAR GYUR PAS SEMS CAN RNAMS BSKYANGS TE, ,SROG LAS 'JIGS LAS GANG ZHIG SNGON DE LA, ,MI NI GANG ZHIG DAD PA SKYED MI BYED, ,'DI LTAR RJES SU THOS TE, DRI ZHIM PA'I PADMA'I NAGS KYIS KHEBS PA'I DRI MA MED PA'I CHU CHEN POS GRUB PA THOB PA'I SKYE BO'I YID RAB TU BDE BAR BYAS PA, RI BONG CAN GYI DKYIL 'KHOR MA LUS PA GZUGS BRNYAN SHAR BA DANG 'DRA BAR MTSO CHEN POS PHYOGS GCIG MNGON PAR BRGYAN PAR BYAS PA, LAM GSUM NAS 'GRO BA CAN GANG G'A'I CHU KUN NAS 'BAB PAS GRO GA DANG DE BA DA RU DANG NA ME RU'I TSOGS 'KHRUGS PAR BYAS PA DANG CHU BO DE ME RAB TU 'DZAG PAR BYAS PA DANG, KHA BA NYE BAR 'PHEL BAS SHIN TU RAGS PA'I RTZE MO STONG NYID KYIS, DNGUL GYI KA BA DANG 'DRA BAR STENG GYI PHYOGS KUN NAS KHYAB PA DANG GNYA' RAL CAN LAS KUN NAS SKRAG PA'I G-YAG GI TSOGS RAB TU ZHUGS PA SPRO BZHIN PA'I RNGA MA'I TSOGS KYIS G-YOB BZHIN PA'I RI SUL DBU MA DANG, RIL 'BAB PA'I CHUS BRAG RNAMS KYI MTHIL BKRUS BZHIN PA DANG, ME TOG SKYES PA'I LCUG MA RNAMS KYIS MTHAR 'KHOR BZHIN PA DANG, SKAD 'DON PA'I BUNG BA'I TSOGS KYIS KUN @51B NAS GLU BLANGS PA DANG, DBANG BSKUR BA DANG BCAS PA LTAR RNAM PAR MDZES PAR GYUR PA'I SA 'DZIN RNAMS KYI MCHOG LA KHA BA CAN GYI RI LA, AINDRA N'I LA DAG PA LTAR DRI MA MED PA DANG DBUGS DBYUNG BA'I RNAM PA CAN GYI MGO BO 'DZIN PA DANG, CHAGS PA LTAR DKAR BA'I MIG GI PHYOGS DANG LDAN PA, NI MA'I SHING GI ME TOG GSAL BA LTAR DMAR BA'I MCHU CAN, RGYA CHE BA DANG SNA TSOGS PA'I SGRO'I TSOGS DANG LDAN PA, AUTPA LA SNGON PO'I 'DAB MAS KHYAB PA'I GZHON NU MA'I SHIR SHA'I ME TOG GI TSOGS DANG RJES SU MTHUN PA'I CHE BA'I MJUG SGRO'I TSOGS GSER SNANG ZHES BYA BA'I BYANG CHUB SEMS DPA' RMA BYA'I BDAG PO BYUNG BAR GYUR TE, RMA BYA'I MCHOG NI SKYES BYAS NAS, ,DE NI RNAM PA SNA TSOGS SU, ,NGO MTSAR BA LTAR MTHONG BYED CING, ,LAS KYI BZO BA RNAMS BYUNG GYUR, ,SPRIN RTZOM DUS LA GAR GYI RJES CHAGS SKYES PA NI, ,RMA BYA LHAG PA'I RGYAL PO DE NI MTHONG BYED PA, , GSAL BA CHUNG BA NGO TSA LDAN PA LTAR DMAN PA'I, ,GLOG DANG 'BREL BA CAN RNAMS KYI NI SGEG PA BYUNG, ,RI YI CHU NI RDZA RNGA BZHIN DU SGRA LDAN PA, ,BUNG BA'I PI WANG RNAMS NI 'JAM PA'I SKAD LDAN PA, ,LCUG MA'I NAGS KYI KHYIM DU YID 'PHROG PA, ,RMA BYA SGEG PO DE NI SNA TSOGS GAR BYED GYUR, , KUN NAS 'PHRO BA'I MDONGS KYI RIN CHEN TSOGS LDAN PA, ,GANG TSE 'GRAM GYI MTHA' LA 'DZEGS NAS DES GAR BYAS, ,RLUNG GIS KUN NAS 'DAR BA'I NAGS CAN KHA BA'I RI, ,DE TSE COD PAN LDAN PA LTAR NI RNAM SNANG GYUR, ,YID 'ONG SGRA SGROGS RNAM PAR RGYAS BYED 'DOD PA'I BUD MED KYIS, ,SA YI RI MO LA NI KHYAD PAR 'DRA BAR BRIS PA LA, ,RMA BYA DER NI GNAS PA GRUB PA'I BUD MED RNAMS KYIS NI, ,LTA BA SHIN TU NGO MTSAR DBANG GIS TSIM PAR MA GYUR TE, ,KUN NAS DGE BA'I SPRIN GYI TSOGS KYIS 'KHRIGS PA'I PHYOGS SGO'I MTHA', ,DRI MA MED PA'I CHU NI GDONG BA'I STON KA'I DUS BYUNG LA, ,GANG LA SGRO TSOGS LDAN DES MDONGS KYI RIN CHEN TSOGS DOR BA, ,SA DE AINDRA N'I LA'I DUM BU LTAR NI MDZES PAR GYUR, ,YID 'ONG RIM GYIS RNAM PAR DPYOD PA'I RMA BYA'I SGRO MDONGS NI, ,TSOGS DANG RJES SU SONG BA'I 'GRO BA'I DGE BA PHYOGS GCIG PA, ,DE YOD PA LA 'DZIN MCHOG RMA BYA'I RGYAL PO NI, ,DBANG @52A *, ,PO'I GZHU RNAMS KYIS NI 'DRES PA LTA BUR SA MDZES GYUR, ,DE NAS DUS GCIG GI TSE RLUNG GI STOBS KYIS RNAM PAR 'BYED PAR GYUR PA'I ME TOG RNAMS KYI DRIS DRI ZHIM PAR BYAS PA'I PHYOGS KYI SGO RNAMS YOD PA DANG, 'KHOR BZHIN BA'I BUNG BA'I TSOGS KYIS 'DRES PA DANG, ,GLANG PO CHE'I PHRU GU'I SO LTAR KUN NAS SKYA BA DANG, ROL PA DANG BCAS PA'I SNYING PO CAN GYI KE TA YOD PA DANG, RTZEG MAR SKYES DANG PHYOGS SKYES DANG, NI PA DANG, KA TAM PA'I ME TOG GIS RI SUL DBU MA DRI ZHIM PAR BYAS PA DANG, DBANG PO'I SBAS PAS MNGON PAR BRGYAN PAR BYAS PA'I MA RA KA DANG, RTZVA SAR PA SNGON POS NAGS KYIS RNAMS LJANG GU YOD PA DANG, MIG DGA' BAR GYUR PA'I SA 'DZIN PA YOD PA DANG, SPROS PA BYED PA'I GLOG GI 'KHYUG PAS LTO BA MTSAN PAR BYAS PA DANG, DBANG PO'I GZHU BSTAN PA DANG, CHU'I RGYUN GYI MDA' LTUNG BAS RAB TU SNANG BAR BYAS PA'I SO GA'I DUS KYI SGRA RNAMS YOD PA DANG, NAM MKHA' G-YOGS PAR BYAS PA'I CHU 'DZIN YOD PA DANG, GRANG ZHING BSIL BA'I REG PAS NYIN MO BYED PA'I GDUNG PA BSAL BA DANG, TZAN DAN GYI SHING LAS GDENGS CAN GYIS KUN NAS DOR BA DANG, DANG PO'I CHU'I RGYUN GYIS SHIN TU YID DU 'ONG BA'I CHU RLABS KYI LAG PAS 'PHROG PAR BYAS PAS SPU PHRENG GI THOD PA DANG LDAN PA DANG, RNYOG PA'I CHU GOS KYIS RGYA CHE BA'I CHU BO'I 'GRAM GYI BUD MED KYI MTSAN MA G-YOGS PAR GYUR PA DANG, MYOS PA DANG 'DRA BAR SHES BYED DAM NYE BAR SONG BA'I CHU BO'I BUD MED RNAMS YOD PA LA, MCHIL MA DANG BCAS PA'I BDAG PO'I SKYE BO MTHONG BAR 'DOD PAS LTA BAR GYUR PA DANG, SPRIN GYI SGRAS RAB TU DGA' BA DANG 'JAM PA'I SKAD RNAM PAR 'DON PA'I KHYIM GYI RMA BYA YOD PA DANG, CHU 'DZIN SAR PA'I THIGS PA LHUNG BAS CAR CAR GYI SGRA SKYES PA'I TA LA DANG, TI LI DANG NA LI GE LA'I NAGS RNAMS LA RMA BYA'I RGYAL PO THO RANGS KYI DUS SU SRAB PA'I CHU'I THIGS PA RNAMS KYIS SGRO'I GSHOG PA RGYAS PAR BYAS PA DANG, RNA BA DANG SNYING 'PHROG PAR BYED PA'I SKAD RNAM PAR 'DON PA DANG, NAM MKHA' MDZES PA'I DON DANG 'DRA BAR 'PHUR TE, B'A R'A nA S'I DANG NYE BAR RAB TU SONG BAR GYUR TO, ,GRONG KHYER DE LA YANG RGYAL PO TSANGS PAS BYIN DANG LHAN CIG TU NYAL @52B BA LAS RAB TU SAD PA'I PHAN TSUN DU KUN NAS CHAGS PAS RGYAN RNAMS 'PHROG PAR BYAS PA, CUNG ZAD DKAR BA DANG DMAR BA'I MIG GI AUTPA LA DANG LDAN PA DANG, DPE MED MA ZHES BYA BA'I BTZUN MOS RGYAL PO DE LA DRIS PA, SKAR MA'I BDAG PO GDONG CHE BA, ,SKAD 'DI SU YIS ZHES SMROS SHIG ,GANG DE THOS PAR GYUR PA YIS, ,BDAG NI YID NI BDE BAR BYAS, ,RGYAL POS GSUNGS PA, BTZUN MO GSER GYI SNANG BA ZHES BYA BA'I MI'I SKAD CAN RGYAL PO KHA BA CAN GYI RI LA GNAS BCAS PA, ,NAM MKHA' LA KUN NAS SPYOD BZHIN PA MA RA KA TA DANG, AINDRA N'I LA DANG, BEE d'U RYA'I PHUNG PO LTAR 'OD GSAL BA DE'I RANG BZHIN GYI YID 'PHROG PA'I DBYANGS NI 'DI YIN TE, YANG NGO MTSAR BA DANG BCAS PA'I BTZUN MOS GSOL PA, RMA BYA'I BDAG PO 'DI SLAR LHA'I RNA BA'I LAM DU GANG NAS 'ONGS ZHES ZER RO, ,RGYAL POS SMRAS PA, SKYES PA'AM DUD 'GRO RNAMS KYI YANG, ,YON TAN RNAM NYID GSAL BYED DE, ,MUN PA'I TSOGS NI BSAL BYED PA, ,NOR BU DAG GI 'OD RNAMS BZHIN, ,RMA BYA'I RNAM PA GZUNG NA NI, ,SU ZHIG DGOS PA GANG GIS KYANG, ,MIG GI DGA' STON GYUR PA 'DI, ,GOO RI BLA MA'I NAGS LA GNAS, ,RMA BYA'I TSOGS KYI BDAG PO DES, ,TSANG TSING BRGYAN BAR BYAS PA NI, ,KHA BA CAN GYI RI DAGS NYID, ,MGON PO DANG LDAN 'DRA BA'I SEMS, ,'BRUG GIS RAB TU STER BA NI, ,CHU 'DZIN LEGS PAR SMRA BA BZHIN, ,SPRO BA'I MIG GI GLOG GIS NI, ,GAR GYI BYAS PA DE LTAR TE, ,SPRIN DUS GAR GYI BSTAN BCOS LA SOGS PA, ,RMA BYA ZLOS GAR MKHAN GYIS BOS PA NI, ,GLOG NI BDAG NYID GLO BUR SGEG DANG BCAS, ,GAR MKHAN MO LTAR BSTAN PAR YANG NI BYED, ,DE NAS DPE MED MA ZHES BYA BA RMA BYA'I BDAG PO DE'I RNA BA 'PHROG PAR BYED PA'I DBYANGS DES SNYING 'GUGS PA DAL GYIS RGOD PA DANG, SMIN MA BSKYOD PA DANG BZLOG NAS LTA BA'I ROL PAS KUN NAS CHE BA'I SGEG PA RNAMS KYIS RGYAL PO DE DBANG DU BYAS NAS, RGYAL PO DE LA GSOL BA, LHA LAGS RMA BYA'I BDAG PO DE GZUNG BA'I PHYIR 'BAD PAR MDZOD CIG ,BDAG CAG GI BTZUN MO'I 'KHOR GYI NANG DU RTZED 'JO BYED PAR 'BYUNG BAR 'GYUR ZHES BYA BA'O, ,BTZUN MO'I 'KHOR GYI DBUS SU SONG BA'O, ,GSAL BA'I MDONGS SGRO 'DZIN @53A *, ,PA'I RMA BYA YIS, ,SNA TSOGS NOR BU RNA BA'I RGYAN LTA BU, ,DES NA KHO BO CAG GI KHYIM GYI SAR GYUR CIG, RGYAL POS GSUNGS PA, BTZUN MO 'DI NI GZUNG BAR NUS PA MA YIN NO, ,BTZUN MOS GSOL PA, DRI ZHIM SMYON CHU'I THIGS PAS SPRUL PAR BYED PA YI, ,MCHE BA GNYIS PA STOBS CAN RNAMS KYANG DBANG DU BYED, ,BRTZON DANG BLO DANG THABS NI DRANG BA'I SKYES RNAMS KYIS, ,STOBS CHUNG GYUR PA'I 'DAB CHAGS RNAMS LA SMOS CI DGOS, ,NYA NI MIG GI LAM NAS SONG BAR GYUR NAS KYANG, ,CHU YI DBUS GNAS MCHIL PAS 'DON PAR BYED PA STE, ,THABS LDAN RNAMS LA BSGRUB BYA MIN PA CI ZHIG YOD, ,SOS BDAL MI LA BYA BA RNAMS NI 'BRAS LDAN 'GYUR, ,KHYAD PAR DU NI MKHAS PA'I BLO NI KHYED LA YOD, ,MKHAS PA MANG PO'I BSHES RNAMS KYANG NI YOD PA STE, ,GAL TE BDAG GI 'DOD PA 'BRAS BCAS MI BYED NA, ,KHYED DANG LHAN CIG GNYEN BSHES RGYAB PHYOGS BDAG NGES PAR, PHRUG BA TSANG LA GNAS PA KUN NAS SKYONG BAR 'DOD PA NI, ,SRAB PA'I SGRO RNAMS SBYAR BAS CHU BO'I CHU NI RAB BZUNG NAS, ,NAGS KYI ME NI SKAD CIG TU YANG PHUG RON MOS BSAD PA, ,GANG PHYIR MNYES GSHIN SKYE BO RANG LA GNOD PA SEMS MI BYED, ,DE NAS RGYAL PO DES BTZUN MO KHRO BA MA BYED CIG, ,BYA BA MA YIN PA YANG KHYOD KYI DON DU BYA YIS DE BAS NA DE GZUNG BA'I PHYIR BDAG GIS 'BAD PA BYA'O ZHES ZER RO, ,SGEG MO RNAMS KYI 'DOD PA RJES SU DGUG PA NI, ,SGEG PA'I ZHAGS PAS KUN NAS 'CHING BA'I YID DANG LDAN, ,DGE DANG MI DGE 'TSO BA LA NI SEMS GNYID LOG ,SKYE PO DON BCAS YANG NI DON MED NYID DU 'GYUR, ,GANG ZHIG MI MIN GZI BRJID YAN LAG THOB NAS NI, ,TIL MCHOG MA ZHES LHA YI BUD MED GRAGS PA NI, ,DES NI BDAG GI MDZES PAS 'JIG RTEN GSUM MGON YANG, ,SPYAN GSUM PA YI ZHAL NI BZHI DANG LDAN PAR BYAS, ,DKA' THUB NAGS LA GHA DHE'I BU NI DKA' THUB STE, ,BLO CHEN ME NA KAS NI DBANG PO RNAM 'PHROG PA, ,BRNYAS PAS PADMA'I RTZA BA'I GZHU CAN BKUG NAS NI, ,YID LA BYUNG BA RGOD CING MDAS NI 'BIGS PAR GYUR, ,GANG PHYIR DON GNYER CHUNG BA'I RGYU NI 'PHEL BA STE, ,GANG PHYIR MGO BOR RDUL GYI TSOGS RNAMS LHUNG BA NI, @53B GANG GI YID LA TSIG RTZUB MDA' RNAMS REG PA STE, DE NI LUS CAN RNAMS LA BUD MED RNAMS KYIS BYED, ,RAB TU 'BAD PA'I GO CHA KUN NAS BCINGS TE MDUN DU SRID PA'I DMAG NI RNAM BKOD NAS, ,MYUR BA NYID DU SHIN TU NGO TSA MED PA'I KUN NAS BRDUNGS BYAS TE, ,DON GNYER NYID KYI G-YUL NGO'I DBUS SU YONGS NAS BUD MED RNAMS KYI GZHAN DBANG NYID DU BYAS, ,SKYES BU RNAMS NI DMAN PA LAS KYANG SMIN MA G-YO BA'I MDA' RMA BZOD PA NYID DU 'GYUR, ,DE NAS RGYAL PO DES BYA SHOR BA RNAMS LA BOS NAS SMRAS PA, KHA BA CAN GYI RI LA GSER DU SNANG BA ZHES BYA BA'I RGYAL PO YOD DE, MYUR DU KHYED CAG GIS DE BLANG BAR GYIS SHIG ,GAL TE MI LEN NA DE NAS KHYED CAG THAMS CAD CHAD PA RNON POS 'CHI BDAG GI DRUNG DU BTANG BAR BGYI'O ZHES ZER RO, ,DE RNAMS KYANG 'CHI BA LA 'JIGS PAS DE LTAR BGYI ZHES KHAS BLANGS NAS SHIN TU MKHAS PA'I BYA BA SU ZHIG LA DON DU GNYER BAR BYAS TE GTONG ZHING 'DUG GO, ,BYA 'DZIN PA DE YANG RIM GYIS KHA BA CAN GYI RIL SONG STE, RMA BYA'I BDAG PO DE'I SPYOD YUL GYIS RNAM PAR SHES NAS ZHAGS PA RNAMS RNAM PAR BSAM PAR BYAS TE PHYOGS GCIG TU RNAM PAR GNAS SO, ,KHA BA CAN RI MTHON PO'I SA MNYAM NYE BAR YANG, ,BYA SHOR DES NI GANG DANG GANG GIS BKOD PA NI, ,RMA BYA DES NI SHIN TU MTHONG BA TZAM GYIS YANG, ,ZHAGS PA'I DRA BA DE DE RING PO NAS NI BCAD, ,DE NAS KHA BA CAN GYI RIL RING DU GNAS PA YANG LHA'I MIG DANG LDAN PA, THUB PA RNAMS KYIS BYANG CHUB SEMS DPA'I MTHU DE MTHONG NAS NGO MTSAR BA'I YID DANG LDAN PAS 'DI LTAR SMRAS PAR GYUR TO, ,DPAL LDAN BSOD NAMS LAM CAN 'DI YI LTA BAS NI, ,ZHAGS PA BSTAN PAS BCINGS PA BCAS PA JI LTAR 'DI, ,DAM PA 'DI LA BYANG CHUB THOB PA DE BZHIN DU, ,SHES RAB MTSON GYIS NYON MONGS ZHAGS PA GCOD PAR 'GYUR, ,DE NAS BYA SHOR BA DE ZHAGS PA BCAD PAS YID MI BDE BAR NYE BAR 'ONGS TE, THAL MO SBYAR NAS BYA'I BDAG PO DE LA RGYAL PO'I BKA' DRAG POS BRJOD PA PHYIR SMRAS SO, ,SROG NI GCOD PAS 'JIGS RNAMS LA, ,SKYABS DON GNYER BA LA NI SKYABS, ,MIG MTHAR DKAR PO BDAG PO NI, ,KHYOD NI BDAG GI SKYABS GYUR CIG ,KHYOD KYIS ZHAGS PA @54A *, ,MTHONG BAS BCAD, ,DUNG NI BCAD BZHIN MTHAR DKAR BA, ,DE 'DRA'I MTHU LDAN KHYOD 'BYUNG ZHING, ,JI LTAR KHO BO CAG MI SKYONG, ,DE NI PHONGS DANG NUS PA NI, ,GNYEN BZHIN RGUD PA'I DUS NA MTHONG, ,SNYING RJE'I BDAG NYID DE YI YID, ,SDUG BSNGAL BAS NI KUN NAS KHYAB, ,JI LTAR MI SKYOB SEMS CAN RNAMS, ,BRTAN PA 'DI NI SDUG BSNGAL LAS, ,TSUL KHRIMS PHA ROL PHYIN DE LAS, ,THE TSOM MED PA LTAR NI GNAS, ,BYANG CHUB THOB 'DOD GAL TE BDAG NI DOR BAR MI BYED NA, ,RMA BYA'I MCHOG LAGS 'DI DAG MI DBANG CHAD PA LAS SKYONGS SHIG TSUL KHRIMS PHA ROL PHYIN PAS DANG BSKYED RMA BYA DE LA NI, ,'DI LTAR SNYING RJE LEGS SO ZHES BYA SMRA BAR GYUR PA BZHIN, ,DE NAS BYANG CHUB SEMS DPAS 'CHI BA LA 'JIGS PA DE RNAMS KYI SLAD DU SDUG BSNGAL DANG LDAN PA BZHIN 'DI LTAR BSAMS PAR GYUR TO, ,'JAM PA'I DBYANGS CAN SHIN TU YID 'ONG SPU LDAN PA, ,GAL TE BDAG NI NAGS 'DI LAS NI 'BYUNG MI 'GYUR, ,SNYING RJE MED PA'I RANG BZHIN MI YI DBANG PHYUG LAS, ,'JIGS PAS 'ONG BAR MI 'GYUR DE LTAR BYA SHOR RNAMS, ,DE LTAR BDAG GI DON DU 'DIR NI DGA' BA'I YID, ,SKYE BO JI SRID SDUG BSNGAL NYE BAR MI 'GYUR TE, , KUN NAS BSKUL BA SA YI SKYONG BAS SHI BA LAS, ,DE SRID 'DI NI YONGS SU SKYONG BAR BYED PA YIN, ,RGYU MTSAN MED PA'AM NI RGYU MTSAN YOD PA YANG, ,TSOGS NAS PHA ROL GANG GI PHYIR ZHES 'JIG 'GYUR BA, ,DU MA'I TSIG RTZUB MDAS NI BDAG NYID ZAD PA CAN, ,SKYE BO DE YI SKYE BO 'DI 'DRAS CI ZHIG BYA; ,DE LTAR BYANG CHUB SEMS DPAS BSAMS NAS DE LA BDAG NYID 'ONGS PA RGYAL PO DES RTOGS PAR BYA BA'I DON DU KHYOD MDUN DU SONG ZHIG CES SMRAS SO, ,DE NAS BYA 'DZIN DE RAB TU DGA' BA'I YID KYIS MYUR DU 'ONGS NAS SMRAS PA, ,DA LTA NYID DU KHO BO CAG LA BRTZE BA NYID KYIS RMA BYA'I BDAG PO DE 'ONG NGO ZHES ZER RO, ,DE NAS RGYAL PO DE BTZUN MO DANG GRONG KHYER BA'I SKYE BO DANG LHAN CIG TU NGO MTSAR BA'I DBANG GIS DE 'ONGS PA LA SNGOD CING YANG DANG YANG DU BAR SNANG LA LTA ZHING 'DUG GO, ,RMA BYA'I RGYAL PO DE YANG RMA BYA'I TSOGS RJES SU 'GRO BA LA DBUGS PHYUNG STE, LOG TU BCUG NAS NAM MKHA'I DKYIL DU @54B SONG STE, GLO BUR DU NYE BAR 'ONGS NAS RANG BZHIN GYIS 'JAM PA'I SKAD KYIS B'A R'A nA S'I'I SKYE BO MA LUNG PA DGA' BAR BYED CING 'DUG GO, ,DE NAS DE'I SKAD DE THOS NAS NGES PA'I RMA BYA'I BDAG PO DE'O ZHES BYA BA RNAM PAR BSAMS NAS, RAB TU DGA' BA'I YID CAN RKANG GDUB KYI SKAD KYIS PHUG RON GYI PHRENG BA DANG NGES PAR 'BREL BA'I PHUG RON PHO MO GNYIS SKRAG PAR BYED CING MYUR DU 'GRO BAS, RNA BA'I ME TOG GI PHRENG BA RNAM PAR BSKYOD PAR BYAS PA KHA CIG KHYAD PAR MTSAN MA'I DPRAL BA'I DBUS SU MA NGES PAR BYA BA'I SIN DHU RA LTAR LHAG PAR DMAR BA'I SOR MO RNAMS DANG LDAN PAS, MYUR DU 'GRO BA LA GEGS BYED BA'I LCI BA'I BUD MED KYI MTSAN MA'I KHUNG BU DANG LDAN PAS 'GRO ZHING, PHRAG DOG DANG LDAN PA CUNG ZAD SONG NAS GZHAN MA RNAMS KYANG GONG MA'I SKYE BO RNAMS BRIS PA MTHONG BAS NGO TSA DANG LDAN PAS, SLAR MYUR DU 'GRO BA LA 'GEGS PAR BYED CING RAB TU DGA' BAS PHYE BA'I MIG GI AUTPA LA'I 'DAB MA'I MTHA' MAS REG PA'I RNA BA'I MTHA' DANG LDAN PA, SLAR GZHAN LA KHA CIG PHYED BRIS PA'I RI MO CAN GYI BYANG BU BOR NAS SKYA RIS KYI MTHA' MA SROG ZAD PA DANG 'DRA BA RNAMS ZA MA TOG RNAMS KYI NANG DU NANG PAR BZHAG NAS CHU GTER DKAR PO DANG KHA BA DANG KUN DA DANG PADMA'I RTZA BA DANG SHEL DANG DNGUL LTAR DKAR BA KHANG BZANGS KYI RGYAB RNAMS LA MDZES PAR GYUR TO, ,BUD MED GZHAN RNAMS B'A T'A YA NA RNAMS LA MNGON PAR 'GRO BAR GYUR TO, ,DE NAS KHANG BZANGS SGO YI BUG PA LA 'JUG PA'I, ,RMA BYA MTHONG BAS NGO MTSAR SKYED PAR BYED PA NI, ,BUD MED RNAMS KYI MIG NI CHE BA'I GDONG RNAMS GYIS; ,GRONG KHYER SHIN TU ZLA MANG LTAR NI MDZES PAR GYUR, ,NGO MTSAR BAS NI RLANG GIS BSKYDO PAR BYAS PA'I GTZUG PUD CAN, ,SHUGS DANG LDAN PA'I RI DAGS PHRUG LTAR YID NI 'PHROG PA'I MIG ,MCHOG GI YID KYIS MA MO RNAMS KYI SKYE BOS MTHONG BA NI, ,MTHO BA'I GDONG CAN BYIS PA RNAMS NI KHYIM RNAMS LAS NI BYUNG, ,YID 'PHROG PHO LONG BRDABS PA BLANGS PA'I BRTZE BA SPANGS BYAS NAS, ,RDUL GYI THIGS PA 'DZAG PAS YID DU 'ONG BA DPRAL BA'I PHYOGS, ,CUNG ZAD NU MA BYUNG BAS STENG G-YOGS GOS NI MTHO BA CAN, ,RAB SRAB DPUNG PA'I LJON SHING @55A *, ,GZHON NU MA RNAMS BYUNG BAR GYUR, ,RMA BYA 'DI DANG 'DI ZHES BYA BAR RAB TU MTHONG BA NI, ,GSAL BA'I SEN MO'I NOR BU 'OD LDAN PADMA'I 'DAB MA LTAR DMAR BA, ,DGOD PAS YID DU 'ONG BA'I BZHIN CAN RGYAL PO'I BTZUN MO RNAMS KYI NI, ,SOR MO RNAMS KYIS GRONG KHYER DE NI ZE'U 'BRU DANG LDAN LTAR YOD GYUR, ,SKAD CIG GIS KYANG LHA DANG LHA MA YIN GYI G-YUL NGO LAS SPU GRIS DBYIG PA RAB TU GCOD PA KE TU LTAR SNA TSOGS PA'I NOR BU LTAR SNA TSOGS PA'I RMA BYA'I RGYAL PO DE'I KHAB KYI NANG BRGYAN PA BYED CING 'DUG PAR GYUR TO, ,DE NAS CHE BA'I MJUG MA'I SGRO CAN BYU RU'I RNAM PA'I MCHU LDAN PA, ,RMA BYA LA NI CIG CAR SKYE BO RNAMS KYI LTA BA DE LA 'BAB, ,PHYOGS RNAMS KUN NAS GTONG PHOD CHE BA LA NI MYUR DU NOR STER BA, ,MNGON PAR 'DOD PA'I 'BRAS BU DON GNYER RNAMS LA SBYIN PA'I BDAG PO LTAR, ,RGYAL PO DANG NI RGYAL PO'I BTZUN MO RMA BYA'I RGYAL PO DE, , MTHONG NAS 'DOD PA YANG DAG THOB STE DGA' BA NYID DU GYUR, ,'JIG RTEN PAS NI RNYED PAR DKA' BA'I DNGOS PO CUNG ZAD NI, ,THOB NAS SKYE BO'I SEMS NI RAB TU DGA' BA'I SHUGS KYIS 'DZIN, ,DE NAS RAB TU DGA' BA'I YID CAN RGYAL PO DES RMA BYA'I RGYAL PO DE LA RGYAL PO LA 'OS PA'I KHRI LA BZHUGS SU BCUG NAS PHYI NAS GDAN LA LHAG PAR GNAS PAR GYUR TO, ,DE NAS BYANG CHUB SEMS DPAS 'JAM PA DANG ZAB PA'I DBYANGS KYIS RGYAL PO DE LA 'DI SKAD CES SMRAS SO, ,BLO YI STOBS KYIS STOBS LDAN DBANG PO RNAMS LAS RGYAL BYAS TE, ,DON GNYER RNAMS KYIS DON NI 'BRAS BU DANG SBYAR SKAD CIG TU, ,SDUG BSNGAL RNAMS NI SPANGS TE RGYA MTSO'I GOS CAN SA GZHI 'DI, ,SA SKYONG TSUL GYIS YUN RING POR NI KUN NAS BSKYANG BAR GYIS, ,CHOS KYI RANG BZHIN CHOS KYI ZAM PA RNAMS, ,CI ZHIG KHYOD KYIS 'PHEL YIN NAM, ,MTHA' MED SDUG BSNGAL RGYA MTSO LA, ,GANG LA DMIGS NAS RGAL BAR 'GYUR, ,SKYON RNAMS LTA BA DRAG PO DANG, ,SBRUL RNAMS BZUNG BA NYES PA LTAR, ,SKYON CHE MTHONG BA CI ZHIG NI, ,YUL RNAMS KYIS NI GNOD DAM CI, ,RNAM PAR DUL BA'I 'KHOR RNAMS DANG, ,BZA' MI RNAMS DANG BU RNAMS KYIS, ,GRAGS PA'I GTER GYI LUS @55B 'DI LA, ,RGYAL PO KHYED RNAMS BDE'AM CI, ,RGYAL POS SMRAS PA, JI SRID GZHAN DON LA MKHAS PA, ,KHYED DANG 'DRA DANG 'GROGS PA MED, ,RMA BYA'I BDAG PO LUS CAN LA, ,DE SRID MI BDE BA NI 'BYUNG, ,RDZA RNGA DAG NI SPRIN GYI SKAD CAN KUN SPYOD CING, ,GAR MKHAN MO DANG GLOG GIS BRGYAN PAR BYAS PA'I BAR, ,KHYED KYIS RMA BYA'I RGYAL PO BDAG GI PHO BRANG NI, ,THOB NAS KYANG NI TSUL 'DZIN DUS DANG 'DRA BAR BYED, ,MDZES PA'I BZHIN GYI THIG LE NAM MKHA' RI BONG MTSAN MA CAN, ,DANG BA'I 'OD DANG LDAN PA RGYAN GYI NOR BU DAG PA STE, ,YUN RING MNGON PAR 'DOD PA 'DI LAS SKYE BA RMA BYA'I MGON, ,BDAG GI PHO BRANG CHEN PO LA NI KHYOD KYIS BRGYAN PAR BYED, ,DE LTAR MNGON PAR BRTEN NAS RGYAL PO DE MAR ME'I 'OD KYIS SNANG BAR BYAS PA'I PHO BRANG GI BAR DANG, SHAR PHYOGS KYI BUD MED KYI RI BONG CAN GYI ME LONG 'DZIN PA DANG, KHYAD PAR DU LTA BZHIN PA'I SKAR MA DANG KU MU TA'I TSOGS KYI NAM MKHA' DANG MTSO BRGYAN PAR BYAS PA'I MTSAN MO'I DUS KYI SGO THOB PA LA, DRI ZHIM PA'I ME TOG RNAMS DANG 'DAB MA RNAMS KYIS BKRAM PA'I RMA BYA'I BDAG PO LA 'JAM PA'I LAM KUN NAS BSTAN PAR GYUR TO, ,NYI MA RE RE YANG YONGS SU SMIN PA DANG DRI ZHIM PA DANG 'JAM PA'I 'BRAS BU RNAMS SBYIN PAR GYUR TO, ,DE NAS DUS GCIG GI TSE NA DUS SONG BA NA RGYAL PO DES BYA BA CUNG ZAD LA BRTEN NAS BYANG CHUB SEMS DPA' BTZUN MO DPE MED MA'I LAG PAR BZHAG NAS SHIN TU CHE BA MA YIN PA'I DMAG TSOGS KYIS RJES SU 'GRO BZHIN PA RTA RNAMS KYI RMIG PA SBYAR BAS LAM GYI RDUL 'BYUNG BAS ME TOG GI SNYE MA DANG ZE'U 'BRU KUN NAS DRI MA CAN DU BYAS PA'I NAGS KYI NANG BYED CING, DRI MA MED PA'I CHU 'BAB PA'I 'GRAM DU LCANG MA'I GRIB MA NGES PAR 'BREL PA DANG, G-YO BA MED PA'I CHU SKYAR DANG DUR PA LTA BZHIN PA DANG, NYA'I TSOGS RGYUG PAS 'GRAM GYI CHU KHYAB PAR BYAS PA DANG, SHIN TU MYUR BA'I SHING RTA DANG RKANG PA'I SGRA KUN NAS GRAG PA'I KHRUNG KHRUNG PHO MOS KUN NAS DOR BZHIN PA'I DKAR PO'I 'GRAM DANG LDAN PA, RGYA MTSO'I BUD MED RNAMS DE DANG DE MTHONG ZHING SKRAG PA'I NGANG PA 'PHUR BAS G-YO BA'I MIG MANG PO DANG BCAS PAR GYUR PA LTA BU, PHYOGS RNAMS KYI BAR MTHONG ZHIN @56A *, ,RAB TU 'GRO BA'I BA GLANG GI TSOGS KYI SO RNAMS KYIS RTZVA SAR PA'I MYU GU GCOD BZHIN PA, BU RAM SHING GI NAGS KYIS 'GAGS PA'I GRONG RNAMS KYIS ZAM PA DU MA 'DA' BAR BYAS NAS CUNG ZAD YUL GZHAN DU SONG BAR GYUR TO, ,DE NAS SA DBANG BTZUN MO MA HE MO YI RVA BZHIN DU, ,DPRAL BAR DU BAS KHYAB PA'I GDONG DE SKYA BA'I YAN LAG CAN, ,RLUNG GI STEGS BUR SONG BA MIG RDZI'I RI MO YANGS PA CAN, ,MIG GI 'GRO BA'I SKYON CAN BZHAD GAD PA LA RI NAS GTAD, ,DE NAS MIG BZANG MIG LA MNGON PAR DGA' BA DE MTHONG NAS, ,BZHAD GAD CAN GYI GTZO BO 'DI NI RTZIG DRUNG MYUR DU SONG, ,LOGS RNAMS BLTAS TE YANG DANG YANG DU THE TSOM CAN DE NI, ,RNA BA'I AUTPAL DRI ZHIM DE YI LUS LA DOR BAR GYUR, ,AUTPAL DE NI KHA PHYE BA YI 'DAB MA BZUNG BYAS NAS, ,BSNAMS TE MGO BOR YANG NI BZHAG NAS DE NI ROL BZHIN PA, ,NYI MNUB PA SONG BA LA NI GZHAN DBANG JI LTAR YANG, ,RIM GYIS DE LA MIG GI RJES SU SONG BAS 'GRO BAR GYUR, ,DE NAS DE NI SGEG CAN SMANG 'TSONG KHYIM DU SONG NAS NI, ,SHIN TU RNAM PAR RGYAS PA'I SNYING LDAN MAL DU 'DUG BYAS NAS, ,MYA NGAN SHUGS KYIS YID 'BYUNG MDA' NI PHOG PA MTSON BYAS PA, ,BRTAN PA DOR BA DE NI SHIN TU DE NI PHRAD 'DOD GDUNG BAR GYUR, ,KHREL DGOD SNGON 'GRO SMAD 'TSONG MAS NI BZHAD GAD CAN LA SMRAS, ,DA LTAR 'PHAGS PA'I BU NI STONG PA 'DRA BAR BDAG GIS MTHONG, ,DE NAS SKYON CAN BSAM PA SPAS PA DES NI SMRAS PA STE, ,CHO LOS BDAG NI PHAM ZHES DES NA BDAG SDUG BSNGAL BAR GYUR, ,DE NAS BZHAD GAD CAN DE LO BRGYA DANG MNYAM PA'I MTSAN MO SEMS PAR BYED CING YID DE LA SONG BAS KUN NAS BSLANG STE, GROGS PO SU ZHIG LA GTAM DE DBEN PA'I SAR SMRA ZHING 'DUG GO, ,KHAR SANG BDAG GIS GANG ZHIG NYAMS SU MYONG BA DE GROGS PO NYON CIG CES ZER RO, ,GANG ZHIG 'DI RGYAL PO'I BTZUN MO NI GTZO BO MIG BTZUMS PA TZAM GYIS MI MO ZHES BYA BA 'JIG RTEN PA LA GRAGS PA ROL PA DANG BCAS PAR BLTA BAR GYUR BA LAS BZUNG STE, RLUNG GI STEGS BU KUN NAS DMIGS NAS SGEG PA DANG BCAS PAR, ,DGOD PA'I 'PHRO BA'I SO NI RI NI CHEN 'OD KYIS SNANG BA NI, , @56B AUTPAL MING CAN MING GI DPE MED MA DES AUTPA LA DE'I, ,GZUGS DANG MING MTSUNGS PAS NI BDAG GI STENG DU RNAM PAR GNAS, ,DE NI RLUNG GI STEGS BU'I SGO DANG 'BREL BA'I ZLA BA'I GDONG, ,SO YI RIN CHEN 'OD KYIS ZLA BA'I 'OD NI 'PHROG BYED PA, ,SMIN MA'I GZHUS NI SGEG PA DANG BCAS MTHONG BAR 'GYUR BA NI, ,MIG GI MDA' NI BDAG LA RNAM BTANG SRAB BA'I YAN LAG CAN, ,DE BAS NA RE ZHIG PHRAD PA'I THABS BSAM PAR GYIS SHIG CES ZER RO, ,DE NAS GROGS PO DE RNAM PAR DGOD CING SMRAS PA, GAL TE 'DI NI BYA ROG DANG TA LA PHRAD PA BZHIN DU 'GYUR TE KHYOD KYANG MI'I BDAG PO'I PHO BRANG GI RTZIG PA DANG NYE BAR RJES SU THOB PA DANG, ,DE LA YANG RNAM PA GANG GIS CI YANG LTA BAR GYUR PA LA RANG NYID KYIS KHYED KYI STENG DU RNA BA LA YOD PA'I AUTPA LA LTUNG BAR GYUR PA DE BAS NA KHYOD SMAD 'TSONG MA DANG BZHAD GAD CAN GYI SKYE BO'I DBUS SU 'ONGS NAS BDAG NYID DGOD PAR BYA BA'I DNGOS PO MA BYED CIG, ,DE BAS NA DAM PA MA YIN PA'I RNAM PAR RTOG PA 'DI KUN NAS BTANG BAR GYIS SHIG, ,GAL TE YANG 'DOD BZHIN PA'I RGYAL PO'I BTZUN MOS KHYOD KYI STENG DU RNA BA LA YOD PA'I AUTPA LA LTUNG BAR GYUR PA DE LTA NA YANG PHRAD PAR 'DOD PA'I GDUNG BA 'DI NI MI RIGS PA KHO NA STE, GANG GI PHYIR RNYED PAR DKA' BA'I 'DOD PA CAN MO'I SKYE BO DANG PHRAD PA'I THABS KYI BSAM PA SKYE BO LA MI DGA' BA CHEN PO SKYED PAR BYED PA DANG, GNYID 'PHROG PAR BYED PA DANG, YAN LAG RNAMS KYANG STOBS CHUNG BAR BYED DE KHA ZAS LA 'DOD PA MED PAR BYED PA DANG, BAN PAR SMRA BA'I GROGS PO RNAMS KYI YANG GDAMS NGAG LA MNGON PAR DGA' BAR MI BYED PA DANG, RAB TU 'PHEL BA'I CHU SAR PA'I TSOGS DANG LDAN PA'I CHU BO'I 'GRAM GYI LJON SHING BZHIN DU CHOS LA GNAS PA RTZA BA NAGS NAS 'DON PAR BYED PA DANG, DGA' BA RNAMS LA YANG SDANG BAR BYED PA DANG; ,SKYES BU DAM PA RNAMS KYI YON TAN GYI GTAM LA PHRAG DOG BYED PA RNAM PA THAMS CAD DU SO SOR RTOG PA'I STOBS KYIS, 'DI MED PAR BYED NUS PA YIN NO ZHES ZER RO, ,BZHAD GAD CAN GYIS SMRAS PA, LUNG DU MA 'DA' BAR BYED PA SKYE BO DANG REG PAS BLO RNO BA BDAG LTA BU SKYON CAN @57A *, ,GYI SKYE BO RNAMS NI 'DOD PA DANG BCAS PA'AM, 'DOD PA MED PA'I BUD MED JI LTAR SHES PAR MI 'GYUR RO, ,GROGS PO NYON CIG, GANG GI PHYIR RNA BA 'PHRUG PA DANG, NU MA GSAL BAR BYED PA DANG, NGO TSA BAS BYIN PHYOGS SU LTA BA DANG, DGOD PA LA SOGS PA'I DNGOS PO RNAMS NI BUD MED RNAMS KYI 'DOD PA DANG BCAS PA'I SEMS SU GSAL BAR BYED DE DE BAS NA 'DIR THE TSOM GYIS CI ZHIG BYA ZHES ZER RO, ,GROGS POS SMRAS PA, GAL TE DE LTA YIN NA DES NAM MKHA' LA 'GRO BA RNAMS KYI BDAG PO LTAR RA BA LAS KYANG 'DAS PAR BYAS NAS KHYOD MI'I BDAG PO'I PHO BRAD DU MTSAN MO KHYOD ZHUGS PA NA KHYOD KYIS DUS BYAS PA'I DE NA YOD PA'I RGYAL PO'I BTZUN MO SO SOR RTOGS BZHIN PA CI ZHIG YIN NAM, GNYID KYIS KHYAB PA'I MIG GI AUTPAL RNAM SPANGS PA, ,YAN LAG 'DAR ZHING MO MTSAN LAS NI GOS LHUNG BA, ,'JIGS DANG BCAS PAS 'DI NI SU YIN ZHES SMRA BA, ,STAG LA 'JIGS PAS RI DRAGS MO LTAR DE 'BYUNG 'GYUR, ,DE NAS 'KHOR GYI SKYE BO'I KU COS SGO BA GNYID RAB TU SAD PA'I RGYAL PO'I 'KHOR LA MA 'ONGS PA NUS PA MA YIN PA'I LAS 'DI BDAG GIS MTHONG ZHES BYA BA DE LTAR DE DAG DBEN BAR RNAM PAR DPYOD PAR BYED PA DAG LA; DAL GYIS 'GRO BAS BSKYOD PA'I SGRA GRAG PA'I RKANG GDUB KYIS YID 'PHROG PA'I RKANG PA'I PADMA GNYIS RNAM PAR BKOD PAS SA'I RGYAB MCHOD PAR BYED PA DANG 'DRA BA DANG, LAG BRDAS 'GRO BA NYID STON PAR BYED PA DANG, BSKYOD PA'I RI DAGS KYI 'OG MIG DANG 'DRA BA'I SGEG PA DANG BCAS PA'I LTA BAS MDZES PA NYIS 'GYUR GYIS RNA BA'I GROGS PO MIG GIS NGO TSA BAR BYAS PA DANG 'DRA BAR CUNG ZAD THUR DU SGRU PA'I RNA PA YOD PA'I AUTPA LA NGES PAR BYED PA DANG, RAGS PA'I MU TIG GI TSUN PO'I NOR BU'I 'OD KYIS LCI BA'I 'O MA 'DZIN PA GSAL BAR BYAS PAS, MTSAN MO'I GZUGS DANG LDAN PA BZHIN DU CHU 'DZIN DANG BRAL BAS MTSAN MO BYED PA GSAL BA DANG, CUNG ZAD NYI MA'I 'OD ZER GYIS SKYES PA'I RDUL GYI THIGS PA'I TSOGS KYIS KHYAD PAR DU MDZES PA MNAN PA DANG, KHYAD PAR DU MDZES PA'I ME TOG BA KA LA'I PHRENG BAS SKA LO YONGS SU GANG BAR BYAS PA DANG, LAG PA NAS @57B BZUNG BA'I SKA RAGS KYI CHA LHOD PAR BYAS PA DANG, RMA BYA'I MDONGS KYI SGRO'I DBUS LTAR SNGO BA'I STENG GOS 'DZIN PAR BYED PA DANG, RAB TU SRAB CING NAG PA'I SPU'I PHRENG BAS RGYA CHE BA DANG, ZAB PA'I LTE BA DMA' BA NYID DANG 'DRA BAR STON PAR BYED PAR GYUR PA'I NYE BAR MDZES PAR BYAS PA'I GNYER MA GSUM GYI RLABS KYIS BAR MI MNYAM PA DANG, NYI MA PHYED KYI DUS KYI NYIN MO BYED PA'I 'OD ZER RNAMS KYIS 'KHYUD PAR BYAS PA'I PADMO'I PHRENG BA DANG 'DRA BA, 'GRO BAS KUN NAS NGAL BA'I DBANG GIS 'JAM PA'I LUS KYI SROG SHING CUD ZAD YONGS SU RNYINGS PA DANG, GA BUR GYIS DRI ZHIM PA'I SO RTZIS MCHU DMAR BA DANG, YONGS SU SMIN PA'I LA BI LA'I 'BRAS BU LTAR KUN NAS SKYE BA'I 'GRAM PA'I DBUS SU KUN NAS BRIS PA'I SMUG RTZI DANG LDAN PA DANG, DPAL GZUGS DANG LDAN MA DANG 'DRA BAR GZUGS MTSUNGS PA MED PA, SMRA BA MKHAS PA BZO BO MKHAS PAS BRDUNGS PA'I GSER SKU DANG 'DRA BA'I MING DPAL LDAN MA ZHES BYA BA PHO NYA MO BTZUN MO DPE MED MAS BTANG NGO, ,KUN NAS 'ONGS TE BZHAD GAD PA DANG GNYIS GSONG POR SMRAS NAS 'DUG STE, DE DAG GI GROGS PO NYID GZHAN DBANG DU MA SONG BAR SHES NAS, DBUGS PHYUNG BA NYID DU RGYAL PO'I GTAM SMRA PAR GYUR TO, , ME TOG MTSON CHA DANG 'DRA PHO BRANG MTHA' NAS 'GRO BA NI, ,GANG TSE MI DBANG BTZUN MO DPE MED MAS NI KHYOD MTHONG BA, ,LAG MTHIL GTAD PA'I GDONG GI PADMA DAG GI MDZA' MO DE, ,DE NAS BRTZAMS TE SRAB BA NYID KYANG SKYA BA NYID NI 'DZIN, ,SHIN TU SRAB PA PAD RTZA BCAS PA'I 'DAM LTAR SKYA, ,DA LTAR BSTAN PA BRAL BA'I YAN LAG 'DZIN BYED CING, ,YID LA YID LAS SKYES PA'I MDA' RNAMS MA LUS PA, ,YANG YANG GROGS PO BDAG GI MDZA' MO LA NI 'PHEN, ,ME TOG MAL CHA YAN LAG LAS SKYES DROD KYIS NI, ,NYI MA RE RER 'DOD PA'I LUS CAN DRO BAR BYED, ,SKYED MOS TSAL YANG YID 'ONG LTA BAR 'GYUR BZHIN YANG, ,KHYU DANG BRAL BA'I RI DAGS MO LTAR ROL MI 'GYUR, ,DE LTAR ME TOG GZHU YI MDA' YIS YAN LAG BRDUNGS PA YI, ,YANG DANG YANG DU MYA NGAN DBUGS KYIS 'GRAM PA BKANG BA DANG, ,NGO TSAS GDONG NI THUR LTA LEGS PA'I YAN LAG CAN, ,RE ZHIG DE RING MDZA' @58A *, ,MO TSIG GIS KYANG NI ROL, ,DE NAS TSIG NGES PAR BYAS PA'I PHO NYA MO DE LA DE'I GROGS POS RNAM PAR DGOD CING SMRAS PA, GDON MI ZA BA NYID DU LHAN CIG SKYES PA'I SNYEM GSAL BAR BYED PA'I DPYID KA'I DUS SU KHU BYUG MO DANG LHAN CIG TU SBYAR BA YIN TE, KHYED LA YID KYI RE BA 'GRUB CES BYA'O, ,BZHAD GAD MKHAN GYIS SMRAS PA, MDZA' MO RNAM PA THAMS CAD BDAG NI DON DANG BCAS PA STE, SA PHYOGS GANG DANG GANG LA BDAG GIS DPE MED MA BLTA BAR BYA ZHES BYA BA RE ZHIG SMROS SHIG ,PHO NYA MOS SMRAS PA, MTSAN MO SKYE BO GNYID LOG PA DANG CUNG ZAD NYE BA NA PHYI ROL DU RA BA DANG NYE BAR SKYES PA GANG ZHIG N+YA GRA DHA DE LA 'DZEGS NAS DE NYID MI'I BDAG PO'I PHO BRANG GI RTZIG PA DANG YANG DAG PAR 'BREL BA'I BCUN MO'I 'KHOR LA 'OS BA'I SKYED MOS TSAL GYI STENG DU RAB TU BRKYANG BA'I YAL GAS GROGS POS 'JUG STE DE GSER DU SNANG BA RMA BYA'I BDAG PO LA RDZING BU'I 'GRAM NA RI MO'I RA BA LA GNAS PA'I MU TIG GI PHRENG BA DANG CHU GTER BA'I G-YO BAS DPE MED MA YUN RING POR BDAG NYID SKYO BSANG BYED CING DE GROGS POS KUN NAS MNGON PAR 'GRO BAR BYA ZHES ZER RO, ,MDZA' MO BDAG GI TSIG GIS 'DI LTAR DPE MED MA LA SMRA BAR BYA STE, BDAG GI STENG DU AUTPAL DKAR MIN PA, ,RNA BA NAS NI BLANGS TE KHYOD KYIS BTANG, ,DE NAS YID 'ONG SROG DANG 'DRA BA NI, ,SNYING YANG 'DI NI GTONG BAR MI BYED DO, ,DE LTAR LAGS ZHES BTUD NAS TSIG SKYEL PA DE SONG BAL PHYOGS MANG BA'I MUN PAS BTANG BAR BYAS PA MTHONG BAR DKA' BA'I LAM RNAMS YOD PA DANG, GLANG PO CHE GNYID LOG PA'I DBUGS THOS BZHIN PA, 'CHING BA'I KA BA'I NAGS YOD PA DANG, THUN DANG PO PA'I SKYE BOS THUN GNYIS PA ME LA RTZE LA DBANG BYED PA KUN NAS SLONG BAR BYED PA'I GEL PA'I SKYES BU YOD PA DANG, G-YO BA MED PA'I BYA'I TSOGS KYIS YAL GAL TSAD LHAG PAR GNAS PA'I SHING RNAMS YOD PA LA, MTHO YOR YANG MTHONG ZHING MDUN DU SKYES PA ZHES DGOS PA DANG BCAS PAS DRI ZHIM PA'I KHA DOG GIS BYUGS PA'I BZHAD GAD CAN DE DANG PO'I CHU 'DZIN PA LTAR SNGO BA'I RAS KYIS LUS DKRIS PAR BYAS PA, MCHAN KHUNG G-YON PAR RAL GRI RNON PO 'DZIN PAR @58B BYAS PA GROGS PO DE DANG LHAN CIG TU MTSAN MO BYED NYE BAR SONG BA NA KUN NAS 'ONGS TE, PHO NYA MOS BRTAN PA'I THABS KYIS SLAR PHRAD PA ZHES GROGS PO LA BOS NAS BTZUN MO 'ONGS PA'I SKYED MOS TSAL DU ZHUGS PAR GYUR TO, ,DE NAS 'ONGS BZHIN PA MTHONG NAS KHYAD PAR CAN GYI RGYAN 'DZIN PA'I DPE MED MA NGES PAR 'DI N+YA GRO DHA'I YAL GA 'DIS 'JUG PAR BYED CING, RMA BYA DES GAL TE MTHONG NA DUS GCIG GI TSE GTAM 'DI RGYAL PO 'ONGS PA NA SMRA'O ZHES BSAM ZHING 'DUG GO, ,DE BAS NA RMA BYA 'DI LA DUG DANG 'DRES PA'I KHA ZAS KYIS DNGOS PO MED PA NYID DU KHYER BAR BYA ZHES BYA BA RNAM PAR BSAMS NAS, DUG DANG 'DRES PA'I KHA ZAS DANG, ,CHU NI RMA BYA LA DES NI, ,CHAGS PA DANG NI 'JIGS PA DANG, ,GZHAN DBANG GYUR PA BYIN PAR GYUR, ,BDE BA 'DOD PAS RIGS SKYES 'JIGS PA SPANGS PA NI, ,BSOD NAMS MI MTHUN GYUR PAS RNAM PAR RMONGS BYAS PA, ,NGO TSA BRAL BA CHAGS PA GZHAN DBANG SKYE BO NI, ,BDAG NYID MI SHES DA LTA CI YANG BYED PAR 'GYUR, ,RMA BYA'I BDAG PO DES KYANG CUNG ZAD KHA BA'I KHA ZAS DANG CHU MYANGS NAS NGES PAR DPE MED MAS SKYES PA 'DI DANG LHAN CIG TU 'BREL PA MNGON PAR 'DOD PAS DOGS PA SKYES PA BDAG CAG LA BYIN NO, ,DE BAS NA 'DI 'DIR DUS THOB PA NA, ,SKYES PA BUD MED 'DI DAG CHAGS LONG BLO SKYES PA, ,DA LTA JI SRID BUD MED DANG 'BREL MA GYUR PA, ,CHOS 'BREL GTAM NI LOG LAM 'JOG PAR BYED BZHIN PA, ,DE SRID 'DI DAG CHAGS BRAL KHRID PHYIR 'BAD PAR BGYI, ,ZHES RNAM PAR BSAMS NAS, BDAG NYID CHEN PO DE BZHAD GANG CAN DE LA BOS PAR GYUR TO, ,BDAG NYID CHEN PO 'DIR 'DUG STE BDAG GI GTAM GYIS BDAG NYID YENGS PAR BYAS NAS JI LTAR MNGON PAR 'DOD PA BSGRUB PAR GYIS SHIG CES BYA'O, ,BZHAD GAD CAN DE YANG NGO MTSAR BA'I DBANG GIS NYE BAR 'ONGS TE RMA BYA'I BDAG PO DANG NYE BAR KUN NAS 'DUG PAR GYUR TE, ,RGYAL MO DES KYANG DE MTHONG NAS 'JIGS PA DANG BCAS PAS CANG MI SMRA BAR 'DUG GO, ,DE NAS BYANG CHUB SEMS DPA' 'DUG PA DE DAG GI MDUN DU 'DI LTAR 'DOD CHAGS DANG BRAL BA DANG 'BREL BA'I GTAM BYED PAR GYUR TO, ,AE MA @59A *, ,RGOD PA'I ZLA NYI YONGS SU 'DRIS PAS YID 'ONG GDONG GI RI BONG CAN, ,SGEG DANG BCAS PAS 'GRO BA DANG NI NU MA GNYIS NI MTHO ZHING SKAL BA BZANG, ,'DI LTAR RMONGS PAS GZHAN DAG GIS NI GZHON NU MA'I GZUGS LA RTOG BYED CING, ,SO SOR RTOG PA MED PAS ME TOG GZHU NI MA YI NANG DU ZHUGS PAR BYED, ,DBEN PAR BDAG NI LAG PAS SKE RAGS LHOD PAR BYED BA KUN NAS 'GEGS PA NI, ,DANG PO NYID DU NGO TSAS THUR DU LTA BA'I GDONG CAN 'DI LTAR 'BYUNG 'GYUR TE, ,'DI LTAR BUD MED 'BREL BA'I DON DU RNAM RTOG MANG BA RNAMS KYIS LONG YID KYI, ,LUS NI SKYON LA LTA BA'I YAN LAG MED PA NYI MA RE RE SRAB PAR BYED, ,DE RING SLAR LA DE NI 'ONG NGAM BLA MA RNAMS LA 'JIGS PAS DE 'ONGS GA LAS TE, ,YANG NA MTSAN MOR SKYE BO GNYID KYIS LOG PA LA NI BDAG NYID SKYOD CING 'GRO BA 'AM, ,PHO NYA MOS KYANG DE RING YUN RING BCAS TE 'ON TE DE YI YID NI ZLOG 'GYUR RAM; ,DE LTAR RNAM PAR RTOG PA'I BZHON PAS KHYAB PA'I BLO CAN 'DOD CAN LA NI BDE 'DI CI, ,KUN BRTAGS LAS NI YAN LAG ME NI 'BYUNG LA DE LAS TSA BA SKYE BA STE, ,GDUNG BA LAS NI DRAN NYAMS BYED PA MI DGA' BA STE DRAN PA MED PAR NGO TSA GA LAS TE, ,NGO TSAS 'JIGS PAS SMRA BA NYID DANG GNOD PA NYON MONGS MDA' YID 'BIGS PA'I YID BRTAN PA, ,SEMS KYI SDUG BSNGAL LDAN PA SKYES DANG BUD MED SEMS DAG NAM ZHIG BDE BA CAN DU 'GYUR, ,DBANG PO RNAMS LA DBANG DU SONG BA BDE BA ZHES BYA'I BSAM PAS RNAM PAR RMONGS BYAS PA, ,'DOD PA'I SDUG BSNGAL NGO TSA RNAM BRAL SKYE BO GZHAN GYI BUD MED LA NI 'DOD PAR BYED, ,LCAGS LAS 'BYUNG BA'I SREG ZA 'BAR BA ME STAG GIS KHYAB BUD MED LA NI 'KHYUD BYED CING, ,DMYAL BAR MNAR BA KUN NAS 'BYUNG ZHENG DE NI BSRAN BAR NUS PAR 'GYUR BA CI LTAR YIN, ,DE LTAR GZHAN GYI BUD MED LA CHAGS PA, ,SKYON MANG BAR SHES BRTAN PA LA DMIGS NAS, ,SRING MO'I 'DU SHES BYAS NAS DEL NI, ,SHES RAB CAN GYIS KUN NAS LOG PAR BYA, ,DE LTAR NA BDE BA NYUNG BA'I PHYIR ME DU MA 'BAR BSTONG PHRAG RNAMS KYIS 'KHYUD PAR GYUR PA DANG, SGRA SGROGS PA'I DBANG PO MI DGE BA'I LAS BYED BA RNAMS KYIS SDUG BSNGAL BA'I @59B 'O DOD KYIS SNYING RJE BA DANG, DGRA STA RNON POS MGO GCOD BZHIN PA GZHAN DAG RNAMS KYI KHRAG GI RGYUN GYIS 'BAR BA'I SA'I STENGS SBANGS PA DANG DRAG PO'I GSHIN RJE'I SKYES BU RNAMS KYIS 'PHYAR BA'I LCAGS KYI THO BAS MNGON PAR BRDUNGS PA'I PHYE MAR BYAS PA'I SKYES BU RNAMS KYI LUS DANG, RUS PA'I SGRAS 'DZIGS SU RUNG BA DANG, LCAGS KYI SHAL MA LI'I SDONG BU'I TSER MA RNAMS KYIS KUN NAS 'BIGS BZHIN PA'I BZHAD GAD RNAMS KYIS KYANG SKAD CIG TZAM MNGON PAR SKAD 'DON PA RNAMS KYI MTHA' MA NYE BAR BSAGS PA'I DMYAL BAR LTUNG BA'I PHYIR SHES RAB MED PA RNAMS 'DOD PA YIN TE, DE'I PHYIR KYE MA 'DI NI MI SHES PA CHEN PO'O, ,DE NAS BZHAD GAD MKHAN 'DI RMA BYA'I BDAG PO DES DMYAL BA'I GTAM BRJOD BZHIN PA DE THOS NAS YID LA SKYO BA SKYES TE, GZHAN GYI CHUNG MA LA MNGON PAR 'DOD PA RNAM PAR BZLOG PAR BYAS PAS SMRAS PA, KYE MA KHYOD KYIS DMYAL BA NYE BAR BRJOD PA 'DI, ,THOS NAS SHIN TU 'JIGS PAR BYED PA SKAD CIG DE, ,'OD RNAMS 'BYUNG BA DMYAL BA'I ME 'DI NI, ,KUN NAS LANGS PA'I SGRA NI BDAG GI RNAM MTHONG 'DRA, ,DENG NAS BRTZAMS NAS CHAGS PAS LONG, ,SKYE BO'I BSAM PA 'PHROG BYED PA, ,BDE 'GRO'I SGO NI 'GEGS BYED PA, ,KHYIM THAB GZHAN CAN LA 'DUD SHOG, ,DGE DANG MI DGE'I LAS BRJOD PAS, ,GSAL BAR BYAS PA'I RNAM PAR DES, ,KHYED NI RJES SU STON PA PO, ,SLOB DPON LTA BUR BDAG GIS MTHONG, ,RGYAL PO'I BTZUN MO 'DI YANG NI, ,BDAG PO'I BRTAL ZHUGS MA NYAMS PA, ,CHAGS PA'I RAB RIB SPANGS PA NI, ,BDAG GI SRID MO BZHIN DU LTA, ,DE NAS DPE MED PA DE'I SRING MO ZHES BYA BA'I TSIG NYE BAR THOS NAS MCHOG TU NGO MTSAR BAR NYE BAR SONG STE, ,BYANG CHUB SEMS DPA'I CHOS BSTAN PA DE YANG SHES NAS SKYO BA'I BLO GROS KYIS 'DI SMRAS SO, ,SKAL PA DMAN PA DMYAL BAR 'GRO BAR 'DOD PA'I CHAGS PA LA DBANG DU SONG BA BDAG GIS RMA BYA'I GZUGS DRANG SRONG CHEN PA 'DI LA DUG DANG 'DRE SA PA'I KHA ZAS DANG CHU'I SBYIN PAS DA NI JI LTAR BGYI ZHES ZER RO, ,PHYIS 'GYOD PA DANG BCAS PA DE YANG MTHONG NAS BYANG CHUB SEMS DPAS BRTEN PAR BYED CING 'DUG GO, ,BYAMS PA'I SNGAGS KYI MTHU YIS NI, ,BDAG @60A *, ,GI LUS NI BSRUNG BYA STE, ,HA LA HA LA'I DUG GIS KYANG, ,RNAM PAR 'GYUR BAR 'DI MI 'GYUR, ,BDAG NI MED PAR BYED PA ZHES, ,DGOS PAR BCUN MO MA BYED CIG, ,CUNG ZAD 'DI 'DRA SA SKYONG LA, ,BDAG GIS KYANG NI SMRA MI 'GYUR, ,DE NAS DPE MED MA DE'I TSIG MNYAN NAS, ,MCHOG TU DGA' BA NYE BAR SONG BAR GYUR TO, ,BZHAD GAD MKHAN DE YANG RMA BYA'I BDAG PO LA GSONG POR SMRAS NAS, ,KHYIM THAB GZHAN SONG BA'I SDUG BSNGAL LOG PA N+YA GRO DHA DE NYID NAS RANG GI KHYIM DU SONG BAR GYUR TO, ,DE NAS THO RANGS KYI DUS SU TSANGS PAS BYIN GYIS RANG GI RGYAL SRID KYI BYA BA RDZOGS PAR BYAS TE 'ONGS TE RANG GI PHO BRANG DU ZHUGS NAS SNGON NYID DU RMA BYA'I BDAG PO'I DRUNG DU SONG BAR GYUR RO, ,PHAN TSUN DU BDE BA'I GTAM DANG SBYIN PA MI'I BDAG PO DANG RMA BYA'I BDAG PO DAG GIS DRIS PAR GYUR TO, ,DE NAS NYI MA GZHAN LA RMA BYA'I BDAG POS RGYAL PO LA 'DI SKAD CES GSOL TO, ,BDAG NI MED PAS SDUG BSNGAL GYIS NI PHONGS PA'I SEMS, ,CHU NI MI 'THUNG 'BRAS BUR YANG NI ZA MIN TE, ,CHU 'DZIN DUS SU YANG NI GAN DAN BRAL BA YI, ,RMA BYA'I TSOGS NI NGES PAR 'KHRUG PA NYID DU SONG, ,DE LTAR MI MCHOG SA 'DI MA LUS SKYOD BAR GYIS, ,DBANG PO'I DGRA YI TSOGS LAS RNAM PAR RGYAL BYAS PA, ,BDAG KYANG KHA BAR LDAN PA ZLA BA LTAR DKAR BA, ,KHYOD KYIS RJES SU GNANG NA RMA BYA SKYONG PHYIR 'GRO, ,DE LTAR DE NI MNGON BRJOD AINDRA N'I LA LTAR, ,MDZES PA'I MGRIN PA RGYA CHE MDZES PA SGRO YI TSOGS, ,JI LTAR YANG NI TSOGS KYI MGON PO 'GRO BA'I PHYIR; ,GRONG KHYER MCHOG NAS RGYAL POS RJES SU GNANG BAR GYUR, ,MI YI BDAG PO'I MGON LA MTHONG 'DOD SEMS KYIS NI, ,GRONG KHYER SKYE BO DES NI RNAM PAR BLTA BYAS PA, ,RMA BYA'I MCHOG NI RMA BYA RNAMS LA PHAN 'DOD PAS, ,CHU GTER KUN NAS KHYAB PA'I NAM MKHA' BRTEN PAR 'GYUR, , RGYA CHEN SGRO YI KHUR GYIS NON PA'I RMA BYA NI, ,YID 'PHROG DE NAS NAM MKHA' LA NI RNAM MTHONG NAS, ,PHRAD PAR 'DOD PA'I KUN NAS SONG BA BTZUN MO'I 'KHOR, ,MIG GI MCHI MA'I THIGS PA RNAMS NI GTONG BAR 'GYUR, ,CHE BA YID KYI BRTAN PA 'BEGS PA 'DOD PA RNAM BRAL BA, ,MCHI MA GANG ZHIG @60B BYUNG BAS 'DI LTAR MIG NI 'GEGS BYED PA, ,DE NI GZUGS LDAN MCHOG TU DGA' BA ME YI TSA BA LAS, ,CHAGS PA DANG LDAN SKYE BO'I SDUG BSNGAL ZHU BAR 'GYUR BA YIN, ,DE NAS BSKYOD PA'I SGRO TSOGS MGO BOR 'DZIN PA DE MTHONG NAS, ,RMA BYA'I KHYU MCHOG RING PO NAS NI MKHA' LA 'GRO BZHIN PA,, RMA BYA RNAMS NI 'JAM PA'I SKAD DANG TSIG 'JAM 'DON BYED PA, ,BSKYOD PA'I SGRO NI SBYAR BA GRAGS PA MDUN NAS BSU BAR GYUR, ,DE NAS RMA BYA DER NI PHYIN PAR GYUR CING SA SKYONG LOG LAS BSU, ,YON TAN LDAN PA'I GROGS PO LTA BUR 'DOD PA THAMS CAD THOB PA LA, ,KHA BA'I RI NI DGA' BA CHEN PO KUN NAS GSAL BAR BYAS PA STE, ,RAB TU SONG BA'I KHA BA'I RGOD PA RTZVA SAR SBU NI LANGS PA YIS, ,BYANG CHUB SEMS DPAS KYANG KUN NAS 'ONGS TE RMA BYA'I TSOGS DE DANG YUN RING POR BRAL BAS KUN NAS PHRAD PAR 'DOD PAS GSHOG PA DAG GIS 'KHYUD DE KUN DBUGS PHYUNG ZHING 'DUG GO, ,DE LTAR BDAG NYID LAM LTOS PA'I BCOM LDAN 'DAS DES BYANG CHUB SEMS DPAR GYUR PA NA SEMS CAN RNAMS SROG BTANG NAS KYANG YONGS SU BSKYANGS SO ZHES BYA BA RNAM PAR BSAMS NAS BDE 'GRO'I KHYIM GYI SGO GSAL BAR BYED PA'I MAR MER GYUR PA'I TSUL KHRIMS LA KHYED RNAMS KYIS GUS PAR BYA'O ZHES BYA BA YANG BCOM LDAN 'DAS KYI SKYES RABS 'DIR LUNG BSTAN PAR MDZAD PA'O, ,RGYAL MO G-YO BA'I MI MO NI, ,SH'A RI'I BU NI MI SKYONG GYUR, ,RMA BYA'I DBANG PHYUG BDAG GNAS TE, ,RMA BYA RNAMS NI NYAN THOS SO, ,RMA BYA'I SKYES PA'I RABS TE SKYES PA'I RABS GNYIS PA'O,, ,,RNAM PAR DAG PA BDAG GI TSUL KHRIMS KYIS, ,JI LTAR YUL RNAMS DON GNYER GZHAN DAG NI, ,DAG PA'I TSUL KHRIMS LA NI RAB TU GNAS BYAS NAS, ,MKHAS RNAMS DE LTAR DGA' BAR MI 'GYUR RAM, ,'DI LTAR RJES SU THOS TE, BLON PO CHEN PO THAMS CAD KYIS RAB TU 'DUD PA, DBANG PO RNAMS RNAM PAR RGYAL BA, RGYAL PO TSANGS SBYIN GYIS RI DAGS KYI BDAG PO LTAR PHA ROL RNAM PAR GNON PA RI DAGS RNAMS LA MI 'JIGS PA SBYIN PA DANG, RI DAGS KYI DBANG PO RNAMS KYI RI'I PHUG GI SGOR LHAG PAR GNAS PA DANG, RI DAGS KYI SO RNAMS KYIS RTZVA KU SHA'I MYU GU RNAM PAR GCOD PA DANG, @61A *, ,CHU BO B'A R'A nA S'I'I CHU DANG REG PAS BSIL BA DANG 'JAM PA'I RLUNG GIS SHING RNAMS KYI ZE'U 'BRU BZLOG PAR BYAS PA'I RI DAGS KYI NAGS LA, DKA' THUB KYIS KUN NAS GDUNGS PA'I LUS KYI SROG SHING RANG NYID KYIS LTUNG BA'I LJON SHING DANG GEL BA RNAMS KYI 'DAB MA DANG 'BRAS BU ZA BA, MA DANG 'DRA BA'I BYAMS PAS GUS PA DANG BCAS PAS YID 'KHYUD PAR BYAS PA, SEMS CAN THAMS CAD LA BRTZE BA DANG LDAN PA'I BYANG CHUB SEMS DPA' DKA' THUB PA BRGYA PHRAG LNGA RNAMS LA SLOB DPON NYID DU BYAS PAR GYUR TO, ,MUN PA'I TSOGS DANG BRAL BAS YONGS SU RDZOGS PA'I 'OD LDAN PA, ,SLOB MA'I GTZO BO RNAMS KYIS KUN NAS KHYAB PA GZA' TSOGS LTAR, ,KRishnA S'A RA'I PAGS PAS YAN LAG 'DRES BYAS DE MDZES DE, BSIL BA'I 'OD ZER RI BONG CAN GYIS DAG PA SHING GNAS LTAR, DANG POR SGRIB PA LNGA LAS BLO YIS RNAM PAR RGYAL BYAS NAS, ,DRI MA MED PA'I 'OD KYIS NYI MA BZHIN DU MUN PA RNAMS, ,SHIN TU DRI ZHIM PADMA RNAMS LTAR THUB PA DE ZHI PHYIR, ,THABS LA MKHAS PA 'BAD PAS SLOB MA RNAMS LA RTOG PAR BYAS, ,DES NI MI SDUG CHEN PO CHAGS PA LA NI GSAL BYAS TE, ,ZHE SDANG MES NI SNYING TSIG PA LA BYAMS PA KUN NAS GSUNGS, ,GTI MUG BDAG NYID CAN LA RAB 'BYED KUN NAS RGYAS MDZAD DE, ,GTAM LA MKHAS PA DES NI DE DANG DE YI GTAM GSUNGS GYUR, ,MTHO BA'I BRTZON 'GRUS RGYAL MTSAN TSUL KHRIMS SHING RTAL ZHON NAS, ,SHES RAB MTHA' RNAMS KYIS NI SGRIB PA'I DGRA YI TSOGS BSAD NAS, ,MYA NGAN 'DAS PA'I RGYAL SRID RTOG PA'I YID CAN BRTAN PA STE, BDUD KYI YID NI 'KHRUG CING KUN NAS 'DAR BAR BYAS PAR GYUR, ,DKA' THUB KYI NAGS DE LA YANG DKA' THUB PA'I SKYE BO DANG 'BREL PAS RANG BZHIN GYIS DRAG PA'I YID CAN RNAMS KYANG, SNYING RJE'I RANG BZHIN DANG 'DRA BAR SBRUL DANG RI DAGS PHAN TSUN DU GNAS GCIG TU GNAS PAR GYUR TO, ,RMA BYA SBRUL NI RAB TU 'GRO SPANGS RJES SU RGYUG PAR MI 'GYUR TE, ,RI DAGS RGYAL PO GROGS BZHIN RI DAGS RNAMS DANG LHAN CIG 'GRO BAR 'GYUR, ,SKAD CIG TU YANG SPRE'U'I LAG NAS BKUG PA'I MJUG MA'I DBYUG PA NI, ,THUB PA'I SKYE BO'I DON DU PUndA R'I KA @61B KHROS PAR MI 'GYUR RO, ,DE NAS DKA' THUB PA'I BU LA LA ZHIG DKA' THUB KYIS RAB TU RID PA'I LUS NYI MA RE RER NAD KYIS SHIN TU RAB TU RID PA NYID DU SONG BAR GYUR TO, ,DRANG SRONG CHEN PO DES KYANG DE'I BSAM PA DKA' THUB BSGRUB PA NI RGYAL SRID NYID KYI PHYIR RO ZHES BYA BA LHA'I MIG GIS MTHONG BAR GYUR TO; ,DE NAS BDAG NYID CHEN PO DES DE LA NYE BAR 'ONGS NAS TSE DANG LDAN PA'I NAD JI LTA BU ZHES DRIS SO, ,DES KYANG DE LA SMRAS PA, SLOB DPON LAGS SHIN TU STOBS CAN GYI RLUNG GIS BDAG GI LUS LA GNOD DO, ,BYANG CHUB SEMS DPAS GSUNGS PA, DKA' THUB KYI NAGS NAS RNYED PAR SLA BA RANG BZHIN GYIS GYONG BA'I RTZA BA DANG 'BRAS KYIS RLUNG RAB TU 'KHRUG PA BZLOG PAR NUS PA MA YIN TE, KYE MA DKA' BA ZHES BYA BA SMRES NAS DRANG SRONG CHEN PO'I MTHUS PHRUGS SU MNGON PAR SPRUL TE DKA' THUB PA'I BU'I GAN DU 'ONGS NAS, DE NAS PHRUGS CHEN PO DE RDZING DU DMIGS PAR BYAS NAS NI, ,RI DAGS PHRU GU'I PHRENG BA NGO MCHAR GYIS NI RJES SONG BA, ,TSIL BU CAN NI 'DI YI SHA YIS KHU BA BYAS NAS NI, ,RLUNG NI ZAD PHYIR 'THUNG SHIG CES BYA THUB PA DES NI SMRAS, ,THUB PA'I NGAG 'DI SLOB MA DES NI THOS BYAS NAS, ,'DI LTAR 'DUD PA NGO TSA DANG LDAN GDONG CAN SMRAS, ,MKHAN PO BDAG CAG LA NI DKA' THUB NYID 'DI DAG ,SEMS CAN 'TSE BA ZHES BYA GANG DU 'DI NI 'GAL, ,'TSE BA MED PA'I CHOS NI MCHOG TU SMRA BA STE, ,CHOS MIN LAM LAS BSAM PA NYE BAR LOG PA RNAMS, ,DE PHYIR BDAG NI JI LTAR PHYUGS NI GSOD 'GYUR BA, ,MKHAN PO 'DI 'DRA 'DI NI CI ZHIG GSUNGS LAGS SAM,, BYANG CHUB SEMS DPAS SMRAS PA, ,SROG DANG LDAN PA'I PHYOGS LA NYAMS PAR MA BYAS SHING, ,SHA MI ZA KHYOD SHA NI RNYED PAR 'GYUR MA YIN, ,SHA YI KHU BA DGOS PA MED PA KHYOD KYIS NI, ,NAD 'DI RNAM PAR 'PHEL BAR RAB TU 'GYUR BA YIN, ,PHYUGS GCIG PO 'DI RANG GI SROG GI DON DU NI, , SNYING RJE'I DBANG GIS GSOD BZHIN PA NI 'DOD MIN TE, ,GANG TSE KHYOD NI MI YI BDAG PO 'BYUNG 'GYUR NA, ,DE TSE KHYOD NI RI DAGS PHYUGS RNAMS GSOD PA YIN, ,RI DAGS MANG BA'I NAGS LA KHYU YIS SKYONG BAR BYED BZHIN PA, ,RNA BA'I MTHA' YI PHYOGS LA RNAM PAR ZHUGS PA MDA' YI LTONG, ,RI @62A *, ,DAGS 'PHROG BZHIN PA YI MDA' RNAMS KYIS 'BIGS NYER 'ONGS NAS, ,DE'I TSE SNYING RJE LDAN PA JI LTAR KUN NAS MTHONG BAR 'GYUR, ,YANG NA PHYUGS DANG RI DAGS DANG PHAG PA LA SOGS PA LA 'TSE BA RE ZHIG LTA ZHOG ,GANG GI PHAN TSUN DU MCHE BA GNYIS PA'I RVA YANG DAG PAR PHRAD PA LAS KUN NAS LANGS PA'I SPRO BZHIN PA SREG LUGS 'DZIN PA'I ME TOG GI PHRENG BA RNAMS KYIS 'DRES PA DANG, MDA' DANG, LCAGS KYI DBYUG PA DANG, DBYUG THO DANG, 'BUGS PA SKYONG RNAMS KYIS NGES PAR 'BIGS PA'I KUN NAS DKRUGS PA'I 'THAB PA'I SKYES BU CAN, ,BDAG PO BSAD PAS GDAN STONG PA MYUR BA'I RTA RNAMS KYIS RAB TU 'DZIN PA RNAM PAR GCOD BZHIN PA DANG, RNO PA'I RAL GRIS GCAD PA'I MGO LHUNG BAS BSKYOD PA'I SHING RTA DANG, RKANG PA RNAMS LAS SGRA YANG DAG PAR BLANG BA DANG, KUN NAS BRDUNGS BZHIN PA'I RNAM PA SNA TSOGS PA'I ROL MO'I SGRA DANG YANG DAG PAR 'DRES PA'I SKYE BO RNAMS KYI CA CO DANG ROL MO'I SGRAR LDAN PA DANG, KHRAG GIS CHAG CHAG BTAB PAS SA STENG GI RDUL RNAMS RENGS PAR BYAS PA DANG, STENG DU KUN NAS 'KHOR BA'I BYA RGOD RNAMS KYIS 'THOG PAR GYUR PA'I BSAD PA'I SKYES BU RNAMS KYI LUS KYIS KHYAB PA'I G-YUL NGO RNAMS SU 'JUG CING SKYES PA DU MA RNAMS LA GSOD PAR BYED PAR 'GYUR BA DANG, BYED DU 'JUG PAR 'GYUR BA DE'I TSE, CHOS KYI LAM LA DMIGS PA KHYOD KYI SNYING RJE GANG DU 'GRO BAR 'GYUR ZHES DE BAS NA SDUG BSNGAL DANG SKYON DU MA'I RKANG PA'I RTEN DU GYUR PA'I RGYAL SRID NYID LAS BLO 'DI RNAM PAR BZLOG PAR GYIS SHIG CES ZER RO, ,DKA' THUB PA'AM KUN NAS BSAD BYAS NAS, ,YUL GYI DUG GIS KHYAB PA'I SEMS NI SA DBANG RNAMS, ,RANG GI BDE BA'I CHA LA ZHUGS PA RJES CHAGS PA, ,'GRO BA LA NI PHYI NAS 'GYOD PA CAN MI 'GYUR, ,GRAGS MIN RNAMS KYI KHYIM DANG DRI MA RNAMS KYI GZHI, ,DGRA RNAMS KYIS NI RNAM PA DU MAR DPYAD BZHIN PA, ,YUL GYI LTO 'PHYE'I SA YI 'OD NI MI SKYONG NYID, ,SKYES PA SU ZHIG BLO NI BYAS PA 'DOD PAR 'GYUR, ,SHIN TU DGA' BAR GYUR PA DBANG PO RNAMS KYI GZHI, ,LHA 'BYUNG YANG NI BSOD NAMS RNYED PAS THOB BYAS NAS, ,SLAR YANG DGE @62B BA ZAD PA'I PHYIR NI 'OG TU YANG, ,LHA YI MDZES MA RNAMS NI SPANGS NAS SKYE BO 'GRO, ,SNGAR NI MI GTZANG BA YI MNGAL GYI DOG PA LAS, ,DE LTAR KUN NAS 'GAG PAS SDUG BSNGAL THOB BYAS NAS, ,SRID PA GZHAN GYI ME YI TSA BA MA GRANGS PA, ,RANG GI LAS KYIS BCINGS PA 'GRO BA KUN NAS 'KHOR, ,GAL TE MUN PAS 'GAGS PA'I BLO NI 'BYUNG 'GYUR NA, ,SLAR NI MI DGE DE DANG DE NI BYED 'GYUR TE, ,DE LAS THOB PA'I 'BRAS BU DMYAL BA'I ME YIS NI, ,BRTAN PA ZAD PA BUD SHING NYID DU 'GYUR, ,'GRO BA LA NI RNAM PAR 'JIG PA'I SKYON GSUNGS TE, ,GANG DU YANG NI RNAM DPYAD 'GYUR BA BDE BA MED, ,DE LTAR YUL LA SONG BA YON TAN CHEN PO 'JOMS, ,SRED PA SPANGS NAS RNAM GROL PHYIR NI 'BAD PAR MDZOD, ,GANG ZHIG RNAM PAR 'TSE PA MED PA'I RANG GI KHYIM SPANGS NAS, ,MES KUN NAS KHYAB PA'I SA LA ZHUGS PA DANG, KHROS PA'I LTO 'PHYE RNAMS KYIS KUN NAS DKRIS PA'I TZAN DAN GYI SHING LA 'KHYUD PA'AM, 'DZIN PA MANG BA'I CHU'I GNAS 'DZIN PA 'AM, LAG TU THOB PA'I BDUD RTZI SPANGS NAS DUG DANG BCAS PA'I KHA ZAS MNGON PAR 'DOD PA'AM, BDE BA'I LAM YONGS SU DOR NAS SBRUL DANG CHOM RKUN RNAMS KYIS 'JIGS PA'I DGON PAR MNGON PAR 'GRO BA DE NI, CHOG SHES PA'I BDE BA SPANGS NAS, 'BAD PA MANG BA DANG, SKYON DANG SDUG BSNGAL GYIS KUN NAS GNOD PA'I SA'I BDAG PO NYID DON DU GNYER BA ZHES BYA'O, ,DE NAS DKA' THUB PA'I MI DES DAM PA DANG DAM PA MA YIN PA'I LAM GSAL BAR BYED PA'I GTAM DRANG SRONG CHEN PO LAS NYE BAR THOS NAS SMRAS PA, GAL TE DUS GSUM MTHONG BAR BYED PA KHYED CAG LTA BU BDAG NYID CHEN PO RNAMS GZHAN GYI SEMS LA GNAS PA'I KUN DU RTOG PA MKHYEN PA 'DI LA NGO MTSAR BA CI ZHIG YOD CES ZER RO, ,AE MA MKHAN POS BDAG GI SKYON MANG BA'I BDAG NYID RGYAL PO NYED LAS YID BZLOG PAR BYAS PA, 'ON KYANG CUNG ZAD BDAG BLA MA LA SMRA BAR 'DOD PA DE BDAG GIS NGO TSA BA'I STOBS KYIS BKAG PAR BYAS PA NI DE LTA NA YANG CI ZHES KYANG GSAL BAR BYA ZHES BYA BA'O, ,DKA' THUB PA YI BU MO'I SKYO BA 'DI BDAG LA, ,RNAM PAR ROL PAS STONG YANG YID @63A *, ,'PHROG RNAM PA CAN, ,YUN RING MIN NAS SHAR BA BSIL BA'I 'OD ZER LTAR, ,RNAM PAR MTHONG BZHIN PA YI SNYING LA PHRAD 'DOD BYED, ,DE LTAR THABS SHES PAS NI THABS, ,BRTUL ZHUGS BSNGAGS PA BDAG LA STZOL, ,KUN RTOG SONG BA KUN BRTAGS NI, ,GANG GIS 'DOD SKYES DOR BAR 'GYUR, ,BYANG CHUB SEMS DPAS GSOL PA, BU LEGS SO, ,GANG GI PHYIR NAD NI BSAL BAR BYAS PA STE, ,DE DANG RJES SU MTHUN PA'I SMAN RNAMS KYIS BDE BAR DE BSAL BAR BYA BA YIN TE, DE BAS NA RE ZHIG G-YENG BA MED PAR NYON CIG, ,GANG TSE GZUGS DANG LDAN PA BUD MED GZUGS THUB PAS, ,RAB TU MTHONG ZHING YID NI PHRAD 'DOD GYUR PA STE, ,DE TSE 'DOD CHAGS GNYEN PO MKHAS PA DANG BCAS PA, ,RANG GI SEMS LA BSGOM PA 'DI NI 'DZIN PAR GYIS, ,'THUNG SHIG 'KHYIL PA BUNG BA'I TSOGS LTAR GNAG PA NI, ,BSHES MO RNAMS KYIS 'DI NI ME TOG RNAMS KYIS BRGYAN, ,MGO LA KUN NAS 'DZEGS NAS KHRO BZHIN MGO SKYES RNAMS, ,RGAS PA CHUN MA DKAR PO BYED PAR 'GYUR BA STE, ,BUNG BA'I PHRENG BA AUTPA LA LA BRTEN PA LTAR, ,GANG DU MTHUG PA DPRAL 'PHYANG MDZES PA NI, ,DE TSE DPRAL BA KUN NAS 'OD MED SONG BA YIS,, RGAS PA'I CHU RLABS KYIS NI MI MNYAM 'BYUNG BAR 'GYUR, ,YID NI 'PHROG PA BSKYOD PA'I CHA LA MKHAS PA NI, ,YID LAS BYUNG BA'I 'BYUNG BAR 'GYUR, ,RGAS PA 'DI NI RDUL NI LHUNG BA LTAR 'OD DBANG LTAR 'DUD PA NI, ,RNAM PAR ROL PAS STONG PA LHOD PA 'BYUNG BAR 'GYUR, ,RGAS PA 'DI NI RDUL NI LHUNG BA LTAR 'OD MED, ,RNAM PAR ROL PAS DON MED MDZES PA DRAN BYAS PA, ,SIN DHU RA YI KHYAD PAR BYA BA SPANGS PA NI, ,SOR MO'I SNGAGS KYIS LAS LA GTAD PAR MI 'GYUR RO, ,'DI YI DRI ZHIM SLAR NI DGA' STON RNAMS LA YANG, ,BUNG BA'I PHO NYA MOS NI DPYID KA'I ZLA GSAL BYED, , RGAS PA BYUNG BAS NGO TSA BRAL BA'I LTO BA CAN, ,TZ'U TA'I SNYE MA RNA BA LA NI 'DZEGS MI 'GYUR, ,GANG 'DI MA 'ONGS RNAM PAR ROL PA SGEG BYED CENG, ,'DOD CAN RNAMS KYI YID DAG CHAGS PA CAN BYED PA, ,DE NI ME LONG RNAM PAR MTHONG BA'I DGA' STON DOR BA NI, ,MIG GNYIS GZUGS NI NGAN @63B PA NYID DU GROL BAR 'GYUR, ,'GRAM PA SKYU RU RA YI 'OD LDAN PA, ,BSHES MO'I SKYE BOS SMUG RTZI'I RI MO BYAS PA NI, ,MDZES PA DOR BA 'DI NI GA LA BYED 'GYUR BA, ,MDZES PA BRAL BA 'DI DAG LA NI RAB SRAB PA, ,RGAS PA'I SMUG RTZI'I RI MOS GZHI NI BYED PAR 'GYUR, ,GANG 'DI DANG BA'I GNYIS SKYES 'OD ZER SNANG BA NI, ,ME TOG GZHU CAN LA NI GROGS BYED NYID 'GRO BA, ,RGAS PA KUN NAS CHAGS PA SMAD BYAS DBYANGS LDAN PA, ,DGOD PA DE NA GZHAN NYID DU NI 'GRO BAR 'GYUR, ,GANG 'DI BA NA DHU KA LTAR SHIN TU DMAR BA'I MCHU, ,SO YI PHRENG BA'I 'OD KYIS SNANG BAR BYAS PA NI; ,DGA' BA'I SEMS NI PHRAD PAR 'DOD PAR BYED PA STE, ,DE NYID MDZES PA'I YON TAN GYIS NI DOR BAR 'GYUR, ,YANG DANG YANG DU DBEN PAR GANG TSE DGA' BAS DPYOD BYED PA, ,ROL PA'I DGA' STON PAR LA PHRAD PAR 'DOD PAR 'GYUR BA STE, ,'O MA 'DZIN PA GNYIS PO GLANG PO'I MIG 'BOR MTSUNGS PA NI, ,RGAS PAS GDUNG BA DE 'DIR THUR DU LTUNG BAR 'GYUR BA STE, ,LAG PA 'DI DAG ZE'U 'BRU LTAR NI 'JAM PA'I 'OD LDAN PA, ,KUN NAS SPROS PA'I SEN MO'I 'OD KYIS BRGYAN PA'I SOR MO CAN, ,RGAS PA BYUNG BAS RGYUN MI 'CHAD PAR 'DAR BA SKYED PA NI, ,CHU RGYUS MANG BA BAR GYI MTSAMS MED PAR NI 'BYUNG BAR 'GYUR, ,SGEG DANG BCAS PA'I GSER GYI LJON SHING LTA BUR YID 'PHROG PA, ,GOM PA GOM PA MO YI DBANG PO'I LCI BAS NGAL BYAS PA, ,LUS 'DI RID PA RGAS PAS LHAG PAR ZHON PAR GYUR PA NI, ,RANG GI GZHU RGYUD KYIS NI GZHU LTAR SGU BAR BYED PAR 'GYUR, , AE MA LUS 'DI SRAB PA'I YID RNAMS KYI NI YID DAG GIS, ,MI NUS RNAM PAR LTA BA LA SOGS KYIS NI 'PHEN PAR BYED, ,RGAS PA CHEN PO MUN PAS 'GAGS PA LTAR NI 'OD MED PA, ,RING BA'I MTSAN MO LTAR NI MDZES PA NYID NI 'DZIN MI 'GYUR, ,GANG TSE 'DI NI BYA DANG CE SPYAD DAG GI DOGS PA YES, ,KUN NAS 'KHOR BA'I MTHUG PA SBRANG RTZI BUNG BA'I TSOGS LDAN PA, ,'BYUNG BAR 'GYAR BA SHA DANG RUS PA'I 'CHING BA DOR BA NI, ,TSE 'DI 'JIGS PA CHEN PO NYID NI BDAG LA BYED PAR 'GYUR, ,MCHOD SBYIN GYIS NI SHA BZHIN KUN NAS MTHONG BA DU MA CHEN POS BAR RNAMS 'BREL PA 'DI,, @64A *, ,YONGS SU SMIN PAS SKYA BA DRIN CAN CHU RGYUS RNAMS KYIS KUN NAS BKAB PA KU SHA LTAR, ,SNYING RJES MCHOD SBYIN BYED PAS KUN NAS RNYED PA BYA RGOD 'BAB PA'I DUR KHROD MCHOD SBYIN LA, ,SU ZHES BYA BA BUD MED PHYUGS KUN KUN NAS LTUNG BAR MTHONG NAS CHAGS LDAN 'BYUNG BAR 'GYUR, ,GAL TA 'DI RNAMS KYANG NI BUD MED RNAMS KYI YAN LAG ROL PA DANG NI SGEG PA'I RTEN, ,BRTAG PAR 'GYUR TE ME TOG MTSON CHA'I LCI BA ME TOG LAS BYUNG MDA' DANG 'DRA BA STE, ,ZHI DMIGS DE LTA NA YANG DAM PA RNAMS KYI YID NI DE RNAMS LA SBYAR MI RIGS TE, ,CHAR GYI MTHAR NI CHU GTER BZHIN DU GANG TSE 'DI RNAMS CI ZHIG YUN RING GNAS MA YIN, ,GANG TSE SKYE BO 'DOD CHAGS CAN NI YANG DAG MIN PA'I KUN RTOG REG BYED PA, ,DE YI TSE NA 'DI YI BUD MED YANG DAG 'BREL BA'I BDE BA 'DOD PA SKYE BA STE, ,GROL BA'I DON GNYER DBANG PO'I TSOGS NI RGYAL BAS 'DI YANG RNAM PAR RGYAL BA STE, ,'DI LA LHA YI MDZES MA DANG NI SA YI RANG BZHIN BUD MED 'DI LA MNYAM PAR 'GYUR, ,GAL TE RIGS PA DANG BCAS MDZES PA'I SKYE BO LAM NI DMIGS PHYIR 'DOD NA NI, ,JI LTAR BDE BAR GSHEGS PA'I NGAG NI 'DA' BAR MI 'GYUR DE LTAR KHYOD KYIS SHIG ,RNAM PAR SMIN PA RTZA BA YID KYI YUL GYI BDE BA'I CHAS NI CI ZHIG STE, ,MI DGE BA YI BUD SHING CHEN PO DMYAL BA'I ME NI KUN NAS MTHONG BYED CING, ,DE LTAR BSGOM PA YANG NI GAL TE NYIN RE RER, ,MI SDUG PA NI YANG DAG SDUG PA RNYED MI 'GYUR, ,DES NA RAB TU ZHI BA'I PHYIR NI PHYI NAS KYANG, ,BUD MED PA YI GNAS SU LHAG PAR GNAS PAR BYA, ,DE NAS DKA' THUB PA'I BU DE GUS PA DANG BCAS PAS BYANG CHUB SEMS DPA'I TSIG MNGON PAR BRTEN PAR BYAS NAS DGON PA GZHAN DU SONG STE, ,DER YANG BSAM GTAN BZHI DANG MNGON PAR SHES PA LNGA RNAMS LA GNAS NAS SLAR 'ONGS TE, ,GSAL BAR BYAS BA'I BYANG CHUB THOB PA LA MNGON PAR DGA' BA'I BYANG CHUB SEMS DPA' LA, GNYIS LAS 'DAS BA ZHI BA MA ZHI'I SEMS RNAMS LA, ,RAB ZHI'I DON DU ZHI BA'I LAM NI GSAL BYED PA, ,RAB TU DANG BA'I SKUD PAS BCINGS PA DRI ZHIM PO'I, ,NGAG GI ME TOG RNAMS KYIS YANG YANG DE LA MCHOD, , @64B GAL TE KHYOD NI YANG DAG SKYE 'GYUR MA YIN NA, ,BDAG GI MUN PA 'DI NI 'DI LTAR ZAD MI 'GYUR, ,RI BONG CAN NI DAG PA'I 'OD ZER SHAR BA LA, ,KU MU TA NI JI LTAR PHYE BAR 'GYUR BA YIN, ,BLA NA MED PA'I GO 'PHANG MNGON PAR 'DOD PA NI, ,'GRO BAR PHAN MIN ZAD PHYIR BRTZON PA'I BDAG NYID CAN,, BRTAN PA LCI BA'I YID CAN BLO GROS CHE RNAMS KYI, ,KHYED CAG LTA BU'I 'BYUNG BA RNYED SLA MIN PA NYID, ,DE LTAR SPYOD PA 'DI NI RNAM PAR DAG LDAN PA, GZHAN LA PHAN PAR BYED PA'I RTZE GCIG GANG KHYOD LA, ,GO 'PHANG DE NI SRID MED BYED PA TSUL KHRIMS BRTEN, ,THOB PAR MA BYAS PAR NI JI LTAR BRTAN PAR BYED PAR 'GYUR, ,GANG TSE SKYON RNAMS ZAD PA KHYOD NI BYANG CHUB THOB 'GYUR NA, ,GTI MUG RAB RIB RTZAD NAS BTON PA'I 'GRO BA LA PHAN PHYIR, ,DE TSE KHYOD NI SRID MED BDAG LA DRAN BYED 'GYUR BA STE, ,BSOD NAMS LAS DE DE LTAR SHES BYA 'DI LA KHAS BLANGS 'GYUR, , DKA' THUB PA'I BU DE YANG BYANG CHUB THOB PA'I BCOM LDAN 'DAS KYIS DGRA BCOM PA'I 'BRAS BU YID LA RE BA THOB PAR MDZAD CES BYA BA'O, ,DE LTAR NA BDAG NYID KYI TSUL KHRIMS RNAM PAR DAG PAS KYANG DE LTAR DAM PA RNAMS KUN NAS DGA' PAR MI 'GYUR TE, JI LTAR GZHAN LOG PA'I LAM LA YID ZHUGS PA DAG PA'I TSUL KHRIMS LA SO SOR GNAS PAR BYAS NAS KUN NAS DGA' BAR 'GYUR RO, ,DE BAS NA TSUL KHRIMS KYI BYA BA LA 'BAD PAR BYA ZHES BYA BA'O, ,DRANG SRONG GI SKYES PA'I RABS TE SKYES PA'I RABS GSUM PA'O,, ,,PHA MA ZHES BYA DGE BA'I LO TOG BSKYED,, PAN GDAGS BYA BA'I ZHING NI 'DI YIN TE, ,GANG LA 'DI YI BLO GROS 'BYUNG BA NI, ,DE NYID DE DAG LA NI RTEN PAR BYED, ,'DI LTAR RJES SU THOS TE, MA LUS PA'I SA'I PHUN SUM TSOGS PA GCIG TU GNAS PA DANG 'DRA BA'I B'A R'A nA S'IR TSUL GYI RAB TU TSA BAS GRAGS PA'I RNAM PAR GNON PA SKYE DGU LA PHAN PA DANG MI PHAN PA YANG DAG PAR LTA BA'I RGYAL PO TSANGS PAS BYIN ZHES BYA BA BYUNG BAR GYUR TO, ,DE YANG DRAN PA DANG RIG BYED KYI DE KHO NA SHES PA RANG GIS CHOS RJES SU BSGRUB PAS GRAGS PA GSAL BA, ,BSTAN BCOS THAMS CAD KYI PHA ROL TU SON PA, ,'CHI MED BDAG PO LHA'I BLA MA DANG @65A *, ,'DRA BA, GUS PA LTAR NI TSANGS PA YIS, ,ZHI BA'I DPAL GYIS 'KHYUD PA NI, ,YONGS SU SMIN DANG THOS PA YIS, ,MDUN NA 'DON NI MCHOG 'BYUNG GYUR, ,SHIN TU MYUR BAR 'DI KHRID PA, ,'CHI BDAG NYE MOR 'DI YIS NI, ,DE LTAR KHROS PA LTAR RGAS PA, ,DE YI TSANGS PA'I DPAL GYIS MTHONG, ,BU NI DON GNYER CAN DE YI, ,BUR NI BYANG CHUB SEMS DPA' BYUNG, ,MING GIS SNGO BSANGS ZHES BYAR GRAGS, ,TSUL KHRIMS BRTAN POS RNAM PAR BRGYAN, ,BSKYOD PA'I DBANG PO'I RLABS RNAMS KYIS, ,GSAL BA 'KHRUG PA MI BSKYOD PA, ,BLO YI GRU LA DE ZHUGS NAS, ,RIG PA'I RGYA MTSO PHAR PHYIN GYUR, ,ZLA BA LTAR MDZES DE YI NI, ,RANG BZHIN GYIS NI SNYAN SMRA BA, ,GROGS PHYOGS THAMS CAD DU BYUNG STE, ,DBUS GNAS DGRA DAG YOD MI 'GYUR, ,BRTAN ZHING DUL BA'I CHOS LDAN PA, ,YON TAN SMRA BA THAMS CAD LA, ,SDANG BYED SDANG BA NYID KYIS KYANG, ,DOR BYA DE NYID MTHONG BA YIN, ,DE NAS DE'I BDAG NYID CHEN PO RGAS PA DANG YONGS SU 'DRES PAS YAN LAG STOBS CHUNG BA'I PHA MA DAG LA SHIN TU STOBS DANG LDAN PA'I RAB RIB KYIS KHYAB PA'I MTHONG BA'I NUS PA MI SNANG BAR GYUR TO, ,DE NAS MDUN NA 'DON DE RGYAL PO'I MDUN DU NYE BAR 'ONGS TE SMRAS PA, LHA LAGS LTA BA RNAMS BRAL BUD MED LHAN CIG TU, ,DKA' THUB NAGS SU 'GRO PHYIR BDAG BRTZON PA, ,DE BAS BDAG GI YON TAN RIN CHEN RGYA MTSO CAN, ,BU NI MDUN NA 'DON PA NYID DU DBANG BSKUR MDZOD, ,BAG MED RGYU CAN DANG PO'I YANG NI LANG TSOL, ,BLO LDAN LA NI KHYIM GYI GNAS NI MI RIGS TE, ,RGAS PA'I DGRA NI DBANG PO'I DBANG BA GCOD PA NI, ,DRAN PA NYAMS PA SEMS GNOD PAR NI SMOS CI DGOS, ,LHAS NI BDAG DKA' THUB BSGRUB PA LA BAR DU GCOD PAR MI BYA STE, LHAS GZIGS PAR MDZOD CIG ,GANG TSE DRI MA CAN GYI LAS NI 'DOD 'GYUR NA, ,DE TSE SKYE BA GROGS POS DGAG PAR BYA BA STE, ,GANG TSE CHOS DANG 'BREL BA'I BYA BA DMIGS BYED NA, ,DE TSE PHAN PAR 'DOD PAS DE NI RAB BSKUL BYA, ,DE NAS RGYAL PO DE PHA DANG 'DRA BAR MDUN NA 'DON DKA' THUB KYI NAGS DER 'GRO BAR 'DOD PA LA SDUG BSNGAL GYIS YANG DAG @65B PAR BYUNG BA MCHI MA'I CHUS KUN NAS GDUNGS PA'I MIG CAN GYIS SNGO BSANGS LA BOS NAS SMRAS PA, 'DI NI KHYOD KYI BLA MA'I SKYE BO'I DKA' THUB KYI NAGS SU 'GRO BAR 'DOD PA YIN TE, ,DES NA KHYOD KYIS BDAG CAG LAS MDUN NA 'DON 'DI NYID BLANG BAR GYIS SHIG CES BYA BA'O, ,DE NAS SNGO BSANGS SKAD CIG TZAM DU 'OG TU LTA BAS GNAS NAS BDAG NYID LA SONG BA'I 'DI LTAR SEMS LA RJES SU BSTAN PAR BYED PAR GYUR TO, ,SEMS KYI GLANG PO'I DBANG PO BDE BA'I CHA LA CHAGS PA 'DI, ,SRED PA'I GLANG MO SDUG BSNGAL RGYU YI CI PHYIR RJES SU 'GRO, ,CHOG SHES RI DANG BRAL BAS DAM MIN RNAMS KYI DRUNG DU NI, ,NGES PAR NA TSA 'DI NI KHYOD LA SDUG BSNGAL BYED PAR 'GYUR, ,RNAM PAR ROL BAR 'GYUR BA'I YON TAN PADMA RNAMS KYIS KHYAB, ,MKHAS PA RNAMS KYI GTAM GYIS PADMO ZHI BA GZUNG BYAS NAS, ,RGAL BAR DKA' BA'I SKYON GYIS 'DAM CAN BRTEN PA'I CHU BO NI, ,GTING MED 'JIGS PA 'DZIN PA'I DON DU CI PHYIR ZHES NI 'DOD, ,GAL TE STOBS DANG LDAN PA KHYOD KYIS KUN NAS SKYONG BA 'DI, ,LAM NGAN 'GRO BA SKYONG BA GLANG PO CHE YI TSOGS, ,SKYON GYI LCAG KYU'I RMA NI RNAM 'BYED CES BYA 'PHAGS MIN PA'I, ,YUL GYI GLANG PO SKYONG BA RNAMS KYIS NAM YANG GNOD MI 'GYUR,, 'KHOR BA'I LAM NAS 'GRO BA'I NGAL BA 'JOMS PAR BYED PA'I RGYU, ,DAM PA RNAMS KYI MAN NGAG CHU NI SHIN TU DANG BA LA, ,KHRUS BYAS NAS NI RNAM RMONGS BYA BA NGAN LA CHAGS PA'I RDUL, ,BDAG LA PHAN 'DOD RNAMS KYIS SPANGS PA BDAG LA CI ZHIG GTOR, ,SEMS KYI GLANG PO MANG POS SMRAS PAS CI ZHIG BYA STE 'KHOR BA RNAM PAR GCAD PA'I PHYIR, ,GAL TE DKA' THUB GNAS KYI BDE BA MKHAS PA RNAMS KYIS YUN RING LONGS SPYOD 'DOD NA NI, ,SKYE BO'I NGES PAR 'BREL PA STOBS DANG LDAN PA RE BA'I RANG BZHIN LCAGS SGROG BCAD NAS KYANG, ,DE BAS LONGS SPYOD CHAGS PA'I RANG BZHIN BRTAN PA GCOD PA DKA' BA RTZAD NAS 'DON PAR GYIS, ,DE LTAR SEMS LA RJES SU BRTAN PAR BYAS TE RGYAL PO LA SMRAS PA, RGYAL PO CHEN PO KHYIM LA GNAS PA ZHES BYA BA 'DI RTZOD PA DANG 'THAB PA DANG, SPYOD BA RNAMS KYI RTEN NYES PAR SPYOD PA'I LTO 'PHYE DU MA RNAMS KYI KHYIM DANG RANG GI SKYE BO RNAMS LA @66A *, ,MNYES GSHIN PA BCINGS PAS DKA' THUB KYI NAGS SU 'GRO BA LA BAR DU GCOD PA DANG, LOG PA'I TSIG RNAMS KYI 'BYUNG GNAS DANG, ,BRTEN PA DANG PHONGS PA SKYE BAR BYED PA DANG, LEGS PA'I LAM GYI MNYEN PA DANG, RGYA MTSO BZHIN DU CHU'I TSOGS CHEN PO RNAMS KYIS KYANG YO BYAD RNAMS KYIS KUN NAS 'GENGS BZHIN PA RNAMS KYIS TSIM PA NYE BAR MI 'GYUR BA STE, YUL GYI ZHAGS PA RNAMS KYIS SEMS CHUNG BA RNAMS KYI SNYING KUN NAS 'CHING BAR BYED PA DANG, SKAL BA KUN NAS ZAD PA'I PHYIR PHUN SUM TSOGS PA ZAD PA DANG, ,THA MAR YANG DRI MA CAN GYI GOS RUL BGOS PA'I KHYIM GYI BDAG PO BKRES PAS RID PA DANG, BYIS PA DU BA RNAMS KYIS MA MO'I SKYE BO LTAS BZHIN PA DANG, BANG MDZOD 'BRAS GYI SO BAS STONG PA NYID KYIS 'KHOR GYI SKYE BO SDUG BSNGAL BA DANG, DON DU GNYER BA RNAMS KYIS SGO MNAN PA SEMS DANG BCAS PA SU ZHIG GI SNYING YING MI BDE BA MI BSKYED DAM, ,GAL TE YANG GTAN DU BA'I BDE BA'I RGYU NYID KHYIM NA GNAS PA NYID YIN NA DE LTA NA YANG DKA' THUB KYI NAGS MNGON PAR PHYOGS PA LONG BA PHA MA GNYIS KUN NAS DOR NAS BDAG LA MDUN NA 'DON PA GZUNG BA'I PHYIR RIGS PA NI MA YIN NO ZHES ZER RO, ,MIG DANG BRAL BA'I PHA DANG MA NI 'DI DAG LA, ,BKRES DANG SKOM BAS RAB TU RID PAR BYAS PA NI, ,NAGS NA GNAS PA DAG LA CHU'AM 'BRAS BU NI, ,BDAG NI MED PAR SU ZHIG SBYIN PAR 'GYUR, ,CHU BO DRUNG NA NYE BA 'DI NI DANG ZHING DANG BA'I CHU NI 'BAB PA STE, ,GRIB MA MTHUG PA LAM NAS 'GRO BA'I SKYE BOS BRTEN BYA LA MA DU SHING 'DI NI, ,KUN NAS DBUGS PAR BYED CING 'DI LTAR 'GRO BA'I NGAL BAS NAD DANG BCAS PA LA, ,BDAG GI PHA MA DAG LA SNYING RJE BCAS PA SU ZHIG SMRA BA PO BYUNG 'GYUR, ,MDUN 'DON NYID KYI BDE LA RE BAS GAL TE KHYIM NA GNAS SHING DBANG DU BLA MA DAG ,LAM KUN 'PHOS PAS KHRON PA'AM RI YI 'GRAM NAS LTUNG BA SU ZHIG LAS NI THOS PAS 'GYUR, ,LUS KYI BTZON RA DANG NI NGES PAR 'BREL BA SROG 'DI BDAG NI JI LTAR 'DZIN 'GYUR TE, ,DE PHYIR SA DBANG MCHOG GIS PHA MA DAG DANG LHAN CIG 'GRO BA BDAG LA DGAG MA MDZAD, ,DE NAS RGYAL PO DES 'GRO BA MNGON @66B PAR RJES SU GNANG STE SNGO BSANGS PHA MA DAG LA KUN NAS DMIGS TE, BRAL BA LAS YANG DAG PAR 'BYUNG BA'I SDUG BSNGAL GYIS NYE BAR BSAGS PA'I MCHI MAS MIG RNYOG PA DANG LDAN PA RJES SU 'GRO ZHING, NYE BA DANG GROGS PO'I SKYE BO RNAM PAR BZLOG NAS, RI DAGS RNAMS KYI SOS GCOD PA'I MI MNYAM PA'I KU SHA DANG RTZVA'I MYU GUS SNGO BA'I MTHIL DANG, SKYA RENGS KYI SHING RTA 'DREN PA'I 'OD ZER RNAMS KYIS KUN NAS TSA BA LAS SKYES PA'I DBUGS KYIS MGRIN PA LA SKYOD PA'I RMA BYA RNAMS KYI SHING RNAMS KYI GRIB MA LA LHAG PAR GNAS PA DANG, PHAG PA RNAMS KYI SNAS RLOGS PA'I MON LUG GI TSOGS KYI RDZING GI 'GRAM DU 'BREL PA DUR PA PHO MO GNYIS KYIS SGRA SGROGS PA DANG, KA KO LA BCAG PA LTAR DRI ZHIM PO'I GLANG PO CHE'I SMYON CHU'I DRIS NA DANG[?] DU BSGOS PAR BYAS PA DANG, RLUNG GIS BSGUL BA'I RNAM PA SNA TSOGS PA DANG, ME TOG 'BYUNG BA'I SHING GEL BA RNAMS LA 'PHYANG BA LA 'DZEG PA DANG, SBRANG BYED KYI TSOGS KYIS GLU BLANGS PA'I ZHI BA'I DGON PA RIM DANG RIM GYIS RNYED PAR MI 'GYUR RO, ,DE DAG 'GRO BA GANG DANG GANG DU KUN NAS 'DOD 'GYUR BA, ,LONG BA BLA MA DAG NI MI MNYAM RDO 'GEGS NAGS LAM LA, ,BRTZE BAS 'JAM PA'I SEMS LA DE DANG DER NI SDUG BSNGAL NI, ,DE LA SHIN TU RNO BA KHROS MIN DUG LTAR 'BAB PAR 'GYUR, ,MI MNYAM PA'I SA PHYOGS LA YANG PHRAG PAS KHUR TE BYANG CHUB SEMS DPA' SHING GI RTZA BA 'GA' ZHIG TU PHA MA DAG LA ZAR BCUG NAS SLAR LANGS TE, PHYI DRO'I DUS SU LAM CUNG ZAD DU SONG STE SU DAG YANG DAG PAR 'ONGS PA DANG PHRAD NAS, SHING PA LA SHA'I 'DAB MA RNAMS KYIS DPRAL BA 'GEBS PA YANG MA YIN PA MTHONG BA DANG, GZHU DANG LDAN PA DANG PHRAG PA GNYIS LA MDA' DANG BCAS PA'I DONG PA BCINGS PA DANG, MIG DANG 'GRAM PA SHIN TU DMA' BA DANG, KUN NAS RTZUB CING SER SKYA DANG SRAB PA'I SKRA DANG SMA RA'I TSOGS DANG LDAN PA DANG, RMA BYA'I MDONGS KYI SGROS RNA BA DKRIS PAR BRTZAMS PA DANG LCAG KYI KA BA LTAR SNGO BA'I GO CHA DANG LDAN BA DANG, NAGS KYI GTAM DBANG PO LAS MA 'DAS PA NAGS NA SPYOD PA LA DRIS PAR GYUR TO, ,BZANG PO'I GDONG SA PHYOGS GANG NA SLAR DKA' THUB KYI NAGS YONG @67A *, ,CES ZER RO, ,DES KYANG GSONG POR SMRA BA DANG, GUS PAS DE LA GZHU'I RTZE MOS BSTAN PAR GYUR TE, 'PHAGS PAS LTA BAR 'OS TE GANG LA 'DI, ,PHYED NI ZAD PA AE MA GU DHA NI RDO BAR RNAM PAR BKOD NAS SMIN PAS SER SKYAR BCAS, ,KU SHA'I DAG BYED LAG PA GYEN DU BYAS NAS RIM GYIS SPANG BYA'I GDAN LAS LANGS NAS NI, ,MA RMOS S'A LU SDUD PAR BYED CING LTO BA DANG NI RAB 'BREL RKANG GNYIS NE TZO NI, ,MA LA GYEN DU BTEG PA'I GDONG DANG LDAN PA DKA' THUB PA YI BU NI SMRA BAR BYED, ,SA PHYOGS 'DI NA DKA' THUB KYI NAGS YOD DE, 'PHAGS PA BLA MA'I SKYE BO DANG BCAS PA DKA' THUB 'PHEL BA'I PHYIR SHIG ,SNGO BSANGS KYIS KYANG DE LTAR BYA'O ZHES BRJOD NAS NAGS NA RGYU BA DE LA SHIS PA BRJOD PA BYIN NAS DKA' THUB KYI NAGS SU ZHUGS PAR GYUR TE, DKA' THUB NOR LTAR SU ZHIG CHUNG, ,GZHAN NI 'BRAS BU ZHIM PO'I RO, ,LEGS PAR 'ONGS SAM ZHES BRJOD NAS, ,DE LA KHRI SNYAN PAGS PA BYIN, ,NAGS RNAMS SAM NI KHYIM DU YANG, ,DAM PAS YUN RING GNAS BYED PA, ,JI LTAR RIGS PAR DON GNYER PHAN, ,CHOS 'DOD PAS NI BYA BA STE, ,CHU SHING ME TOG TSOGS LTAR SNGO, ,DE NAS SPYIL PO DE MTHONG NAS, ,SNGO MED SEMS LDAN SNGO BSANGS KYI, ,YID LA 'DI LTAR RE BA GYUR, ,GZUNG BA YANG DAG 'JUG PA PADMA'I RTZA BA GNAS, ,THUN GSUM MAR GYI SREG LUGS DU MAS DRI BYAS PA, ,'DUG CING LANGS DANG 'GRO BA'I RI DAGS 'GA' ZHIG TU, ,SRID PA 'DON PA BYAS PA'I LAM GYI RGYU MTSAN YIN, ,RAB ZHI SRID 'JOMS 'DOD PA'I RNAL 'BYOR RNAMS KYIS NI, ,DKA' THUB NAGS 'DI SHING LOS BYAS PA'I KHYIM BRTEN PA, ,YAN LAG MED KYANG GZHU NI SPANGS NAS ZHUGS ZIN TE, ,ZHI BA MNGON 'DOD MCHOG GI SKYE BOS SMOS CI DGOS, ,DE NAS DKA' THUB KYI NOR CAN DE RNAMS DANG LHAN CIG TU MTSAN MO GCIG DER GNAS TE THO RANGS KYI DUS SU BYANG CHUB SEMS DPA' RNAM PAR DBEN PA'I BDE BA 'DOD CING DKA' THUB KYI NAGS DE LAS THA DAD PA DGA' BAR GYUR PA SHING LO'I RA BA CHEN PO BYAS PAR GYUR TE, GUS PAS BLA MA DAG NI SPYOD CING BLA MA'I RANG BZHIN TE, ME LA MCHOD CING MI CHUNG BA @67B DANG BRTAN PA MTHONG BA'I BLO, ,MNYAM PA'I YID LDAN RANG SKYE DANG NI SKYE BO BLO MANG BA, ,GNAS DE LA NI DKA' THUB KUN NAS SPYOD CING GNAS PAR GYUR, ,DE NAS DUS GCIG GI TSE NA BDAG NYID CHEN PO DE NAGS KYI RI GZHAN LAS ME TOG 'BRAS BU DANG BUD SHING DANG KU SHA RNAMS BLANGS TE, SHING LO'I KHYIM GYIS GZHI LA BYUG PA 'JAM PO BYAS TE, RKANG LAG DAG LA KHRUS BYAS SHING BUM PA BLANGS NAS, RI DAGS KYI PHRU GU RJES SU 'GRO BZHIN PA, LCANG MA'I LJON SHING MANG PO RAB TU RGYAS PA'I 'GRAM KUN NAS BKAG PA, NOR BU DKAR PO BCAD PA LTAR DRI MA MED PA DANG, BSIL ZHING ZHIM PA'I CHU 'BAB PA'I CHU BO'I DRUNG DU SONG STE, PAGS PA DANG NI BGRANG PHRENG DAG ,SHING GI YAL GA LA DPYANGS NAS, ,BSIL CHU DAG LA KHRUS BYAS PA, ,BDE PHYIR CHU NI 'DZIN PAR GYUR, ,RTZVA NI SNGON PO BSTEN BYAS NAS, ,DRI MA MED PA'I CHU 'THUNGS TE, ,KHRUS BYAS RI DAGS PHRUG PA DE, , 'DUG CING SO SOR BRKYANG BAR GYIS, ,DE NAS RGYAL PO TSANGS PAS BYIN SGRA LA PHOG PA RI DAGS KYI LINGS LAS SKYO BSANGS NYAMS SU MYONG ZHING MYUR DU 'GRO BA'I RTAS 'GUGS BZHIN PA CHU BO'I 'GRAM DER 'ONGS NAS, BYANG CHUB SEMS DPA' CHU 'DZIN PA LAS SKYES PA'I CHU'I SGRA LA MNYAN NAS 'GRAM GYI SHING DANG SHING GEL BA RNAMS KYIS LTA BA'I BAR DU CHOD PAR BYAS PA, NGES PAR CHU BO 'DI LA PHAG GAM RI DAGS 'JUG PA ZHES BYA BA RNAM PAR BSAMS NAS, GANG LAS SGRA DE BYUNG BA DES MDA' 'PHANGS PAR GYUR TO, ,DE NAS MDA' NI MDE'U CHEN PO DANG LDAN PAS, ,BRANG GI DBUS SU BDAG NYID CHEN PO DE 'BIGS TE, ,DE CHOG SGRA LAS NANG GI BDAG NYID SDUG BSNGAL BA, ,'GRAM LAS RI DAGS PHRUG PA YANG NI LANGS PAR GYUR, ,SU YIS BDAG NI 'BIGS PA ZHES BYA GANG 'DI SHES BYAS NAS, ,SA YI BDAG PO DE YI SNYING RJE'I BDAG NYID CAN GYIS NI, ,'DI NI SU YIN ZHES BYA RTA LAS MYUR DU BABS NAS KYANG, ,BRANG GI DKYIL NA MDA' NI SBYOR BA SNGO BSANGS MTHONG BAR GYUR, ,RGYAL PO DES KYANG YUN RING POS NI DE SHES NAS, ,SNGO BSANGS 'DI ZHES MIG LA MCHI MA 'BYUNG BA NI, ,ZHING GI TSOGS LA SBAS PA 'DI NI SMRA BA STE, ,RI DAGS 'DI ZHES 'DIR NI @68A *, ,BDAG GIS KHYOD 'BIGS PA, ,G-YO BA RNAMS KYIS BAG MED SKYON LAS SDUG BSNGAL BA, ,GANG DU 'DI 'DRA DAM PA RNAMS LA YANG NI BYED, ,RI DAGS LINGS KYI SDUG BSNGAL DE LAS MI RNAMS LA, ,SDUG BSNGAL SHIN TU DKA' PA GZHAN NI YOD MA YIN, ,MI SKYONG SGRA YIS RGYAGS PA DREGS PA RMONGS PA YI, ,RNAM LTUNG MNGON PAR PHYOGS PA BAG MED BSNYEN PA YANG, ,SNYING RJE LA NI DMIGS NAS ZHI BA'I GZUGS LDAN LAGS, ,TSA BA'I SMOD MO'I MDA' YIS BDAG NI MA BSAD CIG ,DE NAS BYANG CHUB SEMS DPA' SA'I BDAG PO DE LTAR SMOD PA LA RTZE GCIG PA PHYI NAS 'GYOD PAS KUN NAS SONG BA'I YID SMOD MO 'BYUNG BA LA DOGS PA BRTEN PAR BYAS PAR GYUR TE, RGYAL PO CHEN PO BDAG LAS SMOD PA'I DOGS PAS CHOG STE, SHIN TU KHROS PA'I DBANG GIS KYANG NI KHYOD KYIS NI, ,GAL TE BDAG LA MDA' NI PHOG PAR GYUR BA STE, , DE LTA NA YANG BDAG GI SEMS NI GZHAN DU YANG, ,'BYUNG BA MIN TE SKYON BRAL KHYOD LA SMOS CI DGOS, ,'ON KYANG SNGON DU BYAS PA'I LAS RNAMS 'DI DAG GIS, ,MDA' YI GZUGS KYIS BDAG GI BRANG LA BRGYAB PA NI, ,DE LTAR KHYOD LA 'DIR NI KHYOD LA NYES PA CI ZHIG STE, ,MI SKYONG SMOD PA'I 'JIGS PA KUN NAS DOR BAR GYIS, ,SKYE BO YOD NA CI ZHIG 'JIG PA MIN DE BAS, ,BDAG LA SHI BA'I 'JIGS PA CUNG ZAD KYANG NI MED, ,PHA DANG MA DANG NAGS SU MIG DANG BRAL BA LA, ,KUN NAS BSAMS TE BDAG NI SDUG BSNGAL NYE BAR SONG, ,BDAG NI DUS KYI DBANG GIS SRID PA GZHAN DAG TU, ,DI RING 'GRO BA KUN NAS KHYAB CING KHYAB PA NI, ,SKYED BYED DANG NI SKYED PA PO DAG SDUG BSNGAL BA, ,LONG BA NAGS 'DI LA NI CI ZHIG BYED PAR 'GYUR, ,SA YI SKYONG BA DAG LA JI SRID BAR DU LUS, ,'DI NI SROG CHAGS KUN NAS DOR BAR MI BYED PA, ,DKA' THUB NAGS LAS BDAG GIS MYUR DU PHA MA DAG ,DE SRID SDUG BSNGAL BA NI MYUR DU SPONG BAR BYAS, ,CUNG ZAD RGAS PA KUN NAS DRIS PA BSKYOD PA'I SOR MO CAN, ,AUTPA LA CHEN PO RNYINGS PA LTAR NI KUN SKYA MDUN LAG GIS, ,PHA MA DAG NI DE LA SNYING RJE DANG BCAS REG 'GYUR BA, ,BDAG NI DON BYAS DE RING BDE @68B BAR SROG NI BTANG BAR BGYI, ,'DI LTAR YANG BDAG GI TSIG GIS PHA MA DAG LA ZHU BAR BYA STE, MNYES NI GSHIN PA'I CHU YIS KHYED CAG GIS, ,BU YI SHING GANG 'PHEL PHYIR CHU YIS SBANGS PA NI, ,GSONG POR SMRA BA'I ME TOG 'DI, ,DE LAS THA MA KUN NAS GZUNG BAR MDZOD, ,DE NAS RGYAL PO DE DAG GIS MI DGA' BA 'DI DE LTA BU'I DE DAG LA JI LTAR SMRA BAR BYA ZHES BYA BA RNAM PAR BSAMS NAS BYANG CHUB SEMS DPA' LA SMRAS PA, KHYOD LTA MDA' YIS 'BIGS PA NI, ,NGAN 'GROR 'GRO BA BDAG GIS TE, ,MI DGA' SMRA BA'I MDA' YIS NI, ,DE DAG LA YANG JI LTAR 'BIGS, ,BYANG CHUB SEMS DPAS SMRAS PA, RGYAL PO CHEN PO DUS 'DA' BAS CHOG STE, BDAG GI LUS DUG GIS BRGYAL BAR YONGS SU SONG BAR 'DRA BAR KUN NAS DUB PA STE, DE NAS RGYAL PO DE BYA BA 'DI SDIG PA DANG BCAS PA ZHES BYA BA RNAM PAR DPYAD NAS DE LTAR BYA ZHES KHAS BLANGS TE, DE NYID DU RTA DE YAL GA LA BTAGS NAS SLOB MA BZHIN DU DUL BA 'DZIN PA DKA' THUB KYI NAGS LA MNGON PAR PHYOGS PAS ZHUGS PAR GYUR TE, DE NA SA YI BDAG PO'I RKANG PA'I SGRA NI RING NAS THOS, ,KUN NAS SKAMS PA'I SHING GI 'DAB MA BTZIR NAS BYUNG BA NI, ,NGES PAR CHU NI LINGS PA SNGO BSANGS 'DI NI 'ONGS PA STE, DE LA GNAS PA DE DAG 'DI LTAR PHAN TSUN SMRA BAR GYUR, ,RGYAL PO DE YANG NYE BAR 'ONGS NAS MI DGA' BA DE SMRA BAR MA NUS SHING SDUG BSNGAL BA'I SNYING SHING LOS BYAS PA'I RA BA'I NYE 'KHOR DANG NYE BAR 'ONGS TE CANG MI SMRA BAR GNAS PAR GYUR TO, ,DE NAS BYANG CHUB SEMS DPA'I MA SNGO BSANGS 'DI 'ONGS SO ZHES BYA BA RNAM PAR BSAMS PAR GYUR PAS SMRAS PA, BUM BA BLANGS NAS CHU YI PHYIR NI CHU BOR NYER 'ONGS TE, ,CI PHYIR DE RING BU KHYOD YUN RING NAS NI NYER 'ONGS PA, ME NI MCHOD NAS 'BRAS BU DANG NI PADMA RNAMS LONG SHIG ,'DAB MA'I SNOD LA BKOD NAS KHYED KYI PHA NI BKRES PA STE, ,DE NAS TSANGS PAS BYIN GYIS GSONG POR SMRA BA STE, BDAG NYID NGO SHES PAR BYAS PA DE DAG LA MA BRTAGS PAR BYAS PA DE NYID KYI NYES PAR SPYAD PA DE SMRAS PAR GYUR TO, ,DE DAG GIS KYANG BYANG CHUB SEMS DPA'I SDUG BSNGAL THOS TE, KYE MA ZHES BRJOD CING @69A *, ,BRGYAL BAR NYE BAR SONG BAR GYUR TO, ,YUN RING POS KYANG 'DU SHES BYUNG BA DE DANG DER SMRE SNGAGS BTON NAS SMRAS PAR GYUR PA, JI SRID DE YI LUS NI KUN NAS MA BTANG BA, ,BYA DANG CE SPYANG RNAMS KYIS RNYINGS PA BYED PA NI, ,MI DBANG BDAG CAG RNAMS NI SNYING RJES DE DRUNG DU; ,SDUG BSNGAL SKAL CAN KHYOD KYIS MYUR DU RE ZHIG KHRID, ,DE NAS RGYAL PO DE DAG NYE BAR BZUNG NAS MDA'I RMA LAS SKYES PA'I RGYAL BAS RNAM PAR BTZUMS PA'I MIG CAN, BYANG CHUB SEMS DPA'I GAN DU 'ONGS PAR GYUR TO, ,DE NAS MA BU KYE MA BU ZHES ZER ZHING SDUG BSNGAL GYI DBANG GIS BYANG CHUB SEMS DPA' LA 'KHYUD NAS BRGYAL BAR NYE BAR SONG BAR GYUR TO, ,MDUN NA 'DON PA DES KYANG SNYING RJE DANG BCAS PAR SMRE SNGAGS 'DON PA'I PHYIR BRTZAMS TE, STEGS BU PAS NI NYER BYUGS NAS, ,ME TOG MCHOD PA YANG BYAS TE, ,DI RING SNGAGS NI STER BZHIN DU, ,ME LA BUD SHING LTUNG BAR GYUR,, RGAS PA'I MDAS NI PHOG PAS BYA BA RNAM BRAL BA, ,DKA' THUB RNAMS KYIS 'OD MED NYAM CHUNG YAN LAG GI ,DKA' THUB NAGS 'DIR GNAS PA YUN RING DU NI BYUNG, ,MIG MED DAG DANG KHO BO CAG GI KHYOD NI MIG ,'DI NI BU YI RANG BZHIN MIG NI CHEN PO STE, ,MUN PA DANG BRAL SKYON NI MED PAS 'PHROG BYED PAS, ,KHYOD KYIS BRTZE BA DOR BA DA LTAR BDAG CAG LA, ,GSHIN RJE GNYIS SU 'GYUR LA LONG BA NYID 'DI BYAS, ,BRTZE BA'I CHU YIS BDE BYAS 'JIG RTEN YID DAG NI, ,YON TAN CHE BA'I CHU SKYED GNAS KYIS NYER MDZES PA, ,GSHIN RJE KHYOD KYIS CI PHYIR BDAG CAG LA NI 'DI,, BU YI RANG BZHIN CHU YI RTEN NI RNAM PAR 'JOMS, ,SHIN TU BDAG CAG 'DI LTAR MYA NGAN GYIS GNON PA, ,DI RING BU SKYE CI PHYIR MNGON PAR SMRA BA MIN, ,BRTZE BCAN ZHES BYA BA DAM PAS DE LTAR NI, ,KHYOD KYIS YUN RING BRTZE MED 'DI NI GSAL BAR BYAS, ,DE NAS MA YUN RING PO NAS 'DU SHES RNYED PA SMRE SNGAGS 'DI LTAR BYAS PAR GYUR TE, CUNG ZAD DAL GYIS SMRA BA BYIS PA NYID KYIS DBYIG PA'I RTA LA ZHON PAR BYED PA NI, ,CUNG ZAD BSKYOD PA'I GTZUG PUD RTZE MO NYE 'KHOR LA NI ROL PAS RNAM BSKYOD MIG LDAN PA, ,GANG ZHIG PHRAD 'DOD BDAG GIS 'GEGS PAR BYED PA BDAG NYID KYIS NI KHYIM NA @69B 'GRO BZHIN PA, ,LAG PA GNYIS KYIS 'KHYUD PA YANG NI BTZAN THABS KYIS NI BU KHYOD BDAG LA CI PHYIR 'GRO, ,SHIN TU NYIN RER KHYOD NI GANG GIS MCHOD PA STE, ,GSUM LDAN ME KHYOD DE RING BDAG GI BU DE SKYONG, ,GANG YANG NAGS RI 'DI LA GNAS PA DE RNAMS KYANG, ,LHA MO BDAG GI BU LA SROG NI RNAM STER MDZOD, ,DE LTAR SNYING RJE SMRA BAR BYED PA SKAD CIG DE, ,SDUG BSNGAL SREG LUGS ZA BA LA ZHUGS MTHONG NAS NI, ,RDO BA LAS LHUNG CHU LAS BYUNG BA'I SNYING RJE'I SGRA, ,DER NI CHU BO DAG KYANG MYA NGAN LTA BUR GYUR, ,BUD MED DAG NI BDAG PO'I MYA NGAN MES NI 'PHRO, ,MNYES GSHIN SREG LUGS KYIS NI MYUR DU LANGS PA YIN, ,KUN NAS 'GRO ZHING DE NI SGEG PA'I ME STAG NI, ,RGYAL PO'I SEMS NI BRTAN PA DOR BA SREG PAR GYUR, ,DE NAS DE LTA BU'I GNAS SKABS DER SONG BA'I BDAG NYID CHEN PO DE LA, ,'KHRUG PA'I RGYAL MTSO SA NI KUN NAS 'KHRUG PAR 'GYUR BA STE, ,RI RAB KYANG NI 'GUL TE BSKYOD PAS KHYAB PA'I SKAL BA'I SHING, ,DRO BA'I 'OD ZER DKYIL 'KHOR CUNG ZAD RNYOG NYID SONG BA STE, ,PHYOGS RNAMS KYI NI SGO DAG KUN NAS 'OD ZER BYUNG BAR GYUR, ,DE NAS GSER GYI RI BO 'GUL BAS BYANG CHUB SEMS DPA'I SDUG BSNGAL SHES PA SPROS PA'I COD PA NA GYI NOR BU'I 'OD KYIS KUN NAS LHAG PA'I MNGON PAR BRGYAN PA'I LUS RLUNG GIS RNAM PAR BSKYOD PA'I SKAL BA'I SHING LAS RAB TU BYUNG BA'I GOS KYIS BSAL BAR BYAS PA'I AUTPA LA SNGON PO'I 'DAB MA LTAR SHIN TU SNGO BA'I NAM MKHA'I DKYIL LA 'DZEGS NAS NYE BAR 'ONGS TE, DE RNAMS THAMS CAD NYID DBUGS PHYUNG STE BYANG CHUB SEMS DPA' LA LHA LAS BYUNG BA'I SNGAGS KYIS DAG PAR BYAS PA'I CHUS CHAG CHAG MNGON PAR BTAB STE, KUN NAS 'DZEGS PA'I KHRAG GI THIGS PAS BYUG PA YI, ,G-YO BA'I DBANG PO SBAS MTSAN BRAG LTAR RGYA CHE BA, ,RNAM PAR DAG PA'I BLO CAN DE YI BRANG DKYIL NAS, ,LHA YI DBANG POS MDA' NI KUN NAS 'DON PAR GYUR, ,MDA' NI DER NI 'DON PAR BYA, ,CHAGS CAN RDO RJE CAN GYIS NI, ,AUTPAL SNGO BSANGS RNAM PA CAN, ,SNGO BSANGS MIG DAG PHYE BAR GYUR, ,RGYAL PO DE RAB TU DGA' BAS RAB TU LANGS PA'I SPU'I TSOGS KA DAM PA'I ME TOG LTAR GYUR PA'I @70A *, ,YAN LAG 'DZIN CING DE DAG LA SMRA BAR GYUR PA, MYA NGAN GYIS CHOG STE SNGO BSANGS KYI MIG DAG RAB TU PHYE BA ZHES BYA BA'O, ,DE NAS DE DAG GIS THOS TE MCHOG TU KUN NAS DGA' BAR GYUR TO, ,DE NAS RANG GI GRONG KHYER STOBS KYI SGRA NI GRAGS PA MYUNG DU 'GRO BA STE, , SA BDAG KYANG NI RANG GI PHO BRANG DU NI RTA DANG BRTEN PAR GYUR, ,RANG GI KHYIM DE RI DAGS GNAS PA THOB NAS KYANG NI GUS PA YIS, ,SLAR YANG BLA MA GTZO BO DAG NI BYANG CHUB SEMS DPA' BRTEN PAR GYUR, ,DE LTAR NA BCOM LDAN 'DAS DES MCHOG TU PHAN PA'I ZHING ZHES BYA BA BSAMS PAR GYUR PAS PHA MA DAG LA MI NGAL BA'I YID KYIS KUN NAS BSTEN PAR BYAS PAR GYUR TO, ,DE BAS NA RIGS KYI BU 'AM, RIGS KYI BU MOS DAD PA LA DMIGS NAS RANG GI PHAN PA LA BLTAS NAS DUS RTAG TU PHA MA DAG CHO GA BZHIN DU MCHOD PA BYA ZHES BYA'O, ,SNGO BSANGS KYI SKYES PA'I RABS TE SKYES PA'I RABS BZHI PA'O,, ,,TSUL KHRIMS KYI NI GNYEN PO'I KHYIM GNAS SHES, ,BLO LDAN RNAMS KYIS RAB TU BZUNG NAS NI, ,ZHI BA'I YID CAN ZHI BA LA NI YANG, ,DKA' THUB NAGS SU DUS NI 'DA' BAR BYED, ,'DI LTAR RJES SU THOS TE, RIG BYED DANG SNGAR BYUNG BA DANG, RNYING PA DANG, DRAN PA RNAM PAR SPYOD PA DANG, MKHAS PA'I GLOG DANG LDAN PA DANG, RNAM PA SNA TSOGS PA'I BSTAN BCOS RNAMS LA GOMS PAS MKHAS PA'I SLOB MA'I CHOGS KUN NAS GNAS PA DANG, GTZANG BA DANG, DUL BA'I NANG 'KHOR GYI SKYE BO CAN DON DU GNYER BA'I SKYE BO RNAMS KYIS KUN NAS YO BYAD LONGS SPYOD BZHIN PA DANG, SKYE BO THAMS CAD KYI YID 'PHROG PA DANG, THUN GSUM DU ME LA DGANG BLUGS BYIN PAS DU BA'I TSOGS KYIS DRI MA CAN DU BYAS PA'I KHYIM GYI NANG BDE 'GRO'I SGO DANG 'DRA BAR GNYIS SKYES PA'I RIGS 'GA' ZHIG LA DUS THAMS CAD DU BRAM ZE'I SPYOD PA 'JUG PAS DRI MA DANG BRAL BA'I LAS DANG LDAN PA, 'JIG RTEN PA THAMS CAD KYI RGYAN DU GYUR PA'I BYANG CHUB SEMS DPA' 'KHRUNGS PAR GYUR TO, ,'DU BYAS PA'I BDAG NYID CHEN PO DES BSTAN BCOS DU MA LA BRGAL BA'I MDUD PA CHAD PAR BYED PA'I BLOS GRAGS PA'I CHE BA'I BDAG NYID @70B GSAL BAR BYAS PA, 'DUN SAR SLOB DPON DANG 'DRA BAR MKHAS PA RNAMS KYIS BLTAS PAR GYUR PA STE, DE NI CHEN PO CHE BA'I YON TAN RNAMS KYIS 'BYUNG, ,RIGS NI CHEN PO DE YI RGYAN DU GYUR PA NI, ,GSER GYI RGYAN GYI DBUS SU SONG BAR GYUR PA YI, ,'PHRO BA'I 'OD ZER DRI MA MED PA'I NOR BU BZHIN, ,MDUN MA'I SAR NI RAB TU RGYAS PAR GYUR PA YI, ,DE NI NGAG GI BSTAN BCOS RNAMS DBEN DAG PA YIS, ,DAM PA RNAMS KYI THUGS NI PHYE MAR BYAS PA STE, ,ZLA BA'I 'OD ZER GYIS NI KU MU DA BZHIN DU, ,RDUL NI MED PA NYID KYIS SHIN TU DRI MED PA, ,BLO BZANGS RNAMS NI DE YI LANG TSO SAR LA YANG, ,YUL RNAMS KYIS NI YID NI 'DZIN PAR MI 'GYUR TE, ,'THENG PO RNAMS KYI GRU DANG BRAL BA'I CHU BZHIN NO, ,GTZANG ZHING DGOD PA'I GDONG CAN BUD MED RNAMS KYIS NI, ,SGEG PA RNAMS KYIS DE NI NAM YANG 'PHROG MI 'GYUR, ,DE BAS PAD RTZA'I GZHU NI BA GU LA YI GZHU RGYUD CAN; ,'DOD LHA MDA' DANG BCAS PA DE LA BYAS MI 'GYUR, ,BDE BA ZHES BYA YID NI LDOG PA BYAS PA YI, ,MI SDUG PA NI SGOM ZHING THUB CHEN RNAMS KYI NI, ,'JAM PA'I DGOD PA'I GDOD PA'I GTAM NI SGEG PAS MDZES PA NI, ,LHA YI BU MO RNAMS KYIS KYANG NI PHRAD 'DOD SKYE MI 'GYUR, ,DUS GCIG GI TSE NA BDAG NYID CHEN PO DE'I RAB TU DBEN PA'I BDE BA MNGON PAR 'DOD PA LA 'DI LTAR RNAM PAR RTOG PA SKYE BAR GYUR TE, KHYIM NA GNAS PA ZHES BYA BA SKYES BU'I YO BYAD MANG PO RNYED PA LA RNAM PAR KHYAB PA'I YID CAN LA BSTAN BCOS RNAMS NYAN PA LA RJES SU CHAGS PA 'PHROG PAR BYED PA DANG, BSTAN PA'I 'DAM RGAL BAR DKA' BA CHEN PO LA YID RNAM PAR NUB PAR BYED PA DANG, GNYEN 'DUN RNAMS LA MNYES GSHIN PA DANG RJES SU 'BREL PAS RAB TU BYUNG BAR MNGON PAR 'DOD PA LA GEGS BYED PA DANG, 'DOD CHAGS DANG, ZHE SDANG DANG, GTI MUG DANG, RGYAGS PA DANG, NGA RGYAL DANG CHAGS PA'I LTO 'PHYE RNAMS LA GLAGS STER BA DANG, BDE 'GRO'I SGO GSAL BAR BYED PA'I TSUL KHRIMS KYI MAR ME GSAL BAR BYED PA DANG, NYI MA RE RER YO BYAD YOD PA LA YANG TSIM PAR MI BYED PA DANG, BDE BAR NYUNG BA LA MYANG BA DANG, THA MAR SDUG BSNGAL MANG BA'O, ,DE RNAMS NI BLO DANG7 @71A *, ,LDAN PA RNAMS TE, GANG DAG 'DI YONGS SU DOR ZHING DKA' THUB KYI NAGS BSTEN PA ZHES BYA BA STE, MANG BA RNAM PA SNA TSOGS 'KHOR GYIS BRGYAN PA NI, ,BDE BA DON GNYER RNAMS KYIS SPANGS PA NYID DU SONG NA YANG, ,KHYIM GYI GNAS NI LHA YI DBANG GIS BYUNG BA STE,, RMA BYA'I TSOGS LTAR ZAD PA DANG LDAN SLAR YANG NI, ,YO BYAD RNAMS LA MA RNYED PA NYID ZHI BA'I RGYU, ,SKYON NI MANG BAS 'JIGS PAR BYED PA RNAMS LA NI, ,GSAL BA'I SNGAGS KYI KHYAD KYI NUS PA DMAN PA NI, ,RANG NYID GSOD CHEN DRAG PO'I LTO 'PHYE REG BYED SU, ,'DIR NI LA LA DU STE GZHAN NI 'DOD PA CAN, ,GZHAN NI DGOD DE KHRO BA GZHAN RNAMS LA, ,GZHAN NI RGUD PA LA NI SMRE SNGAGS 'DON, ,'TSO BA'I 'JIG RTEN GAR BYA BA DANG MTSUNGS, ,KYE MA DPAL GYIS YUN RING YANG NI RJES SKYONG BA, ,SBRUL GYI LCE LTAR BSKYOD PA SKYE BO LA NI NOR, ,RGAS DANG 'CHI BAS MNGON PAR MNAN PA'I 'GRO BA LA, ,GANG GIS SKYE BO GSON PO NYID DU 'GRO BAR 'GYUR, ,DE PHYIR KHYIM DU GNAS PA'I KUN NAS NGAL BA'I SDUG BSNGAL 'DI, ,DOR NAS TSUL KHRIMS KYI NI RNYED SLA ZHI BA'I BDE 'DOD CING, ,CHOS KYI KHYIM NI NGAL LDAN RNAMS LA NGAL BA 'JIG PA'I RGYUD, ,ZHI BA ZHI PHYIR ZHI BA'I RGYUN LA BDAG GIS BRTEN PAR BGYI, ,DE LTAR RNAM PAR BSAMS NAS BYANG CHUB SEMS DPA' KHYIM LA GNAS PA'I CHAGS PA DOR BA KHRI SNYAN SA LE'I BAGS PA DANG, GTZANG BYED DANG, SPYI'U BLUGS 'DZIN PA, ZHI BA'I YID CAN RGYA CHEN PO'I NOR GYI TSOGS DON DU GNYER BA RNAMS LA RAB TU BYIN NAS, RANG GI KHYIM NAS NGES PAR BYUNG STE, NYE BA'I RI DRI MA MED PA'I CHU DANG LDAN PA CHU'I RTEN CAN BUNG BA'I TSOGS KYIS KUN NAS MYANG BZHIN BA'I AUTPA LA CHEN PO'O RO DANG, AA SMRA DANG, 'DZAM BU DANG, PA NA SA'I NGAGS KYI GRIM MAS 'GRAM GYI MTHA' 'GEGS PA 'GA' ZHIG LA BRTEN NAS SHING GI RTZA BA LA, RTZVA'I MAL RNAM PAR BRTZAMS, RANG NYID KYIS LTUNG BA'I RTZA BA SHING GI 'DAB MA DANG 'BRAS BU RNAMS ZA ZHING BSAM GTAN GYI BDUD RTZIS TSIM PA'I YID GROGS PO DANG 'DRA BAR RI DAGS DANG, BYA RNAMS KYIS LTA BAR GYUR BAS RNAM PAR GNAS TE, RI DAGS LHAN CIG RTZA DANG 'DAB MA @71B 'BRAS BU ZA, ,YUL LA CHAGS PAS YID KYI RE BA LOG PA NI, ,STOBS 'BIGS LA YANG KUN NAS 'PHO BA SKAL CAN LA, ,BRTEN PA'I BLO CAN RNAL 'BYOR RNAMS NI 'DOD PAR BYED, ,RTZVA NI SNGO BA GZHON NU'I GROGS KYIS BAR NI BKAG ,ME TOG SKYES PA'I SHING DANG 'BREL PA BUNG BA CAN, ,SRED BA SONG BA LCI BA'I SEMS LDAN RNAMS KYI SNYING, ,DKA' THUB CAN LA NAGS KYIS RNAMS ROL PAR BYED, ,MA 'ONGS PA NI DKA' THUB CHEN PO BSGOMS PA'I THUB RNAMS KYIS, ,RE ZHIG DRI MED DKA' THUB 'BRAS BU RNAMS NI GNAS PAR SHOG ,GANG ZHIG MDA' YI TSOGS 'BAB PA YI 'JIGS BAS KHYOD LA NAM YANG NI, ,DAM PA MIN PA'I GDONG RNAMS MTHONG BA MIN PA DE NYID BDE, ,RI DAGS SO YIS GCOD PA SNGO BA RTZVA GZHON MYU GU'I RTZA BA CAN, ,ME TOG 'BYUNG BA'I SHING GI TSOGS LA 'KHOR ZHING SMYO BA'I BUNG BA NI, ,RAB TU 'BAB PA'I CHU YI SHUGS KYIS BKRUS PA'I GSAL BA RTZA BA DANG, ,BSGOMS PA RNAMS LA RI YI CHA RNAMS BDE BA NYE BAR BSKYED PA STE, ,'DI NI SKAR MA'I BDAG PO LTAR NI DGA' BA'I SEMS KYIS BYA RNAMS NI, ,BDAG GI CHU NI DA LTA 'DI RNAMS DANG NI 'BREL BAS GTZANG BA NI, ,RI YI CHU BO 'DI LTAR KHRUS KYIS DUS SU RNAL 'BYOR RNAMS KYI LUS,, GUS DANG BCAS PAS REG STE RLABS KYI LAG PA RNAMS KYIS PHRAD 'DOD LTAR, ,DE NAS BDAG NYID CHEN PO DE'I BYAMS PA'I STOBS KYIS DBANG DU SONG BA GROGS PO BZHI BYUNG BAR GYUR TO, ,NAGS DE LA NI YONGS SMIN CHANG GI DBU LTAR MIG LDAN PA, ,ZHI BA'I RI DAGS DANG NI GTOR MAS RGYAS DANG LTO 'PHYE DAG ,RNYING PA'I AA TA SI YI ME TOG RTZE LTAR 'OD MED YAN LAG CAN, ,PHUG RON BSRABS PA'I KHRAG GI THIGS PA LTAR MIG CAN, ,DE RNAMS KYANG BSAM GTAN GYI THA MAR BYANG CHUB SEMS DPA' DANG NYE BAR 'ONGS NAS SLOB MA RNAMS DUL BA DANG 'DRA BAR KUN NAS 'DUG PAR GYUR TO, , DE NAS RI DAGS NYE BAR 'ONGS TE DUL BA DANG BCAS PAR GSONG POR SMRA BA SNGON DU 'GRO BAS BYANG CHUB SEMS DPA' LA 'DI SKAD CES SMRAS SO, ,DRANG SRONG CHEN PO, 'JIG PA LAS GZHAN BDAG CHEN LA, ,SHIN TU CHE BA'I SDUG BSNGAL MED, ,SKYE BA DGAR 'GYUR 'BYUNG BA STE, ,LUS CAN @72A *, ,RNAMS LA DE MED DO, ,KHVA TAS KYANG 'DI LA SMRAS PA, BCOM LDAN 'DAS BDAG GI PHYED LA DKRIS PA'I SDUG BSNGAL LAS GZHAN CUNG ZAD KYANG LHAG PAR LUS THAMS CAD KUN NAS GDUNG BAR BYED PA'I SDUG BSNGAL YOD PA MA YIN TE 'PHAGS PAS GZIGS SHIG DANG, KHREL SHES PA LA YANG NI BKRES PAS KUN 'DZIN PA, ,SKYES BU'I YID NI BYA BA MIN PA 'BYUNG BA STE, ,DGE DANG MI DGE SHES PA LKOG GYUR SEMS LDAN PA'I, ,DUD 'GRO RNAMS KYI GANG TSE YID NI PHAN PAR LTAR, ,DE BAS NA JI LTAR RE ZHIG BKRES PA'I SDUG BSNGAL 'DI YOD PAR MI 'GYUR BA DE LTAR GSUNGS SHIG ,DE NAS RING NAS 'ONGS TE THUB PA'I MCHOG DE SHING GI RTZA BA NA NI GNAS, ,DPUNG PA LA GNAS BSPRE'O PAGS PA 'DZIN PA DBUS NI DMA' BAR BYED PA NI, ,KHROS PA LAS GZHAN SHIN TU TSA BA'I 'BRAS BU SDUG BSNGAL YOD MIN ZHES BYA BA MAR GYIS SNUM PA'I DHRI MI DHRA YI BUD MED SKRA LTAR GNAG PA'I LTO 'PHYES SMRAS, ,RNAM RTOG BUD SHING 'BAR BA CAN, ,KHRO BA'I SREG LUGS ZA BAS NI, ,SKYE BO BDAG NYID 'DI BSREG STE, ,GZHAN DAG BSREG PAR 'GYUR RAM MIN, ,BDAG LA THABS NI 'BRAS BU CHE, ,DE BAS BLO CHEN GSUNG BAR MDZOD, ,GANG GIS KHRO BA'I ME 'DI NI, ,RAB TU ZHI BAR NYE BAR 'GRO, ,PHUG RON GYIS SMRAS PA, 'DOD CHAGS SDUG BSNGAL THAMS CAD NI, ,LHAG PAR BYAS NAS 'JUG PA STE, ,'OD LDAN RNAMS KYI GZI BRJID 'PHRO, ,NYIN MO BYED PAS 'OD ZER BZHIN, ,ZLA BA'I 'OD ZER MDZES PA RNAMS,, KHA BA LTAR BSIL CHU YANG MIN, ,CHAGS PA'I ME YIS KUN KHYAB PA'I, ,'DOD CHAGS CAN LA BDE MI BYED, ,DE BAS DAM PA BDAG LA GSUNGS, ,CUNG ZAD LEGS PAR GSUNGS PA NYID, ,GANG GIS CHAGS PA'I MES BDAG GI ,SEMS NI SLAR YANG TSIG MI 'GYUR, ,BYANG CHUB SEMS DPAS GSUNGS PA, 'JIG PA LA SOGS PA DANG SDUG BSNGAL RNAM PA BZHI PO 'DI RNAMS KYI YANG SKYE BA'I RGYU NYON CIG ,BLO LDAN RNAMS SKYE BA 'DI LA MA RIG PA NI 'JUG PAR BYED PAR SMRA'O, ,MDOR BSDUS NA NI MA RIG PA YI RNAM CHAD YOD LA 'DU BYED RNAMS NI RNAM PAR 'GAGS @72B PA 'BYUNG, ,DE LAS SRED PA CHAD PAR 'GYUR TE LEN PA MED PAR YANG NI SKYE BA NI, ,NYE BAR LEN PA ZHI BAS SRID PA RNAMS NI KUN NAS 'BYUNG BAR MI 'GYUR TE, SRID PA CHAD PAS SDUG BSNGAL LCI BA'I SKYE BA LA SOGS RNAM PAR THIM PAR 'GRO, ,DE NAS GROGS PO DE RNAMS KYIS SLAR BYANG CHUB SEMS DPA' LA SMRAS PA, ,SDUG BSNGAL RTZA BA CAN GYI SKYE BA 'DI LA JI LTAR YANG CHAD PAR 'GYUR ZHES BYA BA'O, ,BYANG CHUB SEMS DPAS GSUNGS PA, GAL TE MCHOG TU GSAL BA NYE BAR THOB PA'I PHYIR, ,KHYED CAG 'DOD PA YOD NA DE YI PHYIR, ,ZHI BA 'DOD PA KHYED RNAMS KYIS, ,SROG CHAGS 'TSE BAR MI BYA STE, ,KUN NAS MI TSANGS SPYAD MI BYA, ,BRDZUN DU SMRA BA MI SMRA ZHING, ,DBANG PO'I TSOGS NI GDUL BYAS NA, ,DE LTA BU YI BLO THOB STE, ,GANG GIS SKYE BA'I SHING 'DI NI, ,RNAL 'BYOR SHES PAS RTZAD NAS 'DON, ,DE NAS GROGS PO DE RNAMS KYIS LEGS SO LEGS SO ZHES BYA BA BYANG CHUB SEMS DPA' LA MNGON PAR BSTOD NAS RANG RANG GI GNAS SU SONG BAR GYUR TO, ,DRANG SRONG DE'I GDAMS NGAG DRAN NAS KYANG, RI DAGS DE THUB PA 'DRA BAR SKAMS PA'I RTZVA DANG, RANG NYID KYIS LHUNG BA'I SHING RNAMS KYI 'DAB MA RNAMS DANG, RGYA SHUG DANG, MIG GI 'BRAS BU RNAMS MYANG ZHING RI BO'I NAGS DE LA GNAS PAR GYUR TO, ,KHVA DAS KYANG SRIN BU DANG, PHYE MA LEB LA SOGS PA RNAM PAR 'TSE BA LAS RNAM PAR BZLOG STE, CUNG ZAD GANG NAS KYANG MYANG ZHING BDAG NYID CHOG SHES PA LA ZHUGS SHING 'DUG GO, ,SHUBS MED ME TOG TSOM BU 'DAR BAR BYED PA NI, ,DRI ZHIM NAGS KYI MTHA' MA'I RLUNG NI 'THUNG BYED CING, ,BKRES PA'I ME NI BSREN PAR DKA' BA YOD KYANG NI, ,NAM YANG SBRUL GYIS BYI BA RNAMS NI ZA MA GYUR, ,PHUN RON GYIS KYANG LTUNG BA'I YONGS SU SMIN PA SKYA BA NI, ,MA RMONGS 'KHRUNGS PA'I SA BON SA LA LCI BA'I SNYING PO ZA, ,RAB TU ZHIM PA MID PAS DRI MED YID NI RNAL 'BYOR LTAR, ,NAGS DE LA NI LHAN CIG SPYOD PA LTA BRAL SPYOD PAR GYUR, ,DUD 'GRO'I SKYE GNAS RNAM PAR BYE DPA'I MI DGE BA'I LAS KUN NAS ZAD PA LA BZHI PO DE YANG SRID PA GZHAN LA MI LUS NYID THOB NAS SLOB BZHIN PA ZHI BA'I GO 'PHANG NYE BAR THOB PAR 'GYUR TE, YON TAN LDAN @73A *, ,PA RNAMS DANG 'BREL PA YIS, ,DES 'GRO RNAMS KYANG BZANG PO NYID DU 'GYUR, ,THA MAR YANG NI SRID PA 'GAG PA NI, ,DRI MED BSAM LDAN SKYES BU SMOS CI DGOS, ,DE LTAR NA TSUL KHRIMS DANG MI LDAN PAR GYUR PA'I KHYIM GYI BDE BA LA MNGON PAR CHAGS PA ZHES BYA BA RNAM PAR BSAMS NAS DKA' THUB KYI NAGS LA MNGON PAR DGA' BA LA BDAG NYID DANG LDAN PA RNAMS KUN NAS ZHUGS PAR BYED PA DE'I PHYIR, ,ZHI BA 'DOD PA'I SHES RAB KYIS SREG LUGS 'DZIN PAS KUN NAS KHYAB PA DANG 'DRA BA'I KHYIM DOR NAS ZHI BA'I DGON PA LA LHAG PAR GNAS PAR BYA'O; ,DAM PA'I SKYE BO DANG 'BREL BAS LEGS PAR THOB PA NI RNYED PAR SLA BA STE, ,DE BAS NA DUS RTAG PA NYID DU DGE BA'I BSHES GNYEN LA BRTEN PAS GNAS PAR BYA'O ZHES BYA BA'O, ,DRANG SRONG LDA'I SKYES PA'I RABS TE SKYES PA'I RABS LNGA PA'O,, ,,TSUL KHRIMS LA NI BSAM PA KUN ZHUGS PA, ,SKYE BA CHAD PHYIR NGES PA'I BDAG NYID CAN, ,LHA YI BUD MED RNAMS DANG ROL PA YIS, ,BRTAN PAR NAMS NI 'GUGS PAR MI 'GYUR RO, ,'DI LTAR RJES SU THOS TE, YUL B'A R'A nA S'IR RGYAL PO'I YON TAN THAMS CAD DANG LDAN PA'I RGYAL PO TSANGS PAS BYIN LA KA SHI MDZES PA ZHES BYA BA'I SSRAS BYANG CHUBS EMS DPA' BYUNG BAR GYUR TO, ,BDAG NYID CHEN PO DE YANG SKYE BA GZHAN LA NYE BAR BSAGS PA'I SHES RAB KYIS JI LTA BA LBZHIN DU DAM PA'I CHOS KYI NGES PA BLTAS PAR GYUR PA LANG TSO DANG PO LA YANG BUD MED SKYE BOS YID 'PHROG PA'I MDZES PA'I GZUGS KYI YUL RNAMS DANG SMRA BA NYID 'GRO BAR MI 'GYUR RO, ,RGYAL SRID NI GZHAN LA NYE BAR 'TSE BA DANG, MI BDEN PA DANG, 'DOD CHAGS DANG, ZHE SDANG DANG, GTI MUG DANG, CHAGS PA DANG, RGYAGS PA DANG, NGA RGYAL DANG, NGAR 'DZIN PA RNAMS KYI RTEN DANG, NYE BAR ZHI BA DANG, ,MI MTHUN PA DANG, BDE 'GRO'I SGO LA SGRIB PA DANG, NGAN SONG DU 'GRO BA THOB PAR NUS PA DANG, NGAL BA BSKYED PA DANG, CHOG SHES MED PAR BYED PAR SHES NAS NYE BAR ZHI BA'I RGYU MCHOG MI SHES PA NYE BAR ZHI BA DANG, NYE BAR BSAGS BZHIN PA'I YON TAN RNAMS KYIS DGA' BA DANG, 'JIG RTEN PA THAMS CAD SKYED PAR BYED @73B PA'I MA DANG 'DRA BA'I RAB TU BYUNG BA NYID LA RNAM PAR BSAMS NAS BDE BA NYE BAR THOB KYANG, RGYAL TSAB LA DBANG BA'I RGYAL SRID YONGS SU DOR NAS DBANG PO'I TSOGS NYE BAR ZHI BA, GROGS PO DANG 'DRA BA'I CHOG SHES PA LA DMIGS TE, DKA' THUB KYI RAB TU BYUNG BA NYID LA BRTEN NAS, RI YI NAGS LA SHING LO'I KHANG PA BYAS NAS RI LTAR BRTEN PA'I SEMS, ,RI DAGS RMA BYA NGANG PA'I TSOGS KYIS NYE BAR KHYAB PA YI, ,KHRI SNYAN PAGS PA RGYAL BA'I TSOGS 'DZIN CING, ,SEMS CAN ZHI BA'I PHYIR NI ZHI BYED DKA' THUB BSAGS PAR 'GYUR, ,DGA' BAS GTI MUG MUN PA RNAM CHAD DAG PA DANG,, RING NAS SEMS KYI SGO SKYONG NYE BAR BRTAN PA NI, ,KUN NAS 'PHRO BA'I BSAM GTAN SKAS RIM PHRENG BA YIS, ,MNGON PAR SHES PA LNGA YIS KHYIM NI DER 'DZEG GYUR, ,DE NAS BDAG NYID CHEN PO DE DUS GCIG GI TSE NA BSAM GTAN LAS LANGS TE, RI DAGS RNAMS KYI LAS RJES SU SONG BA 'BRAS BU DANG, RTZA BA NYE BAR BSDUS PA'I PHYIR LO MA LAS BYAS PA'I KHANG PA DE LAS NGES PAR BYUNG NAS RLUNG GIS BSKYOD PA'I YAL GA'I LAG PA 'BRAS BU MANG BA'I SHING RNAMS KYIS NYE BAR 'OS PAR GYUR PA LTAR DKAR BA'I 'GRAM LA NGES PAR 'BREL PA'I SAR SVA DANG DUR PA PHO MO GNYIS DANG LDAN PA, RI BONG CAN GYI 'OD ZER LTAR DRI MA DANG BRAL BA'I CHU BO RNAMS MTHONG ZHING, CHU BO'I BDAG PO LTAR ZAB PA'I YID RANG BZHIN GYIS DGA' BA'I NAGS KYI NANG DU RNAM PAR 'CHAG PAR GYUR TO, ,RNAM PAR SPYAD CING BRAG GI DKYIL NA 'DUG PA YONGS SU SMIN PA'I RTZVA DANG, 'BRAS BU'I RGYAL PO DANG RJES SU MTHUN PA'I NU MA 'DZIN PA, CHU 'DZIN PA CHAD PAS RNAM PAR DAG PA'I RI BONG CAN GYI CHA DANG GSER BCAD PAS DRI MA MED PA'I LUS KYI SROG SHING BYU RU LTAR MNGON PAR DMAR PA'I MCHU DANG LDAN PA PADMA'I 'DAB MA LTAR CHA CHE BA'I MIG ZE 'BRUS BRTZAMS PA RNA BA'I RGYAN DANG LDAN PA, RAB TU SRAB CING 'KHYOG PA'I SMIN MA'I RI BONG 'DAB MA LTAR SHIN TU 'JAM PA'I LAG PA'I PADMA CAN, DE'I MA DANG BRAL BA'I DPAL DANG 'DRA BA'I DRI ZHIM PA'I ME TOG RNAMS KYI SKRA LO MNGON PAR GANG BA'I MA LUS PA'I RI BO'I NAGS KYI NANG BRGYAN PAR BYED PA 'DRA BA SHEL LTAR DRI MA MED PA'I SO RNAMS KYI 'OD ZER ZE'U 'BRUS @74A *, ,DBYINGS KYI PADMA NYE BAR MDZES PA, MTHO RIS NAS KUN DU LHUNG BA'I LHA'I BU MO LTAR MI 'AM CI MOS MTHONG BAR GYUR TO, ,DES KYANG DE'I GZUGS MDZES PAS SNYING 'GUGS PAR 'GYUR PA RE ZHIG DRANG SRONG GI BU 'DI MNGON PAR 'DOD BZHIN PA LA 'GRO BAS GTAM GZHAN GYIS CUNG ZAD SMRA BAR BGYI ZHES BYA BA RNAM PAR BSAMS NAS DE'I DRUNG DU NYE BAR 'ONGS TE, PHRA BA'I SGRA LTAR 'JAM PA'I GLU'I SGRAS RI DAGS RNAMS LA YANG RNA BA 'PHROG PAR BYED CING, BUNG BA'I PHRENG BA KUN NAS LHUNG BAS KHYAB CING G-YO BA'I MIG, ,CUNG ZAD KUN NAS MTHO BA'I GDONG CAN DBUS KYI CHA SRAB BA,, 'DAB MA DANG LDAN NAGS KYI SHING GI YAL GA BKUG NAS NI, ,RIM GYIS SRAB PA'I ME TOG RNAMS NI KUN NAS BTUS PAR GYUR, ,DE YI MDUN DU GNAS NAS YAN LAG RI MO RID PA NI, ,'O MA 'DZIN PA GNYIS LAS GOS NI LTUNG BAS BKAG BYAS NAS, ,CUNG ZAD SGU BA'I GDONG GIS DGOD PAS KUN NAS BRGYAN PA YI, ,DE NI CUNG ZAD 'JAM PA'I RNAM PAR ROL PA GSAL BAR GYUR, ,MI'AM CI MO DE NI DUL BA'I DE YID LA, ,SMIN MA GAR MKHAN MOS NI ROL BA SHIN TU YID 'ONG GDONG, ,SRID PA'I MES NI KUN NAS KHYAB PA'I YID CAN SEMS KYI SKABS, ,RNYED PA MIN TE CHU GTER BRAL BA'I MKHA' LA GLOG BZHIN NO, ,RLUNG NI DPRAL 'PHYANG SGRA YIS BRGYAN BYAS DPRAL BA CAN, ,MIG GI RNAM PAR ROL PAS YID 'ONG 'DUD BYED PA, ,MDZES PA'I LUS CAN RNYAS PAS KYANG NI DGA' BYED DE, ,THUB PA DE NI CHAGS PAS RGYAL BA LTAR MI 'GYUR, ,MCHU NI SPRO BA RNAMS PAR ROL PA RTZE GCIG DE, ,TSIG NI CI YANG NGO TSA DANG SMRA BA YI PHYIR, ,PADMA'I 'DAB MA SEN MO'I RNAM PAR 'BUGS BYED PA, ,RLUNG GIS KUN GDUNGS LJON SHING LTAR NI RNAM 'DUD GYUR, ,DES KYANG BYANG CHUB SEMS DPA' DANG NYE BAR 'ONGS NAS GSONG POR SMRA BA SNGON DU 'GRO BAS SMRAS PA, DRANG SRONG CHEN PO YAN PAR 'DOD PAS BDAG CUNG ZAD CIG SMRA BAR 'DOD PA STE, GAL TE NGO SRUNG BYED NA MNYAN PAR GYIS SHIG CES ZER RO, ,BYANG CHUB SEMS DPAS SMRAS PA, 'O NA DBUGS PHYUNG STE SMRA BAR GYIS SHIG, MI'AM CI MOS SMRAS PA, KHYED KYI 'DI YAN LAG MED PA'I GZUGS LAS LHAG PA'I @74B MDZES PA GANG DU STE, 'DI YANG RAB TU THUG PA MED PA'I MIG SMAN GYI PHYE MA LTAR SHIN TU NAG PA SMAR BYUNG BAS SNGO BSANGS YID 'PHROG MA BRTZAMS PA'I 'GRAM PA CAN DANG, ZLA BA'I DKYIL 'KHOR NGO TSA BAR BYAS PA DANG, KUN NAS SMIN PA'I N+YA GRO DHA'I 'BRAS BU'I RNAM PAR SMIN PA'I MCHU DANG LDAN PA DANG; AUTPA LA DANG RJES SU MTHUN PA'I GDONG GI MIG DANG, KUN DA SAR PA DANG, ZLA BA DANG, KHA BA DANG 'DRA BA'I SO'I PHRENG BA'I ZE 'BRUS BRTZAMS PA'I BZHIN GYI PADMA'I 'DI YANG LANG TSO SAR PA'I BZO BOS NYI MA RE RER MDZES PA NYE BAR BSAGS PAR GYUR PA DANG, ME TOG GI RO'I ZE 'BRU LTAR DKAR BA DANG, MYA NGAN MED PA'I 'DAB MA LTAR 'JAM PA'I RKANG LAG DANG LDAN PA DANG, SHIN TU YANGS PA'I BRANG MNGON PAR 'DOD BZHIN PA'I MDZES PAS 'KHYUD PA DANG 'DRA BA DANG, SKYE BO MA LUS PA'I YID DANG MIG 'PHROG PA DANG, 'DOD PA'I LTA'I RTEN LUS 'DI GANG DU STE, YONGS SU SMIN PA'I SKYE BO RNAMS KYIS BSTEN PAR BYA BA DANG, 'GA' ZHIG TU NYE BAR DMIGS BZHIN PAR RANG BZHIN GYIS RTZUB PA'I RTZA BA DANG, 'BRAS BU'I KHA ZAS CAN DANG, SRA BA'I KU SHA'I RTZE MO RNAMS KYIS BGROD PAR DKA' BA'I SA'I CHA DANG LDAN PA'I MIG MNYAM PA'I RI'I 'GRAM DANG, SBRUL DANG RI DAGS KYI SKAD MANG POS 'JIGS SU RUNG BA'I NAGS KYI MTHAR GNAS PA STE, 'DI NI LHA YI BU MO YANG NI KHYOD KYI LUS, ,GAL TE YAN LAG MED PA'I GZUGS 'PHROG MTHONG NA NI, ,LHA RNAMS LAS NI LTAD MO RNAM PAR BZLOG GYUR PA, ,'DOD PA MTHO BA KHYOD LA BSAMS PA NGES PAR 'DZIN, ,GAL TE DKA' THUB BU MO'I SKYE BOS KHYOD LA NI, ,LANG TSO SAR PAS MNGON PAR DGA' BA 'DI LTAR MTHONG, ,ME TOG MTSON CHA MNGA' YIS SEMS LA 'BIGS PA NI, ,DKA' THUB LA NI GUS PA 'DZIN PAR MI 'GYUR SNYAM, ,'DOD LHA GZHU NI BDUNGS PAR BYAS PA DE LA MIN, ,BUD MED KYI NI YAN LAG RAB TU RID PAR BYED; ,GANG GIS SHIN TU YANGS PA'I MIG CAN KHYOD KYI GDONG, ,'DI NI ZLA BA LTAR NI YID 'PHROG MTHONG BA LTAR, ,ZLA BA SPRIN LAS BRAL BA LTAR NI KHYOD KYI BZHIN, ,GSAL PA'I MDZES PA DANG LDAN 'DI LA GNAS PA STE, RI DAGS MIG CAN RNAMS DANG NGES PAR NI, ,RI DAGS MO RNAMS LA YANG @75A *, ,G-YO BA MED PAR 'GYUR, ,BUD MED BZHIN NI RIM GYIS GYEN DU BLTA BYAS NAS, ,GANG GIS YUN RING PHYIR NI THIG LE BYAS GYUR PA, ,LAG PA DE 'OD SHIN TU 'JAM PA CI YI PHYIR, ,SHING RNAMS LEN PA'I PHYIR NI KHYOD KYIS NGES PAR SBYAR, ,GSAL BA GSAR PA GE SAR LTAR NI DKAR BA DANG, ,NOR BU SNA TSOGS RGYAN DANG MCHOG GI GOS 'OS PA, ,KHYOD KYI LUS KYI SRA BA'I GOS DANG PAGS PA DANG, ,SHING GI LO MA RNAMS NI JI LTAR 'DZIN PAR 'GYUR, ,MDZA' MO'I GDONG RNAMS LA NI KHYOD KYIS LTA BA 'DI, ,'DAM SKYES MNGON PAR GSAR PA RNAMS LA BUNG BA LTAR, SBRUL NGANG RI DAGS RAB TU MANG BA'I NAGS RNAMS LA, ,MDZES PA'I GDONG CAN 'KHOR BAR BYED PA MDZES PA MIN, ,DBANG PHYUG LA NI 'DOD PA BRAL BA'I YID CAN KHYOD KYIS NI, ,GANG ZHIG DKA' THUB BRTUL ZHUGS NGES PAR 'BREL BA'I YID RE BAS, ,MA LUS PA YI LONGS SPYOD 'DZIN PA'I SKYE BOS KHYAB PA YANG, ,MAR ME SHI BA BZHIN DU KHYIM DENG SNANG BAR GYUR PA MIN, ,DE BAS NA SHIN TU MANG PO SMRAS PAS CI ZHIG BYA STE, BDAG GI GROGS MO MI'AM CI'I BU MO YID DE GANG GI DRUNG DU GZUGS LA MNGON PA'I NGA RGYAL DANG LDAN PA'I LHA'I BUD MED KYI SKYE BO YANG NGO TSA BAR BYED DE, ,DE YANG RI BO NAGS KYI NANG DU KUN NAS 'KHOR BA'I KHYOD MTHONG NAS RNAM PAR 'GYUR BA SU ZHIG YANG 'ONGS NAS, NYI MA RE RER KUN NAS SKYA BA DANG, LUS KYI SROG SHING RAB TU RID PA DANG, DBUGS TSA BAS MCHU MNGON PAR BREL PA DANG ME TOG GI MAL STAN DGA' BA RNAMS LA YANG GNYID MI PHEBS PA DANG, MTSAN MO BUD MED KYI GDONG LA KHYAD PAR DU BYED PA'I SKAR MA'I BDAG PO LA YANG SDANG BAR BYED PA DANG, DPYID KA'I ZLA BA LA KHA BYED BA'I LHAN CIG BYED PA'I SNYEM DANG YANG DAG PAR 'BREL BAS RLUNG TSA BA'I SKYED MOS TSAL RNAMS LA YANG ROL PAR YANG MI 'GYUR TE, YANG BA DANG, BSIL BA DANG, RI BONG CAN GYI CHA LTAR DKAR BA'I PADMA'I RTZA BA'I GDU BU RNAMS 'DZIN PAR BYED CING, RNAM PA GANG GIS KYANG GROGS MO'I SKYO BA SANGS PA STE, NGO TSA BA DANG BCAS PA'I 'OG TU LTA BA'I MIG CAN DES KYANG ZE 'BRU'I ME TOG DANG RJES SU MTHUN PA'I RKANG PA'I MTHE BONG GIS SA'I DKYIL DU MNGON PAR BRI BAR BYED PA'I DBEN SA @75B NA GNAS PA DE LA GROGS MO BDAG LA 'DI LTA BU'I GNAS SKABS ZHES BYA BA 'DOD PA'I GTAM SMRAS PA, KUN NAS SNYING PA'I ME TOG TZAM PA KA'I PHRENG BA LTAR KUN NAS SKYA BA DANG RID PA'I YAN LAG BSTAN PAR BYAS NAS KHYOD KYI DRUNG DU BDAG BRDZANGS PA STE, DE BAS BRTZE BA NYID NI DMIGS BYAS NAS, ,BUD MED YANG DAG 'BREL LAS BZLOG PA YANG, ,'DOD PA'I ME YIS SEMS NI TSIG PA NI, ,BDAG GI GROGS MO'I SEMS LA DGA' BAR GYIS, ,GNAS LA LHAG PAR GNAS PA'I DKA' THUB NOR CAN GYIS, ,DKA' THUB KYI NI 'BRAS BU 'DI NI BSAM PAR BYED, ,YUN RING POR NI MA LUS CHA LA MKHAS PA YI, ,BUD MED RNAMS DANG LTAN CIG LONGS SPYOD BDE GANG YIN, ,DE NAS BYANG CHUB SEMS DPA' DE'I BDAG NYID KYI DGONGS PA DE RNAM PAR SHES NAS SMRAS PA, SRING MO RE ZHIG SMOS SHIG, MI'AM CI'I BU MO DE NA TSON GYIS KHYOD LHAG PA YIN NAM, 'ON TE MA YIN, DES SMRAS PA; DE BDAG GI NA TSOD LHAG CES ZER RO, ,BYANG CHUB SEMS DPAS SMRAS PA, GAL TE DE LTAR YIN NA DE BAS KHYOD NYID LA BDAG GIS DA LTA NYID DU MTHONG BA'I LUS GZHAN DANG 'DRA BAR MTHONG ZHES ZER TE, GANG GIS KHYOD KYI TSIG NI 'JAM PA LNGAR BYUNG BA, DES NI DE RING SHIN TU RTZUB PA'I DBYANGS LDAN PA, ,DANG PO 'DI NI JI LTAR BZHIN NI 'BYUNG 'GYUR BA, ,SHIN TU YID 'ONG DE LTAR KHYOD LA DA LTAR MIN, ,ME TOG SAR PA YID NI 'PHROG PAR BYED PA STE, ,DE NYID YONGS SU SMIN PA MDZES PA MA YIN TE, ,SKAD CIG MAS 'GYUR DNGOS PO RNAMS LA THAMS CAD DU, ,CI ZHES BYA BA RTAG TU SKAL BZANGS 'BYUNG BAR 'GYUR, ,TSES GCIG LA NI 'GRO BA YID 'ONG ZLA BA'I CHA, ,DE NI NYI MA GZHAN LA MANG PO SEMS MA YIN, ,GANG PHYIR SAR PA RNAM PAR RTOG PA MDZES PA NI, ,YAN LAG CAN RNAMS LA NI YID 'PHROG DNGOS POR 'GYUR, ,SRING MO GZHAN YANG CUNG ZAD LANG TSO DANG NYE BAR GYUR PA KHYOD NYID LA SKRA LO DKAR POR BYAS PA DANG, BZHIN GYI MDZES PA 'PHROG PA DANG, MIG DANG SMIN MTSAMS KYI RNAM PAR YAN LAG THAMS CAD LA LHOD PA NYID SKYED PA DANG, SO BAR BYED BAR BYED PA DANG, LHAG PAR RAB TU 'DAR PA'I RGYU DANG, RGYUN MI 'CHAD PAR RLBO 'BYUNG BAS TSIG NYE BAR @76A *, ,'GAL BA DANG, DBANG PO RNAMS KYI SGO 'GEBS PAR BYED PA DANG, GLAGS RNYED PA'I SHA ZA MO BZHIN DU MNGON PAR 'TSE BA DANG, MA THOB KYANG THOB PA DANG 'DRA BA'I RGAS PA MTHONG NAS, MI 'AM CI'I BU MO DE LA LTA SMOS KYANG CI DGOS GANG ZHIG KHYOD KYI NA TSOD 'GA' ZHIG 'JUG PA'O; ,RE ZHIG G-YENG BA MED PAR NYON CIG ,GANG TSE LUS KYI YAN LAG RNAMS NI SO SO BA, ,ZHUGS PAR GYUR PA 'DZAG CING MTHUG PA'I KHRAG DANG BCAS, ,'GRO BA'I YID 'PHROG 'DOD PA LA SKYES BDE BA LA, ,DE TSE SEMS DANG LDAN PA CI PHYIR YID NI 'BYUNG, ,RNAM 'JIG BUD MED RUS PA'I DRA BA 'DI LA NI, ,MGO SKYES RUS PA RTZA DANG RGYUS PAS BCINGS PA NI, ,YAN LAG MIN PA'I RTOGS PAS BSAM PA RMONGS BYAS PA, ,BDE BA'I BSAM PAS RMONGS PA CHAGS PA NYE BAR 'GRO, ,DGA' BA'I SKYE BOS LHAN CIG KUN TU 'BREL BYAS NAS, ,RNAM PAR BRAL BA'I SDUG BSNGAL GYIS NI SKYE BO GNOD, ,SDUG BSNGAL RGYU MTSAN KUN NAS 'BYUNG BA BDAG NYID CAN, ,DE BAS KUN NAS 'DOD CING RNAM PAR BSAM MI BYA, ,JI LTAR SRIN PO'I RNAM 'GYUR SA LAS RNAM BYAS NAS, ,DE NYID LAS NI BYED PO 'JIGS PA DANG BCAS 'GYUR, ,DE BZHIN SKYE BO 'DIS YANG RANG NYID BYAS PA'I LAS; ,SDUG BSNGAL MANG BAS RAB TU GNOD BYAS 'JIGS PAR 'GYUR, ,MA LUS NANG GI BDAG NYID DANG NI 'BYUNG LHAG PAS, ,DE BZHIN LHAG PA'I LHA 'BYUNG 'JIG RTEN GSUM GDUNG BYED, ,DE TSE SDUG BSNGAL GSUM PO 'DI YANG 'BYUNG BA STE, ,GANG TSE SKYE BO 'DI NI RNYOG PA MED PAR GNAS,, SRING MO GZHAN YANG KHYOD KYIS GANG ZHIG SMRAS PA, DGON PA 'JIGS SHING SBRUL DANG, RI DAGS MANG BA RNAMS LA KHYIM DOR NAS LTA BA LA SKYO BSANGS KHYOD KYIS BYED CES BYA BA 'DI LA NYON CIG ,GANG GI PHYIR ZHI BA'I YID CAN RNAMS KYI NAGS NYID SHIN TU BDE BA BSKYED PA'I PHYIR MTHONG BA STE; ,AA RDZUN YI SHING GI STE MAS DRI ZHIM PA'I, ,GLANG PO CHE YI SMYON CHUS TSANG TSING BSGOS PA NI, ,SA 'DZIN DANG NI CHU BO RAB TU SONG 'GYUR BA, ,NAGS KYI SA RNAMS BDE BAR 'DZIN PAR BYED PA STE, ,THUB BA'I YID LA JI LTAR DGA' BA'I SA RNAMS KYANG, ,BDUD RTZI ZA BA RNAMS KYI CHE BDE LTAR @76B MIN; ,GANG ZHIG SRID PA DANG LDAN KHYIM NA GNAS RNAMS KYI, ,GZHAN LA SLONG BA'I NYON MONGS SDUG BSNGAL RNAMS, ,DE DAG DKA' THUB NAGS NA GNAS RNAMS KYI, ,CHOG SHES NOR LDAN RNAMS LA CI YI PHYIR, ,DON LA GNYER BA 'JIGS PAS SU ZHIG CES BYA BA SDUG BSNGAL THOB PAR MI 'GYUR BA'AM, THOB PAR 'GYUR BA MA YIN PA'AM, THOB PA MA YIN BA'O, ,KHYOD KYIS LTOS SHIG, GAL TE BUNG BA SMYON CHU 'DOD PA MA YIN NA, ,GNYIS 'THUNG GIS NI RNA BA'I RTZE MOR 'BABS MI 'GYUR, ,GZHAN DANG RJES SU SONG BA BDE CHA THOB PA'I PHYIR, ,SKYE BA DANG NA CHAN GZHI NI 'BYUNG BA KHO NA YIN, , BUD MED DANG NI LHAN CIG GCIG TU SKOM PA BZHIN, ,GANG ZHIG ZHI MED SRED PA NANG NI GNAS 'GYUR PA, ,DAM MIN SKYE BO KHRO BA'I GZHU NAS 'BYUNG BA NI, ,SMOD PA'I MDA' RNAMS NAM YANG DE LA GNOD MI BYED, ,DE LTAR DKA' THUB SPYOD PA'I YON TAN 'DI RNAMS SHES NAS KHYED KYI LANG TSO'I RGYUGS PA RNAM PAR ZLOG PA BDAG NYID 'DI DBANG PO KUN NAS BSDAM PAR BYA BA'I PHYIR, ,RIGS PA MA YIN NO ZHES ZER RO, ,BYANG CHUB SEMS DPA' CHOS BSTAN PA'I CHU'I DBANG BSKUR GYIS CHAGS PA'I ME ZHI BAR BYAS PA DE YANG LEGS SO LEGS SO ZHES PAS BDAG NYID CHEN PO DE LA KUN NAS MNGON PAR BTUD CING PHYOGS GCIG TU