@1A [DD] #, ,TSUL GSUM PA'I RTAGS SHES KYANG BRJOD PA LA MI MKHAS PA'I BYIS PA LA BSTAN PAR BYA BA'I PHYIR TSUL GSUM PA'I RTAGS STON PAR BYED PA'I MTSAN NYID GZHAN GYI DON GYI RJES SU DPAG PA'I SKABS [DD] SU BAB NAS BSHAD PA, GZHAN GYI CHED NI GZHAN GYI DON TO, ,RANG GIS TE BDAG NYID KYIS GANG MTHONG BA'I DON DE 'DIS GSAL BAR BYED PAS NA, GSAL BYED DE, 'CHAD PAR BYED PA'I SGRA'O, ,RJOD PAR BYED PA GANG YIN PA'O ZHES NI MI BYA STE, GANG GI PHYIR RJOD PAR BYED PA'I SGRA NYID NI RJES SU DPAG PA MA YIN TE, GCIG RTOGS PAR BYA BA YIN PAS NA TSUL GNYI GA BRJOD PA MA YIN PA'I PHYIR RO, ,SGRA GANG ZHIG TSUL GSUM STON PAR BYED PA DE NYID NI RJES SU DPAG PA YIN NO, ,GAL TE RTAGS DANG RJES SU DPAG PAR BYA BA GNYI GA YANG RANG GIS MTHONG BA'I DON YIN MOD KYI, DE LTA NA YANG RJES SU DPAG PAR BYA BA'I TSIG RJES SU DPAG PA NYID 'GOG PA 'CHAD PAR 'GYUR BA LAS NA RANG GIS MTHONG DON SMOS PA NI DON GYIS NA RTAGS LA GNAS PA YIN NO, ,GAL TE DE LTA NA NI, @2A *, ,TSUL GSUM RTAGS NI GSAL BYED PA'O, ,ZHES DE SKAD DU BRJOD PAR BYA'I, RANG GIS MTHONG DON ZHES SMOS PA JI LTAR ZHE NA, JI LTAR RANG NYID CES SMOS TE, JI LTAR TE DON GYI TSUL GANG GIS TSUL GSUM PA STE; TSUL GSUM GANG LA YOD PA'I RTAGS DE LAS RTAGS CAN LKOG TU GYUR PA'I DON LA BDAG NYID SHES PA BSKYED PA DE KHO NA LTAR TE, DON GYI RIM PA DE NYID KYIS GZHAN LA STE RGYUD GZHAN DAG LA RTAGS CAN GYI DON GYI SHES PA GANG YIN PA DE BSKYED PAR 'DOD PAS TSUL GSUM PA'I RTAGS STON PAR BYED PA STE, GSAL BAR BYED PA GANG YIN PA DE NI GZHAN GYI DON GYI RJES SU DPAG PA YIN NO, ,NI ZHES BYA BA NI GANG GI PHYIR TE, DE'I PHYIR RANG GIS MTHONG BA'I DON GSAL BAR BYED PA YIN NO ZHES DE LTAR DE NYID TSUL GSUM PA'I RTAGS STON PAR BYED PAR BSHAD DO, ,GANG GI PHYIR RJES SU DPAG PA NI SHES PA YIN PAS TSIG RJES SU DPAG PAR JI LTAR 'GYUR ZHE NA, BSHAD PA, RGYU TSIG LA 'BRAS BU SHES PA BTAGS PA STE, SGRO BTAGS PA'I PHYIR RO, ,'DI SKAD BRJOD PA YIN TE, TSIG KYANG TSUL GSUM PA'I RTAGS DRAN PAR BYED PAS BRGYUD NAS LKOG TU GYUR PA'I DON SHES PA'I RGYU YIN PA'I PHYIR NYE BAR @2B BTAGS NAS RJES SU DPAG PAR BRJOD PA YIN NO, ,DES NA DON 'DI BSTAN PA YIN TE, JI LTAR RJES SU DPAG PA BSTAN PAR BYA BA NI RGYU TSUL GSUM PA'I RTAGS BSTAN PAR BYA BA YIN PA DE BZHIN DU DE'I TSIG KYANG BSTAN PAR BYA BA YIN NO, ,GAL TE DE LTA NA MTHONG BA GSAL BAR BYED PA'O ZHES BYA BA TZAM ZHIG BYA BA YIN GYI, RANG SMOS PAS RANG DON SMOS PA NI DGOS BA MED DO ZHE NA, BSHAD PA, GZHAN GYI DON GYI RJES SU DPAG PA'I MTSAN NYID 'DIR RANG GIS MTHONG BA DANG DON ZHES MTSO PA NA'O, ,BSHAD PA 'DI NI RANG GI SGRA DANG DON GYI SGRA DAG LA SPYIR NYE BAR BKOD PA YIN TE; GANG GI PHYIR 'DI DAG NYID LA RNAM PAR BCAD PA 'CHAD KYI MTHONG BA'I SGRA LA NI MA YIN NO, ,RANG SMOS PA NI GZHAN GYIS MTHONG BA GCOD DO, ,GAL TE TSAD MAS MTHONG BA NI DNGOS PO NYID YIN LA, TSAD MA YANG THUN MONG YIN PA'I PHYIR GZHAN GYIS MTHONG BAR GA LAS YIN ZHE NA, BSHAD PA, LUNG LAS MTHONG BA GANG YIN PA DE NI GZHAN KHO NAS MTHONG BA YIN GYI RANG GIS NI MA YIN NO, ,DE BZHIN DU DON GYI SGRA'I RNAM PAR BCAD PAR STON PA NI DON MED PA LAS KYANG GRUB PA MIN ZHES BYA BA YIN NO, ,'DI SNYAM DU JI LTAR NA LOG PAR RTOGS PA MA MTHONG BAR RANG NYED KYIS DOGS PAR BYAS NAS DOGS PA BCAD PA'I PHYIR KHYAD PAR NYE BAR 'GOD SNYAM PA LA, LOG PAR RTOGS PA BSTAN PAR BYA BA'I PHYIR, JI LTAR KHA CIG NA RE ZHES SMOS SO, ,GZHAN RTOGS PAR BYA BA YIN PA'I PHYIR ZHES BYA BA LA BSAM PA NI 'DI YIN TE, SGRUB PAR BYED PA GRUB PA GANG YIN PA DE NI RTOGS PAR BYA BAS DON RTOGS PA'I RGYU MTSAN YIN NO, ,SGRUB PAR BYED PA DES RGOL BA NYID DON RTOGS PAR BYA BA NI MA YIN TE, 'ON KYANG PHYIR RGOL BA RTOGS PAR BYA BA YIN NO, ,DES NA SGRUB PAR BYED PA SGRUB PA GANG YIN PA DE NI PHYIR RGOL BA RTOGS PA LA NYE BAR MKHO BA YIN GYI RGOL BA RTOGS PA LA NI MA YIN NO, ,DES NA GAL TE PHYIR RGOL BA NYID LA GRUB BA YIN NA DE TZAM GYIS DE SGRUB PAR BYED PA NYID YIN PA'I PHYIR SGRUB PAR BYED PA DE LA RGOL BA LA GRUB PA BRTAGS PAS CI ZHIG BYA STE, DES NA GZHAN GYIS MTHONG BA SGRUB PAR BYED PA YIN NO, , @3A *, ,'DI LA DPER BRJOD PA NI, BLO DANG BDE BA LA SOGS PA NI CHOS CAN NO, ,SEMS PA MED PA'I BSGRUB BYA STE BSGRUB PAR BYA BA NI SEMS PA'I DNGOS PO MED PA NYID YIN NO, ,SKYE BA CAN NAM MI RTAG PA YIN BA'I PHYIR ZHES BYA BA NI GTAN TSIGS SO, ,GZUGS LA SOGS PA LTA BU'O ZHES BYA BA 'DI NI KHYAB PA'I YUL NYE BAR STON PA'O, ,'DI LA MED PAR SKYE BA'I SKYE BA CAN NAM YOD PA GTAN NAS 'JIG PA'I MI RTAG PA NYID GTAN TSIGS SU NYE BAR BLANGS PA GANG YIN PA DE NI GRANGS CAN RANG NYID LA MA GRUB STE, DE NI YOD PA KHO NA GSAL BA DANG MA GSAL BA SKYE BA DANG 'JIG PAR SMRA BA'I PHYIR RO, ,GZHAN LA NI GRUB PA YIN TE, DES NA GO BAR BYED PA YIN NO ZHES GZHAN GYI DE LTAR 'DOD PA NI MI RIGS SO, ,DE CI'I PHYIR ZHE NA, BSHAD PA, DNGOS PO'I STOBS KYIS 'JUG PA'I RJES SU DPAG PA'I YUL RTOGS PAR BYA BA'I DON RJES SU DPAG PAS YUL DU BYED PA GANG YIN PA 'AM, GANG LAS RJES SU DPAG PAS 'BYUNG BA STE, TSAD MAS MTHONG BA'I TSUL GSUM PA'I RTAGS GANG YIN PA'O, ,TSAD MAS MTHONG BA'I TSUL GSUM PA DANG, RTOGS PAR BYA BA'I DON DE LA NI TSIG GIS BYED PA YOD PA MA YIN NO, ,'DI NI GDON MI ZA BAR KHAS BLANGS DGOS TE, TSIG TSAD MA YIN NA NI RJES SU DPAG PA MI 'JUG PAR 'GYUR TE, DAM BCAS PA'I MTSAN NYID CAN GYI TSIG TZAM GYIS BSGRUB BYA'I MTSAN NYID KYI DON GRUB PAS GTAN TSIGS LA SOGS PA STE, STZOGS PA SMROS PA NI DPE LA SOGS PA NYE BAR GZUNG PA DON MED PA'I PHYIR RO, ,GAL TE 'DI SNYAM DU TSIG THAMS CAD TSAD MA YIN NA NI DE LTAR 'GYUR BA YIN NA, 'ON KYANG KHYAD PAR CAN GYI TSIG 'GA' KHO NA TSAD MA YIN NO, ,DES SMRAS PA NI, DE LAS GZHAN DAG LAS KHYAD PAR DU GYUR BAS NI TSIG NYID KHYAD PAR YIN TE, DE TSAD MA YIN PA'I PHYIR SKYON MED DO ZHE NA ZHES GZHAN DAG DOGS NA, BSHAD ZIN TO ZHES SMOS TE, TSIG GIS KHYAD PAR 'DI LA 'GOG PAR BYED PA GANG ZHIG BRJOD PAR BYA BA DE NI BSHAD ZIN TO, ,GANG DU BSHAD CI NA, LUNG GI TSAD MA BSAM PAR RO, ,DER NI MA BYAS PA NYID KYI MTSAN NYID KYIS KHYAD PAR @3B LUNG MA YIN LA, DON SKYES BUS MA BYAS PA NYID KYI MTSAN NYID KYANG LUNG MA YIN ZHING, YID CHES PAS BYAS PA'I MTSAN NYID KYANG DES PAR MI NUS PA YIN NO ZHES BSHAD PA YIN NO, ,GZHAN YANG YOD DAM MED KYANG RUNG STE, KHYAD PAR 'DI DAG GIS CI BYA, GAL TE LUNG DE'I DON TSAD MAS 'THAD PA MA YIN BA DE'I TSE KHYAD PAR YOD KYANG KHYAD PAR 'GA' ZHIG YOD PAR MI 'GYUR TE, KHYAD PAR YOD KYANG MED PA DANG 'DRA BA KHO NA'O, ,MI BSLU BA YOD NA NI TSAD MAS 'THAD PA'I DON CAN GYI TSIG DES GRUB PA GANG YIN PA DES PHA ROL 'BA' ZHIG LA GRUB PA MA YIN NO, ,'O NA CI ZHE NA, RGOL BA LA YANG GRUB PA NYID DO, ,TSAD MA DANG LDAN PA'I TSIG DE NI RGOL BA DES KYANG KHAS BLANGS PA YIN TE, DES NA DE NI KHYAD PAR MED PA YIN NO, ,YANG NA TSAD MAS MTHONG BA'I DNGOS PO GANG YIN PA DE LA TSIG GIS CI BYA STE, DE NI TSAD MA NYID KYIS KHAS BLANG BAR BYA BA YIN NO, , TSAD MA YANG GNYI GA LA KHYAD PAR MED DO, ,DES NA PHA ROL LA GRUB PA GANG YIN PA DE NI RGOL BA LA YANG GRUB PA YIN NO, ,GANG GI PHYIR TSIG TSAD MA MA YIN PA DES NA, KHAS BLANGS NAS TE TSIG KHAS BLANGS NAS BRTAG PA BYED PA NI MA YIN TE, MA BRTAGS PA TSAD MAS MI BSLU BA DANG BRAL BA NI KHAS BLANGS PA MED PA'I PHYIR RO, ,'ON KYANG BRTAGS PA NYID LAS KHAS BLANG BAR BYA BA YIN NO, ,DE'I PHYIR ZHES BYA BA NI GTAN TSIGS TE, GANG GI PHYIR BRTAGS PA NYID KHAS LEN PA DE'I PHYIR GZHAN GYIS KHAS BLANGS PA NI BSGRUB PAR BYA BA'I DON 'GA' ZHIG KYANG GRUB BA STE GRUB PA NYID MA YIN NO, ,BRTAGS SHING TSAD MAS DAG PA NI GNYI GAS KHAS BLANG BAR 'OS PA YIN PA'I PHYIR DANG, MA BRTAGS PA GNYI GAS KYANG KHAS MA BLANGS PA'I PHYIR RO, ,'DI SNYAM DU RIGS PAS 'JUG PA NI 'DI 'DRA MA YIN MOD KYI, 'ON KYANG BLUN PO 'GA' ZHIG MNGON ZHEN GYIS LUNG KHAS LEN PA DE LA LTOS NAS, KHAS BLANGS PA'I SGRUB PAR BYED PA'I RGYU MTSAN YONGS SU RTOGS PA YIN NO ZHE NA, BDEN TE, GAL TE KHAS BLANGS PAR YOD PAR GYUR NA NI KHAS BLANGS PA LA TSAD MAR 'GYUR BA YIN NA, RTOGS PA'I DUS SU NI DE NYID GDON MI ZA BAR GTANG BAR @4A *, ,BYA BA YIN NO ZHES BSTAN PA'I PHYIR, LUNG DE ZHES SMOS TE, DGAG PAR 'DOD PA'I CHOS KYI RTEN DU 'GYUR BA'I LUNG DE LA GNOD PAR BYA BA'I PHYIR TE, DGAG PAR BYA BA'I PHYIR GZHAN LA DMIGS NAS SGRUB PAR BYED PA BRJOD PA'I GTAN TSIGS KYI PHYIR DE'I TSE ZHES BYA BA NI GANG GI TSE DE LA GNOD PAR BYED PA'I SGRUB BYED BRJOD PA DE'I PHYIR GNOD MI ZA BAR 'DI TSAD MA MA YIN NO, ,TSAD MA MA YIN PA DE BAS NA LUNG DE GRUB PA GANG YIN PA DE NI GRUB PA MA YIN LA, RGYU DE'I PHYIR TSAD MA MA YIN PA'I PHYIR LUNG DE LAS GRUB PAR JI LTAR 'GYUR, 'DI SNYAM DU RGOL BA LA NI LUNG DE LAS MA GRUB KYANG, PHYIR RGOL BA 'GA' ZHIG DGAG PAR BYA BA'I CHOS KYI RTEN DU GYUR PA'I LUNG DE DANG LDAN PA'I RGOL BA DE LA NI LUNG DES GRUB PA NI GRUB PA KHO NA YIN NO ZHE NA, DON 'DI YIN TE, GAL TE YANG LUNG DE RGOL BA LA MA GRUB PA DE LTA YIN NA YANG, DE GANG LA GRUB PA DE GAL TE PHYIR RGOL BA YIN NA, DE'I TSE DE LA LUNG LAS GRUB PAR BYED PA RTOGS PAR BYED PA'I YAN LAG NYID YIN PAS NA, DE LTA BU'I LUNG RAB TU GRUB PA'I PHYIR RGOL BA LA BRTEN NAS DE'I LUNG GRAGS PA'I SGRUB PAR BYED PA NYE BAR 'GOD PA LA NI 'GA' YANG MED PA YIN NO ZHES DOGS NA, GANG GI LUNG GANG YIN ZHES SMOS SO, ,'DI LTAR BSAMS PA YIN TE, KHAS BLANGS PA'I 'BREL PA MA GTOGS PAR NI LUNG 'GA' ZHIG KYANG SU DANG YANG 'BREL PA YOD PA MA YIN NO, ,KHAS BLANGS PA YANG GAL TE RMONGS PA'I PHYIR SNGAR BYAS ZIN PA DE LTAR NA YANG GANG GI TSE GZHAN DANG LHAN CIG YONGS SU BRTAG PA BYED PA 'DOD PAR GYUR PA DE'I TSE NYID LUNG DE LA YID BRTAN PA MED PAS KHAS BLANGS PA BTANG BA YIN NO, ,DES NA JI LTAR LUNG DE RGOL BA LAM GRUB PA BZHIN DU PHYIR RGOL BA LA YANG MA GRUB PA YIN NO, ,GZHAN YANG GANG GI TSE LUNG DE LA RAB TU GRAGS PA'I BDE BA LA SOGS PA SEMS GZHAN GYIS 'GOG PA DE'I TSE, TSAD MAS GNOD PA LUNG DE NYID DU YANG JI LTAR 'GYUR, 'DI SKAD BRJOD PA YIN TE, KHAS BLANGS PA'I LUNG GZHAN GYIS @4B SUN 'BYIN PA BZOD PA NYID DE KHAS BLANGS PA BTANG PA YIN TE, THE TSOM MED NA NI LUNG DE SUN 'BYIN PA LA RANG GTOD BAR MI 'GYUR BA'I PHYIR RO, ,GANG LA THE TSOM YOD PA DE NI TSAD MAR KHAS BLANGS PA BTANG BA YIN, DES NA MNGON ZHEN CHE BA'I PHYIR GANG GIS RTOGS PAR 'DOD PAS KHAS BLANGS PA MA BTANG BAR DES KYANG SUN 'BYIN PA NYAMS PAR BZOD PAS NA GTANG BAR BYA BA YIN NO, ,KHAS BLANGS PA MA GTOGS PA'I LUNG GIS 'BREL PA DGAG PA'I PHYIR, BSHAD PA, RENG BU ZHES BYA BA NI YAN LAG BZHIN DU LUNG GI 'BREL PA DANG BRAL BA'O, , YON TAN DANG NYES PA DE DAG MA MTHONG ZHES BYA BA 'DIS NI KHAS LEN PA'I RGYU MED PA BRJOD PA YIN TE, ,YON TAN DANG, NYES PA MTHONG BA NYID KYIS LUNG 'GA' ZHIG BLANG BA DANG 'GA' ZHIG SPONG BAR BYA BA YIN NO, ,RMONGS PA DE NI RANG NYID KYIS MTHONG BAR MI NUS PAS GZHAN GYIS BSTAN PAR BYA BA YIN LA, GANG GI TSE GZHAN GYIS BSTAN PA BDAG NYID KHAS LEN PAR BYED PA DE'I TSE KHO NA RANG GI 'DOD PAS BYAS PA'I KHAS BLANGS PA 'DOR BA YIN NO, ,DE LTA BU'I GDON 'DI SUS BGOS TE RNAM PAR PHYE, SUS KYANG MA YIN NO ZHES BYA BA'I DON TO, , MI BZAD PA'I GDON DANG 'DRA BAR YANG DKA' BA'I PHYIR LUNG NYID MI BZAD PA'I PHYIR GDON YIN NO, ,KYI MA'I SGRA NI RJES SU BRTZE BA STE, GRUB MTHA'I GDON MI BZAD PAS BTAB PA'I SKYES BU NI BRTZE BAR BYA BA YIN TE, RIGS PAS BSGRUB PAR MI NUS PAS BSLUS PA NI SKYES BU'I DON LAS NYAMS PAR 'GYUR BA'I PHYIR RO, ,GZHAN YANG LUNG DE NYID KYIS BDE BA LA SOGS PA SEMS PA CAN DU LUNG DE LAS BRJOD PA GANG YIN PA DE DANG 'GAL BA SEMS PA MED PA KHAS LEN PAR YANG JI LTAR 'GYUR, 'GAL BA CI YOD CE NA, BSHAD PA, 'GAL BA'I CHOS DE KHAS BLANGS NA STE, 'DIS NI DUS KYI KHYAD PAR BSTAN TE, GZHAN KHAS BLANGS PA'I DUS SU'O, ,'DIS NI KHAS BLANGS PA DOR BA'I DUS GSUM BSTAN PA YIN NO, ,GAL TE RMONGS PAS DES SNGAR LUNG TSAD MAR KHAS BLANGS PA DE LTA NA YANG YONGS SU BRTAGS @5A *, ,PAR 'DOD PA GTANG BAR BYA BA YIN NO, ,GAL TE MNGON ZHEN DAM PAS NA DE'I TSE MA BTANG YANG SUN 'BYIN PA THOS PA'I DUS SU NI NGES PAR BTANG DGOS TE, TSAD MAS GNOD BA LUNG NYID DU YANG JI LTAR 'GYUR ZHES JI SKAD BSHAD BA BZHIN NO, ,GAL TE DE'I TSE YANG MA BTANG NA DE LTA NA YANG 'GAL BA KHAS BLANG BAR BYA BA'I DUS SU NI LUNG GDON MI ZA BAR GTANG BAR BYA BA YIN TE, DE TSAD MA YIN PA MA SPANGS PAR NI DE DANG 'GAL BA'I DON KHAS BLANGS PA MED PA'I PHYIR RO, ,DES NA DUS DER LUNG SPANGS PA'I YAN LAG TU GYUR PA YIN LA, BTANG BA'I YAN LAG NGES KYANG RTOGS PAR MI RUNG BA'I PHYIR RO, ,GANG GI PHYIR GANG GI TSE LUNG SPANGS PA'I YAN LAG TU 'GYUR BA DE NYID KYI TSE TSAD MA MA YIN LA, TSAD MA MA YIN PAS NA DE LAS RTOGS PAR MI 'GYUR RO, ,JI LTAR 'GAG PA LA PHYOGS PA'I SA BON NI MYU GU SKYED BDE BZHIN DU, RTAGS MA GRUB PAR GYUR PAS NI BSGRUB BYA RTOGS PAR NI MI BYED DO, ,GANG GI PHYIR RTAGS KYI BSGRUB PAR BYA BA'I DON MED NA MED PAR NGES PA NYID BSGRUB BYA RTOGS PAR BYED PA YIN PA DES NA, GANG GI TSE RTAGS DE MED PAR NGES PA DE NYID KYI TSE DE'I RANG BZHIN NGES BA'I SHUGS KYIS THOB BA'I BSGRUB BYA NGES PA LDOG PA YIN NO, ,DES NA KHAS BLANGS PA BYAS KYANG DPYAD PA'I DUS SU NI GANG LAS GRUB PAR 'GYUR BA LUNG LAS TSAD MA NYID YOD PA MA YIN NO, ,GZHAN YANG GANG GI PHYIR RGOL BA DES KHAS BLANGS PAS DE LUNG DU 'GYUR BA YIN LA, LUNG DE LAS KYANG SGRUB PAR BYED PA'I CHOS RNAM PAR GNAS PA YIN ZHING, DE LAS NI DNGOS PO 'JOG PA YIN PA'I PHYIR DNGOS BO DE LEGS PAR GAS PA YIN NO ZHES BZHAD GANG DU BYED PA'O, ,SGRUB PAR BYED PA KHAS BLANGS PA LAS GRUB PA GANG YIN PA DE NI MED PA DANG 'DRA BA YIN NO ZHES PA STON PAR BYED PA'O, ,SKYES BU'I 'DOD PAS ZHES BYA BA LA, GAL TE KHAS BLANGS PA LAS LUNG DU 'GYUR ZHING, DE LAS GRUB PAR BYED PA'I CHOS 'GRUB PA DE'I PHYIR SKYES BU'I 'DOD PAS GTAN TSIGS SU 'GYUR ZHING, GANG GI PHYIR SKYES BU LUNG KHAS MI LEN PA DE'I TSE NI GTAN TSIGS LTAR SNANG BA YIN PA'I PHYIR, @5B SKYES BU'I 'DOD PA'I RGYU MTSAN GYIS GTAN TSIGS DANG DER SNANG BA NYID RNAM PAR 'JOG PAR 'GYUR RO, ,DE'I PHYIR DA NI DNGOS PA'I GNAS LUGS LA GTAN TSIGS DANG GTAN TSIGS MA YIN PA CI YANG MED PAR 'GYUR TE, SKYES BU'I 'DOD PA NI GZHAN DU YANG SRID PA'I PHYIR RO, ,YANG ZHES BYA BA NI NYES PA GZHAN YANG BSAGS PA'O, ,'DI SNYAM DU SKYES BU'I 'DOD PA NI DNGOS PO JI LTA BA BZHIN DU YIN TE, DES NA 'DOD PAS GTAN TSIGS SAM GTAN TSIGS MA YIN PAR 'GYUR BA GANG YIN PA DE NI DNGOS PO NYID YIN NO SNYAM PA LA, BSHAD PA, 'DOD PA DE NI DNGOS PO LA 'JUG PAR NGES PA GANG YIN PA DE MED PA'I PHYIR RO, ,'DOD PA NI DNGOS PO LA 'JUG BA NGES PA MA YIN TE, 'ON KYANG DNGOS PO LA MA LTOS PA NYID YIN PAS DE'I DBANG GIS DNGOS BO RNAM PAR GNAS PAR MI 'GYUR RO, ,DES NA GZHAN GYIS KHAS BLANGS PA NI SGRUB PAR BYED PA MA YIN TE, DNGOS PO LA GTAN TSIGS DANG DER SNANG BA DAG MED PAR 'GYUR BA RA THAL BA'I PHYIR RO, ,GZHAN YANG DNGOS PO MED KYANG RTOGS PAS SPRUL BA SGRUB PAR BYED PA'I DNGOS POR THAL BA'I PHYIR GZHAN GYIS KHAS BLANGS PA NI SGRUB PAR BYED PA MA YIN TE ZHES BSTAN PA'I PHYIR, YOD PA'I DON NI ZHES DON BSHAD PA YIN NO, ,RTOGS PA STE NGES PA LA LTOS NAS SO, ,RTAGS NI SGRON MA BZHIN DU RUNG BA NYID KYIS GO BAR BYED PA NI MA YIN TE, 'ON KYANG YOD PA KHO NA BSGRUB PAR BYA BA MED NA NI MI 'BYUNG BAR NGES PA NYID NA, DNGOS PO'I SGRUB PAR BYED PA YIN NO, ,RTOGS PA TZAM GYIS BYAS PA SGRUB PAR BYED PA YIN PA GANG LAS GZHAN GYIS KHAS BLANGS PA TZAM GYIS SGRUB PAR BYED PAS GRUB PAR 'GYUR BA, MED PA RTOGS PA TZAM GYIS GNAS PA NI MA YIN TE, RTOGS PA TZAM GYIS BYAS PA DE NI SGRUB PAR BYED PA MA YIN NO,, GAL TE SGRUB PAR BYED PA NI DON RTOGS PA'I THABS YIN LA, RTOGS PA'I THABS KYANG SPANG BAR BYA BA YIN PA'I PHYIR YOD PA'ANG MED PA'I THABS KYIS KYANG BSGRUB BYA YOD PA'I DON RTOGS PAR BYA BA MA YIN NAM, 'DIR YANG GAL TE SKYE BA DANG LDAN PA 'AM MI RTAG PA NYID NI YOD PA MA YIN @6A *, ,GYI; 'ON KYANG DE LAS RTOGS PAR BYA BA GANG YIN PA DE NI YOD PA NYID DO SNYAM DU DOGS NA, YOD DO ZHES SMOS SO, ,BSAM PA NI 'DI YIN TE, YOD KYANG DNGOS PO MA YIN PA RTOGS PAS SGRO BTAGS PAS BYAS PA NI MED PA GTAN YOD PA MA YIN PA'I DON RTOGS PA 'KHRUL PA'I RGYU 'GA' ZHIG LAS YOD PAR ZHEN PA GANG YIN PA DE DANG KHYAD PAR YOD PA MA YIN TE, DE LAS BYE BRAG MED PA YIN NO, ,'KHRUL PA'I RGYU LAS DE LTAR RTOGS PA SKYE BA GANG YIN PA DE'I YUL JI LTAR THE TSOM YIN PA DE BZHIN DU, YOD PA'I DON LA DNGOS PO MA YIN PA BYAS PA YANG YUL LA THE TSOM DU 'GYUR BA YIN NO, ,KHYAD PAR MED PA 'DI NYID BSTAN PA'I PHYIR BSHAD PA, TSAD MA MA YIN PA'I PHYIR RO, ,DON MNGON DU 'DZIN PA MNGON SUM TSAD MA YIN PA'AM, MED NA MI 'BYUNG BA MTHON BA SNGON DU 'GRO BA CAN GYIS YONGS SU RTOGS PA, RJES SU DPAG PA TSAD MA YIN GYIS, SHES PA GANG ZHIG MNGON SUM MA YIN LA, MED NA MI 'BYUNG BA MTHONG BA SNGON DU 'GRO BA CAN YANG MA YIN PA DE NI TSAD MA MA YIN TE, MED PA 'KHRUL PAS BYAS PA'I SHES PA DANG KHYAD PAR MED DO, ,GZHAN YANG JI LTAR 'BRAS BU DANG RANG BZHIN DANG MI DMIGS PA'I KHYAD PAR SNANG BA MI DMIGS PA LAS LKOG TU GYUR PA'I DON DANG 'BREL BA'I RTOGS PA'I YAN LAG GZHAN NI MED DO ZHES KHO BO CAG GIS BSHAD ZIN TO, ,RTAGS DE DNGOS PO'I GNAS LUGS LA GRUB PA'I MTSAN DE GRUB PA'I RANG BZHIN YIN NA, GZHAN DU JI LTAR BDAG NYID LA MA GRUB PA ZHES BYA BAR 'GYUR, GAL TE GZHAN NI GTAN TSI GAS GZHAN GYIS RTOGS PAR BYA BA YIN NO SNYAM NA, GZHAN GYIS NA ZHES SMOS SO, ,GAL TE DE RIGS PA LA MI LTOS PA ZHIG YIN NA DE LA GTAN TSIGS BRJOD PAS CI ZHIG BYA, 'ON TE GANG GI PHYIR KHYED TSAD MA NYID KYIS RTOGS PAR BYED 'DOD PAS NA, GZHAN YANG RIGS PA'I RJES SU 'BRANG BA ZHIG YIN NA, DE BSGRUB PAR BYA BA LA 'KHRUL PA GZHAN GYIS JI LTAR RTOGS PAR BYED, DE'I PHYIR GZHAN GYIS KHAS BLANGS PA NI SGRUB PAR BYED PA MA YIN TE, RTAGS GSUM DU MA 'DUS PA'I @6B PHYIR RO, ,GAL TE GZHAN GYIS KHAS BLANGS PA RTAGS MA YIN NA, KHYOD DANG SNGON GYI SLOB DPON RNAMS KYIS JI LTAR GZHAN GYIS KHAS BLANGS PA'I CHOS KYIS CHOS GZHAN THAL BAR SGRUB PAR BYED CE NA, GZHAN GYIS ZHES SMOS SO, ,THAL BAR BSGRUB PA LA NI KHYAD PAR BYA BA'I CHOS GZHAN GYIS 'DOD PAR MTHONG NAS MI 'DOD KYANG KHYAD PAR BYED PA'I CHOS GRUB PAR THAL BAR BRJOD PA YIN TE, KHYAB PAR BYA BA NI KHYAB PAR BYED PA MED PAR MI 'BYUNG PA'I PHYIR RO, ,DPER NA SPYI LA SOGS PA DU MA LA YOD PAR 'DOD PA NA, MI 'DOD KYANG DU MA NYID DU THAL BA 'AM, BDAG LA SOGS PA YOD PA NYID YIN NA SKAD CIG MA NYID DU THAL BA BZHIN NO, ,CHOS CAN MA GRUB PA'I PHYIR DU MA LA YOD PA LA SOGS PA KHYAB PAR BYA BA'I CHOS MA GRUB PA DES NA KHYAB PAR BYED PA'I CHOS SU THAL BAR GAL 'GYUR, TSAD MA MED PA NI BRJOD PAR MI 'THAD DO ZHE NA, DE'I PHYIR 'DI KHYAB PAR BYED PA MED PA'I PHYIR KHYAB PAR BYA BA MED PAR BRJOD PAR 'DOD PA YIN NO, ,KHYAB PAR BYED PA MED PA DE NI SPYI LA SOGS PA MED PA LA YANG GRUB PA NYID DO, ,DE'I PHYIR MNGON PAR 'DOD PA GO BAR BYED PA YIN PA'I PHYIR DE NYID 'DIR RTZA BA'I GTAN TSIGS SU BRJOD PA YIN GYI, GZHAN GYI SPYI LA SOGS PA GRUB PAR BYA BA'I PHYIR NYE BAR BKOD PA GANG YIN PA DE NI RTZA PA'I GTAN TSIGS MA YIN NO ZHES BYA BA NI BA SDUS PA'I DON TO, ,THAL BAR 'GYUR BA GANG YIN PA DE NI ZHES 'CHAD PAR 'GYUR BA DANG 'BREL TO, ,THAL BAR 'GYUR BA CI 'DRA BA ZHIG CE NA; DPER NA ZHES SMOS TE, 'DI CI LTA BA BZHIN DU THAL BAR 'GYUR BA GZHAN YANG YIN NO ZHES BYA BA'I THA TSIG GO, ,YUL LA SOGS PA'I KHYAD PAR DANG 'BREL PA RDZAS GANG LA YOD PA STE, YUL LA SOGS PA NGES PA DANG 'BREL BA GCIG LAS GZHAN PA'I RDZAS DE DANG LDAN PA NI MA YIN TE, 'BREL BA MA YIN NO ZHES BYA BA NI BSGRUB PAR BYA BA'O, ,YUL DANG DUS DANG GNAS SKABS DE DAG NYID GZHAN LAS KHYAD PAR DU GYUR PAS KHYAD PAR TE, DE DAG TU NGES PA'I RDZAS GCIG DANG LHAN CIG TU SPYI 'DRES PA STE, RDZAS YUL LA SOGS PAR NGES PA'I @7A *, ,PHYIR 'DRES PA YANG NGES PA YIN NO, ,'DRES PA DES RNAM PAR MA BCAD CING KHYAD PAR DU MA BYAS PA'I RANG BZHIN GZHAN GANG YIN PA DES STONG PA STE DBEN PA 'AM, YANG NA DE STONG ZHING MED PA STE DE'I PHYIR RO, ,GTAN TSIGS KYI DON NI NGES PA'I RANG BZHIN GYIS GSAL BA DANG 'BREL BA'I RANG BZHIN LAS RANG BZHIN GZHAN MED PA'I PHYIR RO ZHES BYA BA YIN NO, ,RANG BZHIN GZHAN GYIS STONG PA'I PHYIR GZHAN DANG MI LDAN BA GANG YIN ZHE NA, GCIG PO NI ZHES BYA BA SMOS SO, ,YUL GZHAN LA SOGS PAS KHYAD PAR DU BYAS PA DANG 'BREL BA GCIG NI YUL GZHAN DANG 'BREL PA GZHAN DAG DANG LDAN PAR MI 'GYUR GYI DU MA NI MA YIN NO, ,DU MA LA YOD PA GANG YIN PA STE 'DIS NI THAL BAR 'GYUR BA'I DON STON PAR BYED DE DU MA LA YOD PAR 'DOD PA'I GCIG PO GANG YIN PA DE LA THAL BA 'DIR 'GYUR RO ZHES BYA BA'I DON TO, ,GCIG PO RANG BZHIN GYIS STONG PA YIN MOD GZHAN DANG MI LDAN PAR GO JI LTAR 'GYUR ZHE NA, BSHAD PA, DE LTA BU'I ZHES BYA BA NI GCIG GI RANG BZHIN NO, ,RDZAS GANG DAG LA YUL LA SOGS PA THA DAD PA YOD PA DE DAG DANG LDAN PAR RO, ,YUL THA DAD PA DANG LDAN PA NI DU MA'I BDAG NYID CAN KHYAB PA YIN NO, ,DE LA GCIG NYID NI KHYAB PAR BYED PA DU MA'I DNGOS PO NYID DANG 'GAL BA'I PHYIR, KHYAB PAR BYED PA RDZAS DU MA DANG LDAN PA YANG 'GAL BA DNGOS PO LA YOD PA YIN TE, NGES NA 'GAL BA'I PHYIR RO ZHES BSHAD DO, , DES NA 'DIR KHYAB PAR BYED PA DU MA NYID MED BAS KHYAB PAR BYA BA DU MA LA YOD PA NYID MED PAR BRJOD PA YIN NO, ,KHYAB PA GANG LAS SHE NA, BRJOD PA, YUL LA SOGS PA'I KHYAD PAR GYI THA DAD PA'I DU MA LA YOD PA'I YUL LA SOGS PA THA DAD NA YOD PAR 'GYUR BA YIN NO; YUL DU MA LA YOD PA NI 'GAL BA'I CHOS DANG LDAN PA'I PHYIR DU MA NYID YIN NO, ,'DI LTAR GANG ZHIG YONGS SU GCAD PA NI GANG ZHIG RNAM PAR GCOD PA DE DAG NI RNAM PAR GCAD PAR BYA BA DNGOS POR YOD NA PHAN TSUN THA DAD PAR 'GYUR BA 'AM, DE LTA MA YIN NA GCIG @7B MED PA NYID DU 'GYUR GYI, THA DAD PAR 'GYUR BA NI MA YIN TE, SNGON PO DANG, SNGON PO MA YIN PA BZHIN DANG, DNGOS PO DANG DNGOS PO MED PA BZHIN NO, ,'GA' ZHIG YUL LA SOGS PA'I KHYAD PAR LA BRTEN PAR YONGS SU GCOD PA NA YANG DE YANG RANG BZHIN NYAMS PA YUL DE LA MI BRTEN PA NYID KYI RANG BZHIN RNAM PAR GCOD PA YIN NO, ,GANG ZHIG YUL GANG MED PA LA MI 'KHRUL BAR GNAS PA'I RANG BZHIN DE NI YUL DES MA BYAS PA'I PHYIR NA RANG BZHIN NYAMS PA DANG LDAN PA YIN TE, DES NA DE YONGS SU SPANGS NAS MNGON PAR 'DOD PA'I YUL BRTEN PA NYID YONGS SU GCOD PA YIN NO, ,YUL GCIG GANG 'BREL PA'I RANG BZHIN YANG YUL GZHAN MED PA LA MI 'KHRUL BAR GNAS PA YIN TE, DE'I YUL NI YUL GZHAN SPANGS NAS GNAS PA'I PHYIR RO, ,DES NA YUL GZHAN DANG 'BREL BA NYID NI DE YONGS SU SPANGS NAS RNAM PAR GCOD PA YIN NO, ,DE'I PHYIR DE'I YU DANG GZHAN GYI YUL CAN DAG NI YUL DE LA BRTEN PA DANG MI BRTEN PA NYID KYIS 'GAL BA YIN NO, ,DE'I PHYIR DE'I YUL CAN NYID MA BKAG PAR, DE'I YUL CAN YANG YIN LA GZHAN GYI YUL CAN YANG YIN NO ZHES GNYI GA LTAR SGRUB PA YIN NO, , GCIG NYID SGRUB PA DANG 'GAG BA NI 'GAL BA YIN GYI DU MAR GYUR PA DAG NI GNYI GA LTAR YANG SGRUB PA YIN NO ZHES GANG SMRAS PA DE BSAL BA YIN TE, YUL GCIG NA GNAS PA NYID NI YUL GZHAN NA GNAS PA YONGS SU SPANGS NAS GNAS PA YIN PA'I PHYIR RO, ,DE BZHIN DU GNAS SKABS GZHAN DANG 'BREL PA LA YANG 'GAL BAR RTOGS PAR BYA'O, ,DUS GZHAN DANG 'BREL BA NI DNGOS PO DANG DNGOS PO MED BA DAG GIS 'GAL BA NYID DO, ,YUL LA SOGS PAS BYAS PA'I 'GAL BA STON PA NA YUL LA SOGS PA'I KHYAD PAR SMOS PA BYAS PA YIN TE, DE LTA MA YIN NA NI RANG BZHIN THA DAD PA MED PA'I PHYIR RO ZHES BYA BA DE TZAM ZHIG BRJOD PAR 'GYUR RO, ,YUL THA DAD PA LA SOGS PA LA YOD PA NI 'GAL BA'I CHOS DANG LDAN PAS KHYAB LA, DE YANG DU MA NYID YIN PA'I PHYIR DU MA'I BDAG NYID KYIS KYANG KHYAB PAR 'GYUR RO, ,KHYAB PAR BYED PA MI DMIGS PA 'DI @8A *, ,NI GRUB PA YIN PA'I PHYIR THAL BA BZLOG PA'I GTAN TSIGS NI 'DI NYID LAS RTOGS PAR BYA BA YIN TE, 'GA' ZHIG YUL LA SOGS PA DU MA YOD PA DE NI DU MA NYID YIN LA, SPYI YANG DE LTA YIN PA'I PHYIR DU MA NYID DU 'GYUR NA DU MA NYID MA YIN NO ZHES BYA BA NI THAL BA LAS BZLOG PA'O, , DU MA MED PA TZAM NYID NI SPYI MED PA YANG GRUB PA YIN NO, ,DE NYID KYI PHYIR DE MED BAS DE LA MI 'JUG PA'I PHYIR 'DI LA GZHI GDON MI ZA BA RA 'DOD BA MA YIN NO ZHES BSHAD DO, ,GZHAN GYIS KUN BRTAGS PAS THAL BAR SGRUB PA GANG YIN PA NI RANG RGYUD DU BYA BA MA YIN TE, GTAN TSIGS MA GRUB PA'I PHYIR RO, ,'ON KYANG THAL BA BZLOG PA'I MTHAR THUG PA YIN NO ZHES BSTAN PA'I PHYIR RO, ,DON GYIS RTOGS PAR BYA BA'I THAL BA BZLOG BA NI DPER BRJOD PAR BYAS LA, DNGOS SU DPER BRJOD PAR BYA BA'I THAL BAR 'GYUR BA NI RTOGS PAR BYAS PA YIN NO, ,THAL BAR 'GYUR BA'I DGOS PA BSHAD PA NI THAL BAR 'GYUR BA DE NI KHYAB PAR BYA BA'I CHOS GCIG DU MA LA 'JUG PA NYID KHAS BLANGS NA, KHYAB PAR BYED PA GZHAN DU MA NYID KHAS BLANGS PA BSTAN PA'I PHYIR YIN TE, KHYAB PAR BYED PA DES KHAS MI LEN NA KHYAB PAR BYA BA DANG KHYAB PAR BYED PA'I CHOS GNYI GA LDOG PAR 'GYUR RO ZHES PA NI BZLOG PA'I DON TO, ,DE NYID KYI PHYIR 'DI NI THAL BAR 'GYUR BA'I GTAN TSIGS MA YIN NO, ,DE LTA MA YIN NA DU MA LA YOD PA'I PHYIR SPYIN GCIG MA YIN NO ZHES BYA BA'I RANG BZHIN BZLOG PA NI SGRUB PAR BYED PAR 'GYUR GYI LDOG PAR BYED PA NI MA YIN NO, ,DES NA CHOS GCIG KHAS BLANGS NA ZHES BYA BA LA SOGS PA'I GZHUNG 'DI NI DON MA 'BREL BAR 'GYUR RO, ,'DI LA THAL BAR 'GYUR BA'I DON NI SGRUB PA YIN LA, BZLOG PA NI LDOG PAR BRJOD PA YIN NO, ,GANG DAG RANG BZHIN GZHAN GYIS STONG PA NI GCIG NYID MTSON PA YIN PAR BSAMS NAS KHYAB PAR BYED PA DANG 'GAL BA DMIGS PA YIN PAR BYED PA DE'I LTAR NA YANG GZHUNG 'DI'I DON SHIN TU MI 'GRIG GO, ,DE'I LTAR NA YANG DU MA LA YOD PA NYID YIN NA NI GCIG NYID MA YIN NO ZHES GCIG DANG 'GAL PA DU MAS KHYAB PAR BYA BA DU MA LA YOD PA NYID DMIGS PA NI THAL BA LAS BZLOG PA YIN NA, DA @8B LA NI GANG GIS GZHUNG 'DI LEGS PAR 'GRIG PAR 'GYUR BA, BSHAD PA, KHYAB PAR BYA BA CHOS GNYI GA SGRUB PA LA DGAG PA YOD PA MA YIN NO, ,DE'I PHYIR KHYAB PAR BYED PA MI DMIGS PA THAL BA LAS BZLOG PA NI 'DI GZHUNG LA SNANG BA NYID YIN NO, ,YANG JI LTAR SGRUB PAR DANG DGAG PA'I CHOS DAG 'KHRUL PA MED PA YIN ZHE NA, BSHAD PA, RNAM PAR DBYE BA NI THA DAD PAR GNAS BA STE, KHYAB PAR BYED PA GCIG LAS KHYAB PAR BYA BA SO SOR GNAS BZOD PA NI MA YIN NO ZHES BYA BA'I DON TO, ,CI'I PHYIR DE LTA YIN ZHE NA, BSHAD PA, KHYAB PAR BYA BA DE NI KHYAB PAR BYED PA'I CHOS GZHAN DU 'BREL BA'I PHYIR RO, ,DNGOS SU ZHES BYA BA NI NGO BO NYID KYIS TE, DE'I BDAG NYID DANG DE LAS BYUNG BA'I MTSAN NYID KYIS SO, ,GANG ZHIG GANG LA NGO BO NYID KYIS 'BREL PA ZHES BYA BA DE JI LTAR GZHAN DU GNAS PA YIN, DE SKAD BRJOD PAS NI 'BREL BA MA GRUB PAS NI THAL BAR 'GYUR BA NI 'KHRUL PA BZLOG PA YANG MI 'GRUB PO ZHES BSHAD PAR 'GYUR BA YIN NO, ,DA NI ZHES BYA BA NI GAL TE CHOS 'DI THAL BAR SGRUB NA'O, ,'DIR YANG SPYI DU MA LA YOD BAR KHAS LEN NA DU MA NYID KHAS BLANGS PA'I DON DU THAL BAR SGRUB NA DU MA NYID GCIG LA MI SRID PA GANG YIN PA DE SGRUB PAR 'GYUR BAS 'DI JI LTAR 'GYUR BA YIN ZHES GZHAN DAG DOGS PA LA, BSHAD PA, GCIG LA DU MA MI SRID PA 'BA' ZHIG TU MA ZAD KYI, GANG ZHIG GCIG LA MI SRID PA'I DU MA NYID DES KHYAB PA YUL LA SOGS PA THA DAD PA'I RDZAS LA YOD PA ZHES BYA BA'I CHOS DE YANG SPYI LA SOGS PA GCIG PO DE LA MI SRID DE, DE'I PHYIR KHYAB PAR BYA BA YUL DU MAN GNAS PA DE KHAS LEN NA GZHAN DU MA NYID DE GDON MI ZA BAR 'GYUR BA'I PHYIR BZLOG PAR MI NUS SO, ,GAL TE YANG CHOS GNYIS LDOG PAR BSTAN PA'I DON DU 'DOD PA YIN PA DE LTAR NA YANG THAL BAR 'GYUR BA'I GTAN TSIGS MA GRUB PA DANG, DU MA NYID DU DAM BCAS PA GANG YIN PA DE LA YANG KHAS BLANGS PA GCIG NYID KYIS GNOD PA MA YIN NAM, SOGS PA SMOS PAS NI MANG PO DAG LA RNAM PA GCIG TU SHES PA MTHONG BA'I PHYIR, GCIG NYID RJES SU @9A *, ,DPAG PA YIN TE, DES NA RJES SU DPAG PA GNOD PA DANG, YAN LAG CAN GYI RDZAS RAGS PA NYID NI MNGON SUM DU GRUB PA YIN TE, DES NA MNGON SUM GYI GNOD PA GZUNG NGO, ,CI'I PHYIR ZHE NA, RGOL BA DE RANG STE BDAG NYID KYIS KHAS BLANGS PA GZHAN DU STE, 'GAL BA KHAS LEN PAR GNAS PA'I PHYIR RO, ,SANGS RGYAS PA NI SPYI MED PAR SMRA BA LA GNAS TE, THAL BA'I SGRUB PAR BYED PA BRJOD PAS DE'I TSE GZHI MA GRUB PA'I PHYIR GTAN TSIGS DU MA LA YOD PA ZHES BYA BA MA GRUB PAR 'GYUR RO, ,SNGAR THAL BAR 'GYUR BA'I GTAN TSIGS GRUB NA DE'I 'OG TU THAL BA LAS BZLOG PAR BYA BAR NUS KYI MA GRUB NA NI MA YIN NO, ,DE BZHIN DU DU MA LA YOD PA NYID DU 'DZIN PA NA SPYIR SMRA BA LA BRTEN PAR 'GYUR BA YIN NO, ,DE LA YANG SPYI NI GCIG YIN PAS NA DU MA LA YOD PA'I PHYIR DU MA NYID YIN PAR DAM BCAS PA LA, GCIG NYID DU KHAS BLANGS PAS GNOD PA YIN NO, ,DES NA DE LTAR KHAS LEN PA GZHAN DU GNAS PA SPYI MED PAR SMRA BA LA NI GTAN TSIGS MA GRUB BA YIN LA, GCIG NYID DU SMRA BAS GNOD PA NI KHAS BLANGS PAS GNOD PA YIN NO, ,DE LAS KHAS BLANGS PA GZHAN DU GNAS PA RNAM PA GNYIS KA YANG SPANGS PA'I PHYIR MA YIN TE ZHES SMOS TE, LUNG GI DON BRTAGS PA'I DUS NA LUNG 'GA' YANG KHAS BLANGS PA MED PA'I PHYIR RO, ,YANG DAG PAR RTOGS PAR BYED PA 'DI BYE BRAG PA'I LUNG BRTAGS TE BOR NAS YANG DE BRTAGS PA LA GRUB PAR BYED PA NI MA YIN TE, DGOS PA MED PA'I PHYIR RO, ,NGES PAR MA BRTAGS PA'I LUNG GZHAN LA YONGS SU DAG PA'I DON YOD PAR SRID KYANG, GANG GIS KHAS BLANGS PA GZHAN DU GNAS PAR 'GYUR BA SANGS RGYAS PA'I LUNG NI RTOG PA MA YIN NO, ,GAL TE 'GAL BA KHAS BLANGS PA LA MI GNAS NA, 'ON JI LTAR SMRA BA DANG 'GAL BA SPYI DU MA NYID DU THAL BA SGRUB PAR BYED CE NA, BSHAD PA, DU MA LA YOD PA ZHES BYA BA'I DON GANG RTOGS PAR BYED PA'I RGOL BA DES NI RTOGS PA ZHES BYA PAR KHYAB PAR BYA BA'I CHOS THOS PA LAS GZHAN DU MI 'THAD PA'I DNGOS PO'I SHUGS KYIS TSIG LA LTOS PA MED PAR CHOS @9B GZHAN KHYAB PAR BYED PA DU MA NYID CES BYA BA MYUR BA KHO NAR RTOGS PAR 'GYUR TE, DPER NA SGRON MA'I 'OD KHAS BLANGS NA DE NYID KYI TSE RGYU DANG 'BRAS BU'I DNGOS PO YIN PA'I PHYIR, ME LCE'I RANG BZHIN GYI RGYU SGRON MA YANG KHAS BLANGS PAR 'GYUR BA DE BZHIN DU'O, ,DE'I PHYIR DE NI KHYAB PAR BYED PA DANG LDAN PA'I LUNG GI DON GYIS RTOGS PA YIN GYI, KHAS BLANGS PA GZHAN GYIS BZLOG PA NI MA YIN NO, ,CI LTAR DE RTOGS PA NYID YIN TE, GANG GI PHYIR 'DIS DON GANG RTOGS PA DE LAS GZHAN YANG RTOGS PA YIN PA'I PHYIR RO ZHE NA DE NI ZHES SMOS SO, ,GANG GI PHYIR DE NYID DE'I KHAS LEN PA'I DUS YIN PA DE'I PHYIR KHAS LEN PA'I DUS DER GZHAN DU MI 'THAD PA'I RIGS PA'I STOBS KYIS GCIG KHAS BLANGS NA NYE BAR GNAS PAR 'GYUR BA'I DON CI SNYED PA DE MTHA' DAG KHAS BLANG PAR BYA'I 'GA' ZHIG NI MA YIN PA 'AM, GCIG DOR NA THAMS CAD KYANG BTANG BA NYID DO, ,'DI SKAD BRJOD PA YIN TE, KHAS LEN PA'I DUS SU RTOGS PA DANG LDAN PAS RIGS PAS YONGS SU BRTAGS NAS KHAS BLANG BAR BYA BA YIN GYI, TSIG TZAM GYIS NI MA YIN NO, ,KHYAB PAR BYA BA NI KHYAB PAR BYED PA MED PAR MI 'GYUR BA YIN TE, DES NA 'DI SA DE NYID RIGS PAS RTOGS NA DE LA 'KHRUL PA MED PA CAN GZHAN YANG RTOGS PAR 'GYUR BA YIN NO, ,DE BAS NA BSTAN PA'I RTOGS PA DE NYID NI, GNYIS PA RTOGS PA DE 'DRA BA DE 'PHEN PAR BYED PA YIN GYI, DON BLA LHAG RTOGS PA NI MA YIN NO, ,DES NA KHAS BLANGS PA GZHAN DU NA GNAS PA LAS MA GRUB PA MA YIN TE, SPYI DE NYID KHAS BLANGS PA YIN PA'I PHYIR RO, ,KHAS BLANGS PAS GNOD PA YANG MA YIN TE, DA RUNG CHOS GZHAN KHAS BLANGS PA MED PA'I PHYIR RO, ,DE LTAR NA GZHAN DU KHAS BLANGS PA MED PA'I PHYIR MA GRUB PA LA SOGS PA MA YIN NO, ,GZHAN YANG KHAS BLANGS PA GZHAN DU GNAS KYANG MA GRUB PA LA SOGS PAR 'GYUR BA MA YIN NO, ,CI'I PHYIR ZHE NA, CHOS GNYIS 'BREL PAR BRJOD PA YIN PA'I PHYIR RO, ,GAL TE DU MA LA YOD PA NYID DE LTA YIN NA DU MA NYID 'DI YANG 'GYUR BA 'AM DU MA NYID MA YIN NA NI GNYI GA YANG MI @10A *, ,'GYUR RO ZHES DE LTAR CHOS NYID MI 'KHRUL BAR RAB TU STON PA YIN NO, ,DON NI 'DI YIN TO, GANG GIS MA GRUB PA'AM, KHAS BLANGS PAS GNOD PAR 'GYUR BA SGRUB PAR BYED PE 'AM, BSGRUB PAR BYA BA'I CHOS 'GA' YANG NGES BA NYID DU MI BRJOD KYI, 'ON KYANG CHOS GNYI GA THE TSOM DU BSTAN PA YIN TE, GAL TE DE LTAR YIN NA ZHES BYA BA NI THE TSOM MED PA'I PHYIR RO, ,SNGAR THAL BA'I GTAN TSIGS GRUB PAR 'DOD PA DGOS SO ZHES GANG BRJOD PA DE YANG MI RIGS TE, NGES PA DANG LDAN PA NI GRUB PAR 'DOD PAR BYA DGOS NA, THAL BA'I GTAN TSIGS NI NGES PAR 'DOD PA MA YIN GYI, 'ON KYANG 'BREL BA STON PA TZAM DU ZAD DO, ,DE NI THE TSOM ZA BA LA YANG NUS PA YIN NO, ,'ON KYANG GANG GI TSE THAL BAR 'GYUR BA'I GTAN TSIGS MA GRUB PAR SKYON DU 'GYUR ZHE NA, BSHAD PA, NGES PA NYID DU ZHES BYA BA NI MTHA' GCIG GIS DNGOS PO STE, SGRUB PAR BYED PA 'AM BSGRUB PAR BYA BA DAG DER YONGS SU 'DZI NA NI GTAN TSIGS MA GRUB PA LA SOGS PA'I SKYON DU 'GYUR RO, ,'O NA JI LTAR THAL BA LAS BZLOG PA GCIG TU NGES PAR 'DZIN CE NA, BSHAD PA, GTAN TSIGS YOD NA NI STE GRUB NA NI DES PAR YONGS SU BZUNG NA YANG SKYON DU 'GYUR BA MA YIN NO, ,DU MA MED PA NYID NI SPYI LA SOGS PA DNGOS PO MED PA LA YANG GRUB PA YIN NO, ,BZLOG PA'I GTAN TSIGS GRUB NA SKYON MED PA 'BA' ZHIG TU MA ZAD KYI, 'ON KYANG THAL BA'I GTAN TSIGS LA YANG YIN NO, ,DPER NA RTAG PAR SMRA BA RNAMS KYIS KHAS BLANGS PA'I YOD PAS SGRA MI RTAG PAR THAL BAR GRUB PA BZHIN NO, ,GANG GI PHYIR KHAS BLANGS PA GZHAN DU GNAS KYANG BZLOG PA DANG THAL BA 'BA' ZHIG LA NGES PAR YONGS SU BZUNG BA SKYON DU MI 'GYUR BA, JI LTAR NA GCIG NYID LA SOGS PA KHAS BLANGS PA DANG 'GAL BA SGRUB PAR NUS SHE NA, BSHAD PA, RIGS PAS 'DOD PA NI GDON MI ZA BAR YIN TE, DE MI 'DZIN NA NI GZUNG BAR RUNG BA GZHAN MED PA'I PHYIR RO, ,LUNG YANG RIGS PAS 'THAD PAS NA @10B GZUNG BAR BYA BA DE BZHIN DU GZHAN YANG GZUNG BAR BYA BA NYID DO, ,GAL TE GANG DU KHAS BLANGS PA DANG MI 'GAL BA DE RIGS PAS GZUNG BAR BYA BA YIN GYI, KHAS BLANGS PA DANG 'GAL BAS NI RIGS PA LA GNOD PA YIN NO ZHE NA, KHAS BLANGS PAS ZHES SMOS TE, PHYOGS KYI MTSAN NYID KYI SKABS SU BSHAD PAR BYA'O, ,GAL TE GANG GIS GTAN TSIGS GRUB PA STE BZUNG BAR RIGS PA MA YIN NAM, JI LTAR NA MA GRUB PA KHAS BLANGS PA TZAM GYIS DU MA LA YOD PA NYID KYIS DU MA NYID GDON MI ZA BAR KHAS BLANGS PAR BYA BAR BSHAD CE NA; GANG GI DON GYI CHOS KYIS KHAS LEN PA NA DES GDON MI ZA BA KHO NA GZHAN KHAS BLANGS PA DE NI RIGS PA KHO NAS BYAS PA YIN NO, ,JI LTAR KHYAB PAR BYA BA MTHONG NA GZHAN DU MI 'THAD PAS KHYAB PAR BYED PA KHAS BLANGS BAR BYA BA DE BZHIN DU TSAD MA MED PAR YOD PA NYID DU KHAS BLANGS PAS KHYAB PAR BYED PA GDON MI ZA BAR KHAS BLANGS PAR 'GYUR BA YIN NO ZHES BYA BA'I THA TSIG GO, ,GAL TE GTAN TSIGS GRUB NA NGES PAR MTHA' GCIG TU 'DZIN PAR 'GYUR GYI GZHAN DU NI MA YIN PAS, NGES PA'I YAN LAG MA YIN PA 'BREL PA BSTAN PAR BYAS PA 'AM, GZHAN GYIS CI ZHIG BYA, RGOL BA NGES PAR YAN LA GA NYID SMRA NA TSIG LA RNA GTAD PAR BYA BA YIN PA'I PHYIR RO ZHE NA, GTAN TSIGS MED KYANG ZHES SMOS TE RTZA BA NI RTZOM PAR 'GYUR BA DANG RTZOM PA'I RGYU MTSAN TE, GANG GI DON DU THAL BAR BYED PA NI RTZA BA YIN NO, ,THAL BA BYED PAS NI GDON MI ZA BAR 'GA' ZHIG NGES PAR BYED 'DOD PA YIN NO, ,NGES PA'I RGYU MTSAN YANG GTAN TSIGS GRUB PA YIN PA'I PHYIR GANG ZHIG DER GRUB PA'I GTAN TSIGS GANG YIN PA DE'I PHYIR KHYAB PAR BYA BA DANG KHYAB PAR BYED PA'I DNGOS PO SGRUB PAR BYED PA'I BYE BRAG YIN NO, ,GANG ZHIG DU MA LA YOD PA DE NI DU MA NYID DO ZHES KHYAB PAR RAB TU STON PA TZAM YIN YANG GNOD PAR BYED PA'I TSAD MA 'PHEN PA'I PHYIR SGRUB PAR BYED PA YIN NO, ,THAL BAR 'GYUR BA'I SGO NAS KYANG GNOD PAR BYED PA'I TSAD MA NI 'PHEN PA YIN PA DES NA 'DI NI @11A *, ,SGRUB PAR BYED PA'I RNAM PA GZHAN YIN NO, ,DE LA 'DIR RTZA BA'I GTAN TSIGS THAL BA LAS BZLOG PA'O, ,KHA CIG TU NI THAL BA 'AM THAL BA LAS BZLOG PA'I GTAN TSIGS KYANG RTZA BAR MI 'GYUR TE, MA GRUB PA'I PHYIR RO, ,DPER NA KHA CIG NA RE GAL TE SPYI GCIG YIN NA GCIG YIN PA'I PHYIR DU MA LA YOD PAR MI 'GYUR BA ZHIG NA, DU MA LA YOD PA YANG YIN TE, DE'I PHYIR GCIG MA YIN NO ZHES BYA BA 'DI LA THAL BAR 'GYUR BA KHYAB BAR BYED PA 'GAL BA DMIGS PA DANG, BZLOG PA 'GAL BAS KHYAB PA DMIGS PA GNYI GA MA GRUB PA DANG; DE BZHIN DU GAL TE SPYI RANG BZHIN GZHAN GYIS DBEN PA'I RANG BZHIN YIN NA NI YUL LA SOGS BA GCIG PU CAN GCIG PU ZHIG DANG 'BREL BAR 'GYUR BA ZHIG NA, YUL LA SOGS PA THA DAD PA CAN DU MA DANG 'BREL BA YIN PA DE'I PHYIR DU MA'I RANG BZHIN YIN NO ZHES BYA BA 'DI RANG BZHIN GYIS GTAN TSIGS GNYI GA MA GRUB PA BZHIN NO, ,RNAM PA DE LTA BU'I RIGS LA THAL BA DANG, DE LAS BZLOG PA GNYI GAS DU MA LA YOD PA NYID DU MA NYID KYIS KHYAB PA RAB TU GRUB PA YIN NO, ,KHYAB PA GRUB NA KHYAB PAR BYED PA MI DMIGS PA ZHES BYA BA RTZA BA'I GTAN TSIGS GZHAN 'JUG PA YIN GYI THAL BA'I GTAN TSIGS SAM BZLOG PA'I GTAN TSIGS MA GRUB PA DAG GIS GTAN TSIGS GRUB PA KHO NAS 'GRUB PAR 'GYUR BA'I DGOS PA KHAS BLANGS PA LAS BZLOG PA SGRUB PAR BYED PA NI MA YIN TE, GTAN TSIGS LA TSAD MA MED PA'I PHYIR RO, ,SGRUB PAR BYED PA'I YAN LAG MI BRJOD PA YANG MA YIN TE, RNAM PA 'DIS KYANG RTZA BA'I GTAN TSIGS KYI KHYAB PAR BYA BA DANG KHYAB PAR BYED PA'I DNGOS PO SGRUB BAR BYED PA'I TSAD MA NI 'PHEN PA'I PHYIR RO, ,GAL TE GRANGS CAN GYI SBYOR BA NI 'DIR YANG GTAN TSIGS SKYE BA CAN NAM MI RTAG PA NYID MA GRUB PA'I PHYIR THAL BA BZLOG PA NYID KYIS MI RTAG PA DANG SKYE BA DANG LDAN PA DANG 'GOG PA GRANGS CAN GYIS 'DOD PA YIN NO ZHE NA, DE LTAR BYED BA NI SU YANG MED DO, ,BDE BA LA SOGS PA NI GRANGS CAN GYIS NI SEMS PA CAN DU MI 'DOD LA, @11B SANGS RGYAS PA NI SKYE BA CAN DANG MI RTAG PAR 'DOD PA YIN NA, DE LTAR BYED PA DE SU YIN, 'DOD KYANG DE LTAR BYED BAR NUS PA NYID KYANG MA YIN NO, ,CI'I PHYIR ZHE NA, BSHAD PA, THAL BA DANG BZLOG PA'I SGRUB PAR BYED PA GANG YIN PA DE DAG GO BAR BYED PA MA YIN PA'I PHYIR RO, ,GAL TE THAL BA'I GTAN TSIGS DGAG PA LA GO BAR BYED PA MI 'DOD PA MA YIN NAM ZHE NA, BDEN TE, RTZA BA'I GTAN TSIGS KYI KHYAB PA SGRUB PAR BYED BA NI 'DOD PA KHO NA YIN PAS DE LA GO BAR BYED PA MA YIN PAR BRJOD BA YIN NO, ,GO BAR BYED PA MA YIN PA NYID GANG LAS SHE NA, SEMS PA CAN DANG SKYE BA CAN DANG MI RTAG PA DE GNYIS 'GAL BA MA GRUB PA'I PHYIR RO, ,GAL TE SEMS PA CAN DANG DE 'GAL BA YIN NA, DE LTAN NI DE DAG SEMS BA MED PAS KHYAB PAR 'GYUR GYI GZHAN DU NI MA YIN NO, ,'O NA 'GAL BA CI'I PHYIR MA GRUB CE NA, BSHAD PA, CIG SHOS NYE BA LAS SNGAR RGYU MA TSANG BA MED PA GANG LA YOD PA DE RGYUN RJES SU 'BREL PAR 'BYUNG BA LAS BLTAR RUNG BA'I ME GCIG YOD PAS MED PA'I PHYIR 'GAL BAR 'GYUR BA 'AM, PHAN TSUN SPANGS PA STE RNAM PAR GCAD PAS GNAS PA MTSAN NYID DE'I RANG BZHIN GANG YIN PA DE'I NGO BOS 'GAL BAR GRUB PA YIN TE, 'GAL BA 'DI DAG NI LE'U GNYIS PAR RGYAS PAR BSHAD ZIN TO, ,GTAN TSIGS GNYIS DANG SEMS PA YOD PA LA NI 'GAL BA 'DI RNAM PA GNYI GA YANG GRUB PA MA YIN TE, DE'I PHYIR THAL BA DANG BZLOG PA'I GTAN TSIGS DAG GO BAR BYED PA MA YIN NO, ,'O NA KHYED JI LTAR GO BAR BYED PA YIN ZHE NA, GCIG LA NI ZHES SMOS SO, ,JI SKAD BSHAD PA'I 'DRES PAS RNAM PAR MA BCAD PA DES STONG PA NYID KYI PHYIR YUL LA SOGS PA THA DAD PA CAN GYI RDZAS GANG YIN PA DE DAG DANG LDAN PA YOD PA MA YIN NO, ,CI'I PHYIR ZHE NA, RANG BZHIN GZHAN DE MED PA DANG DE YOD PA NI PHAN TSUN RNAM PAR BCAD PAS GNAS PA'I RANG BZHIN DE 'GAL BA'I PHYIR RO, ,YUL LA SOGS PA DU MA CAN DANG LDAN PA NI SNGA MA BZHIN DU DU MA NYID @12A *, ,KYIS KHYAB PA YIN TE, GCIG NYID NI DU MA MED PA YIN LA DU MA NYID KYANG DU MA LA YOD PA LA GNAS PA KHO NA'I PHYIR THAL BA'I GTAN TSIGS GO BAR BYED PA YIN NO, ,DE GO BAR BYED PA NYID YIN PA NA YANG BZLOG PA'I GTAN TSIGS KYANG GO BAR BYED PA NYID DU BRJOD PAR 'GYUR BAS YANG MA BSHAD DO, ,THAL BAR 'GYUR BA'I DON 'DI NYID SNGON GYI SLOB DPON GYIS THAL BAR 'GYUR BA RNAMS LA YOD PAR STON PAR BYED DO, ,'DIS YAN LAG CAN 'GOG PAR BYED PAS NA DGAG PA NI GZHUNG NGO, ,DE LA SOGS PA SPYI'I 'GOG PA LA SOGS PA'I GZHUNG GANG DAG YIN PA DE DAG STE, DE RNAMS SU'O, ,RNAM PA DE LTA BU ZHES BYA BA GCIG DU MA LA YOD PA'O, ,CI STE KHAS LEN NA NI BSTAN BCOS KYIS GNOD PA'I PHYIR RO, ,KHAS MI LEN NA NI GZHI MED PA'I PHYIR GANG GI TSE 'GOG CE NA, GRUB PA'I MTHA' KHAS LEN PA'I RGYU MTSAN DPYAD PA'I SKABS SU BAB PA'I TSE, KHAS LEN PA'I DUS SU 'GOG PA YIN NO ZHES BYA BA'I THA TSIG GO, ,DE LTA MA YIN TE DE MED PAR 'GYUR NA KHAS BLANGS NAS RNAM PAR DPYOD PAR 'GYUR TE, BSTAN BCOS LAS GRUB PA'I YAN LAG CAN 'DZIN PA'I PHYIR RO,, DE YANG MI 'THAD PA'I PHYIR DE YOD PA NA DGAG PA YIN NO, ,GAL TE DE KHAS LEN PA'I DUS SU DER BSHAD PA'I DON BZUNG BA YIN GYI, DE'I DON DGAG PA NI MA YIN NO ZHE NA, BSHAD PA, GANG GI PHYIR DU MA LA YOD PA NYID KHAS BLANGS PA NI GCIG NYID BTANG BA MED NA MED PA YIN PA DE'I PHYIR CHOS GNYI GA YOD PA 'GOG PA YIN NO, ,DGAG PA 'DI 'DRA BA DE'I KHAS BLANGS PA'I SGO KHO NA NAS YIN PA DES NA KHAS BLANGS PA'I DUS SU 'GYUR BA YIN NO ZHES BYA BA'I DON TO, ,GCIG KHAS BLANGS PA 'AM, GZHAN BTANG BA NYID BSTAN BCOS MED PAR GA LA 'GYUR ZHE NA, BSHAD PA, GCIG NYID DANG DU MA LA YOD PA NI 'GAL BA'I PHYIR RO, ,'DI SKAD BRJOD PA YIN TE, CHOS 'DI GNYIS MI MTHUN PAR NI DNGOS PO NYID KYIS GRUB PA YIN NO, ,BSTAN BCOS KHAS LEN PA'I DUS SU NI GCIG KHAS LEN PA DANG GZHAN BTANG BA @12B DAG GIS RJES SU RTOGS PAR BYED PA YIN GYI, DE DAG BSTAN BCOS LAS GRAGS BA NI MA YIN NO, ,RANG GI SGRA'I RNAM PAR GCAD BAR BYA BA BSHAD NAS, DON GYI SGRA'I RNAM PAR GCAD PAR BYA BA BSHAD PA'I PHYIR DON MED PA ZHES SMOS SO, ,CI 'DRA BA ZHIG CE NA, RTOGS PAS SGRO BTAGS PA'O, ,PHYOGS DANG MTHUN PA'I PHYOGS DAG LAS GANG YANG RUNG BA NI DE DAG GI SPYI'I PHYOGS GCIG GO, ,YANG JI LTAR PHYOGS DANG MTHUN PHYOGS KYI KHONGS SU 'DUS BA RTOGS PAS SGRA BRTAGS PA YIN ZHE NA, 'DIR ZHES SMOS SO, ,GANG GI PHYIR MI RTAG PA NYID SGRUB PA LA SGRA DANG BUM PA DAG GAM, RTAG PA SGRUB PA LA SGRA DANG NAM MKHA' DAG GIS GANG YANG RUNG BA'I YAN LAG GI NYE BA GANG YIN PA DE NI DNGOS PO LA YOD PA MA YIN NO, ,'O NA CI 'DRA BA ZHIG CE NA, SMRA BA PO'I BRJOD PAR 'DOD PAS BYAS PA YIN TE ZHES SMOS SO, ,CI'I PHYIR ZHE NA, BRJOD PAR 'DOD PAS DE MED NA BRJOD PAR 'DOD PA NYE BA NYID DANG CIG SHOS NYE BA MA YIN PA'I NYE BA DANG BSKAL PA NYID MED PA'I PHYIR RO, ,RE ZHIG JI SRID DU MI RTAG PA SGRUB PAR 'DOD PA DE SRID DU BUM PA NI SGRA DANG NYE BA YIN TE, SPYI GCIG GI YAN LAG YIN PA'I PHYIR RO; NAM MKHA' NI BSKAL PA YIN TE, CI DE LAS PHYI ROL DU GYUR PA'I PHYIR RO, ,GANG GI TSE MI 'DOD PA DE'I TSE NI NYE BA DANG BSKAL PA DE DAG LDOG BAR 'GYUR RO, ,'DI SNYAM DU, DNGOS PO'I RANG BZHIN YANG LDOG PA'I CHOS YIN NO SNYAM NA, BSHAD PA, NYE BA DANG BSKAL PA DAG DNGOS PO'I RANG BZHIN YIN NA NI PHYI NAS BRTAGS PA'I YUL GZHAN BRJOD PAR 'DOD PAR 'GYUR BAS BUM PA NI BSKAL PAR 'GYUR LA, NAM MKHA' NI NYE BAR 'GYUR BA DE 'DRA BA'I GZHAN DU 'GYUR BA MI RIGS PA'I PHYIR RO, ,DON 'DI YIN TE, DNGOS PO'I RANG BZHIN LDOG PA YIN DU ZIN KYANG BRJOD PAR 'DOD PA TZAM GYIS NI DE LDOG PAR MI 'THAD DE, DNGOS PO RNAMS KYI RANG BZHIN NI BRJOD PAR 'DOD PA DANG 'BREL BA MA YIN PA'I PHYIR RO, ,GZHAN YANG GANG GI TSE GNYIS DUS GCIG TU PHAN TSUN 'GAL BA'I RTAG PA DANG, MI RTAG PA NYID @13A *, ,SGRUB PAR 'DOD PA DE'I TSE BUM PA DE NYID NYE BA DANG BSKAL BAR 'GYUR LA, NAM MKHA' YANG 'GYUR BA YIN LA, DNGOS PO GCIG LA CIG CAR YON TAN 'GAL BA NYE BA DANG MI NYE BA DAG BSDU BA MI 'THAD DE, DE'I PHYIR NYE BA DANG BSKAL BA NI BRJOD PAR 'DOD PAS BYAS PA YIN NO, ,GANG GI TSE RNAM PA 'DI LTA BU'I SGRUB PAR BYED PA'I NGAG NI BYED PA PO'I 'DOD PA TZAM GYI RJES SU BYED PA YIN PA DE'I PHYIR DNGOS PO'I RANG BZHIN LA RAG LAS BA NI MA YIN NO, ,CI'I PHYIR ZHE NA, DNGOS PO NI DE LTAR 'DOD PA TZAM GYI RJES SU BYED PAS MI 'JUG PA'I PHYIR TE MI GNAS PA'I PHYIR RO, ,DNGOS PO'I 'DOD PAS MI 'JUG PA NI MNGON SUM GYIS GRUB PA YIN TE, DE LTAR MA YIN NA NI SU YANG DBUL POR MI 'GYUR RO, ,DE'I PHYIR 'DOD PAS SBYAR BA'I PHYOGS DANG MTHUN PA'I PHYOGS NYID LA SOGS PA DE LAS NI PHYI ROL GYI DNGOS PO DES PA MA YIN NO, ,CI'I PHYIR ZHE NA, DNGOS PO'I RANG BZHIN DAG NYE BA DANG BSKAL PAR MA GRUB PA'I PHYIR RO, ,GRUB NA NI DNGOS PO GRUB PAR 'GYUR RO, ,DPER NA ZHES BYA BA LA, GONG BU'I KHYAD PAR 'GA' ZHIG TU RVA CAN NYID LA 'KHRUL PA MED PA CI 'DRA BA DE 'DRA BA'I RANG BZHIN GYI CHOS MTHUN PA MTHONG NAS SO, ,GONG BU 'DI NI ZHES BYA BA NI CHOS CAN NO, ,RVA CAN YIN ZHES BYA BA NI BSGRUB PAR BYA BA'O, ,BA LANG DANG BA ME NA GANG YANG RUNG BA ZHIG YIN PA'I PHYIR ZHES BYA BA NI GTAN TSIGS SO, ,DE LA CHOS MTSUNGS PA CAN GYI KHYAD PAR BA LANG DANG BA MEN GYI PHYOGS GCIG NYID NI DNGOS PO YIN PAR MNGON SUM NYID DU GRUB PA YIN TE, DES NA RVA CAN NYID GRUB PA KHO NA'O, ,CI STE YANG ZHES BYA BA LA, RJOD PAR 'DOD PA BRJOD PAR 'DOD PAS YUL DU BYAS PA NYID NI GRUB PA YIN TE, GANG YANG RUNG BA NYID NI MA YIN NO ZHES BYA BA NI 'DI GNYIS KYI BYE BRAG GO, ,BRJOD PAR 'DOD PA LA GNAS PA'I RANG BZHIN NI BRJOD PAR 'DOD PA TZAM ZHIG YOD PA LAS GRUB PO, ,DNGOS PO LA GRUB PA'I GTAN TSIGS LA NI @13B BRJOD PAR 'DOD PA LA GNAS PAR GRUB BAS THA MI DAD PAR LHAG PAR ZHE NA PA'I SGO NAS PHYI ROL GYI DNGOS PO GRUB PA YIN NA, 'DIR NI MA YIN NO, ,DE BSHAD PA NI, DON GYIS STONG PA ZHES BYA BA YIN NO, ,GTAN TSIGS DE LAS PHYI ROL GYI DON GRUB PA NI MA YIN NO, ,DNGOS PO JI LTA BA BZHIN BRJOD PAR 'DOD PA MA YIN NAM, DE JI LTAR MA GRUB PA YIN NO ZHE NA, DNGOS PO LA 'JUG PAR NGES PA MED PA'I PHYIR RO, ,DE CI'I PHYIR ZHE NA, 'DI LTAR ZHES SMOS SO, ,DE LTAR NI BLTA BAR NUS PA MA YIN TE, MTHONG BAR NUS PA MA YIN NO, ,MNGON SUM DANG 'GAL LO ZHES BYA BA'I DON TO, ,DE GANG ZHE NA, GANG LA DE'I BRJOD PAR 'DOD PA YOD PA DER DNGOS PO YOD PA YIN NO ZHES BYA BA 'DI'O, ,NUS PA MA YIN PAS NA 'DOD PA LA DNGOS PO YOD PAS KHYAB PA MA GRUB PA'I PHYIR 'DOD PA DNGOS PO LA 'KHRUL BAR 'GYUR RO, , BRJOD PAR 'DOD PA NYID BSAL BA 'DIS NI NGAS KHAS BLANGS PA YIN PA'I PHYIR ZHES BYA BA LA SOGS PA DANG, LUNG LAS MTHONG BA DAG GTAN TSIGS MA YIN PAR BSHAD PA YIN NO, ,'DOD PAS BYAS BA BSAL MOD, LUNG LAS GRUB PA GO CI LTAR ZHE NA, TSIG NI ZHES SMOS TE, TSIG GI BDAG NYID KYI LUNG NI 'DOD PA LA RAG LAS PA YIN LA, 'DOD PA YANG DNGOS PO DANG 'BREL PA MA YIN PA'I PHYIR BSAL BA YIN NO, ,RTOGS PA ZHES BYA BA RTOGS PAS SGRO BTAGS PA'I CHOS DANG LUNG DE DAG NI DE DAG NYID KYI BYED PA PO'I 'DOD PA TZAM DANG RJES SU 'BREL PA YIN PA DANG, DNGOS PO 'ANG 'DOD PA MED PAR GZHAN DU YOD PAR 'GYUR BA DE'I PHYIR RTOGS PA DANG LUNG DES BYAS PA NI PHYI ROL LA 'KHRUL PA YIN NO, ,GAL TE BSGRUB PAR BYA BA YANG RANG GIS MTHONG BA YIN LA, SGRUB PAR BYED PA YANG YIN PA MA YIN NAM, DE JI LTAR RANG GIS MTHONG BA'I SGRAS SGRUB PAR BYED PA 'BA' ZHIG GZUNG BA YIN ZHE NA, BSHAD PA, DON GYIS NI TSUL GSUM PA'I RTAGS BRJOD PA SGRUB PAR BYED PA YIN LA, PHYOGS KYI TSIGS NI SGRUB PAR BYED PA MA YIN NO ZHES BSHAD PA YIN NO, ,RANG GIS MTHONG BA GSAL BAR BYED PA @14A *, ,RJES SU DPAG PA YIN NO ZHES BRJOD LA, RJES SU DPAG PA YANG TSUL GSUM STON PAR BYED PA YIN GYI, BSGRUB PAR BYA BA BRJOD PA NI MA YIN NO ZHES BYA BA NI DON GYI SHUGS YIN NO, ,PHYOGS BRJOD PA JI LTAR SGRUB PAR BYED PA MA YIN ZHE NA, 'DI LTAR PHYOGS DANG GTAN TSIGS BRJOD PA DAG DON LA DNGOS SU NUS BA MED DE, DON GYIS DON RTOGS PA'I RGYU'I PHYIR RO, ,DE NA DE DAG RANG NYID LAS TE, RANG GI NGO BO LAS NI SGRUB PAR BYED PA NYID DU RNAM PAR GNAS PA YOD PA MA YIN NO, ,DON GYIS DON RTOGS PA NYID BSHAD PA NI DON NYID KYIS YIN GYI, BRJOD PAS NI MA YIN TE, 'BREL PAS NGES PA MI 'KHRUL BA DE MED PA'I PHYIR RO, ,DES NA BRJOD PA NI RANG NYID DE RANG GI NGO BO NYID KYIS DON SGRUB PAR BYED PA'I PHYIR NI SGRUB PAR BYED PA MA YIN NO, ,GZHAN YANG GAL TE 'DI SGRUB PAR BYED PA YIN NA NI DE'I PHYIR DE LAS NGES PAR 'GYUR BA YIN NA; PHYOGS KYI TSIG LAS NI BSGRUB PAR BYA BA'I DON LA THE TSOM ZAB MTHONG GIS NGES PA NI MA YIN NO, ,NA'I SGRAS NI SGRUB PAR BYED PA ME YIN PA PHYOGS KYI TSIG GTAN TSIGS KYI TSIG LAS KHYAB PAR BYA BA YOD PA YIN ZHES BYA BA YIN NO, ,BSGRUB PAR BYA BA BRJOD PA'I PHYIR BRGYUD PAS KYANG RTOGS PAR BYED PA'I NUS PA MED DE, DE'I PHYIR NA PHYOGS KYI TSIG NI SGRUB PAR BYED PA MA YIN NO, ,GTAN TSIGS BRJOD PAS NI NUS PA STON PAR BYED PA YIN PAS DRAN PA'I RGYU YIN TE, DES NA RJES SU DPAG PAR 'GYUR RO, ,'DI NYID RNAM PAR DGROL BA'I PHYIR BRGYUD PAS KYANG ZHES SMOS TE, THE TSOM DU GYUR PA'I BSGRUB PAR BYA BA NYID BRJOD PA'I PHYIR RO, ,GAL TE DE TZAM GYIS NGES NA NI GTAN TSIGS MED KYANG 'GYUR TE, GTAN TSIGS KYI TSIG YOD KYANG DE NYID BRJOD PA'I PHYIR RO, ,GTAN TSIGS KYI TSIGS NI MI 'KHRUL BA'I PHYIR, NUS PA BSGRUB PAR BYA BA'I LAS GZHAN DU 'GYUR BA RJOD PAR BYED PA YIN TE, DE'I PHYIR NYE BAR BRTAGS NAS SGRUB PAR BYED PA YIN NO, ,SGRAB PAR BYED PA DRAN PA'I RGYU YIN PA'I PHYIR TSIG LA SGRUB PAR BYED PA NYID DU GDAGS SO, ,GAL TE DNGOS SU SGRUB PAR @14B BYED PA MA YIN YANG DE DRAN PA'I RGYU YIN PA'I PHYIR SGRUB PAR BYED PA NYID YIN NA, PHYOGS KYI TSIG DE LAS GTAN TSIGS KYI TSIG 'JUG PA'I PHYIR DE YANG NUS PA DRAN PA'I RGYU NYID KYIS NUS PA'I SGRUB PAR BYED PA NYID DO ZHE NA, RE ZHIG SNGAR GYI RTOGS PA PO CI SGRA BRTAG PA YIN NAM 'ON TE MA YIN ZHES THE TSOM ZA'O, ,THE TSOM LAS NI SHES PAR 'DOD PAR 'GYUR LA, SHES PAR 'DOD PA DE LAS NI GTAN TSIGS KYI SBYOR BA'I SKABS MNGON PAR 'DOD PA'I BDAG NYID CAN 'JUG CING, DE LAS NI GTAN TSIGS KYI TSIG YIN TE, DE'I PHYIR THE TSOM DANG SHES PAR 'DOD PA DANG, SKABS DE DAG KYANG RJES SU DPAG PAR THAL BAR 'GYUR RO, ,DE DAG LAS KYANG GTAN TSIGS KYI TSIG 'JUG PA'I PHYIR RO, ,CI STE GCIG GIS RAB TU SBYAR BA'I TSIG NYID GZHAN GYI DON GYI RJES SU DPAG PA YIN NO ZHE NA, DE LTA NA YANG GANG GI TSE RGOL BA DE NYID SGRA RTAG PA'O ZHES TSIG 'GA' ZHIG SMRAS PA NA, RGOL BAS RAB TU SBYAR BA DE LAS ZUR NA 'DUG BA 'GA' ZHIG THE TSOM DU GYUR PA NA, RGOL BA DE NYID PHAN PAR 'DOD PAS DE BZLOG PA'I PHYIR GNYEN POR MI RTAG PA NYID KYI GTAN TSIGS KYI TSIG 'GOD PAR SRID PA YIN TE, DE'I PHYIR MI MTHUN PA'I TSIG DE YANG GTAN TSIGS KYI TSIG DE DANG LHAN CIG SKYES BU GCIG LA BRTEN PA SGRUB PAR BYED PAR 'GYUR RO, ,GANG GI PHYIR HA CANG THAL BAR 'GYUR BA DE'I PHYIR RO, ,NANG GI YAN LAG NI BAR MA CHOD PA'I PHYIR RO, ,TSUL GSUM PA'I RTAGS DE LA DRAN PA 'JOG PAR BYED PA NYID NI NANG GI YAN LAG GI GTAN TSIGS NYID KYI TSIG LA GNAS PA YIN NO, ,DON NI 'DI YIN TE, DON NI SHES PAS GO BAR BYED PA YIN GYI, SGRON MA BZHIN DU RUNG BA TZAM GYIS NI MA YIN NO, ,DES NA TSIG GANG GIS DE SEMS LA 'JUG PAR BYED PA DE NYID SGRUB PAR BYED PA YIN GYI GZHAN NI MA YIN NO, ,GTAN TSIGS KYI BYED PA'I YUL MA BSTAN NA GTAN TSIGS KYI BYED PA MI SRID PAS PHYOGS KYI TSIG NI DE STON PA NYID KYIS NUS PA YIN GYI, NUS PA DRAN PAR BYED PAS NI MA YIN NO ZHE NA, 'DI LA ZHES SMOS TE, 'DI LTAR GO BAR BYA BA MED NA GTAN @15A *, ,TSIGS GO BAR BYED PA MA YIN PA DE BZHIN DU RTOGS PAR BYA BA THE TSOM MI ZA BA NA YANG MA YIN TE, DE'I PHYIR THE TSOM LA SOGS PA LA YANG THAL BAR 'GYUR RO ZHES GANG BRJOD PA DE NI 'DI LA YANG MTSUNGS PA YIN NO, ,CI STE GCIG GIS RAB TU SBYAR BA'I GTAN TSIGS NYID RJES SU DPAG PA YIN NO ZHE NA, DE LTA YIN NA YANG YUL STON PAR BYED PA MED KYANG DON GYI YUL GO BAR 'GYUR RO, ,GANG CUNG ZAD CES BYA BA LA SOGS PA KHYAB PA'I TSIG GIS BYAS PA MI RTAG PA LA NGES PAR BSTAN NAS SGRA YANG BYAS PA YIN NO ZHES PHYOGS KYI CHOS BRJOD PAS SGRA LA BSTAN PA'I PHYIR 'DI NYID DER NUS PA YIN NO, ,DE'I PHYIR GDON MI ZA BAR BSTAN BAR BYA BA MA YIN NO, ,PHYOGS MED KYANG GO BAR BYED PA NA GO BAR BYED PA NYID YIN PA DES NA PHYOGS NI MA BRJOD KYANG 'GRUB PA LA GEGS MED PA'I PHYIR TSUL GSUM PO 'DI DAG NYID MA BRJOD NA GRUB PA LA GEGS SU 'GYUR BAS DE DAG NYID LAS GANG YANG RUNG BA ZHIG MA BRJOD NA SGRUB PA MA TSANG BA'I SKYON DU 'GYUR RO, ,DE BSTAN BA MED NA MED PA NI MI 'KHRUL BA NYID DE, DE MA YIN PA'I PHYIR RO, ,DE MED KYANG SGRUB PAR BYED PA YIN PA'I PHYIR BRJOD PAR MI BYA'O ZHE NA, BRJOD PAR BYA BA YIN TE, SGRUB PAR BYED PA'I YAN LAG YIN PA'I PHYIR NI MA YIN NO, ,'ON KYANG BSGRUB PAR BYA BA'I RANG BZHIN LA PHYI NA CI LOG TU BSGRUB PAR BYA BA MA YIN PA DANG, BSGRUB PAR BYA BA'I RANG BZHIN NAM MKHA'I YON TAN LA SOGS PA LA PHYIN CI LOG TU BSGRUB PAR BYA BA NYID DU STE, PHYIN CI LOG DE DANG LDAN PA'I LOG PAR RTOGS PA MTHONG BA'I PHYIR DE BZLOG PA'I PHYIR RO, ,NGO BO ZHES BYA BA NI RJES SU DPAG PAR BYA BA'I STE, BSGRUB PAR BYA BA'I RANG GI NGO BO NYID DO, ,DE NA BSGRUB PAR BYA BA NYID DU 'DOD PA GANG YIN PA'O, ,BSGRUB PAR BYA BA NYID DU 'DOD PA YIN YANG GANG GI TSE SGRUB PAR BYED PA NYID DU BRJOD PA DE'I TSE YANG PHYOGS MA YIN PO NYID DO ZHES BYA BA NI KHO NA'I SGRA LAS SO, ,RANG NYID CES BYA BA NI BDAG NYID 'DOD PA'O, ,MA BSAL BA NYID MNGON SUM LA SOGS PA'O, ,PHYOGS KYI MTSAN NYID 'DIR NGO BO @15B DANG TSIG PHRAD DANG 'DOD PA DANG RANG NYID DE, RANG NYID NGO BO'I TSIG GI DON RNAMS NYE BAR BZUNG BA NA, NGO BO DANG TSIG PHRAD DANG 'DOD PA DANG RANG NYID CES BYA BA'I NGAG TU 'GYUR RO, ,'DI DAG NYID TSIG YIN TE, NGO BO DANG TSIG PHRAD DANG 'DOD PA DANG RANG NYID KYI TSIG 'DI BZHIS MA GRUB PA DANG, SGRUB PAR BYED PA MA YIN PA DANG DON GYIS BRJOD PA DANG RGOL BA'I 'DOD PA GZUNG BAR RIG PAR BYA'O, ,GZUNG BA DES NA'O, ,MNYAN PAR BYA BA ZHES BYA BA NI MNYAN PAR RUNG BA NYID MNGON SUM GYIS GRUB PA BSAL BA YIN NO ZHES 'BREL TO, ,RANG GI NGO BO SMOS PAS NI MA GRUB PA GZUNG BA YIN PA'I PHYIR GRUB PA BSAL BA YIN NO, ,KHO NA'I SGRAS MA GRUB KYANG SGRUB PAR BYED PA NYID DU 'DOD PA GANG YIN PA DE BSAL BA, DE GANG ZHE NA, MA GRUB PA'I GTAN TSIGS DANG DPE DAG GO, ,DPER NA, SGRA MI RTAG STE BYAS PA'I PHYIR BUM PA BZHIN NO ZHES BYA BA LA, MNGON BAR GSAL BAR SMRA BA LA GTAN TSIGS MA GRUB PA DANG, GRANGS CAN BA LA DPE YANG MA GRUB PA BZHIN NO, ,'DOD PA SMOS PAS NI MI 'DOD PA BSAL TE, BSGRUB PA NYID DU 'DOD PA'I SKABS KYI RTEN MA YIN PA BSAL BA YIN NO, ,BSTAN BCOS LA BRTEN NAS NI RTZOD PAR BYA BA MA YIN MOD KYI, BSTAN BCOS KHAS BLANGS KYANG NAM MKHA'I YON TAN LA SOGS PA MED NA MI 'BYUNG BA MA YIN PA BSGRUB BAR BYA BA DANG MA 'BREL PA BSTAN BCOS LAS MTHONG BA NI RGOL BA'I KHAS BLANGS PA YIN PA BSAL BA YIN NO, ,GAL TE BSGRUB PAR BYA BA DON GYIS BRJOD PA YIN YANG SGRAS MA ZIN PA'I PHYIR JI LTAR MA THOS NA RGOL BAS BSGRUB PAR BYA BA NYID DU 'DOD PA YIN ZHE NA, SKABS KYIS TE, SGRUB PAR BYED PA 'GOD PA'I RTEN NYID KYI SKABS SU BAB PA YIN NO ZHES BYA BA'I DON TO, ,DE CI 'DRA BA ZHIG CE NA, MIG LA SOGS PA 'DUS PA RNAMS SPYIR GZHAN GYI DON YIN PAR GRUB PA NA, BDAG NYID GZHAN YIN PA'I PHYIR GZHAN GYI DON NI BDAG GI DON NYID DO, ,BDAG GI DON DE NI MA SMRAS SU ZIN KYANG DE'I DON NI SGRUB PAR BYED PA BKOD PA'I PHYIR BSGRUB PAR BYA BA NYID DU 'DOD PAS KHYAB PA'I SKABS SU BAB PA'I BSGRUB @16A *, ,PAR BYA BA NI DE YIN NO ZHES RTOGS PAR BYA BA'I PHYIR 'DOD PA SMOS SO, ,SKABS KYI RTEN DU GYUR PA'I BSGRUB PAR BYA BA'I CHOS 'DI NYID NI LTOS PA LAS CHOS DANG CHOS CAN GYI KHYAD PAR YIN NO, ,DNGOS PO LAS NI KHYAD PAR DANG KHYAD PAR CAN GYI 'BREL PA YOD PA NI MA YIN GYI, 'ON KYANG SGRA'I YUL NYID DO, ,DES NA MA ZIN PA'I DON NYID NI 'GAL BA YANG KHYAD PAR MA YIN NO, ,GANG GI TSE SGRAS CHOS KYI YUL DU NYE BAR 'GOD PA DE'I TSE NI CHOS KYI KHYAD PAR YIN LA, GANG GI TSE CHOS CAN GYI YUL DU 'GOD PA DE'I TSE NI CHOS CAN GYI KHYAD PAR YIN PA'I PHYIR SGRAS NYE BAR BKOD PA LA LTOS TE GNYI GA'I KHYAD PAR DU 'GYUR BA YIN NO, ,'DI NI ZHES BYA BA NI MIG LA SOGS PA'I CHOS CAN DAG GO, ,GZHAN GYI DON YIN NO ZHES BYA BA NI CHOS SO, ,'DUS PA MA YIN PA'I YUL CAN ZHES BYA NI CHOS KYI KHYAD PAR TE, CHOS DANG GZHI MTHUN PA YIN PA'I PHYIR RO, ,'DI LA MIG LA SOGS PA RGYUN BRGYUD MAR 'BYUNG BA DE DAG NI GZHAN GYI DON YIN NO, ,'DUS PA NYID KYANG DUS KYI KHYAD PAR LA MI LTOS PA YIN TE, DES NA RIM GYIS SAM CIG CAR GYIS 'DUS PA GANG YIN PA DE NI 'DIR 'DUS PA'I RANG BZHIN YIN NO, ,RNAM PAR SHES PA YANG RIM GYIS DU MA'I RANG BZHIN YIN TE, DES NA 'DUS PA MA YIN PA'I YUL CAN GZHAN GYI DON NI BDAG GI YUL CAN KHO NA YIN NO, ,'DI DAG NI 'DUS PA MA YIN PA'I DON 'DUS PA MA YIN PA'I CHED DO, ,NGAG 'DI LA NI 'DUS PA MA YIN PA NYID CHOS CAN MIG LA SOGS PA'I KHYAD PAR DU NYE BAR BZUNG BA YIN NO, ,DE LTAR SGRAS NYE BAR GZHAG PA LAS CHOS DANG CHOS CAN GYI KHYAD PAR RNAM PAR GZHAG PA TZAM ZHIG THA DAD PAR ZAD KYI DON NI GCIG KHO NA'O, ,BSGRUB PAR BYA BA NYID DU 'DOD BAS KHYAB PAR CHOS DANG CHOS CAN GYI KHYAD BAR DU SLOB DPON BZHED PA YIN NO ZHES BYA BA GA LAS SHE NA, SKABS SU BAB PA'I BSGRUB BYA 'DI LAS DON GZHAN YIN NA 'BREL BA GANG GIS MA SMRAS PA'I KHYAD PAR SMRAS PA'I BSGRUB BYA'I CHOS KYIS 'PHEN PAR 'GYUR BA'I STE, BSGRUB @16B BYA NYID DU BYED PAR 'GYUR BA DE DAG LA 'BREL PA CI ZHIG YOD PA DE DAG MED DO, ,CHOS CAN GYIS DE 'PHEN PA NI MA YIN TE, DE LA RAB TU MA GRUB PA'I PHYIR RO, ,SGRUB PAR BYED PAS KYANG MA YIN TE, DE'I DON DU MA YIN PA'I PHYIR RO, ,LHAG MAR GYUR PAS SMRAS PA'I BSGRUB BYA'I CHOS KYI SKABS SU BAB PA MA YIN PA'I CHOS BSGRUB BYAR BYED GRANG NA, DE YANG 'BREL BA MED PA'I PHYIR 'PHEN PAR BYED PA MA YIN TE, HA CANG THAL BAR 'GYUR BA'I PHYIR RO, ,SKABS SU BAB PA MA YIN PA'I KHYAD PAR THAMS CAD BSGRUB BYA NYID DU THAL BAR 'GYUR TE, KHYAD PAR MED PA'I PHYIR RO, ,'GYUR MOD CE NA DE LTAR YIN DANG STE, SKABS SU GTOGS BA MA YIN PA'I CHOS THAMS CAD BSGRUB BYA NYID YIN DANG, ,GDON MI ZA BAR CHOS 'GA' ZHIG BZLOG PAS KHYAB PA'I PHYIR GTAN TSIGS THAMS CAD 'GAL BAR 'GYUR LA, DPE THAMS CAD KYANG BSGRUB PAR BYA BAS STONG PAR 'GYUR RO, ,CI'I PHYIR ZHE NA, MTHAR MTHONG BA MED PA DE SNYED NI CHOS CAN 'GAR YANG RJES SU 'GRO BA MED PA'I PHYIR RO, ,'GA' ZHIG BZLOG PAS KHYAB PA DANG, 'GA' ZHIG TU YANG BSGRUB BYA RJES SU 'GRO BA MED PA YIN NO, ,'DIR NI BSGRUB BYAS STONG PAS GTAN TSIGS RJES SU 'GRO BA THE TSOM ZA BA'I PHYIR MA NGES PA YIN NO, ,GTAN TSIGS DANG DPE'I SKYON YOD PA YIN PA DE'I PHYIR GANG LAS KYANG BSGRUB BYA GANG YANG RTOGS PAR MI 'GYUR RO, ,SMRAS PA'I CHOS NYID RJES SU 'GRO BA MED PA YIN NA SKYON 'DIR 'GYUR GYI, CHOS GZHAN RJES SU 'GRO BA MED PA LA NI MA YIN NO ZHE NA, DE LTAR MA YIN TE, BSGRUB BAR BYA BA NYID DU KHYAD PAR MED PA'I PHYIR RO, ,BSGRUB BAR BYA BA'I DON 'GA' ZHIG PO GANG YIN PA DE MA TSANG BAS DPE BSGRUB PAR BYA BAS STONG PA DANG, DE LAS BZLOG PA BSGRUB PA'I PHYIR GTAN TSIGS 'GAL BA YIN NA, SMRAS PA DANG MA SMRAS PA YANG BSGRUB BYA NYID DU MTSUNGS PAS NA SKYON DU 'GYUR BA NYID DO, ,GZHAN YANG GAL TE SMRAS PA NYID LA BRTEN NAS 'GAL BAR 'GYUR BA YIN NA, 'DOD PA LA GNOD PAR BYED PA YANG 'GAL BA NYID @17A *, ,DU MI 'GYUR TE, CI'I PHYIR ZHE NA, GANG GI PHYIR 'GAL BA NYID DE NI BSGRUB PAR BYA BA LAS BZLOG PA NYID LA 'JUG PAS NA GTAN TSIGS KYIS BSGRUB PAR BYA BA DE LAS BZLOG PA BSGRUB PA'I MTSAN NYID DE, RANG BZHIN YIN PA DE'I PHYIR 'DOD PA LA GNOD PAR BYED PA 'GAL BA NYID DU MI 'GYUR RO, ,'DOD PA YANG YIN TE, DE'I PHYIR MA BRJOD PA RJES SU 'GRO BA MED PA LA YANG 'GAL BA NYID LA SOGS PA'I SKYON DU 'GYUR BA YIN NO, ,SKYON GNYIS PO DE'I PHYIR NA, SKABS KYI RTEN DU GYUR PA 'DOD PA'I CHOS NI CHOS DANG, CHOS CAN GYI KHYAD PAR YIN NO, ,DES NI DE LA NI RJES SU 'GRO BA MED PA'I SKYON 'DOD PA YIN NO, ,SLOB DPON DBYIG GNYEN GYIS JI SKAD DU GZHAN GYI DON ZHES BYA BA 'DIR GAL TE PHA ROL PO BDAG GZHAN GYI SGRAS BRJOD PAR 'DOD NA BDAG DE NI MA GRUB PA'O ZHES BSHAD PA YIN NO, , MA GRUB PA YANG BSGRUB PAR BYA BA NYID DU 'DOD PA YIN PA'I PHYIR DE LTAR DPE'I CHOS CAN LA RJES SU 'GRO BA MED PAR BRJOD PA YIN NO, ,DES NA THAMS CAD BSGRUB BYAS STONG PA NI MA YIN NO, ,'GAL BA'I CHOS KYANG SKABS SU BAB PA'I 'DOD PA DE NYID LA GNOD PA BYAS PA YIN PA'I PHYIR GTAN TSIGS THAMS CAD 'GAL BAR 'GYUR BA MA YIN NO, ,SKABS SU BAB PA MA YIN PA'I KHYAD PAR BSGRUB PAR BYA BA MA YIN PA 'BA' ZHIG TU MA ZAD KYI, MA BRJOD PA'I PHYIR GZHAN GYI DON GYI RJES SU DPAG PA LA SKABS SU BAB PA YANG BSGRUB PAR BYA BA MA YIN NO ZHE NA; GANG LA BDAG MED PA SMRA BA DANG 'GAL BA BDAG YOD PAR SMRA BA RGYU MTSAN DU BYAS NAS YOD PAR DAM BCAS PA GRUB PAR BYA BA'I PHYIR RO, ,SGRUB PAR BYED PA BKOD PA SGRUB PAR BYED PA BKOD PA'I RTEN DU 'GYUR BA DE GAL TE BSGRUB PAR BYA BA MA YIN NO ZHE NA, 'GA' YANG BSGRUB PAR BYA BAR MI 'GYUR RO, ,DE LTA YIN NA ZHES SMRAS PA TZAM ZHIG BSGRUB BYA YIN NA PHYIN CI LOG TU GRUB PA'AM, SGRUB PAR BYED PA DON MED PAR 'GYUR RO, ,PHYIN CI LOG TU GRUB PA BSHAD PA, MING GI SGRA NI MING CAN DANG 'BREL BA'I SNGON ROL NAS DON DANG LDAN PA NYID NI BSGRUB PAR @17B BYA BA'O, ,RNAM PAR DBYE BA DANG LDAN PAR MTHONG BA'I PHYIR RO ZHES PA NI GTAN TSIGS SO, ,DPE NI PHYI ROL GYI DON RNAMS DBYE BA'I MTHA' CAN GYI SGRA YIN NO, ,'DI LA BYE BRAG TU BSHAD PAR SMRA BA DAG NI DPER NA 'GRO BA'I PHYIR BA LANG ZHES RIGS KYI SGRA BYA BA'I RGYU MTSAN YIN PA DE BZHIN DU MING GI SGRA YANG LHA RNAMS KYIS BYIN PAS LHAS BYIN NO ZHES 'CHAD DO, ,BYE BRAG TU BSHAD BA MA YIN PAR SMRA BA DAG NI MING GIS SGRA MING CAN DANG 'BREL BA'I SNGON ROL DU RANG GI NGO BO TZAM GYIS MTHAR THUG PAR 'DOD DO, ,DE LA PHA ROL NI PHYI ROL GYI DON GRUB KYI RANG GI NGO BO TZAM NI MA YIN NO,, DON TZAM ZHIG SMRAS KYI BYE BRAG NI MA SMRAS TE, DES NI SGRA'I NGO BO RANG GI NGO BO TZAM GYIS DON DANG LDAN PAR MI 'GYUR LA, RNAM PAR DBYE BA MTHONG BAS DON DANG LDAN PA YANG YIN PA DE'I PHYIR NA PHYI ROL GYI DON NYID KYIS DON DANG LDAN PAR BYE BRAG TU BSHAD PA YIN PAR SMRA BA MI 'DOD PA 'GRUB PAR 'GYUR RO, ,SMRAS PA TZAM BSGRUB PAR BYA BA YIN NA 'BRAS BU MED PAR 'GYUR BAS BSTAN PA'I PHYIR BSHAD PA, 'DUS PA NYID KYI PHYIR GZHAN GYI DON GRUB KYANG BDAG GIS DON MI RTOGS SO, ,GZHAN GYI DON TZAM KHYAD PAR MED PA KHYAD PAR DANG BRAL BA'I RANG BZHIN GYI DON NYE BAR BZUNG BA NA BDAG GI DON GYIS RTOGS PA MA YIN PA BZHIN NO, ,GAL TE BDAG GI DON MA YIN NA JI LTAR GZHAN GYI DON DU 'GYUR ZHE NA, DE DAG 'DUS PA GZHAN RNAM PAR SHES PA'I DON BYED PAR NI KHAS BLANGS PA'I PHYIR RO, ,BDAG GI DON GYI MTSAN NYID KYIS GZHAN GYI DON LAS THA DAD PAR 'GYUR BA'I GZHAN GYI DON NI 'DOD PA YIN PA'I PHYIR, RGOL BA LA PHYIN CI LOG TU GRUB PA NI MED KYI, 'ON KYANG SGRUB PAR BYED PA 'BRAS BU MED PA YIN NO, ,MI 'DOD PA DANG SGRUB PAR BYED PA 'BRAS BU MED PA'I PHYIR NA SKABS SU BAB PA YIN BSAM SMRAS KYANG 'DOD PAS KHYAB BA'I CHOS NI BSGRUB PAR BYA BA YIN LA, DE MA TSANG BA LA SOGS PA GANG DAG YIN PA DANG, DE PHYIN CI LOG TU GRUB PA LA SOGS PA YANG DPE LA SOGS PA'I NYES PA YIN NA, ,DE MA TSANG BA NI DPE'I SKYON YIN LA, @18A *, ,DE PHYIN CI LOG TU SGRUB PA NI 'GAL BA STE, GTAN TSIGS KYI SKYON YIN NO, ,'DOD PA BSGRUB PAR BYA BA YIN PA'I RGYU MTSAN GYIS RJES SU 'GRO BA MED PA'I NYES PAR 'GYUR BA BSTAN PA 'DIS NI GNYIS PA DANG BCAS PA SGRUB PA LA TSU ROL MDZES PA BAS GTAN TSIGS KYI SBYOR BA BYAS PA GANG YIN PA DE RNAMS LA YANG RJES SU 'GRO BA MED PAR BSHAD PA YIN NO, ,DE RNAMS LA SBYOR BA GCIG BSTAN PA'I PHYIR BSHAD PA, MNGON PAR GSAL BA STE GSAL BA'I RANG BZHIN DU RNAM PAR GNAS PA'I SEMS CAN GYI LUS GANG YIN PA DE'I MTSAN NYID DE RANG BZHIN GANG LA YOD PA'I SKYES BU'O, ,DE DANG BUM PA DE DAG LAS GANG YANG RUNG BAS GNYIS PA DANG BCAS PA STE ZLA BO DANG BCAS PA'O, ,BUM PA NI GANG YANG RUNG BAS GNYIS PA DANG BCAS PAR BSGRUB PAR BYA BA YIN NO, ,AUTPALA MA YIN PA STE, AUTPALA LAS GZHAN YIN PA'I PHYIR ZHES BYA BA NI GTAN TSIGS KYI DON TO, ,DNGOS PO MED PA NAM MKHA' LA SOGS PA GANG LAS BUM PA DANG SKYES BU GANG YANG RUNG BA'I GNYIS PA DANG BCAS PA LDOG PA DE NYID LAS DNGOS PO'I RANG BZHIN AUTPALA MA YIN PA NYID KYANG LOG PA YIN LA, RTZIG PA LA NI GNYI GA YANG YOD PA'I PHYIR RJES SU 'GRO BA DANG LDOG PA DANG GRUB PA YIN LA, AUTPALA MA YIN PA NYID PHYOGS KYI CHOS YIN NO, ,SPYIR GNYIS PA DANG BCAS PAS NI KHYAB PA YIN TE, DES NA RJES SU 'GRO BA MED PA'I NYES PA MED CING BUM BA NYID NI BUM PA NYID PA DANG BCAS PA YIN PA'I PHYIR SHUGS KYIS DE LTA BUR GYUR PA'I SKYES BUR 'GYUR BA YIN NO ZHES BYA BA DE LA, 'DIR RTZIG PA NI GANG GI PHYIR DE LTA BUR GYUR PA ZHES BYA BA 'DOD PA MNGON PAR BSAL BA'I SEMS PA CAN GYIS GNYIS PA DANG BCAS PA STE, DON GZHAN DANG LDAN PAR MA GRUB PA DE'I PHYIR RJES SU 'GRO BA MED PA'I SKYON DU 'GYUR BA BZHIN NO, ,'ON TE SPYIR SPYI DANG LDAN PA'I GNYIS PA NYID BSGRUB PAR BYA BA YIN GYI, SKYES BUR GRUB PA'I GNYIS PA DANG BCAS PA ZHES KHYAD PAR 'PHEN PA YIN NO ZHE NA, KHYAD BAR MI 'PHEN @18B NA SGRUB PAR BYED PA'I 'BRAS BU CUNG ZAD KYANG MED PAR 'GYUR TE, GANG GI PHYIR 'GA' ZHIG GIS GNYIS PA DANG BCAS PAR NI GRUB PA'I PHYIR RO, ,YANG NA NI MI 'DOD PAR 'GYUR RO ZHES BYA BA NI DPE LA BUM PA 'BA' ZHIG GIS GNYIS PA DANG BCAS PAR GRUB PA CI 'DRA BA DE 'DRA BAR BUM PA 'BA' ZHIG GIS GNYIS PA DANG BCAS PAR NI 'GAL BA'I PHYIR MI 'DOD PAR 'GYUR BA YIN NO, ,KHYAD PAR MI 'PHEN NA SKYON GZHAN YANG BSTAN PA'I PHYIR GAL TE ZHES SMOS TE, SKYES BU'I KHYAD PAR CAN GYI GNYIS PA DANG BCAS PA DE GTAN TSIGS KYI YUL DU BYAS PA MA YIN TE, BYED PA'I GZHIR MA BYAS PA MA YIN NA JI LTAR GTAN TSIGS DES DE 'GRUB PAR 'GYUR TE, GTAN TSIGS 'DI NI DE'I DON DU MA YIN PA'I PHYIR RO, ,CI STE GTAN TSIGS 'DI LAS BSGRUB BYA DE 'GRUB PA YIN NO ZHES BYA BA'I PHYOGS 'DI YIN NA, 'O NA JI LTAR 'GRUB PA DE YUL MA YIN, GANG LAS GRUB PA DE NYID NI GTAN TSIGS DE'I YUL YIN NO, ,YUL YIN DU CHUG MOD CE NA, YUL YIN NO ZHE NA NI RANG LA BRTEN PA ZHES BYA BA DAG NYID DANG 'BREL BA LAS GYUR PA'I NYES PA'I RNAM PA NYES PA'I BYE BRAG JI LTAR BDAG GIR MI BYED, SGRUB PAR BYED PA'I SKYON LA LA NI RANG LA BRTEN PA YIN TE, DPER NA PHYOGS KYI CHOS LA BRTEN PA LTA BU'O, ,LA LA NI BSGRUB PAR BYA BA LA NI LTOS PA YIN TE, DPER NA RJES SU 'GRO BA MED PA LA SOGS PA'O, ,BDAG NYID LA BRTEN PA DE NI BSGRUB PAR BYA BA'I CHOS KYI NYE BAR SDUD PA YIN NO, ,DE NI 'DIR SHUGS KYIS BSGRUB PAR BYA BA YIN GYI SGRAS NYE BAR ZIN PA NI MA YIN TE, SGRAS ZIN PA NI SPYI YIN PA'I PHYIR RO, ,SUN 'BYIN PA NYE BAR 'GOD PA NI GANG ZHIG SGRAS ZIN PA'I DON DE'I YUL CAN YIN LA KHYAD PAR NI DON GYIS GRUB PA YIN PA DES NA SUN DBYUNG BAR BYA BA MA YIN NO ZHE NA, BSHAD PA, RGOL BA DES DE LA BRTEN PA ZHES BYA BA SKYES BUR GYUR BA'I GNYIS PA LA BRTEN PA'I GRUB PA NGES PA NI GRUB PAR BYED PA LAS RNYED PA ZHES BYA BA THOB PAR 'GYUR ZHING PHYIR RGOL BA GZHAN SUN @19A *, ,'BYIN BA NI MI 'THOB PA STE, SGRAS ZIN PA'I DON DES SUN DBYUNG BAR BYA BA YIN GYI, DE NI MA YIN NO ZHES BYA BA DE LTA BU'I RIGS CAN NI GSAL BAR RGYAL PO'I GRANGS RIGS PA'I BRTAG PA DANG BRAL BAR NAN GYIS RNAM PAR 'JOG PA YIN NA, 'DI NI RIGS PA'I GRANGS YIN NO, ,'DIR SGRUB PAR BYED PAS GRUB PAR BYED PAR 'DOD PA'I DON DE NYID SUN 'BYIN PAR BYED PAS GRUB PA BZLOG PAR BYA BA YIN TE, DES NA SGRUB PAR BYED PA DANG 'BREL BA'I YUL GANG JI SNYED PA DE THAMS CAD NI SUN 'BYIN PA DANG 'BREL PA DE GRUB PA'I GEGS KYI YUL YIN NO ZHES BSHAD PA NI, DES NA GO BAR BYED PA NYID KYI NUS PAS YUL DU BYAS PA'O, ,CI'I PHYIR ZHE NA, GRUB PA 'PHEN PA'I PHYIR RO, ,DON GANG ZHIG GI GRUB PA SGRUB PAR BYED PA GANG GIS 'PHEN PA'I DON GYI RNAM PA STE, DON GYI BYE BRAG DANG DON GYI DBYE BA GANG JI SNYED PA DE THAMS CAD NI SGRUB PAR BYED PA DE'I SUN 'BYIN PA'I NUS PAS KHYAB PA YIN NO, ,DON GYI RNAM PA DE'I GRUB PA'I GEGS YIN PA'I PHYIR DON DE THAMS CAD KHYAB PA YIN TE, DE'I PHYIR SGRAS ZIN PA'I DON 'BA' ZHIG NI DES SUN DBYUNG BAR BYA BA MA YIN GYI, 'ON KYANG DON JI SNYED SHUGS KYIS GRUB PAS SGRUB PAR BYED PAS BSGRUB PAR BYA BA DE THAMS CAD SUN DBYUNG BAR BYA BA YIN NO, ,DES NA KHYAD PAR 'PHEN NA RJES SU 'GRO BA MED PA'I SKYON YIN NO, ,SMRAS PA TZAM ZHIG SGRUB NA SGRUB PA NYID YIN LA, DPE LA MTHONG BA'I BUM PAS GNYIS PA DANG BCAS PAR SGRUB NA NI 'DOD PAR THAL BA YIN NO, ,GZHAN YANG SPYIR SGRUB NA GRUB PA LA SGRUB PO ZHES NI BSHAD PA YIN MOD KYI YUL 'DIR NI SPYIR YANG BSGRUB PAR BYA BAR MI 'GYUR RO ZHES BSTAN PA'I PHYIR BSHAD PA, RNAM PA DE LTA BU MNGON PAR GSAL BA'I SEMS PA CAN BUM PA LAS DON GZHAN GYI NGO BO GZHAN NYID DU KHAS MI LEN NA SPYIR YANG GNYIS PA NYID MI 'GRUB PO, ,GAL TE LUS DON GZHAN MA YIN MOD, DE LTA NA YANG JI LTAR SPYI BSGRUB BYAR MI 'GYUR ZHE NA, GANG YANG RUNG BA'I DON GZHAN GYI NGO BO MED PA'I PHYIR RO, ,MDOR BZHAG PA'I @19B TSIG 'DI NYID RNAM PAR DGROL BA'I PHYIR BSHAD PA, GNYI GA DE LTA BU'I DNGOS PO STE DON GZHAN GYI DNGOS POR SRID PA YIN NA, GANG YANG RUNG BA'I SGRA DON 'BREL BAR 'GYUR BA YIN NO, ,GANG YANG RUNG BA NI SGRA NI GCIG TU MA DES BAR GNYI GA BRJOD PA YIN PAS LUS GNYIS PA MA YIN NA NI NUS PA MA YIN NO, ,DPER NA ZHES BYA BA LA SOGS PA LA, LHA SBYIN DANG MCHOD SBYIN GNYI GA LA YANG ZA BA'I BSGRUB PA SRID NA NI GCIG TU MA NGES PAR BRJOD PA DE'I PHYIR GANG YANG RUNG BA BRJOD PA DON DANG 'BREL BAR 'GYUR GYI, RGYU MTSAN 'GA' ZHIG LAS GCIG ZA BAR MI SRID PA'AM, GANG YANG RUNG BA GCIG ZA BA LA SMRA BA PO'I 'DOD PA MED NA NI MA YIN NO, ,DE'I PHYIR 'DIS NI RJES SU 'GRO BA'I DUS NA PHYIR RGOL BA LAS GANG YANG RUNG BAS GNYIS PA DANG BCAS PA NYID MA GRUB PA YIN TE, DES NA RJES SU 'GRO BA MED PA'I PHYIR SPYI BSGRUB PAR BYA BA MA YIN NO ZHES BSHAD PA YIN NO, ,DA NI RGOL BA BSGRUB BAR BYA BA'I CHOS CAN LA GANG YANG RUNG BAS GNYIS PA DANG BCAS PA NYID DU MI 'DOD PA YIN NO ZHES BSTAN PA'I PHYIR BSHAD PA, GTAN TSIGS 'DI LAS KYANG GANG YANG RUNG BA'I DON GZHAN GYI NGO BO MI 'THAD DO, ,GANG LAS SHE NA BUM PA RANG NYID KYIS TE BDAG NYID KYI DON GZHAN NYID DU KHAS BLANGS PA'I PHYIR RO, ,KHAS LEN NA NI 'GAL LO ZHES BSHAD PA NI 'GAL BA'I PHYIR RO ZHES BYA BA YIN NO, ,JI LTAR KHAS MA BLANGS SHE NA BUM PA LAS BUM PA DON GZHAN MA YIN NO, ,DE'I PHYIR LUS NYID DON GZHAN DU GYUR PA YIN NO ZHES GNYIS PA NYID KYI DAG GI DON DU NGES PAR RNAM PAR GNAS PA YIN NO, ,DES NA GANG GI PHYIR SPYI BSGRUB PAR BYA BAR 'GYUR GYI GANG YANG RUNG BAS GNYIS PA DANG BCAS PA NYID NI BSGRUB PAR BYA BA MA YIN TE, DES NA SPYI BRJOD PA CAN GANG YANG RUNG BA SMOS PA NI DON MED PAR 'GYUR RO, ,DE LTA MA YIN NA ZHES BYA BA NI GANG YANG RUNG BAS GNYIS PA NYID DU KHAS LEN CING DE'I DON GANG YANG RUNG BA SMOS PA YIN NA 'GAL BAR 'GYUR RO ZHES BSHAD PA NI TSU ROL MDZES @20A *, ,PA'I BSGRUB PAR BYA BA'I TSIG 'DI 'GAL BAR TE GNOD PAR 'GYUR RO, ,CI'I PHYIR ZHE NA, BSHAD PA, BUM PA BDAG NYID KYI RANG GI NGO BOS NI ZLAR 'GAL BA'I DE'I NGO BO BUM PA NYID DANG DON GZHAN DU GYUR PA DE DAG NI 'GAL BA YIN NO, ,GAL TE BUM PA DE NYID LA BUM PA DE NYID GNYIS PA YIN NA DE'I TSE BUM PA YANG YIN LA GZHAN YANG YIN PAR 'GYUR NA DE NI BDAG NYID GCIG LA 'GAL BA YIN NO, ,JI LTAR DAG 'DI LAS 'GAL BA'I DON 'DI RTOGS PAR 'GYUR TE, GANG GI PHYIR SHUGS KYI LUS NYID KYIS BUM PA GNYIS PA DANG BCAS PA YIN PA'I PHYIR RO ZHE NA, BSHAD PA, GAL TE 'DI LUS NYID KYI DON GZHAN NYID DU BRJOD PAR 'DOD NA'O, ,DE SKAD DU ZHES BYA BA NI DON GZHAN DU'O, ,GANG YANG RUNG BA'I SGRAS NI LUS NYID YIN PAR MI 'GYUR TE, 'ON KYANG BUM PA YANG DER ZHES BYA BA DON GZHAN GYI NGO BOR DES 'DOD PAR 'GYUR TE, DE'I PHYIR 'GAL BA YIN NO, ,'DI'I PHYIR YANG ZHES BYA BA NI GTAN TSIGS GZHAN GYIS KYANG GNYIS PA NYID SPYI LA BRTEN PA MA YIN NO, ,SNGAR NI BUM PA DANG SKYES BU TSOGS PA DPE DANG BSGRUB PAR BYA BA'I CHOS CAN LAS DON GZHAN MA YIN PA DE'I PHYIR SPYI BSGRUB BYAR MED PAR BSHAD PA YIN LA, DA LTA NI BUM PA'AM SKYES BU SO SOR YANG GNYIS PA MA YIN PA DE NA SPYI LA BRTEN PA MA YIN TE, GSAL BA THAMS CAD YOD PAR MI SRID NA DE'I SPYI MI 'THAD PA'I PHYIR RO, ,'DI LA BUM PAR GYUR PA DANG SKYES BUR GYUR PA GNYIS NYID KYI KHYAD PAR MED PA'I PHYIR GNYIS PA NYID KYI SPYI MI 'THAD PA YIN NO, ,'DI LA DPE NI DPER NA BRAM ZE LA SOGS PA NYID MA YIN PA BRAM ZE LA SOGS PA'I RIGS GZHI MED PA'I GSAL BA 'BA' ZHIG BA'I RIGS NYID MED PA DANG RTOG PA'I SHES BZHES BYA BA RNAM PAR RTOG PA DANG BCAS PA'I SHES PA LA DBANG PO LA BRTEN PA NYID MED PA BZHIN NO, ,JI LTAR ZHE NA, 'DI LTAR RNAM PAR RTOG PA'I SHES PA DE MIG LA BRTEN BA NI MA YIN TE, DE'I ZHES BYA BA MIG GI SHES PA BZHIN DU DE'I DON RTOGS PA MED PA'I PHYIR RO, ,MIG LA BRTEN PA'I SHES PA ZHES BYA BA GANG YIN PA DE NI GZUGS SO SOR @20B RIG PA YIN NA, RNAM PAR RTOG PA GZUNG BA NI GZUGS MA YIN TE, DE NI RNAM BA GZHAN DU MIG GI RNAM PAR SHES PAS 'DZIN PA'I PHYIR RO, ,'DI'I PHYIR YANG DE MIG GIS GZUNG BAR BYA BA MA YIN TE, MIG DE 'GYUR BA'I RJES SU MI BYED BA'I PHYIR RO, ,GANG ZHIG GANG LA BRTEN PA ZHES BYA BA DE NI 'GYUR BA'I RJES SU BYED PA YIN TE, DPER NA MTHONG BA'I MIG GI RNAM PAR SHES BA BZHIN NO, ,RNAM PAR RTOG PA'I SHES PA 'DI NI DE LTA MA YIN NO, ,GZHAN YANG GANG ZHIG GANG GI 'BRAS BU YIN PA DE DE LA BRTEN PAR BRJOD PA YIN NO, ,RNAM PAR RTOG PA'I SHES PA NI MIG GI 'BRAS BU MA YIN TE, RNAM PAR RTOG PA'I SHES PA NI MIG DE MED KYANG YOD PA'I PHYIR RO, ,DE BZHIN DU ZHES BYA BA GTAN TSIGS GSUM PO 'DI NYID KYIS NA RNAM PAR RTOG PA'I SHES PA DE RNA BA LA SOGS PA LA BRTEN PA YANG MA YIN TE, DE'I PHYIR DBANG PO LA BRTEN PA MA YIN NO, ,DE BZHIN DU ZHES BYA BA'I SGRA NI RIM PA BZHIN DU YIN TE, DE BZHIN DU DE LTA NI MA YIN TE ZHES BYA BA YIN NO, ,LUS DANG BUM PA DE GNYIS GCIG DANG DE LTAR ZHES BYA BA DNGOS PO GZHAN NYID DU KHAS LEN PA YIN NAM, BUM PA DANG LUS DAG LUS GANG YANG RUNG BA'I DON GZHAN DU GYUR PA ZHES DE LTAR SPYIR TE, SPYI DANG LDAN PA'I DON GZHAN GYI NGO BO BSGRUB BYAR 'GYUR BA YIN NO, ,DE LTAR ZHES PA NI DON GZHAN GYI NGO BO'O, ,LUS DE LTA BU NI DPE LA RJES SU 'GRO BA MED PAR DOGS PAS RANG NYID KYIS KHAS MA BLANGS PA DANG, BUM PA YANG BUM PA LAS THA DAD PA'I DON GYI NGO BOR 'GAL BA'I PHYIR KHAS MA BLANGS PA YIN NO, ,DE'I PHYIR SPYI DANG LDAN PA'I BSGRUB BYA YANG MI SRID DO, ,MI SRID PA DE NYID DPE'I SGO NAS GSAL BAR BYA BA'I PHYIR BSHAD PA, 'JIG RTEN 'DI LTA BU'I NGAG GI DON SRID PA YOD DAM ZHES BYA BA YIN TE, MI SRID DO ZHES BYA BA'I DON TO, ,JI LTA BU ZHIG CE NA, LHA SBYIN DANG MCHOD SBYIN DAG LAS ZHES BYA BA LA SOGS PAR BRJOD PA'O, ,'DI LA LHA SPYIN DU RTOGS PA'I ZAN SBYIN PAR BYA BA NI ZAN SPYIN PAR BYA BA'I KHYAD PAR YIN TE, DE BZHIN DU MCHOD SBYIN DU @21A *, ,RTOGS PA YANG YIN NO, ,ZAN SBYIN PAR BYA BA 'DI NYID SPYIR GYUR PA GANG YANG RUNG BA'I SGRA'I DON GYI YUL YANG MI SRID PA NYID DO, ,'DI SNYAM DU DON 'DI NI MI 'GAL TE, GANG GI PHYIR LHA SBYIN LA MA YIN ZHING MCHOD SBYIN LA MA YIN NO ZHES BYA BA'I TSIG 'DI NI SGRUB PA TZAM ZLOG PAR BYED PA NI MA YIN GYI, 'ON KYANG NGES PA ZLOG PA'I DON DU YIN NO, ,NGES PA DE NYID BSTAN PA'I PHYIR BSHAD PA, LHA SBYIN 'BA' ZHIG LA MA YIN NO ZHES DE LTAR NGES PAR BZLOG PAR BYA BA YIN NO, ,BSAM PA NI 'DI YIN TE, SGRUB BA DANG DGAG PA DAG GCIG LA 'GAL BA'I PHYIR RO, ,GANG YANG RUNG BA'I YUL LA ZAN SBYIN PAR BSGRUB PA NA DGAG PA NI NGES PA'I YUL CAN NYID YIN NO ZHE NA, MA YIN TE, GANG YANG RUNG BA SMOS PA NYID KYIS NGES PAR THAL BA MED PA'I PHYIR RO, ,NGES PAR THAL NA NI DE'I BZLOG PA'I PHYIR BRJOD PA YIN NA, RNAM PAR BRTAG PA'I DON CAN GANG YANG RUNG BA'I SGRA BKOD PA NYID KYIS THAL BA MED PA YIN NO, ,GANG GI PHYIR GANG YANG RUNG BA'I SGRA NYE BAR BZUNG NA NGES PAR THAL BA MED PA DE'I PHYIR GNYI GA YONGS SU 'DZIN PA 'BA' ZHIG TU MA ZAD KYI, GCIG YONGS SU 'DZAN PA NA GANG YANG RUNG BA SMOS PA 'DI DON 'THAD PAR 'GYUR RO, ,GANG GI TSE ZHE NA, GCIG YONGS SU BZUNG BA MI 'GAL BA YIN PAR 'GYUR NA'O, ,'GAL NA NI DON MI 'THAD PA KHO NA'O, ,MI 'GAL NA DON 'THAD PA NYID BSHAD PA NI, DPER NA ZHES BYA BA YIN NO, ,GCIG ZA YANG GANG YANG RUNG BA ZA'O ZHES BRJOD PA LA NI GANG YANG RUNG BA SMOS PAR NUS PA YIN NO, ,GAL TE SKABS SU BAB PA GNYIS LAS GCIG LA MI SRID NA GNYI GA'I YUL CAN GANG YANG RUNG BA'I SGRA MI 'THAD PA MA YIN NAM ZHE NA, BSHAD PA, GANG YANG RUNG BA'I SGRA 'DI'I YUL NI RNAM PAR BRTAG PA YIN PA'I PHYIR RO, ,GANG YANG RUNG BA LA ZAN SBYIN PAR SGRUB PAS NI RNAM BAR BRTAG PA'I DON GO BAR 'GYUR GYI NGES PA NI MA YIN NO, ,DES NA GCIG MI SRID KYANG SGRUB PA DE'I YUL NI GNYIS PA YIN PAR 'DZIN TO, ,GANG YANG RUNG BA SGRA NYE BAR BKOD PA NA GANG LA DE MI SRID PA DE NYID DU SGRUB PAR BYED PA'I DON NI MA YIN GYI, @21B 'ON KYANG DE NYID GCIG LA BSGRUB PA YIN TE, NGES NA GANG LA SRID PA DE NYID GZUNG BA YIN NO, ,DE BZHIN DU DON LA YANG GANG SRID PA DE KHO NA GZUNG BAR BYA BA YIN NO ZHAS SBYAR BAR BYA BA'I PHYIR BSHAD PA, GNYIS PA DANG BCAS PA'I SBYOR BA DE LA BUM PA KHO NA'AM, LUS KHO NAS ZHES NGES PAR NI MI 'DOD DE, ,DES NA GANG YANG RUNG BA'I SGRA SBYAR BA NI GANG SRID PA DE KHON GZUNG BAR BYA'O ZHES BYA BAR GYUR NA, SNGAR BSHAD PA'I TSUL GYI GCIG KYANG SRID PA MA YIN TE, DES NA GANG YANG RUNG BA'I SGRA LA NUS PA MED PAS DE LA LTOS PA GNYIS PA DANG BCAS PA NYID KYI SPYI YANG BSGRUB PAR BYA BA MA YIN PAR 'GYUR RO, ,GANG YANG RUNG BA SMOS PA YANG GANG GI TSE SGRUB PA'I YUL SRID PAR BSTAN PA'I PHYIR YIN TE, LHA SBYIN DANG MCHOD SBYIN GANG YANG RUNG BA LA ZAN SBYIN PAR BYA BA YIN NO ZHES BYA BA ZAN SBYIN PA SGRUB PA'I YUL GANG YANG RUNG BA SRID DO ZHES BYA BA'I DON YIN PA DE'I TSE NI, GCIG ZAN ZA BAR SRID KYANG GANG YANG RUNG BA'I SGRA NUS PA YIN NO, ,GNYI GA LA ZA BA GRUB PAR SRID PA LA NI, NGES PA MED PAR ZA BA SGRUB PA NA, GANG YANG RUNG BA'I SGRA GZAN ZA BAR BSGRUB PA'I YUL MA NGES PAR BSTAN PA LA 'JUG PA YIN PAS, DE'I TSE NI GNYI GA LA ZAN ZA BA'I SGRUB PA SRID PA NA NUS PAR 'GYUR RO, ,RNAM PAR DBYE BA 'DI NI 'JIG RTEN PA'I SBYOR BA LA DON DANG SKABS LA SOGS PA LAS SHES PAR BYA BA YIN NO, ,'DIR NI GNYIS PA DANG BCAS PA'I SBYOR BA LA, RTZIG PA NI BUM PAS GNYIS PA DANG BCAS PA YIN LA, BSGRUB PAR BYA BA'I CHOS BUM PA NI LUS KYI YIN PAR RGOL BA 'DOD PA YIN TE, DES NA GNYI GA YANG DON GZHAN DU GYUR PAR KHAS BLANG NGO, ,DON GZHAN NYID DE NI NGES PA MED PAR GANG YANG RUNG BA ZHIG YIN PAR RTOGS PAR BYA BA YIN TE, DPE'I CHOS CAN LA NI BUM PA YIN LA, BSGRUB BYA'I CHOS CAN LA NI LUS YIN NO, ,DE'I PHYIR GNYI GA SRID PA LAS NGES PA MED PAR GNYIS PA NYID BSGRUB PA LA NI SKYON SNGAR BRJOD ZIN PA YIN NO, ,DE LTA NI MI 'DOD KYANG GANG YANG RUNG BA'I SGRA BSGRUB PA'I YUL SRID PAR STON PA'I DON YIN PAR @22A *, ,KHAS BLANGS NAS BUM PA'AM LUS KYANG RUNG STE, GNYIS PA NI MI SRID DO ZHES BSTAN PA YIN NO, ,DE LTA NA YANG KHYAD PAR DU 'PHAGS PA NI 'DI BRJOD PA YIN TE, KHYOD KYIS NI GNYI GA DON GZHAN DU 'DOD BAR BYA BA YIN NA, GNYI GA MI SRID PA 'BA' ZHIG TU MA ZAD KYI, GCIG KYANG SRID PA MA YIN TE, GANG GI PHYIR GANG YANG RUNG BA SMOS PA NI SRID PA STON PA LA GRAGS PA'I DON YIN PAR 'GA' ZHIG TU MTHONG BA YIN NO ZHES BYA BA YIN NO, ,GNYIS PA NYID SGRUB BA MI 'THAD PA'I YANG PHYIR SPYI LA BRTEN PA MA YIN NO, ,DON GNYIS DNGOS PO GCIG LA 'BREL BA NYID DU SGRUB PA DE NI, 'DI YIN NAM YANG NA DE YIN ZHES RNAM PAR BRTAG PA DANG, 'DI YANG YIN LA 'DI YANG YIN NO ZHES BSDU BAR 'GYUR GRANG NA, 'DI GNYI GA MI 'THAD PA YIN NA NI, MI SHES PA SHES PAR BYED PA'I SGRUB PAR MA 'BREL PAR 'GYUR RO, , LUS SAM YANG NA BUM PA GNYIS PA NYID NI MA YIN LA, LUS DANG BUM PA GNYIS PA NYID KYANG MA YIN TE, LUS RJES SU 'GRO BA MED PA DANG, BUM PA BUM PA LAS DON GZHAN DU GYUR PA NYID KYANG 'GAL BA'I PHYIR RO, ,SGRUB PA'I RNAM PA GZHAN YANG YOD PA YIN TE, DE'I PHYIR TSIG GI TSUL TE, NGAG NI BRJOD PAR BYA BAS SROG TU GYUR PA BRJOD PAR BYA BAS STONG PA NYID YIN NO, ,DE'I PHYIR SPYI BSGRUB PAR BYA BA MA YIN NO, ,SGRUB PA MI SRID PA'I PHYIR SPYI LA BRTEN PA BKAG PA 'DIS NI'O, ,SGRA ZHES BYA BA'I CHOS CAN NI PHYOGS DANG MTHUN PA'I PHYOGS MA YIN LA, PHYOGS SAM YANG NA MTHUN PA'I PHYOGS SU GYUR PA YANG MA YIN TE, DES NA SGRA GCIG PO NI BSDU BA DANG RNAM PAR BRTAG PA'I SGO NAS PHYOGS DANG MTHUN PA'I PHYOGS SU BSGRUB PA MA YIN PAS SGRA LA DE DAG GANG YANG RUNG BA NYID BSAL BA YIN NO, ,GNYI GANG YANG ZHES BYA BA NI PHYOGS DANG MTHUN PA'I PHYOGS SU'O, ,SRID PA MI 'GAL NA ZHES BYA BA NI CHOS CAN GCIG LA'O, ,DE LTAR ZHES BYA BA NI GNYIS LAS GANG YANG RUNG BA NYID DU'O, ,DE LTAR 'GYUR GYI ZHES BYA BA NI GRUB PAR 'GYUR GYI'O, ,DE LTA MA YIN TE, SRID PA @22B 'GAL NA NI GANG YANG RUNG BA NYID DE SGRA LA MA GRUB PA NYID DO, ,CI'I PHYIR ZHE NA, 'DI LTAR DE NI PHYOGS KHON YIN GYI GANG YANG RUNG BA NI MA YIN NO, ,PHYOGS YIN NA JI LTAR GANG YANG RUNG BA MA YIN ZHE NA, RNAM PAR BRTAG PAR DANG GCIG TU SO SOR NGES PA 'GAL BA'I PHYIR RO,, GANG GI PHYIR NGES PA NI GNYIS PA MED BA YIN PA'I PHYIR DANG, RNAM PAR BRTAG PA NI GNYIS PA YOD PA YIN PA'I PHYIR DANG, GCIG LA YOD PA DANG MED PA GNYI GAR 'GAL BA'I PHYIR RNAM PAR BRTAG PA DANG NGES PA NI 'GAL BA YIN NO, ,DE'I PHYIR DE LTAR SGRUB PA MI SRID PA'I PHYIR DANG, 'GAL BA'I PHYIR PHYOGS DANG MTHUN PA'I PHYOGS DAG LAS GANG YANG RUNG BA NYID BSAL BAS SGRA LA MA GRUB PAR ZHAR LA BSTAN NAS, DKYUS MA'I GNYIS PA DANG BCAS PA BSAL BA'I PHYIR BSHAD PA, DON RNAMS LA SPYIR KHYAD PAR MED PA'I RANG BZHIN DU SGRAS SHES PAR BYAS KYANG, SHUGS KYI KHYAD PAR SGRA'I DON DU GNAS PA'I GTAN TSIGS KYI PHYIR YANG, LUS NYID RTOGS PAR 'GYUR GYI BUM PA NI MA YIN NO, ,BUM PA NI BUM PA NYID LAS DON GZHAN GYI NGO BOR MI 'THAD PA'I PHYIR RO, ,LUS NYID DON GZHAN DU GYUR PAR BSGRUB PAR BYA BA YIN PAR DAM BCAS PA'I TSIG LAS NGES PAR 'GYUR GYI, BUM PA NI MA YIN PA'I ZHES BYA BA NI SHUGS YIN NO, ,DON 'DI YIN TE, SPYI LA BRTEN PA NA MI 'THAD PA DANG, 'DOD PA MA YIN PA 'BA' ZHIG TU MA ZAD KYI, 'ON KYANG SGRA'I DON NYID KYANG MA YIN NO ZHES BYA'O, ,'DI LTAR SHUGS LA SOGS PA DAG NI SGRA'I NUS PA SAD PA'I RGYUR 'DOD PA YIN GYI, SGRA'I DON RNAM PAR 'JOG PAR BYED PA NI MA YIN NO, ,DE NYID KYI PHYIR SPYI'I SGRA RNAMS KYI KHYAD PAR RNAM PAR 'JOG PA'I RGYU NI MA YIN GYI ZHES SO, , KHYAD PAR RNAM PAR GNAS PA NYID DPE'I SGO NAS BSHAD PA NI 'GA' ZHIG CES BYA BA YIN NO, ,'GA' ZHIG GI SGRA 'DI NI SPYI'I MING YIN PAS SPYIR BRJOD PAR GYUR PA NA, SHING LA SOGS PA YANG BRJOD PAR DOGS PAR 'GYUR BA YIN NA GZHI MTHUN BA 'ONGS PA'I SGRA SBYAR BA'I PHYIR 'ONG @23A *, ,BA'I BYA BA'I NUS BA DANG LDAN PA LA 'JUG PAR RTOGS KYI, 'ONG BA MED PA'I RI 'AM SHING LA NI MA YIN NO, ,'DI SNYAM DU GAL TE KHYAD PAR GYI SGRAS ZIN NA SPYI'I SGRA'I DON BYE BRAG LA 'JUG PA YIN TE, DPER NA DZA MED AAG NE'I BUR MA ZHES BYA BA LTA BU YIN TE, RA MA'I SGRA SPYI'I DON TZAM DZA MAD AAG NE'I BU'I SGRA'I DANG SBREL BAS NA KHYAD PAR LA 'JUG PAR 'GYUR BA YIN NO SNYAM PA LA, KHYAD PAR GYI SGRA NYE BAR BYAS BA ZHES SMOS SO, ,GANG GI PHYIR DZA MAD AAG NE'I BU DANG 'DRA BA'I KHYAD PAR GYI SGRA NYE BAR BYAS BA NYID GCIG PU NI, SPYI RJOD PAR BYED PA'I SGRA RNAMS KYI KHYAD PAR RNAM PAR 'JOG PA RJOD PAR BYED PA NYID KYI RGYU MA YIN NO, ,'O NA RGYU GZHAN GANG YIN ZHE NA, 'ON KYANG ZHES SMOS SO, ,SKABS NI SGRA MED PA'I RTZOM PA TZAM NYID DE, DPER NA RI DAGS SHOR BA'I SKABS DANG, ZAS ZA BA'I SKABS NA, SEN DHA BA'I SGRA TSA'I KHYAD BAR DANG, RTA'I KHYAD PAR LA 'JUG PA'I RGYU YIN PA BZHIN NO, ,SHUGS NI SGRA'I DON LA BRTEN PA STE, DPER NA 'ONGS PA'I SGRA'I SHUGS KYIS 'GA' ZHIG GI SGRA KHYAD PAR LA 'JUG PA BZHIN NO, ,SOGS PA SMOS PA NI BE'U DANG BCAS PA'I DRUS MA ZHES LDAN PA DANG, BE'U MED PA'I DUS MA ZHES BRAL BA STE, DE LTA BU LA SOGS PA GZUNG NGO, ,DE'I PHYIR SHUGS KYIS KYANG SGRA KHYAD PAR LA 'JUG PA YIN NO, ,DE'I PHYIR 'DIR KHYAD PAR LUS SU GYUR PA'I GNYIS PA NYID BSGRUB PAR BYA BA YIN GYI SPYI NI MA YIN NO, ,DE LTAR GNYIS PA DANG BCAS PA'I SBYOR BA BKAG NAS, MJUG BSDU BA'I PHYIR BSHAD PA, DE'I PHYIR GANG YANG RUNG BA'I SPYI KHYAD PAR LA BRTEN PAS DON GZHAN DU GYUR PA NI MA YIN TE, LUS SAM BUM PA GNYIS DON GZHAN DU GYUR PA MI 'THAD PA'I PHYIR RO, ,DPE NI BUM PA DON GZHAN YIN LA, BSGRUB BYA'I CHOS CAN LA NI LUS YIN TE, DES NA DON GZHAN NI KHYAD PAR KHO NA YIN GYI SPYI NI MA YIN NO, ,KHYAD PAR CAN DE NI CHOS CAN GNYI GA KHYAB BA'I DON GZHAN DU MI 'THAD DO ZHES BSHAD PA NI DON GZHAN DU GYUR PA 'GA' ZHIG CES BYA BA YIN NO, ,GCIG KYANG ZHES BYA BA BUM PA DE NI BUM PA LAS @23B DON GZHAN GYI NGO BOR 'GAL BA'I PHYIR DANG, LUS KYANG RJES SU 'GRO BA MED PA'I PHYIR DON GZHAN GYI NGO BOR KHAS MA BLANGS PA YIN NO, ,DA NI MNGON PAR 'DOD BA'I SBYOR BA DANG, GNYIS PA DANG BCAS PA'I SBYOR BA MTSUNGS PAR BSGRUB PA'I PHYIR SMRAS PA, SGRA DANG BUM PA'I KHYAD PAR GYIS RTOG PA NA GNYIS PA DANG BCAS PA'I SBYOR BA LA BRJOD PA GANG YIN PA DE THAMS CAD NI MI RTAG PA LA YANG MTSUNGS SO, ,'DI LTAR GANG YANG RUNG BA ZHIG GI GNYIS PA DANG BCAS PAR BSGRUB NA SGRUB PAR BYED PA DON MED PA'I PHYIR LUS DON GZHAN DU GYUR PA BSGRUB BYA YIN GYI BUM PA NI MA YIN NO, ,DE'I PHYIR LUS DANG BUM PA'I KHYAD PAR GYIS GNYIS PA NYID KYI SPYI BSGRUB PAR BYA BA YIN PAR DE BSAL BA YIN LA, LUS SU GYUR PA'I GNYIS PA NYID DE YANG RJES SU 'GRO BA MED PA YIN NO, ,DE BZHIN DU BUM PAS GNYIS PA NYID DU BSGRUB PAR BYA BA MA YIN TE 'GAL BA'I PHYIR RO, ,LUS KYIS NI MA YIN TE, RJES SU 'GRO BA MED PA'I PHYIR RO, ,DE BZHIN DU 'DI LA YANG SPYI BSGRUB PAR BYA BA YIN NA NI SGRUB PAR BYED PA 'BRAS BU MED PA'I PHYIR SGRA MI RTAG PA NYID DU BSGRUB PAR BYA BA MA YIN NA, DE LA NI RJES SU 'GRO BA MED DO, , DE BZHIN DU SGRA LA BRTEN PA YANG BSGRUB PAR BYA BA MA YIN TE, RJES SU 'GRO BA MED PA'I PHYIR RO, ,BUM PA LA BRTEN PA YANG MA YIN TE, SGRA LA 'GAL BA'I PHYIR RO ZHES THAMS CAD MTSUNGS SO ZHE NA, LAN GDAB PA'I PHYIR MA YIN TE ZHES SMOS SO, ,CI'I PHYIR ZHE NA, GRUB PA STE SHES PAS NA'O, ,DE ZHES BYA BA MI RTAG PA DANG LDAN PAR GRUB PA'I PHYIR TE, RTOG BA'I PHYIR TE, DON NI 'DI YIN TE, RE ZHIG DNGOS PO MI GNAS PA'I MI RTAG PA NYID NI GRUB PA YIN NO, ,BUM PA DANG SGRA'I KHYAD PAR NI SGRAS ZIN PA MA YIN LA, RGOL BA 'DOD PA YANG MA YIN TE, DE'I PHYIR SPYI MI RTAG PA NYID BSGRUB PAR BYA BA YIN PAS, DE LA NI SGRA DANG BUM PA'I KHYAD PAR GYI RTOG PA DANG SKYON 'GOD PA MI 'THAD DO, ,LUS DANG BUM PAS KHYAD PAR DU GYUR PA'I GNYIS DANG BCAS PA NYID BSGRUB PAR BYA BA YIN PAR NI SGRAS ZIN PA YIN TE, DES NA @24A *, ,LUS DANG BUM PA'I KHYAD PAR GYIS RTOG PA DANG SKYON NYE BAR 'GOD PA YIN NO, ,GAL TE MI RTAG PA NYID BZHIN DU GNYIS PA DANG BCAS PA NYID KHYAD PAR MED PA NYE BAR 'GOD PA YIN NA NI KHYAD PAR LA BRTEN PA'I SKYON GYIS BRTZAD PAR MI BYA BAR 'GYUR RO, ,DE LTA NA YANG GNYIS PA NYID NI LUS DANG BUM PA DAG LA THUN MONG DU NYE BAR BKOD PA MA YIN NAM, GAL TE KHYOD DU BUM PA NYID DU NGES PA DANG, LUS NYID DU RTOG PA YIN NA NI KHO BOS KYANG MI RTAG PA NYID KHYAD PAR LA NGES PAR RTAG PA YIN NO ZHE NA, DE YANG MI MTSUNGS TE, DE LA GNYIS PA DANG BCAS PA NYID LUS DANG BUM PA'I THUN MONG BAR JI LTAR 'GYUR BA YIN ZHE NA, GAL TE LUS SAM BUM PA SRID PA YIN NA'O, ,GANG GI TSE LUS DANG BUM PA SRID PA MA YIN PA DE'I TSE JI LTAR THUN MONG DU 'GYUR, DES NA GNYIS PA NYID KYI KHYAD PAR MI SRID PAS NA SPYI NYID MA GRUB PAR BSTAN PAR BYA BA YIN NO, ,'DIR NI DE LTAR MI RTAG PA NYID KYI KHYAD PAR MI SRID PAS MI RTAG PA NYID KYI SPYI MA GRUB PAR BSTAN PAR NUS PA MA YIN TE, GANG BYAS PA DE THAMS CAD MI RTAG PA'O ZHES KHYAB PA SGRUB PA MI RTAG PA NYID BSAL BA THAMS CAD KYI MTHA' THUG PAR STON PAR BYED PAS, KHYAD PAR MI SRID PA BKAG PA'I PHYIR RO, ,GAL TE KHYAD PAR YONGS SU GZUNG NA NI DE MI SRID PAR BSTAN PAS, SPYI NYID MA GRUB PAR BSTAN PAR NUS PA YIN LA, SGRA MED PAR YANG KHYAD PAR GZUNG BAR 'GYUR NA, DE LTAR NI MA YIN NO, ,DE'I PHYIR MI RTAG PA NYID KYI KHYAD PAR NI SGRAS ZIN PA MA YIN LA, RGOL BAS 'DOD PA YANG MA YIN ZHING DE YONGS SU GZUNG BAS MI RTAG PA NYID KHYAD PAR MED PAR MA GRUB PAR BYED NUS PA YANG MA YIN PA'I PHYIR KHYAD PAR MED PA MI RTAG PA NYID GRUB PA YIN LA, DE GRUB PAS SGRA DE DANG LDAN PAR BSGRUB PAR BYA BA YIN NO; RJES SU 'GRO BA MED PA'I SKYON YANG MED DO, ,DAM BCAS PA'I SBYOR BA MED PA'I PHYIR RO, ,GRUB PA LA SGRUB PA NYID KYANG MA YIN TE, MA 'BREL PA RNAM PAR BCAS PAR MA GRUB PA'I PHYIR RO, ,GAL TE JI LTAR MI RTAG PA NYID KHYAD PAR MED PAR GRUB PA DE BZHIN DU GNYIS PA @24B NYID TZAM GRUB PA NYID MA YIN NAM ZHE NA, DE BZHIN DU ZHES SMOS TE, JI LTAR MI RTAG PA NYID GRUB BA MA YIN PA DE BZHIN DU, GAL TE LUS DANG BUM PA DAG LAS 'GA' ZHIG DON GZHAN DU GYUR PAR KHAS LEN PA YIN NA NI, SPYI DANG LDAN PA'I DON GZHAN NYID BSGRUB BYAR 'GYUR BA YIN NA GNYI GA LA YANG DON GZHAN NYID MED PA'I PHYIR SPYI BSGRUB BYA MA YIN NO, ,GNYIS PA NYID NI KHYAD PAR MA BZUNG BA GNYI GA'I THUN MONG YIN NA, RTEN MED PAR NI GNYIS BA NYID TZAM DU 'GYUR BA MA YIN TE, DE NI GCIG LA YANG MA GRUB PO ZHES BYA BA'I DON TO, ,'DOD PA BSGRUB BYA NYID DU BRJOD PA 'DIS NI CHOS DANG CHOS CAN DAG GI KHYAD PAR DU BYAS PA'I CHOS DANG CHOS CAN DAG STE, CHOS CAN GYIS KHYAD PAR DU BYAS PA'I CHOS BYAS PA'I GTAN TSIGS KYIS 'GOG PAR SNANG BA BSAL BA YIN NO, ,CHOS KYIS KHYAD PAR DU BYAS PA'I CHOS CAN 'GOG PA DPER BRJOD PA NI, DPER NA SGRA MI RTAG PA'I SGRA DANG LDAN PA MA YIN PA'AM ZHES BYA BA'O, ,SGRA GANG LA MI RTAG PA'I SGRA YOD PA DE NI MI RTAG PA'I SGRA DANG LDAN PA STE, MI RTAG PA'I SGRA GZHAN DANG BCAS PA YIN NO ZHES BYA BA'I DON TO, ,DE 'DRA BA MA YIN NO ZHES BYA BAR BSGRUB PAR BYA BA'O, ,CHOS CAN GYIS KHYAD PAR DU BYAS PA'I CHOS 'GOG PA STON PA NI, SGRA'I MI RTAG PA DANG LDAN PA MA YIN NO ZHES BYA BA YIN NO, ,SGRA GZHAN GYI MI RTAG PA GANG YIN PA DE NI SGRA GZHAN MA YIN NO ZHES BYA BA 'DI YANG BSGRUB PAR BYA BA'O, ,GTAN TSIGS BYAS PA'I PHYIR TE, BUM PA BZHIN NO ZHES BYA BA YIN NO, ,'DI JI LTAR GO BAR BYED PA YIN ZHE NA, BRJOD PA, THAMS CAD RANG RANG GI NGO BO LA GNAS PA'I PHYIR RO, ,BYAS PA'AM YOD PA GANG YIN PA DE NI RANG BZHIN GZHAN GYIS DE DANG LDAN PA MA YIN PA MED PA'I PHYIR BYAS PA NYID DAM YOD PA NYID KYIS SGRA GZHAN MI RTAG PA'I SGRA DANG LDAN PA DANG, SGRA GZHAN GYI MI RTAG PA DANG LDAN PA 'GOG PAR NUS KYANG, SGRA GZHAN DANG LDAN PA NYID DAM, DE'I MI RTAG PA DANG LDAN PA NYID NI BSGRUB BYAR 'DOD PA MA YIN NO, ,DES NA DE 'GOG PA'I GTAN TSIGS 'GAL BA YIN NO ZHES SMRA BAS BYAS PA NYID KYI GTAN TSIGS SPONG BA GANG @25A *, ,YIN PA DE BSAL BA YIN NO, ,BSGRUB PAR BYA BA PHYIN CI LOG TU BYAS BAS 'GAL BA YIN NA, 'DI NI BSGRUB BYA MA YIN PAS BSAL BA YIN NO, ,DE BKAG NA MI RTAG PA NYID GSHA' MA YANG BKAG PAR 'GYUR BA MA YIN NAM ZHE NA, BKAG PA MA YIN TE, SGRA ZHES BYA BA'I CHOS CAN LA SPYI 'BA' ZHIG BKAG PAR 'GYUR GYI, CHOS TZAM NI MA YIN NO, ,CHOS TZAM MA BKAG NA CHOS CAN LA SPYI DE 'GOG PA 'GAL BA MED DE, DE'I PHYIR DE SKAD DU SMRA BA DES BSAL BA YIN NO, ,SPYI BKAG NA CHOS TZAM BKAG PAR JI LTAR 'GYUR ZHE NA, SGRA MI RTAG PA YIN GYIS ZHES SMOS TE, GANG GI PHYIR SGRA MI RTAG PA NYID KYI KHYAD PAR DANG LDAN PA YIN NO, ,MI RTAG PA'I SGRA DANG LDAN PA NI MA YIN NO ZHES BYA BA NI MI RTAG BA'I SGRA GZHAN DANG 'BREL BA MA YIN PA STE, DES NA CHOS CAN GZHAN DANG 'BREL PA BKAG KYANG MI RTAG PA'I KHYAD PAR CAN GYI SGRA BKAG PA MA YIN NO, ,RGOL BA SGRA MI RTAG PAR SGRUB PAR 'DOD PA YIN YANG SGRA MI RTAG PA'I SGRA DANG LDAN PAR NI BSGRUB BAR MI 'DOD DO ZHES STON PAR BYED PA NI, DE LTAR GYUR PA STE, MI RTAG PA'I SGRA GZHAN DANG 'BREL BAR 'DOD NA NI SGRA MI RTAG PAR 'DOD PAR MI 'GYUR RO, ,CI'I PHYIR ZHE NA, BSHAD PA, SGRA GZHIR GYUR PA LA MI RTAG PA'I SGRA GZHAN DANG 'BREL BA NYID DU BSGRUB PA'I RGYU'I PHYIR RO, ,SGRA MI RTAG PA TZAM DU MI SGRUB BAS SGRA MI RTAG PAR MI 'GRUB PO ZHES BYA BA'I DON TO, ,'O NA JI LTAR 'GRUB PAR 'GYUR ZHE NA, SGRA MI RTAG PA'I SGRA DANG LDAN PA ZHES SMOS TE, GAL TE GTAN TSIGS GO BAR BYED NUS PA YIN NA, SGRA MI RTAG PA'I SGRA GZHAN DANG LDAN PAR GRUB PAR 'GYUR RO, ,GANG GI PHYIR 'DOD PA'I CHOS TZAM GANG YIN PA DE'I SPYI BKAG KYANG MI LDOG PA DANG, GANG BKAG PAS 'DOD PA LA GNOD BAR 'GYUR BA MI RTAG PA'I SGRA GZHAN DANG LDAN PA DE YANG 'DOD PA MA YIN PA'I GTAN TSIGS DE'I PHYIR 'DOD PA LA GNOD PA 'GA' YANG MED DO, ,DE BZHIN DU SGRA MI RTAG PA DANG LDAN PA ZHES CHOS CAN GYI KHYAD PAR GYI 'GOG PA LA YANG 'DOD PA LA GNOD PA MED PAR SPYAR BAR BYA'O, ,DE'I PHYIR ZHES BYA BA GANG GI PHYIR SGRA'I @25B RANG BZHIN MI RTAG BAR BSGRUB PAR BYA BA YIN GYI SGRA GZHAN DANG 'BREL BA NYID NI MA YIN PA DANG, SGRA GZHAN DANG 'BREL BA NYID BKAG KYANG SGRA'I RANG BZHIN DU GYUR PA'I MI RTAG PA NYID LDOG PA MA YIN PA DE'I PHYIR, CHOS 'BA' ZHIG KHON CHOS CAN LA SGRUB BAR BYED PAS BSGRUB PA'AM, 'GAL BAS PHYIN CI LOG TU BYA BA YIN NO, ,BSGRUB PAR BYA BA NI SPYI YIN LA, PHYIN CI LOG TU BYA BA YANG BSGRUB PAR BYA BA GANG YIN PA DE NYID MA YIN NAM, DE JI LTAR CHOS 'BA' ZHIG DE LTAR 'GYUR ZHE NA, DE LTAR NA ZHES SMOS TE, RNAM PA DE'I SGO NAS MI LDAN PA RNAM PAR BCAD PA BSGRUB BA'I PHYIR 'DOD BA SPYI'I GRUB PA BYAS PAR 'GYUR BA'AM, SKABS SU BAB PA'I CHOS MA 'BREL BA RNAM PAR BCAD BA DGAG PA'I PHYIR GNOD PA BYAS PAR 'GYUR BA YIN NO, ,CHOS CAN GYI KHYAD PAR PHYIN CI LOG TU BYED BA LA SOGS PA'I 'GAL BAS MTHONG BA'I PHYIR NA, PHYIN CI LOG TU BYED PA NYID NI 'GAL BA MA YIN NO ZHE NA, 'GAL BA NI THAMS CAD DU ZHES SMOS SO, ,GANG GI PHYIR CHOS CAN GYI KHYAD PAR GYI 'GAL BA LA SOGS BA THAMS CAD DU, 'DOD PA NI SPYI DE PHYIN CI LOG TU BYED PA KHO NA'I PHYIR TE, 'GOG PA'I PHYIR 'GAL BA YIN TE, DE'I PHYIR NA SPYI PHYIN CI LOG TU BYED PA KHO NA 'GAL BA YIN NO, ,'O NA JI LTAR CHOS CAN GYI KHYAD PAR LA SOGS PA'I 'GAL BAR 'GYUR ZHE NA, BSHAD PA, SPYI PHYIN CI LOG PA DE NI RES 'GA' CHOS KYI SGO NAS TE, CHOS BZLOG PA'I SGO NAS BYED PA DE'I TSE CHOS KYI RANG GI NGO BO DANG 'GAL BA ZHES BRJOD DO, , DE'I TSE YANG DE SPYI BZLOG PA NI YOD PA KHO NA'O, ,GANG GI TSE CHOS CAN BZLOG PA'I SGO NAS SPYI ZLOG BAR BYED PA DE'I TSE NI CHOS CAN GYI RANG GI NGO BO DANG 'GAL BA YIN NO, ,SKABS SU BAB PA'I 'DOD PA NYID PHYIN CI LOG TU BYED BA NA, SGRA NYE BAR BKOD PA'I RANG GI CHOS CAN GYI KHYAD PAR DANG 'GAL BA ZHES BRJOD PA YIN NO, ,RNAM PA THAMS CAD DU CHOS SAM CHOS CAN BKAG PAS SPYI BZLOG PAR 'GYUR BA DES 'GAL BAR THA SNYAD DU BYED DO, ,CHOS KYI RANG GI NGO BO DANG 'GAL BA NI DPER NA SGRA RTAG STE, BYAS PA'I PHYIR NAM MKHA' BZHIN NO ZHES BYA BA @26A *, ,LA; BYAS PA NYID CES BYA BA LTA BU'O, ,CHOS CAN GYI RANG GI NGO BO DANG 'BREL BA NI DPER NA NAM MKHA' YOD PAR SMRA BA'I NAM MKHA' NI RTAG PA YIN TE MA BYAS PA'I PHYIR RO ZHES BYA BA LA, RI BONG GI RVA LA SOGS PA MED PA LA MTHONG BA 'DIS NI CHOS CAN NAM MKHA' YANG MED PAR SGRUB PAR BYED PA YIN NO, ,'DI DAG NI 'DUS PA MA YIN PA'I YUL CAN GZHAN GYI DON BYED PA YIN NO ZHES BYA BA DANG, 'DUS PA MA YIN PA'I DON DAG NI GZHAN GYI DON DU GYUR PA YIN NO ZHES BYA BA NI, CHOS DANG CHOS CAN GYI KHYAD PAR DANG 'GAL BA'O, , GAL TE RGOL BAS 'DOD PA'I CHOS GANG YIN PA DE NYID BSGRUB PAR BYA BA YIN NA, 'O NA JI LTAR RANG NYID SMOS SHE NA, RANG NYID KYI SGRA NI ZHES SMOS SO, ,NI'I SGRA NI YANG GI SGRA'I DON LA YIN TE, 'DOD PA SMOS PA YIN YANG RANG NYID KYI SGRA LA BSTAN PAR BYA BA'I KHYAD PAR YOD DO ZHES BYA BA'I DON TO, ,KHYAD PAR DE NYID BSHAD PA NI, CHOS CAN GCIG LA ZHES BYA BA YIN NO, ,CHOS DU MA NI MI RTAG PA NYID DANG, BYAS PA NYID DANG, NAM MKHA'I YON TAN LA SOGS PA'O, ,RANG NYID KYI SGRA'I DON NI BDAG NYID CES BYA BA YIN TE, BSTAN BCOS BYED PAS 'DOD PA'I CHOS GANG JI SNYED PA DE THAMS CAD NI BSGRUB BYA MA YIN GYI, 'ON KYANG RANG NYID KHO NA'I'O, ,BSTAN BCOS KHAS BLANGS SU ZIN KYANG ZHES BYA BA NI RTZOD PA'I DUS SU NI BSTAN BCOS KHAS BLANGS PAR BYA BA MA YIN PA KHO NA YIN LA, KHAS BLANGS PAR GYUR KYANG BDAG NYID 'DOD PA GANG YIN PA DE KHO NA BSGRUB PAR BYA BA YIN GYI GZHAN NI MA YIN NO ZHES BYA BA'I DON 'DI SHES PAR BYA BA'I PHYIR RANG NYID KYI SGRA BYAS PA YIN NO, ,'DOD PA'I SGRA YOD PA DER RGOL BAR 'DOD PA LAS GZHAN PA GANG YIN PA'I 'DOD PA THAMS CAD BZLOG TU ZIN KYANG RANG GIS MDZAD PA'I 'GREL PAR RANG NYID KYI SGRAS DOGS PA'I GNAS SRID BA ZLOG PAR BYED PA YIN PAR BSHAD DO, ,MDO MDZAD PAS KYANG DON 'DI NYID DAM BCAS PA YIN NO ZHES BYA BA'I THA TSIG GO, ,'BREL BA'I GZHUNG STON PA NI RANG NYID CES BYA BA NI STE, RANG NYID KYI SGRAS NI KHAS BLANGS PA STON @26B PAR BYED PA'O ZHES BYA BAR 'BREL TO, ,CI'I PHYIR DOGS PA SRID CE NA, BSHAD PA, BSTAN BCOS KHAS BLANGS PA'I PHYIR RO, ,DE LA MTHONG BA NI BSTAN BCOS LA MTHONG BA STE, BSTAN BCOS BYED PAS CHOS GANG 'DOD PA DE KHAS BLANGS PA YANG YIN PAR 'GYUR TE, DES NA JI LTAR CHOS GCIG BSGRUB PAR BYA BA YIN PA DE BZHIN DU GZHAN YANG YIN NO ZHES DOGS PA SRID PAR 'GYUR RO, ,DES NA GAL TE LOG PAR RTOGS PAR 'GYUR KYANG DOGS PA SRID PAS RANG NYID SMOS PA YIN NO, ,LOG PAR RTOGS PA YANG MTHONG BA NYID DE DES NA DE BZLOG PA'I PHYIR YANG RANG NYID SMOS PA YIN NO, ,KHA CIG NA RE BSTAN BCOS LAS MTHONG NA NI BSGRUB PAR BYA BA KHO NA YIN LA ZHES BYA BA NI BSGRUB PAR BYA BA GANG YIN PA DE NI MA YIN TE, 'DI NI GRUB PA KHO NA STE, 'DI LTA STE BSTAN BCOS LAS MTHONG BA BSGRUB PAR BYA BA YIN NO ZHES BYA BA'O, ,BSTAN BCOS LAS MTHONG BA DE LA GNOD NA YANG STE, BSTAN BCOS KYI DON THAMS CAD BSGRUB PAR BYA BA YIN PA'I PHYIR RO, ,BYAS PA NYID KYIS NAM MKHA'I YON TAN NYID LA GNOD NA GTAN TSIGS 'GAL BA DANG DAM BCA' BA RJES SU DPAG PAS BSAL BA'I SKYON YIN NO ZHES ZER RO, ,BSTAN BCOS LAS MTHONG BA THAMS CAD BSGRUB PAR BYA BA YIN PAR SMRA BA DE DAG GI PHYIR NA BYAS PA NYID KYI RTAGS KYI DRI ZHES BYA BA'I CHOS CAN LAS SA'I YON TAN BZLOG PA'I PHYIR BYAS PA NYID KYI GTAN TSIGS 'GAL BAR 'GYUR RO, ,BYAS PAS NI SA'I YON TAN NYID BZLOG PAR NUS PA YIN TE, GANG GI PHYIR YON TAN DANG YON TAN CAN GYI DNGOS PO NI BRTEN PA'I NGO BO YIN NO, ,SKAD CIG MA'I DON LA NI RTEN 'GA' YANG YOD PA MA YIN TE, MA GRUB PA NI MED PA'I PHYIR DANG, GRUB PA NI THAMS CAD LA LTOS PA MED PA'I PHYIR RO, ,DES NA BYAS PAS MI RTAG PA BSGRUB PA NA YON TAN NYID DANG, RTEN THAMS CAD SEL BA YIN TE, DE NYID KYI PHYIR NA SGRA LA NAM YANG NAM MKHA'I YON TAN BZLOG PA YIN NO, ,YOD PA'AM BYAS PA GANG YIN PA DE NI NAM MKHA'I YON TAN DANG SA'I YON TAN MA YIN TE, BUM PA BZHIN NO, ,BUM PA NI RDZAS YIN @27A *, ,TE; YON TAN NI MA YIN NO, ,SGRA'AM DRI'AM YOD PA'AM BYAS PA YIN NO, ,SGRA LA BRTEN PA NAM MKHA'I YON TAN NYID DANG, DRI LA BRTEN PA'I SA'I YON TAN NYID BSTAN BCOS LAS MTHONG BAR NI KHYAD PAR CUNG ZAD KYANG MED DO, ,DES NA GAL TE SGRA LA, NAM MKHA'I YON TAN NYID BZLOG PA'I PHYIR 'GAL PA YIN NA, DRI LA SA'I YON TAN BZLOG PAS 'GAL BAR CI STE MI 'DOD, SA'I YON TAN NYID NI SKABS MA YIN PA'I PHYIR TE, SKABS SU BAB PA MA YIN PA'I PHYIR LA, SKABS SU BAB PA LA GNOD PAS NI GTAN TSIGS 'GAL BAR 'GYUR BA'I PHYIR RO ZHE NA, SKABS MA YIN PA'I PHYIR BSGRUB BYAR MA GYUR PA SA'I YON TAN NYID LA GNOD KYANG GTAN TSIGS 'GAL BA MA YIN NO ZHES BYA BA GANG YIN PA DE NI RIGS MOD KYI, 'ON KYANG SKABS MA YIN PA DE NI GZHAN NAM MKHA'I YON TAN NYID LA YANG MTSUNGS SO, ,DES NA SKABS SU BAB PA MA YIN PA NAM MKHA'I YON TAN DE LA GNOD PA'I PHYIR GTAN TSIGS 'GAL BAR MI 'GYUR RO, ,MI MTSUNGS TE NAM MKHA'I YON TAN NYID KYI YUL 'DIR CHOS CAN SGRA ZHES BYA BAR GANG YIN DE'I SKABS YIN PA'I PHYIR RO, ,CHOS GANG GI CHOS CAN DKYUS MA SKABS SU BAB PA MA YIN PA DE NI SKABS SU BAB PA NYID YIN TE, RTEN SKABS SU BAB PA NYID YIN PA'I PHYIR RO, ,DES NA BSGRUB PAR BYA BA YIN ZHING DE LOG PAR SGRUB PA'I GTAN TSIGS 'GAL BA YANG YIN NO, ,SA'I YON TAN NYID NI SKABS SU BAB PA'I CHOS CAN GYI CHOS MA YIN PA'I PHYIR BSGRUB BYAR MI 'GYUR TE, DES NA DES ZLOG PAR BYED PAS 'GAL PA MA YIN NO ZHE NA, MA YIN TE ZHES BYA BA NI MTSUNGS PA NYID DO, ,CHOS CAN SKABS SU BAB PA DANG MA BAB PA DAG GIS NI KHYAD PAR DU GYUR PA MA YIN NO, ,CI'I PHYIR ZHE NA, GANG GI PHYIR CHOS CAN SKABS SU BAB PA YIN YANG MI RTAG PA NYID SGRUB PA NA, GANG LA DNGOS PO LA 'BREL PA YOD PA DE NI MA SMOS KYANG BSGRUB BYA NYID DU 'GYUR BA YIN TE, DPER NA BDAG MED PA LA SOGS PA LTA BU'O, ,NAM MKHA'I YON TAN NYID LA NI DE LTAR DNGOS PO LA 'BREL PA YOD PA MA @27B YIN TE, DE MED PA'I RGYU'I PHYIR RO, ,'ON KYANG 'DI DAG NI BSTAN BCOS KHAS BLANGS PA'I RGYU LO NAS BSGRUB PAR BYA BA NYID DU 'BREL PA NA BSTAN BCOS KHAS BLANGS PA DE NI SA'I YON TAN LA SOGS PA THAMS CAD LA YANG MTSUNGS PA YIN TE, DE'I PHYIR NAM MKHA'I YON TAN NYID DANG SA'I YON TAN 'DI GNYIS LA LUNG GI SGO NAS 'ONGS PA'I BSGRUB PAR BYA BA NYID DU BYE BRAG MED DO, ,DE'I PHYIR HA CANG THAL BAR 'GYUR BA NYID DO, ,HA CANG THAL BAR 'GYUR BAS NA NAM MKHA'I YON TAN BZLOG PA LAS KYANG 'GAL BAR KHAS MI BLANG NGO, ,'DI SNYAM DU BSTAN BCOS KHAS BLANGS PA'I PHYIR BSGRUB BYAR 'GYUR BA NI MA YIN GYI, 'O NA KYANG RGOL BAS 'DOD PA YIN PA'I PHYIR RO, ,RGOL BA SKABS SU BAB PA'I CHOS CAN LA JI SNYED YOD PA'I CHOS THAMS CAD BSGRUB PAR BYA BA NYID DU 'DOD PA YOD PA YIN TE, DES NA KHO NA LA BSGRUB PAR BYA BA NYID YOD PA YIN NO, ,CHOS CAN GZHAN LA BRTEN PA BSGRUB PAR BYA BA NYID DU MI 'DOD PA'I PHYIR 'DI LA YANG BSGRUB BAR 'DOD PA MA GRUB PAR 'GYUR BA NI MA YIN NO ZHE NA, 'O NA TE PHA ROL PO SKABS SU BAB PA'I CHOS CAN LA BRTEN PA'I CHOS RNAMS RGOL BAS KYANG 'DOD PAR SGRUB PAR BYED PA DE'I TSE, BSGRUB PAR BYA BA NYID DU 'GYUR BA YIN NA, SGRUB PAR BYED PA NI YOD PA MA YIN NO, ,JI LTAR MED DE GANG GI PHYIR CHOS CAN DE'I KHYAD PAR NAM MKHA'I YON TAN ZHES BYA BA GANG YIN PA DE YANG BSGRUB PAR BYA BAR 'DOD PA YIN TE, BSGRUB BYA'I CHOS DANG CHOS CAN GYI SPYI'I PHYOGS GCIG TU GYUR PA YANG DE YIN LA, DE LAS GZHAN LA KHYAD PAR DU GYUR BAS KHYAD PAR YANG YIN PA'O, ,GTAN TSIGS DE'I PHYIR TE, BSGRUB PAR BYA BA'I CHOS BZHIN NO ZHES BYA BA'I GTAN TSIGS 'DI YOD PA MA YIN NAM ZHE NA, DGAG PA'I PHYIR SPYI'I PHYOGS GCIG CES BYA BA LA SOGS PA SMOS SO, ,SPYI'I PHYOGS GCIG TU GYUR PA'I KHYAD PAR YIN PA ZHES BYA BA'I GTAN TSIGS TZAM GYIS NI SKABS MA YIN PA SKABS DANG BRAL BA RGOL BAS BSGRUB BYA NYID DU 'DOD PAR MI 'GYUR RO, ,CI'I PHYIR DE LTAR MI @28A *, ,'GYUR ZHE NA, BSHAD PA, DON DE NAM MKHA'I YON TAN NYID NI SPYI'I PHYOGS GCIG TU GYUR PA NYID DE'I NGO BO MI 'DOR BA'I RGYU'I PHYIR 'DOD PA LDOG PA MED PAR THAL BAR 'GYUR ZHING SGRUB PAR BYED PA 'GOD PA YANG RGYU MA TSANG BA MED PA CAN SMRA SHES PA'I 'DOD PA TZAM LA RAG LAS NAS 'JUG PA YIN PAS DE YANG LDOG PA MED PAR 'GYUR NA, 'DOD PA DANG 'JUG PA DAG NI 'DOD PA YANG MA YIN NO, ,'DOD PA MED PAR JI LTAR NGES SHE NA, RANG GI RGYUD LA NI SNANG BA MI DMIGS PA'I LAS YIN LA RGYUD GZHAN LA NI RJES SU DPAG PA LAS SO, ,'DOD PA TZAM DANG 'BREL PA 'JUG PA NI 'DOD PA YOD NA GDON MI ZA BAR 'GYUR BA YIN NA, DE MED PA'I PHYIR 'DOD PA MED PAR RTOGS SO, ,DE'I PHYIR SKABS LA MA LTOS PAR NI 'DOD PA YOD PAR NI MA YIN NO, ,GANG GI PHYIR SPYI'I PHYOGS GCIG TU GYUR PA'I PHYIR NI BSGRUB BYAR 'DOD PA 'JUG PA MA YIN PA DE'I PHYIR SKABS 'GA' ZHIG LAS TE, GANG GI TSE SGRA MI RTAG PA LAS PHA ROL THE TSOM DU 'GYUR BA'AM, YONGS SU SHES PA RTOGS PAR 'DOD PAS SGRA MI RTAG PA NYID LA DE BRGAL ZHING BRTAG PA MED PA DE'I TSE BSGRUB BYAR 'DOD PAR 'GYUR BA YIN TE, DE'I PHYIR SHES PAR 'DOD PA RJES SU DPAG PA'I 'DRI BA LA SOGS PA'I NGAG NI SKABS YIN PAS DE NI SKABS DE LAS 'GYUR BA DANG, SKABS DE NYID KYIS RGOL BA LA GZHAN DAG GIS SHES PAR BYA BA YIN NO, ,GAL TE SKABS ZHES BYAS 'DOD PA'I RGYU MA YIN NAM DE'I RGYU NUS PA THOGS PA MED PA NI MA YIN TE, GANG GI PHYIR SKABS YOD KYANG YUL DANG DUS KHA CIG TU RGOL BA LA SKABS DE'I RGYU MTSAN CAN GYI 'DOD PA GANG YIN PA DE NYID MED PA YIN LA, YUL DANG DUS GZHAN DAG TU NI MTHONG BA YIN NO, ,DE'I PHYIR SKABS 'BA' ZHIG LA NI NUS PA YOD PA MA YIN TE, DES NA RGYU GZHAN LA LTOS PA DANG BCAS PA'I RGYUS JI LTAR 'BRAS BU RJES SU DPOG CE NA, BDEN TE, DE LTAR RJES SU DPOG PA NI MA YIN NO, ,'ON KYANG TSIG GI BDAG NYID SGRUB PAR BYED PA NYE BAR BKOD PA LAS 'DOD PA BSGRUB PAR BYA BA YIN TE, SGRUB @28B PAR BYED PA NYE BAR BKOD PA'I PHYIR NA 'DI 'GA' ZHIG SGRUB PAR 'DOD PA YIN NO ZHES BSGRUB PAR BYA BA 'DOD PA NI 'BRAS BU LAS RJES SU DPAG PAR BYA BA YIN NO, ,SKABS KYIS NI 'BRAS BU DE LAS SHES PA'I 'DOD PA'I YUL YONGS SU GCAD PAR BYA BA YIN TE, YUL DE LA NI 'DIR RTZOD PA YOD PAS SKABS DE NYID KYIS RTOGS PAR BYA BA YIN NO, ,DPER NA GRANG CAN GYIS BDAG BSGRUB PA'I SKABS SU SGRUB PAR BYED PA 'GOD PA NA BDAG GI DON NYID BSGRUB PAR BYA BA YIN NA ZHES DE'I YUL CAN GYI 'DOD PA RTOGS PA BZHIN NO, ,BZLOG PA'I SHES PA RIG PAS GSAL BAR 'GYUR BA GANG LA YOD PA SKABS DANG BRAL BA'I 'DOD PA DE'O, ,'DOD PA NI RANG RIG PA'I MNGON SUM MA YIN NO, ,DE NAS GZHAN NYAMS SU MYONG BA NYID DU NGES PAR RANG RIG PAS RTOGS PAR BYA BA DE MED PAR NGES PA'I PHYIR NA, NYAMS SU MYONG BAS MED PAR NGES PA NI BZLOG PA NYAMS SU MYONG BAS DGAG PA 'JUG PA YIN NO, ,'THAD PA MED PA'I PHYIR NAN GYIS YOD DO ZHES BSGRUB PA NI MNGON SUM DANG 'GAL BAR SHES PA YIN NO, ,'DI NYID TSIGS SU BCAD PA DAG GIS BSTAN PA'I PHYIR BSHAD PA, SGRA RTAG PAR KHAS LEN PA LA SOGS PA'I GNAS SKABS 'GAS 'DOD PA SKYE BA YIN LA, DE YUL KHYAD PAR CAN 'DOD PA YIN PAR RNAM PAR GZHAG PA YANG 'BRAS BUR GYUR PA SGRUB PAR BYED PA NYE BAR 'GOD PA DANG LHAN CIG PA'I GNAS SKABS DE DAG NYID KYIS YIN NO, ,GAL TE GANG LA 'DOD PA'I SKABS NYID MED BZHIN DU DE LA NAN GYIS KHYOD 'DI 'DOD PA BZHIN NO ZHES THA SNYAD BYED PA DE'I TSE RIGS PA DANG MI RIGS PA'I DPYOD PA DANG BRAL ZHING 'THAD PAS GNOD PA 'DI NI DBANG PHYUG GI SPYOD PA BZHIN DU 'GYUR RO, ,YUL YONGS SU GCOD PA'I RGYU GNAS SKABS DANG LHAN CIG PA'I SGRUB PAR BYED PA NYE BAR 'GOD PA NI 'BRAS BU'I RTAGS SO, ,DE DANG BRAL BA SKABS DANG MI LDAN PA 'DOD PAR BRJOD PA DE NI MNGON SUM GYIS BYAS PA'I 'KHRUL PAS NI GNOD PAR 'GYUR TE, MNGON SUM GYIS GRUB PA MED PAS DE LA GNOD PA'I PHYIR RO, ,DE NA SPYI'I PHYOGS GCIG NYID KYIS SKABS SU MA BAB PA'I CHOS RGOL BAS BSGRUB BYA NYID DU 'DOD PA YIN @29A *, ,NO ZHES BSGRUB PAR NUS PA MA YIN TE, DES NA DRI LAS SA'I YON TAN BZLOG PAS KYANG 'GAL BAR 'GYUR RO, ,'DI SNYAM DU GAL TE NAM MKHA'I YON TAN NYID SKABS SU BAB PA MA YIN PA DE LTA NA YANG DE LA GNOD NA BSGRUB BYA LA GNOD PAR 'GYUR BAS BSGRUB PAR BYA BA GRUB PA NI DE GRUB PA DANG LHAN CIG PA YIN TE, DES NA BSGRUB BYA YIN NO SNYAM NA, MED NA MI 'BYUNG MIN DON LA, ,ZHES SMOS TE, NYAN PA'I SHES PAS YONGS SU BCAD PA'I CHOS CAN SGRA DANG BSGRUB PAR BYA BA'I CHOS 'JIG PA NI NAM MKHA'I YON TAN NYID DANG 'BREL BA MA YIN TE; DES NA MED NA MI 'BYUNG BA MA YIN BA NAM MKHA'I YON TAN NYID DE LA GNOD KYANG, GZHAN MI RTAG PA NYID LA CI ZHIG GNOD NA GANG MI 'GRUB PAR 'GYUR, GANG YANG MED NA MI 'BYUNG BA'I CHOS DPER NA SKAD CIG MA NYID LA BDAG MED PA LTA BU STE, BDAG RTAG PA MA YIN PAR GYUR NA SKAD CIG MA NYID DNGOS PO THAMS CAD LA GNAS PAR MI 'GRUB PA'I PHYIR BDAG MED PA MA GRUB NA SKAD CIG MA NYID MI 'GRUB PO, ,NAM MKHA'I YON TAN NYID NI DE LTAR MED NA MI 'BYUNG BA MA YIN NO, ,'DI SNYAM DU LUNG GIS MI GNOD PA'I GTAN TSIGS NI BSGRUB BYA GO BAR PHYED PA YIN NA 'DIR NI LUNG GIS GNOD PAS SKYON CAN DU GYUR PA'I GTAN TSIGS KYIS MI RTAG PA NYID KYANG GO BAR MI BYED PAS MA RTOGS PA NYID DE'I GNOD PA YIN NO ZHE NA, BSHAD CES SMOS SO, ,CI ZHIG BSHAD CE NA, RJES DPAG RANG GI SPYOD YUL LA, ,LUNG LA LTOS PA MED PA YIN NO ZHES BYA BA 'DI NI RJES SU DPAG PA'I YUL LA NI TSIG TSAD MA MA YIN NO ZHES BYA BA DER BSHAD DO, ,TSUL GSUM PA TSAD MAS GRUB PA'I PHYIR DNGOS PO'I STOBS KYIS ZHUGS PA'I RTAGS RANG GI YUL LA 'JUG PA YIN GYI, LUNG LA NI GZHAN 'GA' YANG DON DU GNYER BA MED DO, ,DE'I PHYIR LUNG LA MI LTOS PA'I PHYIR NA LUNG DANG 'GAL BA YANG DES GRUB PA GANG YIN PA DE NI LEGS PAR GRUB PA YIN TE, DE LA GNOD PA NI MA YIN NO, ,ZHE NA'I SGRA TSIG LE'U BYAS PA 'OG MA LA BRJOD PA YIN YANG 'DIR BLTA BAR BYA STE, GAL TE DE'I BSTAN BCOS LA LTOS PA MED PA YIN NA @29B DE'I RTZOD PA DOR BAR 'GYUR RO ZHE NA, 'GYUR BA MIN TE, DNGOS PO'I STOBS KYIS ZHUGS PA'I RJES SU DPAG PA'I DUS DE'I TSE KHAS BLANGS PA MED PA'I PHYIR RO, ,KHAS BLANGS PA YOD NA DOR BAR 'GYUR BA YIN NA, DE'I TSE NI BSTAN BCOS KHAS BLANGS PA NYID MED DO, ,GANG GI DON DU RANG NYID SMOS PA BSTAN BCOS KHAS BLANGS PA YIN YANG RTZOD PA 'DOD PA YOD PA MA YIN NAM ZHE NA, BDEN TE, DE'I TSE ZHES BYA BA RJES SU DPAG PA'I DUS SU YOD KYANG BSTAN BCOS KHAS LEN PA DE 'DOR BA'I RGYU NI MA YIN NO, ,JI LTAR GNOD PAR BYAS LA GTONG BAR MI 'GYUR ZHE NA, 'DI NI KHAS LEN PA'I THABS YIN PAS ZHES SMOS SO, ,THABS ZHES BYA BA NI GANG GI PHYIR BSTAN BCOS KHAS LEN PA'I THABS NI 'DI KHO NA STE, 'DI LTA STE DE LAS BSHAD PA YONGS SU RTOGS PA ZHES BYA BA GANG YIN PA'O, ,DE'I PHYIR DE'I TSE YOD KYANG MED PA DANG 'DRA BA'I KHAS LEN PA NI GTONG BA'I YAN LAG MA YIN TE, MED PA'I PHYIR GTONG BA MED DO, ,GANG GI TSE BYE BRAG PA RANG GI LUNG LAS BSHAD PA'I RJES SU DPAG PAR BYA BA'I DON GZHAN DANG LHAN CIG RJES SU DPAG PA LA RNAM PAR DPYOD PAR RTZOM PA DE NYID KYI TSE KHAS BLANGS PA BYAS SU ZIN KYANG, GAL TE GZHAN GYIS GRUB PA'I MTHA' LAS BSHAD PA'I DON RNAM PA 'GA' ZHIG LTAR GSAL BA DE'I TSE 'DI NI LUNG MA YIN NO ZHES BRJOD PAS, YID GNYIS SU GYUR PA NI RJES SU DPAG PA'I DUS SU KHAS LEN PA YOD KYANG KHAS LEN PA'I RGYU'I GNAS SKABS THOB PAR GYUR PAS NA, KHAS BLANGS PA DOR BA DANG 'DRA BAR 'JUG PA YIN NO, ,DE'I PHYIR DE'I TSE YOD PA'I KHAS LEN PA NI SNGA MA MED PA BYA DGOS PA CAN DU MTHONG BA'I PHYIR DOR BA'I YUL MA YIN NO, ,GAL TE DPYOD PA'I DUS NA GRUB PA'I MTHA' MED NA, 'O NA NAM GYI TSE BSTAN BCOS KYIS GNOD PAR 'GYUR ZHE NA, DE LTAR ZHES SMOS TE; BSTAN BCOS LA MA LTOS PAR MNGON SUM DANG RJES SU DPAG PA DAG GIS YUL GNYIS RNAM PAR DAG CING GTAN LA PHEBS NA'O, ,BSTAN BCOS KYI BRJOD PAR BYA BA'I YUL GYI RANG BZHIN YANG RNAM PA GSUM STE, MNGON SUM DU GYUR PA GZUGS LA SOGS PA DANG, RJES SU DPAG @30A *, ,PAR BYA BA SKAD CIG MA NYID LA SOGS PA DANG, DBANG PO LAS 'DAS PA MTHO RIS LA SOGS PA'O, ,DE LA MNGON SUM DU GYUR PA DANG RJES SU DPAG PAR BYA BA'I YUL GTAN LA PHEBS NA DE NI BSTAN BCOS YONGS SU 'DZIN PAR 'DOD PA'I STE, YONGS SU 'DZIN PA DUS YIN NO, ,'DOD PA ZHES BYA BA NI 'DI SKAD DU STON PA YIN TE, LUS GNYIS YONGS SU DAG KYANG DBANG PO LAS 'DAS PA LA SEMS DGOS PA MED PAR MI 'GYUR BA'I PHYIR GDON MI ZA BAR GZUNG BA NI MA YIN TE, GAL TE MI 'JUG NA SDUG BSNGAL BAR GNAS PAR 'GYUR NA DES YUL GNYIS NGES NA BSTAN BCOS GZUNG BAR BYA BA YIN PAS YUL GNYIS RNAM PAR DAG PA MTHAR PHYIN PA'I DUS DE'I TSE, BSTAN BCOS NI GNOD PAR 'GYUR BA YIN GYI SNGAR NI MA YIN NO, ,GAL TE YUL GNYIS RNAM PAR DAG TU CHUG PA DE LTA NA YANG JI LTAR BSTAN BCOS KHAS LEN PA'AM, JI LTAR DE GNOD PAR 'GYUR ZHE NA, DES GRUB PA DON LA ZHES SMOS TE, DES ZHES BYA BA BSTAN BCOS KYI GRUB PA'I DON LA BSTAN BCOS LAS GRUB PA'I DON DANG 'GAL BAR SEMS PA GANG YIN PA DE NI MI RUNG BA'I PHYIR RO, ,GANG GI PHYIR RTEN MED PAS DBANG PO LAS 'DAS PA'I DON LA SEMS PA MI 'THAD PA DE'I PHYIR, GNAS GSUM PA DBANG PO LAS 'DAS PAR 'PHO BA NA, BSTAN BCOS LEN PA RIGS LDAN YIN TE, GDON MI ZA BAR BYA BA YIN TE, BSTAN BCOS KHAS MA BLANGS NA NI DPYOD PA'I GZHI MED PA'I PHYIR RO, ,BSTAN BCOS KHAS BLANGS NA YANG DE DANG 'GAL BA'I DON KHAS MI BLANG STE, DE KHAS LEN NA BSTAN BCOS KYIS GNOD PAR 'GYUR RO, ,DPER NA BSTAN BCOS LAS RAB TU GRAGS PA'I CHOS KHAS BLANGS NAS DE DANG 'GAL BA BDE BA MA YIN PA RAB TU STER BA NYID SMRA NA BSTAN BCOS KYIS GNOD PA BZHIN NO, ,BSTAN BCOS YONGS SU LEN PA DER YANG DPER NA SKAD CIG MA NYID DANG BDAG MED PA 'BREL PA LTAR BSGRUB BYA'I CHOS DANG, MED NA MI 'BYUNG BA'I CHOS GANG YIN PA STE, 'BREL PA'I CHOS DE LA GNOD PA GANG YIN PA DE NYID SPONG BAR BYA BA YIN TE, DE LA @30B GNOD PAR BYED PA NI DNGOS PO NI BSGRUB BYA'I CHOS LA YANG GNOD PAR BYED PA YIN PAS 'GAL BAR 'GYUR RO, ,CHOS GZHAN DAG LAS NI MIN TE, THUG PA MED PAR THAL BA'I PHYIR RO, ,LUNG LA BSTAN PA YIN YANG BSTAN BCOS LAS MTHONG BA THAMS CAD KYIS KHYAB PAR NI RTAGS 'GA' YANG DPE LA BSTAN PAR NUS PA MA YIN TE, DE'I PHYIR RJES SU DPAG PA 'JUG PA'I DUS NA BSTAN BCOS KHAS LEN PA YOD KYANG MED PA DANG 'DRA BAS YONGS SU 'DOR BA'I YAN LAG MA YIN LA, GNOD PAR BYED PA YANG MA YIN NO ZHES BYA BA 'DI GNAS PA YIN NO, ,JI LTAR GNOD PAR BYED PA MA YIN TE MIG PAS KYANG CHOS YID CHES PA'I GNAS SU GYUR PA LUNG GIS GNOD NA GTAN TSIGS MA YIN NO ZHES NGES PAR BSAMS NAS BSTAN BCOS DANG 'GAL BA MED PA'I GTAN TSIGS SU NYE BAR BLANG BAR BYA BA YIN PA'I PHYIR RO ZHE NA, BSHAD PA, LUGS TE RNAM PAR GZHAG PA 'DI GANG GIS BYA, CI 'DRA BA ZHIG CE NA, MNGON SUM DANG RJES SU DPAG PA DANG, DBANG PO LAS 'DAS PA'I DPYOD PA KUN BSTAN BCOS LA LTOS PAR BYA BA YIN NO ZHES BYA BA'O, ,DE 'DRA BA NI GANG GIS KYANG BYA BAR NUS PA MA YIN TE, DE LTAR YIN NO ZHE NA, DA NI PHYUGS RDZI LA SOGS PA GRUB MTHA' MED RNAMS KYIS, DU BAS ME 'DZIN PAR MI 'GYUR RO, ,'DZIN PA YANG YIN TE, DE'I PHYIR GRUB PA'I MTHA' NI RJE SU DPAG PA LA GROGS BYED PA MA YIN NO, ,RJES SU DPAG PA LUNG LA MI LTOS PAR GDON MI ZA BAR KHAS BLANGS PAR BYA DGOS TE, DE LTA MA YIN NA GAL TE DPE LA BSTAN BCOS LAS MTHONG BA'I DON KUN SGRUB PAR BYED PA GCIG LA KHYAD PAR BYED PA YIN PAR NYE BAR BSTAN PA DE LTA NA SGRUB PAR 'GYUR RO ZHE NA, 'DI NI 'JIG RTEN LAS 'DAS PA'I LUGS SHIG GO, ,'JIG RTEN LA SGRUB PAR BYED PA CUNG ZAD YOD PA KHO NA STE, DE LTA NA NI SGRUB PAR BYED PA 'GA' YANG MED PAR 'GYUR TE, GANG ZHIG BSTAN BCOS LAS MTHONG BA GCIG TZAM YANG PHYIN CI LOG TU SGRUB PAR MI BYED PA'I CHOS DE NI 'GA' YANG MED DO, ,BSTAN BCOS LAS MTHONG BA DANG 'GAL BAS KHYAB PA GANG YIN PA'I PHYIR GTAN TSIGS 'GA' YANG @31A *, ,MED PAR 'GYUR RO, ,GZHAN YANG LUNG DANG LDAN PA BSGRUB PAR BYA BA'I CHOS DANG 'BREL MED CHOS NI MA GRUB BAS BSGRUB BAR BYA BA'I CHOS MA GRUB BAR NI JI LTAR 'GYUR, 'BREL BA MA GRUB NA NI MA GRUB BA ZHES BYA BAR 'GYUR RO, ,MNGON PAR 'DOD PA'I CHOS DE GRUB PA YIN NA LUNG LA GNOD PAR BYED PA YIN YANG GTAN TSIGS SKYON LDAN JI LTAR STE, CI'I PHYIR YIN, DE NI CHOS GCIG BO DE NYID SGRUB BAR BYED PA'I PHYIR NYE BAR BKOD PA YIN PAS, GAL TE DE GRUB NA GZHAN MA GRUB KYANG SKYON DANG LDAN PA MA YIN PA KHO NA'O, ,DE'I PHYIR THAMS CAD DU RJES SU DPAG BA LUNG LA BRTEN BA YIN NA PHYUGS RDZI LA SOGS PAS 'KHRUL BA DANG, GAL TE DPE LA ZHES BYA BA'I YUL 'DIS KYANG MI NUS PA YIN NO ZHES BSHAD PA YIN NO, ,'DI SNYAM DU BSTAN BCOS PA THAMS CAD DPE LA BSTAN PAR BYA BA NI MA YIN TE, 'ON KYANG BSGRUB BAR BYA BA'I CHOS CAN LA CHOS JI SNYED BSTAN BCOS LAS MTHONG BA DE DAG GIS GTAN TSIGS LA KHYAB PAR NI DPE'I CHOS CAN LA BSTAN PAR BYA BA YIN NO, ,BSTAN BCOS LAS MTHONG BA THAMS CAD KYIS MA YIN PA DES NA 'GA' ZHIG SGRUB PAR BYED PAR 'GYUR BA'I PHYIR 'JIG RTEN LAS 'DAS PA'I LUGS KYANG MA YIN NO, ,LUNG SHES PA NA LUNG LA GNOD PA'I GTAN TSIGS LAS 'GA' YANG RTOGS PAR MI 'GYUR TE, GANG GIS MIG TU GYUR PA'I LUNG LA GNOD PAR BYED PA DE NI DPE'I SPANG BYAR GYUR PA NA JI LTAR RTOGS PAR BYED PA'I YAN LAG TU 'GYUR, LUNG MI SHES PA DAG GO CI STE DU BA LA SOGS PA LAS ME LA SOGS PA RTOGS PAR MI 'GYUR ZHE NA, GAL TE 'JIG RTEN YANG BSGRUB BYA'I CHOS CAN GYI CHOS KYIS KHYAB PA'I GTAN TSIGS GO BAR BYED PAR 'GYUR GYI, GZHAN DU MA YIN PA DE LTA NA LUNG SHES PA'I LUNG LAS GRUB PA YANG DE KHO NA LTAR MDZES PA YIN NA, DE LTAR YANG MA YIN TE; 'DI LTAR CHOS CAN CHOS NI MA LUS PAS, ,DPE LA YOD PA'I GTAN TSIGS LA BSTAN BA MED PA KHO NAR NI STE, ,DE DAG GIS GTAN TSIGS LA KHYAB PAR MA BSTAN PA KHO NAR LUNG MI SHES PA'I 'GRO BA TSIG LAS SEMS DANG LDAN PA NYID DANG DU BA LA SOGS PA LAS ME LA SOGS PA @31B RJES SU DPOG PA YIN NO, ,DE'I PHYIR DPE LA BSGRUB BYA 'BA' ZHIG GIS KHYAB PAR BSTAN PA'I GTAN TSIGS NI LUNG SHES PA LA YANG GO BAR BYED PA YIN LA, SKYE BO GZHAN LA YANG DE KHYAD PAR YOD PA NI MA YIN NO, ,GO BAR BYED PA'I GTAN TSIGS LUNG SHES PA LA NI RNAM PA GZHAN DU GYUR LA LUNG MI SHES PA LA YANG RNAM PA GZHAN DU 'GYUR BA NI MA YIN TE, 'ON KYANG DE'I BDAG NYID DANG DE LAS BYUNG BDAG GIS GO BAR BYED PA NI GNYI GA LA YANG KHYAD PAR MED DO, ,'DI'I PHYIR YANG KHYAD PAR MED PA YIN TE, 'DI LTAR RANG BZHIN 'BREL PA'I RGYU MTSAN CAN MED NA MI 'BYUNG BA'I MTSAN NYID MI 'KHRUL BAS NA, KHYAB PAR BYED PA NGO BO DANG, RGYU DAG SGRUB PAR BYED PA'I DON KHYAB PAR BYA BA RANG BZHIN DANG 'BRAS BU ZHES BYA BA GO BAR BYED PA YIN PAR NI 'GA'I SMRA BA LA GNOD KYANG, DE'I BDAG NYID DANG DE'I 'BRAS BU'I NGO BO NYID LAS LDOG PAR MI 'GYUR RO, ,GAL TE LUNG LA GNOD PAS RANG GI NGO BO LAS LDOG PAR 'GYUR NA NI, LUNG SHES BA'AM GZHAN LA GTAN TSIGS MA YIN PAR 'GYUR RO, ,'DI SNYAM DU GAL TE NGO BO NYID LAS LDOG PAR MI 'GYUR BA DE LTA NA YANG LUNG LA GNOD NA GTAN TSIGS KYIS LUNG SHES PA RTOGS PAR BYED MI NUS SO SNYAM DU DOGS PA BSAL BA'I PHYIR BSHAD PA, GTAN TSIGS DE NI MED NA MI 'BYUNG BA MI 'KHRUL BA NYID YIN PAR RTOGS PA DAG GO, ,GANG DANG ZHE NA, 'DOD PA STE 'DOD CING SHES PAR 'DOD PA DANG NGO, ,GTAN TSIGS DES RTOGS PA YIN NA BSGRUB PAR BYA BA JI LTAR RTOGS PAR 'GYUR BA MA YIN, RUNG BA TZAM GYIS NI SGRON MA BZHIN DU GTAN TSIGS RJES SU DPAG PAR BYA BA GO BAR BYED PA MA YIN GYI, 'ON KYANG RJES SU DPAG PAR BYA BA'I DON DANG MED NA MI 'BYUNG BA NYID DU NGES PAS SO, ,MED NA MI 'BYUNG BA NGES PA LAS GZHAN PA ME RTOGS PAR BYED PA'I BYA BA NI YOD PA MA YIN NO, , DU BA DE NI RANG BZHIN 'BREL BAS ME MED NA MI 'GYUR BA NYID DU GRUB BAR 'GYUR BDE TZAM GYIS ME RTOGS PA NYID YIN PA DE BZHIN DU LUNG SHES PA YANG RANG BZHIN 'BREL BA'I RTAGS RTOGS BA NYID NI BSGRUB BYA RTOGS PA YIN TE, DES NA LUNG LA GNOD PA'I GTAN TSIGS KYIS LUNG SHES PA BSGRUB BYA @32A *, ,RTOGS PAR MI 'GYUR RO ZHES CI STE BRJOD, 'DI SNYAM DU LUNG SHES PA DES MNGON PAR 'DOD PA'I PHYOGS GTAN TSIGS DES BSAL BA YIN PA DE'I PHYIR, DON GANG DANG YANG MED NA MI 'BYUNG BA MTHONG BA MED LA, 'KHRUL PA MTHONG BA'I PHYIR LUNG SHES BA GTAN TSIGS KHAS LEN PAR YANG MI BYED DO SNYAM DU DOGS PA DGAG PA'I PHYIR BSHAD PA, GAL TE BSTAN BCOS LA LAR DNGOS PO 'GA' ZHIG RIGS PA MA YIN