SONG NAS DES NYE BAR BSTAN PA'I BSAM GTAN GYI CHO GA RTZOM PA YIN NO, ,DE NAS BYANG CHUB SEMS DPAS RANG GI SHING LO YI, ,RAB TU ZHUGS TE BUD SHING 'BAR BA'I ME MCHOD NAS, ,RIM GYIS ZHIM PA'I 'BRAS BU RNAMS NI BZA' BYAS TE, ,BSAM GTAN BZHI PA LA NI SEMS DE 'CHING BAR GYUR, ,DE LTAR LHA'I BUD MED DANG RJES SU MTHUN PA'I MI 'AM CI MOS BYANG CHUB SEMS DPA' LA 'DOD PAR GYUR PAS BRTAN PA LA DMIGS TE, BRTUL ZHUGS NYAMS PAR MA BYAS PA ZHES BYA BA RNAM PAR BSAMS NAS TSUL KHRIMS KYI PHYIR GUS PAR BYA'O, ,SKYES BU'I LONGS SPYOD RNAMS KYANG TSUL KHRIMS LA BAR CHAD KYI RGYU RNAMS TE, DE'I PHYIR DE RNAMS LA CHAGS PA MED PA NYID LEGS PA ZHES BYA BA'O, ,GANG GI CHE GAR MKHAN GYI BU MO AUTPA LA ZHES BYA BA GAR MKHAN DANG LHAN CIG TU 'OD MA'I TSAL NA BZHUGS PA'I SANGS RGYAS BCOM LDAN 'DAS KYI DRUNG DU GAR DANG GLU RNAMS GSAL @77A *, ,BAR BYAS PA STE, ,BCOM LDAN 'DAS KYIS KYANG DE LA RGAS PA YANG DAG PAR BSTAN NAS LANG TSOS RGYAGS PA BSAL BAR BYAS NAS PHYIS DGRA BCOM PA'I 'BRAS BU LA DE RNAM PAR ZHUGS PAR MDZAD DO, ,BCOM LDAN 'DAS KYIS KYANG DGE SLONG RNAMS KYI MDUN DU SKYES RABS 'DI LUNG BSTAN PAR MDZAD PA NI, GANG ZHIG AUTPA LA ZHES 'DI DE, ,MI 'AM CI YI BU MOR GYUR, ,KA SHI MDZES PA ZHES BYAR BDAG ,DRANG SRONG BRTUL ZHUGS LDAN GYUR TO, ,RGYAL BA 'KHOR BA 'JIG NI BYUNG, ,'DI RNAMS RGYAS PA YI NI BU, ,RGYAL PO MDZES PA'I DER YANG NI, ,SANGS RGYAS MDZAD PA 'DI RNAMS MDZAD, ,DRI YI MAR GYIS SPANGS PA YI, ,DE YI SKAD CIG MAR SNOD LA, ,RGYAL PO MNGON DU GNAS PA NI, ,GRONG KHYER SKYE BO GNYEN DANG BCAS, ,THUN MTSAMS RJES MTHUN RAB TU SRAB PA LUS KYI BDE BA LONG BUR 'PHYANG BA'I CHOS GOS 'DZIN MDZAD CING, ,RNA BA DANG NI NYE BAR RJES SU 'BRANG ZHING BRTAN PA SA YI RANG BZHIN MIG RDZI MDZES PA'I MIG ,'JIG RTEN BAS NI MNGON PAR MCHOD BZHIN PA STE BKA' GSAL BA YI ME TOG GTER BA 'DREN PA SANGS RGYAS BZHUGS, ,MDZAD NAS ZHI BA'I TING 'DZIN GNAS PA BZHIN DU YID DU 'ONG BA GAR GYI SAR NI ZHUGS PAR GYUR, , DGE SLONG MA YI CHA BYAD 'DZIN, ,LHAG MA RGYAS PA'I BUD MED RNAMS, ,AUTPA LA ZHES BYA 'DI BYUNG STE, ,DE YI CHA BYAD 'DZIN PA BYUNG, ,DGE SLONG CHA BYAD RNAM PAR MDZES, ,GTZO BO YI NI RDZAS 'GRO BA, ,RGYAS PA'I BU NI LHAG MA RNAMS, ,DBANG PO ZHI BA ZHUGS PAR GYUR, ,'DI RNAMS SMON LAM DBANG GIS NI, ,THAMS CAD BDAG CAG NYER 'ONGS PA, ,CHOS DON GNYER BA BDAG GIS NI, ,SRID PA GCOD PA'I SKAL BYIN TO, ,KA SHI MDZES PA'I SKYES PA'I RABS TE SKYES PA'I RABS DRUG PA'O,, ,,MKHAS PA RNAMS KYIS ZANG ZING SBYIN PAS NI, ,DKA' BRNYED PAS SEMS CAN RJES BZUNG NAS, ,NYON MONGS GCOD PAR BYED PA'I CHOS SBYIN PAS, ,RJES SU 'DZIN PAR BYED PAR 'GYUR BA YIN, ,'DI LTAR RJES SU THOS TE, DRI MA MED PA'I CHU DANG, BKOD MA'I CHU DANG, RI LAS 'BAB PA'I CHUS SA 'DZIN GYI CHA DAG PAR BYAS PA DANG, SNA TSOGS PA'I SHING RNAMS KYI ME TOG GI @77B DRIS BSGOS PA'I RLUNG 'JAM PO YOD PA DANG, DBUGS 'BYUNG ZHING 'DUG PA'I RI DAGS KYI TSOGS DANG LDAN PA DANG, SNGO BA'I RTZVA SA DGA' BAR 'GYUR BA DANG, 'GA' ZHIG TU SHING GI BUG PA'I BAR NAS RAB TU ZHUGS PA'I BAR MTSAMS YOD PA NYI MAS SA'I CHA 'DRES PA DANG, THUN MCHAMS KYI DUS SU RNAM PAR RGYAS BZHIN PA'I ME'I SBYIN SREG GI DGANG BLUGS KYI DU BAS SHING RNAMS KYI 'DAB MA DANG, ME TOG RTZUB PAR BYAS PA DANG, ME TOG GI MTSON BYAS RKANG PA RGOD PAR MA BYAS PA DANG, DKA' THUB KYI DNGOS GRUB KYI SHING CHEN PO LA DKA' THUB KYI NOR CAN GYI SKYE BOS KHYAB BA'I DKA' THUB KYI NAGS NA BYANG CHUB SEMS DPA' SEMS CAN GYI DON BSGRUB PA BRTZAM PAR 'DOD CING, BSTAN BCOS SNA TSOGS THOS PA DANG, SLOB MA RNAMS LA STON PAR BYED PA DANG DAM PA'I CHOS GNAS PA GSAL BAR BYED PA DANG, BZOD PA DANG LDAN PA DANG, MCHOD PAR 'OS PA DANG, DKAR PO NYID MI 'DOR ZHING MA LUS PA'I SRED PA DANG, PHONGS PA'I SKYON DOR BA DUS GCIG GI TSE DKA' THUB PA YOD PAR GYUR TO, ,MUN PA 'JOMS SHING BDE BAR BYED PA RNAMS 'PHRO BA'I, ,'OD ZER RNAM BZHI YON TAN RNAMS KYIS BRGYAN PA'I GZUGS, ,GZI BRJID LDAN PA DE LA DANG BA THOB 'GYUR BA, ,LUS CAN RNAMS LA LTA BA RNAMS NI ZLA BA BZHIN, ,BDAG GI SNGON NYID YON TAN TE, ,DE NAS MNYAM NYID BZHIN RTEN PA, ,NGAM PA LA NI SU ZHIG THOGS, ,SNYING RJE LDAN PA YON GNAS SO, ,BDAG NYID CHEN PO DE LA YANG RAB TU ZHI BA'I BDE BA 'DOD BAS DKA' THUB KYI NAGS DE DANG SHIN TU RING BA MA YIN PA LA RNAM PAR KHA PHYE BA'I PADMA'I 'BYUNG GNAS KYIS NYE BAR MDZES PA'I PHYOGS GCIG GI RI'I MTHAR THUG PAR SHING LO'I RA BA DGA' BAR BYAS TE, BSAM GTAN SGRUB PA LA NGES PAR ZHUGS SO, ,GANG PHYIR DBANG PO'I YUL NGOR RO, ,GCIG PA LA NI BSAM GTAN SGRUB, ,DE PHYIR GNYIS MED NAGS KYI NANG, ,ZHI BA LHAG PAR GNAS PAR GYUR, ,DKA' THUB RNAMS KYI BRTAN PO DANG, ,CHOS KYI DON LA NYER BRTEN PA, ,GTI MUG RNAM GCOD ZHI BA NI, ,MYA NGAN 'DAS PHYIR GTAM BYAS GYUR, ,DE NAS DUS GCIG GI TSE NA CHU 'DZIN RNAMS LAS CHAR PA DANG BRAL BA'I PHYIR, ,LJON SHING DANG, RTZVA KUN NAS SKAMS PAS @78A *, ,NAGS KYI NANG DU 'ONGS PA'I SKYON GYI CHA GZHAN DANG BA 'DZIN PA'I KHYIM NA GNAS PA RNAMS YOD PA DANG, 'BRAS BU RNAMS 'GRIB PA DANG, RAB TU SRAB PA DANG, SKAM PA DANG, RGAS PA'I 'DAB MA CAN GYI SHING RNAMS YOD PA DANG, KHYO MED PA DANG 'DRA BA'I RAB TU SRA BAR GYUR PA'I STEGS DANG LDAN PA YOD PA DANG, RTZVA NYUNG BA ZA BA NYID KYIS KUN NAS STOBS CHUNG BA'I YAN LAG RI DAGS KYI KHYU YOD PA DANG, RAB TU GRAGS PA'I KHRO BA DANG LDAN PA'I RGYAL PO BZHIN DU SKYE BO THAMS CAD LA GDUNG BAR BYED PA'I NYI MA YOD PA DANG, NYIN MO BYED PA'I 'OD ZER RNAMS DANG 'BREL PAS LHAG PAR GDUNG BA DANG, 'ONG MA YONGS SU SMIN PA CHAGS PA'I SGRA LAS SDIGS MDZUB PA DANG 'DRA BAR RMA BYA DANG, SHANG SHANG TE'U DANG, KHU BYUG DANG, RI DAGS KYI TSOGS RNAMS KYIS LAM DOR BA DANG, NAGS KYI SREG LUGS 'DZIN PA RAB TU 'GRO ZHING SREG LUGS 'DZIN PA'I SHING RTA 'DREN PAS RAB TU BSKYOD PA'I RDUL GYI TSOGS KYI DBUS SU 'KHOR ZHING KUN NAS SKYO BA'I RTZVA'I NYAG MAS MA LUS PA'I SHING RNAMS KYI 'DAB MA CAN GYI NOR LDAN MA LA CHU 'DZIN PAR MA SHAR BAS 'THUNG BAR 'DOD PA NYE BAR BSAGS PAS MGRIN PAS KUN NAS SKAMS PA'I RMA BYA RNAMS YOD PA LA, RTZA BA DANG, 'BRAS BU KUN NAS ZAD PA'I DGON PA DE LA DKA' THUB PA DE RNAMS DKA' THUB DANG BKRES PAS SHIN TU LHAG PAR KUN NAS SKYA BA'I LUS CAN, DKA' THUB KYI NAGS DE LAS GRONG KHYER DANG, GRONG LA SOGS PA RNAMS LA MNGON PAR 'GRO BA KUN NAS 'DOD CING BYANG CHUB SEMS DPA' DANG NYE BAR 'ONGS NAS SMRAS PA, CHAR NI CHAD PAS RTZVA BA'AM NI 'BRAS BU 'DI, ,RI YIS SA LA ZAD PA GRAGS PA MA ZAD LAGS, ,DE NI MED PAS KHO BO CAG LA SROG GSO MED, ,LUS LA GNAS PHYIR DE LA SKYE BO'I NANG 'GRO BGYI, ,KHA ZAS YOD NA LUS NI RGYAS PA SKYE BA STE, ,RGYAS PA YOD NA RNAL 'BYOR NUS PA YOD, ,RNAL 'BYOR GOMS PAS DE NYID RNYED NAS RNAL 'BYOR PA, ,SNANG BA MTHONG BAS 'JIG RTEN CHAGS PA 'DOR PAR BYED, ,DE BAS MU GE'I SLONG MO STER BA DMAN PA NI, ,GRONG GI MTHA' 'AM GRONG KHYER DU NI THOB BYAS NAS, ,'JIG RTEN 'DIR NI LO TOG SKYES PAS DGA' BA SKYES PA LA, ,SLAR NI NAGS NANG ZHI BA'I @78B KHYIM NI GNAS PAR BYA, ,BSAM GTAN RNYED PAS KHYED RNAMS LTA BU THUB RNAMS LA, ,GRONG NANG CI 'DRA DE 'DRAR RI YIS PHYOGS TE, ,RNAL 'BYOR RNAMS KYI RNAL 'BYOR DAG PA DGA' 'PHEL BA, ,PHONGS DANG NGA RGYAL SEMS NI NAM YANG 'GRO BA MIN, ,BLO GTER KHYOD KYI NGAG NI ME TOG 'DI RNAMS NI,, DOR BAR MI BYED 'BRAS BU STER BAR ZHI BA'I PHYIR, ,NYER 'TSE DANG BRAL SKYE BO LA NI GNAS BYED BA, ,KHO BO CAG NI RANG YANG KHYED DANG PHRAD PAR 'DOD, ,BYANG CHUB SEMS DPAS SMRAS PA, GANG GI PHYIR DUL BA RNAMS LA NI SKYE BO'I GNAS LA GNAS BA SKYON MANG BA STE, GANG GI PHYIR DANG SKYES BU'I SNYING 'GUGS PAR BYED PA DANG, 'JAM PA'I DGOD PAS RNAM PAR GSAL BAR GYUR PA'I SA'I NOR BU'I 'OD RNAMS KYIS GDONG BRGYAN PA DANG, PHYIR PHYOGS PAS LTA BA SGEG PA LA MKHAS PA DANG, LCI BA'I BUD MED KYI DBANG PO'I KHUR BUS 'GRO BA MI NUS PAS GAR GSAL BAR BYAS PA 'DRA BA DANG, SMIN PA'I LJON SHING LA GYEN DU 'DZEG PA TZAM GYIS GZHU BDUNGS PA'I PHYIR 'DOD PA'I LHAS BKA' BSGO BA DANG 'DRA BA'I BUD MED KYI GZUGS RNAMS YOD DO, ,GANG ZHIG DKA' THUB PA RNAMS KYI YANG SNYING 'PHROG PAR BYED PA STE, RNAM PA THAMS CAD DU MDOR BSDUS PA NI 'DI YIN TE, MKHAS PA RNAMS NI BUD MED MA MTHONG ZHING PHYIR SMRA BA STE, DE MTHONG BA LA MNGON PAR SMRA BA YONGS SU SPONG NA NI, ,SMRA BA LA YANG BU MO DANG NI SRING MO'I 'DU SHES CAN, ,NAM YANG MANG PO RNAMS KYI DBANG DU SONG BAR 'GYUR BAR MIN, ,RNO BA'I MDA' NI KUN NAS PHOG PA RNO BA RI DAGS 'DOD MIN TE, RNA BA DANG NI SNYING NI 'PHROG PAR SMON PA'I GLU LA SNYAN PA STE, BDE BA'I CHA YIS SEMS NI 'PHROG PA RNAM PAR DBEN PA NYAL BA'I BLO, ,SKYE BO 'DI NI BZOD PAR DKA' BA'I SDUG BSNGAL MTHAR NI SPYOD MI BYED, ,DE LTAR NA BUD MED DANG BRAL BA'I SKYON GYIS SKYE BO'I PHA ROL GYI SKYON BLTAS PA DANG, MANG ZHING MOD PA'I SKYE BO DANG LDAN PA DANG, DBANG PO DANG PHRAD PA RNYED PAR DKA' BA DANG, DBANG PHYUG GI CHA MYANG PA LA RTZE GCIG PA DANG, GZHAN LA PHAN PA RAB TU SRAB PA DANG, GZHAN GYI RJES SU DRANGS PA'I NGAL BA MANG BA 'GA' ZHIG TU DMIGS PAR GYUR PA'I BZA' BA TZAM GYIS NGA KHYED CAG RNAMS LA @79A *, ,BDAG GIS SKYE BO'I GNAS LA GNAS PAR RJES SU SHES PAR BYA'O, ,DE'I PHYIR RE ZHIG BDAG GI KHANG PA 'DIR ZAS CUNG ZAD KHYED CAG RNAMS KYIS GSOL BAR MDZOD CIG, GAL TE DE LTA BU'I KHA ZAS 'DOD BAR GYUR NA DE NAS NYI MA RE RER BDAG KHYED CAG RNAMS LA SROG GNAS PA'I PHYIR 'BAD PAR BGYI'O, ,MI SMRA BA NYID KYI PHYIR SPYAN DRANG BA 'DI DKA' THUB NOR BCAS RNAMS LA RJES SU 'DOD DO ZHES BYA BA RNAM PAR BSAMS NAS BYANG CHUB SEMS DPAS SMRAS PA, 'DIR YUD TZAM SDOD CIG DANG JI SRID DU BDAG GIS BYANG GI SGRA MI SNYAN NAS KHA ZAS BLANG BAR BYA'O ZHES ZER RO; ,DE NAS SA YI RANG BZHIN LHUNG BZED DE BZUNG NAS, KHRI SNYAN PAGS PA DANG NI SHING SHUN NGES 'BREL BA, ,DKA' THUB NOR CAN RNAMS KYIS DGA' BA GYEN BLTAS PA, ,NAM MKHA' DRI MED RAL GRI LTAR GNAG MDZES PAR 'GYUR, ,SKAD CIG MA NYID KYIS KYANG BSKAL BA'I SHING GI ME TOG DRI DANG LDAN PA SKYES DANG 'DRA BA 'DZIN CING GROGS PO DANG 'DRA BA'I RLUNG GIS SO SOR 'BYUNG BA NAM MKHA' LAS BABS TE, GSER GYI SHING DANG, LJON SHING GI NAGS RNAMS LTA ZHING, MRGAD DANG, BEE d'URYA DANG, AINDRA N'I LA DANG, PADMA R'A GA DANG, GSER GYI RANG BZHIN GYI KHYIM GYI RTZIG PHA RNAMS KYI DGA' BA'I BYANG GI SGRA MI SNYAN DU ZHUGS TE DE LAS KYANG LHA'I BU MO DANG 'DRA BA BUD MED RNAMS KYIS NYE BAR SBYIN PA'I BDUD RTZI LTAR ZHIM PA'I BSOD SNYOMS NYE BAR BLANGS NAS NAM MKHA' LDING DANG 'DRA BAR NAM MKHA' LA 'PHUR ZHING SNGA MA BZHIN DU RANG GI KHANG PAR 'ONGS PAR GYUR TO, ,DE NAS NAGS KYI SHING RNAMS 'OG TU NYER GNAS PA, ,RAB TU ZHI BA'I GZUGS CAN DKA' THUB PA RNAMS DE, ,DRI ZHIM BA YI KHA ZAS KYIS NI LUS LA STOBS SBYIN PA'I, ,NYE BAR ZHI BA'I YID CAN DES NI TSIM PAR MDZAD, ,DKA' THUB GTER DES JI LTA JI LTAR KHA ZAS SBYIN, ,DE LTA DE LTAR DE NI SHIN TU 'PHEL BAR GYUR, ,BDAG NYID CHEN PO RNAL 'BYOR RNAMS KYI DNGOS PO NI, ,CHUD YANG RNAL 'BYOR STOBS KYIS RGYA CHEN NYID DU 'GYUR, ,NYI MA RE RE LA YANG BYANG GI SGRA MI SNYAN NAS 'ONGS PA'I KHA ZAS DE LTA BUS DKA' THUB BA DE RNAMS LA BDAG NYID CHEN PO DES BKUR STI BYAS PAR GYUR LA, PHYIS @79B KYANG BDEN PA'I BYIN GYI RLABS 'DI BYAS PAR GYUR TE, ,BDAG LA NAM YANG SRID PA'I MTHAR NI YID 'DI NI, ,JI LTAR 'DOD PA'I RNAM RTOG RDUL GYIS MA KHYAB PA, ,BDEN PA 'DIS NI DE LTAR LHA YI DBANG PO NI, ,'GRO PA'I DBANG PHYUG PHYIR NI CHU NI STER BAR SHOG ,DRANG SRONG CHEN PO DES BDEN PA'I BYIN GYI RLABS BYAS PAS KYANG SKAD CIG DE NYID LA DE'I BSOD NAMS KYI DBANG DU BYED PAS MGU BA'I LHA'I BDAG POS KUN NAS BSKYOD PA'I YAN LAG SPROS PAS SNANG BA'I LTO BA LHA'I DBANG PO'I GZHU'I RGYAN 'DZIN PA, AUTPAL SNGON PO SAR BA'I PHUNG PO LTAR SNGO BA'I CHU LCI BA NYID KYIS PHYOGS KYI SGO 'PHYANG BAR GYUR PA'I CHU 'DZIN PA RNAMS KYIS NAM MKHA'I DKYIL G-YOGS PAR GYUR TE, DE NAS CHU 'DZIN YANG DAG 'BREL BAS BSIL BA NI, ,ME YI GROGS PO SHID RNAMS BSKYOD PA RAB RGYU GYUR, ,RI DANG NAGS LA YANG NI RGYAGS PAS SGEG PA NI, ,RMA BYA'I TSOGS KYI SKAD RNAMS RNAM PAR RGYAS PAR GYUR; ,SA YI DKYIL 'KHOR DRI ZHIM PAR NI 'GRO 'GYUR TE, DANG PO BSIL BA LHUNG BAS YID NI 'PHROG BYED PA, ,GLANG PO'I RVA DANG 'DRA BAR SAR PA'I KE TA KA ,DRI ZHIM DRI DANG LDAN BAS BUD BAS ZHUGS PAR GYUR, SA NI SNGO BAR 'GYUR TE SAR PAR BYUNG BAR GYUR, ,SHING shA SAR PA'I ME TOG RTZE MO LTAR SNGO RTZVA, ,RTZVA ZA BA YI BA RNAMS LA YANG STOBS 'BYUNG BA, ,CHU YI DBANG GIS KYANG NI CHU RNAMS LTAG PAR GYUR, ,NOR LDAN MA NI MTHUG PA'I LO THOG GIS NOR 'PHROG ,ZHING PA RNAMS KYIS MTHONG NAS DGA' BAR 'GYUR BA STE, ,'GRAM DU LHUNG BA YANG DAG 'BYUNG BA'I SGRA LDAN PA, , CHU NI CHU BO RNAMS KYIS RNYOG PA NYID DU GYUR, ,DE LTAR THANG SKYES KA DAM PAS NI BSGOS PA'I RI, ,SPRIN GYI DUS NI MTHONG NAS DKA' THUB DE RNAMS NI, ,GROGS PO BZHIN DU BZLOG PA YUL NI GZHAN DAG LAS, ,GSAL BA'I BSAM PAS BRTAN PA LHAG PAR 'GRO BAR GYUR, ,DE NAS BYANG CHUB SEMS DPA' MI SHES PA'I RAB RIB 'PHROG PAR BYED PA'I CHOS DANG 'BREL BA'I GTAM GYIS MTSAN MO BYED PA'I 'OD KYIS MTSAN MOR KUN NAS SONG BA DANG 'DRA BA DKA' THUB PA DE RNAMS LAM LOG PAR ZHUGS PA THAMS CAD LAM BZANG PO LA 'JUG CING GNAS SO, ,DE RNAMS KYANG BDAG NYID CHEN @80A *, ,PO DE LA NYE BAR 'ONGS TE, BSTOD PA'I ME TOG RNAMS KYIS MCHOD CING GNAS SO, ,SNGON DU ZANG ZING SBYIN PAS NI, ,KHYOD KYIS BDAG CAG TSIM PA STE, ,DAM CHOS BDUD RTZI SBYIN PAS NI, ,DE NAS NGES LEGS LA 'JUG PA, ,GTI MUG RAB RIB 'JOMS BYED PA,, MTSAN MO'I MUN PA NYI MA LTAR, ,DE BZHIN MNYAM DANG MI MNYAM PA, ,LAM RNAMS KHYOD KYIS BSTAN PAR MDZAD, ,GAL TE KHYED 'DRA BRTAN BDAG NYID, ,GRUR NI GYUR PA MED GYUR NA, ,DU: KHA CHU BO CHEN PO YI, ,'JIG RTEN 'DI NI BUM PAR GYUR, ,AE MA BDE BA SKYED PA NI, ,SKYE BO LA BYAMS SKYE BO YI, ,YON TAN CAN MCHOG YON TAN NI, ,MNYES GSHIN BZHIN DU KHYOD LA 'BREL, ,RAB RIB CHEN PO'I TSOGS KUN NI, ,YE SHES MAR MES MA LUS 'JOMS, ,MKHAS PA RNAMS KYI DANG PO KHYED, ,RIG BYED RNAMS KYI AOm YIG BZHIN, ,SHIN TU GTZANG BA KHYED KYI YON TAN DANG KYIS NI, ,SA 'DI RNAMS LA BAR CHAD MED PAR BRGYAN BYAS TE, ,STON KA'I DRI MED 'OD CAN 'OD ZER RNAMS KYIS NI, ,MTSAN MO BYED PA'I KU MU TA TSOGS DGOD PA LTAR, ,DE LTAR DKA' THUB PA DE RNAMS BDAG NYID CHEN PO DE RNAMS LA MNGON PAR BSTAN PAR BYAS NAS RANG GI GNAS SU LHAG PAR GANG ZHES BSAM GTAN LA RTZE GCIG TU BYUNG BAR GYUR TO, ,DE LTAR NA BCOM LDAN 'DAS DES BYANG CHUB SEMS DPAR GYUR PA NA BDEN PA SMRA BAS SEMS CAN RNAMS LA ZANG ZING GI SBYIN PA DANG, CHOS KYI SBYIN PAS RJES SU BZUNG NGO ZHES BYA BA RNAM PAR BSAMS NAS, ,SANGS RGYAS BCOM LDAN 'DAS LA DAD PA BSKYED PAR BYA ZHES BYA BA'O, ,DKA' THUB PA'I SKYES PA'I RABS TE SKYES PA'I RABS BDUN PA'O,, ,,RGYAN RNAMS MED PA'I RGYAN NI BZOD PA STE, ,NUS PA G-YO BA MED PA'I BZOD CAN GYI, ,STOBS YOD PA LA BZOD PA BYED PA STE, ,BZOD PA'I STOBS KYI TSOL BA SHES RAB CAN, ,'DI LTAR RJES SU THOS TE, NYE 'KHOR DANG SKYE BO RJES SU GNAS PA RTAG TU NOR MI ZAD PA NOR GYI BDAG PO YO BYAD DANG MTSUNGS PA'I CHU BO GANG G'AS BDAG POR BYAS PA'I GRONG KHYER LAS 'DZIN PA RNAMS KYI RI RAB BZHIN DU SA'I BDAG PO THAMS CAD KYI BDAG NYID CHEN POS STENG NA GNAS PA, GZI @80B BRJID THAMS CAD KYI RANG BZHIN DANG 'DRA BA'I RI RAB CES BYA BA'I RGYAL PO BYUNG BAR GYUR TO, ,DES KYANG DUS GCIG GI TSE NA DUL BA DANG, SHUGS DANG LDAN PA'I ZLA BA'I 'OD ZER LTAR SBU DANG LDAN PA DANG, MTSAN NYID THAMS CAD DANG LDAN ZHING RTA BDUN DANG LDAN PA'I SHING RTA'I MCHOG LA ZHON NAS RI DAGS SHOR BA'I PHYIR RAB TU SONG BA'I RI DAGS DANG 'DRES PA'I SHING RTA'I RKANG PA'I SGRAS KUN NAS SKRAG PAR 'PHUR ZHING BSKYOD PA'I TSOGS KYIS BAR DU G-YOB BZHIN PA DANG, RDZING GI CHU LAS BDAG RGAL BA'I PHAG GI LUS LAS KUN NAS LTUNG BA'I 'DAM GYI CHA LA RTZA'I MYU GU RNAMS KYIS KHYAB PA DANG, GLANG PO RNAMS KYIS SMYON CHU DRI ZHIM PA DANG, 'GA' ZHIG TU RAB TU DRAG PO'I RLUNG GIS MNGON PAR BTEG BZHIN PA'I SREG LUGS 'DZIN PA LAS YANG DAG PAR BYUNG BA'I THUG THUG GI SGRAS 'JIGS PA DANG, RAB TU ZHUGS PA'I RNGON PA'I TSOGS KYI MDA'I RTZE MO RNAMS KYI STAG GI RKANG PAS MTSON PA'I RDUL MTHONG BA'I RI'I NAGS RNAMS LA RNAM PAR SPYOD PAR GYUR TE, GANG DANG GANG DU 'JIGS PA DANG LDAN PAR 'GRO BA, ,RI DAGS TSOGS NI SHIN TU 'KHRUG PA'I MIG LDAN PA, ,MI YI DBANG PO DE NI SHING RTAS DE DANG DER, ,DONG BA NAS NI MDA' NI BTON ZHING BDAS PAR GYUR, ,SHING RTA'I 'KHOR LO GNYIS NI BAR DANG BRAL BA'I RTZIBS, ,SHUGS KYIS G-YO BA MED CING 'KHOR ZHING SDOD PA 'DRA, ,SHING RTA'I RTA RNAMS KYANG NI MYUR BAS 'BYUNG BA STE, ,SKAD CIG DMIGS SHING G-YO BA RNGOG MA'I RTZE MO CAN, ,DE NAS RGYAL PO DE SHING RTA 'GRO BAS COD PAN MI BRTAN PA KUN NAS NGAL BA RNAM PAR GSAL BA'I PHYIR GRIB MA MTHUG PA'I RKANG 'THUNG SU ZHIG NYE BAR 'ONGS NAS, RING PO NAS DOR BA'I DMAG TSOGS LA SDOD CING 'DUG GO, ,RIM GYIS KYANG SHING RTA'I 'KHOR LOS PHYE MA'I RNAM PAR BYAS PA'I SO SO'I RTZE MOR LHUNG BA'I SKYU RU RA'I 'BRAS BU NGES PAR BYUNG BAS 'KHOR LO'I MTHA' MAR RI MO DMA' BA BRLAN PAR BYAS PA DANG, MYUR BA'I RTA'I GDONG NAS KUN NAS LHUNG BA'I KHA SPU'I CHAS SHING RTA'I RTZA BRLAN PA DANG, GNYA' SHING GI BU GA'I RTZE MOS KUN NAS 'BYUNG BA'I ME TOG 'BYUNG BA'I LJON SHING GI THA MA DANG, KUN NAS 'KHOR BA'I SBRANG BYED KYI TSOGS CAN GYI MAL LA RJES SU 'BRANGS NAS DMAG DES RGYAL @81A *, ,PO DE LA DUL BA DANG BCAS PAR NYE BAR SONG BAR GYUR TO, ,RGYAL PO DES KYANG RIM KYIS 'GRO ZHING NAGS LA GNAS PA TZAM NI RING PO NAS, ,SNOD LA LTA BAR BYED CING PHRAD PAR 'DOD PA'I DED DPON NI, ,NGAL ZHING GNAS PA'I RTA YIS KHYAB PA BA GLANG DANG BRAL BA, ,GLANG PO'I PHRU GU 'DUG PA'I TSONG PA'I TSOGS NI MTHONG BAR GYUR, ,DE NAS TSONG PA DE RNAMS KYIS RGYAL PO DE LA RNAM PA SNA TSOGS PA'I SKYES NYE BAR BUL ZHING PHYAG BTZAL NAS, LHA LAGS BDAG CAG NI BYANG PHYOGS NAS 'ONGS ZHES BYA BA SMRA ZHING 'DUG GO, ,DE NAS BYANG PHYOGS KYI GTAM SKABS SU BAB PA LA TSONG PA RNAMS KYI BDAG PO DE RDO RJE DBYUG PA CAN ZHES BYA'I RGYAL PO LA CHE BA'I BDAG NYID BRJOD CING 'DUG GO, DES KYANG JI LTA JI LTAR MI'I BDAG PO DE'I NUS PA GSUM GYI PHUN SUM TSOGS PA NYAN PA DE LTA DE LTAR CHU 'DZIN GYI 'BRUG GI KHONG KHRO BA MNGON PAR 'PHEL BA RI DAGS KYI BDAG PO LTAR RGYAL PO RI RAB MCHOG TU KHROS PAR GYUR TE, ,PHAL CHER SA YI BDAG PO RNAMS, ,RGYAS PA RNAMS KYI GNAS BYAS PA, ,YAN LAG RNAMS KYI STOBS 'BYUNG BA, ,GSAL BAR BYAS PA BZOD MA YIN, ,RGYAL PO DES KYANG RANG GI GRONG KHYER DU SONG STE PHO BRANG DU RJES SU ZHUGS NAS, RDO RJE DBYIG PA CAN GYI CHE BA'I BDAG NYID RJES SU SGROGS PAS NGA RGYAL SKYES PAS JI LTAR YANG NYI MA PHYI DE GNYID DANG BRAL BA NYID KYIS MTSAN MO 'DAS PA RTOGS PAR GYUR TO, ,DE NAS THO RANGS KYI RNGA'I SGRA KUN NAS KHYAB PA'I PHO BRANG GI SA PHYOGS GZHAN RNAMS SU SA'I BDAG PO RI RAB LA THO RANGS KYI DUS ZHES BYA BA SGO SKYONG MA RNAMS KYIS SMRA ZHING GNAS TE, MI'U THUNG GZUGS NYID 'DZIN PAR BYED PA NI, ,DUM BU BA BLA'I SDONG BU LTAR SNANG BA, ,MAR ME'I RTZE MO MTSAN MO'I THA MA LA, ,SDONG BU CHUNG BAR BYAS PAS SKYES PA YIN, ,SMYON CHU'I CHA YIS RTZA NI BSGO BYAS PA, ,LUS NI KUN NAS MNAN PAS DROD DANG 'DRE KHYOD KYI GLANG PO RNAMS KYI MAL SPYOD PA, ,MTSAN MO ZAD PAS DOR BAR 'GYUR BA YIN, ,NOR BU RNAMS KYIS KHYAB PA DANG 'DRA BA, ,DRI MED 'OD NI SNA TSOGS PHUNG PO STE, ,KHYIM GYI RMA BYA BSKYOD PA'I SGRO LDAN PA, ,GNAS KYI SROG SHING LAS NI 'JUG PA YIN, ,GNYID NI CHAD PAS KUN NAS @81B LANGS PA YI, ,DBUGS KYIS KUN NAS KHYAB PA'I SMRA BA CAN, ,BTZUN 'KHOR SKYE BO RGOD PA DANG BCAS PA, ,GNYID BRAL NE TZOL NI SMRAR BCUG GO, ,CHU SKYES RDUL LTAR SER SKYA MUN PA NYE BAR 'JOMS PA NI, NYI MA'I 'OD ZER GZHON NU 'DIR NI RNAM PAR RGYAS GYUR PA, ,RLUNG GI STEGS BUR KHYAB PA KHYOD KYI PHO BRANG RNAMS LA SHING, ,LTA BA DANG NI YID 'PHROG RI MO RNAMS NI SNANG BAR BYED, ,DE NAS RGYAL PO DE GNYID SAD PA DANG, THO RANGS KYI BYA BA BYAS TE MYUR BA NYID DU 'DUN SA'I SKYE BO'I TSOGS SKYE BAR BYAS NAS 'DUN KHANG DU ZHUGS TE, BLON PO RNAMS DANG LHAN CIG TU GROS BYAS NAS PHO NYA LA BOS TE SMRAS PA, ,RIGS NI CHE ZHING GTZANG LA GZHAN GYI DGONGS PA SHES, ,NUB PA DANG NI GZUGS DANG LDAN PA MA CHAGS BLO, ,BSTAN BCOS DON MTHONG YUL RNAMS KYIS NI MA PHROGS PA, ,SGRUB PA'I PHYIR NI PHO NYA MKHAS PA RNAMS KYIS SMRAS, ,DE KHYOD 'DI LTA BU'I YON TAN DANG LDAN PA DE'I PHYIR BYANG PHYOGS KYI BDAG PO RDO RJE'I DBYUG PA CAN GYI RGYAL PO RTOGS NAS GOM PA MYUR BAS KHYOD KYIS 'ONG BAR GYIS SHIG DANG, 'ON TE 'ONG BAR MI 'GYUR NA DE BAS NA BDAG GIS KHYOD LA NAN TAN BYED CING DBANG DU NYE BAR SONG NAS BKA' SBYIN PAR BYA ZHES BYA BA SMROS SHIG, ,PHO NYA DES KYANG DE LTAR BYA ZHES BYA BA SO SOR MNYAN NAS RIM GYIS RDO RJE DBYUG PA CAN GYI RGYAL PO'I DRUNG DU NYE BAR SONG NAS DE LTAR SMRAS PAR GYUR TO, ,DE NAS RGYAL PO PHO NYA'I TSIG GIS BUD SHING GIS SBAR BA'I KHRO BA'I SEMS DANG LDAN PAS BDAG 'DI 'ONGS PA NYID JI LTAR 'GRO BAR BYA ZHES BYA BA SMRAS NAS PHO NYA DE LA 'GRO BAR BCUG NAS DPUNG GI TSOGS YAN LAG BZHI DANG LDAN PAS YONGS SU BSKOR TE, DMAG TSOGS KUN NAS 'DZIN PA RNAM PAR 'BYED CING RNAM PAR BSKYOD PA'I RLABS, ,NYA YI TSOGS KYIS KUN NAS GROL BA'I 'GRAM GYI CHU LDAN PA, ,CHU SKYAR KUN NAS 'KHOR ZHING NGANG SKYA PHRAD PA 'DOD PA NI, ,SIN DHU 'GRAM GYI SHING RNAMS KYI NI YID 'PHROG RGAL BAR GYUR, ,RGAL NAS MYUR BA'I RTA YI RMIG PAS MTSON PA'I 'GRAM LDAN PA, ,TSANGS PA'I SRAS DE ZLA BA'I 'OD ZER RNAMS LTAR RAB DKAR BA, ,DMAG TSOGS RGYAL MTSAN GYIS NI BTUNGS PA'I SA SKYES YAL BSKYOD PA, ,DGA' BA CHEN PO LAM GSUM NAS 'GRO'I 'GRAM DU @82A *, ,LHAG GNAS GYUR, ,DE NAS THOS TE RI RAB KYANG NI RI RAB BRAG DKYIL LTAR, ,BRANG GI MTHIL CAN RNAMS LA DE NI DBANG PO'I 'GRAM LAS RGYAL, ,'JIGS PAS RNAM BRAL RDO RJE'I DBYUG PA CAN DE MNGON SONG BA, ,DMAG GI CHA BYAD GSAL ZHIG 'JIGS PA'I SGRA LDAN BYAS PAR GYUR, ,DE NAS SA SKYONG DE DAG LA NI SKAD CIG GIS, ,MCHE BA GNYIS PA'I DPUNG PAR GLANG PO SKYONG BA 'DUG PA LA, ,MA SPYAD PAR NI DMAG GI STOBS DAG DE DAG NI, ,G-YUL DOR 'JUG PA BSGRUB PA'I PHYIR NI RTZOM PAR GYUR, ,MYUR DU GO CHA LA LA ZHIG GIS BCINGS BYAS TE, DGRA STA RNON PO LA LA ZHIG GIS NYE BAR BZUNG, ,GZHAN NI SA LA NUB PA'I MTHA' MA CUNG ZAD NI, ,GZHU NI BDUNGS PAR GYUR TE SMIN MA BSKYOD PA CAN, ,G-YO MED DRIL BU DKROL BA MTSON CHA 'DZIN PA NI, ,RNA BAR 'PHYANG BA'I NGANG PA DKAR PO'I DUD LDAN PA, ,BTZAG GI RDUL NI MTHUG PAS YAN LAG KHA BSGYUR BA, , GLANG PO CHE LA MYUR DU GZHAN NI ZHON PAR GYUR, ,GZHAN NI LCI BA'I LCAGS KYI TSOGS LAS SPRUL NAG PO, ,PAGS PA BRDZIS PA LTAR NI CUNG ZAD MIG ZUM PA, ,MNYAM NYID NYE BAR KHRID PHYIR DPUNG PA GYEN DU BTEG ,YUD TZAM YUD TZAM DU NI LUS NI BSKYOD CING 'DUG ,GZHAN NI ZHON TE G-YER KA DKROL BA CAN GYI RTA, ,KHA NAS DBU BA'I CHA NI NGES PAR 'BYUNG BA CAN, ,SRA BA GZHU RGYUD BDUNGS PA'I GZHU YANG BRANG DU NI, ,SRA ZHING MTHO BA DPUNG PA'I ZUR DU 'DZIN PAR GYUR, ,DE NAS MI DBANG RI RAB MTHO BAS 'DOD PA CAN, ,RAL GRI BA SO'I YU BA CAN LA LAG BZUNG BYAS, ,GNAS PA NGES PAR 'DZIN PA MKHAS BA G-YAS GNAS PA, ,SHING RTA RLUNG GIS RGYAL MTSAN BSKYOD PA ZHON PAR GYUR, ,DE NAS MTHON PO GZHU DANG RLABS DANG LDAN PA LTAR, ,RAB TU KHYAB PA'I MDA' RNAMS NYA DANG LDAN PA LTAR, ,SHING RTA CHEN PO'I YAN LAG DRANGS PA'I LDE SGRA LDAN, ,'KHOR ZHING 'GA' ZHIG TU NI 'KHOR BA LDAN PA LTAR, ,GYEN DU 'GRO BA RDUL RNAMS KYIS NI BAR MED PA, ,KUN NAS 'PHRO BA'I CHU RNAMS RNYOG PA'I CHU RNAMS DANG 'DRA BA, ,BA DAN RNAMS KYIS MDZES PA 'BYUNG BA 'GA' ZHIG TU, ,DRI MED DBU BA'I PHRENG BA RNAMS KYIS MTHUG BYAS PA, ,GLANG PO'I RNAR 'PHYANG DUNG RNAMS KYIS NI 'GA' ZHIG @82B TU; ,G-YO BA'I NGANG SKYA BZHIN DU RI BONG MTSAN LTAR SKYA, ,SKAD CIG GIS NI RI RABS YI DBANG PHYUG GI ,DMAG DE RGYA MTSO'I DUS BZHIN DU NI 'GRO BAR GYUR, ,SKYE BO'I MIG GI LAM DU SONG BA SKAD CIG TU, ,MU TIG RDOG MA'I PHUNG PO 'DRA BAS RAB KHYAB PA, ,NAM MKHAR SON PAR RDUL GYIS 'GAGS PAR GYUR PA NI, ,SA LA GNYIS 'THUNG RNAMS KYI RLUNG NI LTUNG MI 'GYUR, ,DE NAS MYUR DU GLANG PO RGYU BA'I DMAG DAG LA, ,KUN NAS 'PHRO BA'I 'PHEN MDUNG RTZE MO 'OD ZER CAN, ,RNO BA'I MDA' RNAMS KYI NI RTA YI SGRA NI LANGS PA YIS, ,KUN NAS LTUNG BA'I SGRAS NI NAM MKHA' KUN NAS GANG BAR GYUR, ,GO CHA RNAM PAR PHIGS NAS LUS NI SKAD CIG TU, ,KHROS PAS SMIN MA BSKYOD PA RAB TU PHANGS RNAMS KYI, ,MDA' RNAMS KHRAG GIS GOS PA'I SNOD DANG LDAN PA NI, ,NYON MONGS MED PA'I SHUGS CAN SA STENGS LHUNG BAR GYUR, ,GLANG PO'I DBANG PO'I THAB MO BYAS PA SHUGS LDAN PA; ,KHROS BYAS 'DUG STE SKAD CIG TZAM GYIS G-YO MED MIG CAN NI, ,PHAN TSUN 'KHYUD PA'I DBANG GIS MCHE BA CAN RNAMS LA, ,SHIN TU GDONG RNAMS LA NI RTZE GSUM NUB PAR GYUR, ,MDA' DANG 'PHEN MDUNG DANG NI DGRA STAS ZAD BA NI, ,SHIN TU LCAGS KYU RNAMS KYIS BKAG PAR GYUR PA YANG, , CHU GTER PHRENG BA RLUNG GIS BRDUNGS PA LTA BU YI, ,GLANG PO RNAMS KYI KHYU NI G-YUL NGOR BYED PAR GYUR, ,MDA' YIS YAN LAG RMAS PA SHING RTA LAS LHUNG 'DOD, ,KUN NAS 'DZAG PA'I KHRAG GIS DMAR BA'I GO CHA CAN, ,RIM GYIS BRGYAB PAS MIG NI 'DZUMS PAR BYED PA YI, ,KHA LO SGYUR BA'I LAG NAS LCAG NI LTUNG BAR 'GYUR, ,PHUR PA RNON POS MGO LA RNAM PAR 'BIGS PAR GYUR, ,GLANG PO'I DBANG PO'I DBRAL SGO RIM DANG RIM GYIS 'DOD, ,GZHU LDAN GYIS NI 'OG TU SONG BAR 'GYUR BA'I MDA', ,SOR MO GLOD PAR KHU TSUR NAS NI GZHU NI LTUNG, ,DGRA STA DANG NI RAL GRIS 'TSO BA'I MGRIN SMRAS PA'I, ,MDZES PA DANG NI BRAL BA COD PAN RNAM 'PHYANG BA, ,I RNAMS KYI NI KUN NAS SA STENGS NAS LHUNG BA'I, ,SHIN TU SHING RTA'I YAN LAG MGO BO RNAMS LA LHUNG, ,RNAM PAR 'PHYANG BA SROG NI MED PA MDAS 'BIGS PA, ,BRTAN PA'I MGRIN THAG RNAMS KYIS 'GOG PA'I RKANG PA NI,, @83A *, ,SA DBANG PHYUG RNAMS KUN NAS BSKYOD PA'I DPUNG PA CAN, ,GLANG PO RNAMS KYI RNA BAR PHRENG BA CAN DU GYUR, ,RNAM PAR 'DA' BAR GYUR PA'I RGYAL MTSAN RNAMS KYIS NI, ,BSKYOD PA'I SHING RTA'I YAN LAG LHUNG BA'I MTSON CHAS KHYAB, ,KHA LO SGYUR BAS BDAG PO GSOD PA'I SHING RTA RNAMS, ,GLANG PO RNAMS KYIS KUN NAS BCAG GYUR KUN NAS LANGS PA'I SGRA, ,SHUGS KYIS SNA BUG DANG NI MIG NI RAB RGYAS PA, ,KUN NAS NGAL BA'I RDUL GYI PHAGS PA BAR MTSAMS MED, ,MYUR DU 'GRO BA RNAMS KYI RMIG PAS BRTAN PA NYID, ,SA YI STENG DU KHRAG GIS 'GRES PA RNYED MI 'GYUR,, 'GA' ZHIG TU NI THUN MTSAMS SPRIN LTAR KHRAG GIS 'BREL, ,'GA' ZHIG LHAR BCAS LHAR NI GLANG DBANG RLUNG GIS NI, ,'GA' ZHIG GLOG BCAS LTAR NI LAG RNAMS GO CHA BCAS, ,'THAB MO'I SA NI NAM MKHA' BZHIN DU RNAM MDZES GYUR, ,DE NAS NYI MA LA NI RI RAB LCOG NI CHE BAR GTONG 'DOD PA, ,'OD ZER RNAMS KYIS RGYA MTSO'I CHU RNAMS KYANG NI CHU LHA 'DRA BAR BYED, ,JI LTAR YANG NI YANG DAG 'DAS PA G-YUL NGOR CHAGS PA DOR BYAS TE, ,BSIL BA'I SAR NI MA SONG NGAL BA'I GLANG PO RTA DANG 'THAD PAR LDAN, ,MUN PA'I GOS KYIS DKRIS PAR BYAS PA'I PHYOGS KYI BUD MED KYI GDONG DANG, ,RAB TU GSAL BAR 'BYUNG BA'I SKAR MA'I TSOGS DANG LDAN PAS NAM MKHA' 'DRES PAR BYAS PA DANG, ,RNAM PAR ZUM PAR BYAS PA'I DPAL DANG BRAL BA PADMA'I 'BYUNG GNAS BRTZAMS PA'I MTSAN MO'I SGO LA RANG GI GNAS RNAMS SU ZHUGS TE, 'KHOR GYI SKYE BO RNAMS KYI LAG PAS 'DZIN PA'I MDA' DANG 'PHEN MDUD DANG RAL GRI RNAMS KYIS SMAS PA'I LUS MDA' DANG, SHING RTA DANG, GLANG PO RNAMS LAS YANG DAG PAR ZHUGS PA NAS, MAR ME'I SNANG BAS GSAL BAR BYAS PA'I LUS G-YUL NGOR RDUL GYIS KUN NAS 'OD MED PAR BYAS PA'I MGO LAS SKYES PA GUS PA DANG BCAS PAR SMAN PA RNAMS KYIS ZUG RDU 'DON PA'I SA'I BDAG PO RNAMS DANG, RKANG THANG RNAMS RMA'I SDUG BSNGAL GYIS GNYID NYE BAR 'PHROG PA SLAR G-YUL NGO'I ROL PAS SKYO BA GCIG TU MNGON PAR GSAL BAR 'DOD PAS JI LTAR YANG NUS PA RI DANG NYE BAR RNYOG PA CAN GYI RI BONG GIS MTSAN PA'I DKYIL @83B 'KHOR DE DANG LDAN PAS, ,KUN NAS RNYING BA'I KU MU TA DANG KUN NAS SKYE BA BAR CHAD PA'I SKAR MAS MTSAN PA'I NAM MKHA' DANG LDAN PA DANG, RNAM PAR RGYAS PAR GYUR PA'I THUN MTSAMS KYI YOL BAS SHAR PHYOGS SGRIB PAR BYAS PA'I MTSAN MO 'DA' BAR BYAS NAS THO RANGS KYI RNGA DANG, DUNG GI SGRA RNAMS MA BZOD PAS GNYIS KA'I DMAG TSOGS LAS BYUNG BA'I MI BZOD CING KUN NAS LANGS TE, RANG RANG GI RTA DANG SHING RTA RKANG THANG DANG BZHON PA RNAMS LA LTA ZHING 'DUG GO, ,DE NAS RI RAB KYI RGYAL PO LA DBEN PA'I SA PHYOGS SU BLON PO RNAMS KYIS 'DI SKAD CES GSOL TO, ,G-YENG BA MED PA'I LHAS RE ZHIG BDAG GIS 'DOD PA GSAN PA 'ONGS TE, GAL TE LHA LA 'DONG PAR GYUR NA DE LTAR BSGRUB PAR BYA'O ZHES ZER RO, ,DE LTAR BYA'O ZHES BYA BA NI RI RAB KYIS SO SOR MNYAN PA DANG, SLAR BLON PO DE RNAMS KYIS SMRAS PA, ,RGYAL PO RDO RJE'I DBYUG PA NI, ,SA SKYONG STE KHYED KYANG NI, ,LHAG PAR MI RNAMS DANG LDAN PA, ,STOBS DANG BZHON PA MNYAM PA STE, ,PHAN TSUN MNYAM PAR 'JIG PA'I PHYIR, ,SA SKYONG MNYAM PA NYID DAG LA, ,'THAB MO MNYAM PA KUN LTUNG BA, ,MA SMIN BUM PA DAG BZHIN DU, ,SGRUB PHYIR MTHUN PA'I LEGS PA NI, ,MKHAS PA RNAMS NI KUN NAS SMRA, ,DE NYID THOG MAR BYA BA STE, ,'DI LTAR 'DOD PA DGE BA YIS, ,SA SKYONG RDO RJE'I DBYUG LDAN CIG, ,BDAG CAG MTHUN PA NYID DU 'DOD, ,PHAN TSUN RNAM PAR 'JIG PA NI, ,'BRAS BU CUNG ZAD MTHONG BA MIN, ,DE LTAR BLON PO RNAMS 'DOD PA, ,RGYAL POS GZHAN YANG DER SBYANGS NAS, ,RDO RJE DBYUG DANG MTHUN 'DOD PAS, ,DE LTAR BYA ZHES KHAS BLANGS GYUR, ,RGYAL PO RDO RJE'I DBYUG PAS KYANG, ,GSOD CING GCOD PA MTHONG NAS NI, ,RKANG THANG RTA GLANG 'JIG PA NI, ,STOBS NI STOBS CHUNG BYUNG BAR GYUR, ,DENG NI GZHOM PAR NUS MIN TE, ,BKRES PAS LTO NI KUN TU RID, ,GZHU 'DZIN PA RNAMS GZHU RNAMS NI, ,DPUNG PA'I STOBS 'BYUNG ZAD PA NI, ,GZHU YI RIG BYED SHES RNAMS LA, ,KHA ZAS BCAD PA RID PA'I LAS, ,GZHU NI GZHU RGYUD SGRA LDAN PA, ,DE RNAMS LA NI THOS MI 'GYUR, ,SKABS TE NYUNG BA'I RTZVA ZOS PAS, ,STOBS KYI PHUN SUM TSOGS BRAL BA, ,LTO BA DMA' BA 'JIG 'GYUR PA'I, , @84A *, ,GLANG PO'I SMYON CHU GCOD PAR GYUR, ,KUN NAS STOBS CHUNG YAN LAG GI ,'OD MA'I MDZES PA 'DZIN BYED CING, ,RTA RNAMS RIGS DANG LDAN PA YANG, ,NAD KYI ZHUGS PA ZAD PAR GYUR, ,RID PA ROL PA'I DE NYID SHES, ,ROL CHA RNAMS NI BRDUNGS MI 'GYUR, ,RMA BYA RNAMS KYI GAR RNAMS KYANG, ,DREGS PA BSAL BA DRAN PAR GYUR, ,RMA BYA'I GAR NI BDE BA SKYED PAR MI BYED DE, ,'JAM PA'I GLU YI SGRA YIS YID NI 'PHROG MI BYED, ,NAGS KYI ME NI BUD SHING MED PAS SRAB PAR GYUR, ,NYI MA'I PHYI NAS SKYE BO LE LO CAN DU GYUR, ,DE NAS RGYAL PO RDO RJE'I DBYUG PA CAN DMAG TSOGS KYI NUB PA 'GRIB PAR GYUR PA MTHONG NAS RI RAB DANG LHAN CIG TU MTHUN PA NYID YONGS SU TSOL BAR GYUR TO, ,DE NAS RGYAL PO DE GNYI GA DAG DANG PHO NYA BTANG NAS DBUGS 'BYUNG BA SKYES TE MTHUN PA NYID DU BYAS PAR GYUR TE, PHAN TSUN YID 'BYUNG SKYES PA NI, ,SA BDAG DAG NI MTHUN 'DOD PA, , DUG DAG TSA BA NYID LA NI, ,KUN NAS 'BREL PA NYE BAR SKYE, ,DE NAS RGYAL PO RI RAB KYIS GUS PA DANG BCAS PAR RANG GI GRONG KHYER DU 'ONGS TE, RDO RJE'I DBYUG PA CAN LA NOR SBYIN PA LA SOGS PA'I GUS PAS GUS PAR BYAS TE, NYIN ZHAG 'GA' ZHIG 'DAS PA RNAMS LA RNAM PAR PHYE BA'I 'BRAS BU CAN GYI ME TOG LTAR SNGO ZHING DKAR BA'I GZI BRJID DANG LDAN PA DANG, CHU 'DZIN RNAMS LAS RNAM PAR GROL ZHING KHYAD PAR DU RNAM PAR DAG PA MA LUS PA'I RI BONG CAN GYI DKYIL 'KHOR DANG RJES SU MTHUN PA'I GDONG DANG LDAN PA DANG, MYA NGAN MED PA'I 'DAB MA LTAR RKANG LAG 'JAM PA DANG, SHIN TU DKAR BA MA YIN PA'I MIG GI 'BRAS BU CAN DANG, BUNG BAS BSRES PA'I MIG GI AUTPA LA GYI 'DAB MA'I MTHA' YAS KUN NAS BZOD PA'I RNA BA DANG MTSOG MA DANG LDAN PA DANG, KHU BYUG GZHON NU MA'I MGRIN PA LTAR SKRA LO MNGON PAR GNAG PA DANG, SHEL GYI DUM BU LTAR DANG BA'I SO'I NOR BU'I 'OD ZER RNAMS KYIS MCHU SNANG BAR BYAS PA DANG, PADMA KHA MA PHYE BA DANG, RJES SU MTHUN PA'I 'O MA 'DZIN PA 'BYUNG BAS KUN NAS SKYA BA'I BRANG DANG LDAN PA DANG, GSER DANG CHU SHING GI SNYING PO'I RNAM PA YID 'PHROG PA'I BLO DANG LDAN PA DANG, RAB TU SRAB PA'I RI MO GSUM GYI RLABS KYIS DBUS KYI CHA DGA' BAR @84B GYUR PA DANG, MIG BCUMS PAS MI NYID RJES SU DPAG PA'I BU MO RGYAL PO DE LA BYIN PAR GYUR TO, ,DE NAS TSONG PA BSKYOD PA'I BA DAN CHEN PO CAN, ,KUN NAS RTA BABS RNAMS LA ME TOG PHRENG BCINGS PA, ,KUN NAS ME TOG RNAMS KYIS MCHOD PA'I SA STENGS NI, ,TSANG BA YID 'ONG MDZES PA 'BYUNG BA BYAS PAR GYUR, ,'BAD PAS RNA BA DAG LA AUTPAL BRTZAMS PA NI, ,SRAB PA'I SIN DHU RA YI KHYAD PAR GYIS MTSAN PA, ,DRI MED ME LONG DANG NI NGES 'BREL MIG LDAN PA, ,GAR MKHAN MO RNAMS KYI NI GDONG PA 'BYUNG BAR GYUR, ,RDZA RNGA'I SGRA YIS BAR NI GANG BA BYAS PAR GYUR, ,'JAM PA'I PI BANG SGRA DANG GLU YI SGRA 'DRES PA, ,KHYAD PAR DANG BCAS RGYAN RNAMS KYIS NI MNGON DGA' BA, ,SA SKYONG BTZUN MO'I 'KHOR NI 'DOD PA CAN DU GYUR, ,ME TOG RGYU BAS BSKYOD PA'I SOR MO DANG LDAN PA, ,BUD MED SU ZHIG 'OG TU LTA BAR 'DUG PA STE, ,RNA BA'I AUTPA LA KHA PHYE RNAM PAR DOR BA NI, ,BUNG BA LHAGS PA KUN NAS KHYAB PA'I RGYA CHEN MIG ,GSER GYI LJON SHING SRAB PAS YID 'PHROG YAN LAG CAN, ,LAG PA 'DAR BAS RNAM PAR 'DAR BA'I DO SHAL CAN, ,LAG GDUB RAB TU BSKYOD CING 'GA' ZHIG 'BIGS PAR BYED, ,GDENGS CAN PAGS PA LTAR DKAR DUS LAS 'BYUNG BA RNAMS,, BSKYOD PA'I DPUNG PA RNAM PAR 'PHYANG BA'I SKRA LO CAN, ,G-YO BA'I RNA BA'I RGYAN DANG DPRAL 'PHYANG SKRA LDAN PA, ,GZHAN LA DRI ZHIM DRI RNAMS 'THAG PAR BYED PA STE, ,BAR CHANG RDUL GYI THIGS PAS MTSAN PA'I GDONG ZLA CAN, ,RGYAS PA 'PHEL BA SHIN TU DMAR BA'I 'GRAM RNAMS KYIS, ,BSNAMS PA'I DUS MTSAN RI BONG CAN GYI DPAL MCHOG CING, ,BUD MED GZHAN DAG SGEG DANG BCAS PAS CHANG DANG NI, ,SBRANG GI CHANG RNAMS CHAGS PA'I 'BREL PA 'THUNG BAR GYUR, ,DE LTAR BAG MA'I BYA BA CHEN PO DE LA ROL CHA DANG NI GLU'I, ,SGRAS NI RMA BYA DGA' BAR BYAS PA GAR GYI ROL PAS MNGON DGA' LA, , RNAM PA MANG BA'I BYA BA LA NI G-YOG 'KHOR G-YENG BA BYED LDAN PA, ,LHA YI GRONG KHYER BZHIN DU DGA' BA'I PHO BRANG RI RAB KYI NI BYUNG BAR GYUR, ,DE NAS GZHAN GYI NGO DANG BRAL BA RANG GI PHO BRANG LTAR GNAS TE, CHU BO GANG GLAS BDAG POR BYAS PA'I GRONG KHYER LA, RDO RJE DBYUG PA CAN SNYING RAB TU DGA' BAS, @85A *, ,RI RAB KYI BU MO GNYEN 'DUN DANG RNAM PAR BRAL BA'I MYA NGAN GYI ZUG RDUS MCHI MA'I CHU'I THIGS PA 'BAB PAR BYED CING BAG MA'I BYA BA BYAS PA BLANGS TE, 'O MA'I RGYA MTSO'I DBU BA LTAR DKAR BA'I KHA BA DANG LDAN PA DANG, BSIL BA'I RI BONG CAN GYI 'OD ZER CAN GYI TSOGS BZHIN DU SPUNGS PAR BYAS PA DANG, RTZE MO CHE BA LAS KUN NAS 'BAB PA'I CHU 'DZIN PA DANG, RLUNG GIS RNAM PAR 'DAR BA'I SHING 'DRA BA DANG, ,GROG DANG, THANG SHING DANG, RI RAB MA YIN PA LTA BU'I SHING RNAMS KYANG NAGS KYI RI SUL BAR SNGO BA DANG, DMAG TSOGS KYIS KUN NAS SKRAG PAR RAB TU 'GRO BA'I G-YAG GI TSOGS KYI RMIG PAS MTSON PA'I PHYOGS GCIG DANG LDAN PA DANG, SHIN TU RGYA CHE BA DANG, MTHO BA DANG, MI'AM CI DANG, RIG PA 'DZIN PA RNAMS KYI BUD MED KYI SKYE BO ZHUGS PAS LAM GSUM NAS 'GRO BA'I CHU KUN NAS 'KHRUGS PA'I KHA BA DANG LDAN PA'I RI RGAL NAS, RIM GYIS SKYO BA MED PAR DMAG KHRID CING DUS 'GA' ZHIG 'DAS PA LAS, ,SHIN TU RI YI CHU RNAMS KYIS NI DRI ZHIM PA LDAN ME TOG NYES SBYOD BYIN PA NI, ,BA DAN PHRENG BA RLUNG GIS BSGUL BAR BYAS PA RNAMS KYIS TSONG DUS SA NI 'DRES PA DANG, ,MI BSKYOD DE RING YONGS SHES SKYE BO RAB TU DGA' BAS RTA BABS PHRENG BA BCINGS PA NI, ,LHA YI BDAG PO BZHIN DU SA SKYONG GROGS PA RANG GI GRANG KHYER DU NI 'ONGS PAR GYUR, ,'BRAS BU'I 'DOD PA MA NYAMS PA, ,DON BSGRUB PHYIR NI RAB GNAS PA'I, ,SKYES PA'I RANG YUL 'ONGS PA NI, ,DGA' BA CHEN PO BYED PA YIN, ,DE NAS DUS GCIG GI TSE NA BTZUN MO RI RAB KYI BU MO LA 'GRO BA MA LUS PA LA PHAN PA'I PHYIR BYANG CHUB SEMS DPA' MNGAL DU SKYES PAR GYUR TE, MNGAL RNAM PAR 'PHEL BAS KUN NAS 'GRAM PA SKYA BA 'O MA 'DZIN PA'I SNGOG MA SNGO BAR 'BYUNG ZHING, SHIN TU LCI BA'I MO'I DBANG PO'I KHUR BUS 'GRO BAR MI NUS PA DE LA GROGS MO'I SKYE BOS MNGAL GYI MTSAN NYID DRIS PAR GYUR TO, ,DE NAS YANG DANG YANG DU RJES SU SBYAR BAR GYUR PA 'DI LTAR SMRAS PA, SA YI BDAG PO'I RI BONG CAN LTAR DKAR BAS MTSAN MA'I GDUGS, ,GAL TE BDAG LA KHYAD PAR YID LA MNGON DGA' 'DZIN GYUR NA, ,BTZON GANG GNAS PA'I SKYE BO GAL TE 'DIR NI GTONG GYUR NA,, @85B DE PHYIR BDAG GI NGAG GI MTSAN NYID 'BRAS BU DANG BCAS 'GYUR, ,DE NAS RGYAL PO DE BTZUN MO LA MNGAL GYI MTSAN NYID DE NYE BAR THOS NAS, ,YID NGO MTSAR BA DANG BCAS PAS SU ZHIG YANG 'DI MTHU CHEN PO DANG LDAN PA BDAG GI RIGS KYI RGYUN GYI RGYU MNGAL 'DI LAS YANG DAG PAR SKYES PA ZHES BYA BA RNAM PAR NGES NAS RANG GI YUL NAS BTZON GTONG BAR BYED PAR GYUR TO, ,DE YANG MU TIG GI DRA BAS MNGON PAR BRGYAN PAR BYED PA'I GSER GYI YU BA CAN 'DZIN PA NYID BTZUN MO'I MGO'I STENG DU GNAS PA'I GDUGS MTHONG NAS MCHOG TU NGO MTSAR BAR SONG BAR GYUR TE, ,DE NAS SA SKYONG SRAS NI YID 'ONG DER NI SKYES PA LA, ,GTER DANG 'DRA BAR 'OD ZER 'DRA BAS KUN NAS 'PHRO BAR BYED, ,GRONG KHYER DE NI KUN NAS MDZES PA MCHOG NI SONG BA STE, ,NAM MKHAR DANG PA'I 'OD CAN BSIL BA'I 'OD ZER SHAR BA BZHIN, ,BDAG NYID CHEN PO DE YANG MTSAN NYID THAMS CAD DANG LDAN PA, RIM GYIS LANG TSO'I MDZES PAS 'OD KYI MDZES PA NYE BAR BSAGS GYUR PA, ,BSTAN BCOS THAMS CAD KYI NANG DU BLO SONG BA BLO DANG LDAN PA RNAMS KYI MDUN DU SONG BA GZUGS DANG LDAN PA'I BZOD PAS YID 'THAD PA DANG 'DRA BA, GNYEN LTAR 'JIG RTEN DU BYUNG BAR GYUR TO, ,SKYE BOS SHIN TU LCI BA'I MNGA' BDAG NYID MED PAR, ,SHIN TU GZHAN LAS RNGAN CAN BZOD PAR 'GYUR BA STE, ,MNGA' BDAG NYID NI YID KYANG BRTAN PA'I YID CAN TE, ,NYES PA BYAS PA'I SKYE BO DE YANG DE BZOD 'GYUR, ,YANG DAG MIN PA'I RNAM RTOG RI BO DBUS SONG BA, ,YON TAN ZHING NI CHEN PO RNAMS LA RNAM GCOD PA, DE YIS KHRO BA MCHE BA GNYIS PA GNAS MIN TE, ,YID KYIS BZOD PA GNYA' NGAL CAN NI YONGS SU 'DZIN, ,RGYU DANG MI RGYU BCAS PA'I 'GRO BA SNANG BYED CING, ,RNAM DAG KHRO BA MUN PA CHEN PO 'BIGS BYED PA, ,DE NAS BYANG CHUB SEMS DPA' DE NI MTSAN MO BYUNG, ,SHIN TU BZOD PA'I ZLA TSES RNAM PAR MDZES PAR GYUR, ,DE NAS MI SKYONG RGAS PAS DBANG PO NYER GDUNGS ,PA, ,YUL GYI BDE BA LAS NI 'DOD PA LOG PA NI, ,THOS PA'I NGANG TSUL TSUL LA MKHAS PA'I SRAS DE NI, ,DBANG BSKUR BYAS NAS LHA YI GNAS SU SONG BAR GYUR, ,BYANG CHUB SEMS DPAS KYANG YAB LAS KUN NAS 'ONGS PA'I CHOS @86A *, ,KYI RGYAL SRID RJES SU BSTAN CING 'DI LTAR BSAMS PAR GYUR TO, ,BDAG GI PHO BRANG NA LHA'I KHA ZAS DANG, GOS DANG, RGYAN CHA RNAMS CI ZHIG CES BYA BA 'BYUNG BAR GYUR CIG CES BSAMS PA DANG, DE'I MOD LA DE'I MNGON PAR 'DOD PA THAMS CAD DU BYUNG BAR GYUR TO, , MDZA' BO RNAMS LA YANG SDOM CHANGS GUS PAS DGA' BAR GYUR TE, DE BAS NA DGA' BA'I SDOM CHANGS ZHES BYA BA NYID DE DANG RJES SU MTHUN PA'I MING 'JIG RTEN LA GRAGS PAR GYUR TO, ,DE'I MTHUS KYANG RNGA SGRA'I BRGYUD PA DE'I YUL NA GNAS PA RNAMS KYI KHYIM DANG KHYIM NA MNGON PAR 'DOD PA'I LHA'I LONGS SPYOD RNAMS 'BYUNG BAR 'GYUR ZHING, DE NAS BLO GROS NGAN PA ZHES BYA BA'I BLON PO NGAN PA RANG BZHIN GYIS YID RTZUB PA NYID KYIS 'DI LTAR BSAMS PAR GYUR TO, ,JI LTAR DGA' BA'I SDOM CHANGS 'DI'I THABS KYIS GSHIN RJE'I KHYIM DU KHYER BAR BYA ZHES SMRAS TE, DE NAS SKYE BO 'DI BDAG LA DBANG DU SONG BAR 'BYUNG BAR 'GYUR ZHES ZER RO, ,BSAM DANG SMRA BA'I LAS RNAMS NI, ,GANG GIS RANG GZHAN NYAMS PA'I PHYIR, ,DUG CAN SBRUL LTAR KHROS PA DE, ,BYIS PA RI BOR DOR BAR BYA, ,DE NAS GDUG PA'I BDAG NYID BLO GROS NGAN PAS RGYAL PO RI RAB LA YIG PHRIN 'DI LTAR GTONG BAR GYUR TE, ,DGA' BA'I SDOM CHANGS 'DI NI KHYED KYI DGRA'I SRAS TE, DE BAS NA 'DI NI THABS SAM RNAM PAR GNON PAR NGES PAR BSAD NAS 'DZAM BU GLING THAMS CAD DU LHAS BDAG PO NYID BYED PAR GYUR TO, ,BDAG KYANG LHA'I ZHABS KYI DRUNG NYID DU SONG BAR 'GYUR ZHES ZER RO, ,DE NAS GDUG PA CAN GYI BLON POS RAB TU SPRO BA BSKYED PA'I RGYAL PO RI RAB DGA' BA'I SDOM CHANGS CAN LA PHO NYA BTANG BAR GYUR TE, PHO NYA YANG DGA' BA'I CHANG BA CAN DU NYE BAR 'ONGS TE, RI RAB KYI PHRIN 'DI LTAR MNGON PAR SMRA BAR GYUR TO, ,KHYED KYI YAB KYIS 'ONGS TE BDAG GI SKYE BO 'DI, ,NOR NI 'PHROG PAR SDUG BSNGAL CAN BYAS TE, ,BDAG GI STOBS NI CHEN PO RNAMS KYI DA LTAR NI, ,KHYED KYIS KYANG NI 'DI LTAR GNOD PA BZOD PAR GYIS, ,DE NAS DGA' BA'I SDOM CHANGS CAN GYIS PHO NYA'I TSIG NYE BAR THOS NAS, ,GAL TE RGYAL PO RI RAB 'DIR 'ONGS PAR GYUR NA DE NAS KHO BO CAG GI SKYE BO'I @86B TSOGS 'DI DE'I MCHE BA GNYIS PA RNAMS KYIS KUN GCOG BZHIN PA'I SKYED MOS TSAL DANG, SKYES BU DRAG PO RNAMS KYIS RANG GI NOR PHROG PA 'THAB MO'I DUS SU YANG MTSON CHA RNON PO RNAMS KYIS MI DANG GLANG PO CHE DANG, RTA MANG BA RNAM PAR LHUNG BZHIN PA'I SDUG BSNGAL CHEN POR 'GRO BAR 'GYUR RO; ,DE BAS NA 'DI 'DIR THOB PA ZHES BYA BA NGES PAR PHO NYA DE LA SMRAS PA, ,BYIS PA BDAG GIS BLA MA DE RNAMS MNGON PAR 'GRO BAR BYA BA STE, DE BAS NA BDAG NYID KYIS 'ONG BAR BGYI ZHES BYA BA ZHU BAR MDZOD CIG, DE LTAR BYA'O ZHES BYA BA DE YANG SO SOR THOS TE, PHO NYA DE 'ONGS NAS RGYAL PO RI RAB LA DGA' BA'I SDOM CHANGS CAN GYI PHRIN SMRAS PAR GYUR TO, ,DE NAS BYANG CHUB SEMS DPA' 'JIG PA'I DUS KYI RLUNG GI STOBS KYIS RNAM PAR 'KHRUG PAR BYAS PA'I CHU'I GTER LTAR BRTAN PA'I SGRAS MCHE BA GNYIS PA'I SMYON CHUS BSGOS PA'I PHYOGS GZHAN DANG NYIN MOR BYED PA'I 'OD ZER RNAMS KYIS SPROS PA'I GO CHA DANG 'PHEN MDUNG GI RTZE MO'I 'OD ZER DANG LDAN PA DANG, RLUNG GIS BSKYOD PA'I RGYAL MTSAN DANG, BA DAN RNAMS KYIS RNAM PA SNA TSOGS PA'I STOBS KYI TSOGS CHEN POS YONGS SU BSKOR BA LAM GSUM 'GRO BA'I 'GRAM DU LHAG PAR GNAS SHING BLO GROS NGAN PA LA 'DI SKAD SMRAS PAR GYUR TO, ,SONG LA BDAG GI MES PO LA ZHU BA GYIS SHIG CES ZER RO, ,BLA MA BAS KYANG SHIN TU BLA, ,MNYES GSHIN NGO BO GNYEN DANG NI, ,RANG BZHIN DAG PA DAG LA NI, ,KHYED DANG LHAN CIG CES MI MTHUN, ,DE NAS GDUG PA'I BDAG NYID BLO GROS NGAN PA DE YONGS NAS BSGO BA ZHUS PA'I ZHUGS PA RJES SU GNANG BA STAN YONGS SU 'DZIN PAR BYAS PA DBEN PAR RGYAL PO RI RAB LA MI BDEN PA'I TSIG RNAMS KYIS SBYOR ZHING 'DUG GO, ,RGYAL PO CHEN PO DGA' BA'I SDOM CHANGS KYI PHRIN GSON CIG CES ZER RO, ,BDAG NI RTZE GCIG PA ZHES BYA BA RGYAL PO RI RAB KYIS SMRAS PA LA BLO GROS NGAN PAS SMRAS PA, 'JIG PA LA MNGON PAR PHYOGS PA'I BLO CAN BDAG NYID MI SHES PA DGA' BA'I SDOM CHANGS LHA LA 'DI LTAR MNGON PAR SMRA BA STE, CI LTAR ZHE NA, GNYA' RAL CAN BZHIN NGA RGYAL MTHO BA DAG LA NI, ,GLO BUR GANG G'A'I 'GRAM DU KUN NAS 'ONGS PA LA, ,PHYOGS RNAMS NYE BAR MTHONG STE @87A *, ,'PHRO BA'I LUS CAN NI, ,RI DAGS 'JIGS PA BZHIN DU KHYOD NI CI PHYIR GNAS, ,'DI LTAR BDAG LA DGA' BA'I SDOM CHANGS PAS NGA RGYAL DANG BCAS PAS JI LTAR PHRIN BYAS PA DE'I PHYIR SHIN TU RGYAL PO RI RAB LA KHRO BA'I SREG LUGS 'DZIN PA YID LA 'BAR BAR GYUR TO, ,RGYAL PO RI RAB KYANG KHROS PA MTHONG NAS SLAR BLO GROS NGAN PAS SMRAS PA, LHA LAGS DGA' BA'I SDOM CHANGS CAN KHYED LA GNOD PA CHUNG BA YANG BYED PAR NUS PA MA YIN TE, CI'I PHYIR ZHE NA, STOBS DANG LDAN LA DUS MED PAR NI MNGON SONG ZHING, ,STOBS CHUNG NGES PAR RNAM PAR 'JIG PAR 'GRO BA STE, ,BUD SHING GIS SBAR 'OD NI 'PHRO BA 'DUL BA YI, ,RGYAL MTSAN LA NI BDAG NYID GSAD PHYIR DPE CHAG LTUNG, ,DE NAS RGYAL PO RI RAB GLANG PO CHE DANG, RTA DANG, SHING RTA DANG, RKANG THANG GI TSOGS GO CHA DANG BCAS PAS YONGS SU BSKOR BA 'THAB MO MNGON PAR 'DOD PA DGA' BA'I SDOM CHANGS CAN GYI DMAG TSOGS DANG NYE BAR GNAS PAR GYUR TO, ,DGA' BA'I SDOM CHANGS CAN YANG BSKUL BA RNAMS 'PHANGS PAS SHUGS BSKYED PA LHA'I GZHAL YAS KHANG DANG RJES SU 'DRA BA'I GRU CHEN PO LA LHAG PAR GNAS NAS, NYE BAR GLU LEN BZHIN PA'I MTHUN BA'I SKYES BU RNAMS KYIS YONGS SU BSKOR BA GANG G'A'I CHU LA RTZE BA NYAMS SU MYONG ZHING ZHUGS NAS KHRUS BYAS TE, RJES SU BYUG PA BZA' BA'I DUS SU RNGA SGRA BYAS PAR GYUR TE, ,DE NAS RNGA YI SGRA DES PHYOGS KYI SGO RNAMS NI, ,KUN NAS BKANG STE RING POR RNAM PAR 'GRO BZHIN PA, ,GDUG PA'I SPRIN RNAMS KYIS NI SGRA DANG MNYAM PA NI, ,DOGS MED RI RAB KYI NI RNA BAR KHYAB PAR GYUR, ,DE NAS RGYAL PO RI RAB 'KHRUGS PA DANG BCAS PAR BLO GROS NGAN PA LA SMRAS PA, DA LTA NI DGA' BA'I SDOM CHANGS CAN 'DI CI ZHIG BYED 'DOD PAR GYUR ZHES ZER RO, ,BLO GROS NGAN PAS GSOL BA, ,DGA' BA'I SDOM CHANGS CAN NI DA LTAR RNGA'I SGRAS LHA'I KHA ZAS DANG; BTUNG BA BSKYED NAS NANG 'KHOR GYI SKYE BO DANG LDAN CIG BZA' BAR 'DOD PA ZHES BYA BA'O, ,RGYAL PO RI RAB KYIS SMRAS PA, GANG GI BSOD NAMS KYI MTHU 'DI ZHES BYA BA CI LTAR BDAG NYE 'KHOR DANG BCAS PA'I STENG DU 'BAR BA'I THOG JI LTAR LTUNG BAR BYED PAR 'GYUR ZHES ZER RO, ,NGES PAR BDAG @87B CAG GI TSA'U 'DI BZOD PA DANG YONGS SU DRIS PAS BDAG LA NYE BAR DRIS PAR BYED DO, ,DE'I PHYIR RNAM PA THAMS CAD DU, BLO GROS NGAN PA 'DI LTAR ZHES BYED KYI, ,GNAS LA DON DAM BLO NGAN GRAGS PA STE, ,GANG ZHIG 'DI LTAR CHEN PO SA DBANG DANG, ,BDAG LA MI MTHUN PA NI BYED PA YIN, ,DE NAS DGA' BA'I SDOM CHANGS CAN DOGS PA DANG BCAS PAR SONG BA RNAMS LAS RGYAL PO RI RAB NYE BAR DMIGS NAS THABS DANG BCAS PAR 'DI LA BDAG GIS RJES SU GZUNG BAR BGYI ZHES BYA BA RNAM PAR BSAMS NAS, SKYE BO'I GTAM 'DI LTAR YUL DE LA GSANG BA'I SKYES BU RNAMS KYIS RAB TU SGROG PAR BYED CING GNAS TE, GAL TE KHYED NI RMONGS PAS BDAG DANG LHAN CIG MTHUN MI BYED, ,DE NAS BZOD PA SPANGS TE KHRO BA DANG NI NGES 'BREL BDAG ,ME 'OD RNAMS KYIS SNANG BAR BYAS PA'I PHYOGS KYI SGO YI MTHA', ,ZAB PA'I DBYANGS CAN THOGS 'ONGS NAS NI BDAG GIS KHYED LA 'PHANG BAR BYA, ,DE NAS RGYAL PO RI RAB GTAM DE LA NYE BAR DMIGS NAS DGA' BA'I SDOM CHANGS CAN DANG LHAN CIG TU MTHUN PAR BYAS PAR GYUR TE, DGA' BA'I CHANGS PA CAN YANG RGYAL PO DE RANG GI GNAS SU 'ONGS NAS CHO GA BZHIN DU BKUR STI BYAS PAR GYUR TO, ,DE NAS RGYAL PO DE RI RAB KYIS DGA' BA'I SDOM CHANGS CAN LA 'DI LTAR RNAM PA MANG POS RAB TU BSNGAGS PAR BYAS TE, BU LEGS SO LEGS SO, ,DAM PA RNAMS NI RANG GI YON TAN GSANG BAR BYED, ,BDE LEGS MDUN DU BYAS PA KHREL NI SHES PA RNAMS, ,DE LTA NA YANG KHYED NI MDUN DU BDAG GIS BSTOD, ,NAN GYIS BDAG GI YID NI RO LDAN NYID KYIS PHROGS, ,KHYED KYI YON TAN LAM LA BRTEN NAS BDAG GI NI, ,PHRAD PAR 'DOD PHYIR SMRA BAR 'DOD PA SONG BA LA, ,RGYAS PA'I LHAN CIG BYED PA'I SNYE MA RNAMS MTHONG NAS, ,JI LTAR BUNG BA MI SMRA BAR NI 'DUG PAR GYUR, ,AE MA KHYOD KYI YON TAN LAM LA BRTEN NAS BDAG GIS NI, ,RGYA MTSO'I MTHAR THUG PHYOGS KYI BUD MED RNAMS NI BRGYAN PAR BYED, ,SA 'DI KHYED KYI GRAGS PA'I GOS NI 'DZIN PA NI, ,RANG GI DPAL GYIS MTHO RIS LA NI DGOD BYED 'DRA, ,CHEN PO NYID DANG DKAR BA NYID KYIS YANG DAG GNAS, ,'GRO BA GZHAN NI YON TAN 'DAS NAS KHYED YON TAN,, @88A *, ,CHU BO'I RLABS NI CUNG ZAD MTHONG BA 'DRA BA NI, ,'O MA'I RGYA MTSO'I RLABS NI KUN NAS DGOD PA STE, ,'GRO BAR BYED PA'I LTA BA'I MUN PA 'JOMS PAR BYED, ,RANG GI BLOS NI BLO YI KU MU TA NI SAD BYED PA, ,DAM PA'I CHOS KYI 'OD KYI DKYIL 'KHOR RNAMS RGYAS PA, ,KHYED NI YE SHES RANG BZHIN MTSAN MO BYED LANGS PA, ,KHYED NI MED PAS 'BYUNG BA NYID DU RLOM PA STE, ,BDUN PA MUN PA DANG LDAN NYID NI 'DUN SA MKHAS, ,KHYOD NI YON TAN 'OD GSAL GNAS PA DE NYID NI, ,MAR ME BTANG BA BZHIN DU RNAM MDZES GYUR, ,RANG GI MDZES PAS ZLA BA'I DKYIL 'KHOR NGO MTSAR BYAS; ,SA KUN PADMA'I RTZA LDAN RNAM PAR ZHUGS BYAS NAS, PHA ROL MED PA'I PHA ROL 'DI NI YONGS 'KHOR BA'I, ,KHYOD KYI GRAGS PA NGANG PA'I TSOGS DANG 'DRA BAR BYED, ,NYI MA DANG NI RI BONG 'DZIN PA'I 'OD ZER LDAN MTHONG NAS, ,ME CHUS NYI MA ZLA BA'I NOR BU DAG NI SPRUL BYED PA, ,RGYU YI RIM PA MED PAR 'BRAS BU SKYE BA MED PA STE, ,KHYOD NI 'DI GNYIS DOR NAS GZHAN GYI DON LA 'BAD PAR MDZAD, ,DE BAS NA BDAG GI DON DANG BCAS PA STE GANG GI BDAG LA LHA LAS BYUNG BA'I MTHU DANG LDAN PA 'DI LTA BU BU MO'I BU SKYES SO ZHES ZER RO, ,BYANG CHUB SEMS DPAS KYANG RANG BZHIN GYIS DRAG PO'I YID CAN BLO GROS NGAN PA LA YANG GDUG PA'I BDAG NYID DE BZOD PAR BYAS PA NYID DE, ,DE NAS RI RAB GUS PA CHEN POS GUS PAR BYAS NAS NI, ,CHOS LDAN LAM LA SKYE BO DE NI BCUG NAS BRTAN PA STE, RLUNG GIS GDUNGS PA'I 'GRO GA'I SHING CHEN KHA BA CAN GYI RI, ,RGAL NAS KUN DA LTAR DKAR RANG GI GRONG KHYER SONG BAR GYUR, ,DE NAS BCOM LDAN 'DAS DES BYANG CHUB SEMS DPAR GYUR PA NA GNOD PA BYAS PA RNAMS LA YANG BZOD PA LHOD PAR MA MDZAD TO ZHES BYA BA RNAM PAR BSAMS NAS KHYED CAG RNAMS KYIS BZOD PA BSGOMS PAS BDAG NYID DAG PAR BYA ZHES BYA BA'O, ,DGA' BA'I SDOM CHANGS CAN ZHES BYA BA'I SKYES RABS TE SKYES PA'I RABS BRGYAD PA'O,, ,,GANG ZHIG BZOD PA'I 'BRAS BU SHES PA STE, ,'DOD CHAGS LA SOGS ZHI BA RJES 'DOD CING, ,DGRA BOS MTSON 'DEBS PA LA BZOD PA NI, ,BRTAN PA DE NYID BYED PAR 'GYUR BA YIN, ,'DI LTAR RJES SU THOS TE, RNAM PA SNA TSOGS @88B PA'I SHING GI ME TOG RNAMS KYI DRIS BSGOS PA'I PHYOGS KYI BAR DANG, CHU BO RI BA'I CHUS BKRU BAR BYAS PA RGYA CHE BA'I BAR CAN BRAG GI DKYIL DANG, RLUNG GIS BSKYOD PA'I 'OD MA'I TSAL GYI 'DAB MA SHOD SHOD SGRA'I SKRAG PAS RI DAGS KYI RNA BA BSKYOD PAR BYAS PA DANG, 'GA' ZHIG TU ME RAB TU SONG BA NYID KYIS BYA'I TSOGS 'PHUR BA DANG, 'GA' ZHIG TU SNGON PO'I BUD MED KYI MTHON PO L GNAS PA'I SPRIN DKAR PO'I GRIB MAS 'OG GI CHA SNGO BAR BYAS PA DANG, 'GA' ZHIG TU GLANG PO CHE'I TSOGS KYIS SHING GCOG PAR BYAS PA'I DRIS RI SUL BAR MA DRI ZHIM PAR BYAS PA DANG, 'GA' ZHIG TU SNGON PO'I BUD MED KYI SKYE BOS LHUNG ZHING BAR CHAD PA RMA BYA'I MDONGS SGRO KUN NAS BTUD BZHIN PA DANG, ZLA BA'I 'OD ZER GYI DRI MA MED PA'I CHU RAB TU 'DZAG PA DANG, ,GZHAN DU DKA' THUB PA'I BU MO'I TSOGS KYIS BZUNG BAR GYUR PA'I ME TOG GI LJON SHING GI ME TOG RNAMS LA KUN NAS 'KHOR BA'I BUNG BA'I TSOGS KYIS NYE BAR GLU BLANGS PA DANG, NE TZO LTAR SNGO BA'I RTZVAS SA'I STENG DGA' BAR BYAS PA'I RI BO 'BIGS BYED KYIS 'DZIN LA STON KA'I CHU 'DZIN GYI RNAM PA DANG, LUS CHE BA LTO 'PHYE LHAG MA'I LUS DANG 'DRA BA'I SNA DANG LDAN PA DANG, PADMA LTAR DMAR BA'I SNA'I NANG DANG, MON LUG SAR PA LTAR DRI ZHIM PA'I SMYON CHU'I RI MOS MGRIN PA SNGO BA DANG, LEGS PAR GNAS PA'I SEN MO DANG, RKANG PA CAN GSER DANG, DNGUL GYI BUM PA'I RNAM PA CAN GYI DPRAL 'BUR LDAN PA DANG, BZOD PA'I LCAGS KYUS LAM DU 'GRO BA BZLOG PAR BYAS PA DANG, YON TAN THAMS CAD KYI GNAS PA DANG 'DRA BA BYANG CHUB SEMS DPA' SPOS KYI GLANG PO MCHE BA DRUG PA GLANG PO CHE'I TSOGS KYI BDAG PO BYUNG PAR GYUR TO, ,ZLA BA'I 'OD ZER LTAR DKAR TSOGS KYI BDAG PO DE MDZES TE, ,MU TIG GIS NI LHAG PAR DKAR BA'I SO CAN DPRAL 'BOR CHE, ,SNGON PO SPUNG BAR BYAS PA GAR GYI DUS SU PHYUGS BDAG GI ,RGOD PA CHEN PO MTSAN MO RJES SU MTHUN PAR 'PHROG BYAS 'DRA, ,RLUNG GIS GDUNGS PA'I KU MU TA RNAMS YANG DAG SPRUL BYED CING, ,ZE'U 'BRU'I CHA YIS KUN NAS SER BAR BYAS PA'I GE SAR CAN, ,YAL GA CAN RNAMS KHA YI RIS LTAR DKAR BA GLANG DBANG STE, ,GUS PAS BUNG BA'I SGRA YIS MNGON PAR STOD @89A *, ,PAR BYED PA 'DRA, ,YAL GA CAN RNAMS ME TOG RING NAS SPANG BYAS TE, ,'DAB MA BSKYOD PA'I PADMA RNAMS KYANG DE BZHIN DU, ,DE YI 'GRAM PA SMYON CHUS GOS PAR BYAS PA YIN, ,RIM GYIS DGA' BA BUNG BA RNAMS NI 'ONGS PAR GYUR, ,BAR NI BRAL BA TSO BA'I 'GRAM PAS MDZES PA NI, ,KUN NAS PHYOGS KYI SGO YI BAR NI BSGOS BYAS PA, ,SMYON CHU RIM GYIS 'THUNG ZHING TSOGS NI 'DZIN PA DES, ,BUNG BA RNAMS NI RNA BA'I G-YO BAS ZLOG MI BYED, ,YID 'PHROG RGYUN NI MI 'CHAD PA, ,RAB MCHOG SLONG MO PA LTAR NI, ,RKANG DRUNG DE LAS SMYON CHU NI, ,SBYIN BDAG LTAR NI 'DZIN PAR GYUR, ,TSOGS KYI BDAG PO DES KYANG RI BO 'BIGS BYED LA KUN NAS BRTEN PA GSER GYI RI BO LAS KYANG BDAG NYID MNGON PAR LHAG PAR SEMS PAR GYUR TO, ,GLANG PO CHE'I TSOGS DE YANG NGES YANG DAG PAR KUN NAS SKYONG BAR BYAS PA DANG, RGYAL PO DANG LDAN PA 'DRA BAR RGYAL SRID 'PHEL BAR GYUR TO, ,BZANG MO DANG NI SHIN TU BZANG, ,DE YIS SEMS BZANG RANG BZHIN GYIS, ,BZOD MA DGA' BA DGA' MO NI, ,GLANG MO GNYIS NI BYUNG BAR GYUR, ,DE NAS DUS GCIG GI TSE NA RLUNG GIS BSKYOD PA'I BA DAN LTAR 'KHYOG PA, GLOG GI YAL GA KUN NAS 'PHROS PA LTAR KUN NAS PHYE BA'I RGYA CHE BA'I MIG DANG LDAN PA DANG, CHU 'DZIN PAS LCI BA'I CHU 'DZIN PA'I 'BRUG GI SGRAS KUN NAS SKRAG PA 'DAR BA'I YAN LAG DANG LDAN PA DANG, SRAB PA'I DPUNG PA'I YAL GA 'PHANGS PAS KUN TU MTHONG ZHING LCI BA'I 'OM 'DZIN PA DANG LDAN PA DANG, RAL GRI'I 'OD KYIS SNANG BAR BYAS PA'I LAG PA G-YAS PA DPAG BSAM GYI SHING GI RNAM RTOG SNOM PA'I DGA' PO DE LA 'KHYUD PAR BYED PA DANG, RNA BA'I AUTPAL LTUNG BA DANG, LHOD PA'I SKRA LOS DPUNG PA'I PHYOGS BKAB PA DANG RLUNG GIS BSKYOD PA'I STENG GI GOS 'DZIN PAR BYED PA DANG, 'PHROS PA'I RGYAN GYI NOR BU RNAMS KYI 'OD ZER GYIS LUS KYI SROG SHING SNANG BAR BYAS PA DANG, NAM MKHA' LA 'GRO BA'I RIG PA 'DZIN PA LA ZE'U 'BRU BZHIN DU 'JAM PA'I LAG PA LAS PADMA CHEN PO SAR PA DRIS PHYOGS RNAMS KYI PAR GYI DRI ZHIM PAR BYAS PA DANG PUNG PA'I TSOGS KYIS KUN NAS GLU BLANGS PA DANG, GSER GYI KHAB DANG 'DRA BA GE @89B SAR DANG LDAN PA DANG, SHING RTA'I 'KHOR LO'I TSAD CAN BA GLANG LTAR SER BA'I RO DANG LDAN PA DANG, MTSO MA PHANG LAS YANG DAG PAR BYUNG BA KUN NAS LHUNG BA NAGS KYI RI DE LA GCIG PUR GNAS PA'I GLANG PO'I BDAG PO DE'I MDUN DU LHUNG BAR GYUR TO, ,PADMA DE YANG BLANGS NAS DES 'DI LTAR BSAMS SO, , BZANG MO DANG SHIN TU BZANG MO BDAG GI CHUN MA LAS GANG ZHIG DANG PO 'ONGS PAR GYUR PA DE LA BDAG GI BKA' DRIN SBYIN PAR BYA'O ZHES ZER TE, KUN NAS 'KHOR BA'I BUNG BA'I TSOGS KYIS NANG KHYAB PA, ,DRI ZHIM ZE'U 'BRUS RNAM PAR KHYAB PA'I GE SAR CAN, ,'DI NI DGOD CING YID 'ONG 'DAB MA'I CHOGS LDAN PA, ,DGA' BAS PADMA CHEN PO RAB TU SBYIN PAR BGYI, ,DE NAS SHIN TU BZANG MO DANG POR 'ONGS BA LA GSER GYI RANG BZHIN GYI CHU SKYES DE'I GLANG PO'I BDAG PO DES BYIN PAR GYUR TO, ,DES KYANG DE MNOS NAS GUS PA DANG BCAS PAR MGO BO LA BTAGS TE 'DUG GO, ,PHYIS BZANG MO NI KUN NAS NYE BAR 'ONGS NAS SHIN TU BZANG MO'I DPRAL 'BUR GNYIS KYI DBUS NA GNAS PA'I PADMA DE MTHONG NAS NGES PAR CHU SKYES 'DI BDAG LA BRNYAS PAR BYED CING CHUN MA 'DI LA TSOGS KYI BDAG POS BYIN NO SNYAM DU BSAMS NAS, MCHOG TU PHRAG DOG SKYES PAS MCHE BA GNYIS KYI BDAG PO DE SPANGS NAS; ,GZHAN GYI RNAM PAR GNAS PAR GYUR TO, ,DES NI GANG GI ZHAG LA MCHE BA GNYIS PA BYIN PAS MTHONG, ,DKAR PO DRI NI ZHIM PA PADMA LA PHYE CHUN MA LAS, ,DER NI PHRAG DOG GIS NI KUN BZUNG RTZVA NI ZA MI 'GYUR, ,SGOM PAS KYANG NI GZUGS NI ZOS PAS CHU NI 'THUNG MI 'GYUR, ,DAM MIN RNAM RTOG DGANG LUGS KYIS, ,YID BCAS SKYE BO SU ZHES BYA, ,PHRAG DOG ME LCE 'BAR BA YIS, ,BDAG NYID BSREG PHYIR SU ZHES 'PHEL, ,GANG ZHIG LAM MIN MI 'GRO BA, ,GANG GIS PHRAG DOG LTO 'PHYE MO, ,YID KYI KHYIM LA LHAG GNAS MIN, ,RTAG PA DE RNAMS BDE BAR NYAL, ,DE NAS BZANG MO RI BO 'BIGS BYED KYI BRAG GI DBUS NA SHING GI GRIB MAS BKAG PAR SKYIL MO KRUNG RNAM PAR BCINGS TE, BSAM GTAN GYI G-YO BA MED PA'I MIG MYOS PA'I SHANG SHANG TE'U'I MIG KUN NAS BRIS PA DANG 'DRA BA, CHOS GOS DMAR PO YAN LAG LA G-YOGS PA'I RANG SANGS RGYAS MTHONG @90A *, ,NAS, MTSO NAS KU MU TA RNAM PAR BLANGS NAS MCHOD CING 'DUG GO, ,DE NAS 'PHANGS NAS MNGON PAR BKAG PA BSGOM PAS NYI MA DE, ,KU MU TA YI PHRENG BA DE RNAMS KYIS NI THUB PA MDZES, ,KUN NAS SNANG BAR RIM MIN 'OD ZER SNANG BA'I YAN LAG CAN, ,THUN MTSAMS CHU NI 'DZIN PA LTAR NI STENG DU SKAR MA YIS, ,DE NAS GLANG MO DE RI BO 'BIGS BYED KYI 'GRAM DU GNAS TE, RANG SANGS RGYAS MCHOD PA'I DGE BA'I RTZA BA 'DI LAS GANG ZHIG 'BRAS BU 'BYUNG BA DES BDAG SPOS KYI GLANG PO 'DI GSAD PA'I PHYIR, RGYAL PO'I BTZUN MOR GYUR CIG SNYAM DU RNAM PAR BSAMS NAS BDAG NYID LCEBS PAR GYUR TO, ,LUS LCI BAS SHING GI YAL GA KUN NAS CHAG PA DE LHUNG BA'I SGRA THOS NAS, RMA BYA RNAMS RAB BSKYOD PA'I MDONGS SGRO CAN NI 'PHUR BA STE, ,STAG NI RAB TU NYAL ZHING LTA BA KUN NAS PHYE BAR GYUR, ,KUN NAS SKRAG PA'I RTZVA YI BZA' BA RNAMS SPANGS NAS, ,RNA BA GYEN SONG RI DAGS TSOGS NI 'KHRUG PAR BYUNG BAR GYUR, ,DE YANG DUS BYAS NAS RGYAL PO GZHAN DAG LA SKYE BA DRAN PA'I BU MO BCAS PAR GYUR TO, ,CUNG ZAD SKYES BZHIN PA'I KHA MA BYE DE RI MO GSUM GYI RIM PA'I SKAS KYI PHRENG BA LA LHAG PAR 'DZEG PAS NGAL BA SKYES PA DANG 'DRA BA'I LANG TSO SAR PA'I BZO BOS 'DOD PA DANG BCAS PA LUS KYI MDZES PA NYE BAR 'PHEL BZHIN PA, NGO TSA BA DANG DGOD PA'I RTZE BA RAB TU BRTZAMS PA, BUNG BA'I TSOGS KYI SGRA LO LJANG PA, GSER BCAD PA LTAR 'OD GSAL BA, GZUGS DANG LDAN PA'I DPAL DANG 'DRA BA MI'I BDAG PO SU ZHIG NYID LA BYIN PAR GYUR TO, ,DES KYANG RGYAL PO DE LA GZHAN MA YIN PA'I BUD MED DAG 'DRA BA'I BUD MED KYI YON TAN RNAMS KYIS DBANG PO 'PHROGS PAR BYAS NAS, DUS GCIG GI TSE NA TZAN DAN GYIS RJES SU BYUGS PA'I YAN LAG CAN DBUGS KYIS KUN NAS 'KHUMS PA'I MCHU GNYIS DANG LDAN PA BDAG NYID 'BAR BA DANG 'DRA BA BSTAN ZHING 'DUG GO, ,GANG GI TSE SMAN PA RNAMS KYIS GSO BZHIN PA YANG DE LTA BU NYID DU RIM GYIS G-YO BAS KUN NAS DKRIS PAR GYUR PA DE'I TSE, DE'I KHYOD SHIN TU DGA' BA DANG BRAL BA KUN NAS 'ONGS PAR GYUR TO, ,DES KYANG DE LA SMRAS PA, BDAG GI RIMS 'DI TZAN DAN GYI MCHOG GIS KYANG MA YIN TE,, @90B SPRIN LAS BSIL BA'I RLUNG GIS KYANG NI MA YIN TE, ,ZHI BAR 'GYUR BA MIN TE SHEL LTAR DRI MED PA, ,MTSAN MOR BYED PA'I 'OD ZER TSOGS KYANG MA YIN TE, ,'BIGS BYED RI LA MCHE GNYIS LHAG RGYAL YOD PA STE, ,CHU GTER DKAR PO 'DRA BA RTZUB MIN RVA CAN GYI, ,PADMA'I RTZA BA LTAR DKAR CHEN PO DE YI NI, , SO RNAMS LA NI SA SKYONG MU TIG RNAMS NI YOD, ,BTAGS PA CHU YI THIGS PA LTAR NI DRI MA MED PA YI, ,DE RNAMS KYIS NI GAL TE BDAG GI LUS BYUG PA, ,DE YIB SOS GAL TE MAL CHA BYED GYUR NA, ,DE TSE RIMS 'DI DE NAS ZHI BAR 'GYUR BA YIN, ,DE NAS RGYAL PO DE NGES PAR BTZUN MO 'DI SKYE BA GZHAN LA 'BIGS BYED KYI NAGS LA GNAS PA SPOS KYI GLANG PO THOS PA'AM, ,MTHONG BA ZHES BYA BA NGES PAR SKYES NAS RNGON PA LA BOS TE SMRAS PA, ,RI BO 'BIGS BYED LA MCHE BA DRUG PA SPOS KYI GLANG PO CHE YOD DE, ,GAL TE BA SO RNAMS BLANGS PAR GYUR NA, ,DE NAS BDAG KHYOD LA NOR CHEN PO RNAMS SBYAR BAR BYA ZHES ZER RO, ,RNGON PAS GSOL BA, GAL TE NUS NA DE LTAR BYA ZHES ZER RO, ,BTZUN MOS SMRAS PA, JI LTAR SPOS KYI GLANG PO 'DI DBUGS DBYUNG BAR 'GYUR BA ZHES BYA BA DE'I THABS BDAG GIS SHES TE, KHA BSGYUR GOS NI 'DZIN BYED PA, ,RAB TU BYUNG BA ZHIG MTHONG NAS, ,BLO LDAN SLOB MA BZANG PO LTAR, ,BTUD NAS GNYIS 'THUNG MCHOD PAR BYED, ,KHYOD KYIS KHA BSGYUR GOS DAG NI, ,DE BAS YANG DAG PAR GON NAS, ,'DI NI DUG GIS BYUGS PA'I MDAS, ,GNAD DU KUN NAS 'BIGS PAR GYIS, ,DES DE LTAR ZHES BYA BA SO SOR THOS NAS KHA BSGYUR BA'I GOS KYIS YAN LAG DKRIS TE MDA' DANG BCAS PA'I GZHU BLANGS NAS RI BO 'BIGS BYED LA SONG BAR GYUR TO, ,DE NAS RI BO'I NAGS KYI NANG DU DE'I 'CHAG PA MTHONG NAS GLANG PO CHE'I TSOGS DE DOGS PA DANG BCAS PA GLANG PO CHE'I BDAG PO LA ZHUS SHING 'DUG GO, ,KHA BSGYUR GOS CAN SU ZHIG NI, ,ME STAG BZHIN DU SER SKYA'I MIG, ,LCAGS KYI KA BA LTAR NI LUS, ,SEMS CAN SKRAG BZHIN PAR NI SNANG, ,BYANG CHUB SEMS DPAS SMRAS PA, KHA BSGYUR BA YI GOS CAN LA, ,DOGS PA BYA BA MA YIN TE, ,KHYED RNAMS LTA BAR GYIS SHIG DANG, ,KHREL YOD ZHI BA'I LAM NI MTSON PAR BYED PA PO, ,THUB PA RNAMS @91A *, ,KYIS RGYAL MTSAN DREGS PA GCOD PA'I RGYU, ,GAL TE DMAR POR KHA BSGYUR LUS LA BRGYAN BYED PA, ,GOS NI SKYE BO RNAMS KYI DBUGS 'BYIN RGYU MTSAN NO, ,DE NAS TSOGS DE DANG SHIN TU HA CANG RING BA MA YIN PAR GNAS PA'I RNGON BA DES SHING GIS BDAG NYID LA BSGRIBS TE, , GZHU BDUNGS SHING GNAS TE, DE NI PAGS PA'I SNYING PO'I RANG BZHIN LA NI KUN NAS 'DZIN BYED CING, ,GLANG PO'I RGYAL PO BSAD PHYIR GZHU RGYUD LA NI MED'U RNON MDA', ,SHING RNAMS KYI NI YAL GA'I LAG PA ZE'U 'BRU'I SOR MO RNAMS, ,RLUNG GIS BSGUL BA RNAMS KYIS 'BIGS BYED LOG PAR BYED PA 'DRA, ,SMYON CHUS BTZUM BYAS PA YI MIG CAN MCHE BAR SNA NI RNAM BKOD PA, ,SMYON CHUS BSGOS PAR BYAS PA'I 'GRAM PA SHING LAS SPRUG PAR BYED PA CAN, ,DGE BA'I LAM NI SHES PAR BYED PA GNYIS 'THUNG DBANG PO MDA' YIS NI, ,RI DAGS DGRAS NI NYES MGRIN THOB NAS DPRAL 'BUR LA NI BRGYAB PAR GYUR, ,DE NA SA GZHU YI STENG 'OG KUN NAS LHUNG BA NI, ,MCHE GNYIS TSOGS KYIS KHROS PAS RJES SU 'GRO BZHIN PA, ,RI DAGS DGRA NI GLANG PO'I BDAG POS NYER SBAS PA, ,BU LTAR KUN NAS TSANGS PA 'JIGS PAR KHYAB PA NI, ,AE MA DGRA 'DI GNOD PA BYAS PA GANG DU STE, ,MCHE GNYIS BDAG PO'I SNYING RJE 'DI 'DRA 'DI GANG STE, ,SA 'DZIN NAGS KYI NANG GI LHA MO RNAMS LA NI, ,NGES PAR 'DI LTAR SEMS LA NGO MTSER BYUNG BAR GYUR, ,RNO BA'I MDA' NI NGES PAR 'BIGS PA DER NI GLANG CHEN MGON PO LA, ,'DZAG PA KHRAG GI CHA YIS MTSAN PA'I KHA NI CUNG ZAD 'DAR BYED PA, ,GLANG PO'I TSOGS DE SHING RNAMS LA NI DRI NI ZHIM PAR GROL BYAS TE, ,MYA NGAN LCI BA BRAL BA DANG NI 'DAB MA RNAMS NI PHYED ZAD PA, ,DE NAS MDA' DE BLANGS NAS 'DON PAR GYUR PA STE, ,CUNG ZAD MDUD PA'I SNA YI NANG DU SNA YIS NI, ,NAN GYIS GLANG PO SHIN TU BZANG MOS GLANG PO CHE'I, ,KHRO BA BZOD PA LTAR NI BDAG PO 'DI NI SU ZHIG GIS, ,SDUG BSNGAL LDAN PA GLANG PO'I BDAG PO DE YI NI, ,NAN GYIS RMIN KHRAG GI CHU YIS BYUG BYAS PA, ,RNAM PAR CHAD PA'I MU TIG YON TAN 'DRA BA YIS, ,DE NI BSIL BA'I CHU YIS BLANGS PAR BYAS PAR GYUR, ,SKOM PAS CHU NI RNAM PAR 'DZIN PAR GYUR PA NI, ,SMYON @91B CHUS BDAG LA SU ZHIG DRI ZHIM BYED PAR 'GYUR, ,DE LTAR BSAL BA 'KHOR LO'I RLABS KYI SGRA LDAN PA, ,SHIN TU ZLA SKYES MYA NGAN LTA BUR SGRA DON GYUR, ,KHYED LA DE RING MDA' NI 'PHANGS PAS BYUNG BA NI, ,SDUG BSNGAL GLANG PO DBANG PO BSRABS NYID 'GYUR BA NYID, ,DE LTAR 'KHOR BAR BYED CING BSKYOD PA'I 'GRAM DAG LA, ,RIM GYIS BUNG BA'I PHRENG RNAMS KYIS NI BRIS 'DRAR GYUR, ,RNAM 'GRO AA KA RU NAG DU BAS 'OD MED PA, ,RNAM PAR BSKYOD PA'I GLOG GIS DKRIS BAS LTO BA MTSAN, ,SPRIN RNAMS KYI NI DPRAL TSA DRO BA'I 'OD ZER NI, ,DE LA BDE PHYIR LHA YI DBANG POS KUN BSGRIBS GYUR, ,DANG BZLA SKYES CHU DANG CHAGS PAS BSIL BA NI, ,RAB TU RGYAS PA'I ME TOG SNA TSOGS DRIS BSGOS PA, ,GNYEN LTAR GNYIS 'THUNG BDAG PO LA NI KUN 'ONGS PA, ,MDAS NI PHIGS PA DE LA RLUNG NI G-YOB PAR GYUR, ,DE NAS GLANG PO'I DBANG POS GAL TE RNAM PA GANG GIS KYANG BDAG DUS BYED PAR 'GYUR BA DE LAS NA GLANG PO CHE'I TSOGS 'DI NI MGON MED PAR 'GYUR RO SNYAM DU RNAM PAR BSAMS NAS BDEN PA'I BYIN GYI RLABS 'DI LTAR BYAS PAR GYUR TE, JI LTAR RI DAGS SHOR 'DI LA, ,GNOD BYED LA YANG MNYES GSHIN PA, ,DE LTAR DE RING BDEN PA DES, ,BDAG GI DUG NI ZAD GYUR CIG ,DE NAS BDEN PA'I BYIN GYI RLABS KYI MTHUS SKAD CIG DE NYID LA GLANG PO'I RGYAL PO DE'I MDAS BRGYAB PA'I SDUG BSNGAL LAS LDOG PA BYUNG BAR GYUR TO, ,DE NAS DE LTAR GSON PAR GYUR PA MTHONG NAS RNGON PA DES BTUD NAS RGYAL PO'I BTZUN MO'I GTAM DE BRJOD CING SMRAS PA, GLANG PO'I MGON PO GSOD DON DU, ,DRAG PO'I MDA' YIS DRAG PO'I YID, ,ZHE SDANG 'JOMS PA KHYED LA BRDEGS, ,SNOD MA YIN LA BDAG GIS NI, ,DE LTAR RNGON PA DE YI TSIG, ,THOS NAS MCHE GNYIS BDAG POS NI, ,MCHE BA KUN NAS BTON PA STE, ,LAG PAS BZUNG NAS SDUG BSNGAL MED, ,KHRAG 'DZAG PAS NI NGES 'BREL BA, ,SNA DE DE YIS MDZES PAR GYUR, ,BAN DHU KA PHRENG CHAGS PA NI, ,PADMA DKAR PO 'DRA BA'I DPAL, ,BDEN PA'I TSIG NI DE NYID KYIS, ,GLANG PO'I MGON PO DE YI NI, ,DUNG NI CHAG PA LTAR DKAR BA, ,MCHE BA SKAD CIG SLAR NI BYUNG, ,DE NAS SLAR NI MCHE BA BYUNG BAS NGO MTSAR BA, ,CHU 'DZIN DKAR @92A *, ,PO'I 'OD LDAN GLANG PO'I BDAG PO YI, ,MCHE BA NYE BAR BZUNG NAS NAGS KYI NANG GNAS TE, ,RI DAGS DGRA NI SA SKYONG PHO BRANG 'GRO BAR GYUR, ,DE NAS MCHE BA MTHONG BAS RAB TU DGA' BA'I YID CAN RGYAL PO DES RNGON PA DE LA JI LTAR KHAS BLANGS PA'I NOR SBYAR ZHING 'DUG GO, , RGYAL PO DE YANG BRDZUN PA'I RIMS DE YANG SPANGS NAS MCHE BDE RNAMS MTHONG STE, ,PHYIS 'GYOD PA SKYES PA DANG, PHRAG DOG GI GTAM SKYE BA GZHAN LA NYAMS SU MYONG BA BDAG PO LA SMRAS NAS, MIG GI AUTPA LA MCHI MA'I CHUS KHYAB PAS DE DANG DE'I SMRE SNGAGS 'DON PA 'GYUR TE, KYE HUD SMAD PA PHRAG DOG YON TAN PHYOGS 'JOMS PA, ,GANG GIS BDAG NI RMONGS BYED DAM PA'I SEMS LDAN PA, ,NAGS LA GNAS SHING DKA' THUB PA NI ZHI BA'I YID, ,TSOGS KYI BDAG PO DE NI BDAG GIS ZAD BYAS GYUR, ,BDAG NYID CHEN PO GANG GYIS YUN RING SKYONG BA NI, ,GLANG PO GZHAN GYIS RAB TU GNOD PHYIR NUS MA YIN, ,DI RING GLANG PO DE NI MED PAS KUN 'KHRUGS PA, ,GLANG PO'I TSOGS DE JI LTAR NYID DU BYUNG BAR GYUR, ,GANG GIS BAR CHAD MED PAR SMYON CHU 'THUNG 'DOD PA, ,YUD TZAM DU NI YONGS SU 'KHOR DE 'GRAM DAG LA, ,DE NI MED PAR DI RING DKA' THUB 'KHRUGS PA NI, ,RING PO NAS NI PADMA'I RTZA BA'I NAGS 'GRO GYUR, ,YUD TZAM DU NI GLANG PO'I BDAG PO DE YI GANG ZHIG 'BYUNG, ,DPRAL BA DRAG PAS KUN NAS 'PHROS PA'I 'DAB MA CAN, ,YUN RING PHYIR DE SMYON CHU CHA YIS BSGOS PA DE, ,NGES PAR SHIN TU BZANG MO YAN LAG CAN MI 'DOR, ,RGYA MTSO'I DUS NI SKYE RAGS KYIS NI RNAM BRGYAN PA, ,KUN NAS DBUGS BYUNG 'JAM PA'I RTZVA YI GOS LDAN PA, ,BDAG PO'I GTZO BO GSOD PHYIR BDAG NI CI ZHIG 'DZIN, ,SA LAS BDAG LA CI PHYIR RKO BA SBYIN MI 'GYUR, ,DE NAS RGYAL PO DE DE LTAR SMRE SNGAGS 'DON PA LA RTZE GCIG PAR RNGON PA DES 'DZIN CING 'DUG GO, ,BTZUN MO MYA NGAN MA BYED CIG ,BDEN PA'I BYIN GYI RLABS CHE BA'I BDAG NYID KYIS BDAG NYID CHEN PO DE SLAR YID 'PHROG PA'I MCHE BA CHEN PO BYUNG BA, ,MDA'I DUG GI SHUGS KUN NAS BZLOG PA'I SEMS CAN RNAMS LA PHAN PA'I PHYIR, SROG RNAMS 'DZIN CING GLANG PO CHE'I TSOGS CHEN PO DE'I BDAG PO NYID @92B BYED DO ZHES ZER RO, ,DE NAS TSOGS 'DI DE LAS THOS PAR GYUR NAS NI, ,MI DBANG BTZUN MO RAB TU YID CAN SLAR GYUR TE, ,SA BDAG KYANG NI NGO MTSAR BAR NI SONG BAR GYUR, ,MCHE GNYIS BDAG PO'I SNYING RJE YUD TZAM RNAMS BSAMS NAS, ,DE LTAR BZOD PA'I 'BRAS BU MNGON PAR 'DOD PA'I THUGS RJE'I BDAG NYID CAN RNAMS DGRA BO MTSON BYAS KYANG RAB TU PHOG PAR BYED PA LA NUS PA YOD KYANG BDAG NYID CHEN PO RNAMS BZOD PA BYED PA NYID DO SNYAM DU SHES NAS BZOD PA LA GUS PAR BYA ZHES BYA BA'O, ,GLANG PO CHE'I SKYES PA'I RABS TE SKYES PA'I RABS DGU PA'O,, ,,SBRUL NI MCHE BA 'PHROG PA LTA BU STE, ,NUS PA MED PAR KHRO BCAS KYANG NI BZOD, ,NUS PA YOD KYANG GANG ZHIG 'DOR MI BYED, ,BZOD PA DE NI BZOD LDAN SHES PAR BYA, ,'DI LTAR RJES SU THOS TE, RNAM PAR GNON PA'I TSUL GYI MTHUS RGYAL PO GZHAN DANG CHAGS 'OG GI RGYAL PO LAS RNAM PAR RGYAL BA; GLANG PO CHE DANG, RTA DANG, MDZOD PHUN SUM TSOGS PA MANG PO DANG LDAN PA, GZI BRJID CAN, BRTAN SHING THOS PA 'DOD PA LA SOGS PA SHES RAB KYI YON TAN RNAMS KYIS LHAG PAR GNAS PA, TSOGS GSUM DANG RJES SU MTHUN PA'I RANG BZHIN CAN, RANG BZHIN GYIS MCHOD PAR BYAS PA LHO PHYOGS KYI BDAG PO KA LING KA'I RGYAL PO ZHES BYA BA'I RGYAL PO BYUNG BAR GYUR TE, LAG PA'I BRTZON 'GRUS KYIS 'PHAM DGRA LAS RGYAL BYAS PA'I, ,GANG GI STOBS RNAMS STOBS DANG LDAN PA GZHAN GYI YUL, ,MNGON PAR SONG STE MTHO BA'I 'PHEL BA BYUNG BA YI, ,CHU YI PHUNG PO'I CHU RNAMS 'GRAM GYI MTHA' BZHIN NO, ,PHAN TSUN MIN PA'I RNGA LDAN SGRA NI SGROGS BYED PA, ,GANG GI STOBS RNAMS KHRO BA RNAM PAR RGYAS PA BZHIN, ,KUN NAS 'GRO BA'I DUS SU DBANG DU SONG BA NI, ,LCAGS KYU 'DZIN PA RNAMS KYI JI LTAR YANG NI 'BYUNG, ,DE LTA BU'I STOBS 'BYUNG BA 'DAB PA DANG BCAS PA RNAMS KYIS NGA RGYAL MA CHAGS PA'I MI'I BDAG PO DE'I CHAGS PA'I RGYUN ZHES BYA BA GNYIS SKYES KYI BLON PO BYUNG BAR GYUR TO, ,RGYAL PO DE YANG RIGS KYI RGYUN RNAM PAR CHAD PA LA 'JIGS PAS DUS GCIG GI TSE NA SRAS KYI DON DU LHA'I BYE BRAG DU MA LA NYE BAR SONG BAR GYUR TO, ,DE NAS @93A *, ,CHAGS PA'I RGYUN GYIS RGYAL PO DE LA GSOL PA, ,BTZUN MO'I 'KHOR GYI NANG DU LHAS ZHUGS PAR MDZOD CIG DANG, BDAG GIS NI LHA'I SRAS KYI DON DU LHA LA NYE BAR BRTEN PAR BGYI ZHING RGYAL SRID KYANG SO SOR BSKYANG BAR BGYI ZHES SO, ,RGYAL POS KYANG DE LTAR BYA'O ZHES MNGON PAR BRJOD NAS BTZUN MO'I 'KHOR DU ZHUGS TE, YUL RNAMS LA GZHAN DBANG DU SONG BAR GYUR TO, ,CHAGS PA'I RGYUN GYIS KYANG RANG GI MING GIS MTSAN MA'I YO BYAD KYI TSOGS THAMS CAD BYAS NAS RGYAL SRID RJES SU SKYONG BA BYED PAR GYUR TO, ,KA LING KA'I RGYAL PAS KYANG SNA TSOGS PA'I GAR DANG, GLU LTA ZHING NYAN PAS SNYING 'PHROG PAR BYAS PA, LHA'I BDAG PO'I BU MO'I TSOGS KYIS YONGS SU BSKOR BA DANG 'DRA BAR GZHAN GYIS KYANG NOR DANG, SKYE BO'I DBUS SU SONG BA RNAM PAR GNAS PAR GYUR TO, ,YID NI 'PHROG PA BLON PO MA DHU KA LTAR SKYA, ,ZLA BA'I 'OD ZER KUN NAS 'PHRO BAR BYED PA 'DRA, ,LA LA ZHIG GI ME LONG NGES 'BREL LTA CAN GYI, ,'GRAM PA DAG NI SMUG RTZIS BSKUS PAR BYAS PAR GYUR, ,GZHAN NI G-YO MED RGYAS PA'I MIG CAN MTHONG BA STE, ,DGOD PA CUNG ZAD BSKYOD PA'I MCHU YI RTZE MO NI, ,AUTPAL SAR BA LA NI NYER GNAS AUTPAL GYIS, ,DUNG BA BSKYOD PA CAN NI 'GRIB PAR GYUR PA STE, ,RGYAL PHYOGS LA LA ZHIG NI BSTAN LA LHAG GNAS PA, ,YID 'PHROG THANG KA'I RI MO LTA BAR BYED PA NI, ,RKANG PA SGRA MED SA BDAG DE NYID NYER 'ONGS NAS, ,LAG PA GNYIS KYIS MIG NI BKAB PA BYAS PAR GYUR, ,LAG PA RNAM PAR 'DAR ZHING BDAG DANG LHAN CIG CHOG ,ZHES BYA MNGON DGA' GNAS PA TSIG NI CHAD BCAN, ,NU MA DAG NI GOS KYIS 'GEBS PAR BYED PA NI, ,PHO NYA MO YANG 'DAR BA'I YAN LAG 'DZIN BAR GYUR, ,KHYED NYID BDAG LA MA 'ONGS PA NA SROG MCHOG STE, ,TSIG GIS DGOD PA BDAG LA LTA BA 'DZIN PAR GYIS, , DE LTAR BRJOD PA'I LA LA ZHIG NI G-YON PHYOGS NA, ,GNAS PA'I BUD MED JI LTAR YANG NI MGU ZHIG 'DUG ,CUNG ZAD BSKYOD PA'I SGRA NI SGROGS PA RKANG GDUB BRGYAN PA YI, ,RKANG PAS SA YI STENG DU SGEG PA DANG BCAS GNON BYED CING, ,BUD MED DGOD CING RNA BA LA NI CI YANG SMRA BYED PA, ,GZHAN @93B GYI BUD MED MIG GI MDA' NI PHOG PAR MTSON PAR BYAS, ,DE NAS MA NYAMS PA'I YUL GYI BDE BA NYAMS SU MYONG BAR BYED PA MI'I BDAG PO DE'I BTZUN MO'I 'KHOR GYI MYOS PA'I BUD MED DE RNAM PA SNA TSOGS PA'I 'JAM PA'I DGOD PAS GTAM DANG, KHRO BA DANG PHRAG DOG GIS SMON MA BSKYOD PAS YID 'PHROG PA'I SGEG PA RNAMS KYIS SHIN TU YANG SNYING KUN NAS BTEG PAR GYUR TE, KUN NAS DGOD PA'I DUS SU BSKYOD CING MTHONG BA'I SMIN MA CAN, ,DGOD PA'I ZLA TSES KUN NAS SONG BA'I GDONG PA'I ZLA BA LDAN, ,RI MO GSUM GYIS RNAM PAR BSKYOD CING SRAB PA'I SPU PHRENG CAN, ,BUD MED RNAMS NI SU YID 'PHROG PAR MI BYED DE SMROS SHIG ,'PHROG PAR BYED CING GSAL BA'I SO YI PHRENG BA'I 'OD LDAN PA, ,KUN NAS ZLA BA'I 'OD NI 'DZAG PAR BYED PA 'DRA BA STE, ,BUD MED SKYE BO'I RAB TU DREGS PA'I RGYAN CAN TSIG RNAMS NI, ,LA BA LI LTAR DRI ZHIM PO NI SU ZHIG 'PHROG MI BYED, ,'GRO BA GSUM LA YANG BA NYID NI DE RNAMS SONG MIN NAM, ,BDE LDAN DE RNAMS NYID DANG LEGS PA'I BLO CAN DE RNAMS NYID, ,SKYON MANG PA YI SBRUL GYIS NGES PAR BSAGS PA BRTEN MIN PA, ,RNAM PAR SGEG PA'I DUG GI LJON SHING YAL GA'I NAGS RNAMS KYIS, ,DE NAS DUS 'DAS PA DANG, BTZUN MO SEMS CAN KUN NAS CHAGS PA BYUNG BAR GYUR TO, ,DE YI YON TAN GTER 'PHEL BA, ,NYI MA RE RER MNGAL 'GRO BA, ,MDUN DU 'O MA KUN 'DZIN PA, ,NU MA DAG NI SNGO BAR GYUR, ,BUS MO'I STENG DU BKOD BYAS NAS, ,LAG PA 'DAB MA LTAR 'JAM PA, ,JI LTAR YANG NI RTAG LAS DE, ,KHYOD NI MTHAR NAS LANGS PAR GYUR, ,SANG NGAM ZHES BYA NGO MTSAR BCAS, ,BU 'DOD PA DAG MNYES GSHIN PAR, ,YANG DANG YANG DU DE MTHONG GYUR, ,DE NAS ZHAG RNAM PAR DAG PA LA DNGOS SU GTER DANG 'DRA BA RANG GI 'OD KYIS MI'I BDAG PO'I PHO BRANG GI NANG RNAM PAR BYAS PA, 'CHI BA MED PA'I GZHON NU'I RNAM PA CAN, ,MA LUS PA'I SA LA RGYAN DU GYUR PA'I SRAS SKYES BAR GYUR TE, LUS KYI 'OD KYIS ZLA BA YI, ,GANG PHYIR 'OD NI DES 'PHROG PA, ,GNYEN 'DUN RNAMS KYIS ZLA BA ZHES, ,DE BAS DE YI MING DU BTAGS, ,SUM CU RTZA BZHI'I TSAD RGYAL MO GZHAN RNAMS LA YANG SRAS RNAMS @94A *, ,SKYES PAR GYUR TO, ,DE NAS LO BRGYAD LON PA'I GZHON NU RNAMS GZHON NU ZLA BA DANG LHAN CIG RGYAL PO'I RIG PA 'DZIN PA'I PHYIR BLA MA GANG ZHIG LA BRTAD CING 'DUG GO, ,GZHON NU THAMS CAD KYANG RI DAGS SHOR BA LA SOGS PA'I CHAGS PA LA RTZE GCIG PA YON TAN GYI CHA DU MA RNAMS KYANG GZI BRJID DANG, DPUNG PA'I STOBS KYI GZHON NU ZLA BA LHAG PAR GYUR TE, YON TAN GNYEN DANG BLO GROS BZANG PO SKYES TE SHIN TU LCI BA BSNGAGS PAR BYA BA'I GNAS, ,SKYON NI CHEN PO KHA CIG LA NI SKYE BA'I MTHAR THUG YANG PA NYID NI BKAG BYAS PA, ,GANG PHYIR MI RNAMS RIGS CHEN LAS NI SKYES KYANG KHYI DANG MNYAM PA MTHONG BAR 'GYUR BA STE, ,RGYA MTSO RIN PO CHE YI TSOGS LDAN LAS NI CHU YI NYA PHYIS CI ZHIG SKYE BAR MI 'GYUR RAM, ,BDEN PAR SNGON PO NYID MTSUNGS PAR, ,AINDRA N'I LAR MA BYA'I MDONGS, ,RIN CHEN LA GNAS DE BSNGAGS PA, ,GANG PHYIR DAM PA LA GNAS DGE YON TAN SKYES PA LA MED PA, ,RNAM LDAN LA YANG 'GA' ZHIG TU, ,MCHING BU AINDRA N'I LA'I MDOG ,'DZIN KYANG DE YI YON TAN YIN, ,DE NAS RGYAL PO DE BYANG CHUB SEMS DPA' RGYAL TSAB TU DBANG BSKUR NAS GZHON NU DE RNAMS LA YANG YUL 'GA' ZHIG BYIN PAR GYUR TO, ,DE NAS ZLA BA MI'I BDAG POS RJES SU GNANG BAS SPUN ZLA RNAMS DANG LHAN CIG TU RANG GI YUL DU SONG NAS DUM BU 'DZIN PA'I MING GIS MTSAN PA'I YO BYAD THAMS CAD MTHONG NAS SMRAS PA, RNAM PA THAMS CAD DU YUL TZAM GYIS KHO BO CAG GI YAB RGYAL PO STE, CHAGS BA'I RGYUN NYID DANG BDAG PO ZHES BYA BA'O, , GZHON NU RNAMS KYIS SMRAS PA, 'O NA DUM BU 'DZIN PA'I MING 'DI SPANGS NAS RANG RANG GI RNAG GI YUL GYI MING RNAMS BDAG CAG GI YO BYAD THAMS CAD LA BRI BAR BYA ZHES ZER RO, ,DE LTAR BYA'O ZHES ZLA BAS KYANG KHAS BLANGS PA LA DANG POR ZLA BA'I MING DE RNAMS KYIS 'BRI ZHING 'DUG GO, ,DE YANG DE LTAR BSGRUB PA RNAMS PAR SHES NAS DUM BU 'DZIN PA KHROS PAS MCHOG TU 'ONGS TE, BRAM ZE RNAMS CHOGS SU BCUG NAS DBEN PAR SMRAS PAR GYUR PA, RGYAL PO'I SRAS 'DIS BDAG LA BDAG PO NYID 'PHROGS PA STE, DE BAS NA 'DIR 'DI THOB PA THABS GANG GIS KYANG ZLA BA YID 'PHROG DANG RNAM PAR BRAL @94B BAR BYA ZHES BYA BAR KHYED CAG RNAMS KYIS BLTA BAR GYIS SHIG, 'BRAS BU CHUNG BA'AM NI CHE BA MNGON PAR 'DON PA THOB PA'I YID DANG NI, ,BYA BA MED PA'I BLO DANG LDAN PAS SKAD CIG TZAM YANG GNAS PAR MI RIGS TE, ,GAL TE RDZA MKHAN 'KHOR LO NYIN MTSAN MED PAR DBYUG GUS 'KHOR BAR MI BYED NA, , RDZA PHOR RAM NI BUM PA SA NI YOD KYANG 'BYUNG BA NYID DU MI 'GYUR RO, ,BRAM ZE RNAMS KYIS SMRAS PA, ,DNGOS PO 'DI LA KHYED NYID THABS RTOGS PAR NUS PA ZHES ZER RO, ,DUM BU 'DZIN PAS SMRAS PA, ,GAL TE DE LTAR YIN NA DE NAS GAL TE RNAM PA GANG GIS KYANG RGYAL PO 'DI RMI LAM KHYED RNAMS KYI MDUN DU SMRA BAR GYUR NA, DE LA KHYED CAG RNAMS KYIS SMRA BAR BYA STE, LHA LAGS DUM BU 'DZIN PA'I RMI LAM GYI 'BRAS BU MNGON PAR SHES PA STE DE NYID LA DRI BAR BYA ZHES ZER RO, ,DE LTAR BGYI ZHES BRAM ZE RNAMS KYIS KHAS BLANGS PAR GYUR TO, ,DE NAS DUS GCIG GI TSE NA RGYAL PO DE RMI LAM MTHONG BAS SNYING SKYOBS BRAM ZE DE RNAMS LA RMI LAM SMRA ZHING 'DUG GO, ,BRAM ZE RNAMS KYIS KYANG DUM BU 'DZIN PA NI RMI LAM GYI 'DON PA RIG PA ZHES BYA BA BSTAN TO, ,DE NAS RGYAL PO DES DUM BU 'DZIN PA LA BOS NAS RMI LAM 'DI LTAR SMRA ZHING GNAS TE, RMI LAM DU NI DING SANG GRONG KHYER MA LUS BSNGAGS RNAMS KYIS, ,'DI NI KUN NAS BSKOR BA 'OD MED PHONGS PA'I 'JIG RTEN CAN, ,BCINGS SHING LUS NI KUN NAS BTZIR BA BDAG NI SA SKYONG GIS, ,SHING KHANG SA LA LUS KYIS KUN NAS KHYAB PAR BCUG PA MTHONG, ,DE BAS NA RE ZHIG RMI LAM 'DI'I 'BRAS BU BLA MA RNAMS KYIS SMRA BAR 'DOD CES ZER RO, ,DUM BU 'DZIN PAS SMRAS PA, LHA LAGS RMI LAM GYI RNAM PAR SMIN PA NI DKA' BA MTHONG BA YIN TE, RGYAL SRID CHEN PO LAS NYAMS PA, ,KHYOD KYI RMI LAM 'DIS MTSON TE, ,ZLA BA GNYIS KYIS 'GRO BYAS BA, ,YANG NA KHYOD KYIS BSTEN PA'I MTHA', ,BRAM ZAR DE YI TSIG NI THOS PAS SA SKYONG NI, ,SHI DGOS ZHES BYA 'JIG PA NYID NI 'ONG BA'I PHYIR, ,SKYED MOS TSAL GYI SA DANG KHYIM DU MNGON DGA' MIN, ,'CHI BA RANG BZHIN GYIS NI RNAM BAR BSAMS BZHIN PA, ,RING POR YANG NI YID LA SDUG BSNGAL BYED PA STE, ,STENG DU SONG BA'I GDENGS KA'I SBRUL LTAR BLTA DKA' BA, ,LUS CAN SHIN TU DOR BA NYID NI SMOS CI DGOS, @95A *, ,DE NAS RGYAL PO DES DUM BU 'DZIN PA LA SMRAS PA, SLAR THABS 'GA' ZHIG YOD PAR 'GYUR RAM, GANG GIS BDAG RGYAL SRID LAS KUN NAS NYAMS PA'AM DUS MA YIN PAR 'CHI BA THOB PAR MI 'GYUR ZHES ZER RO, ,DUM BU 'DZIN PAS GSOL BA, ,DES NA LHA THABS GSAN PA 'ONGS TE ZLA BA GZHON NU DANG LHAN CIG GZHON NU THAMS CAD SROG CHAGS GZHAN DAG KYANG MCHOD SBYIN GYI LAS LA GSAD PAR BYA DGOS ZER TE, DE'I KHRAG NI NE TZO'I MCHU LTAR KHYAD PAR GYIS NI DMAR BA YI, ,GANG BA YANGS PA'I SAR NI RDZING BU SHING TU RGYA CHE LA, ,SA SKYONG GAL TE 'JUG PAR GYUR NA DE'I PHYIR RGYAL SRID LAS, ,NYAMS PA'AM NI PHYI ROL SONG BA'I BDAG PO'I DBANG MI 'GRO, ,DE NAS RGYAL PO DE BDAG 'TSO BAR GYUR PA LA SLAR YANG SRAS RNAMS LHAG PA'I YON TAN DANG LDAN PAR 'GYUR ZHES BYA BA RNAM PAR BSAMS NAS, GZHON NU DE RNAMS LCAGS SGROG GIS BCINGS PA BLANGS NAS DUM BU 'DZIN PA LA MCHOD SBYIN GYI LAS BRTZAMS PAR GYIS SHIG CES SMRAS SO, ,DE NAS GZHON NU RNAMS NI SHIN TU SDUG BSNGAL BA, ,RGYUN BDUN PA YI LAS NI RAB TU 'JUG PAR BYED PA YIS, ,SA SKYONG CHE BA'I SRAS NI MED PAR 'KHRUG PA NI, ,SKYON CAN BLON PO DES NI RGYAL PO LA NI SMRAS, ,MI YI ZLA BA ZLA BA DE NI KHYOD LUS SKYES, ,STOBS KYIS BRNYAS PA GAL TE YOD PAR MI 'GYUR NA, ,KHYOD KYI MI DGE 'JOMS PA'I MCHOD SBYIN CHO GA 'DI, ,'BRAS BU CHEN PO'I PHYIR NI 'BYUNG BAR 'GYUR BA MIN, ,RGYAL POS SMRAS PA, ZLA BA GZHON NU NI BLA MA'I SKYE BO LA GUS PA STE, DE BAS NA BDAG GI BKA' LAS 'DA' BAR 'GYUR BA MA YIN TE DE BAS NA 'DI LA PHO NYA THONG SHIG CES BSGO BA DANG, DE LTAR BYA'O ZHES DUM BU 'DZIN PAS KHAS BLANGS NAS RGYAL PO DES PHO NYAL BOS NAS BSGO BA SONG SHIG GANG NGER GNAS PA'I ZLA BA LA SMROS SHIG DANG, BDAG GI DRUNG DU MYUR BAR 'ONG BAR GYIS SHIG CES ZER RO, ,DE LTAR BGYI'O ZHES PHO NYA DE YANG RGYAL PO'I BKA' NYE BAR 'DZIN PAS BYANG CHUB SEMS DPA'I DRUNG DU KUN NAS 'GRO BAR GYUR TO, ,BDAG NYID CHEN PO DE YANG 'KHOR DANG BCAS PA DPYID KA'I DUS KYI ZLA BA LA LHAN CIG BYED PA'I SNYE MA BRTZAMS PA DANG, AA TI MU KA TA DANG, @95B MYA NGAN MED DANG, THIG LE'I DRIS LHAG PAR DRIS BSGOS PA'I SKYED MOS TSAL DU CUNG ZAD ZHUGS TE BDAG NYID RNAM PAR RTZE ZHING 'DUG GO, ,SGO BA LA ZHUS PAS ZHUGS PAR MNGON PAR RJES SU GNANG BA'I PHO NYA DE RAB TU MTHUG PA'I MCHI MA'I THIGS PA 'BAB PA'I GDONG GIS ZLA BA LA PHYAG 'TSAL NAS RNAM PA GANG GIS KYANG SEMS CAN DU MA RNAM PAR 'JIG PA'I PHYIR NYE BAR BRTZAMS PA'I MCHOD SBYIN GYI GTAM DE BRJOD NAS RGYAL PO'I BKA' SMRA ZHING 'DUG GO, ,DE NAS BYANG CHUB SEMS DPA' LA GROGS BSHES DANG GNYEN 'DUN RNAMS KYIS 'DI SKAD CES SMRAS SO, ,'DI THAMS CAD MKHYEN LA RNAM PAR 'JIG PA'I PHYIR 'DUG PA'I BDAG NYID CAN GYI DUM BU 'DZIN PA'I G-YO'I RNAM PAR SPYOD PA STE, KYE MA SKYON CAN DE'I BSDAMS PA CAN DANG 'DRA BAR LUS KYI BYA BA ZHI BA DANG, SRIN PO DANG 'DRA BAR NANG GI BYED PA MA DAG PA'O, ,KYE MA GDUG PA'I BDAG NYID CAN RNAMS KYI, ,YO BYAD RNAMS KYI RNAM PA THAMS CAD DU, ,RAB ZHI'I CHA BYAD KYANG NI RNAM PAR RTZUB PA'I YID, ,SKYE BO NGAN LA CUNG ZAD YID BRTAN MI BYA STE, ,GANG PHYIR CHU SKYAR G-YO MED 'GRAM LA GNAS KYANG NI, ,KUN NAS 'PHROS PA'I NYA NI GSOD PA MIN NAM CI, ,SDUG BSNGAL NYE BAR LEN PAR BYED PA BRTEN PA RNAMS LA BRTEN PA YANG, , KUN NAS RMONGS PA SKYED PAR BYED PA NANG DU GDUNG BA NGES PAR 'DZIN, ,SBRUL GYI DUG LTAR RMA LAS BYUNG BA MTHA' GCIG TU NI CHE BA STE, ,SPYOD PA BRTEN BZHIN MIN PA SKYE BO NGAN PAS BZOD PA NYID DU DKA', ,DE BAS NA GZHON NUS BKA' STZOL CIG, ,JI SRID DU GDUG PA'I BDAG NYID SHA ZA'I 'JUG PA CAN 'BRAS BU MED PA'I BRAM ZE'I MING CAN DUM BU 'DZIN PA 'DI BCINGS NAS 'ONG BAR BYA BA'AM, PHA ROL TU SONG BA RNAMS GYIS MGON PO'I DBANG DU THOB PAR BYA ZHES ZER RO, ,BYANG CHUB SEMS DPAS SMRAS PA, BDEN MOD KYI BDAG LA YANG DUM BU 'DZIN PA'I DON DU CUNG ZAD KHRO BA MNGON PAR SDANG BA BYUNG BAR GYUR TE, ,DE NI BDAG GI SREG LUGS 'DZIN PA CHU'I RGYUN DANG 'DRA BA'I BZOD PAS NYE BAR ZHI BAR SONG STE, GAL TE YANG BDAG CAG GI SROG GIS BLA MA RNAMS YUN RING POR GSO BAR GYUR NA DE LTA NA BDAG CAG NI DON DANG BCAS PA ZHES BYA BA'O, ,DE BAS NA DUM BU 'DZIN PA'I PHYIR KHYED RNAMS @96A *, ,KYI KHROS PAS TSOG STE BDAG GIS NI 'GRO BA KHO NAR BGYI'O, ,DE NAS PHO NYA NGO MTSAR BAS 'DI LTAR SMRAS PAR GYUR TE, AE MA NGO MTSAR BA CHEN PO NI RNAM PA THAMS CAD DU GZHON NU DON DAM PAR BZOD PA DANG LDAN PA STE, CI'I PHYIR ZHE NA, GAL TE DGRA BO ZAD PHYIR KUN NAS LDANG GYUR PA, ,KHRO BA'I SBRUL NI BZOD PA'I RIGS PA 'GEGS PA STE, DGE LEGS THOB LA DGA' BA'I BSAM PA BCINGS RNAMS KYI, ,BZOD BRTEN RNAMS KYI SNANG THOB DE NI MDUN 'GRO BA, ,DE NAS BYANG CHUB SEMS DPA' LA MCHI MA'I CHU'I THIGS PA BTANG BA'I RANG GI NANG 'KHOR GYI SKYE BOS RJES SU 'GRO BZHIN PA SHING RTA MCHOG LA ZHON TE, MCHOD SBYIN GYI NANG NA GNAS PA'I YAB KYI DRUNG DU 'ONGS TE PHYAG BTZAL NAS GSOL BA, RANG GI SROG NI RJES TSOL BA'I, ,GAL TE YAB KYIS BDAG BTANG NA, ,BDAG GI LUS 'DI MCHOD SBYIN LA, ,PHYUGS NYID DU NI NYER BRTAG MDZOD, , BDAG GIS BU KHYOD BTANG BA ZHES, ,SA YI BDAG BOS BRJOD PA LA, ,ZLA BA'I STENG DU SDUG BSNGAL GYIS, ,MCHI MA'I THIGS PA LHUNG BAR GYUR, ,GANG TSE YUN RING POR GNAS KYANG, ,'CHI BDAG SPYOD YUL BGROD BYA BA, ,DE TSE GZHAN NI RNAM 'JIG PAS, ,TSE NI GNAS PAR SU ZHIG 'DOD,, DE NAS DUM BU 'DZIN PAS MCHOD SBYIN BYED PA PO DE RNAMS LA SMRAS PA, MKHAN PO RNAMS GSON CIG ,SREG LUGS DANG PO SO SOR SBYIN PAR GYUR PA LA GZHON NU ZLA BA THOG MAR GSAD PAR BYA STE PHYIS NI GZHON NU 'DI RNAMS ZHES ZER RO, ,DE SKAD SMRA BA'I DUM 'DZIN LA, ,MGRIN PA BTEG PA'I GZHON NU RNAMS, ,'JAM PA'I YAN LAG LTAR GYUR TE, ,SENG GE LA NI RI DAGS BZHIN, ,DE NAS GZHON NU DE RNAMS THAL MO SBYAR BAS BYANG CHUB SEMS DPA' LA 'DI LTAR ZHU BA BYED CING GNAS PAR GYUR TE, BDAG NYID CHEN PO BSNGAGS PAR MTHONG BA'I SEMS LDAN PA, ,'JIG RTEN LA BYAMS SPUN ZLA KHYED NI GNAS PA LA, ,BDAG CAG PHYUGS BZHIN BRTZE MED 'DI NI JI LTAR NI, ,DUM BU 'DZIN PA SNYING RJE MED PAS KHYER BAR 'GYUR, ,DE NAS SPUN ZLA DE RNAMS KYIS TSIG GSAN NAS SNYING NAS SDUG BSNGAL BAR GYUR PAS BYAMS PA DANG YANG DAG PAR LDAN PA'I TING NGE 'DZIN LA KUN @96B NAS DMIGS PAR GYUR TE, RNAM PAR DAG PA'I SEMS LDAN PA YI TING 'DZIN GYIS, ,MNYAM PAR GZHAG PA'I BDAG NYID KUN NAS CHAGS PA 'DRA, NGO MTSAR BCAS PA'I BDAG NYID MI SKYONG SRAS RNAMS KYI, ,LTO 'PHYE LTAR SNGO'I LCAGS SGROG CHAG PAR GYUR, ,LCAGS SGROG CHAG PAS NGO MTSAR BAR GYUR PA'I RGYAL PO DE LA 'DI CI YIN ZHES BYA BA RTOG PA SKYES PA'I DUM BU 'DZIN PA DE LA CHU YIS LCI BA'I CHU GTER BYUNG BAR GYUR TE, SA NI BSGRIBS SHING DBANG PHYUG CHEN PO'I MGRIN LTAR SNGO, ,'PHRO BA'I 'OD DANG LDAN PA'I GLOG GI KHRO GNYER GYIS, ,KHROS PAS SRIN PO BZHIN DU SGRA CHEN SGROGS PAR GYUR, ,'DAB CHAGS GROL BAS RNAM PAR 'CHAG PA'I SHING RNAMS NI, ,SGRA DANG LDAN PA RAB TU SKYO BA'I BRAG GI DKYIL, ,RI BO RNAMS KYI RTZE MO KUN NAS LHUNG BYED CING, ,MI YI GROGS PO DRAG PO'I SHUGS CAN RAB TU RGYU BAR GYUR, ,MTHUG PA'I DRA BA RDO BA'I TSOGS NI MTHUG PA DES, , DE NAS SPRIN RNAMS MTHUG LAS RAB TU GROL BAR GYUR, ,SHIN TU 'KHRUGS PA'I SEMS LDAN GNYIS SKYES RNAMS KYI NI, ,AOm GYI SGRA NI MCHOD PHYIR DBUS SU ZHI BAR GYUR, ,KUN NAS DKAR DMAR BYED CING CHU NI 'DZIN RNAMS KYI, ,LTO BA RNAMS NI 'OD DANG CHU YI LCI BA NI, ,MYUR DU NYI MA NUB PAR GYUR TE RGYAL PO YI, ,SDUG BSNGAL RNAMS LA BLTA BAR MI NUS BZHIN DU GSER LAS BYAS PA'I BUM PA RNAMS, ,MCHOD SBYIN SA LA BZHAG PAS RAB TU BRDEGS BZHIN PA, ,NAM MKHA' LAS LHUNG RDO BA RNAMS KYIS MYUR DU NI, ,CHAG PAR BYAS PA BSKYOD CING KUN NAS SGRA 'DON 'GYUR, ,NAM MKHA' LAS LHUNG RDO BA RNAMS KYIS BRDEGS PA NI, ,MCHOD SBYIN MO NI 'JIGS PA 'DRA BAR RAB TU ZHI, ,KUN NAS RAB TU 'PHOS PA'I ME STAG KHYAB PA CAN, ,BSKYOD CING LHOD PA SKYA BA'I DU BA'I TSOGS DANG LDAN, GLANG PO RNAMS KYI LCI BA'I LCAGS SHUBS KYIS BCINGS PA, ,MCHE BAS 'GRAM LA MNGON PAR BRDEGS PAS SA 'BREL BA, ,RDO BAS MNGON PAR BSNUN PA KUN NAS SGRA SGROGS SHING, ,RAB TU 'PHRO BA'I 'OD LDAN ME STAG 'PHROS PAR GYUR, ,RMA BYA GNAS PA'I SROG SHING LAS NI KUN NAS LHUNG BA STE, ,KHYIM BYA RO DANG BRAL ZHING 'JIGS PAS SGRA 'DON GYUR, ,RDO BAS KUN NAS BRDEGS PAS G-YO BA'I MIG @97A *, ,LDAN PA'I, ,RI DAGS RNAMS NI KHYIM GYI NANG DU ZHUGS BAR GYUR, ,BSIL BA CHU GTER RLUNG NI 'THUNG BAR BYED 'DOD CING, ,RGYA CHE'I TSANG LAS RNAM PAR 'BYUNG BA'I PHYED KYI LUS, ,GDENGS KA CAN GYI BU YI SGRA BCAS MYUR DU RNAM RGYAL NAS, ,LTO 'PHYE RDO BAS KUN NAS BRDEGS PAS RAB TU ZHUGS, ,BYANG CHUB SEMS DPA' RING PO NAS NI YONGS GSAL NAS, ,GZHON NU DANG BCAS KUN NAS LHUNG BA SHUGS LDAN PA, ,RDO BA RNAMS LA MI SKYONG DU MA 'DZIN BCAS PA NI, ,PHO BRANG 'JIGS PA'I SKYE BOS KHYAB BAR 'JUG PAR GYUR, ,BLON PO DANG NI SA YI BDAG PO SONG BA DANG, LA; ,GLOG GI 'OD KYIS RNAM PAR SNANG BA'I LAM LA NI, ,THOG GIS MGO BO DAG NI RNAM PAR CHAG PA YI, ,KLAD PA BYUNG BA'I CHA YIS NYE BAR GOS PA'I SKRA LDAN PA, ,MCHI MA DANG LDAN SKYE BO LAS NI SHI THOS NAS, ,SA YI SKYONG BA RNAMS KYIS BKA' LA MCHOD PA STE, ,'JAM PA'I SEMS NYID SHIN TU SDUG BSNGAL KHUR GYIS NI, ,BTZUN MO GLO BUR DU NI SROG NI GTONG BAR GYUR, ,DE NAS 'JIGS PA'I SKYE BO RNAMS KYIS NANG DOR BA, ,SA YI BDAG PO'I PHO BRANG SGO NI CHAG GYUR PA, ,RDOB RNAMS KYIS KUN NAS BRDUNGS PAS SKAD CIG DER, ,GSER GYI KA BA RNAMS CHAG SGRA SKYES LHUNG BAR GYUR, ,SHI BAR GYUR TAM 'ON TE 'TSO 'AM CI, ,G-YO SBYU'I BSAM PAS SA BDAG DUM BU 'DZIN PA DAG, ,DE LTAR 'PHROS PA KUN NAS CHU NI 'DZIN PA RNAMS, ,KHROS PA LTAR NI GLOG GI MIG GIS RNAM BLTAS GYUR, ,DE NAS THO RANGS KYI DUS SU BYANG CHUB SEMS DPA' PHA MA DAG LA MES BSREG PAR BYAS TE, SHI BA LA CHU'I SNYIM PA STER CING KUN NAS SKYO BA'I BLO CAN GYIS, ,AE MA'O SANGS RGYAS BCOM LDAN 'DAS RNAMS KYIS DNGOS PO THAMS CAD SKYES MA THAG TU RAB TU 'JIG PA'O ZHES BYA BA LEGS PAR GSUNGS PA 'DI LA RNAM PAR BSAMS NAS SPUN ZLA DE RNAMS LA SMRAS PA, 'PHEL PHYIR BU YI SHI BDAG NI, ,MNYES GSHIN YID MA DES SPANGS NAS, ,BDAG LAS 'BRAS BU MA THOB PA, ,BDAG GI MA NI GANG DU SONG, ,SA YI SKYONG BA BDAG GI YAB, ,SA NI SKYONG BAR MDZAD NAS NI, ,CHOS 'JIG DUM BU 'DZIN PA DANG, ,LHAN CIG TU NI GANG DU GSHEGS, ,DRAN PAR BYA YI PHUN @97B TSOGS 'DI, ,RTA BABS KA BA LHUNG GYUR PA, ,BLA MA'I KHYIM NA MYA NGAN BYED, ,SA LA GCOG BYED RNAM LHUNG BA, ,'DI DAG MI MNYAM YANG DAG LHUNG, ,CHAGS PA'I SO PAG 'BYUNG BA NI, ,'OD MED RI MA'I RTZIG PA RNAMS, ,BDAG NYID MYA NGAN BYED PA 'DRA, ,CI ZHIG GLU YI RAB 'DI, ,'O NA TE GNAS KYI PHO BRANG YIN, ,KHANG BA ZHIG PA'I CHA RNAMS NI, ,DKA' BAS 'DI LTAR DPOG PAR GYUR, ,GNAS 'DI PHO BRANG YOD 'GYUR TE, ,DPAL LDAN SA YI BDAG PO DE'I, ,DE LTAR PHRAD 'DOD SKYE BO NI, ,GZHAN LA SMRAR 'GYUR MYA NGAN GYIS, ,DPAL BRAL RDO BA BSNUN PA YIS, ,NE TZO KHU BYUG SHI BA NI, ,SA YI BDAG PO'I PHO BRANG GI, ,SKYED MOS TSAL 'DI SGOM BYED 'DRA, ,MI GNAS BDE BA RE CAN GYI, ,RGYUN PA YONGS SU SKYONG BYED CING, ,DE LTAR DGRA NI RDZOGS DON DU, ,PHRAD PA 'DOD PA 'DRA BAR GNAS, ,BYA BA MA CHAD SKYES RNAMS KYI, ,BYED PAR 'GYUR DANG BYED PA DANG, ,BYAS 'GYUR RDZOGS PA'I DON DU NI, ,SHING BYA'I SGRA NI MI RTAG NYID, ,BDAG KYANG GNAS LA NAM MKHA' NI, ,RTAG PA ZHES BYA MNGON PAR BRJOD, ,'DI LTAR STENG DU MTHONG BA LTAR, ,KHROS PAS MI RTAG PA NYID GNAS, ,GZHAN DBANG MIN PAR 'JUG PA'I PHYIR, ,YID LA ZHI BA NYER THOB PA, ,GNYEN RNAMS MNYES GSHIN SPANGS PA NI, ,CHAGS PA BRAL BAS BDE BAR GNAS, ,KUN NAS RTOG PAR YUL RNAMS MNGON PAR 'DOD PA SKYE BO LA NI SRID PAR GNAS MI BYED, ,SRED PAS YID NI BCANGS PA RANG BZHIN GYIS NI DRI BCAS BRTEN PA'I THAL MO 'CHING BAR BYED, ,BSTEN PAS GDUNGS PA MCHOG DU BSTEN PAR 'DOD PAS LONG BA BZHIN DU KUN NAS 'JOMS PAR BYED, ,KUN NAS 'JOMS PA SDUG BSNGAL RGYUN NI KUN NAS BRNYAS PA'I NYON MONGS RNAMS KYIS BYIN GYIS BRLABS, ,DKA' BAS RNYED PA YANG NI RIM GYIS RAB TU NYAMS PA'I BDE BA SLAR NI 'GYUR BA STE, ,DE NYAMS PA LA SKYES PA BSAMS PA'I ME NI SBAR ZHING YONGS SU GDUNG BA NYID DU 'GRO, ,SDUG BSNGAL 'DI NI SRID PA'I RJES 'BREL KUN NAS BSAGS PA G-YO SGYU CAN GYI RGYU YIN TE, ,DE RNAMS SHIN TU BDE LDAN GANG RNAMS KYIS NI YANG DAG CHUNG 'DOD YID RNAMS LA NI BZHAG ,DE BAS RGYAL SRID DOR NAS BDAG, ,SDUG @98A *, ,BSNGAL MANG PO'I TSER MA CAN, ,ZHI PHYIR ZHI BA'I LAM GNAS NI, ,DKA' THUB NAGS SU 'GRO BAR BGYI, ,DE NAS RJES SKYES BYA BA BYAS PA DBANG BSKUR NAS, ,SPUN ZLA GNYIS SKYES RNAMS KYIS SHIS PA RTZOM PA NI, ,DPAL NI SPANGS TE DKA' THUB RNAM PAR 'PHEL BA'I PHYIR, ,BRTEN PA'I YID CAN DE NI NAGS SU SONG BAR GYUR, ,DE LTAR BCOM LDAN 'DAS DES BYANG CHUB SEMS DPAR GYUR PA NA, GNOD BYED LA YANG BZOD PA LHOD PAR MA MDZAD DO ZHES BYA BA RNAM PAR BSAMS NAS DGE BA TSOL BA RNAMS KYIS BZOD PA'I STOBS DANG LDAN PAS GNAS PAR BYA ZHES BYA BA'O, ,ZLA BA'I SKYES PA'I RABS STE SKYES PA'I RABS BCU PA'O, ,SDOM LA, RI DAGS RMA BYA THUB PA DANG, ,SNGO BSANGS DKA' THUB GSUM DE BZHIN, ,DGA' BA'I SDOM CHANGS GLANG PO DANG, ,SA SKYONG SRAS NI ZLA BA YIN,, ,,DAM MIN 'JUG RNAMS NYIN RER MA GUS KYANG, ,GANG ZHIG RANG GI KHRO BA 'DUL BAR BYED, ,DE NI GZHAN DAG RNAMS KYI 'GRO BA YANG, ,DUL BA DANG LDAN BRTAN PAS 'DUL BAR BYED, ,'DI LTAR RJES SU THOS TE, DRI MA MED PA'I ME LONG GI DKYIL LTAR CHU DANG BA 'GA' ZHIG LA CHU LA SPYOD PA'I 'DAB CHAGS RNAMS KYI GSHOG PA RNAM PAR 'PHANGS PAS PADMA RNAMS KYI TSOGS 'KHRUG PAR BYAS PA DANG, 'DOD CHAGS DANG BRAL BA'I SEMS THUB PA RNAMS KYIS 'JUG DOGS LA BRTEN PA DANG, 'JAM PA'I RLUNG GIS RNAM PAR 'BIGS BZHIN PA'I CHU RLABS KYI RGYUN GYIS BSKUL BA'I SBU BA DKAR PO'I PHRENG BAS 'GRAM GYI RI MO 'DRES BAR BYAS PA DANG, 'GRAM GYI SHING RNAMS KYI ME TOG GIS BRAG GI DKYIL BKRAM PA DANG, SKYE BO BZANG PO'I SPYOD PA LTAR 'JIG RTEN THAMS CAD LA BDE BAR BYED PA'I LTO 'PHYE CHEN PO'I GNAS MTSO CHEN PO LA DRI MA DANG BRAL BA'I NOR BU RNAMS KYI GDENGS CAN GYI TSOGS RNAM PAR BRGYAN PAR BYAS PA'I BYANG CHUB SEMS DPA' DAR DAR ZHES BYA BA'I SBRUL BYUNG BAR GYUR TO, ,LTO 'PHYE SKYE BO LA YANG GNAS PAR BYED BZHIN PA, BZOD PA 'DOD PAS DE NI BSAM PA NGES 'BREL BA, ,NAM YANG KHRO BA'I SEMS NI GDUNG BYED MI 'GYUR TE, ,SA LAS SKYES PA CHU NI SPANGS PA MI LTAR NI, ,RTAG TU BYAMS PA GOS BYED PA'I, ,MKHAS PA RNAMS @98B KYIS RIG PA STE, ,SEMS NI GROGS DANG DGRA RNAMS LA, ,SNYING RJE THA NI MI DAD 'BYUNG, ,BDAG NYID CHEN PO DE YANG CHOS DANG RJES SU MTHUN PA'I DGE SLONG MA DKA' THUB PA MTHONG NAS MI'I CHA BYAD DU BYAS TE MDUD PA DANG BCAS PAS NYE BAR BRTEN PAR GYUR TO, ,BLO GROS CHEN PO DE'I YANG GDENGS KA'I NOR BU DANG, LUS KYI PAGS PA 'DRA BAR NYE BA'I DAR DAR ZHES BYA BA'I SPUN ZLA YOD PAR GYUR TO, ,DE DAG PHAN TSUN DU PHAN PAS RTZE GCIG PA'I YID LA BYED PA DANG, PHA ROL GYI RNAM PAR 'TSE BA'I SDUG BSNGAL LAS LOG PA DKA' THUB KYI NOR CAN DANG 'DRA BA'I CHU 'DZIN PA DE LA RNAM PAR GNAS PAR GYUR TE; DER YANG GDENGS CAN RNAMS KYIS RANG BZHIN GYI BSAM PA BZANG PO'I BYANG CHUB SEMS DPA' NYE BAR GNAS BZHIN PA LA MI BZOD PAR GYUR TO, ,NYAMS PA MED KYANG MI DGA' BA'I TSIG DE DANG DE RNAMS KYIS NYI MA RE RE ZHING 'DI LA GNOD PAR GYUR TE, ,DNGOS PO KUN GYI RANG BZHIN NYID, ,BDAG NYID DRI BCAS SKYE NGAN GYIS, ,RMONGS PA RNAMS KYI RANG BZHIN NYID, ,ZHI BA'I SEMS LDAN RNAMS LA YANG, ,GANG PHYIR RGYU NYID DRAG NYID 'BREL, ,DE NAS NYE BA'I DAR DAR LTO 'PHYE'I TSOGS KYI DRUNG NAS RNGAN CAN DE MA BZOD CING NGA RGYAL GYIS MNGON PAR GNAS PA'I YID CAN CUNG ZAD KYANG BZOD PAR MI NUS SHING DAR DAR LA SMRAS PA, DAM PA MA YIN PA'I RANG BZHIN MIG GIS THOS PA 'DI RNAMS KYI RNGAN CAN 'DI BDAG CAG GIS MA NUS PA BZHIN DU CI'I PHYIR BZOD PAR BYED, GANG GI PHYIR CHU'I RTEN GZHAN RNAMS LAS LHAG PAR GNAS PAR BYAS PA STOBS DANG LDAN PA'I GROGS PO RNAMS LTO 'PHYE'I BDAG PO YOD DE, DE RNAMS LA SPRO BA BSKYED NAS 'THAB MOS LTO 'PHYE 'DI RNAMS MTSO 'DI LAS NGES PAR GDON PAR BYA BA'AM, 'JIG PA NYID DU KHYER BAR BYA ZHES ZER RO, ,BYANG CHUB SEMS DPAS SMRAS PA, BZHIN BZANGS DAM PA MA YIN PA'I SKYE BO DANG LHAN CIG SKYES PA'I KHRO BA 'DI SO SOR SDUD PA'I STOBS KYIS YONGS SU DOR BAR GYIS LA KHYOD LTOS SHIG DANG, BZOD PA'I LCAGS KYUS GNAS PA'I LAM NI 'DA' BYED PA, ,RING POR KHRO BA'I MCHE GNYIS GANG ZHIG 'GAG BYED PA, ,DE YI YID NI NAM YANG 'GYOD PAR MI 'GYUR TE, ,PHA ROL DU YANG NGAN PA'I 'GRO BA THOB PAR 'GYUR, ,LAM MIN @99A *, ,NAS 'GRO NGO TSA DOR BAR BYED PA STE, ,BLO LDAN RNAMS KYI GSO BA'I NGAG NI THOS MIN PA, ,DAM MIN SKYE BO CHAGS PAS SMOD PA'I SKYE BO NI, ,SKAD CIG GIS NI BZANG PO YANG NI BZANG NYID 'DOR, ,GANG ZHIG TSER MA DANG BCAS LAM LA GOM PA NI, ,'JUG BYED DE LAS LANGS PA'I SDUG BSNGAL DES THOB STE, ,DE LTAR BRTAGS NAS SKYE NGAN TSER MA DRAG PA CAN, ,GNAS PA MKHAS PA BDE BA DON GNYER YONGS SU DOR, ,JI SRID KHRO BA'I ME NI ME STAG DANG LDAN PA, ,SEMS NI SREG PAR BYED CING 'PHEL BAR MI 'GRO BA, ,DE SRID SKYES PAS BZOD PA'I CHU YIS RAB SPANGS PA'I, ,BDE BA SBYIN PA NYID NI MYUR DU GSAD PAR BYA, ,DE LTAR DGRA BZHIN KUN 'JUG PA, ,NAD NI KUN NAS 'BYUNG BA LTAR, ,BZOD DGRA BZOD PAS RGYAL BYAS TE, ,RAB ZHI LA NI YID BZUNG MDZOD, ,GZHAN YANG SHIN TU DGA' BA RI BONG CAN GYI 'OD ZER LTAR DRI MA DANG BRAL BA'I CHU DANG LDAN PA'I CHU'I RTEN RNAMS NI GZHAN DAG KYANG YOD DO, ,NUS PA MED PA DANG 'DRA BAR MTSO 'DI LA CI'I PHYIR GNAS PAR BYA, ,DE BAS NA 'ONG BAR MDZOD CIG DANG MTSO GZHAN LA GNAS PAR BYA ZHES ZER RO, ,JI LTAR PHU BOS BKA' STZAL PA ZHES BYA BA MNGON PAR BRJOD NAS NU BO DANG RJES SU 'GRO BZHIN PA'I BYANG CHUB SEMS DPA' SHEL GYI NOR BU'I TSOGS ZHU BA DANG 'DRA BA'I CHU SKYES KYI NAGS KYIS BSGRIBS PA DANG, NANG DU RAB TU 'GRO BA'I GSAL BA'I NYA'I TSOGS KYIS KHYAB PA DANG NYE BAR SHING GI GRIB MAS 'GRAM GYI CHU BKAB PA DANG, ,'DAB CHAGS KYI TSOGS DU MAS BAR MTSAMS MED PA'I MTSO CHEN POR MNGON PAR 'JUG PAR GYUR TE, DE NAS SA 'OG KUN NAS 'JUG PAR 'DOD PA'I DE LA NI, ,BRTEN PA RAB TU ZHI LA NGES PAR 'BREL BA'I YID CAN LA, ,PADMA'I 'DAB MA TSOGS KYIS 'DRES PA SBU BA'I MCHOD YON NI, ,MTSO YI RLABS RNAMS KYIS NI SKYES PA 'DRA BAR BYIN PAR GYUR, ,BDAG GI CHU NI GTZANG BAR MDZOD, ,DE LA DE LTAR MNGON BRJOD CING, ,RKANG DRUG SMIN MA'I LJON SHING 'DEGS, ,PADMA'I TSOGS LDAN BYAS PAR GYUR, ,NOR BU'I 'OD KYIS BSLANG BA YIS, ,DER NI DE DAG NUB GYUR LA, ,DBANG PO GZHU DANG CHU DE NI, ,SKAD CIG BAR MTSAMS MED @99B GNAS GYUR, ,MTSO DE RGYA CHE DE DAG GIS, ,SA 'OG LHAG PAR GNAS PA NI, ,KHA PHYE'I PADMA AUTPAL CAN, ,BDAG NYID GTZANG BA 'DRA BAR SEMS, ,DE NAS PADMA CHEN PO DANG LDAN PA'I CHU'I GNAS DER RANG BZHIN GYIS DRAG PA DANG, DRI MA CAN GYI BSAM PA DANG LDAN PA'I SBRUL CHEN POS DE DAG GI RANG BZHIN GYIS NGES PAR SKYES PA'I BZANG BA NYID SHES NAS NYI MA RE RER 'DI LTAR RNGAN CHEN GYI DUG DANG 'BREL BA TSA BA'I YI GE RNAMS SMRAS PAR GYUR TO, ,LTO 'PHYE NYID NI YOD CING YANG DAG BRTEN, ,BZOD LDAN NYID NI KHYED CAG BDAG LA CI PHYIR 'GYUR, ,ZAB PA'I CHU LDAN CHU BO'I BDAG PO'I GNAS LA YANG; ,CHU RTA'I GDONG GI ME NI BSIL BAR MI 'GYUR RO, ,RNAM KHYAB KHRO BA'I SREG LUGS ZA BA YOD PA LA, ,BZOD PA MNGON PAR SMRA BA NYID 'DI RIGS MIN TE, ,AE MA KHYED CAG GI NI MI BDEN CHEN PO YIS, ,SHIN TU BDAG DANG SKYE BO YANG NI SLU BAR BYED, ,GANG ZHIG BDAG NYID BZOD PA DANG LDAN ZHES SMRA BA, ,KHROS PAS NYE BAR SBAS PA LUS CAN GYI NI SEL, ,KHRI SNYAN LPAGS DANG SHING LO'I GOS NI 'DZIN PA YIN, ,GNOD SBYIN DE YI G-YO SGYUS DKA' THUB BRTUL ZHUGS CAN, ,KHRO BA'I ME NI YOD LA 'GRO BA'I SDUG BSNGAL GYI NI RGYU, ,KHYED GNYIS BZOD PA'I SKYE BOS DAD PAR BYAS PA MA YIN TE, ,CHOS KYI BDAG NYID JI LTAR DON MIN 'DI NI KHYED CAG GI ,BDAG GI SLAD DU DGOD PA'I DNGOS PO SRID PAR 'GYUR BA YIN, ,DE BAS NA BDAG CAG GI CHU'I RTEN GYI GNAS 'DI NAS 'GRO BAR GYIS SHIG CES ZER RO, ,CHU'I SBRUL DE YANG DE LTAR RGYU MED PAR NGAG RTZUB PAR SMRA BA MTHONG NAS DAR DAR NI RANG BZHIN GYIS RNAM PAR DAG PA'I BLO BDAG NYID NANG DU SMRAS PA, DAM PA RNAMS KYI TSIG NI TSIG GI GI DGRA STAS 'JIGS PAR BYED CING SHUGS DANG LDAN PA NI, ,RING PO NAS MTHONG 'JIGS DANG BCAS 'DRAR DAM PA RNAMS KYI GNYEN 'DUN YON TAN RNAMS KYIS DOR, ,DE LTAR GCER BU BZHIN DU MTHONG NAS 'DUL BA NYAMS PAS DAM PA MIN PA'I SKYE BO NI, ,DAM PA'I SEMS KYI KHYIM BDAG MO NI NGO TSA DANG LDAN GNAS PAR BSAM, ,DE NAS SPRUL CHEN PO DE'I SKYE BO NGAN PA'I DNGOS PO'I GZHU LAS DRANGS PA'I TSIG RTZUB MO'I MDA' RNAMS BZOD PAR MI NUS SHING NYE BA'I DAR DAR KHROS @100A *, ,PAS KUN NAS BSKYOD BZHIN PA'I YID SO'I RTZE MO RNAMS KYIS MA MCHU 'DZIN CING DAR DAR LA SMRAS PA, SPUN ZLA LAGS SBRUL CHEN PO 'DI'I BRNYAS PA 'DI CI'I PHYIR BZOD PAR BGYI, ,GANG GI PHYIR 'DI NI RGYU MED PAR NYI MA RE RE ZHING BDAG CAG LA DE LTAR LHAG PAR RGOL BAR BYED, , 'DI'I CHU'I RTEN 'DI NYOS PA 'DI MA YIN TE, DE BAS NA MANG PO MNGON PAR BRJOD PAS CI ZHIG DGOS, THOG MAR G-YO SGYU LDAN PA 'DI NI SKAD CIG GI TSIG STE, CHOS DANG 'BREL BA'I LAM NYAMS RGYU MTSAN MED PAR DGRAR 'DZIN PA, ,GLOG GI RGYAS PA LTAR NI SER SKYA'I DUG GI ME YIS NI, , SBRUL CHEN TSOGS RNAMS KUN NAS 'PHRO BAR GDUL DU GTANG BAR BGYI, ,BYANG CHUB SEMS DPAS SMRAS PA, SDUG BSNGAL DANG LDAN PA 'DI'I STENG DU SEMS LA SMOD PA CHOG CING CHOG GO, ,'DI NI BZOD PA KHO NA MDZES PA STE CI'I PHYIR ZHE NA, STOBS DANG STOBS CHUNG LA BZOD PO, ,SDIG BCAS LA YANG GANG ZHIG BYED, ,DON DAM BZOD CAN DAM RNAMS KYIS, ,DE NI 'GRO BAR MNGON PAR BRJOD, ,DON MED KHRO BA'I ME 'BAR BA, RTZUB PA'I YI GE SMRA BA NI, ,SMAN NI CUNG ZAD LAN MIN LAS, ,SKYE NGAN LA GZHAN YOD MIN TE, ,DE BAS RTZUB PA'I TSIG SMOS SHIG ,RGYU MTSAN MED PAR 'DI YANG NI, ,MING SMRA'I NGO BOS RGYAL BYAS TE, ,DAM MIN SKYE BO RMONGS PA'I BLO, ,DON MED SDIG PA SOG BYED PA, ,BDAG LA SMOD CING SKYE BO NGAN, ,DE PHYIR DE LA BRTZE BA NYID, ,MKHAS PAS BYA BAR 'OS PA YIN, ,DE BAS 'DI 'DRA'I BLO NI NYE BAR BRTZAMS MDZAD CIG, ,GZHAN NI NYE BAR GSOD PHYIR 'DI NI NYE BAR KUN LANGS PA, ,'DUL BA MIN PAR DGRA STAS BDAG NYID ZAD PA LA, ,THOS PA CHE BA RNAMS LA SNYING RJE NYID NI MDZES, ,DE NAS NYE BA'I DAR DAR RAS GUS PA DANG BCAS PAS BTUD NAS BYANG CHUB SEMS DPA' LA PHAN PA NYE BAR STON PA CHEN PO RNAMS KYI TSIG RNAMS NI MNGA' BAR BYA BA MA YIN NO ZHES BYA BA BRJOD CING BZOD PA'I CHU'I DBANG BSKUR BAS RANG GI KHRO BA'I ME RNAM PAR ZHI BAR BYAS TE, SKYE BZANG RNAMS KYIS GNAS PA CHEN PO BYAS PA NI, ,SA GSUM 'DUL BA MIN PA SO SOR 'GOG BYED PA, ,YON TAN NGES 'BREL YID NI NGO TSA DANG LDAN PA, ,DGE BA NYID LA SKYE BO SO SOR BSKYANG BAR BYA, ,SBRUL @100B CHEN PO DE YANG DE'I BZOD PA KUN NAS 'DRIS PAS 'DUL BA'I YI GE BYANG CHUB SEMS DPA'I TSIG LA MNYAN NA SLAR 'GYOD PA DANG LDAN PAS RGYU MTSAN MED PAR SDANG BA DANG NGES PAR 'BREL BA BDAG LA NYI MA RE RE BZHIN DU SHIN TU RTZUB PA'I TSIG MNGON PAR BRJOD PA LA BDAG NYID CHEN PO 'DI NYUNG BA YANG SEMS LA RTZUB PA SKYES PA MA YIN PA ZHES BYA BA DE BAS NI, ,AE MA'O NGO MTSAR CHEN PO ZHES BYA BA RNAM PAR BSAMS NAS, BLA MA DANG 'DRA BAR SO SOR BLTA BAR BYA BA'I BYANG CHUB SEMS DPA'I DRUNG DU NYE BAR 'ONGS NAS, BZOD PAR GSOL ZHING RNAM PA MANG PO'I GTAM 'DI LTAR SMRA BAR GYUR TE, YANG DANG YANG DU RNGAN CHEN 'DI NI BDAG GIS BYAS, ,KHYED KYI YID NI 'GYUR BA DANG LDAN MA MDZAD DE, ,KHYED NI NGES PAR 'DENGS CAN RNAMS NI 'DUL BA'I PHYIR, ,THUB PA CHEN POS KYANG NI LTO 'PHYE NYID NI MDZAD, ,SBRUL NYID 'JIGS PAR BYED PA 'DI NI GANG DU STE, ,SHIN TU ZHI BA DANG LDAN YID NI GANG DU YANG, , BSKOR BAR BYAS NAS SDANG BA NYID NI SPANGS BYAS TE, ,'DAB CHAGS RGYAL PO YANG NI KHYOD LA MCHOD PAR BYED, DE LTAR SBRUL CHEN PO DE RTZUB PA'I TSIG RNAM PAR ZLOG STE, BYANG CHUB SEMS DPA'I 'DUL BA'I RJES SU 'JUG PAS RANG GI GNAS SU 'ONGS TE RANG BZHIN BZANG PO BZUNG BAR GYUR TO, ,DE LTAR NA BCOM LDAN 'DAS DES BYANG CHUB KYI SPYOD PA LA GNAS NAS, LTO 'PHYE'I SKYE GNAS SU GNAS KYANG, ,BZOD PA GOMS PAS DRAG PO'I YID CAN RNAMS KYANG BZANG PO NYID DU NYE BAR KHYER BA ZHES BYA BA RNAM PAR NGES NAS BZOD PA LA YONGS SU 'DRIS PAR BYA'O, ,DAR DAR GYI SKYES PA'I RABS TE SKYES PA'I RABS DANG PO'O,, ,,BRTZON 'GRUS MED PAR 'DOD PA'I 'BRAS BU NI, ,'GRO BAR SBYAR PHYIR CHUNG BA'ANG THOB PA MIN, ,DE LTAR NGAL BA RTZI BAR MA BYAS PAR, ,SKAL BA CHEN PO RNAMS NI BRTZON 'GRUS RTZOM, ,'DI LTAR RJES SU THOS TE, DRI MA MED PA'I CHU 'BAB PA'I LCANG MA'I PHRENG BAS 'GRAM GYI RI MO SNGO BAR BYAS PA 'GA' ZHIG TU KA RAN TA KA'I TSOGS KYI RJES SU 'GRO BZHIN PA'I BSKYOD PA'I NYA'I TSOGS KYI MCHU'I DKYIL KHYAB PA DANG, RAB TU BRKYANG BA'I GOS LTAR DKA' BA'I 'GRAM DANG LDAN PA'I CHU BOS KUN NAS 'PHANGS PA'I SA 'DZIN GYI LOGS DANG LDAN PA 'GA' ZHIG LA NAGS @101A *, ,KYI MES PHYED TSIG PA YONGS SU SMIN PA'I SKYU RU RA DANG, PHRENG BA DANG, RGYA SHUG RNAMS KYIS SA'I DKYIL KHYAB PA DANG, MAR KA TA'I KHAB LTAR KU SHA'I MYU GU SNGON POS NYE BAR BSAGS PA DANG, 'GA' ZHIG TU PHAG RNAMS 'JUG PAS KUN NAS SKRAG PA DANG, KUN NAS GROL BAR GYUR BA'I RDZING GI 'GRAM GYI MTHA' DANG LDAN PA DANG, GZHAN DU RI DAGS KYI SHAS ME SBAR BAS RAB TU NYAL BA'I STAG RNAMS KYIS PHUG GI SGOR LHAG PAR GNAS PA DE, SNA TSOGS PA'I YAL GAS BSKOR BAS KUN NAS BSKOR BA'I DMA' PA DANG, 'KHYOG PA'I RI MOS MTSAN PA'I SHING RNAMS KYI SDONG BU DANG LDAN PA, MTHUG PA'I 'DAB MA CAN GYI 'OD MA'I NAGS KYIS BKAB PA'I MDUN MA CAN GYI RI'I SUL BAR PA DANG LDAN PA'I NAGS KYI NANG NA BYANG CHUB SEMS DPA' RI DAGS KYI TSOGS KYI BDAG PO BYUNG BAR GYUR TO, ,BDAG NYID CHEN PO DES KYANG DAM PA'I SPYOD PA MI'I BDAG POS RGYAL SRID RJES SU SKYONG BAR GYUR PA DANG 'DRA BAR RI DAGS KYI TSOGS GANG DU YANG 'JIGS PA MED PAR 'PHEL BA CHEN POR 'GRO BAR GYUR TE, RI DAGS 'PHROG BYED MGRIN PA LTAR NI SNGO BA'I RGYAB, ,SENG GE LTAR NI BSAM LDAN SNGO BA'I RTZVA ZA ZHING, ,DAM DANG DAM MIN LAM SHES RI DAGS RNAMS DE NI, ,SLOB BZANGS MKHAN PO LA LTAR DE LA RJES 'GRO GYUR, ,DE NAS DUS GCIG GI TSE NA RI DAGS SHOR BA LA DGA' BAS, SA'I BDAG PO SU ZHIG GI RI DAGS KYI TSOGS DE RNGON PA'I DRUNG NAS RNA BA'I LAM DU SONG BAR GYUR TO, ,RGYAL PO DE YANG GZHU 'DZIN PA'I RTA'I MCHOG LA LHAG PAR ZHON PA, ,DMAG TSOGS KYIS BSKOR BA NAGS DER 'ONGS NAS, ,RING BO NAS RI DAGS KYI TSOGS DE LTA ZHING GNAS TE, DE NAS SKYUGS LDAD SPANGS TE GYEN DU LTA BA'I GDONG, ,KHRI SNYAN SA LE MDA' NI MDA' PHOGS DOGS PA CAN, ,MDA' YI YUL DU RI DAGS KHYER 'DOD MI YI DBANG PO NI, ,DMAG GI MDUN DU SONG BA LTA ZHING GNAS PAR GYUR, ,G-YER KHA'I SGRA NI KUN NAS 'BYUNG BA RNAMS MTHONG NAS, ,GSOD 'DOD DMAG TSOGS DE NI GZHU NI GZHU RGYUD BDUNGS, ,MIG GNYIS BSKYOD PAS BLTA BA'I RI DAGS RNAMS KYIS BSKOR, ,TSOGS KYI BDAG PO DES NI 'DI NI NGES PAR BSAMS, ,SA BDAG BDE BA SKYONG @101B BA BDE BA DON GNYER NI, ,SKYE DGU 'JIGS PA MA SKYES DGE BA BRTEN PA'I PHYIR, ,BDAG LA SONG BA KUN NAS NGAL BA MA BSAMS NAS, ,SRUNG BYED DE NI GANG ZHIG PHONGS PA LA YANG SRUNG, ,'JIGS PAS 'KHOR BA RGYA CHE'I MIG LDAN 'DI RNAMS NI, ,KUN NAS ZAG PA'I KHRAG GIS SA STENGS SBANGS PA NI,, RI DAGS RNAMS NI MDUN DU LHUNG ZHING LUS 'PHROS PA, ,MDA' RNAMS KYIS NI BSNUN PA JI LTAR BLTA BAR 'GYUR, ,DE LTAR RI DAGS 'DI RNAMS RI DAGS GSOD PA YI, ,MDA' NI RNON PO RNAMS KYIS JI SRID BSNUN MIN PA, ,STOBS KYIS DE SRID 'JIGS PAS BSKYOD PA'I MIG LDAN PA, ,'DI RNAMS LA NI BSRUNG BA'I DON DU 'BAD PAR BGYI, ,NAGS 'DI YANG DMAG GI TSOGS 'DIS KUN NAS YONGS SU 'PHANGS PA STE, DE BAS NA PHYOGS GANG GIS RI DAGS KYI TSOGS KUN NAS 'BAB PAR BGYI ZHES BYA BA KUN NAS BLTAS TE, YIN MOD THABS 'DI RNYED DE, RI'I CHU BO 'DI LAS RGAL NAS RI DAGS RNAMS LA BDE BAR 'GYUR ZHES BYA BA BRTAG PAR BGYI'O, ,RIM PA GCIG GIS RI DAGS 'DI RNAMS MYUR DU CHU 'BAB PA'I RGYA MTSO'I CHUN MA 'DI LA RGAL BAR NUS PA MA YIN NO ZHES ZER RO, ,DE BAS NA 'DI 'DIR THOB PA DE CHU BO 'DI'I DBUS SU GNAS PA BDAG GI RGYAB LA GOM PA 'DOR ZHING RI DAGS 'DI RNAMS BDE BAR 'GRO BAR 'GYUR SNYAM DU RNAM PAR BSAMS NAS, 'GRAM GYI SHING GI RTZE MO LA RAB TU 'BAB PA'I CHU 'GA' ZHIG LA KUN NAS BSKOR BA'I 'KHOR DONG GI DBUS SU MNAN PAS SBU BA'I TSOGS RNAM PAR 'KHRUG PA'I SA 'DZIN GYI CHU BO DE LA DBUS SU ZHUGS NAS BDAG NYID BRTAN PAR BYAS TE, BDAG NYID CHEN PO DES RI DAGS RNAMS LA SMRAS PA, 'GRAM 'DI LAS NI KUN MCHONGS TE, ,BDAG GI RGYAB TU GOM BZHAG NAS, ,DKA' BA 'DI LA TSOGS MTSUNGS PA, ,MYUR DU 'JIGS MED SONG SHIG GO, ,CHA SHAS LDAN PHYIR BDAG GI LUS, ,CHOS MED PHYIR YANG DON MED DE, ,KHYED CAG BSGRAL PAS SNYING PO 'DI, ,SHIN TU RING NAS THOB PAR 'GYUR, ,GZHAN PHAN PA LA RGYAB PHYOGS PA, ,GANG TSE LUS KYI RMA DE TSE, ,GANG TSE GZHAN LA PHAN DMIGS PA, ,LUS KYI RIN CHEN 'DI DE TSE, ,GAL TE KHYED CAG MI SKYONG DMAGS GIS RJES 'BREL BA, ,BDAG NI 'JIGS PAS @102A *, ,YONGS SU SKYONG BAR NUS PA NI, ,BDAG GI TSOGS KYI BDAG PO NYID KYI DGRA 'DI NI, ,DE PHYIR SA LA DI RING 'BRAS BCAS 'GYUR BA YIN, ,DE NI RE ZHIG NYID DU DE PHYIR 'ONG BAR MDZOD CIG DANG, ,JI SRID KHYED RNAMS LA YANG RNON PO'I MDA' RNAMS LHUNG MIN PA, ,BDAG GI RGYAB NI MI G-YO CHU BO'I CHU LA ZAM GYUR LA, ,ZHON NAS DMAG TSOGS 'JIGS PA 'DI LA KUN NAS RGAL BAR MDZOD, ,DE NAS RI DAGS DE RNAMS SHI BA'I 'JIGS PAS TSOGS KYI BDAG PO'I RGYAB LA GOM PA BZHAG NAS CHU BO'I CHU LAS RGAL NAS 'GRAM GNYIS PA LA NYE BAR 'GRO BA'I PHYIR KUN NAS BRTZAMS PAR GYUR TE, ,JI LTA JI LTAR SHIN