PA DES NA GTAN TSIGS DES DGAG BAR BYA BA YIN PA DE TZAM GYIS RIGS PA SMRA BA'I GTAN TSIGS GZHAN PA DAG KYANG CI STE KHYOD KYIS DGAG PAR BYA BAR 'GYUR, DBANG PHYUG LA MI RIGS PA SMRAS PA GCIG GANG GIS BZLOG PA DE LA DBANG PHYUG KHROS NA RIGS PA SMRA BA BRGYA YANG ZLOG PAR BYED PA GANG YIN PA 'DI NI RGYAL RIGS KYI LUGS YIN NO, ,LUNG LA GNOD PAR BYED PA SPONG BA'I LUNG SHES PA LA NI 'GA' SGRUB PAR BYED PAR MI 'GYUR RO, , GANG GI PHYIR LUNG LAS MTHONG BA GCIG PHYIN CI LOG PAS KHYAB PAS KYANG GAL TE SGRUB BYED DE LUNG LA GNOD PA BYED PAR 'GYUR BAS DE'I LUNG LA GNOD PAR MI 'GYUR BAR BYA BA'I PHYIR THAMS CAD KYIS KHYAB PAR BSTAN DGOS NA, DE LTAR NI BYA BAR MI NUS SO ZHES BSHAD PA NI, LUNG LAS MTHONG BA'I DON RNAMS THAMS CAD MTSUNGS BYAS NAS TE, DPE LA YOD PA LA NYE BAR BSTAN NAS RTAGS SU BYA BAR NI MI NUS TE, BSTAN BCOS LA MTHONG BA'I CHOS THAMS CAD KYIS KHYAB PA NI 'GA' YANG MED PA'I PHYIR RO, ,DES NA GTAN TSIGS KUN LA LUNG SHES PA'I BSGRUB BYA DANG SGRUB BYED BZHAG PA NYAMS PAR 'GYUR RO, DES NA LUNG LA GNOD KYANG LUNG LA GNAS PA DANG MI GNAS PA'I GTAN TSIGS YIN TE, DE'I PHYIR LUNG LA LTOS PA MA YIN NO, ,DE'I PHYIR ZHES BYA BA NI GANG GI PHYIR GTAN TSIGS LUNG LA LTOS PA MED PAR NUS PA YIN PAR DE'I PHYIR SKABS SU BAB PA NYID BSGRUB BYA YIN PA DANG, BSGRUB PAR BYA BA DE LA GNOD PAR BYED PA YANG 'GAL BA YIN GYI, BSGRUB BAR BYA BA MA YIN PA LA GNOD PA NI MA YIN NO, ,DE NYID KYI PHYIR GNOD BYA GNOD BYED MA YIN BA MI RTAG PA DANG NAM MKHA'I YON TAN MA YIN PA NYID DAG SGRUB PAR BYED PA GCIG , @32B LAS GRUB PA NI SKABS KYI BSGRUB BYA LA GNOD PA MA YIN PA'I PHYIR 'GAL BA MED PA YIN NO, ,'GAL BA MED KYANG GAL TE BSTAN BCOS LA GNOD PAS 'GAL BAR KHAS LEN NA'O, ,YUL LA GZHAN ZHES BYA BA'I DON GNYIS TE, GTAN TSIGS GZHAN GYI YUL LA GTAN TSIGS GZHAN GYIS LUNG LA GNOD PAR BYAS PA DANG, DRI LA SOGS PA CHOS CAN YUL GZHAN LA BSTAN BCOS LA GNOD PAR BYAS BA GANG YIN PA STE, DE LTAR GYUR PA NA YANG BSTAN BCOS LA GNOD PAR KHYAD PAR MED PA'I PHYIR GTAN TSIGS 'GAL BAR 'GYUR RO, ,BRTZAL MA THAG TU BYUNG BA LA SOGS PA'I GTAN TSIGS GZHAN GYI SGRA ZHES BYA BA'I CHOS CAN DE NYID LA, NAM MKHA'I YON TAN LA SOGS PA GNOD PAR BYAS NA YANG GZHAN GYIS BYAS PA'I GNOD PA BZOD PA'I PHYIR JI LTAR RANG GIS GNOD PAR BYAS BA DE BZHIN DU, MI RTAG PA NYID KYI DON DU BKOD PA'I BYAS PA 'GAL BAR 'GYUR LA; DE BZHIN DU SKABS SU BAB PA'I CHOS CAN LA BSTAN BCOS GNOD PAR BYAS PA DE BZHIN DU, SKABS MA YIN PA'I DRI LA SOGS PA'I CHOS CAN LA SA'I YON TAN NYID LA SOGS PA'I CHOS GNOD PAR BYAS PAS 'GAL BAR 'GYUR RO, ,MJUG BSDU BA'I SGO NAS GTAN TSIGS GZHAN GYIS BSTAN BCOS BKAG PA BYAS NAS YANG 'GAL BAR 'GYUR RO ZHES BYA BA 'DI KHYAD PAR DU 'PHAGS PAR BSTAN PA YIN TE, DES NA ZLOS PAR 'GYUR BA MED DO, ,DE NYID KYI PHYIR DES DE NYID LA GNOD NA ZHES SMOS SO, ,NYID KYI SGRA NI GNYI GA DANG 'BREL TO, ,GTAN TSIGS DE NYID KYIS GNOD PAR BYAS NA GTAN TSIGS 'GAL BAR 'GYUR GYI, GTAN TSIGS GZHAN GYIS GNOD PA BYAS PAS NI DE 'GAL BA MA YIN LA, DE BZHIN DU SKABS SU BAB PA'I CHOS CAN DE NYID LA BKAG NA GTAN TSIGS 'GAL BAR 'GYUR GYI, CHOS CAN GZHAN LA NI MA YIN TE, DRI LA SOGS PA'I CHOS CAN GZHAN DE BSGRUB PAR BYA BA MA YIN NA, DE'I CHOS KYANG BSGRUB PAR BYA BA MA YIN PA'I PHYIR DANG, BSGRUB PAR BYA BA MA YIN PA LA GNOD KYANG 'GAL BA MA YIN PA'I ZHE NA, GTAN TSIGS THAMS ZHE NA, GTAN TSIGS THAMS @33A *, ,CAD KYI SKYON DANG YON TAN GANG YIN PA DE DAG NI RANG GI BSGRUB BYA LA LTOS NAS BSAM PAR BYA BA YIN PA'I PHYIR RO, ,RANG GI BSGRUB BYA SGRUB BAR BYED PA NYID KYIS NI GTAN TSIGS YON TAN CAN YIN LA, DE SEL NA NI SKYON CAN YIN NO, ,SGRUB PAR BYED BA DE RANG GI BSGRUB PAR BYA BA 'GOG PA MA YIN YANG BSTAN BCOS LA GNOD PA'I PHYIR 'GAL BAR KHAS LEN PA YIN NA, BSTAN BCOS LA GNOD PA DE NI GTAN TSIGS GZHAN GYIS BYAS PAR GYUR NA YANG BYAS PA NYID DE LA YOD PA'I PHYIR 'GAL BAR 'GYUR RO, ,CIG SHES BYIS SMRAS PA, GTAN TSIGS GZHAN GYIS BSTAN BCOS LA GNOD PA BYAS NA YANG DAM BCA' BA'I SKYON DU 'GYUR BA KHO NA'O, ,GTAN TSIGS KYI SKYON NI MA YIN NO ZHES BYA BA'I THA TSIG GO, ,DE LA MDOR BSDUS BA NI 'DI YIN TE, DAM BCA' BA NI GAL TE GTAN TSIGS DE NYID DAM DE LAS GZHAN GYIS BSAL BA YIN YANG RUNG STE, DE RJES SU DPAG PAS GNOD PA YIN NO, ,GNOD PAR BYED PA'I 'GAL BA CI YANG BYED PA MA YIN NO ZHES BYA BA 'DI NI MI RIGS SO ZHE NA, BSHAD PA, DAM BCA' BA'I SKYON YIN GYI GTAN TSIGS KYI SKYON NI MA YIN NO ZHES BYA BAR 'GYUR MOD, 'ON KYANG JI LTAR SKABS SU BAB PA'I CHOS CAN DE NYID LA GTAN TSIGS GZHAN GYIS NAM MKHA'I YON TAN NYID BZLOG NA DAM BCA' BA'I SKYON YIN PA DE BZHIN DU DRIL LA SA'I YON TAN NYID GTAN TSIGS GZHAN GYIS BZLOG NA YANG SGRA MI RTAG PA RAB TU SGRUB PA'I PHYIR NYE BAR BKOD PA'I DAM BCA' BA'I SKYON DU 'GYUR TE, GNYI GA LTAR YANG BSTAN BCOS BKAG PA'I PHYIR RO, ,GNOD PAR BYAS PA'I CHOS DANG LDAN PA'I CHOS CAN GYI BRJOD PA'I PHYIR, SKABS SU BAB PA'I CHOS CAN 'DI NYID LA BSTAN BCOS GNOD NA DAM BCAS PA'I SKYON DU 'GYUR GYI, DRI LA SOGS PA SKABS MA YIN PA GZHAN LA GTAN TSIGS GZHAN GYIS SA'I YON TAN NYID GNOD PAS NI MA YIN NO, ,GANG GI PHYIR SKABS KYIS CHOS CAN BSGRUB PAR BYA BA YIN PA DE'I PHYIR DE'I CHOS JI SNYED PA DE THAMS CAD KYANG BSGRUB BYA MA YIN LA, BSGRUB PAR BYA BA'I CHOS GANG YIN PA DE NYID KYANG DAM BCA' BA LA GNOD PAR BYED PAR @33B MNGON SUM DANG RJES SU DPAG BAS GNOD PAR BYA BA YIN NO, ,SKABS MA YIN PA'I CHOS CAN NI BSGRUB BAR BYA BA MA YIN PAS DE'I CHOS KYANG BSGRUB BYA MA YIN TE, DES NA DAM BCA' BA GNOD PAR BYED PAS DE GNOD BAR BYA BA MA YIN NO, ,DE'I PHYIR CHOS CAN GZHAN LA BRTEN PA'I CHOS NI GTAN TSIGS GZHAN GYIS BKAG PA YIN YANG DAM BCA' BA'I SKYON MA YIN NO ZHES DOGS NA, BSHAD BA, GNOD PAR BYA BA'I DON GANG LA YOD PA'I BSTAN BCOS DE KHAS BLANGS PAS NA, SKABS MA YIN PA GZHAN DU YANG DAM BCA' BA'I SKYON DU 'GYUR RO, ,'DI LTAR CHOS CAN SKABS YIN PA TZAM GYIS NI DE'I CHOS THAMS CAD BSGRUB BYA MA YIN TE, 'ON KYANG SKABS SU BAB PA GANG YIN PA NYID DO, ,BSTAN BCOS KHAS BLANGS PA SKABS MA YIN PA YANG BSGRUB BYAR 'GRO BA YIN NA NI, BSTAN BCOS KHAS BLANGS PA DE NI GZHAN DU YANG KHYAD PAR MED PA'I PHYIR BSGRUB BYAR 'GYUR RO, ,DES NA JI LTAR SGRA LA NAM MKHA'I YON TAN GTAN TSIGS GZHAN GYIS BSAL NA BSTAN BCOS LA GNOD PA'I PHYIR DAM BCA' BA LA GNOD BA DE BZHIN DU, DRI LA SA'I YON TAN BSAL NA YANG BSTAN BCOS LA GNOD PA'I PHYIR CI STE, DAM BCA' BA LA GNOD PA YIN TE, KHAS BLANGS PA'I BSTAN BCOS KYI DON BKAG PAR KHYAD PAR MED PA'I PHYIR RO, ,GANG GI PHYIR SKABS MA YIN BA'I CHOS CAN LA BSTAN BCOS BKAG PAS KYANG DAM BCA' BA'I SKYON DU THAL BA DES NA 'DI NI DE DAM BCA' BA'I SKYON GYI MTSAN NYID DU MI RIGS TE, HA CANG THAL BAR 'GYUR BA STE, HA CAD KHYAB CHES PA'I PHYIR RO,, BSTAN BCOS LA MTHONG BA BSGRUB PAR BYA BA NYID YIN NA NYES PA GZHAN YANG BSAGS PA'I PHYIR GZHAN YANG ZHES BYA BA LA SOGS PA SMOS SO, ,LUNG LAS MTHONG BA MA GRUB PA'I GTAN TSIGS BRJOD PA YANG DAM BCA' BAR 'GYUR TE, DAM BCA' BA'I MTSAN NYID DANG LDAN PA'I PHYIR RO, , DPER NA SGRA MI RTAG STE, ,LDAN PA DANG RNAM PAR DBYE BA LAS SKYES PA'I PHYIR ZHES BYA BA LA SGRUB PAR BYED PA LDAN PA DANG, RNAM PAR DBYE BA LAS SKYES PA MA GRUB PAS, DE BRJOD PA YANG DAM BCA' BAR 'GYUR RO, ,KHO NA ZHES TSIG PHRAD BRJOD BAS NA SGRUB BYED DU 'DOD PA SPANGS PA'I PHYIR SKYON @34A *, ,'DI MED DO ZHE NA, THE TSOM ZA BA RGOL BAS BSGRUB BYAR 'DOD PA NI BSGRUB BYAR RIGS PA YIN NO, ,BSTAN BCOS LAS MTHONG BA'I DON YANG GZHAN LA MA GRUB BA DANG, BSTAN BCOS KHAS BLANGS BAS RGOL BAS BSGRUB BYAR YANG 'DOD PA YIN PA DES NA GANG GIS ZLOG PAR BYED PA 'GA'I TSIG KYANG GZHAN DU 'GYUR BAR MI NUS TE, DE'I PHYIR TSIG PHRAD PA SMOS PA NI DON MED PAR 'GYUR TE, RIGS PAS TSIG LA GNOD PA'I PHYIR RO, ,BSTAN BCOS LAS MTHONG BA BSGRUB BYA YIN NA RANG GI SGRA YANG DON MED PAR 'GYUR TE, PHYOGS KYI MTSAN NYID LAS PHYI ROL DU GYUR PA'I BRJOD PAR BYA BA CAN YIN PA'I PHYIR RO, ,'DI NI BRJOD PAR BYA BA NI PHYOGS KYI NGO BO MA YIN TE, 'ON KYANG BLA LHAG PA YIN NO, ,DES NA DGOS PA MED BAR 'GYUR RO, ,DON MED PA NI MA YIN TE, 'ON KYANG BSTAN BCOS MANG PO DAG LA RGOL BA 'DOD PAS 'JUG BA'I DON DU YIN TE, RTZOD PA'I DUS SU KHAS BLANGS PA'I BSTAN BCOS KYANG DOR NAS 'DOD PAS GZHAN BLANG BAR BYA'O ZHES BSTAN BA'I DON DU RANG GI SGRA SMOS PA YIN NO ZHES BYA BA'I THA TSIG GO, ,DGAG PA'I PHYIR BSHAD PA, GANG GIS DE'I ZHES BYA BA 'DOD PAS 'JUG PA'I DON DU 'BAD PAR BYED PA MI 'DOD BZHIN DU 'JUG PA'I DOGS PA GANG LAS YIN, DOGS PA MED PAR NI RNAM PAR BCAD PA LHUR BYED PA'I MTSAN NYID CAN GYI NGAG YOD PA MA YIN NO, ,'DI 'DRA BA'I DOGS PA'I SA BON NI YOD PA MA YIN TE, 'DI LTAR LUNG GI YUL YONGS SU BYANG BAR BYED PA'I TSAD MA NYID RTOGS PA DANG LDAN PA'I 'JUG PAR BYED PA YIN LA, GNOD PAR BYED PA YANG LDOG PAR BYED PA YIN NO, ,DES NA GAL TE YUL YONGS SU SBYONG BA'I TSAD MAS MA BZLOG NA DE SUS KYANG TSIG GIS BZLOG PAR MI NUS LA, TSAD MAS BZLOG CING BGAG NA YANG TSIG GIS 'JUG PAR BYED MI NUS TE, TSIG NI 'JUG PAR BYED BA DANG LDOG PAR BYED PA NYID DU MI RIGS PA'I PHYIR RANG GI SGRA NI DON MED DO, ,'DI SNYAM DU RANG GI RANG NYID BDAG NYID KYIS SGRUB PA GANG YIN PA DE CHOS CAN YIN GYI GZHAN NI MA YIN NO, ,NYAMS SU MYONG BA NI DON GYI NGO BO LA RAG LAS PA YIN TE, DES NA NYAMS SU MYONG BAS GRUB PA NI RANG GIS GRUB PA YIN NO,, @34B RTOG PA NI DON GYI NGO BO LA RAG LAS PA MA YIN TE, DES NA DES GRUB PA NI RANG GIS GRUB PA MA YIN NO, ,RANG GIS GRUB PA'I CHOS CAN LA 'DOD PA'I CHOS GANG YIN PA DE BSGRUB BYA YIN NO ZHES BYA BA'I DON 'DI BSTAN PA'I PHYIR RANG NYID KYI SGRA YIN NO ZHES GANG SMRAS PA NI, RANG NYID KYI SGRAS ZHES BYA BA LA SOGS PA SMOS PA YIN NO, ,GRUB MTHA'I MTSAN NYID KYIS SHES PAR BYAS PA'I KHYAD PAR GYI CHOS CAN NAM MKHA'I YON TAN DANG LDAN PA DANG RNAM PAR DBYE BA LAS SKYES PA'I SGRA ZHES BYA BA LTA BU'I CHOS CAN DE YONGS SU SPANGS NAS RANG NYID KYIS RAB TU GRUB BA GZUNG BAR BYA'O ZHES RAB TU GRAGS PA'I CHOS CAN YONGS SU GZUNG BA'I PHYIR RO ZHES GZHAN DAG SMRA'O, ,BSHAD PA, DE LA YANG RANG NYID KYI SGRA DON MED PAR 'GYUR RO, ,GANG GI PHYIR RNAM PAR DPYOD PA'I SKABS NYID KYIS GZHI CHOS CAN RAB TU GRAGS PA NYAMS SU MYONG BAS GRUB PA YIN PAR GRUB PA SHES PA YIN PA DE'I PHYIR DGOS PA 'DI NI 'THAD PA YIN NO, ,CHOS CAN NI RNAM PAR DPYOD PA'I RTEN YIN NA GRUB PA'I MTHA' LAS GRAGS PA NI DPYOD PA'I RTEN MA YIN NO, ,CI'I PHYIR ZHE NA, RANG GIS 'DOD PAS ZHES SMOS TE, RANG GIS 'DOD PAS BRTAGS PA'I KHYAD BAR GANG DAG LA YOD PA'O, ,GZHAN YANG JI LTA BUR GYUR PA ZHIG CE NA, DON DGOS PA LA GTZOR TE LHUR NYE BAR SBYOR BA GANG DAG YIN PA DE LTAR MA YIN PA NI DON LA GTZOR NYE BAR SBYOR BA MED PA STE, DE DAG LA'O, ,'DI SKAD BRJOD PA YIN TE, SKYES BU'I DON LA NYE BAR SBYOR BA'I DON GANG YIN PA DE DAG LA RTOG PA DANG LDAN PA RNAM PAR DPYOD PAR BYED PA YIN LA DON BYA BA LA NYE BAR SBYOR BA YANG NYAMS SU MYONG BAS GRUB PA'I SGRA LA SOGS PA NYID YIN GYI, RANG GIS 'DOD PAS BRTAGS PA'I KHYAD PAR DAG NI MA YIN NO, ,DES NA DE DAG LA MI RTAG PA NYID LA SOGS PA'I CHOS CAN RNAM PAR GZHAG PA BYED PA NI, 'GA' YANG GANG GIS KYANG BZLOG PAR BYA BA MA YIN NO, ,GAL TE DON BYED PA GANG YIN PA DE NYID KHYAD PAR CAN DU GRUB BA'I MTHA' BRTAGS BA MA YIN NAM, DE CI LTAR RNAM PAR DPYAD PAR BYA BA MA YIN ZHE NA, DE LTAR ZHES SMOS SO, ,GANG GI PHYIR CHOS CAN GANG ZHIG RANG GI 'DOD BAS NYE BAR BKOD PA'I RGOL BA DANG PHYIR RGOL BA @35A *, ,GNYI GA LA NGO BO MTSUNGS PAR NYAMS SU MYONG BAR MA GRUB PA GANG YOD PA NI KHYAD PAR GYI RTEN GANG LA YOD PA'I THA SNYAD 'GAL BA'I CHOS KHAS LEN PA'I MTSAN NYID CAN DE'I RTEN MA YIN PA'I PHYIR RO, ,'DI SKAD BRJOD BA YIN TE, GAL TE RTAG BA MA YIN PA'I NGO BO MTSUNGS BA CUNG ZAD CIG NYAMS SU MYONG BAS GRUB PAR 'DOD NA NI, DE LA DON 'DI NI RTAG BA'AM MI RTAG PA YIN NO ZHES KHYAD PAR GYI RTEN CAN GYI THA SNYAD DU 'GYUR BA YIN NA, GANG GI TSE RNA BAS RTOGS PAR BYA BA'I NGO BO LA YANG GZHAN GYIS NYAMS SU MYONG BA LAS 'DAS NAS RNAM PA GZHAN DU BRTAGS PA DE'I TSE, GZHAN GYIS BRTAGS PA DE NYID MA GRUB PA'I PHYIR RTAG PA NYID LA SOGS PA'I KHYAD PAR BSAM BAR GA LA 'GYUR, DE'I DON NI 'DI YIN TE, GNYI GA LA DON BYED PA BZOD PAR GRUB PAR RNAM PAR DPYAD PAR BYA BA YIN GYI, GZHAN NI MA YIN NO, ,LUNG LAS GRUB PA NI DE LTA MA YIN NO, ,'ON TE RANG NYID KYI SGRAS NI RAB TU GRAGS PA'I CHOS CAN NYE BAR STON PA YIN LA, RAB TU GRAGS PA DE NYE BAR BSTAN PA'I SGO NAS KYANG GZHUG LUGS KYIS GRUB PA'I CHOS CAN RNAM PAR DPYOD PA NI MA YIN TE, DE NI DPYOD PA'I SKABS NYID KYIS RNAM PAR DPYAD PA GRUB PA'I PHYIR RO, , 'ON KYANG GRUB BA'I CHOS CAN DE NYID BSGRUB PAR BYA BA MA YIN PAR BRJOD PA YIN TE, RANG NYID KYIS GRUB PA'I CHOS CAN NI BSGRUB PAR MI BYA'O ZHES BYA BA'I DON TO ZHE NA, DE YANG MA YIN TE, CI'I PHYIR ZHE NA, RANG GI NGO BO KHO NAR ZHES BYA BA LA SOGS PA SMOS TE, MTSAN NYID KYI PHYOGS GCIG PO 'DI NYID KYIS GRUB PA BSGRUB PAR BYA BA MA YIN PAR RTOGS PAR SHES PA'I PHYIR RO, ,CI'I PHYIR RTOGS SHE NA, GRUB PA DANG ZHES SMOS TE, GANG GI PHYIR GRUB PA DANG SGRUB PAR BYED PA DE DAG GI NGO BOR BSTAN PA PHYOGS YIN PAR DOGS PA YOD NA BSGRUB PAR BYA BA KHO NAR BSTAN PA ZHES BYA BA'I NGAG 'DI GRUB PA DANG SGRUB BYED DAG BSGRUB PAR BYA BA NYID YIN PA SEL BAS 'BRAS BU DANG BCAS PAR 'GYUR RO, ,DES NA GRUB BA'I CHOS CAN BSGRUB BYA NYID YIN PA NI 'DI KHO NA NYID KYIS BSAL BA NA GRUB PA BSGRUB BYAR THAL BA MED PAS DE BZLOG PA'I PHYIR RANG NYID SMOS PA 'DI DON MED DO, ,DGOS PA GZHAN @35B SMRAS PA NI RANG NYID KYI SGRAS RANG NYID GRUB PA'I CHOS CAN YONGS SU GZUNG BAR MA BRJOD NA RGOL BA 'GA' ZHIG CHOS CAN NYID BSGRUB BYAR BYED PAR 'GYUR RO, ,DES NA RAB TU GRAGS PA NYE BAR BSTAN PAS RAB TU GRUB PA'I CHOS CAN GANG YIN PA DE BSGRUB BYA MA YIN NO ZHES BYA BA'I DON 'DI BRJOD PA NI MA YIN TE, 'ON KYANG CHOS CAN GANG YIN PA NI RAB TU GRUB PA KHO NA YIN GYI BSGRUB PAR BYA BA NI MA YIN NO ZHES BYA BA YIN NO ZHES DOGS PA LA MA YIN TE ZHES 'GOG PAR BYED DO, ,CI'I PHYIR ZHE NA, RJES SU DPAG PA SPYI'I YUL CAN YIN PA NYID KYIS BRJOD PAR BYA BA'AM, DGOS PA'I DON GANG YIN BA RTOGS PA'I DON RGYU'I PHYIR RO, ,GAL TE RJES SU DPAG PA SPYI'I YUL CAN YIN DU CHUG MOD, DE TZAM GYIS CHOS CAN BSGRUB BYA MA YIN PAR CI LTAR 'GYUR ZHE NA, CHOS CAN ZHES SMOS SO, ,RANG GI MTSAN NYID BSGRUB BYAR 'GYUR NA ZHES BYA BA RANG GI MTSAN NYID KHO NA BSGRUB BYAR 'GYUR BA MA YIN NAM, CI SKAD DU TSAD MA GNYI GA DNGOS PO'I YUL CAN ZHES BRJOD PA YIN NO ZHE NA, BDEN MOD KYI, 'ON KYANG RJES SU DPAG PA'I YUL NI, 'DI NI GZHAN DU MTHONG BA CI 'DRA BA BUD SHING RNAM PAR 'GYUR BA'I RGYU DRO BA'I REG PA'I KHYAD PAR 'GA' ZHIG YIN NO ZHES RJES SU 'GRO BA'I NGO BO NYID DPE DANG THUN MONG DU RTOGS PAS KHYAB PA RAB TU STON PA'I YUL DU GYUR PA'I CHOS CAN DAG LA MTHONG BA'I RANG GI MTSAN NYID YIN NO, ,DE'I SO SOR NGES PA'I KHYAD PAR RGYUD GZHAN LAS LOG CING RANG GI RGYUD LA GNAS PA GANG YIN PA DE NI RJES SU DPAG PA'I DUS SU MI RTOGS PA DES NA SPYIR BSHAD PAR YIN NO, ,NAM YANG MTHONG BA MED PA'I CHOS CAN BSGRUB BYA YIN NA NI, DPE LA RJES SU 'GRO BA MED PA'I PHYIR SO SOR NGES PA'I PHYIR RANG GI MTSAN NYID BSGRUB BYAR 'GYUR LA, RANG GI MTSAN NYID DE YANG RJES SU 'GRO BA MED PA LA RTAGS MED PA'I PHYIR SPANGS ZIN TO, ,DE'I PHYIR PHYOGS KYI MTSAN NYID 'DIR DE SKAD CES BYA BA CHOS CAN BSGRUB BYA NYID BZLOG PA'I DON CAN RANG NYID KYI SGRA MA BRJOD KYANG 'DOD PA'I PHYOGS LA 'GAL BA CUNG ZAD KYANG MED DE, NGES PA'I KHYAD BAR PHYOGS SU THAL BA NI RJES SU DPAG PA SPYI'I YUL CAN NYID KYIS SPANGS PA'I PHYIR RO, ,'ON TE RNAM PA GZHAN GYIS CHOS CAN @36A *, ,BSGRUB BYA NYID YIN PA MA SPANGS PA DE LTA NA YANG DE SPANGS PA'I PHYIR PHYOGS KYI MTSAN NYID LA RANG NYID KYI SGRA BYA BA MA YIN TE, GANG GI PHYIR GANG ZHIG PHYOGS KYI MTSAN NYID KYIS SPANG BAR BYA BA, CHOS CAN BSGRUB BYA NYID DU BYAS PAS PHYOGS KYI SKYON DU 'GYUR BA NI MA YIN NO ZHES BSTAN PA'I DON DU BSHAD PA, CI STE 'GA' ZHIG GIS CHOS CAN NYID BSGRUB BYAR BYAS NA BSGRUB BYAR BYAS PA DE LAS CIR 'GYUR, CIG SHOS KYIS SMRAS PA, CHOS CAN DE NI BSGRUB BYAR BYA MI NUS SO, ,CI'I PHYIR ZHE NA, SMRAS PA, GTAN TSIGS NI KHYAD PAR GZHAN NA MED PA'I CHOS CAN DANG RJES SU 'GRO BA MED PA'I PHYIR RO ZHE NA, GAL TE DE LTA NA 'DI NI GTAN TSIGS DANG DPE DAG GIS ZHES BYA BA LA, GTAN TSIGS RJES SU 'GRO BA MED PA DANG DPE BSGRUB BYAS STONG PA'I SKYON YIN NO, ,GANG GI PHYIR DAM BCA' BA'I MTSAN NYID KYIS YAN LAG LAS GZHAN DU GYUR BA'I YAN LAG PHYI MA LA LTOS PA YIN PA DE'I PHYIR YAN LAG PHYI MA'I SKYON YIN GYI PHYOGS KYI NI MA YIN NO, ,DE LTA MA YIN NA ZHES BYA BA NI GAL TE SKYON 'DIS KYANG DAM BCA' BA'I DON GRUB PA'I GEGS BYED PAS DAM BCA' BA'I SKYON YIN PAR BRJOD NA, DE'I TSE GTAN TSIGS DANG DPE'I SKYON THAMS CAD PHYOGS NYID KYI SKYON YIN PAR 'GYUR TE, GANG GI PHYIR THAMS CAD DU PHYOGS NYID LA GNOD PA'I PHYIR RO, ,THAMS CAD PHYOGS KYI SKYON DU 'DOD PA YANG MA YIN TE, DE'I PHYIR YAN LAG PHYI MA LA MI LTOS PAR DE TZAM STE PHYOGS TZAM DANG RJES SU 'BREL BA GANG YIN PA DE KHO NA PHYOGS KYI SKYON YIN TE, DPER NA SGRA MNYAN PAR BYA BA MA YIN NO ZHE'AM BUM PA RTAG PA'O ZHES BRJOD PA TZAM NA MNGON SUM DANG RJES SU DPAG PA DANG 'GAL BAR THAL BA BZHIN NO, ,GZHAN GYIS RTOGS PA'I PHYIR DANG 'THAD PA MA YIN PA'I PHYIR NA RANG NYID KYI SGRA'I DON 'DI NI MA YIN TE, RANG NYID KYI SGRA NI LOG PAR RTOGS PA BSAL BA'I DON KHO NAR YIN NO, ,DON 'DI NYID BSHAD PA NI, RGYU LA SOGS PA'I MTSAN NYID KYIS BSAL BYA RNAM PAR GCAD PAR BYA BA LA LTOS PA MED PAR 'DOD PA'I YUL MA KHYAB PA DANG, LDOG PA MI 'DOD PA'I YUL LA HA CANG KHYAB CHES PA DAG SPANG BA'I PHYIR PHYOGS KYI MTSAN NYID BRJOD PA YIN NO, ,TSIG @36B GANG GIS MA KHYAB PA DANG LDOG PA SPONG BA DE BSHAD PA NI, BDAG NYID DANG, TSIG PHRAD DANG, NGO BO ZHES BYA BA DE DAG STE, MA BSAL BA DANG BCAS PA DE RNAMS NI LDOG PA STE, HA CANG KHYAB CHES BSAL BAR BYED PA YIN NO, ,GRUB PA DANG MA GRUB KYANG SGRUB BYED NYID DU NYE BAR BKOD PA DANG, BSTAN BCOS LA MTHONG BA DANG, BSAL BA MNGON PAR 'DOD PA MA YIN PA DAG PHYOGS NYID DU THAL BAR MA GYUR CIG CES TSIG 'DI RNAMS NYE BAR BKOD PA BYAS SO, ,'DOD PA'I SGRA NI MA KHYAB PA SEL BAR BYED PA YIN NO, ,'DOD PA SMOS PAS NI DON DE MA BRJOD DU ZIN KYANG SKABS KYI RTEN DU GYUR PA'I CHOS NI BSGRUB PA YIN NO ZHES CI NAS KYANG SHES PAR BYA BA'I PHYIR RO, ,GZHAN DAG NI SMRAS PA TZAM BSGRUB BYAR 'DOD PAS MA KHYAB PA LA GNOD PA YIN NO, ,GAL TE TSIG 'DI DAG MA KHYAB PA DANG KHYAB CHES BA LAS GNOD PAR BYED PA YIN NA SLOB DPON GYIS PHYOGS KYI MTSAN NYID DU, GANG ZHIG MNGON PAR BZHED CE NA, BSHAD PA, BSGRUB BYAR KHAS BLANGS ZHES BYA BA 'DI NI PHYOGS KYI MTSAN NYID YIN NO, ,DE NYID KYI PHYIR RIGS PA'I SGO LAS BSGRUB PAR BYA BA NYID DU 'DOD PA NI PHYOGS YIN NO ZHES PHYOGS KYI MTSAN NYID BSHAD DO, ,'DIR YANG 'DOD PA DANG RANG GI NGO BO'I SGRA DAG GI DON 'THOB PA'I PHYIR 'DI NYID 'DOD PA YIN GYI, MTSAN NYID 'DI NI SLOB DPON CHOS KYI GRAGS PA'I YIN NO ZHES DE LTAR NI BSHAD PAR MI BYA'O, ,GANG GI PHYIR TSIG DAG MA KHYAB PA DANG KHYAB CHES PA GCAD PA'I PHYIR YIN NA DE'I MTSAN NYID DU 'DOD PA GANG YIN ZHES MTSAN NYID KYI DE KHO NA NYID KYIS DRI BAR 'GYUR BA KHO NA'O, ,YANG CI LTAR NA 'DI DON DAM PA'I MTSAN NYID DU 'GYUR ZHE NA, GANG GI PHYIR BZLOG PAR BYA BA DE RNAMS LA NI PHYOGS NYID MED DO, ,CI LTAR PHYOGS NYID MED CE NA, BSAL BA'I YUL LA NI BSGRUB BYAR KHAS LEN PA GNOD PA'I PHYIR DANG, LHAG MA GRUB PA DANG, MA GRUB KYANG SGRUB BYED NYID DU BRJOD PA DANG, SMRAS PA TZAM DANG, RANG NYID 'DOD PA MA YIN PA LA NI MTSAN NYID 'JUG PA MED PA'I PHYIR PHYOGS NYID MED DO, ,DES NA BSGRUB PAR BYA BA NYID DU KHAS BLANGS PA NI DE KHO NA'I MTSAN NYID YIN NO, ,MA KHYAB BA DANG KHYAB CHES PA ZLOG PAR @37A *, ,BYED PA 'DI DAG GIS KYANG BSGRUB PAR BYA BAR KHAS BLANGS PA PHYOGS YIN NO ZHES DON GYIS RNAM PAR GZHAG PAR 'GYUR BA DES NA DON DE LTAR 'GYUR BA YIN GYI NGAG BZHIN NI DGOS PAR MI BYA'O, ,GAL TE MA KHYAB PA DANG KHYAB CHES PA SPANG BA'I PHYIR PHYOGS KYI MTSAN NYID YIN NA NI 'DOD PA SMOS PA NYID KYIS MI 'DOD PA THAMS CAD BZLOG PAR GRUB PAS RANG NYID KYI SGRA DON MED DO ZHE NA, BSHAD PA, LOG PAR RTOGS PA MTHONG BA'I PHYIR PHYOGS KYI MTSAN NYID 'DIR NI SLOB DPON GYI BDAG NYID KYI SGRA MDZAD PA YIN NO, ,BSTAN BCOS LAS MTHONG BA'I CHOS MI 'DOD PA YANG BSTAN BCOS KHAS BLANGS PA'I PHYIR 'DOD PA NYID YIN LA, 'DOD PA'I PHYIR NA BSGRUB BYA YIN NO ZHES KHA CIG GIS RTOGS PAS LOG PAR RTOGS PA YIN NO, ,'O NA TE GANG ZHIG NYE BAR BSTAN PAS LOG PAR RTOGS PA BSAL BAR 'GYUR BA RANG NYID SMOS PA MDZAD PA NA CI ZHIG STON PAR BYED PA YIN ZHE NA, 'DOD BA LA GNOD PA MED PAR STON PAR BYED PA YIN TE, BSTAN BCOS LAS MTHONG BA DE NI, CI LTAR MI RTAG PA LAS BDAG MED PA LTAR GNYUG MA'I BSGRUB BYA DANG MED NA MI 'BYUNG BA MA YIN LA, GANG ZHIG BKAG PAS GNYUG MA'I BSGRUB BYA LA GNOD PAR 'GYUR BA DE LA LTOS NAS GTAN TSIGS NUS PA YANG MA YIN NO, ,'O NA TE LUNG LAS MTHONG BA LOGS SHIG NYID DU BSGRUB BYA YIN PAR 'DOD NA, DE BSGRUB BYA MA YIN PA NYID DU STON PA YIN TE, BSTAN BCOS KHAS BLANGS PA'AM, CHOS CAN SKABS SU BAB PA YIN PA TZAM GYIS NI RTZOD PA'I GZHI MA YIN PA BSGRUB BYAR 'GYUR BA MA YIN NO, ,BSTAN BCOS KHAS BLANGS PA'I PHYIR DE LTA BU YANG BSGRUB BYAR 'DOD PA NYID YIN PA DE LTAN NI THUG PA MED PAR STON PA YIN NO, ,CI LTAR BSTAN BCOS KHAS BLANGS PA'I PHYIR BSTAN BCOS LAS MTHONG BA BSGRUB BYAR 'GYUR NA, GANG ZHIG NAM MKHA'I YON TAN BZHIN DU PHYIN CI LOG TU 'GA' YANG SGRUB PAR MI BYED PA'I CHOS DE NI MED PAS THAMS CAD 'GAL BAR 'GYUR BA'I PHYIR GTAN TSIGS 'GA' YANG MED PAR 'GYUR RO, ,DE LTAR NA RANG NYID KYI SGRAS 'DOD PA LA GNOD PA MED PA DANG, NAM MKHA'I YON TAN NYID BSGRUB BYA MA YIN PA DANG, BSGRUB PAR BYA BA NYID YIN NA @37B YANG THUG PA MED PAR 'GYUR NA YANG STON PAS LOG PAR RTOGS PA BSAL BA YIN NO, ,GAL TE RANG NYID DANG 'DOD PA'I SGRA DAG GIS GTAN TSIGS MA GRUB PA BRJOD PA SPANGS PA MA YIN NAM, GTAN TSIGS MA GRUB PA NI RGOL BA BDAG NYID BSGRUB BYA NYID DU 'DOD PA MA YIN PA'I PHYIR NGES PAR GZUNG BA'I DON MED DO ZHE NA, DE RJES SU BRJOD NAS LAN GDAB PA'I PHYIR 'DIR ZHES BYA BA LA SOGS PA SMOS SO, ,GAL TE YANG PHYOGS KYI MTSAN NYID 'DIR RANG NYID 'DOD PA'I SGRA DAG GIS BRJOD PAR BYA BA NGES PAR GZUNG BA'I DON KHO NA'I SGRA NGES PA DE LTA NA YANG BYED PA DANG LDAN PA'I MING CAN TE, BYA BA LA SOGS PA'I RKYEN GYI MTHA' BSTAN PAR BYA BA'I SGRA GANG LA YOD PA DE DANG 'DOD PA'I SGRA 'BREL BA'I RGYU'I PHYIR STON PAR 'GYUR BA'I DON LA YANG PHYOGS NYID DU THAL BAR 'GYUR RO ZHES BYA BAR GZIGS NAS SLOB DPON GYIS NGES PAR GZUNG BA BSHAD PA YIN NO, ,'DI LTAR BSTAN PAR 'OS PA BYUNG BA DANG 'BYUNG BAR 'GYUR BA DANG DA LTAR BA'I DON DAG LA BSTAN PAR BYA BA ZHES BRJOD PA YIN NO, ,BSTAN PAR BYA BA'I SGRA'I DON KYANG GTZO BO YIN LA RANG NYID DANG 'DOD PA'I SGRA'I DON NI DE'I KHYAD PAR YIN PA DES NA RANG NYID DANG 'DOD PA'I SGRA'I DON KYANG 'BYUNG BAR 'GYUR BA'I DUS KYI DON GYIS YUL CAN DU 'GYUR RO, ,DES NA NGAG GI DON NI RANG GI NGO BOR BSTAN PAR BYA BA RANG NYID KYIS 'DOD PA GANG YIN PA DE BRJOD PA NI PHYOGS YIN NO ZHES BYA BA'I DON 'DIR 'GYUR LA, DE LAS KYANG MA GRUB PA'I GTAN TSIGS BRJOD PA DANG MA GRUB PA'I DPE BRJOD PA YANG DAM BCA' BAR 'GYUR RO, ,GTAN TSIGS DANG DPE MA GRUB PA DE DAG NI RGOL BA BSGRUB PAR BYA BA NYID DU BSTAN PAR BYA BAR 'DOD PA YIN PA'I PHYIR SGRUB PAR BYED PA NYID DU NYE BAR BKOD PA'I DUS NA YANG PHYOGS NYID YIN PAR THAL LO, ,GAL TE BLO'I DON DAG LAS NI KA'I RKYEN DA LTAR BA LA BRJOD PA'I PHYIR 'DOD PA BRJOD PA MA YIN NAM, GTAN TSIGS SAM DPE MA GRUB PA LA NI RGOL BA BSGRUB BYA NYID DU DA LTAR 'DOD PA MED DO, ,SGRUB BYED NYID DU BRJOD PA'I PHYIR RO, ,DES NA STON PAR 'GYUR BA PHYOGS NYID DU CI LTAR THAL BAR 'GYUR ZHE NA, BSHAD PA, DA LTAR MA YIN YANG PHYOGS KYI MTSAN NYID 'DIR NI 'DOD PA'I SKAD KYI BYINGS @38A *, ,LA AI SHU LA NIshthA'I RKYEN YAN LAG MA YIN TE, STON PAR 'GYUR BA PHYOGS NYID YIN PA 'GOG PAR BYED PA'I RGYU MTSAN MA YIN NO, ,'DI LTAR BSTAN PAR BYA BA'I SGRAS ZIN PA'I DON GANG YIN PA DE NYID BSTAN PAR BYA BA GANG ZHIG 'DOD PA DE NI PHYOGS YIN NO ZHES 'DOD PA'I SGRA'I DON GYI KHYAD PAR DU BYAS PA YIN LA, BSTAN PAR BYA BAR 'GYUR BA YANG BSTAN PAR BYA BA YIN NO, ,DES NA DE YANG PHYOGS NYID DU THAL BAR 'GYUR BA'I PHYIR NIshthA NI YAN LAG MA YIN NO, ,KHO NA'I SGRA YOD NA NI GANG ZHIG RANG GI NGO BO KHO NAR BSTAN PAR BYA BA'I RANG NYID 'DOD PA DE YIN NO ZHES BYA BA 'DIR 'GYUR RO, ,MA GRUB PA'I GTAN TSIGS DANG DPE DAG NI BSGRUB PAR BYA BA KHO NAR BSTAN PAR BYA BAR 'DOD PA MA YIN TE, DE'I TSE GTAN TSIGS NYID DU BSTAN PAR BYA BAR 'DOD PA YIN PA'I PHYIR RO, ,GAL TE GTAN TSIGS LA SOGS PA BSGRUB PAR BYA BA KHO NAR BSTAN PAR BYA BAR 'DOD PAR 'GYUR BA MA YIN NAM ZHE NA, BDEN MOD KYI, 'ON KYANG GANG LAS BSTAN PAR BYA BAR 'GYUR BA'I YUL NGES PAR GZUNG BAR 'GYUR BA DUS GCIG NI GRUB PA DANG BSGRUB BAR BYA BA NYID DU STON PA SRID PA MA YIN NO, ,DES NA DES PAR GZUNG BA NI RIM GYIS KYANG GRUB PA DANG BSGRUB PAR BYA BA NYID DU 'DOD PA SEL BAR BYED PA YIN NO ZHES 'THAD PA YIN NO, ,GANG DAG GANG GI TSE 'DOD PAR 'GYUR BA DE'I TSE BSTAN PAR BYA BAR 'GYUR BA YIN NO ZHES RTOGS PAR 'GYUR RO ZHES ZER BA DE DAG GI LTAR NA NI NGES PAR GZUNG BAR BYAS KYANG, GANG GI TSE RANG GI NGO BO KHO NAR 'DOD PAR 'GYUR BA DE'I TSE BSTAN PAR BYA BAR 'GYUR BA GANG YIN PA DE PHYOGS YIN LA, DE'I TSIG NI DAM BCA' BA YIN NO ZHES RTOGS PAR 'GYUR RO, ,GANG GI TSE 'DI MA GRUB PA NYID RJOD PAR 'GYUR BA DE'I TSE BSGRUB PAR BYA'O ZHES CIG CAR NYID SGRUB PAR BYED PA DANG, BSGRUB PAR BYA BA NYID DU 'GYUR BAR 'DOD PAR MTHONG BA DE ZLOG PA'I PHYIR NGES PAR GZUNG BAR 'GYUR BAS 'DI NI SPANG BAR BYA BA YIN NO, ,'O NA RIGS PA'I SGOR YANG KHO NA'I SGRA BYA DGOS TE, BSGRUB PAR BYA BA NYID DU 'DOD PA NI PHYOGS YIN NO ZHES BYA BA 'DIR YANG BYED PA DANG LHAN CIG PA'I MTHA' CAN BSGRUB BYA'I SGRA YOD PA'I PHYIR RO ZHE NA, BSHAD PA, 'DOD @38B PA'I TSIG LA NIshthA YAN LAG NYID YIN NO, ,'DI LA NI NIshthA'I MTHA' CAN GYI TSIG DANG 'BREL PA'I PHYIR 'DOD PA'I SGRA'I DON 'BYUNG BAR 'GYUR BA'I YUL CAN DU DOGS PAR 'GYUR BA 'BYUNG BAR 'GYUR BA'I DON DU SRID PA KHYAD PAR CAN GYI SGRA GZHAN YOD PA MA YIN NO, ,BSGRUB PAR BYA BA NYID DU ZHES BYA BA 'DI NI KHYAD PAR GYI TSIG NYID YIN NO, ,DE'I PHYIR NIshthA'I RKYEN DES GTAN TSIGS DANG DPE MA GRUB PA 'GOG PAR BYED DO, ,DPER NA SGRA MI RTAG STE BYAS PA'I PHYIR BUM PA BZHIN NO ZHES BYA BA LA, BYAS PA NYID DPYOD PA LA MA GRUB KYANG, DE'I TSE RGOL BA BSGRUB PAR BYA BA NYID DU 'DOD PA MA YIN PA DANG, GRANGS CAN LA DPE MA GRUB KYANG BSGRUB BYA NYID DU 'DOD PA MA YIN PA'I PHYIR DE DAG BRJOD PA PHYOGS MA YIN PA BZHIN NO, ,RGOL BA BDAG NYID KYIS ZHES BYA BA LA SOGS PAS NI 'DOD PA'I SGRAS BSAL BAR BYA BA GZHAN DAG KYANG STON PA'O, ,MI 'DOD PA DANG 'DRES PA NI BSGRUB BYA MA YIN NO, ,'DOD PA 'BA' ZHIG PA NYID BSGRUB BYA YIN GYI MI 'DOD PA DANG 'DRES PA NI MA YIN NO, ,DE NYID KYI PHYIR DE LA GNOD NA YANG GTAN TSIGS 'GAL BA'I SKYON DU MI 'GYUR ZHING, PHYOGS LA BSTAN BCOS KYIS GNOD PA'I SKYON DU 'GYUR BA MED DO ZHES BYA BA'I DON 'DI BRJOD PA YIN NO; CI'I PHYIR ZHE NA, BSGRUB PAR BYA BA LAS MA 'DAS PAR CI LTAR BSGRUB PAR BYA BA YIN PA BKAG PA MED PA'I PHYIR RO, ,BSGRUB PAR BYA BA GANG YIN PA DE NYID BKAG NA SKYON YIN GYI GZHAN DANG 'DRES PA BKAG PAS NI MA YIN TE, 'DRES PA BKAG KYANG SKABS SU BAB PA LA GNOD PA MED PA'I PHYIR RO,, MI 'DOD PA DANG 'DRES PA'I DPER BRJOD PA NI, MI 'DOD PA NAM MKHA'I YON TAN NYID DANG LHAN CIG DON GCIG LA 'DU BA NYID GANG YIN PA DE GANG LA YOD PA'I MI RTAG PA NYID DE NI MI 'DOD PA DANG 'DUS PA YIN TE, DE MED PA YANG SGRUB PAR BYED PA BZHIN TE, BRTEN PA'I RANG BZHIN GYI YON TAN NI 'GA' YANG MED PA'I PHYIR RO ZHES MANG DU BSHAD ZIN TO, ,GANG ZHIG RANG NYID KYI SGRA'I ZHAR LA RJES SU DPAG PA'I DUS SU MED NA MI 'BYUNG BA MA YIN PA'I PHYIR BSTAN BCOS LA BRTEN PAR BYA BA MA YIN PAR BSHAD PA 'DI NYID KYIS SKABS SU RTOGS PA MA YIN PA PHYOGS SU STON PAR BYED PA BSAL BA @39A *, ,YIN NO, ,SKABS SU RTOGS PA MA YIN PA BSHAD PA NI, DPER NA SGRA MI RTAG PA'AM RTAG PA YIN ZHES NYAMS SU MYONG BA TZAM GYIS GRUB PA'I SGRA LA 'JIG RTEN NA GRAGS PA'I BSTAN PA'AM 'JIG PA SHES PAR 'DOD PA YIN LA, SHES PAR 'DOD PA YANG SKABS YIN NO, ,MI RTAG PA 'BA' ZHIG PO'I SKABS DER SGRA LAS THA DAD PAR NYAN PA'I DBANG POS GZUNG BAR BYA BA SGRA NYID CES BYA BA'I SPYI DE DANG LDAN PA GCIG LA 'DU BA DE GANG LA YOD PA'I MI RTAG PA NYID DE DANG SGRA LDAN PA YIN NO ZHES KHYAD PAR DANG BCAS PA'I SPYI RTAG PA NYID DE DANG 'DRA BA'I SKABS MA YIN PA LTA BU'O, ,GAL TE DE 'DRA BA'I MI RTAG PA NYID BYE BRAG PA'I 'DOD PA MA YIN NAM, DE CI LTAR SKABS MA YIN PA PHYOGS SU BYAS PA YIN ZHE NA, BSTAN BCOS LA BRTEN PA'AM ZHES SMOS TE, GANG GI PHYIR BSTAN BCOS LAS GRAGS PA'I CHOS LA SOGS PA CHOS CAN DU YONGS SU GZUNG BA'I PHYIR, GNYI GA YANG BSTAN BCOS LA BRTEN PA YIN PA'AM, PHYIR RGOL BA BSTAN BCOS LAS GRAGS PA MI RTAG PA NYID DE RTOGS PA DON DU GNYER BA YIN NA NI, BSTAN BCOS LAS RAB TU GRAGS PA'I DON DE PHYOGS SU BYED PAR RIGS PAR 'GYUR RO, ,PHYIR RGOL BA DE RTOGS PA DON DU GNYER BA NI KHYED KYI MI RTAG PA NYID CI 'DRA BA ZHIG YIN ZHES 'DRI BA LAS SHES BAR 'GYUR RO, ,DE LTA MA YIN NA ZHES BYA BA NI BSTAN BCOS LA BRTEN PA'AM, DE RTOGS PA DON DU GNYER BA NYID MA YIN NA, BSTAN BCOS KYI DON YONGS SU 'DZIN PA MA 'BREL BA'I DON BRJOD PA NI SKABS SU MA KHO BA MED PA'I PHYIR RNA GTANG PAR MI BYA BAR 'GYUR RO, ,DE'I PHYIR RGOL BA DANG PHYIR RGOL BA GNYI GA BSTAN BCOS LAS RAB TU GRAGS PA'I CHOS CAN LA MI BRTEN PA'I PHYIR BSTAN BCOS LA MI BRTEN PAR 'JIG RTEN LA RAB TU GRAGS PA'I MI RTAG PA NYID LA SOGS PA 'GA' ZHIG YONGS SU RTOG PA NA SKABS MA YIN PA RAB TU MA GRAGS PA NYID PHYOGS SU BYED PA'I GO SKABS NI YOD PA MA YIN NO, ,'DI SKAD DU BRJOD PA YIN TE, RGOL BA DON DU GNYER BA'I 'DOD PA GANG YIN PA DE NYID SKABS SU 'GYUR BA NI MA YIN NO, ,GZHAN GYIS RNA BLAGS PAR 'OS PA MA YIN PAS BSGRUB BYA MA YIN PA'I PHYIR DANG, SGRUB PAR BYED PA'I SKABS SEMS @39B PA YIN PA'I PHYIR RO, ,PHYIR RGOL BAS SHES PAR 'DOD PA GANG YIN PA DE NI SKABS YIN TE, RNA GTAD BAR BYA BA NYID KYIS BSGRUB BYA YIN PA'I PHYIR RO, ,DE'I PHYIR GNYI GA BSTAN BCOS LA BRTEN PA YIN NA, BSTAN BCOS KYI DON SKABS SU BAB PAR 'GYUR BA YIN GYI, RGOL BA 'BA' ZHIG BRTEN BAS NI MA YIN NO, ,DA NI PHA ROL PO DAG PHYIR RGOL BA SPYI RTOGS PA DON DU GNYAR NA KHYAD PAR RTOGS PA DON DU GNYER BA NYID DU BSTAN PA'I PHYIR, GAL TE KHYAD PAR GYIS ZHES BYA BA LA SOGS PA SMOS SO, ,DE'I DON NI 'DI YIN TE, GANG GI PHYIR KHYAD PAR GYIS SPYI 'PHEN PAR BYED PA DE'I PHYIR KHYAD PAR DE GRUB NA 'DOD PA'I SPYI NYID DU 'GRUB PAR 'GYUR BA YIN LA, KHYAD PAR GRUB PAS SPYI GRUB NA YANG SPYIR MI RTAG PA NYID TZAM SHES PAR 'DOD PA NI MI 'DOD PA DANG 'DRES PA'I KHYAD PAR YANG SHES PAR 'DOD PAR 'GYUR RO ZHES DOGS NA BSHAD PA MA YIN TE, RTOGS PA PO'I 'DOD PA DON DU GNYER BA NYID NI SKABS SU BAB PA NYID YIN PA'I PHYIR RO ZHES BYA BA DKYUS MA NYID YIN PA'I PHYIR RO, ,RTOGS PA PO'I 'DOD PA NI CI SGRA RTAG GAM 'ON TE MI RTAG CES BYA BA SKABS KYI NGAG LAS RJES SU DPAG PAR BYA BA YIN PA'I PHYIR RO, ,SKABS YIN PAR GZUNG GI KHYAD PAR GYIS YUL CAN GYI SGRA NI MED PA'I PHYIR, CI LTAR RTOGS PA PO'I 'DOD PA SKABS MA YIN PA'I KHYAD PAR GYIS YUL CAN DU RNAM PA 'GA' ZHIG LTAR BRTAG PAR BYA BA YIN, GANG GI PHYIR SKABS MA YIN RGOL BA 'DOD PA YIN PA DE NYID KYI PHYIR RTOGS PA PO'I 'DOD PA'I SKABS KYIS RGOL BA'I BSGRUB BYA'I CHOS SU 'DOD PA DE RTOGS PA YIN NO ZHES, GNAS SKABS 'GA' YIS 'DOD 'GYUR DANG, ,DE NI DE YIS RTOGS BYA'ANG YIN, ,ZHES BYA BA LA SOGS KHO BO CAG GIS BRJOD DO, ,GAL TE SKABS MA YIN PA YANG RTOGS PA PO'I 'DOD PA YIN NA NI RTOGS PA PO'I 'DOD PA BSGRUB BYA YIN PA'I PHYIR SKABS 'GA' ZHIG GIS RGOL BA'I BSGRUB BYA CHOS SU 'DOD PA RTOGS PAR MI 'THAD DO ZHES BYA BAR BSAMS PA YIN NO, ,GAL TE YANG SKABS MA YIN PA'I PHYIR KHYAD PAR 'DOD PAR SKABS SU BAB PA'I TSIG MI RTOGS PA DE LTAR NA YANG DNGOS PO LAS NGES PA YIN NO, ,SPYI NI DON BYED PA NA KHYAD PAR GYI @40A *, ,MTHAR THUG PA BZHIN NO, ,DPER NA SHING NYID SHING SHA PA LA SOGS PA'I MTHAR THUG PA BZHIN NO, ,DES NA SPYI DON DU GNYER NA KHYAD PAR DON DU GNYER BA NYID YIN NO ZHE NA, SPYI DON DU GNYER BA NI ZHES SMOS TE, SPYI DON DU GNYER BA NI SO SOR NGES PA NYID DU GYUR PA'I KHYAD PAR DES DON DU GNYER BAR GDON MI ZA BAR 'GYUR BA MA YIN NO, ,'DI LTAR SPYI DON DU GNYER BA NYID NI KHYAD PAR MED PA DON DU GNYER BA YIN LA, KHYAD PAR DON DU GNYER BA NYID NI DE DANG 'GAL BA YIN NO, ,SHING TZAM DON DU GNYER BA NYID NI SHING SHA PA DON DU GNYER BA NYID MA YIN TE, 'ON KYANG NGES PA MED PA KHO NA DON DU GNYER BA YIN NO, ,MA NGES PA'I BSGRUB PAR BYA BA BYED PA DON DU GNYER BA'I PHYIR DE NI NGES PA'I YUL DON DU GNYER BAR 'GAL BA YIN LA, SPYI DON DU GNYER BA MA YIN TE, DE GNYIS NI 'GAL BA'I PHYIR RO ZHES BYA BA'I THA TSIG GO, ,RTOGS PA PO 'DOD PA SKABS YIN PA'I PHYIR 'BA' ZHIG TU NI MA ZAD KYI KHYAD PAR GZHAN LAS RTZOD PA MED PA'I YANG PHYIR RO, ,GANG GI PHYIR SPYI NI DU MA'I YUL CAN YIN PAS DE LA YANG KHYAD PAR 'GA' ZHIG LA RTOGS PA PO RTZOD PA MED PA YANG SRID PAR DE'I PHYIR SPYI RTOGS PA DON DU GNYER BAR 'GYUR BA MA YIN TE, DE GRUB PA SRID PA'I PHYIR RO, , GZHAN YANG GRUB PA'I DON GYIS 'GA' ZHIG DON DU GNYER BAR 'GYUR BA YIN NO, ,'DI 'DRA BA'I KHYAD PAR NI BSTAN BCOS LAS GRUB PA YIN NA BSTAN BCOS KYI SGO NAS NI RTZOD PA MA YIN TE, RTZOD PA'I DUS DE'I TSE BSTAN BCOS DE 'BREL BA MA YIN PA'I PHYIR RO, ,YONGS SU BRTAGS NAS KHAS LEN PA'I PHYIR DANG, TSAD MA GNYIS KYI YUL SPYOD PA LA LTOS PAR BYA BA MA YIN PA'I PHYIR BSTAN BCOS NI RTZOD PA'I DUS SU MED NA MED PA MA YIN NO, ,DES NA BSTAN BCOS LAS GRUB PA NI MA GRUB PA KHO NA YIN NO, ,'O NA NI 'JIG RTEN NA GRAGS PA YIN PAR 'GYUR RO ZHE NA, BSHAD PA, RNAM PA DE LTA BU BSTAN BCOS LAS GRUB PA'I CHOS NI, DNGOS PO 'GAR YANG GANG ZHIG GZHUNG LUGS LA MI GNAS PA DE LA RJES SU 'GRO BA YIN PAR GRUB PA MA YIN NA GANG LAS DE 'GRUB PA YIN, DE'I PHYIR SKABS SU MA BAB PA'I KHYAD PAR NI RTOGS PA PO 'DOD PA MED PA'I PHYIR @40B DANG; RTZOD PA MI SRID PA'I PHYIR DANG, MA GRUB PA'I PHYIR GAL TE KHYAD PAR GRUB NA SPYI 'GRUB PA YIN PA DE LTA NA YANG, SPYI RTOGS PA DON DU GNYER BA NYID KYIS NI KHYAD PAR RTOGS PA DON DU GNYER BAR 'GYUR BA MA YIN NO ZHES BSHAD PA YIN NO, ,DA NI KHYAD PAR DE NYID BSGRUB DKA'O ZHES BSHAD PA NI MI 'KHRUL PA CAN GYI GTAN TSIGS KYANG YOD PA MA YIN TE, KHYAB PA SGRUB BYED KYI TSAD MA MED PA'I PHYIR RO, ,SKAD CIG MA NYID LA NI MI 'KHRUL PA CAN YOD DE GNOD PAR BYED PA YOD PA'I PHYIR RO, ,MI 'KHRUL PA CAN GYI GTAN TSIGS YOD PA MA YIN NAM, 'DI LTAR BUM PA NI BUM PA DANG, THA DAD PA DBANG POS GZUNG BAR BYA BA'I SPYI DANG DON GCIG LA 'DU BA CAN GYI MI RTAG PA NYID DANG LDAN PA'I SGRA DAG LAS GANG YANG RUNG BAS GNYIS PA DANG BCAS PA YIN TE BYAS PA'I PHYIR KA BA BZHIN NO ZHES BYA BA YIN NO, ,DPE LA NI SPYI RJES SU 'GRO BA YIN LA, BSGRUB BYA'I CHOS CAN LA NI BUM PA LAS BUM PA DON GZHAN MA YIN PA'I PHYIR DE LTA BU'I SGRA GRUB PO ZHE NA, GNYIS PA DANG BCAS PA'I SBYOR BA DAG KYANG ZHES SMOS TE, GNYIS PA DANG BCAS PA'I SPYOR BA GCIG BSAL NA, RNAM PA DE LTA BU THAMS CAD BSAL BAR 'GYUR BAS MANG PO'I TSIG BYAS SO, ,DE'I PHYIR DE LTAR BSTAN BCOS LA MI BRTEN PAS NI DE 'DRA BA SKABS SU BAB PA MA YIN PA'I KHYAD PAR SPYI GRUB PA'I YAN LAG MA YIN PA'I PHYIR SKABS SU MA YIN PA NYID DU BSHAD PA YIN NO, ,DA NI BSTAN BCOS LA BRTEN PA NYID YIN YANG SKABS MA YIN PA KHO NA'O ZHES BSHAD PA NI, BSTAN BCOS LA BRTEN KYANG SKABS SU BAB PA'I CHOS LAS 'DA' NA HA CANG THAL BA NI, DER YANG BSGRUB BYA'I CHOS DANG NI, ,MED NA MI 'BYUNG LA GNOD NYID, ,CES BYA BA LA SOGS PA BSHAD ZIN TO, ,DE'I PHYIR ZHES BYA BA NI GANG GI PHYIR SPYI SHES PAR 'DOD PA YIN GYI KHYAD PAR SHES PAR 'DOD PA MA YIN PA DE'I PHYIR SKABS SU RTOGS PA CI RTAG PA YIN NAM ZHES BYA BA LA SOGS PA'I NGAG LA GNAS PA RTOGS PA PO 'DOD PA KHYAD PAR MED PA'I CHOS TZAM STE, KHYAD PAR MED PA'I PHYIR CHOS TZAM YIN NO ZHES BYA BA'I DON TO, ,DE NI BSGRUB PAR BYA BA DANG, DE NYID NI RNA GTAD PAR 'OS PA YIN NO, ,DE LTA MA @41A *, ,YIN TE, SKABS SU BAB PA MA YIN PA BSGRUB BYAR KHAS LEN PAR BYED NA NI DON GZHAN KHAS BLANGS PA'I PHYIR RGOL BA TSAR BCAD PAR 'GYUR RO, ,RTOG PA PO DON DU GNYER BA NI BSGRUB BYA YIN TE, SGRUB PAR BYED PA 'GOD PA NI GZHAN GYI DON YIN PA'I PHYIR RO, ,DE GTONG NA NI DON GZHAN DU 'GRO BAS RGOL BA CHAD PAS BCAD PA YIN LA, SKABS KYI SKYON MI BRJOD PA'I PHYIR NA PHYIR RGOL BA YANG CHAD PAS BCAD PA YIN NO, ,MA BSAL BA'I SGRA'I DON BSHAD PA'I PHYIR SLOB DPON BZHED PA'I BSGRUB BYA NYID DU KHAS BLANGS PA PHYOGS KYI MTSAN NYID DU BZUNG NAS BSHAD PA; BSHAD MA THAG PA'I BSGRUB PAR BYA BAR KHAS BLANGS PA DE YANG MA BSAL BA BSTAN PAR BYA BA YIN NO, ,GANG GIS SHE NA, MNGON SUM GYI DON DANG RJES SU DPAG PA DANG, YID CHES PA DAG DANG STE, YID CHES PA'I SGRA NI DE'I TSIG LA 'JUG GO GRAGS PA STE, GRAGS PA'I DON GYIS GANG LA GRAGS PA BRJOD PA YIN TE, YUL DON GYIS YUL CAN SHES PAR BSTAN PA'I PHYIR TE, DE DAG GIS MA BSAL BA'O, ,PHYOGS KYI TSIG SGRUB PAR BYED PA'I YAN LAG MA YIN PAR BRJOD PA MA YIN NAM, CI LTAR DE LTAR BSTAN PAR BYA BA YIN ZHE NA, GAL TE BSTAN PAR BYA BA YIN DU CHUG NA ZHES SMOS TE, GZHAN GYIS DE LTAR KHAS BLANGS PA NYID KYIS BSTAN PAR BYA BA YIN GYI, NGED KYI LTAR NA NI BSTAN PAR MI BYA BA NYID DO, ,'DIS NI MTSAN NYID KYI MDO'I BSTAN PAR BYA BA'I SGRA YANG GZHAN GYI NGOR YIN PAR BSHAD PA YIN NO, ,GANG DAG GI LTAR NA PHYOGS BSTAN PAR BYA BA YIN PA DE'I LTAR NA 'DI LTA BU NYID BSTAN PAR BYA BA YIN NO, ,YID CHES PA DAG DANG ZHES BYA BA NI RANG GI BDAG NYID DANG GZHAN YID CHES BA'O, ,'DIR YANG YID CHES PA'I SGRA NI YID CHES PA'I TSIG LA BYA LA, GRAGS PA'I SGRA YANG GANG LA GRAGS PA LA BYA'O, ,GTAN TSIGS LA LTOS PA NI GTAN TSIGS KYI BYED PA'I YUL DU GYUR PA'O, ,TSAD MA THAMS CAD DON GYI SGO NAS DON GZHAN LA GNOD PAR BYED PA YIN GYI RANG GI NGO BOS NI MA YIN PA MA YIN NA MA SHES PA NI PHYI ROL GYI DON DANG 'GAL BA MA YIN GYI 'ON KYANG DES BSGRUB PA'I DON GZHAN TE DES NA CI STE MDO NA SUM LA DON SMOS @41B SHE NA; BSHAD PA, MNGON SUM LA MNGON SUM KHYAD PAR DU BYA BA'I PHYIR DON SMOS PA GANG YIN PA DE NI, KHA CIG DON MI BDEN PA CAN YIN PA'I PHYIR MI BDEN PA'I DON CAN DE SPANGS PA RGYUR BYAS NAS TSAD MA'I YUL GYI DNGOS PO BZUNG BA'I PHYIR RO, ,DBANG PO LA BRTEN PA'I RNAM PAR SHES PA GANG YIN PA DE NI MNGON SUM YIN LA, DA NI PHYIN CI MA LOG PA'I DON CAN YANG YIN NO, ,DE LA PHYIN CI LOG GI DON CAN SGRA LA SOGS PA'I SHES PA NI GNOD PAR BYED PA MA YIN NO ZHES BSTAN PA'I PHYIR DON SMOS PA BYAS SO, ,GAL TE MNGON SUM TSAD MAR BSHAD PA MA YIN NAM, DE CI LTAR TSAD MA YIN PA MNGON SUM DU 'GYUR ZHE NA, BDEN MOD KYI, 'O NA KYANG 'DIR TSAD MA MA YIN PA YID CHES PA'I TSIG DANG, GRAGS PA YANG GNOD PAR BYED PAR BRJOD LA, MNGON SUM GYI SGRA YANG BSHAD PAS THUN MONG DU 'GYUR BA YIN TE, DES NA MNGON SUM LTAR SNANG BA TSAD MA MA YIN YANG GNOD PAR BYED PAR RTOGS PAR 'GYUR BAS DON SMOS PA YIN NO, ,DE LTA NA YANG DE'I PHYIR YANG DON SMOS PA YIN NO ZHES DON SMOS PA'I DGOS PA GZHAN NYID 'CHAD PAR 'GYUR BA MA YIN NAM ZHE NA, BDEN MOD KYI, 'O NA KYANG GZHAN DAG GIS DON SMOS PA'I DGOS PA 'DI LTAR BSHAD PA, DE YANG 'THAD PA MA YIN NO ZHES BSTAN PA'I PHYIR 'DI BKOD PA YIN TE, DPER NA MED PA LA MED PA NYID DO ZHES TSUL GSUM PA GZHAN DAG GIS NGES PAR BYA BA'I MTSAN NYID KYI DGOS PA CAN YIN PAR BSHAD PA, NYE BAR BKOD NAS SUN PHYUNG BA DE BZHIN NO, ,YANG CI'I PHYIR BSAL BA PHYOGS MA YIN, GAL TE DES MA KHYAB PA'I PHYIR GTAN TSIGS KYIS DE BSGRUB PAR NUS PA MA YIN NO ZHE NA, 'O NA NI 'DI GTAN TSIGS KYI SKYON YIN GYI, DAM BCAS PA'I SKYON MA YIN NO, ,DES NA 'DI NI DE'I MTSAN NYID KHO NAS BZLOG PAR BYA BA YIN GYI, PHYOGS KYI MTSAN NYID KYIS MA YIN GYI, RGYU SOGS MTSAN NYID BSAL BYA LA, ,LTOS PA MED PAR ZHES BYA BA LA SOGS PA CI SKAD BRJOD PA BZHIN NO ZHES DE LTAR DOGS NA, BSHAD PA, GANG GI PHYIR GTAN TSIGS THE TSOM ZA BA'I DON LA BRJOD PA DE'I PHYIR BSAL BA CHAD MAS BZLOG PA NI GTAN TSIGS KYI RTEN MA YIN LA, GTAN @42A *, ,TSIGS KYI RTEN MA YIN PA GANG YIN PA DE YANG PHYOGS MA YIN TE, PHYOGS KYI GTAN TSIGS KYI BYED PA'I YUL YIN PA'I PHYIR RO, ,GANG GI PHYIR GTAN TSIGS KYI RTEN MA YIN PAR 'GYUR LA, BSAL BA LA CI'I PHYIR GTAN TSIGS MA BRJOD CE NA, BSHAD PA, BSAL BA NI ZLA BO'I TSAD MA'I RTEN MA YIN NO, ,CI'I PHYIR RTEN MA YIN ZHE NA, ZLA BO'I TSAD MAS BSGRUB PAR BYA BA LAS BZLOG PA 'GAL BA LA TSAD MA ZHUGS PA'I PHYIR RO, ,GANG GI PHYIR 'GAL BA LA TSAD MA ZHUGS PA CAN DE NI BSAL PA YIN TE, MNYAN BYA MA YIN PA NYID BZHIN NO, ,GAL TE BZLOG PA LA TSAD MA ZHUGS KYANG 'GAL BA 'KHRUL PA MED PA CAN GYI GTAN TSIGS KYI RTEN YIN PAR MTHONG BA MA YIN NAM ZHE NA, BSHAD PA, GSAL BA NI TSAD MA DAG GIS BZLOG PA YIN TE, GZHAN NI MA YIN NO, ,'GAL BA 'KHRUL PA MED PA CAN NI TSAD MA YIN PA'I PHYIR GCIG LA 'JUG PA 'GAL BA MED PA'I PHYIR, CI'I PHYIR BZLOG PA LA TSAD MA ZHUGS NA, ZLA BA'I TSAD MA'I RTEN MA YIN ZHE NA, 'GAL BA'I CHOS DANG LDAN PA YANG DAG PA'I SHES PA NYID DU MI 'THAD PA'I PHYIR RO, ,DNGOS PO GCIG NI 'GAL BA DU MA'I RANG BZHIN DU 'GYUR BA MA YIN TE, DNGOS PO THA DAD PA NI RANG BZHIN THA DAD PA'I MTSAN NYID CAN YIN PA'I PHYIR RO, ,GTAN TSIGS SBYOR BA YANG DAG PA'I SHES PA BSKYED PA'I PHYIR YIN PA NA, BSAL BA LA NI GTAN TSIGS BRJOD PA MA YIN NO, ,GAL TE DE LTA NA NI GTAN TSIGS KYIS DE SGRUB PAR BYED MI NUS PA'I PHYIR GTAN TSIGS KYI SKYON YIN GYI, PHYOGS KYI SKYON NI MA YIN NO ZHE NA, BSHAD PA, GTAN TSIGS KYI YUL RAB TU BSTAN PA'I PHYIR PHYOGS BRJOD PA YIN NO, ,DES NA PHYOGS NI GTAN TSIGS KYIS BYED PA'I YUL YIN GYI GZHAN NI MA YIN NO, ,DE LTA YIN DANG BSAL BA DE NI PHYOGS MA YIN PA NYID DO, ,CI'I PHYIR ZHE NA, YUL BSAL BA NI YUL CAN GTAN TSIGS MI SRID PA'I PHYIR RO, ,GTAN TSIGS KYI BYED PA'I YUL BYED PA MED PA'I YUL MED PA'I PHYIR RO ZHES BYA BA'I DON TO, ,DE LAS CIR 'GYUR ZHE NA, DE'I PHYIR GTAN TSIGS KYIS DE BSGRUB PAR MI NUS PAS DE SKYON CAN DU 'GYUR GYI, PHYOGS NI @42B MA YIN NO ZHES GANG BRJOD PA DE MED DO, ,GAL TE GTAN TSIGS KYIS YUL LAS PHYOGS GZHAN YIN PAR GYUR NA NI, ,GTAN TSIGS KYI BYED PA LA MI LTOS PA KHO NAS PHYOGS KYI SKYON NYID DU 'GYUR ZHING, DE'I PHYIR BSGRUB PAR MI NUS NA GTAN TSIGS SKYON CAN DU 'GYUR GYI, PHYOGS NI MA YIN PAR 'GYUR BA ZHIG NA, DE LTA NA NI GTAN TSIGS KYI BYED PA'I YUL NYID PHYOGS YIN TE, DES NA GTAN TSIGS KYIS BSGRUB PAR NUS PA NI GTAN TSIGS KYI BYED PA'I YUL YIN PAS PHYOGS YIN LA, MI NUS PA NI YUL MA YIN PAS PHYOGS MA YIN NO, ,DE'I PHYIR GTAN TSIGS KYIS BSGRUB PAR MI NUS PA NI DE TZAM LAS GYUR PA YIN PA'I PHYIR PHYOGS KYI SKYON YIN NO, ,'DI LTAR DAM BCA' BA'I SKYON NI BRJOD PAR BYA BA YIN TE, KHYAB PA RAB TU STON PA'I DUS NA NYE BAR GNAS PA DE THAMS CAD NI GTAN TSIGS KYI SKYON LAS MI 'DA'O ZHES BSHAD PA YIN NO, ,DAM BCA'I SBYOR BAR KHAS BLANGS NAS, DE LAS GYUR PA NI PHYOGS KYI SKYON YIN LA, YAN LAG PHYI MA LA LTOS PA NI GTAN TSIGS KYI SKYON YIN PAR BRJOD DO, ,BSAL BA'I DON DON NI MNYAN BYA MA YIN PA LA SOGS PA BZHIN DU MTHONG BA NYID NA SGRUB PAR MI RUNG BA NYID DU MTHONG BA YIN PA'I PHYIR, DE LAS GRUB PA YIN GYI, YAN LAG PHYI MA LA LTOS PA NI MA YIN NO, ,GAL TE BZLOG PA LAS ZLA BO'I TSAD MA ZHUGS PA'I PHYIR GTAN TSIGS KYI YUL MA YIN NA, GANG GI PHYIR DE KHO NA LA GTAN TSIGS BRJOD PAR 'GYUR BA CI LTAR THE TSOM GYI YUL NYID GTAN TSIGS KYI BYED PA'I YUL YIN, THE TSOM GYI YUL BZHIN DU GRUB PA LA YANG BZLOG PA LA ZLA BO'I TSAD MA MED PA YIN TA, DES NA GRUB PA YANG GTAN TSIGS KYI YUL DU 'GYUR RO ZHE NA, BSHAD PA, BSAL BA GTAN TSIGS KYI BYED PA'I YUL MA YIN PA DE'I PHYIR THE TSOM GYI YUL NI GTAN TSIGS KYI BYED PA'I YUL YIN TE, GANG LAS GRUB PA YANG GTAN TSIGS KYI BYED PA'I YUL DU 'GYUR BA BZLOG PA LA ZLA BO'I TSAD MA MI 'JUG PA'I PHYIR NI MA YIN NO, ,DES NA JI LTAR ZLA BO'I TSAD MA YOD NA GTAN TSIGS DON MED PA DE BZHIN DU, SNGAR TSAD MA ZHUGS PA LA YANG GTAN TSIGS DON MED PA YIN NO, ,DES NA GTAN TSIGS DON MED PA'I PHYIR RO, ,RAB TU SBYAR BA'I BYED PA'I YUL MA YIN PA NYID DU @43A *, ,GRUB PA DANG BSAL BA MTSUNGS PA YIN NO, ,DE'I PHYIR DON MED PAS BYAS PAS BSAL BA GTAN TSIGS KYI YUL MA YIN PAS GRUB PA DANG THUN MONG MA YIN PA'I PHYIR THE TSOM NYID GTAN TSIGS KYI BYED PA'I YUL YIN LA DES NA PHYOGS YIN NO, ,GRUB PA NI DE TZAM LA BRTEN NAS 'GYUR BA CAN YIN PA'I PHYIR PHYOGS LTAR SNANG BA YIN TE, BSAL BA BZHIN NO, ,GANG DAG BSAL BA PHYOGS MA YIN NO ZHES BYA BA NI CI TSIG TZAM YIN NAM, 'O NA TE RIGS PAS THOB PA YIN ZHES NYE BAR BKOD NAS, GZHUNG RTOGS PAR BYED PA DE DAG GI LTAR NA, 'GAL BA DAG NI GCIG LA YANG DAG PA'I SHES PAR MI RUNG BA'I PHYIR PHYOGS PA MA YIN NO ZHES BYA BA 'DI TZAM ZHIG BRJOD PAR BYA BAR 'GYUR BAS, THE TSOM GYI YUL LA RTAGS BRJOD PA'I PHYIR ZHES BYA BA LA SOGS PA 'DI DANG 'BREL BA CUNG ZHIG KYANG 'BREL BA DKA' BAR 'GYUR RO, ,DE'I PHYIR GTAN TSIGS KYI YUL NI PHYOGS YIN LA, BSAL BA NI YUL MA YIN PA'I PHYIR, DE TZAM LA 'GYUR BA'I PHYOGS KYI SKYON YIN NO ZHES BYA BA 'DI KHO NA LTAR YIN NO, ,GAL TE TSAD MA DAG NYID KYIS BSAL BA PHYOGS MA YIN NA JI LTAR RNAM PA BZHIR BSHAD CE NA, BSHAD PA, RJES SU DPAG PA'I DBYE BA YIN TE, DBYE BA RGYUR BYAS NAS MNGON SUM DANG RJES SU DPAG PAS GNOD PA DE NI RNAM PA BZHIR BRJOD DO, ,RJES SU DPAG PA RNAM PA GSUM DU PHYE BAS NA ZHES BYA BAS NI, DNGOS PO PA'I RJES SU DPAG PA GCIG DANG, BRTAGS PA'I 'BRAS BU DANG RANG BZHIN LA BRTEN NAS KHAS BLANGS PA'I DBYE BA RNAM PA GNYIS KYIS SO,, CI LTAR DNGOS PO GNOD PAR BYED PA DE BZHIN DU KHAS BLANGS PA GZHAN LA GNOD PAR BYED PA YIN NO, ,DE LA ZHES BYA BA NI MNGON SUM LA SOGS PA LA'O, ,KHAS BLANGS ZHES BYA BA NI YUL CAN KHAS BLANGS PAS KHAS BLANGS PA'I BSTAN BCOS MTSON PA'O, ,KHAS BLANGS PA'I BSTAN BCOS NI 'BRAS RTAGS TE, DON GYI 'BRAS BUR GYUR PA'I RTAGS YIN NO, ,'GRO BA LA GRAGS PA 'GRO BA'I LUGS RNAM PAR GZHAG PA NI RANG BZHIN RTAGS TE, RANG BZHIN GYI MING CAN DON RTOGS PAR BYED PA'I YAN LAG YIN NO, ,RNAM PAR 'GREL BAR BSHAD PA NI YID CHES @43B PA'I TSIG NI 'BRAS BU'I MTSAN NYID CAN GYI RTAGS YIN LA, GRAGS PA NI RANG BZHIN GYI MTSAN NYID CAN GYI RTAGS YIN NO, ,GRAGS PA ZHES BYA BA RNAMS PAR RTOG PA LA GNAS PA NYID NI DON GYI RANG BZHIN YIN NO ZHES GTAN LA PHEBS PAR 'GYUR RO, ,GANG GI TSE TSIG 'BRAS BU'I RTAGS SU 'GYUR BA YID CHES PA DE GANG YIN ZHE NA, BDAG GAM GZHAN NI YID CHES PA YIN NO, ,CI LTA BU'I KHYAD PAR CAN ZHIG CE NA, GANG LA DON CI LTA BA BZHIN TE CI LTAR GNAS PA BDEN PA'I DON MTHONG BA YOD PA DE'I SGO NAS NGAG 'JUG PA STE, DON JI LTA BA BZHIN MTHONG BAS 'JUG PA DE 'DRA BA'I NGAG GANG LA YOD PA'O, ,DE LTAR 'DOD PA STE, MNGON PAR 'DOD PA NI YID CHES PA YIN TE, BDAG GAM GZHAN YANG RUNG PHYIN CI MA LOG PAR SMRA BA NI YID CHES PA YIN NO ZHES BYA BA'I THA TSIG GO, ,GANG GI PHYIR DE'I TSIG NI DE LTA BU'I DON GYI DNGOS PO PHYIN CI MA LOG PA NYID MED NA MI 'JUG PA DE'I PHYIR DON DE'I 'BRAS BUR 'DOD PA YIN NO, ,YID CHES PA'I TSIG GI MTSAN NYID RANG GI 'BRAS BUS YANG DAG PAR BSTAN PA'I DON DE YANG, RANG LAS PHYIN CI LOG TU RANG GI NGO BO DANG 'GAL BAR KHAS BLANGS PA'I GEGS BYED DE ZHES BYA BA LA 'DIR GEGS BYED PA NYID DU GNAS PAR 'GYUR BA'I PHYOGS YIN TE, DA LTAR NI RE ZHIG GNOD PA ZHES BYA BA'I DON 'DOD PA YIN NO, ,BSTAN BCOS ZHES BYA BA NI YID CHES PA'I TSIG STE, DON GYI 'BRAS BU'I MTSAN NYID DU MTSUNGS PAS NA'O, ,BSDUS TE ZHES BYA BA NI BSREGS NAS GNOD PAR BYED PA GCIG TU SLOB DPON GYIS BRJOD DO, , GAL TE DON GYI 'BRAS BU NYID DU GNYI GA MTSUNGS KYANG GZHAN DAG GIS 'DI GNYIS THA DAD PAR BRJOD PA MA YIN NAM, CI'I PHYIR SLOB DPON GYIS GNOD PA GCIG TU BRJOD CE NA, SKABS KYI RTEN ZHES BYA BA LA SOGS PA SMOS SO, ,'DI LTAR MNGON PAR 'BREL TE, 'BRAS BU NYID DU KHYAD PAR MED PA LA BRTEN NAS YID CHES PA'I TSIG 'DI RANG GI TSIG DANG LHAN CIG TU THA DAD PAR BRJOD PA MDZAD PA GANG YIN PA DE NI MTSUNGS PAR BSTAN PA'I PHYIR TE, ,'DRA BA 'GA' ZHIG RTOGS PAR BYA BA'I DON DU YIN NO, ,'DRA BA DE YANG GANG ZHE NA, CI LTAR ZHES SMOS SO, ,BDAG NYID TSAD MA MA YIN ZHES BYA BA NI, @44A *, ,GAL TE NGA'I TSIG NI BRJOD PAR BYA BA'I DON MED NA MI 'BYUNG BA NYID YIN NO ZHES GZHAN LA KHAS LEN PA DE LTA NA SMRAS PA LA TSIG BRJOD PAR 'GYUR GYI, GZHAN DU NI MA YIN TE DGOS PA MED PA'I PHYIR RO, ,NGA'I TSIG LAS DON 'DI RTOGS PAR GYIS SHIG CES GZHAN LA SMRA BA YIN NO, ,BDAG NYID KYI TSIG RTOGS PAR BYA BA'I DON DANG LDAN PAR STON PAS NI TSIG DON GYI 'BRAS BUR BSTAN PA YIN TE, GAL TE BRJOD PAR BYA BA'I DON LA MI 'KHRUL PA DE LTA NA, DE RTOGS PAR BYA BA'I DON DANG LDAN PAR 'GYUR BA YIN NO, ,TSIG DON GYI 'BRAS BUR YANG JI LTAR 'GYUR ZHE NA, GAL TE DON MED NA MI 'BYUNG BA CAN GYI MTHONG BAS SBYAR BA YIN NA'O, ,DE'I PHYIR SMRA PO TSIG BRJOD PA'I SHUGS NYID KYIS TSIG DON MED NA MI 'BYUNG BA DANG, BDAG NYID KYANG DON CI LTA BZHIN MTHONG BAR STON PAR BYED DO, ,GAL TE BDAG NYID BDEN PA MTHONG BA MA YIN PA DANG TSIG KYANG MI BDEN PA'I DON CAN DU GZHAN LA STON PAR 'DOD NA NI, TSIG BRJOD PA NYID DU MI 'GYUR TE, TSIG GI DGOS PA DON RTOGS PA'I RANG BZHIN MI 'DOD PA'I PHYIR RO, ,DES NA 'DIR BDAG NYID TSAD MA MA YIN NA ZHES BYA BA NI TSIG TSAD MA MA YIN PAR BRJOD PAR BLTA STE, TSIG TSAD MA YIN PA NI BDAG NYID TSAD MA YIN PA'I RGYU MTSAN CAN YIN PAS DE MED NA DE YANG MED PA'I PHYIR RO, ,DE BZHIN DU BSTAN BCOS LA MA BRTEN PAR TE, TSAD MAR KHAS BLANGS PAR DES GRAGS PA'I CHOS CAN LA DPYOD PA MI 'JUG GO ZHES BYA BA 'DI NI GANG RTOGS PAR BYA BA'I DON DU LHAN CIG TU BRJOD PAR MDZAD PA'I 'DRA BA YIN NO, ,CI ZHIG BRJOD PAR BYA BA'I PHYIR 'DRA BA RTOGS PAR 'DOD CE NA, SKABS KYI CHOS CAN KHYAD PAR DPYOD PA'I RTEN NYID LA BSTAN BCOS GNOD PAR BYED PA YIN TE, KHYAD PAR DPYOD PA GANG DU CHOS CAN BSTAN BCOS LA RAG LAS BA DER BSTAN BCOS RTEN NYID DANG, BRTEN PAR YANG GNOD PAR BYED PA YIN GYI, GZHAN NI MA YIN NO ZHES BYA BA'I DON 'DI BRJOD PA'I DON DU MTSUNGS PAR BSTAN PAR 'DOD PA YIN TE, TSIG KYANG BRJOD PA'I SKABS RTEN YIN PA'I PHYIR GNOD PAR BYED PA YIN TE, GANG GI PHYIR GNOD PA 'DI GNYIS SKABS KYI RTEN CAN DU MTSUNGS PAR BSTAN PA'I PHYIR THA DAD @44B PA MED PAR BSHAD PA YIN PA DE NYID KYI PHYIR RANG GI TSIG DANG 'GAL BA DANG LUNG DANG 'GAL BA GCIG TU BYAS PA 'DI LA DPER BRJOD PA YANG 'DRA BA THA MI DAD PAR BSTAN TO, ,GZHAL BYA'I DON CAN GYI TSAD MA DAG MED DO ZHES BYA BA NI, GZHAL BYA'I DON CAN DON DANG LDAN PA'I TSAD MA DAG MED PA'O, ,DE DAG GI RTOGS PA'I DON GANG YIN PA DE MED DO ZHES DON 'GOG PA YIN GYI, RANG GI NGO BO TZAM NI MA YIN TE, DE NI NYAMS SU MYONG BA'I PHYIR RO, ,CI LTAR DPE BRJOD PA 'DI, GNYI GA LA YANG 'DRA BA YIN ZHE NA, TSAD MA RNAMS MED NA ZHES SMOS SO, ,TSAD MA MED DO ZHES SMRA BAS NI TSIG BRJOD BYA'I DON DANG MA 'BREL PAR BRJOD PA YIN TE, BRJOD PAR BYA BA'I DON MED NA MI 'BYUNG BA NYID YIN NA NI TSIG NYID TSAD MAR 'GYUR RO, ,TSIG BRJOD BYA'I DON DANG BRAL BAR BSTAN NA NI DE BRJOD PA 'BRAS BU MED PAR 'GYUR RO, ,DE BZHIN DU BSTAN BCOS KYANG DON MED NA MI 'BYUNG BA MA YIN PAR 'GYUR NA 'DOD PA YANG YIN TE, DES NA 'DI GNYIS MI RUNG BA'I PHYIR 'DI DAG GIS DAM BCAS PA'I DON LA GNOD PAR 'DRA BA YIN NO, ,GAL TE CHOS CAN TSAD MA LUNG GIS GZHAG PA MA YIN PA MA YIN NAM, CI LTAR 'DIR BSTAN BCOS KYIS GNOD PA YIN ZHE NA, BSHAD PA, RANG GI TSIG DANG 'GAL BA LA GSAL BA'I DPER BRJOD PA YIN TE, TSIG BRJOD PA'I SHUGS KYIS 'ONGS PA'I TSAD MA DE TSAD MA MA YIN PA LA GNOD PA'I PHYIR RO, ,LUNG LA NI 'DI 'GAL BA'I DPER BRJOD PA'I PHYOGS TZAM ZHIG YIN NO, ,'DIR GDON MI ZA BAR KHAS BLANGS BAR BYA BA'I TSIG GI TSAD MA NI DAM BCA' BA'I DON 'GAL BAR BYED PA YIN TE, DES NA PHYOGS 'DIS GANG DU GDON MI ZA BAR BSTAN BCOS TSAD MAR KHAS BLANGS PA DE NI BSTAN BCOS KYI DPER BRJOD PA YIN PAR RTOGS PAR BYA'O, ,DE BSHAD PA NI LUNG DANG 'GAL BA 'DI LAS BSAL BAR BYA STE, TSAD MA YIN PA'I PHYIR BSTAN BCOS GDON MI ZA BA KHO NAR KHAS BLANG BAR BYA BA YIN NO, ,'PHOS NAS ZHES BYA BA'I DON TE, RING DU SONG YANG 'JIG RTEN PHA ROL YIN PAS DER BA DE BA STER BAR BYED PA MA YIN NO ZHES BYA BA NI 'DIR BSTAN BCOS KYIS GNOD PA YIN NO, ,CI LTAR ZHE NA, CHOS CAN ZHES BYA BA LA SOGS PA SMOS SO, ,BSTAN @45A *, ,BCOS DE LA GNOD NA BDE BA STER BAR BYED PA NYID DANG, BDE BA MA YIN PA NYID KYIS MTSAN NYID KYI KHYAD PAR LA DPYOD PA 'JUG PA YOD PA MA YIN TE, RTEN DU GYUR PA GZHI MED PA STE LDOG PA'I PHYIR RO, ,SPYI YOD NA KHYAD PAR SEMS PA YIN NA SPYI NYID LDOG PA'I PHYIR YUL GANG LA KHYAD PAR BSAM GTAN MED PA'I RI BONG GI RVA LA SOGS PAR SEMS PA NI MA YIN NO, ,GAL TE BSTAN BCOS LA GNOD DU CHUG MOD, DE LTA NA YANG GZHI MED PAR CI LTAR 'GYUR ZHE NA, CHOS CAN YOD PA NYID DU RNAM PAR GZHAG PA DE LA BRTEN PA'I PHYIR TE 'UNG LA BRTEN PA'I PHYIR RO, ,SPYI'I NGO BO CHOS CAN NI, BSTAN BCOS KYI RNAM PAR GZHAG PA YIN PAS, BSTAN BCOS DE LA GNOD PAR BYA BA NA CHOS CAN MED PA'I PHYIR KHYAD PAR SEMS PA BZLOG PAR 'GYUR RO, ,DE'I PHYIR RNAM PA DE LTA BU'I YUL ZHES BYA BA DPYOD PA'I RTEN BSTAN BCOS LAS GRUB PA LA NI GDON MI ZA BAR BSTAN BCOS TSAD MAR 'GYUR DGOS SO, ,GAL TE BSTAN BCOS LAS GRUB PA'I CHOS CAN LA, BSTAN BCOS LAS 'GAL BA SMRA NA BSTAN BCOS KYIS GNOD NA, DA NI JI LTAR 'JUG DOGS DAG TU KHRUS BYED PA DANG, DE LA SOGS PA G-YANG SAR MCHOD PA LA SOGS PA GANG YIN PA DE CHOS MA YIN PAR DAG PAR BYED PA MA YIN NO ZHES DE SKAD SMRA BA KHAS BLANGS PAS GNOD PA MA YIN, CHOS CAN CHOS MA YIN PA NI BSTAN BCOS LAS GRUB PA YIN NO, ,DE LA CHOS CAN KHAS LEN PAS NI BSTAN BCOS TSAD MAR BYAS PA YIN LA, DE TSAD MAR BYAS NA YANG CHOS MA YIN PA KHRUS LA SOGS PAS DAG PAR BYED PA YIN PAS KHAS BLANGS PA NA DE YANG 'GOG PA ZHES BYA BA NI KHAS BLANGS PAS GNOD PA YIN NO ZHE NA, CHOS MA YIN PA KHRUS LA SOGS PAS BZLOG PAR BYA BA NI BKAG PAR GYUR DU ZIN KYANG SKYON MED DO, ,CI LTAR ZHE NA, MA MTHONG BA CHOS DANG CHOS MA YIN ZHES BYA BAR RTOGS PAR BYED PA'I RGYU MTSAN GYI BSTAN BCOS THAMS CAD KHRUS KYI CHOS MA YIN PA SBYONG BAR BYED DO ZHES DE SKAD MI BRJOD PA'I PHYIR RO, ,GAL TE BSTAN BCOS THAMS CAD NI DE SKAD MI BRJOD KYI 'ON KYANG 'GA' ZHIG YIN PA DE LTA NA YANG CHOS CAN BSTAN BCOS LAS GRUB PA YIN PA DES NA CI LTAR SKYON MED CE NA, BSHAD PA, @45B RANG GI KHAS LEN PA'I RTEN KHAS BLANGS PA'I BSTAN BCOS ZLOG PAR BYED PA LA GNOD PAR 'GYUR LA, CHOS CAN CHOS MA YIN PA RNAM PAR 'JOG PAS KYANG GANG RNAM PAR GZHAG PA'I BSTAN BCOS DE DES KHAS BLANGS PA YIN GYI GZHAN NI MA YIN NO, ,CHOS MA YIN PA NYE BAR STON PA'I BSTAN BCOS THAMS CAD DU NI KHRUS LA SOGS PAS DAG PAR BYED PA YANG MI SMRA'O, ,GANG GI PHYIR DE LTA YIN PA DE'I PHYIR RANG GI BSTAN BCOS KYIS RNAM PAR 'JOG PA NA SANGS RGYAS PA'I CHOS CAN RTEN KHAS BLANGS PA'I BSTAN BCOS LA MI GNOD PA'I PHYIR RO, ,KHAS MA BLANGS PA LA GNOD PA SKYON MA YIN NO,, DE NI BSTAN BCOS DES KHAS BLANGS PA CHOS CAN YIN YANG 'GAL BA MED DO ZHES BSTAN PA'I PHYIR BSHAD PA, BSTAN BCOS DE'I'O, ,CI LTA BU'I KHYAD PAR CAN ZHIG CE NA, KHRUS KYIS DAG PAR SMRA BA YIN PAS NA DER SMRA'O, ,RANG GI TSIG NI BSTAN BCOS KYI PHYOGS GCIG STE, DE NYID KYI KHRUS KYIS DAG PAR BYA BA'I DON DE LA GNOD PA'I PHYIR DE BKAG PA LA SKYON MED DO ZHES 'BREL TO, ,'DI SKAD BRJOD PA YIN TE, BSTAN BCOS TSAD MAR BYAS NAS DE DANG 'GAL BA BRJOD PA GANG YIN PA'I TSIG DE LA BSTAN BCOS KYIS GNOD PA YIN NA, 'DIR NI BSTAN BCOS NYID DON 'GAL BA BRJOD KYI SKYES BU NI MA YIN PA'I PHYIR GANG LA BSTAN BCOS KYIS GNOD CES BYA BA MA YIN NO, ,GANG GIS KHRUS LAS DAG PA LA GNOD PAR BYED PA'I TSIG DE GANG YIN ZHE NA, BSHAD PA, CHOS MA YIN PA GANG LA CHAGS PA LA SOGS PA STE, ZHE SDANG LA SOGS PA'I RTZA BA RGYU MTSAN YOD PA ZHES BYA BA DE LTAR NI BSTAN BCOS THAMS CAD LAS RNAM PAR GZHAG PA YIN NO, ,GANG LA KHRUS KYIS DAG PA BRJOD PA DE'I BAR DU YANG 'DI RNAM PAR GZHAG PA YIN TE, 'DI BSTAN BCOS KYI DON YIN NO, ,THAMS CAD LAS CHOS MA YIN PA DE NI CHAGS PA LA SOGS PA'I RTZA BA CAN YIN NO ZHES DE SKAD DNGOS SU BRJOD PA MED PA MA YIN NAM, DE CI LTAR 'DI LTAR RNAM PAR GZHAG PA YIN ZHE NA, GANG GIS KHRUS LAS DAG PAR BSHAD PA'I BSTAN BCOS DE NYID KYIS MA CHAGS PA RNAMS DANG, SNANG BA MED PA RNAMS DANG, MA RMONGS PA RNAMS DANG, SDIG PAR MI 'DOD PA'I PHYIR, SHUGS KYIS @46A *, ,CHAGS PA LA SOGS PA SDIG PA'I RGYUR BRJOD PAR 'GYUR GYI, DNGOS SU NI MA YIN NO, ,RNAM BAR GZHAG BA DES NI KHRUS LA SOGS PAS SDIG BA DAG BAR SMRA BA 'GOG BAR BYED DO, ,CI'I PHYIR ZHE NA, RGYU MA ZAD NA DE LAS BYUNG BA'I 'BRAS BU MI LDOG PA'I PHYIR RO, ,GAL TE KHRUS LA SOGS PAS CHAGS PA LA SOGS PA'I RANG BZHIN GYI RGYU LA GNOD PAR BYED PA YIN NA NI DE'I 'BRAS BU SDIG PA YANG DAG BAR BYED BAR 'GYUR BA ZHIG NA, RGYU LA GNOD BAR BYED BA NI MA YIN TE, KHRUS LA SOGS BA BYAS KYANG NYAMS SU MYONG BA'I CHAGS BA LA SOGS PA MI LDOG BA'I PHYIR RO; DPE BSHAD PA NI MNGAR BA ZHES BYA BA LA SOGS PA YIN NO, ,BAD KAN DANG YON TAN MTSUNGS PA'I MNGAR BA LA SOGS BA NI BAD KAN GYIS SKYED PA'I NAD 'PHEL BA'I RGYU YIN PA'I PHYIR DE DAG NYID KYIS ZHI BAR BYED BA MA YIN PA DE BZHIN DU 'DI LA YANG YIN NO, ,DE'I PHYIR NA KHRUS KYIS DAG PAR BRJOD PA NI DON GYI CHOS MA YIN PA CHAGS PA LA SOGS PA'I RTZA BA CAN DU BRJOD BAS GNOD PA YIN NO, ,DE'I PHYIR BSTAN BCOS NYID RANG GI DON 'GAL BA BRJOD PA YIN GYI SKYES BU NI MA YIN NO, ,GANG GI PHYIR BSTAN BCOS LAS RAB TU GRAGS BA'I CHOS CAN GZUNG BA LA, SKYES BUS [?] BSTAN BCOS DANG 'GAL BA BRJOD PAR BYA BA MA YIN PA DANG, 'DI LTA BU 'GAL BRJOD PAR BYED PA LA BSTAN BCOS GNOD PAR BYED PA MA YIN PA DE NYID KYI PHYIR LUNG GI MTHONG BA RAB TU GRAGS PA'I DON DBANG BO LAS 'DAS PA DAG LA NI 'GAL BA STE, TSIG CAN TSUL GNOD PA BRJOD PA STON PA DE NI PHAL CHER TE, LHAG PAR SEMS PA GANG YIN PA'O, ,TSIG PHAN TSUN 'GAL BA BSTAN PAS NI DON BRJOD PA YIN TE, BSTAN BCOS LAS CI LTAR BRJOD PA DE DE LTAR MA YIN NO ZHES NI MI SMRA'O, ,'ON KYANG BSTAN BCOS 'DI NYID SMRA'I ZHES BYA BA YIN PA'I PHYIR, CI LTAR SKYES BU LA BSTAN BCOS KYIS GNOD PA YIN, YANG CI'I PHYIR DE LTAR SEMS PAR BYED CE NA, BSTAN BCOS GANG ZHIG CES BYA BA LA SOGS PA SMOS SO, ,MTHONG BA MNGON SUM DANG RJES SU DPAG PA ZHES BYA BA'I YUL LO, ,RJES SU DPAG BAR BYA BA YANG MED BZHIN DU RES 'GA' MTHONG BA'AM, @46B MIG BZHIN DU RTEN MTHONG BA'I PHYIR MTHONG BAR BRJOD DE, MIG RJES SU DPAG BA LA NI CHOS CAN MTHONG BA YIN NO, ,DNGOS BO'I STOBS TE TSAD MA'I STOBS KYIS ZHUGS PA'I TSANG MAR MA GNOD PA DANG, MI MTHONG BA'I YUL SHIN TU DBANG PO LAS 'DAS PA DAG LA RANG GI TSIG GIS MA GNOD PA'I BSTAN BCOS DE GZUNG BAR BYA BA YIN NO ZHES RTOGS PAR BYA BA'I DON TO ZHES BYA BA'I DON NI TSIG GI LHAG MA STE, DON 'DI RTOGS PAR BYA BA'I PHYIR SEMS PAR BYED PA YIN NO ZHES BYA BA'I TSIG GO, ,GAL TE BSTAN BCOS LAS GRAGS PA'I CHOS CAN LA, BSTAN BCOS DANG 'GAL BA BRJOD NA BSTAN BCOS KYIS GNOD NA, 'O NA BSTAN BCOS LAS RAB TU GRAGS PA MA YIN PA'I CHOS CAN LA, BSTAN BCOS DANG 'GAL BA BRJOD PA LA SKYON CI 'DRA BA ZHIG CE NA, CI YANG MED DE BSTAN BCOS KHAS MA BLANGS PA'I PHYIR RO, ,'ON BSTAN BCOS KHAS BLANGS PA DE LA CI LTAR ZHE NA, DE LA MI BRTEN PA BSTAN BCOS LA MI BRTEN PA'I DNGOS PO LA NI, BSTAN BCOS DANG LDAN PA DES 'GAL BA'I CHOS BRJOD KYANG BSTAN BCOS KYIS GNOD PA MA YIN NO, ,'ON CIR 'GYUR ZHE NA, GEGS BYED PAR 'GYUR RO, ,'DI LTAR DAM BCAS PA'I BSTAN BCOS DE YANG DE'I RANG GI TSIG NYID YIN LA, 'DI YANG RANG GI TSIG YIN PA'I PHYIR DE DAG NI GEGS BYED PA YIN NO, ,CI'I PHYIR ZHE NA, BSTAN BCOS DANG TSIG GNYI GA STOBS TE SPUNGS MTSUNGS PA DE'I PHYIR RO, ,DPE BSHAD PA, DPER NA RANG GI TSIG GEGS BYED PA YIN GYI, GNOD PAR BYA BA DANG GNOD PAR BYED PA'I DNGOS PO NI MA YIN PA BZHIN NO, ,DE'I TSE ZHES BYA BA NI NYAMS SU MYONG BAS GRUB BA'I CHOS CAN 'DZIN BA'I DUS NA, SMRA BA PO DE'I RANG GI TSIG DANG 'GAL BA YIN GYI BSTAN BCOS KYIS GNOD PA NI MA YIN NO, ,BSTAN BCOS NI KHAS BLANGS PA'I PHYIR RANG GI TSIG DANG 'DRA'O, ,GANG DU CHOS CAN BSTAN BCOS LAS RAB TU GRUB PA DER NI GDON MI ZA BAR BSTAN BCOS NYID TSAD MAR BYA BA YIN TE, DES NA BSTAN BCOS GNOD PAR BYED BA YIN NO, ,'O NA GANG GI TSE BYE BRAG BA SGRA NAM MKHA'I YON TAN MA YIN NO ZHES BRJOD PA DE'I TSE 'DI'I BSTAN BCOS LAS RAB TU GRAGS PA'I NAM MKHA'I YON @47A *, ,TAN NYID RANG NYID KYIS BRJOD PA'I NAM MKHA'I YON TAN MA YIN PA NYID KYI GEGS BYED PAR 'GYUR RO, ,BYAS PA'I GTAN TSIGS KYIS GRUB PA'I NAM MKHA'I YON TAN MA YIN BA NYID BSTAN BCOS LAS RAB TU GRAGS BAS CI LTAR GEGS BYED PAR 'GYUR ZHE NA, DE DAG LAS GANG LA TSAD MA YOD PA ZHES SMOS SO, ,TSAD MA MED PA'I DAM BCAS PA TZAM DAG NI PHAN TSUN GEGS BYED PAR BRJOD DO, ,GAL TE GCIG LA YANG TSAD MA YOD NA NI DE NYID NI GNOD PAR BYED PA YIN NO, ,DE LTA MA YIN ZHES BYA BA NI GAL TE TSAD MA MED PA DAG GEGS MA YIN PA DANG, TSAD MA CAN TSAD MA MED PA LA GNOD PAR BYED PA MA YIN GYI, 'ON KYANG BSTAN BCOS NYID GNOD PAR BYED 'DOD NA, DE'I TSE RANG GI TSIG TSAD MA MED PA DANG, RJES SU DPAG PA DANG LDAN BA DON CI LTA BA BZHIN TE, DNGOS PO LAS MA 'DAS PAR 'JUG PA'I RANG GI TSIG TSAD MA DANG LDAN BA GANG YIN PA DE LA RIGS PA MED PA'I DAM BCA' BA LUNG GI NGO BOS CI LTAR GNOD PAR 'GYUR TE, MI 'GYUR BA NYID DO, ,RIGS PA MED PA ZHES BYA BA CI LTAR BRJOD DE GANG GI PHYIR LUNG YANG TSAD MA NYID YIN PA'I PHYIR RO ZHE NA, LUNG RNAMS TSAD MA YIN PA YANG BKAG ZIN TO ZHES SMOS TE, LE'U GNYIS PAR LUNG RNAMS RANG BZHIN MA BYAS PA DANG, DON SKYES BUS MA BYAS PA DANG, YID CHES PA'I TSIG NYID KYIS TSAD MA YIN PA BKAG ZIN TO, ,GANG GI PHYIR BSTAN BCOS LAS MI BRTEN PA'I DNGOS PO LA LUNG DANG 'GAL BA BRJOD PA LA LUNG GIS GNOD PA MED PA DE'I PHYIR LUNG TSAD MAR KHAS BLANGS NAS DPYOD PA GANG DAG YIN PA STE, DPER NA CHOS LA SOGS PA LTA BUR GANG DAG GIS CHOS CAN BSTAN BCOS LAS RAB TU GRAGS PA'I DPYOD BA DE DAG LA BSTAN BCOS KYIS GNOD PA'I SKYON 'DIR 'GYUR GYI GZHAN DU CHOS CAN BSTAN BCOS LAS RAB TU GRAGS PA MA YIN PA'I DPYOD PA LA NI MA YIN NO, ,GANG GI PHYIR DPYOD BA GANG DU BSTAN BCOS LA GDON MI ZA BAR BRTEN DGOS PA DE KHO NA BSTAN BCOS GNOD PAR BYED PA YIN PA DE NYID KYI PHYIR RJES SU DPAG PA LAS PHYI ROL DU GYUR PA MA YIN YANG KHAS BLANGS PA STE BSTAN BCOS RJES SU DPAG PA LAS LOGS SHIG TU BYAS SO, ,CI'I DON DU ZHE NA, YUL GYI @47B DBYE BA STE THA DAD PA NYID DO, ,RJES SU DPAG PA DANG BSTAN BCOS KYI GNOD PA NI YUL THA DAD PA YIN TE, RJES SU DPAG PA NI THAMS CAD DU GNOD PAR BYED PA YIN LA, BSTAN BCOS LA BRTEN PA'I CHOS CAN LA GNOD PAR BYED PA YIN PAS, YUL GYI DBYE BA 'DI BSTAN PA'I PHYIR LOGS SHIG TU BYAS SO, ,LOGS SHIG TU MA BYAS NA NI JI LTAR RJES SU DPAG PA'I YUL THAMS CAD LA GNOD PAR BYED PA DE BZHIN DU BSTAN BCOS KYANG YIN PAR DOGS PAR 'GYUR RO, ,CI LTAR PHYI ROL DU GYUR PA MA YIN TE, GANG GI PHYIR RJES SU DPAG PA NI TSAD MA YIN LA, LUNG NI MA YIN NO ZHE NA, GNOD PAR BYED PAR KHAS BLANGS PAS SO, ,GANG GI PHYIR LUNG NI GNOD BYED DU KHAS BLANGS PA YIN LA, GNOD PAR BYED PA YANG TSAD MA YIN NO, ,TSAD MA YANG MNGON SUM MA YIN PA'I PHYIR RJES SU DPAG PA YIN TE, DES NA GNOD PAR BYED PA NYID DU KHAS BLANGS PA'I PHYIR BSTAN BCOS RJES SU DPAG PA YIN NO, ,DE LTA MA YIN NA ZHES BYA BA NI YUL GYI DBYE BA BSTAN PA'I PHYIR MA YIN NA NI, 'DI RJES SU DPAG PA'I DBYE BA BSTAN PA'I PHYIR YIN PAR 'GYUR LA, DE LTA NA YANG 'BRAS BU DANG RANG BZHIN DANG MI DMIGS PA'I RAB TU DBYE BA GZHAN YANG BRJOD PAR BYAS PAS HA CANG THAL BAR 'GYUR RO, ,CI STE DBYE BA GZHAN YOD KYANG MA BRJOD NA, BSTAN BCOS LOGS SHIN TU BYAS PA DON MED PAR 'GYUR RO, ,'DI LTAR BSTAN BCOS NI 'BRAS BU'I GTAN TSIGS YIN NO ZHES BRJOD ZIN TO, ,GAL TE LOGS SU BYAS PA GDON MI ZA BAR RGYU MTSAN LTOS PA YIN NA'O, , RANG GI TSIG BSTAN BCOS LAS LOGS SHIG TU BYAS PA LA RGYU MTSAN CI YOD CE NA, TSIG TZAM BRJOD BA STE GANG ZHIG TSAD MA DANG BRAL BA'I TSIG TZAM BRJOD PA GANG YIN PA DE'O, ,DE LA GEGS BYED PA YIN GYI GNOD PAR BYED PA NI MA YIN NO ZHES BYA BA'I DON 'DI RGYU MTSAN YIN TE, 'DI RTOGS PAR BYA BA'I PHYIR LOGS SHIG TU BYAS PA YIN NO ZHES BYA BA'I DON TO, ,GAL TE TSAD MA MA YIN PA'I TSIG GEGS BYED PA YIN GYI GNOD PAR BYED PA MA YIN NA NI, GANG GI PHYIR TSAD MA MA YIN PA NYID NI BSTAN BCOS LA YANG MTSUNGS PA YIN PA DE'I PHYIR BSTAN BCOS DANG 'GAL BA DER YANG GAGS @48A *, ,BYED PAR 'GYUR GYI, GNOD PAR BYED PA NYID NI MA YIN NO ZHE NA, BZLOG PA'I PHYIR GZHI YOD PA LA ZHES SMOS SO, ,KHYAD PAR CAN GYI CHOS DAG GI GZHI CHOS CAN GCIG YOD NA PHAN TSUN GEGS SU 'GYUR BA YIN TE, CHOS LA BRTEN PA ZHES GANG 'CHAD PAR 'GYUR BA YIN NO, , DPER BRJOD PA NI NYAMS SU MYONG BAS GRUB PA'I CHOS CAN TSIG GCIG LA BRJOD PA'I GNAS SKABS LA BRTEN PA'I TSIG TSAD MA NYID DANG, RJES SU DPAG PA TSAD MA MA YIN NO ZHES BYA BA'I BRJOD PAR BYA BA TSAD MA MA YIN PA NYID DO, ,TSAD MA CAN MA YIN PA 'DI GNYIS KYI PHAN TSUN GEGS BYED PA NYID CHOS LA BRTEN PA YIN PA'AM, MNGON SUM GYIS GRUB PA'I BUD MED LA BU SKYED PA DANG, CIG SHOS KYIS CHOS DE DAG GI PHAN TSUN GEGS BYED PA CHOS LA BRTEN PA YIN BA BZHIN NO, ,CHOS CAN GRUB PA CHOS GANG RUNG CIG YOD PAR 'GYUR DGOS PA DANG, 'GAL BA GNYIS GCIG LA LDAN PA YANG MA YIN PA'I PHYIR NA 'DOD PA GCIG GIS GNYIS BGEGS BYED PA YIN TE, DES NA GEGS BYED PA NI CHOS LA BRTEN PA YIN NO, ,DPYOD PA GANG DU CHOS CAN NYID MA GRUB BA DER NI GANG LA STE, GZHI GANG ZHIG TU KHAS BLANGS PA'I CHOS GANG ZHIG CHOS GZHAN GANG GIS GEGS BYA STE, GEGS BYED BDAG GI GZHI MED PAR 'GYUR NA GEGS BYED PA'I SKABS NYID MED PA'I PHYIR RO, ,GANG GI PHYIR DE LTAR CHOS CAN MA GRUB NA GEGS BYED PA MED PA DES NA GEGS BYED PA'I RTEN CHOS KHAS LEN PAS NI CHOS CAN RNAM PAR 'JOG PAR BYED PA YOD PA NYID DU KHAS BLANGS PA YIN LA, DE RNAM PAR 'JOG PA'I PHYIR YANG BSTAN BCOS TSAD MAR BYED PA YIN NO, ,DE LAS BSHAD BA'I CHOS KYI MTSAN NYID KYI DON YOD PAR KHAS LEN PAS NI, BSTAN BCOS BRJOD PAR BYA BA'I DON MED NA MI 'BYUNG BA'I DON GYIS 'BRAS BUR KHAS BLANGS PA YIN TE, DES NA TSAD MA YIN PA'I PHYIR DE NI BDEN PA SGRUB BAR BYED PA MA YIN PA LA GNOD PAR BYED PA YIN NO, ,DE NI BSTAN BCOS RANG GI TSIG DANG MTSUNGS PAR BYA BA'I PHYIR SKABS RTZOM PAR BYED PA NI BSTAN BCOS TSAD MA MA YIN NA NI ZHES BYA BA'O, ,BSTAN BCOS TSAD MA CAN MA YIN TE, TSAD MA @48B NYID MA YIN NA CI LTAR CHOS CAN YOD PAR RTOGS PAR 'GYUR ZHE NA, TSAD MAR DON MED NA MI 'BYUNG BA NYID DU KHAS BLANGS BA'I PHYIR RO, ,GAL TE DE LTA NA NI RANG GI KHAS BLANGS BA NYID CHOS CAN YOD PAR RNAM PAR 'JOG PAR BYED PA YIN GYI BSTAN BCOS NI MA YIN NO, ,CI LTAR ZHE NA, TSAD MAR BYED PA STE, GANG GI PHYIR BSTAN BCOS TSAD MAR KHAS LEN BAR BYED BA DE'I PHYIR DE NYID CHOS CAN RNAM BAR 'JOG BAR BYED PA YIN LA, ,CHOS GZHAN YANG TSAD MAR BYED PA NYID KYIS 'JOG PAR BYED CING, YANG DUS PHYIS DE NYID ZLOG BAR BYED DO, ,DE'I PHYIR RANG GI TSIG DANG 'GAL BA LAS THA MI DAD DO, ,CI LTAR RANG GI TSIG DANG 'GAL BA KHAS BLANGS PA'I TSAD MAS BYAS PA DE BZHIN DU BSTAN BCOS DANG 'GAL BA YANG YIN PAS THA MI DAD DO, ,DES NA JI LTAR RANG GI TSIG DANG 'GAL NA GEGS BYED PA DE BZHIN DU BSTAN BCOS DANG 'GAL NA YANG YIN TE, STOBS MTSUNGS PA DAG GNOD PA NI MA YIN NO, ,GAL TE GNYI GA GEGS BYED PA YIN GYI GNOD PAR BYED PA MA YIN NA, DA 'DI DAG LA DBYE BA CI YOD DE, GNYI GA YANG GEGS BYED PA YIN BAS KHYAD PAR MED PA'I PHYIR RO ZHE NA, 'DI DAG LA KHYAD PAR YOD PAR SU ZHIG SMRA, GAL TE KHYAD PAR MED NA CI LTAR BSTAN BCOS LAS RANG GI TSIG LOGS SU BYAS SHE NA, NGAG GI DBYE BAS DE LTAR LOGS SHIG TU BRJOD PAR 'GYUR RO, ,NGAG THA DAD PA DAG LA NI BSTAN BCOS DANG 'GAL BA YIN LA, NGAG GCIG LA NI RANG GI TSIG DANG 'GAL BA YIN NO ZHES GANG SMRAS PA NI, GANG GI TSE NGAG SNGA MAS GZHAG PA'I DON NGAG PHYI MA'I DON GYIS ZLOG PAR BYED PA DE'I TSE NI KHAS BLANGS PA DANG 'GAL BA YIN TE, 'DI SKAD CES NGA'I MA GANG YIN PA DE NI MO GSHAM YIN NO ZHES BRJOD PA NI SNGAR GYI MTSAN NYID KYIS NGAG PHYIS KYI MTSAN GZHI'I NGAG GIS NYAMS PAR BYAS PA YIN NO, ,RNAM PA 'DI LTA BU NI KHAS BLANGS PA DANG 'GAL BA NYID DO, ,DE NYID KYI PHYIR SLOB DPON GYIS KYANG SNGAR KHAS BLANGS PA DANG ZHES SNGAR GYI SGRA GSUNGS SO, ,NGAG GIS DBYE BA MED KYANG BRJOD PA'I NGAG DE NYID KYIS RANG GI DON SEL BAR NI RANG GI TSIG DANG 'GAL BA YIN TE, DPER NA RJES SU DPAG PA TSAD MA MA YIN @49A *, ,NO ZHES BYA BA BZHIN NO, ,NGAG DE BRJOD PA NA SHUGS KYIS RANG GI DON LA MI 'KHRUL BAR BSTAN BA YIN LA, DE 'DRA BA YANG SMRA BA BO'I NGA RGYAL GYIS RJES SU DPAG PA'I TSAD MA YIN NO, ,DES NA BRJOD BA'I SHUGS KYIS 'ONGS PA'I TSAD MA NYID DU KHAS BLANGS PAS NI RANG GI BRJOD BYA TSAD MA MA YIN PA 'GAL BAR BYED DO, ,TSIG BRJOD BAR 'DOD BA'I 'BRAS BU YIN BA'I PHYIR DNGOS PO TSAD MA MA YIN NAM, CI LTAR DE GEGS BYED BA YIN ZHE NA, BDEN TE, 'ON KYANG BRJOD PA'I SHUGS KYIS 'ONGS PA 'DI'I TSAD MA NI 'DOD PA'I YUL CAN NI MA YIN TE, 'ON KYANG PHYI ROL GYI DON GYI YUL CAN YIN NO, ,'DI LTAR BSAM BA LA TSAD MA MA YIN YANG SPYI'I DON RTOGS BAR BYA BA'I PHYIR NGAG BRJOD LA, SPYI'I DON LA TSAD MAR BSTAN PAR MI 'DOD NA NI SMRA BAR MI 'GYUR RO, ,BRJOD PA'I SHUGS KYIS 'ONGS PA GANG YIN PA NYID NI 'DOD PA YIN LA, GZHAN NI BKAG PA'I PHYIR 'DOD PA MA YIN NO, ,BRJOD PA'I DUS NA 'DOD PA GANG YIN PA DES BRJOD PAR BYA BA'I GEGS BYAS NA RANG GI TSIG DANG 'GAL BAR 'GYUR BA YIN TE, 'DOD BA GCIG DANG 'DOD BA GZHAN 'GAL BA YIN PA'I PHYIR RO, ,DE'I TSIG RANG GI TSIG DANG 'GAL BA NI GEGS SU 'GYUR BA KHO NA YIN GYI, PHYI ROL GYI YUL CAN GYI TSAD MAR 'DOD BAS GNOD PA NI MA YIN NO, ,DE NYID KYI PHYIR BDAG GAM GZHAN YANG RUNG DON JI LTA BA BZHIN MTHONG BAS DAG 'JUG BA NI YID CHES PAS YIN LA, DE'I TSIG NI DON GYI 'BRAS BU YIN NO ZHES KHAS BLANGS PAR RAB TU GRAGS PA PHYI ROL GYI 'BRAS BU NYID DU BRJOD DO, ,BSAM PA'I 'BRAS BU NYID NI TSIG THAMS CAD LA YOD PAS KHYAD PAR DON MED PAR 'GYUR RO, ,GEGS BYED PA NI YANG CIR 'GYUR ZHES BYA BA NI, TSIG DON LA NGES BA NYID YIN NA NI RANG GI DON GYIS DON GZHAN GYI GEGS BYED PAR 'GYUR NA, TSAD MA MA YIN BA NI DON THE TSOM ZA BA YIN NO ZHES BYA BA YIN NO, ,DE NYID KYI PHYIR TE TSAD MA MA YIN BA NYID KYI PHYIR STOBS MTSUNGS BA YIN LA, STOBS MTSUNGS BAS GEGS BYED BA YIN NO, ,'GAL BDAG GCIG LA MI SRID PA'I PHYIR DANG, RNAM BA GNYI GAS STONG BA YANG MI @49B RUNG BA'I PHYIR, TSAD MA MA YIN PA GNYI GA'I DON LA THE TSOM ZA BA YIN LA, THE TSOM ZA BA'I PHYIR NI PHAN TSUN GEGS SU 'GYUR BA YIN NO, ,TSAD MA MA YIN PA NYID KYI PHYIR RO ZHES BYA BA GA LAS SHE NA, BSHAD PA, GANG GI PHYIR GAL TE NGAG GNYIS PO DE LA GCIG TSAD MA YIN NA DE GNYI GA GRUB PA KHO NAR 'GYUR GYI, GANG GIS KYANG GANG LA GEGS BYED PAR NI MI 'GYUR BA DE'I PHYIR NI TSAD MA MA YIN PA NYID DO, ,GANG DU GNYI GA YOD MED THE TSOM ZA BA DER GEGS SU 'GYUR BA YIN TE, DE NI THE TSOM GYI 'BRAS BU CAN YIN PA'I PHYIR RO, ,'DIR NI GNYI GA YOD PA DANG MED PAR NGES PA YIN TE, ,DES NA GEGS MA YIN NO, ,GANG LAS GEGS MA YIN PAR 'GYUR BA GNYI GA GRUB PA NYID GA LAS SHE NA, BSHAD PA, TSAD MA'I TSIG GIS TSAD MA MA YIN PA LA GNOD PA'I PHYIR RO, ,GANG DU GANG ZHIG GNOD PAR BYAS PA DANG GRUB PA GANG YIN PA GNYI GA YANG DE LA YOD PA DANG MED PAR NGES PA'I PHYIR GANG LAS GEGS SU 'GYUR, GAL TE TSAD MAS TSAD MA MA YIN PA LA GNOD NA, ,'O NA NI BSTAN BCOS GEGS BYED PAR MI 'GYUR TE, 'ON KYANG GNOD PAR BYED PA NYID DO, ,'DI LTAR RGOL BA DES KHAS BLANGS PA'I PHYIR BSTAN BCOS KYIS GRUB PA DANG, NYAMS SU MYONG BAS GRUB PA'I DNGOS PO THAMS CAD LA BSTAN BCOS TSAD MA YIN TE, DE NYID KYIS NA DE NI THAMS CAD DU GNOD PA YIN NO, ,DNGOS PO'I STOBS KYIS ZHUGS PA'I MTSAN MA YANG TSAD MA'O ZHES BYA BAR SHES PAS GNOD PA BYED PA YIN LA, BSTAN BCOS KYANG TSAD MAR KHAS BLANGS PA YIN PAS CI LTAR GNOD PAR BYED PA MA YIN ZHE NA, KHAS BLANGS PAR KHYAD PAR MED KYANG CI LTAR TSIG GCIG NI TSAD MA DANG TSAD MA MA YIN PA'I PHYIR GNOD PAR BYED PA YANG YIN LA GZHAN NI TSAD MA MA YIN, KHAS BLANGS BAS BYAS PA TSAD MA NYID YIN NA GNYI GA YANG KHAS BLANGS PAR KHYAD PAR MED PAS TSAD MAR KHYAD PAR MED PA'I PHYIR GNYI GA LA YANG GNOD PAR BYED BA NYID DO, ,YUL GCIG LA NI GNYI GA GNOD PAR BYED PAR MI 'THAD DE, GNOD PAR BYED PA NI YOD PA YIN LA, GNOD PAR BYA BA NI MED PA YIN NA, GCIG NI CIG CAR YOD PA DANG MED PAR @50A *, ,'GAL BA YIN NO, ,DES NA GEGS BYED PA NYID DU 'THAD DO, ,GZHAN YANG KHAS BLANGS PAS GNOD PA BYED PA NYID DU SMRA BA NA, BSTAN BCOS 'DI'I TSAD MA NYID SKYES BU'I 'DOD PAS BYAS PA NI YONGS SU RDZOGS PA YIN TE, SNGAR KHYOD MI 'DOD KYANG DA LTAR 'DOD PAS RDZOGS PA'I PHYIR RO, ,GAL TE BSTAN BCOS DANG RANG GI TSIG LA THE TSOM GYI 'BRAS BU CAN GEGS BYED PA YOD PA DE LTAR NA YANG DAM BCA' BA'I SKYON NI MA YIN NO ZHES STON PA NI GAL TE ZHES BYA BA YIN NO, ,RANG GI TSIG DANG BSTAN BCOS NGANG 'GAL BA GANG YIN PA DE DAG YOD DO ZHE NA YANG; GAGS BYED PA'I SKYON DU 'GYUR NA 'GYUR LA RAG STE, DE LTA NA YANG CI LTAR PHYOGS KYI SKYON YIN TE MA YIN PA NYID DO, ,CI LTAR ZHE NA, GANG GI PHYIR GEGS BYED PA DE LAS NI BSGRUB PAR BYA BA LA THE TSOM DU 'GYUR BA KHO NAR ZAD KYI SEL BAR 'GYUR BA NI MA YIN NO, ,THE TSOM DE NI KHA NA MA THO BA BSAL BA MED PAR BSTAN PA LA YANG YOD PA'I PHYIR MTSUNGS PA YIN PA DE'I PHYIR PHYOGS KYI SKYON MA YIN NO, ,THE TSOM NI PHYOGS KYI YON TAN YIN GYI SKYON NI MA YIN TE, THE TSOM ZA BA'I YUL LA GTAN TSIGS KYI BYED PA 'JUG PA'I PHYIR RO ZHE NA, GAGS BYED PA THE TSOM GYI 'BRAS BU CAN YIN PA'I PHYIR PHYOGS KYI SKYON DU SMRA, SMRA BA PO DE'I TSIG LAS NGES PAR MI SKYED PA'I RGYU'I PHYIR TSIG DE SKYON CHAGS PA NI MA YIN NO, ,GAL TE TSIG GANG LAS DE'I DON LA NGES PA MI SKYED PAS TSIG DE SKYON CAN DU 'GYUR BA NI, THE TSOM ZA BAS PHYOGS MA YIN PAR 'GYUR BA YIN NA, DE LTAR NI MA YIN NO ZHES BYA BA'I DON TO, ,'O NA CI LTAR TSIG SKYON CAN DU 'GYUR ZHE NA, BSGRUB BYA 'AM GZHAN YANG RUNG STE, DNGOS PO GANG ZHIG DAM BCA' BA LA SOGS PA SGRUB PAR BYED PA'I NGAG GI CHA CUNG ZAD PA DE DAG LAS CHA CI CAM DANG TSAD CI TZAM ZHIG BSGRUB BYA STE, YAN LAG GZHAN GYIS BRJOD PAR BYA BA'I DON DANG 'BREL BAR RUNG BAR BSTAN PAR BYA BA ZHES BYA BA'I DON TO, ,TSIG DE TZAM GYIS DON DE BSGRUB PAR MI NUS PA'I PHYIR SMRA BA PO'I TSIG GI SKYON YIN NO, ,DAM BCA' BA'I TSIG GIS DON CI LTA BU ZHIG BSGRUB PAR BYA BA YIN PA DANG, CI LTAR NAM BSGRUBS PAR 'GYUR TE @50B GNYE GA BSTEN PA'I PHYIR, DAM BCA' BA'I TSIG GIS NI ZHES SMOS SO, ,RANG GI BSAM PA NI YUL CAN BSAMS BAS YUL DON BSTAN PA'I PHYIR RANG GI BSAMS PA'I DON TO, ,DAM BCA' BA'I TSIG GIS NI DE SRID PAR BSTAN PAR BYA BA YIN NA, BSTAN PA YANG MA YIN TE, GANG GI PHYIR DAM BCA' BA'I DON DE NI CI LTAR TSAD MAS GNOD PAR 'GYUR NA MI 'THAD PA DE BZHIN DU CHOS CAN GCIG LA 'GAL BA NYE BAR SDUD NA YANG SRID PA MA YIN NO, ,CHOS CAN LA NI PHAN TSUN 'GAL BA'I DON GNYIS SRID PA MA YIN NO, ,DE'I PHYIR DAM BCA' BA'I TSIG GIS MI SRID PA'I DON GYIS SGRUB PAR BYED PA'I PHYIR NA TSIG SKYON CHAGS PA YIN NO, ,GAL TE SMRA BA BO'I SKYON YIN PA DE LTA NA YANG DON GYI DNGOS PO BDE BA STER BAR MI BYED PA NYID NI DE LA THE TSOM ZA BA YIN TE, DES NA DE NI BSGRUB BYA NYID DU NI 'GAL LO ZHE NA, BSHAD PA, GZHAN GYI DON GYIS RJES SU DPAG PA NI TSIG GI SKYON YON GTZOR BYED PA YIN BA STE, SKABS SU BYAS NAS BRTAG PAR BYA BA YIN PAS NI SGRA'I BRJOD PAR BYA BA'I DON LA LTOS NAS SGRA'I SKYON YON BRJOD PA YIN GYI, DON GYIS NI MA YIN TE, BRJOD PAR BYA BA MA YIN PA DON DE TZAM GYI MA YIN NO ZHES BYA BA'I THA TSIG GO, ,GAL TE DON SKYON MED KYANG PHYIN CI LOG TU BRJOD PAR BYA BA'I NGO BOS SKYON CAN YIN PA'I PHYIR DE YANG SKYON CAN DU 'GYUR GYI, DNGOS PO'I GNAS LUGS LA SKYON MED PAS SKYON MED PA NI MA YIN NO, ,CI'I PHYIR TSIG GI SKYON YIN GYI DBANG DU BYAS SHE NA, DON GYI PHYIN CI LOG BRJOD PAS SMRA BA PO LA KLAN KAR 'GYUR BA'I PHYIR TE SKYON DU 'GYUR BA'I PHYIR RO, ,GZHAN GYI DON GYI RJES SU DPAG PA LA NI SKYES BU'I SPOBS PA RTOGS PA YIN GYI, DNGOS PO TZAM NI MA YIN PAS SKYON CAN BRJOD NA, SKYES BU LA KLAN KAR 'GYUR RO, ,DE LTA NA YANG RJES SU DPAG PA TSAD MA MA YIN NO ZHES BYA BYA BA DANG, DE BZHIN DU CHOS NI 'PHOS NAS BDE BA STER BAR BYED PA MA YIN NO ZHES BYA BA'I CHOS GCIG GI DON DES BRJOD PA MA YIN NAM, DE CI LTAR MI SRID PA'I DON BRJOD PA YIN ZHE NA, SHUGS KYIS TE TSIG RJOD PAR BYED PA NA, BRJOD PA'I SHUGS NYID KYIS DE DON MED NA MI 'BYUNG BA'I @51A *, ,TSAD MA NYID DU BSTAN PA YIN NO ZHES MANG DU BSHAD ZIN TO, ,DE BZHIN DU CHOS BDE BA STER BAR BYED PA MA YIN NO ZHES CHOS CAN DU BYED PAS BSTAN BCOS TSAD MAR 'DOD PA YIN TE, DES NA CHOS KYI SGRA'I SHUGS KYIS DE LA BDE BA STER BAR BYED BA NYID KYANG BRJOD PA YIN NO, ,DES NA THE TSOM ZA BAS TSIG SKYON CAN DU 'GYUR BA NI MA YIN GYI, 'ON KYANG GCIG LA BSGRUB BAR MI NUS PA 'GAL BA'I CHOS GNYIS DANG LDAN PA BRJOD PA LAS YIN NO, ,DES NA DAM BCA' BA'I DON 'DI NI SMRA BA BO'I SKYON GYIS SKYON CAN DU GYUR PA YIN NO, ,GAL TE GEGS TZAM ZHIG BYED PA'I PHYIR RANG GI TSIG DANG KHAS BLANGS PA DANG 'GAL BA DAG LA BYE BRAG CI YANG MED NA, 'O NA SNGAR KHAS BLANGS PA'I LUNG DE DANG 'GAL BA'I YUL LA BYE BRAG CI YANG MED PAR 'GYUR LA, YUL LA BYE BRAG MED PA'I PHYIR LOGS SHIG TU BYED PAR MI RIGS SO ZHES BYA BA NI SKYON YIN NO, ,KHA CIG YUL GYI BYE BRAG 'CHAD PA NI GANG GI PHYIR GZHUNG LUGS 'GA' ZHIG LA MA BRTEN PAR CHOS CAN GANG LA DPYOD PA MI 'JUG PA'I GZHUNG LUGS DE NI MED NA MI 'BYUNG BA YIN PA'I PHYIR, DER BRTEN BAR BYA BA KHO NA YIN PA DES NA GZHUNG LUGS 'DI'I GAGS BYED PA'I YUL NI CHOS CAN DE NYID YIN LA, RANG GI TSIG DANG 'GAL BA BRJOD PA NI THAMS CAD DU SRID PA'O, ,TSIG GI DON BYED NA MI 'BYUNG BAS BYAS PA'I TSAD MAR 'DOD PA GANG YIN PA NI TSIG BRJOD PA'I SKABS NYID LAS 'ONGS PA YIN PAS DES GNOD PA'I BRJOD PAR BYA BA'I DON NI THAMS CAD DU YIN NO ZHE'O, ,KHAS BLANGS PA DANG 'GAL BA 'DI LA YANG GZHAN GZHUNG LUGS LA GDON MI ZA BAR BRTEN PA GANG YIN PA DE NI 'GA' YANG MED DE, GANG GI PHYIR RGOL BA DE NYID KYI DON DE GZHAN GZHUNG LUGS BYED BA'I KHA NAS RANG NYID KYIS RNAM PAR BZHAG NAS YANG DAG GZHAN GYIS 'GOG PAR BYED PA DE'I PHYIR NA YUL GYI DBYE BA SNGA MA NYID YIN TE, GANG GI TSE NGAG SNGA MAS KHAS BLANGS PA PHYI MAS 'GAL BAR BYED PA'I TSE NI KHAS BLANGS PA DANG 'GAL BA YIN LA, NGAG GCIG NYID LA NI RANG GI TSIG DANG 'GAL BA YIN NO, ,KHAS BLANGS PA 'BRAS BU'I RTAGS BSHAD NAS, @51B GRAGS PA BSHAD PA'I PHYIR GRAGS PA YANG ZHES SMOS SO, ,GRAGS PA NI THA SNYAD KYI YUL CAN GYI RTOGS BA STE, RNAM PAR RTOG PA'I SHES PA GTING TSUGS PA YIN LA, DE NI RANG DANG 'GAL BA'I DON LA GNOD PAR BYED PA YIN NO, ,CI'I PHYIR ZHE NA, 'DOD PA'I SGRAS BRJOD PAR BYA BA NYID CES BYA BA GANG YIN PA DE NI BRJOD PAR BYA BA'I DON RNAMS LA DGAG PAR MI NUS PA'I PHYIR RO, ,DE NYID GANG LAS SHE NA, GANG GI PHYIR 'DOD PA'I SGRAS BRJOD PAR BYA BA NYID NI SKYES BU'I 'DOD PA TZAM DANG RJES SU 'BREL BA YIN TE, DE'I PHYIR RO, ,GAL TE 'DOD PA'I SGRAS BRJOD PAR BYA BA NYID DGAG PAR MI NUS PA YIN NA, 'DOD PA'I SGRAS BRJOD PAR BYA BA DE NYID GNOD PAR BYED PAR 'GYUR GYI GRAGS PA'I GO CI LTAR GNOD PAR BYED PA YIN ZHE NA, BSHAD PA, THA SNYAD DU BYAS PA'I THA SNYAD NI RTOG PA STE RNAM PAR RTOG PA'I YUL NYID DO, ,GRAGS PA'I RANG BZHIN RNAM PAR RTOG PA'I YUL GYI THA SNYAD DE LAS SKYES PA'I CHOS 'DOD PA'I SGRAS BRJOD PAR BYA BA'I MTSAN NYID KYI CHOS DE NI GRAGS PA LAS SKYES PA'I PHYIR GRAGS PA'I SGRAS BRJOD DE, GRAGS PA TZAM GYIS GRUB PA'I DON GANG YIN PA DE 'DIR GNOD PAR BYED PA YIN NO ZHES BSTAN PA'I PHYIR RO, ,CHOS DE NYID NI GRAGS PA LAS GRUB PA YIN PA'I PHYIR, LA LAR RAB TU GRUB PA'I SGRAS BRJOD DE, GRUB PAS MA BSAL BA ZHES BYA BA LTA BU'O, ,CI STE 'DOD PA'I SGRAS BRJOD PAR BYA BA NYID CI LTAR NA DON THAMS CAD LA DGAG PAR MI NUS SHE NA, 'DOD PA TZAM DANG ZHES BYA BA LA SOGS PA SMOS SO; GANG GI PHYIR THAMS CAD NI BYAS PA DANG MA BYAS PA BRDAR BTAGS PA DANG MA BTAGS PA'I SGRA RNAMS KYI BRJOD PAR BYA BA NUS PA YIN NO, ,NGO BO NYID KYIS ZHES BYA BA NI RNAM PAR RTOG PA'I SHES PA LA SNANG BA'I NGO BOS YIN GYI DNGOS BOS GZUNG BA NI MA YIN NO, ,DNGOS PO LA MI LTOS PA'I 'DOD PA NI 'DOD PA TZAM STE, SGRA RNAMS NI RNAM PAR RTOG PA LA SNANG BA'I NGO BO NYID KYI DON LA 'DOD PA TZAM DES 'JUG PA'I PHYIR RO, ,DES NA DNGOS PO RNAMS NI RNAM PAR RTOG PA LA GNAS PA'I RANG BZHIN GYI MTHAR THUG PA'I SGRAR RUNG BA YIN NO, ,BYUNG BA SGRA LA BRDAR BYAS @52A *, ,PA DPER NA ZLA BA'I SGRA LA ZLA BA LTA BU DANG, 'BYUNG BAR 'GYUR BA SGRA LA BRDAR MA BYAS PA DPER NA ZLA BA'I SGRA LA BUM PA LA SOGS PA LTA BU'O, ,SGRAR RUNG BA NYID DES SO, ,DON TZAM DANG RJES SU 'BREL BA ZHES BYA BA LA, 'DOD PAS SPRUL BA'I RUNG BA NYID CI LTAR DON TZAM DANG RJES SU 'BREL PA YIN ZHE NA, BRJOD PA PHYI ROL GYI DON NI DON TZAM MA YIN TE, 'ON KYANG RNAM PAR RTOG PA'I YUL GYI DON YIN NO, ,SGRAR RUNG BA DE NI BRJOD PAR BYA BA YIN GYI PHYI ROL NI MA YIN NO, ,DES NA RUNG BA NYID DE 'DOD PAS SPRUL BA YIN YANG RNAM BAR RTOGS LA GNAS PA'I DON TZAM DANG RJES SU 'BREL BA YIN NO, ,DES NA RUNG BA NYID DE 'GOG PA 'DOD PA'I SGRAS BRJOD PAR BYA BA NYID MA YIN PA'I MTSAN NYID KYI DON NAM DON DE NYID SMRA BA PO'I SKYES BU LA GNOD PA YIN NO, ,DE LA TSAD MA'I DON NI 'DI YIN TE, RNAM PAR RTOG PA'I SHES PA'I YUL GYI DON GANG YIN PA DE NI BRDAR BYAS PA'I SGRAS BRJOD PAR NUS PA YIN TE, DPER NA RNAM PAR RTOG PA'I YUL YAL GA LA SOGS PA DANG LDAN PA'I DON LA SHING GI SGRAS BRJOD PAR NUS PA YIN NO, ,DE BZHIN DU DNGOS PO THAMS CAD KYANG RNAM PAR RTOG PA'I YUL YIN PA'I PHYIR SGRA THAMS CAD KYIS BRJOD PAR NUS PA YIN NO, ,DNGOS PO LA SGRA DON GYI 'BREL PA YOD NA SGRAS BRJOD PAR MI NUS PAR 'GYUR BA YIN NA DE YANG BKAG ZIN TO, ,LHAG MA SHES PA'I BDAG NYID LA GNAS PA'I DON GANG ZHIG SGRA DANG 'BREL BAR MI NUS SHE NA, GANG ZHIG SGRA'I RNAM PA DANG LHAN CIG SHES PA GCIG LA MI 'DRE'O, ,RNAM PAR RTOG PA'I SHES PA NI DON MA NGES PA YIN PA'I PHYIR DE LA GNAS PA'I DON BRJOD PA'I RNAM PA DANG 'DRER RUNG BA NYID DO, ,DE'I PHYIR BRJOD PAR MI NUS PA NYID NI, BRJOD PA'I RNAM PA DANG 'DRER MI RUNG BAS KHYAB LA, BRJOD PA'I RNAM PA DANG 'DRER RUNG BA NYID NI KHYAB PAR BYED PA NGANG 'GAL BA YIN NO, ,DES KYANG RNAM PAR RTOG PA'I SHES PA'I YUL NYID LA KHYAB PA YIN TE, DE'I PHYIR DE LTAR RNAM PAR RTOG PA'I SHES PA'I YUL NYID NI DE'I KHYAB PAR BYED PA DANG 'GAL BAS KHYAB PA'I PHYIR DE DANG YANG 'GAL BA YIN NO, ,DES NA DE DANG 'GAL BA NUS PA NYID KYIS KHYAB @52B PA YIN PA'I PHYIR RANG BZHIN GYI GTAN TSIGS SO, ,DE'I PHYIR RNAM PAR RTOG PA'I SHES PA'I YUL GYI DON NYID 'GRO BA'I LUGS DANG, GRAGS PA THA SNYAD DU BRJOD PA YIN LA, DE YANG RANG BZHIN GYI GTAN TSIGS YIN NO, ,GRAGS BA DES BSGRUB PA GANG YIN PA THA SNYAD DE LAS SKYES PA 'DOD PA'I SGRA'I BRJOD PAR BYA BA NYID CES BYA BA NI 'GAL ZLA 'DOD PA'I SGRA'I BRJOD PAR BYA BA MA YIN PA LA GNOD PAR BYED PA YIN NO, ,THAMS CAD RNAM PAR RTOG PA'I GZUNG BA'I MTSAN NYID GRAGS PA LAS SGRA THAMS CAD KYIS BRJOD BAR BYA BAR SLOB DPON BZHED PA YIN NO ZHES 'CHAD PA NI, DE RUNG BA'I STOBS KYIS ZHES BYA BA YIN TE, DON TZAM DANG RJES SU 'BREL BA SGRAR RUNG BA NYID DE'I STOBS KYIS TE, GANG GI PHYIR 'DOD PAS SBYAR BA'I DON TZAM DANG RJES SU 'BREL BA YIN PA DES NA ZHES BYA BA'I DON TO, ,SGRA MTHA' DAG NI DE NYID LA 'BREL BA YIN TE, RJOD PAR BYED PA'I NGO BOR SBYAR ZHING BKOD PA YIN NO, ,DON 'GA' ZHIG LA SGRA 'GA' ZHIG KHO NA 'BREL BAR MTHONG BA MA YIN NAM DE CI LTAR THAMS CAD 'BREL PA YIN ZHES BRJOD CE NA, DNGOS SU NA ZHES SMOS TE, 'JIG RTEN NA MA BYAS KYANG TSOGS BA TSANG BAS THOGS PA MED PA LA, DNGOS SU NA BYAS PA YIN NO ZHES BRJOD PAS 'DIR YANG DNGOS PO DANG SGRA RNAM PAR RTOG PA LA GNAS PA NI RUNG BA YIN PA'I PHYIR SBYOR BA'I TSOGS PA TSANG BA NA DNGOS SU NA STE, RANG BZHIN NYID DU NA MA GRUB PAR BRJOD PA YIN NO, ,GANG GI PHYIR DNGOS SU NA SGRA THAMS CAD DE LA 'BREL PA YIN PA DE'I PHYIR DE LA SGRA THAMS CAD KYI BRJOD BYA NYID DU GRAGS PA MED KYANG, THAMS CAD THAMS CAD LA DOGS PA YIN PAS NA, SLOB DPON PHYOGS KYI GLANG POS DE KHO NA NYID DU NA DE GRUB PAR BSHAD DE, GANG LA ZHES BYA BA LA SOGS PAS SO, ,YANG GI SGRA NI DE YANG PHYOGS MA YIN NO ZHES BYA BA YIN NO, ,BSGRUB PAR BYA BA BSTAN PA GANG LA GTAN TSIGS THAMS CAD THUN MONG MA YIN PA'I PHYIR RJES SU DPAG PA MED PAR 'GYUR LA, SGRA LAS BYUNG BA'I GRAGS PAS DON BSAL BA DE NI PHYOGS MA YIN NO, ,SGRA LAS BYUNG BA NI 'DOD PA'I SGRAS BRJOD PAR BYA BA'I MTSAN NYID KYI DON TE, SGRA NYID KYIS 'GA' ZHIG TU @53A *, ,MA GYUR KYANG 'DOD PA TZAM DANG RJES SU 'BREL BA'I PHYIR RAB TU GRUB PA YIN NO, ,'DI NYID 'DIR SGRA THAMS CAD KYIS BRJOD PAR BYA BA'I KHUNGS YIN GYI LHAG MA NI ZHAR LA BRJOD PA YIN NO, ,GANG GI PHYIR 'DOD PA'I SGRA BRJOD PAR BYA BA NYID THAMS CAD LA GRUB BAR BZHED PA DE NYID KYI PHYIR 'DOD PA'I SGRAS BRJOD PAR BYA BA NYID KYIS GNOD PA'I GTAN TSIGS NI THUN MONG MA YIN NO, ,CI'I PHYIR ZHE NA, GANG LA YANG ZLA BA MA YIN PAR MA GRUB PA'I PHYIR RO, ,GANG LA YOD PA NYID ZLA BA MA YIN PA DANG RJES SU 'GRO BAR 'GYUR BA MA YIN PA'I DON NI 'GA' YANG YOD PA MA YIN NO, , DES NA MTHUN PA'I PHYOGS LA 'JUG PA MED PAS THUN MONG MA YIN PA YIN GYI MA NGES PA NYID NI MA YIN NO, ,'DI LTAR RNAM PAR RTOG PA LA GNAS PA'I YOD PA NYID NI 'GAL BA YIN TE, YOD PA THAMS CAD ZLA BA YIN PA'I PHYIR RO, ,CI STE GANG ZHIG SGRA LAS BYUNG BA'I GRAGS PA DANG 'GAL BAS BSAL BA DE YANG PHYOGS MA YIN NO ZHES BRJOD PAR BYA BA LAS CI'I PHYIR NA GANG LA THUN MONG MA YIN PA'I PHYIR RJES SU DPAG PA MED PA ZHES DE SKAD BRJOD CE NA, GZHUNG 'DI'I DGOS PA BSHAD PA'I PHYIR, DE SKAD DU BRJOD PA NI DE DGAG PAR MI NUS PA NYID DAM ZHES SMOS SO, ,SGRA LAS BYUNG BA'I GRAGS PA'I CHOS NI RJES SU DPAG PA MED PA'I PHYIR DGAG PAR MI NUS SO ZHES SGRA LAS BYUNG BA'I GRAGS PA DE DANG DE 'DRA BAR BSTAN PA'I PHYIR DE LTAR DE LTA BU'I GZHUNG BRJOD PA YIN NO, ,DGOS PA GZHAN BSHAD PA NI, ZLA BO'I TSAD MA MED PAS NGES PAR BSTAN PA'I PHYIR ZHES BYA BA YIN NO, ,'DI LA KHA CIG NA RE ZLA BO'I TSAD MA MED PAS ZLA BA NYID NGES PAR BSHAD PA YIN NO ZHES ZER RO, ,'DI LA DPYAD PAR BYA STE, GAL TE ZLA BO'I TSAD MA MED PAS ZLA BA NYID NGES PA YIN NA, GANG LA THUN MONG MA YIN PA'I PHYIR RJES SU DPAG PA MED LA ZHES BYA BA'I GZHUNG 'DIS 'CHAD PAR 'GYUR BA TSAD MA NGES PAR BRJOD PA'I PHYIR DON GYIS GO BAS 'GAL BA MI 'KHRUL PA CAN MED PAR STON PA YIN NO ZHES BYA BA DA LTA BUR 'GAL BA 'KHRUL PA MED PA CAN MED PAR STON PAR BYED PA YIN NO ZHES BYA BA'I PHYOGS 'DIR 'GYUR RO, ,DE LTA NA NI GANG LA RJES SU @53B DPAG PA MED LA ZHES BYA BAS DE LTAR 'GAL BA MI 'KHRUL PA MED PA BSTAN PA MA YIN GYI, 'ON KYANG DNGOS SU BRJOD PA NYID DO, ,BSTAN PA'I DON NI SHUGS KYIS SMRAS BA LA BRJOD DO, ,CI STE ZLA BA NYID DU RJES SU DPOG PA LA 'GAL BA 'KHRUL PA MED PA CAN MED PAR DNGOS SU BRJOD PA YIN LA, DES NI RJES SU DPAG PA GZHAN LA 'GAL BA 'KHRUL PA MED PA CAN MED PAR BSTAN PA YIN NO ZHES BYA BAR BSAMS PA YIN NA, DE LTA NA NI 'O NA ZLA BO'I TSAD MA MED PAS NGES PA NYID DU RJES SU DPAG PA GZHAN LA SBYAR BAR BYA BA YIN GYI, ZLA BA NYID DU RJES SU DPOG PA LA NI MA YIN TE, GANG GI PHYIR THUN MONG MA YIN PA'I PHYIR RJES SU DPAG PA MED PA ZHES BYA BA 'DI'I DON NI GNYI GAR YANG BRJOD PA'I PHYIR NA PHYOGS 'DI SKABS SU BAB PA YIN NO, ,CI STE YANG 'DI DANG 'CHAD PAR 'GYUR BA YANG SGRA LAS BYUNG BA'I GRAGS PA ZHES BYA BA 'DI NYID KYIS BRJOD PA YIN NO ZHES BYA BA'I PHYOGS 'DI YIN NA, DE LA YANG GANG LA THUN MONG MA YIN PA'I PHYIR RJES SU DPAG PA MED LA ZHES BYA BA'I GZHUNG 'DI NYID KYI SGRAS BRJOD PAR BYA BA NYID RJES SU DPOG PA LA 'GAL BA MI 'KHRUL PA CAN MED PAR BRJOD PAS, DPER NA SGRAS BRJOD PAR BYA BA NYID RJES SU DPOG PA'I GNYEN PO MED NA 'GYUR BA DE BZHIN DU, RJES SU DPAG PA GZHAN YANG YIN NO ZHES RJES SU DPAG PA GZHAN LA YANG BSTAN PA'I PHYIR SGRA LAS BYUNG BA'I GRAGS PA SMOS PAS BYAS PA CI ZHIG YOD, DE NYID KYI PHYIR TSAD MAS NGES PAR BRJOD PA'I PHYIR ZHES BYA BA LA SOGS BAS 'CHAD PAR 'GYUR BA NI SGRA LAS BYUNG BA'I GRAGS PA DANG ZHES BYA BA 'DIS BRJOD PA YIN LA, ZLA BO'I TSAD MA MED PAS NGES PA NI GANG LA RJES SU DPAG PA MED PA ZHES BYA BA 'DIS BSHAD PA YIN NO ZHES BYA BA'I PHYOGS 'DI YANG RIGS PA MA YIN TE, GANG GI PHYIR 'CHAD PAR 'GYUR BA NI ZLA BO'I TSAD MA MED PAS NGES PAR BRJOD PA ZHES BYA BA'I GZHUNG 'DI NYID KYIS SPROS PA YIN PAR SNANG BA'I PHYIR RO, ,GZHAN YANG GANG LA RJES SU DPAG PA MED BA ZHES BYA BA 'DI NYID KYI SGRAS BRJOD PAR BYA BA RJES SU DPAG PA LA, 'GAL BA MI 'KHRUL PA CAN MED PAR SMRAS PA NA RJES SU DPAG PA GZHAN LA MED PA YANG BSTAN PA KHO NA YIN @54A *, ,PAS SGRA LAS BYUNG BA'I GRAGS PA SMOS PAS SGRAS BRJOD PAR BYA BA RJES SU DPOG PA'AM, GZHAN LA 'GAL BA MI 'KHRUL PA CAN MED PAR BSTAN PAR BYA BA NI YOD PA MA YIN NO, ,PHYOGS 'DI GSUM CAR LA YANG MJUG SDUD PA'I GZHUNG, DE'I PHYIR DE LTAR TSAD MA DAG GNOD PAR BYED PAR BRJOD PA NA DE LAS NGES PAR BRJOD PA YIN NO ZHES BYA BA 'DI CI LTAR GRAGS, GANG LA TSAD MA GNOD PAR BYED PA YIN PAR BRJOD CE NA, KHA CIG NA RE SGRA MNYAN PAR BYA BA MA YIN PA DANG, SGRA RTAG PA ZHES BYA BA 'DI LA'O ZHE'O, ,DE NI MA YIN TE, GANG LA THUN MONG MA YIN PA'I PHYIR ZHES BYA BA LA SOGS PA'I SKABS YIN PA'I PHYIR RO, ,GZHAN DAG NI SGRA LAS BYUNG BA'I GRAGS PAS BSAL BA ZHES SGRA LAS BYUNG BA'I GRAGS PA GNOD PAR BYED PAR BRJOD PAS MNGON SUM DANG RJES SU DPAG PA LA YANG BRJOD PAR 'GYUR BA YIN NO ZHES ZER RO, ,GAL TE DE LTA YIN NA 'DI DANG CHAD MAS NGES PAR BRJOD PA'I PHYIR ZHES BYA BA 'DIR YANG DON 'DI NYID YIN SGRA LAS BYUNG BA'I GRAGS PA GNOD PAR BYED PAR BRJOD PAS TSAD MA NGES PAR BRJOD PA YIN LA, NGES PA'I PHYIR ZLA BO'I TSAD MA MED PA YIN NO, ,DE LTAR YIN DANG PHYOGS LTAR SNANG BA LA MNGON SUM DANG RJES SU DPAG PA GNOD PAR BYED PA BRJOD PAS KYANG NGES PAR BRJOD PA YIN TE, DES NA 'DI LA KHYAD PAR DU 'PHAGS PA CI ZHIG YOD CE NA, GANG ZHIG 'DIS NGES PAR ZLA BO'I TSAD MA MED PAR BSTAN PAR 'GYUR GYI, MNGON SUM DANG RJES SU DPAG PA DAG GIS MA YIN TE, DE'I PHYIR 'DI NI GYI NA'O, ,'DI LA DON NI 'DI YIN TE, GANG LA THUN MONG MA YIN PA'I PHYIR RJES SU DPAG PA MED PA ZHES BYA BA DE SKAD DU BRJOD PA'I GZHUNG NI ZLA BO'I TSAD MA MED PAS TSAD MAS NGES PAR BSTAN PA'I PHYIR RO, ,'DIS NI RJES SU DPAG PA YONGS SU SPANGS NAS SGRA LAS BYUNG BA'I GRAGS BA GNOD PAR BYED PAR BRJOD PAS NA, GAL TE RJES SU DPAG PA YIN NA SGRA LAS BYUNG BA'I GRAGS PA'I GNOD PAR BYED PAR 'GYUR RO ZHES BRJOD PAR 'GYUR RO, ,GNOD PAR BYED PA SGRA LAS BYUNG BA'I GRAGS PA'I YANG GNOD PAR BYED PAR BRJOD PA'I PHYIR RJES SU DPAG PA NGES PAR BYED PA YIN @54B PAR SMRAS PAR 'GYUR GYI, GNOD PAR BYED PA TZAM DU BRJOD PAS NI MA YIN NO, ,YID CHES PA'I TSIG KYANG GNOD PAR BYED PA TZAM DU BRJOD KYANG, DE NGES PAR BYED PA NYID NI MA YIN TE, DE NI THE TSOM GYI 'BRAS BU CAN GEGS BYED PA YIN PA'I PHYIR RO, ,DE BZHIN DU RJES SU DPAG BA PHYOGS LTAR SNANG BA LA GNOD PA BYED PAR BRJOD KYANG NGES PAR BYED PA MA YIN PAR DOGS PAR 'GYUR RO, ,'DI NI SGRA LAS BYUNG BA'I GRAGS PA DANG, DE DANG 'DRA BA YID CHES PA'I TSIGS LA SOGS PA GNOD PAR BYED PA'I YANG GNOD PAR BYED PAR BRJOD PA'I PHYIR NGES PAR BYED PA NYID DU BRJOD PAR 'GYUR BA YIN NO, ,DE LTA YIN DANG TSAD MAR KHYAD PAR MED PAS MNGON SUM YANG GNOD PAR BYED PA YIN PA DES NA NGES PAR BYED PAR BRJOD PA YIN NO, ,'ON KYANG RUNG BA NYID DGAG PA LA BYED PA MED PA'I PHYIR MNGON SUM DOGS PAR MA BYAS PA YIN GYI SPANGS BA NI MA YIN NO, ,ZLA BO'I TSAD MA YOD NA NI NGES PA SRID PA MA YIN NO ZHES DE LTAR DON GYI SHUGS KYIS RJES SU DPAG PA SGRA LAS BYUNG BA'I GRAGS PA'I GNOD PAR BYED PAR STON PAS NI, ZLA BO'I TSAD MA MED PAS TSAD MAS NGES PAR BRJOD PAR BLTA BAR BYA'O, ,DE LTA YIN DANG GZHUNG GI TSOGS PHYI MA RNAMS 'THAD PAR 'GYUR RO, ,'O NA RNAM 'GREL LAS, GRAGS PA RJES DPOG PHYIR DE LTAR, ,RJES SU DPAG PAS GRUB PA LA, ,'GAL BA 'KHRUL PA MED PA CAN, ,MED PAR STON PAR BYED PA YIN, ,ZHES BSHAD PA CI LTAR ZHE NA, 'DI LA YANG DON 'DI NYID YIN NO, ,GANG GI PHYIR GRAGS PA YANG RJES SU DPAG PA YIN PA DE'I PHYIR NA, DE LTAR ZHES BYA BA RJES SU DPAG PA GRAGS PA'I GNOD BAR BYAS PAR DOGS PAR BYAS PAS NI 'GAL BA MI 'KHRUL PA CAN MED PAR BSHAD PA YIN NO, ,'GREL PA NI SLOB DPON GYI DGONGS PA LAS 'DAS PAR RNAM PAR NGES PA'I GZHUNG 'DI NYID LAS RTOGS PA YIN NO, ,'GREL PA SLOB DPON DANG MI MTHUN PA NI LE'U GNYIS PAR BSTAN PA YIN NO, ,RE ZHIG DGAG PAR MI NUS PA NYID BSTAN PA'I PHYIR DE ZHES SMOS TE, RUNG BA NYID 'GOG PA NI RJES SU DPAG PA LAS 'GYUR RO, ,CI'I PHYIR ZHE NA, MNGON SUM GYIS NI @55A *, ,RUNG BA NYID 'GOG PA MI NGES PA'I RGYU'I PHYIR RO, ,BUM BA LA SOGS PA MNGON SUM GYIS RTOGS BAR BYA BA NI, SA PHYOGS 'BA' ZHIG NGES PA'I SHUGS KYIS MED BAR NGES PAR MI DMIGS PAS THA SNYAD DU BYA BA YIN NO, ,SGRAR RUNG BA NYID NI RNAM PAR RTOG PA LA SNANG BA'I RANG BZHIN DU RNAM PAR GNAS PA YIN GYI, DBANG POS RTOGS PAR BYA BA NI MA YIN NO, ,DES NA MNGON SUM MA YIN PA SGRA'I RUNG BA NYID 'GOG PA NI MNGON SUM MA YIN TE, 'ON KYANG RJES SU DPAG PA LAS YIN NO, ,GTAN TSIGS THUN MONG MA YIN PA'I PHYIR NA DE YANG MI SRID PAS NA 'DOD PA'I SGRAS BRJOD PAR BYA BA NYID NI DGAG PAR MI NUS SO, ,YOD PA GCIG PU THUN MONG MA YIN PAR BSHAD PA MA YIN NAM, GTAN TSIGS THAMS CAD NI MA YIN NO ZHE NA, BSHAD PA, BSGRUB PAR BYA BA GANG LA YOD PA NYID RJES SU 'GRO BA MED PA'I BSGRUB PAR BYA BA DE LA GTAN TSIGS THAMS CAD THUN MONG MA YIN PA NYID YIN NO, ,YOD PA NYID DE THAMS CAD KHYAB PA YIN YANG BSGRUB BYA DANG RJES SU 'GRO BA MED PA DES NA GZHAN GTAN TSIGS GANG ZHIG BSGRUB BYA DANG RJES SU 'GRO BAR 'GYUR ZHES BYA BA 'DI NI YOD PA'I PHYIR ZHES GTAN TSIGS DPER BRJOD PA'I 'BRAS BU YIN NO, ,DE LTA MA YIN NA CI LTAR SGRA MA NYAN PAR BYA BA MA YIN NO, ,BUM PA RTAG PA'O ZHES BYA BA DE BZHIN DU 'DIR YANG RI BONG CAN ZLA BA MA YIN NO ZHES GTAN TSIGS MED PA KHO NAR PHYOGS LTAR SNANG BA NYID DPER BRJOD PAR 'GYUR RO, ,DE'I PHYIR THAMS CAD THUN MONG MA YIN PAR 'DOD PA YIN NO, ,DE LTAR NA GNOD PAR BYED PA MED PA'I PHYIR DGAG PAR MI NUS PA NYID DU BSHAD PA YIN NO, ,CI LTAR GNOD PAR BYED PA YOD NA 'DI LA 'DI MED DO ZHES RANG BZHIN 'GOG PA DE BZHIN DU SGRUB PAR BYED PA MED NA 'DI LA MA GRUB PA'O ZHES GRUB PA 'GOG PAR BYED DO, ,DE'I PHYIR SGRA RAB TU GRAGS PA'I TSIG GIS SLOB DPON SGRUB PAR BYED PA YOD PA'I PHYIR YANG DGAG PAR MI NUS PA NYID DU GSUNGS PA YIN NO ZHES STON PA NI SGRA NI ZHES BYA BA LA SOGS PA YIN NO, ,SGRA LAS 'ONGS PA'I SGRUB PA NI SGRA LAS BYUNG BA YIN TE, DE NI SGRA LAS BYUNG BA'I PHYIR NA THAMS CAD LA GRUB PA YIN NO ZHES BYA BA'I BSHAD PA NI, SGRAS GRUB @55B PA DAG NI MA GRUB PA MA YIN NO ZHES BYA BA YIN NO, ,MA GRUB PA MA YIN NO ZHES BYA BAS NI RAB TU GRUB BA NYID BRJOD DO, ,SGRAS GRUB BA DAG CES BYA BA NI SGRA LAS BYUNG BA DAG GO, ,CI'I PHYIR ZHE NA, GANG GI PHYIR BRDA LAS BRJOD PAR BYED PA YIN PA'I PHYIR NA BRDA LA BRTEN PA YIN LA, BRDA YANG DNGOS PO LA MI LTOS PA'I PHYIR 'DOD PA TZAM LA RAG LAS PA YIN NO, ,DES NA DE'I PHYIR MA GRUB PA MA YIN NO, ,'DI SKAD BRJOD PA YIN TE, SGRAS BRJOD PAR BYA BA NYID KYI MTSAN NYID KYI CHOS NI 'DOD PA LA RAG LAS PA'I BRDAR BYAS PA YIN PAS NA, 'DOD PAS BYAS PA'I RANG BZHIN GYI MTHAR THUG PA'I PHYIR THA SNYAD DU MA BYAS KYANG THAMS CAD LA RAB TU GRUB PA YIN NO, ,DE'I PHYIR DE LTAR GANG ZHIG RNAM PAR RTOG PA LA GNAS PA DE NI 'DOD PA LA RAG LAS PA'I BRDA'I RGYU MTSAN CAN GYI SGRAS BRJOD PAR NUS PA MA YIN NO ZHES SGRUB PAR BYED PA'I TSAD MA BSTAN PA'I PHYIR NA SLOB DPON PHYOGS KYI GLANG POS SGRA LAS BYUNG BA'I GRAGS PA DANG ZHES BSHAD DO, ,GAL TE SGRUB PAR BYED PA STON PAR MI 'DOD NA NI, SGRAS BRJOD PAR BYA BA NYID DANG ZHES DE SKAD BRJOD PAR MI 'GYUR RO, ,SGRUB PAR BYED PA BSTAN PAS NI DGAG PAR MI NUS PAR BRJOD PA YIN NO, ,DA NI ZLA BO'I TSAD MA MED PAS NGES PAR BSTAN PA ZHES BYA BA DE BSHAD PA'I PHYIR BSHAD PA, SNGAR BSHAD PA'I TSUL GYIS TSAD MAS NGES PAR BRJOD PA'I PHYIR RJES SU DPAG PA'I YUL TSAD MAS GRUB PA'I TSUL GSUM PA LA 'GAL BA MI 'KHRUL PA CAN MED PAR STON PA YIN NO, ,DON GYIS GO BAS ZHES BYA BA NI SHUGS KYIS SO, , GAL TE NGES PA YANG YIN LA 'GAL BA MI 'KHRUL PA CAN YANG YIN PAR 'GYUR BA MA YIN NAM, RJES SU DPAG PAS NGES PAR BRJOD PA'I PHYIR 'GAL BA MI 'KHRUL PA CAN MED DO ZHES BYA BA 'DI GANG LAS SHE NA, BSHAD PA, GEGS YOD PAR DOGS PA GANG DAG YIN PA RNAMS NI'O, , ZLA BO'I TSAD MA SRID NA NI DES BSGRUB PA 'GAL BA'I DON GYI RJES SU DPAG PAS GRUB PA THAMS CAD LA GEGS BYED BAR DOGS PAR 'GYUR LA, GEGS YOD PAR DOGS PA RNAMS LA YANG THE TSOM ZA LA, THE TSOM ZA BAS MI 'GRUB PO, ,MI 'GRUB PA'I PHYIR NA MI NGES PA'I PHYIR RO, ,DES @56A *, ,NA STE, GTAN TSIGS DE'I PHYIR TSAD MAS NGES BAR BRJOD PA'I PHYIR 'GAL BA MI 'KHRUL PA CAN MED PA YIN NO, ,RJES SU DPAG PA NI RNAM PA GNYIS TE, GNYEN PO DANG BCAS PA DANG, CIG SHOS MA YIN NAM, DE LA GNYEN PO MED PA'I RJES SU DPAG PA GANG YIN PA DE LAS NGES PAR 'BYUNG BA YIN NA, DE CI LTAR NA TSAD MAS NGES PAR BRJOD PA'I PHYIR 'GAL BA MI 'KHRUL PA CAN MED CES BRJOD CE NA, SMRAS PA, MTSAN NYID DANG LDAN PA'I RJES SU DPAG PA GCIG LA GNYEN PO 'GAL BA MI 'KHRUL PA CAN SRID PA YIN NA THAMS CAD MKHYEN PA MA YIN PA'I SKYES BU TZAM GYIS RJES SU DPAG PA GZHAN LA 'GAL PA MI 'KHRUL PA CAN DE MED BA GANG YIN PA DE MI NGES PA'I PHYIR RO, ,DES NA STE, GTAN TSIGS DE'I PHYIR TSAD MAS NGES PAR ZHES BYA BA LA SOGS PA YIN NO, ,GANG LA ZLA BO'I TSAD MA YOD PA DE SNANG BA NYID MA YIN NAM, GZHAN NAM NGAL DUS GZHAN DU SNANG BAR 'GYUR BA GANG YIN PA DE DA LTA NYID CI STE MI SNANG, MI SNANG BA'I PHYIR 'O NA 'GAL BA 'KHRUL PA CAN MED PA YIN NO ZHES BYA BA ZLOS BA'I PHYIR YUN RING POR ZHES BYA BA LA SOGS PA SMOS SO, ,MA MTHONG BA'I DON GANG DAG YIN PA DE RNAMS LA YANG PHYIS DUS GZHAN DU MA MTHONG BA DE LA SNANG BA SKYE BA YIN LA, SKYES BU YANG SO SOR SHES RAB KYI KHYAD PAR DANG LDAN PA MTHONG BA YIN TE, DE'I PHYIR DA LTAR NGA LAS MI SNANG BA GANG YIN PA DE NI MED PA NYID DO ZHES DE LTAR BRJOD PAR MI NUS SO, ,DE'I PHYIR GNYEN PO MED BA'I RJES SU DPAG PA NGES PA MA YIN NO, ,DE'I PHYIR NA CHAD MAR NGES BAR BRJOD PA'I PHYIR ZHES BYA BA LA SOGS PA GNAS SO, ,RJES SU DPAG PAS NGES PAR BRJOD PAS, RJES SU DPAG BA'I YUL LA DGA' BA MI 'KHRUL PA CAN MED PAR BSTAN PA 'DIS NI MNGON SUM LAS KYANG NGES PAR BRJOD PA'I PHYIR RJES SU DPAG PA'I YUL LA 'GAL BA MI 'KHRUL PA CAN MED BAR BSTAN PA 'DIS NI MNGON SUM LAS MNGON SUM DANG RJES SU DPAG PA DAG NGES PA'I RGYU YIN PA NYID KYIS RJES SU DPAG PA'I YUL LA 'GAL BA MI 'KHRUL BA CAN MED PAR STON PAR BYED PAR BSHAD PA YIN NO, ,CI LTAR MNGON SUM LAS NGES @56B PA BRJOD PAS RJES SU DPAG PA'I YUL LA 'GAL BA MI 'KHRUL PA CAN MED PAR BRJOD BAR 'GYUR TE, MNGON SUM NYID GNYEN PO MED PAR BRJOD PA 'BA' ZHIG TU ZAD DO ZHE NA, GNYI GA YANG ZHES SMOS SO, ,MNGON SUM DANG RJES SU DPAG PA GNYIS TSAD MAR KHYAD PAR MED PA'I PHYIR RO, , TSAD MAR KHYAD PAR MED NA GAL TE RJES SU DPAG PA LA GNYEN PO YOD NA MNGON SUM LA YANG YOD PAR 'GYUR ZHES GANG BSHAD PA NI, TSAD MA'I MTSAN NYID NI DON MED NA MI 'BYUNG BA YIN TE, TSAD MA RNAMS KYI NI MI SLU BA NI DE LAS YIN BA'I PHYIR RO, ,DE DANG LDAN PA'I RJES SU DPAG PA GCIG LA GNYEN PO YOD PA'I PHYIR MNGON SUM YANG DE LTAR 'GYUR TE, GNYEN PO DANG BCAS PAR 'GYUR RO, ,DE'I PHYIR NGES PAR BYED PA NYID DU MI 'GYUR RO, ,'DI SNYAM DU GNYI GA LA TSAD MA'I MTSAN NYID KHYAD PAR MED KYANG GANG GIS GNYEN PO MED PA'I PHYIR DE NGES PAR BYED PA NYID DU 'GYUR BA'I KHYAD PAR GZHAN YOD DO ZHE NA, GANG ZHIG CES SMOS SO, ,TSAD MA'I MTSAN NYID LAS THA DAD PA'I KHYAD PAR GANG YIN PA DE NI NGES PAR ZHES BYA BA MTHA' GCIG TU SGRUB PAR BYED PA NYID RNAM PAR 'JOG PA MA YIN NO, ,CI'I PHYIR ZHE NA, GANG GI PHYIR ZHES SMOS TE, GCIG TU NGES PAR BSGRUB PA'I KHYAD PAR DE LAS RJES SU DPAG PAR PHYI ROL DU GYUR PA'I PHYIR TE, NGES PA'I RGYU MTSAN GYI KHYAD BAR GYIS STONG PA'I PHYIR TSAD MA MA YIN PAR 'GYUR RO, ,GANG GI PHYIR GCIG TU NGES PA SGRUB PAR BYED PA KHYAD PAR TSAD MA'I MTSAN NYID DE LAS THA DAD PA GZHAN MED PA DE'I PHYIR RJES SU DPAG PA'I YUL LA GNYEN PO SRID NA MNGON SUM LA YANG DE BZLOG PAR DKA'O, ,DE NAS MNGON SUM NGES PA'I RGYU YIN PA'I PHYIR YANG RJES SU DPAG PA'I YUL 'GAL BA MI 'KHRUL PA CAN MED PAR RTOGS SO, ,BRJOD PAR 'DOD BA'I GRANGS GCIG PA CAN NI GCIG PU GNYIS SU MED PA NYID DE, DES NA GTAN TSIGS NI GNYEN PO MED PA YIN NO ZHES GANG SMRAS BA NI, 'GRAN ZLA'I GTAN TSIGS MA BSTAN PA GANG YIN PA'I GTAN TSIGS DE TZAM MA YIN TE, DE'I PHYIR LA LAR 'GAL BA MI 'KHRUL PA CAN SRID PA YIN NA, KHYAD PAR MED PA'I PHYIR RJES SU @57A *, ,DPAG PA THAMS CAD LA DOGS LA, DE LTA YIN DANG TSAD MAR KHYAD PAR MED PA'I PHYIR MNGON SUM LA YANG 'GYUR RO ZHES BYA BA'I NYES PA MED DO, ,BRJOD PAR 'DOD PA'I GRANGS GCIG PA NI RJES SU DPAG PA'I RTAGS YIN LA, TSUL GSUM TZAM DANG LDAN PA NI 'GAL BA MI 'KHRUL PA CAN YIN TE, DES NA KHYAD PAR YOD PA'I PHYIR THAMS CAD DU 'GAL ZLA DOGS PA MA YIN NO ZHE NA, DE LTA NA 'O NA BRJOD PAR 'DOD PA'I GRANGS GCIG PA CAN TE, CI GNYEN PO MED PA YIN NAM, 'ON TE GNYEN PO MA MTHONG BA YIN, GNYI GA LTAR NA YANG MTSAN NYID DE NGES DGOS SO, ,DE LA DANG PO NI NGES PAR MI NUS SO ZHES GANG BSHAD PA NI, 'DI 'DRA BA'I DON NGES PA'I YUL LA SRID PA YOD DAM ZHES BYA ROG GI DRI BA SBYAR BA NI MED DO ZHES BRJOD PA YIN NO, ,GANG LA NGES PA MED PA DE CI 'DRA BA ZHIG CE NA, RJES SU DPAG PA 'DI LA 'GRAN ZLA MED DO ZHES DE 'DRA BA'O, ,CI'I PHYIR 'DI LA NGES PA MED CE NA, RTAGS GANG LA TSUL GSUM PA ZHES BYA BA'I MTSAN NYID KHYAD PAR MED PA DE LA MTHONG BA'I GNYEN PO NI TSUL GSUM PA GZHAN LA MED PA GANG YIN PA DE NGES PAR BYED MI NUS BA'I PHYIR RO ZHES LE'U GNYIS BAR BSHAD ZIN TO, ,DE'I PHYIR GNYEN POR MED PA NYID NI MA NGES SO, ,'ON TE BRJOD PAR 'DOD PA'I GRANGS GCIG PA NYID GNYEN PO MA MTHONG BA YIN NA, DE YANG GAL TE MTSAN NYID DES NUS PA YIN YANG RIGS PA MA YIN NO ZHES GANG BSHAD PA NI, SKYES BU'I SPOBS PA ZHES BYA PA YIN NO, ,CI SRID SKYES BU LA GNYEN PO MI SNANG BA DE SRID DU TSAD MA YIN LA, GNYEN PO MTHONG NA NI TSAD MA MA YIN NO ZHES MTSAN NYID BYA BAR MI NUS SO, ,DE LTA NA NI SKYES BU'I SPOBS PA'I DBANG GIS TSAD MA'I MTSAN NYID BRJOD PAR 'GYUR NA, SKYES BU'I SPOBS PA'I DBANG GIS TSAD MA'I MTSAN NYID BRJOD PA YANG MA YIN NO, ,'O NA CI ZHE NA, DNGOS PO GNAS PAS YIN NO, ,DNGOS PO'I RANG BZHIN GANG YIN PA DE TSAD MA'I MTSAN NYID DU BRJOD KYI, SPOBS PA LA SNANG BA'I RANG BZHIN MA YIN NO, ,DNGOS PO LA GNAS PA'I GNYEN PO MED PA'I TSAD MA DE YANG @57B DE LTAR ZHES BYA BA TSUL GSUM DANG LDAN PA LA YANG GNYEN PO MTHONG BA'I PHYIR NGES PAR NUS PA MA YIN NO, ,DES NA ZHES BYA BA RGYU DE'I PHYIR THE TSOM ZA BA DE NI ZHES BYA BA GTAN TSIGS KYI MTSAN NYID BRJOD BAR 'DOD PA'I GRANGS GCIG BA GANG LA YOD BA STE, GTAN TSIGS DE NI GTAN TSIGS KYI THA SNYAD DU MI RUNG STE, DPER NA PHYOGS KYI CHOS LA SOGS PA'I TSUL DAG LA THE TSOM ZA BA'I GTAN TSIGS LA, GTAN TSIGS ZHES THA SNYAD GDAGS BAR MI NUS PA BZHIN NO, ,RTAGS NI RANG GI BSGRUB BAR BYA BA LA MI 'KHRUL PA NGES PAR RTOGS PAR BYED PA YIN GYI, SGRON MA BZHIN DU RUNG BA TZAM GYIS NI MA YIN NO, ,MI 'KHRUL BAR NGES PA YANG MTSAN NYID NGES PA KHO NA YIN NO, ,MTSAN NYID DE DAG LA GCIG MA NGES NA YANG RTAGS DE MI 'KHRUL BAR MA NGES PAS GO BAR BYED PA THA SNYAD MI BYA'O, ,GTAN TSIGS KYI MTSAN NYID TSUL GSUM BRJOD PA NA DER SHES PA YANG GZUNG BA NYID DE, GANG GI PHYIR SHES PAR BYED PA'I DBANG DU BYAS PA'I PHYIR RO, ,BRJOD PA GANG ZHIG GNYI GA LA NGES PA ZHES BRJOD PAS NI SHES PA GZUNG BA YIN NO, ,DE'I PHYIR YANG MTSAN NYID LA THE TSOM ZA BA NI GTAN TSIGS KYI THA SNYAD DU MI RUNG NGO, ,KHO BO CAG 'BA' ZHIG TU NI MA ZAD KYI, SLOB DPON YANG THA SNYAD DU MI RUNG BAR BZHED PA YIN NO, ,DES NA NGAS PAR MI NUS PA BRJOD PAR 'DOD PA'I GRANGS GCIG PA CAN NYID NI SLOB DPON YANG MTSAN NYID DU BZHED PA MA YIN NO ZHES BYA BA'I DON 'DI YIN NO, ,GAL TE NGES PAR MI NUS NA KHYED KYIS RJES SU DPAG PA LA YANG GNYEN PO MED PAR JI LTAR NGES SHE NA, BSHAD PA, KHO BO CAG GIS JI SKAD BSHAD PA'I MTSAN NYID CAN GYI RJES SU DPAG PA'I YUL NYID LA DE NYID KYI MTSAN NYID DANG LDAN PA'I ZLA BO GANG YIN PA DE MI SRID PA'I PHYIR RJES SU DPAG PA LA 'GAL BA MI 'KHRUL PA CAN MED DO; 'DI LTAR DE'I BDAG NYID DANG DE LAS BYUNG BA DAG GIS 'GA' ZHIG 'GA' ZHIG LA MI 'KHRUL PA CAN YIN TE, DE LTA MA YIN NA MI 'KHRUL BAR MI RIGS PA'I PHYIR RO, ,DON GCIG LA NI PHAN TSUN 'GAL BA'I RANG BZHIN GNYIS YOD PA MA YIN NO, ,DES NA CHOS CAN GCIG LA PHAN @58A *, ,TSUN 'GAL BA'I RANG BZHIN LA MI 'KHRUL BA'I CHOS GNYIS SHIN TU SRID PA MA YIN NO, ,DES NA TSAD MAS GRUB PA'I RJES SU DPAG PA LA TSAD MA CAN MA YIN PA'I 'GAL BA MI 'KHRUL BA CAN MI SRID DO, ,MA GRUB PA LA SOGS PA NI TSAD MAS SRID PA YIN NO, ,BRJOD PAR 'DOD PA'I GRANGS GCIG PA NYID SLOB DPON GYIS BSHAD PA MA YIN NAM, DE CI LTAR BRJOD PAR 'DOD BA'I GRANGS GCIG PA NYID NGES PAR MI NUS PA'I PHYIR MI 'DOD CE NA, BSHAD PA, BDEN TE, RJES SU DPAG PA'I YUL 'DI LA MI 'DOD PA NYID DO, ,'O NA 'DI'I YUL GANG ZHE NA, 'DI'I YUL NI ZHES SMOS SO, ,DKYUS MA NYID MJUG BSDU BA'I PHYIR BSHAD PA, GANG GI PHYIR 'GAL BA MI 'KHRUL PA CAN MED PAR GANG LAS KYANG NGES PA MA YIN PA DE'I PHYIR DE LTAR ZHES BYA BA BSHAD MA THAG BA'I TSUL GYIS MNGON SUM DANG RJES SU DPAG PA'I TSAD MA DAG BRJOD PA NA, DE LAS TE TSAD MA DAG GIS NGES PAR BRJOD PA YIN NO, ,NGES PA'I DON NI GZHAN GYIS GNOD PAR BYED PA YIN NO, DON DE'I NGES BAR BYED PA YANG GNOD PAR BYED BAR BRJOD PA YIN NO, ,DE'I PHYIR TSAD MA DAG GNOD PAR BYED PAR BRJOD PA NA, GNOD PAR BYED PA'I RGYU MTSAN NGES PA NYID BRJOD PA YIN NO, ,'DI LA GNOD PAR BRJOD PA'I TSUL NI SNGAR BRJOD PA YIN NO, ,NGES PAR BRJOD PA DES NA GNYEN PO DANG LHAN CIG 'JUG PA GANG YIN PA DE SRID PA SEL BAR BYED DE, GNYEN PO DANG BCAS PA NI NGES PA'I RGYU MA YIN NO, ,GNYEN PO MED PA DE'I PHYIR RJES SU DPAG PA'I YUL LA GNYEN PO MED PAR STON PA YIN NO, ,'GAL BA MI 'KHRUL PA CAN MI SRID PAR CI LTAR 'GYUR ZHE NA, GLA TE MTHONG BA DANG MA MTHONG BA DAG GIS NI RJES SU 'GRO BA DANG LDOG PA DAG MA YIN GYI, 'ON KYANG DE'I BDAG NYID DANG DE LAS BYUNG BA DAG GIS YIN NO, , 'GAL BA MI 'KHRUL PA CAN MI SRID PAS NA, SLOB DPON RJES SU 'GRO BA DANG LDOG PA NGES PA NI, DE'I BDAG NYID DANG DE LAS BYUNG BA'I RGYU MTSAN CAN YIN PAR BZHED PA YIN NO ZHES BYA BA YANG DON GYIS BRJOD PAR 'GYUR RO, ,DE LTAR GANG LA THUN MONG MA YIN PA'I RJES SU DPAG PA MED LA @58B ZHES BYA BA'I GZHUNG 'DI'I DON BSHAD NAS, GZHAN DU BSHAD PAR BYA BA'I PHYIR YANG NA ZHES SMOS SO, ,GANG DU PHA ROL GYIS 'GAL BA'I DON DAM BCAS BA NA GTAN TSIGS THAMS CAD THUN MONG MA YIN PA'I PHYIR TE, RJES SU 'GRO BA MED PA'I PHYIR ZLOG PAR BYED PA CIG SHOS LA PHYIN CI LOG TU BSGRUB PA'I RJES SU DPAG PA MED PA NA, TSAD MA MED PAR DE CI LTAR ZLOG PAR BYED CE NA, BSHAD PA, SGRA LAS BYUNG BA'I GRAGS PAS BSAL BA YIN GYI RJES SU DPAG BAS NI MA YIN NO, ,DE LTAR GANG LA THUN MONG MA YIN PA'I PHYIR RJES SU DPAG PA MED LA ZHES BYA BA'I GZHUNG 'DIS, 'JIG RTEN GYI 'DOD PA'I SGRAS BRJOD PAR BYA BA NYID DU BRJOD PA LA RJES SU DPAG PA MED PAR BSHAD PA YIN NO, ,'DOD PA'I SGRAS BRJOD PAR BYA BA LA RJES SU DPAG PA MED PAS CIR 'GYUR ZHE NA, RJES SU DPAG PA MED PAR BRJOD PA 'DIS NI RJES SU DPAG PAS RTOGS PAR BYA BA'I DON GZHAN YIN LA, GRAGS PAS RTOGS PAR BYA BA'I YUL YANG GZHAN YIN NO, ,DE SKAD BRJOD PAS KYANG CI ZHIG BYA ZHE NA, BSHAD PA, DE SKAD BRJOD PA DES NA DNGOS PO YOD PA DANG MED PA'I RJES SU BYED PA'I RJES SU DPAG PA GANG YIN PA DE LAS GRAGS PA YUL THA DAD PA CAN NYID YIN PA'I PHYIR DNGOS PO'I DBANG GIS 'JUG PA MA YIN NO ZHES SHUGS KYIS BRJOD PA YIN NO, ,RJES SU DPAG PA NI DNGOS PO LA 'JUG PA'I PHYIR DANG, GRAGS PA'I RTAGS NI SGRO BTAGS KYI RANG BZHIN GYI DON LA 'JUG PA'I PHYIR DNGOS PO LA MI LTOS PA YIN NO, ,CI LTAR NA RJES SU DPAG PA MED CE NA, RI BONG CAN ZLA BAR MI 'DOD PA DES ZHES SMOS SO, ,GANG GI PHYIR RI BOD CAN ZLA BA STE ZLA BA'I SGRAS BRJOD PAR BYA BA NYID DU SHIN TU GRAGS PA YANG BSNYON PA NI GRAGS PA 'GA' LA YANG MI BSNYON PA MA YIN NO, ,'DI LTAR RI BONG CAN ZLA BA'I SGRAS BRJOD PAR BYA BA DNGOS PO MA YIN PA SPONG BA NI KHYAD PAR MED PA'I PHYIR DNGOS PO PA SGRAS BRJOD PAR BYA BA GZHAN GYI GRAGS PA THAMS CAD SPONG BA YIN NO, ,DES NA DNGOS PO PA'I GRAGS PA THAMS CAD SPONG BA LA DNGOS PO PA'I ZLA BA'I SGRAS BRJOD PAR BYA BA DANG LDAN PA'I CHOS GANG DU YANG SGRUB PA MED DO, , @59A *, ,DE'I PHYIR DNGOS PO PA'I ZLA BA'I SGRAS BRJOD PAR BYA BA NYID LA RJES SU DPAG [?]PA DPE MED PA YIN NO, ,DES NA RTAGS THUN MONG MA YIN PAR BSHAD DO ZHES BYA BA'I DON TO, ,GAL TE GRAGS PAS GRUB BZLA BA'I SGRAS BRJOD PAR BYA BA NYID 'GA' ZHIG LA BSNYEN PA DE LA YANG ZLA BA GNYIS PA MED PA'I PHYIR RTAGS THUN MONG MA YIN PA NYID MA YIN NAM, DE CI LTAR NA GRAGS PA THAMS CAD DNGOS BO BA YIN PA SPONG BA LA RTAGS THAMS CAD THUN MONG MA YIN BA YIN NO ZHES BRJOD CE NA GANG GI PHYIR ZHES SMOS TE, GAL TE RI BONG CAN ZLA BA MA YIN NO ZHES BYA BA'I DPER BRJOD PA GCIG PO 'DI LA LTOS NA, GANG LA THUN MONG MA YIN PA'I PHYIR RJES SU DPAG PA MED PA ZHES BYA BA 'DI BRJOD PA YIN NA NI, GRAGS BAS GRUB PA LA YANG ZLA BA'I SGRAS BRJOD PAR BYA BA GRUB PAR BYED PA'I GTAN TSIGS THUN MONG MA YIN PAR 'GYUR BA ZHIG NA, GANG GI PHYIR NGAG 'DI'I YUL DPER BRJOD PA 'DI GCIG PU NI MA YIN TE, 'DI NI MTSAN NYID KYI TSIG YIN PA'I PHYIR RO, ,JI SNYED SGRA'I BRJOD PAR BYA BA SPONG PA PHYIN CI LOG TU SGRUB PA THAMS CAD LA GTAN TSIGS THUN MONG MA YIN PA'I PHYIR RJES SU DPAG PA MED PAR BSTAN PAR BYA BA YIN NO, ,SHING SHA PA SHING MA YIN NO ZHES DAM BCA' BA LA GNOD PAR BYED PA'I RJES SU DPAG PA THUN MONG MA YIN PA MA YIN TE, SHING SHA PA LAS GZHAN SENG LDENG LA SOGS PA LA SHING GI SGRAS BRJOD PAR BYA BA NYID YOD PA'I PHYIR RO, ,DPER NA BRJOD PA GZHAN LA GTAN TSIGS THUN MONG MA YIN PAR MI 'GYUR BA 'BA' ZHIG TU NI MA ZAD KYI, SKABS SU BAB PA ZLA BA'I SGRAS BRJOD PAR BYA BA 'DIR RJES SU DPAG PA THUN MONG MA YIN PA NYID DU MI 'GYUR RO, ,CI'I PHYIR ZHE NA, 'JIG RTEN NA DRI'I BSTAN BCOS NAS GA PUR DANG KHAMS BRJOD PA NAS DNGUL DANG, GZHAN NAS GZHAN DAG LA ZLA BA'I SGRAS BRJOD PAR BYA BA NYID MTHONG BA'I PHYIR RO, ,RI BONG CAN ZLA BA'I SGRAS BRJOD PAR BYA BA YIN DU TSUG KYANG, BRDA LAS 'JUG PA SGRA DON GYI 'BREL PA BRDA LAS BYUNG BA KHAS LEN PA'I RTOGS PA BO DE LA NI 'DOD PA'I SGRAS BRJOD PAR BYA BA NYID KYI GO BAR BYED PA'I THUN MONG MA YIN PA NYID @59B DO; BRDA LAS 'JUG PA LA NI ZLA BA'I SGRAS BRJOD PAR BYA BA NYID DAM GZHAN YANG RUNG STE, BRDA LA RAG LAS PA NI RNAM PAR RTOG PA LA GNAS PA'I RANG BZHIN LA KHYAD PAR MED BA YIN NO, ,DES NA GTAN TSIGS THUN MONG BAR SHES PAR NUS BA YIN TE, GANG ZHIG RNAM PAR RTOG PA LA GNAS PA DE NI 'DOD PA'I SGRAS BRJOD PAR NUS PA YIN TE, DPER NA BUM PA BUM PA'I SGRAS BRJOD PAR NUS PA BZHIN NO, ,RI BONG CAN YANG RNAM PAR RTOGS PA LA GNAS PA YIN NO, ,KHYAB BA'I SNGON ROL DU BSTAN ZIN PA YIN PAS NA, RNAM PAR RTOGS PA LA GNAS BA NYID NI BRDA LA 'JUG PA LA THUN MONG MA YIN NO, ,BRDA LA 'JUG PA YANG SGRA 'GA' ZHIG GIS 'GA' ZHIG BRJOD PAR BYA BAR 'DOD KYI, THAMS CAD THAMS CAD KYIS NI MA YIN PA MA YIN NAM, DES NA CI LTAR 'TSED PA PO'I SGRAS BRJOD BAR MI 'DOD PA DE BZHIN DU ZLA BA'I SGRAS KYANG YIN PAS, DE CI LTAR THUN MONG MA YIN PA NYID MED CE NA, BSHAD PA, GAL TE RTOGS PA PO DE LA 'TSED PA PO'I SGRAS BRJOD PAR BYA BA NYID DE, 'GA' ZHIG KHO NA LA GRUB KYI THAMS CAD DU MA YIN NA, 'GA' ZHIG TU GRUB PA DE DNGOS PO'I DBANG GIS YIN TE, BRDA'I DBANG GIS NI MA YIN NO, ,CI'I PHYIR ZHE NA, GRAGS PAS GRUB PA YIN NA NI KHYAD PAR MED PA'I PHYIR, RI BONG CAN LA YANG SGRA'I BRJOD PAR BYA BA NYID DE BZLOG PAR MI NUS PA'I PHYIR RO, ,'ON TE DNGOS PO LA LTOS PA'I BRJOD PAR BYA BA NYID GANG YIN PA DE'I RI BONG CAN LA BZLOG PAR BYA BA NYID DO ZHE NA, RI BONG CAN LA YANG DE BZLOG TU MED PA NYID DO, ,CI LTAR ZHEN, DNGOS PO LA RGYU MTSAN YOD NA GRUB PAR 'GYUR RO, ,RGYU MTSAN YOD NA GRUB PA DE'I PHYIR BZLOG TU MED DO ZHES BYA BA'I THA TSIG STE, DPER NA GSAL BAR BYED PA'I PHYIR RI BOD CAN GSAL BYED KYI SGRAS BRJOD PAR BYA BA YIN PA BZHIN NO, ,RGYU MTSAN GYI DNGOS PO DE MED NA NI DNGOS PO LA LTOS PA CAN BZLOG KYANG SKYON MED DE DPER NA 'TSED PAR BYED PA'I SGRAS BRJOD PAR BYA BA BZHIN NO ZHES DE LTAR NA RGYU MTSAN DANG LDAN PA'I BRJOD PAR BYA BA NYID NI 'GA' ZHIG TU GRUB KYANG GZHAN LA DGAG PAR NUS PA YIN GYI, BRDA LAS BYUNG BA NI MA YIN NO ZHES BSHAD PA YIN NO, ,DE'I PHYIR ZHES BYA @60A *, ,BA NI GANG GI PHYIR RGYU MTSAN CAN GYIS BRJOD PAR BYA BA NYID YUL NGES BA YIN GYI, BRDA LAS BYUNG BAS BRJOD PAR BYA BA MA YIN PA DE'I PHYIR DNGOS PO LA MI LTOS PA'I PHYIR DNGOS PO LA NGES PA MA YIN PA'I BRDA GANG DAG LA YOD PA'I SGRA DE DAG LAS BYUNG BA'I CHOS BRJOD PAR BYA BA'I MTSAN NYID GANG YIN PA DE DAG GIS CHOS CAN NYID DU RUNG BA YIN TE, 'DOD PA LA GEGS BYED PA ZLOG PAR BYED PA MED PA'I PHYIR RO, ,RUNG BA NYID 'DOD PA LA LTOS PA'I PHYIR NI THAMS CAD THAMS CAD KYIS BRJOD PAR BYA BA YIN LA, RGYU MTSAN LAS NI 'GA' ZHIG 'GA' ZHIG GIS BRJOD PAR BYA BA YIN NO ZHES BYA BA'I THA TSIG GO, ,DE'I PHYIR BRDA'I RJES SU 'BRANG BA LA GO BAR BYED PA THUN MONG MA YIN PA 'GA' YANG MED DO ZHES BSHAD PAR 'GYUR RO, ,DE'I PHYIR DPER RJOD PA GZHAN DANG, SKABS KYIS DPER BRJOD PA BRDA'I RJES SU 'BRANG BA LA THUN MONG MA YIN PAR MI 'THAD PA'I PHYIR, DNGOS PO PA'I GRAGS PA MTHA' DAG SPONG BA LA RJES SU DPAG PA THUN MONG MA YIN PA YIN NO, ,GAL TE BRTAGS PA'I RANG BZHIN GYIS BRJOD PAR BYA BA 'GOG PA LA, SGRA LAS BYUNG BA'I GRAGS PA'I CHOS GNOD PAR BYED PA YIN NA, DNGOS PO'I RANG BZHIN GYIS BRJOD PAR BYA BA BSGRUB PA'I RJES SU DPAG PA MED PAR BSHAD PA 'DIS CI BYA ZHE NA, 'DIS NI ZHES SMOS TE, GANG GI TSE RJES SU DPAG PA MED PA'I PHYIR 'DOD PA'I BRJOD BYA NYID DNGOS PO MA YIN PA DE'I TSE SGRA RNAMS NI BRDA'I RJES SU BYED PA YIN NO, ,DES NA BRDA 'DOD PA LA RAG LAS PA YIN PA'I PHYIR NA DON LA NGES PA MED DO ZHES BRJOD PA YIN NO, ,DNGOS PO LA BRJOD BYA MED PA'I PHYIR YANG BRDA DANG LDAN PA'I DON GYI YUL LA LTOS TE SGRA RNAMS KYI RJOD PAR BYED PA NYID GANG YIN PA DE 'GOG PA'I RGYU MTSAN GYIS 'GAL BA YIN NO ZHES BSHAD PAR 'GYUR RO, ,GANG DAG BRDA DANG LDAN PA NYID KYI SGRA'I BRJOD BYA THAMS CAD SPONG BA DE LA RJES SU DPAG PA THUN MONG MA YIN PAR BRJOD PA YIN NO ZHES ZER BA DE DAG LA 'DI SKAD DRI BAR BYA STE, YUL GZHAN NAS 'ONGS PA RI BONG CAN ZLA BA'I SGRAS BRJOD PAR BYA BA MA RTOGS PA'I @60B PHYIR SPONG BAR 'DOD PA GANG YIN PA DE LA SGRA LAS BYUNG BA'I GRAGS PA DANG 'GAL BAR 'GYUR NA, THA SNYAD SHES PA GO THA SNYAD DU GYUR PA'I GRAGS PA THAMS CAD CI LTAR SPONG, GANG ZHIG BRDA MA GRUB PA LA SGRA LAS BYUNG BA'I GRAGS PAS GNOD PAR YANG CI LTAR 'GYUR, DE'I PHYIR 'DI NI GYI NA'O, ,'DI LA GZHAN GYIS GZHUNG GZHAN DAG KYANG SHIN TU 'GRIG PAR MA BSHAD PAR 'GYUR RO, ,DE'I PHYIR MKHAS BA RNAMS TSAD MA YIN NO, ,BSHAD ZIN PA'I DON NYID BSDU BA'I PHYIR BSHAD PA, DES NA ZHES BYA BA NI GANG GI PHYIR BRDA DANG LDAN PA'I DON NGES PAR 'GAL BA DES NA ZHES BYA BA'I THA TSIG GO, ,GANG LA RGYU MTSAN TE DGOS PA YOD PA DE NI RGYU MTSAN GYI SGRA'O, ,DE'I BRJOD PAR BYA BA'I DON NAM YANG NA SGRA RNAMS KYIS BRJOD PAR BYA BA'I DON DAM PA NYID 'GOG PA LA GNOD PA MED PA STE GRAGS PAS SEL BAR MI NUS PAR BRJOD PA YIN NO, ,GANG GI PHYIR BRDA LAS BYUNG BA'I GRAGS PAS GNOD PA YIN PA DE'I PHYIR, YUL GYI KHYAD PAR BSTAN PAR BYA BA'I PHYIR GRAGS PA RJES SU DPAG PA LAS PHYI ROL DU GYUR PA MA YIN YANG THA DAD DU BYAS PA YIN NO, ,GRAGS PA'I YUL NI BRDA LAS BYUNG BA'I DON YIN LA, RJES SU DPAG PA'I YUL NI DNGOS PO YIN NO ZHES BYA BA 'DI NI YUL GYI DBYE BA'O, ,CI LTAR PHYI ROL DU GYUR PA MA YIN ZHE NA, SNGA MA BZHIN ZHES BYA BA SMOS TE CI LTAR SNGAR YID CHES PA'I TSIG GNOD PAR BYED PA NYID DU KHAS BLANGS PA'I PHYIR RJES SU DPAG PA LAS PHYI ROL DU GYUR PA MA YIN PA DE BZHIN DU, GRAGS PA GNOD PAR BYED PAR YANG 'DOD LA, MNGON SUM YANG MA YIN PA DE'I PHYIR RJES SU DPAG PA NYID YIN TE, TSAD MA MA YIN PA GNOD PAR BYED BAR MI 'THAD PA'I PHYIR RO, ,DE LTAR 'GRO LA GRAGS PA RANG BZHIN RTAGS ZHES BYA BA DE BSHAD NAS, MNGON SUM GYI GNOD PA SMRAS PA; MNGON SUM DANG 'GAL BAR RAB TU GRAGS PA'I YUL YANG SGRA GANG LA RANG BZHIN SNA TSOGS TE, RNAM PAR RTOG PA'I SHES PAS BYAS PA LDOG PA LA LTOS PA'I CHOS DU MA YOD PA'I SGRA DE'I RANG BZHIN DE DAG LAS, RANG BZHIN GANG ZHIG NYAN PA'I SHES PA LA GNYIS SU MED PAR @61A *, ,TE; GNYIS KYIS STONG PA'O, ,GANG GIS GCIG NI SPYI YIN LA GZHAN NI BSAL BA YIN PAR BRTAGS NAS SPYI'I RANG BZHIN BKAG NA YANG MNGON SUM GYIS GNOD BAR DOGS PA, DE LA RANG BZHIN GNYIS NI MED DO, ,CI'I PHYIR ZHE NA, GSAL BA DE LA 'BREL BA CAN GZHAN DE NYID MED PAS SO, ,CI'I PHYIR ZHE NA, 'DRES PA STE 'DREN MAR SNANG BA GANG LA YOD PA'I BLO DE MTHONG BA MED PA'I PHYIR RO, ,BLTAR RUNG BA'I YOD PA NYID