TU LHUNG BA DE YI NI, ,RGYAB TU SKRAG PAS RNAM BSKYOD MIG CAN RI DAGS RNAMS, ,DE LTA DE LTAR RI DAGS TSOGS NI 'DZIN PA 'DI, ,MYUR DU RMIG PA RNAMS NI BRTAN NYID SONG BAR GYUR, ,DE NAS RI DAGS RNAMS KYI BDAG PO'I SHA NI KUN NAS BRKOS PA'I KHRAG, RMIG PA GNYIS KYIS KUN NAS THIGS BA DE YI RGYAB NI 'DZAG PAR GYUR, ,RI DAGS TSOGS NI RI YI MTHA' MAR 'GRO ZHING RING NAS BLTA BYAS TE, ,SDUG BSNGAL MA BRTZIS PA STE DE NI DAG PA NYID LA DMIGS PAR GYUR, ,SEMS CAN YONGS SU SKYONG BYED PA'I, ,THABS DANG DE BZHIN STOBS KYIS KYANG, , NANG GI DGA' BA'I RGYUD PA NI, ,CHEN PO RNAMS KYI SDUG BSNGAL 'GEGS, ,DE NAS RGYAL PO DE RI DAGS KYI TSOGS KUN NAS BSGRAL BA'I PHYIR CHU BO'I DBUS SU ZAM PAR GYUR PA'I TSOGS KYI BDAG PO MTHONG NAS, ,NGO MTSAR BAS 'ONGS TE MDA'I STAN RNAMS LA MDA' RNAMS 'DZIN PAR BYED PA'I DMAG GI SKYE BO LA SMRAS PA, ,GANG LA LA ZHIG RI DAGS LA RDEG PAR GYUR NA DE NI BDAG LA GSHED MA ZHES BYA BA'O, ,DE NAS GDAMS NGAG THOS NAS NI, ,SA BDAG DE YI SKYE BO DE, ,SKAD CIG MDA' DANG SBYOR BRAL BA, ,GZHU YI RGYUD RNAMS BYAS PAR GYUR, ,BYANG CHUB SEMS DPAS KYANG RI DAGS THAMS CAD CI ZHIG RGAL BAR GYUR TAM 'ON TE MA YIN ZHES BYA BA PHYI NAS LTA ZHING SHIN TU YANG 'JIGS PAS BSKYOD PA'I MIG CAN TSOGS 'DRA BAR GYUR PA LTA BAR BYED CING, MA NUS PAS GOM PA GZHAG PAR SPRO BA MED PAR PHYOGS GANG NAS 'GRO BAR BYA ZHES, RES KYIS 'DRE BA'I SNYING DANG LDAN PA'I RI DAGS KYI PHRUG @102B PA GCIG MTHONG BAR GYUR TO, ,MTHONG NAS KYANG MCHOG TU SNYING RJES DMIGS PAR GYUR TE, ,DOGS PA DOR CIG BYANG CHUB SEMS DPA' KHYOD LA NI, ,BYIS PA GCIG PUR 'DOR BAR 'GYUR BA MA YIN TE, ,BUNG BA'I SGRA RNAMS KYIS NI DE LTAR ME TOG LDAN, ,SHING RNAMS DE LA DBUGS NI 'BYIN PA'I 'DRAR GNAS 'GYUR, ,DE NAS TSOGS KYI BDAG PO CHU BO DE LAS SO SOR RGAL TE, ,RI DAGS KYI PHRUG PA DE LA SMRAS PA, ,BDAG GI RGYAB TU BU 'DZEGS NAS, ,SHI BA'I SDUG BSNGAL RNAMS GROL GYIS, ,KHYOD NI CHU PO'I PHA ROL DU, ,'GRAM 'DI NAS NI BDAG GIS KHRID, ,GANG GIS 'JIG RTEN SRID RGYAL MTSOS, ,RGAL PHYIR BRTZON 'GRUS BRTZAMS PA NI, ,DE KHYOD RGAL BAR MI 'GYUR BA, ,CHU BO'I CHU LAS JI LTAR CIG ,DE NAS DE NI 'DI LA ZHON, ,RI DAGS PHRUG PA BRTZON LDAN LA, ,CHU BO RLABS KYI PHRENG BA CAN, ,SNYING RJE DMIGS PAS 'DZIN PAR 'GYUR, ,KHYED KYI RGYAB LA RMA RNAMS 'DI DAG SHIN TU NI, ,SDUG BSNGAL SHIN TU SKYED PAR BYED PA YIN NAM CI, ,DE LTAR SMRA BA BZHIN DU KUN NAS RGAL BA NI, ,CHU BO RLABS KYI LHAG PA RNAMS KYIS DE LA SMRAS PA, DE NAS TSOGS KYI BDAG POS RI DAGS KYI PHRUG PA DE CHU PO DE LAS BSGRAL BAR BYAS NAS RAB TU DGA' BAS RGYAS PA'I MIG CAN MA DANG YANG DAG PAR SBYAR ZHING GNAS SO, ,DE NAS SA LA PUS MO DAG, ,MTHONG 'DOD RI DAGS PHRUG BYAS TE, ,NU MA 'O MA 'BYUNG BA DAG ,MYUR DU MA YIS 'DZIN PAR GYUR, ,DE NI KHA 'DI LOG BYAS NAS, ,NU MA 'THUNG BAS G-YO BA'I GDONG, ,LCE YI RTZE MO BSKYOD PA YIS, , MNYES GSHIN PAS NI LDAG PAR GYUR, ,DE NAS BYANG CHUB SEMS DPA' KUN NAS NGAL BA'I DBANG GIS RMIG PA'I RMA'I SDUG BSNGAL GYIS LUS KYIS 'BAD PA NUS PA, JI LTAR YANG NI RMIG MTSAN RTZA LDAN BTZAL BYAS NAS, ,RIM GYIS RI DAGS RNAMS KYI LAM NI KUN 'KHRUG PA, ,DAL BUS KHRAG GIS BRLAN BAS SA LA 'DUG NAS NI, ,NGAL BA BSAGS PA DE NI SKAD CIG NGAL BSO GYUR, ,GNAS SKABS 'DI NI SNYING RJE MED PA 'DI RING BU, ,MA NI YOD KYANG BDAG GIS KHYOD NI KHYER BYAS PA, ,DE NAS YAN LAG SMRAS PA SNYING RJES RJES GDUNGS PA, ,DE LA LTA BZHIN PA NI MYUR DU @103A *, ,NGU BA 'DRA, ,RGYAL PO DE YANG CHU BO DE LAS RGAL NAS 'KHOR DANG BCAS PA RTA LAS BABS TE, NGO MTSAR BA'I YID CAN BDAG NYID CHEN PO DE DANG NYE BAR 'DUG PAR GYUR TO, ,TSOGS KYI BDAG PO DE YANG RGYAL PO DE MTHONG NAS SMRAS PA, LANGS PAR 'OS PA MTHONG NAS, NI; ,NGAL BAS BDAG NI NYAMS BYAS PA, ,GANG PHYIR KHYOD LA BDAG MA LANGS, ,'DI NI BDAG GIS MA GUS MIN, ,DE NAS RGYAL PO DE GUS PA DANG BCAS PAS NYE BAR 'DUG STE BDE'AM ZHES DRIS TE, TSOGS KYI BDAG PO LA 'DI LTAR KUN NAS BRTEN CING SMRAS PA, NGO TSA MED PA GZHAN LA NYE BAR 'TSE PHYIR MTSON BZUNG BA, ,LONGS SPYOD 'DOD PA RAB RIB KYIS NI BLO YI MIG 'GAG PA, ,BDAG CAG LTA BU MI YI PHYUGS RNAMS KYIS NI CHOS SHES KHYOD, ,SNYING RJE'I GROGS PO RI DAGS THUB PA KHYOD NI MCHOD PAR BYA, ,MI SKYONG BRAN RNAMS 'THAB MO'I DUS LA MI 'JIGS PA, ,BDAG NYID SRUNG BAR BYED PAR 'DOD PAS 'DZIN PA STE, RANG GI TSOGS LA BSRUNG BAR MKHAS PA THAMS CAD DU, KHYED KYI TSUL GYIS SA SKYONG RNAMS KYIS TSUL LAS RGYAL, ,GAL TE BRAN NI MANG PO G-YUL NGO YI NI DBUS GNAS PA, ,SA SKYONG LA NI YONGS SU SKYONG BYED 'DI LAS NGO MTSAR CI, ,RI DAGS MANG PO 'DI RNAMS KHYED NI GCIG PU ZHES BYA BAS, ,GANG PHYIR SKYONG BAR BYAS PA DE NI 'DIR NI NGO MTSAR TE, ,YON TAN MANG ZHING SNYING RJE LDAN PA KHYOD KYI 'DI, ,YON TAN BRAL ZHING SNYING RJES RNAM BRAL CHUNG BA NI, ,BDAG GIS MI NYID 'DI NI RI DAGS NYID KHYAB PAR, ,'THOB PA'I PHYIR NI NYE BAR DGOD PAR 'DRA BAR BYED, , DE LTAR MNGON PAR BRTEN NAS RGYAL PO DES TSOGS KYI BDAG PO LA DRIS PA, GZHAN LA PHAN PA LA MKHAS PA'I BRTZON 'GRUS 'DIS KHYOD YANG GO 'PHANG CI LTA BU ZHIG MNGON PAR 'DOD, BYANG CHUB SEMS DPAS SMRAS PA, RGYAL PO CHEN PO GSON CIG, SANGS RGYAS NYID NI RTOGS BYA'I PHYIR, ,BDAG GI BRTZON 'GRUS BRTZON LDAN RNAMS KYI MCHOG, ,RI DAGS NYID LA'ANG CI NUS PAR, ,YOD PA 'DI NI NYAMS MI 'GYUR, ,JI LTAR BDAG GI RI DAGS 'DI RNAMS 'JIGS PAS KHYAB, ,'JIGS PA'I SHUGS CAN CHU BO'I CHU LAS RAB RGAL BA, ,DE LTAR NYON MONGS MANG POS KUN KHYAB 'GRO BA NI, ,SRID @103B PA'I SDUG BSNGAL CHU 'DZIN PAS NI RGYAL GYUR CIG, ,RGYAL PO CHEN PO BRTZON 'GRUS LA RGYAB TU PHYOGS PA'I STOBS DANG LDAN PAS KYANG MNGON PAR 'DOD PA'I GO 'PHANG LA MNGON PAR 'GRO BAR NUS PA MA YIN TE LTOS SHIG DANG, LE LOS GROGS DANG BCAS PA YANG, ,SKYE BO 'CHAR BAR 'GRO BA MIN, LAG PA'I RTZE MO SAR BRDABS PA, ,PHO LONG CHU YIS BANGS PA BZHIN, ,GZHAN YANG, MKHAS PAS KYANG NI LE LO'I BLO CAN BDE BA YI NI RTEN, ,GNAS NI MTHO BAR MNGON PAR 'GRO BAR NUS PA MA YIN TE, ,GZINGS NI SKYA BA 'DZIN PA RNAMS KYIS BSKUL BA MA YIN PA, ,RGYA MTSO'I PHA ROL YUN RING POS KYANG 'GRO BA MA YIN NO, ,RGYAL POS SMRAS PA, RI DAGS KYI TSOGS KYI BDAG POS YANG DAG PAR MNGON PAR SMRAS PA STE, CI'I PHYIR ZHE NA, GRAGS PA RNAM PAR DAG PA'I RIGS LAS SKYES PA YANG NI LONGS SPYOD 'BYUNG BAR RAB GRAGS PA, ,'DUN PA RNAMS LA MKHAS PA'I GRAL NI MCHOG TU SHIN TU MKHAS PA NYID KYIS THOB PA YANG, ,LE LOS YID KYI RE BA LAN CIG YANG NI SKYES PA'I 'BRAS BU THOB PA MA YIN TE, ,GZHU RGYUD LA NI BRTAD PA'I MDA' YANG 'PHEN PA PO YI 'BAD PA MED BAR 'BAN LA MI 'GRO'O, ,DE BAS NA 'DI LTAR BRTZON 'GRUS LA DMIGS PA KHYOD KYIS SANGS RGYAS KYI GO 'PHANG RTOGS PAR NUS PA ZHES BYA BA'O, ,GANG DAG ZHI BA'I GO 'PHANG 'DZEG 'DOD PA YI NGANG CAN 'DIR NI NYON MONGS RNAMS KYIS BSAM PA MI PHYED PA, ,KHYED LAS SNGAR NI BYA BA BYAS SHING SMON LAM BYAS PA'I SKYE BO BYANG CHUB LA SLOB PA, ,DE RNAMS KYIS NI LAM LA RTA LTAR KUN NAS NGAL BAS RIM GYIS RGYUG PAR BYED PA NI, ,CANG SHES LTAR NI NGAL BA'I 'JIGS PA KUN NAS DOR BA MA 'ONGS KHYED NI MDUN 'GRO BA, ,KUN NAS BSKOR BA'I MUN PA BRAL BA LUS KYI 'OD CAN RNAMS KYIS TSOGS PA 'DZIN BYED CING, ,CHOS KYI GTAM LA MNGON PAR 'DOD PA'I SKYE BO LA NI YANG YANG CHOS NI RAB SGROGS SHING, ,NYON MONGS NGES PAR BCINGS PA GCOD PA YON TAN NOR CAN MKHAS PA RNAMS KYIS MNGON MCHOD PA, ,KHYED NI SANGS RGYAS NYID DU NYE THOB SRID SONG SKYE BO BSOD NAMS CAN GYIS MTHONG BAR 'GYUR, ,DE NAS RGYAL PO DE BYANG CHUB SEMS DPA' LA MNGON @104A *, ,PAR BRTEN NAS SMRAS PA, AE MA'O KHYOD 'DI LTAR CHOS LA MNGON PAR PHYOGS PA MTHONG NAS BDAG KYANG CHOS LA MNGON PAR 'DOD PA SKYES, CHOS SHES RNAMS KYI MCHOG CHOS NI, ,DE BAS BLO CHEN BSRUNG BAR MDZOD, ,DAG PA RTEN BZHIN GANG GIS NI, ,NGAN 'GROR BDAG NI 'GRO MI 'GYUR, ,BYANG CHUB SEMS DPAS SMRAS PA, ,GAL TE DE LTAR YIN NA DE BAS NA RGYAL PO CHEN POS MNYAN PAR 'ONGS PA STE, ,SDIG PA LA NI RNAM RTOG DANG, ,DGE BA LA RTEN 'JUG PA DANG, ,CHOS KYI DE NYID 'DI YANG DAG, ,GRAGS PA'I BLO CAN RNAMS KYIS GSUNGS, ,DE NYID GSAL BYAS 'DI LA NI, ,DGE DANG MI DGE GSAL BYAS PA, GANG ZHIG LAM MIN NAS 'GRO BA, ,DE NI MIG YOD KYANG NI LONG, ,DE LTAR SHES RAB SGRON MA YIS, ,LAM CHEN RNAM PAR SNANG BYAS PA, ,NYON MONGS ZAD PHYIR LAS RNAMS NI, ,DGE BA NYID LA BRTEN PAR GYIS, ,SA DBANG MI SHES ZAD BYAS PA, ,CHOS KYIS SA NI SKYONG BAR GYIS, ,SA SKYONG CHAD PA RNO LDAN LAS, ,SKYE BO RTAG TU SKYO BAR 'GYUR, ,GAL TE PADMA'I RTZA CHAG LTAR DKAR GRAGS PA LA, ,'GRO BA SNANG BYED KHYED LA 'DOD PA LA LA YOD, ,'BRAS BU MNGON PAR 'DOD PA THOB PAR 'DOD PA'AM, ,DE BAS YON TAN RGYAN NI RNAM DAG 'DZIN PAR GYIS, ,DE NAS MI'I BDAG PO DE AE MA'O KHYOD KYIS CHOS BSTAN PA 'DIS BDAG GI SNYING 'DI RAB TU BDE BAR BYAS ZHES BYA BA BRJOD NAS MCHOG TU DGA' BAS 'GRO BAR GYUR TO, ,DE NAS TSOGS KYI BDAG PO DE'I, ,RMIG PA'I RMA YIS KUN BSLANGS NAS, ,SDUG BSNGAL LCI BA ZHUGS PA YI, ,MIG DAG KUN NAS BTZUMS PAR GYUR, ,DE NAS MI BDAG DE'I GDUNG KHANG, ,TZAN DAN SHING RNAMS KYIS BYAS TE, ,BSOD NAMS LAS SKYES BYA BYAS LA, ,ME YIS 'DU BYED BYAS PAR GYUR, ,DE NAS GROGS PO LTAR NI MTHO RIS DER SONG LA, ,RI DAGS SNYING RJES DRI MA BRAL BA'I RANG BZHIN LA, ,YUN RING MYA NGAN BYAS TE SA YI BDAG PO NI, ,SDUG BSNGAL YID CAN MYUR DU GRONG KHYER 'GRO BAR GYUR, ,RI DAGS DE NI SEMS CAN PHAN PAR BYED PA MKHAS, ,GNYEN LTAR SHI BAR GYUR LA RI DAGS MO 'DRA BA'I, ,MIG CAN DGE BA LDAN PA BYA BA BRAL BA NI, ,NAGS KYI LHA MO RNAMS @104B KYIS MI 'CHAD MCHI MA BTANG, ,DE NAS SA NI 'GUL BAS RI BO'I RTZE MO 'GUL BA STE, ,RLUNG GI SHUGS KYIS KUN NAS 'PHEL BA'I RGYA MTSO'I RLABS CAN NI, ,BUNG BA 'KHOR BAS 'DRES PA DANG NI DRIS NI RNAMS KHYAB PA, ,MAN D'A RA BA'I ME TOG TSOGS NI NAM MKHA' LAS LHUNG GYUR, ,MYA NGAN 'DA' BA'I DUS SU YANG BCOM LDAN 'DAS KYIS DGE SLONG RNAMS KYI DRUNG DU SKYES PA'I RABS 'DI MNGON PAR BRJOD PAR MDZAD DO, ,DER NI RI DAGS TSOGS DAG NI, ,NAGS LA DE TSE BDAG BYUNG GYUR, ,RAB TU MDZES PA BZANG PO NI, ,RI DAGS PHRUG PA BYUNG BAR GYUR, ,BCOM LDAN 'DAS YONGS SU MYA NGAN LAS 'DAS PA'I SNGON ROL DU RAB TU BYUNG BA MDZES PA BZANG PO DE LA DGE SLONG RNAMS KYIS DRIS PAR GYUR TO, ,MDZES PA BZANG POS LAS RNAMS NI SLAR GANG ZHIG BYAS PA STE, GANG GI PHYIR NYAN THOS THAMS CAD LAS PHYIS DGRA BCOM PA'I 'BRAS BU THOB NAS BCOM LDAN 'DAS KYI DANG PO NYID DU YONGS SU MYA NGAN LAS 'DA' SNYAM MO, ,BCOM LDAN 'DAS KYIS BKA' STZAL PA, ,'OD SRUNGS ZHES BYA'I SANGS RGYAS BYUNG, ,SHES BYA'I RGYA MTSO PHA ROL PHYIN, ,DGE SLONG MING GIS MYA NGAN MED, ,SKYOB PA DE YI TSA BOR GYUR, ,RNYED SLA BDAG GI GSAL BA MCHOG, ,BDE GSHEGS ZHANG PO YOD PA LA, ,MYA NGAN MED KYIS KUN BSAMS NAS, ,ZHES BYA GROL PHYIR BRTZON MA BYAS, ,DE NAS YUL GZHAN MYA NGAN MED, ,SONG LA SRID PA GZHAN BRAL BA, ,'OD SRUNGS BYA BA BYAS PA'I MCHOG ,MYA NGAN 'DAS LA THUGS MDZAD DO, ,DE NAS MYA NGAN MED SHING 'OG TU GNAS PA YI, ,DGE SLONG MYA NGAN MED DANG RNAM 'BREL MYA NGAN CAN, ,SA SKYES DE LA LHAG PA'I GNAS SU BYAS PA NI, ,LHA MO MU TIG LTAR 'DRA MCHI MA BTANG BAR GYUR, ,DE RING 'BYUNG BAR 'GYUR ZHES RNAM PAR BSAM BYED PA, ,RGYAL BA'I MYA NGAN 'DAS PA SMON PA MED PA NI, ,PHA ROL SONG BA DE YI MCHI MA DRON PO NI,, NAGS KYI LHA MO'I LUS LA LHUNG BAR GYUR PA YIN, ,NAM MKHA' 'DI NI SPRIN DANG BRAL BA CI PHYIR NI, ,BDAG GI LUS LA CHU 'DI LHUNG BA'I PHYIR, ,DE LTAR BRJOD CING GYEN PHYOGS SU NI LTA 'GYUR BA, ,DES NI LHA MO NGU BAR BYED CING DE MTHONG GYUR, ,KUN NAS PHONGS PAS GZHAN PA 'DI LA @105A *, ,DRIS GYUR PA, ,LHA MO MYA NGAN SKYES PA CI PHYIR KHYOD DU STE, ,DES KYANG MGRIN PAR MI GSAL BRJOD PA 'DI YIS NI, ,DGE SLONG LA NI JI LTAR SMRA BA YANG 'BYUNG 'GYUR, ,THUB PA CHEN PO'I SNYING RJE CAN NI DBANG BYED PA, ,NYON MONGS BUD SHING BSREG PA 'GRO LA PHAN SPANGS PA, ,'OD SRUNGS DE LTA MYA NGAN 'DA' 'GYUR SKYE BO LA, ,MYA NGAN BYIN NAS PHONGS PA DE PHYIR BDAG NI NGU, ,RGOL BA'I TSIG GI PHYE MA LEB KYIS MA G-YOS PA, ,KUN NAS GSAL BYAS DAM PA'I LAM DANG LAM MIN PA, ,THUB PA'I SGRON ME YONGS SU MYA NGAN 'DAS 'GYUR LA, ,'GRO BA GSUM LA KHYAB PA'I MUN PA 'BYUNG BAR 'GYUR, ,NAGS KYI LHA MO'I TSIG NI 'DI DAG THOS BYAS NAS, ,MDA' NI RNON POS DE NI GNAD DU BSNUN PA BZHIN, ,RNAM PAR ZUM PA'I MIG LDAN SA LA LHUNG BA STE, ,RIM GYIS KUN NAS LANGS TE SMRE SNGAGS 'DON PAR GYUR, ,NAGS KYI LHA MO 'DOD LDAN 'DI LA DRIS BYAS TE, , DGE SLONG RAB TU SMROS SHIG CI PHYIR DU NI DU, ,BCOM LDAN 'DAS DE BDAG GI ZHANG PO DE PHYIR NI, ,SDUG BSNGAL CI PHYIR MI 'GYUR DES KYANG 'DI SMRAS GYUR, ,YID 'PHROG TSIG GI ME TOG RGYAL BA'I ZHING LAS NI, ,SHIN TU CHUNG BA 'DI NI BDAG MED PAS BZUNG BA, ,'GRO BA GSUM GYI NYON MONGS RGUD PA 'PHROG PA NI, ,'BRAS BU BLO CHUNG BDAG GIS THOB PA MA YIN TE, ,BDAG GI YID NI KHYIM LA GNAS PAR BYAS PA YIS, ,GROL BA'I LAM LA 'GAG PAR BYED PAS 'JIGS PA NI, ,DE BZHIN GSHEGS PA'I TSIG GI 'OD RNAMS KYIS MUN PA, ,RNAM BCOM CI PHYIR KHYED NI MYA NGAN 'DAS MI 'GRO; ,DE NAS LHA MO DES DGE SLONG DE LA 'DI SKAD CES SMRAS PAR GYUR TO, ,SHIN TU SDUG BSNGAL BAS CHOG STE JI SRID DU SANGS RGYAS BCOM LDAN 'DAS DE MYA NGAN LAS 'DA' BA DANG NYE BAR SONG BA DE SRID NYID DU KHYED SNGAGS KYI MTHUS NAM MKHA' NAS KHYER BA NYID DU BGYI'O, ,DE BAS NA KHYED KYIS BDAG RJES SU BRTZE BAR 'GYUR ZHES BYA BA DER DE BZHIN GSHEGS PA'I TSA BO DE SKAD SMRA BAR GYUR PA LA NAGS KYI LHA MO DE MYA NGAN MED PA DE LAS SNGAGS KYIS KUN NAS BZLAS PA'I ME TOG RNAMS BLANGS NAS BDAG LA MYA NGAN MED PA'I ME TOG GI SNYIM PA 'DI LTA BAR GYUR PAS NAM MKHA' LA 'GRO ZHING @105B BDAG LA RJES SU SONG SHIG CES BYA BA SMRAS PAR GYUR TE, DE NAS NAM MKHA' LAS NI LHA MO DE RJES SONG, ,MYA NGAN MED PA'I ME TOG SNYIM PA MI 'BREL DE, ,DE BZHIN GSHEGS PA'I DRUNG DU SKAD CIG GIS 'ONGS TE, ,YANG DANG YANG DU MCHI MA BYUNG ZHING SMRA BAR GYUR, ,BDAG MED BYIS PA BLO YI GRU DANG BRAL BA NI, ,MI SHES RGYA MTSO CHEN PO LA NI NUB GYUR PA, ,THUB DBANG BDAG NI SDUG BSNGAL RLABS CHEN GNOD BYAS PA, ,SKAD CIG GIS NI RGAL BAR MA BYAS JI LTAR GSHEGS, ,DE LTAR SMRA BA KUN NAS SHUGS 'BYIN YI GE CAN, ,MCHI MA GTONG ZHING RNYOG PAR BYAS PA'I MIG LDAN PA, , LAM NGAN LAS NI LOG STE SKAD CIG GIS GROL PHYIR, ,RNAM PAR DAG PA'I LAM GYIS RGYAL BAS KHRID PAR MDZAD, ,DE NAS SRING MO'I BU DGRA BCOM PA'I 'BRAS BU LA SKAL BA DANG LDAN PAR MDZAD NAS, 'JIG RTEN MA LUS PA'I TSIG GI 'OD ZER RNAMS KYIS GSAL BAR MDZAD NAS, YANG DAG BAR RDZOGS PA'I SANGS RGYAS 'OD SRUNGS MYA NGAN LAS 'DA' BAR GYUR TO, ,DER BCOM LDAN 'DAS YONGS SU MYA NGAN LAS 'DA' BA LA LHA DANG LHA MA YIN DANG MI'AM CI DANG, LTO 'PHYE CHEN PO DANG GNOD SBYIN DANG MI RNAMS MYA NGAN GYI DBANG DU BYAS PA RNAMS LA NAM MKHA' LAS ME TOG MAN D'A RA BA'I CHAR KUN NAS BAB PA LA LHA MO DE MYA NGAN GYI DBANG GIS 'DI LTAR DE DANG DE SMRE SNGAGS 'DON ZHING BRTZAMS PA, SENG GE'I KHRI LA NYER BZHUGS PA'I, ,TSIG GI ME TOG RNAM GROL BA, ,CHOS NI DON GNYER CHOS STON PA, ,'JIG RTEN 'DIR NI SU YIS THOS, ,MGON PO SNANG BA MCHOG KHYOD NI, ,THOB LA NYI MA NUB PA LTAR, ,MUN PA BSAL BA DKA' BA YIS, ,'GRO BA 'DI NI BTZUN PAR BYAS, ,DE RING KHYED NI ZHIR SONG LA, ,MA ZHI BA YI YID 'BYUNG BAS, ,'GRO BA NGES PAR RMONGS BYED PHYIR, ,SLAR GZHU KUN NAS BDUNG BAR BYAS, ,THUB PA ZHI BAR SONG LA RTEN MED BDAG CAG NI, ,SEMS KYI BRANG PA 'BYUNG BA GANG DU NGAL SO BGYI, ,YON TAN RNAMS KYIS 'DI LTAR SHES BYA'I LAM MTHAR SONG, ,KHYED NI MED PAS THUB DBANG KUN NAS RNAM SMRAS 'DRA, ,BYANG CHUB DON DU SMON LAM LA NI DMIGS PAR BYAS TE SA GSUM LA NI KHYOD, ,SEMS CAN DON LA 'KHOR ZHING BRTAN PA'I BLO GROS @106A *, ,BDAG LA GTONG BAR MA BYED CIG, ,KHYED NI SKYE BAR BYED PA BDAG LA KUN NAS DOR TE CI PHYIR BYAMS PAR GYUR PA NI, ,KHYOD NI DE LTAR RAB TU SONG LA PHA ROL SNYING RJE DU BA LTA BUR BYAS, ,DE NAS DGE SLONG DES SMRAS PA, LHA MO SDUG BSNGAL GYIS CHOG CING CHOG STE, MI RTAG PA 'DI 'GA' ZHIG TU RAB TU GNOD PAR MI BYED PA MA YIN TE, GANG DU 'DI LTAR RDO RJE LTAR LCI BA DANG SNYING PO CAN BCOM LDAN 'DAS MED PA ZHES BYA BA'O, ,DE NAS LHA MO DE RNAMS GANG GIS KYANG BDAG NYID BRTAN PAR BYAS NAS, SMON LAM 'DI LTAR BYAS PAR GYUR TE, BDAG LA BRTEN NAS JI LTAR 'DI, ,DGE SLONG GIS NI 'BRAS BU THOB, ,DE BZHIN SH'AKA THUB SLOB MA NI, ,PHYI MAR DE TSE BDAG GYUR CIG, ,DGRA BCOM 'BRAS BU NYAN THOS NAS, ,MYA NGAN DUS SU THUB DE LAS, ,MYA NGAN BZOD PAR MI NUS SHING, ,SNGON DU MYA NGAN 'DAS GYUR CIG, ,DE NAS BCOM LDAN 'DAS DGE SLONG RNAMS KYI DRUNG DU 'DI BRJOD PAR MDZAD NAS SLAR YANG GSUNGS PA, MYA NGAN MED BRTAN GANG ZHIG 'DI, ,NAGS KYI LHA MO BYUNG GYUR PA, ,DE NI BZANG MDZES RAB BYUNG 'DI, ,BDAG GI NYAN THOS 'DI SONG BA, ,BDAG NI MYA NGAN 'DAS THOG MAR, ,DE NYID LAS KYANG MYA NGAN 'DAS, ,DE LTAR SKYES RABS 'DI NI NGO MTSAR BA, ,CHO GA BZHIN DU SH'AKA THUB KYI GSAL MDZAD, ,MKHAS PA RNAMS KYI YID NI RAB ZHI PHYIR, ,'JAM PA MNGON PAR SMRA BAS RAB GRAGS BYAS, ,GZHAN LA PHAN BYED PHYIR NI DAM BCAS SHIN TU GRAGS PA RNAMS KYIS KYANG, ,RGUD PA LA NI BRTZON 'GRUS GO CHA BCINGS PA RNAM PAR GROL BA MIN, , DE LTAR KUN NAS RNAM PAR DRANGS NAS SHIN TU MTHAR THUG THOB BYA'I PHYIR, ,SA RNAMS PHAN PAR BYED PA LA NI LE LO NYID DU MA 'GRO CIG ,RI DAGS KYI SKYES PA'I RABS TE SKYES PA'I RABS GNYIS PA'O,, ,,'GRO BA MA LUS SDUG BSNGAL ZHI BYA'I PHYIR, ,BLO BZANG GANG GIS SMON LAM BYAS PA STE, ,DES NI GNYEN 'DUN SKYE BO SDUG BSNGAL LAS, ,SKYOB PA ZHES BYA 'DIR NI THE TSOM 'DI, ,'DI LTAR RJES SU THOS TE, SKYED MOS TSAL GYI PADMA RGYAS PA NI PADMA'I 'BYUNG GNAS DANG 'DRA BA DANG, MTSAN MO'I SGO'I CHU 'DZIN PA'I TSOGS RNAM PAR CHAD PAS DRI MA DANG BRAL BA'I ZLA BA @106B TSES BA BZHIN DANG, CHU SBYIN PA'I DUS KYI GLOG GI LJON SHING DANG 'DRA BA DANG, LANG TSO'I 'OD DANG 'DRA BA DANG, BUD MED KYI BZHIN GYI THIG LE MDZES BA DANG 'DRA BA DANG, DUL BA'I SKYE BO'I BZOD PA DANG 'DRA BA DANG, RNAM PAR RGYAL BAR 'DOD PA'I TSUL DANG 'DRA BA DANG, PHYUG PO'I MNGON PAR SKYES PA NYID DANG 'DRA BA DANG, RIGS LAS SKYES PA'I MKHAS PA NYID DANG 'DRA BA DANG, SA'I DKYIL 'KHOR GYI RGYAN RTAG TU YO BYAD KYI SNYING PO'I DON DU GNYER BA'I SKYE BO RNAMS KYIS NYE BAR LONGS SPYOD PAR 'GYUR BA DANG, LHA'I BDAG PO'I 'BYOR PA SHIN TU NYAMS DGA' BA DANG 'DRA BA DANG, DUS THAMS CAD KYI BDE BA'I KHYIM GYI BDAG PO RNAMS KYI KHYIM DANG LDAN PA DANG, RI RAB MAN D'A RA'I RTZE MO DANG RJES SU 'DRA PA'I LHA'I KHANG PA DANG LDAN PA DANG, GTAM SMRA BA LA 'JUG PA'I RNAM PA SNA TSOGS PA'I GTAM DANG BZHAD GAD KYIS SKYE BO RAB TU DGA' BAR GYUR PA DANG, DON DU GNYER BA'I SKYE BO'I MA DANG 'DRA BA DANG, RNAL 'BYOR PA CHEN PO RNAMS KYI SPRUL PA'I SROG DANG 'DRA BA DANG, SHIN TU MANG BA'I RNYED PA'I RIGS DANG RIGS KYI GNAS KYI RJES SU SKYONG BAR GYUR PA'I CHOS KYI GNAS PA DANG, MU GE'I GNOD PAS NYE BAR 'TSE BA DANG BRAL BA DANG, RTAG TU DGA' STON LA 'JUG CING DGA' STON BYED PA'I SKYE BO DANG LDAN PA DANG, RDO BA'I BEE d'URYA DANG, AINDRA N'I LA DANG, PADMA R'A GA DANG, MAR KA TA DANG, GSER DANG LDAN PA ZHES BYA BA'I RGYAL PO'I PHO BRANG BYUNG BAR GYUR TO, ,DE LA YANG NUS PA GSUM GYI MTHUS CHAGS 'OG GI RGYAL PO THAMS CAD NYE BAR 'DUS PA NYI MA RE RER CHAD PA'I TSUL GYIS CHE BA'I BDAG NYID MNGON PAR 'PHEL BAR GYUR PA SHIN TU DRI MA MED PA'I MIG CHE BAS RGYAL PO GZHAN GYI GTAM LTAS PA, GLANG PO CHE DANG, RTA DANG, SHING RTA DANG, RKANG THANG GI TSOGS LEGS PAR BYAS PA'I RGYAL PO GSER ZHES BYA BA BYUNG BAR GYUR TO, ,'JIGS PA'I DBANG GIS RGYAGS PA 'BYUNG BA HER ZHI BA, , RAL GRI MDA' BSTAN KHU TSUR LHONG PAR BYAS PA NI, ,RI DAGS BDAG PO LTAR NI DGRA RNAMS GANG GIS NI, ,NGA RGYAL G-YUL NGO GLANG PO BZHIN DU BZOD MI 'GYUR, ,GZI BRJID GRAGS PAR BYAS PA GANG LA PHAN TSUN DU, ,DON GNYER BDE BAS RNAM PAR 'PHEL BAS PHUN TSOGS PAS, ,'BRAS STER SHING @107A *, ,LA 'DAB CHAGS BZHIN DU SKYE DGU RNAMS, ,RTAG PA NYID DU BDE BA'I PHYIR NI NGAL SOR GYUR, ,DE LTA BU'I YON TAN GYI MTHU DANG LDAN PA NOR LDAN MA'I BDAG PO DE'I SKAR MA'I BDAG PO'I 'OD ZER GYI TSOGS KYIS DKAR BA'I GRAGS PA'I GOS KYIS PHYOGS KYI BUD MED KYI SNOD DKRIS PA, LHA'I BDAG PO LTAR NYON MONGS PA MED PA'I YUL GYI BDE BA NYAMS SU MYONG BA DE LA DUS GCIG GI TSE NA DUS 'GRO BA LA, BTZUN MO MAN DU KA LTAR KUN NAS SKYE BA'I 'GRAM MDZES LDAN, ,GRAGS PA'I RGYUN NI MNGAL GYI BRJOD PA KUN NAS 'DZIN GYUR TE, ,SNANG BAR BYED PA'I YONGS SU RDZOGS PA'I CHA YI TSOGS LDAN PA, ,'OD LDAN ZLA BA'I GZUGS NI GRONG KHYER 'JIGS PA'I PHYOGS LTAR NI, ,NYI MA 'OD ZER SAR PA 'DRA BA'I BUD MED DE DE NAS, ,DPAL GYIS 'BAR BA'I ME YIS BU DANG RJES SU MTHUN PA NI, ,SKYE BO'I MIG LA MNGON PAR DGA' BAR BYED PA BDAG LA SKYES, ,GRAGS PA'I GTER NI GTER DANG 'DRA BAR MDZES PA SKYES PAR GYUR, ,DE NAS RGYAL PO GSER GYIS GSER GYI PHUNG PO DPAL GYIS 'BAR BA DANG 'DRA BA BDAG LA SKYES PA MTHONG NAS, YID DGA' BA 'JAM PA'I RLUNG GIS G-YO BAR GYUR PA'I RNAM PA SNA TSOGS PA'I BA DAN RNAMS KYIS TSONG SA'I BAR NYE BAR MDZES PA, KUN NAS BCINGS PAR GYUR PA'I RTABS RNAMS ME TOG GI PHRENG PA RNAMS KYI DRIS 'KHOR BA'I BUNG BA'I TSOGS 'GUGS PAR BYAS PA, SHIN TU 'BAR BA'I RGYAN RNAMS KYIS NYE BAR MDZES PA'I RAB TU DGA' BA'I GRONG KHYER BA'I TSOGS DANG LDAN PA, LHAG PAR 'JUG PA'I GANG DANG GLUS RAB TU DGA' BA BTZON NGAN BZUNG BA'I SKYE BO KUN NAS GROL BAR GYUR PA, GNYIS SKYES DANG MKHAS PA'I SKYE BO DANG GROGS PO'I TSOGS KUN NAS MCHOD PAR GYUR PA'I GRONG KHYER GYI TSOGS DE LHAG PAR MDZES PA DANG LDAN PAR BYAS PAR GYUR TO, ,SRAS DE LA YANG BKRA SHIS PA'I TSES DANG YUD TZAM DANG, SKAR MA RNAMS LA PHA MA DAG GIS GSER GYI GO CHA ZHES BYA BA'I MING DU BTAGS PAR GYUR TE, ,CHE BA'I BDAG NYID MA 'ONGS DE'I, ,MTSAN RNAMS DE NAS MTSON PA STE, ,YAL GA CAN GYI ME TOG RNAMS, ,'BYUNG BAR GYUR PA 'BRAS BU BZHIN, ,DE NAS LO BRGYAD LON PA NI, ,GZI BRJID KYIS NI GZHON NU @107B 'DRA; ,RGYAL PO SHES PA CHE RNAMS KYI, ,DE NI SLOB MA NYID 'GRO GYUR, ,SHES RAB YON TAN RNON PO RNAMS, ,THE TSOM MDUD PA GCOD PA DE'I, ,BSTAN BCOS DON NI RAB SHES PA, ,SLOB DPON RNAM PAS LHAG PAR GYUR, ,BDAG CAG GIS NI GNAS LA 'DI, ,BYANG CHUB SEMS DPA' NAM SKYE 'GYUR, ,DE LTAR 'DOD PA LTAR YON TAN, ,DE YI SKYE BA SO SOR SKYONG, ,SBYIN DANG TSUL KHRIMS BZOD LA SOGS, ,DE LA YON TAN 'JUG PA STE, ,PADMAS BRGYAN BYAS CHU LDAN PA'I, ,CHU RTEN LA NI BUD RNAMS BZHIN, ,GANG ZHIG NYID NI LEGS PA'I SNOD, ,DE NYID YON TAN RNAMS RTEN PA, , RNAM 'PHROS 'OD CAN MU TIG GI ,CHU BO NYA PHYIS SNOD MA YIN, ,DE NAS DE YI LUS LAS 'BYUNG, ,YANG DAG BTAGS PA'I 'OD LDAN PA, ,LANG TSOS RNAM PAR SPANGS PA NI, ,BYIS PA NYID NI PHRAD 'DOD 'DRA, ,MI DBANG SRAS DE RIGS LAS SKYES PA'I NGO BO LAS, ,RGYAGS PA'I RGYU YANG LANG TSO LA NI LHAG GNAS LA, ,RNAM PAR DUL BAS 'DUL BZHIN PA YI SEMS LDAN PA, ,RNAM 'GYUR GNYIS 'THUNG BZANG PO LTAR NI RTEN MA GYUR, ,DE NAS DUS KYI RIM PAS RGYAL PO'I BTZUN MO DES GZUGS DANG LDAN PA'I DPAL DANG 'DRA BA DANG NOR BU'I THUR MA'I 'OD DANG 'DRA BA DANG, DKAR PO'I PHYOGS LA RNAM PAR BYUNG BA'I ZLA TSES LTAR SKYE BO RNAMS KYI MIG DANG SNYING LA MDZES PA'I BU MO BTZAS PAR GYUR TO, ,DE NAS DE LA GSER GYI 'OD CES BYA BA'I MING GNYEN 'DUN RNAMS KYIS BTAGS PAR GYUR TE, DE NAS DUS GCIG GI TSE NA DE 'DOD PA'I RTEN GYIS LANG TSO SAR BAS SHIN TU NYIS 'GYUR DU GZUGS KYI MDZES PA 'DOGS PAR GYUR PA, DPYID KYI ZLA BAS NAGS KYI TSOGS 'BYUNG BAR GYUR PA'I ME TOG RNAMS KYIS BRGYAN PAR BYAS PA'I SHING DANG LJON SHING RNAM PAR MDZES PAR BYED CING, SKYA RENGS SAR PA'I 'OD ZER RNAMS KYIS KUN NAS BYUGS PA'I DBANG BA'I GUR GUM GYIS RJES SU BYUGS PA DANG 'DRA BA'I KHANG BZANGS KYI STENG DU, GROGS MO'I SKYE BO DANG BCAS PA PHO LONG GI RAL PA'I SGEG PAS RES KYIS 'DRE BZHIN PA'I DPUNG PA'I LJON SHING SRAB PA, LJON SHING BZHIN DU DKAR BA MA YIN PA'I 'GRO BA KHA LO SGYUR BA'I DBANG GIS DMA' BAR GYUR PA DANG MTHO BAR GYUR PA 'PHROS PA'I RGYAN GYI NOR BU RNAMS KYI 'OD ZER GYI TSOGS KYIS LUS KYI SROG @108A *, ,SHING BRGYAN PAR BYAS PAS, RNAM PAR CHAD PA'I MU TIG GI CHUN PO'I SKUD PA LAS RNAM PAR LHUNG BA'I MU TIG TSOGS 'THOR BAR GYUR PAS GSER GYI ZA MA TOG DANG RJES SU MTHUN PA'I NU MA GNYIS DANG LDAN PA, RNAM PAR BSKYOD PA'I MIG GI 'BRAS BU 'DRES PA'I MIG RNAM PAR 'PHROG PA'I BUNG BA'I TSOGS KYIS RJES SU 'GRO BA NI, AUTPA LA'I 'DAB MA RNAMS DANG 'DRA BA'I PHYOGS RNAMS MTHONG BAR BYED CING, KUN NAS NGAL BA'I DBANG GIS KUN NAS 'BYUNG BZHIN PA'I RDUL GYI THIGS PA'I TSOGS KYIS SIN DHU RA'I KHYAD PAR CAN DANG 'KHRUGS PAS KUN NAS LHUNG BA'I RNA BA'I ME TOG GI PHRENG BA DANG SKRA LO DANG LDAN PA DANG, GROGS MO'I KYI PHO LONG GI RTZE BA GSAL BA 'DI LAS LOG PAR MDZOD CIG ,KHYED NI SHIN TU NGAL BA STE SHIR SHA'I ME TOG SAR PA LTAR 'JAM PA'I YAN LAG RNAMS LA NYI MA 'DI DRAG PAR 'GYUR BA, KHYED LA NGAL BA'I RGYU ZHES BYA BA GROGS MO'I SKYE BOS RNAM PAR ZLOG PAR GYUR PA ROL PA LAS RNAM PAR BZLOG NAS MDZES PA THIGS PA NYID DU NYE BAR SONG BZHIN PA LA YANG DAG PAR 'GEGS PA RDUL GYI THIGS PA'I TSOGS GOS KYI MTHA' LAS PHYIS TE, STAN LA NYE BAR 'DUG STE, 'KHOR GYI SKYE BO RNAMS KYIS LAG PAS RLUNG G-YAB THOGS PAS RLUNG GI YANG DAG PAR REG PAS MIG ZUM PAR BYAS PAS NGAL SO BAR BYED CING, KHYIM DANG NYE BAR SONG BA'I ME TOG GI GZHU DANG LDAN PA DANG 'DRA BAR CUNG ZAD LANG TSO DAD NYE BAR MDZES PA NYE BAR BSAGS PA, RGYAL PO GSER GYI BLON PO'I SRAS LA DBUGS PHYUNG BAS YID LA BYUNG BA'I RNAM PAR 'GYUR BA YANG DAG PAR MTSON PA YUN RING POR 'BRAS BU MI G-YO BA'I LTA BA KUN NAS BCINGS PAR GYUR TO, ,PHRAD 'DOD BCAS PAR BLON PO'I SRAS KYIS DE LA YANG, ,DBUGS KYI BYUNG BAS KUN NAS MTSON PA'I 'DOD CAN GYI, ,BU MO'I LJON SHING DGOD PAS YID 'ONG ME TOG CAN, ,DE LA MYOS BZHIN LTA BA'I BU MO 'GRO BAR GYUR, ,PHAN TSUN MIN PAR GTAD PA'I SROG SHING GCIG DAG LA, ,DGOD PA'I ROL PAS GSOL BA'I SO PHRENG 'OD LDAN PA, ,DE DAG GIS NI YID DAG 'DOD LHAS SBYAR BA STE, ,MYUR DU GZHU NI LHAG PAR BDUNGS PAR BYED PA YIS, ,ME TOG MTSON CHA NYA BAS SKUL BAR BYED PA NI, ,GSAL BA'I ROL PAS MCHIL PA @108B YIS NI BU MO YI, ,RTEN PA SRAB PA CHU YI RTEN LA MTHAR SPYOD PA, ,BLON PO'I SRAS KYI SEMS KYI NYA NI 'DZIN BYAS GYUR, ,DE NAS DER NI MIG DANG NGES 'BREL DE LA NI, ,DGA' BYED KUN NAS BRIS PA 'DRA BA MTHONG NAS DE, ,GROGS MO RNAMS KYI SKYE BO DE NI SKAD CIG DGOD, ,DE YANG CUNG ZAD THUR DU LTA BA BYUNG BAR GYUR, ,DE RNAMS DGA' BA'I GROGS MO SONG BAR GYUR PA LA, ,MI SKYONG BDAG LAS SKYES PA KHYIM GYI NANG ZHUGS GYUR, ,BLON PO'I SRAS KYANG SHIN TU PHRAD PAR 'DOD PA NI, ,DE LA BCINGS PA'I YID LDAN KHYIM DU SONG BAR GYUR, ,DE NAS DUS GCIG GI TSE NA 'DI LTAR RNAM PAR MTHONG BA TZAM GYIS SREG LUGS KYI 'DOD PA'I MI RNAM PAR 'PHEL BA KUN NAS SKYA BA DANG YONGS SU RID PA'I 'GRAM PA DANG LDAN PA, RTAG TU DBUGS RDUB PAS GNYID DANG BRAL BAS MI G-YO BA'I MIG NYID KYIS 'KHOR GYI SKYE BOS PHAN TSUN GYI RNAM PAR SHES PA DE DAG GI LUS DAG RAB TU SRAB PA NYID DU SONG BAR GYUR TO, , SO SOR RTOG DANG BRAL BA'I PHYIR, ,KUN RTOG DBANG GIS SKYE BO LA, ,SKYON NI TSOL BA YID BYUNG 'DI, ,RNAM PAR 'GYUR BAR KHRID PA NYID, ,DE NAS DUS GCIG GI TSE NA DGA' STON LA 'JUG PAS RAB TU DGA' BA RNAM PA SNA TSOGS PA'I BYA BA RNAMS KYIS SKYE BO KUN NAS KHYAB PA'I MI'I BDAG PO'I PHO BRANG LA, YUN RING BOS NUB PA'I NYIN MO BYED PA'I SNANG BAS KUN NAS SKYA BA DANG DMAR BA'I CHU BDAG GI PHYOGS LA GNAS KYI SROG SHING DU 'GRO BAR 'DOD PA DANG, MNGON PAR PHYOGS PA'I RAB TU 'GUL BA'I MGRIN PA DANG LDAN PA MGRIN PA SNGON PO DANG, KHYIM BYA RNAMS YOD PA LA BUD MED GZHON NU MA'I MIG GI 'BRAS BU NAG PO LTAR MUN PA'I TSOGS BSAL BAS MNYAM PA DANG MI MNYAM PA RNAM PAR LTA BZHIN PA MA YIN PA'I SA LA RAB TU 'BAR BZHIN PA'I ME'I 'OD KYIS KUN NAS SNANG BA'I KHYIM GYI NANG YOD PA RNAMS LA, 'GA' ZHIG 'GA' ZHIG TU MNGON PAR GSAL BAR GYUR PA'I ZAS KYI TSOGS DAD LDAN PA'I NAM MKHANG LA RNAM PAR BRAL BAS PHRAD PAR 'DOD PA'I DUR PA PHO MO GNYIS DANG LDAN PA'I KUN NAS 'DZUM PAR BYAS PA'I PADMA'I 'BYUNG GNAS YOD PA RNAMS LA, CUNG ZAD SA 'DZIN GYI RTZE MOS BAR DU CHOD PA'I DKYIL 'KHOR DANG LDAN PA'I SHAR PHYOGS KYI CHA LA GSAL BZHIN PAR SNANG BA'I RI BONG GI MTSAN MA @109A *, ,YOD PA LA, DUS BTAB PA'I BLON PO'I SRAS SGRA GRAG PA'I RKANG GDUB DANG, SKA RAGS KYI TSOGS KYIS BRGYAN PAR BYAS PA'I RKANG PA GNYIS DANG, RKED PA'I CHA DANG LDAN PA'I BCOS PA'I NU MA DAG GIS MTHO BAR GYUR PA'I BUD MED KYI STOD G-YOGS SAR PA'I ME TOG BA KU LA'I PHRENG BAS KUN NAS GANG PA'I DPUNG PA'I PHYOGS LA SGRA LOS 'DUD PA DANG, DPRAL BA'I DBUS LA SIN DHU RAS RI MO BRIS PA DANG, RKANG PA'I LONG BU'I MTHAR SRAB CING MTHUG PA'I GOS RAB TU 'PHYANG BA DANG, YUN RING PO NAS 'DUD PA'I NE TZO'I DMAR BA NYID KYI DUS LAS BYUNG BA'I DKRIGS PA'I BU MED KYI CHA LUGS SU BYAS NAS PHO NYA MO DANG RJES SU 'GRO ZHING, GSER GYI SNANG BA'I GROGS MO ZHES BYA BA 'DI DBUGS PHYUNG BA'I SGO NAS, BLON PO DANG LDAN PA'I SA'I BDAG PO'I PHO BRANG DU ZHUGS TE, KHYAD PAR DANG BCAS PA'I RGYAN 'DZIN PA BAR CHAD MED PAR BLON PO'I SRAS CI ZHIG 'OD BAR GYUR TAM 'ON TE MIN ZHES BYA BA'I KUN NAS 'PHROG PA DANG THE TSOM ZA BA'I SNYING DANG LDAN PAS STAN LAS LANGS NAS SLAR MAL LA 'DOD PA'I KHUR GYIS MI BZOD PA DANG 'DRA BA'I YAN LAG RNAMS GROL ZHING NYE BAR 'ONGS TE, 'JIGS PAS MNGON PAR LANGS PA MI DRAN PA'I RGYAL PO'I BU MO DBEN SA LA DE'I DUS DANG RJES SU MTHUN PA'I GTAM GYIS DBUGS DBYUNG BA SKYED PA LA, CUNG ZAD NGO TSAS KUN NAS 'DUD PA'I GDONG CAN LHUNG BA'I GOS, ,KUN NAS RGYAS PAR BYED CING DBUGS KYIS RAB 'DAR NU GNYIS LA, ,LAG PA 'DAR BA'I RNAM PAR 'DAR BAS PHA ROL 'PHROG PA LA, ,YAN LAG MED PAS RGYAS PA'I RO DES ROL ZHING BYUNG BAR GYUR, ,SHIN TU MNGON PAR CHAGS PAS RNAM PAR 'PHEL BA'I STOBS NYID KYI PHYIR YID LA SKYOS PA LA SLAR YANG NYI MA LNGA TZAM GYI DA LTA NYID DU BUD MED KYI CHA BYAD 'DZIN PA DE, DRI ZHIM TSAD LDAN GSER DANG RAB TU 'DRA BA'I ZER, ,KUN NAS 'PHROG PA'I SO YI NOR BU RAB SNANG BA, ,ROL PA'I BAR GYIS KHYAD PAR MDZES PA SBAR BYA BA, ,GSER GYI SNANG BA DE DANG DES NI ROL PAR 'GYUR, ,DE NAS DUS GCIG GI TSE NA BUD MED KYI CHA LUGS DANG RGYAN GSAL BA NYID LA MDZES PA'I DGA' BA NYE BAR LONGS SPYOD PAS KUN NAS NGAL BA'I DBANG GIS GNYID KYI BDE BA MNGON PAR 'PHEL BA THO RANGS DUS SU RNAM PAR @109B MA SHES PA SA'I BDAG PO'I BU MO DANG LHAN CIG TU MAL NA NYAL BA MTHONG NAS, TSOGS KYI NANG NA GNAS PA RNAMS KYIS KYI HUD CES BYA BA BRJOD CING RGYAL PO LA ZHUS SHING GNAS PAR GYUR TO, ,RGYAL PO DE YANG RANG BZHIN GYIS RAB TU DRAG PA'I KHRO BA NYID KYI PHYIR KHRO GNYER GYIS 'BREL BA'I 'GRAM GYI PHYOGS MI MNYAM PAR BYAS PA, RIGS NYAMS PAR BYAS PA 'DIS CI ZHIG BYA, KHYED RNAMS SONG SHIG ,BLON PO'I SRAS ME SDUG PA DANG LHAN CIG TU 'DI 'CHI BDAG GI DBANG DU GYIS SHIG CES BSGO'O, ,DE RNAMS KYIS KYANG DE LTAR BGYI ZHES BYA BA RGYAL PO'I BKA' BZUNG NAS, PHYI NAS BLON PO'I SRAS KYI DPUNG PA BCINGS PA, BU MO GSER DU SNANG BA DANG LHAN CIG TU BTON NAS SNYING RJE DANG BRAL BA'I SNYING SRA BA DANG LDAN PA'I GSHED MA'I SKYES BU RNAMS LA GTAD CING GNAS PAR GYUR TE, SNGAGS DANG YE SHES MA THOB PA, ,BDE CHAS PHROGS PA'I BDAG RNAMS LA, ,DRAG PO'I YUL GYI SBRUL RNAMS NI, ,RNAM PAR 'JIG PHYIR 'BYUNG BA NYID, ,DRAG PA'I SGRA CAN CHU 'DZIN SAR PA LTAR NI SNGO BA'I DU BA STENG GOS CAN, ,KHROS PA LTAR NI 'PHROG PAR BYED PA KHA PHYE 'DAR BA'I ME LCE'I TSOGS LDAN PA, ,NAG PO'I LAM CAN 'BAR BA LA NI GZUGS MYANG PHYE MA LEB NI LHUNG BA STE, ,RAB SRA YID CAN RNAMS LA DBANG RNAMS LAS GZHAN DRAG PA'I DGRA NI YOD BA YIN, ,DE NAS RGYAL PO'I BU MO 'GRO BZHIN PA DE RANG GI PHO DRANG GI NYE 'KHOR NA GNAS PA'I MING PO GSER GYI GO CHA MTHONG NAS MCHI MA'I CHUS MIG KUN NAS 'GAGS BZHIN PAS NGO TSA BAS CUD ZAD SMRA MI NUS SHING THUR DU LTA BAR GYUR TO, ,BLON PO'I SRAS DE GNAS SKABS DE LA YANG MA PHONGS PA'I TSIG GSER GYI GO CHA LA 'DI SKAD CES SMRAS SO, ,NYES PA BYAS PA 'BYUNG BZHIN PA YI LUS CAN LA, ,SA DBANG PHYUG LA CHAD PA ZHES BYA BZOD PA STE, ,NYES PA BYAS PA LA YANG SHIN TU G-YO BA'I SEMS, ,BUD MED RNAMS LA GSOD PA NAM YANG 'DOD MA YIN, ,DE BAS KHYED NI SRING MO 'DI LA 'JIGS CHEN LAS, ,BRTZE BAS YANG DAG DMIGS TE STOBS KYIS SKYONG BAR GYIS, ,DE RING BDAG LA SMOD SMRAS 'BRAS BU'I LAS KYIS NI, ,MNYAM PAR GNAS PA'I GRONG KHYER ZHUGS PHYIR 'DOD PA STE, ,NYES PA BYAS PA DRI MA CAN GYI BDAG NYID KYI, ,CHOS SMOD LAS NI BDAG GI SLAD @110A *, ,DU SHI BA MCHOG, ,GANG PHYIR SHI BA MIS NI SMOD SMRA TSA BA YI, ,TSIG RNAMS DAG NI SUS KYANG NAM YANG THOS MA YIN, ,'JIGS PA'I RI DAGS MO YI MIG LTAR RGYA CHE'I MIG LDAN DE YI YANG, ,SA YI DBANG PHYUG BU MO YI NI MA DPYAD LAS BYAS PA'I, ,YID LA GNAS PA'I ZLA BA BYED PA'I YI GE TSIG RNAMS NI, ,SRUNGS SHIG CES BYA MCHI MA'I THIGS PA NYID LTAR YONGS GYUR PA, ,DE NAS SKAD CIG DE LA GSER GYI GO CHAS GO CHA BCINGS BYAS TE, ,CHE BA'I BSAM PA NYE BAR BSAGS PA SEMS CAN DON PHYIR BRTAN PA'I BDAG, ,CHE BA'I BYANG CHUB SEMS DPAS DE GNYIS LA NI GZUNG BYAS NAS, ,MYUR DU RTA YI BZHON PA ZHON PA LA NI LHAG PAR GNAS PA NYID DU GYUR, ,DE NAS BYANG CHUB SEMS DPA' LA SHIN TU MNYES GSHIN PA DANG 'JIGS PAS YID SKYO BA'I GROGS PO DANG BRTEN PA RNAMS KHA CIG GIS 'DI SKAD CES SMRAS PAR GYUR TO, ,KHRO DRAG SA SKYONG RNAMS KYIS NI, ,BDAG GI BA ZHES SU ZHIG MIN, ,SBYIN SREG MKHAN PO'I SREG LUGS KYANG, ,MES NI REG PAS SREG PAR BYED, ,DE BAS NA KHYED LA RANG GI SROG LA LTOS PA MED PA'I RNAM PAR RTOG PA 'DIS CHOG GO ZHES ZER RO, ,BYANG CHUB SEMS DPAS SMRAS PA, RE ZHIG RGUD PA LA GNAS PA GZHAN DAG KYANG NUS PA YOD PAS SKYOB PAR RIGS NA, GNYEN 'DUN GYI SKYE BO LTA SMOS KYANG CI DGOS, MNAR MED PA YI GTZUG PUD CAN GYI CHEN PO'I DRUNG DU NI, ,GAL TE SDUG BSNGAL CHEN POS MNGON GDUNGS SEMS CAN YOD GYUR NA, ,RANG GI SREG PA'I SDUG BSNGAL LA NI MA BSAMS 'GRO PHAN 'DOD, ,DE LA 'GRO BA'I PHYIR NI 'GRO BAR YANG BDAG BRTZON PA NYID, DE LTAR BRJOD NAS BDAG NYID CHEN PO DE GZHU RGYUD BDUNGS PA'I GZHU 'DZIN PA SHING RTA'I KHA LO BA LA SMRAS PA, DA NI RTA RNAMS RAB TU BSKUL BAR GYIS SHIG CES ZER RO, ,DES KYANG DE LTAR BGYI ZHES LCAG GIS REG PA'I DBANG GIS SHIN TU MYUR BAR 'GRO BA THAG PA RNAM PAR MA GROL PA'I RTA RNAMS BYAS PAR GYUR TE, GRONG KHYER MCHOG DE LAS NGES PAR BYUNG NAS, SHING RTA'I SHUGS KYI DBANG GIS ZAM PA CHAD PAS CHU'I TSOGS KUN NAS RNYOG PA CAN DANG 'DRA BAR RAB TU SONG ZHING, RTA RNAMS KYI RMIG PA LAS KUN NAS BSLANG BA'I NE'U LE LTAR KUN NAS 'OD MED PA'I RDUL GYI TSOGS DANG @110B LDAN PA'I LAM LA LTA ZHING, SHING RTA'I 'KHOR LO'I SGRAS SKRAG PA DANG, RNAM PAR 'BYED PAR GYUR PA'I RI DAGS KYI TSOGS DKAR PO MA YIN PA'I 'GRO BAS RTZVA SKAM PO'I NAGS SREG BZHIN PA DANG, 'DAB DANG BCAS PA'I NAGS KYI MA HE RNAMS KYIS KUN NAS BSKOR BAS SHING RNAMS KYI SDONG PO'I 'OG GI SA PHYOGS DRI MA CAN DU BYAS PA DANG, AINDRA N'I LA'I DUM BU RNAMS DANG 'DRA BA'I RMA BYA'I MDONGS RNAMS KYIS 'DRES PAR BYAS PA DANG, BSE'I SEN MOS KUN BRKOS BZHIN PA'I SA'I BUG PAR RAB TU SONG BA'I MAN DU KA'I GE SAR GYIS KUN NAS SKYA BA'I TSOGS DANG LDAN PA DANG, GLANG PO CHE'I TSOGS KYIS GCOG BZHIN PA'I RI'I SHING DANG SHING RNAMS LA DRI RAB TU KHYAB PA'I RI'I MTHA' MA LA RNYING NAS, DA NI SHUGS 'GAG PA'I RTA RNAMS GYIS SHIG CES BYA BA KHA LO SGYUR BA LA 'DI LTAR SMRAS NAS, YANG GSUNGS PA, BGROD PAR DKA'O NAGS 'DI KUN NAS BRTEN PA NI, ,BDAG CAG 'DZIN PA'I S'A LA RNAMS KYIS DKRIS BYAS PA, ,BRTAN PA'I YID DAG GIS NI DMIGS NAS 'JIGS PA NI, ,KHYED CAG THONG SHIG BDAG NI BSRUNG BAR BRTZON PA YIN, ,DE NAS RGYAL PO DE DE'I GTAM SHES PA KHROS PA'I DBANG GIS SRAS LA MNYES GSHIN PA DANG BRAL BAS BYANG CHUB SEMS DPA' LA TSAR GCAD PA'I DON DU; GO CHA KUN NAS BGOS PA DRO BA'I 'OD KYIS REG PAS BROS PA'I GSONG MDUNG GI RTZE MO'I 'OD LTAR GSAL BA'I DMAGS TSOGS GTONG BAR GYUR TO, ,MYUR DU BYANG CHUB SEMS DPA' LA RJES SU SONG NAS 'THAB MO BA KHA CIG GIS SMRAS PAR GYUR PA, SA SKYONG BA YI BU MO 'DI NI GTAD MDZOD CIG, ,NGES PAR SKYON DANG BCAS PA BLON PO'I SRAS KYIS NI, ,PHYOGS RNAMS MTHA' MAR RNAM PAR GNON PA'I 'OD GRAGS PA'I, ,YAB KYI BKA' NI 'DA' BAR BYAS NAS CI PHYIR GSHEGS, ,DE NAS BDAG NYID CHEN PO DES DE THOS NAS 'KHYOG PA GNYIS KYI MTHIL LA RNAM PAR ZHUGS BYAS PA'I GZHU BZUNG NAS KHA LO BA SHING RTA 'DI KHA BSGYUR BAR GYIS SHIG CES BYA BA RAB TU SMRAS PAR GYUR TO, ,DE'I BKA' LA MKHAS PA'I KHA LO BAS SHING RTA'I MCHOG KHA SGYUR BA DE LA, MDA'I SNOD NAS KUN 'DON PA MTHONG NA NI, ,MDA' DES LAG PAS MNAN PA'I LTONG GI SHUGS LDAN PA, ,SDUG BSNGAL GYIS PHONGS SKAD CIG MI G-YO MIG @111A *, ,LDAN PA, ,SA YI BDAG PO'I DMAG DE BRIS PA BZHIN DU GNAS, ,BYANG CHUB SEMS DPAS SMRAS PA, KHYED CAG RNAMS KYIS KUN NAS NGAL PA DON MED PAS 'KHRUGS TE, ,SROG RNAMS 'BAD PAS BSRUNG BYAS KYANG, ,BYE MA'I CHANG BA BZHIN DU 'DOR, ,'JIGS PAS KUN NAS 'KHOR BA'I MIG, ,SKYABS SU 'OS PA MA YIN NO, ,DE NAS 'THAB MO BA DE RNAMS DE'I NGES PA DE SHES NAS PHAN TSUN DU 'DI SKAD CES SMRAS PAR GYUR TO, ,RE ZHIG 'DI YI CHO GA 'DI NI MI BYED PA, ,MI SKYONG SRAS KYI RNAM PAR GNON PA CHEN PO YANG, ,SHIN TU MI MNYAM GNAS PA 'DI NI DE YI PHYIR, , BDAG CAG 'THAB MO 'DIR NI 'ONGS LA 'BRAS BU MED, ,SGRUB MIN CHEN PO YOD PA ZHES BYA'I DNGOS PO LA, ,NGAL PHYIR 'GA' ZHIG SKYE BOS BYA BA MED PA STE, ,LHUNG BA'I PHYE MA LEB RNAMS KYIS NI G-YO BA'I PHYIR, ,NOR BU'I SGRON MA'I RTZE MO NUS PA MA YIN NO, ,DUS NAM ZHIG TU RJE BOS KYANG SRAS TSAR BCAD PA'I PHYIR DU PHYI NAS 'GYOD PA 'BYUNG BAR 'GYUR BA DE BAS NA BDAG CAG LA BZLOG PA NYID RIGS SO ZHES BYA BAR RAB TU BZUNG NAS, JI LTAR 'ONGS PA'I LAM DE NYID NAS DMAG TSOGS DE SLAR SO SOR LOG PAR GYUR TO, ,BYANG CHUB SEMS DPA' YANG 'JAM PO'I RMIG PA RNAM PAR BGOD PA'I RTA MCHOG RNAMS KYIS SHING RTA 'DREN BZHIN BA'I RI'I NAGS DE LAS YANG DAG PAR 'DA' BAR BYED PA RI RAB KYI RTZE MO 'DZIN PA'I BTZAG GI PHYE MAS DMAR BAR BYAS PA'I MCHE BA GNYIS PA'I DPRAL 'BUR GYI RNAM PA CAN GYI NYIN MO BYED PA YOD PA LA, RDUL GYI TSA BA DANG BRAL BA'I LAM RNAMS LA RANG GI GNAS SU 'GRO BAR KUN NAS PHYOGS PA'I RI DAGS KYI TSOGS RNAMS YOD PA DANG, 'DAB CHAGS RNAMS KYIS RNAM PAR GROL BAR GYUR PA'I TSANG TSING DANG LDAN PA DANG, SHING RNAMS LA NGES PAR 'BREL BAR GYUR PA'I GTOR MA ZA BA DANG BYA RGOD KYI GSHOG PA RNAMS KYIS 'GUL BZHIN PA'I 'DAB MA'I TSOGS DANG LDAN PA'I N+YA GRO DHA YOD PA DANG, KHA ZAS MNGON PAR 'DOD PAS SPYOD CING GNAS PAR 'JUG PA'I GRONG KHYER DANG NYE BA LA MNGON PAR PHYOGS PA'I MI SRUN PA'I RI DAGS YOD PA DANG, SKYON DANG BCAS SHING MA DPYAD PA'I LAS BYAS PA'I SKYES BU RNAMS DANG, CHOM RKUN RNAMS LA DGA' BA'I DUS LA SDONG KHANG GI DU BA'I RI MO @111B MTHONG NAS, NGES PAR 'DIR GRONG KHYER RAM GROGS PO YOD DO ZHES BYA BA RNAM PAR BSAMS NAS KHA LO BA LA SMRAS PA, KHA LO BA GANG 'DI CHU GTER SAR PA'I TSOGS DANG RJES SU MTHUN PA'I DU BA SNANG BA'I SA PHYOGS DER SHING RTA DRANG BAR GYIS SHIG CES ZER ZHING, THAG NYE BAR SONG NAS 'DI RNAMS THAMS CAD SKYE BO MED PA'I GRONG KHYER 'DI ZHES BYA BA 'DZIN PAR GYUR PA DANG, DE NAS BLON PO'I SRAS KYIS BYANG CHUB SEMS DPA' LA SMRAS PA, ,GRONG KHYER GRAGS PA CHE BA'I LAM LDAN KHYED NI 'ONGS PA LA, ,GRONG KHYER GRAGS PA CHE BA'I LAM LDAN KHYED NI 'ONGS PA LA, ,'DI NI SNGA MA BZHIN DU DGA' ZHING MDZES PA 'BYUNG 'GYUR TE, ,LUS DANG LDAN PA'I LUS NI RNAM PAR SHES PA LDAN PA LTAR, ,GANG LA YON TAN RIN CHEN RTEN PA SKYES PA RNAMS MED PA, ,YUL NI GNAS KYANG BDAG GI DON DU DE NI SPONG PA NYID, ,ME TOG DANG NI 'BRAS BU KUN NAS 'BYUNG YANG MDZES PA MED, ,AARGA'I NAGS NI NAM YANG SKYED MOS TSAL DU 'GRO BA MIN, ,KHA LO BAS SMRAS PA, BDAG KYANG 'DI LTA BU NYID DU MTHONG BA MANG POS SMRAS PAS CI ZHIG BYA STE, LOGS KYI MTHA' MAR 'PHYANG PA'I GO CHAR LDAN PA 'KHOR GYI SKYE BOS RNAM PAR 'DZIN PA'I MTHUR, ,GDONG NAS BKAG PAS SBU BA 'DZIN PA'I DUM BUR LDAN PA STAN GYIS STONG PA'I RTA RNAMS KYIS, , KHYED KYI 'GRO BA MTSON PAR GYUR PA KHYIM GYI SGO NI GRONG KHYER 'DI LA SKYES RNAMS KYIS, ,KUN NAS KHYAB PA GLANG MO DANG NI GLANG PHRUG SKYED PA LA NI GLANG PO SKYONG BA GNAS, ,DE NAS BYANG CHUB SEMS DPA' SHING RTA'I 'KHOR LO'I MTHA' MAS KUN NAS BTZIR BAR BYAS PAS CHAGS PA'I SA'I GONG BU'I DUM BU DANG LDAN PA KA BA DANG RTA BABS KYIS LA 'BIGS PA KUN NAS LHUNG BA DANG, 'CHI BA MED PA'I LHA'I NYE 'KHOR GYI SGO MA KUN NAS 'BREL BA DANG 'PHO BA'I SPRE'U DANG, 'DAB CHAGS RNAMS KYI SGO NGA DANG THOD PA RNAMS KYIS SA'I STENG 'DRES PA DANG, 'PHAGS PA'I KHYIM GYI SGO 'BUR DU BTOD PA LA, ,PHYED MDUD PA'I RGYAL MTSAN GYI RTZE MO LA RMA BYA'I MGRIN PA LHUNG BA DANG, KUN NAS 'BYUNG BA'I RTZVA'I MYU GU RNAMS KYIS LAM GYI BAR BGROD DKA' BA DANG, CUNG ZAD MAR GYIS SNUM PA'I RDZA MA'I GYO MOG GI DBUS LA GNAS PA'I MI G-YO BA'I GROG SBUR RNAMS KYIS KHYAB PA DANG, RLUNG GIS BSKUL PAR GYUR PA'I RI BONG GI LTO BA'I SPU LTAR 'JAM @112A *, ,PA'I AARGA'I SHING BA LA DANG 'DRES PA LDUM GYI TSOGS DANG LDAN PA DANG, SHIN TU DUS RING BA NYID KYIS GNAS NAS KUN NAS 'PHO BA'I ME ZAD PA DANG, SNUM PA'I SHING GI RANG BZHIN GYI RNAM PAR 'DRES PA RNAMS KYI SHING GI RTZA BAR LHAG PAR GNAS PA SHIN TU MTHONG BAS 'JIGS PA NI, , MI G-YO'I BYI LAS 'GA' ZHIG TU, ,BYI BA'I SGRA NI THOS BZHIN PA, ,NE'U LES RNAM CHAD 'GA' ZHIG TU, ,'PHROS PAS 'JIGS PA'I LTO 'PHYIR LDAN, ,'GA' ZHIG TSANG GIS PHYED 'GAGS PA, ,DGRA YIS SO SOR GROL BAR LDAN, ,BYA RGOD RDUG BYUGS 'GA' ZHIG TU, ,N+YA GRO DHA YI 'DAB MAS KHYAB, ,DRI MAS MTSAN PA'I GO CHA LTAR, ,LJANG GU MI G-YO SPANG RNAMS KYIS, ,BA GLANG PHRENG RNAMS 'DOGS PA NI, ,SBRANG RNAMS TSOGS KYIS 'GA' ZHIG TU, ,'GA' ZHIG 'UG SKAD KYIS SKRAG PA'I, ,GNYID BRAL 'KHOR BA'I KHVA DA BCAS, ,GZHAN DU BHA RO tI SKAD NI, ,ME BCAD RNAMS KYIS 'JIGS SHING 'JIGS, ,'GA' ZHIG TU NI SDONG KHANG BSREG ZA YI, ,SA YI DKYIL 'KHOR GSAL BAR BYAS PA DANG, ,'GA' ZHIG TU NI MI RUS RNAMS KYI NI, ,PADMA'I RTZA LTAR SKYA BAS BSAGS PA DANG, ,DUS RING NYID KYIS CHUNG BA LHAG MA'I DRI LDAN PA, ,SBRANG DANG KA PI TA YI BUM CHEN BUM CHUNG DU MA YIS, ,CHAGS PAS DUM BUR SONG BA KHA CIG GIS NI YANG, ,NGES BSAGS 'PHO BA CHANG 'TSONG MA YIS TSONG SA'I MTHAR, ,'PHO BA SGRO YIS STONG PA LTONG NI CHAGS PA DANG, ,RGYUS PA LHOD PA KUN NAS DOR BAR BYAS PA NI, ,KUN NAS RNYINGS PA'I MDA' RNAMS KYI NI DUM BU YIS, , G-YANG SA'I BU YI LHAG GNAS GSAL BYAS 'GA' ZHIG TU, ,PADMA RNAMS LHUNG 'GA' ZHIG TU YANG RNGA DANG NI, ,GZHAN DU YANG NI GTZUG PHUD DMAR BA'I SGRO TSOGS KYIS, ,BA RNAMS KYIS NI RO LA RAB DOR DRI MA CAN, ,RVA RNAMS KYIS NI KUN NAS RNGON PA'I KHYIM MTSON BYAS, ,ME TOG DUM BUR SONG BA'I 'PHO BA MA MO'I PHRENG, ,DBANG PHYUG KHYIM GYI PAR GYI SA NI 'GEGS BYAS PA, ,G-YUL NGOR 'THAB PA'I GZUGS NI 'DZIN PAR BYED PA NA, SHI BA KUN NAS DOR BA'I RKANG PAS SHIN TU KHYAB, ,KHYIM GYI RTZIG PA ZHIG PAS CHAG CING SKAMS PA NI, ,LHOD PA'I CHU SHING TSOGS KYIS NYE 'KHOR @112B NANG BSAGS PA, ,RGYA SHUG SHING GIS BZUNG ZHING SKYES PA KU BA'I SHING, ,GNAS LA STOD G-YOGS BRAL BA'I 'UG PA'I SNANG BAS BRTEN, ,TSANG LAS LHUNG BAS DBUS SU BRLAN PA 'GA' NIG TU NI NANG, ,PHUG RON SGO NGA'I DUM BU RNAMS KYIS KHYIM GYIS BSAGS PA, ,GZHAN DU RNO ZHING 'DRES PA SAR BA MIN DANG SAR RNAMS KYIS, ,'GA' ZHIG BAR CHAD MED PA'I DUM BU RNAMS KYIS KUN NAS KHYAB, ,'GA' ZHIG TU YANG KHA SKYES DBYUG PA DMA' BAR BYA BA'I YAN LAG GIS, ,ZHO NI SRUB BAR NGES PA'I KUN NAS BSAGS PA'I 'O MA PHYUGS KYI LHAS, ,KUN NAS DRI MA CAN DANG RNYING BA RNAMS KYIS GZHAN DU KHYAB PAS CHAG ,LHOD CING BAR CHAD RTZIB MA SHA RE KA YI DRA BA RNAMS KYIS KHYAB, ,DE NAS BYANG CHUB SEMS DPA' 'KHOR DANG BCAS PA GTOR MA RGYAS PA'I SKAD KYIS GNYID SAD PAS KUN NAS DOGS PA'I BYA KOO SHI KAS LHAG PAR GNAS BZHIN PA'I N+YA GRO DHA'I BAR DANG LDAN PA'I KHYIM 'GA' ZHIG TU GNYID KYIS MTSAN MO 'DAS PA DANG SKAR MA'I TSOGS RAB TU BAR CHAD PAR GYUR PA'I NAM MKHA' LA, KHYOD SHI BA'I 'GRAM PA KUN NAS SKYA PA LTAR GZUGS SRAB BA'I NUB PA'I RI'I RTZE MO 'DZIN PA'I BSIL BA'I 'OD ZER YOD PA LA, PHAN CHUN YANG DAG PAR SBYONG BZHIN PAS RAB TU DGA' BA PADMA'I SDONG BU LA RKANG PA GZHAG PA DANG LDAN PA'I DUR PA PHO MO GNYIS YOD PA DANG, RI BONG CAN GYI 'OD ZER LA KUN NAS CHAGS PA DANG BRAL BA'I MYA NGAN DANG 'DRA BAR KU MU TA'I 'BYUNG GNAS KUN NAS ZUM PA LA, BUNG BA'I PHRENG BA 'KHOR BA'I PI WANG GI SGRAS RAB TU SAD PA DANG 'DRA BAR RNAM PAR 'PHRO BZHIN PA'I PADMA'I GDONG DANG LDAN PA BSKYOD PA'I RLABS KYIS LAG PAS RAG PA'I 'GRAM DANG 'BREL PA DBU BA'I GDU BU DANG LDAN PA, SGRA SGROGS PA'I NGANG BA'I RKANG GDUB DANG LDAN PA'I PADMO'I BUD MED RNAMS YOD PA LA, KHA PHYE BA'I DZA BA'I ME TOG GI PHUNG PO LTAR MNGON PAR GSAL BZHIN PA'I DKYIL 'KHOR CAN GYI NYI MA YOD BA DANG, NYI MA'I 'OD ZER GZHON NUS RJES SU MCHOD BZHIN PA'I RTZE MO'I MDUNG DANG LDAN PA'I SA 'DZIN RNAMS YOD PA LA, DE'I DUS DANG RJES SU MTHUN PA'I MAL STAN LAS LANGS TE, KUN NAS 'KHOR BAS GRONG KHYER DE MTHONG ZHING 'DI BSAMS PAR GYUR TE, 'DIR NI BSTAN BCOS DU MA RNAMS KYIS KUN @113A *, ,NAS 'PHEL BA'I MDZES PA'I GTAM 'BYUNG STE, ,SGEG PA'I NYAMS KYIS 'JAM PA'I BHA RA TA YI GAR NI 'DI LAS 'BYUNG 'GYUR TE, ,RTEN NAS 'JIGS PAR 'GYUR BA CI ZHIG 'BYUNG BA ZHES BYA BA NI MI RTAG PA, ,AE MA DE LTAR GRONG KHYER 'DI NI PHUG RON RNAMS KYI SKAD KYI SMRA BA 'DRA, , DE NAS DER CUNG ZAD LONGS MA SPYAD PAS GU SHING GI 'DAB MA LTAR LJANG SER CHU NANG GI RTZA'I TSOGS KYIS RDZING BU'I CHU BKAB PA DANG, PHAG RNAMS KYIS GNAS BZANG PO DANG MON LUG DANG KA SHE RU KA RNAMS RTZE BA NAS 'DON PA DANG, SHIN TU RAB TU 'PHEL BA'I RTZA'I TSOGS LA LHAN CIG BYED PA DANG, TI LA KA'I SDONG PO DANG, TZAM PA KA'I SDONG PO NUB PA DANG, NAGS KYI MA HE RGAL BA RNAMS KYI RVA 'PHANGS PAS KUN NAS 'PHUR BA DANG, KUN NAS 'BREL BZHIN PA'I BUNG BA RNAMS KYIS RDZING BU'I PADMA KUN NAS 'GRO BAS MDZES PA 'DAS PA DANG 'DRA BA RJES SU BSAM ZHING SKYED MOS TSAL RNYING PAR RAB TU ZHUGS PAR GYUR TO; ,DER YANG MA RAL BA DRI MA CAN GYI GOS KYIS YAN LAG BKAB PA, SKRA LO DANG LAG PA KUN NAS RTZUB PA, ME TOG GI YAL GA LA LAG PAS 'DZIN PA, YAL GA LA GNAS PA'I RI DAGS RNAMS MTHONG NAS NGO MTSAR BA LAS YANG DAG PAR SKYES PA'I 'DZUM PAS GSAL BZHIN PA'I SO'I NOR BU'I 'OD ZER RNAMS KYIS SNANG BAR BYAS PA'I ME TOG BAN DU KA LTAR SHIN TU DMAR BA'I MCHU DANG LDAN PA DANG, RGYAN MED KYANG YID 'PHROG PA, YONGS SU SMIN PA'I RTZVA'I RGYAL PO'I 'BRAS BU LTAR RJES SU MTHUN PA'I 'O MA 'DZIN PA DANG LDAN PA, CHU 'DZIN PA'I KHYIM GYI NANG DU ROL PAR BYED PA'I GLOG GI BU MO DANG 'DRA BA'I BU MOS ME TOG RNAMS THU ZHING MTHONG BAR GYUR TO, ,DE'I DRUNG DU NYE BAR 'ONGS TE DE LA DRIS PAR GYUR TE, SKYE BO MED PA'I GRONG KHYER 'DI NI CI PHYIR KHYOD, ,MIG GI MTHA' MA'I ZIM PAR SONG BA'I MIG MTHAR LDAN, ,SKYE BO RNAMS KYIS MA MTHONG BA YI GZUGS MDZES PA, ,GZUGS DANG LDAN PA NYA PHYIS SON PA'I ME TOG 'DRA, ,DES SMRAS PA, BDAG NI RGYAL PO'I BU MO STE DBANG PO LAS 'DAS PAR GRONG KHYER 'DI GNOD SBYIN DRUG CU TZAM GYIS MI DANG MI'I SKYE BO DANG, GLANG PO CHE DANG RTA DANG BA GLANG DANG MA HE RNAMS MNGON PAR BYAS PA STE, BDAG NI GCIG PU NYE BA RNAMS KYI MYA NGAN GYIS SDUG BSNGAL BSAGS @113B PA SKAL BA DMAN PA'I DRAG PO DE RNAMS KYIS RANG NYID LA PA SNYEN BKUR GYI DON DU LHAG MAR BYAS PA NI, ,GANG LA N+YA GRO DHA'I SHING 'DI, ,SDONG KHANG DU BA LTAR 'OD MED, ,GNOD SBYIN DE RNAMS RNAM 'GYUR BA, ,DA LTA PHYOGS 'DI NAS 'ONGS 'GYUR, ,DE PHYIR 'BAD LDAN KHYOD KYIS NI, ,SHIN TU LEGS PAR GNAS PAR BYA, ,KUN TU DUS KUN SKYES PA RNAMS, ,GANG PHYIR BAG YOD 'BYOR BA'I PHYIR, ,GZHAN YANG SKAL PA CHEN PO, NOR BU MDZES PA'I SKYE BA LTAR NI BDAG MDZES PA, ,KHYOD KYI RNAM PA NYID NI CHE BA NYID NI SMRA, ,DE LTA NA YANG BDAG GIS KHYOD KYI MING RTOGS PHYIR, ,'DOD DE GANG PHYIR BUD MED RNAMS NI PHRA BA'I BLO, ,DE NAS BYANG CHUB SEMS DPAS DE LA RANG GI GTAM SMRAS PA, DES KYANG GTAM THOS PA PADMA'I 'DAB MA DANG RJES SU MTHUN BA'I RKANG PA'I MTHE BONG GIS SA LA CUNG ZAD 'BRI ZHING DPUNG PA'I YAL GA LOGS 'DZIN CING CUNG ZAD GOS KYI KHA TSAR KUN NAS G-YO BAR BYED CING THUR DU 'DUD PA'I BZHIN DANG LDAN PA AE MA'O, ,GAL TE RNAM PA DANG BCAS PAR 'DIR BDAG NI CHUN MA NYID DU NYE BAR 'DOD PA YIN NA DE BAS BDAG GI BUD MED NYID DON DANG BCAS PAR 'GYUR ZHES ZER RO, ,'DOD PA DANG LDAN BZHIN PA YANG NGO TSA BAS MI SMRA ZHING BUD MED 'DOD PA DANG BCAS PAS 'DOD PA CAN LA KHYOD KYIS BDAG JI LTAR 'DOD PAR GYIS SHIG CES BYA BA JI LTA BA BZHIN DU SMRA BAR 'GYUR TE, DE BAS NA BDAG NI ZHE 'DOD KYIS BDAG PO DNGOS PO 'DI LA GSAL BAR BYA'O SNYAM DU RNAM PAR BSAMS NAS BYANG CHUB SEMS DPA' LA SMRAS PA, ,RANG GI 'DOD PA YID GNAS PA, ,KHYOD LA CUNG ZAD SMRA BAR 'DOD, ,DE NI BDAG GI NGO TSA BA, ,CHUN MA LTAR NI YANG YANG 'GEGS, ,DE YI 'DOD PA DE YANG NI, ,BLO GROS CHEN PO DES SHES NAS, ,NGO TSAS 'DUD PA'I MIG YANGS PA, ,MCHOG GI GDONG CAN BLANGS PAR GYUR, ,DE NAS GRONG KHYER RNYING PAR KUN NAS 'ONGS NAS NI, ,DE DANG RJES SU SONG STE PHO DRANG DU ZHUGS NAS, , DE YI RNYED PA BSDUS DANG LDAN PA SMRAS NAS NI, ,GNOD SBYIN NYER 'ONGS DE RNAMS LA NI DE SMRAS SO, ,DE NAS KHA LO BAS NI MYUR DU MTSON CHA DANG LDAN PA, ,RTA RNAMS SBYOR BA SHING RTA 'THAB PA'I PHYIR NI DE BYED BCUG, ,MA MCHU MNAN NAS GZHU NI BDUNGS TE MTHO BA'I DPUNG PAR LDAN, ,GSER LAS BYAS @114A *, ,PA'I LUS NI SKYONG BA SKAD CIG DE LA BCINGS, ,RKANG PA MYUR BAR GSANG BA PA NI DE RNAMS YONGS BYAS TE, ,SHING RTA MCHOG LA GNAS PA DPUNG PA DE MTHONG NAS, ,KHROS PAS 'BAR BA'I MIG NI ME YI 'OD LDAN PA, ,RTZE MO RNO BA'I ME NI SPRUL PA'I MDA' RNAMS BTANG PAR GYUR, ,DPUNG PA'I TSA BA GO CHAR LDAN PA DE YI LUS LA NI, ,GSANG BA PAS BSKUL MDA' RNAMS KYIS KYANG SGRA NI 'BYUNG BA STE, ,KUN NAS SKRAG PAS SHIN TU RGYUG 'DRA'I RI DAGS RNAMS KYIS NI, ,RI YI MTHA' MAR RMIG PAR SBYAR BA'I DGRA DANG RJES SU MTHUN, ,GNOD SBYIN 'DI RNAMS PHAM PAR GYUR PA RNAMS LA G-YUL NGOR NI, ,SKYE BO CHEN PO'I YUN RING DU NI ZHI BAR 'BYUNG 'GYUR TE, ,DE LTAR RNAM BSAMS SNYING RJE CHE BAR YANG NI DER GYUR NAS, ,DON YOD STOBS KYI MTHU DANG LDAN PAS GZHU NI 'DZIN PAR GYUR, ,BYANG CHUB SEMS DPA'I YANG DANG YANG DU LTUNG BA NI, ,MDA' NI DE RNAMS ZAD PA CUNG ZAD BYAS MI 'GYUR, , NGES PAR DE NYID KYANG NI CHEN PO 'BYUNG 'GYUR TE, ,BSOD NAMS MTHU DE GANG PHYIR SDUG BSNGAL MA GYUR TO, ,DE NAS DE YI RNO 'PHANGS PA, ,MDA' RNAMS GNOD SBYIN LUS 'BIGS PA, ,RNA BA'I MTHAR NI KHU TSUR BCANGS, ,RTAG TU SBYAR BA 'DRA BAR GYUR, ,GNOD SBYIN GYIS DOR DE'I GO CHAR, ,MDA' RNAMS 'BRAS BU BCOM PAR GYUR, ,SKAL BA MED PAS THOB DKA' BA'I, ,DNGOS PO LA NI YID RE BZHIN, ,SHING RTA CHEN PO STEGS KYI 'DRA BAR 'GYUR BA STE, ,DBYANGS NI BHA shA tA BYAS SGRA DANG 'DRA BAR GNAS, ,GZHU CHEN RTZE MO MTHO BA GNYA' SHING 'DRA BA STE, ,MI DBANG SRAS PO DES KYANG SBYIN SREG BYED PA 'DRA, , LHA DANG GRUB THOB KLU RNAMS KYIS NI MTHONG BZHIN PA, ,SKAD CIG LHUNG BA'I MDA' RNAMS BUD SHING TSOGS LDAN PA, ,'DI LTA BU YI G-YUL NGO'I RTA CANG DE LA NI, ,GNOD SBYIN RNAMS KYANG RANG NYID KYIS NI PHYUGS SONG GYUR, ,DE NAS BSAD PA'I LHAG MA GNOD SBYIN DE RNAMS LA MDA' RNAMS KYIS YAN LAG LA RMA BTOD PAS KHRAG 'DZEG PA DANG, NUS PA ZAD PA RAB TU 'DAR BA THOB PA RNAMS LA GSANG BA PA GCIG DE DANG NYE BAR 'ONGS NAS BYANG CHUB SEMS DPA' LA SMRAS PA, ,KHYAB BDAG NGA NI KHYOD KYI GROGS TE 'BYOR BA'I PHYIR, ,DE PHYIR RING PO NAS NI GZHU NI DBAB PAR MDZOD, ,RGYAL STER SHIN TU CHE BA MDZOD KYI PHUN TSOGS NI, , @114B GTER DU BYAS PAS 'DI DAG LA NI RAB BRTAN BGYI, ,DE LTAR BGYI ZHES BYA BAS PHAN TSUN DU MDA' DANG BCAS PAR BYANG CHUB SEMS DPA' KHAS BLANGS PA LA GNOD SBYIN DE 'ONGS NAS GTER MANG PO GTER SKYONG RNAMS KYIS LHAG PAR BSRUNG BA BRKOS NAS NYE BAR 'BUL BAR GYUR TO, ,KUN NAS YANG BYANG CHUB SEMS DPA' RNAMS KYI YON TAN RNAMS KYI CHE BA'I BDAG NYID SKYE BO'I GNAS RNAMS LA RAB TU GRAGS PAR GYUR TO, ,DE NAS RAB TU DGA' BA'I YID LA LDAN PA'I SKYE BO'I GNAS RNAMS RE LDI DANG, BA LANG DANG, MA HE DANG, GLANG PO CHE'I PHRU GU RNAMS LA YO BYAD RNAM PA SNA TSOGS PA DANG SNOD RNAMS KUN NAS BKAL BA NI, STOBS MCHOG YUL RNAMS BOR NAS NI, ,GZHAN DAG TSER MA MED PA RNAMS, ,TSER MA MED CING NYER 'TSE MED, ,GRONG KHYER CHEN PO DER 'ONGS GYUR, ,TSONG RNAMS 'TSONG BAR BYED PA NI, ,NYI MA RE RER NYE BAR YANG, ,BAR CHAD MED PAR SKYE TSOGS KYIS, ,SLAR TSONG SA GANG BAR GYUR, ,SIN DHU RA DMAR DPRAL 'BOR CAN, ,AE LA BCAG LTAR DRI ZHIM PA'I, ,GLANG PO RNAMS KYI SMYON CHU SLAR, ,KA BA DRI ZHIM SLAR SKYES GYUR, ,THO RANGS SENG GE'I KHRIR GNAS PA, ,MI SKYONG GSER GYI GO CHA LA, ,SKYE BO 'THAB PAS BGROD DKA' BA'I, ,RGYAL PO'I NYE 'KHOR SLAR SKYES 'GYUR, ,ZUG RNGU NYE BA'I SA RNAMS RI BONG MA CHON PA'I 'OD, ,CHU BO GTZANG BA'I CHU YIS BU RAM SHING RNAMS SPANGS, ,THONG LCAGS KYIS NI MON LUG RNAM PAR 'BIGS BZHIN PA, ,DRI ZHIM ZHING GIS RNAMS SLAR NI BYUNG BAR GYUR, ,BA GLANG PHRU GUS KUN NAS KHYAB PA'I NYE 'KHOR GYI, ,KHYIM RNAMS SU NI SLAR YANG GTUN SHING DGRA RNAMS NI, , BUNG MED RNAMS KYI GDU BU'I SGRAS NI RJES 'BREL BA, ,ME TOG RNAMS KYIS MCHOD PA KUN NAS THOS PAR GYUR, ,BUD MED RNAMS NI ME TOG LDAN BA'I LUS CAN LA, ,KUN NAS GTOR MA RNAMS NI SLAR YANG 'DZIN PAR GYUR, ,GNYIS MED SNGAGS KYI TSIG DANG RJES 'BREL GYIS GTZANG BA, ,SLAR NI MAR GYI SRAG LUGS ME LA NGES PAR LHUNG, ,NYI MA SONG LA NAGS KYI MTHA' NAS BA RNAMS NI, ,BSKYOD PA'I DRIL BU'I SGRAS NI NYER 'ONGS MTSON PA RNAMS, ,KUN NAS DAL BA'I RKANG PA SLAR NI LCI BA YI, ,NU 'JING RNAMS NI KHUR BUS BA LANG TSOGS LA ZHUGS, ,NYAMS DANG RJES 'BREL TING TING SHAGS KYI SGRA @115A *, ,DANG BCAS, ,GSAL ZLA ZLA TSES LDAN PA'I MTSAN MO RNAMS LA NI, ,BUD MED RNAMS KYI 'JAM PA DANG NI SNYAN PA'I GLU, ,SA YI DKYIL 'KHOR RNAMS LA SLAR NI THOS PAR GYUR, ,CUNG ZAD BUD MED MTSAN MA BSKYOD PAS STENG G-YOGS BSKYOD PA NI, ,RGYAS PA AA TH'A SA YI ME TOG LTAR NI SNGO MTHUG BLA GOS CAN, ,DUS 'BYUNG RI YI NANG DU BA GLANG TSOGS RNAMS LA NI SLAR, ,KA PI TA LTAR DRI ZHIM CHU NI 'BROG NAS SRUB PAR GYUR, ,CHU RNAMS 'DZIN PA'I CHU NI RGYAN GYIS NI, ,SPANGS PA'I 'BRU RNAMS SKYES PA NI, ,BA RNAMS MANG PO'I SO YIS RTZVA NI GZHON NU'I MYU GU'I RTZE BCAD PA, ,SLONG PA'I SKYE BOS GRONG GI NYE 'KHOR NANG DU KUN NAS KHYAB PA NI, ,SLAR YANG MDZES PA NYE BAR BSAGS PA DER NI YUL RNAMS 'BYUNG BAR GYUR, ,DE NAS RGYAL PO GSER GYIS NYI MA RE RER MNGON PAR 'PHEL BZHIN PAS DGA' BAR GYUR PA'I SRAS KYI CHE BA NYID DE NYE BAR THOS NAS DE DE GUS PAR BYA BA'I PHYIR PHO NYA BTANG BAR GYUR TO; ,DE YANG SGO SKYONG RNAMS LA ZHUS SHING RJES SU GNANG BAR GYUR PAS RAB TU ZHUGS PAR GYUR TO, ,STAN YONGS SU 'DZIN PAR BYAS PA BDE BA 'DRI BA SNGON DU 'GRO BAS BYANG CHUB SEMS DPA' LA ZHUS PA, AE MA KHYOD KYI DPUNG PA LA NI RGYAS MIN STOBS, ,AE MA YID NI BSAM PA'I KHYAD PAR GYIS BSTAN PA; ,GCIG BU NYID GYIS SHES BYA KHYED KYIS PHAM PA GANG, ,SA SKYONG RANG BZHIN GYIS NI DRAG PA'I GNOD SBYIN RNAMS, ,'DI LA CI ZHIG SHIN TU NGO MTSAR NGO MTSAR 'DOD, ,KHYOD KYI 'DI NI BRTZON 'GRUS GROGS LDAN SEMS LDAN PA'I, ,GLANG PO RNAMS KYI TSOGS NI MTHONG NAS YID STOBS KYIS, ,NAM YANG GNYA' RAL CAN NI BKUM PA NYER 'GRO MIN, ,'JIG RTEN TSER MA RTZAD NAS BTON PA CHEN PO NYID, ,DRI MED MTHONG BA'I SEMS LDAN RNAMS KYI GZHAN DON NYID, ,'GRO BA KUN NAS BDE PHYIR 'OD ZER RNAMS KYIS NI, ,DRI MED 'OD ZER CAN GYI RANG BZHIN 'DI NYID DO, ,DE BAS NA SKYE BO'I GNAS 'DI MGON PO DANG BCAS PA STE, GANG GI MTHU CHEN PO DANG LDAN PA KHYED CAG LTA BU SRUNG PA PO YOD CES ZER RO, ,BYANG CHUB SEMS DPAS SMRAS PA, ,GAL TE GNOD SBYIN 'JIG RTEN 'JIG, ,RGYAL BA'I PHYIR NI NUS MI 'GYUR, ,RGYAL DKA' NYON MONGS GNOD SBYIN DE, ,JI LTAR BDAG GIS PHAM PAR 'GYUR, , @115B GAL TE BCOS MA'I GRONG KHYER NI, ,ZHUGS PHYIR BDAG LA THE TSOM YOD, ,MYA NGAN 'DAS PA'I GRONG KHYER DE, ,'JIGS PA GCOD LTAR ZHUGS PAR 'GYUR, ,GAL TE BRTZON 'GRUS KYIS RGYAL SRID, ,SKYON MED 'DI NI THOB MI 'GYUR, ,CHOS KYI RGYAL SRID BDAG JI LTAR, ,'GRO BZHI PHYIR KUN THOB 'GYUR, , GRONG KHYER PHUN TSOGS CHEN PO 'DI, ,GAL TE BYED PAR MI 'GYUR NA, ,DE TSE SLOB MA'I BRGYUD PA NI, ,JI LTAR RGYAS PAR KHRID PAR 'GYUR, ,PHO NYAS SMRAS PA, GANG KHYOD KYI NI 'DI LTA BU YI SPYOD PA NGO MTSAR BA, ,SEMS CAN DON DU BRTZON PA'I RNAM PAR GNON PAS DAG PA'I BLO, ,GANG ZHIG GO 'PHANG DE NI THUB CHEN RNAMS KYIS LHAG GNAS PA, ,DE NI KHYED KYIS JI LTAR MI THOB SNYAM DU NGES PAR BYA, ,'DI NI MA 'ONGS PA YI RGYAL BA YON TAN RNAMS KYI RTEN, ,SNYING RJE KHYED KYIS YUN NI RING POR CI YI PHYIR NI 'GEGS, ,DE LTAR KHYED NI BLO YI GTER LAGS PHRAD PAR 'DOD 'DRA BA'I, ,BYANG CHUB BUD MED KYIS NI YUN RING POR NI SDOD PAR BGYI, ,SENG GE'I KHRI LA GNAS PA MNGON PAR RDZOGS PA'I BYANG CHUB THOB PA KHYED KYI 'KHOR BA'I SDUG BSNGAL RNAMS GCOD PAR BYED PA'I CHOS DANG 'BREL PA'I GTAM GANG RNAMS NGES PAR LEGS PA 'DOD PA THOB PAR 'GYUR BA DE RNAMS NI RNAM PA THAMS CAD DU DON DANG BCAS PA'O, ,DE LTA NA 'DI NYID 'JIG RTEN PA THAMS CAD LA SHIN TU PHAN PAS 'JUG PA'I BCOM LDAN 'DAS 'DI SO SO SKYE BO'I GNAS SKABS SU YANG BYUNG BAR GYUR TO ZHES BYA BA RNAM PAR BSAMS NAS DAD PA DANG LDAN PA'I DGE BA'I BSAM PA CAN GYI RIGS KYI BU GROL BAR 'DOD PAS SANGS RGYAS BCOM LDAN 'DAS LA DANG BAS RTZI GCIG PAR GNAS PAR BYA ZHES BYA'O, ,GSER GYI GO CHA'I SKYES PA'I RABS TE SKYES PA'I RABS GSUM PA'O,, ,,DGRA YANG NAD KYIS BTAB NA SNYING RJE YIS, ,'JAM PA'I SEMS LDAN BTANG SNYOMS MI MDZAD DE, ,'JIG RTEN PA YI GNYEN DU GYUR PA RNAMS, ,SKYE BA MA CHAD PA LA SMOS CI DGOS, ,'DI LTAR RJES SU THOS TE, RIG BYED DANG RIG BYED KYI MTHA' DANG, SNGON BYUNG BA'I GTAM YANG DAG PAR RTOGS PA'I DON DAM PAR SHES PA DON DAM PAR MNGON PAR 'DOD PA, SEMS CAN THAMS CAD LA BRTZE BA DANG LDAN PA'I BRAM ZE BRTZE BA CAN ZHES BYA BA BYUNG BAR GYUR TE, BDAG @116A *, ,NYID CHEN PO DES KYANG NAD DANG LDAN PA RNAMS KYI NAD RAB TU ZHI BAR BYA BA'I PHYIR KHA BA CAN DANG, MAN DVA RA'I RI DANG, KUN NAS SONG BA DANG, BZOD BYAS PA DANG, 'BIGS BYED KYI NAGS KYI NANG RNAMS SU SMAN BTZAL BA'I PHYIR RNAM PAR RGYU BAR GYUR TE, DE NAS LTO 'PHYE RNAMS KYIS BSKOR BA'I MTHUG PA DANG BCAS PA, TZAN DAN GYI NI NAGS RNAMS SO GA'I DUS LA LTA BYED CING, ,COG GI RTZE MO RNAM PAR LHUNG BAS SPRIN GYI TSOGS RGAS PA, ,DUS GCIG TSE NA GRUB THOB RTEN NI MA LA YAR 'KHOR 'GYUR, ,BYA KHYUNG MCHU YIS KUN NAS DUM PAS RNAM PAR 'PHO BA NI, ,PHO BA RIS NI SAR PA PHUG GI SGO RNAMS LA MTHONG ZHING, ,RLUNG GIS BSKYOD PA'I ME TOG RNAMS KYI DRI NI SNOM BYED CING, ,BRTAN PA DE NI NGAL BA SPANG PHYIR BDAG LA LHAG GNAS 'GYUR, ,KUN NAS NGAL BA BSAL BAR BYAS PA YANG DAG PAR BLANGS TE SMAN CHEN PO RNAMS KYI RTZA BZOR BAS BTON PAR GYUR TO, ,SMAN GYI KHUR BU CHEN PO BCINGS NAS DA NI 'GRO BAR BGYIS TE SMAN RAB TU SBYIN PAS SKYE BO NAD MED PAR BYA'O ZHES BYA BA RNAM PAR BSAMS TE, RI BO MA LA YA NAS RAB TU GNAS BZHIN PA SHIN TU NAD CHEN POS LUS KUN NAS SKYA BA DANG, RID PA CHE BA'I MTHAR SPYI'U BLUGS DANG, LHUNG BZED GZHAG PA YONGS SU SMIN PA'I RTZE'I MAL DU NYE BAR GNAS PA, MDUN DU RI DAGS KYI TSOGS 'DUG PA, THUN MTSAMS GSAR PA DANG 'DRA BA'I CHOS GOS KYI YAN LAG LA BGOS PA NYE BAR ZHI BA'I RANG SANGS RGYAS MTHONG BAR 'GYUR TE, DE NAS ZHI BA DE NI MTHONG NAS DUL BA LA DMIGS PA, ,DPUNG PA LAS NI RTZA BA DANG BCAS KHUR CHEN GZHAG BYAS TE; ,GUS PAS DANG BA 'DZIN PA KUN NAS 'BYUNG BA LTAR RING GNAS, ,SA RDUL KUN NAS 'BYOR PA'I SPYI BOS PHYAG NI BTZAL BAR GYUR, ,'DI LA NAD MED SNGON DU 'GRO BAR DGE SLONG DES, ,NAD KYIS RID PAR BYAS PA'I YAN LAG 'DI LTAR SMRAS, ,KHYOD NI 'JIG RTEN SDUG BSNGAL NYE BAR ZHI PHYIR NI, , 'KHOR BA RNAM GCOD SANGS RGYAS GO 'PHANG THOB PAR SHOG ,BRAM ZE DES NI 'DI LA 'DI LTAR DRIS PA STE, ,'PHAGS PA LUS NI NA BAR BDAG GIS MTHONG BA NI, ,CHAGS PA ZIL GYIS GNON PAR GNAS PAS RAB RID PA'I, ,TSIG GIS RANG SANGS RGYAS NI DE LA SMRA BAR GYUR, ,'DI YANG GROG @116B MA'I TSANG DANG 'DRA BA YI NI LUS, ,LAS DANG BRGYUD PA'I RGYU RNAMS KYIS NI SKYED BYAS NA, ,SEMS KYIS SDUG BSNGAL BYED PA'I 'GRO RNAMS DU MA YIS, ,NAD KYI LTO 'PHYE RNAMS KYIS KYANG NI LHAG PAR GNAS, ,RGAS PA'I GNYA' RAL CAN MO 'DI NI GANG GI TSE, ,MI YI LUS LA KUN NAS GNOD PAR BYED PA NI, , DE TSE SDUG BSNGAL GYIS NI DBANG PO'I YUL DANG BRAL, ,SEMS KYI MCHE BA GNYIS PA NGA RGYAL DOR BAR 'GYUR, ,DE NAS 'CHI BDAG GZHAN NI RGYU MTSAN MED PA'I DGRA ,LUS KYIS RANG BZHIN KHANG PA 'DI NI 'JOMS PAR BYED, ,GANG PHYIR GANG LA 'JOMS PA LA NI SKAD CIG GIS, ,SKYE BO'I BYA BA THAMS CAD KYIS NI SPONG BA 'BYUNG, ,SHI DANG RGAS DANG NAD KYI DGRA GSUM 'DI RNAMS KYI, ,LAS KYIS KUN NAS BSKUL BA'I SKYE BOS RAB TU GNOD, ,RGYUN MI 'CHAD PAR NYON MONGS BSREG LUGS ZA 'BYUNG BA'I, ,DE NYID KYIS NI SRID 'DI 'PHAGS RNAMS KYIS MI 'DOD, ,DE LTAR DPYAD NAS KHYED NI RNAM DPYOD LA MKHAS PA, ,SO SOR 'JIGS PAS LTO 'PHYE DANG MTSUNGS SRID PA RNAMS, ,ZHI BA'I LAM LA YID KYI RE BA RNAMS ZHUGS NAS, ,BRTZON 'GRUS RANG BZHIN SHING RTA LA NI LHAG GNAS MDZOD, ,DE NAS BYANG CHUB SEMS DPA' AE MA'O LEGS PAR BSHAD PA ZHES BYA BRJOD NAS, RANG RGYAL BA DE LA 'DI LTAR PHYAG BTZAL NAS SMRAS PA, LEGS BSHAD NOR BU'I RNYED PA NI, ,MA RIG RAB RIB GCOD BYED PA, ,DANG ZAB BLO CHUNG DAM PA YI, ,RGYA MTSO LA NI GZHAN DU PHYIN, ,SKYES BU DAM PAS KUN NAS BSKUL BA SKYES BU YIS, ,CHOS LA BRTZON 'GRUS SHIN TU GSAL BA NYID 'GRO STE, ,GZINGS NI RLUNG GIS RAB TU BSKUL BA 'DRA BA NI, ,CHU YI GTER LA GNAS PA'I MKHAS PA SKYA CHEN 'DZIN, ,DE BAS NA BTZUN PA LA RE ZHIG BDAG GIS YANG DAG PAR BSNYEN BKUR BYED PAR 'GYUR PA JI SRID DU NAD 'DI LAS DGON PA CHEN PO DANG 'DRA BA LAS KUN NAS RGAL BA ZHES BYA BA BRJOD NAS, NAM MKHA'I DBUS DANG NYE BAR 'OD ZER GYI TSOGS 'PHROS PA'I NYI MA YOD PA LA SHING RNAMS KYIS GRIB MA DANG KUN 'BREL PA DBUGS KYI DBANG GIS KUN NAS 'PHROS PA'I LCE DANG RKAN GSAL BA MIG GI MTHA' MA DKAR BA RDZING GI CHU 'JUG PA @117A *, ,LA; BRAD PAR 'DOD PA CHU DANG BCAS PA'I CHU 'DZIN PA LTAR SNGO BA NAGS KYI MA HE'I KHYU MCHOG RNAMS YOD PA LA, DRI ZHIM PA'I TZAN DAN GYI SHING GI SDONG PO RNAMS LA BDE BLAG TU KUN NAS BSKOR BA'I LTO 'PHYE RNAMS YOD PA LA SHIN TU DRAG PA'I NYI MA'I 'OD ZER 'KHYUD PAS RDUL GYI TSOGS KUN NAS TSA BA, LAM NAS 'GRO BA'I SKYE BO RNAMS KYIS LAM RNAMS RNAM PAR BTANG BZHIN PA RNAMS YOD PA LAS, RI BO MA LA YA'I SHING GI KHYIM BDAG RNAMS KYIS BYIN BA'I YONGS SU SMIN ZHING 'JAM PA DANG, DRI ZHIM PA'I RNAM PA SNA TSOGS PA'I 'BRAS BU CAN BSOD SNYOMS BLANGS NAS NYI MA'I 'OD ZER ZHI BAR BYA BA'I PHYIR, DE NI 'DAB MA RNAMS KYI GDUGS, ,CHE BYA 'BRAS BU ZA BA YI, ,RANG SANGS RGYAS LA 'DZIN PAR BYAS, ,THABS LA MKHAS PA'I TSONG PA NI, ,GANG ZHIG NGAL BA MI SEMS PA, ,DES NI PHYOGS BZHI 'KHOR BZHI PA, ,RNYED PA CHAN PO THOB PAR 'GYUR, ,BYANG CHUB SEMS DPA' 'DI BSAMS NAS, ,DE LTAR BSNYEN BKUR BYED BZHIN PAS, ,BKRES MIN DRAG PA'I NYI 'OD MIN, ,NGAL BA YANG NI MA BRTZIS SO, ,GAL TE 'GRO BA'I BLA MA MKHAS PA RNYED MA GYUR, ,SKYE BO LEGS PAR BSHAD PA THOB PAR MI 'GYUR TE, ,GANG ZHIG NOR GYI PHYIR NI RIN CHEN SAR 'GRO BA, ,DE NI RIN CHEN KHYAD PAR PHUN TSOGS KYIS NI SBYAR, ,DE LTAR DE NI 'PHAGS PA 'JUG PA BSNYEN BKUR ZHING, ,BRTAN PA'I SEMS CAN DGE BA'I 'BRAS BU NYER BSAGS PHYIR, ,NYI MA RE RER KUN NAS NYER BSAGS DANG BA NI, ,SKYE BA RNYED PA 'BRAS BCAS LEGS PAR BSAMS PAR GYUR, ,DE NAS RANG RGYAL BA DE BYANG CHUB SEMS DPA' LA SHIN TU NYIS 'GYUR GYI DANG BA BSKYED PA'I DON DU NAM MKHA'I DKYIL 'KHOR DU GNAS SHING RDZU 'PHRUL DE DANG BSTAN PAR MDZAD DE, ,KUN NAS RNAM PAR 'PHRO BA 'OD ZER KHYAB PA'I SKU, ,CHU DANG 'DRA BA'I DRI MED NAM MKHA' LA NI RGAL, ,GSER GYI RI DANG MTSUNGS PA MDZES PAR 'GYUR BA STE, ,PADMA'I GDAN GYI DBUS SU GNAS DBANG LDAN PA DE, ,SKAD CIG GIS NI KUN NAS PHAG GI SA LA ZHUGS, ,RIM GYIS SLAR NI NYI MA BZHIN DU 'CHAR BA RA MDZAD, ,RNAL 'BYOR STOBS @117B KYIS MANG BA NYID NI DE BSTAN TE, ,DPUNG PA DAG LAS CIG CAR DU NI CHU DANG ME, ,RNAM PAR BSKYOD PA'I SEN MO'I 'OD LDAN PADMA YIS, ,MTSUNGS PA'I PHYAG GIS NYI MA LA NI REG PAR MDZAD, ,SKYE BA'I 'JIGS PA SONG BA MANG BA NYID 'GRO 'GYUR, ,NYI MA DAG PA'I DBYINGS NI CHU RNAMS LA NI LTAR, , RDZU 'PHRUL STOBS CHAN DEL 'DI LTAR BLTAS NAS NI, ,'OD DANG LDAN PA DRO BA MIN PA'I 'OD CAN LTAR, ,RING DU RING BAR MI G-YO MDZAD PA'I SBYAN GNYIS LDAN, ,SHIN TU GNYIS SKYES GTZO BO DE NI DGA' SKYES GYUR, ,DE NI RDZU 'PHRUL GYIS NI SHIN TU DGA' BAR GYUR BA'I MTHU, ,RANG SANGS RGYAS NI MTHONG BAR BYAS NAS DANG BA BRTAN PA YI, ,RIG PA 'DZIN PA RNAMS KYI MKHA' LA 'GROL BAR GROL GYUR TE, ,ZE'U 'BRU 'BRAS BU'I RDUL GYIS LTO BA SER SKYA'I ME TOG RNAMS, ,DE NAS BYANG CHUB SEMS DPA' SA'I STENG DU PUS MO RNAM PAR GZHAG CING RAB TU DGA' BAS SNYING KHENGS PAR GYUR PAS SPYI BOR THAL MO SBYAR BA RNAM PAR BZHAG PAS RANG RGYAL BA DE LA TSIG GI NOR BU 'OD GSAL BA RNAMS KYIS MNGON PAR MCHOD CID GNAS PAR GYUR TE, RDZU 'PHRUL DANG LDAN SKU 'DI NI, ,KHYOD KYIS KUN NAS MTHONG BA LA, ,TSANGS PA 'ANG NGO MTSAR BAR GYUR NA, ,BDAG 'DRA SO SO'I SKYE CI SMOS, ,'BAR BA'I GZI BRJID KHYOD KYIS NI, ,RDZU 'PHRUL BSTAN PAR BYED PA LA, ,NAM MKHA' 'DI NI LHAG GNAS PA, ,NYI MA GNYIS LDAN 'DRA BAR MTSON, ,KHYED 'DRA RNAL 'BYOR RNAMS KYIS NI, ,NGO MTSAR 'PHEL BA'I BDAG NYID CHE, ,GZHAN LA RJES SU 'DZIN SGRUB PA, ,MKHAS PA RNAMS KYIS GSAL BAR BYED, ,SHAR PHYOGS KHYAD PAR DRAN ZLA NI, ,BDAG GI NGON DU SNANG BA MIN, ,CHEN PO DAG SEMS LDAN RNAMS KYI, ,SKYE BA GZHAN DON NYID DU YIN, ,GAL TE BDAG NI 'DI LA NYE BAR 'GRO MI 'GYUR, ,TZAN DAN SHING GIS MUN PAR LDAN PA MA LA YA, ,KHYED KYI BSTEN BKUR BYAS PA LAS NI KUN 'BYUNG BAS, ,GROL BA'I LAM GYI SA BON DGE BA THOB MI 'GYUR, ,BDAG LA RJES SU GZUNG BA 'DOD PAS 'DZIN BYED PA, ,SKU 'DI SRA BA MIN PA'I MTHU YIS LCI BA NI, ,RI BO MA LA YA YI NAGS NANG KHYED GNAS PA, ,NGES PAR NYON MONGS RNAMS NI ZAD PA G-YO SGYU @118A *, ,YIS, ,RGYA MTSO RNAMS NI 'BAR BA'I 'OD CAN NOR BU 'DZIN, ,CHU GTER RNAMS NI SHEL SPYAD LTAR DKAR CHU YI NI, ,SHING RNAMS 'BRAS BU PHUN SUM TSOGS PA CHEN PO YANG, ,KHYED CAG LTA BU GZHAN DON YUN RING POR NI THOB, ,KHYED KYI TSIG SKUD RNAMS KYI YON TAN BSTOD PA'I ME TOG PHRENG, ,BRGYUS NAS GANG ZHIG DGE BA'I RTZA BA'I 'BRAS BU BDAG GIS THOB, ,DES NI SHES RAB KYI STE STOBS BCU NYID NI THOB BYAS NAS, ,'GRO BA 'DI LA SRID PA 'JIG PA'I RGYUR NI BDAG GYUR CIG ,DE NAS RANG SANGS RGYAS DE BRAM ZE DE'I SANGS RGYAS NYID KYI PHYIR SMON LAM GSAN NAS YID RAB TU DGA' BAS DE NYID DU MI SNANG BAR GYUR TO, ,BYANG CHUB SEMS DPAS KYANG RNYED PA CHEN PO DANG 'DRA BAR RTOGS NAS, ,RANG SANGS RGYAS KYI ZHABS KYI RDUL NI SPYI BOR GZHAG BYAS NAS, ,'DIS NI DANG BAS BA SPU'I BU GA KUN NAS LANGS PA DANG, ,RI BO MA LA YA'I NAGS KYI BAR NAS SMAN RNYED PA, ,'JIG RTEN PA YI NAD NI BSAL PHYIR SKYE BO'I NANG DU 'GRO BAR 'GYUR, ,DE LTAR NA BCOM LDAN 'DAS DES BYANG CHUB SEMS DBAR GYUR PA NA 'JIG RTEN THAMS CAD KYI NYON MONGS PA BSAL BAR 'DOD PAS SNYING RJES RAB TU SPRO BAR BYAS PA'I BRTZON 'GRUS KYI STOBS RANG GI NGAL BA LAM BLTAS PAR RANG SANGS RGYAS NAD PA LA DES BSNYEN BKUR BYAS PAR GYUR TO, ,DE BAS NA DGE BA'I 'BRAS BU MNGON PAR 'DOD PA'I RIGS KYI BUS NAD PA'I BSNYEN BKUR BYED PA LA GUS PA MA YIN PAS GNAS PAR MI BYA ZHES BYA BA'O, ,RTZA BA CAN GYI SKYES PA'I RABS TE SKYES PA'I RABS BZHI PA'O,, ,, BDAG SLAD DE NI 'JIG RTEN LA BDE BA, ,GANG GI 'GA' ZHIG TU YANG SBED PA BYED, ,DE YANG DGRA DANG MTSUNGS PA SKYED PA STE, ,'JIGS PA CHEN PO'I SDUG BSNGAL SKYES PA YIN, ,'DI LTAR RJES SU THOS TE, TSOGS PA GSUM NYE BAR BSAGS PA LA 'JUG PA'I SKYE BO'I GNAS DANG, DE MNGON PAR 'PHEL BAS KUN NAS TSIM PA'I RIGS KYI GNAS DANG, DGE SPYOD DANG BRAM ZE'I SKYE BO'I SPYOD PAS GTZANG BA DANG, RTAG TU LO LEGS PAS RAB TU DGA' BA'I GRONG DANG LHA'I RIGS KYI NANG DU 'JUG PA'I GAR BYED PA MTHONG BAS LEGS PAR SMRA BA'I GRONG BA'I TSOGS DANG LDAN PA'I GLANG PO CHE'I GRONG GI GRONG KHYER GYI MCHOG LA @118B NOR CHEN PO DANG LDAN PA'I NOR CAN ZHES BYA BA'I RGYAL PO BYUNG BAR GYUR TO, RGYAL PO DES SRAS KYI DON DU SNA TSOGS PA'I LHA NYE BAR MCHOD PA LA RTZE GCIG PA'I DUS GCIG GI TSE NA BTZUN MO'I LTO BAR BYANG CHUB SEMS DPA' BTZAS PAR GYUR TE, JI LTA JI LTAR MNGAL GYIS KUN LA LE LO CAN, , DE NI SKYE BA YID 'PHROG BZHIN LDAN 'BYUNG 'GYUR BA, ,DE LTA DE LTAR DE LA LTA ZHING MI SKYONG NI, ,PHRAD PAR 'DOD PAS BA DE BLAG TU NI NYER 'GRO 'GYUR, ,SRAS NI RING POR BYIS PA NYID DU BDAG LA ROL 'GYUR BA, ,GZHON NU NYID NI RIGS KYI KHUR BU CHEN PO 'DZIN GYUR TE, ,BDAG NI 'JIG RTEN GZHAN DU 'GRO BA SHID NI STER BYED PA, ,DE LTAR SKYE BO DE PHYIR NGAN SONG SDUG BSNGAL MTHONG MI 'GYUR, ,DE NAS DUS KYI RIM PA LAS BTZUN MO MTSAN THAMS CAD KYIS BRGYAN PA'I LUS LHA'I GZHON NU DANG 'DRA BA'I GZUGS DANG LDAN PA GNAS GYI KHYAD PAR 'DOD PA'I RGYAL PO'I YON TAN DU MA RNAMS SO SOR SKYONG BZHIN PA DANG 'DRA BA'I DPAL LDAN SRAS SKYES PAR GYUR TE, DE NAS DER NI SRAS SKYES PA LA SRAS NI 'DOD PA YI, ,BSOD NAMS BDAG NYID NOR MANG BA YI NOR CAN RGYAL PO YI, ,GRONG KHYER DE LA 'PHRO BA'I RIN CHEN 'OD ZER SNANG BA CAN, ,SA YI GTER RNAMS KUN LAS RAB TU 'BYUNG BAR GYUR PA NI, 'PHROS PA DRI MA MED PA'I 'OD CAN RIN CHEN RNAMS KHA CIG ,DRI MA MED PA'I 'OD LDAN MU TIG TSOGS NI GZHAN DAG KYANG, ,SA SKYONG RNAMS KYIS RGYA MTSO'I 'GRAM LA LHAG GNAS BYAS PA NI, ,SNA TSOGS PA YI NOR NI NOR CAN RNAMS LA RAB TU SKUR, , DE SKYES PA LA GANG PHYIR NOR, ,NOR CAN GYI NI DU MAR 'GYUR, ,DE PHYIR NOR BZANGS ZHES BYA NYID, ,SKYE BO DE YI MING BTAGS GYUR, ,DE NAS DUS GCIG GI TSE NA RIG PA 'DZIN PAR NUS PA NOR BZANGS SHES NAS GZHU'I RIG BYED SHES PA RGYAL PO'I BSTAN BCOS 'CHAD PA LA MKHAS PA RNAMS DANG, GLANG PO CHE'I BSLAB PA'I RANG GI MTSAN NYID SHES PA'I MKHAN PO RNAMS LA NOR CAN GYIS SLOB MA NYID DU SONG BAR GYUR TE, SBOBS PA'I GRU NI MA RDOL BA, ,RING POR 'GRO BA LA ZHUGS NAS, ,RIG PA'I CHU BO ZAB RNAMS KYI, ,PHA ROL DU NI KUN SONG @119A *, ,GYUR, ,LANG TSOS SAR PA'I BZO BO YIS, ,'BAD PAS BYED BZHIN PA YI YANG, ,BZHIN GYI RGYAN DANG 'DRA BAR NI, ,CUNG ZAD SMAR BYUNG GYUR TE, ,'DOD PA JI LTAR BSTEN BZHIN PA, ,BDEN PAR SEMS NI BDE BA'I RTEN, ,DE LA RTAG TU CHOS DON GYI, ,'BREL PA GANG DANG DE DAG BZHIN, ,SNYING STOBS SGO BAS PHRAG DOG BCAS, ,RING NAS SDIGS MDZUB PA LTAR NI, ,RDUL DANG MUN PA DAG DE YIS, ,SEMS KYI KHYIM LA RTEN MA GYUR, ,DES NA NOR BZANGS MNGON PAR 'GRO BAR BYED PA'I YON TAN RNAMS DANG LDAN PA MTHONG NAS RGYAL PO DE'I BLON PO BRGYA PHRAG LNGA RNAMS RANG RANG GI BU RNAMS LA SMRAS PA, GANG ZHIG SNGON DU BSNYEN PA YON TAN CAN LA BYED, ,'BRAS BU DON GNYER DE NI DE SKYES 'BRAS BU THOB, ,CHUS NI RAB TU SBANGS PAS SA LA SKYES PA YI, ,ME TOG KHA BTZUM BSAGS PA NYI MA RE RER BZHIN, , DE BAS NA KHYED CAG RNAMS KYIS 'DI NYID GZHON NU NOR BZANGS BSTEN PAR BYA BA STE, NGES PAR SA RJES SU SKYONG BA 'DI LA KHYED CAG RNAMS KYIS BLON PO'I GNAS THOB PAR 'GYUR ZHES ZER RO, ,BLON PO'I SRAS DE RNAMS KYIS KYANG DE LTAR BGYI'O ZHES BYA BA BRJOD NAS NOR BZANGS NYE BAR BSNYEN PAR GYUR TE, BLON PO'I SRAS NI DE RNAMS NAM YANG NYID DU NI, ,'BYOR PA'I PHYIR NI BDAG NYID LDAN PA DE DOR MIN, ,SHIN TU YON TAN RNAMS KYIS PHAN TSUN NYER 'BREL BA'I, ,CHOS DANG DON DANG 'DOD PA LTAR NI SKAL LDAN LA'O, ,DE NAS DBANG PO'I SDE CHEN PO ZHES BYA BA'I RGYAL PO RGYAL PO NOR CAN DANG MI MTHUN PA STE, DE YANG RANG BZHIN GYIS GDUL BAR DKA' BA NYID KYI PHYIR NYI MA RE RER BDAG NYID KYI YUL LA DAM PA MA YIN PA'I CHAD BAS GNOD PA BYAS PAR GYUR TO, ,RIM GYIS KYANG DE'I YUL NA GNAS PA RNAMS MU GE'I SKYON GYIS YO BYAD DANG NOR DANG 'BRAS BU'I TSOGS ZAD PAS KUN NAS SRABS BA NYID KYIS LUS KYI 'BAD PA MED PA DANG, KUN NAS RNYINGS SHING DRI MA DANG BCAS PA'I BLA GOS DANG LDAN PA DANG, KUN NAS NYAM CHUNG BA DANG, BYIS PA RAB TU DU BA YUN RING POR SGYED PO'I ME SHI BA RNAM PAR ZLOG PAR GYUR PA, KUN NAS RID PA'I GLANG RGAN PO'I KHA NAS @119B BKUG PA'I RTZA DANG LDAN PA RANG RANG GI KHYIM MTHONG NAS YID 'BYUNG BA SKYES PA KUN NAS YI GES PHONGS PAR 'DI SKAD CES SMRAS PAR GYUR TO, ,KYE MA GNAS SKABS 'DI NI DKA' BA ZHES BYA BA STE KHYIM RNAMS GANG ZHIG NYID DGA' STON GYI DUS SU RAB TU DGA' BA'I KU SUM BHA'I ME TOG LTAR DMAR BA'I GOS 'DZIN PA'I BUD MED RNAMS KYIS SLONG MO'I SKYE BOS KUN NAS ZHUGS PAR GYUR PA DANG, SRUB BYED DANG GTUN SHING GI SGRAS BAR CHAD PA MED PA DANG, ME TOG RNAMS KYIS MCHOD PA DANG, BA GLANG GI LCI BA SER POS NYE BAR BYUGS PA DANG BE'U TSO BA RNAMS RAB TU RTZE BA DANG, MTSAN MO'I DUS SU BA GLANG GI TSOGS KYIS NYE BAR 'DUG PA'I BA GLANG GI TSOGS KYI SKYUGS LDANG THOS BZHIN PA BSKYOD PA'I DRIL BU CHUNG GI SGRA 'JAM PA DANG LDAN PA KHO BO CAG LA DGA' BA'I PHYIR 'BYUNG BAR GYUR PA DE RNAMS NYID, MI'I BDAG PO 'DI'I DAM PA MA YIN PA LAS 'JUG PA'I CHAD PAS YO BYAD ZAD PAS SEMS DANG BCAS PA GANG GIS YID 'BYUNG BSKYED PAR MI 'GYUR SNYAM STE RDZA MA ZAS DANG BRAL BA BKRES PAR NYE BAR GDUNGS PA 'KHOR NI SDUG BA DANG, MAR ME MED PAR MTSAN MO'I SGOR NI MUN PA RAB RIB BKAG PAS ZA BA NI, DON GNYER RNAMS KYIS SGO NI MA MNAN PA STE, DGA' STON LA RDZOGS KYE MA NI, ,KHYIM NI BTZON RA MTSUNGS TE KHYIM DANG LDAN PA'I MYA NGAN PHYIR NI 'BYUNG BAR 'GYUR, ,THABS MED PAR BLON PO 'DI RNAMS NI CHOS MA YIN PA LA RTZE GCIG PA YANG 'DI LTAR DBANG PO'I SDE CHEN PO'I RGYAL PO LA BSNYEN PAR BYED SNYAM DU KHO BO CAG SEMS PAR BYED DE, BRNYAS PAS 'OD MED KYANG NI AE MA MI SKYONG LAS, ,BSNYEN PO'I SKYE BOS BDE BA KUN NAS RJES 'DOD DO, ,'GA' ZHIG TU NI 'THUNG 'DOD LAM NAS 'GRO BA NA, ,LAM DU CHU NI 'DAM BCAS KYANG NI 'THUNG BAR BYED, ,SHES RAB KYIS RGAN PA RNAMS KYIS KYANG DAM PA MA YIN PA'I LAM LAS RGYAL PO 'DI LOG PAR GYUR PA 'GYOD PAR MI 'GYUR TE RNAM PA THAMS CAD DU RANG BZHIN NI ZLOG PAR DKA'O SNYAM MO, ,GZHAN GYI GRAGS PA BRJOD PAR BYA BA 'ONGS PA NI, ,YUN RINGS PHYIR NI GANG DAG 'JIGS PHYIR NGES 'GYUR TE, ,RLUNG PO DE NI RMONGS PAS BSAL BAR 'DOD PA STE, ,ZLA BA'I DKYIL 'KHOR LAS NI @120A *, ,MTSAN MA DRI MAR BCAS, ,GANG ZHIG SKYES BU DAM PA KHYAD PAR LAS LEGS GNAS SPANGS TE, ,DAM PA MA YIN LAM NAS 'GRO STE DBANG PO MA RGYAL PHYIR, ,SA'I DBANG PHYUG THA MAR MA LEGS SKYES BU RING PO NAS, ,SPANG BAR 'OS TE LAM NAS 'GRO BAS KHYIM GYI KHRON PA LTAR; ,DE BAS NA YUL 'DI DAM PA MA YIN PA'I CHAD PAS BTZIR BA SPANGS NAS RIGS PA'I LAM 'DZIN PA'I RGYAL PO NOR CAN GYI YUL DU 'GRO BAR BYA'O ZHES BYA BA BRJOD NAS KHYIM GYI BDAG PO RNAMS SHI BA LAS LHAG MA'I GLANG GI TSOGS BZUNG NAS, SNOD KYI YO BYAD 'DZIN PA RNAMS PHA'I KHANG PA DANG 'DRA BA DBUGS DANG LDAN PA NYID RGYAL PO NOR CAN GYI YUL DU 'ONGS PAR GYUR TO, ,DE NAS DBANG PO'I SDE CHEN PO'I RGYAL POS SRIN PO RNAMS KYIS SKROD PA DANG 'DRA BA'I RANG GI YUL MTHONG NAS BLON PO RNAMS LA SMRAS PA, BDAG GI YUL 'DI CI'I PHYIR STONG PAR SONG BA STE, SA'I BDAG PO NOR CAN GYI RTAG TU LO LEGS PAS DGA' BA'I YUL ZHES BYA'O, ,SLAR BLON PO RNAMS KYIS DE LA SMRAS PAR GYUR PA, GAL TE BA NI LHAG MA MED PAR SHES PAS 'JO MIN NA, ,DE NI BE'U'I PHYIR NI NYI MA RE RER 'O MA 'THUNG, ,DE BZHIN RGYAL PO GAL TE CHAD PA YANG DAG 'DZIN GYUR NA, SA NI NYAMS PAR MI 'GYUR BA DANG DE YANG NOR LDAN 'GYUR, ,RGYAL PO GAL TE SA YI BA 'DI 'JO BAR MI 'GYUR NA, ,DES NA DE RING BE'U LTAR 'JIG RTEN 'DI NI RGYAS PAR MDZOD, ,GANG PHYIR YANG DAG PAR NI NYIN MTSAN MED RGYAS BZHIN 'DI LA, ,SNA TSOGS 'BRAS LDAN SAR NI GYUR TE DPAG BSAM YAL GA LTAR; ,RIGS PA LAS MA 'DAS PA'I LAM 'DZIN PA MI'I BDAG PO NOR CAN GYI YUL NA NAM YANG MU GAL SOGS PA'I SKYON 'BYUNG BAR MI 'GYUR TE, DER YANG RIS BKRA ZHES BYA BA LTO 'PHYE RNAMS KYI BDAG PO CHU'I RTEN LA GNAS PA STE, DE'I MTHUS RTAG PA NYID DU DUS MA NYAMS PA'I CHU'I KHUR BUS RNAM PAR 'PHYANG BA'I CHU 'DZIN PA RNAMS GROGS PO RNAMS DANG 'DRA BAR RGYAL PO DE'I SA GZHI 'BRU DANG LDAN PAR BYED CES ZER RO, ,DBANG PO'I SDE CHEN POS SMRAS PA, GAL TE DE LTAR YIN NA BDAG KYANG DI RING NYID NAS BRTZAMS TE, LHAG MED SKYE BO CHAD PA MED, ,LO BDUN DU NI BGYI BA STE, ,RIS @120B BKRA'I KLU YI MTHU YANG NI, ,'DIR NI JI LTAR 'BYUNG BAR 'GYUR, ,BLON PO RNAMS KYIS SMRAS PA, ,LHAS NI DNGOS PO 'DI LA KUN NAS 'KHRUGS PAS GNAS PAR MI BYA STE, BDAG CAG GIS THABS DE LTA BU BYED PAR GYUR PA GANG ZHIG RGYAL PO CHEN PO'I YUL DU GNAS PA NYID DU RIS BKRA 'BYUNG BAR 'GYUR ZHES BYA BA RGYAL PO LA SMRAS PAR GYUR TO, ,DE NAS BLON PO DE RNAMS RANG GI KHYIM RNAMS SU 'ONGS TE NYI MA RE RE BZHIN DU 'DI LTAR YUL DE LA RING POR RJOD PAR BYED CING GNAS PAR GYUR PA DANG, GANG GIS RIS BKRA SBRUL GYI RGYAL PO 'DI NI 'ONGS GYUR PA, ,NOR CAN GRONG KHYER LA NI RIG PA'I STOBS NI CHEN PO YIS, ,DBANG PO'I SDE CAN DGA' BA SHIN TU GROGS PO DANG MTSUNGS PA, ,DE LA GSER GYI SNOD NI SA SKYONG GIS NI BYIN PAR GYUR, ,RING POR BRJOD PA DE YANG NYE BAR THOS NAS LA LA ZHIG SNGAGS GRUB PA KUN NAS 'ONGS TE SMRA BA, GSER GYIS BKANG BA'I SNOD KHYER LA SHOG SHIG DANG, BDAG NI SNGAGS KYI STOBS KYIS KLU'I RGYAL PO RIS BKRA GLANG PO CHE LTAR ZHAGS PAS BCINGS TE 'ONGS PAR BGYI ZHES ZER RO, ,BLON PO RNAMS KYIS KYANG GSER GYIS BKAD BA'I SNOD KHYER TE 'ONGS NAS SMRAS PA, LAS KYI BYA DKA' GRUB PA NI, ,GANG GIS MNGON SUM DU YANG NI, BDEN PAR 'GYUR RAM MIN ZHES BYED, ,LUS CAN RNAMS KYI THE TSOM BZHIN, ,DE PHYIR GSER GYIS GANG BA'I SNOD, ,BTANG SNYOMS PA LA GTAD PAR MDZOD, ,KHYOD KYI RIS BKRA 'ONGS PA NA, ,'DI NI KHYOD KYIS 'DZIN PAR 'GYUR, ,DES KYANG DE LTAR BYA ZHES BYA BA SO SOR THOS NAS RGYAL PO NOR CAN GYI YUL DU 'ONGS TE BDAG NYID LA BSRUNG BAR BYAS NAS RIS BKRA LHAG PAR GNAS PA'I MTSO DE MTHONG STE PHYOGS BCU SNGAGS KYIS BCINGS PAR GYUR TE, PHYOGS RNAMS KUN NAS BCINGS PA RNAMS LA GLO BUR DU NI DES, ,DRAG PO'I SNGAGS KYI 'BRAS BU THOB PA LA NI RTZE GCIG PA, ,SBRUL GYI DUG GIS RNAM PAR DUD PA'I GDENGS KA'I TSOGS LDAN PA, ,KUN NAS 'KHRUGS PA'I MGO BO'I NAD NI DRAG PO BYUNG BAR GYUR, ,DE NAS LTO 'PHYE'I BDAG PO RIS BKRA CHU RTEN DE LAS BZHIN MA MTHONG BAR GYUR PAS BRGAL NAS 'GRAM SHING GI 'OG TU GNAS @121A *, ,BA BGRANG PHRING YONGS SU 'DREN PAS LAG PA G-YAS PA'I MTHE BONG DANG SOR MO BSKYOD PAS CUNG ZAD BZLAS PA'I DBANG GIS KUN NAS 'PHRO BA'I MCHU DANG LDAN PA, ME STAG GIS KUN NAS SER SKYA'I MIG DANG LDAN PA, KUN NAS SMIN PA'I 'BRAS KYI RTZE MO DMAR BA LTAR SKRA DANG SMAR SER SKYA DANG LDAN PA, BSNYUNGS PA RNAMS KUN NAS RID PA'I LUS MKHROS KYANG KHROS PA DANG 'DRA BA'I BRAM ZE SRIN PO'I GZUGS DANG 'DRA BA'I RIG PA SMRA BA DE MTHONG NAS 'JIGS PA'I YID KYIS BSAM ZHING GNAS SO, ,RIG PA 'DZIN PA 'DI SNGAGS KYI MTHUS DES PAR BDAG KHYER BAR 'DOD PA STE; DE NI DE BAS NA GANG LA SKYABS SU 'GRO SNYAM DU RNAM PAR BSAMS NAS SKAD CIG TZAM 'OG TU LTA BAS KUN NAS GNAS PAR GYUR TO, ,CHU RTEN DE DANG SHIN TU RING PO MA YIN PA NA DKA' THUB KYIS KUN NAS RID PA'I LUS DKA' THUB KYI NOR CAN SO SOR GNAS PAR GYUR TE, DKA' THUB KYI NOR CAN DE LA YANG PADMA CAN ZHES BYA BA NYA SHOR BA NYE BAR 'ONGS NAS NYI MA RE RER BSNYEN BKUR BYED PAR GYUR TO, ,DE NAS KLU DES RIG PA SMRA BA DE LA NYE BAR SPYOD PA'I KHYIM THAB GANG YIN PA ZHES BYA BA RNAM PAR SPYAD PAR GYUR TE, RGYAL PO 'DI NI 'DI LA SKYOB PAR MI 'GYUR TE, RIG PA GRUB PA LAS NI DKA' THUB 'DI MA YIN, ,DE BAS NYA SHOR 'DI NI LTONG NI THOB PA NI, ,SONG NAS MYUR DU YANG DAG PAR NI GSOL BA GDAB, ,DE NAS NYA SHOR BA DE NI THUB PA DE LA 'BRAS BU RNAMS PHONGS TE SNYAN PA SMRA BAR BYED CING SHING LO LAS BYAS PA'I KHANG PA'I NYE 'KHOR GYI BYUG PA BYAS PAS, RANG GI GNAS SU 'ONG BAR BYED PA BAR DU RIS BKRAS BRAM ZE'I CHA BYAD DU MNGON PAR SPRUL NAS, DGE LEGS SMRA BAS MNGON PAR PHYOGS PAR BYAS TE SMRAS PA, RE ZHIG TSE DANG LDAN PA CUNG ZAD DRI BAR BYA'O ZHES ZER RO, ,RNGON PA DES KYANG PHYAG BYAS NAS DE LA SMRAS PA, 'PHAGS PA DRI BAR MDZOD CIG CES ZER RO, ,RIS BKAS SMRAS PA, ,'DI DAG CHU GTER RNAMS NI GLOG BRGYA RNAMS KYIS NI, ,PHYOGS RNAMS KYI NI SGO RNAMS KUN NAS SNANG BZHIN PA, ,NOR CAN YUL NA MIG SMAN RI BO LTAR GNAS PA, ,GANG GI MTHU YIS CHU NI STER BAR BYED PAR 'GYUR, ,RGAN PO NYE BAR BSNYEN PAS YON TAN DE @121B NYID RNYED, ,CHOS KYI RJES SU 'JUG PA'I NGES PAR RGYAL PO 'DI, ,MU GE'I 'JIGS PA DANG BRAL GANG PHYIR 'DI YI NI, ,YUL 'DI RTAG TU ME TOG 'BRAS BU SHING GIS RGYAS, ,RGYUN MI 'CHAD PA'I TSAL GYI MDUN SAS RNAM BRGYAN PA, ,GNAS GZHAN GNAS PA 'TSO BA'I BA GLANG TSOGS LDAN PA'I; ,YUL NAS SKYONG RIGS PA'I LAM NI 'DZIN PA YI, ,NYE BAR 'TSE BA RNAMS NI NAM YANG YOD PA MIN, ,PADMA CAN GYIS SMRAS PA, NGES PAR 'PHAGS PA GLO BUR DU 'ONGS PA STE GANG GI PHYIR 'DI LTAR MI SHES SHING 'DRI BAR BYED, NYON CIG MTSO CHEN PO 'DI LA KLU'I RGYAL PO RIS BKRA ZHES BYA BA SO SOR GNAS TE, DE'I MTHUS YUL 'DI CHU'I TSOGS KYIS LCI BA GLOG GI 'OD ZER RNAMS KYIS CHOS KYI SGO RNAMS SNANG BAR BYAS PA, SHEL GYI SROG SHING LTAR GTZANG BA'I CHU'I RGYUN RNAMS KYI CHU 'DZIN PA RNAMS LO RE RER 'BRU THAMS CAD SGRUB PAR BYED CES ZER RO, ,RIS BKRAS SMRAS PA; GAL TE DE LTAR NA KHYOD GTAM SHES PA DE BAS NA BDEN PA'I DON KHYED LA BDAG GIS SMRA BAR BGYI'O, ,LTO 'PHYE'I BDAG PO RIS BKRA DE RGUD PAR SONG BA NI BDAG STE, DE BAS NA KHYED NYID BDAG LA SKYABS SU GYUR CIG CES ZER RO, ,DE NAS RNGON PA DES KUN NAS 'KHRUGS SHING NGO MTSAR BA DANG BCAS PAS PHYAG BYAS NAS RAB TU BTUD DE SMRAS PA, DE LTAR MTHU LDAN GDENGS CAN DBANG PHYUG KHYED KYI YANG, ,DKA' BA DE NI CI ZHIG 'GYUR BA ZHES BYA STE, ,DE LTAR MTHU LDAN KHYOD LA YANG NI DKA' BA NI, ,GDENGS CAN DBANG PO CI ZHIG CES BYA DE 'GYUR TE, SNANG BA'I BLO LDAN RI DAGS GSOD PA LA CHAGS PA, ,GANG PHYIR BDAG LA BRTEN NAS MED PAR 'GRO BA YIN, ,RIS BKRAS SMRAS PA, 'DI NI KHYOD KYIS BLTA BAR 'OS PA STE SHING GI 'OG NA GNAS PA BZLAS PA BYED CING 'DUG PA MTHONG BA DRAG SHUL 'DI YIN TE, BDAG NI 'DIS RIG PA'I STOBS KYIS CHU RTEN 'DI NAS BKUG STE, RGYAL PO DBANG PO'I SDE CHEN PO'I YUL DU KHYER BAR 'DOD DO ZHES SMRAS TE, ,DPUNG PA'I BRTZON 'GRUS DANG LDAN BSREG LUGS ZA BA MCHOD CING DE, ,LA DAR MCHE BA BZLAS PAS SKAD CIG TU NI BSKYOD PA'I CHU LDAN PA, ,'DI NI BRTAN PAR RI DAGS LTAR NI MCHE BA RNO BA YI, ,DUG GIS BYUGS PA'I MDA' @122A *, ,YIS GNAD DU RNAM PAR 'BIGS PAR MDZOD, ,RNGON PAS SMRAS PA, BDAG CAG LTA BU RNAMS LA LAS 'DI SGRUB PAR BLA BA STE DE BAS NA BDE BAR GNAS SHING LTO 'PHYE'I BDAG POS RANG GI KHYIR, DU SONG SHIG CES ZER RO, ,DE NAS RIS BKRA GDENGS KA CAN CHU'I GNAS SU ZHUGS PA LA RNGON PA DES NYA BA'I KHYIM DU 'ONGS TE, MTSAN MO 'DA' BAR BYAS NAS THO RANGS KYI DUS LA MTSO'I DRUNG DU SONG NAS RIG PA SMRA BA DE MTHONG BAR GYUR TO, ,DE YANG SA LA PUS MO GNYIS RNAM PAR GZHAG PA KHRUS BYAS PA TZAM BKRUS PA'I GOS RNAMS YAN LAG LA BGOS PA, YUNGS KAR PHYE MA SREG PA MTHONG NAS SHING GI NAGS LA BRTEN NAS RE ZHIG BLTA BAR BYA STE, RE ZHIG RIG PA SMRA BA 'DI'I SNGAGS KYI NUS PA BDEN PA NYID DU CI ZHIG 'GYUR RAM, GANG GIS LTO 'PHYE'I BDAG PO LA 'GUGS PAR 'GYUR RAM ZHES BYA BA RNAM PAR BSAMS NAS GZHU BDUNGS SHING GNAS SO, ,DE NAS RNAM BSKYOD PADMA RNAMS LAR MIG GNYIS PA 'KHOR ZHING 'JIGS, ,'PHROS PA CHE BA'I RLABS RNAMS KYI NI DBU BA'I ME TOG PHRENG G-YOGS PA, ,ME DE LA NI YUNGS KAR GTOR BAR BYED CING SNGAGS KYIS BSGRUBS PA LA, ,'JIGS BCAS 'DRA BAR NYA NI 'KHOR BA DE YI CHUS NI SGRA YANG SGROGS PAR 'GYUR, ,DRI MA MED PA'I CHU YI DBUS LAS MYUR DU BYUNG STE 'JIG PA NI, ,LCE YI RTZE MO RAB TU BSKYOD PA BU MO'I SKRA DANG MTSUNGS BA'I 'OD, ,SBRUL NI ME DANG NYE BAR SNGAGS KYI RIG PAS 'GUGS PAR GYUR PA NI, ,DE YI CHU YI SNOD NI CHEN PO DES NI LHAG PAR GNAS PAR GYUR, ,DE NAS RNGON PA DES GRU GANG GI TSAD KYI CHU'I SNOD LA GNAS PA'I RIS BKRA MTHONG STE, DA NI DUS 'DA' BA RIGS PA MA YIN NO SNYAM DU RNAM PAR BSAMS NAS, MIG GI MTHA' MA'I PHYOGS LA GZHU RGYUD RNAM ZHUGS PA, GZHU NI BYAS TE CUNG ZAD G-YOS PA'I LTA BA CAN, ,RIG PA 'DZIN PAS SHIN TU MDE'U RNON PO YI, ,MDA' YIS DE LA GNAD DU YANG NI 'BIGS PAR GYUR, ,GLO BUR NYE BAR 'ONGS NAS 'DI LA SMRAS PA NI, ,LTO 'PHYE'I RGYAL PO 'DI NI RNAM PAR GROL BAR MDZOD, ,RNGON PA DE NI KUN NAS 'ONGS PA MTHONG NAS NI, ,SBRUL @122B GYI DBANG PO DE NI CHU LAS DES NI BTANG BAR GYUR, ,DA NAS RNGON PAS DE YI MGO BO KHRA PO DANG BCAS PA, ,LTO 'PHYE'I 'OD LDAN RAL GRIS RNAM PAR BCAD PAR GYUR, ,KHROS PAS RI DAGS DGRA NI 'JIGS PAS MTHONG BA LTAR, ,RAB TU 'PHROS PA'I 'OD LDAN ME NI ZHI BAR GYUR, ,DE NAS KLU'I RGYAL PO RIS BKRA YID RAB TU DGA' BAS DRI MA MED PA'I NOR BU'I 'PHROS PA'I 'OD KYIS GDENGS KA'I TSOGS SNANG BAR BYAS PA, G-YO BA'I 'OD ZER RNAMS KYIS KUN NAS KHA BSKYUR BA'I AI NDRA N'I LA'I BRAG LTAR BRANG GI MTHIL RGYAS PA, BSIL BA'I 'OD ZER NYE BA DANG 'DRA BA'I CHU 'DZIN LTAR NYE BAR 'ONGS TE, RNGON PA DE LA DGA' BA DU MA RNAMS SMRAS PAR GYUR TE, GNYEN 'DUN SA 'OG GNAS PA DANG, ,BDAG LA RNAM PAR BRAL BA NI, ,GANG PHYIR MA SKYES DE THAMS CAD, KHYOD KYI MTHU NI CHEN PO 'DI, ,DE BAS SHIN TU GROGS SHOG CIG ,CHU YI GNAS SU ZHUGS PAR BGYI, ,DGOS PA CUNG ZAD GANG YIN PA; ,DE NI KHYOD LA BDAG GIS BGYI, ,DE SKAD CES SMRAS NAS RNGON PA DE LAG PA NAS BZUNG NAS 'OG TU ZHUGS PAR GYUR TO, ,DE NAS LTO 'PHYE'I BDAG PO NGES 'DI RGYAN DU MA 'DZIN PAR BYAS NAS NYI MA RE RER SBRUL GYI MCHOG LA NYE BAR MKHO BA'I KHA ZAS KYIS KUN NAS TSIM PAR BYED CING NYE BAR LONGS SPYOD PAR BYAS PAR GYUR TE, ,DE NAS DUS GCIG NA, GSER GYI AUTPAL RNAMS KYIS DON YOD ZHAGS, ,MCHOD CING KLU YI RGYAL PO DE, ,RNGON PAS KLU YI RGYAL PO DE, ,MCHOD CING DE NI MTHONG BAR GYUR, ,DE NAS NGO MTSAR BAS DE LA 'DI DRIS PAR GYUR TE, LTO 'PHYE CHEN POS 'DI LA CI ZHIG MCHOD PA STE,, DAS KYANG ZHAGS PA DON YOD 'DI NI SMRAS PA DANG, ,DGRA RNAMS 'JOMS PAR BYED PA BDAG GIS GUS PAR MCHOD, ,ZHAGS PAS KUN NAS LDANG BA'I 'OD CAN 'DI YIS NI, ,'PHROG PA'I GLOG GI TSOGS LTAR GZUGS NI 'DZIN PA YI, ,THAL MO'I BAR NA 'JIGS PAS RNAM G-YO MIG LDAN PA'I, ,DGRA RNAMS BRNYAS PAS SKAD CIG TU NI BDAG GIS BKUG ,DE NAS RI DAGS DGRAS NI SBRUL DE LA SMRAS PA, ,BDAG LA NOR GYIS CUNG ZAD KYANG NI DGOS PA MED, ,GAL TE LTO 'PHYE'I BDAG PO'I DRIN NI YOD GYUR NA, ,'GRO BAR 'DOD MA BDAG LA ZHAGS PA 'DI GSOL @123A *, ,CIG ,GROGS PO CHEN PO DGA' BA'I SROG RNAMS 'DI NI KHYED CAG LA, ,BDAG GIS SBYIN BGYI ZHAGS PA DON YOD 'DI NI SMOS CI DGOS, ,DE LTAR BRJOD NAS NOR DANG LHAN CIG DGA' BA'I YID CAN GYI, ,DE LA LTO 'PHYE'I BDAG POR GRAGS PAS DE BYIN GYUR, ,RNGON PA DES KYANG GSER DANG NOR BU DANG MU TIG MANG PO DANG ZHAGS PA DON YOD 'DZIN PA'I LTO 'PHYE'I BDAG PO DES RANG GI KHYIM DU KHRID PAR GYUR TO, ,LTO 'PHYE'I BDAG PO DAG SLAR CHU'I RTEN DE LA LOG PAR GYUR PA LA RNGON PA DES ZHAGS PA DE GDAN MTHON PO LA BZHAG PAR BYAS NAS, ,BSKYOD CING KHYAB PA SBRUL GYI SHUN PA LTAR 'JIGS PA, ,SRAB PA AUshtI RA YI BYUG PAS BYUGS PA STE, ,RI DAGS GLA YI RTZIS KYANG RI MO BRIS BYAS PA, ,BIL BA'I SHING GI ME TOG RNAMS KYIS KUN NAS GTOR, ,DE NAS DUS GCIG GI TSE NA PADMA CAN DE NAD KYIS 'JIG RTEN PHA ROL DU NYE BAR SONG BA STE, ,DE'I BU AUTPAL CAN ZHES BYA BA CIG YOD DE DES KYANG PHA'I DRUNG NAS ZHAGS PA'I CHE BA'I BDAG NYID DE NYE BAR THOB PA DE LTA BU'I ZHAGS PA LA MCHOD CING 'DUG GO, ,DUS GCIG GI TSE NA RI DAGS DGRA'I BU DES LTO 'PHYE'I BDAG PO CHU DRI MA MED PA DANG LDAN PA'I CHU'I RTEN THOB NAS DRANG SRONG DE LA DGA' BAS RNAM PA SNA TSOGS PAS YUN RING POR BSTEN PAR GYUR TO, ,DES KYANG SBRUL GYI MCHOG GI CHU DRI MA DANG BRAL BA'I RTEN DANG NYE BA DE LA, NGAS KYANG DAR NI SBRUL GYI MCHOG NYID KYI, ,DRI MA DANG BRAL CHU RTEN NYE BA NI, ,GLU DANG BCAS PA 'JAM PA'I PI WANG SGRAS, ,'DOD PA GSAL BAR BYED PA THOB PAR GYUR, ,DE NAS AUTPAL CAN GYIS DRANG SRONG DE LA DRIS PA, BCOM LDAN 'DAS BUD MED KYI ROL PA DANG RGOD PAS PI WANG GI SGRA DANG 'DRES PA'I GLU'I SGRAS GNAS GANG DU THOS SO ZHES ZER RO, ,GLU'I SGRAS GANG NAS THOS ZHES BYA BA'O, ,THUB PAS SMRAS PA, MI 'AM CI'I RGYAL PO LJON PA ZHES BYA BA'I BU MO YID 'PHROG MA ZHES BYA BA YOD DE, GZUGS DANG LANG TSO MDZES PAS LHA'I BU MO'I SKYE BO SKYENGS PAR BYAS PA, SRING MO BRGYA PHRAG LNGA DANG LHAN CIG TU NYE BAR GLU LEN BZHIN PA RNAMS LTO 'PHYE'I BDAG BO RIS BKRA'I CHU RTAN LA DGA' STON DANG DUS TSIGS KYI ZHAG RNAMS LA CHU LA RTZE BA NYAMS SU MYONG BAR BYED DO ZHES ZER RO, ,RNGON PAS @123B SMAS PA, BCOM LDAN 'DAS NGO MTSAR BA'I DBANG GIS BDAG 'DRA BA STE, MI 'AM CI MO 'DI RNAMS DBANG DU BYA BA'I PHYIR JI LTAR YANG NUS PA YIN ZER RO, ,THUB PAS SMRAS PA, GANG GI ZHAGS PA DON YID YOD, ,CHU LHA'I 'DRA BA RGYAS PA NI, ,BRTAN BDAG NYID DE DES BCINGS NAS, ,MI'AM CI MO DBANG DU BYED, ,DA NAS AUTPAL CAN GYIS DE THOS NAS MI 'AM CI MO 'DZIN PA LA BLO GROS NGES PAR BYAS PA BDAG LA NI ZHAG PA DON YOD PA YOD DE, DE BAS NA JI SRID DU CHU LA RTZE BA NYAMS SU MYONG NAS 'DI RNAMS JI SRID DU MA SONG BA DE SRID DU YID 'PHROG MA NYID ZHAGS PA DES GZUNG BAR BYA'O SNYAM DU RNAM PAR BSAMS TE, DRANG SRONG DE LA GSONG POR SMRA ZHING GOMS PAS MYUR BAR KHANG PAR 'ONGS TE, ZHAGS PA DE BLANGS NAS LTO 'PHYE MCHAG GI CHU RTEN DANG NYE BAR 'ONGS NAS, SHING RNAMS KYIS LUS LA SGRIB PAR BYAS PAS MI 'AM CI MO DE RNAMS CHU LA RTZE BA NYAMS SU MYONG BAR BYED PA MTHONG BAR GYUR TE, DE NAS 'GA' ZHIG CHU NI RLABS CAN LA, ,ZHUGS NAS MIG GI AUTPAL RGYAS PA NI, ,AUTPAL RAB TU RGYAS PA MYONG PA STE, ,MIG ZLUM RNA BA LA NI AUTPAL LHUNG, ,YANGS PA'I MIG NI RNAM PAR ZLUM BYAS PA, ,GLO BUR LAG PAS GDONG NI BKAB BYAS TE, ,LAG PA THAL SBYAR BSNGAMS PA'I CHU RNAMS KYIS, ,'GA' ZHIG DE DAG PHRAD 'DOD GTONG BAR GYUR, ,YID 'ONG DO SHAL GSAL BAR BYAS PA NI, ,GZHAN NI GLANG PO DPRAL 'BUR LTAR TSO BA'I, ,NU MA DAG LA BA ZLA'I PHYED MA LTAR, ,YID 'PHROG PADMA'I RTZI NI DOR BAR GYUR, ,SGEG BCAS LTAR 'DI MI NUS PAR 'GRO ZHING, ,RKANG PA LA SBYOR CHU YI RDZI BSKYOD CAN, ,'GRAM NA DUR PA DAG NI PHO MO GNYIS, ,'GA' ZHIG PHRAD 'DOD SKAD CIG TZAM MTHONG NGO, ,GROGS MO BDAG NI CHU LA RING POR MI 'JUG STE, ,KUN NAS RGUD PA 'DI LTA BU NI THONG ZHIG CI, ,GZHAN DAG GZHAN DAG GIS NI 'JUG PAR GYUR PA NA, ,LAG BA'I RTZA MO PHYIR LA G-YOB PAS 'DI LTAR SMRAS, ,GZHAN DAG GLO BUR DU NI RGOD BCAS GDONG CAN RNAMS, ,PHAN TSUN YAN LAG RNAMS LA CHU NI GTOR BYED CING, ,PADMO CAN NI BSKYOD CING KHYAB PA'I PADMA CAN, ,'GA' ZHIG TU NI BUD BA 'KHOR BAR RAB @124A *, ,BYAS 'GYUR, ,GZHAN NI 'GRAM NA NYE BAR GNAS PA SRAB BA YI, ,PADMA'I 'DAB LTAR DMAR SKYA'I SOR MO RNAMS KYIS NI, ,DRI NI ZHIM DANG KHU BYUG LTAR SNGO CUNG ZAD RLON, ,SKRA YI LO MA RNAM PAR GSAL BAR 'GYUR, ,DE LTAR CHU NI AUTPAL CHEN PO G-YOGS PA ZLA BA BZHIN GSAL BA, ,PADMA RNAMS KYI 'DAB MA DANG NI BCAS PA ROL PAS RGYAN BYED PA, ,STON KA'I CHU GTER LA NI GLOG RNAMS LTAR NI RNAM PAR 'PHRO BYED PA, ,RI DAGS DGRA DES G-YO MED MI 'AM CI MO DE RNAMS MTHONG BAR GYUR, ,DE NAS CHU LA RTZES PA'I MTHAR CUNG ZAD DMAR SKYA'I MIG GI AUTPAL DANG LDAN PAS AUTPAL KUN NAS SNOM ZHING BUD BA LTAR NAG PA'I SKRA LO'I RTZE MO LAS LHUNG BAR GYUR PA'I CHU'I THIGS PA RNAMS KYIS KUN NAS SPANGS PAR GYUR PA'I YANGS SHING TSO BA'I 'O MA 'DZIN PA DANG LDAN PA, BRANG GI MTHIL NGAL BAR BYED CING 'O MA 'DZIN PA'I KHUR BUS PHRAG DOG BYED PA DANG 'DRA BAR; MDUN NA YANG DAG PAR GNAS PA'I NYE 'KHOR GYI SKYE BO'I LAG MTHIL DU GTAD PA'I SNA TSOGS PA'I RGYAN RNAMS LA BLTA BAS RNAM PAR 'BREL BA CAN, GROGS MO RNAMS KYI KHA DOG DANG DRI ZHIM POS RJES SU BYUG PAR GYUR PA RANG BZHIN GYI YID 'PHROG MA MTHONG NAS RDON PA DES NGES PAR MI 'AM CI'I BDAG PO RAB MCHOG GI BU MO 'DI YIN TE, DE BAS NA RE ZHIG 'DI NYID GZUNG BAR BYA'O SNYAM DU RNAM PAR BSAMS NAS SHIN TU BSKYOD PAR GOMS PA RNAMS MDUN DU ZHUGS SHING 'DUG GO, ,MI 'AM CI MO DE RNAMS KYIS KYANG DA MTHONG NAS, RI DAGS MO RNAMS LA SENG GE'I 'JIGS PA DANG 'DRA BAR LANGS TE MYUR DU RGYAN DANG GOS RNAMS 'DZIN CING NAM MKHA' LA SONG BAR GYUR PA DANG, RNGON PA DES KYANG SHIN TU MYUR BAR YID 'PHROG MA'I SLAD DU ZHAGS PA 'PHANGS PAR GYUR TE, DE NAS ZHAGS PA DES NI RKED PAR KUN BCING STE, ,YID 'PHROG MA DE SHIN TU YID 'PHROG YAN LAG CAN, ,NAM MKHA' RI DAGS DGRA YI YID NI 'PHROG BYED CING, ,GLO GA LTAR 'PHRO BAR BYED PA RNAM PAR SNANG BAR GYUR, ,ZHAGS PA DES KYANG BKUG PAR GYUR PA NI THUR DU LTA BAS GNAS PA'I SGRA'I LO MNAS PA KU LA'I PHRENG BA RNAM PAR LHUNG BA DANG, NOR BU LTE BA DANG BCAS PA PHRENG GCIG PA'I SKA RAGS @124B TSOGS DANG STENG GOS BUD PA, SKRAG PA'I DBANG GIS RNAM PAR G-YO BA'I MIG DANG LDAN PA LHA'I GLANG PO CHE'I SNAS DPAG BSAM GYI SHING GI LJON PA RTZA BA NAS 'DON PA DANG 'DRA BA LEGS PAR BYAS PA ZAD PAS 'CHI BA MED PA'I BUD MED LTAR NAM MKHA' LAS LHUNG BAR GYUR TO, ,MI'AM CI MO DE RNAMS KYANG SKYE BO THA MAL PA'I LAG TU SONG BA'I YID 'PHROG MA MTHONG NAS, KYI HUD CES BRJOD CING MYUR BAR 'ONGS SHING GTAM DE PHA LA SMRAS PAR GYUR TO, ,DES KYANG SNYING RJE BA KUN NAS PHONGS PA'I YI GE 'DI LTAR SMRE SNGAGS 'DON PAR GYUR TE, YID 'PHROG MA 'DI ZHAGS PAS BCINGS PA ZHES BYA BA, ,SKYES PA SU ZHIG GIS KYANG NAM MKHAR 'GRO 'GYUR BA'I, ,BDAG GI SRING MO RNAMS LAS PHA MA DAG GOS THOS, ,MYA NGAN GYIS NI BLO NI 'GAGS PA BYUNG BAR 'GYUR, ,SRING MO DE RNAMS GANG DU PHA MA GANG DU STE, ,GZHAN GYI DBANG DU SONG BA BDAG KYANG GANG DU NI, , KYE MA DAG GYUR 'DI NI RNAM PAR 'THOR BA STE, ,TSOGS NI SNA TSOGS BSKYED PA KHYOD KYIS DE RING CI, ,YID 'PHROG BU MO KHYOD NI GANG DU SANG BA STE, ,'JIG RTEN GSUM KYI SDUG BSNGAL CI LTAR BZOD PAR 'GYUR, ,BDAG NI MA DE DE LTAR BRJOD CING SNYING RJE BAR, ,YUN RING POR NI YANG DANG YANG DU DU BAR 'GYUR, ,DE NAS RNGON PA DES SHIN TU DU BA DE LA BZANG MO DU BA DES CHOG CING CHOG GIS KHYED LA 'JIGS PA CUNG ZAD BDAG LAS YOD PA MA YIN ZHES BYA BA SMRAS PAR GYUR PA DANG, DES KYANG DE LA SMRAS PAR GYUR PA, MING PO GAL TE KHYED LA BDAG LA BRTZE BA CUNG ZAD YOD NA DE BAS NA BDAG ZHAGS PAS BCINGS PA LAS BKROL TE, SKYES BU MCHOG SU ZHIG LA SBYIN PAR 'OS ZHES ZER RO, ,RNGON PAS SMRAS PA, ,ZHAGS PAS BCINGS PA RGYAS PA 'DI, ,GAL TE KHYOD LA BDAG BKROL GYUR, ,NGES PAR NAM MKHA' LA 'PHUR NAS, ,RANG GI GNAS SU 'GRO BAR 'GYUR, ,MI 'AM CI MOS SMRAS PA, BDAG GI MID PO NI RNAM PA THAMS CAD DU DAD PA MA YIN TE, GTZUG GI NOR BU 'DI YI MTHUS, ,NAM MKHA' LA NI BDAG 'GRO STE, ,GRIB MA PHROGS PA MGO BO LAS, ,BDAG NI 'DI DE BZUNG BAR MDZOD, ,GLO BUR DU NI RGOD PA'I ZLA 'OD DU MA BYAS PA YI, ,BRTAN PA BRAL BA'I LJON SHING BU MO @125A *, ,MTSAN MO LAS, ,GSAL BA'I GTZUG GI NOR BU'I ZLA BA GUS PA YIS, ,DE NAS RNGON PA'I SGRA GCAN DES NI GZUNG BAR GYUR, ,PHYIS KYANG 'DI LTAR BSAMS SHING 'DUG GO, ,GAL TE NOR BZANGS KYIS NI THOS PA'AM, ,SHIN TU GZUGS BZANG MI CI MO MTHONG NA; ,KHROS PA CHEN PO'I BZOD PA BZHIN DU NI, ,NAD KYIS BDAG LA NGES PAR GCOD PAR 'GYUR, ,DE YI PHYIR NA MIG NI BZANG MO 'DI, ,LHA YI GNAS LAS LHA YI BU MO LTAR, ,LHUNG BA NOR BZANGS NYID LA SBYIN BYAS TE, ,SLAR YANG DE LAS NOR NI BDAG THOB 'GYUR, ,DE LTAR RDON PAS BSAM PAR BYAS NAS DE LA SMRAS PA, BZANG MO MYA NGAN YONGS SU DOR BAR MDZOD CIG DANG, 'DIR NI NOR BZANGS ZHES BYA BA RGYAL PO GZHON NU LHA'I GZHON NU DANG 'GRAN PA, YON TAN MANG PO RNAMS KYI LHA'I RTEN YOD DE DE LA BDAG GIS KHYED SBYIN PAR BYA'O ZHES ZER RO, ,DES KYANG MCHI MAS YONGS SU 'GAGS PAR GYUR PA'I TSIG NGAR NGAR PO DANG LDAN PAS NI KHYOD JI LTAR SHES PAR 'GYUR BA DE LTAR GYIS SHIG CES BYA BA YANG DANG YANG DU RGYUN MA CHAD PA'I MCHI MA'I THIGS PA RNAMS KYIS 'GRAM PA BKRUS PAR GYUR PAS KYI HUD MA KYI HUD PHA ZHES SMRE SNGAGS 'DON CING DU BAR GYUR TO, ,GZHON NU NOR BZANGS KYIS SHING RTA MCHOG LA ZHON NAS YID CHAS PA'I SKYE BO NYUNG ZANG TZAM GYIS YONGS SU BSKOR NAS SKYED MOS TSAL 'GA' ZHIG LA RTZE BAR BYAS TE, RANG GI GNAS SU SONG ZHING MI 'AM CI MO DE'I SMRE SNGAGS 'DON PA'I SGRA DE THOS NAS SU ZHIG 'DI DU BA YIN SNYAM DU RNAM PAR BSAMS NAS RIM GYIS NYE BAR 'ONGS TE, MI'AM CI MO DE AUTPAL CAN GYI LAG TU SONG BA MTHONG BAR GYUR TO, ,AUTPAL CAN GYIS KYANG NOR BZANGS LA MNGON PAR PHYAG BTZAL NAS SMRAS PA, GZHON NU LAGS YID 'PHROG MA ZHES BYA BA'I BU MO, 'DI NI MI 'AM CI'I RGYAL PO, LJON PA'I SHING RNAMS KYIS KHYAB PA, ,TSUL RTZE BAR BYAS NAS NI, ,KLU NI RIS BKRA'I CHU RTEN LA, ,MI 'AM CI MO GZHAN LHAN CIG, ,NAM MKHA'I DKYIL DU 'GRO BZHIN PA, ,BDAG GIS ZHAGS PA DON YOD PAS, ,RI DAGS MO BZHIN BZUNG BYAS PA, ,'DI YANG KHYOD LA 'OS PA ZHIG, @125B DE LTAR YANG YANG RJES BSAMS NAS, ,BDAG GIS BZUNG NAS 'OS PA STE, ,DE BAS KHYOD KYIS 'DI ZUNG CIG, ,GSER LA RIN CHEN THUR MA DANG, ,KU MU TA 'BYUNG ZLA 'OD DANG, ,'DI YANG KHYED LA GNAS BZHIN PA, ,GSUM PO LEGS PAR MDZES PA YIN, ,'DI NI NOR BU 'DI YI MTHU YIS NAM MKHA' LA, ,YID 'PHROG GDONG CAN MA NI MYUR DU 'GRO BA STE, ,DE BAS GSAL BA'I 'OD ZER CAN GYI NOR BU 'DI, ,ZUNG MDZOD GZHON NUS DE LA KUN NAS 'DZIN PAR 'GYUR, ,DE NAS RGYAL PO'I SRAS KYIS DE NI MTHONG NAS KYANG, ,NGO TSAS CUNG ZAD THUR DU LTA BA 'BYUNG GYUR PA, ,GLO BUR DU NI 'DOD PA'I LHA YI GLAGS TSOL BA, ,MDA' RNAMS KYIS NI 'BEN DU GYUR PA 'BYUNG BAR GYUR, ,DE YANG BUNG BA GNYIS LTAR AUTPAL MIG CAN DGAG BYAS PA, ,YAN LAG MED PA LTAR NI GZUGS NI MDZES PA DE MTHONG NAS, ,G-YE BAR GYUR PA'I ME TOG MTSON CHAS RNAM PAR RGYAS BZHIN PA,, JI LTAR YANG NI YAN LAG NUS MED SROG SHING KHA GDANGS BKAG ,AE MA GAL TE BDAG LA GZHON NU 'DI NI KHYER GYUR NA, ,MDZES PAS ME TOG GZHU CAN GNYIS MED LTAR NI DPAL GYIS KYANG, ,BUD MED KUN LAS LHAG PAR BDAG NI 'GYUR ZHES RAB 'DZIN TE, ,PHA DANG RNAM BRAL BYAS PA'I SDUG BSNGAL DE NI BSAMS MA GYUR, ,NOR NI 'DOD PA 'GA' ZHIG TU NI MTHONG NAS GTER LTAR NI, ,YUL GZHAN SONG BA LTAR NI GROGS PO RGUD PA LA GNAS PA, ,GANG PHYIR 'JIG RTEN DAM MIN SKYE BA MA BRTZAMS PA THOB NAS, ,PHAL CHER GNYEN DANG BRAL BA'I SDUG BSNGAL DRAN PAR MI 'GYUR RO; ,NOR BZANGS KYIS NI DE NI BLANGS TE NOR LA CHAGS PA YIS, ,RNGON PA DE LA NOR NI MANG BA RAB TU SBYIN BYAS NAS, ,'GRO BAS SKAD CIG TZAM DU RGYAN NI RAB SKYOD SHING RTA LA, ,KHYIM NI RTEN GYUR YID KYI RE BA'I 'BRAS BU THOB PA LTAR, ,DE NAS NOR BZANGS KYIS MI 'AM CI MO RNYED PA'I GTAM PHA MA DAG LA SMRA ZHING 'DUG GO, ,RGYAL PO DES MI 'AM CI MO DE GZHAN DANG MI 'DRA BA'I GZUGS DANG LDAN PA MTHONG NAS GZHON NU NYID LA KHYIM THAB TU 'OS PA 'DI ZHES SMRAS TE, ,GRONG KHYER DE RGYAL MTSAN DANG BA DAN RNAMS KYIS MTHO BA DANG, RTA BABS RNAMS LA ME TOG GI PHRENG BAS KUN NAS BCINGS PA, LHA'I @126A *, ,GRONG KHYER DANG 'DRA BAR LHAG PAR MDZES PA CAN BYED DU BCUG GO, ,DE NAS DPYID KA'I ZLA BA LA ME TOG 'BYUNG BA'I SNA TSOGS PA'I SHING RNAMS LA 'DOD PA'I LHA GNYID LOG PA LTAR SHIN TU 'JAM PA'I SKAD KYIS KHU BYUG MA RAB TU SAD PAR BYED CING KHYO SHI BA LTAR MTSAN MO RNAMS RAB TU THUNG BAR GYUR CING, ZHAG BZANG PO LA RNAM PA SNA TSOGS PA NGO MTSAR BA'I LTAD MO DANG BKRA SHIS PAR BYED BZHIN PA'I MI'I BDAG PO'I PHO BRANG DU BAG MA LEN PA'I DUS SHES NAS, RGYAN RNAMS 'DOGS PA LA MKHAS PA'I BUD MED GZHON NU MA RNAMS KYIS MI 'AM CI MO LA RGYAN GDAGS PA'I PHYIR BRTZAMS PAR GYUR TE, 'DI YI RNA BA DAG LA DRI ZHIM KHA PHYE BA, ,LA LA ZHIG GIS LHAN CIG BYED PA'I SNYE MA BTAGS, ,GZHAN GYIS DRI ZHIM RLABS CAN MGO LAS SKYES PA RNAMS, ,ZE'U 'BRU'I PHRENG BA RNAMS KYIS RDZOGS PA BCINGS PAR GYUR, ,YID 'ONG MDZES PA'I YAN LAG RNAMS LA BSGO BYAS NAS; ,LA LA ZHIG NI BAR MED SHIN TU MTHUG PA NI, ,SMUG RTZI DANG BCAS 'O MA 'DZIN PA DAG BYAS GYUR, ,LAG NGAR PHRA ZHING PHRA LA 'JAM PA'I SOR MO CAN, ,GOS 'PHROG DANG BCAS GZHAN GYIS LAG PAS BYAS GYUR TE, ,LA LA ZHIG NI RIN CHEN SPEL LEGS KYIS SNANG BA, ,YID 'PHROG MU TIG HAR NI BRANG LA RNAM PAR BRGYAN, ,MTSO SKYES KUN LA SBYAR BA KHA BA DANG 'DRA BA'I, ,BAR MED BDAG PO RJES SU CHAGS PAR 'DOD PA NI, ,YID NI 'PHROG PA 'DI YI GDONG BAR KHYAD PAR NI, ,RDUL GYI THIGS PA RNAMS KYIS BYAS PA BYUNG BAR GYUR, ,DE LTAR KUN NAS NGES PA'I RAB TU BSGRUBS PA DE, ,LJON PA'I BU MO LA DMIGS LAG PA'I PADMA CAN, ,'DUD PAR BYAS PA'I GDONG CAN YID 'PHROG MIG CAN NI, ,SA YI BDAG PO'I SRAS NI GRAGS PAS BZUNG BAR GYUR, ,DE NAS DUS GCIG GI TSE NA, GZHON NUS DBEN PAR BUD MED DE DUS DANG MTSUNGS PA'I NGO TSA BAS MI SMRA BA'I BRTUL ZHUGS SPYOD PA DANG 'DRA BAR NGO MTSAR BAS 'DI SKAD SMRA ZHING 'DUG GO, ,LEGS PA'I LUS CAN DE RING GI BAR DU YANG BDAG CAG LA TSIG GI BDUD RTZI RJES SU 'DZIN PAR CI'I PHYIR MI BYED DE, KHYED NI 'DI LTAR BGO SKAL MI SPYOD PA'I NGANG TSUL CAN CI LTAR YIN ZHES ZER TE, KHYED KYI SO @126B YI 'OD ZER GE SAR RTZE MO LA, ,BDAG GI LTA BA'I BUNG BA MO NI KUN NAS 'KHOR, ,LTA BA'I PHYIR NI MNGON PAR 'DOD PAR BYAS PA NI, ,'JIGS MA BZHIN GYI PADMA YID 'ONG DGOD PA YIS, ,RI BONG CAN LTAR MDZES LDAN DUS GCIG TSE NA DES, ,GNYID BRDZUN BTAB PAS 'DI YI BZHIN LA LTA BAS BREL, ,DES KYANG NGO TSAS DER NI 'OS PAR GYUR DE LA, ,GLO BUR DU NI MIG NI PHYE NAS BGAD PAR GYUR, ,'KHYIL PA'I SKRA YIS GDONG NI BRGYAN PA DE NAS NI, ,DGOD PAS YANG DAG BSTAN PA'I SO YI RTZE MO CAN, ,RNAM PAR RGYAS PA'I ME TOG LA GNAS BUNG BA CAN, ,KUN DA'I RTZI SHING GZHON NU LTAR NI DE MDZES GYUR,, DE LTAR DGONG PA 'JAM PA DE DANG LHAN CIG TU, ,LHA DANG LHA MIN BUD MED LTAR NI YID 'ONG BA, ,YAN LAG MED LA MKHAS PA MI YI BDAG PO'I SRAS, ,LO NI SKAD CIG MA NI GCIG LTAR BSAMS PAR GYUR, ,DE NAS DRANG SRONG CHU GCOD DANG LHAG PAR GNAS PA'I PHYOGS LAS BSTAN BCOS DU MA YANG DAG PAR RTOGS PA'I GNYIS SKYES DAG MING GIS RIGS BZANG PO DANG BRTUL ZHUGS BZANG POS 'ONGS TE, RGYAL PO DE LA MI RNAMS TSOGS PA'I DUS SU ZHUGS NAS SHIS PA BRJOD PAR BYAS SHING STAN LA NYE BAR 'DUG STE, BSTAN BCOS KYI GTAM GYIS NGO MTSAR BA BYUNG BAR GYUR TO, ,DE NAS RGYAL PO DES RIGS BZANG PO MDUN NA 'DON NYID LA ZHUGS SHING 'DUG GO, ,NOR BZANGS KYIS KYANG LEGS PA'I BRTUL ZHUGS BLON PO'I GNAS SU ZHUGS SHING GNAS SO, ,DE NAS DUS 'DAS PA NA BSTAN BCOS KYI GTAM 'BYUNG BA LA, SNA TSOGS MKHAS PA RNAMS KYI MDUN SAR BRTUL ZHUGS BZANG, ,BRNYAS PAS RIGS BZANGS LA NI PHAM PAR BYED 'GYUR TE, ,SMYON CHU DANG LDAN GLANG PO CHE DAG 'DRA BAR NI, ,DE DAG GI NI YID DGA' RNYOG PA CAN DU 'GYUR, DE NAS RIGS BZANGS KYIS NOR BZANGS BSTEN PA LA BRNYAS PAS LEGS PA'I BRTUL ZHUGS CAN 'DI DAG LA NYI MA RE RER SMOD BAS TSA BA'I TSIG GI MDA' RNAMS KYIS RNAM PA THAMS CAD DU GNOD PAR BYED PA DES NA NOR BZANGS NYID THABS GANG GIS SKYE BA GZHAN DU KHYER BAR BYA ZHES ZER RO, ,GZHON NU 'DI YANG MI 'AM CI MO LA SHIN TU YANG RJES SU CHAGS PAS BCINGS PA DE BAS NA MI'AM CI MO NYAMS PAR BYED PA'I THABS NYID BDAG GIS @127A *, ,BSAM PAR BYA ZHES RNAM PAR DPYOD CING, DAM PA MA YIN PA'I DPYOD PA 'DI LTA BU YID LA BYAS PAR GYUR TO, ,YID 'PHROG MA DANG BRAL BAS NOR BZANGS DE NYID NI, ,MYA NGAN SKYES PAR GYUR NA 'JIGS PAR 'GRO BAR 'GYUR, ,LHAN CIG MIN PAR KUN NAS RNAM PAR 'PHRO BA'I LUS, ,CHU BOS NYA NI RNAM PAR BRAL BAR GYUR PA LTAR, ,RAB TU SKYES PA'I NGANG TSUL 'JIG PA NYER 'ONGS PA, ,DE LA BRTEN PA NGES PAR 'JIGS PAR 'GYUR BA STE, ,CHU NI ZAD PAR GYUR PA NYI MA'I 'OD ZER GYIS, ,MTSO LAS SKYES PA RNAMS LA MNGON MTHONG 'BYUNG BA MIN, ,DE LTAR GDUG PA'I BDAG NYID 'DIS MI'AM CI MO 'JIG PA'I PHYIR JI LTAR DE DANG DE'I THABS DPYOD PAR GYUR TO, ,DE NAS DUS GCIG GI TSE NA GOS CAN ZHES BYA BA'I RGYAL PO MTHA' 'KHOB NA GNAS TE, DES KYANG MI'I BDAG PO NOR CAN GYI BKA' BCAG PAR GYUR TO, ,DE NAS NOR CAN GYIS GZHON NU NOR BZANGS LA BOS PA,, GZHON NU YAN LAG BZHI DANG LDAN PA'I DMAG TSOGS YONGS SU BSKOR NAS SONG LA RGYAL PO GOS CAN DBANG DU GYIS SHIG ,DE LTAR BGYI ZHES BYA BA YANG NOR BZANGS KYIS YAB LA MNGON DU PHYAG BTZAL NAS YID 'PHROG MA LAS THOB PA'I GTZUG GI NOR BU DE BLANGS NAS MA'I DRUNG DU 'ONGS SHING PHYAG BTZAL NAS SMRAS PA, BDAG NYID NI DUS CUNG ZAD TZAM GOS CAN DANG LHAN CIG TU BZANG BA'AM LHAN CIG TU 'THAB MO BYED PAR 'GYUR BA'I NOR BU DE NI 'DI YIN TE, GANG GI MTHUS YID 'PHROG MA NAM MKHA' LA 'GRO BAR GYUR PA 'DI DE BAS SHIN TU SBA BAR 'OS TE, GANG GI TSE YID 'PHROG MA LA CUNG ZAD SROG LA THUG PA SKYES PAR GYUR NA DE'I TSE NOR BU 'DI DE LA RAB TU SBYIN PAR BYA'O ZHES PA SMRAS NAS, NOR BU DE MA'I LAG PAR GZHAG CING RANG GI PHO BRANG DU 'ONGS TE, MI'AM CI MO MCHI MA'I CHUS MIG BSGRIBS PA LA DRIS TE, 'KHYUD NAS SHING RTA MCHOG LA GNAS TE, DMAG TSOGS KYIS YONGS SU BSKOR BA RANG GI PHO BRANG NAS BYUNG BAR GYUR TE, DE NAS RGYA CHEN PO'I SKAR KHUNG LA GNAS PA, ,LJON PA'I BU MO MCHI MAS GDONG NI RNAM DAG PA, ,G-YO BA MED PA'I MIG CAN MYA NGAN DANG BCAS PA, ,DES NI NOR CAN BDAG SKYES SHIN TU RING BAR MTHONG, ,MIG @127B GNYIS CHU YI THIGS PA'I PHRENG BA RNAMS GTONG ZHING, ,GSER GYI RANG BZHIN SKU GZUGS 'DRA BA GNAS PA NI, ,JI LTAR YANG NI BSKOR TE MYA NGAN GYIS DE LA, ,DE LA MI SKYONG DE SRAS KYANG NI RING NAS BLTA BAR GYUR, ,DE NAS MIG GI LAM NAS NOR BZANGS SONG GYUR LA, ,SHIN TU RING POR MI'AM CI MO PHRAD 'DOD PA, ,BRAL BA'I MDA' RNAMS KYIS NI RIM GYIS PHOG PA NI, ,KUN NAS KHYAB PA DMAG GI DBUS SU LHUNG BAR GYUR, ,DGA' BO RNAM PAR BRAL BA YANG NI 'DI LHUNG GYUR, ,PHRAD PA'I RE BA YANG NI SNYING LA 'DOGS PAR BYED, ,SO GA'I DUS NA LAM GYI DU BA PAS SDUG BSNGAL BAS, ,SKYE BO SKOM PAS GDUNGS PA LA NI CHU KLUNG BZHIN, ,GROGS MO ZHUM PA RNAM PAR DOR CIG DGRA KUN LAS NI RGYAL, ,DON GRUB KHYOD KYI MDZA' BO SLAR YANG NYE BAR 'ONG GYUR TE, ,DE LTAR DE NI MIG GI MCHI MAS GDONG NI BANGS BYAS SHING, ,GROGS MO RNAMS KYI TSOGS KYIS SHIN TU RING BAR BSTAN PAR BYAS, , DE LTAR DE GROGS MO'I SKYE BO'I LAG PA DAG GIS MCHI MA DANG BCAS PA'I MIG GIS AUTPAL PHYIS PAR GYUR PA, DBUGS RING BA'I DBANG GIS CUNG ZAD MNGON PAR GSAL BAR GYUR BA SO'I NOR BU'I 'OD ZER RNAMS KYI BZHIN GYI ZLA BA LTA BAR BYAS PA NOR BZANGS DANG RNAM PAR BRAL BA'I SDUG BSNGAL MI BZAD PAR GYUR PA JI LTAR YANG BDAG NYID 'DZIN CING GNAS SO, ,DUS SONG BA DANG KHRUS GCIG PUS SKRA YAGS PA 'DZIN PA, BKRA SHIS PA TZAM GYIS LAG GDUB BCING BA 'GRAM PA'I MTHIL DU 'PHYANG ZHING 'KHYOG PA'I SKRA RNAMS YANG DANG YANG DU RNA BA'I BAR DU 'DZUGS SO, ,DGA' BA BRAL BA'I ZHAG RNAMS DRAN PA'I PHYIR NI GANG DANG GANG, ,SA LA DMAR BA'I 'OD CAN SEN MOS RI MO BYAS GYUR PA, ,DE DANG DER NI YANGS SHING G-YO BA'I MIG RDZI'I RTZE MOS 'BIGS, ,MU TIG SKUD LTAR 'OD LDAN MCHI MA RNAMS KYIS KUN PHYI GYUR, ,DE NAS NOR BZANGS LA BGROD PAR DKA' BA LA BRTEN PA'I GOS CAN DE DANG LHAN CIG TU MTHUN PA'AM RTZOD PA BYED CING CUNG ZAD MA TSANG BA'I LO 'DAS PAR GYUR TO, DE NAS DUS GCIG GI TSE NA RGYAL PO NOR CAN DE THO RANGS KYI DUS NA LANGS TE DBEN PAR 'DUG NAS MDUN NA 'DON LA BOS TE, RMI LAM 'DI LTAR SMRA ZHING GNAS TE, RMI LAM DU NI DGRA BO RNAMS KYIS @128A *, ,BDAG GI LTO DRAL NAS, ,GRONG KHYER 'DI NI RGYU MA RNAMS KYIS KUN NAS DKRIS BYAS PA, RMI LAM 'DI YI 'BRAS BU CI ZHIG 'BYUNG BAR 'GYUR BA ZHES, ,THAMS CAD MKHYEN 'DRA KHYOD KYIS MA LUS PA NYID GSUNGS PAR MDZOD, ,DE NAS MDUN NA 'DON GYIS DE LTAR LAGS MOD KYIS KYANG BDAG GIS DGA' BAR 'GYUR BA'I THABS RNYED PAR BYA YI, RGYAL PO 'DIS RMI LAM MTHONG NAS MI'AM CI MO 'JIG PA'I PHYIR BDAG GIS PHYIN CI LOG TU BRJOD PA BYA'O SNYAM DU RNAM PAR BSAMS TE 'DUG PA'I BDAG NYID DES RGYAL PO LA GSOL PA, LHA LAGS BDAG GIS RMI LAM GYI 'BRAS BU NI LEGS PAR MA MTHONG STE, ,ZLA BA GSUM NA 'CHI BA NI, ,MI BDAG KHYOD LA 'BYUNG 'GYUR TE, ,MTHO RIS LAS NI LHA RNAMS LTAR, ,RGYAL SRID CHE LAS 'TSO BAR 'GYUR, ,DE NAS RGYAL PO DE 'CHI BA'I 'JIGS PAS MDUN NA 'DON DE LA SMRAS PA, SLAR YANG DUS MA YIN PA'I 'CHI BA GANG GIS BDAG 'JIG RTEN PHA ROL DU MI 'GRO BA DANG RGYAL SRID LAS KUN NAS NYAMS PAR MI 'GYUR BA DE LTAR THABS 'GA' ZHIG RNYED PAR 'GYUR RAM, ,MDUN NA 'DON GYIS SMRAS PA, THABS SHIG YOD DE GAL TE LHAS DE MDZAD PAR NUS NA DE'I PHYIR BDAG GIS BRJOD PAR BGYI'O, ,RGYAL POS GSUNGS PA, SDUG BSNGAL RNAMS KYIS KYANG GNOD PA, ,YUN RING 'TSO BAR 'DOD PA STE, ,'BYUNG BA'I NGANG TSUL 'DOD MI CHAGS, ,RTAG TU BDE LDAN SMOS CI DGOS, ,DE BAS NA BDAG GIS RANG GI SROG GI DON DU BYA DKA' BA YANG BGYID PAS BLA MA RNAMS KYIS BRJOD PAR 'OS SO, ,MDUN NA 'DON GYIS SMRAS PA, GAL TE DE LTAR YIN NA DE BAS NA RGYAL PO CHEN POS GSAN PAR 'OS PA STE, RDZING BU YANGS PA MCHOD SBYIN LA, ,PHYUGS RNAMS KHRAG GIS BKANG BYAS PAR, ,ZHUGS TE DE NAS SBYIN PA NI, ,GNYIS SKYES RNAMS LA RAB BYIN NAS, ,MI'AM CI MO'I TSIL GYI ME, ,KHYED NYID KYIS NI SBYIN BSREG BYA, ,DE NAS RGYAL SRID 'DI BSRUNG ZHING, ,YUN RING 'TSO BAR 'BYUNG BAR 'GYUR, ,RGYAL POS GSUNGS PA, DAM PA MCHOD SBYIN LAS 'BYUNG BA'I, ,CHO GA 'DI NI BYA DKA' YIN, ,MI 'AM CI MO'I TSIL BU NI, ,'DI NI GA LAS 'BYUNG BAR 'GYUR, ,MDUN NA 'DON GYIS SMRAS PA, ,DNGOS PO NYE BAR GNAS LA @128B YANG LHA LA KUN NAS KHYAB PA 'DI NYID 'DI LTAR CI'I PHYIR TE, KHYIM THAB MO 'DI NOR BZANGS KYI, ,RGYAL DER MI'AM CI MO YOD, ,MCHOD SBYIN GYI NI CHO GA LA, ,CHO GA'I SNGON 'GROR DE BSAD BYA, ,RGYAL POS GSUNGS PA, 'DI NI BYA DKA' BAR BDAG GIS MTHONG BA STE, SROG RNAMS NOR BZANGS KYI NI DOR, ,MI'AM CI MO LA GNAS PA, ,GAL TE DE NI MED 'GYUR NA, ,BDAG GI BU YI SROG GTONG 'GYUR, ,MDUN NA 'DON GYIS SMRAS PA, BU'AM DE BZHIN CHUNG MA DANG, ,NOR RNAMS MANG BA DE BZHIN DU, ,BDAG NYID BSRUNG BA'I DON DU NI, ,SA SKYONG RNAMS KYIS 'DI THAMS CAD, ,'TSO ZHING GZHAN DBANG YON TAN CAN, ,KHYOD KYI BU RNAMS 'BYUNG 'GYUR TE, ,LUS CAN 'CHI BA 'GRO BA LA, ,MNYES GSHIN PA YANG RJES 'GRO MIN, ,'TSO ZHING BDE BA MA LUS NYAMS SU MYONG BA'I 'JIG RTEN LA, ,DGA' BA RNAMS NI MTHONG DANG SNA TSOGS GTAM NI THOS YIN TE, ,DGE BA DE DE 'JIG RTEN PHA ROL SA BON BYED PA NI, ,DE BAS BDAG NYID GSAL BA'I BLO CAN GYIS NI YONGS SU BSKYANG, ,DE NAS RGYAL PO DES YANG DAG PAR 'PHAGS PAS SMRAS PA ZHES BYA BA SMRAS SO, ,DE BAS NA MCHOD SBYIN GYI CHO GA RTZOM PAR MDZOD CIG ,DE NAS SDIG CAN DES AE MA THABS 'DI NOR BZANGS 'JIG PA'I PHYIR GRUB PO SNYAM NAS RANG GI KHYIM DU 'ONGS TE, MCHOD SBYIN GYI CHO GA BRTZAMS PAR GYUR TO, ,MI'AM CI MO 'JIG PA'I GTAM 'DI YOL BAS CHOD PA'I BTZUN MOS THOS NAS MIG MCHI MA DANG BCAS PAS DBEN PA'I GNAS SU MI'AM CI MO LA SMRAS NAS YANG 'DI SKAD CES SMRAS PAR GYUR TE, BU MO JI SRID 'DIR NI MCHOD SBYIN BYA BA'I DUS MIN PAR, ,MI SKYONG PHAN PA'I PHYIR NI MDUN NA 'DON GYIS GSOD PA NI, ,SLAR YANG GTZUG GI NOR BU 'DI NI SPYI BO LA BCINGS PA, ,DE SRID KHYOD KYIS PHA YI KHYIM DU NAM MKHA' NAS 'GRO MDZOD, ,KHYOD NI 'TSO NA YUN RING POR,, NOR BZANGS 'TSO BAR BDAG GIS MTHONG, ,GAL TE KHYOD NI MED GYUR NA, ,BDAG GI BU GA LA MTHONG BA, ,BTZUN MO'I TSIG 'DI THOS NAS NI, ,'JIGS PAS MIG NI KUN DU KHYAB, ,RI DAGS MO NI MDAS PHUG LTAR, ,YID 'PHROG MA NI 'DAR BAR GYUR, ,DE NAS BTZUN MOS GTZUG GI @129A *, ,NOR BU BCINGS PA'I MI 'AM CI MO LA SLAR SMRAS PA, MCHOD SBYIN LA GNAS PA'I RGYAL PO LA BDAG NYID BSTAN PAR BYAS NAS KHYOD KYIS KYANG PA'I KHYIM DU 'GRO BAR GYIS SHIG DE LTAR BYAS NAS BDAG LA SKYON 'BYUNG BAR MI 'GYUR ZHES SMRAS PA LA, DE LTAR BGYI'O ZHES BTZUN MO LA PHYAG BTZAL NAS MCHI MA DANG BCAS PA DANG, SA'I BDAG PO'I SGO BA THOG MAR 'ONGS PAS BRTEN PA DANG MI LDAN PA RNAMS KYIS KUN NAS BSKOR BA BYUNG STE, MCHOD SBYIN LA MNGON PAR PHYOGS PAS CHAS PA 'DI LTAR BSAMS PAR GYUR TE, SLAR CI NAS KYANG BDAG GIS GZHON NU MTHONG BAR 'GYUR RAM ZHES BYA BA YANG DANG YANG DU MCHI MA'I THIGS PA'I PHRENG BA BAR MA CHAD PA'I MU TIG BRGYUD PA DANG 'DRA BA RNAMS KYIS GSER GYI PADMA KHA ZUM PA'I RNAM PA CAN GYI 'O MA 'DZIN PA GNYIS BANGS PAR GYUR TO, ,DE YANG 'ONGS PAR GYUR BZHIN PA MTHONG NAS, NOR BZANGS KYI 'KHOR GYI SKYE BO MCHI MA DANG BCAS PA'I MIG CAN RIM GYIS PHAN TSUN DU SMRAS PA, GZHON NU SHIR SHA LTA BUR 'JAM PA'I LUS KYI SROG SHING NI, ,'CHI BA ZHES BYA PHYIR NI YANG YANG MCHI MAS KHYAB PA'I MIG ,MCHOD SBYIN SHES PA RNAMS KYIS 'DI NI GSOD PAR 'GYUR BA'I LUS, ,GSON BZHIN PA NI LTA BA'I DON DU SU ZHIG GIS NUS 'GYUR, ,KHYU NAS YAR BA'I RI DAGS PHRU GU LTAR NI G-YO BA'I MIG ,SKRAG PA BYUNG BAS SKAD CIG CHAD CING RANG BZHIN GYIS NI 'JIGS, ,'DI 'DRA'I SKYE BO LA YANG GANG ZHIG SA SKYONG RNAMS KYI SNYING, ,KYE MA RTZUB PAS BDAG GI DON DU GSOD PA LA YANG MNGON PAR PHYOGS, ,DE NAS MDUN NA 'DON PA DES MI'AM CI MO 'ONGS PA MTHONG NAS MI'AM CI MO 'DIR RNYED PA RNYED PA STE, RGYAL PO CHEN PO KHRAG GI RDZING BUR KUN NAS ZHUGS PAR 'OS SO ZHES ZER RO, ,DES KYANG DE LTAR BYA ZHES SMRAS NAS, RGYAL PO DE YANG LANGS TE, MI'AM CI MO DE YANG NAM MKHA'I DKYIL DU SONG NAS, ,BDAG NYID LA GNAS PA SMRAS PAR GYUR PA, SLAR NI NOR BZANGS MTHONG 'GYUR RAM, ,'JIG RTEN LA BYAMS 'TSO BZHIN PA, ,DE LTAR RGYAL PO'I KHYIM SPANGS NAS, ,BDAG NI PHA YI KHYIM DU 'GRO, ,DE SKAD SMRAS NAS RLUNG GI LAM NAS RANG GI KHYIM DU 'ONGS TE 'DI NI RMI LAM YIN NAM 'ON TE CI ZHIG SGYU MA YIN,, @129B 'ON TE CI ZHIG 'DI NI BDAG GI BU MO SNYAM DU SEMS SHING DGA' BAS MCHI MA'I THIGS PA BYUNG BAR GYUR PA LAS MIG GI RDZI MA RLON PAR BYAS TE, DE NAS PHA LA KUN NAS MNYES BYAS SHING, ,MI'AM CI MOS MYUR DU MA LA YANG, ,DGA' BA'I YID CAN SPUN ZLA MO RNAMS KYANG, ,DGOD PAS MTSON BYA YID 'ONG SO PHRENG 'OD, ,DES KYANG BDAG NYID KYI GTAM DE LA RIM PA BZHIN DU THAMS CAD SMRAS PAR GYUR TO, ,DE NAS RGYAL PO NOR CAN GYIS 'DI CI ZHIG YIN SNYAM DU RTOG PAR BYED CING 'OG TU LTA BAS YANG DAG PAR GNAS PAR GYUR TO, ,'DUG PA'I BDAG NYID CAN MDUN NA 'DON PA DE YANG YANG DAG PAR 'ONGS TE RGYAL PO LA 'DI SKAD CES SMRAS TE, SMAR SER SKYA'I TSOGS LDAN PA, ,ME STAG LTAR NI SER BA'I MIG ,BRAM ZE SRIN POS GANG DU YANG, ,STAG GIS RI DAGS 'DI BZHIN KHYER, ,DE BAS RIG BYED LAS GSUNGS GZHAN, ,ZHI BA'I RGYU CAN LAS RNAMS KYIS, ,KHYED NI TSE LDAN BYED 'GYUR BA; ,DE BAS SDUG BSNGAL DOR BAR MDZOD, ,RGYAL POS DE LTAR BGYI'O ZHES SMRAS NAS BRAM ZE RNAMS LA SBYIN PA BYIN TE MDUN NA 'DON DANG LHAN CIG RANG GI PHO BRANG DU 'ONGS PAR GYUR TO, ,DE NAS MDUN NA 'DON GYIS 'DI LTAR MI 'AM CI MO 'JIG PA MED KYANG RNAM PA THAMS CAD DU GZHON NU 'JIG PA'I THABS GRUB PA NYID DO SNYAM DU BSAMS PAR GYUR TO, ,CI'I PHYIR ZHE NA PHO BRANG DPAL LDAN SPANGS NA NI, ,MI'AM CI MO 'DI SONG BA, ,DE LTAR THOS NAS GANG DU YANG, ,NOR BZANGS NGES PAR SROG GTONG 'GYUR, ,NOR BZANGS 'JIG PA THOB PA LA, ,SKYE NGAN LEGS PA'I BRTZUL ZHUGS CAN, ,BLON PO NYID LAS DE LHUNG BYA, ,'GRAM GYI SHING LA CHU TSOGS LTAR, ,DE NAS YID 'PHROG NOR BZANGS DANG BRAL BA'I SDUG BSNGAL GYIS LUS SRAB PA'I LUS KYI SROG SHING KUN NAS SKYA BA RGYU ZHING YANGS PA'I SKRA 'KHYIL BA'I RTZE MOS 'GRAM PA'I MTHIL DU 'DRES PA, SLAR CI ZHIG BDAG GIS GZHON NU MTHONG BAR 'GYUR RAM, 'ON TE MIN SNYAM DU SEMS PA'I MIG GI MCHI MA'I THIGS PA SKYES PAS 'O MA 'DZIN PA DAG BANGS PA, RNAM PA THAMS CAD DU BDAG MED PAS GZHON NU DE MNGON PAR DGA' BAR 'GYUR RAM MI 'GYUR BA DE BAS NA DE LA 'DIR 'ONGS PA'I PHYIR LAM RAB TU STON PAR BYED PA'I YI GE RNAMS KYI RTEN DANG SMAN BDUD RTZI ZHES BYA BA @130A *, ,YANG BLANGS TE, DRANG SRONG CHEN PO DE'I DRUNG DU BDAG GIS MNGON PAR 'GRO BAR BYA'O SNYAM DU RNAM PAR BSAMS NAS GLO BUR NYID DU NAM MKHA'I DBUS NAS SONG NAS DRANG SRONG DE CAN KUN NAS NYE BAR 'ONGS NAS, GSONG POR SMRA BAS PHYOGS GCIG TU 'DUG NAS MNGON PAR SMRAS PA, RI DAGS DGRAS NI BDAG NI 'DZIN BYED THUB CHEN PO, ,BRTZE BA DANG LDAN 'CHI BA'I LAM NI 'DZIN BYED PA, ,KHYOD KYIS AE MA DKA' THUB 'BRAS BU CHEN PO BRNYES, ,LJON PA'I BU MO MI 'AM CI MO DE NYID NYER 'ONGS PA, ,ZHES NI JI SRID BDAG LA SLAR YANG SDUG BSNGAL BAR MI 'JOG ,SNYING RJE'I BDAG NYID KHYED LA CUNG ZAD SMRA BAR BYAS NAS NI, ,DE SRID DU NI RLUNG GI LAM NAS MYUR BAR RAB TU 'GRO, ,THUB PAS SMRAS PA, BZANG MO BDAG LA 'DI LTAR SHIN TU DGOS PA BYA BAR KHYOD 'OS PA MA YIN TE, RNGON PA 'DI YIS DON YOD PA, ,ZHAGS CHEN YOD CES MI SHES SHING, ,DRANG PO NYID DU BDAG GIS NI, ,DE TSE BDEN PAR KHYED GTAM BYAS, ,GNOD BYED LA YANG SDANG BA NI, ,BDAG LA MED NA KHYOD CI SMOS, ,MI SHES PAS BYAS BDAG GI SKYON, ,DE BAS YID 'PHROG MA BZOD MDZOD, ,DE NAS MI'AM CI MO DES DRANG SRONG DE LA MNGON DU PHYAG BTZAL NAS SMRAS PA, GANG ZHIG BDAG GIS RTZUB SMRAS PA, ,KHYOD KYI SEMS LA RAB TSA BA, ,BRTAN PA DMIGS NAS DE THAMS CAD, ,BDAG LA YANG NI BZOD PAR 'OS, ,SMAN CHEN BDUD RTZI 'DI DANG NI, ,DAM PA YI GE 'DI YANG NI, ,BDAG NYID CHEN PO DE NYID LA, ,SOR GDUB 'DI YANG SBYIN PAR MDZOD, ,DE YANG KHYED KYIS BDAG GI TSIG GIS 'DI LTAR BRJOD PAR MDZOD CIG CI LTAR BDUD RTZI 'DIS MA SMIN PA BKRES PA DANG SKOM PA DANG NGAL BA BSAL BA'I PHYIR NYE BAR SBYAR BAR BYAS NAS YI GE 'DI MTHONG STE, MI'AM CI'I RGYAL PO LJON PA'I PHO BRANG DU 'ONG BAR MDZOD CIG CES SMRAS TE, THABS YOD PA DANG BRTZON 'GRUS DANG, ,BDAG LA MNYES GSHIN CHEN POS NI, ,BRAL BAS DUB PA BDAG BLTA PHYIR, ,KHYOD NI CI LTAR 'ONG MI 'GYUR, ,GZHAN YANG DRANG SRONG CHEN PO, BUD MED RNAMS KYI NYAL PO'I GTAM, ,BLA MA RNAMS KYI MDUN MI RIGS, ,BYA BA LA GUS 'DI DAG @130B LA; ,NGO TSA NGES PAR 'GEGS PAR BYED, ,THUB PAS SMRAS PA, KHYOD KYI GTAM 'DI THAMS CAD BDAG GIS NOR BZANGS LA SMRA BAR BYA YIS KHYOD NI BDE BAR 'DUG CIG CES ZER RO, ,DE NAS MI 'AM CI MO DE DRANG SRONG DE LA GSONG POR SMRAS NAS, SLAR YANG NAM MKHA'I DBUS SU SONG STE YAB KYI PHO BRANG DU NYE BAR SONG BAR GYUR TO, ,YUN RING PO MA YIN PAR SONG BA DE LA YANG, SA BDAG DE NI DPUNG GI STOBS KYIS RGYAL NAS RGYAL BA PO, ,YON TAN NOR CAN NOR BZANGS KYIS NI DE LAS NOR 'DZIN TE, ,BDAG NYID CHEN POS DE LA RANG GI YUL NI RAB BYIN NAS, ,NYI MA NUB NAS DPAL LDAN YAB KYI GRONG KHYER 'ONGS PAR GYUR, ,LJON PA'I BU MO YAN LAG SKEMS PA BDAG GIS MTHONG 'GYUR RAM, ,RANG GI MDZES PAS RI BONG CAN GYI CHA LTAR MDZES PA BZHIN, ,DE LAS KUN NAS 'BRI ZHING YID RE'I SKYA RIS KYIS, ,'DI LTAR YANG NAS YANG DU PHRAD 'DOD 'DIS NI BSAMS PAR GYUR, ,PHYI NAS RIM KYIS NYE BAR 'ONGS TE LAG PA GNYIS KYIS NI, ,DE YI MIG GNYIS GLO BUR DAG TU 'GEBS GYUR PA, ,DE LTAR PHRAD PAR 'DOD PA'I NGO MTSAR BDAG GIS DI RING NI, ,NYI MA 'DAS PAR YANG NI RAB TU DGA' BAS MTSON PA MIN, ,DE NAS NOR CAN GYIS NOR BZANGS RNAM PAR RGYAL BA RNYED NAS GRONG KHYER DANG NYE BAR 'ONGS PA THOS NAS, NOR BZANGS LA GLO BUR NYID DU MI'AM CI MO DANG BRAL BA BRJOD PAR BYA BA MA YIN TE, NAM ZHIG DES THOS NAS SROG NYID YONGS SU DOR BAR 'GYUR SNYAM DU RNAM PAR BSAMS NAS, SGO BA LA SMRAS PA, SONG LA NOR BZANGS LA 'DI SKAD CES SMROS SHIG ,SKYED MOS TSAL DU MTSAN MO GCIG ,LO GCIG DANG 'DRA BKAS SDOD MDZOD, ,DE NAS NANG PAR ZHAG BZANG LA, ,BU KHYOD PHO BRANG DU ZHUGS SHIG ,SGO BA DES KYANG RGYAL PO'I BKA' BZUNG NAS NOR BZANGS CAN DU NYE BAR 'ONGS TE DE SKAD CES SMRAS PAR GYUR TO, ,NOR BZANGS KYIS KYANG DE LTAR BYA'O SNYAM DU BSAMS NAS SKYED MOS TSAL DU ZHUGS TE, MAL GYI STENG DU LHAG PAR GNAS NAS YID 'PHROG MA DANG BRAL BA'I SDUG BSNGAL BA NYID KYIS GNYID KYIS PHEBS PAR MA GYUR CING 'DI SNYAM DU SEMS TE, DE RING GNYID 'DI KHROS PA BZHIN DU JI LTAR MIG DAG LA, ,BRTEN @131A *, ,PAR PHRAD PAR 'DOD PA BDAG GI 'DZUMS PAR BYED PA MIN, ,DES KYANG 'DI 'DRA BDAG GI GTAM GYIS DI RING NGES PAR NI, ,GROGS MO RNAMS DANG LHAN CIG TU NI MTSAN MO 'DA' BAR BYED, ,DE NAS NYI MA GZHAN LA PHO BRANG DU ZHUGS NAS, PHA DANG MA DAG LA MNGON PAR PHYAG BTZAL TE, GNAS PA'I KHYIM DU 'ONGS NAS MAL DU YANG DAG PAR NYE BAR ZHUGS SHING, SGO SKYONG MA LA SMRAS PA, BZANG MO SONG LA, BDAG GI TSIG GIS YID 'PHROG MA LA SMROS SHIG DANG, ,BRAL BAS PHRAD PAR 'DOD PA'I YID CAN BDAG LA NI, ,GZHON NU 'JIGS PA CI PHYIR DRUNG DU 'ONG MI BYED, ,CI PHYIR RANG BZHIN GYIS NI LCI BA'I NGO TSA 'DI, ,BUD MED SKYE BOS DE RING YANG NI KHYOD 'DZIN BYED, ,DE NAS SGO SKYONG MA DE LA YID 'PHROG MA DE NI GA LA YOD DE GANG ZHIG LA 'GRO BAR BYAS, BDAG GIS 'DI SKAD SMRAS PAR GYUR SNYAM DU RNAM PAR BSAM ZHING MYA NGAN GYI DBANG GIS MCHI MA'I CHUS RNYOGS PA'I LTA BA BYUNG BAR GYUR TO, ,DE NAS DOGS DANG BCAS PA'I YID CAN NOR BZANGS KYIS SGO SKYONG MA DE LA SMRAS PA, SONG LA SKEMS PA DE LA SMROS SHIG ,BDAG GIS 'DOD BCAS SMRAS PA GANG, ,BZANG MO KHYOD LA BDE BA 'DI, ,MCHI MAS RNYOGS MIG CI PHYIR SKYES, ,YANG NA KHYED KYIS MCHI MAS BRJOD PA STE, ,DGA' MO DE NI DUS KYI DBANG SONG ZHES, ,'DI NI 'KHRUL PA NYID DU NYER SONG BA, ,BDAG YID DE LTAR NA YANG THE TSOM ZA, ,DE NAS NOR BZANGS KYIS MYUR DU LANGS NAS MNGON PAR SONG STE MA LA DRIS PAR GYUR TO, ,MA LAGS YID 'PHROG MA 'DI GANG NA YOD CES SMRAS SO, ,DE NAS BTZUN MOS 'DI NI YUN RING PO CI TZAM DU BSLU BAR NUS PAR 'GYUR SNYAM DU RNAM PAR BSAMS NAS DBEN PA'I SAR MI 'AM CI MO DANG RNAM PAR BRAL BA'I GTAM DE NOR BZANGS LA SMRAS PA, DE NAS BTZUN MO'I TSOGS DE THOS PAR GYUR NAS NI, ,YID 'PHROG MA KHYOD DA NI GANG DU SONG ZHES SMRAS PA STE; ,MI G-YO MNYAM PA'I RTZA NI RDO RJES BCOM PA LTAR, ,NOR BZANGS SA LA BRGYAL ZHING 'GYEL BA NYID DU GYUR, ,YUN RING POS KYANG 'DU SHES SO SOR RNYED PA MNGON PAR LANGS TE, DU BZHIN PA'I MAS LTA BAR GYUR PA, GOS PHRAG PAR 'DZIN PA, RANG GI 'KHOR GYI SKYE BOS SPANGS NAS NYI @131B MA RI'I RTZE MOR NUB PA LA DMIGS BA LA DE DANG DE'I SMRE SNGAGS 'DON CING SMYON PA NYID DU NYE BAR SONG BA RANG GI PHO BRANG NAS PHYIR BYUNG STE, KYI HUD YID 'PHROG MA BDAG YONGS SU DOR NAS KHYOD GANG DU SONG ZHES ZER ZHING, ,SA 'DZIN PA DANG NAGS RNAMS GZHAN DE DANG DE LA 'KHOR BAR GYUR TO, ,DE NAS NOR BZANGS DANG BRAL BA'I SDUG BSNGAL GYI ME SA YID KUN NAS GDUNGS PA'I BTZUN MO DE RNAM PA MANG DU 'DI LTAR SMRE SNGAGS 'DON PA LA RTZE GCIG PA BYUNG BAR GYUR TE, BDAG YONGS DOR NAS YAN LAG SKEMS, ,YID 'PHROG MA KHYOD GANG DU SONG, ,SMRE SNGAGS 'DON CING BDAG GI BU, ,'DI LTAR MTSAN MO G-YANG LHUNG NGAM, ,SBRUL GYIS SO BTAB GYUR TAM CI, ,'ON TE STAG GIS ZOS PA NI, ,RGYAN NI PHROGS NAS DRAG PO YI, ,CHOM RKUN RNAMS KYIS BSAD DAM CI, ,RTZA BA BCINGS PA'I SKYE BO 'DI, ,MNYES GSHIN 'DI 'DRA KYE MA SMOD, ,GNYEN BSHES RNAMS KYI SDUG BSNGAL CHE,, GANG PHYIR RNAM BRAL LA MTHONG MIN, ,SKAR MA'I ME TOG RNAMS KYIS 'DI, ,NAM MKHA'I DKYIL NA MCHOD BYED CING, ,MTSAN MO'I MA KHYOD GANG DU YANG, ,NYAL BA BDAG GI BU SRUNGS SHIG ,NYIN MTSAN DAG GI MAR ME YIS, ,KU MU TA DANG CHU SKYES 'BYED, ,BDAG GI BU 'KHOR GANG DU YANG ZLA BA NYI MAS BSRUNG PAR MDZOD, ,GNAS PA'AM NI 'GRO BZHIN PA, ,BDAG GIS BDAG SKYES DE NYAL YANG, ,CHU SKYES 'DAB MA LTAR MIG LDAN, ,NAGS SU NAGS LHA MOS SRUNGS SHIG GROGS MO MI G-YO'I MIG LDAN PA, ,NOR BZANGS 'GRO BA 'DI LTOS SHIG ,'DI NI MTHONG LA DGE BA NI, ,MIG GI 'BRAS BU YONGS RDZOGS PA, ,MIG GI DGA' STON GYUR PA NI, ,YID LAS BYUNG BA DNGOS BZHIN DU, ,AE MA SKAL LDAN BUD MED DE, ,GANG ZHIG 'DI YI CHUNG MAR GYUR, ,AE MA GZUGS LDAN RNAMS KYIS NI, ,BA DAN 'PHROG 'DIS 'JIG RTEN DU, ,GSER GYI NOR BU LTAR 'DI NI, ,SA YI DKYIL 'KHOR 'DI BRGYAN BYAS, ,JI LTAR SKAL CHEN 'DI LA NI, ,RGYA CHEN MIG LDAN BDAG GIS MTHONG, ,DE SRID BDAG NI MIG GNOD PA'I, ,BUNG BA GROGS MO BZLOG PAR MDZOD, ,GCIG PU KHYOD KYIS BKAG PA NI, ,RLUNG GI STEGS BU CHEN PO 'DI, , @132A *, ,'GRO BA DPAL LDAN RNAMS MCHOG 'DI, ,BDAG GIS CI LTAR MTHONG BAR GYUR, ,SKAL CHA MI STER NGANG TSUL CAN, ,GROGS MO KHYOD KYI LTA BA 'DI, ,GANG ZHIG GCIG PU NYID 'DI NI, ,GZHON NU BRTEN PA LTA BAR 'DOD, ,DE LTAR MI G-YO RGYA CHEN LTA BA RNAMS KYIS MTHONG BA NI, ,GRONG KHYER BUD MED RNAMS KYIS GANG ZHIG 'DOD BCAS YUN RING POR, ,RI YI NAGS LA DI RING BDAG GI BU DE 'KHOR BZHIN PA, ,'JIGS PAS SKAD CIG TU NI RI DAGS BUD MED RNAMS KYIS LTA, YID NI 'PHROG PA SE'U 'BRU'I SNYING PO LTAR DMAR SKYA, ,SEN MO 'OD LDAN RNAMS KYIS BRGYAN BYAS SOR MO CAN,, KU SHA LDAN PA SA'I STENG 'JAM PA'I RKANG PA DAG ,BDAG GI BU DE CI LTAR DE RING 'JOG PAR 'GYUR, ,AUTPA LA SNGON PO SAR PA RNAMS KYIS YID 'PHROG PA, ,DRI ZHIM NOR BU'I SNOD DU BRTAN PA'I CHANG 'THUNGS NAS, ,BDAG GI DE NI 'KHOR ZHING SKOM 'DOD SNYIM PA YIS, ,CUNG ZAD DRO BA'I CHU NI DI RING JI LTAR 'THUNG, ,SLONG BA MA BSLABS PA NI RIGS NI MTHONG LDAN PA, ,SBYIN PA NYID DU MNGON PAR BRTZON PA RTAG TU BDE, ,DREGS PAS KUN NAS RING DANG SKYA BA'I LUS LDAN PA, ,DES NI CI LTAR GZHAN LA BYIN ZHES SMRA BAR 'GYUR, ,BDAG CAG YUN RING PHYIR NA YID RE MANG PO YIS, ,SKOM PA DANG LDAN BU LA CHAGS PA SEMS LDAN MA, ,RAB TU BYIN NAS BRTZE BRAL SKYED BYED KHYOD KYIS NI, ,CI PHYIR BU YI BDUD RTZI BSNYEN PA KHYED GYIS 'PHROG ,'DIR NI DE RING LA LA GNAS STE BDAG LA STON, ,PHYOGS CHA 'DIS NI SONG BA ZHES BYA NUS PA MED PA, ,YID 'PHROG DE YI GOM PA RNAMS KYIS RNAM BRGYAN PA, ,LAM RJES BDAG GIS DE PHYIR RJES SU 'GRO BAR BGYI, ,BRTZE LDAN KHYOD KYIS SDUG BSNGAL BRGYA YIS NYER 'TSE BA, ,GZHAN MA YANG NI MYA NGAN BYED CING RJES SU BRTZE BYED PA, ,KYE MA SMRE SNGAGS 'DON CING MA NI DAM PA DAG ,BU BZANGS 'ONGS NAS KHYOD KYIS CI PHYIR DBUGS MI 'BYIN, ,YID 'PHROG MA KHYOD MI'AM CI'I RGYAL LUS LAS SKYES, ,SNYING RJE BRAL NYID 'DI 'DRA KHYED LA CI LTAR YIN, ,BDAG GI BU LA 'KHOR BA GCIG PU NYID 'ONGS NAS, ,GANG PHYIR DI RING DBUGS 'BYUNG MA BYED DE NI MTSAR, ,DE LTAR NOR BZANGS RNAM PAR BRAL BAS 'JIGS PA DE, ,RGYUN MI 'CHAD PAR MCHI MAS 'GAGS PA'I DMAR LTA BA, , @132B SA YI BDAG PO MIG NI MCHI MAS SKAD CIG TU, ,MIG GI 'GAGS PA JI LTAR YANG NI DU 'PHRO BA CAD, ,DE NAS MI 'AM CI MO DANG BRAL BA LAS SMYO BA SKYES PA'I NOR BZANGS RI DANG NAGS KYI NANG RNAMS NA KUN NAS 'KHOR ZHING, BYA'AM RI DAGS GANG DANG GANG NYID MTHONG BAR GYUR PA DE DANG DE NYID LA DRIS PAR GYUR TO, ,DE NAS DUS GCIG GI TSE NA ME TOG SKYES PA'I SA LA SHIR SHA'I SHING LA NGES PAR GNAS PA LHAN CIG SPYOD MA'I SKAD 'BYIN PA'I NE TZO LA 'DI LTAR DRIS PAR GYUR TO, ,GSAL ZHING YID 'ONG SHIR SHA'I ME TOG RTZE MO 'DRA, ,DANG PO'I MYA NGAN MED PA'I 'DAB MA LTA BUR NI, ,DMAR BA'I RKANG PA NI TZO KIM SHU KA SHING GNAS, ,BDAG GI 'DOD MA KHYOD KYIS NAGS RNAMS NA MTHONG NGAM, ,LHAN CIG SPYOD MA LA SKAD 'DON CING KHYOD KYIS BDAG GI LAN NYAN PAR MI BYED CING DE BAS NA KHYED NI BDE BAR GNAS PAR GYIS SHIG ,DA NI NOR BU AIN DRA N'I LA DANG YONGS SU 'DRES PA MARKA TA'I TSOGS DANG RJES SU MTHUN PA RGYA CHE BA'I MJUG SGRO DANG LDAN PA, KU MA TA SAR PA LTAR MIG GI MTHA' MA DKAR BA, BRAG GI STENG NA GNAS PA'I RMA BYA 'DI LA DRI BAR BYA STE, SA 'DZIN MGO BO LA NI COD PAN DU GYUR PA, ,THOG MA'I SPRIN NI 'ONGS PAS GAR GYI RTZED MO BA, ,RMA BYA MCHOG LAGS NAGS GSEB 'DI NA KHYOD KYIS NI; ,BDAG GI BUD MED 'KHOR BAR BYED PA RNAMS MTHONG NGAM, ,KHYED KYANG MI SMRA BA NYID DU JI LTAR GNAS TE RNAM PA THAMS CAD DU KHYOD NI NGO BSRUNG DANG BRAL LAM, YANG NA KHYOD LA SKYON MI RIGS TE, G-YO MED MIG GNYIS LDAN PA RI YI BRAG LA GNAS PA NI, ,BSAM GTAN LA NI ZHUGS 'DRA YAN LAG MI G-YO KHYED GNAS PA, ,SKEMS PA MI'AM CI RGYAL BU MOS DOR BA CI LTAR BDAG ,KHYOD KYANG RMA BYA MOS NI NGES PAR DE LTAR DOR BA YIN, ,DE BAS NA BUD MED DANG BRAL BA SU ZHIG LA YANG 'DOR BYED PA'I PHYIR RIGS PA MA YIN NO, ,DA NI YID 'PHROG MA DANG 'DRA BA'I MIG 'JAM ZHING RTZVA SNGON PO LA NYE BAR GNAS PA'I MIG DANG 'DRA BA SKYUG LDAD KYIS KHA'I MDUN BSKYOD PA'I RI DAGS 'DI LA BDAG GIS DRI BAR BYA STE, RI DAGS KHYU YI BDAG PO BDAG GI MDZES MA DANG, ,'DRA BA'I MIG LDAN KUNDA LTAR NI LTO BA DKAR, ,KUN NAS 'KHOR BAR BYED PA KHYOD KYIS NAGS 'DI LA, ,LJON PA'I BU MO DE RING KHYOD KYIS @133A *, ,MNGON MTHONG NGAM, ,KHYED KYANG BDAG LA DGA' BA MA SMRAS PAR LANGS TE, ,BDAG LAS 'JUG PA KHO NA STE, ,YANG NA KHYOD KYANG SONG SHIG ,LHAN CIG SPYOD MA DANG LHAN CIG TU SBYOR BAR GYIS SHIG ,NAM GYI TSE YANG BDAG DANG 'DRA BA MI'AM CI MO DANG BRAL BAS GNAS SKABS 'DI NAM YANG NYAMS SU MYONG BAR MA GYUR CIG ,DE BAS NA DA LTAR DU MA'I SHING DANG SHING GEL PA'I ME TOG GI CHANG GIS MYOS BA BDAG GI BUD MED KYI MIG GI 'BRAS BU LTAR NAG PA'I BUNG BA 'DI LA BDAG GIS DRI BAR BYA STE, ,PADMO RNAM PAR KHA PHYE SGEG MO RNAMS KYIS NI, ,PADMA'I GDONG RNAMS LA NI BSKYOD CING LCANG LO'I SKRA, ,BUNG BA'I MCHOG LAGS SRAB PA'I YAN LAG YID 'PHROG MA, ,RI YI NAGS 'DIR 'GA' ZHIG KHYOD KYIS MTHONG NGAM CI, ,JI LTAR KHYOD KYANG LAN MI STER BA NYID YIN TE LJON SHING BUD MED RNAMS KYIS NYE BAR SBYIN PA RANG GI ME TOG GI SNOD NA GNAS PA DE'I ME TOG GI ROS KUN NAS GSAL BAR BYAS PA'I GDONG CAN KHYED CHANG 'THUNG BAR BRTZAMS PA STE, RNAM PA THAMS CAD DU KHYOD NI BRTZE BA DANG BRAL BAS GANG GI PHYIR DGA' MO DANG BRAL BAS KUN NAS YID GDUNGS BA'I BDAG LA ME TOG CHANG GI BTUNG BA MNGON PAR 'DOD PA, PADMO'I TSOGS KYI DBUS SU NYER 'ONGS SKAD CIG TU, ,SLAR NI LJON SHING ME TOG TSOGS NI 'ONG BA STE, ,BUNG BA SKAD NI MI STER BA STE CI YI PHYIR, ,BUNG BA MO DANG BRAL BA 'DI LA NGES PAR 'BYUNG BAR 'GYUR, ,SDUG BSNGAL RNAMS NI NYAMS SU MYONG, ,CHU YANG GANG GI 'JIG RTEN DU, ,DE NYID GZHAN GYI SDUG BSNGAL RNAMS, ,SHES NAS KUN NAS GDUNG BAR 'GYUR, ,BRTZE BA DANG BRAL BA LTAR BYED NGAN BA 'DIS CI ZHIG BYA STE, DE BAS NA DA LTAR 'DIR CHU BO'I 'GRAM GYI STENG KHYAD PAR DU BYED PA'I DUR PA LA BDAG GIS DRI BAR BYA YIS, PADMA'I 'DAB MA LTAR MIG CAN, ,LUS SKEMS DGOD PA YID 'ONG CAN, ,DUR PA KHYOD KYIS YID 'PHROG MA, ,MTHONG BAR GYUR TA MA 'ON TE CI, ,KHYOD KYANG MTSAN MO THOB NAS NI, ,DUR PA MO DANG RNAM BRAL BAR, ,DE LTAR SDUG BSNGAL 'DI SHES SHING, ,CI LTAR MI SMRA NYID DU GNAS, BDAG GI YID 'PHROG MA MTHONG NGAM 'ON TE MIN ZHES BYA BA 'DI TZAM DUR BA NGAN PA 'DI MI SMRA BAR GYUR PA LA NGAL BA CI TZAM 'GYUR, DE BAS NA 'DI YANG DANG YANG DU DRIS PAS CHO GA STE, @133B GANG ZHIG 'DI RAL GRI G-YA' DAG PA LTAR NAG BA'I 'OD, ,TSANG 'DI LAS LUS PHYED PHYUNG BA'I LTO 'PHYE STE, ,DE NI 'DI LA BDAG GIS DRI BAR BYA'O SNYAM MO, ,DBANG PHYUG CHEN PO'I RGYAN DANG 'CHI BA DAG GZHU YI MDA', ,AUTPA LA SNGON PO'I PHRENG BA GSAL BA RJES SU MTHUN, ,LTO 'PHYE 'PHRO BAR BYED PA'I RTZE YI RTZE MO CAN, ,BDAG GI 'DOD MA KHYED NI 'KHOR BAS 'DIR MTHONG NGAM, ,'DI YANG KHRO BA'I DBANG GIS PHUD CES BYA BA'I SGRA DANG BCAS PAR GDENGS KA CUNG ZAD RGYAS PAR BYAS NAS CI LTAR TSANG NYID DU ZHUGS SO, ,LTO 'PHYE'I DUG LAS KYANG NI SDUG BSNGAL BA, ,GANG PHYIR 'DOD PA BRAL SKYES SDUG BSNGAL CHE, , DE LTAR LTO 'PHYE LA NI DRIS PA DANG, ,RGYU MED KHO BO CAG LA KHRO BAR BYED, ,YANG NA DKA' THUB PA RANG BZHIN GYIS BLO RAB TU CHUNG BA'I DUD 'GRO 'DI RNAMS BDAG GI MDZA' MO CI'I PHYIR SHES PAR 'GYUR TE, ,DA NI JI SRID DU 'GRO BA THAMS CAD KYI MAR ME BCOM LDAN 'DAS NYID LA YID 'PHROG MA'I GTAM BDAG GIS DRI BAR BYA'O SNYAM MO, ,MUN PA'I TSOGS NI MA LUS 'JOMS, ,'JIG RTEN MIG GCIG KHYOD KYIS NI, ,NYI MA BDAG DANG BRAL BAS RI DA, ,YID 'PHROG MA NI MA MTHONG NGAM, ,JI LTAR 'DI YANG MYUR BA NYID DU NUB BAR NYE BAR SONG BA STE, DA NI KU MU DA'I TSOGS KYIS GNYEN CHU'I DBUS NAS 'BYUNG BA LTA BU'I BDAG PO'I GLANG PO CHE'I DBRAL 'BUR DANG 'DRA BA YANG DAG PAR 'BYUNG BZHIN PA ZLA BA LA BDAG GIS DRI BAR BYA STE, BCOM LDAN 'DAS, MTSAN MO'I BUD MED KYI THIG LE, ,BDAG DANG BRAL BAS YAN LAG RID, ,MTSAN MO BYED LDAN YID 'PHROG MA, ,'DIR NI MTSAN MO BYED KHYOD KYIS, ,YID 'PHROG MA 'DI MTHONG GYUR TAM, ,SKAR MA BTZUN MO'I 'KHOR LA NI, ,KHYOD NI RGYAL PO'I ROL BAS GNAS, ,GDUNGS PA BDAG LA BRNYAS BYAS NAS, ,BSIL BA'I 'OD CAN LAN MI 'DEBS, ,SNAR MA LHAN CIG BRAL BA NI, ,NAM YANG KHYOD LA YOD PA STE, ,DE LTAR RANG SDUG BSNGAL SHES SHING, ,CI PHYIR BDAG LA BRTZE MI BYED, ,BDAG LA DPAL MED MTHONG NAS NI, ,KHYOD KYIS BRNYAS BA MA MDZAD CIG ,SGRA GCAN GYIS ZOS KHYOD KYANG NI, ,RANG GI DPAL NI 'DOR BA YIN, ,PHAL CHER GNAS GNAS LA GUS PA, ,DGOS LDAN SKYE BOS BYED PA STE, , @134A *, ,RNYED DKA' DE NI 'JIG RTEN DU, ,GANG ZHIG SDUG BSNGAL GNAS PA BRNYAS, ,JI LTAR LAN MA BTAB PA NYID NI KHYOD KYANG NUB PAR GYUR PA DE BAS NA DA NI KLU RIS BKRA'I CHU RTEN GYI MTHA' MA LA GNAS PA DE YANG RE ZHIG DKA' THUB KYI NAGS SU 'GRO BAR BYAS NAS DRI BAR BYA'O SNYAM DU RNAM PAR BSAMS NAS, THO RANGS KYI DUS SU ME LA SBYIN SREG BYAS PA, SHING LO LAS BYAS PA'I KHANG PA'I SGO LA GZHAG PA'I SA'I GDAN LA GNAS PA, ,RAL PA'I TSOGS KUN NAS 'PHYANG BAS MGO 'DZIN PA 'DEGS PA, ,SHIN TU RID PA'I LUS CAN, BGRANG PHRENG GIS LAG NGAR DKRIS PA, DPUNG PA LA KHRI SNYAN SA LE'I PAGS PA RNAM PAR BKOD PA'I DRANG SRONG DE'I GAN DU NYE BAR 'ONGS NAS DBEN PA'I SAR 'DUG STE DRIS PA, KHYAD PAR DU NI DAG PA'I BRTUL ZHUGS LHA YI MIG GIS NI, ,SDANG DANG GROGS PO RNAMS LA MNYAM PA'I SEMS LDAN PA, ,YID 'PHROG MA NI ZHES BYA YID 'PHROG GDONG LDAN MA, ,BDAG GI MDZA' MO KHYOD KYIS 'DIR NI MA MTHONG DAM, ,BDAG GIS NE TSO RMA BYA RI DAGS BUNG BA DUR PA DANG, ,LTO 'PHYE NYIN MOR BYED DANG RDZOGS PA'I ZLA BA RNAMS LA DRIS, ,SNYING RJE DANG BRAL DE RNAMS KYIS KYANG BDAG GI MDZA' MO NI, ,MA SMRAS BRTAN PA'I SEMS CAN KHYOD KYANG DE LTAR MA GYUR CIG ,DE NAS DKA' THUB KYI NOR CAN NOR BZANGS LA RJES SU B RTZE BAR GYUR PAS 'DI SKAD CES SMRAS SO, ,TSE DANG LDAN PA BDAG NYID BRTAN PAR GYIS SHIG ,YID 'PHROG MAS NI KHYOD LA MI 'AM CI'I RGYAL PO'I GRONG KHYER GYI LAM BSTAN PA'I PHYIR BDAG GI LAG PAR YI GE 'DI DANG SOR GDUB 'DI DANG DAG PA'I BDUD RTZI ZHES BYA BA'I SMAN 'DI YANG BA ZHAG STE, 'DI NI MAR SMIN PA SHIN TU YANG BKRES PA DANG SKOM PA'I NGAL BA SEL BAR BYED PA BZA' BAR BYAS NAS, TSE DANG LDAN PAS YID 'PHROG MA THOB PAR BYA BA'I PHYIR MI'AM CI'I BDAG PO LJON PA'I GRONG KHYER DU MNGON PAR 'GRO BAR BYED PA, KHYOD KYI SKYE BO NGAN PA DANG RJES SU MTHUN PA SMYON PA'I SMRA BA NYID 'DIS CHO GA STE, BRTAN PAR 'DUG SHIG DANG YID 'PHROG MA THOB PAR 'GYUR RO ZHES ZER RO, ,LE LO'I BDAG NYID CAN 'GYUR TE, ,BA LANG RJES LA'ANG SGYID LUG PA, ,BRTZON 'GRUS DANG LDAN THABS LA MKHAS, ,RGYA MTSO LA YANG RGAL BAR BYED, ,DE NAS NOR BZANGS KYIS THUB PA DE'I GDAMS NGAG GI SGRON ME'I SNANG @134B BAS SMYO BA'I MUN PA BSAL BAR BYAS SHING YID DGA' BAR SOR GDUB DE BLANGS NAS 'DI SNYAM DU BSAMS TE, MDZA' BO'I LJON SHING ME TOG NI, ,SOR GDUB DE RING BDAG GIS RNYED, ,DE MTHONG 'BRAS BU NAM GYI TSE, ,SEMS BDE BA NI RNYED PAR 'GYUR, ,PHYIS DRANG SRONG DE LA SMRAS PA, ,BCOM LDAN 'DAS KYIS GDAMS NGAG GI CHU'I DBANG BSKUR BA 'DIS SMYO BA'I GDUNG BA ZAD PAR GYUR PA BDAG GIS 'DI LTAR MTHONG STE, KIM PA KA'I 'BRAS BU DANG 'DRA BA LA NYE BANG LONGS SPYOD PAR GYUR PA, ZA BA'I DUS NA NI BDE BA'I RO NYE BAR SKYED LA MTHAR NI SDUG BSNGAL BSKYED PA RNAMS TE, SU ZHIG CES BYA BA'I 'DOD PA'I 'DAM DU BDAG NYID NU BCING, ,BDE BA NYAMS SU MYONG BAR GYUR PA DE LTAR YANG SHES SHING, GANG GI PHYIR BDAG 'DI LTAR YID 'PHROG MA THOB PAR 'DOD PA DE BAS NA, 'DI LA RGYU NI 'DI YIN TE, ,MDZA' BO'I SKYE BO DANG NI BRAL BAS 'JIGS PA YI, ,MDZES MA RNAMS KYI ME TOG LTAR 'JAM YID RNAMS NI, ,BDAG DANG BRAL BA'I DUG GIS YAN LAG BRGYAL BA CAN, ,LJON PA'I DUS LA SKYES PAR NGES PAR SROG RNAMS 'DIR, ,BDAG LA BRTEN NAS GAL TE SROG ,DKA' THUB CAN MA NGES DOR NA, ,GAL TE BDAG NI GSON POR GNAS, ,BRTZE BRAL GZHAN NI CI 'DRA YOD, , DE BAS JI SRID SROG RNAMS NYID, ,BDAG DANG BRAL BAS DE 'DOR BA, ,DE SRID DE THOB PHYIR BRTZON 'GRUS, ,SNYING RJES BSKUL NAS BRTZOM PAR BYA, ,DE NAS DRANG SRONG DE LA GSONG POR SMRAS TE, YI GE DANG SOR GDUB BZUNG BA DANG BDUD RTZI'I SMAN ZHES BYA BA BZUNG ZHING, SHING GI LO MA'I KHANG PA DE NAS RNAM PAR BYUNG STE, 'DI LTAR BSAMS PAR GYUR TO, ,GAL TE RNAM PA GANG GIS KYANG LO RGYUS 'DI PHA MA DAG LA SMRAS PAR GYUR NA NGES PAR 'DI DAG BDAG LA MI'AM CI'I RGYAL PO'I GRONG KHYER DU 'GRO BA LA GEGS BYED PAR 'GYUR GYIS SNYAM DU RNAM PAR BSAMS NAS, CUNG ZAD YUL GZHAN DU SONG STE, GROGS PO SU ZHIG GI KHYIM DU SMAN DE MAR GYIS SMIN PA ZOS NAS YI GER BRIS PA PI WANG DANG LCAGS KYI PHUR PA GNYIS DANG THO BA DANG RAL GRI DANG BCAS PA'I MDA'I RTEN RNAMS BLANGS TE, RIM GYIS MU TIG GI TSOGS LTAR DKAR BA'I KHA BA DANG LDAN PA KHA BA CAN GYI RI LAS 'DAS NAS 'GRAM NGAN ZHES @135A *, ,BYA BA'I RI RJES SU THOB PAR GYUR TO, ,DE NAS NOR BZANGS KYIS RAS DE LA BRIS PA MA LUS PA YID LA BYAS NAS SA 'DZIN DE LA MI'I SKAD DANG LDAN PA'I SPRE'U'I BDAG PO LA 'BRAS BU SNA TSOGS PA RNAMS KYIS BDAG TU BYAS NAS SMRAS PA, ,SPRE'U'I BDAG PO MYUR DU NI, ,SBRUL RNAMS DU MAS KUN KHYAB PA, ,'GRAM NGAN RI 'DI LAS NI BDAG ,DA LTAR KHYED KYIS SGROL BAR MDZOD, ,DE NAS SPRE'U'I BDAG PO DES NOR BZANGS LA SMRAS PA, KHYED TSUR SHOG LA BDAG GI RGYAB TU ZHON CIG CES ZER RO, ,SKAD CIG MA NYID KYIS SPRE'U DE'I RGYAB TU ZHON PAR BYAS PA'I BDAG NYID CHEN PO DES RI DE LAS BRGAL NAS MA SKYES PA'I LAM ZHES BYA BA'I RI LA ZHUGS PAR BYAS NAS SPRE'U CHEN PO DE LDOG PAR 'GYUR BA LA, DER CHE BA'I TSAD LAM 'GEGS PAR BYED CING MNGON PAR RGYUG PAR BYED PA'I SBRUL CHEN PO, MDA' 'PHANGS PAS SKYE BA GZHAN DU NYE BAR KHYER NAS, ,LAM MA SKYES PA'I SA 'DZIN LAS BRGAL NAS 'DOD PA'I GZUGS CAN ZHES BYA BA'I RI LA SONG BAR GYUR TO, ,DE NA YANG SRIN MO 'DOD PA'I GZUGS CAN MA ZHES BYA BA YOD DE SDUG BSNGAL DANG LDAN PA DES KYANG RIG PA 'DZIN MA'I GZUGS SU MNGON PAR SPRUL NAS NOR BZANGS KYI DRUNG DU 'ONGS NAS SMRAS PA, SKAL BA CHEN PO LAGS BDAG GI KHYO DRAG PA RIG PA 'DZIN PA GZHAN DAG RNAMS KYIS G-YUL NGOR GSHIN RJE'I GNAS SU NYE BAR KHRID PA DES NA BDAG DU BA STE, DE BAS NA GAL TE KHYED LA RIG PA 'DZIN PA NYID KYI PHYIR MNGON PAR 'DOD PA YOD NA DE BAS NA BDAG LAS SNGAGS RNAMS ZUNG SHIG DANG, BDAG NI KHYOD DANG LHAN CIG TU CHOS SPYOD MAR 'BYUNG BAR 'GYUR ZHES ZER TE, MI YI BDE BA CHUNG BA SNYING MED 'DI NI SPANG BYAS NAS, ,DE RING SHOG SHIG BDAG DANG LHAN CIG NAM MKHA'I DKYIL DU 'GRO BAR MDZOD, ,MA LA YA YI RI YI TZAM DA RNAMS KYI SNA TSOGS PA YI NAGS, ,RI BO RTZE MO DGA' BA RNAMS KYANG RE ZHIG MTHONG BAR MDZOD, ,DE NAS BDAG NYID CHEN PO DE LA RGYUS SHES PA SRIN MO 'DOD PA'I GZUGS CAN MA 'DI DE ZHES BYA BA RNAMS PAR BSAMS NAS SMRAS PA, ,SRIN MO BDAG NI RIG PA 'DZIN PA NYID MNGON PAR 'DOD PA MA YIN TE, GANG ZHIG RIG PA 'DZIN PA NYID KYIS DON DU GNYER BA GZHAN LA LA ZHIG KHYOD KYIS BSLU BAR GYIS SHIG CES ZER RO, ,DE @135B NAS SKAD CIG DE NYID KYIS 'BAR BA'I ME LCE'I CHO GAS LTAR SER SKYA'I SKRA'I TSOGS KYIS KHYAB CING KUN NAS 'KHYOG PA'I MCHE BA KUN NAS BTAGS PA LAS KUN NAS BSLANG BA'I SREG BLUGS 'DZIN PA'I ME STAG GIS RKAN GYI BUG PA KHYAB PA 'PHROS SHING MNGA' BA'I MKHA' SNANG DANG 'DRA BA DANG MIG SMAN GYI RI'I PHUG GI SGO DANG 'DRA BA'I NGO BO GDONG MNGON PAR BSTAN NAS, CHU'I SGRA SGROGS PA'I CHU 'DZIN PA LTAR LTO BA CHE BA LHOD CING 'PHYANG BA'I NU MA GNYIS KYIS KUN NAS RIG PA'I BUM PA DANG RJES SU MTHUN PA'I PUS MO GNYIS DANG LDAN PA, BRAG DGRA STA RNON PO'I SO DANG 'DRA BA CHU'I RGYUN 'DZIN PA'I DUS KYI MTSAN MA LTAR SHIN TU 'JIGS PA'I GZUGS CAN NOR BZANGS LA MNGON PAR RGYUG PAR GYUR TO, ,DE NAS NOR BZANGS KYIS DGOD CING DE LA SMRAS PA, BZANG MO SNGAR BYUNG BA DANG 'DRA BA'I KHYOD KYIS RIG PA 'DZIN PA'I GZUGS KYIS BDAG GI SEMS 'DOD PA DANG SMRA BA NYID DU KHRID PAS YIN TE, GZUGS RNAM PAR BSGYUR BA 'DIS KHYED LA BDAG GIS JI LTAR 'DOD PA BGYI ZHES SMRAS TE, DE BAS NA SONG SHIG DANG YONGS SU NGAL BA 'DIS CI ZHIG BYA, GAL TE YANG BDAG LA MNGON PAR RGYUG PA KHYOD KYI SA GNAS PAR MI 'GYUR NA DE BAS NA MDA' 'DIS KHYED DUS RING POR 'JIG PAR 'GYUR ZHES ZER RO, ,GANG GI TSE DES MNGON PAR RGYUG BA DE'I TSE NOR BZANGS KYIS PI WANG BRDUNGS PAR GYUR TE, DE NAS PI WANG SGRA THOS TE, ,YID DANG NA BA 'PHROG BYED PA, ,SRIN MO 'JIGS MA LEGS SO ZHES, ,SMRAS NAS DE NYID MYUR DU NUB, ,DE NAS NOR BZANG KYIS 'DOD PA'I GZUGS CAN GYI RI BO DE LAS 'DAS PAR BYA STE, SO GCIG PA ZHES BYA BA'I RI LA SONG BAR GYUR TO, ,DE YANG THABS GZHAN GYIS NI BRGAL BAR NUS PA MA YIN NO SNYAM DU RNAM PAR BSAMS TE, SA 'DZIN DE LA LCAGS PHUR NI, ,SHIN TU LCI BA'I THO BA YIS, ,SOR BCU GNYIS SU BRTAN BYED PHYIR, ,YANG DANG YANG DU BRDUNGS BAR GYUR, ,PHUR PA DE LA ZHON NAS NI, ,SLAR YANG GZHAN GYIS BRKOS PAR GYUR, , DER NI GNAS NAS PHUR BU DE, ,'OG NAS DE NI BTON PAR GYUR, ,DE LTAR THABS NI CHEN PO YIS, ,BRTZON 'GRUS DE LDAN NOR BZANG NI, ,MI 'AM CI MO THOB BYA'I PHYIR, ,RI BO DE LAS BRGAL BAR GYUR, ,DE NAS SO GCIG PA BRGAL BAR BYAS NAS, RDO RJE CAN ZHES BYA BA'I RI LA SONG BAR GYUR @136A *, ,TO; ,DE'I YANG RTZE MO LA GNAS PA STAG GI SEN MO LTAR 'KHYOG CING RNO BA'I MCHU DANG LDAN PA, BYA RGOD MO MTHONG NAS 'DI BYA RGOD KYI GZUGS CAN SRIN MO'O SNYAM DU BSAMS SO, ,DA NI THABS DANG BCAS PAR 'DI LAS BDAG NYID RDO RJE CAN GYI SA 'DZIN LAS 'DA' BAR BYA'O SNYAM DU RNAM PAR BSAMS TE, SHING GI RTZA BAR 'ONGS NAS NOR BZANGS GZHU DANG LDAN RNAMS KYI, ,MCHOG TU GYUR PA GZHU NI BDUNGS PA BYAS NAS GZHU LA MKHAS, ,RTZA NI SHIN TU 'JAM PA'I GTAN PA NYID DU 'DZIN BYED PA'I, ,RI DAGS LA NI RNO BA'I MDA' YIS KUN NAS BSNUN PAR GYUR, , RI DAGS DE YI KHRAG 'DZAGS PAS, ,RI DAGS LTA BU'I MIG LDAN PA, ,PHYI ROL DU LDAN PAGS PA YIS, ,LUS NI BSGRIBS SHING GNAS PAR GYUR, ,DE NAS BYA RGOD GZUGS 'DZIN DES, ,G-YO BA DANG BRAL GNAS PA NI, SHUGS KYIS RI DAGS LPAGS LDAN PA, ,DE NI BTON NAS RI LA KHYER,, PAGS PA DE NI PHUG BYAS NAS, ,LAM NI RNYED PHYIR LAM LA NI, ,BRTZON 'GRUS LDAN PA DES SRIN MO'I, ,MGO NI RAL GRIS GCOD PAR GYUR, ,DE NAS SENG LDENG MOD PA SENG LDENG CAN ZHES BYA BA'I RI LA 'ONGS TE BSAMS PA, RI 'DI NI MUN PA DANG BCAS PA'I PHUG GI SGO 'DI LAS NGES PAR BRGAL BAR BYA'O SNYAM MO; ,NGES PAR GNAS CHEN PO 'DI YIN TE GANG DU YON TAN LNGA DANG LDAN PA KLU RNAMS KYIS YONGS SU BZUNG BA SMAN CHEN PO DE BRAG RNAMS KYIS BKAG PA ZHIG YOD DE, ,SMAN CHEN PO DE YANG MUN PA 'JOMS BYED 'OD KYIS NI, ,GRANG DANG DRO DANG DUG NYAMS BYED, ,SBRUL DANG SRIN PO CHOM RKUN LAS, ,BYUNG BA'I 'JIGS PA'ANG SPONG BAR BYED,, GANG YANG 'DI SO SOR 'DZIN PA'I KLU DES GNYID LOG PAR GNAS PAR BYAS TE, CI'I SLAD DU ZHE NA, GANG GI PHYIR SMAN CHEN PO 'DI NI MAR ME'I RTZE MO LTAR GNAS 'DI SNANG BAR BYED DO, ,DE BAS NA JI SRID DU LTO 'PHYE 'DI GNYID LOG PA DE SRID DU BRAG 'DI BTON NAS SMAN BZUNG BAR BYA'O SNYAM DU RNAM PAR BSAMS, LCI BA'I BRAG DE NI LAG PA'I STOBS KYIS BSAL BAR BYAS TE SMAN DE MGO BOR BCINGS LA PHUG DER ZHUGS TE, MYUR DU PHUR BU'I RTZA DAG GIS, ,RI YI PHYOGS DAG MDA' DAG GIS, ,NGAL BA'I SKYED BYED PHUG BYAS NAS, ,RNAM PAR MI G-YO DES BYAS GYUR, ,DE NAS CUNG ZAD PHAR SONG STE, ,LAGS KYI SKYES PA GNYIS DAG GIS, @136B RAL GRI BZUNG BAR BYAS PA DAG ,MYUR DU MDA' DAG GIS PHUG STE, ,PHUR BA YIS NI MNGON DU BYAS, ,DE DAG MI G-YO BA NYID DU THOB PAR 'GYUR BAS BDAG GI BAR NAS BYUNG STE SONG BAR GYUR TO, ,DE NAS SGYOGS DU MA RNAMS BCAG NAS 'DZIN PA DANG LDAN PA'I CHU BO DE DANG DE RNAMS LAS KYANG BRGAL NAS SPA'I CHU BO RJES SU RNYED PAR GYUR TE, DE NAS RNAM PA GANG GIS SPA'I LCUG GNYIS PHA ROL NAS, ,DRAG PA'I RLUNG GIS KUN NAS KHYER BA'I MDUN DU BZUNG NAS NI, ,CHU BO CHEN PO DE LAS BDAG NYID CHEN PO BRGAL GYUR PA, ,MNGON DU BYAS PA 'BRAS BU CHEN PO STER BA'I DAM BCAS LTAR, ,DE NAS SBA'I CHU BO LAS 'DA' BAR BYAS NAS GSER GYI RA BA'I STEGS BU RNAMS KYIS NYE BAR MDZES PA SKYED MOS TSAL DU MAS YID 'PHROG PA, ,YID 'PHROG MA'I YAB KYI GRONG KHYER MTHONG BAR GYUR TO, ,DER YANG PHYOGS GCIG TU RIG PA 'DZIN PA RNAMS KYI SKYED MOS TSAL DU RJES SU ZHUGS NAS SHING RNAMS BSGRIBS PAR GNAS PAR GYUR TE, GCIG DANG BSDONGS PAR BYAS PA'I BZHI PO RNAMS KYANG NI, ,MI 'AM CI YI BU MO BRGYA PHRAG RNAMS KYANG 'DIR, ,CHU BO LA NI RAB TU DANG BA'I CHU NYID NI, ,BUM PA RNAMS KYIS YANG DAG 'DZIN PAR BYED MTHONG 'GYUR, ,DE NAS DE RNAMS SONG BA DANG DER RGAS PAR NUS PA NYE BAR GDUNGS PA GCIG PU CHU DANG BCAS PA'I GSER GYI BUM PA 'DZIN PA'I NUS PA DANG MI LDAN PA DBUGS PHYUNG NAS RDZING BU'I 'GRAM GYI MTHA' MAR GNAS PAR GYUR TO, ,DE NAS NOR BZANGS KYIS BDAG LA PHAN PA'I PHYIR MI 'AM CI'I 'BANGS MO 'DI RGAS PAS NUS PA 'PHROGS PA STE, GZHAN DU NA BDAG GIS 'DIR GCIG PU 'DI CI'I PHYIR YID 'PHROG MA'I GTAM NYE BAR DMIGS PA'I PHYIR RNYED PAR 'GYUR SNYAM DU RNAM PAR BSAMS NAS NYE BAR 'ONGS TE DE LA DRIS PA, 'PHAGS MA CHU 'DI GANG DU NYE BAR KHYER BA YIN, ,MI 'AM CI'I 'BANGS MO RGAS PA DES KYANG NOR BZANGS LA BLTAS NAS RIG PA 'DZIN PA'I SKYED MOS TSAL 'DI LAS NGES PAR BYUNG NAS GZHON NU RIG PA 'DZIN PA 'DI NGO MTSAR BA'I LTAD MO'I DBANG GIS BDAG LA DRI'O SNYAM DU RNAM PAR BSAMS NAS SMRAS PA, BZHIN BZANGS NYON CIG ,YID 'PHROG MA ZHES BYA BA LJON PA'I BU MO STE, ,SA YI BDAG PO MI 'AM CI YI YID 'PHROG MA, ,DE YANG SKYES PAS SNGON DU NYE BAR LONGS SPYOD PA, ,JI LTAR SLAR @137A *, ,YANG 'DIR NI MNGON PAR 'ONGS PA YIN, ,DE YI PHAS NI MI YI DRI NI KUN NAS 'BYUNG BZHIN PA, ,YAN LAG LAS NI SNOM PAR NUS PA MA YIN TE, ,NYI MA RE RER BUM PA'I KHA LAS 'BYUNG BA YI, ,DRI YI CHU YIS DE PHYIR DE NI 'KHRU BA YIN, ,DE NAS NOR BZANGS PHRAD 'DOD DE LA SMRAS GYUR PA, ,DOGS PA DANG BCAS PHYOGS RNAMS YANG YANG BLTA BYAS TE, ,'OD KYIS BRGYAN PA'I SOR GDUB 'DI NI DOGS DANG BCAS, ,YID 'PHROG MA LA 'DI NI RAB TU SBYIN PAR MDZOD, ,DES KYANG DE LTAR BGYI ZHES SMRAS NAS SOR GDUB DE BZUNG BAR GYUR TO, ,BYANG CHUB SEMS DPAS KYANG CHU'I BUM PA DE'I RKED PAR BZHAG NAS SLAR SKYED MOS TSAL DE NYID DU ZHUGS PAR GYUR TO, ,DE NAS MI 'AM CI'I 'BANGS MO RGAN MO YANG DAG PAR NYE BAR 'ONGS TE KHRUS KYI THA MAR YID 'PHROG MA SOR GDUB DE PHANG PAR GZHAG CING GNAS TE, DE NAS SOR GDUB DE NI YANG DAG BLANGS BYAS TE, ,YID 'PHROG MAS NI KHYIM DU BUD MED DE LA NI, ,'PHAGS MAS 'DI NI GANG NAS YANG DAG RNYED PA ZHES, ,'DOD PAS GANG BA'I YID DANG LDAN BAS DRIS PAR GYUR TE, DE NAS NGES GZHON NU RIG PA 'DZIN PAS SOR GDUB 'DI BDAG GI LAG TU GTAD PA STE, YID 'PHROG MA LA 'DI SBYIN PAR GYIS SHIG CES SMRAS PAR GYUR TO, ,DE NAS MI 'AM CI'I BDAG PO'I BU MOS NGES PAR 'PHAGS PA'I SRAS 'ONGS SO SNYAM DU RNAM PAR BSAMS NAS, SLAR DE LA 'PHAGS MAS GAL TE 'DIR 'GUGS PAR NUS NA SHIN TU YANG DON CHEN PO DANG LDAN PAR 'GYUR ZHES BYA BA SMRAS SO, ,DES SMRAS PA, RE ZHIG 'BAD PAR BGYI STE GAL TE BDAG GIS NUS PAR GYUR NA DE BAS NA GZHON NU RIG PA 'DZIN PA DE 'ONG BAR BGYI ZHES BYA BA SMRAS NAS SKYED MOS TSAL DER SONG STE NOR BZANGS LA SMRAS PA, BZANG PO YID 'PHROG MA NI KHYOD LA LTA BAR 'DOD DO ZHES SMRAS TE, DE NAS BUD MED KYI NI CHA BYAD YID 'ONG DU BYAS TE, ,MTSAN MO'I MUN PA MTHUG PA NYID DU 'GYUR BA LA, ,DE RING BDAG DANG LHAN CIG PHRAD 'DOD YID 'PHROG MA'I, ,GLO BUR NYID DU PHO BRANG DU NI ZHUGS PAR MDZOD, ,DE LTAR BGYI ZHES BRTAN PA 'DIS NI SHES BYAS TE, ,SGEG PA'I CHA BYAD KYIS NI YAN LAG BSGRIBS BYAS PA, ,MI 'AM CI'I G-YOG RGAN MO'I RJES SU 'GRO BZHIN PA, ,MTSAN MO YID 'PHROG MA YI KHYIM DU @137B ZHUGS PAR GYUR, ,DE NAS NOR BZANGS MTHONG NAS DGA' BA'I KHUR GYIS YAN LAG LE LO CAN, ,CI LTAR YANG NI 'JIGS PA NYID KYIS DES NI MAL CHA DOR BAR GYUR, ,DES KYANG G-YO BA'I RI DAGS MIG LTAR MDZA' MO DE LA DPUNG DAG GIS, ,SHIN TU RING BAR BRAL BAR RID PA MI 'AM CI MO LA NI 'KHYUD, ,DE NAS DES JI LTAR YANG NOR BZANGS KYI TSIG GIS YUN RING POR BRAL BA'I SDUG BSNGAL GYIS 'JIGS PA SEL BA YID LA RE BA'I 'BRAS BU THOB NAS SMRAS PA, AE MA BDAG GI DON DU 'PHAGS PA'I SRAS KYIS 'ONGS PA'I SDUG BSNGAL MANG PO NYAMS SU MYONG BA STE, RNAM PA THAMS CAD DU BDAG NI SNYING SRA BA STE GANG GI PHYIR BDAG GIS 'PHAGS PA'I SRAS 'DI LTAR KUN NAS NGAL BAR BYAS SO ZHES ZER RO, ,NOR BZANGS KYIS SMRAS PA, 'JIGS MA DE LTAR NI MA YIN TE, ,SDUG BSNGAL MI BZAD CHEN PO LA YANG BSAM PAR MA BYAS SHING, ,BDE BAS RJES 'BREL MI G-YO CHOS KYI LAM YANG DOR BYAS NAS, ,PHAL CHER YUN RING MNGON PAR 'DOD PA'I SKYE BO'I DON DU NI, ,GNYEN BSHES PAS NI MA SPYAD PA YANG SKYE BOS BYED PA YIN, ,YID 'PHROG MAS SMRAS PA, AE MA BDAG NI DON DANG BCAS PA STE, ,GANG GI PHYIR BDAG GI DON DU 'PHAGS PA'I SRAS LA MNYES GSHIN PA LA RTZE GCIG PA NYID YIN TE, DE BAS NA, DA LTAR YUN RING BRAL BA'I NYI MA DANG 'BREL GDUNGS PAS NI, ,ZOS PA 'DI NI BSKUM PA NYID DU MNGON PAR THOB, ,BDAG GI SNYING GI KU MU DA NI MTHONG SHAR BYAS, ,SHIN TU DGA' BA ZLA BA YIS NI RAB SAD BYAS, ,DE NAS YID 'PHROG MAS MI 'AM CI'I 'BANGS MO RGAN MO LA BOS TE SMRAS PA, GANG ZHIG 'PHAGS PA'I SRAS 'DIR GNAS BZHIN PA YAB KYIS GANG NAS KYANG THOS PAR GYUR NA DE NAS KHRO BA SKYES TE MI LEGS PA CI YANG BYED PAR 'GYUR RO ZHES ZER RO, ,DE BAS NA 'DI 'DIR RNYED PA RIG PA 'DZIN PA'I SKYED MOS TSAL DE NYID DU 'PHAGS PA'I SRAS LA MTSAN MO'I DUS SU RIG PA 'DZIN PA'I SKYED MO'I TSAL DE NYID DU SROD KYI DUS LA 'PHAGS PA'I SRAS KHYOD KYIS KHRID PAR 'OS PA STE, BDAG CAG NANG PAR DE NYID SMYUNG BA DANG BCAS PA YAN LAG MED PA LA MCHOD PA'I TSUL GYIS 'GRO'O ZHES ZER RO, ,NOR BZANGS KYIS KYANG MDZA' MOS YANG DAG PAR SMRAS SO ZHES BYA BA SMRAS NAS SROD KYI DUS SU RGAN MO DE DANG LHAN CIG RIG PA 'DZIN PA'I SKYED MOS TSAL DU @138A *, ,ZHUGS NAS MTSAN MO 'DAS PAR GYUR TO, ,DE NAS YID 'PHROG MAS THO RANGS KYI DUS LA GOS DKAR PO 'CHANG ZHING NYE GNAS MA RNAMS KYIS DRI DANG ME TOG GI PHRENG BA 'DZIN PAS SKYED MOS TSAL DE DANG DER NYE BAR 'ONGS TE, NYE GNAS MA DE RNAMS LA SMRAS PA, SMYUNG BA DANG BCAS KHRUS BYAS GTZANG, ,MI MO 'BAD PA CHEN PO YIS, ,'DOD PA'I LHA LA BRTEN BYAS TE, ,DE BAS GCIG PU MCHOD PAR MDZOD, ,SKYED TSAL 'DI YI PHYI ROL DU, ,MCHOD GSUM ME TOG MTSON CHA LAS, ,KHYED CAG RNAM PAR LOG MDZOD CIG ,BDAG NI GCIG PU NYID ZHUGS BGYI, ,DE NAS NYE GNAS MA RNAMS KYIS NYE BAR 'ONGS PA'I DRI DANG ME TOG GI PHRENG BA LA SOGS PA BZUNG NAS SKYED MOS TSAL DU ZHUGS TE, RAB TU DGA' BA'I DGOD PAS RNAM PAR KHA BYE BA'I SO'I NOR BU'I 'OD ZER RNAMS KYIS BZHIN KUN NAS SNANG BAR BYED PA'I YID 'PHROG MAS NOR BZANGS LA DRI ZHIM PO'I KHA DOG GIS BYUGS PAR GYUR TO, ,DE NAS BYANG CHUB SEMS DPAS DGOD CING SMRAS PA, MDZES MA YAN LAG MED PA'I MCHOD PA LA NYE BAR 'KHOR BA'I BYUG PA 'DI BDAG CAG GI YAN LAG LA CI'I PHYIR SBYOR BAR BYED, 'O NA 'DOD PA'I MCHOD PA MDZOD CIG ZER RO, ,YID 'PHROG MAS DGOD CING SMRAS PA, KHYOD KYI TSIG RNAMS NYID NI ME TOG MDA' RNAMS DRI ZHIM PA, , GZUGS NI CHU SRIN RGYAL MTSAN 'DI NI GZHU NI 'DZIN BYED PA, ,DE BAS KHYED NYID BDAG GI SLAD DU ME TOG RGYAL MTSAN TE, ,MYOS BYED DBANG PHYUG KHROS PAS SREG PA SU ZHIG DAD BAR BYED, ,DE NAS PHAN TSUN 'DI LTAR DGOD PA'I GTAM GYIS KUN NAS RJES SU CHAGS PA 'PHEL BA DE DAG LA DER GNAS PAR BYED PA LA BTZUN MO'I 'KHOR DANG NANG 'KHOR DANG BCAS PA'I MI 'AM CI'I BDAG PO SKYED MOS TSAL DER 'ONGS PAR GYUR TO, ,DE NAS YAB 'ONGS PAR SHES NAS LANGS TE, YID 'PHROG MA 'JIGS PA DANG BCAS PAS NOR BZANGS LA SMRAS PA, 'PHAGS PA'I SRAS LAGS BDAG GI BLA MA'I SKYE BO KUN NAS 'ONGS PA STE, ,DE BAS NA MYUR DU LJON SHING GI KHYIM 'DIR ZHUGS PAR 'OS SO ZHES ZER RO, ,DE NAS NOR BZANGS KYIS MYUR DU LANGS TE 'JIGS SHING GOM PA BKOD PAS SONG STE, LJON SHING GI KHANG PAR ZHUGS PAR GYUR TO, ,DE NAS YID 'PHROG MA NYE BAR 'ONGS TE MAS DRIS PAR GYUR PA, ,BU MO BAR CHAD MED PAR KHYOD KYIS MYOS BYED KYI MCHOD PAS RDZOGS PAR @138B BYAS SAM ZHES ZER RO, ,YID 'PHROG MAS SMRAS PA, BDAG NI MCHOD PA MYOS BYED PA YI PHYIR MA LAGS, ,NUS PAS SKYED MOS TSAL 'DIR MNGON BRTZAMS PA, ,YID BYUNG GNAS 'DI SKAD CIG MA NI DE NYID LA, ,YAB KYI SKYE BOS BAR CHAD MED PAR DGAG PAR BYAS, MAS SMRAS PA, BDAG GI BU MO NI SEMS MNYAM PAR BZHAG PA MYOS BYED KYI MCHOD PA RDZOGS PAR GYIS SHIG DANG, BDAG NI NANG 'KHOR 'DIR 'ONGS PAR GYUR PA ZLOG PAR 'GYUR ZHES ZER RO, ,YID 'PHROG MAS KYANG ME TOG MTSON CHA LA MCHOD PA BYAS TE, DE LTAR BGYI ZHES 'DI LTAR BSAM ZHING GNAS SO, ,BDAG GIS NI DUS JI TZAM NYID DU 'PHAGS PA'I SRAS SBA BAR BYA BAR NUS TE, DE BAS NA MA LA SMRA BAR BYA'O ZHES RNAM PAR BSAMS NAS SMRAS PA, GAL TE MA YI MAG PA 'DI, ,JI LTAR YANG NI 'DIR 'ONGS 'GYUR, ,KHYOD KYI SEMS NI DGA' 'GYUR TE, YAB NI GCIG TU KHROS PAR 'GYUR, ,MAS SMRAS PA, BU MO GAL TE MAG PA DE, , BDAG GI 'DIR NI 'ONGS GYUR NA, ,KHYED KYI YAB NI DANG BYAS NAS, ,BDAG NI SHIN TU DGA' BAR 'GYUR, ,YID 'PHROG MAS SMRAS PA, GAL TE DE LTAR YIN NA DE BAS NA, ,MA LA MAG PA BSTAN PAR 'GYUR, ZHES SMRAS NAS, RGAN PO DE LA SMRAS PA, SONGS LJON SHING GI KHYIM 'DI NA GNAS PA'I 'PHAGS PA'I SRAS LA SMRA BAR GYIS SHIG DANG, DE NAS BYUNG STE MA LA GSONG POR SMRA BAR GYIS SHIG CES ZER RO, ,DES KYANG DE LTAR BGYI ZHES BYA BAS SO SOR MNYAN TE, LJON SHING GI KHYIM NA GNAS PA'I NOR BZANGS LA LO RGYUS DE SMRAS PAR GYUR TO, ,DE NAS NOR BZANGS LJON SHING GI KHYIM DE LAS BYUNG BAR GYUR TO, ,YID 'PHROG MAS SMRAS PA, MAS MAG PA MTHONG BAR 'OS SO ZHES ZER RO, ,MAS SMRAS PA, GZHON NU RIG PA 'DZIN PA 'DI, ,LJON SHING KHYIM NAS 'ONGS PA NI, ,GANG DU YANG NI MAG PA DE, ,BDAG 'JIGS RJES SU 'GRO 'GYUR RAM, ,DE NAS YID 'PHROG MAS DGOD CING SMRAS PA; 'O NA MA'I MAG PA 'DI NYID YIN ZHES ZER RO, ,MAS SMRAS PA, GAL TE DE LTAR YIN, ,BDAG GI BU MO KHYOD MYA NGAN BYA BA MA YIN TE, DE NAS NOR BZANGS KYIS KUN NAS NYE BAR 'ONGS TE, YID 'PHROG MA'I MA LA MNGON PAR PHYAG BTZAL BAR GYUR TO, ,DES KYANG BYANG CHUB SEMS DPA'I SPYI BOR @139A *, ,SNOM ZHING 'DI LTAR SHIS PAR BRJOD PA RAB TU SBYAR GYUR TE, DA NI BDAG GI BU MO DANG, ,RIGS NI RNAM GRANGS KHYOD DANG NI, ,GANG G'A RGYA MTSO DAG LTAR NI, ,NAM YANG RNAM CHAD MA GYUR CIG ,DA NI DE BAS NA BU MO KHYOD KYI YAB LA LO RGYUS 'DI BDAG GIS SMRA BAR BGYI ZHES BYA BA MNGON PAR SMRAS TE, LJON PA'I DRUNG DU MNGON PAR SONG STE SKABS DANG MNGON DU 'GRO BAR 'DI SKAD CES SMRAS PA, 'PHAGS PA'I SRAS LAGS, GAL TE JI LTAR YANG YID 'PHROG MA'I BDAG PO 'ONGS PAR GYUR NAS 'PHAGS PA'I SRAS KYIS SLAR CI ZHIG BYED PAR 'GYUR ZHES ZER RO, ,DE NAS LJON PAS SMIN MA BSKYOD PAS GSAL BAR BYAS PA'I KHRO BA DANG LDAN PAS SMRAS PA, RIGS MIN LAM LA GNAS PA DE, ,GAL TE BDAG GIS MTHONG GYUR NA, ,KHRAG NI RAB TU 'DZIN LDAN PA, ,MTSON CHAS GA COD DE PHYOGS RNAMS DOR, ,YID 'PHROG MA'I MAS SMRAS PA, PHAN PAR BYED PA DE'I STENG DU MI MTHUN PA SEMS PAR BYED PA NI RIGS PA MA YIN NO, ,LJON PAS SMRAS PA, 'O NA 'DI LTAR PHAN PAR BYED PA ZHES BYA BAR SMROS SHIG DANG, DES SMRAS PA, YID 'PHROG MA 'ONGS PA TZAM GYIS BDAG LA SMRAS PA DE, CI LTAR ZHE NA, RNGON BA DRAG PO LAS BLANGS TE, ,RGYAL PO'I SRAS DE'I KHYIM DU NI, ,BDAG BCUG NAS NI DE DANG DE'I, ,LONGS SPYOD RNAMS KYIS YANG DAG BSTEN, ,LJON PAS SMRAS PA, GAL TE DE LTAR BDAG CAG LA DE BDEN PAR PHAN PAR BYED PA ZHES ZER RO, ,DE NAS DES LJON PA KHRO BA RNAM PAR ZLOG PA SHES NAS SLAR SMRAS PA, GAL TE KHYED NI DANG BA YIN NA DE BAS NA BDAG 'PHAGS PA'I SRAS LA BDEN PAR SMRA BA STE, KHYOD KYI MAG PA DE 'ONGS PA KHO NA ZHES ZER RO, ,GZHAN YANG, 'DI NI MING TZAM MA YIN TE, ,SA BDAG SRAS NI BDAG GI SLAD, ,GANG GIS BGROD DKA' 'DI LTAR LAM, ,BDAG GI BU MO'I PHYIR NI BSNYEGS, ,LJON PAS SMRAS PA, GAL TE 'DI LTAR BDAG CAG LA DE BDEN PA YIN NA DE BAS NA BDAG GIS MAG PA DE MTHONG BAR 'DOD PA STE, DE NAS DE NOR BZANGS NYE BAR 'ONGS BA'I PHYIR SGO SRUNGS MA BTANG BAR GYUR TO, ,SGO SRUNGS MAS KYANG SONG STE BYANG CHUB SEMS DPA' LA SMRAS PA, MI'AM CI'I BDAG PO NI TSE DANG LDAN PA MTHONG BAR 'DOD DO ZHES ZER RO, ,DE NAS @139B NOR BZANGS KUN NAS NYE BAR 'ONGS TE, LJON PA LA GSONG POR BYAS MNGON PAR PHYAG 'TSAL BAR GYUR TO, ,DE NAS MI'AM CI'I BDAG PO KHRO BA'I LHAG MA CUNG ZAD DANG LDAN PAS SHES PAR BRJOD PA BYIN TE, CHU BO'I 'GRAM DU KHRID NAS BYANG CHUB SEMS DPA' LA SMRAS PA, GZHON NU CHU BO'I 'GRAM GYI SA LA SKYES PAR GYUR PA NI, DPAG TSAD BSGRIBS PA'I MDA' RNAMS KYIS NI NAGS 'DI PHYUNG BYAS NAS, ,GAL TE NYIN RER DE NYID DU NI BDAG LA PHRAD BYED NA, ,KHYOD LA BU MO DANG NI NOR YANG DE DANG DE SBYIN BYA, ,BYANG CHUB SEMS DPAS KYANG DE LTAR BGYI ZHES MNYAN NAS TOG RTZE BLANGS NAS LCAGS NGAR GYIS 'BIGS PAR BYED PA'I MDA' RNAMS KYIS NI NAGS DE RTZA BA NAS GDON PAR BYA BA'I PHYIR DU BRTZAMS TE, LJON PA YANG RANG GI PHO BRANG DU SONG BAR GYUR TO, ,DE NAS YID 'PHROG MA YID MI BDE BAS 'DI LTAR BSAMS TE, MDA' RNAMS KYIS NI NAGS MTHUG PA, ,BDAG GI DGA' BO GCIG PU NYID, ,'JAM PA'I LAG PA DAG GIS NI, ,JI LTAR RTZA BA NAS 'DON 'GYUR, ,DE NAS LHA RNAMS KYI BDAG POS NOR BZANGS MDA' RNAMS RTZA BA NAS 'DON PAR BYED PA MTHONG NAS BYANG CHUB SEMS DPA' 'DIS MDA' RNAMS RTZA BA NAS BTON PA NYI MA GCIG GIS NUS PAR 'GYUR BA MA YIN NO SNYAM DU RNAM PAR BSAMS TE; GNOD SBYIN GZHON NU RNAMS BOS NAS BYANG CHUB SEMS DPA' 'DI GCIG PU NYID MDA' RNAMS 'DON NUS PA MA YIN ZHES SMRAS PA, DE NAS DA LTAR NI, MCHE BA 'KHYOG CING SPRIN NI SAR PA LTAR NI NAG ,PHAG GI GZUGS CAN GLO BUR DU NI BYAS NAS KYANG, ,JI SRID NYI MA NUB PAR MA GYUR DE SRID DU, SKAD CIG GIS NI MDA' RNAMS KUN NAS GDON PAR GYIS, ,DE NAS GNOD SBYIN GZHON NU DE RNAMS KYIS DE LTAR BGYI ZHES BYA BAS LHA'I DBANG PO LA MNGON PAR PHYAG 'TSAL NAS, MI 'AM CI'I BDAG PO'I GRONG KHYER DU 'ONGS TE PHAG GI GZUGS SU MNGON PAR SBRUL CING MDA'I NAGS DE THAMS CAD RTZA BA NAS 'DON PAR BYED CING GNAS TE, BDAG NYID CHEN PO 'JIG RTEN PHAN RJES 'JUG RNAMS LA, ,SKYE BA DU MAR NYE BAR BSAGS PA'I LAS DANG NI, ,ZUG RDUR GYUR PA'I DGE BAS KYANG NI BSKUL BA YI, ,LHA YI SKYE BO YANG NI GROGS NYID 'GYUR, ,DE NAS GNOD SBYIN PHAG GI GZUGS CAN DE RNAMS @140A *, ,SONG BA DANG BYANG CHUB SEMS DPA' YANG 'ONGS TE, LJON PA LA MDA' RNAMS KYI NAGS BDAG GIS RTZA BA NAS BTEN TE ZHES BYA BA SMRAS PAR GYUR TO, ,DE NAS LJON PAS RANG NYID MNGON SUM DU BYAS TE, GZHON NU 'DI NI STOBS DANG LDAN NO, ,ZHES BYA BA SMRA ZHING, SLAR YANG RNAM PAR BSAMS TE BYANG CHUB SEMS DPA' LA BKAS GNANG BAR GYUR TE, MDE'U DANG BCAS MDA' RNAMS 'DI, ,CHU BO'I PHA ROL PAR DOR NAS, ,TIL GYI BRE CHEN 'DI BTAB STE, ,DE SRID SLAR YANG 'ONG BAR MDZOD, ,DE NAS BYANG CHUB SEMS DPAS THOS TE CHU BO DE'I PHA ROL DU MDA' RNAMS DOR BAR BYA BA'I PHYIR BRTZAMS SO, ,SLAR YANG LHA'I BDAG PO'I MTHUS SHIN TU STOBS DANG LDAN PA'I RLUNG GIS MDA' RNAMS DE GLO BUR NYID DU CHU'I PHA ROL DU KHYER BAR GYUR TO, ,DE NAS BYANG CHUB SEMS DPAS ZHING DE LA TIL RNAMS RAB TU GTOR TE SLAR YANG BTU BA'I PHYIR BRTZAMS PAR GYUR TO, ,DE NAS BRGYA BYIN LHA'I BDAG POS SLAR GNOD SBYIN GYI GZHON NU DE RNAMS TIL RNAMS BSDU BA'I PHYIR GROG MA'I GZUGS KYIS BTANG BAR BYAS SO, ,DE RNAMS KYIS KYANG TIL DE RNAMS BTUS TE BRE BO CHE 'GENGS SHING GNAS PAR GYUR TO, ,DE NAS BYANG CHUB SEMS DPAS TIL RNAMS KYI BRE BO CHE DE BZUNG NAS NYI MA DE NYID LA LJON PA LA STON ZHING GNAS SO, ,DE NAS MI 'AM CI'I BDAG PO DES AE MA'O NGO MTSAR CHE'O SNYAM DU RNAM PAR BSAMS NAS SLAR YANG SMRAS PA, BDAG GI GZHON NU 'DI THA MAL PA'I SKYES PA'I LAS LA NGES PAR SBYAR BA'I PHYIR RIGS PA MA YIN ZHES ZER TE, BDAG GI SRAS RNAMS 'DI DANG LHAN CIG TA LA BDUN, ,LCAGS KYI RANG BZHIN PHAG MO BDUN PO RNAMS KYANG NI, ,LCAGS KYI RANG BZHIN GAL TE MANGS NI PHIGS GYUR NA, ,DE NAS YID 'PHROG MA NI KHYOD LA RAB TU SBYIN, ,DE LTAR BGYI ZHES BYA BA YANG BYANG CHUB SEMS DPAS SO SOR THOB PAR TA LA BDUN DANG PHAG MO BDUN YANG GRONG KHYER LAS PHYI ROL DU MI 'AM CI'I RGYAL POS BTZUGS SHING GNAS SO, ,DE NAS BYANG CHUB SEMS DPA' DANG LHAN CIG TU MI'AM CI'I GZHON NU THAMS CAD LAG PA NA GZHU THOGS PA RNAMS YAB 'KHOR DANG BCAS PA RJES SU 'GRO ZHING 'BEN GYI GNAS SU SONG BAR GYUR TO, ,'KHOR RNAMS KYIS RNAM PAR BSHAMS @140B PA'I GDAN LA NYE BAR GNAS PA'I LJON PA LA SNGON ROL NYID DU, LCAGS KYI 'BEN RNAMS THAMS CAD RNO BA'I GDONG CAN GYIS, ,SLAR YANG 'PHAGS PA'I SRAS KYIS 'BIGS PAR GYUR PA NI, ,DE LTAR BSAM ZHING MCHI MA DANG BCAS MIG LDAN PA, ,YID 'PHROG MA NI RNAM 'KHRUGS NYID DU SONG BAR GYUR, ,DE NAS LJON PA'I BDAG SKYES DE RNAMS KYIS NI DER, ,'DUS PA CHEN POR STOBS KYIS SHIN TU NGA RGYAL CAN, ,LA LA ZHIG GIS RNO BA'I MDA' YIS TA LA GCIG ,PHIGS PAR GYUR TE 'GA' ZHIG GIS NI TA LA GNYIS, ,DE TZAM GYI DPUNG PA'I STOBS DANG LDAN PA NYE BAR GNAS PA'I MI 'AM CI GZHON NU DE RNAMS LA, SNGON DU KHU TSUR BRTAN BYAS TE, ,MI G-YO'I MIG CAN MI G-YO BAR, ,NOR BZANGS GZHU NI BDUNGS BYAS NAS, ,RNO BA'I MDA' NI 'PHANGS PAR GYUR, ,DE NAS LCAGS KYI RANG BZHIN TA LA DE RNAMS PHUG BYAS NAS, ,LCAGS KYI RANG BZHIN PHAG MO BDUN PO DE RNAMS KYANG; ,SA 'OG MTHONG BA DANG 'DRA MDA' NI 'DOD LDAN BYAS, ,LTONG NI NUB CING RTZA LA RAB TU ZHUGS PAR GYUR, ,DE NAS GLO BUR NYID DU LEGS SO LEGS SO ZHES BYA BA NGO MTSAR BAS KUN NAS 'KHOR BA'I SOR MO DANG LDAN PA'I MA LUS PA MI 'AM CI'I 'JIG RTEN BYANG CHUB SEMS DPA' LA MNGON DU PHYOGS PA BYUNG BAR GYUR TE, MI 'AM CI'I BDAG PO YANG MCHOG TU NGO MTSAR SKYES PAR GYUR TO, ,'BEN RNAMS RNO BA'I GDONG CAN GYIS NI 'BIGS 'GYUR BA, ,BDAG NYID CHEN PO STOBS CHEN LDAN PA DE YIS NI, ,DGOD PA'I 'OD KYIS SNANG BAR BYAS PA'I SO YI PHRENG, ,YID 'PHROG MA YI BZHIN NI DE LTAR BLANG BAR 'GYUR, ,DE NAS MI 'AM CI'I BDAG POS PHO BRANG DU 'ONGS TE, SLAR NOR BZANGS LA SMRAS PA, GZUGS DANG LANG TSO MNYAM PAR RNAM PAR BRGYAN PA RNAMS, ,BDAG GI BU MO'I DBUS SU 'JUG PA KHYOD KYIS NI, ,GLO BUR DU NI LHAN CIG CHOS SBYOD RANG GIS NI, ,GAL TE RIG PAR GYUR NA DE BAS DE SBYIN BYA, ,DE LTAR BGYI ZHES BYA BA SO SOR MNYAN NAS, BYANG CHUB SEMS DPAS RANG GI GNAS SU 'ONGS TE, MI 'AM CI MO 'BANGS MO RGAN MO DE YID 'PHROG MA LA BTANG BAR GYUR TE, GAL TE GZUGS DANG LANG TSO DANG, ,CHA BYAD DANG RGYAN MNYAM PA'I SRING MO RNAMS KYI @141A *, ,DBUS SU GNAS PA'I YID 'PHROG MA KHYOD KYIS SHES PAR GYUR NA, DE NAS BDAG GIS DE KHYOD KYI CHUNG MA NYID DU SBYIN PAR BYA ZHES ZER RO, ,'DI YANG SHIN TU DKA' BA KHYOD KYI PHAS NYE BAR BKOD PA 'DI LA THABS GANG YIN PA ZHES 'DRI'O, ,DE NAS YID 'PHROG MAS SMRAS PA, BDAG GI SRING MO KUN GYI NANG NAS NI, ,GOS KYIS BSGRIBS PA'I RKANG PA RKANG GDUB CAN, ,RKANG GDUB GNYIS PO RAB TU GSAL BA NI, ,DE YI DBUS SU BDAG NI 'BYUNG BAR 'GYUR, ,DE BAS NA MTSAN MA 'DI LA BLTAS NAS BDAG NI 'PHAGS PA'I SRAS KYIS SRING MO RNAMS KYI DBUS NA GNAS PA GZUNG BAR BYA ZHES ZER RO, ,'BANGS MO DES KYANG BYANG CHUB SEMS DPA' LA DE LTAR SMRA BAR BYA'O, ,DE NAS NOR BZANGS YID DGA' BA MI 'AM CI'I BDAG POS YANG DAG PAR BOS PA DE DANG DER NYE BAR 'ONGS TE, LANG TSO DANG GZUGS DANG, RGYAN MNYAM PAR DE RNAMS GLOG LTAR SNANG BAR GYUR PA'I MI 'AM CI MO RNAMS MTHONG BAR GYUR TO, ,DE NAS LJON PAS GZHON NU DE LA SMRAS PA, GANG ZHIG KHYED KYIS MDZA' MO DE ZUNG CIG CES ZER TE, DE NAS RKANG PA GNYIS KYIS GSAL BAR BYAS PA DES, ,GSAL ZHING 'OD DANG LDAN PA'I SKYOD PA'I RKANG GDUB KYIS, ,SA LA RNAM PAR 'BREL PAS LTA BA'I YID 'PHROG MA, ,NGO TSE'I GDONG CAN LAG PA'I RTZE MOS BZUNG BAR GYUR, ,DE NAS LJON PA SNYING DGA' BAS NOR BZANGS LA SMRAS PA, TSE DANG LDAN PAS BAR CHAD MED PAR BDAG GI BKA' RNAMS THAMS CAD BSGRUBS TE, DE BAS NA YID 'PHROG MA 'DI KHYOD KYIS LHAN CIG CHOS SPYOD MA SO SOR BZUNG BAR MDZOD CIG ,GZHAN YANG, GANG PHYIR SNGON DU 'JAM PA'I LUS CAN KHYOD NI NGAL BYAS PA, ,MNGON PAR 'ONGS PA BRTZE BA BRAL BA BDAG GIS DON MED KHYOD, ,DE NI GZHON NU DUL BA'I NGO BO BZOD PAR 'OS PA STE, ,GANG ZHIG BLA MA'I SKYE BO MKHAS RNAMS BZOD MIN DE NI CI, ,NOR BZANGS KYIS SMRAS PA, 'O NA BLA MA RNAMS KYIS BKA' RAB TU SBYIN PAS BDAG NI RJES SU 'DZIN PA STE, LCI BA'I SEMS LDAN BLA MA RNAMS, ,GANG ZHIG NYID NI BYA BA STE, ,BKA' NI RAB SBYIN MKHAS PA NYID, ,DE RNAMS LAS NI DE NYID SKYE, ,DE NAS LHA'I GZHON NU LHA'I BU MO DANG LHAN CIG PA 'DRA BAR MI'AM CI MO DE DANG LHAN CIG LJON PA'I PHO BRANG DU @141B DUS CUNG ZAD CIG GNAS TE, BYANG CHUB SEMS DPAS MI 'AM CI'I BDAG PO LA SMRAS PA, LHA LAGS GAL TE BKA' DRIN YOD NA, DE NAS YID 'PHROG MA DANG LHAN CIG TU YAB KYI PHO BRANG DU 'GRO BAR BGYI'O ZHES ZER RO, ,DE NAS LJON PAS CI LTAR GZHON NU 'DOD PA DE LTAR BYA'O ZHES SMRAS NAS, BU MO RNAMS LA SMRAS PA, BU MO RNAMS SONG LA GYOS PO'I RIGS LA MNGON PAR 'JUG PA'I YID 'PHROG MA BRGYAN PAR MDZOD CIG CES ZER RO, ,DE RNAMS KYIS KYANG DE LTAR BGYI'O ZHES BYA BA SO SOR MNYAN NAS, SRING MO KHYO PO YON TAN MTHONG DANG LHAN CIG TU, ,GYOS PO'I RIGS LA KHYED NI DE RING 'GRO 'GYUR TE, , SRING MO DE LTAR MCHI MA DANG BCAS MIG RNAMS KYIS, ,CHO GA BZHIN DU MI'AM CI MO DE BRGYAN GYUR, ,BDAG CAG GIS NI BRGYAN BYA MIN, ,RANG GI MDZES PAS 'DI BRGYAN PA, ,DE LTAR RGYAN RNAMS 'DI YI NI, ,LUS LA NGO TSAR BCAS LTAR GNAS, ,DE NAS YID 'PHROG MA RGYAN RDZOGS PA, SRING MO RNAMS KYIS RJES SU 'GRO BAR GYUR PAS DUL BA DANG BCAS PAS NYE BAR 'ONGS TE, YUN RING PHYAG RNAMS DPAG MED BZHIN GYI CHU SKYES CAN, ,MCHI MA DANG BCAS NYE BAR SKYE BOS RNAM BLTAS PA, ,PHA DANG MA YIS MCHI MA DANG BCAS MIG LDAN PA, ,SKAD CIG RKANG PA MCHI MA'I THIGS PA RNAMS KYIS SPANGS, ,KHYED NI MED PAR BDAG NI BRTEN PA MI 'THOB STE, ,BU MO NAM ZHIG TSE NA SLAR YANG 'ONGS PAR 'GYUR, ,DE LTAR RJOD PAR BYED CING MAS NI YID 'PHROG MA, ,SKAD CIG TU NI KUN NAS BRTEN TE NUS MIN DU, ,DE NAS MI'AM CI'I BDAG POS 'BYUNG BAR 'GYUR BA'I BU MO DANG BRAL BAS, SDUG BSNGAL GYIS KHYAB PA'I BDAG NYID JI LTAR YANG BRTAN PAR BYAS NAS YID 'PHROG MA'I MA LA SMRAS PA, GSAL BA'I NYI MA'I DKYIL 'KHOR 'DI NI MKHA' LA CHA NI GSUM DU SONG BA LA, ,SEMS RNAMS SBED CING SKAD CIG LUS NI 'DZIN PA RNAMS LA NYI MA'I DROD NI BRTEN 'GYUR TE, ,GZHON NU 'DI NI KHYOD KYI BU MO CHU BRAL PAD MO LTAR NI RNYING PAR 'GYUR BA STE, ,DE BAS SONG SHIG SLAR YANG 'ONGS 'GYUR TE, ,MI BRTAN PA NI YONGS SU DOR BAR MDZOD, ,DE NAS NOR BZANGS KYI SPYI BO'I GTZUG GI NOR BU BCINGS NAS LNGON PAS SMRAS PA, NOR BU 'DI YI MTHU YIS NI, ,MTHU NI CHEN PO KHYOD LA YANG, ,LHA YI LTAR NI THOGS MED PA, , @142A *, ,NAM MKHA' LAS NI 'GRO BAR 'GYUR, ,DE BAS DA NI YID 'PHROG MA LA DMIGS NAS NAM MKHA'I DKYIL DU 'BYUNG STE, TSE DANG LDAN PA NYE BAR RGYAS PA'I YAB KYI PHO BRANG DU 'GRO BAR MDZOD CIG ,BDAG GI BU MO 'DI LEGS DANG, ,DPAL LDAN RNAMS KYIS KHYED MDUN 'GRO, ,TSIG DANG DON DAG LTAR KHYED CAG ,PHAN TSUN BRTEN PA 'BYUNG GYUR CIG ,DE NAS 'PHROG PA'I SEMS LDAN BLA MA DAG BTUD NAS, ,SKAD CIG TU NI MI'AM CI MO'I SKYE BO 'KHYUD BYAS TE, ,KUN NAS 'PHROS PA'I RGYAN DANG RIN CHEN 'OD LDAN PA, ,BZA' MI GNYIS NI MYUR DU NAM MKHA' LA NI SONG BAR GYUR, ,PHYIR LTA'I MIG CAN MCHI MA'I CHA NI GROL BZHIN PA, ,BDAG PO DANG NI LHAN CIG NAM MKHA' LA 'JUG PA, ,MI 'AM CI MO DE LA MCHI MA BYUNG BA'I MAS, ,JI SRID MIG LAS 'DAS PA DE SRID MTHONG BAR 'GYUR, ,DE NAS NOR BZANGS KYIS RANG GI SKYE BO DANG BRAL BAS SKRAG PA'I YID 'PHROG MA LA YANG NAS YANG DU MCHI MA RNAMS PHYIS NAS, RDUL GYI CHA DANG BCAS PA DE YI GDONG NI DES MTHONG NAS, ,PADMA RGYAS PA CHU YI THIGS PAS RJES SU 'BREL PA LTAR, ,NYIN PAR 'GRO ZHING NYI MA'I 'OD ZER BZLOG PA'I DON DU NI, ,LAG PA GNYIS NI BTEG NAS SNAM BU CHEN PO BRKYANG BAR GYUR, ,DE NAS GLO BUR NYID DU GLANG PO CHE'I GRONG KHYER DANG NYE BAR GYUR TO, ,SRAB CING YID 'PHROG NOR CAN MDZES PA LA NI DMIGS BYAS NAS, ,RLUNG GIS CUNG ZAD SNAM BU BSKYOD PAR BYAS PAS 'GRO BA NI, ,RIG PA 'DZIN PA 'DI NI NAM MKHA' LAS NI 'ONGS SAM CI, ,ZHES NI GRONG KHYER SKYE BO MI G-YO MIG CAN GYIS MTHONG GYUR, ,DE NAS NOR BZANGS NAM MKHA'I DKYIL NAS YANG DAG PAR BRGAL BA MTHONG STE, YID DGA' BA'I SGO BA RNAMS KYIS RGYAL PO NOR CAN LA LHA LAGS, YID 'PHROG MA DANG LHAN CIG TU NOR BZANGS 'ONGS SO ZHES BYA BA SMRA ZHING GNAS PAR GYUR TO, ,DE NAS RGYAL PO DES BDEN NAM 'ON TE MIN SNYAM NAS, MDZA' BO RNAMS NI SDUG BSNGAL GYIS DAD PAR BYA ZHES BYA BA SMRAS TE, STAN LAS LANGS TE MI 'AM CI MO DANG BCAS PA'I NOR BZANGS NYID ZHUGS PA MTHONG NAS, 'DI NI RMI LAM YIN NAM 'ON TE CI SNYAM DU RAB TU DGA' BAS YANG NAS YANG DU 'KHYUD DE, 'DI MA'I DRUNG DU KHRID PAR GYUR TO, ,DE NAS KUN NAS LANGS TE BRAL BAR MI NUS @142B PA; ,RAB TU DGA' BA'I MCHI MA'I CHU YIS MIG 'GAGS PA, ,MAS NI YUN RING PO NAS BDAG SKYES DE MTHONG STE, ,SKAD CIG KUN NAS 'KHYUD DE SPYI BOR 'O BYAS GYUR, ,DE NAS YID 'PHROG MAS BTZUN MO LA MNGON PAR PHYAG BTZAL NAS SMRAS PA, ,BDE BA'I 'PHAGS PA'I SRAS KYIS KYANG, ,BDAG GI DON DU RTZOL BYAS PA, ,GANG ZHAG SDUG BSNGAL RNAMS MYONG BA, ,'PHAGS MAS BDAG GI DE BZOD MDZOD, ,BTZUN MOS SMRAS PA, BU MO KHYOD NI BDAG GI RIGS LA BSNGAGS PAR BYA BA STE, CI'I PHYIR KHYOD KYI STENG DU BDAG NI KHRO BA DANG LDAN PA BYUNG BAR GYUR PA DE BAS NA LTOS SHIG , LTO 'PHYE CHEN PO'I NOR BU NI, ,GRIB MAS GSAL BYAS SA 'OG GI, ,RGYA MTSO LAS NI RTZOL MA BYAS, ,SU ZHIG RIN CHEN RNYED PAR 'GYUR, ,DE NAS DRI MA MED PA GRAGS PA'I GTER NI 'ONGS PA YIS, ,BDAG NYID CHEN PO THOS CHEN GRAL LA GNAS PA'I SRAS LA NI, ,YUN RING GRONG KHYER LHA YI RNAM PAR 'BYOR PA LTA BU YIS, ,DUS MIN ZLA 'OD MI YI BDAG POS BYED DU BCUG PAR GYUR, ,RIGS BZANGS BA DANG KHRO BA PHRAG DOG GI GTAM THOS PA'I RGYAL PO NOR CAN GYIS GNYIS SKYES 'DI BSAD PAR BYA BA MA YIN SNYAM DU DGONGS NAS RANG GI YUL NAS BTON PAR GYUR TO, ,BCOM LDAN 'DAS KYIS SKYES RABS 'DI DGE SLONG RNAMS GYI MDUN DU 'DI LTAR BSTAN PAR MDZAD DE, BRTZON 'GRUS STOBS DANG LDAN PA NI, ,NOR BZANGS RGYAL SRAS BDAG YOD 'GYUR, ,GZUGS DANG SKAL BZANG LDAN PA NI, ,MI 'AM CI MO GRAGS 'DZIN GYUR, ,DE YI DON DU BDAG GIS NI, ,SNGAR NI SDUG BSNGAL DE DE THOB, , PHAL CHER 'DOD PAS KHENGS BDAG NYID, ,NYON MONGS RNAMS KYI SNOD DU GYUR, ,DE PHYIR YUL SKYES BDE BA'I CHA NI DANG POR RTOGS BYAS NAS, ,YID 'PHROG YUL 'DOD RNAMS KYI YONGS SU SMIN LA DGA' BA NI, ,BDAG NYID 'DOD PA RNAMS KYIS RING POR 'DI RNAMS YONGS SPANGS SKAD, ,'DOD PA RNAMS NI SKAD CIG SBRUL LTAR YUN RING SPANG BAR MDZOD, ,MI 'AM CI MO DANG NOR BZANGS KYI SKYES PA'I RABS TE SKYES RABS LNGA PA'O,, ,,BSAM GTAN GYI NI MAR ME SNANG BA YIS, ,SNANG BA THOB KYANG MYA NGAN 'DAS MI 'GRO ,GANG PHYIR BYANG CHUB THOB PAR 'DOD PA'I YID, ,DE NI @143A *, ,SEMS CAN PHAN RJES 'BREL PHYIR RO, ,'DI LTAR RJES SU THOS TE, RIG BYED KYI DE KHO NA NYID YANG DAG PAR RTOGS PA DANG, SNA TSOGS PA'I BSTAN BCOS RNAMS LA GOMS PAS SRID PA DANG BRAL BA'I BLO MKHAS PA DU MA RNAMS KYI MDUN SA RNAMS LA GRAGS PAS KHYAB BA, RANG GI GRUB MTHA'I BYA BA RNAMS LA RTZE GCIG PA, KHYIM GYI GNAS LA LHAG PAR GNAS SHING DUS GCIG GI TSEN BYANG CHUB SEMS DPA' BRAM ZE 'BAR BA CAN ZHES BYA BA BYUNG BAR GYUR TO, ,BDAG NYID CHEN PO DE YANG KHYIM NA GNAS PA'I SKYON SHES PA RAB TU ZHI BA'I BDE BA MNGON PAR 'DOD PA YO BYAD KYIS YONGS SU GANG BA'I KHYIM NA YANG DGA' BA THOB PAR MA GYUR CING DUS GCIG GI TSE NA 'DI LTAR BSAMS TE, YO BYAD YOD NA RGYAGS PA SKYE 'GYUR TE, ,DE YOD NA NI RAB ZHIG LA 'GYUR, ,RAB ZHI MED NA NGO TSA BRAL BA NI, ,DRI MA CAN GYI LAS NI SKYE BOS 'DOD, ,DGA' MIN YANG DAG SBYOR BA'I SDUG BSNGAL SKAD CIG TZAM,, SEMS KYI BDE BA SKAD CIG TU NI DGA' BRAL DUS, ,NOR NI RNYED PAR BYA PHYIR YID NI NGAL RNAMS KYI, ,GAL TE DE PHYIR 'DOD PA'I SDUG BSNGAL 'BRAS BU MED, ,DE LTAR KHYIM PA RNAMS NI RTAG TU SEMS 'KHRUGS PA'I, ,RANG GI SKYE BOS MNYES GSHIN NGES 'BREL YID LDAN PA, ,BDE BA ZHES BYA 'BRAS MED MNGON PA'I NGA RGYAL BRTEN, ,KHYIM PA RNAMS LA YID BDE CUNG ZAD KYANG NI MED, ,KHYIM ZHES BYA BA DE LTAR DGA' BA SPANGS NAS NI, ,'CHING BA BYED PA 'DI NI MYUR DU BDAG 'DOD PA, ,DKA' THUB RNAMS NI MNGON PAR 'PHEL PHYIR NAGS NANG DU, ,DE BAS RAB TU ZHI BA'I GNAS NI BDAG GIS BRTEN, , DE LTAR BDAG NYID CHEN PO DES BSAMS NAS KHYIM NA GNAS PA YONGS SU DOR TE, CHU G-YO BA MED CING 'BAB PA 'GRAM GYI SHING ME TOG SKYES PA RNAMS KYIS NYE BAR MDZES PA, BSTAN BCOS RNAMS LA GOMS PAS DRI MA DANG BRAL BA'I SHES RAB DANG 'DRA BA'I CHU BOS BRGYAN PAR BYAS PA'I SA 'DZIN GYI PHYOGS GCIG NA, RI DAGS KYI TSOGS DBUGS 'BYUNG BA'I SO RNAMS KYIS RTZVA SNGON PO GCOD PAS YID DGA' BAS PADMO'I NAGS KYI TSOGS NA NGANG PA DANG, NGANG SKYA DANG, NGUR BA RNAMS KYIS NYE BAR MDZES PA'I RNAL 'BYOR PA RNAMS KYI YID DANG RJES SU MTHUN PA'I SHIN TU CHE BA NAGS KYI NANG 'GA' ZHIG @143B NA; KHRI SNYAN SA LE'I PAGS PAS BRANG GI MTHIL 'DRES PAR BYAS PA'I GNAS KYI KHYAD PAR THOB PA, KUN NAS DGA' BA DANG 'DRA BA CHANGS PA'I DPAL GYIS 'KHYUD PAR BYA BA'I GZUGS CAN CHOG SHES PA, GZUGS DANG LDAN PA DANG 'DRA BAR SHING 'GA' ZHIG LA BRTEN NAS RNAL 'BYOR DANG YID 'BREL PAS DKA' THUB BYA BA'I PHYIR BRTZAMS TE, BSAM GTAN LA NI RTZE GCIG YID LDAN DBANG POS RNAM RGYAL BA, ,CHOG SHES RNYED PAS BDE BA SNYING RJE DANG NI LDAN PA DANG, ,RGYA CHEN BLO LDAN GNYIS SKYES DES NI GANG ZHIG BRTEN PA NI, ,SHING DES SHING NYID DON NI BYAS PA DGA' BZHIN 'DOD PAR 'GYUR; ,RTZVA YI GDING BA BTING BYAS NAS, ,SNA YI RTZE MOR MIG BRTAN PAS, ,BSGOM PA RNAMS KYI MCHOG DES NI, ,BSGOM BYA RTZE GCIG YID 'DZIN 'GYUR, ,BRTZON 'GRUS PHA ROL PHYIN PA'I LAM, ,BZHON PA NYER BSAGS NGAL BA NI, ,BSAM GTAN PHA ROL PHYIN BSTAN PA, ,DE NAS DE NI NGAL SOS GYUR, ,'DOD PA DGE BA RNAMS DANG NI, ,CHOS RNAMS LA NI SO SOR GNAS, ,RTOG BCAS DPYOD PA DANG BCAS PA, ,RNAM DAG BDAG NYID DBEN PA LAS, ,DGA' DANG BDE BA MYONG BYAS PA,, ,ZHI BA'I BDUD RTZI MYANG BYAS TE, ,BSAM GTAN LAM NI THOB PA'I PHYIR, ,BSAM GTAN DANG PO DES THOB GYUR, ,RTOG MED DPYOD PA MED PA DANG, ,DE NAS DPYOD PA LA MKHAS PA, ,DES NI NANG BDAG NYID DANG BCAS, ,BSAM GTAN GNYIS PA 'DZIN PAR 'GYUR, ,RIM GYIS DGA' BA LAS BRAL TE, ,DRAN PA DANG LDAN BTANG SNYOMS LDAN, ,BRTAN PA LUS BDE MYONG BA CAN,, BSAM GTAN GSUM PA DES THOB 'GYUR, ,BTANG SNYOMS KYIS NI YONGS DAG PA, ,BDE SDUG DAG NI SPANGS PA'I PHYIR, ,DGA' BAS 'DOD CHAGS BRAL BA'I PHYIR, ,DE NAS BSAM GTAN BZHI PA BRNYES, ,DE LTAR 'DI NI BSAM GTAN BZHI SKYES PAR BYAS PA, GZUGS DANG LDAN PA DANG 'DRA BA'I SNYING RJES 'KHYUD PA, NYE BAR ZHI BA LA RTZE GCIG PAS DUD 'GRO RNAMS LA YANG GNYEN DANG 'DRA BAR NAGS DE NA DBUGS 'BYUNG BA'I RGYU GNAS PAR GYUR TE, RI DAGS DANG NI PHUG RON RMA BYA RI SKEGS RNAMS, ,BSAM BZANG SBRUL DANG RI DAGS RNAMS KYANG DE DANG DE, ,GNAS NAS SLOB MA LTAR NI @144A *, ,NAGS KYI NANG DU NI, ,DE DANG NYE BAR 'ONGS TE RNAM PAR NGAL BSO GYUR, ,DE NAS DUS GCIG GI TSE NA BDAG NYID CHEN PO DES SKYIL MO KRUNG BCAS PA'I DE'I RKANG PA DANG NYE BAR GNAS PA'I RI DAGS PHO MO GNYIS NI BSAM GTAN GYIS G-YO BA MED PA'I MIG GIS PHUG RON MO MNGAL BTZA' BA DANG NYE BAR RTZVA RNAMS DANG RTZVA'I DUM BU RNAMS KYANG MCHUS BZUNG NAS, RAL PA'I TSOGS RNAM PAR BCINGS PA'I COD PAN GYIS MGO BO LA 'DUG NAS CUNG ZAD DMA' BA'I TSANG BRTZAM PAR BYAS TE, DER SGO NGA RNAMS BZHAG NAS RTZVA DANG SA BON RNAMS DANG 'BRAS BU RNAMS ZA BAR 'DOD PAS NAM MKHA' LA SONG STE NAGS GZHAN RNAMS LA GNAS NAS YANG NAS YANG DU 'ONGS TE, SGO NGA DE RNAMS GZUNG ZHING RNAM PAR GNAS PAR GYUR TO, ,DE NAS PHUG RON MO NI SRAB PA'I MJUG SGROS KHYAB, ,DE YI YAN LAG KUN NAS BTZIR BAS DROD NI BSAGS PA YI, ,TSANG NA SGO NGA DKAR DANG DMAR BA'I YAN LAG CAN, , PHUG RON PHRUG PA RNAMS NI KUN NAS 'BIGS 'BYUNG 'GYUR, ,DE NAS PHUG RON MO NI PHUG PA RNAMS MTHONG STE, YANG YANG ZA BAR 'DOD PAS MCHU'I RTZE PHYE BA NI, ,RANG GI BKRES CHEN MA BSAMS PRI YANG KU TA NI, ,MA RMOS 'KHRUNGS PA'I 'BRAS BU RNAMS KYIS DE RGYAS GYUR, ,PHUG RON DE RNAMS LUS LAS SKYES PA RAB 'BYUNG BA, ,MA NI SA BON 'DZIN PA LA NI BLTA BYAS NAS, ,SKAD CIG RAB G-YO RTZE MO'I SGRO CAN GDONG RNAMS NI, ,RAB TU PHYE ZHING GNAS GYUR SKAD NI GDON BYAS PA, ,DE NAS BSAM GTAN RDZOGS PA'I DUS NA SHING DANG 'BRAS DON DU, ,DBANG PO ZHI BA THUB PA DE NI NAGS NAS 'GRO 'DOD PA, ,PHUG RON MO NI RTZVA DANG SHING GI 'BRAS BU 'DZIN MTHONG NAS, ,TSAD DANG LDAN PA'I MGO LA 'BREL BZHIN PA NI GNAS PAR GYUR, ,DE NAS BYANG CHUB SEMS DPAS NGES PAR BDAG GI RAL PA'I TSOGS 'DI RTZVA DANG SHING BU'I DUM BUS TSANG RNAM PAR BRTZAMS PA'I PHUG RON MO 'DI BTZAS PA STE, GAL TE YANG BDAG GIS LANGS NAS SHING RNAMS DANG SDONG BU DANG RTZA BA DANG, 'BRAS BU RNAMS 'ONGS PA'I PHYIR 'GRO BAR GYUR NA DE NAS NGES PAR DKA' THUB MA 'DI NI GNAS 'DIR 'ONGS TE, 'DI RNAMS DMAR BA'I RKAN DANG LDAN PA GSAL BYAS PA, ,DE RING PHUG RON PHRU GU MTHONG @144B BAR MA GYUR PA, ,SHING RNAMS LA NI YANG YANG MYA NGAN GYIS GNAS TE, ,NAM MKHA' LA NI 'PHUR NAS KUN NAS 'KHOR BAR 'GYUR, ,AE MA SKYE BA BRGYAR 'KHOR BA'I, ,BAG CHAGS 'DI NI RJES SU 'JUG ,DUD 'GRO RNAMS KYANG PHRU GU LA, ,GANG PHYIR MNYES GSHIN KUN NAS 'PHEL, ,GAL TE BU RNAMS MED GYUR NA, ,GNYEN RNAMS GROGS PO NYID GANG DU, ,RANG NYID NA MED LA 'GYUR TE, ,GNYEN BSHES SA BON MED GANG LA, ,MNYES GSHIN MED PA LA SEMS NI, ,MI BDE RNAMS NI YOD MI 'GYUR, ,YID MI BDE MED CHAGS BRAL BA, ,ZHI BA LDAN PA BDE BAR GNAS, ,BU ZHES BYA BA'I SDUG BSNGAL RNAMS, ,NYON MONGS KYIS RMONGS SKYE BYAS NAS, ,RMONGS PA'I SKYE BO LA THOB STE, ,PHYI NAS 'GYOD PAS GDUNG PA CAN, ,BA LANG RE LDE MI 'DOD KYANG NI STOBS LDAN PA'I, ,RE LDE CAN GYIS JI LTAR NAN GYIS SBYOR BAR BYED, ,SKYA BO BLO NGAN 'DI NI DGE DANG MI DGE BAS,, SRID PA'I RGYA MTSO LA NI LAS KYIS BSKUL BAR 'GYUR, ,DE PHYIR PHUG RON PHRU GU RNAMS NI JI SRID SGRO SKYES PAR, ,MA GYUR BDAG GI RAL PA'I TSANG NA GNAS PA DE SRID DU, ,BSAM GTAN BDUD RTZIS NYE BAR BSAGS PA'I SEMS DANG LUS DGA' BA, ,'DIR NI G-YO MED GZUGS DANG LDAN PA NYID DU GNAS PAR BGYI, ,DE LTAR BYANG CHUB SEMS DPAS RNAM PAR BSAMS TE PHUG RON GYI PHRU GU RNAMS LA RJES SU BRTZE BAS DKRIS PA LA RNAM PAR MA BRTZIS PAR YANG SKYIL MO KRUNG BCINGS NAS BSAM GTAN GYI BDE BAS BDAG NYID TSIM ZHING GNAS SO, ,PHUG RON PHRU GU SGRO RAB TU 'PHEL BA DE RNAMS MA DANG LHAN CIG NAM MKHA' LA 'PHUR ZHING SONG BA RNAMS LA, DE DANG NYE BAR GNAS PA'I LHA MOS KUN NAS NYE BAR 'ONGS TE, BYANG CHUB SEMS DPA' LA BLTAS NAS NGO MTSAR BAS KUN NAS LHAG PAR GNAS PA'I BLO DANG LDAN PAS AE MA'O BDAG NYID CHEN PO DRANG SRONG 'DI SEMS CAN RNAMS LA RJES SU BRTZE BA STE, GANG GI PHYIR SNGAR BYUNG BA'I BSAM GTAN LAS LANGS TE PHUG RON RNAMS KUN NAS BSRUNG BA'I PHYIR SLAR YANG BSAM GTAN GYIS BDAG NYID G-YO BA MED PAR BYAS SHING YANG DAG PAR GNAS TE, BDAG NYID CHEN PO 'DI YANG PHUG RDON 'DI RNAMS SONG BA RNAMS LA YANG TSANG 'DI @145A *, ,MGO BO LAS KUN NAS MED PAR 'GYUR BA MA YIN TE, DE BAS NA BDAG GI RAL PA'I COD PAN NA RNAM PAR BSAGS PA'I PHUG RON GYI TSANG 'DI BSHIG PAR BYA'O SNYAM DU RNAM PAR BSAMS NAS, 'GA' ZHIG SGO NGA'I DUM BU RNAMS KYIS NANG KHYAB PA, ,SHIN TU THOB PA MCHOG GI TSANG DE DE YIS NI, ,RIM GYIS RIM GYIS 'DAB MA LTAR NI 'JAM PA YI, ,LAG PA GNYIS KYIS MGO BO LAS NI NYER KHYER GYUR, ,LHA MO DE YANG SONG BA LA BYANG CHUB SEMS DPAS BSAM GTAN LAS SEMS BZLOG STE, MGO BO'I YANG PA NYID SHES NAS 'DI LTAR BSAM ZHING GNAS TE; SGRO RNAMS RAB TU RDZOGS PA PHUG RON PHRU GU RNAMS, ,MA DANG LHAN CIG NAGS KYI NANG DU SONG BA LA, ,NGES PAR GUS PA RTZE GCIG PA NI SU ZHIG GIS, ,DE YI TSANG NI BDAG GI MGO LAS NYER KHYER GYUR, ,DE LTAR RNAM PAR BSAMS NAS BDAG NYID CHEN PO DES LANGS NAS SHING DANG KU SHA DANG ME TOG DANG 'BRAS BU RNAMS 'ONGS TE KHRUS BYAS PA, 'PHRO BA'I 'OD ZER 'BYUNG BA'I ME LA BSREG BYAS NYIN PHYED NA, ,DRI DANG 'BREL BA'I 'DAM DANG BRAL BA'I 'BRAS BU NYER ZOS TE, ,SNA YI RTZE MOR GNAS PA'I MIG LDAN SHING GI 'OG TU NI, ,SEMS GCIG PA NI SLAR YANG RNAL 'BYOR BRTZAMS PAR GYUR, ,DE LTAR BSAM GTAN GYIS DE KHO NA NYID RNAM PAR MTHONG BA MYA NGAN LAS 'DAS PA NYE BAR 'GRO BA'I PHYIR NUS KYANG BCOM LDAN 'DAS DE BYANG CHUB SEMS DPAR GYUR PA NA 'JIG RTEN RNAMS LA PHAN PA'I PHYIR NYE BAR 'TSE BA MANG BA'I 'KHOR BA LA YANG KUN NAS 'KHOR BAR 'GYUR SNYAM DU RNAM PAR BSAMS NAS SANGS RGYAS BCOM LDAN 'DAS LA MCHOG TU DANG BA BSKYED PAR BYA ZHES BYA BA'O, ,DRANG SRONG 'BAR BA CAN GYI SKYES PA'I RABS TE SKYES RABS DRUG PA'O,, ,,SHES RAB BAM NI BRTZON 'GRUS LDAN PAS KYANG, ,BSOD NAMS CHEN PO RNAM PAR DAG PA 'AM, ,MTHO BA'I BLO LDAN CHEN PO RNAMS KYIS NI, ,'DI DAG THAMS CAD 'JIG RTEN PHAN PHYIR RO, ,'DI LTAR RJES SU THOS TE, BSTAN BCOS SNA TSOGS LA YONGS SU 'DRIS PA, DRI MA DANG BRAL BA'I YID DANG LDAN PA, 'JIG RTEN PA THAMS CAD KYI GNYEN DU GYUR PA, ,DUL BA GZUGS DANG LDAN PA 'DRA BAR GZHAN LA PHAN PA LA 'BRAS @145B BU RTZE GCIG PA, 'DAB CHAGS NGAL BA RNAMS LA SHING CHEN PO 'DRA BAR SKYES BU'I YON TAN THAMS CAD KYIS BRTEN PA, SNYAN PAR SMRA BA NYID KYIS 'JIG RTEN PA THAMS CAD KYI YID 'PHROG PA, LEGS PAR BSHAD PA RNAMS LA RTZOM PA PO 'JIG RTEN NA MKHAS PA GTZANG BA BAG DANG LDAN PA RGYAL PO'I RIGS KYI RGYAL MTSAN DU GYUR PA DE DUS GCIG GI TSE NA, GRONG KHYER 'GA' ZHIG TU BYANG CHUB SEMS DPA' KE SHA PA ZHES BYA BA'I MING CAN BYUNG BAR GYUR TE, BDAG NYID CHEN PO DES KYANG 'TSO BA YONGS SU DAG PAR SLAR SU ZHIG YIN SNYAM DU SEMS SO, ,BDAG GIS GANG LA GNAS NA BDE BAR 'JIG RTEN LA PHAN PA BSGRUB PAR NUS SNYAM MO, ,RE ZHIG BSTEN PA NI MI BDEN PA DANG, NGA RGYAL DANG, RGYAGS PA DANG, CHAGS PA DANG, 'TSE BA'I SKYON DU MA RNAMS KYI RGYU YIN PAS DE LA GNAS SHING 'BAD PA DANG LDAN PA YANG NAM ZHIG GI TSE ZHI BA NYE BAR THOB PAR 'GYUR, CI'I PHYIR NA, MI YI BDAG PO SNA TSOGS STON PA'I 'DAB MA LA BSAM NUS PA YI, ,SKYES BU RNAMS KYI SEMS NI DANG BA SKYES PA 'BYUNG BAR 'GYUR MA YIN, ,'KHRUG PA MANG BA'I 'DAM CAN CHU LA GOS NI 'KHRU BAR BYED BZHIN PA, ,NAM YANG DKAR BA NYID 'GRO BAR 'GYUR BA NYID NI MA YIN TE, ,TSONG YANG NYO TSONG GI DUS NA BRDZUN PA'I TSIG MANG BAS CHOS LAS 'DA' BA NYID DO, ,ZHING GI LAS KYANG BA LANG RNAMS LA LCAG DANG DBYUG PA BRGYAB PAS SDUG BSNGAL SKYED PAR BYED DE, RNAM PA THAMS CAD DU SMAN PA NYID BDAG NYID DAG PA DANG 'JIG RTEN LA PHAN PA DANG BDE BAR BYED PAR MTHONG BA YIN TE, DE BAS NA SMAN PA NYID TSOL BAR SNYAM DU RNAM PAR BSAMS NAS DUS RING POS DE'I RTOG PA SKYES PAR GYUR TE, LCI BA'I SEMS LDAN DE LA GNAS PA YI, ,YON TAN CAN DAG NAD PA RNAMS KYI NAD GCOD LA, ,NAM YANG NAD KYIS GDUNG BAR 'GYUR MIN LA, ,LUS CAN RNAMS KYI LUS NGAL BSRUNG BYAS BZHIN; ,BAR CHAD MED PAR DAM PA RNAMS LA SMRAS, ,DE NI MED PAS MDUN SA MDZES MI 'GYUR, ,GTZANG BA'I MAR ME BRAL BAS 'OD MED PA'I, ,MTSAN MO LA NI RI MO'I KHYIM BZHIN DU, ,'GRO LA 'DOD PA BSKYED CING MUN PA 'PHROG ,DE NI BDE LDAN MDUN SAR GANG ZHIG 'GRO, @146A *, ,SHIN TU DGA' BAR GYUR PA DE 'GYUR TE, ,RI BONG CAN NI SHAR LA ZLA TSES LTAR, ,CHEN PO 'GRO BA'I DON NI BYED PA YI, ,YON TAN BRTEN PA GSAL BA'I DE NYID MTHONG, ,ZLA LTAR RNAM DAG SEMS LDAN RNAMS KYIS NI, ,SKYE BO YON TAN LDAN LAS 'BYUNG BAR 'GYUR, ,DE LTAR 'GRO BA'I LAM NI GNOD BYED SEL BA LA MKHAS PA, ,YON TAN MANG BA RNAMS KYI MNGON SUM DU NI GTER DANG 'DRA, ,DE NI SHES RAB YONGS SU 'DRIS PAS DAG PA'I BLOR 'GYUR TE, ,KUN NAS YONGS SU 'DRIS PA MED KYANG GNYEN LTAR GYUR PA YIN, ,DE NAS DUS GCIG GI TSE NA LEGS PA'I BLO CAN GYI SLOB MAS RJES SU 'GRO BZHIN PA, BYANG CHUB SEMS DPA' YUL GZHAN DU SONG BA LA GLAGS RNYED PA DANG 'DRA BA'I NAD KYIS BUD MED 'GA' ZHIG GI BDAG PO SRID PA GZHAN DU NYE BAR SONG BAR GYUR TO, ,DES KYANG 'JAM PA'I LAG PA GNYIS KYIS BRDABS PAS KUN NAS DKAR DMAR DU BYAS PA'I LCI BA'I 'O MA 'DZIN PA MIG GI MCHI MA'I THIGS PA RNAMS KYIS BZHIN BKRUS PA, RGYAN RNAM PAR BKROL BA, SKRA LO LHOD PA DANG RNAM PAR GROL BA'I KHUR GYIS SKU KUNDA RA'I ME TOG KUN NAS DOR BA, KUNDA'I LJON SHING LTAR SBRANG BYED KYI TSOGS KYIS ME TOG 'GEGS PA, ME TOG MTSON CHA'I BUD MED DANG 'DRA BA, KYI HUD KHYIM THAB KHYOD GANG DU SONG SNYAM DU RNAM PA MANG PO DE LTAR SMRE SNGAGS 'DON CING 'BYUNG POS BZUNG BAR GYUR TO, ,DE NAS DRAN PA RNAM PAR RMONGS PA NYID KYIS SMRAS, ,RANG GI SKYE BO MCHI MA GROL BAR NYER 'ONGS DANG, ,DE RING BDAG GI KHYIM 'DIR CI PHYIR DU BA STE, ,'JIGS PA BRAL BA BDAG GI KHYIM THAB GSON PA YIN, ,DE LTAR SMRAS NAS DGOD DANG BCAS PAS MI 'KHRUGS PAR, ,RI BONG CAN GYI GDONG CAN KHYAD PAR RNAM BSAMS TE, ,SHIN TU MA THUG PAR DGA' BAS KUN NAS 'KHYUD BYAS TE, ,BDAG PO SHI BA LA NI MAL GYI STENG GNAS SMRAS, ,DE RING BDAG LA MNGON PAR MI SMRA CI PHYIR 'DI; ,MDZA' BO KHRO BA DGA' BA LA GNOD DOR BAR MDZOD, ,GAL TE BDAG NI NONGS PAR BYED PA 'BYUNG 'GYUR NA, ,KHYED KYI YID NI KHROS PA DON MED 'BYUNG BA MIN, ,KYE LAGS BTZUMS PA'I MIG LDAN G-YO SGYU NYID KYIS NI, ,'ON KYANG KHYOD KYI SKYON BCAS NYID NI BDAG GIS SHES, ,DE LTAR @146B DGOD CING PHRAD PAR 'DOD PA'I YID CAN GYIS, ,DE LA NYE BAR SBAS NAS 'GRAM DU 'ONG BYED 'GYUR, ,NGES PAR KHYOD NI ZLA 'DRA BZHIN DANG LDAN PA SU ZHIG GI, ,'DOD PA DGA' BA GZHON NU MA NI GZHAN LA DGA' BAR BYED, ,DE BAS SONG LA YUN RING KHYOD KYIS 'DOD PA 'BRAS BCAS GYIS,, CHAGS LA RTZE GCIG KHYED LA 'DI LTAR BDAG GIS GEGS MI BYED, ,SHIN TU RING SHAR MA LUS RI BONG CAN MTSAN MTHONG NAS NI, ,MCHI MA'I CHU YIS LTA BA 'GEGS PA DBUGS NI PHYUNG BYAS TE, ,DE NI KHYOD DANG PHRAD PA'I YID RE KHUR GYIS NGAL BA LA, ,MAL GYI DBUS SU YAN LAG RNAMS NI RGYAGS BZHIN BSNYAL BAR 'GYUR, ,MDZES PA KHYOD NI NGES PAR 'JIGS TE BDAG GI TSOGS 'DI NI, ,MNYAN NAS GANG GI KHYED NI RTZUB PA NYID DU NYER SONG BA, ,LONGS SHIG BDAG NI KHROS PA MIN ZHES KUN NAS BRJOD BZHIN PA, ,DES NI DE YI MIG NI SOR MO RNAMS KYIS PHYE BAR GYUR, ,DE NAS DE YI RANG GI SKYE BO'I TSOGS DES NGES PAR 'DI DKA' THUB MA 'BYUNG POS BZUNG BA STE, GANG GIS KHYO SHI BA LA YANG 'KHYUD NAS 'DI LTAR MANG PO SMRA BA NYID DU NYE BAR SONG BA ZHES BYA BA BRJOD DE NGU BAS KUN NAS NGAL BAS GNYID KYI DBANG DU SONG BAR GYUR TO, ,KHYIM NA SKYE BO'I SGRA MED PA MTHONG NAS DES SROG DANG BRAL BAS BYA BA DANG BRAL BA'I LUS KHYO BO DE PHRAG PA LA BKAL TE MTSAN MO YONGS SU SMIN PAS 'OD MED PA'I ZLA BA'I DKYIL 'KHOR DANG LDAN PA'I NAM MKHA' LA GRONG KHYER GYI SGO RNAMS RNAM PAR GROL BAR GYUR PA'I SGO DANG LDAN PA RNAMS LA, MCHIL PA SKAD 'DON PAS KHYAB PA'I GRONG DANG GRONG KHYER GYI SHING RNAMS YOD PA DANG MKHA' SNANG GI RNAM PA'I MAR ME'I RTZE MO RNAMS YOD PA DANG, LHAG MA DANG BCAS PA'I GNYID KYIS KHYAB PA'I MIG DANG LDAN PA'I SKAS KYI RIM PAS MTSAN PA'I RKANG PA BYAS NAS LAM NAS 'GRO BA RNAMS SO SOR GNAS PAR GYUR PA DANG, NYI MA SPRIN GYIS BSGRIBS PA'I DUS LTAR KUN NAS 'OD MED PA DANG 'DRA BA'I NOR LDAN YOD PA DANG, THO RANGS KYI RNGA'I SGRAS KUN NAS GANG PA'I BAR DANG LDAN PA'I LHA'I KHANG PA RNAMS YOD PA DANG KHYIM BYA'I SGRA KUN NAS THOS PAR GYUR PA DANG LDAN PA'I GRONG DANG GRONG KHYER RNAMS YOD PA LA BUD MED DES GANG DANG GANG DU PHYIN @147A *, ,PAR GYUR PA DE DANG DE NYID DU, DUS RING NYID KYIS RNAM PAR RNYINGS PA YI, ,DRI MA CAN GYI GOS NI GON BZHIN PA, ,PHEG RDOB BYED PA'I SGRA LDAN BYIS RNAMS KYIS, ,KUN NAS 'OD MED MDZES PA YONGS SU BSKOR, ,DE NI MTHONG NAS BYIS PA RNAMS DGOD 'GYUR, ,MIG NI MCHI MA DANG BCAS BUD MED RNAMS, ,'GYUR TE RANG NYID KYIS 'DI KYE MA RMONGS, ,DRI MED BLO LDAN MI RNAMS KYIS 'DI SMRAS, ,DE NAS DUS KYI RIM PAS RNAG DANG BCAS PA SHA DANG PAGS PA LHUNG BAS DKAR RTZIS RJES SU BYUGS PA DANG 'DRA BAR RUS PA'I LHAG MA CAN LUS DE DES 'DZIN PAR BYED CING DUS GCIG GI TSE NA, ,RI'I GNAS GZHAN RNAMS DANG DUR KHROD RNAMS SU YANG KUN NAS 'KHOR BAR GYUR TO, ,DUS GANG GI TSE YONGS SU NGAL BA DANG LDAN PAR GYUR PA DE'I TSE SHING GI RTZA BA 'GA' ZHIG NA NGAL BSO STE, DE'I LUS DRI MA DANG BRAL BA'I CHU BO LA KHRUS BYAS NAS NYI MA'I 'OD ZER RTZUB PAS BDAG GI KHYIM THAB KUN NAS NGAL BA ZHES BYA BA BRJOD CING, SKAD CIG SKAD CIG DU NI KENG RUS DKAR PO DE, ,RIM GYIS RIM GYIS PAD RTZA MA YIN PAS NI BYUGS, ,DE YI MGO LAS SKYES PA 'PHOS PA'I MGO LA NI, ,GSAL ZHING AUTPA LA SNGON PO'I PHRENG BA BCINGS PAR GYUR, ,KUN NAS DMAR BA'I 'DAB MA NAGS KYI NANG NAS NI, ,NYE BAR BTUS NAS RNA BA'I BU GAR SBYOR BAR GYUR, ,DPRAL BA DKAR PO RI MO MTHONG LA BTZAG GIS NI, ,THIG LE KUN NAS RDZOGS PAR BYED PA NYID DU 'GYUR, ,SO RNAMS RTZA BA GSAL BA MANG BA'I RGYA SKYEGS KYIS, ,TSON GYIS DMAR BA'I 'OD DANG LDAN PA BYAS PAR 'GYUR, ,KUN NAS 'KHRUGS PA'I PADMA'I RTZA LTAR DKAR BA'I 'OD, ,LAG PA GNYIS PA ME TOG RTZI NI SBYAR BAR 'GYUR, ,SRAB PA'I MAR ME'I RTZE MO'I MIG SMAN GYIS NAG PA, ,SMIN MTSAMS GNYIS KYI SHUL DAG RIM GYIS BYAS PAR GYUR, ,RGYA CHEN MIG GI BUG PA DAG LA DGOD BCAS PAS, ,MIG THUR YANG NAS YANG DU 'KHRO ZHING GNAS, ,DE NAS SPRIN MED ZLA BA'I 'OD ZER GYIS DAG PA, ,PADMO'I LO MA'I NANG NA CHU NI BZHAG BYAS TE, ,DGOD PA SNGON DU 'GRO BCAN GYI KENG RUS DER, ,DGA' BAS RNAM PAR LTA BAR BYED CING KUN NAS SMRAS, ,KHYOD KYI LUS NI RGYAN @147B RNAMS NGES PAR BYAS PA NI, ,SKAL BZANG NYID KYIS DGA' BA NYID DU NYER SONG BA, ,DRI MA MED PA'I CHU YI ME LONG 'DI LA KHYOD, ,BRTZE LDAN RE ZHIG BZHIN GYI ZLA BA RNAM LTA MDZOD, ,DE NAS MTSAN MO 'ONGS PA DANG MI'I RUS PA BZHIS LA BRKOS SHING DE'I DBUS SU NI 'DAB MA RNAMS KUN NAS BKRAM STE PADMO'I 'DAB MA RNAMS KYI MAL CHA RNAMS BKOD NAS, ,KENG RUS DE LA 'PHAGS PA'I SRAS TSUR SHOG ,AA GA RU DANG SPOS KYIS BSGOS SHING GNAS PA'I KHANG PA BDAG GIS BRTZAMS PA 'DIR GLANG PO CHE PHRU GU'I SO'I RANG BZHIN RKANG PA DANG LDAN PA 'JAM PA'I MAL CHA DANG BCAS PA LA ZHUGS SHIG CES SMRAS SO, ,DE NAS MON LUG SO RNAMS KYIS NI DUM BYAS TE, ,KENG RUS DE YI KHA LA DGOD PAR BYAS NAS NI, ,DE LA DE NYID DU NI RMONGS PAS KUN 'KHYUD DE, ,MI YIS SNANG BAR BYAS PA SHING KHANG MTHAR NI BSNYAL, ,DE NAS BYANG CHUB SEMS DPAS SLOB MA DANG RJES SU 'GRO BA SKYE BO'I DRUNG NAS KUN NAS MNGON PAR 'ONGS TE, ,SKYE BO RNAMS KYI DRUNG NAS BUD MED DE GDON GYIS BZUNG BA MTHONG NAS SLOB MA LA SMRAS PA, ,YANG DAG MA YIN KUN BRTAGS KYIS, ,DE LTAR SKYE BO 'DI RMONGS PA, ,SHIN TU BDAG 'DZIN BYED PA STE, ,CI LTAR DNGOS PO MED PA YANG, , BDAG GI NANG LDAN RNAMS KYI NAD, ,SMAN RNAMS KYIS NI ZAD PAR BYAS, ,BUD MED DE YI GDON THABS KYIS, ,BDAG GIS ZAD PAR BYED PAR 'GYUR, ,JI LTAR ME TOG MTHE BO NI, ,MED PAR SOR MOS 'DZIN MI 'GYUR, ,DE BZHIN THABS DANG RNAM BRAL BA'I, ,BYA BA 'BRAS BU THOB MI 'GYUR, ,SLOB MAS SMRAS PA, BLO DANG LDAN PA RNAMS LA NI NUS PAR BYA BA MA YIN PA ZHES BYA BA CI ZHIG YOD DE, BDAG NYID CHEN PO DE YANG SNYING RJE'I KHA LO SGYUR BAS RAB TU BSKUL BAR GYUR PA'I YID KYI SHING RTA KHYIM DU MI 'GRO ZHING, NYIN MOR BYED PA NUB PA'I DUS KYI MTSAMS BGROD PAR DKA' BA LA MA BRTZIS SHING; NGES PAR BUD MED DE KHYIM DANG YONGS SU 'DRIS PAR DUR KHROD KYI SA NYID LA MNGON PAR DGA' BAR BYED SNYAM DU RNAM PAR BSAMS TE, 'BAR BA'I SREG LUGS 'DZIN PA'I SNANG BAS N+YA GRO DHA'I SHING LA GNAS PA'I BYA RGOD DANG BYA'I MTHA' MA GSAL BAR BYAS PA, MES 'JIGS PA DANG 'DRA BA'I DKYIL @148A *, ,'KHOR LA GNAS PA'I GLANG PO CHE'I TSOGS LTAR NAG PA'I YUN RING PO NAS MUN PAS LTA BAR GYUR PA DANG 'DRA BAR CE SPYANG GI TSOGS KYIS LUS MI SNANG BAR BYAS PA DANG, BAR MED PAR RTZUB PA'I SKRA SHAD KYIS SA'I DKYIL KHYAB PA DANG, ME'I DBUS SU BTZOS BZHIN PA'I KHA ZLUM PA'I MI LUS DANG LDAN PA DANG, PADMA'I RTZA BA GSAR PA LTAR KUN NAS DKAR BA'I SDUG PA RNAMS KYIS KHYAB PA DANG, 'GA' ZHIG TU RI MOR BRIS PA'I BUM PA'I GYO MO RNAMS KYIS BAR MTSAMS MED PA DANG, PHYED TSIG PA'I SHI BA'I GOS DRI MA CAN GYI DUM BU RNAMS KYIS KUN NAS KHYAB PA DANG, NYE BAR GNAS PA'I SHA ZA'I BUD MED KYI SKYE BO RNAMS KYIS MI'I SHA RNAM PAR 'GOD PAR 'GYUR BA DANG, GZHAN DU GLO BUR DU BYUNG BA'I SKYES PA RNAMS KYIS SHA CHEN 'TSOD PAR GYUR PA DANG, GANG ZHIG TU TSIG PAR GYUR PA'I LUS LAS 'PHO BAR GYUR PA'I TSIL GYI THIGS PA'I 'PHRENG BA RNAMS KYIS SOL BA 'AM MI SHI BAR GYUR PA DANG, RAB TU TSA BA'I ME LCES KUN NAS DMAR SKYA'I RTZA BAS STENG DU CHU 'DZIN PA LTAR SNGO BA'I SIN DH'U RA DANG RNAMS KYIS BTZOS PA'I SNAM BU GNYIS DANG 'DRA BA'I DU BA'I TSOGS CHEN POS STENG NAS BSGRIBS PAR BYAS PA DANG, SKYE BO MA LUS PA RNAMS YID 'BYUNG BA SKYED PAR 'DOD PA NYID DANG 'DRA BA'I MI RTAG PA GSAL BAR BYAS PA DANG, SHI BA'I LUS KYI RANG BZHIN G-YUL NGO'I GNAS DANG 'DRA BAR SHIN TU 'JIGS PA, SV'A H'A'I BDAG PO'I RLUNG GI SHUGS KYIS RNAM PAR 'DRA BA YIS, ,KUN NAS SPYAN DRANGS LTAR NI 'BAR BA'I 'OD LDAN MI RNAMS KYIS,, 'BYUNG BA'I CE SPYANG PHO MO'I TSOGS LTAR GHO KA'I SKRA LDAN PA, ,DOGS PA MED PA'I YID CAN DES NI DUR KHROD ZHUGS PAR GYUR, ,BUD MED DE NI GANG NA GNAS PAR 'GYUR SNYAM DU KUN NAS 'KHOR ZHING DES SHA ZA MO RNAMS KYI LUS KYI BYA BA DE RNAMS KUN NAS MTHONG NAS, SLOB MA'I BSRUNG BA'I SNGAGS KYIS GTZUG PHUD 'CHING BAR BYAS PAR GYUR TO, ,DER YANG MI YI KHRAG GIS DPRAL BAR THIG LE BYAS NAS NI, ,SER SKYA'I SMIN MTSAMS GNYIS LDAN CHEN PO'I LTA BA CAN, ,KHYO PHOS 'DZIN PAR BYAS PA RNO BA'I SO LDAN PA'I, ,DGRA STA LA NI LA LA ZHIG GIS GDONG MTHONG @148B 'GYUR, ,KHRAG GI CHANG GIS GANG BA ZLA BA LTAR DKAR BA, ,THOD PA'I SNOD NI GZHAN GYIS SA LA RNAM BKOD NAS, ,G-YO BA'I CHU YI DBUS SU GNAS PA'I ZLA BA LTAR G-YO BA'I, ,DGRA STA G-YAM PA LA NI BRDAR BAR BYAS PAR GYUR, ,ME YI TSA BAS BTZUMS PAR BYAS PA'I MIG LDAN PA; ,GZHAN DAG MI NI PHYED NI TSIG PA'I LUS LDAN PA, ,LHUNG ZHING DRO BA'I RKANG MAR CHA LDAN ZHU BA NI, ,GLO BUR DU NI DUR KHROD DBUS NAS 'GUGS PAR 'GYUR, ,KHRAG 'DZAG PA YI RKANG MAR CHA YIS NYE BAR BYUGS PA YI, ,RDO LA KHA CHU SKYES BZHIN PAS NI RNAM PAR BZHAG PA NI, , SKYES PA'I DUM BU BCAG PAS YANG DAG 'BYUNG BA'I 'JIGS SGRA LDAN, ,GZHAN DAG GIS NI RDO BAS RNAM PAR GCOD PA NYID DU 'GYUR, ,MDZA' BO'I LAG PA'I MTHIL GYIS NYE BAR KHYER BAR BYED BZHIN PA, ,YA BA'I ME TOG LTAR NI MNGON PAR DMAR PO DMAR LDAN PA, ,THOD PA YANG DAG GNAS PA'I KHRAG GI CHANG GIS GZHAN DAG NI, ,'GYUR BA'I GDONG CAN SHA DANG NYE BAR BCAS PA 'THUNG BAR 'GYUR, ,SHA ZA MO DE RNAM KYANG 'DI LTAR BYA BA LA RTZE GCIG PAR YANG DAG PAR MTHONG NAS, AE MA'O MTSAN MO RGYU BA 'DI RNAMS KYI RANG BZHIN NI DRAG PA STE, DRAG PA ZHES BYA BA RNAM PAR BSAMS NAS PHYOGS GZHAN LA, SHA DANG 'BRAS KYIS 'GA' ZHIG TU, ,CHANG BCAS NYA YIS 'GA' ZHIG KYANG, ,SA YIS MTHAR THUG KHYAB PA NI, ,RI YI GTOR MAS 'GA' ZHIG TU, ,DUR KHROD ME YI GRIB MAS NI, ,GSAL BAR BYAS PA'I LUS LDAN PA, ,SHUGS DANG BRAL BA'I RAL GRIR LDAN; ,PHYOGS SKYONG RNAMS KYIS SNANG BAR BYAS, ,RIG PA'I DNGOS GRUB MNGON 'DOD PA'I, ,BRTEN PAR BZLAS PAS RAB MGUL CHU, ,BDAG NYID CHEN PO RAB 'BYUNG BAS, ,DBUS SU BYIN GYIS BRLABS PAR BYAS, ,THAL BAR RTZE GSUM RNAMS BKOD PAS, ,BAR DU 'GRO BAR BYAS PA NI; ,ME TOG DMAR PO KUN KHYAB PA'I, ,DKYIL 'KHOR CHEN PO MTHONG BAR 'GYUR, ,'GA' ZHIG TU YANG KHRAG GIS MNGON PAR DMAR BAR BYAS PA'I SO DANG LDAN PA'I RI DAGS SKYON CAN RNAMS KYIS KUN NAS DBUGS PHYUNG BAR GYUR PA'I PHYIR RGYU MA'I DRA BA RDOL BA, 'DAB CHAGS RNAMS KYI @149A *, ,MCHUS MIG PHYUNG BA'I BU GA RNAMS KYIS 'JIGS SU RUNG BA'I GDONG DANG LDAN PA, SHI BA'I CHOM RKUN PAS 'TSO BA'I YO BYAD PHROGS PAR BYAS PA'I BUD MED MTHONG NAS YID BYUNG BA'I BLO DANG LDAN PA, KYE MA 'DOD CHAGS DANG LDAN PA RNAMS KYIS 'DOD CHAGS KYI BDAG NYID DU 'DUG PA STE, GANG RNAMS KYIS 'DI LTA BU'I LUS LAS BDE BA'I BLO SKYE BAR 'GYUR SNYAM NAS SMRAS PA, YANG YANG KUN NAS NYAMS PA 'DOD CING 'DOD PA NI, ,SKYE BO'I MIG GI BUNG BA'I TSOGS KYIS GANG ZHIG LA, ,DE NI DE RING BUD MED LJON SHING LAS BYUNG BA'I, ,YID 'ONG MDZES DGOD ME TOG JI LTAR MTHONG MI 'GYUR, ,YAN LAG MED PA KHYOD KYIS DGOD PA'I BDAG NYID KYIS, ,GANG LA 'DAB RTEN SNGON DU YANG DAG 'GENGS PA STE, ,KHYOD KYIS DI RING BUD MED LUS CAN DE LA NI, ,SKYON CAN BTZAN THABS KYIS NI CI PHYIR MDA' MI GTONG, ,GANG ZHIG YANG YANG 'DOD PA'I BDAG NYID LA BYUD BYAS PA, ,PAGS PAS G-YOGS LA 'DOD CHAGS CAN GYI SKYE BO GANG, ,DE RING DE 'DI RUS PA'I RANG BZHIN LUS 'DI NI, ,SNA NI 'GEGS PA NYID NI SPANGS NAS GROL BAR 'GYUR, ,MCHI MA DANG BCAS MIG DANG LDAN PA'I NGO GDONG 'DI NI CI PHYIR 'DUD MI BYED, , RI BONG CAN GYI GDONG CAN SKYO NA DANG BRAL BA'I MTHUN PA BDAG LA DON MED KHROS PAS CI, ,DE LTAR NGES PAR BRJOD PAR BYED PA'I BDAG POS GANG LA MGO BO RNAMS ZHUGS PA, ,DE YI RKANG PA GNYIS PO LA NI 'DI YI KHYED RNAMS KYIS NI SO RNAMS GNAS, ,BDE BA MYONG ZHING SMIG RGYU RJES SU TSOL ZHING KUN NAS SKYE BAR GYUR PA'I 'DOD PA CAN, ,NGAL BA BYIS PA'I SKYE BO SEMS KYI RI DAGS SNGON DU GANG GIS BKRI BAR BYAS PA NI, ,'BAD PAS 'DOD PA'I LHA YI RNGON PAS DE NI BRTZAMS PAR GYUR PA JI LTAR GANG GIS KYANG, ,SNANG RUNG MIN PA'I GZUGS CAN GYIS NI CHUNG ROL PA YI RANG BZHIN 'DRA BA RNAMS CHED BYAS, ,DE LTAR BDAG NYID CHEN PO DES BUD MED KYI LUS MTHONG BAS 'DOD CHAGS DANG BRAL BA YANG DAG PAR BYUNG BAS SMRAS PAR GYUR PA, ,KYE MA MI RO'I DRI MI ZHIM PAS SNA YI DBANG PO SKYO BAR BYAS PA, SDONG KHANG GI ME'I DU BAS YANG DAG PAR REG PAS BDAG NYID @149B MI GCANG BA RLOM PAR BYED PA NI 'DI LTA STE, 'DI YANG CHU 'DZIN LTO BA'I 'OD NI 'PROG PA'I DU BA 'DIS NI YUN RING POR NI SONG BA YIN, ,DUR KHROD LAS BYUNG RNAM PAR 'PHRO BYED 'OD NI 'PHRO BA DRI MA CAN DU KHYER BAR BYED, ,CHU GTER RLABS LDAN CHU LA KHRUS NI BYAS LTAR GRONG BAS KHYAB PA RIM GYIS NUB PA NI, ,RI BONG CAN NI ZLA TSES GOS RLON LTA BUR 'DZIN CING JI LTAR YANG NI 'GRO BAR 'GYUR, ,SLOB MAS SMRAS PA, BDAG GI SDUG BSNGAL MI BZOD CING, ,THE TSOM BYED PAR GYUR PA YANG, ,GZHAN GYI RJES 'DZIN BYA BA'I PHYIR, ,SO SO'I SKYE BOS NUS PA MIN, ,BYANG CHUB SEMS DBAS SMRAS PA; ,TSE DANG LDAN PAS YANG DAG PAR MNGON PAR SMRAS TE, DA NI DE BAS NA MA MO'I KHYIM RNYING PA 'DI RU DUR KHROD KYI SREG LUGS 'DZIN PA'I SNANG BAS RTZIG NGOS LA BRIS PA'I PHYUGS KYI KHRAG GIS RTZE GSUM PA GSAL BAR BYAS PA LA RJES SU ZHUGS TE, MTSAN MO'I LHAG MA 'DA' BAR BYED CING, DA NAS SHING GIS KUN NAS MTSAN PA'I SGO DANG DRIL BU'I TSOGS LDAN PA, ,RGYAL MTSAN LAS LHUNG RMA BYA'I MKRIN PA RDUL NI 'BYUNG BA'I SA LDAN PA, ,PHYI DANG NANG DU ME TOG RNYING POR SKUD RNAMS KYIS NYER BSAGS PA, ,MA HE'I MGO BO GANG LA BYA RGOD 'DI NI NGES PAR GNAS PA YIN, ,SLOB MAS SMRA SA PA, MKHAN PO JI LTAR BKA' STZOL BA BZHIN DU BYA'O ZHES ZER RO, ,DE NAS KE SHA BAS MA MO'I KHYIM NGER ZHUGS NAS CUNG ZAD GNYID LOG PAR BYAS TE, SO SOR RNAM PAR SAD PAR BYAS NAS SMRAS PA, TSE DANG LDAN PA PHYI ROL DU BYUNG LA RE ZHIG MTSAN MO'I LHAG MA CI TZAM YOD PA DE SHES PAR BYOS SHIG ,DES KYANG DE LTAR BGYI ZHES SO SOR MNYAN NAS MNGON PAR BYUNG STE SMRAS PA, MKHAN PO THO RANGS NYID YIN TE, DE LTAR NA, ,MTSAN MO CHAD PAR SHES NAS SHING GI TSANG 'DI LA NI BZOD PA CAN NYID 'DI LA BRTEN PAR BYED, ,ZAD PAR GYUR PA'I BUD SHING LDAN PA RO BSREGS ME'I 'OD RNAMS CUNG ZAD DRI MA CAN 'DZIN TE, ,NYI MA SHAR BA'I'OD ZER 'PHRO BA RNAMS KYIS REG PAR 'GYUR BA'I SA 'DZIN RNAMS KYI GRIB MA RNAMS, ,BAR NI SNGO BAR BYAS PA'I BUNG BA LTAR NI SER SKYA'I 'OD LDAN SA PHYOGS MNYAM PAR SKYE BA YIN, ,DE NAS BYANG CHUB SEMS DPA' PHYIR BYUNG STE @150A *, ,SLOB MA LA SMRAS PA, TSE DANG LDAN PAS NAD PA RNAMS NAD MED PAR BYA BA'I PHYIR GRONG KHYER DU SONG SHIG DANG, BDAG GIS KYANG KHYOD SHI BA DE THABS GANG GIS KYANG 'GYUR BA MED PAR BYA'O ZHES ZER RO, ,SLOB MAS KYANG DE LTAR BGYI'O ZHES BYA BAS DE LA GSONG POR SMRAS TE SHIN TU RINGS PAR GRONG KHYER DU SONG BAR GYUR TO, ,BYANG CHUB SEMS DPAS KYANG BUD MED DKA' THUB CAN DE SLAR GANG NA YOD PAR GYUR SNYAM DU BSAMS NAS DE BLTA BA'I PHYIR KUN NAS YONGS SU 'KHOR BAR GYUR TO, ,NA CHUNG DE YANG LANGS TE BDAG PO'I LUS DE LA BZUNG NAS CHU BO LA MNGON PAR 'GRO BAR GYUR TO, ,DE NAS BYANG CHUB SEMS DPA' YANG DAG PAR SONG STE DE'I NYAL BA'I GNAS MTHONG NAS 'DI LTAR BSAMS PAR GYUR TE, 'DIR NI DKA' THUB CAN MA DE NYAL BAR 'GYUR PA YIN NO, ,DE CI'I PHYIR ZHE NA, PADMO'I 'DAB MA RNAMS KYIS MA LA NI BYAS PA 'DI, ,SRAB PA'I DROD KYIS 'DAB MA DUD KHA RNYING BYAS PA, ,MTSAN MA NYE BAR MNAN PAS DBUS NI RNAM NUB CING, ,MAL NI DE DANG BRAL BAS RNAM SNANG 'GYUR, ,DE NAS BDAG PO'I LUS 'DZIN PA DE CHU BOR 'GRO BZHIN PA MTHONG NAS AE MA THABS DANG BCAS PAR 'DI NI NAD DANG BRAL BAR BYA'O SNYAM DU RNAM PAR BSAMS NAS BDAG NYID CHEN PO DES BUD MED SHI BA'I LUS PHRAG PA LA BKAL TE, BUD MED DE LA RJES SU 'BRANG BAR GYUR TO, ,DES KYANG RUS PA'I KENG RUS DE 'GRAM GYI SHING GI SDONG PO LA BCINGS NAS GZHAG CING SMRAS PA, RE ZHIG 'PHAGS PA'I SRAS SDOD CIG ,DA NI KHYOD NI SHING 'DI LA, ,GDONG PA 'KHRU BA'I CHU DE NI, ,JI SRID BDAG GI KHYER LA'ONG, ,GDONG PA 'KHRU BA'I CHU DE NI, ,JI SRID BDAG GIS KHYER LA'ONG, ,GDONG PA'OD ZERIBRGYAN PAR 'GYUR BA YIN, ,DE LTAR MNGON PAR SMRAS NAS DE'I CHU BO LA 'JUG CING RANG GI GRIB MA KUN NAS DAG PA'I ME LONG GI DBUS LTAR DRI MA MED PA'I CHU LA RNAM PAR BLTAS NAS NGES PAR BUD MED 'DI DAG GIS KHYO 'PHROG PAR 'DOD DO SNYAM DU RNAM PAR BSAMS NAS, BDAG NYID KYI GRIB MA 'DI LTAR KUN NAS BSDIGS SHING GNAS TE, 'KHYOG CING RGYAS PA'I SMIN MA KUN NAS SPYOD BYED @150B CING; ,DGOD PAR GSAL BAR BYAS PA'I SO YI PHRENG BA CAN, ,SKYON CAN MA NI PHRAD 'DOD NGES PAR BUD MED KHYOD, ,BDAG GI MDZA' BO KHYOD NI YID 'PHROG 'DOD MA YIN, ,DGOD PA YID DU 'ONG BAS RNAM PAR CHAGS BYED PA, ,YID 'PHROG MIG GI MTHA' MAS RNAM BAR BLTA BAS KYANG, ,BDAG GI MDZA' BO DUL BA NGO TSA MED PA KHYOD, ,CI LTAR BDAG LAS G-YO BA CAN KHYOD DGOS MED GYUR, ,KHYOD NI DGOD PA GSAL BAR BYED CING BDAG GI NI, ,MDZA' BO CE SPYANG MO YANG BSAM PAR MI BYED DO, ,DE LTA NA YANG RMONGS LAS LDOG PAR MI 'GYUR TE; ,DON MED KUN NAS 'KHOR BAR BYED PA 'GRO BAR GYIS, ,SKYES PAS KUN NAS 'ONGS TE GAL TE BSTEN 'DOD NA, ,DE NAS SKYE BO LA NI BUD MED CHUNG BAR 'GRO, ,'DOD PAR MA BYAS GAL TE NAN GYIS 'DOD BYED NA, ,DGOD PA'I DNGOS PO LA NI GANG GIS GTAD MI BYED, ,BDAG GIS KHYOD NI 'DI LTAR KUN NAS SKRAG BYAS KYANG, ,NAN GYIS BDAG GI MDZA' BO 'DI NI GAL TE 'DZIN, ,DE BAS KHYOD LA SKYON NYID BZOD PAR MI 'GYUR TE, ,GANG PHYIR PHRAG DOG YID NI SHIN TU GDUNG GBAR BYED, ,BDAG GIS DE LTAR KHYAD PAR RTZU BA PAR SMRAS KYANG NI, ,KHYOD NI NGA RGYAL DBANG BCAS CI PHYIR 'DI DGOD 'GYUR, ,CI PHYIR THA MAL PA YI KHYIM LA 'DI BRJOD PA, ,MDZES MA DON MED NGAL BA KYOG PO 'TSONG BA NI, ,DE LTAR GDON GYIS DRAN PA NYAMS BA KH SHING 'DI LA, ,GDONG PA 'KHRU GDONG KHRO GNYER MIG NI G-YO BAR BYAS PA STE, DRI MA MED PA'I CHU YI NANG NA GNAS PAR SGRA SGROGS SHING, ,RANG GI GRIB MA LA YANG RDO RNAMS KYIS NI KUN BRDUNGS 'GYUR, ,RANG GI GRIB DANG LHAN CIG CHU LA GNAS PAS PHRAG DOG BCAS, ,DE NI 'DI LTAR BYED CING YANG YANG RTZOD PA'I THAD GNAS BA, ,'KHRUL 'KHOR SHIN TU DRI MED GSAL BA'I SO YI PHRENG BA CAN, ,DE LAS SKYES PA'I NGO MTSAR DANG 'DRA RUNG BA'I RANG BZHIN DANG, ,DE NAS BUD MED DE GAL TE BDAG GIS DE LTAR RDO BA RNAMS KYIS KUN NAS BRDUNGS PAR GYUR PA YANG KHYOD 'GRO BAR MI 'GYUR NA DE'I PHYIR BDAG GIS 'PHAGS PA'I SRAS BZUNG NAS DER 'GRO BAR 'GYUR TE, GANG DU SLAR 'DI MTHONG BAR 'GYUR BA MA @151A *, ,YIN PA ZHES BYA BA BDAG NYID KYI GRIB MA DE LA SMRAS NAS LUS DE PHRAG PA LA BKAL TE SONG BAR GYUR TO, ,CI'I PHYIR SKYES PA 'DI SLAR BUD MED 'DZIN CING 'BROS PAR GYUR PA RE ZHIG 'DI LA DRI BAR BYA'O SNYAM DU RNAM PAR BSAMS NAS, ,KE SHA'I DRUD DU NYE BAR 'ONGS TE SMRAS PA, , BDAG NI KHYO DANG LDAN PA 'GRO ZHING RNAM MTHONG NAS, ,KHYED NI KUN NAS DOGS PAR GYUR PA CI PHYIR 'BROS, ,BDAG NYID CHEN PO BDAG NI SHA ZA'I BUD MED MIN, ,DE BAS DOGS PA DOR CIG BDAG LA NYER BSTAN 'DIR, ,BYANG CHUB SEMS DPAS SMRAS PA, SRING MO BDAG NI KHYED LA 'JIGS PA MA YIN TE, ,'ON KYANG SKYES PA GZHAN LA SDANG BAR BYED PA'I CHUNG MA 'DI BZUNG NAS GANG DU MI RNAMS YOD PA MA YIN PA DER 'GRO BAR BGYI'O, ,KHYOD KYI KHYO BO 'DI NI LHAN CIG CHOS SPYOD MA, ,BDAG GI 'DI LA MNYES GSHIN PAR NI GZHAN YANG LTA, ,KHYOD NI MDZA' BO YANG NI MTHONG NAS NGO TSA BAS, ,BDAG GI MDZA' BO MIG GNYIS PO NI 'DZUMS PAR BYED, ,JI LTAR KUN NAS MTHONG STE YANG YANG RNAM PAR DGA', ,GSAL BAR BYED CING 'JAM PAR BYAS NAS NGO MTSAR BYED, ,DE LTAR BDAG GI LHAN CIG CHOS SBYOD MA 'DI LA, ,KHYOD KYI MDZA' BO 'DIS NI 'PHROG BYED KUN NAS RTOG ,BDAG GI BUD MED 'DI NI DGA' BAR BYED MTHONG NAS, ,MDZES PA'I MIG NI BRLA DANG 'O 'DZIN GNYIS MDZES PA, ,THUB PA RNAMS KYI SEMS KYANG GZHAN DU 'GYUR BA STE, ,BUD MED KHYOD NI 'DOD PA CAN 'DI LTA CI SMOS, ,DE BAS 'DI NI RI BONG CAN GYI DKYIL 'KHOR LTAR; ,BZHIN LDAN RANG GI MDZES PAS LHA DBANG BUD MED NI, ,NGO TSA DANG BCAS DBU MA LTAR NI DBANG CHEN GYIS, ,LUS LA BZUNG NAS SA 'DZIN RNAMS KYI PHUG RNAMS SU, ,BDAG NYID KYIS NI YUN RING GNAS PAR BGYI BA LAGS, ,DES SMRAS PA, 'PHAGS PAS 'DI LTAR KUN NAS DOGS PAR BYA BA MA YIN TE, ,KHYOD KYI CHUNG MA TSUL KHRIMS BZANG LDAN PHYIR, ,'DI NI JI LTAR SKYES PA GZHAN LA SDANG, ,GZHAN GYI KHYIM THAB SPONG BA'I SEMS LDAN PA, ,DE BZHIN BDAG GI KHYO PO 'DI YANG YIN, ,RANG GI BZANG MO 'DI NI KHYOD KYIS RNAM BRGYAN CING, , @151B BDAG KYANG MDZES PA'I RGYAN GYIS CIG CAR GNAS PAR BGYI, ,TSUL KHRIMS SDUG BSNGAL MNYAM PA RNAMS LA GROGS PO NYID, ,SHES BYA'I GRAGS PA 'BRAS BU DANG NI BCAS PAR GYIS, ,BYANG CHUB SEMS DPAS SMRAS PA, KHYOD NI BDAG PO'I TSUL KHRIMS ZHES, ,GAL TE BUD MED MCHOG BDEN NAS, ,DE BAS CHU BO 'DI BRTEN NAS, ,BDAG CAG 'DIR NI GCIG TU GNAS, ,DES SMRAS PA, BLO LDAN 'PHAGS PA'I SRAS KYIS NI, ,TSUL KHRIMS JI LTAR MA SHES NAS, ,KHYED LA 'DI LTAR SMRA 'GYUR BA, ,DE BAS DOGS PA YONGS SU DOR, ,DE LTAR BGYI ZHES BYA BA YANG BYANG CHUB SEMS DPAS KHAS BLANGS CHU BO'I 'GRAM GYI SHING GI RTZA BA LA RUS PA'I KENG RUS DE BZHAG NAS RGYAN BYED PA'I PHYIR BRTZAMS PA LA BUD MED DES KYANG BDAG NYID KYI KHYO SHI BA'I LUS LA BRGYAN PAR BYAS TE, GNYID KYI DBANG DU SONG BAR GYUR TO, ,DE NA BYANG CHUB SEMS DPAS DE GNYID LOG PAR SHES NAS, GNYIS PO DE DAG SKYE NI THAG PAS DER BCINGS TE, ,LUS GNYIS BKRUS PA'I PADMA'I RTZA BA LTAR DKAR BA, ,'GRAM GYI MTHA' MAR GOM PA SGRA MED NYER SONG NAS, ,CHU BO DE LA MA DPYAD PAR NI DOR BAR GYUR, ,MYA NGAN GYIS NI HA HA ZHES BRJOD THABS SHES PA, ,DE NAS GNYID KYI DBANG SONG DE LA DES NI RAB BSAD NAS, ,BDAG GI MDZA' MO KHYOD KYI BDAG PO 'DI NI 'PHROG PA STE, ,DE LTAR SHIN TU PHONGS PA'I YI GE DANG LDAN DE SMRAS GYUR, ,DE NAS GNYIS PO DE DAG KYANG SHI BA'I LUS GNYIS CHUS KHYER BAR GYUR PA KUN NAS MTHONG ZHING KYI HUD HA HA ZHES BYA BA BRJOD CING CHU BO DE'I 'GRAM NAS MNGON PAR RGYUG PAR GYUR TE, DE DAG DE LTAR MYUR RGYUG CING, ,RO GNYIS RNAM PAR MTHONG BA DAG ,DBU BA 'KHOR ZHING G-YO BA YIS, ,CHU BO DE NI DGOD DANG 'DRA, ,DE NAS BUD MED DE CHU BO'I 'GRAM NAS RGYUG CING SHI BA'I RO LA MIG MCHI MAS YONGS SU GANG BA DANG LDAN PAS YANG NAS YANG DU 'DI LTAR NGAN PA SMRA BAR GYUR PA, GANG ZHIG AU SHI RA YI RNAM PA'I BYUG RNAMS KYIS, ,GSAL BA'I DRIS NI BDAG GIS KHYOD BRGYAN PA, ,GZHAN GYI KHYIM THAB 'PHROG PA KHYOD KYIS NI, ,MNYES GSHIN 'BRAS BU DE 'DI GSAL BAR BYAS, ,BDAG GIS BSTOD TSIG BAR MTSAMS @152A *, ,MA CHAD DANG, ,LAG PA YANG DAG 'DZIN DANG GUS LTA DANG, ,SHIN TU DRAG PA'I SEMS LDAN KHYOD KYIS NI, ,JI LTAR GSUM PO 'DI NI BSAM MA BYAS, ,SHIN TU 'JAM PA BDAG GI BUD MED NI, ,SKAL BZANG GAL TE YANG NI 'DIR GYUR NA, ,DE LTAN YANG RTAG TU RJES 'JUG 'DIR, ,'PHAGS MIN BDAG NI DOR BAR BYED MDZES MIN, ,BUD MED RNAMS KYI YID NI GSO BA STE, ,SKYE BO'I GRAGS PA 'DI NI MI BDEN 'GYUR, ,BDAG NYID DAM PA DI RING DOR NAS 'GRO, ,SKYES PA RNAMS LA BDEN NYID KHYOD KYIS GZHAG ,GZHAN GYI BUD MED LA NI CHAGS PA RNAM 'GREL KHYED NYID LA, ,MNYES GSHIN MED PA'I SEMS LDAN BRTZE DANG DUL BA RNAM BRAL BA, ,BDAG GI TSIG NI PHONG SA SHING PHONGS 'DI GNAS PA MA YIN TE, ,TSA BA'I LCAGS LA NYUNG BA'I CHU NI RNAM PAR BLUGS PA BZHIN, ,DE NAS BYANG CHUB SEMS DPAS DE LTAR SHI BA'I LUS LA NGAN PA SMRA BZHIN PA DE LA SKAD CIG GIS SDUG BSNGAL DANG LDAN PA DANG, SKAD CIG GIS KHRO BA DANG LDAN PA DANG, SKAD CIG GIS SMRE SNGAGS 'DON PA DE LA SMRAS PA, ,MNYES GSHIN PA DANG BRAL BA'I YID LDAN KHREL DANG RNAM BRAL BA, ,'JIG RTEN SMOD PA LA NI RGYAB PHYOGS G-YO LA MNGON BRTZON PA, ,MNYES GSHIN SKYE BO NGAN LA GANG ZHIG 'DI LTAR MNGON SMRA BA, ,RMONGS PAS DON MED DGON PAR DU BA DES NI BYED PAR 'GYUR, ,BDAG GIS KHYOD LA YANG DANG YANG DU SMRAS PA STE, CI LTAR KHYOD KYI KHYO PO 'DI BDAG GI BUD MED NGO TSA BAS THUR DU LTA BA'I GDONG CAN LA YANG DGOD CING SGEG PA DANG BCAS PAR LTA BA NGES PAR 'DI BDAG GI BUD MED 'DOD PA ZHES ZER RO, ,DE LA YANG KHYOD KYIS DAD PAR BYA BA MA YIN NO ZHES DE LTAR SMRAS NAS BDAG NYID CHEN PO DES LHAN CIG SKYES PA MA YIN PA'I SMRE SNGAGS 'DI LTAR BYAS PAR GYUR TO, ,SGEG MO DES NI BDAG GI MIG NI 'DZIN BYED CING, ,KUN NAS 'DZAG PA'I MCHI MAS MIG NI BKAG BYAS PA, ,BUD MED KHYOD KYI SROG DANG MNYAM PA DES BDAG GI, ,MDZA' MO PHROGS TE NYI MAR LDAN PAS MTSAN MO LTAR, ,BDAG NI DE DANG BRAL BAS BRTAN PA RNYED 'GYUR MIN, ,RTAG TU RJES 'BREL GLANG CHEN GYI SA NI GLANG MO LTAR, ,BDAG DANG BRAL BAS DES @152B KYANG BRTAN PA THOB MI 'GYUR, ,RI DAGS MO NI NUS MED RI DAGS DANG BRAL LTAR, ,DE LTAR BYANG CHUB SEMS DPAS SMRE SNGAGS 'DON CING BUD MED DE GOS KYIS MGRIN PAR BCINGS TE GUS PAR BYED CING SMRAS PA, DE BAS THA SNYAD PHYIR SHOD CIG ,RGYAL BAR NGES PAR BDAG CAG 'GRO, ,YANG NA BDAG GI MO 'ONGS SHIG ,BDAG NYID NGAN PA DES PHROGS PA, ,DE LTAR BYANG CHUB SEMS DPAS 'GUGS PAR GYUR PA DE 'JIGS PAS YID SKYO NAS SMRAS PA, ,DA NI BDAG GI CHUNG MA DE YOD PAR CI'I PHYIR NUS TE 'PHAGS PAS BKA' DRIN MDZOD CIG DANG, BDAG GI SRIR MO'I BU MO YOD; ,CUNG ZAD NU MA MNGON 'BYUNG BA, ,SLOB MA BZANG LA SNGAGS BZHIN DU, ,BDAG GIS KHYED LA DE SBYIN GYI, ,BYANG CHUB SEMS DPAS SMRAS PA, BDAG LA LHA'I BU MO GZHAN GYIS KYANG DGOS PA YOD PA MA YIN TE, MCHOG GI GDONG CAN CHUNG MA DE KHRID LA SHOG CES SMRAS SO, ,GAL TE KHYOD KYI DE MO'O, ,BDAG GI BUD MED G-YON LTA'I MIG ,RDO BA CHEN PO 'DI YIS NI, ,KHYOD KYI MGO BO PHYE MAR BYA, ,DE NAS BYANG CHUB SEMS DPA' RDO BA BLANGS NAS BUD MED DE LA KUN NAS BRDUNG BAR 'DOD PA BZHIN DU KHRO GNYER GSAL BAR BYAS SO, ,DE NAS BUD MED DE 'JIGS BAS 'PHAGS PA BKA' DRIN MDZOD CIG DANG, BDAG NI PHONGS PA DANG GNYEN 'DUN MED PA RNAM PAR 'JIGS PAR 'OS PA MA YIN TE, NONGS PA BYAS KYANG BUD MED SKYE BO NI, ,RANG BZHIN GYIS PHONGS SKYE BZANGS RTZE BAR BYED, ,DE LTAR KHROS PA 'DI NI BSDUS MDZOD CIG ,BLO GROS BRTAN PA BDAG NI GSAD BYA MIN, ,DE LTAR SMRAS NAS BYANG CHUB SEMS DPA'I RKANG PA DAG LA GTUGS PAR GYUR TO, ,DE NAS BDAG NYID CHEN PO DES 'JIGS PA DE SHES NAS SMRAS PA, GAL TE KHYOD KHO BO CAG GI TSIG BYED PAR GYUR NA, DE BAS NA BDAG GI RDO BA 'DI KHYOD KYI MGO BO LA PHOG PAR 'GYUR BA MA YIN NO, , DES SMRAS PA, KHYOD KYI BKA' NI BDAG GIS 'DA' BAR BYA BA MA YIN TE 'PHAGS PAS SMRA BAR 'OS SO ZHES ZER RO, ,BYANG CHUB SEMS DPAS SMRAS PA, GAL TE KHYOD NI 'DA' BAR MI BYED NA BDE BA DANG LDAN PA 'BYUNG BAR 'GYUR RO, ,DE BAS NA NYON CIG DANG, KHYOD KYIS KHYO PO SHI BA YI, , @153A *, ,LUS PO DE NI PHRAG PAR KHYER, ,DE LTAR RMONGS PA RNAMS SHES NA, ,MUN PA BZHIN DU DOR BAR GYIS, ,YANG DANG YANG DU 'GRO 'GRO ZHING, ,YANG DANG YANG DU STENG DU 'BYUNG, ,SKYE DGU'I BDAG PO LAG THOB PA, ,SKYE 'DI PHO LONG BZHIN DU