NI DER SNANG BA'I SHES PA LAS YIN LA, DU MA NYID KYANG SNANG BA DU MA LAS YIN NO, ,DE'I PHYIR NA 'DI BLTA BAR RUNG BA MI DMIGS PA LAS GZHAN YOD PA NYID DAM DU MA NYID YIN PA GSAL BAR RIG PAR BYA'O, ,GANG YANG GNYIS SU MED PA DE NYID SPONG BA'I RGYU MTSAN GYIS 'GAL BA YIN GYI, GZHAN BKAG PA'I RGYU MTSAN GYIS 'GAL BA YIN NO, ,DPER NA ZHES BYA BA NI DPER BRJOD DO, ,MNYAN PAR BYA BA MA YIN NO ZHES BYA BA LA, MNYAN PAR BYA BA'I SGRAS NI NYAN PAS GZUNG BA'I RANG BZHIN DU RNAM PAR GNAS PA GNYIS MED PA SPONG BA YIN NO, ,DE'I PHYIR YANG ZHES BYA BA NI 'BREL BA CAN THAMS CAD DANG BRAL BA'I RANG BZHIN NYAN PAS GZUNG BA NYID SPONG BA LA MNGON SUM GYIS GNOD PA YIN NO ZHES BYA BA 'DI'I DON DU 'DIR MTSAN NYID KYI MDOR MNGON SUM DON DANG ZHES DON GYI SGRA SMOS SO, ,YANG CI LTAR NA RANG BZHIN DE NYID LA DON GYI SGRAS BRJOD CE NA, BSHAD PA, DBANG PO'I SHES PAS GZUNG BAR BYA BA GNYIS SU MED PA'I RANG BZHIN GANG YIN PA DE NYID SGRA DE LAS DON TE DON DAM PA YIN LA, RANG BZHIN LHAG MA NI LDOG BA'I RGYU MTSAN CAN RTOGS PA'I SHES PAS BKOD PA SPYI YIN NO, ,GANG GI PHYIR DE NI DNGOS PO MED PA DE'I PHYIR NA DBANG POS GZUNG BA MA YIN NO, ,SPYI'I RANG BZHIN RNAMS DBANG PO'I GZUNG BA MA YIN BA DES NA DE DAG MNGON SUM MA YIN BAR GRUB BA'I RGYU'I PHYIR SPANG BAR BYAS NA YANG GNOD PA MED DO ZHES BYA BA'I DNGOS PO 'DI SLOB DPON GYIS MNYAN BYA'I SGRAS BSTAN PA YIN NO, ,'DI LTAR SGRA MED DO ZHES DE SKAD SMRAS PA LA YANG MNGON SUM DANG 'GAL BA NI YOD MOD KYI, 'ON KYANG SGRA'I YUL @61B 'GOG PA LA NI LAM DU MA YOD DE, SKAD CIG MA NYID DAM KHYAB PA NYID DAM RTAG BA NYID DU SGRA YOD BA MA YIN NO ZHES BYA BA LA SOGS PA'O, ,DE LA MNYAN BYA'I SGRA MED NA THAMS CAD 'GOG PA LA MNGON SUM GYIS GNOD BAR DOGS PAR 'GYUR RO, ,MNYAN BYA'I SGRAS NI NYAN PA'I GZUNG BA GANG YIN PA'I RANG BZHIN DE NYID 'GOG PA MNGON SUM GYIS GNOD KYI SPYI'I CHOS 'GOG PA LA NI MA YIN NO ZHES BSTAN BAR 'GYUR RO, ,GAL TE MNYAN BYA'I SGRA YANG SPYI BRJOD PA MA YIN NAM, DE CI LTAR 'DIS DBANG PO'I SPYOD YUL BRJOD BAR 'GYUR ZHE NA, BSHAD PA, RNAM KUN TE RNAM PA THAMS CAD KYI SGRA'I THUN MONG MA YIN PA'I RANG BZHIN DE BRJOD BAR BYA BA'I DNGOS PO MA YIN PA DE'I PHYIR MNYAN BYA'I SGRAS BRJOD DO, ,SGRA'I SGRA 'BA' ZHIG NI THAMS CAD LA DOGS PAR 'GYUR RO, ,MNYAN BYA'I SGRA LHAG PAS NI SHUGS KYIS KHYAD PAR RTOGS PAR 'GYUR BA YIN GYI, DE RANG GI MTSAN NYID KYI YUL CAN YIN PA'I PHYIR NI MA YIN NO, ,GAL TE DE LTAR NA SGRA RANG GI MTSAN NYID CES BYA BA LA SOGS PA'I KHYAD PAR GYIS CI STE MA BRJOD CES DOGS PA LA, MNYAN BYA'I SGRA'I DOGS PA BSHAD PA, SGRA RANG GI MTSAN NYID GANG YIN PA DE GRUB PA NI NYAN PA'I SHES PA DE LA BRTAN NAS YIN TE, GRUB PA'I RGYU DES NA DE'I ZHES BYA BA NYAN PA'I TSAD MA'I STOBS KYIS GNOD PA'I RGYU'I PHYIR MNYAN BYA'I SGRAS DBANG PO'I YUL BSHAD DO, ,RAB TU GRUB PA'I DON GNOD PAR BYED PA YIN LA SGRA YANG NYAN PA LA GRUB PA YIN TE, DE'I PHYIR SGRA GRUB PA'I RGYU RAB TU BSTAN PA'I SGO NAS GNOD PAR BYED PA'I TSAD MA STON PAS MNYAN BYA'I SGRA SMOS PA YIN NO ZHES BYA BA'I DON TO, ,KHA CIG NA RE DE LA BRTEN NAS GRUB PAS NA, DE'I STOBS KYIS GNOD PA'I PHYIR ZHES BYA BA 'DI NI GTAN TSIGS GNYIS YIN TE GANG GI PHYIR DON 'DI NYAN PA'I STOBS KYIS GRUB PA YIN PA'I PHYIR DANG, GANG GI PHYIR NYAN PA'I STOBS KYIS 'GAL BA LA GNOD PA YANG YIN PA DE'I PHYIR MNYAN BYA'I SGRAS BRJOD BA YIN NO ZHES ZER RO, ,DAM BCAS PA'I DON RJES SU DPAG PA DANG 'GAL BA LA YANG DPER BRJOD PA NI BUM PA RTAG PA'O ZHES BYA BA'O, ,YANG CI LTAR @62A *, ,'JIG PA'I BUM PA MTHONG BA YANG RTAG PAR RLOM ZHE NA, BRDEGS PA BZOD PAR MTHONG BA DAG LA'O, ,GAL TE 'DI LDOG PA'I CHOS CAN YIN NA BRDEGS NA LDOG PAR 'GYUR BA ZHIG NA LDOG PAR YANG MA YIN TE, DES NA BUM PA GNAS PA YIN ZHES 'KHRUL PAS BUM PA RTAG PA'O ZHES BYA BA DE LTAR 'GYUR RO, ,RTAG PA DE YANG CI LTAR SNGAR MTHONG BA'I BUM PA PHYIS ZHIG PA NA MED PA DE BZHIN DU, SKYE BA DANG LDAN PA DANG STZOGS PA SMOS PAS BYAS PA DANG YOD PA'I PHYIR THAMS CAD MED BAR 'GYUR RO, ,DPE YANG DGAG PA'I PHYIR, GRANGS CAN GYIS SMRAS PA, GAL TE MI RTAG PA'I BUM PA NI 'GA' YANG MED DE, ZHIG PA DANG MA ZHIG PA'I BUM PA GANG YIN PA DE THAMS CAD NI RTAG PA YIN NO, ,MI RTAG PA NYID NI RJES SU 'GRO BA MED PAR LDOG PA YIN NA, RJES SU 'GRO BA MED PAR LDOG PA NI 'GA' YANG MED DO, ,DES NA MI RTAG PA ZHES BYA BA NI 'GA' YANG MED DO, ,'O NA BUM PA 'GAGS PA LA JI LTAR ZHE NA DER YANG DMIGS PAR BYA BA'I BSKAL PA STE CHOD PA YIN PA DE'I PHYIR YIN GYI, MI RTAG PA NI MA YIN NO, ,BLTAR RUNG BA'I GNAS SKABS BTANG NAS, BLTAR MI RUNG PA'I GNAS SKABS LEN PA YIN GYI, ZHIG BA'I BUM PA GTAN NAS LOG PA NI MA YIN NO ZHE NA, DE'I GNAS SKABS MA YIN PA NI ZHES SMOS TE, SNGAR GYI BLTAR RUNG BA DANG DON BYA BA SBYOR BAR RUNG BA'I GNAS SKABS GANG LA YOD PA DE NYID KYI DNGOS PO YIN LA, DE MA YIN PA NI DE'I GNAS SKABS MA YIN PA'O, ,GAL TE DE'I GNAS SKABS MA YIN PA NI GNAS SKABS GZHAN YIN GYI, BUM PA NI GNAS PA NYID DO ZHE NA, DE'I GNAS SKABS NI DE NYID YIN NO, ,BUM PA'I GNAS PA CI 'DRA BA DANG LDAN PA'I GNAS SKABS 'BRAS BU LA NYE BAR SBYOR BA DE NYID BUM PA YIN TE, GNAS SKABS CAN MTHONG BA MED PA DON BYED PA LA NYE BAR SBYOR BA MED PA GZHAN GYIS CI ZHIG BYA, DE'I GNAS SKABS DE LOG LA MA LOG PA ZHES BYA BA GZHAN CI ZHIG YOD, DES NA DE'I GNAS SKABS MA YIN PA NYID MI RTAG PA YIN NO, ,DE NI BUM PA ZHIG PA LA YOD PAS NA, ZHIG PA'I PHYIR RAM BSKAL PA'I @62B PHYIR ZHES BYA BA'I YU BU CAG GI 'BRAS BU DE'I GNAS SKABS MA YIN PA LA KHYAD PAR MED BA DES NA RGYU MTSAN YANG KHYAD PAR MED BAR 'GYUR BA DE'I PHYIR ZHIG BA DANG BSKAL PA'I SGRA LA MNGON PAR ZHEN BA MA YIN NO, ,DES NA DE LTAR DE'I GNAS SKABS BUM PA YIN PAS NA BSKAL PA'I SGRAS ZHIG PA NYID BRJOD PA YIN NO, ,DMIGS PAR BYA BA DBUS KYI BUM PA'I RANG BZHIN BUM PA DE NYID YANG SNGA MA DANG PHYI MA'I GNAS SKABS KYI RANG BZHIN GANG LA YOD PA DE'I NGO BOR MA DMIGS KYANG SNGA MA DANG PHYI MA'I GNAS SKABS NA YOD DO ZHES SMRA BA NI TSIG GI DON RNAMS KYI RNAM PAR GZHAG PA THA DAD PA LA GNOD DO, ,RANG BZHIN GANG ZHIG RANG BZHIN GZHAN GANG LA MA DMIGS PA DE DE LA MED PA'I PHYIR RANG BZHIN THA DAD PA YIN NA, KHYOD KYIS NI THAMS CAD NYID KYI BDAG NYID DU SMRAS PAS GANG ZHIG GANG NA MA DMIGS PA DE YANG DE LA YOD PA YIN NO, ,DES NA TSIG GI DON RNAM PAR GZHAG PA LA GNOD PA MA YIN NO, ,'DI SNYAM DU NGED CAG NI THA DAD PA'I RNAM PAR GZHAG PA MI 'DOD PA NYID DO SNYAM NA, BSHAD PA, DE LTAR YIN NA NI SNYING STOBS DANG RDUL DANG MUN PA DANG SEMS PA YOD PA DAG THA DAD PAR RNAM PAR 'JOG PA LA GNOD PA YOD DE, PHAN TSUN RANG BZHIN THA DAD PAR RNAM PAR GZHAG PAR MI RUNG BA'I PHYIR RO, ,CI LTAR MI RUNG ZHE NA, DE LA YANG ZHES SMOS TE, SNYING STOBS DANG RDUL DANG MUN PA DANG, SEMS PA YOD PA DE LA YANG MI DMIGS PA LAS MA GTOGS PA'I THA DAD PAR RNAM PAR GZHAG PA'I RTEN GZHAN NI BRTAG PAR MI NUS SO; GRANGS CAN YANG CHU DON DU GNYER BA ME LA RJES SU RGYUG PA NI MA YIN PAS NA 'JIG RTEN PA'I THA SNYAD PA'I THA SNYAD 'DOD PA YIN NO, ,DE'I PHYIR DMIGS PA'I RANG BZHIN GYI ZHO LA SOGS PA'I 'BRAS BU 'DI NI 'O MA LA SOGS PA'I RGYU DAG LA MA DMIGS PA NI MED LA, 'O MA YANG ZHO LA SOGS PA DE LA MED DO ZHES BYA BA'I MED PA'I THA SNYAD 'DI NI RIGS PA YIN TE, TSAD MAS RTOGS PA YIN NO, ,GANG ZHIG GANG GI NGO BOR MA DMIGS PA DE NI DE'I RANG BZHIN MA YIN TE, DPER NA BDE BA SDUG BSNGAL GYI NGO BOR MA DMIGS PA NA DE'I RANG BZHIN MA YIN PA BZHIN @63A *, ,NO; DE BZHIN DU 'O MA YANG ZHO'I RANG BZHIN DU MA DMIGS TE DES NA DE'I RANG BZHIN MA YIN NO, ,DE 'DRA BA BLTAR RUNG BA'I YOD BA NYID NI DMIGS PAS KHYAB PA YIN TE, DMIGS PA'I RGYU MTSAN NI DE TZAM DU ZAD PA'I PHYIR RO, ,DMIGS BA MED PA'I PHYIR NI KHYAD PAR BYA BA YANG LDOG PA YIN NO, ,CIG SHOS KYI RANG BZHIN DMIGS PA NI DE'I RANG BZHIN MA DMIGS PA YIN NO, ,DE'I PHYIR DMIGS PAR BYA BA MA DMIGS PA 'DI LTA BU'I RIGS CAN GYI YUL THAMS CAD LA SBYAR BAR BLTA'O, ,DMIGS BA YOD PA NYID DO, ,DE GANG ZHE NA, RJES SU DPAG STE, MNGON SUM GCIG PU NI DMIGS PA MA YIN NO, ,DE GANG ZHE NA, MI NUS BA LAS MI 'BYUNG BA'I PHYIR RO, ,'GA' ZHIG LAS BYUNG BA'I PHYIR NA 'BRAS BU YOD PA YIN NO ZHES BYA BA'I THA TSIG GO, ,MED PA SKYE NA NI MED PAR KHYAD PAR MED PAS THAMS CAD LAS SKYE BAR 'GYUR NA, 'GA' ZHIG LAS SKYE BA YANG YIN TE, DE'I PHYIR NUS PA'I RGYU LAS 'BRAS BU NUS PA'I RANG BZHIN DU YOD PA YIN NO, ,SKYED PAR BYED PA NYID NI NGES PAS KHYAB PO, ,'BRAS BU MED NA NI KHYAB PAR BYED PA DANG 'GAL BA NGES PA MED PA YIN NO, ,DES 'BRAS BU MED PA LA NGES PA'I SKYED PAR BYED PA LDOG PAS 'BRAS BU'I BDAG NYID KHYAB PAR 'GYUR BAS RANG BZHIN GYI GTAN TSIGS SO ZHE NA, DE 'DRA BA SNANG BA'I DNGOS PO YOD PA NI RJES SU DPAG PA'I YUL MA YIN NO, ,CI'I PHYIR ZHE NA, BSHAD PA, GAL TE YOD PA YIN NA NI BLTAR RUNG BA NYID YIN TE, DPER NA DBUS KYI GNAS SKABS NA DE'I RANG BZHIN BLTAR RUNG BA YIN PA BZHIN NO, ,'ON TE DE'I BLTAR RUNG BA'I MTSAN NYID KYI RANG BZHIN BTANG BA YIN GYI, DNGOS PO GTAN ZHIG PA'I NI MA YIN NO ZHE NA, DE LTA NA NI 'O NA DE'I MTSAN NYID BTANG PA NYID 'JIG PA YIN LA, MTSAN NYID GZHAN DANG LDAN PA DANG DNGOS PO GZHAN YIN TE PHA ROL NYID YIN NO, ,THA DAD PA NI 'GAL BA'I CHOS KYI BDAG NYID YIN PA'I PHYIR RO, ,'DIR RANG BZHIN GCIG NYID YOD PA DANG MED PA'I 'GAL BA YOD PA YIN NO, ,'GAL BA'I CHOS DANG LDAN PA NYID THA DAD PA YIN NO ZHES BSHAD ZIN TO, ,NGES PA SKYED BYED YIN @63B PAR MTHONG BA'I PHYIR 'BRAS BU'I BDAG NYID YIN NO ZHE NA, BSHAD ZIN TO ZHE NA, BSHAD PA, 'BRAS BU RGYU DE LAS SKYES BAS NI 'BRAS BU'I RGYU DE 'BRAS BU DE SKYED PA'I RANG BZHIN TE, 'DI NYID DE SKYES PAR NUS KYI GZHAN NI MA YIN NO ZHES 'GRUB KYI, DE'I NGO BOR TE 'BRAS BU'I BDAG NYID DU NI MA YIN NO, ,GAL TE 'BRAS BU RGYU LA MED PA LAS SKYE BA YIN NO, ,'O NA CI'I PHYIR 'O MA LAS RI BONG GI RVA YANG MI SKYE, DE BZHIN DU SKYE BA'I CHOS CAN GYI MYU GU CI'I PHYIR MI SKYE STE, 'O MA LA NI ZHO DANG RI BONG GI RVA DANG MYU GU YANG MED BA YIN TE, DES NA MED DO COG SKYE BAR 'GYUR RO, ,KHYAD PAR CI ZHIG YOD CES BYA BA NI MED PAR KHYAD PAR MED PA LA MYU GU DANG RI BONG GI RVA DAG LAS ZHO LA KHYAD PAR CUNG ZAD KYANG MED DO ZHES BYA BA'O, ,DNGOS PO NI DNGOS PO LAS KHYAD PAR DU 'GYUR GYI, DNGOS PO MED PA NI DNGOS PO MED PA LAS MA YIN TE, KHYAD PAR NI NGO BO'I BDAG NYID YIN PA'I PHYIR RO ZHE NA, DE LTAR MA YIN NO, ,CI'I PHYIR ZHE NA, RGYU'I RANG BZHIN THA DAD PA'I PHYIR RO, ,MED PA'I PHYIR 'BRAS BU PHAN TSUN THA DAD PA MA YIN DU ZIN KYANG YOD PA'I RGYU KHYAD PAR MED PAR CI LTAR 'GYUR, MDOR GZHAG BA'I NGAG 'DI NYID RNAM PAR 'GREL PA NI; 'O MA ZHES BYA BA YIN TE, 'BRAS BU DE'I BDAG NYID MA YIN YANG GANG ZHIG ZHO SKYED PAR BYED KYI RI BONG GI RVA NI MA YIN PA'I RANG BZHIN DE NYID DE LA YOD PA YIN NO, ,GAL TE 'BRAS BU'I BDAG NYID KYI RANG BZHIN KHYAD PAR DU 'GYUR BA MA YIN NA, 'O NA DE GA LAS YIN ZHE NA, BSHAD PA; RANG GI RGYUS SKYED PA STE, BSKYED PA GANG YIN PA'I KHYAD PAR DE NYID RANG GI RGYUS BSKYED PA YIN NO, ,GANG LA DE 'DRA BA'I RGYU MED PA DE NI RANG BZHIN DE 'DRA BA MA YIN NO, ,DE LTAR DE RNAM PA DE LTAR RGYU'I RANG BZHIN THOG MA MED DO, ,SNGON GYI TSIG MED PA BRGYUD PA RGYUN CHAGS PA YIN NO, , DE'I PHYIR DE YANG GA LAS ZHES BYA BA'I RTZOD PA'I SKABS MED DE, RGYU BRGYUD PA THOG MA MED PA DE'I PHYIR RI BONG GI RVA SKYED PAR BYED PA'I RANG BZHIN GYI RGYU MED PA'I PHYIR RI BONG GI RVA MI SKYE LA, ZHO SKYED PA'I RANG BZHIN LA NI RGYU YOD PA'I PHYIR ZHO SKYE BA YIN NO, ,DES NA DE LTAR 'GAL BA'I RANG BZHIN @64A *, ,GNYIS RGYU GCIG LAS SKYE BA 'AM, RGYU MED PA BSAL BA YIN NO, ,DE NYID KYI PHYIR GZHAN GYIS BSKYED PAR BYA BA'I 'BRAS BU SKYED PAR BYED PA GZHAN MA YIN NO, ,GANG YANG 'DI MI NUS PA LAS MI 'BYUNG BA'I PHYIR RGYU LAS 'BRAS BU NUS PA'I RANG BZHIN DU YOD DO ZHES BYA BA DE LA, 'O MA LA ZHO'I NUS BA 'DI CI ZHIG CI ZHO LAS GZHAN YIN NAM 'ON TE ZHO NYID YIN TE, DE'I RANG BZHIN NYID YIN NA NI ZHO CI LTA BA DE BZHIN DU DE YANG DMIGS PAR 'GYUR TE, NUS PA NI ZHO DE LAS KHYAD PAR MED PA'I PHYIR RO, ,KHYAD PAR YOD NA YANG MTSAN NYID MI MTHUN PA NI DNGOS PO GZHAN NYID DO ZHES BSHAD ZIN TO, ,GZHAN NYID YIN NO ZHE NA, CI LTAR NUS PA GZHAN YOD NA DE YOD PAR 'GYUR TE, SKYES BU YOD NA GTZO BO YOD PAR RTOGS PA NI MA YIN NO, ,'JIG RTEN NA RGYU YOD NA 'BRAS BU YOD DO ZHES BRJOD PA MA YIN NAM ZHE NA, BSHAD PA, RUNG BA'I RGYU LAS 'BRAS BU NYE BAR BTAGS PA SGRO BTAGS PA TZAM DU NI 'GYUR GYI, DNGOS PO NYID DU NI MA YIN NO, ,NYE BAR BTAGS PA NI 'DIR YANG MI BZLOGS PAS 'DI NI CUNG ZAD KYANG MA YIN NO, ,RGYU LA 'BRAS BU MED PAR BSTAN PA 'DIS NI 'BRAS BU PHYI MA LA RGYU YOD PA SPANGS PA YIN NO, ,PHYOGS THAMS CAD NI RNAM PA BZHIS SEL BA YIN TE, DES NA CHOS KYI KHYAD PAR BSAL BA LA SOGS PA YANG 'DI NYID KYIS BSHAD PA YIN PAS LOGS SHIG TU MA BRJOD DO, ,DE CI'I PHYIR, DE LTAR PHYOGS KYI MTSAN NYID ZHAR LA BSHAD NAS, PHYOGS KYI CHOS KYI RAB TU DBYE BA SNGON DU 'GRO BA CAN TSUL GSUM 'CHAD PA'I RANG BZHIN NYID 'CHAD DO, ,SGRUB PAR BYED PA'I DAG BSTAN PAR BYA BA LA PHYOGS CHOS KYI RAB TU DBYE BA DON CI ZHIG YOD, ,PHYOGS KYI CHOS BSHAD PA DE TZAM NYID SRID PA YANG MA YIN TE, PHYOGS GCIG LA MA GRUB PA LA SOGS PA GZHAN DAG KYANG SRID PA'I PHYIR RO SNYAM NA; BSHAD PA, GTAN TSIGS KYI GNAS SKABS SRID PA STE, PHYOGS KYI CHOS GSUM LA GO BAR BYED PA'I GTAN TSIGS SRID PA MA YIN TE, MTHUN PA'I PHYOGS LA YOD PA DANG MED PA DANG GNYI GA'O, ,MTHUN PA'I PHYOGS LA YOD PA NI BYAS PA NYID KYI GTAN TSIGS SO, ,GNYI GA NI @64B BRTZAL MA THAG TU BYUNG BA NYID DO, ,MTHUN PA'I PHYOGS LA MED PA NI PHYOGS KYI CHOS 'GAL BA STE, 'GAL BA YANG GO BAR BYED PA NYID DO, ,DE'I PHYIR PHYOGS KYI CHOS CI SNYED LA GO BAR BYED PA'I GTAN TSIGS SRID PA'I PHYOGS KYI CHOS DE DAG NYID GTAN TSIGS KYI SKABS YIN NO, ,'DI 'DRA BA'I GTAN TSIGS KYI SKABS PHYOGS CHOS KYI RAB TU DBYE BAS MTSON BA DE'I RANG GI NGO BO MDOR BSDUS NAS BRJOD BA STE, GTAN TSIGS SRID PA'I PHYOGS KYI CHOS NYID BSTAN PA YIN GYI MI SRID PA NI MA YIN NO ZHES BYA BA'I THA TSIG GO, ,CI'I DON DU ZHE NA, GTAN TSIGS KYI SKABS BDE BLAG TU GZUNG BA'I PHYIR RO, ,MDOR BSDUS PAS KYANG DON RGYA CHEN PO DAG KYANG BSTAN PAR 'GYUR BA NI BDE BLAG TU GZUNG BA'O, ,DE LA PHYOGS KYI RNAM PA 'DI TZAM ZHIG GTAN TSIGS KYI DNGOS PO SRID PA YIN PA'I PHYIR GTAN TSIGS SRID TSAD BDE BLAG TU 'DZIN PA YIN NO, ,MDOR BSDUS PA BRJOD PA NI PHYOGS KYI CHOS NI RNAM PA GSUM TE, MTHUN PA'I PHYOGS LA YOD PA DANG MED PA DANG RNAM PA GNYI GA'O, ,PHYOGS KYI CHOS DE RE RE DAG LA STE, GCIG GCIG LA YANG SPYI RNAM PA GSUM MO, ,CI LTAR ZHEN, MI MTHUN PA'I PHYOGS LA YANG YOD PA DANG MED PA DANG GNYI GA STE, DE DAG GI DNGOS PO DE'I PHYIR RO, ,MTHUN PA'I PHYOGS LA YOD PA GANG YIN PA DE MI MTHUN PA'I PHYOGS LA YOD PA DANG MED PA GNYI GA YIN ZHING, DE BZHIN DU MTHUN PA'I PHYOGS LA MED PA DANG GNYI GA GANG YIN PA DE YANG MI MTHUN PA'I PHYOGS LA RNAM PA GSUM MO, ,'DIR PHYOGS NI BSGRUB BYA'I CHOS DANG CHOS CAN GYI SPYI YIN PAS, GAL TE DE'I CHOS GANG YIN PA DE GTAN TSIGS YIN NA, DE LTA NA NI 'O NA CHOS DANG CHOS CAN GYI SPYI MA GRUB NA GTAN TSIGS THAMS CAD MA GRUB PAR 'GYUR RO, ,GRUB NA YANG GANG LA GTAN TSIGS BRJOD PAR BYA BA'I BSGRUB PAR BYA BA GZHAN CI ZHIG YOD, DE'I PHYIR 'DIR PHYOGS KYI SGRA DNGOS KYI DON LA 'JUG PAR 'DOD PA NI MA YIN NO, ,BTAGS PA'I DON YANG CI 'DRA BA ZHIG CE NA, PHYOGS NI CHOS CAN NO ZHES SMOS TE, PHYOGS KYI SGRAS NI 'DIR CHOS CAN BRJOD PA YIN NO, ,DGOS PA STE, RGYU MTSAN MED PA'I PHYIR NYE BAR GDAGS @65A *, ,BAR MI BYA'O, ,DGOS PA 'GA' ZHIG GIS RANG BZHIN GZHAN SGRO 'DOGS PA'I MTSAN NYID NYE BAR BTAGS BA'I BRJOD PA'I YUL DU 'GYUR BAR BYA BA YIN TE, 'DI LTAR, DGOS PA MED BAR GTZO BO YI, ,SGRA DON LAS 'DAS 'DOD MA YIN, ,ZHES BSHAD BA YIN NO ZHE NA, MA YIN TE, GANG GI PHYIR NYE BAR GDAGS PAR BYAS PA NI PHYOGS DER SGRO GDAGS SU RUNG BA'I CHOS CAN YONGS SU SHES PAR BYA BA'I PHYIR RO, ,YANG CI'I PHYIR CHOS CAN 'GA' ZHIG DER NYE BAR GDAGS SU RUNG BA YIN GYI GZHAN NI MA YIN NO ZHE NA, PHYOGS DE'I PHYOGS GCIG YIN PA STE, DE'I PHYIR RO, ,GANG ZHIG GANG GI PHYOGS GCIG YIN PA DE LA DE'I RANG BZHIN NYE BAR 'DOGS PA YIN GYI, SNAM BU'I PHYOGS GCIG TSIG PA LA LA BA TSIG GO ZHES NYE BAR 'DOGS PA BZHIN NO, ,CI STE NYE BAR GDAGS SU RUNG BA RTOGS PA LA DON CI YOD CE NA, CHOS CAN THAMS CAD KYI ZHES SMOS TE, THAMS CAD KYI SGRA NI BYE RAG MED BAR BRJOD PA YIN NO, ,DES NA DON 'DI YIN TE, CHOS CAN GANG YANG RUNG BA'I CHOS GANG YIN PA DE GTAN TSIGS YIN BA BKAG BA NI NYE BAR GDAGS SU RUNG BA'I CHOS CAN RTOGS PAR DGOS PA YIN NO, ,DE LTA YIN DANG STE NYE BAR GDAGS SU RUNG BA'I CHOS CAN RTOGS PAR GYUR BA DANG, MIG GIS GZUNG BA LA SOGS PA YONGS SU GZUNG BA MA SPANGS PA YIN NO, ,DE'I PHYIR DGOS PA YOD PA'I PHYIR BTAGS PA'I SGRA YIN GYI DNGOS PO NI MA YIN NO, ,CIG SHOS NI RE ZHIG CHOS CAN GYI SGRA DNGOS SU SMOS PAS KYANG BSGRUB BYA'I CHOS CAN YONGS SU 'DZIN BA BSTAN PA'I PHYIR SMRAS PA, GAL TE GZHAN GYI DBANG DU GYUR PA'I CHOS ZHES BRJOD PAS KYANG 'BREL PA CAN GYI SGRA YIN PA'I PHYIR NA RANG DBANG DU GYUR PA'I CHOS CAN GZHI LTA GRUB STE, CHOS CAN ZHES SMOS PA'I SHUGS KYIS DE GRUB BZHIN DU YANG CHOS CAN ZHES SMOS PAS NI KHYAD PAR CAN GYI CHOS CAN NGES PAR RTOGS BAR 'GYUR RO, ,'DI SNYAM DU DPE DANG BSGRUB BYA'I CHOS CAN GNYI GA YANG NGES PA YIN LA, DE LAS KYANG THE TSOM ZA BA NYID DO SNYAM NA, NYE BA YIN BA'I PHYIR ZHES SMOS SO, ,RJES SU DPAG @65B PA'I DUS SU BSGRUB BYA'I CHOS KYI GZHI NYID DU BLO LA GNAS BAS NA BSGRUB BYA'I CHOS CAN NI NYE BA YIN NO, ,DES NA KHYAD BAR CAN GCIG RTOGS BAR BYA BA LA NYE BA'I CHOS CAN GANG YIN PA DE NYID 'DZIN PAR 'GYUR RO, ,DES NA NYE BAR BRTAGS PA'I PHYOGS KYI SGRA NI DON MED DO ZHE NA, BSGRUB BYA'I CHOS CAN GRUB PA NI MA YIN TE, GANG GI PHYIR DPE'I CHOS CAN YANG NYE BA NYID DO, ,DE YANG SKABS KYI BSGRUB BYA SGRUB PA'I DON DU RTOGS PA PO'I BLO LA GNAS PA NYID DO, ,DES NA NYE BA YIN PA'I PHYIR DE YANG GZUNG BAR THAL LO, ,DPE'I CHOS CAN 'DZIN NA NI CHOS CAN GYI CHOS GTAN TSIGS YIN NO ZHES BYA BAS DPE'I CHOS CAN LA YOD PA GANG YIN PA DE GTAN TSIGS YIN NO ZHES BYA BA'I DON 'DI BRJOD PAR 'GYUR NA, DE YANG MTHUN PA'I PHYOGS LA YOD PAR BRJOD PA NYID KYIS BSTAN PA YIN NO, ,GTAN TSIGS DE'I PHYIR NA CHOS CAN GYI CHOS ZHES BRJOD BAS GANG LA GTAN TSIGS YOD PAR MA GRUB PA'I BSGRUB BYA'I CHOS YIN PAR YONGS SU GZUNG NGO ZHE NA, DE LTA NA NI 'O NA RTZOD PA BRGYUD PA 'DIS CHOS CAN GYI SGRA 'DIS BSGRUB BYA'I CHOS CAN 'DZIN PAR 'GYUR RO ZHES DE LTAR BSHAD PAR BYA BA LA 'CHAD PA POS 'BAD PAR BYA DGOS SO, ,BSTAN PAR DKA' BA'I MTSAN NYID KYIS 'BAD PA DE YANG NYE BAR BTAGS PA'I DON PHYOGS KYI SGRA SMOS PA TZAM GYIS SPANGS PAR 'GYUR RO, ,SKYON 'DI SPANGS PA 'BA' ZHIG TU NI MA ZAD DE, BSHAD MA THAG PA'I SHUGS DES DON TE BSGRUB PAR BYA BA'I CHOS CAN GO BAR BYA BA NA RTOGS BAR DKA' BAR 'GYUR BAS RTOGS DKA' BA DE YANG PHYOGS KYI SGRA SPANGS PA YIN NO, ,BSTAN PAR MTSUNGS PA DANG, NYE BAR BTAGS PA TZAM GYIS BSTAN PAR DKA' BA DANG, RTOGS PAR DKA' BA YONGS SU SPANGS PAR 'GYUR BA'I PHYIR NYE BAR BTAGS PA NYID RIGS SO, ,RE ZHIG 'DI ZLAS DBYE BA'I BSDU BA NI MA YIN TE, MA NING GI RTAGS DANG, GNYIS KYI TSIG TU THAL BA'I PHYIR RO, ,'BRU MANG PO PA YANG MA YIN TE, BSDU BA'I MTHAR AA NID KYI RKYEN DU THAL BA'I PHYIR DANG, DON KYANG 'GAL BA'I PHYIR TE, DE NYID CHOS CAN YIN LA DE NYID CHOS YIN PA NI MA YIN NO, ,'DI NYID KYI PHYIR 'DI LAS 'DON PA YANG @66A *, ,MA YIN NO, ,LHAG MAR GYUR PAS NA DRUG PA'I BSDU BA YIN PAR BSAMS NAS, PHYOGS KYI CHOS NYID YIN NA ZHES SMOS SO, ,DRUG PA'I BSDU BA NI RGYAL PO'I SKYES BU LA SOGS PA DAG LA RJE BO GZHAN RNAM PAR GCOD PAR MTHONG STE, RGYAL PO'I SKYES BU YIN GYI GZHAN GYI NI MA YIN NO ZHE'O, ,DE BZHIN DU 'DIR YANG PHYOGS KYI CHOS YIN GYI GZHAN GYI NI MA YIN NO ZHES GZHAN DANG LDAN PA RNAM PAR GCOD PAR 'GYUR RO, ,DES NA CHOS CAN GYI RNAM PAR GCOD PA LA LTOS PA GZHAN DPE'I CHOS CAN LA MI 'JUG PA'I RGYU'I PHYIR RO, ,DGAG PA'I PHYIR MA YIN TE ZHES SMOS TE, THUN MONG MA YIN PA NYID MA YIN NO, ,CI'I PHYIR ZHE NA, MA 'BREL PA BZLOG PA'I RGYUS CHOS KHYAD PAR DU BYAS PA'I PHYIR TE, RNAM PAR BCAD PA'I PHYIR RO, ,PHYOGS DE NI BDAG NYID DANG MA 'BREL PAR DOGS PA BSAL BA'I PHYIR CHOS KHYAD PAR DU BYED BA YIN NO, , CI LA LAR MA 'BREL PA RNAM PAR BCAD PAS KHYAD PAR DU BYAS PA YOD DAM ZHE NA, YONG DO ZHES BSHAD PA NI DPER NA NAG PA ZHES BYA'O, ,NAG PA 'PHONG SKYEN PA NYID LA NI BDAG NYID DANG MA 'BREL PAR DOGS PA BZLOG PA'I PHYIR 'PHONG SKYEN PA NYID KHYAD PAR DU BYED PA YIN GYI, GZHAN DANG LHAN CIG 'BREL PA BZLOG PA'I PHYIR NI MA YIN NO, ,'DOD PA BSTAN NAS MI 'DOD PA'I KHYAD PAR SPANG PAR BYA BA'I PHYIR GZHAN DANG LDAN PA RNAM PAR GCOD PAS NI MA YIN TE ZHES SMOS SO, ,DPER NA SRID SGRUB CES BYA BA LA, SRID SGRUB NI 'PHONG SKYEN BAR RAB TU GRAGS PA YIN PAS MA 'BREL PAR DOGS PA NI MED KYI, 'ON KYANG GZHAN DANG 'BREL PAR RO, ,DES NA 'PHONG SKYEN PA NYID NI GZHAN DANG LDAN PA RNAM PAR BCAD PA'I PHYIR YIN NO, ,'DI LA BLO GROS RMONGS PA'I DOGS PA'I GNAS RNAM PAR GCAD PAR BYA BA YIN PAS NA, GANG GI TSE LDAN PAR MA SHES PA'I PHYIR MI LDAN PAR DOGS PA DE'I TSE MA 'BREL PAR RNAM PAR GCAD PAR BYA BA YIN NO, ,GANG GI TSE 'BREL PAR SHES PAS MA 'BREL BA RNAM PAR GCAD PA DE'I TSE GZHAN DANG LDAN PAR DOGS PA'I PHYIR GZHAN DANG LDAN PA RNAM PAR GCAD PAR BYA BA YIN NO, ,DE LTA YIN DANG GNAS SKABS 'GA' ZHIG @66B LAS RGYAL PO SKYES BU'I RJE BO SHES PA LA RJE BO SPYIR SHES PAS KHYAD PAR RTOGS PAR BYA BA'I PHYIR YANG SMOS PA YIN PAS GZHAN DANG LDAN PA RNAM PAR GCOD PA RIGS PA YIN NO, ,'DIR NI PHYOGS KYI CHOS GTAN TSIGS YIN NO ZHES GNAS MA RTOGS PA'I PHYIR MI LDAN PAR DOGS PA RNAM PAR GCAD PAR BYA BA YIN NO, ,DE DANG LDAN PA LA NI GZHAN DANG LDAN PAR RTOGS PAR BYA BA YIN TE, DES NA MA 'BREL BA RNAM PAR BCAD PA'I SNGON ROL DU NI DOGS PA MED PA RNAM PAR GCAD PAR BYA BA MA YIN NO ZHES BYA BA'I 'PHROS PA 'DI NI LE'U GNYIS PAR BSHAD ZIN TO, ,MA 'BREL PA RNAM PAR BCAD PAS PHYOGS KHYAD PAR DU BYED PAS PHYOGS KYI CHOS GANG YIN PA DE NI RNAM PA GSUM MO, ,RNAM PA GSUM NI MTHUN PA'I PHYOGS LA YOD PA DANG MED PA DANG RNAM PA GNYI GA'O, ,DANG PO NI RNAM PA GZHAN BSDU BA'I DON TE, DE LTA MA YIN NA YOD PA DANG MED PA NYID RNAM PA GNYI GA YIN PA GO BAR 'GYUR RO, ,RNAM PA GSUM PO DE NI RE RE STE GCIG CIG KYANG RNAM PA GSUM DU 'GYUR TE, MTHUN PA'I PHYOGS LA YOD PA GANG YIN PA DE NI MI MTHUN PA'I PHYOGS LA YOD PA DANG MED PA DANG GNYI GA'O, ,DE BZHIN DU MTHUN PA'I PHYOGS LA MED PA DANG, GNYI GA GANG YIN PA DE YANG MI MTHUN PA'I PHYOGS LA RNAM PA GSUM MO, ,GANG LA PHYOGS KYI CHOS RAB TU DBYE BAR BYA BA'I MTHUN PA'I PHYOGS SAM MI MA THUN PA'I PHYOGS DE YANG GANG ZHIG YIN ZHE NA, BSHAD PA, MTHUN PA'I PHYOGS NI 'GA' ZHIG PHYOGS DANG DON MTHUN PA YIN NO, ,'DI LTAR PHYOGS DANG 'DRA BA'I PHYIR NA DON DE NYID PHYOGS ZHES BRJOD PA YIN NO, ,'DRA BA'I DON KYANG MTHUN PA'I SGRA YIN TE, PHYOGS DANG MTSUNGS PA NI MTHUN PA'I PHYOGS SO, ,PHYOGS DANG MTHUN PA'I PHYOGS DAG MTSUNGS PA LA NI GTAN TSIGS KYI RGYU MTSAN YANG SRID PA 'DIR NI BSGRUB BYA'I RGYU MTSAN GYIS MTSUNGS PA YIN PAR 'DOD PAS BSHAD PA, THE TSOM ZA BA'I PHYIR BSGRUB PAR BYA BA YANG YIN LA, CHOS KYANG YIN TE, BSTEN PA'I PHYIR RO, ,'DIS NI BSGRUB PAR BYA BA NI GZHAN GYI DBANG DU GYUR PA NYID YIN NO ZHES BSTAN PA YIN NO, ,KHYAD PAR ZHES BYA BA NI BSGRUB PAR BYA BA MA YIN TE, @67A *, ,DES NA BSGRUB PAR BYA BA'I CHOS KYI SPYI ZHES NI TSIG RNAM PAR MA SBYAR GYI, 'ON KYANG BSGRUB PAR BYA BA'I CHOS NYID SPYI YIN TE, PHYOGS DANG MTHUN PA'I PHYOGS KYI MTSUNGS PA NYID DE MNYAM PA YIN TE, DON MTHUN PA NI DES BYAS PA YIN NO ZHES BYA BA'I DON TO, , BSGRUB PAR BYA BA'I CHOS DE MED PA NI MI MTHUN PA'I PHYOGS SO, ,GAL TE MED PA MI MTHUN PA'I PHYOGS YIN NA PHYOGS KYI CHOS YOD PA DE DE LA CI LTAR 'GYUR, MED PA LA MED PAR 'GYUR DU ZIN KYANG DNGOS PO'I CHOS YOD PA NI MED PA LA 'THAD PA MA YIN NO ZHE NA, MED PA LA YOD PA YOD DO ZHES SU ZHIG SMRA, GANG GI PHYIR BSGRUB PAR BYA BA'I CHOS DE MED PA TZAM NI MI MTHUN PA'I PHYOGS MA YIN GYI, 'ON KYANG BZLOG PA MTHUN PA'I PHYOGS KYIS STONG PA'I DON THAMS CAD NI MI MTHUN PA'I PHYOGS SO, ,'DI SKAD BRJOD PA YIN TE, MTHUN PA'I PHYOGS KYI SGRAS BRJOD PAR BYA BA MA YIN PA GANG JI SNYED PA DE THAMS CAD NI MI MTHUN PA'I PHYOGS YIN NO, ,BZLOG PA DE YANG GANG ZHE NA, GANG GI PHYIR BSGRUB PAR BYA BA'I MED PA DPER NA NAM MKHA' MED PAR SMRA BA LA, MI RTAG PA NYID KYI RTAG PA'I NAM MKHA' MED PA LTA BU DANG, MA YIN PA DE BSGRUB PAR BYA BA'I RANG BZHIN DE DANG BRAL BA'I DON GZHAN PA DANG 'GAL LO, ,GRANG BA'I REG PA DANG, GRANG BA YANG MA YIN DRO BA YANG MA YIN PA NI BSGRUB PAR BYA BA DRO BA SPANGS PA YIN TE, DES NA DE NI MI MTHUN PA'I PHYOGS ZHES BRJOD PAR BYA BA YIN NO, ,CI LTAR ZHE NA, DE NYID MA YIN PA'I MTSAN NYID YIN PA'I PHYIR ZHES SMOS TE, PHYOGS MED PA'I RANG BZHIN YIN PA'I PHYIR RO ZHES BYA BA'I DON TO, ,MI MTHUN PA'I PHYOGS KYI SGRA'I BRJOD BYA NI PHYOGS MA YIN LA, DON GSUM PO 'DI YANG PHYOGS MA YIN PA'I BDAG NYID YIN NO, ,'GAL BA DANG GZHAN PA DNGOS PO NYID MA YIN NAM, MTHUN PA'I PHYOGS MED PA NI MA YIN NO ZHE NA, BSHAD PA, PHYOGS MED PA'I RANG BZHIN DE NI BRJOD PAR 'DOD PA MI MTHUN PA'I PHYOGS KYI SGRAS BRJOD PAR BYA BA'I BZLOG PA DANG 'GAL BA DANG GZHAN PA DAG LA YANG MTSUNGS PA STE KHYAD PAR MED PA YIN NO, ,CI @67B LTAR MED PA'I PHYOGS MA YIN PA DE BZHIN DU 'GAL BA DANG GZHAN PA YANG PHYOGS MA YIN PAS NA PHYOGS MED PA YIN NO ZHES BYA BA'I DON TO, ,GAL TE 'GAL BA DANG GZHAN PA PHYOGS MA YIN YANG MED PA YANG MA YIN NO, ,DNGOS PO YOD PA NYID NI YIN PAS CI LTAR MED PA BRJOD PAS SGRAS BRJOD PAR BYA BA YIN ZHE NA, BSHAD PA, LDOG PA RTOGS PA STE PHYOGS MED PAR SHES PAR NI MED PA DANG GZHAN PA DANG 'GAL BA THAMS CAD LA 'DRA BA'I PHYIR RO, ,BSAM PA NI 'DI YIN TE, PHYOGS MED PA ZHES BYA BA NGO BO DANG LDAN PA NI MA YIN TE, 'ON KYANG RNAM PAR RTOG PA CAN GYI BLOS THA SNYAD DU BYA BA YIN NO, ,DE YANG CI LTAR GTAN NAS MED PAR RTOGS PA LA THA SNYAD BYED PA DE BZHIN DU 'GAL BA DANG, GZHAN PAR RTOGS PA LA YANG YIN NO, ,DES NA CI LTAR GTAN MED PA PHYOGS MED PA YIN PA DE BZHIN DU DNGOS PO YANG YIN TE, DE RTOGS PA NA MED PA'I THA SNYAD DU 'GYUR BA'I PHYIR RO, ,GAL TE MED PAR RTOGS PA NYID PHYOGS MED PA'I BDAG NYID RTOGS PA YIN TE, DE NI RANG BZHIN MED PA CAN YIN PA'I PHYIR RO, ,RANG GI NGO BOS RTOGS PA'I 'GAL BA DANG GZHAN PA DAG GO, ,CI LTAR PHYOGS MED PA'I RANG BZHIN DU RTOGS SHE NA, DNGOS SAM SHUGS KYIS ZHES SMOS SO, ,BKAG PA NI PHYOGS MED PA NYID YIN PA DES NA RTOGS PAR DNGOS SU PHYOGS MED PA RTOGS PA YIN NO, ,GZHAN PA DANG 'GAL BA NI PHYOGS MED PA NYID MA YIN TE, 'ON TE RANG BZHIN GZHAN NYID DO, ,DES NA DE DAG RTOGS PA NI DNGOS SU PHYOGS MED PAR RTOGS PA MA YIN TE, 'ON KYANG SHUGS KYIS YIN NO, ,GAL TE PHYOGS MA YIN PA DE LTA NA DE 'GAL BA 'AM PHYOGS LAS GZHAN PA'I DNGOS POR 'GYUR BA YIN NO, ,GZHAN PA DANG 'GAL BA YONGS SU GCOD PA NI PHYOGS NYID RNAM PAR BCAD PA YIN PA'I PHYIR GZHAN PA DANG 'GAL BA DAG GI RANG BZHIN KHYAD PAR CAN RTOGS PA NYID KYI SHUGS KYIS PHYOGS MED PAR RTOGS PA YIN NO, ,GANG GI PHYIR BKAG PA RTOGS PA NI DNGOS SU PHYOGS MED PAR RTOGS PA YIN LA, GZHAN PA DANG 'GAL BA RTOGS PA SHUGS @68A *, ,KYIS YIN PA DE'I PHYIR RTOGS PA KHONG DU CHUD PAR BYA BA'I PHYOGS MED PA'I RANG BZHIN NYID NI THAMS CAD LA KHYAD PAR MED PA YIN TE, DES NA THAMS CAD MI MTHUN PA'I PHYOGS SU BRJOD PAR BYA BA YIN NO, ,CI PHYOGS KYI CHOS GANG YIN PA 'DI'I PHYOGS KYI CHOS NYID DANG MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA NYID DU NGES PA NYID GO BAR BYED PAR GZUNG NGAM, 'ON TE YOD PA TZAM ZHIG YIN ZHE NA, BSHAD PA, PHYOGS KYI CHOS RNAM PA DGU BSHAD PA GANG YIN PA 'DI'I DE KHO NA NYID CES BYA BA'I PHYOGS KYI CHOS NYID DANG MTHUN PA'I PHYOGS DANG MI MTHUN PA'I PHYOGS LA YOD PA DANG MED PA NI NGES PA YIN PAR GZUNG NGO, ,GTAN TSIGS LA SOGS PA DAG LA ZHES BYA BA NI GTAN TSIGS NYID DANG, 'GAL BA DANG MA NGES PA DAG LA'O, ,MA GRUB PA NI 'DIR MI GZUNG STE, GANG LA PHYOGS KYI CHOS NYID DU NGES PA DE LA MA GRUB PA NYID SKYON MED DO, ,CI RIGS PAR ZHES BYA BA NI YOD PA DANG MED PA LA LTOS PA STE, GTAN TSIGS NI MTHUN PA'I PHYOGS LA YOD PA DANG, MI MTHUN PA'I PHYOGS LA MED PAR NGES PA YIN LA, 'GAL BA NI MTHUN PA'I PHYOGS LA MED PA DANG, MI MTHUN PA'I PHYOGS LA YOD PAR NGES PA YIN NO, ,PHYOGS KYI CHOS LA SOGS PA RNAMS NI GANG GIS RTOGS PAR BYED PA GANG YIN PA'I SGRUB PAR BYED PA DE DAG GIS NGES PA SGRUB PAR BYED PA YIN PAR GZUNG NGO, ,CI'I PHYIR ZHE NA, GTAN TSIGS DANG 'GAL BA 'DOD PA DANG MI 'DOD PA GSAL BAR BYED PA THE TSOM GYI RANG BZHIN DAG DANG, PHYIN CI LOG GI RANG BZHIN DAG NI RTOGS PA ZHES BYA BA NGES PA'I SGRUB PAR BYED PA MA YIN PA'I PHYIR RO, ,BSAM PA NI 'DI YIN TE, GTAN TSIGS DANG 'GAL BA NI GO BAR BYED PA YIN NO, ,SGRON MA BZHIN DU RUNG BA TZAM GYIS NI GTAN TSIGS KYI DON GYIS GSAL BAR BYED PA MA YIN NO, ,'O NA CI ZHE NA, DON DE MED NA MI 'BYUNG BAR NGES PA PHYOGS 'GA' ZHIG TU MTHONG BA MED NA MI 'BYUNG BAR NGES PA DRAN PA NYID BSGRUB BYA RTOGS PAR BYED PA'I GTAN TSIGS YIN TE, DE LTAR DRAN PA NYID LA BSGRUB BYA RTOGS PA'I PHYIR RO, ,DES NA MED NA MI 'BYUNG BA'I RAB BZHIN @68B LA THE TSOM ZA BA DANG, PHYIN CI LOG PA DAG NI GO PAR BYED PA NYID MA YIN TE, SGRA GANG LA PHYIN CI LOG GAM, THE TSOM GYI RTOG PA YOD PA DE BZHIN NO, ,KHYAD PAR CAN GYI RANG BZHIN GYI SGRA NI BRDA'I DUS SU BRDA'I DBANG GIS DON 'GA' ZHIG DANG MED NA MI 'BYUNG BAR MTHONG LA, YANG DON DE NYID DANG MED NA MI 'BYUNG BAR NGES PA NA DON RTOGS PA'I YAN LAG YIN NO, ,GANG GI TSE SGRA DE THE TSOM ZA BA 'AM, PHYIN CI LOG TU NGES PA 'AM, NGES PAR BYAS SU ZIN KYANG GANG GI TSE BRDA'I DUS SU MTHONG BA'I DON DANG MED NA MI 'BYUNG BAR THE TSOM ZA BA 'AM, DON GZHAN DANG 'BREL PAR PHYIN CI LOG PA DE'I TSE GO BAR BYED PA MA YIN NO, ,SGRA'I GO BAR BYED PA NYID NI DON MED NA MI 'BYUNG BAR NGES PA NYID YIN GYI BYA BA GZHAN NI YOD PA MA YIN TE, SGRA DE LTAR RTOGS PA NA DON RTOGS PA'I PHYIR RO, ,DE'I PHYIR NGES PA NYID 'DOD PA GSAL BAR BYED PA 'AM, MI 'DOD PA GSAL BAR BYED PA YIN NO, ,GTAN TSIGS LA SOGS PA DAG LA ZHES BRJOD PAS MA NGES PA YANG MTHUN PA'I PHYOGS DANG MI MTHUN PA'I PHYOGS DAG LA YOD PA 'AM MED PAR NGES PA YIN PAR DOGS PAR 'GYUR RO, ,LOG PAR RTOGS PA YANG YOD PA NYID DO, ,GANG ZHIG GNYI GA LA YOD PAR NGES PA DE NI THUN MONG BA YIN TE, DPER NA GZHAL BYA NYID BZHIN NO, ,GANG ZHIG MED PAR NGES PA DE NI THUN MONG MA YIN PA STE, DPER NA MNYAN BYA BZHIN NO ZHES BYA BA DE'I PHYIR, BSHAD PA, MA NGES PA NI PHYOGS KYI CHOS NYID YIN PAR NGES PAR BYA'O, ,CI'I PHYIR ZHE NA, MA SHES PA'I CHOS LAS NI THE TSOM ZA BAR MI RUNG BA'I PHYIR RO, ,GANG ZHIG DNGOS PO'I CHOS MTHA' DAG KHYAB PA'I CHOS GNYIS LAS GCIG LA YANG NGES PA MED PA DE GANG DU MTHONG BA DER DE GNYIS LA THE TSOM SKYED PAR BYED DE, DPER NA RTAG PA DANG MI RTAG PA DAG LAS GCIG LA NGES PA MED PA'I MNYAN BYA NYID SGRA LA YOD PAS THE TSOM SKYED KYI, MED PA'I PHYIR GZUGS LA MA YIN PA BZHIN NO, ,MA NGES PA YOD PA 'AM MED PA NYID LA LTOS PA NI MA YIN NO, ,GAL TE GZHAL BYA NYID MTHUN PA'I PHYOGS DANG MI MTHUN PA'I PHYOGS DAG LA MTHONG BA THE TSOM GYI RGYU YIN LA, DE BZHIN DU MNYAN PAR BYA @69A *, ,BA NYID RTAG PA DANG MI RTAG BA DAG LAS GCIG LA YANG MED PAR MTHONG BA MA YIN NAM, DE CI LTAR YOD PA 'AM MED PAR NGES PA LA MI LTOS SHE NA, NGES PA LA YANG ZHES SMOS SO, ,NGES PA MED PA NYID DO ZHES NI MI ZER RO, ,DE YOD DU ZIN KYANG THE TSOM NYID KYI SGO NAS SKYON DU 'GYUR BA'I PHYIR TE, THE TSOM GYI RGYU YIN PA'I PHYIR NGES PA LA LTOS PA MA YIN, GAL TE YANG GZHAL BYA NYID MTHUN PA'I PHYOGS DANG MI MTHUN PA'I PHYOGS LA MTHONG BA STE, DE LTA NA YANG MTHUN PA'I PHYOGS DANG MI MTHUN PA'I PHYOGS LA YOD PAR NGES PA'I SGO NAS NI SGRA LA THE TSOM ZA BA'I RGYU MA YIN TE, 'ON KYANG SGRA GCIG LA 'GAL BA'I RANG BZHIN GNYIS MI 'THAD BA'I PHYIR DANG, RNAM PA GZHAN YANG MI SRID PA'I PHYIR CI SGRA RTAG PA LA GZHAL BYA NYID GNAS SAM, 'ON TE MI RTAG PA LA YIN ZHES CHOS CAN NYID LA RTAG PA DANG MI RTAG PA NYID DU 'JUG PAR DOGS PA YIN NO, ,CHOS CAN LA GANG YANG RUNG BA YOD PAR DOGS PA DE NI MTHUN PA'I PHYOGS DANG MI MTHUN PA'I PHYOGS LA YOD PA DANG MED PAR MA NGES PA LA YANG MTSUNGS PA YIN NO, ,MNYAN PAR BYA BA NYID KYANG SNGA MA BZHIN DU CI SGRA RTAG PA LA YIN NAM, 'ON TE MI RTAG PA LA YIN ZHES THE TSOM ZA BA'I PHYIR THE TSOM ZA BA'I GTAN TSIGS NYID DO, ,DE'I PHYIR MTHUN PA'I PHYOGS LA YOD PA DANG MED PAR THE TSOM ZA BA RNAM PA DE LTA BU BRJOD PA YANG MA NGES PA BRJOD PAR BYA BA 'DIR SUN 'BYIN PA NYID YIN TE, MA NGES PA BRJOD PA YIN PA'I PHYIR RO, ,GZHAN DU GTAN TSIGS SAM 'GAL BAR BSTAN PAR BYA BA LA NI GO RIMS BZHIN DU RGOL BA DANG PHYIR RGOL BA'I SDUG PA MA YIN ZHING SUN 'BYIN PA YANG MA YIN TE, GTAN TSIGS DANG 'GAL BA'I SKABS MA BSTAN PA'I PHYIR RO, ,GANG GI TSE SGRUB PAR BYED PA MA YIN ZHING SKABS KYI SUN 'BYIN PA MA YIN ZHE NA; SMRAS PA, YOD PA DANG MED PA GNYI GA LA THE TSOM ZA BA DPER NA SROG LA SOGS PA DANG LDAN PA DANG MNYAN BYA LTA BU 'AM, MTHUN PA'I PHYOGS LA YOD PA GCIG LA, THE TSOM ZA BA SKYES BU 'GA' ZHIG NI THAMS CAD MKHYEN PA YIN TE, SMRA BA'I PHYIR RO ZHES BYA BA 'DI NI MTHUN PA'I @69B PHYOGS LA YOD PA LA THE TSOM ZA BA'O, ,MI MTHUN PA'I PHYOGS LA MED PA GCIG LA THE TSOM ZA BA NI DPER NA THAMS CAD MKHYEN PA MA YIN TE, SMRA BA'I PHYIR ZHES BYA BA 'DI NI MI MTHUN PA'I PHYOGS LA MED PA LA THE TSOM ZA BA YIN PA BZHIN NO, ,GCIG PHYIN CI LOG TU GYUR PA ZHES BYA BA NI MA MTHUN PA'I PHYOGS LA MED PA STE, DPER NA GZHAL BYA BZHIN DU SGRUB PA MA YIN LA SUN 'BYIN PA YANG MA YIN NO, ,GNYI GA PHYIN CI LOG TU GYUR NA MI 'GAL BAR 'GYUR BA DES NA GCIG CES SMOS SO, ,DNGOS PO'I CHOS MI MTHUN PA'I PHYOGS LAS LOG PA NI MTHUN PA'I PHYOGS LA PHYIN CI LOG TU GYUR PAR RTOGS PAR NUS PA MA YIN NO, ,DE NI GDON MI ZA BA GCIG LA GNAS DGOS PAS MI MTHUN PA'I PHYOGS LA MED PAR NGES PA NI MTHUN PA'I PHYOGS LA PHYIN CI LOG TU SBYAR BAR MI BYA'O, ,YANG CI'I PHYIR THE TSOM ZA BA BRJOD PAR SGRUB PAR BYED PA MA YIN LA, 'GAL BA BRJOD PA LTAR SUN 'BYIN PA YANG MA YIN ZHE NA, BSHAD PA, NGES PA MED PA'I SGRUB PA'I YAN LAG DE LTA BU NI NUS PA MED PA YIN PA'I PHYIR RO, ,DE'I SGRUB PA'I NUS PA NI MED NA MI 'BYUNG BAR NGES PA NYID YIN NO ZHES BSHAD ZIN TO, ,THUN MONG 'BA' ZHIG TU NI MA ZAD DE, SROG LA SOGS PA DANG LDAN PA DANG MNYAN BYA NYID LA SOGS PA THUN MONG MA YIN PA LA YANG MTHUN PA'I PHYOGS DANG MI MTHUN PA'I PHYOGS DAG LA 'JUG PA DANG LDOG PA ZHES BYA BA RJES SU 'GRO BA DANG LDOG PA LA THE TSOM ZA BA NYID KYI PHYIR THE TSOM ZA BA'I GTAN TSIGS NYID DO, ,CI'I PHYIR MNYAN BYA NYID LA SOGS PA MTHUN PA'I PHYOGS DANG MI MTHUN PA'I PHYOGS DAG LA GTAN MA MTHONG BA DE DAG LA THE TSOM ZA ZHE NA, BSHAD PA, GNYI GA LAS LDOG PAR NGES PA NI 'THAD PA'I PHYIR RO, ,CI LTAR NGES PA MI 'THAD CE NA, BSHAD PA, GNYI GA LAS PHYI ROL TU GYUR PA MI SRID PAS SO, ,PHAN TSUN SPANGS TE GNAS PA'I RNAM PA GNYIS PO DE DAG GIS NI THAMS CAD BSDUS PA'I PHYIR GANG LA GNAS PA NA DNGOS PO'I CHOS GNYI GA LAS LDOG PA NGES PAR 'GYUR BA'I RNAM PA GZHAN NI YOD PA MA YIN NO, ,DES NA DE DAG LA MA MTHONG YANG DON @70A *, ,GYIS NA GCIG LA GOR MA CHAG PAR YOD DGOS SO ZHES BYA BA'I PHYIR THE TSOM ZA BA'I GTAN TSIGS YIN NO ZHES BRJOD PA YIN NO, ,GAL TE DE NYID LA YOD PA MA YIN NO ZHES BYA BAR NGES NA CI LTAR RJES SU 'GRO BA DANG LDOG PA DAG MA NGES PA YIN ZHE NA, BSHAD PA, DE GNYIS LAS GCIG LA YANG YOD PA GANG YIN PA DE'I NGES PA'I SGRUB PAR BYED PA MED PA'I PHYIR RO, ,'DI DAG NYID LA YOD PAR 'GYUR RO ZHES SPYIR YOD PAR NGES PA YIN YANG DE TZAM GYIS NI 'GA' ZHIG LA RJES SU 'GRO BA'AM, 'GA' ZHIG LAS LDOG PAR NGES PA MA YIN NO, ,GAL TE GCIG LA YOD PAR NGES PA'I SGRUB BYED KHYAD PAR RAB TU BSTAN PA YIN NA NI RJES SU 'GRO BA DANG LDOG PA DAG NGES PAR 'GYUR BA YIN NA, MED PA DES NA THE TSOM ZA BA YIN NO, ,CI LTAR MNYAN BYA NYID THUN MONG MA YIN PA'I PHYIR GO BAR BYED PA MA YIN PA DE LTAR LAN CIG MA YIN PAR BRJOD ZIN TO, ,SKYES BU GZHAN LAS BYUNG BA NI SKYES PA STE, DE LTA MA YIN PA NI GZHAN LAS MA BYUNG BA'O, ,GZHAN LAS MA BYUNG BAR NGES PA'I MNGAL GANG YIN PA STE, DE LTAR GYUR PA'I YON TAN MTSUNGS PA SKYES BU GANG DAG LA YOD PA DE DAG LA NI YON TAN MTSUNGS PA STE, YON TAN NI GZUGS DANG, LANG CHO DANG, BUD MED LA MNGAL 'JOG PA'I NUS PA DANG CHAGS PA CAN NYID DO, ,DE DAG LAS SRID PA'I BUD MED KYI MNGAL TE, MNGAL 'DI NI 'DI GNYIS GANG RUNG ZHIG GIS BYAS PA YIN NO ZHES RTOGS PAR BYED PA'I SKYES BU GZHAN RNAMS LA THE TSOM SKYED PAR BYED DO, ,'DI LTAR MA LA DE GZHAN GYIS BYAS PA NI MA YIN LA, DE GNYIS KYANG MNGAL 'JOG PA LA YON TAN THAMS CAD MTSUNGS PA YIN PAS DES NA THE TSOM ZA BA YIN NO, ,DE LAS GZHAN LAS BYUNG BA BKAG PAS MNGAL GNYIS PO DE DANG NGES PAR 'BREL PA NYID DANG, YON TAN MTSUNGS PA'I PHYIR GNYIS LAS GCIG LA YANG NGES PA MED PAR SMRAS PA YIN NO, ,DES NA DON 'GA' ZHIG LA YANG GNYIS PO DANG 'BREL PA NYID DANG, GCIG LA NGES PA MED PA THE TSOM GYI RGYU YIN GYI GZHAN DU NI MA YIN NO ZHES BRJOD PA YIN NO, ,DON @70B 'DI NYID SLOB DPON GYIS GSUNGS TE, CI SKAD DU SGRUB PAR BYED PA'I CHOS CAN GYIS THUN MONG MA YIN PA DE NI KHYAD PAR CI SNYED KYIS TE, RNAM PA'I DBYE BA CI SNYED KYIS DON THAMS CAD BSDUS PA STE, THAMS CAD SDUD PAR BYA BA'I RNAM PA'I KHYAD PAR DE LA THE TSOM ZA BA'I RGYU YIN NO, , CI'I PHYIR ZHE NA, DE DANG LDAN PA STE THUN MONG MA YIN PA DANG LDAN PA NGES ZHES BYA BA THAMS CAD SDUD PA'I KHYAD PAR DES BSDUS PA'I PHYIR RO, ,GANG GI KHYAD PAR GYIS THAMS CAD BSDUS PA DE TZAM GYIS NI THE TSOM GYI RGYU MA YIN PAS NA GTAN TSIGS GNYIS PA SMRAS PA, GCIG TU NGES PA ZHES BYA BA GCIG LA GDON MI ZA BAR LDOG PA'I PHYIR TE MED PA'I PHYIR RO, ,GTAN TSIGS SNGA MA'I DON BSHAD PA, DE DANG LDAN PA DES BSDUS PA'I PHYIR RO ZHES BYA BA 'DIS NI RNAM PA'I BYE BRAG DAG LAS PHYI ROL DU GYUR PA'I DON GANG LA DNGOS PO'I CHOS THUN MONG MA YIN PA 'DI GNAS PAR 'GYUR BA RTAG PA DANG, MI RTAG PA NYID KYI RNAM PA'I KHYAD PAR DAG LAS PHYI ROL DU GYUR PA DE MED PAR BSHAD PA YIN NO, ,PHYI ROL DU GYUR PA GSUM PA'I RTEN YOD NA NI RNAM PA GNYIS LA THE TSOM SKYE BAR MI 'GYUR RO, ,GNYI GA'I CHA LA DMIGS PA'I THE TSOM NI MI RTAG PA MA YIN NA NI GDON MI ZA BAR RTAG PA YIN LA, RTAG PA MA YIN NA YANG GDON MI ZA BAR 'DI NI MI RTAG PA YIN NO ZHES RNAM GRANGS KYI SGO NAS DON GCIG NYID NGES PAR 'JOG PA YIN NO, ,GANG DU RNAM GRANGS GZHAN MED KYANG RNAM GRANGS GZHAN NGES PAR 'JOG PA MA YIN PA DE NI THE TSOM MA YIN TE, 'ON KYANG DE NI MA RTOGS PA NYID DO, ,DE NYID KYI PHYIR GSUM PA ZHES BRJOD PA YIN NO, ,KHYAD PAR CI SNYED KYIS ZHES BYA BAS NI PHAN TSUN SPANGS PAS GNAS PA'I RNAM PA GNYIS NYID THE TSOM GYI YUL DU BSHAD PA YIN NO ZHES BSTAN TO, ,RNAM PA GNYIS NYID GCIG BTANG NA GNYIS PA NGES PAR 'THOB PA YIN GYI RNAM PA LNGA 'AM DRUG YONGS SU BZUNG NA NI DE DAG LAS GCIG BTANG BA NA GNYIS PA 'GA' ZHIG KYANG NGES PAR 'THOB BA MA YIN TE, RNAM PA LNGA SKABS SU BAB PA YIN PA'I PHYIR RO, ,GZHAN YANG BSGRUB PAR BYA BA'I CHOS 'GA' @71A *, ,ZHIG GI SKABS SU BRJOD PA'I GTAN TSIGS THUN MONG MA YIN PA'AM, CIG SHOS SU BSAM PAR BYA BA YIN NO, ,DE LA YANG BSGRUB PAR BYA BA'I CHOS LAS BZLOG PAS THAMS CAD PHUNG PO GNYIS PA YIN PA'I PHYIR RO, ,RNAM PA GNYIS NYID THAMS CAD SDUD PAR SRID PA YIN NO ZHES BYA BAR RIGS SO, ,GTAN TSIGS GNYIS PA BSHAD PA'I PHYIR RO, ,GCIG TU NGES PA LDOG PAR NI ZHES SMOS SO, ,'DIS NI RTAG PA'AM MI RTAG PA'I PHUNG PO GCIG LA RTOGS PA'I TSAD MA MED PAR BSHAD PA YIN NO, ,CI'I PHYIR GTAN TSIGS 'DI GNYIS THUN THUN MONG MA YIN PA THE TSOM GYI SGRUB BYED DU BRJOD KYI GCIG MA YIN ZHE NA, BSHAD PA, GANG GI PHYIR GTAN TSIGS GNYIS PO 'DI THUN MONG MA YIN PA'I CHOS GCIG LA BSDUS PAS NI THUN MONG MA YIN PA'I RTEN GYI DNGOS PO'I RNAM PA'I KHYAD PAR LA THE TSOM ZA BA YIN TE, DE'I PHYIR GNYIS BRJOD PA YIN NO, ,THE TSOM GYI DMIGS PA RNAM PA GNYIS THAMS CAD BSDUS PA'I PHYIR TE, KHYAB PA'I PHYIR NA CHOS CAN LA GNAS PA NI DE GNYIS DANG 'BREL PA YIN LA, GCIG LA RTOGS PA'I SGRUB PAR BYED PAS NI DE DAG LA RJES SU 'GRO BA DANG LDOG PAR THE TSOM ZA BAS THE TSOM GYI RGYU YIN PA'I PHYIR GNYI GA CHOS GCIG LA BSDU BA LA LTOS PAR BYA BA YIN NO, ,DE LTAR NA RJES SU 'GRO BA DANG LDOG PA LA THE TSOM ZA BAS THE TSOM GYI RGYU YIN NO, ,LDOG PA NGES PAR RGYU NYID DU 'GYUR RO ZHES BSHAD PA NI 'GA' ZHIG PAS LDOG PA DES NA THUN MONG MA YIN PA'I KHYAD PAR RANG LA YOD PA'I YUL LA GANG LAS LDOG PAR NGES PA DE RNAM PAR GCOD PA'I GTAN TSIGS NYID YIN PA GANG GIS BZLOG CES KHO BOS LE'U GNYIS PAR BSHAD ZIN TO, ,GCIG RNAM PAR GCAD PA NYID GNAS PA YIN PA'I PHYIR MNYAN BYA NYID GO BYED DU 'GYUR RO,, DE'I PHYIR THUN MONG BA BZHIN DU THUN MONG MA YIN PA YANG RJES SU 'GRO BA DANG LDOG PA LA THE TSOM ZA BA NYID KYIS THE TSOM GYI RGYU YIN NO, ,'DIS NI THUN MONG MA YIN PA MA RTOGS PA'I RGYU YIN GYI THE TSOM GYI RGYU YIN NO ZHES GANG BRJOD PA DE YANG BSAL BA YIN NO, ,PHYOGS KYI CHOS NGES @71B PA MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PAR THE TSOM ZA BA TZAM GYIS CI LTAR MA NGES PAR 'GYUR TE, GANG GI PHYIR NGES PA'I GTAN TSIGS RAB TU SBYAR BA LA YANG SMRA BA PO TSUL GSUM BSGRUB PA LA SPOBS PA MED PA'I PHYIR RTOGS PA PO THE TSOM DU 'GYUR NA DE TZAM GYIS NGES PA'I GTAN TSIGS DE YANG GCIG TU NGES PAR TE NGES PA KHO NA MA NGES PA NYID NI MA YIN NO, ,DE LTAR RE ZHIG TSUL GSUM MA BSGRUBS PA'I PHYIR RTOGS PA PO'I THE TSOM GYI RGYU YIN PAS MA NGES PAR 'GYUR RO, ,DON DAM PAR NI DE YANG DAG PA'I GTAN TSIGS NYID YIN NO; DE'I PHYIR MA NGES PA NYID DE'I NGO BO NGES PA GANG LA YOD PA'I PHYOGS KYI CHOS DE NI MA NGES PA YIN NO, ,DE'I NGO BO NGES PA DE YANG GANG LAS SHEN, BSHAD PA, BSTAN PA BRJOD PA'I YON TAN TE MA NGES PA'I CHOS NGES PA NYID LAS YIN TE, RGYU GZHAN LAS NI MA YIN NO, ,THUN MONG BA LA NI MTHUN PA'I PHYOGS DANG, MI MTHUN PA'I PHYOGS DAG LA YOD PA MA NGES PA'I YON TAN YIN LA, THUN MONG MA YIN PA LA NI MTHUN PA'I PHYOGS DANG, MI MTHUN PA'I PHYOGS DAG LA MED PA YON TAN YIN NO, ,RJES SU 'GRO BA DANG LDOG PA LA THE TSOM ZA BA NI MTHUN PA'I PHYOGS DANG, MI MTHUN PA'I PHYOGS KYI GZHI DAG LA THE TSOM ZA BA DE NYID YON TAN YIN NO, ,THE TSOM ZA BA JI LTAR NGES PA YIN ZHES DE SNYAM NI BSAM PAR MI BYA STE, GANG GI PHYIR GAL TE RJES SU 'GRO BA DANG LDOG PA DAG LA THE TSOM ZA BAR TSAD MAS 'THAD PA YIN NA DE'I TSE RJES SU 'GRO BA DANG LDOG PA DAG LA THE TSOM ZA BA NYID DU NGES PAR 'GYUR BA YIN NO, ,DE'I PHYIR MA NGES PA THAMS CAD LA YON TAN DU BRJOD PA GANG YIN PA DE THAMS CAD NGES PAR BYA BA YIN NO, ,DES NA NGO BO NYID NGES PA MED PAR YOD PA DANG MED PAR THE TSOM YOD PA DE TZAM GYIS NI MA NGES PA MA YIN TE, GTAN TSIGS KYANG MA NGES PAR 'GYUR BA'I PHYIR RO ZHE NA, CIG SHOS KYI SKYON 'GA' ZHIG NI DNGOS PO'I YIN GZHAN NI SMRA BA PO'I NYES PA YIN NO, ,DES NA GAL TE YANG DAG PA'I GTAN TSIGS DNGOS PO SKYON MED YIN YANG SMRA BA PO DES RANG BZHIN JI 'DRA BAR BSTAN PA'I THE TSOM @72A *, ,ZA BA DE'I RANG BZHIN GYIS THE TSOM GYI RGYU YIN NO, ,DE'I PHYIR DNGOS PO'I SKYON GYIS KYANG SKYON CAN DU 'GYUR LA GTAN TSIGS STON PAR BYED PA'I SKYON GYIS KYANG RANG BZHIN MA NGES PA'I SKYON CAN DU 'GYUR RO ZHES BSTAN PA'I PHYIR BSHAD PA NI, GZHAN GYI DON GYI RJES SU DPAG PAR DNGOS PO'I CHOS NI NGO BO STE, GTAN TSIGS NYID DO, ,DE NYID LA BRTEN NAS SO, ,'DIR SMRA BA PO NI STON PAR BYED PA'I DBANG DU BYAS PA YIN LA, GTAN TSIGS NI GSAL BAR BYA BA YIN NO, ,DE LA DNGOS PO LA PHYIN CI LOG NA DE'I RGYU MTSAN GYIS SGRUB PA'I SKYON BRJOD PA YIN LA, SMRA BA POS PHYIN CI LOG TU BSTAN NA NI SMRA BA PO'I SPOBS PA'I SKYON GYIS SKYON BRJOD PA YIN NO, ,RANG GI DON GYI RJES SU DPAG PA LA NI DON GYI SKYON 'BA' ZHIG BSAM PAR BYA BA YIN NO, ,DPE BSTAN PA'I PHYIR SMRAS PA, CI LTAR SKYES BU'I SPOBS PA'I RGYU MTSAN GYIS, MTSANG BA DANG RJES SU 'GRO BA MED PA DANG, RJES SU 'GRO BA PHYIN CI LOG PA BZHIN NO, ,SKYON 'DI DAG NI SKABS CI LTA BA DE LTAR BSHAD PAR BYA'O, ,JI LTAR 'DI DAG SMRA BA PO'I SPOBS PA'I SKYON YIN PA DE BZHIN DU MA NGES PA 'DI YANG YIN NO, ,GAL TE DE LTA NA 'DI LA MA TSAD BA BRJOD PA MED LA RJES SU 'GRO BA MED PA DANG PHYIN CI LOG TU BRJOD PA YANG MED PA DES NA SKYON MED DO ZHE NA, JI LTAR SKYON MED DE, GANG GI PHYIR RGOL BA DES RTOGS PA'I RGYU MTSAN TSUL GSUM GANG YIN PA NGES PAR BRJOD PAR BYA BA'I YON TAN DE BZHIN DU ZHES BYA BA RTOGS PA'I YAN LAG TSUL GSUM GYI YON TAN MA NGES PAR BRJOD PA'I PHYIR, GTAN TSIGS KYI SKYON NYID DE MA NGES PAR GTAN TSIGS NYID NI THE TSOM GYI RGYU NYID YIN PA'I PHYIR RO, ,'O NA PHYOGS KYI CHOS LA THE TSOM ZA BA DANG GANG YANG RUNG BA LA MA GRUB PA LA ZHES BYA BA LA, DNGOS PO'I DE KHO NA LA SKYON MED PA YIN YANG RGOL BA RANG PHYIR RGOL BA GNYIS THE TSOM ZA BA'I MA GRUB PA NYID DAM, GANG YANG RUNG BA LA MA GRUB PAR BRJOD PA SUN 'BYIN PAR 'GYUR RO, ,MIG GIS GZUNG BA LA SOGS PA GNYI GA LA MA GRUB PA NI DNGOS PO LA YANG SKYON CAN YIN PA'I PHYIR DE MA SMOS SO, ,BSAM PA NI 'DI YIN TE, 'GAL BAS NI BSGRUB PAR BYA BA'I DON PHYIN CI LOG TU SGRUB @72B PAR BYED PA'I PHYIR LA, MA NGES PAS NI BSGRUB PA'I DON GYIS NGES PA PHYIN CI LOG THE TSOM SGRUB PAR BYED PA YIN NA, THE TSOM ZA BA DANG GANG YANG RUNG BA LA MA GRUB PA LA NI DON NAM NGES PA 'GAL YANG PHYIN CI LOG TU BSGRUBS PA MED DO, ,DPER NA RGOL BSGRUB PAR BYED PA 'DOD PA GRUB PAR BYA BA'I PHYIR YIN PA DE BZHIN DU PHYIR RGOL BA YANG DE LAS PHYIN CI LOG GRUB PAR BYA BA'I PHYIR SUN 'BYIN PA YIN NO ZHE NA, CIG SHOS KYIS SMRAS PA, DE NI DE LTA YIN TE THE TSOM ZA BA DANG GANG YANG RUNG BA LA MA GRUB PA BRJOD PA NI SUN 'BYIN PAR 'DOD PA NYID DO, ,CI'I PHYIR ZHE NA, 'DOD PA BSGRUB PAR BYA BA NGES PA MA GRUB PA'I PHYIR RO, ,BSAM PA NI 'DI YIN TE, SUN 'BYIN PAS NI 'DOD PA BSGRUB BYA NGES PA'I GAGS BYA BA YIN GYI SNGA MA MED PA NI CUNG ZAD BSGRUB PAR BYA BA MA YIN NO, ,NGES PA'I GAGS NI THE TSOM ZA BA DANG GANG YANG RUNG BA LA MA GRUB PA NYID BRJOD PAS KYANG BYAS PA'I PHYIR SUN 'BYIN PA NYID DO, ,CIG SHOS KYIS GZHAN GYI BSAM PA MA RIG NAS, PHYIN CI LOG TU GRUB PA YANG MED PA MA YIN NAM ZHES SMOS SO, ,'DOD PA MA GRUB PA'I PHYIR RGOL PA'I SGRUB BYED SGRUB BYED DU MI 'GYUR BA 'BA' ZHIG TU MA ZAD KYI, PHYIN CI LOG GRUB PA MED PA'I PHYIR RGOL BA'I SUN 'BYIN PA YANG SUN 'BYIN PA MA YIN PA'I PHYIR NA 'DOD PA MA GRUB PA'I PHYIR SUN 'BYIN PA YIN NO ZHES CI LTAR BRJOD CE NA, CIG SHOS KYIS RANG GI BSAM PA SMRAS PA, PHYIN CI LOG TU GRUB PAS NI PHYIR RGOL BA'I TSIG SUN 'BYIN PA MA YIN NO, ,'ON KYANG PHA ROL GYI 'DOD PA'I GEGS BYED PA'I PHYIR RO, ,DE YANG SGRUB PAR BYED PA'I NGES PAR BYED PA'I NUS PA BCOM PA'I PHYIR YIN NO, ,SUN 'BYIN PA BRJOD PAS SNGA NA MED PA CUNG ZAD SGRUB PA NI MA YIN NA, 'ON KYANG BSGRUB BYA NGES PA'I GEGS BYA BA YIN NO, ,'GAL BA DANG MA NGES PA BRJOD PA DAG GIS NI PHYIN CI LOG TU BSGRUB PA'I PHYIR DANG, THE TSOM SKYED PA'I PHYIR DE'I GEGS BYED PA YIN LA, MA GRUB PA'I BRJOD PAS NI SGRUB PAR BYED PA'I BSGRUB PAR BYA BA LA BSGRUB PAR BYA BAR NGES PAR BYED PA'I NUS PA 'JOMS PAS GEGS BYED PA YIN TE, GTAN TSIGS MED NA NGES PA MED @73A *, ,PA'I PHYIR RO, ,GDON MI ZA BAR 'DI NYID KHAS BLANG BAR BYA BA YIN TE, DE LTA MA YIN NA DON PHYIN CI LOG PA SUN 'BYIN PA'I BSGRUB BYA YIN NAM, 'ON TE NGES PA PHYIN CI LOG PA YIN, GAL TE DON PHYIN CI LOG YIN NO ZHE NA, GZHAL BYA NYID LA SOGS PA MA NGES PA DAG LA DON PHYIN CI LOG YOD PA MA YIN NO, ,'ON TE NGES PA PHYIN CI LOG PA YIN NO ZHE NA, MA NGES PA DAG LA NI NGES PA PHYIN CI LOG PA'I THE TSOM YOD DU CHUG NA, 'ON KYANG MIG GIS GZUNG BA NYID LA PHYIN CI LOG CI ZHIG YOD, MIG GIS GZUNG BA NYID LAS NI RTAG PA DANG MI RTAG PAR THE TSOM ZA BA MA YIN TE, SGRA DANG MA 'BREL PA'I PHYIR RO, ,CIG SHOS KYIS SMRAS PA, GNYI GA LA GRUB PAR TE GRUB PA NYID DU BSTAN PAR BYA BA'I GTAN TSIGS GNYI GA LA MA GRUB PA GNYI GA LA GRUB PA MED PA NI GTAN TSIGS NGES PA'I PHYIN CI LOG PA YIN NO ZHE NA, GAL TE DE LTA YIN NA, SKABS KYIS GTAN TSIGS NGES PA 'DI LA YANG PHYIN CI LOG PA KHYOD KYIS TSIG GIS KHAS BLANGS PA YIN NO ZHES BSHAD PA NI, 'O NA NI 'DIR YANG STE THE TSOM ZA BA DANG, GANG YANG RUNG BA LA MA GRUB PA LA YANG NGES PA NYID DU BSTAN PAR 'OS BA SUN 'BYIN PAS MA NGES PAR BSTAN PA PHYIN CI LOG TU GRUB PA YIN NO, ,DE LTA YIN DANG BSGRUB BYA NGES PA LAS BZLOG PA NGES PA MED PA CI STE KHAS MI LEN TE, DES NA BSGRUB BYA NGES PA LAS BZLOG PA YANG YOD PAR BRJOD PAR BLTA'O, ,DE'I PHYIR SPOBS PA MED PAS RJES SU 'GRO BA DANG, LDOG PA LA THE TSOM ZA BA NI MA NGES PA YIN LA, DE LTA BU'I RNAM PA BRJOD PA YANG PHYIR RGOL BA SUN 'BYIN PA YIN NO ZHES GNAS SO, ,GANG GI PHYIR DE LTA YIN PA DE'I PHYIR GTAN TSIGS DANG 'GAL BA DE NI YOD PA DANG MED PA NGES PA NA RGOL BA'I SGRUB PA DANG, PHYIR RGOL BA DANG SUN 'BYIN PAR 'GYUR BA YIN NO, , MA NGES PA NI YOD PA DANG MED PA LA THE TSOM DU GYUR PA NA SUN 'BYIN PA YIN NO, ,DE DAG KYANG CI RIGS PAR PHYOGS KYI CHOS DANG RJES SU 'GRO BA DANG LDOG PA'I NGES BAR BYA BA YIN NO, ,MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA'I PHYOGS KYI CHOS DGU @73B BSTAN PA NI, GZHAL BYA NYID NI MTHUN PA'I PHYOGS RTAG PA LA YOD PA MI MTHUN PA'I PHYOGS LA YOD PA'O, ,BYAS PA NI MTHUN PA'I PHYOGS LA YOD PA MI MTHUN PA'I PHYOGS LA MED PA'O, ,MI RTAG PA NYID NI MTHUN PA'I PHYOGS RTZOL BA LAS BYUNG BA LA YOD PA MI MTHUN PA'I PHYOGS LA RNAM PA GNYI GA STE, BRTZAL MA THAG TU BYUNG BA MA YIN PA GLOG LA SOGS PA LA NI YOD PA NAM MKHA' LA SOGS PA NI MED PA'O, ,RTAG PA BSGRUB PAR BYA BA LA BYAS PA NYID NI MTHUN PA'I PHYOGS LA MED PA MI MTHUN PA'I PHYOGS LA YOD PA'O, ,SROG LA SOGS PA DANG LDAN PA NYID NI MTHUN PA'I PHYOGS BDAG DANG BCAS PA LA MED PA MI MTHUN PA'I PHYOGS LA MED PA'O, ,RTZOL BA LAS BYUNG BA NYID NI RTAG PA BSGRUB PAR BYA BA LA MTHUN PA'I PHYOGS LA MED PA MI MTHUN PA'I PHYOGS BUM PA LA SOGS PA LA YOD PA GLOG LA SOGS PA LA MED PA'I PHYIR RNAM PA GNYI GA'O; MI RTAG PA NYID NI RTZOL BA LAS MA BYUNG BA BSGRUB PAR BYA BA LA, NAM MKHA' LA SOGS PA LA MED PA RTZOL BA LAS MA BYUNG BA GLOG LA SOGS PA LA YOD PAS MTHUN PA'I PHYOGS LA GNYI GA MI MTHUN PA'I PHYOGS RTZOL BA LAS BYUNG BA MTHA' DAG LA YOD PA YIN NO, ,MI RTAG PA NYID BSGRUB PA NA RTZOL BA LAS BYUNG BA NYID NI MTHUN PA'I PHYOGS LA GNYI GA MI MTHUN PA'I PHYOGS LA MED PA'O, ,RTAG PA NYID BSGRUB PA LA REG PAR BYA BA MA YIN PA'I MTSAN NYID CAN GYI LUS CAN MA YIN PA NYID NI RTAG PA'I RDUL PHRA RAB DAG LA NI MED LA, NAM MKHA' LA SOGS PA LA NI YOD PA'I PHYIR MTHUN PA'I PHYOGS LA GNYI GA MI MTHUN PA'I PHYOGS MI RTAG PA BUM PA LA SOGS PA LA NI MED LA, MI RTAG PA'I LAS LA YOD PA'I PHYIR NA RNAM PA GNYI GA YIN NO, ,'DIS NI PHYOGS KYI CHOS BSTAN TO, ,MI MTHUN PA'I PHYOGS LA LTOS NAS DBYE BA MI SRID PAR BSTAN PA'I PHYIR SMRAS PA, DBYE BA BYA BA LA DBYE BAR BYA BA'I CHED DU ME MTHUN PA'I PHYOGS LA LTOS NAS MI MTHUN PA'I PHYOGS LA PHYOGS KYI CHOS YOD PA 'AM MED PAR JI LTAR 'GYUR TE MI 'GYUR RO ZHES BYA BA'I THA TSIG GO, ,CI'I PHYIR ZHE NA, ME DANG NI GZHI STE RTEN GYI NUS PA DANG MI LDAN PA'I PHYIR RO, ,YOD PA NI NUS PA DANG LDAN PA YIN @74A *, ,LA; NUS PA YANG GZHI YIN PA'I PHYIR CI LTAR MED PA LA 'GYUR ZHE NA, RTZOD PA 'DI NI SPANGS ZIN PA YIN NO ZHES BSHAD PA NI, RTZOD PA 'DI LA MED PA LA CI LTAR 'GOG PA DE LTAR NI BSHAD ZIN LA, JI LTAR MI MTHUN PA'I PHYOGS NI DE MA YIN PA'I MTSAN NYID YIN PA DE MA THAG PA KHO NAR BSHAD ZIN TO, ,MED PA LA 'GOG PA'I PHYIR NI MI MTHUN PA'I PHYOGS MED PA LA YANG GTAN TSIGS MED PA YIN LA, GZHAN PA DANG 'GAL BA DAG LA YANG DE MA YIN PA'I MTSAN NYID KYI MI MTHUN PHYOGS YOD PAS NI MI MTHUN PA'I PHYOGS LA GTAN TSIGS MED PA YIN NO, ,RTZOD PA GANG ZHIG SPRO BA'I PHYIR BSHAD ZIN PA 'DI YANG NYE BAR BKOD PA'I RTZOD PA DE BSTAN PA'I PHYIR, 'DI MI MTHUN PA'I PHYOGS YIN NA ZHES SMOS SO, ,DE MA YIN PA'I MTSAN NYID YIN PA'I PHYIR, GZHAN PA MI MTHUN PA'I PHYOGS YIN NA GTAN TSIGS MED PAR THAL BAR 'GYUR RO, ,CI LTAR ZHE NA, BUM PA LA SOGS PA'I CHOS CAN THAMS CAD BSGRUB BYA MI RTAG PA NYID LAS CHOS GZHAN MIG GIS GZUNG BA NYID LA SOGS PA DANG LDAN PA'I PHYIR RO, ,CHOS GCIG NYID DANG LDAN PA NI 'GA' YANG MI SRID LA, CHOS TZAM LA CHOS GNAS PA YANG MA YIN GYI, 'ON KYANG CHOS CAN NYID LA YIN NO; DE'I PHYIR BSGRUB BYA'I CHOS LAS GZHAN PA DANG LDAN PA'I CHOS CAN NI GZHAN YIN LA, DE NYID KYANG MI MTHUN PA'I PHYOGS YIN PAS MIG GIS GZUNG BA NYID DANG LDAN PA'I BUM PA LA SOGS PA YANG GZHAN PA MI MTHUN PA'I PHYOGS SU 'GYUR LA, DE LA ZHUGS PA'I GTAN TSIGS KYANG MI MTHUN PA'I PHYOGS LA 'JUG PAR 'GYUR RO, ,DES NA DPE LA YOD PA'I GTAN TSIGS THAMS CAD MA NGES PAR 'GYUR ZHE NA, CIG SHOS KYI SGRA'I DON RNAM PAR GZHAG PA LA 'JIG RTEN TSAD MAR MTHONG NAS SMRAS PA, GTAN TSIGS MED PAR THAL BAR MI 'GYUR RO, ,GANG GI PHYIR BSTAN BCOS BYED PA 'JIG RTEN PA'I SGRA'I DON LAS 'DAS NAS 'JUG PA NI MA YIN LA, 'JIG RTEN NA SKABS KYI CHOS LAS CHOS GZHAN DANG LDAN PA LA DGAG PA 'JUG PA NI MED DO, ,BRAM ZE MA YIN PA ZHES BYA BA YIN NO, ,BRAM ZE'I SGRA 'JUG PA'I RGYU MTSAN BRAM ZE'I @74B RIGS LAS GZHAN PA'I CHOS DANG LDAN PA'I SKYES BU LA BRAM ZE MA YIN PAR BRJOD PA NI MA YIN NO, ,'DI GA LAS SHE NA, DE'I RIGS DANG LDAN PA ZHES SMOS SO, ,GAL TE BRAM ZE LAS GZHAN PA'I SKYES BU LA BRAM ZE MA YIN PA ZHES BYA BA'I SGRA 'JUG NA NI DE'I TSE DE'I ZHES BYA BA BRAM ZE'I RIGS DANG LDAN PA'I SPYIR SKYES BU DE NYID BRAM ZE YIN LA, BRAM ZE LAS CHOS GZHAN PA DANG 'BREL PA'I PHYIR BRAM ZE MA YIN PA YANG YIN NO ZHES 'JIG RTEN NA BRJOD PAR 'GYUR BA ZHIG NA, GCIG PO DE NYID BRAM ZE MA YIN PA DAG GIS THA SNYAD BYAS PAR RTOG PA NI MED DO, ,'ON CI LTAR BRAM ZE MA YIN PA ZHES THA SNYAD BYED PAR RTOGS SHE NA, BSHAD PA, BRJOD PA 'DOD PA BRAM ZE'I SGRA 'JUG PA'I RGYU MTSAN BRAM ZE'I CHOS KYI GZHI MA YIN PA'I DNGOS PO'O, ,DGAG PA NI GZHAN BRJOD PAR 'DOD PA YIN LA, CHOS GZHAN DAG KYANG BRAM ZE LAS GZHAN MA YIN NAM, DE YANG BRAM ZE MA YIN PAR JI STE MI BRJOD CE NA, BSHAD PA, DGAG PA'I YUL GZHAN YIN YANG BRDA NI YUL RNAM PAR PHYE NAS 'JUG PA'I PHYIR RO, ,SGRA NI BRDA DANG RJES SU MTHUN PAR RJOD PAR BYED PA YIN GYI, DNGOS PO'I RANG BZHIN GYI RJES SU BYED PA NI MA YIN NO, ,CHOS GZHAN DANG LDAN PA TZAM LA NI DGAG PA BRDAR BYAS PA YANG MA YIN GYI, 'ON KYANG DGAG PA'I BSDU BA TSIG PHYI MA 'JUG PA'I RGYU MTSAN BRAM ZE NYID BKAG NAS KHYAD PAR CAN GYI RDZAS GZHAN LA SBYAR BA YIN NO, ,DES NA TSIG PHYI MA'I 'JUG PA'I RGYU MTSAN SPANGS NAS DE BKAG PA DANG LDAN PA GZHAN LA DGAG BA 'JUG PA YIN NO, ,DE BZHIN DU MI MTHUN PA'I PHYOGS KYI SGRA YANG PHYOGS KYI SGRAS BRJOD PAR BYA BA'I DON BSGRUB BYA DANG LDAN PA SPANGS NAS GZHAN LA 'JUG PA YIN NO, ,MTSAN NYID GZHAN BSTAN PA'I SHUGS KYIS KYANG DE LTA BU NI MTHUN PA'I PHYOGS SU 'GYUR BA BSAL BA'I PHYIR, MTHUN PA'I PHYOGS KYI MTSAN NYID CES BYA BA LA SOGS PA SMOS SO, ,GANG ZHIG BSTAN NA SKABS SU BAB PA'I MTHUN PA'I PHYOGS KYI MTSAN NYID MI 'GAL BA DE 'DRA BA NI MI MTHUN PA'I PHYOGS SU BSTAN PAR BYA BA YIN NA, 'DI LTA BU MI MTHUN PA'I PHYOGS SU 'DOD NA NI MI SRID PA ZHES BYA BA MTHUN @75A *, ,PA'I PHYOGS KYI MTSAN NYID 'GAL BA YOD PA YIN NA, ,DES NA SNGAR GYI 'JIG RTEN PA'I DBANG DANG 'GAL BAR 'GYUR BA 'DI'I PHYIR NA YANG DE LTAR MI MTHUN PA'I PHYOGS RTOGS PA DAG MA YIN NO, ,MTHUN PA'I PHYOGS KYI MTSAN NYID 'GAL BA BSTAN PA'I PHYIR BSHAD PA NI, BSGRUB PAR BYA BA'I CHOS KYI SPYIS ZHES BYA BA LA SOGS PA YIN NO, ,DAG THAMS CAD RNAM PAR GCOD PA'I 'BRAS BU CAN YIN PA'I PHYIR NA NGAG 'DI LA GAL TE BSGRUB BAR BYA BA'I CHOS KYI SPYI KHO NAS MTSUNGS PA ZHES MTSUNGS PA'I DON NGES PAR BYED NA, MTHUN PA'I PHYOGS 'GA' YANG MED PAR 'GYUR RO, ,CI'I PHYIR ZHE NA, BSHAD PA, RNAM PA DE LTA BU BSGRUB PAR BYA BA'I CHOS 'BA' ZHIG GIS MTSUNGS PA NI 'GA' YANG MI SRID PA'I PHYIR TE, DE LAS GZHAN DNGOS PO NYID KYIS KYANG DE MTSUNGS PA YIN PA'I PHYIR RO, ,DE'I PHYIR DE LTAR NGES PAR GZUNG PA NI MA YIN GYI, 'ON KYANG BSGRUB PAR BYA BA'I CHOS KYI SPYIS MTSUNGS PA NYID GANG YIN PA'O ZHES BSGRUB PAR BYA BA'I CHOS KYI SPYI DANG MA 'BREL PA SPANGS PA YIN TE, 'DI DANG MA 'BREL BA NI MTHUN PA'I PHYOGS MA YIN NO ZHES BYA BA YIN GYI, CHOS GZHAN DANG 'BREL PA SPONG BA NI MA YIN NO, ,DE'I PHYIR PHYOGS DANG 'BREL PA'I CHOS GZHAN MA SPANGS PA BSGRUB PAR BYA BA'I CHOS KYI SPYI GANG YIN PA DANG 'BREL PA STE BDAG NYID DANG RJES SU 'BREL BA'I BUM PA LA SOGS PA DE NI PHYOGS SU BYED DO, ,RGYU DES NA MI MTHUN PA'I PHYOGS ZHES BYA BA'I SGRAS CHOS GZHAN DANG LDAN PA'I GZHAN THAMS CAD RTOGS PA NI MA YIN TE, MTHUN PA'I PHYOGS MED PAR THAL BA'I PHYIR RO, ,'ON KYANG TSIG PHYI MA 'JUG PA'I RGYU MTSAN GYI CHOS MED PA DANG LDAN PA'I CHOS CAN NO, ,DE'I PHYIR DGAG PA'I BSDU BAS SKABS SU BAB PA'I CHOS DANG BRAL BA GZHAN GZUNG BA'I PHYIR GZHAN PA MI MTHUN PA'I PHYOGS SU GZUNG YANG GTAN TSIGS MED PAR THAL BA'I SKYON NI 'GA' YANG MED DO, ,'DI NI 'GAL BA RNAM PAR GCOD PAR THAL BA'I PHYIR DANG, GTAN TSIGS MED PAR THAL BA'I PHYIR RO ZHES KUN LAS BTUS PA'I GZHUNG RTOGS PAR BYED PA'I t'I KA BYED PA RNAMS MA 'BREL PAR BRJOD PA NYID DU BSTAN PA'I PHYIR NYE BAR @75B BKOD PA YIN NO, ,GAL TE GTAN TSIGS KYI SKABS MDOR BSDUS NAS BRJOD PAR 'DOD PA YIN NA, JI TZAM ZHIG LA GO BAR BYED BA YOD PA DE BDAG NYID BSTAN PAR BYA BA'I DGU PO 'DI DAG BSTAN PAS CI BYA ZHE NA, PHYOGS KYI CHOS BSTAN PA GNYIS NI GTAN TSIGS YIN LA GNYIS NI 'GAL BA YIN NO, ,CI'I DON DU ZHE NA, RANG BZHIN DANG 'BRAS BU DAG GRUB PAR BYA BA'I DON DU'O, ,RANG BZHIN DANG 'BRAS BU NI GTAN TSIGS DANG 'GAL BA YIN GYI GZHAN NI MA YIN NO ZHES BSTAN PA'I PHYIR PHYOGS KYI CHOS RNAM PA BZHI BSTAN PA YIN NO, ,KHYAD PAR DANG SPYI'I NI KHYAD PAR DANG SPYI DAG STE, THUN MONG MA YIN PA YIN PA DANG THUN MONG BA'I PHYOGS KYI CHOS TE, RTZOD PA'I GNAS YIN PA'I PHYIR NYE BAR BSTAN TO, ,GZHAN DAG SROG LA SOGS PA DANG LDAN PA THUN MONG MA YIN PA NI LDOG PA CAN GYI GTAN TSIGS SU 'DOD LA, GZHAL BYA NYID NI RJES SU 'GRO BA CAN YIN NA[?] ZHES RTZOD PA YOD DO, ,PHYOGS KYI CHOS LHAG MA NI LDOG PA'I SGRUB PAR BYED PA YIN NO, ,PHYOGS KYI CHOS 'DI RNAMS KYIS NI MI MTHUN PA'I PHYOGS LAS LDOG PA DANG LDAN PA'I GTAN TSIGS NI SKABS SU BAB PA'I BSGRUB BYA GO BAR BYED PA YIN NO ZHES BYA BA'I DON 'DI BRJOD PA YIN NO, ,DE'I PHYIR GO BAR BYED PA'I PHYOGS KYI CHOS DANG, RTZOD PA'I GZHIR GYUR PA DANG, GO BAR BYED PA RNAMS KYI LDOG PA'I YUL GO BAR BYED PA'I RTOGS PA'I GTAN TSIGS BSTAN PA YIN GYI, SKABS SU NYE BAR MI MKHO BA NI MA YIN NO, ,TSIG LE'UR BYAS PA'I DON NYID DGROL BA'I PHYIR BSHAD PA, RANG BZHIN 'BRAS BU DAG KHO NA NGO BO NYID KYIS 'BREL BA'I PHYIR DNGOS PO GO BAR BYED PA NYID DANG, BSGRUB PAR BYA BA LAS BZLOG PA DANG, RANG BZHIN 'BREL PA'I PHYIR PHYIN CI LOG TU BYED PA'I 'GAL BA NYID YIN NO ZHES BSTAN PA'I PHYIR MI RTAG PA BSGRUB PAR BYA BA LA BYAS PA'I PHYIR DANG, BRTZAL MA THAG TU BYUNG BA'I PHYIR RO ZHES BYA BA'I PHYOGS KYI CHOS GTAN TSIGS GNYIS NYE BAR BSTAN PA DANG, SGRA RTAG PAR BSGRUB PAR BYA LA DE DAG NYID 'GAL BAR 'GYUR BA YIN NO, ,BYAS PA NI RANG BZHIN YIN LA, RTZOL BA LAS BYUNG BA NI 'BRAS @76A *, ,BU YIN NO, ,BYAS PA NI RANG BZHIN DU 'DOD PA RTZOL BA LAS BYUNG BA NI 'BRAS BUR 'DOD PA 'DI DGAG LAS SHE NA, RANG BZHIN LAS GZHAN NI ZHES SMOS TE, RANG BZHIN LAS GZHAN PA'I GTAN TSIGS NI MTHUN PA'I PHYOGS THAMS CAD LA YOD PA MI SRID DE, GZHAN NI BSGRUB PAR BYA BA KHYAD PAR MI 'THAD PA'I PHYIR RO, ,CI'I PHYIR ZHE NA, RGYU NI 'BRAS BU LA 'KHRUL PA'I PHYIR TE, 'BRAS BU MED KYANG 'BYUNG BA'I PHYIR RO, ,RGYU NI GDON MI ZA BAR 'BRAS BU DANG LDAN PA MA YIN PAS NA 'BRAS BU NI RGYU LA KHYAB PA MA YIN NO, ,DE'I PHYIR 'BRAS BU NI MTHUN PA'I PHYOGS LA RNAM PA GNYIS SU STE DBYE BA GNYIS KYIS 'JUG GO, ,BRTZAL MA THAG TU BYUNG BA NYID DU RNAM PA GNYIS SU 'JUG PAS DE'I 'BRAS BU YIN NO, ,CI LTAR NA BRTZAL MA THAG TU BYUNG BA NYID MTHUN PA'I PHYOGS LA RNAM PA GNYIS SU 'JUG CE NA, MI RTAG PA YIN PA TZAM GYIS NI ZHES SMOS TE, MI RTAG PA YIN PA'I PHYIR TZAM GYIS NI THAMS CAD 'BRAS BU BRTZAL BA ZHES BYA BA SKYES BU'I BYED PA DE'I DE MA THAG TU BYUNG BA'I NGANG TSUL GANG LA YOD PA'I SHES PA RTZOM PA MA YIN TE, RTZOM PAR BYED PA MA YIN NO, ,DE'I PHYIR BRTZAL MA THAG TU BYUNG BA'I SHES PA BYED PA NYID NI MI RTAG PA 'GA' ZHIG LA YOD PA YIN LA, DE NYID LAS KYANG BRTZAL MA THAG TU BYUNG BA NYID YIN NO, ,DE NYID KYI PHYIR DE NI MTHUN PA'I PHYOGS LA YOD PA DANG MED PA RNAM PA GNYIS SU GNAS SO, ,BRTZAL MA THAG TU BYUNG BA'I SHES PA GANG YIN PA DE YUL MI RTAG PA'I 'BRAS BU YIN NO ZHES BYA BA 'DI CI LTAR NGES PA YIN, GAL TE YUL NYID RTZOM PA LA RAG LAS PA YIN NA NI MI RTAG PAR 'GYUR BA YIN NO, DE'I DE MA THAG TU BYUNG BA NYID KYI SHES PA NYID RTZOL BA'I 'BRAS BU YIN GYI YUL NI MA YIN NO, ,DE'I PHYIR RTZOL BAS BYUNG BA'I SHES PA MI RTAG PA NI YUL RTAG PA'I 'BRAS BUR RUNG BA YIN NO, ,'O NA NI BUM PHA YANG RTAG PA RTZOL BAS BSKYED PA'I SHES PA'I YUL YIN NO ZHE NA, DE LTAR NI MA YIN TE, BUM PA NA 'GRUB PA NA RTZOL BA'I RJES SU BYED PA'I RANG BZHIN MNGON SUM YIN PAS RTZOL BA @76B LA MI LTOS PAR GRUB PA'I SHES PAS GZUNG BA YIN NO, ,SGRA NI RIM GYIS RTZOL BA LAS SKYE BAR MI MTHONG GI, 'ON KYANG RTAG PA RTZOL BA YOD NA, RANG BZHIN YONGS SU RDZOGS PAR GZUNG BA YIN NO, ,DE'I PHYIR SGRA NYID RTAG PA RTZOL BAS BSKYED PA'I SHES PAS GZUNG BAR BYA BA YIN NO ZHES BYA BA NI DPYOD PA PA'I YIN NO, ,SGRA SNGAR YOD PA DE'I SHES PA NGES PAR RTZOL BA LAS 'BYUNG BAR RIGS PA MA YIN TE, RES 'GA' NI 'GYUR RO, ,DE MI RIGS PA'I PHYIR NA SNGAR BRJOD PA NYID RJES SU DPAG GO, ,DE'I DON NI 'DI YIN TE, GAL TE SGRA RTAG PA YIN NA DE'I SHES PA RTZOL BA LA LTOS PAR MI 'GYUR RO ZHES BYA BA'O, ,CI LTAR RTAG PA'I SHES PA RTZOL BA LA LTOS PAR MI 'GYUR ZHE NA, BSHAD PA, SGRA'I SGRIB PAR BYED PA DANG DBANG PO DANG SGRA STE, DE DAG LA RTZOL BA NYE BAR SBYOR BA MED PA'I PHYIR RTAG PA'I SHES PA NI RTZOL BA'I 'BRAS BU MA YIN NO, ,YUL DANG DBANG PO YANG RJES SU 'GRO BA DANG LDOG PA DAG LAS RNAM PAR SHES PA'I RGYU YIN PAR RNAM PAR GZHAG PA YIN NO, ,GAL TE YUL DANG DBANG PO LA PHAN 'DOGS SAM YUL GYI SGRIB PAR BYED PA SEL BA DE LTA NA NI RTZOL BA YANG SHES PA DE'I RGYUR 'GYUR BA YIN NO, ,YUL DANG DBANG PO LA PHAN 'DOGS PA MA YIN DU CHUG MOD, SGRIB PA SEL BA JI LTAR MA YIN ZHE NA, GANG GI PHYIR RTAG PA DE LA DMIGS PA'I SGRIB PAR BYED PA NI SRID PA MA YIN NO, ,CI LTAR KHYOD KYIS MA MTHONG BA'I SGRIB PA SPANGS PAR NUS SHE NA, BSHAD PA, KHO BOS MA MTHONG BA'I SGRIB PA 'GA' ZHIG YONG DU CHUG KYANG BSGRIB BAR BYA BA DE'I BDAG NYID PHYIN CI LOG TU MA BYAS PAR DNGOS PO LAS THA MI DAD PAR SHES PA BSKYED PA'I NUS PA BZLOG PAR MI NUS PA'I PHYIR MI SRID DO, ,'DI GA LAS SHE NA, GANG GI PHYIR DNGOS PO DE LA KHYAD PAR BSKYED PA MED PAR NI CUNG ZAD BYED PA ZHES BYA BA MA YIN NO, ,RTAG PA NI KHYAD PAR DU BYAR MED PA YIN PAS SGRIB PAS DE LA CUNG ZAD BYED PA MA YIN NO, ,CUNG ZAD MI BYED PA GANG YIN PA YANG GANG GIS SGRIB PAR BYED PA 'AM, KHYAD PAR BSGRUB PA'I LHAN CIG BYED PA'O, ,CIG SHOS KYIS CUNG ZAD MI BYED PA YANG SGRIB PAR BYED PAR MTHONG BA BSNYON PAR NUS PA @77A *, ,MA YIN NO SNYAM NAS SMRAS PA, BZLOG PA 'AM BSGRUBS PA GANG GIS SGRIB PAR 'GYUR BA SGRIB PAR BYED PA NYID DU GRAGS PA'I RTZIG PA LA SOGS PAS BUM PA LA SOGS PA DAG LA SHES PA SKYED PA'I NUS BA LA GEGS BYED PA'I KHYAD PAR CI ZHIG SKYED PA 'AM, SNGAR GNAS PA'I SHES PA SKYED PA'I NUS PA'I RANG BZHIN CI ZHIG BZLOG PAR BYAS, RJES SU 'GRO BA DANG LDOG PA'I RJES SU 'GRO BA LAS CUNG ZAD BYED PAR RTOGS PA YIN NA DE DAG LA NI RJES SU 'GRO BA DANG LDOG PA MED DO, ,'ON TE CUNG ZAD MI BYED KYANG SGRIB PAR 'DOD NA NI CUNG ZAD MI BYED PA'I RTAG BA LA YANG 'DOD PAR BYA'O ZHE NA, BZLOG PA'I PHYIR BSHAD PA, DE DAG CES SMOS SO, ,'O NA JI LTAR SGRIB PAR BYED PA YIN ZHE NA, 'ON KYANG ZHES SMOS TE, BUM PA'I SKAD CIG THAMS CAD NI THAMS CAD KYI ZHES BYA BA RTOGS PA PO'O, ,PHAN TSUN LHAN CIG TU GYUR PA 'DUS PA'I YUL DANG DBANG PO DANG SNANG BA DAG PHAN TSUN KHYAD PAR CAN GYI SKAD CIG GZHAN SKYED PA'I PHYIR TE, SNGA MA RANG GI NGANG GIS 'GAG PA DBANG PO'I SHES PA'I RGYU SKYE BA'I PHYIR RO, ,PHAN TSUN KHYAD PAR BYED PA ZHES BYA BA 'DI GA LAS SHE NA, DBANG PO DANG SNANG BAS PHAN GDAGS PAR BYA BA MA YIN PA'I YUL NI DE GNYIS LA LTOS PA MI RUNG BA'I PHYIR RO, ,DE BZHIN DU GNYIS PO DAG KYANG GNYIS DAG GIS PHAN GDAGS PAR BYA BA MA YIN NA, DE DAG LA LTOS PAR MI 'GYUR BA'I PHYIR RO, ,PHAN GDAGS PAR BYA BA MA YIN PA NI PHAN 'DOGS PAR BYED PA MA YIN PA LA LTOS PA MA YIN NO,, SA BON LA SOGS PA'I KHYAD PAR DANG PO SKYED PA'I NUS PA NYE BAR 'TSOG PA'I RGYU NYID LAS SKYES PA'I PHYIR PHAN TSUN KHYAD PAR LTOS PA MED PA YIN LA, 'BA' ZHIG PA RNAMS KYANG BYED PA MA YIN NO, ,DE BZHIN DU MIG LA SOGS PA RNAMS PHAN TSUN PHAN GDAGS PAR BYA BA MA YIN YANG 'BA' ZHIG BYED PA MA YIN PAS LTOS PAR 'GYUR RO, ,DE SKAD DU GTAN TSIGS THIGS PA LAS 'BRAS BU RNAM PA GNYIS PO LHAN CIG BYED PAS KHYAD PAR BSKYED PA LAS SKYE BA DANG CIG SHOS ZHES BSHAD DO, ,DE LA KHYAD PAR DANG PO DANG MIG GI RNAM PAR SHES @77B PA GANG ZHIG NI LHAN CIG BYED PA DAG GIS KHYAD PAR MA BSKYED PA'I RGYU LAS BYUNG BA YIN LA, SKAD CIG GNYIS PA LA SOGS PAR 'BYUNG PA'I KHYAD PAR MYU GU DANG BCAS PA DANG SNANG BA NAS MUN PAR ZHUGS PA'I MIG GI RNAM PAR SHES PA NI LHAN CIG BYED PA DAG GIS KHYAD PAR BSKYED PA'I RGYU LAS BYUNG BA NI YIN NO ZHE NA, BDEN MOD KYI 'ON KYANG TSOGS PA YUL GANG NA GNAS PAS 'BRAS BU SKYED PA'I YUL DE NYID NA GNAS PA'I TSOGS PA RGYU YIN NO, ,DE DAG GI RGYU RES 'GA' BA NYID NI RANG GI RGYUD TZAM LAS 'BYUNG BA MA YIN TE, RGYUD DES NI SNGAR YANG YOD PA'I PHYIR RGYUR THAL BAR 'GYUR RO, ,SNGAR GYI SKAD CIG KYANG GZHAN YIN LA PHYIS KYI SKAD CIG KYANG GZHAN YIN PA'I PHYIR 'GA' ZHIG LA LAR NUS PA YIN NO ZHE NA, MA YIN TE, SKAD CIG THA DAD KYANG RGYUD GZHAN DU GYUR PA'I 'BRAS BU THA MI DAD PA'I PHYIR RO, ,GANG ZHIG THA DAD KYANG GANG THA MI DAD PA DE NI DE LA RAG PA MA YIN TE, DPER NA SA BON THA DAD KYANG DU BA THA MI DAD PA BZHIN NO, ,DE BZHIN DU 'BRAS BU YANG SKAD CIG THA DAD KYANG THA MI DAD PA YIN NO, ,MIG GI SKAD CIG THA DAD KYANG 'BRAS BU MIG GI RNAM PAR MTSUNGS PAR MTHONG BA'I PHYIR RO, ,DES NA RGYUD THA DAD PA MTSUNGS PA'I 'BRAS BU BYED PA NYID RES 'GA' BA NI RGYUD GZHAN GYIS SAD PAR BYAS PA NYID DO, ,GNAS SKABS GANG GI 'BRAS BU BYED PA NYID KYI NUS PA SAD PA'I RGYU NI GNAS SKABS DE 'THOB PA'I RGYU'I RGYUD GZHAN YIN NO, ,DE'I PHYIR 'BRAS BU GANG ZHIG TSOGS PA TZAM NA RTZOM PA'I 'BRAS BU DE'I NUS PA SAD PAR BYED PA NI PHAN TSUN 'TSOG PA'I RGYUR YIN LA, 'BRAS BU GANG ZHIG TSOGS KYANG DUS CUNG ZAD CIG 'BRAS BU RJES SU 'GRO BA DANG LDOG PA DAG LAS BRTAGS PAR BYA PA'I RGYU DAG GIS MA BYAS PA NA RGYU GZHAN KHO NA SAD PAR BYA BA YIN NO, ,JI LTAR RGYU DANG 'BRAS BU RJES SU 'GRO BA DANG LDOG PA DAG LAS BRTAG PAR BYA BA DE BZHIN DU 'BRAS BU'I NUS PA SAD PA'I RGYU YANG RJES SU 'GRO BA DANG LDOG PA DAG KHO NAS RTOGS PAR BYA BA YIN NO, ,RGYU DANG 'BRAS BU RJES SU 'GRO BA DANG LDOG PA DAG LAS BRTAG PAR BYA BA DE BZHIN DU 'BRAS BU'I NUS PA SAD @78A *, ,PA'I RGYU YANG RJES SU 'GRO BA DANG LDOG PA DAG KHO NAS RTOGS PAR BYA BA YIN, RGYU GZHAN YANG MA MTHONG STE, DE'I PHYIR SKYED PAR BYED PA DE DAG NYID PHAN TSUN 'BRAS BU'I NUS PA SAD PAR NUS PA YIN PAR RJES SU DPAG GO, ,JI LTAR RJES SU 'GRO BA DANG LDOG PA DAG LAS GNAS SKABS GANG LAS 'BRAS BU SKYE BA'I RGYU YIN PA DE BZHIN DU RGYU GNYIS SAD PA'I GNAS SKABS GANG YIN PA'I GNAS SKABS DE NYID PHAN TSUN SAD PAR BYED NUS PA YIN NO, ,DES NA THAG RING BO NA GNAS PA DAG NI PHAN TSUN NUS PA SAD PAR BYED PA MA YIN TE, DE'I TSE RGYU NYID SAD PA MTHONG BA'I PHYIR DANG, MA SAD PA YANG 'BRAS BU MA MTHONG BA'I PHYIR RO, ,DES NA KHA CIG NA RE THAG RING BO NA GNAS PA DAG KYANG PHAN GDAGS PAR BYA BA RANG, PHAN 'DOGS PAR BYED PAR 'GYUR RO ZHES GANG SMRAS PA DE BSAL BA YIN NO, ,GAL TE SKAD CIG THA DAD PA LAS THA DAD PAR MI 'GYUR NA CI LTAR SA BON LA SOGS PA NYE BA TZAM GYIS MYU GU MI SKYED CE NA, 'DI NI CUNG ZAD NI LHAN CIG BYED PA'I RKYEN GYIS BYAS PA'I KHYAD PAR BRGYUD PA LAS RKYEN PA YIN NO ZHES BRJOD PAS BSAL BA YIN NO, ,CI LTAR CIG CAR RGYUD GZHAN KHYAD PAR DU BYED PAR MI NUS PA DE LTAR RANG GI RGYU KHO NA LAS RGYUD GZHAN SKYES PA YIN TE, DES NA RIM GYIS KHYAD PAR DU BYED DO, ,BYI BA'I SOS ZIN PA NI DNGOS PO NUS PA YIN TE, YONGS SU 'GYUR BA LA LTOS NAS RGYUD GZHAN LA KHYAD PAR SGRUB PAR BYED PA MA YIN NO, ,RANG GI RGYUD NI SKAD CIG THA DAD KYANG 'BRAS BU THA DAD PA MED PA'I PHYIR NAM YANG SAD PAR BYED PA'I RGYU MA YIN NO, ,DE LA SNANG BA NAS MUN PAR ZHUGS PA LA PHAN TSUN KHYAD PAR BSGRUB PA'I PHYIR 'DIR PHAN TSUN LTOS PA YOD PA YIN PAS NA PHAN GDAGS PAR BYA BA MA YIN PA LTOS PAR MI RUNG BA'I PHYIR ZHES BSHAD PA YIN GYI, THAMS CAD KYI TSE LTOS PA YOD PA NI MA YIN PAS 'GAL BA MED DO, ,DE LTA MA YIN TE, GAL TE PHAN TSUN KHYAD PAR MI SKYED NA NUS PA'I RANG BZHIN ZHES BYA BA PHAN TSUN NYE BAR 'GRO BA'I RGYU DANG 'BREL PA'I NUS PA NYE BA'I GNAS SKABS NA RGYU KHYAD PAR MED PAS NUS PA KHYAD PAR MED PA'I PHYIR RTAG TU SKYED PA 'AM, MI SKYED PAR 'GYUR RO,, @78B GAL TE PHAN TSUN PHAN PA BYED PA YIN NA THAMS CAD KYI TSE PHAN 'DOGS PAR 'GYUR RO, ,DES NA DES PHAN GDAGS PA'I PHYIR THAMS CAD KYI TSE SHES PA SKYE BAR 'GYUR RO ZHE NA, BSHAD PA, YUL DANG DBANG PO DANG SNANG BA DE DAG KYANG MTHONG BA'I GEGS BYED PA THOGS PA BYED PA BAR NA 'DUG PA GZHAN GYIS BAR DU MCHOD NA PHAN TSUN PHAN 'DOGS PA YIN NO, ,CI'I PHYIR ZHE NA, BSHAD PA, YUL GANG DU DBANG PO DANG SNANG BA DANG YUL RNAMS KYI BAR CHAD MED PA DE NI BAR DU MA CHOD PA'I YUL YIN TE, DE'I RUNG BA DE NYID GAD DAG GI LHAN CIG BYED PA YIN PA'O, ,GANG GI PHYIR DE DAG PHAN TSUN PHAN 'DOGS PA NA LHAN CIG BYED PA MCHOD PA'I YUL LA LTOS PA DE'I PHYIR BAR DU CHOD PA DAG PHAN TSUN PHAN 'DOGS PA MA YIN NO, ,CI LTAR DUS KYI MTHAR PHYIN PA LA LTOS PA'I TSOGS PA YUL CHOD PA MED PA DAG LAS 'BRAS BU SKYE BAR MTHONG BA'I PHYIR TSOGS PA YUL CHOD PA MED PA BYED PA'I LHAN CIG BYED PA'I RGYU DAG NUS PA BYED PA YIN PA DE BZHIN DU, YUL CHOD PA MED PA'I TSOGS PA TZAM LAS 'BRAS BU SKYE BAR MTHONG BA'I PHYIR PHAN TSUN NYE BAR 'GRO BA'I RGYU DAG KYANG TSOGS PA YUL CHOD PA MED PAR BYED PA DAG NUS PA'I RGYU YIN GYI GZHAN NI MA YIN NO, ,DE LTA YIN DANG BAR CHOD MED NA RGYU'I DNGOS PO YIN NO, ,YUL CHOD PA MED PA'I TSOGS PA RNAMS KYIS RGYU GANG JI SNYAD PA DE'I NUS PA'I RGYU YIN TE, DE DAG NYID NUS PA YIN PA'I PHYIR RO, ,BAR CHOD YOD NA NI 'BRAS BU MI SKYED PA'I PHYIR RGYU MED PAS NUS PA'I RGYU MED PA YIN NO, ,JI LTAR BAR MED PA'I DUS GZHAN NYE BAR 'GRO BA'I RGYU 'AM, LHAN CIG BYED PA DAG LAS NUS PA'I SKAD CIG GZHAN SKYE BA DE BZHIN DU CHOD PA'I DUS NA DE DAG LAS NUS PA MA SKYES PA YIN LA, MA SKYES PA'I PHYIR SHES PA MI SKYE BA YIN GYI, RTZIG PA LA SOGS PAS YUL LA KHYAD PAR BYAS PA'I PHYIR NI MA YIN NO, ,GAL TE DE LTA NA DANG PO NAS BSGRUBS PA'I BUM PA LA SOGS PA DAG LA RGYU MED PA'I PHYIR SHES PA MI SKYE BA YIN DU CHUG MOD, DNGOS PO MTHONG BA NA SHES PA SKYED PA'I RGYU DAG LA SGRIB PA BZHUGS NA SGRIB PA MA YIN NA CI STE, SHES PA MI SKYE ZHE NA, BSHAD PA, RGYU MA TSANG BAS SHES PA MI SKYE BA YIN NO, , @79A *, ,CI'I PHYIR RGYU MTSAN ZHE NA, BAR CHAD ZHUGS NA ZHES BYA BA NI BAR CHOD YOD PA'I DUS NA'O, ,BAR CHAD NYE BAS SNGAR SKYES PA'I NUS PA 'GAGS PA'I PHYIR DANG, SNGAR 'GAGS PA LAS SKYE BAR 'DOD PA SHES PA'I RGYU'I NUS PA GZHAN YANG MA SKYES PA'I PHYIR RGYU MA TSANG BA YIN NO; YUL CHOD PA DANG BCAS PA'I SKAD CIG JI SNYED PA DE THAMS CAD NI NUS PA MED PA NYID DO SNYAM DU BSAMS PA YIN NO, ,JI ZHIG TU GYUR PAS MA SKYES NA, RGYU MED PAS SO, ,GANG GI PHYIR SKAD CIG SNGA MA SHES PA SKYE BAR NUS PA YIN YANG SHES PA SKYED PAR NUS PA'I SKAD CIG GZHAN GYI RGYU MA YIN PA DE'I PHYIR RGYU MED PA YIN NO, ,'DI LTAR DPER NA, SKAD CIG DANG PO LA LHAN CIG BYED PA'I RGYU'AM, PHAN TSUN BA GANG YIN PA DE NI RANG GI RO BO LAS 'PHO BAR BYA NUS PA MA KHO NA NUS PA'I RGYU YIN PA DE BZHIN DU SKAD CIG GNYIS PA LA SOGS PA YANG YIN NO, ,SKAD CIG BAR CHAD DANG BCAS PAR GYUR NA NI DBANG PO LA SOGS PA BAR DU CHOD PA SKYED PA'I PHYIR SNANG BA NAS MUN PAR ZHUGS PA 'AM, GZHAN GYI SNGAR GYI LHAN CIG BYED PA'I RGYU'I SKAD CIG GAM, PHAN TSUN NYE BAR 'GRO BAR BYED PA'I SKAD CIG DAG NUS PA'I RGYU MA YIN NO, ,DE'I DON NI 'DI YIN TE, SKAD CIG BAR CHAD DANG LDAN PA YIN NA SNGA MA RGYU MA YIN PA'I PHYIR SHES PA'I RGYU MA SKYES PA YIN TE, DES NA SNGA MA 'GAGS PA'I PHYIR YANG RGYU MA TSANG BA YIN LA, DES NA SHES PA MA SKYES PA YIN GYI RANG GI RGYU LAS SKYES PA'I RUNG BA'I GEGS SGRIB PAS BYAS PA'I PHYIR NI MA YIN NO, ,CI'I PHYIR ZHE NA, RUNG BA DE NI RANG GI NGO BO LAS MI 'PHO BA'I PHYIR RO, ,RUNG BA GANG YIN PA DE NI RANG GI RO BO LAS 'PHO BAR BYA NUS PA MA YIN TE, DES NA RGYU MED PAS SHES PA MA SKYES PA YIN NO, ,DE'I PHYIR RTZIG PA LA SOGS PA 'GA' ZHIG LA CUNG ZAD BYED PAR 'GYUR BA NA SGRIB PAS BYED PA NI MA YIN TE, 'ON KYANG DE DAG YOD NA RGYU MA TSANG BAS GANG ZHIG MA DMIGS PA DE'I DMIGS PA'I GEGS SU SGRO BTAGS NAS SGRIB PAR BRJOD PA YIN NO, ,DE LTAR SGRIB PA CUNG ZAD BYED PA MA YIN YANG DMIGS PA'I GEGS KYI RGYU NYID DU SGRO BTAGS NAS BSGRIB PAR BYA BA DANG 'BREL BAR 'GYUR RO ZHES BSTAN NAS, @79B DA NI SGRIB PA CUNG ZAD BYED PA NYID DU BSTAN PA'I PHYIR YANG NA ZHES BYA BA SMOS SO, ,PHYOGS NYID SMRAS PA NI, SRID PA YANG YIN TE ZHES BYA BA YIN NO, ,SKAD CIG MA RNAMS NI PHAN TSUN PHAN PAR BYED PAR 'GYUR GYI, SKAD CIG MA YIN PA BSTAN PA GCIG PU'I NGO BO RNAMS NI MA YIN NO, ,DBANG PO DANG YUL DAG LAS SHIN TU BSTAN PAR GNAS PA'I SGRIB PA CI LTAR DE DAG LAS PHAN 'DOGS PAR NUS SHE NA, BSAM GYIS MI KHYAB PA'I PHYIR RO ZHES SMOS SO, ,RING PO NA 'DUG PA DE JI LTAR YUL LA PHAN 'DOGS PAR BYED PA YIN ZHES BYA BA DE LTAR NI BSAM PAR NUS PA MA YIN TE, KHANG LONG THAG RING PO NA 'DUG PAS KYANG LCAGS 'DREN PA'I PHYIR RO, ,RGYU NI NYE BAR LEN PA'I RGYU'O, ,RKYEN NI LHAN CIG BYED PA'I RGYU'O, ,GANG GI RGYUN GANG LOG PAS GANG SKYE BA DANG, LHAN CIG BYED PA'I RKYEN THAMS CAD KYIS BSGRUB PAR BYA BA'I KHYAD PAR RNAMS KYI NGO BO NYID DU GYUR PA'I 'BRAS BU'I BDAG NYID GANG LA SKYE BA DE NI NYE BAR LEN PA YIN LA, GZHAN NI RKYEN YIN NO ZHES, DE DANG DE MIN RANG BZHIN DNGOS, ,ZHES BYA BA DER DPYAD ZIN TO, ,GAL TE THAMS CAD MKHYEN PA MA YIN PA BSAM GYIS MI KHYAB KYANG THAMS CAD MKHYEN PAS NI RNAM PA'I RAB TU DBYE BA MTHA' DAG MNGON SUM DU MDZAD PA BSAM PAR SPYOD PA YIN NO, ,'DI TZAM ZHIG BRJOD PAR NUS TE, GANG ZHIG RANG GI NGO BO TZAM MAM KHYAD PAR THOB PA LA GANG ZHIG GI YOD PA DANG MED PA'I RJES SU BYED PA DE NI DE'I RGYU YIN NO, ,DE LTA YIN DANG THAG RING PO NA GNAS PA YANG RGYU YIN NO, ,DES NA DBANG PO DANG YUL DAG GI BAR NA GNAS PA'I SGRIB PA GANG YIN PA DES SO, ,RNAM PAR SHES PA SKYED PA DANG MI MTHUN PA NI NUS PA MED PA'O, ,CHES CHER GYI SGRA NI RAB TU 'GYUR BA BRJOD PA YIN NO, ,DE'I NGO BO NI CHES CHER TE RAB TU GYUR PA'O, ,RAB TU GYUR PA DES YUL DANG DBANG PO DE GNYIS LA KHYAD PAR BYED PA YANG YIN NO, ,NUS PA MED PAR RAB TU BYED DO ZHES BYA BA'I THA TSIG GO, ,SKYES BU DBANG PO BSGRIBS PA NYID KYI YUL LAM DBANG PO'I SHES PA SKYED PA'I NUS PA SGRIB PAS NYAMS PAR BYED KYI GZHAN GYI NI MA YIN NO, ,DES NA DBANG PO MA BSGRIBS PAS NI YUL DE NYID @80A *, ,MTHONG BA YIN NO ZHES BSTAN PA'I PHYIR BAR NA GNAS PA ZHES SMOS SO, ,BSAM GYIS MI KHYAB PA NYID KYIS NA GANG GIS SKAD CIG DANG PO LA RDZAS KYI SGRIB PA SKYED PAR BYED PA'I SGRIB PA'I RKYEN NAM, NYE BAR LEN PA SGRIB PA NYE BAR 'TSO BA'I RTEN DE NYID KYIS BSGRIBS PA'I RDZAS DE RANG GI SHES PA SKYED MI NUS PAR SKYED PA YIN NO, ,GANG GI PHYIR SGRIB PA DE NYE BAS KYANG SKAD CIG GNYIS PA LA SOGS PA'I SHES BA SKYED PA'I NUS PA NYAMS PA'I RDZAS SKYED PA DANG, RANG GI RGYUN DU GTOGS PA SGRIB PA'I RDZAS NYE BAR LEN PA DE BZHIN DU NYE BAR 'GRO BA'I RKYEN DANG SGRIB PA'I NYE BAR LEN PA'I NUS PA YANG DE 'DRA BA NYID DO, ,DES NA GAL TE SGRIB PAS RDZAS DE NUS PA MED PAR BYA BA YIN NA SKAD CIG GANG LA SGRIB PA DE NYE PA'I SKAD CIG DE LA RANG GI RGYUS BSKYED PA'I RDZAS KYIS NUS PA'I GEGS MA YIN PA'I PHYIR SKAD CIG GCIG LA CHOD PA YANG MTHONG BAR 'GYUR RO, ,HA CANG THAL BAR 'GYUR BA'I PHYIR MI NYE BA NYID NI SGRIB PA MA YIN NO ZHES GANG SMRAS PA DE SPANGS PA YIN NO, ,'DI LTAR MI NYE BA'I SGRIB PA MA YIN LA, BSGRIBS PA LA MTHONG BA YOD PA YANG MA YIN NO, ,CHES CHER ZHES SMOS PA NI DON 'DI BSTAN PA YIN TE, DANG PO NI SGRIB PA'I RGYUS KYANG DON NUS PA MED PAR BYED PA YIN LA, SKAD CIG GNYIS PA LA SOGS PA NI SGRIB PA DES KHYAD PAR SGRUB PAR BYED PA YIN NO ZHES BYA BA YIN NO, ,'DI SNYAM DU SGRIB PA'I MI MTHUN PA SGRUB PAR BYED PA'I NUS PA NI RJES SU 'GRO BA DANG LDOG PA DAG LAS RTOGS PAR BYA BA YIN NA, 'DIR NI DE GNYIS YOD PA MA YIN NO SNYAM PA LA, SGRIB PA'I BYE BRAG GIS ZHES SMOS TE, SGRA 'DZIN PA LA NI RE LDE DANG SNAM BU DANG RTZIG PA LA SOGS PA SGRIB PA'I BYE BRAG YIN NO, ,REG PA DANG DRI 'DZIN PA LA NI RAS SRAB MO DANG, GOS NYIS BLTAB TU BYAS PA DANG, LAB LA SOGS PA SGRIB PA'I BYE BRAG YIN NO, ,RO 'DZIN BA LA NI SGRIB PA'I BYE DRAG MED DO, ,SGRIB PA 'DIS SGRA LA SOGS PA'I YUL LA'O, ,THOS PA SMOS PA NI NYE BAR MTSON PA TZAM STE, THOS PA DANG REG PA LA SOGS PA GSAL BA DANG MI GSAL BAR MTHONG BA'I PHYIR SGRIB PA'I NUS PA RTOGS PA YIN NO, ,GAL TE SGRIB PA CUNG ZAD MI BYED PA NYID @80B YIN NA NI DE'I BYE BRAG GIS THOS PA THA DAD PAR JI LTAR 'GYUR, DE'I PHYIR DE LTAR SGRIB PA'I BYE BRAG GI RJES SU BYED PA'I PHYIR SGRIB PA NI NUS PA'I KHYAD PAR GEGS BYED PA'I RGYU YIN NO, ,DE LTA MA YIN NA ZHES BYA BA NI CUNG ZAD MI BYED PA DE'I LA LAR YOD PA DE NI MED PA DANG KHYAD PAR MED DE, YOD PA DANG MED PA DAG CUNG ZAD MI BYED PAR MTSUNGS PA'I PHYIR DE MED PA DANG KHYAD PAR MED PA'I PHYIR RO, ,DES NA 'DI'I SGRIB PA 'DI YIN NO ZHES NYE BAR BSDU BA 'BREL BA NI RNAM PAR RTOG PAS SBRUL PA NYID DU 'GYUR GYI, BSGRIB PA'I BYA BA GANG YIN PA DE BSGRUB PA'I RGYU NI MA YIN NO ZHES GANG SMRAS PA NI, DNGOS PO LA BRTEN PA NI MA YIN NO ZHES BYA BA YIN NO, ,SGRIB PA DNGOS PO LA 'GA' YANG MED PA'I PHYIR RO, ,'DI SNYAM DU SGRIB PA NYID DU SGRO BTAGS PAS DE'I SGRIB PA YIN NO SNYAM NA, SGRO BTAGS PA'I RJES SU BYED PA ZHES SMOS SO, ,SGRO BTAGS PA NI SGRUB PA NYID DU BTAGS PA YIN NO; SGRIB PA NYID NI SHES PA SKYE BA'I NUS PA GAGS BYED PA'I RGYU YIN LA, DE YANG DON BYED PA YIN NO, ,DNGOS PO RNAMS KYI DON BYED PA YANG SGRO BTAGS PA'I RJES SU BYED PA CAN NI YOD PA MA YIN NO, ,DE'I PHYIR 'DI LTAR GANG GI PHYIR MI'I RANG BZHIN DU SGRO BTAGS PA'I BRAM ZE'I KHYE'U NA 'TSED PA'I DON BYED PA BSGRUB PA LA ME BZHIN DU NYE BAR SBYOR BA MA YIN NO, ,GANG GI PHYIR ME LA SOGS PA'I RANG BZHIN DU BRAM ZE'I KHYE'U LA SOGS PA LA SGRO BTAGS PAR SNANG YANG DE'I DON BYED MI NUS PA DE'I PHYIR SGRIB PA DANG ME LA SOGS PA'I RANG BZHIN SGRO 'DOGS PA'I MTSAN NYID KYI RTOGS PA DE YOD KYANG RTOGS PA DES DNGOS PO 'GYUR BA GZHAN DU SKYE BA MA YIN GYI, 'ON KYANG DNGOS PO RNAMS NI RANG GI NGO BO LAS MA 'DAS PAR DON BYED PAR GNAS PA NYID DO, ,GANG GI PHYIR DE LTA YIN PA DES NA BAR NA 'DUG PA'I SGRIB PA YOD KYANG DBANG PO LA SOGS PA SHES PAR BSKYED PAR 'GYUR TE, RNAM PAR SHES PA BYED PA NYID DU 'GYUR RO ZHES BYA BA'I THA TSIG GO, ,SGRIB PA DES DE DAG LA KHYAD PAR CUNG ZAD KYANG MA BYAS PA'I PHYIR DE DAG GIS SHES PA SKYED PA'I NUS PA NI SA MA KHO NA BZHIN DU 'GYUR RO, ,'DU BYED SKAD CIG MA YIN YANG RGANG DAG LAS CI 'DRA BA SKYE @81A *, ,BAR MTHONG BA DE DAG LA NI DE 'DRA BA SKYE BA YIN NO, ,SKAD CIG THA DAD PAR NI MI 'GYUR TE, DE LTA MA YIN NA MIG GCIG LA RNAM PAR SHES PA SKYE BA NA YANG GZHAN GYI TSE SHES PA SKYE BAR MI 'GYUR TE, SKAD CIG THA DAD PAR MTSUNGS PA'I PHYIR RO, ,DE'I PHYIR YUL GANG NA GNAS PA'I DBANG PO LA SOGS PA 'BRAS BU SKYED PAR MTHONG BA'I YUL DE NA GNAS PA NYID NI SGRIB PA YOD KYANG NUS PA BSKYED PAR 'GYUR TE, RGYU KHYAD PAR MED PA'I PHYIR RO, ,DE LTA YANG MA YIN PA'I PHYIR SHES PA YIN NO, ,DE'I PHYIR SGRIB PAS GROGS BYAS PA DBANG PO LA SOGS PA'I RGYU DAG LAS NUS PA MED PA SKYES PA YIN TE, DES NA SGRIB PA NI SKYED PAR BYED PA KHO NA'O, ,DE NYID KYI PHYIR YUL CHOD PA MED PA DAG GI RGYU NI NUS PA'I RGYU YIN LA, YUL CHOD PA RNAMS KYI SKAD CIG DANG POR BYUNG BA RNAMS KYI NUS PA MED PA'I RGYU NI BAR CHOD KYI RGYU DANG, LHAN CIG PA'I SKYED BAR BYED PA YIN LA, SKAD CIG GNYIS PA LA SOGS PA LA NI BAR CHOD KYI RDZAS DANG LHAN CIG PA'I SKYED PAR BYED PA NUS PA MED PA'I RGYU YIN NO, ,SKAD CIG MA RNAMS LA YANG RGYU GZHAN 'GA' ZHIG DANG 'BREL PA'I PHYIR RAM, RNAM PAR GNAS PA'I RGYU MA TSANG BA LAS SKABS SU BAB PA'I 'BRAS BU MI NUS PA SKYE BA'I PHYIR RO, ,'DI LTAR SNANG BA'I LHAN CIG BYED PA CAN GYI MUN PA LAS KHYAD PAR THOB PA'I MUN PA'I SKAD CIG GZHAN NI MUN PA SKYED PA'I NUS PA MED PAR 'GYUR BA DANG DE BZHIN DU GRANG BA'I REG PA'I RGYU NI TSA BA'I REG PA DANG LHAN CIG PA'I RANG GI RGYU LAS SKYE BA NA NUS PA MED PAR 'GYUR BA DE BZHIN DU DBANG PO LA SOGS PA YANG SGRIB PA MED PA'I RGYU LAS NI NUS PAR 'GYUR LA, SGRIB PA DANG LHAN CIG PA DAG LAS NI NUS PA MED PAR 'GYUR BA YIN NO, ,DE'I PHYIR PHYOGS DANG PO LA NI SGRIB PA RGYU MA TSANG BA STON PAR BYED PA YIN GYI, CUNG ZAD BYED PA NI MA YIN LA, PHYOGS 'DI LA NI DBANG PO LA SOGS PA SKYED PAR BYED PA'I RGYU DANG LHAN CIG BYED PA'I RANG BZHIN GYI SGRIB PA CUNG ZAD BYED PA YIN NO, ,DE BZHIN DU SGRA RNAMS NI 'GA' ZHIG YOD NA RUNG BA'I MTSAN NYID KYI KHYAD PAR NYAMS PA YOD PA MA YIN TE, DPER NA @81B RNAM PAR RTOG PA SNGA MA LA SKAD CIG MA RNAMS LTAR RO, ,KHYAD PAR SKYE BA YANG YOD PA YANG MA YIN TE, DPER NA RNAM PAR RTOG PA GNYIS PA BZHIN NO, ,DES NA GAL TE DE DAG SHES PA SKYE BA'I RANG BZHIN YIN NA RTOGS PA PO THAMS CAD LA THAMS CAD KYI TSE STE, SGRIB PA DANG BCAS PA DANG, SGRIB PA MED PA'I GNAS SKABS THAMS CAD DU RANG GI YUL CAN TE, DMIGS PA CAN GYIS SHES PAR RIM GYIS 'BYUNG BA DE THAMS CAD BYED PAR 'GYUR TE, 'BRAS BU'I DUS SU MNGON PAR 'DOD PA BZHIN NO, ,YANG NA NI NAM YANG BYED PAR MI 'GYUR TE, MI BYED PA'I DUS BZHIN NO, ,YIN YANG ZHES BYA BA NI SGRIB PA MED PA'I DUS GZHAN GYI TSE YANG NGO, , GANG LA YANG ZHES BYA BA NI RUNG BA'I YUL NA GNAS PA'I SKYES BU LA YANG NGO, ,'GA' YANG ZHES BYA BA SHES PA GCIG KYANG SKYED PA MA YIN NO ZHES BYA BA 'DI NI GCIG TU NGES PA YIN NO, ,TSAD MAS GRUB PA YIN NO ZHES BYA BA'I THA TSIG GO; ,'DI SNYAM DU ZHES BYA BA NI SGRIB PA 'GA' ZHIG GIS RUNG BA'I RANG BZHIN BZLOG PA'I PHYIR SGRA MA THOS PA NI MA YIN GYI, 'ON KYANG DE DAG RTOGS PAR BYA BA LA RTZOL BA ZHES BYA BA 'AM, GZHAN YANG RUNG STE LHAN CIG BYED PA 'GA' ZHIG YOD PA'O, ,'O NA NI LHAN CIG BYED PA DE NYEN DE THAMS CAD KYANG CIG CAR THOS PAR 'GYUR RO ZHE NA, SO SOR NGES ZHES SMOS TE, SGRA SO SO LA GSAL BAR BYED PA'I RTZOL BA THA DAD PA NI NGES PA STE, DES NA GANG GI TSE GANG GI GSAL BYED NGES PA NYE BA DE NYID DE'I TSE THOS PA YIN NO, ,DE LA 'DI SNYAM DU LHAN CIG BYED PA DES NA CI ZHIG BYAS NA LHAN CIG BYED PAR 'GYUR ZHE NA, DBANG PO LA PHAN 'DOGS PA 'AM ZHES SMOS SO, ,GSAL BAR BYED PA DE NI DBANG PO LA PHAN 'DOGS PA YIN LA, DBANG PO YANG SGRA'I LHAN CIG BYED PA YIN PA'I PHYIR DE YANG SGRA'I LHAN CIG BYED PAR 'GYUR BA YIN NO, ,GZHAN YANG RUNG ZHES BYA BA NI SGRA DE NYID LA PHAN 'DOGS PA YIN LA, PHAN 'DOGS PA YANG NYE BA TZAM NYID YIN NO, ,'DI LTAR NUS PA 'JOG PAR BYED PA'AM, BYAS PA'I NUS PA YONGS SU SMIN PA YANG NYE BAR GNAS PA NI GSAL BYED KYI PHAN 'DOGS PA YIN BA PHA ROL PO DAG @82A *, ,'DOD PA YIN NO, ,DE LA SGRA RTAG PA LA NUS PA 'JOG PA DANG YONGS SU SMIN PA DAG MI 'THAD BA'I PHYIR NYE BA TZAM GYIS GSAL BYED PHAN 'DOGS PAR BYED PA YIN NO, ,GANG GI PHYIR LHAN CIG BYED PA DE GNAS SKABS RES 'GA' SGRA 'GA' ZHIG LA 'GYUR BA DE'I PHYIR SGRA 'DI DAG NI RES 'GA' 'GA' ZHIG TU THOS PA NI LHAN CIG BYED PA'I DE NYID KYIS BYAS PA YIN NO ZHE NA ZHES DE LTAR SGRIB PA'I PHYOGS LAS LHAN CIG BYED PA'I PHYOGS GZHAN NYE BAR BSTAN NAS BZLOG PA'I PHYIR KHO BO CAG CES SMOS SO, ,LHAN CIG BYED PA NYE BA LA LTOS BA'I SA BON LA SOGS PA MTHONG YANG LHAN CIG BYED PA SPANG BAR NI MI BYED DO, ,'ON KYANG RGYU RNAMS NI DE'I 'BRAS BU SKYED PA'I GNAS SKABS KYI PHAN 'DOGS PA'I DON LA LTOS PA NYID DO, ,PHAN 'DOGS PAR BYED PA MA YIN PA LA LTOS NAS 'BRAS BU SKYED NA NI HA CANG THAL BAR 'GYUR BA'I PHYIR RO, ,DE'I GNAS SKABS KYI PHAN 'DOGS PA LA YANG CI STE LTOS SHE NA, DE LA KHYAD PAR THOB PA ZHES SMOS SO, ,DE LAS KHYAD PAR THOB BAS 'BRAS BU BYED PA YIN GYI, SNGA MA'I RANG BZHIN NYID KYIS NI MA YIN NO, ,DE LA CI LTAR SA BON LA SOGS PA LHAN CIG BYED BA LA LTOS PA DE BZHIN DU GAL TE SGRA YANG LHAN CIG BYED SA 'GA' ZHIG LA LTOS NAS SHES PA ZHES BYA BA'I 'BRAS BU BYED PA NI BYED LA RAG STE, TSUL 'DI 'GAL BA YIN NO, ,LTOS BA NI RANG BZHIN GZHAN YIN NO ZHES SMRAS PA NI SNGAR GYI RANG BZHIN LA NGES PA ZHES BYA BA DE LTAR NI DE MI 'GYUR TE MI RIGS SO, ,DE'I RANG BZHIN KHYAD PAR DANG LDAN PA NI LHAN CIG BYED PA DAG LAS SKYES PA YIN LA, SNGAR GYI KHYAD PAR DANG BRAL BA NI 'GAGS PA YIN TE, DNGOS PO THA DAD PA'I MTSAN NYID NI RANG BZHIN THA DAD PA YIN PA'I PHYIR RO ZHES GANG SMRAS PA NI, SNGAR GYI RANG BZHIN DE NI NYAMS PA'I PHYIR TE ZHES BYA BA YIN NO, ,LTOS PAR BYA BA'I RTZOL BA'AM ZHES BYA BA NI DNGOS SU PHAN 'DOGS PA'I PHYOGS LA'O, ,BRGYUD PAS PHAN 'DOGS PA LA NI RTZOL BAS LEGS PAR BYAS PA'I DBANG PO 'AM GZHAN LAS ZHES BYA PA STE, PHRAD PA 'AM BDAG LAS RANG BZHIN GZHAN THOB PA'I RGYU'I PHYIR SNGAR GYI RANG BZHIN LA NGES PAR MI 'THAD DO, ,GAL @82B TE GSAL BAR BYED PA RNAMS KYI PHAN 'DOGS PA NI NYE BA TZAM YIN NO ZHE NA, PHAN 'DOGS PA MA YIN PA NI ZHES SMOS SO, ,CUNG ZAD MI BYED PA NYE BA YANG MI NYE BA DANG KHYAD PAR MED PA LA NI LTOS PAR NUS PA MA YIN NO, ,DE'I PHYIR GANG ZHIG GZHAN GYIS LTOS PAR BYA BA DE NI PHAN 'DOGS PAR BYED PA NYID YIN GYI NYE BA TZAM NI MA YIN NO, ,DE LTA MA YIN NA THAMS CAD LTOS PAR BYA BAR 'GYUR RO, ,'DI SNYAM DU NYE BA DE LAS PHAN PA 'GA' ZHIG YOD PA YIN MOD KYI, DE DE'I BDAG NYID NI MA YIN NO, ,DE'I PHYIR PHAN PA YOD KYANG DNGOS PO NI RANG BZHIN LA NGES PA YIN NO SNYAM NA, BSHAD PA, SGRA DE'I PHAN PA DE LAS DON GZHAN YIN NA PHAN PA 'DI NI SGRA DE'I YIN NO ZHES 'BREL PA DNGOS PO YIN PAR MI 'GYUR RO, ,STZOGS PA SMOS PAS NI PHAN PA GZHAN RTOGS NA THUG PA MED PAR THAL BA'O, ,PHAN PA DE NYID LAS SHES PA SKYE BA'I PHYIR RO ZHES LE'U GNYIS PAR BSHAD ZIN TO, , NYES PA GZHAN YANG SGRA DE SHES BYA MA YIN PAR YANG 'GYUR RO, ,SHES BYA NI SKYED PAR BYED PA YIN NO, ,SGRA NI SKYED PAR BYED PA MA YIN TE, LHAN CIG BYED PA'I RKYEN GYIS BYAS PA'I PHAN PA NYID LAS SHES PA SKYE BA'I PHYIR RO, ,'DI LTAR SHES PA NI DE'I DUS SU BYUNG BA'I PHAN PA'I RJES SU 'GRO BA DANG LDOG PA'I RJES SU BYED KYI RTAG TU YOD PA'I SGRA NI MA YIN NO, ,DE'I PHYIR THA DAD PA'I PHYOGS NI SKYON CHAGS PA YIN NO, ,THA DAD PA MA YIN NA NI PHAN PA RANG BZHIN NYID YIN PAS RANG BZHIN GZHAN BYAS PAS NA SNGAR GYI RANG BZHIN NYAMS PA YIN NO, ,DE'I PHYIR RTAG PAR KHAS BLANGS PA'I SGRA 'DI NI'O,, PHRAD PA NI DBANG PO DANG YUL DAG YANG DAG PAR LDAN PA'O, ,BDAG NI SKYES BU'O, ,GZHAN YANG RUNG STE ZHES BYA BA NI RTZOL BA LA SOGS PA LA LTOS PA MA YIN NO, ,CI'I PHYIR ZHE NA, DBANG PO LA SOGS PA THAMS CAD SGRA'I BDAG NYID DE LA CUNG ZAD KYANG MI BYED PA'I PHYIR TE, RTAG PA'I PHYIR NA THA MI DAD PA'I BDAG NYID BYAR MI NUS PA'I PHYIR RO, ,CUNG ZAD MI BYED PA YANG LTOS PAR BYA PA MA YIN PA'I PHYIR RO, ,SHES PA SKYED PA LA RTAG PA'I LHAN CIG BYED PAR BKAG PA 'DIS NI DBANG PO DANG SGRA LA NYE BAR SBYOR BA'I PHYIR RTZOL BA 'BRAS BU DANG BCAS PAR GZHAN GYIS BRJOD PA GANG @83A *, ,YIN BA DE GSAL BA YIN NO, ,CI LTAR RTAG PA'I LHAN CIG BYED BA MED BA DE BZHIN DU PHAN 'DOGS BA MED PA YIN NO, ,LTOS PA MED PA'I PHYIR RTZOL BA SGRA LA PHAN 'DOGS PA MA YIN MOD, RTZOL BA DBANG PO LA NYE BAR SBYOR BA GO CI LTAR SBANG ZHE NA, BSHAD PA, DBANG PO LA PHAN BTAGS PAS KYANG SGRA'I LHAN CIG BYED PAR 'GYUR TE, RTZOL BA LA LTOS PAR BYA PA YIN PA'I PHYIR RO, ,GAL TE SGRA'I LHAN CIG BYED PA MA YIN NA NI DBANG PO LA PHAN BTAGS PAS RTZOL BA LA SGRA'I LTOS PAR BYA BAR 'GYUR BA YIN GYI, DE LTA MA YIN NA DBANG PO LA PHAN 'DOGS PA'I RTZOL BA LA SGRAS LTOS PAR BYA BA YIN NO ZHES BYA GANG LA CI ZHIG 'BREL BA YIN, LTOS PA MED PA'I PHYIR SGRA DE'I LHAN CIG BYED PA DE YANG BSAL BA YIN NO, ,DE'I PHYIR DBANG PO LEGS PAR BYAS PAS KYANG RTZOL BA LHAN CIG BYED PA MA YIN NO, ,DKYUS MA NYID MJUG BSDU BA'I PHYIR BSHAD PA, GANG GI PHYIR DMIGS PAR NUS PA LA RANG BZHIN GYI SGRA NAM YANG RANG GI RANG BZHIN LAS MA 'PHOS PA DE'I PHYIR RTAG TU DMIGS PAR 'GYUR RO, ,'DI LTAR DON NI SHES PA SKYED PAR NUS PAS MTHONG BA YANG YIN NO, ,SGRA YANG RES 'GA' MTHONG BA YIN TE, DE'I PHYIR SHES PA SKYED NUS PA YIN NO, ,GAL TE 'GA' ZHIG LAS NUS PA DE THOB PA MA YIN PA 'AM, NUS PA DE DE LAS NAM YANG NYAMS PAR MI 'GYUR BA DE LTAR NA DE RTAG PAR 'GYUR BA YIN NO, ,DE CI'I PHYIR ZHE NA, SHES LA SKYED PAR RUNG BA NYID SGRA DE LAS THA MI DAD PA'I PHYIR RO, , GAL TE THA MI DAD PA'I NUS PA SKYE BA DANG NYAMS PA YIN NA DE'I RANG BZHIN GYIS SGRA YANG MI RTAG PAR 'GYUR RO, ,'ON TE NUS PA THA DAD PAR 'DOD NA NUS PA DON GZHAN YIN NA YANG SKYON DU 'GYUR BA'I PHYIR RO, ,DON GZHAN MA YIN PA NYID DO, ,SKYON NI 'BREL PA MI RUNG BA DANG, PHAN PA GZHAN RTOGS NA THUG PA MED PA DANG, PHAN PA LAS SHES PA SKYE BA'I PHYIR SGRA SKYED PAR BYED PA NYID MA YIN TE, DE'I PHYIR RTAG TU DMIGS PAR THAL BAR 'GYUR RO, ,RTZOL BA MA BRTZAMS PA DANG RGYUN CHAD PA'I DUS NA NI 'DI NAM YANG MA DMIGS LA, GANG GIS 'DI RTZOL BA'I DE MA THAG TU @83B DMIGS PA DES NA SGRA DE'I BDAG NYID LA RTZOL BA 'DI PHAN PA 'GA' ZHIG BYED PA'I PHAN 'DOGS PA PO CUNG ZHIG YIN NO, ,RTZOL BA SHES PA NYID LA NI PHAN 'DOGS PAR BYED PA MA YIN TE, SNGAR YOD PA'I DON GYI SHES PA NI RTZOL BA LA RAG LAS PAR MI 'THAD PA'I PHYIR RO, ,'ON KYANG BRTZAL MA THAG TU BYUNG BA'I DON DE NYID LA RTZOL BA PHAN 'DOGS PAR BYED PAR RTOGS PA YIN NO, ,CI'I PHYIR ZHE NA, BSHAD PA, BYED PA PO GANG YIN PA DE'I CHOS MTHONG BA'I PHYIR RO, ,SGRA LA NI RTZOL BA'I BYED PA PO'I CHOS MTHONG GI SHES PAR BYED PA NI MA YIN NO, ,SGROL MA LA SOGS PA'I SHES PAR BYED PA'I DON NI DNGOS PO GRUB ZIN PA RGYUN GYIS 'JUG PA LA RANG GI YUL CAN GYI SHES PA SKYED PA NA SHES PAR BYED PA YIN TE, RANG SHES PAS NA GZHAN BLO'I RGYU ZHES GANG BSHAD PA YIN NO, ,RTZOL BA NI GRUB ZIN PA'I SGRA LAS RANG GI SHES PA'I RGYU MA YIN GYI, 'ON KYANG DE'I RANG GI NGO BO BSGRUB PA'I RGYU YIN TE, DPER NA RDZA MKHAN GYI RTZOL BA BUM PA BSGRUB PA'I RGYU YIN PA BZHIN NO, ,'JIG RTEN YANG GRUB PA'I DON GYI BDAG NYID SHES PA DANG, MA GRUB PA BSGRUB PAR BYA BA DAG NYAMS SU MYONG BA KHO NAS RNAM PAR BYED PA YIN NO, ,DE'I PHYIR MAR MES GSAL BAR BYA BA DANG, RDZA MKHAN GYIS BSGRUB PAR BYA BA'I BUM PA SGRON MA'I GSAL BYA DANG RDZA MKHAN GYI 'BRAS BUR SHES PA DE BZHIN DU SGRA YANG RTZOL BA'I 'BRAS BU YIN NO, ,DE LTA MA YIN NA BUM PA YANG RDZA MKHAN GYI RTZOL BAS GSAL BAR BYA BA YIN PA'I PHYIR MTHA' DAG GSAL BYAR 'GYUR RO, ,BYED PA PO'I CHOS MTHONG BA DE'I PHYIR SGRA RTZOL BAS SKYED PA YIN PAS NA BRTZAL MA THAG TU BYUNG BA'I SGRA'I SHES PA, RGYU SGRA MI RTAG PA'I RANG BZHIN GYI 'BRAS BU YIN NO ZHES BYA BAR GNAS SO, ,GANG DU RGYU'I RANG GI NGO BO NYID RJES SU DPOG PA DER NI SA PHYOGS LA SOGS PA GZHAN CHOS CAN YIN LA, GANG DU KHYAD PAR RJES SU DPAG PAR BYA BA DER NI DE NYID CHOS CAN YIN NO, ,BSKYED PAR BYA BA'I 'BREL PA CAN GYI SHES PA LAS NI DE'I KHYAD PAR MI RTAG PA NYID BSGRUB PAR BYA BA YIN NO, ,DON 'DI NYID BSDU BA'I PHYIR BSHAD BA, RTZOL BAS @84A *, ,BRTZAMS PA LAS SNGAR YANG YOD PA'I DON GYI RNAM PAR SHES PA NI BRTZAL MA THAG TU 'BYUNG BAR NGES BA MA YIN NO, ,DON RANG GI NGO BOS SHES PA DE NA NI SNGAR YANG BYED BA NYID DE, RTZOL BA LTOS PA MED PA'I PHYIR RO, ,SGRIB BYED PAR MA CHOD BA DANG DBANG PO DANG SGRA LA RTZOL BA NYE BAR SBYOR BA MED PA'I PHYIR RO, ,RNAM KUN ZHES BYA BA NI SGRA LA PHAN 'DOGS PA MA YIN LA, SGRA'I LHAN CIG BYED PA YANG MA YIN PA'O, ,GSAL BYED KYI YI GE NI SKABS 'DIR PHAN 'DOGS PAR BYED PAR MI GZUNG STE, DE NYID SGRA YIN BA'I PHYIR TE, GZHAN MA DMIGS BA'I PHYIR RO, ,'ON TE NYE BAR SBYOR BA MED KYANG CI'I PHYIR BRTZAL MA THAG TU 'BYUNG BAR MI 'GYUR ZHE NA, GANG GI PHYIR LTOS PA MED PAR RES 'GA' BA'I TSE, 'BRAS BU MI BYED PA 'GAL BA GANG YIN PA DE'I PHYIR RTZOL BA DANG LHAN CIG 'BRAS BU BYED PAR MI 'THAD DO, ,BRTZAL MA THAG TU 'BYUNG BA'I SHES PA 'DI 'DRA BA NI MTHONG BA YANG YIN NO, ,DE'I PHYIR RTZOL BA LA RAG LAS PA'I SHES PA 'DI 'DRA BA NI RES 'GA'I DON GYI 'BRAS BUR GRUB PAS DE'I RTAGS YIN NO, ,DPER NA BRJOD PA 'DI NYID KYIS GTAN TSIGS KYI MTSAN NYID PHYOGS KYI CHOS LA SOGS PA GANG YIN PA DE'I YUL GTAN TSIGS BSTAN PA YIN NO, , BSTAN PA YIN YANG 'BRAS BU'I GTAN TSIGS KYI PHYOGS KYI CHOS DPER BRJOD PA LAS RANG BZHIN GYI PHYOGS KYI CHOS LOGS SHIG TU BYAS PA NI GTAN TSIGS THAMS CAD MTHUN PA'I PHYOGS KYI PHYOGS GCIG LA YOD PA DE'I BDAG NYID DE, RANG BZHIN NAM 'BRAS BU GANG ZHIG MTHUN PA'I PHYOGS KYI PHYOGS GCIG LA YOD PA GANG YIN BA DE NYID GO BAR BYED PA MA YIN PAR RTOGS PAR MI 'GYUR PAR BYA BA'I PHYIR RO, ,GAL TE GTAN TSIGS KYI DBYE BA 'CHAD NA MTSAN NYID KYANG BSHAD DGOS SO, ,'ON TE RANG GI DON GYI RJES SU DPAG PA LAS MTSAN NYID NGES PA YIN NA, MTHUN PA'I PHYOGS LA KHYAB PA'I RANG BZHIN YANG GTAN TSIGS KYI MTSAN NYID DANG LDAN PAR DE NYID LAS NGES PAR 'GYUR ZHE NA, BRJOD PAR BYA BA BSNYAD PA YIN YANG GZHAN GYI DON GYI RJES SU DPAG BAR YANG GTAN TSIGS KYI NGAG BRJOD PA'I DBANG DU BYAS BA NI BYIS BA RNAMS BYE BRAG TU RTOGS PAR BYA BA'I PHYIR RO, , @84B DE'I DON NI 'DI YIN TE, BSHAD ZIN PA'I DON YANG BRJOD BA NI MKHAS PAS RTOGS PAR BYA BA'I PHYIR NI MA YIN GYI, MI MKHAS PAS DON RTOGS KYANG CI LTA BA BZHIN BRJOD MI SHES PA'I PHYIR RTOGS PAR BYA DGOS PA DE BZHIN DU MTSAN NYID SHES KYANG DPE BRJOD PA'I PHYOGS KYI CHOS GANG YIN PA DE'I MTHAR THUG PA KHO NA'I MTSAN NYID YIN PAR RTOGS PAR 'GYUR BA DES NA BYE BRAG TU RTOGS PAR BYA BA'I PHYIR DBYE BA BRJOD BAR BYA BA YIN GYI, MTSAN NYID NI GZHAN BRJOD BAR BYA BA MA YIN NO, ,DES NA 'DIR DBYE BA TZAM ZHIG SLOB DPON PHYOGS KYI GLANG BO 'AM, KHO BOS BSHAD KYI, MTSAN NYID NI GANG ZHIG RANG GI DON GYI RJES SU DPAG PAR BSHAD PA DE NYID YIN NO, ,GAL TE DBYE BA BRJOD BA GNYI GA YANG BYE BRAG TU RTOGS PAR BYA BA'I PHYIR YIN PA DE LTA NA NI, 'O NA MTHUN PA'I PHYOGS LA KHYAB PA'I RANG BZHIN DPER BRJOD KYI, PHYOGS GCIG LA YOD PA NI MA YIN PA DES NA DE GO BAR BYED PA NYID DU MI RTOGS PAR 'GYUR RO ZHE NA, BSHAD PA, DPE BRJOD PA 'DIS NI PHYOGS GCIG LA YOD PA'I RANG BZHIN GYI DPE BRJOD PA YANG BSHAD PAR RIG PAR BYA'O, ,DE NYID KYI PHYIR PHYOGS GCIG LA YOD PA GNYIS KYI DPE BRJOD PA THUN MONG DU BRTZAL MA THAG TU BYUNG BA'I PHYIR ZHES GSUNGS SO; YANG CI LTAR NA SGRA 'DIS RANG BZHIN NAM 'BRAS BU BRJOD PAR NUS SHE NA, BSHAD PA, BRTZAL MA THAG TU BYUNG BA'I GSAL BA DANG SKYES PA DAG LA BRTZAL MA THAG TU 'BYUNG BA'I PHYIR ZHES BYA BA'I SGRA 'DIS BRJOD PA'I PHYIR DE YANG RTZOL BA DANG BAR CHOD MED PAR RTZOL BAS SKYED PA 'AM, GSAL BAR BYUNG BA GANG YIN PA'O, ,DE LTA YIN DANG RTZOL BA DANG BAR CHOD MED PAR 'BYUNG BA'I PHYIR BRTZAL MA THAG TU BYUNG BA YIN LA, BYUNG BA YANG RANG GI NGO BO 'AM, GSAL BA NYID KYIS YIN TE, MA GSAL BA NI MA BYUNG BA DANG MTSUNGS PA'I PHYIR RO, ,GSAL BA YANG DON GYIS SHES PA YIN TE, DES NA BRTZAL MA THAG TU BYUNG BA'I SHES PA'AM SKYE BA YIN NO, ,SHES PA NI 'BRAS BU YIN LA SKYE BA NI RANG BZHIN YIN BA'I PHYIR GNYI GA BRJOD PA YIN NO, ,CI'I PHYIR RANG BZHIN DANG 'BRAS BU GNYIS KYI DBYE BA BRJOD CE NA, BSHAD PA, YOD PA GANG MED MI 'BYUNG BA 'AM, ,'BRAS BU GANG YIN PA DE @85A *, ,NI RGYU'I DON DE DANG MI 'KHRUL ZHES 'BREL TO, ,RANG GI BDAG NYID DE BDAG GI BA'I GTAN TSIGS GANG YIN PA YANG NGO, ,KHYAD PAR CI LTA BU ZHIG CE NA, RNAM DBYE MED CAN TE, PHYOGS GCIG LA YOD PA MA YIN PA DPER NA RTZOL BA LAS BYUNG BA LA MI RTAG PA BZHIN NO, , GTAN TSIGS DE NI RNAM PAR DBYER MED PA'I BDAG DE DANG 'KHRUL MI 'GYUR TE, YONGS SU MI GTONG BA'O, ,GANG ZHIG GANG GIS YONGS SU MA BTANG BA DE NI DE'I GO BAR BYED PA YIN NO ZHES BSTAN PA'I PHYIR GTAN TSIGS KYI RAB TU DBYE BA BSHAD PA YIN NO, ,'DIS NI GANG DAG PHA ROL POS BRTAGS PA'I GTAN TSIGS DAG GTAN TSIGS MA YIN PAR BRJOD PA YIN NO, ,DE DAG KYANG GANG ZHE NA, LDAN PA CAN SOGS SO, ,LDAN PA NI MEL DU BA'O, ,DON GCIG LA 'DU BA CAN NI MI RTAG PA NYID LA BYAS PA LTA BU'O, ,LDAN PAR GYUR PA DANG 'DUS PA LA SOGS PA GZHAN YANG GZUNG NGO, ,GZHAN DAG GIS DPE BRJOD PA NI 'DU BA CAN NI BA LANG GI RVA LTA BU YIN LA, DON GCIG LA 'DU BA CAN NI REG PA LA SOGS PA LA GZUGS BZHIN NO ZHE'O, ,'DI DAG THAMS CAD GTAN TSIGS MA YIN PA NI MA YIN GYI, 'ON KYANG DE DAG GI NANG NAS BSHAD ZIN PA'I MTSAN NYID CAN DE 'DRA BA'I 'BREL PA YOD MIN PA DE DAG NYID GTAN TSIGS MA YIN TE, 'BREL BA MED PA LA NI 'KHRUL BA SRID PA'I PHYIR RO, ,DE LA GTAN TSIGS DE DAG LA 'BREL PA YOD PA YIN NA NI 'BREL PA DE NYID NGES PA'I SGRUB BYED YIN TE, BRJOD PA'I LDAN PA DANG 'DU BA DANG DON GCIG LA 'DU BA LA SOGS PA RGYU MTSAN MED BA GZHAN GYIS CI ZHIG BYA, 'DI SNYAM DU 'DU BA LA SOGS PA NGES PA'I RGYU YOD PA NYID LA 'BREL PA NGES PA'I RGYU YIN GYI, MED NA NI MA YIN NO SNYAM NA, DE NI MI 'THAD DE, D'I LTAR GTAN TSIGS KYIS 'BREL BA MED NI MA 'BYUNG BA GANG YIN PA DE NYID BSGRUB PAR BYA BA LA NGES PA YIN NO, ,NGES PA'I DON GANG YIN PA DE YANG SGRUB BYED YIN GYI, NGES PA MED PA NI LDAN PAR GYUR KYANG SGRUB BYED MA YIN NO, ,DES NA NGES PA'I SGRUB BYED 'BREL PA'I MTSAN NYID YOD NA LDAN PA CAN LA SOGS PAS CI ZHIG BYA, GSUM PA NI 'BRAS BU @85B DANG RANG BZHIN DAG LAS GZHAN BA'O, ,'GA' ZHI GTZES BYA BA NI THAMS CAD MA YIN NO, ,JI SKAD BSHAD BA'I MTSAN NYID NI BLTAR RUNG BA MI DMIGS PA ZHES BYA BA'I DON TO, ,DE YANG RANG BZHIN GYIS KHONGS SU 'DUS PA YIN TE, DE'I PHYIR TE DPER BRJOD BA NYID KYIS DPER BRJOD PA YIN NO; GAL TE MI DMIGS PA'I SGRUB PAR BYED PA YIN LA, MED PA YANG 'GA' ZHIG GI KHONGS SU 'DUS PA MA YIN NO ZHE NA, BSHAD PA, GANG GI PHYIR DMIGS SU RUNG STE DMIGS PAR 'OS PA NI BLTAR RUNG BA MED PA DAG LA NI, MI DMIGS BA LAS GZHAN PA'I MED LA, MI DMIGS PA YANG GRUB PA YIN NO, ,DES NA DE'I PHYIR DNGOS PO MED PA NI MI SGRUB BO, ,'O NA 'DI GANG GI RANG BZHIN DU 'GYUR BA CI ZHIG BSGRUB PAR BYA ZHE NA, BSHAD PA, MI DMIGS PA DE YOD PA'I RGYU LAS BUM BA MED DO ZHES BYA BA LA SOGS PA DE LTA BU'I RNAM PA CAN MED PA DE'I SGRA DANG SHES PA DAG BSGRUB PAR BYA BA YIN NO, ,JI LTA BUR GYUR PA ZHIG CE NA, DE'I RGYU MTSAN TE DE TZAM GYI RGYU MTSAN CAN NO, ,'DI NI LE'U GNYIS PAR BSHAD ZIN TE, BLTAR RUNG BA'I RANG BZHIN GYI DON MED PA NI MI DMIGS PA LAS GZHAN MA YIN TE, 'ON KYANG SHES PA DANG SHES BYA'I RANG BZHIN MI DMIGS PA NYID YIN NO, ,DE YANG GRUB PA YIN LA, GRUB PA DES NI DE NYID BSGRUB PAR BYA BA NI MA YIN GYI, 'ON KYANG MI DMIGS PA'I RGYU MTSAN CAN MED PA'I SHES PA DANG, SGRA DAG BSGRUB PAR BYA BA YIN NO ZHES BSHAD ZIN PA YIN NO, ,GAL TE MED PA'I THA SNYAD MI DMIGS PA'I RGYU MTSAN YIN NA DE LTAR ZHES BYA BA RGYU MTSAN MI DMIGS PA LAS RGYU MTSAN CAN RTOGS PAR CI LTAR 'GYUR, JI LTAR MI 'GYUR ZHE NA, RGYU YOD KYANG 'BRAS BU NGES PA MED PA'I PHYIR RO ZHE NA, GANG GI PHYIR BLTAR RUNG BA MA MTHONG BA LA BLTAR RUNG NGAM MTHONG BA'I RGYU MTSAN GYIS MED CES BYA BA'I THA SNYAD 'DI GRUB PA YIN NO, ,DE'I PHYIR 'DI MI DMIGS PA'I 'BRAS BU YIN YANG DE'I BLO DANG SGRA LA THE TSOM MED DO, ,BLTAR RUNG BA MTHONG BA MED PAR GRUB PA NA 'BRAS BU MA ZHUGS PA NI RGYU MA TSANG BA LAS NUS PA MA YIN NA, 'DI LA NI ZHUGS PA NYID YIN TE, DES NA NGES PA YIN NO ZHES BYA BA'I DON TO, , @86A *, ,JI LTAR NGES SHE NA, GANG GI PHYIR 'BREL PA MA YIN PAR SHES PA GANG GIS NGES PA MED PAR 'GYUR BA 'DI GDONG RTOGS PAR BYA BA NI MA YIN NO, ,'O NA CI ZHE NA, 'BREL PA SHES ZIN PA'I PHYIR, 'ON KYANG BLTAR RUNG BA MTHONG BA MED PA'I RGYU MTSAN GYIS MED DO ZHES BYA BA'I THA SNYAD 'DI YIN PAR GRUB PA NYID DO, ,GAL TE RTOGS PAR BYED PA LA YANG BLTAR RUNG BA MTHONG BA MED PA'I RGYU MTSAN GYIS THA SNYAD GRUB NA, 'O NA DE GANG LA BSGRUB PAR BYA BA YIN ZHE NA, DE DRAN PAR BYED DO ZHES SMOS SO, ,GANG ZHIG DE LA GRUB PA'I NYE BAR BRJOD PA MED PA DE DAG LA MED PA'I THA SNYAD ZHUGS SU ZIN KYANG, SHES PA DANG SHES BYA'I BDAG NYID BLTAR RUNG BA MI DMIGS PA'I YUL YOD NA YANG, DE'I RGYU MTSAN CAN GYI THA SNYAD MI DRAN PA'I RTOGS PAR BYED PA DE DRAN PAR BYED DO, ,RNAM PA CI ZHIG LTAR ZHES BYA BA NI RGYU MTSAN GZHAN SGRO BTAGS PA LAS SO, ,MI DMIGS PA NI MA YIN TE, 'ON KYANG BDAG GI SA RGYU MTSAN GZHAN NYID LAS THA SNYAD DU BYAS PA YIN NO ZHES RGYU MTSAN LA RMONGS PA DE KHYOD KYI RGYU MTSAN 'DI NYID LAS THA SNYAD DU BYAS PA YIN NO ZHES RGYU MTSAN RAB TU BSTAN PAS YUL DRAN PAR BYED DO, ,GAL TE RGYU MTSAN LA RMONGS NA DE LA DE'I RGYU MTSAN GYIS BSGRUB PAR BYA BA'I THA SNYAD MI 'GRUB PA DES NA DE LTAR 'KHRUL PA MED PA YIN ZHE NA, BSHAD PA, MED PA'I THA SNYAD LA YUL GANG DU YANG SNANG BA MI DMIGS PA LAS RGYU MTSAN GZHAN NI 'GA' YANG YOD PA MA YIN LA, DE YANG 'DIS SNGAR LAN CIG MA YIN PAR ZHUGS ZIN PA YIN NO, , GANG GI PHYIR NGES PA DANG LDAN PA'I 'JUG PA NI MNGON PAR 'DOD PA'I RANG BZHIN YONGS SU BCAD PA'I MTSAN NYID CAN YIN LA, MNGON PAR 'DOD PA'I RANG BZHIN YONGS SU BCAD PA YANG MNGON PAR 'DOD PA MA YIN PA BCAD PA YIN NA 'GYUR ZHING, DE BLTAR RUNG BA'I RANG BZHIN MA DMIGS NA YIN NO, ,DES NA MED PA'I THA SNYAD DANG LHAN CIG PA'I 'JUG PA THAMS CAD NI MI DMIGS PA'I RGYU MTSAN CAN YIN PA DE'I PHYIR MED PA'I THA SNYAD NI THAMS CAD KYIS DPYAD ZIN PA YIN NO, ,DE'I PHYIR MI DMIGS PA DANG MED PA'I THA SNYAD DAG GI 'BREL PA NI GRUB ZIN PA YIN GYI, @86B BSGRUB PAR BYA BA NI MA YIN NO, ,DE'I PHYIR MI DMIGS PAS BSGRUB PAR BYA BA SHES PA DANG SGRA DAG NI RUNG BA NYID LA THE TSOM MED PA NYID DO, ,'DOD PA LA RAG LAS PA'I THA SNYAD NI 'GA' ZHIG LA RGYU MTSAN YOD KYANG MI 'JUG PA YANG SRID PA DES NA RUNG BA NYID RGYU MTSAN GYIS BSGRUB PAR BYA BA YIN GYI THA SNYAD DNGOS PO NI MA YIN NO, ,RGYU MTSAN DANG RGYU MTSAN CAN GYIS 'BREL PA 'DOD PAS BYAS PA YIN PA'I PHYIR RUNG BA NYID KYANG BSGRUB PAR BYA BA YIN NO, ,GANG DU 'BREL PA DNGOS POR GYUR PA DER NI RUNG BA'I RGYUR GNAS SKABS THA MA THOB PA LAS DE MA THAG PA NYID DU 'BRAS BU MNGON SUM DU 'GYUR BA'I PHYIR 'BRAS BU DNGOS SAM RUNG BA NYID KYANG BSGRUB PAR BYA BA MA YIN NO, ,DPE BRJOD PA NI LKOG SHAL LA SOGS PA 'DUS PA YIN PA'I PHYIR 'DI NI BA LANG NGO ZHES BYA BA'O, ,'DI BA LANG CHEN PO DANG KHRA BO LA SOGS PA LA BA LANG GI THA SNYAD ZHUGS SU ZIN KYANG GANG GI TSE BLUN PAS CHEN PO LA SOGS PA NYID RGYU MTSAN YIN PAR SGRO BTAGS TE, CHUNG NGU LA SOGS PA LA RGYU MTSAN MED PAR BSAMS NAS BA LANG GI THA SNYAD MI 'JUG PAR BYED PA DE'I TSE THA SNYAD 'DI NI LKOG SHAL LA SOGS PA TZAM GYI RGYU MTSAN CAN YIN NO ZHES LKOG SHAL LA SOGS PA DANG LDAN PA CAM BA LANG GI THA SNYAD KYI RGYU MTSAN CAN DU BSTAN NAS BRDA DRAN PAR BYED DO, ,GAL TE 'BREL PA GRUB NA RGYU MTSAN MTHONG NAS THA SNYAD 'JUG PAR MI BYED PAR CI LTAR 'GYUR TE, DPER NA LO MA LA SOGS PA DANG LDAN PA LAS SHING GI THA SNYAD BZHIN NO ZHE NA, YUL YOD NA YANG STE NYE BAR GNAS PA LA DE'I RGYU MTSAN CAN GYI THA SNYAD ZHUGS SU ZIN KYANG RGYU MTSAN LA YANG RMONGS PAS SKABS SU BAB PA'I YUL 'DIS RJES SU MI BRJOD PA STE, THA SNYAD DU MI BYED PA'AM MA RTOGS PA NI GRUB PA MED PA'I THA SNYAD ZHUGS PA'I YUL DANG 'DRA BA'I PHYIR SKABS SU BAB PA'I YUL LA MI DMIGS PA'I RGYU MTSAN CAN GYI BRDA RMONGS PA LA DRAN PAR BYED PA 'BA' ZHIG TU ZAD DO, ,CI'I PHYIR ZHE NA, DPER NA RGYU DANG 'BRAS BU NYID SGRUB PA BZHIN NO, ,MNGON SUM DANG MI DMIGS PA DAG GIS GRUB PAR BSTAN PA'I PHYIR DNGOS @87A *, ,PO DANG DNGOS PO MED BA DAG MTHONG BA DANG MTHONG BA DAG GIS SGRA BRJOD DE DAG GI RGYU DANG 'BRAS BU'I THA SNYAD DU RUNG BA NYID DRAN PAR BYED DO, ,GAL TE RGYU DANG 'BRAS BU NYID NI GNYIS 'BREL PA YIN GYI, DNGOS PO DANG DNGOS PO MED PA TZAM NI MA YIN NA, DE JI LTAR THA SNYAD DU RUNG BA NYID BSGRUB PAR BYA BA YIN ZHE NA, GANG GI PHYIR MTHONG BA DANG MA MTHONG BA DE GNYIS NYID LA 'BRAS BU DANG RGYU DANG BSKYED BYA DANG SKYED BYED LA SOGS PA'I SGRA THA SNYAD KYI DON DU BKOD PA YIN PA DE'I PHYIR, RGYU DANG 'BRAS BU NYID GZHAN NI BSGRUB PAR BYA BA MED DO, ,RGYU YOD PA DANG MED PA'I RJES SU BYED PA 'BRAS BU YOD PA DANG MED PA NYID 'BREL PA YIN GYI GZHAN NI DGA' YANG MA YIN NO, ,DE'I PHYIR 'DIR YANG BLUN PAS BRDA BYAS ZIN PA LA RGYU MTSAN SGRO BTAGS NAS YUL CAN MI DRAN PA DRAN PAR BYED PA YIN NO, ,ZHAR LA PHYUNG BA MJUG BSDUS NAS GNYUG MA NYID BSHAD PA, RGYU LAS 'BRAS BU RAB TU GRUB PA 'DI NI GTAN TSIGS KYIS RAB TU DBYE BA BSHAD PA, THA DAD PAR DPER MA BRJOD DE, RANG BZHIN GYI GTAN TSIGS KYI NANG DU 'DUS PA'I PHYIR RO, ,CI'I PHYIR ZHE NA, RUNG BA NYID BSGRUB BYA YIN PA'I PHYIR RO, ,RGYU LAS 'BRAS BU RAB TU GRUB PA LA THE TSOM MED DU CHUG MOD, RANG BZHIN GYI NANG DU 'DUS PAR GO CI LTAR 'GYUR ZHE NA, BSHAD PA, SA PHYOGS DANG SHES PAR RANG BZHIN GYIS MI DMIGS PA LAS NI KHYAB PAR BYED PA'I RANG BZHIN MED PA'I THA SNYAD DU RUNG BA NYID BSGRUB PO, ,KHYAB PAR BYA BA DANG KHYAB PAR BYED PA YANG GANG DU 'GRUB CE NA, KHYAB PA YANG GZHAN DU ZHES SMOS SO, ,YUL GZHAN DU RAB TU ZHUGS PA'I THA SNYAD MI DMIGS PA TZAM LAS GRUB CING, GRUB PA DE RGYUR GYUR PAS NA KHYAB PA GRUB PO, ,DE'I RGYU MTSAN NYID DU GCIG LA RAB TU GRUB PAS KYANG RUNG BA NYID RGYU MTSAN GYIS KHYAB PAR BYED PAR 'GRUB PAR 'GYUR RO, ,DES NA DE LTAR MI DMIGS PA RANG BZHIN GYI GTAN TSIGS KYI NANG DU 'DUS PA'I PHYIR MI DMIGS PA NYID BUM PA MED PA YIN NO, ,DA YANG GRUB PA YIN LA, MI DMIGS PA'I RANG BZHIN DU GYUR PA MED PA DES MED PA'I THA SNYAD @87B DU RUNG BA NYID BSGRUB PAR BYA BA YIN NO ZHES LE'U GNYIS PA DANG 'DIR YANG BSHAD ZIN TO, ,GANG LAS MED PA'I THA SNYAD DU 'GYUR BA MED PA'I BDAG NYID KYIS MI DMIGS PA DE NYID CI LTAR 'GRUB CING MED PA DE SHES PA MED PAR NGES PA'I RGYUR YANG CI LTAR 'GYUR ZHE NA, CI 'DRA BA ZHIG MI DMIGS PA YIN PAR 'DOD PA DE MI SHES PAS BDAG LA DRIS SO SNYAM NAS, NYES PA 'DI NI MED DO ZHES SMOS SO, ,'DI LTAR GZHAN DANG MA 'DRES PA'I DON GCIG GI DMIGS PAR NYAMS SU MYONG BA LAS DNGOS PO 'DI NI DMIGS SO ZHES BYA BA'AM, MA DMIGS SO ZHES DMIGS PA GRUB PA DANG 'GOG PA'I RNAM PAR RTOG PA SKYE BAR 'GYUR RO, ,GCIG DMIGS NYAMS SU MYONG BA LAS, ,ZHES BYA BA GANG LAS SHE NA, GANG GI PHYIR GANG LAS SHES PA MED PAR NGES PA'I PHYIR RO, ,SHES PA MED PA DE NYID LAS MED PA'I THA SNYAD DU 'GYUR BA DNGOS PO RNAMS RANG LA DMIGS PA'I SHES PA DE MED PA TZAM GYIS NI DE LTAR 'GYUR BA MA YIN NO ZHES BYA BA SHES PA MED PAR NGES PAR 'GYUR BA'O, ,'O NA GANG LAS MED PA'I THA SNYAD DU 'GYUR BA SHES PA MED PAR NGES PA GANG LAS SHES NA, BSHAD PA, DNGOS PO RNAMS KYI RANG BZHIN LAS KHYAD PAR DU GYUR CING LOG PAR GYUR PA'I SA PHYOGS LA SOGS PA SHES PA GCIG LA 'DRE BA'I SHES PA YOD PA LAS YIN NO, ,'DI MA DMIGS SO ZHES SHES PA MED PA 'DI MA NGES PAR 'GYUR BA DE NYID LAS DMIGS PA MED PAR NGES PA'I SGO NAS THA SNYAD 'JUG PA YIN NO, ,MED PA'I THA SNYAD DE NI SHES PA MED PA LAS NI MA YIN GYI, 'ON KYANG SHES PA GZHAN YOD PA LAS SO ZHES BYA BA DE GA LAS SHE NA, GNYID LOG PA LA SOGS PA 'GA' ZHIG TU DON THAMS CAD MA RTOGS PAR GYUR BA'I TSE, SHES PA DNGOS PO MED PA MI RTOGS PA'I PHYIR SHES PA MED PA LAS SHES PA MED PA RTOGS PA NI MA YIN NO, ,DE'I TSE SHES PA MED PA MA RTOGS PA GANG LAS SHE NA, DRAN PA MED PA'I PHYIR RO, ,GANG GI PHYIR SHES PA MED PA LAS SHES PA MED PAR RTOGS PA'I PHYIR DON MNGON SUM DU GYUR NA MNGON SUM @88A *, ,DU GYUR PA'I TSAD MA'I STOBS KYIS DMIGS PA DANG MI DMIGS PA'I RNAM PAR RTOG PA 'BYUNG BAR 'GYUR RO, ,MNGON SUM GYIS NI DMIGS PA MED PA NYID THA SNYAD DU BYA BA YIN GYI, DON MED PA NI THA SNYAD DU BYA BAR NUS PA MA YIN NO, ,MA DMIGS PA DAG KYANG YOD PA'I MTHONG BA'I PHYIR RO, ,DES NA SNANG BA MI DMIGS PAS NA THA SNYAD DU BYA BA YIN NO, ,MED PA'I THA SNYAD DU RUNG BA NI BLTAR RUNG BA'I MI DMIGS PA MED PAR NGES PAR BSHAD LA, 'DI MA DMIGS SO ZHES BYA BA MNGON SUM LAS YIN TE, 'DI LTAR SHES PA TZAM MED PAR NGES PA NI GZHAN LAS KYANG 'GYUR BA NYID DO, ,YANG CI'I PHYIR SHES PA GCIG NYAMS SU MYONG BA LAS DON GZHAN GYI DMIGS PA MED PAR NGES SHE NA, GANG GI PHYIR DON GYI KHYAD PAR RTOGS PA NI KHYAD PAR CAN GYI MYONG BA LAS 'GYUR LA, MYONG BA'I KHYAD PAR RTOGS PA NI RNAM PA DE LTA BU KHYAD PAR CAN SNGON PO'I RNAM PA'I BDAG NYID RANG GI RIG PAS YIN GYI, MYONG BA'I KHYAD PAR GZHAN LAS MA YIN NO, ,DE LTA YIN DANG RANG NYID GRUB PA'I RANG BZHIN GYI KHYAD PAR GYI MYONG BA DE DON GYIS GZUNG BAR BYA BA'I DON KYANG KHYAD PAR DU BYED PA YIN TE, DON GYI KHYAD PAR NGES PA NI SHES PA'I KHYAD PAR NGES PA LA RAG LAS PA YIN PA'I PHYIR RO, ,DE LA KHYAD PAR CAN GYI SHES PA NGES PA'I RANG BZHIN SHES PAS GZHAN MED PAR NGES PA NI SHES PA LAS RIG NA, DON GYIS DON RNAM PAR GCOD DO ZHES CI'I PHYIR BRJOD CE NA, SHES PA GCIG LA 'DREN PA CAN MTHONG BA NA GAL TE BUM PA LA SOGS PA YOD NA NI MTHONG BA KHO NAR 'GYUR BA DE'I PHYIR SNANG DU SRID PA YIN NO ZHES BYA BA 'DI NI BSHAD ZIN TE, DES NA 'DIR SNANG BA MI DMIGS PAR NGES PA'I RGYU YIN PA NYID KYIS DON RNAM PAR GCOD PAR BRJOD DO, ,DES NA SHES PA DANG SHES BYA'I RANG BZHIN NI MI DMIGS PA YIN PAR DE DANG DE DAG TU BRJOD PA YIN NO, ,GAL TE CI LTAR DON GYI KHYAD PAR NGES PA NI SHES PA LAS YIN GYI RANG NYID LAS NI MA YIN PA DE BZHIN DU SHES PA'I YANG SHES PA GZHAN LAS YIN NO ZHE NA, DE LTA MA YIN NA ZHES SMOS SO, ,GAL TE MYONG BA'I KHYAD PAR DE NGES PA'I RNAM @88B PAR SHES PA GZHAN GYIS NGES PAR BYAS PA YIN NA, SHES PA GZHAN DE'I YANG SHES PA GZHAN LAS YIN PA'I PHYIR SHES PA'I KHYAD PAR RTOGS PA'I RGYU MTSAN GZHAN DANG GZHAN MTHA' THUG PA MED PAR 'GYUR BAS DON NAM SHES PA'I KHYAD PAR 'GA' YANG 'GRUB PAR MI 'GYUR RO; YANG CI LTAR NA SHES PA'I KHYAD PAR BZHIN DU DON GYI KHYAD PAR YANG RANG LAS MI 'GRUB CE NA, BSHAD PA, DON NI RANG GI YOD PA'AM KHYAD PAR DAG GIS DON DANG 'BREL PA'I YOD PA DANG KHYAD PAR NGES PA YIN TE, DE DAG NI RIG PA'I RANG BZHIN MA YIN PA'I PHYIR RO, ,RIG PA'I RANG BZHIN GYI YOD PA DANG KHYAD PAR GANG YIN PA DE DAG NI RANG LAS GRUB PAR 'GYUR BA YIN NO, ,'DI SKAD DU BRJOD PA YIN TE, GANG ZHIG YOD PA RANG NYID LAS GRUB PA DE'I KHYAD PAR YANG 'GRUB PA YIN NO, ,DON NI RIG PA'I RANG BZHIN MA YIN PA'I PHYIR YOD PA TZAM YANG RANG LAS MI 'GRUB NA KHYAD PAR LTAR 'GRUB PAR GAL 'GYUR, DE'I PHYIR BDAG GIS SHES PA GANG YIN PA DE'I YOD PA DANG KHYAD PAR DAG GIS YOD PA DANG KHYAD PAR DAG 'GRUB KYI RANG DBANG DU NI MA YIN NO, ,DE BZHIN DU MYONG BA'I YOD PA DANG KHYAD PAR DAG GIS MYONG BA GZHAN GYI YOD PA DANG KHYAD PAR DAG LAS NGES PA MA YIN TE, SHES PA DANG SHES BYA THAMS CAD MI RTOGS PAR THAL BAR 'GYUR BA'I PHYIR RO, ,GANG GI PHYIR MED PAR NGES PA'I RGYU NI SHES PA GZHAN NYID YIN GYI, SHES PA MED PA TZAM NI MA YIN PA DE'I PHYIR SNANG DU RUNG BA'I DMIGS PA MED PAR NGES PA'I RGYU YIN PA'I PHYIR BSHAD MA THAG PA SHES PA GCIG LA 'DRE BA'I RANG BZHIN KHYAD PAR CAN MYONG PA LAS SHES PA GCIG LA 'DRE BA GZHAN BSAL BA NI GZHAN MA YIN TE, DES NA MA YIN PAR 'JUG PAS MYONG BA DE NYID DNGOS PO MED PA YIN TE, SNANG BA MI DMIGS PA NGES BA'I RGYU YIN PA'I PHYIR RO, ,DNGOS PO MED PA YIN PA 'BA' ZHIG TU MA ZAD KYI BUM PA DE MI DMIGS PA YANG BUM PA DE LAS THA DAD PA'I SHES PA GCIG LA 'DRE BA DMIGS PA NYID YIN NA, DE 'DRA BA'I MI DMIGS PA NI MNGON SUM NYID KYIS GRUB PA YIN NO, ,DES NA DON 'DI BRJOD PA YIN TE, GANG GI PHYIR SHES PA GZHAN @89A *, ,LAS SNANG BA DMIGS PA MED PAR NGES PA DE'I PHYIR KHYAD PAR CAN GYI SHES PA DE NYID DE MED PA DANG MA DMIGS PA YANG YIN LA, DE YANG MNGON SUM GYIS GRUB PA YIN PA DANG, SNANG BA MI DMIGS PA MED PAR NGES PA'I RGYUR YANG 'GYUR BA YIN TE, DNGOS PO NYID KYI PHYIR RO,, DNGOS PO MED PA DANG MI DMIGS PA NI DE NYID YIN NO ZHES DE GA LAS SHE NA, BSHAD PA, GANG GI PHYIR DON MA 'BREL BA NYAMS SU MYONG BA MA 'BREL BA'I YUL CAN NYID KYIS RNAM PA GCIG TU SO SOR NGES PA GANG YIN PA DE LAS DON GZHAN MED PA NI GZHAN MA YIN TE, 'ON KYANG DE NYID YIN NO, , NYAMS SU MYONG BA DE NYID NI RNAM PA DE NGES PA YIN PA'I DMIGS PA'I SNGON PO DE NYID YOD CES NGES PAR BYED PA NA GZHAN NAM GZHAN MYONG BA MED DO ZHES NGES PAR BYED PA DE'I PHYIR DE NYID DNGOS PO MED PA YIN LA, DE NI 'DIR YANG YOD DO, ,NAM GYI TSE NGES SHE NA, GANG GI TSE GZHAN MED PAR THA SNYAD BYED PA'I TSE YIN LA, GZHAN MED PA'I THA SNYAD KYANG SNANG BA MI DMIGS PA LAS YIN NO, ,DE'I PHYIR 'DI MNGON SUM GYI BYED PA NI MA YIN NO, ,DMIGS PAR BYA BA DE NYID NI YOD PA LA GZHAN NI MED DO ZHES BYA BA 'DI NI SKABS KYI DBANG GIS YIN PAR BLTA STE, MNGON SUM GYI BYA BA RNAL MA NYID NI 'DI DMIGS LA 'DI NI MA DMIGS SO ZHES BYA BA NYID YIN NO, ,DE BZHIN DU KHYAD PAR CAN GYI RANG BZHIN NGES PA NYID NI MYONG BA GZHAN MED PAR NGES PA YIN TE, DE'I RANG BZHIN GYI KHYAD PAR NI RANG LAS GRUB PA YIN NO ZHES GANG BSHAD PA YIN NO, ,DE'I PHYIR GZHAN MYONG BA MED DO ZHES NGES PAR BYED DO ZHES BYA BA 'DIR NI SHUGS KYIS ZHES BYA BAR MI BYA STE, 'ON KYANG GZHAN MED DO ZHES BYA BA 'DIR YIN NO, ,MNGON SUM NI GZHAN MED PAR THA SNYAD BYED PA MA YIN NA DE CI LTAR NGES PAR BYED CE NA, SHUGS KYIS GAL TE DE NA SNANG DU RUNG BA GZHAN YOD NA NI SA PHYOGS 'BA' ZHIG DMIGS PAR MI 'GYUR TE, DE YANG DMIGS PA'I PHYIR RO, ,DMIGS PA NGES PA DE NYID KYI SHUGS KYIS BLTAR RUNG BA MED PAR NGES PA MA YIN NA DE NI BLTAR MI RUNG BA DAG LA YANG YOD PA'I PHYIR SNANG BA MI DMIGS PAS THA SNYAD DU BYA BA YIN NO, , @89B DE'I PHYIR GZHAN DMIGS PA MED PAR NGES PA'I RGYU NYID SHUGS KYIS GZHAN MED PAR NGES PA'I RGYU YIN PA'I PHYIR DE NYID MED PA YIN NO ZHES BRJOD PA YIN NO, ,SNANG BA MI DMIGS PAR NGES PA'I SHUGS KYIS BYAS PAS DE NYID LAS MED PAR NGES PA'I RGYU YIN PA'I PHYIR DE NYID DE MA DMIGS PA YIN NO, ,GANG LAS GANG MED PAR NGES PA DE DE'I MI DMIGS PAR RIGS KYI GZHAN NI MA YIN NO, ,DE NI SNANG DU RUNG BA GZHAN MI DMIGS PAR NGES PA'I RGYU YIN PAS MED PA'I THA SNYAD 'GRUB PA'I RGYU YANG YIN NO, ,GANG LAS SHES PA MED PAR MI NGES PA DE NI THA SNYAD KYI RGYU NYID MA YIN TE, MI DMIGS PA MA NGES PAR NI THA SNYAD MI RUNG BA'I PHYIR RO, ,DE YANG RANG RIG PAS GRUB PA'I PHYIR MA GRUB PA MA YIN TE, DE'I PHYIR SHES PA'I RGYU DANG MNGON SUM GYIS GRUB PA YANG YIN PAS RTZOD PA GNYI GA SPANGS PA YIN NO, ,'DIR SHES PA GCIG LA 'DRE BA'I DNGOS PO'I YUL CAN GYI MNGON SUM GA LAS BLTAR RUNG BA GZHAN MED PAR NGES PA DE LAS BLTAR RUNG BA GZHAN MED PA'I THA SNYAD YIN NO ZHES BYA BA'I DON RNAM PAR GZHAG PA YIN NO, ,DON 'DI'I 'KHRUL PA BSTAN PA'I PHYIR SMRAS PA NI, GAL TE RANG LAS KHYAD PAR CAN SHES PA GCIG LA 'DRE BA SHES PA MED KYANG LA LAR MED PA'I THA SNYAD KYI BLOR 'GYUR BA MA YIN NAM, DPER NA MUN KHUNG MUN PA'I SMAG TU LAG PA BYUGS PAS BUM PA LA SOGS PA MED PAR RTOGS PA YOD PA BZHIN NO ZHE NA MA YIN NO, ,CI'I PHYIR ZHE NA, 'DI LTAR MUN KHUNG DER YANG DE LTAR ZHES BYA BA 'GA' ZHIG MED PAR RTOGS PA NI BYUGS PA'I LAG PA'I NANG GI BDAG NYID KYI KHYAD PAR CAN GYI REG PA DMIGS PAS YIN NO, ,GZUGS KYI BDAG NYID KYIS NI BUM PA BLTA BAR BYA BA YIN LA, REG PA'I BDAG NYID KYIS NI REG PAR BYA BA YIN NO, ,REG PAR BYA BA DE SHES PA GCIG LA 'DRE BA'I NANG GI REG PA DMIGS PA LAS MED PAR RTOGS PA YIN NO, ,DE'I TSE NANG GI REG PA DMIGS PA YOD DO ZHES BYA BA DE YANG GA LAS SHE NA, REG PA'I KHYAD PAR ZHES BYA BA LA SOGS PA SMOS SO, ,GAL TE LAG PA BYUGS PA'I BYA BA'I YUL CAN BLO LA GNAS PA'I RTZOL BA LAS 'BRAS BUR GYUR PA'I LAG PA BYUGS PA @90A *, ,RTOGS PA MA YIN NAM ZHE NA RTZOL BA MED KYANG ZHES SMOS SO, ,RE ZHIG 'BRAS BU NI NGES PAR 'GYUR BA MA YIN LA, BYUGS PA'I SHES PA RJES SU DPAG PA YANG MA YIN TE, DE'I PHYIR REG PA'I KHYAD PAR MNGON SUM DU GYUR PA NA YUL NAS YUL DU RGYU BA'I LAG PA MNGON SUM DU 'GYUR BA YIN NO, ,RTZOL BA MED KYANG LAG PA GYEN DU BSGRENG STE MUN KHUNG DU GNYID RTZOL BA'I DUS SU LAG PA 'OG TU LHUNG BA DMIGS PA YOD PA YIN NO, ,DE'I PHYIR RTZOL BA NI RTOGS PA'I YAN LAG MA YIN PA DANG 'KHRUL PA MA YIN NO, ,REG PA'I KHYAD PAR DE LAS SHES PA GCIG LA 'DRE BA MED PAR RTOGS PA YIN NO, ,SHES PA GCIG LA 'DRE BA'I DNGOS PO'I RTOGS PA DE MED NA GNYID LOG PA LA SOGS PA'I TSE MED PAR MI RTOGS PA'I PHYIR RO, ,SGRA LA SOGS PA MED PAR RTOGS PA NI PHYIS GTAN LA 'BEBS BAR 'GYUR RO, ,GAL TE DMIGS PA'I RGYU RNAMS YOD PA NA DMIGS SU RUNG BA DE MI DMIGS PAS MED PAR RTOGS SO, ,DES CIR 'GYUR ZHE NA, DE'I GNYID LOG PA DANG MYOS PA DANG