BYED, ,NAN GYIS DUS MIN GSOD PAR BYED PA SU YI 'DI, ,MI RTAG PA NYID GZUGS NI MNAN NAS 'BYUNG BA MIN, ,RAB TU DRAG PA'I SHUGS DANG LDAN PA RLUNG GIS NI, ,'GRO BA CHU GTER TSOGS NI RING MIN 'BYUNG BA BZHIN, ,DUS MTHA'I DUS LA RAB TU STOBS LDAN MES 'BAR BA, ,YANG YANG LTO BA ZLUM PO'I NYA YIS KUN NAS KHYAB, ,SA 'OG GNAS PA 'JIGS PA'I SBRUL GYI TSOGS LDAN PA, ,RGYA MTSO CHEN PO YANG NI ZAD PAR 'GRO BAR 'GYUR, ,SNA TSOGS PA YI DPAG BSAM SHING GIS PAR BRGYAN PA, ,LHA YI BUD MED RNAMS KYIS PADMO'I CHU BRTEN PA, ,GSER GYI PHUNG PO ME YIS RNAM PAR ZHU BA NI, ,RI RAB KYANG NI RAS BAL BZHIN DU YANG BAR 'GYUR, ,MCHOD SBYIN BRGYA PA'I YID NI 'PHROG PA RNAMS SPANGS NAS, ,LHA RNAMS KYIS NI GRONG KHYER LHA MIN RAB TSA BA, ,'BYOR PA 'BAR BA GANG DU YANG NI 'GRO 'GYUR TE, ,SPRIN RNAMS ZAD LA SGEG PA MED PA'I GLOG BZHIN NO, ,'DI DAG KYANG NI MUN PA RNAM RGYAS 'BIGS BYED PA, ,NYIN DANG MTSAN MO'I KHYAD PAR DAG NI LDAN PA LTAR, ,'GRO BA'I MAR ME NYI MA BSIL BA'I 'OD ZER DAG ,DMAR BA'I STOBS LDAN DKYIL 'KHOR SNANG BAR GYUR PA MIN, ,GANG ZHIG SKYE BA DANG LDAN CUNG ZAD SA GSUM PO 'DIR YOD, ,DE DAG THAMS CAD NYID NI NGES PAR 'JIG PA'I MTHA' MA CAN, ,DE LTAR SHES NA SKYE DANG 'CHI BA'I SDUG BSNGAL RJES 'BREL BA'I, ,'JIG RTEN LA NI RNAM SKYO ZHI BA NYID LA YID GTAD BYA, ,GANG ZHIG BLO NGAN GNYEN 'DUN RNAMS LA MNYES GSHIN NGES ZHUGS BYED, , DE NI THA MAR YONGS GDUNGS MYA NGAN BYED CING NYER 'GRO BA, ,'JIGS PA'I CHU SRIN LA BRTEN CHU BO'I DBUS DAG CES, ,RGYA MTSOR GZINGS DANG BRAL BAS RAB TU LTUNG BA STER BAR BYED, ,SU YI RNAM BRAL YOD PAR MI 'GYUR TE, ,SKYE BO MNYES GSHIN DE RING MI 'GYUR BA, ,BZANG MO 'BYUNG BAR @153B 'GYUR RAM MI 'GYUR BA, ,DE LTAR KHYED KYIS MYA NGAN BSANG BAR GYIS, ,DE LTAR BUD MED DES BYANG CHUB SEMS DPA'I TSIG YANG DAG PAR SHES NAS DRAN PA NYE BAR RNYED PAS SMRAS PA, AE MA'O KHYOD KYIS GDAMS NGAG GI MAR ME 'DIS GANG NAS KYANG 'ONGS BCI YANG YANG DAG PA MA YIN PA'I KUN DU RTOG PA'I MUN PA BSAL BA ZHES BYA BA'O, ,KHYED LA BRTEN NAS BDAG GI SEMS, ,JI LTAR SOS PA NYER SONG BA, ,DE BZHIN YANG DAG LAM DMIGS NAS, ,KHYED KYANG MYA NGAN 'DAS THOB SHOG ,DE NAS BYANG CHUB SEMS DPAS BUD MED DE RANG BZHIN DU GNAS PA BZUNG NAS GNYEN 'DUN RNAMS KYI MDUN DU KHRID PAR GYUR TO, ,THABS 'DI NI BDAG GI BUD MED 'DI LA GDON DE KUN NAS BSAL BAR BYAS SO ZHES BYA BA YANG RANG GI SLOB MA RNAMS LA SMRAS PAR GYUR TO, ,BDAG NYID CHEN PO DE RA SONG BA LA YANG 'JIGS PA DANG 'DRA BA GRONG KHYER DE LAS NAD RNAMS SLAR RAB TU 'JIG PAR 'GYUR RO, , DE NAS DER LA LA ZHIG BLO GROS GSAL BA'I NYE GNAS PAS BYANG CHUB SEMS DPA' LA 'DI LTAR YANG DAG PAR BSTOD CING GNAS TE, KHYOD KYI SHES RAB LHAG BYAS NAS, ,BLO LDAN RNAMS KYI BLO RNAMS LAS, ,LHAG PAR KHYED KYI SHES RAB 'JUG ,DE NYID MTHONG BA RNAMS DBEN RNAMS KYI BLA MA KHYED LA NI; ,LCI BA'I TSIG LDAN NGES PA'I GTAM NI RNAM PAR RGYAS BYED LA, ,MKHAS PA RNAMS KYI YID NI MUN PAS ZIL GYIS GNON MIN TE, ,KHANG PA'I NANG NA MAR ME 'BAR BAR BYED PA BZHIN DU YIN, ,'DUN PAR BLO LDAN RNAMS KYI 'DUN PA CHEN PO 'JOMS PHYIR MI SHES PA NI RAB 'BYUNG MIN, ,KHYED KYI NGAG GI RNAM PAR DBEN BYED THE TSOM GCOD CING NYON MONGS MED PA MA THOB NAS, ,GANG PHYIR MKHA' SNANG RNAMS KYI 'OD ZER MTSAN MO LAS BYUNG RNAM KHYAB RAB RIB 'JOMS PA MIN, ,MAR ME'I LCE NI GCIG PUR DRI MA MED BAS SRAB PA DE NI MA LUS SEL BAR BYED, ,KHYED NI RANG RIGS MKHA' CHEN GYI NI ZLA YIN KHYED KYI GRAGS PA RNAMS NI SKAR MA RNAMS, ,MTHUG PA'I MUN PA'I CHOGS NI RAB TU NYAMS PAR BYED PA KHYED KYI NGAG NI ZLA TSES YIN, ,NYAN PA PO RNAMS KU MU TA YI 'BYUNG GNAS LTAR NI MDUN DU 'DI RNAMS RAB TU SAD BAR 'GRO, ,AE MA RNAM PAR NGES PA'I @154A *, ,GTAM GYI RTZOM PA MTSAN MO'I SGOR 'BYUNG KUN NAS RDZOGS PA 'DI, ,DON SPYI'I GRUB MTHA' LA NI SHIN TU RNON POS KYANG NI NYID KYI BRJOD BYA JI TZAM RTOGS, ,DE NYID MTHONG BA KHYOD KYI GROL BA LA NI NYAN PA POS NI DE NYID GSAL BAR MTHOD, ,SNGON ROL DU NI PHRAD PAR 'DOD PA'I CI NUS 'JO BAR BYAS PA'I BA LAS 'THUNG BAS NI, ,PHYIS NI SHE MA SKYO BAR MI 'GYUR SEMS DANG LDAN PA'I PHYIR NI BDE BAR 'O MA 'DZIN, ,DE BAS NA SKYE BO 'DI MGON DANG BCAS PA STE GANG GI GZUGS DANG LDAN PA LTAR DAM PA'I CHOS DANG LDAN PA'I MKHAN PO NYID RJES SU BSTAN PAR BYED PA YOD DO, ,ZHES BYA BA'O, ,DE LTAR NA BCOM LDAN 'DAS DE BYANG CHUB SEMS DPAR GYUR PA NA 'JIG RTEN PA RNAMS LA PHAN PA'I DON NYID KYI PHYIR BDAG NYID SHES RAB KYIS GSAL BAR MDZAD PA STE, RANG GI GRAGS PA LA CHAGS PAS NI MA YIN NO SNYAM DU RNAM PAR BSAMS NAS RTAG TU BCOM LDAN 'DAS NYID LA DAD PA BSKYED PAR BYA BA'O, ,GZHAN RNAMS LA PHAN PAR BYED PAS SAM 'JIG RTEN LA GUS PAR BYED PAS SHES RAB NYE BAR 'PHEL BAR BYA ZHES BYA BA STE, SKYES CHEN LHAN CIG TU NI BDAG NYID MNYAM NYID 'DOD PA'I DON DU GAL TE BLO YOD NA, ,YID NI GZHAN DU MIN PA'I MI YIS THOG MA NYID DU YON TAN RNAMS LA GUS PAR BYA, ,THOS PA LA SOGS YON TAN RNAMS LA SKYES NA LE LO CAN NI JI LTAR GUS BSKYED 'GYUR, ,NOR BU LA YANG YID 'ONG NYID NI YOD PA 'DUS MA BYAS PAR SKYE 'GYUR MA YIN NO, ,SRED MED KYI SKYES PA'I RABS TE SKYES RABS BDUN PA'O,, ,, SHES RAB GSAL BAS NGO MTSAR MIN PA RNAMS, ,'JIG RTEN PA YI DON NI BYED BZHIN PA, ,DON DAM TSOL BAR BYED LA BRTEN PA RNAMS, ,SU ZHIG LA NI NGO MTSAR SKYED MA YIN, ,'DI LTAR RJES SU THOS TE, RGYAL PO'I YON TAN THAMS CAD DANG LDAN PA'I RGYAL PO TSANGS PAS BYIN GYI BRGYAN PAR BYAS PA'I B'A R'A nA S'I'I RGYAL PO'I KHAB TU, MTSAN MO ZLA BA LTAR BRAM ZE LA LA ZHIG RIG BYED 'DON PA LA MKHAS PA, KHYIM NA GNAS PA RJES SU SKYONG ZHING ME'I MCHOD PA LA RTZE GCIG PA, 'JIG RTEN THAMS CAD KYI MCHOD GNAS KHYIM LA LHAG PAR GNAS PAR GYUR TO, ,DUS GCIG GI @154B TSEN DES SMAN GYI DON DU RI DAGS KYI TSOGS DU MAS KHYAB PA SHIN TU MTHUG PA'I SHING RNAMS KYI MUN PA DANG LDAN PA SHIN TU YID 'PHROG PA'I CHU BO'I CHU 'GRAM GYI SHING RNAMS KYI RTZA BA'I TSOGS DKRUGS PA G-YO BA'I RI BO'I NAGS KYI NANG DU RAB TU ZHUGS PAR GYUR TO, ,DKA' BA'I NAD RNAMS GCOD PA'I SMAN RNAMS KYI KHUR PO BLANGS NAS CHU BO DANG NYE BA'I BRAG GI DKYIL 'GA' ZHIG LA LHAG PAR GNAS SHING NGAL BSO BAR GYUR TE, SAR PA'I KA NI KA RA'I ME TOG LTAR DKAR PO NGES PAR 'BREL BA MI G-YO BA BUNG BA'I TSOGS LTAR SKRA LO NAG PA, PADMO'I 'DAB MA DANG RJES SU MTHUN PA'I MIG DANG LDAN PA; GSER DANG CHU SHING GI SNYING PO LTAR YID DU 'ONG BA TSO BA'I BRLA GNYIS DANG LDAN PA, LANG TSO DANG POS NYE BAR RGYAS PA'I LCI BA'I 'O MA 'DZIN PA'I KHUR BUS YAN LAG GI SROG SHING NUS PA MED CING DBUS SRAB PA, RI DANG NAGS MDZES PA'I DON DU LAS KYI BZO BO RNAMS KYIS SKYES PAR BYAS PA DANG 'DRA BA'I MI 'AM CI MO MTHONG BAR GYUR TO, ,DE NAS KYANG DE'I GZUGS MDZES PAS SNYING KUN NAS 'GUGS PA CI LTAR YANG RNAM PAR 'GYUR BAR YANG DAG PAR SONG BAR GYUR TE, MI 'AM CI MO DE NI DE LA NGES PAR 'BREL BA'I MIG ,DBUGS KYIS GSAL BAR BYAS PA'I SO YIS MDZES PA CAN, , 'DAR BAR GYUR PA'I SEMS LA MYOS BYED MDA' YIS NI, ,GLAGS NI RNAM PAR SHES PA KUN NAS GDUNG BAR GYUR, ,SEMS DANG RNA BA DGA' STON PA YI GLU YIS NI, ,RI DAGS RNAMS KYI YANG NI YID LA CHAGS PA SKYED, ,DES NI RIM GYIS ME TOG RNAMS NI 'THU BYED PA, ,BRAM ZE DE DANG NYE BAR KUN NAS 'ONGS PAR GYUR, ,DE NAS RNA BAR MIG NI 'GEGS PA DE MTHONG NAS, ,RI BONG CAN GYI MTSAN MA'I RI MO LTAR MTHONG DGA', ,ME TOG RGYAL MTSAN 'GRO BA'I YID NI RMONGS BYED PA'I, ,MDA' RNAMS KYI NI YUL DU GYUR PAR DE SONG GYUR, ,DE NAS 'JIGS PAS KHYAB PA DE NI DE LA SMAN 'GYUR TE, ,YAL GA RNAM PAR DOR NAS KUN 'DAR LAG PA CAN, ,BUNG BA MIG LA RNAM PAR GNOD PAR BYED PA 'DI LAS NI, ,'JIGS PA BDAG LA BRAM ZE GTZO BOS BSKYAB PAR MDZOD, ,DE NAS DE NI LANGS TE GLO BUR ZLA BA'I BZHIN, ,RI DAGS MO YI MIG LTAR RGYAS PA'I MIG @155A *, ,CAN DE LA SMRAS, ,KHYOD KYI MIG LA GNOD PA'I BUNG BA LA NI BDAG GIS DGAG ,CHU SHING LTA BU'I BRLA LDAN DOGS MED ME TOG 'DI THUS SHIG ,DE SKAD SMRAS NAS DE'I GDONG LA MNGON PAR LHUNG BA'I BUNG BA BSREL ZHING GNAS SO, ,MI 'AM CI MO DES KYANG ME TOG RNAMS BTUS TE SMRAS PA, G-YO BA'I SBRANG BYED 'DI LAS BDAG NI 'PHAGS PA'I SRAS KYIS YONGS SU SKYOB PA STE, PHAN PAR BYAS PA LA YANG GDON MI ZA BAR SLAR PHAN PAR BYA'O, ,DE BAS NA 'PHAGS PA SBYON CIG ,BDAG GI GNAS SU BYON NAS NGAL BSO STE GNAS NA RUNG BA'I KHA ZAS BZA' BAR BYA STE RANG GI GNAS SU KHYED GSHEGS PAR MDZOD CIG CAS ZER RO, ,DES KYANG DE LTAR BGYI'O ZHES SO SOR MNYAN NAS MI 'AM CI MO DE DANG LHAN CIG TU SONG BAR GYUR TO, ,DE NAS MI 'AM CI MO DES SGO 'GEGS PAR BYED PA BRAG CHEN PO BSAL BAR BYAS NAS SMRAS PAR GYUR PA, 'PHAGS PA PHUGS 'DIR ZHUGS SHIG CES ZER RO, ,DER ZHUGS PA LA SLAR BRAG DES PHUG GI SGO SGRIB PAR BYED PA BYAS PAR GYUR TE, DE NAS KHREL YOD PAS NI DUD PA'I GDONG CAN DES DE LA, ,'O MA 'DZIN PA DAG NI LAG PA GNYIS KYIS DGAB BYAS SHING, ,DGOD PAS 'JAM BA MNGON PAR SMRA BA LA NI PHRAD 'DOD PA, ,RTZE BAR GYUR TE LHA YI RNAM PAR ROL MA BZHIN DU NI, ,DE DANG LHAN CIG 'DOD LHA'I MDA' YIS SEMS NI 'BIGS BYED PA, ,YID 'PHROG RI MO GSUM GYIS YID DU 'ONG BA'I DBUS LDAN PAS, ,GNYIS SKYES DES NI MTSAN MO SKAD CIG MA LTAR BSAMS PA NI, ,PHRAD PAR 'DOD PA YID KYI BDE BA KUN NAS NYAMS MYONG BZHIN, ,DE NAS DUS GCIG GI TSE NA MI 'AM CI MO DE'I LTO BAR BYANG CHUB SEMS DPA' YANG DAG PAR SKYES PAR GYUR TO, ,DUS KYI RIM PAS KYANG MTSAN NYID THAMS CAD KYIS BRGYAN PAR BYAS SHING RANG GI LUS KYI 'OD KYIS PHUG SNANG BAR BYED PA DANG LHA'I GZHON NU LTAR DE LAS BU BTZAS PAR GYUR TO, ,DE YANG GANG GI TSE SKYES NAS LO BRGYAD LON PA DE'I TSE PHA'I DRUNG NAS BSTAN BCOS DU MA RNAMS LHAG PAR RTOGS PAR GYUR TO, , SKAR MA'I RTZIS LA YANG DE LA SHIN TU SPOBS PA SKYES PAR GYUR TO, ,DE NAS MA DANG LHAN CIG DE'I PHYIR BYUNG NAS SHES BYA LHAG MA RTOGS PAR BYA BA'I PHYIR THUB PA RNAMS LA NYE BAR BRTEN PAR GYUR TO, ,DE RNAMS LAS KYANG SHES PA KUN NAS RTOGS TE NYE BAR 'ONGS NAS PHA LA SMRAS PA, ,PHA LAGS GOM PA'I RNAM PAR @155B BKOD PAS KYANG BDAG GIS NI CHOM RKUN SHES SO ZHES ZER RO, ,PHAS SMRAS PA, CHOM RKUN GYI RKANG RJES SU SLAR JI LTA BU YIN ZHES BRJOD PAR GYIS SHIG ,DES SMRAS PA, SOR MO BSKYOD PAS THA MAR RDUL GYIS RNAM KHYAB PA, ,KUN NAS KHYAB PA NYID KYIS MNYAM PAR ZHUGS PA MIN, ,DOGS PA'I YID CAN GYI NI RKANG RJES SHES BYAS TE, ,MYUR BA'I DBANG GIS MDUN GYI GOM PA LA GNOD PA, ,GANG PHYIR RKANG RJES RNAM PAR BKOD PAS NI, ,SHES RAB CHEN PO DES NI CHOM RKUN SHES, ,SKYED PAR BYED PAS DE PHYIR DE YIS NI, ,RKANG RJES SHES PA ZHES BYAR MING NI BSGRAGS, ,DE NAS DUS GCIG GI TSE NA BDAG NYID CHEN PO DE ME TOG DANG 'BRAS BU DANG RTZA BA NYE BAR 'ONGS PA'I PHYIR MA MO SONG BA DANG PHA LA DRIS PAR GYUR TE, RE ZHIG PA'I SKYES PHA 'DI NYID YIN NAM 'ON TE GZHAN 'GA' ZHIG TU YIN NAM CI ZHES BYA BA'O, ,BRAM ZES SMRAS PA, BU B'A R'A nA S'I ZHES BYA BA RGYAL PO'I KHAB YOD DE DE NI BDAG GI SKYES PA'I SA ZHES ZER RO, ,RKANG RJES SHES PAS SMRAS PA, GAL TE 'DIR NI GNAS SHING SKYES PA DANG NI PHRAD 'DOD NA, ,PHA LAGS MYUR DU BDAG DANG LHAN CIG CI YI PHYIR MI 'GRO, ,MKHAS PA RNAMS KYI MDUN SAR BSTAN BCOS RNAMS DBEN BSAL TSIG RNAMS, ,NYAN PA'I DON DU BDAG LA YANG NI LTAD MO SLAR YANG YOD, ,BRAM ZES SMRAS PA, BU GAL TE 'DIR SHIN TU LCI BA'I BRAG BSAL BAR BYA BA'I PHYIR TSE DANG LDAN PA KHYOD LA NUS PA YOD PAR GYUR NA DE NAS PHYIR DBYUNG BAR BYA'O, ,DE NAS RKANG RJES SHES PAS BRAG DE LA 'BAD PA MED PAR BSAL BAR BYAS TE, PHA DANG LHAN CIG TU B'A R'A nA S'IR KUN NAS SONG BAR GYUR TO, , BRAM ZE DES KYANG RKANG RJES SHES PA DE LAG PA NAS BZUNG STE SGO SKYONG RNAMS KYIS RNAM PAR BSAL BAR BYAS PA PHYI ROL NA GNAS PA'I SKYE BO MANG POS KHYAB PA DANG, NYE BAR 'DUG PA'I GLANG PO CHE'I PHRUG PA DANG GLANG MO'I RKED PA RNAMS LA CHAB 'OG GI RGYAL PO KUN NAS 'JUG PA DANG, BOS SHING MYUR DU MNGON PAR PHYOGS PA'I PHO NYA 'JUG PA DANG, NYE BAR GNAS PA'I SGOS STONG BA'I RTA RNAMS KYI KHA NAS PHO ZHING DBU BA'I DUM BUS SA'I STENG 'DRES PA DANG, SA'I BDAG PO MTHONG BA'I DUS MNGON PAR 'DOD PA'I GOS DKAR BO DANG LDAN PA'I LAG PA'I DKYIL NAS ME TOG RNAMS RNAM PAR GZHAG PA'I ZHABS THOGS PA @156A *, ,RNAMS KYIS GDAN 'DZIN PA'I GNYIS SKYES RNAMS KYI SGO RNAM PAR MTHONG BAR GYUR PA, PHRAG PA G-YON PAR BKAL BA'I RAL GRI DANG LDAN PA'I RKANG THANG RNAMS KYIS PHYOGS GCIG TU LHAG PAR GNAS PA, MDUN SAR TSOGS PA'I DUS SU RGYAL PO TSANGS SBYIN GYI RGYAL PO'I KHAB KYI NYE 'KHOR KUN NAS MTHONG ZHING SGO BA LA ZHUS NAS ZHUGS TE, SENG GE'I KHRI LA GNAS PA'I RGYAL PO LA RGYAL BA'I SHIS PA BRJOD PAS MNGON DU PHYOGS PAR BYAS TE SMRAS PA, RKANG RJES SHES PA BDAG GI BU 'DI NI LHA LAGS CHOM RKUN RKANG RJES KYIS SHES TE, 'GRO BA LA NI SBYOR ZHING YONGS SKYONG PHYIR, ,DE BAS KHYED KYIS 'DI NI BZOD PA'I RIGS, ,DE NAS RGYAL PO DES NGO MTSAR BA'I BLO DANG LDAN PAS RKANG RJES SHES PA LA GZIGS NAS GSUNGS PA, 'DI NI GSER RNAMS GCAD PA'I 'OD KYIS GZUGS LDAN BRANG NI SENG GE LTAR RGYAS PA, ,SEN MO 'JAM PA'I GRIB MA CAN TE BZHIN NI RI BONG 'DZIN LA LHAG PAR GNAS,, BUNG BA LTAR NI SKRA RNAMS NAG LA MIG GNYIS RGYAS SHING DKAR BSTE, ,DE NYID RNAMS NI RAB TU RTOGS PA 'DI YI BLO GROS JI LTAR 'GYUR BA MIN, ,DE LTAR BRJOD PAS RGYAL PO DES RKANG RJES SHES PA LA BKUR STI CHEN PO BYAS SO, ,DE NAS BYANG CHUB SEMS DPAS SMRAS PA, KHYIM GCIG LA GNAS DOGS PA YIS; ,KUN NAS KHYAB PA'I MIG LDAN PA, ,GANG ZHIG BDAG GIS STON PAR 'GYUR, ,MI BDAG KHYOD KYIS DE BSAD MIN, ,DE LTAR BGYI ZHES RGYAL PO'I BKA' THOS NAS RKANG RJES SHES PA'I KHYIM DU KUN NAS 'ONGS PAR GYUR TE, DE YANG 'DI LTAR SHES RAB CHEN PO DANG LDAN PA RKANG RJES SHES GNAS PA LA GZHAN GYI RDZAS 'PHROG PA LAS RNAM PAR LOG PA'I CHOM RKUN RNAMS BSKOR BA LA SOGS PA'I THABS KYIS SROG 'TSO BAR BYED PAS 'GYUR BA NI, SGO RNAMS LCAGS NI MA BCUG PA, ,BDE BAR SKYE BO GNYID LOG PA'I, ,KHYIM BDAG NOR NI BSAL BAR BYAS, ,MTSAN MO'I KHYIM NA GNAS PAR GYUR,, DE NAS DUS GCIG GI TSE NA RGYAL PO TSANGS PAS BYIN SHING RTA MCHOG LA ZHON NAS SKYE BO'I 'KHOR DANG BCAS PA MDUN NA 'DON RTA'I THOG NA GNAS PA DANG LHAN CIG TU GTAM BYED CING, ,ZLA TSES SHAR BA'I DUS LTAR SHIN TU DGA' BAR GYUR PA'I BTZUN MO'I 'KHOR GYI SKYED MOS TSAL NA GNAS PA, MYOS SHING @156B RAB TU DGA' BA'I SKYE BO DANG LDAN PA'I RANG GI GRONG KHYER LA GZIGS SHING PHYI ROL DU NGES PAR 'BYUNG BAR GYUR TO, ,'GA' ZHIG GI PHYOGS GCIG LA YANG MYOS PA'I DBANG GIS GNYID LA NYE BAR ZHUGS PA PHRAG PA'I PHYOGS LAS MDUD PA'I ME TOG DANG BCAS PA'I SKRA LO LAS RTA BABS LAS KUN NAS 'PHO BA'I YA PHUBS DANG 'DRA BA'I GOS KYIS PHYOGS GCIG TU LHOD CING RNAM PAR 'BREL BA'I MU TIG GI HAR DANG LDAN PA'I BZANG MO ZHES BYA BAR RES MA'I GTZO BOS MTHONG STE, MDUN NA 'DON LA SMRAS PA, BLO GROS CHEN PO DANG LDAN PA CHOM RKUN GYI RKANG RJES SHES PA'I MTHU LA 'PHAGS PAS GZIGS SHIG , GSAL BAR BYED PA'I BUD MED 'DI LA NI, ,MYOS PA'I DBANG GIS SHIN TU GNYID SKYES PA'I, ,GANG ZHIG BCINGS PA YANG NI LHOD PA 'DI, ,SU ZHIG 'JIGS PA MU TIG HAR MI 'PHROG ,DE NAS GDUG PA'I BDAG NYID MDUN NA 'DON DE RANG BZHIN GYIS G-YO BA'I YID DANG LDAN PAS BYANG CHUB SEMS DPA'I YON TAN BRJOD PA LA MI BZOD PAR GYUR PAS SMRAS PA, ,CHOM RKUN GYI RKANG RJES SHES PA'I SKYON CAN NYID LHAS MKHYEN PA MA YIN DE BAS NA DE'I 'DI LTAR YON TAN RNAMS KYI BDAG NYID CHEN PO BRJOD PAR MDZAD, ,RGYAL POS SMRAS PA, SLAR DE'I SKYON RNAMS NI CI LTA BU YIN, MDUN NA 'DON GYIS SMRAS BA, ,RANG NYID KYIS NI NOR PHROGS PA, ,KHYIM PA RNAMS LA MTSAN MO 'DI, ,G-YON CAN CHOM RKUN RKANG RJES SHES, ,LHA YI DRUNG DU GSAL BAR BYED, ,DE NAS RGYAL PO DES DE LTAR BDAG GIS BYED PAR 'GYUR TE, JI LTAR 'PHAGS PAS CHOM RKUN GYI RKANG RJES SHES PA'I BDAG NYID CHEN PO DAD PAR 'GYUR SNYAM DU BRJOD NAS SHING RTA LAS BABS TE, RANG NYID KYIS RES MA'I GTZO MO DES MU TIG GI HAR DE BLANGS NAS LAN GSUM BSKOR BA BYAS NAS RANG GI PHO BRANG B'A R'A nA S'IR 'ONGS TE, SENG GE'I KHRI'I BDAG NYID DU SA LA BSKOS SHING GZHAG PAR GYUR TO, ,DE NAS RES MA'I GTZO MO DE MYOS PA RNAM PAR CHAD PAS DRAN PA YANG DAG PAR NYE BAR SKYES PA GNYID LAS RAB TU SAD NAS GOS KYI MTHA' MA MTHONG STE, KYI HUD BDAG GI MU TIG GI HAR SU ZHIG GIS PHROGS SNYAM DU RNAM PAR BSAMS NAS, YANG DAG PAR NYA BAR 'ONGS TE RGYAL PO LA ZHUS SHING GNAS SO, ,GOS KYI MDUD PA LHOD PA BKROL BYAS @157A *, ,NAS; ,SA YI SKYONG BA BDAG NI GNYID LOG PA'I, ,GANG GIS KYANG NI MU TIG HAR PHROGS PA, ,ZLA 'OD LTAR DANG NOR BU'I GZHI YIS LCI, ,DE NAS RGYAL PO DES MDUN NA 'DON GYI MNGON SUM DU CHOM RKUN GYI RKANG RJES SHES PA LA BOS NAS SMRAS PA, BZANG MO 'DI YI RIN THANG CHE BA'I MU TIG GI HAR SU ZHIG GIS KHYER BA STE, DE BAS NA CHOM RKUN BRJOD PAR GYIS SHIG CES ZER RO, ,DE NAS CHOM RKUN PA'I RKANG RJES SHES PAS PHYI ROL DU BYUNG STE, RKANG PA'I RJES BKOD PA MTHONG ZHING GRONG KHYER DE LA LAN GSUM BSKOR BA BYAS SHING, MI'I BDAG PO'I PHO BRANG DU RJES SU ZHUGS NAS SENG GE'I KHRI'I 'OG GIS KUN NAS MTHONG ZHING YANG YANG DU, ,MI YI BDAG PO'I BZHIN LTA ZHING, ,BLO GROS CHEN PO DE BGAD GYUR, ,RGYAL POS SMRAS PA, CI'I PHYIR 'DI DGOD PA STE 'O NA SMOS SHIG CES ZER RO, ,RKANG RJES SHES PAS SMRAS PA, LHA LAGS JI LTAR BDAG GIS MTHONG BA NI GANG ZHIG BZANG MO 'DI YI MU TIG GI HAR KHYER BA'I CHOM RKUN PA 'DI THA MAL PA NI MA YIN NO, ,RGYAL POS SMAS PA, 'O NA SMROS SHIG DANG, RKANG RJES SHES PAS SMRAS PA, LHAS NI DPE CIG GSAN PAR 'OS PA STE ZHES BYA BA'O, ,SA 'DZIN RTZIG PA'I LOGS LAS NI RKO BYED CING, ,'GA' ZHIG TU NI RDZA MKHAN RIGS NI RGYAS PA'I PHYIR, ,SA DE LHUNG BAR BYED PAS MNAN PAR GYUR PA'I LUS, ,SDUG BSNGAL GYIS PHONGS DES NI SKAD CIG 'DI SKAD SMRAS, ,GANG LA SHING RNAMS CHEN PO SKYE BAR 'GYUR BA DANG, ,SROG 'DZIN RNAMS KYIS RNAM PAR SBYOR PHYIR LO TOG RNAMS, ,SA DE NYID KYIS DE RING BDAG GIS LUS BCAG PA, ,'GRO BA 'DIR NI BDAG GIS CI PHYIR BDE THOB 'GYUR, ,DE LTAR BRJOD NAS CANG MI SMRA BAR GYUR TO, ,DE NAS RGYAL PO DES RKANG RJES SHES PA LA SMRAS PA, 'O NA GSAL BAR SMRA BAR GYIS SHIG ,RKANG RJES SHES PAS SMRAS PA, GAL TE 'DI LAS KYANG LHAS SHIN TU GSAL BAR SMRA BA BZHED NA DE BAS NA DPES GZHAN BRJOD PAR BYA STE, ME LA MCHOD PA GNYIS SKYES LA LA YOD GYUR TE, ,CHO GA BZHIN DU ME LA RAB TU MCHOD CING GRAGS PA NI, ,DE YI ME STAG GIS NI LAG PA TSIG PA DE, KHYAB PA NYE BAR SONG BA 'DI SKAD SMRAS PAR GYUR, ,GANG ZHIG BDAG @157B NI NYIN RER BSREG LUGS KYIS MCHOD PA, ,'DUD PA'I SEMS KYIS KYANG NI PHYAG NI BTZAL BYAS PA, ,ME 'DI DE NYID KYE MA BDAG LA SREG BYED PA, ,LUS CAN RNAMS KYI SU ZHIG SKYABS NI 'BYUNG BAR 'GYUR, ,DE TZAM ZHIG BRJOD NAS SLAR YANG MI SMRA BAR GNAS PAR GYUR TO, ,RGYAL POS SMRAS PA, KHYED KYI TSIG 'DI BDAG CAG GIS SHES PA MA YIN TE, ,DE BAS NA SHIN TU MNGON PAR GSAL BA'I DON CI LTAR 'GYUR BA DE LTAR SMROS SHIG CES ZER RO, ,RKANG RJES SHES PAS SMRAS PA, GAL TE RGYAL PO CHEN PO SHIN TU RAB TU GSAL BAR GZHAN YANG BZHED NA DE BAS NA GSAN PAR 'OS PA STE, LA LA KHRUS NI BYA PHYIR CHU BO'I CHU LA 'JUG PA STE, ,BRAM ZE DES NI KHYER BAR GYUR PAS 'DI LTAR SMRAS, ,GANG ZHIG CHU ZHES SKYES SO 'TSO BAR BYED PA DE NYID NI, ,SDUG BSNGAL CAN BDAG KHYER TE SU LA SKYABS SU 'GRO, ,DE LTAR BRJOD NAS SLAR YANG CANG MI SMRA BAR GNAS PAR GYUR TO, ,DE NAS RGYAL PO DES SLAR DE LA SMRAS PA, BRAM ZE CHEN PO 'O NA SHIN TU GSAL BAR BRJOD PAR MDZOD CIG DANG, RKANG RJES SHES PAS SMRAS PA, GAL TE DE LTAR YIN NA DE PAS NA LHAS GSAN PAR 'OS SO ZHES ZER RO, ,NAGS MTHA' 'GA' ZHIG TU NI 'DAB CHAGS RNAMS GNAS PA, ,YUN RING SNA TSOGS SHING GI SA BON ZA BA NI, ,DE LAS BYUNG BA'I RAB TU STOBS LDAN ME YIS NI, ,GZI BRJID GSAL BAS MTSAN RNAMS STOBS KYIS TSIG PAR BYAS, ,GANG ZHIG NAGS NI MTHUG PA YIS, ,SHING GI GRIB LDAN 'DAB CHAGS RNAMS, ,DE NYID LAS NI BYUNG BA'I ME, ,DE RNAMS GANG LA SKYABS SU 'GRO, ,RGYAL POS SMRAS PA, 'O NA TSIG GI DON RNAM PAR GSAL BAR KHYED KYIS SMRA BAR 'OS PA STE, ,DA DUNG YANG BDAG CAG GIS SHES PAR 'GYUR BA MA YIN NO, ,ZHES ZER RO, ,RKANG RJES SHES PAS SMRAS PA, RGYAL PO CHEN PO SHIN TU GSAL BA'I DPE GSON CIG ,ZHING PA LA LA ZHIG ZHING LA, ,LO TOG BSKYED PAR 'DOD PA NI, ,THONG GSHOL GYIS NI MO ZHING GNAS, ,DGA' BAS GNYA' SHING 'DZIN PA NI, ,DE YI BU MO 'BRAS CHAN NI, ,BZUNG NAS GUS BAS RTZE GCIG PA, ,MYUR BAR ZHING SAR 'ONGS PA STE, ,LANG TSOS YANGS PA'I MIG LDAN PA, ,DE NAS 'BRAS SNOD 'JOG BYED CING, ,DE YI BSTAN DANG YANG DAG LDAN, ,SKE RAGS DANG @158A *, ,BRAL LHOD PA NI, ,MTSAN MA'I GOS NI LHUNG BAR 'GYUR, ,DE NI GCER BU DE MTHONG ZHING, ,GRONG GNAS PA YI YID LAS BYUNG, ,SO SOR RTOG PA MA THOB PAR, ,'DOD DANG BCAS PA SEMS BCAS 'GYUR, ,DE NAS NGO TSAS 'JIGS PAS G-YO BA'I MIG LDAN DE, ,LAG PA RNAMS 'DAR MCHI MA 'BYUNG BA'I MIG LDAN PA, ,YID 'BYUNG BAS NI CHOS KYI SEMS DPA' RGYAL BA NI, ,'ONGS TE GZUGS 'GYUR SDUG BSNGAL LDAN MA YANG, ,BTZAN THABS KYIS NI BYA MIN NAD PAS BYAS NAS NI, ,PHYIS NAS 'GYOD PA SKYES PAS GDUNG BA DES SMRAS PA, ,BYA MIN 'DI LTAR BYED PA BDAG LA JI LTAR NI, ,BU MO KHYOD KYI DI RING 'DIR NI GEGS MA BYAS, ,BU MO DES NI NGO TSA DANG BCAS PHA DE LA SMRAS PA, ,'PHAGS PA LAGS SDUG BSNGAL LDAN PA BDAG LA KHYOD NYID SKYABS YIN TE, ,DAL BA MIN PA CHEN PO GAL TE KHYOD LAS 'DI 'BYUNG NA, ,DA NI GZHAN LAS CI YI PHYIR NI BDAG NYID SLONG BAR BGYID, ,MNGA' BDAG NYID KYI DRUNG NAS NI, ,GAL TE SDUG BSNGAL CHEN PO 'BYUNG, ,'JIG RTEN 'DI YI YID 'PHROG MA, ,BDE BA GANG LAS SKYE BAR 'GYUR, ,MUN BA 'PHROS PA'I 'OD LDAN PA, ,GAL TE MAR ME NYID BYED NA, ,SNANG BCAS KHYIM NI 'DOD RNAMS KYIS, ,SNANG BA GANG NAS SLONG BAR 'GYUR, ,DE LTAR BDAG NYID CHEN PO DES SMRAS NAS SLAR YANG CANG MI SMRA BAR GNAS PAR GYUR TO, ,RGYAL POS SMRAS PA, KHYED KYIS 'DI TZAM PA SMRAS KYANG 'DI CI YIN ZHES BDAG GIS SHES PA MA YIN NO, ,RKANG RJES SHES PAS SMRAS PA, GAL TE RGYAL PO CHEN PO GZHAN LA NYE BAR BSTAN PAS SMRAS PA, MKHYEN PA MA YIN NA DE BAS NA GSAL BAR BDAG GIS BRJOD PAR 'GYUR TE, SKYED MOS TSAL GYI THA MAR GNYID, ,LOG PA'I NA CHUNG LA GSAL BAR, ,MU TIG GI HAR KHYED NYID KYI, ,MDUN NA 'DON 'DIS MNGON DU 'PHROGS, ,RGYAL POS SMRAS PA, DE NI SLAR BDAG GIS GANG DU GZHAG PAR 'GYUR ZHES ZER RO, ,RKANG RJES SHES PAS SMRAS PA, GAL TE DE LTAR YIN NA DE BAS NA SENG GE'I KHRI 'DI BSAL BAR MDZOD CIG DANG SENG GE'I KHRI YANG BSAL BA DANG, DE NAS DE'I SA 'OG BRKOS NAS NI, ,SKYE BO DGOD PAS RNAM PAR MTHONG BAR GYUR PA NI, ,LTO 'PHYE DKAR @158B PO GNYID LOG LTAR NI RAB BZUNG NAS, ,YID 'PHROG MU TIG HAR NI KUN NAS BTON PAR GYUR, ,DE NAS RGYAL PO NGO MTSAR SKYES TE SKYE BOS KYANG NI DER, ,DON DAM LA NI MA LUS 'BREL BA'I BLO CAN DE YI MKHYEN PA YIS, ,SKYE NGAN DNGOS BOS YID NI SMOD CING SKYE BZANG LA BRNYAS CAN, ,KHRO BA DANG BCAS NYID NI MDUN NA 'DON DE 'BYUNG BAR 'GYUR, ,SKYE BO YON TAN CAN RNAMS KYI, ,YON TAN PHUN TSOGS CHER GRAGS PA, ,SER SNAS NON PA'I SEMS LDAN PA'I, ,SKYE BO NGAN RNAMS BZOD PA MIN, ,RES MA'I GTZO MO DES KYANG MU TIG GI HAR BLANGS NAS SEMS DGA' ZHING RANG GI KHYIM DU SONG BAR GYUR TO, ,BYANG CHUB SEMS DPAS KYANG GDAN LA KUN NAS NYE 'KHOR DANG BCAS PA RGYAL PO DE'I LAM BZANG PO RTOGS PAR BYA BA'I CHOS KYI BSTAN PA 'DI LTAR BYAS PAR GYUR TE, SKYE BO 'DI YI PHUN TSOGS 'DI, ,SDUG BSNGAL GYIS NI YANG DAG LDAN, ,DUG CAN SBRUL GYIS SHIS BRJOD PA, ,DUG DANG LHAN CIG SKYES PA LTAR, ,NOR GYI PHYIR NI BYA MIN RNAMS, ,BDE BA 'DOD PAS BYED 'GYUR BA, ,DMYAL BA'I SDUG BSNGAL LAS 'BYUNG BAS, ,SDUG BSNGAL CHEN PO MTHONG MIN PA, ,YUL GYI MUN PA LAS NUB PA'I, ,TSAD NI KUN NAS MTHONG BYED CING, ,SKYE BO SHI BA MIN PAS SEMS KYI KHYIM LA 'BREL PA 'DEBS PAR BYED, ,YUN RING RE RE BA'I LTO 'PHYE MO NI NYE BAR ZHI BA'I BDE BA'I PHYIR, ,CHOG SHES SNGAGS NI THOB PA'I SKYES PA LA NI KUN NAS YOD PAR BYED, ,LONGS SBYOD RNAMS NI THOB PA'I YID LDAN NGAL BA RNAMS LAM BLTAS GZHAN RNAMS LA NI BRTEN, ,BSNYEN PA SDUG BSNGAL SKYED PAR BYED PA SU LA'ANG GNOD PAR MI BYED DGRA STA'I SO LTAR NI, ,GAL TE GTAN DU BA YI BDE BA 'DOD NA DE BAS CHOG SHES LA NI DMIGS PAR MDZOD, ,RE BA'I ME STAG CHOG SHES LA NI YANG DAG GNAS PA'I YID NI TSIG BYED MA YIN NO, ,DE NAS RGYAL PO DES LEGS SO LEGS SO ZHES BYA BAS BYANG CHUB SEMS DPA' LA MNGON PAR BSTOD DE, YO BYAD CHEN POS GUS PAR BYAS TE RANG GI KHYIM DU RNAM PAR BTANG BAR GYUR TO, ,DE LTAR BCOM LDAN 'DAS DES SO SO'I SKYE BO'I GNAS SKABS SU YOD PA NA YANG SHES RAB KYIS 'JIG RTEN PA RNAMS NGO MTSAR BAR MDZAD NA, MNGON PAR RDZOGS PAR SANGS RGYAS NAS LTA SMOS @159A *, ,KYANG CI DGOS SNYAM DU RNAM PAR BSAMS NAS, SEMS DANG LDAN PA SU ZHIG SANGS RGYAS BCOM LDAN 'DAS LA DANG BA BSKYED PAR MI BYED CES BYA BA'O, ,RKANG RJES SHES PA'I SKYES PA'I RABS TE SKYES RABS BRGYAD PA'O,, ,,YUL GYI DGRA RNAMS KYIS NI NI BSKUL GYUR PA, ,SHIN TU 'JIGS PA'I SA YI 'OG TU SDIG ,SKYE BO RING PO NAS NI 'GEGS BYED DE, ,LEGS PAR GSUNGS PA MYUR DU GROGS PO LTAR, ,'DI LTAR RJES SU THOS TE GRONG KHYER GZHAN ZHIG NA DRANG SRONG RGYAS PA'I RIGS BRGYAN PAR BYED 'DOD PA LTAR GAR GYI CHA RNAMS LA MKHAS PA'I DRANG SRONG RGYAS PA'I SRAS SU ZHIG GI KHYIM BDAG MO'I LTO BA NA BYANG CHUB SEMS DPA' SKYE BAR 'GYUR TE, RGYAS PA'I SRAS KYI MCHOG GI BUD MED DE LA NI, ,DUS NI 'DAS NAS MTSAN MO'I ZLA BA'I CHA LTA BUR, ,YID 'PHROG YAN LAG CAN NI BU MO'I RGYU YIS NI, ,GZUGS LDAN GAR GYI CHA DANG 'DRA BA SKYES PAR GYUR, ,DE YI GZUGS NI KHYAD PAR DU YANG MDZES PA MTHONG NAS NI, ,CHU LAS SKYES PA'I RDUL LTAR 'JAM PA'I LUS KYI SROG SHING GI, ,BZHIN GYI RI BONG CAN GYI MDZES PA MA LUS 'PHROG BYED PA'I, ,PHA NI DGA' BAS DPE MED MA ZHES MING DU BTAGS PAR GYUR, ,DE NAS DBE MED MAS LO GNYIS LON BA DANG DE'I PHA MA DAG 'JIG RTEN GZHAN DU NYE BAR SONG BAR GYUR TO, ,RGYAS PA'I SRAS DE'I GZHAN DAG LA RGYAS PA THAMS CAD KYI MCHOG TU GYUR PA'I GTZO BO GROGS PO BYUNG BAR GYUR TO, ,DES KYANG YANG DAG PAR NYE BAR 'ONGS TE DPE MED MA'I RANG GI SKYE BO LA SMRAS PA, MTHO RIS SU NYE BAR SONG BA'I GROGS PO DE LA DPE MED MA 'DI'I 'O MA BDAG NI PHA YIN TE, DE BAS NA MYA NGAN GYIS CHOG GIS GAL TE YANG KHYED CAG LA 'DOD NA DE BAS NA BDAG GI 'DI GAR GYI CHA RNAMS LA MKHAS PA BYED PAR 'GYUR ZHES ZER RO, ,RANG GI SKYE BOS DE LTAR BGYI ZHES BYA BA SO SOR THOS PA LA GTZO BO DES DPE MED MA BLANGS NAS RANG GI KHYIM DU KHYER TE DUS RING BA MA YIN PA NYID KYIS YI GE RNAMS LA MKHAS PAR BYAS TE, GAR GYI CHA RNAMS LA GOMS SHING MKHAS PAR BYAS PAR GYUR TE, 'DIS NI LEGS PAR BDAG NI GNAS LA NGES SBYAR TE, ,BDAG NYID CHEN PO GTZO BO RNAMS KYI MCHOG GIS NI, ,DE LTAR RAB TU 'DZIN LTAR PHRAD 'DOD DE LA NI, ,NYI MA @159B RE RER GAR GYI CHAS NI KUN 'KHYUD GYUR, ,DE NAS GTZO BO DES GAR GYI CHA MA LUS PA DE LA GRUB PA'I NGO BOR BYAS NAS BU MCHOG LA RAB TU BYIN PAR GYUR TO, ,GRONG KHYER DE LA YANG MI'I BDAG POS BOS NAS GTZO BO DE LA SMRAS PA, KLOG DANG GAR NI MA LUS PA, ,GANG GIS KHYED KYIS MNYEN DANG, MTHONG, ,'JIG RTEN 'DI LA DE NYID KYI, ,'BRAS BCAS RNA BA MIG DANG SEMS, ,DE BAS 'DIR NI GAR MCHOG NI, ,GAR GYI DBANG PHYUG STON BYED PA'I, ,KHYED LA LTA BAR 'DOD PA STE, ,KHYIM DU BTZUN 'KHOR BCAS SKYE BO, ,GTZO BOS SMRAS PA, KHYED 'DRA RTOGS LDAN SA LI DBANG PHYUG YOD PA LA,, SBYOR BA BYED PA'I YID NI BDE BLAG BYA BAR 'GYUR, ,SHAR NAS GNAS PA'I BDE MTHONG 'GRO BA'I 'OD CAN LA, ,ZE'U 'BRU KUN NAS DBUGS NI 'BYUNG BA PADMA LTAR, ,AE MA YID KYI RNAM 'GYUR GSAL BAR RAB TU 'GRO STE GANG GI NYAMS RNAMS KYIS, ,SHIN TU GLU YI RNAM 'GYUR DE RNAMS RJES LHUNG NYAMS KYI DBANG GIS GDON PAR MDZOD, ,KUN NAS 'GRO BA 'DI YANG SGEG CING RKANG PA RNAMS PAR BKOD PAS 'JAM PA NI, ,DE LTAR BRJOD CING LTAD MO BA NI 'PHROG BYED GAR MKHAN LA YANG SPRO BA SKYED, ,DE LTA BUR GYUR PA'I LHA YANG LTAD MO BA STE DE BAS NA BDAG GI RJES SU 'DZIN PA STE GAL TE BDAG GAR GYI BSTAN BCOS RAB TU SBYOR ZHING LHAS MTHONG BAR 'DOD CES ZER RO, ,RGYAL POS SMRAS PA, ,DE BAS NA DUS 'DA' BAS CHOG STE GAR GYI CHO GA RAB TU RTZOM PA NYID DU MDZOD CIG CES ZER RO, ,DE LTAR BGYI 'O ZHES BYA BA GTZO BO DES SO SOR MNYAN NAS MIG LA DGA' BAR GYUR PA LTAD MO'I KHYIM RNAM PAR BSAMS NA, ,BTZUN MO'I 'KHOR DANG BLON PO DANG GRONG KHYER BA'I TSOGS DANG BCAS PA'I RGYAL PO DE YANG DAG PAR NYE BAR BZHUGS PA LA RDZA RDA'I SGRAS KUN NAS KHYAB PA'I MI'I BDAG PO'I PHO BRANG DU ZLOS GAR MKHAN GYIS SHIS PA BRJOD PA'I TSIGS SU BCAD PA GDON PA SDON DU 'GRO BAR GAR GYI CHO GA RAB TU SKABS PHYE BAR BYAS PA LA, GTZO BO DES DPE MED MA DANG LHAN CIG TU LTAD MO BA RNAMS KYI SAR RAB TU ZHUGS PAR GYUR TO, ,KUN NAS THOS PAR BYED CING RDZA RNGA'I SPRIN GYI SGRA CHEN PO, ,GAR DE SPRIN GYI DUS NA MIG RNAMS LA NI MNGON PAR DGA', ,DGOD PAS SNANG BAR @160A *, ,BYAS PA'I GDONG CAN SGEG CING MNGON DGA' BA, ,GAR MKHAN MO YI GLOG DE MA LUS PA NI BRGYAN PAR BYAS, ,GTZO BO'I DPYID NI MDZES PA MA NYAMS YANG DAG THOB NAS NI, ,DE NI 'JAM PAS DGOD PA'I DBANG GIS BZHIN GYI CHU SKYES KYI, ,SOR PHRENG 'OD ZER ZE'U 'BRU CAN NA CUNG ZAD DU, ,DPE MED MA YIN PADMO SGEG DANG BCAS PAR GSAL BYAS GYUR, ,NYAMS NI GANG GANG STON PAR BYED CING SGEG DANG BCAS PAR NYAMS LDAN NAS, ,DE NI GANG DU SHIN TU DGAR 'GYUR YAN LAG SROG SHING CAN, ,MTSAR BAS LEGS SO LEGS SO ZHES NI SKYE BO KUN BRJOD CING; ,DE LA BLTAS NAS PHRAD 'DOD PHYIR NI DE RANG BZHIN LTAR 'GYUR, ,BUD MED GZUGS NI ZLAB LTAR NI YID 'ONG SGEG SPANGS KYANG, ,SKYE BO SEMS NI PHRAD PAR 'DOD PA BYED PA NYID YIN TE, ,NGO TSA SGEG DANG 'JAM PA'I DGOD PAS MCHU NI BSKUM BYAS PA, ,YID KYI RNAM 'GYUR LDAN PA'I SNA TSOGS CHA MKHAS SMOS CI DGOS, ,DE NAS DKA' THUB PA'I SRAS GZHAN DAG DKA' THUB SPYOD PA'I YONGS SU NGAL BAS YID SKYOB NYID KYIS 'DI LTAR BSAMS PAR GYUR TO, ,RANG BZHIN GYIS RTZU BA PA'I RTZA BA DANG 'BRAS BU MNGON PAR ZOS PAS MOD PA'I SDUG BSNGAL NYE BAR LHUNG BAS BZOD PAR DKA' BA'I RI DAGS KYI PAGS PA DANG SHING GI LO MA TZAM GYON PAS SRA BA LA NYAL BAS LUS SKYO BA'I DKA' THUB KYI NAGS NA GNAS PAS BDAG LA CHOG STE, DE BAS NA BDAG NI SONG STE KHYIM NA GNAS PA NYID DU BYA DGOS SNYAM MO, ,RAB TU DGA' BA'I KHYIM BDAG MO KUN NAS DON DU GNYER BA'I SKYE BO TSO BAR GYUR PA NA ME MCHOD KYI DUBS GTZANG BAR BYAS PA DANG, BUD MED RNAMS KYIS BA RNAMS KYI BE'U LA RAB TU RTZE BAR BYED PA DANG, SHIN TU DRI ZHIM PA'I ME TOG RNAMS KYIS LHA'I GNAS MCHOD PA DANG, KUN NAS 'BYUNG BA'I KUNDA SAR PA LTAR DKAR BA'I ZHO DANG BSRES PA'I GTOR MA RNAM PAR BKOD NGA PA SHAR PHYOGS SU BSRES PA DANG, THO RANGS DANG MTSAN MO'I SGO RNAMS LA BA LANG SKYONG BAR BYED PA RNAMS KYIS BA RNAMS 'JO BAR BYED BAS 'O MA'I RGYUN GYI SGRA THOS PA DANG, NYI MA RE RE'I RJES LA MNGON PAR 'ONGS PA'I GROGS PO SKYE BO'I GTAM GYIS DGA' BAR GYUR PA BRAM ZE NYAN PA PO KHYIM PA SU ZHIG @160B CES BYA BA'I KHYIM SNYING DGA' BAR MI 'GYUR SNYAM DU RNAM PAR BSAMS NAS GRONG KHYER DU 'ONGS TE, MI'I BDAG PO'I PHO BRANG DU RDZA RNGA'I SGRA THOS NAS GRONG KHYER BA'I SKYE BO YANG DE LA MNGON PAR PHYOGS PAR MTHONG NAS, RE ZHIG BDAG GIS KYANG 'GRO BAR BGYIS TE LTAD MO BLTA BAR BGYI'O SNYAM DU RNAM PAR BSAMS NAS MI'I BDAG PO'I PHO BRANG DU RJES SU ZHUGS TE MTHA' GCIG TU SPO'I GDAN LA NYE BAR GNAS SHING SGEG PA'I RKANG PA RNAM PAR BKOD PA DANG, YAN LAG G-YO BA DANG SMIN MA MTHONG POS 'DI LTAR RAB TU BSKUL PA 'DRA, ,'DI LTAR GYUR PA'I GZHON NU MA YI GZUGS NI AE MA SGEG PA YI, ,MDZES PA YID 'ONG SU ZHIG YID LA BDE BAR BYED MA YIN, ,BUD MED KYI GZUGS 'DI LTA BU RNAMS DKA' THUB KYI NAGS NA GNAS PA RNAMS KYI MIG GI YUL DU GANG NA 'GRO BA YIN TE, GLU'I SGRA RNAMS NI RNA BA'I LAM DU JI LTAR 'GRO PA YIN SNYAM PA DE BAS NA BDAG GI DKA' THUB KYI NAGS NA GNAS PA YONGS SU DOR BA NI GNAS YIN NO SNYAM DU RNAM PAR SEMS SHING, MIG MI G-YO BA DANG LDAN PAS DPE MED MA MTHONG BAR GYUR TE, DE BAS GTZO BO LTA BAS 'BREL PA MIG NI DKAR RGYAS PA, ,DE YI GOS NI 'O MA'I RGYA MTSO'I LBU BA LTAR DKAR BA, ,GSER GYI PADMA BUM DANG RJES SU MTHUN BA 'DZIN PA YI, ,'O MA 'DZIN BA GNYIS LAS GLO BUR DU NI CUNG ZAD LHUNG BAR GYUR, ,'O MA 'DZIN PA GNYIS NI 'BYUNG BA SRAB PA'I DBUS KYI CHA, ,DE LA DE NAS RGYAS PA MTHONG NAS CUNG ZAD DGOD BYAS TE, ,GLAGS NI TSOL LA RTZE GCIG PA DANG G-YO BA'I BSAM PA CAN, , YID LAS SKYES PA'I DBANG GIS KUN NAS 'DOD PA SONG BAR GYUR, ,BUD MED GZUGS NI MTHONG NAS NI, ,DKA' THUB NOR CAN LEGS BLO DYANG, ,BRTAN NI SKAD CIG TU NI DOR, ,THA MAL SKYE BO SMOS CI DGOS, ,DE NAS DPE MED MA STENG GOS LHUNG BLANGS NAS GTZO BO DE YAN LAG MED PA'I DBANG DU SONG BAR SHES NAS MUN PA DANG BCAS PA'I SKYE BO'I SGRON MAR GYUR PA'I LEGS PAR BSHAD PA 'DI LTAR RAB TU SMRAS PAR GYUR TO, ,CHOS LA YID NI NYAMS PA MED PAR SHIN TU RING BTANG NAS, ,SU ZHIG DRI MA DANG BCAS LAS NI DMYAL BA'I DON DU BYED, ,GANG ZHIG MTSAN MO RNAMS LA @161A *, ,MAR ME SNANG BAR BYED PA DOR, ,LAM LAS NYAMS PA NGES PAR DE NI MI MNYAM RNAMS LA 'GRO, ,DE NAS GTZO BO DES LEGS PAR BSHAD PA DES SLOB MA SLOB DPON GYI LTAR LAM NGAN PA LA 'JUG PA YANG DAG PA'I LAM LA ZHUGS PAR BYAS TE, LEGS SO LEGS SO ZHES BYA BA BRJOD NAS RANG GI STENG GOS DPE MED MA LA BYIN PAR GYUR TO, ,DKA' THUB PA'I SRAS DE YANG NGO MTSAR BA'I BLO AE MA 'O LEGS PAR BSHAD PA ZHES BYA BA BRJOD NAS DPE MED MA'I MDUN DU SHING GI LO MA DANG BCAS PA'I KHRI SNYAN SA LE NAG PO'I PAGS PA BZHAG PAR GYUR TE, LAGS SO LEGS SO ZHES BRJOD PA'I, ,DER YANG DGA' BA'I YID DAG GI, ,GOS DAG ZLA BA LTAR DKAR BA, ,TSOD PA GNYIS POS BZHAG PAR 'GYUR, ,BLON PO DANG NI RGYAL PO'I SRAS, ,DE BZHIN NGO MTSAR DE LDAN PAS, ,ZLA BAS GOS DAG BZHAG GYUR TE, ,SOR MO'I 'DAB MA DAG 'KHOR BA, ,DE NAS GAR GYI LTAD MO RDZOGS PA LA THOG MA NYID DU RGYAL PO DES GTZO BO LA DRIS PAR GYUR PA, KHYOD KYIS NI DPE MED MA RANG GI GOS KYIS CI'I DON DU MNGON PAR BRGYAN PAR BYA ZHES ZER RO, ,GCO BOS SMRAS PA, LHAS GSAN PAR MDZOD CIG ,LHUNG BA'I GOS CAN 'DI YIS NI, ,GZUGS KYI YID 'OD NYID MTHONG NAS, ,BRTAN PA DANG BRAL BDAG GI SEMS, ,GZHAN LAS SKYES PA MIN PAS BYAS, ,'DI YI BZHIN GYI ZLA BA'I DKYIL 'KHOR LA 'JUG PA, ,SHIN TU YANG NI DAG GI ZLA TSES GSAL BA YIS, ,CHOS KYI LAM LAS 'GEGS PAR BYED PA BDAG GI MTHUS, ,CHAGS PA'I RANG BZHIN MUN PA CHEN PO BRAL BAR BYAS, ,DE NAS BDAG GI YAN LAG LAS NI SPUN SNAL MA LAS BYUNG BA BSAL BYAS NAS, ,'DI LA GTZANG DANG BRTAN PA'I SEMS LDAN 'DI LA SBYIN PA STE, ,MUN BA 'BIGS PA'I LEGS PAR BSHAD PA RAB TU BYUNG BA NI, ,SEMS DPA' DANG LDAN DE NI SKYE BO SU ZHIG BRTEN MI BYED, ,DE NAS RGYAL PO DES DRANG SRONG GI SRAS LA BOS NAS SMRAS PA, RE ZHIG BRJOD PAR MDZOD CIG CI'I PHYIR KHYOD KYIS SHING GI LO MA DANG BCAS PA'I KHRI SNYAN SA LE'I PAGS PA NAG PO DE DPE MED MA'I MDUN DU GZHAG CES ZER @161B RO; ,DKA' THUB PAS SMRAS PA, ,RGYAL PO CHEN POS GSAN PAR 'OS TE BDAG GIS SNGON ROL DU KUN NAS BSANGS PAR GYUR TE, ,JI LTAR KUN NAS NYON MONGS PA MA YIN PA'I DKA' THUB PA'I RAB TU BYUNG BA NYID SPANGS NAS KHYIM NA GNAS PA NYID RJES SU SKYONG BAR BYED PAR 'GYUR SNYAM MO, ,RGYAS PA'I BUD MED 'DI YI LEGS PAR BSHAD PAS KLAN KA BYAS PA DANG 'DRA BAR JI LTAR DUS 'DI TZAM GYI BAR DU SHIN TU BYA DKA' BA'I DKA' THUB KYIS BDAG NYID RNAM PAR SBYANGS TE, GLANG PO CHE'I KHRUS DANG RJES SU MTHUN PA SKYON DU MA RNAMS KYI GTER KHYIM NA GNAS PA NYID DMIGS PAR KHYOD 'DOD PA DE'I PHYIR SLAR NYID DKA' THUB KYI NAGS NYID DU 'GRO BAR 'DOD PAS, YID NI 'PHROG DKA' THUB KYI NAGS NYID DU 'GRO BAR 'DOD PAS, YID NI 'PHROG CHEN PO MCHOD GYUR PAS, ,BAG MED PAS NI 'DI YI MDUN DU DKA' BA BZOD PA YI, ,SHING LO DANG BCAS PAGS PA 'DI NI BDAG GIS BSKUR, , DE NAS RGYAL PO DES TSONG PA DE DAG LA DRIS PAR GYUR TE, ,'O NA KHYOD GNYIS KYIS BRJOD PAR GYIS SHIG ,CI'I PHYIR KHYED CAG DAG GIS GOS GNYIS BSKYUR ZHES ZER RO, ,TSONG PA DE DAG GI GANG YANG RUNG BAS GZHAN DAG GIS NI BRJOD CING GNAS SO, ,LHAS GSAN PAR 'OS ZHES ZER RO, , DED DPON SU ZHIG YUL GZHAN DU 'GRO BAR 'DOD PAS BDAG GI LAG TU RIN CHE BA'I MU TIG GI HAR GZHAG PA STE, DE YANG DUS GCIG GI TSE NA DGA' STON GYI ZHAG LA BDAG GI LHAN CIG CHOS SPYOD MAS MGRIN PA'I RGYAN NYID DU GZHAG PA STE, BDAG GI GROGS PO 'DI KHYIM BDAG MOS MTHONG BAS DE NAS BDAG GI KHYIM THAB MO DES SMRAS PA KHYOD LA 'DI LTA DU'I MU TIG GI HAR 'DI GANG NAS BYUNG ZHES ZER RO, ,DE NAS DES SMRAS PAR GYUR PA DED DPON SU ZHIG GIS BDAG GI BDAG PO'I LAG TU BZHAG PA STE, DER YANG KHYOD KYI KHYO POS DBANG PO NYID BYAS PAR GYUR TO, ,DE NAS DE SA SMRAS PA, DED DPON DER 'ONGS PA LA GAL TE BDAG GI KHYO POS SMRAS PAR MI 'GYUR NA DE NAS 'DI BDAG CAG LA SPYI MAR MU TIG GI HAR 'BYUNG BAR 'GYUR RO, ,ZHES ZER RO, ,KHYIM BDAG MO GNYIS KYI BZANG PO MA YIN PA'I LAM LA DMIGS PA'I TSIG DE THOS NAS BDAG CA GA LA YANG 'DOD PAS @162A *, ,ZIL GYIS NON BA'I YID DAG DE LTAR BGYI ZHES KHAS BLANGS PA ZHES BYA BA'O, ,DE BAS THUB BA'I LTAR NI MUN PA CHEN PO 'JOMS PA 'DI'I, ,RGYAS PA'I BUD MED KYI NI LEGS PAR BSHAD PA 'DI MNYAN NAS, ,DGE BA'I LAM 'PHROG BRNAB SEMS DE NI DOR BAR BYAS NAS NI, , BDAG CAG SLAR NI SKYE BA BZANG PO'I LAM LA NGES PAR ZHUGS, ,DE BAS BDAG DANG BDAG PA'I SEMS LDAN 'DI YIS NI, ,CHAGS PAS DMYAL BA'I ME YI BUD SHING RNAMS SPANGS NAS, ,SA YI DBANG PHYUG LEGS SO ZHES BYA'I TSIG BRJOD DE, ,BDEN PAR GLO BUR NYID DU GOS DAG DOR BAR BYA, , DE NAS RGYAL PO DES BLON PO DE LA DRIS PAR GYUR PA 'O NA KHYOD KYIS KYANG RE ZHIG SMRA BAS 'OS TE, KHYOD KYI SLAR GOS NI CI'I PHYIR BSKYUR ZHES ZER RO, ,BLON PO DES KYANG SA LA PUS MO DAG RNAM PAR BTZUGS NAS SMRAS PA, ,LHA LAGS GAL TE KHO BO CAG LA LHAS MI 'JIGS PA SBYIN PAR 'GYUR NA DE BAS NA BDAG GIS BRJOD PAR BGYI ZHES GSOL TO, ,RGYAL PO DES KYANG MDA' DANG BCAS PAR MI 'JIGS PA BYIN PAR GYUR TO, ,DE NAS BLON PO DES DBEN PA'I SA LA RGYAL PO DE LA BRJOD CING GNAS SO, ,LHAS GSAN PAR 'OS ZHES BYA BA'O, ,GDUG PA'I BDAG NYID BDAG DANG LHA'I BTZUN MO GTZO BO 'DIS NGES PAR 'DI LTAR BYAS PAR GYUR TE, ,SA SKYONG 'DI NI MTSAN MO GNYID LOG PA, ,DUG GIS SAM NI RAL GRI RNON PO YIS, ,RNAM PAR BSAD DE DE NAS DBANG RJES 'GRO, ,NOR 'DZIN 'DI NI RAB TU BYED 'GYUR BA, ,RGYAS PA'I BUD MED KYIS NI MTSAN MO'I ZLA BA LAS, ,GSAL BAR LEGS PAR BSHAD PA GSAL BAR THOB NAS NI, ,YANG DAG MA YIN RNAM RTOG LAS BYUNG MNGON PA STE, ,YON TAN RNAM 'JOMS MYUR DU BDAG GIS GSAL BAR BYAS, ,DAM PA DAM PA MA YIN BRTEN PA SHIN TU MKHAS, ,MI SHES MUN PA MA LUS RNAM 'JOMS LEGS PA'I GSUNG, ,DBANG PO'I SGRAS LAS RGYAL BA KUN NAS MCHOD BYED PA'I, ,BDAG GI GOS DE 'DI LTAR SKAD CIG LA NI DOR, ,DE NAS RGYAL PO DES NI RGYAL TSAB TU DBANG BSKUR BA'I SRAS KYI THU BO LA DRIS PA, DA NI TSE DANG LDAN PA KHYOD KYIS SMROS SHIG ,CI'I PHYIR TSE DANG LDAN PAS GOS BSKYUR ZHES ZER RO, ,RGYAL TSAB TU DBANG BSKUR BAS SMRAS @162B PA; YAB KYIS GSAN PAR 'OS ZHES ZER TE, ,BLON CHEN SDIG PA CAN LHAN CIG ,RIGS LAS SUN 'BYIN MA MO NI, ,GSANG PAR BYA ZHES KUN RTOG NI, ,BDAG GIS 'DI NI THOG MAR BYAS, ,LEGS PAR BSHAD PA 'DI MNYAN BYA, ,RGYAL BA'I BUD MED KYIS MNYEN NAS, ,RANG GIS PHAN 'JOMS MA DPYAD PAS, ,BDAG GI SEMS NI RNAM PAR BZLOG ,DE NAS BRTAN MO'I DBUS SU YANG, ,LEGS SO LEGS SO ZHES BRJOD PAS, ,MA DPYAD PAR NI MNYES GSHIN PA, ,LEGS GSUNG SRED PAS MA DPYAD PAR, ,BDAG GIS KYANG NI GOS BSKYUR RO, ,LAM MIN BAS NI SKYE BO RNAM BZLOG CING, ,SNYING LA BDE BA LEGS BSHAD BDUD RTZI NI, ,DANG BA DANG LDAN YID BCAS SU ZHIG GIS, ,'DI LTAR SLOB DPON BZHIN DU MNGON MCHOD MIN, ,DE NAS RGYAL PO DES LEGS SO ZHES BYA BA BRJOD CING DPE MAD MA LA BOS NAS NOR YANG DAG PAR RAB TU SBYIN PA CHEN POS GUS PAR BYAS NAS BSTOD PA'I PHYIR BRTZAMS PA, DES PAR RNAL 'BYOR NUS PA YIS, ,THUB CHEN BLO LDAN SU YANG NI, ,BUD MED GZUGS NI BZUNG NAS NI, ,'GRO BA ZHI PHYIR KHYOD 'ONGS PA, ,KHYOD KYI SKYON NI SEL BA YI, ,LEGS PAR GSUNGS PA'I LCAGS KYUS NI, ,YON TAN SNA TSOGS RI BO'I NAGS RNAMS KUN NAS 'PHROG BYED CING, ,KHA CIG CES BYA SNYING GI MCHE BA GNYIS PA SMYON CHUS BSLAD, ,SKAD CIG DER NI SMAD PA'I LAM LA RAB 'GRO BKAG MIN NAM, ,DE BAS NA BDAG GI GROD KHYER 'DI MGON DANG BCAS PA STE, GANG ZHIG KHYED KYIS BYIN GYIS BRLABS PA ZHES BYA BA MNGON PAR BSTOD NAS RGYAL PO NANG DU RAB TU ZHUGS PAR GYUR TO, ,DKA' THUB PA'I SRAS DES KYANG SLAR DKA' THUB KYI NAGS NYID DU SONG BAR GYUR TO, ,RGYAS PA DE RNAMS KYANG DPE MED MA DANG LHAN CIG TU RGYAL PO'I GUS BAS DGA' BA RANG GI KHYIM DU SONG BAR GYUR TE, DE LTAR NA BCOM LDAN 'DAS DES BUD MED DU GYUR PA NA YANG LEGS PAR BSHAD PA'I MAR MES 'JIG RTEN LA LAM BZANG PO'I SNANG BA MDZAD NAS MNGON PAR RDZOGS PAR SANGS RGYAS NAS NI LTA CI SMOS SNYAM DU RNAM PAR BSAMS NAS, SANGS RGYAS BCOM LDAN 'DAS LA GUS PA BSKYED @163A *, ,PAR BYA ZHES BYA BA'O, ,RMONGS PA'I MUN PA 'JOMS SHING DAM PA'I SKYE BO'I RJES MTHUN PA, ,CHOS LAS MI 'DA' LAM NI GSAL BYED LEGS BSHAD ZLA BA LA, ,GANG GI SEMS NI NGES PAR ZHUGS BYED DGE BA NYER THOB PHYIR, ,DE YI LTA BA NAM YANG MUN PAS 'GEGS PAR MI 'GYUR RO, ,DPE MED MA'I SKYES PA'I RABS TE SKYES RABS DGU PA'O,, ,,GANG ZHIG GZHAN NI RGUD PAR SONG BA 'DON, ,DE YI SHES PA 'BRAS BU DANG BCAS TE, ,GANG ZHIG GZHAN GYI RGUD PA RNAMS KYI RGYUS, ,SKYE BO DE NI NYON MONGS MI BYED DO, ,'DI LTAR RJES SU THOS TE, B'A R'A nA S'I'I RGYAL PO'I KHAB NA RGYAL PO TSANGS PAS BYIN MTHO RIS SU YUN RING PO MA YIN PAR SONG BA LA DE'I BLON PO RNAMS KYIS GRONG KHYER BA'I TSOGS LA BOS NAS SMRAS PA, LHA'I BKA' NYON CIG CES ZER RO, ,JI LTAR BDAG GI SRAS LNGA PO RNAMS KYI NANG NAS GANG GI 'BYUNG BA RNAMS SENG GE'I KHRI NAM MKHA' LA GNAS PA 'DZIN PAR 'GYUR BA DANG, NYID KYI COD PAN SPYI BO LA GNAS PAR GYUR TE, GDUGS KYANG MA BZUNG BA NYID DU MI G-YO BAR STENG DU GNAS PAR 'GYUR BA DANG, BTZUN MO'I 'KHOR RNAMS KYANG MNGON DU LDANG BA BYED PAR 'GYUR LA, TSIG LE'UR BYAS PA 'DI YANG GANG ZHIG GIS DON JI LTA BA BZHIN DU 'CHAD PAR 'GYUR BA NI, PHYI DANG NANG DU YANG GTER TE, ,DE BZHIN NANG DANG PHYI ROL MIN, ,PADMA RNAMS BKAB CHU LA NI, ,SHING DANG RI BO RNAMS KYI RTZAR, ,DE YI DBANG BSKUR BYA ZHES ZER, ,GRONG KHYER BA RNAMS KYIS SMRAS PA, GANG ZHIG LHA'I BKA' DE CHO GA BZHIN DU RJES SU BSGRUB PAR BYA ZHES GSOL TO, ,DE NAS DNGOS PO DE RNAMS GO RIMS BZHIN DU NYE BAR BKOD PAR GYUR PA RGYAL PO'I SRAS BZHI PO LA DON JI LTAR MA GYUR PA RNAMS 'BYUNG BAR GYUR TO, ,ME LONG GI GDONG CAN ZHES BYA BA CHUNG BA GZHON NU LNGA PA BYANG CHUB SEMS DPA' STE DE'I YANG, SENG GE RNAM PAR GNON PA CAN GYI SENG GE'I KHRI, ,'BYUNG BA RNAMS NI BDEN PA'I SMON LAM NUS CAN GYI, ,KUN NAS 'DZEG PAR 'DOD PA'I MI DGE'I DGRA ZAD PA'I, ,SA LAS BRTEN TE BAR SNANG LA NI 'DZIN PAR 'GYUR, ,'DI'I GDUGS KYANG GSER GYI YU BA LDAN PA NI, ,MU TIG DANG NI NOR BU'I @163B G-YER KHAS 'BREL PA NI, ,PHYI NAS NYE BAR 'ONGS TE RI BONG CAN MTSAN PA'I, ,GZUGS BRNYAN LTAR GSAL STENG DU RANG NYID KYIS NI GNAS, ,MDUN NA 'DON PAS KYANG NI 'DI YI SNGON DU BZUNG, ,RNAM G-YO 'OD LDAN NOR BU'I 'OD ZER DRA BA CAN, ,SHAR GYI RI YI NYI MA'I GZUGS CAN LTA BU NI; ,RANG NYID KYIS NI SPYI BOR COD PAN GNAS PAR GYUR, ,DE NAS BYANG CHUB SEMS DPA'I NYI MA DE NI LTA BYAS NAS, ,BLO YI 'OD ZER SNANG BAS MUN PA RING DU BYAS PA NI, ,LANGS PA'I GDONG GI CHU SKYES DGOD PAS MDZES PA LANGS PA STE, ,RGYAL BA'I BTZUN MO'I PADMO'I NAGS NAS SHIN TU MDZES PAR GYUR, ,DE NAS BLON PO DE RNAMS TSIG LE'UR BYAS PA DE NYE BAR BZUNG STE SMRAS PAR GYUR PA, GZHON NU LAGS RE ZHIG TSIGS SU BCAD PA 'DI'I DON NI MKHYEN PAR MDZOD CIG CES ZER RO, ,DE NAS BYANG CHUB SEMS DPA' DE RJES SU BRJOD NAS SMRAS PA, PHO BRANG 'DI'I NANG DANG PHYI ROL DU DBUS SU BTZUN MO'I 'KHOR LA 'OS PA'I NAGS KYI RDZING BU LA RGYAL PO'I NYE 'KHOR GYI SHING TZ'U TA DANG SENG GE'I KHRI'I 'OG TU GAL TE GTER RNAMS YOD PAR GYUR NA DE NAS TSIGS SU BCAD PA 'DI'I DON GSAL BAR BYA ZHES ZER RO, ,BLON PO DE RNAMS KYANG GNAS DE RNAMS THAMS CAD LAS GTER RNAMS BRKO ZHING GNAS PAR GYUR TO, ,DE NAS YID NI DGA' 'GYUR TE, ,GRONG KHYER BLON PO LHAN CIG BCAS, ,SKYE DGU SBYOR PHYIR DBANG BSKUR TE, ,BYANG CHUB SEMS DPA' MDUN GNAS TE, ,DER NI RGYAL SRID RJES SU BRTAN PA YANG DAG PAR, , SA YI BDAG LA LHA YI BDAG PO LTAR NI MTHO RIS SA, ,BDE BA RNYED PAS YO BYAD 'PHEL BAR GYUR PA YIN, ,BSOD NAMS BRTEN PA 'JIG RTEN YUN RING DGA' BAR 'GYUR, ,GANG DU SA YI BDAG PO DRI MA BRAL BA NI, ,DES NI 'GRO BA 'PHEL BA LHAG PAR 'GYUR BA YIN, ,SPRIN DANG BRAL BAS DRI MA MED PA'I NYI MA LA, ,DPAL NI MTSO LAS SKYES PA'I NAGS RNAMS STEN PAR BYED, ,SKYE BO'I GNAS DE LA YANG GNAS SHING BRAM ZE DBYIG PA CAN ZHES BYA BA RTAG TU DBUL BA'I SDUG BSNGAL NYE BAR LTUNG BAS YID 'KHRUGS PA, GLANG PO CHE PHRU GU'I SKRA LTAR SKRA DANG SMAR RTZUB PA, @164A *, ,LUS SHIN TU CHE BA NYID KYI PHYIR SHING GI BANG MDZOD KYI RNAM PAR 'DZIN CING, SHIN TU RAB TU 'BAR BA'I LTO BA'I ME NYID KYI PHYIR BZOD PAR DKA' BA, LTO 'PHYE'I PHRU GU RAB TU 'GRO BA LTAR 'KHYOG PA'I RTZA'I DRA BA RNAMS KYIS NYE BAR BSAGS PA'I MI MNYAM PA'I RJE DAR SBOM PA, MCHE BA GNYIS PA'I PHRU GU'I DPRAL 'BOR DANG RJES SU MTHUN PA'I PUS MO GNYIS DANG LDAN PA, BIL BA'I RNAM PA CAN GYI RKANG BA LA PHOL BYUNG BA DANG RKANG PA GNYIS PA LA RGAD PO'I LCE LTAR RTZUB CING GAS PA DANG, BA LANG GI MJUG MA DANG MIG LTAR MIG MI BZANG BA, BAR YOD PA'I SNGO BA'I SO CAN; KUN NAS NYEG CING SBOM PA'I SNA'I GZANGS DANG LDAN PA, RTZUB CING MI MNYAM PA'I SOR MO'I SEN MO CAN, BSOD NAMS DANG BRAL BA NYID KYIS RANG GI SKYE BO RNAMS LA YANG YID 'BYUNG BA SKYED PA, RTAG TU SLONG BA'I DUS SU DMAN PA'I SKYE BO'I SMIN MA G-YO BA'I GZHUS BSKUL BA'I GUS PA MA YIN PA'I DUG GIS BCUG PA'I 'GEGS PA'I MDA' RNAMS KYANG PHONGS PA'I SDUG BSNGAL GYI KHRAB DOR BA'I YID KYIS MA BCINGS PAR GNAS TE, DMAN PA DON GNYER LAS 'JIGS MIN, ,SMIN G-YO SBRUL LAS JI LTAR TE, ,DE RNAMS KYIS NI KUN SHES BRJOD,, SRED PA'I RIG PA DUG GI SMAN, ,DES KYANG RANG DANG 'DRA BA'I BRAM ZE LAS PA LANG DAG G-YAR NAS ZHING GI LAS BYAS PAR GYUR TO, ,DE NAS BA LANG DE DAG THONG GSHOL GYI BYA BAS KUN NAS NGAL BA'I DBANG GIS BGROL TE ZHING GI MTHA' MAR GNYID LOG PAR GYUR TO, ,DER GNYID LOG PA YANG RE ZHIG BA LANG DAG RAB TU NYAMS PAR GYUR TE, DES KYANG RIM GYIS LANGS NAS KYI HUD CHOM RKUN RNAMS KYIS BA LANG DAG PHROGS SO SNYAM DU SEMS SHING DGON PA THAMS CAD KUN NAS BSKOR TE, JI LTAR YANG BA LANG DAG KUN NAS RNYED NAS BRAM ZE DE LA NYE BAR GTAD PAR GYUR TO, ,BRAM ZE DES KYANG DE LA SMRAS PA, DA RING KHYED KYI KHYIM DU BCINGS NAS BDAG GI BA LANG 'DI DAG LA RTZVA SBYIN PAR 'OS TE, NANG PAR BDAG GIS KHYIM DU KHYER BAR BYA'O ZHES ZER RO, ,DES KYANG DE LTAR BGYI ZHES SO SOR MNYAN NAS BA LANG DE DAG DGON PAR GROL TE SLAR YANG GNYID KYI DBANG DU SONG BAR GYUR TO, ,DE DAG @164B KYANG SLAR DE LTA NYID DU RAB TU MI SNANG BAR GYUR TO, ,BRAM ZE DES KYANG DBYIG PA CAN LA 'ONGS TE SMRAS PA, BA LANG DAG SBYIN PAR MDZOD CIG CES ZER RO, ,DBYIG PA CAN GYIS SMRAS PA, GANG TSE KHYOD LA BDAG SMRAS GUS BCAS 'ONGS NAS NI, ,BA LANG RGAN PO 'DI DAG KHYIM DU ZUNG SHIG CES, ,DE TSE SKYON CAN GYIS NI CI PHYIR MA BZUNG BA, ,DA NI GANG NAS DE DAG KHYOD LA BDAG GIS SBYIN, ,BRAM ZES SMRAS PA, DBYIG PA CAN GZHAN NAS GZHAN DAG GIS 'DI LTA BU'I THA SNYAD GZHAN SU ZHIG GIS SHES PAR 'GYUR TE, BYIS PA'I SMRA BA 'DIS CI ZHIG BYA BAS ZHOG CIG ,ME LONG GI GDONG CAN MI'I BDAG PO'I MDUN DU THA SNYAD KYI PHYIR BDAG CAG 'GRO BAR BGYI'O ZHES ZER ZHING DES NAN GYIS 'GUGS PAR GYUR TE, RIM GYIS KYANG DE DAG SONG BA LA RTA SKYONG GIS RTA RNAMS DGON PAR KHRID CING RTA CIG LAM NAS 'DA' BAR BYAS TE, GZHAN DU SONG BAR GYUR TO, ,DA NAS RTA RDZI DES DBYIG PA CAN LA SMRAS PA, RE ZHIG RTA GDUG PA CAN 'DI LAM YONGS SU DOR BA BZLOG PAR GYIS SHIG CES ZER RO, ,DE NAS DBYIG PA CAN GYIS RTA BZLOG PA'I PHYIR RDO BA 'PHANGS PAR GYUR TE, RTA YI RMIG PA'I SGRA BYUNG BA'I, ,LAM NI DOR NAS SONG BA YI, ,RTA YI RJE NGAR 'PHANGS PA YI, ,RDO BAS DE NI CHAG PAR GYUR, ,DE NAS THAG PAS MGRIN BCINGS NAS, ,RTA RDZI DES NI SDUG BSNGAL BA, ,CHAD PAR 'OS PA DBYIG PA YIS, ,DBYIG CAN DE LA BRDUNGS SHING SMRAS, ,RTA 'DI'I RJE NGAR BCAG NAS NI, ,DA NI KHYOD KYIS GANG DU 'GRO, ,DE LTA THA SNYAD NYID KYI PHYIR, ,'O NA RGYAL PO'I DRUNG DU 'GRO, ,DE NAS DBYIG PA CAN DE DAG GIS BKUG PAR GYUR PA CHU BO'I BAR NA PHA ROL GYI 'GRAM NAS MGO BO LA RNAM PAR DKRIS PA'I THUM PO CHEN PO CAN SO RNAMS KYIS STE'U 'DZIN PA'I SHING MKHAN MTHONG STE SMRAS PA, SHING MKHAN CHU BO LA NI RNAM PAR ZHUGS BYED CING, ,STE'U LEGS PAR 'DZIN PA SO RNAMS KYIS NI MDZOD, ,NAM ZHIG 'DI NI CHU LA NGES PAR LTUNG BA STE, ,DE BAS BDAG NI BLO DMAN KHYOD LA RJES SU BSTAN, ,DE NAS SHING MKHAN DES KHRO BAS KHRO GNYER BA SKYED PAS MI MNYAM PAR BYAS PA'I GDONG CAN DE LA SMRAS PA, RE ZHIG KHYOD KYIS BDAG NYID 'DIR, ,BLO GROS CHEN PO RJES SU STON, ,BDAG LA @165A *, ,DON MED CI PHYIR BSLAB, ,KHYOD NI BDAG GI MKHAN PO MIN, ,DE LTAR BRJOD CING SHING MKHAN DE'I, ,KHRO BAS 'KHRUGS PA'I BDAG NYID KYI, ,CHU BO'I CHU LA MA DPYAD PAR, ,STE'U KHA NAS LHUNG BAR GYUR, ,DE NAS DBYIG PA CAN BZUNG NAS, ,CHU BO BRGAL NAS SHING MKHAN DES, ,THAG PAS MGRIN PAR BRTAN BCINGS NAS, ,KHROS PAS 'DI SKAD SMRAS PAR GYUR, ,GAL TE MGRIN BA NUB PA'I CHU BO 'DI LA BDAG, ,RAB TU BRGAL ZHING KHYOD KYIS SLEB PAR MI 'GYUR BA, ,KHYOD KYI LAN NI SMRA BAS G-YO BA'I MCHU LDAN PA'I, ,BDAG GI KHA NAS STE'U CHU LA LHUNG MI 'GYUR, ,CHU 'DI LA NI STE'U KUN NAS GDON BYAS NAS, ,RNO BA'I SO YI RTZE MO DE NYID BDAG LA BYIN, ,GAL TE KHYOD NI CHU LA ZHUGS PAR MI NUS NA, ,DE NAS SHOG SHIG RGYAL PO'I DRUNG DU 'GRO BAR GYIS, ,DE NAS DBYIG PA CAN 'JIGS SHING 'JIGS PA CAN NGES KYANG BKUG STE SONG BAR GYUR TO, ,RIM GYIS KYANG DE RNAMS THAMS CAD DU DBYAR GYI NYIN MOR BYED PS LUS GDUNGS PAR GYUR PA MTHUG PA'I PA LA SHA'I SHING GI GRIB MA LA BA GLANG GI TSOGS GNAS PA DANG, DRUNG NA RDZID BU'I KHANG PA'I NYE 'KHOR NA NYE BAR GNAS PA'I 'THUNG BAR 'DOD PA'I LAM GYI 'GRUL RNAMS KYIS CHU 'THUNG BAR GYUR PA DANG, KHANG PA RNAMS KYI SGO LA GTOR MA BTANG BA YANG DAG PAR MTHONG BAS RAB TU DGA' ZHING KUN NAS LHUNG BA'I GTOR MA ZA BA DANG LDAN PA DANG, 'GA' ZHIG BZA' BA'I DUS LA BZA' BA'I SNOD 'KHRU BZHIN PA DANG, GZHAN BYED BZHIN PA'I KHYIM GYI NANG DU BYUG PA BYAS PA DANG, ME MCHOD PAS 'BYUNG BA'I DU PA'I DRI MA DANG LDAN PA DANG, GZHAN DU GNAS PA'I KHA GYEN DU LTA BA'I KHYI RNAMS LTA BZHIN PAR GYUR PA'I PHYED ZOS PA'I BA LANG GI RDZI BO DANG LDAN PA DANG, GTUN SHING RDUNG BAS BRDUNG BZHIN PA'I RAB TU 'GRO ZHING SHA'I DRI DANG LDAN PA DANG, 'GA' ZHIG TU DON DU GNYER BA'I SKYE BO RNAMS KYIS 'BRU SNA TSOGS PA ZA BZHIN PA DANG, ,DBUS SU NYE BAR GNAS PA'I GRONG DU NYIN MO LA NGAL BSO BA'I PHYIR RAB TU ZHUGS PAR GYUR TO, ,DE YANG CHANG 'TSONG BA'I BUD MED KYIS DBYIG PA CAN LA SMRAS PAR GYUR PA, ,'PHAGS PA SHOG SHIG KHYED LA @165B SBYIN PAR BYA'O ZHES ZER RO, ,DBYIG PA CAN GYIS SMRAS PA, BDAG GIS JI SRID SBYIN PA KUN NAS BLANGS GYUR TE, ,BUD MED 'DIS NI CHO GA BZHIN DU SBYIN 'GYUR BA, ,'DI NYID DU NI DE SRID BDAG LA SDOD MDZOD CIG ,SKAD CIG TU NI KHYED CAG SNYING RJE LA DMIGS PA, ,BRAM ZE DANG RTA RDZI DANG SHING MKHAN DE RNAMS KYANG DE GROL NAS DE LA SMRAS PAR GYUR PA, SOD SHIG DANG SBYIN PA BLANGS NAS MYUR DU SHOG SHIG CES ZER RO, ,DES KYANG DE LTAR BGYI ZHES BYA BA SO SOR MNYAN NAS CHANG 'TSONG BA'I BUD MED DE'I KHYIM DU ZHUGS PA LA, GOS KYIS BKAB PA GNYID LOG PA'I BYIS PA'I MAL GYI STENG DU 'DUG PAR GYUR TE, ,RDO DANG 'DRA PA'I LTO BA DANG LDAN DE YI KHUR GYIS NI, ,PHAG LTAR DRI MA CAN GYI LUS DANG LDAN PA'I BRAM ZE YI, ,KUN NAS MNAN PAS BRGYAL BA'I LUS NYAMS BRAL BYAS NAS, ,BU CHUNG DE NI MTSAMS NI RNAM GROL SHI BA NYID DU GYUR, ,DE NAS BUD MED DE MNGON PAR BYUNG NAS DBYIG PA CAN BSLONGS TE BYIS PA DE SHI BA MTHONG NAS KYI HUD KYI HUD BDAG GI BU NU MA 'THUNG BA 'DI KHYOD KYIS BSAD DO ZHES SMRA ZHING SMRE SNGAGS RNAM BA MANG PO BTON NAS DBYIG PA CAN BZUNG STE, TSUR SHOG RGYAL PO'I DRUNG DU THA SNYAD KYI PHYIR 'GRO BAR BYA'O ZHES BYA BA SMRAS PAR GYUR TO,, DBYIG PA CAN GYIS SMRAS PA, KHYOD KYIS GANG ZHIG BSAMS PA DE, ,BDAG LA RE ZHIG SBYIN PAR BYIN, ,DE NAS RGYAL DRUNG KHYOD LHAN CIG ,THA SNYAD PHYIR NI 'GRO BAR BGYI, ,NGO TSA MED KHYOD GNYIS SKYES RAGS, ,GANG PHYIR BDAG GI BU 'DI NI, ,BSAD NAS DU BA'I BDAG NYID NI, ,SBYIN PA KHYOD KYIS BSLONGS BAR 'DOD, ,DE LTAR BRJOD NAS DES KYANG DE LA BCINGS TE DE RNAMS GZHAN DANG LHAN CIG TU RGYAL PO ME LONG GDONG GI PHO BRANG DU MNGON PAR RAB TU SONG BAR GYUR TO, ,DBYUG PA CAN YANG RIGS KYI BUD MED SU ZHIG NANG 'KHOR DANG BCAS PA'I BDAG PO'I KHYIM DU SONG BAR SO SOR NGO SHES PAR GYUR PA, DE NAS DE LA SMRAS PA, MKHAN PO KHYOD NI IGANG DU 'GRO ZHES ZER RO, ,DBYIG PA CAN GYIS SMRAS PA, RANG DBANG CAN BDAG MI 'GRO STE, ,SKAL BA MED PAS STOBS CHUNG BA, ,GDUG PA'I BDAG NYID 'DI RNAMS KYIS, ,NAN GYIS BZANG MO RGYAL DRUNG KHRID,, @166A *, ,DE NAS DE RNAMS KYIS DE LA SMRAS PAR GYUR PA, AE MA'O NONGS PA MED PA DUL BA'I DKA' THUB CAN, NAN GYIS BDAG CAG GIS RGYAL PO'I DRUNG DU KHRID DO ZHES ZER RO, ,RIGS KYI BUD MED KYIS SMRAS PA, MKHAN PO SHES RAB CHE BA RGYAL PO ME LONG GDONG CAN LA KHYOD KYIS DRI BAR 'OS TE, CI LTAR ZHE NA, GANG TSE BDAG NI BDAG PO'I KHYIM NA GNAS PA DE YI TSE, ,BDAG GI YID NI PHA YI KHANG PAR PHRAD PAR 'DOD PA STE, ,GANG GI PHA YI KHYIM DU BDAG NI GNAS NAS DE YI TSE, ,SHIN TU PHRAD PAR 'DOD PAS SLAR YANG BDAG PO'I KHYIM NI DRAN, ,JI LTAR BDAG GI PHRAD 'DOD 'DI, ,SEMS LA GNOD BYED MI 'GYUR BA, ,DE LTAR DE NYID SA SKYONG NI, ,BLO GROS CHEN POS SHES PA YIN, ,DE NAS TSANG LAS 'PHYE BA'I LCAGS KYI SROG SHING LTAR GZUGS NAG PA LCE GNYIS RAB TU 'PHROG PAR BYED PA'I LTO 'PHYE PHYI ROL DU BYUNG STE, DBYIG PA CAN LA SMRAS PA, BRAM ZE CHEN PO KYE, BDAG GI TSIG GIS RGYAL PO ME LONG GDONG CAN LA KHYOD KYIS DRI BAR BYAS TE, SEMS 'DI SREG PAR 'DOD CING ME LTAR CI YI PHYIR NA NI, ,TSANG LAS PHYI ROL BYUNG ZHING BDAG LA BZOD PA'I DGRA 'BYUNG STE, ,DE LA GNAS SHING KHROS PA NYE BAR BRAL BA ZHI BA NI, , TING NGE 'DZIN LA RTZE GCIG THUB PA LTAR NI SEMS NI 'GYUR, ,DE LAS MDA'I SNYE MA'I RTZA LAS SHANG SHANG DE'U MNGON PAR SMRAS PAR GYUR PA, BRAM ZE CHEN PO BDAG GI TSIG GIS KYANG 'DI LTAR RGYAL PO ME LONG GDONG CAN LA DRI BAR BYA STE, JI LTAR ZHE NA, MDA' YI SNYE MAR 'DIR GNAS SHING, , BRTAN PA MCHOG NI BDAG GIS RNYED, ,GZHAN DU GNAS PAS CI PHYIR NI, ,BDAG LA 'KHRUGS PA NYID DU 'GYUR, ,DBYUG PA CAN GYIS SMRAS PA, GAL TE 'DI RNAMS KYI DRUNG NAS BDAG LA GROL BAR 'BYUNG BAR GYUR NA, DE NAS GTAM 'DI THAMS CAD RGYAL PO LA BDAG GIS ZHUS PAR GYUR ZHES BYA BA'O, ,RIM GYIS KYANG DE RNAMS SONG BA NYID LA NYI MA NUB PA'I RI LA LHAG PAR 'DZEGS PA STE, DE NAS DE RNAMS THAMS CAD NYID NI SHING NYA GRO DHA'I 'OG TU SHING GEL BA'I GNAS LA GNAS BCAS PAR GYUR TO, ,DE NAS MTSAN PHYED KYI DUS LA DE RNAMS GNYID LOG PA LA DBYUG @166B PA CAN GYIS 'DI LTAR BSAMS PAR GYUR RO, ,GAL TE JI LTAR YANG BDAG 'DI RNAMS KYI THA SNYAD KYIS PHAM PAR GYUR NA DE NAS CHAD PA BDAG GIS GANG NAS SBYIN PAR BYA ZHES ZER RO, ,RGYAL PO'I SKYE BO RNAMS KYIS SDUG BSNGAL SBYIN PAR BYED PA SDUG BSNGAL CHEN PO BZOD PAR NUS PA LA MA YIN TE, DE BAS NA SHING N+YA GRO DHA LA 'DZEGS NAS BDAG NYID LCEBS PAR 'GYUR BA ZHES RNAM PAR BSAMS NAS YANG BCINGS PA BKROL NAS SHING N+YA GRO DHA LA 'DZEGS PA STE BDAG NYID LA THAG PAS 'GAG DMIG BCUG PAR GYUR TO, ,DE NAS DE MI KHUR CHEN POS, RO LANGS MNYAM PA'I CHOS LDAN PA'I,, SHING GI YAL GA CHAG GYUR TE, ,DE LAS YANG DAG SKYES PA'I SGRA, ,DE NAS GEL BA'I BDAG PO DE, ,GNYID LOG STONG DU SKAD CIG GIS, ,LUS CHE BA NI LHUNG 'GYUR TE, ,THAG PAS BCINGS PA'I SKYE BO CAN, ,GEL BA'I BDAG POS 'JIGS PA NI, ,DE NAS LAG NGAR CHAG LANGS NAS, ,GNYEN RNAMS LONGS SHING GNAS PA STE, ,'KHRUG PAS 'DI LTAR NGES BRJOD CING, ,SHING N+YA GRO DHA 'DI LAS SHA ZA LHUNG BAS BDAG GI RJE NGAR 'DI CHAG PA STE, DE BAS KHYED CAG RNAMS KYIS MAR ME RAB TU SBAR BAR MDZOD CIG CES ZER RO, ,DE NAS DER KHA CIG RANG BZHIN GYIS 'JIGS PA RNAMS SHA ZA ZHES BYA BA THOS NAS PHYOGS RNAMS SU MI SNANG BAR GYUR RO, ,GZHAN DAG NI ME MAR SBAR BAR BYA STE, ,BRAM ZE DE LA MTHONG BAR GYUR TE, ,LHUNG BAS RMA BYUNG BA'I SDUG BSNGAL GYIS KUN NAS 'KHRUGS PA'I BLO CAN DBUGS DBYUNG BA MTHONG NAS KYANG GDUG PA'I BDAG NYID CAN, KHYOD KYIS GEL BA'I BDAG PO'I RJE PAR CHAG PA STE, DE BAS NA TSUR SHOG RGYAL PO'I DRUNG DU 'GRO BAR BYA ZHES ZER RO, ,GEL BA SRUNG BA DE RNAMS KYIS KYANG THO RANGS KYI DUS NA GZHAN DE RNAMS DANG LHAN CIG TU RGYAL PO'I DRUNG DU KHRID PAR GYUR TO, ,DE NAS MDUN SAR BZHUGS PA'I DUS LA DBYIG PA CAN DANG LHAN CIG TU DE RNAMS THAMS CAD SGO BAS RGYAL PO ME LONG GDONG CAN GYI DRUNG DU NYE BAR KHRID DE, GNYIS SKYES DE NI SHIN TU 'JIGS PAS BRGYAL BA'I YID, ,DE NAS SA YI BDAG POS DE NI MTHONG GYUR NA, ,SNYING RJE'I DBANG GIS BRLAN PA'I YID NI 'GYUR BA STE, ,SA GSUM LA NI GCIG TU PHAN PHYIR YANG DAG BRTZON, ,DE @167A *, ,RNAMS THAMS CAD KYIS KYANG RIM GYIS DBYIG PA CAN GYI NYES PA BRJOD PAR GYUR PA DANG DE NAS RGYAL PO DES YIN PAR GYIS SHIG ,THABS DANG BCAS PAR BDAG GIS BRAM ZE 'DI GROL BAR BYED PAR 'GYUR SNYAM DU RNAM PAR BSAMS NAS SMRAS PA, THA SNYAD MA THOB PA'I BRAM ZE 'DI CI'I PHYIR KHYED RNAMS KYIS BSAD PA DANG BCINGS PA'I KUN NAS NYON MONGS PAS KUN NAS KHYER BA STE, DE BAS NA KHYED RNAMS THAMS CAD NYID CHAD PA GCAD PAR 'OS SO ZHES ZER RO, ,YANG NA BRAM ZE 'DI GROL BAR GYIS SHIG CES ZER RO, ,DE RNAMS KYANG CHAD PAS 'JIGS PAS DE BKROL NAS GNAS JI LTA BAR KUN NAS SONG BAR GYUR TO, ,DBYIG PA CAN DGA' BA'I YID CAN DES KYANG RGYAL PO DE LA SHIS PA BRJOD PA RNAMS KYIS MNGON PAR BSTOD PAR BYAS TE, RIGS KYI BUD MED LA SOGS PA DE RNAMS KYI GTAM DE ZHUS PAR GYUR TO, ,DE NAS RGYAL PO DES THOS NAS SMRAS PA, RIGS KYI BUD MED DE LA 'DI LTAR BRJOD PAR BYA BA STE, BDAG PO'I KHYIM DU SONG BA PHA'I KHYIM DU YANG, ,SKYES PA GZHAN DAG 'DOD PA GDUNGS PA MNGON PAR 'DOD, ,DE LTAR 'DAR BAR BYED CING ME DANG SOL BLTAR, ,GZHAN DANG 'BREL BA'I SEMS LDAN BRTAN PA KHYOD MI RNYED, ,GAL TE YID NI 'TSO 'DOD NA, ,DE DAG LAS NI SEMS ZLOG CIG ,DON MED KUN RTOG GIS RMONGS PA'I, ,SKYE BO 'GA' ZHIG BDE BA MED, ,SBRUL LA YANG NI BRJOD BYA STE, ,GAL TE KHYOD NI BDE BAR 'DOD, ,SROG CHAGS SU ZHIG MTHONG NAS NI, ,KHRO BA BYED PAR 'OS PA MIN, ,GANG ZHIG KHRO PA'I ME NI SPAR BYAS NAS, ,RANG GI YID NI TSIG STE GZHAN YANG SREG ,NGES PAR RMONGS PA'I SEMS DANG LDAN BDE, ,DMYAL BA'I ME YI BUD SHING NYID DU 'GRO ,SHANG SHANG DE'UL YANG SMRA BAR BYA STE, JI LTAR ZHE NA, MDA' YI GEL BA'I 'OG TU NI, ,GTER NI YOD PA DES KHYOD NI, ,GNAS SHING SHIN TU DE LA YANG, ,YID NI BRTAN LDAN SKYE BA YIN, ,GTER DE YANG BRKOS NAS KHYED DPHUL BA'I SDUG BSNGAL DANG RNAM PAR BRAL BA BDE BAR KHYIM GYI GNAS RJES SU SKYONG BAR 'GYUR TE, DE BAS NA SONG SHIG CES BYA BA'O, ,DE NAS DBYIG PA CAN RGYAL PO DE'I BLO'I KHYAD PAR GYIS BLO LA NGO MTSAR SKYES PAS ZHUS PAR @167B GYUR TE, RGYAL PO CHEN PO KHYED LA GANG DU SMON LAM YOD CES BYA BA BRJOD PAR 'OS SO, ,BYANG CHUB SEMS DPAS SMRAS PA, BLAN MED PA'I BYANG CHUB BDAG ,ZHI BA'I PHYIR NI THOB PAR 'DOD, ,SRID GSUM RGYA MTSOR NUB GYUR PA'I, ,'JIG RTEN 'DI NI GDON PHYIR RO, ,DBYIG PA CAN GYIS SMRAS PA, GANG TSE KHYOD KYIS BYANG CHUB THOB, ,MI SHES RAB RIB GCOD PA NI, ,DE TSE KHYOD KYIS SLEB PAR BDAG ,GYUR CIG DES NI SO SOR THOS, ,DE NAS BRAM ZE DE SONG NAS GTAM DE DE RNAMS LA SMRAS TE, GTER DE BTON NAS DGA' BA'I YID DANG LDAN PA GNYEN 'DUN RNAMS DANG LHAN CIG TU NOR GYIS PHONGS PA'I SDUG BSNGAL RNAM PAR BSAL TE BDE BAR GNAS PAR GYUR TO, ,DE NAS BLON PO'I GTZO BO LA LA ZHIG BYANG CHUB SEMS DPA' LA YANG NAS YANG DU 'DI LTAR BSTOD PA'I SKUD PAR BRGYUS PA'I TSIG GI ME TOG RNAMS KYIS MNGON PAR MCHOD CING GNAS SO, ,LHA'I 'DI LTA BU SHES PA CHE BA'I BDAG NYID KYIS SU ZHIG CES BYA BA NGO MTSAR PAR BKUG PA MA YIN ZHES SMAS TE, RIL GNAS PA'I ME NI RING PO NAS KYANG DU BA'I RJES SU DPAG PAS RJES DPOG BYED, ,'JIG RTEN 'DI NA RJES SU DPOG BYED DPAG PAR BYA BA'I YUL CAN RJES DPOG BLO NI MTHONG, ,RJES SU DPAG BYA'I DNGOS PO THE TSOM CAN LA SKYE BO THE TSOM BSKYED, ,THE TSOM MED PA'I BLO LDAN KHYED 'DRA RNAMS LA DBANG PO LAS NI 'DAS KYANG MNGON SUM LDAN, ,GANG PHYIR 'JIG RTEN 'DI NA YID NI CHUNG BA YUL CAN DBANG PO RNAMS KYI DBANG BYAS TE, ,DE PHYIR MKHAS PA RNAMS NI DBANG PO ZHES BRJOD DE LA DBANG DU BYED PA YOD PA LA, ,KHYED NI MA LUS SHES BYA'I PHA ROL PHYIN LA GANG PHYIN DBANG PO RNAMS LHAG DBANG BYED PA, ,KHYED LA DBANG BA NYID NI MA THOB DBANG PO SHES PAR BYA BA DON MED BRJED PA YIN, ,DE BAS NOR LDAN KUN MCHOG BCAS, ,RDO RJE CAN GYIS MTHO RIS LTAR, ,SRID PA RNAMS GCOD RNAM ZHUGS PA'I, ,SEMS DANG LDAN PA KHYOD NYID KYIS, ,DE LTAR NA BCOM 'DAS DE BYANG CHUB SEMS DPAR GYUR PA NA SKYON MONG BA'I RGYAL SRID KYANG RJES SU SKYONG BAR MDZAD PAS SHES RAB CHE BA'I BDAG NYID KYIS RGUD PAR SONG PA RNAMS LA KUN NAS GDON PAR MDZAD DO SNYAM DU RNAM PAR BSAMS NAS, SANGS RGYAS BCOM LDAN 'DAS DAD PA RTZE GCIG PA RNAMS KYIS GNAS PAR @168A *, ,BYA ZHES BYA BA'O, ,ME LONG GI GDONG CAN GYI SKYES PA'I RABS TE SKYES RABS BCU PA'O, ,SDOM LA, SBRUL DANG RI DAGS GNOD SBYIN GNOD, ,RTZA BA CAN DANG MI CI MO, ,'BAR CAN SMAN BA RKANG RJES SHES, ,GAR BYED ME LANG GDONG CAN NO,, ,,BDE BA'I CHA YIS KUN RTOG RMONGS SEMS KYI, ,SEMS NI SHIN TU BCINGS PA'I RTZA BA CAN, ,DAM PA RNAMS NI CHAGS BRAL GTAM GYI CHUS, ,CHAGS PA'I ME NI ZHI BAR MDZAD PA YIN, ,'DI LTAR RJES SU THOS TE, YO BYAD YONGS SU RDZOGS PAS RAB TU DGA' BA'I SKYE BO RNAMS KYIS DGA' BAR GYUR PA, RNAM PA SNA TSOGS PA'I SKYED MOS TSAL RNAMS KYIS MTHA' KUN NAS KHYAB PA'I 'JOG PO'I BRAG CES BYA BA'I RGYAL PO'I KHAB NA, BSTAN BCOS DU MA RNAMS LA KUN NAS 'DRIS PAS RNAM PAR DAG PA'I BLO, DAM BAM YIN PA'I SKYE BO DANG 'BREL PA LA RGYAB TU PHYOGS PA, SKYE BO BZANG PO DANG 'BREL PA LA MNGON PAR DGA' BA, ,DUL BA DANG DES PA DANG BZOD PAS RNAM PAR BRGYAN PA, 'JIG RTEN THAMS CAD KYI GNYEN DANG 'DRA BA'I DED DPON LEGS 'GRO ZHES BYA BA'I BYANG CHUB SEMS DPA' BYUNG BAR GYUR TE, MUN PA 'JOMS BYED BLO YIS NI, , DES NI MTSAN RNAMS BYAS PAR GYUR, ,'OD KYIS SKYE BO LA BDE BA, ,CHA DANG BCAS PA'I ZLA BA LTAR, ,'GRO LA MI PHAN SEL BA LA NI GCIG TU MKHAS, ,MDUN SA MDUN SA LA NI SNANG BAR GYUR PA'I BLO, ,GROGS PO LTAR NI YON TAN RNAMS KYIS DE 'KHYUD PA, ,BYAS NAS 'BRAS BU MA LUS CAN NI KUN NAS 'ONGS, ,DE NAS DUS GCIG GI TSE NA BDAG NYID CHEN PO DE B'A R'A nA S'IR LHA'I BU MO'I GZUGS DANG MNYAM PA'I BZANG MO ZHES BYA BA RES MA'I GTZO MO ZHES BYA BA RES MA'I GTZO MO THOB PAR GYUR TO, ,GANG GIS GZUGS MDZES SHING RNAM PAR SGEG PA'I ZHAGS PA RNAMS KYIS BKUG STE, DED DPON MANG PO RNAMS BDAG GIS BYAS TE, DE NAS DE'I GZUGS BZANG BA'I NGA RGYAL BSAL BA'I DON DU DE DANG 'BREL PA CAN RNAMS LA YANG DUL BA'I PHYIR GROGS MANG PO 'DZIN PAS LEGS 'GRO B'A R'A nA S'IR KUN NAS SONG BAR GYUR TO, ,LEGS 'GRO 'ONGS PA THOS NAS KYANG RES MA'I GTZO MO DE LA @168B SKYON CAN RNAMS KYIS RAB TU SMRAS PAR GYUR PA, KHYOD KYI SKAL BZANG PHUM SUM TSOGS PA 'DI, ,NOR SBYIN LTA BU MDZES PA MO LEGS 'GRO, ,TZ'U TA'I SROG SHING LAS NI BUD BA LTAR, ,ME TOG 'BYOR PAS DE RING KUN NAS BKUG ,DE BAS MKHAS SHING TSIG GIS GSAL BA NI, ,YID 'ONG SPOS DANG DRI SOGS RAB 'DZIN PA, ,KHYOD KYIS DER NI RAB TU GTONG MDZOD CIG ,PHO NYA MO NI SU ZHIG LEGS 'GRO LA, ,DPAL LDAN BSTOD PA GSAL BA SGEG RNAMS KYIS, ,DE LA SPYOD YUL DU NI 'ONGS BYAS NAS, ,SNYING PO BZUNG NAS PHYIS NI DOR 'GYUR TE, ,SMIN PA'I AA MRA'I 'BRAS BU'I RUS PA LTAR, ,DE LTAR DGOD DANG BCAS PA MNYAN NAS NI, ,SKYON CAN GYI TSIG NOR 'DOD BZANG MO YIS, ,BRTAN PA DE LA NYE BAR 'ONGS PA'I PHYIR, ,TSIG LA MKHAS PA PHO NYA MO NI BTANG, ,ME TOG DE RNAMS YID NI 'PHROG PAR BYED PA BLANGS NAS NI, ,TAMBA LA DANG ZLA BA'I 'OD ZER LTAR DKAR TZAN DAN NI, ,GNOD SBYIN LTAR SPYOD RIM GYIS PHO NYA MO NI MNGON SPONG BA, ,LEGS 'GRO 'JIG RTEN PA YI LTAD MO RNAM PAR MA NYAMS PA, ,NYE BAR SPYOD PA DANG BCAS PAR BYANG CHUB SEMS DPA' LA YANG DAG PAR NYE BAR 'ONGS SHING PHYAG BTZAL BAR BYAS TE SMRAS PA, SKAL BA CHEN PO BZANG MO ZHES BYA BA'I RES MA'I GTZO MO'I BU MO RES MA'I GTZO MO THAMS CAD KYI DPAL 'PHROG PAR BYED CING, SKAR MA RNAMS KYI NANG NA RI BONG CAN GYI CHA LTAR GNAS PA LAS 'DI LTAR ZHU BAR BYED DE, JI LTAR RANG GI KHYIM 'DI DOR NAS CI'I PHYIR 'PHAGS PA'I SRAS GZHAN DU GNAS ZHES ZER RO; ,AE MA'O DKA' BA NYID NI 'DI YIN TE, DE BAS NA 'DIR 'ONGS PA KHO BO CAG LA RJES SU GZUNG BAR BYED PAR KHYED KYI 'OS SO ZHES ZER TE, BDAG CAG GI BDAG MO GZUGS KYI YON TAN THOS PA SKAL BA CHEN PO LA SHIN TU PHRAD PAR 'DOD BZHIN PAS GNAS PA STE, NGES PAR KHYED LA DE RNA BA'I LAM DU 'ONG BA MA YIN NA, GANG GI PHYIR GZHAN DU ROL PA MDZAD CES ZER RO, ,LEGS 'GROS SMRAS PA, CHA RNAMS MA LUS PA LA MKHAS PA SU ZHIG DE MI SHES, ,SEMS KYI SAR 'GRO LA NI GZUGS DANG LDAN PA 'DRA BA'I SNGAGS, ,ZE'U 'BRU 'BYUNG BA'I KU MU TA RNAMS RNAM PAR PHYE BYED CING, ,ZLA TSES @169A *, ,GSAL BAR NYE BAR 'GRO BA MAR ME RNAMS KYIS MIN, ,BDAG GIS B'A R'A nA S'IR 'ONGS PA LA DGOS PA GZHAN YOD PA MA YIN TE DE BAS NA BDAG 'ONGS PA KHO NA STE, DE LTAR SMRA ZHING PHO NYA MO DES CHU BO'I CHU'I TSOGS KYIS RAB TU RGYAS PA LTAR 'GRAM GYI SHING 'GUGS BZHIN PA RIM GYIS G-YOG MO RNAMS KYIS KUN NAS BRTEN BZHIN PA'I GOS DKAR PO DANG LDAN PA DANG, RI MO BRIS PAS DGA' BAR GYUR PA'I KHYI MA GYI RTZIG PA CAN DANG, BTAGS PAR GYUR PA KHA DOG CAN GYI DRIS NA DRI ZHIM PAR BYAS PA DANG, MA LLI KA SAR PA'I ME TOG GI PHRENG BAS BRGYAN PA'I RAS LA RI MO BRIS PA'I CHU SRIN GYI RGYAL MTSAN DANG LDAN PA DANG, BZHAD GAD CAN GYI SKYE BO DU MA DANG THUN MONG BA DANG, RES MA'I GTZO MO'I MA RNAMS KYIS 'DOD PA CAN KHRO BA BZLOG PAR GYUR PA DANG, SHIN TU MANG PA'I YUL LA GNAS PA'I SKYE BO RNAMS KYIS DER 'PHROG PA LA MKHAS PA DANG, DUL BA MA YIN PA DANG YANG BA NYID KYI RGYUS BZANG MO'I KHYIM DU RJES SU ZHUGS PAR GYUR TE, DE NAS RES MA'I GTZO MOS LEGS 'GRO MTHONG NAS NI, ,LANGS TE YID 'ONG DGONG PAS 'DAR BA'I CHU LDAN MA, ,SGEG DANG BCAS PAS RKANG BAR LAG PA BZHAG NAS NI, ,GSAL BAR BYAS PA'I MIG GI MTHA' LDAN 'DUD PAR GYUR, ,'DUD CING RGYAS PA'I MIG LDAN 'DI YANG SMRAS PA STE, ,GOS KYI PHYOGS GCIG LA NI RNAM PAR SGEG BYED CING, ,SGEG DANG BCAS PAR CHU SKYES LTAR NI DKAR DMAR BA'I, ,RKANG PA CUNG ZAD TZAM NI SA LA MNAN BYED CING, ,KHYAD PAR DU NI BSAMS PA'I MUN PAS BA SGRIBS PA'I BDAG ,GSAL BA'I GTAM GYI MTSAN MO MNGON PAR 'DOD BYED PA'I, ,PHRAD PAR 'DOD PA'I SKYE BO 'DI NI SHI BA'I PHYIR, ,ZLA BA 'DI NI GANG NAS MA DPYAD KUN NAS LANGS, ,DA NI BDAG GI BUD MED YON TAN BDAG GIS SHES, ,DGE BA LA BRTEN 'BRAS BU 'GRO LA MA NYAMS PA, ,GANG PHYIR BDAG GI KHYIM 'DI YUN RING KHYOD KYIS NI, ,MCHOG GI BUD MED SEMS NI 'JOMS PAS BRGYAN PAR BYAS, ,DRI MIN 'OD ZER CAN MDZES KHYOD KYIS NGO TSA BYED PA LTAR, ,DE LTAR MTHONG STE BDAG GI YID LA RNAM RTOG KUN NAS 'BYUNG, ,GCIG PA NYID KYIS 'GRO BA MNGON PAR 'DU BA MI NUS PAS, ,NGES PAR YID SKYES @169B MDA' RNAMS KYIS NI BDAG NYID GNYIS SU BYAS, ,DE NAS BZHAD GAD CAN RNAMS KYIS DED DPON 'DI NYA DANG 'DRA BAR GYUR PA ZHES BYA BA 'DOD BAR GYUR PA RES MA'I GTZO MO LA 'DI SKAD CES SMRAS PAR GYUR TE, ME TOG YID 'ONG MNGON PAR 'BYUNG BAS LJON SHING LTAR, ,RANG GI GZI BRJID KYIS NI NOR BU'I THUR MA LTAR, ,NYE BAR GNAS PAR BYED PA'I MDZES PA 'DI YIS NI, ,MTSAN MO ZLA BA LTAR NI KHYOD NI RNAM PAR MDZES, ,DE NAS LEGS 'GROS RES MA'I GTZO MO DE DANG LHAN CIG TU DGA' BA NYAMS SU MYONG BA STE THO RANGS KYI DUS NA STONG PHRAG BRGYA'I RIN THANG MU TIG GI HAR BYIN PAR GYUR RO, ,GNYIS BA'I ZHAG LA GSER GYI RGYAN CHAS MNGON PAR BRGYAN PAR GYUR RO, ,GSUM PA'I ZHAG LA DNGUL GYI RANG BZHIN RGYAN RNAMS NYUNG BA RAB TU BYIN PAR GYUR TO, ,DE NAS RES MA'I GTZO MO DES KUN NAS NYE BAR 'ONGS TE KHRO BA DANG LDAN PA RGYAL PO TSANGS PAS BYIN LA GTAM DE ZHUS SHING GSOL BAR GYUR PA, BDAG GIS NYE BAR SPYAD PA BCOS MA YIN, ,NYI MA RE RER LHAG PAR BYED 'GYUR TE, ,DE LTA NA YANG DES NI MI SHES SLAR, ,LEGS 'GRO MNYES GSHIN MED YID CI YI PHYIR, ,DE NAS RGYAL PO DES LEGS 'GRO LA BOS NAS, ,GDAN KUN NAS 'DZIN PAR BYAS PA'I DE LA RES MA'I GTZO MO SLAD PA DE BSHAD CING ZHUGS SO, ,RES MA'I GTZO MOS GSOL BA, LHA LAGS MA NYES GSHIN PA MED PA'I YID 'DI SMOD PAR BYAS PAS CI ZHIG BYA STE, NGO TSA BRAL BA SKYON MED PA YI SKYE PO LA, ,GANG ZHIG SHIN TU DRANG BA'I PHYIR NI DGA' RNAMS SMRA, ,DON MED KUN NAS NYON MONGS PAS NI KHYAB PA'I YID, , DES NI CHU MED PA LA ZAM PA 'JUGS PAR BYED, ,RGYAL POS SMRAS PA, DED DPON CHEN PO 'O NA 'DI LA LAN THOB CIG ZER RO, ,LEGS 'GROS GSOL PA, BTZONG BYA BRTAG LA BDAG CAG NI, ,RGYAL PO CHEN PO MDZES PA'I BLO, ,RES MA'I GTZO MO'I BTZONG BYA 'DI, ,RANG BZHIN GZHAN GYI SKYON DANG BCAS, ,JI LTAR 'DI YI MDZES LDAN DANG PO'I ZHAG LA 'GYUR, ,DE LTAR GNYIS BA LA NI LUS 'DI MA MTHONG NGO, ,GZUGS NI GZHAN PA THOB PA 'DI LA MTHONG NAS NI, ,RGYAN NI STER BA RGYAN RNAMS GZHAN NI BDAG GIS BYAS, ,GSER GYI SBRAM BU MIN PA JI SRID ME YIS @170A *, ,NI; ,RAB TU GDUNG BYAS DE SRID SHIN TU 'OD GSAL BA, ,BSREG LUGS ZA BA 'BAR BA LA NI ZHUGS BYAS PA, ,DRI MA CAN NYID NGES PAR KUN NAS 'ONGS PA YIN, ,SKYE BOS KYANG NI DE SRID YID 'ONG NYER 'GRO BA, ,JI SRID SHIN TU SPYOD YUL DU NI NYER 'GRO BA; ,SONG BA LONGS SPYOD NYE BAR 'GRO STE SKYE BO YI, ,SKAD CIG GIS NI ME TOG RNYING LTAR PHYED LTAG NYID, ,ME TOG RNAM PAR PHYE BA DRI MAS NGES 'BREL LA ZHUGS NAS, ,BUNG BAS SNYING PO DE NI MA DPYAD PAR NI DOR BAR BYED, ,PHAL CHER DNGOS PO SAR PA CHAGS PA NYID DU BYED PA STE, ,SHIN TU YID 'ONG 'JIG RTEN 'DIR NI CUNG ZAD YOD PA MIN, ,RGAS PAS GZUGS NI MIG LA NGAL SO BYED CING 'PHROG PA STE, ,CHAGS PA STOBS LDAN RNAMS KYI STOBS KYANG SEMS LA GNOD PAR BYED, ,TSE NI ZIL GYIS MNAN NAS DE BZHIN MA SPYAD MTHAR BYAD PA, ,RGYAL SRID ZAS DANG 'OD RNAMS LTAR NI DNGOS PO SKAD CIG MA, ,DE LTAR RGA DANG NA DANG 'CHI DANG 'PHO BA'I SDUG BSNGAL GYI, ,MDA' RNAMS PHOG PAS SEMS KYI BRTAN PA LHOD PAR BYAS PA LA, ,BUD MED CES BYA RUS PA'I KHYIM NA RANG BZHIN MIG GTZANG PA, ,MTHONG NAS YON TAN GANG MTHONG NAS NI BYIS PA CHAGS PA BSKYED, ,AE MA GZUGS LDAN BUD MED CES, ,RMONGS PAS KUN NAS RMONGS PAR GYUR, ,RUS PA'I PHRENG BA ZHES BYA 'DI, ,MKHAS PA RNAMS KYIS SMAD PA STE, ,BUD MED DGA' BAR GYUR PA YANG, ,DE LTAR SKYON MAR SHES BYAS NAS, ,BLO LDAN RNAMS KYIS RING DU SPANGS, ,MA LA TI SHING KHYIS MYA NGAS LTAR, ,DE NAS RGYAL PO DES LEGS SO LEGS SO ZHES BYA BAS BYANG CHUB SEMS DPA' LA MNGON PAR BSTOD CING BZHUGS SO, ,RES MA'I GTZO MO DE YANG LANG TSO DANG GZUGS KYI NGA RGYAL DANG RNAM PAR BRAL NAS RAB TU ZHI BAL RTZE GCIG PA BYUNG BAR GYUR TO, ,SKYE BO'I TSOGS DE YANG BAG MED PA RNAM PAR BZLOG PAR TSUL KHRIMS SU BYED PA'I RGYU BDAG NYID ZHUGS SHING GNAS SO, ,BYANG CHUB SEMS DPA' YANG SLAR LJON SHING GI BRAG NYID DU SONG BAR GYUR TO, ,DE LTAR NA BCOM LDAN 'DAS DES SO SO'I SKYE BO NYID DU GNAS PAR GYUR PA NA YANG 'DOD CHAGS DANG BRAL BA NYID KYIS CHAGS PA'I ME RNAM PAR ZLOG PAR BYED CING RAB TU ZHI BA'I CHO GA @170B LA SKYE PO RNAM PAR BZHUGS PAR MJAD DO ZHES BYA BA RNAM PAR BSAMS NAS SANGS RGYAS BCOM LDAN 'DAS LA MCHOG TU DAD PA SKYED PAR 'OS ZHES BYA BA'O, ,DED DPON LEGS 'GRO'I SKYES PA'I RABS TE SKYES RABS DANG PO'O,, ,,MKHAS PA RNAMS NI RTZVA NYAG KYANG BSRUNG STE, ,GZHAN GYIS BKAG PA 'BAD PA CHEN PO YIS, ,NGAL BA MED PA'I SHES RAB GTZO BO RNAMS, ,SROG CHAGS GZHAG PA LA NI SMOS CI DGOS, ,'DI LTAR RJES SU THOS TE, DNGUL GYI KA BA BKRUS PA DANG RJES SU MTHUN PA KHAB DANG BCAS PA'I RTZE MO'I MDUN NAS LHUNG BA KUN NAS RNYING PAR BYAS PA'I CHU 'DZIN PA DANG, MU TIG GI PHYE MA'I TSOGS LTAR DKAR BA'I STENG DU RNGON PA RNAMS KYI TSOGS KYIS G-YAG RGOD RNAMS KYI RKANG RJES KYI SHUL GYI RJES SU 'BRANG BA DANG, DBANG PHYUG CHEN PO'I KHYU MCHOG GI RVAS BRDUNGS PAS SNA TSOGS PA'I RI BO'I LTO BA MI MNYAM PAR BCAS PA DANG, GROG DANG SAR LA DANG THANG SHING DANG NA ME RU DANG PADMA CAN RNAMS KYI NAGS DU MAS RI'I SUL RNAMS SNGO BAR BYAS PA DANG, RI LAS 'BAB PA'I CHU RAB TU 'GRO BAS RTZA BA'I SA BKRUS PA DANG, MTSAN MO'I DUS NA RAB TU 'BAR BA'I SMAN CHEN PO NYID KYIS MAR ME STONG PHRAG BYAS PA DANG 'DRA BA DANG, RIG PA 'DZIN PA PHO MOS KUN NAS LONGS SPYOD PAS MTSO'I 'GRAM GYI MTHAR LJON SHING RNAMS KYI KHYIM GYI BAR DRI ZHIM PAR BYAS PA DANG, 'GA' ZHIG TU GNYA' RAL CAN RNAMS KYI STOBS KYIS BRGYAN PAS RNAM PAR LHUNG BAR BYAS PA'I 'JIGS SHING RAB TU 'PHO BA'I KHRI SNYAN SA LE DANG, RI DAGS RNAMS KYI RKANG RJES GZHAG PA RTZVA RTZA NAS BTON PA DANG, 'GA' ZHIG TU LHA MO AU MA'I ZHABS KYI MTHIL LA RGYA SKYEGS KYI KHU BAS MTSAN PA'I RTZVA SNGON POS LJANG GU'I SA DANG LDAN PA DANG, GZHAN DU 'DAB CHAGS RNAMS KYI MCHUS DUM BUR BYAS PA'I YONGS SU SMIN BA'I SHING RNAMS KYI 'BRAS BUS KHYAB PA'I SKYED MOS TSAL GZHAN DANG LDAN PA DANG, RLUNG GIS RNAM PAR RGYAS PAR GYUR PA'I KHYAD PAR MANG BA'I ME TOG RNAMS KYI DRIS DRI ZHIM PA DANG, DPYID KA 'I ZLA BA NAS RAB TU BRTZAMS PA'I SHING RNAMS KYIS KHA ZLUM PA'I MYU GU DANG LDAN BA DANG, RI DAGS RNAM PAR LHUNG BA'I SGRAS 'JIGS PA'I 'DAB CHAGS KYI TSOGS KYIS RNAM PAR GROL BAR GYUR BA'I CHU BO GANG G'A'I 'GRAM GYI CHU DANG LDAN PA DANG @171A *, ,SGEG PA DANG BCAS PAR MI 'AM CI PHO MO'I GLU THOS PAS, RI DAGS KYI TSOGS MI G-YO BA YOD PA DANG, RTZE MO MTHO BA NYID KYIS 'O MA'I RGYA MTSO LTAR MTHON PO NYID DU NYE BAR SONG BA'I RI PO GANGS CAN GYI PHYOGS GCIG NA GUS PA DANG BCAS PA LTAR SHING RNAMS KYIS MCHOD PA'I SGO BRAG GI RGYAB DANG LDAN PA DANG, RTZVA'I MYU GU LJANG GU BYUNG PAS MTHA' MA SNGO BA DANG, PADMA RNAM PAR RGYAS PA'I MTSOS NYE 'KHOR BRGYAN PA'I SHIN TU CHE BA'I PHUG TU LHAG PAR GNAS SHING, SHIN TU MANG BA'I BUNG BA'I CHUS MNGON PAR SPANGS PA'I GOS KYI RGYU SPUN KUN NAS SER BA'I GNYA' RAL GYIS GNYA' BAR SGEG PA DANG, ZE'U 'BRU LTAR 'JAM ZHING SHIN TU G-YO BA'I LCE DANG LDAN PA DANG, CUNG ZAD KUN NAS RNYINGS PA'I AA TI MU KTA'I ME TOG GI PHUNG PO LTAR KUN NAS SKYA BA'I LUS DANG LDAN PA DANG, RI BONG CAN GYI CHA'I MTHA' MA LTAR 'KHYOG CING RNO BA'I MCHE BA DANG LDAN PA DANG, BRANG RGYAS PA DANG; LAG NGAR TSO BA DANG, DBUS RAB TU SRAB PA DANG, 'PHROS PA'I SENG LDENG GI SOL BA LTAR MIG GNYIS SER SKYA DANG LDAN PA, KHRA'I MCHU LTAR RNA BA'I SEN MO'I MYU GU DANG LDAN PA DANG, MTHA' MA SNGO BA'I MJUG MA DANG LDAN PA DANG, KHA BA CAN GYI RI'I RGYAN DANG 'DRA BA MA SMAD PA'I YAN LAG CES BYA BA DUS GCIG GI TSEN MCHE BA GNYIS PA DANG RI DAGS RNAMS SKRAG PAR BYED PA, RI DAGS KYI BDAG PO BYANG CHUB SEMS DPA' BYUNG BAR GYUR TE, DE NAS DE YI RANG BZHIN BZANG PO NYID SHES NAS, ,SROG CHAGS RNAMS LA SEMS NI BZANG BA THUB PA LTAR, ,RANG BZHIN GYIS BZANG 'DOD PAR BYA BA'I MIG LDAN PA, , RI DAGS RNAMS NI DGA' BAS GNYEN LTAR 'DI RJES 'GRO, ,ZHI BA DANG LDAN GNYA' RAL SHING LOS KHYAB PA NI, ,RI DAGS RJES 'GRO RI DAGS RGYAL PO'I DKA' THUB PA, ,DE NI PHUG GI LO MA'I KHYIM GYI NANG NAS NI, ,SHING RNAMS KYI NI 'BRAS BU SMIN PA ZOS PAR GYUR, ,'BRAS BU DGOS PA'I PHYIR NI NAGS NANG DU SPYOD CING, ,SGEG BCAS 'GRO BAS G-YO ZHING YID 'ONG GNYA' RAL CAN, ,CHEN PO'I KHYIM NA GNAS PA'I DON GNYER DGA' RNAMS LTAR, ,DON GNYER BZHIN DU SA SKYES RNAMS KYIS MTHONG BAR GYUR, ,PHUG GI NANG NAS PHYIR BYUNG KHA BA MED PA LA, ,RKAN NI GSAL BA KHYAB PAR DU NI GLAL BA'I PHYIR, ,DE YI @171B MDUN DU RIM GYIS YAN LAG BDE RGYAS 'GYUR, ,NYIN MOR BYED PAS NYI MA'I 'OD SAR RAB 'DZIN CING, ,'DI NI RI DAGS RNAMS KYI BDAG POS 'DZIN 'DI, ,'DAB CHAGS RNAMS KYI BYA KHYUNG LTAR NI RNAM GNON CHE, ,'DI LTAR DE YI STENG DU NGO MTSAR SKYES PA NI, ,MTSAN MO MTSAN MOR BYED PA'I GDUGS NI 'DZIN PAR GYUR, ,'GRAM NA GNAS PA DES NI CHU BO GANG LA NI, ,MTSAN MOR BYED LTAR GSAL ZHING BSIL BA'I CHU 'THUNG 'GYUR, ,DES NI BDAG NYID DON BYAS LTA BU BSAMS PA STE, ,DBU BA'I STENG RNAMS KYIS NI GSAL BAR DGOD PA 'DRA, ,KHA BA'I RI NI RNAM PAR DAG PA'I SEMS DE YIS, ,BDAG NYID CHEN PO GNYA' RAL CAN GYIS KUN NAS BRTEN, ,DGA' BA LTAR NI GSER GYI RI BO LAS KYANG NI, ,'OD GSAL BDAG NYID SHIN TU CHE BA LTAR BSAMS GYUR, ,SA GNAS 'JIGS PAR BYED PA'I SENG GE NYID GANG DU, ,SNYING RJE CHE 'DI RI DAGS RNAMS LA GANG DU YANG, ,'DI LTAR THUB PA BZHIN DU KHA BA'I RI DER GNAS, ,RI DAGS BDAG LA RI DAGS DGRA YANG 'DUD PAR GYUR, ,DE NAS DUS GCIG GI TSE NA RI DAGS KYI BDAG PO DE'I SA'I BDAG PO LTAR NI SGEG PA DANG BCAS PAS NYE BAR GNAS SHING, ME TOG 'BYUNG BA'I LJON SHING GI GLU MKHAN MO'I ZE'U 'BRU'I SOR MO RNAMS KYI KUN NAS GDUNGS BZHIN PA'I SBRANG RTZI BYED PA'I PHRENG BA'I PI WANG GI SGRAS DGA' BAR GYUR PA DANG, RAB TU 'GRO ZHING RI'I CHU'I RDZA RDA'I SGRAS GAR BYED DU BCUG PA'I RMA BYA'I GAR MKHAN DANG LDAN PA'I PHUG GI SGO LA KUN NAS NYE BAR GNAS PA'I MDUN DU KUN NAS BTZIR BAR BYAS PA'I RGYA SKYEGS KYI RIL BUS KUN NAS DMAR BAR BYAS PA'I GDANG DANG LDAN PA, SHING MA LA TI SAR PA'I 'BRAS BU DANG RJES SU MTHUN PA'I MIG CAN YONGS SU SMIN PA'I AU DUMD'AR 'DZIN PA'I PHRU GU RNAMS KYIS PHRAG PA LA LHAG PAR GNAS PA, 'BRAS BU'I KHU BAS BRLAN PA'I DRI MA CAN GYI LAG PA'I SOR MO DANG LDAN PA'I, SBRE'U PHO MO GNYIS MNGON PAR PHYAG BTZAL NAS SMRAS PA, KHYOD KYI LUS NGAG YID RNAMS KYI, ,AE MA LAS NI MA SMAD PA, ,MA SMAD YAN LAG CES BYA NYID, ,KHYED KYI MING NI RJES MTHUN GRAGS, ,AE MA GTONG DANG BZOD BRTZON 'GRUS, ,BZANG MO'I @172A *, ,SNYING RJE 'BYUNG BA NI, ,YON TAN CAN MCHOG KHYOD YON TAN, ,THUB RNAMS BAS KYANG KHYAD PAR 'PHAGS, ,DAG PA'I SEMS LDAN KHYOD KYI NI, ,AE MA DAG PA'I 'JUG PA YIS, ,MCHOG TU DRAG PO RNAMS KYI YID, ,MCHOG TU 'JAM PA NYID DU MDZAD, ,DON BYAS KHA BA CAN 'DI NI, ,KHA BAS G-YOGS PA'I BRAG STENGS 'DI, ,DON BYAS KHA BA CAN 'BRAS BCAS, ,BSTAN PA DE LTAR RANG BZHIN GYIS, ,GANG ZHIG KHYOD KYIS NYE BAR BRTEN, ,DE PHYIR PHRU GU 'DI DAG NI, ,'JIGS PA'I SBRUL MTHONG SKRAG PA DAG ,KHYED LA GTAD NAS BDAG CAG NI, ,'BRAS BU DON GNYER NAGS SU 'GRO ,JI SRID 'BRAS BU NYER BLANGS NAS, ,NAGS TSAL NAS NI KUN NAS 'ONGS, ,DE SRID KHYOD KYIS 'DI DAG NI, ,YAN LAG G-YO BA BSRUNG BAR BYA, ,SPRE'U NYID DANG G-YO BA NYID, ,GNYIS PO 'DI NI DUS MNYAM STE, ,DE BAS 'DI DAG GIS BYAS GNOD, ,KHYED KYIS SKAD CIG BZOD PAR BYA, ,SHIN TU LCI BA'I SDUG BSNGAL YANG, ,GZHAN GYI DON NI BSGRUB PA'I PHYIR, ,BDAG GI BDE LA LTOS MED PAR, ,MKHAS PA RNAMS KYIS BZOD PA NYID, ,SHIN TU 'JIGS PA'I SEMS RNAMS KYIS, ,GANG ZHIG 'JIGS PA 'JOMS 'DOD PA, ,YID LA GDUNG BYED GNOD PA NI; ,DES NI CI LTAR BZOD MI 'GYUR, ,DE LTAR SPRE'U PHO MO DES NI SENG GE DE, ,BU GNYIS MNGON PAR BSRUNG BAR BYA PHYIR MNGON SMRAS PA, ,GZHAN LA BSRUNG BAR NUS BAS KYANG NI MI SKYO YID, ,SKAD CIG 'KHRUGS PAR SONG BA 'DI NI RAB 'DZIN 'GYUR, ,GZHAN GYI SA GTAD PA'I GSER GYI PHUNG PA CHEN PO YANG MNGON PAR BSRUNG BAR NUS KYI G-YO BA'I RANG BZHIN SPRE'U PHRUG PA 'DI DAG CI LTAR BSRUNG BAR NUS ZHES ZER RO, ,YANG NA BDAG GANG GIS 'GRO BA MA LUS PA NYID 'KHOR BA'I 'JIGS PA LAS KUN NAS SKYONG BAR NUS NA BDAG GIS 'DI DAG KUN NAS SKYONG BAR MI 'GYUR ZHES BYA BA BDAG GIS RNAM PAR DPYOD PA 'DI NI RIGS PA MA YIN NO SNYAM DU BDAG NYID CHEN PO DES RNAM PAR NGES TE, SPRE'U PHO MO GNYIS LA SMRAS PA, KHA BA CAN GYI RI 'DI RNAM PAR BZUNG NAS KHYED CAG SONG, ,MNYAM PA MTHONG BA RNAMS KYIS NAM MKHA'I DBUS BZHIN REG BYED CING, ,ZHIM PA'I @172B 'BRAS BU RNAMS NI 'ONG BA'I PHYIR NI SHIN TU MYUR, ,MNYES GSHIN PA 'DIS PHRU GU GNYIS PO BDAG GIS YONGS SU BSKYANG, ,DE NAS SPRE'U PHO MO DES BYANG CHUB SEMS DPA' DANG NYE BAR PHRU GU GNYIS PO DE RNAM PAR GZHAG STE DU BA LAS RNAM PAR LOG PAR BYAS NAS GOM PA SHIN TU MYUR BAR 'BRAS BU RNAMS NYE BAR 'ONGS PA'I PHYIR KHA BA CAN GYI GNAS KYI NANG RNAMS LA KUN NAS 'KHOR BAR GYUR TO, ,YUN RING PO MA YIN PAR SONG BA'I SPRE'U DE DAG GIS BDAG NYID CHEN PO GNYA' RAL CAN DE LA PHA BZHIN DU SPRE'U'I PHRU GU DE DAG MNYES GSHIN PAS 'BREL PAR 'GYUR RO, ,YAN LAG MA SMAD PAS KYANG DE DAG LA ZHIM ZHING LHOD PA'I SO RNAMS KYI MTHA' MAS BZUNG BA'I 'BRAS BU RNAMS SBYIN PAR GYUR TE, ,DE DAG GIS KYANG RANG BZHIN DU G-YO BA NYID KYIS BDAG NYID CHEN PO DE LA RNAM PAR 'TSE BA DE DANG DE BYAS PAR GYUR TE, PHUG GI SGO DANG NYE BA'I GNAS SU YID 'PHROG PA, ,SENG GE NYAL 'DOD BDE ZHING BSIL BA'I RLUNG LDAN PA, ,SPRE'U'I PHRU GU G-YO BA DE DAG SKAD CIG TU, ,YUD TZAM NYID KYIS BDE BA 'DI YI PHROGS PAR GYUR, ,MIG GI CUNG ZAD ZUM PA NI, ,DE YI MIG DBANG SLAR YANG NI, ,ME STAG GIS 'KHYUD MIG 'BRAS CAN, ,SOR MO RNAMS KYIS SDUG BSNGAL GYUR, ,BDE BA NYE BAR GNAS PA DE'I, ,DUNG DU BSKYOD CING GNAS BYAS NAS, ,MJUG MA'I MTHA' MA NAS BZUNG STE, ,KUN NAS YANG YANG 'GUGS PAR GYUR, ,GNYA' RAL DANG NI RGYAB BZUNG NAS, ,YANG YANG DE YI STENG ZHON NAS, ,LHAN SKYES G-YO BA LAS RING BAR, ,BYUNG ZHING BYUNG NAS LHUNG BAR GYUR, ,MDUN DU YOD BZHIN RNAMS LA YANG, ,'BRAS BU MANG BA DE DAG GIS, ZA 'DOD DE YI KHA LAS NI, ,'BRAS BU KUN NAS 'GUGS PAR 'GYUR, ,DE LTAR SPRE'U PHRUG DE DAG GI, ,BYA BA NGAN PA DE DANG DE, ,SNYING RJE BZANG PO'I SEMS LDAN PHYIR, ,BU DAG LTAR NI DES BZOD GYUR, ,KUN NAS MNYAM PA'I SEMS LDAN PA, ,BDE DANG SDUG BSNGAL MA LTOS PA'I, ,KUN GTZO DAM PA RNAMS KYI YID, ,GANG DU YANG NI NGAL MI 'GYUR, ,DE NAS DUS GCIG GI TSE NA KUN NAS RTZUB CING GSHOG PA'I TSOGS RGYAS PA 'KHYOG CING RTZUB PA'I SEN MO'I RTZE MO DANG LDAN PA RANG BZHIN GYIS DRAG PA'I MIG CAN GANG DU YANG SHA'I @173A *, ,ZAS MA RNYED PA NAM MKHA'I MTHIL DU KUN NAS 'KHOR TE, RNO BA'I SPU GRI LTAR MCHU RNO BA SPU GRI CAN ZHES BYA BA'I BYA RGOD SGRA DANG BCAS SHING SHUGS DANG LDAN PA MA DPYAD PAR BYUNG STE, BYANG CHUB SEMS DPA' LA NYE BAR 'JUG PA 'BRAS BU MYANG BAS SKYOD CING DKAR LA SRAB PA'I SO'I PHRENG BA DANG LDAN PA'I SPRE'U'I PHRU GU DAG 'JIGS PAS KHA PHYE ZHING RNAM PAR 'GYUR BA'I GDONG PA DANG LDAN PA, SKAD SHIN TU RTZUB PA DAG GIS BZUNG NAS SHIN TU MYUR BAR BAR SNANG LA 'PHUR TE KHA BA CAN GYI RI'I RTZE MOR GNAS PAR GYUR TO, ,BYANG CHUB SEMS DPAS KYANG KYI HUD KYI HUD CES BYA BA BRJOD NAS GAL TE BDAG GIS BYA RGOD 'DI RNAM PAR GNON PAS BRNYAS PAR GYUR NA, SLAR 'DI'I PHUR NAS SHIN TU DKA' BA'I RTZE MO GZHAN LA GNAS NAS MCHONGS SHING 'GRO BA'I PHRU GU GNYIS PO 'DI BSAD PAR GYUR NA RNAM PA THAMS CAD DU SPRE'U'I PHRU GU GNYIS PO 'DI BDAG GIS BLTA BAR NUS PA MA YIN TE, MNGON PAR 'PHEL BA'I SDUG BSNGAL GYIS KHYAB MIG LDAN PA, ,SKAD NI RTZUB PAS RKAN GYI BUG MTSON BYAS PA, ,LTO BA LAS 'DZAG KHRAG GIS SPU NI BRLAN BYAS PA, ,BKRES PA DANG LDAN KHRA LTAR SHA NI RNAM 'JIG PA, ,BYA RGOD 'DIS NI SHA NI RNAM PAR GCOD PA YIS, ,SHIN TU SPRE'U'I PHRU GU GNYIS PO 'DI LA NI,, 'BRAS BU RNAMS NI BLANGS NAS DE DAG 'ONGS PA YI, ,MDUN DU DE RING BDAG GIS SMRA BAR NUS SAM CI, ,G-YO BA DAG NI MTSO CHU 'THUNGS PAS 'GYUR RAM CI, ,'BRAS BU'I DON DU SHING LA 'DZEGS NAS GNAS SAM CI, ,YANG NA RI YI PHUG 'DIR ZHUGS PAR GYUR TAM CI, ,'ON TE SBRUL 'GA' ZHIG GIS 'DIR NI DE DAG BSAD, ,RI DAGS BDAG PO KHYED NI THUR LTA MI SMRA GNAS PA CI, ,PHRU GU DE 'DIR GANG DU SONG 'GYUR SMRA BAR MDZOD, ,DE LTAR RAB TU MCHONGS 'GRO KUN NAS PHONGS MIG DE DAG GIS, ,'KHRUG PA'I TSIG LDAN JI LTAR BDAG GIS DE DAG NYAN PAR 'GYUR, ,DE DAG MED PA YUN RING POS NI NYE BAR DMIGS BYAS NAS, ,PHRU GU KUN DA LTAR NI DKAR BA'I SO YI PHRENG BAR LDAN, ,MYA NGAN GYIS NI KUN NAS NYER 'ONGS DE DAG BYAS 'GYUR TE, ,MCHIL PAS BZUNG BA'I NYA RNAMS LTAR NI 'DAR BAR GYUR PA RNAMS, ,DE BAS NA 'DI 'DIR DUS THOB PA BDAG GIS SEMS TE, JI SRID STAG GI SEN @173B MO'I MYU GU'I RNAM PA 'DZIN PA'I MCHUS NI LTO BA RNAM PHUG NAS, ,BYA RGOD 'DI NI 'JIGS LDAN SPRE'U'I PHRU GU DAG LA RGYU MA RNAMS NI 'GUGS MI BYED, ,DE SRED BDAG GIS SONG STE KHA BA CAN GYI RI RTZE'I MTHA' MAR MGRIN LTA'I GDONG CAN 'DUG NAS NI, ,THABS NI SNGON 'GRO MNYAM NYID KYIS 'DI BDAG GIS CHOS DANG MA BRAL GNAS PAS KHRID PAR 'GYUR, ,DE LTAR RNAM PAR BSAMS TE BDAG NYID CHEN PO DES BYA RGOD DANG NYE BAR 'ONGS TE SMRAS PA, KYE 'DAB CHAGS KYI MCHOG BDAG GI LAG PAR PHA MA DAG GIS SPRE'U'I PHRUG PA 'DI DAG GZHAG PA STE, DE BAS NA KHYOD KYIS 'DI DAG KHA PHYE PA'I SO RNAMS KYIS PHONGS PA'I GDONG DANG LDAN PA SKAD RTZUB PA DAG BSAD PAR RIGS PA MA YIN ZHES ZER TE, NGES PAR KHYED KYI'ANG PHRU GU RNAMS, ,SNGAR NI 'BYUNG BA 'AM YOD PA STE, ,CI 'DRA KHYOD KYIS DE RNAMS LA, ,MNYES GSHIN GZHAN YANG DE LTA BU, ,DE LTAR SNYING RJE LA DMIGS NAS, ,SPRE'U'I PHRUG PA MA BSAD CIG ,NAD PA 'DI DAG ZOS NAS KYANG, ,KHYED LA TSIM PA GTAN DU MED, ,KYI HUD DE YI 'TSO BA SMAD, ,'DI 'DRA BDAG LA CHAGS PA SMAD, ,GANG ZHIG LUS 'DI RGYAS PA 'DI, ,GZHAN LA 'TSE BAS KHYAD PAR 'GYUR, ,MI SHES PA NI CHAGS PA SKYE, ,SKYON DANG BCAS PA'I LUS LA YANG, , DE RGYAS DON DU MI SHES PAS, ,NGAN 'GRO'I RGYU YI LAS NI BYED, ,BDAG DANG BDAG GI MED MED PHYIR, ,GANG ZHIG THAMS CAD STONG PA MTHONG, ,YANG DAG MIN BA'I RNAM RTOG SKYES, ,YID KYI MUN PA DE 'GEGS MIN, ,GANG TSE MUN PA MED PA'I PHYIR, ,MKHAS PAS DE NYID THOB 'GYUR NA, ,DE TSE THAR PA'I PHYIR 'GYUR TE, , DGE MI DGE LA RGYAB KYIS PHYOGS, ,SENG GE LAS GZHAN SHA ZA SU ZHIG YOD MIN TE, ,DRAG PA'AM ZHES 'DI NI SA LA GSAL BA STE, ,SENG GE'I SKYE GNAS DKA' BA YANG NI BDAG BRTEN PA, ,CHOS LAS 'DAS MIN SROG CHAGS 'TSE BA 'DI MI 'DOD, ,NAGS 'DI LAS NI RI DAGS MANG PO BSTEN PA DANG, ,RI DAGS DGRAS NI BSAD PA 'AM RANG NYID KYIS SHI BA, ,MKHA' 'GRO MCHOG LAGS NAM MKHA' 'KHOR ZHING BLTAS NAS NI, ,MYUR DU 'GRO BA 'ONGS TE DE YI SHA ZA 'GYUR, ,ME YI LCE DANG 'DRA BAR LUS LA GDUNG BYED CING, ,BKRES PA CHEN PO YANG NI DE BAS BZOD BYAS TE, ,DMYAL @174A *, ,BAR NGES PAR LHUNG BA'I PHYIR NI MI DGE BA, ,'DI 'DRA BA NI BAG YOD DOR BAS MA BYAD CIG ,NANG DU SEMS CAN RNAMS KYI RUS PA'I TSIGS NI CHAG PAS TSEG TSEG SGRA YI H'Um BYED KYIS NI 'JIGS, ,ME STAG TSOGS NI KUN NAS RGYAS PAR BYED CING ME LCE CHEN PO DMAR ZHING 'OD MED 'JIGS PAR LDAN, ,G-YO BA'I 'BAR BA'I TSOGS LDAN DMYAL BA'I BSREG LUGS ZA BA RNAMS NI MKHAS PA RNAMS KYIS BRJOD BZHIN PA, ,SKYE BO'I RNA BAR SONG BA RNAMS KYANG MI BDE BYED NA KUN NAS REG PA SLAR YANG SMOS CI DGOS, ,LCAGS KYI BUM PA CAN LA 'BAR BA'I BSREG LUGS 'DZIN PA REG PAS KUN NAS GDUNG BA LA NI MIG ,SHIN TU SGRA SGROGS BSKOL BA KUN NAS BSKYOD PA'I MAR NAG GIS NI KHA DANG MGRIN PA GANG BA'I PHYIR, ,RTZIG PA LA NI RI MO BRIS PA'I 'TSED BZHIN DMYAL BA'I MI NI BRIS BA YANG NI MTHONG BYAS TE, ,NGAN 'GRO THOB PHYIR RNAM PAR 'TSE BYED SU ZHIG KYANG NI DRAG PA'I RANG BZHIN LAS NI 'GYOD MI BYED, ,NGAN 'GRO'I SDUG BSNGAL NAM MTHONG NAS, ,GANG ZHIG MI DGE LAS MI 'GYOD, ,MI YI RNAM PA DE LA YANG, ,YANG NA RDO BA'I SNYING CAN YANG, ,DE NAS BYA RGOD DES BYANG CHUB SEMS DPA'I CHOS BSTAN PAS DANG BA'I BLO SKYES SHING MNGON DU PHYAG 'TSAL NAS SMRAS PA, RI DAGS KYI BDAG BO KHYED KYIS BYIS PA RNAMS KYI MTSAN NYID GSAL BAR MDZAD PA STE, DA NI MKHAS PA RNAMS KYI MTSAN NYID KHYED KYIS BSHAD PAR 'OS SO ZHES ZER RO, ,DE NAS BYANG CHUB SEMS DPA' DANG BA'I YID DANG LDAN PA SHES NAS SMRAS PA, GAL TE DE LTA YIN NA DE BAS NA MKHAS PA RNAMS KYI MTSAN NYID NYON CIG CES ZER RO, ,RNYED DANG MA RNYED PA LA PHAN PAR SMRA BA'I GROGS PO LA 'AM SDANG BA LA, ,BSTOD PA DANG NI SMAD PA LA 'AM YO BYAD CHE BA LA 'AM RGUD PA LA, ,GANG ZHIG NYE BAR ZHIBS RNAM PAR DAG PA'I YID KYIS RNAM PAR 'GYUR MI 'GRO ,DE NI SHES RAB CAN RNAMS KYI NI STENG GNAS 'OD ZER LDAN RNAMS KYI NI NYI MA BZHIN, ,YANG NA MKHAS PA RNAMS KYI MTSAN NYID THOS PA 'DIS KHYOD LA CI ZHIG BYA STE, ,SPRE'U'I PHRU GU 'DI DAG RNAM PAR BTANG BAR GYIS SHIG ,BDAG NYID KHO NA BDAG GIS KHYOD LA RAB TU SBYIN PAR BYA ZHES ZER, ,KHYED KYIS SHA NI ZO SHIG KHRAG KYANG BTUNG BAR @174B GYIS, ,G-YO BA MED PA BDAG GI MIG DAG KYANG THON CIG ,DE LTAR SMRAS NAS RNAM PAR 'DZUMS DANG BRAL BA'I MIG CAN DE, ,YUN RING RNAM PAR 'DAR BA MED PA'I LUS CAN GYUR, ,DE NAS RNGA BO CHE YI SKAD KYIS PHYOGS MTHA' RNAMS GANG ZHING, ,LHA YI BDAG PO'I GRONG KHYER DBUS SU ZHUGS TE BRDUNGS PAR GYUR, ,BYA RGOD LA NI SENG GES LUS BYIN SPYI BO BTUD RNAMS KYI, ,GRUB THOB RNAMS NI NAM MKHA' LA GNAS DGA' BAR YANG NI GYUR, ,BSKYOD PA'I GSER GYIS 'DZIN RNAMS NI G-YO BAR 'BYUNG BA STE, ,LHA YI TSOGS NI BRGYA BYIN DANG BCAS NGO MTSAR DE NYID GYUR, ,SBRUL GYI DBANG PHYUG RNAMS KYIS KYANG NI BSTOD PA BRJOD PA YIS, ,DE YI STENG DU ME TOG CHAR RNAMS RAB TU LHUNG BAR BYAS, ,DE NAS GNYA' RAL CAN GYI PHUG NYE BAR, ,SPRE'U'I PHRUG PA DAG NI MKHA' 'GROS GZHAG ,SEN MOS LUS NI PHIG PA MI G-YO BA, ,'JIGS PAS BRGYAL BA RNAM PAR ZUM PA'I MIG ,RIM GYIS NYE BAR 'ONGS TE BYANG CHUB SEMS DPA' LA, ,BYA RGOD MCHOG DES KUN NAS BSLANG ZHING GNAS PA STE, ,DUL BA'I BSAM PA CAN NI DE YI MDUN GNAS PA, ,GUS PAS BSTOD PA 'DI 'DRA YANG NI BRJOD PAR GYUR, ,BRTZE LDAN KHYOD KYIS MTHO 'DI AE MA GANG DU STE, ,KHYOD KYI 'JIGS BYED SENG GE NYID 'DI GANG DU YANG; ,KHYAD PAR GYIS RGYU SU ZHIG GIS KYANG YUN RING PHYIR, ,KHYED KYI THUB PA SU ZHIG RI DAGS BDAG LTAR 'GYUR, ,SHES RAB LA DMIGS GANG NYID KYI, ,YID NI BDE SDUG MNYAM PA CAN, ,DE NYID SROG GI NOR GYIS NI, ,RGUD PAR SONG BA MCHOG TU NYO, ,GAL TE KHYED 'DRA MED 'GYUR NA, ,DAM PA'I SKYE BO'I ZAM PA BRTEN, ,SDUG BSNGAL RGYA MTSO TING ZAB PA, ,CHE LA SKYE DGU RNAMS NUB 'GYUR, ,KHYED KYI CHOS KYI BSTAN PA 'DI, ,DGE BA 'DI NI MNYAN BYA STE, ,DGRA RNAMS LA YANG BDAG GIS NI, ,DE NAS BRTZAMS TE BRTZE BYED 'GYUR, ,KHYED LA BDAG GIS DRI BAR BYA STE DKA' THUB 'DIS GO 'PHANG JI LTA BU ZHIG MNGON PAR 'DOD CES ZER RO, ,BYANG CHUB SEMS DPAS SMRAS PA, 'KHOR BA THOG MA MED PAR SGRUB PAR BYED NUS PA, ,RAB TU GNOD PA'I SDUG BSNGAL RGUD PAS KUN GDUNGS PA, ,'GRO BA 'DI NI SRID PA'I RGYA MTSO LAS BSGRAL PHYIR, ,DE BZHIN GSHEGS PA NYID PHYIR BDAG @175A *, ,GIS BSGRUB PAR BYA, ,BYA RGOD KYIS SMRAS PA, SHES RAB CHEN PO DANG LDAN PA KHYED LA SANGS RGYAS KYI GO 'PHANG 'DI LTA BU RNAM PA THAMS CAD DU RNYED PAR DKA' BA MA YIN TE, ZAB PA THOB PAR DKA' BA MIN PA'I LAS RNAMS BZA' DANG RNAM PAR SHES PA PO, ,BSTAN BCOS LA NI ZHUGS PAR GYUR PA'I BLO LDAN GZHAN PHAN BYED LA CHAGS PA'I BDAG NYID CAN, ,DE BZHIN GSHEGS PA RNAMS KYI SRID PA 'BIGS BYED DAG RNAMS DAM PA RNAMS LAS RTOGS PA PO, ,KHYED CAG LTA BU RNAMS DANG GTI MUG GCOD 'BREL SRID DANG SRID PAR BDAG CAG LA 'BYUNG SHOG ,PHUG DANG NYE BAR BDAG GIS DER, ,SPRE'U YI PHRU GU DAG BZHAG PA, ,DA NI DE BAS DAM PA BDAG ,BTANG BA'I PHYIR NI KHYED KYIS 'OS, ,BYANG CHUB SEMS DPAS SMRAS PA, AE MA'O KHYOD NI SHES PA GSAL BA STE, ,GANG GI PHYIR KHYOD KYIS BDAG GI MAN NGAG BZUNG NGO, ,RTOGS BYA SMRA BA PO YI TSIG GIS GSAL BYAS KYANG NI RAGS PA GANG ZHIG GIS MI 'DZIN, ,DNGOS PO CHUNG BA DE YI BSTAN BCOS YUL LA DON MED PAR NI BLO GROS NGAL BAR 'GYUR, ,GANG LA KHYIM GYI SGO NI BLTA BA'I PHYIR NI NUS PA MED DE SNANG BA YOD PA LA, ,DE NI RAB RIB SKYES PA KHAB KYI BU GSHIN TU CHUNG BA CI LTAR MTHONG BAR 'GYUR, ,NYE BAR STON PA PO NI YOD KYANG BAG MED PA'I, ,BYIS PA BLO GROS DMAN PA NYID NI 'DOR BA MIN, ,YANG DANG YANG DU DRANG BA NYID DU NYER SONG YANG, ,KHYI YI MJUG MA 'KHYOG PA NYID DU SLAR YANG 'ONG, ,RAB TU DBANG BA'I BSTAN BCOS RNAMS KYIS LAM NI NYER BSTAN PA, ,BLO GROS DMAN PA MIN PA LAM MIN MI 'GRO STE, ,GSAL ZHING BZANG PO'I YID LDAN LUS NI KUN KHYAB PA, ,GNYIS 'THUNG DBANG PO GSAL BA 'OD MAS 'DZIN RNAMS LTAR, ,DBANG PO'I TSIG 'DI SHIN TU BSNAMS PA NI, ,MKHAS PA RNAM PAR 'GYUR BA BYED PA MIN, ,GDENGS KA LEGS PAR BZUNG BA'I LTO 'PHYE NI, , SKYON BYED CHUNG BA YANG NI NUS PA MIN, ,GNOD PA'I 'BRAS BU SKYE BO LA NI SHIN TU YANG, ,DAM MIN SKYE BO LA NI RGYAS DANG DBANG PHYUG BYED, ,BA BLA SBRUL GYI LA YI NANG DU SBAS PA NI, ,SHIN TU MI BZAD PA YI DUG NI BYED PAR 'GYUR, ,DBANG PO'I SGRA RNAMS KYIS NI BRGYAL ZHING BAG MED LAS, ,SKYE BO LA NI @175B 'DOD PA DON MIN LHUNG BAR BYED, ,RAB TU 'BREL BA'I KHA DOG BZANG POS MTHONG GYUR PA'I, ,'OD ZER ME LA MCHONGS BYED PHYE MA LE BA LTAR NI, ,DBANG PO'I YUL LA CHAGS PA MI MKHAS SKYES BU LA, ,RANG GI CHOS KYI LAM NAS LHUNG BAR BYED PA STE, ,BCINGS PA LHOD PAS LTE BA'I RTZA BA BKAG PA NI, ,SHING NI SMIN PA'I RTZE LAS 'BRAS BU 'BYIN PA LTAR, ,GAL TE RANG BZHIN GYIS NI RAB GNOD DUG GI SHING, ,SBRUL DANG MTSON CHA'I ME RNAMS 'BYUNG BAR MI 'GYUR NA, ,DAM MIN SKYE BO 'KHYUG CING RNO BA'I SEMS LDAN PA'I, ,SU DANG LHAN CIG DPE NI SLAR YANG MNYAM PAR 'GYUR, ,RGYU MED PAR NI KHRO BAS RTZUB CING DRO BAS SMRA, ,RMONGS PA KHRO GNYER GYIS NI MI MNYAM BYAS PA'I MIG ,BU GA DU MA LAS SKYES 'JIGS PA'I LTO 'PHYE NI, ,GROG MKHAR LA NI LHAG PAR 'JIGS PAR BYED PA LTAR, ,SKYON CAN BRAG GI DKYIL NI BRTEN PAR GZHAN GNOD PHYIR, ,LHAN CIG MNGON PAR SMRAS PA SNA TSOGS RAL GRI'I SOS, ,RMONGS PA NGO TSA MED PA SU ZHIG BYA BA NI, ,YUL DU SONG BAR GYUR LA SDUG BSNGAL SKYED MI BYED, ,G-YO SGYU'I KHRAB NI 'DZIN PA'I NGAN RNAMS YUN RING DU, ,BSGRIB PAR DKA' BA DBANG PO'I DMAG TSOGS DBUS SONG BA, ,GNAD KYI SDUG BSNGAL SKYED CING DAM SKYE BRTZE MED PA, RAL GRI'I SO LTAR SA LA LHUNG BAR BYED PAR 'GYUR, ,CHA LUGS DUL BA YANG NI YID 'ONG SMRA BA YANG, ,DAM MIN SKYE LA MKHAS PAS YID CHES MI 'GYUR TE, ,GZUGS BZANG LUS CAN DANG NI 'JAM PA'I SKAD GYUR YANG, ,RMA BYA SBRUL RNAMS 'PHRO BZHIN PA NI CIS MI ZA, ,GAL TE SEMS KYI GRONG MI GSO BAR 'DOD GYUR NA, ,YUN RING PO 'AM BLO YI BUD MED RNAM 'BREL BA, ,DE BAS MKHAS PA'I CHU GTER 'BYUNG BA YOD PA LA, ,DAM PA'I YON TAN SA BON BDAG NYID LA DOR MDZOD, ,YUN RING DAM PA DANG NI 'BREL PAS DAG PA'I YID, ,BDAG NYID LDAN PA'I MI NI DAM MIN 'BREL MI 'GYUR, ,YID 'PHROG PADMO'I ME TOG SKYOD YUL DANG LDAN PA'I, ,BUNG BA NAM YANG SHING RO LA NI GNAS MI BYED, ,GZHU DANG LDAN BAS MDA' NI 'PHEN PAR MA BYAS PA, ,JI LTAR GZHON NUR SONG BA'I DGA' PA KUN 'BYUNG STE, YON TAN DMA' RNAMS KYIS NI SHIN TU RING @176A *, ,'PHANGS PA'I, ,DE BZHIN SKYON RNAMS DGRA NI RAB BSAD LEGS BLO YI, ,SHIN TU RNAM DAG 'PHROG BYA MIN PA MANG BCOS PA, ,YON TAN RNAMS KYIS RAB BRGYAN 'PHAGS PA'I SKYE BOS MCHOD, ,KUN NAS NYE BAR DMIGS NAS MI LA SKYE MIN NAM, ,LHA YI MCHOG GI RGYAN RNAMS LA MANG NGO MTSAR BA, ,BDE BA SHIN TU RJES 'DOD CING, ,YON TAN RNAMS NI 'BYUNG BA 'AM, ,DE BAS DAM MIN SKYE DOR NAS, ,DGE BA'I BSHES GNYEN BA STEN PAR BYA, ,'PHAGS MIN SKYE BO DANG 'BREL PA, ,DAM PA NAM YANG DGA' PHYIR MIN, ,'JUG NGOGS CHU YI KHRUS BYAS BA'I, ,DKAR PO LAS GZHAN GOS DKAR LTAR, ,BLO LDAN MDUN PA 'BIGS SHING 'GRO BA'I SDIG PA RAB TU 'JOMS PAR BYED DANG 'BREL PA YI, ,DRAG PA YANG NI DRI MA CAN GYI RANG BZHIN SPANGS NAS BZANG PO NYID LA DMIGS PAR 'GYUR, ,SKYE BO GANG ZHIG SKOM PAS GDUNGS PA YANG NI 'THUNG BAR MI 'DOD DE NYID SKAD CIG GIS, ,CHU 'DZIN GYIS NI LTO BA LA GNAS CHU RNAMS KYIS NI BDAG PO'I CHU NI BA TSVA CAN, ,DE BAS NA JI LTAR BDE BAR SONG SHIG CES BYA BA BYANG CHUB SEMS DPAS 'DAB CHAGS DE LA SMRAS PA, BDAG NYID CHEN PO DE LA BSKOR BA BYAS TE NAM MKHA'I DKYIL DU 'PHUR NAS KUN NAS 'KHOR ZHING KHRAG GIS MNGON PAR DMAR BA'I SEN MO DANG KHA'I SMA RA LDAN PA'I STAG GIS SHA NYE BAR BGOS BZHIN PA DANG, TSIL NYE BAR RGYAS PAS TSO BA'I DPUNG PA DANG LDAN PA DANG, MNGON LUGS SAR PA MYANG BAS KHA'I NANG DRI ZHIM PAR BYAS PA DANG, SA'I STENG NAS 'BYUNG BA DANG, DRI MA CAN DANG BCAS SHING 'KHYOG PA'I MCHE BA GNYIS DANG LDAN PA DANG, CUNG ZAD 'DAM GYIS NYE BAR BYUGS PA'I LUS CAN DANG, SHIN TU RING PO MA YIN PA LA GNAS PA'I BYA RGOD KYI TSOGS KYIS YONGS SU BSKOR BA DANG, NYE BA'I SHING RNAMS LA NGES PAR GNAS PA'I SKAD SGROGS PA'I BYA ROG GI TSOGS KYIS MTHONG BZHIN BA'I PHAG RGOD GZHON NU MTHONG BAR GYUR TO, ,DE MTHONG NAS KYANG 'DI LTAR BSAMS PAR GYUR TE, ,JI SRID DU STAG 'DI ZAS KYIS TSIM PAR BYAS PAR GYUR TE, RANG GI GNAS SU 'GRO BA DE SRID DU BDAG GIS MTHA' GCIG TU GNAS PAR BGYI STE GNAS NAS KYANG RIM GYIS @176B MCHOG GI YID LDAN TSIM PA RNYED PA'I STAG DANG DE NYID DU, ,'BREL BAS RANG GI KHYIM DU SONG BA SGEG PA DANG BCAS PAR PHAG GI SHA NI NYE BAR SBYAR NAS TSIL DANG 'BREL PA NI, ,BYA RGOD KYANG NI RANG GI TSANG DU MYUR DU SONG BAR GYUR, ,RI DAGS BDAG POS KYANG NI KING SHU KA PHRENG LTAR DMAR NYI MA NI, GSER RI'I RTZE MOR 'OD ZER GSAL BA LA NI GNAS GYUR NA, ,SHING GI YAL GA RNAMS KYIS TSANG LA GNAS PA'I 'DAB CHAGS BSKYOD PA YIS, ,BSKYOD CING 'JAM PA'I GNYA' RAL MTHA' CAN RANG GI 'DUG PAR SONG BAR GYUR, ,DE DAG BYA RGOD KYI SEN MO RNAMS KYIS LUS RNAM PAR 'BIGS PA DANG LDAN PA DANG, BYANG CHUB PAR GYUR PA DANG, BRGYAL BA'I DBANG GIS BTZUM PAR BYAS PA'I MIG DANG LDAN PA'I SPRE'U'I PHRU GU DAG MTHONG NAS, SNYING SDUG BSNGAL BAR GYUR PAS CHUS MNGON PAR GTOR BAS 'DI DAG GI BRGYAL BA SEL BAR 'GYUR SNYAM DU RNAM PAR BSAMS TE, CHU YI 'GRAM RTEN 'DAB CHAGS RNAMS KYIS BKAG PA NI, ,BAR MED 'DAB MA RNAM PAR DMAR BA'I SHING RNAMS KYIS, ,RIM GYIS 'ONGS PA'I BUNG BA CAN GYI PADMA GNAS, ,KUN NAS ZE'U 'BRU KHAM PA'I MTSOR NI RNAM ZHUGS GYUR, ,MTSO CHEN PO DER RNAM PAR ZHUGS NAS KYANG, ,MYUR DU BRGYAL TE RNAM 'PHYAR GNYA' RAL CAN, ,DE NI BRAG PHUG NYE BAR SKAD CIG 'ONGS, ,SDER MO BKOD PAS RTZVA SNGON RNAM PAR MNAN, ,BYA RGOD SEN MO RNON MOS YAN LAG BREG ,DE NAS YAL GA'I RI DAGS PHRUG DE DAG ,STENG DU MYUR BAR GE SAR DANG BCAS PA'I, ,CHU NI 'DZAG PA GNYA' RAL CAN GYIS BLUGS, ,SENG GE'I GNYA' RAL CHU YIS SPANGS PAR GYUR PA NI, ,LCI BA'I BRGYAL BA BSAL BAS 'DU SHES SKYES PA NI, ,MIG RNAMS KUN NAS PHYE BA NYID DU GYUR PA STE, ,'PHRO ZHING GAN RKYAL GDONG CAN YAL GA MCHONGS 'GRO BA'I, ,SHIN TU BYA RGOD LA 'JIGS KUN NAS 'DAR ZHING MI BRTAN YAN LAG CAN, ,DE DAG RI DAGS BDAG PO'I SDER MO'I MTHA' 'ONGS GNAS PAR GYUR, ,KUN NAS BSKYOD PA'I 'DAB MA LTAR NI YID 'PHROG LCE YIS NI, ,DE NAS DES KYANG MNYES GSHIN PAS NI SKAD CIG LHAGS PAR GYUR, ,'DAB MA LAS LHUNG YONGS SU SMIN @177A *, ,PA'I 'BRAS BU ZAR BCUG NAS, ,MNYES GSHIN PAS NI SKAD CIG RANG GI PHRUG LTAR DU BZLOG NAS, ,MKHA' SNANG SGRON MA RGYAS PA'I RANG GI PHUG TU ZHUGS TE DE DAG LA NI KUN 'KHYUD BDE BAR MTSAN MO DE NYAL GYUR, ,RIM GYIS KYANG KUN NAS RNYINGS PA'I SHING MA LA TI'I ME TOG GI RTZE MO LTAR KUN NAS 'OD MED PA'I MTSAN MO BYED PAS GROL BAR GYUR PA'I NUB PHYOGS KYI CHA DANG LDAN PA DANG, RANG GI KHYIM GYI GNAS NAS BLANGS PA TZAM RI DAGS RNAMS KYI SOS RTZVA'I MYU GU ZOS BZHIN PA DANG, SHAR PHYOGS KYI MTSAMS KYI KUN NAS DMAR BAR BYED BZHIN PA'I RGYA MTSO'I CHU DANG LDAN PA DANG, KUN NAS BAR CHAD PAR GYUR PA'I SKAR MA'I TSOGS DANG LDAN PA DANG, PADMA'I NAGS RAB TU SAD PAS SHIN TU DGA' BAR GYUR PA'I CHU'I RTEN CAN DANG, SHING RNAMS KYI YAL GA LA 'JUG CING BSKYOD PA'I RMA BYA'I MJUG SGRO'I TSOGS KYIS YID SHIN TU 'PHROG PA'I NAGS KYI NANG DANG LDAN PA MTSAN MO 'DAS PA LA BRAG PHUG DANG NYE BAR LJON SHING GEL PA'I ME TOG GI MTHAR KUN NAS SPYOD PA'I BUNG BA'I PHRENG BA RNAMS KYIS GUS PA DANG BCAS BAR NYE PAR GLU LEN BZHIN PA LTAR MA SMAD PA'I LAS CAN MA SMAD PA'I YAN LAG CAN, NYI MA GSER GYI BUM PA BZHIN DU NI, ,LHA YI DBANG POS PHYOGS NI MNAN PA LA, ,RIM GYIS SPRE'U YI PHRU GU LDAN PA DANG, ,'PHRO BA'I GNYA' RAL 'PHYANG BA BYUNG BAR GYUR, ,DE NAS 'BRAS BU BZUNG NAS 'BRAS BU LA NI CHAGS, ,RANG GI PHRU GU BLTA BA'I PHYIR NI DGA' BA YIS, ,RI DAGS BDAG PO'I GNAS NI MYUR DU 'PHRAD 'DOD PA, ,SPRE'U'I PHO MO GNYIS NI MYUR DU BYUNG BAR GYUR, ,NYE BAR 'ONGS PA NGA RGYAL RGYAS 'BYUNG SONG BA NI, ,DAL BA'I GOM PAR 'JAM PA'I NGAG PHYED DANG LDAN PA, ,PHYAG BYAS NAS NI PHO MO DE GNYIS SENG GE YIS, ,'JIG RTEN RIG PA BDE BA SNGON 'GROS SMRAS PAR GYUR, ,SPRE'U YI PHRU GU DAG GI KUN, ,JI LTAR BYUNG BA GO RIMS KYIS, ,DE NAS MTHA' MAR DE DAG GI, ,BYA RGOD PHROGS PA SMRAS PAR GYUR, ,DE NAS RGUD SONG SNYAM NAS NI, ,PHRU GU DAG DE'I MYA NGAN GYIS, ,BYA RGOD KYIS BRAD YAN LAG RNAMS, ,SPRE'U DAG GIS REG PAR GYUR, ,SBYOD PA DANG LDAN RI DAGS BDAG ,LDAN ZHING LDAN PAS 'DI SMRAS @177B GYUR, ,KHYED KYI SPRE'U YI BU BSRUNGS TE, ,BDAG CAG KYANG NI SHIN TU SRUNGS, ,CHOS GTAM GANG 'GA' RGYAS BYED CING, ,YON TAN MNYAM PA RNAMS KYIS MTSAN, ,GRAGS PA'I KHA BAS KUN NAS G-YOGS, ,GANGS KYI RI NI G-YO BA MED, ,GANG RNAMS LUS NGAN KHYED KYI NI,, YON TAN GRANGS MED 'JAL MI BYED, ,GZHAN RNAMS GNYA' RAL NYID THOB NAS, ,'DI RNAMS PHYI ROL GNAS PAR RLOM, ,RGYA MTSO'I CHU NI MI G-YO 'DAB CHAGS RNAMS KYI BDAG PO 'BYUNG ZHING 'KHRUG PAR BYED, ,CHU GTER TSOGS KYIS BKAB PA'I ZLA BA'I 'OD NI RAB TU 'GRO BAR MI BYED DE, ,SLAR YANG KHYOD KYIS SDIG PA GCOD BYED GNAS PA LA NI DAG PA'I SEMS GNAS PA, ,GZHAN NYID 'GRO BA'I PHYIR NI RDUL DANG MUN PA DAG GIS NUS PA MA YIN NO, ,PHRU GU 'DI DAG BDAG CAG GI ,BSKYANGS NAS GANG ZHIG DGE KHYOD KYIS, ,THOB PA SHIN TU CHEN PO DES, ,'DOD PA'I 'BRAS BU THOB PAR SHOG ,DE BAS PHRU GU DAG 'DI NYER BZUNG NAS, ,'BAD PAR LDAN PA KHYOD KYIS MNGON PA SKYANGS PA, ,GNYEN 'DUN MANG POS KHYAB PA'I TSANG TSING LDAN, ,RANG GI KHYIM NI NAGS KYI NANG DU 'GRO, ,PHRAD 'DOD DE DAG LA NI SONG ZHIG DER GNAS PA, ,DAM PA DE LA GUS PA NYID DU PHYAG BYAS TE, ,ZHI BA'I GNAS SU PHRU GU DAG GI RGYAB GNAS PA, ,NAGS GZHAN DU NI DAL BU DAL BUS 'GRO 'GYUR TE, ,PHA MAS 'GRO BA ZHIM PA'I RGYAB TU LHAG PAR ZHON PA NI, ,PHRAG PA'I SPU RNAMS TSOGS LA SHIN TU SBYAR BA DAG ,CUNG ZAD MI RNAMS PHRAD 'DOD DE DAG BZLOG NAS NI, ,YANG YANG RI DAGS DBANG PO LA NI LTA BAR GYUR, ,BCOL BA DE NI BCOL MA KUN GYI SNYING PO STE, ,SNYING PO SHES RAB SPYOD YUL CAN DES GTAD BYAS NAS, ,PHRAG PA LAS KHUR SA LA GZHAG PAR BYAS PA LTAR, ,NGAL BA GCAD PAS DGA' BA CHEN PO THOB PAR 'GYUR,, SHIN TU DGA' BA CUNG ZAD GZHAN, ,SROG CHAGS BCOL MA BSRUNGS LAS MED, ,DE NYID SLAR NI GTAD PA LAS, ,MI RNAMS LA NI BDE GZHAN MED, ,DE LTAR NA BCOM LDAN 'DAS DES DUD 'GROR 'JUG PAR GYUR PA NA YANG SHIN TU YUN RING BAR SROG CHAGS BCOL BA MNGON PAR BSRUNG BAR @178A *, ,MDZAD DE, DE'I GNAS SKABS NA YANG SHES RAB LA KUN NAS 'DRIS PAR MDZAD DO SNYAM DU RNAM PAR BSAMS TE, GANG ZHIG CHOS KYI BCOL MA DES, ,LEGS PAR SKYOB CING GTAD PA DE, ,SHIN TU BDE BAR 'DOD PA YI, ,KHYOD RNAMS KYIS NI BSKYANG BAR GYIS, ,SENG GE'I SKYES PA'I RABS TE SKYES RABS GNYIS PA'O,, ,,LHA DBANG NYID KYANG SHIN TU LCI BA NI, ,DPAG MED GNAS NI STOBS LDAN RING THOB NA, ,SNYING RJES RNAM PAR DAG PA'I YID LDAN RNAMS, ,GZHAN LA PHAN PA'I 'BAD PA 'DOR MI MDZAD, ,'DI LTAR RJES SU THOS TE, SA GSUM PA LA PHAN PA RGYUN MI 'CHAD PA PHRAD PAR 'DOD PA DANG 'DRA BA'I BYANG CHUB KYIS SO SOR SKYONG BZHIN PA DANG, SDUG PA'I BU LTAR MNYES GSHIN PAS BRLAN PA'I SNYING RJE'I MAS BYES NAS RNAM PAR LOG PA DANG 'DRA BAR 'KHYUD PA'I YID DANG LDAN PA DANG, GUS PA DANG BCAS PAR LHAG PAR BYUNG BA'I DPAL GYIS KUN NAS MNAN PA DANG, RAB TU 'DUD PA'I LHA'I TSOGS KYI GTZUG GI NOR BU'I 'OD ZER RNAMS KYIS NGES PAR KUN NAS SNANG BAR BYAS PA'I ZHABS KYI PADMO DANG LDAN PA, DGE BA'I RTZA BA NYE BAR BSAGS PAS DUS GCIG GI TSE NA BYANG CHUB SEMS DPA' LHA RNAMS KYI BDAG PO BYUNG BAR GYUR TE, 'OD ZER SNANG BAS KUN NAS ZHUGS PA'I GZUGS DES NI, ,MTHO RIS GNAS PA RNAMS KYI MDUN SA RNAM MDZES 'GYUR, ,RNAM DAG SKAR MA'I TSOGS KYIS BKRAM PA'I NAM MKHA' NI, ,MTSAN MO GTZANG BA'I 'OD DANG LDAN PA'I ZLA BA LTAR, ,NGA RGYAL 'DZIN PA CHE BA'I ZIL GYIS GNON PA YANG, ,LHA MA YIN RNAMS DE YI ZIL GNON BZOD MI 'GYUR, ,RAB DRAG GSHOG PAS BRGYAB CING 'BYED PA'I RGYA MTSO LA, ,RAB GROL 'DAB CHAGS BDAG PO LA NI LTO 'PHYE LTAR, ,CHE BA'I BDAG NYID LA NI GNAS KYI KHYAD PAR 'DOD, ,DPAL NI RTEN BYAS DE LTAR DER NI GUS DANG BCAS, ,RNAM PAR 'BYOR PA'I PHYIR NI MTHO RIS SKYOD BYED PA, ,BRTAN PA'I BDAG NYID LA NI GLOG LTAR GNAS PAR GYUR, ,BAG MED RGYU YANG LHA RNAMS BDAG PO NYID DER NI, ,LHA MA YIN NI 'JIGS PAR BYED PA DES GNAS PA, ,DUL BAR 'DOD CING LAM @178B BZANG KUN NAS 'JIG RTEN NI, ,MI 'KHRUGS PA YI BSAM PA DANG LDAN BLTA BAR MA BYAS SO, ,DE NAS DUS GCIG GI TSE NA RI'I NAGS KYI NANG 'GA' ZHIG LA SNA TSOGS PA'I RI DAGS KYI TSOGS KYIS KHYAB PA DANG, DRI MA MED PA'I CHU'I RTEN RNAMS LA PADMA RNAMS KYI DRIS DRI ZHIM PAR BYAS PA'I 'JAM PA'I RLUNG DANG LDAN PA DANG, SKYED MOS TSAL RNAMS KYIS DGA' BAR GYUR PA'I MTHA' DANG LDAN PA DANG, 'DAB CHAGS KYI TSOGS DU MA RNAMS KYI SHING RNAMS LHAG PAR GNAS PA DANG, PHAN TSUN MIN PAR BRNAB SEMS LAS RNAM PAR BZLOG PA'I RI DAGS DANG SBRUL DANG LDAN PA DANG, NYE BAR ZHI BA'I GNAS DANG GTZANG PO DU MA'I CHUS KUN NAS SBANGS BZHIN PA'I SHING AA TI MU KA DANG, MA LI TI DANG, CHU SHING GEL PA DANG LDAN PA DANG, THUB PA'I SKYE BO DU MA RNAMS KYI MES MCHOD PA'I DU BA RNAM PAR RGYAS PA NYID KYI SPRIN DANG BCAS PA DANG 'DRA BA DKA' THUB KYI NOR CAN LA LA ZHIG DKA' THUB KYI NAGS LA LHAG PAR GNAS PAR GYUR TE, NAGS DANG NYE BAR GNAS NAS NI, ,KUN NAS RI DAGS 'DAB CHAGS RNAMS, ,LO MA'I NAGS SU NYER SONG NAS, ,SLOB MA LTAR NI NGAL BSO GYUR, ,DRANG SRONG CHEN PO DE SNYING RJES BSAM PA BZANG PO DANG LDAN PA'I GNYEN 'DUN LTAR NYI MA RE RE