BRGYAL BA LA SOGS PA'I GNAS SKABS SU 'GA' ZHIG MED PAR MI 'GYUR RO, ,CI'I PHYIR ZHE NA, DMIGS PA'I RKYEN DBANG PO NUS PA MA NYAMS PA 'BRAS BU BYED PAR NUS PA DANG RUNG BA'I YID LA BYED PA DE NYID MED PA'I PHYIR RO, ,DES NA KHYAD PAR CAN SHES PA GCIG LA 'DRE BA'I SHES PA MED PA'I PHYIR NA GNYID LOG PA LA SOGS PA DER 'GA' YANG MED PAR MA RTOGS PA NI MA YIN NO, ,'O NA DE 'DRA BA DE GA LAS SHE NA, RGYU TSOGS PA CAN GYI DMIGS SU RUNG BA MA DMIGS PA NYID MED PA'I PHYIR RO, ,DE'I PHYIR GNYID LOG PA LA SOGS PA LA MED PA'I PHYIR KHYAD PAR CAN GYI SHES PA LAS MED PAR RTOGS PA YIN NO ZHES GANG BRJOD PA DE NI SGRUB PAR BYED PA MA YIN TE, 'DI LTAR GNYIS LOG PA LA SOGS PA MED PAR MA RTOGS PA NI MI DMIGS PA NYID MED PAS YIN GYI, KHYAD PAR CAN GYI SHES PA MED PAS NI MA YIN NO ZHE NA, KHYOD KYIS KYANG KHYAD PAR CAN GYI SHES PA NYID RNAM PA GZHAN GYI SGO NAS BRJOD PA YIN NO ZHES BSTAN PA'I DON DU BSHAD PA, MI DMIGS @90B PA BRJOD PAR BYA BA'I 'DIR YANG RGYU GZHAN YOD PA NA ZHES SMRA BAS DBANG PO LA SOGS PA DE DAG NYID SHES PA LA STE, RANG GI SHES PA LA NUS PA NYAMS PA MED PA'I RGYUS DMIGS PA SKYE BAR STON PAR BYED PA YIN TE, 'DI LTAR GANG GI TSE DE DAG 'BRAS BU RTZOM PA DE'I TSE DAG NUS PA MA NYAMS PAR 'GYUR BA YIN GYI, DE LTA MA YIN NA HA CANG THAL BAR 'GYUR BA'I PHYIR RO, ,GANG ZHIG SNANG BA NA GANG ZHIG YOD NA, GDON MI ZA BAR SNANG BA SHES PA GCIG LA 'DRE BA DE'I NUS PA MA MTHONG BA RGYU'I DNGOS POR NI DMIGS PAS RJES SU DPOG PAR BYED DO, ,DE LAS NI 'BRAS BU 'DRE BA'I SHES PA YIN NO, ,'BRAS BU 'JUG PA DE YANG DMIGS PA NYID YIN NO, ,KHYOD KYIS DMIGS SU RUNG BA MA DMIGS PAR BRJOD PAS KYANG DMIGS PA DE'I DON GCIG TU SNANG BA NGES PA STON PAR BYED DO, ,'DI LTAR DMIGS PA YOD PA NA GAL TE DE'I RNAM PA DON GCIG TU NGES PA YIN NA BUM PA MI DMIGS SO ZHES BYA BAR 'GYUR BA YIN NO, ,DE'I PHYIR KHYOD KYIS KYANG KHYAD PAR CAN GYI SHES PA NYID DE MI DMIGS PAR BRJOD PA YIN NO, ,GZHAN DU ZHES BYA BA GAL TE MI DMIGS PAR MI 'DOD NA DE'I TSE DON MED PA NI MI DMIGS PAS YIN LA, DE MED PA YANG GZHAN GYIS YIN PA'I PHYIR THUG PA MED PAR 'GYUR RO, ,'DI NYID KYI RAN PAR 'GREL PA BSHAD PA NI, DE LTA MA YIN TE ZHES BYA BA'O, ,GAL TE RANG GI YUL CAN GYI SHES PA MED PAS DNGOS PO MED PA GRUB NA, DE'I TSE SGRUB PAR BYED PA NI GRUB PA YIN PA'I PHYIR SHES PA MED PA LA YANG MI DMIGS PA GZHAN GYIS BSGRUB DGOS PA'I PHYIR THUG PA MED PAR 'GYUR BGO BAR BYED PA MA GRUB PA'I PHYIR DON GYI DNGOS PO MED PA MI RTOGS PA NYID DU 'GYUR RO, ,'DI SNYAM DU SHES PA BZHIN DU DE MED PA YANG RANG NYID 'GRUB PAS DE CI'I PHYIR THUG PA MED PAR 'GYUR ZHE NA, BSHAD PA, GANG GI PHYIR MYONG BA MED PA NI RANG NYID NGES PA MA YIN TE, MED PA'I NGO BOR KHYAD PAR MED PAS YUL YANG RANG NYID LAS MED PAR RTOGS PAR THAL BA'I PHYIR RO, ,SHES PA BZHIN DU SHES PA MED PAR YANG RANG NYID LAS YIN NO ZHES GANG @91A *, ,SMRAS PA DE NI MA YIN TE, GANG GI PHYIR MYONG BA NI BDAG NYID KYIS KHYAD PAR TE, RIG PA'I RANG BZHIN YIN PA'I PHYIR BDAG NYID KHO NAS RIG PA YIN TE, SGRUB PAR BYED PA GZHAN LA LTOS PA MED PA YIN NO, ,MED PA NI DE LTA MA YIN TE, DE NI NGO BO NYID MED PAS RIG PA'I RANG BZHIN NYID MA YIN PA'I PHYIR RO, ,KHA CIG NA RE GANG LAS THUG PA MED PA'I SKYON 'DIR 'GYUR BA BDAG NYID 'DZIN PA'I SHES PA MED PAS DNGOS PO MED PAR NGES PA MA YIN LA KHYED KYI RANG LAS GZHAN PA'I SHES PA YOD BA LAS KYANG MA YIN NO, ,'O NA GA LAS YIN ZHE NA, DNGOS PO MED PAR RTOGS PA BUM PA MED DO ZHES BYA BA DE LTA BU'I RNAM PA CAN MED PA'I SHES PA GANG YIN PA DE LAS MED PA'I THA SNYAD DU 'GYUR BA YIN NO, ,MNGON SUM NI YUL CAN DU 'GAL BA'I PHYIR RO, ,MA BZUNG BA 'DZIN PA NYID KYIS DE NI RANG RGYUD PA YIN GYI DRAN PA NI MA YIN NO, ,DE'I PHYIR DNGOS PO MED PA ZHES BYA BA'I TSAD MA YIN NO ZHES ZER RO, ,'DI LA RANG GI YUL LA CHAD MAR 'GYUR BA 'GA' ZHIG NI DON LAS DNGOS SU 'BYUNG BA YIN TE, DPER NA MNGON SUM LTA BU'AM YANG NA BRGYUD PA STE, DPER NA RJES SU DPAG PA LTA BU'O, ,DNGOS PO MED PA'I SHES PA NI RJES SU DPAG PA MA YIN TE, DNGOS PO MED PA LA RTAGS MI 'GRUB PA'I PHYIR TE, GTAN TSIGS THIGS PA NAS BSHAD PA'I PHYIR RO, ,DE LTA NA 'O NA GANG ZHIG 'DI'I YUL DU 'GYUR BA DANG, DE LA YANG 'DI TSAD MAR 'GYUR BA'I DNGOS PO MED PAR RTOGS PA DE GA LAS 'GYUR, RE ZHIG DNGOS PO MED PA LAS MA YIN TE, GANG GI PHYIR DNGOS PO MED PA NI DNGOS SAM BRGYUD PAS 'GA' YANG RGYUR 'GYUR BA MA YIN NO, ,CI'I PHYIR ZHE NA, NUS PA MED PA'I PHYIR RO, ,DE LTA NA NI 'O NA NUS PA YOD PAR 'GYUR RO ZHE NA, 'O NA NI DNGOS PO NYID DU 'GYUR TE, NUS PA'I RANG BZHIN YIN PA'I PHYIR RO, ,DANG ZHES MTHAR BRJOD PA NI RIM PA GZHAN YIN NO, ,GZHAN YANG MED PA DE NYAMS PA MED PAS DE'I 'BRAS BU RTAG TU 'GYUR RO, ,RTAG PA YANG LHAN CIG BYED PA'I DBANG GIS @91B RES 'GA' BYED PA YANG MA YIN TE LTOS PA MED PA'I PHYIR RO, ,CI LTAR LTOS PA MED CE NA, LTOS PA NI KHYAD PAR THOB PA'I MTSAN NYID YIN PA'I PHYIR RO, ,DE YANG KHYAD PAR DU 'GYUR RO ZHE NA, 'GYUR LA RAG LA DNGOS PO MED PAR NI MI 'GYUR RO, ,CI'I PHYIR ZHE NA, DNGOS PO'I MTSAN NYID YIN PA'I PHYIR RO, ,RANG BZHIN SNGA MA 'DOR BA DANG RANG BZHIN DANG 'BREL PA NI DNGOS PO'I NGO BO YIN NO, ,GAL TE DE DAG DNGOS PO MED PA LA YOD NA NI DE'I DNGOS PO NYID DU 'GYUR GYI DNGOS PO MED BA NI MA YIN NO, ,DE'I PHYIR GANG ZHIG YUL DU 'GYUR BA DANG DE LA 'DI TSAD MAR 'GYUR BA DNGOS PO MED PA LAS NI RTOGS PA DER 'GYUR BA MA YIN NO, ,DNGOS PO MED PA ZHES BYA BA YANG ZHES BYA BA LA YANG NA NI BSDU BA STE, SKYON 'DIR YANG 'GYUR TE DNGOS PO YOD PA MA YIN NO ZHES DNGOS PO BKAG PA BRJOD PA YIN NO, ,DE LTA YIN DANG SHUGS KYIS NA DNGOS PO MED PA LAS BYUNG BA YIN NO ZHES BYA BA'I NGAG GI DON NI DNGOS PO BKAG PA LAS BYUNG BA YIN TE, DNGOS PO LAS BYUNG BA MA YIN NO ZHES BYA BAR 'GYUR RO, ,DGAG PA'I BSDU PA GZHI MTHUN PA'AM GZHI THA DAD BA GANG DANG 'BREL PA'I DON DE LAS TSIG GI DON PHYI MA DE LTA BU NYID ZLOG PAR BYED DE, DPER NA BRAM ZE DNGOS PO MED DO ZHES BYA BAS DNGOS PO MA YIN NO ZHES RTOGS PA DANG, DNGOS PO MED PAS BYAS PA NI DNGOS POS MA BYAS PA ZHES BYA BA YIN PA BZHIN NO, ,DE BZHIN DU DNGOS PO MED PA LAS BYUNG BA YIN NO, ,DNGOS PO LAS NI MA BYUNG NGO ZHES BRJOD PA NAS SHES PA 'DI'I RGYU BKAG PAR 'GYUR TE, DES NA RGYU MED PA NYID DU BRJOD PA YIN NO, ,'ON TE DGAG PA'I BSDU BA PHYI MA'I TSIG GI DON MED PAS NYE BAR MTSON PA'I RDZAS LA 'JUG PA DE'I PHYIR DNGOS PO NYID 'GA' ZHIG DNGOS PO MED PA YIN NO ZHE NA, DE LTA NA NI 'O NA DNGOS PO NYID MING GZHAN GYIS BRJOD PAR 'GYUR RO, ,DES NA DE DNGOS PO'I SHES PA NYID YIN PA'I PHYIR JI LTAR DNGOS PO MED PA'I YUL CAN YIN, 'DIS NI SGRA'I DON YIN YANG 'DOD PA'I RJES SU 'GRO BA NI MA YIN PA BSTAN PAR 'GYUR RO, ,DE'I PHYIR YUL MED PAS MI SKYE BA'I PHYIR RTOGS PA @92A *, ,DE NI SRID PA MA YIN NO, ,GZHAN YANG MNGON SUM GYIS GZUNG BA DANG 'DZIN PA MA YIN PA'I PHYIR NA MTHONG BA'I DE MA THAG PA RANG RGYUD YIN NO ZHES BYA BAR MI 'GYUR RO, ,MNGON SUM GYI STOBS LAS SKYES PA YIN NA NI MTHONG BA DE NYID MED PAR SHES PAR BYA BA DE LA NUS PAR KHAS BLANGS PA YIN PA'I PHYIR DE NYID TSAD MAR 'GYUR GYI, MED PAR SHES PA NI MA YIN NO, ,GAL TE MNGON SUM NI MED PA'I YUL CAN MA YIN LA, YUL MA YIN PA LA YANG TSAD MA MA YIN PA MA YIN NAM ZHE NA, BSHAD PA, MNGON SUM GYI RNAM PA SNGON PO LA SOGS PA NGES PA DE'I SHUGS DES DON GZHAN 'GOG PA'I PHYIR MNGON SUM NYID TSAD MA YIN NO, ,GANG GIS DER SNANG BA'I SHES PA'I GZUNG BYA YIN PA'I PHYIR NA MNGON SUM LA DE MED PAS YUL MA YIN PAR 'GYUR BA DNGOS PO MED PA ZHES BYA BA RANG BZHIN DANG LDAN BA NI MA YIN GYI, 'ON KYANG RNAM PAR RTOG PAS THA SNYAD DU BYA BA 'BA' ZHIG TU ZAD DO, ,DPER NA MNGON SUM GYIS GZUNG BA LA MNGON SUM GYI STOBS KYIS THA SNYAD DU BYED PA NI MNGON SUM TSAD MA YIN PA DE BZHIN DU DNGOS PO MED PA LA MNGON SUM GYI RNAM PA'I STOBS KYIS THA SNYAD DU BYED PA NA MNGON SUM TSAD MA YIN NO, , DE'I RNAM PA NGES PA ZHES BYA BA GA LAS SHE NA, SHES PA GCIG LA 'DRE BA'I DNGOS PO'I RNAM PA NGES PA GANG GIS 'DRE BA GANG ZHIG SPONG BAR NUS PA DE LA RNAM PA GZHAN DANG 'DRES NA DON DE SPONG BA MED PA'I PHYIR RO, ,DE'I RNAM PA NGES PAS 'DRES PA GZHAN SPONG BA YIN NO, ,GANG GI PHYIR MNGON SUM NYID MED PA LA TSAD MA YIN PA DE'I PHYIR, RNAM PA NGES PA'I MTHONG BA'I STOBS LAS SKYES PA'I SHES PA DE NI TSAD MA MA YIN TE, RANG RGYUD PA MA YIN PA'I PHYIR RO, ,'DI LTAR DBANG PO LA BRTEN PA NI MA YIN TE, DNGOS PO MED PA NI SKYED BYED MA YIN PA'I PHYIR DANG, MNGON SUM GYI TSAD MA NI DON GYI 'BRAS BU YIN PA'I PHYIR RO, ,RTAGS LA BRTEN PA YANG MA YIN TE, MED PA LA RTAGS MED PA'I PHYIR DANG, SKYED PAR BYED PA MA YIN PA'I PHYIR DANG, RJES SU DPAG PA NI DON LAS SKYE BA YIN PA'I PHYIR RO, ,'DI NA BUM BA MED DO SNYAM PA'I RNAM PAR @92B RTOG PA 'DI MNGON SUM GYI STOBS LAS SKYES SO ZHES CI LTAR BRJOD DE, GANG GI PHYIR RTOGS PA 'DI NI SNANG BA MI DMIGS PA'I RTAGS LAS YIN NO ZHE NA, BSHAD PA, NGES PA GANG GIS MNGON SUM GYI DE MA THAG BAR 'DI NI DMIGS SO, ,'DI NI MI DMIGS SO ZHES SGRUB PA DANG DGAG PA'I RNAM PAR RTOG PAR 'GYUR BA DE LTAR ZHES BYA BA RNAM PA NGES PAR SKYES PA DE NI MNGON SUM NYID YIN NO, ,DPER NA SNGON PO MTHONG BA LAS DMIGS PA 'DI NI SNGON PO YIN GYI SER PO NI MA YIN NO ZHES BYA BA LTA BU'O, ,DES CIR 'GYUR ZHE NA, DMIGS PA SGRUB BA DANG DGAG PA'I RNAM PAR RTOG PA SKYED PA GANG YIN BA NI MNGON SUM NYID YIN LA, DE LAS KYANG BLTAR RUNG BA'I DMIGS PA DGAG BA BYED PA'I MNGON SUM GYIS BUM PA MED DO ZHES BYA BA'I YUL MED PA NGES PA YIN PA'I PHYIR BUM PA LA MNGON SUM NYID TSAD MA YIN NO, ,'ON KYANG BLTAR MI RUNG BA DAG KYANG YOD SRID PAS, CI MNGON SUM 'DIS SA PHYOGS 'BA' ZHIG GZUNG BA'AM BUM PA DANG BRAL BA MA GZUNG NGAM ZHES MNGON SUM GYIS NGES KYANG MED PA'I THA SNYAD LA THE TSOM ZA BA NA SNANG BA MI DMIGS PAS MNGON SUM GYIS NGES PA'I BUM BA MED PA'I THA SNYAD DU BYED PA YIN GYI, RANG NYID KYIS NGES PAR BYED PA NI MA YIN NO, ,DE NYID KYI PHYIR GAL TE 'DI NA SNANG DU RUNG BA'I BUM PA YOD NA SHES PA GCIG LA 'DRE PA NYID KYIS SA PHYOGS 'BA' ZHIG MTHONG BAR MI 'GYUR RO ZHES MTHONG BA'I 'DU BYED MA BOR BAR 'JUG PA NI, MTHONG BA'I STOBS KYIS GO BAR BYA BA'I DNGOS PO MED PA LA THA SNYAD DU BYED PA YIN NO, ,GANG GI PHYIR DMIGS PA SGRUB PA DANG DGAG PA MNGON SUM GYIS NUS PA YIN PA DE'I PHYIR DMIGS PA DANG MI DMIGS PA'I DNGOS PO SGRUB PA DANG DGAG PA'I RNAM PAR RTOG PA NI TSAD MA MA YIN NO, ,DPER NA SGRUB PA'I RNAM PAR RTOG PA DMIGS PA NGES PA'I RJES SU 'BRANG BAS RANG RGYUD PA'I TSAD MA MA YIN PA DE BZHIN DU BUM PA MED DO SNYAM PA'I DGAG PA'I RNAM PAR RTOG PA YANG MNGON SUM LA RAG LAS PA BLTAR RUNG BA DMIGS PA MED PAR NGES PA'I RJES SU 'BRANG BA YIN PA'I PHYIR MED PA LA RANG RGYUD @93A *, ,PA'I TSAD MA MA YIN NO ZHES BSTAN PA'I PHYIR GNYI GA BRJOD DO, ,DE LTA MA YIN NA DGAG PA'I RNAM PAR RTOG PA NYID KYI SKABS YIN PA'I PHYIR SGRUB PA'I RNAM PAR RTOG PA SMOS PA DON MED PAR 'GYUR RO, ,DE'I PHYIR BLTAR RUNG BA'I DNGOS PO DAG RANG LAS KHYAD PAR CAN GYI SHES PA LAS MED PA RTOGS PAR BSHAD PA YIN NO, ,BLTAR MI RUNG BA DAG LA CI LTAR MED PAR RTOGS SHE NA, BSHAD PA, MI SNANG BA MI DMIGS PAS MED PAR NGES PA MI RUNG BA'I PHYIR, GZHAN DU RUNG MI SNANG BA MI DMIGS PAR NI GZHAG PA YOD PA'I THA SNYAD 'GOG PAR 'GYUR RO, ,NGES PAR MI RUNG BA CI LTA BU ZHE NA, DPER NA GZHAN GYI RGYUD LA YID KYIS MYONG BA'I RNAM PAR RTOG PA DANG, 'DOD CHAGS LA SOGS PA BLTAR MI RUNG BA'I PHYIR RTAGS MED PAR MI NGES PA BZHIN NO, ,GANG GI PHYIR 'BRAS BU NGES PA MED PA CAN YIN PA DE'I PHYIR GTAN TSIGS MI MTHUN PA'I PHYOGS LAS LDOG PA SGRUB PAR NUS PA MA YIN NO, ,'O NA GANG GIS NUS SHE NA GTAN TSIGS LA DANG PO SNANG BA MI DMIGS PA DBANG DU BYAS PA YIN NO, ,CI'I PHYIR ZHE NA, NGES PA'I TSUL GSUM GYIS BSGRUB BYA SGRUB PA'I PHYIR DANG, NGES PA'I SGRUB PA YANG DANG PO YIN PA'I PHYIR RO, ,CI STE SNANG BA MI DMIGS PA 'DI LTAR SBYAR BAR BYA ZHE NA, BDAG NYID KYI SBYOR BA DAG LA DE DGAG PA'I SGO NAS RANG GI NGO BO SBYOR BA'AM, GANG GI TSE SGRUB PA'I SGO NAS SBYOR BA NA DON LA GNOD BYED NGO BO'O, ,CI LTAR DON GZHAN GYIS GNOD PAR BYED PA YIN ZHE NA, DE DAG LA 'GAL BA'I PHYIR RO, ,'GAL BA GANG LAS SHE NA, RGYU MA TSANG BA MED PAR 'BYUNG BAR YOD PA NA GZHAN YOD PA LAS MED PA'I PHYIR TE, GANG YOD PA GANG YOD NA LDOG PA DE DAG NI GRANG BA DANG DRO BA BZHIN DU 'GAL BA YIN NO, ,'DI RNAM PAR GROL BA'I PHYIR BSHAD PA, GANG GI TSE MED PA DANG MED PA'I THA SNYAD NGES PA'I RGYU MI MTHUN PA'I PHYOGS GTAN TSIGS LDOG PA SGRUB PA DER NYID MED PA SGRUB PA'I PHYIR RAB TU SBYOR BA DE'I TSE RANG GI NGO BO NYID KYIS RAB TU SBYOR TE, RANG BZHIN MI DMIGS PA DANG, KHYAB BYED MI DMIGS PA DANG, RGYU MI DMIGS PA @93B DAG TU MI DMIGS ZHES RANG BZHIN LA SOGS PA MI DMIGS PA'I RANG BZHIN NYID NYE BAR SBYOR BA'AM, YANG NA DGAG PAR BYA BA GRANG BA'I REG PA LA SOGS PA LA GNOD PAR BYED PA ME LA SOGS PA'I NGO BO NYE BAR BKOD PA'I SGO NAS MI DMIGS PA DE NYID RAB TU SBYOR RO, ,'DI NI GRANG BA'I REG PA MED DE ME YOD PA'I PHYIR RO ZHES BYA BA NI RANG BZHIN 'GAL BA DMIGS PA STE, DE LA SOGS PA RGYAS PAR SNGAR DPER BRJOD ZIN TO, ,DON LA GNOD PAR BYED PA'I RGYU 'GAL BA'I DBYE BA BSTAN PA'I PHYIR BSHAD PA, GANG GIS NA DON DON LA GNOD BAR BYED PAR 'GYUR BA'I 'GAL BA DE YANG CI LTAR RTOGS SHE NA, 'GA' ZHIG TU RGYU MA TSANG BA MED PA GANG LA YOD PA DE RGYUN DU 'BYUNG BA LAS GZHAN NYE BA MED PA'I PHYIR BZLOG PAR BYA BA DANG ZLOG PAR BYED PA DE GNYIS YUL GCIG LA GNAS PAR 'GAL BAR RTOGS TE, GRANG BA DANG DRO BA'I REG PA DAG BZHIN NO, ,'GAL BA 'DI YANG RGYAS PAR BSHAD ZIN TO, ,DE BZHIN DU 'GAL BA GZHAN NI NGO BO PHAN TSUN THA DAD PAR NGES PAR 'GYUR TE, DPER NA BSTAN PA'I DNGOS PO YONGS SU SPANGS PAS 'JIG PA YIN PA'I PHYIR DE DAG 'GAL BA BZHIN NO, ,DE NYID BSHAD PA NI PHAN TSUN SPANGS TE GNAS PA'I NGO BOS NI BDAG NYID GCIG TU 'GAL BA YIN NO, ,DE LTA YIN DANG LHAN CIG MI GNAS PA'I 'GAL BA NI 'DIS BSDUS PA MA YIN TE, LHAN CIG MI GNAS PA NI RANG BZHIN GNYIS LA GNAS PA'I PHYIR DANG, 'DI NI GCIG PA TZAM MED PA'I 'BRAS BU CAN YIN PA'I PHYIR RTAG PA DANG MI RTAG PA BZHIN DU THA DAD PAR NYE BAR BKOD DO, ,TSAD MAS GNOD PA'I PHYIR YANG GNOD PAR BYA BA GZHAN TSAD MA'I RGYU'I RTAGS DANG 'GAL BAR 'GYUR TE, LTOS PA DANG BCAS BA DANG NGES PA'I DNGOS PO BZHIN NO, ,DE NYID BSTAN PA'I PHYIR BSHAD PA, GAL TE 'GA' ZHIG GI DE NYID LA TSAD MAS GNOD PAR BYED PA YIN NA, DE'I RTAGS DANG YANG GNOD PAR BYA BA 'GAL BAR 'GYUR TE, DPER NA NGES PA'I DNGOS PO NYID LTOS PA DANG BCAS PA DANG LHAN CIG 'GAL BA BZHIN NO, ,TSAD MA YANG 'JIG PA RGYU YOD DO ZHES SMRA BA RNAMS KYI SKYE BA DANG LDAN @94A *, ,PA NI 'JIG PAR NGES PAR KHAS BLANG BAR MI BYA STE ZHES BYA BA NI BSGRUB PAR BYA BA STE, 'JIG PA'I NGO BOR 'GYUR BA RGYU GZHAN LA LTOS PAR KHAS BLANGS PA'I PHYIR RO, ,RJES SU 'GRO BA STON PA NI GANG ZHIG DON GYI NGO BO GANG DU 'GYUR BA RANG GI RGYU LAS RGYU GZHAN DU LTOS PA DE NI DER YANG NGES PAR 'GYUR BA MA YIN TE, DPER NA GOS KYI TSON LTOS PA DANG BCAS PAS DER NGES PA MA YIN PA BZHIN NO, ,DE LA 'DIR LTOS PA DANG BCAS PA NYID NGES PAR 'GYUR BA DANG 'GAL BA NGES PA MED PAS KHYAB PA DE NI DE DANG 'GAL BA YIN NO, ,'KHRUL PA BRJOD PA NI 'JIG PA'I RGYU RNAMS KYANG LTOS PA DANG BCAS PA'I DNGOS PO DER NGES PA'I PHYIR LTOS PA DANG BCAS PA'I DNGOS PO NYID KYIS NGES PAR 'GYUR BA MED PA'I SKYON MED DO ZHE NA, DE LTA NI MA YIN TE, CI'I PHYIR ZHE NA, RGYU RNAMS TSANG PAR NGES PA DANG GEGS BYED PA MED PAR NGES PA GANG YIN PA DE MED PA'I PHYIR RO, ,CI LTAR NGES PA MED CE NA, GANG GI PHYIR DNGOS PO YOD NA RANG GI RGYU'I TSOGS PA LA RAG LAS PA DON DE LA MNGON SUM DU PHYOGS PA 'JIG PA SGRUB PAR BYED PA GZHAN DAG KYANG YOD PAR 'GYUR BA NI MA YIN NO, ,GTAN TSIGS BSHAD PA, 'JIG PA'I RGYU RNAMS DE LA RAG MA LAS PA'I PHYIR RO, ,'ON TE 'JIG PAR BYED PA'I CHOS DAG NI GZHIG PAR BYA BA LA RAG LAS PA YIN GYI, RGYU GZHAN LA LTOS PA NI MA YIN NO ZHE NA, DE'I CHOS YIN NA YANG BDAG NYID LA RAG LAS BA 'JIG PA'I RGYU DE NYID LAS DON SKAD CIG MAR 'DOD PAR 'GYUR RO, ,'DI LTAR GAL TE 'JIG PA'I RGYU GZHAN LA LTOS PA DANG BCAS PA YIN NA NI, DE'I TSE MA TSANG BA DANG GAGS BYED PA SRID PAS MA NGES PA NYID DO, ,DE TZAM LA LTOS PA YIN NA NI GRUB PA'I DON DE NYID LAS SKAD CIG GNYIS PA LA 'JIG PA'I RGYU GRUB CING, SKAD CIG GSUM PA LA DE NYID KYIS DNGOS PO BZLOG PA YIN NO, ,GAL TE DE LTA NA SKAD CIG GNYIS GNAS PAR 'GYUR BA MA YIN NAM SKAD CIG MA NYID NI MA YIN NO ZHE NA, SKAD CIG SMOS PA NI DUS CUNG ZAD MTSON PA'I PHYIR TE, RE ZHIG ZLA BA DANG PO DANG BSKAL PAR GNAS PA BZLOG PA YIN NO, , @94B YANG NA GZHIG PAR BYA BA NI RGYU NYID LAS 'JIG PAR BYED PA SKYE LA DE LAS NI SKAD CIG GNYIS PA LA DNGOS PO 'JIG PA'I PHYIR SKAD CIG MA KHO NA'O, ,GZHIG PAR BYA BA TZAM LAS 'JIG PAR BYED BA SKYE BA DES NA SKAD CIG PAR GA LA 'GYUR ZHE NA, BRJOD PA, DNGOS PO DE NYID LA KHYAD PAR MED PA'I PHYIR SNGAR MED PA NI PHYIS KYANG MED PAR THAL BAR 'GYUR BA'I PHYIR DE MA THAG TU YIN PA NA SKAD CIG NYID DO, ,GANG GI TSE DNGOS PO SKYED PAR BYED PA'I TSOGS PA NYID LAS 'JIG PA'I RGYU YIN PA DE'I TSE NI DE NYID TSOGS PA'I RANG BZHIN LA BRJOD DO, ,PHYI MA'I RGYUN DAG KYANG DE NYID DU SBYAR RO, ,'DI SNYAM DU DE LTA NA YANG SKAD CIG GNYIS GNAS PAR 'GYUR LA, SKAD CIG TZAM GNAS KYANG 'JIG BA RGYU DANG BCAS PA MI 'DOD PAR THAL BAR 'GYUR RO ZHE NA, DE LTA MA YIN TE GANG GI PHYIR DE LTAR KHYED MI 'DOD PA BRJOD BA YIN LA, RANG GI PHYOGS NI DE'AM ZHES BYA BA LA SOGS PAS GZHAN BRJOD PAR BYA BA YIN NO, ,GANG GI TSE BUM PA NYID LAS 'JIG PAR BYED PA YIN PA DE'I TSE DE ZHES BYA BA BUM PA'AM, GANG GI TSE DE'I RGYU LAS SKYE BA DE'I TSE NI BUM PA DE'I RGYU MI RTAG PA NYID KYI RGYU NGES PAR BYED PAR 'DOD PA YIN NA, BUM PA DE MI RTAG PA'I RANG BZHIN DANG, DE'I RGYU MI RTAG PA'I RANG BZHIN SKYED PAR BYED PAR YIN PAR CI STE MI 'DOD DE, BUM PA'AM DE'I RGYU NI RANG BZHIN GYIS 'JIG PA'I RGYU DE BUM PA 'JIG PAR NGES PA'I NUS PA CAN DU SKYED PA YIN NO, ,DE LTA YIN DANG BUM PA BDAG NYID 'JIG PAR BYED PA NGES PAR BYED PA NYID RANG BZHIN GYIS LDOG PA'I CHOS YIN LA, RGYU YANG BUM PA 'JIG PAR BYED PA NGES PAR BYED PA NYID RANG BZHIN GYIS LDOG PA'I CHOS CAN GYI BUM PA SGRUB PAR BYED PA YIN NO, ,DE'I PHYIR BUM PA'AM DE'I RGYU LAS NI 'JIG PAR BYED PA DE LAS NI 'JIG PA YIN NO ZHES BYA BA'I BRGYUD PAS CI ZHIG BYA, 'DI SNYAM DU 'GA' ZHIG 'GA' ZHIG LA NI DNGOS SU NUS PA YIN LA, 'GA' ZHIG LA NI BRGYUD NAS YIN TE, DPER NA RGYUN GYIS 'JUG PA'I SKAD CIG DANG PO GNYIS PA SKYE BA LA NI DNGOS SU NUS LA, GSUM PA LA SOGS PA LA NI BRGYUD @95A *, ,BAS NUS PA DE BZHIN DU 'DIR YANG BUM PAS NI DNGOS SU BDAG NYID LDOG PAR MI NUS PAS ZLOG PAR BYED PA GZHAN BYED CING DE BZHIN DU BUM PA'I RGYU YANG DNGOS SU LDOG PA'I CHOS CAN GYI BUM PA BYED PAR MI NUS LA, BYED PA PO GZHAN NYID BYED PA YIN NO ZHES DOGS PA LA BSHAD PA, GANG GI PHYIR RING DU SONG BA YANG MTHAR BUM PA DE'I RANG BZHIN NYID DAM, BUM PA DE'I RGYU'I RANG BZHIN NI 'JIG PA DANG LDAN PA DE'I NGO BO LA NUS PA YIN TE, DE'I PHYIR BRGYUD PA NI DON MED DO, ,GAL TE BUM PA RANG GI NGO BOS LDOG PAR NUS PA YIN PA DE LTA NA BDAG NYID KYIS ZLOG PAR BYED PA YIN TE, DES NA BUM PA BDAG NYID KYIS ZLOG PAR BYED PA NGES PAR BYED PA NYID BDAG NYID LDOG PAR NUS PA YIN NO, ,DE BZHIN DU GAL TE BUM PA'I RGYU LDOG PA'I CHOS CAN GYI BUM PA BYED PA DE LTA NA DE'I ZLOG PAR BYED PA YIN PA'I PHYIR 'JIG PAR BYED PA BUM PA LA NGES PAR BYED PA NYID LDOG PA'I CHOS CAN GYI BUM PA BYED PAR NUS PA YIN NO, ,DE'I PHYIR BUM PA RANG NYID LDOG PAR NUS PA DANG, DE'I RGYU YANG LDOG PA'I CHOS CAN BYED PAR NUS PA YIN NO, ,GANG ZHIG GANG GI NGO BOS GANG BYED PAR MI NUS PA DE NI DE LA BRGYUD PAS NUS PA YIN NO, ,BUM BA NI RANG GI NGO BO KHO NAS LDOG PAR NUS PA YIN LA BUM PA'I RGYU YANG RANG GI NGO BO KHO NAS LDOG PA'I CHOS CAN BYED PAR NUS PA'I PHYIR 'DIR BRGYUD PAS NI CUNG ZAD KYANG BYAR MED DO, ,DE'I PHYIR 'JIG PA'I RGYU DE LA RAG LAS BA NI MA YIN TE, 'ON KYANG RGYU GZHAN LA REG LAS PA MA YIN TE, DES NA NGES PA MED PA YIN NO, ,LTOS PA DANG BCAS PA NYID 'GAL BAS KHYAB PA YANG NGES PAR 'BYUNG BA NYID DANG, 'GAL BAR BRJOD PA 'DIS NI RES 'GA' BA'I NGO BO NYID LTOS PA MED PA DANG 'GAL BA YANG BSHAD PA YIN NO, ,RES 'GA' BA NYID KYANG LTOS PA DANG BCAS PAS KHYAB PA'I PHYIR GNOD PA'I TSAD MA NYE BAR BSDUS PA NA LTOS PA MED PA DANG 'GAL BA YIN NO, ,DE'I PHYIR SBYOR BA YANG 'DI LTAR YIN TE, RES 'GA' BA GANG YIN PA DE NI LTOS PA MED PA MA YIN TE, DPER NA GOS LA TSON BZHIN NO, , @95B 'DI LTAR RES 'GA' LA LAR YOD BA NYID LTOS PA YIN NO, ,DE BZHIN DU LTOS PA MED PA NYID NI NGES PAR 'GYUR BAS KHYAB PA'I PHYIR DE GNOD PAR BYED PA NYE BAR SDUD PA NA RES 'GA' BA DANG 'GAL BA YIN NO, ,GANG ZHIG GANG GI NGO BOR 'GYUR BA LA LTOS PA MED PA DE NI DE'I NGO BOR NGES PA YIN TE, DPER NA RANG GI 'BRAS BU SKYED PA LA RGYU TSOGS PA THA MA BZHIN NO, ,'DI NI MTSON PA STE, KHYAB PAR BYED PA DANG 'GAL BAS KHYAB PA'I SPYOR BA YANG YOD DO, ,'DI NA BA MO'I REG PA MED DE, LCAGS GONG 'BAR BA MTHONG BA'I PHYIR RO, ,LCAGS GONG 'BAR BA'I REG PA TSA BA'I REG PAS KHYAB PA YIN LA, DE DANG 'GAL BA NI GRANG BA'I REG PA YIN ZHING DES KHYAB PA NI BA MO'I REG PA YIN NO, ,'DI NI PHYOGS TZAM DPER BRJOD PA YIN NO, ,GAL TE DE LTA NA YANG NGES PAR 'GYUR BA MED PA DNGOS SU 'GAL BA DANG PHAN TSUN SPANGS TE GNAS PA KHO NAS 'GAL BA YIN NO, ,CI'I PHYIR ZHE NA, LTOS PA DANG BCAS PA NYID KYIS NYE BAR GZHAG PA NGES PA MED PAS NGES PA LA GNOD PA'I PHYIR RO, ,RTAGS LA RAG LAS PA'I TSAD MAS NI 'GAL BA NYE BAR 'JOG PA YIN NO, ,DES NA RTAGS RANG NYID KYIS NI 'GAL BA MA YIN TE, 'ON KYANG 'GAL BA 'JOG PAR BYED PA YIN TE, DES NA 'GAL BA'I DON NYID KYIS GNOD PA YIN TE, DES NA TSAD MAS GNOD PA'I 'GAL BA 'DI NI 'GAL BA SNGA MA DAG LAS GZHAN MA YIN PA'I PHYIR DBYE BA MI 'THAD DO ZHE NA, BDEN TE, 'ON KYANG 'GAL BA MA YIN YANG 'GAL BAS KHYAB PA YANG DON DU 'GAL BA YIN TE, GANG ZHIG KHYAB BYED SPANGS PA DE NI KHYAB PAR BYA BA YANG SPANGS PA'I PHYIR RO, ,DES NA 'GAL PAS KHYAB PA DE SGRUB PAS KYANG DGAG BYA MI DMIGS PA 'PHEN PA YIN NO ZHES BSTAN PA'I PHYIR DE SKAD BRJOD DO, ,'GAL BAS KHYAB PA DMIGS PA'I DPER BRJOD PA YANG DE NYID YIN NO, ,GANG DU NGES PA MED PA MNGON SUM DU GRUB PA DER NI NGES PAR 'GYUR BA BLTAR RUNG BA NYID DU 'DONG PA DGAG PAR BYA BA YIN TE, DES NA NGES PA 'GOG PA NI SNANG BA MI DMIGS PA NYID DO, ,GANG DU NGES PA MED PA @96A *, ,RTAGS KYIS GRUB PA DER NI 'GAL BAS KHYAB PA DMIGS PA LAS YIN NO, ,DES NA SNANG BA DANG MI SNANG BA MI DMIGS PA'I NANG DU 'DUS SO, ,GAL TE MED PA'I THA SNYAD SNANG BA MI DMIGS BA LAS YIN ZHING, GZHAN LAS YOD PA'I THA SNYAD 'GOG PA YIN NA YOD PA MA YIN ZHES BYA BA MI DMIGS PA DE LA, CI LTAR MED PA'I THA SNYAD GRUB PA'AM, YOD PA'I THA SNYAD 'GOG PAR 'GYUR TE, 'GAR YANG MI 'GYUR RO, ,GAL TE DES NA 'DI LA GNYIS LAS MI DMIGS PA GCIG KYANG MI 'THAD PA'I PHYIR MI DMIGS PA'I SBYOR BA NI 'THAD BA MA YIN NO, ,CI LTAR ZHE NA, GTZO BO LA SOGS PA BRJOD PAR BYA BA'I DON DE 'GOG PA LA DGAG PAR BYA BA'I CHOS CAN BRJOD PA'I TSIG SBYOR BA MED PA'I PHYIR RO, ,DE MA SBYAR NA GZHI MED PA'I DGAG PAR MI RUNG BA'I PHYIR RO, ,DE SBYOR BA MED PA YIN NA DAM BCA' BA'I TSIG SBYOR BA MI 'THAD PAS GANG LA MED PA'I THA SNYAD BSGRUB PA'AM YOD PA'I THA SNYAD 'GOG PAR 'GYUR BA DE MED PA'I PHYIR MI DMIGS PA DE CI LTA BU ZHIG TU 'GYUR ZHE NA, SKYON 'DI NI MED DO, ,'DI LTAR THOG MA MED PA'I BAG CHAGS LAS BYUNG BA'I RNAM PAR RTOG BAS BSGRUB BA STE, DE LA GNAS PA DNGOS PO DANG DNGOS PO MED PA GNYI GA LA BRTEN PA'I PHYIR, SGRA'I DON GYI CHOS RNAM BA GSUM MO, ,SGRA'I DON DE DNGOS PO'I NYE BAR LEN PA CAN MA YIN PAR BSGRUB PA LA SGRA'I DON DE LTA BUR TE, DNGOS PO'I NYE BAR LEN PA CAN DU MI DMIGS PA'I CHOS GTAN TSIGS YIN NO, ,SGRA'I DON DE NYID NI MED PAR BSGRUB PA YIN TE, DE'I RGYU MTSAN GYI SGRA SBYOR BA'I PHYIR RO, ,'GREL PA BSHAD BA NI GAL TE RANG GI MTSAN NYID BRJOD PAR BYA BA YIN NA NI, RANG GI MTSAN NYID 'GOG PA SGRA'I DON BKAG PA'I PHYIR DE BRJOD PA'I SGRA'I SBYOR BAR MI 'GYUR BA ZHIG NA, SGRA 'DI DAG RANG GI MTSAN NYID KYI YUL CAN NI MA YIN NO, ,'O NA CI ZHE NA, THOG MA MED PA'I DUS BAG CHAGS GANG LA YOD PA DE LAS BYUNG BA'I RNAM PAR RTOG PA GANG YIN PA DE LA SNANG BA'I NGANG TSUL GANG LA YOD PA'I DON TE, DON DE YUL NYID DU 'DZIN TO, ,GAL TE SGRA'I @96B DON RNAM PAR BRTAGS PA YIN NA, SKYES BUS BYAS PA'I PHYIR THOG MA DANG BCAS PAR 'GYUR NA, SGRA'I THA SNYAD NI THOG MA MED BA CAN YIN NO ZHES BYA BA SPANGS BA'I PHYIR RNAM PAR RTOG PA THOG MA MED PA'I BAG CHAGS LAS BYUNG BAR BRJOD DE, GANG GI PHYIR RNAM PAR RTOG PA THOG MA MED PA'I BAG CHAGS LAS BYUNG BA DE'I PHYIR SGRA'I DON THOG MA MED PA YIN NO, ,RNAM PAR RTOG PA'I DON NYID BRJOD PAR BYA BA YIN NO ZHES BYA BA GANG LAS SHE NA, BSHAD PA, 'CHAD PA PO'I YOD PA DANG MED PA DANG GNYI GA LA BRTEN PA'I RNAM PAR RTOG PA LA BRTEN BA YIN TE, SNANG BA'I DNGOS PO LAS MA 'DAS PAR BSTAN PAR 'DOD PA GANG YIN PA DE SBYAR BA'I PHYIR RO, ,GANG GI PHYIR SGRA'I DON DANG LDAN PA'I SMRA BA PO LA SNANG BA'I DON BSTAN PAR 'DOD PAS SGRA SBYOR BA DE'I PHYIR, RNAM PAR RTOG PA LA SNANG BA'I DON BRJOD PAR BYA BA NYID DO, ,NYAN PA PO LA YANG SGRA RNAMS KYIS DNGOS PO LA BRTEN PA LA SOGS PA'I RNAM PA CAN GYI RNAM PAR RTOG PA SKYE BA'I RGYU'I PHYIR RO, ,GANG GI PHYIR SGRAS NYAN PA PO LA YANG BRJOD PAR BYA BA'I DON SNANG BA'I RNAM PAR RTOG PA SKYED PA DE'I PHYIR DE DAG GI BRJOD PAR BYA BA NI BRTAGS PA YIN NO, ,'DI SNYAM DU GAL TE DE LTA NA YIN DU CHUG MOD, DE LTA NA YANG RANG GI MTSAN NYID CI LTAR YUL MA YIN ZHE NA, NYE BAR LEN PA DANG ZHES SMOS SO, ,SGRA RNAMS KYI NYE BAR LEN PA DANG, SGRA'I 'BRAS BU'I SHES PA DE GNYIS LA SNANG BA MA YIN PA'I RANG BZHIN GANG YIN PA DE NI SGRA DE'I YUL YIN PA NYID DU NGES PAR NUS PA MA YIN NO, ,'DI LTAR NYE BAR LEN PA'I SHES PA GANG LAS DE DAG RAB TU 'JUG PA DE LA SNANG BA'I DON BSTAN PA'I PHYIR SBYAR BA DANG, GANG GI RNAM PA CAN GYI SHES PA SKYED PA DE'I DON BRJOD PA YIN NO, ,RANG GI MTSAN NYID NI DE LA MI SNANG STE, DE'I PHYIR BRJOD PAR BYA BA MA YIN NO, ,'ON RNAM PAR RTOG PA LA GNAS PA'I DON DE RNAM PAR RTOG PA'I SHES PA LAS THA MI DAD PAS GAL TE DNGOS PO'I CHOS YIN PA'I BLA NA, DNGOS PO MED PA'I CHOS DANG, GNYI GA'I CHOS GO JI LTAR YIN, CI STE YANG DE'I SGRO BTAGS KYI RANG @97A *, ,BZHIN GANG YIN PA DE SGRA'I DON YIN LA, DE YANG MED PAS DNGOS PO MED PA'I CHOS YIN NA, 'O NA NI RNAM PA GZHAN MED PA NYID DO, ,CI STE SGRO BTAGS KYI RANG BZHIN DE NYID SHES PAS DNGOS PO LTA BUR BSTAN PA'I PHYIR DE DNGOS PO'I CHOS YIN NA, DE LTA NA YANG MED PA'I CHOS DANG, GNYI GA'I CHOS SU MI 'GYUR RO ZHES DOGS NA, RNAM PAR RTOG PA DE NI ZHES SMOS SO, ,YOD PA NI GZUGS DANG SGRA LA SOGS PA'I DON TO, ,MED PA NI NAM MKHA' LA SOGS PA'O, ,LUS CAN NYID LA SOGS PA BKAG PA NI DNGOS PO DANG DNGOS PO MED PA RNAM PAR SHES PA DANG, NAM MKHA' LA SOGS PA GNYI GA'I CHOS YIN NO, ,DE'I NYAMS SU MYONG BA'I SHES PA GANG YIN PA DANG, RNAM PAR RTOG PA'I SHES PA GANG YIN PA DES BSKYED PA RNAM PA MTSUNGS PA CAN GYI SHES PA SKYED PAR NUS PA'I BAG CHAGS GANG YIN PA DE LAS BYUNG BA'I RNAM PAR RTOG PA'O, ,RNAM PAR RTOG PA NI 'DIR RNAM PAR RTOG PA LA GNAS PA'I RNAM PA'O, ,PHYIR ZHES BYA BA NI DE'I PHYIR RO, ,YOD PA DANG MED PA GNYI GA'I SHES PA DE LA SNANG BA'I RNAM PAR ZHEN PA'O, ,GANG GI BAG CHAGS KYI DBANG GIS 'DI RNAM PAR RTOG PA LA GNAS PAR 'GYUR BA'I SHES PA DE'I DON GYI RNAM PAR RTOG PA DE YANG ZHEN BAR BYED DO, ,RNAM PAR RTOG PA LA GNAS PA'I DON KYANG YOD PA DANG MED PA DANG, GNYI GA'I NGO BOR ZHEN PA'I DBANG GIS RNAM PA GSUM DU BRJOD, SGRA'I DON NI ZHEN PA CI LTA BA BZHIN YIN GYI, ,DE KHO NA'I CI LTA BA NI MA YIN NO, ,'DI YANG DNGOS PO DANG DNGOS PO MED PA DANG, GNYI GA'I ZHEN PA YIN TE, DE'I PHYIR RNAM PA GSUM YIN NO, ,DE'I PHYIR BAG CHAGS KYI RJES SU 'BRANGS TE RNAM PA GSUM DU ZHEN PA DE'I PHYIR RNAM PAR GSUM DU GNAS SO, ,DES NA SHES PA'I BDAG NYID DU YOD PA'I PHYIR DNGOS PO'I CHOS MA YIN LA, SGRO BTAGS KYIS MED PA'I PHYIR DNGOS PO MED PA'I CHOS KYANG MA YIN NO, ,'O NA CI ZHE NA, RNAM PA GSUM DU ZHEN PA'I PHYIR CHOS RNAM PA GSUM YIN NO, ,GANG GI PHYIR SGRA'I DON DE @97B LTA BU YIN PA DE'I PHYIR SGRA'I DON GYI CHOS CAN DE LAS GZHAN PA YOD PA NYID DU GZUNG BA CHOS CAN MA SPANGS PA RNAMS GTZO BO LA SOGS PA YOD PA DANG MED PA NYID DU SEMS PAR BYED DO, ,PHYI ROL GYI GTZO BO LA SOGS PA YOD PA DANG MED PAR SEMS PA NA SGRA'I DON GYI CHOS CAN LA GZHIR BYED PA CI LTAR 'GYUR ZHE NA, BSHAD PA, CI GTZO BO LA SOGS PA'I SGRA LAS BLO LA SNANG BA'I DON 'DI PHYI ROL GYI GTZO BO'I RGYU MTSAN CAN YIN NAM, 'ON TE MA YIN ZHES SEMS PAR BYED DO, ,'DI SKAD BRJOD PA YIN TE, MI MTHONG BA'I DON YOD PA DANG MED PAR SPYOD PA NI 'DI NYID YIN TE, 'DI LTA STE, SGRA'I DON DE'I RGYU MTSAN CAN NAM DE'I RGYU MTSAN CAN MA YIN PAR RNAM PAR DPYOD PA STE, RNAM PA GZHAN MI 'THAD PA'I PHYIR RO, ,DE'I DNGOS PO'I NYE BAR LEN PA CAN MA YIN PA'I PHYIR CHOS BSGRUB PA LA DE SPANGS PAR 'OS PA MA YIN NO, ,GANG GI CHOS BSGRUB PA DE NI SPANG BAR 'OS PA MA YIN TE, DE SPONG NA BSGRUB BYA'I CHOS KYI GZHI MED PA'I PHYIR TE, DPER NA MI RTAG PAR BSGRUB PA LA SGRA BZHIN NO, ,RANG GI RIG PA YIN PA'I PHYIR YANG SPANG BAR 'OS PA MA YIN NO, ,SO SO RANG GIS RIG PA ZHES GANG BRJOD PA STE, DE NI RANG NYID DU RIG PAR BYA BA YIN PA'I PHYIR RO, ,DE'I PHYIR SGRA'I DON MA SPANGS PA NYID KYIS SEMS PAR BYED PA LKOG TU GYUR PA'I DON YOD PA DANG MED PA DAG LA 'JUG PA YIN NO, ,ME NYID DU ZHEN PA'I PHYIR RNAM PAR RTOG PA'I GZUNG BA'I DON DE NYID RANG GI MTSAN NYID MA YIN NAM, DE'I PHYIR SGRA'I YUL RANG GI MTSAN NYID YIN NO ZHE NA, BSHAD PA, SGRA'I DON DE NYID RANG GI MTSAN NYID NI MA YIN NO, ,SHES PA'I BDAG NYID KYIS NI RANG GI MTSAN NYID YIN NO, ,SHES PA'I BDAG NYID DU NI ZHEN PHA MA YIN TE, 'O NA YANG MER ZHEN PA YIN LA, ZHEN PAR BYAS PA'I NGO BOS KYANG SGRA'I DON YIN NO, ,CI'I PHYIR ZHEN PAR BYAS PA'I RANG BZHIN BRJOD BYA YIN GYI, RANG GI MTSAN NYID NI MA YIN NO, ,CI'I PHYIR ZHE NA, MA THOB PA MA 'ONGS PA DANG 'GAGS PA 'DAS PA STE, @98A *, ,'DAS PA DANG MA 'ONGS BA'I DON DE DAG LA YANG RNAM BAR RTOG PA'I DON DE MI LDOG PA'I PHYIR RO, ,GANG ZHIG RANG GI MTSAN NYID YOD PA DANG MED PA'I RJES SU BYED PAS DE NYID DU NGES PAR BYAS PA'I SHES PA'I RNAM PA DE NI RANG GI MTSAN NYID DU BRJOD PA YIN NA, 'DI NI RANG GI MTSAN NYID LA MI 'KHRUL PA MA YIN PA'I PHYIR RANG GI MTSAN NYID MA YIN NO, ,GZHAN YANG BUM PA LA SOGS PA'I DNGOS PO LA PHYIN CI LOG GI RNAM PA YAN LAG CAN DANG, RDUL PHRA RAB DANG, GCIG DANG DU MA LA SOGS PA PHAN TSUN 'GAL BA DER MNGON PAR ZHEN PA MU STEGS BYED GZHAN TE, GRUB MTHA' THA DAD PA DAG LA YOD PA'I SHES PA GANG YIN PA DE LA YANG SGRA'I DON YOD PA'I PHYIR RANG GI MTSAN NYID NI SGRA'I DON MA YIN NO, ,DNGOS PO LA NI PHYIN CI LOG GI RANG BZHIN MI SRID DO, ,DES NA GAL TE SGRA DON DAM PA'I YUL CAN YIN NA, DNGOS PO LA MI SRID PA 'GAL BA'I RNAM PAR RTOG PAR MI 'GYUR RO, ,DON DE NYID BSDU BA'I PHYIR BSHAD PA, DON DAM PA MA BRTAGS PA DE LA GCIG TU 'JUG PA STE PHYOGS PA GANG YIN PA DAG GO, ,DE LTAR YIN NA LTA BA'I BYE BRAG THA DAD BA'I DON RNAMS LA NI SGRA RNAM DAG DON DAM PA'I RGYU MTSAN MED PAR 'JUG PAR MI 'GYUR RO, ,DE BZHIN DU 'DAS PA DANG, MA SKYES PA'I DON LA YANG SGRA MI 'JUG PAR 'GYUR RO, ,DE BZHIN DU TSIG 'GA' ZHIG KYANG LOG PA'I DON CAN DU MI 'GYUR TE, RGYU DE'I PHYIR SGRA 'DI DAG BLO LA YOD PA'I DON GYI YUL CAN YIN GYI, RANG GI MTSAN NYID BRJOD PA NI MA YIN NO, ,RNAM PAR RTOG PA'I DON DE LA CI LTAR 'DOD PA'I RANG BZHIN GANG YIN PA DE'I NYE BAR LEN PA CAN MA YIN PAR BSGRUB PAR BYA BA LA, DE LTAR ZHES BYA BA RNAM PA DE LTA BU'I RANG BZHIN GYI NYE BAR LEN PA CAN DU MA DMIGS PAS SGRUB PAR BYED PA RAB TU GRUB PA'I CHOS YOD PA MA YIN NO, ,DES NA BLO LA GNAS PA'I DON NI CHOS CAN YIN LA, DE GTZO BO'I NYE BAR LEN PA CAN MA YIN PA NI BSGRUB PAR BYA ZHING, DE'I NYE BAR LEN PA CAN DU MI DMIGS PA NI SGRUB PAR BYED BA'I CHOS YIN NO, ,'DIR SGRAS BSKYED PA'I @98B PA'I RNAM PAR RTOG PA LA SNANG BA'I DON DE NYID LA BSNYON PA YANG MA YIN NO, ,CI LTAR ZHE NA, RNAM PAR RTOG PA LA SNANG BA'I DON DE NYID NYAN BA BO'I BLO LA GZHAG PA'I DON DU SGRA SBYOR BA'I PHYIR DANG, DE MED NA SGRA SBYOR BA NYID MI RUNG BA'I PHYIR RO, ,GZHAN YANG ZHES BYA BA NI 'DI SKAD STON TE, RANG RIG PA'I DON DANG, SGRA SBYOR BA'I PHYIR RNAM PAR RTOG PA LA GNAS PA DE DGAG PAR MI 'THAD PA 'BA' ZHIG TU NI MA ZAD KYI, SGRUB BA DANG DGAG PA BSAM PA'I SKABS BSNYON DU MED PA'I PHYIR YANG MI 'THAD DO ZHES SO, ,SKABS BSNYON DU MED PA DE NYID STON PA NI SGRA DON BSNYON PA MED PA DON DU GNYER PAR RTOGS PA DANG LDAN PA RNAMS KYIS YOD MED PHYOGS KYI BYE BRAG GIS TE, YOD PA NYID DAM MED PA NYID DU DNGOS PO NYID DPYAD PAR BYA BA YIN NO, ,CI'I PHYIR ZHE NA, DE LA ZHES SMOS TE, GANG GI PHYIR 'BRAS BU 'BYUNG BA NI DE LA RAG LAS PA'I PHYIR RO, ,CI LTAR DE LA 'BRAS BU 'BYUNG BA RAG LAS SHE NA, BSHAD PA, GANG GI PHYIR SGRA'I DON NI YOD KYANG SKYES BU'I DON CUNG ZHIG 'GRUB PAR MI BYED LA, MED KYANG LDOG PAR BYED PA MA YIN TE, SKYES BU'I DON NI DE LA RAG LAS BAR MI 'THAD PA'I PHYIR RO,, DES NA 'BRAS BU MED PA YIN NO, ,CI LTAR CUNG ZHIG NYAMS PA'AM 'GRUB PA MA YIN PA ZHES BYA STE, GANG GI PHYIR SHES PA'I SNANG BA SHES PA LAS THA DAD PA MED PA NI SHES PA'I 'BRAS BU DANG LDAN PA YIN NO ZHE NA, CI LTAR MNGON PAR ZHEN PA BZHIN DU ZHES SMOS SO; JI LTAR MNGON BAR ZHEN CING CI LTAR NGES PAR BYAS PA NI SHES PA'I SNANG BA LA ME'I RANG BZHIN YIN NA, DE LTAR DE KHO NA NYID YIN PA'I PHYIR DANG, SHES PA'I BDAG NYID KYIS DE KHO NA NYID CI LTA BA BZHIN YIN PA DE LTAR ZHEN PA MED PA'I PHYIR RO, ,DE LA BSAM PA NI 'DI YIN TE, GAL TE SHES PA'I BDAG NYID KYIS SNANG BA DE 'BRAS BU DANG BCAS PA YIN YANG, DE LTA NA YANG SGRA'I DON SKYES BU LA NYE BAR MKHO BA CAN DU 'GYUR BA NI MA YIN NO, ,GANG GI PHYIR SGRO BTAGS PA'I RANG BZHIN ME LA SOGS PA'I NGO BO SGRA'I DON YIN GYI, @99A *, ,SHES PA'I RANG BZHIN GYI DNGOS PO NI MA YIN TE, SGRO BTAGS PA'I RANG BZHIN SGRA LAS NGES PA'I PHYIR DANG, ZHEN PAR BYAS PA YANG BRJOD PAR BYAS PA YIN PA'I PHYIR RO, ,DES NA SGRA'I DON NI SKYES BU LA NYE BAR MKHO BA CAN MA YIN NO, ,DE'I PHYIR THAMS CAD KYI TSE DON BYA BA DON DU GNYER BA'I RTOGS PA DANG LDAN PA 'DI YOD PA DANG MED BAR DPYOD PA 'JUG PA NA, RNAM PAR RTOG PA'I RNAM PA SPANGS TE, YOD PA'I DNGOS PO NYID YOD PA DANG MED PAR DPYOD PA'I GZHIR BYED PA YIN NO, ,DNGOS PO DE CI 'DRA BA ZHIG CE NA, BSHAD PA, DNGOS PO GANG LA THAMS CAD KYI MNGON SUM DU RIG PA'I SKYES BU'I DON 'DI 'BREL BA'O, ,CI LTAR GRANG BA SEL BA LA SOGS PA LA ME BZHIN NO, ,SOGS PA'I SGRAS NI GTZO BO DANG BSREG PA LA SOGS PA GZUNG NGO, ,'DI SNYAM DU 'DI 'DRA BA'I DON NI SGRA'I DON GYIS KYANG 'GRUB PA YIN TE, GANG GI PHYIR RGYU'I DON DE YANG ME NYID DU NGES PA YIN NO ZHE NA, BSHAD PA, GANG GI PHYIR GTZO BO LA SOGS PA SKYES BU'I DON DE LA SGRA'I DON NI NUS PA MA YIN NO, ,CI'I PHYIR ZHE NA, SGRA'I DON DE NYAMS SU MYONG BAR 'GYUR YANG GRANG BA SEL BA LA SOGS PA SKYES BU'I DON DE MED PA'I PHYIR RO, ,DON BYED NUS PA'I ME NYAMS SU MYONG BAR 'GYUR NA NI, GRANG BA SEL BA LA SOGS PA 'THOB KYI, SGRA'I DON NYE BAR GYUR KYANG NYAMS SU MYONG BA LAS BSGRUB PAR BYA BA'I DON MI 'THOB BA STE, DE'I PHYIR DON MED PA YIN NO, , SNGAR MA THOB PA DANG 'GAGS PA'I DON DAG LA YANG MI LDOG PA'I PHYIR RO ZHES BYA BAS NI RNAM PA DON GYI MA SKYES PAR BRJOD PA YIN LA, DA LTAR NI RANG NYID DON MED PA YIN NO ZHES BYA BA NI KHYAD PAR RO, ,GANG GI PHYIR SGRA'I DON DON MED PA CAN YIN PA DE'I PHYIR SREG PA LA SOGS PA DON DU GNYER BA 'DI SREG PAR MI NUS PA LA CHED DU GNYER BA LHUR BYED PA NI RIGS PA MA YIN NO, ,RTOGS PA DANG LDAN PA NI BSGRUB BYA'I DON LA NYE BAR SBYOR BA LA YOD PA LA SOGS PAR DPYOD PA RTZOM GYI NYE BAR SBYOR BA MED PA LA NI MA YIN TE, GANG GI PHYIR 'DOD PA DANG LDAN @99B PA SKYES BU 'DOD PA DANG LDAN PA NI NYE BAR DPYOD PAR MI NUS PA'I GZUGS BZANG BA DANG NGAN PA BRTAG PA LA LHUR GNYER BA NI MA YIN NO, ,DE'I PHYIR SGRA'I DON NI 'GOG BA MA YIN TE, NUS PA MED PA NI YOD PA LA SOGS PAR DPYOD PA'I GZHI MA YIN BA'I PHYIR RO, , GAL TE KHYOD KYIS PHYI ROL GYI NYE BAR LEN PA CAN DU MI DMIGS BA RTOGS PA LA GNAS PA'I CHOS SU BRJOD NA, 'O NA KUN LAS BTUS BA LAS BRTAGS PA'I CHOS ZHES BYA BA LA SOGS PA BSHAD PA GANG YIN PA DE'I DON CI YIN, DER NI MI DMIGS PA NI GTZO BO LA SOGS PA BRTAGS PA'I CHOS YIN NO ZHES RTOGS SO, ,'GAL BA MED PA DE'I DA LTAR RTOG PA'I YUL YIN PA'I PHYIR SGRA'I DON LA BRTAGS PAR BRJOD DO, ,GANG ZHIG BRTAG PAR BYA BA DE NI BRTAGS PA YIN TE, DPER NA GANG BLTA BAR BYA BA DER BLTAS PA YIN PA BZHIN NO, ,RTOG PA'I YUL YANG BRTAG PAR BYA BA YIN NO, ,DE'I PHYIR GTZO BO'I SGRA'I DON RTOGS PA LA GNAS PA NI BRTAGS PA YIN LA, PHYI ROL GYI DNGOS PO'I RGYU MTSAN DU MI DMIGS PA NI BRTAGS PA DE'I CHOS YIN NO ZHES 'DI'I DON NI DE YIN NO, ,SPROS PA DANG NYE BAR SPROS PA BSHAD NAS SKABS NYID NYE BAR BSDU BA'I PHYIR RANG BZHIN MI DMIGS PA ZHES SMOS SO, ,SKYON 'GA' ZHIG SPANG BA'I PHYIR SNGAR BSHAD PA DRAN PAR BYED DE, GANG DU RANG BZHIN MI DMIGS PA NANG DU 'DU BA'I RANG BZHIN GANG YIN PA DE YANG BYE BRAG LA LTOS PA'AM, BYE BRAG MED PA 'BA' ZHIG STE, DPER NA 'JIG PA LAS BYAS PA NI KHYAD PAR DANG BCAS PA YIN LA, YOD PA NI DAG PA YIN PA BZHIN TE, DE DAG 'DRA BAR GZHAN THAMS CAD KYANG BSTAN PAR BYA BA YIN NO ZHES LE'U GNYIS PAR BRJOD ZIN TO, ,DE LA STE DON DE LTA YIN PAR 'GYUR BA LA GAL TE YOD PA 'BA' ZHIG GTAN TSIGS YIN NAM, YOD PA'I BDAG NYID GTAN TSIGS YIN NA YOD PA CI LTAR BSGRUB BYA MA YIN, CI STE YOD PA BSGRUB PAR BYA NA, KHYAD PAR BSGRUB BYAR 'GYUR NA, DE LA YANG RJES SU 'GRO BA MED PA'I SKYON DU @100A *, ,'GYUR BA DES NA YOD PA BSGRUB BYA MA YIN NA, 'O NA NI GTAN TSIGS SU YANG MI 'GYUR TE, GANG GI PHYIR KHYAD PAR RJES SU 'GRO BA MED PA NI GTAN TSIGS DANG BSGRUB BYA GNYI GAR 'GAL BA YIN NO, ,'DI NYID RNAM PAR 'GREL BA NI, ,GAL TE ZHES BYA PA LA SOGS PA BSHAD PA YIN NO, ,GZHAN LA ZHES BYA BA NI BSGRUB BYA MA NGES PAR BRJOD PA'O, ,GAL TE YOD PA LA LAR GTAN TSIGS YIN NA BSGRUB BAR BYA BA YANG CI STE MI 'DOD, YOD PA DE DE LTAR 'BA' ZHIG BSGRUB PAR BYA BA YIN NA KHYAD PAR CAN DU 'GYUR NA, KHYAD PAR NI BSGRUB PAR BYA BA MA YIN TE, RJES SU 'GRO BA MED PA'I PHYIR RO ZHES GRAGS TE GZHAN GYI 'DOD PA BRJOD PA'O, ,CI SKAD DU SLOB DPON PHYOGS KYI GLANG POS TSAD MA RJES SU DPAG PA'I YUL SPYI STE, RGOL BA RJES SU DPAG PA'I YUL SPYI YIN PAR MA SHES PA'I PHYIR KHYAD PAR SGRUB PAR BYED PA YIN NO ZHES BYA BA YIN NO, ,GAL TE YOD PA BSGRUB BYAR MI 'DOD NA KHYAD PAR DE BSGRUB PAR BYA BA NYID DU 'GAL BA NI MA ZAD DE, 'ON KYANG GTAN TSIGS SU YANG 'GAL LO, ,CI'I PHYIR ZHE NA, RJES SU 'GRO BA MED PA'I SKYON MTSUNGS PA'I PHYIR RO, ,CI LTAR RJES SU 'GRO BA MED PA'I SKYON MTSUNGS SHE NA, GANG GI PHYIR RJES SU 'GRO BA MED PA NI SGRUB PA'I YAN LAG MA YIN NO ZHES BYA BA LA, DON NI 'DI YIN TE, DPER NA RJES SU 'GRO BA MED PA'I BSGRUB BYAS GTAN TSIGS LA MA KHYAB PA'I PHYIR GO BYED MA YIN PA DE BZHIN DU GTAN TSIGS RJES SU 'GRO BA MED PA CAN YANG BSGRUB BYAS MA KHYAB PA'I PHYIR GO BYED MA YIN PA DES NA RJES SU 'GRO BA MED PA'I SKYON MTSUNGS PA YIN NO, ,CI'I PHYIR RJES SU 'GRO BA MED PA GO BYED MA YIN ZHE NA, RJES SU 'GRO BA MED PA'I GTAN TSIGS DE LAS THE TSOM ZA BA'I PHYIR RO, ,THUN MONG MA YIN PA GANG YIN PA DE THAMS CAD NI THE TSOM GYI RGYU YIN TE, 'DI LTAR BSGRUB BYA'I CHOS CAN GYI MTHAR THUG PA, TSAD MA GANG GIS BSGRUB BYAS KHYAB PAR BRJOD PA DE NYID KYIS DE GRUB PA'I PHYIR GTAN @100B TSIGS GZHAN DON MED DO, ,CI STE GNOD PAR BYED PA NI BSGRUB BYA'I CHOS CAN 'GA' ZHIG GI YUL MA YIN TE, 'ON KYANG CHOS CAN GZHAN DANG THUN MONG MA YIN NA, DE LTA NA YANG BSGRUB BYA'I CHOS CAN LA BRTEN PA NI GZHAN DU MI SRID PA'I PHYIR GNOD PAR BYED PA DES KHYAB PA MA BRJOD PAS THE TSOM GYI RGYU NYID DO, ,DE'I PHYIR RJES SU 'GRO BA MED PA'I PHYIR KHYAD PAR THAMS CAD NI THE TSOM GYI RGYU YIN NO, ,DE'I PHYIR DE LTAR BSGRUB BYA BZHIN DU YOD PA NI SGRUB BYED DU YANG MI 'THAD BAR NYE BAR BKOD PA LA, LAN GDAB PA'I PHYIR SKYON 'DI NI MED DE ZHES SMOS SO, ,CI LTAR ZHE NA, 'DI LTAR DNGOS PO YOD PA DE'I KHYAD PAR TE, BYE BRAG GANG LA YOD PA DE TZAM ZHIG GO, ,DE TZAM NYID YIN PA'I PHYIR SPYI'I RANG BZHIN GYI CHOS CAN LA SGRUB NA MNGON PAR 'DOD PA'I DON 'GA' ZHIG KYANG GRUB PAR MI 'GYUR RO, ,GANG GIS BSGRUB PAR 'GYUR BA DE LTA BUR GYUR PA'I DNGOS PO NI PHYIR RGOL BA SUS KYANG BKAG PA MED DO, ,GAL TE DE LTA NA KHYAD PAR BSGRUB BYAR CI LTAR 'GYUR ZHE NA, KHO BO CAG THAMS CAD DU SPYI'I RNAM PAS YOD PA BSGRUB BA'I SKABS SU YANG KHYAD PAR BSGRUB BYA NYID DU BSGRUB PAR 'GYUR RO ZHES NI MI SMRA'O, ,DE SKAD SMRAS NA NI YOD PA TZAM SGRUB PAR BYED PA YIN PA LA YANG DE BZHIN DU KHYAD PAR DU YANG GTAN TSIGS SU 'GYUR RO, ,'O NA CI LTAR KHYAD PAR BSGRUB BYAR 'GYUR RO ZHES BRJOD CE NA, TSIG LE'UR BYAS PA'I DON DGROL BA'I PHYIR BSHAD PA, DNGOS PO TZAM GYI KHYAD PAR CAN NI YOD PA TZAM GYI RANG BZHIN TE, 'GA' ZHIG YOD DE SHES RAB TU SGRUB PA'I RGOL BA'I'O, ,'DIR ZHES BYA BA YOD PAR SGRUB PAR BYED PA LA YOD PA 'GRUB PA'I RGYU 'GOG PA NI MA YIN NO, ,CI'I PHYIR ZHE NA; RANG BZHIN GYI KHYAD PAR MA BSTAN PA YOD PA TZAM NI RTOGS PA PO 'GA' LA YANG 'GAL BA MED PA'I PHYIR RO, ,'GAL NA NI 'GA' ZHIG CUNG ZHIG SGRUB PA'AM, 'GOG PA YIN NA 'DI LA NI 'GAL BA MED DO, ,'DI SNYAM DU GAL TE MI 'GOG NA 'O NA NI YOD PA @101A *, ,GEGS MED PAR GRUB PO ZHE NA, GEGS MED PA NI BDEN NA 'ON KYANG RTAG PA NYID LA SOGS PA'I RNAM PA DANG MI LDAN PA DE LTAR DON 'GA' ZHIG YOD DO ZHES BYA BAR, DPER NA MIG LA SOGS PAR GZHAN GYI DON YIN NO ZHES BYA BA LTA BU SKABS KYIS STOBS SAM, DPER NA GTZO BO RTAG PA YOD DO ZHES BYA BA LTA BUR SGRAS MA REG PA'I SGRUB BYED SMRAS BAS RANG GI MNGON PAR 'DOD PA'I DON CI ZHIG 'GRUB PAR 'GYUR, DE'I PHYIR RTAG PA 'AM GCIG PU'I GTZO BO YOD DO ZHES GANG LA GZHAN RTZOD PA DANG, BDAG NYID 'DOD PA KHYAD PAR GYIS ZIN PA NYID BSGRUB PAR BYA BA YIN NO, ,KHYAD PAR DE BSGRUB BYA YIN NA YANG CHOS CAN GZHAN LA RJES SU 'GRO BA MED PA'I PHYIR GTAN TSIGS RJES SU 'GRO BA MED PAR 'GYUR RO, ,DE'I PHYIR RIM PA 'DIS KHYAD PAR BSGRUB PAR BYA BA NYID DANG, SKYON YANG MTHONG NAS KHO BO CAG YOD PA BSGRUB BYA YIN NA KHYAD PAR BSGRUB BYA NYID DU SGRUB PAR 'GYUR RO ZHES BRJOD KYI, RGYU MTSAN MED PA NYID DU KHYAD PAR BSGRUB BYAR 'GYUR BA NI MA YIN LA, SKYON MED PAR KHYAD PAR LA RTZOD PA YANG MA YIN NO, ,GANG GI KHYAD PAR SGRUB PAR BYED PAR 'GYUR BA DANG; GANG LA RJES SU 'GRO BA MED PA'I SKYON DU 'GYUR RO, ,SPYI TZAM SGRUB PAR BYED PA LA NI DE LTAR MI NUS PA CUNG ZAD KYANG MED DE, DON 'DI LA TSIG LE'UR BYAS PA BZLOG NAS 'CHAD PA NI MI RIGS TE, SLOB DPON GYIS PHYED 'OG MA SNGAR 'DON MI NUS PA NI MA YIN NO, ,CI LTAR KHYAD PAR BSGRUB PAR BYA BA YIN NA RJES SU 'GRO BA MED PA'I SKYON DU 'GYUR TE, GANG GI PHYIR SPYIS RJES SU 'GRO BA MED PA'I PHYIR RO ZHE NA, BSHAD PA, GANG GI PHYIR CHOS CAN GTZO BO'I RANG BZHIN DE RTZA BA'I RANG BZHIN DANG THA MI DAD PA'I PHYIR GCIG PU DANG, RJES SU 'GRO BA MED PAR 'JIG PA MED PA'I PHYIR RTAG PA DANG, YON TAN GSUM GYI BDAG NYID YIN PA'I PHYIR BDE BA DANG SDUG BSNGAL DANG GTI MUG GI BDAG NYID DAM, LONGS SPYOD PAR BYA BA ZHES BYA BA DE LTA BU'O, ,RNAM PA CI ZHIG LTAR YANG RUNG ZHES BYA BA NI RNAM PA GANG YANG RUNG BAS @101B KHYAD PAR DU BYAS PA KHYAD PAR CAN GYI NGO BO BSGRUB BYA NYID DU BSGRUB PAR 'GYUR RO, ,MI 'DOD PA SPANGS PA'I PHYIR CHOS CAN KHYAD PAR DU YANG GDON MI ZA BAR BYA DGOS SO, ,DES NA RJES SU 'GRO BA'I DUS SU YANG SPYI MA YIN TE, 'DIR 'DOD PA'I BSGRUB PAR BYA BA NYID BSTAN PAR BYA BA YIN PA'I PHYIR, DE NI KHYAD PAR DU BYAS PA DE LTAR CHOS CAN GZHAN LA RJES SU 'GRO BA MED DO, ,GANG YANG YOD PA TZAM RJES SU 'GRO BA DE GRUB MOD, RJES SU 'GRO BA CAN GYI YOD PA DE GRUB PAS NI 'DOD PA'I DON CUNG ZAD KYANG MI 'GRUB BO, ,DE'I PHYIR RJES SU 'GRO BA MED PA'I SKYON YIN NO, ,DA NI GZHAN DAG 'DOD PA'I BSGRUB BYA LA YANG RJES SU 'GRO BA MED PA'I SKYON DANG GRUB PA LA SGRUB PA NYID MTSUNGS PAR BSTAN PA'I PHYIR SMRAS PA, GAL TE DE BZHIN DU MI LA SOGS PA BSGRUB PAR BYA BA LA YANG RJES SU 'GRO BA MED PA DANG, GRUB PA LA SGRUB PAR THAL BAR 'GYUR BA MA YIN NAM, CI LTAR ZHE NA, 'DI LTAR ME LA SOGS PA BSGRUB PA DE LA YANG ME YOD PA LA NI RTZOD PA 'GA' YANG MED DE ME TZAM NI GRUB PA'I PHYIR RO, ,DE GRUB PAS NI CUNG ZAD BYAR YANG MED DE, DE NI 'JUG PA'I YAN LAG MA YIN PA'I PHYIR RO, ,YUL GYI KHYAD PAR CAN GYI ME 'JUG PA'I YAN LAG YIN GYI, ME TZAM NI MA YIN NO, ,'O NA DE NYID BSGRUB PAR BYA BA YIN NO ZHE NA, SMRAS PA, YUL LA SOGS PA CAN GYI GZHI DE NYID KYI KHYAD PAR GANG LA YOD PA DE NI RJES SU 'GRO BA MED PA'I PHYIR MI 'GRUB PO; DES NI SPYI NI GRUB PA LA SGRUB PA YIN LA, KHYAD PAR LA NI RJES SU 'GRO BA MED PA YIN NO ZHE NA, CI LTAR RJES SU 'GRO BA MED, 'DI LTAR GANG GIS RJES SU 'GRO BA MED PAR 'GYUR BRTEN YIN YANG GZHI DES MED DE KHYAD PAR GYI DNGOS POS KHYAD PAR DU BYED PA NI MA YIN TE, MI LDAN PA LDOG PA'I RGYUS NA SA PHYOGS KYI ME RNAM PAR GCOD PA'I PHYIR RO, ,DON 'DI NI LHAN CIG MA YIN PAR BSHAD ZIN TO, ,GAL TE KHYAB PA'I DUS SU MI LDAN PA RNAM PAR BCAD PA'I ME MA GRUB PA MA YIN NAM, DE GRUB NA YANG RJES SU 'GRO BA @102A *, ,RJES SU CI'I DON DU 'BRANG ZHE NA, DE LTA MOD KYI 'ON KYANG GZHI MED KYI ME MI SRID PA'I PHYIR SPYIR BSGRUB PAR BYA BA LA YANG PHYOGS DANG MTHUN PA'I PHYOGS KYI RNAM PAR DBYE BA MED PA'I PHYIR KHYAD PAR MED PAR GZHI YANG 'PHEN PA NA MNGON PAR 'DOD PA'I YUL YANG 'PHANGS PAR 'GYUR RO, ,DE'I PHYIR YUL DE KHYAB PA'I DUS SU YANG MA 'BREL PA RNAM PAR GCOD PAS KHYAB PA YIN PAR BRJOD KYI DE LTAR GRUB PA'I PHYIR NI MA YIN NO, ,GANG GI PHYIR SHUGS KYI GZHI RNAMS KHYAD PAR MED PAS NANG DU 'DUS PA'I PHYIR MA 'BREL PA RNAM PAR GCOD PA DE'I PHYIR, GZHI NGES PA MED PA'I ME'I SPYI DE NYID BSGRUB PAR BYA BA YIN NO, ,'DI SNYAM DU 'O NA NI SPYI DANG LDAN PA'I YOD PAS KYANG KHYAB PA'I DUS SU KHYAD PAR GTZO BO'I MTSAN NYID 'PHEN TE, DPER NA MES YUL DE 'PHEN PA BZHIN NO; DES NA 'DIR YANG MA 'BREL PA RNAM PAR GCOD PAS KHYAD PAR GRUB PA YOD DO ZHE NA, BSHAD PA, DE BZHIN DU YOD PA BSGRUB PAR BYA BA 'DIR YANG MNGON PAR 'DOD PA'I KHYAD PAR 'GA' ZHIG LA YOD PA SGRUB PA NI MA YIN NO, ,CI LTAR GTZO BO LA SOGS PA'I SGRAS BRJOD PAR BYA BA'I DON NYID MED PA'I PHYIR RO, ,RJES SU 'GRO BA'I DUS DANG, SGRUB PAR BYED PA'I BYED PA RDZOGS PA'I DUS SU GANG ZHIG MA 'BREL BA RNAM PAR GCOD PA DANG LDAN PA'I YOD PA BRTAGS PAR 'GYUR BA RTAG PA LA SOGS PA DANG LDAN PA NI 'GA' YANG MA GRUB PO, ,SA PHYOGS DANG SGRA NI TSAD MA GZHAN GYIS GRUB PAS KHYAB PA'I DUS SU DE DANG MA 'BREL PA RNAM PAR BCAD PA DANG LDAN PA BSGRUB PAR BYA BA'I CHOS YIN PA DANG, PHYOGS KYI CHOS SDUD PA'I DUS SU DE'I KHYAD PAR DANG LDAN PA GRUB PA RIGS PA YIN NO, ,DES NA KHYAB PA'I DUS SU KHYAD PAR 'GA' YANG MA GRUB PA'I PHYIR DE NI KHYAD PAR MED PA KHO NA YIN NO, ,CI LTAR MED DE, 'DI LTAR DE YANG CI ZHIG LTAR SHES PAR BYA BA YIN LA, SHES NAS SGRAS BRJOD PAR BYA BA YIN ZHING, BRJOD NAS TSAD MAR NGES PAR BYA BA YIN TE, DE'I PHYIR @102B DE YANG SHES BYA NYID LA SOGS PAR GRUB PA NYID DO, ,DES NA DE DANG MA 'BREL PA RNAM PAR BCAD PA DANG LDAN PA'I YOD PA GRUB PO ZHE NA, CI DA NI SHES BYA YOD DO ZHES TE, DE TZAM GYIS GTZO BO DE GRUB PAR 'GYUR RAM, GTZO BO'I DON NI SHES BYA LA SOGS PA'I DON DU 'GYUR GYI LHAG PA NI MA YIN NO, ,RE ZHIG DE TZAM DU YANG GTZO BO GRUB PA YIN TE, GTAN MED PA NI MA YIN NO ZHE NA, BSHAD PA, DE LTA NA YANG SHES BYA LA SOGS PAS CI LTAR 'GRUB BAR 'GYUR, 'DI LTAR SHES BYA TZAM KHO NAR 'GRUB PAR 'GYUR NA, DE TZAM NI GTZO BO YIN PAR MI 'DOD DO, ,DA NI KHYAD PAR CAN GYI YOD PA GZHIR BSTAN PA'I PHYIR SMRAS PA, GAL TE BLOS BSKYED PA SGRA'I DON YIN GYI PHYI ROL NI MA YIN NO, ,DE GANG ZHE NA, RNAM PAR RTOG PA'I RNAM PA'O, ,DE NI RTAG PA LA SOGS PA'I KHYAD PAR DANG LDAN PA MA YIN TE, DE LTAR BRTAGS PA YIN PA'I PHYIR RO, ,DES NA GTZO BO'I SGRAS BRJOD PAR BYA BA MED PAR CI LTAR 'GYUR, RANG GI NGO BOS NI SGRA'I DON THAMS CAD DU GRUB PA'I PHYIR, PHYI ROL GYI NYE BAR LEN PA'I YOD PA BSGRUB PAR BYA BA YIN NO, ,DES NA CI LTAR KHYAD PAR CAN MA GRUB CE NA, DE LTAR NA YANG KHYAD PAR MA GRUB PO ZHES STON PA NI BSGRUB PAR BYA BA YIN MOD, 'ON KYANG GANG GI PHYIR GTZO BO LA SOGS PA'I RANG BZHIN GYI KHYAD PAR RTAG PA NYID LA SOGS PA'I RTEN MA YIN TE GZHI MA YIN NO, ,DE BAS NA SGRA'I DON DE YANG KHYAD PAR MED PA SGRA'I DON TZAM DU RNAM PAR GNAS PA YIN TE, SGRA'I DON GZHAN LAS KHYAD PAR MED DO ZHES BYA BA'I DON TO, ,DE LTA YIN DANG CI LTAR SNGAR BRJOD PA BZHIN DU DA LTAR YANG BRJOD PAR BYA BA'I DNGOS PO 'GA' ZHIG YOD DO ZHES BSGRUB PAR BYA BAR 'GYUR RO,, GAL TE GTZO BO'I RANG BZHIN GYI RTEN YIN NA NI DE NYID GTZO BOR GRUB PAR 'GYUR GYI BSGRUB PAR BYA BA NI MA YIN NO, ,DE'I RANG BZHIN MED NA NI SGRA'I DON GZHAN DAG LAS KHYAD PAR MED PA'I PHYIR SGRA'I DON LAS PHYI ROL DU GYUR NA, PHYI ROL GYI NYE BAR LEN PA 'GA' ZHIG @103A *, ,YOD DO ZHES BSGRUB PAR BYA BAR 'GYUR RO, ,CI LTAR RTAG PA LA SOGS PA'I RANG BZHIN GYI RTEN MA YIN ZHE NA, BSHAD PA, BRTAGS PA YIN PA'I PHYIR SGRA'I DON RANG NYID NI RTAG PA LA SOGS PA'I RANG BZHIN YON TAN GYI KHYAD PAR 'GA' ZHIG LA BRTEN PA MA YIN NO, ,'O NA CI LTAR SGRA'I DON KHYAD PAR CAN DU RTOGS SHE NA, NYE BAR LEN PA'I CHOS DE DAG LA DOGS PA YIN TE, NYE BAR LEN PA DANG RNAM PAR BRTAG PAR BYA BA'I DON DAG GCIG TU MNGON PAR ZHE NA PA'I PHYIR RO, ,DPER NA BUM PA'AM BYAS PA DANG THA MI DAD PAR ZHEN PA'I PHYIR SGRA'I DON BUM PA DANG BYAS PA YIN PA BZHIN NO, ,GANG GI PHYIR KHYAD PAR NYE BAR 'DOD PA YIN PA DE'I PHYIR NYE BAR LEN PA MA GRUB PA DAG LA NI MI SRID DO, ,GANG GI PHYIR DE LTAR YIN PA DES NA SGRA'I DON 'DI DAG NI KHYAD PAR MED PA YIN NO, ,DES NA DE DAG LA DON GYI NYE BAR LEN PA CAN NYID SGRUB NA NI YOD PA TZAM NYID SGRUB PA YIN GYI, DON GYI KHYAD PAR SGRUB PA NI MA YIN PA'I PHYIR RO, ,DE DON GYI NYE BAR LEN PA CAN DU SGRUB PA NI DON MED DO, ,DE LTA YIN DANG GANG GI PHYIR NYE BAR BTAGS PA'I KHYAD PAR CAN GYI SGRA'I DON LA DNGOS PO MI 'GRUB PA DE'I PHYIR KHYAD PAR YOD PAR SGRUB PA LA SGRA'I DON CHOS CAN MA YIN NO, ,KHYAD PAR DGAG PA SGRUB NA NI CHOS CAN YIN PA DE NYID DE, NYE BAR BTAGS PA NI RNAM PA DE LTA BU'I NYE BAR LEN PA CAN DU MA NGES PA'I PHYIR RO, ,DES NA CI SKAD BRJOD PA'I YON TAN CAN GTZO BO LA SOGS PA MED PA'I PHYIR SGRA'I DON CHOS CAN DU RIGS SO, ,GAL NYE 'DIR DON TZAM GYI NYE BAR LEN PA DON MED PA YIN NA, MNGON PAR 'DOD PA'I RJES SU DPAG PA GZHAN DU YANG THUN MONG BA SPYI TZAM GRUB PA'I PHYIR BSGRUB BYAR MI 'GYUR RO ZHE NA, BSHAD PA, GZHAN DU NI GZHI NGES PA MED PA'I ME'I SPYI GRUB PA DE NYID YUL DER GRUB PA'I PHYIR BSGRUB PAR BYA BA YIN NO, ,YOD PA LA NI MA GRUB PA CUNG ZAD KYANG GRUB PA MED DO, ,GAL TE DE LTA NA DER YANG GZHI NGES PA MED PA'I ME BSGRUB PAR BYA BA YIN LA, BSGRUB BYA GANG YIN PA @103B DES NI KHYAB PAR BSTAN PAR BYA BA YIN NO, ,YUL DE DANG MI LDAN PA MA YIN PA'I PHYIR MES KHYAB PA GRUB PA NI MED DO ZHES DE LAS CIR 'GYUR, GAL TE 'GA' ZHIG YUL DANG 'BREL BA'I MES KHYAB PAR BYED NA DE LA RJES SU 'GRO BA MED PA'I SKYON 'DIR 'GYUR NA PHYOGS DANG 'BREL BA'I ME'I SPYI DE LTA BUS NI 'GA' LA YANG KHYAB PAR BYED PA MED DO, ,DES NA SU LA SKYON 'DIR 'GYUR, ,CI LTAR MI BYED, SGRUB PAR 'DOD PA'I DON LTA BU YIN NO ZHE NA, BSHAD PA, GANG GI PHYIR RGOL BA GZHAN LA SGRUB PAR BYED PAS NI GANG DU BA YOD PA DE NA ME YOD DO ZHES DU BA MED NA MI 'BYUNG BAR GZHI NGES PA MED PA'I MES KHYAB PAR BSTAN PAR BYA BA YIN LA, DE LTAR GZHI NGES PA MED PA'I ME TZAM GYIS KHYAB PA GRUB PA YIN NA, DES CHOS CAN GANG DU SNANG BA DER ME'I BLO SKYED PAR BYED DO, ,SGRON MA BZHIN DU RUNG BA NYID KYIS NI DU BA GO BAR BYED PA MA YIN TE, 'ON KYANG MED NA MI 'BYUNG BAR DES PAS MA YIN NO, ,DE'I PHYIR LKOG TU GYUR PA'I DON RTOGS PA NI MTHONG BA MED NA MI 'BYUNG BAR NGES PA LAS YIN GYI NGO BO LAS NI MA YIN NO, ,LKOG TU GYUR PA RTOGS PA THAMS CAD LA NI MED NA MI 'BYUNG BAR NGES PA YAN LAG YIN LA, PHYOGS DANG 'BREL PA CAN NI NGES PA MA YIN NO ZHES BSHAD PA NI, DE LA BSGRUB PAR BYA BA BSTAN PA NI CI YANG MI DGOS TE, PHYOGS DE LA MTHONG BA DANG 'BREL PA BSTAN PA TZAM GYIS 'DOD PA GRUB PA'I PHYIR RO, ,GAL TE BSGRUB BYA BSTAN PAR BYA BA MA YIN DU CHUG KYANG, RJES SU 'GRO BA NI DES BSTAN PAR BYA BA YIN NO ZHE NA, DE MA BSTAN NA YANG ZHES SMOS SO, ,GANG GI TSE MA BSTAN KYANG YUL DE'I KHYAD PAR CAN SHUGS NYID KYIS RTOGS PA DE'I TSE SHUGS KYIS GO BA NGES RJES SU 'GRO BA BYED PA YANG DON MED PA NYID DO, ,'DI SKAD BRJOD PA YIN TE, GAL TE DE LTA BU'I RJES SU 'GRO BA BSTAN PA MED PAR DE LTA BU'I DON MI 'GRUB NA DE DANG RJES SU 'GRO BA BSTAN PAR BYA BAR 'GYUR NA, 'DIR NI DE LTA BU'I RJES SU 'GRO BA MED KYANG GRUB PA YOD PA YIN NO, ,YOD PA GRUB @104A *, ,PA LA DE LTA BU'I KHYAD PAR MA GRUB PA'I PHYIR SHUGS KYIS DE DANG 'BREL PA RNAM PAR BCAD PAS KHYAB PA GRUB PA MED LA, PHYOGS KYI CHOS NYE BAR SDUD PA'I DUS SU GRUB PA YANG MED DO, ,GAL TE ME TZAM GYIS KHYAB PA YIN NA CI LTAR MA 'BREL PA RNAM PAR BCAD PA BSGRUB BYA YIN ZHE NA, BSHAD PA, GANG GI PHYIR RIM PA DE LTA YIN PA DE'I PHYIR DU BA 'DI ME MED NA MI 'BYUNG BAR 'GRUB PA'I SHUGS NYID KYIS PHYOGS DE DANG MI LDAN PA RNAM PAR GCOD PA YIN NO, ,DE'I PHYIR SPYI BSGRUB BYAR BRJOD DO, ,GAL TE ME MED NA DU BA YOD PAR MI 'GYUR RO ZHES BYA BA NI SHUGS YIN NO, ,DE LTAR GRUB PA DE NI SKYES BU 'JUG PA'I YAN LAG YIN GYI YUL MA NGES PA'I ME TZAM NI MA YIN PAS DES NA BSGRUB BYAR RIGS SO, ,RJES SU 'GRO BA NI 'BA' ZHIG GIS BSTAN PAR BYA BA YIN GYI SPYIS NI MA YIN TE, DE MA BSDUS PA'I PHYIR DANG; DES KHYAB PA BSTAN PA LA DGOS PA MED PA'I PHYIR RO ZHES GANG BSHAD PA NI ME 'DI'I DU BA LA KHYAB PA NI DE LTAR TE, YUL GYI KHYAD PAR CAN DE LTAR DE NYE BAR BKOD PA SNGON DU 'GRO BA CAN MA YIN NO, ,CI'I PHYIR ZHE NA, BSGRUB BYA BRJOD PA KHYAB PA BSTAN PAR BYA BA 'DI LA YAN LAG MA YIN PA'I PHYIR RO, ,RJES SU 'GRO BA BSGRUB BYA BSTAN PA DE SNGON DU 'GRO BA CAN YIN NA YANG DAM BCA' BA'I NGAG SGRUB PAR BYED PA'I NGAG LAS SUS KYANG BZLOG TU MED PAR 'GYUR RO, ,DES NA RJES SU 'GRO BA MED PA'I SKYON MED DE, DON 'DI SLOB DPON GYIS KYANG BSHAD DO ZHES STON PA NI DE SKAD DU YANG ZHES BYA BA YIN NO, ,DU BA LA SOGS PA'I RTAGS NI BSGRUB PAR BYA BA'I CHOS DANG MI 'KHRUL BAR SPYI'I CHOS CAN GZHAN DU BSTAN PAR BYA BA YIN NO, ,DE LTAR SHES PA 'KHRUL PA MED PA'I RTAGS 'KHRUL PA MED PA NYID DU NGES PAR BSGRUB PAR BYA BA'I CHOS CAN DE LA RAB TU GRUB PAR GYUR NA, KHYAB PAR BYED PA'I CHOS DE DANG LDAN PAR CHOS CAN RTOGS PAR 'GYUR BA YIN, DE'I DON NI 'DI YIN TE, CHOS CAN SPYI LA SPYI TZAM GYIS KHYAB PA GRUB NA KHYAD PAR CAN GYIS GTAN TSIGS MTHONG BA'I SHUGS LAS @104B KHYAD PAR GRUB PAR 'GYUR GYI, KHYAD PAR GYIS KHYAB PA BSTAN PAR BYA BA NI MA YIN LA, BSGRUB PAR BYA BA'I CHOS CAN 'GA' ZHIG LA YOD PA YANG GTAN TSIGS MA YIN TE, MNYAN BYA NYID LA SOGS PA LA KHYAB PA BSTAN PAR MI NUS PA'I PHYIR DANG, KHYAB PA BSTAN NA YANG KHYAB PA GRUB PAR BYED PA NYID KYIS BSGRUB BYA GRUB PA'I PHYIR RO, ,GTAN TSIGS DON MED PAR THAL BA'I PHYIR RO, ,DE CI LTAR ME SGRUB PA LA KHYAD PAR YONGS SU GZUNG BA'I PHYIR KHA NA MTHO BA MED PA BZHIN DU YOD PA BSGRUB PAR BYA BA LA NI DE LTAR KHA NA MTHO BA MED PA MA YIN TE, KHYAD PAR MA GRUB PA'I PHYIR RO, ,DE'I PHYIR DE LTAR SGRUB PA LA BSGRUB PAR THAR PA'I PHYIR DANG, RJES SU 'GRO BA MED PA'I PHYIR YOD PA NI BSGRUB BYA MA YIN NO, ,YOD PA TZAM SGRUB PAR BYED PA YIN PA LA NI SKYON YOD PA MA YIN NO ZHES BSTAN PA'I PHYIR BSHAD PA, DNGOS PO DE'I KHYAD PAR GZUNG BA MED PAR TE, MA GZUNG BAR DNGOS PO TZAM GANG YIN PAS SGRUB PAR BYED PA YIN PA DE LA RJES SU 'GRO BA NYAMS PA MED DO, ,GANG GI ZHE NA, DE TZAM ZHES BYA BA YOD PA KHYAB PA GANG YIN PA'I BSGRUB BYA DE'I YIN GYI, GZHI BYE BRAG GIS KHYAD PAR CAN GYIS NI MA YIN NO ZHES BYA BA'I DON TO, ,'DI NYID RNAM PAR 'GREL PA BSHAD PA NI, BUM PA LA SOGS PA'I RANG BZHIN GYI KHYAD PAR YONGS SU MA BZUNG BA'I RGYUS NA DNGOS PO TZAM KHYAB PA DNGOS PO'I CHOS BSGRUB PAR BYA BA'I YUL LA YOD PA'I SGRUB PAR BYED PA NYID LA NI BSGRUB BYA DES SGRUB PAR BYED PA LA RJES SU 'GRO BA NYAMS PA MED DO, ,DNGOS PO'I KHYAD PAR LA BRTEN PA'I BSGRUB BYAS DNGOS PO TZAM GYIS SGRUB PAR BYED PA KHYAB PA MA YIN PA DES NA DNGOS PO TZAM KHYAB PA ZHES BYA BAS KHYAD PAR DU BYAS SO, ,CI'I PHYIR RJES SU 'GRO BA NYAMS PA MED CE NA, GANG GI PHYIR DE LA GDON MI ZA BAR KHYAD PAR YONGS SU GZUNG BAR BYA BA NI MA YIN NO, ,RJES SU 'GRO BA MED PA NI KHYAD PAR LAS YIN NO, ,CI LTAR NA YOD PA BSGRUB BYA YIN NA GDON MI ZA BAR KHYAD PAR YONGS SU 'DZIN LA, SGRUB PAR BYED PA NI GDON MI ZA BAR MI 'DZIN CE NA, BSHAD PA, @105A *, ,YOD PA TZAM YONGS SU GZUNG NA YANG SGRUB PAR BYED PA'I SGRUB PAR BYA BA 'GRUB PA LA NUS PA YOD PA'I PHYIR RO, ,DE'I DON NI 'DI YIN TE, GAL TE SPYI'I RANG BZHIN GYIS SGRUB PAR MI NUS PA YIN NA NI KHYAD PAR YONGS SU 'DZIN PAR 'GYUR BA YIN NA, YOD PA TZAM GYIS NUS PA DE'I PHYIR GDON MI ZA BAR KHYAD PAR YONGS SU GZUNG BA MA YIN NO, ,YOD PA TZAM BSGRUB PAR BYA BA NI BYED MI NUS TE, DE BSGRUB PAR BYA BA YIN NA RTZOD PA MED PAS SGRUB PAR BYED PA DON MED PA'I PHYIR DANG, DE BSGRUB PAR MI 'DOD PA'I YANG PHYIR RO, , DE'I PHYIR YOD PA TZAM SGRUB PAR BYED PA LA NI KHA NA MA THO BA MED DO, ,DE LTAR YOD PA TZAM BSGRUB PAR BYA BA YIN PA SPANGS NAS, YOD PA BSGRUB PA LA SKYON GZHAN YANG BSTAN PA'I SPYIR GZHAN YANG ZHES SMOS SO, ,DNGOS PO DE MA GRUB NA NI YOD CHOS TE, DNGOS PO CHOS GANG YIN PA DE MA GRUB PAR 'GYUR RO, ,DNGOS PO DANG DNGOS PO MED PA GNYI GA LA BRTEN PA GANG YIN PA DE NI MED PA LA YANG 'JUG PAS 'KHRUL PA STE MA NGES PA YIN NO, ,MED PA'I CHOS GTAN TSIGS YIN NA NI YOD PA DANG 'GAL BA LA MI 'KHRUL PAS 'GAL BA YIN PA'I PHYIR YOD PA GANG YIN PA BSGRUB PA LA GTAN TSIGS SU NYE BAR BKOD PA DE THAMS CAD SKYON GSUM LAS MI 'DA' BAS NA, YOD PA DE CI LTAR SKYES BUS BSGRUB PAR BYA BA YIN, DE'I GTAN TSIGS NI YOD BA'I GTAN TSIGS SO, ,GSUM ZHES BYA BA NI SKYON KYANG RNAM PA CHA GSUM MO, , CHOS GSUM PO DE LA GAL TE DNGOS CHOS GTAN TSIGS YIN NA NI YOD PA MA GRUB PA LA JI LTAR 'GRUB, 'DI SNYAM DU DNGOS PO'I CHOS DE LA 'GRUB KYI YOD PA NI MA YIN NO SNYAM NA, BSHAD PA, GANG ZIG DNGOS PO'I CHOS GTAN TSIGS SU GRUB PAR 'DOD PA DE CI LTAR DNGOS PO GRUB PAR MI 'DOD, CI LTAR NA DNGOS PO'I CHOS GRUB NA DNGOS PO GRUB CE NA, GANG GI PHYIR RANG GI NGO BO NYID CHOS ZHES BSTAN PA YIN NO, ,GAL TE RANG GI NGO BO NYID YIN NA JI LTAR CHOS CAN LAS THA DAD PA CAN DU DRUG PAS BSTAN PA YIN ZHE NA, 'GA' ZHIG LA LTOS NAS ZHES @105B SMOS SO, ,GANG GI TSE RANG GI NGO BO DE NYID CHOS GZHAN DE'I BDAG NYID KYIS 'BREL BAR MI RUNG BAR BRJOD PAR 'DOD PA DE'I TSE THA DAD PA CAN GYI DRUG PAS THA SNYAD DU BYED DO, ,'DI'I BYAS PA NYID GAL TE BUM PA DE LAS BKOL BA'I RANG BZHIN DU BRJOD PA DE LTA NA DE'I CHOS GZHAN DANG 'BREL PAR MI RUNG BAR BSTAN PAR 'GYUR BA YIN NO, ,GANG GI TSE 'DI BUM PA'O ZHES BRJOD PA DE'I TSE NI CHOS GZHAN GYI BDAG NYID YIN PAR RUNG BAR BSTAN PAR 'GYUR TE, BYAS PA GANG YIN PA DE NI MI RTAG PA YANG YIN LA, RNA BAS GZUNG BA YANG YIN NO, ,DE'I PHYIR MA BYAS PA LAS LDOG PA'I BRJOD PAR BYA BA GCIG NYID LA, GANG GI TSE CHOS GZHAN GYI BDAG NYID 'BREL BAR RUNG BAS CHOS GZHAN 'PHANGS PAR BRJOD PA'I TSE NGO BO DE NYID CHOS CAN YIN TE, CHOS GZHAN GYI YANG RTEN YIN PA'I PHYIR RO, ,GANG GI TSE CHOS GZHAN DANG BDAG NYID GCIG PAS 'BREL PAR MI RUNG BA CHOS GZHAN SPANGS PAR BRJOD PA DE'I TSE CHOS GZHAN GYI RTEN MA YIN PA DE'I PHYIR CHOS CAN NI MA YIN GYI, 'ON KYANG CHOS YIN TE, GZHAN GYI DBANG DU BRJOD PA'I PHYIR RO ZHES STON PAR BYED PA NI CHOS DANG CHOS CAN BRJOD PA'I SGRA DAG LA ZHES BYA BA YIN NO, ,CHOS DANG CHOS CAN BRJOD PA'I BYA BA LA NI KHYAD PAR 'GA' YANG YOD PA MA YIN TE, MA BYAS PA LAS LDOG PA GCIG NYID YIN PAR BRJOD PA'I PHYIR RO, ,'DI NI TSANG MA RNAM 'GREL DU BSAL ZIN TO, ,DE'I PHYIR DNGOS PO MA GRUB PA'I PHYIR DNGOS PO'I CHOS MA GRUB PO; CI STE DNGOS PO DANG DNGOS PO MED PA'I GNYI GA'I CHOS GTAN TSIGS SU BRJOD DO ZHE NA YANG NGO, ,CI LTAR CHOS GCIG DNGOS PO DANG DNGOS PO MED PA'I YIN PAR 'GYUR, CHOS NI RANG GI NGO BO YIN LA, DNGOS PO'I RANG GI NGO BO GANG YIN PA DE NI DNGOS PO MED PA'I MA YIN NO ZHES DOGS NA, DNGOS PO MED PA'I RANG BZHIN BDAG NYID MED PA NI GNYI GA'I CHOS SU BSTAN PA'I PHYIR BSHAD PA, GANG GIS DNGOS PO'I RANG BZHIN NYID DU MI BRTEN PA DE'O, ,GANG GIS DNGOS PO LA MI BRTEN CE NA, MA YIN PA MA YIN NA NI DON GZHAN BRJOD PAR 'GYUR RO,, @106A *, ,MED PAR DGAG PAS NI LDOG PA 'BA' ZHIG BRJOD PA YIN LA, LDOG PA TZAM NI MED PA LA YANG MI 'GAL BA'I RGYU'I PHYIR LDOG PA TZAM GNYI GA'I CHOS YIN NO, ,DPER NA LUS CAN MA YIN ZHES BYA BA'I LUS MED PA NYID LDOG PA TZAM NI DNGOS PO RNAM PAR SHES PA DANG, DNGOS PO MED PA NYE BAR BRJOD PA MED PA LA YANG 'GYUR BA BZHIN NO, ,GZHAN DAG DGAG PA SMRA BA NI NYE BAR BRJOD PA MED PA NI DNGOS PO MED PA'I PHYIR DGAG PA'I YUL NYID MA YIN NO, ,GANG ZHIG GNAS GZHI LA SOGS PA'I NUS PA YOD PA DE 'GA' ZHIG GI YUL YIN NA NYE BAR BRJOD PA MED PA NI DNGOS PO MED PAS NUS PA THAMS CAD DANG BRAL PA'I PHYIR CI LTAR YUL YIN, GANG ZHIG TSAD MA 'GA'I YUL DU GYUR PA DE NI DNGOS PO DANG DNGOS PO MED PA 'GA'I YUL DU GYUR PA YIN NA, DNGOS PO MED PA NI TSAD MA'I YUL YANG MA YIN TE, NUS PA DANG BRAL BA'I PHYIR RO ZHE NA, DGAG PA'I YUL NYID 'GOG NA CI DA NI NYE BAR BRJOD PA MED PA BSGRUB PA'I YUL YIN NAM, DNGOS PO MED PA BSGRUB PA'I YUL YIN NO ZHES BYA BA GANG YIN PA 'DI NI DGAG PA'I YUL NYID DE BAS KYANG SDIG PA YIN PA'I PHYIR DE LAS SPONG BAR BYED PA NI DNGOS PO MED NA NI SGRUB PA'I YUL YANG MA YIN NO ZHE NA, DA NI CI LTAR DGAG PA'I YUL DU 'DOD PAR MI 'GYUR TE, SGRUB PA'I YUL NYID BKAG PA KHO NAS DGAG PA'I YUL YIN PA NYID DO, ,CI'I PHYIR ZHE NA, BSHAD PA, DGAG PA NI SGRUB PA LOG PA'I RANG BZHIN PA'I PHYIR RO,, LA LAR 'GA' ZHIG SGRUB PA BKAG PA GANG YIN PA DE NYID DE DGAG PA BSGRUB PA YIN NO, ,DE'I PHYIR NYE BAR BRJOD PA MED PA LA LUS CAN GYIS SGRUB PA BKAG NA DGAG PA BRJOD PAR 'GYUR BA'I PHYIR JI LTAR DGAG PA'I YUL MA YIN, DNGOS PO MED NA YANG TSAD MA'I YUL JI LTAR YIN PA DE LTAR YANG DE MA THAG PA NYID DANG, PHYIS KYANG BSTAN PAR BYA'O, ,DE NA DE LA GZHAN MED PA MA NGES PAR NUS PA NYID DO, ,'DI SNYAM DU RNAM PA 'DI LTA BU'I RIGS CAN GYI CHOS NI BRJOD PAR NUS PA MA YIN TE, LUS CAN MA YIN PA NYID LA SOGS PA'I SGRA BZANG PO MA @106B YIN PA'I PHYIR RO, ,GANG GI PHYIR 'DI DAG NI YONGS SU 'CHAD PA YANG GLU MI LEN PA, SHING ZAN MI ZA BA, TSVA MI ZA BA, GDONG NYI MI MTHONG BA, MA NING MA YIN PA, AAD DO ZHES BYA BA'I SGRA 'DI DAG KHO NA LA DGAG PA GNAS PAR MTHONG NGO, ,DES NA RJES SU MA BA GRANGS PA'I DON DAG LAS LUS CAN MA YIN PA LA SOGS PA'I RANG BZHIN GYI SGRA'I MI 'JUG GO ZHES DOGS PA SPANGS PA'I PHYIR, KYE MA ZHES SMOS SO, ,NYON MONGS ZHES BYA BA NI RJES SU BRTZE BA'O, ,CI LTAR DKAR BAS 'TSO ZHE NA, BSHAD PA, BRDA LAS BYUNG BA'I SGRA DON NGES PA'I 'DOD PA DE'I PHYIR RO, , BRDA LAS BYUNG BA NI DON NGES PAR NUS PA MA YIN TE, 'DOD PA TZAM GYI RJES SU BYED PA'I PHYIR RO, ,CI LTAR MA NGES TE, 'JIG RTEN NI LAN CIG NGES PAR BYAS PA'I DON GYI RJES SU 'JUG PA YIN NO ZHE NA BSHAD PA, NGES PAR BYED PA DE'I BYA BA'I KHYAD PAR BRANG BRDUNGS SHING CHO NGES BTAB KYANG, BRANG BRDUNGS SHING CHO NGES 'DEBS PA KHYAD DU BSAD NAS 'JIG RTEN THA SNYAD KYI DON DU SGRA'I THA SNYAD LA 'JUG PA'I PHYIR RO, ,YANG CI'I PHYIR 'GOG PAR BYED KYANG 'JIG RTEN 'GA' ZHIG LA 'JUG CE NA, BRDA CI LTA BA BZHIN DU ZHES SMOS SO, ,BRDA LAS MA 'DAS PAR 'JIG RTEN GYI SGRA LA DON RTOGS PA'I PHYIR RO, ,'JIG RTEN NI 'BRAS BU DON DU GNYER BAS 'JUG PA YIN LA, SGRA SBYAR BA'I DGOS PA YANG DON RTOGS PA YIN ZHING DE YANG YOD PA'I PHYIR 'JIG RTEN MI LDOG GO, ,CHOS ZHES BYA BA 'BRAS BU BZHIN YANG YOD PA MA YIN NAM ZHE NA; BSHAD PA, 'BRAS BU NI DON RTOGS PA DE TZAM DU ZAD PA'I PHYIR RO, ,SBYIN PA DANG TSANGS PAR SPYAD PA LA SOGS PA DAG LA NI 'JIG RTEN CHOS KYIS DON DU 'JUG GI SGRA SBYOR BA LA NI MA YIN NO, ,LUS CAN MA YIN PA LA SOGS PA DAG LAS NI DON RTOGS PA MED DE, DE DAG GIS SGRA BZANG PO RJES SU DPAG PA'I RGYU MI BZANG BA YIN PA'I PHYIR RO ZHE NA, BSHAD PA, NYI MA MI MTHONG BA LA SOGS PA'I 'DOD PA DANG, LUS CAN MA YIN PA LA SOGS PA MI 'DOD PA'I SGRA RNAMS KHYAD PAR MED PA'I PHYIR, 'DOD PA DANG MI 'DOD PA'I TSOGS GNYI GAR YANG @107A *, ,DON MI RTOGS PAR THAL BAR 'GYUR RO, ,'DI LTAR BRDA JI LTA BA BZHIN DON SO SOR NGES PA YIN YANG GAL TE GCIG LAS DON MI RTOGS NA GZHAN LAS KYANG DNGOS SU RTOGS PAR MI 'GYUR RO, ,CI LTAR 'DOD PA DANG KHYAD PAR MED CE NA, BSHAD PA, NYI MA MI MTHONG BA LA SOGS PA 'DOD PA'I SGRA DE LAS BYUR BA'I RTOGS PA SHES PA YANG THA SNYAD YANG DAG PAR GRUB PA LA BRTEN PA'I PHYIR LA THA SNYAD GRUB PA LA BRTAN PA DE NI LUS CAN MA YIN PA LA SOGS PA'I SGRA GZHAN DU YANG MTSUNGS PA'I PHYIR RO, ,GNYI GA YANG BRDA LAS DON RTOGS PAR BYED PA YIN NO, ,CI LTAR BRDA SPROD PA BA RNAMS KYI LUS CAN MA YIN PA LA SOGS PA LA RTOGS PA'I PHYIR RJOD PAR BYED PA MA YIN PA DE BZHIN DU BZANG POR 'DOD PA GZHAN DAG KYANG DNGOS SU RJOD PAR BYED PAR MI 'GYUR BA DE'I PHYIR, RTOGS PA'I STOBS KYIS GNYI GA DNGOS SU SGRUB PAR BYED PA YIN PA NYID LA RTOGS PA MED NA RJES SU DPOG PAR BYED PA NYID DU MTSUNGS PA NGES NA KHYAD PAR MED DO, ,DES NA BRDA CI LTA BA BZHIN DON RTOGS PA'I PHYIR LUS CAN MA YIN PA LA SOGS PA YANG RJOD PAR BYED PA YIN PAS 'JIG RTEN MI LDOG PA YIN NO, ,LUS CAN MA YIN PA'I SGRA BSDU BA MI NUS PA MA YIN YANG, GZHAN GYI BSDU BA MI NUS PAR BRTAGS PA DES NA SLOB DPON GYIS ZHAR LA SGRA RNAMS LA BZANG PO NYID NGES PAR SUN PHYUNG BA YIN NO, ,DES NA LUS CAN MA YIN PA LA SOGS PA'I SGRAS BRJOD PAR BYA BA RNAM PAR GCAD PA TZAM DE NI MTHUN PA'I PHYOGS DANG MI MTHUN PA'I PHYOGS GNYI GA LA YOD PAS SHES BYA YOD PA'I RGYUS GO BAR BYED PAR CI LTAR 'GYUR, GTAN TSIGS MI MTHUN PA'I PHYOGS LA 'JUG SRID PA DE'I DOGS PA RNAM PAR CHAD PA STE LOG PA'O, ,GO BAR BYED PA ZHES BYA BA MI MTHUN PA'I PHYOGS LA 'JUG PA'I DOGS PA YANG 'CHAD PAS THOB PAR BYAS PA GANG MA YIN PA DE NYID LA 'JUG PAR NGES PA'I RNAM PAR GCAD PA TZAM GYIS CI LTAR THOB PAR 'GYUR, RNAM PAR BCAD PA TZAM 'BA' ZHIG THUN MONG YIN PAR MA ZAD KYI, 'ON KYANG SHES BYA NYID LA SOGS @107B PA'I BRJOD BYA NYID DANG GZHAL BYA NYID LA SOGS PA'I CHOS RNAM PAR GCOD PA'I RANG BZHIN MA YIN PA BSGRUB PA'I NGO BO NYID DAG KYANG THUN MONG BA YIN NO, ,CI LTAR DNGOS PO MED PA SHES BYA NYID YIN ZHE NA, DNGOS PO MED PA DAG LA YANG ZHES SMOS SO, ,DNGOS PO 'DZIN PAS DNGOS PO MED PA MI 'DZIN DU CHUG KYANG RNAM PAR RTOG PA CAN GYI BLOS RNAM PAR 'JOG PA YIN NO, ,CI LTAR ZHES BYA BA NI SGRA'I THA SNYAD DU RUNG BA BRTAG PA'I BDAG NYID KYIS SO, ,DNGOS PO RNAM PAR 'JOG PA LHUR LEN PA'I TSAD MAS NI DNGOS PO MED PA RNAM PAR GZHAG PAR BYA STE, DE LTA MA YIN NA DES 'JUG PA'I YAN LAG NYID RNAM PAR MA BZHAG PAR 'GYUR RO, ,DON GZHAN RNAM PAR BCAD PA MA BYAS PA NI MNGON PAR 'DOD PA'I DON NGES PA MED PA NYID DU NYE BAR GZHAG PA MA YIN NO, ,DES NA CHU MA YIN PA RNAM PAR GCOD PAR BYED PA'I TSAD MAS CHU 'JUG PA'I YAN LAG NYID DU RNAM PAR 'JOG PA YIN NO, ,DE SKAD DU DE YONGS SU GCOD PAR BYED CING DE LAS GZHAN RNAM PAR GCOD PAR BYED LA, RNAM PA GZHAN MED PAR YANG STON PAR BYED DO ZHES BSHAD DO, ,DES NA 'DI NI TSAD MA GCIG GI BYED PA YIN NO, ,DE'I PHYIR DNGOS PO SGRUB PA'I TSAD MAS DNGOS PO MED PA YANG GZHAL BYAR BYA BA YIN LA, DES NA SHES BYA DANG BRJOD BYA YANG YIN NO, ,DES NA RNAM PA DE LTA BU'I RANG BZHIN GYI CHOS DAG KYANG 'DIS BSHAD PA YIN TE, 'KHRUL PAR BSTAN PA YIN NO, ,SMRA BA POS KYANG 'DI LTA BU'I RANG BZHIN CAN GYI CHOS GTAN TSIGS SU BRJOD PAR MI 'OS LA, BRJOD NA YANG RTOGS PA DANG MI LDAN PAR 'GYUR RO ZHES STON PA NI, SMRA BA PO DE GNYI GA'I CHOS SU SMRAS PAS GNYI GA'I CHOS 'DI BSGRUB PAR BYA BA YOD PA LAS GZHAN LA YANG 'JUG PAR BRJOD PA YIN LA, GO BAR BYED PA NI MI 'KHRUL BA'I RGYU MTSAN CAN YIN PA'I PHYIR GO BAR BYED PA NYID DU KHAS BLANGS PAS, DE NYID 'DI MA 'KHRUL BA YANG BRJOD PA YIN PA DE'I PHYIR CI LTAR BSNYON PA YIN TE, 'GAL BA BRJOD PA'I PHYIR RO, ,'DI SNYAM DU GNYI GA'I CHOS YIN PA LA 'GA' ZHIG @108A *, ,MI 'KHRUL BAR 'GYUR TE, GANG GI PHYIR GTAN TSIGS KYI 'KHRUL PA NI MI MTHUN PA'I PHYOGS LA 'JUG PAS YIN NO, ,MI MTHUN PA'I PHYOGS LA 'JUG PAS 'KHRUL BA GANG YIN PA DE LAS CIR 'GYUR ZHE NA, SMRAS PA, DES NA PHYOGS DANG MTHUN PA'I PHYOGS GANG YANG RUNG BA DANG, NGAS KHAS BLANGS PA LA SOGS PA'I CHOS DAG NI MI MTHUN PA'I PHYOGS LA MI 'JUG PA'I RGYU'I PHYIR RO, ,RTAG PA DANG MI RTAG PA GNYI GA'I CHOS YIN YANG MA NGES PA NYID KYI SKYON MED DO, ,'DI LTAR GANG GI TSE RTAG PA NYID SGRUB PA DE'I TSE NAM MKHA' LA SOGS PA RTAG BA MTHUN PA'I PHYOGS GANG YIN PA DE'I TSE PHYOGS DANG MI MTHUN PA'I PHYOGS GANG YANG RUNG BA NYID MI MTHUN PA'I PHYOGS LA MI 'JUG GO, ,MI RTAG PA BSGRUB PA LA YANG DE BZHIN NO, ,'DI SNYAM DU GNYI GAR YANG PHYOGS SU GYUR PA'I SGRA YANG YIN PA DE NYID RTAG GAM MI RTAG THE TSOM ZA BAS PHYOGS DANG MTHUN PA'I PHYOGS GANG RUNG NYID DE LA 'JUG PA NI 'KHRUL PAR RTOGS PA YIN NO SNYAM NA, SMRAS PA, PHYOGS NYID NI GTAN TSIGS 'KHRUL PA'I YUL MA YIN NO, ,THE TSOM ZA BA DE BSGRUB PAR BYA BA YIN PA DE'I TSE MI MTHUN PA'I PHYOGS NYID DU NGES PA MED LA, MI MTHUN PA'I PHYOGS SU NGES PA GANG YIN PA DE LA NI MI 'JUG PA NYID DO, ,DES NA DE NI 'KHRUL PA'I YUL MA YIN NO, ,CIG SHOS NI 'DI'I MI MTHUN PA'I PHYOGS SU 'DOD PA CI LTA BU ZHIG YIN, CI DNGOS PO LA BSGRUB BYA MED PA YIN NAM, 'ON TE SKYES BUS BRTAGS PA YIN, GAL TE DNGOS PO YIN NA SKYES BU'I 'DOD PAS PHYOGS SU BYAS KYANG, DNGOS PO GNAS BAS BSGRUB BYA MED PA DANG LDAN PAS PHYOGS 'KHRUL PA'I YUL NYID PAS, PHYOGS NYID NI 'KHRUL PA'I YUL MA YIN NO ZHES CI LTAR SMRA, 'ON TE SKYES BU'I 'DOD PAS BRTAGS PA'I PHYOGS DANG MTHUN PA'I PHYOGS DAG LAS GZHAN MI MTHUN PA'I PHYOGS YIN NA, DE'I TSE GTAN TSIGS KYI MI 'KHRUL PA DNGOS PO PAR MI 'GYUR ZHING RJES SU DPAG PA TSAD MAR YANG MI 'GYUR RO ZHES @108B 'DI THAMS CAD DU THAL BAR BSTAN PA'I PHYIR, 'DIR GANG ZHIG CES PHA ROL LA 'DOD PA MI MTHUN PA'I PHYOGS 'DRI'O, ,CIG SHOS KYIS BSGRUB PAR BYA BA MED PA'O ZHES SMRAS SO, ,DNGOS PO NYID KYI BSGRUB BYA MED PA GZUNG NAS SMRAS PA, 'O NA CI LTAR DNGOS PO'I GNAS PAS BSGRUB BYA LAS BZLOG PA'I PHYIR MI MTHUN PA'I PHYOGS LA MI 'JUG PA PHUNG PO GCIG TU NGES PA GNYI GA'I CHOS SU 'GYUR, GANG GI PHYIR GANG GIS MI MTHUN PA'I PHYOGS LA MI 'JUG PA'I PHYIR MI 'KHRUL PA YANG YIN LA DNGOS PO LA NI GNYI GA'I CHOS SU 'GYUR BA; GTAN TSIGS KYIS MI 'KHRUL PA PHYOGS DANG MTHUN PA'I PHYOGS KYI RNAM PAR DBYE BA LA LTOS PA NI MA YIN NO, ,CI LTAR MI LTOS SHE NA, DNGOS POR GNAS PA YIN PA'I PHYIR RO, ,PHYOGS DANG MI MTHUN PA'I PHYOGS NI SKYES BU'I 'DOD PAS BYAS PA YIN TE, DE LA LTOS PA'I PHYIR RO, ,MI MTHUN PA'I PHYOGS LA LTOS NAS NI MI 'KHRUL BA BRTAGS PAS NA SKYES BU'I 'DOD PAS BYAS PAR 'GYUR GYI DNGOS POR NI MA YIN NO, ,GANG GI TSE 'KHRUL PA'I YUL PHYOGS SU MA BYAS PA DE NYID KYI TSE 'KHRUL BAR 'GYUR RO, ,'O NA DNGOS PO YANG CI LTAR ZHE NA, GANG GI PHYIR RNAM PAR GZHAG PAS PHYOGS DANG MTHUN PA'I PHYOGS DANG MI MTHUN PA'I PHYOGS SO SOR RNAM PAR GZHAG NAS PHYOGS MA GTOGS PA'I BYAS PA MI RTAG PA YIN NO ZHES PHYOGS MA GTOGS PA'I YUL LA KHYAB PA BSTAN PAR BYA BA NI MA YIN NO, ,'O NA CI LTAR 'GYUR ZHE NA, SKYES BUS BYAS PA'I PHYOGS DANG MTHUN PA'I PHYOGS DANG MI MTHUN PA'I PHYOGS KYI RNAM PAR DBYE BA LA MI LTOS PAR DNGOS PO'I STOBS KYIS 'ONGS PA'I KHYAB PA NYID TSAD MAS BSTAN PAR BYA BA YIN NO, ,DE CI 'DRA BA ZHIG CE NA, PHYOGS SAM GZHAN YANG RUNG STE BYAS PA THAMS CAD DO, ,THAMS CAD KYI SGRA NI MA NGES PA'I DON TE, BYAS PA THAMS CAD MI RTAG PA YIN NO ZHES DE LTAR TSAD MAS BSTAN PAR BYA BA YIN NO, ,CI'I PHYIR DE LTAR YIN ZHE NA, DE LTAR GRUB NA ZHES SMOS TE BYAS PA TZAM MI RTAG PAR GRUB PA YIN NA BYAS PA ZHES BYA BA'I CHOS @109A *, ,DE'I GO BAR BYED PAR 'GYUR GYI, GZHAN PHYOGS LAS GZHAN DAG LA KHYAB PA GRUB NA NI GO BAR BYED PA MA YIN NO, ,GANG GI PHYIR GANG ZHIG BSGRUB PAR 'DOD PA DE PHYOGS YIN LA, DE YANG RANG GI 'DOD PAS DE LTAR PHYOGS SU BYED PAS GTAN TSIGS MI 'KHRUL BAR SGRUB PA'I DON DU 'KHRUL PA'I YUL THAMS CAD PHYOGS SU BYED PAR 'GYUR RO, ,CI'I PHYIR ZHE NA, 'DOD PA'I MTSAN NYID KYI SKYES BU'I 'JUG PA NI DNGOS PO'I GZHAN GYI DBANG MA YIN PA'I PHYIR RO, ,GANG GIS BZLOG PA'I DON YANG RNAM PA GZHAN DU SGRUB PAR 'DOD PAR MI 'GYUR BA, SKYES BU'I 'DOD PA NI DNGOS PO CI LTA BA NYID MA YIN NO, ,DE DANG 'DRA BA'I MI MTHUN PA'I PHYOGS LAS GZHAN DU BSGRUB BYAS KHYAB PA'I CHOS DE LTA BU NI MA NGES PA YIN PAS GO BAR BYED PA MA YIN NO, ,GAL TE GANG DU BSGRUB PAR BYA BA'I CHOS LA MNGON SUM RJES SU DPAG PAS GNOD PA DE 'KHRUL PA'I YUL YIN LA, DE YANG PHYOGS LTAR SNANG BA YIN GYI PHYOGS NI MA YIN NAM, DE CI LTAR NA GANG GIS THAL BA 'DIR 'GYUR BA PHYOGS 'KHRUL BA'I YUL YIN ZHE NA, BSHAD PA, RJES SU DPAG PA'I YUL LA NI MNGON SUM LA SOGS PAS GNOD PA YOD PA MA YIN NO, ,TSUL GSUM DANG LDAN PA'I RTAGS KYI YUL NI RJES SU DPAG PA'I YUL YIN NO, ,PHYOGS DANG MTHUN PA'I PHYOGS KYI RNAM PAR DBYE BA LA LTOS TE MI 'KHRUL PA YIN NO, ,SKYES BU'I 'DOD PAS 'KHRUL PA'I YUL PHYOGS SU BYAS PAS 'KHRUL PA SPANGS PA'I GTAN TSIGS 'DI TSUL GSUM DANG LDAN PA NYID YIN NO, ,CI LTAR MI GNOD CE NA, TSAD MA LA TSAD MA GZHAN GYIS GNOD NA TSAD MA MA YIN PAR THAL PA'I PHYIR RO, ,GAL TE GANG LA GNOD PA YOD PA DE NYID TSAD MA YIN PAR 'GYUR GYI, GANG LA GNOD PA MED PA DE NI TSAD MA YIN NO ZHE NA, 'DI LA LE'U GNYIS PAR BSHAD ZIN TO, ,'DI SKAD BSHAD CE NA, TSAD MA'I MTSAN NYID DANG LDAN PAR GCIG LA GNOD PA SRID NA 'KHRUL PAR DOGS PA LA GNOD PA MED KYANG, DE'I MTSAN NYID SUN BYUNG BAR 'GYUR @109B TE; YID BRTAN DU MED PA'I PHYIR RO, ,DE'I PHYIR TSAD MA MA YIN PAR THAL LO, ,'DI SNYAM DU GNOD PA MED PA'I YUL CAN NYID CES BYA BA TSUL GSUM LAS GZHAN PA'I MTSAN NYID 'DOD PA DES NA GANG GI YUL LA GNOD PA DE RJES SU DPAG PA'I MCHAN NYID DANG LDAN PA MA YIN NA, DE CI'I PHYIR MTSAN NYID DANG LDAN PA LA GNOD NA ZHES BRJOD CE NA, BSHAD PA, GNOD PA MED PA YANG MTSAN NYID YIN NA NI GTAN TSIGS DE'I MTSAN NYID MA NGES PA CAN DU 'GYUR RO, ,'DI LA GNOD PA MI SRID DO ZHES DE LTAR NI NGES NUS PA MA YIN LA, TSAD MA 'GA' ZHIG LAS GNOD PA MED PAR NGES NA YANG DE NYID LAS BSGRUB BYA GRUB PA'I PHYIR GTAN TSIGS DON MED PAR 'GYUR RO, ,MTSAN NYID MI NGES PA CAN YIN NA YANG DE GO BAR BYED PA MA YIN PA'I PHYIR, SGRUB PAR BYED PA GANG GI DON DU MI 'KHRUL PA BSAM PA 'GA' YANG GANG GI YANG SGRUB PAR BYED PA MA YIN NO, ,GANG GI PHYIR TSUL 'DIS PHYOGS LAS GZHAN LA KHYAB PA SGRUB NA GO BAR BYED PA MA YIN PA DE'I PHYIR DNGOS PO LA TSAD MAS GANG ZHIG GANG GIS KHYAB PA'AM MA KHYAB PA DE NYID DE'I GO BAR BYED PA'AM, GO BAR BYED PA MA YIN PA DE'I PHYIR, SKYES BU'I 'DOD PAS DNGOS PO'I CHOS DNGOS PO LA 'KHRUL PA MED PA NYID RNAM PAR GNAS PA MA YIN TE, THAMS CAD GO BAR BYED PAR THAL BA'I PHYIR RO, ,NGED KYI LTAR NA DE LTAR 'GA' ZHIG GO BAR BYED PA YIN NO, ,PHYOGS DANG MTHUN PA'I PHYOGS RNAM PAR DBYE BAS KHYAB PA SMRA BA GANG YIN PA DE DAG GI LTAR NA, GANG GI TSE 'KHRUL PA'I YUL PHYOGS SU BYED PA DE'I TSE, 'KHRUL PA MED LA GANG GI TSE PHYOGS SU MI BYED PA DE'I TSE, SGRUB PAR BYED PA NGES BSGRUB PAR BYA BA LA 'KHRUL LO ZHES DNGOS PO NYID DU SMRA NA'O, ,SHIN DU DAG PA ZHES BYA BA NI BZHAD GAD DU BYED PA'O, ,DE LTAR GNYI GA'I CHOS MA NGES PAR BSTAN NAS, MED PA'I CHOS 'GAL BAR BRJOD PA'I PHYIR BSHAD PA, MED PA'I CHOS BRJOD NA NI 'DI'I GTAN TSIGS 'GAL BAR 'GYUR RO, ,CI 'DRA BA ZHIG CE NA, RNAM PAR BCAD PA'O, ,GAL TE RNAM PAR BCAD PA GNYI GA'I CHOS KYANG @110A *, ,YOD PA MA YIN NAM ZHE NA, BSHAD PA, DNGOS PO NYID LA DNGOS PO TZAM KHYAB PA'I DON RNAM PAR BCAD PA'O, ,'DI 'DRA BA'I RNAM PAR BCAD PA NI DNGOS PO MED PA LA NGES PA YIN TE, RNAM PAR BCAD PA DE NI DNGOS PO 'GAL LA YANG MI SRID PA'I PHYIR DANG, DNGOS PO MED PA MTHA' DAG LA YOD PA'I PHYIR 'GAL BA NYID YIN NO, ,DE'I PHYIR DNGOS PO DANG DNGOS PO MED PA DANG GNYI GA DANG 'BREL PA'I CHOS RNAM PA 'DI GSUM GA YANG YOD PA SGRUB PA LA GTAN TSIGS KYI MTSAN NYID DANG LDAN PA MA YIN LA, CHOS RNAM PA GSUM LAS RNAM PA GZHAN TE, BYE BRAG GZHAN YANG MI SRID NGO, ,GANG GI PHYIR DE LTA YIN PA DES NA YOD PA BSGRUB BYA MA YIN NO, ,CI STE SGRUB PAR BYED PA NYID YIN NA CI LTAR SKYON MED CE NA, DE TZAM ZHES BYA BA YOD PA TZAM KHYAB PA SKAD CIG MA NYID LA SOGS PA YOD PA'I CHOS BSGRUB PAR BYA BA LA YOD PA 'DI SGRUB PAR BYED PA NYID YIN PA LA NI YOD PAR GRUB PA'I CHOS CAN LA SPYI'I TSUL GYIS MA GRUB PA MA YIN LA, GAL TE YOD PA TZAM DE DNGOS PO TZAM KHYAB PA'I BSGRUB PAR BYA BA'I CHOS DES KHYAB PA TSAD MAS RNAM PA CI ZHIG LTAR NGES NA DE'I TSE 'GAL BA MA YIN NO, ,GAL TE YANG BZLOG PAS KHYAB PA GRUB PA NYID 'GAL BA YIN GYI, DE MA GRUB PAS 'GAL BA MA YIN PA DE LTA NA YANG KHYAB PA MA GRUB PA LA 'GAL BAR DOGS KYI, GRUB PA LA MA YIN PA DES NA KHYAB PA GRUB NA 'GAL BA MA YIN NO, ,MI MTHUN PA'I PHYOGS LAS LDOG PAR THE TSOM ZA BA NI KHYAB PA MA GRUB PA TZAM GYI RGYU MTSAN CAN YIN PAS, DE GRUB NA LDOG PA KHO NA YIN PA DES NA MA NGES PA YANG MA YIN NO, ,GANG GI PHYIR CI LTAR GRUB PAR BYA BA LTAR YOD PA SGRUB PAR BYED PA YIN PA LA NI MA GRUB PA DANG 'GAL BA DANG MA NGES PAR THAL BA MED DO, ,DE LTAR ZHAR LAS 'ONGS PA RDZOGS PAR BYAS NAS, DKYUS MA NYID MJUG BSDU BA'I PHYIR BSHAD PA, RNAM PA 'DI GNYIS NI GTAN TSIGS YIN LA, DE NYID RANG GIS BSGRUB PAR BYA BA LAS BZLOG PA BSGRUB PAR BYA BA LA 'GAL BA YIN GYI GZHAN NI 'GA' YANG MA YIN NO, ,GO BAR BYED PA NYID NI 'BREL BA SNGON DU 'GRO BA CAN YIN LA, DE YANG @110B GTAN TSIGS DANG 'GAL BA DAG LA KHYAD PAR MED PA DE'I PHYIR GTAN TSIGS 'BREL BA CI 'DRA BA CAN YIN PA 'GAL BA YANG DE DANG 'DRA BA CAN KHO NA'O ZHES DE LTAR BSTAN PA'I PHYIR SLOB DPON PHYOGS KYI CHOS RNAM PA BZHI BSHAD DO, ,DE DAG KYANG SNGAR DPER BRJOD PA NYID DO, ,KHYAD PAR SROG LA SOGS PA DANG LDAN PA DANG, SPYI GZHAL BYA NYID MA NGES PA YIN YANG NGES PAR SMRA BA'I PHYIR RGOL BA BSAL BA'I DON DU SLOB DPON GYIS GNYIS GSUNGS TE, MA NGES PA DE YANG GTAN TSIGS LTAR SNANG BA 'CHAD PA'I SKABS SU BAB PA NA BSHAD PAR BYA'O, ,LDOG PA MI MTHUN PA'I PHYOGS RNAM PAR GCOD PA GTZOR BSGRUB PA'I PHYIR TE, GTAN TSIGS NI MI MTHUN PA'I PHYOGS LAS LDOG PA GO BA NYID KYIS SGRUB PAR BYED PA YIN GYI, BSGRUB BYA BSGRUBS NAS GZHAN ZLOG PAR BYED PA NI MA YIN NO ZHES BSTAN PA'I PHYIR PHYOGS KYI CHOS RNAM PA GSUM MO, , CI LTAR ZHE NA 'DI LTAR ZHES SMOS TE, RJES SU 'GRO BA NYID KYI SGO THABS DES NI GTAN TSIGS GO BAR BYED PA MA YIN TE, MI RTAG PA NYID KYI GTAN TSIGS LAS RTZOL BA LAS BYUNG BA MA YIN PA NYID MI RTOGS PA'I PHYIR RO, ,MI RTAG PA DE NI RTZOL BA LAS MA BYUNG BA BSGRUB PA NA GLOG LA SOGS PA LA MTHONG BA NYID DO, ,GAL TE RJES SU 'GRO BA'I SGO NAS GO BAR BYED PA YIN NA MI RTAG PA NYID KYANG GO BAR BYED PAR 'GYUR RO, ,MI RTAG PA NYID 'DI LAS NI BSGRUB BYA RTOGS PAR MI 'GYUR TE, GANG GI PHYIR LDOG PA DANG LHAN CIG PA'I RJES SU 'GRO BA GO BAR BYED PA YIN NA, 'DI LA NI LDOG PA MED PAS RJES SU 'GRO BA 'BA' ZHIG YIN PA'I PHYIR ZHES DOGS PA LA, DPER BRJOD PA GZHAN NYE BAR BKOD DO, ,'O NA REG PAR BYA BA MA YIN PA'I PHYIR SGRA RTAG GO ZHES BYA BA 'DI LA BSGRUB BYA RTOGS PAR YOD PAR 'GYUR RO, ,REG PAR BYA BA MA YIN PA NYID NI MI RTAG PA LA SOGS PA DAG LAS LOG PA YIN GYI, MI RTAG PA NYID LTA BUR NI MA YIN NO, ,'DI SNYAM DU 'DI LA YANG GTAN TSIGS MTHUN PA'I PHYOGS KYI PHYOGS GCIG LA 'JUG PA'I PHYIR RJES SU 'GRO BA GTZO BO MA YIN TE, DES NA RTOGS PA MED PA YIN NO ZHES DOGS NA @111A *, ,DPER BRJOD PA GZHAN NYE BAR BKOD DE, 'O NA NI 'DIR MTHUN PA'I PHYOGS MTHA' DAG LA KHYAB PA'I PHYIR RJES SU 'GRO BA STOBS DANG LDAN ZHING, MI MTHUN PA'I PHYOGS KYI PHYOGS 'GA' ZHIG LA LDOG PA MTHONG BA'I PHYIR LDOG PA STOBS CHUNG BA YIN NO, ,BRTZAL MA THAG TU BYUNG BA NYID BSGRUB BAR BYA BA LA MI RTAG PA NYID MTHUN PA'I PHYOGS MTHA' DAG LA YOD PA, MI MTHUN PA'I PHYOGS KYI NI PHYOGS GCIG NAM MKHA' LA SOGS PA LAS LDOG PA YIN NO, ,'DI SNYAM DU 'DIR YANG RTOGS PAR MI 'GYUR TE, GANG GI PHYIR MI MTHUN PA'I PHYOGS MTHA' DAG LAS LDOG PA MED PA'I PHYIR RO ZHE NA, GAL TE GTAN TSIGS MI MTHUN PA'I PHYOGS MTHA' DAG LAS LDOG PA YIN PA DE LTA NA NI 'ON GANG 'GA' ZHIG BYAS PA DE NI MI RTAG PA NYID DE, RTAG PA NI MA YIN NO ZHES BYA BA'I DAG 'DIS LDOG PA'I DON CI 'DRA BA BZHIN BRJOD PA DE 'DRA BA KHO NA BSGRUB BYA RTOGS PA'I DUS SU CHOS CAN LA YOD PAR NGES PA GTAN TSIGS SU 'DOD PAR 'GYUR LA, DE LTA YIN NA NI MI MTHUN PA'I PHYOGS RNAM PAR BCAD PA'I RGYUS GO BAR BYED PA NYID DU 'DOD PAR 'GYUR RO, ,DE LTA MA YIN NA ZHES BYA BA MI MTHUN BA'I PHYOGS RNAM PAR BCAD PA MED NA, MI MTHUN PA'I PHYOGS MTHA' DAG LAS LDOG PAR BSTAN PAR MI NUS PA'I PHYIR RO, ,'DI LTAR BSGRUB BYA RTOGS PAR BYED PA'I DUS SU MI MTHUN PA'I PHYOGS MTHA' DAG LAS LDOG BAR NGES PA GO BAR BYED PAR 'DOD PA YIN NA, SGRA DANG SA PHYOGS LA SOGS PA'I CHOS CAN LA RTAG PA DANG ME MED RNAM PAR BCAD PA MA BYAS PAR NI MI MTHUN PA'I PHYOGS MTHA' DAG LAS LOG PAR NGES PAR MI 'GYUR RO, ,SGRA DANG SA PHYOGS LA SOGS PA DE NYID MI MTHUN PA'I PHYOGS YIN PAR THE TSOM ZA LA, MI MTHUN PA'I PHYOGS KYI DNGOS POR THE TSOM ZA BA'I CHOS CAN DE LA GTAN TSIGS 'JUG PA NI MI MTHUN PA'I PHYOGS LA 'JUG PAR DOGS PA YIN NO, ,DE'I PHYIR GAL TE RTOGS PA POS MTHONG BA DER MI MTHUN PA'I PHYOGS RNAM PAR BCAD PA NYID BYAS BAS BSGRUB BYA GO BAR BYED BA DE LTA NA, GTAN TSIGS MI MTHUN @111B PA'I PHYOGS MTHA' DAG LAS LDOG PAR BSTAN PAR 'GYUR RO, ,GAL TE CI LTAR RTAG PA RNAM PAR BCAD NAS DE RNAM PAR BCAD PAR MI RTAG PA'I RANG BZHIN RTOGS PA DE BZHIN DU MI RTAG PA NYID RTOGS NA SHUGS KYIS RTAG PAR MI RTOGS PA MA YIN NAM ZHE NA, BDEN MOD KYI 'ON KYANG GNAS SKABS GANG DU MI RTAG PA NYID SGRUB PA'I TSUL GYIS RTOGS PAR BYA BA DE'I TSE SHUGS KYIS GO BAR BYA BA MI MTHUN PA'I PHYOGS RNAM PAR BCAD PA MI RTOGS SO, ,DE MA RTOGS NA YANG GTAN TSIGS MI MTHUN PA'I PHYOGS LA LDOG PAR THE TSOM ZA BAS, SGRA DANG SA PHYOGS LA SOGS PA'I CHOS CAN LA MI RTAG PA NYID LA SOGS PAR NGES PA NYE BAR SDUD PAR CI LTAR 'GYUR, DE'I PHYIR GAL TE GTAN TSIGS MI MTHUN PA'I PHYOGS LA MED PA NYID DU NGES PA DE LTAR NA MI RTAG PA NYID DU NGES PA NYE BAR SDUD PAR NUS PA YIN, MI MTHUN PA'I PHYOGS RNAM BAR BCAD PA NYID BSGRUB BYA'I CHOS CAN LA BYAS PAS GANG NA 'DI YOD PA DE NI MI MTHUN PA'I PHYOGS KYI DRI TZAM YANG MED PA'I PHYIR MI MTHUN PA'I PHYOGS MED PAR RTOGS PAR 'GYUR BA YIN NO, ,DES NA BSGRUB PA'I SHUGS KYIS MI MTHUN PA'I PHYOGS RNAM PAR BCAD PAR BYA BA YIN; SGRUB PAR RTOGS PA NYID DU MI 'GYUR TE, GTAN TSIGS MA NGES PA NYID KYI PHYIR RO, ,RNAM PAR BCAD PAN YID RTOGS NA NI MI MTHUN PA'I PHYOGS MTHA' DAG LAS LDOG PAR NGES PAS GTAN TSIGS NYAMS PA MED PA NYID DO, ,DES NA RJES SU 'GRO BA 'DI YOD PA TZAM GYIS BSGRUB BYA RTOGS PA MA YIN TE, MI RTAG PA NYID LAS RTZOL BA LAS BYUNG BA MA YIN PA NYID MI RTOGS PA'I PHYIR RO, ,MNYAM PAS KYANG MA YIN TE, REG PAR BYA BA MA YIN PA NYID LAS MI RTAG PA NYID MI RTOGS PA'I PHYIR RO, ,GTZO CHE BAS KYANG MA YIN TE, MI RTAG PA NYID LA RTZOL BA LAS BYUNG BA NYID MI RTOGS PA'I PHYIR RO, ,DE BZHIN DU KHYAD PAR BYED PA MA YIN PAS NA RJES SU 'GRO BA GTZO BO MA YIN YANG LOG PA'I KHYAB PA YOD NA RTOGS PA YOD PA YIN NO, ,DPER NA ZHES BYA BA NI DPER BRJOD PA STON PA'O, ,'DIR NI RTZOL BA LAS BYUNG BA @112A *, ,NYID MTHUN PA'I PHYOGS GCIG LA YOD PA YIN YANG, 'DI'I LDOG PAS MI MTHUN PA'I PHYOGS KHYAB PA'I PHYIR GO BAR BYED PA NYID DU MTHONG NGO, ,GANG GI PHYIR RJES SU 'GRO BA GTZO BO MA YIN BA DANG, LDOG PAS MI MTHUN BA'I PHYOGS KHYAB PA'I GTAN TSIGS GO BAR BYED PA YIN PA DE'I PHYIR, DE LTAR ZHES BYA BA DE LTA BU NYID DU SHES PA GTAN TSIGS YIN NO, ,CI LTAR SHES PA ZHE NA, GANG RTZOL BA LAS BYUNG BA DE NI MI RTAG PA NYID DO ZHES MI MTHUN PA'I PHYOGS MTHA' DAG LAS LDOG PA MTHUN PA'I PHYOGS LA GCIG TU NGES PAR RO, ,DE LTA BU GTAN TSIGS YIN BAS NA RTAG PA RNAM BAR BCAD PA NYID KYI RGYUS GTAN TSIGS MI RTAG PA GO BAR BYED PA YIN GYI, SGRUB PA'I SGO NAS NI MA YIN NO, ,GAL TE MI MTHUN PA'I PHYOGS MTHA' DAG LAS LDOG PAR NGES PA'I GTAN TSIGS GO BAR BYED PA YIN DU CHUG PA DE LTA NA YANG CI LTAR RTAG PA RNAM PAR BCAD PA'I SGO NAS GO BAR BYED PA YIN ZHE NA, BSHAD PA, LDOG PA RTOGS NA NGAG 'DI'I NUS PA ZHES BYA BA'I DON 'BREL PA NYID GANG YIN PA DE YONGS SU RDZOGS PA'I PHYIR RO, ,DAG 'DI'I DON NI GTAN TSIGS MI MTHUN PA'I PHYOGS MTHA' DAG LAS LDOG PA YIN LA, DE NI LDOG PA RTOGS PAR GYUR NA 'BREL PA YONGS SU RDZOGS PAR 'GYUR BA YIN NO, ,DE 'DRA BA'I LDOG PA DE YANG SGRA LA RTAG PA NYID RNAM PAR BCAD PA YIN NA 'GYUR LA, SBYOR BA GZHAN LA NI ME MED PA RNAM PAR BCAD PA YIN NA 'GYUR RO, ,DE'I PHYIR SGRA DANG SA PHYOGS SU RTAG PA DANG ME MED RNAM PAR BCAD PA BYAS PA GTAN TSIGS MI MTHUN PA'I PHYOGS MTHA' DAG LAS BZLOG PA DANG LDAN PAR SHES PA DE LTA NA GO BAR BYED PA YIN GYI GZHAN NI MA YIN NO, ,SGRUB PA GO BAR BYA BA YIN NA NI BSGRUB PAR BYA BA'I CHOS CAN LA MI MTHUN PA'I PHYOGS SU DOGS PAS MI MTHUN PA'I PHYOGS LA 'JUG PAR DOGS PA NI MI MTHUN PA'I PHYOGS MTHA' DAG LA LDOG PAR MI NGES PAR 'GYUR RO, ,CIG SHOS KYIS LAN SMRAS PA NI, RTAG PA NYID LA SOGS PA DE DAG LAS THA DAD PA TZAM NI SGRA DANG SA PHYOGS @112B LA SOGS PA'I CHOS CAN DE LA GO BAR BYA BA MA YIN TE, THA DAD PA TZAM DES NI RTOGS PA BO LA DOGS PA MED PA'I PHYIR RO, ,'ON KYANG MI RTAG PA NYID LA SOGS PA'I SPYI DE NYID MI MTHUN PA DANG MA 'DRES PA MI MTHUN PA'I PHYOGS RNAM PAR BCAD PA GO BAR BYA BA YIN NO, , BSAM PA NI 'DI YIN NO, ,SGRUB PAS RTOGS NA SHUGS KYIS RNAM PAR BCAD PAR 'GYUR BA DKA' BA YIN NO, ,DES NA 'DI LA 'DI NYID YIN GYI GZHAN NI MA YIN ZHES BSGRUB PA DANG RNAM PAR GCOD PA GNYI GCIG CAR NYID BYA BA YIN TE, RNAM PAR GCOD PA TZAM LA NI DOGS PA CUNG ZAD KYANG MED DO ZHES STON PA YIN NO, ,GAL TE DE DAG GDON MI ZA BAR ZHES BYA BA LA, GAL TE SPYI MI MTHUN PA LAS RNAM PAR BCAD PA MA RTOGS NA MNGON PAR 'DOD PA'I MI RTAG PA NYID LA SOGS PA'I SPYI DE NYID NGES PAR MI 'GYUR TO, THE TSOM ZA BA'I PHYIR RO,, GZHAN RNAM PAR BCAD PA BYAS NA YANG DE RNAM PAR BCAD PA CIG SHOS KYIS RANG BZHIN NGES PA NYID RTOGS PA'I PHYIR SPYI GZHAN NGES PAS CI ZHIG BYA ZHES BSTAN PA'I PHYIR BSHAD PA, GAL TE ME LA SOGS PA DE DAG GDON MI ZA BAR ME LAS THA DAD PA GZHAN DANG 'DRES PA GANG YIN PA DE DANG BRAL BA NYID DU RTOGS PAR BYA BA YIN NA 'O NA 'DI DAG GIS MED BA LAS THA DAD PA DANG MA 'DRES BA DE NYID GO BAR BYA BAR 'GYUR MOD, GAL TE ME MA YIN PA RNAM PAR BCAD PA RTOGS NA, ME MA RTOGS PA NYID DU 'GYUR RO ZHE NA, BSHAD PA, GZHAN RNAM PAR BCAD BA RTOGS PA DE TZAM GYIS MNGON BAR 'DOD PA'I YUL NGES PA'I 'BRAS BU YONGS SU RDZOGS PA'I PHYIR TE GRUB PA'I PHYIR RO, ,'DIR ME NGES PAR BYA BA YIN NO, ME MA YIN PA NI ME RNAM PAR BCAD PA YIN LA, ME MA YIN PA RNAM PAR BCAD PA YANG ME YIN PA'I PHYIR, ME MA YIN PA RNAM PAR BCAD PA NGES NAS ME NYID NGES PAR 'GYUR BA YIN TE, RNAM PA GZHAN MED PA'I PHYIR RO, ,DES NA ME LA SOGS PA DE DAG GI ME MA YIN PA RNAM PAR BCAD PA TZAM GO BAR BYA BA MA YIN ZHES CI LTAR BRJOD, GAL TE DE LTA NA 'ON YU BU CAG KHYAD CI YOD, KHYOD KYIS @113A *, ,KYANG ME MA YIN PA NA RNAM PAR BCAD PA ZHES BYA BA ME DE GO BAR BYA BA YIN LA, NGAS KYANG DE NYID YIN PA'I PHYIR RO ZHE NA, KHYOD KYIS NI ME BSGRUBS NAS DE'I SHUGS KYIS SHES BA GZHAN GYIS ME MA YIN BA RNAM PAR GCOD PAR BYA BA YIN LA, NGAS NI 'JUG PA GCIG GI ME MA YIN PA RNAM PAR BCAD PA'I ME NYID GO BAR BYA BA YIN TE, MI MTHUN PA'I PHYOGS MED BA NI BSGRUB PAR BYA BA LAS GZHAN MA YIN PAS KHYAD PAR CHE'O, ,'ON KYANG KHYOD KYIS KYANG MI MTHUN PA'I PHYOGS RNAM PAR GCOD PA GDON MI ZA BAR BYA DGOS PA DE TZAM LA BRTEN NAS, GZHAN RNAM PAR GCOD PA DE NYID GO BAR BYA BA YIN MOD CES DE SKAD DU BRJOD PA 'BA' ZHIG TU ZAD DO, ,KHYED KYI LTA BA DE LTAR NI GZHAN RNAM PAR GCOD PA NYID DU BYA MI NUS TE, 'DI LTAR CI SRID GZHAN RNAM PAR MA BCAD PA DE SRID DU NI SGRUB PA DE NYID MI MTHUN PA DANG BRAL BA MA YIN LA, CI SRID DU SGRUB PA MED PA DE SRID DU YANG GZHAN RNAM PAR GCOD PA MED PA DE'I PHYIR 'DI TZAM ZHIG BRJOD DO, ,GAL TE KHYOD KYIS GZHAN RNAM BAR BCAD PA GDON MI ZA BAR BYA BA YIN NA, DE NYID KYI ME LA SOGS PA RTOGS LA RAG MOD, BAR DU RNAM PAR GCOD PA DANG, RNAM PAR BCAD PA DAG GI DBUS NA GNAS PA'I SPYI GZHAN RTOGS PA CI ZHIG BYA SGRIB BYED LTA BU'I SPYI DE NI TSOGS KYI BAR NA GNAS PA'I BAR GCOD LTA BU YIN PA'I PHYIR DES CUNG ZAD KYANG BYAR MED DO ZHES BYA BA 'DI NI GDON MI ZA BAR BYA BA'I LDOG PA SGRUB PAS STON PAR BYED DO, ,DE'I PHYIR DE LTAR PHYOGS KYI CHOS DGU BSTAN PA'I ZHAR LA RANG BZHIN DANG 'BRAS BU DANG MI DMIGS PA GO BAR BYED PA RNAM PA GSUM BSHAD PA DE DAG LAS GZHAN PA'I GO BAR BYED PA GZHAN DAG GIS MTHONG NAS 'O NA ZHES SMRAS SO, ,'BRAS BU SKYE BAR RJES SU DPOG PA GANG YIN PA DE RANG BZHIN DANG 'BRAS BU DANG MI DMIGS PA GSUM GYIS NANG DU CI LTAR 'DUS TE, 'BRAS BU SKYE BAR RJES SU DPOG PA NI GTAN TSIGS RNAM PAR GSUM GYI RGYU MTSAN CAN MA YIN NO ZHES BYA BA'I DON TO, ,NUS PA'I RGYU LAS 'BRAS BU SKYE BAR RJES SU DPOG PA GANG @113B YIN PA ZHES BYA BA LA, 'DIR NUS PA'I RGYU NI CI SNYED CIG YUL GANG NA GNAS BAS 'BRAS BU DE SKYED PAR MTHONG BA DE DAG RUNG BA'I YUL NA GNAS PA'I TSOGS PA YIN GYI, THA MA'I GNAS SKABS SU GYUR PA'I TSOGS PA NI MA YIN TE, DER NI RTAGS KYI RJES SU 'BRANG BA'I SNGON ROL NYID DU 'BRAS BU MNGON DU GYUR PA'I PHYIR DANG 'BRAS BU MNGON SUM YIN NA YANG THA MA'I GNAS SKABS NGES PAR MI RUNG BA'I PHYIR RO, ,'BRAS BU SKYE BAR RJES SU DPOG PA 'DI NI RANG BZHIN GYI GTAN TSIGS YIN PAR BRJOD DO, ,CI'I PHYIR ZHE NA, DON GZHAN LA NI MI LTOS PA'I PHYIR TE, DE TZAM DANG RJES SU 'BREL PA'I PHYIR RO, ,CI LTAR 'BRAS BU SKYE BA GZHAN LA MI LTOS TE, GANG GI TSE SKAD CIG MA THA MA LA LTOS PA YIN NO ZHE NA, 'DI YANG ZHES SMOS TE, 'BRAS BU SKYED PA'O, ,CI LTAR ZHES BYA BA NI CI 'DRA BA STE, RGYU'I TSOGS PA CI 'DRA BA ZHIG NYE BA'I NYE BA DE 'DRA BA LAS DON GZHAN LA MI LTOS PAS NA, NGO BO'I DE 'DRA BA TZAM DANG 'BREL BA'I RANG BZHIN NO, ,'DIR SKAD CIG LA BRTEN PA NI MA YIN LA, RGYU NI DE TZAM NYID SKYED PAR BYED PA YIN PA DE'I PHYIR LTOS BA MED PA YIN NO ZHES BYA BA'I THA TSIG GO, ,MI LTOS KYANG 'BRAS BU SKYE BA DON GZHAN YIN PA'I PHYIR, CI LTAR TSOGS PA'I RANG BZHIN YIN ZHE NA, GANG GI PHYIR 'BRAS BU SKYE BAR RJES SU DPOG PA DE LA NI RGYU TSOGS PAR RUNG BA'I YUL NA GNAS PA RNAMS KYI 'BRAS BU SKYED PAR RUNG BA NYID 'GA' ZHIG RJES SU DPOG PAR BYED LA, RUNG BDE YANG TSOGS PA TZAM DANG RJES SU 'BREL PA YIN NO, ,GANG GI PHYIR DE LTA YIN PA DES NA DE'I RANG BZHIN DU GYUR PA KHO NA YIN NO, ,'O NA GAL TE 'BRAS BU SKYED PA'I NUS PA DE TZAM DANG RJES SU 'BREL BA CAN YIN NA, 'O NA 'BRAS BU SKYED PAR NGES PA'I PHYIR DE CI LTAR 'BRAS BU KHO NA NGES PAR RJES SU DPOG PAR MI BYED CE NA, BSHAD PA, GANG GI PHYIR RGYU'I RDZAS RNAMS TSOGS PA DAG KHO NAS TE, TSOGS PA NYID TZAM LAS RANG GI 'BRAS BU SKYED PAR BYED PA NI MA YIN NO, ,CI'I PHYIR ZHE NA, 'BRAS BU SKYE BA NI TSOGS PA LAS SKYE BA'I NUS PA GANG YIN PA DE RNAMS @114A *, ,KYI 'GYUR BA PHYI MA KHYAD PAR DU 'BYUNG BA LA LTOS PA'I PHYIR RO, ,PHYI MA PHYI MA KHYAD PAR DU 'GYUR BA LA LTOS KYANG CI'I PHYIR 'BRAS BU RJES SU MI DPOG CE NA, BSHAD PA, BAR 'DIR TE NUS PA YONGS SU 'GYUR BA SKYE BA'I BAR DU GAGS BYED BA SRID PA'I PHYIR RO, ,GAL TE 'BRAS BU SKYE BA LA GEGS BYED PA SRID NA, 'O NA RUNG PA NYID KYANG GCIG TU NGES PAR RJES SU DPOG PAR MI 'GYUR RO ZHE NA, BSHAD PA, RUNG BA NI RDZAS KYI TSOGS NYE BA LAS RDZAS GZHAN LA MI LTOS PA'I PHYIR RJES SU DPOG PA LA 'GAL BA MED DO, ,RJES SU DPOG PA DE NYID BSTAN PA'I PHYIR BSHAD PA NI, RGYU TSOGS PA'I ZHES BYA BA NI CHOS CAN NO, ,'DI NUS PA'I PHYI MA PHYI MA 'GYUR BA 'PHUL DU BYUNG BA GANG YIN PA DE RGYUR GYUR PAS 'BRAS BU SKYED PAR NUS PA YIN TE ZHES BYA BA NI BSGRUB PAR BYA BA BSTAN PA'O, ,NUS PA 'GYUR BA BOGS 'BYUNG BA'I LHAN CIG BYED PA'I RKYEN LTOS PAR BYA BA GZHAN DE MED PA'I PHYIR RO ZHES BYA BA NI GTAN TSIGS SO, ,'DI SKAD BRJOD PA YIN TE, GANG GI PHYIR RGYU TSOGS PAR DZAS GZHAN LA MI LTOS PA DE'I PHYIR 'BRAS BU SKYED PAR RUNG BA YIN NO, ,GAL TE MTHONG BA'I RGYU TSOGS PA DE NI RUNG BA NYID MA YIN TE, GANG GI PHYIR RUNG BA NYID DE NI TSOGS PA DE NI RGYU MTSAN CAN PHYI MA'I GNAS SKABS GZHAN LA LTOS PA'I PHYIR CI LTAR DE LTOS PA MA MED PA YIN ZHE NA, NUS PA SKYE BA NI ZHES SMOS TE, RANG GI RIGS KYANG YIN LA, SNGA MA YANG YIN PA DE KHO NA 'AM, DE TZAM GYI RGYU CAN YIN NO, ,DE TZAM GYI RGYU CAN YIN PA'I RGYU'I PHYIR TSOGS PA'I NUS PA GZHAN LA MI LTOS PA YIN NO, ,'DI SKAD BRJOD PA YIN TE, 'DIR GZHAN LA MI LTOS PA NYID KYIS RUNG BA'I GNAS SKABS SKYE BA'I YUL BSGRUB PAR BYA BA NI, RGYUN LA YIN GYI SKAD CIG MA LA NI MA YIN NO, ,TSOGS PA'I RGYUN DE LA NI RUNG BA NYID KYI YUL LA GZHAN LA MI LTOS PA YOD PA NYID DO, ,'DI LTAR 'DIR 'BRAS BU NGES PA MA YIN LA RUNG BA'I GNAS SKABS GZHAN YANG MA YIN ZHING, THE TSOM ZA BA'I YUL RJES SU DPOG PA YANG MA YIN NO, ,DE'I PHYIR GANG THE TSOM MED PA DES RJES SU @114B DPOG PAR BYA BA YIN NO, ,DE LA GEGS BYED PA MED NA 'BRAS BU SKYE BA ZHES BYA BA NI RTAGS BA'I MTHA' BZUNG BA'I 'BRAS BU YOD BAR BRJOD PA YIN NO, ,SRID PA ZHES BYA BA YANG 'DI NYID YIN NO, ,DES NA RTAG PA'I MTHA' BZUNG GI RUNG BA'I DNGOS PO'I YUL NYID NI TSOGS PA RNAMS LA NGES PA YIN NO, ,GAL TE TSOGS PA DE DAG RUNG BA'I GNAS SKABS SKYE BA BRGYAL BA'I YUL GYI DNGOS POR YANG MA NGES NA NI, GEGS BYED PA MED KYANG GZHAN BZHIN DU DE DAG LAS 'BRAS BU SKYE BAR MI 'GYUR RO, ,DE'I PHYIR RUNG BA NYID BRGYAL BA'I BDAG NYID DANG RJES SU MTHUN PA'I NGES PA NI YUL GYI DNGOS PO NGES PA YIN LA RJES SU DPAG PAR BYA BA YANG DE YIN NO, ,THAMS CAD MKHYEN PA DANG 'DOD CHAGS DANG BRAL BA SRID PAR RJES SU DPOG PA LA YANG DON GZHAN LA MI LTOS PA 'DI NYID DU RTAGS YIN NO, ,GAL TE RES 'GA' BA'I DNGOS PO'I YUL NYID RJES SU DPAG BAR BYA BA YIN NO, ,CI'I PHYIR TSOGS PA NYID YIN GYI RE RE MA YIN ZHE NA, MA TSOGS PA LA NI SHIN DU NUS PA MED PA'I PHYIR RO, ,SRID PA'I YUL DU GYUR BA'I RUNG BA NYID KYANG TSOGS PA KHO NAS RJES SU DPOG PAR BYED DO, ,RE RE NI SKYED PAR BYED PA MA YIN LA RUNG BA'I GNAS SKABS SKYE BA'I YUL YANG MA YIN TE, TSOGS PA NYID RUNG BA YIN PA'I PHYIR DANG, DE YANG GCIG LAS MI 'BYUNG BA'I PHYIR RO, ,DES NA SHIN DU NUS PA MED PA YIN NO, ,DE'I PHYIR GCIG LAS 'BRAS BU RJES SU DPOG PA MA YIN NO, ,GANG GI TSE 'DI LTAR BRJOD PAR 'DOD DE, CI LTAR BUM PA LHAN CIG BYED PA'I RKYEN YOD KYANG NUS PA MED PA NYID YIN PA DE LTAR SA BON NI MA YIN TE, SA BON NI LHAN CIG BYED BA'I RKYEN NYE NA NUS PA YIN NO ZHES BYA BA YIN PA DE LTA NA NI NUS PA RJES SU DPOG PAR 'GYUR BA NYID DO, ,DE TZAM GYIS 'BRAS BU SKYED BAR RUNG BA SKYE BA'I YUL RUNG BA NYID NI 'DI KHO NAR YIN GYI GZHAN DU NI MA YIN NO ZHES DE 'DRA BAR RJES SU DPAG BAR 'GYUR BA NI MA YIN NO, ,DE NYID KYI PHYIR MI MTHUN PA'I PHYOGS LA 'JUG PA MA MTHONG YANG LHAG MA DANG LDAN @115A *, ,PAS RJES SU DPOG PA 'DI MA NGES PAR 'GYUR RO, ,'DIR RUNG BA NYID BSGRUB PAR BYA BA LA RUNG BA MA YIN PA ZHES BYA BA NI MI MTHUN PA'I PHYOGS YIN NO, ,GAL TE MTSOGS PA 'GA' GANG RUNG PA YIN PA LA 'JUG PAR MA MTHONG PA DE LTA NA YANG, GANG GI PHYIR DE DNGOS SU NUS PA MA YIN LA, 'BRAS BU DE TZAM GYI RIGS DANG 'BREL PA YANG MA YIN PA DE'I PHYIR RJES SU DPAG PA LA LHAG MA DANG LDAN PA YIN NO, ,DPER BRJOD PA BSTAN PA NI LUS DANG DBANG PO DANG BLO DE DAG LAS 'DOD CHAGS LA SOGS BA RJES SU DPOG PA NI LHAG MA DANG LDAN PAR BLTA STE, GANG GI PHYIR BDAG DANG BDAG GIR MNGON PAR ZHEN PA RGYU YIN PAS SO, ,CI'I PHYIR ZHE NA, BSHAD PA, NGA DANG NGA'I ZHES MA MTHONG BA LAS RJES SU CHAGS PA DANG KHONG KHRO BA MED PA'I PHYIR RO, ,YANG CI'I PHYIR DAR 'DZIN PA MED PAR DE DAG MI 'BYUNG ZHEN TSUL BZHIN MA YIN PA ZHES SMOS SO, ,TSUL NI DON GYI DE KHO NA'O, ,TSUL DANG TSUL CI LTA BA BZHIN DU YID LA BYED PA NI TSUL BZHIN YID LA BYED PA STE, DON GYI DE KHO NA LA DMIGS PA'O, ,DE LAS BZLOG PA NI TSUL BZHIN MA YIN PA YID LA BYED PA YIN NO, ,DE NI RNAM PA BZHI STE, MI BRTEN PA LA BRTEN PA'I RNAM PA DANG, SDUG BSNGAL BA LA BDE BA'I RNAM PA DANG, BDAG MED PA LA BDAG GI RNAM PA DANG, MI GTZANG BA LA GTZANG BAR 'DZIN PA'O, ,DE LTA BU DAG MED PAR NI NYES PA RNAMS MI SKYE'O, ,BRTAN PAR PHYIN CI LOG PA DANG, BDE BAR PHYIN CI LOG PA DANG, GTZANG BAR PHYIN CI LOG PA DAG NI THAMS CAD LA RJES SU 'BREL TE, BDAG TU PHYIN CI LOG PA DANG BRTEN PA TZAM GYIS GNAS PA NI THAMS CAD LA YOD PA NYID DE THOS PAS BSKYED BA NI MA YIN NO, ,DE'I PHYIR DE 'DRA BA'I TSUL BZHIN MA YIN BA YID LA BYED PA MED PAR NYES PA RNAMS MI SKYE BA'I PHYIR DAR 'DZIN PA SNGON DU 'GRO BA CAN YIN NO, ,DE LA LUS DANG DBANG PO NI RE ZHIG RGYU MA YIN NO, ,BLO NI RES 'GA' YIN NO, ,DE'I PHYIR 'DI DAG LA RGYU'I DNGOS PO YOD PA MA YIN NO, ,RNAM PA 'GA' ZHIG LTAR RGYU NYID YIN YANG NGO, , @115B LUS RGYAS PA DANG LANG TSO'I GNAS SKABS THOB PA NI BDAG DANG BDAG GIR MNGON PAR ZHEN PA SAD PA'I RGYU YIN ZHING, BRGYUD NAS 'DOD CHAGS KYI RGYUR YANG 'GYUR RO, ,DE BZHIN DU DBANG PO BRTAS PA DAG KYANG SAD PA'I RGYU YIN NO ZHES BYA BA CI LTA BAR NI RNAM 'BREL GYI RJES SU 'BRANG BAR BYA'O, ,LUS DANG DBANG PO DAG DNGOS SU RGYU MA YIN NO ZHES NI NGES PA DE'I PHYIR BRGYUD BAS RGYU NYID YIN YANG, BDAG DANG BDAG GIR MNGON PAR ZHEN PA DANG BRAL BA 'BA' ZHIG PA RNAMS LA NUS PA MED DO, ,DES NA MI MTHUN PA'I PHYOGS 'DOD CHAGS DANG BRAL BA LA 'JUG PA MA MTHONG DU ZIN KYANG RJES SU DPAG PA'I RTAGS 'DI LHAG MA DANG LDAN PA YIN NO, ,LHAG MA DANG LDAN BA'I RANG GI NGO BO BSHAD PA NI 'KHRUL BA YIN NO, ,MI MTHUN PA'I PHYOGS LA MA MTHONG BA TZAM GYIS LDOG PA MI NGES PA'I PHYIR 'KHRUL BA YIN NO, ,DES NA LUS DANG DBANG PO DANG BLO DAG LA RUNG BA NYID NGES PA MA YIN TE, LTOS PAR BYA BA NYE BAR LEN PAR GYUR PA'I RGYU GZHAN YOD PA'I PHYIR RO, ,DES NA DE DAG LAS SRID PAR RJES SU DPOG PA MA YIN NO, ,'O NA RGYUR MA GYUR CING 'BRAS BUR YANG MA GYUR PA DANG, GZHAN ZHES BYA BA RANG BZHIN MA YIN PA KHYAD PAR CAN GYI RO LA SOGS PAS GZUGS LA SOGS PA RTOGS PA GANG YIN PA DPER NA MUN KHUNG NA AA MRA DANG MA DU LUNG GA'I RO MYANGS PA LAS DE DANG LHAN CIG PA'I GZUGS KYI KHYAD PAR RTOGS PA DANG, ME'I DRI MNAMS PAS DE DANG LHAN CIG RGYU BA'I GZUGS RTOGS PA DE CI LTAR RJES SU DPAG PA'I NANG DU 'DU, CHAD MA MA YIN PA YANG MA YIN PA DE'I PHYIR RTAGS GZHAN DU THAL LO ZHE NA, BSHAD PA, DE YANG ROL SOGS PA DANG LHAN CIG TSOGS PA GCIG LA RAG LAS PA'I GZUGS LA SOGS PA RO LA SOGS PA'I GO BAR BYED PAS RTOGS PA NI, RGYU'I CHOS RJES SU DPAG PAS ZHES BYA BA NI RTOGS PA DE NI RGYU'I CHOS RJES SU DPAG PAR GYUR PA YIN NO ZHES BYA BA'I DON TO, ,DPER NA DU BAS ME LA SOGS PA'I TSOGS PA RJES SU DPAG PAS, THAL BA DANG SOL BA LA SOGS PA BUD SHING GI 'GYUR BA RJES SU DPAG PA DE DANG @116A *, ,'DRA'O, ,GAL TE 'DI RGYU LAS GZHAN PA'I 'BRAS BU RJES SU DPOG PA YIN GYI, RGYU'I CHOS RJES SU DPOG PA NI MA YIN NO ZHE NA, RGYU LAS GZHAN PA'I 'BRAS BU RJES SU DPOG BA DER YANG RGYU DE LTA BU KHO NA ZHES BYA BA GANG RJES SU DPAG NA 'BRAS BU GZHAN YANG RJES SU DPAG PAR 'GYUR BA GZUGS SKYED PA'I NUS PA RJES SU DPOG PA YIN GYI, RGYU RJES SU DPAG PA LAS THA DAD PA'I RTOGS PAS 'BRAS BU GZHAN RJES SU DPOG PA NI MA YIN NO, ,CI'I PHYIR ZHE NA, BSHAD PA, 'DI LTAR RO'I RGYU GZUGS KYI NYE BAR LEN PA'I RGYU NUS PA ZHUGS PA'I LHAN CIG BYED PA'I RKYEN GANG YIN PA DE RO SKYED PAR BYED DO, ,RO'I NYE BAR LEN PA'I RGYU NI RANG GI 'BRAS BU SKYED PAR NUS PA'I GZUGS KYI NYE BAR LEN PA'I RGYU LA LHAN CIG BYED PA NYID DU LTOS PA YIN NO, ,BUD SHING GI 'GYUR BA NI THAL BA DANG DU BA DANG SOL BA ZHES BYA BA'O, ,DE'I NYE BAR LEN BA NI BUD SHING YIN LA, DE'I PHYIR LHAN CIG BYED PA NI ME STE, DE CI LTAR DU BA SKYED PA DE DANG 'DRA'O, ,GCIG LA DU MA SKYES PAR NGES PA 'DI GA LAS SHE NA, BSHAD PA, RO'I RANG GI RGYU GANG YIN PA DE 'BRAS BU BSKYED PAR BYA BA LA RJES SU MTHUN BA DE MED NA RO'I NYE BAR LEN PA RANG GI 'BRAS BU LA MNGON DU PHYOGS PA DE NYID GZUGS KYI NYE BAR LEN PA'I RGYU RNAMS KYI 'JUG PA'I RGYU YIN NO, ,'BRAS BU SKYED PA DANG RJES SU MTHUN PA'I MTSAN NYID RO'I NYE BAR LEN PA'I RGYU'I 'JUG PA DE YANG GZUGS KYI NYE BAR LEN PA'I RGYU 'JUG PA'I LHAN CIG BYED PA GANG LA YONG PA'I RO'I NYE BAR LEN PA 'JUG PA DE LA DE SKAD CES BYA STE, GZUGS KYI NYE BAR LEN PA 'JUG PA'I LHAN CIG BYED PA DANG LDAN PA ZHES BYA BA'I DON TO, ,DES NA GZUGS LA SOGS PA'I NGES PAR SKYO BA YIN NO, ,DE'I PHYIR RANG GI 'BRAS BU LA PHYOGS PA'I GZUGS KYI NYE BAR LEN PA'I RGYU LHAN CIG BYED PA DANG LDAN PA CI LTA BU LAS BYUNG BA'I ROS DE LTA BU 'DI RJES SU DPAG PAR BYED PA NA GZUGS RJES SU DPAG PAR BYED PA YIN GYI, RGYU RJES SU DPAG PA LAS LOGS SHIG TU GZUGS RJES SU DPAG PA NI MA YIN NO, ,RGYU RJES SU DPOG PA NYID DE 'DRA BA YIN GYI GZHAN @116B MA YIN NO, ,DES NA 'DI NI RGYU'I CHOS RJES SU DPOG PA YIN NO ZHES GNAS SO, ,'O NA NI RO MTHONG BA LAS MA 'ONGS PA'I GZUGS RTOGS BA CI LTAR RGYU'I CHOS RJES SU DPOG PA YIN ZHE NA, BSHAD PA, RO LA SOGS PA LAS GZUGS LA SOGS PA RJES SU DPOG PA DE LA YANG 'DAS PA RNAMS DANG DUS GCIG PA RNAMS RTOGS KYI MA 'ONGS BA RNAMS NI MA YIN NO, ,RO LA SOGS PA SNANG BA GANG ZHIG DNGOS SAM BRGYUD PAS GZUGS KYI NYE BAR LEN PA LAS SKYED PAR RTOGS PA DE NI CI LTAR RIGS PAR DA LTAR DANG 'DAS BA'I GZUGS LA SOGS PA GO BAR BYED PA YIN GYI MA 'ONGS PA NI MA YIN TE, DA LTAR BA MA 'ONGS PA LA 'KHRUL PA'I PHYIR RO, ,MA 'ONGS BA NI RGYU GZHAN DANG 'BREL PAS GEGS BYED PA DANG MA TSANG BA SRID PA'I PHYIR MED PAR 'GYUR RO, ,NUB MO NYID MA 'CHAR BAR NGES PA GANG YIN BA DANG, RGYU SKAR MTHONG BAS RGYU SKAR GZHAN 'CHAR BAR NGES PA GANG YIN PA DE NI RJES SU DPAG PA MA YIN TE, NGES PAR BYED PA MED PAR NGES PA'I RANG BZHIN YIN PA'I PHYIR RO, ,NGES PAR BYED PA MED PAR YANG 'CHAR BA MA 'ONGS PA YIN PA'I PHYIR RO, ,DE'I PHYIR RO LA SOGS PA LAS GZUGS LA SOGS PA RTOGS PA DE YANG 'BRAS BU'I RTAGS LAS SKYED PA'I RJES SU DPAG PA YIN NO, ,NGO LA SOGS PA LAS GZUGS LA SOGS PA RJES SU DPOG BA 'BRAS BU'I RTAGS LAS SKYES PAR BRJOD PA 'DIS NI GROG MA 'PHO BA DANG, NYA 'PHAR BA DANG, DE LTA BU GZHAN LAS CHAR PA LA SOGS PA RJES SU DPAG PA YANG RGYU'I CHOS RJES SU DPOG PAS 'BRAS BU'I RTAGS LAS SKYES PAR BSHAD PA YIN NO, ,CI LTAR ZHE NA, BSHAD PA, GROG MA 'PHO BA LA SOGS PA LAS CHAR PA RJES SU DPOG PA DE LA YANG 'BYUNG BA RNAMS KYI GNAS SKABS KYI KHYAD PAR 'GA' ZHIG KHO NA CHAR PA DANG GROG MA 'PHO BA DANG NYA 'PHAR BA'I RGYU YIN NO, ,DE LA NYA 'PHAR BA DANG GROG MA 'KHRUG PA MTHONG NAS RGYU'I CHOS RJES SU DPOG PA NA 'DAS PA'I CHAR PA RJES SU DPAG PA YIN NO, ,SA PHUG NA 'DUG PA 'AM GZHAN DU YANG RUNG BAR CHAR MA MTHONG BAR KHYAD PAR CAN GYI NYA 'PHAR @117A *, ,BA DANG GROG MA 'KHRUG PA MTHONG BA YIN NA, DA LTAR BA YANG RJES SU DPOG PAR BYED DO, ,DE LA GROG MA 'PHO BA NI SGONG DANG BCAS TE 'GRO BA'O, ,NYA 'PHAR BA NI RDZING BU SPANGS NAS 'GRO BA'O, ,MA 'ONGS PA RNAMS NI 'KHRUL PA'I PHYIR RJES SU MI DPOG GO, ,GZUGS LAS REG PA RJES SU DPOG PA GANG YIN PA DE NI 'BRAS BU'I RTAGS LAS SKYES PA YIN NO, ,CI'I PHYIR ZHE NA, BSHAD PA, GZUGS LA SOGS PA NI 'BYUNG BA CHEN PO BZHI LA BRTEN PA'I PHYIR RO, ,DON BYED BA NI GZUGS LA SOGS PA DANG LDAN PA'I TSOGS PA NYID YIN LA, DE DAG KYANG 'BYUNG BA CHEN PO BZHI DANG THA MI DAD PAR 'JUG PA YIN TE, DE'I PHYIR GZUGS LAS REG PA LHAN CIG SPYOD PA'I RGYU NYID RJES SU DPOG PAR BYED PA YIN NO, ,REG PA LA SOGS PA LAS GZUGS LA SOGS PA RJES SU DPOG PA NI RGYU'I CHOS RJES SU DPOG PA YIN LA, GZUGS LA SOGS PA LAS REG PA RJES SU DPOG PA 'DI NI RGYU NYID RJES SU DPOG PA YIN NO ZHES BYA BA NI KHYAD PAR RO, ,'JIG RTEN NA MED NA MI 'BYUNG BA BZUNG BA LAS LKOG TU GYUR PA'I RJES SU DPOG PA YIN PA DANG, GZUGS DANG RO LA SOGS PA RNAMS KYANG TSOGS PA GCIG GI NANG DU 'DUS PA'I PHYIR TSOGS PA GCIG LA RAG LAS PAR NGES PA NYID DO, ,'O NA BA YANG YIN PA'I PHYIR GONG BU 'DI NI RVA CAN YIN NO ZHES BYA BA GANG YIN PA'I RJES SU DPAG PA DE'O, ,RTZIG PHUGS NAS LTA BAS GONG BU'I PHYOGS GCIG MTHONG NAS, MA MTHONG BA RVA CAN GYI PHYOGS RTOGS PAR BYED DO, ,BA LANG NYID CES BYA BA NI RVA DANG LDAN PA'I PHYOGS GCIG PO'I 'BRAS BU 'AM RANG BZHIN MA YIN PA MI DMIGS PA'I SPYOR BA YANG MA YIN NO ZHE NA, BSHAD PA, DE LA YANG BA LANG ZHES TSOGS PA RNAM PAR GZHAG PA BA LANG GI THA SNYAD DU RUNG BA NYID GANG YIN PA DE'I RGYU NI PHYOGS GCIG TU GYUR PA'I YAN LAG TSOGS PA CAN YIN NO, ,CI'I PHYIR RGYU YIN ZHE NA, BSHAD PA, YAN LAG DE DAG MED NA TSOGS PA RNAM PAR GZHAG PA MED PA'I PHYIR RO, ,DE'I PHYIR 'BRAS @117B BU BA LANG NYID LA RGYU RVA CAN NYID RJES SU DPOG PAR BYED PA YIN NO, ,CI LTAR TSOGS PA RNAM PAR GNAS PA'I RGYU TSOGS PA CAN YIN ZHE NA, GANG GI PHYIR LKO GA SHAL DANG RVA LA SOGS PA SMOS PAS NOG DANG MJUG MA DANG RMIG PA LA SOGS PA DE DAG GI TSOGS PA NI BA LANG ZHES BYA'O, ,DE'I PHYIR BA LANG ZHES TSOGS PA RNAM PAR GZHAG PA 'DI NI TSOGS CAN CHA SHAS DAG LA 'BREL PA YIN PAS TSOGS CAN DE MED NA MI 'BYUNG BA'I PHYIR, RJES SU 'GRO BA DANG LDOG PA'I RJES SU BYED BA CAN 'GA' ZHIG LA YOD NA RANG GI RGYU MTSAN NYE BAR STON PAR BYED DO, ,DE'I PHYIR BA LANG NYID LAS RVA CAN RTOGS PA CAN GANG YIN PA DE NI 'BRAS BU'I RTAGS LAS SKYES PA YIN NO, ,'DIR BA LANG NYID DU RNAM PAR GZHAG PA LAS MI 'KHRUL BA MTHONG BA'I CHA PHAL CHE BA NI CHOS CAN YIN LA, TSOGS PA RNAM PAR GZHAG TU RUNG BA NYID NI DE'I CHOS YIN NO, ,PHYOGS GCIG PA RVA CAN NI DE'I RGYU YIN NO, ,'DI LAS RGYU DANG 'BRAS BU'I DNGOS PO NYID NI MTSAN NYID PA YIN GYI, DNGOS PO PA NI MA YIN NO, ,RVA LA SOGS PA'I YAN LAG RNAMS BA LANG GI THA SNYAD 'JUG PA'I PHYIR BA LANG GI THA SNYAD DU 'JUG PA NYID NI RVA LA SOGS PA RGYU MTSAN CAN YIN NO, ,MTHONG BA'I CHOS CAN DANG BSGRUB BYA RVA NI TSOGS PA GCIG LA RAG LAS PA'I PHYIR 'BREL PA YIN NO, ,DE LA GANG GI SNANG BA'I CHA SHAS RNAMS LA BA LANG GI THA SNYAD DU RUNG BA NYID SGRUB NA NI DE'I TSE RANG BZHIN GYI GTAN TSIGS YIN LA, GANG GI TSE BA LANG GI THA SNYAD DU RUNG BA NYID LA MI 'KHRUL PA'I CHA SHAS MTHONG NAS, MA MTHONG BA'I CHA SHAS RVA LA SOGS PA GZHAN RJES SU RTOGS PAR BYED PA DE'I TSE NI 'BRAS BU'I GTAN TSIGS YIN NO, ,'ON TE CI LTAR GZUGS MTHONG BA LAS REG PA RJES SU DPOG PA DON DAM PA YIN PA DE BZHIN DU BA LANG GI THA SNYAD DU RUNG BA'I PHYOGS GCIG MTHONG BA LA TSOGS PA GCIG LA RAG LAS PA'I YAN LAG GZHAN CI'I PHYIR RJES SU DPOG PAR MI BYED, 'ON TE YAN LAG DE RVA DANG BRAL BA YANG SRID PAS RJES SU MI DPOG NA, 'O NA NI BA LANG NYID LAS KYANG @118A *, ,RJES SU DPAG PAR MI 'GYUR RO, ,DE STE RVA MED KYANG RVA DE SKYED PAR RUNG BA LA MI 'KHRUL BA NI YAN LAG THAMS CAD LA YOD PA YIN NO ZHE NA, GAL TE DE LTA NA NI YAN LAG GZHAN MTHONG BA LAS KYANG RVA RJES SU DPAG PAR RIGS PA NYID DO ZHE NA, DE LTA NA NI 'O NA 'DI LTA BU'I RIGS CAN DON DAM PA'I RJES SU DPAG PA NI GZUGS LA SOGS PA NYE BAR BKOD PA NYID KYIS NYE BAR BKOD PA YIN NO, ,THA SNYAD DU RUNG BA NYID LAS RGYU RJES SU DPOG PA 'DI NI DNGOS PO MA YIN PAS LOGS SHIG TU NYE BAR BKOD PA YIN TE, PHYOGS 'DI LTA BU'I YANG RJES SU 'BRANG BAR BYA'O ZHES DE LTAR BSTAN PA'I DON DU'O, ,'KHRUL BA MED PAR NGES PAR GZHAN YANG CI SKAD BRJOD PA'I RJES SU DPAG PA NYID KYI NANG DU 'DUS PAR BSTAN PA'I PHYIR BSHAD PA, CHU'I BDAG NYID DE 'DRA BA G-YO BA MED BA NI GZHI LAS MNGON PAR GRUB PA YIN PA'I PHYIR CHU DE NI GZHI DE'I 'BRAS BU YIN NO, ,GANG GI PHYIR DE LTA YIN PA DE'I PHYIR CHU BRTAN PA MI G-YO BA MTHONG NAS DE'I GTING MA MTHONG YANG GZHI YOD PAR RJES SU DPOG PAR BYED PA GANG YIN PA DE YANG 'BRAS BU'I RTAGS LAS SKYES PA NYID DO, ,GAL TE RGYU GZHAN DANG 'BREL PAS RGYUN 'JUG PA'I CHU'I RGYUN GZHI NI MA YIN NO ZHE NA, RGYUN 'BREL BAR 'BYUNG BA'I RGYU NI GZHI MA YIN NO, ,'ON KYANG RGYUN GYI RANG BZHIN KHYAD PAR CAN GYI RGYU YIN NO, ,BDAG NYID DE 'DRA BA MI G-YO BA NI GZHI DE LAS GRUB PA'I PHYIR RO, ,CI'I PHYIR ZHE NA, GANG GI PHYIR GZHI DE LAS PHAN PA NYAMS SU MYONG BA MED PAR NI DE LAS GNAS SKABS KYI KHYAD PAR G-YO BA MED PA ZHES BYA BA DE 'DRA BA THOB PA MI 'THAD PA'I PHYIR RO, ,DE'I PHYIR BDAG NYID GYUR PA'I PHAN PA THOB PAS CHU DE DE LAS GRUB PA YIN NO, ,PHAN PA CHU LAS GZHAN NYID YIN BAR KHAS LEN PA LA BRJOD PAR BYA BA YIN PA DE NI BSHAD ZIN TE, DE'I ZHES 'BREL PA MI 'GRUB PA DANG, 'BREL BA GZHAN KHAS LEN NA THUG PA MED PAR 'GYUR PA'I PHYIR RO ZHES BYA BA YIN NO, ,DE'I G-YO BA MED PA'I GNAS SKABS PHAN 'DOGS PAR BYED PA NYID LAS @118B SKYES PA'I PHYIR GZHI YIN GYI, GZHI YIN PA ZHES BYA BA NI MA YIN NO, ,GAL TE GZHI DE LAS BDAG NYID KYI KHYAD PAR SKYES PA'I PHYIR CHU DE LTAR ZHES BYA BA MI G-YO BAR GNAS PA NI MA YIN NO, ,'ON KYANG GZHI DE DANG LDAN PA LAS YIN NO, ,LDAN PA ZHES BYA BA GANG LAS CHU MI G-YO BAR GYUR PA 'BREL PAR BYED PA'I BDAG NYID CAN GYI YON TAN GNYIS LA GNAS PA BSKYED PA YIN NO ZHE NA, GAL TE DE LTA NI CI LTAR LDAN PA DE CHU DANG GZHI DE DAG GI 'BREL PA YIN PAR 'GYUR, CI LDAN PA DE DAG LAS SKYES PA'I PHYIR YIN NAM, 'ON TE DE DAG GI 'PHROD PA 'DU BA YIN PA'I PHYIR YIN GRANG, RNAM PA GZHAN MI SRID PA'I PHYIR RO, ,DE LAS 'PHROD PA 'DU BA YIN PA'I PHYIR DE DAG GI 'BREL PA YIN NA LDAN PA DE CI LTAR GZHI LA MI LTOS PAR CHU GCIG NYID LA 'PHROD PA 'DU BA MA YIN, CI STE SKYES PA'I PHYIR YIN NA; DE LTA NA YANG GANG GIS NAM MKHA' NAS BSKYUR YANG MI G-YO BAR GNAS PAR 'GYUR BA GCIG NYID KYIS CI STE MI SKYED, CHU 'BA' ZHIG PA DE LA LDAN PA SKYED PA'AM 'DU BA'I NUS PA MED PA'I PHYIR RO ZHE NA, GAL TE DE LTA NA SKYE BA 'AM 'PHROD PA 'DU BA DE LA SO SOR NUS PA MED PA CHU LA SOGS PA DE NI TSOGS KYANG NUS PA MED PAR MTHONG BA CI 'DRA BA DE 'DRA BA KHO NA YIN NO, ,DE'I PHYIR LDAN PAS LDAN PA DE DANG LDAN PAR MI 'GYUR RO, ,CI'I PHYIR ZHE NA, PHAN 'DOGS PAR BYED PA MA YIN PA'I PHYIR RO, ,GANG GI PHYIR GANG DANG CHU LHAN CIG PAR GYUR PA DE NI DE LA PHAN 'DOGS PAR BYED PA KHO NA STE, DE'I PHYIR DE YOD KYANG LDAN PA DANG BCAS PAR MI 'GYUR RO, ,GAL TE LHAN CIG PA LA NI GROGS DES PHAN BTAGS PA'I PHYIR NUS PAR 'DOD PA DES NA CI LTAR PHAN 'DOGS PAR BYED PA MA YIN PA'I PHYIR RO ZHES BRJOD CE NA, BSHAD PA, CHU DANG GZHI LA SOGS PA BSKYED PAR BYA BA DANG SKYED PAR BYED PA MA YIN PA RNAMS LA GANG LAS PHAN BTAGS PA'I PHYIR NUS PAR 'GYUR BA'I PHAN PA ZHES BYA BA 'GA' YANG YOD PA MA YIN NO, ,'BRAS BU MA YIN PA'I RANG GI NGO BO NYID NI PHAN PA MA YIN TE, RANG GI @119A *, ,NGO BO NI GRUB ZIN PAS BYAS BA MA YIN PA'I PHYIR RO, ,GZHAN GYI RANG BZHIN GYI BDAG NYID CAN YANG MA YIN TE, GZHAN GYI NGO BO BYED PA YIN NA YANG PHAN GDAGS PAR BYA BA'I DNGOS PO DE PHAN BTAGS PA MED PA'I PHYIR RO, ,GAL TE PHAN PA GZHAN DANG GZHAN MA YIN PA DE LTA NA YANG NYE BA NYID PHAN PA YIN NO ZHE NA, GNYI GA LTAR ZHES SMOS SO, ,GZHAN DANG GZHAN MA YIN PA BYED PA PO MA YIN PA NI CUNG ZAD KYANG MI BYED PA NYID KYIS PHAN 'DOGS PAR BYED PA MA YIN PA'I PHYIR RO, ,PHAN PA 'GA' YANG MED DO ZHES BYA BA 'DI NI SGRA'I PHAN PA BSAM PAR MANG DU BSHAD ZIN TO, ,GANG GI PHYIR GRUB PA'I RANG BZHIN RNAMS LA PHAN PA 'GA' YANG MED PA DE'I PHYIR DNGOS PO'I 'BREL PA DON DAM PA'I 'BREL PA, DPER NA GZHI DANG 'BREL PA LAS CHU GNAS BAR 'GYUR BA LTAR GANG LA BRTEN NAS DON BYED PA'I KHYAD PAR NYE BAR GNAS PAR 'GYUR BA THAMS CAD NI RGYU DANG 'BRAS BU'I DNGOS PO NYID LAS RNAM PAR GZHAG PA YIN NO, ,'O NA CI LTAR RTEN DANG BRTEN PA'I DNGOS PO DANG, GSAL BYA GSAL BYED KYI DNGOS PO DANG, RGYU DANG 'BRAS BU'I DNGOS PO ZHES KHYAD PAR GYI THA SNYAD DU 'GYUR ZHE NA, BSHAD PA, SKYED PAR BYED PA'I BYA BA'I KHYAD PAR GYI RNAM PAR DBYE BA STE, THA DAD PAS GSAL BYA GSAL BYED LA SOGS PA RNAM PAR GZHAG GO, ,DES NA GZHI'I DNGOS PO 'DI YANG 'KHAR GZHONG GI RGYA SHUG DANG SA GZHI'I CHU LA SOGS PA SKYED PAR BYED PA'I NUS PA NYID DO, ,GANG GI PHYIR SKYED PAR BYED PA'I NUS PA NYID GZHI'I DNGOS PO YIN PA DE'I PHYIR 'KHAR GZHONG DANG, RGYA SHUG LA SOGS PA 'DI DAG LA DE'I BDAG NYID DE, RTEN DANG BRTEN PA'I BDAG NYID KYI THA SNYAD DANG, BLO DANG DON BYED PA NI BSKYED PAR BYA BA DANG SKYED PAR BYED PA'I DNGOS PO NYID KYIS BYAS PA YIN TE, LDAN PA MED PA'I PHYIR RAM, LDAN PA YOD KYANG DE DAG SKYED BYA SKYED BYED KYI DNGOS PO DE MED NA MI 'BYUNG BA CAN YIN PA'I PHYIR, DE DAG NI BSKYED BYA SKYED KYI DNGOS POS BYAS PA NYID DO, ,GZHAN YANG BSKYED @119B BYA SKYED BYED KYI DNGOS PO LAS NI PHAN PA, DE LAS MI LDAN PA, DE LAS RTEN DANG BRTEN PA'I DNGOS PO YIN PA'I PHYIR, BSKYED BYA SKYED BYED KYI DNGOS PO NYID BRGYUD PAS RTEN DANG BRTEN PA'I DNGOS POR BRTAG PAR YIN NA, BRGYUD PA RTOG PA DON MED PA'I PHYIR YANG THA SNYAD LA SOGS PA NI BSKYED BYA SKYED BYED KYI DNGOS POR BYAS PA NYID DO, ,YANG LAN SMRAS PA NI GRUB ZIN PA GNAS PAR BYED PA'I PHYIR, GZHI YIN GYI, MA GRUB PA SKYED PAR BYED PA'I PHYIR NI MA YIN NO ZHE NA, GAL TE DE LTAR NA GNAS PAR BYED PA'I PHYIR GNAS PAR BYED PA YIN NA, GNAS PA DANG GZHAN DANG GZHAN MA YIN PA MI 'THAD PA NI PHAN PA MI 'THAD PA LAS BSHAD PA YIN NO, ,LTUNG BA 'GRO BA'I GEGS BYED PA'I PHYIR GNAS PAR BYED PA YIN GYI, GNAS PA BYED PA'I PHYIR NI MA YIN NO, ,GEGS KYANG DNGOS PO MA YIN PA'I PHYIR, DE NYID DAM GZHAN DU BRTAG PAR BYA BA MA YIN NO ZHE NA, GANG GI BYED PA PO SKYED PAR BYED PAR MI 'GYUR BA GEGS ZHES BYA BA CI ZHIG YIN, MED PA NI DNGOS POS BYAS PA MA YIN NO, ,GEGS NI BYA BA YIN PA'I PHYIR DNGOS PO YIN LA, DE BYED PA YANG LTUNG BA'I SKYED PAR BYED PA NYID DO, ,GANG GI PHYIR GNAS PAR BYED PA POS LTUNG BA DE'I LTUNG BA'I GEGS BYAS PA GANG YIN PA DE NI LTUNG BA DE DE LAS GZHAN MA YIN PA NYID BYAS PA YIN NO, ,GANG GI PHYIR GZHAN NYID YIN NA NI LTUNG BA'I GEGS ZHES BYA BA'I DNGOS PO DE NYID LA GNAS PAR BYED PA PO NYE BAR SBYOR BA YIN PA DE'I PHYIR, 'GAS KYANG LTUNG BA'I GEGS MA BYAS PAR 'GYUR TE, 'GRO BA'I CHOS KYI RANG BZHIN 'GYUR BA MED PA'I PHYIR RO, ,GNAS PAR BYED PA POS BYAS PA'I GEGS DE LAS LTUNG BAR KHAS LEN PA LA YANG BRGAL ZHING BRTAGS PAR MTSUNGS SO, ,CI 'DRA BA ZHIG CE NA, BYAS SU ZIN KYANG GANG GI PHYIR 'GRO BA'I CHOS CAN DE'I BDAG NYID DU GYUR PA'I KHYAD PAR NYAMS PA DANG SKYES PA MED PA'I PHYIR, DE GO CI STE MI LTUNG ZHES BYA BA 'DI 'DRA BA'I BRGAL ZHING BRTAGS PA'O, ,RANG BZHIN GANG GIS SDAR LTUNG BAR 'GYUR @120A *, ,BA DE NYID DA LTAR YANG YIN PA'I PHYIR CI'I PHYIR MI LTUNG, 'ON TE GEGS ZHES BYA BA'I DNGOS PO LAS LTUNG BA'I DNGOS PO LA KHYAD PAR GRUB PO ZHE NA, DE LTA NA 'O NA GEGS 'BA' ZHIG TU MA ZAD DE, KHYAD PAR DE YANG BDAG NYID GZHAN YIN BA'I PHYIR DNGOS PO NI LTUNG BA LDOG PA MED PA DE'I BDAG NYID KHO NA YIN NO, ,KHYAD PAR THA DAD PAR BYAS KYANG LTUNG BA'I CHOS KYI BDAG NYID DE GNAS SKABS DE NYID YIN PA'I PHYIR LTUNG BAR 'GYUR RO, ,'ON TE GEGS KYIS BYAS PA'I KHYAD PAR GYIS KYANG KHYAD PAR GZHAN BYED NA DE LTA NA YANG THUG PA MED PAR 'GYUR RO, ,'O NA LTUNG BA'I CHOS CAN GYI BDAG NYID DU GYUR PA'I GEGS BYED DO ZHE NA, BSHAD PA, GZHAN DAG MI LTUNG BA'I CHOS DE LTA BUR GYUR PA'I BDAG NYID BYAS PA LAS NI GEGS SU KHAS MI LEN TE, MI LTUNG BA BYED NA SKYED BYED DU THAL BA'I PHYIR RO, ,DE'I PHYIR LTUNG BA LOG PA GEGS YIN NA, DE NI 'BA' ZHIG GIS BYED PAR NUS PA MA YIN NO, ,DES NA MED PA BYED PA'I GANG GIS KYANG DNGOS PO'I BYED PA MA YIN PA BRJOD PAR 'GYUR RO, ,GANG GI PHYIR MED PA ZHES BYA BA 'GA' ZHIG NI YOD PA MA YIN NO; DE'I PHYIR LTUNG BA MED PA BYED DO ZHES BYA BA'I NGAG 'DI DNGOS PO'I BYED PA 'GOG PA'I DON NYID DU 'GYUR RO, ,CI LTAR MED PA'I DNGOS PO'I BYA BA MA YIN ZHE NA, DE RNAM PA 'GA' ZHIG LTAR ZHES BYA BA SMOS TE, THA DAD PA 'AM THA DAD PA MA YIN PAR BYA BA YIN NA DNGOS PO MED PA MA YIN PAR MI 'THAD PA'I PHYIR RO, ,BYED PA NI YOD PAS KHYAB PA YIN LA DNGOS PO MED PA LA YANG BYED PA YIN NO, ,DES NI DNGOS PO NYID DO, ,DNGOS PO YANG DE NYID KYI NGO BO BYED PA YIN NO, ,GZHAN NYID YIN NA NI LTUNG BA 'AM THUG PA MED PAR 'GYUR RO ZHES SNGA MA BZHIN DU THAL BA'I PHYIR YANG DNGOS PO MED PA ZHES BYA BA BYA BA 'GA' ZHIG YOD PA NI MA YIN NO, ,DNGOS PO'I BYA BA BKAG PA DE NI DNGOS PO MI BYED DO ZHES BYA BA'I DON BRJOD PAR 'GYUR RO, ,DES NA GNAS PAR BYED PA'I RGYU DE LTUNG BAR BYED PA MA YIN TE, LTUNG BA LA NUS PA YOD @120B PA MA YIN NO ZHES DE LTAR GSAL BAR BRJOD PAR BYA BAR 'GYUR LA DE YANG 'DOD PA NYID DO, ,GANG GI PHYIR LTUNG BA DE'I LTUNG BA GNAS PAR BYED PA DES BYAS PA NI MA YIN TE, LTUNG BA'I CHOS CAN YIN PAS RANG BZHIN LTUNG BA'I PHYIS TE, DPER NA GNAM DU 'PHANGS PA'I BONG BA DPUNG SHUGS KYI DBANG GIS STENG DU SONG YANG RANG GI NGO BO NYID KYIS LTUNG BA BZHIN NO, ,DE LTAR YIN DANG GNAS PAR BYED PAR MNGON PAR 'DONG PA'I DNGOS PO CUNG ZAD MI BYED PA DE CI LTAR RGYA SHUG LA SOGS PA DE'I GNAS PAR BYED PA YIN, GANG GI PHYIR GNAS PAR BYED PA MED PA DE'I PHYIR RGYA SHUG LA SOGS PA 'DI DNGOS PO GZHAN GANG GIS KYANG LTUNG BA'I GEGS BYAS PA MED PA DE'I PHYIR NAM YANG GNAS PAR MI 'GYUR TE, GNAM DU 'PHANGS PA BZHIN NO, ,RES 'GA' GNAS PAR YANG YIN LA, RANG BZHIN GYI KHYAD PAR MED PAR YANG GNAS PAR MI 'THAD PA DE'I PHYIR GEGS ZHES BYA BA'I SGRA 'DIS KYANG GNAS PAR BYA BA NYE BAR LEN PA'I RGYU GANG YIN PA DE DANG LHAN CIG YUL MTSUNGS PAR SKYE BA BRJOD PA YIN NO, ,NYE BAR LEN PA'I YUL DU SKYE BA GANG YIN PA DE NYID GNAS PA YIN LA, RANG GI NYE BAR LEN PA'I YUL DU SKYE BA YANG DNGOS PO'I SKAD CIG MA RNAMS KHO NA LA SRID KYI, BSTAN PA GCIG BU'I RANG BZHIN DAG LA NI MI SRID DO, ,DE'I PHYIR CHU'I DE 'DRA BA ZHES BYA BA NI DKYUS MA'I MJUG SDUD PA'O, ,CI STE GANG LAS DE RJES SU DPOG PA CHU SKYAR CHU'I YIN NAM ZHE NA, BSHAD PA, CHU SKYAR YANG CHU DE'I 'BRAS BU YIN NO, ,GA LAS SHE NA, CHU SKYAR GYI GNAS PA SDOD PA NI CHU LA ZHEN PA'I PHYIR RO, ,'DI NYID BSHAD PA NI GANG GI PHYIR CHU SKYAR GYI GNAS PA NI CHU LA BRTEN PA YIN BA DE'I PHYIR CHU DE LA LUS GNAS PA THOB PAS DE'I 'BRAS BU NYID KYI RANG BZHIN DU 'BREL PA'I PHYIR CHU RJES SU DPOG PAR BYED PA YIN NO, ,YUL LA SOGS PA GANG DAG YIN PA DE DAG LA LTOS NAS GO BAR BYED PA YIN PA'I KHYAD PAR DANG BRAL BA NI MA YIN NO, ,DPYID KYI DUS DANG, DPAG TSAD DU MAR YONGS SU @121A *, ,CHAD PA CHU MED PA MYA NGAN GYI MTHA'I YUL GYI KHYAD PAR DANG, CHU SKYAR GYI LUS RANG DBANG DANG NYAMS PA MED PAR GNAS BA GNAS SKABS KYI KHYAD BAR YIN TE, DBYAR GYI DUS NI CHU MDO PA'I PHYIR THAMS CAD DU GNAS LA, CHU YOD PA'I MTHA' DANG 'GA' ZHIG GIS BZHAG PA 'CHI 'DOD PA 'AM, GZHAN DBANG DU GNAS PA NI CHU MED KYANG GNAS PA YIN NO, ,DES NA KHYAD PAR DANG BCAS PA RTAGS YIN NO, ,CI STE CHU SKYAR LAS CHU RJES SU DPAG PA LA CHOS CAN GANG YIN, CHU SKYAR NYID DO, ,CHU SKYAR 'DI NI CHU DANG 'BREL PA YIN TE; CHU SKYAR YIN PA'I PHYIR ZHES KHYAD PAR CHOS CAN YIN ZHING SPYI GTAN TSIGS YIN NO, ,'DI LTAR DU BA LAS ME RJES SU DPOG PA LA YANG TSUL 'DI NYID YIN TE, YUL PHYOGS 'DI NI ME DANG LDAN PA YIN TE, DU BA DANG LDAN PA'I PHYIR RO ZHES BYA BA NI MA YIN NO, ,'DI NI RANG BZHIN NYID 'BRAS BU'I GTAN TSIGS SU BRJOD PA YIN TE, RGYU RJES SU DPOG PA'I PHYIR RO, ,DPER NA MIG GI RNAM PAR SHES PA RES 'GA' BA YIN PA'I PHYIR, RGYU GZHAN LA LTOS PAR RANG BZHIN NYID BSGRUB PAR BYA BA YIN YANG RGYU RJES SU DPOG PA'I PHYIR 'DI 'BRAS BU'I GTAN TSIGS SU 'DOD PA DE BZHIN DU 'BRAS BU GTAN TSIGS THAMS CAD LA YIN NO, ,DE LTAR MA YIN TE YUL PHYOGS CHOS CAN DU 'DOD NA, GANG DU DU BA MTHONG BA DE NI ME DANG LDAN PA MA YIN LA, ME DANG LDAN PA GANG YIN PA DE NA YANG DU BA MED PA'I PHYIR GTAN TSIGS GZHI THA DAD PA CAN DU 'GYUR RO ZHES BYA BA NI KHA CIG GI'O, ,'O NA NI TSAD MAS YUL DU MA BYAS PA'I CHU DANG LDAN PA'I SA PHYOGS LA DON DU GNYER BA NA CHU SKYAR LA 'JUG PAR MI 'GYUR RO, ,YUL DU MA BYAS PA YANG CI LTAR ZHE NA, MTHONG BA DANG RJES SU DPAG PA'I CHU SKYAR DANG CHU DAG LAS PHYOGS GZHAN NYID YIN PA'I PHYIR RO, ,GZHI MED PA'I CHU MI RUNG BA'I PHYIR YUL PHYOGS CHU'I KHONGS SU 'DUS SO ZHE NA 'DUS MOD, 'ON KYANG CI LTAR PHYUGS RDZI'I SNOD KYI DU BA DANG, RI SUL DAG TU NGES PA MED PA'I RMA BYA'I SGRA DMIGS NAS GZHI NGES BA MED PAR @121B YOD PAR GYUR PA 'AM, YOD PAR ME DANG RMA BYA RTOGS PA DE BZHIN DU 'DIR YANG RTOGS NA YUL NGES PA LA 'JUG PAR 'GYUR RO, ,MIG GI RNAM PAR SHES PA LAS RJES SU DPAG PA'I MIG NI YUL NGES PA MA YIN YANG YUL GYI KHYAD PAR TSAD MA GZHAN KHO NA LAS YIN NO, , GTAN TSIGS THA DAD PAR GYUR PA YANG MA YIN TE, GANG GI PHYIR DU BA DANG 'BREL BA'I SNANG BA'I PHYOGS NYID NI CHOS CAN MA YIN NO, ,'O NA GANG ZHE NA, SNANG BA'I BDAG NYID CAN GYI STENG MTHONG ZHING 'OG RGYU MTSAN 'GA' ZHIG LAS YOD PAR RTOGS PA'AM, SNGAR MTHONG BA DRAN PAR GYUR PA YIN YANG RUNG STE, RNAM PA THAMS CAD DU TSAD MAS YUL DU BYAS PA'I TSOGS PA'O, ,PHYOGS GCIG MTHONG BA DANG CHA GZHAN RJES SU DPAG PA'I TSOGS PA CHOS CAN YIN GYI, MTHONG BA GCIG PU'I YUL NI MA YIN NO, ,'DI LTAR MUN KHUNG KUN NAS BSKOR CING G-YOGS PAR SGRON MA'I 'BRAS BU SNANG BA MA DMIGS PA DAG KHANG PA'I NANG THAMS CAD DU SGRON MA GNAS PA MED PA SHES PAR 'GYUR ZHING, SHES PA LA YANG SGRON MA'I 'BRAS BUS DBEN PAR RIG PAR 'GYUR RO, ,SNGAR MTHONG BA DANG BA'AM REG PAS NYAMS SU MYONG BZHIN PA'I SHES PA DANG NYE BAR GNAS PA'I KHYIM GYI NANG MTHA' DAG NI CHOS CAN YIN NO, ,'DIS NI 'BRAS BU MA DMIGS PA LAS SGRA MED PAR NGES PA YANG BSHAD PA YIN NO, ,TSOGS PA'I BDAG NYID CAN GYI CHOS CAN NGES PA DE LA YANG DU BA LAS PHYOGS GCIG ME DANG LDAN PAR BSGRUB PAR BYA BA YIN NO, ,PHYOGS GCIG MED DANG LDAN PAR BSGRUB PAR BYA BA'I CHOS CAN GANG YIN PA DE YANG ME DNGOS NYID DANG DU BA'I DNGOS DANG BRGYUD PAS RGYU YIN PA'I PHYIR BSGRUB BYA DANG SGRUB BYED DAG GZHI GCIG PA NYID DO, ,GZHI ZHES BYA BA RGYU LAS GZHAN DU GYUR PA NI MED DO, ,DE NYID KYI PHYIR DU BA DANG 'BREL PA'I YUL PHYOGS DANG LHAN CIG PA'I ME DANG LDAN PA'I YUL NI CHOS CAN NYID YIN TE, GNYI GAS DU BA'I RGYUN GCIG LA PHAN 'DOGS PA'I PHYIR RO, ,'BRAS BU'I GTAN TSIGS DPYAD PAR SLOB @122A *, ,DPON GYIS YUL PHYOGS DE YANG DU BA'AM ZHES BYA BA LA SOGS PA'I GZHUNG GIS CHOS CAN YUL PHYOGS DANG DU BA RGYU DANG 'BRAS BU'I 'BREL PA NYID YIN PAR BSHAD PA GZHAN GYIS MA RTOGS PA'I PHYIR NGAN PA RANG BRGYUD PA YIN NO, ,DE LTAR CUNG ZAD MTHONG BA KHYAD PAR BYED PA'I SNANG BA RJES SU SONG BA 'OG GI CHA DANG LDAN PA'I YUL NI CHOS CAN YIN NO, ,DE'I PHYOGS GCIG CHU DANG LDAN PA YANG BRGYUD NAS CHU SKYAR GYI RGYU YIN PA'I PHYIR GZHI MTHUN PA NYID DO, ,DU BA DANG CHU SKYAR LA SOGS PA'I YUL MTHONG BA DANG CHOS NYID DU GZHAG PAR BYA BA YIN TE, DE LTA MA YIN NA ME DANG LDAN PAR NGES PA'I YUL MI SHES PAR 'GYUR RO, ,DE'I PHYIR TSOGS PA'I CHOS CAN DU GZUNG BAR BYA BA YIN NO, ,GZHI RJES SU DPOG PAR NI CHU CHOS CAN YIN LA RO LA SOGS PA DPOG PAR NI GZUGS YIN NO, ,DE DAG GI BSGRUB PAR BYA BA'I GZHI DANG RGYU'I KHYAD PAR DANG 'BREL BA YANG RANG GI NGO BO KHO NA YIN NO, ,CI LTAR MIG BZHIN DU 'DIR NI YUL MA NGES PA MA YIN NO, ,MIG GI RNAM PAR SHES PA RES 'GA' BA NYID LAS NI RGYU GZHAN LA LTOS PA'I NGO BO NYID YIN LA, YUL NGES PA NI TSAD MA GZHAN LAS YIN NO, ,DE LTAR GO BAR BYED PA NYID RAB TU GRAGS PA THA DAD PAR DOGS PA RNAMS KHONGS SU 'DU BAR BSGRUBS NAS GZHAN DAG LA YANG BSGRE BA'I PHYOGS 'DIS ZHES SMOS SO, ,YANG CI'I PHYIR GTAN TSIGS GZHAN MED CE NA DE DANG MA 'BREL PA NI DE MED NA MI 'BYUNG BAR NGES PA MED PA'I PHYIR GZHAN PA'I GO BAR BYED PA MED PA YIN NO, ,DE LTAR GTAN TSIGS KYI RANG BZHIN SPROS PA DANG BCAS TE BSHAD NAS, GTAN TSIGS LTAR SNANG BA BSHAD PAR 'DOD PAS GTAN TSIGS LTAR SNANG BA MTHA' DAG GIS GO BAR BYED PA MA YIN PA, THUN MONG DU BSHAD PA'I PHYIR BSHAD PA, SHES BYA YAN LAG RGYU MTSAN TSUL GSUM MA GRUB PA GANG YIN PA DE LA SHES BYED NUS PA YOD MIN PHYIR TE, SHES PAR BYED PA MA YIN PA'I PHYIR TSUL GSUM MA GRUB PA'AM THE @122B TSOM ZA NA RTOGS PA PO'I SGRUB PAR BYED PA'I RTAGS MA YIN NO, ,'DI NYID BSTAN PA'I PHYIR SHES PAR BYED PA'I ZHES SMOS SO, ,RGYU NI RNAM PA GNYIS TE, SA BON LA SOGS PA BYED PA PO DANG SHES PAR BYED PA PO RTAGS SO, ,DE LA BYED PA PO'I RGYU NI RUNG BA NYID KYIS 'BRAS BU SKYED PA'I PHYIR SHES PA LA MI LTOS SO, ,SHES PAR BYED PA'I RGYU NI SGRON MA BZHIN DU RUNG BA NYID KYIS SHES PA SKYED PAR BYED PA MA YIN TE, 'ON KYANG 'BREL PA NGES PA CHOS CAN 'GA' ZHIG LA MTHONG BA'I BSGRUB BYA MED NA MI 'BYUNG BAR DRAN PA GANG YIN PA 'DI NYID LKOG TU GYUR PA'I DON NGES PA YIN NO, ,DE NYID KYI PHYIR DNGOS SU LKOG TU GYUR PA'I SHES PA BYED PA PO MA YIN PA'I PHYIR SHES PAR BYED PA RGYU YIN GYI BYED PA PO NI MA YIN NO, ,DU BA DNGOS SU DRAN PA LA NYE BAR SBYOR BA NI MA YIN NO, ,TSUL GSUM GYI BDAG NYID GANG GIS SHES PAR BYED PA'I RGYU MTSAN YIN PA DE'I TSUL GSUM PO DE MA GRUB PA STE, LOG PAR NGES PA'AM THE TSOM ZAN SHES PAR BYED PA MA YIN TE, RUNG BA NYID KYIS SHES PAR BYED PA MA YIN PA'I PHYIR RO, ,SGRA BZHIN NO ZHES BYA BA LA, SGRA NI RUNG BA NYID KYI DON GO BAR BYED PA MA YIN TE, 'ON KYANG YI GE'I GO RIMS CAN GYI KHYAD PAR 'GA' ZHIG GIS DON DANG MED NA MI 'BYUNG BA NYID DU BRDA BYAS PA'I RANG BZHIN DE DANG, DON DANG 'BREL PA BRTAGS PA DE MA GRUB PA 'AM THE TSOM ZAN SGRA GO BAR BYED PA MA YIN PA DE BZHIN DU RTAGS KYANG NGO, ,DE LA CI LTAR GO RIMS CAN GYI RANG BZHIN NAM DON DANG 'BREL PA BRTAGS PA MA GRUB PA 'AM THE TSOM ZAN SGRA GO BYED MA YIN PA DE BZHIN DU RTAGS KYANG YIN NO, ,TSUL GSUM GYIS GO BAR BYED PA YIN NO ZHES BYA BA 'DI NYID GA LAS SHE NA, BSGRUB PAR BYA BA'I CHOS CAN DANG LHAN CIG MA 'BREL BA LAS MI RTOGS PA'I PHYIR, DPER NA TSANG BANG DU MTHONG BA'I DU BA LAS RGYA MTSOR ME MI RTOGS PA BZHIN NO, ,'DIS NI PHYOGS KYI CHOS KYI NYE BAR SBYOR BA BSTAN TO, ,BSGRUB PAR BYA BA DANG 'BREL PA MED PA GANG YIN PA DE LAS KYANG RTOGS PA MA YIN PA'I PHYIR RO, , @123A *, ,CI'I PHYIR ZHE NA, THAMS CAD LAS ZHES SMOS TE, 'DIS NI RJES SU 'GRO LDOG GI NYE BAR SBYOR BA BSTAN TO, ,GAL TE 'BREL BA MED PA GO BAR BYED PA YIN NA GANG GIS THAMS CAD GO BAR BYED PAR MI 'GYUR BA'I KHYAD PAR GANG ZHIG YIN, THAMS CAD LAS THAMS CAD RTOGS PA YANG MA YIN TE, DES NA 'BREL BA NYID NGES PAR BYED PA YIN NO, ,DE YANG RJES SU 'GRO BA DANG LDOG PA'I MTSAN NYID YIN PA'I PHYIR TSUL GSUM DANG RJES SU 'BREL PA'I GTAN TSIGS YIN NO, ,DE'I PHYIR CHOS CAN DANG 'BREL BA DANG, RJES SU 'GRO BA DANG LDOG PA DANG, RGOL BA DANG, PHYIR RGOL BA DAG LA MA GRUB PA 'AM, THE TSOM ZA BA'I CHOS GANG LA YOD PA DE DAG NI GTAN TSIGS 'DRA BAR MNGON PAS NA GTAN TSIGS LTAR SNANG BA YIN GYI, GTAN TSIGS NYID NI MA YIN NO, ,TSUL GSUM PO DE LA PHYOGS KYI TSUL GCIG RAB TU MA GRUB STE BZLOG PA GRUB PA 'AM, THE TSOM ZAN MA GRUB PA STE, MA GRUB PA'I GTAN TSIGS LTAR SNANG BAR 'GYUR RO, ,DE BZHIN DU MI MTHUN PA'I PHYOGS LAS LDOG PA GCIG RAB TU MA GRUB PA 'AM THE TSOM DU GYUR NA 'KHRUL PA CAN MA NGES PA'I GTAN TSIGS LTAR SNANG BAR 'GYUR RO, ,GNYIS MA GRUB STE PHYIN CI LOG TU GRUB NA 'GAL BA'I GTAN TSIGS LTAR SNANG BA'O, ,BAM GYI DON NI RANG NYID 'CHAD PAR 'GYUR RO, ,THE TSOM ZA NA ZHES BYA BA NI GNYIS ZHES BYA BAR SNYEGS SO, ,GNYIS THE TSOM DU GYUR NA 'KHRUL PA CAN MA NGES PA YIN NO, , DPER BRJOD PA NI RANG NYID STON PAR 'GYUR RO, ,DE NYID STON PAR BYED PA NI TSUL RE RE ZHES BYA BA LA SOGS PA YIN NO, ,MA GRUB PA ZHES BYA BA NI MA GRUB PA'I MING NGO, ,MA NGES PA NI THE TSOM GYI RGYU YIN PAS SO, ,GCIG PO GANG ZHIG MA GRUB NA MA GRUB PAR 'GYUR ZHE NA, BSHAD PA; CHOS CAN DANG 'BREL PA MA GRUB NA MA GRUB PA'I GTAN TSIGS LTAR SNANG BA YIN NO, ,DPER BRJOD PA STON PAR BYED PA NI, DPER NA SGRA MI RTAG STE ZHES BYA BA'O, ,MIG GIS GZUNG BA NI CHOS CAN SGRA DANG 'BREL PA MA GRUB PA'I PHYIR GNYI GA LA MA GRUB PA'I GTAN TSIGS @123B LTAR SNANG BA'O, ,SEMS PA CAN SEMS DANG LDAN PA YIN TE ZHES BYA BA NI BSGRUB BYA STE, SHUN PA THAMS CAD BSHUS NAS 'CHI BA'I PHYIR SKYES BU BZHIN NO, ,'CHI BA NI 'DIR SKAM PA LA BSAMS NAS, SHING LA SOGS PA LA GSON PO NYID BSGRUB PA'I PHYIR, RGOL BA PHYOGS KYI GOS CAN GYIS GTAN TSIGS 'DI BKOD LA, PHYIR RGOL BA SANGS RGYAS PAS NI KHAS MA BLANGS SO, ,YANG CI'I PHYIR RAB TU GRAGS PA'I 'CHI BA KHAS MI LEN ZHE NA, BSHAD PA, RNAM PAR SHES BA DANG DBANG PO DANG TSE NI SROG STE, RNAM PAR SHES PA LA MI 'KHRUL BA'I DROD DO, , DE DAG 'GAGS PA DE NI 'CHI BA'I MTSAN NYID YIN PAR SANGS RGYAS PA LA GRAGS SO, ,'DIR NI 'JIG RTEN LA GRAGS PA'I RANG BZHIN GYI DBANG PO DANG TSE BRJOD PA YIN TE, BSTAN BCOS LA GRAGS PA NI RIGS PA'I LAM DU MI 'JUG PA'I PHYIR RO, ,RNAM PA DE LTA BU'I 'CHI BA SANGS RGYAS PA KHAS LEN NA SEMS CAN DU JI LTAR KHAS MI LEN, GANG LA YOD PA MNGON DU 'GRO BA CAN GANG GI 'GOG PA 'JOG PA YOD PA DE LA DE CI LTAR YOD PA MA YIN, DE'I PHYIR 'CHI BA GRUB NA RNAM PAR SHES PA YANG BSGRUB BYA MA YIN PAR 'GYUR LA, DE MA GRUB NA YANG GANG LAS SEMS PA CAN YIN SNYAM DU BSAMS PA'O, ,'DI SNYAM DU SHING DAG LA YANG SANGS RGYAS PA 'CHI BA'I SGRA 'JUG PAR BYED PA NYID DO, ,DES NA 'CHI BA'I SGRA'I RJES SU 'BRANGS PA LAS, RJES SU RTOGS PA RAB TU GRAGS PA DE NI BRJOD BYA NYID DO SNYAM NA, BSHAD PA, GANG GI PHYIR SGRA NI 'DOD PAS 'JUG PA MA YIN PA DE'I PHYIR DE'I DBANG GIS RNAM PAR SHES PA LA MI 'KHRUL BA 'CHI BA'I DNGOS PO RNAM PAR GNAS PA MA YIN TE, THAMS CAD KYI THAMS CAD 'GRUB PAR THAL BA'I PHYIR RO, ,GANG GI PHYIR SROG CHAGS KYI 'CHI BA SHING DAG LA MA GRUB PA DE'I PHYIR 'JIG RTEN 'DI SHING RNAMS LA SKAM PAS 'CHI BAR BRJOD PA YIN NO, ,'O NA SKAM PA NYID SROG DANG LDAN PA'I GTAN TSIGS YIN NO ZHE NA, SROG CHAGS KYI 'CHI BA NI DE LTA BU MA YIN TE, SKAM PA DE SROG CHAGS NYID DANG 'BREL PAR MA MTHONG @124A *, ,BA'I PHYIR RO, ,DE'I PHYIR SHING DAG LA SKAM PA GRUB KYANG SROG DANG LDAN PA NYID NI MI 'GRUB PO, ,GAL TE RE ZHIG 'CHI BA TZAM SPYIR GRUB PA YIN LA, DE YANG SROG DANG LDAN PA NYID DANG 'BREL PAR MTHONG BA DE'I PHYIR SROG DANG LDAN PA NYID DU GRUB PAS BSKAMS PA 'AM, RNAM PAR SHES PA 'GAGS PA ZHES BYA BA'I KHYAD PAR BSAMS PAS CI ZHIG BYA ZHE NA, BSHAD PA, GANG GI PHYIR 'DOD PA TZAM GYIS 'JUG PA'I PHYIR DNGOS PO LA MI LTOS PA'I SGRA TZAM YOD PA'I PHYIR DNGOS POS RTOGS PAR BYA BA'I DNGOS PO GANG YIN PA DE GRUB PA NI MA YIN NO, ,DE'I PHYIR SKAM PA LAS SROG DANG LDAN PA NYID DU MI 'GRUB PO, ,'DI SKAD BRJOD PA YIN TE, 'DIR 'CHI BA'I SGRA TZAM NYID THUN MONG YIN GYI 'CHI PA'I DNGOS PO NI MA YIN TE, SKAM PA DANG DBANG PO LA SOGS PA 'GAGS PA SHIN TU CHOS MI MTHUN PA'I PHYIR RO, , SGRA LAS DON RTOGS PA YANG MA YIN TE, DES NA SGRA'I RANG BZHIN GYI SPYIS NI GRUB PA MA YIN NO, ,RNAM PAR SHES PA LA MI 'KHRUL PA'I 'CHI BA KHYAD PAR CAN SHING DAG LAM GRUB PAR BSHAD PA 'DI NI GRANGS CAN GYIS BKOD PA BLO SEMS PA MED PAR BYED PA MI RTAG PA NYID DANG, BYE BRAG PAS NYE BAR BKOD PA LUGS DANG BYED PA DANG GNAS LA SOGS PA KHYAD PAR DU 'PHAGS PA'I BLO'I RGYU CAN GRUB PAR BYED PA DBYIBS KYI KHYAD PAR DANG, DE DAG LA SOGS PA GANG YIN PA STE, BLO DANG GNAS LA SOGS PA'I CHOS CAN DANG 'BREL BA'I BSGRUB BYA SEMS PA MED PA LA SOGS PA GANG YIN PA DE DAG GI SGRUB PAR BYED PA DAG MA GRUB PAR BSHAD PA YIN NO, ,SOGS PA SMOS PAS NI GDOD NAS 'JUG PA'I PHYIR ZHES BYA BA LA SOGS PA'I GTAN TSIGS GZUNG NGO, ,CI LTAR DE DAG KYANG MA GRUB STE, 'DI LTAR BLO MI RTAG PA NYID DANG, GNAS LA SOGS PA RNAMS DBYIBS KYI KHYAD PAR CAN DU NI GRUB PA YIN NO ZHE NA, GANG GI PHYIR BLO DANG GNAS LA SOGS PA DER YANG SGRA 'BA' ZHIG GRUB KYI, GRANGS CAN GYIS CI 'DRA BA ZHIG BRJOD PAR BYA BA'I DON NI MA GRUB PA NYID YIN LA, BLO SNGON DU 'GRO BA CAN LA MI @124B 'KHRUL PA'I DBYIBS KYI KHYAD PAR YANG MA GRUB PA KHO NA'O, ,RE ZHIG GRANGS CAN PA'I BLO SEMS PA MED PAR BSGRUB PA LA CI LTAR SGRA TZAM ZHIG GRUB KYI DON MA YIN ZHE NA, GANG GI PHYIR GZHAN BDE BAR GSHEGS PA DAG NYAMS PA MED PA'I RANG BZHIN NYE BAR ZHI BA MI MTHONG BA'I BDAG NYID LA MI RTAG PA NYID DU NI MI 'DOD DO, ,GANG ZHIG MI RTAG PA NYID DU 'GYUR BA MA MTHONG BA'I RANG BZHIN LAS MA NYAMS PA'I DNGOS PO NI MI MTHONG BAR 'GYUR BA MA YIN NO, ,DES NA RJES SU 'GRO BA MED PA NYID DU LDOG PAR KHAS LEN TO, ,DES NA SGRA THUN MONG DU GNYI GA LA GRUB KYI DON NI 'GA' YANG MA YIN NO, ,'DIR BDAG NYID NYAMS PA DANG MI MNGON PA'I RANG BZHIN GYI KHYAD PAR BRJOD PAR 'DOD PA MED PA'I MI MTHONG BA NYID DANG DON BYED PA LA NYE BAR SBYOR BA MI RUNG BA NYID MI RTAG PA'I SGRAS BRJOD PAR BYA BA NI RJES SU 'GRO BA MED PAR NYAMS PA DANG, MI MNGON PAR GYUR PA DAG LA KHYAD PAR MED DO, ,DE NYID NI KHYAD PAR BRTEN PA MED PA SPYI GRUB PA YIN LA, DE GRUB PA MIN NA NYE BAR ZHI BA PHYIR RGOL BA LA MA GRUB PO ZHES KHYAD PAR RTOG PA'I SGO NAS MA GRUB PAR RTZOD PA NI LTAG CHOD DU 'GYUR RO ZHE NA, SLOB DPON GYIS 'DI LTAG CHOD YIN PA BZLOG PA'I PHYIR LTAG CHOD KYI YUL STON PAR BYED PA NI, GAL TE BYAS PA NYID LA SOGS PA LTAR MI RTAG PA'I SGRA 'DIS GANG ZHIG BRJOD PAR BYA BA DNGOS PO CUNG ZAD CIG CES BYA BA DNGOS POR YOD PA'I SPYI'O, ,RGOL BA DANG PHYIR RGOL BA GNYI GAS KYANG SPYIR 'DOD PA YIN TE, GNYI GA LA GRUB PA YIN NA LAN LOG PAR 'GYUR BA YIN NO, ,BYAS PA NYID NI THUN MONG DU DNGOS POR GRUB PA YIN NO, ,BUM PA 'AM SGRA NI BYAS PA'I SGRAS BRJOD PAR BYA BA MA YIN GYI, 'ON KYANG RGYUS BSKYED PA'I DNGOS PO TZAM BRJOD PAR BYA BA YIN NO, ,DE NI GNYI GA LA YANG GRUB BO, ,GAL TE DE TZAM LA BSGRUB BYAS KHYAB BA MA YIN NA NI SGRA MED KYANG SHUGS KYIS KHYAD PAR 'PHEN PA YIN NA, DE TZAM NYID LA MI RTAG PA NYID KYIS KHYAB PA YIN NO, ,DES NA SGRAS BRJOD PAR BYA BA BSGRUB BYAS KHYAB PA NYID KYI MI 'GRUB PA YIN NA BSGRUB PAR BYA BA'I SHUGS KYIS 'PHANGS PA YIN ZHING, SGRAS KYANG MA ZIN PA'I KHYAD @125A *, ,PAR RTOG PA NI LTAG CHOD DU 'GYUR GYI, 'DIR NI MI RTAG PA'I SGRAS BRJOD PAR BYA BAR DON GCIG LA GRUB PA GANG YIN PA DE GZHAN LA MA YIN PAS, MI RTAG PA'I SGRAS BRJOD PAR BYA BA 'BA' ZHIG KHYAD PAR MED PAR YOD KYI DON NI SHIN DU THA DAD DO, ,DES NA 'DIR KHYAD PAR RTOG PA'I LTAG CHOD MA YIN NO, ,GAL TE 'DIR YANG MI MNGON PA ZHES BYA BA MI MTHONG BA'I BDAG NYID DANG, DON BYED PA LA SBYOR BAR MI RUNG BA YU BU CAG LA THUN MONG DU YOD PA MA YIN NAM ZHE NA, GNAS PA'I DON MI MNGON PA DE LA NI GZHAN SANGS RGYAS PA DAG MI RTAG PA NYID DU MI BRJOD DO, ,'O NA CI ZHE NA, RJES SU 'GRO BA MED PAR LDOG PA'I 'JIG PA LA MI RTAG PA NYID DU BRJOD DO, ,YANG SPYI BSGRUB PA'I PHYIR GAL TE ZHES SMOS SO, ,ZHIG PA DANG ZHES BYA BA NI RJES SU 'GRO BA MED PAR LDOG PA'O, ,MI MNGON PAR GYUR PA NI BUM PA'I RANG BZHIN DU RNAM PAR GNAS PA'O, ,RGOL BA DANG PHYIR RGOL BA GNYI GA LA YANG MI GSAL BA MI RTAG PA'I BDAG NYID DANG, DON BYED PA LA NYE BAR SBYOR BAR MI RUNG BA MI RTAG PA'I SGRAS BRJOD PAR BYA BA THUN MONG DU YOD PA NYID DO, ,DPER NA RGYUS BSKYED PA ZHES BYA BA BYAS PA'I SGRAS BRJOD PAR BYA BA BZHIN NO ZHE NA, GAL TE SRID PA YIN NA MI GSAL BA THUN MONG DU 'GYUR BA ZHIG NA, 'GYUR BA MED PA'I RANG BZHIN LA NI MI GSAL BA NYID MI SRID PAR BSTAN PA'I PHYIR CI STE ZHES SMOS SO, ,MTSAN NYID 'DIS ZHES BYA BA NI MI GSAL BA NI MI MTHONG BA'I BDAG NYID YIN LA DE YANG MI RTAG PA YIN PA'I PHYIR, GTZO BO NI YON TAN GSUM GYI BDAG NYID CAN GYI RANG BZHIN NO, ,SKYES BU SEMS KYI RANG BZHIN NO, ,SOGS PA SMOS PAS NI GNAS SKABS KYI KHYAD PAR MI MTHONG BA'I BDAG NYID MI RTAG PAR 'GYUR RO, ,CI STE MI MTHONG BA'I GNAS SKABS LA SNGAR CHOS GZHAN YIN PA STE, MTHONG BA'I BDAG NYID YIN BA MI GSAL TE, MI MTHONG BA'I BDAG NYID NI MI RTAG PA YIN GYI MI MTHONG BA'I BDAG NYID TZAM NI MA YIN NO ZHE NA, 'DI 'DRA BA'I MI GSAL BA YIN DU CHUG MOD, SNGAR CHOS GZHAN YANG YIN LA NYAMS PA @125B MED PA'I BDAG NYID KYANG YIN NO ZHES BYA BA GANG YIN PA DE NI 'DIR RE RE ZHING YANG KHYED KYIS LEGS PAR THA SNYAD BYAS SO, ,GAL TE NYAMS PA MED PA'I BDAG NYID CAN YIN NA MTHONG BA NYID KYI CHOS CI LTAR LDOG, DE'I PHYIR MI 'PHO BA'I BDAG NYID LA NI 'DI 'DRA BA'I MI GSAL BA MI SRID DO ZHES BYA BA'I THA TSIG GO, ,NYAMS PA MED PA'I BDAG NYID KYI CHOS SNGA MA LDOG PA BRJOD PA 'DIS NI SNGA MA'I GNAS SKABS LDOG PA YANG MI 'THAD PAR BSHAD PA YIN NO, ,BSHAD PA, DE NYID STON PA NI GANG ZHIG GNAS SKABS LDOG PA RJES SU 'GRO BA DANG BCAS PA MI GSAL BA DANG 'DRA BA MI RTAG PA'I SGRA'I YUL YIN PAR SMRA'O, ,MNGON PAR GSAL BAR SMRA BA'I GRANGS CAN KHA CIG DNGOS PO THAMS CAD NI NUS PA'I RANG BZHIN DU RNAM PAR GNAS PAS MNGON PAR GSAL BAR BYA BA YIN NO ZHE NA, GZHAN GNAS SKABS GZHAN DU SMRA BA NI DNGOS PO THAMS CAD NI BDAG NYID THAMS CAD KYIS GTZO BO'I KHUG MA NA RNAM PAR GNAS PAS MI MTHONG BA YIN LA, RKYEN GYI DBANG GIS NI KHUG MA NAS PHYUNG BA BZHIN DU MTHONG BAR 'GYUR RO, ,DES NA GSAL BA LDOG PA DANG NUS PA RNAM PAR GNAS PA NI MA YIN GYI, 'ON KYANG GNAS SKABS GZHAN THOB PA 'BA' ZHIG TU ZAD DO ZHE'O, ,DE LA GRANGS CAN DANG PO GSAL BA SMRA BA BSAL ZIN TO, ,DA LTA NI GNAS SKABS SMRA BA RTOGS PAR BYA BA YIN TE, DE LTAR YANG DE LTA YIN DANG BDE BA LA SOGS PA RNAMS THA DAD PAR 'GYUR BAR GDON MI ZA'O ZHES THAL BAR 'GYUR BA YONGS SU RDZOGS KYI BAR DU 'CHAD PAR 'GYUR RO, ,'DI GSAL BAS BYE BRAG TU SMRA BA'I PHYOGS GSAL BAR 'GYUR TE, DE NYID KYI DBANG DU BYAS NAS NI GZHUNG 'DI 'JUG PA MA YIN NO, ,GRANGS CAN DE LA YANG GANG GIS MI MTHONG BAR 'GYUR BA GNAS SKABS DE NYID LDOG PA YANG YIN LA; GTZO BO'I KHUG MA NA GNAS PA'I PHYIR NYAMS PA MED PA YANG YIN, BUM PA DE'I GNAS SKABS MIG GI RNAM PAR SHES PA'I SPYOD YUL SNAM BU BSGRIBS PA LTAR LDOG PA YIN GYI, GNAS SKABS CAN GYI MTHONG BA'I DNGOS PO NI GNAS NYID DO ZHE NA, GNAS SKABS CAN DANG GNAS @126A *, ,SKABS THA DAD PAR THAL BA MI BZOD PAS GNAS SKABS ZHES BYA BA 'DI CI ZHIG ZHES SMOS SO, ,GZHAN NI GANG LOG BA MI RTAG PA YIN PA GNAS SKABS DANG DON MED PAR MTHONG BAR STON PAR BYED DO, ,CHU 'DZIN PA DANG LEN PA LA SOGS PA NYE BAR BSGRUB PA ZHES BYA BA NYE BAR SBYOR BA GANG YIN PA'O, ,DE 'DRA BA DE YANG GANG YIN ZHE NA, BSHAD PA, 'JIG RTEN 'DI MNGON SUM DU ZHES BYA BA MNGON SUM DAG TU STE, MNGON SUM GYI RGYU MTSAN CAN GYI LHAG PAR ZHEN PA 'DI YIN NO, ,CI LTAR ZHEN CE NA, 'DI BUM BA'O ZHES BRJOD PAR BYED PA DANG 'DRES PAR RO, ,DE'I PHYIR DE LTAR DON BYED PA DANG MNGON SUM GYI TSAD MA DANG THA SNYAD KYIS NYE BAR MTSON PA'I GNAS SKABS YIN NO, ,YANG CI LTAR DEN BYED PA LA SOGS PA DE DAG GNAS SKABS KYI RGYU MTSAN CAN YIN ZHE NA, GNAS SKABS DE LOG NA GNAS SKABS CAN GZHAN MA LOG KYANG DON BYED PA LA SOGS PA 'DI THAMS CAD MED PA'I PHYIR, DON BYED PA LA SOGS PA GNAS SKABS KYI RGYU MTSAN CAN YIN GYI, GNAS SKABS CAN GYI RGYU MTSAN CAN NI MA YIN NO ZHE NA, GAL TE DE LTA NA NI 'O NA THA SNYAD LA SOGS PA'I YUL GNAS SKABS DE NYID BUM PA YIN NO, ,CI'I PHYIR ZHE NA, BSHAD PA, BUM PA GANG YIN PA DE NI THA SNYAD DU BSTAN PA DANG, DON BYED PA LA NYE BAR SBYOR BA DANG, LHAG PAR ZHEN PA ZHES BYA BA CI SKAD BSHAD PA'I MTSAN NYID DE RANG BZHIN CAN YIN PA'I PHYIR RO, ,DE'I GNAS SKABS KYI BDAG NYID CAN DE YANG LOG PA DE'I PHYIR GNAS SKABS CAN GZHAN MA LOG PAR YOD PA GANG YIN PA DE NI, 'DI CI LTAR DON BYED PA DANG TSAD MA MED PAR YOD PA YIN ZHES BRGAL ZHING BRTAG PAR BYA BA YIN NO, ,YOD PA YIN DU CHUG KYANG DE BUM PA DNGOS PO PA DON DAM PAR NI MI 'GYUR RO, , GDAGS PA'I RGYU MTSAN YOD PAS NA BRTAGS PA PAR NI 'GYUR TE, DPER NA LTENG KA'I CHU LA RKANG NANG DU BRJOD PA BZHIN NO, ,CI LTAR BUM PA DNGOS PO PAR MI 'GYUR ZHE NA, GNAS SKABS CAN DE LA DE'I MTSAN NYID MED PA'I PHYIR RO, ,KHYAD PAR CAN GYI DON BYED PA LA @126B SBYOR BA DANG, KHYAD PAR CAN GYI RNAM PA DANG LDAN PAR MTHONG BA'I DON NI BUM PA YIN LA, GNAS SKABS CAN DE NI DE LTA BU MA YIN PA'I PHYIR DE'I NGO BO MED PA YIN NO, ,CI LTAR DE'I MTSAN NYID MED DE, GANG GI PHYIR MTHONG BA DANG MA MTHONG BA'I DNGOS PO NI GCIG YIN NO, , DES NA BUM PA LOG KYANG RNAM PAR GNAS PA GANG YIN PA DE NI BUM PA'I BDAG NYID YIN NO, ,THA DAD PAR MTHONG BA GA LAS SHE NA, GNAS SKABS GZHAN DANG 'BREL PA'I PHYIR THA DAD PAR MNGON PA YIN GYI DNGOS PO LA NI THA DAD PA YOD PA MA YIN NO ZHE NA, GAL TE GNAS SKABS THA DAD PAR 'DOD NA, 'O NA GNAS SKABS THA DAD PA DE NYID DNGOS PO THA DAD PA'I MTSAN NYID NGO BO NYID DU CI STE MI 'DOD, DE LTA YIN DANG BDE BA DANG SDUG BSNGAL DANG GTI MUG RNAMS PHAN TSUN THA DAD PAR 'GYUR BAR GDON MI ZA BAR 'GYUR RO, ,GAL TE GNAS SKABS THA DAD PA'I MTSAN NYID DNGOS PO THA DAD PAR 'DOD NA, BDE BA TSIM PA'I DON BYED PA LA NYE BAR SBYOR BA DANG, RNAM PA KHYAD PAR CAN GYI GNAS SKABS CI 'DRA BA DE SDUG BSNGAL LA MA MTHONG BA'I PHYIR, DE GNYIS DNGOS PO LA THA DAD PA YIN NO, ,GAL TE GNAS SKABS THA DAD KYANG DNGOS PO THA DAD PAR MI 'GYUR NA NI BDE BA LA SOGS PA YANG THA DAD PA MED PAR THAL LO, ,GRANGS CAN GYIS SMRAS PA, BDE BA LA SOGS PA'I RANG BZHIN 'GA' ZHIG RJES SU BYED PA'I PHYIR TE, RJES SU 'GRO BA'I PHYIR GNAS SKABS THA DAD PAR GYUR KYANG DNGOS PO THAMS CAD THA MI DAD DE BDAG NYID DO, ,SLOB DPON GYIS RANG BZHIN 'GA' ZHIG RJES SU BYED PA ZHES BYA BA 'DI NI BDE BA DANG SDUG BSNGAL DANG GTI MUG RNAMS LA YANG MTSUNGS PA MA YIN NAM, 'DI LTAR BYED PA PO NYID DANG YONGS SU 'GYUR BA CAN NYID NI GSUM KA LA YANG YOD PA YIN NO, ,SKYES BU RNAMS LA YANG LONGS SPYOD PA PO NYID DANG, BYED PA PO MA YIN PA NYID DANG, YONGS SU 'GYUR BA CAN MA YIN PA NYID KYIS RANG BZHIN GCIG RJES SU BYED PAR MTSUNGS TE, GRANGS CAN BA'I DES NA BDE BA LA SOGS PA RNAMS DANG, SKYES @127A *, ,BU RNAMS KYANG GCIG PAR THAL BAR 'GYUR RO, ,THA DAD NA DNGOS PO RNAMS RIM GYIS MNGON PAR GSAL BA 'GAL BAR 'GYUR BA DE'I PHYIR GCIG YIN NO, ,PHAN TSUN RAG LAS PA MED PA RNAMS NI CIG CAR MNGON PAR GSAL BAR 'GYUR TE, DPER NA SKYES BU DANG BDE BA LA SOGS PA BZHIN NO, ,THA DAD PA MED NA NI CUNG ZHIG LTAR YONGS SU 'GYUR BA YIN PA LAS PHYIR YANG GZHAN DU YONGS SU 'GYUR BA'I PHYIR RIM GYIS MNGON PAR GSAL BA YIN NO ZHE NA, 'O NA NI RIM GYIS MNGON BAR GSAL BA 'GAL BA DE'I PHYIR CI BUM PA DANG ZHO LA SOGS PA DU MAR 'GYUR RAM, THA MI DAD PA'I PHYIR RIM GYIS MNGON BAR GSAL BAR 'GYUR LA, THA DAD BA LA NI RIM MA YIN PAR MNGON PAR GSAL BAR 'GYUR BA YIN NO, ,BDE BA LA SOGS PA YANG RIM GYIS MNGON BAR GSAL BAR 'GYUR BA DE'I PHYIR THA MI DAD PAR 'GYUR RO, ,CI STE THA MI DAD BA TZAM GYIS RIM GYIS MNGON PAR GSAL BA MA YIN LA, THA DAD PA TZAM LAS KYANG GZHAN DU 'GYUR BA MA YIN NA, DE LTA NA NI 'O NA RIM GYIS MNGON BAR GSAL BA LA THA MI DAD PAS KHYAB PA MA GRUB PA YIN NA 'GAL BA YANG CI YOD, RIM GYIS MNGON BAR GSAL BA DANG THA DAD PA LAS NI LHAN CIG GNAS PAR 'GAL BA MED LA, PHAN TSUN SPANGS TE GNAS PA'I MTSAN NYID BDAG NYID GCIG PAR 'GAL BA YANG MED DO, ,DES NA GAL TE THA DAD PA DANG 'GAL BA THA MI DAD PAS RIM GYIS MNGON PAR GSAL BA LA KHYAB BA GRUB NA; DE LTA NA 'GAL BAS KHYAB PAS NA THA DAD PA DANG 'GAL BAR 'GYUR NA THA MI DAD PAS KHYAB PA NI MED DO, ,RIM PA SNGA MA YANG MA YIN BA'I PHYIR 'GAL BA GA LA YOD, ,'O NA NI THA DAD PA LA YANG RIM PA CI LTAR ZHE NA, GANG GI MJUG THOGS SU GANG 'BYUNG BA DE SNGA MA DE'I 'BRAS BU YIN LA, DE'I 'BRAS BU YIN PA'I PHYIR DE MA GRUB PAR MI 'GRUB BO, ,MI GRUB PA'I PHYIR NI RIM PAR 'GYUR BA YIN NO, ,THA DAD PA MED PA NYID YIN NA KHYAD PAR DU RIM PA MED PAR THAL BA YIN TE, DPER NA BDE BA LA SOGS PA GCIG GI BDAG NYID LA THA DAD PA MED PAS RIM @127B MED PA BZHIN NO, ,RIM GYIS MTHONG BA'I PHYIR NI THA DAD PAR RTOGS SO, ,GANG GI PHYIR ZHO NI'O MA'I 'BRAS BU YIN LA, DE'I 'BRAS BU NYID KYI PHYIR TE DE LAS THA MI DAD PA YIN NO ZHE NA, GAL TE DE'I 'BRAS BU NYID THA DAD PA MED PAR 'BREL BA GRUB NA THA DAD PA MED PA 'DI RIGS PA YIN NO; 'BREL BA GRUB PA MA YIN NAM, 'DI LTAR MI MTHUN PA'I PHYOGS NI THA DAD PA YIN LA, BUM PA DANG SNAM BU LA SOGS PA NI PHA ROL PO LA THA DAD PA YIN NO, ,DE'I 'BRAS BU NYID DE LAS LOG PAS THA DAD PA DANG 'BREL BA YIN NO, ,THA MI DAD PA PHA ROL BOS KHAS BLANGS PA'I PHYIR RJES SU 'GRO BA NI MED DO ZHE NA, BSHAD PA, 'BREL PA DE NI RJES SU 'GRO BA MED PA GANG YIN PA DE LA MI 'GRUB STE, LOG PA YANG THE TSOM ZA BA'I PHYIR RO ZHES LOG PA BSAM PAR BSHAD PAR BYA'O, ,DE'I PHYIR 'BRAS BU NYID KYI PHYIR THA MI DAD PAR MA YIN LA, RIM GYIS MNGON PAR GSAL BA'I PHYIR MA YIN, RANG BZHIN GCIG RJES SU 'GRO BA'I PHYIR MA YIN NO, ,DNGOS PO THA DAD PA'I MTSAN NYID NI GNAS SKABS THA DAD PA NYID YIN TE, DE LOG NA DNGOS PO LDOG PA YIN LA, DNGOS PO MA LOG NA NI GNAS SKABS MI LDOG CING MI GSAL BA MA YIN NO, ,CI LTAR LDOG PA GCIG LA BRTEN PA 'BREL PA'I KHYAD PAR SPANGS PA DNGOS PO RNAMS KYI RGYU LAS SKYES PA LA THA DAD PA MED PAR BYAS PA'I SGRAS BRJOD PA LTAR GANG LA MI RTOG PA'I SGRA 'DIS BRJOD PAR 'GYUR BA 'BREL PA'I KHYAD PAR DU RTOGS PA SPANGS TE BTANG YANG MI MTHONG BA NYID DAM GZHAN YANG RUNG STE, GCIG GI CHOS NI CI LTAR YANG YOD PA MA YIN NO, ,RNAM PA THAMS CAD DU ZHES BYA BA NI GNAS SKABS LDOG PA'AM MA YIN, GSAL BA'I SGO NAS LDOG PA GCIG LA BRTEN PA'I CHOS BRTAG KYANG NGO, ,CI LTAR ZHIG PA DANG CIG SHOS DAG LA THUN MONG GI CHOS GCIG MED PA LTAR NI SKYES BU DAG LA YANG DE BZHIN NO, ,SKYES BU SHI'O, ,SHING SHI'O ZHES SGRA'I THA SNYAD TZAM YOD KYANG DNGOS PO LA NI 'CHI BA'I SPYI CI 'DRA BA SEMS CAN GYIS KHYAB PA DE 'DRA BA MED PA YIN NO, ,DE CI 'DRA BA ZHIG YIN @128A *, ,ZHE NA, RNAM PAR SHES PA'I 'BRAS BU DBUGS DANG DROD DANG G-YO BA DAG DANG BRAL BA'I MTSAN NYID CAN SHI BA GANG ZHIG MTHONG BAS SO, ,SROG CHAGS GZHAN ZHES BYA BA 'CHI BA GCIG LA SHI BA MTHONG BAS DE LAS GZHAN PA'I SROG CHAGS 'CHI BA LA YANG SROG CHAGS 'CHI BA DE NI 'DI YIN NO ZHES NGES PAR 'GYUR BA YIN NO, ,'DI NI GANG GI PHYIR DBUGS DANG DROD DANG KHRAG DANG RNAG DNGOS PO RNAM PAR SHES PA LA RAG LAS PA LDOG PAS DE LA GNAS PA MED PA'I PHYIR RNAM PAR SHES PA YANG LDOG PAR NGES PA YIN NO, ,DES NA THUN MONG DU SEMS PAS KHYAB PA'I RANG BZHIN GYI KHYAD PAR NI MNGON SUM DU GRUB PA YIN NO, ,DE GAL TE SHING DAG LA GRUB NA NI SEMS PA CAN DU RTOGS PAR 'GYUR RO, ,GAL TE SHING LA SOGS PA DE LA SKAM PAS NYE BAR MTSON PA YOD PA MA YIN NAM ZHE NA BDEN TE, 'O NA KYANG GAL TE SKAM PA LA SOGS PA NYID 'CHI BA'I SGRAS PHYOGS KYI GOS CAN BRJOD NA, DE'I TSE 'DI LA YANG 'BREL BA NGES PA LTAR BRTAGS PA GANG LAS 'CHI BAS SEMS PA CAN GRUB PAR 'GYUR BA SEMS PA CAN DANG 'BREL PAR NGES PAR BRTAG PAR BYA BA YIN NO, ,DE'I PHYIR PHYOGS KYI GOS CAN GYIS NYE BAR BKOD PA'I GTAN TSIGS LA YANG SGRA TZAM THUN MONG DU GRUB KYI, BSGRUB BYAS KHYAB PA'I 'CHI BA'I SGRAS BRJOD PAR BYA BA'I DON NI GRUB PA MA YIN NO, ,DE BZHIN DU BYE BRAG PAS NYE BAR BKOD PA YANG BSGRUB BYAS KHYAB PA'I DON MA GRUB PAR BSTAN PA'I PHYIR DE BZHIN DU ZHES SMOS TE, DBYIBS KYANG GAL TE CI 'DRA BA ZHIG BLO SNGON DU 'GRO BA CAN DU MTHONG BA KHANG BZANGS DANG RA BA LA SOGS PA LA RJES SU 'JUG PA CAN TE, 'DIS NI DBYIBS THUN MONG GI NGO BOR BSTAN TO, ,BLO SNGON DU 'GRO BA CAN GYI DBYIBS DE YANG CI 'DRA BA ZHIG CE NA, BSHAD PA, DBYIBS GANG ZHIG MTHONG BAS KHANG BZANGS LA SOGS PA BYED PA MA MTHONG BA CAN GYI BYED PA MTHONG BA DE LA YANG BYAS PA'I BLOR 'GYUR BA'O, ,'DIR KHANG BZANGS LA SOGS PA'I RJES SU SONG BA 'DI DBYIBS KYI KHYAD PAR NI BYAS ZIN @128B PA MTHONG BA LA YANG BYAS PA'I BLO'I RGYUR 'GYUR RO, ,DE'I PHYIR DE 'DRA BA'I DBYIBS KYI SPYI BYAS PAR NGES PA'I RGYU MTSAN MNGON SUM GYI RANG BZHIN NI BLO SNGON DU 'GRO BA CAN DU 'JIG RTEN NA RAB TU GRAGS PA YIN NO, ,GAL TE LUS DANG BYED PA DANG GNAS RNAMS DE 'DRA BA YIN NA DE'I TSE DBYIBS KYI KHYAD PAR GYI PHYIR DANG, BSDAD NAS 'JUG PA'I PHYIR ZHES BYA BA DE LTA BU LA SOGS PA'I GTAN TSIGS THAMS CAD DE LTAR ZHES BYA BA GO BAR BYED PAR 'GYUR RO, ,BLO SNGON DU 'GRO BA CAN GYIS KHYAB PA'I DBYIBS GANG YIN PA DE NI LUS DANG BYED PA DANG GNAS RNAMS LA MA GRUB PO, ,DON 'DI NYID LHAG DANG BCAS TE TSIGS SU BCAD PAR BRJOD PA NI GZHAN YANG ZHES BYA BA YIN NO, ,DBYIBS LA SOGS PA CI 'DRA BA ZHIG GO, ,SOGS PA SMOS PAS BSDAD NA 'JUG PA LA SOGS BA'O, ,BYIN GYIS RLOB PA PO YOD PA DANG MED PA'I RJES SU 'JUG PA CAN DU GRUB PA DE 'DRA BA DE LAS BLO SNGON DU 'GRO BA CAN NYID RJES SU DPOG PA GANG YIN PA DE NI RIGS PA NYID YIN NO, ,DNGOS THA DAD LA ZHES BYA BAS NI BYAS PA'I BLO'I RGYU YIN PA'I PHYIR KHANG BZANGS LA SOGS PA'I DBYIBS NI DNGOS PO GZHAN YIN LA RGYU MA YIN PA'I PHYIR GNAS LA SOGS PA'I DBYIBS KYANG DNGOS PO GZHAN NYID YIN PAR MNGON SUM NYID KYIS GRUB PA YIN NO, ,DE LA KHANG BZANGS LA SOGS PA'I DBYIBS DNGOS PO THA DAD PA LAS RAB TU GRUB PA'I BLO SNGON DU 'GRO BA CAN NYID NI DBYIBS KYI SGRA TZAM MTSUNGS PAS THA DAD PA MED PAR BRTAGS PA'I DBYIBS GANG YIN PA DE LAS RJES SU DPOG PAR RIGS PA MA YIN NO, ,DU BA SKYA BO'I RDZAS GANG YANG RUNG BA LAS ME RJES SU DPOG PAR NI MI RIGS SO, ,SKYA BO'I RDZAS TZAM LAS RJES SU DPOG PAR MI 'GYUR TE, BSKYED PAR BYA BA'I RDZAS NI NGES PA YIN PA'I PA'I PHYIR RO, ,DBYIBS KYI CHA SHAS NI RDZAS RNAMS LA THUN MONG YIN NO ZHE NA, BSHAD PA, DE LTAR MIN PAR KHAS LEN NA RDZA MKHAN GYIS BUM PA LA SOGS PA 'JIM PA'I RNAM 'GYUR 'GA' ZHIG BYED PA'I PHYIR, GROG MKHAR YANG RDZA MKHAN DES BYAS PAR GRUB PAR 'GYUR RO,, @129A *, ,'JIM PA'I RNAM PAR 'GYUR BA GANG YIN PA DE NI RDZA MKHAN GYIS BYAS PA YIN TE, DBYIBS TZAM DU KHYAD BAR MED PA'I PHYIR RO, ,'DI SNYAM DU SPYI GRUB PAR BYED PA LA SGRUB PA LA KHYAD PAR RTOG PA NI 'BRAS BU DANG MTSUNGS PA'I LTAG CHOD YIN NO ZHES DOGS NA, LTAG CHOD KYI YUL BSTAN PA'I PHYIR BSHAD PA, BSGRUB BYAS RJES 'GRO STE BSGRUB BYAS KHYAB PA'I PHYIR 'BRAS BU BYAS PA NYID THUN MONG BA SGRUB PAR BYED PA YIN PAR GRUB NA'O, ,BYAS PA NYID NI KHYAD PAR LA BRTEN PA MED PAR THUN MONG SGRUB PAR BYED PA YIN TE SGRA BZHIN NO, ,DE YANG BSGRUB BYAS KHYAB PA GRUB PA YIN NO, ,DES NA DON GYIS 'PHANGS PA MA YIN LA, SGRAS KYANG MA ZIN PA'I 'BREL PA CAN SGRA DANG BUM PA THA DAD PA'I PHYIR BYAS PA NYID LA DE THA DAD PA'I RGYU MTSAN CAN GYI SKYON BRJOD PA STE, BUM PA'I BYAS PA NYID NI SGRA LA MA GRUB LA, SGRA'I BYAS PA NYID NI RJES SU 'GRO BA MED DO ZHES BYA BA NI 'BRAS BU DANG MTSUNGS PA'I LTAG CHOD DU 'DOD, 'DIR NI BSGRUB BYAS KHYAB PA'I DBYIBS KYI KHYAD PAR LA SOGS PA GANG YIN PA DE NI MA GRUB LA, GRUB PA GANG YIN PA NI BSGRUB BYAS MA KHYAB PA'I PHYIR GDON MI ZA BA NYID DU GO BAR BYED PA NGES PAR BRTAG DGOS SO, ,GANG GI TSE KHYAB PAR BYA BA'I CHOS NGES PAR MI RTOGS NA NI DE'I TSE DON CI SRID LA SGRA GCIG YOD PA DE CIG GTAN TSIGS SU 'GYUR BAS DER PHYOGS GCIG LA MTHONG BA'I CHOS SGRA TZAM LAS THAMS CAD DU RJES SU DPOG PAR 'GYUR RO ZHES BRJOD PA NI RIGS GZHAN LA NI STE RIGS GZHAN DU 'GYUR BA'I DBYIBS BYAS PA'I BLO NGES PA'I RGYU MTSAN LA RAB TU GRUB PA NI SGRA'I SPYI SGRA THUN MONG BA DE MTHONG BA DE MTHONG BA LAS SGRUB PAR BYED PAR MI RIGS TE, CI LTAR ZHE NA, DPER NA NGAG LA SOGS PA RNAMS GO NYID KYI SGRAS BRJOD PAR BYA BA YIN PA'I PHYIR NA RVA CAN YIN PAR RJES SU DPAG PAR MI NUS PA BZHIN NO, ,RVA CAN NI GO'I SGRAS BRJOD PAR BYA BA RIGS GZHAN LA RAB TU GRUB PA YIN PA'I PHYIR RO, ,YANG CI'I PHYIR DNGOS POS 'GRUB KYI SGRAS MA YIN ZHE NA, BSHAD PA, BRJOD PAR 'DOD PA DANG 'BREL PA'I PHYIR SGRA RNAMS NI THAMS CAD LA YOD PA NYID @129B DO; ,DE YOD PA 'BREL PA MED PA'I DON YOD PAR GRUB PAR KHAS LEN NA THAMS CAD KYI DNGOS PO THAMS CAD 'GRUB PAR 'GYUR RO, ,DE'I PHYIR BSGRUB BYAS MA KHYAB PA'I GTAN TSIGS RNAM PAR RTOG PA NI LTAG CHOD MA YIN TE, SGRA TZAM GTAN TSIGS SU THAL BA'I PHYIR RO, ,DNGOS PO'I RANG BZHIN DNGOS PO'I BDAG NYID CAN GYI GTAN TSIGS MA GRUB STE, BSGRUB BYAS KHYAB BA CAN MA MTHONG NA MI GRUB PA NYID KYI TSUL 'DI YIN NO, ,BSGRUB BYAS KHYAB PA'I GTAN TSIGS GRUB NA SGRAS NYE BAR MA ZIN PA'I KHYAD PAR RNAM PAR BRTAGS PA GNOD PA BYED PA MA YIN PAR MA ZAD KYI, DE MA GRUB KYANG KHYAD PAR NYE BAR GZUNG NA YANG SGRUB PAR BYED PA LA SKYON SGRUB PA MA YIN TE, DPER NA BYAS BA NYID KYI KHYAD PAR SGRA'I NAM MKHA'I YON TAN NYID MA GRUB KYANG BYAS PA NYID LA GNOD PA MED PA BZHIN TE, SGRA NI MI RTAG STE, NAM MKHA'I YON TAN DANG DON GCIG LA 'DU BA'I BYAS PA NYID KYI PHYIR RO ZHES BYA BA LTA BU'O, ,'DI LTAR RJES SU 'GRO BA DANG LDAN PA GANG YIN PA DE NI GTAN TSIGS YIN LA, SGRA TZAM LA GNAS PA'I NAM MKHA'I YON TAN MED KYANG BYAS PA NYID RJES SU 'GRO BA DANG LDAN PA YIN NO, ,DES NA 'DI NI NAM MKHA'I YON TAN DANG BRAL BA NYID 'DOD PA YIN NO, ZHES DE NYID SGRUB PAR BYED PA YIN LA DE YANG GRUB PA YIN NO, ,DE LTA MA GRUB PAR BRJOD PA NI LTAG CHOD NYID DO, ,DE'I PHYIR DE LTAR BSGRUB PAR BYA BAS KHYAB PA'I DNGOS PO MA GRUB NA SGRAS BRJOD PAR BYA BA'I DNGOS TZAM GRUB KYANG SGRUB PAR BYED PA'I DNGOS PO MA YIN NO, ,DA NI KHYAD PAR CAN SGRAS BRJOD PAR BYA BA MA GRUB KYANG DNGOS PO GRUB NA GO BAR BYED PA'I GTAN TSIGS YIN NO ZHES STON TO, ,RJOD PAR BYED PA'I SGRA MA GRUB KYANG BRJOD PAR BYA BA'I GTAN TSIGS KYI DNGOS PO GRUB NA BSGRUB BYA GRUB PAR 'GYUR TE, DPER NA 'UG PA BYE BRAG PA LA SANGS RGYAS PAS LUS CAN LA SOGS PA SGRUB BYED DU BSHAD PA GO BAR BYED PA NYID YIN PA BZHIN NO, ,'UG PA'I LUS CAN NI RDZAS THAMS CAD DU SONG BA MA YIN PA'I TSAD YIN GYI REG BYA NI MA YIN NO, ,LUS CAN GYI SGRA YANG REG PAR BYA BA NYID LA SBYAR BA YIN NO, ,DES NA BYE BRAG PA LA @130A *, ,SGRA MA GRUB KYI DON NI GRUB PA NYID PAS DES NA GTAN TSIGS NYID DU 'GYUR RO, ,DES NA 'DI LTAR BSGRUB BYAS KHYAB PA'I DON GANG YIN PA DE TSAD MAS MA GRUB PA'I PHYIR GANG YANG RUNG BA LA MA GRUB PA YIN NO, ,BSTAN BCOS LAS GTAN TSIGS MA GRUB PA'I PHYIR GANG YANG RUNG BA LA MA GRUB PAR BRJOD PA GANG YIN PA NI'O, ,GANG YANG RUNG BA LA MA GRUB PA DE YANG CI 'DRA BA ZHIG CE NA, BSHAD PA, DPER NA MNGON PAR GSAL BAR SMRA BA DPYOD PA'AM BRDA SPROD PA PA LA BYE BRAG PAS NYE BAR BKOD PA'I BYAS PA NYID GANG YIN PA DE MA GRUB PO; SGRA GSAL BAR BYA BA YIN GYI BYED PA NI MA YIN NO ZHES BYA BA NI BSTAN BCOS SO, ,BRDA SPROD PA PA NI MI RTAG PA YIN YANG NGO, ,GANG YANG RUNG BA LA MA GRUB PAR BRJOD PA GANG YIN PA DE NI RJES SU DPAG PA THAMS CAD LA MA YIN TE, DNGOS PO'I STOBS KYIS ZHUGS PA LA YANG MA YIN NO, ,CI'I PHYIR ZHE NA, TSAD MAS MTHONG BA'I GTAN TSIGS GANG YIN PA LA KHAS BLANGS PA LUNG GI RANG BZHIN GYIS BRTZAD PA MI 'THAD PA'I PHYIR DANG, DNGOS PO LA BRTEN PA'I RJES SU DPAG PA LA LTOS PAR BYA BA MA YIN PA'I GTAN TSIGS KYI PHYIR BSTAN BCOS SKABS MA YIN PA'I PHYIR RJES SU DPAG PA THAMS CAD MA YIN NO, ,CI STE BYAS PA NI TSAD MA NYID KYIS GNOD PA YIN NO SNYAM NA, 'O NA NI MNGON BAR GSAL BAR SMRA BA YONGS SU GZUNG BAS CI ZHIG BYA, 'O NA TE MNGON PAR GSAL BA DE'I NGO BO SGRA LA TSAD MA MA RTOGS NA; DE LTA NA YANG TSAD MA CAN MA YIN PA'I MNGON BAR GSAL BAR SMRA BAS CI ZHIG BYA, GANG GI PHYIR DE LTA YIN PA DE'I PHYIR BSTAN BCOS LA BRTEN PA'I RJES SU DPAG PA GANG YIN PA BSTAN BCOS DANG 'BREL BA'I TSUL GSUM PA GANG LA YOD PA DE LA BSTAN BCOS KYI SGO NAS BRJOD PAR BYA BA YIN NO, ,RJES SU DPAG PA GZHAN NI MA SHES PA'I PHYIR GANG YANG RUNG BA LA MA GRUB PAR BRJOD PAR BYA'O, ,'CHI BA DANG DBYIBS KYI KHYAD PAR NI TSAD MA NYID KYIS GSAL BA YIN LA, RGOL BAS NI GTAN TSIGS KYI RANG BZHIN YONGS SU MA SHES PAS PHYIR RGOL @130B BA LA MA GRUB PAR BRJOD DO, ,MI RTAG PA NYID RGOL BA GRANGS CAN LA MA GRUB STE, DE'I PHYIR MI RTAG PA NYID RGOL BA LA MA GRUB PO, ,DES NA MTHONG BA LA GTAN TSIGS KYIS RANG GI NGO BO GTAN LAM PHEBS PA'I PHYIR DANG, MA MTHONG BA NI TSAD MAS GTAN LA MA PHEBS PA'I PHYIR GANG YANG RUNG BA MA GRUB PAR BRJOD PA YIN NO, ,DES NA DPER BRJOD PA MA SMRAS SO, ,CI LTAR SLOB DPON GYIS BYAS PA MNGON PAR GSAL BA SMRA BA LA MA GRUB PA'I DPER BRJOD CE NA, SLOB DPON GYIS NI DPER BRJOD PA'I PHYOGS CAM ZHIG BSHAD DO, ,CI LTAR BSTAN BCOS LA GRAGS PA'I DNGOS PO CIG SHOS BSTAN BCOS DE DANG LDAN PA MA YIN PA LA MA GRUB PA DE BZHIN DU TSAD MAS RAB TU GRUB PA'I DNGOS PO GANG ZHIG GANG NA MED PAR RGOL BAS KHAS BLANGS PA DES DER PHYIR RGOL BA LA MA GRUB PA YIN LA PHYIR RGOL BA LA TSAD MAS GRUB PA GANG YIN PA DE YANG RGOL BA TSAD MA MA SHES PA'I PHYIR NA RGOL BA LA MA GRUB PA BRJOD KYI, BSTAN BCOS LA BRTEN PAS NI MA YIN NO, ,DAM BCA' BA'I DON GYI PHYOGS GCIG MA GRUB PAR MI SEMS PA DE LA BSHAD PA NI, GANG YANG DAM BCA' BA'I DON GYI PHYOGS GCIG CHOS SAM CHOS CAN MA GRUB PA'O, ,CHOS CAN NI RE ZHIG DPER NA SGRA MI RTAG STE, SGRA YIN PA'I PHYIR ZHES BYA BA LTA BU'O, ,GAL TE SPYI'I PHYOGS GCIG TU GYUR PA SGRA ZHES BYA BA'I CHOS CAN GRUB PA NYID MA YIN NAM ZHE NA, DE YANG ZHES SMOS TE, BSGRUB PAR BYA BA DANG SGRUB PAR BYED PA DAG NI THA DAD PA YIN PA'I PHYIR RO, ,BSGRUB PAR BYA BA GANG YIN PA DE NYID SGRUB PAR BYED PA YIN PAR NI MI 'DOD DO, ,BSGRUB PAR BYA BA'I CHOS CAN RANG NYID BSGRUB PA LA STE, GRUB PAR BYA BA LA GRUB PAR BYED PA GANG YIN PA DE NYID DU MA GRUB PA'I PHYIR CHOS CAN DE BDAG SGRUB PA LA GTAN TSIGS NYID DU MA GRUB PAR BRJOD DO, ,'DI SKAD DU SGRA GTAN MA GRUB PA NI MA YIN GYI, BDAG NYID MI RTAG PAR SGRUB PA LA GO BYED NYID DU MA GRUB PA YIN NO ZHES BRJOD PA YIN NO, ,'DI LTAR DE NYID BDAG GI SGRUB PAR BYED PA NI MA YIN NO, ,DE GA LAS SHE NA, DE'I @131A *, ,NGO BO TZAM DANG ZHES BYA BA SGRA TZAM DANG BSGRUB BYA RJES SU 'BREL BA YIN NA, DAM BCA' BA BSTAN PA NYID KYIS BSGRUB BYA GRUB PA'I PHYIR, YANG SGRA DE BSTAN PA DON MED PA'I PHYIR DE NYID SGRUB PAR BYED PA YIN NO, ,'DI SNYAM DU SNGAR NI BSGRUB BYA'I RANG BZHIN DU BSTAN LA, PHYIS NI SGRUB BYED KYI RANG BZHIN DU YIN PA NGES NA DON MED PAR GA LA 'GYUR ZHE NA, BSHAD PA, BSGRUB PAR BYA BA NYID DU BSTAN PA'I SGRA'I BDAG NYID DE LA PHYIS SGRUB BYED NYID DU STON PA NA MA BSTAN PA'I DON GYI CHA NI CI YANG BSTAN PA MED DO, ,GNYI GAR YANG SGRA MA YIN PA LAS LDOG PA NYID BSTAN PAR ZAD DO, ,SGRA NI BSGRUB BYA BSTAN PA GCIG TU NI RNAM PA GZHAN DU YIN LA, SGRUB BYED DU BSTAN PAR YANG RNAM PA GZHAN YIN NO, ,SGRA THA DAD PAS NI DON THA DAD PAR MI 'GRUB STE, HA CANG THAL BA'I PHYIR RO, ,DE'I PHYIR SGRA DE GTAN TSIGS STON PA'I DUS SU SGRA NYID KYIS MI RTAG PA NYID DU 'GYUR LA, PHYOGS BSTAN PA'I DUS NYID NA DE LTA BU GRUB PAR 'GYUR TE, PHYIS GTAN TSIGS STON PA'I DUS SU YANG RANG NYID KHO NAS TE, RANG GI NGO BO KHO NAS DE LTAR ZHES BYA BA MI RTAG PA NYID DU SGRUB BAR 'GYUR BA'I PHYIR RO, ,BSGRUB BYA STON PA'I DUS NA RANG GI NGO BO KHO NAS GRUB PA YANG MED DE, DE'I PHYIR RANG NYID BDAG NYID KYI GTAN TSIGS SU MA GRUB PO, ,CIG SHOS KYIS SGRA TZAM GRUB PAR MTHONG NAS SGRA CI LTAR MA GRUB CE NA ZHES SMRAS SO, ,DE NI GRUB MOD KYI 'O NA KYANG DE BDAG NYID MI RTAG PA NYID DU SGRUB PA'I GTAN TSIGS NYID DU MA GRUB PAS MA GRUB PA YIN NO, ,DE NI PHYOGS SU BYAS PA GANG ZHIG BSGRUB BYAS KHYAB PA'I GTAN TSIGS SU 'GYUR BA PHYOGS SU BYAS PA DE LAS SGRA GZHAN YANG YOD PA MA YIN NO, ,DE NYID GTAN TSIGS YIN NA NI CHOS CAN BSTAN PA NYID KYIS BSGRUB BYA GRUB PA'I PHYIR YANG STON PA DON MED DO, ZHES BRJOD ZIN TO, ,MI RTAG PA NYID SGRA TZAM DANG RJES SU 'BREL BA YIN NA 'GA' ZHIG RTZOD PAR YANG MI 'THAD DE, SGRA RTAG TU GRUB PA'I PHYIR DE ZHES BYA BA MI RTAG PA'I NGO BOR GRUB PA'I PHYIR RO, ,'DI SNYAM DU SGRA LA MI RTAG PA NYID RJES SU 'GRO BAR MA MTHONG LA RJES SU 'GRO BAR MA MTHONG @131B BA'I PHYIR MI RTAG PA NYID MA GRUB PO, ,DES NA RTZOD PA YOD PA'I PHYIR SGRUB PAR BYED PA 'GOD DO SNYAM NA, GAL TE DE LTAR RJES SU 'GRO BA LA LTOS NAS SGRA RTAG PA YIN NA, YIN LA RAG NA DE CI CHOS CAN CHOS CAN GZHAN LA RJES SU 'GRO 'AM, 'DI NI MI SRID DO ZHES BYA BA'I DON TO, , DES NA GAL TE SGRA GO BAR BYED PA YIN NA RANG GI NGO BO TZAM LAS GO BAR BYED PAR 'DOD PA YIN BA'I PHYIR RTZOD PA MED PAR 'GYUR RO, ,'DI SNYAM DU KHYED KYIS KYANG CHOS CAN YIN YANG BDAG NYID RTOGS PA'I YAN LAG TU MA GRUB PA CI BRJOD DE, GANG GI PHYIR SGRON MA LA SOGS PA BDAG NYID GSAL BAR BYED PA YANG MTHONG BA YIN NO ZHE NA, BSHAD PA, SGRON MA LA SOGS PA NI RANG GI NGO BO RUNG BA NYID KYIS BDAG NYID RNAM PAR SHES PA SKYED PA NA SHES PA'I YUL NYID DU GSAL BAS BDAG NYID GSAL BAR BYED PA ZHES BRJOD DO, ,RTAGS DANG RTAGS CAN NI DE LTAR MA YIN TE; BDAG NYID GCIG PA'I PHYIR BDAG NYID GSAL BAR BYED PAR SHES PAR MI NUS SO, ,RTAGS DANG RTAGS CAN DE'I DNGOS PO NI THA DAD PA'I RGYU MTSAN CAN YIN PA'I PHYIR RO, ,CI LTAR THA DAD PA RTEN CE NA, GANG GI PHYIR RTAGS RANG NYID RNAM PAR SHES PA YUL DU GYUR PA NYID KYIS NI RTAGS CAN RTOGS PA MA YIN NA, GANG GIS RTAGS DANG RTAGS CAN GYI DNGOS PO THA DAD PA MED PAR 'GYUR, GANG RTOGS PA NA GANG MA RTOGS PAR 'GYUR BA DE'I RTAGS NI DE YIN TE, DPER NA DU BA RTOGS PA NA MA RTOGS PA'I ME'I DU BA YIN PA BZHIN NO, ,GANG RTOGS PA NYID NA GANG RTOGS PAR 'GYUR BA DE'I RTAGS NI DE MA YIN TE, DPER NA BUM PAS DBEN PA'I SA PHYOGS RTOGS PA NYID NA MED PA RTOGS PA'I PHYIR BUM PAS DBEN PA'I SA PHYOGS MED PA'I RTOGS MA YIN NO, ,DE'I PHYIR GANG DES NA GANG MA NGES PA DE DAG NI NGES PA DANG MA NGES PA DAG GIS THA DAD PHAN RJES SU 'GRO BA SHES PA LA LTOS TE NGES PAR GYUR PA NI CIG SHOS KYI RTAGS YIN GYI, SGRON MA BZHIN DU BDAG NYID GSAL BAR BYED PA NI MA YIN NO, ,CHOS CAN YANG THA DAD PA NYID KYIS RTAGS SU 'GYUR ZHE NA, BSHAD PA, CHOS CAN GYI RANG GI NGO BO SGRUB PAR BYED PAR @132A *, ,KHAS LEN NA NI BDAG NYID GSAL BAR BYED PA'I THAL BA 'DIR 'GYUR TE, 'DI LA RJES SU 'GRO BA MED PA'I PHYIR RO, ,RANG GI NGO BOS NGES PA YIN NA CHOS CAN BDAG NYID DU GYUR PA'I MI RTAG PA NYID GSAL BAR BYED PAR 'GYUR TE, SGRON MA BZHIN NO, ,DE LTA YIN DANG SGRA RANG GI NGO BOS RTAG TU GRUB PA'I PHYIR MI RTAG PA NYID KYANG GRUB PAS RTZOD PA MED PAR 'GYUR RO, ,'DI SNYAM DU GAL TE GTAN TSIGS DANG BSGRUB PA DAG THA DAD PA'I PHYIR BSGRUB BYA'I CHOS CAN RANG NYID LA GTAN TSIGS SU MA GRUB PA BRJOD NA, 'O NA DNGOS PO THAMS CAD LA CHOS DANG CHOS CAN NAM, BSGRUB BYA DANG SGRUB BYED KYI CHOS KYI DBYE BA MA GRUB PA'I PHYIR DAM BCA' BA'I DON GYI PHYOGS GCIG GTAN TSIGS SU 'GYUR BA'I SKYON 'DI RANG BZHIN GYI GTAN TSIGS THAMS CAD LA MTSUNGS SO, ,BYAS PA NYID NI SGRA DANG THA DAD PA MA YIN TE, DES NA BYAS PA YANG DAM BCA'I DON GYI PHYOGS GCIG YIN PAR 'GYUR RO ZHE NA, RTZOD PA 'DI LA BRJOD PAR BYA BA GANG YIN PA DE NI RANG BZHIN GYI GTAN TSIGS BSAM PA NYID DU BSHAD ZIN TO, ,DE DANG DE LAS LOG PA'I DNGOS PO RNAMS KYI LDOG PA LA BRTEN PAS NGES PA'I YUL GYI RANG BZHIN THA SNYAD THA DAD PA'I PHYIR BSGRUB PAR BYA BA DANG SGRUB PAR BYED PA DAG THA DAD DE, GCIG LAS LDOG PA'I RGYU MTSAN GYIS NI MA GRUB PA BSGRUB BYA'I RANG BZHIN YIN LA, GZHAN LAS BZLOG PA'I RGYU MTSAN GYIS NI SGRUB BYED KYI RANG BZHIN GRUB PA YIN NO ZHES SO, ,GAL TE DON DAM PAR CHOS DANG CHOS CAN DAG THA MI DAD LA, BRTAGS PA THA DAD PA YIN NA DE CI LTAR GZHAN DU DE NYID DU DANG GZHAN NYID 'GOG CE NA, BSHAD PA, DE KHO NA NYID DANG LDAN PA'I RANG BZHIN RNAM PAR DPYAD PA'I SKABS SU NI CHOS DANG CHOS CAN GYI RANG BZHIN DE LTA BUR GYUR PA MA GRUB PA'I RGYU'I PHYIR, KUN RDZOB PA'I CHOS DANG CHOS CAN GYI DON RNAMS LA DE NYID DANG GZHAN NYID 'GOG PA YIN NO, ,'DI LTAR GAL TE CHOS CAN DANG CHOS RNAMS KYANG PHAN TSUN YANG THA DAD PA YIN NA GZHI MTHUN PAR MI 'GYUR TE, LHA SBYIN DANG GNOD SBYIN LA SOGS PA'I SGRA RNAMS NI GZHI @132B MTHUN PA MA YIN NO, ,'ON TE CHOS CAN LAS DANG PHAN TSUN YANG THA MI DAD PA YIN NA NI, DE LTA NA NI 'O NA CHOS DANG CHOS CAN BRJOD PA'I SGRA RNAMS RNAM GRANGS PAR THAL LA, SGRA'I BYAS PA NYID CES THA DAD PA'I RGYU MTSAN CAN DRUG PAR YANG MI 'GYUR RO, ,DE'I PHYIR SGRA RNAMS KYI DON 'DI LTA BU NI DON DAM PA RNAM PAR DPYAD NA CHOS CAN DANG CHOS RNAMS KYANG DON DAM PA LA MA YIN PA'I PHYIR, DE NYID KYANG MA YIN LA GZHAN YANG MA YIN NO ZHES DGAG PA YIN NO, ,'O NA RJES SU DPAG PA DANG RJES SU DPAG PAR BYA BA'I THA SNYAD DON DAM PA'I YUL CAN, CI LTAR DON DAM PAR DE NYID GANG GZHAN NYID DANG BRAL BA'I CHOS DANG CHOS CAN THA DAD PA LA BRTEN NAS 'JUG CE NA, RJES SU DPAG PA DANG ZHES SMOS SO, ,'DI SKAD BRJOD PA YIN TE, RJES SU DPAG PA DANG RJES SU DPAG PAR BYA BA'I THA SNYAD NI GO BYA GO BYED KYI DNGOS PO YIN LA, GO BYA GO BYED KYI DNGOS PO YANG NGES PA'I YUL RANG BZHIN LA 'THAD KYI, NGES PA LA MI GNAS PA'I DNGOS PO LA NI MA YIN NO, ,NGES PA LA GNAS PA'I RANG BZHIN DE LA YANG LDOG PA THA DAD PA BRTAGS PA'I THA DAD PA YOD PA NYID DO, ,DES NA RJES SU DPAG PA DANG RJES SU DPAG PAR BYA BA'I THA SNYAD 'THAD PA NYID DO; 'O NA RJES SU DPAG PA RANG GI MTSAN NYID KYI MTHAR THUG PAR CI LTAR 'GYUR ZHE NA, GANG GI PHYIR KUN BRTAGS PA'I RANG BZHIN RJES SU DPAG PAS NGES PA GANG YIN PA DE NI DE'I RANG BZHIN MA YIN PA LAS LDOG PAS PHYI ROL GYI BDAG NYID DU ZHEN PAR BYAS PA YIN LA, 'DIS CI LTAR NGES PA DE 'DRA BA YANG PHYI ROL NA YOD PA'I PHYIR 'JUG PA LA MI BSLU BAS RJES SU DPAG PA PHYI ROL GYI DON GYI MTHAR THUG PA YIN NO, ,'O NA 'DI NYID TSIGS SU BCAD PA DAG GIS BSTAN PA'I PHYIR BSHAD PA, SHES PA GANG ZHIG BDAG NYID KYI THA DAD PA GZHAN LAS RNAM PAR DPYAD PA GANG YIN PA STE, THA DAD PA DE'I MTHAR THUG PA YONGS SU RDZOGS PA'I SHES PA GANG YIN PA'O, ,GANG GI PHYIR DE DAG NI BSGRUB PA'I TSUL LA REG PAR MI NUS PAS GZHAN LA LOG PA 'BA' ZHIG GIS BDAG NYID KYANG SNANG BA LA PHYI ROL NYID DU LHAG PAR ZHEN PA YIN NO,, @133A *, ,DE'I PHYIR PHYI ROL GYI DON LA MI LTOS PAR THA DAD PA TZAM GYI MTHAR THUG PA'I SHES PA DE DAG LA THA DAD PAR CHOS DANG CHOS CAN SNANG BA YIN LA, RJES SU DPAG PA DANG RJES SU DPAG PAR BYA BA'I THA SNYAD KYANG THA DAD PA DE LA BRTEN PA YIN NO, ,CHOS CAN SGRUB PAR BYED PA 'DIR NI THA SNYAD RNAM PAR RTOG PA'I SHES PAS BZHAG PA, BSGRUB BYA'I CHOS CAN GANG YIN PA DE NYID SGRUB BYED DU BZHAG PA YIN NO, ,CI LTAR DE NYID YIN ZHE NA, CHOS CAN GANG YIN THA DAD PA GZHAN GYI BLO GANG YIN PA DE LA MA REG PA 'BREL PA MED PA CAN DE LA DE SKAD BRJOD DO, ,CHOS CAN DE NI LDOG PA GZHAN GYI RGYU MTSAN CAN GYI BLOS GTAN TSIGS KYI DNGOS POR MA BZUNG STE, SGRA MA YIN PA LAS THA DAD PA GANG ZHIG BSGRUB BYA'I RANG BZHIN BSTAN PA DE NYID SGRUB BYED KYI RANG BZHIN YIN PA'I PHYIR CHOS CAN DU BSTAN PA DE NI GTAN TSIGS NYID DU MA GRUB BO, ,CHOS CAN MA GRUB PAR BRJOD PA 'DIS NI CHOS KYANG MA GRUB PAR BSHAD PA YIN NO, ,DE YANG BDAG NYID SGRUB PA LA GTAN TSIGS NYID DU MA GRUB PA KHO NA'O, ,DER YANG GAL TE BSGRUB BYA'I RANG BZHIN DE NYID LAS 'GRUB PA YIN NA DE NI SNGA MA KHO NAR BSGRUB BYA'I DUS SU BSTAN PA'I PHYIR DES 'GRUB PAR 'GYUR BA DANG, 'GAR YANG RTZOD PA MED PAR 'GYUR TE, MI RTAG PA NYID MTHONG BA'I PHYIR RO ZHES BYA BA LA SOGS PA THAL BA SNGA MA CI LTAR RIGS PA BRJOD DO, ,CI STE YANG MI RTAG PA NYID BDAG NYID KYI RJES SU 'GRO BA MA GRUB PA'I PHYIR DE TZAM GYIS SGRA MI RTAG PA NYID DU MI NGES SO ZHE NA, RJES SU 'GRO BA MA GRUB PAR BRJOD PA DE LA YANG 'BREL BA MED PA DE NYID 'ONGS TE, MI RTAG PA NYID KYI MTSAN NYID KYI CHOS DE NYID CI LTAR BDAG NYID LA RJES SU 'GRO ZHES SO, ,GAL TE DE LA CHOS DE NYID SGRUB PAR BYED PA YIN NA, RANG GI NGO BO MTHONG BA TZAM GYIS DON NGES PAR BYED PAR 'GYUR RO, ,DE'I PHYIR DE LTAR BSGRUB PAR BYA BA'I CHOS CAN NAM CHOS LA MA GRUB PA NYID DU BSTAN NAS, MI MTHUN PA'I PHYOGS MA YIN PA ZHES BYA BA GTAN TSIGS NYID DU DGOD PAR BYED PA GANG YIN PA DE YANG MA GRUB PA NYID DU BSTAN PA'I PHYIR BSHAD PA, 'O NA GANG GI TSE MI MTHUN PA'I PHYOGS MED PA GTAN @133B TSIGS SU BRJOD PA DE'I TSE CI LTAR ZHE NA, MI MTHUN PA'I PHYOGS LAS THA DAD PA GTAN TSIGS SU BRJOD PA DE LA YANG, GANG GI PHYIR BSGRUB PAR BYA BA MED PAR MI MTHUN PA'I PHYOGS YIN PA DE BAS NA, MI MTHUN PA'I PHYOGS DE LAS GZHAN PA GANG YIN PA DE NI BSGRUB BYA'I CHOS NYID YIN LA, BSGRUB BYA'I CHOS KYANG MA GRUB BO, ,CIG SHOS KYI PHYOGS DANG MTHUN PA'I PHYOGS DANG MI MTHUN PA'I PHYOGS RNAMS THA DAD PA'I PHYIR BSGRUB BYA'I CHOS CAN DANG DPE'I CHOS CAN MI MTHUN PA'I PHYOGS LAS GZHAN YIN NO, ,DE BAS NA BSGRUB BYA'I CHOS 'BA' ZHIG NI MA YIN TE, 'ON KYANG SHES PAR 'DOD PA'I BYE BRAG NYID KYANG YIN PAS MI MTHUN PA'I PHYOGS MA YIN PA NYID PHYOGS LA YOD PA NYID DO, ,DES NA MA GRUB PA ZHES CI LTAR BRJOD CE NA, CIG SHOS KYIS MA GRUB PA NYID BSTAN PAR BYA BA'I PHYIR PHYOGS GANG YIN ZHES DRI PAR BYED DO, ,GZHAN GYI PHYOGS DANG MTHUN PA'I PHYOGS KYI MTSAN NYID SMRAS PA NI GANG LA ZHES BYA BA LA SOGS PA YIN NO, ,'O NA NI PHYOGS DE'I 'DOD PAS BYAS PA'I MTSAN NYID YIN PA'I PHYIR DNGOS PO'I DBANG GIS BYAS PA'I MI MTHUN PA'I PHYOGS KYI RNAM PAR GNAS PA GANG YIN PA SEL BAR CI LTAR 'GYUR, 'DI LTAR DON DAM PAR NI BSGRUB PAR BYA BA DANG BRAL BA GANG YIN PA DE MI MTHUN PA'I PHYOGS YIN NO, ,GANG LA CHOS 'GA' ZHIG BSGRUB PAR 'DOD PA DE NI PHYOGS YIN NO, ,DES NA GANG ZHIG PHYOGS SU BYAS PA DE YANG DON DAM PAR MI MTHUN PA'I PHYOGS SU YANG RES 'GA' 'GYUR BA'I PHYIR CI SNYED PHYOGS SU BYAS PA DE THAMS CAD MI MTHUN PA'I PHYOGS MA YIN NO ZHES NI SHES PAR MI NUS SO, ,DES NA PHYOGS KYIS MI MTHUN PA'I PHYOGS 'JIG PA MA YIN NO, ,GAL TE 'JIG NA NI CHOS 'GA' YANG MA NGES PAR MI 'GYUR RO, ,MI MTHUN PA'I PHYOGS KYANG 'DOD BAS BYAS PA'I PHYIR TE, 'DOD PAS PHYOGS SU BYAS PA LAS GZHAN MI MTHUN PA'I PHYOGS YIN PA DE'I PHYIR 'DI YANG 'DOD PAS BYAS PAR 'GYUR RO, ,DES NA MI MTHUN PA'I PHYOGS LA 'JUG PAS MA NGES PAR 'GYUR BA 'GA' YANG MED PAR 'GYUR RO ZHES 'DI NI SNGA MA NYID DU BSAL ZIN TO, ,GZHAN @134A *, ,YANG GAL TE BSGRUB PAR BYA BA MA YIN PA MI MTHUN PA'I PHYOGS YIN LA, MI MTHUN PA'I PHYOGS DE LAS GZHAN PA MED PA YANG CHOS CAN LA GRUB NA DGAG PA BKAG PA SGRUB PA YIN PA'I PHYIR, GANG ZHIG BSGRUB PA'I DON DU GTAN TSIGS BRJOD PA CI ZHIG YOD; CIG SHOS KYIS NI MTHUN PA'I PHYOGS LA SOGS PA THA DAD PAR MTHONG NAS YANG SMRAS PA, BSGRUB PAR BYA BA MA GRUB PA TZAM GYI RGYUS NI THAMS CAD DU MI MTHUN PA'I PHYOGS MA YIN NO, ,'O NA GA LAS SHE NA, BSHAD PA, BSGRUB PAR BYA BA DE MED PA DE LA YIN PAR RGOL BA DANG PHYIR RGOL BA GNYIS LA NGES PA GANG YIN PA DE NYID MI MTHUN PA'I PHYOGS YIN NO, ,DES NA CHOS CAN DE LA NI BSGRUB BYA MED PAR MA NGES PA DE'I PHYIR MI MTHUN PA'I PHYOGS MA YIN PA NYID RE ZHIG GRUB PA, BSGRUB BYA GRUB PA YANG MA YIN PA DES NA MI MTHUN PA'I PHYOGS MA YIN PA NYID GRUB NA GZHAN CI ZHIG BSGRUB PAR BYA ZHES CI LTAR BRJOD CE NA, GAL TE DE LTA NA NI MTSAN NYID 'DIS BSGRUB PAR BYA BA'I CHOS LA THE TSOM ZA BA'I DPE YANG MI MTHUN PA'I PHYOGS MA YIN PAR 'GYUR TE, DE LA YANG BSGRUB PAR BYA BA MED PAR MA NGES PA'I PHYIR RO, ,DE LAS CIR 'GYUR ZHE NA, GTAN TSIGS DES NA MI MTHUN PA'I PHYOGS MA YIN PA NYID 'DI CI LTAR SGRUB PAR BYED PAR 'GYUR, CI LTAR MI 'GYUR ZHE NA, GANG GI PHYIR MI MTHUN PA'I PHYOGS MA YIN PA 'DI NI BSGRUB PAR BYA BA MED PA LAS LDOG PAR MA NGES PA'I RANG BZHIN YIN PA DE'I PHYIR MI 'GYUR RO, ,BSGRUB PAR BYA BA MED PA LAS LDOG PA MA NGES KYANG SGRUB BYED NYID DU CI LTAR MI 'GYUR ZHE NA, GANG GI PHYIR 'DI LA DE'I SHES BYA SGRUB PAR BYED PA'I MTSAN NYID MA NGES PA'I PHYIR RO, ,BSGRUB PAR BYA BA MED PA LAS LDOG PA NI SGRUB PAR BYED PA'I TSUL GSUM PA YIN LA; DE YANG 'DI LA MA NGES PA'I PHYIR MI MTHUN PA'I PHYOGS LAS LDOG PA LA THE TSOM ZA BA NI RTAGS MA YIN PA NYID DO, ,MI MTHUN PA'I PHYOGS MA YIN PAR NYE BAR BKOD PA DE NYID KYIS BSGRUB PAR BYA BA MED PA LAS LDOG PA NGES PAR BYED DO ZHE NA, GAL TE DE NA CI @134B LTAR MA NGES PA NYID KYI RGYU LAS NGES PAR 'GYUR MI MTHUN PA'I PHYOGS MA YIN PA NYID LAS NGES PAR BRJOD PAS MA NGES PAR BRJOD PAS MA NGES PA NYID LAS YIN PAR CI LTAR BRJOD PAR 'GYUR ZHE NA, BSHAD PA, GANG GI PHYOGS MI MTHUN PA'I PHYOGS MA YIN PA'I SGRAS NI BSGRUB BYA LDOG PA MA NGES PA BRJOD PA DE'I PHYIR CI LTAR BSGRUB PAR BYA BA MED PAR THE TSOM ZA BA DE NYID KYIS BSGRUB PAR BYA BA MED PA LAS LDOG PAR NGES TE, CI LTAR BSGRUB BYA NGES ZHES BYA BA'I DON TO, ,BSGRUB PAR BYA BA MED PA NI BSGRUB BYA YIN PA'I PHYIR RO, ,RNAM PA DE LTA BU PHYOGS LA SOGS PA'I MTSAN NYID YIN NA, MI MTHUN PA'I PHYOGS MA YIN PA NYID GTAN TSIGS SU BCAD PAS SHIN TU MA 'BREL PA CI 'DRA BA ZHIG BRJOD PAR 'GYUR BA DE LA BZHAD GAD DU STON PA NI, GANG GI PHYIR BSGRUB PAR BYA BA MED PA'I MTSAN NYID KYI DNGOS PO 'DI CHOS CAN 'DIS THE TSOM ZA BA DE'I PHYIR 'DIS 'DI NA MED DO ZHES BYA BAR NGES ZHES BYA BA KHYED KYIS DE SKAD SMRAS PA DE NI SHIN TU MDZES PA YIN NO, ,GANG GI PHYIR 'GA' YANG MA NGES PAR MI 'GYUR BA DANG, MI MTHUN PA'I PHYOGS LA LDOG PAR THE TSOM ZA BA GTAN TSIGS SU 'GYUR BA DANG MA 'BREL BAR BRJOD PAR 'GYUR BA DE'I PHYIR BSGRUB PAR BYA BA'I CHOS RNAMS KYI YOD PA DANG MED PA GANG DAG PHYOGS RNAM PAR GZHAG PA LA MI LTOS PA DE 'DRA BA DE DAG NI PHAN TSUN SPANGS NAS GNAS PA YIN PA'I PHYIR MI RTAG PA NYID LA SOGS PA'I YOD PA DANG MED PA LAS RNAM PAR GROL BA PHUNG PO GSUM PA LDOG PAR BYED PA MA YIN TE, THA DAD DU BYED PA MA YIN NO, ,DE LTA YIN DANG 'JUG PA DANG LDOG PA DE DAG LAS YOD PA'AM MED PA GCIG LDOG PA GANG YIN PA DE NYID ZLA BO GZHAN YOD PA YIN TE, GANG GI PHYIR DE LTA YIN PA DE'I PHYIR MI RTAG PA MED PA LAS LDOG PA STE MED PA MI RTAG PA'I BDAG NYID YIN PAS SKABS SU BAB PA BSGRUB PAR BYA BA'I CHOS LA MI RTAG PAR CI LTAR 'GRUB, GAL TE PHYOGS LA MI MTHUN PA'I PHYOGS MA YIN PA NYID MA GRUB NA, 'O NA DE NYID KYI PHYIR SHES PAR 'DOD PA'I BYE BRAG DANG LDAN PA'I PHYIR PHYOGS @135A *, ,YIN YANG DNGOS PO LA BSGRUB BYAS STONG PA'I PHYIR MI MTHUN PA'I PHYOGS SU 'GYUR RAM CI, PHYOGS DANG MI MTHUN PA'I PHYOGS GCIG PAR NI MI 'THAD DO ZHE NA, CIG SHOS KYIS SMRAS PA, RNAM GRANGS KYIS TE TSUL 'GA' ZHIG GIS PHYOGS KYANG MI MTHUN PA'I PHYOGS SU 'GYUR BA YANG YIN TE, MI 'DOD PA CUNG ZAD KYANG MED DO, ,BYAS PA'AM RTZOL BA LAS BYUNG BAS SGRA RTAG PAR BSGRUB PA NA PHYOGS KYANG MI MTHUN PA'I PHYOGS SU 'GYUR RO, ,'O NA MTSAN NYID 'CHOL BAR THAL LO ZHES DOGS NA, BSHAD PA, MTSAN NYID KYI DBYE BA NI RANG GI NGO BO DANG, RGOL BA 'DOD PA DANG, MNGON SUM LA SOGS PAS MA GSAL BA NI PHYOGS YIN LA, BSGRUB PAR BYA BA MED PA NI MI MTHUN PA'I PHYOGS YIN NO ZHES 'DI NI BRJOD ZIN TE, 'CHOL BA'I DOGS PA GA LA YOD, PHYOGS YIN YANG MI MTHUN PA'I PHYOGS SU 'GYUR BA NI THAMS CAD KYI 'DOD PA YIN TE, 'DI LTAR MI MTHUN PA'I PHYOGS SU THE TSOM MI ZA BA YIN NA GTAN TSIGS BRJOD PA YIN NO, ,DE GA LAS SHE NA, GANG GI PHYIR BSGRUB PAR BYA BA MED PA MI MTHUN PA'I PHYOGS TE, DE RNAM PAR BCAD PA'I DON DU GTAN TSIGS SU RAB TU SBYAR BA DE'I PHYIR DE LTA YIN NO, , GZHAN YANG PHYOGS LA SOGS PA'I RNAM PAR GZHAG PA YOD PA GANG LAS PHYOGS KYANG MI MTHUN PA'I PHYOGS NYID YIN PA'I SKYON 'DIR 'GYUR BA GNOD PAR BYED PA'I TSAD MAS BSGRUB BYA RJES SU 'GRO BAR BSTAN PA DE NI GTAN TSIGS YIN NO, ,GNOD PAR BYED PA'I TSAD MAS GTAN TSIGS KYI 'BREL PA STON PA'I DUS NA NI PHYOGS LA SOGS PA'I RNAM PAR GZHAG PA STE DBYE BA YOD PA MA YIN NO, ,CI LTAR PHYOGS LA SOGS PA RNAM PAR GZHAG PA MED CE NA, GANG GI PHYIR MI RTAG PA NYID LA SOGS PA'I CHOS DE PHYOGS LA SOGS PA'I RNAM PAR DBYE BA DANG BRAL BA 'BA' ZHIG NYID MI RTAG PA NYID LA SOGS PA 'GA' ZHIG YOD PA DANG MED PA DAG TU 'JUG PA DANG LDOG PA CAN TE, YOD PA DANG MED PA CAN DU BSTAN PA YIN TE, PHYOGS DANG MI MTHUN PA'I PHYOGS KYI RNAM PAR DBYE BA LA LTOS PA MED PA KHO NAS DNGOS PO LA BSGRUB PAR BYA BA GTAN @135B TSIGS KYI RJES SU 'GRO BA'O, ,GANG GI PHYIR DON THAMS CAD BSDUS PA NYID KYIS RJES SU 'GRO BA NI TSAD MAS BSTAN PAR NUS PA YIN TE, DNGOS PO GCIG LA LOG NA YANG THE TSOM MI LDOG PA'I PHYIR RO, ,DE LTAR 'BA' ZHIG RJES SU 'GRO BA DANG LDAN PAR BSTAN PA DE RANG NYID CHOS CAN LA YOD PA'I SHUGS KYIS TE, BSGRUB BYA'I CHOS MED PAR DE MI 'THAD PAS CHOS CAN DES CHOS CI LTA BU ZHIG DANG RANG NYID 'BREL PA DE LTA BU'I CHOS DANG 'BREL PAR SGRUB PAR BYED DO, ,GANG GI PHYIR DE LTAR YIN PA DE'I PHYIR GTAN TSIGS SU DE'I SHUGS GZHAN DU MI 'THAD PA'I YUL RJES SU THOGS PA RJES SU 'GRO BA BSTAN PA'I 'OG ROL GYI RJES SU 'BYUNG BA CAN DE NI PHYOGS ZHES BRJOD DO, ,DES NA GANG GI PHYOGS KYANG MI MTHUN PA'I PHYOGS SU 'GYUR RO ZHES BYA BA'I SKYON DU 'GYUR BA DE 'DRA BA'I PHYOGS MI MTHUN PA'I PHYOGS MA YIN PA GA LA YIN; GANG GIS PHYOGS RJES SU 'GRO BA'I PHYI NAS 'GYUR BA DES NA PHYOGS KYI MTSAN NYID KYI SGO NAS 'ONGS PA MI MTHUN PA'I PHYOGS MA YIN PA ZHES BYA BA'I RANG BZHIN GYI CHOS SO, ,'DI LTAR PHYOGS MED PA NI MI MTHUN PA'I PHYOGS YIN LA, MI MTHUN PA'I PHYOGS MED PA YANG MI MTHUN PA'I PHYOGS MA YIN PA YIN TE, DES NA DE'I MTSAN NYID KYI SGO NAS 'ONGS PA NI DES NA NGES PAR 'GYUR RO, ,GTAN TSIGS STON PA'I DUS NA PHYOGS NGES PA NI MA YIN TE RJES SU THOGS PA YIN PA'I PHYIR RO, ,DES NA MI MTHUN PA'I PHYOGS MA YIN PA NYID NI STON PA'I DUS NA MED PAR SHIN TU YANG GSAL LO, ,'BREL PA STON PA'I DUS DANG GTAN TSIGS STON PA'I DUS NA 'BREL PA NGES LA GTAN TSIGS YIN PA'I PHYIR TE, DES NA RTAGS MA YIN NO, ,SNGAR NI DAM BCA' BA SNGON DU 'GRO BA'I SBYOR BA KHAS BLANGS NAS MI MTHUN PA'I PHYOGS MA YIN PA NYID THE TSOM ZA BAR BRJOD LA, DA LTA NI PHYOGS MI MTHUN PA'I PHYOGS MA YIN PAR NGES KYANG RTAGS MA YIN TE, KHYAB PA'I DUS NA PHYOGS DANG MI MTHUN PA'I PHYOGS DAG MED PA'I PHYIR RO ZHES BRJOD PA YIN NO ZHES BYA BA NI KHYAD PAR RO, @136A *, ,'O NA GTZO BO NI YOD PA YIN TE, DE LAS BZLOG PA GZHAN LAS RNAM BAR GROL BA'I PHYIR ZHES BYA BA GANG YIN PA 'DI RTAGS YIN NO, ,CI LTAR 'DI MA GRUB PA'AM KHYAB PA'I DUS NA MED PA YIN, DE LAS BZLOG PA NI YOD PA DE LAS BZLOG PA MED PA, GTZO BO LAS GZHAN PA'I GTZO BO NI PHA ROL PO MED PAR 'DOD ZHES GRAGS TE, DE LAS GZHAN PA'I MED PA GANG YIN PA DE LAS GTZO BO RNAM PAR GROL BA DE'I PHYIR YOD PAR KHAS BLANGS TE BUM PA LA SOGS PA BZHIN NO, ,'DI LTAR DPER NA GTZO BO MED PA LAS GZHAN PA'I MED PA BUM PA MED PA ZHES BYA BA GANG YIN PA DE LAS RNAM PAR GROL BA'I BUM PA YOD PA DE BZHIN DU GTZO BO LA YIN NO, ,RTAGS DE LA NI MA GRUB PA NYID KYI SKYON 'DI MED DO, ,CI LTAR ZHE NA, GZHAN SMOS PA'I PHYIR RO, ,DAM BCAS PA'I DON GYI PHYOGS GCIG YIN PA NYID KYIS MA GRUB PA NYID DU 'GYUR BA YIN LA, DE LAS BZLOG PA GZHAN LAS RNAM PAR GROL BA ZHES BYA BA NI DAM BCAS PA'I DON MA YIN TE, GANG GI PHYIR YOD PA BSGRUB PAR BYA BA LA KHYAD PAR DANG BRAL BA YOD PA LAS BZLOG PA DANG BRAL BA 'BA' ZHIG BSGRUB BYA'I CHOS SU 'GYUR GYI, MED PA 'GA' ZHIG NYID DANG BRAL BA MA YIN NO, ,RI BONG GI RVA MED PA NI RTA'I RVA MED PA LAS RNAM PAR GROL BA YIN YANG DE TZAM GYIS YOD PA NI MA YIN NO, ,DE'I PHYIR GZHAN SMOS PA 'GA' ZHIG LAS LDOG PA NI GTAN TSIGS YIN LA, MED PA TZAM LAS LDOG PA'I YOD PA NI BSGRUB BYA YIN NO, , DES NA BSGRUB PAR BYA BA DANG SGRUB PAR BYED PA DAG KHYAD PAR YOD DO ZHE NA, TSAD MA 'DI LA YANG GZHAN ZHES KHYAD PAR BZUNG BA GANG YIN PA DE NI 'DOD PA YOD PA BSGRUB PAR BYA BA NYID LA GNOD PAR BYED DO, ,CI LTAR GNOD PAR BYED CE NA, GANG GI PHYIR GTZO BO DE MED PAR KHAS MI LEN NA NI GZHAN SMOS PAR NUS PA MA YIN TE, DON 'BREL BAR 'GYUR BA MA YIN NO, ,DPER NA MA THA RA'I BU BRAM ZE YIN NA MA THA RA'I BU LAS GZHAN PA'I BRAM ZE LA ZAN BYIN CIG CES GZHAN SMOS PA LTA BU'O, ,DE LTA MA YIN NA NI BRAM ZE LA ZAN BYIN CES BYA BA 'DI TZAM @136B NYID BRJOD PAR 'GYUR TE, MA THA RA'I BU LA THAL BAR 'GYUR BA MED PA'I PHYIR RO, ,DES NA GZHAN SMOS PA NI 'DOD PA'I YOD PA LA GNOD PAR BYED DO, ,GRANGS CAN PA DAG 'DOD PA LA GNOD PA SPANGS PA'I PHYIR SMRAS BA, GTZO BO MED PA ZHES BYA BA NI 'DI NI PHYIR RGOL BA PHA ROL PO'I BSAM PA YIN TE, DE'I BSAM PA'I DBANG GIS DE LAS BZLOG PA GZHAN LAS RNAM PAR GROL BA'I PHYIR ZHES BRJOD DO, ,GANG GI PHYIR DE'I BSAM PA'I DBANG GIS YIN PA DES NA GTAN TSIGS KYI DON NI 'DI YIN TE, MED PA GZHAN GANG YIN PA DE DANG BRAL BAR TE, DE LAS GZHAN NYID DU PHYIR RGOL BA KHYED KYIS KHAS BLANGS PA'I PHYIR RO ZHES BYA BA YIN NO, ,DE'I DON NI 'DI YIN TE, GZHAN GYI GTZO BO CI 'DRA BA ZHIG TU MED PAR 'DOD PA DE 'DRA BA NYID KYI MED PA LA GTZO BO YOD PAR PHA ROL BA LA BSGRUB PAR BYA BA YIN GYI KHO BO CAG GI RANG GI BSAM PAS DE SKAD BRJOD PA NI MA YIN NO ZHE NA, DE LA YANG STE GTAN TSIGS KYI DON DE LA DON DAM PAR MED PA LA PHAN TSUN RNAM PAR DBYE BA CI ZHIG YOD PAR 'DOD DE CUNG ZAD KYANG MI SRID PA NYID DO, ,KHYOD KYIS NI GANG GI PHYIR GTZO BO'I MED PA NI MED PA GZHAN LAS THA DAD PA DE'I PHYIR YOD PA YIN NO ZHES BRJOD DO, ,MED PA LA NI THA DAD PA YOD PA MA YIN NO, ,DON DAM PA'I THA DAD PA NYID LAS NI YOD PAR 'GYUR RO, ,CI LTAR RNAM PAR DBYE BA MED CE NA, GANG GI PHYIR RNAM PA KHYAD PAR CAN DANG LDAN PA'I SNGON PO GCIG GI RANG BZHIN RNAM PA GZHAN DANG LDAN PA'I RANG BZHIN SER PO LA MA DMIGS PAS, 'DI 'DI LAS THA DAD PA YIN NO ZHES BLOS MTHONG BA DE'I RANG BZHIN GZHAN DE LAS THA DAD PAR RTOGS PA YIN NA, RI BONG GI RVA LA SOGS PA DNGOS PO MED PA LA DE 'DRA BA'I RNAM PAR DBYE BA DE GANG YOD DE, RNAM PA NYID MED PA'I PHYIR RO, ,RNAM PA DANG LDAN PA'I RANG BZHIN THA DAD PA YOD NA DE LTA BU'I RANG BZHIN CAN YANG MED PAR MI 'GYUR TE, RNAM PA THA DAD PA DANG LDAN PA'I RANG BZHIN DE NI YOD PA'I MTSAN NYID YIN PA'I PHYIR RO, ,GAL TE DON BYED PA NYID YOD PA MA YIN NAM ZHE NA BDEN TE, SHES PA @137A *, ,LAS THA DAD PA'I RANG BZHIN GANG YIN PA DE DAG NI RANG GI RGYU DANG SHES PA'I RGYU YIN PAS DON BYED PA NYID DO, ,GAL TE DON DAM PAR MED PA LA RNAM PAR DBYE BA MED NA 'O NA BUM PA MED DO, ,RI BONG RVA MED DO ZHES 'JIG RTEN GYI THA SNYAD CI LTAR ZHE NA, RNAM PAR RTOG PAS ZHES SMOS SO, ,RNAM PAR RTOG PA'I SHES PAS BKOD PA 'DI DAG BDAG NYID THA DAD PA MED PA YIN YANG SMRA BA PO DAG RNAM PAR RTOG PA'I SHES PA LA GNAS PA NYID BRJOD PA GZHAN DANG GZHAN GYIS RNAM PAR DBYE BA DANG LDAN PA LTA BU THA SNYAD BYED PA YIN NO, ,RNAM PAR RTOG PA DANG DE'I RJES SU 'BRANG BA'I SGRA DAG GIS RNAM PA GZHAN ZHIG GIS RNAM PAR DBYE BA DANG LDAN PAR BYAS PA'I RNAM PAR DBYE BA GANG CI SNYED PA DE THAM CAD DNGOS PO YOD PA'I RTEN MA YIN NA, GANG GIS MED PA GZHAN LAS LDOG PA'I PHYIR DE YOD PAR 'GYUR, CI'I PHYIR ZHE NA, HA CANG THAL PAR 'GYUR BA'I PHYIR TE, GANG GIS CI LTAR KUN DU BRTAGS PA DE DE LTAR 'GRUB PAR 'GYUR RO ZHES BYA BA NI HA CANG THAL BAR 'GYUR RO ZHES SNGAR BSHAD ZIN TO, ,NYES PA GZHAN YANG BSAGS PA'I PHYIR BSHAD PA, DNGOS PO PA'AM DNGOS PO MA YIN YANG RUNG STE GCIG LAS GCIG RNAM PAR PHYE BA YOD PA DANG RJES SU 'BREL PA YOD PAS KHYAB PA STON PA NI THAMS CAD DU MED PA 'JIG PAR 'GYUR RO, ,'DI LTAR MED PA RNAM PA BZHI NI PHAN TSUN THA DAD PAR 'DOD PA YIN LA, BUM PA MED PA LA SOGS PA YANG PHAN TSUN LDOG PAR THA SNYAD BYED DO, ,RNAM PAR DBYE BA'I RGYU MTSAN GYIS KYANG YOD PA MA YIN PA'I PHYIR, MED PA THAMS CAD YOD PAR 'GYUR RO, ,GAL TE 'DI NI 'DOD PA NYID DO ZHE NA, GAL TE YANG 'DOD PA DE LTA NA YANG MED PA GZHAN DANG BRAL BA'I PHYIR RO ZHES BYA BA 'DI MA GRUB PA NYID DO, ,GAL TE MED PA GZHAN 'GA' ZHIG YOD NA DE'I PHYIR 'DI DE DANG BRAL BAR 'GYUR PA YIN NA, DE MED PA'I PHYIR GTAN TSIGS MA GRUB PO, ,RNAM PAR DBYE BA YOD PA NYID 'GA' ZHIG TU NI YOD PA NYID LA LA LAR NI MED PA NYID DO ZHE NA, DE LTAR NA YANG RTAGS 'KHRUL BAR 'GYUR RO, ,'DI LTAR MED PA GZHAN DANG BRAL @137B BA YOD PA YIN YANG 'GA' ZHIG NI YOD LA GZHAN NI MED PA DE'I PHYIR GNYI GA LA YANG RNAM BAR DBYE BA MTHONG BAS MA NGES PA NYID DO, ,DE NI BDEN TE, MED PA LAS LOG PA 'GA' ZHIG NI YOD PA MA YIN LA 'GA' ZHIG NI MED PA YIN NO, ,'O NA KYANG GAL TE GTZO BO MED PA 'GA' ZHIG LAS LOG PAR GZUNG NA DE'I TSE YOD PAR THE TSOM ZA BAR 'GYUR RO, ,'DI LTAR RTA'I RVA MED PA LAS LDOG PA YIN YANG DE TZAM GYIS DNGOS PO NI MA YIN NO, ,'O NA KYANG RGOL BA DE'I MNGON PAR 'DOD PA 'GA' ZHIG CES BYA BA MED PA THAMS CAD LAS THA DAD PA YIN TE, LOG PA YIN NA DE LTAR ZHES BYA BA YOD PAR GYUR NA'O, ,MED PA THAMS CAD GTZO BO'I LDOG MTSAMS SU 'DOD DE, DES NA 'KHRUL PA MED DO ZHES BYA BA'I DON TO, ,GAL TE DE LTA NA 'O NA NI DE LAS THA DAD PA YIN PA'I PHYIR ZHES BYA BA MED PA GZHAN DANG BRAL BA'I PHYIR NI MA YIN NO, ,'O NA GA LAS SHE NA; RGOL BA DE'I 'DOD PA STE BSAM PA KHO NA LAS YOD PA NYID YIN NO, ,MED PA THAMS CAD GTZO BO'I LDOG MTSAMS SU GZUNG BA DES NA YOD PA NI MA YIN TE, 'ON KYANG 'DOD PA TZAM LAS YIN NO, ,'DI GA LAS SHE NA, BSHAD PA, YANG YUL GZHAN DANG 'BREL PAS 'DOD PA GZHAN DU GYUR PA YIN NA, MED PA THAMS CAD LAS LDOG PA'I NGO BO GZHAN LA YANG DE LTA BU YIN PAR TE, YOD PA NYID YIN PAR 'DOD PA STE MNGON PAR 'DOD PA'I PHYIR RO, ,GAL TE GANG LA LAR 'DOD PA DE NYID DNGOS PO YOD PAR BYED PA DE LTAR NA 'DI GO BAR BYED PA'I GTAN TSIGS SU 'GYUR RO, ,DE LTA YIN DANG GANG GI TSE RI BONG GI RVA MED PA GZHAN THAM CAD LAS LDOG PA'I PHYIR YOD DO ZHES BRJOD PA DE'I TSE GTZO BO ZHIN DU RI BONG GI RVA YANG YOD PAR 'GYUR RO, ,DE LTAR GYUR NA GANG GI TSE 'DOD PA DE'I TSE DNGOS PO MED PA THAMS CAD DNGOS PO BYED PAR 'GYUR RO, ,DES NA RGOL BA'I 'DOD PA NYID KYIS DNGOS PO MED LA LDOG MTSAMS KYI RANG NYID KYIS NI MA YIN NO, ,DE'I PHYIR RNAM PAR DBYE BA LAS NI YOD PA NYID KYI YIN GYI, 'O NA KYANG DE'I 'DOD PA NYID LAS YIN NO, ,GTAN TSIGS DE'I PHYIR @138A *, ,GTAN TSIGS 'DIR 'DOD PA NYID LA BSGRUB BYA SGRUB PAR BYED PA'I NUS PA RNAM PAR GNAS PA MTHONG STE, DE'I PHYIR 'DOD PA DE NYID 'DOD PA'I YUL GYI DNGOS PO'I RANG BZHIN GYI SGRUB BYED DE GO BYED DU BRJOD PAR 'GYUR RO, ,DE'I PHYIR MED PA 'DI DAG GI PHAN TSUN DBEN PA GTAN TSIGS SU BKOD PAS CI ZHIG BYA STE, 'DOD PA DE NYID GTAN TSIGS SU BRJOD PAR 'GYUR RO, ,DE NYID GTAN TSIGS SU 'GYUR MOD CE NA, 'DOD PA DE LA BSGRUB BYA'I DNGOS PO DANG 'BREL PA BRJOD DGOS SO, ,CI'I PHYIR ZHE NA, DE LTA MA YIN NA ZHES SMOS TE, 'BREL PA MED NA GTAN TSIGS NYID DU MI 'GRUB PA'I PHYIR RO, ,DE'I PHYIR 'DI LA DNGOS PO'I NUS PA CUNG ZAD KYANG MED LA, 'DOD PA YANG 'BREL PA MED PA'I PHYIR GO BAR BYED PA MA YIN PAS 'DI 'DRA BA'I GTAN TSIGS THAMS CAD NI MA NGES PA NYID DO, ,'DOD PA TZAM GYIS DE NYID CAN GYI GTAN TSIGS 'KHRUL PA NYID DU BRJOD PA DES NI NGAS KHAS BLANGS PA'I PHYIR RO, ,KHYOD KYIS KHAS BLANGS PA'I PHYIR RO, ,YU BU GNYI GAS KHAS BLANGS PA'I PHYIR RO ZHES BYA BA LA SOGS PA DNGOS SU 'DOD PA RJOD PAR BYED PA 'KHRUL PAR BRJOD PA, GANG ZHIG DNGOS SU 'DOD PA RJOD PAR BYED PA MA YIN GYI, 'ON KYANG SKYES BUS DNGOS PO'I RANG BZHIN RNAM PAR GZHAG PAR BRTAGS PA LA BRTEN PA GANG YIN PA'I GTAN TSIGS DE THAMS CAD 'KHRUL PA DANG BCAS PAR BRJOD PA YIN TE, DPER NA MI MTHUN PA'I PHYOGS MA YIN PA'I PHYIR RO, ,BSGRUB PAR BYA BA SPYI'I PHYOGS MA YIN PA'I PHYIR RO ZHES BYA BA LA SOGS PA LTA BU'O, ,'DI LTAR BSGRUB PAR BYA BA NYID DU 'DOD PA'I TSOGS NI BSGRUB BYA YIN PAS, DE'I PHYOGS GCIG NYID DANG, PHYOGS DANG MTHUN PA'I PHYOGS GANG YANG RUNG BA NYID DANG, MI MTHUN PA'I PHYOGS MA YIN PA NYID 'DOD PAS PHYOGS SU MA BYAS PA LAS 'ONGS PA YANG 'DOD PAS SPRUL PA YIN TE, DE LTA BU LA SOGS PA GTAN TSIGS SKYES BUS RNAM PAR GZHAG PA LA BSTEN PA SKYES BU'I 'DOD PA DAM PAR GYUR PA YANG 'KHRUL PA CAN DU BRJOD PA YIN NO, ,'DIS NI PHYOGS TZAM @138B ZHIG BSTAN PA YIN TE, 'DIS SBYOR BA THAMS CAD LA BRJOD PA YONGS SU GYUR PA GZHAN NYID DU GYUR PA STE, DES BYAS PA'I 'KHRUL PA'O, ,'DOD PA'I PHYIR RO ZHES MI BRJOD KYI, 'ON KYANG DE LAS BZLOG PA GZHAN LAS RNAM PAR GROL BA'I PHYIR RO ZHES BRJOD DO, ,DES NA DE LAS BZLOG PA GZHAN LAS RNAM PAR GROL BA'I PHYIR ZHES BYA BA NI DNGOS PO'I RTAGS YIN NO SNYAM DU 'KHRUL PAR 'GYUR RO, ,DON DAM PAR NI NGES 'DOD PA'I PHYIR ZHES BYA BA 'DIR GTAN TSIGS KYI DON YIN TE, 'DOD PAS RNAM PAR GZHAG PA YIN PA'I PHYIR RO, ,DE'I PHYIR SGRA GZHAN DU GYUR PAS BYAS PA'I 'KHRUL PA SPANGS TE'O, ,DON RNAM PAR GZHAG PA'I TSUL NI DON DAM PA STE, CI 'DIR 'DOD PAS RNAM PAR GZHAG PA'I DON YIN NAM, 'O NA TE DNGOS PO'I DBANG GIS YIN ZHES BYA BA TSUL 'DI'I RJES SU 'BRANG BAR BYA'O, ,DE DE LTAR GTAN TSIGS SU 'DOD PA RNAMS DAM BCAS PA'I DON GYI PHYOGS GCIG NYID DU BSTAN PA NA, YANG DAG PA'I GTAN TSIGS DANG BCAS PA'I DON GYI PHYOGS GCIG TU DGOS PAR BYA BA'I PHYIR SMRAS PA, SGRA NI ZHES BYA BA NI CHOS CAN NO, ,RTZOL BA LAS BYUNG BA ZHES BYA BA NI TSOS CAN GYI KHYAD PAR RO, ,MI RTAG STE ZHES BYA BA NI BSGRUB BYA'I CHOS BSTAN PA'O, ,RTZOL BA LAS BYUNG BA'I PHYIR ZHES BYA BA NI GTAN TSIGS TE, 'DI CI LTAR DAM BCAS PA'I DON GYI PHYOGS GCIG MA YIN ZHE NA, DAM BCAS PA'I DON GYI PHYOGS GCIG NYID SPANG BAR 'DOD PA DE NYID KYI DE KHO NA STON PAR BYED DO, ,THA SNYAD KYI NYE BAR GZHAG PA BSGRUB PAR BYA BA'I CHOS CAN DE NYID DE, RNAM PAR RTOG PA'I YUL GYI THA SNYAD KYI NYE BAR GZHAG PA DE NYID SGRUB PAR BYED PA YIN NA DAM BCAS PA'I DON GYI PHYOGS GCIG YIN PAR BRJOD DO, ,CHOS CAN DE NYID SGRUB PAR BYED PA DE YIN NO ZHES BYA BA GA LAS SHE NA, BLO THA MI DAD PA ZHES SMOS TE, RTOGS PA RNAMS GCIG PA CAN GYI YUL YIN PA'I PHYIR RO, ,RNAM PA GCIG PA NYID CI'I PHYIR ZHE NA, BLO GANG ZHIG LDOG PA THA MI DAD PA GCIG LA BRTEN PA STE, , @139A *, ,LDOG PA GCIG GI MTHAR THUG PA'I PHYIR RNAM PA GCIG NYID YIN NO, ,DPER NA SGRA MI RTAG STE SGRA YIN PA'I PHYIR RO ZHES BYA BA LTA BU'O, ,KHYAD PAR BSGRUB BYA'I CHOS CAN DU BYAS TE, SPYI GTAN TSIGS SU BYED PA LA NI BSGRUB BYA DANG SGRUB BYED KYI CHOS THA DAD PA'I PHYIR GO BYA GO BYED MI 'GAL LO, ,'DIR YANG KHYAD PAR CHOS CAN YIN LA SPYI GTAN TSIGS YIN TE, 'DI LTAR RTZOL BA LAS MA BYUNG BAS BZLOG PA'I KHYAD PAR CHOS CAN NI MA YIN TE, SGRA TZAM GYI MTHAR THUG PA'I PHYIR RO, ,BUM PA DANG SGRA LA SOGS PA'I THUN MONG BA GTAN TSIGS KYANG GZHAN YIN NO, ,DES NA LDOG PA GCIG LA BRTEN PA NYID MA YIN PA'I PHYIR, DAM BCAS PA'I DON GYI PHYOGS GCIG MA YIN PAS GO BYA GO BYED KYI DNGOS POR 'GYUR BA NYID DO, ,DON 'DI TSIGS SU BCAD PAS STON TE, KHYAD PAR DANG SPYI NI RTAGS DANG RTAGS CAN YIN TE, CHOS THA DAD PA'I PHYIR RO, ,DPER BRJOD PA BSHAD PA NI DPE RNA ZHES BYA BA'O, ,RTZOL BA LAS BYUNG BA'I SGRA NI MI RTAG STE, RTZOL BA LAS BYUNG BA NYID KYI PHYIR RO ZHES BYA BA BZHIN NO, ,YANG NA PHYOGS KYI KHYAD PAR NYID YIN NA'ANG GNOD MED PHYIR TE, MI 'GAL BA'I PHYIR 'DIR GTAN TSIGS YIN TE, GTAN TSIGS LAS CHOS CAN THA DAD PA MA GRUB PA MA YIN NO, ,GANG GI PHYIR CHOS CAN THA DAD PA DE'I PHYIR RTZOL BA LAS BYUNG BA NYID DE'I KHYAD PAR YIN NO, ,KHYAD PAR YANG GRUB PA'I PHYIR DANG, BSGRUB BYA'I CHOS DANG 'BREL PA YIN PA'I PHYIR GTAN TSIGS NYID DU MI 'GAL LO, ,DES NA DON 'DOD PA BRJOD PA YIN TE, GAL TE CHOS THA DAD PA MA YIN PA DE LTA NA YANG BSGRUB BYA'I CHOS CAN NAM CHOS KYI KHYAD PAR NI GTAN TSIGS NYID DU MI 'GAL TE, GRUB PA'I PHYIR RO ZHES BYA BA'O, ,DPER BRJOD PA SMRAS PA NI DPER NA ZHES BYA BA'O, ,GONG BU 'DI ZHES BYA BA NI CHOS CAN NO, ,KHVA CAN ZHES BYA BA LA RVA NI DE'I KHYAD PAR YIN NO, ,DES NA RVA CAN NYID YIN PA'I PHYIR ZHES DE GTAN TSIGS NYID DU MI 'GAL LO, ,NGO BOS NI GONG BU KHYAD PAR CAN DU GYUR PA MA YIN LA, RVA CAN NYID NI RTA MA YIN @139B PAR BSGRUB PA LA GTAN TSIGS SU YANG 'GYUR RO, ,DE BZHIN DU RTZOL BA LAS BYUNG BA NYID GRUB PA'I RANG BZHIN BSGRUB BYA DANG 'BREL PAR RUNG BA NI CHOS CAN KHYAD PAR DU BYED PA YIN ZHING, GRUB PA'I RANG BZHIN DE NYID KYIS GTAN TSIGS NYID DU GRUB PA YIN NO, ,YANG NA MA 'BREL PA RNAM PAR BCAD PA RTOGS PAR BYA BA'I PHYIR 'JUG PA BSGRUB BYA'I DUS SU NYE BA GANG YIN PA DE NYID BSGRUB BYA'I CHOS CAN YIN NA, RTZOL BA LAS BYUNG BA ZHES BYA BA NI BSGRUB BYA RTOGS PAR BYED PA'I DUS SU YAN LAG MIN TE, CHOS CAN GYI KHYAD PAR MA YIN NO, ,GANG GI PHYIR RTZOL BA LAS BYUNG BA 'DI NI CHOS CAN DE MTSON NAS LDOG PA YIN NO, ,'DI LTAR RTZOL BA LAS BYUNG BA NYID NI RTZOL BA LAS BYUNG BA MTHONG BA'I SGRA GANG YIN PA DE MI RTAG PA YIN NO ZHES SGRA DE NYID KYI RANG GI NGO BO NYE BAR MTSON PA'I DON DU GZUNG BA YIN NO, ,KHYAD PAR GANG ZHIG BYA BA GZHAN NYE BAR MTSON PA LA DON BYAS ZIN PA DE NI BYA BA'I DUS SU GDON MI ZA BAR NYE BAR GNAS PA MA YIN TE, DPER NA GOS DKAR PO CAN DU MTHONG BA GANG YIN PA DE KHRID DE SHOG SHIG CES BYA BA LA, GOS DKAR PO NI GDON MI ZA BAR KHRID NAS 'ONG BA'I BYA BA'I NANG DU 'DU BA MA YIN PA BZHIN NO; DE BZHIN DU KHYOD KYIS CHOS CAN NYE BAR MTSON PA LA DON BYAS ZIN PA'I RTZOL BA LAS BYUNG BA NYID KYI DAM BCA' BA'I DON CHOS DANG CHOS CAN GYIS SPYI 'DZI PA'I DUS SU NANG DU 'DU BA MA YIN NO, ,DE'I PHYIR KHYAD PAR NI DAM BCAS PA'I DON MA YIN TE, KHYAD PAR GYI MTSAN NYID KYI CHOS DE NI SGRA ZHES BYA BA'I CHOS CAN LAS THA DAD PA'I PHYIR RO, ,THA DAD PA MED NA NI 'DIR MI 'GYUR RO ZHES BYA BA'I DON TO, ,BAR SKABS KYI TSIGS SU BCAD PA ZHES BYA BA NI PHAL CHE BAS BSTAN PA STE, 'DI'I DANG PO NI BSDU BA'I TSIGS SU BCAD PA NYID YIN NO, ,DE'I PHYIR DE LTAR PHYOGS KYI CHOS NYID MA GRUB NA MA GRUB PA'I GTAN TSIGS LTAR SNANG BAR BSTAN NAS, THE TSOM ZA NA MA GRUB PA YIN NO ZHES BSTAN PA'I PHYIR BSHAD PA, RANG NYID BDAG NYID DAM GTAN TSIGS DE'I GZHI CHOS CAN LA THE TSOM ZA NA MA GRUB PA'I GTAN TSIGS LTAR SNANG BA YIN NO, , @140A *, ,DE CI LTA BU ZHIG CE NA, BSHAD PA, DPER NA ME BSGRUB PA LA BLANGS PA LA SOGS PA'I DNGOS PO THE TSOM ZA BA'I 'BYUNG BA 'DUS PA DU BA ZHES BYA BAR RAB TU SBYAR BA NI THE TSOM ZA BA'I MA GRUB PA YIN PA LTA BU'O, ,DE BZHIN DU GZHI LA THE TSOM ZA NA MA GRUB PA'I GTAN TSIGS LTAR SNANG BAR 'GYUR BA YANG DPER NA RI SUL 'DI NA ZHES BYA BA NI CHOS CAN NO, ,RMA BYA YOD DO ZHES BYA BA NI BSGRUB PAR BYA BA'O, ,RMA BYA'I SGRA GRAG PA'I PHYIR RO ZHES BYA BA NI GTAN TSIGS SO, ,'DI LTAR THE TSOM ZA BA YIN ZHE NA, RMA BYA'I SGRA GRAG PA DE'I YUL TE GANG NAS 'ONGS PA STE, DE'I 'BYUNG KHUNGS SU GYUR PA'I YUL DE LA 'KHRUL BAS SO, ,RI SUL MANG PO YOD PA NA GANG GI TSE RMA BYA'I SGRA THOS NAS KHYAD PAR CAN GYI RI SUL GYI GZHIR BSGRUB BYA MA NGES LA, GZHI KHYAD PAR CAN GYI RMA BYA BA SGRUB PAR 'DOD PA DE'I GZHI LA THE TSOM ZA BAS THE TSOM ZA BA'I GTAN TSIGS LTAR SNANG BA YIN TE, RANG GI NGO BO NI NGES PA YIN NO, ,DE BZHIN DU BSGRUB PAR BYA BA'I CHOS CAN MA GRUB NA YANG MA GRUB PA'I GTAN TSIGS LTAR SNANG BA YIN NO, ,DPER BRJOD SMRAS PA NI, DPER NA BDAG NI KHYAB PA YIN TE, BDE BA LA SOGS PA'I YON TAN THAMS CAD NA YOD PA'I RGYU'I PHYIR RO ZHES BYA BA LTA BU'O, ,BDAG THAMS CAD DU SONG BA NYID DU BSGRUB PA LA, DE'I YON TAN BDE BA LA SOGS PA THAMS CAD DU DMIGS PA NYID GTAN TSIGS SU GZHAG GO, ,CHOS CAN BDAG DE YANG MA GRUB PAS YIN NO, ,DE LTAR NA ZHES BYA BA NI MJUG SDUD PA'O, ,PHYOGS KYI CHOS MA GRUB PA'AM THE TSOM ZA NAM GRUB PA'I MING CAN GYI GTAN TSIGS LTAR SNANG BA STE, MA 'BREL PAR LAS MI RTOGS PA'I PHYIR MI RTOGS PA'I RGYU YIN NO, ,DE BZHIN DU TSUL GZHAN GCIG LDOG PA MA GRUB PA 'AM THE TSOM ZA NA MA NGES PA ZHES BYA BA'I MING CAN THE TSOM GYI RGYUR 'GYUR BA YIN NO, ,DE LA RE ZHIG MA GRUB PA NI, THUN MONG PA RNAM PA BZHI DPER BRJOD PAR BYA'O, ,'DI LTAR GANG GI TSE GTAN TSIGS MI MTHUN PA'I PHYOGS LA 'JUG PA DE'I TSE MI MTHUN PA'I PHYOGS LA MED PA MA GRUB PA YIN NO, ,THUN MONG BA RNAM PA BZHI YANG MTHUN PA'I PHYOGS @140B DANG MI MTHUN PA'I PHYOGS LA 'JUG PA YIN NO, ,DE YANG PHYOGS CHOS KYI RAB TU DBYE BAR BSTAN PA NYID DO, ,SGRA RTAG STE GZHAL BYA'I PHYIR RO ZHES BYA BA LA, GZHAL BYA NYID NI GNYI GA LA KHYAB PA YIN NO, ,SGRA NI RTZOL BA LAS BYUNG BA MA YIN TE, MI RTAG PA'I PHYIR ZHES BYA BA LA MI RTAG PA NYID MTHUN PA'I PHYOGS KYI PHYOGS GCIG LA YOD LA MI MTHUN PA'I PHYOGS LA KHYAB PA YIN NO, ,SGRA NI RTZOL BA LAS BYUNG STE MI RTAG PA'I PHYIR RO ZHES BYA BA LA, MI RTAG PA NYID MTHUN PA'I PHYOGS LA KHYAB PA YIN LA MI MTHUN PA'I PHYOGS KYI NI PHYOGS GCIG LA YOD PA YIN NO, ,SGRA RTAG STE LUS CAN MA YIN PA'I PHYIR ZHES BYA BA LA, LUS CAN MA YIN PA NYID GNYI GA'I PHYOGS DE LA YOD PA YIN TE, 'DI NI THUN MONG GI MA NGES PA RNAM PA BZHI'O, ,LDOG PA NYID LA THE TSOM ZA BA'I MA NGES PA NI, DPER NA BRJOD PAR 'DOD PA'I SKYES BU NI CHOS CAN NO, ,THAMS CAD MKHYEN PA MA YIN PA ZHES BYA BA LA, THAMS CAD RIG PA MA YIN PA NI BSGRUB PAR BYA BA'O, ,'DOD CHAGS LA SOGS PA DANG LDAN PA YIN TE ZHES BYA BA NI BSGRUB PAR BYA BA GZHAN YIN NO, ,SMRA BA'I PHYIR RO ZHES BYA BA NI BSGRUB BYA GNYI GA'I THUN MONG GI GTAN TSIGS SO, ,SOGS PA SMOS PAS NI BSKUM PA DANG, BRKYANG BA DANG, MIG 'BYED PA DANG 'DZUMS PA LA SOGS PA BZUNG NGO, ,GTAN TSIGS 'DIR LDOG PA LA THE TSOM ZA BA YIN NO, ,GAL TE THAMS CAD MKHYEN PA SMRA BA MA DMIGS PA'I PHYIR MA DMIGS PA LAS LDOG PA GRUB PO ZHE NA, BSHAD PA, THAMS CAD MKHYEN PA SMRA BA MA DMIGS SO ZHES BYA BA MA DMIGS PA'I RNAM PA 'DI LTA BU GANG YIN PA DE NI YUL BLTAR MI RUNG BA'I DON YIN NO, ,GAL TE SMRA BA MTHONG YANG GZHIR GYUR PA'I THAMS CAD MKHYEN PA NYID NI BLTAR MI RUNG BA YIN TE, THAMS CAD MKHYEN PA NI SHES PA'I KHYAD PAR YIN PA'I PHYIR RO, ,YUL BLTAR RUNG BA RANG BZHIN YIN PA'I PHYIR MI DMIGS 'DI THE TSOM GYI RGYU YIN NO ZHES MI DMIGS PA'I SKABS SU SHAD ZIN TO, ,DES NA MI DMIGS BA LAS THAMS CAD MKHYEN PA LA SMRA BA MED PAR NGES PA MA YIN NO, ,GANG GIS NA 'GAL BA DMIGS PAS THAMS CAD MKHYEN PA NYID ZLOG PA THAMS CAD MKHYEN PA NYID DANG SMRA @141A *, ,BA 'GAL BA YANG MA YIN NO, ,GANG GI PHYIR 'DI LA 'GAL BA CI ZHIG YOD CES BYA BA YIN NO, ,'DI SNYAM DU LHAN CIG GNAS PAR MA DMIGS PA NYID KYIS 'GAL BA YIN NO, ,GANG ZHIG GANG DANG MI 'GAL BA DE NI DE DANG LHAN CIG MA MTHONG BA YIN TE, DPER NA BUM PA DANG SNAM BU BZHIN NO, ,SMRA BA NI THAMS CAD MKHYEN PA NYID LA MA MTHONG STE DES NA 'GAL BA YOD DO ZHE NA, BSHAD PA, GAL TE 'GRO BA 'DIR BLO ZHAN PA YIN TE, MTHONG BA'I DON YANG SKAD CIG MA NYID MA YIN PA LA SOGS PA'I RNAM PAR NGES PAR BYED PA KHYED NI BLO ZHAN PA YIN NO, ,MTHONG BA NYID LA SOGS PA THAMS CAD NGES PAR BYED PA NI BLO GROS CHEN PO YIN GYI GZHAN NI MA YIN NO, ,MIG KYANG ZHAN PA YIN TE RGYANG RING BA DANG PHRA BA DANG CHOD PA'I DON MI MTHONG BAS SO, ,DE LA GAL TE BLO DANG MI GZHAN PA KHYOD KYIS MI DMIGS PA'I DON MTHONG BA SBYIN PA'I SEMS PA LA SOGS PA BDE BA RGYU NYID LA SOGS PA DANG, GTAN MA MTHONG BA DAG SPONGS NA, 'O NA KHYOD 'JIG RTEN GYI LUGS LAS NYAMS PAR 'GYUR RO, ,CI'I PHYIR ZHE NA, PHA'I THA SNYAD KYI RGYU MA LA MANG LA 'JOG PAR BYED PA GANG YIN PA DE MA DMIGS PAS LDOG PAR THAL BA'I PHYIR RO, ,DES NA SKYED BYED DU MA SHES PA LA PHA ZHES PAR THA SNYAD BYAS PA GANG YIN PA DE MI 'THAD PAR 'GYUR BA DES NA KHYED NYAMS PAR 'GYUR RO, ,DE'I PHYIR LHAN CIG GNAS PA MA MTHONG BA TZAM GYIS LHAN CIG GNAS PA LDOG PA NI MA YIN NA, GANG GIS 'GAL BAR 'GYUR, GAL TE SMRA BA DANG THAMS CAD MKHYEN PA NYID LA 'GAL BA RNAM PA GNYI GA YANG MED PA'I PHYIR MI 'GAL LO ZHE NA NI MA MTHONG DU ZIN KYANG THAMS CAD MKHYEN PA GANG YIN PA DE THAMS CAD SMRA BA YIN NO ZHES BYA BA 'DI 'DRA BA'I LDOG PA NI MI 'GRUB BO, ,MTHONG BA YIN NA NI MI 'GRUB NA, MA MTHONG NA CI LTAR MI 'GRUB CE NA, BSHAD PA, THE TSOM ZA BA'I PHYIR RO, , THAMS CAD MKHYEN PA NYID SMRA BA MTHONG YANG THE TSOM ZA'O, ,THE TSOM ZA BA NYID SGRUB PA'I BSHAD PA, GNOD PAR BYED PA YONG NA NI GZHAN MED PAR NGES PAR BYED DO, ,GAL TE SMRA BA THAMS CAD MKHYEN PA'I GNOD BYED DU RTOGS NAS SMRA BA PO THAMS CAD MKHYEN PA NYID LDOG PAR 'GYUR RO, ,TSIG @141B GNOD PAR BYED PA CI LTAR MA YIN ZHE NA, GANG GI PHYIR DBANG PO LAS 'DAS PA'I DNGOS PO'I GNOD PA NI SHES PAR BLA BA MA YIN TE, GNOD PAR SHES PAR MI NUS SO ZHES BYA BA'I DON TO, ,GAL TE RTAG PA NYID DBANG PO LAS 'DAS KYANG MI RTAG PA NYID LA GNOD BYED DU SHES PA MA YIN NAM, DE LTAR YIN NA SGRA RTAG PAR DOGS PA YANG DGAG TU MED PAR 'GYUR RO ZHE NA, MTSAN NYID MI 'GAL BA ZHES SMOS SO, ,GANG ZHIG GANG YONGS SU SPANGS TE GNAS PA'I RANG BZHIN DE NI DE DANG 'GAL BA'I RANG BZHIN DE'I GNOD PAR BYED PA NYID DE, DPER NA RTAG PA NYID LA MI RTAG PA NYID BZHIN NO, ,DE BZHIN DU SMRA BA PO NYID NI THAMS CAD MKHYEN PA YONGS SU SPANGS TE GNAS PA MA YIN TE, DE'I PHYIR THAMS CAD MKHYEN PA NYID KYI GNOD PA NI SHES PAR NUS PA MA YIN NO, ,DE'I PHYIR SMRA BA PO THAMS CAD NI THAMS CAD MKHYEN PA MA YIN NO ZHES THAMS CAD NYE BAR BSDUS PA DANG LDAN PA KHYAB PAR MA GRUB PO, ,CI LTAR MA KHYAB GANG GI PHYIR SMRA BA PO 'GA' ZHIG THAMS CAD MKHYEN PA NYID MA YIN PA LA SOGS PA'I CHOS JI SNYED DANG LDAN PAR MTHONG BA DE THAMS CAD NI SMRA BA DE THAMS CAD LA 'GYUR BA YIN TE, DES NA MI DMIGS PA'AM 'GAL BA'I PHYIR NI SMRA BA PO THAMS CAD MKHYEN PA MA YIN PA MA YIN GYI, 'ON KYANG THAMS CAD MKHYEN PA MA YIN PA NYID NGES PAS 'GAL BA'I RANG BZHIN THAMS CAD MKHYEN PA NYID 'GOG PA YIN NO, ,BSHAD PA, SMRA BA PO THAMS CAD KYIS CHOS NYID GANG YIN PA STE, GDON MI ZA BAR 'GYUR BA'I RANG BZHIN GANG YIN PA DE YONGS SU GCAD PAR BYA MI NUS PA'I PHYIR RO, ,SMRA BA PO THAMS CAD KYIS CHOS NYID YONGS SU GCOD PA NI GDON MI ZA BAR MED PA YIN TE, SMRA BA PO THAMS CAD KYIS CHOS NYID YONGS SU GCOD PA DE NYID THAMS CAD MKHYEN PAR 'GYUR BA DES NA THAMS CAD MKHYEN PA NYID BKAG PA MA YIN NO, ,'DI SNYAM DU SMRA BA SO SO LA KHO BO CAG GIS CHOS YONGS SU GCAD PAR BYA BA NI MA YIN GYI, 'ON KYANG BDAG NYID RANG GIS RIG PA SMRA BA PO'I CHOS DES GZHAN LA YANG DE DANG 'DRA BAR YONGS SU GCOD PAR BYED DO ZHE NA, GAL TE DE LTAR BDAG LA TSIG DANG LHAN CIG RGYU BAR MTHONG BA GANG YIN PA DE, TSIG MTHONG BA LAS GZHAN LA YONGS SU GCOD NA BDAG LA TSIG DANG @142A *, ,LHAN CIG TU MTHONG BA DKAR SHAM NYID DAM LUS CHE BA NYID GANG YIN PA DE YANG TSIG LAS GZHAN LA RJES SU DPAG PAR BYA BAR 'GYUR RO, ,DE RJES SU DPOG NA YANG MNGON SUM DANG 'GAL BAS HA CANG THAL BAR 'GYUR RO, ,CIG SHOS KYIS SMRAS PA, SKYES BU GZHAN LA MTHONG BA SDO BSANGS NYID GANG YIN PA DE DANG 'GAL BA BDAG NYID LA MTHONG BA'I DKAR SHAM NYID MI SGRUB PA NYID DO ZHE NA, RIGS PA MTSUNGS NA MTHONG BA DANG 'GAL BA YANG CI STE MI SGRUB, 'DI LTAR BDAG LA TSIG DANG LHAN CIG RGYU BAR MTHONG BA'I PHYIR THAMS CAD MKHYEN PA MA YIN PA BZHIN DU DKAR SHAM NYID KYANG GZHAN LA RJES SU DPAG PAR BYA BA NYID DO, ,'ON TE THAMS CAD BSGRUB PAR MI NUS NA DE'I TSE RIGS PA MA YIN NO, ,CI'I PHYIR ZHE NA, MTSAN NYID DANG LDAN PA DKAR SHAM NYID LA 'GAL BA SRID PA'I PHYIR RO, ,TSIG DANG LHAN CIG RGYU BAR MTHONG BA'I MTSAN NYID DANG LDAN PA'I RIGS PA NI TSIG DANG LHAN CIG RGYU BAR MTHONG BA'I DKAR SHAM LA GNOD PA'I PHYIR 'KHRUL PAS NA RIGS PA SUN PHYUNG BAR 'GYUR RO, ,CI'I PHYIR 'DI RIGS PA MA YIN ZHES BRJOD, GANG GI PHYIR BDAG RANG NYID LA CHOS GANG DANG TSIG LHAN CIG MA MTHONG BA DE'I MTHONG BA TZAM GYIS NI TSIG GO BAR BYED PA MA YIN NO, ,'O NA CI ZHE NA, LDOG PA LAS KYANG YIN TE, GAL TE LHAN CIG SPYOD PAR MTHONG BA'I CHOS LDOG NI TSIG KYANG LDOG NA NI GO BAR BYED PAR 'GYUR RO, ,DKAR SHAM NYID NI SKYES BU GZHAN LAS LDOG PA NA TSIG LDOG PA MA YIN NO, ,DES NA DKAR SHAM NYID LDOG NA TSIG LDOG PA MED PA'I PHYIR LDOG PA'I YUL MA YIN PA MTHONG BA DANG 'GAL BA GZHAN NI MI SGRUB PO ZHE NA, GAL TE DE LTA NA CI LTAR SNGO BSANGS LA TSIG 'JUG PAR DKAR SHAM LDOG PA LA MED PAR MA GRUB PA DE BZHIN DU THAMS CAD MKHYEN PA NYID LA 'JUG PAR THE TSOM ZA BAS THAMS CAD MKHYEN PA NYID MA YIN PA MED PA LA MED PAR MA GRUB PAR MTSUNGS SO, ,CI SKAD DU BSGRUB PAR BYA BA DANG 'GAL BA LA ZHUGS PA'AM, ZHUGS PAR THE TSOM ZA BAS BSGRUB PAR BYA BA MED NA TSIG MED PAR MA GRUB PAR MTSUNGS SO ZHES BSHAD DO, ,DES NA MTHONG BA THAMS CAD SGRUB PA NI MA YIN NO, ,GZHAN YANG DKAR SHAM MA YIN PA @142B DE DAG NI BDAG NYID BLTAR RUNG BA NYID KYIS PHAN TSUN SPANGS PA 'GAL BA DMIGS PA YOD PA MA YIN TE, DE'I PHYIR DKAR SHAM MA YIN PA YOD PA LA DKAR SHAM BSGRUB PAR MI NUS PAS BSGRUB PAR BYA BA MA YIN GYI, 'GAL BAR NGES PA GANG GI PHYIR MTHUN PA'I PHYOGS GSAL NAS TE, RANG DANG 'GAL BA SPANGS TE GCIG TU MA NGES PAR BYED PA THAMS CAD MKHYEN PA NYID LA SOGS PA BLTAR MI RUNG BA RNAMS NI MI MTHUN PA'I PHYOGS RANG GI 'GAL ZLA DAG DANG 'GAL BAR YANG NGES PAR MI 'GYUR RO, ,RTAGS MED PA'I PHYIR THAMS CAD MKHYEN PA MA YIN PA LA SOGS PA DE DAG GI NGO BO NGES PA MED PA 'BA' ZHIG TU MA ZAD KYI, RANG GI NGO BO NGES PA YOD DU CHU GA KYANG RANG GI MI MTHUN PA'I PHYOGS DAG DANG 'GAL BAR YANG NGES PAR MI 'GYUR RO ZHES BYA BA NI YANG GI SGRA'I DON TO, ,'DI SKAD BRJOD PA YIN TE, THAMS CAD MKHYEN PA MA YIN PAR RTOGS SU BCUG KYANG DE TZAM GYIS MI MTHUN PA'I PHYOGS DANG BRAL BAR NI MI 'GYUR RO, ,CI STE 'GAL BAR MA NGES NA CI LTAR MI MTHUN PA'I PHYOGS YIN, MI MTHUN PA'I PHYOGS NI 'GAL BA NYID DO, ,MI MTHUN PA'I PHYOGS NA YANG CI LTAR MI MTHUN PA'I PHYOGS SPANGS PA MA YIN ZHE NA, BDEN TE, BLTAR MI RUNG BA RNAMS LA PHAN TSUN SPANGS PAS 'GAL BA YOD PA NYID YIN LA, 'GAL BA GCIG NGES NA GNYIS PA LDOG PA YOD PA NYID DO, ,'ON KYANG BDAG NYID BLTAR RUNG BA NYID KYIS RGYU 'GAL BAR YONGS SU MI SHES PA'I PHYIR THAMS CAD MKHYEN PA MA YIN PA'I RGYU LA YANG THAMS CAD MKHYEN PA NYID 'GYUR BA YIN NO; DES NA 'GAL BAR YANG MI 'GYUR RO, ,'DIR RGYU 'GAL BA 'GOG PA YIN NO, ,RGYU 'GAL BA MED PA'I PHYIR THAMS CAD MKHYEN PA NYID DU 'GYUR BA MA BKAG NA THAMS CAD MKHYEN PA YIN PA NYID MI MTHUN PA'I PHYOGS MA BKAG PA 'GYUR RO, ,'DI LA SPROS PA DANG RJES SU SPROS PA NI LE'U GNYIS PAR BDAG GIS BSHAD ZIN TO, ,DES NA DE LTAR TSIG LAS LHAN CIG SPYOD PA'I CHOS RJES SU DPOG PA BKAG NAS, RJES SU DPOG PAR SMRA BA LA BZHAD GANG DU BYED PA NI, BDAG NYID NANG GIS ZHES BYA BA SEMS LA YOD PAS SO, ,GZHAN GYIS SHES PAR BYA BAR MI NUS PA @143A *, ,BLTAR MI RUNG BA'I CHOS DANG LDAN PAR MTHONG NAS, TSIG TZAM MTSUNGS PAR MTHONG BA'I PHYIR THAMS CAD DU CHOS DE DAG GI NYE BAR BSGRUB PAS DE NYE BAR 'JOG PAS THA SNYAD DU BYED BA STE, CI LTAR SMRA BA PO BDAG CHOS DE DAG DANG LDAN PA YIN NO ZHES SMRA BA'I SKYES BU 'DI RIG PA'I YUL LA NGAL BA'I 'BRAS BU YONGS SU RDZOGS PA STE MTHAR PHYIN PAR GRUB PO, ,CI'I PHYIR ZHE NA, 'DI LTAR GANG ZHIG BSTAN BCOS YONGS SU SHES PA DANG BRAL BA BUD MED RNAMS DANG, DMANGS RIGS RNAMS DANG YANG THUN MONG BA'I KHYAD PAR MI RTOGS PA DE NI 'JIG PA'I 'BRAS BU GRUB PA YIN NO, , DE LTA MA YIN NA DE DAG LAS DE KHYAD PAR DU 'PHAGS PA CI ZHIG YOD, DE DAG NI NGA'I BLO CI LTAR LHA SBYIN MA YIN NO ZHES SMRA BA MTHONG BA MA YIN ZHES BZHAD GANG DU BYED PA'O, ,GANG GI PHYIR MI SHES PAS KYANG DE LTAR RTOGS PAR MI NUS PA DE'I PHYIR, BDAG LA CHOS TSIG DANG LHAN CIG RGYU BAR MTHONG BA TZAM GYIS NI DE GZHAN LA TSIG LAS NYE BAR SGRUB PA MA YIN TE, BDAG LA TSIG DANG LHAN CIG SPYOD PAR MTHONG BAR DE TZAM GYIS NI SMRA BA LA THAMS CAD MKHYEN PA MA YIN PAS KHYAB PA MA GRUB PA'I RGYU'I PHYIR RO, ,DE DE LTAR MA DMIGS PA'I PHYIR THAMS CAD MKHYEN PA LAS TSIG LOG PA MA YIN 'GAL BA'I PHYIR MA YIN, 'GAL BAS KHYAB PA NYID LAS KYANG MA YIN PA DE'I PHYIR MA NGES PAR BRJOD, SNGAR BSHAD PA'I MI DMIGS PA'I MTSAN NYID LAS KYANG 'DI 'DRA BA'I SBYOR BA BYAS PA DANG BYED PAR 'GYUR BA DANG, GZHAN RNAMS THE TSOM GYI RGYU YIN PAR RTOGS PAR BYA STE, MTSAN NYID 'DI TZAM ZHIG NI BRJOD PAR NUS PA YIN NO, ,'DI LTAR 'DI NI MI DMIGS PA'I MTSAN NYID YIN TE, DE NYID BLTAR RUNG BA LAS MI DMIGS PA'I PHYIR RAM, DE DANG 'GAL BA'AM 'GAL BA'I 'BRAS BU LA SOGS PA'AM, 'GAL BAS KHYAB PA DMIGS PA'I PHYIR CIG SHOS 'GOG PA'O, ,MTSAN NYID DE LAS SBYOR BA THAMS CAD THE TSOM GYI RGYUR RTOGS PAR BYA'O, ,DE BZHIN DU 'DOD CHAGS LA SOGS PA DANG LDAN PAR BSGRUB PAR BYA BA LAS 'DI MI MTHUN PA'I PHYOGS LAS LDOG PA MA YIN NO ZHES BSTAN PA'I PHYIR BSHAD PA, 'DOD CHAGS LA SOGS PA YANG DON GZHAN YIN PA'I PHYIR TSIG LAS @143B MI RTOGS PAR RTOGS PAR BYA'O, ,GAL TE TSIG DON GZHAN YIN MOD, DE LTAR NA YANG CI LTAR TSIG LAS MI RTOGS SHE NA, BSHAD PA, TSIG 'DOD CHAGS LA SOGS PA DANG 'BREL PA MED PA'I PHYIR RO, ,'BREL BA MED PA LAS KYANG CI LTAR MI LDOG CE NA, RJES SU DPAG PA'I MTSAN NYID KYIS TE, 'BREL PA MED PAR CI LTAR GO BYED MA YIN PA DE LTAR NI RJES SU DPAG PA'I MTSAN NYID LAS RTOGS PAR BYA BA YIN NO, ,'DI SNYAM DU 'DOD CHAGS YOD NA TSIG YOD LA MED NA NI MED PA DE'I PHYIR TSIG 'DOD CHAGS YOD PA DANG MED PA'I RJES SU BYED PAS CI LTAR DE DANG MA 'BREL ZHE NA, BSHAD PA, 'DOD CHAGS MED NA TSIG MED DO ZHES DE LTAR 'DOD CHAGS LOG NA TSIG LDOG PA NGES PA NI MED DO, ,CI LTAR NGES PA MED, GANG GI PHYIR SMRA BA PO CHAGS PA NA 'DOD CHAGS LAS TSIG MTHONG BA YIN NO ZHE NA, 'DI LTAR LUS KYI G-YO BA DANG NGAG GI TSIG LA SOGS PA NI 'DOD CHAGS DANG ZHE SDANG LA SOGS PA NYID KYI 'BRAS BU MA YIN NO, ,CI'I PHYIR ZHE NA, BSHAD PA, BRJOD PAR 'DOD PA SPYI'I DON BSTAN PAR 'DOD PA TZAM MA, SGRA BRJOD PAR 'DOD PA TZAM RGYU CAN YIN PA'I PHYIR RO, ,DON DANG LDAN PA'I SGRA LA NI GNYI GA RGYU YIN LA DON MED PA LA NI SGRA BRJOD PAR 'DOD PA TZAM RGYU YIN NO, ,'DOD CHAGS YOD KYANG TSIG DE'I RJES SU BYED PA NI MA YIN GYI, 'ON KYANG BRJOD PAR 'DOD PA TZAM GYI'O, ,DES NA TSIG NI BRJOD PAR 'DOD PA'I SPYI'I RGYU CAN YIN PA'I PHYIR 'DOD CHAGS KYI 'BRAS BU MA YIN NO, ,MI TSANGS PAR SPYOD PA LUS KYI BYA BA NI 'DOD CHAGS KYI 'BRAS BU YIN GYI, TSIG NI 'GA' YANG MA YIN PA DES NA DE NYID BRJOD PAR 'DOD PA'I SPYI'I RGYU CAN YIN PAR BRJOD DO, ,GAL TE 'DOD CHAGS NI ZHEN PA NYID YIN LA, SGRA BRJOD PA DANG DON BSTAN PAR 'DOD PA YANG ZHEN PA YIN TE, DES NA DE NYID 'DOD CHAGS YIN NO ZHE NA, 'DOD CHAGS YIN MOD, TSIG BRJOD PAR 'DOD PA'I 'BRAS BU YIN PAR 'DOD PA YIN TE, 'DOD PA'I PHYIR 'DI LA SKYON MED DO, ,BRJOD PAR 'DOD PA LA NI 'DOD CHAGS SU MI SMRA STE, 'ON KYANG RTAG PA DANG BDE BA DANG BDAG GIR MNGON PAR ZHEN PAS 'PHANGS BA LA 'DOD CHAGS SU BRJOD DO, ,'DI LTAR BDAG RTAG PA DANG, BDE BA DANG, BDAG GI BDE BA'I RGYU NYID DU SGRO @144A *, ,BTAGS NAS CHAGS PAR 'GYUR RO, ,'DIR THER ZUG TU GNAS PA NYID NI RTAG PA MA YIN GYI, THA NA SNGA MA DANG PHYI MA'I SKAD CIG GNYIS GCIG TU BYED PA YANG RTAG PAR 'DZIN PA YIN NO, ,DAR 'DZIN PA BDAG TU LTA BA YANG DE'I YUL CAN YIN NO, ,'DOD CHAGS CAN BDAG BDE BAR 'DOD PA NI CI LTAR GZHAN GYI DON LA MI 'JUG PA DE BZHIN DU 'BYUNG BAR 'GYUR BA'I BDE BA DANG LDAN PA SKAD CIG MA PHYI MA RNAMS SHIN TU THA DAD PA YIN PAR MTHONG NAS 'JUG PAR MI 'GYUR RO, ,DE'I PHYIR SEMS YONGS SU BSLANG PA MI RTAG PA DANG BDAG MED PAR SMRA BA RNAMS KYANG 'DOD CHAGS SKYES PA'I DUS NA SNGA MA DANG PHYI MA SKAD CIG CI TZAM PA ZHIG GCIG TU MNGON PAR ZHEN PA YIN NO, ,BDAG TU 'DZIN PA'I YUL YANG DE YIN TE, DES NA 'DOD CHAGS NI RTAG PA DANG BDAG DANG BDAG GIR LTA BA SNGON DU 'GRO BA CAN LA 'KHRUL PA MED DO, ,GANG ZHIG GZHAN GYI DON DU 'JUG GI BDAG GI DON DU MI 'JUG PA NI BDAG GZHAN LA PHAN 'DOGS PA YIN NO ZHES DE LTAR 'JUG PAS SKAD CIG THAMS CAD SNGA PHYI GCIG TU 'GYUR BA LA MI LTOS TE, 'JUG PA'I 'BRAS BU BDAG GYUR PAR MI 'DOD PA'I PHYIR RO, ,RTAG PAR 'DZIN PA SNGON DU 'GRO BA CAN GYI DANG 'DZIN PA NI NYES PA DANG LDAN PA YIN GYI, SKAD CIG TZAM LA DMIGS PA NI MA YIN TE, DE'I DON NI GZHAN LA PHAN 'DOGS PAR BYED PA LAS LDOG PA YIN PA'I PHYIR RO, ,'DIS NI 'DOD CHAGS KYI RGYU BSTAN TO, ,NYON MONGS PA ZAG PA DANG LHAN CIG PA ZAG PA DANG BCAS PA'I CHOS NI BDAG LA SOGS PAR SGRO 'DOGS PA DANG RJES SU 'BREL PA SGRO BTAGS PA'I BDAG DANG RJES SU MTHUN PA'I RANG BZHIN CAN TE, DE'I YUL CAN YIN NO, ,'DIS NI YUL BRJOD DO, ,BDAG DANG BDE BA'I RGYU MI BDEN PA LA MNGON PAR DGA' BA NI MNGON PAR 'DOD PA STE, 'DIS NI 'DOD CHAGS KYI RNAM PA BRJOD DO, BDAG LA SOGS PAR LTA BA CAN SGRO BTAGS PA LA 'DZIN PA MI BDEN PA'I YON TAN LA ZHEN PA'I RNAM PA CAN NI 'DOD CHAGS YIN NO ZHES BYA BA'I DON TO, ,DGA' BA DE'I YUL BDAG DANG BDE BA DANG BDE BA'I RGYU GANG YIN PA DE DANG MI MTHUN PA LA DES ZHES BYA BA MI MTHUN PAS BYAS PA STE, 'DIS NI BDAG LA @144B SOGS PAR LTA BA SNGON DU 'GRO BA CAN DANG ZAG PA DANG BCAS PA'I YUL CAN DU BSTAN PA YIN NO, ,'DI LTAR BDAG LA SOGS PAR LTA BA YOD NA DE DANG MI MTHUN PAR MTHUN PAR MTHONG BA YIN NO, ,BDAG LA SOGS PA DANG MI MTHUN PA YANG SGRO BTAGS NYID DE, BDAG LA SOGS PA MED PA'I PHYIR RO, , 'KHRUL PA NI 'DI NI BDAG GI GZHOM PAR BYA BA YIN NO ZHES GTONG BA'I RNAM PA STE, 'DI NI ZHE SDANG GI RNAM PA BSHAD PA YIN NO, ,'DOD CHAGS DANG ZHE SDANG GNYI GA'I RTEN RTAG PA LA SOGS PAR PHYIN CI LOG NI GTI MUG GO, ,SGRO BTAGS KYI RANG BZHIN 'DZIN PA 'DOD CHAGS LA SOGS PA NI DE KHO NA NYID 'DZIN PA'I BDAG NYID CAN GYI SEMS KYI SKYON YIN PAS 'GA' ZHIG 'DI DAG DANG BRAL BA YANG SRID DE, DE DAG NI TSIG GI RGYUR MA GRUB PA'I PHYIR RO, ,GAL TE DE LTAR NA BRJOD PAR 'DOD PA DANG, SNYING RJE LA SOGS PA YANG BDAG TU LTA BA SNGON DU 'GRO BA CAN DANG, SGRO BTAGS PA 'DZIN PAR 'GYUR RO ZHE NA, BSHAD PA, SNYING RJE LA SOGS PA NI BDAG TU SGRO 'DOGS PA SNGON DU 'GRO BA CAN DE LTA BU MA YIN TE, CI'I PHYIR ZHE NA, GZHAN DU SRID PA'I PHYIR RO, ,BDAG TU LTA BA YOD PA LA MTHONG BA'I PHYIR NI BDAG TU LTA BA SNGON DU 'GRO BA CAN MA YIN GYI, 'ON KYANG DE YOD PA DANG MED PA'I RJES SU BYED PA'I PHYIR RO, ,DE YANG CI LTAR SNGAR SA BON YOD NA PHYIS MYU GU YOD PA NI SA BON YOD PA DANG MED PA'I RJES SU BYED PA CAN YIN PA LTAR SNGA MA DANG PHYI MA LAS NI MA YIN GYI, 'ON KYANG BDAG TU LTA BA'I PHYOGS GCIG YIN PA'I PHYIR TE, BDAG NYID DU MTHONG BA NA BDAG DANG RJES SU MTHUN BA'AM CIG SHOS KYI DNGOS PO MTHONG BAR 'GYUR BA'I PHYIR BDAG TU LTA BA SNGON DU 'GRO BA CAN PHYIN CI LOG TU 'DZIN PA YIN NO, ,SNYING RJE LA SOGS PA NI DE LTA BU MA YIN TE, 'DI LTAR YOD PA'I SDUG BSNGAL DANG BRAL BAR 'DOD PA NI SNYING RJE'O, ,MED PA'I PHAN PA MNGON PAR 'DOD PA NI BYAMS BA'O, , 'ON PAR 'DOD PA'I PHAN PAS DGA' BA NI DGA' BA'O, ,SDUG BSNGAL DANG BRAL BA DANG BDE BA THOB PAR 'DOD PA'I 'OG TU BDE SDUG BTANG SNYOMS PA NI BTANG SNYOMS SO, ,BRJOD PAR 'DOD PA NYID NI RNAM PA GNYIS SU BRJOD DO, ,DE'I PHYIR 'DI DAG NI BDAG LA DMIGS NAS 'JUG @145A *, ,PA MA YIN LA, GZHAN LA PHYIN CI LOG GI RANG BZHIN DU RTOGS PA YANG MA YIN NO ZHES 'DI THAMS CAD NI RNAM 'GREL DU BSHAD ZIN TO, ,'DOD CHAGS LA SOGS PA PHYIN CI LOG DANG, BRJOD PAR 'DOD PA LA SOGS PA PHYIN CI MA LOG PAR GYUR PA DE LA CI LTAR 'DOD CHAGS DANG BCAS PA SMRA BA LTAR TE, CI SKAD BSHAD PA'I 'DOD CHAGS DANG 'BREL PAR SMRA BA DE LTAR 'DOD CHAGS DANG BRAL BA YANG BRJOD PAR 'DOD PA NYID LAS SMRA'O, ,DES NA LDOG PA MED PAS 'BRAS BU MA YIN PA'I PHYIR TSIG TZAM LAS NI 'DOD CHAGS LA SOGS PA MI RTOGS SO, ,CI LTAR TSIG TZAM LAS MA YIN PA DE BZHIN DU TSIG GI KHYAD PAR LAS KYANG RTOGS PA MA YIN TE, 'DOD CHAGS KYI 'BRAS BUR GYUR PA'I TSIG GI KHYAD PAR NYID MA GYUR PA'I PHYIR RO, ,GANG ZHIG 'DOD CHAGS LA SOGS PA LA MI 'KHRUL PA'I TSIG GI KHYAD PAR DE NI YOD PA MI YIN NO, ,TSIG THAMS CAD NI 'DOD CHAGS LA SOGS PA LA 'KHRUL PA'I PHYIR 'BRAS BU NYID MA YIN NO, ,'KHRUL PA YANG CI'I PHYIR ZHE NA, 'DOD CHAGS LA SOGS PA'I 'BRAS BU'I THA SNYAD KYANG ZHE SDANG LA SOGS PA'I 'BRAS BUR MTHONG BA YIN TE, THA SNYAD 'CHOL BA DES NA 'KHRUL PA YIN NO, ,YANG CI LTAR 'DOD CHAGS DANG BRAL BA RJES SU CHAGS PA'I YUL THA SNYAD 'JUG PAR BYED CE NA, BSAM PA RTOGS PAR DKA' BA'I PHYIR RO, ,YUL CAN BSAM PAS YUL MNGON PAR BSAM PA'I DON BRJOD PA YIN TE, THA SNYAD KYI DGOS PA NI RNAM PA DU MA YOD PA DE BAS NA DGOS PA GANG YANG BSAMS NAS 'DOD CHAGS DANG BRAL BA 'DOD CHAGS DANG LDAN PA LTA BUR SPYOD PA MNGON PAR BSAMS PA'I DON DE NI SHES PAR DKA'O, ,'CHOL BA YANG MTHONG BA YIN TE, DE BAS 'KHRUL PA'I PHYIR 'BRAS BU NYID MA YIN NO, ,GAL TE BDAG MTHONG NA DON DU GNYER BAR 'GYUR GYI, BDAG TU LTA BA SPANGS PA LA NI DGOS PA MED PA'I PHYIR RTOGS PA DANG LDAN PA'I THA SNYAD DGOS PA DANG LDAN PAS KHYAB PA MI 'THAD DO, ,DES NA THA SNYAD NYID LAS 'DOD CHAGS LA SOGS PA RJES SU DPOG GO ZHE NA, MI SMRA BA MA YIN TE, GZHAN GYI DON YIN PA'I PHYIR RO, ,BDAG MA MTHONG BA NI BDAG GI DON DU THA SNYAD BYED PAR MI 'GYUR GYI, GZHAN GYI DON DU NI @145B 'GYUR BA NYID DE BDAG TU LTA BA LA MI LTOS PA'I PHYIR RO, ,GZHAN GYI DON GYI THA SNYAD LA YANG DON DU GNYER BA NYID KYIS KHYAB LA, DON DU GNYER BA YANG 'DOD CHAGS YIN NO, ,DES NA BDAG MED PAR RIG PA 'DOD CHAGS DANG BRAL BA LA DON DU GNYER BA MED PA'I PHYIR MI 'THAD DO ZHE NA, MI 'THAD PA MA YIN TE, SNYING RJES KYANG THA SNYAD 'JUG PA'I PHYIR RO, ,GZHAN GYI DON LA 'JUG PA NI RNAM PA GNYIS TE, BDAG NYID BDE BA DON DU GNYER BA DANG, GZHAN SDUG BSNGAL DANG BRAL BA DON DU GNYER BA'O, ,DE LA BDAG DANG SRED PA DANG BRAL BA LA BDAG GI DON MED KYANG GZHAN SDUG BSNGAL DANG BRAL BA DON DU GNYER BAS 'JUG PA NI MI 'GAL LO, ,GAL TE DE LTAR NA DON DU GNYER BA'I RANG BZHIN CAN SNYING RJE DE NYID 'DOD CHAGS YIN NO ZHE NA, DON DU GNYER BA TZAM LA 'DOD CHAGS ZHES KHYED 'DOD PA NI MI 'GOG GO, ,KHO BO CAG 'DOD PA'I 'DOD CHAGS DANG BRAL BA YANG 'DOD CHAGS DANG LDAN PAR THAL BA NI MA YIN TE, 'DI LTAR SNYING RJE DANG 'DOD CHAGS RANG BZHIN NI THA DAD DO, ,GAL TE BDAG TU SGRO 'DOGS PA DANG MI 'DOGS PA DAG GI RANG BZHIN THA DAD PA DE LTAR NA YANG DON DU GNYER BA ZHES BYA BA GANG YIN PA DE NYID 'KHOR BAR GNAS PA'I RGYU YIN LA, SRID PA YANG 'BYUNG BA CAN YANG 'DI NYID YIN NO, DE'I PHYIR 'DI GNYIS 'KHOR BAR GNAS PA'I RGYU NYID DU NI RANG BZHIN THA MI DAD DO ZHE NA, BSHAD PA, MI SDUG PA SGRO BTAGS PA LA MNGON PAR DGA' BA'I SKYES BU GANG YIN PA DE SKYE BAR NYING MTSAMS 'BREL PAR BYED PA'I PHYIR 'KHOR BA'I RGYU NYID DU YANG RANG BZHIN THA DAD DO, ,'DI LTAR BDAG TU LTA BA YONG NA BDAG LA CHAGS PAR 'GYUR RO, ,BDAG LA CHAGS PA LA NI SMAG PA'I MNGAL GYI GNAS SDUG BSNGAL BA LA BDE BAR PHYIN CI LOG PA LAS NI BDAG GI BDE PA DON DU GNYER ZHING DE LAS NI MNGAL YONGS SU 'DZIN PAR BYED LA, MNGAL YONGS SU 'DZIN PA DANG MI MTHUN PA BDAG GI BDE BA DON DU GNYER BA'I LAS KYANG BYED DO, ,CI SKAD DU RNAM 'GREL LAS, SDUG BSNGAL PHYIN CI LOG BLO DANG, ,SRED PA KUN LAS 'CHING BA'I RGYU, ,SKYE BO GANG LA DE MED PA, ,DE YI SKYE BO MI 'BYUNG NGO, ,ZHES BSHAD PA YIN NO, ,RANG GI BDAG LA SRED PA MED PA NI BDAG GI DON DU CUNG ZHIG LEN PA'AM SPONG @146A *, ,BA YOD PA MA YIN TE, DE GANG LAS SKYE BA YONGS SU 'DZIN PAR 'GYUR, GANG GI PHYIR PHYIN CI LOG DANG MNGON PAR DGA' BA DAG SKYE BA YONGS SU 'DZIN PA DE NYID KYI PHYIR PHYIN CI MA LOG PA LAS BYUNG BA NA SNYING RJE NI SKYON MED DO, ,GAL TE SNYING RJE YANG SKYON 'DZIN PAR BYED NA NI PHYIN CI LOG LAS BYUNG BA NYID MA YIN YANG SKYON NYID DU 'GYUR RO, ,GAL TE SNYING RJE YANG PHYIN CI LOG LAS BYUNG BA NYID MA YIN MOD, BDAG MED PA MTHONG BA LA NI DE MI 'THAD DO, ,GANG GI PHYIR SNYING RJE LA 'JUG PAR 'GYUR BA DE BDAG MA MTHONG BA YIN NA, GZHAN SDUG BSNGAL DANG BRAL BA GANG GIS BYED CE NA, SNYING RJE NI ZHES SMOS SO, ,BDAG TU 'DZIN PA MED KYANG RE ZHIG SKAD CIG MA SDUG BSNGAL TZAM NI MTHONG BA YIN NO, ,SNGAR SEMS CAN DU 'DZIN PA'I DUS NA YANG SDUG BSNGAL GYI RGYU CAN GYI SNYING RJE GOMS PA YIN TE, DES NA SDUG BSNGAL TZAM MTHONG BAS SNGON GOMS PA'I STOBS LAS SKYE BA YIN NO; DE'I PHYIR CI LTAR BDAG GI DON LA 'JUG PA LTAR SKAD CIG SNGA PHYI DAG GCIG TU BYED PA'I PHYIR BDAG NYID SDUG BSNGAL DANG BRAL BA'I BYED PA POR BSAMS NAS 'JUG PA NI MA YIN GYI, 'ON KYANG SDUG BSNGAL DANG BRAL BA'I DON DU GNYER BA'I SKAD CIG THAMS CAD SNGON GOMS PA LAS NGA'O NGA'O SNYAM PA DE LTAR SKYE'O, ,DE LA RANG GI 'BRAS BU LA SBYOR BAR BYED PA NI 'GA' ZHIG KHO NA YIN GYI THAMS CAD NI MA YIN NO, ,'DI RIGS PA TZAM GYIS RANG 'DOD DU SMRAS PA NI MA YIN TE, 'DI LTAR MDO LAS, BCOM LDAN 'DAS KYIS BYAMS PA DANG SNYING RJE LA SOGS PA NI SO SO'I SKYE BO RNAMS KYI SEMS CAN LA DMIGS PA DANG, GANG ZAG LA BDAG MED PA RIG PA'I CHOS LA DMIGS PA DANG, GZUNG BA DANG 'DZIN PA GNYIS KYI RNAM PA DANG BRAL BA RNAMS KYIS DMIGS PA MED PAR BSTAN TO, ,GAL TE SEMS CAN LA DMIGS PA NI SO SO'I SKYE BOS GOMS PAR BYAS PAS YIN NA CHOS LA DMIGS PA GOMS PA MED PAR CI LTAR SKYE ZHE NA, BSHAD PA, BYAMS PA DANG SNYING RJE DANG DGA' BA DANG BTANG SNYOMS DE DAG KYANG RIGS MTHUN PA GOMS PA LAS 'JUG PA GANG DAG LA YOD PA'O, ,KHYAD PAR NI 'DI TZAM DU ZAD DE, CI SRID SEMS CAN DU MTHONG @146B BA DE SRID DU NI SEMS CAN LA DMIGS PA YIN LA, CI SRID CHOS MTHONG BA DE SRID DU NI CHOS LA DMIGS PA YIN NO, ,'DI DAG GI RIGS MTHUN PA GOMS PA YOD PA DANG KHYAD PAR DU GYUR PA'I RJES SU BYED PAR NI MTHONG BA NYID DO, ,'O NA BDAG TU LTA BA LOG KYANG BDAG TU LTA BA SNGON DU 'GRO BA CAN DAG LAS GZHAN PA'I 'DOD CHAGS LA SOGS PA GOMS PA LAS 'JUG PAR 'GYUR TE, SNYING RJE LA SOGS PA BZHIN NO ZHE NA, BSHAD PA, GANG GIS BDAG TU LTA BA LOG PA LA YANG 'JUG PAR 'GYUR BA 'DOD CHAGS LA SOGS PA NI RIGS MTHUN PA GOMS PA LA 'JUG PA DE LTAR MA YIN NO, ,CI'I PHYIR ZHE NA, PHYIN CI LOG MED NA MED PA'I PHYIR RO, ,'DOD CHAGS LA SOGS PA PHYIN CI LOG GI RJES SU BYED PA YANG DE MA THAG TU BSHAD PA YIN NO, ,'O NA SKYON MED PA'I PHYIR 'DOD CHAGS DANG BRAL BA LA YANG SNYING RJE LA SOGS PA YOD DU CHUG MOD, DE LTA NA YANG SNYING RJE CAN GYIS GZHAN GYI DON RTZOM PA 'BRAS BU MED PA YANG PHYIN CI LOG NYID LAS YIN NO, ,'DI LTAR RTOGS PA DANG LDAN PA'I 'JUG PA NI 'BRAS BU MED PA MA YIN NO, ,SKAD CIG MA 'BRAS BU DANG LDAN PA MA YIN TE MI GNAS PA'I PHYIR RO, ,DE'I PHYIR BDAG NYID YUN RING DU GNAS PA GZHAN GYI DON GYI 'OG TU 'BRAS BU LDAN PAR MTHONG NAS 'JUG PA YIN NO, ,DE LTA YIN DANG PHYIN CI LOG NYID LA 'JUG PA YIN NO ZHE NA, DE LTA NI MA YIN NO, ,GANG GI PHYIR GAL TE GZHAN GYI DON LAS MA GTOGS PA BDAG NYID LA GNAS PA'I 'BRAS BUR 'DOD PA YIN NA NI PHYIN CI LOG LAS 'JUG PAR 'GYUR RO, , 'DOD PA NI MA YIN TE GZHAN GYI DON DE NYID 'JUG PA'I 'BRAS BUR 'DOD PA'I PHYIR RO, ,'DOD MOD DE NYID 'BRAS BUR CI LTAR 'GYUR ZHE NA, 'BRAS BU'I MTSAN NYID NI 'DOD PA YIN PA'I PHYIR RO, ,GANG ZHIG MNGON PAR 'DOD PA DE NYID 'BRAS BU YIN GYI GZHAN NI MA YIN NO, ,DES NA GZHAN GYI DON LA 'JUG PA PHYIN CI LOG MA YIN NO, ,DE'I PHYIR SNYING RJES THA SNYAD DU 'GYUR BA'I 'DOD CHAGS DANG BRAL BA LA SOGS PA'I DBANG GIS CHAGS PA DANG BCAS PA LTA BUR 'GYUR BA YIN PA'I PHYIR TSIG GI KHYAD PAR LAS 'DOD CHAGS RJES SU DPOG PA MA YIN TE, 'BRAS BU MA YIN PA'I PHYIR RO, ,GAL @147A *, ,TE 'DOD CHAGS KYI 'BRAS BU YIN PA'I PHYIR TSIG LAS 'DOD CHAGS RJES SU DPOG PA NI MA YIN GYI, 'ON KYANG SMRA BA PO BDAG LA 'DOD CHAGS LA SOGS PA SMRA BA PO NYID DANG LHAN CIG SPYOD PAR MTHONG BAS GZHAN LA YANG SMRA BA PO NYID MTHONG BA LAS LHAN CIG SPYOD PA'I 'DOD CHAGS LA SOGS PA RJES SU DPOG PA YIN NO ZHE NA, 'DI LAS SMRA BA PO BDAG LA DKAR SHAM NYID MTHONG BA'I PHYIR SMRA BA PO NAG PO LA YANG DKAR SHAM NYID RJES SU DPOG PAS HA CANG THAL BAR 'GYUR RO ZHES BSHAD ZIN TO, ,'ON TE TSIG DKAR SHAM NYID LA 'KHRUL PA'I PHYIR RJES SU MI DPOG NA 'DOD CHAGS LA SOGS PA RJES SU DPOG PAS NA 'DI LA YANG MI 'KHRUL BAR CI LTAR NGES, MA MTHONG BA'I PHYIR RO ZHE NA, MTHONG BA LA YANG ZHUGS PA DANG THE TSOM ZA BA DAG GIS MI 'KHRUL PAR NGES PA MED PAR MTSUNGS SO ZHES GONG NYID DU BSHAD ZIN TO, ,GZHAN YANG DKAR SHAM DANG DKAR SHAM MA YIN PA BLTAR RUNG BA'I BDAG NYID DAG NI 'GAL BA MED PA'I PHYIR LHAN CIG TU 'GYUR BA 'AM, RANG BZHIN 'GAL BA'I PHYIR DANG RGYU 'GAL BA'I PHYIR LHAN CIG TU 'GYUR BA MA YIN PAR MTHONG GI, LKOG TU GYUR PA DBANG PO LAS 'DAS PA 'DOD CHAGS DANG BRAL BA NI 'DOD CHAGS LA SOGS PA DANG LDAN PAR RJES SU DPAG KYANG MED PAR NGES PA RNYED PAR DKA'O, ,'DI LTAR PHAN TSUN SPANGS TE GNAS PA'I PHYIR GANG GI TSE CHAGS PA DANG BCAS PA DE NYID KYI TSE 'DOD CHAGS DANG BRAL BA MA YIN YANG 'DOD CHAGS DANG BRAL BLTAR MI RUNG BA'I RGYU MA MTHONG BA'I PHYIR 'DOD CHAGS CAN GYI RGYUD LA DUS GZHAN GYI TSE SKYE BA MED PAR NGES PA NI 'GA' YANG MED DO, ,DE'I PHYIR RGYU 'GAL BA MTHONG BA MED PAS NA RGYUD GCIG LA RIM GYIS 'BYUNG BA'I 'DOD CHAGS DANG LHAN CIG TU 'BYUNG BAR 'GYUR RO, ,GANG GI PHYIR BDAG LA LHAN CIG SPYOD PA LAS RJES SU DPOG PA MA YIN PA'I RGYU DE'I PHYIR TSIG GIS NI LCE RTZE LA SOGS PA'I YON TAN BRJOD PAR NUS PA DANG, DON DANG LDAN PA LAS NI BRJOD PAR 'DOD PA RNAM PA GNYIS RJES SU DPOG PAR BYED LA, DON MED PAS NI SGRA BRJOD PAR 'DOD PA NYID RJES SU DPOG PAR BYED DO, ,GAL TE RJES SU DPAG PA 'DIR YANG SMRA BA PO BDAG LA BYED PA'I YON TAN LA SOGS PA MTHONG BAS @147B THAMS CAD LA RJES SU DPOG PA MA YIN PA ZHES BYA BA'I THAL BA 'DI MTSUNGS SO ZHE NA, MTSUNGS PA MA YIN TE, TSIG DANG BRJOD PAR 'DOD PA DE DAG RANG GI RGYUD 'DIR RJES SU 'GRO BA DANG LDOG PA DAG LAS RGYU DANG 'BRAS BU NYID DU GRUB PA GANG YIN PA DES RGYUD GZHAN LA YANG RJES SU DPOG PA RGYU'I PHYIR RO, , BYED PA'I YON TAN DANG BRJOD PAR 'DOD PA YOD PA'AM, KHYAD PAR DU GYUR NA TSIG YOD PA DANG KHYAD PAR DU 'GYUR BA'I PHYIR RGYU DANG 'BRAS BU'I DNGOS PO NYID DU NGES PAS GZHAN DU RTOGS PAR BYED DO, ,DPER NA TSANG BANG DU ME DANG DU BA DAG RGYU DANG 'BRAS BU'I DNGOS PO NYID DU MTHONG BAS SA PHYOGS SU MA GRUB PA RJES SU RTOGS PAR BYED PA BZHIN NO, ,MI SDUG PA LA DGA' BA 'DOD CHAGS DANG BDAG TU LTA BA ZHES BYA BA'I PHYIN CI LOG DANG TSIG NI LHAN CIG DE LTAR BSKYED BYA SKYED BYED KYI DNGOS PO RANG GI RGYUD LA GRUB PA MA YIN NO, ,DE CI'I PHYIR ZHE NA, BDAG NYID LA GZHAN DU ZHES BYA BA PHYIN CI LOG DANG, MI SDUG PA LA DGA' BA MED PAR 'GYUR BA'I PHYIR RO, ,GAL TE DE LTAR NA 'DOD CHAGS NYID TSIG LAS MI DPOG GI, 'ON KYANG 'DOD CHAGS SKYED PAR RUNG BA NYID DO, ,'DOD CHAGS BZHIN DU 'DOD CHAGS SKYED PAR RUNG BA NYID LA NI TSIG 'KHRUL PA MA YIN TE, RUNG BA NYID MED PAR TSIG MA MTHONG BA'I PHYIR RO ZHE NA, DE ZHES SMOS TE, TSIG LAS RUNG BA NYID DE RJES SU DPOG PAR KHAS LEN NA 'DOD CHAGS SKYED PAR RUNG BA NYID DANG BRAL BA LA SMRA BA MA MTHONG BA'I PHYIR RGYU DANG 'BRAS BU NYID DU GRUB PAR 'DOD PA GANG YIN PA DE NI MED PA NYID DO, ,CI'I PHYIR ZHE NA, RUNG BA NYID MED NA TSIG LDOG PAR MA GRUB PA'I PHYIR RO, ,CI LTAR MA GRUB, GANG GI PHYIR SEMS PA MED PA DAG LAS 'DOD CHAGS DAG SKYED PAR RUNG BA NYID LOG NA TSIG LDOG PA'I PHYIR SEMS MED PA NYID LDOG PA'I YUL YIN NO ZHE NA, GANG GI PHYIR 'DI 'DRA BA'I LDOG PAS NI RGYU'I 'BRAS BU SKYED PAR NUS PA MI 'GRUB PO, ,CI LTAR ZHE NA, 'DI LTAR ZHE NA, 'DI LTAR NUS PA SHES PAR BYA BA GCIG PO DE LAS GZHAN PA'I RGYU DAG YOD PA NA 'BRAS BU MED PA'I PHYIR LTOS PAS BYA BA GZHAN RJES SU DPOG PAR BYED DO, ,DE'I PHYIR 'DI 'DRA BA RGYU GZHAN MTHA' DAG NYE BA MED PA'I LDOG PA NI RGYU NYID @148A *, ,DU 'GRUB PA'I RGYU MTSAN MA YIN GYI, RGYU GZHAN MTHA' DAG NYE BA DANG LDAN PA'I LDOG PA YIN NO, ,RNAM PA 'DI LTA BU NI SEMS MED PA DAG LA MI 'GRUB PO, ,CI'I PHYIR ZHE NA, DE DAG LA SEMS PA DANG BYED PA'I YON TAN DANG, BRJOD PAR 'DOD PA SGRA SKYED PA LA NUS PA MTHONG BA'I RGYU NYID MED PA'I PHYIR RO, ,DE LTA YIN DANG CI NUS PA MTHONG BA'I RGYU MED PA'I PHYIR TSIG MED PA YIN NAM, 'ON TE 'DOD CHAGS SKYED PAR RUNG BA NYID MED PAS YIN ZHES THE TSOM ZA BA'I RGYU NYID DU NGES PA NI MA YIN NO, ,GZHAN YANG 'DOD CHAGS SKYED PAR RUNG BA NYID TSIG GI RGYU YIN NA 'DOD CHAGS DANG TSIG GNYIS TSOGS PA GCIG LA RAG LAS BAS DNGOS SU YIN NAM, RUNG BA NYID KYI 'BRAS BU 'DOD CHAGS TSIG GI RGYU YIN PAS BRGYUD NAS YIN, DE LA GAL TE DNGOS SU RGYU YIN NA 'DOD CHAGS KYIS PHAN MI 'DOGS NA CI LTAR 'DOD CHAGS DE'I NUS PAS PHAN 'DOGS TE TSIG SKYED PA LAS BYED PA 'JUG ,'DI LTAR GNAS DANG BYED PA 'PHROD PA'I RGYU YIN PA'I SGO NAS DE MA THAG PA'I RKYEN TSIG GI RGYUR 'GYUR RO, ,DE MA THAG PA'I RKYEN DE LAS 'DOD CHAGS SKAD CIG GNYIS PA LAS 'GYUR LA, BYED PA 'PHROD PA NI SKAD CIG DU MA KHYAB PA YIN NO, ,DES NA CI LTAR TSIG BRJOD PAR 'DOD PA'I RGYU CAN YIN PA DE BZHIN DU 'DOD CHAGS KYI 'BRAS BU YANG YIN TE, GNYI GA'I YOD PA DANG MED PA'I RJES SU BYED PA'I PHYIR RO, ,'ON TE GNYI GA YANG SKAD CIG GNYIS PA LA YANG 'GYUR BA YIN NO, DE LTA NA YANG RJOD PAR BYED PA YI GE'I TSOGS SKAD CIG DU MAR GNAS PA YIN PA'I PHYIR 'DOD CHAGS KYI 'BRAS BU NYID DU 'GRUB PA NYID DO, ,'DOD CHAGS KYI 'BRAS BU YANG MA YIN TE, DES NA TSOGS PA GCIG LA RAG LAS PA'I PHYIR 'DOD CHAGS SKYED PAR RUNG BA NYID TSIG GI RGYU MA YIN NO, ,'DOD CHAGS KYIS DNGOS SU PHAN MI 'DOGS NA DE'I NUS PA BRGYUD PAS KYANG PHAN 'DOGS PAR 'GYUR PA MA YIN NO, ,CI'I PHYIR ZHE NA, 'BRAS BU'I RANG GI NGO BO YON TAN SKYED PAR BYED PA NYID LA SOGS PA'I CHOS RGYU NUS PA LA NYE BAR BTAGS PA'I RGYU'I PHYIR RO, ,'BRAS BU GANG LA 'BRAS BU'I RANG GI NGO BO DES MI NUS PA DE LA RGYU'I NUS PAS KYANG NUS PAR BRTAG @148B PA MA YIN NO, ,BRGYUD PA 'GA' ZHIG 'GA' ZHIG GI SKYED PAR BYED PA ZHES BYA BA NI MED DE, DE MED KYANG CHOD PA'I 'BRAS BU NI THAMS CAD KYI TSE GZHAN LAS YOD PA'I PHYIR RO, ,DE'I PHYIR RGYU'I RGYU YIN PAS NYE BAR BTAGS NAS RGYUR BRJOD PA YIN NO, ,'BRAS BUS PHAN MI 'DOGS NA NI SA BON MED PA'I PHYIR RGYU NUS PA YIN NO ZHES BRJOD PAR NUS PA MA YIN NO, ,GAL TE TSOGS PA GANG LAS TSIG 'JUG PA DE BRGYUD NAS 'DOD CHAGS LA RUNG BA YIN PAR RJES SU DPOG GO ZHE NA, DE YANG MI RIGS TE, GANG GI PHYIR 'DOD CHAGS NI BDAG TU LTA BA LAS YIN NA BDAG TU LTA BA TSIG GI RGYU NI MA YIN NO, ,DES NA RGYU'I TSOGS PA MED PA'I PHYIR RUNG BA NYID RJES SU DPAG PA MA YIN NO, ,TSOGS PA YIN YANG GEGS BYED PA SRID PA'I PHYIR NGES PAR 'DOD CHAGS RJES SU DPOG PA MA YIN NO, ,GANG GI PHYIR LDOG PA LA THE TSOM ZA BAS RGYU DANG 'BRAS BU'I DNGOS PO NYID MA YIN PA DE PAS NA LDOG PA NGES PA MED NA MI 'BYUNG BA GANG YIN PA DE NYID RGYU YIN LA, DE YANG 'BRAS BUS RJES SU DPOG PAR BYED DO, ,DE'I PHYIR RGYU NYID RJES SU DPOG PAR BYED DE, 'BRAS BU DER 'BREL PA'I PHYIR RO, ,GZHAN 'BRAS BU MA YIN PA NI MA YIN NO, ,GAL TE BSGRUB BYA MED PA LA MA MTHONG BA GANG YIN PA DE NI GO BAR BYED PA YIN NO ZHE NA, BSHAD PA, BSGRUB PAR BYA BA MED PA LA MA MTHONG YANG GO BAR BYED PA CUNG ZAD MA YIN NO, ,GANG GI PHYIR BSGRUB PAR BYA BA MED PA LA GTAN TSIGS MED PAR GO BAR BYED PAS MA MTHONG BA GTAN TSIGS GO BAR BYED PA YIN GYI, RANG GI NGO BO TZAM GYIS NI MA YIN NO, ,THAMS CAD GZIGS PA'I GZIGS PA LOG PAS NI MA MTHONG BA THAMS CAD MED PAR GO BAR BYED PA YIN GYI, GZHAN GYI NI MA YIN NO, ,DE'I PHYIR MI MTHUN PA'I PHYOGS LA MA MTHONG YANG GTAN TSIGS GO BAR BYED PA MA YIN NO; GAL TE RNAM PAR SHES PAR RIGS DRUG YOD LA, DE DAG KYANG THAMS CAD 'DOD CHAGS SKYED PAR RUNG BAR MTHONG BA YIN NO, ,DES NA RTOGS PA'I RANG BZHIN LTAR 'DOD CHAGS LA SOGS PA SKYED PAR RUNG BA NYID KYANG SHES PA THAMS CAD KYI RANG BZHIN MTHONG BA YIN LA, TSIG RNAMS DE LTA @149A *, ,BU'I 'BRAS BU YIN PA DES NA GZHAN DU MA MTHONG BA'I PHYIR LDOG PAR 'GYUR RO ZHE NA, DE NI MI RIGS SO, ,CI'I PHYIR ZHE NA, YUL LAM, DUS LA NA DE LTAR ZHES BYA BA BSKAL PA DANG TSAD CHUNG DU NA DU MTHONG BA RNAMS KYANG YUL GYI KHYAD PAR DANG, DUS KYI KHYAD PAR DANG, 'DU BYA BA'I KHYAD PAR LAS GZHAN DU ZHES BYA BA DANG RAB DANG 'BRAS BU CHEN POR SNANG BA'I RGYU'I PHYIR RO, ,DPER NA SKYU RU RA'I SHING DAG 'O MAS BCUS PA'I 'DU BYA BA'I KHYAD PAR GYIS NI 'BRAS BU RO MNGAR PO 'CHAGS LA, PHAL CHER NI DE LTAR 'BRAS BU MNGAR PO CHAGS PAR MI SNANG BA LTA BU'O, ,DES NA LA LAR 'GA' ZHIG PHAL CHER MTHONG BA DE LTAR THAMS CAD DU 'GYUR BA 'AM, CI LTAR MA MTHONG BA DE LTAR MI 'GYUR BA YANG MA YIN NO ZHES BRJOD PA YIN NO, ,DE BZHIN DU YUL GYI KHYAD PAR GYIS 'BRAS BU GO SRID PA DANG, DUS KYI KHYAD PAR GYIS ME TOG LA SOGS PA SRID PA YIN NO, ,DE BZHIN DU RNAM PAR SHES PA 'GA' ZHIG SMRA PA LA RUNG BA NYID YANG 'DOD CHAGS SKYED PAR RUNG BA LA RUNG BA MA YIN PAR 'GYUR RO, ,'DI LTAR GZUGS LA SOGS PA'I RANG BZHIN SKYU RU RA LA LAR GZUGS DANG RO DANG CHEN PO NYID LA SOGS PA GZHAN DU MTHONG YANG, 'DU BYED PA'I BYE BRAG GIS THA DAD PAR 'GYUR PA DE BZHIN DU RNAM PAR SHES PA RTOGS PA'I RANG BZHIN CAN 'GA' ZHIG RES 'GA' 'DOD CHAGS SKYED PAR RUNG BA NYID DU MTHONG YANG RGYU'I STOBS KYIS GZHAN DU RUNG BA MA YIN PAR 'GYUR RO, ,'DI LTAR 'O MAS BCUS PA BZHIN DU RNAM PA MI GSAL BA'I SHES PA GSAL BA'I RGYU NI GOMS PA YIN NO, , BDAG MED PA DMIGS PA'I SHES PA GSAL BAR SNANG BA NYID NI 'DOD CHAGS DANG BRAL BA YIN LA, CHOS THAMS CAD SKAD CIG MA NYID LA SOGS PA LA DMIGS PA GSAL BAR SNANG BA'I SHES PA NI THAMS CAD MKHYEN PA YIN NO, ,GAL TE RTOGS PA BZHIN DU 'DOD CHAGS KYI RUNG BA RNAM PAR SHES PA'I RANG BZHIN YIN NA, RNAM PAR SHES PA GANG YANG GOMS BA LAS GSAL BAR SNANG BAR MI 'GYUR RO, ,DE BAS NA MNGON SUM DU BYAS PA'I GSAL BAR SNANG BA GOMS PA'I RGYU MTSAN GYIS 'PHEL BA NYID 'DOD CHAGS LA SOGS PA'I RUNG BA SHES PA'I RANG BZHIN @149B YIN PA LA GNOD PAR BYED PA YIN NO, ,GANG GI PHYIR GZHAN DU MTHONG BA YANG RGYU'I STOBS KYIS GZHAN DU YANG 'GYUR BA DE YANG TSIG TZAM LAS NI MA YIN GYI, 'ON KYANG BDAG LTA BU SMRA BA PO BDAG DANG 'DRA BA'I KHYAD PAR CAN GYI SMRA BA LAS 'DOD CHAGS KYI RUNG BA NYID RJES SU DPAG PAR RIGS PA YIN NO, ,DE LAS KYANG CI LTAR RIGS SHE NA, BSHAD PA, DE DANG 'DRA BA'I SMRA BA PO NI 'DOD CHAGS SKYE BA'I RGYU BDAG TU LTA BA DANG, LOG PA'I RNAM PAR RTOG PA DANG LDAN PA'I PHYIR RO, ,'O NA 'DI NYID KHYAD PAR DU 'GYUR RO ZHE NA, GANG GI TSE LA LAR KHYAD PAR 'DI 'DRA BA 'GRUB PAR 'GYUR BA DE'I TSE YANG SMRA BA PO NYE BAR BKOD [?] PA NI DON MED DO, ,KHYAD PAR 'DI NI 'GA' ZHIG TU YANG GRUB PA MA YIN TE, THABS MED PA'I PHYIR RO, ,DE'I PHYIR 'DI YANG MA MTHONG BA YOD KYANG LDOG PA LA THE TSOM ZA BA YIN NO, ,LDOG PA LAS THE TSOM ZA BA'I PHYIR MA NGES PA YIN NO, ,TSUL RE RE MA GRUB PA DANG, MA NGES PA'I GTAN TSIGS LTAR SNANG BAR BRJOD NAS, GNYIS MA GRUB PA 'AM THE TSOM ZAN CI RIGS PAR BRJOD PA'I PHYIR BSHAD PA, TSUL GNYIS MA GRUB NA 'GAL BA'I GTAN TSIGS LTAR SNANG BA'O, ,DPER BRJOD PA SMRA BA NI DPER NA ZHES BYA BA'O, ,RTAG PA NYID SGRUB PA LA RANG BZHIN BYAS PA NYID DANG, 'BRAS BU RTZOL BA LAS BYUNG BA NYID NI 'GAL BA YIN PA BZHIN NO, ,CI LTAR 'DI LA TSUL GNYIS MA GRUB CE NA, GANG GI PHYIR GTAN TSIGS DE DAG NI MTHUN PA'I PHYOGS LA MED PA NYID DANG, MI MTHUN PA'I PHYOGS NYID LA YOD PA YIN TE, DE'I PHYIR TSUL GNYIS MA GRUB PA YIN NO, ,GAL TE MA GRUB PA TZAM GYIS NI 'GAL BA MA YIN GYI, 'ON KYANG PHYIN CI LOG TU GRUB PA LAS MA YIN NAM ZHE NA, BDEN TE, 'ON KYANG GANG DU GANG ZHIG PHYIN CI LOG TU GRUB PA DE DER MA GRUB PA YANG YIN TE, DE NA MA GRUB PAS PHYIN CI LOG TU GRUB PA MTSON BA YIN NO, ,DES NA PHYIN CI LOG TU GRUB PO ZHES CI SRID BRJOD PA DE SRID MA GRUB PAR BRJOD DO, ,GANG GI PHYIR PHYIN CI LOG TU GRUB PA DES NA GTAN TSIGS 'DI DAG BSGRUB PAR BYA BA PHYIN CI LOG TU SGRUB PAR BYED PA DE'I PHYIR 'GAL BA'I GTAN TSIGS YIN NO, @150A *, ,DE BAS NA MA GRUB PA NA PHYIN CI LOG TU GRUB PA YIN NA, ,GAL TE BSGRUB BYA PHYIN CI LOG TU GRUB PA'I 'GAL BA 'DI GNYIS LAS GZHAN 'DOD PA'I BSGRUB PAR BYA BA LA GNOD PAR BYED PA STE, 'GOG PA'I 'GAL PA GSUM PA YANG YOD PA MA YIN NAM, DE CI 'DRA BA ZHIG CE NA, DPER NA ZHES BYA BA SMOS TE, MIG LA SOGS PA NI CHOS CAN TE, GZHAN GYI DON YIN NO ZHES BYA BA NI BSGRUB PAR BYA'O, ,'DUS PA YIN PA'I PHYIR ZHES BYA BA NI GTAN TSIGS SO, ,DPER NA MA LA CHA DANG STAN DANG SKYES BU'I NYE BAR SPYOD PA'I YAN LAG 'DUS PA'I RANG BZHIN GZHAN RUNG BA BZHIN TE, 'DI NI 'DOD PA LA GNOD PAR BYED PA'O, ,CI LTAR ZHE NA, DE NI 'DOD PA 'DUS PA YIN PA GZHAN GYI DON BYED PA LAS PHYIN CI LOG 'DUS PA GZHAN GYI