ZHING SDIG PA ZAD PAR 'DOD PA DANG 'DRA BA'I SNA TSOGS PA'I SHING RNAMS KYI SHIN TU DGA' BA'I NAGS SU 'ONGS TE, RTZVA DANG 'OD MA'I 'DAB MA RNAMS ZA ZHING, ,RI MTHA' RNAMS LA NYIN MO GNAS NAS NI, ,GZHON NU BTZAS PA'I GLANG PO'I TSOGS KYI YUL, ,MA DRAN PAS NI BDE BAR GNAS PAR GYUR, ,DE NAS DER NI GLANG MO'I PHRUG PA MA, , RAB G-YO PADMA LTAR MDZES RNA BA CAN, ,BRTZE LDAN DE NI RNYOG MED BSAM PA CAN, ,THUB PAS BU BAS LHAG PA'I MNYES GSHIN BYAS, ,SKYES PA DANG NI BUD MED SKYE BOS KYANG, ,YUL 'DUG PA LA DGA' YI DUD 'GRO LA, ,YON TAN DANG BCAS DE MED 'GA' ZHIG LA 'ANG, ,MI RNAMS LA NI BAR MED MNYES GSHIN 'GYUR, ,NYE BAR 'ONGS TE PHRU GU DES KYANG NI, ,RIM GYIS THUB BA DE YI LAG TU GTAD, ,'OD MA'I 'DAB MA 'JAM PO GUS PA YIS, ,PADMA'I RTZA BA 'JAM PO SLAR YANG BZUNG, ,SHING LO'I KHANG PAR NYE 'KHOR DBUS GNAS PA'I, ,GNYID CHUNG BAS NI @179A *, ,RNAM 'BREL MIG LDAN PA, ,RI DAGS RVA NI RIM BZHIN NYID DU DES, ,YID 'ONG RNAMS NI KUN NAS REG PAR GYUR, ,BSKYED PA NYE BAR 'ONGS TE RGYAB PHYOGS NAS, ,SBRIN NI SAR PA 'BYUNG BAS GAR BYED PA'I, ,RMA BYA BSKYOD CING SNGO BA'I MDONGS CAN NI, ,SGRO DANG BCAS PAR BSKYOD PA MTHONG BAR 'GYUR, ,DE LTAR DGA' 'GYUR PHRAD 'DOD DE LA NI, ,RI DAGS 'DAB CHAGS TSOGS KYIS YANG YANG DU, ,THUB PA DE NI DGOD CING 'DI LTAR NI, ,GNYIS 'THUNG PHRU GU BSKYOD DUD DPRAL 'BUR CAN LA SMRAS, ,'DI NI KHYIM GYI DBUS SU BRGYAN PA NI, ,BDE BAR SHING LO'I NYE 'KHOR 'DIR NI GNAS, ,RI DAGS 'DAB CHAGS TSOGS LDAN SKAD CIG TU, ,CI PHYIR SDIG PA MED PAR G-YO MED GNOD, ,DU MA'I TSOGS RNAMS BCAG PAS SGRA YIS LDANG BA STE, ,'DAB MA RNAM PAR G-YO BA NAD LAS GNOD BYED 'DI, ,SKAD NI BKUG PAS RNAM MDZAD LAG PA NI, , THUB PAS KHYAD PAR SHING DANG MAR NAG THIGS RNAMS SPANGS, ,CHU SHING RTZAB NAS 'DON CING, ,SHING LO NYE 'KHOR DU BTZUGS PA, ,RNA BA'I THA MAR DE BZUNG NAS, ,THUB PA DES NI PHYI ROL KHRID, ,MNYES GSHIN PAS NI LAG PA BRKYANG, ,SLAR YANG NYE BA RU NI YONGS, ,BU KHYOD JI LTAR BSKYOD PA ZHES, ,DES NI DGOD CING DGA' BAS REG ,RI DAGS PHRUG BCAS SKAD CIG ROL, ,DGA' BAS RTZVA RNAMS RTZAD 'DON CING, ,KHRUS PHYIR PADMOR 'GRO BZHIN PA, ,DKA' THUB NOR CAN DE RJES SONG, ,RI DAGS PAGS PA PHRENG BAR BCAS, ,DE YIS DPUNG PAR BKAL NAS NI, , PADMA RNAMS KHYAB PADMO NI, ,THUB PAS DAL BUS 'JUG PAR GYUR, ,DES NI CHU ZHIM 'THUNGS NAS NI, ,SKAD CIG TU NI BZHIN BTUD GYUR, ,DOGS MTHAR KHRUS BYED DE LA NI, ,PHRU GUS SLAR NI SKYONG BAR GYUR, ,DE NAS RIM GYIS SHING LO'I KHANG PAR 'ONGS NAS PADMA YI, ,GLANG MO'I PHRU GUS DRANG SRONG CHEN PO DES NI DE LDAN PA, ,BSREG LUGS MTHONG NAS ME LCE'I RTZE MO BSKYOD CING ME MCHOD NAS, ,DE LA RAB BYIN NAS NI RGYA SHUG AI GU DHA RNAMS ZOS, ,DE NAS DUS GCIG GI TSE NA GLANG MO DES PHRU GU RJES SU 'GRO BZHIN PAS RI BO DANG NAGS KYI NANG RNAMS KUN NAS BSKOR BAR BYED CING DBYAD DKA' @179B BA'I SMIN PA'I NAD KYIS SKYE BA GZHAN DU NYE BAR KHRID PAR GYUR TO, ,THUB PA DES KYANG NYI MA NAM MKHA' LHAG PAR 'DZEG PA LA DBANG BSKUR BAR BYAS PA'I ME'I BYA BA DANG LDAN PA DANG, PADMO'I 'DAB MA RNAMS KYIS KHA SBYAR LA 'BRAS BU RNAMS RNAM PAR GZHAG PA LA KHA ZAS RNAMS 'DOD CING SLAR GLANG MO DE PHRU GU DE BZUNG NAS GANG DU 'GRO BAR 'GYUR TE, PHRU GU DE MED PAS BDAG GIS 'BRAS BU DANG RTZVA ZA BA SNGAR MA BYAS TE, GSAL BAR RANG GI TSOGS SU NYE BAR ZHUGS NAS DE YUN RING POR SONG BA BYUNG BA GYUR SNYAM DU RNAM PAR BSAMS TE, DE BLTA BA'I PHYIR LANGS NAS KHA ZAS MA ZOS PAR PHYIR SHING LO'I KHANG PA NAS PHYIR BYUNG STE RI DAGS KYI PHRU GU RJES SU 'BRANGS BZHIN PAS, CHU DANG BCAS PA'I SPYI'U BLUGS 'DZIN PA KUN NAS 'KHOR ZHING, SNAS KUN NAS LHUNG BA'I SHING GI ZE'U 'BRUS KHYAB PA, ,RKANG PAR RNAM PAR BKOD PAS RTZVA'I MYU GU KUN NAS CHAD PA 'GA' ZHIG TU SEN MO'I RTZE MO NAS LHUNG BAS MON LUG GI DUM BU CHAD PAS KUN NAS 'DRES SHING SA'I TSOGS 'BYUNG BA DANG, GZHAN DU CHUS BKUG PA'I 'OD MA'I RTZE MO CHAD PAS BAR CHAD MED PA'I GLANG MO DE'I RKANG RJES KYI RJES SU 'BRANGS NAS PHRAD PAR 'DOD PA NYID KYIS SMRAS PAR GYUR PA; PHRU GU RJES SU 'GRO BA MA, ,DE YI GOM PA RNAM 'DOD MA, ,KUN NAS 'OD MED RI MO SRAB, ,NOR 'DZIN STENG DU GNAS PA YIN, ,CUNG ZAD BAR DU SONG NAS KUN NAS DKYIL 'KHOR DU BYAS PA'I LAG PA DANG LDAN PA DANG, YUN RING POR 'DZUMS PAR BYAS PA'I MIG DANG LDAN PA, SROG RNAM PAR CHAD PA'I SDUG BSNGAL GYI DBANG GIS RKANG PA RNAM PAR BKOD PAS SA'I DKYIL 'DZAD PA DANG, CUNG ZAD LTO BA DMA' BAS SA'I RDUL 'BYUNG BA LA LUS KUN NAS 'OD MED PA DANG LDAN PA, SKOM PA'I PHRU GU DE NU MA NU BA DAG GIS KUN NAS REG BZHIN PA MTHONG BAR GYUR TO, ,MTHONG NAS KYANG MCHOG TU DGA' BA MIN PA'I DBANG DU SONG BAR GYUR TE, THUB DES AUTPAL DMAR PO'I SDONG BU LTAR 'JAM PA, ,MI YI 'O MA 'DZIN DAG KUN NAS REG BZHIN PA, ,GLANG PO'I PHRU GU DES NI MYA NGAN GYIS MTHONG NAS, ,MCHI MA'I CHU YIS MIG NI 'GAGS PA BYUNG BAR GYUR, ,MCHI MAS @180A *, ,KUN NAS KHYAB PA'I MIG LDAN DE MTHONG NAS, ,KUN NAS 'ONGS BZHIN RAB TU SKYO BA'I RAL PA 'DZIN, ,YUN RING MA YI NU MA 'THUNG BA LA CHAGS PA, ,DKA' THUB NOR CAN LA NI PHRU GUS BSU BAR GYUR, ,GLANG MO'I PHRU GU DE YI STENG DU BZHAG NAS NI, ,LAG BA DKAR BA'I BAR DANG LDAN PA'I BGRANG PHRENG GIS, ,DPRAL 'BOR MCHIL MA'I CHUS NI RAB TU SPANGS NAS KYANG, ,DKA' THUB NOR CAN BRTZE LDAN NGO BOS SMRE SNGAGS 'DON, ,SGOM PAS KUN NAS SKAMS PA'I RKAN LDAN KHYOD KYIS KYANG, ,YANG NAS YANG DU MA YI NU MA REG BZHIN PAS, ,DGRA YI YID KYANG NGES PAR RNAM PAR 'GYOD PA STE, ,DKA' THUB DANG LDAN BRLAN SEMS LDAN PA SMOS CI DGOS, ,MI SHES MA YI NU MA DON MED CI PHYIR REG ,DA NI BU KHYOD SPYI'U BLUGS CHU NI 'THUNG BAR BYAS, ,DE LTAR 'DI NI SMRAS NAS CHU NI KUN BKAG NAS, ,DE NI DE YI CHUS NI RIM GYIS BKANG BAR GYUR, ,G-YON CAN 'CHI BDAG LA YANG KUN DU BKA' YIS NI, ,KHYED KYI MA 'DI SRID PA GZHAN DU SONG BA STE, ,DE BAS SHOG CIG DKA' THUB NAGS SU SLAR RGYUG CIG ,DA NI YUN RING KHYOD KYIS BDAG NI KUN NAS BSRUNGS, ,DE NAS DKA' THUB NAGS SU RIM GYIS DE 'ONGS NAS, ,SHING LO RNAM PAR 'PHYANG BA LAG PAS KUN DMIGS TE, ,MIG GI CHU YI THIGS PA RNAMS KYIS BZHIN SBANGS PA, ,DE NI PHONGS PAS SLAR NI 'DI SKAD SMRAS, ,'JAM PA'I SHING GI 'DAB TSIGS GANG GI SNA YI RTZE MO LAS NI KHYOD KYIS BKUG PA STE, ,CHU LTAR BSIL BA'I LAN NI MONG BAR GANG GIS 'DI YI NYI MA'I 'OD ZER LA NI SBANGS, ,GANG GI CHU NI RGYAS PA KHYOD KYIS NU MA DAG NI MNYES GSHIN PAS BLANGS 'THUNGS PA STE, ,GNAS 'DI LA NI MA DE MED PAS DI RING BU KHYOD JI LTAR ROL BAR 'GYUR BA YIN, ,DE NAS 'BAR BA'I SOL BA'I PHUNG PO'I DBUS SU GNAS PA GSER GYI SNOD DANG RJES SU MTHUN PA'I DKYIL 'KHOR DANG LDAN PA DANG, RI RAB KYI RTZE MO LA DMIGS PA'I BRGYA PHRAG BCU'I 'OD ZER DANG LDAN PA YOD PA LA, PHRU GU DE 'JAM PA'I RTZVA SAR PA KHAM GCIG DANG CHU THIGS GCIG ZOS PA DANG 'THUNGS NAS DE NYAL BA'I PHYIR RTZVA SNGO BSANGS DANG SHING GI YO MA RNAMS KYIS MAL DU @180B BKRAM NAS YANG DANG YANG DU MCHI MAS KUN NAS KHYAB PA'I MIG DANG LDAN PA'I THUB PA DES SMRAS PA, MTSAN MO GANG GANG NYAL GYUR PA, ,KHYOD KYI STENG DU RNAM BZHAG NAS, ,MA DE MED PAR CI LTAR NI, ,DE RING SKRAG PAS KHYOD 'DIR NYAL, ,PHRU GU DE NYAL DU BCUG NAS MTSAMS BSNYEN PA DANG SMYUNG BAR GNAS PA DANG ME'I BYA BA CAN GYI THUB PA DES SHING LOS BYAS BA'I KHANG PAR ZHUGS TE, CUNG ZAD GNYID BSAL BAR BYAS NAS MTSAN MO'I BAR DU YANG DANG YANG DU MNGON PAR BYUNG NAS MNYES GSHIN PA DANG BCAS PAR BLTA ZHING GNAS SO, ,SNA TSOGS PA'I 'DAB CHAGS KYI TSOGS GNYID SAD PAS KHYAB PA'I THO RANGS KYI DUS SU KUN NAS LANGS TE, RI DAGS KYI PAGS PAS G-YOGS PA'I RTZVA'I MAL NAS SNGA ROL NYID DU SHING LO'I KHANG PA'I SGOR 'ONGS SHING, RIM DANG RIM GYIS PHRENG BAS BSKOR BA'I LAG PAS DE LA KUN NAS REG CING DU BA LAS LOG PAR GYUR TO, ,DE NAS BYANG CHUB SEMS DPA'I LHA'I MIG GIS MCHE BA GNYIS PA'I PHRU GU DE LA SHIN TU MNYES GSHIN PAS RNAM PAR 'BREL PA'I ZHEN PA DRAG PO CAN GYI DRANG SRONG DE LA KUN TU BLTAS NAS 'DI LTAR BSAMS PAR GYUR TE, GNYEN 'DUN MNYES GSHIN YONGS DOR NAS; ,THUB PA 'DI NI NAGS NA GNAS, ,'DI NYID DER YANG LHAG PA NYID, ,MCHE GNYIS PHRU GU MNYES GSHIN PA, ,DE BAS NA RE ZHIG BDAG 'GRO STE DRANG SRONG 'DI SO SOR RTOG PA'I STOBS MA THOB PA GDUL BAR BYA'O SNYAM DU RNAM PAR BSAMS TE, YID DU 'ONG BA'I RGYAN RNAMS 'OD KYIS 'BYUNG BA YI; ,DBANG PO'I MTSON CHA'I TSOGS NI 'BRO ZHING SBAS PA NI, ,'JIG RTEN BYA BA'I 'BAD PA RNAM PAR MA NYAMS PA, ,DER NI MYUR BAR LHA YI DBANG PO KUN NAS 'ONGS, ,KUN NAS NYE BAR 'ONGS NAS KYANG THABS DANG BCAS BAR THUB PA NI DGE BA'I PHYOGS KUN NAS 'GEGS PAR BYED PA'I MNYES GSHIN PA 'DI NI PHRU GU 'DI LA SA BSAL BAR BGYI SNYAM DU RNAM PAR BSAMS NAS, BDAG NYID CHEN PO DES GLANG PO CHE'I PHRU GU DE SHI BAR GYUR PA DE YANG DANG YANG DU RKANG PA RNAM PAR DGOD PAR BYED PA, CUNG ZAD MA YIN PAR YANG YANG SDUG BSNGAL DANG BCAS PAR NGO GDONG BTEG PAR BYAS @181A *, ,NAS NYAL BAR GYUR PA RDZU 'PHRUL GYI MTHUS MI SNANG BAR STON CING GNAS SO, ,THUB PA DES KYANG MA DBYAD PAR LAS DE 'DI CI YIN ZHES BYA BA DE DANG BRAL BAR DOGS PAS YANG DAG PAR 'ONGS TE, BU KHYOD LA YANG RGYU MTSAN MED PAR DGRA BO 'CHI BDAG GIS CI BRDEGS PA NYID DU GYUR TAM ZHAS SMRAS NAS, MCHOG TU MI DGA' BAS 'ONGS NAS SHI BA DANG 'DRA BAR BYA BA DANG BRAL BA DE MTHONG STE, YANG NAS YANG DU 'DI LTAR SMRE SNGAGS 'DON PAR BYED PAR GYUR TE, GANG GIS PADMA'I RTZA BA YANG, ,CI LTAR YANG NI 'DAM NAS 'DON, ,'DI DE DUS KYIS KHYER BA STE, MCHE BA MA SKYES SNGON ROL DU, ,ME YI KHANG PA'I NANG GNAS PA, ,BDAG GI BSREG LUGS ZA MCHOD CING, ,SGOR NI RNA BA DAG BSKYOD CING, ,SU ZHIG MDUN DU SDOD PAR 'GYUR, ,LCE YI SOR MOS SRAB PA YIS, ,RIM GYIS RAB SRAB SNA MDUN GYI, ,SU ZHIG SNA YIS BDAG LAG LAS, , PADMA'I RTZA BA SLAR 'DZIN 'GYUR, ,GAL TE KHYOD KYIS MA 'TSO 'GYUR, ,KHYOD NI SHI BAR SONG MTHONG NAS, ,RKANG PAS SNA YI RTZE MNAN TE, ,SROG NI SKAD CIG GIS GTONG 'GYUR, ,MYUR DU 'JIG RTEN PHA ROL SONG, ,KHYOD KYI MI DE DON BYAS PA, ,GANG GIS KHYOD NI MA MTHONG BA; ,SHI BDAG DBANG NYID DER SONG BA, ,GAL TE BDAG GIS BYED MI 'GYUR, ,MNYES GSHIN KHYOD KYI STENG DU BU, ,SDUG BSNGAL DUG GIS BRGYAL BA'I MTHU, ,YID 'DI 'BYUNG BAR 'GYUR BA MIN, ,DE RNAMS BSTAN PA DE BZUNG SKYES, ,DE RNAMS THAR PA'I GNAS NA GNAS, , SPRUL DANG 'DRA BAR SKRAG PA YIS, ,MNYES GSHIN GANG RNAMS KYIS RING BYAS, ,BSTAN PA SHIN TU DGE BA YI, ,DMIGS PAR 'DOD PA BDAG GI NI, ,SO SO'I SKYE BO NYID SKYONG GYIS, ,SEMS 'DI PHYI NAS 'GYOD PAR 'GYUR, ,NYI MA NAM MKHA'I DBUS GNAS LA NI DBANG BSKUR PHYIR, ,'GRO ZHING CHU SKYES RNAMS KYI STUG PA'I MTSO RU NI, ,MA YI NU MA RAB TU DOR NAS SU ZHIG NI, ,SNA RTZE BSKYOD CING SNA LDAN DI RING BDAG RJES 'GRO ,YID 'PHROG BYED PA'I GLANG CHEN PHRU GU NYID NI MTHO BA'I SHING RNAMS GCOG BYED CING, ,MCHE BA DAG GIS CHU BO'I 'GRAM GYIS RNAMS DANG NI KU SHA DANG BCAS DUM DAG @181B 'DZIN; ,SBYON CHUS SNGO BA'I 'GRAM PA PHUG PA KHYOD KYI MDZES PA'I GDONG NI BDAG GIS MA MTHANG BA, ,ROL BAS SGEG PAR BYED PA'I RNA BA MCHOG GI RLUNG GIS 'KHOR BA'I BUD BA CAN GYI GDONG, ,RNAM PAR MA CHAD SRAB PA'I MCHI MA'I THIGS PA RNAMS KYIS BRLAN PAR BYAS PA'I RMA CAN DANG, ,MIG GIS GZUNG BYA LTAR NI BZHIN GYI SNYING LAS PHYI ROL DU NI BYED BZHIN PA, ,'ONGS NAS THOS PA'I SKYE GNAS CAN RNAMS LEGS PA'I TSIG LDAN RNAMS KYANG RING PAR SGRA BYAS PA, ,SRAB PA'I DGA' BAS DGA' BA LA NI BRTAN RNAMS GZHAN DAG BRTAN PAR BYA PHYIR NUS PA MIN, ,DE LTAR PHRAG PA DANG NI NYE BAR RI DAGS PA GAS BA LHUB ZHING RING BA'I LUS LDAN PA, ,SA LA GNAS SHING GLANG PO CHE YI PHRU GU LA NI MIG GNYIS GTAD BYAS PA, ,DU BAR BYED CING MYA NGAN GYIS GDUNGS THUB PA LA NI SNYING RJES RJES SU YANG, ,KHYIM KYI GNAS SU LJON SHING ME TOG LA NI 'KHOR BA'I BUNG BA'I SKAD RNAMS KYIS, ,DE NAS LHA'I BDAG PO SKAD CIG DE LAS LUG GI LJON SHING LTAR 'KHYOG PA'I RAL BU'I KHUR BU CAN, KUN NAS 'BREL ZHING PHRAG PA LA BKAL BA'I DBYIG PA LA 'PHYANG BA'I CHU DANG BCAS PA'I BUM PA DANG LDAN PA DANG, BRANG GI MTHIL PAGS PAS G-YOGS PA DANG, LAG NGAR GYI BAR LA PADMA'I PHRENG BAS BSKOR BA DANG, RTZVA KU SHA CUNG ZAD BLANGS PA DANG, RKANG PA'I BOL NA RAB TU 'PHYANG BA'I SHING LO'I GOS DANG LDAN PA DANG, DBANG PO NYE BAR ZHI BA, GZUGS DANG LDAN PA DANG 'DRA BAR TSANGS PA'I DPAL 'DZIN CING, DKA' THUB PA'I GZUGS SU MNGON PAR SPRUL TE DRANG SRONG DANG NYE BAR 'ONGS NAS SMRAS PA, DRANG SRONG CHEN PO RANG GI SKYE BO RNAMS LA MNYES GSHIN PA DMIGS BZHIN PA'I 'DI'I SHI BA'I SDUG BSNGAL MI BZOD BZHIN DU 'DI LTAR SMRE SNGAGS 'DON PA'I KHYED KYI GLANG PO CHE'I KHRUS DANG RJES SU MTHUN PA CI ZHIG SGRUB PAR BYED DE, YUL RNAMS LA NI 'DOD PA'I SHUN PA BSAL BAS NYE BAR SBAS PA 'DI, ,LUS 'DI GANG DU GNYEN 'DUN RNAMS DANG YANG DAG 'BREL BA'I SKYON SPANGS PA, ,THUB PA'I SKYE BO DANG 'GAL GANG DU MNYES GSHIN 'BREL PAS BLO NI LONG BA YI, ,KHYOD KYI SMRE SNGAGS 'DON 'DI BLO LDAN RNAMS KYI DGOD BYA'I DNGOS PO YIN, ,GAL TE DU BA'I SDUG BSNGAL SGRA 'DON RNAMS KYI MCHI @182A *, ,MA 'DON RNAMS LA, ,MYUR BA LTAR NI MIG RNAMS MNYES GSHIN 'BYUNG BA 'DZIN PA YI, ,GSHIN RJE'I YUL DU SONG BA'I DGA' BO RNAMS KYI 'OS PAR 'GYUR BA NI, ,SA NA MA LUS 'DI LTAR TSE YI BAR DU RAB TU DU BAR 'GYUR, ,DGE BA'I 'BRAS BU CHUD BA NYID PHYIR TSE DANG PHUN SUM TSOGS RNAMS KYI, ,GNAS PA 'DI NI SROG CHAGS RNAMS KYI MYUR DU 'JIG PAR NYE BAR 'GRO, ,BSREG LUGS 'DZIN PA'I GROGS PO'I SHUGS KYIS BSKUL BA CHUNG BA'I 'OD CAN NI, ,SRAB CING SNGO BA'I DUM BU'I ME YI ME STAG RNAMS NI CHU LA LTAR, ,GNYEN 'DUN RNAMS LA MNYES GSHIN GUS MED BRTAN PA YANG NI RTZAD NAS BTON NAS SEMS STOBS KYIS, ,RAGS PA'I KA BA LTAR NI MTHO BA GSANG MED 'JIGS PAS RAB TU SDUG BSNGAL BSKYED PA LTAR, ,GAL TE KHYED NI NAGS SU 'ONGS TE GLANG PO CHE LTAR RANG DGA'I BDE BA 'DOD PA YIS, ,CI PHYIR MNYES GSHIN 'DI NI SHIN TU BRTAN PAR SLAR NI ZHAGS PA BDAG NYID LA 'PHAN BYED, ,SNGON GYI BSKAL PAR DKA' THUB BZANG BA RNAMS KYIS GNYIS SKYES MDUN SONG RTZI BAS KYI MTHA' MA CAN, ,STONG PHRAG BRGYAD CU'I DUS KYIS BRTZIS PA'I GRANGS NI GANG LA TSE YI 'BYUNG BA NYID DU 'GYUR, ,TSE NI 'GRO BA ZHES BYAR SHES NAS YO BYED RNAMS NI DOR TE DES NI NAGS BSTAN 'GYUR, ,TSE NI NYUNG BA LA YANG BLO GROS MED PA RNAMS KYIS PHRED PA DA LTA JI LTAR DON MI BYED, ,STON KAR KUN NAS ZAD PA'I CHU CAN CHU 'DZIN PA, ,GLOG GI LJON SHING LHAN CIG SKYES PA DOR BAR BYED, ,RGYU DANG MI RGYU 'GRO BA 'DI LA NGANG BZHIN LAS, , PHAN TSUN DU NI RNAM PAR BRAL BA CI MA MTHONG, ,DNGOS PO ZHES BYA DE DE RNAMS KYANG GSAL BYAS NAS, ,YUD TZAM CHAGS PAS LHAN CIG PA YI SPYOD YUL YANG, ,MNYES GSHIN PA YI SKYE BO LA YANG SKAD CIG GIS, ,SKYE BO SEL BAR BYED DE MAR ME SNANG BA LTAR, ,JI LTAR GZHU DANG LDAN PAS MDA' NI STENG DU 'PHANGS, ,RING DU SONG NAS KYANG NI SLAR NI LHUNG BAR 'GYUR, ,DE BZHIN DU NI LUS NI YONGS SU BSKYANGS BA YANG, ,'BAD PA DE DANG DE YIS LHUNG BA'I MTHA' CAN NYID, ,BYIS PA DANG NI GZHON NU DAR BA BRGAS LDAN PA, ,MI GSAL BA DANG MAN NGAG LA NI MKHAS PA'AM, ,'DUG @182B PA'I BDAG NYID 'CHI BDAG 'DI NI MI LTOS TE, ,BSREG BYA LA BRTEN RAB TU SONG ZHING ME NI LTAR, ,TSE 'DI 'GRO BA'I RANG BZHIN MYUR DU RTOGS NAS NI, ,LONGS SPYOD RNAMS KYANG 'GRO BA'I RANG BZHIN CHU SHUL LTAR, ,DE BAS MKHAS PAS ZHI BA'I PHYIR NI 'BAD BYA STE, ,RTAG TU CHOS KYI LUS LA SKUD PAR BYA BA'I PHYIR, ,'JIG RTEN GZHAN DU 'GRO ZHING SKYES BU CHOS LUS CAN, ,GANG ZHIG LA NI SRID PA'I MTHA' MA RJES SU 'GRO ,MKHAS PA RNAMS LA DE NI GROGS LDAN 'DOD PA STE, ,GZHAN NI GROGS DANG BCAS YANG GROGS NI MED PA NYID, ,RTAG TU RGAS DANG NA BA 'CHI BA KUN 'BYUNG BA'I; ,SRID PA GSUM LA 'TSO BA'I YID NI SU ZHIG 'GYUR, ,GANG ZHIG ZAD LA RAB TU 'BAR BAR NYAL 'DOD PA, ,DE NI SRA BRTAN BAG MED RNAMS SU KUN NAS ZHUGS, ,DAM PAS DON MIN 'PHEL BA'I PHYIR NI BRTAN BYED PA, ,MNYES GSHIN RGYU MTSAN 'GA' ZHIG TU NI RIGS MIN TE, , SNGAGS NI MA RNYED PAR YANG 'TSO BA 'DOD PA NI, ,DBUGS DBYUNG DRAG PO'I SPRUL TSANG LAG PA SU ZHIG GTONG, ,SKYE BO SRID PA'I RTZE MO LAS KYANG 'JOMS PAR BRTZON PA NI, ,SGRON MA BZUNG BA LTAR NI BDAG GIS RNAM MTHONG STE, ,DE LTAR BAG MED PAS NI GNYEN PO MA BYAS PA'I, ,RMONGS PA RNAMS LA MI RTAG PA 'DI DGOD PA 'DRA, ,LUS CAN RNAMS KYI TSE GNAS PA, ,RING DU GNAS PA MTHONG BA MIN, ,CHU NI SHIN TU 'BAB PA LA, ,RDUL GYI CHAR PA 'PHANGS PA LTAR, ,MNYES GSHIN SBUN GYIS MI NUS TE, ,'GA' ZHIG DU BRTEN GCOD PHYIR GANG, ,RMONGS PA DES NI NAM ZHIG NA, , SKYE BO'I LCAGS SGROG CHE GCOD 'GYUR, ,'DI NI SHES RAB DGRA STA YIS, ,BLO BYAS RNAMS KYIS GCOD PA STE, ,DE BAS DAM PAS MKHAS PA RNAMS, ,SHES RAB NYER 'PHEL 'DOD PAS BRTEN, ,GANG PHYIR SHIN TU PHRA RAGS SAM, ,RING BA DANG NI NYE BA'AM, ,MI RTAG PHYIR NI DE RANG NYID, ,MKHAS PA YIS NI MI BYED DO, ,DE BAS GZUGS SOGS TSOGS PA NI, ,SKAD CIG 'JIGS LAS YID 'BYUNG BA, ,'DOD CHAGS BRAL TE CHAGS BRAL BA, ,YOD BZHIN RNAM GROL RTOG PAR BYED, ,BDAG NI RNAM GROL ZHES SHES NAS, ,YE SHES MTHONG BA RNAM DAG PA, ,BDAG LA SKYE BA @183A *, ,ZAD SHES BYA, ,SRID PA YANG NI MTHONG MI 'GYUR, ,JI LTAR 'DAB MA LA SOGS MDZES PA'I TSOGS MED PAR, ,PADMA YID NI 'PHROG PAR YOD PA MA YIN TE, ,DE BZHIN DU NI GZUGS LA SOGS PA'I TSOGS LAS NI, ,THA DAD PAR NI MKHAS PAS RIG BYED MTHONG MA YIN, ,DE NAS THUB PA DES 'KHOR BA'I RANG BZHIN GSAL BAR MDZAD PA'I BYANG CHUB SEMS DPA'I TSIG LA MNYAN NAS SDUG BSNGAL KUN NAS SEL BA LEGS SO LEGS SO ZHES BYA BAS MNGON PAR BSTOD NAS SMRAS PAR GYUR PA, KHYOD KYI KHA YI ZLA BA LAS, ,'BYUNG BA'I NGAG GI ZLA TSES 'DI, THOB STE BDAG GI MUN PA 'DI, ,MYUR DU 'DAS PAR GYUR PA YIN, ,MKHAS PAS MAN NGAG STON PA LA, ,BYIS PA YANG NI BYIS MIN 'GYUR, ,NYI MA NGES PAR 'CHAR BA LA, ,PADMA ZUM PA NYID NI DOR, ,BYANG CHUB SEMS DPAS SMRAS PA, ,'DIR MANG DU SMRAS PAS CI ZHIG BYA STE, ,BDE DANG SDUG PA BYED PHYIR BRTEN NAS YOD DANG MED PA'I LAS DAG BRTAN PAR SHES NAS NI, ,BLO GROS LEGS PA GNAS PA 'BYED PA'I RANG GI DBANG PO RNAMS KYI DBANG GI KHRID BYAS MIN, ,DRAN PA MNYAMS DBANG PO'I YUL LA RGYAB KYIS PHYOGS PA DNGOS GRUB MCHOG NI THOB PA STE, ,BLA MA'I SKYE BO LAS NI 'DI LTAR RJES BSTAN BLANGS NAS SKYE BOS THA MAR GDUNG MI BYED, ,DRANG SRONG CHEN PO LEGS SO LEGS SO, ,SKAD CIG LAS YONGS SU GCOD PAR BYED PA'I KHYED KYI BLO STE BDAG NI KUN NAS NGAL BA 'BRAS BU DANG BCAS PA STE LTOS SHIG DANG, NYAN PA PO GANG DON NI MA LUS THOB PA TZAM GYIS 'DZIN TE DE NI NYAN DU GZHUG ,GANG ZHIG 'CHANG PA PO'I TSIG NI LAN GNYIS SMRAS PA 'BRAS BU BYAS PA DER YANG SHES, ,GANG ZHIG GSAL BAR LAN NI DU MAR YANG SMRAS SHES PA MIN TE LDER SO'I RNAM PA CAN, ,DE LA KUN DU NGAL BA DON MED MKHAS PA NYID KYIS MI SMRA'I BRTUL ZHUGS MDZES PA YIN, ,BDAG NI LHA YI DBANG PO ZHES BYA STE BDAG GI MTHUS SLAR PHRU GU 'DI 'TSO BAR GYUR CIG CES BYA BA BRJOD NAS, RDZU 'PHRUL GYI MTHUS GLANG PO CHE'I PHRU GU DE BSLANGS TE GNAS PAR GYUR TO, ,THUB PA DES KYANG MCHOG TU NGO MTSAR BAR KUN NAS SONG BAR GYUR, ,GSAL BA'I COD @183B BAN 'OD ZER RNAMS KYIS NYI MA'I SNANG BA SKYES BYAS PA, ,DRI MED MU TIG HAR BUS NOR BU'I 'OD CAN MGRIN PA MNAN PA NI, ,SLAR YANG BYANG CHUB SEMS DPA' LHA YI DBANG PO'I GZUGS NI 'BYIN BYAS TE, ,THONG GSHOL 'DZIN PA'I SNAM BU LTAR SNGO 'JAM PA BAR SNANG BRTAN PAR GYUR, ,THUB PA DES KYANG PHRU GU DES RJES SU 'BRANG BZHIN PA, YID RAB TU DGA' BAS SLAR DKA' THUB KYI NAGS SU ZHUGS PAR GYUR TE, DE NAS DUS KYI RIM PAS GLANG PO PHRU GU NYID DOR NAS, ,SMYON CHUS DRI NI BSGOS PA NAGS KYI MTHA' DANG PHYOGS KYI BAR, ,MCHE BA 'DEBS PA RNAMS KYIS RING DU BYAS PA'I GLANG PO GZHAN, ,RI BO CHEN PO'I NANG DU TSOGS KYI BDAG PO BYUNG BAR GYUR, ,GLANG PO DES NI DUS GCIG TSE NA BSIL BA'I SHING LAS NI, ,BUD MED 'O 'DZIN 'O CAN 'BRAS BU BSAGS PA BLANGS NAS NI, ,BKAG NAS THUB PA LA NI CHU GTER CHU YI BRLAN PA BYIN, ,LHAN CIG BYED PA'I YAL GA 'BRAS BU CAN RNAMS DE LA BYIN, ,DAM PA BRTZE BA DANG LDAN YON TAN BSGRUB PA MKHAS PA LA, ,DRI ZHIM BRLAN PA LTAR NI RANG BZHIN GYIS NI STOD BYED PA, ,SNGAR NI PHAN BYED BDAG NYID CHE LA SU ZHIG BYA BA YI, ,SNYING DANG BCAS PA'I YID LA RJES SU CHAGS PA RING POR MI 'GYUR RAM, ,MON LUG RNAM PAR BCAG LTAR DRI ZHIM 'DZAG PA'I SMON CHU'I PHRENG, ,BU KHYOD SKYES PA CHEN PO 'DI LTAR SMRA BZHIN PAR GYUR TE, ,RI BO'I RTZIG PA PHUG PAS MDZAD PA'I PHYOGS GCIG LDAN PA NI, ,MCHE GNYIS KUN DA LTAR DKAR DE LA THUB PA DES REG GYUR, ,SLAR YANG RNA BA'I TING TING SHAGS KYIS BZLOG PAR GYUR PA YI, ,'KHOR BA'I BUNG BA RNAMS KYIS KUN 'THUNGS SNYON CHU'I DRI ZHIM PA, ,GLANG PO'I DBANG PO GZHAN GYI MCHE BAS LHAG PA'I YAN LAG MCHOG ,GLANG PO LA NI SMRA BA RNAMS KYI MKHAS PAS 'DI LTAR SMRAS, ,GLANG PO'I DBANG POS SMYON CHU DRI ZHIM 'THUNG PAR 'DOD PA YI, ,BUNG BA RNAMS LA RNA BA RNAM PAR BRDEGS PAS MA 'GEGS SHIG ,SHIN TU GUS PA MED PAS SMAD PA'I GANG PHYIR SBYIN CHEN YANG, ,DON GNYER RNAMS LA KUN NAS DGA' BA BYED PAR MI 'GYUR RO, ,TSOGS NI BSKYANG PHYIR 'ONG MA RNAMS KYIS MUN PA CAN GYI NAGS LA GAL @184A *, ,TE RTA GA TU 'DOD, ,GNOD PA'I RTZE DANG LCAGS KYU LAS NI 'BYUNG BA GAL TE SDUG BSNGAL RNAMS NI KHYOD MI 'DOD, ,SA SKYONG GIS BTANG DE BAS GLANG PO'I BDAG KHYOD GLANG MO RNAMS KYI RJES SU MA 'GRO ZHIG ,CHAGS PAS SDUG BSNGAL CHEN PO LA NI MI MKHAS PAS NI SU ZHIG CES BYA BTANG MA YIN, ,DE RING KHYOD KYI DPRAL 'BOR SBRUGS PAS RNAM PAR 'BREL PA'I SMYON CHU'I GNAS NI BSNOMS BYAS TE, ,MAL NI RTZVA SNGON RTZE MO BCAG PA THA MAR MCHE BA GNYIS KYIS BCAD PA MTHONG NAS NI, ,TSOGS NI SKYONG BA RNAMS KYIS DOR BA ME TOG ZAS CAN NGES PAR KHYOD LA PHRAD 'DOD DE, , DE BAS KHYOD NI SONG SHIG THUNG BA RNAMS KYIS NYE BAR GLU BLANGS GDOD CAN BDAG SLAR MTHONG, ,DE NAS RIM GYIS MCHE BA GNYIS PA'I MCHOG DE TSOGS KYI NANG DU RJES SU THOB PA LA, ,THUB PA DES SHING LOS BYAS PA'I KHANG PAR ZHUGS TE, BSAM GTAN LA RTZE GCIG PA BYUNG BAR GYUR TO, ,DE LTAR NA BCOM LDAN 'DAS DES SKYE GNAS THAMS CAD DU 'JUG PAR GYUR PAS NAM YANG GZHAN GYI DON LA G-YEL BA NYID DU MA GYUR TO SNYAM DU RNAM PAR BSAMS NAS DE'I CHOS LA RJES SU 'JUG PA RNAMS KYIS GNAS PAR BYA ZHES BYA BA'O, ,BRGYA BYIN GYI SKYES PA'I RABS TE SKYES RABS GSUM PA'O,, ,, YUL GYI 'DAM LA NUB PA'I 'JIG RTEN PA, ,'DAM BZHIN DU NI BRGAL BAR DKA' BA LAS, ,SHES RAB LAS BYUNG THABS LDAN BRTAN PA RNAMS, ,BRGAL BA'I DON DU 'BAD PAR BYED PA YIN, ,'DI LTAR RJES SU THOS TE, THOS PA DANG, DUL BA DANG, GTONG BA NGANG, YID GZHUNGS PA DANG, BZOD PA'I YON TAN GYI NOR BU RNAMS KYI GTER DANG, MDUN SA DANG MDUN NA BLO GROS KYI BDAG NYID CHAN POR RAB TU GRAGS PA DANG, LEGS PAR SPYOD PA'I STON KA'I DUS LTAR DRI MA MED PA DANG, RGYA CHE BA'I RIGS KYI NAM MKHA' LA ZLA BA DANG 'DRA BA DANG, ZLA BA'I DKYIL 'KHOR DANG RJES SU MTHUN PA'I BZHIN GYI PADMA DANG LDAN PA DANG, PADMA'I LTE BA LTAR DKAR BA'I LUS DANG LDAN PA DANG, GZUGS DANG LDAN PA 'DRA BA'I TSUL GYI PHUN SUM TSOGS PAS KUN NAS GTZANG BA'I YID DANG, CUNG ZAD KYANG DBANG PO'I DGRA RNAMS KYIS PHAM PAR MA BYAS PA DANG SKYON RNAMS KYI GNYEN PO RGYAL BA DANG RANG @184B GI PHYOGS LTAR YON TAN RNAMS SNGON DU SONG BA DANG, THE TSOM MED PA DANG LUS DANG 'DRA BA'I CHOS DANG 'DRA BA DANG, DAL 'BYOR YANG DAG PAR THOB PA DANG, SKAD CIG MAR YANG YUL GYI SKYON RNAMS KYIS YID LA GLAGS MA RNYED PA KA SHI KA'I RGYAL PO'I BLON PO KHRA CAN ZHES BYA BA'I BYANG CHUB SEMS DPA' BYUNG BAR GYUR TO, ,'DOD PA ME TOG RNAMS BZHIN DU, ,'DZUM PA RNAMS NI 'GA' ZHIG KYANG, ,BDAG GI SKYED MOS TSAL BSRUNG LTAR, ,SO SOR 'DZIN 'GYUR BLO YANG PHROGS, ,SA 'DZIN RNAMS KYI RI RAB LTAR NI MTHO BA'I MDUN, ,DPAG BSAM SHING RNAMS LTA BUR YONGS 'DUS BRTOL NI, ,DE NI KUN DU MKHAS PA RNAMS LAS 'BYUNG 'GYUR TE, ,'DOD DANG LDAN PA RNAMS LA NYI MA LTAR NI LHAG ,JI LTA JI LTAR BSTAN BCOS RNAM DBEN LAS GSAL BA, ,SLOB MA RNAMS KYIS 'DI YI TSIG LCI THOS 'GYUR BA, ,DE LTA DE LTAR 'DI RNAMS KYI NI BLO RIM GYIS, , STON KA'I YON TAN GYIS NI CHU LTAR DANGS PAR 'GYUR, ,DE LTAR 'DOD PA THAMS CAD LA MKHAS PA'I BLO DANG LDAN YANG BDAG NYID CHEN PO DE LUGS KYI BSTAN BCOS RNAMS SMOD PA'I SKYON RNAMS LAS SHIN TU NUB PA'I YID CAN KA SHI KA'I RGYAL PO BZLOG PAR NUS PA MA YIN TE, GNAS SKABS SNGON DU 'GRO BAR YANG 'DI LA DBEN PA'I SAR SKYON RNAMS LAS RNAM PAR GCOD CING SMRAS PA, LHA LAGS LUS 'PHAGS RGYAL PO LA SOGS PA SKYON LA LTA BA GNYEN PO RGYAL PO GZHAN RNAMS YOD PA LHA'I SKYON RNAMS YOD PA RNAMS LA RTZE GCIG PA NYID NI RIGS PA MA YIN NO, ,LHAS GZIGS SHIG GANG ZHIG 'THUNGS TE BLA MA YANG KHRO BAR BYED DE RGYU MTSAN MED PAR SLAR NI DU, ,'KHRUL PAR 'GRO STE MA DPYAD PA YANG BYED PAR 'GYUR BA NAD KYI GZHIR NI 'GYUR BA STE, ,'JIG RTEN PA YI MDUN DU YANG NI SMAD G-YOGS BSAL BAR BYED DE SMYON PA BZHIN DU BYED, ,DE NI NGO TSA BRAL BYED GTI MUG SKYED PAR BYED PA SU ZHIG CES BYA CHUNG 'THUNG 'GYUR, ,GANG ZHIG BRTZE ZHING JI LTA BA BZHIN MI SMRA PA STE KHROS PAS REG PAR 'GYUR, ,GNYID NI MI MYONG BDAG NI PHAM ZHES BYA BA'I NYON MONGS PAS NI BRGYAL PHYIR SLAR CHAGS 'GYUR, ,SHIN TU BSHAD GCI BKAG PAS RNYED PAR SLA BA'I @185A *, ,NAD RNAMS KYIS NI LHAG PAR GNAS 'GYUR TE, ,CHO LO DE NI SKYEN MANG TSOGS KYIS DRI BCAS SKYES PA SU ZHIG CES BYA RTZE BAR 'GYUR, ,SBRUL LAS RGUD PA DANG YANG DGRA BAS KYANG NI SLAR 'JIGS RTA LAS KYANG NI LHUNG BA STE, ,BKRES SKOM NGAL BA'I SDUG BSNGAL SHIN TU CHE BA NYI MA'I 'OD ZER DRAG PO BAS KYANG CHA, ,BYA BA RNAMS KYI THA MA DAM PA'I SKYE BO LA NI SMAD PA YANG DAG 'GRO BA LAS LHUNG BA, ,DE LTAR SKYON DANG LDAN PA'I RI DAGS SHER BA SHES NAS MKHAS PA SU ZHIG DE LA BRTEN, ,STOBS NI NYAMS PA THOB PA RNAMS LA RNAM ZHUM PA, ,SDUG BSNGAL GYI RGYU MUN PA RNAMS KYI RGYU MTSAN TE, ,'DOD PA'I ME YI BSREG LUGS BDAG NYID BSREG PA'I PHYIR, ,BUD MED RNAMS LA SHIN TU CHAGS PA ME YIS GDUNGS PA'O, ,MI SKYONG TSIG NI RTZUB PA SKYE DGU RNAMS LA NI, ,'JIGS PA BYED PA GNAS KYI KHYAD PAR GYIS MI BZAD, ,LTO 'PHYE'I DBUGS KYIS RNAM PAR BYUNG BA BYED PA YI, ,DUG GI ME YIS 'PHROG PAR BYED PA'I 'OD ZER LTAR, ,PHONGS PA DE NI ZHI YANG BLA YI BSIL BA'I 'OD DBANG PHYUG ,RAGS PA MTSON PA YANG MIN TE, ,DRAG PO'I DPYA CAN LTO 'PHYE BZHIN, ,GANG GIS SMAD PA LUGS MED PA, ,DON SMAD TSUL SHES RNAMS KYIS NI, ,RING BA NYID DU SPANG BYA STE, ,SA SKYONG RNAMS KYIS DUG BZHIN DU, ,MA DPYAD MIG CAN DPA' BO DANG, ,SHES RAB KYIS RGAN SMOD BYED PA, ,DBANG PO MA RGYAL SA SKYONG LA, ,NAM ZHIG RGUD PA BZHON MI 'GYUR, ,DE LTAR RNAM PAR RGYAL BA'I SKYON 'DI RNAMS SHIN TU RING PO NAS THOB PA YANG RGYAL PO'I DPAL NI NUB PAR BYED DO, ,DPUNG PA'I STOBS KYIS DBANG RNAMS KYIS BDAG BYAS KYANG, ,SHES RAB RGAN PA RNAMS KYIS TSUL GYIS SKYONG BZHIN YANG, ,SA YI BDAG PO'I DPAL 'DI RNAM 'GYUR 'GRO BA STE, ,MNYES GSHIN DOR BA'I LUS CAN RNAMS LA 'GOD BYED LTAR, ,DBANG PO'I DGRA NI RNAM RGYAL YON TAN DRUG PO MA 'DAS PA, ,TSUL GYI MIG DANG LDAN PAS CHEN CHUN TSOGS NI LTA BYED PA, ,RLUNG GIS GDUNGS PA'I ME LCE RNAMS LTAR G-YO BA YANG, ,NOR CAN MA YIN BDAG POS DPAL NI NYE BAR STER BAR BYED, ,DE BAS NA BDAG NYID @185B RNAM PAR RGYAL BAS LHA YIS RTAG TU GNAS PAR BYA ZHES ZER RO, ,DE NAS RGYAL PO DE'I YUL RNAMS KYIS DBANG PO 'PHROG PA'I PHYIR SNYING STOBS BAS YANG NGO BSRUNG GI PHYIR SMRAS PA, GANG ZHIG KHYED CAG LTA BU BLA MA RNAMS KYIS BDAG LA GDAMS NGAG BYAS PA DE NI BDAG GIS 'DA' BAR 'GYUR BA MA YIN ZHES ZER TE, BYANG CHUB SEMS DPA' RANG GI KHYIM DU SONG NAS KYANG, ,RDZA RNGA GLING BU'I SGRA YIS NANG GANG BA, ,GLU BCAS SGRA LDAN SGEG DANG BCAS PA'I GAR MKHAN LDAN, ,SA BDAG DES NI MYOS PA NYID KYIS MIG DMAR BA, ,BTZUN MO'I 'KHOR NA YANG DAG RGYU NI ZHUGS PAR GYUR; ,DE NAS SGEG BCAS BTZUN MO'I LAG GIS GTAD PA NI, ,YID NI 'PHROG BYED KHU BYUG MIG LTAR DMAR BA NI, ,YID 'BYUNG ME YI BUD SHING RGUD PA RNAMS KYI GZHI, ,LTE BA KHA PHYE'I AUTPAL GYIS BRGYAN CHANG 'THUNG GYUR, ,DE NAS RIM GYIS NYI MA NUB PAR NYER SONG LA, ,'DAB CHAGS RNAMS NI RIM GYIS TSAD RNAMS SONG BA LA, ,SA BDAG DE YI MDUN DU MAR ME 'DZIN PA RNAMS, ,GUS PA DANG BCAS 'ONGS TE MAR ME'I SNOD RNAMS SBAR, ,DE NAS SROD DUS RI BONG GIS MTSAN RTZE YOD PAR, ,SKAD CIG DES NI 'DOD PA'I RTEN CAN CHANG 'THUNGS TE, ,RGOD PAS BSKUM PA'I MCHU LDAN GAR MKHAN MO YI GDONG, ,SGEG PA'I MIG CAN LA NI LTA BA BCINGS PAR GYUR, ,DE LTAR CHANG NI YONGS SU 'PHEL BAS RMONGS PA'I BDAG ,GRAGS SHING YID NI 'PHROG PA'I GAR DANG GLU YI SGRA, ,JI LTAR YANG NI MTSAN MO'I THA MA SHES 'GYUR TE, ,MI BDAG DE NI KUN NAS 'OD MED ZLA GSUM LDAN, ,DE NAS DER ROL PA'I BLON PO KHA CIG KHRA CAN GYI SHES RAB KYI MCHE BA'I BDAG NYID MI BZOD PAR GYUR PAS KA SHA'I RGYAL PO LA 'DI SKAD SMRAS PAR GYUR TE, LHA'I STENG DU CHAGS PA DANG BRAL BA'I SNYING DANG 'DRA BA KHRA CAN MTHONG STE, CI'I PHYIR ZHE NA, BDAG CAG RNAMS KYIS THOS TE JI LTAR 'DI LUS 'PHAGS KYI RGYAL PO LA BRTEN NAS LHA 'JIG PA NYID KYI PHYIR 'BAD PAR BYA STE, DE BAS NA DE'I STENG DU LHAS YID CHES PAR BYA BA MA YIN ZHES ZER RO, ,RGYAL PO DE YANG RMONGS PA'I RANG BZHIN GYIS MA DPYAD PA NYID DU BYANG CHUB @186A *, ,SEMS DPA'I STENG DU MNYES GSHIN PA LA G-YEL BAR KUN NAS SONG BAR GYUR TO, ,BYANG CHUB SEMS DPAS KYANG GTAM DE YID CHES BA RNAMS LA KUN NAS NYE BAR DMIGS TE, GROGS PO SU ZHIG GI MDUN DU 'DI LTAR SMRAS PAR GYUR TO, ,GDUG PA'I BDAG NYID ROL PA'I BLON PO 'DI RNAMS KYIS RGYAL PO 'DI BDAG GI STENG DU KHROS SU BCUG PA STE, RNAM PA THAMS CAD DU SKYE BO NGAN PA RNAMS KYIS SKYE BA NI GCIG TU GZHAN RNAMS LA GNOD PA NYID KYI PHYIR TE, ,'GRO SDANG DAM MIN SKYE DANG SBRUL DAG GI NANG NA, ,BDAG STENG GDENGS CAN MCHOG DE DAM MIN SKYE BO MIN, ,LTO 'PHYE'I GDENGS KAR NOR BU CHEN PO YOD PA STE, ,SKYON RNAMS MA LUS 'BYUNG BYED NYID NI SKYO BA NGAN, ,RANG BZHIN GYIS NI SKYES PA ZHES BYA BA KHA BA NYID, ,ME LA BRTEN PA'I NIM PA'I 'DAB MA DOR BA STE, ,DAM MIN SKYE BOS DAM PA'I SKYE BO'I SPYOD BYAS KYANG, ,NAD RNAMS GDON BYED TSIG NI DUG GI TSA BA DOR MI BYED, ,SKYE BO LA NI 'BYUNG BAR BYED CING 'CHI BA'I 'JIGS PA BYED PA SBRUL GYI DUG ,YAN LAG LA GNAS SMAN PA LA NI DUG ZHI'I SNGAGS RNAMS KYIS NI ZHI BAR NUS, ,BZANG MIN SKYE BO'I TSIG GI DUG NI CHEN PO RNAMS GCOD GNOD BYA MIN PA NI, ,SO SOR 'DZIN DANG YID LA GDUNGS PA SROG DANG BRAL BA'I BAR DU 'DZIN PAR BYED, ,SKYON NI MANG MTHO SKAD CIG GIS 'JIG KUN NAS SKRAG PA BSKYED PA NI, ,SBRUL RNAMS KYI NI RGYU NI YIN TE SA YI RDUL GYIS NYE BAR BSAGS PA NI, ,RGYAL SRID LAS BYUNG CHEN PO NYID NI GANG ZHIG KHYIM DANG 'DRA BAR KUN NAS SPANGS, , DE LAS LANGS PA'I CHOG SHES MIN PA'I RGUD PA CHUNG YANG DE LA REG MI BYED, ,GAL TE RGUD BSKYED SDUG BSNGAL GYIS NI BRTEN BYA MI SKYONG MNGON PHYOGS NYID DU KHRID, ,SHES RAB DANG NI RIGS STOBS RNAM PAR BRAL BA YANG NI SKYES PA'I DPAL MTHONG 'GYUR, ,GAL TE RI DAGS BDAG POS 'BAD PA MED PAR LAN NI MANG PO GROGS NYID 'GRO, ,CE SPYANG GIS KYANG DE LA RJES 'GRO MCHE BA GNYIS PA'I BDAG PO'I SHA ZA 'GYUR, ,DE PAS NA BDAG CAG LTA BU RNAMS LA SA'I BDAG PO 'DI SNOD MA YIN NO, ,ZHES SMRAS NAS GNYEN 'DUN DANG GROGS PO'I SKYE BO DANG YO BYAD RNAMS KUN NAS DOR @186B TE; KHRI SNYAN GYI PAGS PA DANG SHING GI SHUN PA DANG, RIL BA SPYI BLUGS 'DZIN CING RTAG TU 'BRAS BU MOD PA BDUD KYI YID LA RE BA 'BRAS BU MED PAR BYED PA, SHING RTA DANG 'DRA BAR NGES PA LA GNAS NAS DRI MA MED PA'I CHU DANG LDAN PA'I CHU BO DANG 'BREL PAS RLUNG BSIL BA DANG, DU MA'I RI DAGS KYI TSOGS DANG 'DAB CHAGS KYI TSOGS KYIS KHYAB PA, DKA' THUB GRUB PA'I THUB PA RNAMS KYI RTEN DANG SHIN TU DGA' BAR GYUR PA DANG, SHIN TU SHING RNAMS MANG BA NYID KYIS NYIN MOR BYED PA'I NYI MA'I 'OD ZER RNAMS KYIS 'JUG PA MA THOB PA DANG, SA 'DZIN PA'I NYE BAR BRTEN PA 'GA' ZHIG LA BRTEN NAS DKA' THUB SPYAD PAR GYUR TE, BSAM GTAN BZHI RNAMS THOB NAS NI, ,RIM GYIS BSGOM PA RNAMS KYI MCHOG ,BDAG NYID CHEN PO DKA' THUB CHE, ,DES NI MNGON SHES LNGA LA GNAS, ,DE NAS BLON PO DE NI DKA' THUB SPYOD BZHIN PA, ,RAB TU ZHI BA MCHOG NI RNAM PAR MTHONG BZHIN PA, ,DMAN PA'I BU LON CAN LTAR MCHOG GI BU LON CAN, ,RING NAS SPANGS TE DGOS PA MED BZHIN 'GRO BAR 'GYUR, ,DE NAS KA SHA'I RGYAL POS DUS GCIG GI TSE NA BRANG LA GZHU DAM PAR BZHAG PAS GO CHA DANG LDAN PA DANG, DRI MA MED PA'I RGYAN RNAMS KYI NOR BU'I 'OD ZER GYIS DKRIGS PA GSER GCAD PA LTAR DAG CING YAN LAG RGYAS PA, 'PHRO BAR BYED PA'I RTA RNAMS KYI TSOGS CHAS LAS SIL SIL GYI SGRA 'DAB CHAGS KYI TSOGS KUN NAS SKRAG PAR BYED PA'I SHING RTA'I MCHOG LA ZHON NAS RI DAGS SHOR BA'I LTAD MOS SNYING 'DREN PAR GYUR PA, BYANG CHUB SEMS DPA' DE DANG BCAS PA'I NAGS LA RJES SU ZHUGS PAR GYUR TE, SHING RTA'I SHUGS KYI DBANG GIS BSKYOD PAR BYED PA'I RGYAN, ,RNAMS KYI 'OD KYIS 'TSO BA'I LAG PA GNYIS SNANG BYAS, ,SHUGS NI GSAL BA'I RI DAGS RJES CHOL MI SKYONG NI, ,MTSON CHA LA MKHAS SHUGS LDAN BCAS PAR RAB 'GRO 'GYUR, ,DES NI SHIN TU RING BA'I RI DAGS RJES 'BRANGS NAS, ,RI DAGS LTAR NI RGYAS SHING MDZES PAS BSKYOD PA'I MIG ,MIG GI MTHA' MAR GZHU RGYUD 'DZIN PA MDA' DANG BCAS, ,MDA' YI RTEN NI MYUR DU MI SKYONG DES BYAS 'GYUR, ,DE NAS RI DAGS MO YI GROGS LTAR RING DU SONG BA LA, ,BSKYOD PA'I RMIG PA GNYIS KYIS NAM MKHA' @187A *, ,'JAL BAR BYED PA LTAR, ,SHING RTA 'DREN PAS 'DZIN PA RTA RNAMS SGRA SGROGS THAG PA CHAD, ,DES NA GZHU RGYUD MDA'I LTONG RNAMS BRAL MYUR DU KHYER BAR GYUR, ,DE NAS BYANG CHUB SEMS DPAS KA SHA'I RGYAL PO MTHONG NAS BDAG GI SPYOD YUL DU RGYAL PO 'DI 'ONGS PA DE BAS NA, BDAG GIS 'DI NGAN 'GRO'I RGYU DAM PA MA YIN PA'I GROGS PO MANG BA BDE BA CHUNG DU MYONG BA'I RGYAL PO NYID 'DI LAS GDON PAR BYAS TE, LAM BZANG POR 'JUG PAR 'GYUR BA ZHES BYA BA RNAM PAR BSAMS NAS, SKAD CIG MA NYID KYIS RDZU 'PHRUL CHEN PO'I MTHUS MCHE BA GNYIS PA'I SMYON CHUS PHYOGS RNAMS KYI BAR DRI DANG LDAN PAR BYAS BA DANG, RAL GRI DANG, MDUNG THUNG DANG, CONG LOG DANG, GSOR MDUNG GI 'JIGS PA DANG, RGYAL MTSAN MTHON PO'I RTZE MO RNAMS KYIS MNGON PAR GDUNGS PA'I NAGS KYI SHING YAL GA DANG LDAN PA DANG, CHU'I KHUR GYIS LCI BA'I CHU 'DZIN PA LTAR BRTEN PA'I SGRA CAN RDZA RNGA DANG LDAN PA DANG, KUN NAS GANG BAR GYUR PA'I CHU SKYAR LTAR DKAR BA'I DUNG RNAMS KYI SGRAS RNA BA 'DON PAR BYAS PA DANG, MNGON DU PHYOGS PAR 'ONGS PA'I SHING RTA'I 'KHOR LO RNAMS KYI MTHA' MAS DMA' BAR BYAS PA'I SA'I STENG DANG LDAN PAR BYAS PA 'DI DANG 'DI NAS MNGON PAR 'JUG PAR GYIS SHIG ,DA NI GANG DU 'GRO ZHES BYA BAS 'THAB MO'I TSOGS KYIS SGRA SGROGS PA DANG, KUN NAS GZHU BKANG BA DANG, GO CHA GON NAS KUN NAS DKROL BA DANG, CA CO'I SGRA 'BYUNG BAS RI DAGS KYI TSOGS KUN NAS SKRAG PA DANG, RGYUG CING 'THAB MO LA BRTZON PA LUS 'PHAGS RGYAL PO'I DMAG TSOGS NYE BAR STON CING GNAS TE, RDUL GYI MUN PA CAN GYIS BAR NI 'DRES BYAS PA, ,GLANG CHEN RNAMS KYI SNA YI CHU THIGS RNAMS KYIS DGOD, ,SA SKYONG RNAMS KYI COD PAN RIN CHEN DRI MED PA'I, ,'OD ZER G-YO BA RNAMS KYIS 'GA' ZHIG SGRON BYAS 'DRA, ,GLANG CHEN RNAR 'PHYANG DUNG RNAMS KYIS NI MDZES GYUR TE, ,RNAM RGYAS KU MU DA RNAMS LTAR NI 'GA' ZHIG TU, ,DE NAS RIM GYIS RING PO NAS NI DE, ,LUS 'PHAGS RGYAL PO'I ZLA LDAN MIG NI MTSAN MO 'PHEL, ,DE NAS SHING RTA LA GNAS RNA BA'I MTHA' MA 'BREL, ,GZHU RGYUD MDA' DANG BCAS PA LA LAS BYAS PAR GYUR, , @187B 'PHRO PA'I LTO 'PHYE LTO PA'I PAGS PA'I 'OD LDAN PA, ,LA LA ZHIG GIS RAL GRI SHUBS NAS BTON PAR GYUR, ,'DZAG PA'I SMYON CHU'I THIGS PAS GOS PA'I GDONG LDAN PA, ,G-YER KA DANG BCAS GLANG PO RNAMS KYIS KUN NAS BSGRIBS, ,DPRAL 'BUR LCAGS KYUS BTAB PA LA NI LAG PAS GZHAN, ,SHIN TU GLANG PO CHE NI KUN NAS LANGS PAR BYAS, ,RGYA CHEN BRANG GI MTHIL NAS GZHU NI BZUNG BYAS TE, ,RNGA MA DANG BCAS RGYUG PA'I RTA LA GNAS PA NI, ,GZHAN GYI MDA' 'DZIN NAS NI SGRO LDAN RNO BA NI, ,SOR MO RNAMS KYIS RTEN NI SAR PA BTON PAR GYUR, ,DE NAS MNGON PAR PHYOGS PAR GYUR PA'I DMAG DE MTHONG NAS KA SHI'I RGYAL PO KUN NAS SKRAG PA'I DBANG GIS 'DAR BA YANG DAG PAR BYUNG STE, ,DA NI SU LA SKYABS SU 'GRO ZHES ZER BA BDAG GIS THOS TE, JI LTAR BDAG NYID CHEN PO KHRA CAN DE DKA' THUB KYI NAGS 'DIR ZHUGS PA DE NYID BDAG LA DKA' THUB KYI STOBS KYIS LUS 'PHAGS RGYAL PO'I STOBS 'DI LAS SRUNG BAR BYED PAR 'GYUR RO SNYAM DU RNAM PAR BSAMS NAS, SHING RTA 'DREN PA LA SMRAS PA, SHING RTA 'DREN PA SHING RTA 'DREN, ,DE YI DKA' THUB NAGS GANG DU, ,KHRA CAN BDAG NYID CHEN PO YI, ,LAM SHES PA YI LAM DE NA, ,BDAG GI SHING RTA DRANG BAR GYIS, ,DE NAS 'DREN PAS DE LTAR BGYI ZHES SLAR MNYAN NAS, ,LCAG GIS KUN NAS BSKUL BAS MYUR BAR 'PHEL BA NI, ,RAB RGYAS SNA LAS SKYES PA'I SGRA CAN SHUGS KYIS NI, ,RTA RNAMS THAG PA RAB TU BKROL BA BYAS PAR 'GYUR, ,DE NAS MYUR BAR DKA' THUB NAGS NAS RNAM BYUNG NAS; ,PADMA'I PHRENG BAS BYAS PA'I LAG PAS BRKYANG BYAS TE, ,DOGS PA RNAM PAR DOR NAS SPYIL BOR ZHUGS MDZOD CES, ,DKA' THUB NOR CAN DES NI MI SKYONG DE LA SMRAS, ,DE NAS SHING RTA MCHOG LA RIM GYIS BCAS NAS NI, ,LAG PA KUN NAS BZUNG STE 'JIGS PAS 'KHRUG PA LA, ,RI DAGS DANG NI RMA BYA CHU SKYAR BAR MED PA, ,DKA' THUB NAGS SU THUB PA MCHOG DES KHRID PAR GYUR, ,SA YI BDAG PO DES KYANG SPYIL POR SONG BA NA, ,NGAL BAS KUN NAS KHYAB PA'I YID RE BCAS, ,SHING RTA RTA DANG RKANG THANG RNAMS KYIS KHYAB PA NI, ,STOBS KYANG KUN NAS KHYAB PA'I DBANG GIS @188A *, ,RNAM PAR MI SNANG GYUR, ,DE NAS RGYAL PO DES GSONG PO RA SMRA BA BYAS SHING SPYIL PO'I GNAS DANG RJES SU MTHUN PA'I STAN 'GA' ZHIG LA KUN NAS NYE BAR ZHUGS TE, THAMS CAD DU BLTA BA BTANG BAS LUS 'PHAGS RGYAL PO'I DMAG TSOGS DE MA MTHONG ZHING BYANG CHUB SEMS DPA' LA SMRAS PA, KHYOD KYI DKA' THUB NAGS SU BDAG NI ZHUGS PA LA, ,DGRA YI DMAG DE MYUR BA NYID DU GANG DU SONG, ,KHYAD PAR DU NI YANG BA DKAR PA CHUNG ZAD PAS, ,CHU GTER RNAMS KYI PHRENG BA RLUNG GIS GDUNGS PA LTAR, ,KHRA CAN GYIS SMRAS PA, RGYAL PO CHEN PO KHYOD RNAM PAR GDUL BA'I PHYIR BDAG GIS RDZU 'PHRUL GYI CHE BA'I BDAG NYID BSTAN PAR BYAS PA STE, 'DI NI LUS 'PHAGS RGYAL PO'I DMAG TSOGS GANG NA YOD CES ZER RO, ,GZHAN YANG, GANG DU GNYEN RNAMS LAS KYANG 'JIGS, ,DGRA 'JIGS GCIG PUR MA ZAD KYI, ,RGYAL SRID DE NI SKYON MANG BA, SEMS BCAS SU ZHIG DON DU GNYER, ,'DI NI GDON BYA GSAD BYA 'DI, ,DE NI RANG NYID MIN BLANG BYA, ,BSAM PA YANG 'DI DMYAL BA'I PHYIR, ,SA SKYONG BYA 'DI SMOS CI DGOS, ,DE BAS RGYAL SRID BDE BA CHUNG, ,THA MAR 'JIGS PA CHEN PO CAN, ,DOR NAS GCIG DU DGE BA NI, ,RAB BYUNG NYID LA KHYOD BRTAN MDZAD; ,BDAG LA CHAGS PA ZIL GYIS NON, ,DKA' THUB NAGS DANG RGYAB PHYOGS PA, ,SROG CHAGS RNAMS NI DE LTA BU'I MI DGE BA'I SPYOD PA BYED DE GANG GIS NGAN 'GRO BRTEN PAR 'GYUR TE LHAS GZIGS SHIG ,BSREG LUGS DU BA'I BLA BRES NI, ,SRAB PA'I SRIN DANG RJES MTHUN PA, , ME TOG SKYES PA'I SHING GI NANG, ,PADMA SNGO BA'I MTHA' LDAN PA, ,MTHA' MED PA YI SA SKYES LDAN, ,SA SKYES MTHUG PA'I GRIB MA YIS, ,BSIL BAR BYED PA'I SA PHYOGS CAN, ,BUNG BA LHUNG BAS KUN SKRAG PA, ,KUN NAS 'DAR BA'I LTA BA CAN, ,DKA' THUB CAN RNAMS BU MO YIS, ,ME TOG BTUS PAR GYUR PA NI, ,SRUB BZHIN PA YI GTZUB SHING SGRAS, ,KUN NAS ME 'BYUNG MTSON BYAS PA, ,KUN NAS DKA' THUB MO RNAMS KYIS, ,SHING LO'I KHANG SGO BCUG BZHIN PA, ,ZHI BA SHING LO RNAMS KYI GNAS, ,ZHI MIN SKYE BO DANG NI BRAL, ,GNYEN 'DUN CHAGS PAS DKA' THUB NAGS, ,SKYE BOS @188B 'GRO BAR NUS PA MIN, ,LEGS PA RNAMS KYI BAR CHAD 'DI, ,MNYES GSHIN GAL TE SKYE MI 'GYUR, ,MDZA' BO RNAMS CHAD MYA NGAN ME, ,LUS CAN RNAMS YID SREG MI 'GYUR, ,BDAG LA CHAGS PAS 'JIG RTEN 'DI, ,BYA MIN STOBS KYIS BYED DU BCUG ,NGAN 'GROR 'GRO BA'I RGYU NYID PHYIR, ,DGRA LAS MNYES GSHIN SHIN TU DKA', ,BDAG LA CHAGS PA'I RMONGS PA LAS, ,DE LTA BU NI SU ZHIG BYED, ,GANG GIS SMAD SMRA MNGA' RNAMS KYIS, ,'BEN NI SKAD CIG DER 'GRO 'GYUR, ,GANG TSE NYID DU KUN NAS BSNYEN, ,'JIG RTEN MNYES GSHIN CHEN PO YIN,, 'DOD CHAGS ZHE SDANG GTI MUG DGRAS, ,DE TSE SPANG BAR NYE BAR SONG, ,MNYES GSHIN CHEN PO RNAMS MA DPYAD, ,GZI BRJID LDAN YANG SKAD CIG GIS, ,SKYE BO LA 'ONGS KHONG NAD RNAMS, ,MAR ME LA NI PHYE LEB LTAR, ,YAN LAG RNAMS LA KUN NAS TSAD DANG KHONG NA LHAG PA DBUGS NI 'BYUNG DANG 'JIGS PA DANG, ,GNYER SEMS DANG NI GNYID SAD PA DANG NYIN MTSAN LA YANG SHIN TU MUN CAN PHYOGS RNAMS DANG, ,MCHI MA DANG BCAS MIG DANG BRTAN MIN GNYID NI MDZA' BO'I SKYE BO RNAMS CHAD DUS SU BRTAN, ,MNYES GSHIN SBRUL GYIS BTAB PAS RMONGS PA'I YID CAN RNAMS KYI RGUD PA 'DI RNAMS 'BYUNG BA YIN, ,LONGS SPYOD 'DOD PA GLANG PO 'CHING BA CHOG SHES RNAM PAR GCOD PAR BYED PA RJES SONG STE, ,'DOD CHAGS GLANG PO SKYONG BAS BSKUL BA RGYAGS PA'I DBANG GIS DAM PA MIN PA'I LAM RGYUG CING, ,MNYES GSHIN DKA' BA CHUNG BA NYID KYIS BCAG PAR MI NUS PA NI YID KYI GLANG PO CHE, ,KUN NAS RMONGS SHING SLONG MO PA YI SDUG BSNGAL NYON MONGS LCAGS KYU'I RMA NI BZOD PAR BYED, ,GNYEN 'DUN MNYES GSHIN PA NI DGRA BO BZHIN DANG LAG 'GRO BZHIN DANG DRAG PA'I GLANG MO BZHIN DANG ME BZHIN DU, ,GANG GIS RING NAS YONGS SU SBANGS NAS 'GRO BA DE LA LONG NAD RNAMS NI KUN NAS 'JUD MI BYED, ,GANG ZHIG 'DI LA BTZAS PA'I SDUG BSNGAL BSKYOD PA MI MKHAS PA YI SKYE BOS 'KHYUD PAR BYED, ,RTAG TU SMAN MIN ZA LTAR MI BZAD RNAM BRGOD PA RNAMS NI DE LA NYON MONGS BYED, ,GANG ZHIG GNYEN 'DUN 'CHING BA BCAD NAS SRID PA'I 'JIGS @189A *, ,PA GCOD PHYIR NAGS SU SONG BA NI, ,DE NI MKHAS PA RNAMS KUN GYI NI NYI MA BZHIN DU 'OD LDAN RNAMS KYI MDUN SONG BA, ,DE LA SEMS NI 'BYUNG BAS BYAS PA RNO BA'I MDA' YIS BYA BA'I 'BRAS BU MED PA'I GZHU, ,SKYES PA'I 'BRAS BU BLA NA MED PA ZHI BA'I BDE BA THOB PAR GYUR CING NGES NI RNYED, ,DE NAS RGYAL PO DE RAB TU 'BYUNG BA LA NGES PAR BYAS PAS BYANG CHUB SEMS DPA' LA SMRAS PA, DRI MED RGYA CHEN BLO YI GRAGS PA CAN KHYOD KYI, ,'DI NI RDZU 'PHRUL GYI STOBS KUN NAS RGYA CHE BA, ,MTHONG NAS BDAG GI YID KYANG MYUR BAR BYED PA STE, ,DKA' THUB KYIS NI DBANG BA NYID THOB PA YI PHYIR, ,AE MA RDZU 'PHRUL 'DI NI DKA' THUB KYIS MOS LA, ,GAL TE BLO LDAN RNAMS KYI BLO YI STOBS KYIS KYANG, ,DE LTAR SKYON NI MANG BA DRI MA CAN GYI NI, ,SKAD CIG GIS 'JIGS PA LA RGYAL PO NYID KYIS CI, ,DE NAS RGYAL PO DES RTA'I KHA LO BA GDONG MCHI MA DANG BCAS PA DE LA RGYAN RNAMS BYIN NAS BYANG CHUB SEMS DPA'I DRUNG DU RAB TU BYUNG BAR GYUR TO, ,SHING RTA'I KHA LO BA YID MI DGA' BA DES KYANG RGYAL PO DE LA BSKOR BA BYAS TE, DKA' THUB KYI NAGS DE NAS SHING RTA MCHOG BLANGS NAS RNAM PAR BYUNG BAR GYUR TE, 'JAM PA'I RMIG PA GNYIS KYI SGRA LDAN RAB TU 'PHRO BA'I MDUN GYI RNGA MA CAN, ,RAB TU SRAB PA'I DRI MA MED PA'I KHA CHU'I RGYUN GYIS MAL GYI DBUS SBANGS PA, ,MI SKYONG DANG NI RNAM PAR BRAL BAS SDUG BSNGAL GYIS NI RNAM 'KHRUGS RTA DE RNAMS, ,SHIN TU LCI BA LTAR NI DKA' BAS SHING RTA DE NA DAL ZHING RGYU BAR GYUR, ,RGYAL PO'I KHAB TU YANG RIM GYIS RJES SU THOS PA 'KHRUGS PA DANG LDAN PA'I GRONG KHYER BA'I SKYE BOS PHYIR BYUNG STE, RGYAL PO GANG NA YOD CES BYA BA DRIS PAR GYUR BA DANG, KHRA CAN DRUNG NA RGYAL PO 'DI, ,RAB TU BYUNG ZHING NYE BAR GNAS, ,MCHI MA'I MIG BCAS KHA LO BAS, ,'DI LTAR BRJOD CING MYA NGAN BYED, ,DE NAS SKYE BO RNAMS KYIS BRGYUD PAS RGYAL PO RAB TU BYUNG NGO ZHES BYA BA THOS NAS, RGYAL PO'I 'KHOR THAMS CAD DU KUN NAS 'KHRUGS PA NYID DU SONG BAR GYUR TO, ,DE NAS KA SHI'I RGYAL PO'I BTZUN MO DE BDAG PO RAB TU BYUNG BA THOS PAS SEMS MCHOG TU SMRE SNGAGS 'DON PAR GYUR TO, ,AE MA DPAL GYI BRTZE MED NYID, ,SHIN TU G-YO BA'I LHAN SKYES KYANG, , @189B GCIG PU GANG DU YANG SONG BA, ,DKA' THUB NAGS SU DOR NAS SONG, ,DPAL LA KLAN KA BYAS PAS CI, ,BDAG GI YID LA SHIN TU DRAG, ,GANG PHYIR DES DOR BDAG 'TSO STE, ,GLANG PO CHES NI GLANG MO BZHIN, ,GZHON PA SHIN TU 'JAM PA DANG, ,RAB TU BDE BAR GNAS PA DES, ,BYA DKA' RAB BYUNG NYID LA NI, ,YID NI CI LTAR DES NI BYAS, ,ZLA TSES BLA BRES LTAR DKAR BA, ,GON PA'I GOS NI RAB DOR NAS, ,JI LTAR RANG BZHIN GYIS RTZUB PA'I, ,SHING LO RNAMS NI DES GON 'GYUR, ,LI KHRI DANG BCAS SOR MO CAN, ,GANG GI LAG PAS BDAG LA NI, ,THIG LER BYAS PA DE RING DES, ,JI LTAR KU SHA RNAMS 'ONG GYUR, ,NOR BU DANG BCAS GSER GYI SNOD KYIS PHUL BA NI, ,DRI ZHIM ZHIM PA'I CHANG NI DGA' BAS RAB BTUNGS BA, ,DES NI LAG PAS SAM NI SHING LO SBYAR BAS SAM, ,SKOM PAS GDUNGS PA CHU NI SA SKYONG CI LTAR 'THUNG, ,SA SKYONG COD PAN NOR BU'I 'OD RNAMS GANG ZHIG RING REG PA, ,GROGS MO RNAMS KYIS GUS DANG BCAS PA'I 'DUD PA RNAMS KYI LTAR, ,DE RNAMS RKANG PA'I SEN MO'I RIN CHEN 'OD RNAMS 'PHRO BYED DE'I, ,NAGS KYI SA YI RDUL RNAMS KYIS NI NGES PAR SNGO BAR GYUR, AMS KY G ME TOG RNAMS NI MNGON DU 'DZIN PAR BYED 'GYUR BA, ,THOR ANGS DUS SU RIM GYIS LAG PAS YAL GA GZUNG BYAS NAS, ,DON BYAS LJON SHING BUD MED RNAMS NI RLUNG GIS 'DAR BYAS PA, ,GANG RNAMS DE LA ZE'U 'BRU'I SOR MO RNAMS KYIS YANG YANG REG ,DE NAS BLON PO RNAMS CI LTAR YANG BSTAN PA NYID LA DMIGS NAS DU BA'I BTZUN MO'I 'KHOR DANG LHAN CIG TU RNAM PAR BZLOG NAS RGYAL PO DE'I SRAS CHE BA LA DBANG BSKUR BA BYAS PAR GYUR TE, RGYAL PO DES KYANG DKA' THUB DRAG PO SPYOD CING BYANG CHUB SEMS DPA'I MAN NGAG GIS, ,RIM GYIS BSAM GTAN RNAMS RNYED NAS, ,MCHOG TU ZHI BDE THOB 'GYUR DE, ,LEGS PHYIR DBANG PO YANG DAG BSDAMS, ,DE LTAR MGON PO DE YIS NI, , BYANG CHUB SPYOD PA'I RJES 'JUG PA, ,ZHI PHYIR MANG PO GTING RING BA'I, ,'DOD PA'I 'DAM LAS KUN BTON GYUR, ,DE LTAR MCHOD BYA'I THUB DE LA, ,GZHAN GYI DON NI STON MDZAD PA'I, ,KHYED CAG BRTEN ZHING GUS LDAN PA, ,NGES PAR LEGS PHYIR 'BYUNG BAR SHOG ,KHRA CAN GYI SKYES PA'I RABS @190A *, ,TE SKYES RABS BZHI BA'O,, ,,SA GSUM PHAN MDZAD BDAG NYID CHEN PO RNAMS, ,LHA YI BDE BA YANG NI RNAM PAR 'DOR, ,GZHAN GYI SDUG BSNGAL SHIN TU LCI BAS NI, ,BRTZE LDAN RNAMS KYI SEMS NI SDUG BSNGAL BYED, 'DI LTAR RJES SU THOS TE, PHA ROL TU PHYIN PA MA LUS PA RTOGS PAS BYANG CHUB DANG NYE BAR RANG GI 'OD KYIS YAN LAG SNANG BAR MDZAD PA'I BYANG CHUB SEMS DPAS DUS GCIG GI TSE NA DGA' LDAN GYI GNAS SU 'KHRUNGS PAR GYUR TO, ,BDAG NYID CHEN PO DES KYANG DE NA GNAS PA'I LHA RNAMS LA CHOS LAS MA 'DAS PA'I GTAM GYIS LAM DAM PA MNGON PAR GSAL BAR MDZAD NAS, 'DI LTAR BSAMS PAR GYUR GYUR TE, RDZOGS LDAN GYI DUS NA 'JIG RTEN PA CHOS LA RTZE GCIG PA BDE BAR LAM BZANG PO LA 'JUG PA YIN TE, RTZOD PA'I DUS 'DIR NI RGYAGS PA DANG NGA RGYAL DANG CHAGS PA DANG ZHE SDANG DANG GTI MUG RNAMS KYI DBANG DU GYUR PA'I SROG CHAGS RNAMS BDE BA'I CHOS RMONGS PA'I BDAG NYID RNAMS NGAN 'GRO GZHAN GYI DBANG DU SONG BA STE, DE BAS NA BDAG GIS BYANG CHUB RTOGS NAS 'KHOR BA NAS GDON PAR RIGS ZHES ZER RO, ,YUL DBUS NA YANG DAD PA RNAM PAR DAG PA'I YID CAN 'JIG RTEN PA YIN TE, GANG ZHIG 'DI ZAS GTZANG MA ZHES BYA BA GRONG KHYER SER SKYA NA MI RNAMS KYI BDAG PO YIN PAS 'DI NI SHIN TU YANG DAM PA RNAMS KYI SPYOD PAS DRANG SRONG CHEN PO RNAMS PAS KYANG LHAG PA YIN TE, DE BAS NA 'DI NYID KYI BTZUN MO'I MCHOG SGYU MA LHA MDZES KYI KHONG PAR SKYE BA KUN NAS LEN PAR BYED PAR 'GYUR ZHES BYA BA RNAM PAR BSAMS NAS, MTSAN MO NYAL BA'I RMI LAM DU, ,KHA RI LTAR DKAR LCI ZHING MCHE BA DRUG PA'I SMYON CHU YI, ,DRI YIS BSGOS PA'I GDONG CAN MCHE BA GNYIS PA'I GZUGS BYAS NAS, ,SA YI BDAG PO ZAS GTZANG DAG GI BTZUN MO'I LTO BAR NI, ,'GRO BA RNAMS KYI SDUG BSNGAL ZAD PHYIR DE NI ZHUGS PAR GYUR, ,DE NAS BTZUN MO SKYU MA LHA MDZES CHEN MOS RGYAL PO LA RMI LAM NGE SMRA ZHING GNAS TE, ,LHA LAGS DE RING BDAG LA RMI LAM DU STON KA'I CHU 'DZIN LTAR DKAR BA MCHE BA DRUG PA GLANG PO CHE'I DBANG PO LTO BA G-YAS PA KHA PHYE NAS KHONG PAR ZHUGS SO ZHES ZER RO,, @190B DE NAS RGYAL PO DES RMI LAM GYI 'BRAS BU SHES PA GNYIS SKYES RNAMS KYI MDUN DU RMI LAM DE BRJOD CING GNAS SO, ,BRAM ZE DE RNAMS KYIS KYANG DE LA ZHUS PA, ,RGYAL PO CHEN PO KHYOD KYI SRAS 'KHOR LOS SGYUR BA 'BYUNG BAR 'GYUR ZHES SMRA'O, ,RGYAL PO DE YANG YID DGA' BAS GNYIS SKYES DE RNAMS LA GUS PA MDZAD NAS RNAM PAR BTANG BAR GYUR TE, BTZUN MO BTZUN MO'I NANG 'KHOR BCAS, ,RJES GNANG DE NAS DUS GCIG TSER, ,LUM PA'I TSAL DU SONG BAR GYUR, ,ME TOG KHUR NI 'DZIN PA YI, ,YAL GA KUN NAS 'DZIN GYUR PA'I, ,BTZUN MO'I LTO BA MYUR PHYE NAS, ,BYANG CHUB SEMS DPA' RNAMS 'BYUNG 'GYUR, ,DE NAS LA 'KHRUNGS PA TZAM GYIS GSER GYI GNYA' SHING LTAR DKAR TE, ,MIG NI STONG DANG LDAN PA'I KA BAS RIM GYIS 'DZIN PAR GYUR, ,ME TOG MAN DAR YI TSOGS DANG LHAN CIG DE YI DBU LA NI, ,MKHA' LAS DRI MA MED PA'I CHU YI RGYUN DAG BAB PAR GYUR, ,'GRO BA RNAMS KYI MGON GCIG DE NI STOBS BYED KYIS BZHAG PA, ,BRTAN ZHING RIM GYIS SA NI GOM PA BDUN NI DOR BYAS NAS, ,SHIN TU NGO MTSAR BA YI TSIG 'DI ZHI BAR GSUNGS PA STE, ,BDAG NI SKYE BA THA MA ZHES TE MUN PA RNAMS MED PHYIR, ,DE NAS BCOM PA BSIL MIN 'OD ZER LTAR 'BAR ZHI BA YI, ,BDAG NYID CAN DE'I 'OD NI NOR LDAN MA NI SNANG BYED CING, ,NYI ZLA DAG GIS 'BAR BA'I 'OD RNAMS KYIS NI MI PHYED PA'I, ,'JIGS PA'I MUN PAR DMYAL BA RNAMS LA 'JIGS PAR GYUR, ,BDAG NYID CHEN PO CHOS KYI RGYAL PO DE YANG 'DI NI DBANG BSKUR RO ZHES BYA BAR RAB TU DGA' BA'I YID DANG LDAN PA'I LHA RNAMS KYIS NAM MKHA'I DKYIL LA RNGA RNAMS BRDUNGS PAR GYUR TO, ,BTZUN MOS NI KHYOGS LA ZHON NAS BYANG CHUB SEMS DPA' BLANGS TE RANG GI KHYIM DU SONG BAR GYUR TO, ,DE NAS SHIN TU NGO MTSAR BA'I YID DANG LDAN PA'I ZAS GTZANG MAS BTZON THAMS CAD BTZON RA NAS GROL BAR MDZAD DE, GRONG KHYER SER SKYA KUN NAS MTHONG BA'I RGYAL MTSAN DANG BA DAN RNAMS KYIS SNA TSOGS PA'I TSONG KHANG GI LAM SHIN TU DRI ZHIM PA'I DRI'I CHUS SA'I STENG DU CHAG CHAG BTAB PA DANG, ,ME TOG SAR PA RNAMS BKRAM PAS LAM RNAMS KYI BAR MDZES PA BYED DU BCUG GO, ,'DRES PA'I RI DAGS KYI NI PAGS PA @191A *, ,G-YOGS PAR BYAS PA'I PHRAG PA'I PHYOGS, ,ME YI 'OD CAN RAL PA RNAMS KYI TSOGS NI KUN NAS 'DZIN BYED CING, ,DKAR MIN MIN PA'I LAS RNAMS KYI NI MNGON SUM DKAR MIN ZHES BYA BA, ,NAM MKHA' LAS BYUNG SKYE BO RNAMS LAS SA YI BDAG POS THOS PAR GYUR, ,DE NAS RGYAL PO DE MNGON PAR BZHENGS TE DRANG SRONG CHEN PO DE BYANG CHUB SEMS DPA'I SKYE BA SHES PA LA 'JUG PAR BYED PA MNGON PAR MKHYEN TE GSONG POR SMRAS NAS, AARGHA RAB TU SBYIN PA LA SOGS PA BKUR STIS RIM GROR BYAS TE, GDAN YONGS SU 'DZIN PAR BYAS PA 'DI LA BDE BA DRIS NAS MA MA'I PAD PAR GNAS PA'I BYANG CHUB SEMS DPA' STON ZHING GSUNGS PA, BCOM LDAN 'DAS RE ZHIG BDAG GI SRAS 'DI LA CI TSE RING BAR 'GYUR RAM MI 'GYUR GZIGS SHIG CES SO, ,DE NAS DKAR MIN GYIS BYANG CHUB SEMS DPA' BLANGS TE MTHONG NAS KYANG 'DI LTAR BSAMS PAR GYUR TE, JI LTAR MTSAN GSAL RNAMS KYIS 'DI; ,RGYAN DANG 'DRA BAR BRGYAN BYAS PAS, ,DE LTAR 'GRO BA'I SDUG BSNGAL BA, ,BSAL CHED SANGS RGYAS 'BYUNG BAR 'GYUR, ,GANG TSE SANGS RGYAS 'DI 'BYUNG BA, ,DE TSE BDAG NI SHI 'GRO 'GYUR, ,'DI LAS CHOS GTAM THOS GYUR PA, ,GANG DAG LUS CAN DE DON BYAS, ,DRANG SRONG CHEN PO DAG PA'I SEMS; ,'DI LTAR SEMS BAR BYED PA DE'I, ,MIG DAG MIG RDZI'I RTZE MO DUD, ,DU BA'I MCHI MA BYUNG BAR GYUR, ,DE NAS ZAS GTZANG MAS MCHA MA DANG LDAN PA'I MIG CAN DKAR MIN LA GZIGS NAS 'KHRUG PA DANG BCAS PAR GSUNGS PA, NGES PAR 'DI NI TSE THUNG BA STE DE NAS BCOM LDAN 'DAS MCHI MA DANG BCAS PA'I MIG CAN DU YANG DAG PAR GYUR PA, KYI HUD MA CHE BA NYID SRAS KYI PADMA BDAG GI GSHIN RJE MCHE BA GNYIS PA'I BDAG POS RTZA BA NAS 'DON PAR GYUR ZHES SMRAS SO, ,DKAR MIN GYIS SMRAS PA, RGYAL PO CHEN PO MYA NGAN GYIS CHOG CING CHOG STE, BDAG NI BDAG RANG LA RJES SU MYA NGAN BGYID DE; ,GANG GI TSE 'DI NI YUL RNAMS DOR NAS RGA BA DANG 'CHA BAS ZOS PA'I LUS CAN RNAMS GZIGS NAS YID SKYO ZHING DKA' THUB KYI NAGS SU SONG STE, SANGS RGYAS 'BYUNG BAR 'GYUR BA, DE'I TSE NA BDAG NI SHI BA NYID DU NYE BAR 'GRO BAR 'GYUR ZHES PA DE BAS NA MYA NGAN GYIS BDAG MIG 'DI @191B MCHI MA DANG BCAS PAR BYAS SO ZHES SMRAS NAS, DRANG SRONG CHEN BO DE SONG BA DANG DON GRUB CES BYA BA'I MTSAN BYANG CHUB SEMS DPA' LA BYAS TE, DUS RING PO MA YIN PA NYID KYIS BLA MA RNAMS KYI DRUNG NAS SHES PA THAMS CAD RTOGS SHING, RIGS MTHUN PA LAS GRAGS 'DZIN MA ZHES BYA BA'I BUD MED BLANGS BAR GYUR TO, ,JI LTAR 'DI RGA BA DANG NA BA DANG 'CHI BA'I NAD MI SHES PA NYID DU BDAG GI SRAS SU GYUR CIG CES BYA BA RNAM PAR BSAMS NAS, ZAS GTZANG MA'I PHO BRANG GI NANG NYID DU BTZUN MO'I 'KHOR GYI DBUS SU 'JUG PA RGYUN MI 'CHAD PA'I GAR DANG GLU LTA BA THOB PA LA RTZE GCIG PA BYANG CHUB SEMS DPA' BYED DU 'JUG CING GNAS SO, ,DES KYANG GRAGS 'DZIN MA LA GZHON NU SGRAG CAN 'DZIN ZHES BYA BA'I SRAS BSKYED PAR BYAS NAS, DUS GCIG GI TSE NA GLU DANG NYE BAR 'BREL PA BTZUN MO'I 'KHOR LA 'OS PA'I SKYED MOS TSAL RNAMS GNAS NAS, PHYI ROL DU 'BYUNG BA'I PHYIR BLO BYAS TE YAB KYIS RJES SU GNANG BA'I SHING RTA MCHOG LA ZHON NAS MDZES PAR BYAS PA'I SER SKYA'I LAM GZIGS SHING KUN NAS GSHEGS PAR GYUR TO, ,DNGOS SU YID 'BYUNG LTAR NI RNA BA DANG NI MIG PHYE BA, ,MIG LA MNGON DGA' NANG 'KHOR LAS NI DE NAS DE THOS NAS, ,DE MTHONG BA YI SLAD DU PHRAD 'DOD PA YI YID DANG LDAN PA YI, ,GRONG KHYER BUD MED RNAMS KYI BYA BA SNA TSOGS 'BYUNG BAR 'GYUR, ,DE NAS LA LA ZHIG RGYAN MA RDZOGS BAR RAB TU RLON PA'I THIG LES DPRAL BA'I DBUS SU MNGON PAR BRGYAN PA DANG, RNA BA LAS AUTPA LA KUN NAS 'PHO BA DANG, MIG GCIG MIG SMAN GYIS BSKUS LA LANGS TE, MIG THUR 'DZIN PA'I PADMA DANG RJES SU 'DRA BA'I LAG PAS YAN LAG MED DANG RJES SU 'DRA BA'I GZHON NU 'GRO BA 'DI LA LTOS SHIG CES BYA BA'I GROGS MO LA STON ZHING GNAS SO, ,LA LA ZHIG NI SLAR AE MA'O SKAL BA DANG LDAN PA GRAGS 'DZIN MA STE, GANG ZHIG 'DI'I LHAN CIG SPYOD MA SNYAM DU RNAM PAR BSAMS NAS YUNG RING POR MIG MI G-YO ZHING 'DI MTHONG BAR GYUR TE, SLAR GZHAN DAG KYANG LAG PA GNYIS KYIS 'DZIN PA'I SKAR KHUNG GI KA BA SHING 'DZIN PA DANG 'DRA BAR MDZES BAR GYUR TO, ,LA LA ZHIG 'DI LTAR RGYAL PO'I SRAS MTHONG BA'I LTAD MOS SHIN TU MYUR BAR KHYED KYIS 'GRO STE, NU MA'I 'GRAM NAS LTUNG BZHIN PA'I MU TIG HAR PHYED MA BCINGS PA 'DI KUN NAS THOGS SHIG ,AE MA'O KHYOD NI SHIN TU G-YO @192A *, ,BA'O ZHES BRJOD CING BLA MA'I SKYE BO 'DI KHROS PA MTHONG STE CI'I PHYIR KHYOD NGO TSA MED PA ZHES BYA BA GZHAN DAG LA KLAN KA BYAS PA'O, ,SLAR LA LA ZHIG LCI BA'I 'O MA 'DZIN PA'I PHYOGS GCIG TU KUN NAS REG PA'I PHYED PHYE BA'I SGO RJES SU 'DZIN PAR GYUR PA'O, ,LA LA ZHIG NI KHYED GCIG PU NYID KYI GZHON NU MTHONG BA'I LTAD MO NI MA YIN TE, RE ZHIG NANG DU 'GRO CHUG SHIG DANG BDAG KYANG RGYAL PO'I SRAS MTHONG BAR 'DOD PA LTAD MO DANG LDAN PA ZHES 'DI LTAR SMRAS PAR GYUR TE, DE LTAR RNAM PAR SONG BA'I PHYIR, ,GZHON NU MTHONG 'DOD DE RNAMS KYI, ,SKE RAGS DANG NI RKANG GDUB SGRA, ,KHYIM RNAMS LAS NI RAB TU RGYAS, ,DE NAS MI DBANG SRAS NI LAM LA RIM GYIS GSHEGS MDZAD CING, ,LAG PA RAB 'DAR DBYIG PA MDZES PA BRAL BA DANG, ,GNAS GTZANG BAS NI KUN NAS SPRUL PA YAN LAG KUN NAS SGUR, ,SHIN TU DKAR BA'I MCHOG GIS YAN LAG RGAN PA RNAMS MTHONG GYUR, ,DE NAS BYANG CHUB SEMS DPAS KHA LO SGYUR BA LA DRIS PAR GYUR TE, ,RE ZHIG KHYOD KYIS SMOS SHIG ,SLAR 'DI NI GZHU BDUNGS BA LTAR SGUR ZHING KUN NAS YAN LAG STOBS CHUNG BA, ,YONGS SU SMIN PA'I KA SHI'I ME TOG LTAR MGO LAS SKYES PA DKAR ZHING, MGO RAB TU 'DAR BAS CI YANG STON PA 'DRA BA 'DI SU ZHIG MTHONG BA YIN, KHA LO SGYUR BAS GSOL BA, , GZHON NU LAGS RGAS PA ZHES BYA BA 'JIG RTEN THAMS CAD LA KHYAB PA, LUS DANG DBANG PO RNAMS LAS GSAL BA 'PHROG PAR BYED PA, 'DOD PA'I GTAM DOR BAR BYED CING KHROS PA LTAR GZHON NU MA RNAMS KYI LANG TSO'I NGA RGYAL SEL BAR BYED PA GANG GIS 'DI GNAS SKABS 'DI LA DRANGS PAR GYUR PA'O ZHES SO, ,DE NAS BDAG NYID CHEN BO DES SLAR GSUNGS PA, GAL TE RGAS PAS GZHON PA NYID 'DI 'DI LTAR 'JIG PAR BYED NA RNAM PAR 'GYUR BA'I LUS 'DI LA CHAGS PA SU ZHIG CES SO, ,KHA LO SGYUR BAS GSOL PA, GZHON NU LAGS RGAS PA GCIG PUR MA ZAD KYI NA BA YANG KHAMS 'KHRUGS PA LAS YANG DAG PAR BYUNG BA LUS CAN RNAMS KYI DON MED BA CHEN PO STE, DE LAS GZHAN NI SHI BA ZHES BYA BA THAMS CAD 'PHROG PA LA MKHAS PA SHIN TU DON MA YIN BA STE, GANG ZHIG YONGS SU BSAMS PAR GYUR BA YANG LUS CAN RNAMS LA SDUG BSNGAL CHEN PO SKYED PAR BYED PA ZHES SO, ,BYANG CHUB SEMS DPAS SMRAS PA, 'CHI DANG NA DANG RGA BA'I DGRA RNAMS GSUM PO 'DIS, ,AE @192B MA 'GRO BA ZHAG RER RJES SU BCINGS PA STE, ,'JIGS PA CHEN PO ZHES BYA MI BZAD YOD PA LA, ,CI LTAR 'DI NI YUL RNAMS LA NI RTZE GCIG PA, ,DE LTAR KHA LO BAS NI SHING RTA MYUR DU BZLOG ,KHYIM DU 'GRO PHYIR SONG SHIG SLAR NI 'DIR CI 'DUG ,'CHI DANG NA DANG RGA BAS KUN NAS DOGS PA YIS, ,BDAG NI SKYED MOS TSAL LA DGA' BA 'BYUNG MI 'GYUR, ,DE NAS RGYAL POS BYUNG BAR GYUR PA'I SRAS DANG RNAM PAR BRAL BAS DOGS PA CAN GYI YID KUN NAS SKYO BA'I YID CAN BYANG CHUB SEMS DPA' GSAN NAS DKAR PO MIN PA'I TSIG DE RJES SU DRAN TE, KHA LO SGYUR BA LA BTZUN MO'I 'KHOR DU 'ONGS BA'I SKYED MOS TSAL NYID DU GZHON NU KHRID BAR GYIS SHIG CES BYA BA'I PHRIN BTANG BAR GYUR PA, KHA LO SGYUR BA DES KYANG MYUR BAR 'DI SKYED MOS TSAL NYID DU ZHUGS TE GSOL PA, ,TSE DANG LDAN PAS BLTA BAR 'OS TE 'DIR NI, ,CUNG ZAD CUNG ZAD ME TOG DGOD PA GSAL BAS MDZES PA DANG NI LDAN PA YI, ,DAL BU DAL BUS MA LA YA YI RLUNG NI RGYU BAS GAR NI BYED BCUG PA, ,SKYED MOS TSAL GYI LJON SHING BU MO 'DI RNAMS KYIS NI 'OD MED SNANG BA STE, ,MTHA' MA RNAMS LA 'KHOR BA'I BUNG BA'I TSOGS KYIS PHRING PA'I RTZE MOR SGRA SGROGS SO, ,DE NAS BYANG CHUB SEMS DPAS SHING RTA LAS BABS TE RGA BA DANG NA BA DANG 'CHI BA LA BSAMS NAS KUN NAS 'KHRUGS PA'I BLO GROS DANG LDAN PA, ,ZUG RNGU NANG NA YOD PA'I MCHE BA GNYIS BA'I BDAG PO LTAR 'DI LTAR GSUNGS PAR GYUR TE, BLO CHUNG RNAMS KYI BRTAN GCOD NYAMS MI DGA' PA'I MTHA' MA CAN, ,ZHI BA'I BDAG NYID RNAMS KYIS YONGS SPONGS LTO 'PHYE RNAMS LTAR DRAG ,'GRO BA'I CHEN CHUNG GZHON PA LA YANG 'DOD RTZE GCIG PA YIS, ,KUN NAS 'KHRUGS PA'I YID NI YUL RNAMS KYIS NI 'PHROG PA YIN, ,DE NAS RGYAL PO NGES GAR DANG GLU LA MKHAS SHING GSAL BA'I BUD MED RNAMS BYANG CHUB SEMS DPA'I THUGS 'GUGS PA'I PHYIR SKYED MOS TSAL DER BTANG BAR GYUR TE, DE RNAMS KYANG BYANG CHUB SEMS DPA' CAN DU MNGON PAR 'ONGS NAS RGYAGS PAS SPOBS PA SKYES PA DUS KYI BYA BA DE DANG DE RNAMS 'BYUNG BAR BYAS PAR GYUR TO, ,DE NAS LA LA ZHIG GIS 'DI LA SMRAS PAR GYUR BA, ,GZHON NU GZIGS SHIG MA LA YA YI RLUNG RNAMS 'DI NI DRI ZHIM ME TOG SHID RNAMS KUN NAS 'DAR BYED RGYU BA STE, BUNG BAS TZ'U TA'I SHING GI SNYE MA RAB TU PHYE BAR GYUR PA LA NI SKOR BAR BYED, ,GZHU BDUNGS BA LA BYA BA RING PAR BDE BA CI PHYIR 'DI @193A *, ,NI KHYOD KYI GNAS PA STE, ,SGRA NI RING BA KHU BYUG ME TOG GZHU CAN LA NI BSKUL BA SHES BYA BDAG GI DOGS, ,GZHAN YANG RANG GI RDUL GYIS YAN LAG 'TSED BYAS PA, ,GZHON NU LHAN SKYES SNYEM BU MO NI, ,BUNG BA MCHOG GIS 'KHOR BAR BYAS PA NI, ,SKAD CIG MA LTAR SRAB PA YONGS SU DOR, ,GZHAN DAG GIS KYANG SLAR 'DI LA GSOL PA, ,BUNG BA LJON SHING BUD MED SKYE BO LONGS SPYOD PA, ,ME TOG RDUL GYIS 'OD MED BRAL BA DE MTHONG NAS, ,RLUNG GIS KUN NAS 'DAR BA'I GZHON NU 'DAM SKYES KYI, ,PADMO YANG DANG YANG DU SDIGS MDZUB 'DRA BAR BYED, ,LA LA ZHIG GIS KYANG 'DI LA GSOL PA, ,JI SRID BDAG GIS KHYED PHYIR ME TOG RNAMS BRGYU BA, ,'DI RNAMS PHRA BA'I ME TOG RDUL GYIS BAR RNAMS MED PA NI, ,BDAG GIS MIG LA GNOD PA ZHI MIN 'GRO BA RANG YID GNYIS, ,GZHON NU RING PO NAS NI DE SRID 'DI NI RNAM PAR ZLOG ,GZHAN DAG RNAMS KYIS KYANG DGOD PA DANG BCAS PAR MNGON DU GNAS SHING 'DI LA GSOL PA, SBRANG BYED KYI NI RNAM PAR 'DAR BA'I ZE'U 'BRU KU BA LA YI GZHU RGYUD KYIS NI KUN NAS BCINGS, ,ME TOG GIS BYAS GZHU NI DUNG CHA GA LTA BUR DKAR BA'I GRIB MA BRANG LA RNAM BKOD NAS, ,ZA BA'I PHYIR NI BRNYES PAR BYED PA'I BUD MED RNAMS NI KHYED LA KUN NAS BRDEGS PAR 'DOD, ,MIG GCIG BTZUM PAR BYAS PA 'DOD PA'I LHA NI NGES PAR ME TOG GI MDA' DRANG BOR BYED, ,BYANG CHUB SEMS DPAS SMRAS PA, SRING MO RNAMS DAM PA MA YIN PA'I SMRA BA 'DI RNAMS KYIS CHOG CING CHOG STE, BDAG GI YID SKYO BA'I BSREG BLUGS ZA BA LA CHU'I RGYUN LTAR SGEG BA'I GTAM RNAMS KYIS KUN NAS GLAGS LTAR RNYED PA MA YIN TE, SRING MO RNAMS ZHES DE DE YI, ,TSIG NI SHES NAS BUD MED RNAMS, ,BZHIN NI THUR DU LTA ZHING GNAS, ,NGO TSAS RNAM PAR SGEG PA DOR, ,GZHON NU MA YI TSOGS DE NGO MTSAR BAR GYUR SHES NAS NI, ,DAG PA'I BLO CAN RGYAL PO'I SRAS PO YID BYUNG YANG, ,ME TOG GIS NI MDA' RNAMS NGES PAR DONG PA LA GZHAG NAS, ,NGO TSA DANG BCAS YID BYUNG BAS NI GZHU NI PHAB PAR BYAS, ,DE NAS BYANG CHUB SEMS DPA' BTZUN MO'I 'KHOR GYI NAGS DE LA DGA' BA MA THOB PAR GYUR TE, NYI MA NUB 'DOD PA LA SHING RTA LA ZHON NAS BUD MED DE RNAMS KYANG KHYIM DU SONG BAR GYUR TO, ,DE NAS BYANG CHUB SEMS DPA' SGEG PA'I GTAM LA BRNYAS PAR GYUR CING MAL GYI DBUS NA RNAM PAR BZHUGS TE, RGA BA DANG, NA BA DANG 'CHI BA RNAMS NYID YID LA BZHAG NAS GNYER SEMS LA RTZE GCIG PAR GYUR TO, ,DE NAS GNAS GTZANG MA BA RNAMS KYIS BDAG NYID CHEN PO DE'I YID SKYO BA'I PHYIR MA LA SKYOD BAR BYED @193B MA RNAMS LA 'PHRAL KHO NAR GNYID PA DANG MI SMRA BA NYID BYAS PAR GYUR TO, ,DER YANG LA LA ZHIG RNAMS RGYUN MI 'CHAD PA'I SGRA DANG DBUGS KYI DBANG GIS SO GSAL BA DANG, RNAM PAR 'DZAG PA'I KHA CHU'I CHA YIS THA MA BYAS PA'I GDONG RNAMS 'BYUNG BAR GYUR TO, ,GZHAN DAG RNAMS LA NIS 'JAM PA'I STENG DU KUN NAS GRAM PA DANG RAB TU LHOD BA'I SMAD G-YOGS LTUNG BA NYID KYIS BRLA RAB TU GSAL BA DANG, 'O MA 'DZIN PA DAG GI STENG DU MU TIG GI HAR RNAM PAR 'KHRUGS PAR GYUR PA DANG, RNAM PAR GTOR BA MI MNYAM PA'I LA GA NGAR GYI LJON SHING DANG LDAN PA SHING RNAMS DANG 'DRA BA'I LAS RNAMS GNAS PAR GYUR TO, ,GZHAN DAG GIS KYANG RDZA RNGA LA RNAM BAR ZHUGS PAR BYAS PA'I NYIS 'GYUR GYI DPUNG PA'I RTEN LA RNAM PAR GZHAG PA'I GDONG CAN STAN LAS RNAM PAR LTUNG ZHING DE LTA NYID DU NYAL BAR GYUR TE, LA LA ZHIG GI GNYID KYIS SOR MO RNAMS KYI 'BAD PAS 'PHROG PA'I LAG PA LAS MA MCHU DANG RNAM PAR 'BREL PA'I BU GA DANG PO CAN DU BUD MED KYI MIG GI 'BRAS BU LTAR SNGO BA'I GLING BU LHUNG BAR GYUR TO, ,MCHE BA GNYIS PA RNAMS KYIS RNAM PAR GNON PA'I PADMO RNAMS LTAR GNAS SKABS SNA TSOGS PA'I DE RNAMS KYI GZUGS MTHONG NAS MAR ME RNAMS KYIS DGOD PA DANG 'DRA BA STE, DE NAS BYANG CHUB SEMS DPA' GZHON DU MA DE RNAMS LA SMAD PA MDZAD NAS MNGON PAR BZHENGS TE, PHYI ROL DU GSHEGS NAS KYANG MOS PA BLANGS TE GSUNGS PA, SRID PA'I RGYA MTSO 'DI NI KUN NAS RGAL 'DOD YID, ,DKA' THUB NAGS SU 'GRO PHYIR BTZON PA STE, ,DE PHYIR BDAG GI NGES PA BSGRUB PAR BYA BA'I PHYIR, ,SHUGS CHEN NGANG PA BSNGAGS LDAN RTA DE KHRID LA SHOG ,MOS PAS KYANG GNAS GTZANG MA PA RNAMS KYIS BSKUL BZHIN PA RGYAL PO'I CHAD PA LA GUS PA MA BYAS PAR DE LTAR BGYI ZHES BYA BA SLAR MNYAN TE, MCHAN KHUNG G-YON BAR RAL GRI BZUNG NAS, RTA'I MCHOG NGANG PA BSNGAGS LDAN KHRID NAS 'ONGS SO, ,BYANG CHUB SEMS DPA' ZHON PA'I RTA DE LA PHYIS RTA KHA KHRID PA'I MOS PA DANG LHAN CIG TU GNOD SBYIN RNAMS KYI LAG PA'I MTHIL DU RMIG PA RNAM PAR GZHAG PA THO RANGS KYI DUS SU NAM MKHA' NAS DRANG SRONG CHEN PO AA RA LA'I SBYIL BO DANG NYE BAR 'JUG CING GNAS BA 'GYUR CES PA'O, ,DE NAS RGYAN RNAMS GSAL BA'I RIN CHEN GZI BRJID KYIS, ,GSAL BA DES NI SKU LA PHOG PAR MDZAD NAS NI, ,RLABS DANG LDAN PA KHU BYUG MGRIN PA LTAR NAG PA'I, ,MGO SKYES RNAMS NI RIM GYIS RAL GRIS GCAD PAR MDZAD,, @194A *, ,DANGS PA'I CHU YI RTEN NI AUTPA LA GSAL BAR BYAS PA LTAR, ,RGYAN NI GSAL BA DE NI KUN NAS MTHONG STE MOS PA NI, ,RAB TU STOBS CAN MYA NGAN BSREG BLUGS ZA BAS KUN GDUNGS PA, ,MU TIG DANG MTSUNGS CHU THIGS RNAMS NI BTANG BAR GYUR, ,BYANG CHUB SEMS DPAS GSUNGS PA, CHOS LA MNGON DU PHYOGS PA'AM SKYE BO DKA' THUB KYI NAGS SU MNGON PAR 'JUG PA LA SKYES BU DAM PAS SDUG BSNGAL BYA BAR 'OS PA MA YIN TE, DE BAS NA SONG SHIG DANG BDAG GI BLA MA'I SKYE BA LA 'DI SKAD CES SMROS SHIG ,MI BZAD DKA' THUB KYIS BDAG NI, ,LUS 'DI YANG NI ZAD 'GYUR TE, ,BDAG GIS GO 'PHANG RNYED PA'AM, ,DE NYID MTHONG RNAMS KYIS MTHONG GANG,, MOS PAS KYANG DE LTAR BGYI ZHES BYANG CHUB SEMS DPA' LA MNGON PAR PHYAG BTZAL NAS RTA DANG RGYAN RNAMS BLANGS TE, RIM GYIS GRONG KHYER DU 'ONGS NAS, ,BYANG CHUB SEMS DPA'I LO RGYUS DE MI'I BDAG PO LA ZHU ZHING GNAS SO, ,ZAS GTZANG MAS KYANG DE'I RNAM PAR NGES PA GSAN NAS BTZUN MO'I 'KHOR DANG LHAN CIG TU RNAM PA MANG POS SMRE SNGAGS 'DON PAR GYUR TO, ,BYANG CHUB SEMS DPAS KYANG RNGON PA'I GZUGS 'DZIN PAR BYED PA'I LHA'I BU LA RANG GI RI BONG CAN GYI 'OD ZER RNAMS LTAR MDZES PA'I NA BZA' GNYIS KYIS GOS DMAR PO DAG NYOS NAS MNABS TE, RIM GYIS RIM GYIS AA RA LA'I SPYIL POR PHYIN PAR GYUR TO, ,AA RA LAS NI BYANG CHUB SEMS DPA' 'ONGS PA MTHONG STE, LEGS PAR 'ONGS SAM LEGS PAR 'ONGS SAM ZHES BRJOD NAS RANG GI SHING LO'I KHANG PAR KHRID NAS SA'I GDAN LA BZHUGS SU BCUG CING BDE BAR SNGON DU 'GRO BAS SMRA BA BYAS PAR GYUR TO, ,DE NAS BYANG CHUB SEMS DPAS DE LA DRIS PA, KHYED RNAMS KYI CHOS CI LTA BU, CI LTAR YANG NI RTOGS 'GYUR TE, ,DE NYID MTHONG 'DOD BDAG LA NI, ,DAM PA BDAG GIS GSUNGS PAR 'OS, ,AA RA LAS SMRAS PA, SKAL BA CHEN PO MNYAN PAR 'OS ZHES ZER RO, ,RANG BZHIN DANG RNAM PAR 'GYUR BDAG GI SKYE BA DANG RGA BA DANG 'CHI BA RNAMS DE KHO NA NYID CES BYA BA BRJOD PA STE, RANG BZHIN YANG 'BYUNG BA CHEN PO LNGA DANG, NGA RGYAL DANG BSAL BA ZHES BYA BA'O, ,RNAM PAR 'GYUR BA RNAMS NI DBANG PO RNAMS DANG, DE'I YUL RNAMS DANG, LAG PA DANG, RKANG PA DANG, NGAG DANG, BSHANG SGO DANG PHO RTAGS DANG YID CES PA'I ZHING 'DI RNAMS RNAM PAR SHES PA ZHING SHES BA ZHES BYA BAR BRJOD PA YIN TE, ZHING SHES PA YANG DE KHO NA NYID SHES PA RNAMS KYIS BDAG GSAL BAR SMRA BA YIN NO, ,GANG ZHIG SKYE BA DANG @194B GNOD PA DANG SHI BA'I CHOS KYI BDAG NYID DE NI GSAL BA ZHES BYA BAR RTOGS PAR BYA'O, ,MI GSAL BA NYID NI DE LAS BZLOG PA STE DE LTAR MI SHES PA DANG LAS DANG SRED PA NI 'KHOR BA'I RGYUR RNAM PAR SHES PAR BYA'O, ,GSUM BO LA GNAS PA'I SHED BU NI SNYING STOBS 'DA' BAR BYED NAS 'JUG PA MA YIN TE, RKYEN DANG BRAL BA DANG, NGA RGYAL DANG, THE TSOM DANG, RNAM PAR KUN NAS MCHONGS PA DANG, KHYAD PAR MED PA DANG, THABS MA YIN PA DANG, CHAGS PA DANG, MNGON PAR LHUNG BA RNAMS TE, DE LA RKYEN DANG BRAL BA ZHES BYA BA NI PHYIN CI LOG TU 'JUG PA'O, ,BDAG NI MNGON PAR SMRA BA DANG, BDAG NI SHES PA ZHES BYA BA LA SOGS PA NI NGA RGYAL LO, ,GANG ZHIG THE TSOM MED PA'I DNGOS PO RNAMS KYANG 'DAG PA'I RI LU LTAR GCIG PO'I DNGOS POS MTHONG BA DE NI THE TSOM ZHES BYA BAR SHES PAR BYA'O, ,GANG ZHIG BDAG DE RNAMS NYID 'DI YID DANG BLO DANG LAS RNAMS SO, ,GANG ZHIG TSOGS 'DI DE NI BDAG CES BYA BA MNGON PAR KUN NAS MCHONGS PA SMRA BA YIN NO, ,KHYAD PAR MED PA NI SLAR RAB TU SAD PA DANG MA SAD PHA DAG GI RANG BZHIN MED PA RNAMS KYI KHYAD PAR SHES PA NYID DE DE NI KHYAD PAR MED PA STE ZHES BYA BAR SHES PAR BYA'O, ,SV'AH'A BYED PA DANG, BSHAD BYED PA DANG, BSANG GTOR MNGON PAR BSANG GTOR LA SOGS PA RNAMS NI THABS MA YIN PA ZHES BYA BAR SHES PAR BYA'O, ,DNGOS PO GANG LA SHES RAB DANG, YID DANG NGAG DANG, BLO DANG LAS RNAMS KYIS CHAGS PA NYE BAR 'GRO BA DE NI CHAGS PA ZHES BYA BAR BRJOD PA YIN NO, ,'DI NI BDAG GI YIN NO, ,'DI'I BDAG CES BYA BA GANG ZHIG SDUG BSNGAL RLOM SEMS PA DE NI MNGON PAR LHUNG BA'O, ,SROG CHAGS RNAMS KYIS 'KHOR BA'I LE LO ZHES BYA BA'O, ,MUN PA DANG GTI MUG DANG RGA BA DANG 'CHI BA DANG SKYE BA RNAMS TE, GTI MUG CHEN PO NI 'DOD PA ZHES BYA BAR MING BTAGS PA'O, ,MUN PA NI KHRO BA ZHES BYA BAR SHES PAR GYIS SHIG SLAR NI SDUG BSNGAL DMUS LOD NYID MUN PAR BRJOD PA YIN TE, MA RIG PA 'DI TSIGS PA LNGA DANG LDAN PAS RMONGS PA BCINGS PA YID CAN SKYE BA LA SOGS PA'I SDUG BSNGAL CHEN PO LA YANG NAS YANG DU 'JUG PA YIN TE, DER YANG BDAG NI MTHONG BA PO DANG, NYAN PA PO DANG, SHES PA PO DANG, 'BRAS BU DANG RGYU ZHES BYA BA 'DI LTAR MA SHES NAS 'KHOR BAR YONGS SU 'KHOR BA YIN TE, RGYU 'DI RNAMS KYI NI SKYE BA'I RGYUN GYI 'JUG PA MTHONG BA YIN TE RGYU MED PAS SKYE BA MED PA ZHES BYA BA'O, ,DE LA THAR PA 'DOD PAS RAB TU SAD PA DANG RAB TU MA SAD PA DAG DANG, GSAL BA DANG MI GSAL @195A *, ,BA DAG SHES PAR BYA'O, ,BZHI PO 'DI RTOGS NAS ZHING SHES PA SDUG BSNGAL THAMS CAD LAS RNAM PAR GROL TE MI ZAD PA'I GO 'PHANG THOB PAR 'GYUR ZHES BYA BA STE, THOG MAR KHYIM GYI 'CHING BA KHONG NAD SA BON DOR NAS NI, ,RTAGS NI BZUNG NAS THAR PA'I BDE BA NYE BAR 'DOD PA YI, ,CHOG SHES DANG NI LDAN BA BLA MED GO 'PHANG THOB 'DOD PA, ,TSUL KHRIMS RNAM PAR DAG PA NYER BZUNG NAGS NANG GNAS PAR DBEN, ,PHYIS NI CHAGS PA CHAGS BRAL DAG LAS RAB TU BYUNG BA'I 'JIGS PA DANG BDE BA DAG SHES NAS DBANG PO'I TSOGS THAMS CAD TSAR BCAD NAS YID KYIS ZHI BA LA DMIGS TE, ,DE NAS 'DOD PA RNAMS DANG, SDANG BA LA SOGS PA RNAMS LAS RNAM PAR DBEN PA RNAM PAR DBEN PA LAS SKYES PA'I BSAM GTAN DANG PO RTOG PA DANG BCAS PA THOB PA YIN NO, ,DES KYANG RNAM PA 'DI LTA BU'I 'DOD PA LA SDONG ZHING SMOD PA'I ZHI BA DANG LDAN PA TSANGS PA'I 'JIG RTEN RTOGS PAR 'GYUR RO, ,RNAM PAR RTOG PA DE RNAMS KYANG YID KUN NAS 'KHRUGS PAR BYED PA SHES NAS DE DANG RNAM PAR BRAL BA'I DGA' BA DANG BDE BA'I BDAG NYID CAN BSAM GTAN GNYIS PA THOB PA YIN NO, ,DGA' BA DES KYANG YID 'PHROG PAR GYUR PA 'OD GSAL GYI LHA RNAMS SU SKYE BA YIN TE, GANG ZHIG SLAR DGA' BA'I BDE BA DE LAS SEMS 'DON PAR BYED PA DE NI GSUM PA BDE BA DANG DGA' BA DANG RNAM PAR BRAL BA'I BSAM GTAN THOB PA YIN NO, ,DE TZAM GYI BDE BA LA YID NUB PA DE DGE RGYAS KYI LHA RNAMS SU SKYE BA SO SOR THOB PA YIN NO, ,BDE BA DE LTA BU THOB NAS GANG ZHIG BTANG SNYOMS BYED PA DE NI BZHI PA BDE BA DANG SDUG BSNGAL RNAM PAR BRAL BA'I BSAM GTAN NYE BAR THOB PA YIN TE, DE NI TSE RING BA NYID KYIS KHA CIG NI GROL BA NYID NGES PAR BYED PA YIN NO, ,DE CI'I PHYIR ZHE NA, BDE BA DANG SDUG BSNGAL RNAM PAR GCAD PA'I PHYIR DANG, SEMS LA BYA BA MED PA'I PHYIR RO, ,BSAM GTAN 'DI'I 'BRAS BU CHE BA'I LHA RNAMS SU THUN MONG GI 'BRAS BU MKHAS PA RNAMS SMRA BA YIN TE, TING NGE 'DZIN DE LAS LANGS NAS LUS CAN RNAMS KYI SKYON RNAMS MTHONG STE, LUS RNAM PAR BZLOG PA'I PHYIR YE SHES RTOGS PAR 'GYUR RO, ,BSAM GTAN DE YANG SPANGS NAS KHYAD PAR 'DOD PA GZUGS LA SHIN TU 'DOD CHAGS DANG BRAL BA YIN TE, LUS 'DI LA SDUG BSNGAL RNAMS GANG ZHIG YOD PA DE RNAMS NI DANG POR BLOS KUN NAS LTA BAR BYED CING SDUG CING MTHUG PA'I YANG RDZAS RNAMS LA YANG @195B NAM MKHAR LHAG PA'I MOS PA SKYED PAR BYED DE, NAM MKHA' LA SONG BA'I BDAG NYID MNGON PAR BSDUS NAS NAM MKHA' MTHA' YAS PA MTHONG ZHING KHYAD PAR RTOGS PA'I PHYIR DANG BDAG NYID LA MKHAS PA YIN PA'I PHYIR BDAG NYID LA BSDUS TE CUNG ZAD MED CES BYA BA NI CI YANG MED PA ZHES BYA BA'I 'DU SHES SU NYE BAR SONG BA LUS DANG BRAL BA'I GROL BA ZHES BRJOD PA YIN NO, ,BYANG CHUB SEMS DPAS SMRAS PA, GAL TE SEMS PA PO YOD NA, ,GROL BA GA LAS 'BYUNG BAR 'GYUR, ,DGE DANG MI DGE'I BYA BA RNAMS, ,DE YOD LA NI 'JUG PA YIN, ,JI LTAR YANG CHU DANG SA RNAM PAR BRAL BAS SA BON NI GANG GI KYANG RAB TU BTZUGS PA MTHONG BA MA YIN TE, DE'I RKYEN LAS RNAM PAR BTZUGS PA MTHONG BA YIN NO, ,DE BZHIN DU BDAG KYANG GZUNG BAR BYA'O, ,LAS DANG MI SHES PA DANG SRED PA DOR BAS THAR PA GANG ZHIG NGES PA YIN PA DE NI BDAG PO YOD BA LA DE YONGS SU DOR BA DMIGS PAR 'GYUR BA MA YIN TE, DE YONGS SU MDOR BA NI THAR PA GA LA YOD, DE LTAR NGA RGYAL YONGS SU DOR BA NI BDAG YOD PA GA LA 'GYUR, NGA RGYAL YOD PA LA YANG SKYE BA'I RGYUN MI GNAS PA NYID YIN TE ZHES BYA BAR GSUNGS NAS, SBYIL BO DE LAS AA RA LA'I, ,BLO GROS CHEN PO DE BYUNG NAS, ,DKA' THUB DKA' BA DRAG RNAMS KYIS, ,LUS NI SKAM ZHING BZHUGS PAR GYUR, ,DKA' THUB 'DIS NI DE KHO NA NYID RTOGS PAR 'GYUR BA MA YIN SNYAM DU DGONGS TE LANGS NAS; KUN NAS STOBS CHUNG BA'I LUS CAN BYANG CHUB SEMS DPAS CHU BO NEE R'ANYDZA NA LA KHRUS MDZAD NAS, DGA' MDZES KYIS PHUL BA'I BSOD SNYOMS GSOL NAS DUS KYI LTO 'PHYE'I RGYAL POS MNGON PAR BSTOD PA, DE NI RTZA SHA'I PHRENG BAS RGYA CHE SNGO PA'I SGROS, ,KUN NAS DMAR SER YAN LAG CAN GYIS SKU KHYAB PA, ,MTSO SKYES RNAMS KYI RAB TU G-YO BA'I 'DAB MA CAN, ,AUTPAL SNGON PO'I 'DAB MA BSRES PA'I PHRENG BA LTAR, ,DE NAS GOM PA DAL GSHEGS NAS, ,BLO LDAN GSER GYI RI LTAR 'ONGS, ,BYANG CHUB SHING GI 'OG TU NI, ,BYANG CHUB PHYIR NI DE BZHUGS GYUR, ,DE NAS BU MO RNAMS LHAN CIG ,ME TOG GI GZHU BLANGS NAS NI, ,DE YI YID NI DKRUGS PA'I PHYIR, ,YID KYI SKYE GNAS KUN NAS 'ONGS, ,SHIRshA'I ME TOG SAR PA NI, ,DE YI MDUN DU SGOM BYED CING, ,'BRAS BU KUN G-YO LTA BA NI, ,LA LA ZHIG GIS CUNG ZAD BZUNG, ,GROGS MO'I RNA BAR GZHAN GYIS NI, ,DGOD PA SNGON 'GRO CI YANG SMRAS, ,BLO LDAN DE LA LTA BA NI, ,SGEG DANG BCAS PAR GTAD CING GNAS, ,GZHAN DAG ME TOG @196A *, ,DU BA NI, ,MIG NI NGO TSA BAR BYED CING, ,GOS NI MTSAN MA LAS LHUNG BA, ,SKA RAGS LHOD PAR BKAG PAR GYUR, ,ZLA BA LTAR MDZES LANG TSO 'DI NI GANG DU STE, ,DKA' THUB 'DI NI GANG DU AE MA 'DI NI 'GAL, ,YUL RNAMS NYAMS SU MYONG NAS 'DI LTAR RIGS PA STE, ,YONGS SU SMIN PA KHYED KYIS 'BRAS BU THOB BA'I PHYIR,, PHAN PAR 'DOD PA NYID KYIS KHYED LA SMRA BA STE, ,DUS MIN YONGS SU NGAL DU 'JUG PA CI PHYIR LUS, ,DE LTAR LA LA 'DUD PA'I YAN LAG CAN NI SMRA BA STE, ,YAN LAG MED PA'I SO SOR GNOD PA CHE DE LA, ,DE LTAR LA LA 'DOD PA'I YAN LAG SMRAS PAR GYUR, ,KHYED LA NGAN 'GROR PHRAD 'DOD BUD MED RNAMS LA NI, ,BLO LDAN KHYED KYI RJES SU MTHUN MIN CI PHYIR 'DI, ,'DI LTAR DE LA MNGON PAR SMRAS GYUR LA LA ZHIG ,PADMA'I 'DAB MA RNAMS NI SEN MOS GTUBS BYED CING, ,GANG GI TSE DE RNAMS LA BYANG CHUB SEMS DPAS BRNYAS PA DANG BCAS PA'I LTA BA SBYIN PAR MA BYAS PA DE'I TSE BDUD KYI BKA' BYED RNAM PA DU MAR 'GYUR BA'I GDOD CAN DE RNAMS LA SMRAS PA; 'JIGS SU BCUG NAS 'DI BSLANG BAR GYUR CIG CES BYA BA'O, ,DE NAS SENG GE'I GDONG LA NI, ,H'Um BYAS PAS NI YANG YANG DU, ,ME STAG 'OD NI 'PHRO BA YI, ,'BAR BA'I GDONG LAS GROL BAR GYUR, ,DE RNAMS DE YI BKA' BYED GDONG LAS BYUNG, ,LHUNG ZHING SKAD CIG GIS GSUNGS TE, ,RAB RGYAS MYA NGAN ME TOG NYID; ,BYANG CHUB SEMS DPA'I STENG DU 'PHANGS, ,ME LDAN 'KHOR LO SU ZHIG GIS, ,RNAM RGYAS ZE'U 'BRU'I TSOGS LDAN PA, ,AUTPAL YI MGO PHRENG GYUR, ,SO BSDAMS GZHAN DAG NYID KYIS NI, ,GLOG BZHIN KHAM PA'I SMIN MA CAN, ,KHA BA'I RTZE MO STENG DU 'BEBS, ,KUN DA'I PHUNG PO NYID DU 'GYUR, ,GZHAN DAG SER SKYA'I MIG CAN NI, ,RAL GRI DANG BCAS DPUNG BA BTEG ,LCAGS KYI KA BA'I GRIB MA 'DRA, ,SKAD CIG MI G-YO NYID DU GYUR, ,DE NAS BCOM LDAN 'DAS NI BYANG CHUB SHING GI 'OG TU BZHUGS BYAS NAS, ,'PHRO BA'I MIG GI ME CAN DKA' BZHIN DU NI BYED RNAMS KYI NI TSOGS, ,DKAR BA MIN PAR 'GRO BA'I GROGS KYIS KUN NAS RAB TU BSKUL BZHIN PA, ,NAGS KYI ME NI KUN DU CHU DANG NYE LAS BZHIN DU ZHIG PAR GYUR, ,ME TOG RGYAL MTSAN DANG LDAN PA 'KHOR GYI SKYE BO DANG BCAS PA SONG BA NA, BCOM LDAN 'DAS DE BSAM GTAN BZHI PA LAS BZHENGS TE 'DI BSAMS PAR GYUR TE, GAL TE SKYE BA SNGON YOD NA, ,LAS RNAMS KYIS NI 'JUG PA MIN,, @196B LAS LAS BYUNG BA'I SKYE BA MED, ,LAS MED NA YANG LUS CAN GYI, ,GZUGS DANG SKAL BZANG SKAL BA SOGS, ,DGE BA CI LTAR 'DOD NI 'DOD, ,'ON TE SNGON DU LAS YOD NA, ,MA SKYES PA LAS GA LAS TE, ,MKHAS PAS 'DI LTAR 'GAL MTHONG NAS, ,'KHOR BA'I THOG MA RTOG MI BYED, ,GAL TE RGYU MED 'GRO YIN NA, ,SU ZHIG LAS DANG NYID SMRA 'GYUR, ,RGYU MED PAR NI THAR PA YANG, ,RTAG TU GRUB PA NYID DU 'GYUR, ,RGYU MED PAR NI LUS KYANG 'DI, ,BSKYED PA NYID DU 'GYUR BA MIN, ,LA LA DBANG PHYUG RGYU YIN PA, ,MI MKHAS PA RNAMS SMRA BAR BYED, ,GAL TE DBANG PHYUG GZHAN GYIS BYAS, ,'DIR NI DBANG PHYUG NYID GA LAS, ,'ON TE MA SPRUL NYID SKYES PA, ,DE LAS GZHAN NI CIS MI SKYE, ,DE PHYIR DBANG PHYUG SMRA BA 'DI, ,BDAG GI SLAD DU DON MED NYID, ,DE LTAR 'KHOR BA'I 'KHOR LO 'DI, ,YANG DANG YANG DU 'KHOR BZHIN PA'I, ,NAM YANG MKHAS PA RNAMS KYIS NI, ,THOG MA DMIGS PAR 'GYUR BA MIN, ,NAM MKHA'I KHAMS 'DI NI RLUNG DANG ME DANG CHU DANG SA RNAMS KYIS KUN NAS 'BREL PA NI LUS ZHES BRJOD PA YIN NO, ,DE YANG RNAM PAR SHES PA'I KHAMS LA BRTEN NAS 'GRO BA DANG 'ONG PA LA SOGS PA'I BYA BA RNAMS BYED DO ZHES BYA BA STE, ,DE LTAR GNAS PA LA SKYES PA NYE BAR BTAGS PAR BYA ZHES ZER RO, ,DE NAS BCOM LDAN 'DAS MNGON PAR RDZOGS PA'I BYANG CHUB THOB NAS DU MA RNAMS KYIS MI SHES PA'I RAB RIB SEL BAR MDZAD DE, ,GRONG KHYER SER SKYAR BYON NAS ZAS GCANG MA LA LEGS PA'I LAM GSAL BAR MDZAD DE, DE LTAR BCOM LDAN 'DAS DE 'GRO BA MA LUS PA RNAMS KYI SDUG BSNGAL NYE BAR ZHI BAR BYA BA'I DON DU YONGS SU MYA NGAN LAS 'DA' BAR NUS KYANG SHIN TU RING POR 'KHOR BA NA KUN NAS 'KHOR BAR GYUR TO ZHES BYA BA STE, BLO CHEN DE NI BYANG CHUB PHYIR, ,LAG TU GTAD LTAR SBYIN BYAS TE, ,YUN RING SHES RAB PHA ROL PHYIN, ,DAM PA BDE BAR GNAS PA YIN, ,AE MA GAL TE CHOS NI MUN PA 'JOMS, ,BDE GSHEGS KYIS GSUNGS 'DI NI RNAM DPYOD NAS, ,DRI MAS KHYAB PA'I LTA BAS MTHONG BA'I PHYIR, ,SKYE BO 'DI NI GZHAN 'DOD RTAN MI 'GYUR, ,DE BZHIN GSHEGS PA'I DRI MED GSUNG YANG YOD PA ZHES BYA LA, ,RMONGS PA LAM NGAN SONG BA'I SKYE BO 'DI NI KUN NAS 'KHOR, ,RI BONG MTSAN PA MNGON GSHER LA NI GANG ZHIG MI ZUM PA, ,DMAN PA'I BLO DE SONG ZHING JI LTAR LHUNG BAR 'GYUR BA MIN, ,YANG DAG RDZOGS BA'I @197A *, ,BYANG CHUB 'DOD, ,BYANG CHUB SEMS DPA'I SPYOD PA NI, ,SENG GE ZHABS 'BRING PAS BYAS 'DI, ,CHOS 'DOD RNAMS KYI PHRENG BA BYAS PA 'DI, ,SKYES PA'I RABS KYI PHRENG BA BYAS PA YI, ,DGE BA CUNG ZAD GANG ZHIG BDAG GIS BSAGS, ,DE YIS 'GRO BA 'DI NI BDE GSHEGS KYI, ,'DOD PA LA DMIGS THAR PA'I PHYIR GYUR CIG ,RAB 'GRO GNYA' RAL CAN BRGYA BYIN, ,KHRA CAN DON KUN GRUB LDAN PA, ,LNGA YIS LHAG PA'I SUM CU 'DIR, ,THUB PA CHEN PO'I BYES RABS RNAMS, ,RIGS PA SGRA YI BSTAN BCOS CHA NI RNAM PA MANG PO SHES NAS SANGS RGYAS KYIS KYANG GSUNGS, ,PHYI MA'I SNYAN DANG GA SA MKHAN GYI ZLA BAS SA NI SNYAN DNGAGS 'OD RNAMS KYIS NI RAB GSAL BYAS, ,KHA CHER NYE BAR 'TSE BA'I SKYON GYIS RNAM PAR GDUNGS PA SHES NAS PHYI ROL 'GRO 'DOD PAS, ,RI DBANG KHA BA CAN LA SENG GE ZHABS 'BRING LAS NI SROG RNAMS DOR NAS MTHO RIS SONG, ,RGYAL PO'I SRAS SLOB DPON SENG GE ZHABS 'BRING PAS MDZAD PA'I SKYES PA'I RABS KYI PHRENG BA RDZOGS SO,, ,, DGE SLONG DPAL LDAN BLO GROS 'BYUNG GNAS ZHES BYA MKHAS PA NI, ,SEMS CAN RNAMS LA CHOS DANG ZANG ZING KUN NAS 'GOD MDZAD CING, ,TSAD MA DANG NI LUNG DANG RGYUD RNAMS DU MA LA 'DRIS PAS, ,'GRO BA'I MNGA' BDAG GI NI SPYOD PA 'DI LA GNYIS PO DAG ,GZHAL DU MED CING DRI MA MED PA KUN NAS BSAGS TE DE LAS 'DI, ,NYON MONGS SHES BYA'I SGRIB PA'I DRI MA CHOG BZHIN DU MYUR SPANGS SNGON DU 'GRO BA NI, ,DE DANG DE YI SKYES RABS YONGS BZUNG 'GRO BA SDUG BSNGAL RGYA MTSO LAS NI GDON BYAS TE, ,MTHAR YANG THUB DBANG RNAMS BZHIN MTHA' DAG BYA BYAS SANGS RGYAS KHAMS GSUM DU NI KHYED 'BYUR SHOG ,LCANG LO CAN GYI BUM PA ZHES BYA MKHAS DANG LHAN CIG 'DI NYID DU, ,GANG ZHIG TSUL KHRIMS 'BYUNG GNAS SKAD GNYIS PAS NI 'DI LTAR CHO GA BZHIN, ,BDUD LAS RNAM PAR RGYAL BA'I SPYOD PA SHIN TU RNAM DAG YANGS PA NI, ,SKYE BO MA LUS PA LA PHAN PA'I DON DU DE YIS YANG DAG BSGYUR,, ,,RGYA GAR GYI MKHAN PO PAndI TA AA LAm KA DE BA'I ZHABS DANG, BOD KYI LO TZ'A BA SH'AKYA'I DGE SLONG TSUL KHRIMS 'BYUNG GNAS SBAS PAS DPAL GYI SGYE'U RI'I RTZA CHOS SKOR DBEN PA'I GTZUG LAG KHANG DU BSGYUR BA'O,, ,, @197B #, ,RGYA GAR SKAD DU, LO KA A'A NANDA N'A tA KA N'A MA, BOD SKAD DU, 'JIG RTEN KUN DU DGA' BA'I ZLOS GAR ZHES BYA BA, THAMS CAD MKHYEN PA LA PHYAG 'TSAL LO, ,BUNG BA'I PHRENG BA MI GSAL SGRA SGROGS RKANG PA 'DAB MA RNAM BSKYOD PAS, ,GE SAR KHA 'BUS RO BCUD DANG BCAS RDUL PHRAN TSOGS PAS KHYAB GYUR CING, ,SBRANG RTZI RGYA CHEN THIG LES RNAM KHENGS ME TOG THAL MO SBYAR BA 'DIS, ,BDAG GIS RGYAL BA'I ZHABS LA MCHOD PAS KHYED RNAMS LA NI ZHI BAR MJOD, ,GZHAN YANG BYAMS PA'I THUGS NI RGYA CHEN DGA' BAS MGUL NAS YANG DAG 'KHYUD GYUR PA, ,KHYED KYI SNYING RJES BDAG CAG KYANG NI DE BZHIN BTANG SNYOMS MTSUNGS MDZAD RIGS, ,LEGS PA'I LHA MO GRAGS 'DZIN MDZAD BZHIN BDAG CAG GIS NI RJES MI 'GRO, ,BDUD KYI BU MOS PHRAG DOG GIS SMRAS KHYED RNAMS SANGS RGYAS RTOGS PAR SHOG ,RDZOGS BYANG CHUB LA BDUD NI KHRO BAS SKAD CIG GZHU BKANG DE YI SDE TSAN RNAMS, ,GANG GIS RNAM PAR BROS PAS BUB CING LOG 'DREN ZHABS KYIS MNAN TE MNGON SKAD 'BYIN, ,LUS MED BU MO MYOS BYED MA RNAMS MCHI 'DZAG 'CHI MED RNAMS KYIS MTHONG NAS DGA', ,STOBS BCU MNGA' BA'I SNGON 'GRO GZHAN GYIS MI THUB MAS NI KHYED RNAMS SKYOD BAR SHOG ,DGA' BYED KYIS MCHOD PA'I MTHA' LAS MDO 'DZIN PA'O, ,SNYAN NGAG TZAN DR'A D'A SHA Y'A, ,ZLOS GAR 'JIG RTEN KUN DU DGA', ,SNGON MED ZLOS GAR RAB SBYAR BAS, ,DE RING TSOGS LA BDAG GIS STON, ,DE NI NGES PAR SNYAN NGAG NYID, ,SHAR PHYOGS DZ'A TU KAR nA'I RIGS LAS NI, ,LHA MO RGYAL MA YID KYI SHING RTA LAS, ,GANG 'KHRUNGS KHUR NI 'KHUR BAR MI NUS KYANG,, DE YI BU ZHES RAB TU GRAGS PA THOB, ,GZHAN YANG RAB 'BYAM RGYAN DANG BCAS SHING TSIGS BCAD RKYANG PA MKHAS PA'I 'JUG DOGS RGYA CHEN RNAMS, ,GANG GIS DNGOS PO GCIG GI BRJOD BYAS LA YANG RGYA CHEN ZAD PAR MI 'GYUR DANG, ,GANG GIS BY'A KAR nA NI NYUNG ZHING RAB GSAL YONGS RDZOGS GZHAN YANG MDZAD GYUR NAS, ,'JIG RTEN CHAGS DANG 'JIG RTEN MUN PA'I TSOGS CHEN RAB TU 'JOMS MDZAD GYUR, ,DE NAS DA NI ROL CHA DANG BCAS TE RTZOM PA NA RE ZHIG RANG GI 'PHAGS MA LA BOS TE KYE 'PHAGS MA RE ZHIG 'DIR BYON CES SO, ,DE NAS DE NI GDUNG BA'I SHUGS DANG BCAS TE RAB TU ZHUGS NAS, KYE 'PHAGS MA @198A *, ,BDAG 'ONGS SA BKA' BSGOS SHIG CES SO, ,MDO 'DZIN PA NAS KYE 'PHAGS MA CI'I PHYIR KHYOD SDUG BSNGAL BAR BYED, ZLOS GAR MA NAS CI'I PHYIR SDUG BSNGAL BAR MI 'GYUR TE, JI LTAR KHYOD KYI MING TZAM GYIS KYANG NI, ,GNAS RNAMS YANG DAG 'DREN NUS BU GCIG PO, ,NGES PAR BDAG NI RAB TU BYUNG NAS NI, ,RANG LUS 'BRAS BCAS BSGRUB PAR BYA ZHES SMRA, ,MDO 'DZIN PA NAS, 'DI NI BYANG CHUB SEMS DPA' MA YIN NO, ,ZLOS GAR MA NAS, KYE 'PHAGS PA, DE BYANG CHUB SEMS DPA' MA YIN NAM MKHA' LAS KYANG MA LHUNG ZHING, ,RNAM PAR 'DZIN BYED KYI MTHIL BRTOL NAS KYANG MA BYUNG NGO, ,ZHES SMRA ZHING, GANG ZHIG 'DIR SNYING RJE SKYE BO'I PHYIR 'TSO BAR SPRO BA DE NI BYANG CHUB SEMS DPA' ZHES BRJOD DO, ,MDO 'DZIN PA NAS, 'PHAGS MA DE DE BZHIN TE, ,BYANG CHUB SEMS DPA' ZHES BYA NI, ,SNYING RJE'I SA BON LAS SKYES PA'I, ,BYANG CHUB SEMS KYI MYU GU 'KHRUNGS, ,PHA ROL PHYIN PA'I YAL 'DAB RGYAS, ,DPAG BSAM SHING BZHIN DGOS 'DOD RNAMS, ,SDUG BSNGAL BA DES CHOG GO, ,'DI'I BSOD NAMS GYI STOBS LAS DE BZHIN DU DPAL DU 'BYUNG BAR 'GYUR RO, ,YANG DAG PA'I ROL MO RTZOM PAR MDZOD CIG DANG, ZLOS GAR MA NAS, KYE 'PHAGS PA, 'DIR YANG DUS GANG LA BRTEN YANG DAG PA'I ROL MO BRTZAM PAR BGYI, MDO 'DZIN PA NAS, KYE 'PHAGS MA 'DIR RE ZHIG GSAR DU MNGON PAR 'BYUNG BA LHAN CIG BYED PA'I SNYING MA'I DRIS YONGS SU KHYAB PA ME TOG GI PHRENG BA LEN PA SBRANG RTZI BYED PA'I RIGS KUN DU DGA' ZHING RTZE BA ME TOG GI DUS LA BRTEN LA GLU LONG ZHIG ,'DI LTA STE, PAD MO RNAMS NI BA MOS RIGS NYAMS 'OD LDAN GANG ZHIG SHAR NAS DBUGS RNAMS 'BYIN, ,DE BZHIN MKHAS PA'I LHO PHYOGS RLUNG RNAMS KYIS NI 'JIG RTEN YANG DAG TSIM PAR BYED, ,PHYOGS RNAM PA L'A SH'A YI LJON SHING ME TOG SHA DRAL BZHIN DU SHIN TU DMAR, ,BSIL ZER 'OD ZER 'GRO BA RNAMS KYI GTZUG GI NOR BZHIN GSAL POS YANG DAG GNAS, ,YOL BA'I NANG NAS NGO MTSAR CHE'O NGO MTSAR CHE ZHES SO, ,MDO 'DZIN PAS, RNA BAR THOS NAS, 'DI SU ZHIG YIN, NGES PAR BRTAGS PAS, KUN NAS SHES TE, RIG 'DZIN MA YIS GZHON NU GTZUG NA NOR BU 'DI MTHONG NAS, RAB DGA' G-YO @198B ZHING RANG GI LAG PA'I PADMA GAR RTZE ZHING, ,NAM MKHAR RKANG GDUB RTZE LA GOS KYI 'OD ZER REG GYUR NAS, ,GANGS LDAN RI BO'I RTZE MO LA NI RAB TU RGYU BAR BYED, ,BDAG CAG RNAMS KYANG JI LTAR MNGON PAR 'DOD PA PHUN SUM TSOGS PAR BRTZAM MO ZHES ZER NAS, GNYIS PO NGES PAR ZHUGS TE, MNGON DU PHYOGS NAS GNAS SO, ,DE NAS RIG 'DZIN MA RAB TU ZHUGS TE, GAR BYED CING AA TZTSI t'A AAm AATZTSI R'A AAm, GANG GIS SKYE BO 'DI 'DRA SA CHEN STENG, ,LHA RNAMS KYIS KYANG SHIN TU MTHONG BAR DKA', ,RAB TU DGA' BAS GZHAN GYI DBANG GYUR PA, ,DGA' BA'I GROGS MO PADMA BA T'I LA, ,BDAG GI KHUR NI YANG DAG GTAD BYAS NAS, ,NAM ZHIG 'ONG BAR GYUR TE BDAG MI SHES, ,ZHES NAS YONGS SU ZHUGS SO, ,GANG GIS 'ONGS PA DANG 'DUG PA'ANG MI DRAN PAR DGA' BA'I GROGS MO'I BSTI GNAS SU PHYIN TE BDAG NYID NGO MTSAR CHE NAS RAB TU ZHUGS SO, ,'DIR JI LTAR SBRANG RTZI BYED PA'I RKANG PA'I KHUR GYIS ME TOG RAB TU RGYAS PA'I RDUL GYI TSOGS PAS KHYAB PA'I RDO LAB GYI STENG N'A GA GE SAR GYI SRANG LAM DU BYAS PA LA DGA' BA'I GROGS MO PADMA BA T'I NI SBRANG GI BU MO DANG LHAN CIG TU GNAS SHING CUNG ZAD CUNG ZAD SMRA ZHING 'KHOD DE, DRUNG DU NYE BAR NYE BAR 'ONGS SO, ,DE NAS SBRANG GI BU MO DANG PADMA CAN RAB TU ZHUGS TE, PADMA CAN NAS, KYE SBRANG RTZE'I BU MO BDAG GI SNYING MYOS PA SNYAM BYED DO ZHES DGA' BA'I GROGS MO RIN CHEN PHRENG BA MA LA LTA BAR BYED CING, CI'I PHYIR NA DE TZAM DU YANG MI 'ONG BAR GYUR, RIG 'DZIN MAS NYE BAR THOS NAS KYE PADMA CAN SEMS GTOR BAR MA BYED CES ZER, 'DIR DE DAG GNYIS NA RE AA RE DGA', AA RE DGA' ZHES SMRA ZHING GNYIS PO RTAB RTAB POR LANGS SONG NAS, AA AI CI YIN CI YIN RIG 'DZIN MA NAS KUN GYI LTA BYED RNAMS KYIS BLTA BAR 'OS PA BDAG GIS MTHONG STE MIG GIS 'BRAS BU THOB BO, ,GNYIS PO NAS KHYOD KYIS CI MTHONG SMROS SHIG ,RIG 'DZIN LA NI SLAR YANG DE NYID SMRA BAR BYED DO, ,GNYIS POS YANG 'DRI ZHING RIG 'DZIN MA LA PADMA CAN RAB TU 'KHYUD DO, ,BDAG NI RAB TU DGA' BA'I GZHAN DBANG DU GYUR TE, GAL TE BDAG GIS DBYANGS CAN MA LA BAR RNYED NA SMRA'O, ,GNYIS PO NAS, KHYOD KYI DGA' BA DE SHIN TU LCI MO ZHIG ZHUGS PA 'DRA'O, ,RIG 'DZIN MA NAS 'DI NI GZHAN MTHONG NAS KYANG DE LA DGA' BA CHEN PO @199A *, ,MTHONG NGO, ,GNYIS PO NAS BDAG NYID GCIG PO 'GEGS PAS CHOG GAM, BDAG CAG LA YANG CHA SHAS LEGS PAR GOS MDZOD, RIG 'DZIN MA NAS, BDAG GIS MTHONG BA DUL BA'I MDANGS LDAN PA, ,'OD ZER RAB TU 'DREN PA 'PHRO BA CAN, ,PHYOGS BZHI CHOS RNAMS MA LUS SGYU RTZA LA TSOGS, ,YONGS SU ZHUGS RNAMS MIG NI DGA' BAR BYED, ,GNYIS PO NAS, LEGS LDAN MA ZLA BA 'AM CI ZHIG ,RIG 'DZIN MA KHROS TE, DE BZHIN DU BDAG GIS MA SMRAS PA RANG MCHOG GO, ,KYE 'DI NI RI DAGS KYIS MTSON TE, DE LA MTSUNGS PA BYED DAM, GNYIS PO NAS, YANG NA MYOS BYED DAM, RIG 'DZIN MA NAS GANG DE'I SBYOR BA DANG BRAL NA H'Um ZHES BYED CING BYIN ZA'I RTZE MO PHYE MA LEB DANG 'DRA BA NI DU BA'I MDANGS DANG LDAN ZHING MDZES PAR RAB TU RKYONG NGAM, GNYIS PO NAS, GANG JI LTAR YIN PA SMROS DANG, RIG 'DZIN MA NAS BDAG GIS SMRA BAR BYA YIS DE LEGS PAR NYON CIG ,'DI NAS RIG 'DZIN MA SKYE BO'I GTAM PHAN TSUN SMRA BA LAS GZHON NU GTZUG NA NOR BU 'DI 'DRA'O ZHES THOS PAS YA MTSAN CHE NAS DGA' BA DANG LHAN CIG S'A KE TA'I GRONG KHYER DU BDAG GIS PHYIN NO, ,DE NAS RGYAL PO TSANGS BYIN GYI LHA MO 'OD KYI BLO GROS MA LA KHYE'U ZHIG YANG DAG PAR 'KHRUNGS TE, GZHAN GYIS BSKRAN PAR MI NUS SHING GZUGS DANG PHUN SUM TSOGS PAS RNAM PAR SPRAS PA MCHOG GI SNYING RJE CAN GANG 'DOD PA KUN SBYIN BA GZHON NU GTZUG NA NOR BU ZHES PA BDAG GIS MTHONG NGO, ,DE YANG MTHONG BAN KUN GYIS MNGON PAR 'DOD PA'I DON PHUN SUM TSOGS PA GRUB PA'O, ,RGYAL PO GANG ZHIG GI BU MO'I CHED DU BU MO DE'I SKU GZUGS DANG DBYIBS KYI BKOD PA THANG KA LA RI MOR BRIS TE KHYER BA LA BAR DU RIG 'DZIN MA RNAMS KYIS BRKUS TE 'KHYER BAR BYED DO, ,GNYIS PO MNGON PAR 'DOD PA 'PHEL TE, SLAR YANG DE GANG NA YOD, RIG 'DZIN MA NAS, NOR 'DZIN 'DI NYID NA'O, ,GNYIS PO NAS, KHYOD NI MKHA' LA 'GRO BA 'BRAS BU DANG BCAS TE 'THOB BO, ,GANG JI LTA BA DE BZHIN DU MNGON PAR 'DOD PA YID 'PHROG PA RNAMS KHYOD KYIS GANG BAR THOB BO, ,RIG 'DZIN MA NAS, KYE MA RIGS DANG KHYED CAG GI YANG MNGON PAR 'DOD PAR YONGS SU 'GYUR GYIS SBRANG RTZI'I BU MO NAS, GANG LAS BDAG CAG LA 'DI'I SKAL PA SUS STER BAR BYED, @199B RIG 'DZIN MA NAS, YANG SKYON GCIG 'DUG ZER, GNYIS PO NAS, SKYON GANG YIN SMROS SHIG RIG 'DZIN MA NAS, GANG GIS NA DE KHYIM THAB BYA BA LAS PHYIR PHYOGS SO, ,M'A DHA B'I DANG PADMA BA T'I DAG NAS 'JIG RTEN YID BZHIN GYI NOR BU NI SHIN TU DKON NO, ,BI DY'A DH'A R'I NAS, BDAG GIS NGO MTSAR CHE BA GZHAN YANG DRAN TE, YID BZHIN GYI NOR BU'I GTAM GYIS YID BZHIN GYI NOR BU NI JI LTA BA BZHIN DU DE LA LHAN CIG SKYES PA'I GTZUG NA NOR BU'O, ,M'A DHA B'I NAS AA TZI RAm AAm BIDYA DHA RI NAS CI'I PHYIR 'DI NGO MTSAR CHE, NAM MKHA'I SPYOD YUL GYIS SKYE BO DE MTHONG NGAM, M'A DHA B'I NAS, BDAG CAG GIS MTHONG BA'I THABS 'GA' ZHIG YOD DAM, BIDYA DHA R'I NAS MA YIN TE BDAG GIS KHYER 'ONGS SO, ,GNYIS PO NGO TSA ZHING RTAB RTAB BOR PHYOGS RNAMS SU BLTA ZHING, DE GANG NA GANG NA ZHES SO, ,RIG 'DZIN MAS BDAG GI STOD GOS KYI GSEB NAS, THANG KA LA RI MO BRIS PA DE PHYUNG NAS BSTAN NO, ,GNYIS PO NGO MTSAR NAS NGES PAR BLTAS TE, GNAS TSUL NI RIN CHEN PHRENG BA MA'I PHYOGS 'DRA BA ZHIG GO, ,M'A DHA B'I DANG, PADMA BA T'I DAG NAS, KHYOD KYIS DON MED PA'I DGA' BA 'PHEL BAR BYAS TE, KHYOD BZHIN DU LEGS PA'I NYAMS DANG BCAS SO, ,GROGS MO DGA' MA BDAG SKYON CI MCHIS SMROS SHIG ,PADMA CAN YUN RING DU NGES PAR BLTAS NAS, 'DI LA SKYON CIG MCHIS SO, ,RIG 'DZIN MA KHROS TE, SKYON GANG SMROS DANG, PADMA CAN SBRANG GI BU MOS MTHONG NAS SBRANG GI BU MO NAS, SMRA BAR MI NUS PA'O ZHES ZER, RIG 'DZIN MA NAS, KYE PADMA BA T'I GDUNG BAR MA BYED CIG ,KHYOD KYI YANG BDAG GIS THANG KA CIG RI MOR BRIS TE LHA MO 'OD KYI BLO GROS MA LA BYIN PA DANG, NYE BAR BLTAS NAS, DE YANG MNGON PAR DGA' NAS 'DI TZAM ZHIG BAG MA DANG MNA' MA'I GDONG BA MTHONG NAS ZHES SMRA'O, ,'DIS LHAN CIG TU MNA' MA BYAS NAS SHIN TU SPRO'O ZHES SMRA'O, ,PADMA CAN KHROS TE, DGA' BA'I GROGS MO DE BZHIN DU SBYO BAR RIGS SAM; SBRANG GI BU MO DGA' NAS DE NAS DE NAS ZHES ZER, RIG 'DZIN MA NAS, DE NAS RGYAL BO TSANGS BYIN GYIS MNGON DU MTHONG NGO, ,GNYI GAR GYIS BLTAS NAS, SMRA BA, 'DI NI GZHON NU RJES SU RJES SU 'ONGS SO, ,'ON KYANG BYED PA PO'I DBANG LAS SO, ,DE NAS GNYIS POS RI MO BRIS PA MNGON DU BLTAS NAS, GANG NA SPYOD @200A *, ,PA'I MI GZHON NU LA STON DU BCUG GO, ,DE NAS DES YUN RING DU BLTAS NAS, SHUGS NAR BYUNG NGO, ,M'A DHA B'I NAS, DE'I MTSAN NYID NI GANG YIN RIG 'DZIN MA NAS, LCI BA'I SKYE BO NI RJES SU CHAGS SO ZHES PA'O, ,PADMA BA T'I NI GANG MNYAN PAR BYA BA MNYAN NAS NGUS SO, ,RIG 'DZIN MA NI DES SKRAG NAS, ,JI LTAR BDAG GI BDUD RTZI'I CHAR BYIN PAS, ,DUG GIS RNAM PAR KHYAB PAR GYUR, ,DE 'DIS SLAR YANG JI LTAR BCOS PAR BYA, ,ZHES SO, ,YOL BA'I NANG DU'O, ,DE BZHIN DU, DE RNAMS GCIG TU 'DIR SU 'ONG NGAM SNYAM MO, ,DE NAS DRANG SRONG DPON SLOB GNYIS RAB TU ZHUGS SO, ,GNYIS PA'O, , BU'I RANG BZHIN MNYES GSHIN PA, ,YID GDUNG GANG GIS MI SHES PA, ,DE NYID GCIG PU SKYES BU STE, ,'JIG RTEN NA NI BDE MCHOG THOB, ,SPYOD PA'I BU NAS, BU MO PADMA CAN MA BA T'I ME TOG THUR SONG BA LAS CI STE YUN RING DU 'GOR RO, ,CI'I PHYIR KHYAB 'JUG GIS NI MTSON BYED MA ZHES STOBS KYIS KHYER RAM, TSA ZER BYED PAS ZLA BA'I CHA ZHES MI BZOD 'OD KYIS RANG NYID RNAM ZHUGS SAM, YANG NA RIG 'DZIN THABS DANG PHRAD NAS RIG 'DZIN YIN ZHES PHYAG BYAS KHYER GYUR TAM, 'DI LAS BDAG GIS, SEMS 'DI RANG DBANG MED PAR YANG DAG RAB TU MYOS PAR GYUR, SLOB MAS SMRAS PA, KYE MKHAN PO DE LTAR SEMS GDUNG MI 'TSAL, MKHAN PO'I MTHU STOBS NI SA GSUM NA SUS KYANG 'DA' BAR MI NUS SO ZHES ZER NAS GNYIS PO YONGS SU ZHUGS SO, ,DRANG SRONG GIS PHYOGS RNAMS SU BLTAS TE, MCHI MA 'JAG CING, GAL TE BUNG BA'I RIGS KYI LUS NI RNAM KHEBS ZLA RNAMS BRAL GYUR NAS, , GDUNG BAS ZHUGS SHING TSANG TSING GIS SGRIB KHRON PA RNAMS SU LHUNG BA'AM, ,YANG NA ZLA DANG 'THABS PAS DE'I MI BZOD BRTZE ZHING RGYUG PAS LHUNG, ,YANG NA BYIS PA GCIG PUR DU 'AM BDAG NI SHIN TU GDUNG BAR BYED, ,THAMS CAD KYIS MNYAM DU THOS SHING MTHONG NAS RTAB RTAB POR GYUR NAS, RIG PA 'DZIN MA NAS YAB YIN NAM JI LTAR YIN ZHES ZER RO, ,PADMA CAN DANG SBRANG GI BU MO DAG NGO TSA DANG BCAS BZHIN DU BDAG CAG GIS JI LTAR SMRAS PA YAB KYIS THOS SO ZHES ZER, PADMA BA T'I NAS SBRANG SHING TSANG TSING 'DI'I NANG DU ZHUGS NA YAB KYIS MA MTHONG BA PHYIR LOG PA SRID DAM SNYAM NAS ZHUGS SO, ,RIG 'DZIN MA @200B NI RTAB RTAB POR NYE BAR BTUD DE, PHYAG BYAS SO, ,DRANG SRONG NAS, DGE BAR GYUR CIG ZER, BRIS SKU DE MTHONG NAS, BU MO RIN CHEN PHRENG BA MA 'DI CI YIN ZER, RIG 'DZIN MA NI SKRAG NAS BDAG NI NGES PAR 'JIGS PAS NA SMRA MI NUS SO, ,YAB NYID KYIS TING NGE 'DZIN GYIS DE BZHIN DU MNGON DU MDZOD CIG ZER, DRANG SRONG GIS BSAM GTAN BSGOMS SO, ,RIG 'DZIN MA NI SHIN TU 'JIGS PAR GYUR TE, 'DIR YAB KYIS CI SMRA'AM SNYAM MO, ,DRANG SRONG NAS BU MO 'JIGS PA DES CHOG GO, ,KYE 'DI LA JI LTA BA DE BZHIN BDAG DBANG CHE'O ZHES ZER YANG THAMS CAD DGA' BA DANG BCAS PAR GYUR TO, ,BDAG CAG RNAMS 'DIS DBUGS PHYUNG SNYAM MO, ,DRANG SRONG NAS, SNGON NAS 'DI YON TAN PHUN SUM TSOGS PA RNAMS NI NYE BAR THOS TE, ,MNGON PAR 'DOD PA 'DI NI MCHOG YIN NO, ,RIG 'DZIN MA NAS, LEGS LDAN GYIS, BDAG CAG RNAMS RJES SU BZUNG NGO, ,SBRANG GI BU MO NAS, KYE PADMA BA T'I, THE TSOM DES CHOG DON RNAMS GRUB, ,YID KYI SHING RTA LAS BYUNG BA'I, ,NGES PAR DKA' THUB SKYE BO YI, ,MNGON PAR 'DOD 'BRAS MED MI 'GYUR, ,DRANG SRONG NAS, BDAG NYID CHEN PO 'DIR 'ONGS PA, RE ZHIG RI MO LAS THOB PA'ANG MCHOD PAR 'OS PAR BYA'O ZHES SMRA, RIG 'DZIN MA NAS ME TOG BLANGS NAS PHUL LO, ,DRANG SRONG GIS DE LA PHUL TE NGES PAR BLTAS TE, AE MA MKHAS PA ZHIG GIS BRIS SO, ,'DI LTA STE, YANG DAG GNAS KYIS RAB DBYE 'DUG STANGS LTA TSUL DANG, ,PHRA SBOM ZUG DANG MTHO DMA' RTZIG PA'I CHA RNAMS DANG, ,ZHIB TSAGS RNAM DAG MIG NI RAB TU G-YO BA 'DRA, ,YA MTSAN RI MO DAG NI NGES PAR SMRA BA BZHIN, ,AE MA BDAG GI BU MO NI YID KYI SHING RTA RAB TU DGA' BAR CHAGS SO, ,'DI LTA STE, BDAG NYID CHEN PO DE NYID NI, ,YUL RNAMS LA NI KHA PHYIR PHYOGS, ,GANG GIS DE PHYIR GUS PA YIS, ,'DI NI JI LTAR 'BYUNG BAR 'GYUR, ,BU MO RIN CHEN PHRENG BA MA YANG KHYOD KYI GROGS MO DGA' MA DAG GANG NA YOD SHES SAM, RIG 'DZIN MA NAS, LEGS LDAN KHYOD NYID MTHONG NAS TSANG TSING GI KHANG BA 'DIR ZHUGS SO, ,DRANG SRONG NAS, PADMA BA T'I KHYOD KYIS JI LTAR NGO TSA YANG BSLABS SAM, BU PADMA CAN 'DIR SHOG ,PADMA CAN NI NGO TSA BAS 'DAR ZHING, NYE BAR PHYIN TO, DRANG SRONG GIS PADMA CAN @201A *, ,MTHONG STE, 'TSER NGO DES CHOG GO, ,YID CHES SEMS NI THE TSOM MED PAR LTA BYED CING, ,LUS NI RNAM PAR G-YO MED BRTAN ZHING BKUR 'DOD MED, ,BYIS PA'I BLO GROS JI BZHIN KHYOD KYIS RAB DGAR 'GYUR, ,RANG BZHIN GYIS MDZES BRTAN MA CI'I PHYIR 'DI NGO TSA, ,PADMA BA T'I NI PHYAG 'TSAL LO, ,DRANG SRONG NI SPYI BO LA NYE BAR GTUGS TE MNGON PAR 'DOD PA SLAR THOB PAR GYUR CIG CES ZER, RIG 'DZIN MA GANG GI SKYE BOR GNAS PAS KYE DGA' BA'I GROGS MO BYED PA PO YIN NO, ,GZHAN DU LEGS LDAN GYIS DBYANGS CI'I PHYIR 'JUG PAR 'GYUR, BDAG KYANG DON 'DI LA DE BZHIN DU MNGON PAR CHAGS SO, ,DRANG SRONG SLOB MA BRAM ZE NAS KYE MKHAN PO MYUR DU MDZOD, RIG BYED KYI DUS TSOD LA SONG NGO, ,DRANG SRONG NAS, JI LTAR NYI MA GUNG GI DUS LA NYE BAR 'ONG NGAM, 'DI LTA STE, DA NI RAB SHING GI GRI BAM RNAMS LA RIG 'DZIN RNAMS BSNYEL BSO'I MTHA', LJON PA'I BSIL GRIB 'OG TU RI DAGS RNAMS NI SKYUG LDAD BYED CING GNAS PA DANG, BTZUGS SHING YUR CHU RNAMS NYAL ZHING GNAS PA DANG, BTZUGS YU 'GRO MED RTZE MO RNAMS LA LHA YI SREG RDZAS RNAMS KYI DU BA YANG DAG 'KHRIGS, ,DPAL LDAN CHAGS BRAL BSOD NAMS MCHOG GI MNGON BRJOD PA, ,MA LUS SA STENGS GRAGS PAS 'GRO BA GCIG NYID RGYAL, ,GANG ZHIG ZLOS GAR RANG DBANG NOR GYIS RAB DGA'I GAR, ,DPAL LDAN TZANDRA GO MI'I SNYAN NGAG LEN ZHING GNAS, ,'DIR THAMS CAD NGES PAR ZHUGS SO, ,YAN LAG DANG PO RDZOGS SO,, ,,DE NAS SNGA 'JUG MA RAB TU ZHUGS TE, 'DIR NI RGYAL RIGS LHA'I 'JIG RTEN 'DRA BAR MTHONG,, RI MO'I BAG MA'ANG BAG MA'I LTAD MO 'DI BZHIN NA, ,GAL TE 'DI NI BDEN PA YIN NA JI LTAR 'GYUR, ,DE CI GZHAN DU 'DI NI SNGON MED MTHONG BAR 'GYUR ZHES ZER NAS YONGS SU BLTA ZHING ZHUGS SO, ,RGYAL PHRAN GRONG MTHA'I SHIN TU MDZES MA RNAMS, ,'DI RNAMS 'DIR NI DE BZHIN RNAM PAR SPRAS, ,RGYAN GYI 'OD ZAR 'DI BZHIN 'PHRO BA YIS, GRONG BAR RNAM KHENGS GOS DMAR GAR BYED BZHIN, ,DE NAS JI LTAR DGA' BA'I GROGS MO LO MA CAN GYIS MTHONG NAS NGES PAR BLTAS SHING 'DIR LO MA CAN DANG, DE BZHIN DU GAR BYED CING 'ONGS SO, ,DE NAS LO MA CAN RAB TU ZHUGS TE, KYE KUN DA KHYOD NYON CIG GSUNG, @201B 'DI BZHEN DU BAG MA'I LTAD MOL BTANG SNYOMS SU BYED PA CI YIN, KUN TA LI KA NAS KYE HANYA DZE LO MA CAN LHA MOS NI BAG MA LTAD MOR BYAS MOD KYI, 'ON KYANG GZHON NU 'DIR SLAR 'JUG GAM, DE NAS BDAG GIS YID PHYIR MI LDOG PAR BYED DO, ,LO MA CAN NAS, GANG GI SKYE BO LCI BA'I BKA', ,NAM ZHIG GZHEN NUS 'DA' BYED DAM, ,RIN CHEN 'BYUNG GNAS DUS RLABS KYIS, ,CI STE MTSAMS LAS 'DA' 'GYUR RAM, ,KUN TA NAS, 'DIR LHA MO NYID TSAD MA'O, ,LO MA CAN NAS, GZHON NU GNYEN GYI SPYOD YUL DU 'DUG PA 'DI RNAMS SONG NGAM, KUN TA NAS MA SONG STE 'DI BZHIN 'JUG PA GZHON NU LA SMRA BA NI LHA MO 'OD KYI BLO GROS MA NAS, BDAG LA 'PHAGS PA'I GOO TA MA'I NYE 'KHOR LTOS LA 'PHAGS PA GOO TA MA LA SMROS SHIG ,DE YANG 'DI BZHIN DU GROGS POS BYAS PA LA CHAGS PA YIN GYIS ZHES ZER RO, ,LOM CAN NAS, JI LTAR MNGON PAR 'DOD PA'I DON PHUN SUM TSOGS TE, THAMS CAD KYANG RANG GI GAR RTZE BAR BYED CING GNYIS PO YANG GAR BYED DO, ,LO MA CAN NGES PAR BLTAS NAS, KYE DE BZHIN YIN NA 'DIR 'PHAGS PA GOOTA MAS LEGS LDAN MA'I SPYOD PA'I RJES SU 'GRO ZHING DE BZHIN 'DIR SLAR 'ONG NGAM ZER NAS, DE NAS LHA MO 'DI DAG BDAG CAG GIS SMRAR DENG NGO ZHES DE DAG SONG STE RAB TU ZHUGS SO, ,DE NAS RTZED GROGS BZHAD GAD PA RAB TU ZHUGS SO, ,NA MNYAM DGA' BA THUB PA'I SKYE BO'I RJES SU 'JUG CING YANG DAG PAR SPYOD PA LA LHA MO 'OD KYI BLO GROS MA'I SKYES 'DI'O, ,BDAG CAG GI SNYING LA ZUG RDUR GNAS TE, DE'I RI MOR BRIS PA LA YANG BAG MA'I LTAD MO 'DI SMRA ZHING, BAG MA'I MTSAN NYID DO, ,'DIR BLTAS NAS SLAR YANG JI LTAR 'JUG PAR 'GYUR BA DE LTA DE LTAR 'DIR YANG DE'I BLO RNAM PAR 'BYED PAR BYA STE, GAL TE 'JIG RTEN PHA ROL DU, ,BDAG CAG 'DAS PAR GYUR NA YANG, ,RIGS RGYUD RNAM PAR CHAD GYUR NAS, ,MTSUN LA CHU BZHIN RNAM PAR 'CHAD, ,YANG JI LTAR SMRAS NA, NYAMS DGA' BA'I BYA BA 'GRUB PAR 'GYUR SNYAM NAS NGES PAR BLTAS PA NAS, ,DER MNYAM DGA' BA'I SNGAR 'JUG PA MANYDZU RAB TU DGA' BA'I SKYED MOS TSAL NAS 'THON BYUNG NGO, ,RE ZHIG 'DI LA DRI'I SNYAM STE, KYE MANYDZU LA NA MNYAM DGA' BA GANG NA YOD, NAM MKHA' LA KHYOD CI @202A *, ,ZHIG SMRA, DE 'DI NA RAB TU DGA' BA'O, ,TSAL NA BZHUGS SO, ,DER NYE BAR 'GRO BAR BYA'O ZHES RAB TU ZHUGS NAS BLTAS PA NA GANG ZHIG SBRANG RTZI BYED PA'I GSHOG PA'I RLUNG GIS RAB TU BSKYOD NA ME TOG RNAMS NI KHA BYE ZE 'BRU'I RDUL DU 'KHRIGS SHING GDONG NA BUNG BA RNAMS NI DZHAm SGROGS SHING 'KHOR BAS 'KHRIGS SO, ,NA MNYAM DGA' BA MA MTHONG NAS, MANYDZU LAS 'DI NA BZHUGS ZER TE, GAL TE GDUG PA CAN GYI RIG 'DZIN MAS 'DI NAS BRKUS TE, KHYER BA MA YIN NAM ZHES SMRAS PA NA, RIG 'DZIN MA RAB TU ZHUGS TE, MYA NGAN DANG BCAS NAS, JI SRID BDAG CAG GIS DGA' BA'I GROGS MO LA, GZHON NU'I TSUL 'DI NYE BAR SMRAS GYUR PA, ,DE NAS DGA' GROGS PADMA BA T'I LA, ,MGO LA ZUG RNGU YANG DAG SKYES PAR GYUR, ,LUS NI NYAL BA TZAM THOB PA MA YIN PA SHIN TU GDUNG BA 'PHEL BAR GYUR TE, GROGS MO'I SKYE BO YANG SHIN TU GDUNG BAR BYED DO, ,SKABS DER DGA' BA'I GROGS MO SPANGS TE, 'ONGS KYANG MA 'ONGS PA JI LTA BA BZHIN NO, ,GZHON NU'I THUGS KYANG SHIN TU GDUNG BAR BYAS SO SNYAM NAS, LTA ZHING GZHON NU'I NA MNYAM MTHUN PA DE BLTAS NAS RE ZHIG BAR DU 'DI GANG DU 'GRO BLTA BAR BYA'O SNYAM MO, ,BZHAD GAD PAS BLTAS TE 'DI NA RE ZHIG RTZED MO'I RI'I STENG NA CHU'I 'KHRUL 'KHOR STENG DU 'BAB CING RAB TU G-YO BA DBA' RLABS DZHA RI'I SGRA 'BYIN PA'I STENG NA NA MNYAM MTHUN PA BLTA BAR BYA'O ZHES STENG DU PHYIN TE, GAR BYED CING H'I H'I BHO ZHES SO, ,DE NAS MYA NGAN MED PA'I TSAL GYI RIN CHEN RDO LEB YANGS PA'I STENG NA CUNG ZAD SMRA BAR BYED CING BZHUGS NAS MCHIS SO, ,NYE LOGS SU PHYIN NO, ,RIG 'DZIN MA NI 'DIR RE ZHIG GZHON NU DAG YID CHES PA'I GTAM GANG YIN MNYAM PAR BYA'O SNYAM MO, ,DE NAS RAB TU ZHUGS PA NA 'DREN PA JI LTA BA BZHIN DU MTHONG NGO, ,SHUGS NAR PHYUNG STE KYE MA 'JIG RTEN RNAMS NI YUL LA MNGON PAR ZHEN PAR 'GYUR TE, GANG DES PHYIN CING 'GRO BA GANG ZHIG LAN BRGYAR SKYES GYUR PA, ,BDE BA GANG DE LAN CIG MA YIN MNGON DU MA GYUR MED, ,DPAL MO GANG DER MDZES PA'I RDA MA G-YO ZHING DGOD PA LTAR, ,GANG ZHIG MA THOB MED CING SLAR YANG DE LA DE BZHIN CHAGS, ,BZHAD GAD NYE BAR MNYEN TE KHYOD KYI BDE LEGS 'PHEL GYUR CIG ,'DREN PA NI DE BZHIN DU SHLO @202B KA DE NYID KLOG PAR BYED DE, RIG 'DZIN MA NI RNGA BRDUNG ZHING GROGS DGA' MA LA MTSUN GYI CHU 'BYIN NO ZHES SO, ,BZHAD GAD PA NAS, KYE BRAM ZE SHIS PAR BRJOD PA'I LAN GNANG BAR MDZOD ZER, 'DREN PA JI LTAR GOO TA MA'AM, ,NA MNYAM BDE BAR 'GYUR TAM, 'DIR ZHUGS SHIG ,BZHAD GAD PAS RANG NYID BSAMS TE, JI SRID DU YANG NA MNYAM MTHUN PA CI ZER NYAN ZHING BRTAGS PAN SHIN TU LCI ZHING DE YANG DAG PAR MI DGA'O, ,DE NAS RE ZHIG ,'DI LTAR LHA MO'I SKYES SMRA BA'I SKABS MA RNYED DO, ,DE BZHIN RE ZHIG SMRA'O SNYAM NAS GSAL BAR, KYE NA MNYAM DGA' BA GZIGS GZIGS, ,'DI LTAR THANG SHING LJON PA'I DRA BA YI, ,BU GA LAS BYUNG PADMA'I 'DAB MAR NI, ,SBRANG RTZIS MYOS PA'I BUNG BAS GLU LEN CING, ,PADMA'I STENG NA CHU RGYUN RAB TU 'BAB, ,RIG 'DZIN MA NI LEGS SO, ,GOO TA MA LEGS SO, ,BDAG CAG LA RJES SU BRTZE BAR MDZAD DO SNYAM MO, ,'DREN PA NAS, NA MNYAM 'DIR CI ZHIG LTA, , KUN KYANG BYE ZHING RGYAS LDAN PA, ,GE SAR NGES PAR LTUNG BA YIS, ,'GRO RNAMS GNAS SHING MI RTAG PA, ,JI LTAR 'DI YIS GSAL BOR SMRAS, ,RIG 'DZIN MA NI JI LTAR GSUNG BA THOS NAS BDAG NYID SHIN TU GDUNG BAR BYED DO, ,BZHAD GAD PAS RANG NYID BSAMS TE GZHAN GANG YIN SMRA'O SNYAM STE, RAB TU GSAL BAR KYE GZHAN YANG 'DI LTA STE, SBRANG RTZI BSTEN ZHING CHU'I 'KHOR RAB G-YO LAS, ,CHU 'DZIN LHO NAS CHU RGYUN DBUS SU RNAM 'BAB PA, ,MTHONG NAS RMA BYA MDONGS RNAMS RAB BRKYONG GAR BYED PA, ,NA MNYAM DGA' BA CHU RGYUN DO SHAL RNAMS LA GZIGS, ,'DREN PA NAS, NA MNYAM CHU RGYUN KHANG PA 'DI NYID GCIG PU'AM, ,MNGON 'DZIN DNGOS PO'I RGYU RNAMS NI, ,SKAD CIG SKAD CIG MNGON PAR 'JIG ,GLU BYANG RGYUN GYI KHANG PA BZHIN, ,'GRO BA THAMS CAD DE BZHIN 'JUG ,RIG 'DZIN MA NI SNYING BRTAN PAR BYAS LA, GZHAN YANG MNYAN PAR BYA'O SNYAM MO, ,BZHAD GAD PA BDAG GI GNAS LA RNAM PAR BSAMS TE, GDUNG BA SREG PA'I MYA NGAN GROL NUS RNAMS, ,BLANGS TE GANG DANG GANG NI 'DIR SMRAS KYANG, ,SBYIN SREG MAR RGYUN 'BAB BZHIN DE DANG DE, ,LHAG PAR SHIN TU YONGS SU 'BAR BAR BYED, ,DE BAS 'DIR DGON PA STONG PAR DU BAR BYA'O SNYAM MO, , @203A *, ,DE NAS MNGAG GZHUG MA RAB TU ZHUGS NAS, LHA MO 'OD KYI BLO GROS MAS, BDAG LA BKA' BSGOS TE BAG MA'I BKRA SHIS KYI DRA BA 'DI GZHON NU LA KHYER TE 'ONGS SO, ,GZHON NU NI DE NAS YONGS SU 'CHAG CING MCHIS SO, ,DRUNG DU PHYIN TE NYE BAR BTUD NAS PHYAG BYAS TE GZHON NU RGYAL BAR GYUR CIG RGYAL BAR GYUR CIG ,LHA MO'I BKAS BKRA SHIS KYI DRA BA 'DI BLO DANG LDAN PA KHYOD KYIS NGES PAR BYIN CIG CES SO, ,RIG 'DZIN MA NI MI BZOD PAR GYUR, AA AE 'DIR GANG BAG MAR BYAS SAM SNYAM MO, ,DE BZHAD GAD PAS BZUNG STE, YONGS SU G-YOGS SO, ,MNGAG GZHUG MA SHIN TU DGA' STE, AE MA LHA MO MNGON PAR 'DOD PA YID KYI SHING RTA SHIN TU YANG NGES SO ZER NAS, YONGS SU ZHUGS NAS SONG NGO, ,'DREN PA NAS, NA MNYAM SKABS MED PAR 'DI BZHIN BKRA SHIS KYI DRA BA BSKUR BA CI ZHIG ,BZHAD GAR MNAS DE SEMS SO, ,'DREN PAS YANG DRIS PA NA, BZHAD GAD PA NAS, BDAG GI TSIG GANG ZHIG YAL BAR MI 'DOR NA SMRA'O, ,'DREN PA NAS, NA MNYAM SMROS DANG, BZHAD GAD PA NAS, KHYOD YONGS SU LEN PA'O, ,RIG 'DZIN MA NI SDUG BSNGAL TE, AE MA DGA' BA'I GROGS MO'I LUS RDZOGS PA NI, JI LTAR MTHONG SNYAM MO, ,'DREN PAS, DE DAG GI SEMS LA BLTAS NAS, CI STE BDAG YONGS SU LEN PA YIN NAM, BZHAD GAD PAS, SHIN TU'O, ,'DREN PA NAS, 'DI BZHIN BYED PA JI LTAR BZHAD GAD PA NAS, 'DI BKRA SHIS DRA BA LA DRIS, 'DREN PA NAS, NA MNYAM YONGS SU LEN PA ZHES BYA BA NI SMAN MED PA'I NAD YIN, 'DI LTA STE, GTI MUG SKYE MCHED 'DZIN PA ZHI BA 'THOR ZHING PHYIR LOG SGRUB PAR BYED, ,RNAM G-YO'I YID 'ONG MYOS PA'I GNAS DANG BSAM GTAN GYIS NI GDUG PA'I DGRA, ,SDUG BSNGAL 'BYUNG GNAS BDE BA 'JOMS BYED SDIG PA'I RANG BZHIN GNAS YIN TE, ,YONGS 'DZIN GDONG BZHIN BLO LDAN RNAMS KYANG NYON MONGS DANG NI NYAMS PAR BYED, ,RIG 'DZIN MDU ZHING GZHAN CI ZHIG LTA SNYAM MO, ,'DREN PA NAS GZHAN YANG NA MNYAM, ,YONGS SU 'DZIN PA BYAS GYUR KYANG, ,BDAG NI NAGS SU 'GRO BAR BYED, ,DE NAS SKYE BO GZHAN RNAMS KYANG, ,YONGS SU SDUG BSNGAL CI ZHIG BYA, ,RIG 'DZIN MA NI DGA' BA'I GROGS MO GZHON NU'I RJES SU 'DI BZHIN 'JUG NA, LEGS SO @203B SNYAM MO, ,BZHAD GAD PA NAS, KYE JI LTAR 'DI BZHIN DER NI 'JIGS BCAS 'BAB, ,MI DBANG GTZUG NI 'OD ZER RAB TU 'PHRO BA YIS, ,ZHABS LA BTUD DANG RGYAL PO'I PHUN TSOGS YONGS SPANGS NAS, ,KHYOD NI NAGS NA GNAS PA CI'I PHYIR RAB TU BSNGAGS, ,'DREN PA NAS RAB TU BSNGAGS PA'I GNAS LAS GZHAN GANG ZHIG KYANG MCHIS SAM GZIGS MDZOD, JI LTAR DER NI DGA' 'GYUR RAB DGA'I SA GZHI RNAMS DANG NI, ,MTHO RIS GANG G'A RNAMS KYI SKYED PAS BYANG SA GOR MA'I STENG, ,GANG ZHIG DGA' ZHING DGA' BA'I RI DAGS TSOGS RNAMS