DON BYED PA DE SGRUB PA'I PHYIR 'DOD PA LA GNOD PAR BYED PA'I 'GAL BA YIN NO, ,KHYOD KYIS KYANG DE'I PHYIR MA SMOS SHE NA, GTAN TSIGS BSHAD PA, 'DOD PA DANG SMRAS PA BSGRUB PAR BYA BA NYID DU KHYAD PAR MED PA'I RGYU'I PHYIR MA SMOS SO, ,MDOR GZHAG PA'I TSIG 'DI NYID RNAM PAR DGROL BA'I PHYIR BSHAD PA, GANG GI PHYIR DE DAG LAS 'DI BSGRUB PAR BYA BA PHYIN CI LOG TU SGRUB PA NYID NI BYE BRAG YOD PA MA YIN NO, , CI'I PHYIR ZHE NA, GANG GI PHYIR 'DOD PA DANG SMRAS PA DAG BSGRUB PAR BYA BA NYID DU KHYAD PAR 'GA' YANG MED DO ZHES PHYOGS KYI MTSAN NYID KYI SKABS SU BSHAD ZIN TO, ,DE BAS NA BSGRUB BYA PHYIN CI LOG TU SGRUB PA'I PHYIR 'DI 'GAL BA DE NYID KYI NANG DU 'DUS PAR LOGS SHIG TU MA BRJOD DO, , 'DOD PA DANG SMRAS PA DAG BSGRUB PAR BYA BA NYID DU KHYAD PAR YOD PA KHAS LEN NA NI CI LTAR 'DOD PA LA GNOD PAR BYED PA'I 'GAL BA LOGS SHIG TU BRJOD PA DE BZHIN DU 'DOD PA SGRUB PAR BYED PA'I GTAN TSIGS KYANG BSGRUB BYA SGRUB PA'I GTAN TSIGS LAS LOGS SHIG TU BRJOD PAR 'GYUR RO; BRJOD PA YANG MA YIN TE, DES NA BSGRUB BYA SGRUB PAR BYED PA'I GTAN TSIGS GCIG NYID KYI TSIG GIS BSGRUB PAR BYA BA NYID DU KHYAD PAR MED PAR BSTAN TO, GANG GI PHYIR BSGRUB PAR BYA BA NYID DU KHYAD PAR MED BA DE NYID KYI PHYIR DE PHYIN CI LOG TU SGRUB PA'I 'GAL BA YANG GCIG @150B NYID DO, ,GAL TE BSGRUB BYA PHYIN CI LOG TU SGRUB PA'I 'GAL BA GCIG NYID YIN NA, 'O NA CI LTAR 'DOD PA LA GNOD PA BYED BA'I 'GAL BA GZHAN DU BSHAD CE NA, BSHAD PA, 'GAL BDE'I THA DAD PA NI SBYOR BA SGRA'I BYED PA'I BYE DRAG LA STE, GANG DU SGRAS NYE BAR BKOD PA'I BSGRUB BYA GNOD PA DE NI 'GAL BA YIN LA, GANG DU DON GYIS THOB PA GNOD PAR BYAS PA DER NI 'DOD PA LA GNOD PAR BYED PA YIN NO, ,GANG DU 'DOD PA LA GNOD PAR BYED PA DER YANG DPER NA 'DI DAG NI 'DUS PA MA YIN PA'I YUL CAN GZHAN GYI DON BYED PA YIN NO ZHES BYA BA LTA BUR GAL TE 'DOD PA DE CHOS KYI KHYAD PAR DU BYED PA DE'I TSE NI CHOS KYI KHYAD PAR PHYIN CI LOG TU SGRUB PA'I 'GAL BA YIN LA, GANG GI TSE 'DOD PA DE CHOS CAN GYI KHYAD PAR DU BYED PA DE'I TSE CHOS CAN GYI KHYAD PAR PHYIN CI LOG TU SGRUB PA'I 'GAL BA YIN NO, ,GAL TE SBYOR BA'I BYE BRAG LAS THA DAD PA YIN NA DE BZHIN DU GTAN TSIGS KYANG CI STE THA DAD PAR MI 'DOD CES DOGS NA, BSHAD PA, GTAN TSIGS RNAM PAR 'BYED PAR BYED PA LA SU ZHIG 'GOG ,GAL TE GTAN TSIGS KYANG THA DAD PAR BYED PA YIN NA 'O NA CI LTAR 'GAL BA NYID THA DAD PAR BRJOD CE NA, BSHAD PA, DON GYIS 'PHANGS PA BSGRUB PAR BYA BA NYID DU 'DOD PA'I DNGOS PO MA BRJOD PA YANG PHA ROL POS BSGRUB PAR BYA BAR 'DOD PA YIN PA'I PHYIR LA, BRJOD PA'I DON NYID LA GZHAN GYI SKYON BRJOD PAR BYA BA YIN GYI, DON GYIS 'PHANGS PA LA NI YIN NO ZHES SEMS PA NA; DE'I BSAM PA'I DBANG GIS 'DOD PA LA GNOD PAR BYED PA'I 'GAL BA BRJOD PA YIN TE, CI LTAR DON GYIS 'PHANGS PA KHYED KYI BSGRUB BYA YIN PA DE BZHIN DU DON GYIS 'PHANGS PA LA GNOD PA'I PHYIR KHYED KYI GTAN TSIGS 'GAL BA YIN PAR NGED BRJOD DO ZHES RTZOD PA 'DI TZAM GYIS NA 'DOD PA LA GNOD PA BYED PA LOGS SHIG TU BRJOD KYI, 'GAL BA'I MTSAN NYID GANG YIN PA DE THA DAD PA'I PHYIR NI MA YIN NO, ,GANG GI PHYIR MTSAN NYID THA DAD PA'I PHYIR NI MA YIN GYI, 'ON KYANG DOGS PA GZHAN GYIS LOGS SHIG TU BRJOD PA DE NYID @151A *, ,KYI PHYIR GTAN TSIGS KYANG LOGS SHIG TU BSTAN PA MA YIN PAR SNGA MA NYID DU BSHAD DO, ,MTSAN NYID THA DAD NA NI GTAN TSIGS KYANG LOGS SHIG TU BSTAN PAR BYA BAR 'GYUR RO, ,GAL TE GTAN TSIGS 'DI MA NGES PA NYID MA YIN NAM, CI'I PHYIR ZHE NA; 'DUS PA RNAMS 'DUS PA LAM YIN PA'I GZHAN GANG YIN PA DE LA PHAN 'DOGS PAR BYED PA NYID DU MA NGES PA'I PHYIR RO, ,DE'I PHYIR 'GAL BA MA YIN NO, ,'DI LTAR BSGRUB PAR BYA BA LAS PHYIN CI LOG GIS KHYAB PA 'GAL BA YIN NA NGES PAR MED PA'I PHYIR PHYIN CI LOG GIS KHYAB PA NI MA YIN NO, ,CI LTAR NGES PA MED CE NA, GANG GI PHYIR 'DUS PA GZHAN LA PHAN 'DOGS PAR BYED PA YIN NO ZHES BYA BA 'DI LA NGES PA CI ZHIG YOD DE, CUNG ZAD KYANG MED DO, ,KHA CIG TU NI 'DUS PA RNAMS GZHAN LA PHAN 'DOGS PAR MI BYED PA NYID DO, ,GANG DAG GZHAN LA PHAN 'DOGS PAR BYED PA TZAM DU NGES PA DE DAG KYANG 'DUS PA GZHAN LA PHAN 'DOGS PAR NGES PAR GA LA 'GYUR TE, DE'I PHYIR 'GAL BA MA YIN NO, ,GAL TE 'BRAS BU GCIG LA MNGON DU PHYOGS PA'I RGYU TSOGS PA 'DUS PA YIN PAS DE CI'I PHYIR 'BRAS BU NGES PA MED CE NA, GAL TE YANG 'BRAS BU 'GA' ZHIG LA RANG GI RGYU LAS MNGON DU PHYOGS PA'I NUS PA RNAMS TSOGS SHING PHRAD PA 'DUS PA YIN PA DE LTA NA YANG NUS PA'I GNAS SKABS LAS SNGAR GAGS BYED PA DANG MA TSANG BA SRID PA'I PHYIR RGYU RNAMS GDON MI ZA BAR 'BRAS BU DANG 'BREL PA MA YIN NO, ,GANG GI PHYIR DE LTAR YIN PA DE BAS NA 'KHRUL PA NYID YIN NO, ,'DI SNYAM DU 'O NA THOGS PA MED PAR PHAN 'DOGS PA MI LA SOGS PA THA MA'I GNAS SKABS THOB PA GANG YIN PA DE DAG NI NGES PAR GZHAN LA PHAN 'DOGS PA YIN NO ZHE NA, BDEN MOD KYI, 'ON KYANG PHYOGS DE LA YANG 'DUS PA LA PHAN 'DOGS PAR BYA BA LA 'BREL PA NGES PA MED DO, ,CI 'DRA BA ZHIG CE NA, 'DI DAG NI 'DUS PA GZHAN LA PHAN 'DOGS PAR BYED PA NYID DO ZHES BYA BA 'DI 'DRA BA'O, ,'DI LTAR DE MTHA' DAG LAS MIG GI RNAM PAR SHES PA RANG BZHIN GCIG NYID SKYE BA YIN TE, @151B DE'I PHYIR 'DIR YANG 'DUS PA GZHAN LA PHAN 'DOGS PA'I NGES PA MED DO, ,DE LTAR LA LAR PHAN 'DOGS PAR BYED PA NYID MED PA'I PHYIR DANG, LA LAR NI 'DUS PA MA YIN PA LA PHAN 'DOGS PAR BYED PA'I PHYIR 'DUS PA'I RANG BZHIN LA 'DUS PA GZHAN GYI DON BYED PAS MA KHYAB PA'I PHYIR CI LTAR 'GAL BA YIN ZHE NA, SLOB DPON GYIS DE DAG LA NYE BAR SBYOR BA RE RE ZHES LEN 'DEBS SO, ,NUB PA THOGS PA MED PA'I MIG LA SOGS PA SKAD CIG RE RE ZHING NYE BAR SBYOR BA DANG NYE BAR SBYOR BA LA PHAN 'DOGS PAR BYA BA MIG GI RNAM PAR SHES PA LA SKAD CIG DANG SKAD CIG LA RANG BZHIN GZHAN SKYE BA'I RGYU'I PHYIR, DE LTAR DE 'DUS PA 'AM RIM GYIS NYE BAR SBYOR BA MIG LA SOGS PA RNAMS CIG CAR RAM CIG CAR MA YIN YANG RUNG STE, KHYAD PAR MED PAR RANG BZHIN DU MAR GYUR PA'I PHAN PAR BYED PA NYID SGRUB PAR BYED PA 'DI YIN GYI, DUS GCIG TU DU MA'I PHAN PA SGRUB PAR BYED PA NI MA YIN NO, ,'DIR RNAM PAR SHES PA SNGON PO'I RNAM PA DANG, RTOGS PA'I RANG BZHIN DANG, GZUGS 'DZIN PAR NGES PA NYID DU SKYE BA DE'I PHYIR SKAD CIG GCIG NYID LA, MIG LA SOGS PA DU MA'I RANG BZHIN DU GYUR PA'I PHAN 'DOGS PAR BYED PA YIN NO ZHES BYA BA'I DON 'DI NI MA YIN TE, GANG GI PHYIR RANG BZHIN DU MA NYID NI RNAM PAR SHES PA GCIG LA SGRO BTAGS PA YIN TE, DES NA 'DI 'DRA BA'I 'DUS PA GZHAN GYI DON BYED PA NI DNGOS PO PA MA YIN PAR 'GYUR RO, ,'DI NI 'DOD PA YANG MA YIN TE, DUS GCIG TU RANG BZHIN DU MA GRUB PAR BYED PA NI MA YIN NO ZHES GANG BSHAD PA YIN NO, ,GANG GI PHYIR NYE BAR SBYOR BA RE RE ZHING RANG BZHIN GZHAN SKYE BA'I PHYIR ZHES BYA BA'I GZHUNG 'DI NI GTAN TSIGS YIN LA, RANG BZHIN DU MA'I PHAN PA SGRUB PAR BYED PA YIN GYI, DUS GCIG TU DU MA'I PHAN PA SGRUB PAR BYED PA NI MA YIN NO ZHES BYA BA 'DI BSGRUB BYA'I GZHUNG YIN PA DANG, ,BSDU BA'I DON NAM SMOS PA YANG MED PA DE'I PHYIR GZHUNG SNGA MAR NI CHOS DU MA BYED PAR BSHAD LA, PHYI MAR NI RIM GYIS RANG BZHIN DU MA BYED PAR BSHAD PA YIN NO ZHES BYA BAR DOGS PA DE YANG LEGS PA MA @152A *, ,YIN NO, ,DE LTA NA YANG SNGA MA NYID KHA NA MA THO BA MED PA YIN NO, ,'DI SNYAM DU DON GANG LA MIG LA SOGS PAS RIM GYIS PHAN PA BYAS PA DE LAS PHAN PA DON GZHAN BYED PA YIN TE, DES NA RANG BZHIN GZHAN BYED PA MA YIN NO SNYAM NA, DE NI MI RIGS TE, PHAN PA DON GZHAN NYID YIN PAR KHAS LEN NA PHAN PA 'DI PHAN GDAGS PAR BYA BA DE'I PHAN PA YIN NO ZHES 'BREL PAR MI 'GYUR BA DANG PHAN PA GZHAN KHAS LEN NA THUG PA MED PAR THAL BA DANG PHAN PA TZAM BYED PA YIN PAR 'GYUR RO ZHES BSHAD ZIN TO, ,THA DAD PA DANG THA DAD PA MED PAR GNYI GA MA YIN PAR BYED PA NI CUNG ZAD KYANG MI BYED PA GNYIS KYIS CUNG ZAD KYANG DON MED PA YIN NO, ,DON MED PA'I PHYIR MNGON PAR 'DOD PA'I DON BYED PA DE'I DON DU SGRUB PAR BYED PA 'GAL BA YIN NO, ,DE'I PHYIR MIG LA SOGS PA PHAN 'DOGS PA NI KHYAD PAR SKYED PA NYID KYIS PHAN 'DOGS PA YIN NO, ,KHYAD PAR SKYED PA DE YANG GANG ZHE NA, NYE BAR SBYOR BA SO SO LA NGO BO NYID DU MAR GYUR PA GANG YIN PA'O, ,KHYAD PAR SKYED PA NYID KYI GTAN TSIGS DE BAS NA RANG BZHIN DU MAR GYUR PA'I PHYIR KHYAB PA GRUB PAS 'GAL BA YIN NO, ,TSIG LE'UR BYAS PAR SMOS PA'I NGANG GI SGRAS DON GANG BSDUS PA DE BSHAD PA NI GNYIS LAS GCIG MA GRUB LA, GZHAN LA THE TSOM ZA NA 'KHRUL PA CAN NYID DO, ,DPER BRJOD PA NI 'DOD CHAGS DANG BRAL BA 'AM ZHES BYA BA DANG, THAMS CAD MKHYEN PA ZHES BYA BA NI BSGRUB PAR BYA BA'O, ,SMRA BA'I PHYIR RO ZHES BYA BA NI GTAN TSIGS SO, ,DPE NI 'DOD PA'I SKYES BU YIN TE, DES NA SMRA BA PO DE NYID DPER 'GYUR RO, ,SMRA BA PO DE BDAG NYID THAMS CAD MKHYEN PA MA YIN PA DANG, 'DOD CHAGS LA SOGS PA DANG LDAN PA LA SMRA BA MTHONG PA DE'I PHYIR GTAN TSIGS 'DI LA LDOG PA MA GRUB PA, RJES SU 'GRO BA LA NI THE TSOM ZA BA YIN NO, RGYU BSHAD PA NI SEMS KYI KHYAD PAR THAMS CAD MKHYEN PA DANG, 'DOD CHAGS DANG BRAL BA LA BSKAL PA'I PHYIR TE, DE LA TSIG LA SOGS PA YOD PA'AM MED PA NYID DU THE TSOM ZA BA'I PHYIR RO, ,GNYIS LA THE TSOM ZA BA YIN NA 'KHRUL PA CAN DE MA NGES PA YIN NO, ,'DIR GNYIS @152B ZHES BYA BA MED PA YIN NAM ZHE NA, GNYIS ZHES SNYEGS SO ZHES SMOS TE, GNYIS MA GRUB NA 'GAL BA DANG ZHES BYA BA'I SKABS KYI GNYIS ZHES BYA BA DE 'DIR LTOS PAR BYA BA YIN NO ZHES BYA BA'I DON TO, ,PHYOGS KYI CHOS GANG LA RJES SU 'GRO BA DANG LDOG PAR THE TSOM ZA BA DE YANG MA NGES PA YIN NO, ,DPER BRJOD PA SMRAS PA NI DPER NA ZHES BYA BA'O, ,GSON PO'I LUS NI ZHES BYA BA NI CHOS CAN TE, SHI BA'I LUS LA BDAG YOD PAR MI 'DOD PA'I PHYIR RO, ,BDAG DANG BCAS PA YIN TE ZHES BYA BA NI BSGRUB PAR BYA BA'O, ,SROG LA SOGS PA DANG LDAN PA'I PHYIR RO ZHES BYA BA NI GTAN TSIGS SO, ,'DI RGYU GNYIS KYIS RJES SU 'GRO BA DANG LDOG PA LA THE TSOM ZA BA THE TSOM GYI RGYUR 'GYUR BA YIN NO, ,BYE BRAG GANG DAG LA GTAN TSIGS THE TSOM ZA BA DE DAG GIS DNGOS PO THAMS CAD BSDUS PA'I PHYIR DANG, DE DAG LAS GCIG LA YANG NGES PA MED PA'I PHYIR RO ZHES BSHAD PA'O, ,DE LAM NGES PA'I YAN LAG BYE BRAG GI DNGOS PO THAMS CAD BSDUS PA BSTAN PA'I PHYIR BSHAD PA, GANG GI PHYIR GANG LA DNGOS PO'I CHOS SROG LA SOGS PA GNAS PAR 'GYUR BA THA DAD PA'I PHUNG PO GZHAN NI MED DO, ,GAL TE PHUNG PO GZHAN YOD NA DE'I TSE BDAG MED PA NYID MED PA NI GDON MI ZA BAR BDAG DANG BCAS PAR 'GYUR RO ZHES BYA BA'I NGES PAR MI 'GYUR TE, RNAM PA GZHAN YANG YOD PA'I PHYIR RO, ,RNAM GRANGS KYI GNYIS LAS GCIG LA NGES PAR MTHONG NA THE TSOM DU 'GYUR GYI DE LTA MA YIN NA NI MI RTOGS PA NYID DO, ,CI'I PHYIR PHUNG PO GZHAN MED CE NA, BDAG YOD PA DANG MED PA DAG GIS DNGOS PO THAMS CAD BSDUS PA'I PHYIR RO, ,GAL TE DNGOS PO LA BDAG MED PA NI BDAG MED PA NYID DO, ,DE STE YOD NA NI BDAG DANG BCAS PA NYID DO, ,DES NA BDAG YOD PA DANG MED PA DAG GIS THAMS CAD BSDUS PA YIN NO, ,GCIG LA YANG NGES PA MED PA BSTAN PA'I PHYIR BSHAD PA, BDAG DANG BCAS PA DANG BDAG MED PA 'DI GNYIS LAS GCIG LA GNAS PAR TE, YOD PAR NGES PA MED DO, ,'JUG PAR NGES PA SHES NA NI GO BAR BYED PA NYID DU 'GYUR RO, , @153A *, ,MA NGES NA NI CI RIGS PAR MTHUN PA'I PHYOGS SAM MI MTHUN PA'I PHYOGS LA LDOG PAR THE TSOM ZA BA 'AM, LDOG PA MA GRUB PA'I MA NGES PA DANG, GNYIS LA MA NGES PAR 'JUG NA THUN MONG MA YIN PA YIN NO, ,DE'I PHYIR GCIG LA YANG 'JUG PAR MA NGES PAR RJES SU 'GRO BA DANG LDOG PA LA THE TSOM ZA BA'I PHYIR THUN MONG MA YIN PA'I NGES PA YIN NO, ,GAL TE DNGOS PO GZHAN MED NA SROG LA SOGS PA DE DAG NYID 'GA' ZHIG LA GDON MI ZA BAR GNAS PAR 'GYUR BA'I PHYIR NGES PA YOD DO ZHE NA, BDEN TE, SROG LA SOGS PA NI GDON MI ZA BAR 'DI DAG GCIG LA GNAS PA YIN NO, ,'ON KYANG DE'I BDAG NYID DU ZHES BYA BA BDAG DANG BCAS PA 'AM BDAG MED PA NYID DU GRUB PA STE, NGES PA'I DNGOS PO LA SROG LA SOGS PA MA GRUB PA'I PHYIR NGES PA MED DO, ,DNGOS PO'I CHOS YIN PA'I PHYIR SROG LA SOGS PA NI PHYIS 'DI NYID 'GA' ZHIG LA GNAS SO ZHES SHES KYI, BDAG DANG BCAS PA 'AM, BDAG MED PA 'GA' ZHIG LA GNAS PAR NI MI SHES PA'I PHYIR NGES PA MED DO, ,'DIS NI GNYIS LA RJES SU 'GRO BA LA THE TSOM ZA BA BSHAD DO, ,DE NYID KYI PHYIR LDOG PA LA YANG THE TSOM ZA BA YIN NO, ,GAL TE PHUNG PO GNYIS YIN NA DNGOS PO'I CHOS SU 'GYUR BA 'GA' ZHIG LAS LDOG NA GDON MI ZA BAR GZHAN LA GNAS PAR NGES PAR 'GYUR RO, ,DES NA RNAM PA 'DIS RJES SU 'GRO BA DANG LDOG PA DAG LA THE TSOM ZA BAR BSTAN PA YIN NO, ,DE'I PHYIR DE LTAR GTAN TSIGS KYI THE TSOM ZA BA'I RGYU RNAM PA GNYIS LAS PHYI ROL DU GYUR PA MED PA DANG, THUN MONG MA YIN PA'I RGYU RJES SU 'GRO BA DANG LDOG PA LA THE TSOM ZA BA BSTAN NAS MJUG BSDU BA'I PHYIR BSHAD PA, DE BAS NA GSON PO'I LUS DANG 'BREL PA CAN GYI SROG LA SOGS PA NI ZHES BYA BAS NI PHYOGS KYI CHOS NYID DE, MIG GIS GZUNG BA NYID LAS NI SGRA LA RTAG PA PA DANG MI RTAG PA'I DPYOD PA MI 'JUG GO, ,DE'I PHYIR PHYOGS KYI CHOS NI DPYOD PA 'JUG PA'I RGYU YIN NO, ,GNYIS KYIS BDAG NYID LAS PHYI ROL DU GYUR BA'I DNGOS PO 'GA' YANG MED PA'I PHYIR THE TSOM GYI GZHI DE DAG LAS LDOG PA MA @153B YIN NO; 'DIS NI RNAM PA GNYIS SU NGES PA'I PHYIR THE TSOM GYI RGYU NYID YIN PAR MJUG BSDUS PA STE, GNYIS SU NGES PA GANG YIN PA DE NYID THE TSOM GYI RGYU YIN NO, ,DE LA RJES SU 'GRO BA MA YIN NO ZHES BYA BA NI RJES SU 'GRO BA DANG LDOG PA LA THE TSOM ZA BA MJUG SDUD PA'O, ,BDAG DANG BCAS PA 'AM BDAG MED PA'I BDAG NYID GCIG LA YANG MA GRUB PA'I RGYU'I PHYIR RJES SU 'GRO BA MED DO, RJES SU 'GRO BA NGES PA MED PA NYID KYI PHYIR TE, LDOG PA NGES NA RJES SU 'GRO BA MA NGES PAR NI MI 'THAD DO ZHES BSTAN PA YIN NO, ,DE'I PHYIR RJES SU 'GRO BA LA THE TSOM ZA PAR 'GYUR BA YIN NO, ,DES NA RJES SU 'GRO BA DANG LDOG PA DAG LA THE TSOM ZA BA'I PHYIR DANG, SDAR BSHAD PA RNAM PA GNYIS NGES PA'I PHYIR DANG, PHYOGS KYI CHOS NYID YIN PA'I PHYIR MA NGES BA STE, THE TSOM GYI RGYU YIN TE, GTAN TSIGS DE LAS BSGRUB PAR BYA BA 'AM CIG SHOS DAG TU NGES PA MED PA'I PHYIR RO, ,MTHUN PA'I PHYOGS DANG MI MTHUN PA'I PHYOGS DAG LA RJES SU 'GRO BA DANG LDOG PA DAG TU THE TSOM ZA BA'I PHYIR 'DI LAS 'DOD PA 'AM MI 'DOD PA NGES PA MA YIN PA DES NA THE TSOM GYI RGYU YIN NO, ,GAL TE DE LTAR NA MTHUN PA DANG MI MTHUN PA'I PHYOGS DAG LA MA MTHONG BA'I PHYIR MI RTOGS PA'I YAN LAG TU 'GYUR RO ZHE NA, SROG LA SOGS PA DANG LDAN PA 'DI LAS MI RTOGS PA YANG MA YIN NO, ,CI'I PHYIR ZHE NA, 'GA' ZHIG DANG 'BREL PA'I PHYIR TE, THE TSOM GYI GZUNG BA'I BYE BRAG GANG YANG RUNG BA ZHIG DANG 'BREL PA'I PHYIR RO, , GANG GI PHYIR DNGOS PO THAMS CAD NI DE GNYIS KYIS BSDUS LA, 'DI YANG DNGOS PO'I CHOS YIN NO, ,BYE BRAG GANG RUNG DANG 'BREL PA YIN YANG CHOS CHOS CAN GANG DANG 'BREL PA MED PA'I CHOS CAN DE LA NI CHOS DE LAS THE TSOM SKYE BA MA YIN TE, DPER NA MIG GIS GZUNG BA NYID RTAG PA DANG MI RTAG PA GANG RUNG DANG 'BREL PA YIN YANG, SGRA DANG MA 'BREL PA LAS DE LA THE TSOM ZA BA'I RGYU MA YIN PA BZHIN NO, ,SROG LA SOGS PA'I CHOS LAS NI CHOS CAN 'DI BDAG DANG BCAS PA DANG BDAG MED PA'I CHOS GNYIS LAS GANG DANG 'BREL PAR GNAS ZHES CI LTAR THE TSOM @154A *, ,MI BYED, CI LTAR ZHE NA, DPER NA SKYES BU GCIG DANG 'BREL PA YONGS SU SHES PA MED PA'I MNGAL CHAGS PA LAS RTOGS PA'I BUD MED LAS SKYES BU'I KHYAD PAR DANG 'BREL PAR THE TSOM ZA STE, MA 'BREL PAR MNGAL CHAGS PA MI RUNG BA'I PHYIR RO, ,SROG CHAGS GANG LA MNGAL CHAGS PAR NI MTHONG LA SKYES BU GCIG DANG 'BREL PAR MA NGES PA DE LA, SRID PA'I SKYES BU DAG DANG 'BREL BAR RTOGS PA PO DE THE TSOM SKYED PAR BYED DO, ,DE BZHIN DU 'DIR YANG DNGOS PO THAMS CAD DANG BDAG NGANG BCAS PA DANG, BDAG MED PA'I NANG DU MA 'DUS PA MI RUNG BA'I PHYIR TE, NANG DU 'DUS PA'I PHYIR DNGOS PO'I CHOS SROG LA SOGS PA LAS THE TSOM ZA BA YIN NO, ,'ON MI RTOGS PAR CI STE MI 'DOD CE NA, GANG GI PHYIR MA RTOGS PA ZHES BYA BA BDAG YOD PA DANG MED PA GNYI GAR RTOGS PA DANG THE TSOM ZA BA DE GNYIS MED PAS GNYI GAR RTOGS PA DANG THE TSOM MED PA DE'I RANG BZHIN CAN GANG YIN PA DE 'DRA BA'I MI RTOGS PA NI BDAG DANG BCAS PA DANG, BDAG MED PA GNYIS LAS PHYI ROL DU GYUR PA'I DON 'GA' ZHIG YOD NA 'GYUR GYI, DNGOS PO THAMS CAD BYE BRAG GNYIS KYI NANG DU 'DUS NA CI LTAR MI RTOGS PA NGES PA MED PA'I RANG BZHIN DU 'GYUR TE, THE TSOM ZA BAR NI RIGS SO, ,SROG LA SOGS PA 'DI NI BDAG DANG BCAS PA'AM BDAG MED PA ZHIG TU 'GYUR GYI, RNAM PA GZHAN MED PA'I PHYIR RO, ,GAL TE THAMS CAD NANG DU 'DUS PA'I PHYIR SROG LA SOGS PA THE TSOM GYI RGYU YIN NO, ,DE LTA NA RTAG PA DANG MI RTAG PA LAS PHYI ROL DU GYUR BA MED PA'I PHYIR MIG GIS GZUNG BA NYID LAS KYANG THE TSOM ZA BAR 'GYUR RO ZHE NA, GNYIS LAS PHYI ROL DU GYUR PA MED PA NYID 'DIS THE TSOM GYI RGYUR BRJOD PA YIN NO ZHES BSAMS PA YIN NO, ,MA YIN TE MA 'BREL PA'I PHYIR RO ZHES BSHAD ZIN TO, ,GNYIS LAS PHYI ROL DU GYUR PA MED PA CI SNYED PA DE THAMS CAD DU THE TSOM GYI RGYU NI MA YIN GYI, 'ON KYANG DNGOS PO'I CHOS CAN GANG LA YOD PA DE NYID LA DE GNYIS LAS PHYI ROL DU GYUR PA MED PA'I PHYIR THE TSOM ZA BA'I RGYU YIN NO, ,MIG GIS GZUNG BA NYID NI GNYIS LAS PHYI ROL DU GYUR PA MED KYANG @154B SGRA DANG 'BREL PA MED PA'I PHYIR THE TSOM GYI RGYU MA YIN NO, ,GANG GI PHYIR BYE BRAG GNYIS LAS PHYI ROL DU GYUR PA MED PA DANG, BYE BRAG DAG LA RJES SU 'GRO BA DANG LDOG PAR THE TSOM ZA BA DE'I PHYIR RANG GI GZHI NYID LA YOD PA THUN MONG MA YIN PA'I CHOS NI THE TSOM GYI RGYU YIN NO, ,SROG LA SOGS PA NI KHYAD PAR DU THE TSOM GYI RGYU YIN TE, 'DI LTAR MNYAN PAR BYA BA NYID RTAG PA DANG MI RTAG PA DAG TU RAB TU GRUB PA BUM PA DANG NAM MKHA' LA SOGS PA LAS LDOG PAR NGES PA YIN GYI, BDAG NI RANG BZHIN GYIS BSKAL BAS BUM PA LA SOGS PA 'GA' ZHIG LA YANG YOD PA DANG MED PAR MA GRUB PAR RGYU'I PHYIR SROG LA SOGS PA YANG DE LA 'JUG PA DANG LDOG PAR MA GRUB PA'I PHYIR SROG LA SOGS PA KHYAD PAR DU THE TSOM ZA BA'I RGYU YIN NO, ,BUM PA LA SOGS PA BDAG DANG BCAS PA'AM BDAG MED PA NYID DU MA NGES PAS DE LAS LDOG KYANG BDAG DANG BCAS PA'AM BDAG MED PA GCIG LAS KYANG LDOG PAR NGES PA MA YIN NO ZHES BYA BA'I THA TSIG GO, ,'DIS NI DON 'DI BRJOD PA YIN TE, THUN MONG MA YIN PA CI SRID PA NI 'GA' ZHIG LAS LOG PAR NGES KYANG MA YIN NA SROG LA SOGS BA 'GA' LAS KYANG LDOG PAR MA NGES PA GANG YIN PA CI LTAR MA NGES PA MA YIN ZHES BYA BA YIN NO, ,DON GZHAN 'BRAS BU MA YIN PA LAS DON GZHAN MI 'GRUB PA'I YANG PHYIR THE TSOM GYI RGYU NYID DO, ,GO BAR BYED PA SROG LA SOGS PA NI BDAG LAS THA DAD PA'I PHYIR DE'I BDAG NYID KYI 'BREL PA MED DO, ,'BRAS BU NYID KYANG MA YIN NO, ,CI LTAR 'BRAS BU MA YIN ZHE NA, 'DI LTAR SROG LA SOGS PA DANG, BDAG NI LHAN CIG RGYU DANG 'BRAS BU'I DNGOS POR MI 'GRUB PO CI LTAR ZHE NA, RGYU 'BRAS KYI DNGOS PO DE NI DMIGS PA DANG MI DMIGS PA LA BRTEN PA'I PHYIR RO, ,GANG LA RGYU DANG 'BRAS BU'I DNGOS POR 'GRUB PA'I RGYU MTSAN DMIGS PA DANG MI DMIGS PA YOD PAR 'GYUR BA BDAG NI BLTAR RUNG BA MA YIN NO, ,'DI SNYAM DU RANG BZHIN 'BREL PAS CI ZHIG BYA SNYAM NA, BSHAD PA, 'BREL PA MED PA 'GA' ZHIG YOD NA DE LAS GZHAN YOD PAR NGES PA YANG MA YIN TE, HA CANG THAL BAR 'GYUR BA'I PHYIR RO, ,DE'I @155A *, ,PHYIR THE TSOM ZA BA'I RGYU NYID DO, ,GZHAN DAG SROG LA SOGS PA NI BDAG GO BAR BYED PA NYID YIN TE, SROG LA SOGS PA DE'I MI MTHUN PA'I PHYOGS LAS LDOG PA'I LDOG PA NA GCIG TU NGES PA'I PHYIR TE, NGES PA NYID YIN PA'I PHYIR RO ZHE'O, ,CI LTAR GCIG TU NGES SHE NA; GANG GI SROG LA SOGS PA NI MI MTHUN PA'I PHYOGS BDAG MED PA KHO NA LAS LDOG PA YIN GYI, MTHUN PA'I PHYOGS LA NI MA YIN PA DE'I PHYIR NGES PA YIN NO, ,CI LTAR MTHUN PA'I PHYOGS LAS MI LDOG CE NA, MED PA LAS LDOG PAR MI RUNG BA'I PHYIR RO, ,YOD PA GANG YIN PA DE NI BYED PA'I NUS PA DANG LDAN PA'I PHYIR LDOG MTSAMS SU 'GYUR GYI, BDAG NI PHA ROL PO LA MED PA'I PHYIR MED PA DE CI LTAR LDOG MTSAMS YIN, BYED PA'I NUS BA DANG BRAL BAS MNGON SUM DANG RJES SU DPAG PA'I YUL MA YIN LA, GANG ZHIG TSAD MA'I YUL MA YIN PA MA NGES PA DE LA NI 'GA' YANG YOD PA DANG MED PAR NGES PAR BYAR NUS PA MA YIN NO, ,GANG GI PHYIR SROG LA SOGS PA LDOG PA GCIG TU NGES PA YIN PA DE BAS NA CI LTAR GZHAL BYA NYID LA SOGS PA RJES SU 'GRO BA GCIG TU NGES PA LTAR LDOG PA GCIG TU NGES PA YANG GO BAR BYED PA NYID DO, ,GAL TE SROG LA SOGS PA GO BAR BYED PA YIN NA 'O NA CI LTAR MNYAN BYA NYID GO BAR BYED PA MA YIN ZHE NA, GANG GI PHYIR GANG LAS GO BYED DU 'GYUR BA MNYAN BYA NYID NI DE LTAR LDOG PA GCIG TU NGES PA MA YIN NO, ,CI'I PHYIR ZHE NA, MTHUN PA'I PHYOGS DANG MI MTHUN PA'I PHYOGS GNYI GA LAS LDOG PA'I PHYIR RO ZHE NA ZHES BYA BA NI PHYOGS SNGA MA YONGS SU RDZOGS PAR GNAS PA'O, ,SLOB DPON GYIS BSHAD PA NI MI MTHUN PA'I PHYOGS LA NGES PA LDOG PA'I RNAM PA DE LTA BU SMRA BA PHA ROL PO DES MI BSGRUB PAR BYA BA MED NA MI 'BYUNG BA'I 'BREL PA NYID BRJOD PAR 'GYUR RO, , GA LAS SHE NA, GANG GI PHYIR BDAG MED PA NYID LA MED PA YIN GYI BDAG LA NI MED PA MA YIN NO, ,DE LA YANG MED PA NYID YIN GYI YOD PA NI MA YIN NO ZHES DE LTAR BDAG MED PA LA NGES PA DANG LDAN PA'I DGAG PA GNYIS BRJOD PA'I SHUGS KYIS BDAG LA GNAS PA STE YOD PA'I, , @155B CI 'DRA BA ZHIG CE NA, GNAS PA LAS GZHAN BDAG DE NYID LA MED PA DANG, GZHAN LA YOD PA GZHAN DE GNYIS DANG MA 'BREL PAR BRJOD PAR 'GYUR RO, ,'DI LTAR BDAG MED PA NYID LA ZHES BYA BA 'DI NI BDAG MED PA LA DGAG PA NGES PA YIN TE, DE NYID LA MED PA YIN TE, BDAG LA YANG MED PA NI MA YIN NO, ,MED PA NYID DO ZHES BYA BA 'DIS NI BDAG MED PA LA MED PA KHO NA'I, YOD PA NI MA YIN NO, ,SROG LA SOGS PA MED PA LA BDAG MED PA NGES PA YIN NO, ,BDAG LA SROG LA SOGS PA'I GNAS PA DE 'DRA BA NI BDAG MED NA MI 'BYUNG BA YIN NO, ,MED NA MI 'BYUNG BA YIN PA DE NYID KYIS NA RJES SU 'GRO BA GRUB PA'I 'GA' YANG LDOG PA YAN 'GAR BAS LDOG PA CAN MA YIN NO, ,MED NA MI 'BYUNG BAR 'GYUR MOD NGED LA CI CHAD CE NA, GAL TE 'GYUR NA CUNG ZAD KYANG MED MOD KYI YOD PA NI MA YIN NO, ,GANG GI PHYIR MED NA MI 'BYUNG BA NI 'BREL PA YIN NO, DE YANG BDAG NYID KYIS 'BREL PA YIN GYI GZHAN DU NI MA YIN NO, ,DE LTAR YIN DANG BDAG NYID 'BREL PA DE NI DE'I BDAG NYID DANG DE LAS BYUNG BA LAS GZHAN MED DO ZHES LE'U GNYIS PAR BSHAD ZIN TO, ,DES CIR 'GYUR ZHE NA, DES NA DE'I BDAG NYID DANG DE LAS 'BYUNG BA DE DAG KYANG GANG LA MTHONG BA YOD PA DE NYID LA 'GRUB LA, BDAG NI MTHONG BA MED PA DE'I PHYIR SROG LA SOGS PA BDAG MED NA MI 'BYUNG BA YIN NO, ,LDOG PA GCIG TU NGES PA NI MED NA MI 'BYUNG BA YIN NA DE NI MED PA'I PHYIR DE JI LTAR LDOG PA GCIG TU NGES PA YIN ZHES GANG BSHAD PA NI BDAG DANG MED NA MI 'BYUNG BA MED PA DE SNYID KYI PHYIR RGYU GANG LAS 'DI LDOG PA CAN ZHES BRJOD PAS BDAG LDOG KYANG SROG LA SOGS PA 'DI LDOG PA MA YIN NO, ,CI LTAR 'BREL PA MED PA GZHAN LOG NA LDOG PAR MI 'GYUR ZHE NA, GANG GI PHYIR GANG ZHIG DANG 'BREL PA MED PA DE NI DE'I 'BREL PA'I YUL MA YIN PA 'GA' ZHIG LDOG NA NGES PAR LDOG PA MA YIN NO, ,DE DE LTAR LDOG PA GCIG TU NGES PA NI 'BREL PAR 'GYUR BA YIN NA, 'BREL YANG, RJES SU 'GRO BA YIN PA DES NA RJES SU 'GRO BA MED PAR LDOG PA GCIG TU NGES PA NI 'GA' @156A *, ,YANG YOD PA MA YIN NO, ,KHYAD PAR LA NI RJES SU 'GRO BA NGES PA YANG MA YIN TE, DE BAS NA LDOG PA NGES PA MED PA DANG RJES SU 'GRO BA YANG NGES PA MED PA YIN NO, ,'O NA CI LTAR SLOB DPON GYIS MNYAN BYA NYID LDOG PA CAN DU BSHAD CE NA, MTHUN PA'I PHYOGS DANG MI MTHUN PA'I PHYOGS DAG LA MA MTHONG BA TZAM TSAD MA MA YIN PA GZUNG NAS SLOB DPON PHYOGS KYI GLANG POS MNYAN BYA NYID LDOG PA CAN DU BSHAD DO, ,MNYAN BYA NYID NI MTHUN PA'I PHYOGS LA MA MTHONG LA MI MTHUN PA'I PHYOGS LA YANG MTHONG BA MED DO, ,MTHONG BA MED PA DE TZAM GYIS MED PAR NGES PA YANG MED DO ZHES LAN CIG MA YIN PAR BSHAD ZIN TO, ,GAL TE MTHONG BA MED PA LAS MED PA RTOGS PAR 'GYUR NA THE TSOM GYI RGYU NYID DU MI 'GYUR RO, ,JI LTAR MI 'GYUR ZHE NA, GANG GI PHYIR GANG ZHIG LA GANG MED DO ZHES DE LTAR NGES PAR DE DMIGS PAR 'GYUR BA NA MI SRID PA'I YUL DE LA THE TSOM ZA BAR NI MI RIGS SO, ,'DI DE LA MED PA NYID DO ZHES NGES PA DANG, YOD DAM ZHES THE TSOM ZA BA CIG CAR DU NI MI RIGS SO, ,DES NA MNYAN BYA NYID LA SOGS PA NI MTHUN PA'I PHYOGS DAG DANG MI MTHUN PA'I PHYOGS DAG LA RJES SU 'GRO BA DANG LDOG PAR THE TSOM ZA BA NYID DO, , PHA ROL PO DAG LA YANG SROG LA SOGS PA GO BAR BYED PA NYID DU SGRUB PA'I PHYIR SMRAS PA, SROG LA SOGS PA MED PAS BDAG MED PA LA KHYAB PA'I PHYIR GSON PO'I LUS LA BDAG LDOG PAR 'GYUR TE, KHYAB BYA BDAG MED PA YOD NA KHYAB BYED SROG LA SOGS PA MED PAR 'GYUR BA YIN NA KHYAB PAR BYED PA SROG LA SOGS PA YANG 'DI LA YOD DO, ,DE'I PHYIR KHYAB PAR BYED PA DANG 'GAL BA DMIGS PAS KHYAB PAR BYED PA MED PA'I PHYIR KHYAB PAR BYA BA BDAG MED PA LDOG GO, ,DES NA RNAM PA GZHAN MI SRID PA'I PHYIR GSON PO'I LUS BDAG DANG BCAS PAR 'GRUB PO ZHES DOGS PA LA BSHAD PA, BDAG LDOG NA SROG LA SOGS PA LDOG PAR THAL BA MA YIN NO, ,GANG LAS SHE NA, BDAG DANG MA 'BREL PA SROG LA SOGS PA 'BREL PA MED LA NYE BAR MI SBYOR BA'I DON GYI MED PA GANG YIN PA DE LA KHYAB PA MA GRUB PA'I RGYU'I PHYIR RO, ,ME DANG 'BREL BAS NA @156B DU BA NI DE MED NA MED PA'I PHYIR BDAG NYID MED PAS ME MED PA LA KHYAB PA YIN NO, ,DE BZHIN DU SROG LA SOGS PA DE'I BDAG NYID DAM DE LAS BYUNG BAS BDAG DANG 'BREL BA YIN NO, ,'BREL PA'I YUL NYE BAR SBYOR BA DE LDOG NA LDOG PAR 'GYUR RO, ,DE LTAR NA YANG SROG LA SOGS PA MED PAS BDAG MED PA LA KHYAB PAR 'GYUR RO, ,YANG CI'I PHYIR BDAG DANG 'BREL BA GRUB PA'I PHYIR SROG LA SOGS PA MED PA BDAG MED PA LA KHYAB KYI, DE LTAR MA YIN PAR MA YIN ZHE NA, GANG GI SROG LA SOGS PA MED PA DE MED DE SROG LA SOGS PA YOD NA KHYAB PAR BYA BA BDAG MED PA MED PAR TE, BDAG GRUB PA'I RGYUS SROG LA SOGS PA MED PAS BDAG MED PA LA KHYAB PA'I GTAN TSIGS KYI PHYIR KHYAB PA DE YANG MI 'GRUB PO, ,CI'I PHYIR ZHE NA, BDAG MED PA BZLOG PA BDAG DANG SROG LA SOGS PA LA 'GREL PA GRUB PA'I PHYIR RO, ,'BREL PA YOD NA NI SROG LA SOGS PA MED PA MED DE SROG LA SOGS PA YOD NA BDAG MED PA BDAG 'GRUB PAR 'GYUR RO, ,DE BAS NA BDAG MED PA LA SROG LA SOGS PA MED PAS KHYAB PA'I PHYIR GRUB PA'I YUL 'BREL PA YIN NA MED PA DAG KHYAB PAR 'GYUR BA YIN NO, ,CI'I PHYIR 'BREL PA MA GRUB CE NA, GANG GI PHYIR BDAG DANG SROG LA SOGS PA DE DAG GI 'BREL BA NI DMIGS PA DANG MI DMIGS PA DAG LAS SHES PA YIN NO, ,DE LAS CIR 'GYUR ZHE NA, DMIGS PA DANG MI DMIGS PA DE DAG NI SHIN TU LKOG TU GYUR PA LA MI 'GRUB BO, ,DMIGS PA SHIN TU LKOG TU GYUR PA LA MI 'GRUB MOD, MI DMIGS PA GO CI LTAR MED CE NA, RGYU 'BRAS KYI DNGOS PO LA NI SNANG BA MI DMIGS PA DBANG DU BYED PA YIN PA'I PHYIR RO, ,DE NYID NI MED DO ZHES BRJOD DO, ,DE DE LTAR GAL TE BDAG MED PA 'GA' ZHIG SROG LA SOGS PA MED PA DANG LDAN PAR MTHONG BA DE LTAR NA YANG KHYAB PAR MED DO ZHES BRJOD NAS, DA NI BDAG MED PA NYID MA GRUB PO ZHES BRJOD PA NI GZHAN YANG SROG LA SOGS PA MED PAS KHYAB PAR MTHONG BA'I BDAG MED PA YANG GANG YIN, BUM PA LA SOGS PA'O ZHE NA, YUL THA DAD PA GZHAN DU MTHONG BA MED PA'I BDAG GANG YIN @157A *, ,PA DE BUM PA LA SOGS PA SNANG BA LA MED DO ZHES GA LAS SHES PA YIN, DON GZHAN LA BLTAR RUNG BA'I DON NI SHES PA GCIG LA 'BREL PA CAN GZUNG BA NA MED PAR NGES PAR 'GYUR BA YIN NO, ,DES NA BUM PA LA SOGS PA LA LDOG PA SHES PA MED PA BDAG GI LDOG PA'I STE, MED PA'I SROG LA SOGS PA MED PAS KHYAB PA MI 'GRUB BO, ,GANG GI PHYIR SROG LA SOGS PA YANG MTHONG BA NYID LAS LA LAR YOD PA'AM MED PAR RTOGS PA YIN NO, ,GANG GI PHYIR MTHONG BA'I DNGOS PO 'GA' ZHIG NA YOD PAR RTOGS PA NI MTHONG BA NYID LAS YIN NO, , SHES PA GCIG LAS 'DRE BA CAN RTOGS NA SHES PA GCIG LA 'DRE BA RTOGS PA'I DUS SU MED PA RTOGS PAR BYED DO, ,GANG ZHIG LA LAR MTHONG BAS YOD PAR RTOGS PA DANG SHES PA GCIG LA 'DRE BA RTOGS PAS MED PAR RTOGS PAR 'GYUR BA BDAG NI BLTAR RUNG BA DE LTA MA YIN TE, DE'I PHYIR BDAG DE YOD PA DANG MED PAR MI RTOGS SO, ,DE BAS NA SROG LA SOGS PA DANG BRAL BA'I BUM PA LA SOGS PA NI BDAG MED PAR MA GRUB STE, DES NA BDAG MED PA SROG LA SOGS PA MED PAS KHYAB PAR GA LA 'GYUR, GANG YANG GAL TE GSON PO'I LUS BDAG DANG BCAS PA MA YIN NA DE SROG LA SOGS PA DANG MI LDAN PAR THAL BAR 'GYUR TE, BDAG MED PA'I PHYIR BUM PA LA SOGS PA BZHIN NO ZHES PHA ROL POS BRJOD PA DE YANG SROG LA SOGS PA DANG BDAG RGYU DANG 'BRAS BU'I DNGOS PO MED PAR MI 'GRUB PO, ,RGYU DANG 'BRAS BU'I DNGOS POR MA GYUR MOD, BDAG LDOG PA NA SROG LA SOGS PA LDOG PAR GO JI LTAR MI 'GYUR ZHE NA, GANG GI PHYIR RGYU DANG 'BRAS BU MA YIN PA GZHAN BKAG PA NI GO BAR BYED PA MA YIN NO ZHES MI DMIGS PAR TE, MI DMIGS PA'I SBYOR BA RNAMS SU SNGAR BSHAD ZIN TO, ,THA DAD PA MED PA YIN NA NI KHYAB PAR BYED PA BKAG PA GO BAR BYED PA YIN NO, ,THA DAD BAS NI 'BRAS BU BKAG PA RGYU NUS PA THOGS PA MED PA BKAG PA'I GO BAR BYED PA YIN PA'AM, RGYU BKAG PAS 'BRAS BU BKAG PA'I GO BYED YIN NO, ,'DIS NI SROG LA SOGS PA DANG BDAG NYID GCIG PA NYID MED PA'I PHYIR @157B RGYU DANG 'BRAS BU'I DNGOS PO BTZAL BAR BYA BA YIN NO, ,BDAG 'BRAS BU NI MA YIN TE, RTAG PA'I PHYIR RO, ,LHAG MAR GYUR PAS RGYU NYID YIN GRANG NA, RGYU'I DNGOS PO DE BDAG BLTAR MI RUNG BA'I PHYIR MI 'GRUB PO ZHES LAN CIG MA YIN PAR BSHAD ZIN TO, ,BDAS MTHONG BA YIN DU CHUG PA DE LTA NA YANG LDOG PA MA GRUB PA'I PHYIR RGYU DANG 'BRAS BU'I DNGOS PO MI 'GRUB PO, GANG ZHIG MTHONG NA GANG MTHONG ZHING, NUS PA'I RGYU GZHAN DAG YOD KYANG DE MED PAR MTHONG BA DE NI DE'I 'BRAS BU YIN NA, BDAG MED PA NI 'GAR YANG MTHONG BA MED DE RTAG PA'I PHYIR RO, ,DES NA BDAG LDOG PA MED PA'I PHYIR RGYU'I DNGOS PO MA YIN NO, ,GAL TE BUM PA LA SOGS PA BDAG MED PA LA SROG LA SOGS PA MA MTHONG BA DE'I PHYIR BUM PA LA SOGS PA NYID LDOG PA'I YUL YIN NO ZHE NA, NUS PA'I RGYU GZHAN NYE BA MED PA CAN RNAM PA DE LTA BU'I LDOG PA LA NI RGYU'I NUS PA MI 'GRUB BO, ,'DI LTAR NUS PA GZHAN MED PA NYID KYIS 'BRAS BU MA SKYES SAM, 'ON TE MNGON PAR 'DOD PA DE MED PAS ZHES THE TSOM ZA BA'I PHYIR NUS PA MI 'GRUB PO, ,'O NA GANG LAS NUS PA 'GRUB CE NA, RJES SU 'GRO BA DANG LDOG PA DAG LAS NUS PA SHES PA'I NUS PA GZHAN DAG KYANG YOD KYANG 'BRAS BU MI SKYE BAS RGYU GZHAN YOD PAR STON PAR BYED DO ZHES LAN CIG MA YIN PAR BSHAD ZIN TO, ,GAL TE DE LTAR YIN PA DE LTA NA YANG CI LTAR BDAG LDOG PA NUS PA MED PA YIN ZHE NA, GANG GI PHYIR BUM PA LA SOGS PA LA NI SROG LA SOGS PA'I RGYU BLO LA SOGS PA YANG MED LA, KHYED MNGON PAR 'DOD PA'I BDAG KYANG MED DO, ,DE LA CI BDAG MED PAS SROG LA SOGS PA MED DAM, 'O NA TE BLO LA SOGS PA MED PAS ZHES THE TSOM ZA STE, DE BAS NA LDOG PA NUS PAR THE TSOM ZA BA MA YIN NO, ,SROG LA SOGS PA LA BLO LA SOGS PA RNAMS KYI NUS PA GANG YIN PA DE NI BDAG NYID KYI NUS PA MA YIN NAM, 'DI LTAR 'BRAS BU NYID KYI PHYIR BLO LA SOGS PA DAG KYANG BDAG MED PA LA MI 'GYUR TE, DE'I PHYIR BRGYUD PAS BDAG LDOG PA YANG NUS PA MA YIN NO ZHE NA, DGAG PA'I PHYIR BSHAD PA, BLO LA SOGS PA NI BDAG DANG 'BREL PA MA YIN NO, ,GA LAS SHE NA, @158A *, ,BLO LA SOGS PA DE LA NI BDAG LAS GZHAN NYID KYI NUS PA MTHONG BA'I PHYIR RO, ,RE ZHIG BLO NI DBANG PO LA BRTEN PA DANG YID LA BRTEN PA'O, ,DE LA MIG LA SOGS PA'I BLO'I RGYU NI GANG GI BDAG NYID KYI DBANG PO'AM YUL YIN TE, DE DAG GI RJES SU 'GRO LDOG GI RJES SU BYED PA'I PHYIR RO, ,NUS PA NYAMS PA MED PA'I RNAM PAR SHES PA SNGA MA YANG RGYU YIN NO, ,CI STE GTAN DU GNAS PA'I RNAM PAR SHES PA'I LDOG PA MTHONG BA MED PA'I PHYIR CI LTAR SHES PA PHYI MA SKYE BA'I RGYU'I DNGOS PO YIN ZHE NA, RNAM PAR SHES PA SNGA MA DE RNAM PAR SHES PA PHYI MA'I GZUNG BA LAS YUL GZHAN LA YENGS TE CHAGS SAM, 'KHAMS PA NI SDANG BA STE DE DAG LA SOGS PA GNYID LOG PA DANG SMYO BA DANG RMUGS PA LA SOGS PA GANG YIN PAR GYUR NA, RNAM PAR SHES PA PHYI MA GANG YIN PA DE NI MI SKYE BA DANG, MDO MDOR RNAM PAR CHAD PAR 'CHOL BA NYID DANG, SOGS PA SMOS PAS MI GSAL BA NYID DE DE LTAR MTHONG BA'I PHYIR SNGA MA RGYU YIN NO, ,RNAM PAR SHES PA SNGA MA NUS PA NYAMS NA DON GZHAN GYI YUL CAN PHYI MA MI SKYE BA NYID DAM, BAR DANG BCAS PA DANG BAR MED PA 'CHOL BA DANG, MI GSAL BAR SNANG BA SKYE BA YIN NO, ,'DI LTAR YID GZHAN LA CHAGS PA NA MIG DANG RNA BA GTAD KYANG YUL GANG NA GNAS PA'I GZUGS DANG SGRA CI 'DRA BA ZHIG LAN CIG MA YIN PAR RANG GI RNAM PAR SHES PA SKYED PAR RUNG BAR MTHONG BA'I YUL DE NA GNAS PA DE DAG NYID RNAM PAR SHES PA MI SKYED DE, ,DON GZHAN LA YID CHAGS PA DANG NYAMS PAR GYUR NA RO DANG DRI DANG REG BYA DAG GI DBANG PO DANG PHRAD NAS GZUNG BAR BYA BA YIN PA'I PHYIR MI GSAL BAR 'DZIN TO, ,KHYAD PAR GYI RJES SU BYED PA'I PHYIR RGYU DANG 'BRAS BU'I DNGOS PO YIN TE, ZHING DANG MYU GU GNYIS LTA BU'AM, YOD PA DANG MED PA'I RJES SU BYED PA'I PHYIR SA BON DANG MYU GU GNYIS BZHIN NO, ,GNYI GA GZUNG BA'I PHYIR MI SKYE BA DANG 'CHOL BA SMOS SO, ,GANG GI TSE DE DAG KYANG SHIN TU NYE BA NA 'DUG PAR 'GYUR BA DE'I TSE SNGAR MTHONG BA'I DUS BZHIN DU MI GSAL BAR @158B MYONG BAR BYED DO, ,MI GSAL BAR MYONG BA NI RNAM PAR PHYE BAR NGES PA MED PA'I PHYIR YIN NA BAR DANG BCAS PA DANG BAR MED PA GO CI LTAR ZHE NA, YOD PA'I DNGOS PO NYE BAR GNAS PA NYID LA YID GZHAN LA CHAGS PA'AM, YID NYAMS PA MED DE MDOR RNAM PAR PHYE PA'I NGES PA SKYE BA STE GTAN DU NI MA YIN NO, ,'DI LTAR DGOS PA GANG ZHIG GI DBANG GIS RINGS PAR 'GRO BA, GZUGS LA SOGS PA MIG LA SOGS PA LA SNANG BAR GYUR KYANG RNAM PAR PHYED PA MED PAR 'GYUR RO, ,'DI LTAR BDAG GIS CI ZHIG CIG MTHONG YANG DE CI YIN ZHES RNAM PAR PHYE BA NI MED DO ZHES SMRA BAR GYUR PA YIN NO, ,DE BZHIN DU GNYID LA SOGS PA'I GNAS SKABS SU YUL NYE YANG RNAM PAR SHES PA MI SKYE STE, 'DI LTAR GNYID LOG NA MIG PHYE ZHING GZUGS KYANG MIG LA MNGON DU PHYOGS PA DANG, RNA BA LA SGRA NYE BAR 'GYUR BA DANG, SHIN TU BSUNG BA'I DRI SNA LA BDUG PA DANG, REG BYA NYE BAR GNAS PA DANG, RO KHAR BCUG PA YIN YANG CI LTA CI LTA BU'I DE LA DMIGS PA'I SHES PA GNYID LOG PA LA MI SKYE'O, ,DE'I PHYIR MIG LA SOGS PA'I RNAM PAR SHES PA RNAMS NI NUS PA NYAMS PA MED PA'I RNAM PAR SHES PA SNGA MA'I RJES SU 'GRO PAR RJES SU RTOGS PAR BYA'O, ,YID KYI RNAM PAR SHES PA'I RGYU YANG NUS PA NYAMS PA MED PA'I RNAM PAR SHES PA SNGA MA YIN TE, DE'I KHYAD PAR GYI RJES SU BYED PA'I PHYIR RO, ,'DI LTAR YID KYI RNAM PAR SHES PA NI RNAM PA DU MA STE, NYAMS SU MYONG BA TZAM LA RNAM PAR RTOG PA'I RANG BZHIN DANG, LA LA NI MNGON PAR 'DOD PA'I RANG BZHIN, LA LA NI BSTAN BCOS KYI DON SEMS PA LA SOGS PA'I BDAG NYID CAN NO, ,DE LA NYAMS SU MYONG BA RNAM PAR RTOG PA'I BDAG NYID CAN NI RJES SU 'GRO BA DANG LDOG PA DAG LA NYAMS SU MYONG BA'I SHES PA LAS DNGOS SU RNAM PA BLANGS PAR MTHONG BA YIN PAS DE'I 'BRAS BU YIN NO, ,MNGON PAR 'DOD PA'I BDAG NYID CAN NI, PHAL CHER 'BAD RTZOL CAN LAS BYUNG BAR MTHONG BAS 'BAD RTZOL GYI RJES SU 'GRO LDOG GI RJES SU BYED PA CAN DE'I 'BRAS BU YIN NO, ,BSTAN BCOS LA SOGS @159A *, ,PA SEMS PA'I SHES PA NI 'DOD PAS SKYE BA DANG GNAS PA DANG LDOG PA'I PHYIR SKYE BA DANG GNAS PA DANG LDOG PA LA 'DOD PA YOD PA DANG MED PA'I RJES SU BYED PA CAN DE'I 'BRAS BU YIN NO, ,RNAM PAR RTOG PA'I RNAM PA NI GNYID LOG PA DANG, SAD PA'I GNAS SKABS SU DNGOS SAM BRGYUD NAS NYAMS SU MYONG BA'I SHES PA'I RJES SU BYED PA CAN NO, ,DE BZHIN DU BSTAN BCOS KYI DON RNAM PAR RTOG PA LA SOGS PA RNAMS KYANG SNGAR GOMS PA'I SHES PA'I RJES SU 'GRO BA DANG LDOG PA'I RJES SU BYED PA'I PHYIR GSAL BAR SNANG BA NYID DO, ,'DOD PA DANG MI 'DOD PA'I RNAM PAR RTOG PA 'PHEL BA DANG, 'DOD CHAGS DANG ZHE SDANG 'PHEL BA YANG GOMS PA NYID LAS YIN NO, ,DE'I PHYIR YID KYI RNAM PAR SHES PA THAMS CAD NI NUS PA NYAMS PA MED PA'I RNAM PAR SHES PA SNGA MA SNGA MA LA RAG LAS TE SKYE BA YIN NO, ,DE BZHIN DU DBANG PO LA SOGS PA'I NYE BAR LEN PA'I RGYU YANG SKAL BA MNYAM PA STE, 'DRA BA'I GNAS SKABS KYI KHYAD PAR SNGA MA SNGA MA YIN NO, ,RNAM PAR SHES PA GCIG LAS NI NYE BAR LEN PA LAS BYUNG BA RTOGS PA'I RANG BZHIN DANG, RTOGS PA'I RANG BZHIN MA YIN PA SKYE BA MED DO ZHES, DE DANG DE MIN RANG BZHIN DNGOS ZHES BYA BA DER BSHAD ZIN TO, ,DE BAS NA MNGAL YONGS SU BZUNG BA NAS BRTZAMS TE, RJES SU MTHUN PA'I KHYAD PAR NI NYE BAR LEN PA'I RGYU YIN LA, BLO NI RKYEN YIN NO, ,CI LTAR BLO RKYEN YIN, GANG GI PHYIR BLO LDOG STE, BLO MED NA LUS MED PA MA YIN NO, ,RJES SU 'GRO BA 'BA' ZHIG GIS NI RGYU 'BRAS BU'I DNGOS PO MA YIN NO ZHE NA, BRJOD PA, LUS KYI BYED PA NI RNAM PAR SHES PA DANG 'BREL PAS 'JUG PA DANG LDOG PA YIN NO, ,BLOS BYAS PA'I G-YO BA'I KHYAD PAR 'GA' ZHIG DANG BRAL BA'I LUS NI NAM YANG MED DO, ,DES NA BYED PA'I TSOGS DANG BCAS PA'I LUS NI BLOS BYAS PA'I SPYOD PA 'GA' ZHIG DANG LDAN PA YIN NO, ,DE YANG BLO'I RJES SU 'GRO BA DANG LDOG PA'I RJES SU BYED PA'I PHYIR BLO CAN YIN PAR 'GRUB BO, ,BYED PA'I TSOGS DANG LDAN PA'I LUS NI YID KYI @159B RNAM PAR SHES PA'I RKYEN MA YIN TE, GANG GI PHYIR RNAM PAR SHES PA NI LUS KYI RJES SU 'GRO BA DANG LDOG PA'I RJES SU BYED PA MA YIN NO, ,CI LTAR RJES SU BYED PA MA YIN TE, GANG GI TSE LUS MED PA RTZIG PA LA SOGS PA LA RNAM PAR SHES PA MED DO ZHE NA, DE LA YANG RNAM PAR SHES PA THE TSOM ZA BA MA YIN NAM, RNAM PAR SHES PA YOD NA CI LTAR RTZIG PA YONGS SU G-YO BAR MI BYED CE NA, MI NUS PA'I PHYIR TE, MED PA'I PHYIR NI MA YIN NO, ,DE BAS NA RTZIG PA LA SOGS PA LA BLO LDOG PAR THE TSOM ZA'O, ,DE ZHING LA SA BON LTAR LUS KYI KHYAD PAR GYI RJES SU BYED PA YANG MA YIN NO, ,GAL TE LUS RGYAS PA LA SOGS PAS 'DOD CHAGS LA SOGS PA 'PHEL BAR MTHONG BA'I PHYIR YID KYI BLO DE'I KHYAD PAR RJES SU BYED PA MA YIN NAM ZHE NA, DE LTAR NI MA YIN TE, GANG GI PHYIR 'DOD CHAGS DANG SDANG BA NI YID BDE BA DANG YID MI BDE BA MED PAR MA YIN NO, ,DE GNYIS KYANG BDE BA MYONG BAR 'GYUR BA DANG, SDUG BSNGAL MYONG BAR 'GYUR BA'I RNAM PAR RTOG PA MED PAR MI 'GYUR LA, DE YANG LUS KYIS BYAS PA LUS KYIS MYONG BA MED PAR MA YIN NO, ,DES NA NANG GI REG PA'I KHYAD PAR NYAMS SU MYONG BA LAS BDE BA MYONG BAR 'GYUR BA RNAM PAR RTOG PA YIN LA, DE LAS KYANG YID BDE BA LA SOGS PA DANG LDAN PAS 'DOD CHAGS LA SOGS PA 'BYUNG NGO, ,DE BAS NA LUS NYAMS SU MYONG BA'I SHES PA'I YUL DU GYUR PA NA BAG CHAGS SAD PA'I RGYU YIN GYI, DNGOS SU YID KYI RNAM PAR SHES PA'I RGYU NI MA YIN NO, ,MIG BZHIN DU GZHAN DU MI 'THAD PAS KYANG LUS RGYU MA YIN NO, ,GZHAN YANG YID KYI RNAM PAR SHES PA'I RNAM PA'I BYE BRAG GI NYAMS SU MYONG BA LAS YIN LA, GSAL BA NYID DANG, 'DOD PA NYID DANG, 'DOD CHAGS LA SOGS PA NI GOMS PA LAS YIN ZHING RTOGS PA'I RANG BZHIN NYID NI DE MA THAG PA'I RKYEN LAS YIN NA, DE LAS KHYAD PAR GANG ZHIG SGRUB PAS LUS RGYU YIN PAR 'GYUR, ,DE LTAR NA DBANG PO MA YIN PA'I LUS NI RGYU MA YIN NO, ,DBANG PO'I TSOGS KYANG YIN GYI RNAM PAR SHES PA'I RGYU MA YIN @160A *, ,TE; GSAL BAR SNANG BA NYID DANG, YUL CAN NYID DU THAL BA'I PHYIR RO, ,DBANG BO THAMS CAD YID KYI RNAM PAR SHES PA RE RE'I RGYU YIN NA, NGES PA MED PAR 'GYUR NA GSAL BAR SNANG BA GO CI LTAR YIN, ,GAL TE RNAM PA THAMS CAD DANG LDAN PA'I SHES PA DBANG PO RE RES BYED NUS NA DBANG PO LNGAR RTOG PA DON MED DO, ,DE'I PHYIR YID KYI BLO NYID LUS KYI RGYU YIN GYI, LUS NI YID KYI BLO'I MA YIN NO, ,RGYU'I TSOGS DE TZAM DANG RJES SU 'GRO BA DANG LDOG PA LA BRTEN PA YIN PA DE'I PHYIR DE'I PHYIR DE NYID GRUB PA'I RGYU YIN GYI BDAG NI MA YIN TE, RJES SU 'GRO BA DANG LDOG PA RJES SU BYAS PA'I RGYU'I TSOGS LAS GZHAN RTAG NA NI DE LAS RGYU GZHAN BRTAG PAR BYA ZHING DE LAS KYANG GZHAN YIN PA'I PHYIR THUG PA MED PAR 'GYUR RO, ,BSHAD ZIN PA'I DON SDUD PA NI RGYU'I TSOGS GANG ZHIG YOD NA GANG 'GYUR NYID DE, NAM YANG MI 'GYUR BA MA YIN PA'I RGYU'I TSOGS DE LAS GZHAN PA YANG DE'I RGYUR RTOGS PA YIN NA, BSKYED PAR BYA BA'I DNGOS PO THAMS CAD LA RGYU RNAMS THUG PA MED PAR THAL BAR 'GYUR RO, ,GZHAN YANG KHYOD KYIS MNYAN BYA NYID LA SOGS PA DANG LDAN PA KHYAD PAR DU 'GYUR BA LA BRTEN NAS LDOG PA 'KHRUL PA MED PA CAN DU BRJOD PA YIN NA MNYAN BYA NYID LAS 'DI KHYAD PAR NI CI YANG MED DO, ,GANG GI PHYIR SROG LA SOGS PA MNYAN BYA NYID DANG 'KHRUL BAR YANG MTSUNGS SO, ,CI LTAR NA MNYAN BYA NYID MTHUN PA'I PHYOGS LAS LDOG PA YOD PAS 'KHRUL BA DE BZHIN DU SROG LA SOGS PA'I LDOG PA YANG MTHUN PA'I PHYOGS LA 'JUG PAS 'KHRUL PA CAN YIN NO, ,GZHAN GYIS SMRAS PA, MTSUNGS PA MA YIN NO, ,CI'I PHYIR ZHE NA, MNYAN BYA NYID DE'I LDOG PA 'KHRUL PA'I PHYIR RO, ,KHYAD MA MTHONG NAS CI LTAR ZHES GSUNGS SO, ,GZHAN GYIS SMRAS PA, GANG GI PHYIR MNYAN BYA NYID DE NI MTHUN PA'I PHYOGS MA YIN PA KHO NA LAS LDOG PA MA YIN GYI, 'ON KYANG BUM PA LA SOGS PA MTHUN PA'I PHYOGS LAS KYANG YIN PA DE'I PHYIR 'KHRUL PA YIN NO, ,DON 'DI NYID KHAS BLANGS NAS BSHAD PA, KHYAD KYIS DA SKAD BRJOD PA DE NI MNYAN BYA NYID 'DI @160B MTHUN PA'I PHYOGS LA 'JUG PA YOD PA MED PAR BRJOD PA MA YIN NAM, MTHUN PA'I PHYOGS LA 'JUG PA MED PA DE NI GZHAN SROG LA SOGS PA LA YANG MTSUNGS PA'I PHYIR CI LTAR GROG LA SOGS PA MNYAN BYA NYID DANG MI MTSUNGS, GNYI GA YANG MTHUN PA'I PHYOGS LA 'JUG PA MED PAS LDOG PA 'KHRUL PA'I PHYIR MTSUNGS SO, ,GZHAN YANG SROG LA SOGS PA MTHUN PA'I PHYOGS MA YIN PA NYID MED DO ZHES BRJOD PAS NI SROG LA SOGS PA 'DI MTHUN PA'I PHYOGS LA YOD PAR BRJOD PA YIN NO, ,'DI GA LAS SHE NA, DGAG PA GNYIS KYI RNAM LA STE, DGAG PA DANG PO'I BSGRUB PA RTOGS PA'I PHYIR RO, ,'DI LA MED DO ZHES DANG POS YOD PA DGAG PAR BYA BA YIN NO, ,DGAG PA DE MTHUN PA'I PHYOGS LA YANG THAL BAS MTHUN PA'I PHYOGS MA YIN PA'I TSIG GIS YANG 'GOG PA YIN NO, ,DGAG PA BKAG NA NI RNAL MA YOD PA NYID GO BAR 'GYUR TE, 'DI NI LHA SBYIN MA YIN PA MA YIN NO ZHES BRJOD NA LTA SBYIN RNAL MA RTOGS PA BZHIN NO, ,GAL TE 'DIR MTHUN PA'I PHYOGS MED PA LA YOD PA DGAG PA SGRUB PA MA YIN NAM, DE CI LTAR MTHUN PA'I PHYOGS LA YOD PAR 'GYUR ZHE NA, BSHAD PA, DE LTA MA YIN TE, GAL TE MTHUN PA'I PHYOGS LA YOD PA SGRUB PAR MI 'DOD NA DE'I TSE RNAM PAR BCAD PAR BYA BA MED PA'I PHYIR MTHUN PA'I PHYOGS MA YIN PA NYID LA MED PA ZHES NYID KYIS SGRA NGES PAR GZUNG BA'I 'BRAS BU CIR 'GYUR TE CIR YANG MI 'GYUR RO, ,'DI SKAD BRJOD PA YIN TE, DGAG PA GNYIS KYIS MTHUN PA'I PHYOGS LA YOD BAR 'GYUR BA 'BA' ZHIG TU NI MA ZAD KYI, 'ON KYANG NGES PAR GZUNG BA DANG BCAS PAS KYANG YIN NO ZHES SO, ,'O NA NGES PAR GZUNG BAR MI BYA'O ZHE NA, BSHAD PA, NGES PAR GZUNG BA MED NA NI MI MTHUN PA'I PHYOGS LA MED PAR MA BRJOD PAR LDOG PA LA THE TSOM ZA BA'I LDOG PA MI 'KHRUL PAR MI 'GYUR BA'I PHYIR GDON MI ZA BAR NGES PAR GZUNG BAR BYA DGOS SO, ,DE LTA YIN DANG MTHUN PA'I PHYOGS LA YOD PAR BRJOD PA NYID DO, ,GANG GI PHYIR NGES PAR GZUNG BA'I 'BRAS BU RNAM PAR BCAD PA YIN PA DE NYID @161A *, ,KYI PHYIR MTHUN PA'I PHYOGS NYID LA YOD PA, MTHUN PA'I PHYOGS MA YIN BA NYID LA MED PA ZHES NGAG GI DON DPE DAG GIS RTOGS PAR BYA BA YIN PAS CHOS MTHUN BA DANG CHOS MI MTHUN BA'I DPE 'DI GNYIS LAS GANG YANG RUNG BAS RJES SU 'GRO BA DANG LDOG PA GNYI GA BSTAN PAR SLOB DPON PHYOGS KYI GLANG BOS BRJOD DO, ,BSGRUB PA LA NGES PAR GZUNG BAS DGAG PA 'PHEN LA DGAG PA NGES PAR GZUNG BAS KYANG SGRUB PA 'PHEN TE, NGES BAR GZUNG BA NI GNYI GA'I RANG BZHIN YIN BA'I PHYIR RO, ,GANG GI PHYIR NGES PAR GZUNG BA DANG BCAS PA'I LDOG BAS SGRUB PA 'PHEN PA DE'I PHYIR LDOG PA MI 'KHRUL PA 'DI 'DRA BA NI RJES SU 'GRO BA MED BAR MI 'GRUB BO, ,GANG ZHIG MTHUN PA'I PHYOGS LA YOD PA MA YIN PA DE NI MTHUN PA'I PHYOGS LAS LDOG PA YIN TE, YOD BA BKAG PA'I RANG BZHIN YIN PA'I PHYIR RO, ,DES NA CI LTAR MTHUN BA'I MED PA LA NGES PAR 'GYUR, DES NA 'KHRUL PA MED PA 'DI 'DRA BA GRUB NA NI DON GYI SHUGS KYIS RJES SU 'GRO BA SGRUB BAR BYED DO, ,GA LAS SHE NA, DGAG PA NI LDOG PA YIN LA DGAG PA DE BKAG PA NI SGRUB PA'I RANG BZHIN YIN TE, GTAN TSIGS DE'I PHYIR LDOG PA BKAG PA NA MTHUN PA'I PHYOGS LA RJES SU 'GRO BA 'GUGS PAR BYED DO, ,'DI SNYAM DU MTHUN PA'I PHYOGS MED PA LAS GTAN TSIGS LDOG PA NI MED DE, MED PA LA NI 'BYUNG KHUNGS LA SOGS PA'I NUS BA MED DO ZHES LAN CIG MA YIN PAR BRJOD DO, ,DE'I PHYIR SROG LA SOGS PA NI MTHUN BA'I PHYOGS MA YIN PA BDAG MED PA YOD BA NYID LA MED PA YIN NO, ,GZHAN GYIS NI BDAG DANG BCAS PA 'GA' YANG MI 'DOD PA DES NA MTHUN PA'I PHYOGS MED PA YIN NO SNYAM NA, GAL TE DE LTA NA MED PA LAS LDOG PA MED CES SMRAS NA LDOG PA DE NYID MED PA LAS LDOG PAR CI LTAR 'DOD, ,CI LTAR LDOG PA'I MTSAMS MA YIN PA BZHIN DU LDOG PA'I LDOG PA YANG MA YIN NO, ,GZHAN YANG GANG GI PHYIR MED BA BKAG PA YOD PA DE NI DNGOS BO MED PA'I MED PA LA YANG YOD LA DNGOS PO BKAG PA LDOG PA TZAM NI MED DO ZHES BRJOD PA NI LHA RNAMS DGA' BA STE, @161B RMONGS PA RNAMS DGA' BA KHYED SHES RAB 'KHRUL PA MED PA YIN NO, ,'DI NI DE'I SHES RAB 'KHRUL PA MED PA GZHAN YIN TE, YUL DE LA DGAG PA MI 'DOD BA DANG, YOD PA MA YIN PA DANG DNGOS PO MED BA ZHES BYA BA DE LTA BU LA SOGS PA DE'I YUL CAN GYI SGRA YANG SBYOR BA GANG YIN PA'O, ,GANG ZHIG BLOS BRTAGS PAR NUS PA DE NI SGRAS BRJOD BAR BYA BA YIN LA, BRJOD PAR BYA BA GANG YIN BA DE NI SGRA'I THA SNYAD KYIS ZIN PA 'BYUNG KHUNGS LA SOGS PA'I NUS PA DANG LDAN PA YIN PA'I PHYIR CI LTAR DE LA SGRA YANG SBYOR BA DANG 'BYUNG KHUNGS LA SOGS PA'I NUS PA MED PA'I PHYIR DE LA MED PA NYID KYANG ZLOG PAR BYED, DE'I PHYIR DE LTAR GAL TE MED PA LDOG PA'I GZHI MA YIN NA LDOG PA'I GZHI YANG MA YIN NO, ,DE BZHIN DU MED PA BKAG NA YANG YOD BSGRUB PAR 'GYUR NA, DE YANG MI RIGS PA DANG, DE BZHIN DU GZHI LA SOGS PA DANG MI LDAN BA'I PHYIR SGRAS BRJOD PAR BYA BAR YANG MI 'GYUR RO ZHES SKYON GSUM BRJOD DO, ,DE'I SPROS PA DANG NYE BAR SPROS PA'I DON GANG YIN PA DE THAMS CAD NI MED PA LA MED PA ZHES TSUL GSUM PA MED PA BSHAD PA CHED DU BYAS PAS BSAL ZIN TE, DES NA 'DIR YANG MI DPYAD DO, ,GZHAN YANG BDAG MED NA LDOG PAR MI 'GYUR MOD, BDAG MED PA NI MA YIN NO, ,CI'I PHYIR ZHE NA, BDAG YOD PA'I SGRUB BYED 'JUG PA'I PHYIR RO, ,BSAL BA'I PHYOGS GANG YIN PA DE LA NI SGRUB BYED 'JUG PA MA YIN NO, ,DES NA BDAG GRUB PA'I PHYIR GTAN TSIGS SBYOR BAS NA MED PA MA YIN GYI THE TSOM DU 'GYUR RO, ,KHO BO CAG BDAG MED PA NI MA YIN GYI, 'ON KYANG GZHAN GYIS BDAG DE LTAR MED PAS KHAS BLANGS PA YIN NO ZHE NA, DE NI MA YIN TE, GZHAN GYIS DE LTAR MED PAR KHAS BLANGS PA DE'I PHYIR NA KHAS BLANGS PA TSAD MA MA YIN PA DE LAS DE LTAR MED PAR 'GYUR BA YANG MA YIN TE, HA CANG THAL BAR 'GYUR BA'I PHYIR RO, ,GZHAN GYIS NI GSON PO'I LUS KYANG BDAG MED PAR KHAS BLANGS PA DES NA DE BZHIN DU 'GYUR BAS KHYED KYI SGRUB BYED DON MED DO ZHES BYA BA NI HA CANG THAL BA'O, ,GANG ZHIG KHO BO CAG GIS BDAG MED PAR 'DOD PA DE NYID LA @162A *, ,GZHAN GYIS KHAS BLANGS PA TSAD MA YIN GYI, GZHAN LA NI NGED KYI TSAD MAS GZHAN GYIS KHAS BLANGS PA GNOD PAR BYA BA'I PHYIR TSAD MA MA YIN NO ZHE NA, GAL TE DE LTAR KHAS BLANGS PA'I STOBS KYIS MTHUN PA'I PHYOGS MED BA DANG, MI MTHUN PA'I PHYOGS YOD PAR BYAS NAS MTHUN PA'I PHYOGS MED PA LA NI LDOG CING, MI MTHUN PA'I PHYOGS YOD BA LAS LDOG PA'I PHYIR RO, ,LDOG PA GCIG TU NGES PAR BRTAGS TE KHYOD KYIS SGRUB BYED 'JUG PAR BYED PA YIN NA, KHAS BLANGS PA'I STOBS KYIS MTHUN PA'I PHYOGS DANG, MI MTHUN PA'I PHYOGS RNAM PAR GZHAG NAS TSAD MA 'JUG PA NI MA YIN TE, GANG GI PHYIR DE LTAR TSAD MA 'JUG PA NI BDAG LUNG GIS GRUB PAR 'GYUR RO, ,MTHUN PA'I PHYOGS DANG MI MTHUN PA'I PHYOGS KHAS BLANGS PAS BYAS NA BSGRUB BYA LA MI 'KHRUL BA YANG KHAS BLANGS PAR BYAS PA'I PHYIR RO, ,DE NYID KYI PHYIR RJES SU DPAG PAS GRUB PA NI MA YIN NO, ,DE'I PHYIR GZHAN GYIS KHAS BLANGS BAS MTHUN PA'I PHYOGS MED PA NI MA YIN NO, ,DE BAS NA RE ZHIG MTHUN PA'I PHYOGS MED PA LAS KYANG LDOG PA YIN NO ZHES BSHAD PA YIN NO, ,BDAG THE TSOM ZA BA DE'I PHYIR MTHUN PA'I PHYOGS MED PA LAS LDOG PA MED KYANG SROG LA SOGS PAR LDOG PAR THE TSOM ZA BAR 'GYUR RO, ,GANG GI PHYIR MTHUN PA'I PHYOGS LAS LDOG PAR THE TSOM ZA BA DE NYID KYI PHYIR MI MTHUN PA'I PHYOGS LAS KYANG LDOG PAR THE TSOM ZA'O, ,'DI GA LAS SHE NA, GANG GI PHYIR DNGOS PO'I CHOS NI BYE BRAG GCIG LA NGES PAR YOD PA NYID DU GRUB NA GZHAN LAS LDOG PAR GRUB PA'I PHYIR RO, ,BYE BRAG GNYIS KYIS MA BSDUS PA'I DNGOS PO NI MED DE, DE NA CI SRID CIG LA NGES PAR MA GRUB PA DE SRID DU GZHAN LA LDOG PA MA YIN NO, ,GAL TE GCIG LAS NGES PAR GRUB PA NYID KYIS GZHAN LAS LDOG PAS MA YIN GYI, ,'ON KYANG GZHAN LAS LDOG PAR MTHONG BA LAS KYANG YIN NO, ,BDAG MED PA LAS KYANG SROG LA SOGS PA LDOG PA YIN NO ZHES BSHAD PA, DA LTA MA YIN TE, GAL TE GCIG LA YOD PAR NGES PA MA YIN NA, MTHONG BA'I DNGOS @162B PO 'GA' ZHIG LA BLTAR RUNG BA'I SROG LA SOGS PA MED PAR GRUB KYANG MA MTHONG BA'I DON RNAMS LA SROG LA SOGS PA THE TSOM DU 'GYUR RO, ,GAL TE SROG LA SOGS PA BDAG MED PA GZHAN RNAMS LA 'JUG PA YIN NA BDAG MED PA NYID DU KHYAD PAR MED PA'I PHYIR BUM BA LA SOGS PA LA YANG 'JUG PAR 'GYUR RO, ,DES NA LA LA LA MI 'JUG PA'I PHYIR DE'I RIGS CAN LA MI 'JUG GO ZHES DOGS PA LA THE TSOM BSGRUB PAR BYA BA'I PHYIR BSHAD PA, GANG GI PHYIR GSAL BA'I BYE BRAG MTHA' DAG LA KHYAB PA MA YIN PA'I DNGOS PO GANG YIN PA DE YANG DE'I RIGS LA GNAS PA'I GSAL BA NYUNG ZAD LA SRID PA MTHONG STE, DPER NA DNGOS PO SRA BA RNAMS KYI NANG NAS RDO RJE LA SOGS PA SRA BA 'GA' ZHIG LA MTSON GYIS MI CHOD PA MTHONG BA BZHIN NO, ,DE TZAM GYIS NI SRA BA NYID DU KHYAD PAR MED PA'I PHYIR THAMS CAD MTSON GYIS MI CHOD PAR 'GYUR RO ZHES NI BRJOD PAR MI NUS SO; DE BZHIN DU BDAG MED PA 'GA' ZHIG LA SROG LA SOGS PA MA MTHONG YANG GSAL BA 'GA' ZHIG LA GNAS PAR 'GYUR RO, ,GZHAN YANG SROG LA SOGS PA DANG BDAG 'GA' BA MTHONG BA MED PA'I PHYIR RO, ,MDOR GZHAG PA DGROL BA'I PHYIR BSHAD PA, BDAG MED PA DANG SROG LA SOGS PA RNAM PA GNYIS PO PHAN TSUN SPANGS TE GNAS PA DANG, LHAN CIG MI GNAS PA'I RANG BZHIN GYIS BSHAD ZIN PA'I RANG BZHIN GYI 'GAL BA MA GRUB PA'I RGYU'I PHYIR SROG LA SOGS PA BDAG MED PA LAS LDOG PAR THE TSOM ZA'O, ,BDAG MED PA SPANGS PAS SROG LA SOGS PA GNAS PA YANG MA YIN LA, SROG LA SOGS PA RGYU MA TSANG BA MED PAR 'JUG PA LA BDAG MED PA NYE BAS LDOG PA YANG MA YIN TE, DE LTAR MI RUNG BA'I PHYIR RO, ,GAL TE SROG LA SOGS PA BDAG MED PA DANG 'GAL BA BDAG GIS KHYAB PA'I PHYIR 'GAL BAR 'GYUR BA MA YIN NAM ZHE NA, BSHAD PA, GANG GI PHYIR SROG LA SOGS BA BDAG LA NGES PA YIN NA 'GAL BAS KHYAB PA'I PHYIR BDAG MED BA DANG LHAN CIG 'GAL BAR 'GYUR LA, NGES PA YANG DE'I 'BRAS BU 'AM DE'I BDAG NYID RANG BZHIN 'BREL PA'I BDAG NYID CAN GYIS YIN NA, @163A *, ,DE'I 'BRAS BU DANG BDAG NYID KYIS BYAS PA'I BDAG LA NGES PA DE NI THA DAD PAS DE'I BDAG NYID MED PA'I PHYIR 'BRAS BU NYID DU MA GRUB PA'I PHYIR MED DO, ,SKYON GZHAN YANG BSTAN PA'I PHYIR GZHAN GYIS 'DOD PA KHAS BLANGS NAS BSHAD PA NI, SROG LA SOGS PA BDAG MED PA LAS LDOG BA DANG ZHES BYA BA YIN NO, ,DON 'DI YIN TE, BDAG MED PA SROG LA SOGS PA MED PAS KHYAB PA DANG, SROG LA SOGS PA DE DAG YOD PAR KHYAB PAR BYED PA SROG LA SOGS PA MED PA LDOG PAS KHYAB PAR BYA BA BDAG MED PA LDOG TU CHUG PA DE LTA NA YANG BDAG MED PA MED PAS GSON PO'I LUS LA BDAG YOD PAR MI 'GRUB PO, ,CI LTAR BDAG MED PA LOG NA BDAG MED PA LDOG PA'I RANG BZHIN BDAG MI 'GRUB CE NA, BSHAD PA, 'DI LTAR BDAG MED PA BDAG LDOG PA MED BAS BDAG YOD BAR 'GYUR BA RIG PA CAN 'DI LDOG PA STE, DNGOS PO MED PA MED PAR DNGOS POR 'DOD PA NI MA YIN NO, ,CI LTAR ZHE NA, DPER NA ZHES SMOS TE, CI LTAR SROG LA SOGS PA LDOG PA MED KYANG MTHUN PA'I PHYOGS LA SROG LA SOGS PA MI 'DOD PA BZHIN NO, ,DON 'DI NYID TSIGS SU BCAD PAS SDUD PA NI, GAL TE GTAN TSIGS MTHUN PA'I PHYOGS LA LDOG PA CAN MA YIN NA, 'O NA MTHUN PA'I PHYOGS LA RJES SU 'GRO BA CAN YIN TE, LDOG PA BKAG PA NYID RJES SU 'GRO BA YIN PA'I PHYIR RO, ,'ON TE GTAN TSIGS MTHUN PA'I PHYOGS LAS LDOG PA MED KYANG MTHUN PA'I PHYOGS LA RJES SU 'GRO BA MI 'DOD NA, DE LTA NA NI 'O NA DGAG PA BKAG PA SGRUB BAR KHAS MA BLANGS BA DES NA BDAG MED PA YOD PA MA YIN NA YANG GSON BO NI LUS GANG YIN PA DE BDAG DANG BCAS PAR MI 'GRUB PO, ,BDAG BKAG PA NI BDAG MED PA YIN LA, DE BKAG PA NI SGRUB PA MA YIN PA DE'I PHYIR BDAG MI 'GRUB PO, ,CIG SHOS KYIS SMRAS PA, GAL TE GANG LAS BDAG MED PA BKAG KYANG BDAG RTOGS PAR MI 'GYUR BA SROG LA SOGS PA YONG PAS KHYAB PAR BYED PA SROG LA SOGS PA MED PA LDOG PAS BDAG MED BA BZLOG PA'I PHYIR BDAG RTOGS PA NI @163B MA YIN GYI, ,'ON KYANG SROG LA SOGS PA NI SGRUB PA'I SGO KHO NAS BDAG GO BAR BYED PA YIN TE, NYE BAR 'JOG PA NYID KYIS YIN GYI BDAG MED PA LDOG PA NI MA YIN NO ZHES BYA BA'I THA TSIG GO, ,GAL TE DE LTAR NA 'O NA BDAG MED PA LAS LDOG PA LA 'BRAS BU CI YOD DE CI YANG MED DO, ,CI'I PHYIR ZHE NA, GANG GI PHYIR SROG LA SOGS PA DE BDAG MED PA DE LA MI SRID PA STE, MI SRID PA'I RGYUS GANG NA RANG YOD PA DE RANG YOD PAS BDAG MED PA DE MED PAR GO BAR BYED PA NA BDAG RTOGS PAR BYED PA'I RGYU DE'I PHYIR BDAG MED PA DE LAS LDOG PA CAN YIN PAS NA GO BAR BYED PAR BRJOD PA YIN TE, LDOG PA 'BRAS BU DANG BCAS PAR 'GYUR RO ZHES BYA BA'I THA TSIG GO, ,DE LTA MA YIN NA ZHES BYA BA BDAG MED PA LAS LDOG PAS GO BAR BYED PA NYID DU BYAS PA MA YIN NA, GANG GI PHYIR BDAG MED PAS LDOG PA CAN GO BAR BYED PAR BRJOD PA SROG LA SOGS PA BDAG MED PA LAS LDOG PA BDAG GRUB PA LA CI PHAN, DE'I PHYIR BDAG MED PA LAS LDOG PA'I SGO NAS GO BAR BYED PAR 'DOD PAR BYA'O, ,YANG NA SROG LA SOGS PA SGRUB PA'I SGO NAS GO BAR BYED PA YIN MOD, 'ON KYANG 'DI LA 'DI SKAD CES, DE'I BDAG NYID DANG DE'I 'BRAS BU NYID KYIS BDAG NYID NGES PAR MA GRUB PA'I SROG LA SOGS PA GANG DAG YIN PA DE DAG GIS BDAG CI LTAR GRUB PA BRJOD PAR BYA'O, ,GAL TE 'BREL PA MED PA NYID KYIS SGRUB PAR BYED NA NI HA CANG THAL BAR 'GYUR TE, DE LTAR YIN NA THAMS CAD KYI GO BYED DU 'GYUR RO, ,GANG GI PHYIR 'BREL PA MA GRUB PAS NA BDAG MED PA SROG LA SOGS PA MED PA LA MA KHYAB PA DANG, LDOG PA GCIG TU NGES PA YANG MA YIN PA DE BAS NA RJES SU 'GRO BA DANG LDOG PA LA THE TSOM ZA BA'I PHYIR LDOG PA DANG LDAN PA'I GTAN TSIGS NI THUN MONG MA YIN PA'I MA NGES PA YIN NO ZHES BYA BA NI SKABS KYIS MJUG SDUD PA'O, , RTZOD PHYIR KHYAD PAR SPYI DAG STE ZHES GANG BSHAD PA DE LA KHYAD PAR LA RTZOD PA BSTAN TE, BZLOG NAS SPYI LA YANG BZLOG PA'I PHYIR STON PA NI GZHAL BYA NYID THUN MONG BA YANG NAM MKHA' LA SOGS PA 'DUS MA BYAS LA SKUR PA MDO SDE PA GANG YIN PA'I NAM MKHA' LA SOGS PA MED PA LA GZHAL @164A *, ,BYA NYID RJES SU 'GRO BA MI RUNG BA'I PHYIR 'DI NI MI RTAG BA NYID LA RJES SU 'GRO BA YIN NO, ,DES NA 'DI'I RJES SU 'GRO BA NI 'KHRUL PA MED PA CAN MTHUN PA'I PHYOGS TZAM GYI MTHAR THUG PA YIN TE, GZHOL BYA NYID NI MTHUN PA'I PHYOGS MI RTAG PA NYID LA YOD PA YIN GYI MI MTHUN PA'I PHYOGS RTAG PA LA MA YIN TE, DE NYID MED PA'I PHYIR RO, ,DES NA LDOG PA MED PA'I PHYIR RJES SU 'GRO BA DANG LDAN PA NYID KYI GTAN TSIGS SU RIGS PA CAN SMRA'O, ,RJES SU 'GRO BA CAN GYI GTAN TSIGS DE LA YANG GAL TE 'DI MTHUN PA'I PHYOGS NYID LA YOD PA YIN NA, CI LTAR MI MTHUN PA'I PHYOGS LAS LDOG PA MED PA YIN TE, DE NYID KYIS MI MTHUN PA'I PHYOGS LAS LDOG PAR YANG 'GYUR BA'AM, MI MTHUN PA'I PHYOGS LAS LDOG PA MED NA YANG CI LTAR MTHUN PA'I PHYOGS NYID LA YOD PA ZHES BRJOD, GANG GI PHYIR GAL TE MI MTHUN PA'I PHYOGS LA YOD PA NYID RNAM PAR BCAD PA MA YIN NA, SGRA NGES PAR GZUNG PA'I 'BRAS BU CI YANG MA YIN NO, ,GANG GI PHYIR LDOG PA NI YOD PA NYID RNAM PAR BCAD PA LAS GZHAN MA YIN PA'I PHYIR YOD PA RNAM PAR GCOD PAR BYED NA YANG CI LTAR MI LDOG STE, LDOG PA DE'I PHYIR MI MTHUN PA'I PHYOGS LAS YOD PA NYID RNAM PAR BCAD PA NYID 'DI'I LDOG PA YOD PA YIN NO, ,'DI SNYAM DU MI MTHUN PA'I PHYOGS MED PA'I PHYIR DE LA LDOG PA DANG RJES SU 'GRO BA MED DO SNYAM NA, BSHAD PA, RJES SU 'GRO BA YANG MA YIN LA, LDOG PA YANG MA YIN NO ZHES GNYI GA 'GOG PA 'DI NI 'GAL BA YANG YIN NO, ,CI'I PHYIR ZHE NA, 'DI LTAR MED DO ZHES MI MTHUN PA'I PHYOGS LA RJES SU 'GRO BA BKAG PA GANG YIN PA DE NYID LDOG PA SGRUB PA YIN PA'I PHYIR TE, DE DAG NI PHAN TSUN SPANGS PAS GNAS PA'I PHYIR RO, ,DES NA 'DI NI RJES SU 'GRO LDOG DANG LDAN PA YIN NO; 'DIR RIGS PA CAN GYI BRJOD PAR BYA BA MED PA NI GZHI 'AM GZHAN MA YIN PA'I PHYIR MED PA LA LTOS TE LDOG PA DANG, MI RUNG BA'I PHYIR MI MTHUN PA'I PHYOGS MED PA LAS RNAM PAR GCOD PA MA YIN TE ZHES BYA BA DE NYID YANG 'ONGS PA YIN PAS, GAL TE MED PA LAS LDOG @164B PA MED NA, CI LTAR MED PA LA RJES SU 'GRO BA DGAG PAR 'DOD CES YANG DE NYID LAN DU BRJOD PAR BYA BA YIN NO, ,LDOG PA NI RJES SU 'GRO BA BKAG PA LAS GZHAN MA YIN BA'I PHYIR RO, ,'DI LAS KYANG LDOG PA YIN TE, GANG GI PHYIR LDOG PA NI GTAN TSIGS BKAG PA YIN NO, ,DE YANG RNAM PA GNYIS TE, DNGOS PO'I RANG BZHIN 'PHEN PA MA YIN PAR BKAG PA DANG, DNGOS PO'I RANG BZHIN LA LTOS PA MED PA MED PAR DGAG PA TZAM MO, ,DE LA DNGOS PO'I RANG BZHIN LA REG PA CAN MA YIN PAR DGAG PA MED BA LA MI SRID KYANG, MED PAR DGAG PA GANG YIN PA DE GO CI LTAR MI SRID, 'DI LTAR GANG GIS NA THAMS CAD DNGOS PO LA REG PA CAN YIN PAS GANG GIS DNGOS PO MED PA LA MI SRID PAR 'GYUR BA MA YIN PAR DGAG PA GCIG PU NI DGAG PA'I YUL MA YIN NO, ,'O NA CI ZHE NA, GZHAN MED PAR DGAG PA YANG YIN LA, DE NI DNGOS PO MED PA LA MI 'GAL LO, ,GZHAN GYIS SMRAS PA, MED PAR DGAG PA DE YANG MED PA LA MI SRID DO, ,CI'I PHYIR ZHE NA, GZHI DANG YANG DAG PAR SBYIN PA LA SOGS PA'I NUS PA'I KHYAD PAR GYI DON CAN TE, BRJOD BAR BYA BA CAN DGAG PA'I YUL STON PA'I RNAM PAR DBYE BA GANG YIN PA DE RNAMS DANG MI LDAN PA'I RGYU'I PHYIR RO, ,GANG ZHIG GZHI LA SOGS PA'I RANG BZHIN DU BLOS REG PAR MI NUS PA DE NI SGRAS KYANG BRJOD PAR MI NUS PA NYID DO, ,RNAM PAR RTOG PA DANG SGRAS YUL DU MA BYAS PA NI GZHAN SGRUB PA 'AM DGAG PA DANG 'BREL PAR NUS PA MA YIN NO, ,NUS PA THAMS CAD DANG BRAL BA'I MED PA YANG GZHI LA SOGS PA'I RANG BZHIN DU BRTAG PA'AM BRJOD PAR NUS PA MA YIN PA DE'I PHYIR GZHAN SGRUB PA DANG DGAG PA DANG 'BREL PA MA YIN NO ZHE NA, RTZOD PA 'DI LA NI, DE'I PHYIR DNGOS DNGOS MED RTEN CAN, ,PHYI ROL RTEN MIN SGRA DON LA, ,BRTEN NAS 'DIR NI BSGRUB PA DANG, ,DGAG PA THAMS CAD 'DOD PA YIN, ,ZHES LAN BTAB ZIN PAS DE NYID LAS RTOGS PAR BYA'O, ,GANG GI PHYIR GANG ZHIG MTHUN PA'I PHYOGS LA NGES PAR YOD PA DE NI MI MTHUN PA'I PHYOGS LAS LDOG PA NYID YIN PA DE'I PHYIR RJES @165A *, ,SU 'GRO BA CAN ZHES BYA BA'I GTAN TSIGS NI 'GA' YANG MED DO, ,LDOG PA NI RJES SU 'GRO BA NGES PA TZAM LA BRTEN PA YIN PA'I PHYIR RO, ,DE DE LTAR NA GAL TE MI MTHUN PA'I PHYOGS LA RJES SU 'GRO BA MA YIN NA, 'ON LDOG PA YANG YID PAR 'GYUR RO ZHES BSHAD DO, ,GZHAL BYA NYID NI MI MTHUN PA'I PHYOGS LA RJES SU 'GRO BA DANG MI LDAN PA YANG MA YIN TE, DE CI LTAR RJES SU 'GRO BA 'KHRUL BA MED PA CAN YIN DNGOS PO LA MTHONG BA'I GZHAL BYA DNGOS PO MED PA LA CI LTAR 'GYUR ZHE NA, GANG GI PHYIR DNGOS PO DANG DNGOS PO MED PA DANG GNYI GA LA BRTEN PA NYID KYIS NA CHOS RNAM PA GSUM MO ZHES BSHAD ZIN TO, ,DES NA GZHAL BYA NYID NI GNYI GA'I CHOS YIN PA'I PHYIR DNGOS PO LA MTHONG BA YANG DNGOS PO MED PA LA MI 'GAL LO, ,GAL TE DNGOS PO MED PA LA CHOS 'GA' ZHIG YOD NA DE LTAR 'GYUR BA YIN NA YOD PA YANG MA YIN NO, ,CHOS NI BSTAN PA'I DON YIN NA MED PA LA NI 'GAR YANG BRTEN PA MA YIN TE, DE NI RTEN NYID DU MI RUNG BA'I PHYIR RO ZHE NA, DE SKAD SMRA BA NI RANG GI TSIG NYID KYIS MED PA LA CHOS KHAS BLANGS PAR BSTAN PA'I PHYIR BSHAD PA, DNGOS PO MED PA LA NI CHOS 'GA' YANG MED DO ZHES BYA BA'I NGAG 'DI LA MED PA'I SGRAS BRJOD PAR BYA BA RNAM PAR RTOG PA'I YUL GYI DON NI CHOS CAN YIN LA, DNGOS PO'I CHOS MTHA' DAG DANG BRAL BA DE NYID DE'I CHOS MA YIN NAM, DE CI LTAR KHYOD MED PA'I CHOS BRJOD PA NYID MED DO ZHES SMRA, GAL TE CHOS DANG BRAL BA CHOS MED PA MA YIN NAM, DE CI LTAR CHOS YIN ZHE NA, GANG GI PHYIR GANG GIS CHOS DANG BRAL BA CHOS SU MI 'GYUR BA DNGOS PO'I RANG BZHIN NYID NI CHOS MA YIN NO, ,CI'I PHYIR DNGOS PO MED KYANG CHOS DANG CHOS CAN YIN ZHE NA, GANG GI PHYIR MED DU ZIN KYANG THA SNYAD KYI RNAM PA 'GA' ZHIG GIS CHOS DANG CHOS CAN GYI SGRA DE'I THA SNYAD DU BYED PA YIN NO, ,GANG GI PHYIR DE DAG LAS KYANG NGO BO 'GA' ZHIG NI RTEN CHOS GZHAN MA SPANGS PAR SGRA DANG RTOGS PA YUL DU BYED LA, 'GA' ZHAG CHOS GZHAN SPANGS PAR RO, ,DE LTA MA YIN NA ZHES BYA BA NI THA SNYAD KYIS BYAS PA RNAM PAR @165B RTOG PA'I YUL GYI CHOS DANG, CHOS CAN GYI DNGOS PO MED PA YIN NA DNGOS PO MED PA DE LA SGRA 'JUG PA'I THA SNYAD MED PA NYID DU 'GYUR RO, ,SGRA'I THA SNYAD NI CHOS DANG CHOS CAN GYI DNGOS PO LA BRTEN PA YIN NO, ,GAL TE CHOS DANG CHOS CAN GYI DNGOS PO NI DON RNAMS KYI DE KHO NA NYID DANG LDAN PA MA YIN NAM, DE CI LTAR DNGOS PO MED PA LA 'GYUR ZHE NA, GAL TE YOD PA RNAMS KYIS DE KHO NA NYID DANG LDAN PA YIN NA MED PA LA CHOS DANG CHOS CAN GYI DNGOS POR MI 'GYUR RO, ,DON DAM PAR NI MED PA BZHIN DU YOD PA LA YANG CHOS DANG CHOS CAN GYI DNGOS PO'I 'GA' YANG YOD PA YANG MA YIN NO, ,'O NA CHOS DANG CHOS CAN GYI DNGOS PO CI LTAR YIN ZHE NA, MED KYANG CHOS DANG CHOS CAN DANG, DE DAG GI 'BREL PA NI RNAM PAR RTOG PA CAN GYI BLOS BKOD PA 'BA' ZHIG TU ZAD DO, ,GAL TE CHOS DANG CHOS CAN DON DAM PAR YIN NA DE'I TSE DE NYID DAM GZHAN YIN, DE NYID NI MA YIN TE CHOS BRJOD PA'I SGRA THAMS CAD RNAM GRANGS PAR THAL BAR 'GYUR RO, ,THA DAD PAR NI MTHONG BA YIN NO, ,CHOS DANG CHOS CAN DU MA NYID YIN NA LHA SPYIN PA SOGS PA'I SGRA LTAR GZHI MTHUN PAR MI 'GYUR NA YOD PA YANG YIN TE, DE BAS NA DON DAM PAR DE NYID DANG GZHAN NYID MI RUNG BA'I PHYIR DANG, DNGOS PO LA RNAM PA GZHAN YANG MED PA'I PHYIR CHOS DANG CHOS CAN GYI DBYE BA NI DNGOS BO MA YIN NO ZHES BYA BA LA SOGS PA NI RNAM 'GREL DU BSHAD ZIN TE, DE NYID LAS RTOGS PAR BYA'O, ,GANG GI CHOS DANG CHOS CAN GYI 'BREL PA BLOS BYAS PA DE'I TSE YOD PA BZHIN DU MED PA LA YANG MTSUNGS PA'I PHYIR GANG GIS BZLOG ,YOD PA BZHIN DU MED PA LA YANG CHOS DANG CHOS CAN GYI DNGOS POR 'GYUR MOD, GZHAL BYA NYID GO JI LTAR TSAD MA NI GZHAL BYA'I 'BRAS BU YIN NA, DNGOS PO MED PA NI 'GA'I YANG RGYU TSAD MA YIN NO, ,TSAD MA NI DON BYED PA LA 'JUG PAR BYED PA YIN NA, DNGOS PO MED PA LA NI NUS PA MED DO, ,DES NA DE'I YUL CAN GYI SHES PA TSAD MA MA YIN PA'I PHYIR DE YANG GZHAL BYA MA YIN NO ZHE NA, BSHAD PA, YOD PA DANG MED PA DANG GNYI GA DANG GNYI GA MA YIN PA'I RNAM PAR GNAS PA STE RAB TU GRAGS PA'O, ,SU'I @166A *, ,ZHE NA, DE YIN PA DANG DE MA YIN BA NI DE DANG DE MA YIN PA STE, YOD PA DANG MED PA'O, ,DE DAG GI BRDA NI THA SNYAD DO, ,DE GANG LA YOD PA'I THA SNYAD BYED PA BO DE RNAMS KYI RNAM PAR GNAS PA NI GO BAR BYED PA MA NGES BA YIN BAS GCIG TU NGES BAR 'DZIN PAR MI 'GYUR TE, DNGOS PO MED PA GZHAL BYA YIN NA NGES PA DANG LDAN PAR 'DZIN PAR MI 'GYUR RO, ,'DI LTAR MED PA GZHAL BYA MA YIN PA'I PHYIR RNAM PAR BCAD BA MED PAS YOD PA DANG MED PA DANG GNYI GA DANG GNYI GA MA YIN BAR RNAM PAR GZHAG BAR BYA BAR 'DOD PA GANG YIN PA DE NYID NGES PA MED PAS RNAM PAR GZHAG PAR BYA MI NUS TE, MI MTHUN PA MED PAR NGES PA MED PAR NI NGES PAR RNAM PAR GNAS BA'I RGYU SGRUB PAR BYED PA MED PA'I PHYIR RO, ,GANG GI TSE DNGOS PO MED PA NYID RNAM PAR GNAS PAR BYA BA YIN PA DE'I TSE MED BA'I PHYIR MI MTHUN PA MA NGES PAS RNAM PAR GNAS PAR BYA BA SGRUB BYED NGES PA MED PA 'BA' ZHIG TU NI MA ZAD KYI, 'ON KYANG RANG NYID KYANG MED PA'I PHYIR SGRUB BYED MA NGES PA YIN NO, ,YOD BA LA SOGS PAR RNAM PAR GNAS PA MA YIN BAR NI 'JIG RTEN GYI THA SNYAD YOD PA MA YIN NO, ,'DI LTAR SNGON PO YOD PA DANG SNGON PO MA YIN PA MED PA DANG, GNYI GA MED PA 'AM, DE BZHIN DU 'DI NI YIN GYI GZHAN NI MA YIN NO ZHES DE NYID 'DOD PA'I YUL NA YOD PA DANG, GZHAN MED PAR RNAM PAR GZHAG NAS THA SNYAD BYED PA PO THAMS CAD 'JUG PA YIN NO, ,DE NYID KYI PHYIR DE DANG DE MA YIN PA'I BRDA CAN ZHES GTAN DANG LDAN PA LA LDAN PA'I DON BRJOD PA YIN NO, ,GANG GI PHYIR THAMS CAD KYI YOD PA LA SOGS PA'I THA SNYAD STON PAR BYAS PA MA YIN PA DE'I PHYIR CI LTAR RUNG STE ZHES BYA BA RNAM PA 'GA' ZHIG GIS SO, ,GAL TE DNGOS PO LAS LOGS SHIG TU DNGOS PO MED PA GZHAL BAR BYA BA MA YIN DU CHUG KYANG; DNGOS PO 'DZIN PA'I SGO NAS NI DES GZHAL BYA YIN PAR BRJOD PAR BYA'O, ,DE GZHAL BYA MA YIN NA MI MTHUN PA MED PA'I DNGOS PO YANG YONGS SU MA BCAD PAR THAL BA'I PHYIR RO, ,GAL TE DNGOS PO'I YUL CAN NYID TSAD MAR SNGAR BRJOD PA MA YIN NAM, DE CI LTAR MED PA GZHAL BYA @166B YIN ZHE NA, BSHAD PA, GANG GI PHYIR DNGOS BO'I YUL CAN NYID NI TSAD MA MA YIN NO, ,CI LTAR ZHE NA, TSAD MA'I MTSAN NYID NI NGES PA'I DON THOB BAR BYED PA'I RANG BZHIN YIN PA'I PHYIR RO, ,DON DAM PA MED KYANG RUNG STE THOB BAR BYA BA NGES BA'I YUL YIN GYI, DNGOS PO NYID NI MA YIN NO, ,GANG GI PHYIR MI SLU BA TSAD YIN PA DE'I PHYIR GAL TE NGES PAR BYAS PA'I RANG GI YUL DE LA MNGON SUM DANG RJES SU DPAG PAS GNOD PA MED NA YOD PA DANG MED PA LA SHES PAS YOD PA DANG MED PA NGES PAR BYED DO, ,GNOD PA MED PA DE BAS NA SHES PA 'DI LA TSAD MA'I RANG BZHIN DON THOB PAR NUS PA YOD PA YIN NO, ,DON THOB PAR NUS PA GNOD PA MED PA'I YUL CAN NYID YOD PAS TSAD MA YIN NO, ,'GA' ZHIG GI MED PA THOB PA NI 'DI NYID YIN TE, 'JUG PA'I MNGON PAR 'DOD PA'I YUL LA SOGS PAR DE'I DON BYA BAR BZOD PA'I RANG BZHIN THOB PAR MED PA GANG YIN PA'O, ,DE'I PHYIR MED PA'I YUL CAN YANG TSAD MA YIN PAS MED PA GZHAL BYA YIN NO, ,GAL TE DNGOS BO MED PA'I YUL CAN YANG TSAD MAR 'DOD NA, 'O NA CI LTAR GTAN TSIGS THIGS PAR SGRO BTAGS KYI RANG BZHIN 'DZIN PA'I RNAM PAR RTOG PA NI DON BYA BA SGRUB PA MI 'DZIN PA'I PHYIR TSAD MA MA YIN NO ZHES BYA BA DANG, RNAM 'GREL DANG, LE'U GNYIS PAR MI DMIGS PA THAMS CAD DON BYED PAR RUNG BA'I DNGOS PO STON PA'I BYED PA CAN YIN PAR BSHAD, 'DI DAG GIS DON BYED PA LA MI SLU BA'I PHYIR RO ZHES KYANG CI LTAR BSHAD CE NA, DNGOS PO 'BA' ZHIG LA NI TSAD MA CHUNG ZAD KYANG YOD PAR MI BRJOD KYI, 'ON KYANG DNGOS PO 'DZIN PA'I TSAD MA NYID DNGOS PO MED PA'I YUL CAN YIN NO ZHES 'DI GNYIS KYIS DON YONGS SU BCAD NAS ZHES BYA BA DER BSHAD ZIN TO, ,DE YONGS SU GCOD PAR BYED CING; DON GZHAN RNAM PAR GCOD BAR BYED LA, RNAM PA GZHAN GSUM PA YANG MED PAR STON PAR BYED CES BSHAD PA'I YANG PHYIR RO, ,DE NYID KYI PHYIR TSAD MA DNGOS PO'I 'BRAS BU YIN PAS DNGOS PO NYID THOB PAR BYED PA NA, GZHAN RNAM PAR BCAD PA THOB PAR BYED PA'I PHYIR @167A *, ,DNGOS PO NGES PA NA 'KHRUL PA MED PAR NGES BA GZHAN NGES PA LA YANG TSAD MA YIN GYI, GANG GIS 'BRAS BU MA YIN BA DANG, DNGOS PO THOB PAR MI PHYED PA'I SKYON DU 'GYUR BA RANG RGYUD PA NI MA YIN NO, ,DES NA DNGOS PO MED PA'I YUL CAN TSAD MA YIN YANG SKYON MED DO, ,RIGS PA CAN GYIS YANG SMRAS PA NI, GAL TE DNGOS PO MED PA THAMS CAD SHES BYA DANG GZHAL BYA LA SOGS PA RNAM PA 'GA' ZHIG LTAR YOD PA'I PHYIR 'GA' YANG RNAM PA THAMS CAD DU DNGOS PO MED PA MA YIN NO, ,DNGOS PO YANG THAMS CAD KYI RANG BZHIN DU GCIG TU YOD PA NI 'GA' YANG MED DO, ,ME CHU'I RANG BZHIN DU YOD PA NI MA YIN NO ZHE NA, GAL TE DE LTA NA RNAM PA GANG GIS MED PA'I RNAM PA DE DNGOS BO MED PA YIN NO, ,DES NA DNGOS PO MED PA YOD PA YIN LA, DE YANG GZHAL BYA YIN PAS GZHAL BYA NYID GNYI GA'I CHOS SU GRUB PO,, DE BZHIN DU BDAG NI YOD PA MA YIN TE, MA DMIGS BA'I PHYIR RI BONG GI RVA BZHIN NO ZHES BYA BA'I TSAD MA LA RI BONG YANG YOD LA RVA YANG YOD PA'I PHYIR DPE GNYI GAS STONG PA YIN PAR MTHONG NAS, RI BONG GI RVA MED PAR SMRA BA LA GSAL BYED KYIS BZHAD GANG DU BYAS PA, RI BONG DANG RVA DAG YOD PAR MTHONG BA'I RGYU'I PHYIR SANGS RGYAS PA RI BONG GI RVA MED PAR SMRA BA LA BZHAD GANG DU BYED PA DE NI MI SHES PAR STON BAS BDAG NYID LA BZHAD GANG BYED PA YIN NO, ,CI LTAR ZHE NA, 'DI LTAR RI BONG GI RTZOM BYED YAN LAG TU 'GYUR BA'I RVA MED DO ZHES RJOD PAR BYED PAR 'GYUR LA, RVA DANG MA 'BREL PA'I RI BONG YANG YOD LA, RI BONG GI YAN LAG TU GYUR PA MA YIN PA'I RVA YANG YOD DO ZHES BYA BA'I LAN 'DI'I SKABS NI CI YANG MED DO, ,DE BAS NA BDAG NYID LA MI SHES PAS BYED PAR BZHAD GANG BYED PA YIN TE, SKABS SU MA BAB PA BRJOD PA'I PHYIR RO;; CI LTAR LAN SKABS SUM BAB CE NA, GANG GI NA RI BONG DANG RVA YOD PAR BRJOD PA DES NA GNOD PAR 'GYUR BA STE, SUN PHYUNG BAR 'GYUR BA SANGS RGYAS PA DE RVA TZAM MAM, RI BONG TZAM LA BSNYON PA NI MA YIN NO, ,'O NA CI 'DRA BA ZHIG CE NA, KHYAD PAR CAN RI BONG DANG 'BREL PA CAN @167B NO; DE NYID KYI PHYIR RI BONG GI ZHES TSIG RNAM PAR SBYOR BA YIN NO, ,GAL TE DE LTAR NA RI BONG DANG RVA GNYIS KYI 'BREL PA MED CES BRJOD PAR BYA BA'I RVA NI MA YIN NO, ,'BREL PA LAS 'BREL PA CAN DU 'GYUR BA YIN TE, DE'I PHYIR 'BREL PA DGAG PAR BYA BA YIN ZHE NA, CIG SHOS RANG GI TSIG NYID KYIS RVA BKAG PAR BRJOD PA'I PHYIR BSHAD PA, CI BA LANG LA SOGS BA RVA CAN RNAMS KYI 'BREL PA CAN RVA LA 'BREL PA TZAM KHYAD PAR YOD KYI, RDZAS RVA MA YIN NAM, GAL TE RVA CAN THAMS CAD KYI RVA THA DAD PA MED PAR GCIG NYID DU 'GYUR LA, DE'I TSE GZHAN BZHIN DU THAMS CAD KYI THUN MONG GI RVA DANG RI BONG GI 'BREL PA DGAG PAR 'GYUR GYI RDZAS NI MA YIN NO, ,GZHAN GYIS SMRAS PA, RVA CAN RNAMS LA RVA'I RANG BZHIN YANG THA DAD DO, ,GA LAS SHE NA, 'BRAS BU SO SO LA RGYU'I RANG BZHIN THA DAD PA'I PHYIR RO, ,RVA LA SOGS PA NI 'BRAS BU YAN LAG CAN GYI RDZAS KYI RTZOM PAR BYED PA YIN NO, ,RTZOM PAR BYED PA YANG 'BRAS BU THA DAD PA'I PHYIR THA DAD DO ZHE NA, 'O NA NI RGYU THA DAD PA BYED PA'I PHYIR 'BREL PA MED CES BRJOD PAR BYA'O ZHES BYA BA'I KLAN KA 'DI MED DO, ,RI BONG DANG 'BREL BA'I RVA GANG YIN PA DE NYID MED PA DE BAS NA BRJOD PAR BYA BA MA YIN PA CI ZHIG BRJOD, KLAN KA'I GO SKABS SMRAS PA NI, RVA YOD PA RNAMS KYI RVA DAG RANG BZHIN THA DAD PA YOD BA YIN GYI, RVA DANG LDAN PA RI BONG GI RVA RANG BZHIN GYI KHYAD PAR CAN NI MED DO, ,'DI SKAD CES BRJOD PA YIN TE, GANG LA RVA YOD PA DE'I KHYAD PAR CAN DU 'GYUR GYI, RI BONG LA NI RVA MED PA NYID KYI KHYAD PAR CAN YOD PA MA YIN NO, ,DES NA RI BONG DE'I RVA KHYAD PAR CAN CI ZHIG DGAG PAR BYA, YOD PA'I PHYIR RVA TZAM YANG DGAG PAR BYA BA YIN TE, DES NA 'BREL BA DGAG PAR BYA BA YIN PA'I PHYIR KLAN KA 'GA' YANG MED DO, ,GANG GI PHYIR CI LTAR KHYED 'BREL PA DGAG PAR BYA BAR SGRUB PAR 'DOD PAS DE BZHIN DU RI BONG GI RVA KHYAD PAR CAN NI MED DO ZHES BRJOD PA LTAR KHO BO DE NYID SMRA'O, ,GDON MI ZA BAR KHYED KYIS GANG GI PHYIR RVA CAN LTAR RI BONG LA KHYAD BAR CAN GYI RVA MED PA DE'I PHYIR @168A *, ,'BREL PA DGAG PAR BYA BA YIN NO ZHES BRJOD DGOS SO, ,KHO BOS KYANG RI BONG LA KHYAD PAR CAN GYI RVA MED DO ZHES BRJOD DO, ,DES NA GANG GI PHYIR NGA LA KLAN KAR 'GYUR LA BDAG NYID MA YIN PA YU BU CAG GNYIS LA KHYAD PAR MED DO, ,YANG NA KHYAD KYIS DGAG PAR BYA BA'I 'BREL PA GANG YIN PA DE NYID YOD PA MA YIN PA'I PHYIR DNGOS PO MED PA YIN NO, ,DE LTA YIN DANG DNGOS PO MED PAS 'DOD PA YIN NO, ,DE LTA YIN DU ZAD MOD, KHYOD KYIS KYANG 'BREL PA DGAG BAR BYA BA YIN GYI 'BREL BA CAN NI MA YIN NO, ,'BREL PA CAN YOD PA'I PHYIR RO, ,'DI NI KHYED KYI TSIG GI TSUL DON 'BREL BA MED PA CAN GZHAN YIN TE, 'BREL PA CAN YOD LA 'BREL PA MED DO ZHES BYA'O, ,'BREL PA CAN NI 'BREL PA'I KHYAD PAR CAN YIN PA'I PHYIR 'BREL PA MED NA CI LTAR 'GYUR, DBYIG PA MED PAR NI DE'I KHYAD PAR CAN DBYIG PA CAN YOD PA MA YIN NO, ,DE'I PHYIR TSIG BRTAG PA MA YIN NO, ,'BREL PA MED PA 'BA' ZHIG TU NI MA ZAD DE KHAS BLANGS PA'I 'BREL PA CAN RI BONG DANG 'BREL PA CAN GYI RVA'I RDZAS KYANG MED DO, ,DE SKAD SMRA NA, 'O NA NI KHYOD KYIS NGED KYI 'DOD PA CHEN PO BSGRUBS TE, GANG GI PHYIR NGED KYANG RI BONG DANG 'BREL PA CAN GYI RVA KHYAD PAR CAN MED DO ZHES BRJOD DO, ,GAL TE MTHAR 'DI NYID GDON MI ZA BAR BRJOD DGOS PA YIN NO, ,KHYOD KYIS 'DI NYID DANG POR BRJOD NA 'DOD PA SMRA BA KHYOD 'GAL BA 'DU BA BRJOD PA LA SOGS PAS NGAS NYON MONGS PAR MI BYA BA ZHIG GO, ,DE NYID KYI PHYIR KHYOD NI LHA RNAMS DGA' BA YIN TE, DANG POR BRJOD PAR BYA BA DANG POR MI BRJOD PA'I PHYIR RO, ,DE'I PHYIR DNGOS PO MED PA NI YOD PA MA YIN LA, DE YANG GZHAL BYA YIN PA'I PHYIR GZHAL BYA NYID KYANG THUN MONG GI MA NGES PA YIN NO, ,DE LTAR MA NGES PA BRJOD NAS 'GAL PA 'KHRUL PA MED PA CAN YANG SLOB DPON GYIS RGYUR BSHAD NI, DE MA NGES PA GANG GI NANG DU 'DU ZHE NA, DE RJES SU DPAG PA'I YUL 'DIR BSHAD PAS MA NGES PA'I NANG DU BSDU BAS CI ZHIG BYA, CI'I PHYIR MA BSHAD CE NA, RJES SU DPAG PA'I YUL NI @168B TSAD MAS GRUB PA'I TSUL GSUM PA STE, YUL DE LA 'GAL BA MI 'KHRUL PA CAN MI SRID PA'I PHYIR RO, ,CI LTAR MI SRID CE NA, JI SKAD BSHAD PA'I MTSAN NYID CAN RANG BZHIN DANG 'BRAS BU RANG BZHIN 'BREL PA CAN DAG GAM, BLTAR RUNG BA'I YUL MI DMIGS PA LA NI 'GAL BA MI 'KHRUL PA CAN MI SRID DO, ,GANG GI RANG GIS BSGRUB BYA LA 'KHRUL PA MED PA CAN GYI SGRUB PAR BYED PA GNYIS GCIG LA 'GYUR BA GCIG NI 'GAL BA'I RANG BZHIN GNYIS DANG LDAN PA MA YIN NO, ,GANG ZHIG 'GAL BA MI 'KHRUL PA CAN DU 'GYUR BAR DAG LAS MI 'KHRUL PA CAN GZHAN NI MED DO, ,DE BAS NA TSAD MAS GRUB PA'I TSUL GSUM PA'I YUL LA 'GAL BA MI 'KHRUL PA CAN MI SRID DO, , 'O NA SLOB DPON GYIS 'GAL BA MI 'KHRUL PA CAN GANG DU BRJOD CE NA, GANG GI PHYIR RJES SU DPAG PA'I YUL LA MA BSHAD PA DE'I PHYIR LUNG GI DON DBANG PO LAS 'DAS PA DE DPYOD PA'I SKABS SU LUNG LA BRTEN PA'I RJES SU DPAG PA GANG YIN PA STE, DBANG PO LAS 'DAS PA DPYOD PA NA DNGOS PO MA MTHONG PA TSAD MA MA YIN PA'I RNAM PAR RTOG PA GANG YIN PA DE'I STOBS KYIS LUNG LAS GRUB PA'I TSUL GSUM PA LAS RJES SU DPAG PA GANG YIN PA DE 'JUG PAR 'GYUR LA, DE LA BRTEN NAS 'GAL BA MI 'KHRUL PA CAN BSHAD DO, ,GAL TE DNGOS PO'I STOBS KYIS ZHUGS PA'I RJES SU DPAG PA LA 'GAL BA MI 'KHRUL PA CAN MI SRID NA LUNG DANG LDAN PA'I DON LA CI SRID CE NA, BSTAN BCOS BYED PA RNAMS NI 'KHRUL PAS DON RNAMS LA RANG BZHIN LOG PAR STON PA SRID PA'I RGYU'I PHYIR RO, ,GAL TE 'KHRUL PAS RANG BZHIN LOG PAR STON SRID PA'I PHYIR LUNG GI DON LA 'GAL BA MI 'KHRUL PA CAN SRID PA YIN NA, 'O NA NGED 'DRA BAS BYAS BA'I RJES SU DPAG PA LA JI LTAR MI SRID CE NA, 'DI LTAR BDAG DANG 'BRAS BU DANG MI DMIGS PA DE RNAMS LA STE, DE RNAMS KYI NANG DU NI 'GAL BA MI 'KHRUL PA CAN MI SRID DO, ,DON DAM PA'I RNAM PAR GNAS PA NI DNGOS PO ZHES BYA BA LA, DE LAS MA 'DAS PAR 'DUG PA STE GNAS PA GANG YIN PA DE @169A *, ,RNAMS LA STE, 'DI NI GTAN TSIGS SO, ,GANG GI PHYIR DNGOS PO'I DE KHO NA NYID CI LTAR GNAS PA DE BZHIN DU BDAG DANG 'BRAS BU MI DMIGS PA RNAM PAR GZHAG PA YIN PA DE'I PHYIR 'DI RNAMS LA 'KHRUL PA'I DBANG GIS 'GAL BA MI 'KHRUL PA CAN DU 'GYUR BA'I GO SKABS YOD PA MA YIN NO, ,'BREL PA MA MTHONG BA NI 'BRAS BU 'AM RANG BZHIN GYI GTAN TSIGS MA YIN LA, 'BREL PA MA MTHONG BA NI 'KHRUL PA MED DO, ,DE LAS 'GAL BA MI 'KHRUL PA CAN GYI DPER BRJOD PA NI 'DI YIN NO, ,'DI LA DRANG SRONG CHEN PO GZIGS ZAN GYI THAMS CAD DU SONG BA YIN NO ZHES BSHAD PA'I DNGOS KYI SLOB MA GNYIS LAS, BE LU KAS NI SPYI THAMS CAD DU SONG BA DANG, PE THA RAS NI RANG GI RTEN TZAM THAMS CAD DU SONG PAR GZUNG NGO, ,DE DAG GI MKHAN PO 'DAS NAS RTZOD PA NA PE LU KAS CIG SHOS LAS TSAD MA'I LAN SMRAS PA, BA LANG NYID LA SOGS PA'I SPYI NI THAMS CAD NA YOD PA YIN TE ZHES BYA BA NI BSGRUB PAR BYA'O, ,YUL THAMS CAD NA GNAS PA DANG 'BREL PA CAN 'DU BA'I RTEN GYI GONG BU DAG DANG CIG CAR MNGON PAR 'BREL PA'I PHYIR ZHES BYA BA NI GTAN TSIGS SO, ,NAM MKHA' BZHIN ZHES BYA BA NI KHYAB PA'I YUL LO, , NAM MKHA' NI YUL THAMS CAD YOD PA RANG DANG LDAN PA CAN DANG 'DU BA CAN GYI RDZAS RNAMS DANG CIG CAR MNGON PAR 'BREL PA YUL THAMS CAD NA YOD PA DE BZHIN DU SPYI YANG THAMS CAD NA YOD PAR 'GYUR RO, ,RANG BZHIN GYI GTAN TSIGS KYI MTSAN NYID SBYAR BA'I PHYIR BSHAD PA, SPYI'I RANG BZHIN GANG ZHIG YUL DU MA NA YOD PA'I RDZAS DE DAG DANG 'BREL PA CAN GYI SPYI'I RANG BZHIN DE TZAM DANG RJES SU 'BREL PA DE DAG GI YUL NA 'DUG PA'I RANG BZHIN NYID DO, ,YANG CI'I PHYIR GANG ZHIG GANG DANG 'BREL PA CAN GYI RANG BZHIN GANG YIN PA STE, DE'I YUL NA 'DUG PA'I RANG BZHIN DU 'GYUR ZHE NA, GANG GI PHYIR GANG ZHIG YUL GANG NA MED PA NI YUL DE GANG LA YOD PA'I DON DE'I YUL CAN DER DE NA MED PA'I DON GYI RANG GI NGO BOS KHYAB PAR BYED PA MA YIN NO, ,GANG GIS THAG RING PO NA 'DUG PA RNAMS LA YANG 'GYUR BA, SPYI DANG DE DANG LDAN PA RNAMS NOR DANG BDAG @169B PO'I 'BREL PA NI YOD PA MA YIN GYI, 'ON KYANG 'DU BAS YIN LA, DE YANG YUL GCIG PA RNAMS KYI YIN NO, ,PHA ROL PO DAG 'KHRUL PA BRJOD PA'I PHYIR SMRAS PA NI, GAL TE GZUGS LA SOGS PA NAM MKHA' LA MED KYANG STE, DE DAG NI YON TAN YIN YANG YON TAN CAN BUM PA LA SOGS PA LA 'DU BA YIN GYI, NAM MKHA' LA NI MA YIN TE, DES NA DE'I YUL CAN MA YIN NO, ,BUM PA LA SOGS PA NI NAM MKHA' DANG SBYOR BA DE'I YUL CAN YIN PA DES NA GZUGS LA SOGS PA DE'I YUL CAN MA YIN YANG NAM MKHA'I YUL CAN BUM PA LA SOGS PA KHYAD PAR BYED PA YIN TE, 'PHROD PA 'DU BA'I PHYIR RO, ,DE BAS NA GANG GIS GANG KHYAB PAR BYA BA DES NI KHYAB BYA'I YUL CAN DU GYUR PAR BYA BA YIN NO ZHES BYA BA 'DI MA NGES SO ZHE NA, GANG LAS GZUGS LA SOGS PA DANG BUM PA LA SOGS PA YUL THA MI DAD PAR 'GYUR BA GRUB PA'I MTHA' LAS GRAGS PAR LDAN PA DANG 'DU BA DAG LAS YUL DANG YUL CAN GYI DNGOS PO GANG YIN PA YUL LA GNAS PA NYID 'DI NI RE ZHIG BZHAG STE, 'JIG RTEN PA NYAMS SU MYONG BAS RTOGS PA THA DAD PA 'AM THA MI DAD PA LA BRTEN NAS GANG GANG NA MED PA DES NI DE'I YUL CAN BDAG NYID KYIS KHYAB PAR BYED PA MA YIN NO ZHES BRJOD DO, ,NYAMS SU MYONG BAS GRUB PA'I YUL THA DAD PA DANG THA MI DAD PA DE NYID BRJOD PAR RNAM PAR CHAD PA DANG MA CHAD PA'I DON DAG TU SNANG BA'I RNAM PAR SHES PA SKYED PAR RUNG BA'I RANG BZHIN GYI YUL LA BRTEN NAS TE, DON GNYIS PO DAG RNAM PAR PHYE BAR SNANG BA'I RNAM PAR SHES PA SKYED PAR DRUNG BA'I RANG BZHIN NI YUL THA DAD PA YIN LA, RNAM PAR PHYE BA MED PAR SNANG BA'I RNAM PAR SHES PA SKYED PAR RUNG BA'I MTSAN NYID NI THA MI DAD PA YIN NO, ,GZUGS DANG BUM PA LA SOGS PA RNAMS LA NI RNAM PAR BCAD PAR SNANG BA'I RNAM PAR SHES PA SKYE BA MA YIN GYI, 'ON KYANG RNAM PAR MCHOD PAR SNANG BA YIN NO, ,DES NA BUM PA DANG DE'I GZUGS LA SOGS PA NI YUL THA MI DAD PA NYID DO, ,GAL TE 'DI 'JIG RTEN PA LA BRTEN PA'I RNAM PAR SPYOD PA NI MA YIN NA, DES NA 'DIR 'JIG RTEN PA'I YUL GYIS CI ZHIG BYA ZHE NA, BSHAD PA, @170A *, ,SO SOR GRUB PA DAG LA NI LDAN PA'I 'BREL PA YIN LA, SO SOR MA YIN PAR 'GRUB PAR GRUB PA DAG LA NI 'DU BA'I 'BREL PA YIN NO ZHES BYA BA NI BSTAN BCOS KYI YANG RNAM PAR GZHAG PA YIN PAR MTHONG NGO, ,DE LA SO SOR GRUB PA NI YUL THA DAD PAR GRUB PA'O, , SO SOR MA YIN PAR GRUB PA NI YUL THA DAD PAR MA GRUB PA YIN PA'I PHYIR 'DU BA'I 'BREL PA YIN NO, ,GAL TE YUL THA DAD BA DANG THA MI DAD PA NYID BSTAN BCOS LAS GDON MI ZA BAR BSTEN PAR BYA BA YIN YANG DE NYID KHO BO CAG BRJOD PA'I PHYIR MI RIGS PA CI ZHIG YOD, DES NA 'DIR RANG GI NGO BOS KHYAB PA NI YOD PAS KHYAB PA YIN LA, DES NA NYE BAR MI GNAS PA YANG DE NA YOD PA MA YIN BA'I PHYIR KHYAB PAR BYED PA MED PAS 'BREL PA CAN NYID NYE BAR GNAS PA MA YIN PA LAS LDOG PA NA DE NA NYE BAR GNAS PAS KHYAB PA YIN NO, ,DE'I PHYIR SPYI 'DI'I RANG YOD PA TZAM DANG 'BREL PA CAN, 'BREL PA CAN GYI RDZAS KYI YUL NA GNAS BAR BSGRUB PAR BYA BA DE'I NGO BOS KHYAB PAS DE DANG 'BREL PA CAN GANG YIN PA DE NI RANG BZHIN GYI GTAN TSIGS YIN NO, ,GZU BO 'GA' ZHIG MTSUNGS PAR STON PA NI, GAL TE RANG GI RTEN LA KHYAB PAR SMRA BAS KYANG RANG GI RTEN GYI YUL NA SPYI GNAS PAR 'DOD PA NYID MA YIN NAM, DE'I PHYIR PHYIR RGOL BA MI 'DOD PA CI ZHIG YOD CE NA, MI 'DOD PA GANG YIN PA DE BSTAN PA'I PHYIR BSHAD PA, SPYI NI GNYIS KYANG BYA BA MED PAR 'DOD PA YIN NO, ,GCIG DANG 'BREL PA CAN GSAL BA DE SKYE BA LAS SNGON YUL DE NA MED PA'I SPYI DE NI GSAL BA DE'I YUL LAS YUL GZHAN DU SNGA NA MED PA'I GSAL BA SKYE BA NA, BYA BA MED PAS MI 'GRO BA'I PHYIR PHYIS KYANG GSAL BA DE DANG 'BREL PAR MI RUNG NGO, ,GANG GI PHYIR DE LTA YIN PA DE'I PHYIR YUL THA DAD BA DAG DANG CIG CAR MNGON PAR 'BREL PA NI SPYI'I YUL THAMS CAD KHYAB PA YIN NA GRUB BO, ,GANG GI PHYIR DE LTA YIN PA DE'I PHYIR DNGOS PO GCIG DANG 'BREL PA CAN GYI DON GYI YUL GZHAN PA SNGON MED SKYES PA DAG DANG 'BREL PA NI SNGON NAS YIN NO, ,DU MA NI MA SONG YANG SNGA NA MED PA DANG LHAN CIG GNAS @170B PAR 'GYUR GYI, SPYI GCIG NI BYA BA MED BA'I PHYIR MA SONG BAR YUL GZHAN BA DAG DANG CIG CAR MNGON PAR 'BREL PA NI, GSOL BA'I KHYAD PAR DE DAG GI BAR DE DAG GSAL BA GZHAN GYI BDAG NYID DANG, GSAL BAS STONG PA'I YUL GYI BDAG NYID GANG YIN PA DE KHYAB PA STE ZIN PA DE MED NA MI 'BYUNG BA DER MI 'KHRUL PA YIN NO, ,DPE BSHAD PA NI, DPER NA YUL DU MAN GNAS BA'I BUM PA LA SOGS PA DANG MNGON PAR 'BREL PA NYI MA LA SOGS PA DE BZHIN DU'O, ,RANG GI RTEN TZAM THAMS CAD LA YOD PAR SMRA BA PE THA RE'I SBYOR BA YANG SPYI NI THAMS CAD DU SONG BA MA YIN TE ZHES BYA BA NI BSGRUB PAR BYA'O, ,DMIGS PA'I YUL DU 'GYUR BA LAS GSAL BA'I BAR DAG TU DMIGS PA'I PHYIR RO ZHES BYA BA NI GTAN TSIGS SO, ,SPYI'I DMIGS PA'I MTSAN NYID DU GYUR PA YANG GANG ZHIG YIN ZHE NA, MNGON PAR GSAL BA DER 'DZIN PA'I SHES PA SKYED PA'I PHYIR SPYI GSAL BAR BYA BA YIN NO, ,DES NA GSAL BA RNAMS KYI SHES PA'I YUL NYID DU BSGRUB PA NI MNGON PAR GSAL BA YIN NO, ,GAL TE DE LTA NA GSAL BA LA LAR DE MNGON PAR GSAL BA YIN GYI THAMS CAD DU NI MA YIN NO ZHE NA, BSHAD PA, SPYI THA DAD PA MED BA'I PHYIR GSAL BA GCIG LA GSAL BA'I RGYUS YUL THAMS CAD DU GSAL BA'I PHYIR MI GSAL BA'I RANG BZHIN DANG BRAL BA'O, ,'DI SNYAM DU CHOD PAS THAMS CAD DU MNGON PAR GSAL BA MA YIN NO ZHE NA, BSHAD PA, THA DAD PA MED PA NYID KYI PHYIR MCHOD PA YIN NO, ,SPYI GCIG NYID NI CHOD PA DANG MA CHOD PAR 'GYUR BA MA YIN LA, MCHOD PA'I YUL DU YANG DMIGS PA MED DO, ,'O NA THAG RING POR GNAS PAS MI GSAL BA YIN NO ZHE NA, THA MI DAD PA NYID KYI PHYIR THAG RING POR GNAS PA MA YIN NO, ,THAG RING POR GNAS PA MA YIN PAR YANG MI DMIGS SO, ,'O NA BLTAR MI RUNG BA'I BDAG NYID YIN PA'I PHYIR RO ZHE NA, BLTAR RUNG BA'I BDAG NYID KYANG THA DAD BA MED PA NYID KYI PHYIR RO, ,DE NI BLTAR RUNG BA DANG MI RUNG BA MA YIN LA, GANG DU LAN CIG MA YIN PAR MTHONG BA DE YANG DMIGS BA MED DO, ,'O NA RANG GI RTEN DANG DBANG PO 'BREL BA @171A *, ,MED PA'I PHYIR THAMS CAD DU GSAL BA MA YIN NO ZHE NA, BSHAD PA, SPYI'I RANG GI BRTEN TE RANG GI RTEN DE DANG DBANG PO 'BREL PA YANG THA DAD PA MED PA NYID KYI PHYIR RO, ,SPYI GCIG YIN PA'I PHYIR RTEN GCIG DBANG PO DANG 'BREL BA YIN NA GANG DU YANG RTEN DBANG PO DE DANG MA 'BREL PAR MI 'GYUR RO, ,DE LTA NA NI 'O NA RANG BZHIN CI SRID RTEN DANG 'BREL PA DE SRID NYID DMIGS PA YIN TE, DES NA THAMS CAD DU MNGON PAR GSAL BA MA YIN NO ZHE NA, BSHAD PA, RTEN DANG 'DU BA MED PA'I RANG BZHIN DANG BRAL BA YANG THA DAD PA MED PA NYID KYI PHYIR RO; GCIG PO DE LA RANG GI RTEN DANG 'DU BA'I RANG BZHIN MI 'DU BA'I RANG BZHIN NI MED DO, ,'DI SNYAM DU SPYI DANG YUL MTSUNGS PA'I SPYI'I RTEN DBANG PO DANG SBYOR BA LA LTOS TE, SPYI DMIGS PA YIN NO, ,SPYI NI GANG NA BDAG NYID DANG MTSUNGS PA'I RTEN DBANG PO DANG SBYOR BA YOD PA DER GSAL BAR 'GYUR BA YIN NA, GSAL BA'I BAR DAG NA NI DBANG PO DANG LDAN PA'I RTEN YOD PA MA YIN TE, DE'I PHYIR DER SPYI DMIGS PA MA YIN NO ZHE NA, GAL TE DE LTA NA SPYI 'DI RTEN DANG YUL MTSUNGS PA'I RANG BZHIN DANG, RTEN DANG YUL MI MTSUNGS PA'I RANG BZHIN DU THAL LA; 'GAL BA'I CHOS DAG LA THA DAD PA MED PAR 'GAL LO, ,DE BZHIN DU BLTAR RUNG BA DANG MI RUNG BA NYID LA SOGS PA SNGAR BRJOD PA THAMS CAD DU THAL BAR 'GYUR RO, ,RTEN GYI DBANG GIS BLTAR RUNG BA DANG MI RUNG BA'I BDAG NYID NI GCIG PAR 'GAL LO ZHES BSTAN NAS, MJUG SDUD PAR BYED PA NI DE BAS NA MI DMIGS PA 'DI 'DRA BA 'DI DANG, SNGAR BSHAD PA'I RANG BZHIN NI PHAN TSUN 'GAL BA'I DON BSGRUB PA YIN LA, GCIG LA 'GAL BA'I CHOS 'DU BAR YANG MI 'THAD PA DES NA, 'GAL BA MI 'KHRUL BA CAN DAG NI THE TSOM SKYED PAR BYED DO, ,GAL TE MA MTHONG BA DANG CIG CAR MNGON PAR 'BREL BA DAG MA KHYAB PA DANG, THAMS CAD DU SONG BA 'GAL BA GNYIS KYIS KHYAB PA NI DNGOS PO LA 'GAL BA MA YIN NAM, DE CI'I PHYIR BSTAN BCOS BYED PAS SMRAS PA YIN ZHE NA, BSHAD PA, DE DAG DNGOS SU 'GAL BA MED PA'I PHYIR MA DMIGS @171B PA DANG, THAMS CAD DANG 'BREL PA CAN DAG GIS 'GAL BA MA KHYAB PA DANG, THAMS CAD DU SONG BA DAG MED NA MI 'BYUNG BA NYID MA MTHONG BAS CHOS DE GNYIS BSHAD PA YIN TE, DES NA 'GAL BA MI 'KHRUL PA CAN SRID DO, ,DNGOS PO DANG 'BREL PA'I RJES SU DPAG PA LA NI TSUL 'DI MA YIN TE, GANG GI PHYIR DENG NI TSAD MAS GRUB PA'I CHOS GZUNG BAR BYA BA YIN NO, ,CI LTAR 'GAL BA'I DNGOS PO DAG GCIG LA MI SRID PA DE BZHIN DU DE DAG GIS KHYAB PA DAG KYANG GCIG LA MI SRID PA DE YIN PA DE'I PHYIR 'GA' BAS KHYAB PA DE DAG GCIG LA YOD PA MA YIN NO, ,DES NA 'DIR DNGOS PO DANG 'BREL PA'I RJES SU DPAG PA LA NI MA YIN NO, ,DE BAS NA 'GAL BA NI MI 'KHRUL PA CAN 'DI NI KHAS BLANGS PA'I STOBS KYIS 'JUG PA YIN GYI, DNGOS PO LA BRTEN PA NI MA YIN NO, ,'O NA JI LTAR BYAS PA NYID 'GAL BA MI 'KHRUL PA CAN GYI DPER BRJOD CE NA, PHYOGS TZAM ZHIG BSTAN PA'I PHYIR RO, ,GAL TE BYAS PA NYID LUNG LAS GRUB PA GZUNG BA YIN NA, DE SGRA NYID BZHIN DU DPER BRJOD PA'I PHYIR 'DI NI PHYOGS TZAM YIN NO, ,SGRA RTAG STE MNYAN BYA YIN PA'I PHYIR ZHES BYA BA'I SBYOR BA 'DI LA NI TSAD MA CAN MA YIN PA'I DNGOS PO GSUM STE, SGRA LAS THA DAD PA'I SGRA NYID DANG, DBANG POS RTOGS PAR BYA BA DAR, RTAG PA STE, TSAD MA CAN MA YIN PA GSUM PO DE LAS SGRA RTAG STE MNYAN BYA YIN PA'I PHYIR ZHES BYA BA'I TSAD MA 'DI 'JUG PA YIN NO, ,DE'I PHYIR NYE BAR BKOD KYANG 'DI NI TSAD MAS GRUB PA'I TSUL GSUM PA BYAS PA NYID KYIS GEGS BYED PA MA YIN NO BYAS PA NYID NYE BAR 'GOD PA'I SKABS SU NI 'DI SRID PA YANG MA YIN NO, ,GANG GI PHYIR 'DI LUNG LA BRTEN PA DANG, DNGOS POS BYAS PA NYE BAR 'GOD PA NI LUNG LA BRTEN PA MA YIN PA'I PHYIR LUNG NYE BAR DGOD PA MI RIGS PA DE'I PHYIR GANG GIS BYAS PA NYID GEGS BYED PAR 'GYUR BA 'DI GA LA SRID, SGRA NYID CI SKAD BSHAD PA'I YON TAN DANG LDAN PA TSAD MAS GRUB PA DE LTA NA YANG, MNYAN BYA NYID DANG BSGRUB PAR BYA BA RTAG PAR BYA BA NI 'BREL PA NI 'BREL PA YIN TE, 'BA' ZHIG TU NI LHAN CIG PA TZAM GYIS NI GANG MNYAN BYA DE NI RTAG PA NYID DO @172A *, ,ZHES DE DAG DE LTAR MI 'KHRUL PA CAN DU MI 'GRUB PO, ,DES NA MNYAN BYA NYID NI BYAS PA'I GEGS BYED PA MA YIN PA'I PHYIR 'DI NI PHYOGS TZAM YIN NO, ,DE'I PHYIR DE LTAR LE'U GNYIS PAR GTAN TSIGS KYI MTSAN NYID DANG, 'DI NI SBYOR PA DANG, GTAN TSIGS LTAR SNANG BA RNAMS KYI MTSAN NYID BSHAD DO, ,DE LA GTAN TSIGS KYI SBYOR BA DPE DANG BCAS PA NYID YIN PA DES NA CI LTAR DPE'I MTSAN NYID MI BRJOD CE NA, BSHAD PA, GTAN TSIGS MTSAN NYID GSUM YIN PHYIR, ,DPE NI GTAN TSIGS LAS LOGS SHIG BRJOD BYA MIN, GAL TE GTAN TSIGS KYI MTSAN NYID GSUM MIN MOD, DPE GO CI STE MI BRJOD CE NA, GTAN TSIGS KYI MTSAN NYID GSUM BSHAD PA ZHES SMOS SO, ,'DI SNYAM DU DE TZAM GYIS DON MI RTOGS PAS SO SNYAM NA, BSHAD PA, DE TZAM GYIS BSGRUB BAR BYA BA'I DON RTOGS TE, GANG GI PHYIR DE LTA YIN PA DE'I PHYIR DPE ZHES BYA BA GRUB PA'I YAN LAG GZHAN NI YOD PA MA YIN BA GANG YIN PA DES NA DPE DE'I MTSAN NYID LOGS SHIG TU MA BSHAD DE, SGRUB PA'I YAN LAG GZHAN MED MOD, GTAN TSIGS KYI RJES SU 'GRO LDOG SGRUB PAR BYED PA GNOD PAR BYED PA'I TSAD MA DE NI DPE LA BRTEN BAR BSHAD DE, DES NA DE'I MTSAN NYID LOGS SU BSHAD PAR BYA'O, ,ZHE NA BRJOD PAR MI BYA STE, DPE BRJOD PA'I 'BRAS BU NI GRUB ZIN PA'I PHYIR RO, ,DPE DE KHO NA NYID NI GTAN TSIGS KYI MTSAN NYID SHES PA NYID KYIS SHES LA, MTSAN NYID BRJOD PA'I DGOS PA YANG DE KHO NA SHES PA YIN NO, ,CI LTAR GTAN TSIGS KYI MTSAN NYID LAS DPE SHES BA DE LTAR BSTAN PA'I PHYIR BSHAD BA, GTAN TSIGS NI MI MTHUN PA'I PHYOGS NYID LA YOD PA DANG, MI MTHUN PA'I PHYOGS THAMS CAD LAS LDOG PA'I TSUL DU BYE BRAG MED PAR BSHAD LA, NGES PA NA YANG GSAL BA'I BYE BRAG LA KHYAD BAR CAN DU 'GYUR BA YIN PAS, DES NA 'BRAS BU BSGRUB PAR BYA BA LAS SKYE BA DANG, RANG BZHIN BSGRUB BAR BYA BA SGRUB PAR BYED PA TZAM GYIS RJES SU 'BREL PA'I KHYAD PAR CAN GYI TSUL DU BSTAN BAR BYA BAR BSHAD DO, ,DE LTA MA YIN NA SPYI BSTAN PAR MI NUS PA'I PHYIR RO, ,THUN MONG DANG THUN MONG MA YIN PA'I TSUL DE YANG GANG NA ZHES BYA BA LA SOGS PA RJES SU 'GRO BA'I @172B NGAG GAM, LDOG PA'I NGAG GIS STON PAR BYED PAS TSANG MANG DANG GZHAN BA DAG GAM, BUM PA DANG NAM MKHA' DAG BSTAN PAR BYA BA YIN TE, GANG DU MNGON SUM DANG MI DMIGS PA'I SGRUB PAR BYED PA CAN RGYU DANG 'BRAS BU'I DNGOS PO GNAS BA TSANG MANG LA SOGS PA DE NI MNGON SUM DANG MI DMIGS PA'I TSAD MA'I YUL DU BSTAN PAR BYA BA YIN TE, DE LTA MA YIN NA RJES SU 'GRO BA DANG LDOG PA'I RGYU MTSAN 'BREL BA NYID MI 'GRUB BO, ,LDOG PA'I NGAG LA YANG RGYU DANG 'BRAS BU'I DNGOS BO NYID KYIS ME LOG NA DU BA LDOG PA'I YUL GZHAN MTSE'U CHEN PO LA SOGS PA YANG BSTAN PAR BYA'O, ,RANG BZHIN GYI GTAN TSIGS KYI DNGOS PO THAMS CAD KYI YUL CAN GNOD PAR BYED PA'I TSAD MAS RANG GI BSGRUB BYAS KHYAB PAR BSGRUB PAR BYA BA YIN NO, ,DES NA DE DAG GI NANG NAS BUM PA LA SOGS PA'I CHOS CAN GANG YANG RUNG STE, GNOD PAR BYED PA'I TSAD MA'I YUL NYE BAR MTSON PA'I PHYIR BSTAN PAR BYA'O, ,DE'I BDAG NYID YIN PA NYID KYIS MI RTAG PA LOG NA BYAS PA LDOG PA'I YUL NAM MKHA' LA SOGS PAR BSTAN PAR BYA'O, ,DE LTA MA YIN NA ZHES BYA BA NI 'BREL BA SGRUB BYED KYI TSAD MA'I YUL RAB TU MA BSTAN NA, MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA DAG BSTAN PAR MI NUS TE; KHYAD PAR MA RTOGS PAR SPYI MI RTOGS PA'I PHYIR RO, ,BSGRUB BYA'I 'BRAS BU'I RANG BZHIN RANG GI BSGRUB BYA LA NGES PA'I 'BRAS BU'AM RANG GI BSGRUB BYA'I RANG GI NGO BOS KHYAB PA YANG BSTAN PAR MI NUS TE, 'BREL PA SGRUB BYED KYI TSAD MA RAB TU MA BSTAN PA'I PHYIR RO, ,DES CIR 'GYUR ZHE NA, DES NA SPYI DANG KHYAD PAR GYI RANG BZHIN GYI DON BSTAN PAR BYA BA 'DI BSTAN NA YANG DPE BSTAN PA NYID DU 'GYUR RO, ,DE CI'I PHYIR ZHE NA, GANG GI PHYIR DPE'I TSUL NI 'DI TZAM DU ZAD PA'I PHYIR TE, SPYI DANG KHYAD PAR GYI MTSAN NYID BSGRUB PA'I RANG BZHIN DU ZAD PA'I PHYIR RO, ,SPYI DANG KHYAD PAR GYI MTSAN NYID BSTAN PAR BYA BA STON PAR NUS PA'I DON GANG YIN PA DE NYID NI DPE YIN NO, ,GTAN TSIGS KYI MTSAN NYID BSGRUB PA'I YUL DPE 'DIS NI DPE LTAR SNANG BA YANG GSAL BA YIN TE, GTAN TSIGS KYI KHYAB PA BSGRUB PA'I PHYIR NYE BAR BKOD PA DER MI NUS PA NI DPE LTAR SNANG BA'O ZHES DON @173A *, ,GYIS BSHAD PAR 'GYUR RO, ,DPE'I NYES PA DE DAG NYID DPER BRJOD PA'I PHYIR BSHAD PA NI, DPER NA ZHES BYA BA'O, ,SGRA RTAG PA NYID DU BSGRUB PAR BYA BA YIN ZHING, LUS CAN MA YIN PA GTAN TSIGS SU BKOD PA NA, LAS DANG RDUL PHRA RAB DANG BUM PA RNAMS BSGRUB PAR BYA BA LA SOGS PA GANG YIN PA DE DAG GIS STONG PA YIN NO, ,LAS NI BSGRUB PAR BYA BA RTAG PAS STONG PA YIN NO, ,RDUL PHRA RAB NI SGRUB PAR BYED PAS STONG PA STE, LUS CAN RDZAS THAMS CAD DU SONG BA MA YIN PA'I TSAD NI RDUL PHRA RAB LA YOD DE, LUS CAN MA YIN PA NI MA YIN NO, ,BUM PA NI MI RTAG PA DANG LUS CAN YIN PA DES NA GNYIS KAS STONG PA YIN NO, ,THE TSOM ZA BA YANG BSGRUB BAR BYA BA LA SOGS PA NYID LA THE TSOM ZA BA'I PHYIR RO, ,DPER BRJOD PA NI 'DOD CHAGS LA SOGS PA DANG LDAN PAR BSGRUB PAR BYA ZHING, GTAN TSIGS SMRA BA LA SOGS PA LA LAM PO CHE'I MI NI BSGRUB BYA'I CHOS LA THE TSOM ZA BA YIN NO, ,'CHI BA'I CHOS CAN DU BSGRUB PA LA NI LAM PO CHE'I MI LA 'DOD CHAGS LA SOGS PA DANG LDAN PA NYID DU THE TSOM ZA BA YIN NO, ,DE BZHIN DU THAMS CAD MKHYEN PA MA YIN PA NYID BSGRUB PAR BYA BA DANG, 'DOD CHAGS LA SOGS PA DANG LDAN PA GTAN TSIGS SU BYAS PA LA NI LAM PO CHE'I MI GNYI GA LA THE TSOM ZA BA YIN NO, ,DE BZHIN DU RJES SU 'GRO BA MED PA'I DPE DANG RJES SU 'GRO BA YOD KYANG GANG LA SKYES BUS RJES SU 'GRO BA MA BSTAN PA DE NI RJES SU 'GRO BA MA BSTAN PA'I DPE'O, ,RJES SU 'GRO BA MED PA DPER BRJOD PA NI DPER NA GANG CUNG ZAD SMRA BA DE NI 'DOD CHAGS LA SOGS PA DANG LDAN PA STE ZHES KHYAD PAR BSTAN PA'I PHYIR 'DOD PA'I MI DPER BYAS PA'O, ,GAL TE BDAG RANG NYID LA SMRA BA NYID DANG, 'DOD CHAGS LA SOGS PA DANG LDAN PA NYID MTHONG BA DE LTA NA YANG 'DIR DON THAMS CAD NYE BAR BSDUS PAS RJES SU 'GRO BA BSTAN PAR NI MI NUS PAS RJES SU 'GRO BA MED PA YIN NO, ,SGRA MI RTAG STE BYAS PA'I PHYIR ZHES BYA BA'I SBYOR BA LA DPE BUM PA NI RJES SU 'GRO BA RAB TU MA BSTAN PA YIN NO, ,'DIR DON GANG BSTAN PA'I PHYIR DPE NYE BAR BLANGS PA RJES SU 'GRO BA RAB TU BSTAN BAR 'GYUR BA RJES SU 'GRO BA'I NGAG SBYOR BA MED @173B DO; ,DON DAM PAR NI RJES SU 'GRO BA YOD PA NYID DO, ,DE NYID KYI PHYIR 'DI NI SMRA BA PO'I SKYON YIN NA, ,DPE BUM PA LA MI RTAG PA NYID LA MI 'KHRUL BAR SHES PA'I BYAS PA NYID LAS SGRA MI RTAG BAR RTOGS PA YIN NA, 'DIR NI MI RTAG PA NYID LA BYAS PA MI 'KHRUL PAR MA BRJOD DO, ,'ON KYANG NGAG 'DI LA NI CHOS MTHUN PAS BYAS PA'I LHAN CIG SPYOD PAR BRJOD DE, CI LTAR BUM PA BYAS PA MI RTAG PA DE BZHIN DU SGRA YANG BYAS PA YIN PAS NI RTAG PAR 'GYUR RO, ,CHOS 'GA' ZHIG GIS CHOS MTHUN PA TZAM GYIS NI GZHAN GYI CHOS GZHAN GYIS KYANG MTSUNGS PAR NI 'OS PA MA YIN TE, HA CANG THAL BAR 'GYUR BA'I PHYIR RO, ,DE BZHIN DU DPE GANG LA RJES SU 'GRO BA PHYIN CI LOG YOD PA DE NI DE SKAD CES BYA'O, ,'DI SKAD GANG BYAS PA DE NI MI RTAG PA NYID DO ZHES BYAS PA NYID MI RTAG PA NYID LA NGES PAR BSTAN PAR BYA BA YIN TE, DE LTA NA NI DE LAS BSGRUB BYA RTOGS PAR 'GYUR RO, ,GANG GI TSE GANG MI RTAG PA DE NI BYAS PA NYID DO ZHES BYAS PA NYID LA MI RTAG PA NGES PAR BYAS PA DE'I TSE NI BYAS PA MI RTAG PA LA NGES PAR MA BRJOD PA DES NA GZHAN LA YANG 'JUG PAR DOGS PAS GO BAR BYED PAR MI 'GYUR RO, ,DE'I PHYIR RANG BZHIN GANG GIS GTAN TSIGS GO BAR BYED PA'I RANG BZHIN DE DPES MA BSTAN PA'I PHYIR SMRA BA PO'I NYES PAS DPE SKYON CHAGS PA YIN NO, ,DPE SKYON DGU BO 'DI DAG NI CHOS MTHUN PA YIN NO, ,CHOS MI MTHUN PAS KYANG GANG RTAG PA MA YIN PA DE NI LUS CAN MA YIN PA MA YIN NO ZHES BSGRUB BYA LOG PAS SGRUB BYED LDOG PA LA, RDUL PHRA RAB DANG LAS DANG NAM MKHA'I DPE RNAMS NI BSGRUB PAR BYA BA LA SOGS PA LDOG PA MED PA CAN YIN NO, ,RDUL PHRA RAB NI RTAG PAS RTAG PA NYID LOG PA MED DO, ,LAS NI LUS CAN MA YIN PAS LUS CAN MA YIN PA MED PA MA YIN NO, ,NAM MKHA' NI RTAG PA DANG LUS CAN MA YIN PAS GNYI GA LDOG PA MED DO, ,DPE GANG LA LDOG PA LA THE TSOM ZA BA DE LA SOGS PA YANG BRJOD PA STE, DES NA RIGS PA'I THIGS PA CI LTA BA BZHIN NO, ,LDOG PA RAB TU MA BSTAN PA NI SGRA MI RTAG STE BYAS PA'I PHYIR NAM MKHA' BZHIN NO ZHES BYA BA'O, ,LDOG PA PHYIN CI LOG PA NI GANG MA BYAS PA DE NI RTAG PA STE, DPER NA NAM MKHA' BZHIN NO ZHES BRJOD BA YIN NO, ,GANG GI PHYIR @174A *, ,CHOS MI MTHUN PA'I DPE LA NI BSGRUB PAR BYA BA LOG PA SGRUB BYED LOG PA LA NGES PAR BSTAN PAR BYA BA YIN TE, DE LTAR NA GANG NA SGRUB BYED YOD PA DER BSGRUB BYA 'GRUB PAR 'GYUR RO, ,'DIR GCIG LA NI CI LTAR NAM MKHA' RTAG BAR BYAS PA MA YIN PA DE BZHIN DU SGRA NI BYAS PA MA YIN PA MA YIN TE, 'ON KYANG BYAS PA YIN NO ZHES MA BYAS PA NYID KYIS CHOS MI MTSUNGS PA TZAM ZHIG BSTAN PA YIN NO, ,CHOS GCIG GIS CHOS MI MTHUN PA TZAM GYIS NI CHOS THAMS CAD KYI CHOS MI MTHUN PAR NGES PA MA YIN TE, THAMS CAD THAMS CAD DANG CHOS MTHUN PA DANG MI MTHUN PAR MTHONG BA'I PHYIR RO, ,DE'I PHYIR GO BAR BYED PA'I RGYU MTSAN GYI LDOG PAS BSTAN PA'I PHYIR SKYES BU'I NYES PAS DPE SKYON CHAGS PA YIN NO, ,GZHAN LA NI SGRUB BYED LOG PA BSGRUB BYA LDOG PA LA NGES PAR BSTAN TO, ,GANG MA BYAS PA DE NI ZHES SGRUB BYED LOG PA RJES SU BRJOD NAS, DES NI RTAG PA'O ZHES BSGRUB BYA LOG PA BSGRUB PA'I PHYIR RO, ,GAL TE BSGRUB BYA RTZOL BA LAS BYUNG BA NYID YOD PA LAS SGRUB BYED MI RTAG PA NYID LDOG PA MED PA DE LTA NA YANG MI RTAG BA NYID GO BAR BYED PA MA YIN NO, ,DES NA LDOG PA PHYIN CI LOG KYANG SKYES BU'I NYES PA LAS YIN NO, ,YANG CI'I PHYIR 'DI DAG SKYON CHAGS PA YIN ZHING CI LTAR NA GSAL BA YIN ZHE NA, GANG GI PHYIR 'DI DAG GIS NI GTAN TSIGS KYI SPYI'I MTSAN NYID MTHUN PA'I PHYOGS DANG MI MTHUN PA'I PHYOGS DAG LA YOD BA DANG MED PA NYID DAM, BYE BRAG GI MTSAN NYID DE'I BDAG DANG DE LAS BYUNG BA BSTAN PAR MI NUS TE, DE'I PHYIR DON GYI 'ONGS PAS DE DAG GSAL BAR BYA'O, ,GAL TE DPE GTAN TSIGS KYI TSUL GYIS GNOD PAR BYED PA'I TSAD MA'I YUL NYID LA MA REG PAR DE YAN LAG MA YIN PAR RANG RGYUD NYID DU SGRUB PAR BYED PA'I YAN LAG YIN NA DE'I TSE, GTAN TSIGS KYI TSUL LA MA REG PA YIN NA'ANG BSGRUB BYA'I DON DANG DPE MA 'BREL PA'I PHYIR DPE DON MED PAR 'GYUR RO, ,DE NYID DGROL BA'I PHYIR BSHAD PA NI, GAL TE DE'I TSE TSAD MA'I YUL STON PA'I DPE DE'I BDAG NYID DANG, DE LAS BYUNG BAS BYAS PA BSGRUB PAR BYA BA LA MI 'KHRUL BA NYID MI STON NA, BSGRUB BYA BSGRUB PA LA DPE NYE BAR MKHO BA @174B CUNG ZAD KYANG MED PAR 'GYUR TE, BSGRUB BYA DANG 'BREL PA MED PA'I PHYIR RO, ,GAL TE DPE NI BSGRUB BYA SGRUB BYED DANG BCAS PAR BSGRUB PA YIN TE, DE'I PHYIR SGRUB PAR BYED PA'I CHOS KYI CHOS CAN DE YANG DPE'I CHOS CAN BZHIN DU BSGRUB BYA'I CHOS DANG YANG LDAN PAR 'GYUR BA'I PHYIR 'DRA BA LAS BSGRUB PAR BYA BA 'GRUB PA LA NYE BAR MKHO BA YIN NO, ,BSGRUB PAR BYA BA DANG 'DRA BA NYID KYANG DPE'I BSGRUB PAR BYA BA DANG 'BREL BA YIN NO ZHE NA, 'DI NI SNYING PO YOD PA MA YIN TE, GANG GI PHYIR GANG GIS NA NYE BAR 'JAL BA LAS DON 'GA' ZHIG 'GRUB PAR 'GYUR BA DON RNAMS DON 'GA' ZHIG DANG RNAM PA 'GA' ZHES BYA BA'I DNGOS PO NYID LA SOGS PA'I CHOS GCIG DANG 'DRA BA TZAM GANG YIN PA DES RANG BZHIN GZHAN DU NGES PA YOD PA MA YIN NO, ,CI'I PHYIR 'DRA BA LAS RANG BZHIN GZHAN DU MI NGES SHE NA, GANG GI PHYIR DON 'GA' ZHIG DANG, RNAM PA 'GA' ZHES BYA BA THA NA GZHAL BYA NYID KYIS MI MTSUNGS PA'I DON NI 'GA' YANG MED DO, ,'ON KYANG MTSUNGS PA NYID DE, MTSUNGS PA DES NA GANG DANG GANG MTSUNGS PA'I DON DE'I BDAG NYID YIN NA, DON THAMS CAD THAMS CAD KYI RANG BZHIN DU 'GYUR NA DE NI MNGON SUM DANG 'GAL TE, DES NA RANG BZHIN GZHAN NGES PA NI MA YIN NO, ,'DRA BA TZAM GYI RANG BZHIN GZHAN NGES PA MA YIN PA DE'I PHYIR BSGRUB PAR BYA BA MI RTAG PA NYID LA SOGS PA DES KHYAB PA'I CHOS GANG YIN PA BYAS PA NYID LA SOGS PA DANG DE DANG LDAN PA NYID LAS SGRA LA SOGS PA BSGRUB PAR BYA BA DANG LDAN PA YIN GYI GZHAN LAS NI MA YIN NO, ,DE'I PHYIR GTAN TSIGS 'DI'I BSGRUB BYA RTOGS PA'I YAN LAG BSGRUB BYAS KHYAB PA DPER KHYAB PA'I TSAD MA RAB TU BSTAN PA YIN NO, ,DE NYID KYI PHYIR BSGRUB BYA SGRUB BYED DANG LDAN BAR RAB TU GRUB PA TZAM GYIS NI KHYAB PA RAB TU STON PA'I YUL DPE MA YIN TE, DPER NA SMRA BA DANG THAMS CAD MKHYEN PA MA YIN PA DANG LDAN YANG 'DOD PA SKYES BU DPE MA YIN PA BZHIN NO, ,BSGRUB BYA MA GRUB PAS DPE MA YIN PA YANG MA YIN TE, SGRUB PAR BYED PA DANG LDAN PAR GRUB PA LA GAL TE KHYAB PAR BSGRUB PA'I MTSAN MA'I YUL YIN NA DPER 'GYUR TE, DPER NA YOD PA DANG SKAD CIG MA NYID LA BUM PA ZHES DON GYIS BRJOD PAR 'GYUR BA BZHIN NO, ,GANG GI PHYIR BSGRUB BYA KHYAB PA'I CHOS DANG @175A *, ,LDAN PA LAS BSGRUB BYA SGRUB PAR 'GYUR GYI, GZHAN LAS NI MA YIN PA DES NA 'DIR RANG RGYUD PA DNGOS SU BSGRUB BYA LAS NYE BAR MKHO BA MA YIN NO, ,GTAN TSIGS DE DANG MA 'BREL BA'I PHYIR DON MED PAR MI 'GYUR BA YANG MA YIN NO, ,DNGOS SU NYE BAR MKHO BA MA YIN MOD, MA 'BREL NA DON MED PAR GO CI LTAR 'GYUR ZHE NA, GTAN TSIGS DE NYID KYIS BSGRUB BYA 'GRUB PA'I RANG BZHIN GYI DON YONGS SU RDZOGS PA'I PHYIR RO, ,DE'I PHYIR DPE NI GTAN TSIGS KYI DON GYI NANG DU 'DUN PA NYID DO, ,GTAN TSIGS LTAR SNANG BA DANG BCAS [?] PA BRJOD PA NA, SUN 'BYIN PA LTAR SNANG BA DANG BCAS PA'I SKABS SU BAB NAS BRJOD PA'I PHYIR BSHAD PA, MA TSANG BA LA SOGS PA MA NGES PA'I MTHAR THUG PA GANG BRJOD PA GANG YIN PA STE, 'DIS BRJOD PA'I PHYIR TSIG GO, ,DE NI SUN 'BYIN PA YIN NO, ,'DI NYID DGROL BA'I PHYIR BSHAD PA NI MA TSANG BA NYID LA SOGS PA ZHES BYA BA'O, ,'DIS BRJOD PA'I PHYIR BRJOD TSIG GO, ,YANG JI LTAR SUN 'BYIN PA YIN ZHE NA, BRJOD PA DES PHA ROL BO 'DOD PA'I DON GRUB PA GANG YIN PA DE LA GEGS BYED PA'I PHYIR RO, ,GAL TE SKYON MA BRJOD KYANG GTAN TSIGS KYI DON NYID SKYON CHAGS PA'I PHYIR NUS PA MED PAS DE LAS PHA ROL PO'I 'DOD PA'I DON 'GRUB PA'O MI 'GYUR BAM YIN NAM, DE CI LTAR SKYON BRJOD PA SUN 'BYIN PA YIN ZHES BRJOD CE NA, DON NYID NUS PA MED PAS 'DOD PA MI 'GRUB PA DE NI DE LTAR YIN MOD KYI, 'ON KYANG SGRUB PAR BYED PAS BSGRUB BYA'I RANG BZHIN GRUB PAR BYED PA'AM, SUN 'BYIN PAS GRUB PA LDOG PAR BYED PA NI MA YIN NO, ,CI'I PHYIR ZHE NA, BYAS PA DANG MI RTAG PA NYID LA SOGS PA DE DAG NI THAMS CAD DU SNGA MA'I RANG BZHIN NYID DANG LDAN PA YIN PA'I PHYIR RO, ,'O NA CI'I PHYIR ZHE NA, SGRUB PA DANG SUN 'BYIN PAS NI GO RIMS BZHIN DU RGOL BA DANG PHYIR RGOL BA'I RNAM PAR GNAS PA'I DNGOS PO GSAL BAR BYED PA'I NUS PA GRUB PAR BYED PA YIN NO, ,RGOL BAS NI RTAGS 'GA' ZHIG BSGRUB BYA 'GRUB PA LA NUS PAR 'GRUB PA YIN LA, PHYIR RGOL BAS NI MI NUS PAR RO, ,NUS PA DANG MI NUS PAR DE YANG RANG BZHIN GNAS PA YIN NO, ,RNAM PAR GNAS PAR BYED SGRUB PAR BYED PA'I NUS PA 'GRUB PA DE @175B YANG GANG GI PHYIR TSIG MED PAR MI 'GRUB PA DE'I PHYIR RGOL BA DE LTA BU NYID DU 'GYUR PA'I RTAGS STON PAR BYED PA NA, BSGRUB BYA DE'I BYED PA PO SGRUB PAR BYED PA PO YIN BA DE DANG DE'I TSIG NI BYED PAR BRJOD PA DANG, PHYIR RGOL BA DE LTA BU NYID DU GYUR PA'I RTAGS NUS PA MED PAR STON PA NA, BSGRUB BYA MI NGES PA DE'I BYED PA PO SUN 'BYIN PA PO DANG, DE'I TSIG SUN 'BYIN PAR BYED PA YIN PAR BRJOD KYI, RNAM PAR MI GNAS PAR BYED PA'I PHYIR NI MA YIN NO, ,GAL TE DE LTA NA GAL TE NYES PA BRJOD PA NA MA TSANG PA MED PA DANG, GRUB PA LA SOGS PA'I TSIG GIS YANG LAN BTAB PA NA, NGAG DE DE'I TSE 'DOD PA'I GEGS YOD PA MA YIN PAS SNGAR BRJOD PA DE SUN 'BYIN PA MA YIN PAR 'GYUR RO ZHE NA, 'DI NI RIGS PA MA YIN TE, GANG GI PHYIR MA TSANG BA MED PA LA SOGS PA'I TSIG GIS BRJOD PA GANG YIN PA DE NI SGRUB PAR BYED PA GZHAN YIN LA, SNGAR GYI GRUB PAR BYED PA NI SUN PHYUNG BA NYID DO, ,GAL TE DE LTA NA SGRUB PAR BYED PA'I NGAG YONGS SU MA RDZOGS PA NYID DU SUN 'BYIN PA POS CUNG ZAD SMRAS PA GANG YIN PA DE SUN 'BYIN PA YIN NO ZHE NA, DE LTA NI MA YIN TE, GANG GI PHYIR GAL TE PHYOGS SNGA MA SMRA BA LTOS PA DANG BCAS PA YIN NA, SUN 'BYIN PA'I SKABS MA YIN NO, ,GANG LAS LTOS PA DANG BCAS PAR RTOGS SHE NA, NGAG MA RDZOGS PA NYID KYIS SO, ,'O NA NAM SUN 'BYIN PA'I SKABS YIN ZHE NA, NGAG RDZOGS PA NA ZHES SMOS SO, ,TSIG 'PHRO RDZOGS PA NA DE LA SKYON RJOD PAR BYED PA NI SUN 'BYIN PA NYID DO, ,RGOL BAS YANG LAN BRGYA BTAB KYANG SNGAR GYI SGRUB PAR BYED PA GANG YIN PA DE NI SUN DBYUNG BA NYID LA, PHYOGS BRJOD BA NI SGRUB PAR BYED PA GZHAN YIN PAR 'GYUR RO, ,DER SNANG BA NI ZHES BYA BA NI SUN 'BYIN PA BZHIN DU SNANG BA'I PHYIR RO, ,LTAG CHOD CES BYA BA NI SUN 'BYIN PA DANG 'DRA'O, ,LTAG CHOD KYI SGRA NI 'DRA BA'I TSIG YIN TE, DES NA LAN DANG 'DRA BA'I TSIG GANG YIN PA DA DAG NI LTAG CHOD CES BRJOD DO, ,DE DAG KYANG GANG ZHE NA BSHAD PA, LOG PA'I LAN LA MTHA' MED PA'I RGYU'I PHYIR DE DAG 'DIR NI SPRO BA'I BYA BA MA YIN NO, ,'DI NYID RNAM PAR 'GREL PA NI LAN LOG PA NI LTAG CHOD YIN LA, LTAG CHOD KYI RGYU LOG PA'I RNAM PAR RTOG PA RNAMS GNAS PA MED PA STE @176A *, ,MTHAR THUG PA MED PA'I PHYIR RO, ,KUN BRTAGS PA'I LTAG CHOD DAG LA MTHA' MED PA NYID BSTAN PA'I PHYIR, NANG DU MA 'DUS PA'I LAN LOG BA STON PA NI, DPER NA RIGS BA CAN DAG BDAG MED DO ZHES BYA BA NI 'DIR DAM BCAS PA'I DON NYID NI PHAN TSUN 'GAL BAS NA DAM BCAS PA DANG 'GAL BA ZHES BYA BA NI DAM BCAS PA'I SKYON YIN NO ZHES BRJOD DO, ,'GAL BA DE NYID STON PA NI BDAG GI SGRA'I DON LA SKUR BA 'DEBS NA BDAG GI SGRA SBYOR MI SRID BA'I PHYIR BDAG GI SGRA SBYOR BA'I RGOL BAS NI DON NYE BAR 'JOG PA YIN LA, MED DO ZHES SKUR BA YANG YIN PA DE'I PHYIR NGAG GCIG NYID LA DON DE NYID SGRUB PA DANG 'GOG PA NI 'GAL BA YIN NO, ,DES NA DAM BCAS PA'I TSIG GNYIS DAG 'GAL BAS 'DI NI DAM BCAS PA'I SKYON YIN NO ZHES BYA BA LTA BU DANG, DE BZHIN DU GZHAN DAG GTAN TSIGS KYI SKYON RTZOL BA LAS BYUNG BA'I SGRA NI MI RTAG STE, RTZOL BA LAS BYUNG BA'I PHYIR ZHES BYA BA NI GTAN TSIGS CHOS CAN GYI KHYAD PAR DU NYE BAR BKOD PA'I PHYIR DAM BCA' BA'I DON GYI PHYOGS GCIG YIN NO ZHES ZER BA LTA BU'O, ,DE LTA BU LA SOGS PA DAM BCA' BA DANG GTAN TSIGS KYI SKYON DNGOS MA YIN PA'I PHYIR LTAG CHOD YIN YANG BSTAN PA'I MTSAN NYID KYIS LTAG CHOD DAG TU 'DUL BA MA YIN NO, ,'DI SNYAM DU 'O NA DE LTA BU DAG SUN 'BYIN PA NYID YIN NO SNYAM NA, BSHAD PA, SUN 'BYIN PA YANG MA YIN NO, ,CI LTAR ZHE NA, SGRA'I DON LA MI BSNYON PAS SO, ,GAL TE BDAG GIS SGRAS BRJOD PAR BYA BA'I DON RNAM BA CI ZHIG LTAR BSNYON NAS DE'I TSE 'GAL BAR 'GYUR NA SGRA'I DON NI MI BSNYON GYI, DE'I NYE BAR LEN PAR GYUR BA RANG GI MTSAN NYID KHO NA 'GOG PA YIN NO ZHES YOD MED PHYOGS KYI BYE BRAG GIS ZHES BYA BA DER BSHAD ZIN TO, ,DE BZHIN DU DAM BCAS PA'I DON GYI PHYOGS GCIG MA GRUB PA'I GTAN TSIGS SU BRJOD PA YANG MA YIN NO, , CI'I PHYIR ZHE NA, BSGRUB BAR BYA BA'I CHOS CAN LAS PHYI ROL TU 'GYUR BA'I PHYIR RO, ,DE LA SGRA NI BSGRUB PA'I CHOS CAN YIN NO, ,RTZOL BA LAS BYUNG BA NI NYE BAR MTSON PA YIN PAS BSGRUB BYA'I DUS NI MI GNAS SO ZHES BYA BA LA SOGS PA YANG BSHAD ZIN TO, ,'DI SNYAM DU GAL TE DE DAG KYANG 'DRA BA'I CHA @176B 'GAS TE, 'DRA BA 'GA' ZHIG LAS SO ZHES BYA BA'I THA TSIG GO, ,'O NA BRJOD PA'I LTAG CHOD 'DI DAG KYANG 'DRA BA'I CHA 'GAS PHAN TSUN DE LTAR ZHES BYA BA NANG DU 'DU BAR THAL BAR 'GYUR RO, ,DE'I PHYIR TE LTAG CHOD KYI DBYE BA'I TSUL MTHA' YAS BA DANG 'DRA BA'I CHA'I SKABS SU NI GCIG TU THAL BAS 'GYUR BA'I PHYIR SPYI'I MTSAN NYID GCIG NYID DU CUNG ZAD BRJOD PAR BYA BA YIN TE, KHYAD PAR GYI MTSAN NYID BYAS NA NANG DU MI 'DU BA'I RGYU'I PHYIR RO, ,'O NA SPYI'I MTSAN NYID BRJOD CIG CE NA, BSHAD PA, LTAG CHOD KYI SPYI'I MTSAN NYID DE NI SUN 'BYIN PAR SNANG BA LTAG CHOD DO ZHES BRJOD ZIN TO, YANG DAG PA MA YIN PA'I SKYON BRJOD PA NI LTAG CHOD DO ZHES BYA BA'I THA TSIG GO, ,'DI SNYAM DU BYE BRAG GI MTSAN NYID MED NA CI LTAR LTAG CHOD SHES PAR NUS SHE NA, BSHAD PA, LTAG CHOD DE NI BSGRUB PA DANG SUN 'BYIN PA'I MTSAN NYID SHES PA NYID LAS LAN LTAR SNANG BA NYID DU BDE BLAG TU SHES PAR 'GYUR RO, ,CI LTAR GRUB PA DANG SUN 'BYIN PA DAG GI MTSAN NYID SHES PAS LAN LTAR SNANG BA NYID SHES SHE NA, YUL MA YIN PA TSUL GSUM PA'I RTAGS CHAD PA DANG BRAL BA MA GRUB PAR BYED PA'I MTSAN NYID TSUL GSUM PA'I RTAGS CHAD PA NYID MI 'JUG PA'I PHYIR BSGRUB PA MA YIN NO, ,SGRUB BYED KYI DNGOS PO MA YIN PAR SHES PA YANG SUN 'BYIN PA MTSAN NYID KYI YUL BDEN PA'I BSGRUB BYA RTOGS PA'I GEGS MA YIN PA'I PHYIR NI SUN 'BYIN PA MA YIN LA, GEGS KYI KHYAD PAR GYI MTSAN NYID GANG BSHAD PA YIN PA DE DANG MI LDAN PA'I PHYIR NI KHYAD PAR DU SUN 'BYIN PA MA YIN PAR SHES SO; RNAM PA GZHAN YANG MED PA'I PHYIR RANG NYID KYIS BRTAGS NAS LAN LTAR SNANG BAR SHES PAR NUS SO, ,'DI DAG GI RAB TU DBYE BA KHYAD PAR GYI RNAM PAR DBYE BA NI TSUL BZHIN MA YIN PA'I YID LA BYED PA MTHA' YAS PAS MTHA' MED LA MTHA' MED PA'I PHYIR NI BSTAN PAR MI NUS SO, ,DPER NA YANG DAG PA'I SHES PA BSTAN PAR BYA BA LA RTAGS BRJOD PA YANG STON PA DE BZHIN DU RTAGS 'GOG PA BRJOD PA DANG, 'GOG PAR SNANG BA YANG BYIS PA LA BSTAN PAR BYA BA YIN TE, RTAGS YANG DAG PAR BRJOD PA LA YANG PHA ROL PO RNAM PA 'GA' ZHIG LTAR KLAN KA BRJOD PA NA, RGOL BA LA BRJOD @177A *, ,PA LA MI SMOS PAR BYA BA'I PHYIR RAM, YANG DAG PA MA YIN PA BRJOD LA PHYIR RGOL BA SGRUB PAR BYED PA'I YAN LAG MA YIN PA BRJOD PA MI SHES PAR MI 'GYUR BAR BYA BA'I PHYIR RO, ,RGOL BA DANG PHYIR RGOL BDAG GIS GRANGS BZHIN DU YANG DAG PA'I SHES PA'I YAN LAG TU 'GYUR BA BRJOD PA MI MTHUN PA'I PHYOGS DANG BCAS PA DANG YAN LAG MA YIN PA MI MTHUN PA'I PHYOGS DANG BCAS PA SHES PAR BYA BA YIN PA'I PHYIR SUN 'BYIN PA LTAR SNANG BA DANG BCAS TE BSHAD DO, ,CI STE GAL TE KUN LAS BTUS PA BSTAN PAR 'DOD NA, CI LTAR DE NYID LA LAR SBONG STE, DPER NA 'DI NI NGES PAR BYA BA'I DON YIN TE, MED PA NYID LA MED PA YIN GYI GZHAN PA LA MA YIN LA 'GAL BA LA YANG MA YIN NO ZHES TSUL GSUM PA NGES PA'I DON YIN BAR BSHAD LA, KHYOD KYIS NI RJES SU 'GRO BA DANG LDOG PA DAG GI SBYOR BA SHES PAR BYA BA'I DON DU BRJOD PA LTA BU STE, DE BZHIN DU YANG SBYAR RO ZHE NA, BSHAD PA, MDO DAG GIS BSTAN GYI, 'GREL BAS NI MA YIN GYI 'GREL PA NI 'DI NYID MA YIN NO, ,DBANG PHYUG SDE DANG DE'I PHYOGS PA GZHAN SNGA MA DAG GIS NI 'BREL PA PHYIN CI LOG TU BYAS SO, ,MDO NI 'GREL PA'I DBANG GIS GZHUNG GZHAN DU BYA BAR MI NUS PA DE'I PHYIR DE NYID BSHAD DO, , CI LTAR NA DE SLOB DPON GYI GZHUNG YANG MA YIN ZHE NA, GANG GI PHYIR DON YOD DE 'BRAS BU DANG BCAS PA'I LUGS RTOG GE'I TSUL GANG YIN PA GZIGS PA DE'I PHYIR 'GREL PA 'GAL BA NI DE'I MA YIN NO, ,GAL TE 'GREL PA LA YANG YID MI RTON NA, GANG LAS LUNG THOB NAS 'CHAD CE NA, 'GA' LAS KYANG MA YIN TE, LUNG YANG YAL BAR DOR NAS TE, 'CHAD PA PO RNAMS LAS 'ONGS PA'I DON YAL BAR DOR NAS BSHAD DE, DE DAG KYANG MNGON PAR MI BRTZAN PAS BLO BSLAD PA'I PHYIR YANG DAG PAR MTHONG BA MA YIN NO, ,GAL TE LUNG BTANG NA CI LTAR 'CHAD CE NA, DE NA 'DI RIGS SO ZHES TE; DE LA DE LTA BUR RO, ,LUNG YOD DAM MED KYANG BLA STE, 'DI'I DON NI 'DI YIN BAR TSAD MAS 'THAD DO ZHES 'CHAD DO, ,'O NA NI BSAM PA 'DI KHYOD NYID KYI YIN GYI, SLOB DPON GYI NI MA YIN TE, SLOB MA BRGYUD PA MA CHAD PA MED PA'I PHYIR RO ZHE NA, RNAM DAG THUGS ZHES SMOS TE, RNAM @177B PAR DAG PA'I THUGS MNGA' BAS NA, SLOB DPON DE'I DGONGS PA NGES BAR TE, GDON MI ZA BAR 'DI NYID YIN NO, ,RNAM BAR DAG PA'I BLO MNGA' BA NI, TSAD MA DANG MI LDAN BA'I DON RTOGS PA MA YIN NO, ,GAL TE DE'I YANG DGONGS PA 'DI NYID YIN NA, CI LTAR t'I KA BYED PA DE NYID KYIS MA RTOGS SHE NA, MI GSAL BA DON GSAL BA MED PA'I BLO GANG LA YOD PA'I SKYE BO GANG YIN PA DES DGONGS PA 'DI RTOGS PA MA YIN TE, SHES RAB GSAL BAS NI SLOB DPON GYI DGONGS PA 'DI NYID YIN BAR NGES SO, ,DE LTAR PHYOGS NYAMS DOGS PAS GSUNG RAB RGYA MTSO YI, , RIGS GZIGS RGYA CHEN RNAM NGES 'DI NI MI BRTEN PA'I, ,LTA BAR LTUNG BSAM RTOGS DES DE RAB NUS BZHIN, ,BDAG GIS 'BAD BAS 'DI BYAS BYAS RNAMS KHO NAS SHES, ,BDAG GIS TSAD MAS PHYE BAS MA PHYED CUNG ZAD TZAM YANG RNAM BKRAL BAS, ,'DI LTAR THAR PA PHUN TSOGS 'BRAS CAN LEGS PAR BYA BA BYAS 'GYUR BA, ,LEGS SPYAD DES NI 'GRO RNAMS 'PHO MED GO 'PHANG BYANG CHUB KUN GYI NI, ,CHOS MCHOG THOB NAS 'KHOR BA'I RGYA MTSO LAS NI RAB TU RGAL BAR SHOG ,GROGS PO RNAMS KYIS BSKUL BAS MI 'DOD KYANG, ,RNAM PAR NGES PA'I 'GREL BSHAD NGES BYAS TE, ,'DI LTAR 'JIG RTEN SPRO BA MED PA YANG, ,GROGS POS LAG GIS 'JUG NAS 'BRAS LA SBYOR, ,GZHAN ZER RJES 'JUG SHIN TU CHER SEMS MI MTHUN PAR NI GNAS PA DAG ,RNAM G-YENG SKYE MCHED DES 'DIR GAL TE LEGS BSHAD GZIGS MA YOD NA DER, ,GANG DAG ZHAL SNGA CHOS 'BYUNG BYIN DANG DGE BSRUNGS ZHES BYAS SA STENG NA, ,SGRIB MED RAB GRAGS DE DAG GIS NI RTOGS PA'I MYU GU CUNG ZAD YIN, ,LEGS 'BREL PHYOGS GNAS GZHAN GYIS BGROD PA YIS, ,RING DU SPANGS NAS RAB TU 'JUG BGROD DKA'I, ,BGROD BYA'I MTHAR PHYIN SHES RAB DE DAG GI, ,TSUL NI BYA YI RGYAL PO DAG DANG MTSUNGS, ,NYI SHAR 'OD 'JOMS MUN STUG GIS BSGRIBS GANGS RUM DU, ,GNAS PA'I MI'AM KHA BAS 'KHYAGS PA'I PADMA DAG ,RAB TU RGYAS BAR 'GYUR BA DAG NI GA LA YOD, , @178A *, ,DES NA CHE RNAMS DPYOD MED BDAG LA MI MNYES MED, ,STONG PHRAG BZHI DANG GSUM DANG BZHI, ,BRGYA PHRAG LNGA DANG DRUG DANG GSUM, ,NYI SHU GNYIS DANG SUM CU STE, ,DE NI GNYIS DRUG GSUM BCAS SO, ,SLOB DPON CHOS MCHOG GIS SBYAR BA RNAM PAR NGES PA'I t'I KA 'THAD LDAN ZHES BYA BA RDZOGS SO,, ,, BSTAN BCOS CHEN PO'I DON DANG TSIG TU BCAS, ,LEGS RTOGS 'GRO NA NYI BZHIN GSAL BYED PA, ,TSUL KHRIMS GTZANG MA'I DRI DANG LDAN PA GANG, ,SLOB DPON CHOS MCHOG RTOG GE NGAN 'JOMS MCHOG ,YANG DAG DON GSAL TSAD MA'I BSTAN BCOS 'DI, ,LEGS BAR BSGYUR LAS BYUNG BA'I BSOD NAMS GANG, ,DES NI LOG LTA'I RGYUN PHYOGS SKYE BO RNAMS, ,YANG DAG RIGS PA'I LAM DU 'JUG PAR SHOG ,KHA CHE'I PAndI TA GZHAN LA PHAN PA BZANG PO LA SOGS PA DANG, BOD KYI LO TZ'A BA BLO LDAN SHES RAB KYIS GRONG KHYER DPE MED DU BSGYUR BA'O,, ,, #, ,RGYA GAR SKAD DU, PRA M'A nA BI NI SHTZA YA t'I K'A, BOD SKAD DU, TSAD MA RNAM PAR NGES PA'I 'GREL BSHAD, THAMS CAD MKHYEN PA LA PHYAG 'TSAL LO, ,BLO BZANG GANG GIS PHYI ROL DON NI ZHAL BZHES PA DANG DE BZHIN RNAM RIG CAM, ,BDEN BA GNYIS BSGRUB PA DANG LTA BA GZHAN GZHIG PA DANG LAM KUN MDZAD PA YI, ,SGRUB BYED NYID NI YANG DAG SHES PA MNGON SUM DE BZHEN RJES DPAG DE RNAM GNYIS, ,RIGS PA KUN TU SGRUB MDZAD CHOS KYI GRAGS PA DPAL DE YUN RING RGYAL GYUR CIG ,DE NI DPAL LDAN ZHES BYA BA'I TSIGS SU BCAD PA 'DIS NI PHYOGS KYI GLANG PO'I ZHAL SNGA NAS BSHAD PA'I YANG DAG PA'I YUL CAN GYI RIGS PA RAB TU BYED PA 'DIS GSAL BAR BYA'O ZHES STON TO, ,TSAD MA RNAM 'GREL DU NI BSTAN BCOS TSAD MA KUN LAS BSDUS PA LA SOGS PA'I TSIG GI DON GYI CHA GTZOR RTOGS PAR BYED DO, ,DE NYID KYI PHYIR TSAD MA RNAM 'GREL NI RNAM 'GREL ZHES BYA'O; ,BSTAN BCOS 'DI NI RIGS PA'I CHA GTZOR STON PA'I PHYIR RIGS PA'I BSTAN BCOS YIN GYI RNAM 'GREL NI MA YIN NO, ,DE NYID KYI PHYIR BSTAN BCOS 'DI ZLOS PA MA YIN NO, ,KHA CIG 'DI LA RNAM 'GREL DU 'CHAD PAR BYED PA DE NI MI RIGS TE, ZLOS BAR THAL BAR 'GYUR BA'I PHYIR RO, , @178B DE NYID KYI PHYIR RIGS PA'I CHA YANG DAG PA'I SHES PA MTHAR PHYIN BAR STON PA'I YANG DAG PA'I SHES PA BSTAN PA'I PHYIR 'DI BRTZAM MO ZHES GSUNGS TE, RIGS PA DANG BCAS PA'I YANG DAG PA'I SHES PA MA GTOGS PAS MI MKHAS PA RNAMS LA ZHES BYA'O, ,DE DAG KYANG GZHAN GYI SDE PA MTHA' DAG DANG, RANG GI SDE PA KHA CIG GO, ,DE ZHES BYA BA NI PHYOGS KYI GLANG PO'I ZHAL SNGA NAS TE, DE'I LUGS NI GSAL BAR BYA'O ZHES BYA BAR 'BREL TO, ,DE JI LTA BU ZHIG GI ZHE NA, DPAL LDAN NI SBYIN PA NAS BSAM GTAN GYI BAR BSOD NAMS KYI TSOGS DANG LDAN PA'O, ,DRI MED BLO MNGA' NI NAG NOG MED PA'I BLO STE, SHES RAB KYI PHA ROL TU PHYIN PAS YE SHES KYI TSOGS RNAM PAR DAG PA DANG LDAN PAS BSOD NAMS KYI TSOGS PHUN SUM TSOGS PAR LDAN PA'O, ,DE NYID NI 'BRAS BU LAS RTOGS PAR BYA STE, 'PHAGS PA RANG NYID BSNYEN PAS RJES SU GZUNG GANG ZHES BYA BA GSUNGS SO, ,DE LA 'PHAGS PA ZHES BYA BA NI THOG MA MED PA'I BYANG CHUB SEMS DPA' RJE BTZUN 'PHAGS PA 'JAM DPAL DANG 'BREL TO, ,DE YANG 'DI SKAD GRAGS TE, SLOB DPON PHYOGS KYI GLANG PO BSTAN BCOS MTHA' DAG CHUB PAR MDZAD NAS DGON PA'I PHYOGS SHIG TU NYAN THOS KYI LAM GYIS BDAG NYID DUL BA NA ZHI BA'I PHYIR BRTZON BA NA; 'PHAGS PA 'JAM DPAL NYID KYIS DRUNG DU GSHEGS NAS, RIGS KYI BU KHYOD NI SEMS CAN THAMS CAD KYI DON BYA BAR BZOD PA YIN NA, CI'I PHYIR BDAG NYID KYI DON BYED, 'DI THONG LA SEMS CAN GYI DON LA SPRO BAR GYIS SHIG CES GSUNGS SO, ,DE NAS SLOB DPON GYIS GSOL PA, 'PHAGS PA BDAG GI SEMS G-YO BA 'DI RNGO MI THOGS SO, ,'PHAGS BAS GSUNGS PA, KHYOD SANGS RGYAS KYI SAR MA PHYIN PA'I BAR DU NGAS YONGS SU GZUNG GIS DOGS PAR MA BYED CIG, DE NAS SLOB DPON GYIS RAB TU BYED PA MANG PO BRTZAMS PA LA SOGS PA 'JIG RTEN LA PHAN PAR MDZAD DO ZHES MKHAS PA RNAMS BRGYUD DE GRAGS PA YOD DO, ,RANG NYID CES BYA BA NI RJES SU GZUNG BA CHUNG DU NI BLO MA BTANG BA'O, ,'BRING NI SPRUL PA BSTAN PA'O, ,MCHOG NI RANG NYID KYIS RJES SU BZUNG PA'O, ,DE NAS SLOB DPON NI TSOGS BSAGS PA STE, DE LTA MA YIN NA RJES @179A *, ,SU BZUNG BA MCHOG GA LA SRID DE, GANG ZHES BYA BA NI DE'I DPAL LDAN SKYON BRAL BLO MNGA' 'PHAGS PA RANG NYID BSNYEN PAS RJES SU GZUNG GANG ZHES DANG, GANG DE'I TSIG LCI BA ZHES DANG, GANG DE'I LUGS NI ZHES BYA BAR 'BREL TO, ,GANG YANG 'JIG RTEN NYE BAR BSTEN BAS RGYAS PAR BYED DE LA ZHES DANG 'BREL TO, ,YANG CI'I PHYIR DE'I LUGS DGROL BAR GUS SHE NA, SNYING RJES SO ZHES BSTAN PA'I PHYIR, DE'I TSIG CES BYA BA LA SOGS PA SMOS TE, DE NI PHYOGS KYI GLANG PO'I ZHAL SNGA'O, ,TSIG LCI BA ZHES BYA BA NI TSIG GI RNAM PA'O, ,NGES BAR RTOGS PA MED BAR ZHES BYA BA NI GSAL BAR MA RTOGS PA'O, ,DE'I TSIG LCI BA NI PHYI'I BYED BA'O, ,'JIG RTEN BLO GROS BLUN PA NI SHES RAB MI GSAL BA STE, DE NI NANG GI BYED PA'O, ,DE DAG GIS SLOB DPON LA SMOD PA BYED PAR 'GYUR GYI, SLOB DPON NI SKYON MED PA NYID DO, ,JI LTA BU ZHIG LA ZHE NA, 'JIG RTEN NYE BAR BSTAN PA STE, 'GRO BA LA ZANG ZING GI BSNYEN BKUR GYIS MGU BA BYAS PAS SNOD DU GYUR BA RNAMS LA CHOS BSTAN PAS RGYAS PAR BYED BA LA'O, ,JI LTAR SMOD CE NA, RMONGS PAS TE, DE KHO NA NYID LEGS PAR MA BSAMS SO ZHES BDAG NYID MI SHES PA SLOB DPON LA SGRO 'DOGS PAS SO; ,DE LTAR YON TAN MCHOG DANG LDAN PA LA CUNG ZAD SMOD BYED PA'ANG, DON MA YIN PA NI DON GYI MI MTHUN PA'I PHYOGS TE, NGAN 'GRO LA SOGS BA MI 'DOD PA'O, ,DE LTA BU CHEN PO SKYED BYED DE SBYIN PAR BYED PA YIN NA, MANG DU SNOD PA LTA CI SMOS PA'O, ,DE LTAR SDUG BSNGAL GYI RGYU LA GNAS PA'I 'JIG RTEN LA SNYING BRTZE BA STE, SDUG BSNGAL GYI RGYU DANG BRAL BAR 'DOD BAS SO, ,DE'I LUGS CI LTA BU ZHIG CE NA, SNGAR RIGS PA'I BSTAN BCOS SO ZHES SMRAS TE, DE'I PHYIR PHAN PA DANG MI PHAN PA ZHES BYA BA LA SOGS PA DAG GNYIS PA GSUNGS TE, 'DIS NI YANG DAG BA'I SHES PA'I RANG BZHIN GYI RIGS BA DGOS PA DANG BCAS PAR STON TO, ,SNGA MA'I TSIGS SU BCAD PA STAG RNAM PAR RTZEN PAS NI, ZLOS PA'I SKYON SBANG BA DANG, RTZOM PA'I RGYU BSTAN TO, ,GAL TE YANG DAG PA'I SHES PA'I DGOS PA BSTAN PA LA DGOS PA CI YOD CE NA, LAS RTZOM PA THAMS CAD LA @179B DGOS PA BSTAN PA NI LAS DE LAS GZHAN DAG 'JUG PAR BYA BA'I DON TO ZHES BDAG DANG GZHAN GYI SDE PA KHA CIG ZER RO, ,DE LA KHA CIG NA RE DGOS PA STON PA'I NGAG NI TSIG YIN LA DE DANG DON DU 'BREL BAS NGES PA MED LA, TSIG KHA CIG DON LA SKYES PA YOD KYANG DE'I BYE BRAG RTOGS DKA' BAS NA RTOG PA DANG LDAN PA DAG 'DZIN PAR MI 'GYUR BA'I PHYIR RTOG PA DANG LDAN PA 'JUG PA'I RGYUR 'GYUR ZHE'O, ,DE LA KHA CIG NA RE RTOG PA DANG LDAN PA NGES PA MA YIN YANG, GNOD BYED MA MTHONG BAS DON LA THE TSOM SKYE LA DE LAS 'JUG GO ZHES ZER RO, ,DE LA SNGA MA NA RE NGAG DE MA BRJOD KYANG SGRUB PAR BYED PA DANG, GNOD PAR BYED BA MA MTHONG BA'I PHYIR RANG BZHIN GYIS THE TSOM DU GNAS PAS NGAG DGOS PA MED LA, THE TSOM NI TSAD MAR MI RUNG BA'I PHYIR DES 'JUG PA YANG RTOG PA DANG LDAN PA NYID NYAMS SO ZHES ZER RO, ,THE TSOM LAS MI 'JUG NA NGAG DANG BO CI DGOS SHE NA, GZHAN DAG KHYOD KYIS RAB TU BYED PA 'DI BRTZAM BAR MI BYA STE, DGOS PA MED PA'I PHYIR RO ZHES 'GOG BA'I GTAN TSIGS MA GRUB BAR BSTAN PA'I DON DU'O ZHE'O, ,KHO BO NI 'DI SKAD SMRA STE, GZHAN GYI GTAN TSIGS MA GRUB PAR BSTAN PA'I PHYIR ZHES BYA BA CI, DGOS PA YOD PA'I PHYIR RO ZHE NA, NGAG DANG BO DGOS PA YOD BAR NGES PAS RTOG PA DANG LDAN PAR 'JUG PAR 'GYUR RO, ,DGOS PA LA THE TSOM SKYES PAS GTAN TSIGS THE TSOM ZA BA'I MA GRUB PAR BYED NA NI DAG DAG GI DGOS PA THE TSOM SKYED PA YIN NO ZHES SMRA BA'I PHYOGS NYID GNAS PA YIN NO, ,DE LTA BAS NA 'DI LTAR SHES PAR BYA STE, GANG DAG BSTAN BCOS MDZAD PA LA YID CHES PA DE DAG BSTAN BCOS KYIS DGOS PA LA SOGS PA LA YANG DAG GI SGO NAS YID CHES PAR 'GYUR TE, YID CHES PA'I TSIG YIN PA'I PHYIR RO, ,BSTAN BCOS MDZAD PA LA YID CHES PA YANG JI LTAR ZHE NA, BSTAN BCOS GZHAN DU JI LTAR NGAG DANG BOS DAM BCAS PA LTAR, GZHUNG GI DON DMIGS PAS NA MI SLU BAR GRUB PAS, 'DIR YANG DE NYID KYI BSTAN BCOS RTZOM PA'I SKABS KYI NGAG YIN PAS SO, ,DES NA NGAG GI BYE BRAG NI DON DANG 'BREL BAR SKABS LA SOGS PAS GZUNG BAR BYA STE, DE LTA MA YIN NA SKYES BU'I 'JUG PA MED PAR THAL BAR 'GYUR RO, ,PHAN PA NI BLANG BAR BYA BA'O, , @180A *, ,MI PHAN PA NI DOR BAR BYA'O, ,PHAN PA DANG MI PHAN PA NI PHAN PA DANG MI PHAN BA DAG GO, ,'THOB PA DANG SBONG PA NI 'THOB PA DANG SPONG BDAG STE, PHAN BA LA SOGS PA DANG GO RIMS BZHIN NO, ,DE LA PHAN PA NI 'JIG RTEN PA DANG 'JIG RTEN LAS 'DAS PA'I DBYE BAS GNYIS SO, ,'JIG RTEN PA YANG TSE 'DI BA TZAN DAN DANG, ME TOG PHRENG BA LA SOGS PA'I DON DANG, TSE GZHAN PA BDE 'GRO DANG, LONGS SPYOD LA SOGS PA'I RANG BZHIN NO, ,'JIG RTEN LAS 'DAS PA YANG THAR PA TZAM DANG, BYANG CHUB SEMS DPA' NYID DANG, SANGS RGYAS NYID KYI BYE BRAG GIS TE, DE LTAR NA RNAM PA LNGA YIN NO, ,YANG DE DAG GI RGYU LNGA STE BCU'O, ,DOR BAR BYA BA YANG BCU STE, 'JIG RTEN PA DANG 'JIG RTEN LAS 'DAS PA'I BYE BRAG GIS SO, ,DE LA 'JIG RTEN PA'I TSE 'DI NYID DUG DANG SBRUL LA SOGS BA'O, ,TSE GZHAN PA NI NGAN 'GRO LA SOGS BA'O, ,'JIG RTEN LAS 'DAS PA'I DOR BAR BYA BA NI; THAR BA MI MTHUN PA'I PHYOGS 'KHOR BA NYID DANG, BYANG CHUB SEMS DPA' NYID KYI NYAN THOS LA SOGS PA DANG, SRID BA DANG, SANGS RGYAS NYID KYIS NI, SANGS RGYAS NYID MA YIN PA'O, ,DE BZHIN DU DE'I RGYUD LA STE BCU'O, ,DE LTAR RNAM PA NYI SHU NI PHAN PA DANG MI PHAN PA ZHES BRJOD DO, , DE DAG THOB PA DANG SPONG BA DAG NI NGES PAR YANG DAG PA'I SHES PA SNGON DU 'GRO BA STE, LOG PA'I SHES BA LAS NI DON DANG PHRAD PA CUNG ZAD KYANG MED DO, ,BSTAN PA DANG PHRAD NA YANG DAG BA'I SHES PA NYID YIN PA'I PHYIR RO, ,YANG DAG PA'I SHES PA DE YANG GANG ZHE NA, YANG DAG PA'I SHES PA NI RNAM PA GNYIS TE ZHES GRANGS NGES PAR GZUNG BAR MDZAD DO, ,'DI'I RGYUN NI 'OG NAS STON TO, ,GNYIS GANG ZHE NA, MNGON SUM DANG RJES DPAG CES GSUNGS TE ZHES BYA BA NI JI SKAD BRJOD PA GNYIS NYID YIN GYI, SGRA DANG DON GYI GO BA LA SOGS PA GZHAN NI MA YIN NO ZHES BYA BA'I DON TO, ,MNGON SUM DANG RJES SU DPAG PA NI MNGON SUM DANG RJES SU DPAG PA DAG GO, ,DE LA DBANG PO LA BRTEN PA'I PHYIR MNGON SUM STE SGRA BSHAD PA'I RGYU MTSAN YIN NO, ,SGRA 'JUG PA'I RGYU MTSAN NI DON MNGON SUM DU BYED BA STE, DON RANG GI MTSAN NYID KYI RNAM PAR SNANG BA ZHES BYA BA'I DON TO, ,RJES @180B SU MTHUN PA'I TSAD MA NI RJES SU DPAG PA STE, 'DIR 'JAL BAR BYAD PAS TSAD MA STE MNGON SUM MO, ,DE DANG RJES SU MTHUN PA'I 'JAL BAR BYED BA NI RJES SU MTHUN PA'I TSAD MA STE RJES SU DPAG PA ZHES BYA'O, ,RJES SU MTHUN PA YANG CI ZHE NA, DON DANG 'BREL BA'O ZHES STON TO, ,'DI DAG CES BYA BA NI MNGON SUM DANG RJES SU DPAG PA'O, ,MI SLU'O ZHES BYA BA NI SLU BA MED DO ZHES BYA BA'O, ,DE'I PHYIR MI SLU BA CAN YANG DAG PA'I SHES PA YIN NO ZHES SPYI'I MTSAN NYID YIN PAS SHES PA'I GSAL BA GNYIG GANG YOD PA NYID DU STON TO, ,DE LTAR NA YANG DAG PA'I SHES PA SPYI'I MTSAN NYID BSTAN TO, ,GANG ZHIG TSAD MA YIN PA DE NI MNGON SUM DANG RJES SU DPAG PA 'DIR 'DUS TE MNGON SUM DANG RJES SU DPAG PA GRAGS PA DAG LTA BU'O, ,GZHAN DAG GIS 'DOD PA YANG TSAD MA YIN PA'I PHYIR ZHES BYA BA NI RANG BZHIN GYI GTAN TSIGS TE, TSAD MA NYID TZAM DANG 'BREL PA NI 'DIR 'DUS PA NYID DO, ,DE NYID KYI PHYIR TSAD MA RNAM GNYIS KHO NA STE, DON DANG 'BREL PAR 'DRA BA'I PHYIR TE, DON LAS DNGOS SU SKYES PA MNGON SUM DON DANG 'BREL BA LTAR MNGON SUM MIN PA RJES SU DPAG PA YANG DON DANG 'BREL BA'I RANG BZHIN GYI RTAGS KYIS DON RAB TU RTOGS PA'I PHYIR RO, ,TSAD MA NYID LA 'DIR 'DUS PAS KHYAB PA SGRUB PA'I PHYIR DON NI RNAM PA GNYIS KHO NA STE ZHES GSUNGS SO, ,MNGON SUM DANG MNGON SUM MA YIN PA ZHES BYA BA DAG PHAN TSUN SPANGS TE GNAS BA NYID KYI PHYIR PHUNG PO GSUM PA MED DO, ,GAL TE GNAS GSUM PA SHIN TU LKOG TU GYUR PA DON GSUM PA YOD PA MA YIN NAM ZHE NA, DE NI MNGON SUM MA YIN PA NYID DO, ,RANG GI MTSAN NYID GCIG GZHAL BYA ZHES BSHAD PAS DON GNYIS MA YIN NAM ZHE NA, DE LTAR NI TSAD MA YANG GCIG NYID DU 'DOD PA YIN TE MI SLU PA ZHES BYA'O, ,DE LTAR NA MNGON SUM PA SHES PA'I TSAD MA YIN NA NI MNGON SUM NYID DU 'DUS LA, LKOG TU GYUR PA RTOGS PA'I TSAD MA NYID YIN NA NI RJES SU DPAG PA NYID DU 'DUS TE, DE LA MNGON SUM PA LA NI MNGON SUM LAS GZHAN PA RJES SU DPAG PA DANG, DE MA YIN PA'I RTOG PA DANG 'KHRUL BA'I SHES PA DAG LAS GANG GIS KYANG MI RTOGS TE, @181A *, ,RTOG PA DANG 'KHRUL PAS NI RANG GI MTSAN NYID MI 'DZIN PA'I PHYIR RO, ,MNGON SUM MA YIN PA YANG RJES SU DPAG PA LAS GZHAN PA MNGON SUM DANG, RTAGS MA YIN PA LAS BYUNG BA'I RTOG PA DANG 'KHRUL PA'I SHES PA DAG GIS MI RTOGS PA'I PHYIR RO, ,DE'I PHYIR TSAD MA NYID LA 'DI DAG TU 'DUS PAS KHYAB PA NYID DO, ,DE NYID 'DI LTAR RTOGS PAR BYA STE, GZHAL BAR BYA BA GNYIS NYID YIN PA NI RGYU GNYIS NYID DU STON LA, DE GNYIS KYANG RANG LA DMIGS PA'I SHES PA'I 'BRAS BU'I BYE BRAG SO SOR NGES TE, GCIG NI MNGON SUM KHO NA SKYED LA, GZHAN NI RJES SU DPAG PA KHO NA SKYED PAS SO, ,DE LTAR NA GANG 'BRAS BU'I BYE BRAG RE RE BSKYED PAR NGES PA'I RGYU'I TSOGS PA GNYIS NYID YIN PA DE NI 'BRAS BU'I BYE BRAG GNYIS SKYED PAR RUNG BA NYID YIN TE ZHES BYA BAR RANG BZHIN GYI RTAGS KYIS TSAD MA GNYIS NYID DU SGRUB PA'AM, YANG NA GANG 'BRAS BU'I BYE BRAG RE RE SO SOR NGES PA'I RGYU'I TSOGS PA GNYIS NYID DANG LDAN PA DE NI, 'BRAS BU BDAG NYID KYANG GNYIS NYID YIN NO ZHES RANG BZHIN GYI RTAGS GZHAN 'PHANGS SO, ,SBYOR BA SNGA MA'I KHYAD PAR DANG, PHYI MA GNYIS KYI RTAGS MA GRUB PA SPANGS PA'I PHYIR DE DAG LAS GANG LA ZHES BYA BA LA SOGS PA SMRAS TE, GANG LA ZHES BYA BA NI DON GANG LA'O, ,RJES SU BYED PA NI SHES PA'I SNANG BA'O, ,GZHAN NI ZHES BYA BA NI MNGON SUM MA YIN NO, ,RJES SU DPAG PA LAS GZHAN GANG GIS KYANG RTOGS PAR MI RIGS PA CAN NYID DO, ,RTAGS DANG RTAGS 'BREL BA'I DON RTAGS LA BRTEN NAS RTOGS PA NI SPYI'I RNAM PAS RTOGS KYI RANG GI MTSAN NYID KYI RNAM PAS NI MI RTOGS TE, RJES SU 'GRO BA'I STOBS KYIS YIN PA'I PHYIR DANG, RANG NYID MI SNANG BA'I PHYIR RO, ,RTAGS NI 'BREL PA'I STOBS KYIS GO BAR BYED PAR BSTAN PA DANG, GZHAN DAG DE LAS BRTZAMS NAS GAL TE 'BREL PA KHO NA ZHES BYA BA LA SOGS PA SMRAS TE, 'BREL PA YANG YIN LA GZUNG BAR BYA BA'I CHOS CAN NI SHES PAR 'DOD PA'I CHOS CAN TE, DE LA MTHONG BA NI CHOS CAN YOD PA NYID DE PHYOGS KYI CHOS KYANG NGO, ,PHYOGS KYI CHOS DE SGRA LA YOD PA MA YIN TE, RIG BYED KYI SGRA NI GANG LA YANG MI BRTEN LA NAM MKHA'I YON TAN GYI @181B SGRA YANG BRJOD PAR BYA BA'I CHOS CAN LA MI BRTEN PAR 'DOD PAS SO, ,'ON KYANG DE DON RTOGS PAR NI BYED DO, ,DES NA TSAD MA GZHAN NYID DO SNYAM PA'O, ,LAN SBYIN PA NI DE LTA NA ZHES BYA BA LA SOGS PA STE, DE LTA NA ZHES BYA BA NI GZUNG BAR BYA BA'I CHOS DANG LDAN PA'I CHOS CAN LA MED NA'O, ,DE ZHES BYA BA NI SGRA'O, ,DE LA ZHES BYA BA GZUNG BAR 'DOD PA NI CHOS CAN LA'O, ,MA MTHONG NA MA MTHONG BA DES CHOS CAN DE LA JI LTAR 'DOD BA SGRUB PA'AM, DE DANG 'GAL BA 'GOG PAR 'GYUR, GAL TE SNGAR MTHONG BA LA SGRA YIS DRAN PAR BYED NA'O, ,LAN NI SGRA DANG RTAGS DAG MED PAR YID KYI NYE BAR GTOD PAS KYANG DRAN PAR 'GYUR RO ZHES BYA BA'O, ,GAL TE SGRAS DRAN PA DANG NYE BAR GTOD PAS DRAN PA DAG LA KHYAD PAR YOD DO ZHE NA, 'DI DAG GI GNAS SKABS DAG LA ZHES GSUNGS TE, BYE BRAG MED DO ZHES BYA BA'I DON TO, ,GZUNG BAR 'DOD PA'I CHOS CAN LA MA GRUB PA DE'I PHYIR, SGRA 'DIS CHOS CAN 'GA' ZHIG LA YANG NGO, ,JI LTAR SGRUB PAR BYED PA STE TSAD MA MA YIN NO ZHES BYA BA'I DON TO, ,DE DAG LAS ZHES BYA BA NI SGRA DAG LAS SO, ,CI'I PHYIR SNYAM PA LA SGRA DE DANG DON DE DAG 'BREL PA MA GRUB PA'I PHYIR TE, 'DI NYID 'OG NAS STON TO, ,BRJOD PAR 'DOD PA DANG 'BREL PA GANG GI PHYIR RO, ,DE LTA NA NI 'BRAS BU'I RTAGS NYID YIN NO, ,GAL TE DE LTA NA ZHES BYA BA LA SOGS PAS NI CI RAN TA LA SOGS PA STE, DE YOD NA YOD PA ZHES BYA BA DANG, RIGS PA DANG MI DMIGS PA ZHES BYA BA'I TSAD MA GZHAN YOD PAS GNYIS NYID LA GNOD PAR 'DOD PA'O, ,DE YOD NA YOD PAS NI SKYED PAR SGRUB PAR BYED LA MI DMIGS PAS NI MED PA'O, ,DE DAG MNGON SUM NI MA YIN TE, GZHAN GYIS GZHAN RTOGS PA'I PHYIR RO, ,RJES SU DPAG PA YANG MA YIN TE, RJES SU 'GRO BA MED PA'I PHYIR RO, ,RJES SU 'GRO BA MED PA NYID BSHAD PA'I PHYIR RO, ,'DI LA DPE YOD PA MA YIN NO ZHES BYA BA SMOS SO, ,DPE MED PA NYID BSTAN PA'I PHYIR SGRUB PAR BYED PA DE YOD NA YOD PA'I PHYIR ZHES BYA BA DANG MI DMIGS PA ZHES BYA BA LAS KHYAD PAR DU GYUR PA'I SGRUB PAR BYED PA GZHAN MED PA'I PHYIR RO, ,DE DPE GZHAN GYIS SGRUB PAR BYED NA YANG DE LA SNGA MA 'DRA BA'I PHYIR DPE GZHAN @182A *, ,DGOS PAR 'GYUR BAS NA DPE THUGS PA MED PAR THAL BAR 'GYUR RO ZHE NA'O, ,MA YIN TE ZHES GSUNGS TE, DPE THUGS PA MED PA YANG MA YIN LA, RJES SU DPAG PA MA YIN PA YANG MA YIN NO, ,JI LTAR ZHE NA, DE YOD NA YOD PA DANG, MI DMIGS PA'I YUL MTHONG BA NA, YUL CAN BSKYED PA DANG MED PA'I THA SNYAD DAG KYANG SNGON DE NA YOD NA YOD PA DANG MI DMIGS PA DAG LAS, BSKYED PA DANG MED PA'I THA SNYAD ZHUGS PA'I RTAGS DANG RTAGS CAN 'BREL PA DRAN PAS 'JUG PA'I PHYIR RO, ,DPE MNGON SUM GYIS GRUB PA YOD DO, ,RJES SU 'GRO BA DANG LDOG PA NI YOD NA YOD PA YIN LA; DE LAS GZHAN PA'I RGYU DANG 'BRAS BU DE DAG GI NGO BO NI MED DO, ,DE YANG MNGON SUM GYIS SNGON GRUB PA NYID DO, ,DMIGS PAR RIGS PA DE LTAR MA DMIGS NA DE MED DO ZHES 'JIG RTEN 'DI MNGON SUM GYI STOBS KYIS SMRA'O, ,DE LTAR MED PA'I THA SNYAD KYI RGYU MTSAN MI DMIGS PA NYE BAR BSTAN PA STE, YOD NA SNOD DU RUNG BA LAS MI DMIGS PA'I PHYIR MED DE, SNGON GNAS KHANG NA DMIGS PAR RIGS PA LAS MA DMIGS PA BZHIN NO ZHES GRANGS CAN LA SOGS PA RMONGS PA DAG LAS, DMIGS PAR RIGS PA MI DMIGS PA'I RGYUS MED PA'I THA SNYAD DU RUNG BA NYID STON TE, MED PA GRUB KYANG THA SNYAD DU RUNG BA NYID MA GRUB PA LA THA SNYAD DU RUNG BAR BYED PA, DPER NA SKYED PAR BYED PAR KHAS LEN PAS PHA NYID GRUB KYANG PA'I THA SNYAD DU MA GRUB PA LA SKYED PAR BYED PA'I PHYIR RO, ,PHA YIN NO ZHES BSTAN PA BZHIN NO, ,DE LTAR SHIN DU RMONGS PA MA YIN NA DMIGS PAR RIGS PA MA DMIGS PA'I MNGON SUM NYID KYIS MED PA'I THA SNYAD KYANG GRUB PA NYID DO, ,DE NYID KYI PHYIR MED BAR NGES KYANG MED PA'I THA SNYAD LAS BZLOG PA CAN GYI RMONGS PA LA STE, JI SKAD DU, RTZA MCHOG RTZE NA GLANG CHEN BRGYA, ,SNGON CHAD MA MTHONG YOD DO ZHES, ,DE SKAD GRANGS CAN PHYUGS LAS GZHAN, , NGO TSA BCAS PA SU BRJOD RTZOL, ,ZHES BYA BA DANG, DE NI SHIN TU RMONGS DON TE, ,GANG RDZI MO BAR GRAGS PHYIR RO, ,ZHES GSUNGS SO, ,DE BZHIN DU DE YOD NA YOD PA DANG, RMONGS PA LA THA SNYAD BSGRUB PA STE, BSKYED PA NYID DANG MED PA NYID SGRUB NA NI DPE THUG PA MED PAR 'GYUR GYI, THA SNYAD @182B BSGRUB PA LA NI SKYON MED DE THA SNYAD ZHUGS PA LA NI DPE YIN LA RMONGS PAS THA SNYAD MA GRUB PA LA NI RGYU STON PAS SO, ,SNANG BA MI DMIGS PA NI BSTAN NAS, MI SNANG BA MI DMIGS PA YANG RTAGS NYID DU BSDU BA'I PHYIR RGYU MED PAS YOD PA'I THA SNYAD 'GOG PA STE ZHES BYA BA LA SOGS PA GSUNGS TE, RGYU MTSAN SKYED PAR BYED PA MA YIN PA LA PHA'I THA SNYAD MI BYA BA BZHIN NO, ,DE LTAR DE YOD NA YOD PA DANG MI DMIGS PA'I RANG BZHIN DANG 'BRAS BU'I RTAGS NYID YIN PA DE'I PHYIR DON RANG GI RNAM PA SNANG BAR GRUB PA MA YIN PA THAMS CAD NI GRUB PAR BYED PA DON RANG NYID LAS GZHAN PA MI 'KHRUL PA NI MI SLU BA'O, ,DE'I RGYU NI DON DANG 'BREL PA STE DON RANG LA RAG LAS PA'O, ,DE LA RANG RTOGS PA LTOS PA'I PHYIR, MA 'BREL PA LAS NI MI RTOGS PAS 'BREL BA LAS RTOGS PA NI RJES SU DPAG PA NYID YIN PAS NA, MNGON SUM MA YIN PA'I TSAD MA NI RJES SU DPAG PA LAS GZHAN YOD PA MA YIN NO, ,DE'I PHYIR TSAD MA NYID YIN NA 'DI DAG TU 'DUS PAS KHYAB CING, MNGON SUM DANG MNGON SUM MA YIN PA GNYIS NYID DANG DE GNYIS KYANG TSAD MA RE RE KHO NA SKYED PAR BYED PAS SBYOR BA GNYIS PA'I RTAGS KYANG GRUB PO ZHES RTOGS PAR BYA'O, ,YANG RGYANG 'PHEN PA GZHAN NI MNGON SUM LAS GZHAN PA'I TSAD MA YOD PA MA YIN TE, MNGON SUM GCIG PU TSAD MA ZHES ZER RO, ,DE NI MI RIGS TE ZHES BYA BA NI, RJES SU DPAG PA TSAD MA MA YIN NO ZHES ZER BA NI RANG GI TSIG DANG 'GAL BA NYID YIN PAS SO, ,JI LTAR ZHE NA, GANG GI PHYIR ZHES BYA BA LA SOGS PA GSUNGS TE, RGYANG 'PHEN PA DE RANG NYID RTAGS GSUM NYID KHAS LEN PA'I PHYIR TE, TSAD MA DANG NI CIG SHOS SPYI'I, ,RNAM GZHAG PHYIR ZHES BYA BAS RANG BZHIN GYI RTAGS SO, ,BLO GZHAN RTOGS PHYIR ZHES BYA BAS NI 'BRAS BU'I RTAGS SO, ,GANG DAG GIS NI 'GOG PHYIR YANG, ,ZHES BYA BAS NI MI DMIGS PA'I RTAGS TE, DE ZHES BYA BA NI RGYANG 'PHEN PA'O, ,SHES PA'I BYE BRAG RNAMS LAS ZHES BYA BAS NI 'CHAD PAR BYED DE, 'DI NI DON GANG MI SLU BA DE TSAD MA YIN LA SLU BA DE TSAD MA MA YIN TE, DES NA BDAG DANG GZHAN GYI RGYUD LA ZHUGS PA'I MNGON SUM DANG, RJES SU DPAG PA'I @183A *, ,GSAL BA MA LUS PA'I YUL RNAMS SLU BA DANG, MI SLU BA DAG LAS, TSAD MA DANG TSAD MA MA YIN PA GANG RNAM PAR GZHAG PAR BYA STE, DE YANG MI SLU BA CAN GYI MNGON SUM GYI SHES PA'I GSAL BA 'GA' ZHIG MNGON SUM GYI TSAD MAR RAB TU GRAGS PA DAG MI SLU BA'I RJES SU DPAG PA'I TSAD MA NYID KYI DPER GANG RGYANG 'PHEN PA DAG LA STON PAR BYED DE, DES RIM PA 'DIS RJES SU DPAG PA TSAD MAR KHAS BLANG BAR BYA BA YIN NO, ,GZHAN DU NA MNGON SUM DANG RJES SU DPAG PA GNYI GA TSAD MA'AM TSAD MA MA YIN PAR RNAM PAR GZHAG PA MI 'GRUB PO ZHES STON PAR MDZAD DE, SHES PA'I BYE BRAG RNAMS LAS ZHES BYA BA NI, BDAG DANG GZHAN GYI RGYUD LA ZHUGS PA'O, ,DE DAG GI MTSAN NYID KYIS KHYAB PA ZHES BYA BA NI, GANG SLU BA DE TSAD MA MA YIN LA MI SLU BA DE TSAD MA YIN NO ZHES SO, ,JI LTAR MA SMRAS PA NA RANG GI SLOB MA LA BSTAN PA'I THABS GZHAN MED DO, ,DE LTAR STON NA NI MNGON SUM GYI SHES PA'I GSAL BA 'GA' ZHIG TSAD MAR RAB TU GRAGS PA'O, ,YANG NA SHES PA'I GSAL BA 'GA' ZHIG RAB TU GRAGS PA'O, ,DE DAG JI LTAR MTHONG BA DANG MTHUN PA NI SHES PA'I GSAL BA 'DI YANG MI SLU BA'AM SLU BA'I PHYIR TSAD MA'AM TSAD MA MA YIN NO ZHES SO, ,RJES SU DPAG PAR BYA BA NYID DU GNAS NA RJES SU DPOG PA YANG YOD DO, ,DE YANG MA GRUB PA'I PHYIR ZHES BYA BA NI RGYANG PHAN PA KHYED LA RJES SU DPAG PA KHAS MI LEN PAS MA GRUB PA ZHES BYA BA'I DON TO, ,GZHAN DU ZHES BYA BA NI SPYI RNAM PAR GZHAG NAS KHYAB PA MI SMRA BA'O, ,DE LTAR RJES SU DPAG PA NI TSAD MAR MI 'GYUR MOD KYI, RANG GI 'DOD PA LA NI GNOD PAR 'GYUR TE, JI LTAR ZHE NA, YUL NYAMS SU MYONG BA LAS TE RGYU'O, ,BSTAN DU MED PA ZHES BYA BA NI RANG NGAM GZHAN GYI RGYUD LA YOD PA'I SHES PA'I GSAL BYA'I BYE BRAG GCIG CIG GO, ,DE LTA BU RE RE STE RJES SU 'GRO BA'AM, LDOG PA'I KHYAB PA BSTAN PA DANG BRAL BA'O, ,DE LTA BU'I SHES PA YANG YIN LA BYE BRAG KYANG YIN PAS SHES PA'I BYE BRAG GO, ,RNAMS LAS TE, DE LTA BUR RJES SU 'GRO BA DANG BRAL BA'I RGYU LAS SO, ,BDAG DANG SLOB MAR RANG GI RGYUD LA @183B YOD PA DE RJES SU 'GRO BA MED PA'I PHYIR TSAD MA'AM TSAD MA MA YIN PAR MTSON PAR MI NUS SO, ,DE'I PHYIR, BSTAN BCOS LA 'BAD PAR MI BYA BA NYID DE, 'DI LTAR RJES SU DPAG PA TSAD MA YIN PA NYID LA SOGS PA'I MTSAN NYID KYI YUL NYAMS SU MYONG BA'I SHES PA RANG GI RGYUD LA YOD PA DE NI BSTAN BCOS KYI SGRA'I RTAGS LAS GZHAN LA BSTAN PAR BYA BA'I DON YIN NA, RTAGS KYI MTSAN NYID KHYAB PA KHAS LEN PA MED PAS RJES SU DPAG PA MED PA'I PHYIR DON MED PA'I PHYIR RO, ,GAL TE DE LTAR GO BAR BYA BA'I PHYIR BSTAN BCOS LA 'BAD PAR BYED NA'O, ,CO 'DRI BA 'DI NI RANG GI MTSAN NYID DANG 'GAL BA STE, RJES SU DPAG PA YANG SPONG LA, RANG NYID RJES SU DPAG PA SBYOR BA'I PHYIR RO, ,DE NYID PHA ROL GYIS ZHES BYA BAS STON TE, 'DI NI 'BRAS BU'I RTAGS KHAS BLANGS PA BSHAD DO, ,GAL TE RJES SU DPAG PAS BSAM PA'I DON STON PA MA YIN GYI LUS NYID BLO YIN PAS BLO MNGON SUM GYIS RTOGS SO ZHE NA, LUS NYID NI BLO MA YIN TE ZHES BYA BA LA SOGS PA GSUNGS TE, LUS NYID NI BLO MA YIN TE, YIN NA LUS RTOGS PA LTAR BLO YANG RTOGS PAR 'GYUR BA ZHIG NA, DE LA THE TSOM ZA BA'I PHYIR RTOGS PA MED DO, ,GAL TE SGRA SKAD CIG MA YIN LA DE RTOGS PA LTAR 'DI YANG DE LTA'O ZHE NA, 'O NA NI MNGON SUM DU GRUB PA NYID NYAMS SO, ,GZHAN YANG BLO 'DIS LUS KHO NA YIN NA LUS NYID YIN PA'I PHYIR 'KHRUL PA'I RGYU MED DE LUS NYID BZHIN NO, ,DE LTAR NA BLO YANG RTOGS PAR 'GYUR NA DE NI MED DO ZHES DGONGS SO, ,DE LTA BAS NA SNANG BA DE NI DE NYID YIN PA LA DE GRUB NA GRUB PAS KHYAB PA, DE LA MI DMIGS PA 'PHANGS TE, GANG ZHIG GRUB KYANG GANG GRUB PA MED PA DE NI DE NYID MA YIN TE, SNGON PO DANG SER PO LTA BU'O, ,BLO YANG LUS GRUB KYANG MA GRUB PA'I PHYIR RO, ,BLO DE SKYES BU GZHAN DANG 'BREL PA NI SKYES BU MNGON SUM DU GRUB PA TZAM GYIS GZHAN GYIS MI RTOGS SO, ,DA NI MI DMIGS PA'I RTAGS KHAS BLANGS PA STON TE, 'DI ZHES BYA BA NI RGYANG BA NA PA'O, ,'GA' ZHIG LA ZHES BYA BA NI NAM MKHA' 'BYUNG BA LNGA PA NYID LA SOGS PA LA'O, ,BSGRIBS PA SHES PA BSKYED PA'I NUS PA MED PA LA YANG NGO, , @184A *, ,'GAL LO ZHES BYA BA NI RANG GI TSIG DANG NGO, ,YANG NA MNGON SUM 'DI LOG PAS MED DO ZHES BYA BA GANG LA ZHIG STE, MNGON SUM DON GYI RGYU'AM KHYAB PAR BYED PA MA YIN PA'I PHYIR, DE MED PAS DON MED PAR NGES PA MED PA'I PHYIR RO, ,GAL TE MNGON SUM MED PAS DON MED PAR NGES PA DE YOD NA NI STE, DE NI MI DMIGS PA'I RTAGS LAS GZHAN GYIS MI 'GRUB PA'I PHYIR RO, ,GZHAN YANG YOD PA NI MI 'KHRUL PAR 'DOD PA'I DON LAS DON GZHAN LAS SKYES PA'O, ,MED PAR YOD PA YANG MI 'KHRUL PAR 'DOD PA'I DON MED PAR RO, ,DE NI DE LA RAG MA LAS PA'I PHYIR DER 'KHRUL PAS NA MI SLU BAR MI RIGS PA'I PHYIR RO, ,DON MTHONG BA ZHES BYA BA'I RANG BZHIN DE YANG DON LA YOD PA STE DON GYI CHOS YIN PA'O, ,MTHONG BA'I RANG BZHIN NYID YIN PA'I PHYIR DANG, MNGON SUM NYID YIN PA'I PHYIR DON THAMS CAD SKYES BU THAMS CAD KYIS MTHONG BAR THAL BAR 'GYUR RO, ,MTHONG BA ZHES BYA BA DE GAL TE SHES PA LA YOD NA'O, ,DON DANG SHES PA 'BREL BAR KHYOD MI 'DOD PA'I PHYIR JI LTAR MTHONG BA ZHES BYA BA'I SHES PA GZHAN YOD PAS, SHES PA DANG MA 'BREL PA'I DON GZHAN YOD PAR NGES PA ZHES BYA BA'I THA TSIG GO, ,GAL TE MTHONG BA ZHES BYA BA'I SHES PA YOD PAR 'GRUB PO ZHE NA, DON DANG SHES PA'I 'BREL PAS SHES PA LA DON MI 'KHRUL PAR 'DOD NA, 'BREL PA'I RGYU MI 'KHRUL BA DE NI RANG BZHIN DANG 'BREL PA'I RTAGS LA YANG MI 'KHRUL PA'I RGYUR MTSUNGS PA'I PHYIR, GANG DE LAS SKYES PA'I RJES SU DPAG PA YANG DON DANG 'BREL PA YIN LA, DON DANG 'BREL PA'I PHYIR DON LA MI SLU BA'O, ,DON LA MI SLU BA'I TSAD MA YIN TE, MNGON SUM GYI TSAD MA BZHIN NO ZHES SGRUB PA'I 'BRAS BU GNAS PA'I PHYIR, RJES SU DPAG PA'I TSAD MA'I MTSAN NYID MI 'DOR RO, , DE LTAR NA RIM PA 'DIS RJES SU DPAG PA TSAD MA NYID DU PHUR BU BA DAG GIS KHAS BLANG BAR BYA'O, ,BHA TI HA RIS KYANG MNGON SUM DANG RJES SU DPAG PA GNYI GA TSAD MAR KHAS BLANG BAR BYA STE, 'DI LTAR RIG BYED KYANG GANG DON LA MI SLU BAR BYED PA TSAD MA YIN GYI, SLU NA NI DER MI @184B 'GYUR RO, ,MI SLU BA NYID NI JI SKAD BSHAD PA'I SHES PA DAG LA YOD PA'I PHYIR TSAD MA YIN TE, RIG BYED BZHIN NO ZHES BYA BA NI RIM PAS SO, ,RIG BYED PA GANG DAG MNGON SUM DANG SGRA GNYIS TSAD MAR SMRA BAS KYANG RIGS PA DE NYID KYIS RJES SU DPAG PA KHAS BLANG BAR BYA'O, ,GANG YANG TSAD MA CUNG ZAD KYANG MED DO ZHES SMRA BA'I GRUB PA'I MTHA' NI MI SNANG MOD KYI, 'ON KYANG DE SKAD RTOGS PA YOD NA DES KYANG TSAD MA CUNG ZAD CIG KHAS BLANG BAR BYA STE, ,DE LTA MA YIN NA 'JUG PA DANG LDOG PA'I THA SNYAD MED PAR 'GYUR BA'I PHYIR, TSAD MA CUNG ZAD KYANG MED DO ZHES BYA BA NYID DU YANG MI 'GYUR BA'I PHYIR RO, ,DE BAS NA CUNG ZAD NGES PA'I THA SNYAD SGRUB PAR BYED NA 'DI'I RGYU DE NI TSAD MA'O ZHES BYA BAR GNAS TE, DE NYID LA TSAD MA'I THA SNYAD GRAGS PA'I PHYIR RO, ,DE LTAR TSAD MA SPYI'I MTSAN NYID KYI RAB TU BYED PA BSHAD NAS, DA NI MNGON SUM GYI RAB TU BYED PA BSHAD PAR BZHED NAS, DE LA ZHES BYA BA LA SOGS PA GSUNGS TE, TSAD MA'I DBYE BA GNYIS BSHAD PA DE LA'O, ,MNGON SUM NYID BYE BRAG TU BSTAN PA NI ZHES BYA BA'I DON TO, ,DE YANG GZHAN DAG MNGON SUM GYI MTSAN NYID LA LOG PAR RTOGS PA SNANG BAS DE DAG BSAL BA'I PHYIR TE, DE DAG KYANG JI LTA BU ZHE NA, DRANG SRONG RKANG MIG PA NA RE DBANG PO DANG DON 'BREL BA LAS SKYES PA'I SHES PA BSTAN DU MED PA MI 'KHRUL PA ZHEN PA'I BDAG NYID CAN NI MNGON SUM ZHES ZER RO, ,DE YANG RIGS PA CAN GYI ZHUGS PA YIN TE, BYE BRAG PA YANG DE DANG 'DRA'O, ,GRANGS CAN GYI ZHUGS PA THUB PA SER SKYA NI YUL LA SO SOR ZHEN CING MTHONG BA NI MNGON SUM MO ZHES ZER RO, ,DRANG SRONG CHUR LHUNG NA RE DBANG PO LNGA DANG LDAN PA GANG SEMS KYIS PHYI ROL GYI DNGOS PO NYE BAR GZHAG PAS, SPYI DANG BYE BRAG GI MTSAN NYID KYI DNGOS PO LAS BYE BRAG NGES PAR 'DZIN PA, SEMS KYI 'JUG PA LNGA LAS MCHOG GI 'JUG PA NI MNGON SUM YIN NO ZHES SMRA'O, ,DPYOD PA PA NA RE, DANG POR YOD PA'I LTA BA'O, ,SHES PA RNAM RTOG MED PA CAN, ,BYIS DANG LKUGS SOGS BLO 'DRA BA, ,DAG PA'I DNGOS LAS SKYES PA'O, ,DE LAS GZHAN PA'I DNGOS PO YANG, ,RIGS KYI CHOS @185A *, ,SOGS GANG DANG GANG, ,BLO NI ZHEN PAR BYED PA DE, ,MNGON SUM NYID DU 'DOD PA YIN, ,ZHES ZER TE, DE DAG THAMS CAD KYANG MNGON SUM RTOG PA DANG BCAS PAR 'DOD DO, ,BSTAN BCOS 'DI RIGS PA RNAM PAR NGES PA NYID YIN PA'I PHYIR, DE DAG RIGS PA'I SGO NAS BSAL BAR BZHED NAS, MNGON SUM RTOG PA DANG BRAL ZHING ZHES BYA BA LA SOGS PA GSUNGS TE, MNGON SUM ZHES BYA BA NI RJES SU 'GRO BA DANG LDOG PAR BYED CING DON LA MNGON SUM DU BYED PAR GRAGS PA RJES SU BRJOD PA'I NGAG STE, DES NI MTSAN NYID KYI GZHI GRUB PAR BSTAN TO, ,RTOG PA DANG BRAL ZHING ZHES BYA BA LA SOGS PAS NI DE'I MTSAN NYID MA GRUB PA SGRUB PA'I NGAG STE, DE DAG SGRUB PAR BYED PA'O, ,MDO'I GO RIMS MA YIN YANG BRJOD PA NYUNG BA'I PHYIR MA 'KHRUL PA SNGAR BSHAD DO, ,'DI THAMS CAD DBANG PO'I SHES PA 'KHRUL PA'I RGYU NYID YIN PAS; DE'I RJES SU BYED PA NI YID KYI YANG YIN NO, ,RANG RIG PA'I BLO RNAMS THAMS CAD DU RANG GI NGO BO LA 'KHRUL BA'I RGYU GANG YANG MED DO, ,'ON KYANG RTOG PA NI MA RIG PA NYID RAB RIB PA YIN PAS DE'I DBANG GIS RANG RIG PA MA YIN YANG RANG RIG BAS NGA RGYAL BA'I PHYIR, RAB RIB KYIS 'KHRUL PA'I RGYU NYID SRID DO, ,RNAL 'BYOR GYI MNGON SUM NI MA RIG PA NYID RAB RIB YIN PAS DBANG PHYUG DANG SKYES BU LA SOGS PAR SNANG NGO, ,'DOD CHAGS LA SOGS PA 'KHRUL PA'I 'KHRUGS PA'I SGRAR BRJOD DO, ,DES NA RNAL 'BYOR PA'I SHES PA 'KHRUL PA SRID PAR RTOG PAR SHES PAR BYA'O, , MNGON PAR RJOD PAR BYED PAS MNGON PAR BRJOD PA STE, DON GYI SPYI 'DZIN PA SNANG BA SGRA'I SPYI STE, SGRA RANG GI MTSAN NYID NI MNGON PAR BRJOD PAR BYED PA MA YIN NO, ,DE DANG LDAN PA NI DER SNANG BA'I RTOG PA'O, ,DON DE SO SOR SNANG BA NA SNANG BAR 'GYUR BA DON LA RJOD PAR BYED PA'I RANG BZHIN SGRA'I SPYI'I SGRA STE, BSTEN PA'I TSUL GYIS YOD PA MA YIN ZHES BYA BA LHAG MA'O, ,YANG BHA RA TI HA RI NA RE, THOG MA THA MA MED TSANGS PA, ,SGRA YI DE NYID GANG 'JIG MED, ,DE GYUR BA LAS DON RNAMS SO, ,'GRO BA JI LTA BA BZHIN DU SPYOD CES DON RNAMS SGRA'I BDAG NYID DU 'DOD PAS NA, @185B DE'I PHYIR DE'I BDAG NYID DU SPONG NGO ZHES GSUNGS SO, ,YANG DE NYID, SGRA YI RJES 'GRO MA GTOGS PA'I, ,SHES PA 'JIG RTEN NA YOD MIN, ,SHES PA RJES SU BSGRUB PA NYID, ,THAMS CAD SGRA RU SHES PAR BYA, ,ZHES SGRA NI SHES PA'I SROG LTA BU STE, SHES PA'I BDAG NYID YIN PAR 'DOD PAS DE'I PHYIR 'DI LA DON MA REG BAR RIG PA TZAM GYIS CHOS KYANG MA YIN TE ZHES GSUNGS TE, CI'I PHYIR ZHE NA, SGRA'I SHES PA DON 'DI BUM PA ZHES NYE BAR SBYOR GYI BUM PA ZHES BYA BA'I SGRA SHES PA RANG NYID LA NI MA YIN NO, ,DE LTAR SBYOR NA NI SGRA LAS DON BUM PA MI RTOGS PAR THAL BAR 'GYUR TE, BUM PA ZHES BYA BA'I SGRAS SHES PA NYID BRJOD PA'I PHYIR RO, ,DE'I PHYIR SGRA'I SHES PAS SGRA DMIGS PA NI DON GYI SGRA RAB TU SBYOR GYI, SHES PA'I RANG BZHIN DU MA YIN PA'I PHYIR RO, ,RIG PA TZAM GYI CHOS KYANG MA YIN TE ZHES BYA BAR GRUB PA'O, ,DON LA SGRA YOD PA MA YIN PA DE'I PHYIR, DON 'DI NYE BAR SBYOR BAR GYUR PAS RNAM PAR SHES PA SKYED PA NA, DON GYI BDAG NYID MA YIN PA'I SGRA'I SO SOR SNANG BA MDUN DU BYED PAR RIGS PA MA YIN TE, RO NYE BAR SBYOR BAR GYUR BAS SHES PA SKYED PA NA ROL BDAG NYID DU MED PA'I GZUGS RO'I SHES PAS MDUN DU MI BYED PA BZHIN NO, ,SOGS PA ZHES BYA BA'I SGRAS NI DRIL LA SOGS PA PHAN TSUN SBYOR BA MA YIN PA BSTAN TO, ,DES NI DON GYI DBANG DU BYAS PA'I SO SOR NGES PA BSTAN NAS, DE NI SHES PA'I DBANG DU BYAS TE, 'DI STOS LAS SKYES PA'I SHES PA DON GZHAN GZUGS LA SOGS PA'I RJES SU 'BRANG BA STE, DE 'DZIN PAR RIGS PA MA YIN NO, ,GAL TE DON LA RJOD PAR BYED PA'I SGRA YOD PAR KHAS BLANGS NA, DON GZUGS LA SOGS PA DBANG PO GZHAN GYI SHES PA SKYED PA DE'I BDAG NYID MA YIN PAS DBANG PO GZHAN GYI SHES PA SKYED PAR MI NUS PA'I PHYIR MI SKYED DO, ,BSKYED NA NI DON GCIG GIS DBANG PO THAMS CAD KYI BLO SKYONG BAR THAL BAR 'GYUR RO, ,DE LTA NA YID KYI SHES PA LTAR DBANG PO'I SHES PA GCIG KYANG DON THAMS CAD LA DMIGS PAR 'GYUR TE, MIG KYANG GZUGS LA BRTEN NAS SKYES PA'I SHES PA GCIG GI DON GZHAN @186A *, ,SGRA YANG 'DZIN PA'I PHYIR RO, ,GAL TE DE NI DE LTAR YIN TE YID KYI SHES BA BZHIN KHO NA'O ZHE NA, RNAM BAR RTOG PA CAN GYI YID KYI SHES BA KHO NA YIN GYI, DPANG PO'I BLO NI MA YIN NO, ,JI LTA ZHE NA, YID NI DON GYI NUS BA NYE BA LA MI LTOS PA YIN LA DBANG BO'I BLO NI DON NYE BA LA LTOS PA NYID DE, DON NYE BA LA MI LTOS NA CIS SKYED CE NA, RTOG BA'I BAG CHAGS KYIS BSLANG BA, ,ZHES GSUNGS TE, DE'I DBANG GI YUL SNANG BA'O, ,YID NI DBANG PO'I DON MA NGES PAR 'DZIN LA DBANG PO'I BLO NI DE LAS BZLOG PAR NYAMS SU MYONG BAR GRUB PA'O, ,RTOG PA'I BAG CHAGS KYANG CI'I PHYIR DON DU SNANG BAR BSKYED PA YIN ZHE NA, DE NI MNGON SUM GYI SNANG BA GZUGS DANG SGRA LA SOGS PA GANG YANG RUNG BA MYONG BA DANG 'BREL BA'I PHYIR TE, DES 'PHANGS PA'I PHYIR SGRA DANG DON DU LHAN CIG GAM STE 'DI BUM PA ZHES SO, ,SO SOR TE BRDA LA MA BYANG BA'I SGRA DANG DON DU SNANG BA LTA BUR RO; ,DON NI DBANG PO SHES PA SKYED PAR NYE BAR SBYOR TE SGYED PAR MNGON SUM DU PHYOGS TE MTHAR THUG BA NA'O, ,SGRA DRAN PA'I NYE BA LA LTOS NAS DBANG PO'I BLO SKYED NA'O, ,DBANG BO'I BLO DE'I DON BSGRIBS PAR 'GYUR TE, DON NYE BA TZAM GYIS SKYED BAR MI 'GYUR TE, DON YOD PAS SHES PA MI SKYED KYI DRAN PA BSKYED PA'I PHYIR RO, ,BRDA'I DUS NA YOD PA'I MNGON PAR BRJOD PA'I SPYI DRAN PA MED PA'I DON LA SGRA DE NYE BAR SBYOR BA STE, SGRA'I SGO NAS 'DZIN PA YOD PA MA YIN TE, SGRA GANG GZHAN BRDAR MA BYAS PA BZHIN NO, ,DPER NA BUM PA LA BRDA MA BYAS PA'I SNAM BU'I SGRA BZHIN NO, , DE LTA BAS NA SNGON GYI SGRA DRAN PA NYID 'DOD PAR BYA DGOS SO, ,DRAN PAR RIGS PA YANG MA YIN TE, DON GYIS LHAN CIG BYAS PA'I BYE BRAG STE, DON GYIS DRAN PA'I BAG CHAGS SAD PAR BYAS PA'I 'GYUR BA NANG STE, SHES PA LA MED NA SGRA'I BYE BRAG STE, DON DE'I MING DRAN PAR RIGS PA MA YIN TE, SGRA'I BYE BRAG DRAN PA DE DES BYAS PA NYID MA YIN NA, DON DE DANG 'BREL BA MED PA'I PHYIR SNAM BU KUN NAS BSLANG BA MA YIN PA'I BUM PA'I SGRAS SNAM BU MI 'DZIN PA LTAR DE'I MING DES DON DE RTOGS PAR MI 'GYUR BA'I PHYIR RO, ,GAL TE DRAN PA MA SKYES PA NYID DU DRAN PA'I @186B BAG CHAGS SAD PA'I 'GYUR BA DRAN BA LA MI LTOS PAS BLO LA DON GYIS BYED NA NI, BLO SKYED PA NYID KYANG DRAN PA LA CI STE LTOS ZHES BYA BA'I DON DU RTOGS PAR BYA'O, ,DON BLO SKYED PAR ZHUGS PA NA DRAN PAS BAR CHAD DU 'GYUR BA DES NA'O, ,NUS BA ZHUGS BA'I DON GYIS DRAN PA BSKYED PA'I DUS NA BLO SKYED PAR BYED PA MA YIN PA DE NYID KYI PHYIR, GANG SNGON BLO YI SKYED BYED MIN, ,NYE BAR SBYOR BA DBYER MED DO, ,NUS PA ZHUGS PA NYID DU BYE BRAG MED PA'I PHYIR RO, ,DON DE NI DES KYANG STE DRAN PA SKYED PA NANG [?] BSKYED BAR BYED PA MA YIN PA DE NYID DU 'GYUR RO, ,BLO GCIG LA YANG SNGAR BSKYED PAR BYA BA MA YIN PA DANG, PHYI NAS BSKYED PAR BYA BA NYID DU MI RIGS SO, ,DE LTAR DON DE'I SKYED PA MA YIN LA BLO YANG DES BSKYED PAR BYA BA MA YIN PA DE'I PHYIR DON MED KYANG MIG BLOR 'GYUR RO, ,'DI [?] MI LTOS PA'I PHYIR RO, ,DRAN BAS NYE BAR SBYOR BA STE DRAN PA YOD NA DE MA THAG TU YOD PA'I PHYIR BLO'I DON 'DI'I RJES SU BYA BA STE DES BSKYED PAR BYA BA'O, ,DNGOS PO NI RANG BZHIN DES RANG BZHIN DE LA MI LTOS PA STE RANG BZHIN DE LA MI BRTEN PA'O, ,BYE BRAG TU BYED PA DBYUG PA DANG, BYE BRAG TU BYA BA SKYES BU DANG, DE DAG GI 'BREL BA DANG, 'JIG RTEN BA'I RNAM BAR GZHAG PA STE, SKYES BU DBYUG PA CAN ZHES BYA'I DBYUG PA SKYES BU CAN ZHES NI MA YIN NO, ,DE SNYED BZUNG NAS BYE BRAG TU BYED PA'I BLO YIS SKYES BU DBYUG PA CAN ZHES BA SDU BA'O, ,DE LTA NA BYE BRAG TU RTOGS KYI GZHAN DU DE LAS BZLOG NA NI MA YIN PA'O, ,DBYUG PA CAN LA SOGS PA ZHES BYA BAS NI BA LANG 'GRO BA CAN ZHES BYA'I 'GRO BA LA LANG CAN ZHES BYA BA MA YIN NO ZHES BYA BA LA SOGS PA GZUNG NGO, ,RNAM PAR GZHAG PA MI SHES NA BYE BRAG TU BYED PA LA SOGS PA'I SHES PAR MI 'GYUR RO, ,MTSAN NYID THA DAD KYI 'BREL PA DAG THA DAD PA MNGON SUM GYI BLO LA MI SNANG BAS, RIGS LA SOGS PA'I BYE BRAG TU BYED PA DANG, BYE BRAG TU BYA BA'I SHES BAR MI 'GYUR RO, ,'O MA DANG CHU NGAG SNGAR THA DAD PAR MTHONG NA NI 'O MA CHU DAG CES RTOGS KYI, SNGAR 'O MA DANG DER 'DRE BA'I CHU DAG BYE BRAG MA MTHONG NA NI DE LA 'O MA CHU CAN ZHES BYA BAR NI MI RTOGS PA BZHIN NO, ,GANG YANG DBYUG PA @187A *, ,CAN LA SOGS PA NI BYE BRAG TU BYED PA DANG, BYE BRAG TU BYA BA THA DAD PA RTOGS PA DE LA YANG NGO, ,BRDA DRAN PA'I TSUL NI BRDA DRAN PA'I THABS TE SNGA PHYIR DRAN PA'I RIM PAS SO, ,CI LTA ZHE NA, SNGAR DBYUG PA DANG, SKYES BU DANG, DE DAG GI 'BREL BA DANG DE NAS DE DAG BSDUS NAS DBYUG PA CAN ZHES SDUD PA'I RIM GYIS SO, ,SNGA MA DANG PHYI MA LA MI DMIGS KYI DA LTAR TZAM LA DMIGS PA'I MIG GIS ZHES BYA BA NI DBANG PO'I SHES PAS SO, ,DE JI LTAR SDUD PAR MI NUS SO ZHES BYA BA'I DON TO, ,YID DANG DBANG PO'I SHES PA DAG BYE BRAG MED NA NI NYAMS SU MYONG BA DAG DANG 'GAL BAR THAL BAR 'GYUR RO ZHES BSTAN PA'I PHYIR, 'DAS PA DANG MA 'ONGS PA'I ZHES BYA BA LA SOGS PA GSUNGS SO, ,GAL TE YID KYI RNAM PAR SHES PAS 'DI BUM PA 'DI BUM PA ZHES BYA BA'I YUL MNGON PAR 'DU BYAS PA'I SGRA DBANG PO'I SHES PAS RTOGS SO ZHE NA, RIGS LA SOGS PA ZHES BYA BAS NI RDZAS TE, DBYUG PA CAN DANG, YON TAN DE BA LANG DKAR PO DANG, LAS TE BA LANG 'GRO BA ZHES BYA BA DANG, MING GI STE 'DI BA LANG NGO ZHES BYA BA RTAGS LNGA BSTAN TE, DE DAG GI THA SNYAD NI BRDA'AM DE DAG GCIG TU BSDUS PAR DBYUG BA CAN DANG BA LANG DKAR PO ZHES DU MA BSDUS PA SNANG BA'O, ,DE DAG YUL MA YIN PA DE'I PHYIR DBANG PO'I SHES PA NI, DON DU MA GCIG TU SBYOR BAR BYED PAR RTOGS TE DON RNAMS SBYOR BAR BYED PA YANG DE YIN LA RTOGS PA YANG DE YIN PAS, DON RNAM SBYOR BAR BYED PAR RTOGS PA STE DE'I NANG DU MI 'JUG GO, ,RNAM PAR RTOG BAS BSLANG BA YIN NA DBANG PO'I BLO DE'I TSOGS PA MIG DANG SNANG BA DANG GZUGS DAG 'DUS PA DANG LDAN PA GANG RANG GI YUL BA LANG DU SNANG BA YANG 'DI LTAR BRTAG PAR BYA'O SNYAM PA'I 'DOD PAS LDOG PAR 'GYUR TE RNAM PAR RTOG PA YIN PA'I PHYIR RNAM BAR RTOG BA GZHAN YIN TE, 'DOD PA'I RTOG PA GNYEN PO'I 'DOD PAS LDOG PA BZHIN NO, ,DE NYID RNAM PAR RTOG PA NI ZHES BYA BAS 'CHAD PAR BYED DO, ,DBANG PO'I BLO 'DI DON NYE BA LA MI LTOS PAR YANG 'GYUR TE RTOG PA YIN PA'I PHYIR RO, ,GZHON NU MA LEN LA SOGS PA'I RTOG PA DANG BCAS PA'I MNGON SUM SMRA BA DAG GI LUGS @187B BRTAG PAR BZHED NAS, RE ZHIG DE DAG GI 'DOD PA LEGS PAR DGOD BA STE, GZHAN MIN 'DI ZHES PA'O ZHE NA, BYA BA 'BREL BA DANG BCAS PA SMOS SO, ,DE LA LAN GDAB PA NI NYE BA NGES PA ZHES BYA BA DENG YOD PA MA YIN TE, 'DI LTAR MUN PA NA YOD PA'I BUM PA NI DBANG BO'I SHES PA SKYED PAR MI NUS PA'I PHYIR MED PA DANG, BYE BRAG MED PA LA YANG BUM PA DER REG PA LAS KYANG 'DI BUM PA'I BLO DE 'BYUNG LA, DE NI MNGON SUM DON NYE BA NGES PA MA YIN TE, MUN PA NA GNAS PA'I BUM BA GANG DBANG PO'I YUL GYI DON DBANG PO'I RNAM PAR SHES PA BSKYED PA LA BUM PA DE NI NUS PAS STONG PA'I PHYIR, MED PAR DANG BYE BRAG MED PA'I PHYIR 'DI BUM PA'O SNYAM PA'I BLO NI THAMS CAD DU BUM PA'I GZUGS DE'I MTHU LAS MNGON SUM DU MI 'JUG PA'I PHYIR RO, ,GAL TE REG PAS LUS KYI BLO SKYE LA DE LAS MNGON SUM GZUGS LA SKYE'O ZHE NA, BRGYUD PAS NYE BAR SBYOR NA 'DAS PA'I YUL DANG BLO DAG BYAS LA, DE LAS DA LTAR MNGON SUM SKYE BAS DA LTAR GYI MNGON SUM GYIS 'DAS PA DAG MTHONG BAR THAL BAR 'GYUR RO, ,DON NYE BA NGES PA'I YUL CAN DU KHYED KYANG 'DOD PA'I PHYIR RO, ,'DAS PA NI MI NYE BAS MNGON SUM MA DE'I YUL MA YIN NO; ,YUL MA YIN PA LA 'JUG NA NI HA CANG THAL BAR 'GYUR RO, ,DE'I PHYIR MED PA LAS KHYAD PAR DU MA GYUR PA LA YANG RE GA NA 'DI BUM PA'O ZHES RTOG PA NI, BUM PA'I GZUGS MNGON SUM DU GYUR PA CAN DU MI 'GYUR RO, ,GAL TE BUM PA'I GZUGS NI REG BAS MNGON SUM DU MI 'GYUR MOD KYI, BUM PA'I RDZAS DAG REG BAS KYANG MNGON SUM DU BYA BA YIN PA'I PHYIR 'DI BUM PA'O SNYAM PA'I BLO NI REG PA'I SGO NAS RDZAS KYI DON NYE BAR NGES PA YIN NO ZHE NA, REG PAS BSKYED PA NI REG BYA'I DNGOS PO LAS SKYES PA YIN NA, BUM PA 'DI ZHES SHES BA NI REG BYA'I DBANG POS SKYE BAR MI RIGS TE, DE LTAR RTOG PAR BYED PA NA BLO DE LA KHA DOG KYANG SO SOR SNANG BA'I PHYIR RO, ,KYANG GI SGRAS NI REG BYA YANG SNANG BA'O, ,DE LTAR GZUGS DANG REG BYA GNYIG BLO GCIG LA SNANG BA DE'I PHYIR RO, ,YANG DBANG PO'I SHES PA DAG RANG GI MING GI SGO NAS DON DAG SHES PAR BYED PA NYID @188A *, ,YIN NA, SGRA GANG ZHIG BRDA'I DUS NA YOD PA'I MING DU MTHONG BA'I SGRA NI, DON DE MTHONG BA NA SGRA DE DRAN PAR RIGS TE, 'DI BUM BA ZHES DON 'DZIN BA YIN PA'I PHYIR RO, ,YID KYI NYE BAR GTOD PAS KYANG SGRA DRAN BAR NI 'GYUR MOD KYI, DE NI DON DE'I SGO NAS DON DAG SHES PA MA YIN NO,, DE'I PHYIR DON 'DZIN PA'I SGRA NI MA RTOGS PAR 'BYUNG BAR MI RIGS TE, DON MA RTOGS KYANG DRAN NA NI DON DANG MI 'DZIN BA'I PHYIR MNGON SUM NYID DU MI 'GYUR RO, ,DON DE SGRA DRAN BAR SNGAR RTOGS PAR YANG MI 'GYUR TE, DON RTOGS PA'I SGRA DRAN PA LA LTOS PA'I PHYIR LA DE YANG MA DRAN PA'I PHYIR RO, ,DE LTAR DON DE RTOGS PA MED PA LA SGRA'I BYE BRAG GANG DON 'DZIN PA JI LTAR DRAN TE DON MA RTOGS PAR DE SGRA DRAN NA DON MI 'DZIN BAR THAL BAR 'GYUR BA'I PHYIR RO, ,SGRA DE MI DRAN NA YANG SKYES BU DES SGRA DANG BSRES PA'I DON RTOGS SO ZHES BYA BA DE JI LTAR SRID, JI LTAR DRAN PAR MI RIGS SHE NA, SGRA DE NI DON 'DZIN PA YIN PA'I PHYIR DON MTHONG BA NI DON DE LAS BRDA'I DUS NA 'BREL BA'I SGRA DRAN PAR RIGS TE, 'BREL BA SHES PA'I ME DANG DU BDAG BZHIN NO, ,DE LTA YIN NA YANG SKYES BU 'DI SGRA LA LTOS NAS DBANG PO'I BLO SKYE BA'I PHYIR SGRA MED PA CAN GYI DON MI MTHONG LA, DON MI MTHONG NA YANG SGRA MI DRAN NO; ,SGRA MA DRAN NA YANG SGRA'I SGO NAS DON LA 'JUG PAR MI SBYOR RO, ,SGRA MA SBYAR NA YANG DON MI RTOGS PA'I PHYIR 'GRO BA MA LUS PA DON RTOGS PA MED PA'I PHYIR, LONG BA NYID 'ONGS PA YIN TE, 'ON BA LA SOGS PA YANG 'ONGS PA YIN NO, ,DE LTA BAS NA DBANG PO'I SHES PA'I GTAM YANG LDOG PAR 'GYUR RO ZHES GSUNGS SO, ,GAL TE DON SHES PA SKYED PA LA MNGON DU PHYOGS BAS TSOGS PA NANG GI SGRA'I 'DU BYED BAG CHAGS SAD BAR BYED PA DES NA SGRA DRAN PA MA YIN TE, DE LTA NA DON LAS SGRA SKYE BAR 'GYUR LA DE LTA NA NI DON DANG SGRA NGAG GI 'BREL PA DNGOS PO'I DBANG GIS GNAS PAR 'GYUR NA DE NI MED DO,, CI'I PHYIR ZHE NA, BRDA MA BSTAN PA LA 'BREL BA DE MED PA'I PHYIR RO ZHES BYA BA SMOS TE, BRDA KHO NA'I RJES SU 'GRO BA'I PHYIR DON GYIS BSKYED PA NI MED DO, ,GAL TE DON DANG BRDA GNYIS LA BRTEN NAS DNGOS BOR 'GYUR BA'I 'BREL BA SKYE'O ZHE NA, BRDA NI 'DOD PAS 'JUG PA'I PHYIR LA, SKYES BU'I 'DOD @188B BAS NI DON RNAMS NI GZHAN DU MI 'GYUR BA'I PHYIR, DON GYI RANG BZHIN DU 'BREL PA 'DOD PAS ZHUGS PA'I BRDA'I DUS NA SKYES PA'I RANG BZHIN MED DO, ,GAL TE SKYES BU'I 'DOD PAS DON RNAMS GZHAN DU 'GYUR TE, DON GYI RANG BZHIN GYI 'BREL PA SKYE NA NI DON DE NYID DU 'GYUR BAS NA BRDA MA BSTAN PA'I SKYES BU GZHAN LA YANG DE'I MING GIS 'DZIN PAR 'GYUR TE, DU BA LAS ME BZHIN NO, ,GAL TE 'BREL PA DE SKYES BU'I DBANG GIS THA DAD DE DES NA SKYES BU MA BSTAN PAS RTOGS PAR MI 'GYUR RO ZHE NA, SKYES BU SO SOS 'BREL BA'I DON RNAMS BDAG NYID THA DAD BAR 'GYUR BA NI MED DE, 'BREL PA DE'I BDAG NYID MED PAR THAL BAR 'GYUR BA'I PHYIR TE, DE BDAG NYID KYI RANG BZHIN DU GNAS PA MED PA'I PHYIR RO, ,DBANG PO'I 'DIS SO, ,SGRA'I SGO NAS RTOGS PA MED KYANG DON NYE BA'I DBANG GIS MTHONG BA STE, DER SNANG BA'I PHYIR RO, ,YANG NA RIGS BA DU MA BSTAN PA DE DAG NI GZHAN GYI LUGS BRTAGS PAS; RJES SU DPAG PAS SLOB DPON PHYOGS KYI GLANG PO'I DGONGS PA BSTAN PA STE, DA NI DBANG PO'I BLO RTOGS PAS STONG PA NYID DU MNGON SUM GYIS GRUB PA'I ZHES BSTAN PA'I PHYIR 'DI LTAR ZHES BYA BA LA SOGS PA GSUNGS TE, MNGON BAR BRJOD PA'I BSAM PA THAMS CAD YONGS SU SPANGS TE; GANG BLO RTOGS PAS MA BSKYOD PA'I BDAG NYID BRTAN PAR GNAS PA'I SKYES BUS KYANG MIG GIS GZUGS SHES PA'I BDAG NYID DMIGS TE, DE NI DBANG PO LAS SKYES PA'I BLO MNGON PAR BRJOD PA MED PAR 'DOD DO, ,GAL TE RTOG PA SKYE BA DANG 'GAG PA DAG BA LTAR MI RUNG BAS NA MI RTOGS PA'I PHYIR MED PA NYID MI 'GRUB BO ZHE NA, RTOG PA 'DIS ZHES BYA BA LA SOGS PA GSUNGS TE, 'DI LTAR SKYES BU BSAM PA SPANGS TE GNAS PA LA, YANG RNAM PAR RTOG BA BYUNG BA NA 'DI SNYAM DU, YANG BDAG RNAM RTOG CUNG ZAD CIG ,RTOG BA BYUNG BAR 'GYUR MTHONG NGO, ,ZHES BYAR RTOGS KYI, SNGAR SMOS PA BSAM PA YONGS SU SPANGS PA'I GNAS SKABS NA DBANG PO'I SHES PA YOD PA LA MI RTOGS PA PHYIS BYUNG BA JI LTA BDE LTA BU YOD PAR RTOGS PA YIN NO, ,SKYES BU DE YANG BSAM PA THAMS CAD YONGS SU SPANGS PA LAS LANGS PA'I SEMS KYIS CUNG ZAD RNAM @189A *, ,BAR RTOG PA'I SKYES BU DE RANG GI SEMS KYI RGYUD LA 'DI SNYAM DU BDAG LA 'DI LTA 'DI LTAR RNAM BAR RTOG PA BYUNG NGO ZHES RTOGS PA'I PHYIR TE, DES NA RTOG PA 'DI MNGON SUM DU GYUR BA MTHONG BA LA JI LTAR NA NYE BAR BKOD PA'I RTOG PA NGO MI SHES ZHES BYA STE NGO SHES PA NYID DO, , DE LTAR RTOG PAS STONG PA'I SHES PA DANG, YANG RTOG BA DAG RANG RIG PA BLTAR RUNG BA DE NI RNAM PAR RTOG PA DANG MA 'DRES PA'I MNGON SUM SNGAR MA MTHONG BA'I BDAG NYID LA, PHYIS MTHONG BA'I BDAG NYID KYI RTOG PA'I BDAG NYID MED PAR GRUB BAS NA, RTOG PA MNGON SUM DE'I BDAG NYID YIN PAR BRTAG BA 'GOG PAR BYED DE, BUM PA SNANG BA'I BDAG NYID LA 'DRE SNANG BA'I BDAG NYID 'GOG PA BZHIN NO, ,YANG PHYIS MTHONG BA'I BDAG NYID KYI RTOG PA MNGON SUM SNGAR MTHONG BA LA BRTEN PAR MTHONG BAS NI, RTOG BA DANG LDAN PA 'GOG PA'I SNANG BA MI DMIGS PA DBANG PO'I SHES PA LA RNAM PAR RTOG PA YOD PAR BRTAGS PA SPONG BAR BYED DE, SA PHYOGS LA BUM PA 'GOG BA BZHIN NO, ,GZHON NU MA LEN NA RE, GAL TE BLO MNGON SUM MA YIN PA LA ZHES BYA BA LA SOGS PAS, RTOG PA MNGON SUM YIN YANG BLO MNGON SUM MA YIN PAS NA YUL BA LTAR MI RUNG BA'I PHYIR, DBANG BO'I SHES PA RTOG PA MED PAR KHAS LEN PAS MI DMIGS PAR GNOD PAR MI 'GYUR RO ZHES ZER BA DGAG PA'I PHYIR PHYOGS SNGA MA BKOD PA'O, ,LAN SPYIN PA NI DE YANG RE ZHIG BLTAR RUNG BAS NA YANG DAG PAR RIGS PA'I RTOG PA 'DI PHAN TSUN SPANGS NAS GNAS PA'I PHYIR, DON DANG BLO DAG LAS GZHAN PA MI SRID PAS DON DANG BLO GANG GIS BDAG NYID DU GZHAG BAR BYA ZHES RNAM PAR RTOG PA GNYIS SO, ,DE LA DON GYI BDAG NYID DU MI RIGS TE, NANG SEMS KYI BDAG NYID DU SKYE BA DANG 'GAG PA G-YO BA'I PHYIR DANG, YANG DON GYI BDAG NYID DU GYUR PA NA SKYES BU'I 'DOD PA'I DBANG GIS TE, RTOG PA NI SKYES BU'I 'DOD BAS 'JUG PA DANG, LDOG BA CAN YIN PAR 'DOD PAS PHYI ROL GYI DON SKYE BA DANG, 'GAG PAR YONGS SU G-YO BA NYID MI RIGS PA'I PHYIR RO, ,DE'I PHYIR RNAM PAR RTOG PA'I DBANG GI BLO G-YO BAR 'GYUR GYI DON NI MA YIN NO, ,BLO LA NI RNAM BAR @189B 'GYUR BA YOD MOD KYI ZHES BYA BAS 'DOD PAS 'GYUR BA'I RTOG PA YOD PAR RUNG YANG NGO, ,BLO DE YANG RIG PA'I MNGON SUM MA YIN PA'I PHYIR RNAM PAR RTOG BA 'JUG KYANG GSAL BAR MI 'GYUR TE RTOGS PAR MI 'GYUR RO, ,RTOG PA DE DON GYI BDAG NYID SNANG BA'I DBANG GIS DON NYID SKYE BA DANG, 'JIG PA DE LTAR 'JUG PA GSAL BA YANG MA YIN TE, DON GYI BDAG NYID DU 'DUS PA SUN PHYUNG ZIN PA'I PHYIR RO, ,DON DANG BLO DAG LAS GZHAN PA'I PHUNG PO YANG YOD PA MA YIN PA'I PHYIR, GZHAN CUNG ZAD DANG RJES SU 'BREL PAS KYANG MA YIN ZHES BYA BA LA SOGS PA GSUNGS SO, ,RJES SU GZUNG BA NI PHAN BA'O, ,NYE BAR GNOD PA NI GNOD PAR BYED PA'O, ,BDAG NYID KYIS MA MYONG BA'I PHYIR SKYES BU GZHAN GYIS YANG DAG PAR MYONG BAS, BDAG LA RJES SU GZUNG BA DANG NYE BAR GNOD PAR MI 'GYUR BA BZHIN NO, ,GANG YANG MNGON SUM GYIS RANG GI BLO RNAM PAR MI RTOGS NA SKYES BUS BDAG RANG YANG JI LTAR BDAG NYID KYIS RTOGS PAR 'GYUR, BLUN PO NI BZHAD GAD DU BYA BA YIN PA'I PHYIR LHA RNAMS DGA' BA'O, ,DBANG PO DANG DON DAG LAS BLO YOD PAR MI 'KHRUL NA RTAGS NYID YIN MOD KYI, MI 'KHRUL BA NI MED DO ZHES BYA BA'I DON TO, ,GAL TE BLO'I RTAGS NYID YIN NO ZHE NA, DE YANG ZHES BYA BA LA SOGS PA SMOS SO, ,GAL TE BYE BRAG PA DAG RNAM PAR SHES BA NYID MA YIN GYI, RNAM PAR SHES PA'I RGYU NYID YIN TE, DE'I DBANG GIS RNAM PAR SHES PA YUL GZHAN MI 'DZIN PA YIN NO ZHE NA, DE GSAL BA'I PHYIR DE'I BYA BA GSUNGS TE, YID DE'I YUL GZHAN LA RNAM PAR SHES PA'I SKYED PA NUS PAS SHIN TU STONG BAR 'GYUR NA, RNAM PAR SHES PA GZHAN YUL LA MI SKYED PA'I PHYIR LA, DE LTA BU'I RNAM PAR SHES PA DE YANG BLO'I RANG BZHIN YIN PA'I PHYIR MA GRUB PO, ,GAL TE YUL GSAL BA BLO'I RTAGS YIN NO ZHE NA, BLO DE'I BYE BRAG GSAL BA NYID KYANG KHYOD LA MA GRUB PA NYID DO, ,YUL GSAL BA DON GYI RANG BZHIN NYID YIN NA DON GYI BDAG NYID KYANG RANG DANG GZHAN GYI THUN MONG BA NYID YIN PA'I PHYIR GZHAN GYI BLO YANG DPAG PAR THAL BAR 'GYUR RO, ,'DI LA DON THAMS CAD KYIS RTOGS PAR YANG THAL BAR 'GYUR TE, RGYANG PA NA PA LA DPYAD PA NYID KYIS @190A *, ,RTOGS BAR RUNG BA'I PHYIR 'DIR MA GSUNGS PAR SHES PAR BYA'O, ,GAL TE GSAL BA YUL GYI RANG BZHIN YIN PAR KHAS BLANGS NAS RTAGS GRUB TU CHUG KYANG, BLO NAM YANG MA GRUB BA DANG 'BREL BA GZUNG BA MED PA'I PHYIR RJES SU MI DPOGS SO, ,DE LTAR BLO MNGON SUM MA YIN BA NYID MI RIGS PA DE'I PHYIR MNGON SUM NYID DU RANG RIG BAS GRUB PA DE LA RTOG BAS STONG BAR MNGON SUM MA MA SNANG BA MI DMIGS PAS GRUB BAS NA, MNGON SUM THAMS CAD NI MNGON PAR BRJOD PA DANG 'DRES PA MED PA KHO NAS DON RTOGS SO ZHES BRJOD DO, ,GZHAN YANG DBANG PO'I BYED PA MED PA STE, DBANG PO'I SHES PA MED NA SGRA 'BA' ZHIG LAS DON RTOGS BA NI, DBANG BO'I SHES PAS DON GSAL BA NYID DANG, DON BYED PA NYID JI LTA BAR SGRA'I DON SGRA'I BLO LA SO SOR MI SNANG BA'I PHYIR, DBANG PO'I SHES PA'I YUL DE NI BRJOD MED RTOGS PA'O, ,GSAL BA DANG DON BYED PA NYID DE MNGON SUM MNGON PAR BRJOD PA MED PA'I YUL YIN TE, DBANG PO'I BYED BA MED NA DBANG PO'I SHES PAS MTHONG BA LTAR SGRAS BLO LA SO SOR SNANG BA MA YIN PA'I PHYIR RO, ,DE LTAR SGRA DANG DBANG BO'I SHES PA'I YUL MTSAN NYID MI 'DRA BA NYID DU GRUB PA'I PHYIR, GANG SGRA'I DON MA YIN PA DE ZHES BYA BA LA SOGS PA GSUNGS SO, ,RO'I BLOS DRI BZHIN ZHES BYA BA NI MTHUN PA'I DPE'O, ,MIG GIS BLOS GZUGS BZHIN ZHES BYA BAS NI MI MTHUN BA'O, ,RJES SU 'GRO BA DANG LDOG PA'I RJES SU MI BYED PA DE'I PHYIR RNAM PAR 'JOG PAR NUS PA ZHES BYA BA LA SOGS PA GSUNGS SO, , GZHAN YANG DON RTOGS PAR BYA BA'I PHYIR SGRA SBYOR BA ZHES BYA BA'I DON LA THA SNYAD DU BYA BA'I PHYIR RO, ,DBANG PO'I DON NI BRDA'I RGYUS SGRAS 'BREL PA'I DON PHYIS MTHONG BA'I DUS NA BRDA DANG RJES SU MTHUN PAR THA SNYAD DU BYED PA'I RTOG PA'I RJES SU 'GRO BAR BYED PA MA YIN TE, DBANG PO'I SHES PA NYID DANG DON LHAN CIG 'GAG PA'I PHYIR RO, ,DE NYID RGYAS BAR BSTAN PA'I PHYIR DE 'DI LTAR ZHES BA GSUNGS TE, DBANG PO'I DON DE'I RANG GI MTSAN NYID NI RIGS 'DRA BA DANG MI 'DRA BA THAMS CAD LAS THA DAD PA'I PHYIR, YUL DANG LHAN CIG TU MTHONG BA'I DNGOS PO'I SKAD CIG MA NI, 'GAR YANG GZHAN DU MI @190B MTHONG BA'I PHYIR RO, ,MNGON SUM GYI DON RNAMS RJES SU 'GRO BA MED PA'I PHYIR GSAL BA LAS THANG DBANG 'GYUR BA'AM, GZHAN PA THA MI DAD PA SPYI NI MED DE DE LTAR 'DZIN PA'I BLO'I BYE BRAG MED PA'I PHYIR RO, ,SPYI GANG LA SGRA 'JUG PA GSAL BA LAS THA DAD PA'O, ,'DIS NI SNANG BA MI DMIGS PA 'PHANGS SO, ,NYE BAR MI MTSON PA NI NGES PAR MI NUS PA'O, ,BA LANG BA LANG ZHES GCIG TU 'DZIN PA'I BLO DANG SGRA SPYI LA ZHUGS NAS BRDAR BYAS PA'I BLO DANG SGRA DE GZHAN GSAL BA LA 'JUG BA NYID YIN NA, SPYI MA RTOGS NA NI GSAL PA SPYI'I BLO DANG SGRAS MI MTSON PAR 'GYUR NA, KHYED KYI LUGS KYIS SPYI DE LAS GSAL BA MI MTSON PA MIN NO, ,SPYI'I BLO DANG SGRA'I RJES SU 'GRO BA DANG MI LDAN PA STE, SPYI MED PA'I BYE BRAG GSAL BA 'DI SPYI MTHONG BA'I STOBS KYIS GSAL BA YANG BRDA'I DUS KYI RANG BZHIN THA SNYAD KYI DUS KYI TSE YANG YOD BAR RTOGS PAS SPYIS GSAL BA LA BLO DANG SGRAS YUL DU BYED PA'I PHYIR JI LTAR MI MTSON ZHES BYA, DE NYID KYI PHYIR GANG LAS GANG LA ZHES BYA BA LA SOGS PA SMOS SO, ,SPYI SO SOR SNANG NA YANG MI GSAL BA LAS THA DAD PA'I PHYIR RJES SU 'GRO BA MED PAS SO, ,YANG NA SO SOR SNANG NA YANG ZHES BYA BA NI SPYI DBANG PO LA SO SOR SNANG NA YANG DBANG PO LA SNANG BDAG LA 'DRES PA MED PAR SNANG BAS RJES SU 'GRO BA MED PA'I PHYIR RO, ,SNGON BUM PAS CHU 'DZIN PA'I 'BRAS BU BYED PA DE MTHONG BA'I BUM PA DE PHYIS MTHONG BA RNAMS LA, MTHONG BA SNGA MA DRAN PA'I SA BON BZHAG CING MTHONG BA PHYI MAS BAG CHAGS DE NYID SAD PAR BYED PAS MYONG BA'I MTHU LAS BYUNG BA'I DRAN PA 'DIS CHU 'DZIN PA'O SNYAM PA LAS DE DON DUG NYER BA'I MNGON BAR 'DOD PA SKYES PA'I TSUL GYIS THA SNYAD RAB TU 'JUG PAR 'GYUR RO, ,MNGON SUM DON LA LTA BA TZAM YIN YANG DON BYED PA NYAMS SU MYONG BA LAS BYUNG BA'I BAG CHAGS KYI MTHU LAS BYUNG BA'I DRAN PAS PHYIS DON BYED PA SNGA MA DANG 'DRA BA GZHAN NYAMS SU MYONG BA SNGON GYI DE NYID 'DI'O ZHES NYAMS SU MYONG BA DAG MTSAMS SBYOR BAR BYED PA NA DON MED PA SNGAR MTHONG BA DE NYID DE DE DANG RIGS MTHUN PA MTHONG BA NA DE DAG GCIG TU BYAS NAS MNGON PAR 'DOD PA DANG, CIG SHOS MI 'DOD PA 'BYUNG LA, DE LAS NI 'THOB PA DANG SPONG BA'I THA SNYAD DAG 'JUG BAR 'GYUR RO, @191A *, ,'DI'I NUS PA 'JUG PA ZHES BYA BA NI DRAN PA'O, ,DRAN PA LAS NI MNGON PAR 'DOD PA DANG CIG SHOS KYI NUS PA YANG 'THOB PAS DE DAG KYANG SKYE'O, ,DE LAS NI BLANG BA DANG DOR BA LA 'JUG GO, ,MTSUNGS PA DE MA THAG BA'I RKYEN ZHES BYA BAS NI RGYUD GCIG GIS DBANG BO'I SHES PA DANG YID KYI SHES PA NYID 'BREL BAR BSTAN TE, GZHAN DU RNAL 'BYOR PA RGYUD GZHAN DANG 'BREL BA'I DBANG PO'I SHES BA LA DMIGS PA'I YID KYI DBANG POS NI DMIGS PA'I RKYEN BYAS PA YANG DBANG BO'I SHES BAS SKYED PA YIN PAS SO, ,DBANG PO'I SHES PA RANG GI YUL GYI DE MA THAG PA STE, DE'I BAR MED PA'I YUL GYI SKAD CIG MA'O, ,DE DANG DBANG PO'I SHES PA LHAN CIG BYED PAS SO, ,RNAM PAR SHES PA SMRA BA DAG DON DANG DE SHES PA DAG DUS MNYAM BAR 'DOD PAS DBANG PO'I SHES PA'I YUL NI DE NYID DANG DUS MNYAM PA LA YOD LA DE'I DE MA THAG PA'I YUL NI DE NYID DUS PHYIS YIN PAS NA YID RANG GI SHES PA DANG DUS GCIG NA YOD PA YIN GYI YUL DE DBANG PO'I SHES PA DANG BYED PA'I DUS MI MTSUNGS PAS SO, ,DBANG PO'I SHES PA DANG DE'I YUL GYI DE MA THAG PA'I YUL GNYI GA YANG DUS MTSUNGS PA STE, DBANG PO'I SHES PA'I DUS NA RANG GI YUL NI MED DE RGYU YIN PA'I PHYIR 'DAS PAS SO, ,DES NA DBANG PO'I SHES PA RANG DANG DUS GCIG PA DE NI SKAD CIG GNYIS PA'I YID KYI YUL YIN TE, DE'I PHYIR LHAN CIG BYED PA NYID DO, ,GZHAN DU RGYU YUL DANG 'BRAS BU SHES PA DAG DUS MNYAM NA NI, RGYU DANG 'BRAS BU NYID MED PAS NA SNGA NA NI NUS PA MED LA ZHES BYA BA LA SOGS PA GSUNGS SO, , GAL TE DBANG PO'I SHES PA'I YUL GYI DE MA THAG PA 'DZIN NA, BZUNG ZIN BA 'DZIN PAR 'GYUR RO ZHE NA, 'DI TSAD MA SNGA MA'I ZHES BYA BA LA SOGS PA SMOS TE, BCAD PA'I YUL CAN TSAD MA YIN NA DRAN PA YANG TSAD MA NYID DU HA CANG THAL BAR 'GYUR RO, ,DE NYID JI LTA ZHE NA, MTHONG BA'I 'DU BYED MA BRJED PA, ,ZHES GSUNGS TE, DRAN PA DE LAS KHYAD PAR MED PA'I PHYIR RO, ,DRAN PA DANG 'DRA BA'I NYID NA YANG TSAD MAR MI RUNG BAR BSTAN PA'I PHYIR BYA BA'I LAS BYAS ZIN BA LAS ZHES BYA BA SMOS TE, SHES PAS RTOGS ZIN PA LA SHES PA GZHAN GYIS BSGRUB BAR BYA BA MED @191B PA'I PHYIR PHYI MA NI SGRUB PAR BYED PA STE, MA RTOGS PA RTOGS BAR BYED PA YIN NO, ,GAL TE DON RNAMS NI RTAG PA YIN BA'I PHYIR SNGA MA NYID DBANG PO'I SHES PAS GZUNG BA YID KYIS KYANG GZUNG BA'I PHYIR YID NI TSAD MA NYID MA YIN NO ZHE NA, DE GSAL BAR DON DE NYID RGYUR GYUR PA'I BLO ZHES BYA BA LA SOGS PA SMOS TE, RGYU LA KHYAD PAR MED PA'I PHYIR DBANG BO DANG, YID KYI SHES PA DAG RIM GYIS 'BYUNG BAR YANG 'GAL LO, ,GAL TE LHAN CIG BYED PA'I BYE BRAG GIS RIM GYIS 'BYUNG NGO ZHE NA, DON RTOGS PA BCOS SU MED PA LA GZHAN LA LTOS PAR YANG MI RIGS PA'I PHYIR RO, ,GAL TE BYA BA SHES PA THA DAD PAS RIM GYIS 'BYUNG NGO ZHE NA, BYA BA THA DAD PA NYID YIN NA YANG DE'I BYED PA YANG GZHAN DU 'GYUR BA RTAG PA NYID NYAMS PAR 'GYUR RO, ,DE LTAR RTAG PA MI 'THAD BAS NA DON RNAMS NI SKAD CIG MA NYID MA YIN PAS 'DAS PA MED PAS NI YID DON NYE BA LA LTOS PAS GZUNG BA MA YIN NO, ,DE LTAR NA BYA BA GCIG LA GRUB PA DANG, BDE BA GCIG PO'I SHES BA DAG KYANG SO SOR SKAD CIG GI BYE BRAG GIS TSAD MAR 'GYUR NA DE NI MI 'DOD DO ZHE NA, DE NI THA SNYAD KYI DBANG GIS TSAD MA RNAM PAR GZHAG PA YIN PAS DON GCIG BYED PA'I PHYIR TSAD MA GCIG NYID DO, ,GAL TE DE LTA NA YID KYANG DBANG PO'I SHES PA DANG, DON GCIG BYED PA'I YUL CAN DU 'GYUR RO ZHE NA, 'DI NI RNAL 'BYOR PA SKAD CIG MAS THA SNYAD DU BYED PA'I DBANG DU BYA BA YIN PAS, SKAD CIG RNAMS DON DAM PAR 'BRAS BU THA DAD PA'I PHYIR YID NI SKAD CIG SO SO NAS TSAD MA NYID YIN NO, ,GAL TE SKAD CIG LA PHRAD PA MED PA'I PHYIR TSAD MAR MI 'GYUR RO ZHE NA, RANG GI YUL LA TSAD MA GZHAN GYIS GNOD PAR MI BYED PA NYID 'DI'I MI SLU BA YIN NO, ,YANG NA MA RTOGS PA'I DON GSAL BAR BYED PA NYID TSAD MA YIN LA 'DIS KYANG DON BYED NUS PA'I DNGOS PO MA RTOGS PA RTOGS PA NYID YIN PA'I PHYIR, TSAD MA'I BDAG NYID DON DAM PAR THOB PA NYID DO, ,YID 'DI YANG DBANG BO'I SHES PA RNAMS 'GAGS PA'I CHE CHAD MA NYID YIN NO, ,DON DAM BAR SKAD CIG RNAMS THA DAD PA'I PHYIR DBANG PO'I SHES PA LAS GZHAN PA'I BDAG NYID KYI SKAD CIG GI MTSAN NYID KYIS DMIGS PA'I RKYEN GYIS @192A *, ,BSKYED PA'I YID KYIS NI DON GZHAN KHO NA RTOGS SO, ,BRDA NI DON GZHAN SGRA LAS THA DAD PA DANG SGRA DAG SBYOR BAR BYED NA, RANG LAS GZHAN PA'I YUL CUNG ZAD KYANG MI DMIGS PAS BRDA SBYOR BAR NUS PA MA YIN NO, ,GAL TE RANG RIG PA MA 'ONGS PA'I SGRA'I YUL DU BYED DO ZHE NA, BDE BA LA SOGS PA RANG GI MTSAN NYID SO SOR NGES PA'I BDAG NYID MA SKYES PA RNAMS YUL DU BYA STE YANG DAG PAR MYONG BA NI MED DE, RANG MYONG BA DE SKYES PA DE'I BDAG NYID KYI MTSAN NYID KYI YIN PA'I PHYIR DE YANG MED DO, ,DE LTAR RANG NYID LAS GZHAN CUNG ZAD KYANG MI RTOGS PA DE 'DI RANG NYID MNGON PAR BRJOD PA DANG SBYOR BAR BYED PA MA YIN TE, CHA SHAS SU RTOG PA MED PAS BDAG NYID LA BRJOD PAR BYA BA DANG, RJOD PAR BYED PA'I RNAM PA DE LTA BU 'JUG PA 'GAL BA'I PHYIR RO, ,GAL TE BRDA SBYOR BA MED KYANG BRDA LAS BYUNG BA'I SGRAS DMIGS SO ZHE NA, RANG RIG PA DES RANG DE'I BDAG RANG GI MTSAN NYID SNGAR MA MTHONG BA'I PHYIR LA, BRDA LAS BYUNG BA'I SGRAS NI SNGON GYI DE 'DI'O ZHES SNGA MA MTHONG BA CAN YIN PA'I PHYIR RO, ,GAL TE BDAG NYID LA SGRA GDOD SBYOR ZHE NA, MNGON PAR BRJOD PAR GZO BA NA GZO DE NYID YIN PA'I PHYIR SBYOR BA'I DUS NA YUL MI SRID PA'I PHYIR RO, ,GAL TE SHES PA PHYI MAS SO ZHE NA, RANG RIG PA YIN PA'I PHYIR GZHAN GYIS NA YANG ZHES BYA BA LA SOGS PA SMOS SO, ,SNGA MA RANG GI MTSAN NYID DE THA SNYAD KYI DUS NA YANG 'BYUNG BA MED PA'I PHYIR BRDA DON MED PA YANG YIN NO, ,GZHAN DAG NI BYE BRAG PA'O, ,DON GCIG NI BDAG NYID GCIG LA'O, ,'DU BA SHES PA DANG BDE BA LA SOGS PA 'BREL BA'I SHES PAS TE BDAG GCIG GIS SO, ,SHES PA DES BDE BA LA SOGS PA MYONG BAR BYA BA YIN GYI, BDE BA NYID KYIS MYONG BA MA YIN NO, ,RNAM SHES RGYU LAS GZHAN MIN ZHES BYA BAS NI, RNAM PAR SHES PA NYID KYI RGYU MTSUNGS PA DE MA THAG PA DANG, DMIGS PA DANG DBANG BO ZHES BYA BA DAG YIN LA, DE DAG KHO NA LAS SKYES PA BDE BA LA SOGS PA CI'I PHYIR SHES PA MA YIN TE, TSOGS PA 'DU BA LA SKYES PA'I PHYIR RO, ,'DIR NYE BAR LEN PA DANG LHAN CIG BYED PA'I RGYU DAG MTSUNGS PA'I PHYIR RO @192B ZHES BYA BA'I DON TO, ,GAL TE BUD SHING GI NYE BAR LAN PA DANG DE'I LHAN CIG BYED PA GCIG LAS THAL BA DANG DU BA DAG MTSAN NYID MI 'DRA BA DAG SNANG BA'I PHYIR MA NGES PA NYID DO ZHE NA, DE'I SKYON MED DE, DU BA'I NYE BAR LEN PA NI BUD SHING GI CHU'I KHAMS YIN LA, THAL BA NI SA'I KHAMS SO,, GAL TE BUD SHING GIS THAL BA DANG, THAL BA MA YIN PA SHING GI RANG BZHIN DAG SKYED PAR BYED PA'I PHYIR 'BRAS BU RIGS THA DAD PA YANG SKYED DO ZHE NA, GANG THAL BA SKYED PA DE DAG GIS NI THAL BA NYID SKYED KYI SHING MA YIN NO, ,GANG YANG TSOGS PA 'DRA BA LAS NI 'DRA BAR DPAG GI TSOGS PA GCIG LA NI MI 'DRA BA TSAD MAS GRUB PA'I DON YIN NO, ,DE'I PHYIR MAR ME'I TSOGS PA LAS RANG GI RIGS 'DRA BA DANG SNYING PO TSIG PA DANG 'OD DANG SOR MO LA SOGS PA SREG PA DANG MIG GI RNAM PAR SHES PA SKYED PA DAG SRID LA, DE DANG 'DRA BAR GZHAN LA YANG DE BZHIN DU MTSUNGS SO, ,DE'I PHYIR TSOGS PA'I RIGS MTSUNGS PA NI RGYU MTSUNGS PA'O, ,RGYU'I TSOGS PA 'DRA BA NYID LAS KYANG 'BRAS BU MI 'DRA BAR 'GYUR NA NI SNA TSOGS KYI THA DAD PA DAG RGYU MED PAR 'GYUR RO, ,GAL TE TSOGS PA 'DRA YANG BYAS PA'I SHUGS ZHES BYA BAS 'DU SHES KYI BYE BRAG GI SHES PA DANG SHES PA MA YIN PA NGES PAR 'GYUR RO ZHE NA; BYAS PA'I SHUGS KYIS NUS PA TSAD MAS MA MTHONG BA'I PHYIR RO, ,BYAS PA'I SHUGS KYANG NYE BAR LEN PA LA 'DOD NA NI GANG GI GOMS PA'I BYE BRAG CAN GYI RNAM PAR SHES PA NUS PA CAN NYID YIN PAR MTHONG STE, DE'I PHYIR NANG GI BYED PA LA BRTEN PA'I BDE BA LA SOGS PA RNAMS ZHES BYA BA LA SOGS PA SMOS TE, NANG GI RNAM PAR SHES PA GOMS PAS GSAL BA LA BDE BA LA SOGS PA YANG SGRIN LA, BLUN PA LA NI BLUN PAR SNANG BA'I PHYIR RO, ,GAL TE RGYU BYE BRAG MED PAS 'BRAS BU YANG MTSUNGS PA NYID NA RGYU MTSUNGS PA'I PHYIR BDE BA LA SOGS PA YANG BDE BA'AM SDUG BSNGAL LAM BTANG SNYOMS PA GCIG TU 'GYUR RO ZHE NA, YUL DANG YID LA BYED PA LA SOGS PA NANG GI BYE BRAG BDE BA DANG SDUG BSNGAL LA SOGS PAR 'GYUR GYI, SHES PA MA YIN PAR NI MA YIN TE, TSOGS PA 'DRA BA LAS SKYES KYANG, NANG GI BYE BRAG GIS THE TSOM DANG @193A *, ,GTAN LA PHEBS PA LA SOGS PA'I SHES PA'I BYE BRAG BZHIN NO, ,GZHAN NI GRANGS CAN NO BYE BRAG PA DANG SANGS RGYAS PA GNYI GA'I LTAR NANG GI YANG MA YIN LA, SANGS RGYAS PA LTAR SEMS PA CAN YANG MA YIN NO, ,'O NA CI ZHE NA, GRANGS CAN RANG GI BSAM BA BSTAN PA'I PHYIR BDE BA LA SOGS PA DE'I BDAG NYID NI SGRA LA SOGS PA ZHES BYA BA SMOS TE, DE DAG GI 'DON PA'I GO RIMS NI RNA BA DANG, PAGS PA DANG, MIG DANG, LCE DANG, SNA ZHES BYA BA YIN BAS DE'I GO RIMS PAS YUL YANG DANG POR SGRA SMOS TE, REG BYA LA SOGS PA YANG GZUNG NGO, , DES NA BDE BA LA SOGS PA YUL GYI RANG BZHIN NO ZHES BYA BA'O, ,GZHAN YANG, SEMS CAN YANG YIN RIG BYA'I PHYIR, ,DE BDAG MIN PA RIGS MIN PHYIR, ,'DIR DGONGS PA NI ME'I BUD SHING SREG PAR BYED KYANG DE'I NANG DU MA ZHUGS PA NI SREG PA MED DE ME'I 'OD KYI NANG DU CHUD PA KHO NA SREG GO, ,DE BZHIN DU SHES PA YANG RANG GI NGO BO'AM, RNAM BAR SHES PA'I BDAG NYID DU GYUR NA SHES PAR 'GYUR RO, ,DE'I PHYIR GANG RANG RIG PA NI RANG GI NGO BO KHO NAS SHES PAR 'GYUR BA YIN LA, GZHAN NI RNAM PA'I SGO NAS YIN PA'I PHYIR GANG YUL GYI RNAM PA YANG DAG PA MYONG BA MED PA DE ZHES BYA BA GSUNGS SO, ,YUL 'DI'I SHES PA 'DI'O, ,GAL TE YUL LAS SKYES BA MYONG BA'I RGYU MTSAN NYID YIN NA NI DBANG PO LA YANG THAL BAR 'GYUR RO, ,SOGS PAS NI MTSUNGS PA DE MA THAG PA YANG NGO, ,GRANGS CAN PA DAG NI SEMS YOD PA NI BDAG YIN LA, DE NI RTAG PA NYID YIN PAS 'DRA BAR YOD PA'I TSE NI RTOGS LA GZHAN DU MI RTOGS SO ZHES BYA BAR MI RUNG STE 'DRA BA'I SNGON DU 'DRA BA MED PA DANG DE 'DRA BA'I DUS SU NYAMS PA DANG PHYIS 'DRA BA 'GAGS PA NA NYAMS PA JI LTA BU ZHE NA, 'DRA BA YOD NA MI RTAG PAR 'GYUR BA LAS SKYON GZHAN DE 'DRA BA MED NA SHES PAR MI RUNG BA ZHES BYA BA'O,, GAL TE SHES PA RNAM PA MED PAR 'DOD PA DAG RIG PA YIN PA'I PHYIR DON SHES PA YIN GYI RNAM PA YOD PAS NI MA YIN NO ZHE NA, RIG PA YOD PA TZAM GYIS ZHES BYA BA SMOS TE, RIG BA TZAM NI DON THAMS CAD LA BYE BRAG MED PA'I PHYIR, SHES PA GCIG GIS DON THAMS CAD RIG PAR THAL BAR @193B 'GYUR RO, ,'DRA BA YOD NA NI SHES PA LAS 'DRA BA YOD PA'I DON NI RTOGS LA MED PA NI MI RTOGS PA'I PHYIR THAL BA MED DO, ,DE LTAR SHES PA'I RANG BZHIN DU MA GRUB BA NI RTOGS PAR MI RUNG LA, KHO BO BDE BA YANG SHES BA'I RANG BZHIN 'DI NYID YIN BAS MYONG BAR RUNG BA NYID DE, GANG RJE BTZUN SANGS RGYAS NYID KYIS BDE BA'I TSOR BA GANG ZHE NA, MYONG BA PHYA LE BA'O ZHES GSUNGS PA'I PHYIR BDE BA LA SOGS PA NI SEMS CAN DU GRUB PO, ,GAL TE YUL DANG 'DRA BA YUL DE YANG DAG BAR MYONG BA'I BDAG NYID YIN NA, BDE BA LA SOGS BA DANG 'DRA BA YANG DAG BAR MYONG BAR 'GYUR LA BDE BA LA SOGS PA NI SNGON BO LA SOGS BA BZHIN DU YANG DAG PAR MYONG BA MA YIN PA DE'I BDAG NYID DU 'GYUR RO ZHE NA, MA YIN TE ZHES BYA BA LA SOGS PA SMOS TE, SHES PA'I NGO BOR MA GYUR PA MYONG BAR MI RUNG BA'I PHYIR BDE BA LA SOGS PA YOD NA DE SHES PA'I NGO BO NYID KYI YANG DAG BAR MYONG BA YIN NO ZHES BSTAN PA'I DON DU STE, GANG MYONG BA YOD PA DE LA DE 'DRA BA'I PHYI ROL GYI DON YOD DO ZHES SMRA BA NI MA YIN NO, ,DE NYID RGYAS PAR BSHAD PA NI, DE LA YANG DAG PAR MYONG BA NYID NI GCIG TU NANG GI DGA' BA DANG YONGS SU GDUNG BA'I BDAG NYID YIN PAR BLTA STE ZHES BYA BA SMOS TE, 'CHAD PAR 'GYUR BA'I RIGS PAS SO, ,DE YANG 'DI LTA STE, BDE BA LA SOGS BA 'DI MYONG BA'I BDAG NYID 'DI GZHAN PHYI ROL GYIS GZHAG PAR MI RIGS TE, PHYI ROL GYI DE'I BYE BRAG MED KYANG SROG CHAGS KYI RANG BZHIN DANG, GOMS PA'I BYE BRAG LAS BDE BA LA SOGS PA DE'I BDAG NYID KYI BYE BRAG 'GRUB PA'I PHYIR RO, ,RO'I BYE BRAG GCIG NYID SROG CHAGS KHA CIG GI BDE BA'I RGYUR 'GYUR LA, GZHAN GYI SDUG BSNGAL LA SOGS PAR 'GYUR BA'I PHYIR RO, ,GAL TE BLO ZHES BYA BA RIG PA'I BDAG NYID MA YIN PAR 'DOD DE, DE BDE BA LA SOGS PA'I BYE BRAG DANG LDAN GYI YANG DAG PAR MYONG BA NI SHES PA NYID DU BSAMS PA STE, DE NI BDE BA LA SOGS PA BYE BRAG DANG LDAN PA NI MA YIN NO ZHE NA, BLO NI YUL GYI RNAM BA CAN TE, GAL TE YANG DAG PAR MYONG BA MA YIN BA'O, ,GZHAN DON YANG DAG PAR MYONG BA NI MYONG BA'O ZHE NA, 'DRA BA GZHAN SHEL LA YOD PA'I 'DRA BDAG LA BLO DER 'GYUR BA'O, ,YANG @194A *, ,DAG PAR MYONG BA MED PA NYID SHEL 'DRA BA DANG BLO 'DRA BA DAG GI BYE BRAG YOD NA NI SMROS SHIG ,GAL TE SHEL NI PHYI YIN LA BLO NI NANG GI BYED PA NYID YIN PAS, DE NYID BYE BRAG DE'I RGYU MTSAN YIN NO ZHE NA'O, ,DE YANG BLO'I BYE BRAG RTOGS PAR BYED PA'I YAN LAG MA YIN PA'I PHYIR, YAN LAG TU BRJOD PAR MI BYA'O, ,JI LTAR YAN LAG MA YIN ZHE NA, SHIN TU DANG BA'I RANG BZHIN DANG, SOGS BA'I SGRAS NANG GI BYED PA BZUNG STE, DE LTA BU GZHAN MIG LA SOGS PA YOD PAS DE DAG KYANG BLO'I RANG BZHIN DU THAL BAR 'GYUR BA'I PHYIR RO, ,YUL GYI RNAM BAR GZHAG PA YANG DAG PAR MYONG BA LA BRTEN PA STE, DE LA LTOS PA YIN NA'O, ,BLO DE SEMS PA MED PA LA YUL MED PA'I PHYIR JI LTAR DE LAS DON GYI RNAM PAR GZHAG PAR 'GYUR TE, DE LTA NA 'DRA BA TZAM GYI PHYIR SNGON PO NYID SNGON PO'I YUL DANG, BUM PA YANG BUM BA'I YUL NYID DU HA CANG YANG THAL BAR 'GYUR BA'I PHYIR RO, , GAL TE SGRA'I DON GCIG LA YANG SROG CHAGS DANG GOMS PA'I BYE BRAG GIS BDE BA LA SOGS PA THA DAD PA DAG LA 'GAL BA MED DE SGRA LA SOGS PA'I BDAG NYID PHYI'I BDE BA LA SOGS PA BYE BRAG MED KYANG BLO'I BDAG NYID KYI BDE BA LA SOGS PA NI BYE BRAG CAN DU SKYE'O ZHE NA, BLO'I BDAG NYID KYI BDE BA NI ZHES BYA BA LA SOGS PA SMOS TE, BDE BA LA SOGS PA PHYI'I BDAG NYID GCIG LA GOMS PA LA SOGS PAS GCIG PAR GZHAN DU 'GYUR BA 'GAL BA'I PHYIR RO, ,SEMS PA CAN LAS GZHAN DU YUL GYI BDAG NYID KYANG MA YIN PA BDE BA LA SOGS BA'I RNAM PA'I BYE BRAG DANG LDAN PA'I BLO ZHES BYA BA NI MED DO, ,SEMS PA CAN DE'I BDAG NYID LOG PA LA, BLO'I MTSAN NYID YUL 'DZIN PA MI DMIGS PA'I PHYIR RO, ,DE LTA BAS NA YUL MYONG BA NI GCIG STE, BLO DANG YANG DAG PAR MYONG BA ZHES BYA BA GNYIS NI MED DE YANG DAG BAR MYONG BA GCIG PU'O, RANGS PA DANG MA RANGS PA NI YANG DAG PAR MYONG BA DE NYID KYI BYE BRAG TU RNAM PAR 'JUG STE, BYE BRAG GI RANG BZHIN DU BLTA'O, ,YANG DAG BAR MYONG BA DE LA MING NI BLO DANG SHES PA LA SOGS PA JI LTAR 'DOD PAS BYED DO, ,YUL NYE BAR LONGS SPYOD PA NI SKYES BU SHES PA YOD PA NYID YIN NA, YUL @194B NYE BAR LONGS SPYOD PA SHES PA NYID MNGON SUM MA YIN NA'O, ,YUL NYAMS SU MYONG BA'I SHES PA MNGON SUM MA YIN YANG, YUL NYE BAR LONGS SPYOD PA NYID YIN NA'O, ,YUL YOD PA NYID TZAM GYIS YUL LONGS SPYOD BAR YANG THAL BAR 'GYUR RO, ,SHES PA MNGON SUM MA YIN PA'I PHYIR YUL DE NYAMS SU MYONG BAS LONGS SPYOD PAR MI 'GYUR TE, YUL NYAMS SU MYONG BA YOD KYANG NYAMS SU MYONG BA GRUB PA'I PHYIR YUL DANG NYAMS SU MYONG BA DAG MED PA DANG KHYAD PAR MED PA'I PHYIR RO, ,GAL TE BLO LAS MYONG BA DPAG PA'I PHYIR RJES SU DPAG BAS LONGS SPYOD DO ZHE NA, RTAGS LAS ZHES BYA BA LA SOGS PA SMOS SO, ,SNGAR DBANG PO'I MNGON SUM MA YIN PA LA 'BREL PA GZUNG BA MED DO ZHES JI SKAD SMOS PA BZHIN NO, ,GAL TE BLO KHO NAS YUL NYE BAR LONGS SPYOD DO ZHE NA, YUL LA MNGON SUM DU DMIGS PA ZHES BYA BA SMOS TE, BLO YUL MNGON SUM DU DMIGS PAS YUL RTOGS PA'I THA SNYAD MA TSANG BA MED PA'I RDZOGS PAS NA BLO LAS GZHAN PA SHES PA YOD PA BRTAG PA'I DON MED DO, ,SHES PA YOD PA DE YANG YUL MNGON SUM DU BYED PA NYID DU BLO DANG BDAG NYID GCIG PAR TSAD MAS MTHONG BA'I PHYIR RO, ,GAL TE BLO DANG SHES PA DAG THA DAD KYANG 'DRES PAS RNAM PAR DBYE MI SHES TE, LCAGS GONG ME BZHIN DU DE CIR 'DZIN ZHE NA, ME NYID DU 'DZIN TE REG PA NA ME 'DI'I BDAG NYID MNGON PAR 'GYUR PA'I PHYIR RO, ,GAL TE BDE BA LA SOGS PA DANG SNGON PO LA SOGS PA THA DAD PAR SNANG BA YANG GCIG LA BYE BRAG MI MNGON YANG THA DAD PA NYID 'DRES PA'I BDAG NYID KYIS YOD PAR KHAS LEN NA NI, DE LTA NA NI DNGOS KUN LA, ,THA DAD THA DAD MIN GZHAG NYAMS TE DON GCIG TU DMIGS PA RNAMS LA 'DRES PAR RANG BZHIN GZHAN THE TSOM ZA BA'I PHYIR GCIG PA NYID DU MI SNANG BA'I PHYIR DANG, SNGON PO LA SOGS PA DANG BDE BA LA SOGS PA'I RNAM PA DAG THA DAD PAR DMIGS KYANG BDE BA LA SOGS PA NI SNGON PO LA SOGS PA PHYI ROL GYI BDAG NYID DU 'DOD PAS THA DAD PA MA YIN PA'I PHYIR RO, ,THA DAD MIN PAR SHES PAS RIG PA DANG NI GCIG NYID CES BYA'O, ,GCIG NYID DU SHES PA DE LTAR GANG MIN TE DU MA @195A *, ,SHES PAS RIG PA DE NI MTSAN NYID THA DAD CAN DU 'GRUB PO, ,THA DAD PA DANG THA MI DAD PA'I SHES PAS RIG PA 'DI THA DAD PA DANG, THA MI DAD PAR GZHAG PA'I RGYU NYID YIN NA, THA DAD PA GRUB BYED MI 'GRUB BO STE THA MI DAD PA YANG DE BZHIN NO ZHES SKABS KYIS RTOGS PAR BYA'O; ,DE NYID RGYAS PAR BSTAN PA NI, DKAR DANG SDUG BSNGAL SOGS, THA DAD PAR RIG PA DANG PHYI ROL NYID GCIG TU KHAS LEN CING, BLO DANG MYONG BA DAG YUL GCIG TU RANG RIG PA'I TSAD MAS GRUB PA DANG NI THA DAD PAR KHAS LEN CE NA'O, ,ME DANG 'BREL PA LAS 'BAR BA ZHES BYA BA DON GZHAN SKYES PAS SO, ,BLO'I THA DAD PAR RIG PA NI THA DAD PAR GZHAG PA'I RGYU YIN PA DE'I PHYIR, BDE BA LA SOGS PA DANG YANG DAG PAR MYONG BA DAG DKAR PO LA SOGS PA RIGS PA MA YIN PA LAS THA DAD PA YIN NO, ,DE LA YANG DAG PAR MYONG BA NI BLO STE, MYONG BA DANG GCIG TU MTHONG BA'I PHYIR RO, ,KHA CIG NI BDE BA LA SOGS PA DAG NANG YANG YIN LA, SEMS BA CAN YANG YIN NO ZHES 'DOD DE, DE DAG GI LTAR NA NI RTOGS PAR ZAD DO, ,GANG ZHIG GANG GOMS PAR BYED PA DE NI GOMS PA YONGS SU RDZOGS PA LAS DE LA DE GSAL BAR SNANG BAR 'GYUR TE, 'JIGS PA LA SOGS PA GOMS PAR BYED PA LTA BU'O, ,RNAL 'BYOR PA 'GA' ZHIG KYANG THOS PAS BZUNG BA'I DON RIG PAS BSAMS PAS DON RNAM PAR GZHAG PA GOMS PAR BYED DO ZHES BYA BA RANG BZHIN GYI RTAGS SO, ,GSAL BA'I PHYIR RNAM PAR MI RTOGS LA, RIGS PAS GZHAG PA'I DON RTOGS PA'I PHYIR SLU BA MED PA DANG MNGON SUM GYI TSAD MA YIN TE, MNGON SUM GYI TSAD MA GZHAN GRAGS PA LTA BU'O, ,'DOD PA YID LA BYED PA GOMS PAS NI JI LTAR RGYAL PO'I SHING RTA BCU PA'I BU DGA' BYED KYIS ROL RNYED MA YID LA BYAS BA NA, BDAG GIS DE MTHONG, 'DI NA MDUN DANG RGYAB DAG TU, NANG DANG PHYI DANG YONGS SU BSKOR DANG RNAM PAR 'GYUR BAR RO ZHES BYA BA LTA BU'O, ,MYA NGAN GYI RGYAL PO'I BTZUN MO DRI ZA MAS RANG GI BU RNAMS MTHONG BA LTA BU'O, ,'JIGS PA LA SOGS PA LA YANG CI RIGS PAR DPE BRJOD PAR BYA'O, ,YID LA RNAM BAR RTOG PA YIN PA'I PHYIR DE DAG @195B LKOG TU GYUR PA NYID YIN NO ZHE NA, MYUR BA DANG NAN TAN BYED BA RAB THOB PHYIR, LKOG TU GYUR PAR 'DU SHES LA DE LTA'O STE MYUR BA DANG NAN TAN BYED PA'O, ,DE YANG JI LTAR DGA' BYED SEMS NYID LTA BU STE, SNUM BA'I SNGO BSANGS SDUG GUS BYUGS BA'I MKHA' LA SPRIN TSOGS GSEB NA CHU SKYAR RTZE BA DANG, , RLUNG GIS BSKYOD BA'I CHU YI THIGS PA CHU 'DZIN MDZA' BO DAG PAS YID 'OD SGRA SGROGS PA, ,'DOD PAR GYUR PA DAG NI BRTAN ZHING SRA BA'I SNYING GIS DGA' BYED BA DAG GIS THAMS CAD BZOD, ,LUS CAN MA NI JI LTAR GYUR NA SNYAM DU DE LTAR YID LA BYAS BAS MTHONG GYUR NAS, ,AE MA'O KYI HUD LHA MO BSTAN PAR GYIS ZHES MYUR DU SMRA BA DANG NAN BYED PA LA SOGS PA LTA BU'I 'JUG PA MA MTHONG BA'I PHYIR RO, ,BAR SKABS KYI TSIGS SU BCAD PA ZHES BYA BAS NI SNGAR MA BSHAD PA CUNG ZAD RGYAS PAR BSHAD PA'O, ,DE LTAR 'JIG RTEN LA RAB TU GRAGS PA'I DPE DAG BSNYAD NAS, BSTAN BCOS LA GRAGS PA BSTAN PA'I PHYIR, DE LTAR MI GTZANG BA DANG ZHES BYA BA LA SOGS PA SMOS SO, ,'DI NI CHOS RNAMS KYI NGO BO NYID DE BSLAD PA'I BLO DAG KYANG RUNG MNGON PAR BRJOD PA DANG 'DRE BA'I SHES PA THAMS CAD LA DON GSAL BAR SNANG BA MI GNAS PA NYID DO, ,DRAN BYA NI GSAL BAR SNANG NGO DE DRAN PAR BYED PAS TE, DE NYID LA DRAN PAR BYED PA'I SHES BA LA NI DON DE MI GSAL BAS DON MI 'DRA BA NYID DO, ,BSLAD PA NA YANG BSLAD PA'AM MA BSLAD PA'I GNAS SKABS NA NYAMS SU MYONG BA DE DRAN PA NA BSLAD PA NA'ANG RNAM PAR RTOG PA 'BYUNG STE, NYAMS SU MYONG BA DE GSAL BAR SNANG BA LTAR DRAN PA NI MA YIN NO, ,RNAM PAR RTOG PA MED PA'I PHYIR RO ZHES BYA BA NI SLOB DPON GYIS MNGON SUM MTSAN NYID RTOGS PA DANG BRAL BA TZAM ZHIG GSUNGS BA'I PHYIR RO, ,'DIR MI 'KHRUL BA SNGAR BSTAN LA, SLOB DPON GYIS KYANG MI 'KHRUL BA NYID BZHED DO, , JI SKAD DU, 'KHRUL DANG KUN RDZOB SHES PA DANG, ,RJES DPAG RJES SU DPAG PA CAN, ,DRAN DANG SNGON 'DOD ZHES BYA BA, ,MNGON SUM LTAR SNANG RAB RIB BCAS, ,ZHES 'KHRUL PA DAG MNGON SUM LTAR SNANG BA NYID DU GSUNGS PA'I PHYIR RO, ,SLU BA LA TSAD MA NYID MED LA MNGON SUM TSAD @196A *, ,MA NYID YIN PAR BSTAN PAS RTOGS PAR NUS PA'I PHYIR RTOG PA MED PA GCIG BUS MNGON SUM STON PAR MDZAD DO, ,'DI LTAR, DNGOS PO MI 'DZIN PHYIR RNAM RTOG ,MNGON SUM LTAR SNANG ZHES BYA BAR 'BREL TO, ,SLU BAR BYED PA'I PHYIR 'KHRUL PA MNGON SUM LTAR SNANG BA ZHES BYA'O, ,DBANG SKYES KYANG ZHES BYA BAS NI RTOG PA MED KYANG MNGON SUM MA YIN NO ZHES BSTAN TO, ,DE LA GZHAN LAS KHYAD MED PHYIR, DBANG PO LAS SKYES PA'I BSLAD PA GANG ZHIG BSLAD PA DE LAS GZHAN PA'I DBANG PO LAS SKYES PA MA BSLAD PA LAS BYE BRAG MED PA'I PHYIR RO, ,DBANG PO LAS SKYES PA NYID DU BSTAN PAR BZHED BA DE NYID KYI PHYIR 'KHRUL PA RNAMS STON PA NA DRAN DANG MNGON BRJOD CES BYA BAS BAR DU BCAD NAS 'KHRUL PA DANG RAB RIB ZLA BA GNYIS SU SNANG BA DAG BSTAN PAR MDZAD DE, 'DI NI DBANG PO LAS SKYES PA YIN ZHES DMIGS KYIS BSAL BA DANG BCAS PAR 'KHRUL PA BSTAN PA'I DON DU GSUNGS SO, ,BSTAN BCOS KYI PHYOGS GZHAN DU SLOB DPON GYIS MIG LA SOGS PA'I RDUL PHRA RAB RNAMS 'KHRUL PA ZLA BA GNYIS PAR SNANG BA DANG, MA 'KHRUL PA SNGON POR SNANG BA'I DPE'O, ,DE LTAR MNGON SUM GYI RAB TU DBYE BA BSHAD NAS TSAD MA'I 'BRAS BU'I RAB TU BYED PA BSHAD PAR RTZOM STE, YUL BRTAG PA NI SNGAR MNGON SUM DANG LKOG TU GYUR PA DAG GI DBYE BAS KYANG BSTAN LA, LE'U GNYIS PA NAS KYANG STON PAR 'GYUR RO, ,YANG ZHES BYA BA NI TSAD MA SPYI'I RAB TU BYED PA DANG MNGON SUM GYI RAB TU BYED PA DAG BSDU BA'O, ,TSAD MA'I MTSAN NYID GANG LAS TSAD MA 'DI'I GZHAL BAR BYA BA RTOGS PA DANG BAR CHAD MED BA STE, TSAD MA GANG YOD BA TZAM GYIS GZHAL PAR BYA BA RTOGS PA DE NYID 'THOB PA'O, ,DE NYID GANG ZHE NA, DE LA ZHES BYA BA SMOS TE, TSAD MA ZHES BYA BSTAN PA DE LA'O, ,'DI NI SNGON PO RTOGS BA'O ZHES DON DANG SHES PA DAG SO SOR NGES PA'I 'BREL PA BYED BA'O, ,GAL TE DBANG PO DANG RTAGS DAG KYANG RTOGS PAR BYED PA NYID MA YIN NAM ZHE NA, BYA BA SGRUB PAR BYED PA'I PHYIR TE ZHES BYA BA LA SOGS PA SMOS TE, TSAD MA NYID NI BYED PA'I DON NYID YIN NA GANG LA BYA BA DANG, GANG LAS 'ONGS PA DANG GANG GI PHYIR ZHES @196B BYA BA KUN KYANG BYA BA SGRUB PAR BYED PA NYID YIN MOD KYI BYED PA NYID NI MA YIN GYI, 'ON KYANG 'BRAS BU GANG BYED PA GANG YOD PA TZAM LAS YIN PA DE BYED PA NYID YIN NO, ,DE LTAR NA DBANG PO LA SOGS PA YOD PA TZAM GYIS GZHAL BAR BYA BA RTOGS PA MI 'GRUB KYI, DON DANG 'DRA BA GANG YOD PA TZAM GYIS SO, ,GAL TE 'DRA BA MED KYANG DON RIG PA NYID TSAD MA YIN NO ZHE NA, NYAMS SU MYONG BA TZAM NI ZHES SMOS TE, DON NI DON GANG DANG YANG YUL DANG YUL CAN NYID DU 'BREL BA'I RGYU MTSAN MED PA NYID DU 'DRA BA'I BDAG NYID YIN PA'I PHYIR, LAS DANG BYED PA'I RANG BZHIN GZHAG PAR MI RUNG BAS DON DANG 'DRA BA GANG YANG YUL 'DI'I SHES PA 'DI'O ZHES 'DRA BA DES YUL DANG YUL CAN SO SOR NGES PA'I LAS DANG BYED PA RNAM PAR 'BYED PA STE, DE YANG DON RTOGS PA'I BDAG NYID DU GYUR PA YIN NO, ,SOGS PA'I SGRAS NI DON LA LTA BA DANG, BYE BRAG TU BYED PA'I SHES PA LA SOGS PA GZUNG NGO, ,DE DAG YOD KYANG SHES PA LAS GZHAN DU GYUR PA'I LAS DE YUL DE DAG GIS SHAS PA'I BDAG NYAD LAS GZHAN LA YIN PA DON RTOGS PA'I RANG BZHIN GYI BYA BA'I BYE BRAG 'DI SNGON PO RTOGS PA NYID DO ZHES NGES PAR NUS PA MA YIN NO, ,TSAD MA NI BYED PA PO'I DON NYID KYIS YIN ZHING, BYED PA PO'I YANG BYA BA'I RGYU MTSAN GYIS BYED PA PO'I DE KHO NA NYID YIN LA, DBANG PO LA SOGS PA SHES PA'I BDAG NYID MA YIN PA DE LAS KYANG SHES PA 'DIS SNGON PO RTOGS SO ZHES BYA BA DE'I BYE BRAG MI 'GRUB PA'I PHYIR RO, ,GAL TE DE'I BYE BRAG MED KYANG DBANG PO LA SOGS PA LAS SHES PA GSAL BA LA SOGS PA'I BYE BRAG YOD DO ZHE NA, GSAL BA LA SOGS PA'I BYE BRAG YOD KYANG LAS DANG BYED PA'I YAN LAG MA YIN PAS NA SHES PA DES BYED PA PO'I 'GRUB PA MA YIN PA'I PHYIR DE DAG TSAD MA NYID MA YIN NO, ,YUL 'DI SHES PA 'DI'I LAS SU NGES PAR 'GRUB PAR BYED PA DE TSAD MA NYID YIN NO, ,DE YANG GANG ZHE NA; SHES PA LA ZHES BYA BA SMOS TE, DON DANG 'DRA BA 'DI LAS GZHAN MI SRID DE, DON DANG MI 'DRA NA DE RTOGS PAR MI RUNG BA'I PHYIR RO, ,GAL TE DBANG PO LA SOGS PA'I DBANG GIS SHES PA GSAL BA LA SOGS PA YOD DO ZHE NA, DBANG PO LA SOGS PA'I G-YENG BA DANG ZHES BYA BA LA SOGS PA @197A *, ,SMOS SO, ,DBANG PO LA SOGS PA DE DON 'DI'I RTOGS PA NI 'DI'O ZHES LAS DANG BYED PA'I 'BREL PA 'GRUB PA'I RGYU MA YIN PA'I PHYIR NYE BA'I RGYU MED PA'O, ,GAL TE RNAM PA MED PAR SMRA BA DAG DON GYI RNAM PA MED KYANG DON GYI BYE BRAG GIS BYAS PA STE, BSKYED PA'I SHES PA'I RANG BZHIN GYI BYE BRAG LAS LAS DANG BYED PA'I 'BREL BA 'DI RTOGS KYI 'DRA BA LAS NI MA YIN NO ZHE NA, CI STE SHES PA'I BYE BRAG DE'I MTSAN NYID MI STON TE BSTAN PAR BYOS SHIG ,GAL TE MYONG PA'I BYE BRAG DE 'DI'O ZHES BSTAN PAR MI NUS SO ZHE NA, RANG NYID KYIS KYANG ZHES BYA BA LA SOGS PA SMOS SO; ,DON GYI RNAM PA LAS GZHAN PA'I SGRUB BYED GZHAN YIN TE, DBANG PO LA SOGS BA DON GYI RNAM PA MA YIN BA DAG LAS SO, ,LAS NI YUL LO, 'BREL PA'I YUL NI 'DI'I RTOGS PA NI SHES PA 'DI'I SHES SO, ,'BREL PA DON GYI RNAM PA DE YANG DON DE SHES PA'I BDAG NYID DU GYUR PA NYID DO, ,DE'I PHYIR DON GYI RNAM PA DE LAS DON GZHAN TSAD MA'I 'BRAS BU MIN, 'BRAS BU'I BDAG NYID DANG TSAD MA'I BDAG NYID GCIG PA DE'I PHYIR 'BRAS BU'I BDAG NYID DU GYUR PA'I 'DZIN PA STE, TSAD MA DE YANG RANG GI YUL LA BYED PA DANG BCAS PA'I PHYIR BYED PA PO NYID DO, ,CI ZHIG CE NA; DON RTOGS PA'I BDAG NYID KYIS DE'I YUL DE RTOGS PAR BYED PA'I PHYIR RO, ,LTA BU ZHES BYA BA'I SGRAS NI JI LTAR 'JIG RTEN NA GRAGS PA RTZVA'I RGYUN DANG, DE GCOD PA'I ZOR BA DANG, DE DUM BU GNYIS SU BYED PA DANG 'BRAS BU DAG THA DAD PA'I BDAG NYID MED KYANG BYED PA DANG 'BRAS BUR SNANG BAS NA, BYED PA ZHES GZHAG GO ZHES STON TO, ,DE NYID BSHAD PA NI RANG GIS TE, DNGOS PO'I NGO BO NYID KYIS 'BRAS BU DANG BYED PA THA DAD PA BYED PA CAN MA YIN YANG DON GYI RNAM PA DE'I DBANG GIS 'BRAS BU DE RNAM PAR GZHAG PA'I PHYIR RO, ,BAR CHAD MED PA NI GANG ZHIG YOD PA TZAM GYIS DON RTOGS PA NYID DU GNAS PA'O, ,DBANG PO LA SOGS PA LA DE MED PA'I PHYIR YUL RTOGS PA'I RGYUR GYUR PA'I BYED PA PO KHYAD PAR CAN DE NYE BA'I RGYUR MI 'GRUB PA'I PHYIR RO, ,GAL TE DBANG PO LA SOGS PAS RTOGS PA DE LA SBYOR TE DE DAG MED NA DE YANG MED PA'I PHYIR RO ZHE NA, @197B THAMS CAD CES BYA BA LA SOGS PA SMOS TE, DBANG PO LA SOGS PA YOD KYANG DON 'DI RTOGS PA NI 'DI'O ZHES SHES PA LA BYE BRAG MED PA'O, ,GANG GIS RTOGS PA 'DI'I YUL SNGON PO STE GZHAN NI ZHES SHES PA DANG, DON SO SOR BYE BRAG TU 'BYED PA LA BYED PA PO ZHES BRJOD DO, ,BA LANG GI RDZAS NI BYE BRAG TU BYA BA'O, ,BA LANG NYID DANG, 'GRO BA NYID DANG, DKAR PO NYID BYE BRAG TU BYED PA'O, ,DE LA BYE BRAG TU BYED PA'I SHES PA TSAD MA NYID DU 'DOD PA DAG LA YANG YUL GYIS BYA BA'I BYE BRAG YUL GYI RNAM PA MED NA RTOGS PA SGRUB PAR BYED PA MA YIN PA NYID DU 'BRAS BUR 'DOD PA LA BA LANG GI RDZAS LA DMIGS PA'I SHES PA DANG, BYE BRAG MED PA'I PHYIR TSAD MA DANG 'BRAS BU'I RNAM PAR GZHAG PA MI 'GRUB PA'I PHYIR TSAD MA NYID MA YIN NO, ,BYA BA 'BRAS BU'I RDZAS KYI YUL CAN DANG, BYED PA TSAD MA RIGS LA SOGS PA'I YUL CAN DAG YUL THA DAD PAR YANG 'GAL BA'I PHYIR TE; TSAD MAS YUL DU MA BYAS PA RTOGS PAR MI RIGS PA'I PHYIR RO, ,BYE BRAG MED PA 'GA' ZHIG TU MA ZAD DO ZHES BYA BA NI YANG GI SGRA'I DON TO, ,YUL THA MI DAD PA NYID NA YANG TSAD MAR 'DOD PA'I SHES PA NYID KYIS DE RTOGS ZIN PA'I PHYIR 'BRAS BU GNYIS PA DON MED DO, ,DON MED PA 'BA' ZHIG TU MA ZAD KYI DON DE NYID KYIS BSKYED PA'I SHES PA RIM GYIS 'BYUNG BA YANG RGYU MTSAN THA MI DAD PA'I PHYIR BKAG PA YIN NO, ,GAL TE BYE BRAG TU BYED PA DANG BYA BA'I SHES PA DAG DUS GCIG TU GYUR NA DON MED PAR MA ZAD KYI YANG SGRUB PAR BYED PA STE, SKYED PAR BYED PA DANG, BSGRUB PAR BYA BA STE, BSKYED PAR BYA BAR MI 'GYUR RO, ,GAL TE SHES PA'I DON DANG 'DRA BA NYID DANG, DE RTOGS PA DAG KYANG DUS GCIG PA'I PHYIR SKYON DER 'GYUR RO ZHE NA, SHES PA'I CHA SHAS DAG NI ZHES BYA BA LA SOGS PA SMOS SO, ,GAL TE CHOS KYI BYE BRAG YOD KYANG DNGOS POR GYUR PA'I BYE BRAG MED PA'I PHYIR MI RUNG NGO ZHE NA, DNGOS PO THA DAD PA MED KYANG NUS PA'I BYE BRAG GIS THA DAD PA DPER NA MAR ME RANG GSAL BAR BYED DO ZHES RNAM PAR GZHAG PA MTHONG BA'I YANG PHYIR TE, DPE YANG GRUB PO ZHES BYA BA'I DON TO, ,GAL TE DNGOS POR GYUR BA'I THA DAD PA MED PA'I PHYIR RNAM PAR GZHAG PA YANG MI @198A *, ,SRID DO ZHE NA, THA DAD PA 'DI ZHES BYA BA SMOS TE, BYED PA DANG BYA BA'I THA SNYAD 'DI'O, ,DE YANG BYA BA DE NYID BYED PA POR BRJOD CES BYA BA 'DOD BA'I PHYIR RO, ,BUM PA'I GZUGS DANG RO LA SOGS PA THAMS CAD NYE YANG, GZUGS SAM RO LA SOGS PA 'GA' ZHIG KHO NA RTOGS TE; DES NA NYE BA LA BYE BRAG MED KYANG GZUGS SAM RO KHO NA RTOGS PA'I BYE BRAG DE'I BLO'I SO SOR SNANG BA STE, DON GYI RNAM PA NYID KYIS BYAS PAS DE KHO NA TSAD MAR RIGS TE, RTOGS PA'I SGRUB PAR BYED PA YIN PA'I PHYIR RO, ,DE LTAR PHYI ROL GYI DON YOD PAR SMRA BA'I LUGS LA BRTEN TE BSHAD NAS RNAM PAR SHES PAR SMRA BA'I LUGS BSTAN PAR BZHED NAS 'DI LTAR ZHES BYA BA LA SOGS PA GSUNGS TE, TSAD MA'I 'BRAS BU RTOGS PA NYID YOD MOD KYI 'ON KYANG DON RTOGS PA ZHES BYA BA LA 'DI CI ZHIG CES 'DRI BA BRTZAMS SO, ,DON LA SKYES PA DANG DON 'DRA BDAG LAS MYONG BAR GZHAG GO, ,BUM PA'I RNAM PA CAN DU 'DRA BAS YUL MTSUNGS PA'I 'DAS MA THAG PA'I SHES PA STE, MTSUNGS PA DE MA THAG PA'I SHES PA YUL 'DRA BA CAN YANG RIGS PA NYID DU THAL BAR 'GYUR RO, ,GAL TE DE LTA NA 'DI NYAMS SU MYONG NGO ZHES BYA BA 'DI CI ZHIG STE DE MED PAR 'GYUR RO ZHE NA, DON DE NYID RJES SU STE KHYOD KYIS PHYI ROL 'DI'I ZHES BSGRUBS NA KHO BOS KYANG DON RTOGS KYI DE LTA MA YIN NA TSAD MA KHO BOS MA MTHONG NGO ZHES STON TO, ,MNGON SUM GYIS MTHONG BA DANG THOS PA DAG LAS DE'I RJES SU BYED PA'I NGES PA'I SHES PA DAG TU 'GYUR LA DE LTAR 'GRUB PA DE DAG DON DE NYAMS SU MYONG BA'O ZHE NA, 'DI BLTAS SO 'DI MNYAN NO ZHES BYA BA DE DAG NYID RGYU JI LTAR NA SHES PA DE DON DE'I MTHONG PA YIN NO ZHES DON DANG SHES PA 'BREL PAR BYED PA'I RGYU 'DIR DPYOD PA MA YIN NAM, GAL TE 'DIR DPYAD PAR CI DGOS SHE NA, DON DE DAG MTHONG PA RNAM PAR GZHAG PA NI DON DE DAG SHES PA'I 'BREL PA BRTEN NAS RNAM PAR NGES TE, 'BREL PA DE MED NA NI 'DI BLTAS 'DI MNYAN TO ZHES BYA BA DER MI 'GYUR TE, 'BREL PA MED PA DAG KYANG DE DAG TU THAL BAR 'GYUR BA'I PHYIR RO, ,DON YOD PA MA YIN PAR BSAMS TE RNAM PAR DPYAD NAS, DA NI DON YOD KYANG BLO LA DE DANG 'DRA BA NYID MED DO ZHES BSTAN PA'I PHYIR SHES PA'I @198B YUL DANG 'DRA BA YANG MA YIN TE ZHES SMOS TE, DANG PO RANG GI SDE PA'I LUGS DPYAD PA'I PHYIR DE'I SNANG BA NI ZHES BYA BA LA SOGS PA SMOS SO, ,BLO'I SNANG BA'O, ,PHYI ROL PA'I LUGS DPYAD PA'I PHYIR YUL LA ZHES BYA BA LA SOGS TE, GAL TE BLO LA RAGS PAR SNANG BA NYID DON GYI RNAM PA YIN TE, YUL LA YAN LAG CAN RAGS PA GCIG YOD PA'I PHYIR RO ZHE NA, YUL LA RAGS PA GCIG TU RTOGS PAR 'GYUR BA DE LTA BU NI MED DO, ,YUL RAGS PA GCIG NYID YOD NA LAGS PA 'AM, RKANG PA LA SOGS PA GCIG G-YO BAS LUS THAMS CAD G-YO BAR 'GYUR TE, G-YO BA DE NYID LAS GZHAN MA YIN PA'I PHYIR RO, ,GOS KHRUS MKHAN GYI DBYUG BA LAS BRGYANG BA LAS CHUS KHRU BA NA GOS NI GNAS LA CHU NI MI GNAS PAR 'DZAG PA BZHIN NO, ,YANG NA PHYOGS GCIG MA BSGRIBS NA YANG THA DAD PA MED PA'I PHYIR, GANG LA YANG MA BSGRIBS PA'I PHYIR RO, ,GAL TE CHA SHAS LAG PA LA SOGS PA BSGRIBS KYI CHA SHAS CAN LUS NI MA BSGRIBS SO ZHE NA, LUS 'DI NI SNGON DU MA BSGRIBS BA BZHIN DU NA'O, ,GAL TE CHA SHAS 'DI THAMS CAD KYI SGO NAS CHA SHAS CAN MTHONG BA'I PHYIR GCIG NYID YIN PA'I PHYIR RO, ,GAL TE CHA SHAS THAMS CAD MTHONG BA LA RAG LAS NA LAG PA LA SOGS PA CHA SHAS RNAMS KYANG DE'I PHYI ROL DANG DBUS MTHA' DAG CIG CAR MTHONG BAR MI NUS PA'I PHYIR CHA SHAS CAN 'DI THAMS CAD DU MI MTHONG BAR RO, ,GCIG NYID KYI PHYIR CUNG ZAD KHA BSGYUR NA THAMS CAD KHA BSGYUR BA 'AM CUNG ZAD KHA MA BSGYUR NA YANG THAMS CAD KHA MA BSGYUR BAR RTOGS BAR THAL BAR 'GYUR RO, ,DON DANG BLO LA 'DRA BA CUNG ZAD KYANG MED PA DE NYID KYI PHYIR BLO LAS GZHAN DON MYONG BA YOD MIN LA BLO NYID MYONG BA YIN NO, ,BLO DE MYONG BA YANG BLO GZHAN NI MA YIN GYI, ,BLO DE'I MYONG BA BLO DE'I BDAG NYID KHO NA STE, THAMS CAD DU GZUNG BA DANG 'DZIN PA MI LDAN TE MED PA'I PHYIR RO; ,DE'I PHYIR, BLO 'DI 'DI LTAR RANG GIS RANG GSAL BYED, ,'DRA BA MED PA DANG DE LAS BYUNG BA DANG, DE 'DRA BA YANG 'KHRUL PA DANG YUL DANG 'DRA BA LAS GZHAN GYIS KYANG 'DZIN PAR MI RIGS PA DAG GIS YUL GYI MTSAN NYID GSAL BA'I PHYIR DON 'GA' YANG NYAMS SU MYONG BA MED LA, BLO @199A *, ,'DI YANG RANG LAS GZHAN 'GA' YANG NYAMS SU MYONG BA MA YIN TE, BLO GZHAN DE LA YANG GZUNG BA DANG 'DZIN PA'I MTSAN NYID DANG MI LDAN PA'I PHYIR RO, ,MAR ME LA SOGS PA'I GSAL BA'I DNGOS POS RANG GSAL BAR BYED PA BZHIN NO, ,GAL TE DE LTA NA SNGON PO MYONG BA ZHES BYA BA'I DRUG PA JI LTAR 'THAD CE NA, SNGON PO LA SOGS PA ZHES GSUNGS TE, SNGON PO RANG BZHIN DE NYID NYAMS SU MYONG BA YIN PA'I PHYIR SNGON PO YANG DE YIN LA MYONG BA YANG DE YIN PAS SNGON PO MYONG BA STE, AUTPALA SNGON PO BZHIN NO, ,GAL TE YUL MED NA BLANG BA DANG DOR BA DAG MED PAR 'GYUR RO ZHE NA, GANG GI TSE 'DOD PA DANG MI 'DOD PA'I RNAM PAR NYAMS SU MYONG BAS ZHES BYA BA LA SOGS PA SMOS SO, ,RANG RIG PA KHO NAS TE, BLO RANG GI RNAM PA MYONG BA KHO NAS DON RTOGS PA RDZOGS PAR 'GYUR BAS RANG GI RNAM PAR MYONG BA DE KHO NAR 'BRAS BUR RIG PA'O; ,GAL TE DON DE RANG NYID KYIS JI LTAR RNAM PAR GNAS PA RTOGS PAR 'GYUR NA, DON GCIG LA SHES PA THAMS CAD 'DOD PA GCIG NYID DU NGES PAR 'GYUR GYI, SKYES BU'I BYE BRAG GIS SNA TSOGS SU MYONG BAR MI 'GYUR TE, DON GCIG LA SNA TSOGS NYID 'GAL BA'I PHYIR RO, , GAL TE GCIG TU NGES SO ZHE NA, RNAM PA NI SNA TSOGS SU ZHES BYA BA LA SOGS PA GSUNGS SO, ,SROG CHAGS KYI BYE BRAG GIS DBANG PO'I BDE BA SDUG BSNGAL NYID DU SKYE BA'I PHYIR TE, LUS DANG LCES REG PA TZAM GYIS 'DOD BA DANG LEN PA'I PHYIR RO, ,DON MTHUN PAR 'DZIN PA MA YIN PA DE'I PHYIR RANG GI RNAM PAR RIG PA'I RANG RIG PA'I BDAG NYID KHO NA DON RTOGS PA YIN NO, ,RTOGS PA DE'I SGRUB PAR BYED PA STE, TSAD MA YANG YUL GYI RNAM BA NYID YIN TE, RNAM PA DE'I SGO NAS RANG RIGS PAR GZHAG PA'I MTSAN NYID YIN PA'I PHYIR TE, RNAM PA JI LTAR SNANG PA LTAR SHES PA 'DI'I RNAM PAR GZHAG PA'I PHYIR YIN GYI, PHYI ROL GYI DON GYI DBANG GIS NI MA YIN TE, DE LA 'DOD PA DANG MI 'DOD PA SNA TSOGS 'GAL BA'I PHYIR RO, ,DE LTAR NA RTOGS PA 'DI RANG RIG PA YIN YANG PHYI ROL LAS SKYES PA'I PHYIR DE'I 'BRAS BU YIN PAS NA DON RIG PAR BLTA BAR BYA'O, ,RNAM PA DANG @199B RTOGS PA GNYI GA'ANG DON GYI 'BRAS BU DE NYID KYI PHYIR TSAD MA DANG 'BRAS BU DAG YUL THA MI DAD DO, ,DE LTAR PHYI'I DON KHAS BLANGS NAS TSAD MA LA SOGS BA SMRAS KYI, DON DAM PA'I RANG BZHIN SEMS PA NA, DON MI RIGS PAR SNGAR BSGRUBS PA'I PHYIR, DON RIG BLO DE'I BDAG NYID YIN PA'I PHYIR RO; ,RANG NYID RIG PA SNGON PO LA SOGS PA DE LTAR RAB TU SNANG BA'I SHES PA SNGON PO DE 'DRA BA'AM, DE LAS GZHAN TE SNGON PO MA YIN BA DE 'DRA BA'AM STE, SNGON PO MED PAR RANG NYID NANG GI BYED PA DE LTAR SNANG BA YANG RUNG BA'O, ,YANG 'DOD PA DANG MI 'DOD PA DAG PHYI ROL LA MED KYANG SHES PA 'DOD PA DANG MI 'DOD PAR SNANG BA'I PHYIR DON DANG MI 'DRA'I SHES PA DE SNANG BA NI DON LAS GZHAN 'DRA BA'O, ,DON DANG 'DRA BA NYID MED KYANG 'ON KYANG SHES PA DE SKYED PA'I RGYU'I DON PHYI ROL DE YANG DE'I DON DU 'DOD BA YIN TE, KHAS BLANGS PAS GZHAL BYA STE YUL DU GZHAG PA YIN NO, ,GAL TE SHES PA 'DRA BAR NGES PAR MI 'DOD NA RGYU TZAM GYIS JI LTAR SHES PA DES DON GZUNG BAR 'GRUB CE NA, BDEN ZHES BYA BA SMOS TE 'DRA BA MED PAS NA DON GZUNG BA ZHES BYA BAR MI 'GYUR BA DE NI BDEN TE DON GZUNG BA ZHES BYA BAR SGRUB PAR BYED PA MED LA, DE LA GNOD PAR BYED BA NI SNGAR BSTAN PA'I PHYIR DANG 'OG NAS KYANG STON PAR 'GYUR BAS, DON GZUNG BA ZHES BYA BA 'DI 'DRA BDAG LA'ANG SHES PA MED DE, 'ON KYANG RANG NYID RIG PA ZHES BYA BAR TSAD MAS GNAS SO ZHES BYA BA'I DON TO, ,GAL TE YUL KHO NA'I RNAM PA 'GA' ZHIG NANG DU STE, BLO LA YONGS SU GCOD DE RTOGS PA NA YANG RNAM PA DE RANG GIS RIG PAR SKYE BAS NA YUL DANG RTOGS BA DANG TSAD MA DAG NYE BAR MTSON PA STE NGO SHES PAR 'GYUR RO, ,DE LA YANG PHYI ROL GYI DON MED KYANG, TSAD MA'I GZHAL BYA 'BRAS BU YI, ,RNAM GZHAG LOG BAS DE BSLAD PAS, ,GZUNG DANG 'DZIN DANG NYAMS MYONG ZHES, ,DBYE BA RTOGS PAS MTSON DE SHES PAR 'GYUR BA'O, ,GZUNG BA DANG NI GZHAL BYA'O, ,'DZIN PA NI 'JAL BYED DO, ,RIG BA NI 'BRAS BU'O, ,DE DAG NI 'KHRUL BAS JI LTAR MTHONG BA BZHIN DU BYAS TE, 'KHRUL BA LAS GZHAN DU YANG DAG PAR NA RANG RIG PA'I DNGOS PO GCIG CIG LA GZUNG BA @200A *, ,DANG 'DZIN PA DANG RIG PA MTSAN NYID THA DAD PAR RTOGS PA, JI LTAR BDEN PA'I RNAM PA YIN, ,DE BDEN NA SHES PA GCIG PA NYID NI NYAMS PAR 'GYUR RO, ,SHES PA DE GCIG NYID YIN NA GZHAN RNAM PA DE'I GZHAN DE DUM NYID KYANG NYAMS PAR 'GYUR RO, ,GAL TE RNAM PA RNAMS KYIS DBEN PA'I SHES PA GCIG YOD DO ZHEN, DE NI MED DO, ,GCIG GI BDAG NYID MA MTHONG PHYIR, ,DE NAM YANG MYONG BA MED DO, ,DE LTA BAS NA GCIG PA NYID DU GZHAG PA'I RGYU TSAD MAS BDAG NYID THA MI DAD PAR MTHONG NA GDOD BLO YIS THA MI DAD PAR RTOGS KYI, GZHAN DU MA YIN PA'I PHYIR RNAM PAS DBEN PA'I SHES PA GCIG PU NYID NI KHAS MI BLANG NGO, ,DE LTAR RNAM PA DANG BCAS PA DANG, RNAM PA MED PA GNYI GA YANG MI 'THAD PA'I PHYIR RNAM PAR SHES PA SMRA BA YANG MI GNAS PAS NGO BO NYID MED PAR 'JUG PA'I PHYIR, GANG GIS DNGOS PO RNAM DPYAD NA DE'I ZHES BYA BA LA SOGS PA GSUNGS SO, ,GAL TE 'KHRUL PA'I RGYU CHOS MTHUN PA MTHONG BA DANG, YUL MI GSAL BA LA SOGS PA PHYI ROL GYI RGYU LA LTOS NAS 'KHRUL PAR 'GYUR TE, DNGUL G-YA' DKAR PO YOD PA DANG 'DRA BA MTHONG NAS NYA PHYIS LA 'KHRUL PA LTA BU'O, ,PHYI'I RGYU MED NA NI YUL MED PA'I 'KHRUL PA MED NA, SHES PA RANG RIG PA GCIG PU 'DI LA CHOS MTHUN PA MTHONG BA DE, SHES PA GCIG PU NYID GANG LA YANG GZUNG BA LA SOGS PA'I BYE BRAG DANG 'DRA BA DE DAG TU GNAS PA MED PAS, 'GRO BAS THA NGAD PA DER MTHONG BA MED PA'I PHYIR THA DAD PAR 'KHRUL PA MI SRID DO ZHE NA, 'DI YANG YIN MOD KYI ZHES BYA BA LA SOGS PA SMOS SO, ,GAL TE TSAD MA LA SOGS PA'I ZHES BYA BA 'DRI BA 'DI NI SNGAR GSAL ZIN MOD KYI, LAN GZHAN BSTAN PA'I PHYIR YANG NYE BAR BKOD DO, ,ZLA BA GNYIS PA LA SOGS PAS NI SKRA SHAD LA SOGS PA'O, ,SNGON PO DANG, DE SHES PA DANG, ZLA BA GNYIS PA DANG, DE SHES PA 'DI DAG LAS RNAM PA GCIG MI DMIGS NA GZHAN DMIGS PA YOD PA MA YIN NO, ,DE LTAR LHAN CIG DMIGS PAR NGES PA DE RANG BZHIN THA DAD PA LA RIGS PA MA YIN TE 'BREL PA MED PA'I PHYIR RO, ,GAL TE GZUGS DANG SNANG BDAG @200B 'BREL PA MED LA LHAN CIG DMIGS PAR NGES PA YANG YOD DO ZHE NA, GZUGS DANG SNANG BA DAG NI GZUGS SHES PA DE SKYED PA LA LHAN CIG BYED PAS NUS PA 'THOB PA'I MTSAN NYID KYI 'BREL PA YOD DO, ,SNANG BAS MIG GI DBANG PO'I NUS PA SKYE BA'I MTSAN NYID YOD PA'I PHYIR SNANG BA MED NA GZUGS DMIGS PAR MI 'GYUR TE, DE'I PHYIR 'BRAS BU GZUGS DMIGS PA LA RGYU SNANG BA MI 'KHRUL PA'I PHYIR LHAN CIG DMIGS PA NGES SO, ,DE NYID SNANG BA DANG GZUGS DAG CES BYA BA SMOS TE, GZUGS DANG SNANG BA DANG LHAN CIG PA NYID GZUNG BA'I MTSAN NYID DU 'GYUR GYI, LHAN CIG MA YIN PA NI MI 'GYUR RO, ,YANG NA DE DAG LHAN CIG DMIGS PAR NGES PA NYID MA YIN TE, GZUGS MED PA'I SNANG BA'I NAM MKHA' 'BA' ZHIG MTHONG BA'I PHYIR DANG, BYI LA SOGS PA SROG CHAGS KYI BYE BRAG GIS MUN BA NA YANG GZUGS LA DMIGS PA'I PHYIR RO, ,LHAN CIG DMIGS PAR NGES PA NYID MA GRUB PAR 'DOD PAS GAL TE ZHES BYA BA SMOS TE, SHES PA'I RGYU YIN PA'I PHYIR DUS SNGA MA YIN PAS YUL NI SNGAR DMIGS LA, YUL DE NI YANG DAG PAR MYONG BA'I SHES PA NI PHYIS DMIGS SO ZHE NA, DMIGS PAR BYED PAS DMIGS PA STE SHES PA'O, ,DE YUL DMIGS PA'I DUS NA RANG RIG PA'I MNGON SUM MA YIN NA, YUL DE MTHONG BA YANG RAB TU MI 'GRUB PO, ,YUL MTHONG BA NI MA YIN GYI YUL YOD PA TZAM GYIS SO ZHE NA, YUL YOD PA TZAM GYIS YUL LA SHES PAS DMIGS PA NI MA YIN NO, ,'ON KYANG YUL DE LA DMIGS PA'I SHES PA YOD PAS SO, ,SHES PA DE YANG RANG RIG PA'I TSAD MAS GRUB PA MA YIN PAS BDEN PA'I RGYU MTSAN CAN TE, TSAD MA'I RGYU CAN GYI YUL DMIGS PA'I THA SNYAD MI 'GRUB BO, ,SHES PA DE MA GRUB NA DE YUL YANG YOD PAR MI 'GRUB STE, MI RTOGS PA'I PHYIR 'GRO BA'I BYE BRAG SNA TSOGS NI NUS PAR TE MI RTOGS PAR 'GYUR RO, ,GAL TE YUL DMIGS PA'I SHES PA PHYIS BYUNG BA GZHAN GYIS YANG DAG PAR MYONG NGO ZHE NA, DE LTA NA YUL DE JI SRID BDAG NYID DMIGS PA STE, RANG GI RNAM PAR SHES PAS GZUNG @201A *, ,BAR RUNG BA'I TSE NA MI 'GRUB STE, RANG GI SHES PA GRUB PA MA YIN PA'I PHYIR DANG, SHES PA PHYI MAS YUL LAS GZHAN DE'I SHES PA'I TSE NI YUL DE RTOGS PA 'GRUB PAS, YUL RANG DMIGS KYANG YUL DE MA 'GRUB LA, DE LAS GZHAN SHES PA DMIGS PA'I TSE NI MA 'GRUB PAS; RANG DMIGS PA NA NI MI RTOGS LA GZHAN DMIGS PA'I TSE RTOGS SO ZHES BYA BA PHYIN CI LOG GO, ,SHES PA GZHAN GYIS MYONG BA KHAS BLANGS TE BSHAD NAS, DA NI GZHAN GYIS MYONG BA NYID BKAG PA'I PHYIR YANG DAG PAR MYONG BA GZHAN ZHES BYA BA SMOS TE, RANG RIG PA KHAS MI LEN NA SHES PA DE PHYI MA DE YANG MI DMIGS PA NYID YIN PAS DE YANG RANG GIS MI 'GRUB PAS, RANG YANG DAG PAR MYONG BSGRUB PAR BYED PA MA YIN PA'I PHYIR, RANG RTOGS PAR BYA BA'I PHYIR DMIGS PA GZHAN GYI RJES SU 'BRANG BA STE, DE YANG LTOS PAR 'GYUR RO, ,DMIGS PA GSUM PA DE YANG GZHAN GYI RJES SU 'BRANG BA'I RIM GYIS DMIGS PA'I MTHA' RTOGS PA'O, ,SHES PA RANG RIG PA YIN NA, DE NYID KYI YUL YANG RIG PA DES NA SHES PA DANG DE YUL LHAN CIG DMIGS PA NGES PA 'GRUB STE, YUL DANG SHES PA GCIG NYID YIN PA'I PHYIR DE 'GRUB PA NYID KYIS DE YANG GRUB PA'I PHYIR RIM GYIS DMIGS BAR BYED BA 'GAL BA'I PHYIR RO, ,DE GRUB PAS GRUB PA YANG DE DAG BYE BRAG MED PA'I PHYIR RO, ,DE LTAR NA RIG PAR BYA BA MED PA'I PHYIR YANG DAG PAR RIG PA NYID DU MI 'GYUR RO ZHE NA, YANG DAG PAR RIG PA ZHES BYA BA YANG YANG DAG PAR RIG PA DE'I BDAG NYID YIN PAS NA RANG DE LTAR GSAL BA'O, ,GSAL BA DE RANG LAS GZHAN GANG GI YANG GSAL BYED MA YIN TE, DE'I RIG PA'I CHA'I BDAG NYID RIG PA BZHIN NO, ,RIG PA'I CHA DE LAS KYANG SNGON PO'I CHA DE DON GZHAN YIN PAR RIG PA MA YIN NO, ,SNGON PO LA SOGS PA SHES PA DE'I BDAG NYID DU GYUR PAS DE LTAR GSAL BA NA'O, ,YANG 'KHRUL PAS GNYIS SU RIG PA'I PHYIR RANG DANG GZHAN GYI BDAG NYID GSAL BAR BYED PA YIN TE MAR ME BZHIN NO, ,GZHAN YANG GSAL BAR BYED PA DE'I PHYIR YUL 'DZIN PA YANG YIN LA, RNAM PA YANG YIN PAS 'DZIN PA'I RNAM PA STE, DES YANG DAG @201B PAR MYONG BA SGRUB PAR BYED PA 'DOD DO, ,YUL GYI RNAM PA DE LAS YUL MYONG BA'I NGO BO DE RNAM PAR GZHAG PA'I PHYIR TE, YUL DANG 'DRA BA MED NA SHES PAS DE MYONG BA MI RUNG BA'I PHYIR RO, ,YUL DANG DE'I TSAD MA BSTAN PA DE LA 'DOD CHAGS LA SOGS PA RIG PA RNAMS NI, RANG NYID YUL LA TSAD MA NYID RNAM GZHAG DE NI RANG RIG PA THAMS CAD LA KUN DU SBYAR RO, ,RANG RIG PA DE LA YANG MYONG BA'I BDAG NYID YIN PA'I PHYIR, DE BDAG NYID RIG PAR NUS PA YIN PHYIR DE'I NUS PA TSAD MA'O, ,BDAG NYID GZHAL BYA RANG RIG 'BRAS, ,NUS PA ZHES BYA BA DE NYID CI ZHE NA, 'KHRUL PA'I RNAM PAS BSDUS PA STE 'DZIN PA'I RANG BZHIN NO, ,DE YANG BDAG NYID YONGS GCOD DE BDAG NYID 'DZIN PA'I MTSAN NYID DE, BDAG NYID GCOD PAS NUS PAS NUS PA ZHES KYANG YONGS GCOD CES BYA BA LA SOGS PA'I MING DU SLOB DPON GYIS MDZAD DO, ,DE NI RANG BDAG RIG PA'I TSAD MA'O; ,DE NI RNAM PAR SHES PAR SMRA BA DANG PHYI ROL GYI DON DU SMRA BA DAG GIS THUN MONG DU BSTAN NAS, PHYI ROL GYI DON DU SMRA BA'I DBANG DU BYAS TE, PHYI'I DON KYANG ZHES GSUNGS TE, DE ZHES BYA BA NI LHAN CIG DMIGS PA NGES PA DANG RIG BAR BYA BA DAG GIS SO, ,PHYI'I DON KYANG LHAN CIG DMIGS PA NGES PA RANG RIG PAR BYA BAS ZHES BYA BA'I GTAN TSIGS DAG LAS NI, SNGON PO LA SOGS PA BLO'I SNANG BA DANG, DE RIG PA DAG THA MI DAD PAR GRUB PO, ,BLO LA SNANG BA DE LAS GZHAN PA PHYI ROL YOD DO ZHES BYA BA GANG LAS SHE NA, MIG DANG, SNANG BA DANG SHES PA DAG NUS PA'I RGYU GZHAN YOD KYANG, SNGON PO'I RNAM PAR SHES PA GRUB PA MED NA, RGYU DE DAG LAS GZHAN ZHIG MTSANG BAR RTOGS PAR BYA BA YIN LA, DE NI PHYI ROL GYI DON SNGON PO YIN PAR 'GYUR RO, ,LDOG BAS PHYI ROL SGRUB BA 'DIS GANG GI TSE RNAM PAR SHES PAR SMRA BA DAG NANG GI NYE BAR LEN PA'I DNGOS PO'I BYE BRAG GIS BYAS BAS 'BRAS BU SNGON PO SHES PA LDOG PA YIN PAR MI SMRA NA PHYI ROL 'GRUB PAR 'GYUR RO, ,BAG CHAGS MI BRTEN PA NI SHES PA MTSAMS SBYOR MI NUS PA STE, MTHONG BA'I SHES PA DANG PHRAD PA'I SHES PA 'DRA BAR SKYED PAR MI NUS @202A *, ,PA'O; ,MI MKHAS PA NI BSTAN BCOS GOMS PAR MA BYAS PA'O, ,GZHAN NI TSAD MA'O, ,BAG [?] CHAGS BRTAN PA NI MTHONG BA DANG MTHUN PA'I SHES PA'I RGYUN SKYED PAR NUS PA'O, ,'KHOR BA KUN DU NI THAMS CAD MKHYEN PHA NYID MA THOB PA'AM, MYA NGAN LAS 'DAS PAR MA ZHUGS KYI BAR DU'O, ,MI SLU BA DANG MI 'BRAL BAR 'JUG PA'I PHYIR RO, ,THA SNYAD NI 'JIG RTEN PA'I GRAGS PA LA LTOS TE'O, ,GAL TE 'JIG RTEN PA'I THA SNYAD KYIS TSAD MA'I MTSAN NYID YIN NA, 'JIG RTEN NYID KYIS RTOGS PA'I PHYIR DE'I DON DU BSTAN BCOS RTZOM PA DON MED DO ZHE NA, DE LTA YIN NA YANG TSAD MA'I MTSAN NYID 'DI LA YANG PHA ROL RIGS PA CAN LA SOGS PA BLUN PO DAG MKHAS PA'I NGA RGYAL GYIS THA SNYAD DANG 'GAL BA'I BSTAN BCOS KYIS 'JIG RTEN DAG SLU BAR BYED PA DAG BSAL BA'I PHYIR TSAD MA'I MTSAN NYID KYI BSTAN BCOS BYA BA NI RIGS PA NYID DO; ,TSAD MA'I MTSAN NYID THAMS CAD THA SNYAD PA YIN NAM ZHE NA, DON DAM PA'I TSAD MA NI THOS PA'I DON RIGS PAS BSAMS PA'I RANG BZHIN GYI SHES RAB GOMS PAR BYAS BA LAS GOMS PA YONGS SU RDZOGS NA, TSAD MA DAG GI DON 'DZIN PA'I PHYIR, RNAM PAR 'KHRUL PAS DBEN PA, DRI MA NI ZAG PA STE BRAL BA'O, ,DE DAG NYID KYI SLU BA MED PA'I PHYIR BSTAN PA YIN LA, DE YANG RTAGS LA MI BRTEN PAR YANG DAG BA'I DON MNGON SUM DU BYED PA'O, ,TSAD MA RNAM PAR NGES PA'I 'GREL BSHAD LAS MNGON SUM GYI LE'U STE DANG PO'O,, ,,MNGON SUM LA NI GZHAN GYI DON GSAL BAR MI BYA STE, 'DI LTAR 'DI NA'O DE NA'O ZHES BYA BAR ZAD PAS RTOGS PAR SLA BA'I PHYIR RO, ,RANG GI DON NI SHES PA'I BDAG NYID DO, ,GZHAN GYI DON NI BRJOD PA'I MTSAN NYID DO, ,RANG GI RGYUD LA YOD PA'I SHES PA THE TSOM YIN PA'I PHYIR, GZHAN GYIS GO BAR BYED PA MA YIN LA, BDAG NYID KYIS RTOGS ZIN PA'I DON GZHAN LA BRJOD PA'I PHYIR GZHAN MA YIN PA BDAG NYID KYIS GO BAR BYED PA MA YIN NO, ,GAL TE RJES SU DPAG PA TSUL GSUM PA NYID DU BYE BRAG MED PA'I PHYIR SGRA STE GZHAN GYI DON GYI RJES SU DPAG PA LOGS SHIG TU @202B BRJOD PAR MI BYA'O ZHE NA, DON GYI BDAG NYID KYI TSUL GSUM NI RTAGS CAN GO BAR BYED LA, RTAGS CAN DE'I RTAGS NI TSUL GSUM PA'I SGRA YIS GO BAR BYED PAS SO, ,GAL TE 'JUG PA'I BYE BRAG YOD KYANG SGRA'I BYE BRAG GI MTSAN NYID LOGS SHIG TU SMRA BAR MI BYA STE, RANG GI DON GYI MTSAN NYID GSUM RTOGS PA NYID KYIS, DE'I SGRAS MTSAN NYID KYANG RTOGS PA'I PHYIR TE, 'DI LTAR RTAGS GANG PHYOGS GANG LA MTHONG BA'I BSGRUB BAR BYA BA DANG 'BREL PA RTOGS PA'I RTAGS DE NYID LA BSGRUB PAR BYA BA'I DNGOS PO RTOGS PAR BYED PA ZHES BRJOD LA, DE LOG BAR BYED PA RTAGS KYI MTSAN NYID RANG GI DON GYI BSTAN BCOS LAS BSTAN PAS, LOGS SHIG TU BSTAN PAR 'DOD PA'I NGAG GI RIM PAS BSTAN PAR BYAS PA NYID DE, RTAGS KYI RANG BZHIN GSUM LAS GZHAN 'DIR MA BSTAN PA BRJOD PAS NI GO BAR BYED PA'I CHOS GTAN TSIGS BSTAN PAR MI 'GYUR BA'I PHYIR RO, ,DE'I PHYIR STON PA BO GANG DAG RTAGS KYI MTSAN NYID KYI DON GANG RTOGS PA DE SMRA BAR SHES PA STE, LKUGS PA LA SOGS PA MA YIN PA'I SMRA BA'I TSIG DE NYID RTAGS KYI MTSAN NYID RTOGS PAR BYED PA'I BRJOD PA YIN GYI, MTSAN NYID GSUM BRJOD PA LAS GZHAN BA'I BRJOD PA THABS KYI MAN NGAG LA LTOS PA MED DO ZHE NA, MTSAN NYID RTOGS PA TZAM GYIS MTSAN NYID GSUM STON PAR SHES NA DE NYID KYIS GZHAN GYI DON GYI MTSAN NYID SHES PA DE NI BDEN NA, DE LTA MOD KYI MTSAN NYID SHES KYANG DE STON PA'I NGAG GI RIM PA MI SHES PA'I BYIS PA LA BSTAN PA'I THABS 'DI'O, ,KHYAB PA DANG LDOG PA MED PA DES MED NA MI 'BYUNG BA MA SMRAS PA'I PHYIR STON PA'I TSOGS MA YIN LA, DE BZLAS PA'I DPE DANG BSGRUB PAR BYA BA DAG BZLAS TE BRJOD PA'O, ,DE DAG NI DGOS PA MED PA'I PHYIR RJOD PAR BYED PA MA YIN PA'O, ,'BRAS BU BRTAGS PAS CHAD MA YANG RTOGS PAR NUS PA'I PHYIR MA SMOS SO, , DON DANG JI LTAR 'BREL ZHE NA, RANG BZHIN DANG ZHES BYA BA SMOS TE, RANG BZHIN NI THA DAD PA MED PA'O, ,BDAG NYID GRUB PAS NI 'BRAS BU'O, ,BDAG NYID RGYU MED NA RANG BZHIN DANG 'BRAS BU DAG MI 'BYUNG BA DE BZHIN DU DE DAG MED NA DE DAG LA SKYES PA'I RTAGS SHES PA MED PAR 'GYUR BAS, @203A *, ,RTAGS SHES PA DES RAB TU BSKYED PA'I RJES SU DPAG BA NGO BO DANG RGYU RTOGS PA YANG MED PAR 'GYUR BA'I PHYIR RO, ,RANG BZHIN DANG 'BRAS BU MED NA MI 'BYUNG BA BLTA PAR BYA BA'I DNGOS PO SNGON PO LA SOGS PA DANG, MIG DANG, SNANG BA DANG, YID LA BYED BDAG MA TSANG BA MED PAR YOD PA STE, BSGRUB PAR BYA BA LOG PA BSTAN TO, ,DE MTHONG BA MED PAR MI 'GYUR TE DMIGS PA KHO NAR 'GYUR BA'I PHYIR RTAGS MI 'BYUNG BAR BSTAN TO, ,DE LTAR BRGYUD DE DON DANG 'BREL BA'I DNGOS PO RJES SU DPAG PA LA SO SOR SNANG BA DE NYID DON RANG GI MTSAN NYID YIN PAR NI RIGS PA MA YIN TE, RJES SU DPAG PAS GZUNG BA'I DON DE MNGON SUM LA GSAL BA DON BYA BA BYED PA GZHAN DU SNANG BA'I PHYIR RO, ,RTAGS GANG DAG RANG BZHIN DANG SKYE BAS 'BREL BA'I DNGOS PO SNGAR BSHAD PA'I JI LTA BA DE 'DRA BA'I RTAGS NI RTAGS SHES PA'I BLO'I RGYU YIN LA SHES PA DES SKYED PA NI RTAGS CAN BLO STE RJES SU DPAG PA'O, ,DE'I PHYIR JI BZHIN DNGOS LA STE, 'BREL PA JI LTA BA'I DNGOS PO LA 'BREL TO, ,DNGOS SU 'AM ZHE NA, 'DI LTAR RTAGS CAN RTAGS BLO DAG ,BRGYUD DE DNGOS DANG 'BREL PHYIR RO, ,ZHES GSUNGS SO, ,'BREL BA DE'I PHYIR SLU BAR BYED PA MIN NO, ,'O NA 'KHRUL PA JI LTAR RUNG ZHE NA, RJES SU DPAG PA DE'I SNANG BA'O, ,YUL DE DON RANG GI MTSAN NYID STONG PA LA, DE'I MTSAN NYID DU ZHEN PA LAS 'KHRUL PAR GZHAG PAR BYAS TE, DE LA MI SLU BA YANG RNAM PAR BSLAD PA'I SGO NAS SO, ,GAL TE BSLAD PA YIN NA JI LTAR TSAD MAR 'GYUR ZHE NA, RNAM PA PHYIN CI LOG PAS LDOG PA'I SHES PAR DBYER MED KYANG BYE BRAG TU DON BYED PA LAS, JI LTAR RIGS PAR NOR BU 'THOB PA'I DON BYED PA NI, YANG DAG PAR YIN PA LA CIG SHOS NI LOG PA NYID DO, ,DE BZHIN DU RJES SU DPAG PA DANG DE MED PA DAG KYANG 'KHRUL BAR BYE BRAG MED KYANG, MTHONG BA'I DON DANG PHRAD PA'I DON BYED PA DANG 'BREL PAS RJES SU DPAG PA TSAD MA NYID DU RNAM PAR GZHAG GO, ,DON BYED PA DON DU GNYER BA RNAMS KYIS 'DI GNYIS BSTAN BCOS LA DPYAD BAR BYA'O, ,JI LTAR RIGS PA NI BDE BA'I RGYU BLANG BAR BYA BA NYID DANG, CIG SHOS SPANG BAR BYA BA NYID DU'O, ,NYE BAR GZHAG @203B PA NI RTOGS PAR RO, ,DE DAG GI RGYU TSAD MA CUNG ZAD YONGS SU BRTAG PA'I RTOG PA DANG LDAN PA MKHAS PA NI; 'BAD PA 'BRAS BU MED PA LA SOGS PAS NYON MONGS PA NYID DU MI 'GYUR RO, ,GAL TE RJES SU DPAG PA'I YUL GYIS DON BYA BA SGRUB PA NYID MA YIN PAS NA JI LTAR DE BRTAG PAR BYA BA YIN ZHE NA, RJES SU DPAG PA SO SOR SNANG BA ZHES BYA BA SMOS TE, DE NI RNAM PAR RTOG PA'I YUL SPYI YIN LA, DE LA YANG DON BYED BA'I DNGOS PO 'GAGS KYANG SPYI DE MI 'GAG PA'I PHYIR DON BYED PA'I DNGOS PO NYID SO SO MA YIN NO, ,GAL TE DE LTAR NA SPYI KHAS LEN TAM ZHE NA, DES ZHES BYA BA SMOS TE, DON GRUB PAR MED PAS DES NA'O, ,SPYI NI YOD KYANG KUN RDZOB NYID YIN GYI DON DAM BA'I DON NYID NI MA YIN NO, ,GAL TE DE NYID KYI PHYIR RJES SU DPAG PA TSAD MAR MI 'GYUR RO ZHE NA, DNGOS PO MTSAN NYID LA ZHES BYA BA SMOS SO, ,MI SLU BA YANG CI'I PHYIR ZHE NA, YANG DE DANG 'BREL PA'I RTAGS ZHES BYA BA SMOS SO, ,DE'I PHYIR MI SLU BA NYID DO, ,YANG NA DE LTAR RJES SU DPAG PA'I SO SOR SNANG BA DANG MI SLU BA'I YUL GNYIS SU BSTAN TO, ,YANG DON DE GNYIS SU SLOB DPON PHYOGS KYI GLANG POS KYANG BSTAN TO ZHES BSTAN PA'I PHYIR YANG DE DANG 'BREL BA'I ZHES BYA BA SMOS TE, DON BYED PA SGRUB PA DE DANG 'BREL PA'I RTAGS KYIS BSKYED PA'I SNANG BA NI RTAGS KYI DNGOS PO STE, 'BRAS BU LA RGYU NYE BAR BTAGS NAS, RJES SU DPAG PA LA SO SOR SNANG BA'I YUL LA BYA'O, ,DE LA LTOS TE SLOB DPON GYIS KYANG DON DBYE STE, YUL GYI DBYE BA GSUNGS SHE NA'O, ,ZHE'O ZHES BYA BA NI SLOB DPON GYI TSIG YIN PAR STON PA'O, ,BYE BRAG MED PA NI GCIG PA NYID DO, ,DE DGAG PA NI GCIG PA MA YIN PA'O, ,DE LTAR NA RJES SU DPAG PA DANG MNGON SUM GYI SO SOR SNANG BA'I YUL DAG GCIG PA MA YIN TE, DNGOS PO DANG DNGOS PO MED PA YIN PA'I PHYIR RO ZHES BYA BA YIN GYI, DE DAG SO SOR SNANG BA'I YUL MANG BA STE, DNGOS PO GNYIS SU BSTAN PA NI MA YIN TE, MANG PO NYID DU BSGRUB PA NI DNGOS PO'I YUL MA YIN NA, RJES SU DPAG BA RNAM PAR RTOG PA'I SO SOR SNANG BA NI DNGOS PO MED PA'I PHYIR RO, ,GAL TE RNAM PAR RTOG PA'I YUL SPYI YIN PA'I PHYIR YUL @204A *, ,GNYIS YOD DO ZHE NA, SPYI YANG DNGOS PO LAS GZHAN NYID DU BRJOD PAR BYA BA MA YIN TE, GZHAN NYID NI DNGOS PO'I YUL LA YIN PA'I PHYIR RO, ,GANG ZHIG BSREGS PA'I DGOS PA DANG LDAN PA'I DON ME SHES PAR 'DOD PA LA ME DE LAS BZLOG PA MA YIN PA LAS BZLOG PA DE ME TZAM MO, ,DE LAS ZHES BYA BA RTAGS LAS SO, ,RANG GI MTSAN NYID KYI BYE BRAG SO SOR MI 'DZIN BAS SO, ,SMIG RGYU LA CHU BZHIN DU DNGOS PO YOD PA SHIN TU RING BA STE, BRGYUD PAS KYANG MA 'BREL PAS NI MA YIN NO, ,RTAGS RTOGS PA'I BLO YANG DU MA SPYI'I YUL CAN NI YIN PA'O, ,CI'I PHYIR ZHE NA, RTAGS NI RJES SU 'GRO BA LA BRTEN PA'I PHYIR, RANG GI MTSAN NYID LA NI RJES SU 'GRO BA MI SRID PA'I PHYIR RO, ,CIG SHOS NI ZHES PA NI MNGON SUM MO, ,YANG ZHES BYA BA NI RANG GI YUL LAS GZHAN BRTAGS BSAMS PA'O, ,DES MI NUS PA'I PHYIR RO ZHES BYA BA NI RTAGS DES RANG GI MTSAN NYID STON PAR RO, ,TSIG LE'UR BYAS PA'I CHA RTAGS LAS DON MTHONG BA'O ZHES BYA BA BSHAD NAS, TSUL GSUM ZHES BYA BA CHA SNGA MA BSHAD PAR BZHED PAS, TSUL GSUM PO DE YANG ZHES BYA BA LA SOGS PA SMOS SO, ,NGES PA MTHA'I TSIG 'DI NI SNGA MA GNYIS LA YANG SBYAR BAR BYA'O, ,'DIR ZHES BYA BA NI THA SNYAD DU BYED PA'I DUS DANG KHYAB PA RTOGS PAR BYED PA'I DUS DAG SPONG BAS GTAN TSIGS KYI MTSAN NYID BYED PA'I DUS 'DIR RO ZHES BYA BAR STON TO, ,'DIR YANG RJES SU DPAG PA ZHES BYA BA'I SGRA'I DON GTZO BO NI CHOS CAN DANG SGRUB PAR 'DOD PA'I CHOS SDOM PA YIN PAS DE NYID GZUNG NA RTAGS DGOS PA MED PA ZHIG GIS MTSAN NYID DU BSTAN PAR 'GYUR TE, BSGRUB PAR BYA BA SGRUB PA LA YOD PA ZHES PA SMRAS PA'I PHYIR RO, ,RTAGS RJES SU DPAG PAS BZUNG BA'I DPYOD PA PA DAG LA SGRA LA BYAS PA NYID RKYEN GYI BYE BRAG GIS THA DAD PA CAN NYID KYIS SGRUB PA LTA BU'O, ,RJES SU DPAG PAR BYA BA LA YOD PA NYID TSAD MAS GRUB PA YIN PA DE BZHIN DU DE DANG MTHUN PA NYID LA YANG NGO, ,RJES SU DPAG PAR BYA BA NYID LA YOD PA ZHE NA NI CHOS CAN BYE BRAG CAN GYI CHOS SU BSTAN PAS GZHAN MTHUN PA'I PHYOGS SU 'JUG PAR MI 'GYUR LA, GAL TE RJES SU DPAG PAR BYA BA KHO NA'I CHOS ZHES MA SMRAS NA, @204B YANG DE'I CHOS SAM GZHAN GYI CHOS KYANG RUNG ZHES BYA BAR 'GYUR GYI, RJES SU DPAG BAR BYA BA'I CHOS NYID DU MI 'GYUR RO ZHE NA, MI LDAN PA DANG, GZHAN DANG LDAN PA DANG, GTAN MI LDAN PA RNAM PAR GCOD PA ZHES BYA BA'I BYE BRAG GIS CHOS KYI YOD PA DANG MED PA RNAM PAR GCOD PA'O, ,LDOG BAR BYED BA STI; RNAM PAR GCOD PA SGRUB PA'I'O, ,TSIG GI PHRAD NI 'DIR NGES PAR GZUNG BA'O, ,LDOG PAR BYED PA YANG YIN LA TSIG GI PHRAD KYANG YIN PAS LDOG PAR BYED PA'I TSIG PHRAD DO, ,DE DAG KYANG GANG ZHE NA, GO RIMS BZHIN DU MI LDAN PA RNAM PAR GCOD PA'I TSIG GI PHRAD NI BYE BRAG TU BYED PA DANG LHAN CIG BRJOD PA STE, DE LA YOD PA KHO NA ZHES PA LTA BU'O, ,'DI NYID 'OG NAS STON TO, ,GZHAN DANG LDAN PA RNAM PAR GCOD PA NI BYE BRAG TU BYA BA DANG NGO, ,GTAN MI LDAN PA RNAM PAR GCOD PA NI BYA BA DANG LHAN CIG BRJOD PA'O, ,GAL TE 'DIR TSIG LE'UR BYAS PAR NGES PAR GZUNG BA MA SMOS NA JI LTAR NGES PAR BYA ZHE NA, NGES PAR GZUNG BAR BRJOD PAR 'DOD PA YIN LA, NGES PAR GZUNG BA'I SGRA MA SBYAR KYANG NGES PAR GZUNG BA'I DON DE RTOGS PAR 'GYUR BA'O, ,CI'I PHYIR SNYAM PA LA, RNAM PAR GCOD PA ZHES BYA BA NGES PAR GZUNG BA DAG GI 'BRAS BU YIN PA'I PHYIR TE, JI LTAR NAG PA GZHU 'DZIN ZHES SMRA NA, NGES PAR GZUNG BA'I SGRA MA SBYAR KYANG, NAG PA GZHU 'DZIN BA KHO NA'O ZHES BYE BRAG TU BYED PA GZHU 'DZIN PA DANG, TSIG PHRAD PA'I DON DU GO'I, GZHAN DU GZHU KHO NA'O ZHE 'AM, NAG PA KHO NA ZHES NI MA YIN NO, ,SRID SGRUB GZHU 'DZIN ZHES NGES PAR GZUNG BA'I SGRA MED PAR SMRAS KYANG SRID SGRUB KHO NA GZHU 'DZIN NO ZHES BYE BRAG TU BYA BA SRID SGRUB DANG TSIG PHRAD SBYAR BA'I DON DU'O, ,GZHU 'DZIN PA KHO NA ZHE 'AM, GZHU KHO NA ZHES NI MA YIN NO, ,SNGON PO MTSO SKYES ZHES SMRAS NA, SNGON PO MTSO SKYES YIN PA KHO NA'O ZHES DNGOS PO TZAM DANG 'BREL BA DANG, TSIG PHRAD SBYAR BAR GO'I, SNGON PO KHO NA MTSO SKYES SHE'AM, MTSO SKYES KHO NA SNGON PO ZHES NI MA YIN PA LTA BU'O, ,DE LA SNGA MA GNYIS NI CHOS DANG CHOS CAN GYI BYE BRAG SEMS PAS SO, ,GSUM PA NI DNGOS PO TZAM ZHIG SEMS PA STE, MTSO SKYES SNGON PO MI SRID DO ZHES ZER BA LA, @205A *, ,MTSO SKYES SNGON BO ZHES BYA BA SRID PA NYID CES GTAN MED BAR 'GOG PA'O, ,DE LTAR NA NAG BA GZHU 'DZIN NAM MI 'DZIN SNYAM PA LA, NAG BA GZHU 'DZIN ZHES SMRAS PAS GZHU 'DZIN PA NYID CES BYA BA'I DON DU GO BAR BYA STE, GAL TE MI 'DZIN BA YANG SRID PAR 'GYUR NA NGAG DE DON MED DE THE TSOM BSTAN PA'I PHYIR RO, ,DE BZHIN DU SRID SGRUB GZHU 'DZIN BAR GRUB BA DE DANG 'DRA BAR GZHU 'DZIN BA YOD DAM SNYAM PA LA, SRID SGRUB GZHU 'DZIN CES SMRAS BAS SRID SGRUB KHO NA ZHES GO BAR BYA STE, DE LTA MA YIN NA GZHAN YANG 'DZIN PA SRID PA YIN NA NGAG DE DON MED PA YIN PA'I PHYIR RO, ,MTSO SKYES SNGON PO SRID DAM MI SRID SNYAM PA LA, SNGON PO MTSO SKYES SO ZHES SMRA NA, SNGON PO MTSO SKYES SRID PA NYID DO ZHES BO KHAR BYA BA YIN GYI, MI SRID BA YANG STON PA SRID NA NI NGAG DE DON MED DO, ,DE'I PHYIR 'DIR NGES PAR GZUNG BA MA SMOS KYANG DER GO STE, NGAG GI 'BRAS BU NGES PAR GZUNG BA MED NA NGAG DON MED PA'I PHYIR RO, ,GAL TE DE LTAR NGES PAR GZUNG BAR NI GO BAR 'GYUR NA SRID SGRUB GZHU 'DZIN ZHES BYA BAS MI LDAN PA, RNAM PAR GCOD PA KHO NAR 'GYUR BA DANG, GNYIS PA GZHAN DANG LDAN PA DANG GSUM PAS GTAN MI LDAN PA KHO NAR JI LTAR 'GYUR ZHE NA, DE LA'ANG 'GAL BA GZHAN GCOD PA'I, ,DON DE RTOGS PAR 'GYUR BA STE, ,BRJOD PAR BYA BA DANG 'GAL BA YIN PA'I PHYIR, DE KHO NA DAG GCOD PA'I DON DER GO BAR 'GYUR RO, ,GAL TE DE DAG KHO NA LTAR 'GAL BA YANG JI LTAR SHES SHE NA, DE LTAR GRAGS BAS ZHES BYA BA SMOS TE, GZHAN GZHU 'DZIN PAR GRAGS LA, NAG PA LA NI THE TSOM ZA BA'I NYAN PA PO'I SKABS KYIS DANG, SRID SGRUB GZHU 'DZIN PAR GRAGS LA, DE DANG 'DRA BA GZHAN LA THE TSOM ZA BA DANG, MTSO SKYES SNGON PO SRID DAM MI SRID SNYAM PA'I SKABS KYIS DE DAG KHO NA 'GAL BA YIN BA'I PHYIR RO, ,'O NA NGES PAR GZUNG BA CI'I PHYIR MA SBYAR ZHE NA, SGRA NI RJOD PAR 'DOD PA'I RJES SU 'BRANG BA'I PHYIR BSDUS TE RJOD PAR 'DOD PAS SO, ,DES NA 'DIR YANG RJES SU DPAG PAR BYA BA NI YOD PA NYID CES MI LDAN PA RNAM PAR GCOD PAS BYE BRAG TU BYED PA'I PHYIR RJES SU 'GRO BA MED PA'I SKYON YOD BA MA YIN NO, ,GAL TE GZHAN DANG LDAN @205B BA RNAM PAR GCOD PA JI LTAR 'GYUR ZHE NA, TSIG GI PHRAD BA GNYIS PA GZHAN DANG LDAN PA RNAM PAR GCOD PA NYID YIN PA'I PHYIR TE, RJES DPAG BYA BA'ANG DE MTSUNGS LA, ,YOD DANG MED NYID LA MED NYID, ,CES GZHAN MTHUN BA'I PHYOGS MED PA LA LDAN BA RNAM PAR GCOD PA'I PHYIR RO, ,DE NYID KYI PHYIR TSIG PHRAD DANG PO NI GZHAN DANG LDAN PA GCOD PA MA YIN TE, RANG DANG GZHAN LA YANG YOD BAR STON PA'I PHYIR RO, ,GAL TE DE LTA MA YIN NA KHYAD BAR DU BYED PA DANG LDAN PA'I TSIG GI PHRAD DANG PO DANG, KHYAD PAR DU BYA BA DANG LDAN PA'I TSIG GI PHRAD GNYIS PA DAG BYE BRAG MED PAR 'GYUR NA, DE LTAR MA YIN TE; DANG PO NI GZHAN DANG LDAN PAR SMRA BA'I PHYIR DANG, GNYIS PA NI GZHAN DANG LDAN PA 'GOG PAR STON PA'I PHYIR RO, ,NGAG GI 'BRAS BU NGES PAR GZUNG BA YIN PA DES NA BSGRUB PAR BYA BA'I CHOS CAN LA SGRUB PAR 'DOD PA'I CHOS YOD PA YANG BYE BRAG TU BYA BA DANG, BYE BRAG TU BYED PA'I DNGOS PO GO BAR BYA STE; 'DI LA SGRUB PAR 'DOD PA'I CHOS YOD PA NYID DO ZHES BYE BRAG TU BYED PA DANG LHAN CIG BRJOD BAR RO, ,MA 'BREL PA TZAM BCAD BA DES NA BYE BRAG TU BYED PA STE NGES PAR GZUNG BA YOD KYANG MTHUN PA'I PHYOGS LA YOD PA'I PHYIR RJES SU 'GRO BA MED PAR MI 'GYUR RO, ,MI LDAN BA RNAM PAR GCOD BA DE NYID KYI PHYIR RJES SU 'GRO BA MED PA TZAM GYIS SPYI YIN YANG RJES SU 'GRO BA RTOGS PA MI 'GRUB PA'I PHYIR BSGRUB PAR BYA BA GRUB PA YANG MA YIN TE, ,BSGRUB PAR BYA BA'I CHOS DE DANG MI LDAN PA RNAM PAR GCOD BA MA GRUB PA'I PHYIR RO, ,RJES SU DPAG BAR BYA BA LA'ANG, DE MTSUNGS LA'ANG ZHES BSDU BA BYAS NAS SO, ,DE LTA MA YIN NA BSDU BA'I SGRA DON MED BAR 'GYUR RO, ,JI LTAR DRANG SRONG RGYAS PAS BSHAD PA STOBS BZANGS DANG YANG KHYAB 'JUG NYID CES BYA BA LTA BU STE, 'DI NI PHA ROL LA GRUB PA DPER BRJOD PA'O, ,DE LAS KHYAB 'JUG NYID CES SMOS KYANG STOBS BZANGS NOR LHA'I BU YIN BA NYID MI GCOD DE BSDU BA'I SGRAS SO ZHES BYA BA BZHIN NO, ,RGYU DANG RANG BZHIN GZUNG BAR BYA BA STE, DMIGS SU RUNG BA'I YUL DMIGS PAS LDOG PA 'GRUB KYI 'BREL BA LAS GZHAN GYIS NI MA YIN ZHES BRJOD DO, ,MI DMIGS PA YANG BSGRUB PAR BYA BA MED PA'I THA SNYAD DU RUNG BA LOG NA MNGON SUM 'JUG PA'I PHYIR @206A *, ,GTAN TSIGS MI 'BYUNG STE, MED PA'I THA SNYANG DU DUNG BA NI DMIGS PAR REGS PA MI DMIGS PA LA DE YOD DE YOD PA'I 'BREL PA CAN YIN PA'I PHYIR RO, ,GAL TE MTHUN PA NYID LA YOD PA ZHES SMOS PA NYID KYIS LDOG PA RTOGS PA'I PHYIR MED PA NYID LA MED PA NYID CES SMOS PA DGOS PA MED DO ZHE NA, MED PA LA MED PA NYID GTAN TSIGS YIN GYI, GZHAN PA LA YANG MA YIN TE, 'DI LTAR GZHAN PA NI BSGRUB PAR BYA BA'I CHOS LAS GZHAN DANG LDAN PA YIN LA, DE LTA NA NI PHYOGS DANG MTHUN PA'I PHYOGS DAG KYANG MI MTHUN PA'I PHYOGS SU 'GYUR TE, DE DAG KYANG BSGRUB PAR BYA BA'I CHOS LAS GZHAN RNGO DANG RTZVA DAG LA SOGS PA DANG LDAN PA'I PHYIR RO, ,DES NA DE DAG LA MED PA RTAGS KYI MTSAN NYID DU 'GYUR RO, ,'GAL BA LA MED PA YANG MA YIN TE, 'DI LTAR 'GAL BA LA MED PAS ZHES BYA BAS NI BSAL BAR 'GYUR TE, 'GAL BA KHO NA LA MED PAR ZHES BYA BAR RO, ,DE LTA NA ME YIN PA'I PHYIR DRO BA'O ZHES BYA BA GTAN TSIGS MA YIN PAR 'GYUR TE, ME DRO BA DANG 'GAL BA GRANG BA'I REG PA KHO NA LAS LDOG PAR 'GYUR BA DE LTA NA ME DRO BA DANG 'DRA BAR REG PA BTANG SNYOMS PA LAS KYANG MA LOG PA'I PHYIR DE DANG YANG 'BREL PA SRID DO, ,DE LTA NA ME YIN PA'I PHYIR DRO BA 'AM REG PA BTANG SNYOMS PA GANG 'GRUB MA NGES PA'I PHYIR RO, ,DE LTA BAS NA MED PA NYID MI MTHUN PA'I PHYOGS YIN LA DE KHO NAL MED PA KHO NA'O ZHES NGES PAR BYA BA'I PHYIR RO ZHES SLOB DPON DBANG PHYUG SDE ZER RO, ,DE LA DE NI DE LTA MA YIN TE, CHOS GZHAN 'JUG PAS MTHUN PA'I PHYOGS LA SOGS PA NYAMS PA NI MI SRID DE, BRAM ZE'I BDAG NYID DU 'GYUR BA DE'I RIGS LAS SKYES PA YOD NA DKAR SHAM NYID DANG MANG DU ZA BA'I CHOS GZHAN DANG LDAN PAS BRAM ZE NYAMS PA NI MI SRID PA'I PHYIR RO, ,DES NA BSGRUB PAR BYA BA'I CHOS DANG LDAN PAS MTHUN PA'I PHYOGS SU GYUR BA CHOS GZHAN DANG LDAN PAS KYANG JI LTAR NYAMS, PHYOGS KYANG BSGRUB PAR BYAR RUNG BAR 'DOD PAS YUL DU BYAS NA CHOS GZHAN GYIS DE NYAMS PA MED DO, ,DES NA BSGRUB PAR BYA BA DANG MI LDAN PA NYID LA GZHAN ZHES BYA STE, DE LA MED PA YANG YIN NO, ,'GAL BA MI MTHUN PA'I PHYOGS YIN PA 'GOG PA LA YANG GRANG BA'I REG PA KHO NA DRO BA DANG 'GAL BA @206B NI MA YIN GYI, GRANG BA YANG MA YIN, DRO BA YANG MA YIN PA'I REG PA YANG PHAN TSUN SPANGS PA DANG LDAN PAS 'GAL BA YIN PA'I PHYIR DE LAS KYANG LDOG PA NYID LA SKYON MED DO, ,GRANG BA'I REG PA KHO NA LA GTAN TSIGS 'GOG NA NI SKYON DU 'GYUR RO, ,'GAL BA KHO NA ZHES BYA BA NI LHAN CIG MI DMIGS PA KHO NA'O, , DE DANG MTHUN PA'I PHAN TSUN SPANGS PA'I RANG BZHIN DANG LDAN PA'O, ,DE LAS GZHAN PA DANG 'GAL BDAG MI MTHUN PA'I PHYOGS YIN PA DES NA MED NYID LA MED CES MI MTHUN PA'I PHYOGS 'DI MA BSNAN YANG SKYON MED PA'I PHYIR RO, ,GAL TE KHYED KYI PHYOGS LA BSNAN PAS CI ZHIG STON CE NA SBYOR BA BSTAN PA'I PHYIR ZHES BYA BA LA SOGS PA GSUNGS TE, PHA ROL GANG DAG 'BREL BA KHAS MI LEN NA MTHONG BA DANG MA MTHONG BA TZAM GYI KHYAB PA SMRA BAR BYA DGOS PA LTAR 'DIR NI MA YIN TE, 'DI LTAR KHYAB PA NGES PA CAN GYI ZHES BYA BA LA SOGS PA SMOS SO, ,GCIG GIS KYANG SBYOR BAR 'GYUR BAS GNYI GA LA SBYAR BAR MI BYA STE DGOS PA MED PA'I PHYIR RO, ,GAL TE JI LTAR LDOG PA'I MTSAN NYID KYI TSIG GIS SBYOR BA DE LTAR STON PAR BYED CE NA, MED NYID LA MED PAR NGES PA'I ZHES BSNAN PA SMOS PAS NI, BSGRUB PAR BYA BA MED NA MED PA TZAM NI MA YIN GYI, BSGRUB PAR BYA BA KHO NA LA YOD PA NYID CES RJES SU 'GRO PA YANG RTOGS PAR BYA BA'I PHYIR RO, ,DE LTAR NA LDOG PAS KYANG RJES SU 'GRO BA RTOGS SO ZHES RTOGS SO, ,DE LTA MA YIN NA RJES SU 'GRO BAS LDOG PA RTOGS PA TZAM ZHIG TU 'GYUR GYI, LDOG PAS KYANG RJES SU 'GRO BA RTOGS SO ZHES DON GNYIS PA NI RTOGS PAR DKA' STE, SHUGS KYI SHUGS LA RAG LAS PA'I PHYIR RO, ,MNYAN PAR BYA BA NYID NI YOD PA YIN LA DNGOS PO'I CHOS NYID YIN DNGOS PO THAMS CAD LAS LDOG PAR NI GAL TE, MNYAN PAR BYA BA DANG 'GAL TE, MNYAN PAR BYA BA DNGOS PO THAMS CAD LAS LDOG NA DNGOS PO MED PAR THAL BAR 'GYUR BA'I PHYIR RO, ,DES NA MNYAN PAR BYA BA DE RTAG PA'AM MI RTAG PA GCIG LA 'JUG PAR DOGS PA NYID YIN PAS NA RTAG BA'AM, MI RTAG PA DE DAG LA THE TSOM ZA BA YIN NO, ,GAL TE DE LTA YIN NA CI'I PHYIR LDOG PA CAN ZHES BRJOD CE NA, RJES SU 'GRO BA MA MTHONG BA TZAM GYI LDOG PA DANG LDAN PAR SLOB DPON GYIS GSUNGS SO, ,GO BAR BYED PA'I LDOG PA NI SNGAR @207A *, ,GONG DU RANG BZHIN DANG 'BRAS BU DAG NI NGO BO DANG, RGYU LOG NA MI 'BYUNG BA DAG YIN TE ZHES BYA BA LA SOGS PA BSTAN ZIN TO, ,STON PAR 'GYUR RO, ,MED PA DE YANG ZHES BYA BA NI GO BAR BYED PA'I LDOG PA'O, ,BSGRUB PAR BYA PA DE YOD PA KHO NA LA GTAN TSIGS YOD PA STE, 'BREL BAS MTHONG BAS SO, ,GZHAN DAG NA RE ZHES BYA BA NI GSAL BYED DE THUB PA RKANG MIG GI MDO'I RNAM 'GREL BYED PA SLOB DPON DPAL CHOS KYI GRAGS PA'I ZHAL SNGA NAS DANG DUS MNYAM PAR BYUNG PA'O, ,GANG MI RIGS PAR MTHONG NA ZHES BYA BA BZANG MI RUNG BA DANG BGROD DU MI RUNG BAR MTHONG BA DE NYID KYI TSE DE SPYOD PAR MI BYED DE, DE LAS LDOG PA GSAL BYED DE NI PHYUGS LAS KYANG PHYUGS YIN TE, CHEN PO YANG CHEN PO SLOB DPON PHYOGS KYI GLANG PO LA SMOD PA STE, MI RIGS PAR MTHONG NAS BDAG NYID MI RIGS PA DE NYID LA 'JUG PAS SMOD PA'I PHYIR RO, ,DE SLOB DPON NYID SKYON CHAGS PA NI MA YIN GYI, BDAG NYID MI SHES PA STE, RMONGS PA NYID LAS GZHAN CI ZHIG YIN NA, GSAL BYED DE NYID DON LOG PA STE, MED PA LA THA SNYAD MI 'JUG PAR SMRA STE, MED PA LDOG PA'I YUL DU MI RUNG NGO ZHES SO, ,GZHAN LA MED PA'I THA SNYAD 'GOG PA STE MED PA LAS LDOG PA MI RUNG NGO ZHES LDOG PA'I THA SNYAD NYID 'GOG PAR BYED PAS NA 'DI BDAG NYID NI MED PA LA DGAG PA'I THA SNYAD BYED LA, GZHAN LA NI 'GOG PA'I PHYIR RIGS PA MED PAR SMRA BA'I PHYIR GSAL BAR RGYAL PO'I BKA' YIN NO, ,MED PA LAS GTAN TSIGS MI LDOG PAS LDOG PA NI RTAGS MED PA'O, ,DE'I NI LDOG PA NI MI MTHUN PA'I PHYOGS LA RTAGS YOD PA STE, DNGOS PO MED PA DNGOS POR JI LTAR 'DOD PAR BYED, LOG PA NI GTAN TSIGS MED PA'O, ,DE MED NA NI YOD PA'I DNGOS PO BSGRUB PAR 'GYUR RO, ,DE NYID BSHAD PA NI MED PA'I DNGOS PO MED PA'I PHYIR NA YOD PA'I DNGOS POR YANG 'GYUR TE ZHES BYA'O, ,RAB REB CAN LTA BU'I SPYOD PA NI KHOG PAR MTHONG BA'O, ,LA LA NI 'DIR PHYUGS LONG BA NI RNAM PAR BSGYINGS ZHES 'DON TE, DE LTA NA NI PHYUGS LONG BA ZHES BYA BAS NI SHIN TU MI SHES PAR STON TO, ,RNAM PAR BSGYINGS ZHES PAS NI LOG PA'I NGA RGYAL CAN DU BRJOD DO, ,GAL TE MI MTHUN PA'I PHYOGS MED @207B PA DE LAS GTAN TSIGS LDOG MI 'DOD, 'O NA DE LA GTAN TSIGS 'JUG PAR CIS MI 'DOD, DE LA 'JUG PA'AM LDOG PA LAS PHUNG PO GZHAN NI MI SRID DE, ,'JUG PA DE YANG MI 'DOD NA KHYOD KYI DGAG PA 'DI KHO BO'I LDOG PA JI LTAR 'GOG PAR BYED DE LDOG PAR 'GYUR RO, ,CI'I PHYIR ZHE NA, SGRUB PA'AM NI DGAG PA'I ZHES BYA BA LA SOGS PA SMOS SO, ,DNGOS PO MED PA 'DIR NI DGAG PA DANG, SGRUB PA GNYI GA MI SRID PA'I PHYIR LKUGS BA NYID 'THOB BO, ,GZHAN YANG YOD RNAMS YOD PAR DGAG PA MED MED PA LA YANG YUL MED PAS DGAG PA MI 'JUG PAS NA KHYED KYI TSUL 'DIS 'GRO BA MED DO ZHES BYA BA MED PA'I DON NI NYAMS PA STE THA SNYAD MI SRID PAR 'GYUR RO, ,GAL TE DNGOS PO NYID NI DGAG PAR MI NUS LA MED PA YANG MA YIN GYI, YUL DE LA MED CE NA 'AM DUS DE NA MED PA 'GOG CE NA, YUL DANG DUS GANG LTAR YOD PA DE NI DE BZHIN DU YOD PA'I PHYIR DGAG PAR BYA BA MA YIN LA GANG LTAR YOD PA MA YIN PA DE LTA NA YANG MED PA DGAG PA'I YUL DU MI SRID PAS 'GOG MI BYED, DE LTA BAS NA DGAG PA'I YUL NI YOD PA DANG MED PAS KHYAB LA DE GNYI GA LA YANG DGAG PA'I THA SNYAD DU MI RUNG BA'I PHYIR, DGAG PA'I THA SNYAD THAMS CAD CHAD PAR 'GYUR RO, ,KHYED KYI LUGS LTAR NA CI LTA BU ZHE NA, GZHAN DU THA SNYAD CHAD PAR 'GYUR BA DE'I PHYIR, SGRA DON LA BRTEN NAS TE DNGOS PO MA YIN PA LA'O, ,DNGOS PO NYID NI BRJOD PAR MI NUS PA'I PHYIR SNGAR BZHIN NO, ,DNGOS DANG DNGOS MED DAG GI GZHI STE YUL YIN NO, ,DGAG PA DANG SGRUB PA'I THA SNYAD THAMS CAD KYI GZHI NI PHYI ROL MIN PA STE, BLO'I SNANG BA YIN PAR 'DOD DO, ,DES NI CHOS CAN DER 'BREL PAR DE YOD PAR RTOGS SO, ,MED PA'ANG DES STONG PAR RTOGS PAR LTA'O, ,CI'I PHYIR BLO'I RTOGS PA LA SNANG BA KHO NA DGAG PA DANG SGRUB PA'I THA SNYAD KYI YUL DU 'DOD CE NA, SGRA'I 'JUG PA YOD PA STE SGRAS DE KHO NA STON PA'I PHYIR RO, ,SGRA STON PA DE NYID DAG GI STE, SGRA'I THA SNYAD DU 'DOD DO, ,BLO'I SNANG BA LAS GZHAN DU TSIG DON DNGOS PO YIN NA, CHOS GCIG GI NI DGAG PA STE, SGRA LA RTAG PA'I CHOS GCIG BKAG PA STE SGRA LA RTAG PA'I CHOS GCIG BKAG PAS MIG GI YUL @208A *, ,LA SOGS PA THAMS CAD BKAG PA GRUB PAR 'GYUR RO, ,BSGRUB PA STE MI RTAG PA NYID GCIG BSGRUB PAR BYAS PAS BRTZAL BA LAS BYUNG BA 'AM MA ZIN PA NYID LA SOGS PA KUN GYIS BSGRUB PAR 'GYUR