BSNYEN BKUR ZHING, ,GROGS NGES NAGS KYI NANG DU GNAS GYUR PA NI SKAL BA BZANG, ,GZHAN YANG NA MNYAM, SPONG BA'I BRAG RI SKYE BOS DBEN ZHING PHUN SUM TSOGS PA'I GNAS BZANG NA, ,PHUG YANGS RI DAGS RNAMS KYI SPYOD YUL NAGS KYI RI MOS YONGS SU BSKOR, ,SO GA'I DUS NI BUNG BA RNAMS NI RNGA SGRA SNYAN PAR RAB SGROGS SHING, ,LAM ZHUGS NYON MONGS ME YANG BDAG CAG RNAMS LA 'BYUNG MI 'GYUR ZHES SGROGS, ,RIG 'DZIN MA NI KYE MA SHIN TU LCI MO ZHIG SMRAS SO SNYAM MO, ,BZHAD GAD PA NAS, KYE SNYING RJE MED PA JI LTAR GNYEN 'DUN GYI SKYE BO RNAMS LA MNYES GSHIN PA'ANG KHYOD LA MI 'DUG GO, ,'DREN PA NAS, 'JIG RTEN GYI GNYEN LA DE BZHIN DU MNYES GSHIN PA NI, 'DI LTA STE, 'JIG RTEN THAMS CAD MAR ME BZHIN, ,SKAD CIG SKAD CIG GIS SKYE ZHING, ,SNUM CHAGS DBANG GIS 'JIG CING 'KHOR, ,SKYE BA MED DAG MYA NGAN 'DA', ,GZHAN YANG NA MNYAM MNYES GSHIN PA'I, ,RTZA BAR MI SHES PA LAS TE, ,MI SHES RDUL GYIS G-YOGS GYUR PA'I, ,SNGON LAS SA BON MA ZAD LAS, ,SRED PA'I CHU YIS DBANG BSGYUR NAS, ,SKYE BA'I MYU GU SKYE BAR 'GYUR, ,RIG 'DZIN MA NI, NYE BAR DUL BA 'DI 'DRA BA NI, THUB PA'I SKYE BO LA YANG GA LA SNYAM MO, ,BZHAD GAD PA NAS, GANG YANG 'DIR RE ZHIG 'JIG RTEN PA'I CHOS KYI RJES SU YANG 'JUG PAR MDZOD CIG ,'DREN PA NAS, 'JIG RTEN GYI CHOS GANG YIN BZHAD GAD PA NAS, YUL GYI RJES SU MNGON PAR DGA'O, ,'DREN PA NAS, YUL GYIS CHOG CHOG GZIGS MDZOD, YUL NI DUG BZHIN ZOS TZAM NYID NA MNGAR LDAN CING, ,RNAM PAR SMIN PHA RAB TU TSA BA DUG BZHIN YUL, ,YUL NI DUG BZHIN @204A *, ,BSRUNG BAR MI NUS RAB G-YO'I SHUGS, ,SHIN TU RMONGS BYED MUN PA STUG PO DUG BZHIN YUL, ,YANG NA 'DOD PA'I DUG DANG DUG NI GZHAL ZHIG BRTAGS GYUR NA, ,RANG BZHIN MI MTSUNGS YUL LAS DUG NI MCHOG YIN TE, DUG GIS SKYE BA GCIG NYID DUG TU RAB 'GRO ZHING, ,SKYE BA DPAG MED DU YANG YUL DUG RAB TU 'GRO, ,BZHAD GAD PA NAS, KYE RE ZHIG BU'I GDONG MTHONG BAR MDZOD DANG, DE NAS NAGS SU LHAN CIG TU 'GRO BAR BYA'O, ,'DREN PA NAS, 'DI NI MI RNYED DO, ,DPER NA BYA BA 'DI NI SPANG DU DI RING PHYIN NAS SHOL BYED PA, ,DE 'DIR SKAD CIG YUD TZAM 'DAS GYUR SKYE BO RTOG BYED DE, ,MI BZAD GSHIN RJE KHROS PA DGOD CING YONGS SU RTOG PA'I, ,ZUR GYIS BLTA BAS BE CON MDANGS KYANG RAB TU DMAR BAR BYED, RIG 'DZIN MA NI DU ZHING KYE MA GROGS MO DGA' MA, BDAG GIS 'DI BZHIN DU 'JIG RTEN PHA ROL DU YANG KHYOD KYI SNGON DU 'GRO ZHING LAM BSTAN PAR BYA'O ZHES RANG NYID SMRA'O, , BZHAD GAD PA DU ZHING, KYE 'KHOR GYI SKYE BO THAMS CAD SPANG BA NI SNYING RJE BA YANG MED DAM, 'DREN PA NAS, BDAG GIS RANG GI LUS KYANG YONGS SU GTONG BAR BYED DO, ,BZHAD GAD PA NAS CI'I PHYIR GTONG, ,'DREN PA NAS, GZHAN GYI DON DU'O, ,BZHAD GAD PA NAS, DE KHYOD BDAG GI BYA BA BTANG NAS, CI STE GZHAN GYI BYA BA LA BDAG NYID LA SDUG BSNGAL BYED, ,'DREN PA NAS, DMAN PA BDAG NYID MA SHES PA DUD 'GRO RNAMS KYANG GNAS DANG ZAS SKOM RANG BYUNG SPYOD CING RNYED PAR SLA, ,GANG ZHIG 'DOD RNYED SHIN TU SKOM TSE CHU RNAMS KYANG NI 'THUNG BAR BYED, ,GANG ZHIG GZHAN PHAN DON DU BRTZON 'GRUS RTZOM BYED SKYES BU DE YI NI, ,RANG GI GZI BRJID KYIS NI BDE BYED 'DI NI SKYES BU CHEN PO'O, ,RIG 'DZIN MA NI SNYING GI DBUGS PHYUNG NGO, ,SNYAM NAS SKABS RNYED DE, SROG THAG RAN GYIS BCINGS PA'I MTSAN NYID GROL LO SNYAM MO, ,BZHAD GAD PA NAS, KYE CI'I PHYIR BU KHYOD GZHAN DON SGRUB PAR BYED, 'DREN PA NAS, GZHAN DON GYI RI MO MNGON PAR MI SHES PA GZIGS MDZOD, ,GANG ZHIG NGAL MED RTA MGYOGS KYIS BGROD NYI MAS SNANG BAR BYED, ,GANG ZHIG KHUR GRANGS MED PAR NOR LDAN RTAG TU 'JIG RTEN 'DZIN, ,DE NI NAM YANG RANG DON MA YIN DE YI RANG BZHIN NYID, ,CHEN PO GANG RNAMS 'JIG RTEN PHAN DANG BDE @204B BA'I RO GCIG RO DANG LDAN, ,BZHAD GAD PA NAS, KYE DE BZHIN DU KHYOD NI BDAG GI MA YIN BRAM ZE'I DON NAM GZHAN GYI DON LHAG PA ZHIG YOD DO SNYAM MO, ,'DREN PA NAS SNYING RJE YUN RING DU MA REG PA YIN NO, ,BDAG MTSON SKYE BO NANG DU GDUNG BAS BSREG LDAN PA, ,GNYEN BSHES 'JIG RTEN SDUG BSNGAL GNAS PA CI PHYIR BDE, ,'JIG RTEN KUN GYI SDUG BSNGAL BDAG GI LUS KYIS KHUR, ,DAM PA MNAR MED GNAS PA YANG NI SPRO BAR BYED, ,RIG 'DZIN MA NI MNGON 'DOD KYI SKABS RNYED DO SNYAM MO, ,BZHAD GAD PA NAS, KYE 'JIG RTEN THAMS CAD DE BZHIN DU KHYOD KYI GNYEN YIN NAM, 'DREN PA NAS, NA MNYAM DE BZHIN TE, GANG GI MNGAL DU DANG PO BCINGS SHING GNAS, ,GANG GI PHANG DU BAG MA'I TSA ZHING RTZES, ,GANG ZHIG RNAM BRAL MTSAN RINGS MYA NGAN BYAS, ,'JIG RTEN 'DI RNAMS SNGON NAS GNYEN PA SHES TSOGS, ,RIG 'DZIN MA NI, KYE MA 'DI'I THUGS NI SHIN TU RGYA CHE'O SNYAM MO, ,BZHAD GAD PA NAS, GNYEN 'DUN 'JIG RTEN RNAMS KYI DON MDZAD PA LA DE LAS CI'I PHYIR RING DU SDOD PAR BYED CES ZER RO, ,RIG 'DZIN MA NI LEGS PAR SMRAS SO SNYAM MO, ,'DREN PA NI SHUGS NAR ZHES PHYUNG NAS DON 'DOD PA'I SKYE BO SHIN TU RNYED PAR DKA'O, ,BZHAD GAD PA NAS, DON BYA BAR SMRA BA NI GANG, 'DREN PA NAS, LUS LA SOGS PA CUNG ZAD SLONG BA'O, ,BZHAD GDAB NAS, DON BYA BA'I SKYE BO RNAMS KYI NANG NAS LHAG PAR CHE BA GANG YIN, ,RIG 'DZIN MA NI, LEGS PAR DRIS SO SNYAM MO, ,'DREN PA NAS, GANG ZHIG SDUG BSNGAL GYIS MNAR BA'I SKYABS GNAS SO, ,RIG 'DZIN MA NI SHIN TU DGA' NAS 'DIR MNGON PAR 'DOD PA'I SKABS RNYED DO SNYAM NAS, 'TSER BZHIN DU NYE BAR BTUD DE, PHYAG 'TSAL NAS, DU BZHIN DU BDAG NI SHIN TU MNAR BAR GYUR PAS SKYABS GNAS SO, ,MTHU CHEN PO BDAG NI SKAL BA DMAN TE RJES SU BRTZE BAR MDZOD CIG 'DREN PA NI SHIN TU MNYES TE GZIGS NAS, BZANG MO MA 'JIGS SHIG ,BDAG NI 'JIG RTEN KUN GYI GNYEN DU GNAS, ,'GRO RNAMS DON GRUB MTSAN DU NYE BAR BCINGS, ,MA 'JIGS MA 'JIGS MI DKAR MIG CAN MA, ,DI RING CI SGRUB BDAG LA MYUR DU SMROS, ,BZHAD GAD PA NI YA MTSAN DU GYUR NAS, ,AE MA GZUGS BZANGS RAB TU MDZES PA RGYANG PA 'DI @205A *, ,GA LAS YIN SNYAM MO, ,'DREN PA NAS, ,DON GANG BYA BA SMROS SHIG RIG 'DZIN MA NI MGO BSTOD DE CHAGS PAS BLTAS NAS MTHU CHEN PO KHYOD KYI LUS SO, ,BZHAD GAD PA MI BZOD CING DGA' NAS, 'DI NI JI LTAR GDUG PA CAN GYI RIG 'DZIN MA LTA BU'O, ,DE RE ZHIG SMRAR CHUG SNYAM MO, , GSAL POR SMRAS PA, KYEN MNYAM PHAR ZUR PHAR ZUR, 'DI NI GDUG PA CAN GYI SRING MO STE, 'DIS NA MNYAM DGA' BA LUS SLONG BAR BYED DO SNYAM MO, ,RIG 'DZIN MA 'JIGS NAS, BDAG NYID BSAMS PA, JI LTAR 'DIS BDAG GZHAN DU SHES TE, BDAG GI GROGS MO DGA' MA'I DON SHIN TU 'GRUB PA LHA MO 'GA' ZHIG GIS GZHAN DU BCOS SO SNYAM MO, ,'DREN PA MNYES NAS LUS RAB TU SLONG BA LA SRING MO DE SRID NAS SPOBS PA CAN GYI SKYE BO SLONG MO PA BDAG GI MTHONG NGO SNYAM MO, ,BZHAD GAD PA NI, DBYUG PA'I SHING PHYAR TE PHAR SONG PHAR SONG SRING MO GDUG PA CAN GYI SKYE BO SLONG MO PA BDAG GIS MTHONG NGO SNYAM MO, ,NA MNYAM DGA' BAS CHEN PO'I DKYIL 'KHOR THAMS CAD LAS LHAG PA'I RGYAL SRID KYI KHUR 'KHUR BAR NUS PA'I LUS SLONG BAR BYED DAM ZHES SMRA, JI LTAR SLONG BA'I SKYE BO SUN 'BYIN PAR BYED CES BZHAD GAD PA RGYAB TU BYAS NAS SHIN TU DGA' NAS BZANG MO BDAG GI LUS SLONG BAR BYED PA DE DE BZHIN DU BDEN NAM, RIG 'DZIN MA NAS, MTHU CHEN PO GZHAN DU NUS SHING SMRA BA MA YIN NO, ,KHYOD KYI LUS MTHONG BA TZAM GYIS KYANG GANG GI GDUNG BA THAMS CAD NYE BAR ZHI BAR MDZAD NA DE YIS BDAG LA GNAS PAR MDZOD CIG ,'DREN PA NI MI DGA' BAR GYUR TE, SPOBS CAN GANG LAS GNOD BYED 'DI, ,RE ZHIG BDAG GI SKAL BA MIN, ,MNGON 'DOD BDAG GIS BSGRUB BYA BA, ,DE LTAR NA YANG CI ZHIG SMROS, ,RIG 'DZIN MA DU ZHING, BDAG GI YID GTZUGS GROGS MO NI, ,MGO BO ZUG RDU DANG LDAN TE, ,DE'I MTHU CHEN PO KHYOD KYIS MTHONG BA LAS GTONG STE, NYE BAR ZHI BA GZHAN MED DO, ,BZHAD GDAB SHIN TU 'JIGS NAS, KYE 'DI NI SGYU MA SPRUL NAS GZHAN DU SMRA BAR BYED DE, GZHAN DU DE BZHIN 'DI YIS 'CHOS SHING STON PAR BYED DO, ,'DREN PA NI, DE'I GTAM YANG MI NYAN PAR KHYOD KYI YID GCUGS GROGS MO GANG NA GNAS, RIG 'DZIN MA NAS, 'DI NI DE BZHIN DU RI BO GANGS LDAN GYI RTZE LA GNAS SO, , @205B 'DREN PA NAS, ROL BA'I RI BO'I ZHOL NYID DU, ,BOS NAS BDAG CAG DER RE ZHIG 'GRO'O, ,RIG 'DZIN MA NAS, CI STE MTHU CHEN PO 'KHOR DANG BCAS PA NAM MKHA' LA 'GRO ZHING 'DREN PA RNYED PAR DKA' BA CI YANG MA MCHIS SO ZHES GNYIS PO GAR BYED CING NAM MKHA' LA SONG NGO, ,BZHAD GDAB NAS, KHYED CAG RAB TU ZHUGS TE, BDAG BRAM ZE NI SLAR YANG DRI MA LHAG MA BSNYIL BA BZHIN DU YONGS SU SPANGS SO ZHES SMRA, 'DREN PA NAS, NA MNYAM KHYOD RANG YANG LONGS MDZOD, BZHAD GAD PA BDAG NYID 'JIGS PAR MTHONG NAS RIG 'DZIN MA 'DZUM ZHING BZHAD GAD PA'I LAG PA NAS BZUNG NAS YONGS SU ZHUGS SO, ,'DREN PA NI YA MTSAN CHE NAS GROGS PO LTOS LTOS, ,NYI MA'I GZUGS NI NGES LHUNG RNAM PAR 'JUG PA BZHIN, ,SA CHEN RI PO DANG BCAS 'OG TU 'GRO BA LHAR, ,TA MA LA YI NAGS TSAL SNGON PO'I 'GRAM RNAMS NI, ,CHU 'DZIN RAB TU BSAL GYUR RI MOS MTHA' RNAMS BSKOR, ,BZHAD GAD PA NAS, KYE KHYOD KYI YA MTSAN CHE YANG BDAG NI BRAM ZE STE, 'DI NYID DU RI GANG ZHIG LA BRTEN NAS CHU SNOD BZUNG NAS BSOD SNYOMS LA BRTEN NAS, KHAD KYIS 'GRO'O ZHES ZER, 'DREN PA NAS MA 'JIGS PAR RE ZHIG YA MTSAN CHE BA LTOS SHIG DANG, RI BO KHANG BZANG 'DRA ZHING CHU 'DZIN G-YO BA'I BLA RE LA BRTEN PA, ,CHU KLUNG NGUR PA'I SGROG GIS 'GRAM BCINGS LAM CHEN RDUL RNAMS 'THUL PA LTAR, ,CHU GTER YONGS SU BSKOR BA'I 'OBS CHEN BZHIN DU RAB MTHO'I 'GRAM LDAN PA, ,SA CHEN DKYIL 'KHOR GNAS GCIG BZHIN DU YANG DAG GSAL BOR KUN NAS MA TSON, ,RIG 'DZIN MA NAS AA HO GZHON NUS NYE BAR GZIGS SO, ,BZHAD GAD PA NAS, GTING ZAB MO 'JIGS PA'I 'OG GI SA CHEN PO'I MTHIL MTHONG NAS, BDAG NYID NGES PAR 'JIGS PAR SNANG NAS GZUGS GZHAN LA STENG DU BLTAS PA DANG, SHIN TU 'JIGS TE, KYE GANGS RI'I RTZE MO TSOGS PA BZHIN DU NAM MKHA'I MTHIL KHENGS NAS 'JUG PA 'DI CI ZHIG YIN, RIG 'DZIN MA RNAM PAR GNOD CING, AA HO BRAM ZE 'DI NI MTSAN NYID YIN NO, ,'DREN PAS GZIGS NAS 'DI NI NGES PAR SKAR MA RNAMS SO, ,BZHAD GAD PA NAS, SKAR MA LA 'DI 'DRA BA'I TSAD GANG LA YIN, ,'DREN PA NAS, DE @206A *, ,NI 'DI BZHIN DU RGYA CHEN PO'I TSAD DANG LDAN NO, ,BZHAD GAD PA NAS, SA'I MTHIL NAS CHU NGUR MTSON PA JI LTAR YIN, 'DREN PA NAS, DE YANG RING PO NAS SHIN TU PHRA ZHING, RNAM PAR MDZES SO, ,BZHAD GAD PA NAS, YANG MI LTUNG BAR 'JUG PA JI LTAR YIN, 'DREN PA NAS, BDAG CAG SHIN TU MTHON POR GNAS KYANG MI LTUNG BA BZHIN NO, ,BZHAD GAD PA NAS, YANG 'DI NYIN PAR MI MTHONG BA JI LTAR YIN, 'DREN PA NAS, NYE BAR BTUD NA NYIN PAR KYANG 'DI BZHIN MTHONG NGO, ,RIG 'DZIN MA NAS, GZHON NUS 'DI RNAMS THAMS CAD SNGON GZIGS PA SNYAM BYED DO, , BZHAD GAD PA NAS, KYE NA MNYAM DGA' BA CHU GTER GYI RLABS RNAMS LAS RLUNG DRAG PAS RAB TU BSKYOD PA BZHIN DU KA LA'I SGRA SGROGS PA'ANG 'DI JI LTAR LAGS, 'DREN PA NAS, BRTAGS NAS 'DI NI NAM MKHA' CHU KLUNG GANG G'A'I SGRA STE, 'DI LTA STE, LHAG MNYAL BA BZHIN DU CHU KLUNG RNAM SPANGS LHA LAM MTHONG BA'I PHUNG PO LAS, ,PHYOGS KYI GLANG CHEN RNAMS NI RTZE ZHING SNA YIS CHU 'THOR THIGS PA ZER MA RNAMS, ,YANG DAG TSIM PA SKYE 'GYUR CHU THIGS MU TIG 'BRAS BU'I 'OD ZER MDZES PA LTAR, ,DRANG SRONG BDUN PO RNAMS NI GSER GYI PADMA 'DZIN CING KHRUS LA RAB TU 'JUG ,DRANG SRONG BDUN PO 'DI RNAMS NI PHYAG BYA BA'I 'OS SO ZHES THAMS CAD KYIS PHYAG BYAS SO, ,YOL BA'I NANG DU'O, ,'JIG RTEN KUN GYI PHAN MDZAD PHYIR, ,GZHAN YANG GTZUG GI RIN CHEN LTAR, ,BUD MED RIN CHEN RIN CHEN BU, ,MTSUNGS PA YANG DAG THOB GYUR CIG ,RIG 'DZIN MA SHIN TU DGA' STE, 'DI RNAMS MA RMONGS PA'I TSIG GIS JI LTA BA BZHIN DU MCHOG SBYIN NO SNYAM MO, ,BZHAD GAD PA NAS, KYE NA MNYAM 'DI YIS MKHA' LA 'GRO BA'I STEBS KYIS BDAG CAG YONGS SU PHYIN TE, ,DE NAS 'DIR NAM MKHA'I GANG G'A LA YUD TZAM CIG NGAL BSO CIG ZER RO, ,SNYAN NGAG TSOGS RNAMS GLU YIS SNYAN PAR RAB SGROGS BSKYED PA'I GNAS, ,CHAGS BRAL KUN GYIS SGROGS SHING BRJOD PA DE NI RGYAL BAR BYED, ,GAD GIS RANG NYID RNAM PHYUNG RNAM GSHEGS GZINGS KYI YAL GA YI, ,LUGS LAS NYE BAR BLANGS NAS TZANDRA GO MIS RAB TU SBYAR, ,ZHES PAS RAB TU ZHUGS SO, ,THAMS CAD KYI YAN LAG GNYIS PA RDZOGS SO,, ,, @206B DE NAS SPRANG GI BU MO RAB TU ZHUGS TE, DU ZHING RIN CHEN PHRENG BA MA, ,'DI NAS SONG NAS NYI MA 'DI TZAM GYI BAR DU JI LTAR BDAG GIS PADMA BA T'I DBUGS PHYUNG NGO, ,DI RING NA NI LHAG PAR YANG MGO BO'I GZUGS YANG DAG SKYES SO, ,RIN CHEN PHRENG BA MA NI GANG DANG GANG YUN RING PO DE DANG DE NAS BZOD PAR DKA' ZHING RGYAL BA'I BDE BAS MIG MDONGS SHING MCHI MA 'BAB CING 'JUG PA NI CHU THOGS SO BZHIN DU GROGS MO'I SNYING NI SHIN TU GDUNG BAR BYED DO, ,BDAG GI DON GRUB PA DE RNAMS DGOS PA YANG MI SHES TE, RIN CHEN PHRENG BA MA 'ONGS NA YANG 'BRAS BU MED DO SNYAM MO, ,BDAG GIS RAB TU GDUNG BA'I PHYIR SPANG BA'I THABS SU GYUR PA MTHONG NAS, DE NAS GROGS MO DGA' MA'I DRUNG DU 'GRO'O SNYAM MO, ,YONGS SU ZHUGS NAS BLTAS PA NA DE'I GROGS MO DGA' MA PADMA BA TI'I NI YONGS SU SA BRTOL RKANG 'THUNG GI 'OG ZLA BA NOR BU RDO BA'I STENG NA THIG LE BLO GROS MA'I LUS KYI STENG DU NYE BAR BRTEN NAS GNAS SO, ,'DI NI STONG PA'I MTHAR GCIG PU GNAS SO ZHES NYE BAR ZHUGS TE, DE NAS PADMA BA T'I DANG, THIG LE'I BLO GROS MA'ANG JI LTAR LTA ZHING RAB TU ZHUGS PA NA RANG NYID BSAMS TE SHUGS NAR ZHES PHYUNG NGO, ,LEGS LDAN ME TOG MTSON CAN GYIS KYANG RANG LUS SREG PA'I TSOR BA JI LTAR SHES PAR MA GYUR TE, ,SHES NA GZHAN RNAMS JI LTAR SREG PAR BYED, ,SBRANG GI BU MO NYE BA RAB TUD DE, GROGS MO DGA' MA DI RING MNYEL BAR MA GYUR TAM, PADMA BA T'I NI SLAR YANG DE BZHIN DU SMRA BAR BYED DO, ,THIG LE BLO GROS MA NAS, KYE PADMA BA T'I CI'I PHYIR GUS PAR MI BYED, 'DI NI KHYOD KYI DGA' BA'I GROGS MO'O, ,PADMA PA T'I RTAB RTAB POR GDAN GANG NA BDAG GI GROGS MO DGA' MA RIN CHEN PHRENG BA MA, THIG LE BRO GROS MA NAS MA YIN TE, 'DI NI SBRANG GI BU MO'O, ,PADMA BA T'I BDAG NGO TSA NAS BDAG NI YANG DAG PA'I YUL CHOS LAS SHIN TU 'DAS SO SNYAM NAS, GSAL PAR SMRAS PA, GROGS MO SPRANG GI BU MO BDAG NI SHIN TU GDUNG BAS GZIR BAS SHIN TU 'KHRUG PAR GYUR TO, ,SBRANG GI BU MO NAS, GROGS MO DGA' MA DBUGS PHYUNG SHIG SKYES BU DAM PA'I GTAM BSIL BA BZHIN DU PADMA'I 'DAB MA 'DI RNAMS KHYOD LA BRLAN NO, ,PADMA BA T'I NAS 'DI SOL CIG ,NOR BU CHU SHEL GYI RDO BA'I STENG NA YANG SREG BSNYAM BYED DO, , @207A *, ,PADMA 'I 'DAB MA KHYER LA SHOG ,GNYIS PO NAS, 'DIR JI LTAR TZAN NGAN GYI KHU BAS GTOR ZHING, GROGS MO DGA' MKHYOD KYI NU MA DAG GI BAR NA BYIN NAS BZHAG KYANG DE YANG LHAG PAR SHIN TU GDUNG BAS GZIR NAS YONGS SU SKOM PAR BYED DO, ,PADMA BA T'I NI SDUG BSNGAL NAS HA LA 'DI RNAMS SOL LA BDAG NOR BU CHU SHEL GYI RDO BA'I STENG DU KHYER CIG CES SMRA, GNYIS PO RANG LA BSAMS TE DU ZHING, KYE MA 'DI'I SEMS GZHAN DU GYUR TO SNYAM NAS GSAL POR SMRAS PA, GROGS MO 'DI NI JI LTAR NOR BU CHU SHEL GYI RDO BA'I STENG NA THIGS PA'I RGYUN MI 'CHAD PAR RNAM PAR 'BAB PA'I ZER MA 'THOR ZHING CHAGS SO, ,PADMA BA T'I NAS 'DI NI CHOG GO, ,BDAG GI NI RIN CHEN PHRENG BA MAS 'ONGS PA'I BRIS SKU LTA'O ZHES SMRA'O, ,GNYIS PO PHAN TSUN BLTAS TE SHIN TU MI DGA' BAR GYUR TE, JI LTAR 'DI LA ZUG RNGU YANG MED DAM ZHES GSAL BAR SMRAS PA, GROGS MO 'DI NI JI LTA BA DE NI 'DI'O, PADMA BA T'I NAS, YANG RIM BRIS PA'I GZUGS BRNYAN DE GANG NA ZHES SMRA, GNYIS PO NAS 'DI NA MED PA MA YIN TE, KHYED KYI MDUN NA MCHIS SO, ,PADMA CAN GYIS YUN RING JI LTAR 'DI LTAR ZUG RNGU YANG MED DAM ZHES GSAL BAR SMRAS PA, GROGS MO 'DI NI JI LTA BA DE NI 'DI'O, ,PADMA BA T'I GNAM DU BLTAS NAS DU ZHING BDAG NYID BSAMS PA, GANG ZHIG BRIS SKU'I GZUGS BRNYAN 'DI 'DRA BDE NI KYE MA BRTZE BA MED PA'I TSIG TZAM LA 'GA' ZHIG GIS YANG SKYE BO 'DI RJES SU BRTZE BA CAN NO ZHES BSGRAGS SO SNYAM NAS NAM MKHAR BLTAS TE, LEGS LDAN MDA' LNGA KHYED KYIS 'DIR, ,MDA' NI MA SKYES 'GYUR BA 'AM, ,'DI NI YON TAN RJES CHAGS PAS, ,YANG NA 'DIS BSREG MTHU MED DAM, ,STOBS MED RNAMS DANG 'DRAR SKYES NA, ,DPA' MTHONG MNGON PA'I NGA RGYAL LO, ,PHYOGS RNAMS SU BLTA BAR BYAS NAS, GZHAN CI ZHIG LTA BAR BYED 'DIR YANG 'PHAGS PA'I BU'I BRIS SKU LA 'KHYUD NAS, BDAG NYID NYAMS PAR BYED DO ZHES SMRA, SPRANG GI BU MO LANGS NAS, PHYOGS RNAMS LA BLTAS PAS JI LTAR 'DIS DRI MA MED PA'I NAM MKHA'I MTHIL DU BYA RNAM PAR RGYU BA YANG MA MTSON NO, ,SLAR YANG BLTAS PAS, YA MTSAN CHE NAS, GROGS DGA' MA LTOS LTOS, 'DIR GLOG GI RI MO RAB TU 'GYED PA BZHIN DU DRI MA MED PA'I NAM MKHA'I KHAMS NA @207B RNAM PAR 'PHRO BA'I MTSAN NYID DO, ,HA LA KHYED GNYIS KYIS CI ZHIG LTOS SHIG, ,BDAG NI GDUNG BAS NON TO, ,SBRANG GI BU MO NAS, RI'I RTZE MOS MNGON PAR G-YOGS PA BZHIN NO, ,DE NAS SHIG LE BLO GROS MAS NGES PAR BLTAS NAS, RE ZHIG 'DI CI ZHIG CES THIG LE BLO GROS MA GROGS MO DGA' MA LA SMRAS PAR BYA'O SNYAM NAS NGES PAR ZHUGS SO, ,YANG GZHON NU DANG BCAS TE RIN CHEN PHRENG BA MA DE BZHIN DU 'BYUNG BAR 'GYUR RO, ,DE NAS RIN CHEN PHRENG BA MA DANG GZHON NU DANG, BZHAD GAD PA RNAMS KYANG RAB TU ZHUGS SO, ,BZHAD GAD PA NAS, BHO NA MNYAM GZIGS GZIGS, DRANG SRONG GI GNAS KYI MTSAN NYID 'DIR YANG DAG PAR 'THUL BA DU BA'I RANG BZHIN SBYIN SREG GI DU BA'I PHRENG BAS BAR SNANG KHEBS SHING PHAN TSUN DGRA YONGS SU 'JUG PA'I DUD 'GRO'I TSOGS RNAMS KYANG GNYEN GYI 'JUG PA KHYAD PAR CAN SHIN TU MNYES GSHIN PA PHUN SUM TSOGS PA DRANG SRONG GI GNAS SO, ,'DREN PA NAS, GROGS PO 'DIR NGO MTSAR CHE BA 'DI LTA STE, STAG MO YANG NI KHONG NAS DUL ZHING MIG NI RAB BTZUGS RI DAGS PHRU GU RNAMS NI LNGAG PAR BYED, ,MNYES GSHIN RAB DGA' GTZUG PHUD CAN NI MDONGS RNAMS RAB BRKYANG LTENG KA RNAMS NI 'TSE BA BSKYAB PHYIR SKYONG, ,SENG GE YANG NI GLANG MO GANG ZHIG SONG BA'I PHRU GU RNAMS NI RANG GI BU BZHIN SRUNG BAR BYED, ,GANG RNAMS KYI NI BYAMS PA'I GNAS BCAS NAGS DANG RI BO'I PHUG NA RNAM PAR GNAS PA DE RNAMS RGYAL, ,RIG 'DZIN MA NGES PAR BLTAS NAS, BDAG GI GROGS MO DGA' MA'I NYE 'KHOR DU PHYIN NO, ,'DIR NI GROGS MO DGA' MA TZAN DAN RNON PO SHIN TU CHAGS PA ZLA BA BZHIN DU ZLA BA'I 'OD ZER GYI DKYIL 'KHOR DANG 'DRA BAR RNAM PAR MDZES SO SNYAM MO, ,BZHAD GAD PA NGO MTSAR CHE NAS, BHO NA MNYAM GZIGS GZIGS BUD MED 'DI NI RIN PO CHE LTAR 'DI'I 'JAM MDANGS 'OD ZER RAB TU 'BAB PA SKYE ZHING BSKYANG BAS MNYEL NAS GZIGS PA LTA BU'O, ,'DREN PAS NGES PAR GZIGS NAS, NA MNYAM PA RNAMS KYI KHYAD PAR CAN RNAMS RING DU GYUR PAS KHYOD KYIS MNGON PAR MA SHES TE KHYOD RIN PO CHE DANG SNYAM MAM, 'DI'I LUS LA REG PA TZAM, RIN CHEN GZHAN RNAMS MNGON PAR 'DOD, ,DE NI RIN CHEN LTA MI BYED, ,RANG LUS DE BZHIN RNAM @208A *, ,BRGYAN PAS, ,BZHAD GAD PA NAS YID KYI SHING RTA'I ME TOG NI MTHONG NGO ZHES SO, ,PADMA CAN DANG SBRANG GI BU MO ZUR GYIS LTA ZHING RIN CHEN PHRENG BA MA NI SHIN TU RING DU THOGS SO ZHES SMRA, BZHAD GAD PA NAS, KYE NA MNYAM SNYAN PAR SMRA BA NI 'DI LTA BU'O, ,'DREN PA NAS, NA MNYAM PA 'DI CI ZHIG BRJOD CE NA, KYE GANG ZHIG ZUR GYES BLTAS PAS RNAM PAR 'PHANGS GYUR PA, ,YID 'ONG SPYAN LAS SNYAN PAR SMRA PA PHYOGS PA NI, ,G-YO MED DE 'DIR SA CHEN STENG GNAS MYOS PA'I LE LO YIS, ,LUS LA ME TOG LA GNAS PA DE LTAR NA 'DI SBRANG RTZI'I, ,RIG 'DZIN MA NI BYED PA PO RJES 'JUG PAR MTHONG NGO, ,BZHAD GAD PA NI, SHIN TU DGA' NAS RANG NYID BSAMS TE, 'DI NI MNGON PAR 'DOD PA'I 'BRAS BU STE, 'DI NI JI LTAR THANG KHA LA RI MO BRIS PA BDAG GIS MTHONG BA DE'I SNYAM MO, ,RIG 'DZIN MA NAS, MTHU CHEN PO RE ZHIG JI SRID DE LA SMRA BA'I BAR DU MNYEL SO BAR MDZOD CIG , 'DREN PA NAS, KHYOD JI LTAR 'DOD PA BZHIN BYA'O, ,RIG 'DZIN MA SHIN TU DGA' NAS NYE BAR SONG NGO, ,SBRANG GI BU MO NAS, GROGS MO DGA' MA LTOS LTOS, 'DI NI RIN CHEN PHRENG BA MA'O, ,PADMA CAN NAS, DE GANG NA GANG NA ZHES ZER TE, SBRANG RTZI'I BU MO DANG PADMA CAN DAG GIS GCIG PU NYID DU MTHONG NAS BRGYAL NAS GAR BYED DO, ,RIG 'DZIN MA SHIN TU DNGANGS NAS, DGA' MA KHYOD KYI YID KYI SHING RTA GRUB BO, ,SBRANG GI BU MO NAS, GROGS MO DGA' MA DBUGS PHYUNG SHIG ,RIG 'DZIN MA NGES PAR BLTAS TE, KYE MA BDAG SKAL BA DMAN PAD SHI ZIN, HA DHI HA DHI 'DIR SU 'JUG PAR BYED CES YONGS SU 'KHYUD NAS BLTAS SO, ,KYE MA SKAL BA DMAN PA YID KYI SHING RTA LAG TU 'ONGS NAS YANG SLAR 'DOR BAR BYED DAM ZHES SMRA ZHING RIG 'DZIN MA NAS, GZHON NU YONGS SU SKYOB PAR MDZOD CIG ,'DIR NI BDAG GI GROGS MO DGA' MA MTHAR BYED KYIS GSOD CING 'PHROG PAR BYED DO, ,'DREN PA NI RTAB RTAB POR KYE MA RAB TU MYOS SO, ,BZHAD GAD PA NAS, NA MNYAM DGA' BA MYUR DU MDZOD CIG ,GNYIS PO YANG NYE BAR DRUNG DU PHYIN TO, ,RIG 'DZIN MA GZHON NU'I ZHABS LA PHYAG 'TSAL TE, MTHU CHEN PO GROGS MO DGA' MA RJES SU BRTZE BAR MJAD DU GSOL, ,'DREN PA NI NGO TSA ZHING 'JIGS PA DANG BCAS NAS BDAG BSGRUB PAR BYA @208B GANG; KHYOD KYIS NYE BAR BSGO BAR MDZOD, ,RIG 'DZIN MA NAS, RIG PA KUN GYI PHA ROL TU PHYIN PAR GYUR PA LA, BDAG GIS CI ZHIG NYE BAR STON, DE LTAR NA'ANG RE ZHIG MTHU CHAN PO'I PHYAG LAS BDUD RTZI'I RGYUN BSIL BA RAB TU 'BAB PA LAS GROGS MO DGA' MA YONGS SU REG PAR MDZOD CIG ,'DREN PA NAS PADMA CAN GYI MGO LA LEGS PAR REG NAS, ZLA BA BZHIN 'DRA 'DI YIS NI, ,'DIR NI RNAM PA NYAMS PA BZHIN, ,DGA' BA THOB LAS RNAM NYAMS SAM, ,KHYOD KYI RNAM NYAMS SDUG BSNGAL 'PHEL, ,PADMA CAN NI MIG CUNG ZAD PHYE NAS, 'DREN PA NAS, MA LA YA SKYES KHU BA SOR MOS BZHIN LA BYUGS, ,RI DAGS MIG CAN 'DI NI DKYUS RING MIG PHYE BA, ,CHU 'DZIN RAB TU DKAR BAS CHA RNAMS PHYED G-YOGS PA, ,MKHA' LA CHU 'DZIN DAL GYIS 'GRO BA ZLA BA'I DBYIBS, ,RIG 'DZIN MA NI GROGS MO DGA' MA 'TSO BAR MTHONG STE, SHIN TU DGA'O, ,SBRANG GI BU MO NAS, AA HO GZHON NU MTHU'O, ,BZHAD GAD PA NAS, GROGS MO DGA' MA YID KYI SHING RTA MTHONG NGO, ,RIG 'DZIN MA NAS, MTHU CHEN POS 'DI RE ZHIG MGO BO'I ZUG NYE BAR ZHI'O, ,'DI'I LUS KYANG PHYAG GI MTHIL GYIS REG PAR MDZOD CIG ,'DREN PAS LUS RNAMS KYANG BYUGS NAS, SHIN TU MNYES TE, MI DGA' BA DA CHOG GO, ,D'I NI KHUR GYIS DUB PA 'JAM PA'I LUS NI RAB G-YO BZHIN, ,YID 'ONG DRI YIS 'GRO ZHING BUNG BA'I GSHOG PAS RNAM BSKYED PA, ,MTSAN MO MAL TI YI ME TOG PHRENG BA BYED PA BZHIN, ,'DI YI LUS RNAMS RIM GYIS GSAL POR YANG DAG G-YO BAR BYED, ,GROGS MO DAG NAS, ,GROGS MO DGA' MA DBUGS SHIG DBUGS SHIG ,MTHU CHEN POS KHYOD 'DIR RJES SU BZUNG NGO, ,DE YIS GZIGS NAS 'DIR YID KYI SHING RTA RANG GI LUS BZHIN DU BRJOD, ,PADMA CAN NI 'JIGS SHING NGES PAR BLTAS TE, NGO TSA BAS 'DAR ZHING LANGS NAS 'BROS 'DOD PAS MA NUS TE RINGS NAS GAR BYED DO, ,RIG 'DZIN MA NAS GROGS MO DGA' MA DE TZAM MA RINGS SHIG RE ZHIG GSAR DU 'ONGS PA LA STAN GCIG LA GNAS NAS BSNYEN BKUR BAR GYIS SHIG ,'DREN PA NAS, DKAR MIN MIG CAN 'JIGS BCAS KHYOD NI SDUG BSNGAL BA, ,CHOG CHOG LUS NI GDUNG BAS CUNG ZAD G-YO BA CAN, ,ME TOG PHRENG BA CUNG ZHIG KHA 'BUS 'DAB MA RNAMS, ,BUNG BA RNAMS KYI RKANG PA YANG @209A *, ,NI BZOD MI NUS, ,PADMA CAN RANG NYID BSAMS TE, CI STE 'DI NI 'DIR NAGS NAS 'ONGS SAM, YANG NA 'DI BZHIN DU SNANG BA'AM, YANG NA RMI LAM DU SNANG BA 'AM SNYAM MO, ,SBRANG GI BU MO NAS, GROGS MO DGA' MA 'DI NI DE YIN TE, KHYOD KYIS GZHON NU'I SKU GZUGS THANG SKU NI RI MOR BRIS PA LA MCHOD PA'I PHYIR BA KU LA'I ME TOG PHRENG BA GANG ZHIG NYID KYIS BRGYUS PA'O ZHES BSTOD DO, ,PADMA CAN NI 'DREN PA LA ZUNG GYIS BLTA ZHING RI MO'I SKU GZUGS LA DE PHUL LO, ,'DREN PAS RI MO BLTAS NAS 'DI NI KHO BO BZHIN DU RI MOR BRIS BZHIG GO, ,HA AA HO BDAG LA GUS BA CHER MCHIS SO, ,BZHAD GAD PA NAS, KHYOD KYI LHA RNAMS GUS PAS BSNYEN BKUR BSAD LTAR DE KHYOD LA 'DI BZHIN DU'O, ,'DREN PA NAS, JI LTAR 'DI BZHIN DU'O, ,BZHAD GAD PA NAS, LHA RNAMS KYANG GUS PAS BSNYEN BKUR NAS MCHOG GSOL BAR BYED DO, ,KHYOD NI DKA' THUB MA'I MNGON PAR 'DOD PA'I GANG YANG SBYIN MI BYED DO, GROGS MO DGA' NAS LEGS PAR SMRAS SO, ,'DREN PA NI 'DZUM ZHING KHYOD KYIS DE BZHIN DU MCHOG STER SHES SAM, BZHAD GAD PA NAS, GAL TE KHYOD BDAG GI RJES SU 'JUG NA BRAM ZE YIN PAS SBYIN PAR BYA'O, ,'DREN PA NAS, BDAG GI RJES SU 'JUG PAR BYA, BZHAD GAD PAS KHYOD DE BZHIN DU 'DI'I MCHOG TU BDAG GIS SBYIN, 'DREN PA NAS KHYOD NI THA SHAL RMONGS PA RAB TU MI SHES PA'O, ,BZHAD GAD PA NAS, KHYOD NI SHIN TU MI BZOD DO, ,'DREN PA NAS, NA MNYAM RAB TU GSAL BA'I DGONGS PA LA YANG 'DIS SHIN TU SBYIN PAR BYED DE GZIGS MDZOD, ,BDAG NI RAB TU BRKYANG LA TSUL 'CHOS LUS NI NGO TSAS SDUD BYED CING, ,YID 'ONG MIG NI GSAL POR 'PHANGS SHING SKAD CIG NYID LA SLONG BAR BYED, ,BDAG NI MI BZOD LTA BAS BLTA ZHING SLAR YANG MNGON 'DOD 'DREN PAR BYED, ,BYIS PA'I BLO YI DGONGS PA RAB TU SPRO ZHING G-YO YANG 'DIR MI BYED, ,CES GSUNGS SO, ,YOL BA'I NANG DU'O, ,CA CO CHEN PO ZHIG GRAGS SO, , THAMS CAD 'JIGS NAS NYE BAR LANGS SO, ,BZHAD GAD PAS NYE BAR BLTAS NAS 'DI NI GANG NAS GLANG CHEN MYOS PA YANG DAG RGYUG BYED CING, ,'DIR NI JI LTAR SHUGS KYIS MI BZAD SNA YI 'KHYIL BYAS NAS, ,CHU RNAMS 'PHEN PA CHAR 'BAB BZHIN DU STOBS KYIS RAB TU 'JUG ,GDONG LA MYOS 'BAB DRI LA SBRANG RTZI BYED @209B RNAMS RJES SU 'JUG ,YOL BA LA CA CO SMRA'O, ,BZHAD GAD PA NI SHIN TU 'JIGS TE KYE NA MNYAM YONGS SU SKYOB PAR MDZOD CES SMRA'O, ,PADMA CAN NI SHIN TU 'JIGS TE, GZHON NU LA KUN NAS 'KHYUD DO, ,GROGS MO DAG NAS, MTHU CHEN PO GROGS MO DGA' MA BSRUNG BAR MDZOD CIG ZER, 'DREN PA NAS MA 'JIGS SHIG ,'JIGS LDAN MA DUL GLANG CHEN MYOS, ,SO LDAN GNAM LCAGS MCHE BA CAN, ,BDAG GI BRANG GIS DE MTSUNGS PAR, ,RTAG TU RAB GSAL 'DI BZUNG NGO, ,RIG 'DZIN MA NAS, DE NI 'JIGS PA 'DI GA LA BYUNG, YOL BA'I NANG NAS, 'JIGS PA RNAMS KYI MI 'JIGS RAB SPYIN SA GSUM RAB TU TSIM BYED KHYOD NI GNYEN, ,SDUG BSNGAL CHU GTER KLONG 'KHRUGS 'GRO RNAMS YANG DAG SGROL BA'I GZINGS NYID DO, ,KHYOD KYI PHYAG NI RAB TU GSAL BA'I RGYAN GYIS ROL ZHING KUN 'KHRIL SO LDAN PO, ,GTUM ZHING G-YO BAS 'JIG RTEN MA LUS 'DIR NI SKRAG PA'I GNAS SKABS GA LA 'GYUR, , GZHON NU NAS, KYE DGA' MA BDAG THONG ZHIG ,GLANG PO GTUM PO NI SONG, RIG 'DZIN MA DGOD CING DI RING YANG KHYOD GANG DU YANG MI GTONG NGAM, GZHON NU RANG BZHIN BSAMS TE, GAL TE BDAG 'DI LTA BU'I GNAS SKABS SU 'GA' ZHIG MTHONG BAR MI 'GYUR RAM, BDAG NI TSUL DANG 'DRA BA MA YIN NO SNYAM NAS; DE NAS DRANG SRONG GI SLOB MA RAB TU ZHUGS SO, ,RTAB RTAB POR KYE MA JI LTAR RI DAGS KYI RIGS RNAMS KYANG 'DI DANG DER SHIN TU SKRAG PAS RAB TU 'JUG CING SEMS NI DANG NGAS PAR GYUR, GLANG CHEN RAB TU 'JIGS PAS THUB PA'I GZHON NU RNAMS KYANG GSAL POR DU BAR GYUR, PADMA BA T'I NI GANG DU SONG NGAM SNYAM NAS YONGS SU ZHUGS SO, ,MTHONG NAS SHIN TU MI BZOD PAS, AA TSANGS PA KYE, AA TSANGS PA KYE JI LTAR DKA' THUB KYI TSAL NA 'GAL BAR 'JUG GO ZHES SMRA, THAMS CAD SHIN TU 'JIGS TE, GROGS MO DGA' NAS, JI LTAR 'PHAGS PA'I SPYOD PA'I BU'O, ,PADMA CAN NI GZHON NU BTANG STE, NGO TSA NAS KHA 'OG TU PHYOGS NAS GNAS SO, ,YOL BA'I NANG DU'O, ,'DI LAG LDAN GYI 'JIGS PAS BDAG GIS PADMA BA T'I NAS 'BYUNG ZHES DRANG SRONG DUS SO, ,SLOB MA NI DU ZHING MKHAN PO YONGS SU SKYOB PAR MDZOD CIG ,YONGS SU SKYOB PAR MDZOD CIG ,PADMA BA T'I NI 'DI NA YONGS SU SUN 'BYIN PAR BYED CING MCHIS @210A *, ,SO, ,GROGS MO DAG SHIN TU 'JIGS SHING SHIN TU MI PHAN PAR GYUR TO SNYAM MO, ,GZHON NU NI MI MTHUN PA'I MTSAN NYID SDUG BSNGAL BAR BDAG LHUNG NGO SNYAM MO, ,BZHAD GAD PA NI MI BZOD PAR AA RE AE RE BRAM ZE GDUG PA CAN MI BDEN PA SMRA ZHING CI'I PHYIR KHYOD DU ZHES DBYUG PA'I SHING GYEN DU PHYAR TE NYE BAR BTUD DO, ,BRAM ZE NI AA TSANGS PA KYE MKHAN PO YONGS SU SKYOB PAR MDZOD CES SMRA, DE NAS THUB PA NI KHROS, RAB TU ZHUGS NAS A'A 'DI SU ZHIG NGES PAR BLTAS NAS, LAG PA DANG RKANG PAR BCAS PAR RDOBS SHING, LHA RNAMS THAMS CAD STONGS SAM CI, ,DMOD PA RNAMS NI YAL GYUR TAM GANG ZHIG THUB PA'I RIGS RNAMS KYANG, ,KUN NAS GNOD CING YONGS SU 'JIG ,CES SMRA, KYE BU PADMA BA T'I AE MA GZHON NU GTZUG NA NOR BU LA PADMA BDAG GI YID KYI SBYIN PAR BYAS TE GDUNG BAR BYED DO, ,GZHON NU NAS, LEGS PA'I DRANG SRONG CHEN PO GANG, ,BDAG PHYIR DE BZHIN RJES GDUNG BA, ,KUN SPYOD KHRIMS LAS 'DAS GYUR NA, ,SKYES BU PADMA CAN BZHIN GDUNG, ,BDAG LAS KUN SPYOD RNAMS 'GAL NAS, ,'DI NI LHA RNAMS KYIS MKHYEN 'GYUR, ,BZHAD GAD PA SHIN TU 'JIGS NAS GNAS SKABS 'DIR CI ZHIG SMRA, LHA RNAMS KYI, DRANG SRONG NAS, THUB PA'I SKYE BO'I LHA RNAMS NI GANG DANG GANG, BZHAD GAD PA NAS, BRAM ZE G-YO CAN PHAR SONG PHAR SONG, ,MKHAN PO LAS MTHU CHE BA'I LHA GANG ZHIG KYANG YOD DAM, DRANG SRONG NAS, LHA RNAMS DA LTA NYID DUS STENGS LHUNG BAR BYA'AM CI, ,CHU GTER RAB TU RGYU BA SKAD CIG NYID LA SKAM MAM CI, ,BSKAL PA'I ME NI 'OD ZER 'BAR BAS RTZVA RNAMS MA LUS PA, ,SREG PA BZHIN DU 'JIG RTEN RNAMS NI THAL BAR BYA'AM CI, ,RIG 'DZIN MA RANG NYID BSAMS TE, JI SRID 'DI NI MTHONG DUG BZHIN, ,'DI YI DMOD DUG MGROL BA, ,DE SRID 'DIR NI BDAG GIS NI, ,NYES RNAMS RAB TU GSAL BAR BYA, ,SNYAM MO, ,NYE BAR BTUD DE PHYAG 'TSAL NAS, ,YAB GCIG GNANG BAR MDZOD GNANG BAR MDZOD, 'DIR PADMA BA T'I DGON PA'I GLANG PO CHE MYOS PAS GSOD PA LAS, MTHU CHEN PO 'DIS BSKYABS PA'O, ,DRANG SRONG NAS, 'DI YANG SU ZHIG YIN, BZHAD GAD PA 'JIGS BZHIN DU, LHA TSANGS PAS BYIN GYI GZHON NU GTZUG NA NOR BU'O, ,DRANG SRONG NAS 'DI NI GZHON NU GTZUG NA NOR @210B BU YIN PA DE BDEN NAM ZHES NGES PAR BLTAS NAS DUS SO, ,THE TSOM NI MCHOG GO, ,'DI NI MTSUNGS MED DPAL DANG LDAN, ,RTAGS KYANG NOR BUS RNAM PAR SPRAS, ,JI LTAR DPAG BSAM LJON PA NI, ,BDAG GIS DUG GI SDONG POR SHES, ,THAMS CAD DU, BDAG DMAN MI BZOD MI SHES PA, ,BDAG DMAN SHIN TU MNGON 'DOD LA, ,GANG ZHIG MI SHES DBANG GIS NI, ,BDAG GIS SDIG PA MNGON PAR BYAS, ,THAL MO SBYAR NAS KYE MAG PA SKYE BO LAS THOS PAS, NYES PAR BYAS PA 'DI RNAMS BZOD PAR MDZOD CIG ,MI SHES PA'I DBANG GIS NYE BAR BYAS SO, ,BZHAD GAD PA NI BRAM ZE 'TSO'O SNYAM MO, ,GZHON NU NAS GONG MA RNAMS LA NYES PA MA MCHIS SO, ,BRAM ZE DGA' NAS, BZHAD GAD PA LA 'KHYUD DE, PHAN TSUN KHYOD KYANG BZOD PAR MDZOD CIG CES SO, ,DRANG SRONG NAS, AA HO GZHON NU NI BSTAN PA'O, ,BU MO PADMA BA T'I KYE, DE RING NGO CHA YANG CHOG PAR MDZOD, ,SROG CHAGS DBANG PHYUG BDAG POR GYUR, , YANG DAG PAS NI SPRO BAR GYIS, ,GZHON NU RANG NYID BSAMS PA YIN, ,'DI'I SKABS NI 'DIR GLO BUR DU BYUNG NGO SNYAM NAS, GSAL POR SMRAS PA KYE LEGS LNGAN RJES SU BSGO BAR MDZOD CIG ,BDAG LCI BDAG GIS ZHES PA'I DUS 'DAS 'GRO BAR BYED DO, ,DRANG SRONG NAS, LAG PA'I CHU 'DZIN GANG BAR GYIS LA KHYOD DANG BTZUN MO GNYIS KAR GSHEGS SHIG ,GZHON NUS RNAM PAR BSAMS TE LEGS LDAN BDAG NI RGYAL RIGS SO, ,DRANG SRONG NAS, 'DI YANG YID KYI MTSO YI NI, ,CHU SKYES SBUBS LAS YANG DAG BYUNG, ,BZHAD GAD PA NAS, DE BZHIN BDAG CAG GIS KYANG THOS SO, ,'DREN PA NAS, LEGS LDAN BDAG LA LCI BA DAG GIS RJES SU GNAS PA MED DO, ,BZHAD GAD PA NAS, 'DI 'BA' ZHIG MA YIN PA RJES SU GNANG BA NI RI MO 'ONGS NAS BAG MAR BYAS PA NI 'DI'O, ,DRANG SRONG NAS, GZHAN YANG 'GA' ZHIG MED DAM, 'DREN PA NI, 'DREN PA NAS, NGO TSA BA DANG BCAS SO, ,DRANG SRONG NAS 'DI CI ZHIG , 'DREN PA NAS DE LTAR RO, ,DRONG SRONG NAS, DE LTAR 'GYUR BA CI YIN, 'DREN PA NAS, KYE 'DI NYID DO, ,BZHAD GAD PA DU ZHING, KYE KHYOD LA CHAGS PAR GYUR PA'I SROG MA BSRUNGS NA DA NI JI LTAR DRANG SRONG GI RIGS THAMS CAD DE BZHIN DU STONGS PAR 'GYUR RO, ,RIG 'DZIN MA DU ZHING, DA NI THAMS CAD 'DIS @211A *, ,PHYIR SPONG BAR BYED DO, ,DRANG SRONG NI DU ZHING KHYOD KYI LUS DANG 'DRA BA 'DIS JI LTAR TSANGS PAR SPYOD KYANG 'JOMS PAR BYED DAM, GAL TE KHYOD KYIS DE BZHIN DU BDAG CAG RNAMS LA DGA' BA MTHONG BA LAS, SLAR YANG GZHAN DU BYED PAR 'GYUR ZHING, BDAG LA 'DI RA CHEN POS YONGS SU SUN 'BYIN CING DE YIS BDAG 'DIR CHEN POR YONGS SU BSLU ZHING BSREG NAS, BDAG CAG 'KHOR DANG BCAS PA'I SKYE BO RNAMS DANG NI ME'I NANG DU RANG NYID SBYIN SREG DU BYA'O, ,KYE 'DI NA SU SU, ME KHYER LA SHOG SHIG ,BRAM ZE NAS, BDAG NI LTA BA MI BZOD PAS, SNGON DU ME'I NANG DU RAB TU 'JUG PAR BYED DO, ,BZHAD GAD PA RANG NYID KYIS BSAMS PA, KHYOD KYI DE NYID LEGS SO, ,'DREN PA NAS RANG NYID BSAMS TE, THAMS CAD KYIS YANG DAG PAR BRDZUN PAR BYED DO SNYAM MO, ,GSAL POR SMRAS PA, LEGS LDAN DAG BDAG NI GNAS GANG ZHIG ,CUNG ZAD MI SBYIN ZHES BYA MED, ,CI'I PHYIR SHIN TU SNYING RJE BAS, ,DE'I PHYIR BDAG NI YONGS SU SPONG, ,PADMA CAN NI 'DIS BDAG DE BZHIN DU BYAS NAS MCHOG TU YANG DGA'O SNYAM NAS, DRANG SRONG NAS KHYOD DANG BU MO PADMA CAN LHAN CIG TU CHOS SPYOD CING DUG NI MI SPYOD, BZHAD GAD PA NAS, KHYOD KYIS SLAR YANG BDAG KYANG MI GROL BA MA YIN NAM, 'DREN PA NAS, KHYOD JI LTA BA BZHIN DU GSUNGS SHIG ,BZHAD GAD PA DANG BRAM ZE DAG GAR BYED DO, ,RIG 'DZIN MA NI BDAG GIS BRTZAMS PA'I DON GRUB SNYAM MO, ,PADMA CAN NI BYED PA POS BDAG RJES SU BZUNG NGO SNYAM MO, ,DRANG SRONG NAS, CHOS MKHYEN PA DANG BRTZE BA YIS, ,GTZUG NA NOR BUS BDAG BZHIN DU, ,RI DBANG MAG PAR BYAS KYANG NI, RI BO DRAN GYUR DE BZHIN MIN, ,DE NAS SBYIN SREG GI KHANG PAR ZHUGS TE CHO GA RNAMS JI LTA BA BZHIN DU BSAMS TE, BYIN GYIS BRLABS NAS THAMS CAD YONGS SU ZHUGS SO, ,DRANG SRONG NI PHYOGS RNAMS SU NYI MA'I DUS TSOD DU SONG NGAM, BLTAS NAS 'DI LTA STE, DUS SU SONG ZHING BI TZU LA'I NAGS TSAL TSOGS RNAMS SNGO ZHING CHU KLUNG 'GRAM GYI RI MO LAS, ,GLANG CHEN RIGS RNAMS GNYID KYIS MYOS SHING MIG NI ZUM BYED RI SUL GNAS RNAMS SU NI 'GRO BAR BYED, ,SHAL MA K'I RNAMS KYI NI YAL GA SGRA BCAS SDUD CING BCAG NAS KHUR BA RNAMS NI SKYES PA YIS, ,THUB PA RNAMS @211B KYE SEMS NI TSIM BYED YID 'PHROG GU GUL PHYE MA'I DRI BZANGS PHYOGS BCUR KHYAB PAR GYUR, ,'DI NI SKYE BO DAM PA RNAMS KYI ZLA BA BTZUN PA ZLA BA YIS, ,MCHOG TU GSAL BAR RAB SBYAR GAR GYIS GZHIR GAR MDZAD GAR TSOGS KYIS, ,GANG GIS LEGS PAR 'DRAN BYED CHAGS PA DANG BRAL RGYAL BA RNAMS KYI NI, , YUM GYUR RTOGS PA MCHOG GI RIN CHEN BLA MED DE NI THOB PAR 'GYUR, ,ZHES PA NI THAMS CAD NGES PAR ZHUGS SO, ,YAN LAG GSUM PA RDZOGS SO,, ,,DE NAS SBRANG GI BU MO RAB TU ZHUGS TE, DU ZHING GROGS MO DGA' MA PADMA CAN GYIS NI DE NI LO GCIG LHAG SONG STE, BDAG SKAL BA DMAN PAS GROGS MO DGA' MA SLAR MTHONG BAR 'GYUR MI 'GYUR NI MI SHES SO, ,DKA' THUB KYI NAGS TSAL 'DI NA THUB PA'I SKYE BOS RAB TU GANG YANG BDAG NI STONG PA SNYAM DU SEMS SO, ,DE LA JI LTAR BDAG GI GDUNG BA BSAL BAR BYA, YANG NAS PHYOGS STONG PAR ZHUGS NAS DRAG POR DU BAR BYA'AM SNYAM STE, 'DI NI NGES PA'I DON DU SLAR BYA'O SNYAM NAS YONGS SU ZHUGS SO, ,SKYED MOS TSAL 'DI NA SANT'A NA'I LJON PA 'DI NI GROGS MO DGA' MA BYIS PA'I DUS SU YANG DAG PAR BSKRUN PA GANG YIN PA DE NI 'DI'O, ,M'A TA B'I 'KHRI SHING KYANG 'DI'O, ,BDAG NI SKAL BA DMAN TE LHAN CIG TU BYAS NAS GROGS MO DGA'AM PADMA CAN GYIS KHYAD PAR DU NYE BAR BSKYED PA'O ZHES YANG DAG PAR 'KHYUD NAS NGU ZHING GROGS MO DGA' MA NI GANG DU SONG, KHYED RNAMS KYANG 'DIR ME TOG KHA 'BUS PAR RIGS SAM, YANG NA DE BZHIN GROGS MO DGA' MA YANG NGES PAR 'KHRUNGS PAR GYUR TAM ZHES RTOGS PAR BYED DO, ,JI LTAR 'DI BZHIN DU THOS TE SHING RNAMS KYANG MTSUNGS PAR MDZES PAR SMRA'O SNYAM MO, ,YOL BA'I NANG DU'O, ,AA HO RMAD DU BYUNG BA CHEN PO 'KHRUNGS SNYAM NAS, SBRANG GI BU MOS BLTAS PA NA, JI LTAR BRAM ZE MUNYDZA'I BU DE NAS RAB TU ZHUGS NAS AA HO CHEN PO 'KHRUNGS SO, ,SBRANG GI BU MO NYE BAR BTUD NAS, 'PHAGS PA MUNYDZA'I BU LA PHYAG BYAS SO,, MUNYDZA SHIN TU DGA' NAS MTHONG BA'I BDE LEGS 'PHEL BAR GYUR CIG ,KHYOD KYI GROGS MO DGA' MA PADMA CAN LA KHYE'U ZHIG BTZAS SO, ,SBRANG GI BU MO SHIN TU DGA' NAS, MUNYDZA'I BU KHYOD KYIS BDUD RTZI'I CHAR PHAB BO, ,YANG DE'I MING CIR BRJOD CING BYIN GYIS BRLABS, MUNYDZA NAS, PADMA SKYES ZHES @212A *, ,SO; ,SBRANG GI BU MO NAS, DGA'O DGA'O, ,MUNYDZA NAS, 'DI 'BA' ZHIG LAS YANG GZHAN MED DAM, SBRANG GI BU MO NAS, 'DI YANG YIN MOD, YANG GZHAN DGA' BA CI ZHIG ,MUNYDZA NAS, DE NAS RGYAL PO TSANGS PAS BYIN GYIS KHYE'U'I BZHIN MTHONG NAS MNYES TE, LHA GTZUG NA NOR BU RGYAL SRID LA DBANG BSKUR RO, ,SBRANG GI BU MO NAS, HO DGA'O DGA'O, ,MUNYDZA NAS, DE NAS 'OD KYI BLO GROS MA DANG, RGYAL PO TSANGS PAS BYIN GNYIS DKA' THUB KYI TSAL DU GSHEGS SHING BSKYOD DO, ,DE NAS GZHON NU GTZUG NA NOR BU'ANG YAB KYI RJES SU 'JUG CING GSHEGS SO, ,SBRANG GI BU MO NI DU ZHING MUNYDZA'I BU BDAG GI DGA' MA'ANG DE BZHIN NAM ZHES SMRA, MUNYDZA NAS, GTAM LHAG MA MA LUS PA SMRA BA RNA BA LA ZHOG CIG DANG, DE NAS RGYAL PO TSANGS PAS BYIN GYIS GZHON NU'I SKYE BA YONGS SU BSAL BA'I PHYIR RANG GI PHO BRANG GI SKYED MOS TSAL DU DKA' THUB KYI NAGS KYI BYA BA BYED CING NAGS NA GNAS SO, ,DE NAS YAB KYI BKAS RJES SU GNANG NAS GZHON NU GTZUG NA NOR BU NI SRUNG MA MED PA'I MCHOD SBYIN BSHAMS NAS MCHIS SO, ,BDAG KYANG DER 'GRO BAR BYED DO, ,KHYOD KYI GROGS MO DGA' MA LA BDAG GIS CI ZHIG SMRA BAR BYA, SBRANG GI BU MO NAS, SNGAR YANG DRANG SRONG GI GNAS KYI RGYAN DU GYIS SHIG ,MUNYDZA NAS DMAN DE SLAR YANG BKRA SHIS 'JOMS PA'O, ,SPRANG GI BU MO SHIN TU 'JIGS TE, BDAG GIS CI ZHIG SMRAS SNYAM MO, ,DE NAS 'DIR NANG DU RAB TU ZHUGS SHIG ,SKYES GZHAN BSKUL BAR BYA'O, ,DE'I PHYIR RAB TU ZHUGS NAS SONG NGO, ,DE NAS BRAN PO RAB TU ZHUGS NAS PHAR SONG PHAR SONG, CI'I PHYIR LHAG PAR 'TSANG ZHING 'PHUL BAR BYED, BRAM ZE'I KHANG PA DER RGYU YANG CI BYED, NGES PAR BLTAS NAS JI LTAR BSRUNGS KYANG MI SDOD PAR YONGS SU 'JUG CING, 'DI RNAMS NI 'DZIN CING, 'DI RNAMS NI 'JOG CING, YANG LEN CING, GZHAN RNAMS NI SBYIN SREG BYED CING, BRAM ZE 'GRANGS PAR DGA' BA RNAMS THAMS CAD ZA 'DOD NAS 'DIR JI LTAR BRAM ZE 'KHYAMS PO RNAMS SENG GE'I GDAN GYI STENG DU SDOD, PHAR SONG PHAR SONG, RE BRAM ZE RNAMS PHAR BUR PHAR ZUR, DMOD PA'I RMA RNAMS NA NAS GAR BYED DO, ,NGAN PA RNAMS PA LA CI STE SDIGS PAR BYED CES SMRA'O, , @212B DES BLON PO SNA CHEN PO LAG BZANGS NGES PAR 'ONGS PA MTHONG NAS 'DI RNAMS DE LA SMRA'O SNYAM MO, ,DE NAS LAG BZANGS RAB TU ZHUGS NAS AA RE LUS NGAN PO PHAR ZUR PHAR ZUR, 'DIR SPRO BAS DON GANG JI LTAR 'DOD PAS STER BA LA CI'I PHYIR SLONG MO PA RNAMS YONGS SU SUN 'BYIN PAR BYED, 'DI RNAMS KYI DON DU DE BZHIN DU YANG DAG PAR BRTZAMS PA STE, GZHON NU GTZUG NA NOR BUS 'GOG PA MED PA'I MCHOD SBYIN THAMS CAD RANG LEN GYI, YON TAN 'DI NI LHA YIS 'GRO BA MA LUS PA'I MNGON 'DOD YONGS SU 'GENGS PA MTSAN DU BCINGS PA YIN NO, ,CHO GA 'DI LA SLONG MO PA RNAMS LA DE BZHIN DU CUNG ZAD NI LOS KYANG STER, SNGON YANG 'DIS DE BZHIN DU MDZAD NAS JI LTAR 'DOD PA 'DZIN PAR BYED DO, ,DE RNAMS KYI 'DI GLO BUR DU BYUNG BA MA YIN NO, ,'DI LA RAB TU ZHUGS NAS DE RING GIS LO LNGA SONG NGO, ,BRAN PHO NI JI LTAR 'DI YANG RNAM PAR KHROS NA DE BZHIN DU 'DIR GZHAN YANG MI RNYED DO SNYAM NAS, DE NAS BROS NAS SONG NGO, , LAG BZANGS YONGS SU ZHUGS TE, LHA GTZUG NA NOR BUS SBYIN BA RNAMS RNAM PAR LTA BA LA BDAG BSKOS PA YIN PAS DE RNAMS JI SRID BLTA'O SNYAM NAS NGES PAR BLTAS PA NA SHIN TU DGA' STE, AA HO DI RING LHA'I PHUN SUM TSOGS PA CHEN PO NI GANG GIS JI LTA BA DE BZHIN DU, JI LTAR 'DOD PA LEN PAS KYANG ZAD PAR MA GYUR TO, ,'DI LTA STE, GSER GYI PHUNG PO RNAMS NI 'DI NA RAB TU MTHO ZHING RI RAB DANG NI 'GRAN PA LTAR, ,RIN CHEN RNAMS KYI PHUNG PO 'OD ZER RAB TU 'PHRO BA NYI MA'I 'OD KYANG ZIL GYIS GNON, ,MU TIG MCHOG ZLUM DO SHAL TSOGS RNAMS BKOD PA 'OD ZER 'TSER BA SKAR MA'I PHRENG BA BZHIN, ,SKYE BO RNAMS NI GANG ZHIG RANG DBANG BLANGS NAS RANG KHYIM BZHIN DU DAL BUS 'GRO BAR BYED, ,YONGS SU ZHUGS NAS GZHAN YANG BLTAS PA NA, ,GLANG CHEN DBANG PO RNAMS KYIS MYOS PA'I CHANG NI SA LA BAR MED RAB TU 'BAB PA LEN BYED PAS, ,MYUR 'GRO'I LUS NI RNAM PAR RING RNAMS RMIG PA'I RNAMS NGES PAR 'GRED PAS NGO MTSAR RAB TU BCAS, ,SHING RTA RNAMS NI RGYA NAG BA DAN MDANGS LDAN RNAMS NI RGYUG CING BSKYOD PA G-YER KA'I SGRA BCAS LA, ,BRAM ZE RNAMS KYIS RAB BSKYOD 'KHOR LO'I MU KHYUD SGRA YIS SA CHEN NOR LDAN RAB TU G-YO BA LTAR, ,BRGYA BYIN GYIS MCHOD SBYIN BRGYA RAB TU BYIN PA DE 'DIR SA'I MTHIL DU LHA LA BDAG GIS @213A *, ,SMRA BAR BYA'O SNYAM NAS, GZHAN YANG BLTAS PA NA, JI LTAR MTSAN NYID 'DI LTA BU NI KU RU'I RGYAL PO BZOD PAR DKA' BA GANG ZHIG GIS MI BZOD PAR MI 'GYUR RAM, 'ON KYANG DES CUNG ZAD KYANG MI 'GYUR RO SNYAM MO, ,YONGS SU ZHUGS PA NA DER SBYIN SREG GI KHANG PAR LHA NYID RAB TU ZHUGS SO, , RANG 'OD DPAL DANG BYAMS PA YIS, ,TSANGS PA'I ZHI BA LAS KYANG RGYAL, ,BDEN PAS SA CHEN LAS RGYAL NAS, ,CHOS NI MNGON SUM BZHIN DU GNAS, ,JI SRID BDAG NYID NYE BAR BTUD DO, ,DE NAS RGYAL PO DANG, PADMA CAN DANG, BZHAD GAD PA DANG, MKHAN PO RNAMS RAB TU ZHUGS SO, ,RGYAL PO DANG, MKHAN PO DANG, MCHOD SBYIN RNAMS LA LAG BZANGS NYE BAR BTUD NAS PHYAG 'TSAL TE, RGYAL PO CHEN PO RGYAL BAR GYUR CIG ,RGYAL BAR GYUR CIG ,LHA NYID KYI BKAS RJES SU BSGO NAS SBYIN PA'I SA GZHI RNAMS BDAG GIS BLTAS SO, ,RGYAL PO NAS, DE NA YANG NI SLONG BA RNAMS, ,RANG GI KHYIM BZHIN RAB ZHUGS NAS, ,JI LTAR MNGON 'DOD YONGS BLANGS SHING, ,YID KYI SHING RTA GANG 'GRO'AM, ,LAG BZANGS NAS, LHA MNGON PAR 'DOD PA PHUN SUM TSOGS TE, DPAL NI GANG ZHIG SA BDAG RNAMS KYIS SA STENGS NAS, ,RAB 'BAD RNYED RNAMS KUN LA BDE BAR NYER BSNYEN GYUR, ,SKYE BO RNAMS KYIS RAB TU ZHUGS PAS KHYIM KHYIM RNAMS, ,DA NI KHYOD PAS KYANG NI DE RNAMS SHIN TU LHAG ,RGYAL PO NAS, 'DI NI CUNG ZAD KYANG MA YIN TE, 'DIR PHYI ROL GYI DNGOS PO RNAMS NI THAMS CAD KYI THUN MONG STE, 'DIR BDAG GIS CI ZHIG BYIN, DE BZHIN DU 'JIG RTEN RNAMS NI MTHU CHE STE, RANG DBANG BA'I DNGOS PO YANG DE BZHIN DU BDAG GI SBYIN PA'I GNAS SO ZHES SGROGS PAR BYED DO, ,GZIGS MDZOD, 'JIG RTEN KUN GYI SPYI YI NI, ,PHYI ROL DNGOS RNAMS DE BDAG GIS, ,'JIG RTEN SRED PAS RNAM BSLUS NAS, ,BDAG CES 'DIR NI 'DZIN PAR BYED, ,BDAG GIS NI SNYING PO MED CING MI DRAN PA'I LUS 'DI YANG, 'GRO BA'I DON GRUB PHYIR NI RTAG TU YONGS SU GTONG, ,GANG GANG 'DI NI JI LTA JI LTAR MNGON 'DOD PA, ,DE DANG DE YI DE LTA DE LTAR RAB TU SBYOR, ,CES SO, ,YOL BA'I NANG DU K'A LA K'A LA'I SGRA'O, ,THAMS CAD SHIN TU 'JIGS NAS PHYOGS RNAMS SU BLTA'O, ,RGYAL PO NI SKABS MA YIN PAR DE BZHIN DU GNYID RNAM PAR YUR @213B RO; ,'JIG RTEN RNAMS NI YONGS SU G-YO'O, ,MKHAN PO NI GUS SHING 'BAD PAS SBYIN SREG BYED, AA SHOO AA SHOO shA tA CES SO, ,BZHAD GAD PA NAS, KYE NA MNYAM YA MTSAN CHE, YA MTSAN CHE, RLUNG NI DRANG POS RNAM PAR BSKYOD PA YES, ,CHU GTER SKYE BO DANG BCAS CHU RNAMS NI, ,DBA' RLABS PHRENG BAS YANGS SU BSKYOD PA YIS, ,GRU BZHIN NOR LDAN SHIN TU G-YO BAR GYUR, ,RGYAL PO NAS, NA MNYAM KHYOD KYIS LEGS PAR BRTAGS TE, DRAG BYUNG CHU YI PHUNG PO RLUNG GIS YONGS SU BSKYOD PA YI, ,DBA' RLABS RAB TU 'KHRUGS LTAR SA CHEN YANG DAG RNAM PAR G-YO, ,GANG LAS DE RING 'DI RNAMS MTHO DANG DAM 'GYUR GRU BZHIN BYED, ,'JIG RTEN RNAMS NI CHANG GIS MYOS BZHIN LUS NI RNAM PAR G-YO, ,PADMA CAN NI HA BU PADMA SKYES GONG DU SONG NGAM ZHES SMRA, DE NAS G-YOG MOS PADMA SKYES LAG PA NAS BZUNG NAS RAB TU ZHUGS NAS GZHON NU PADMA SKYES NI 'DI'O ZHES SO, ,PADMA SKYES NAS, 'PHAGS PA 'DI CI ZHIG ,LHA MO NI BU'I LAG PA NAS BZUNG NAS, RGYAL PO'I DRUNG DU NYE BAR BTUD NAS, RJE'I SRAS 'DI BZHIN DU 'KHRUG PA 'DI CI ZHIG ,'DREN PA NI PADMA CAN GYI LAG PA NAS BZUNG NAS, DBUGS 'BYIN TE, AA YIG 'JIGS CAN RE ZHIG LTOS DANG, SNGON MA MTHONG PA'I RMAD DU BYUNG BA DGA' BA'I GNAS SKABS KYI MTHAR THUG PA 'DI LTA STE, SA GZHI'I DBA' RLABS RIM PA MTHO DANG DMA' BA RNAM PA RAB TU MANG PO RNAMS, ,KHANG BZANGS GDUGS DANG RGYAL MTSAN BA DAN COD PAN RNAMS NI BSKYOD PA'I RIM PA LTAR, ,SGRA CHEN RAB TU 'JUG PA SPRIN RNAMS KYIS NI 'BRUG SGRA DRAG TU SGROGS PA LTAR, ,'DI RNAMS CHU GTER 'DRA ZHING MI MTSUNGS KHYAD PAR SLAR YANG 'JIG RTEN MI LTUNG TZAM, ,GZHAN YANG LHA MO, KHANG PA'I PHRENG BA RNAMS NI 'PHRED LA 'GYEL ZHING SLAR YANG LANGS, ,CHU BO RNAMS NI GYEN DU 'PHAR ZHING GZHAN DU'ANG 'GRO MI BYED, ,SA CHEN MTHO DANG DMA' BA RNAM PA SNA TSOGS BYED PA NI, ,ME LONG NANG GI GZUGS BRNYAN RNAM PAR G-YO BA RTOG PA LTAR, ,LAG BZANGS NAS, LHA MTHONG LAGS SO, ,SHAR GYI PHYOGS RNAMS RI YI 'GRAM BCAS 'OG TU 'GRO BYED NUB PHYOGS NAM MKHA' LA NI RAB TU 'GRO, ,RNAM PAR G-YO BAS LHO PHYOGS DMA' BAR LTUNG ZHING BYANG PHYOGS 'DI RNAMS SHIN TU RAB TU MTHON POR 'GRO, ,CHU GTER G-YO BAS DBUS NI 'OG TU RAB TU 'GRO ZHING MTHA' YI @214A *, ,PHYOGS RNAMS STENG DU RAB TU 'GRO, ,'DI RNAMS KYANG NI STENG DANG 'OG TU REG STE CHU 'DZIN MTHAR THUG PHYOGS KYI MTHAR THUG PA, ,RGYAL PO NI NGO MTSAR NAS PHYI ROL DU NYE BAR BYUNG STE 'JIG RTEN PA RNAMS LA DBUGS 'BYIN PA MDZAD DO, ,LAG BZANGS NI LHA'I BKAS JI LTAR BSGO NAS NGES PAR ZHUGS SO, ,RGYAL PO NI LEGS LDAN NOR 'DZIN MA LA MCHOD YON PHUL NAS, SKYE DGU RNAMS LA LTAS NGAN GANG YIN DE 'BRAS BDAG SMIN NAS, ,BDAG GI SBYIN GNAS RJES BZUNG SKYE BO RNAMS LA 'BYUNG MA GYUR, ,'DIR NI SKYE BO'I MNGON PAR 'DOD RNAMS RAB TU RDZOGS BYA'I PHYIR, ,GAL TE SKYE BO 'DI RNAMS NYES NA'ANG BDAG GI MNGON 'DOD CHA, ,MKHAN PO NI GUS PA DANG BCAS NAS SBYIN SREG BYED, ,AINDRA A'A GATZTSA HA RE A'A GATZTSA ME ME DHA TI THE ME shE BRi shA n'Am PA SHYA ME, ,ZHES SO, ,ME'I THAB KHUNG LA BLTAS NAS 'JIGS PAS PHYIR 'PHAR RO, ,BZHAD GAD PA SHIN TU 'JIGS NAS KYE NA MNYAM LTOS LTOS, 'DI NI 'JIGS SHING KHA YI SGO NAS MCHE BA RAB TU GTZIGS, ,MIG NI NYIN BYED GSAL BA'I DKYIL 'KHOR 'DRA ZHING RAB TU DMAR, ,SHIN TU 'JIGS CHEN GAD RGYANGS NGES PAR RAB TU SGROGS, ,'DIR NI SBYIN SREG THAB KHUNG GYES NAS YANG DAG BYUNG BAR GYUR, ,DE NAS SRIN PO RAB TU ZHUGS SO, ,AA HO HU TA MA HO DA TA H'Um ZHES GAR BYED CING, ,'BYUNG BZHI 'DI RNAMS GOM PA'I STOBS KYIS RAB 'JIG CING, ,BAR SNANG 'DI RNAMS 'OD ZER MNGON PAR 'BAR BAR BYA, ,PHYOGS KYI 'KHOR LO LAG PA RAB BRKYANG SDUD BYED CING, ,'GRO BA MA LUS BDAG GIS RNAM PAR G-YO BAR BYA, ,ZHES SO, ,RGYAL PO NAS, DGE BA BYED PA LA BGEGS MANG NGO ZHES BRJOD PA 'DI BDEN PAR 'DUG GO ZHES GSUNGS SO, ,PADMA CAN NI SHIN TU 'JIGS NAS BYIS BA'I GDONG LA GOS KYIS BKAB STE RGYAL PO'I RGYAB TU 'ONGS SO, ,RGYAL PO NAS, KYE SEMS CAN CHEN PO DGOS PA CI'I CHED DU 'DIR 'ONGS, SRIN PO NAS, KHYOD KYIS THAMS CAD RAB TU 'JUG PA'I TSUL KHANG PA CHEN PO BYAS NAS DGOS PA CI'I CHED DU 'ONGS KYANG 'DRI BAR BYED DAM, RGYAL PO NI SHIN TU MNYES NAS GAL TE KHYOD KYIS SLONG DU 'ONGS SAM, CI SLONG BA SMROS SHIG ,SRIN PO NAS, ZAS SO, ,BZHAD GAD PA 'DREN PA'I RGYAB TU SHIN TU 'JIGS NAS 'ONGS TE TSUL GYI KHANG PAR ZAS LA SONG ZHES SMRA, SRIN PO NAS, BDAG GI @214B ZAS NI GZHAN YIN NAM, RGYAL PO NAS SMROS SHIG ,SRIN PO NAS, SHA NI MDANGS LDAN SLAR YANG RAL GRI'I LO MAS SNGON NYID DU, ,RNAM BCAD RAB TU MANG PO DRON PO MDOG NI DMAR PO RNAMS, ,MI YI DBANG PO SRIN PO RNAMS KYI BZA' BA DE RNAMS YIN, ,MI YI BZA' BA'I RIGS RNAMS BDAG LA NGES PAR CI ZHIG BYA, ,RGYAL PO SHIN TU MNYES NAS, TSUR SHOG MKHAS PA YID KYI SHING RTA RDZOGS PAR BYA, ,TSUR SHOG BZA' BA JI LTAR 'DOD BZHIN LUS 'DI NI, ,PHA ROL DON PHYIR BDAG GIS 'DI NI NYE BAR BSRUNGS, ,SHA RNAMS BCAD PAS BDAG NI YUN RING 'BRAS BCAS 'GYUR, ,PADMA CAN DU ZHING RJE'I SRAS KHYOD KYI DI RING TSUL LUGS 'DI CI ZHIG ,RGYAL PO NAS, LHA MO SKYES PA DE'I 'BRAS BU DANG BCAS SO, ,BZHAD GAD PA NAS, KYE NA MNYAM JI LTAR GCIG GI DON GYI PHYIR 'JIG RTEN 'DI RNAMS YONGS SU GTONG NGAM, RGYAL PO NAS, BDAG NI DE BZHIN GANG DU YANG, ,'GRO BA 'GA' YANG 'DOR MI BYED, ,DE YI PHYIR NA SKYE BO 'DI, ,ZUG RDU ZHI PHYIR BDAG NYID GTONG, ,MKHAN PO NAS, BDAG NI DE LTA BU'I MCHOD SBYIN GYI CHO GA 'DI MI BYED DO, ,'DIR NI PHYUGS GSOD LEN PA'I PHYIR, ,BGEGS NI NGES PAR RNAM PAR ZHUGS, ,'DI YI CHO GA RIG BYED LAS, ,'DI LA PHYUGS NI SBYIN PAR BSHAD, ,RGYAL PO NAS, GANG ZHIG DGOS 'DOD BGEGS YIN NA, , BDAG NI BGEGS KYANG MCHOG TU MOS, ,GANG LA YID KYI SHING RTA 'GRUB, ,CHO GA DE BZHIN DRAG TU ZHOG ,SLAR YANG, KYE YI BRAM ZE MCHOD SBYIN LA, ,SRIN PO PHYUGS RNAMS CI PHYIR RUNG, ,YANG NA BDUD RTZI SPANGS NAS NI, ,SNYING PO MED PAS CI ZHIG BYA, ,SRIN PO NAS, BHO KHYOD 'DIR CI'I PHYIR GTAM SKOM POS DUS 'PHROG PAR BYED, ,RGYAL PO NAS, BHO 'DIR MCHOG GI TSES GRANGS LA, LUS LAS JI LTAR 'DOD PA NYE BAR SPYOD CIG PADMA CAN NI DU ZHING SKAL BA DMAN PA BDAG GI LUS 'DI YANG RE ZHIG DANG POR NYE BAR BZA' BAR GYIS SHIG ,RGYAL PO NAS, 'DI NI BDAG 'DOD PA YIN NO, ,PADMA CAN NAS, LUS 'DI YANG LHA'I YIN MOD, SRIN PO NAS, AI: MYA NGAN GYIS 'JIGS PA'I BAG CHAGS CAN 'DIS CI ZHIG BYA, SHUMS MED DO, ,LTOS SHIG DANG, MYA NGAN BYAS PA'I SHA NI BSKA DANG KHA ZHING TSA BA'I NGO RNAMS YANG DAG BRO BAR BYED, ,CHAGS PA CAN NI SLA ZHING KHU BAR BYAS BZHIN RAB TU SKRAG BCAS DE NI BSKAMS PA 'DRA, ,KHROS @215A *, ,PA'I SKYUR ZHING RAB TU TSA DANG RTZUB RTZUB BROD MED ZOS NAS BRANG NI TSA BAR BYED, ,MCHOG TU BYAMS PA'I NGO BO NYID KYI LUS NI MNGAR ZHING DBANG PO THAMS CAD MCHOG TU TSIM, ,RGYAL PO SHIN TU MA NYES NAS, RING MO NAS SLONG BA'I SKYE BO MNGON SHES CAN RE ZHIG BDAG GIS MTHONG NGO ZHES NAS MTSON THOGS TE SHA GCOD PAR BYAS PA NA, PADMA CAN NI LAG PA NAS BZUNG NAS, RJE'I SRAS MA BSAMS PAR MA BYED CIG CES SMRA ZHING, KYE SEMS CAN CHEN PO 'PHAGS PA'I BU YONGS SU THONG LA BDAG LONGS SHIG ZER, PADMA SKYES NAS, BHO LA KKHA R'A KshA SA 'PHAGS PA THONG LA BDAG LONGS SHIG ZER, BZHAD GAD PA NAS, BHO SEMS CAN CHEN PO GROGS PO THONG LA BDAG ZO CIG ZER, RGYAL PO NAS, MA 'BREL BA SMRA BA DES CHOG CHOG ,LHA MO BDAG GI CHOS KYI BGEGS MA BYED CIG CES GSUNGS, PADMA CAN NI RMONGS NAS GAR BYED, BZHAD GAD PA NI GZHON NU'I GDONG GOS KYIS G-YOGS PAR BYED DO, ,RGYAL PO NAS, BHO SEMS CAN CHEN PO GNAS SKABS 'DIR BDAG GI SHA LA NYE BAR SBYOR BAR GYIS SHIG ,SRIN PO NI BDAG NYID BSAMS TE, 'DI LTAR KHYOD NI SEMS CAN CHEN PO STE, BDAG NI MA YIN NO SNYAM NAS, NYE BAR ZA ZHING GAR BYED DO, ,RAB TU GSAL BAR SMRAS PA, AA HA HA 'DIS SHIN TU RING POR TSIM PAR BYAS SO, ,BZHAD GAD PA NAS, LEGS LDAN 'JIG RTEN SKYONG BA RNAMS YONGS SU BSKYAB PAR MDZOD, YONGS SU BSKYAB PAR MDZOD, BDAG NI NA MNYAM DGA' BA'I SROG 'DOR BAR BYED DO, ,MKHAN PO NI, 'DIR BSDAD NAS CI ZHIG BYA ZHES NAS NGES PAR SONG NGO, ,SRIN PO NI DE NAS RE ZHIG TSIM MO, ,RGYAL PO NAS, KYE DGE BA'I BSHES GNYEN 'DI NI JI LTAR 'DOD PA BZHIN DU NYE BAR SPYOD CIG CES LUS GTAD NAS BRGYAL TE GAR BYED DO, ,SRIN PO NAS, RANG NYID BSAMS PA, AA HO MDZAD SPYOD CHE'O, ,SEMS CAN CHEN PO YUN RING POR NYON MONGS PAR MI RIGS SO SNYAM NAS NGES PAR SONG NGO, ,MI MNGON TZAM NA ZHUGS NAS, BRGYA BYIN GYI GZUGS SU BSTAN NAS, KYE RGYAL PO CHEN PO NYE BAR BZHENGS SHIG NYE BAR BZHENGS SHIG ,RGYAL PO NAS, BDAG NI RJES SU BZUNG ZHING RAB TU DGA' BAS LUS LA JI LTAR 'DOD PA BZHIN NYE BAR LONGS SPYOD CIG ,BRGYA BYIN NAS BDAG NI SRIN PO MA LAGS TE, BDAG NI BRGYA BYIN NO, ,SLAR YANG LEGS PAR 'ONGS BA 'DI GANG ZHIG ,BZHAD @215B GDAB NAS, DBUGS PHYUNG SHIG ,DBUGS PHYUNG SHIG ,KYE NA MNYAM DGA' BA 'DI NI NGES PAR LHA'I RGYAL PO BDAG NYID BYON NO, ,LHA BZHENGS PAR MDZOD CIG ,KYE 'PHAGS PA'I BU'I MDZAD SPYOD 'DI NI LHA BAS LHAG PAR LHA RNAMS LA SGROGS PAR BYED DO, ,PADMA CAN NI RGYAL PO LA BLTAS NAS DU ZHING 'PHAGS PA'I BU 'DI LTA BU MTHONG NAS, BDAG GI LUS MA NYAMS PAR GNAS SO SNYAM MO, ,RGYAL PO NAS, KYE LHA'I RGYAL PO RAB TU DGOS PA CI'I PHYIR 'DIR BYON, BRGYA BYIN NAS, KHYOD KYI BSAM PA'I MTHU MI G-YO BA LA NOR 'DZIN DANG, RI RAB DAG KYANG G-YOS TE, GANG GIS MTSAN CHE NAS, RNAM PAR BLTAS TE, RO LDAN MTHIL NAS MNGON SUM KUN NAS GSAL BAR BYA BA'I PHYIR 'ONGS TE, RNAM PAR SBYOD PA 'DI NI BDAG GI MIG 'PHRUL BA YIN NO, BZHAD GAD PA NAS, KYE NA MNYAM GZIGS GZIGS, GZHAN YANG YA MTSAN CHE BA 'DIR NI SPRIN GYI 'KHOR LO RLUNG DRAG POS BSKYOD PA LTAR 'UR 'UR ZHES RNAM PAR BZLOG PAR RTZOM PAR BYED DO, ,RGYAL PO NAS, KYE MA 'JIG RTEN RNAMS SDUG BSNGAL GYIS GDUNG BAR BYED DAM ZHES GSUNGS, PADMA CAN NAS, 'DIR GZHAN 'GA' ZHIG KYANG 'BYUNG NGAM ZER, BZHAD GAD PA NAS GZIGS GZIGS, STON KA'I ZLA BA GANG BA'I 'OD LTAR DKAR ZHING SKAR MA'I PHRENG BA'I DO SHAL GYIS NYE BAR BRGYAN CING GSAL BA LTAR, RIN PO CHE'I 'OD ZER KHYAD PAR RAB TU GSAL BA NOR RGYAS KYI GDENGS KA'I DKYIL 'KHOR LTAR DKAR PO YANG DAG PAR 'THON NAS 'BYUNG NGO, ,RGYAL PO NI SHIN TU YA MTSAN CHE NAS, RNAM PAR BLTAS TE, 'DIR GZHAN 'GA' ZHIG KYANG 'BYUNG BAR 'GYUR RO ZHES SO, ,BZHAD GAD PA NAS, KYE BUD MED RIN PO CHE LHA MO PADMA CAN GYI DBYIBS LTA BU ZHIG SA GZHI'I MTHIL NAS YANG DAG PAR LANGS NAS BYUNG NGO, ,KYE NA MNYAM DGA' BA GZIGS MDZOD, RGYAL PO NI YA MTSAN CHE NAS, RNAM PAR BLTAS TE, RO LDAN MTHIL NAS MNGON SUM DU, ,'DIR NI DPAL MO BZHENGS SAM CI, ,YANG NA 'DI NI RNAM GSAL BA, ,SA CHEN LHAG PA'I SKA RAGS SAM, ,DE NAS SA'I LHA MO RAB TU ZHUGS NAS MCHOD YON PHUL TE SKYES BU CHEN PO CHUR GSHEGS, MCHOD YON BZHES SHIG ZER, RGYAL PO NAS, KYE KHYOD NI 'DIR GSAR DU 'ONGS PA STE, LEGS LDAN GRONG 'JIG DANG GNYIS PO BDAG GIS MCHOD PAR BGYI'O, ,BRGYA BYIN NAS, JI LTAR BAS SA RNAM DAG PAS, ,DE YIS @216A *, ,CHEN POR GYUR PA BZHIN, ,DE BZHIN MCHOD PAS TSIM BYAS KYANG, ,MCHOG TU DGA' BA THOB MA YIN, ,RGYAL PO NAS, KHYOD DI RING DE TZAM SLAR YANG RNAM PAR G-YO BA CI'I PHYIR LAGS, SA NAS KHYOD KYI SEMS PA RGYA CHEN MTHONG BAS RAB DGA' NAS, ,CHU GTER RI BO NAGS TSAL MTHAR THUG MNGON PAR BSKYOD, ,KHYOD KYI LTID MO YA MTSAN NGO MTSAR LTA BA YIS, ,RAB DGA'I KHUR GYIS LUS NON DBANG GIS YONGS SU 'DAR, ,DE NAS DA NI BDUD RTZI'I KHU BA 'DIS LUS SLAR YANG GSAR PAR BYA'O ZHES, 'DREN PA'I LUS LA YONGS SU BYUG PA BYAS SO, ,BZHAD GAD PA SHIN TU DGA' STE, NA MNYAM DGA' BA JI LTA BA DE BZHIN DU MTHONG BAR GYUR TO, ,PADMA CAN NAS, LEGS LDAN GYI CHOS KYI MTHU'O, ,BRGYA BYIN NAS, SHIN TU DKA' BA SPYAD PA 'DI'I LAS KYI TSUL 'DI NI CUNG ZAD LAS MED DO, ,SA NAS LHA'I DBANG PO 'DI NI 'DI LA DGA' BA MED DE GZIGS MDZOD, ,KOO SHI KA 'DI YIS SNGON DUS NAS, ,'DI BZHIN LUS NI STONG PHRAG SMIN PAR BYAS, ,SNGON YANG DRI MA BSNYIL BZHIN SPANGS PA NI, ,BDAG GI SA PHYOGS 'GA' YANG DE YOD MIN, ,SLAR YANG RGYAL PO MTHONG BAS 'DIR RMAD DU BYUNG NGO, ,BDAG NI 'GRO BAR BYED DO ZHES NAS SONG NGO, ,BRGYA BYIN NAS RGYAL PO RANG GI BSOD NAMS BSAGS PA DES, ,MTHO RIS SU YANG DAG PAR GSHEGS PAR MDZOD CIG ,RGYAL PO NAS, DE NA SLONG MO BA YOD DAM CI BYED BRGYA BYIN NAS DE MED DO, ,RGYAL PO NAS GAL TE DE BZHIN YIN NA 'GRO BAR MI BYED DO, ,BRGYA BYIN NAS DER PHA MA DAG 'GRO BAR MOS SAM, LCI BA DAG JI LTAR 'DOD PAR RO, ,BRGYA BYIN NAS DE BZHIN 'DIR 'GRO BAR BYA'O ZHES NAS YONGS SU SONG NGO; ,DE NAS JI LTAR BU MED PA'I LEGS LDAN 'OD ZER ZHES PA'I DRANG SRONG RAB TU ZHUGS NAS, AA HO RGYAL PO CHEN PO'I BSAM PA RAB TU RGYA CHE'O ZHES RAB TU ZHUGS TE, KYE RGYAL PO CHEN PO BDE LEGS SU GYUR CIG ,RGYAL POS PHYAG BYAS NAS, LEGS LDAN CI'I PHYIR BYON, DRANG SRONG NAS 'DIR KHYOD KYI BTZUN MO DANG BU'I CHED DU 'ONGS SO, ,PADMA CAN NI 'DI CI ZHIG SNYAM MO, ,RGYAL PO NI SHIN TU DGA' NAS LEGS LDAN BDAG GI LUS LA SOGS PA 'DI SLONG BA KUN GYI RANG DBANG NGO, ,DE NAS YOL BA LAS CA CO'I SGRA'O, ,KYE RE ZHIG MCHOD SBYIN GYI CHO GA'I BTZUN MO GTONG BA MED, RGYAL PO NAS, SLONG NA SBYIN PAR MI BYA ZHES,, @216B 'DI NI CHOS KYIS CHO GAR MED, ,BZHAD GAD PA NAS, PHAR ZUR BRAM ZE GDUG PA PHAR ZUR PHAR ZUR, RGYAL PO'I BTZUN MOS KHYOD LA CI ZHIG BYA, GZHAN SLONG, RGYAL PO NAS DE SKAD MA ZER CIG ,DRANG SRONG CHEN PO BDAG SNYING YANG, ,JI LTAR 'DOD BZHIN LEGS LDAN LONG, DRANG SRONG NAS, BU MO PADMA PA T'I DANG, BU PADMA AUTTA RA TSUR SHOG SHIG ,KHYED GNYIS RGYAL POS BYIN NO, ,PADMA CAN DU ZHING RGYAL PO CHEN PO BDAG PO NI YIN MOD KYI, 'ON KYANG RGYAL PO'I GDUNG RGYUD 'CHAD PAR 'GYUR RO, ,RGYAL PO NAS, BDAG NI MI SBYIN ZHES PA CUNG ZAD KYANG MED DO ZHES BSHAD ZIN TO, ,PADMA CAN NAS LONGS SHIG ,DE BZHIN DU DU NAS CI ZHIG BYA, BU PADMA SKYES TSUR SHOG ,'PHAGS PA'I BUS BDAG CAG YONGS SU BTANG ZIN GYIS, YAB LA LEGS SU LTOS SHIG ,PHYI NAS NI MTHONG BAR MI 'GYUR RO, ,PADMA SKYES NAS CI STE PHYI NAS BDAG GIS YAB MTHONG BAR MI BYED, PADMA CAN NAS, PADMA SKYES GANG GI PHYIR NA, 'DIS BDAG CAG YONGS SU BTANG GIS GZHAN DU 'GRO'O, ,PADMA SKYES YUM CI BYED, PADMA CAN NAS, BDAG CAG BYIN NAS 'GRO'O, ,PADMA SKYES NAS, YAB KYANG DE BZHIN DU 'GRO BAR BYED DAM, PADMA CAN NAS, PADMA SKYES KYIS DON NI MI SHES PAR SHES NAS BU YAB LA PHYAG 'TSOL CIG ZER, PADMA SKYES NI THAL MO SBYAR NAS, YAB BDAG GI YUM 'DI TZAM BSHUMS PA CI STE, BZHAD GAD PA NAS, KYE MA KHYOD NI SNYING RJE MED, ,GANG ZHIG 'DI BZHIN TSE NGE YIS, ,BSHUMS SHING BYIS PA YONGS SU BTANG, ,H'A KYE PADMA BA T'I DANG, H'A BU PADMA AUTTA RA, KHYED CAG GNYIS PO DAG YIN NO, ,BRAM ZE'I BU BDAG CAG KYANG KHYED CAG GI RJES SU 'GRO BAR BYA'O ZHES RMONGS NAS GAR BYED DO, ,DRANG SRONG NAS SHOG SHOG ,BU MO BDAG CAG RNAMS 'GRO BAR BYA BA RING POR 'GRO DGOS SO, ,RGYAL PO NI PADMA SKYES KYI SPYI BO LA BSNOMS NAS BSHUMS SHING, NAGS SAM YANG NA GRONG KHYER RAM, ,RI BO DANG NI RGYA MTSO'ANG RUNG, ,KHYED CAG NYAL ZHING GNYID LOG KYANG, ,LHA RNAMS KYIS NI BSRUNG BAR SHOG ,LHA MO KHYOD NI GAR GNAS DER, ,GZHON NU 'DI LA RDEG MA BYED, ,LHA MO NI BSTING TSIG GIS 'PHAGS PA'I BU DE BZHIN DU'ANG MKHYEN NAM, RGYAL PO NAS, KHYED KYI SROG NI YONGS 'DOR KYANG, ,DRANG SRONG CHEN PO'I BKA' MA 'DA', ,ME YI GZUGS DANG 'DRA BA YI, ,MCHOG GI THUB PA @217A *, ,TSIM BYAS PA'I, ,BSOD NAMS YONGS SU BSGRUBS BYAS PAS, ,'JIG RTEN KUN GYI MNGON 'DOD TSIM, ,DRANG SRONG NAS BU MO LONGS SHIG ,BDAG CAG 'GRO BAR BYA'O, ,RGYAL PO NAS, LHA MO GSHEGS PAR MDZOD CIG ,PADMA CAN NI PHYAG 'TSAL TE, RGYAL RIGS SKYE BA'I MTHAR THUG PAR, ,BDAG KYANG DE BZHIN RJES 'JUG SHOG ,CES SO, ,PADMA SKYES NAS, YAB KYI NGA LA SNGON NI RTA SBYIN ZER NAS MA BYIN PAS NGA KHYOD NGA LA NAM STER, RGYAL PO NI BSHUMS SHING PADMA CAN LA 'KHYUD NAS BU DE THUB PA 'DIS KHYOD LA STER BAR 'GYUR GYIS, PADMA SKYES NAS, YAB LA, 'DI NA NGA'I RTA DANG, GLANG PO CHE DANG, GLANG PO'I KHRI DANG, RTA'I SGA 'DI RNAMS TSAGS GYIS SHIG CES ZER, RGYAL PO RANG NYID BSAMS PA NA, ,SKABS 'DI BDAG GI ZUG RNGU NI, ,SROG LA BAB KYANG DE BZHIN MIN, ,JI LTAR PHA YI MNYES GSHIN PA'I, ,PADMA MCHOG NI RING DU 'GRO, ,DRANG SRONG NAS, BU MO SHOG ,BDAG CAG 'GRO BAR BYA'O, ,PADMA CAN NI RGYAL PO LA BLTA ZHING, BU'I LAG PA NAS BZUNG NAS SONG NGO, ,RGYAL PO NAS, BRTZE BA'I ZHAGS PAS LEGS BSDAMS BZHIN, GANG GIS BDAG KYANG SHIN TU GDUNG, ,NA MNYAM DBUGS PHYUNG SHIG DBUGS PHYUNG SHIG ,BZHAD GAD PA BRTABS BZHIN DU LONGS NAS KYE MI STER CI ZHIG ZER, RGYAL PO RTAB RTAB PO MDZAD NAS RNAM PAR BSAMS PA, DA NI BDAG GI PHA MA DAG BLTA BAR BYA'O SNYAM PA NA PHO BRANG 'KHOR GYI MI RNAMS RAB TU ZHUGS NAS NGO MTSAR CHE NGO MTSAR CHE, LHA'I YAB YUM DAG NAM MKHA' LA BYA BA MDZAD PA GZIGS MDZOD, NGANG PA'I GZHOG PA'I CHA YIS BSKYOD BZHIN RGYAL MTSAN PHRENG BA CAN, ,GZHAL YAS KHANG 'DRAS RI RAB LTUN PO'I RTZE MOR RNAM PAR GNAS, ,LHA YI DRANG SRONG RNAMS KYIS MNGON DGA' BRGYA PHRAG RNAMS KYIS BSTOD, ,'DI DAG LHA YI GNAS SU DA NI RAB TU ZHUGS PAR GYUR, ,RGYAL PO SHIN TU MNYES TE GZIGS NAS PHYAG 'TSAL ZHING DE BZHIN DU TSIGS SU BCAD PA 'DI NYID KLOG GO, ,SLAR YANG GZIGS NAS BSHUMS SHING, YAB NI RNAM SAD LAM DU RING DU GSHEGS SHING, YUM KYANG RJES SU GSHEGS SO, ,PADMA SKYES DANG LHA MO GRONG KHYER SPANGS SHING GNYIS SKYES KHYIM DU SONG, ,DA NI 'DI NI STONGS GYUR RI BO SHIN TU DBEN PA'I NAGS TSAL GYI, ,GNAS LA BDAG @217B KYANG RTEN BYED BLO NI 'GRO BAR SHIN TU RINGS PAR GYUR, ,ZHES GSUNGS NAS YONGS SU ZHUGS PA NA, BZHAD GAD PA NAS, KYE NA MNYAM KHYOD KYANG GSHEGS PAR MDZAD NA BDAG BRAM ZE YONGS SU 'DOR BAR BYED DAM, 'DREN PA NAS, KHYOD NI JI LTAR 'DOD PA BZHIN NO, ,BZHAD GAD PA NAS BDAG BRAM ZE YANG GAL TE KHYOD KYIS 'GA' ZHIG GI BRAN LA MI STER NA RJES SU 'GRO'O, ,RGYAL PO NAS, KHYOD BRAM ZE YIN MOD, DE BZHIN DU BDAG STER BA'I BDAG PO YANG KHYOD NYID DO, ,PHO BRANG 'KHOR GYI MI RNAMS NAS, KYE GZHON NU GTZUG NA NOR BU KHYOD KYANG BDAG CAG RNAMS YONGS SU 'DOR RAM, NOR LDAN RI PHUG KHYOD NYID NI, , BSAM GTAN GYIS SPYAN 'BYED MI BYED, ,G-YO BA MED PA RGYA MTSO BZHIN, ,NAGS KYI LHA RNAMS KYIS NI LTA, ,RGYAS PA'I BU RNAMS BSDUS NAS GANG GIS ZLOS GAR RAB SBYAR LA, ,NYE BAR YONGS SU RTZOM MDZAD TZANDRA GO MIS RAB SBYOR DANG, ,GAL TE 'GA' ZHIG CHAGS PA DANG BRAL MTSUNGS 'GYUR 'GRO RNAMS LA, ,YANG DAG SKYES SAM SA CHEN YUN RING GNAS PAS BDEN PAR SMRAS, ,'DIR NI THAMS CAD NGES PAR ZHUGS SO, ,YAN LAG BZHI PA RDZOGS SO,, ,,DE NAS RIG PA 'DZIN PA RAB TU ZHUGS SO, ,RTZED MOS ROL CING MKHA' LA RGYU BA NA AA HO LTA GTZUG NA NOR BU'I GRAGS PA RGYUN MI 'CHAD PAS PHYOGS MA LUS PA KHYAB CING GANG BA 'DI LTA STE, GTZUG NA NOR BU'I SNYAN PA'I GRAGS PA CHEN POS PHYOGS RNAMS THAMS CAD RAB TU MDZES PAR BRGYA NA, ,DE YIS RNA BA'I RGYAN BZHIN GOS DANG BCAS BZHIN MNYAM BZHIN KUN NAS DGOD BCAS BZHIN, ,TZAN DAN TSOGS RNAMS BDUD RTZIS GANG DANG ZLA BA'I 'OD ZER 'TSER BAS RNAM PAR BYUG PA LTAR; ,DO SHAL RNAM PAR 'PHYANG BA 'OD ZER 'PHRO BA'I TSOGS KYIS KHYAB CING RNAM PAR G-YO BA LTAR, ,LTOS LTOS DE YI GRAGS PA NGES PAR 'PHEL BA NI, ,PHYOGS PHYOGS MI'AM CI YI BU MO RNAMS KYIS GLU LEN CING, ,RI BO'I RTZEL GRUB PA RIG 'DZIN RNAMS NI BSTOD CING SGROGS, ,SA 'OG MTHIL NA GTZUG GI NOR BU'I 'OD ZER RAB 'BAR BA, ,KLU RGYAL RNAMS KYI GDENGS KA'I DKYIL 'KHOR ZHI NAS NYAN PAR 'DOD, ,RIG 'DZIN MA NAS PADMA BA T'I NI YUGS SA MO MA YIN BZHIN DU BU NI CHUNG NGU DANG BCAS 'KHOR THAMS CAD YONGS SU SPANGS TE, BDAG PO'I BKAS DRANG SRONG CHEN PO'I RJES SU 'BRANG ZHING DA LTA JI LTAR GYUR TAM, RIG @218A *, ,PA 'DZIN PA NAS, DE BZHIN LEGS LDAN 'OD ZER CAN GYI GNAS BRTEN NAS, ,RI BO GANGS LDAN MI RING RI SUL DAG NA SLAR YANG GNAS, ,DRANG SRONG CHEN PO NGA YANG YAB NI SRID 'BYUNG YID GCUGS SO, ,DE PHYIR 'DI NI GZHAN GYI LAG TU 'GRO BAR MI BYA'I PHYIR, ,DRANG SRONG CHEN POS DE [?] SLONG BAR MDZAD CING ZHUGS PAR NGES SO, ,RIG 'DZIN MA DGA' NAS, PADMA CAN NI SNGON GYI RIGS SU RAB TU ZHUGS TE, DE NI SDUG BSNGAL GYI KHUR BSKUR DKA' BA NI MED DO, ,DE NAS DA LTA LHA GTZUG NA NOR BU JI LTAR THOS SAM, RIG PA 'DZIN PA NAS DE YANG PADMA CAN GYIS GANG DU KHYER DANG GNAS PA MI SHES SHING, ,DE DANG NYE BA NA DE BZHIN RI'I PHUG TU RAB TU ZHUGS NAS SO SOR GNAS PAR GYUR, ,DE YI RNAM PAR SPANGS PA'I GRONG KHYER S'A KE TA NI MCHOD SBYIN PHUN SUM TSOGS PA RNAMS, ,SHIN TU MI BZAD BZOD PAR RAB TU DKA' BA'I RGYAL POS MTHONG NAS NYE BAR BSKOR BAR BYAS, ,RIG 'DZIN MA NAS RJE'I SRAS 'DI'I DGA' BA'I GTAM 'DI SDUG PAR 'GYUR RAM, MI 'GYUR, RIG PA 'DZIN PAS 'DI NI BSAM GYIS MI KHYAB STE LHA'I'O, RIG PA 'DZIN MA NAS RJE'I SRAS GANG DU BABS PAR BYED, RIG 'DZIN MA DGOD CING 'DI KHYOD KYIS SMROS SHIG ,GANG ZHIG MA LA YA YI RTZE MO RGYA MTSO'I DPA' RLABS 'THOR BA'I MDANGS CAN NAM, ,RI RAB BANG RIM RNAM YANGS DGA' ZHING YA MTSAN ZHIG GAM YONGS 'DU SA BRTOL RI BO 'AM, ,GANG ZHIG SGEG CING GSAL LA GRUB PA RNAMS NI RAB DGA' RI BO GANGS LDAN RTZE MO'AM, ,SA GZHI THAMS CAD BRIS PA BZHIN DU NAM MKHA'I MTHIL NAS LTA ZHING 'GRO BAR BYED DAM CI, ,RIG 'DZIN MA NAS, SHIN TU PHUL DU BYUNG GNAS BDAG LA YOD DE GTZUG NA NOR BU MTHONG BA DE RU DE BZHIN DU BABS PAR BYA'O, ,RIG PA 'DZIN PA NAS, LEGS LDAN RNAMS NI MTHONG BAS KYANG, ,DGA' 'GYUR MNGON PAR BRJOD PA LEGS, ,ZHES NAS YONGS SU ZHUGS SO, ,RI PHUG 'DI NI CHU BO DAL GYIS 'BAB PA YI, ,CHU 'THOR ZER MA BSIL ZHING 'JAM POS BSKYOD, ,LJON SHING GZHON NU'ANG YAL GA RNAMS NI KHA 'BUS PA, ,GANG DE SKYES BU SENG GE'I NYE 'KHOR GNAS YIN NO, ,RIG 'DZIN MA RNAMS RNAM PAR BLTAS TE, 'DI NI NGES PAR PHYAG BYA BA'I GNAS SO ZHES GNYIS POS PHYAG 'TSAL NAS RIG PA 'DZIN PAS NGES PAR BRTAGS NAS, 'DIR NI DE BA D'A tA @218B BSIL GRIB 'OG, ,NOR BU MU TIG RDO BA DAG GI STENG NA NI, ,PADMA'I STAN CAN MNGON SUM BZHIN DU SKYIL KRUNG MDZAD, ,GZHON NU GTZUG NA NOR BU NYE BAR ZHUGS PAR GYUR, ,RIG 'DZIN MA NAS, AA HO DE NI SHIN TU BRTAN PA ZAB PA BRLING BA'I MDZAD PA CAN NO, ,'DIS GANGS RI THAMS CAD DPAL GYIS GANG BAR BYAS SO, ,RJE'I SRAS 'DIR ME TOG 'DI RNAMS GANG NAS BYUNG, RIG PA 'DZIN PAS STENG DU BLTAS PA NA YA MTSAN CHE STE, MKHA' LAS LHA RNAMS ME TOG CHAR 'BEBS SHING, ,SEMS CAN CHEN PO MNGON PAR MCHOD PAR BYED, ,DE NI DE BZHIN MCHOD PA'I DON DU NI, ,BDAG CAG KYANG NI ME TOG TSOL DU 'DENG, ,ZHES NAS SO, ,DE NAS RAB TU ZHUGS PA NA 'DRES PA JI LTA BA MTHONG STE SPYAN CUNG ZAD PHYE NAS AA HO NAD MED PA'I BSAM GTAN BZHI NI 'DI LTA STE, RNAM PAR RTOG BCAS RNAM PAR DPYOD DANG G-YO BA'I RLABS, ,DANG PO YIN TE DGA' BDE G-YO BCAS GNYIS PA'O, ,BDE BA LA CHAGS 'JIG PA'I NAD CAN GSUM PA'O, ,RAB TU ZHI BA RO GCIG MTHAR THUG 'DI NI BZHI PA'O, ,BZHAD GAD PA NAS, KYE NA MNYAM KHYOD RANG GCIG PU DE BZHIN DU DANG PO DANG, GNYIS PA DANG, GSUM PA DANG, BZHI PA'I BSAM GTAN GYI BDE BA THOB NAS BDAG GCIG BU 'GENGS SHING THUM POR BSDAMS NAS TSONG PA BZHIN DU RNYED PA THOB NAS GNAS PAR BYED DAM, BDAG BRAM ZE LA YANG BSAM GTAN CIG KYANG MA BYIN ZHES ZER, 'DREN PA NI BZHAD CING NA MNYAM PA 'DI NI SGOM PA'I RJES SU 'JUG STE, GZHAN LA SBYIN PAR MI NUS SO, ,PHRENG BA'I YON TAN BDAG NYID BZHIN, ,GAL TE BSAM GTAN 'JUG 'GYUR NA, ,'JIG RTEN KUN GYI DON BSGRUB PHYIR, , YID KYI SHING RTA CIS MI BSGRUB, ,BZHAD GAD PA NAS, JI LTAR NA BSAM GTAN GYI BDE BA THOB PAR 'GYUR BA LAGS, 'DREN PA NAS, GNYIS MIN RTEN CING 'DOD LHA'I MTSON RNAMS BCOM, ,BDE BA 'DI NI RANG DBANG YOD BYAS NAS, ,G-YO BA RNAMS GSAL MTSO CHU SHIN TU DANGS, ,BSIL BZHIN RANG GI SEMS LAS RAB TU SKYE, ,BZHAD GAD PA NAS, 'DI NI GZHAN ZHIG LA, YUL GYI BDE BA YANG GZHAN ZHIG GAM CI, 'DREN PA NAS, KHYOD NI BDUD RTZI DANG DUG SRE BAR BYED DAM CI, ,BSAM GTAN BDE BAS YID NI BSIL BAR BYED, ,YUL GYIS SLAR YANG DBANG MED SEMS BYED CING, ,'DOD CHAGS ZHE SDANG ME YIS RNAM BCINGS SHING, , @219A *, ,DMYAL BA'I ME YIS SREG PAR BYED PA LTAR, ,BZHAD GAD PA NAS, GAL TE DE BZHIN DU YIN NA BDAG KYANG BSAM GTAN BYED DO, ,RGYAL PO NAS, DE BZHIN DU MDZOD CIG ,BZHAD GAD PA BSAM GTAN BYED PA NA RNA BAR CUNG ZAD THOS SO, ,KYE NGU BA BZHIN DU THOS PAR BYED DO, ,'DREN PA NAS, BSAM GTAN YA MTSAN CHE'O, ,BZHAD GAD PA NAS, KHYOD KYIS CI YANG MA THOS SAM, RGYAL POS KYANG CUNG ZAD THOS TE, 'DI NI GRAG PA 'BA' ZHIG TU MA ZAD NGES PAR BUD MED DU ZHING 'DUG GO, ,BZHAD GAD PA NAS, JI LTAR SHES, RGYAL PO NAS, YAN LAG MCHOG RNAMS DBYANGS SNYAN ZHING, ,RNAM PAR 'DREN RING MNYEN DANG 'JAM, ,BSKYED PA RNO ZHING RNAM PAR GCOD, ,SKYES BU RNAMS NI RNAM PAR RTZUB, ,NA MNYAM MI RING BAR MNYEN PA BZHIN DU'O, ,BZHAD GAD PA NAS, 'DI'I DBYANGS SGROGS TSUL NI SNGON THOS PA CIG 'DRA BA SNYAM MO, ,RGYAL PO NAS, BDAG KYANG DE BZHIN DU SNYAM MO, ,DE NI DKA' THUB MA MNAR BA ZHIG NGU BA YIN NAM, DER MNGON PAR 'GRO BAR RIGS SO, ,BZHAD GAD PA NAS, KYE NA MNYAM DE BA LTAS NAS CI ZHIG BYED ZER, YOL BA'I NANG DU'O, ,LEGS LDAN 'JIG RTEN SKYONG RNAMS YONGS SU SKYOBS SHIG YONGS SU SKYOBS SHIG ZER, RGYAL PO NAS, SKYE BO 'DI BZHIN DU MNAR BA CI ZHIG NYE BAR BLTA BAR RIGS SO, , BZHAD GAD PA NAS, ,KYE KHYOD JI LTAR DUS THAMS CAD DU GSAR BU BZHIN DU PHA ROL GYI SDUG BSNGAL GYIS BDAG NYID SDUG BSNGAL BAR BYED DAM, RGYAL PO NAS, NA MNYAM, 'KHOR BAR RING DU SLAR YANG NI, ,BDAG NYID DE BZHIN SKYE ZHING SKYES, ,SEMS CAN 'GA' ZHIG GNYEN MIN PA, ,GANG NA'ANG DE NI GCIG YOD MIN, ,GNYIS PO RTAB RTAB POR LANGS TE YONGS SU ZHUGS PA NA, BZHAD GAD PA NAS, KYE 'DI NI LHA MO PADMA CAN LA CI ZHIG RJES SU BYED PA MA YIN NAM, RGYAL PO NA RE KHYOD CI ZHIG SMRA, GANG NA LHA MO PADMA CAN GANG LA'O SKOL GNYIS KYANG PHYOGS TZAM ZHES ZER, DE NAS PADMA CAN SHA BA RI GNYIS DANG RJES SU 'OG ZHING RAB TU ZHUGS SO, ,SHA BA RI DAG NAS, SONG MI KHYOD SONG ZHES SKAD CHEN POS SMRA ZHING KHYOD MI 'GRO'AM ZHES MAD M'A DA KA ZHES PA NAS BUD MED RNYED PA 'DIS NGA'I BU CHUNG DE'I NU MA BSNUN PA'I MA MA BYED DO ZHES ZER, GNYIS PA NAS, HA KYEE NA dE KA LA LO LA K'A 'DI NI'U CAG GNYIS KYIS THOB BO, ,JI @219B LTAR 'GRO BA DE LTAR 'GROR CHUG ZER, PADMA CAN DU ZHING KYE MA JI LTAR 'PHAGS PA'I BU KHYOD NI YONGS SU SKYOB PA'I NGANG TSUL DE LTA NA SKAL DMAN BDAG GI GNAS SKABS 'DI LTA BUR 'JUG PA LAS YONGS SU SKYOB PAR MI BYED DAM ZHES SMRA, BZHAD GDAB NAS, KYEE JI LTAR THE TSOM BYED, LHA MO PADMA CAN NO, ,RGYAL POS DE LA BLTAS NAS RTAB RTAB POR LHA MO MA 'JIGS SHIG ,PADMA CAN NI BRTAGS NAS 'PHAGS PA'I BU'AM SU ZHIG YIN, YANG NA BDAG GIS 'DIR 'GA' ZHIG LA 'PHAGS PA'I BU MO'I ZHES NYE BAR MTHONG NGAM, RGYAL PO NI BSHUMS SHING LHA MO 'DI NYE BAR MTHONG BA 'DI NI BDAG YIN TE, NYE DU'I SKYE BO SDUG BSNGAL BAR BYA'O, ,BZHAD GAD PA NAS, KYE LHA MO JI LTAR THAMS CAD GZHAN YIN SNYAM DU MA SEMS SHIG ,'DI NA NI MNYAM DGA' BA'O, ,PADMA CAN NI GNYIS PO LA BLTAS TE, SHIN TU SDUG BSNGAL NAS SA LA 'GYEL LO, ,SHA BA RI DAG NAS, SHOG MI KHYOD SHOG ,BZHAD GAD PA NI DBYUG PA GYEN DU BSGRENGS TE, HA NA dE BRAN MO YI BU GDUG PA CAN GYI SHA BA RI DAG ,DBYUG BA KYOG PO LAG 'GRO KHROS PA 'DRA BA'I DBYUG PA 'DIS KHYED CAG GI MGO GZHOM PAR BYA'O ZHES ZER, RGYAL PO NA RE NA MNYAM DE BZHIN DU MA BYED CIG ,JI LTAR GNOD PA BYED PAS BSHES GYUR PA, ,DE LTAR PHAN PA MDZAD PAS MI 'GYUR SNYAM, ,GANG LAS DE YIS BZOD PAR GYUR PA YI, ,'GRO BA MTHA' DAG ZLOG PA'I RGYU NYID DO, ,SHA BA RI DAG PHAN CHUN BLTAS NAS SHIN TU BRTEN TE G-YO BAR GA LA 'GYUR, DE LTAR NA BDAG CAG 'GRO BAR BYA'O, ,'DI NI BDAG CAG DBANG POS SPRUL PA BYAS ZER, 'JIGS PAS GAR BYED CING NGES PAR ZHUGS TE SONG NGO, ,'DREN PA NAS, AA YI LHA MO 'DIR CI'I PHYIR JI LTAR 'DI 'DRA BA'I SKABS SU ZHUGS, PADMA CAN DU ZHING 'PHAGS PA'I BU BDAG GI SKAL BA LA DRI BAR MDZOD, ,BZHAD GAD PA NAS, KYA LHA MO GZHON NU PADMA SKYES JI LTAR, PADMA CAN PHYOGS RNAMS SU BLTAS NAS SKAL BA DMAN PA BDAG LA DA GZOD GTAM CI ZHIG ,RGYAL PO RTAB RTAB POR BU CI CI ZHES SMRA, PADMA CAN NAS, BU PADMA SKYES DE RING GANG NA ZHES SMRA, BZHAD GAD PA NA RE, CI CI KYE LHA MO SMROS SHIG PADMA CAN NAS, BDAG GI BU PADMA SKYES KYI DUS GANG, BZHAD GAD PA NAS, KYE LHA MO GZHON NU JI LTA JI LTAR PADMA CAN DE YANG GANG GIS YANG PHROGS SO, ,RGYAL PO NAS, BDAG GI BU GANG GIS PHROGS @220A *, ,PAS GANG GIS YANG SHIN TU MI BZAD PA 'DIR GNAS NAS ZHES BSHUMS SHING GNOD PA SHIN TU MANG BA DGON PA'I GNAS 'DIR BDAG GIS GZHAN CI ZHIG SEMS PAR BYED, BZHAD GANG PA DU ZHING KYE MA YONGS SU TSIM PA MED PA'I GSHIN RJES DE RING MED PAR BYAS SO ZHES RNAM PAR BSAMS TE, KYE LHA MO JI LTAR 'DI BZHIN DU SDUG BSNGAL SPYOD PA DANG PHRAD, PADMA CAN NAS, BDAG ME TOG THU BA'I PHYIR GNAS NAS 'ONGS PA DANG PHRAD DO, ,RGYAL PO NAS, LHA MO NAM ZHIG DRANG SRONG CHEN POS KHYOD MA MTHONG BA DANG KHRO BAR 'GYUR RO, ,DE NAS BZHENGS LA DE BZHIN DU 'GRO BAR MDZOD CIG ,BZHAD GAD PA NAS, KYE JI LTAR S'A RI BTZON RA NAS THAR NAS LAG TU 'ONGS PA LA SLAR YANG KHYOD KYI JI LTA BA BZHIN DU DER 'JUG GAM, RGYAL PO NAS, NA MNYAM 'DI NI CHOS KYI LUGS MA YIN NO, ,PADMA CAN RGYAL PO LA BLTAS NAS NGU ZHING 'PHAGS PA'I BU KHYOD KYIS BDAG SLAR YANG YONGS SU 'DOR RAM, RGYAL PO NAS, JI LTAR KHYOD KYIS BDAG G-YANGS CHEN POR SKYUR BAR BYED DAM GZIGS MDZOD, DON GANG BDAG GIS YONGS BTANG NAS, ,SLAR YANG LEN PAR 'DOD PA NI, ,DPER NA KHYI BZHIN GSAL POR NI, ,SLAR YANG SKYUGS PA ZA BYED DAM, ,SHIN TU YUN RING GNAS GYUR KYANG, ,BDAG CAG NAM ZHIG 'BRAL BAR NGES, ,DE BZHIN DU YANG GSUNGS TE, BSAGS PA THAMS CAD MTHAR 'DZAD CING, ,MTHON PO RNAMS NI DMA' MOR LHUNG, ,'DUS PA'I MTHA' NI BRAL BA STE, ,GSON PA'I MTHA' YANG 'CHI BA YIN, ,GZHAN YANG LHA MO, KUN GYI RANG BZHIN YUN RING GNAS KYANG RNAM PAR 'BRAL, ,'CHI BDAG ZHAGS PAS 'DZIN CING RNAM PAR KHA GDANGS RGYU, ,GAL TE CHOS PHYIR 'DI NI DA LTAR RNAM BRAL KYANG, ,YANG DAG 'DUS PA BAS KYANG SHIN TU DGA' BAR 'GYUR, ,PADMA CAN NAS, 'PHAGS PA'I SRAS GANG GSUNGS PA DER BDAG 'GRO'O, ,GAL TE BDAG 'GRO YANG RKANG PA'I SNA MI 'GRO'O, ,RGYAL PO NAS, LHA MO NGANG TSUL 'DIS BDAG GI BKA' NI SGRUB PAR MDZOD, ,NA MNYAM DRANG SRONG CHEN PO'I GNAS SU LHA MO SKYEL BAR MDZOD CIG ,BZHAD GAD PA NAS, NA MNYAM JI LTAR GSUNGS PA BZHIN DU BYA'O, ,PADMA CAN NI NGU ZHING KYE GOO TA MA SKAD CIG GZHES PAR MDZOD CIG ,BDAG NI RE ZHIG 'PHAGS PA'I BU LTA'O, ,GDAG NI SKAL BA DMAN TE SLAR YANG BDAG @220B GIS MTHONG BAR BYA BA GA LA YIN ZHES CHAGS SHING NGES PAR BLTAS NAS 'PHAGS PA'I BU BDAG LA'ANG LEGS PAR GZIGS MDZOD, SLAR YANG BDAG GIS KHYOD MTHONG BAR MI 'GYUR RO, ,RGYAL PO NAS, LHA MO NYES PAR BLTAS PAS CI ZHIG ,'DUS PA THAMS CAD 'DI BZHIN 'GRO BAR 'GYUR TE GZIGS MDZOD, ,DPER NA LAM PA LAM ZHUGS RNAMS, ,'GRO ZHING LAM DU 'DUS GYUR NAS, ,TSOGS KYANG PHYOGS GZHAN 'GRO BAR BYED, ,DE BZHIN GNYEN 'DUN TSOGS RNAMS SO, ,BZHAD GAD PA NAS, KYE NA MNYAM SNYING RJE MED PAR MA BYED, KYE LHA MO'I DBUGS 'BYIN PAR MDZOD CIG ,RGYAL PO NI BSHUMS SHING JI LTAR BDAG GIS DBUGS DBYUNG BAR BYA STE, SLAR YANG 'BYUNG 'GYUR YANG DAG 'DUS PA THOB CE'AM NI SLAR YANG KHYOD KYI SRAS PO NI, ,PADMA SKYES KYIS 'DIR NI BLON PO DANG NI DPUNG TSOGS THAMS CAD BCAS PAR 'GYUR ZHE'AM, ,LHA MO'I GYOS SGYUG BDAG GI YAB YUM DAG NI RAB TU DANG BAS DI RING THOB CE'AM, ,MNGA' RIS SHIN TU RGYAS PAR SMRA'AM JI LTAR BDAG GIS DGA' BAS RAB TU DBUGS DBYUNG BYA, ,YOL BA'I NANG NAS 'DI BZHIN NO ZHES SO, ,THAMS CAD RTAB RTAB POR GYUR TE, SLAR YANG YOL BA'I PHAG NAS 'DI BZHIN NO ZHES CI ZHIG ,'DI BZHIN GANG LA RIG 'DZIN RNAMS, ,DGA' BAS LEGS 'ONGS NAM MKHA' LAS, ,ME TOG RNAMS KYI CHA RA PHAB STE, ,'DIR NI GSAL POR GYUR PA'O, ,RGYAL PO NI NGO TSA DANG BCAS TE, LHA MO 'DIR YANG 'GA' ZHIG 'ONGS NAS GAL TE BDAG LA 'DIR LHA MO DANG BCAS PA MTHONG NA BRDZUN GYI DAM BCA' ZHES 'BYUNG BAR 'GYUR RO, ,PADMA CAN DU ZHING PHYAG 'TSAL TE, KHYOD LA LHA RNAMS KYIS MTHONG BAR 'GYUR MOD CES ZER NAS LTA ZHING YONGS SU SONG NGO, ,BZHAD GAD PA GRJES SU ZHUGS TE SONG NGO, ,RGYAL POS GZIGS TE, BUD MED RIN CHEN SBYIN PAR BTANG, ,YID NI 'GRO ZHING BYA BA BYAS, ,BDAG GI GTZUG GI RIN CHEN 'DI, ,SPUN BZHIN DU NI DON MED GNAS, ,DA NI DAM PA SLONG BA SU ZHIG 'BYUNG SNYAM PA NA, DE NAS BRAM ZE ZHIG ZHUGS NAS KYE BDAG SLONG BA PO ZHES YONGS SU ZHUGS SO, ,PADMA CAN GYIS BLTAS TE, GOO TA MA BRAM ZE 'DI NI CI ZHIG SLONG BAR BYED DO SNYAM DU BDAG GI SNYING LA SEMS SO, ,BZHAD GAD PA NAS, KYE LHA MO 'DI YANG BRAM ZE STE, THAMS CAD DU BDAG CAG BRAM ZES GTONG BAR MI BYED DE 'DI NA YANG @221A *, ,SLEB BO, ,YANG NA NAGS TSANG TSING GI PHAG TU LHA MO LTA ZHING SDOD CIG BDAG GIS NYE BAR 'GRO BAR BYA'O, ,BRAM ZES NGES PAR BLTAS TE, 'DI NI LHA GTZUG NA NOR BU GANG YIN PA 'DI YIN TE, GCIG PU NYID KYI PHUN TSOGS KYIS, ,SA GSUM RNAMS NI KHYAB PAR MDZAD, ,BSKAL PA CHAGS DUS GNAS PA YI, ,LEGS LDAN PADMO'I SKYE GNAS BZHIN, ,ZHES ZER NAS, KYE RGYAL PO BDE LEGS SU GYUR CIG ,RGYAL PO NAS, BDE BAR 'ONGS SAM 'DIR BZHUGS SHIG GSUNG, MIG G-YAS PA 'PHRIG PAR GYUR NAS BSAMS PA, JI LTAR MIG NI G-YAS 'GUL ZHING, ,GANG ZHIG LHAG PAR MNGON GSAL BYED, ,GANG BA RGYA CHEN BSNGAGS 'OS PA'I, ,GSAL BAR SLONG BA POR GYUR NGES, ,BRAM ZE CHEN PO CI SLONG BAR BYED GSUNGS SHIG CES SO, ,BRAM ZE NI NGO TSA BZHIN DU BDAG NI NGES PAR 'DOD PA CHE'O, ,RGYAL PO DGA' BA DANG BCAS TE NGO TSA BA CHOG GO, ,BDAG NYID KYI BZHIN DU 'DI THAMS CAD KYANG KHYOD KYI'O, ,BRAM ZE NAS, GZHAN DON RO GCIG SHAR BA YI, ,'GRO BA'I BSHES GNYEN ZHI MDZAD PA, ,BDAG GI MNGON 'DOD KHYOD BZHIN DU, ,KHYOD KYI GTZUG GI NOR BU STE, ,BZHAD GAD PA RTAB RTAB POR NYE BAR BTUD DE, KYE BRAM ZE KHYED LA NGO TSA BA'ANG MED DO, ,NA MNYAM DGA' BA'I LUS KYI GNAS SKABS KYANG 'DI BZHIN DU SDUG BSNGAL BAR BYED DAM, RGYAL PO NAS, NA MNYAM DE BZHIN DU MA BYED, JI LTAR BDAG GI MCHOD PA'I GNAS KHYOD KYIS RGYANG DU 'PHEN NAM, 'DI NI SBYIN BDAG 'DIR BDAG SLONG MO PA, ,GROGS PO PHYIN CI LOG TU CI PHYIR BYED, ,'DI NI 'GRO BA MYANG 'DAS RGYUR 'GRO BA'I, ,BDAG GI KUN MKHYEN BZHON PA'I MCHOG YIN NO, ,GZHAN YANG, YID BZHIN NOR DANG SLONG BA'I SKYE BO DAG ,PHUN TSOGS YON TAN SLONG BA'I SKYA BO 'PHAGS, ,YID BZHIN NOR NI NOR TZAM STER BYED KYI, ,SLONG BA'I SKYE BO YON TAN KUN 'BYUNG NGO, ,KYE BRAM ZE GTZUG GI NOR BU 'DI NI JI LTAR 'DOD PAR BTON NAS KHYER CIG ,BRAM ZE NAS, LHA YI GTZUG GI NOR BU RI RAB KYI, ,RTZE MO LTA BUR SU YIS BSKYOD PAR NUS, ,RGYAL PO NAS, RDO BA YIS BSNUN CING THON CIG ,GZIGS MDZOD, CHU SHING SNYING PO MED PA LTAR, ,RNAM PAR NYAMS GYUR BDAG MED PA'I, ,LUS 'DI GZHAN DON 'GRO BA YI, ,DGA' 'GYUR @221B GANG GIS SKYE BA MED, ,BZHAD GAD PA NAS, YONGS SU SKYOBS SHIG YONGS SU SKYOBS SHIG ,NAGS TSAL GYI LHA RNAMS GDUG PA CAN GYI BRAM ZES NA MNYAM DGA' BA NI GSOD PAR BYED DO, ,LHA MO RTAB RTAB POR GYUR NAS 'DI LAS GZHAN PA YANG MTHONG BAR 'GYUR RAM ZHES NYE BAR 'ONGS SO, ,BRAM ZE NGO MTSAR TE; CI STE NAGS TSAL GYI LHA RNAMS 'ONGS SAM SNYAM MO, ,PADMA CAN NAS 'PHAGS BA'I SRAS BYA BA 'DIS CI ZHIG BYED, RGYAL PO NAS, YID KYI SHING RTA'I 'BRAS BU DANG BCAS SO, ,PADMA CAN DU ZHING 'PHAGS PA'I BU'I YID KYI SHING RTA'I 'BRAS BU DANG BCAS SO, ,BRAM ZE'I 'DOD PA GRUB PO, ,RGYAL PO NAS, SHIN TU BDAG TU RMONGS PAS CHOG GO, ,GZIGS MDZOD, 'KHOR BA'I CHU GTER SEMS CAN RNAMS, ,LAS KYI DBA' RLABS SHUGS KYIS BSKYOD, ,MTHON PO DAG NI DMA' MOR 'PHANGS, ,DE NAS GANG DANG GANG GIS BSNYEN, ,BRAM ZE NAS, SHIN TU SNYING RJE CHEN PO LA BLTAS NAS BDAG KYANG YANG DAG PAR BRTZE BA SKYE NA GTZUG GI NOR BU RE ZHIG ZHOG CIG ,PADMA CAN NAS, BRAM ZE DE BZHIN DU RJES SU 'JUG GO, ,BZHAD GAD PA DGA' NAS LEGS PAR SMRAS SO, ,RGYAL PO SHIN TU MI MNYES NAS, KYE BRAM ZE KHYOD KYIS GZHAN DU SMRAS NAS 'DI BZHIN DU RIGS SAM, BRAM ZE NAS, RGYAL PO BDAG CAG GI YUL DU M'A RI'I NAD ZHUGS TE, DE'I PHYIR BLANGS NAS DA NI 'DIS SPRO BAR BYED DO, ,RGYAL PO NI RTAB RTAB POR JI LTA JI LTAR BRAM ZE ZHES GSUNGS, BRAM ZE NAS, KYE RGYAL PO, SRONG DANG SO SO'I KHYIM RNAMS DUR KHROD MI BZAD BZHIN, ,YAN LAG BRKYANG ZHING LUS 'DZAG SHING GI PHUNG PO BZHIN, ,RI RAB KYANG NI KHYI DANG MKHA' 'GROS RGYU MA RNAMS, ,RAB GTUGS 'DI NI KU RU'I YUL DU BYUNG BAR GYUR, ,RGYAL PO NAS, SDUG BSNGAL LO, ,KYE BRAM ZE M'A RI'I NAD DE RAB TU ZHI BAR BYED PA'I THABS GANG YANG MED DAM, BRAM ZE NAS, 'CHI NAD RAB TU ZHI BAR BYED PA'I CHED DU 'DI BZHIN LHA'I GTZUG GI NOR BU SLONG BA 'JIG RTEN PA RNAMS KYIS BDAG BTANG NGO, ,RGYAL PO SHIN TU MNYES NAS SKYE BO RNAMS LA PHAN PAR BYA BA'I PHYIR BDAG GI GTZUG GI NOR BU SLONG BAR BYED DO ZHES KUN NAS PHYUNG NAS, GTZUG GI NOR BU BKAN NAS RTZA BA RNAM PAR BCINGS PA PHYUNG NAS NI, ,'DI NI TSAD CHEN RI BONG 'DZIN PA'I 'OD ZER LTA BUR DKAR, ,'GRO BA'I DON RNAMS YANG DAG SGRUB MDZAD GNYIS @222A *, ,SKYES LA BYIN NAS, ,MI DRAG 'GRO BA KUN GYI NAD RNAMS 'DI YIS SEL BAR SHOG ,CES BYIN TE BRGYAL NAS GAR BYED DO, ,PADMA CAN DU ZHING HA 'PHAGS PA'I SRAS HA MTHU CHEN PO MGON MED PA RNAMS KYI GNYEN KHYOD KYIS BDAG GCIG PU 'DIR YONGS SU 'DOR BAR BYED DAM ZHES ZER, BZHAD GDAB NAS, HA NA MNYAM DGA' BA 'GRO BA KUN GYI GNYEN BRTZE BA CHEN PO YONGS SU SKYOBS SHIG KYE YONGS SU SKYOBS SHIG DPAG BSAM GYI SHING YONGS SU 'DOR ZHING CHU GTER YONGS SU SKAM MO ZHES ZER, BRAM ZE NI GZHAN DU 'DIR BSDAD NAS CI BYED, 'DI NI SEMS DPA' CHEN PO DE'I MNGON PAR 'DOD PA BDAG GIS BSGRUB PAR BYA'O SNYAM NAS YONGS SU ZHUGS NAS BLTAS BA NA DER THUB PA CIG 'ONGS SO, ,BDAG NI SDIG PA MA BZAD PA DANG LDAN PAS JI SRID 'DIS MI MTHONG BA DE SRID BDAG 'BROS SO SNYAM NAS ZHUGS SO, ,DE NAS DRANG SRONG 'OD ZER CAN RIN CHEN PHRENG BA MA DANG BCAS TE RAB TU ZHUGS SO, ,CI STE SGRA CHEN GNAS SKABS MA YIN 'DI LTAR LHUNG ZHING CI STE SA CHEN G-YO BAR BYED, ,CI STE RLUNG RNAMS KYANG NI RTZUB CING CI STE PHYOGS RNAMS KYANG NI SKYA BOR 'GRO BAR BYED, ,CI STE NYI MA YANG NI MTSAMS MIN GZA' YI BDAG POS 'DZIN CING BCOM GNAS GNAS BYED CING, ,CI STE NYI MA'I GUNG LA DI RING 'DIR NI YUL RNAMS MUN PAS YANG DAG SGRIB PAR BYED, ,'DI BZHIN DU MI'I BDAG PO LA JI LTAR SDUG BSNGAL MI 'DOD PA ZHIG GO SNYAM NAS BU MO RIN CHEN PHRENG BA MA DA LTAR PADMA BA T'I GAR SONG, RIN CHEN PHRENG BA MA NAS, CHU KLUNG DAL GYIS 'BAB PA'I 'GRAM DU ME TOG THUR SONG NGO, ,DRANG SRONG NAS 'DI MYUR DU BLTAR 'GRO BAR BYA'O ZHES YONGS SU ZHUGS PHAN RNA BAR CUNG ZAD THOS NAS AA YE JI LTAR DU BA'I SGRA 'DRA BA ZHIG GO, ,DER RE ZHIG BDAG 'GRO BAR BYA'O ZHES NAS YONGS SU ZHUGS NAS BLTAS PA NA, RIN CHEN PHRENG BA MA DU ZHING, LEGS LDAN PADMA CAN NI JI LTAR DU ZHING MCHIS SO, ,'DI YANG GOO TA MA'O, ,DRANG SRONG NAS 'DI LAS GZHAN 'GA' ZHIG KYANG NGO, ,RIN CHEN PHRENG BA MAS NGES PAR BLTAS NAS, HA BDAG GSOD 'DI NI LHA GTZUG NA NOR BU STE SA LA 'GYEL NAS MCHIS SO, ,DRANG SRONG NAS, HA BDAG GSOD BDAG SKAL BA DMAN PA MI RTAG PA NI STOBS CHE'O, ,SKYE BA'I DPAG BSAM SHING BZHIN DU, ,RTAG TU 'TSO BAR BYED PA YI, ,DE NI 'DI NA NYAL ZHING 'GYEL, , @222B PHUN TSOGS NGES PAR SKAD CIG TZAM, ,BU MO PADMA BA T'I, CI ZHIG ,JI LTA BDE BZHIN DU DU BAR BYED DO, ,BZHAD GAD PA NAS, LEGS LDAN GZIGS GZIGS DRANG SRONG NAS, 'DI JI LTAR YIN, BZHAD GAD PA NAS, LEGS LDAN GTZUG NA NOR BU'I SBYIN PA'O, ,DRANG SRONG NAS, HA DPAG BSAM GYI SHING 'GRO BA'I GNYEN GCIG BU ZHES ZER, PADMA CAN LA RIN CHEN PHRENG BA MA 'KHYUNG NAS GROGS MO DGA' MA 'DIR SHOG ,GNAS SKABS KYI MTHA' 'DI LA LTOS SHIG ,H'A BU PADMA SKYES YAB KYIS KYANG YONGS SU 'DOR BAR BYED DO, ,DE NAS PADMA SKYES DANG, LAG BZANGS DAG KYANG RAB TU ZHUGS TE 'DI NI NGA'O, ,PADMA SKYES NI 'DIR BLANGS NAS, ,BZOD PAR DKA' LAS RGYAL BAR BYAS, ,RJE BO LTA ZHING 'GRO BAR BYED, ,DE LAS YID KYI THE TSOM CI, ,PADMA SKYES NAS, AADZDZA SNA CHEN PO YUM DANG BCAS TE YAB DANG 'JAL BAR BYED DO ZHES ZER, LAG BZANGS NAS, GZHON NU DE JI LTA BA DE BZHIN DU BYA'O ZHES ZER, YONGS SU ZHUGS PA NA PADMA SKYES RTA BA BZHIN DU 'GYEL PAR GYUR TO, ,AADZDZA NGA'I RKANG PA LA CI NAM CIG GIS RMUGS SO ZHES ZER, LAG BZANGS 'JIGS NAS MYUR DU BLTAS TE RANG NYID BSAMS PA DANG, SKRAG PAS KUN NAS 'GYEL TE, JI LTAR 'DI NI SBRUL YIN TE, SA YI SER GA 'DIR RJES SU ZHUGS TE SONG NGO, ,BDAG GI MNGON 'DOD GRUB PA 'DI NYAMS SO SNYAM MO, ,YANG NA MYUR DU LHA'I DRUNG DU NYE BAR 'GRO ZHING SLEB MA THAG TU GTZUG GI NOR BU'I 'OD ZER GYIS DUG MED PAR 'GYUR RO, ,SNYAM NAS GSAL BAR SMRAS PA, GZHON NU MYUR DU MDZOD CIG ,YAB YUM DAG DANG MJAL BAR BYA'O ZHES SMRAS PA NA, NGA'I RKANG PA NI SBRID SIL SIL MCHIS SO, ,GNYIS KYANG BRO, LUS PO YANG 'DIR ZHING MCHIS SO ZHES ZER, LAG BZANGS KYI RNA BAR CUNG ZAD THOS TE, JI LTAR 'DIR YANG DU BA'I SGRA ZHIG GO SNYAM NAS BRTAGS PA NA, DE CI STE 'DI NI LHA MO BSHUMS PA YIN NAM, 'DI NI RIN CHEN PHRENG BA MA'O, ,'DI NI LEGS LDAN 'OD ZER CAN NO SNYAM NAS, SHIN TU SDANGS NAS 'DI THAMS CAD CI'I PHYIR DU ZHES YANG BLTAS PA NA, DE RNAMS NI DU ZHING LHA NI GZIMS NAS BZHUGS SO, ,AA YE LHA YI DBU NI CI'I PHYIR 'DI BZHIN DU SONG, ,DES PAR BLTAS, H'A RGYAL PO CHEN PO JI LTAR 'DI 'DRA BA'I GNAS SKABS SU GYUR ZHES LHA MO LA LTA ZHING, KHYOD KYI SBYAN NI BTZUMS SHING MCHIS, ,DI RING 'JIG RTEN SNANG BA MED, ,SNANG @223A *, ,BYED DANG BRAL NAM MKHA' BZHIN, ,DBU YI GTZUG KYANG STONG BAR SNANG, ,ZHES 'DREN BA'I ZHABS LA PHYAG 'TSAL NAS, 'DIR NI LHA 'BA' ZHIG GSHEGS PAR MA ZANG DE GTZUG GI NOR BU'I 'OD ZER DANG BRAL BAS DA NI GZHON NU YANG GSHEGS PAR 'GYUR RO, ,RIN CHEN PHRENG BA MA PADMA SKYES LA 'KHYUD DE BU PADMA SKYES YAB LA GZIGS MDZOD CIG ,PHYI NAS NAM YANG MTHONG BAR MI 'GYUR RO, ,PADMA SKYES NAS, YAB 'DI BZHIN DU CI STE, PADMA CAN NAS, BDAG NI SKAL BA'I RANG BZHIN NO, ,PADMA SKYES NAS, YAB BZHENGS MDZOD BDAG GI YUM YANG BSHUMS SHING MCHIS SO ZHES BRGYAL ZHING GAR BYED DO, ,PADMA CAN DANG, RIN CHEN PHRENG BA MA DAG KYANG H'A BU H'A GZHON NU, H'A BU CHUNG KHYOD KYIS KYANG BDAG CAG YONGS SU 'DOR RAM, LAG BZANGS NAS, H'A BCOM MO, ,SKAL BA DMAN PA 'DIR PHUN SUM TSOGS PA'I RGYAL RIGS STONGS SO, ,BZHAD GAD PA NAS BU PADMA SKYES DBUGS PHYUNG SHIG ,DRANG SRONG GIS NGES PAR BLTAS PAS NGO MTSAR BAR GYUR NAS, , 'DIR NI TZAN DAN CHU YI THEG LE'I ZER MA'I MKHA' LAS YAN LAG MCHOG RNAMS CHAR 'BEBS SHING, ,BUNG BA DANG BCAS ME TOG RNAMS NI RING NAS LDING ZHING RIG 'DZIN RNAMS KYIS 'THOR BAR BYED, ,KLUNG RNAMS KYANG NI NGAL GYIS 'BAB CING CHU KLUNG DAL GYIS 'BAB PA GTING ZAB RNAMS KYANG NI, ,ZIL PA'I 'OD ZER 'GYED CING LHA YI RNGA RNAMS 'DIR NI RI BO'I PHUG RNAMS RAB MYOS BYED, ,THAMS CAD YA MTSAN CHE NAS BLTAS SO, ,PADMA CAN NAS, 'PHAGS PA'I SRAS KYI SKU NI LHA RNAMS KYIS MCHOD PA'I CHED DU LHA'I 'JIG RTEN DU LEN PAR BYED DO ZHES ZER NAS DRANG SRONG GI RKANG PA LA PHYAG 'TSAL NAS, LEGS LDAN BDAG BKAS RJES SU GNANG BAR MDZOD CIG ZER NAS, LAG BZANGS LA BLTA ZHING, BDAG GI SREG SHING STA GON GYIS SHIG BDAG GI GTAM GYI PHYI MA YIN NO ZHES ZER, BZHAD GAD PA NAS, KYEE LHA MO THANG CIG GZHES SHIG ,BDAG KYANG NA MNYAM DGA' BA'I RJES SU LHAN CIG TU 'GRO'O, ,DRANG SRONG NAS DA DUNG YANG NGUS NAS CI ZHIG BYED MA MTHONG NGAM CI STE, 'DI YI THUGS KA RAB TU 'GUL ZHING SPYAN YANG 'PHRIG PAR BYED, ,'DI YI ZHAL NI MTSO YI PADMA BZHIN DU RNAM PAR 'DZUM, ,'DI YI SKU NI BA SPU G-YO ZHING PHYAG KYANG SKYOB PAR RTZOM, ,'DI YI SPYAN NI 'JIG RTEN RNAMS DANG LHAN CIG 'GYOD PA RTZOM, ,BZHAD GAD PA NAS, KYE LHA @223B MO KUN NAS 'KHRUG BAR MA BYED CIG ,NA MNYAM DGA' BAS KYANG 'DZIN PAR BYED DO, ,PADMA CAN NGES PAR BLTAS NAS, 'DIR BDAG GI SKAL PAS DBUGS 'BYIN PAR BYED DO ZHES PADMA SKYES KYIS LAG PA NAS BZUNG NAS BU DBUGS PHYUNG SHIG ,BU DBUGS PHYUNG SHIG ,KHYOD KYI YAB NI 'TSO BAR SNANG NGO ZHES ZER, RIN CHEN PHRENG BA MA NAS, KYE RGYAL PO CHEN PO'I 'KHOR RNAMS DBUGS PHYUNG SHIG ZER, ,RGYAL PO NI BKAN NAS RTZA BA GCES PA'I TSIGS SU BCAD PA DE NYID KLOG CING DAL BUS GSAL BAR BYED DO, ,PADMA CAN NAS, 'PHAGS PA'I SRAS 'DI NI GZHON NU PADMA SKYES TE, 'DI YANG 'DRID PAR MI BYED DAM, RGYAL PO NAS BU PADMA SKYES 'DIR SHOG GSUNGS, LAG BZANGS NAS, BDAG GI SKAL BAS 'DIR JI LTAR BYA, LHA 'DI NI BDAG GIS NGAL BSO NAS SONG BA NA, SBRUL GYI MCHE BAS BZUNG STE BRGYAL NAS MCHIS SO, ,RGYAL PO NI RTAB RTAB POR 'DI CI ZHIG ,PADMA CAN NAS, H'A BU PADMA SKYES KYIS YAB MA MTHONG MA ZER, RIN CHEN PHRENG BA MA NAS, H'A GROGS MO DGA' MA KHYOD KYIS YID KYI SHING RTA MA RDZOGS SO ZHES ZER, BZHAD GAD PA NAS, KYE GSHIN RJE TSIM PA MED PA ZER, LAG BZANGS NAS, LHA'I GTZUG GI NOR BU GANG NA, BZHAD GAD PA NAS, BRAM ZE LA BYIN NO, ,LAG BZANGS NAS, G-YO SGYUS BCOM STE BZOD PAR RAB TU DKA' BA'I G-YO THABS NGES PAR YIN NO, ,LHA JI LTAR DGRA RNAMS 'TSO BA'I PHYIR GTZUG GI NOR BU STER BAR BYED, RGYAL PO NAS, BDAG LA PHYIS KYANG GDUNG BA MED DO, ,DRANG SRONG NAS CIS SHES ZER, RGYAL PO NAS LEGS LDAN, GANG ZHIG BDEN PA 'DI DANG SNYING RJE'I BSAM PA'I 'BRAS BU DANG, ,DE BYIN BDAG LA NAM YANG RJES SU GDUNG BA MED 'GYUR NA, ,DE YIS DA LTAR DE BAS NUS MTHU SHIN TU LHAG GYUR PA'I, ,'GRO LA PHAN PHYIR BDAG LA GTZUG GI NOR BU 'BYUNG BAR SHOG ,CES GSUNGS PA DANG, GLOG 'KHYUG PA BZHIN DU MTHONG NAS THAMS CAD RTAB RTAB POR GAR BYED DO, ,PADMA SKYES KYANG NYE BAR LANGS SO, ,DRANG SRONG NAS, AA HO SEMS DPA' CHEN PO'I BSAM PA RNAM PAR DAG GYUR TE, ,NYI MA 'OD ZER STONG PHRAG RNAMS NI 'PHRO ZHING GSAL BA LTAR, ,SLAR YANG MI YI BDAG LA GTZUG GI NOR BUR 'KHRUNGS GYUR NAS, ,GANG GI MTHU NI RAB BRKYAD DUG GI MUN PA MNGON PAR BCOM, ,PADMA SKYES KYANG DA NI PADMA BZHIN DU RAB TU 'DZUM ZHES ZER NAS THAMS CAD RTAB RTAB PHOR @224A *, ,GAR BYED DO, ,PADMA CAN NI RGYAL PO LA LTA ZHING PADMA SKYES LA 'KHYUD NAS SLAR YANG BDAG GI MIG PHYE BAR GYUR TO ZHES SMRA'O, ,BZHAD GAD PA NAS, NA MNYAM DGA' BA'I RDZU 'PHRUL MNGON DU MDZAD DO, ,RIN CHEN PHRENG BA MA NAS, 'DI 'DRA BA LTAR YOD PA BDAG CAG RNAMS DGA' MO YIN NO ZHES ZER RO, ,LAG BZANGS NAS, GZHON NU YAB YUM DAG LA PHYAG 'TSOL CIG ZER, PADMA SKYES NI THAL MO SBYAR NAS PHYAG 'TSAL BAR BYED, RGYAL PO NAS CHOS DANG LDAN PAR GYUR CIG CES GSUNGS, PADMA SKYES NAS YAB JI LTA BAR GYUR CIG ZER, DRANG SRONG NAS, LHA MO DANG GZHON NU YANG 'DIR BDAG GIS 'BUL BAS RGYAL PO BZHES PAR MDZOD CIG ZER, RGYAL PO NAS, KHYED JI LTAR GSUNGS PA BZHIN DU BYA'O, ,THAMS CAD SHIN TU DGA' NAS GAR BYED DO, ,DRANG SRONG NAS 'DI BZHIN DU BYAS PA KHYED KYIS BZOD PAR MDZOD CIG ZER, 'DREN PA NAS RJES SU BZUNG BA LA BZOD PA'I YUL GANG LA YIN GSUNGS, YOL BA'I NANG NAS, KHYOD KYI YON TAN RNAMS KYIS SKYE DGU'I YID KYI SHING RTA RDZOGS PAR SHOG ,MYA NGAM THANG LA CHU GTER DANG NI RI BO 'DZEG PA'I SKAS SU SHOG ,CHU GTER SGROL BA'I GZINGS DANG MI BZAD MUN PA RNAMS KYI SNANG BAR SHOG ,'JIGS CHEN SKYABS GNAS DANG NI DBUL PO RNAMS KYI DPAG BSAM SHING DU SHOG ,CES ZER RO, ,RGYAL PO NAS 'DI GANG ZHIG ,DRANG SRONG NAS, 'DI NI LHA YI TSOGS RNAMS MNYAM DU KHYAB 'JUG DBANG PHYUG TSANGS PA DBANG PO ZLA BA SOGS, ,LHA RNAMS KUN GYIS MKHA' YI KHANG BZANGS GNAS SHING THAMS CAD 'DI BZHIN NAM MKHA' KHYAB PAR GYUR, ,CHEN PO DE RNAMS GANG RNAMS KYI NI RDZU 'PHRUL RNAM PAR 'PHEL ZHING SER PO DKAR PO YIS, ,PHYOGS RNAMS RAB TU MDZES SHING KHYAB PA RTZIG LOGS RI MOR BRIS PA BZHIN DU MDZAD GYUR TO, ,KHYED KYI YAB YUM DAG KYANG NAM MKHA'I BZHON PA LA GNAS NAS BU DANG BCAS SHING CHUNG MAR BCAS PA SHIS PA SHIS PA BRJOD PAR BYA'O, ,RGYAL PO 'KHOR DANG BCAS PAS PHYAG BYAS SO, ,LEGS LDAN CI ZHIG BSGRUB PAR BYA BA GSUNGS SHIG ,DRANG SRONG NAS, KHYOD NI MED GYUR MNGA' RIS SDUG BSNGAL GNAS, ,SLAR YANG GSHEGS SHING SLAR YANG SKYONG BAR MDZOD, ,DI RINGS KE'I GRONG KHYER GSHEGS PA'I PHYIR, ,MKHA' BZHON 'DI YANG DBANG POS KHYOD LA BSRINGS, , @224B RGYAL BO NAS, GONG MA RNAMS JI LTAR GSUNGS PA BZHIN DU BYA'O, ,THAMS CAD SHIN TU DGA' ZHING ZHON NAS GAR BYED DO, ,YONGS SU ZHUGS PA NA RGYAL PO NAS, AA HO MKHA'I BZHON PA NI SHIN TU MGYOGS TE, 'DI LTA STE, NGANG BA'I GSHOG PA RNAM PAR BSKYOD PAS RGYU BA'I TSOGS LTAR CHU 'DZIN RNAMS NI RING POR GYUR,, RI BO'I DBANG PO RNAMS NI GLANG CHEN DBANG PO MYOS BZHIN MNGON DU PHYOGS NAS RGYUG CING 'ONG, ,'DI NI DBANG POS DKRIGS SHING 'KHOR LO BZHIN DU NAM MKHA'I MTHIL NI RNAM PAR GCOD PAR BYED, ,NYI MA'I DKYIL 'KHOR NYE BA'I 'OD ZER TSOGS PAS BSKOR ZHING BYANG GI PHYOGS SU 'GRO BAR BYED, ,DRANG SRONG NAS, 'DI NI BZOD DKA' GRONG KHYER SKYE BO GNAS BCAS KHYOD LAS NI, ,BDUD RIS DKRUGS SHING 'JIG RTEN KUN 'TSO BLTA ZHING PHYAG BYED DO, ,'DI RNAMS KYANG NI SKYE BO'I GNAS BCAS SHIN TU 'DAS BYAS NAS, ,BDAG NYID JI LTA BZHIN DU GRONG KHYER S'A KE TA NAS SO, ,SLAR YANG KHYOD KYI DGA' BA'I BYA BA CI ZHIG YOD PA SMRA BAR GYIS SHIG ,RGYAL PO NAS, 'DI LAS KYANG DGA' BAR BYA BA CI ZHIG YOD, ,LHA MO PADMA BA T'I BU YI ZHAL DANG DGA' BA'I GOO TAM, BZHON ZHING MKHA' YI BZHON PA LA GNAS YAB YUM LHA TSOGS 'KHOR BCAS MTHONG, ,DGA' BA'I BLON PO SNA CHEN DANG NI SKYE BO'I SDUG BSNGAL MA LUS PA, ,RAB TU ZHI GYUR GZHAN NI CI ZHIG BSGRUB PAR BYA ZHING BYA BA CI, ,'ON KYANG DGA' BAR BYA BA YOD DE, ,'GRO RNAMS DAM CHOS 'BYUNG ZHING RAB TU SBYOR BA'I LTAD MO CHEN POR SHOG ,LEGS SPYOD YON TAN RNAMS KYIS 'CHI BDAG YID KYI SHING RTA 'BRAS MED SHOG ,THUB PA'I SKYE BO'I GTAM GYI 'BREL TSOGS ZHI ZHING BDUD RTZI'I CHAR RNAMS KYIS, , BSIL ZHING DGE BAS ZLA BA'I SNANG BAS RAB TU 'GRO ZHING DON BYED SHOG ,GANG ZHIG SNYAN NGAG BDEN PA RNAMS KYIS DUS RING DGA' BYAS SHI L'U SHA YI SRED RNAMS KYIS, ,DUS RING NAS NI NOR GYI KHUR THOB RING NAS SKYE BO'I SEMS NI RAB TU DGA' BAR MDZAD, ,SLAR YANG BKUR GNAS MTHONG BAR GYUR NAS DPAL LDAN CHAGS PA DANG BRAL ZHES PAS MDZAD GYUR PA, ,'JIG RTEN KUN DU DGA' BA SNA TSOGS ZLOS GAR 'DI NI GAR GYIS GZHIR THOB PAR SHOG ,CES SMRAS NAS THAMS CAD NGES PAR ZHUGS SO, ,YAN LAG LNGA PA RDZOGS SO,, ,,GZHON NU GTZUG NA NOR BU'I SKYES PA'I RABS ZLOS GAR GYI BSTAN BCOS 'JIG RTEN @225A *, ,KUN DU DGA' BA ZHES BYA BA SLOB DPON CHEN PO TZANDRA GO MIS RAB TU SBYAR BA'O,, ,,DAM PA RNAMS KYI TSUL LA BRTEN NAS PAndI TA CHEN PO K'I RTI TZANDRA DANG, YAR LUNGS PA GRAGS PA RGYAL MTSAN GYIS BAL YUL YAM BU'I GRONG KHYER DU LEGS PAR BSGYUR RO,, ,, #, ,RGYA GAR SKAD DU, N'A G'A NA N'A N'A MA N'A tA KA ,BOD SKAD DU, KLU KUN DU DGA' BA ZHES BYA BA'I ZLOS GAR, THAMS CAD MKHYEN PA LA PHYAG 'TSAL LO, ,DGA' MA DGA' BA'I BROL LAS SKYES PA'I SPU LANGS DAG GIS BSGRIBS PA'I LUS 'DZIN CING, ,'DZUM DANG LDAN PAS RGYAL BA'I BYANG CHUB DAG LA BKOD PA ME TOG SNYIM PA NI, ,GSHOG RTZAL RAB BSKYOD SGRA SGROGS SBRANG RTZI BYED RNAMS SBRANG RTZI RE BAS BSTEN CING DE'I, ,RKANG PAS BSNUN PAS KHA ZUM TSOGS PHYE GE SAR GSAR PAR GYUR PA KHYED LA SRUNGS, ,BSAM GTAN ZOL DAG NYE BAR BZUNG NAS SKAD CIG MIG PHYE SU LA SEMS PAR BYED, ,SKYOB PA YIN YANG LUS MED 'DAS GZIR SKYE BO 'DI DAG SRUNG BA MIN LA LTOS, ,SNYING RJER LDAN PAR BRDZUS TE KHYOD LAS GZHAN PA'I BRTZE MED SKYES BU GA LA YOD, ,BDUD MO RNAMS KYIS BYANG CHUB LA 'DI PHRAG DOG GIS BRJOD RGYAL BAS KHYED LA SRUNGS, ,GZHAN YANG GZHU BKANG 'DOD PA DANG NI RNGA GSANG BRDUNG ZHING SGRA SGROGS BDUD KYI DPA' BO DANG, ,SMIN 'KHYOG RAB 'DAR GLAL 'DZUM LOGS SU LTA BA MTHO RIS BU MO'I SKYE BO DANG, ,GRUB PA YAN LAG MCHOG BTUD RNAMS DANG MTSAR BAS SPU LANGS LUS CAN NOR LHA YIS, ,BYANG CHUB 'THOB LA BSAM GTAN G-YO MED CES BLTAS THUB PA'I DBANG POS KHYED LA SRUNGS, , SHIN TU MANG BAR 'GYUR BAS DGA' BAR BYAS TE MDO 'DZIN PA'O, ,DI RING BDAG PO'I DGA' STON LA PHYOGS SNA TSOGS NAS 'ONGS BA DPAL LDAN DGA' BA'I LHA'I ZHABS KYI PADMA NYE BAR BSTEN PA'I RGYAL PO'I TSOGS RNAMS KYIS GUS PA DANG LDAN PAR BOS TE, BDAG LA SMRAS PA, JI LTAR KHO BO CAG GI RJE DPAL LDAN DGA' BA'I LHAS, SNGAR MED PA'I DNGOS PO'I RGYAN RNAM PAR BKOD PA RIG PA 'DZIN PA'I SGES RABS LAS BRTZAMS PA, ,KLU KUN DU DGA' BA ZHES BYA BA'I ZLOS GAR MDZAD PA NI KHO BO CAG RNAMS KYI NYAN PA PO'I BRGYUD PA LAS THOS TE, SBYOR BA DAG NI MA MTHONG NGO, ,DE'I PHYIR RGYAL PO DE NYID LA GUS PA DANG, KHO BO @225B CAG LA RJES SU GZUNG BA'I BLOS SBYOR BA JI LTA BA BZHIN DU KHYOD KYIS ZLOS GAR DAG BYOS SHIG CES SO, ,DE'I PHYIR RE ZHIG TSON GYI BKOD PA DAG BYAS NAS JI LTAR MNGON PAR 'DOD PA BZHIN YONGS SU RDZOGS PAR BYA'O, ,'DUS PA'I SKYE BO 'DI DAG GI YID NI KUN DU TSIM PAR GYUR TO ZHES BYA BAR BDAG GIS NGES TE, GANG GI PHYIR, DPAL LDAN DGA' BA SNYAN DNGAGS MKHAN PO MKHAS LA 'DUS PA 'DI DAG YON TAN 'DZIN, ,'JIG RTEN DU NI BYANG CHUB SEMS DPA'I SPYOD PA YID 'PHROG ZLOS GAR BDAG CAG MKHAS, ,'DIR NI DNGOS PO RE RE DAG KYANG 'DOD PA'I 'BRAS BU 'THOB PA'I GNAS YIN NA, ,BDAG GI SKAL PA RGYAS PAS YON TAN KUN GYI TSOGS 'DUS 'DI LA SMOS CI DGOS, ,DES NA RE ZHIG KHYIM PA MO BOS TE GLU DAG LA GNAS PAR BYA'O, ,YONGS SU BGROD CING PHYIR MNGON PAR PHYOGS TE BLTAS NAS 'PHAGS MA RE ZHIG 'DIR, ,DE NAS GAR MKHAN MA DU ZHING ZHUGS SO, ,MDO 'DZIN PAS MTHONG NAS, 'PHAGS MA KLU KUN DU DGA' BA ZHES BYA BA'I ZLOS GAR BYA BA YIN NA CI'I DON DU RGYU MED PA NYID DU NGU BAR BYED, GAR MKHAN MAS JO BO JI LTAR MI DU STE, GANG GI PHYIR RE ZHIG YAB NI YUM DANG 'GROGS NAS RGAN PO'I DNGOS POS YID BYUNG STE, DA NI KHYOD KYIS GNYEN TSAN GYI KHUR DAG 'DZIN PAR BZOD DO ZHES THUGS LA BZHAG NAS DKA' THUB KYI NAGS SU GSHEGS SO, ,MDO 'DZIN PAS BDAG KYANG YONGS SU BTANG NAS JI LTAR YAB YUM NAGS SU GSHEGS, RNAM PAR BSAMS NAS DE LA DA NI CI ZHIG RIGS PAR 'GYUR, ,YANG NA BDAG BLA MA'I ZHABS KYI RIM GRO BYED PA'I BDE BA YONGS SU BTANG NAS JI LTAR KHYIM DU 'DUG PAR BYED, JI LTAR SPRIN GYI BZHON PA BZHIN, ,DBANG PHYUG RIM PAS 'ONGS BTANG STE, ,PHA MA'I SRI ZHU BSGRUB PA'I PHYIR, ,BDAG KYANG NAGS SU 'GRO BAR BYA, ,SONG BAR GYUR TE SKABS DBYE BA'O, ,DE NAS SPRIN GYI BZHON PA DANG, BI D'U shA KA DAG ZHUGS TE, 'DREN PAS, CHAGS PA'I GNAS ZHES BYA BAR BDAG GIS RIG ,'JIG CES BYA BAR BDAG GIS MA RTOGS MIN, ,BYA DANG BYA MIN RNAM PAR DPYAD RNAMS LA, ,PHYIR PHYOGS GYUR BAR SAL SUS MA RIG ,PHA MA'I SRI ZHU BYED PA BDAG GI NI, ,LANG TSO DBANG PO'I DBANG DU GYUR PA 'DI, ,GAL TE GUS PAS 'DI LTAR NYID GYUR NA, ,DE LTAR SMAD PAR 'OS KYANG DGA' BYED 'GYUR, ,BID'U shA @226A *, ,KAS KHROS PA DANG BCAS PAR, KYE GANG GI TSE GSON BZHIN DU SHI BA'I RGAN RGON 'DI DAG 'DI LTAR NAGS NA 'DUG PA LA 'DI SNYED KYI DUS SU SDUG BSNGAL NYAMS SU MYONG YANG KHYOD NI YID BYUNG BAR MA GYUR TO, ,DES NA RAB TU DANG BAS DA DUNG YANG RE ZHIG BLA MA'I ZHABS KYI SRI ZHU LA CHAGS PA LAS PHYIR BZLOG LA RGYAL SRID KYI BDE BA NYAMS SU MYONG BAR BYOS SHIG ,'DREN PAS, JI LTAR YAB KYI MDUN DU SAR 'DUG MDZES PA DE LTA SENG GE'I KHRI LA YOD DAM CI, ,YAB KYI ZHABS DAG NYED PA LAS BYUNG BDE BA DE NI RGYAL SRID DAG LA'ANG YOD DAM CI, ,BLA MA'I LHAG MA SPYAD PA'I DGA' BA GANG 'DIS SA GSUM SPYAD PA DAG LA YOD DAM CI, ,BLA MAS BTANG BA'I RGYAL SRID NGES PAR GDUNG BYED DAG STE DES NA YON TAN CI ZHIG YOD, ,BI D'U shA KAS; BDAG NYID KYIS RTOGS PAR AE MA 'DI NI SKYE BO BLA MA'I SRI ZHU LA CHAGS BA ZHIG GO SNYAM DU BSAMS NAS, DES NA 'DIR YANG RE ZHIG BRJOD PAR BYA'O, ,GSAL BAR KYE GROGS PO NGES PAR RGYAL SRID KYI BDE BA 'BA' ZHIG GI CHED DU BDAG GIS 'DI BRJOD PA MA YIN TE, GZHAN YANG KHYOD LA BYA BA DAG YOD PA NYID DO, ,'DREN PAS, 'DZUM DANG BCAS PAS BYA BA BDAG GIS BYAS PA NYID MA YIN NAM LTOS SHIG ,RIGS PAR 'OS PA'I LAM LA BLON PO RNAMS SBYAR DAM PA RNAMS NI BDE LA BZHAG ,DE BZHIN GNYEN GYI SKYE BO BDAG MTSUNGS NYID BYAS RGYAL SRID DAG KYANG BSRUNG BAR BYAS, ,YID LA RE BA LAS LHAG 'BRAS STER BDAG BSAM SHING YANG SLONG BA RNAMS LA BYIN, ,'DI LAS GZHAN PA'I BYA BA CI ZHIG KHYOD KYI SEMS LA GANG ZHIG GNAS PA SMROS, BI D'U shA KAS, KYE GROGS PO SHIN TU THUB CHOD LDAN ZHING NYAMS PAR BYED PA'I LHA, MA TANG GA 'DI MI MTHUN PA'I PHYOGS SU NYE BAR GNAS BAL GTZO BO DANG GNYEN DAG YANG DAG PAR GNAS KYANG KHYOD MED NA BDAG NI RGYAL SRID LEGS PAR GNAS PAR MI RTOG GO, ,'DREN PAS MA TANG GAS RGYAL SRID LEN PAR 'GYUR RO ZHES BYA BA'I DOGS PA YOD DAM CI, GAL TE DE LTAR GYUR NA DE LAS CIR 'GYUR, BDAG GI LUS LA SOGS PA THAMS CAD GZHAN GYI DON NYID DU YONGS SU BSRUNGS PA MA YIN NAM, GANG YANG RANG GIS MA BYIN PA DE NI YAB KYI NGOR YIN NO, ,DES NA DON MED PA'I BSAM BA 'DIS CI ZHIG BYA, YAB KYIS RJES @226B SU BSTAN PA NYID LHUR BSGRUB PAR BYA'O, ,BI D'U shA KAS, KYE YAB KYIS CI ZHIG BSTAN, 'DREN PAS, JI LTAR NYI MA MANG POR YONGS SU DPYAD PAS DKA' THUB KYI NAGS 'DI YAM SHING DANG, KU SHA DANG, ME TOG DANG, NYE BAR MKHO BA'I RTZA BA DANG, 'BRAS BU DANG, SDONG BU DANG, DRI ZHIM PA DANG, RNGAD MANG BA DAG RING DU BYAS PAR GYUR GYIS, ,DE'I PHYIR, MA LA YA'I RI LA SONG LA BSTI GNAS 'GA' ZHIG RTOGS SHIG CES YAB KYIS BDAG LA RJES SU BSTAN TO, ,DE'I PHYIR RE ZHIG MA LA YA NYID DU 'GRO'O ZHES TE SONG BAR GYUR TO, ,BI D'U shA KAS MDUN DU BLTAS NAS KYE GROGS PO LTOS SHIG LTOS SHIG ,RLAN DANG BCAS SHING STUG PO'I TZAN DAN GYI NAGS KYI KHROD NAS YONGS SU BSKYOD PA DRI BZANG RGYA CHEN POS BSGOS BA CAN RI'I NGOS MI BZAD PA LAS BABS PAS DUM BUR 'GYUR BA'I CHU RGYUN LAS 'THOR BA'I THIGS PA BSIL PO 'DZIN PA MA LA YA'I RLUNG 'DI NI NGES PAR LAM GYIS YONGS SU DUB PA DAG SEL ZHING, DANG POR 'GROGS PAR 'DOD PA'I DGA' MA LA MGRIN PA NAS BZUNG BA BZHIN DU GROGS PO MDZA' BO LA SPU LONG RGYAS PAR BYED PA 'DRA'O, ,'DREN PAS KUN DU BLTAS NAS AA YE BDAG CAG GIS RIM LA YAR SLEB PAR GYUR TO, ,BRTAGS NAS, AE MA 'DI NI DGA' BAR BYA BA ZHIG STE, DE LTAR YANG, DGA' LDAN PHYOGS KYI GLANG PO 'GRAM BA'I NGOS 'DAR TZAN DAN DAG NI CHA GA CING ZAG ,CHU GTER RLABS RNAMS RAB TU BSNUN PAS PHUG DANG LUNG PA DAG NI CHO NGES SGROGS, ,GRUB PA'I BUD MED BGROD PA RNAMS KYI RKANG PA'I SMUG RTZIS DMAR PA MU TIG RDO, ,BSTEN BYA RI BO MA LA YA 'DIS BDAG GI SEMS NI CI YANG SRED LDAN BYED, , DES NA TSUR SHEG ,'DI LA 'DZEGS TE 'DUG PAR 'OS BA'I BSTI GNAS DAG BTZAL BAR BYA'O, ,'JOGS TE MTSAN MA GSAL BAR BYAS NAS, BDAG GI MIG NI G-YAS PA G-YO, ,'BRAS BU 'DOD PA 'GA' YANG MED, ,THUB PA'I GSUNG YANG BRDZUN MA YIN, ,'DI NI CI ZHIG 'CHAD 'GYUR KE ,BI D'U shA KAS, KYE GROGS PO GROGS PO LA DGA' BA 'GA' ZHIG NYE BAR STON TO, ,'DREN PAS, NGES PAR JI LTAR KHYOD KYIS SMRAS PA DE BZHIN NO, ,BI D'U shA KAS, KYE GROGS PO LTOS SHIG LTOS SHIG ,KHYAD PAR DANG BCAS PAR STUG CING SNUM PA'I RKANG 'THUNG GIS NYE BAR MDZES SHING BA'I MAR GYI DRI'I SNYING @227A *, ,PHO CAN GYI DU BA DRAG TU 'PHYUR LA, ,RI DAGS KYI TSOGS 'JIGS PA MED CING LAM DU BAG PHAB STE GNAS PA 'DI NI DKA' THUB KYI NAGS TSAL BZHIN DU MTSON NO, ,'DREN PAS, GROGS PO YANG DAG PAR MTSON NO, ,'DI DAG NI DKA' THUB KYI NAGS TSAL NYID DE, GANG GI PHYIR, GOS KYI DON DU SHING SHUN RNAMS BCAD RTZE BA NYID KYIS SHIN TU CHE BA MIN, ,RIL BRNYING BA CHAG PAS MTSAN PA'I CHU RGYUN DAG NI MKHA' LTAR RAB TU DANG, ,'BA' ZHIG DAG NA MUNYDZA'I SKE RAGS KHYE'US BCAD CING DOR BAR GYUR PA MTHONG, ,RTAG TU THOS PAS NE TSO DAG KYANG RIG BYED TSIG 'DI RAB TU SGROGS PAR BYED, , DES NA TSUR SHEG RAB TU ZHUGS TE, NYE BAR MTSON PAR BYA'O, ,RAB TU ZHUGS TE GAR DAG BYED DO, ,'DREN PAS, AE MA THUB PA'I SKYE BO RAB TU DGA' BA RNAMS NI RIG BYED KYI TSIG RGYAS PA LA THE TSOM RNAM PAR GCOD PAR BYED LA, KHYE'U'I SKYE BO RNAMS NI JI LTAR GSHER BA GSHER BA'I YAM SHING DAG GCOD CING, , DKA' THUB PA'I GZHON NU MA RNAMS NI LJON PA GSAR BA'I KYO RA 'GENGS PAR BYED PA'I DKA' THUB KYI NAGS TSAL NI RAB TU ZHI BA DANG DGA' BAR BYED PA NYID DO, ,'DI NYID NA, BUNG BA'I SGRA YIS LEGS PAR 'ONGS SAM ZHES NI BRJOD PA BZHIN, ,'DI DAG MGO NI 'BRAS BU DUD PAS 'DUD PAR BYED PA BZHIN, ,ME TOG CHAR PA 'THOR ZHING BDAG LA MCHOD YON STER BA BZHIN, ,YAL GA LDAN PA YIS KYANG MGRON GYI BSNYEN BKUR JI LTAR BSLABS, ,DE'I PHYIR DKA' THUB KYI NAGS TSAL 'DIR NI 'DUG PAR 'OS PA ZHIG STE, 'DIR GNAS NA BDAG CAG GI SEMS BDE BAR 'GYUR RO SNYAM MO, ,BI D'U shA KAS, KYE GROGS PO 'ON KYANG NGES PAR RI DAGS 'DI DAG MGRIN PA CUNG ZAD KYOGS TE G-YO BA MED PA'I KHA LAS CUNG ZAD ZOS PA'I RTZVA KHAM NANG NA GNAS BA ZAG CING RNA BA GCIG RAB TU BSLANGS TE GTAD NAS MIG ZUM PA DANG BCAS PAS NYAN PAR BYED PA LTA BUR MTSON NO, ,'DREN PAS RNA BA GTAD NAS, GNAS THOB RAB TU GSAL BA'I 'GROS CAN GDANGS SNYAN DAG GIS RNAM PAR GZHAG PA 'DZIN BYED PA, ,BUNG BA'I SGRA BZHIN NGES PAR YID 'PHROG RGYUD MANGS DAG GI RGYUD MANGS SGRA DANG LDAN PA YIS, ,GSAL ZHING ROL SGEG TSIG LDAN GLU NI KUN DU 'KHYOG PA'I LUS CAN RI DAGS 'DI DAG RNAMS, ,SO YI BAR NA GNAS PA RTZVA YI KHAM NI GCOD PA'I SGRA DAG @227B BSDAMS NAS NYAN PAR BYED, ,BID'U shA KAS, KYE GROGS PO DKA' THUB KYI NAGS TSAL 'DI NA SU ZHIG GLU LEN PAR BYED, 'DREN PAS, JI LTAR SOR MO 'JAM PA'I 'DAB MAS MNGON PAR BSNUN PA'I RGYUD MANGS SHIN TU GSAL BA MA YIN PAR SGROGS SHING GLU YANG SNYAN CING PHRA BA GTZOR LEN PA DE LTAR BDAG RTOG PA NI GNAS 'DI NA LHA DAG MNYES PAR BYED CING LHA'I BUD MED RGYUD MANGS DANG LDAN PA'I GLU LEN PAR BYED DO, ,BI D'U shA KAS, KYE GROGS PO TSUR SHOG ,YU'U CAG KYANG LHA'I GNAS BLTA BAR BYA'O, ,'DREN PAS LEGS PAR BRJOD DE, NGES PAR LHA NI PHYAG BYA BAR 'OS PA'O, ,NYE BAR SONG STE 'BRAL LA 'DUG NAS GROGS PO GAL TE NA SKYE BO 'DI LTA BAR MI 'OS PA SRID DO, ,DE NAS RE ZHIG TA MA LA'I GEL BA 'DI'I NANG DU 'DUG STE LHA LTA BA'I SKABS BTZAL BAR BYA'O, ,DE LTAR BYAS TE, DE NAS MA LA YA CAN MA DANG, 'BANGS MO ZHUGS TE SA LA 'DUG NAS RGYUD MANGS SPRENG BAR BYED DO, ,'DREN MAS GLU LEN PA, GOO R'I RAB RGYAS PADMA'I GE SAR GYI, ,DNGUL LTAR DKAR BA'I 'OD CAN BCOM LDAN MA, ,KHYOD KYI BKA' DRIN DAG GIS BDAG GI NI, ,MNGON PAR 'DOD PA RAB TU GRUB PAR MDZOD, ,'DREN PA RNA GTANG NAS, AE MA HO GLU, AE MA HO ROL MO, 'DI LA GSAL BYED KYI DBYANGS RNAM PA BCU PO 'DIS GSAL BA THOB CING, MYUR BA DANG, BAR MA DANG, DAL BA'I STABS RNAM PA GSUM RAB TU GSAL BAR YONGS SU BCAD DE, PA LANG GI RNGA MA LA SOGS PA RNAM PA GSUM GYI RIM PAS NGAL BSO BAR BYAS PA DE KHO NA'I TSOGS KYI RJES SU 'BRANG BA'I ROL MO'I CHO GA YANG DAG PA GSUM BSTAN TO, ,'BANG SMOS, RJE'I SRAS MO NGES PAR YUN RING DU GLU DAG BLANGS NAS KHYOD KYI LAG RTZE DAG YONGS SU MI NGAL LAM, 'DREN MAS, GRUNG MO BCOM LDAN MA'I MDUN DU RGYUD MANGS SGROGS PAR BYED PA LA BDAG GA LA NGAL, 'BANGS MOS SMOD PA DANG BCAS PAR KYE BRTZE MED MA 'DI'I MDUN DU RGYUD MANGS BSGRAGS PAS CI ZHIG BYA ZHES BDAG SMRA'O, ,GANG ZHIG 'DI SNYED KYI DUS SU SKYE BO GZHON NU MA'I DKA' THUB BSNYEN NAS NGES PA LA GNAS PAS BSTAN KYANG DA DUNG KHYOD LA DANG BAR MI STON NO, ,BI D'U shA KAS THOS NAS, KYE GROGS PO 'DI NI NGES PAR GZHON NU MA STE CI'I PHYIR MI LTA, 'DREN PAS SKYON CI YOD, GZHON NU MA LTA BA NI SKYON MED PA NYID DO, ,'ON KYANG @228A *, ,GAL TE NA BDAG CAG MTHONG NAS 'JIGS TE, NGO TSA BA GZHON NU MA LA RNYED SLA BAS 'DIR YUN RING DU MI SDOD PA MI SRID DO, ,DES NA RE ZHIG 'KHRI SHING GI DRA BA 'DIS BSGRIBS TE BLTA BAR BYA'O, ,GNYI GAS BLTAS TE, BI D'U shA KAS, YA MTSAN DANG BCAS PAR KYE GROGS PO LTOS SHIG LTOS SHIG ,NGO MTSAR RO NGO MTSAR RO, ,RGYUD MANGS KYI SGRAS RNA BA'I BDE BA SKYED PAR BYED PA 'BA' ZHIG TU MA ZAD DE, RNAM PAR SHES PA'I RJES SU MTHUN PA'I GZUGS 'DIS MIG GI YANG BDE BA SKYED PAR BYED DO, ,DE'I PHYIR 'DI NI SU ZHIG YIN CI LHA MO'AM, KLU'I BU MO'AM, YANG NA RIG PA 'DZIN PA'I BU MO 'AM, YANG NA GRUB PA'I RIGS LAS 'KHRUNGS PA ZHIG GO, ,'DREN PAS RNAM PAR BLTA ZHING CHAGS PA DANG BCAS PAR GROGS PO 'DI SU ZHIG YIN ZHES BDAG GIS MA RTOGS SO, ,BDAG GIS 'DI TZAM SHES TE, GAL TE MTHO RIS BU MO YIN NA 'PHROG BYED MIG STONG LDAN DES DON BYAS 'GYUR, ,GAL TE KLU YI BU MO YIN NA'ANG 'DI'I GDONG YOD TSE SA 'OG ZLA BAS STONG MA YIN, ,GAL TE RIG 'DZIN MA YIN GZHAN RIGS LAS RGYAL BDAG CAG RIGS NI 'BRAS DANG BCAS, ,GAL TE GRUB RIGS LAS SKYES DE PHYIR GRUB PA 'JIG RTEN GSUM DU GRAGS PAR 'GYUR, ,BI D'U shA KAS, 'DREN PA LA BLTAS NAS DGA' BA DANG BCAS SHING RANG GIS RTOGS PAR AE MA'O, ,YUN RING PO ZHIG NAS YID SRUB KYI SPYOD YUL DU LHUNG BAR GYUR TO, ,BDAG NYID LA STON CING, YANG NA MA YIN TE, BRAM ZE BDAG GI'O, ,'BANGS MOS, MDZA' BA DANG BCAS PAR KYE BRAM ZE BDAG SMRA'O, ,BRTZE MED MA 'DI'I MDUN DU RGYUD MANGS BSGRAGS PAS CI ZHIG BYA ZHES TE RGYUD MANGS 'PHANG SO, ,'DREN MAS BU MO BCOM LDAN MA GOO R'I LA MA SMAD CIG ,KE DING BCOM LDAN MAS BKA' DRIN MDZAD PA BZHIN NO, ,'BANGS MOS, RJE'I SRAS MO RE ZHIG CI 'DRA BA DAG SMROS SHIG ,'DREN MAS, BU MO NGES PAR DENG RMI LAM DU BDAG 'DI BZHIN NYID DU RGYU MANGS BSGRENG BA LA BCOM LDAN MAS GSUNGS PA, BU MO KHYOD KYIS RGYUD MANGS BSGRENG BA MKHAS PA KHYAD PAR DU 'PHAGS PA 'DI DANG, BDAG LA THUN MONG MA YIN PA'I GUS PA BU MO'I DNGOS PO LA RNYED DKA' BA 'DIS BDAG SHIN TU TSIM PAR GYUR TO, ,DE'I PHYIR YUN RING PO MA YIN PA NA RIG @228B PA 'DZIN PA'I 'KHOR LOS SGYUR BAS LAG PA 'DZIN PAR 'GYUR RO ZHES SO, ,'BANGS MOS DGA' BA DANG BCAS PAR RJE'I SRAS MO, GAL TE DE LTAR YIN NA RMI LAM DU ZHES CI'I PHYIR BRJOD, ,LHA MOS SNYING LA 'DOD PA'I MCHOG BYIN PA NYID YIN NO, ,BI D'U shA KAS, NGES BAR BDAG CAG LHA MO LTA BA'I SKABS SU BAB PO, ,DE'I PHYIR TSUR SHEG NYE BAR 'GRO BAR BYA'O ZHES TE NYE BAR BTUD DO, ,BI D'U shA KAS, MI 'DOD BZHIN DU KHYER NAS JO MO GRUNG MO BDAG BDEN PAR SMRA STE, 'DI NI MCHOG BYIN PA NYID DO, ,'DREN MAS 'JIGS PA DANG BCAS PAR 'DREN PA LA MTSON TE, BU MO 'DI SU ZHIG CES SO, ,'BANG SMOS, GZHAN DANG THUN MONG MA YIN PA'I RNAM PA 'DIS NA, 'DI NYID BCOM LDAN MAS BKA' DRIN MDZAD PA YIN SNYAM MO, ,'DREN MAS CHAGS BA DANG BCAS SHING NGO TSA BA DANG BCAS PAR BLTAS SO, ,'DREN PAS, G-YO ZHING YANGS PA'I MIG LDAN DBUGS 'BYIN CING, ,'DAR ZHING MKHREGS STUG NU LDAN 'KHRUL BYED MA, , LUS 'DI DKA' THUB NYID KYIS SHIN TU NI, ,NGAL GYUR SLAR YANG CI SLAD GDUNG BAR BYED, ,'DREN MAS, BU MO SHIN TU 'JIGS PAS 'DI LA MNGON DU PHYOGS TE 'DUG PAR MI NUS SO ZHES TE, LOGS LA LTAS NAS 'KHOD DO, ,BI D'U shA KAS, JO MO KHYOD KYI DKA' THUB KYI NAGS TSAL 'DI NA GANG ZHIG 'GRON PO 'ONGS PA LA TSIG TZAM GYIS KYANG PHEBS PAR SMRA BA MA YIN PA 'DI 'DRA BA'I KUN DU SPYOD PA YOD DAM CI, 'BANGS MOS RJE'I SRAS MO, 'GRON PO LA BSNYEN BKUR BYA BA RIGS PA YIN NO, ,DE'I PHYIR JI LTAR MTHU CHEN PO DANG LDAN PA 'DI DAG LA GUS PAR BYA BA LA RMONG PAR GNAS, YANG NA KHYOD BZHUGS SHIG ,KHO MO NYID KYIS JI LTAR RIGS PA DAG BYA'I, 'DREN PA LA MTSON TE JO BO LEGS PAR 'ONGS SAM, JO BO STAN YONG SU BZUNG BAS PHYOGS 'DI BRGYAN BAR MDZOD CIG ,BI D'U shA KAS, KYE GROGS PO 'DI NI LEGS PAR SMRA'O, ,YUD TZAM ZHIG 'DUG STE NGAL GSO BAR BYA'O, ,'DREN BAS, KHYOD NI RIGS PAR SMRA'O, , GNYI GA 'KHOD DO, ,'DREN MAS KVA YI BZHAD GAD KYI NGANG TSUL CAN MA DE LTAR MA BYED, GAL TE DKA' THUB PA 'GA' ZHIG GIS MTHONG NA 'DI LAS BDAG DUL BA MA YIN PA DANG LDAN PAR DOGS PAR 'GYUR RO, ,DE NAS DKA' THUB PA ZHUGS TE, RIGS KYI BDAG PO KOO SHI KAS BDAG LA BKA' BSGOS PA, MNYES @229A *, ,GSHIN SH'A nA dA LYA, YAB KYI BKAS, RGYAL TSAB BSHES GNYEN GYI DBYIG GZHON NU SPRIN GYI BZHON PA RIG PA 'DZIN PA'I 'KHOR LOS SGYUR BAR 'GYUR BDAG RI MA YA 'DI NYID KYI PHYOGS 'GA' ZHIG NA GNAS PA SRING MO MA LA YA CAN GYI KHYIM THAB KYI SLAD DU BLTA BA'I PHYIR DI RING 'ONGS TE, GAL TE DE BLTA ZHING MA LA YA CAN GYI NYI MA GUNG GI MCHOD SBYIN GYI DUS YOL BAR 'GYUR SRID DO, ,DES NA DE BOS LA SHOG SHIG CES SO, ,DES NA BDAG RE ZHIG GOO R'I'I KHANG PA NYID DU 'GRO'O, ,'GRO ZHING SA LA RNAM PAR BLTAS NAS, AA YE RDUL DANG LDAN PA'I PHYOGS NA RAB TU GSAL BA'I 'KHOR LOS MTSAN PA'I RJES KYI PHRENG BDAG SNANG BA 'DI SU ZHIG GI YIN, MDUN DU BLTAS TE SPRIN GYI BZHON BA LA NGES PAR BRTAGS NAS 'DI NI SKYES BU CHEN PO 'DI YIN NAM SNYAM MO, ,GZHAN YANG, MGO LA GTZUG TOR 'DI GSAL SMIN MA'I BAR NA MDZOD SPU 'DI NI RNAM PAR MDZES, ,MIG NI PADMA'I RJES SU MTHUN ZHING BRANG GDENGS 'PHROG BYED DAG LA 'GRAN PAR BYED, ,LAG PA 'KHOR LOS MTSAN PA JI LTAR DE LTAR SKYES BU DAG NI SU ZHIG 'DI, RIG PA 'DZIN PA'I 'KHOR LOS SGYUR BA'I GNAS DAG MA THOB 'DUG PA YIN NAM SNYAM, YANG NA THE TSOM GYIS CI ZHIG BYA STE, SHIN TU GSAL BAR 'DI NI SPRIN GYI BZHON PA YIN PAR NGES SO, , MAL YA CAN MAL BLTAS NAS AA YE 'DI YANG RGYAL BO'I BU MO'O, ,GNYI GA LA BLTAS NAS, GAL TE PHAN TSUN RJES SU 'TSAM PA 'DI DAG 'BREL PAR BYED NA BYED PA PO NI YUN RING PO ZHIG NA RIG PA BYED PAR GYUR TO, ,NYE BAR BTUD NAS KHYOD NI DGE BAR GYUR CIG ,'DREN PAS, BCOM LDAN SPRIN GYI BZHON PA PHYAG BGYID DO ZHES TE LDANG BAR 'DOD DO, ,DKA' THUB BAS MNGON DU LDANG MI DGOS SO, ,KYE MNGON 'ONGS KUN GYI BLA MA NYID CES PAS, KHYOD NYID BDAG CAG GI BLA MA YIN NO, ,DES NA JI LTAR BDE BAR BZHUGS SHIG ,MA LA YA CAN MAS, JO BO LA PHYAG 'TSAL LO, ,DKA' THUB PAS DE MTHONG NAS, RJES SU 'TZAM PA'I BDAG PO'I SKAL BA DANG LDAN PAR GYUR CIG ,RGYAL PO'I BU MO, KHYOD LA RIGS KYI BDAG PO KOO SHI KAS BKA' STZAL PA, KHYOD KYI MCHOD SBYIN GYI DUS YOL BAR 'GYUR GYIS MYUR DU SHOG SHIG CES SO, ,'DREN MAS, MI DGA' BA DANG BCAS PAR, GANG BLA MAS BKA' STZAL PA NYID DO, ,RANG GI @229B RTOGS PAR, GCIG NI BLA MA'I GSUNG DANG GZHAN, ,MDZA' BO BLTA BA'I RTZE DGA' BZANG, ,'GRO 'AM MI 'GRO 'GAL BA LA, ,BDAG SNYING 'PHYANG MO YUG BAR 'GYUR, ,SHUGS PHYUNG ZHING LANGS TE NGO TSA BA DANG BCAS SHING CHAGS PA DANG BCAS PAR 'DREN PA LA BLTA ZHING DKA' THUB PA DANG LHAN CIG SONG BAR GYUR TO, ,'DREN PAS, SRED PA DANG BCAS PAR SHUGS PHYUNG NAS 'DREN MA LA BLTA ZHING, TSANG RA'I KHYON GYI KHUR LDAN ZHIG, ,DMAN PA DAG TU 'GRO MA 'DI, ,GZHAN DU 'GRO YANG BDAG GI NI, ,SNYING LA GOM PA BKOD PAR GYUR, ,'BANG SMOS, TSUR SHEG CHUR SHEG ,RJE'I SRAS MO ZHES TE; MA LA YA CAN MA 'KHOR DANG BCAS PA SONG BAR GYUR TO, ,BI D'U shA KAS, KYE GANG ZHIG BLTA BAR BYA BA DAG MTHONG NGO, ,DA NI NYI MA GUNG GI NYI MA'I GDUNG BA NYIS 'GYUR DU BYAS PA BZHIN DU BDAG GI LTO BA'I ME DAG LHAB LHAB BYED DO, ,DE'I PHYIR 'DI NAS SONG STE, GANG GIS BRAM ZE DAG GI MGRON DU 'GYUR BAR BYAS NAS THUB PA'I SKYE BO LAS DNGOS SU RNYED PA'I RTZA BA DANG CHU BA LA SOGS PAS SROG GZUNG BAR BYA'O, ,'DREN PAS, STENG DU BLTAS NAS, AA YE, BCOM LDAN 'OD ZER STONG PHRAG LDAN NI NAM MKHA'I DKYIL NA 'DZEGS TE BZHUGS SO, ,DE LTAR YANG, GDUNG BAS DE DUS TZAN DAN LA BDAR THANG CHUS DKAR BA'I 'GRAM PA 'DZIN BYED CING, ,RANG GI RNA BA BSKYOD PA'I RLUNG NI YANG DAG CHAGS PAS BZHIN LA G-YO BA BYED CING, ,LAG BAS GTOR BA'I CHU THIGS SNYING KHAR KHYAD PAR DU 'DREN GLANG PO'I BDAG PO 'DI, ,DA NI BZOD DKA' ZUG RDU DRAG POS ZUG PA LTA BU'I GNAS SKABS 'DZIN PAR BYED, ,CES TE GNYI GA SONG NGO; ,MTSAN MA DANG BO'O,, ,,DE NAS 'BANGS MO ZHUGS TE, RJE'I SRAS MO MAL YA CAN MAS, BDAG LA GSUNGS PA, BU MO ME TOG GSAR BA CAN BDAG GI MING PO JO BO BSHES GNYEN GYI DBYIG DI RING YUN RING DU THOGS SO, ,DE'I PHYIR SONG LA 'ONG NGAM MI 'ONG RTOGS SHIG CES SO, ,YONGS SYA BGROD DE PHYI ROL DU MNGON PAR PHYOGS SHING BLTAS NAS, 'DI NYID NAS 'ONGS PA 'DI SU ZHIG YIN, NGES PAR BRTAGS NAS CI GRUNG MO'AM, 'BANGS MO GNYIS PA YANG ZHUGS SO, ,DANG PO MAS NYE BAR BTUD NAS, GROGS MO GRUNG MO KHYOD KYANG CI'I PHYIR MGYOGS PAR 'GRO BAR BYED, GNYIS PAS @230A *, ,RJE'I SRAS MO MA LA YA CAN MAS BDAG LA GSUNGS PA, BU MO GRUNG MO BDAG GI LUS KYIS ME TOG THU BA'I YONGS SU NGAL BA MI BZOD DO, ,STON KA'I GDUNG BAS BYAS PA BZHIN DU BDAG YONGS SU GDUNG BAS SHING TU LHAG PAR GZIR BAR GYUR TO, ,DES NA KHYOD SONG LA CHU SHING GZHON NU'I 'DAM MAS BSGRIBS PA TZAN DAN 'KHRI SHING GI KHANG PAR, ZLA BA CHU SHEL GI RDOL MAL STAN CHAS GYIS SHIG CES SO, ,JI LTAR GSUNGS PA BZHIN DU BDAG GIS KYANG BYAS TE, DE'I PHYIR SONG NAS RJE'I SRAS MO NYID LA SBRAN PAR BYA'O, ,DANG PO MAS, GAL TE DE LTAR YIN NA MYUR DU CHAS DAG GYIS SHIG ,DER SONG NA DE'I GDUNG BA NYE BAR ZHI BAR 'GYUR RO, ,GNYIS BAS BGAD NAS RANG GIS RTOGS PAR GANG ZHIG 'DI 'DRA BA'I GDUNG BA DAG NI DE LTA BUS NYE BAR ZHI BAR MI 'GYUR RO, ,RNAM PAR BKRA ZHING DGA' BAR BYA BA TZAN DAN 'KHRI SHING GI KHANG PA MTHONG NAS DE NI SHIN TU YANG LHAG PAR 'GYUR RO ZHES BDAG RTOG GO, ,GSAL BAR GROGS MO KHYOD SONG SHIG ,BDAG GIS KYANG RDO BA'I GZHI BSTAR BA BDAG RJE'I SRAS MOL SBRAN PAR BYA'O ZHES NAS SONG STE 'JUG PAR BYED PA'O, ,DE NAS SRED PA DANG LDAN PA'I MA LA YA CAN MA DANG, 'BANGS MO YANG ZHUGS SO, ,'DREN MAS SHUGS NAR PHYUNG NAS BDAG NYID KYIS RTOGS PAR, ,SKYE BO DE LA SEMS KHYOD KYIS BDAG NGO TSAS, DE LTAR PHYIR PHYOGS PAR BYAS TE, DA NI KHYOD NYID DER 'GRO BA'I PHYIR NA, AE MA KHYOD NI BDAG NYID RGYAS PAR BYED PA ZHIG GO, ,GSAL BAR, BU MO BCOM LDAN MA'I GNAS SU 'GRO BA'I LAM DAG BDAG LA STON CIG ,'BANGS MOS RJE'I SRAS MO TZAN DAN 'KHRI SHING GI KHANG PAR GSHEGS PA MA LAGS SAM, 'DREN MAS, NGO TSA DANG BCAS PAS BU MO KHYOD KYIS LEGS PAR DRAN PAR BYAS SO, ,DE'I PHYIR TSUR SHEG DE NYID DU 'GRO BAR BYA'O, ,'BANGS MOS BYON CIG BYON CIG RJE'I SRAS MO SONG BAR GYUR TO, ,'DREN MA GZHAN DU SONG BA NA, 'BANGS MOS PHYIR BLTAS NAS MYA NGAN DANG BCAS SHING BDAG NYID KYIS RTOGS PAR KYE MA 'DI NI SNYING GIS STONG BA ZHIG STE JI LTAR YANG LHA MO'I GNAS DE NYID DU 'JUG PAR BYED DO, ,GSAL BAR DE NA TZAN DAN 'KHRI SHING KHANG PA YOD PA MA YIN NAM, DES NA 'DIR BYON CIG ,'DREN MAS SKYENGS PA'I 'DZUM DANG BCAS PAR DE LTAR BYED DO, , @230B 'BANGS MOS TZAN DAN 'KHRI SHING GI KHANG PA DE NI 'DI LAGS SO, ,DES NA NANG DU ZHUGS TE ZLA BA CHU SHEL GYI NOR BU'I RDO LA RJE'I SRAS MO BZHUGS PAR MDZOD CIG ,'DREN MAS, DE LTAR BYAS TE SHUGS NAR PHYUNG NAS BDAG NYID KYIS RTOGS PAR, BCOM LDAN ME TOG GI MTSON DANG LDAN PA GANG GI GZUGS KYIS PHAM PAR BYAS PA DE LA CI YANG MI BGYID PAR GNOD PA MA BYAS SHING BUD MED DU GYUR PA DAG LA BSNUN PAR BGYID, NGO TSA BA MA MCHIS SAM ZHES TE MYOS PA'I GNAS SKABS KYI GAR DAG BYED DO, ,GSAL BAR NGES PAR BYAS NAS BU MO CI'I PHYIR YAL 'DAB STUG BOS NYI MA'I 'OD ZER SGRIB PA DANG LDAN PA'I TZAN DAN 'KHRI SHING GI KHANG PA 'DI DAG DING BDAG GDUNG BA'I SDUG BSNGAL SEL BAR MI BYED, 'BANG SMOS 'DZUM DANG BCAS PAR GDUNG BA'I RGYU NI BDAG GIS SHES TE, 'ON KYANG RJE'I SRAS MO, BDAG LA THUGS MI CHES PAS KHAS LEN BAR MI 'GYUR RO, ,'DREN MAS, BDAG NYID KYIS RTOGS PAR 'DIS BDAG MTSON YANG RE ZHIG DRI BAR BYA'O, ,GSAL BAR, BU MO RE ZHIG DE DAG GIS CI, DE'I RGYU CI YIN BDAG SMROS SHIG ,'BANGS MOS, RJE'I SRAS MO 'DI NI KHYOD KYI SNYING LA 'DOD PA'I MCHOG ,'DREN MAS BRTABS PA DANG BCAS SHING DGA' BA DANG BCAS PAR LANGS TE, MDUN DU GOM PA GNYIS GSUM SONG NAS DE GANG NA GANG NA, 'BANGS MOS LANGS TE, 'DZUM PA DANG BCAS PAR RJE'I SRAS MO CI LAGS, 'DREN MAS, NGO TSA DANG BCAS PAR 'DUG STE KHA 'OG TU BLTAS NAS 'KHOD DO, ,'BANGS MOS RJE'I SRAS MO BDAG NI 'DI SKRAD BRJOD PAR 'DOD DE, 'DI NI KHYOD KYI SNYING LA 'DOD PA'I MCHOG GDUNG BA'I RGYU YIN PA GANG GIS NA TZAN DAN 'KHRI SHING GI KHANG PA RANG BZHIN GYIS BSIL YANG KHYOD KYI GDUNG BA'I SDUG BSNGAL SEL BAR MI NUS SO, ,'DREN MAS DGA' PA DANG BCAS PAR 'BANGS MO LA 'KHYUD NAS, BU MO GRUNG MO KHYOD NI NGES PAR GRUNG MO STE, GZHAN PA CI ZHIG DRI BAR BYA, DES NA SMROS SHIG ,'BANGS MO RJE'I SRAS MO DA LTA NYID KHYOD LA SMRAS PA YIN NO, ,DES NA MCHOG LTA BAS BYAS PA'I GDUNG BA 'DIS RE ZHIG GDUNG BAR MA BYED CIG ,GAL TE BDAG GRUNG MO YIN PA DE LTA NA DE YANG RJE'I SRAS MO MTHONG BA MED PAR YUD TZAM YANG GZHAN DU MNGON PAR DGA' BAR MI 'GYUR RO, ,'DI YAN @231A *, ,BDAG GIS SHES PA NYID DO, ,'DREN MAS MCHI MA DANG BCAS PAR BU MO DE LTA BU'I SKAL BA BDAG LAG LA YOD, 'BANGS MOS RJE'I SRAS MO DE SKAD CI LA GSUNGS, KHYAB 'JUG BRANG GI GZHI LA DPAL MO 'DZIN PA YANG BDE BAR JI LTAR 'GYUR, 'DREN MAS SKYE BO LEGS PA NGAG SNYAN PA BOR NAS, GZHAN SMRA BAR BYED DAM CI, BU MO BDAG GI GDUNG BA 'DI BAS KYANG 'DI SHIN TU LHAG PAR GZIR BA STE, GANG GZI BYIN CHEN PO DE LA TSIG TZAM GYIS KYANG DGA' BAR MA BYAS PA BDAG TSUL DANG MTHUN PA MA YIN PAR MKHYEN TO ZHES TE DUS SO, ,'BANGS MOS MCHI MA DANG BCAS PAR RJE'I SRAS MO MA BSHUMS SHIG ,LANGS NAS YAL 'DAB BLANGS NAS BTZIR TE KHU BA SNYING GAR BYUGS SO, ,RJE'I SRAS MO, BDAG SMRA'O, ,MA BSHUMS SHIG ,NU MA'I NGOS LA BYUGS PA TZAN DAN YAL 'DAB KYI THANG CHU 'DI NI NGES PAR RGYUN CHAD MED PAR 'BAB PA MCHI MA'I THIGS PA 'DI DAG GIS DRO BAR BYAS PAS KHYOD KYI SNYING GA'I GDUNG BA MI SEL LO ZHES TE CHU SHING GI 'DAB MA DAG GIS G-YO PAR BYED DO, ,'DREN MAS, LAG PAS BZLOG CING, BU MO MA G-YOB MA G-YOB CHU SHING GI 'DAB MA'I RLUNG 'DI NI SHIN TU TSA'O, ,'BANGS MOS RJE'I SRAS MO 'DI'I SKYON DU MA BYED CIG, ,'DI LTAR SNYAM ZHING STUG PA'I TZAN DAN 'KHRI SHING YAL 'DAB DANG 'GROGS PA CHU SHING GI 'DAB MA'I RLUNG 'DI NI SHIN TU BSIL YANG KHYOD NYID KYI DBUGS KYIS TSA BAR BYAS SO, ,'DREN MAS MCHI MA DANG BCAS PAR BU MO SDUG BSNGAL 'DI NYE BAR ZHI BA'I THABS 'GA' ZHIG YOD DAM, 'BANGS MOS RJE'I SRAS MO GAL TE DE NYID 'DIR 'ONGS NA YOD PA NYID DO, , DE NAS 'DREN PA DANG, BI D'U shA KA DAG ZHUGS SO, ,'DREN PAS, PHYIR LOG DKAR DANG DKAR MIN MIG GI 'OD KYIS BSTI GNAS SHING DE RNAMS, ,YAL GA LA CHAGS RI DAGS PAGS PA'I TSOGS KYIS SGEG PA BZHIN BYED CING, ,THUB PA'I SNGON DU BDAG LA BLTAS PA GANG DE NYID KYIS BDAG NI BCOM GYUR NA, ,ME TOG MDA' CAN KHYOD KYIS DON MED MDA' 'DI DAG NI CI SLAD 'PHEN PAR BYED, ,BI D'U shA KAS, KYE GROGS PO NGES PAR KHYOD KYI BRTAN PA GANG DU SONG, 'DREN PAS, GROGS PO BDAG LA BRTAN PA YOD PA NYID MA YIN NAM, GANG GI PHYIR, ZLA BAS DAG PA'I MTSAN LAS MIN NAM CI ZHIG @231B AUTPA LA SNGON PO MA BSNAMS SAM, ,RAB RGYAS DZ'A TI'I ME TOG DRI LDANG SROD LA'I RLUNG DAG BZOD PA MIN NAM CI, ,PAD TSAL SBRANG RTZI BYED PA'I DAR DIR SGRA DAG CI ZHIG BDAG GIS MA MNYAN NAM, ,GDUNG BA DAG GIS GNOD MED BDAG LA MI BRTEN PA ZHES GANG GIS KHYOD RJOD BYED, ,YANG NI GROGS PO AA TI'I RIGS BDAG GIS YANG DAG PAR MA BRJOD DO, ,LUS MED KYIS 'PHANGS PA ME TOG GI MDA' NI BUD MED KYI SNYING GIS KYANG BZOD PA MA YIN NAM, GANG GIS NA DE RING KHYOD KYI MDUN DU BDAG GIS BSTAN PA YIN NO ZHES BRJOD PAR BYA, BI D'U shA KAS, BDAG NYID KYIS RTOGS PAR 'DI LTAR BRTAN PA MED PA NYID DU YANG KHAS LEN CING, 'DIS SNYING LA GDUNG BA CHEN PO GNAS PA DAG GSAL BAR BYED DO, ,DES NA RE ZHIG JI LTAR YANG 'DI G-YENG BAR BYA'O, ,GSAL BAR KYE GROGS PO DING KHYOD BLA MA'I BSNYEN BKUR MYUR BA NYID DU BYAS NAS CI'I SLAD DU 'DIR 'ONGS, 'DREN PAS, GROGS PO GNAS DAG DRIS TE GZHAN SU ZHIG LA 'DI SMRA BAR BYA, DING BDAG GI RMI LAM DU SHES PA NI DGA' MA'I MCHOG DE NYID MDZUB MOS STON CING TZAN DAN 'KHRI SHING GI KHANG PA ZLA BA CHU SHEL GYI STAN 'DI LA 'DUG NAS MDZA' BAS KHROS TE, BDAG LA 'GA' ZHIG SMOD BZHIN DU DU ZHING 'DUG PA BDAG GIS MTHONG NGO, ,DES NA RMI LAM DU DGA' MA DANG 'GROGS PA'I DGA' BA NYAMS SU MYONG BAR GYUR PA'I GNAS 'DI NYID DU NYI MA BSKYAL BAR 'DOD DO, ,DE'I PHYIR TSUR SHEG DE NYID DU 'GRO BAR BYA'O ZHES TE SONG NGO, ,'BANGS MOS RINGS PA DANG BCAS PAR THOS NAS RJE'I SRAS MO RKANG PA'I SGRA 'DRA BA DAG THOS SO, ,'DREN MAS RINGS PA DANG BCAS PAR BDAG NYID LA BLTA ZHING, BU MO BDAG GI SBYOD PA 'DI 'DRA BA 'DI MTHONG NAS 'DI 'GA' ZHIG GIS BDAG GI SEMS RIG PAR 'GYUR RO, ,DES NA SHING MYA NGAN MED PA DMAR PO'I KHROD 'DIR 'DUG STE, 'DI DAG SU ZHIG YIN BLTA BAR BYA'O, ,DE BZHIN BYAS SO, ,BI D'U shA KAS, 'DI NI TZAN DAN 'KHRI SHING GI KHANG PA STE, DES NA 'JUG PAR BYA'O, ,GAR GYIS RAB TU ZHUGS PAR GYUR TO, ,'DREN PAS, TZAN DAN 'KHRI SHING DAG GI KHANG PA NI, ,ZLA BA NOR BU'I RDO DANG LDAN MOD KYANG, ,ZLA BZHIN MA BRAL 'DI LA BDAG MI DGA', ,ZLA 'OD DANG BRAL MTSAN MO'I SGO BZHIN NO, ,'BANGS MOS MTHONG NAS RJE'I @232A *, ,SRAS MO DGA' BA 'PHEL BAR MDZOD CIG ,KHYOD KYI SNYING SDUG DE NI 'DI NYID DO, ,'DREN MAS MTHONG NAS DGA' BA DANG BCAS SHING RTABS PA DANG BCAS PAR BU MO 'DI MTHONG BAR SHIN TU 'JIGS PA'I PHYIR, 'DI DANG SHIN TU NYE BAR 'DUG MI BZOD DO, ,GAL TE NA 'DIS BDAG MTHONG BAR 'GYUR RO, ,DES NA TSUR SHEG GZHAN DU 'GRO'O, ,BYIN PA 'DAR BA DANG BCAS PAR RKANG PA BKOD NAS, BU MO, BDAG GI BYIN PA DAG 'DAR RO, ,'BANGS MOS BGAD NAS, SHIN TU SKRAG MA 'DIR 'KHOD KYANG KHYOD SU ZHIG GIS MTHONG, SHING MYA NGAN MED PA DMAR PO'I KHROD NA GNAS PA DAG BRJED DAM, DES NA 'DI NYID DU 'KHOD LA 'DUG CIG ,DE LTAR BYAS SO, ,BI D'U shA KAS, BRTAGS NAS KYE GROGS PO ZLA BA NOR BU'I RDO LAM DE 'DI YIN NAM, 'DREN MAS MCHI MA DANG BCAS PAR SHUGS RING PHYUNG NGO, ,'BANGS MOS RJE'I SRAS MO 'DI 'DI ZHES PA'I GTAM DAG THOS SO, ,DES NA NGES PAR BRTAGS LA MNYAN PAR BYA'O, ,DE BZHIN BYAS SO, ,BI D'U shA KAS, LAG PA BSKYOD CIG ,KYE GROGS PO ZLA BA NOR BU'I RDO LAM DE 'DI YIN NAM BYAS PA NA, 'DREN PAS, YANG DAG PAR MTSON CING LAG PAS BSTAN NAS, LAG G-YON YAL 'DAB DAG LA RNAM PAR DKAR BA'I GDONG PA BZHAG NAS NI, ,SHUGS RING DBUGS 'BYIN YID LA KHRO BA NGES BYAS SMIN MA DAG ,CUNG ZAD BSKYOD CING YUN RING THOGS PA BDAG LA BSAM PA GSAL BYAS PA'I, ,DGA' MA GANG DU BDAG GIS MTHONG BA'I ZLA BA NOR BU'I RDO 'DI'O, ,DE'I PHYIR ZLA BA NOR BU'I RDO 'DI NYID LA 'DUG PAR BYA'O, ,BI D'U shA KAS, GANG KHYOD GSUNGS PA'O, , GNYI GA NYE BAR 'KHOD DO, ,'DREN MAS BSAMS PA, 'DIS SEMS PAR BYED PA DE SU ZHIG YIN, 'BANGS MOS, RJE'I SRAS MO JI LTAR YU BU CAG GIS BSGRIBS NAS 'DI DAG MTHONG BA DE BZHIN NYID DU, KHYOD KYANG 'DI DAG GIS MTHONG BA YIN PA SRID DO, ,'DREN MAS, 'DI NI RIGS TE, 'ON KYANG MDZA' BAS KHRO BA'I DGA' MA'I SKYE BO SNYING LA BYAS NAS RJOD PAR BYED DO, ,'BANGS MOS, 'DI 'DRA BA'I DOGS PA MA BYED CIG ,DA DUNG RE ZHIG MNYAN PAR BYA'O, ,BI D'U shA KAS, BDAG NYID KYIS RTOGS PAR 'DI'I GTAM 'DI NI MNGON PAR DGA'O, ,DES NA 'DI NYID 'PHEL DU GZHUG PAR BYA'O, , @232B GSAL BAR KYE GROGS PO DE NAS DU BA DANG BCAS PA DE LA KHYOD KYIS CI ZHIG SMRAS, 'DREN PAS GROGS PO BDAG GIS 'DI SKAD BRJOD DE, ZLA BA CHU SHEL RDO DAG NI, ,MCHI MA'I CHU YIS BRAN PA 'DI, ,KHYOD KYI BZHIN GYI ZLA BA DAG ,SHAR BA 'DI YIS BZHU BA BZHIN, ,'DREN MAS, KHRO BA DANG BCAS PAR GRUNG MO 'DI LAS KYANG GZHAN MNYAN PAR BYA BA YOD DAM, ,MCHI MA DANG BCAS PAR TSUR SHEG 'GRO BAR BYA'O, ,'BANGS MOS RJE'I SRAS MO DE LTAR MA SEMS SHIG ,GANG GIS KHYOD MTHONG BA DES GZHAN DU YANG BRJOD DO ZHES BYA BA LA BDAG YID MI CHES SO, ,DES NA GTAM GYI MTHAR THUG PA RE ZHIG BRTAG PAR BYA'O, ,'DREN PAS GROGS PO RDO BA'I GZHI 'DI LA DE NYID BRIS TE, RI MOR GYUR PA DE DANG BDAG NYID RTZE ZHING 'DUG PAR BYA'O SNYAM MO, ,DES NA RI'I NGOS 'DI NYID NAS, LDONG ROS KYI DUM BU DAG LONG LA SHOG CIG ,GROGS PO GANG KHYOD GSUNG BA'O, ,DE LTAR BYAS NAS, KYE KHYOD KYI KHA DOG CI LONG ZHES GSUNGS NAS, BDAG GIS NI RI 'DI LAS RNYED SLA BA'I TSON KHA DOG LNGA YANG BLANGS TE MCHIS SO, ,DES NA LEGS PAR BRIS SHIG CES GTAD DO, ,'DREN PAS GROGS PO LEGS PAR BYAS SO, ,BLANGS NAS MNGON PAR BRIS TE SPU LONG DANG LDAN PAR GROGS PO LTOS SHIG LTOS SHIG ,MNYAMS BIM PA LTAR MDZES MCHU, ,MIG GI DGA' STON DGA' MA YI, ,BZHIN RAS RI BONG CAN GYI BZHIN, ,DANG PO MTHONG 'DIS SEMS DGA' BYED, ,CES BRIS SO, ,BI D'U shA KAS, YA MTSAN DANG BCAS PAR 'DI NI YA MTSAN CHE STE, KYE GROGS PO MNGON SUM DU GYUR PA MA YIN YANG DE LTAR MNGON PAR 'DRI BA NI YA MTSAN CHE'O, ,'DREN PAS, 'DZUM PA DANG BCAS PAR, DGA' MA 'DI YANG KUN RTOG LA, ,GNAS PA DAG NI NYE BA NYID, ,DE BA LTAS BLTAS SHING 'DRI BA GANG, ,'DI LA YA MTSAN CI ZHIG YOD, ,'DREN MAS, SHUGS RING PHYUNG ZHING MCHE MA DANG BCAS PAR GRUNG MO NGES PAR GTAM GYI MJUG TU GYUR TO, , DES NA TSUR SHEG ,RE ZHIG JO BO BSHES GNYEN GYI DBYIG KYANG BLTA BAR BYA'O, ,'BANGS MOS YID 'BYUNG BA DANG BCAS SHING RANG GIS RTOG PAR 'DI'I GTAM NI SROG LA YANG LTOS PA MED PA BZHIN NO, ,GSAL BAR RJE'I SRAS MO DER ME TOG SAR PA CAN SONG BA MA YIN NAM, DES NA GAL TE JO BO BSHES @233A *, ,GNYEN GYI DBYIG 'DI NYID DU 'ONG BA YANG SRID DO, ,DES NA BSHES GNYEN GYI DBYIG ZHUGS PAR GYUR TO, ,YAB KYIS BDAG LA BKA' STZAL PA, BU BSHES GNYEN GYI DBYIG GZHON NU SPRIN GYI BZHON PA BDAG GIS YONGS SU BRTAG PA BYAS TE 'DI NYID NA NYE BAR GNAS SO, ,'DI NI BDAG CAG GI MAG PAR 'OS PA YIN PAS, DE LA BU MO MA LA YA CAN MA SBYIN PAR GYIS SHIG ,BDAG NI BYAMS PA'I DBANG DU GYUR PAS GZHAN PA'I GNAS SKABS 'GA' ZHIG KYANG SEMS PAR BYED DE GANG GI PHYIR, GANG ZHIG RIG 'DZIN RGYAL RIGS THIG LE SHES RAB DAM PA'I 'DOD PA NGAG DANG LDAN, ,GZUGS NI ZLA YOD MA YIN PHA ROL GNON PA'I NOR LDAN MKHAS SHING DUL LA GZHON, ,GANG YANG SNYING RJES SEMS CAN DON LA MNGON SBYOR SROG KYANG KUN DU GTONG BA DES, ,DE LA MTSUNGS MED SRING MO SBYIN LA DGA' BA DANG NI CHAGS BRAL DANG YANG LDAN, ,JI LTAR SBRIN GYI BZHON PA 'DI GOO R'I'I BSTI GNAS DANG NYE BA TZAN DAN 'KHRI SHING GI KHANG PA 'DI NYID NA GNAS SO ZHES BYA BA YANG BDAG GIS THOS SO, ,DES NA TZAN DAN 'KHRI SHING GI KHANG PA 'DI NYID DU 'GRO BAR BYA'O, ,BLTAS NAS ZHUGS TE GAR BYED DO, ,BI D'U shA KAS, RINGS PA DANG BCAS PAR MTHONG NAS KYE GROGS PO CHU SHING GI 'DAB MA 'DIS RI MOR GYUR PA 'DI SGRIBS SHIG , GRUB PA'I RGYAL TSAB BSHES GNYEN GYI DBYIG 'DI 'DIR NGES PAR 'ONGS TE, GAL TE NA MTHONG BAR 'GYUR RO, ,'DREN PAS DE LTAR BYED DO, ,BSHES GNYEN GYI DBYIG NYE BAR BTUD NAS GZHON DU BSHES GNYEN GYI DBYIG PHYAG BGYID DO, ,'DREN PAS, BSHES GNYEN GYI DBYIG LEGS PAR 'DAS SAM, 'DIR 'DUG CIG ,'BANGS MOS, RJE'I SRAS MO JO BO BSHES GNYEN GYI DBYIG NI BYON PA NYID DO, ,'DREN MAS, BU MO BLTA BAR BYA'O, ,'DREN PAS BSHES GNYEN GYI DBYIG GRUB PA'I RGYAL PO KUN GYI DBYIG DGE'AM, BSHES GNYEN GYI DBYIG GIS DGE'O, ,YAB KYI GSUNG NYID KYIS BDAG NI KHYOD KYI MNGON DU 'ONGS SO, ,'DREN PAS GRUB PA'I RGYAL PO LAGS BDAG LA CI ZHIG GSUNG, 'DREN MAS, RE ZHIG YAB KYIS CI ZHIG GSUNGS PA DAG MNYAN PAR BYA'O, ,BSHES GNYEN GYI DBYIG GIS DGA' BA DANG BCAS PAR YAB NI 'DI SKAD GSUNG STE, BDAG GI BU MO MA LA YA CAN ZHES BYA BA GRUB @233B PA'I RGYAL RIGS THAMS CAD KYI SROG LTA BU DE BDAG GIS KHYOD LA SBYIN GYIS BLANGS PAR MDZOD CIG CES SO, ,'BANGS MOS BGAD NAS RJE'I SRAS MO DA NI KHRO BAR MA MDZAD CIG ,'DREN MAS BU MO TSIM PAR MA BYED CIG ,'DREN PAS, SKYE BOS DBEN PAR GROG PO DOG PA DAG TU LTUNG BAR GYUR NA, BDAG GIS CI ZHIG SMRA BAR BYA, BI D'U shA KAS, KYE KHYOD KYIS SEMS DE MA GTOGS PA GZHAN PA DAG LA MNGON PAR DGA' BAR MI 'GYUR BA BDAG GIS SHES SO, ,DE LTA NA YANG 'DI LA GANG CUNG ZAD SMROS LA GTANG BAR MDZOD CIG ,'DREN MAS, KHRO BA DANG BCAS PAR KYE 'BANGS DAG DE SUS MI SHES, 'DREN PAS, KHYED LTA BU DANG LHAN CIG 'BREL PA BSNGAGS PAR 'OS PA 'DI 'DRA BDAG ,SU ZHIG MI 'DOD, 'ON KYANG GZHAN DU ZHUGS PA'I SEMS DAG GZHAN DU RAB TU 'JUG PAR BYED PAR MI NUS SO, ,DE'I PHYIR BDAG NI 'DI LEN PAR SPRO BA MED DO, ,'DREN MAS, RMONGS PA'I GAR DAG BYED DO, ,'BANGS MOS, RJE'I SRAS MO DAG RAB TU STON CIG RAB TU STON CIG ,BI D'U shA KAS, 'DI NI NGES PAR GZHAN GYI DBANG DU GYUR PA ZHIG STE, BRJOD PA 'DI DAG GIS CI ZHIG BYA, SONG STE BLA MA'I SKYE BO DE NYID LA DON DU GNYER BAR BYA'O, ,BSHES GNYEN GYI DBYIG GIS, BDAG NYID KYIS RTOGS PAR 'DIS LEGS PAR BRJOD DE, 'DI NI BLA MA DAG GI GSUNG LAS 'DA' BA MA YIN NO, ,'DI'I BLA MA DAG KYANG, GOO R'I'I BSTI GNAS DANG, NYE BA 'DI NYID NA RAB TU GNAS SO, ,DES NA RE ZHIG SONG STE, 'DI'I PHA MA DAG LA MA LA YA CAN MA LEN DU GZHUG PAR BYA'O, ,'DREN MA DBUGS PHYIN PAR GYUR TO, ,BSHES GNYEN GYI DBYIG GIS GSAL BAR 'DI SKAD SMRA BAR BYED PA'I BDAG NYID, BDAG CAG RNAMS 'GOG PAR BYED CING GZHON NU NYID KYIS SHIN TU MANG BAR MKHYEN TO, ,'DREN MAS, JI LTAR SMAD CING ZHAN PAR SLAR YANG BSHES GNYEN GYI DBYIG SMRA BAR BYED, ,BSHES GNYEN GYI DBYIG SONG BAR GYUR TO, ,'DREN MAS, MCHI MA DANG BCAS SHING BDAG NYID KYIS RTOGS PAR, SKAL BA NGAN PA'I RNYOG PAS DRI MAR BYAS SHING, DA DUNG YANG, SDUG BSNGAL BSTEN PA BDAG GI LUS 'DIS CI ZHIG BYA, DES NA SHING MYA NGAN MED PA 'DI NYID LA, AA TI MUKTA'I 'KHRI @234A *, ,SHING 'DI DAG GIS BTAGS TE, BDAG NYID 'CHI BAR 'GYUR BA DE LTAR RE ZHIG BYA'O, ,GSAL BAR 'DZUM PAS BU MO RE ZHIG BSHES GNYEN GYI DBYIG RING DU SONG NGAM MA SONG RTOGS SHIG ,DE NAS BDAG CAG KYANG 'DI NAS 'GRO BAR BYA'O, ,'BANGS MOS, BDAG NYID KYIS RTOGS PAR 'DI'I SEMS NI GZHAN PA ZHIG YOD PA 'DRA'O, ,DES NA 'DI NYID NAS BSGRIBS TE, 'DI CI ZHIG BYED PA DAG BLTA BAR BYA'O, ,GSAL BAR RJE'I SRAS MO GANG GSUNG BA NYID DO ZHES TE, THON NAS GOM PA 'GA' ZHIG SONG ZHING BSGRIBS TE GNAS SO, ,'DREN MAS, PHYOGS SU BLTAS NAS GRUNG MO SONG BA DANG 'KHRI SHING GI ZHAGS PA DAG BYAS NAS, MCHI MA DANG BCAS PAR BCOM LDAN MA GOO R'I GAL TE KHYOD KYIS SKYE BA 'DI LA BKA' DRIN MDZAD NA YANG, RE ZHIG SKYE BA GZHAN LA JI LTAR 'DI 'DRA BA'I SDUG BSNGAL DANG LDAN PAR MI 'GYUR BA DE LTAR MDZOD CIG CES TE MGRIN PA LA ZHAGS PA BCUG GO, ,'BANGS MOS MTHONG NAS RINGS PA DANG BCAS PAR JO BO JO BO SKYOBS SHIG SKYOBS SHIG ,NGES PAR RJE'I SRAS MO 'DI NI BDAG NYID DBYANGS TE 'CHI BAR BYED DO, ,'DREN PAS, GANG NA GANG NA, 'BANGS MOS, MYA NGAN MED PA'I SHING 'DI LA'O, ,'DREN PAS MTHONG NAS DGA' BA DANG BCAS PAR AA YE BDAG CAG GI YID LA RE BA'I SA GZHI DE NI 'DI YIN NO, ,'DREN MA'I LAG PA NAS BZUNG STE ZHAGS PA 'GROL ZHING, MA BYED MA BYED MDZES MA THUB CHOD BYA BA 'DI, ,'KHRI SHING YAL 'DAB RTZE YI LAG PA 'DI DAG THONG, ,GANG GI ME TOG DAG KYANG BTU BAR NUS MIN PA, ,DE YIS KHYOD NI 'CHI SLAD ZHAGS PA JI LTAR 'DZIN, ,'DREN MAS, 'JIGS PA DANG BCAS PAR KYE MA SMAD DO, ,KYE MA SMAD DO, ,'DI SU ZHIG ,NGES PAR BRTAGS NAS KHRO BA DANG BCAS PAR LAG PA 'GROL ZHING BDAG ZLOG PAR BYED PA'I, ,LAG PA'I RTZE MO DAG THONG SHIG THONG SHIG ,'CHI BA YANG KHYOD NYID LA DON DU GNYER BAR BYED DAM CI, 'DREN PAS, DGA' BA DANG BCAS PAR, GANG GI KHYOD MGRIN DO SHAL GYI, ,'KHRI SHING 'OS LA ZHAGS PA BCUG ,GNOD PA DANG BCAS BZUNG BA YI, ,LAG PA 'DI NI JI LTAR GTONG, ,BI D'U shA KAS, KYE GRUNG MO KHYOD KYI RJE'I SRAS MO 'DI 'CHI BA LA MNGON PAR ZHEN PA'I RGYU DAG @234B CI ZHIG YIN, ,'BANGS MOS, KHYOD KYI GROGS PO 'DI NYID RGYU YIN NO, ,'DREN PAS, JI LTAR NA, DA NYID 'CHI BA'I RGYU DAG YIN, ,'DI NI NGES PAR MI SHES SO, ,BI D'U shA KAS, KYE BU MO DE JI LTAR, 'BANGS MOS, KHRO BA DANG BCAS PAR KHYOD KYI DGA' BA'I GROGS POS, SNYING GI DGA' GROGS SU ZHIG ,RDO BA'I GZHIL BRIS PA DE NYID KYI PHYOGS SU LHUNG BA 'DIS, BSHES GNYEN GYI DBYIG GIS BYIN PAR GYUR KYANG, BDAG MA BZHED PAR GYUR TO ZHES MYA NGAN SKYES TE, 'DI 'DI LTA BUR GDUNG BAR GYUR TAM SNYAM MO, ,'DREN PAS, DGA' BA DANG BCAS SHING BDAG NYID KYIS RTOGS PAR JI LTAR KUN GYI DBYIG GI BU MO MA LA YA CAN MA DE 'DI NYID YIN NAM, YANG NA ZLA BA TSES PA RIN CHEN 'BYUNG GNAS LAS GZHAN GANG LAS 'KHRUNGS PAR 'GYUR, KYE MA YUD TZAM ZHIG GIS BDAG MA BSLUS SO, ,BI D'U shA KAS, KYE BU MO GAL TE DE LTA YIN NA BDAG GI GROGS PO NYES PA MED PA ZHIG STE, 'DI NYID DER BRIS PA YIN NO, ,CI STE DE LTAR YID MI CHES NA, BU MO KHYED NYID DER SONG LA RDO BA'I GZHI LA BLTA BAR BYOS SHIG ,'DREN MAS, DGA' BA DANG BCAS SHING NGO TSA BA DANG BCAS PAR 'DREN PA LA BLTA ZHING LAG PA 'DREN PAR BYED DO, ,'DREN PAS, JI SRID BDAG GIS SNYING GI DGA' MA RDO BA'I GZHI LA MNGON PAR BRIS PA MA MTHONG BA DE SRID DU MI GTONG NGO ZHES TE THAMS CAD DER SONG NGO, ,BI D'U shA KAS, CHU SHING GI 'DAB MA BSAL NAS LTOS SHIG LTOS SHIG ,'DI NYID 'DI'I SNYING GI DGA' MA'O, ,'DREN MAS, NGES PAR BRTAGS NAS GRUNG MO NGA LTA BU ZHIG BRIS PA 'DRA'O, 'BANGS MOS NGES PAR BRTAGS NAS RJE'I SRAS MO NGA 'DRA BA ZHIG BRIS SO ZHES CI STE GSUNG, 'DI KHYOD 'DRA BA NI GANG GIS NA CI, RE ZHIG RDO BA'I GZHI 'DI LA RJE'I SRAS MO KHYOD KYI GZUGS BRNYAN DAG 'PHOS PA YIN NAM 'ON TE KHYOD BRIS PA YIN YANG YONGS SU MI SHES SO, ,'DREN MAS BGAD NAS 'DI YI RI MOR GYUR PA 'DI STON PAR BYED PA NI BDAG GIS NGAN PA'I LUGS DAG BYAS SO, ,BI D'U shA KAS, GYE GROGS PO DA NI KHYOD KYI DRI ZA'I BAG MA DAG RDZOGS PAR GYUR TO, ,DA NI 'DI'I LAG PA'I RTZE MO DAG THONG SHIG ,'DREN PAS DE LTAR BYED DO, ,'BANGS MOS, DO RA LAS PHYIR MNGON PAR PHYOGS TE, BLTAS @235A *, ,NAS NGES PAR RINGS PA RINGS PAR 'DI NYID DU 'ONG BA 'DI SU ZHIG YIN, ,DE NAS 'BANGS MOS ZHUGS TE, DGA' BA DANG BCAS PAR NYE BAR BTUD NAS, RJE'I SRAS MO DAG DGYES PA 'PHEL BAR MDZOD CIG ,MNGA' BDAG GZHON NU SPRIN GYI BZHON PA'I BLA MA DAG GIS GUS PA DANG BCAS PAR DGA' BA'I GROGS LA, KHYOD BZHES PAR GYUR TO, ,BI D'U shA KAS, DGA' BA DANG BCAS PAR DGA' BA'I GROGS KYI YID LA RE BA RDZOGS PAR GYUR TO, ,YANG NA DE MA YIN TE, MA LA YA CAN MA KHYOD NYID KYI'O, ,YANG NA BRAM ZE BDAG NYID KYI'O ZHES TE, ZAS KYI MNGON PAR SBYOR PA'I GAR DAG BYED DO, ,'BANGS MOS, RGYAL TSAB BSHES GNYEN GYI DBYIG GIS BDAG LA GSUNGS PA, DI RING NYID MA LA YA CAN MA NI BAG MA'O, ,DES NA BKRA SHIS KYIS KHRUS KYI DON DU MYUR BAR BOS LA SHOG SHIG CES SO, ,DE'I PHYIR BYON CIG GSHEGS PAR BGYI'O, ,BI D'U shA KAS, 'BANGS MO'I BU MO NGES PAR KHYOD 'DI BOS TE SONG NAS 'DI DAG 'DI NYID DU 'DUG PAR BYA'AM CI, 'BANGS MOS, AA AI RINGS PAR MA BYED CIG ,KHYED RNAMS KYI YANG KHRUS KYI RDZAS DAG 'ONG BA NYID DO, ,'DREN MAS SGEG PA DANG BCAS PAR 'DREN PA BLTA ZHING SONG BAR GYUR TO, ,PHYI ROL NAS BSTOD PA MKHAN KLOG PAR BYED DO, ,BI shA TA KA'I CHAR GYIS LHUN PO DANG MTSUNGS MDZES PA 'DZIN PA MA LA YA DAG LA, ,GSER DANG NOR BU'I RKANG GDUB SGRA LDAN YID 'ONG SNYAN SGROGS BUD MED RNAMS KYI GLU LDAN PA, ,KHYOD KYI BAG MA'I KHRUS KYI DUS NI GRUB PA'I SLAD DU GRUB PA'I 'JIG RTEN LI KHRI YI, ,RDUL BKOD NYIN MO RAB TU RTZOM PA'I MTSAMS KYI NYI 'OD DPAL DANG LDAN RNAMS SGROGS PAR BYED, ,BI D'U shA KAS THOS NAS, KYE GROGS PO AE MA 'DI NI KHYOD KYI KHRUS KYI RDZAS DAG 'ONGS PA NYID DO, ,'DREN PAS DGA' BA DANG BCAS PAR GROGS PO DA NI 'DIR 'DUG NAS CI ZHIG BYA, ,DES NA TSUR SHIG YAB LA PHYAG 'TSAL TE KHRUS KYI GZHI NYID DU 'GRO BAR BYA'O, ,PHYI ROL NAS SLAR YANG BSTOD PA POS, GZUGS DANG RJES CHAGS RIGS NA TSOD, ,MTHUN PAR PHAN TSUN MTHONG BYAS PA, ,BSOD NAMS LDAN PA 'GA' ZHIG NYID, ,'GROGS PAR 'GYUR BA YIN NAM SNYAM, ,ZHES TE SONG BAR GYUR TO, ,MTSAN MA @235B GNYIS PA'O,, ,,DE NAS RAB TU 'BAR BA'I CHAS DANG LDAN ZHING LAG NA CHANG GI SNOD GZUNG BA'I BI tA DANG, 'BANGS DAG ZHUGS PAR GYUR TO, ,BI tAS, GANG ZHIG RTAG TU CHANG 'THUNG DANG, ,GANG YANG DGA' MAR 'GROGS BYED PA, ,STOBS KYI LHA DANG 'DOD LHA STE, ,SKYE BO'I LHA GNYIS CHE BA NYID,, ZUR PHUD CAN BDAG GIS 'TSO BA NI BSNGAGS PAR 'OS PA YIN TE, BRANG GI GZHI LA DGA' MA DANG, ,KHA LA AUTPAL SNGOS BSGOS CHANG, ,MGO LA ME TOG ZUR PHUD DAG ,GANG LA RTAG TU GNAS PA'O, ,YONGS SU 'GYEL ZHING KYE SUS NGA LA 'BUL ZHING YOD, NGES PAR ME TOG GSAR PA CAN YIN NO ZHES DGOD DO; ,'BANGS KYIS, JO BO DE NI MA 'ONGS SO, ,BI tAS, KHRO BA DANG BCAS PAR SROD LA DANG PO NYID LA MA LA YA CAN GYI BAG MA'I BKRA SHIS DAG TSAR RO, ,DES NA YUGS MO DE DA DUNG CI'I PHYIR MI 'ONG, RNAM PAR BSAMS NAS DGA' BA DANG BCAS PAR YANG NA DI RING MA LA YA CAN MA'I BAG MA'I DGA' STON CHEN PO 'DI LA GRUB PA DANG RIG PA 'DZIN PA'I 'JIG RTEN THAMS CAD RANG RANG GI DGA' BA'I SKYE BO DANG LHAN CIG SKYED MOS TSAL ME TOG GI 'BYUNG GNAS SU CHANG 'THUNG BA'I BDE BA NYAMS SU MYONG BAR BYED CING YOD DO, ,DE NYID NA ME TOG SAR PA CAN YANG BDAG LTA ZHING YOD DAM SNYAM MO, ,DES NA DE NYID DU 'GRO BAR BYA STE, ME TOG SAR PA MED PA'I ZUR PHUD KYIS CI BYED, YONGS SU 'GYEL ZHING SONG NGO, ,'BANGS KYIS NGES PAR SKYED MOS TSAL 'DIR 'JUG PAR BYA'O, ,GNYI GAS ZHUGS SO, ,DE NAS BI D'U shA KAS PHRAG PA LA GOS ZUNG DAG BKOD DE ZHUGS PAR GYUR TO, ,BI D'U shA KAS, DGA' BA'I GROGS PO DI RING SKYED MOS TSAL ME TOG GI 'BYUNG GNAS SU 'GRO BAR 'GYUR RO ZHES BDAG GIS THOS SO, ,DES NA SKYED MOS TSAL ME TOG GI 'BYUNG GNAS 'DIR RE ZHIG 'JUG PAR BYA'O, ,ZHUGS NAS BUNG BA 'BAB PA'I TSUL GYIS GAR DAG BYED DO, ,GZIR BA DANG BCAS PAR CI'I PHYIR SBRANG RTZI'I BYED PA 'DI DAG BDAG NYID LA MNGON PAR 'BAB PAR 'GYUR, BDAG NYID LA MNOS NAS RIG PA DAG SHES PAR GYUR GTE, MA LA YA CAN MA'I GNYEN 'DUN GYI SKYE BO'I MAG PA'I DGA' GROGS YIN NO ZHES GUS PA DANG BCAS PAR BYUG PA RNAMS KYIS BYUGS PA DANG LHA'I ME TOG RNAMS KYI COD PAN DAG BYED DO, ,DES NA SHIN TU SGUS PAR BYAS PA DE DAG DA @236A *, ,NI 'DIR GNOD PA'I RGYUR GYUR TO, ,DES NA 'DIR BDAG GIS CI ZHIG BYA, YANG NA MA LA YA CAN MA LAS DNGOS SU THOB PA'I GOS DMAR ZUNG GCIG PO 'DI DAG GIS BUD MED BZHIN YONGS SU G-YOGS TE, STOD G-YOGS KYIS BCING BA BYAS NAS 'GRO BAR BYED DE, RE ZHIG 'BANGS PHRUG NGAN PA SBRANG RTZI BYED PA 'DI DAG GIS BDAG LA CI ZHIG BYED PAR 'GYUR PA BLTA BAR BYA'O ZHES TE DE LTAR BYED DO, ,BI tAS, NGES PAR BRTAGS NAS DGA' BA DANG BCAS PAR KE KE 'BANGS PO SOR MOS STON CING DGOD PA DANG BCAS PAR 'DI NI NGES PAR ME TOG SAR PA CAN TE, BDAG MTHONG NAS NGA YUN RING PO ZHIG NAS 'ONG SA SO ZHES KHROS TE, GOS KYIS G-YOGS TE SA GZHAN DU 'GRO'O, ,DES NA MA TSOR BAR MGRIN PA NAS BZUNG STE 'DI DANG BAR BYA'O, ,'PHRAL LA NYE BAR BTUD DE BZUNG NA KHAR TAM BU LA SPYIN PAR 'DOD DO, ,BI D'U shA KAS, CHANG GI DRI TSOR TE SNA BZUNG NAS GDONG GZHAN DU PHYOGS TE, JI LTAR NA GCIG TU SBRANG RTZI BYED PA RNAMS LAS JI LTA JI LTAR YANG THAR BAR GYUR NA GZHAN DU NGAN PA CHANG GIS MYOS PA NGAG GI KHAR LTUNG NGO, ,BI tAS, JI LTAR KHRO BAS GDONG GZHAN DU PHYOGS PAR GYUR PHYAG 'TSAL BAR BYED CING, BI D'U shA KA'I RKANG PA LA BDAG NYID KYI MGO BO GTUGS NAS BZOD PAR MDZOD CIG ,ME TOG SAR PA CAN BZOD PAR MDZOD CIG ,DE NAS 'BANGS MO ZHUGS PAR GYUR TE, RJE'I SRAS MO'I MAS BDAG LA GSUNGS PA, BU MO ME TOG SAR PA CAN SKYED MOS TSAL ME TOG GI 'BYUNG GNAS SU SONG LA, SKYED MOS TSAL BSRUNG BA LA YAL 'DAB CAN MA LA DI RING KHYAD PAR BCAS PAR SHING TA MA LA'I GNAS DAG LEGS PAR BSTAR BAR BYOS SHIG ,MA LA YA CAN MA DANG BCAS PA'I MAG PA DAG DER 'ONG BAR 'GYUR RO ZHES SMROS SHIG CES SO, ,BDAG GI YAL 'DAB CAN MA LA SMRAS ZIN TE, DAS NA RE ZHIG MTSAN MO BRAL BAS SRED PA 'PHEL BA'I MDZA' BO ZUR PHUD CAN LA BLTA BAR BYA'O, ,MTHONG NAS KHRO BA DANG BCAS PAR JI LTAR BUD MED GZHAN SU ZHIG LA DANG PAR BYED, BI tAS, SENG GE 'PHROG BYED MES PO DAG LA YANG, ,'DUD PAR MI BYED KHENGS DANG LDAN PA GANG, ,ZUR PHUD CAN DES ME TOG SAR PA CAN, ,KHYOD KYI RKANG BDAG LA GTUGS GYUR TO, ,BI D'U shA KAS KHRO PA DANG BCAS PAR 'BANGS PHRUG CHANG @236B GIS MYOS PA, 'DI NA ME TOG SAR BA CAN GANG NA YOD, 'BANGS MOS, BRTAGS NAS 'JUM PA DANG BCAS PAR JI LTAR MYOS PA DANG BCAS, 'DOD PA'I GZHAN DBANG DU GYUR PA'I ZUR PHUNG CAN GYI JO BO AA TRE'I RIGS LA DA YIN PAR BYAS NAS DANG BAR BYED DO, ,DES NA RE ZHIG KYAL KA'I KHRO BAR BYAS TE, 'DI GNYI GA LA THO BTZAMS PAR BYA'O, ,'BANGS KYIS MTHONG NAS LAG PAS BSKYOD CING JO BO THONG SHIG ,'DI NI ME TOG SAR BA CAN MA YIN TE, ME TOG SAR PA CAN DE NI KHRO BAS DMAR BA'I MIG GIS BLTA ZHING 'ONGS PAR GYUR TO, ,'BANGS MOS ZUR PHUD CAN 'DI NGES PAR SU ZHIG LA DANG BAR BYED, BI D'U shA KAS GOS KYIS DKRIS PA DAG 'GROL ZHING SKAL BA NGAN PAR GYUR PA'I BU BDAG GO, ,BI tAS, BI D'U shA KA LA NGES PAR BRTAGS NAS, KYE'I SPRE'U SER SKYA KHYOD KYIS KYANG ZUR PHUD CAN BDAG BSLUS SO, ,'BANGS JI SRID DU ME TOG SAR PA CAN DANG BAR GYUR PA DE SRID DU 'DI ZUNG SHIG ,'BANGS KYIS RJE GANG GSUNGS PA NYID DO; ,BI tAS, BI D'U shA KAS BTANG NAS 'BANGS MO'I RKANG PA DAG LA GTUGS TE DANG BAR MDZOD CIG ,ME TOG SAR PA CAN DANG PAR MDZOD CIG ,BI D'U shA KAS BDAG NYID KYIS RTOGS PAR 'DI NI BDAG 'BROS PA'I GNAS SKABS YIN NO ZHES TE, 'BROS PAR 'DOD PA DANG, 'BANGS KYIS BI D'U shA KA'I TSANGS SKUD NAS BZUNG BAS TSANGS SKUD CHAD PAR GYUR TO, SPRE'U SER SKYA GANG DANG GANG DU 'BROS, ,STOD G-YOGS KYIS MGRIN PA NAS BTAGS TE DRANG NGO, ,BI D'U shA KAS, BU MO ME TOG SAR PA CAN MA BDAG LA BKA' DRIN MDZOD LA GTONG DU CHUG CIG ,'BANGS MOS BGAD NAS GAL TE SA LA MGO BO BKOD NAS BDAG GI RKANG PA DAG LA GTUGS NA'O, ,BI D'U shA KAS KHRO BA DANG BCAS PAR JI LTAR RGYAL PO'I GROGS POR GYUR NAS 'BANGS KYI BU MO KHYOD KYI RKANG PA LA GTUGS PAR BYED, 'BANGS MOS MDZUB MO 'DZUGS SHING 'DZUM PA DANG BCAS PAR DA LTA NYID KHYOD GTUGS PAR 'GYUR RO, ,ZUR PHUD CAN LONGS SHIG ,KHYOD LA BDAG RAB TU DANG BAR GYUR TO, ,MGRIN PA NAS BZUNG STE, 'DI NI MAG PA'I DGA' GROGS TE DE LA KHYOD KYIS NGAN PA DAG BYAS SO, ,DE DAG GAL TE GSAN NA JO BO BSHES GNYEN GYI DBYIG KHRO BAR 'GYUR RO, ,DES NA 'DI NI GUS PA DANG BCAS PAR MCHOD DE GTANG BAR BYA'O, , @237A *, ,BI tAS, ,JI LTAR ME TOG SAR PA CAN GSUNGS PA BZHIN NO, ,BI D'U shA KA'I MGRIN PA NAS BZUNG STE, KYE KHYOD NI DGA' GROGS KYI 'BREL PA YIN PAR BYAS TE, BDAG GIS KYA LA KA DAG BYAS SO, ,'KHOR ZHING NGES PAR ZUR PHUD CAN MYOS PA YIN NAM CI, DES NA BZHAD GAD DAG BYAS PA YIN NO, ,STOD G-YOGS BZLUMS TE STAN DU BYIN NAS, 'BREL BA DAG 'DIR BZHUGS SHIG ,BI D'U shA KAS, AE MA HO 'DI NI MYOS PAS GZIR BA DANG BRAL BAR GYUR TO, ,NYE BAR 'KHOD DO, ,BI tAS, ME TOG SAR PA CAN KHYOD KYANG 'DI'I LOGS NYID DU NYE BAR 'DUG CIG ,GANG GIS NA KHYOD GNYI GA YANG MNYAM PA NYID DU BDAG GIS MCHOD PAR BYA'O, ,'BANGS MOS BGAD NAS 'KHOD DO, ,BI tAS, 'BANGS DAG CHANG GI SNOD 'DI CHANG DAG GIS GANG BAR BYOS SHIG ,'BANGS KYIS GAR BYED CING GANG BAR BYAS SO, ,BI tAS, RANG GI MGO'I ZUR PHUD LAS ME TOG BLANGS NAS CHANG GI SNOD DU BKOD DE PUS MO DAG BTZUGS NAS ME TOG SAR PA CAN LA NYE BAR BSTABS TE, BI D'U shA KA LA BLTAS NAS ME TOG SAR PA CAN GYI KHA YI REG PA KHYAD PAR DU RO 'PHEL BAR GYUR PA ZUR PHUD CAN LAS GZHAN SU YIS KYANG SNGAR MA MYONG BA YIN NO, ,DE BAS NA 'DI 'THUNG SHIG ,KHYOD LA 'DI LAS GZHAN PA'I BKUR STI BYA BA CI ZHIG YOD, BI D'U shA KAS, SKYENGS PA'I 'DZUM DAG BYAS NAS ZUR PHUD CAN NGES PAR BDAG NI BRAM ZE YIN NO, ,BI tAS, GAL TE KHYOD BRAM ZE YIN NA KHYOD KYI TSANGS SKUD GA RE, BI D'U shA KAS, DE NI 'BANGS 'DIS 'THEN NAS BCAD DO, ,'BANGS MOS, GAL TE DE LTA YIN NA RIG BYED KYI YI GE 'GA' ZHIG RJOD CIG ,BI D'U shA KAS, BU MO CHANG GI DRIS BDAG GI RIG BYED KYI YI GE DAG NYAMS PAR GYUR TO, ,YANG NA BU MO KHYOD LA RTZOD PA 'DIS BDAG LA CI ZHIG BYA, BRAM ZE BDAG KHYOD KYI RKANG PA DAG LA GTUG GO ZHES TE, RKANG PA DAG LA GTUGS PAR 'DOD DO, ,'BANGS MOS LAG BA DAG GIS ZLOG CING, JO BO 'DI LTA BU NGES PAR MA BYED, ZUR PHUD CAN BDEN PA NYID DU 'DI NI BRAM ZE ZHIG GO, ,BI D'U shA KA'I RKANG PA DAG LA GTUGS NAS JO BO KHYOD KHRO BAR MI BYA'O, ,'BREL PA LA RJES SU 'TSAM PA'I KYAL KA 'DI NI NGES PAR BDAG GIS BYAS SO, ,BI tAS, BDAG GIS KYANG @237B 'DI DANG BAR BYA'O, ,RKANG PA DAG LA GTUGS NA JO BO MYOS PA'I DBANG DU GYUR PA BDAG GIS GNOD PA GANG BYAS PA DAG BZOD PAR MDZOD CIG ,BDAG KYANG ME TOG SAR PA CAN DANG 'GROGS NAS, CHANG 'THUNG BA DAG CAN DU 'GRO'O, ,BI D'U shA KAS, BDAG GIS BZOD KYIS SONG SHIG ,BDAG GIS KYANG DGA' BA'I GROGS PO BLTA BAR BYA'O, ,'BANGS MO DANG, BI tA DAG SONG BAR GYUR TO, ,BI D'U shA KAS BRAM ZE BDAG GI DUS MA YIN PA'I 'CHI BA DAG SONG BAR GYUR TO, ,DES NA RE ZHIG MYOS PA'I SKYE BOS REG PAS SKYON CAN DU BYAS PA DAG RDZING BU 'DIR KHRUS BYA'O, ,DE LTAR BYED DE, ,PHYI ROL DU MNGON PAR PHYOGS NAS 'DI NI NGES PAR DGA' BA'I GROGS POS DPAL MO MCHOG GIS GZUGS LAS RGYAL BA, MA LA YA CAN MA BZUNG NAS 'DI NYID DU 'ONG BA DAG GO, ,DES NA RE ZHIG DE'I LOGS NYID DU 'GRO BAR BYA'O, ,DE NAS CHES MCHOG GIS BRGYAN PA'I 'DREN PA DANG, MA LA YA CAN MA DANG, RNAM PAR 'BYOR BA'I 'KHOR DANG BCAS PA DAG ZHUGS PAR GYUR TO, ,'DREN PAS BLTAS NA MIG NI 'OG TU STER ZHING SMRAS PA DAG LA KUN DU SMRA MI BYED, ,MAL STAN DAG LA BZLOG NAS 'KHOD CING STOBS KYIS 'KHYUD PA DAG LA 'DAR BAR BYED, ,GROGS MO RNAMS NI PHYIR SONG TSE NA GNAS KHANG DAG LAS 'THON PA NYID DU 'DOD, ,MI MTHUN NYID KYIS DI RING BAG GSAR DGA' MA BDAG GI SHIN TU DGA' SLAD GYUR, ,MA LA YA CAN MA LA BLTA ZHING DGA' MA MA LA YA CAN MA, ,H'Um ZHES STER BYED DAG GIS SO SO'I TSIG LA SMRA BCAD STEN PA GANG YIN DANG, ,LUS 'DI ZLA 'OD NAGS ME 'BAR BA LTA BUS GDUNGS PAR GYUR PA GANG YIN DANG, ,NYIN MTSAN SHIN TU MANG BAR YID GZHAN MED PAR BSAMS PA GANG YIN DKA' THUB DE'I, ,'BRAS BU GANG DAG DA LTAR DGA' MA KHYOD KYI BZHIN 'DI LTA BA 'DI NYID DO, ,'DREN MAS BSGRIBS TE BU MO GZUGS BZANG BA 'BA' ZHIG TU MA ZAD DE, NGES PAR SNYAN PAR SMRA BA YANG SHES PA ZHIG GO, ,'BANGS MOS BGAD NAS AA A'I MDZA' BO'I PHYOGS SU LHUNG MA 'DI NI BDEN PA NYID DE, 'DI LA SNYAN PAR SMRA BA CI ZHIG YOD, 'DREN PAS, GRUNG MO SKYED MOS TSAL ME TOG GI 'BYUNG GNAS KYI LAM DAG STON CIG ,'BANGS MOS JO BO TSUR GSHEGS TSUR GSHEGS, 'DREN MAS 'GRO ZHING 'DREN MA LA MTSON TE, @238A *, ,KHYOD DAL BUD LA BUR SHOG CIG ,NU MA'I KHUR NYID KHYOD KYI RKED PA NGAL SLAD GYUR NA DO SHAL GZHAN GYIS CI, ,BYIN PA ZUNG NI TSANG RA'I KHUR GYIS GDUNG BAR BYED NA DRIL CHUNG 'DIS KYANG CI, ,RKANG GNYIS DAG GIS BYIN PA ZUNG NI KHUR NUS MIN NA RKANG GDUB GAL ZHIG ,RANG LUS NYID KYIS BRGYAN PA KHYOD NI NYON MONGS SLAD DU RGYAN DAG CI LA 'DZIN, ,'BANGS MOS 'DI NI SKYED MOS TSAL ME TOG GI 'BYUNG GNAS TE, JO BO ZHUGS SHIG ,THAMS CAD ZHUGS PAR GYUR TO, ,ZHUGS NAS 'DREN PAS AE MA SKYED MOS TSAL ME TOG GI 'BYUNG GNAS KYI DPAL NI 'DI NYID NA'O, ,'KHRI SHING KHANG BZANGS BKOD PA BYAS MTHAR TZAN DAN DAG LAS ZAGS PA RNAMS KYIS BSIL BAR BYED, ,RGYUN GYI KHANG PA DAG DANG NYE BAR MGRIN SNGON RNAMS KYI SGRA NI GSAL BAR RJES SU SGROGS, ,'KHRUL 'KHOR GYIS BTANG CHU YI CHOGS NI ME TOG RDUL DAG BABS PAR GYUR PA'I TSOGS PA RNAMS, ,ROL PAR KHYER BAS SER BA 'DI DAG YAL GA CAN GYI KYO RA 'GYENGS SHING MGYOGS PAR 'BAB, ,GZHAN YANG 'KHRI SHING KHANG BZANGS SA GZHI GLU YI BRTZON PAS MU COR DU BYED CING, ,ME TOG RDUL GYIS GSAL BAR DGA' STON RTAGS DAG GIS NI REG GYUR TE, ,LHAN CIG SPYOD PA DANG 'GROGS SPRANG RTZI'I RO NI RDZOGS PAR 'THUNG BYED PA'I, ,BUNG BA 'DI DAG KUN NAS CHANG 'THUNG LONGS SPYOD NYAMS SU MYONG BYED BZHIN, ,BI D'U shA KAS SKYES PA KHYOD RGYAL BAR GYUR CIG ,BU MO KHYOD SHIS PAR GYUR CIG ,'DREN PAS, GROGS PO DE TZAM GYI DUS SU GANG DU 'DUG ,BI D'U shA KAS, BDAG NI MGYOGS PA NYID DU 'ONGS TE, 'ON KYANG BAG MA'I DGA' STON LA 'DUS PA GRUB PA DANG RIG PA 'DZIN PA'I CHANG 'THUNG RNAMS LTA BA'I DGE MTSAN LA 'DI SNYED KYI DUS SU BDAG 'DUG PAR GYUR TO, ,DES NA GROGS PO YANG RE ZHIG GZIGS SHIG ,'DREN PAS BLTA ZHING JI LTAR KHYOD BRJOD PA BZHIN NO, ,HA RI TZAN DAN GYIS BYUGS LUS CAN LA YI ME TOG PHRENG BA RAB TU 'DZIN, ,NOR BU'I RGYAN GYI 'OD DAG REG PAS DANGS SHING BKRA BAR BYAS PA'I GOS DANG LDAN, ,GRUB PA'I SKYE BO DAG DANG LHAN CIG SPEL BAR GYUR PA'I RIG 'DZIN 'DI DAG RNAMS, ,TZAN DAN GRIB BSIL DAG LA DGA' MA'I 'THUNGS LHAG TU GYUR CHANG DAG 'THUNG BAR BYED, ,DES @238B NA TSUR SHEG YU CAG KYANG SHING TA MA LA'I BSTI GNAS SU 'GRO BAR BYA'O, ,YONGS SU SONG NGO, ,BI D'U shA KAS, 'DI NI NGES PAR SHING TA MA LA'I GNAS SO, ,BU MO KHYOD KYI BZHIN 'DI NI STON KA'I TSAD PA DAG GIS YONGS SU NYAMS PAR BYAS PA BZHIN MTSON TO, ,DES NA SHEL GYI RDO 'I GZHI 'DI NYID LA NYE BAR 'DUG CIG ,'DREN BAS, GROGS PO YANG DAG PAR MTSON NO, ,DGA' MA'I GDONG 'DI 'GRAM PA DAG ,MDZES PAS ZLA BA PHAM BYAS NAS, ,GDUNG BAS MNGON PAR DMAR BA'I MIG ,PADMO DAG LAS RGYAL 'DOD BZHIN, ,MA LA YA CAN MA'I LAG PA BZUNG NAS DGA' MA 'DIR 'DUG CIG THAMS CAD 'KHOD DO, ,'DRAN PAS, 'DREN MA'I GDONG PA BTEG NAS BLTA ZHING, BDAG CAG SKYED MOS TSAL ME TOG GI 'BYUNG GNAS DON MED PAR LTA BA'I DGE MTSAN CAN RNAMS KYIS KHYOD YONGS SU NGAL PAR BYAS TE, GANG GI PHYIR, SMIN MA'I 'KHRI SHING RAB MDZES SHING, ,MCHU YI YAL 'DAB DMAR PO CAN, , BZHIN 'DI DGA' BA'I SKYED TSAL TE, ,'DI LAS GZHAN PA NAGS 'BA' ZHIG ,'BANGS MOS, 'DZUM PA DANG BCAS PAR BI D'U shA KA LA MTSON NAS KHYOD KYIS RJE'I SRAS MO'I GDONG JI LTAR BSNGAGS PA THOS SAM, BI D'U shA KAS GRUNG MO DE LTA BU'I KHENGS PA 'DZIN PAR MA BYED CIG ,'DZUM PA DANG BCAS BAR BDAG CAG GI NANG NA YANG SKYE BO BLTA BAR 'OS PA NI YOD PA NYID DO, ,PHRAG DOG 'BA' ZHIG GIS SU YANG BSNGAGS PAR MI BYAD DO, ,'BANGS MOS, 'DZUM PA DANG BCAS PAR JO BO KHYOD BDAG GIS BSNGAGS PAR BGYI'O, ,BI D'U shA KAS, DGA' BA DANG BCAS PAR 'TSO BA DAG TU BYAS SO, ,BU MO KHYOD KYIS GANG GIS NA SLAR YANG 'GA' ZHIG GIS BDAG LA JI LTAR KHYOD NI 'DI LTAR SPRE'U SER SKYA'O ZHES MI BRJOD PA DE LTAR BKA' DRIN MDZOD CIG ,'BANGS MOS, BAG MA LA GNYID MA LOG PAR KHYOD DI RING GNYID DU 'GRO ZHING MIG ZUM PA DANG LDAN PA MDZES BAR BDAG GIS MTHONG NGO, ,DES NA DE LTAR NYID DU 'DUG CIG ,BI D'U shA KAS, DE LTAR BYAS SO, ,'BANGS MOS, RE ZHIG SHING TA MA LA'I YAL 'DAB KYI KHU BA RAMS KYI KHU BA'I RJES SU MTHUN BA DAG GIS 'DI'I BZHIN NAG POR BYA'O, ,LANGS NAS YAL 'DAB BLANGS TE 'TSIR BA'I GAR BYED DO, ,'DREN PA DANG, 'DRI NAMS BI D'U shA KA MTHONG BAR GYUR TO, ,'DREN PAS GROGS PO BDAG CAG RNAMS @239A *, ,GNAS PA LA KHYOD NYID KHA BSGYUR BA NI SKAL BA DANG LDAN PA'O, ,'BANGS MOS SHING TA MA LA'I YAL 'DAB KYI THANG CHUS BI D'U shA KA'I BZHIN NAG POR BYAS SO, ,'DREN MAS 'DZUM PA DANG BCAS PAS BI D'U shA KA MTHONG NAS 'DREN PA LA BLTA'O, ,'DREN PAS, 'DZUM PA'I ME TOG RGYAS PA 'DI, ,KHYOD MCHU'I YAL 'DAB DAG LA MTHONG, ,'BRAS BU LTA BYED BDAG GI NI, ,MIG LA SMIN NO MIG MDZES MA, ,BI D'U shA KAS, BU MO KHYOD KYIS CI ZHIG BYAS, 'BANGS MOS KYE BSNGAGS PA BYAS SO, ,BI D'U shA KAS, LAG PAS GDONG LA BYUGS TE, LAG PA LA BLTAS NAS KHRO BA DANG BCAS PAS SHING GI DBYUG PA PHYAR TE, 'BANGS MO'I BU MO 'DI RGYAL PO'I KHAB YIN PAS KHYOD LA CI ZHIG BYA, 'DREN PA LA MTSON NAS KYE KHYOD KYI MDUN NYID DU BDAG 'BANGS KYI BU MOS SMA PHAB BO, ,DES NA BDAG 'DIR 'DUG STE CI ZHIG BYA, GZHAN DU 'GRO BAR BYA'O, ,SONG BAR GYUR TO, ,'BANGS MOS NGES PAR JO BO BDAG LA KHROS PAS, RE ZHIG SONG LA 'DI DANG BAR BYA'O, ,'DREN MAS BU MO GRUNG MO BDAG GCIG BU DOR NAS KHYOD GANG DU 'GRO, 'BANGS MOS 'DREN MA LA MTSON NAS 'DZUM PA DANG BCAS PAS KHYOD GCIG PU 'DI LTA BU NYID DU YUN RING DU 'ONG BAR SHOG SHIG SONG BAR GYUR TO, ,'DREN PAS, NYIN BYED ZER GYI REG PAS YONGS SU DMAR BA'I MDZES PA 'DZIN BYED CING, ,RAB 'PHRO SO YI 'OD ZER RNAMS KYIS GE SAR DAG NI GSAL BAR BYAS, ,AA YI MDZES MKHYOD KYI BZHIN 'DI BDEN PAR PADMO DANG MTSUNGS TE, ,'ON KYANG 'DI LA SBRANG RTZI BYED PA 'THUNG ZHING RNAM PAR SPYOD PA MED, ,'DREN MAS BGAD NAS GDONG DUD PAR GYUR TE, ,'DREN PAS DE NYID BRJOD DO, ,DE NAS 'BANGS MO ZHUGS TE, 'PHRAL LA NYE BAR BTUD NAS NGES BAR RGYAL TSAB BSHES GNYEN GYI DBYIG 'DI DON GYIS BZHIN DU GZHON NU LTA BA LA 'ONGS PAR GYUR TO, ,'DREN PAS, DGA' MA KHYED BDAG NYID KYI KHANG PAR SONG SHIG ,BDAG KYANG BSHES GNYEN GYI DBYIG BLTAS NAS MYUR DU 'ONG BA NYID DO, ,'DREN MA 'BANGS MO DANG 'GROGS TE SONG BAR GYUR TO, ,DE NAS BSHES GNYEN GYI DBYIG RAB TU ZHUGS SO, ,NUS DANG LDAN LA DE MA BCOM, ,SPRIN GYI BZHON PA DAG LA NI, ,KHYOD KYI RGYAL SRID DGRAS KHYER ZHES, ,NGO TSA MED BDAG JI LTAR GLENG, , @239B DE LTA MOD KYI MA BRJOD PAR 'GRO BA YANG RIGS PA MA YIN PA'I PHYIR BRJOD DE 'GRO BAR BYA'O, ,NYE BAR BTUD DO, ,'DREN PAS MTHONG NAS BSHES GNYEN GYI DBYIG 'DIR 'DUG CIG ,BSHES GNYEN GYI DBYIG GIS NYE BAR 'KHOD DO, ,'DREN PAS, NGES PAR BRTAGS NAS BSHES GNYEN GYI DBYIG NI KHROS PA BZHIN DU MTSON NO, ,BSHES GNYEN GYI DBYIG GIS BGAD NAS, MA TANG GA NYAMS PA LA NGES PAR CI ZHIG KHRO, 'DREN PAS MA TANG GAS CI BYAS BSHES GNYEN GYI DBYIG GIS RANG NYAMS PAR BYA BA'I SLAD DU KHYED KYI RGYAL SRID BLANGS SO ZHES GRAG GO, ,'DREN BAS DGA' BA DANG BCAS SHING BDAG NYID KYIS RTOGS PAR NGES PAR YANG 'DI NI BDEN BA ZHIG GO, ,BSHES GNYEN GYI DBYIG GIS DE GZHOM PAR BYA BA'I PHYIR BDAG LA GZHON NUS BKA' SGOS SHIG ,MANG POS CI ZHIG BYA, MTHA' DAG NAM MKHA' LAM DU BYAS TE BGROD PA'I GZHAL YAS KHANG DAG KUN NAS RAB 'DUD PAS, ,DBYAR BZHIN NYI MA'I 'OD ZER SGRIB CING NYIN PAR DAG NI NAG PO NYID DU BYED PA YI, ,GRUB PA 'DI RNAMS KHYOD KYI GSUNG DAG THOB NA 'DI NAS 'PHRAL DU G-YUL LA 'GRO BYED CING, ,'PHYAR BA'I SGRA BRLAG 'JIGS BCAS RGYAL BO'I TSOGS 'DUD KHYOD KYI RGYAL SRID RANG GIR 'GRUB PAR 'GYUR, ,YANG NA DPUNG GI TSOGS KYIS CI ZHIG BYA, ,DRAG TU NGES PAR PHYUNG BA RAL GRI'I 'OD ZER TSOGS KYIS NI, ,RAL PA'I TSOGS KYIS MDZES PAR GYUR PA BDAG NYID GCIG PUS KYANG, ,RGYANG NAS MCHONGS PA'I SENG GE DAG GIS GLANG PO'I DBANG PO BZHIN, ,NYAMS PA MA TANG GA NI G-YUL DU 'JOMS PA NYID RIG MDZOD, ,'DREN PAS, BDAG NYID KYIS RTOG PAR RNA BA BSGRIBS NAS AA HA HA MI BZAD PA DAG MNGON PAR BRJOD DO, ,YANG NA RE ZHIG 'DI SKAD CES GSAL BAR 'DZUM PA DANG BCAS TE BSHES GNYEN GYI DBYIG DE DAG CI, DPUNG BA'I STOBS DANG LDAN PA KHYOD LA 'DI LAS SHIN TU LHAG PA DAG KYANG YOD DO, ,'ONG KYANG GZHAN GYI DON DU RANG GI LUS DAG KYANG, ,BSLANGS PA MED PAR BRTZE BAS SBYIN PA GANG, ,DE NI RGYAL SRID CHED DU SROG CHAGS DAG ,GSOD PA'I GDUG PA JI LTAR KHAS LEN BYED, ,GZHAN YANG NYON MONGS PA LAS GZHAN PA DAG LA DGRA'I BLO BDAG LA YOD PA MA YIN NO, ,DES NA KHYOD GAL TE BDAG LA DGA' BAR BYA BAR 'DOD PA DE LTA NA NYON MONGS PAS DBANG DU @240A *, ,BYAS PA'I GDUNG BA CAN 'DI LA RJES SU BRTZE BAR BYOS SHIG ,BSHES GNYEN GYI DBYIG GIS KHRO BA'I RGOD PA DANG BCAS PAR JI LTAR 'DI BDAG CAG LA PHAN PAR BYED PA'AM, , PHONGS PA YIN PAS RJES SU BRTZE BA JI LTAR MI BYED, 'DREN PAS BSGRIBS TE GSAR PA'I KHRO BAS 'PHANGS BA'I SEMS DANG LDAN PA 'DI RE ZHIG BZLOG PAR MI NUS TE, DES NA RE ZHIG 'DI SKAD CES, GSAL BAR BSHES GNYEN GYI DBYIG LONGS SHIG ,NANG DU 'JUG PAR BYA STE, ,DE NYID DU KHYOD LA RTOG PAR BYA'O, ,NUB KYI PHYOGS SU BLTAS NAS JI LTAR NYIN PAR YANG YONGS SU GYUR TO, ,DE LTAR YANG DA NI BCOM LDAN 'OD ZER STONG PHRAG CAN 'DI, MTSAN MO MED PAR GNYID KYI RGYA YIS BCINGS PA'I GDUNG BA SEL ZHING PADMO'I MDZOD DAG LAS, ,RAB MCHOG RANG GI ZER GYIS PHYOGS 'GENGS BYA BA GCIG PUS THAMS CAD MA LUS TSIM BYED PA, ,RGYUN DU BSTOD PA'I MU COR BZHI LDAN GRUB PA RNAMS KYIS BLTAS PA GANG GI NGAL DUB NI, , GZHAN PHAN RGYU NYID DU GYUR NYI MA GCIG PU 'DI NI NUB PAR GYUR YANG BSNGAGS PAR 'OS, ,THAMS CAD SONG BAR GYUR TO, ,MTSAN MA GSUM PA'O,, ,,DE NAS GOS ZUNG CIG BZUNG BA'I NYUG RUM PA DANG, SGO SRUNGS KYANG ZHUGS PAR GYUR TO, ,NYUG RUM PAS, BTZUN MO'I 'KHOR DU RNAM GZHAG BSGRUBS GYUR PA, ,DGA' BAS GZIR BA BDAG NI KHRIMS LUGS KYIS, ,GNAS DANG GNAS SU 'GYEL BA SRUNG BYED CING, ,SPYOD PA THAMS CAD MI BDAG RJES SU MTHUN, ,SGO SRUNGS KYIS KYE JO BO KHYOD GANG DU GSHEGS, NYUG RUM PAS, LHA MO BSHES GNYEN GYI DBYIG GI YUM GYIS BDAG LA GSUNGS PA; NYUG RUM PA KHYOD KYIS JI SRID ZHAG BCU'I BAR DU MA LA YA CAN MA DANG, MAG PA LA GOS DMAR PO DAG SBYIN PAR BYA'O ZHES SO, ,RGYAL PO'I BU MO YANG GYOS SGYUG GI KHAB TU 'KHOD DO, ,GZHON NU SPRIN GYI BZHON PA YANG RGYAL TSAB BSHES GNYEN GYI DBYIG DANG 'GROGS TE RGYA MTSO'I 'GRAM BLTA RU DE RING SONG NGO ZHES BDAG GIS THOS SO, ,DES NA RE ZHIG RGYAL PO'I BU MO'I SNGON DU 'GRO'AM, MAG PA'I SNGON DU 'GRO BDAG GIS MA SHES SO, ,SGO SRUNGS KYIS, JO BO SNGON LA RGYAL PO'I BU MO'I SNGON DU SONG SHIG ,DE NYID DU GAL TE NA, DUS 'DI TZAM DU MAG PA YANG SLAR 'ONG BAR 'GYUR RO, ,NYUG RUM PAS, RAB DGA' LEGS PA @240B DAG BSTAN TO, ,KHYOD KYANG GANG DU 'GRO, SGO SRUNG KYIS, BDAG LA YANG RGYAL PO CHEN PO KUN GYI DBYIG GIS BKA' STZAL PA, JI LTAR RAB DGA' SONG LA BSHES GNYEN GYI DBYIG LA SMROS SHIG ,TSES GCIG GI SGRON MA'I DGA' STON 'DI LA MA LA YA CAN MA DANG, MAG PA LA YANG 'ONGS NAS DGA' STON DE LA 'OS PA RNAMS CUNG ZAD NYE BAR BSGRUB PAR BYA'O ZHES SO, ,DES JO BO RGYAL PO'I BU MO'I SNGON DU SONG SHIG, ,BDAG KYANG BSHES GNYEN DBYIG BOD PA'I SLAD DU 'GRO BAR BYA'O, ,GNYI GA SONG BAR GYUR TO, ,'JUG PAR BYED PA'O, ,DE NAS SPRIN GYI BZHON PA DANG, BSHES GNYEN GYI DBYIG ZHUGS PAR GYUR TO, ,'DREN PAS MAL STAN RTZVA 'JAM DAG DANG GDAN NI RDOG TZANG KHANG PA LJON PA DAG GI 'OG ,BTUNG BA CHU RGYUN BSIL BA DAG DANG KHA ZAS GTZANG BA GROGS NI RI DAGS TE, ,DE LTAR MA BSLANGS 'BYOR PA THAMS CAD RNYED PA'I NAGS TSAL 'DI NA SPYON CIG STE, ,GANG ZHIG SLONG BA RNYED DKA' GZHAN DON BSGRUB PA'I 'BRAS MED DON BRAL NYID DU GNAS PA'O, ,BSHES GNYEN GYI DBYIG GIS STENG DU BLTAS NAS GZHON NU MYUR BAR MDZOD CIG ,'DI NI CHU'I PHUNG PO BSKYOD PA'I DUS SO, ,SPRIN GYI BZHON PAS THOS NAS LEGS PAR MTSON NO, ,DE LTAR YANG, RAB SGROGS CHU YI GLANG CHEN DBANG PO'I SHUGS KYIS BSNUN PAS RJES 'BREL RAB RGYAS SHING, ,RI YI PHUG NANG DAG GIS GZHI THAMS CAD SGRA SNYAN RAB TU SGROGS BYED PA, ,THOS PA'I LAM 'GOG SGRA 'DI JI LTAR DRAG TU SGROGS PAR BYED PA DE LTA BAR, ,RAB 'PHAR GRANGS MED DUNG DANG LDAN PA'I RLABS 'DI DAG NI NYE BAR 'ONGS PA 'DRA, ,BSHES GNYEN GYI DBYIG GIS, GZHON NU BYUNG BA NYID MA YIN NAM LTOS SHIG ,LI SHI'I YAL 'DAB DAG NI ZOS GYUR PA'I, ,LAG LDAN CHU SRIN SGREGS PA'I DRI BZANGS KYI, ,CHU DANG LDAN BA RGYA MTSO'I DBA' RLABS 'DI, ,RIN CHEN 'OD ZER DAG GIS SPRAS TE MDZES, ,'DREN PAS, BSHES GNYEN GYI DBYIG ,STON GYI DUS KYI CHU 'DZIN NI, ,DKAR BA'I SGRIB BYED KYIS BSGRIBS PA, MA LA YA YI RTZE MO 'DI, ,GANGS CAN RI RTZE'I DPAL DAG 'DZIN, ,BSHES GNYEN GYI DBYIG GIS, GZHON NU 'DI DAG NI RIM LA YA'I RTZE MO MA YIN TE, NGES PAR 'DI DAG NI KLU RNAMS KYI RUS BA'I TSOGS SO, ,SPRIN GYI BZHON PAS, MYA NGAN SDUG BSNGAL DANG BCAS PAR RGYU MTSAN CI'I PHYIR 'DI SNYED DUS GCIG TU SHI BAR GYUR, BSHES GNYEN GYI DBYIG GIS, GZHON NU 'DI DAG DUS GCIG TU SHI BA NYID MA YIN TE, 'DI DAG JI LTAR GYUR PA @241A *, ,MNYAN PAR MDZOD CIG ,SNGON RANG GI GSHOG PA'I RLUNG GIS RGYA MTSO'I CHU BSKYOD DE SA 'OG NAS BLANGS NAS BYA KHYUNG GIS NYI MA SO SO LA LAG 'GRO DU MA ZA BAR BYED LO, ,SPRIN GYI BZHON BAS SDUG PA SHIN TU DKA' BA DAG BYED DO, ,DE NAS BSHES GNYEN GYI DBYIG GIS DE NAS NAM ZHIG GI TSE KLU'I 'JIG RTEN MTHA' DAG BRLAG TU DOGS NAS KLU'I RGYAL PO NOR RGYAS KYIS BYA KHYUNG LA SMRAS PA, SPRIN GYI BZHON PAS GUS PA DANG BCAS PAR DANG POR NGA ZO SHIG CES PA 'AM CI, BSHES GNYEN GYI DBYIG GIS MA YIN NO, ,SPRIN GYI BZHON BAS SMAD PA DANG BCAS PAR GZHAN CI, BSHES GNYEN GYI DBYIG GIS 'DI BRJOD, KHYOD KYI MNGON PAR 'DEBS PAS SKRAG NAS LAG 'GRO MA STONG PHRAG RNAMS KYI MNGAL LTUNG BAR BYED CING PHRU GU RNAMS KYANG LNGA PA NYID DU NYE BAR 'GRO'O, ,DE LTAR BDAG CAG GI RGYUN CHAD PAR GYUR NA KHYOD NYID KYI RANG GI DON NYAMS PAR BYAS PAR 'GYUR RO, ,DES NA GANG GI DON DU KHYOD SA 'OG TU MNGON PAR BABS PA DE'I DON DU NYI MA SO SOR RGYA MTSO'I 'GRAM NA GNAS PA LA RE RE NGA NYID KYIS BSKUL TE GTANG BAR BYA'O ZHES SO, ,SBRIN GYI BZHON PAS SDUG PA DE LTAR KLU'I RGYAL POS KLU RNAMS LEGS PAR BSRUNGS LO, ,GANG GI LCE NI STONG PHRAG GNYIS NANG NA, ,GANG GIS SPRUL GCIG BSRUNG PHYIR SBRUL DGRA LA, ,DING BDAG BDAG NYID STER ZHES SMRA BA YI, ,LCE DE DE LA GCIG KYANG MED DAM CI, ,BSHES GNYEN GYI DBYIG GIS, DE DAG KYANG BYA'I RGYAL POS KHAS BLANGS SO, ,DE LTAR NYI MA SO SO RE RE RNAM BZHAG BSGRUBS GYUR PA'I, ,GANG ZHIG SBRUL BDAG RNAMS NI 'DAB CHAGS RGYAL POS ZA BAR BYED, ,DE DAG RNAMS KYI RUS PHUNG GANGS RI DAG GI 'OD CAN 'DI, ,NYI MA SO SOR 'PHEL BAR GYUR CING 'GYUR LA 'GYUR BA YIN, ,SPRIN GYI BZHON PAS NGO MTSAR DANG BCAS PAR, ,GTZANG BA MIN PA KUN GYI GTER, ,BYAS PA MI GZO RNAM PAR 'JIG ,LUS NGAN DAG GI CHED DU YANG, ,RMONGS PA DAG NI SDIG PAR BYED, ,KYE MA KLU RNAMS KYI RGUD PA LA 'DI NI MTHAR THUG PA MED DO, ,BDAG NYID KYIS RTOGS PAR RANG GI LUS YONGS SU BTANG BAS GDENGS CAN CIG TZAM YANG BDAG GIS YONGS SU SRUNG BAR BYED NUS PAR GYUR NA CI MA RUNG 'ON KYANG BSHES GNYEN GYI DBYIG GNAS SO, ,DE NAS SGO SKYONG ZHUGS PAR GYUR RO, ,RI'I RTZE MOR NI BDAG GIS 'DZEGS SO, ,RNAM PAR BLTAS NAS BSHES GNYEN GYI DBYIG 'DI MAG PA DANG NYE BA NA 'KHOD DO, ,RE ZHIG DRUNG DU 'GRO @241B PAR BYA'O, ,NYI BAR BTUD DE, GZHON NU RGYAL BAR GYUR CIG ,BSHES GNYEN GYI DBYIG GIS, ,RAB DGA' DGOS PA CI'I SLAD DU 'ONGS, SGO SRUNGS KYIS RNA BAR SHUB PAR BYED DO, ,BSHES GNYEN GYI DBYIG GIS, GZHON NU YAB KYIS BDAG 'BOD PAR BYED DO, ,'DREN PAS GSHEGS MDZOD CIG , BSHES GNYEN GYI DBYIG GIS, GZHON NU YANG GNOD PA MANG BA'I PHYOGS 'DIR LTAD MO LA YUN RING DU GNAS PAR MI BYA'O, ,SGO SRUNGS DANG 'GROGS TE SONG BAR GYUR TO, ,SPRIN GYI BZHON PAS, RE ZHIG BDAG GIS KYANG RI'I RTZE MO 'DI LAS BABS TE RGYA MTSO'I 'GRAM BLTA BAR BYA'O, ,BABS NAS SONG NGO, ,PHYI ROL NA KYI HUD BU SDUG ,KYI HUD BU SDUG ,DUNG GI GTZUG KHYOD GSOD PAR BYED ZER NA BDAG GIS JI LTAR BLTA BAR BYA, ,SPRIN GYI BZHON PAS AA YE BUD MED LTA BU GZIR BA'I CHO NGE DAG GO, ,DES NA RE ZHIG NYE BAR BTUD DE, 'DI SU ZHIG YIN, 'DI'I 'JIGS PA GANG LAS YIN ZHES GSAL BAR BYA'O, ,DE NAS RGAN MO DU ZHING RJES SU 'BRANG BA'I DUNG GI GTZUG ZHUGS PAR GYUR TO, ,GOS ZUNG DAG SPRAS PA'I KING KA RA YANG NGO, ,RGAN MOS MCHI MA DANG BCAS PAR KYI HUD BU SDUG DUNG GI GTZUG ,DI RING KHYOD GSOD PAR 'GYUR BA BDAG GIS JI LTAR BLTA BAR BYA, AO SKO NAS BZUNG STE, KHYOD KYI BZHIN GYI ZLA BA 'DI DANG BRAL PAS NI DI RING BDAG GI SA 'OG MUN PAR 'GYUR RO, ,DUNG GI GTZUG GIS, MA MA 'DI LTAR SHIN TU SMRE SNGAGS 'DON CING BDAG RAB TU GDUNG BAR BYED, RGAN MOS NGES PAR BRTAGS NAS, BU'I LUS LA REG CING, KYI HUD BU SDUG KHYOD KYI LUS NYI MA MA MTHONG BAS SHIN TU GZHON PA 'DI JI LTAR NA SNYING LA BRTZE BA MED PA'I MKHA' LDING GIS NGES PAR ZA BAR 'GYUR, ,MGRIN PA NAS BZUNG STE DU BAR BYED DO, ,DUNG GI GTZUG GIS YUM SMRE SNGAGS KYIS CI ZHIG PHAN LTOS SHIG ,DANG PO GANG TSE SKYES PA NA, ,MI RTAG NYID KYI PANG DU BYED, ,MA YIS PHYIS NAS MA MAS BZHIN, ,DE TSE MYA NGAN RIM PA CI, ,RGAN MOS BU SDUG YUD TZAM ZHIG 'DUG DANG, RE ZHIG KHYOD KYI BZHIN BLTA BAR BYA'O, ,KING KA RAS TSUR SHOG TSUR SHOG GZHON NU DUNG GI GTZUG ,DE DAG BRJOD PAS KHYOD LA CI, NGES PAR BU LA CHAGS PAS RMONGS PA 'DI DAG GIS NI RGYAL PO'I BYA BA MI SHES SO, ,DUNG GI GTZUG GIS BZANG PO 'ONG BA 'DI NYID DO, ,KING KA RAS BDAG NYID KYIS RTOGS @242A *, ,PAR NGES PAR BDAG GIS DUNG GI GTZUG GSOD PA'I RDO DANG NYE BAR KHRID ZIN TO, ,RE ZHIG GSOD PA'I RTAGS 'DI BYIN TO GSOD PA'I RDO DAG BSTAN PAR BYA'O, ,SPRIN GYI BZHON PAS MTHONG NAS, AA YE 'DI NI BUD MED DO, ,DUNG GI GTZUG MTHONG NAS NGES PAR 'DI NI 'DI'I BU YIN PAR BRTAG PAR BYA'O, ,DES NA NGES PAR CI'I DON DU DU BAR BYED, KUN DU BLTAS NAS, NGES PAR 'JIGS PA'I RGYU NI CI YANG MA MTHONG NGO, ,DES NA 'DI'I 'JIGS PA GANG LAS 'BYUNG BAR 'GYUR, ,CI ZHIG NYE BAR BTUD NAS DRI BAR BYA'O, ,YANG NA 'DI NI 'DI LTAR RGYUN DU CHO NGE 'DON PAS GAL TE 'DI NYID LAS GSAL BAR 'GYUR RO, ,DES NA YAL 'DAB CAN GYIS BSGRIBS TE MNYAN PAR BYA'O, ,KING KAR RAS MCHI MA DANG BCAS PAR THAL MO SBYAR NAS GZHON NU DUNG GI GTZUG 'DI NI NGES PAR JO BO'I BKA' YIN NO ZHES BYA STE, MI BZAD PA 'DI 'DRA BDAG SMRA'O, ,DUNG GI GTZUG GIS BZANG POR SMROS SHIG ,KING KA RAS KLU'I RGYAL PO NOR RGYAS KYIS KHYOD LA BKA' STZAL TO, ,DUNG GI GTZUG GIS GUS PA DANG BCAS PAR SPYI BOR THAL MO SBYAR NAS RJE YIS CI ZHIG BKA' STZAL, KING KA RAS GOS DMAR PO ZUNG 'DI DAG GYON LA GSOD PA'I RDO LA 'DZEGS SHIG ,GANG GIS GOS DMAR PO'I RTAGS KYIS NYE BAR MTSON PA DAG MKHA' LDING GIS BZUNG NAS ZAS KYI DON DU 'KHYER BAR 'GYUR RO, ,SPRIN GYI BZHON PAS MCHI MA DANG BCAS PAR 'DI NYID SDUG PA NOR RGYAS KYIS YONGS SU BTANG BA ZHIG GO, ,KING KA RAS, DUNG GI GTZUG 'DI LONG SHIG ,GOS ZUNG DAG GTOD DO, ,DUNG GI GTZUG GIS GUS PA DANG BCAS PAR BLANGS TE, MGO LA BZUNG NAS RJE LA GUS PAR BYED DO, ,RGAN MOS BU'I LAG NA GOS DAG 'DUG PA MTHONG NAS BRANG BRDUNG BA DANG BCAS PAR KYI HUD MNYES GSHIN GANG GIS 'JIGS PA RDO RJE LHUNG BA NI 'DI NYID DO, ,BRGYAL BAR GYUR TO, ,KING KA RAS NGES PAR MKHA' LDING 'ONG BA'I DUS LA NYE BAR GYUR TO, ,DES NA MYUR DU 'BROS PAR BYA'O, ,KING KA RA SONG PAR GYUR TO, ,DUNG GI GTZUG GIS YUM DBUGS PHYIN PAR GYUR CIG ,RGAN MO DBUGS PHYUNG STE MCHI MA DANG BCAS PAR KYI HUD KYI HUD BU SDUG YID LA RE BA BRGYA YIS THOB BA BO, ,KHYOD PHYIS BDAG GIS GANG DU MTHONG BAR 'GYUR, MGRIN PA LA BZUNG STE, SPRI GYI BZHON PAS @242B MCHI MA DANG BCAS PAR KUN DU RMONGS SHING YANG YANG MCHI MA'I RGYUN GTONG SMRE SNGAGS MANG DU BRJOD BYAS NAS, ,BDAG GI BU SDUG SKYOB PA SU ZHES PHYOGS RNAMS DAG TU PHONGS PAS MIG 'PHEN MA'I, ,MA YI PHANG NA NYE BAR BSTEN PA'I BU 'DI BRTZE BA DOR NAS ZA BYED PA, ,BYA YI BDAG PO'I MCHU NYID MA YIN SNYING YANG RDO RJE DAG LAS BYAS SAM SNYAM, ,DUNG GI GTZUG GIS BDAG NYID KYI LAG PAS MA'I GDONG YONGS SU 'PHYI ZHING YUM SHIN TU 'KHRUGS PAS CI ZHIG PHAN DBUGS PHYUNG SHIG ,RGAN MOS MCHI MA DANG BCAS PAR JI LTAR DBUGS PHYIN PAR 'GYUR, ,CI BDAG NI PU GCIG PA CAN NO ZHES BYA STE BRTZE BA DANG BCAS PAR KLU'I RGYAL POS MA BSAMS SO, ,KYI HUD BRTZE MED MTHAR BYED DA LTA BRTZE BA MED PA'I SNYING CAN KHYOD KYIS 'DI LTAR RGYAS SHING GSON PA'I 'JIG RTEN NA BDAG GI BU SDUG GCIG PU DRAN NO, ,RNAM PA THAMS CAD DU SKAL BA ZHAN PA BDAG BCOM PAR GYUR TO, ,BRGYAL LO, ,SPRIN GYI BZHON PAS, GZIR ZHING MGRIN PAR SROG PHYIN TE, ,RANG GI GNYEN GYIS YONGS BTANG BA, ,'DI NI GAL TE MA BSRUNGS NA, ,BDAG GI LUS KYI YON TAN CI, ,DES NA RE ZHIG NYE BAR 'GRO BAR BYA'O, ,DUNG GI GTZUG GIS YUM BDAG NYID BRTAN PAR MDZOD CIG ,RGAN MOS KYI HUD BU SDUG RNYED DKA' BA RNYED PA DUNG GI GTZUG ,GAL TE RE ZHIG KLU'I 'JIG RTEN YONGS SU SRUNG BAR BYED PA NOR RGYAS KYIS KHYOD YONGS SU BTANG BA DE LA SU ZHIG GIS KHYOD YONGS SU SKYOB BAR 'GYUR, ,SBRIN GYI BZHON PAS 'PHRAL LA NYE BAR BTUD DE KYE BDAG GO, ,RGAN MOS 'JIGS PA DANG BCAS PAR STOD G-YOGS KYIS BU G-YOGS NAS SPRIN GYI BZHON PA LA NYE BAR BTUD DE, BI NA TA'I BU BDAG LA 'TSE BA GYIS SHIG ,BDAG NI KHYOD KYI ZAS KYI RGYUR YONGS SU BRTAGS PA'O, ,SPRIN GYI BZHON PAS, MCHI MA DANG BCAS PAR, AE MA'O PU LA BYAMS PA'O, ,'DI YI BU LA BYAMS PA YIS, ,'KHRUGS PA 'DI NI MTHONG GYUR NAS, ,SNYING LA BRTZE MED LAG 'GRO YI, ,DGRA YANG BRTZE BA BYED DAM SNYAM, ,DUNG GI GTZUG GIS YUM SKRAG PAS CI ZHIG PHAN, 'DI NI NGES PAR KLU'I DGRA MA YIN NO, ,LTOS SHIG ,KLU CHEN MGO BO BSKAM ZHING KHRAG GZAGS PA'I, ,ZER MAS BYUGS PA GTUM PO'I MCHU DANG LDAN, ,GANG NA MKHA' LDING DAG STE GANG NA YANG, ,ZHI BA'I RANG BZHIN GZUGS @243A *, ,CAN DAM PA 'DI, ,RGAN MOS BU SDUG BDAG NI KHYOD GSOD PAS 'JIGS TE THAMS CAD MKHA' LDING NYID DU MTHONG NGO, ,SPRIN GYI BZHON PAS, KYE YUM MA 'JIGS SHIG ,BDAG NI RIG PA 'DZIN PA'I GZHON NU STE, KHYOD KYI BU BSRUNG BA NYID KYI DON DU 'ONGS PA YIN NO, ,RGAN MOS DGA' BA DANG BCAS PAR BU SLAR YANG DE BRJOD CIG ,SPRIN GYI BZHON PAS, YUM YANG DANG YANG DU BRJOD PA 'DI YIS CI, LAS NYID KYIS RDZOGS PAR BYA'O, ,RGAN MOS SPYI BOR THAL MO SBYAR NAS BDAG GI BU SDUG YUN RING DU 'TSO BAR GYUR CIG ,SPRIN GYI BZHON PAS, YUM GCIG GSOD RTAGS 'DI NI BDAG LA GSOL, ,RANG LUS G-YOGS TE KHYOD KYI BU YI NI, ,SROG DAG BSRUNG PHYIR BI NA TA SKYES KYI, ,KHA ZAS DAG LA BDAG GIS STZAL BAR BGYI'O, ,RGAN MOS RNA BA BSGRIBS TE TSIG DE ZHI BAR GYUR CIG ,KHYOD KYANG DUNG GI GTZUG DANG, KHYAD PAR MED PAR BDAG GI BU NYID DO, ,YANG NA DUNG GI GTZUG PAS KYANG KHYOD SHIN TU LHAG PA NYID DO, ,GANG ZHIG GNYEN GYI SKYE BOS KYANG YONGS SU BTANG BA BDAG GI BU LUS SBYIN PAS KYANG BSRUNG BAR 'DOD PA'I PHYIR RO, ,DUNG GI GTZUG GIS YA MTSAN DANG BCAS PAR AE MA HO SEMS CAN CHEN PO 'DI'I SPYOD PA NI 'GRO BA DAG LAS BZLOG PA ZHIG STE, GANG GI PHYIR, GANG GI SLANG DU KUN GYI BSHES KYI GTUM PO BZHIN DU SNGON TSE KHYI SHA ZOS GYUR CING, ,GANG GI CHED DU GOO TA MA YIS DE LA PHAN BYAS T'A LA'I BYIN PA RAB TU BSAD, ,GANG GI DON DU MKHA' LDING 'OD SRUNG BU 'DIS NYI MA SO SOR LTO 'PHYE 'JOMS BYED PA, ,SROG DE NYID NI RTZVA BZHIN GANG ZHIG BRTZE BAS GZHAN GYI DON DU STER BAR BYED PA MTSAR, , SPRIN GYI BZHON PA LA MCHON NAS KYE BDAG NYID CHEN PO KHYOD KYIS BDAG NYID RAB TU RTZOM PA'I ZOL MED PA'I BRTZE BA DANG LDAN PA DAG BDAG LA BSTAN TO, ,DES NA 'BAD PA 'DI YIS CI ZHIG BYA, LTOS SHIG ,BDAG LTA SROG CHAGS PHRA MO RNAMS, ,SKYE BA DANG NI 'CHI 'GYUR TE, ,GZHAN GYI DON LA NUS LDAN PA, , KHYOD 'DRA 'BYUNG BA GA LA ZHIG ,DES NA 'DIS CI ZHIG BYA, ZHEN PA 'DI THONG SHIG ,SPRIN GYI BZHON PADS NGUNG GI GTZUG GI LAG NAS BZUNG STE, GZHON NU DANG GI GTZUG BDAG GIS GZHAN GYI DON PHUN SUM TSOGS PAS YID LA RE BA'I SKABS YUN RING PO NAS RNYED BDAG GI BAR CHAD BYA BAR MI 'OS SO, ,RNAM PAR @243B RTOG PA MED PAR GSOD PA'I RTAGS DAG BYIN CIG ,DUNG GI GTZUG GIS SEMS DPA' CHEN PO DON MED PA'I GDUNG BA CHEN PO 'DIS CI ZHIG BYA, ,DUNG GI GTZUG GIS DUNG SKYONG GI RIGS DUNG LTAR DKAR BA DRI MA CAN DU BYED DAM CI, ,CI STE KHYOD BDAG LA RJES SU BRTZE BAR BYED PA DE LTA NA BDAG CAG GI YUM 'DI JI LTAR 'TSO BSTONG PAR MI 'GYUR BDE LTA BU'I THABS BSAM PAR MDZOD CIG ,SPRIN GYI BZHON PAS KYE THABS BSAMS PA NYID MA YIN NAM, 'DIR CI ZHIG BSAM, DE NI KHYOD NYID KYI DBANG DU GYUR TO, ,DUNG GI GCUG GIS JI LTAR SPRIN GYI BZHON PAS GANG ZHIG KHYOD NI SHI GYUR NA, ,'CHI ZHING GSON NA GSON 'GYUR BA, ,DE NI GAL TE GSON 'DOD NA, ,BDAG GI SROG GIS BDAG NYID SRUNGS, ,'DI NI THABS YIN TE, ,DES NA BDAG LA GSOD PA'I MTSAN MA MYUR DU GSOL CIG ,'DIS BDAG NYID G-YOGS TE GSOD PA'I RDO LA 'DZEGS PAR BYA'O, ,KHYOD KYANG MA'I MDUN DU BRDAR TE GNAS 'DI NAS LDOG PAR BYOS SHIG ,GAL TE NA GSOD PA'I GNAS NYE BAR GYUR PA 'DI MTHONG NAS BUD MED RANG BZHIN GYIS SDAR MA'I NGANG CAN SROG BTANG BAR SRID DO, ,BSAD PA'I KLU RNAMS KYIS KENG RUS KYIS DKRIGS PA'I DUR KHROD CHEN PO KHYOD KYIS MA MTHONG NGAM CI, ,DE LTAR YANG G-YO BA'I MCHU YIS DRANGS SHING PHYED LHUNG SHA YI CHA NI ZOS PAS 'DOD PA 'PHEL GYUR PA'I, ,BYA RGOD RNAMS KYI GSHOG PA GNYIS NI SKYOD PAR BYED PAS MUN PA STUG PO NYID BYAS SHING, ,KHRAG GI RGYUN 'BEBS MANG PO'I ZHAG NI RGYUN DU ZAG CING RUL PA'I DRING LDANG BA 'DIR, ,CE SPYANG RNAMS KYI KHA NAS RAB 'BAR ME YI PHRENG BA LTUNG ZHING LHAB CES SGROGS PAR BYED, ,DUNG GI GTZUG GIS JI LTAR BDAG GIS MA MTHONG SPRUL GYI ZAS KYIS NYI MA SO SOR NI, ,MI STONG BYA BA'I 'DREN PAS DGA' BYAS PA, ,RI BONG CAN DKAR RUS PA THOD PA CAN, ,DUR KHROD 'DI NI DRAG PO'I LUS BZHIN NO, ,DES NA SONG ZHIG SKRAG PAR NYE BAR BKOD PA 'DI DAG GIS CI ZHIG BYA, ,NGES PAR MKHA' LDING 'ONG BA'I DUS NI NYE BAR GYUR TO, ,MA'I MDUN DU PUS MO BTZUGS NAS SPYI BOR THAL MO SBYAR BA BKOD DE, DA NI YUM KHYOD KYANG LOG CIG ,YUM GCIG GANG DANG GANG DU BDAG ,RAB TU SKYE BA NYID 'GYUR BA, ,DE DANG DER NI BU LA BYAMS, ,KHYOD NYID BDAG GI MAR GYUR CIG ,RKANG PA LA GTUGS SO, ,RGAN MOS MCHI MA DANG BCAS PAS KYI HUD JI @244A *, ,LTAR KHYOD KYI TSIG NI MCHI MA MED PA'O, ,NGES PAR BU SDUG KHYOD BTANG NAS GZHAN DU BDAG GI RKANG PA MI 'DOR RO, ,DES NA KHYOD NYID DANG LHAN CIG TU 'GRO BAR BYA'O, ,DUNG GI GTZUG GIS LONGS NAS RE ZHIG BDAG GIS KYANG SHIN TU MI RING BA NA LEGS LDAN LHO PHYOGS GO KARnA YOD PA LA BSKOR BA BYAS, ,TE RJE'I BKA' LA GNAS PAR BYA'O, ,GNYI GSONG BAR GYUR TO, ,SPRIN GYI BZHON PAS, KYE MA MNGON PAR 'DOD PA GRUB PAR MA GYUR TO, ,DES NA 'DI LA THABS CI ZHIG YOD 'PHRAL LA NYUG RUM PAR ZHUGS PAR GYUR TE GOS ZUNG 'DI SPRIN GYI BZHON PAS MTHONG NAS DGA' BA DANG BCAS SHING BDAG NYID KYIS RTOGS PA AE MA MA BRTAGS PAR RNYED PA'I GOS DMAR PO ZUNG CIG PO 'DIS BDAG GI MNGON PAR 'DOD PAR GRUB PAR GYUR TO, ,NYUG RUM PAS, GOS ZUNG CIG PO 'DI NI LHA MO BSHES GNYEN GYI DBYIG GI YUM GYIS GZHON NU LA BSKUR BA YIN NO, ,DES NA GZHON NUS 'DI YONGS SU BZHES SHIG ,SPRIN GYI BZHON PAS LANGS NAS BLANGS TE BDAG NYID KYIS RTOGS PAR BDAG GI MA LA YA CAN MA'I LAG PA BZUNG BA NI 'BRAS BU DANG BCAS PAR GYUR TO, ,GYON NAS GSAL BAR KYE NYUG RUM PA GSHEGS SHIG KHYOD KYIS BDAG TSIG GIS LHA MO LA PHYAG 'TSAL BAR BYA STE, JI LTAR YUN RING DU THOGS PA'I SPRIN GYI BZHON PA LA PHYAG 'TSAL BAR BYED DO, ,NYUG RUM PAS, JI LTAR GZHON NUS BKA' STZAL PA BZHIN NO, ,SONG NGO SPRIN GYI BZHON PAS, GZHAN GYI DON DU LUS GTONG BA'I, ,DUS LA BAB CHE BYUNG GYUR PA, ,GOS NI DMAR PO ZUNG 'DI DAG ,DGA' BA SHIN TU CHEN PO BYED, ,RNAM PAR BLTAS NAS JI LTAR RIM LA YA'I RDO'I TSOGS G-YO BA DANG RLUNG DRAG TU LDANG BDE LTAR BYA'I RGYAL PO NYE BAR GYUR TO ZHES BDAG RTOG GO, ,GZHAN YANG 'JIG PA'I SPRIN DANG MTSUNGS PA GSHOG RTZA'I PHRENG BA DAG GIS NAM MKHA' RAB TU SGRIB BYED CING, ,SHUGS KYI RLUNG GIS BSKYOD PA'I RGYA MTSOS SA GZHI 'GENGS PA BZHIN DU CHU DAG NGOGS SU 'PHEN, ,PHYOGS KYI GNYIS 'THUNG DBANG PO RNAMS KYI DUS MTHAR DOGS PA BYED CING 'JIGS BCAS BLTAS GYUR TE, ,BCU GNYIS NYI MA LTAR 'BAR LUS KYI 'OD KYIS PHYOGS BCU DAG NI RAB TU SER SKYAR BYED, ,DES NA JI SRID DUNG GI GTZUG 'DI 'ONGS PAR MA GYUR PA DE SRID DU GSOD PA'I RDO 'DI LA MYUR BAR BDAG 'DZEG PAR BYA'O, ,DE LTAR BYED DO, ,'DUG STE REG PA'I GAR BYED CING, ,AE MA @244B 'DI YI REG PA'O, ,JI LTAR MNGON PAR 'DOD DON GRUB PA'I SLAD, ,GSOD PA'I RDO 'DI LA SBYAR DE LTAR NI, ,MA LA YA YI TZAN DAN ROS BRLAN PA'I, ,MA LA YA CAN MAS KYANG BDE MI BYED, ,YANG NA MAL YA CAN MA CI ZHIG ,MA YI PANG DU BYIS PA NI, ,BDE BAR NYAL BAS GANG THOB PA'I, ,BDE DE BDAG GIS GSOD PA YI, ,RDO 'DI YI NI STENG DU THOB, ,DES NA BYA KHYUNG 'DIR 'ONG STE, ,RE ZHIG BDAG NYID BSGRIBS TE 'DUG PAR BYA'O, ,DE LTAR BYED DO, ,DE NAS MKHA' LDING ZHUGS PAR GYUR TO, ,LHAG MA CAN GZUGS 'JIGS PAS ZLUM POR BYAS PA DRAN ZHING BSIL ZER CAN GYI DKYIL 'KHOR 'PHANGS, ,SHING RTA'I RTA NI SKRAG NAS NYI MA BSKYOD TSE SNGON LA SKYES PAS KUN DGA' LDAN PAR MTHONG, ,MTHA' NAS CHU 'DZIN TSOGS PA DAG NI NGES PAR 'BAB PAS GSHOG PA RING PO NYID GYUR PA, ,SBRUL ZAS LA DGA' BDAG NI MGYOGS PAS SKAD CIG NYID LA RI BO MA LA YAR PHYIN TO, ,SPRIN GYI BZHON PAS SMON LAM BYED DO, ,KLU NI SRUNG BYED BDAG GI BSOD NAMS GANG, ,RANG LUS SBYIN LAS DE RING GANG BSGRUBS PA, ,DE YIS BDAG NYID SRID PA SRID PAR NI, ,GZHAN PHAN SNYING POR LNGAN PA'I LUS THOB SHOG ,MKHA'I LDING GIS SPRIN GYI BZHON PA LA NGES PAR BRTAGS NAS, ,LHAG MA'I KLU RNAMS BSRUNG PHYIR GSOD PA'I RDO 'DI DAG LA NGES PAR LHUNG GYUR PA'I, ,SNYING KHA LA NI RDO RJE'I DBYUG PA RAB DRAG MCHU YIS RAB TU BCOM BYAS NAS,, ,, BDAG LA 'JIGS PAS SNYING DAG DRAL ZHING ZAG PA'I KHRAG GIS RAB TU BYUGS PA BZHIN, ,GOS DMAR GYIS G-YOGS GDENGS CAN DAG NI BZA' BAR BYA PHYIR MYUR BAR BLANG BAR BYA, ,MNGON PAR BTAB STE BLANGS SO, ,MTHA' NAS ME TOG LTUNG BAR BYED DO, ,MKHA' LDING GIS YA MTSAN DANG BCAS PAR AA YE STENG NAS ME, TOG GI CHAR PA DANG RNGA BO CHE'I SGRA 'DI DAG KYANG MTHONG ZHING THOS NAS, ,BUNG BA KUN DU DGA' BAR BYED PA'I DRI LDANG ME TOG CHAR 'DI MKHA' LAS CI PHYIR 'BAB, ,MTHO RIS PHYOGS KYI 'KHOR LO RNGA CHEN RNAMS KYI SGRA 'DIS MU COR DAG TU CI SLAD BYED, ,DE YANG 'DI LTAR SHES TE, BDAG GI SHUGS KYI RLUNG GIS YONGS 'DU DAG NI BSKYOD PA DANG, , 'JIGS PA'I SPRIN GYI TSOGS RNAMS DUS MTHAR DOGS PA SKYES TE 'DI YANG BSGRAGS PA YIN NAM SNYAM, ,SPRIN GYI BZHON PAS AE MA BDAG GI DON BYAS PAR GYUR TO, ,MKHA' LDING GIS RTOG CING KLU RNAMS SRUNG BAR BYED PA 'DI, ,JI LTAR BDAG LA LJI BAR SNANG, ,DE LTAR SBRUL DAG ZA 'DOD PA, ,GSAL BAR DI RING SEL BAR 'GYUR, ,DES @245A *, ,NA RE ZHIG RI MA LA YA'I RTZE MOR 'DZEGS TE JI LTAR 'DOD PAR 'DI BZA' BAR BYA'O, ,KHYER NAS SONG BAR GYUR TO, ,MTSAN MA BZHI PA'O,, ,,DE NAS SGO SRUNGS RAB DGA' ZHUGS PAR GYUR TO, ,MDZA' BOS RANG KHYIM SKYED TSAL GNAS LA YANG, ,MDZA' BDAG LA SDIG PA DOGS 'GYUR NA, ,GNOD MANG MTHONG ZHING 'JIGS SU RUNG BA YI, ,'BROG DGON DBUS NA GNAS LA SMOS CI DGOS, ,DE LTAR YANG SPRIN GYI BZHON PA RGYA MTSO'I RLABS LTA BA'I LTAD MO LA SONG PA NI YUN RING DU THOGS SO ZHES RGYAL PO CHEN PO KUN GYI DBYIG SDUG BSNGAL DANG LDAN PAR GNAS SO, ,DE YIS BDAG LA DKA' BSGOS PA RAB DGA' BDAG GI MKHA' LDING GI 'JIGS PA DANG NYE BA'I PHYOGS SU MAG PA SPRIN GYI BZHON PA SONG PAR GYUR TO ZHES THOS SO, ,TSUL 'DIS DOGS PAR GYUR TE, DES NA MYUR BAR SONG LA CI 'DI RANG GI KHYIM DU 'ONGS SAM, MA 'ONGS SHES PAR GYIS SHIG CES SO, ,RE ZHIG DE NYID DU 'GRO BAR BYA'O, ,SONG BA DANG MDUN DU MTHONG NAS, AA YE 'DI NI RGYAL PO'I DRANG SRONG SPRIN GYI BZHON PA'I YAB SPRIN GYI TOG BSTI GNAS KYI KHYAMS NA YUM CHOS SPYOD MA DANG LHAN CIG RGYAL PO'I BU MOS RIM GRO BYED CING 'KHOD DO, ,DE LTAR YANG RAB DKAR 'KHYOG PO G-YO ZHING BSKYOD PA LBU BA LDAN PA'I CHU DANG MTSUNGS PA 'DZIN, ,NA TSOD MTSUNGS SHING BSOD NAMS CHE LDAN LHA MOS RNAM MDZES DZAHNU'I BU MO BZHIN, ,JI LTAR RLABS KYIS MDZES BZHIN GANG GI DRUNG NA MA LA YA CAN NYE BAR GNAS, ,SPRIN GYI TOG 'DI NYID NI CHU GTER DAG DANG RAB TU MTSUNGS PA'I DPAL 'DI 'DZIN, ,DES NA RE ZHIG NYE BAR 'GRO BAR BYA'O, ,DE NAS SPRIN GYI TOG GDAN LA GNAS SHING BTZUN MO DANG MNA' MA DANG BCAS PA ZHUGS PAR GYUR TO, ,LANG TSO DAG GI BDE BA SPYAD CING GRAGS PA RGYAS PAR BYAS, ,BRTAN PA'I BLO YIS RGYAL SRID LA 'DUG DKA' THUB RNAM PAR SPYAD, ,BU 'DI BSNGAGS 'OS MNA' MA 'DI NI RIGS MTSUNGS LEGS LAS SKYES, ,KA YE DON BYAS BDAG GI DI RING 'CHI BA BSAM PAR BYAS, ,RAB DAGS 'PHRAL LA NYE BAR BTUD NAS SPRIN GYI BZHON PA'I SPRIN GYI TOG GIS RNA BA BSGRIBS NAS SDIG PA ZHI BAR GYUR CIG ,YUM GYIS NGES PAR BKRA MI SHES PA 'DI NYAMS PAR GYUR CIG ,MA LA YA CAN MAS BDAG NYID KYIS RTOGS PAR MTSAN MA NGAN PA 'DIS BDAG GI SNYING 'DAR BA BZHIN NO, ,SPRIN GYI TOG GIS BZANG PO SPRIN GYI BZHON PA CI, RAB DAGS SPRIN GYI BZHON PA'I LAM LTA BA LA RGYAL PO CHEN @245B PO KUN GYI DBYIG GIS KHYOD KYI DRUNG DU BDAG BTANG NGO, ,DES NA RGYAL PO CHEN PO BDAG LA BKA' STZOL CIG ,BDAG GIS RJE LA JI SKAD CES RTOGS PAR BGYI, ,SPRIN GYI TOG GIS, CI BU DE NYID NA NYE BAR MI GNAS SAM RAB DAGS MA MCHIS SO, ,YUM GYIS MYA NGAN DANG BCAS PAR RGYAL PO CHEN PO DE YANG MED NA DA NI BDAG GI BU GANG DU SONG; ,GANG GIS NA DE LTAR YUN RING DU THOGS, SPRIN GYI TOG GIS NGES PAR BDAG CAG GI SROG BSRUNG BA'I DON DU RING DU SONG BAR GYUR TO, ,MA LA YA CAN MAS MYA NGAN DANG BCAS SHING BDAG NYID KYIS RTOGS PAR BDAG GIS KYANG RJE'I SRAS YUD TZAM ZHIG KYANG MA MTHONG BAS GZHAN NYID 'GA' ZHIG DOGS SO, ,RAB DAGS RGYAL PO CHEN PO BKA' STZOL CIG ,BDAG GIS RJE LA JI SKAD GSOL PA BGYI, SPRIN GYI TOG GIS MIG G-YON PA 'GUL BAS GSAL BAR BYED DO, ,SPRIN GYI BZHON PA YUN RING DU THOGS SO ZHES BDAG 'KHRUGS SHING SEMS PAR BYED PA NA MI 'DOD BSAL BAR BYA BA'I PHYIR, ,YANG YANG G-YAS PA MIN PA'I MIG ,CI ZHIG LA G-YO MIG NGAN KHYOD, ,G-YOB NYI MAS SEL GYUR CIG ,STENG DU LTA ZHING, BCOM LDAN 'OD SNGONG PA 'DI NI SRID PA GSUM GYI MIG GCIG PU STE, SPRIN GYI BZHON PA DGE LEGS DAG GSAL BAR STON CIG ,YA MTSAN DANG BCAS PAR, BLTAS PAR GYUR NA MIG LA SDUG BSNGAL RAB TU STER, ,KHRAG GI ZER MA DANG MTSUNGS 'OD ZER GSAL BO 'GYED, ,LTAS NGAN RLUNG GIS BSKYOD BYAS SKAR MA DANG MA TSUNGS 'DI, ,GLO BUR NYID DU MKHA' LAS CI SLAD MDUN DU 'BAB, ,JI LTAR BDAG GI RKANG PA NYID LA 'BAB, ,THAMS CAD KYIS NGES PAR BRTAGS SO, ,SPRIN GYI TOG GIS AA YE SHA RLON PA DANG SKRA DANG BCAS PA'I GTZUG GI NOR BU 'DI SU ZHIG GI YIN PAR 'GYUR, ,YUM GYIS MYA NGAN DANG BCAS PAR GTZUG GI RIN PO CHE 'DI NI BDAG GI BU'I YIN PA 'DRA'O, ,MA LA YA CAN MAS, YUM DE SKAD MA GSUNGS, RAB DAGS RGYAL PO CHEN PO DE LTAR MA RTOGS PAR GDUNG BAR MA BYED CIG ,'DIR NI KLU MKHA' LDING GIS ZOS PA RNAMS KYI GTZUG GI NOR BU SDER MO DANG KHAS BCOM PA DU MA DAG LTUNG BA NYID DO, ,SPRIN GYI TOG GIS, LHA MO RAB DAGS RIG PA DAG BRJOD DO, ,GAL TE DE LTAR YANG YIN PA SRID DO, ,YUM GYI SA RAB DAGS GAL TE NA DUS 'DI TZAM GYIS GYOS SGYUG GI KHAB NYID DU BDAG GI BU 'ONGS PA SRID DO, ,DES NA SONG LA RTOGS TE MYUR DU @246A *, ,'PHRIN SRINGS SHIG ,RAB DAGS JI LTAR LHA MOS GSUNGS PA BZHIN NO, ,SONG BAR GYUR TO, ,SPRIN GYI TOG GIS, LHA MO KLU DAG GI GTZUG GI NOR BU YIN PA YANG SRID DO, ,DE NAS DUNG GI GTZUG GOS DMAR PO DAG BZUNG STA ZHUGS PAR GYUR TO, ,MCHI MA DANG BCAS PAR BRLAG GO, ,KYE MA BRLAG GO, ,MYUR BAR RGYA MTSO'I 'GRAM DU GO KARnA LA BTUD BYAS NAS, ,LTO 'PHYE CHEN PO GSOD PA'I SA GZHI DER NI BDAG PHYIN NA, ,RIG PA 'DZIN PA KHA DANG SNGER MOS SNYING KHA BCOM PA DE, ,KHYER NAS MKHA' LDING DAG NI MKHA' LA RAB TU SONG BAR GYUR, ,KYI HUD RGYU MED PA'I GNYEN GCIG PO, ,KYI HUD MCHOG GI SNYING RJE CAN GYI HUD GZHAN GYI SDUG BSNGAL BA CAN, KYE KHYOD NI GANG DU GSHEGS BDAG GI TSIG GI LAN BYIN CIG ,NYAMS PA DUNG GI GTZUG MNGAL NA GNAS PA NYID NA CI'I PHYIR MA SHI KHYOD KYIS CI ZHIG BYAS, ,KLU RNAMS BSKYABS LAS GRAGS BA CIG MA THOB, ,BSNGAGS PAR 'OS PA'I RJE YI GSUNG MA BSGRUBS, ,GZHAN GYIS BDAG NYID BTANG BSRUNGS MYA NGAN 'OS, ,KYE MA KYI HUD SMAD BDAG BSLUS N GZHAN LA PHAN PA LA ZHEN PA DE LTA BU BDAG G NI SKAD CIG TZAM 'TSO ZHING BDAG NYID LA NYE BAR BGAD PAR MI BYA'O, ,RE ZHIG 'DI'I RJES SU SONG STE BRTAG PAR BYA'O, ,YONGS SU 'GRO ZHING SA LA BLTAS TE, DANG POR SA GZHI KHYAB BYAS DE NAS MDUN DU THIGS PA RAGS PA GROL BA DAG TU LHUNG, ,RDO RNAMS LA LHUNG BRDABS SHING 'THOR GYUR THIGS PHRAN LDAN PA'I THANG LA SROG CHAGS RNAMS KYIS DKRIGS, KHAMS KYI NGOS LA MTSON DKA' BZHIN STUG DAG GI RTZE DANG PHUG RNAMS NGAG LA CHAGS GYUR PA, ,KHRAG GI RGYUN 'DI'I RJES SU LEGS PAR 'BRANGS TE MKHA' LDING LTA 'DOD BDAG NI 'GRO BAR BYA, ,YUM GYIS THOS NAS SKRAG PA DANG BCAS PAR, RGYAL PO CHEN PO SU ZHIG DU BA'I BZHIN DANG LDAN PA 'DI NI 'DI NYID DU MYUR BAR 'ONG ZHING BDAG GI SNYING 'KHRUGS PAR BYED DES NA RE ZHIG 'DI SU YIN SHES PAR BYOS SHIG ,SPRIN GYI TOG GIS, JI LTAR LHA MO SMRA BA BZHIN NO, ,DUNG GI GTZUG GIS KYI HUD 'JIG RTEN GSUM GYI GTZUG GI NOR BU GCIG PU KHYOD BDAG GI GANG DU BLTA BAR BYA, BCOM PAR GYUR TO, ,SPRIN GYI TOG GIS THOS NAS DGA' BA DANG BCAS PAR BGAD NAS LHA MO MYA NGAN THONG SHIG ,'DI'I GTZUG GI NOR BU 'DI SHA LA CHAGS PA'I BYA 'GA' ZHIG GIS MGO LAS BCAD DE KHYER BA LHUNG BA YIN NAM SNYAM MO, ,YUM GYIS TSIM PA DANG BCAS PAR MA LA YA CAN MA LA 'KHYUD NAS AA A'I YUGS SA MOR MA GYUR MA BRTEN PAR MDZOD CIG ,KHYOD NI RNAM PA 'DI 'DRA BDAG GIS @246B NGES PAR YUGS SA'I SDUG BSNGAL NYAMS SU MYONG BAR 'GYUR BA MA YIN NO, ,MA LA YA CAN MAS DGA' BA DANG BCAS PAR YUM KHYOD KYI SHIS PAR BRJOD PA YIS SO ZHES TE ZHABS LA GTUGS SO, ,SPRIN GYI TOG GI DUNG GI GTZUG LA NYE BAR BTUD NAS BU KHYOD KYI GTZUG GI NOR BU STOR RAM CI, DUNG GI GTZUG GIS RJE BDAG GCIG PU'I MA YIN GYI, ,'JIG RTEN GSUM GYI YANG NGO, ,SPRIN GYI TOG GI BU JI LTAR NA DUNG GI GTZUG GI SDUG BSNGAL GYI KHUR CHEN PO DANG LDAN PAS MCHI MAS MGRIN PA NYE BAR BSGAGS PA BDAG GIS BRJOD PAR MI NUS SO, ,SPRIN GYI TOG GIS RANG GI MYA NGAN SHIN TU BZOD PAR DKA' BA DAG BDAG LA SMOS SHIG ,DE BDAG LA 'PHOS PA GANG GIS NA KHYOD KYIS BZOD PAR BYA BAR 'GYUR RO, ,DUNG GI GTZUG GIS GSAN PAR MDZOD CIG, NGES PAR BDAG NI KLU RUNG GI GTZUG CES BYA BA'O, ,ZAS KYI RES LA BAB NAS KLU'I RGYAL PO NOR RGYAS KYIS BI NA TA'I BU LA BSRINGS SO, ,MANG POS CI ZHIG BYA, GAL TE KHRAG GI RGYUN GYI LAM 'DI RDUL GYIS BSGRIBS TE MTSAN DKA' BAR 'GYUR RO, ,DES NA MDOR BSDUS PA BSHAD PAR BYA'O, ,SEMS NI SNYING RJE DANG LDAN PA, ,RIG PA 'DZIN PA SU ZHIG GIS, ,RANG NYID MKHA' LDING LA BYIN NAS, ,BDAG GIS SROG NI BSRUNGS PAR GYUR, ,SPRIN GYI TOG GIS, MNYES GSHIN GZHAN LA PHAN PA LA ZHEN PA DE LTA BU BDAG GI BU LAS GZHAN PA SU ZHIG YOD, KYE BU SPRIN GYI BZHON PA YIS ZHES GSAL BAR BRJOD CIG ,KYI HUD SKAL BA NGAN PA BDAG BCOM MO, ,YUM GYIS KYI HUD BU SDUG PA KHYOD KYIS 'DI CI LA BYAS, MA LA YA CAN MAS, KYI HUD JI LTAR BDAG LA MTSAN MA NGAN PA NI BDEN PA NYID DU GYUR TO, ,BRGYAL BAR GYUR TO, ,DUNG GI GTZUG GIS MCHI MA DANG BCAS PAR AA YE NGES PAR SEMS DPA' CHEN PO DE'I YAB YUM NI 'DI DAG GO, ,BDAG GI MI 'DOD PA BRJOD NAS 'DI DAG GNAS SKABS 'DI LA BKOD DO, ,YANG NA DUG 'DZIN GYI KHA NAS DUG LAS GZHAN PA DCI ZHIG 'BYUNG BAR 'GYUR, KYE MA SROG RAB TU STER BA SPRIN GYI BZHON PA LA DE DANG MTSUNGS PA'I PHAN PA DUNG GI GTZUG GIS BYAS SO, ,DES NA DA LTA NYID DU BDAG NYID KYIS GSAD PAR BYA 'AM CI, YANG NA RE ZHIG 'DI DAG DBUGS DBYUNG BAR BYA'O, ,YAB DBUGS PHYIN PAR MDZOD CING, ,YUM DBUGS PHYIN PAR MDZOD CIG ,GNYI GA DBUGS PHYIN PAR GYUR TO, YUM GYIS BU MO LONGS SHIG ,RINGS PAR MA BYED CIG ,BDAG CAG KYANG SPRIN GYI BZHON PA MED PAR 'TSO 'AM CI, DES NA GRE ZHIG DBUGS PHYIN PAR GYIS SHIG ,MAL YA CAN MAS @247A *, ,DBUGS PHYIN NAS KYI HUD RJE'I SRAS KHYOD GANG DU BDAG GIS BLTA BAR BYA, ,SPRIN GYI TOG GIS, KYI HUD BU BLA MA'I ZHABS KYI BSNYEN BKUR GYI CHO GA SHES PA KHYOD BDAG GIS GANG DU BLTA BAR BYA, KHYOD KYIS BDAG GI RKANG PA LA, ,GTZUG GI NOR BU GTUG TU BCUG ,'JIG RTEN GZHAN DU 'GRO NA YANG, ,DUL BA'I RIM PA MDOR RO, ,GTZUG GI NOR BU BLANGS NAS KYI HUD KHYOD KYIS BDAG LA 'DI TZAM KHO NA BSTAN PAR BYAS, SNYING LA BRLAN NAS AA HA HA GUS PAS SHIN TU RINGS NAS 'DUG CING MGO BTUD PAS, ,RTAG TU BDAG GI RKANG LA PHYAG 'TSAL KHYOD KYI NI, ,GTZUG GI NOR BU 'DI RTZUB MIN YANG BRDAR BA YIS, ,BDAG GI SNYING NI SHIN TU 'JOMS PAR BYED PA CI, ,YUM GYIS KYI HUD BU SPRIN GYI BZHON PA GANG KHYOD NI BLA MA'I ZHABS KYI SRI ZHU BOR NAS GZHAN PA'I BDE BA NYID LA SRENG PA MA YIN NA, DE JI LTAR DA NI YAB SPANGS NAS MTHO RIS KYI BDE BA NYAMS SU MYONG BAR BYED DU SONG BAR GYUR, SPRIN GYI TOG GIS MCHI MA DANG BCAS PAR LHA MO YU CAG SPRIN GYI BZHON PA MED PAR 'TSO'AM CI GANG GIS NA DE LTA BU'I SMRE SNGAGS RJOD PAR BYED, MA LA YA CAN MAS RKANG PA DAG LA GTUGS TE, THAL MO SBYAR NAS YAB RJE'I SRAS KYI MTSAN MA GTZUG GI NOR BU DAG STZOL CIG ,GANG GIS NA 'DI SNYING LA BYAS PAS ME BCUG STE BDAG NYID KYI GDUNG BA BSAL BAR BYA'O, ,SPRIN GYI TOG GIS BDAG PO'I BRTUL ZHUGS MA CI LA 'KHRUGS PAR BYED, BDAG CAG THAMS CAD 'DI NYID DU NGES PA MA YIN NAM, YUM GYIS KYE RGYAL PO CHEN PO DE LTA NA CI ZHIG LA THOGS, SPRIN GYI TOG GIS CI LA YANG MA YIN NO, ,'ON KYANG BSGRUBS PA'I ME LAS GZHAN PA'I MES 'DUS BYA BA MNGON PAR BSGRUBS PA MA YIN NO, ,DES NA MCHOD SBYIN GYI KHANG PA LAS ME BLANGS TE BDAG CAG RNAMS BSREG PAR BYA'O, ,DUNG GI GTZUG GIS BDAG NYID RTOGS PAR JI LTAR SDIG CAN BDAG GCIG PU'I DON DU RIG PA 'DZIN PA'I RIGS 'DI MTHA' DAG CHAD PAR 'GYUR TE, DES NA RE ZHIG 'DI SKAD DO, ,GSAL BAR YAB NGES PA NYID DU MA GYUR PAR 'DI 'DRA BA'I THUB CHOD SGRUB PAR REGS PA MA YIN NO, ,BYED PO'I RNAM 'PHRUL NI RNAM PAR BKRA BA YIN TE, GAL TE NA KLU'I DGRAS 'DI KLU MA YIN PA ZHIG GO ZHES SHES TE, SPRIN GYI BZHON PA 'TSO BA DANG BCAS PA NYID GTONG BA YANG SRID DO, ,DES NA KHRAG GI RGYUN 'DI NYID KYIS RE ZHIG PI NA TA'I BU'I RJES SU 'BRANG BAR BYA'O, ,YUM GYIS RNAM PA KUN DU LHA RNAMS KYI @247B BKA' DRIN GYIS BU 'TSO BA DANG LDAN PA NYID MTHONG BAR GYUR CIG ,MA LA YA CAN MAS BDAG NYID KYIS RTOGS PAR NGES PAR 'DI NI SKAL BZHAN PA BDAG LA DKON NO, ,SPRIN GYI TOG GIS, BU KHYOD KYI TSIG MI BDEN PA MA YIN PAR GYUR CIG ,DE LTA NA YANG ME DANG BCAS PA NYID DU BDAG NYID 'GRO BAR RIGS SO, ,DES NA KHYOD RJES SU SONG SHIG ,BDAG CAG KYANG ME'I KHANG PA NAS ME BLANGS TA MYUR BA NYID DU 'ONG NGO, ,SPRIN GYI TOG BTZUN MO DANG MNA' MA DANG BCAS PA SONG BAR GYUR TO, ,DUNG GI GTZUG GIS DES NA RE ZHIG MKHA' LDING GI RJES SU 'BRANG BAR BYA'O, ,'JIG RTEN 'DAS GYUR SPYOD PA DAG GIS GTZANG BA'I LUS DANG LDAN, ,BYA YI BDAG PO BLO GROS 'KHRUL PA DAG GIS KHYER BA 'DI, ,JI SRID ZOS PAR MA GYUR DE SRID RAB TU BSRUNG BA'I PHYIR, ,SA GZHI 'DZIN PA MCHOG TU MTHO BA'I PHYIR NI 'GRO BAR BYA, ,ZHES TE DUNG GI GTZUG SONG BAR GYUR TO, ,MTSAN MA LNGA PA'O,, ,,DES NA DUNG GI GTZUG ZHUGS PAR GYUR TE, MDUN DU NGES PAR BRTAGS NAS, KHRAG GIS BRLAN PA'I MCHU DAG BRDAR BAS RIL DRO nI GSAR PA BZHIN BYED CING, ,RANG GI 'DREN BYED 'OD ZER ME YI PHRENG BAS NYE BA'I NAGS KYI KHONGS DAG BSREGS, ,'JIGS RUNG RDO RJE LTAR RTZUB SNGER MO DAG NI MTHA' RUS LA BRDAB CING BYING, ,SBRUL GYI DGRA 'DI MAL YA YI COG GI RTZE MOR RING PO DAG NAS MTHONG, ,DE NAS MDUN DU SPRIN GYI BZHON PA 'GYEL BA'I MKHA' LDING ZHUGS PAR GYUR TO, ,MKHA' LDING GI BDAG NYID KYIS RTOGS PA SKYES NAS BZUNG STE LAG 'GRO'I BDAG PO DAG ZOS PAR GYUR NA, 'DI 'DRA BA'I YA MTSAN DANG BCAS PA NI BDAG GIS SNGAR MA MTHONG NGO, ,GANG ZHIG SEMS DPA' CHEN PO 'DI LA GDUNG BA MED PA 'BA' ZHIG TU MA ZAD DE, DGA' BRGYA CHEN PO DANG BCAS PA BZHIN DU YANG MTHONG NGO, ,DE LTAR YANG, BRTAN PA'I RGYA MTSO 'DI YI KHRAG NI LHAG PAR 'THUNGS KYANG DMAN PAR 'GYUR PA MED, ,SHA DAG RAB TU BCAD PA LAS SKYES GDUNG BA 'DZIN YANG DGA' BAS BZHIN RAB DANGS, ,GANG ZHIG LUS NI ZOS PA MIN PA DE LA SPU LONG 'DI NI GSAL POS MTSAN, ,GNOD BYED BDAG LA YANG NI 'DI YI MIG DAG PHAN PA BYED PA BZHIN DU BLTA, ,DES NA 'DI YI BRTAN PA'I TSUL GYIS BDAG NI DGE MTSAN DANG LDAN PA BZHIN DU BYAS SO, ,'DI NI BZA' BAR MI BYA'I, RE ZHIG SU YIN BRTAG PAR BYA'O, ,SPRIN GYI BZHON PAS MKHA' LDING LA BLTAS NAS, BDAG GI LUS LA DA DUNG SHA DAG YOD, ,RTZA SGO RNAMS LAS KHRAG NI ZAG PA NYID,, @248A *, ,KHYOD KYANG TSIM PAR GYUR PA MA MTHONG NA, ,MKHA' LDING ZAS KYI DON LA CHAGS BRAL CI, ,MKHA' LDING GI BDAG NYID KYIS RTOGS SHING NGO MTSAR DANG BCAS PAR JI LTAR NA 'DI GNAS SKABS 'DI LA YANG 'DI LTAR SNYING STOBS DANG LDAN PA NYID DU MNGON PAR BRJOD, GSAL BAR, KHYOD KYI SNYING LAS KHRAG DAG NI, ,BDAG GI MCHU YIS RAB TU 'PHROG ,SLAR YANG KHYOD KYI BRTAN PA 'DIS, ,BDAG GI SNYING NYID PHROGS PAR GYUR, ,DE'I PHYIR KHYOD SU YIN THOS PAR 'DOD DO, ,SPRIN GYI BZHON PAS, 'DI LTAR BKRES PA'I SDUG BSNGAL GYIS, ,GZIR LA KHYOD KYIS MNYAN MI 'OS, ,RE ZHIG BDAG GI SHA DANG NI, ,KHRAG RNAMS DAG GIS TSIM PAR MDZOD, ,DUNG GI GCUG GIS RINGS PA DANG BCAS PAR NYE BAR BTUD DE, MKHA' LDING MKHA' LDING NGES PAR THUB CHOD DAG BSGRUB PAR MI BYA'O, ,'DI NI KLU MA YIN PAS YONGS SU THONG LA BDAG ZO SHIG ,BDAG NI KLU'I RGYAL PO NOR RGYAS KYIS KHYOD KYI ZAS KYI DON DU BTANG BA'O BRANG BSTAN TO, ,SPRIN GYI BZHON PAS DUNG GI GTZUG LA LTA ZHING KYE MA DUNG GI GTZUG 'ONGS TE, BDAG GI YID LA RE BA 'BRAS BU MED PAR BYAS SO, ,MKHA' LDING GIS GNYI GA LA BLTAS NAS, GNYI G-YANG GSOD PA'I MTSAN MA DANG LDAN PAS GANG NGES PAR KLU YIN ZHES BDAG GIS MA RTOGS SO, ,DUNG GI GTZUG GIS KHYOD NI GNAS MA YIN PA LA 'KHRUL PA STE, BRANG LA BKRA SHIS MTSAN MA LTA ZHOG BDAG GI LUS LA SHUN PA MA MTHONG NGAM, ,RJOD PAR BYED BZHIN DU YANG LCE GNYIS DAG NI KHYOD KYIS NGES PAR MA 'GRANGS SAM, ,MI BZAD DUG GI ME YI DU BA'I TSOGS KYIS RIN CHEN 'OD ZER NYAMS BYED CING, ,BZOD DKA' GDUNG BAS SDUD BYAS RLUNG GIS RGYAS GYUR GDENGS KA 'DI GSUM MA MTHONG NGAM, ,MKHA' LDING GIS DUNG GI GTZUG GI GDENGS KA MTHONG NAS, SPRIN GYI BZHON PA LA LTA ZHING NGES PAR 'DI SU ZHIG BDAG GIS BSAD PAR GYUR, DUNG GI GTZUG GIS, KYE 'DI NI RIG PA 'DZIN PA SPRIN GYI BZHON PA'O, ,MKHA' LDING GIS, 'DI RIG PA 'DZIN PA'I RIGS KYI THIG LE SPRIN GYI BZHON PA YIN NAM, RI RAB MAND'A RA'I NGOS DANG GANGS KYI RTZE DANG DBANG CHEN DAG GI RI; ,KE LA SHA YI RDO BA'I GZHI DANG MA LA YA YI NGOS KYI CHA DAG DANG, PHYOGS NI DE DANG DE DAG RNAMS SU GANG GI GRAGS PA RNAM MANG 'JIG RTEN DANG, ,'JIG RTEN MIN PAR RNAM DPYOD RGYU BA'I TSOGS RNAMS DAG GIS GLUR LEN DE DAG THOS, ,RNAM PA THAMS CAD DU GRAGS PA MA YIN PA'I 'DAM CHEN POR BYING BAR GYUR TO, ,SPRIN GYI BZHON PAS @248B GDENGS CAN GYI BDAG PO CI'I PHYIR 'DI LTAR YID 'BYUNG BAR BYED, DUNG GI GTZUG GIS, 'DI YID 'BYUNG BA'I GNAS MA YIN NAM CI, RANG GI LUS KYIS BDAG GI LUS 'DI MKHA' LDING LAS YONGS SU BSRUNGS PA KHYOD KYIS BDAG SA 'OG LAS KYANG 'OG TU DGYER BAR 'OS SO, ,MKHA' LDING GIS AA YE JI LTAR BRTZE BAS BRLAN PA'I SEMS DANG LDAN PA'I BDAG NYID CHEN PO 'DI BDAG GIS BZA' BA'I SPYOD YUL DU GYUR PA'I GDENGS CAN RNAMS KYI SROG YONGS SU BSRUNG BA'I PHYIR BDAG NYID RANG ZAS KYI DON DU NYA BAR 'ONGS SO, ,DES NA BDAG GI BYA BA MA YIN PA CHEN PO BYAS SO, ,MANG POS CI ZHIG BYA, BYANG CHUB SEMS DPA' CHEN PO 'DI NYID GSAD PAR GYUR TO, ,DES NA SDIG PA CHEN PO 'DI DAG PAR BYED PA NI MER RAB TU 'JUG PA LAS GZHAN MA MTHONG NGO, ,DES NA NGES PAR BDAG GIS ME DAG GANG DU RNYED PAR 'GYUR, PHYOGS RNAMS SU BLTA ZHING AA YE SU ZHIG 'DIS ME BLANGS NAS 'DI NYID DU 'ONG BAR BYED DE, RE ZHIG 'DIR RJES SU BSKYANG BAR BYA'O, DE NAS DUNG GI GTZUG GIS GZHON NU KHYOD KYI YAB YUM 'DI DAG BYON TO, ,SPRIN GYI BZHON PAS, RINGS PA DANG BCAS PAR DUNG GI GTZUG NYE BAR 'DUG STE STOD G-YOGS 'DIS LUS YONGS SU BSGRIBS PA BYAS NAS NYE BAR GNAS PAS BDAG GZUNG BAR BYA'O, ,GZHAN DU GAL TE NA 'PHRAL LA 'DI 'DRA BA MTHONG NA YUM GYI SROG GTONG BAR 'GYUR RO, ,DUNG GI GTZUG GIS LOGS SU 'DUG STE STOD G-YOGS BZUNG NAS DE LTAR BYED DO, ,DE NAS SPRIN GYI TOG BTZUN MO DANG MNA' MAR BCAS PA ZHUGS PAR GYUR TO, ,SPRIN GYI TOG GIS MCHI MA DANG BCAS PAR, BU SPRIN GYI BZHON PA, BDAG DANG GZHAN GYI 'DI ZHES BDEN PAR SNYING RJE'I RIM PA BDAG LA GA LA YOD, ,CI ZHIG MANG PO 'AM GCIG NYID BSRUNG ZHES KHYOD LA BSAM PA JI LTAR SKYES MA GYUR, ,MKHA' LDING DAG LAS SBRUL 'DI BSRUNG PHYIR RANG SROG GCES PA YONGS SU GTONG BAR BYED MOD KYI, ,GANG ZHIG GIS NI BDAG DANG PHA MA CHUNG MA DAG GI TSOGS 'DI LUS PA MED PAR BCOM, ,MA LA YA CAN MAS KYI HUD RJE'I SRAS RJES SU 'BRANG BA'I SKYE BO DOR NAS GCIG PU GANG DU GSHEGS, ,SKAL BA ZHAN MA BDAG RJES SU SKYONGS SHIG ,YUM GYIS MA LA YA CAN MA LA MTSON NAS BU MO YUD TZAM MA DU ZHIG ,MCHI MA RGYUN DU LHUNG BAS ME NYAMS PAR BYED DO, ,THAMS CAD SONG BAR GYUR TO, ,MKHA' LDING GIS KYI HUD BU SPRIN GYI BZHON PA ZHES SMRA BA 'DI GSAL BAR 'DI'I YAB YIN NO, ,DES NA 'DI'I MES @249A *, ,BYA BA MED DE, ,BU BSAD PAS NGO TSABS NA 'DI'I BZHIN LA BLTA BAR MI NUS SO, ,YANG NA ME'I CHED DU YONGS SU 'KHRUGS PAS CI ZHIG BYA, BDAG CHU GTER GYI DOGS NYID DU GNAS PAR BYA'O, ,DE NAS RE ZHIG DA NI 'JIG RTEN GSUM ZA ROL BSKYOD PA'I DUS KYI LCE RTZE DANG 'DRA 'BAR ZHING 'KHYOG ,KUN NAS RAB TU G-YO ZHING RGYA MTSO DAG NI RTZVA BZHIN KHAM DU BYED PAR 'DOD, ,RANG GI GSHOG RLUNG LTAS NGAN RLUNG RAB DKRIGS 'DRA RAB TU GSAL BAS BSKYOD BYAS PAS, ,'JIGS RUNG BSKAL PA THA MA'I ME 'DRA RTAG DONG ME 'DI LA NI BDAG MCHOD DO, ,LDANG BAR 'DOD DO, ,SPRIN GYI BZHON PAS, KYE 'DAB CHAGS KYI RGYAL PO SDIG PA 'DI DAG PAR BYED PA NI RTZOM PA 'DI MA YIN NO, ,MKHA' LDING GIS PUS MO BTZUGS TE THAL MO SBYAR NAS BDAG NYID CHEN PO'O NA CI YIN SMROS SHIG ,SPRIN GYI BZHON PAS, SKAD CIG SDOD CIG ,BDAG GI PHA MA DAG 'ONGS PA 'DI DAG LA RE ZHIG PHYAG BYA'O, ,MKHA' LDING GIS DE BZHIN NO, ,SPRIN GYI TOG GIS, DGA' BA DANG BCAS PAR LHA MO DGA' BA 'PHEL BAR MDZOD CIG ,BU SPRIN GYI BZHON PA 'DI NI 'TSO'O, ,'TSO BA 'BA' ZHIG TU MA ZAD DE, SLOB MAS BYA BA BZHIN DU MKHA' LDING GIS THAL MO SBYAR ZHING NYE BAR BSTEN TE GNAS SO, ,YUM GYIS RGYAL PO CHEN PO NYAMS PA MED PA NYID DU BU'I BZHIN MTHONG BA NI BDAG CAG DON BYAS PA YIN NO, ,MA LA YA CAN MAS, GANG BDEN PAR RJE'I SRAS MTHONG BZHIN DU YANG SHIN TU MDZA'I BAS BDAG GI SNYING YID MI CHES SO, ,SPRIN GYI TOG GIS NYE BAR BTUD NAS, BU TSUR SHOG TSUR SHOG ,BDAG LA YONGS SU 'KHYUD CIG ,SPRIN GYI BZHON PAS LDANG BAR 'DOD PA NA STONG G-YOGS LHUNG ZHING BRGYAL BAR GYUR TO, ,DUNG GI GTZUG GIS GZHON NU THUGS RTON CIG ,SPRIN GYI TOG GIS NYE BAR BTUD NAS, BU JI LTAR MTHONG YANG BDAG YONGS SU DOR NAS 'GRO 'AM, YUM GYIS KYI HUD BU TSIG TZAM GYIS KYANG KHYOD PHEBS PAR MI SMRA 'AM, MA LA YA CAN MAS RJE'I SRAS JI LTAR NA NYID BLA MA'I SKYE BO LA YANG LTOS PAR MI BGYID LAGS BRGYAL BAR GYUR TO, ,DUNG GI GTZUG GIS BDAG NYID LA MTSON TE, NYAMS PA DUNG GI GTZUG KHYOD MNGAL NYID DU CIL MI 'CHI, GANG GIS NA 'DI LTAR SKAD CIG SKAD CIG LA 'CHI BA BAS LHAG PA'I SDUG BSNGAL NYAMS SU MYONG BAR BYED, ,MKHA' LDING GIS, 'DI THAMS CAD NI GTUM PO MA BRTAGS PAR BYED PA BDAG GIS BSKYED PA'O, ,DES NA RE ZHIG 'DI LTAR BYA'O, ,GSHOG PAS RLUNG G-YOB CING @249B YID BRTAN PAR MDZOD CIG ,BDAG NYID CHEN PO YID BRTAN PAR MDZOD CIG ,SPRIN GYI BZHON PAS YID BRTAN NAS DUNG GI GTZUG BLA MA DAG DBUGS DBYUNG BAR MDZOD CIG ,DUNG GI GTZUG GIS DE LTAR BYED DO, ,YAB YUM DBUGS PHYIN PAR MDZOD CIG SPRIN GYI BZHON PA NI DBUGS PHYIN PAR GYUR TO, ,CI MI LTA 'AM SLAR LA KHYED NYID DU DBUGS DBYUNG BA'I SLAD DU NYE BAR 'KHOD DE GNAS SO, ,GNYI GA DBUGS PHYIN PAR GYUR TO, ,YUM GYIS KYI HUD BU BDAG CAG GIS MTHONG BZHIN NYID DU MTHAR BYED NYAMS PAS KHYOD PHAM PAR BYED DO, ,SPRIN GYI TOG GIS 'TSO ZHING TSE DANG LDAN BZHIN DU BKRA MI SHIS PA 'DI LTA BU MA BRJOD CIG ,DES RE ZHIG MNA' MA YANG DBUGS PHYUNG SHIG ,YUM GYI GDONG GOS KYIS BSGRIBS NAS DU BAR BYED DO, ,'DI LTAR BKRA MI SHIS PA NYAMS PAR GYUR CIG DU BAR MI BYA'O, ,BU MO DBUGS PHYIN PAR GYIS SHIG ,DBUGS PHYIN PAR GYIS SHIG ,LONGS SHIG 'DI NYID KYI DUS SU KHYOD KYIS BDAG PO'I GDONG MTHONG NGO, ,MA LA YA CAN MA DBUGS PHYIN NAS KYI HUD RJE'I SRAS DGA' BA YANG BTANG NAS GCIG PU NYID DU GSHEGS PAR BZHED DAM, YUM GYIS MA LA YA CAN MA'I KHA LAG PAS BSGRIBS NAS BU MO DE LTAR MA BRJOD CIG ,'DI DAG NYAMS PAR GYUR CIG ,SPRIN GYI TOG GIS MCHI MA DANG BCAS SHING BDAG NYID KYIS RTOGS PAR, YAN LAG KUN ZOS GNAS MED BZHIN, ,SROG 'GRO MGRIN PA'I PHYOGS LA NI, ,BRTEN PA'I BU NI MTHONG GYUR NAS, ,SDIG BDAG JI LTAR BRGYAL MI 'GYUR, ,MA LA YA CAN MAS, BDAG NI SHIN TU SDIG PA BYED MA STE, GANG RJE'I SRAS 'DI LTAR GYUR PA MTHONG YANG DA DUNG YANG SROG YONGS SU MI GTONG NGO, ,YUM GYI 'DREN PA'I LUS LA KUN DU REG CING, MKHA' LDING LA MTSON NAS, GTUM PO KHYOD KYIS DA JI LTAR BDAG GI BU NA TSOD YONGS SU MA RDZOGS SHING MDZES PA'I LUS CAN 'DI LTA BU'I GNAS SKABS SU BYAS PAR GYUR, SPRIN GYI BZHON PAS YUM DE LTAR MA BRJOD CIG ,'DIS CI ZHIG BYAS, SNGON DU YANG DON DAM PAR 'DI LTA BU NYID DO,, LTOS SHIG ,TSIL DANG RUS PA DAG DANG RKANG, ,SHA KHRAG TSOGS NI PAGS PAS G-YOGS, ,LUS KYI MING CAN RTAG TU NI, ,'JIGS RUNG STON LA MDZES PA CI, ,MKHA' LDING GIS KYE BDAG NYID CHEN PO DMYAL BA'I ME 'BAR BA NYAMS SU MYONG BAR BYED PA BZHIN DU BDAG NYID SEMS PAR BYED CING SDUG BSNGAL BAR GNAS SO, , @250A *, ,DES NA NYE BAR BSTAN PAR MDZOD CIG ,GANG GIS SDIG PA LAS GROL BAR 'GYUR, ,SPRIN GYI BZHON PAS YAB BDAG LA GNANG BA GSOL CIG ,'DI'I SDIG PA YONGS SU 'DZAD PA NYE BAR BSTAN PAR BYA'O, ,SPRIN GYI TOG GIS BU DE BZHIN GYIS SHIG ,SPRIN GYI BZHON PAS BI NA TA'I BU NYON CIG ,MKHA' LDING GIS THAL MO SBYAR NAS PUS MO BTZUGS TE BKA' STZOL CIG ,SPRIN GYI BZHON PAS, RTAG TU SROG CHAGS GSOD LA RNAM PAR LOG CING SNGAR BYAS PA YANG RJES SU 'GYOD PAR BYOS, ,SEMS CAN KUN LA MI 'JIGS STER ZHING BSOD NAMS DAG GI RGYU NI 'BAD PAS RAB TU BSGRUBS, ,GANG GIS SROG CHAGS 'TSE BDAG LAS THOB SDIG DE 'DIR 'BRAS BU YONGS SU SMIN MI 'GYUR, ,GTING MTHA' RTOGS PAR DKA' BA MTSO YI CHU NANG DAG TU LAN TSA'I CHA NI 'PHANGS PA BZHIN, ,MKHA' LDING GIS, RMONGS PA'I GNYID DU SONG BA BDAG ,KHYOD KYIS RAB TU SAD PAR BYAS, ,SROG CHAGS GSOD PA THAMS CAD LAS, ,DING NAS BZUNG STE BDAG LDOG GO, , SPRIN GYI BZHON PAS LEGS SO, ,SEMS DPA' CHEN PHO LEGS SO, ,BDAG CAG RJES SU YI RANG NGO, ,RNAM PA THAMS CAD DU BRTAN PAR GNAS PAR MDZOD CIG ,DUNG GI GTZUG LA MTSON NAS DUNG GI GTZUG DA NI KHYIM DU 'GRO BAR MDZOD CIG ,DUNG GI GTZUG SHUGS RINGS PHYUNG NAS KHA 'OG TU BLTAS TE 'DUG GO, , SPRIN GYI BZHON PAS, DUNG GI GTZUG CI'I SLAD DU SHUGS RING PHYUNG STE, KHA 'OG TU BLTAS NAS 'DUG PAR BYED, SONG LAM LA LTOS SHIG ,KHYOD NI MKHA' LDING MCHU RTZE YIS, ,RAB TU BCOM PAR RNAM RTOG CING, ,KHYOD KYI MA DE KHYED SDUG PAS, ,SDUG BSNGAL SDUG BSNGAL LDAN PAR GNAS, ,YUM GYIS MCHI MA DANG BCAS PAR GANG ZHIG NGES PAR MKHA' LDING GI KHAR LHUNG YANG LUS NYAMS PA MED PA'I BU MTHONG BA DE NI SKAL BA DANG LDAN BZHIG GO, ,DUNG GI GTZUG GIS, GAL TE GZHON NU RNAL DU GNAS PAR GYUR NA 'DI DAG BDEN PA NYID DO, ,SPRIN GYI BZHON PAS TSOR BAR LDAN PA'I GAR BYED DO, ,AA HA HA GZHAN DON PHUN TSOGS RO YIS G-YENGS GYUR TE, ,'DI SNYED DUS SU BDAG GIS RIG MA GYUR, ,DA NI GNAD GCOD PA YI TSOR BDAG ,BDAG NI GZIR BA'I SLAD DU RTZOM PAR BYED, ,'CHI BA'I SKABS KYI GAR BYED DO, ,SPRIN GYI TOG GIS RTABS PA DANG BCAS PAR, PU DE LTAR CI ZHIG BYED YUM GYIS, KYI HUD 'DI DAG CI ZHIG BYUNG, BRANG RDUNG BA DANG BCAS PAR YONGS SU @250B SKYOBS SHIG ,YONGS SU SKYOBS SHIG ,BDAG GI BU 'DI NI 'CHI BAR BYED DO, ,MA LA YA CAN MAS, KYI HUD RJE'I SRAS PO KHYOD NI YONGS SU 'DOR BAR 'DOD PA BZHIN DU MTSON NO 'DI CI ZHIG BYUNG, SPRIN GYI BZHON PAS THAL MO SBYAR BAR 'DOD CING, DUNG GI GTZUG BDAG GI LAG PA SBYOR CIG ,DUNG GI GTZUG GIS DE LTAR BYED CING MCHI MA DANG BCAS PAR KYE MA CUNG ZAD NAS 'GRO BA MUN PAR GYUR TO, ,SPRIN GYI BZHON PAS PHYED RAB TU BYE BA'I MIG GIS PHA MA BLTA ZHING YAB YUM 'DI NI BDAG GI PHYI MA YONG PA MA YIN PA'I PHYAG GO, ,SEMS DANG BRAL BA'I LUS 'DI DAG NI LAS SU MI RUNG ZHING, RNA BAS TSIG DANG YI GE GSAL PO'I SGRA DAG THOS MA YIN, ,MIG 'DI 'PHRAL LA SU ZHIG DAG GIS ZUM PAR BYAS PA BZHIN, ,YAB LAGS DBANG BRAL BDAG GI SROG KYANG KYE MA 'GRO BAR BYED, ,'GYEL BAR GYUR TO, ,YUM GYIS KYI HUD BU KYI HUD SNYING RJES MNYES GSHIN SPRIN GYI BZHON PA KHYOD SLAR GANG DU BLTA BAR BYA, SPRIN GYI TOG GIS, KYI HUD SPRIN GYI BZHON PA, KYI HUD DON GNYER GYI SKYE BO LA BYAMS PA, KYI HUD YON TAN KUN GYI GTER, GANG DU SONG, BDAG GI TSIG LAN BYIN CIG ,LAG PA BSGRENGS TE SDUG BSNGAL LO, ,KYE MA SDUG BSNGAL LO, ,BRTAN PA BDAG LA GZHI MED DUL PA LAM NI GANG DU 'GRO BAR 'GYUR, ,BZOD PA 'DZIN BZOD SU ZHIG 'DI NA SBYIN PA LHUR LEN DAG DANG BRAL, BDE NAS BDE BAR BCOM STE SNYING RJE SDUG PA DE RING GANG DU 'GRO, ,BU KHYOD 'JIG RTEN GZHAN DU SONG TSE 'GRO BA STONG PA NYID 'GYUR RO, ,MA LA YA CAN MAS, KYI HUD RJE'I SRAS BDAG YONGS SU BTANG NAS KHYOD GANG DU GSHEGS, MA LA YA CAN BRTZE MED MA CI ZHIG 'DI BLTA BAR BYA BA'I PHYIR 'DI SNYED KYI DUS SU 'TSO 'AM, DUNG GI GTZUG GIS GZHON NU SROG LAS KYANG LHAG PAR PHANGS PA'I 'KHOR BDAG BTANG NAS GANG DU GSHEGS, DES NA NGES PAR DUNG GI GTZUG RJES SU BKRI BAR BYA'O, ,MKHA' LDING GIS SDUG BSNGAL LO, ,BDAG NYID CHEN PO 'DI GRONGS PAR GYUR TO, ,DA NI BDAG GIS CI ZHIG BYA, YUM GYIS MCHI MA DANG BCAS PAR STENG DU BLTAS NAS BCOM LDAN 'JIG RTEN SKYONG BA RNAMS JI LTA JI LTAR YANG BDUD RTZIS BRAN NAS BDAG GI BU 'TSO BAR MI MDZAD DAM, MKHA' LDING GIS DGA' BA DANG BCAS SHING BDAG NYID KYIS RTOGS PAR BDUD RTZI SMOS PAS LEGS PAR DRAN TE, BDAG GRAGS PA NYAMS PA DANG BRAL BAR GYUR TO SNYAM MO, ,DES NA LHA'I BDAG PO LA MNGON PAR BLANGS TE DES BYIN PA'I BDUD @251A *, ,RTZI'I CHAR GYIS SPRIN GYI BZHON PA 'BA' ZHIG TU MA ZAD DE SNGAR SO'I DUG CAN ZOS PA'I RUS PA'I PHUNG PO 'DI DAG KYANG SLAR 'TSO BAR BYA'O, ,CI STE 'DI MA BYIN NA DE'I TSE, BDAG GIS CHU YI MGON PO GSHOG PAS 'THUNG ZHING LUS NI RAB TU BSKYOD TSE DRAG PO'I RLUNG DANG LDAN, ,ME DANG BCAS PA'I NYI MA BCU GNYIS MIG GI 'OD KYIS SREG CING BRGYAL 'KHRUGS 'GYEL 'GYUR BA'I, ,MCHU YIS BRGYA BYIN RDO RJE NOR LHA'I BE CON YI DAGS DBANG PO'I DBYIG PA BCOM BYAS NAS, ,RANG DGAR GSHOG PA SPANGS TE SKAD CIG BDUD RTZI'I RANG BZHIN CHAR NI MNGON PAR DBAB PAR BYA, ,NGES NA BDAG 'ONGS SO ZHES TE SONG BAR GYUR TO, ,SPRIN GYI TOG GIS, DUNG GI GTZUG DA DUNG BSDAD NAS CI ZHIG BYA, SHING DAG SPUNGS LA SREG KHANG SGRUBS SHIG ,GANG GIS NA BDAG CAG 'DI NYID DANG LHAN CIG 'GRO BAR BYA'O, ,YUM GYIS BU DUNG GI GTZUG MYUR DU MYUR DU SGRUBS SHIG ,BDAG CAG MED NA KHYOD KYI GROGS PO'I BRGYAL BAR GNAS SO, ,DUNG GI GTZUG GIS MCHI MA DANG BCAS PAR BLA MA DAG GIS JI LTAR BKA' STZAL BA BZHIN NO, ,'DIR KHYED CAG LAS KHO BO SNGON DU 'GRO BA MA YIN NAM, LANGS NAS SREG KHANG BRTZIGS TE GAR BYAS NAS YAB SREG KHANG 'DI NI BSGRUBS ZIN TO, ,SPRIN GYI TOG GIS LHA MO DU BA GZHAN GYIS CI ZHIG BYA, DES NA LONGS SHIG SREG KHANG LA 'DZEG PAR BYA'O, ,THAMS CAD LANGS PAR GYUR TO, ,MA LA YA CAN MAS THAL MO SBYAR TE STENG DU BLTAS NAS BCOM LDAN MA GOO R'I KHYOD KYIS BDAG LA RIG PA 'DZIN PA'I 'KHOR LOS SGYUR BA KHYOD KYI BDAG POR 'GYUR RO ZHES BKA' STZAL NA DE YANG JI LTAR BDAG SKAL BA ZHAN PA'I SLAD DU KHYOD KYANG BDEN PA GSUNG BA MA YIN PA NYID DU GYUR TO, ,DE NAS GOO R'I RTABS PA DANG BCAS PAR ZHUGS TE, RGYAL PO CHEN PO SPRIN GYI TOG THUB CHOD DAG NGES PAR MI BYA'O, ,SPRIN GYI TOG GIS, JI LTAR NA MTHONG BA DON YOD MA, ,BCOM LDAN MA GOO R'IS MA LA YA CAN MA LA MTSON TE, BU MO JI LTAR NA BDAG BDEN PA MA YIN PA SMRA BA YIN LTOS SHIG ,SPRIN GYI BZHON PA LA MNGON PAR BTUD DE, RIL BA'I CHUS BRAN NAS, RANG GI 'TSO BA DAG GIS KYANG, ,'GRO BA RNAMS LA PHAN BYED PA, ,KHYOD LA YONGS SU TSIM MO BU, ,SPRIN GYI BZHON PA 'TSO GYUR CIG ,SPRIN GYI BZHON PA LANGS SO, ,SPRIN GYI TOG GIS DGA' BA DANG BCAS PAR LHA MO DGA' BA 'PHEL BAR MDZOD CIG ,SLAR YANG @251B SPRIN GYI BZHON PA NI NYAMS PA MED PA'I LUS DANG LDAN NO, ,YUM GYIS LANGS TE DGA' BA DANG BCAS PAR BCOM LDAN MA'I BKA' DRIN GYIS SO, ,RKANG PA DAG LA GTUGS SO, ,GNYI GAS SPRIN GYI BZHON PA LA 'KHYUD DO, ,MA LA YA CAN MAS RJE'I SRAS SLAR 'TSO BAR BYAS PA NI DGA'O, ,GOO R'A'I ZHABS DAG LA GTUGS SO, ,SPRIN GYI BZHON PAS GOO R'I MTHONG STE THAL MO SBYAR TE, JI LTAR BCOM LDAN GOO R'I, MNGON PAR 'DOD LAS LHAG PA'I MCHOG STER MA, ,SKYE BO PHONGS PA'I RGUD 'PHROG SKYOB BYED MA, ,GOO R'I RIG 'DZIN RIGS KYI LHA NYID MA, ,KHYOD KYI ZHABS GNYIS DAG LA BDAG PHYAG 'TSAL, ,ZHABS DAG LA GTUGS SO, ,THAMS CAD STENG DU BLTA'O, ,SPRIN GYI TOG GIS, JI LTAR SPRIN MED PA'I CHAR 'BAB, ,BCOM LDAN MA 'DI CI ZHIG GOO R'IS, ,RGYAL PO CHEN PO SPRIN GYI BZHON PA DANG, ,LTO 'PHYE'I BDAG PO RUS PA'I LHAG MAR GYUR PA 'DI DAG SLAR 'TSO BAR BYA BA'I PHYIR 'DAB CHAGS KYI BDAG PO 'GYOD PA YANG DAG PAR SKYES PAS LHA'I 'JIG RTEN NAS BDUD RTZI'I CHAR 'BEBS PAR BYED DO, ,MDZUB MOS STON CING KHYOD KYIS MA MTHONG DAM CI, ,GDENGS KA'I NOR BUGS LA ZHING RAB 'BAR YAN LAG MCHOG LDAN NYAMS PA MED PA'I LUS THOB CING, ,BDUD RTZI'I RO NI MYANG BA LA CHAGS LCE RTZE GNYIS KYIS SA LA RAB TU LDAG BYED CING, ,DUG 'DZIN BDAG PO 'DI DAG DA NI MGYOGS PA DANG BCAS 'KHYOG POR 'JUG PA'I LAM DAG NAS, ,RI BO MA LA YA YI KLUNG GI CHU RGYUN BZHIN DU CHU YI PHUNG POS 'JUG PAR BYED, ,SPRIN GYI BZHON PA LA MTSON NAS BU SPRIN GYI BZHON PA KHYOD LA 'TSO BA TZAM NYID 'OS PA MA YIN NO, ,DES NA GZHAN 'DI YANG KHYOD LA BSGRUB PAR BYA'O, ,DANG PA'I PHRAG PAS GSER GYI PAD BCOM RDUL GYIS REG PA'I 'DAM NI SPANGS GYUR CING, ,BDAG GI YID MTSO LAS BYUNG RGYUN CHAD MED PA'I CHU NI DAG PA CHEN PO YIS, ,RANG 'DOD KYIS SPRUL RIN CHEN BUM PA BKOD DE BDAG RANG NYID KYIS DBANG BSKUR NAS, ,DGA' BAS KHYOD NI RIG PA 'DZIN PA'I 'KHOR LOS SGYUR BAR SKAD CIG NYID LA BYA, ,GZHAN YANG GSER GYI 'KHOR LO 'DI NI MDUN DU BYUNG BAR GYUR PA DANG, ,SO BZHI DAG GIS MTSAN PA'I GNYIS 'THUNG DKAR PO 'DI DANG NI, ,SDO BSANGS RTA MCHOG MA LA YA CAN YANG STE 'DI DAG NI, ,KHYOD KYI RIN CHEN RNAMS SO 'KHOR LOS SGYUR BA LEGS PAR LTOS, ,GZIGS PAR MDZOD CIG ,MA TANG GA DE BA LA SOGS PA RIG PA 'DZIN PA'I BDAG @252A *, ,PO 'DI RNAMS BDAG GIS BSKUL TE, GTZUG GI NOR BU RAB TU MDZES PA'I 'OD ZER GYIS DBANG PO'I GZHU'I PHRENG BA 'GOD CING GUS PAS SLOB MA'I LUS MNGON PAR BTUD DE PHYAG 'TSAL BAR BYED DO, ,BU SLAR YANG KHYOD LA DGA' BA CI ZHIG BYA, ,SPRIN GYI BZHON PAS, 'DI LAS GZHAN PA'I DGA' BA CI ZHIG YOD, DUNG GI GTZUG 'DI 'DAB CHAGS BDAG PO'I KHA LAS BSKYABS SHING BI NA TA LAS SKYES PA BTUL, DE YIS SNGAR ZOS DUG 'DZIN BDAG PO GANG YIN DE DAG RNAMS KYANG THAMS CAD SOS PAR BYAS, ,BDAG SROG RNYED PAS BLA MA RNAMS KYI 'TSO BA MA BTANG 'KHOR LOS SGYUR BA NYID DAG THOB, ,KHYOD KYANG MNGON SUM DU MTHONG 'DI LAS DGA' BA GZHAN GANG BDAG NI CI ZHIG DON DU GNYER, ,DE LTA MOD KYIS 'DI LTAR GYUR CIG RMA BYA RAB DGA'I 'JO SGEG LTAR BYED CHU 'DZIN DAG NI DUS SU CHAR 'BEBS SHING, ,SA GZHI RGYUN DU RAB 'KHRUNGS LO THOG LJANG GU'I GOS DANG LDAN PAR BYED GYUR CIG ,NGOGS BZHIN LUS KYI TSOGS GTAM 'GA' ZHIG DAG TU GLING GI RNAM PA DANG, ,'GA' ZHIG DAG TU LUS PO BSKYIL BA'I 'KHOR LO DAG TU 'KHRUL BAR BYED, ,'GA' ZHIG TU YANG RGYA MTSO'I CHUR BYING ZAM PA DAG DANG MTSUNGS PA STE, ,KLU YI TSOGS RNAMS RGYA MTSO CHEN POR BDE BA NYID DU ROL GYUR CIG ,GZHAN YANG KHYOD KYI GRAGS PA 'DI DAG TZAN DAN GI NAGS TSAL 'DIR NI KLU YI NA CHUNG RNAMS, ,LI KHRIS BYUGS BZHIN RAB RNO NYI MA'I 'OD ZER REG PAS 'GRAM PA DMAR BA DANG LDAN ZHING, ,SKRA YI TSOGS PA RAB 'DZIN DGOD PA'I NGAL DU BDAG GIS LUS DMAN GDUNG BA MI RTZI BAR, ,TING TING SHAG LHUNG BLANGS NAS KHU BU GA BZHIN DU SHIN TU RAB SNYAN CHAGS LAS SGROGS GYUR CIG RGUD PA DANG BRAL PHRAG DOG MED PA'I YID KYIS LEGS BYAS RAB TU RGYAS BYED CING, ,STUG PO'I GNYEN 'DUN GROGS KYI TSOGS KYIS RAB DGA' SKYE DGU RNAMS NI DGA' GYUR CIG ,THAMS CAD SONG BAR GYUR TO, ,MTSAN MA DRUG PA'O, ,KLU KUN DU DGA' BA ZHES BYA BA'I ZLOS GAR DPAL DGA' BA'I LHAS MDZAD PA RDZOGS SO,, ,,YON TAN PHUL DU BYUNG BA DPAG TU MED PAS SPRAS PA'I BLA MA DAM PA CHOS KYI RGYAL PO DANG, DPON CHEN SH'AKYA BZANG PO'I BKA' LUNG GIS, RGYA GAR GYI MKHAN PO LAKshM'I KA RA DANG BOD KYI LO TZ'A BA DGE SLONG SHONG STON GYIS DPAL SA SKYA'I GTZUG LAG KHANG DU BSGYUR BA'O,, ,,