TE, DE DAG DE'I BDAG NYID DU THA DAD MED PHYIR RO, ,GAL TE DE DAG RTEN SGRA LAS THA DAD DO ZHE NA'ANG DU MA STE, THA DAD PA'I DNGOS PO LA DGAG PA'AM BSGRUB PA BYAS PA LTAR TE SNGON PO LA DGAG PA'AM BSGRUB PA BYAS PAS SER PO LA MA YIN PA LTAR CHOS CAN DE LA BSGRUB PA DANG DGAG PA DAG SBYAR BAR BYAS PAR MI 'GYUR RO, ,'O NA JI LTAR DGAG PA 'AM BSGRUB PA BYA ZHE NA; SNA TSOGS CHOS TE LDOG PA'I BYE BRAG GO, ,DE'I GZHIR GYUR BA'I CHOS CAN GCIG NI BLO LA SNANG BA CHOS DU MA GZHI GCIG GI NGO BO LTAR SNANG BA LA BRTEN TE'O, ,DE LA SGRUB PAR 'DOD BA'I LDOG PA'I CHOS GCIG BSGRUB PA NA CHOS GZHAN DGAG PA DANG BSGRUB PA MED PAS BTANG SNYOMS SU BYAS NAS NI, CHOS GCIG SGRUB PA BYED PA YIN, DGAG PA YANG GZHAN DAG BTANG SNYOMS SU BYAS NAS DGAG PAR 'DOD PA DE NI STONG PA STE, DE LAS GZHAN PA BTANG SNYOMS CAN YIN NO, ,GAL TE DNGOS PO CHA SHAS MED PA LA JI LTAR CHOS SO SOR DBYE ZHE NA, THA SNYAD DON DE NI DNGOS MIN PA RTOG BLOS SBYAR BA STE, RTOG PA MED PA'I SNANG BA MA YIN PA BZHIN DU'O, ,RTOG PA'I BLOS SBYAR BA DE'I PHYIR DE KHO NA NYID MA BRTAGS PAR RTOGS PAS BYAS PA'I CHOS KYI BYE BRAG LA BRTEN NAS CHOS THA DAD PAR RTOGS SO, ,GAL TE DON RNAMS LA BDAG NYID THA DAD PA MED NA RTOGS PAS JI LTAR DU 'DZIN ZHE NA, THOG MED BAG CHAGS TE 'KHRUL PA'I SA BO NA LAS SKYES PA'I BLO 'JIG RTEN PA LA GRAGS PA'I DON NI MKHAS PA RNAMS KYIS DOR BAR MI BYA STE, DE LA GNOD PA MI BYA'O, ,DE LA GNOD PA BYAS NA THA SNYAD THAMS CAD CHAD PAR 'GYUR BA'I PHYIR RO, ,PHYI'I SA BON CUNG ZAD YOD DE, DE 'BRAS CAN TE ME GANG SREG PAS DE'I 'BRAS CAN DE, ME LAS GZHAN THAMS CAD LA DE'I 'BRAS BU MED PAS, ME GCIG LAS ME MA YIN PA DE DANG DE RNAMS DON THA DAD DO, ,THA DAD PA DE DANG DE LA BRTEN NAS NYE PAR BSLAD PA YIN, ME DE LA YANG ME MA YIN PA DE DAG LAS THA DAD BA DU MA BSGRUB PAS SHES PA DANG DE DAG @208B LAS THA DAD PA KHA CIG BKAG PAS ME DE LA THA DAD PA KHA CIG NYAMS PA LTA BUR SNANG NGO, ,THA DAD PA MANG PO DE DANG DON LDAN PA MIN YANG DE DAG DON DE'I BDAG NYID KYIS GCIG TU 'BREL BA'I PHYIR, CHOS GANG GIS DGAG PA'AM BSGRUB PA BYAS KYANG DON YUL DU BYED DO, ,THA DAD PA DE DAG RTEN DANG 'BREL PA DANG, THA DAD PA LTA BUR SNANG BA'I BYE BRAG LA NI RTEN PA DE, DE'I BDAG NYID LA MED PA'I PHYIR MI SHES PA'I BSLAD PA STE, MI MKHAS PA DAG CHOS DU MA, RTEN LAS THA DAD PA NYID DO SNYAM PA'O, ,MKHAS PA DAG GIS NI DE SGRA'I DON TZAM NYID DU RTOGS PAS BSLAD PA MA YIN NO, ,MTSAN NYID GSUM DANG LDAN PA'I MI DMIGS PA DANG, MTSAN NYID GSUM DANG LDAN PA'I RANG BZHIN DANG, MTSAN NYID GSUM DANG LDAN PA'I 'BRAS BU ZHES SBYAR LA PHYIS DE DAG LA RTAGS ZHES SO SOR YANG SBYAR RO, ,DE LTA NA RTAGS RE RE YANG MTSAN NYID GSUM PA YIN GYI, MTSAN NYID GSUM DANG RTAGS GSUM DAG GO RIMS BZHIN DU MA YIN NO ZHES BSTAN PAR 'GYUR RO, ,GSUM LAS NYUNG BA NYID MA YIN TE, GNYIS NI DNGOS PO BSGRUB PA YIN LA DE YANG RANG GI BDAG NYID BSGRUB PA DANG BDAG NYID MA YIN PA BSGRUB PA'I DBYE BAS SO, ,GCIG NI DGAG PA BSGRUB PA NYID KYIS SO, ,DE LA SNGA MA GNYIS NI DNGOS PO YANG DE YIN LA BSGRUB PA YANG DE YIN PAS DNGOS PO SGRUB PA STE, DNGOS PO NYID GTAN TSIGS YIN GYI, LUNG LA GRAGS PA TZAM DANG, RANG RIGS BRTAGS PA NI MA YIN PA'I PHYIR RO, ,YANG NA DNGOS PO'I TSUL GYIS DNGOS PO BSGRUB PA YIN PA'I PHYIR DNGOS PO BSGRUB PA STE, YOD PA'I DON GYIS YOD PA'I DON GYI BSGRUB PAR BYA BA'I SGRUB PAR BYED PA YIN PAS SO, ,PHYI MA GCIG NI DGAG PA'I GTAN TSIGS TE, MA YIN PA DGAG PA'I BSGRUB PAR BYA BA DANG LDAN PA'O, ,DE YANG DGAG PA KHO NA'I GTAN TSIGS YIN PAS DGAG PA'I GTAN TSIGS YIN GYI, DGAG PA KHO NAS NI MA YIN TE, RANG BZHIN DGAG PA LA SOGS PAS BSGRUB PAS KYANG SRID PA'I PHYIR RO, ,DGAG PA KHO NA NI MA YIN TE, YOD PA BSGRUB NA RANG BZHIN GYI RTAGS SU 'GYUR BA'I PHYIR RO, ,DE BZHIN DU SNGA MA GNYIS KYIS KYANG DGAG PA BSGRUB NA MI DMIGS PA NYID DU @209A *, ,'GYUR BA'I PHYIR DNGOS PO KHO NA BSGRUB PA'O, ,GAL TE CI'I PHYIR GSUM LAS LHAG PA MED CE NA, RANG BZHIN 'BREL PA YOD NA ZHES BYA BA LA SOGS PA SMOS TE, RANG BZHIN 'BREL PA NI GSUM PO 'DI KHO NA LA NGES PA'I PHYIR RO, ,CHOS DANG CHOS CAN NYID KYIS THA DAD PA NI BLOS YONGS SU BRTAGS PA YIN GYI, MI RTAG PA NYID DANG BYAS PA NYID DON KYANG NI BLOS BRTAGS PA MA YIN TE, GAL TE DE DAG KYANG BLOS BRTAGS PA YIN NA NI DON LA CUNG ZAD KYANG MI RTEN PA'I PHYIR BLO DE RANG DGA' BAR 'GYUR LA, DES NI DON MI 'THOB PA'I PHYIR BLO BYE BRAG RANG DGA' BA ZHES BYA BA LA SOGS PA GSUNGS SO, ,DNGOS KUN RANG BZHIN GYIS ZHES BYA BAS NI RANG GI NGO BOS SAM, RANG GI RGYU LAS SO, ,RANG DNGOS NI RIGS 'DRA BA'O, ,GZHAN GYI DNGOS KYI RIGS MI 'DRA BA'O, ,DES NA SGRA'I DON GYIS THA DAD PAR GNAS LA, RTAGS DAG KYANG GZHAN SEL BAS 'JUG PA'I PHYIR LDOG PA'I BYE BRAG THA DAD PA 'GA' ZHIG SGRUB PAR BYED KYI RANG GI BDAG NYID NI SGRUB PAR MI BYED DE, SGRUB PAR BYED PA LAS GZHAN PA'I LDOG PA YIN PA'I PHYIR RO, ,SNGON DMIGS PAR RIGS PA MI DMIGS PA'I YUL DPE LA MED PA'I THA SNYAD KYIS KHYAB PA GRUB NA, PHYIS KYANG YUL DE LTA BU YOD PA LA SNGON THA SNYAD GRUB PA'I RIM PAS MED PA'I THA SNYAD MI 'KHRUL PAS SO, ,GAL TE DPYOD PA PO LA SOGS PA MI DMIGS PA ZHES BYA BA DE LA DMIGS PA'I SHES PA MED PAR DGAG PA'I RANG BZHIN RTAGS SU GYUR PAS DNGOS PO MED PA SGRUB PAR 'DOD PA DAG STE, CI'I PHYIR MED PA'I THA SNYAD NYID BSGRUB PAR BYA BA YIN GYI MED PA MA YIN ZHE NA, MI DMIGS PA'I RTAGS KYIS ZHES BYA BA SMOS TE, DMIGS PA MED PA STE, DE LA DMIGS PA'I SHES PA MED PA YANG NGO, ,DE LTA NA SHES PA MED PAR SGRUB DE YANG MI DMIGS PA KHO NA YIN PA'I PHYIR MED PA YIN PAS MI DMIGS PA GZHAN LA LTOS LA, DE YANG GZHAN LA ZHES BYA BA'I RIGS PA THUG PA MED PAR 'GYUR BAS RTOGS PAR MI 'GYUR RO, ,GAL TE DGAG PAR 'DOD PA DE LA DMIGS PA'I SHES PA MED PA MI DMIGS PA YIN NA, DE RANG GIS GRUB PO ZHE NA, DE BZHIN DU DGAG PAR 'DOD PA'I YOD BA MED PA NYID YIN PA'I PHYIR RANG @209B GIS GRUB PA'I PHYIR MI DMIGS PA'I RTAGS DON MED PA CAN YIN NO, ,GAL TE 'DI LTAR SA PHYOGS LA DMIGS PA'I SHES PA GZHAN DMIGS PA GRUB PAS DGAG PAR BYA BA LA DMIGS PA MED PA'I MI DMIGS PA 'GRUB PA'I PHYIR MI DMIGS PA MNGON SUM GYIS GRUB PAS MI DMIGS PA GZHAN LAS MA YIN PA DE BZHIN DU GZHAN SA PHYOGS YOD PA GRUB PAS GZHAN BUM PA LA SOGS PA DGAG PAR 'DOD PA MED PA YANG CIS NA MI 'GRUB, RNAM PA 'DI LTA BU ZHES BYA BA NI DGAG PAR BYA BAS DBEN PA'I PHYOGS DMIGS PA YOD PA STE, DGAG PAR BYA BAS DBEN PA'I PHYOGS DMIGS PA YOD PA DGAG PAR BYA BA DANG, DE LA DMIGS PA'I SHES PA MA YIN PAR DGAG PA'I RANG BZHIN MI DMIGS PA'I RTAGS GRUB PA NYID KYIS MED PA RNAMS TE DNGOS PO MED PA DANG, DE LA DMIGS PA MED PA'O, ,MED PA DE RNAMS GRUB BAS NA DNGOS PO MED PA NI BSGRUB PAR BYA BA MA YIN GYI, YUL MI DMIGS PA'I RTAGS KYIS YUL CAN MED PA'I SHES PA DENG SGRA DANG THA SNYAD RTOGS PAR BYED DE SGRUB PAR BYED DO, ,DE YANG JI LTAR ZHE NA, SNGON DMIGS PAR RIGS PA'I SBRUL GNAS KHANG DU MI DMIGS PAS MNGON SUM GYIS SPRUL MED PA'I THA SNYAD RTOGS NAS KYANG STE, YANG SGRUB PAR 'DOD PA'I CHOS CAN LA THA SNYAD KYI YUL MI DMIGS PA MTHONG BA NA SNGON RTOGS PA'I DUS BZHIN DU DMIGS PAR RIGS PAR MI DMIGS PA'I PHYIR MED PA'I THA SNYAD 'JUG PA'I PHYIR TE, DPER NA SNGAR BA LANG DKAR PO LA NOG DANG LKOG SHAL LA SOGS PA'I YUL CAN GYI BA LANG GI THA SNYAD RTOGS PA LA; PHYIR BA LANG SNGON PO LA LKOG SHAL LA SOGS PA'I YUL MTHONG PA NA THA SNYAD MI 'GRUB PA'I BLUN PO LA 'DI BA LANG YIN TE, LKOG SHAL LA SOGS PA 'DUS PA'I BDAG NYID CAN YIN PA'I PHYIR RO ZHES BYA BA LTA BU'O, ,SNGON MNGON SUM NYID KYIS THA SNYAD GRUB PA LA PHYIS YUL BSTAN PAS THA SNYAD GRUB PA DE'I PHYIR SNANG BA MI DMIGS PA LA DPE MA GRUB PAR RGOL BA YANG BSAL BA YIN NO, ,GAL TE MI DMIGS PA NI MED PA RNAMS KYI MED PA GRUB PA YIN NO ZHES BSHAD PA DNGOS PO LOG PA NI MED PA YIN LA, MI DMIGS PA NI MI DMIGS PA LOG PA YIN NA JI LTAR MED PA @210A *, ,ZHES BRJOD, GANG YANG DGAG PAR BYA BA YOD PA DMIGS PA'I STE BLTAR RUNG BA'I DMIGS PA LOG PAS KYANG JI LTAR MED PA 'GRUB PA YIN TE, BLTAR RUNG BA YOD PA'I SHES PA LDOG PA MI SRID DO, ,GAL TE SHES PA LOG PAR KHAS BLANGS NA YANG DE YOD PA LDOG PAR MI 'GRUB STE, 'BRAS BU DE LA DMIGS PA'I SHES PA LOG PAS RGYU DE'I YUL GYIS DON LOG BA NI MI 'GRUB PO ZHE NA, DMIGS PA'I RGYU CAN DE LTA BU ZHES BYA BA NI DGAG PAR BYA BA DANG SHES PA GCIG PA LA 'DRER RUNG BA'I PHYOGS DANG, SNANG BA DANG, YID LA BYED PA DANG, DBANG PO DANG, BLTAR RUNG BA'I BDAG NYID KYI DON RNAMS SO, ,DE DAG LA DGAG PAR 'DOD PA'I DON DANG, DE'I SHES PA DAG YOD PA ZHES GDAGS PA YIN GYI, BLTAR RUNG BA DE NA YOD PA NYID NI MA YIN NO, ,DE'I PHYIR MI DMIGS PA MED PAR 'GRUB PO, ,CI'I PHYIR YOD PA GDAGS SHE NA, RGYU MTHA' DAG TSANG BA LA DMIGS PA'I YOD PA STE SHES PA DANG, DE'I YUL DAG DMIGS PA'I BDAG NYID YOD PA DER MI 'KHRUL TE NGES PAR DMIGS PA KHO NAR 'GYUR BA'I PHYIR RO, ,GAL TE RGYU TSOGS PA YANG RGYUR 'GYUR BA LA LTOS PA'I PHYIR 'BRAS BU DMIGS PA MI SKYED PA SRID PA'I PHYIR 'KHRUL PA SRID PA MA YIN NAM ZHE NA, 'BRAS BU'I DUS NA STE 'BRAS BU BYED PAR NUS PA THOGS PA MED PAS PHYOGS LA SOGS PA'I 'BRAS BU SHES PA DMIGS PA'I DUS NA DGAG PAR 'DOD PA YANG SHES PA DE NYID SKYED PAR NUS PA THOGS PA MED PAR PHYOGS DANG 'DRA BA NYID YIN PA'I PHYIR, RANG GI 'BRAS BU SHES PA YOD PAR 'GYUR NA, DA LTAR 'BRAS BU MED NA DE LTA BU DON RANG GI SHES PA SKYED PAR NUS PA THOGS PA MED PA CAN YANG MED PAR MI DMIGS PAS 'GRUB BO, ,GAL TE DE NA DGAG PAR BYA BA YOD KYANG RNAL 'BYOR PA LA SOGS PA'I MTHU'I BYE BRAG GI BYIN GYI RLABS KYIS RANG GI SHES PA MI SKYED DO ZHE NA, MA YIN TE ZHES BYA BA SMOS TE, RANG GI DMIGS PA SKYED PAR NUS PA THOGS PA MED PA'I DUS NA NI RANG GI SHES PA SKYED PA'I RANG BZHIN DU GRUB ZIN PA'I PHYIR MTHU'I YUL LAS DBANG PO GZHAN DU BYA BAR NUS TE, NUS PA THOGS PA MED PAR RANG GI BDAG NYID GRUB ZIN PA'I PHYIR DE DON @210B YOD NA RANG GI SHES PA SKYED DO, ,GAL TE DUS PHYIS YUL LAM DBANG PO BYIN GYI RLABS KYIS 'DUS BYAS NA YANG NGO, ,DE LTA NA YANG NUS PA THOGS PA MED PA'I DON MA YIN TE, BYIN GYI RLABS KYIS BSGYUR DU RUNG BA NI NUS PA THOGS PA MED PA'I RANG BZHIN MA THOB BA YIN GYI THOB NA NI RANG GI 'BRAS BU SKYED PA LA GAGS MI NUS PAS SO, ,DES NA SHES PA DANG DE'I YUL DGAG PAR BYA BA'I DON NI YOD PAR GDAGS PAS YOD PA YIN LA, DE DAG LOG PA NI MI DMIGS PA'I MED PA YIN NO, ,DE LTA BAS NA DMIGS PA YANG MED PA ZHES BRJOD DO, ,DE TZAM GYIS ZHES BYA BA NI MTHA'I TSOGS PA NI 'BRAS BU 'KHRUL PA MED DE, 'BRAS BU DANG LDAN PAS BSTAN PAS SO, ,RGYU NI 'BRAS BU MED PAR YOD PA YANG SRID BAS DMIGS PA MED PA YUL MED PA MI 'GRUB PO ZHES BYA BA'I LAN YANG RAB TU BRJOD PA YIN NO, ,RGYU MTSAN CAN GZHAN NI LKOG SHAL LA SOGS PA BA LANG GI RGYU MTSAN LOG NAS BSHAD PAR BYA'O ZHES BYA BA NI LE'U GSUM PA LAS SO, ,GZHAN DAG 'GAL BA ZHES BYA BA NI MI DMIGS PA LAS GZHAN PA'I RTAGS KYIS DGAG PA GO BAR 'DOD PA DE BSAL BA'I PHYIR, JI SRID CUNG ZAD DGAG BA DE THAMS CAD NI ZHES BYA BA SMOS SO, ,DPYOD PA PA GANG DAG LUS DANG BLO THAMS CAD MKHYEN PA LA SOGS PA DANG MI 'GAL BA DAG GIS THAMS CAD MKHYEN BA DAG 'DOD CHAGS DANG BRAL BA DAG 'GOG PAR BYED PA DE DAG DGAG PA'I PHYIR YANG 'GAL BA NGAG BSHAD DO, ,YANG RGYU YANG MA YIN LA KHYAB PAR BYED PA YANG MA YIN PA RANG GI DMIGS PA LOG PAS KYANG DGAG PAR BYED PA DE BSAL BA'I PHYIR RGYU DANG KHYAB PAR BYED PA LA SOGS PA MI DMIGS PA BSTAN TO, ,SKAD CIG LA DBYER MED PAS SO ZHES BYA BAS NI MTHA'I TSOGS PA NI 'BRAS BU SKYED PAR BYED PA NYID KYI RANG BZHIN YIN PA NYID KYI PHYIR SKYED PA MA YIN PAR BYAR MED DE RANG NYID GRUB PA'I PHYIR LA, RANG BZHIN GZHAN DU 'GYUR DU RUNG NA NI DE MTHA'I RANG BZHIN DU YANG MI 'GYUR RO, ,MTHA'I TSOGS PA SKAD CIG NI BSGYUR DU MED PA'I PHYIR RANG BZHIN GZHAN DU BSGYUR BA CUNG ZAD KYANG MI BYED NA NI GAGS SU YANG MI 'GYUR RO, , @211A *, ,RTAGS BZHI PAR RTOG PA DGAG PA'I PHYIR MI DMIGS PA DE YANG RANG BZHIN MI DMIGS PA NYID DU 'DUS PAR BRJOD DO ZHES GSUNGS SO, ,'DI DAG THAMS CAD KYANG SNANG BA MI DMIGS PA KHO NA'O ZHES BSTAN PA'I PHYIR RO, ,'DIR MED PA DANG ZHES BYA BA LA SOGS PA SMOS TE, BLTAR RUNG BA'I RGYU DANG 'BRAS BU DE RNAMS DANG 'GAL BA DAG DBANG PO DANG SHES PA DANG, SNANG BA ZHES BYA BA DMIGS PA'I RGYU GZHAN NYE BA STE BLTAR RUNG BA KHO NA DAG LAS RGYU DANG 'BRAS BU LA SOGS PA MA GRUB PA DANG, 'GAL BAR GRUB PAR RIG PAR BYA'O, ,GZHAN DAG CES BYA BA NI BLTAR MI RUNG BA'O; ,DE DAG LA NI RGYU DANG 'BRAS BU'I DNGOS PO YOD PA ZHES BYA BAR SBYAR TE, 'BREL PA'I RANG BZHIN YOD PA'O, ,'GAL BA MED PA ZHES SBYAR TE, GZHAN MED PA NI 'GAL BA'I RANG BZHIN NO, ,DE DAG MI 'GRUB CES BYA BA'I THA TSIG GO, ,BLTA BYA NI BUM PA LA SOGS PA'O, ,MTHONG BA MED PA'I RGYU NI DBANG PO'AM YID LA BYED PA'AM SNANG BA DAG MA TSANG NA, DGAG BAR 'DOD PA'I DON BSKAL PA'O, ,DE DAG MI SRID PA NI RGYU DE DAG TSANG BA'O, ,DE LTA BU'I YOD PA'I DNGOS PO MI DMIGS PAS NI DNGOS PO MED PAR RTOGS PAR 'GYUR GYI BLTA BYA'I MTHONG BA MED PA'I RGYU GANG YANG RUNG BA YOD PA MI DMIGS PAS NI MA YIN NO, ,MTHA'I SKAD CIG MA NYID YIN PA'I PHYIR MNGON SUM NYID YIN NO ZHES BYA BA NI DE LTA NA RANG BZHIN 'GAL BA DMIGS PA NYID DU 'GYUR RO ZHES BYA BA'I DON TO, ,NUS PA THOGS PA'I RGYU GANG YOD PA'I PHYIR GRANG BA'I REG PA MED DE, RTOGS PA'I RGYU'I RANG BZHIN RTOGS PAR MI 'GYUR RO, ,SBYOR BA'I BYE BRAG GIS RNAM PA BCU'O ZHES BYA BA NI 'DIR BSHAD PA'I RIM PA 'GAL BAS KHYAB PA DMIGS PA YANG GZHAN DU BSHAD MOD KYI, 'DIR MA BSHAD DE LE'U GSUM PA LAS SKABS SU BAB PA NA STON PA'I PHYIR RO, ,'GAL 'BRAS LA YANG ZHES BYA BA'I SGRAS NI RGYU 'GAL BA'I 'BRAS BU DMIGS PA DANG 'BRAS BU RTAGS DAG LA YANG NGO, ,'DAS PA DANG DA LTAR DANG MA 'ONGS PA GANG GIS KYANG MA DMIGS PA DE JI LTAR MI RIGS BA LAS MED PA MA YIN ZHE NA, THAMS CAD CES BYA BA DUS GSUM PA'I SKYES BU THAMS CAD KYA DMIGS PA @211B LOG PA NI SNANG BA MI DMIGS PA 'DIR RTAGS MA YIN PA'I PHYIR TE, DE LTA BU'I RTAGS NI RGOL BA BDAG NYID DANG GZHAN GYI PHYIR RGOL BA GNYI GAS MI RTOGS SO, ,DE'I PHYIR MI DMIGS PAS 'DIR BDAG NYID KYI DMIGS PA LOG PA NYID GANG 'GOG PA'I TSAD MA YIN TE, BDAG NYID KYI DMIGS PA LOG PA MA YIN PA BSKAL PA NA YOD PA NI MI DMIGS KYANG YOD PA MA YIN PA MA YIN NO, ,GAL TE YOD PA DE LA YANG MNGON SUM 'JUG GO, ,DE LTA MA YIN YANG RJES SU DPAG PA'O, ,DE LTA MA YIN YANG LUNG 'JUG STE, RIG BYED LAS STON PAR 'GYUR NA GANG 'DOD CHAGS DANG BRAL BA LA SOGS PA NI DE LTA MA YIN PA'I PHYIR MED PA NYID DO ZHE NA, MA YIN TE RE ZHIG BSTAN BCOS TE LUNG NI SKYES BU'I DON SGRUB PA'I THABS CUNG ZAD LA BRTEN NAS 'JUG STE, SKYES BU LA MKHO BA MA YIN PA NI YANG DAG PAR MA 'BREL PAR 'GYUR BAS CHAD MA MA YIN PAR 'GYUR TE, 'DOD PA'I DON MA GRUB PA MED PA'I PHYIR RO, ,SKYES BU'I DON BSGRUB PA DE LA YANG DE'I SKABS SU BAB PA MA YIN PA'I DON MA YIN PA MANG BER NGES PAR STON PA NI MA YIN TE, JI LTAR GLING STONG BA NA YOD BA'I 'BRAS BU DANG, ME TOG LA SOGS PA SO SOR NGES PA STE, GZHAN DANG MA 'BREL PA'I BDAG NYID GANG DAG DANG; SKYES BU RNAMS KYI SEMS KYI 'JUG PA DAG THA DAD PA STE, 'DOD PA SNA TSOGS PA DE LTAR 'JUG PA'I RGYU MTSAN GCIG TU NGES PA MED PA STE, SNGON GOMS PA DANG, YUL GYI DBANG DANG, GROGS PO DANG 'BAD PA DAG LA SOGS PA SNA TSOGS PAR NGES PA MED PAS DE DAG GIS DON BSGRUB PA'I THABS KYANG MI MTHUN PA CUNG ZAD TZAM YANG MED DO, ,DE LTA BU'I DON RNAMS DUS DANG YUL GYI RNAM BAR GZHAG PAS THA DAD PA DAG SKABS SU BAB PAR RIGS PA MA YIN TE, DE DAG NI SKABS SU MI DGOS PA'I PHYIR RAM YANG NA DE DAG GI RDZAS KYI BYE BRAG SO SOR NGES PAR BSTAN PAR MI NUS PA'O,, DE'I PHYIR DE DAG NI BSTAN BCOS KYIS BSTAN PA'I YUL DU MI BYED PA'I PHYIR BSTAN BCOS LOG BAS MED PAR MI 'GRUB PA'O, ,DON SO SOR NGES BA MTHA' YAS BDE RNAMS NI BSKAL PA YIN PAS RANG GI DON SHES PA LA NYE BAR 'JOG PAR NUS PA MA YIN PAS MNGON SUM GYI SHES PA SKYED PAR NUS PA NA @212A *, ,YIN PA'I PHYIR RO, ,DE BZHIN DU ZHES BYA BA'I SGRAS NI MNGON SUM LOG KYANG MED PA MI 'GRUB STE, YUL DU MI BYED PA'I PHYIR RO ZHES SNGA MA LTAR SBYAR BA STON TO, ,'BYUNG BA LA TSAD MA MED DO ZHES MI 'GEGS KYI 'ON KYANG TSAD MA SRID DO, ,DE'I PHYIR TSAD MA MTHONG BA'I PHYIR SPANG BAR MI 'OS SO ZHES BSTAN TO, ,MA MTHONG BA TZAM GYIS DGAG BAR MI NUS PA DES NA DGAG PAR BYA BA 'DIR TSU ROL MTHONG BA'I MTHONG BA NI RANG BZHIN GYI DON NAM 'BREL PA'I DON DAG GIS MTHONG BA ZIN PA MA YIN TE, THAMS CAD NGES PAR MI NUS PA'I PHYIR RGYU LAS 'BRAS BU SKYE BA NA NGES PAR 'BYUNG BAR 'GYUR YANG RGYU MTHONG BA TZAM GYIS NGES PAR MI NUS PA'I PHYIR MA 'ONGS PA NA 'BYUNG BA'I SHES PAR BYED PA MA GRUB PO, ,DES NA MTHONG BA 'DI TZAM GYIS 'BRAS BU DE MA 'ONGS PA NA 'BYUNG BA MED PA NI MA YIN TE, SNGAR MA MTHONG BA GANG DAG GI YANG BRGYUD DE PHYIS 'BRAS BU 'BYUNG BA GSAL BAR 'GYUR BA MTHONG BAS SO, ,DES NA MNGON SUM DANG RJES SU DPAG PA MED PAS MED PA MI 'GRUB PO, ,LUNG GI SGRA YANG MED PA GO BAR MI BYED DO ZHES SBYAR TE, CI'I PHYIR SNYAM PA LA SGRA NI DNGOS PO CI LTA BA BZHIN DU NGES PAR 'JUG PA MA YIN PA'I PHYIR RO, ,BRJOD PAR 'DOD PA DE MA THAG PA STE, DE DANG 'BREL PA ZHES BYA BA'I DON TO, ,GAL TE 'DOD PA DNGOS PO JI LTA BA BZHIN DU 'JUG GO ZHE NA, SKYES BU 'DOD PA THAMS CAD NI ZHES BYA BA LA SOGS PA SMOS SO, ,JI LTA BA BZHIN GYI DON MTHONG BA LA SOGS PA'I SGRAS NI CHAGS PA DANG G-YO BA LA SOGS BA NYES PA ZAD PAR BSDU'O, ,GAL TE SKYES BU DE LTA BU'I BYE BRAG SHES PAR NUS NA 'DI LTA BU'I SKYES BU TSIG 'DI YIS DON PHYIN CI MA LOG PAR STON TO ZHES KHO BO YANG 'DOD BA NYID DO, ,DE LTA BAS NA RTOG PA SNGON DU GTONG BA RNAMS KYIS LUNG DE LA 'JUG PAR 'DOD PAS LUNG YID CHES PAR BYA BA YIN NAM MA YIN RTOG PAR BYED LA, BRTAGS NAS RNAM PAR DAG PA'I LUNG LA 'JUG PAR BYED PA NI DON MED PA'I NGAL BA DANG MI 'DOD PA GZHAN DANG PHRAD PAS NYON MONGS PAR MI 'GYUR BA NYID DO, ,LUNG GIS RANG GI RANG BZHIN BRTAGS PAS STONG STE, LUNG DE'I SKYES BU BRTAGS TE 'JUG PAR BYED PA NA'O, ,NYES PA @212B ZAD PA LA SOGS PA DE LTA BU NI SEMS KYI CHOS YIN PAS RANG BZHIN GYIS BSKAL PA'I PHYIR SHES PAR MI NUS PA'I PHYIR RO, ,DBANG PO LAS 'DAS PA'I PHYIR RANG BZHIN GYI RTAGS MED DO, ,RANG LAS SKYES BZHES BYA BA LA SOGS PAS NI 'BRAS BU'I RTAGS MED PAR STON TO, ,BSAM PA SNGON DU BTANG STE ZHES BYA BA NI LUS DANG NGAG GI THA SNYAD KYI SKYES BU 'DOD PAS 'JUG GO, ,DE RNAMS ZHES BYA BA NI CHAGS PA DANG BRAL BA DANG CHAGS PA CAN RNAMS SO, ,BSAM PA SNA TSOGS PA STE DGOS PA'I DBANG GIS CHAGS PA DANG BRAL BA DAG KYANG CHAGS PA CAN LTAR G-YO LA, CHAGS PA CAN DAG KYANG CIG SHOS LTAR G-YOS PAS SO, ,DE LTAR NA YID CHES PAS BSTAN PA ZHES BYA BA'I LUNG GI TSAD MA NYID BSAL TO, ,YANG SKYES BUS MA BYAS PA NYID KYI LUNG RIG BYED TSAD MAR 'DOD PA DGAG PAR BZHED NAS, GAL TE SKYES BU LA BRTEN PA'I NGAG NI ZHES BYA BA LA SOGS PA GSUNGS SO, ,SKYES BU LUNG PHOG PAR NI BRDA BSTAN PA'O, ,DE LA LTOS PA YANG YIN GYI SGRA TZAM GYIS NI MA YIN NO, ,GANG YANG RIG BYED NI RTAG PA NYID DU 'DOD NA RTAG TU DMIGS PA'AM, YANG NA MI DMIGS PA NYID DU 'GYUR NA, DE LTA YANG MA YIN TE RES 'GA' BAR DMIGS PA NYID KYI PHYIR RTAG PA NYID MED DO, ,GAL TE RTAG TU YOD PA NYID YIN MOD KYI DMIGS PAR RIGS PA'I GNAS SKABS NA NI DMIGS LA DE LAS GZHAN PA'I GNAS SKABS SU NI MA YIN NO ZHE NA, DMIGS PA'I TSE DMIGS PAR RIGS PA'I BDAG NYID 'THOB LA, DMIGS PAR MI RIGS PA DE'I BDAG NYID BTANG NGO, ,MI DMIGS PA DE'I TSE NI BZLOG PA'O, ,DE LTAR 'THOB PA DANG GTONG BA DAG LAS RANG BZHIN GZHAN SKYE BA DANG NYAMS PA ZHES BYA BA GZHAN MA YIN GYI DE DAG NYID YIN NO, ,DE'I PHYIR RIG BYED MI RTAG PA NYID DU GRUB PO, ,GAL TE RTAG NA RES 'GA' DMIGS PA MED PAR THOB PAR 'GYUR BAS MI RTAG PA LOG NA, RES 'GA' DMIGS PA LDOG PAR STON TO, ,GAL TE LHAN CIG BYED PA LA LTOS PA'I PHYIR RO ZHE NA, LHAN CIG BYED BA DES RIG BYED RTAG PA'I PHYIR BDAG NYID BOGS BYAR MED PA DE LA CUNG ZAD KYANG MI BYED DO, ,GAL TE RIG BYED LAS GZHAN PA'I KHYAD PAR BYED DO ZHE NA, RIG BYED LAS KHYAD PAR GZHAN @213A *, ,BA ZHIG BYED PA NI RIG BYED DE DANG KHYAD PAR GZHAN DE 'BREL PA MI RIGS PA'I PHYIR RIG BYED LA CI YANG KHYAD PAR MED DO, ,GAL TE 'BREL PA MED PAR JI LTAR SHES SHE NA, DE DANG 'BREL PA YANG PHAN PAS YIN NA RIG BYED RTAG PA'I PHYIR PHAN PA BYED PA MA YIN PA DANG, DE NYID KYI PHYIR KHYAD PAR PHAN PAR BYA BA MA YIN PA DAG CI ZHIG 'BREL, RTAG PA DE'I BDAG NYID KYIS PHAN PA NI MI NUS SO, ,RIG BYED DE LAS GZHAN PA'I BDAG NYID GZHAN GYIS PHAN PAR BYED NA YANG RIG BYED KYIS PHAN PA BYAS PA MA YIN PA'I PHYIR, DE'I KHYAD PAR DU MI 'GYUR RO ZHES BYA BA'I RTZOD PA MTSUNGS SO; ,GAL TE PHAN PA DE'I PHAN PA RIG BYED KYIS BYAS SO ZHE NA, DE LA YANG RIG BYED BDAG NYID KYIS NI MA YIN TE, RTAG PA'I PHYIR DE LAS GZHAN PAR 'GYUR LA, DE LA YANG PHAN PA DANG DON GZHAN PA BRTAG PAR BYA DGOS PA'I PHYIR THUG PA MED PAR 'GYUR RO, ,GANG ZHIG RES 'GA' BA SKYES BU'I 'DOD PA'I RJES SU 'BRANG BA DE NI SKYES BUS BYAS PA YIN TE, DE'I PHYIR SGRA NI RES 'GA' ZHES BYA BA LA SOGS PAS NI SKYES BUS BYAS PAR STON TE, SKYES BU BYED PA DANG RJES SU 'GRO BA NGES PA'I PHYIR, SKYES BUS BYAS PAR 'DOD PA'I BSTAN BCOS BZHIN NO, ,RIG BYED KYANG RES 'GA' BA NYID SKYES BU'I 'DOD PA'I RJES SU 'BRANG BA'I PHYIR ZHES BYA BA'I SBYOR BA BSTAN TO, ,SKYES BUS BRDAR BYAS PA LAS GZHAN DU NA YANG SGRA RNAMS DON DANG MED NA MI 'BYUNG BA MED PAS RANG LAS GZHAN PA'I DON DU BAS ME RTOGS PA LTA BU NI MED DO, ,DA NI SGRA DANG DON RANG BZHIN GYIS 'BREL PA LUNG GI TSANG MAR 'DOD PA BRTAG PA'I PHYIR SGRA YOD PA NYID KYIS ZHES BYA BA SMOS TE, GAL TE DON MED NA SGRA MI 'BYUNG BA'I PHYIR SGRA YOD PA NYID KYIS DON GYI BYE BRAG DANG 'BREL TO ZHE NA, MA YIN TE, SGRA'I YOD PA NYID TZAM NI DON THAMS CAD KYI 'BREL PA DE BYE BRAG MED PA'I PHYIR BYE BRAG GI DON MTSON PAR MI 'GYUR RO, ,GAL TE DPYOD PA PA DAG , JI LTAR DBANG RNAMS DON GYIS NA, ,RUNG BAS THOG MA MED NAS 'BREL, ,DE BZHIN SGRA RNAMS DON RNAMS KYIS, ,RUNG BAS THOG MA MED NAS 'BREL, ,ZHES BYAS PA YIN PAS, GAL TE DBANG PO DANG DON BZHIN DU ZHES BYA BA LA SOGS PA GSUNGS SO, ,GAL TE DBANG PO'I DON LAS JI LTAR SKYE @213B ZHE NA; DON DE LAS PHAN PA BYAS PA'I DBANG PO NI RANG GI SHES PA SKYED PAR BYED PA YIN PA'I PHYIR DBANG PO DE LTA BU'I DON LAS SKYES PA'O, ,DE LAS MA SKYES NA NI YUL GZHAN MED KYANG RANG GI YUL LAS SHES PA SKYED PA LTAR RANG GI YUL MED KYANG RANG GI SHES PA SKYED PAR 'GYUR RO, ,CI'I PHYIR RANG GI YUL DE PHAN PA BYED PA YIN ZHE NA, MNGON SUM LA BSNYON PAR MI NUS SO ZHES BSTAN PA'I PHYIR, 'DI LA DNGOS PO'I RANG BZHIN LAN 'DEBS PAR ZHES BYA BA LA SOGS PA SMOS SO, ,DE MED PAR ZHES BYA BA RIG BYED RTAG PA'I PHYIR DON LAS SKYE BA DE MED PAS SO, ,SGRA'ANG DON 'DI'I SGRA 'DI ZHES BYA BAR MI 'GRUB LA, DON KYANG SGRA LA NGES PA MA YIN NO, ,GAL TE MING GI SGRA GANG YANG DON LAS SKYE BA MED BA'I PHYIR SGRA THAMS CAD KYIS DON BRJOD PAR MI 'GYUR RO ZHE NA, RAB TU SBYAR BA ZHES BYA BA NI 'DI'I MING 'DI'O ZHES SAM 'DI'I SGRA 'DI'O ZHES BRDA RAB TU SBYOR BA'I PHYIR SGRA DE NI DON DANG LDAN PA YIN TE, LUS KYI RIG BYED BZHIN TE KHO BO MDZUB MO 'GRENG BA NA DON 'DIR GO BAR GYIS SHIG CES BYA BA BZHIN NO, ,SOGS PA'I SGRAS NI RGYAL PO RTAGS LA SOGS PA RTAGS MTSAN GZHAN DAG GZUNG NGO, ,BRDA'I DUS KYIS DON DE LAS 'ONGS PA MA YIN PA NI BRNGAM BYAS PA'O, , YANG NA DE LAS 'ONGS PA MA YIN PA NI BRJOD PAR 'DOD PA DE LAS MA 'ONGS BA STE, BRJOD PAR 'DOD PA LAS MA SKYES PA'I SGRA'O, ,DES BRDAR MA BYAS PA'I SGRA'I DON GO BAR MI NUS TE, NAM MKHA' LA SOGS PA NI SKYES BU LA SOGS PAS SO, ,GAL TE SGRA RNAMS KYI NGO BO DON GAD LAS SKYES PAS DE DE LA NGES PA NI MA YIN GYI 'ON KYANG SHES PA BYED PA'I NUS PA LAS 'DE'O DE'O ZHES GO BAR BYED DO ZHE NA, NUS PA DE YANG DON YOD NA YOD LA MED NA MED PA DAG GI RANG BZHIN NI RANG BZHIN DE DAG GIS DON DANG 'BREL PA YIN GYI, GZHAN DU DON MED KYANG NUS PA YOD NA NI 'BREL PAR MI NUS PA'I PHYIR 'BRAS BU'I RANG BZHIN NYID MI GTONG STE, 'BRAS BU GZHAN DU BA LA SOGS PA DAG GI MTSAN NYID KYANG NGO, ,DON DE LAS ZHES BYA BA NI SGRA LAS GZHAN PA'I NUS PA'O, ,DE LAS DON SHES PA SKYE BA'I PHYIR RO, ,DON DANG SGRA'I 'BREL PA YANG MI 'GRUB STE, SGRA LAS GZHAN PA'I NUS PAS DON GO BAR BYED @214A *, ,PA'I PHYIR RO, ,MA 'BREL BA GO BAR BYED PA MA YIN BA DE'I PHYIR DON THAMS CAD KYI DUS THAMS CAD DU GO BAR BYED PA GANG NA NGES BA'I RANG BZHIN DU GYUR PA NYID NI RANG GI RGYU'I RANG BZHIN NGES PA CAN GYI SKYED PAR BYED PA'I DNGOS PO SNANG BAR BYED DE GO BAR BYED DO, ,MAR ME GZUGS LAS BYUNG BA MA YIN YANG GSAL BAR NUS PAS SO ZHES BYA BA'I DON TO, ,GAL TE JI LTAR RANG BZHIN GYI SA GSAL BAR BYED PA MA YIN ZHE NA, 'BREL BA YOD PA DANG MED PA MTHONG BA DANG MA MTHONG BA STE, DE DRAN PA LAS SGRA DANG RTAGS DAG GIS RANG GI DON GYIS YUL RTOGS PAR BYED DO, ,MANG PO MTHONG BA LA ZHES BYA BA NI SGRA GCIG LA DON MANG PO MTHONG BA STE GO'I SGRA LTA BU'O, ,DE LA YANG DON GCIG TU BLTA BAR MI NUS TE RTOGS PAR MI NUS SO, ,YANG DANG YANG STE DON GZHAN DANG GZHAN MTHONG NA YANG DE DAG KYANG YIN TE, KHYAD PAR GZHAN MTHONG NAS YANG SGRA DE DON GZHAN DU SBYOR BAR BYED PA NI PHYIN CI LOG YIN TE, SGRA'I DON SNGA MA LAS BZLOG PAR 'GYUR RO, ,DE'I PHYIR SGRA'I DON LA DE LTAR THE TSOM ZA BA NYID SRID DO, ,DE LTAR DON DU MA LA YANG JI LTAR 'JUG CE NA, BRDA'I DUS NA JI LTAR MTHONG BA'I DON NI RTOGS LA MTHONG BA GZHAN DU GYUR PA NI SGRA DE NYID DON GZHAN LA BRDAR BYAS PA'O, ,DE LTAR NA DON GZHAN DE YANG 'DZIN PAR 'GYUR BA'I PHYIR SGRA DON DU MA DANG LDAN PA'O, ,DE NYID DPER BRJOD PA NI JI LTAR KA LI ZHES BYA BA LA SOGS PA SMOS SO, ,BRDA'I DBANG GIS 'JUG PA DE'I PHYIR BRDA'I 'BREL PA MTHONG BA DANG MA MTHONG BA NYID LA LTOS NAS SO, ,DON GAGS MI BYED PA'I PHYIR DON NI KHO BO SGRA 'DIS BRJOD PAR MI BYA'O ZHES MI SPONG BAS SO, ,'KHRUGS PAR 'GYUR RO ZHES BYA BA NI DON SNA TSOGS 'GYUR BA'O, ,DPYOD PA PA 'DI DAG NI SKYES BU THAMS CAD 'DOD CHAGS LA SOGS PA DANG LDAN PAR 'DOD PAS THAMS CAD MKHYEN PA MED PAR RIG BYED KYI DON PHYIN CI MA LOG PAR BDAG NYID KYIS KYANG MA RTOGS LA, GZHAN GYIS LUNG PHOG STE BSHAD PAS KYANG MI RTOGS TE DE YAD 'DOD CHAGS LA SOGS PA DANG LDAN PA'I PHYIR RO, ,RIG BYED NYID KYANG BRAM ZE'I DON NI 'DIR YIN TE 'DI MA YIN NO ZHES ZER BAS DE NYID KYIS KYANG MI RTOGS SO, ,DE LTAR NA BRDA'I DBANG GIS DON SNA TSOGS @214B LA DE LA 'GOG PA MED PA'I PHYIR, MTHO RIS 'DOD PAS ME LA SBYIN SREG SBYIN ZHES BYA BA RIG BYED KYI TSOGS 'DI SGRA'I NUS PA NI 'DI LTA BU STE, ME NI AAG NI STE SKAD KYI DBYINGS LAS AA GE GA STE ZHES BYA BA LA SOGS PA 'GRO BA'I DON TO, ,DE LTAR NA KHYI YANG 'GRO BA'I PHYIR 'GRO BA'I SGRAS BSTAN TO, ,SBYIN SREG NI HO TRA STE, SKAD KYI DBYINGS LAS HO NI DAN AA DAN ZHES 'DREN PA NA AA DA NA'I BZA' BA STE, SHA YANG BZA' BA YIN PA'I PHYIR, AA DA NI SGRAS BSTAN TO, ,SBYIN NI DZOO HA Y'A DA DE 'DIR HO'I SBRA SNGA MA DANG 'DRA BAS BZA'O ZHES BYA BAR 'DREN PAS NA KHYI SHA ZA ZHES BYA BAR 'GYUR RO, ,GAL TE 'JIG RTEN LA GRAGS PA STE SGRA'I NUS PA JI LTA BA BZHIN NI MA YIN NO, ,SGRA'I DON KHYI SHA BZA' ZHES BYA BA YANG YIN PAS DON DU MA YIN PA LAS CIG SHOS BOR TE GRAGS PA KHO NA BTUS PA DE JI LTA BU GRAGS PA'I DON YIN GYI CIG SHOS NI MA YIN NO ZHES BYA BA'I KHYAD PAR NI MI SNANG STE, DBANG POS MI GSOD DO, , 'ON KYANG GRAGS PA KHO NA 'DI'I DON YIN NO ZHES BYA BA DE SHES PA DBANG PO LAS 'DAS PA'I DON MTHONG BA'I THAMS CAD MKHYEN PA'I SKYES BU 'GA' YOD DAM ZHES BYA BA'I DON TO, ,GZHAN YANG SGRA'I NUS PA SNA TSOGS PA LAS GRAGS PA 'DI KHO NA'O ZHES MNGON SUM GYIS NI MI 'GRUB BO, ,DE'I PHYIR SGRA DANG MNGON SUM GNYIS TSAD MAR 'DOD PA'I PHYOGS BSAL LO, ,RIG BYED GCIG TSAD MAR 'DOD PA NI SHIN TU YANG BSAL LO, ,GAL TE GZHON NU MA LEN LA SOGS PA SGRA DANG MNGON SUM DANG RJES SU DPAG PA GSUM DU SMRA BA YANG BSAL TE, RIG BYED NI SHIN TU LKOG TU GYUR PA'I DON LA DGONGS PA YIN LA, ME'I SBYIN SREG BYA'O ZHES BYA BA'I DON 'JIG RTEN GYI GRAGS PA KHO NA YIN NO ZHES BYA BA'I RTAGS KYANG YOD PA MA YIN PAS DBANG PO LAS 'DAS PA'I DON YIN NO, ,GAL TE DE LTAR SGRA'I DON MA GRAGS PAR SMRA BA MED DO ZHE NA, GZHON NU MA LEN GYIS MTHO RIS KYI SGRA NI 'DOD PA'I DGA' BA YIN PAR BSHAD DE LHA'I DON DU GRAGS PA BOR RO, ,AU PA SI'I SGRA'I BLUGS GZAR RAM SRUB SHING DU BSHAD DE, BRGYA BYIN GYIS CHUNG MA GRAGS PA BOR RO, ,ME LA SBYIN SREG SBYIN ZHES BYA BA'I SGRA GZHAN YANG DE BZHIN DU'O, ,GRAGS PA KHO NA 'DI'I DON YIN @215A *, ,NO ZHES SGRUB PAR YANG NUS PA MA YIN TE, DE CI'I PHYIR ZHE NA, RANG LAS MA GRUB NUS MA YIN, ,DES DPYOD PA PA KHYOD RANG LA GRAGS PA KHO NA'I DON YIN PAR MA GRUB STE, MTHO RIS LA SOGS PA KHYED MA GRAGS BA'I SGRA SBYOR BA'I PHYIR RO, ,LA LA NI SGRA DON RAB TU MA GRUB PHYIR ZHES 'DON TE, DES NI SGRA DANG DON DNGOS POR GYUR PA'I 'BREL PA RAB TU MA GRUB BA'I PHYIR ZHES BYA BAR RTOGS PAR BYA'O, ,BRGAL ZHING BRTAG PA MTSUNGS PA NI SNGA MA LTAR NA NI KHYOD GZHAN YANG MA GRAGS PA'I DON SBYOR RO ZHES SO, ,PHYI MA LTAR NA NI RIG BYED RTAG PA NYID KYI PHYIR DE'I BDAG NYID NI DNGOS POR MI BYED LA, DE LAS THA DAD NI DE DANG 'BREL PA MED DO ZHES SNGAR BSHAD PA LTA BU'O, ,MI'I BRJOD PA ZHES BYA BA NI SKYES BU STE, DE YANG 'DOD CHAGS LA SOGS PA DANG LDAN PA'I'O, ,DE YANG NI 'DOD CHAGS PA DANG LDAN PA'I BRJOD PA'O, ,DE DAG LAS NI TSAD MA MA YIN PA'O GRAGS PA DES NI RIG BYED KYI DON YANG RTOGS BAR 'DOD DO, ,MI'I GRAGS PA DE NYID LAS GCIG PAR TSAD MA MA YIN PAR SDANG BA DANG, RIG BYED KYI DON RTOGS PA'I PHYIR TSAD MAR SMRA BAR 'DOD PA CAN NAM CI STE RANG GI TSIG DANG 'GAL BA'O ZHES BYA BA'I DON TO, ,GAL TE GRAGS PA MI 'DOD CE NA, GAL TE GRAGS PA BTANG NA NI RIG BYED KYI DON BRTAG PA'I RGYU MTSAN TE THABS MED PAR 'GYUR LA, GAL TE GRAGS PA BZUNG NA YANG, GRAGS PA'ANG SKYES BU'I YIN PAS TSAD MA MA YIN PHYIR, CI'I RGYUS NI GRAGS PA DE 'DZIN BYED, ,GZHAN YANG GRAGS PA BZUNG NA SGRA DON NGES PAR BYA BA LA ZHES BYA BA LA SOGS PA SMOS TE, SKYES BU'I THAMS CAD MKHYEN PA NYID SBANGS NA SHIN TU LKOG TU GYUR PAN DON DNGOS SU MTHONG BA'I GRAGS PAR BRDA BYED PA MED PA'I PHYIR YID GNYIS KHO NAR 'GYUR RO ZHES BYA BAR STON TE, GAL TE GRAGS PA GANG LA RIGS PA'I GNOD PA MED PA DE'I DON GZUNG NGO ZHE NA, RIGS PA'I RTZOD PA MED PA NI ZHES BYA BA SMOS TE, SKYES BU G-YON CAN DAG BSLU BA'I THABS BRDA DKA' BA SMRA BA STE, SKYON MED PA'I BRAM ZE MO LA 'DI LTAR LKOG TU SUS KYANG MA MTHONG BA NA NYES PA MED CES SMRA BA STE, DE LA RIGS PA GANG YANG GNOD PA MI BYED DE, LKOG TU @215B MNGON SUM MI 'JUG PA'I PHYIR DANG RTAGS KYANG MED BA'I PHYIR RO, ,LUNG DE'I DON NI SHIN TU BSKAL BA YIN TE MNGON SUM PA DANG LKOG TU GYUR PA DAG NI LUNG GCIG PU'I DON MA YIN PA'I PHYIR RO, ,THAMS CAD MKHYEN PA'I SKYES BU NYID MED NA LUNG GI DON SPYAD PA 'DIS RIGS PA SRID PA MA YIN NO, , GAL TE RIG BYED KYI DUM BU PHYOGS GZHAN GYIS GSAL BAR BYED DO ZHE NA, DE YANG SGRA NYID YIN PA'I PHYIR SNGA MA LTAR THE TSOM NYID BYED DO, ,DE LTA BAS NA MJUG BSDU BA'I PHYIR, SGRA BDAG NUS ZHES BYA BA LA SOGS PA SMOS SO, ,DE'I PHYIR DON STON PA'I SGRA NI SKYES BU LA BRTEN PA NYID KYI PHYIR, GAL TE KHO BOS CI ZHIG SHES RIG BYED LAS DE SKAD BSTAN TO ZHES SMRAS KYANG RGYAL DPOG PA BDAG NYID KYIS ME LA SBYIN SREG BYA BA'I DON GRAGS PA KHO NA YIN PAR SMRA BAS BSTAN PA YIN LA RIG BYED NYID NI MA YIN TE, DPER NA SKYES BU 'GA' LA LAM DRIS PA NA, 'DI SKAD CES SDONG DU MA 'DI NA RE LAM 'DI YIN NO ZHES ZER ZHES SMRA BA DANG, GNYIS PA KHO BOS RANG LAM 'DI YIN NO ZHES SMRA'O ZHES ZER BA DAG GI KHYAD PAR RTOGS TE, DE DAG RANG NYID LAS STON PAR KHYAD PAR MED KYI, CIG SHOS SDONG DUM STON PA NI MI RIGS PAR BRJOD PAR ZAD DO, ,GAL TE BRDA LA LTOS PA MED NA DON KUN TU NI RIGS PA LAS SO, ,MI SBYIN SREG LA SOGS PA'I DON, ,GCIG PU NGES PA 'DI GA LAS, ,DE LTA BAS NA BRJOD PAR 'DOD PA'I TSIG LAS GZHAN GANG GIS DBANG PO LAS 'DAS SHES ZHES BYA BA SMOS SO, ,GAL TE BRDA'I PHYOGS LA JI LTAR DON NGES SHE NA SKYES BUS SGRA 'DIS 'DI BRJOD PAR BYA'O ZHES 'DOD PA'I DON NGES PAR BYED PA'I RGYU'O, ,BRDA YIS NI NGES PA DE GSAL BAR BYED DE THA SNYAD KYI DUS SU GO BAR BYED PA'O, ,GAL TE RANG BZHIN GYIS SGRA'I DON NGES PAR STON TO ZHE NA, GZHAN DU ZHES BYA BA 'PHAGS PA'I YUL DANG 'GRO LDING BA DAG TZO RA ZHES BYA BA'I SGRA GCIG NYID CHOM RKUN DANG BZA' BA LTA BUR SBYOR BA DE YANG MED PAR 'GYUR RO, ,GAL TE BRDA YIS RANG BZHIN GYIS 'BREL BA DE GSAL BAR BYED DO ZHE NA, YANG BRDA NI SNA TSOGS SU 'JUG PA'I PHYIR DON GCIG TU RIS PA GA LAS TE ME'I SBYIN SREG LTA BU'O, ,GAL TE BRDA JI LTA BA BZHIN NGES PA YANG DE LTA'O ZHE NA, GANG LA @216A *, ,RANG DAGS TE BRDA GANG LA SKYES BU'I 'DOD PAS 'JUG PA DE LA DE'I RJES SU 'JUG PA'I NGES PA LA YANG NGES PA ZHES BYA BA CI ZHIG YOD, DE LTA BAS NA, BRDA YIS GSAL BAR BYED NA NI, ,KHYI SHA BZA' ZHES BYA BA LTAR, ,MI 'DOD PA NYID KYANG GSAL BAR BYED PAR 'GYUR RO, , YANG KHA CIG LUNG GI TSIG GI PHYOGS GCIG NGES PAR MI SLU BAR GRUB PAS TSIG DE'I LHAG MA RNAMS KYANG DE'I PHYOGS GCIG YIN PA'I PHYIR, NGES PAR MI SLU BA'I LUNG GI MTSAN NYID DU SMRA'O, ,DE NI RIGS TE ZHES BYA BA NI SGRA'I DON TZAM NI YOD PA KHO NA'O ZHES BYA BAR STON TE, 'DOD PAS SGRA SBYOR BAR NUS PA'I PHYIR 'JIG RTEN PA DAG PHYI'I DON DANG MI MTHUN PAR THA SNYAD BYED PA YANG MTHONG BA'I PHYIR LUNG GI MTSAN NYID LA THE TSOM ZA BA NYID DO, ,MNGON SUM LOG PA NI ZHES BYA BA NI BLTAR RUNG BA MA DMIGS PA'O, ,THAMS CAD NYID CES BYA BA NI DNGOS PO'O, ,THAMS CAD DU ZHES BYA BA NI YUL DANG DUS SO, ,GAL TE MA MTHONG BA TZAM GYIS MI DMIGS PAS CUNG ZAD DGAG PA MI 'GRUB BAM ZHE NA, 'JUG PA'I SNGON DU BLO 'GRO'I PHYIR, ,ZHES BYA BA SMOS TE, YOD PA'I THA SNYAD 'JUG PA'I SNGON DU DE DMIGS PA 'GRO BA'I PHYIR DMIGS PA MED PA TZAM DE NI RGYU MED PA NYID KYI PHYIR YOD PA'I THA SNYAD MI 'JUG PA STE, 'GOG PA'I 'BRAS BU CAN NO, ,GZHAN NI SNANG BA MI DMIGS PA'O, ,DE NI MED PA'I THA SNYAD 'JUG PA'O, ,YOD NA MTHONG BAR RIGS PA MI DMIGS PA NI MED PA'I THA SNYAD KYI RGYU MTSAN TE DE MTHONG BA'I PHYIR RO, ,RANG GI RGYU YOD PAS ZHES BYA BAR SBYAR TE; RANG NI MED PA'I THA SNYAD DO, ,DE'I RGYU NI SNANG BA MI DMIGS PA'O, ,DE YOD PA YANG YOD PA'I THA SNYAD 'GOG PAR BYED DO, ,BZLOG PA'I RGYU MED PA ZHES SBYAR TE BZLOG PA NI YOD PA'I THA SNYAD DO, ,DE NI RGYU NI DMIGS PA'O, ,DE MED PA NI MI DMIGS PA TZAM MO, ,DE YANG YOD PA'I THA SNYAD 'GOG PAS SO, ,MED PA'I THA SNYAD SGRUB PAS NI MI SNANG BA MI DMIGS PA LA THE TSOM ZA LA, GZHAN SNANG BA MI DMIGS PA LA NI THE TSOM LAS BZLOG PA'I PHYIR, 'DI GNYIS 'BRAS BU MI 'DRA BA'O, ,DANG PO NYID NI SNANG BA MI DMIGS PA'O, ,DE LDOG PA MTHONG BA @216B 'DIR RO, ,DE'I BDAG NYID NI GTAN TSIGS DE'I BDAG NYID DE BSGRUB PAR BYA BA'I CHOS SO, ,DE TZAM STE RTAGS YOD PA TZAM DANG NGO, ,RJES SU 'BREL PA NI RTAGS YOD PA TZAM GYIS BSGRUB PAR BYA BA YOD PA TZAM STE, DE LAS GZHAN LA MI LTOS PA'I RANG BZHIN NO, ,GAL TE BYE BRAG LA MI LTOS PA DPER NA MI RTAG PA NYID DE, YOD PA'I PHYIR RO ZHES BYA BA LTA BU'O ZHES BYA BA LA, YOD PA ZHES BYA BA YANG RGYU MED PA CAN MA YIN PA'I PHYIR RGYU'I DON 'PHEL MOD KYI, DE NI DON GYIS 'PHANGS KYI SGRA YIS MA BRJOD PA'I PHYIR BYE BRAG LA MI LTOS PA ZHES BRJOD DO, ,RANG BZHIN GYI GTAN TSIGS KYI DBYE BA GZHAN NI BRTZAL MA THAG TU BYUNG BA LA SOGS PA'O, ,TSAD MA DAG GIS RANG GIS BSGRUB PAR BYA BA'I CHOS ZHES BYA BA NI MTHUN PA'I PHYOGS LA GNOD PA CAN 'JUG PA'AM, MNGON SUM DANG MI DMIGS PA DAG GO, ,KHYAB PA DANG CHOS CAN LA BRTEN PA DAG TSAD MAS MA DES PA'I RANG BZHIN CAN GYI RTAGS DES BSGRUB PAR BYA BA GO BAR BYED PA MA YIN PA'I PHYIR RO, ,GAL TE RTAGS KYI DON RANG NYID KYIS GO BAR BYED PA NYID MA YIN NAM TSAD MAS NGES PA CI DGOS SHE NA, GSAL BAR BYED PA YIN PA'I PHYIR ZHES BYA BA SMOS TE, GSAL BA DE'I MTSAN NYID TSAD MAS MA MTHONG BAR NI MAR ME RANG GI DON BUM PA GSAL BAR RTOGS PAR BYED PA MED DO, ,DE BZHIN DU RTAGS KYANG RANG NYID GO BAR NUS PA YIN MOD KYI, 'BREL PA DANG PHYOGS KYI CHOS TSAD MAS MA NGES PA NI RTAGS CAN GO BAR MI BYED DO, ,TSAD MAS 'BREL PA NGES BA DE'I PHYIR, NGES PA'I KHYAB BYA GO BYED DE, ,ZHES BYA BA LA SOGS PA SMOS SO, ,PHYOGS NGES PAR BSTAN PA MA YIN TE, MI BSTAN PA KHO NA STE, RTAGS KYI 'BREL PA MA RTOGS PA'I DUS SU NI, PHYOGS BSTAN PAS GO BAR MI NUS LA, PHYOGS KYI CHOS NYID DANG KHYAB PA NGES PAS NI PHYOGS RTOGS ZIN PA'I PHYIR YANG PHYOGS BSTAN PA DGOS PA MED PA'I PHYIR RO, ,DE'I BDAG NYID KYIS 'BREL PAR TSAD MAS MA DES NA NI, BSGRUB PAR BYA BA DE LOG PAS RTAGS DE'I LDOG PA YANG NGES BA MED DO, ,DE'I PHYIR TSAD MAS 'BREL PA ZHES BYA BAR NGES PAR @217A *, ,RAB TU BSGRUBS NAS LDOG PA NGES PAR BRJOD PAR BYA'O, ,MA MTHONG BA TZAM GYIS NI MA YIN TE, DE TZAM DANG LDAN PA LA YANG GO BAR BYED PA MA YIN PA GZUGS KHYAD PAR MED BA ZHES BYA BA MTHONG BA'I PHYIR RO, ,RANG BZHIN DANG NI RJES 'BREL NYID, ,CES BYA BA NI, RANG GI RGYU LAS DE LTAR SKYES PA'AM, YANG NA RANG GI NGO BO NYID YIN NO ZHES BYA BA'I THA TSIG GO, ,'DI LTAR LTOS PA'I CHOS RNAMS NI, ,ZHES BYA BA LA SOGS PAS NI GANG ZHIG 'BYUNG BA RGYU GZHAN LA LTOS PA DE NI NGES PA MED PA STE, DPER NA GOS GRUB PA LA DMAR PO NYID BZHIN NO, ,CHOS 'BYUNG BA RNAMS KYANG 'JIG PA RGYU GZHAN LA LTOS PA'I PHYIR RO ZHES BYA BA SBYOR BA 'PHEN PAR BYED DO, ,DNGOS PO 'JIG PA RANG GI RGYU LAS GZHAN LA LTOS PA MED PA NGES PAR 'JIG PAR 'GYUR GYI, BUM PA LA SOGS PA 'JIG PA'I RGYU GZHAN LA LTOS PA DANG BCAS PA NYID YIN NA NI, BUM PA LA SOGS PA DE DAG GAL TE 'JIG PA'I RGYU DANG MA PHRAD NA RTAG PAR 'GYUR RO, ,GAL TE THO BA DANG CHAR DAG LA SOGS PA 'JIG PA'I RGYU MANG PO DAG YOD PAS GANG YANG RUNG BAS NGES PAR 'JIG GO ZHE NA, GAL TE ZHES BYA BA SMOS TE, 'JIG PA'I RGYU MANG PO DE DAG KYANG 'JIG PAR BYED PA LA RANG RANG GI RKYEN NYE BA LA LTOS PA YIN PA'I PHYIR, RGYU GZHAN LA LTOS PA'I PHYIR, 'JIG PAR BYED PAR NGES PA MED DE GOS LA TSON BZHIN NO, ,'JIG PA RGYUS GNAS PA ZHES BYA BA NI RGYU GZHAN LA LTOS PA'O, ,DE 'BRAS BUR BRJOD PA NI 'JIG PA NYID DO, ,MA NGES PA NI RGYU GZHAN LA LTOS PA'I PHYIR RO, ,YANG RGYUS GNAS PA NI GTAN TSIGS KYIS GZHAG PA'O, ,RTAGS KYANG GANG ZHE NA, 'BRAS BUR BRJOD PA STE BYAS PA'I PHYIR RO ZHES BYA BA'O, ,RTAGS DE NI MA NGES PA STE, 'JIG PA RGYU GZHAN LA LTOS PA'I PHYIR RO; ,DE LTA BAS NA 'JIG PA RGYU DANG BCAS SMRA BA'I, ,RGYU DANG RTAGS DANG DE DAG NGES PA MA YIN NYID, ,DNGOS PO 'DI RANG YOD PA TZAM LAS GZHAN PA'I RGYU LA 'JIG PA MI LTOS NA DNGOS PO DE LA 'JIG PA DE 'BYUNG BAR NGES TE, RANG YOD PA TZAM GYI RGYUS 'JIG PA DE'I RGYU TSANG BA'I @217B PHYIR RO, ,DE'I PHYIR, GANG ZHIG DE YOD GZHAN LTOS MED, ,DE DAG DE YOD LA NGES YIN, ,ZHES GSUNGS SO, ,DNGOS PO NUS PA LA SOGS PA NI SA BON LA SOGS PA RDZAS TSOGS PA RNAMS RGYU GZHAN DU GYUR PA LA LTOS PA DE BZHIN DU GANG LA YANG 'JIG PA LTOS PA MED DO, ,DE LA YANG ZHES BYA BA NI SA BON LA SOGS PA'I TSOGS PA'O, ,MTHA'I TSOGS PA NI MA TSANG BA YANG MED PA LA BAR CHAD KYANG BYAR MED DE RANG SKYED PAR GRUB ZIN PA'I PHYIR BAR CHAD BYA BAR MI NUS SO, ,DE YANG MTHA'I TSOGS PA NI NGES PAR 'BRAS BU DANG BCAS PA'O ZHES MI DMIGS PA'I SBYOR BA'I SKABS SU SMRAS PA DANG 'DRA BA NYID DO, ,GAL TE LTOS PA MED PA ZHES BYA BA NI MTHA'I TSOGS PA'O, ,DE NI NGES PAR 'BRAS BU SKYED PAR SMRAS PA'I PHYIR, NAS KYI SA BON TSOGS PA MTHAR THUG PA YANG S'A LU'I MYU GU SKYED PA MA YIN NAM STE S'A LU'I MYU GU'I RKYEN SA BON DANG CHU LA SOGS PA RNAMS NUS PA MTHAR THUG PA NYE BA'I PHYIR LTOS PA MED PA DANG, GAGS NUS PA MED PA'I PHYIR ZHE NA, DE'I RANG BZHIN ZHES BYA BA NI S'A LU'I MYU GU SKYED PA'I RANG BZHIN TE, S'A LU'I SA BON NO, ,DE LA LTOS TE S'A LU'I MYU GU SKYED PA YIN NA DE NI MA TSANG BA DE'I PHYIR LTOS PAS MI LTOS PA NYID MED DO, ,GAL TE SA BON DANG CHU LA SOGS PA'I TSOGS PA MTHAR THUG PA YIN NA YANG DE'I RANG BZHIN LTOS PA DE LTA NA'O, ,DE NYID KYI RANG BZHIN ZHES BYA BA NI MI RTAG PA'O, ,DE BYAS PA DANG YOD PA LA YOD PA MA YIN TE, BYAS PA DE DAG KYANG 'JIG PA'I NGANG CAN GYI RANG BZHIN GZHAN LA LTOS PA'I PHYIR LA, BYAS PA DANG YOD PA DE YANG YOD PA'I 'JIG PA'I NGANG CAN MA YIN NO, ,DE'I PHYIR BYAS PA NYID LTOS PA DANG BCAS PA'I PHYIR MI RTAG PA NGES PA MA YIN ZHE NA, RGYU'I NUS PA NGES PA CAN TE RGYU NUS PA MI 'DRA BAS BSKYED PA'O, ,DE YANG RANG GI MTSAN NYID YIN TE RGYU'I NUS PA JI LTA BAR MA 'DRES PA'I MTSAN NYID YIN PA'I PHYIR RO, ,RANG BZHIN GYIS THA DAD PAR NGES PA'I DON GYI MCHAN NYID THA DAD PA NYID NI RGYU MED PA CAN DU MI RIGS TE, RGYU MED PA LA NI GANG LA YANG LTOS PA MED PA'I PHYIR, RGYU'I YUL DANG DUS DANG RDZAS NGES PA LA LTOS PA MI RIGS PA'I PHYIR LA, DNGOS PO @218A *, ,RNAMS NI LTOS PA NYID DU TSAD MAS GRUB PA'I PHYIR RO, ,DE'I PHYIR NAS DANG S'A LU'I SA BON DAG GI NUS PA'I MTSAN NYID THA DAD PA DAG NI RANG GI RGYU NUS PA THA DAD PA DAG LAS BYUNG BA YIN NO, ,DE BZHIN 'DIR YANG ZHES BYA BA NI BYAS PA DANG YOD PA 'DI LA NI YANG NGO,, GANG GI PHYIR RGYU 'DIS NA NI BYAS PA LA SOGS PA 'JIG PA'I MTSAN NYID CAN DU SKYE LA GZHAN LAS NI RTAG PAR RO ZHES NGES PA'I RGYU MTSAN TE, RGYU'I DBYE BAR SMRA BAR BYOS SHIG PA'O, ,RANG DANG GZHAN GYI SDE BA DAG NA RE SKYE BA CAN DE SKYES PA RNAMS 'JAG PA YIN GYI, 'DUS MA BYAS RNAMS DANG; SA DANG CHU LA SOGS PA RTAGS PA'I RDZAS RNAMS NI SKYE BA MED PA'I PHYIR 'JIG PA MA YIN NO ZHE NA, SKYE BA 'JIG PA'I RANG BZHIN GYI RGYU MA YIN ZHES BYA BA SMOS TE, SKYE BA NYID 'JIG PA'I RANG BZHIN YIN PA'I PHYIR RO, ,GAL TE DE NYID KYI PHYIR SKYE BA CAN 'JIG MA SKYES PA NI MA YIN NO ZHE NA, 'O NA NI 'JIG PA'I PHYIR 'JIG GO ZHES BYA BAR 'GYUR TE, RTAGS MA GRUB PA'AM DON MED DO, ,GAL TE RANG BZHIN YIN PA'I PHYIR 'JIG GO ZHE NA, RANG BZHIN NGES PA ZHES BYA BA YANG DE LTAR NGES PA SKYED PA'I RGYU LAS YIN GYI RGYU MED PAR NI MI RUNG NGO, ,DE LTA BAS NA SKYE BA NI 'JIG PA'I RGYU MA YIN PA'I PHYIR DES 'BRAS BU'I RANG BZHIN NGES PAR GZHAG PAR MI NUS SO, ,TSOGS PA MTHA' DAG MA MTHONG PA'I PHYIR ZHES BYA BA NI THAMS CAD MKHYEN PA MA YIN PA DAG GIS SO, ,MTHONG NA RTAGS NI DON MED DO ZHES STON TO, ,GAL TE DON BYED PA'I NUS PAS STONG PA DNGOS PO MED PA YIN PA DE LTA NA GZUGS MED PAR LHAG MA MED PAR 'JUG PA'I MTHA'I SKAD CIG MA DANG RANG GI 'BRAS BU BSKYED PA MED PAS, DNGOS PO MED PAR THAL BAR 'GYUR RO ZHE NA, SEMS CAN GYI GRANGS NYID DU SKAD CIG MA GZHAN NYE BAR MI LEN BYA BA NI SRID PAR NYID MTSAMS MI SBYOR BA'I PHYIR SRID PA THA MA ZHES BYA BA STA, BYANG CHUB CHEN POR SEMS BSKYED PAS TSUL GZHAN GYIS GNAS PAR 'DOD PA'O, ,SHES BYA MTHA' DAG LA KHYAB PA'I RJE BTZUN THAMS CAD MKHYEN PA'O, ,DE'I YE SHES LA NUS PA YOD PA STE, DE'I SMON NAS SHES BA'I DMIGS PA YIN PA'I PHYIR RO, , @218B KHAMS GZHAN TE 'DOD PA'AM GZUGS NA'O, ,DE DAG NI PHA ROL GYI SEMS SHES PA THAMS CAD MKHYEN PA MA YIN PA DAG GI SEMS LA YANG NGO, ,GAL TE THAMS CAD MKHYEN PAS GZUGS MED PA'I SRID PA'I MTHA'I SEMS LA CHED DU MA GTANG NA NUS PA MED DO ZHE NA, GDUL BA'I RGYUD DAM DNGOS PO'I GNAS SKABS KYI CHOS GCIG MA SHES NA YANG NGO, ,GANG DAG BYA BA BYED PA'I PHYIR, ,ZHES BYA BA NI THA MA'I SEMS DE YANG SRID PAS NYID MTSAMS SBYOR BA'I BYA BA MI BYED KYANG, SEMS KYI RGYUN GZHAN GYIS GNAS PA'I BYA BA BYED PA STE, BYANG CHUB CHEN POR SEMS BSKYED PA LA SOGS PA'O, , YANG NA SNGAR BSHAD PA DAG MI BYED KYANG RKYEN MA TSANG BAS YIN GYI NUS PA MED PAS NI MA YIN TE RKYEN TSANG NA BYED PA NYID DO, ,SNGON NAS BYED NA SNGON SDOD PA NI BYED PA PO MA YIN PA'I RANG BZHIN YIN PAS PHYIS KYANG BYED PAR MI 'GYUR BA'O, ,GAL TE LTOS PA DANG BCAS SO ZHE NA BSHAD ZIN TE, RIG BYED RTAG PA LTOS PAS RTAG PA'I RANG GI NGO BO LA NI PHAN PAR NUS LA, RANG LAS GZHAN NA NI DE CI YIN ZHES BYA BA LA SOGS PAS SO, ,DE'I RANG BZHIN GYI ZHES BYA BA NI BYED PA'I RANG BZHIN NO, ,DE'I RANG BZHIN RTAG PA DE YOD BZHIN DU 'BRAS BU'I CIG CAR BYAS NAS PHYIS MI BYED PA NI MI RIGS PA'I PHYIR RO, , PHYIS YANG BYED PA NA NI CIG CAR BYED PAR MI 'GYUR RO, ,YANG NA SKYE BA CAN NI BYAS PA YIN PAS BYAS PA THAMS CAD MI RTAG CES BYA BAR PHUNG PO DANG KHAMS DANG SKYE MCHED TZAM ZHIG BSGRUB PAR BYA BA YIN PA'I PHYIR, TSOGS PA MTHA' DAG MTHONG BA LA LTOS SO ZHES BYA BA'I SKYON MED DE, MJUG THOGS SU RIGS PA 'BYUNG BAS SO, ,PHUNG PO LA SOGS PA'I DE'I MTSAN NYID LA NI SGRUB PA'I TSAD MA MED PA'I PHYIR RAB TU MA GRUB LA, DE LTA BU LA YANG GANG BYAS PA DE ZHES RJES SU 'GRO BA BRJOD PAR MI DMIGS TE BYAS PA DAG 'GAL BA'I PHYIR RO, ,BYAS PA ZHES BYA BA YANG PHUNG BO LA SOGS PA NYID DO, CHOS MNGON PA LAS, 'DUS BYAS KYI CHOS GANG DAG CE NA ZHES GSUNGS TE, BYAS PA'I CHOS GANG DAG CE NA ZHES BYA BA YIN NO, ,LTOS PA DANG BCAS PA NI RANG GI YUL DANG SNANG BA DANG YID LA BYED PA LAS LTOS NAS RNAM PAR SHES PA BSKYED PA'O, ,YUL YANG DE BZHIN NO ZHES BYA BA NI RNAM PAR SHES @219A *, ,PA RNAM PAR CHAD PA LA SOGS PAS SO, ,BDE BA DANG ZHES BYA BA LA SOGS PA NI TSOR BA'I PHUNG PO'O, ,RGYU MTSAN NYE BAR MTSON PA NI 'DU SHES SO, ,'DOD CHAGS LA SOGS PA NI 'DU BYED DO, ,YUL LA NYE BAR DMIGS PA NI RNAM PAR SHES PA'O, ,BSGRUB PA NI SKYE BA'O, , 'GAG PA NI 'JIG PA'O, ,SO SOR RIG PA NI RANG RIG PAS SO, ,RANG BZHIN DES GOMS PAR 'GYUR BA NI MI RTAG PA'I RANG BZHIN GYIS SO, ,GAL TE CHOS KYI KHAMS DANG SKYE MCHED DAG NA 'DUS MA BYAS DAG YOD PA MA YIN NAM ZHE NA, PHUNG PO GSUM TZAM STE, TSOR BA DANG, 'DU SHES DANG, 'DU BYED TZAM STE, DE LAS GZHAN PA'I DNGOS PO MED BA NYID DU RIG PAR BYA STE, RTAG PA LA DNGOS POR MI 'THAD PA'I PHYIR DANG, RIG BYED MA YIN PA YANG GZUGS KYI RDZAS SU MED PA'I PHYIR TE, 'DI NI SNGON GYI SLOB DPON RNAMS KYIS BSHAD PAR BYA'O, ,JI LTAR BYAS PA BSHAD PA 'DIS NI YOD PA YANG MI RTAG PA'I RANG BZHIN CAN GYI PHUNG PO LA SOGS PA KHO NA'O ZHES BSHAD PAR RIG PAR BYA STE, BRAM ZE THAMS CAD THAMS CAD CES BYA BA NI SKYE MCHED BCU GNYIS SO ZHES GSUNGS PA LTA BU'O, ,GTAN TSIGS GZHAN ZHES BYA BA NI 'BRAS BU RNAM PAR SHES PA CHAD PA DANG RNAM PAR 'GYUR BA LA SOGS PA'O, ,DE LTA BU'I BYE BRAG GZHAN ZHES BYA BA NI MNGON SUM DU MA GYUR PA'I YUL DANG DBANG PO DANG BLO DAG GO, ,LTOS PA MED PA NYID YIN NA NI YUL DANG DUS DANG RDZAS LA RAG LAS PA'I PHYIR, GANG DU LTOS NAS DE'I DUS LA SOGS PAR 'JIG PA 'GAL TE RGYU MED PA'I PHYIR RGYU DE MED PAR RANG BZHIN GYIS RTAG TU 'JIG PA NYID SGRUB PAR BYED DO, ,'JIG PA'I RANG BZHIN ZHES BYA BA NI 'JIG PA'I MTSAN NYID DE, DNGOS PO'I BDAG NYID DO, ,DE'I DNGOS PO'I CHOS YIN NA RGYU MED PA NYID MI RUNG BA'I RGYU MED PA CAN DU 'GYUR RO ZHES THAL BAR 'GYUR BAR RGOL BA'O, ,YOD PA 'BYUNG BA STE YOD PA GRUB PA NA YOD PA DE TZAM LAS GZHAN LA MI LTOS PAR 'JIG PA 'BYUNG BA'I PHYIR RO, ,YOD PA DE DAG DANG 'DRA BAR YOD PA 'GRUB PA'I RGYU NYID LAS 'JIG PA DE NYID 'BYUNG BA RGYU MED PA CAN MA YIN NO, ,'GA' ZHIG LAS 'BYUNG BA NI RGYU LAS SKYE BA'O, ,GRANGS CAN DAG LA NI MED @219B DE; GSAL BA TZAM DU 'DOD PA'I PHYIR RO, ,GANG GI YANG ZHES BYA BA NI DNGOS PO STE BUM PA'AM SNAM BU'I'O, ,JI LTAR YANG ZHES BYA BA NI RDZA MKHAN NAM THAG BAS SO, ,GANG NA YANG ZHES BYA BA NI YUL LAM DUS SO, ,DE LTAR NA RGYU MED PA'I PHYIR BUM PA YANG RDZA MKHAN GYI YUL DANG DUS LA MI LTOS PAR 'GYUR TE, DE LA RGYU MED PA'I PHYIR RO, ,DE'I PHYIR DES RTZOM PAR MI BYED DO, ,SNAM BU LA YANG THAG BA JI BZHIN NO, ,GAL TE DE DAG DE LAS SKYE BA NI MA YIN GYI NYE BAR ZHI BA LAS GSAL BAR GYUR PA YIN NO ZHE NA, 'DI LTAR ZHES PA SMOS TE, CUNG ZAD NYE BAR ZHI BA NI MA SKYES PA'AM ZHIG PA NA RGYU'I RANG BZHIN GYUR NAS YANG RANG BZHIN NGO BO MI GSAL BAR GNAS PA'O, ,MA YIN PA NI NYE BAR ZHI BA MA YIN PA STE, RANG GI NGO BO GSAL BAR 'BYUNG BA'O, ,YUL DANG DUS DANG RDZAS CUNG ZAD LA 'BREL BA STE LTOS PA'O, ,MA 'BREL BA NI MI LTOS PA'O, ,RNAM PAR RTOG PA GNYIS SMOS PA LAS GZHAN PA'I PHUNG PO MI SRID PAS DE GNYIS LAS MA 'BREL PA MI SRID PA NYID NI, 'BREL PA NYID DU 'KHRUL PA MED DO, ,DE'I PHYIR YOD PA GANG ZHES BYA BA SMOS TE, YOD PA NI MNGON PAR BYUNG BA'O, ,DE RGYU DANG 'BREL PA NYID MA YIN NA NI RDZA MKHAN LA SOGS PA'I TSOGS PA DANG DE'I YUL DANG DUS KHO NA LA BUM PA NGES PA 'DI NI MED PAR THAL BAR 'GYUR RO, ,DE BZHIN DU THAG PA LA SOGS PA'I CHOGS PA DANG, DE'I YUL DANG DUS LAS SNAM BU NGES PA 'DI YANG MED PAR 'GYUR RO ZHES BYA BA LA SOGS PA SBYAR BAR BYA'O, ,DE LTAR MNGON PAR GSAL BA'I LTOS PA'I DE NYID RGYU DANG BCAS PA ZHES BYA BA YIN BA'I PHYIR LTOS PA'I YANG DNGOS PO 'DI GANG NA YANG RGYU MED PA CAN MED DO, ,MI LTOS PA'I DNGOS PO YANG MED DE LTOS PA MED PA LA 'GRUB PA MED PA'I PHYIR RO, ,DE'I PHYIR RGYU LAS BYUNG BA NYID NA DE NYID LAS 'JIG PA YANG 'BYUNG BA'I PHYIR SKYE BA DANG LDAN PA DAG MI RTAG PA NYID DU GRUB BO, ,SKYES PA DE NYID YOD PA DANG BYAS PA ZHES BRJOD DO, ,YOD PA NYID 'JIG PAS KHYAB BSGRUB PA'I RIGS PA GZHAN YANG 'JIG PA ZHES BYA BA DNGOS PO GZHAN PA NYID GANG YANG YOD PA MA YIN PA'I PHYIR YOD PA MI RTAG PAS KHYAB PA NYID DO, ,'ON JI LTA BU ZHE NA, DNGOS PO NYID 'JIG PA YIN LA ZHES BYA BA LA @220A *, ,SOGS PA SMOS SO, ,GAL TE DNGOS PO DE NYID SKAD CIG MA NYID YIN NAM DNGOS BOR RTOGS BA NYID SKAD CIG MAR RTOGS SHE NA, 'DI'I RANG BZHIN DE ZHES BYA BA STE, DE'I DBANG GIS ZHES BYA BA NI GYO MOR GYUR BA'I DBANG GIS DE 'DRA BA 'KHRUL BA'I RGYU MED PAR DE'I DBANG GIS SO,, PHYIS ZHES BYA BA NI GYO MO NGES PA NA DE BUM PA'I SKAD CIG MA THA MA MTHONG BA LAS DUS PHYIS SO, ,DUS DER BUM PA'I SKAD CIG MA RNAM PAR GZHAG PAR BYA'O, ,DE SKAD CIG MAR GRUB NA BAR DANG THOG MA'I GNAS SKABS KYANG SKAD CIG MA NYID KYIS KHYAB PAR 'GRUB STE, SNGAR DUG MTHONG YANG DUG MI SHES PA LA SKYES BUR RNAM PAR 'GYUR BA MTHONG NAS, DUG SNGAR MTHONG BA LA 'JUG PA NYID DU THA SNYAD 'JUG PA LTAR YOD PA DE LOG NA DE LAS GZHAN CI LA YANG 'JIG PA LTOS PA MED PA NYID KYI PHYIR YOD PA DE 'JIG PAS KHYAB PAR BYA BA YIN TE, YOD PA NYID RGYU MTSANG BA NA 'JIG PA YANG RGYU MTSANG BAS YOD PA'I PHYIR, DE LAS GZHAN LA MI LTOS PA'I PHYIR RO ZHES BYA BA'I DON TO, ,DE NI RGYUS NUS PA YANG MIN ZHES BYA BA NI 'JIG PA MED PAR DGAG PA'I DBANG DU BYAS PA STE, 'JIG PA SKAD CIG TU GNAS PA'I DON LA NI RGYU GZHAN DON MED PA NYID DU SNGAR BSTAN TO, ,JI LTAR NUS PA MA YIN ZHE NA; 'DI LA RNAM PAR RTOG PA GNYIS TE, 'JIG PA'I RGYUS DNGOS PO NYID BYED DAM, DE LAS THA DAD BA ZHIG BYED CES BYA'O, ,DE LA DNGOS PO NYID NI MI BYED DE DNGOS PO GRUB ZIN NA RGYUS GRUB PA DE YANG BYAR MED PA'I PHYIR MI BYED DO, ,DE LAS THA DAD PA YANG MI BYED DE, BYA BA DNGOS PO LAS GZHAN YIN NA YANG DNGOS PO DE CI'I YANG MA YIN TE, DNGOS PO NI MI 'JIG PAS DE BZHIN DU GNAS PA'I PHYIR RO, ,DE DANG DE MA YIN PAS GZHAN PA YANG MI SRID DO, ,GZHAN MI LTOS PA DE'I PHYIR 'DI 'JIG PA 'DI RANG BZHIN MA YIN TE, RANG GI 'BYUNG GNAS RGYU NYID LAS 'BYUNG BA'AM, YANG RANG GI RANG BZHIN TE RANG GI BDAG NYID YIN NO, ,DNGOS POR BRJOD PA NI DNGOS PO TZAM MO, ,'DIS ZHES BYA BA NI 'JIG PAS SO, ,GZHAN DU'ANG ZHES BYA BA NI MNGON SUM DU GYUR PA LAS GZHAN DU STE LKOG TU GYUR PA RNAMS LA YANG NGO, ,RANG BZHIN GYIS ZHES PA NI MI LTOS PA'I DNGOS @220B PO'I RANG BZHIN YIN PA TZAM GYIS SO, ,'GYUR ZHES BYA BA NI MI RTAG PAR RO, ,'JIG PA DE'I MI LTOS PA NYID CES BYA BA'I RANG BZHIN TE, BUM BA MTHAR GYUR BA'I DNGOS PO 'GA' ZHIG MTHONG BA'O, ,DE BZHIN DU MTHONG BA'I DNGOS PO LAS GZHAN PA'I 'JIG PA YANG MI LTOS PA'I RANG BZHIN DE NYID KHYAD PAR MED PA'I PHYIR RO, ,JI LTAR YOD PA NYID RGYU GZHAN LA MI LTOS PAS ZHES BYA BA'I TSAD MAS RANG DANG 'BREL PA GRUB PA DE BZHIN DU RANG BZHIN GYI GTAN TSIGS GZHAN DAG KYANG STE, SHING SHA BA YIN PA'I PHYIR ZHES BYA BA NI MNGON SUM DANG MI DMIGS PA DAG GI TSAD MAS SO ZHES BYA BA DANG, RKYEN GYI BYE BRAG GIS THA DAD PA NYID CAN YIN PA'I PHYIR BYAS PA ZHES BYA BA YANG MNGON SUM DANG MI DMIGS PAS SO ZHES BYA BA LA SOGS PA RANG GI TSAD MA JI LTA BAS !SO, ,DE NYID MNGON SUM RANG GI NGO BO YIN NO ZHES BYA BA NI 'JIG BA DE NYID DNGOS SU GTAN TSIGS KYI RANG GI NGO BO YIN TE; DE LTA MA YIN NA, YOD PA'AM BYAS PA'I DNGOS PO MI RTAG PA NYID MED PA'I PHYIR 'JIG PA DNGOS PO'I CHOS SU MI 'GYUR RO, ,GAL TE 'JIG PA DNGOS PO MED PA NYID YIN NO ZHE NA, MED PA LA NI 'JIG PA NYID MI SRID LA RGYUS BYA BAR YANG MI RUNG NGO ZHES BSHAD ZIN TO, ,CHOS GZHAN GTAN TSIGS YIN NA DE DANG JI LTAR DE'I CHOS YIN ZHE NA, BYA BA NI NGES PA'I TSIG GI TSUL LAS BRTZAD PA STE 'DZIN PA'I PHYIR CHOS ZHES BRJOD DE RANG GI MTSAN NYID 'DZIN PA'O, ,DES NI GZHAN LA MI RIGS SO SNYAM PA'O, ,GRAGS PA'I TSUL GYIS DE LA BRTEN PA LA YANG CHOS NYID DU BRJOD PA'I PHYIR TE, DE LA BRTEN PA'I PHYIR RO ZHES GSUNGS SO, ,GZHAN DAG NI RGYU SHUG DANG RDZA MA DAG DUS MNYAM PAS BSKYED PAR BYA BA DANG SKYED PAR BYED PA MED PAR RTEN DANG BRTEN PA'I DNGOS PO 'DOD PA'I PHYIR DU BA ME LA BRTEN PAR BSHAD NA, JI LTAR RGYU DANG 'BRAS BU'I DNGOS POR 'GYUR ZHE NA ZHES 'DRI BAR BYED DO, ,SLOB DPON DE NYID KYI PHYIR ZHES GSUNGS TE, RGYU DANG 'BRAS BU DE NYID KYI PHYIR RTEN DANG BRTEN PA YIN NO, ,GZHAN DU PHAN PAR BYA BA DANG, PHAN PAR BYED PA MED PA NA RTEN DANG BRTEN PA NYID DU MI 'GRUB PO, ,DE LTAR YANG RGYU SHUG GI MI LTUNG BA'I RANG BZHIN NI BUM BAS BYAS PA NYID YIN TE GZHAN DU @221A *, ,NA MI 'THAD PA'I PHYIR RO, ,DU BA DE'I RGYU ME YANG PHYOGS DE LA BRTEN PA'I PHYIR PHYOGS NI BRGYUD PAS DU BA'I RGYU NYID YIN NO, ,THAMS CAD GO BAR BYA BA NI MI GSAL BA DANG RTZA'I DANG ZHES BYA BA LA SOGS PA DU BAS GO BAR RO, ,THAMS CAD GO BAR BYED PA NA SKYA BO NYID DANG RDZAS NYID LA SOGS PA ME'I GO PAR BYED PAR RO, ,GSAL BA DANG RTZA'I ZHES BYA BA DE MED KYANG MI TZAM MI GSAL BA DAD, SHING GI LAS KYANG 'BYUNG BA'I DU BA DE DAG NI GSAL BA LA SOGS PA DE DAG SKYE BAR NGES PA MED PA'I PHYIR GO BAR MI BYED PAR 'DOD PA NYID DO, ,YANG SKYA BO DANG, RDZAS LA SOGS PA DE DAG KYANG ME DE LAS SKYE BA NGES PA MED DE, RTZIG PA DANG CHU LA SOGS PA LAS KYANG YIN PA DE DAG GO BAR MI BYED PA YANG 'DOD PA NYID DO, ,RGYU LA RANG BZHIN SREG PA NYID DE BUD SHING 'GYUR BAS DU BA BSKYED PA ZHES BYA BA'I RANG BZHIN JI SNYED CIG MED NA MI 'BYUNG BA, MIG 'CHI MAR BYED PA DANG, LKOG MAR GNOD PA DANG NAG POR BYED PA DANG, GYEN DU 'THUL BA ZHES BYA BA'I RANG BZHIN DE NI 'BRAS BU YIN LA DE DAG GO BAR BYED PA'I GTAN TSIGS YIN TE, 'BRAS BU NYID DU NGES PA'I PHYIR RO, ,SKYA BO TZAM NI NGES PA MA YIN PA'I PHYIR RO, ,RGYU 'BRAS BU'I CHOS SREG PA DANG BUD SHING 'GYUR BA DANG, DU BA BYED PA DANG, MIG 'PHYID PAR BYED PA DANG, SNAM PAR BYED PA LA SOGS PA DE DAG KYANG RGYU DANG 'BRAS BU DE NYID KYI CHOS ZHES BYA BAR RANG GI NGO BOR TE DE DAG DANG THA DAD DU MI 'JUG PA RNAMS YIN GYI SO SOR SRID PA DAG NI MA YIN NO, ,ME DANG DU BA'I RANG BZHIN CHA MED PA LA ME'I GSAL BA'I CHA SKYED PAR BYED PA MA YIN ZHING, DU BA'I RDZAS NYID BSKYED PAR BYA BA MA YIN LA, CHA SHAS KYIS BSKYED PAR BYA BA DANG SKYED PAR BYED PAR THAL BAR 'GYUR RO ZHEN, DES BSKYED PAR BYA BA NI RTZA'I MES BSKYED PAR BYA BA'I DU BA'I BYE BRAG GZUNG NA GO BAR BYA BA NYID DU 'DOD BA'I PHYIR DANG, RTAGS DU BAS KHYAD PAR DU BYAS PA'I SPYI STE DU BA'I RDZAS DANG DU BA'I SKYA BO ZHES SO, ,DE DAG KYANG GO BAR BYED PAR 'DOD PA'I PHYIR THAMS CAD DU BSKYED PAR BYA BA DANG SKYED PAR BYED PA NYID DO, ,GANG DAG BRGYA BYIN SPYI BO LAS DU BA 'BYUNG BAR MTHONG NAS GAL TE DU BAS ME LA MI 'KHRUL LO ZHES BYA BA 'DI ZHES DRI BAR BYED DO, ME DE LAS DU BA 'KHRUL TE ME MED PAR YANG YOD NA DU BA 'DI RGYU DANG LDAN PA LAS 'DAS 'GYUR PHYIR MI 'KHRUL LO, ,ME DANG DU BA DE LTA BU'I MTSAN NYID DAG MI DMIGS PA LAS @221B SHES NI RGYU DANG 'BRAS BUR 'DOD PA DAG YOD NA SNANG DU RUNG BA ZHES BYA BA MI DMIGS PA SNANG DU RUNG BA NYID DU BSTAN TO, ,GANG DAG DMIGS NA ZHES BYA BAS NI ME DANG BUD SHING GANG DAG DMIGS PA STE MNGON SUM GCIG GO, ,GANG DAG DMIGS LA ZHES BYA BA NI DU BA STE MNGON SUM GNYIS PA'O, ,DE LAS GCIG MED NA ZHES BYA BA NI ME DANG BUD SHING STE MI DMIGS PA GNYIS SO, ,MI DMIGS PA ZHES BYA BA NI DU BA STE, MI DMIGS PA GSUM PA'O, ,DE LTA BU'I RJES SU 'GRO BA DANG LDOG PA CAN DAG NI 'BRAS BU'I RANG BZHIN YIN LA DE YANG DU BA LA YOD PA'O, ,'BRAS BU MA YIN PA NI LAN GCIG KYANG MA YIN TE, NAS KYI SA BON DANG S'A LU'I MYU GU LTA BU'O, ,RGYU LAS GZHAN DU STE RGYU MED PAR RO, ,ME GANG GI 'BRAS BU DU BA GANG ME MED PAR BRGYA BYIN GYI SPYI BO LAS 'BYUNG NA NI ME DE DU BA'I RGYU MA YIN TE, ME MED PAR 'BYUNG BA MYU GU'I RGYU ME MA YIN PA BZHIN NO, ,DU BA YANG ME LAS GZHAN GYI ME MED PAR BRGYA BYIN GYI SPYI BO LAS 'BYUNG NA DE MED PAR 'BYUNG BA NI DE'I RGYU CAN ZHES BYA BA DE'I 'BRAS BU MA YIN TE, ME MED PAR 'BYUNG BAS NAS KYI SA BON DANG MYU GU NI ME'I 'BRAS BU NI MA YIN PA BZHIN NO, ,DE LA YANG MTSUNGS PA'I PHYIR RO ZHES BYA BA NI BRGYA BYIN GYI SPYI BO DE LA YANG RGYU MA YIN PAR MTSUNGS PA'I PHYIR TE, DE MED KYANG ME LAS 'BYUNG BA'I PHYIR RO, ,DE'I PHYIR 'DI LTAR BRGYA BYIN GYI SPYI BO GANG MED PAR 'BYUNG BA DU BA DE'I RGYU NI BRGYA BYIN GYI SPYI BO MA YIN TE, BRGYA BYIN GYI SPYI BO MED PAR 'BYUNG BAS NAS KYI MYU GU BRGYA BYIN GYIS SPYI BO MA YIN PA BZHIN NO, ,DU BA DE YANG BRGYA BYIN GYI SPYI BO'I 'BRAS BU MA YIN TE, DE MED KYANG 'BYUNG BA'I PHYIR NAS KYI MYU GU BZHIN NO, ,ZHES 'KHRUL PA MTSUNGS PA'I PHYIR RO, ,DE'I PHYIR RGYU'I TSOGS PA RIGS GNYIS PA CAN NI RGYU MED PA NYID DO ZHES BYA BA YIN PA'I PHYIR RO, ,RJES SU 'GRO BA DANG, LDOG PA 'KHRUL PA LAS GZHAN YANG ZHES BYA BA NI YANG GI SGRA'I DON TO, ,DE YANG JI LTA BU ZHE NA, GAL TE ME DE'AM GZHAN BRGYA BYIN GYI SPYI BO DE DU BSKYED PA RANG BZHIN MA YIN NA NI, DE'I RANG BZHIN MA YIN PA LAS JI LTAR DU BAR 'BYUNG, RANG BZHIN GYIS DU BA SKYED PAR MI BYED PA'I PHYIR DE LAS 'BYUNG BAR 'DOD PA'I DU BA RGYU MED PA NYID DU 'GYUR RO, ,THAMS CAD LAS THAMS CAD SKYE BAR 'GYUR RO, ,ZHES BYA BA LTOS PA MED PA LA YUL DANG DUS MI NGES PAR RUNG NGO ZHES RANG BZHIN @222A *, ,GYI GTAN TSIGS KYI SKABS SU SKYON BRJOD ZIN TO, ,GAL TE NUS PA DANG 'BREL MOD DE TZAM GYIS RGYU DANG BCAS PAR MI 'GYUR RO ZHE NA, NUS PA'I DNGOS PO DE YANG RGYU'I DNGOS PO LAS GZHAN CI ZHIG YIN ZHES BYA BA SMOS TE, GAL TE LTOS PA RGYU YIN YANG YUL DANG, DUS KHO NA LA 'JUG NUS PAR JE LTAR 'GYUR ZHE NA, DES NA YUL DANG DUS GCIG GTANG STE ZHES BYA BA LA SOGS PA SMOS SO, ,YANG NA BRGYA BYIN GYI SPYI BO LAS BYUNG BA DE DU BA MA YIN TE, DU BA SGYED PAR BYED PA'I RANG BZHIN MA YIN PA LAS BYUNG BA'I PHYIR, S'A LU LAS BYUNG BA'I MYU GU BZHIN NO, ,DU BA DA'I RANG BZHIN YIN NA NI, BRGYA BYIN GYI SPYI BO DE NYID BUD SHING DANG LDAN PA YIN TE, DU BA DNGOS SU SKYED PAR BYED PA YIN BA'I PHYIR, TSANG BANG GI ME BZHIN NO, ,GAL TE BRGYA BYIN SPYI BO'I ME ZHES BYA BA DU BSKYED PAR BYED PA'I DON TO, ,DE ME'I RANG BZHIN YIN ZHES BYA BA NI DU BA BSKYED PAR BYED BA'I RANG BZHIN MA YIN NA'O, ,NUS PA'I BYE BRAG LDAN ZHES BYA BA NI NUS PA'I BYE BRAG DES GRAGS KYI DE MED NA NI ME NYID DU MI 'GYUR BA'O, ,DE LTA NA ME MED PAR YANG DU BA DE DU BA'I RGYU MIN, BRGYA BYIN SPYI BO LAS BYUNG NA DU BA'I NUS PA MED PAR 'BYUNG BA'I RGYU MED 'GYUR RO, ,RGYU THA DAD PA LAS 'BRAS BU GCIG PA BKAG PA DANG GZHAN DAG DANG NI JI LTAR NA LHAN CIG BYED PA ZHES BYA BA LA SOGS PAS DRI BAR BYED DO, ,GCIG PU ZHES BYA BA LA SOGS PA SMOS TE, SKYED PAR BYED PA NI CUNG ZAD KYANG MED DO ZHES BYA BAR SBYAR RO, ,CI'I PHYIR ZHE NA, DE'I RANG BZHIN GCIG PUS SKYED PA'I RANG BZHIN YIN PA NI CUNG ZAD KYANG MED DO ZHES BYA BA STE, DNGOS PO RNAMS RANG BZHIN GYIS SKYED PAR BYED PA NI DE LTA BU'O ZHES STON TO, ,DE YANG JI LTAR SHES SHE NA, TSAD MAS TSOGS PA KHO NA RTZOM PAR 'GRUB PA'I PHYIR RO, ,RGYUN NI RANG NYID KYI TSOGS PA SNGA MA TZAM LAS 'BYUNG STE, GZUGS CAN RNAMS NI CI RIGS PAR GZUGS DANG, REG BYA LA TSOGS PA DANG, SHES PAR NI MTSUNGS PAR LDAN PA'I TSOGS PA DANG KHA CIG DBANG PO DANG LUS KYI RTEN DAG YOD PA TZAM GYIS 'BYUNG NGO, ,'BRAS BU'I DNGOS POR GNAS PA STE 'GRUB PA'I'O, ,TSOGS PA'I GNAS SKABS NA SKYED PAR BYED PA DE NYID KYI PHYIR LHAN CIG BYED PA ZHES BYA BA YANG RNAM GRANGS MA YIN PAR TE, RIM GYIS MA YIN BAR DUS GCIG TU SKYED PA YIN NO, , @222B AUTPALA'I SA BON LAS BYUNG BA DANG, BA LANG GI LCI BA LAS BYUNG BA DAG LA SHA LU KA ZHES BRJOD PAR ZAD DE CUNG ZAD 'DRA BA'I PHYIR SGRA MTSUNGS PA'O, ,YANG NA DE MA THAG PA'I RGYU ZHES BYA BA DU BA LAS BYUNG BA'I DU BA ME 'GAGS PA'I GNAS SKABS CAN GYIS BRGYUD PA'I RGYU MED BAG BA MA YIN GYI ME NYE BA STE, ME LA DNGOS SU BRTEN PA'I GNAS SKABS CAN GYIS MED PAG PA'AM, YANG NA CHU SHING RGYAS PA RANG GI RGYU MCHOD PA SDONG BU NYID DPAG GI SDONG BU DE'I RGYU SA BON BYE BRAG NI MA YIN PA'O, ,RGYAS PAR NI SDONG BU LAS BYUNG BA STE SA BON LAS NI PHRA BA'O, ,DON THA DAD PA LAS KHAS BLANGS NAS ZHES BYA BA NI SO SOR NYE BAR SBYOR BA DANG, SKYE BA DANG, 'JIG PA DUS THA DAD PA 'DOD NA'O, ,DE LTAR ZHES BYA BA NI GCIG CES BRJOD PA'O, ,DE'I PHYIR DMAG DANG NAGS KYI SGRA BZHIN DU MING GCIG PA NYID KYI DON THA DAD PA YIN NO, ,DE NI GRANGS CAN DAG NI SNA TSOGS YON TAN GYI RANG BZHIN GCIG TU SMRA BA YANG BSAL BA YIN NO, ,RGYU DON GZHAN MA YIN PA NYID DPES BYA BA NI 'JIG PA RGYU MED PAR SMRA BA'I LTAR NA'O, ,DNGOS PO'I DUS NA MI RTAG PA MA GRUB CES BYA BA NI MI RTAG PA NI ZHIG PA'O SNYAM DU BSAMS PA'O, ,MTSUNGS PA MA YIN NAM ZHEN ZHES BYA BA NI SGRUB BA DANG, MA GRUB PA 'GA' BA NYID DU'O, ,MANG DU BRJOD ZIN TO ZHES BYA BA NI SNGAR GZHAN YANG 'JIG PA ZHES BYA BA NI GZHAN CUNG ZAD YOD PA MA YIN GYI ZHES BYA BA LA SOGS PAS SO, ,GAL TE DNGOS PO NYID 'JIG PA YIN NA DNGOS PO'I 'JIG PA ZHES DRUG PAS THA DAD PAR STON PA DANG, DNGOS PO 'JIG PA ZHES BYA BA CHOS CAN DU STON PA'I BYE BRAG JI LTA ZHE NA, CHOS DANG CHOS CAN NYID KYIS ZHES BYA BA LA SOGS PA SMOS SO,, GAL TE DNGOS PO NYID 'JIG PA YIN NA DNGOS PO MTHONG BA NYID NA 'JIG PA NA YANG MTHONG BAR 'GYUR RO ZHE NA, 'DI'I RANG BZHIN DE MTHONG DU ZIN KYANG ZHES SMOS TE, RNAM PAR GZHOG PAR MI NUS TE ZHES BYA BAR NGES PAR MI NUS SO ZHES BYA BA'I DON TO, ,GAL TE DE NYID CI'I PHYIR ZHE NA, YOD PA DMIGS PA ZHES BYA BA SMOS TE, KHA CIG YOD PA DMIGS BA STE BAR DU STONG PA'I SKAD CIG MA MA MTHONG BAS DNGOS PO MI 'DRA BA RNAMS LA YANG THAMS CAD DU SNGA MA DE YOD PAR THE TSOM ZA BAS BSLUS PA'AM, YANG NA KHA CIG NI 'DRA BA GZHAN DANG GZHAN 'BYUNG BAS SO, ,GAL TE MTHA'I SKAD CIG MA MTHONG @223A *, ,BAS NGES ZHES BYA BA NI MAR ME LA SOGS PA RJES SU 'GRO BA MED PA DANG, BUM BA LA SOGS PA GYO MO LA SOGS PAS TE RJES SU 'GRO BA CAN GYIS 'JIG PA MTHONG NA'O, ,GO BZHIN YOD PA DMIGS PA DANG 'DRA BAS BSLUS PA RNAMS KYIS 'JIG PA NGES PAR 'GYUR BA'I PHYIR RO, , BUM PA 'DI PHYIS MI DMIGS PA NA BUM PA'I MTHA'I SKAD CIG MTHONG BA DE SKAD CIG MA NYID DU NGES TE, 'KHRUL BA'I RGYU MTSAN BSAL BA'I PHYIR RO, ,GAL TE MTHA'I SKAD CIG NGES KYANG DBUS DANG DANG PO'I GNAS SKABS DAG NI YIN PA KHO NA'O ZHE NA, 'DI LA MI MKHAS PAR NAMS KYIS NGES PA MA YIN PA KHO NA'O; ;MKHAS PAS NI NGES PA STE, JI LTAR ZHE NA, MTHA'I SKAD CIG MA LA 'JIG PA'I RGYU SNGAR BSHAD PA'I RIGS PAS MI RUNG BA'I PHYIR RGYU LA MI LTOS SO, ,DE LTAR NA NI RTAG TU YOD PA NYID DU 'GRUB STE, 'JIG PA'I RANG BZHIN GZHAN LA MI LTOS BA NYID DU BYE BRAG MED PA'I PHYIR RO, ,GAL TE DNGOS PO MED PA LAS YANG 'JIG PA YOD PAR THAL BAR 'GYUR RO ZHE NA, MI LTOS ZHES BYA BA DNGOS PO YOD PA LAS RGYU YOD PA LAS RGYU GZHAN LA MI LTOS SO ZHES RTOGS PAR BYA'O, ,CUNG ZAD MI LTOS SO ZHES NI MA YIN NO, ,DE'I PHYIR DNGOS PO YOD PA TZAM LA LTOS PA'I PHYIR DNGOS PO TZAM LTOS PA'I PHYIR DNGOS PO TZAM GYIS 'JIG PA YOD PAR 'GRUB STE, DE LAS GZHAN LA MI LTOS PA'I PHYIR RO, ,DNGOS PO DE NYID MI RTAG PAR GNAS PA LAS GZHAN DU YIN NA NI'O, ,DNGOS PO DE DANG LDAN PAR MI 'GYUR TE ZHES BYA BA NI DNGOS PO MI RTAG PA DANG LDAN PAR RO, ,CI'I PHYIR ZHE NA, NYE BAR SBYOR BA MED PAS SO ZHES BYA BA NI DNGOS PO NYID MI RTAG PA MA YIN PA'I PHYIR, MI RTAG PAS DNGOS LA CI YANG MI SBYOR TE, MI NUS PAS SO, ,NYE BAR SBYOR BA YOD NA NI ZHES BYA BA NI DNGOS PO MI RTAG PA'I RANG BZHIN DU BYED NA'O, ,GZHAN TZI ZHIG DGOS TE DNGOS PO NYID MI RTAG PA YIN PA'I PHYIR TE, 'DIS NI BDAG GI 'BREL PA BSNYAD DO, ,MI RTAG PA DE NI RGYU NYID DU 'GYUR GYI MTSAN NYID NI YIN NO, ,CHOS GZHAN DE YANG ZHES BYA BA NI SDUG BSNGAL BA DANG, STONG PA DANG, BDAG MED PA'O, ,PHYIS 'BYUNG PHYIR NA RGYU NYID MIN, ,ZHES BYA BA 'DI NYID RIGS PAR BSHAD PA YIN MOD KYI, GANG KHA CIG MA 'ONGS PA'I RGYU SMRA BA YOD DE, DE NI RTZOD PA @223B TZAM GYIS RGYAL BAR 'DOD PA YIN GYI DNGOS PO'I DE KHO NA NYID TSAD MAS SPYOD PA NI MA YIN TE, MA 'ONGS PAR NI RANG NYID MA SKYES PAS MED PA MA YIN NAM YOD NA NI MA 'ONGS PAR GA LA 'GYUR, RGYU NI NUS PA YIN LA NUS PA YANG DNGOS PO YOD PA KHO NA'I YIN NO, ,DE LTA BAS NA RNAM GRANGS MED PA NYID, ZHES BYA BA STE; BLA BRDOL LTA BU 'DI MKHAS PA RNAMS KYIS DPYAD PAR MI 'OS SO, ,DE TZAM DANG RJES SU 'BREL PA YANG DE NYID DO ZHES BYA BA MI RTAG PA NYID DNGOS PO YOD PA TZAM LAS GZHAN MI LTOS PA'O, ,NYAMS PAR MI 'GYUR BA'I PHYIR ZHES BYA BA NI PHYIS BYUNG BA'I 'JIG PA NI DNGOS PO'I RANG BZHIN GYI BDAG NYID MA YIN PA'I PHYIR DNGOS PO 'JIG PAR MI 'GYUR BA'I PHYIR RO, ,SNGAR SMOS PA'I THAL BA NI DNGOS PO MI RTAG PA DANG LDAN PAR MI 'GYUR BA'I DNGOS PO LA NYE BAR SBYOR BA YOD NA NI MI RTAG PA GZHAN CI ZHIG DGOS ZHES BYA BA'I'O, ,GAL TE MI DMIGS PAS DGAG PA BSGRUB PA MA YIN NAM MI MTHUN PA'I PHYOGS LAM MTHONG BA YANG MI DMIGS PA YIN NO ZHE NA, MI DMIGS PA THAMS CAD GO BAR BYED PA NI MA YIN TE ZHES BYA BA SMOS SO, ,'BREL BA 'GA' ZHIG KYANG 'DOD PAR BYA STE, DE LTA NA NI 'BREL PA'I YUL LOG NA DE LA RAG LAS PA'I RTAGS KYANG LDOG PA NGES PAR 'GYUR BA'I PHYIR RO, , DE LTA MA YIN NA MI MTHUN PA'I PHYOGS YIN PAS BSGRUB PAR BYA BA LOG KYANG GTAN TSIGS LDOG PAR NGES PA MED DE RTAGS RAG MA LAS PA'I PHYIR RO, ,RAG LAS NA NI BSGRUB PAR BYA BA MED PA LAS LDOG PAR 'GYUR RO, ,DE LTA MA YIN NA NI BSGRUB PAR BYA BA MED PAR YANG RTAGS YOD PAR THE TSOM ZA BA'I PHYIR BSGRUB PAR BYA BA GO BAR BYED PA MA YIN PAR 'GYUR RO, ,DE'I ZHES BYA BA NI 'BREL PA YOD NA GO BAR BYED PA YIN PA RGYU DE YIS SO, ,YANG NA DE YIS ZHES BYA BA NI SLOB DPON PHYOGS KYI GLANG PO'I ZHAL SNGAS SO, ,RAB TU GRAGS PA ZHES BYA BA NI NGES PA'I DON STON PA STE, NGES PA NYID KYANG 'BREL BAS 'GYUR GYI GZHAN DU MA YIN NO, ,CHOS MI MTHUN PA BRJOD PA ZHES BYA BA NI MI MTHUN PA'I PHYOGS LA MED PA NYID BRJOD PA'O, ,GAL TE MI MTHUN PA'I PHYOGS LA GTAN TSIGS MA MTHONG BA BSHAD PA YIN YANG, MI MTHUN PA'I PHYOGS LAM MTHONG BA DE MED PA ZHES BYA BA'I TSIG DE MA SMOS KYANG @224A *, ,RTOGS PAR 'GYUR TE, DU BA NI SA PHYOGS ME DANG NYE BA ME DANG BRAL BA DAG LA MA MTHONG BA YOD PA'I PHYIR RO, ,GAL TE MA MTHONG BA'I LA BRUL PA BZLOG PA'I PHYIR RO ZHE NA, GTAN TSIGS YANG DAG PA DAG MI MTHUN PA'I PHYOGS LA MTHONG PA SRID PA MA YIN PA'I PHYIR MED PA BRJOD PAS LDOG BAR 'GYUR BA SNGON MTHONG BA'I 'KHRUL PA NI MED DO, ,GAL TE MA MTHONG BA'I 'KHRUL PA YOD DO ZHE NA, THE TSOM NI BRJOD BAS MI LDOG CES 'OG NAS STON TO, ,RJES SU 'GRO BA MTHONG BA MA RTOGS TE BRJED NAS SGRUB PA'I YAN LAG MA YIN PA'I PHYIR RO, ,MTHONG BA NI MTHONG BA MED PA YIN LA DE NI MA BRJOD KYANG BDAG LA MTHONG BA MED DO ZHES RANG GIS GO BAR NUS SO, ,GAL TE MI MTHUN PA'I PHYOGS LAM MTHONG BA YOD DE DE GSAL BA'I PHYIR BRJOD DO ZHE NA, MTHONG BA MED PA DE LA NI MTHONG BAS GNOD PAR 'GYUR TE, MA MTHONG BA NYID MED PAR 'GYUR RO ZHE NA, DE LTA NA NI BRJOD PAS LDOG PAR MI 'GYUR TE, TSIG TZAM YIN PA'I PHYIR RO, ,GNOD PA DE MED NA NI MA MTHONG BA RANG GI NGANG GIS GRUB PA KHO NA YIN PA'O, ,GAL TE MI MTHUN PA'I PHYOGS BSGRUB PAR BYA BA MI DMIGS PAS GTAN TSIGS MED PAR GO BAR BYED DO ZHE NA, GCIG MI DMIGS PAS ZHES BYA BA SMOS TE, 'BREL PA KHAS MI LEN NA BUM PA LOG PAS SNAM BU LOG PAR HA CANG THAL BAR 'GYUR RO, ,GAL TE BSGRUB PAR BYA BA MED PA DES RTAGS DE MED PAR SGRUB PA NI MA YIN GYI, 'ON KYANG GTAN TSIGS GANG LA DMIGS PA DE NYID DGAG PAR BYED DO ZHE NA, SNANG BA MTHONG BA DE MED DO ZHES BYA BA NI RIGS TE, SNANG BA DE MED PA YIS TE MI SNANG BA'I RANG BZHIN GYI MI MTHUN PA'I PHYOGS KYI GTAN TSIGS MED PA NI MI DMIGS BAS MED PAR GRUB PAR MI RIGS TE 'BREL BA KHAS MI LEN PA'I PHYIR DANG, MA MTHONG BA TZAM DANG YOD BAR 'GAL BA MED PA'I PHYIR RO, ,GAL TE MI MTHUN PA'I PHYOGS MTHONG BA TZAM LA SNANG DU RUNG BA MA DMIGS PAS MED PAS SGRUB BO ZHE NA, DE LTAR NA KHYAB PA MI 'GRUB STE, DE NI YUL DANG DUS THAMS CAD DU NGES PA'I RANG BZHIN YIN PA'I PHYIR RO, ,GAL TE 'DOD RGYAL GYI BYA ROG DANG TA LA'I TSUL DU KHYAB BAR GRUB PO ZHE NA, BYA ROG DANG TA LA'I TSUL DU DE LTAR SRID KYANG RTAGS DANG RTAGS CAN DE DAG 'BREL PA MED NA 'DOD RGYAL GYI YUL DANG, DUS @224B RDZAS GAR YANG KHYAD PAR LDOG PA MI 'GRUB STE, RAG MA LAS PA'I PHYIR RTA DANG BA LANG BZHIN NO, ,GAL TE SMRA BA PO'I NGAG PHYOGS KYI CHOS LA SOGS PA LA TSAD MA YIN PA'I PHYIR DES MED DO, ,DES BRJOD PAS LDOG PA RTOGS SO ZHE NA, BSGRUB PAR BYA BA NYID BRJOD PAS RTOGS PA'I PHYIR, GTAN TSIGS MI DGOS PAR HA CANG THAL BAR 'GYUR RO, ,LDOG PA 'DOD PAS ZHES BYA BA NI MI MTHUN PA'I PHYOGS MNGON DU MA GYUR PA THAMS CAD LA YANG BSGRUB PAR BYA BA MED PA NYID KYIS GTAN TSIGS YOD MI SRID DO ZHES KHYAB PAR 'DOD BAS SO, ,RIG PA NYID 'BREL BA NYID DU DGONGS TE GZHAN DU GTAN TSIGS RAG MA LAS NA BSGRUB PAR BYA BA LOG PAR NGES PA MED DO, ,RTA LA RAG MA LAS BA'I BA LANG BZHIN NO, ,TSIG GIS KYANG ZHES BYA BA LA MTHONG BA TZAM GYIS LOG PA MA NGES NA DE NYID BRJOD PA'I TSIG GIS KYANG MI NGES SO ZHES BSDU BA STE, TSIG GIS KYANG MA MTHONG BA TZAM ZHIG BRJOD PA'I PHYIR RO, , CUNG ZAD BRJOD ZIN MOD KYI ZHES BYA BA NI 'DAS MA THAG PA RNAMS SO, ,ZOS PA LAS GZHAN ZHES BYA BA NI ZOS PA NI MTHUN PA'I PHYOGS SO, ,GZHAN NI MI MTHUN PA'I PHYOGS SO, ,DE'I TSE GCIG LAS SKYES BA ZHES BYA BA'I GTAN TSIGS SAM, GZUGS KHYAD PAR MED PA ZHES BYA BA DAG MI MTHUN PA'I PHYOGS LAM MTHONG BA MED DE ZOS PA LAS GZHAN GTAN TSIGS DANG LDAN PA THAMS CAD PHYOGS SU BYAS PA'I PHYIR RO, ,KHA CIG NA RE ZHES BYA BA NI SLOB DPON DBANG PHYUG SDE'I'O, ,PHYOGS SU BYED PA'I YUL LA MED, ,CES BYA BA NI MNGON SUM MA YIN PA'I PHYIR RO, ,GAL TE DA LTAR MNGON SUM BA YANG PHYOGS MNGON SUM DU ZHUGS PAS GNOD PAR DOGS SO ZHE NA, GZHAN LA GZHAN YANG ZHES BYA BA NI LHAG MA DANG LDAN PA LAS GZHAN LA YANG NGO, ,CI'I PHYIR ZHE NA 'BREL BA KHAS MI LEN NA MNGON SUM GYIS GNOD PA MED PAR NGES PA MED PA'I PHYIR RO, ,GZHAN YANG TSAD MA ZHUGS PA GNOD PAR BYED PA YIN GYI TSAD MA MA ZHUGS PAR YANG GNOD NA NI GTAN TSIGS THAMS CAD LA YID BRTAN DU MED DE, TSAD MA ZHUGS PA GNOD PA DANG, KHYAD PAR MED PA'I PHYIR RO, ,DE'I PHYIR LDOG PA NI GRUB PA KHO NA ZHES BYA BA SMOS TE NGES PA KHO NA'O, ,GRUB PA ZHES BYA BA NI GO BAR BYED BA'O, ,DE LTA BU'I NGO BO NI ZHES BYA BA NI GRUB PA KHO NA SGRUB PA'O,, @225A *, ,NGES PA ZHES BYA BA NI RAG LAS PA LA'O, ,LTOS SO ZHES BYA BA NI 'BREL PA KHO NAS LDOG PA NGES PAR SGRUB NUS SO ZHES BYA BA'I DON TO, ,GAL TE KHYOD KYI LTAR NA LHAG PA DANG LDAN PA'I 'KHRUL BA JI LTA BU ZHE NA, MI DMIGS PA'I SGO NAS NI ZHES BYA BA LA SOGS PA GSUNGS SO, , JI LTAR YANG ZHES BYA BA NI SGRUB BAR BYED PA GZHAN NO, ,BUM PA LA SOGS PA ZHES BYA BA'I SGRAS NI SHI BA'I LUS LA SOGS PA'O, ,MTHONG BA NI MNGON SUM PA'O, ,MA MTHONG BA NI DE MA YIN PA'O, ,DE RNAMS KYIS BDAG MED PA DE LA SROG LA SOGS PA MED PAS KHYAB PA'I PHYIR, GSON PO'I LUS LA KHYAB PAR BYED BA SROG LA SOGS PA MED PA LOG BA'I PHYIR, KHYAB PAR BYA BA BDAG MED PA YANG LDOG PAS NA BDAG DANG BCAS PA NYID DU RTOGS PAR THAL BAR 'GYUR RO, ,GAL TE KHYOD KYI LTAR NA SROG LA SOGS PA LDOG PA MED PA CAN YIN ZHE NA, BDAG LTAR MI RUNG BA MI DMIGS PAS BUM PA LA SOGS PA LA MED PA NYID DU MA GRUB NA BUM PA LA SOGS PA BDAG MED PAR MA GRUB PA'I PHYIR DE LA SROG LA SOGS PA MED PA YANG BDAG MED PAS MED DO ZHES PA MI 'GRUB PA'I PHYIR BDAG LOG PA THAMS CAD DU SROG LA SOGS PA LDOG GO ZHES BDAG LOG PA LA SROG LA SOGS PA LDOG PAS KHYAB PAR LDOG BA MED DO, , DE LTAR KHYAB PAR BYED PA MA GRUB NA KHYAB BAR BYA BA LDOG PA YANG MI 'GRUB PAS BDAG RTOGS PAR BYED PA MA YIN NO, ,DA NI JI LTAR NA BDAG 'GRUB STE DE YANG MED PAR SANGS RGYAS PA KHAS LEN PA'I PHYIR RO, ,GAL TE KHAS LEN PA DE TSAD MA MA YIN NO ZHE NA, GZHAN SANGS RGYAS PA'I BDAG MED PA KHAS BLANGS PA TSAD MA MA YIN PA'O, ,GSON PO'I LUS LA BDAG MED PA KHAS BLANGS PA NI KHO BO CAG DANG MI MTHUN PA'I PHYIR TSAD MA MA YIN NO ZHE NA, GAL TE KHAS BLANGS PA KHO NA BDAG DANG BCAS PA DANG BDAG MED PA RNAM BAR PHYE NAS TE MTHUN PAR KHAS BLANGS NAS BUM PA BDAG MED PA NYID DU MI MTHUN PAR KHAS BLANGS PAS GSON PO'I LUS BDAG DANG BCAS PAR RO, ,MA GRUB SPYAR BA NI RJES SU DPAG PAR BYA BA LA YOD PA DANG MED PA DANG GNYI GA ZHES BYA BA'O, ,DE BZHIN DU MTHUN PA'I PHYOGS LA YOD PA LA SOGS PA YANG CI RIGS PAR BRJOD BAR BYA'O ZHES BYA BA NI MTHUN PA'I PHYOGS LA YOD PA DANG MED @225B PA DANG; GNYI GA DANG ZHES BYA BA DANG, MI MTHUN PA'I PHYOGS LA YOD PA DANG MED PA GNYI GA ZHES BYA'O, ,DE BRJOD BAR BYA BA MA YIN PAR 'GYUR TE, LDOG BA MI DMIGS PA KHO NAR ZAD NA, THE TSOM ZA BA NYID LDOG PA NYID DE, MI MTHUN PA'I PHYOGS LA GTAN TSIGS DMIGS NA THE TSOM DE MED PAR 'GYUR GYI DMIGS PA MED NA THE TSOM DU GNAS PA'I PHYIR, THE TSOM ZA BA NYID 'DOD PA YIN PA'I PHYIR MA GRUB PA SBYAR BAS MI MTHUN PA'I PHYOGS LA MED PA SMOS PA DGOS PA MED DO, ,DE LTAR MI DMIGS PA'I PHYIR LDOG GO ZHES BYAS NA MTHONG BA TZAM DANG YOD PAR 'GAL BA MED PA'I PHYIR MI MTHUN PA'I PHYOGS LA YOD PAR THE TSOM DU GYUR PA YANG MA BZLOG PAR 'GYUR RO, ,BRJOD PA GANG GANG ZHIG GNYI GA LA NGES PA STE, MI MTHUN PA'I PHYOGS LA MED PAR BRJOD PA YANG RGOL DANG PHYIR RGOL BA GNYI GA LA MED PAR NGES PA KHO NA ZHES GSUNGS PA NYID YIN PAS SO, ,STZOGS PAS NI SGRUB PA DANG SUN 'BYIN PA YIN NO ZHES BYA BAR BSDU BA'O, ,CI RIGS PAR GSUNGS PA CI ZHE NA, DE NI MI MTHUN PA'I DPE LA GZHI MA GRUB PA SKYON MED PA YANG SRID PA BSTAN PA'I PHYIR RO, ,LDOG PA NGES PA GSUNGS PA DE'I PHYIR MI DMIGS KYANG THE TSOM ZA BAS LDOG PA MED PAR DGONGS TE, THE TSOM ZA BA DE DAG DGAG PA MED PAR NGES PAR BSHAD PA YIN NO, ,GZHAN YANG MA MTHONG BA TZAM GYIS LDOG PA DES NA MNYAM PAR BYA BA NYID KYANG ZHES BYA BA LA SOGS PA GSUNGS SO, ,GAL TE LDOG PA YIN DU ZAD MOD DE, CI'I PHYIR DE DAG GCOD PA'I GTAN TSIGS SU 'GYUR ZHE NA; RNAM PAR GCOD PA NI DE DAG LAS LDOG PA LAS GZHAN MA YIN NO ZHES BYA BA SMOS TE, DE DAG LAS LDOG PA NI DE DAG GCOD PA NYID YIN GYI, DON GZHAN MA YIN TE, RANG GI BSGRUB PAR BYA BA KHO NA LA NGES PA NA DE MED PA LAS LDOG PA YIN LA DE NYID RANG YOD NA BSGRUB PAR BYA BA LA MI 'KHRUL NA BSGRUB PAR BYA BA MED PA GCOD PAR MI 'KHRUL BA'I PHYIR RO, ,GAL TE MNYAN PAR BYA BA NYID RTAG PA DANG MI RTAG BA GNYI GA GCOD PA MA YIN PA CI'I PHYIR ZHE NA, RNAM PAR GCOD PA MA YIN PA NI ZHES GSUNGS TE, MA MTHONG BA TZAM GYIS RTAG PA DANG MI BRTAG PA GANG LAS KYANG @226A *, ,LDOG PA NYID DU MA NGES PA'I PHYIR GCOD PA MA YIN NO, ,GAL TE LDOG PA MA NGES PA MA YIN GYI GNYI GA RNAM PAR GCOD PAR TSAD MA GZHAN GYIS GNOD PA'I PHYIR RO, ,TSAD MA GANG ZHE NA, PHAN TSUN RNAM PAR GCOD PA'I NGO BO CAN DAG NI GCIG RNAM PAR BCAD PAS, GZHAN CIG SHOS BSGRUBS PA YIN TE, DE MA BSGRUBS NA CIG SHOS RNAM PAR GCOD PAR MI 'GYUR BA'I PHYIR RO, ,DE'I PHYIR RTAG PA NYID RNAM PAR BCAD NA MI RTAG PA NYID BSGRUB PAR 'GYUR LA, GNYI GA GCOD NA NI MI RTAG PA DE NYID DGAG PAR YANG 'GYUR BAS NA BSGRUB PA DANG DGAG PA DAG NI MI RTAG PA CIG LA 'GAL BA'I PHYIR ZHE NA, DE LTA NA DA NI MA MTHONG BA LDOG PA BSGRUB PA'I TSAD MA MA YIN TE TSANG MA GZHAN GYIS GNOD PA'I PHYIR RO, ,JI LTAR MNYAN PAR BYA BA DE BZHIN DU MA MTHONG BA TZAM GYIS LDOG PA'I BSGRUB BA DU BA LA SOGS PA GZHAN DAG LA GNOD PA SRID DO, ,CI'I PHYIR ZHE NA MTSAN NYID DANG LDAN PA LA ZHES BYA BA SMOS TE MA MTHONG BA TZAM GYIS LDOG PA'I MTSAN NYID DANG LDAN PA CIG LA GNOD PA SRID NA DE'I MTSAN NYID SUN PHYUNG BA KHO NAR 'GYUR BAS DE'I MTSAN NYID THAMS CAD LA YID BRTAN DU MI RUNG STE, TSAD MA MA YIN PA NYID DU DOGS PAR 'GYUR RO, ,GAL TE RJES SU DPAG PA'I YUL LA YANG ZHES ZER BA NI RGYANG PAN PA'O, ,'GAL BA MTHONG BAS ZHES BYA BA NI CIG LAS SKYES PAS ZHES BYA BA LA MNGON SUM GYIS DANG, SGRA YIN PA'I PHYIR RTAG TU STE SGRA'I NYID LTA BU'O ZHES BYA BA LA BYAS PA'I PHYIR ZHES BYA BA'I RJES SU DPAG PAS 'GAL BA MTHONG BAS SO, ,JI SKAD BSHAD PA NI MED NA MI 'BYUNG BA DANG LDAN PA'I RTAGS GSUM LA'O, ,MI SRID PA'I PHYIR ZHES BYA BA NI TSAD MA GZHAN GYIS GNOD PA'O, ,GAL TE RTAGS GSUM LA 'GAL BA MI SRID NA SLOB DPON PHYOGS KYI GLANG POS 'GAL BA MI 'KHRUL BA CAN BSHAD PA MI BRJOD PAR 'GYUR TE, RTAGS GSUM GAL 'GAL BA MI SRID PA'I PHYIR TE, 'GAL BA MI 'KHRUL BA CAN NI RANG GI BSGRUB PAR BYA BA LA MI 'KHRUL BA KHO NA LA YOD PAR GSUNGS SO SNYAM PA'O, ,RJES SU DPAG PA'I YUL LA SLOB DPON GYIS MA BRJOD PA'I PHYIR GTAN TSIGS GSUM LA MI SRID PAR 'DOD PA KHO NA YIN NO, ,'O NA SLOB DPON GYIS GANG LA @226B GSUNGS SHE NA, 'DI'I YUL NI LE'U GSUM PA LAS BSTAN PAR BYA'O, ,GAL TE YANG MTHONG BA TZAM GYIS SA LA SOGS PA MA MTHONG BA DAG LAS GRANG BA YANG MA YIN, DRO BA YANG MA YIN PA'I REG PA 'GOG PAR BYED NA YANG RIGS PA MA YIN NO ZHES BYA BA SLOB DPON GYIS GANG BSHAD PA 'BREL PA LA MI LTOS PAR MA MTHONG BA TZAM GYIS DGAG PA 'GRUB PA'I PHYIR LA, MTHONG BA NI SA LA SOGS PA MNGON SUM MA YIN PA DAG LA YANG YOD PA'I PHYIR DGAG PA 'DI RIGS PA NYID YIN NA, JI LTAR RIGS PA MA YIN NO ZHES BSHAD PA DE'I PHYIR, MI DMIGS PAS MED PAR 'GRUB PA'I PHYIR RO ZHES BYA BA SMOS TE DES NA DGAG PAR RIGS BA NYID DU 'GYUR RO, ,SNANG BA YOD NA SNANG DU RUNG BA'O, ,DE'I YUL NI SNANG BA'I YUL TE, RTOGS PA PO MNGON SUM DU GYUR PA'I CHOS CAN NO, ,'O NA JI LTAR ZHE NA, BYE BRAG PA DES NI SA LA SOGS PA SPYIR BZUNG NAS TE, 'DI LTAR DRO BA'I REG PA NI ME'I YON TAN NO; ;GRANG BA NI CHU'I'O, ,GRANG BA YANG MA YIN DRO BA YANG MA YIN PA NI RLUNG GI'O, ,DE LTAR NAS DANG CHU DANG ME SNANG BA DANG, MI SNANG PA THAMS CAD LA REG PA BTANG SNYOMS PA MED DE MA DMIGS PA'I PHYIR RO ZHES DGAG PA SMRAS SO, ,GAL TE JI LTAR NA MA DMIGS PAS DGAG PA 'DI RIGS PA MA YIN NAM ZHE NA, DE YANG ZHES BYA BA SMOS TE, DE YOD KYANG ZHES BYA BA NI SA NYID DE YOD KYANG NGO, ,REG PA THA DAD PA STE, 'JAM PA DANG, YANG BA NYID LA SOGS PA THA DAD PA MTHONG BA YOD DE SA'I SRAB NYID DU MTSUNGS PA MA YIN PA'I PHYIR, GRANG BA YANG MA YIN, DRO BA YANG MA YIN PA'I REG PA 'DI YANGS LA SOGS PA'I BYE BRAG 'GAL ZHIG LA SRID PAR DOG PAR 'GYUR BAS SO, ,YUL DE BA RNAMS KYIS DE LTAR MTHONG ZHES TE ZHES BYA BA NI SKYU RU RA BSKA BA MTHONG GI MNGAR BAR MA MTHONG BA'O, ,DE LTAR MNGAR LA SGYUR BA MA MTHONG BA TZAM GYIS SKYU RU RA MTHONG BA TZAM SKYU RU RA BSKA BA KHO NAR 'GRUB PAR MI 'GYUR TE CI'I PHYIR ZHE NA; RGYU DAG LA KHYAD PAR SRID NA DE'I 'BRAS BU YON TAN DAG LA KHYAD PAR SRID PA DAG GI PHYIR RO, ,'DIR YANG SKYU RU RA DANG BSKA BA NYID DAG 'BREL PA MED PA'I PHYIR, BSKA BA MED KYANG SKYU RU RA NYID MI LDOG GO SNYAM DU DGONGS SO, ,RGYU LAS 'BRAS BU'I KHYAD PAR 'GRUB PA'I 'BREL PAR RIG BYED @227A *, ,DGAG PA BZHED NAS, RGYU LA KHYAD PAR MED NA NI, ,ZHES GSUNGS TE, RIG BYED NI SKYES BUS MA BYAS PA NYID DU SPYOD PAS BSHAD LA DE LA NI RGYU LA KHYAD PAR MED PA'I PHYIR SKYES BUS BYAS PA NYID DU RJES SU DPAG GO, ,JI LTAR KHYAD PAR MED CE NA, TSIG LA KHYAD PAR MED PA'I PHYIR; ,ZHES BYA BA SMOS TE, SKYES BUS BYAS PA'I TSIG DANG KHYAD PAR MED PA'I PHYIR RO ZHES BYA BA'I THA TSIG GO, ,DE'I PHYIR SKYES BUS BYAS PAR YANG GRUB BO, ,GAL TE DE NYID JI LTAR SHES SHE NA, THAMS CAD SKYES BU DAG GIS BYED PAR MTHONG BA'I PHYIR RO ZHES BYA BA SMOS TE, SGRA GSAL BA DANG; MI GSAL BA DANG, RING PO DANG, THUNG NGU DAG DANG DUG ZHI BA LA SOGS PA DANG, DON BRJOD PA DANG, GO DKA' BA LA SOGS PA THAMS CAD SKYES BUS BYED PAR MTHONG STE, RIG BYED KYI SGRA LA YOD PA'I RANG BZHIN DE THAMS CAD SKYES BUS BYED PA'I PHYIR RO, ,DE LTAR NA DE NA SKYES BUS BYAS PA DAG DANG, RANG BZHIN KHYAD PAR MED PAS RGYU LA KHYAD MED PA NYID DU GRUB PA'I PHYIR 'BRAS BU YANG SKYES BUS BYAS PAR KHYAD PAR MED PA NYID DPAG STE, KHYAD PAR RGYU MED PA MI RUNG BA'I PHYIR RO, ,DE LTAR GRUB NA SKYES BUS BYAS PA DANG, KHYAD PAR MED PA'I RANG BZHIN YIN PA'I PHYIR SKYES BUS MA BYAS PA NYID MED DE, SKYES BUS BYAS PA'I RANG BZHIN DANG KHYAD PAR MED PA'I PHYIR RO, ,YANG NA SKYES BUS BYAS PA YIN TE, SKYES BU DANG RANG BZHIN KHYAD PAR MED PA'I PHYIR RO ZHES BYA BA'I DON TO, ,YANG NA RGYU LA KHYAD PAR YOD NA 'BRAS BU'I KHYAD PAR DPAG PA'I PHYIR SKYES BU THAMS CAD MKHYEN PA DGAG PA DPYOD PA PA SMRA BAS YANG DAG PAR BZHED NAS, GANG GIS NA TSIG LA SOGS PA CUNG ZAD CES BYA BA SMOS TE, 'DIS NA 'BRAS BU DANG RANG BZHIN GYIS MA 'BREL BA DANG, RTAGS SU 'DOD PA SMRA BA'I PHYIR, ,ZHES BYA BA LA SOGS PA 'GOG PAR BYED DO, ,YON TAN THAMS CAD LA KHYAD PAR MTHONG BA'I PHYIR RO ZHES BYA BA NI THOS PA DANG SGYU RTZAL LA SOGS PA YON TAN THAMS CAD LA GOMS PAR BYAS PA LA SOGS PA'I RGYU LAS CHUNG DU DANG, 'BRING DANG, CHEN PO DANG, SHIN TU CHEN PO KHYAD PAR MTHONG BA'I PHYIR RO, ,DE'I PHYIR LUS DANG LDAN PA'I PHYIR 'DOD CHAGS DANG LDAN PA'O ZHES BYA BA LA SOGS PA'I @227B RTAGS NI SKYU RU RA YIN PA'I PHYIR BSKA BA KHO NA'O ZHES BYA BA LTAR 'KHRUL PA NYID DO, ,GZHAN LA YANG ZHES BYA BA NI 'DOD CHAGS DANG BRAL BA LA SOGS PA'O, ,DE DAG LA YANG LUNG PHYIN CI LOG PA GOMS PA'I LEGS PAR BYA BA'I KHYAD PAR GYI RGYUS KHYAD PAR DE LTA BU SRID DO, ,'DOD CHAGS DANG BRAL PA SOGS PA LA SGRUB PAR BYED PA SRID PAR BSTAN NAS, 'GOG PAR BYED PA MED DO ZHES BSTAN PA'I PHYIR, MI SRID PAR RJES SU DPAG PA LA ZHES BYA BA SMOS TE, 'DOD CHAGS DANG BRAL BA LA SOGS PA MI SRID PAR RO, ,CI'I PHYIR GNOD BA CAN MED CE NA, 'DOD CHAGS BRAL BA MA MTHONG BA'I PHYIR ZHES BYA BA LA SOGS PA SMOS SO, ,GAL TE 'BRAS BU LA 'DOD CHAGS DPOG PA DE NYID GNOD PA CAN YIN NO ZHE NA, 'DOD CHAGS LA SOGS PA'I 'BRAS BU ZHES BYA BA SMOS SO, ,GAL TE 'DOD CHAGS KHO NAS BSKYED PA'I TSIG KYANG SRID DO ZHE NA, SRID KYANG ZHES BYA BA SMOS TE, DE LTA BU'I TSIG SRID KYANG TSIG GI BYE BRAG NI RTOGS PAR DKA' STE, DGOS PA'I DBANG GIS 'DOD CHAGS DANG BRAL BA YANG CHAGS PA LTAR SMRA STE, DGRA PO DANG SLU BA NA'O, ,DE LAS BZLOG PA YANG SMRA STE, DE'I PHYIR BYE BRAG BLTA BAR MI NUS PA'I PHYIR RTAGS MI 'GRUB PO, ,GAL TE 'DOD CHAGS DANG BRAL BA MA MTHONG BA'I PHYIR SPONG NGO ZHE NA, DE LTA BU DAG NI ZHES BYA BA SMOS TE MA MTHONG BA TZAM DAG NI'O, ,SPANG BAR RIGS PA MA YIN TE, MA MTHONG BA DANG YOD PAR MI 'GAL BA'I PHYIR RO, ,GAL TE RIG BYED KYI TSIG DAG LA YANG KHYAD PAR YOD MOD KYI BLTA BAR MI NUS SO ZHE NA, TSIG RNAMS NI ZHES BYA BA SMOS TE, DUG SEL BA LA SOGS PA'I BYE BRAG RNAMS BLTAR RUNG BA'I PHYIR RO, ,GAL TE DE LTAR BLTAR MI RUNG BA'I KHYAD PAR YOD DO ZHE NA, BLTAR MI RUNG BA NYID GCIG YIN NA YANG ZHES BYA BA LA SOGS BA GSUNGS SO, ,RIGS MI MTHUN PA NI SKYES BUS MA BYAS PA LA SOGS PA'O, , KHYAD PAR BLTAR MI RUNG BA YANG MA YIN TE, 'DI LTAR DUG SEL BA LA SOGS PA SNANG BA DE DAG NI GZHAN SKYES BU'I SGRA RNAMS LA YANG BYA BAR NUS PA'I PHYIR RO, ,GAL TE KHYAD PAR MNGON SUM YIN YANG 'KHRUL PA'I PHYIR MI NGES TE SKAD CIG MA BZHIN NO ZHE NA, 'KHRUL BA'I RGYU MTSAN MED PA'I YANG, @228A *, ,ZHES BYA BA SMOS TE, BYE BRAG BLTAR RUNG BA 'BA' ZHIG TU MA ZAD DO ZHES BYA BA NI YANG GI DON TO, ,CI'I PHYIR 'KHRUL BA'I RGYU MTSAN MED CE NA, GNOD PAR BYED PA MED PA'I PHYIR ZHES BYA BA SMOS TE, SKAD CIG MAM YIN PA NYID DU 'KHRUL BA LA NI RJES SU DPAG PA GNOD PAR BYED BA'I PHYIR 'KHRUL BAR 'GRUB PO, ,SGRA RNAMS MTSUNGS PA NYID DU 'DZIN PA LA NI GNOD PAR BYED PA MED PAS 'KHRUL BA NYID DU MI 'GRUB PO, ,GAL TE SKYES BU DAG 'DRA BAR 'DZIN PA LA YANG GNOD PAR BYED PA MED DO ZHE NA, SKYES BU DAG NI ZHES BYA BA LA SOGS PA SMOS SO, ,GAL TE KHYAD PAR TSIG LA GZHAN YIN PA'I SGRA RTAGS KYANG DE MI 'GRUB PO ZHE NA, TSIG GI KHYAD PAR ZHES BYA BA LA SOGS PA SMOS SO, ,KHYAD PAR MED PA'I PHYIR SKYES BUS BYAS PA RNAMS KYANG SKYES BUS MA BYAS PAR 'GYUR BA'I PHYIR 'GA' YANG SKYES BUS BYAS PA MA YIN PA THAL BAR 'GYUR RO, ,GANG GI PHYIR 'BREL PA MED PA MA MTHONG BA TZAM GYIS LDOG PA MED PA DE'I PHYIR DE TZAM DANG 'BREL PA ZHES BYA BA LA SOGS PA SMOS SO, ,KHA CIG SLOB DPON PHYOGS KYI GLANG POS BSHAD PA'I TSIG 'BREL BA STON PA DANG, DE RNAMS SHES BYED CES LUNG TZAM DU SMRA ZHING 'BREL BA STON PA'I TSIG RGYU DANG 'BRAS BU'I DNGOS PO 'AM ZHES BYA BA LA SOGS PA LA RIGS PA SMRA BA YOD DE, DE NI SGRA'I BSTAN BCOS KYI DRI BA 'DIR SMRA BA YIN GYI DON NI MA YIN TE, RIGS PA'I BSTAN BCOS LAS BSTAN PA'I DON 'DI RNAMS NI GTAN TSIGS LA SOGS PA'I NGO BO NYID YIN PAS SLOB DPON PHYOGS KYI GLANG PO'I TSIG GI DON RNAMS KYANG 'BREL PA BSGRUB PA'I RIGS PAR BSTAN PAR BYA'O, ,DE LTA MA YIN NA RIGS PAR 'DOD PA DAG KYANG LUNG NYID DU NUS SO, ,DGAG PA'I GTAN TSIGS NI GSUM KHO NA STE ZHES BYA BA NI SLOB DPON PHYOGS KYI GLANG POS BSHAD PA'O, ,MA RTOGS PA NI 'BRAS BU MI DMIGS PA LA SOGS PA'O, ,RTOGS PA NI RANG BZHIN 'GAL BA LA SOGS PA DMIGS PA'O, ,TSAD MA RNAM PAR NGES PA'I 'GREL BSHAD LAS, RANG GI DON GYI RJES SU DPAG PA'I LE'U STE GNYIS PA RDZOGS SO,, ,,GAL TE RJES SU DPAG PA NI SHES PA'I BDAG NYID YIN NA, JI LTAR SGRA RJES SU DPAG PAR BRJOD CE NA, DE'I PHYIR RGYU LAS 'BRAS BU @228B BTAGS PA'I PHYIR RO, ,ZHES GSUNGS TE, 'DOGS PA'I RGYU NI RGYU DANG BCAS PAR 'BREL BA'O, ,DGOS PA NI RJES SU DPAG PA'I SHES PA BSKYED PAR NUS PA BYE BRAG TU RTOGS PAR BYA BA'I PHYIR TE, MA GRUB PA DANG, RJES SU 'GRO BA MA TSANG BA LA SOGS PA NI MI NUS PA YIN LA, DAM BCA' BA DANG POR BRJOD PAS YANG MI NUS PA NYID DO, ,NYE BAR SBYAR BA DANG, MJUG BSDU BA DAG NI NUS PA'I TSIG LAS LHAG MA YIN PA'I PHYIR SGRUB PAR BYED PA MA YIN NO ZHES BSTAN TO, ,DE LTA BAS NA MA GRUB PA LA SOGS PA'I SKYON DANG BRAL BA BRJOD PA'I SBYOR BA'I NGAG NI TSAD MA'O ZHES RTOGS PAR BYA'O, ,RGOL BA DANG PHYIR RGOL BA GNYI GAS DNGOS PO LA MTHONG BA MA YIN PA LUNG LAS MTHONG BA NI DPER NA GRANGS CAN PA KHA CIG NA RE, GZHAN PHYIR RGOL BA SANGS RGYAS PAR RTOGS PAR BYA BA'I CHED YIN PA'I PHYIR GRANGS CAN RGOL BA RANG GI RTAGS MA MTHONG YANG STE, RANG LA MA GRUB KYANG SGRUB PAR BYED PA YIN TE, DPER NA BDE BA LA SOGS PA ZHES BYA BA LA SOGS PA SMOS SO; ,MA BYUNG BA LAS BYUNG BA NI SKYE BA YIN NA DE GRANGS CAN BDAG NYID LA MA GRUB STE, DNGOS PO YOD PA NYID GSAL BA LA SKYE BAR 'DOD PA'I PHYIR RO, ,YOD PA GTAN NAS MED PAR 'GYUR BA NI MI RTAG PA YIN NA GRANGS CAN DE NI YOD PA MI MTHONG BA LAS MI RTAG PAR 'DOD PA'I PHYIR RO, ,RJES SU DPAG PA'I YUL LA ZHES BYA BA NI DON GYIS DON RTOGS PAR BYED PA LA'O, ,DE LTAR DNGOS PO GO BAR BYED PAS NA, LUNG NI TSIG YIN PA'I PHYIR NGAG TSAD MA NYID MI SRID PA'I PHYIR RO, ,GAL TE CI'I PHYIR TSAD MA MA YIN ZHE NA, GANG TSAD MA YIN NA NI RJES SU DPAG PA ZHES BYA BRTAGS 'JUG PAR MI 'GYUR TE, NGAG GI DAM BCAS PA SGRUB PAR 'DOD PA'I DON GRUB NA'O, ,GAL TE NGAG KHYAD PAR CAN ZHES BYA BA 'DIR SMRAS PA'I SKYE BA CAN NAM MI RTAG PA'I LUNG NGO, ,'DI NI LUNG GI TSAD MA BA'I SKABS LE'U GNYIS PAR RO, ,GAL TE LUNG 'DI LA SNGAR DPYAD PAS MI GNOD DO ZHE NA, GZHAN YANG 'DI LA ZHES BYA BA NI SKYE BA CAN NAM MI RTAG PA LUNG 'DI LA'O; ,MI SLU BA'I TSAD MA'I KHYAD PAR GZHAN LAS BYE BRAG TU GYUR PA NI CUNG ZAD KYANG MED DO ZHES BYA BA SMOS TE, NGAG NYID DON DANG MA 'BREL BA NYID DU 'DRE BA'I PHYIR RO, ,MI SLU NA NI ZHES BYA BA DON DANG 'BREL BA'O, ,DES GRUB PA NI ZHES BYA BA DNGOS PO DANG 'BREL BA DES SO, ,GRUB PA DES NI GZHAN SANGS @229A *, ,RGYAS PA 'BA' ZHIG GRUB PA NI MA YIN TE, DNGOS PO'I STOBS KYIS 'ONGS PA NI KHYOD NYID LA GRUB PA'I PHYIR RO, ,KHAS BLANGS NAS 'JUG PA NI MA YIN GYI ZHES BYA BA NI GZHAN GYIS KHAS BLANGS PAS DON 'GRUB PAR BYAS NAS DON GDOD DPYOD PA'I BRTAG BA 'JUG PA NI MA YIN TE DPYAD PA DGOS PA MED PA'I PHYIR RO, ,'O NA CI ZHE NA, BRTAG PAR RTZOM PA NA NI KHAS BLANGS PAR 'OS SAM MI 'OS ZHES DPYOD PA PA KHAS LEN PA'I RGYU SEMS PAS RGYU BRTAGS NAS GDOD KHAS LEN PA'I PHYIR RO, ,SANGS RGYAS PA DE'I LUNG DANG GNOD PA SEMS PA MED PA NYID BSGRUB PAR BYA BA'I PHYIR DANG PHA ROL SANGS RGYAS PA LA SKYE BA CAN DANG MI RTAG PA SMRAS PA, GNOD PA DE'I PHYIR SANGS RGYAS PA DE'I LUNG 'DI TSAD MA YIN PAR 'GYUR LA, TSAD MA MA YIN PA DES GRUB PA'I SKYE BA CAN DANG, MI RTAG PA NI DNGOS POR GRUB PA MA YIN PA'I PHYIR GTAN TSIGS MA GRUB BA DE LAS JI LTAR BSGRUB PAR BYA BAR SEMS PA MED PA 'GRUB, GAL TE GTAN TSIGS NGE SKYE BA CAN LA SOGS PA'I LUNG DANG LDAN PA SANGS RGYAS PA DE LA GRUB PO ZHE NA, DON GYIS DON DPYOD PA'I SKABS NA GANG GI LUNG GANG YIN TE, LUNG NI GANG GI YANG SGRUB PAR BYED PA MA YIN NO ZHES BYA BA'I THA TSIG GO, ,GAL TE KHAS BLANGS PA'I'O ZHE NA, LUNG DE SKYE BA CAN GYI TSAD MAS GNOD NA KHAS MI LEN PA'I PHYIR JI LTAR LUNG YIN, GAL TE TSAD MAS GNOD KYANG BDAG NYID KYIS KHAS BLANGS PA'I PHYIR LUNG YIN NO ZHE NA, NGES KHAS BLANGS PA TZAM GYIS RANG GI LUNG ZHES BYA BA 'DI MI RIGS TE, SKYE BO LUNG KHAS BLANGS PA MED PAR RENG BUR SKYES GYUR CING LHAN CIG PA'I LUNG MED DO, ,GAL TE PHYIS RANG GI GRUB PA'I MTHA' KHAS BLANGS PAS RANG GI LUNG YIN NO ZHE NA, TSAD MAS BSGRUB PA'I YON TAN DANG, TSAD MAS GNOD PA'I SKYON MA MTHONG BAR TE, MI RTOG PAR GRUB MTHA' 'DZIN PA 'DI, KYE MA STE KYE HUD RMONGS PA'I THA SNYAD DBANG BYED PAR GZHAN GYIS BYIN NAM, 'DI RANG NYID 'GAL BAS LEN PA NI MI RIGS SO ZHES BYA BA'I DON TO, ,SANGS RGYAS PA DE'I LUNG DANG, 'GAL BA BDE BA LA SOGS PA SEMS PA MED PA NYID KHAS BLANGS TE, LUNG LA GNOD PA'I TSAD MAS KHAS BLANGS PAS LUNG TSAD MA MA YIN PAR BYAS NAS YANG @229B LUNG DE NYID KYIS BSTAN PA SKYE BA CAN LA SOGS PA DE LTAR GTAN TSIGS GRUB PA YIN, GAL TE LUNG DE KHAS BLANGS PA YIS GRUB PA'I PHYIR GTAN TSIGS GRUB PO ZHE NA, LUNG DE KHAS BLANGS NAS YANG LUNG DE LA TSAD MAS GNOD PHYIR LUNG DE BTANG BA YIN LA, BTANG BA'I LUNG NI LUNG GI TSAD MA MA YIN PAS DES GRUB PA YANG MA YIN MA GRUB PA YANG MA YIN PA'I PHYIR BSGRUB PA'I YAN LAG MA YIN PAS BSGRUB PAR BYA BA RTOGS PAR RIGS PA MA YIN PA'I PHYIR RO, ,GAL TE TSAD MAS GNOD PA'I PHYIR LUNG MA YIN YANG SANGS RGYAS PA DES KHAS BLANGS PAS LUNG DU GZHAG PA YIN LA TSAD MAS GNOD PAS BYAS PA'I SKYE BA CAN LA SOGS PA GRUB PA MA YIN PA DE GTAN TSIGS SU BYAS TE, GTAN TSIGS DE'I PHYIR SEMS PAS MED PA'I DNGOS PO GNAS PA'I PHYIR YANG DNGOS PO LEGS PAR GNAS PA YIN NO ZHES BYA BA STE BA STING BA'O, ,YANG ZHES BYA BA'I SGRA NI GANG GI LUNG GANG YIN MA GRUB PAR MA ZAD KYI GTAN TSIGS MA GRUB PAS BSGRUB PAR BYA BA SGRUB PA 'GAL BA YANG MA YIN NO ZHES BYA BA'O, ,GAL TE GTAN TSIGS SKYE BA CAN LA SOGS PA NI SANGS RGYAS PA'I 'DOD PAS GZHAN LA KHO BO CAG LA NI MA GRUB MOD KYI ZHE NA, SKYES BU'I 'DOD PA ZHES BYA BA LA SOGS PA SMOS SO, ,SKYES BU'I 'DOD PA'I BYAS PA NI GTAN TSIGS NYID DU 'DOD PA DAG KYANG DNGOS PO LA 'JUG PA STE, MI SLU BAR NGES PA MED PA'I PHYIR RO, ,DE'I PHYIR GTAN TSIGS LTAR SNANG BA DANG BYE BRAG MED DO, ,YANG NA 'DOD PA NI DNGOS PO JI LTA BA BZHIN DU 'JUG PAR NGES PA MED PA STE, BDAG NYID LA 'JUG PA'I TSIG BRJOD PAR 'DOD PA MTHONG BAS SO, ,DNGOS PO LA GTAN TSIGS KYI DON YOD PA NYID YANG DE RTAGS SHES PA'I RTOGS PA LA LTOS TE, BSGRUB PAR BYA BA DANG SGRUB PAR BYED PA YIN GYI, RTAGS KYI DON MED PAR RTOGS PA TZAM 'BA' ZHIG STE, RNAM PAR RTOG PA 'BA' ZHIG NI BSGRUB PAR BYA BA SGRUB PA MA YIN NA, GANG GI PHYIR PHA ROL GYIS KHAS BLANGS PA RTOGS PA TZAM GYIS BSGRUB PAR BYA BA 'GRUB PAR 'GYUR, GAL TE SKYE PHA LA SOGS PA DNGOS POR YOD PA YANG SRID DO SNYAM NA YOD KYANG ZHES BYA BA SMOS TE, SKYE BA LA SOGS PA DNGOS PO YOD KYANG RTAGS RTOGS PA LUNG TZAM LAS GRUB BAS DNGOS POS BYAS BA MA YIN NA @230A *, ,RTOGS PA MA YIN PA'I PHYIR DE NI RTAGS MA YIN DNGOS POS YOD BA'I RTOGS PA DANG BYE BRAG MED PA STE, RTAGS TSAD MAS MA NGES PA NI YID CHES PAR BYED PA MA YIN PAR MTSUNGS PA'I PHYIR RO, ,GAL TE 'BRAS BU DANG RANG BZHIN DANG MI DMIGS PA JI SKAD BSHAD PA LTA BU NI GTAN TSIGS YIN LA DE LTA BU'I RTAGS SHIG YIN NA NI TSAD MAS NGES PA YIN PA'I PHYIR DNGOS PO LA GRUB PA RTAGS KYI MTSAN NYID YIN NA CI'I PHYIR GRANGS CAN BDAG NYID LA SOGS PA LAM GRUB, GAL TE RANG NYID LA TSAD MAS MA GRUB PO ZHE NA, SANGS RGYAS PA LA SOGS PA'I PHYIR RGOL BA LA YANG TSAD MA LAS GZHAN GYIS RTAGS 'GRUB PAR RIGS PA NI MA YIN PA NYID DO, ,GAL TE LUNG LAS GRUB PA RTAGS MA YIN NA GZHAN GYIS KHAS BLANGS PA'I RTAGS KYIS THAL BAR BSGRUB PA JI LTA BU ZHE NA, THAL BAR 'GYUR BA NI PHA ROL GYIS KUN BRTAGS PA STE, 'GAL BA'I CHOS KHAS BLANGS PAS DE'I 'GAL BA STON PAR ZAD KYI BSGRUB PAR BYA BA BSGRUB PA NI MA YIN NO ZHES BYA BA'I DON TO, ,DE NYID BSTAN PA'I PHYIR DPER NA ZHES BYA BA SMOS TE, DPYOD PA PA DANG BYE BRAG PA DANG GANG DAG SPYI NI GCIG PUR KHAS LEN LA, RANG GI GSAL BA YUL DANG, DUS DANG, GNAS SKABS NGES PA'I BYE BRAG GSAL BA GCIG DANG RNAM PAR MCHAD PA ZHES BYA BA SPYI'I RANG BZHIN CHA SHAS LUS PA MED PAR SPYI RDZOGS PA'I BDAG NYID 'DRE STE 'BREL PAR 'GYUR TE, SPYI LA DE DANG 'BREL BA'I RANG BZHIN GCIG LAS GZHAN MA 'BREL BA'I RANG BZHIN MED PA'I PHYIR RO ZHES 'DOD PA DU MA LA 'JUG PAR YANG KHAS LEN TO, ,DE LA 'DI LTAR 'GAL BA KHAS BLANGS PA STON TE GSAL BA DU MA 'JUG PA SPYI GCIG PO DE YUL LA SOGS PA STE, DUS DANG GNAS SKABS NGES PA'I BYE BRAG BZHIN DU GZHAN DU STE, DU MAR NI RIGS PA MA YIN TE, GCIG PU'I RANG BZHIN DE LTA BU'I RANG BZHIN CAN GYI SPYI NI YUL LA SOGS PA STE DUS DANG GNAS SKABS GZHAN DE MI 'DRA BA RNAMS DANG 'BREL PA ZHES BYA BA 'JUG PAR 'GAL TE, GCIG DANG DU MA 'GAL BA'I PHYIR RO, ,DE LTAR KHAS LEN PA DE NI CHOS DU MA LA 'JUG PA GCIG KHAS BLANGS NA, CIG SHOS RANG BZHIN THA DAD PA KHAS BLANGS PAR BSTAN PA'I DON DU STE, DE LTAR NA GCIG NYID DANG 'GAL LO, ,GAL TE THA DAD @230B PA NYID KHAS MI LEN NA STE GCIG NYID DU 'DOD NA THA DAD PAR LDOG PAR 'GYUR BAS DU MA LA 'JUG PA DANG 'GAL LO, ,GAL TE DE LTAR GYUR PA NYID CI'I PHYIR ZHE NA, DU MA LA 'JUG PA LA THA DAD PAS DE'I BDAG NYID KYIS KHYAB PA'I PHYIR DBYE BAR MI NUS PAS THA DAD PA LOG NA DU MA LA 'JUG PA YANG LDOG PAR 'GYUR RO, ,GAL TE DE'I BDAG NYID YIN PA JI LTAR 'GRUB CE NA, DE ZHES BYA BA NI BDAG NYID KYIS 'BREL BA'O, ,BZHIN DU STE DPE LA'O, ,DNGOS PO ZHES BYA BA NI BDAG NYID GCIG PAR RO, ,'BREL TO ZHES BYA BA NI 'BREL BAR RTOGS PA'O, ,JI LTAR ZHE NA, GANG ZHIG DU MA LA 'JUG PA DE NI THA DAD PA YIN TE, RDZAS DANG YUL LA SOGS PA DU MA LA ZHUGS PA'I SNGON PO DANG SER PO LTA BU'O ZHES SO, ,DA NI ZHES BYA BA NI PHA ROL GYI STE GAL TE SPYI LA THA DAD PA MI SRID PA DER JI LTAR RTOGS PAR 'GYUR SNYAM PA'O, ,LAN SBYIN PA NI THA DAD PA MI SRID NA DU MA LA 'JUG PA DE YANG SPYI DE SRID DE, KHYAB PAR BYED PA THA DAD PA LOG PA LA KHYAB PAR BYA BA DU MA LA 'JUG PA LDOG PAS KHYAB PA'I PHYIR TE, YUL LA SOGS PA NGES PA'I GSAL BA GCIG BZHIN NO, ,GAL TE DU MA LA 'JUG PA'I GCIG PO DE MI LDOG PAR KHAS LEN NA DE LA KHYAB PAR BYED PA THA DAD PA GZHAN DE NGES PAR 'THOB PA'I PHYIR THA DAD PA DOR BAR DKA'O, ,GAL TE KHYAB PA DE LTA MOD KYI SANGS RGYAS PA LA THAL BAR 'GYUR BA'I GTAN TSIGS GCIG DU MA LA 'JUG PA ZHES BYA BA MA GRUB STE, RANG GI 'DOD PA SPYI GCIG DU MA LA 'JUG PAR 'DOD PA LAS GZHAN DU GNAS TE, DE LTA BU MI 'DOD PA'I PHYIR TE, GAL TE DE KHAS BLANGS NA DAM BCAS PA LA RANG GI 'DOD PAS GNOD PA'I PHYIR RO ZHE NA, RTAGS KYI DON GANG RTOGS NA DE RTOGS NAS RANG GI KHYAB PAR BYED PA MI 'DOR PA'I PHYIR SHUGS KYIS GZHAN MED DE KHYAB PAR BYED PA'I CHOS KYANG RTOGS TE, KHYAB PAR BYA BA GANG KHAS BLANGS PAS KHYAB PAR BYED PA DE KHAS BLANGS PAR 'GYUR TE'O, ,DON LAS DON RTOGS PA DE'I PHYIR GRUB PA'I MTHA' GZHAN DU GNAS KYANG DON RTOGS PA LA GAGS BYED CING PHAN PA YANG MED PA'I PHYIR GRUB PA'I MTHA' GZHAN DU GNAS PA'I SKYON BRJOD PA'I SKABS NA MA YIN NO, ,DE LTA BAS NA GRUB PA'I MTHA' DANG 'GAL YANG DON GANG RIGS PA'I STOBS KYIS 'ONGS PA DE DANG DE DAG THAMS CAD KHAS BLANG BAR BYA STE'O, , @231A *, ,YANG NA 'GA' YANG STE KHYAB PAR BYED PA KHAS MI LEN NA, KHYAB BAR BYA BA RANG GIS KHAS BLANGS PA'I RTAGS KYI CHOS DU MA LA 'JUG PA LA SOGS PA YANG KHAS BLANG BAR BYA STE, KHYAB PAR BYED PA KHAS MI LEN PA'I PHYIR RO, ,DE LTAR GRUB PA'I MTHA' MA GRUB KYANG SKYON MED DO ZHES SMRAS NAS DA NI MA GRUB PA YANG MA YIN BA NYID DU BSTAN PAR BZHED PAS MA GRUB PA YANG MA YIN TE ZHES GSUNGS TE, GAL TE DU MA LA 'JUG PA YIN PA LTA NA THA DAD BA 'DI YANG YIN LA THA DAD PA MA YIN NA DU MA LA 'JUG PA DANG GNYI GA MA YIN NO ZHES CHOS DE GNYIS 'BREL BAR STON BA'I PHYIR RO, ,GCIG TU NGES PAR GCIG DU MA LA 'JUG PA NYID DU YONGS SU BZUNG NAS RTAGS MA GRUB PA'I SKYON 'DIR 'GYUR GYI DE LTAR KHAS MI LEN PA NI MA YIN NO, ,YANG NA GTAN TSIGS DU MA LA 'JUG PA LA SOGS PA DNGOS PO'I DON DU YOD NA GRUB PA'I MTHA' DANG 'GAL YANG RTAGS LA KHYAB PA'I RIGS PA'I STOBS LAS THOB PA NI NGES PAR YONGS SU GZUNG BAR RIGS TE, SNGAR BSHAD PA LTAR DE KHAS BLANGS NA ZHES SMOS PA BZHIN NO, ,'O NA DON 'DI SNGAR BSHAD MA THAG PA NYID YIN PAS ZLOG PAR 'GYUR RO ZHE NA, MA YIN TE GAL TE KHAS BLANGS PAS GNOD PAR MI 'GYUR RAM ZHE NA, KHAS BLANGS PAS RIGS PA LA GNOD PAR MI NUS SO ZHES BYA BA 'DI 'OG NAS BSHAD PAR BYA'O ZHES BYA BA NI GZHUNG 'DI BSTAN PA'I 'BREL BA'I DON DU BZLAS PAS SO, ,DE LTA BAS NA KHYAB PAR BYA BA'I CHOS GCIG KHAS BLANGS PA CAN GYIS NGES PAR CHOS GZHAN KHYAB PAR BYED PA KHAS BLANG PAR BYA STE, RIGS PAS BYAS PA LA GRUB PA'I MTHA' DAG GI GNOD PAR MI NUS PA'I PHYIR RO, ,GZHAN YANG GTAN TSIGS GCIG DU MA LA 'JUG PA ZHES BYA BA DE MED NA YANG RTZA BA'I GTAN TSIGS TE GTZO BOR GYUR PA DU MA LA 'JUG BA ZHES BYA BA NYID KYIS 'DOD PA RTOGS TE KHYAB PAR BYA BA DU MA LA 'JUG PA YIN LA DE LA YANG KHYAB BAR BYED PA THA DAD PA NYID DU GNAS PA'I DNGOS PO 'DI SNGON PO DANG SER PO LA SOGS PAR SGRUB PAR BYED LA, DES NI LDOG PA'I KHYAB PA THA DAD PA MED NA DU MA LA 'JUG PA'I YANG LDOG PAR STON PAS DU MAL 'JUG PA DANG GCIG NYID 'GAL BAR STON PAR BYED KYI, DE LAS BZLOG PA DU MA LA 'JUG PA DANG GCIG MI 'GAL BA SGRUB PAR BYED PA NI MA YIN TE, GCIG DU MA LA 'JUG PA ZHES BYA @231B BA'I GTAN TSIGS TSAD MA CAN MA YIN TE, 'GAL BA'I DON DE 'DRA BA MI SRID PA'I PHYIR RO, ,GAL TE KHO BO YANG SKYE BA DANG LDAN PA LA SOGS PAS THAL BAR 'GYUR BA BYED DO ZHE NA, GAL TE 'DIR YANG DU MA LA 'JUG PA DE BZHIN DU SEMS PA MED PA BZLOG PA NYID KYIS MI RTAG PA NYID DANG, SKYE BA DGAG PAR BYA BAR THAL BA YIN NA, KHYED GRANGS CAN PA'I SMRA BA 'GA' YANG DE LTAR DGAG PAR BYED BA NI MED DE SKYE BA DANG, MI RTAG PAS SEMS PA CAN 'GOG PAR ZAD PAS SO, ,GAL TE DE LTAR DGAG PAR BYA BA'O ZHE NA, DE LTAR BYA BA YANG MI NUS TE ZHES BYA BA SMOS TE, DGAG PA DE MI NUS SO, ,CI'I PHYIR ZHE NA, SEMS PA CAN GZHAN DAG SKYE BA DANG MI RTAG PA 'GAL BA MA GRUB PA'I PHYIR, THAL BAR 'GYUR BA SKYE BA 'AM, MI RTAG PA'I PHYIR SEMS PA MED PA CAN, THAL BA LAS BZLOG PA SEMS PA MED PA LOG PAS SKYE BA LA SOGS PA LDOG BDAG GI GTAN TSIGS GO BAR BYED PA MA YIN PA'I PHYIR RO, , GAL TE GO BAR BYED PA MA YIN PA JI LTA BU ZHE NA, 'DI LTAR THAL BA NI GANG SKYE BA 'AM, MI RTAG PA DE SEMS PA MED BA STE, DPER NA BUM PA LTA BU'O ZHES BYA BA YIN NA, 'DIR SEMS PA CAN SKYE BA CAN LA SOGS PA 'GAL BA MA GRUB PA'I PHYIR, DE'I PHYIR RGOL BAS NI SEMS NYID SKYE BA DANG MI RTAG PAR MTHONG BA'I PHYIR RO, ,THAL BA LAS BZLOG PA GANG SEMS CAN DE NI SKYE BA LA SOGS PA MED DE, DPER NA BDAG SHES PA YOD PA BZHIN NO ZHES BYA BA YIN NA 'DI YANG SEMS PA CAN MI RTAG PA LA SOGS PA 'GAL BA PHYIR RGOL BA LAS MA GRUB BO, ,GAL TE JI LTA BU ZHE NA, SNGAR RGYU MTSANG PA MED PA 'BYUNG BA ZHES BYA BA LA SOGS PA ZHES BYA BA SMOS SO, ,DE JI LTAR MA GRUB CE NA, SKYE BA CAN DANG MI RTAG PA RGYU MA TSANG BA MED PAR YOD PA LA SEMS PA CAN BYUNG NA, SKYE BA LA SOGS PA MED PAR 'GYUR BA DANG, SKYE BA DANG 'JIG PA DAG PHAN TSUN SPANGS PAS SEMS PA CAN DU GNAS PA DANG, DE SBANGS PAS SKYE BA LA SOGS PAR GNAS PA'I 'GAL BA 'DI DAG MA GRUB PA'I PHYIR TE, SEMS PA CAN YANG YIN LA SKYE BA DANG 'JIG PA CAN YANG YIN PAR MTHONG BA'I PHYIR RO, ,GAL TE KHYOD KYIS THAL BA DUM LA 'JUG PA DANG GCIG PA DAG JI LTAR 'GAL ZHE NA, GCIG PA'I YANG ZHES BYA BA SMOS TE RTAG PA DANG, MI RTAG PA 'BA' @232A *, ,ZHIG TU MA ZANG DO ZHES BYA BA NI YANG GI DON TO, ,GCIG PA NI SPYI'O, ,RNAM PAR MCHAD PAR 'BREL BA ZHES SNGAR JI SKAD SMOS PA DU MA'I RANG BZHIN GYIS STONG BAR KHAS BLANGS PA'I PHYIR YUL LA SOGS PA STE, DUS DANG RDZAS GZHAN DANG SPYI 'BREL BA ZHES BYA BA 'JUG PA MED DE GCIG DE YIN PA DANG DU MA DANG 'BREL PA GCIG DE MA YIN PA DAG PHAN TSUN SPANGS TE GNAS PA'I MTSAN NYID YIN PAS 'GAL BA'I PHYIR RO, ,DE LTA BAS NA THAL DBU MA LA 'JUG PA'I PHYIR THA DAD DE SNGON PO DANG, SER PO LTA BU'O, ,SPYI YANG DU MA LA 'JUG PA YIN NO ZHES BYA BA DANG, THAL BA LAS BZLOG PA THA DAD PA MED NA DU MA LA 'JUG PA YANG MED DE, DPER NA YUL LA SOGS PA NGES PA'I GSAL BA GCIG BZHIN NO, ,SPYI YANG THA DAD PA MED PA YIN NO ZHES BYA BA'I RTAGS GO BAR BYED PA YIN NO, ,SLOB DPON DAG GIS ZHES BYA BA DBYIG GNYEN GYI ZHAL SNGA LA SOGS PAS SO, ,GAL TE GCIG DANG DU MA LA 'JUG PA DAG 'GAL MOD SPYI NI GNYI GA'I RANG BZHIN NO ZHE NA, 'GAL BDAG NI ZHES BYA BA SMOS TE DU MA LA 'JUG PA ZHES BYA BA DU MA'I RANG BZHIN GCIG KHAS BLANGS NA, GCIG NYID YONGS SU GTONG STE, SPONG BA MED NA STE GCIG MA YIN KHAS MI LEN NA DU MA RANG BZHIN DU KHAS BLANGS MI 'BYUNG STE, MI SRID PA'I PHYIR, SPYI LA GCIG DANG, GCIG MA YIN PA'I CHOS GNYI GA YOD PA MA YIN NO, ,GAL TE SPYI DE LTA BU MED NA NI JI ZHIG LA DPYOD PAR BYED CE NA, DPYAD PA'I SKABS NI ZHES BYA BA SMOS TE, GRUB PA'I MTHA'I DON DPYAD PA'I SKABS NA'O, ,GRUB PA'I MTHA' RIGS PA 'AM MI RIGS PAR KHAS BLANGS BA'I PHYIR DE LAS GRAGS PA'I DON KHAS BLANGS TE, DE LA DPYAD PA BYA'I DE LTA MA YIN NA DE'I DON DPYOD PAR MI 'GYUR BA'I PHYIR RO, ,DE'I PHYIR GZHAN DU KHAS BLANGS ZHES BYA BA SMOS TE, GRUB PA'I MTHA' LAS GZHAN DU SPYI MED PAR KHAS BLANGS NAS SPYI DPYAD PA NI MI RIGS PA'I PHYIR RO, ,DE LTAR LUNG LAS MTHONG BA BKAG NAS RNAM BAR BTAGS BA DAG GA PA'I PHYIR DON MED BA ZHES BYA BA SMOS TE, DNGOS BOR GYUR BA'I NYE BA ZHES BYA BA NI DNGOS BOR GYUR PA'I RJES SU 'GRO BA'O, ,'O NA JI LTA ZHE NA, SMRA BA PO'I BRJOD PAR 'DOD BAS GANG YANG RUNG ZHES BYA BA'I 'DRA BA YIN PAR BRJOD DO, ,RES 'GA' BUM PA @232B DANG; SGRAR 'DRA BA YIN PA'I PHYIR MI RTAG CES SMRAS LA GZHAN YANG NAM MKHA' DANG SGRAR 'DRA BA'I PHYIR RTAG PA'O ZHES BRJOD DE, MI RTAG PA'I ZLA YIN PAS DANG RTAG BA'I ZLA YIN BAS ZHES BYA BA'I DON TO, ,GAL TE RTAG PA DANG CIG SHOS KYI ZLA GNYI GA JI LTA BU ZHE NA, DE NYID KYI PHYIR BRJOD BAR 'DOD PA MI RTAG PA DANG; CIG SHOS MI RTAG PA MA YIN PA DAG LA RING BA DANG RING BA MED PA STE, NYE BA DANG 'GAL BA DANG, MI 'GAL BDAG SMRA BA PO BRJOD PAR 'DOD PA LA YOD PA MA YIN PA'I PHYIR DE LTAR SBYAR BAR ZAD DO, ,DNGOS PO'I RANG BZHIN NYID YIN NA NI SNGAR MI RTAG PA DANG 'DRA BAR SMRAS NAS YANG BRJOD PAR 'DOD PA RTAG PA DANG 'DRA BAR BRJOD PAR MI BYA STE 'GAL BA'I PHYIR RO, ,GAL TE BRJOD PAR 'DOD PA 'GYUR BA MA YIN GYI CIG CAR DU'O ZHE NA, DUS GCIG TU ZHES BYA BA LA SOGS PA SMOS TE, YANG ZHES BYA BA NI RIM 'BA' ZHIG TU ZAD DO ZHES BYA'O, ,DE BZHIN DU 'JUG PAR MI 'GYUR RO ZHES BYA BA NI DNGOS PO JI LTA BA BZHIN DU SGRA 'JUG PAR MI 'GYUR BA'O, ,DE LTA BAS NA GTAN TSIGS DE LTA BU NI SGRA TZAM DU ZAD KYI DON NI MED DO, ,DE'I PHYIR DE LAS DON MI 'GRUB STE, DNGOS PO'I MTSAN NYID DAG LA RTAGS DE LTA BU NI RING BA STE LDOG PA DANG, NYE BA STE RJES SU 'GRO BA MA GRUB PA'I PHYIR RO, ,GAL TE RING BA DANG NYE BA DE GRUB NA NI GANG YANG RUNG BA CIG YIN PA'I PHYIR ZHES BYA BA GO BAR BYED PA YIN TE, DPER NA 'GA' ZHIG TU ZHES BYA BA RGYAB KYI CHA MTHONG BA'I DUS 'GA' ZHIG TU'O, ,DE DANG 'DRA BA ZHES BYA BA RVA CAN DANG 'DRA BA'I'O, ,GAL TE 'DI LTAR DNGOS POS MA YIN NA YANG KHO BOS DE LTAR 'DOD PA'I PHYIR RTAG PA NYID GRUB PO ZHE NA'O, ,'DOD BAS SBYAR BA DES DON RTAG PA 'AM MI RTAG BAS STONG PA DE'I PHYIR DE LTAR BRJOD PAR 'DOD PA TZAM NI 'BRAS BU'I SGRA'I SGO NAS KYANG NGO, ,DON RTAG PA 'AM CIG SHOS NI MI 'GRUB STE, SMRA BA PO'I BRJOD PAR 'DOD PA DNGOS PO KHO NAL 'JUG PAR NGES PA MED PA STE, 'DI LTAR CHU KLUNG GI 'GRAM NA BU RAM GYI PHUNG PO YOD DO ZHES MED BZHIN DU YANG 'JUG PA'I PHYIR RO, ,DE NYID KYI PHYIR 'DOD PA LA DNGOS POS KHYAB PA MA GRUB PAS NA 'DOD PAS BYAS PA'I RTAGS DNGOS PO LA 'KHRUL PA'I PHYIR RO, ,'DOD BTZAM DANG RJES SU 'BREL BA YIN NA, @233A *, ,'DOD PA LAS NI DNGOS PO YANG NI GZHAN YIN PA'I PHYIR DNGOS PO'I RJES SU 'BREL PA MA YIN NO, ,DE'I PHYIR 'DOD PA DES BYAS PA'I RTAGS NI DNGOS PO LA 'KHRUL BA YIN NO, ,MNGON SUM NI PHYOGS KYI NGAG RANG GIS SO, ,BRGYUD PAS NI PHYOGS KYI DAG LAS SKYES PA LA BRTEN NAS SO; ,PHYOGS DANG RTAGS BRJOD DAG CES BYA BA JI LTAR DE RTAGS BRJOD PA NI SBYOR BA'I NGAG YIN PA'I PHYIR GO BAR BYED PA MA YIN NAM ZHE NA, RANG GI SGRUB BYED DU GNAS PA ZHES BYA BA SMOS TE, DNGOS SU DON RTOGS BSGRUB PAR BYED PAR GNAS BAR YOD PA MA YIN PAR PHYOGS DANG MTSUNGS PA'I PHYIR RO, , BRJOD PA ZHES BYA BA NI SGRA'O, ,'BREL PA NGES PA MED PA'I PHYIR ZHES BYA BA NI BSAM PA'I DBANG GIS 'JUG PA'I PHYIR RO, ,GDAGS PAR 'DOD DO ZHES BYA BA NI SBYOR BA'I NGAG NI SGRUB PAR BYED PA RTOGS PA'I RGYU YIN PAS SO, ,GDAGS PA'I DOGS PA NI SNGAR BSHAD ZIN TO, ,GAL TE DE LAS ZHES BYA BA NI PHYOGS KYI NGAG LAS SO, ,JI LTAR 'JUG CE NA, SGRA MI RTAG GO ZHES BRJOD NA CI'I PHYIR ZHES THE TSOM DU 'GYUR BA LAS BYAS PA'I PHYIR RO ZHES GTAN TSIGS KYI NGAG 'JUG GO, ,NANG DU RTOGS PA ZHES BYA BA NI DE'I RANG BZHIN GYI DON TO, ,DE LA ZHES BYA BA NI 'DAS MA THAG PA'O, ,DE DRAN PA SKYED BA ZHES BYA BA NI TSUL GSUM GYI NANG DU GTOGS PA'I DON DRAN PA SKYED PA'O, ,YANG ZHES BYA BA NI DON TSUL GSUM KHO NA YIN PAR MA ZAD KYI NGAG KYANG TSUL GSUM BRJOD PA KHO NAR NUS PA RNAM PAR GZHAG PA'O, ,YUL BRJOD PA ZHES BYA BA NI PHYOGS SO, ,RTAGS BRJOD BA 'JUG PA MI SRID PA NI RTAGS YUL MED PA'I PHYIR RO, , 'DI BRJOD ZIN TO ZHES BYA BA NI BRGYUD BAS KYANG NI NUS MA YIN ZHES BYA BA DANG, THE TSOM LAS KYANG SHES BAR 'DOD PA ZHES BYA BAS SO, ,GZHAN YANG ZHES BYA BA NI MI NUS PA 'BA' ZHIG TU MA ZAD KYI DOGS PA MED PA YANG YIN NO, ,NGES PAR DE MA BSTAN TO ZHES BYA BAR NI PHYOGS SO, ,GAL TE SNGA PHYI GANG DU YANG CHAD BAS BCAD PA'I GNAS YIN NO, ,TSIG BZHI STE ZHES BYA BA NI MI RIGS TE MA BSAL BA YANG YIN PA'I PHYIR RO ZHE NA, 'DI BZHI NI PHYOGS KYI MTSAN NYID MI 'JUG BA BSAL BAS NI GNOD PAR 'GYUR BA BSAL BA'I PHYIR LOGS SU BSTAN TO, ,NGES PAR KHAS BLANGS PA NI SGRA MI RTAG PA'O, , @233B DE'I MED NA MI 'BYUNG BA MA YIN PA NI NAM MKHA'I YON TAN NO, ,MED NA MI 'BYUNG BA NI DPER NA, BDAG MED PAR KHAS BLANGS PA'I MED NA MI 'BYUNG BA MI RTAG PA DANG, SDUG BSNGAL BA DANG, STONG BDAG STE, DE DAG KHAS MA BLANGS NA BDAG MED BA MI 'BYUNG BAS SO, ,SKABS KYI STE ZHES BYA BA NI SANGS RGYAS BAS BDAG MED DO ZHES BRTZAD PA NI, GRANGS CAN GYIS SKABS DE BZLOG PA'I PHYIR SMRAS BA LTA BU STE, BDAG GI DON ZHES MA SMRAS KYANG RTOGS PAR 'GYUR RO, ,DE LTA MA YIN NA RTAGS DON MED PA'I PHYIR RO, ,'DUS PA MA YIN BA'I DON BYED PA NYID DO ZHES KHYAD BAR GZHAN SPANGS PA'I TSIG GIS CHOS KYI BYE BRAG NYID DO, ,'DUS PA MA YIN PA'I DON ZHES BYA BAR GZHAN MA SPANGS PA'I TSIG GIS CHOS CAN GYI BYE BRAG TU BYAS PA'O, ,RNAM PAR GZHAG PA TZAM ZHES BYA BA NI SGRA'I BRJOD BA'I LUGS TZAM MO, ,DE LTAR BRJOD PA LAS CHOS KYI BYE BRAG LAS BZLOG BA BSGRUB BA'I 'GAL BA DANG CHOS CAN GYI BYE BRAG LAS BZLOG PA BSGRUB PA'O ZHES BYA BA'I MING GI KHYAD PAR TZAM GYI 'GAL BA NYID NI GCIG KHO NA'O, ,GAL TE GZHAN ZHES SMRAS KYANG 'DUS PA NA YIN PA ZHES NI MA YIN NO ZHE NA, GZHAN YANG RANG BZHIN BYE BRAG CAN DE DAG TU 'DOD PAS 'DUS PA MA YIN PA KHO NA'I DON ZHES SKABS KYIS BSGRUB PAR BYA BA YIN TE, GZHAN DU RTAGS DON MED PAS SO, ,GAL TE NGE LTA NA YANG JI LTAR SKYON DU 'GYUR ZHE NA, DE DAG GANG GIS 'BREL ZHES BYA BA SMOS TE, DPE LA NI 'DUS PA'I DON KHO NA DANG RTAGS 'BREL GYI CIG SHOS DANG NI MA YIN PA'I PHYIR 'BREL BA MA GRUB PO, ,GANG GIS JI LTAR BRJOD BA NI GZHAN GYI DON TZAM MO, ,DE NI DPE LA GZHAN 'DUS PA NYID KYI DON BYED PA'I BSGRUB BAR BYA BA DANG RTAGS RJES SU 'GRO BA GRUB PO, ,DE LTA YIN YANG BSGRUB PAR BYA BA DE DANG RJES SU 'GRO BA MED PA STE, DE DANG 'GAL BA 'DUS PA MA YIN PA'I DON BYED PA YANG DE DANG 'GAL BA DANG, RJES SU 'GRO BA CAN GYI RTAGS KYIS 'DREN NA HA CANG THAL BAR 'GYUR TE MES KYANG GRANG BA'I REG PA LA SOGS PAR RO, ,DE LTAR NA GTAN TSIGS THAMS CAD 'GAL ZHING ZHES BYA BA DAG GIS KHYAB PAR BYED BA DANG 'GAL BA 'DREN PA'I PHYIR RO, ,DPE YANG BSGRUB PAR BYA BA MA TSANG BAR 'GYUR TE, RANG GI KHYAB BAR BYA BA DANG 'GAL BA DPE LA MI SRID PA'I PHYIR RO, ,YANG NA DPE MAL CHA @234A *, ,LA SOGS BA LA 'DUS PA MA YIN PA'I DON BYED BA MA TSANG BA'O, ,DE TZAM DU ZHES BYA BA NI 'GAL BA DAG KYANG NGO, ,GANG NA YANG ZHES BYA BA NI DPE GANG LA YANG NGO, ,RJES SU 'GRO BA ZHES BYA BA NI RTAGS DANG 'BREL BA'O, ,RTAGS DANG DPE DAG MED BA DE'I PHYIR RTAGS GANG LAS KYANG RTOGS PAR MI 'GYUR RO, ,BRJOD PA'I CHOS DE 'DUS PA MA YIN PA NYID KYI DON BYED PA TSIG TU BRJOD NA NI SKYON 'DI ZHES BYA BA NI 'GAL BA DANG DPE MED BA DAG GO, ,BSGRUB BAR BYA BA NYID DU KHYAD PAR MED PA'I PHYIR ZHES BYA BA NI RTAGS KYIS RTOGS PAR BYA BA YIN PA NYID DU SMRAS BA DANG 'DRA BA'I PHYIR RO; ,GAL TE 'DOD KYANG MA SMRAS PA 'GAL BA LA SOGS PA'I SKYON MED NA'O, ,'DOD PA LA NI GNOD PAR BYED PA LA YANG 'GAL BA'I SKYON MED PAR THAL BAR 'GYUR RO, ,GAL TE SKYON MED PAR 'DOD DO ZHE NA, SKYON MED PA MA YIN TE, GTAN TSIGS MI MTHUN BA'I PHYOGS LA 'JUG PAS BSGRUB PAR BYA BA PHYIN CI LOG TU BSGRUB PA'I MTSAN NYID YIN BA'I PHYIR RO, ,SMRAS BA PHYIN CI LOG TU BSGRUB PA DANG KHYAD PAR MED PA'I PHYIR RO, ,GAL TE 'DUS BA YIN PA'I PHYIR ZHES BYA BA LA PHYIN CI LOG MED DO ZHE NA, JI SKAD SMOS PA STE, 'DUS PA MA YIN PA'I DON NYID DO ZHES BYA BA LA SOGS PAS CHOS DANG CHOS CAN GYI BYE BRAG NYID DU BSTAN PA STE, GZHAN DU BYE BRAG TU MA BYAS PA'I GZHAN GYI DON TZAM NI RTAGS DON MED PA'I PHYIR RO, ,DE LTA BAS NA DE LA 'DUS PA MA YIN BA'I DON RJES SU 'GRO BA MED PAR 'DOD PA NYID DE, JI SKAD DU SLOB DPON DBYIG GNYEN GYI ZHAL SNGA NAS KYIS, BDAG GZHAN ZHE NA MA GRUB PHYIR, ,ZHES GSUNGS BA LTA BU STE, BDAG MA GRUB PA DE NYID 'DOD PA LA GNOD BAR BYED PA'I 'GAL BA YIN TE, BDAG DE DANG RJES SU 'GRO BA MED KYI DE DAD 'GAL BA'I RJES SU 'GRO BA'I PHYIR RO, ,GANG LAS RTZOD PA ZHES BYA BA NI BDAG GANG LAS TE, DE BSGRUB PA'I PHYIR BSGRUB BA BKOD PA'O, ,DE LTA NA YANG ZHES BYA BA NI BSGRUB PAR BYA BA BKOD PA'I 'BRAS BU BDAG BSGRUB PAR BYA BA YIN PAR 'DOD NA YANG NGO, ,PHYIN CI LOG TU GRUB PA ZHES BYA BA NI 'DUS PA'I RJES SU 'GRO BA'I PHYIR 'DUS PA'I DON DU GRUB PAS SO, ,GAL TE 'DUS PA'I DON NYID BSGRUB PAR @234B BYA BA YIN NO ZHE NA, 'BRAS BU MED PA NYID CES BYA BA SMOS TE, DE NI PHYIR RGOL BA YANG 'DOD PA NYID DO, ,'GAL BA 'BRAS BU MED BA DE NYID DPES BSTAN PA NI SGRA'I MTSAN NYID NI ZHES BYA BA SMOS TE, BHA TRI HA RI NA RE, SHES DAR LDAN DANG PHYI DON DANG, ,RANG GI NGO BO NYID KYANG STE, , DE DE SGRUB BRJOD PAS RTOGS PAS, ,SPYI NI 'BREL BAR RAB TU GNAS, ,ZHES ZER BA LTA BU'O, ,DE NYID SGRA RNAMS NI MING DANG 'BREL BAR MA GYUR BA'I SNGON NAS KYANG DON DANG LDAN PA YIN TE ZHES BYA BA SMOS TE, MING DANG 'BREL BA NI BRDAR BYAS BA'O, ,DE'I SNGON ROL NI DE MA GRUB PA NA YANG NGO, ,DON DANG LDAN TE, SGRA 'DON PA NA BRJOD PAR 'DOD PA'I SHES PA DANG LDAN BAR GO BAR BYED, PHYI'I DON GO BAR NUS, RANG GI NGO BO GO BAR BYED DE, GO'I ZHES BYA BA'I SGRAS BRJOD PAR 'DOD PA DANG, BA LANG DANG, RANG GI NGO BO GA DANG AO DANG AU DAG GO BAR BYED PAS SO, ,DES NA BRDA'I SNGON ROL NAS KYANG BRJOD PAR 'DOD PA'I SHES PA DANG RANG GI NGO BOR GO BAR BYED DO, ,RNAM PAR DBYE BA CAN DU MTHONG BA'I PHYIR ZHES BYA BA NI DANG PO DANG GNYIS BA LA SOGS PA'I RANG BZHIN LAS MI 'DA' BA'I PHYIR RO, ,'DIR RANG GI NGO BO TZAM GYI DON DANG LDAN PAR SGRUB PAR 'DOD LA RNAM PAR DBYE BAS NI PHYI ROL GYI DON GYIS DON DANG LDAN PAR 'GYUR BA'I PHYIR MI 'DOD PA BSGRUB PA'AM, RANG GI NGO BO TZAM GYI DON NI GRUB KYANG DON DU SKYES BUS 'DOD PA MED PA'I PHYIR RTAGS DON MED DE, SGRA LAS RANG GI NGO BO RTOGS BAR 'DOD PA GZHAN PA'I RTOGS PAR BYA BA CI YANG MED PA'I PHYIR RO, ,GZHAN GYI DON BYE BRAG TU MA BYAS PAS ZHES BYA BA NI 'DUS PA MA YIN PA GZHAN GYI ZHES BYE BRAG TU MA BYAS NA NI SGRUB PAR 'DOD PA BDAG GI DON DU MI 'GYUR RO, ,GZHAN GYI DON NYID KHAS BLANGS PA ZHES BYA BA NI BYE BRAG TU MA BYAS PA SGRUB NA NI PHYIR RGOL BA SANGS RGYAS BAS KHAS BLANGS PA'I PHYIR RO, ,GNYIS PA CAN GYI SBYOR BA NI RGYANG PAN BA'O, ,DE DAG RJES SU DPAG PA TSAD MAR MI 'DOD PA MA YIN NAM JI LTAR RTAGS SBYOR BA SMRAS SHE NA, 'DI NI 'GAL BA MED DE GZHAN LA RAB TU GRAGS PA RJES SU 'DOD PAS, GZHAN NYID LA STON PAS BYED DO ZHES ZER RO, ,SEMS PA CAN DU GSAL BA'I LUS KYI MTSAN NYID KYI SKYES BU ZHES BYA BA NI DE DAG @235A *, ,GI GRUB PA'I MTHA' NI 'DI LTA BU STE, SKYES BU DANG SEMS ZHES BYA BA DAG LUS LAS GZHAN PA NI CI YANG MED DE 'BYUNG BA'I RANG BZHIN GYI LUS NYID SEMS DANG SKYES BU ZHES BYA'O, ,DE'I PHYIR SEMS PA CAN DU GSAL BA'I LUS KYI RANG BZHIN GYI SKYES BU STE DGUN CHANG RNAMS SO, ,SO GA'I DUS SU DANG BAR 'GYUR BA DAG CHANG NYID LAS GZHAN MA YIN PA DE BZHIN DU, SEMS DANG SKYES BU YANG 'BYUNG BA YONGS SU GYUR PA NYID YIN GYI 'BYUNG BA'I LUS LAS GZHAN MA YIN NO ZHES BYA BA'O, ,DE LTAR SGRUB PA'I PHYIR NGAN G-YO'I SBYOR BA STE, BUM PA SEMS PA'I NGO BOR GSAL BA'I LUS KYI MTSAN NYID KYI SKYES BUS ZLA DANG BCAS PAR GRUB NA LUS NYID SEMS DANG SKYES BU YIN BAR SHUGS KYIS GRUB BA'O, ,RTZIG PA NI RJES SU 'GRO BA'I YUL TE, DE LA BUM PA DANG SKYES BU DE LTA BU'I ZLA DANG BCAS PA RTAGS CAN DANG, AUTPALA MA YIN PA NYID KYI RTAGS DAG YOD PAR SNANG BAS SO, ,DE LA YANG RJES SU 'GRO BA MED PAR BSTAN PA NI DE LTA BUR GYUR BA STE SEMS NYID KYI NGO BOR GSAL BA'I LUS KYI SKYES BUS GNYIS BA CAN DU MA GRUB STE, LUS NI SEMS LAS THA MI DAD PAR THE TSOM ZA BA'I PHYIR RO, ,DE LTAR NA SEMS GSAL BA'I LUS GNYIS PA CAN ZHES BYA BA BSGRUB PAR BYA BA'I CHOS LA THE TSOM ZA BA'I PHYIR DPER MI 'GYUR RO, ,DE'I PHYIR RJES SU 'GRO BA MED DO, ,GAL TE SPYIS SGRUB BAR 'DOD PA'I PHYIR ZHES BYA BA NI SPYI GNYIS PA CAN TZAM DU SGRUB KYI SEMS SU GSAL BA'I LUS KYIS GNYIS PA CAN ZHES BYE BRAG MI 'PHEN PA'I PHYIR LUS DE TZAM GYIS SAM, YANG NA BUM PAS GNYIS PA CAN YIN PA'I PHYIR, DPE LA RJES SU 'GRO BA LA THE TSOM MI ZA'O ZHE NA, GAL TE SEMS PA CAN DU GSAL BA'I LUS KYIS GNYIS PA CAN DU MI 'GRUB NA GRUB PAR BYED PA AUTPALA MA YIN PA NYID KYI 'BRAS BU CI ZHIG YIN, BUM BA LUS TZAM GYIS GNYIS PA CAN DU NI PHYIR RGOL BA DAG KYANG 'DOD PA'I PHYIR RO, ,YANG NA ZHES BYA BA NI RNAM PAR RTOG PA BZHI STE, GAL TE DPE LA YOD PA'I BSGRUB PAR BYA BAR SEMS LAS BZLOG PA'I BUM PAS GNYIS PA CAN YIN TE, SKYES BUS NI THE TSOM ZA BA'I PHYIR MA YIN PA'I PHYIR SEMS PA CAN DU GSAL BA MA YIN PA'I GNYIS PA CAN DANG GTAN TSIGS RJES SU 'GRO BAR DPE LA GRUB PAS @235B BUM PA LA YANG MI 'DOD PA GRUB PA'I PHYIR 'GAL BAR 'GYUR RO ZHES SNGAR GRANGS CAN PA LA SMRA BA DANG 'DRA'O, ,GZHAN YANG GAL TE YANG ZHES BYA BA SMOS TE, SKYON SNGAR MA ZAD DO ZHES BYA BA NI YANG GI DON TO, ,GAL TE DPE LA RJES SU 'GRO BA MED PA SPANG BA'I PHYIR BYE BRAG MI 'PHEN ZHES SMRA BA BYE BRAG DE SGRUB PAR BYED PA RTAGS KYIS YUL DU MI BYED NA JI LTAR NA RTAGS AUTPALA MA YIN PA'I PHYIR ZHES BYA BA DES SEMS PA CAN DU GSAL BA'I LUS KYIS GNYIS PA CAN DE 'GRUB STE, SGRUB PAR 'DOD PA 'DI LTAR SEMS PA CAN DU GSAL BA'I ZHES SMRA, GAL TE GTAN TSIGS AUTPALA MA YIN PA NYID KYIS SEMS PA CAN DU GSAL BA'I GNYIS PA CAN DU 'GRUB NA NI ZHES BYA BA BYE BRAG 'PHEN NA NI JI LTAR NA DE RTAGS KYI YUL MA YIN TE, BYE BRAG DE 'PHANGS PA'I PHYIR MI 'PHEN NO ZHES BYA BA MI RIGS SO, ,GAL TE YUL YIN NO ZHES BYA BA BYE BRAG 'PHEN NA'O, ,RANG LA BRTEN PAR 'GYUR BA'I SKYON NI SEMS PA CAN DU GSAL BA'I LUS SU THE TSOM ZA BA'I PHYIR RJES SU 'GRO BA LA THE TSOM ZA BA'O, ,DE LTA BU YANG ZHES BYA BA NI RJES SU 'GRO BA YOD PAS NI 'DOD PA MA GRUB NA NI RJES SU 'GRO BA YOD PAS NI 'DOD PA MI 'GRUB PA LA 'DOD PA GRUB NA NI RJES SU 'GRO BA MED PA'I PHYIR SKYES BU'I LUS KHYAD PAR CAN 'PHEN DU YANG MI RUNG LA MI 'PHEN DU YANG MI RUNG BA'I RGYANG PAN PA'O, ,AUTPALA MA YIN PA'I PHYIR ZHES BYA BA'I RTAGS NUS PA MED PA LA, MI 'DOD BSGRUB PA DE LA BRTEN BA'I BSGRUB PAR BYA BA DE 'GRUB PAR BYA BA'I SGRUB PAR BYED PA DE LTA BUS NYE BAR 'TSO STE BDE BAR GNAS NA'O, ,PHA ROL SUN 'BYIN PA KLAN KA'I 'JIGS PA MED PA NI MI 'TSO 'AM CI STE RANG GI NYES PA LA MI LTA BAR PHA ROL GNON BA NI RGYAL RIGS KYI RNAM PAR GZHAG PA STE, RIGS PA LA BRTEN PA MA YIN ZHES BYA BA'I DON TO, ,KLAN KA DANG BCAS PA DGOD PA LA MI BDE BA MED NA SUN 'BYIN PA 'JIGS PA MED PA DE'I PHYIR JI SRID DON DU GYUR PA STE, SEMS PA CAN DU GSAL BA'I LUS KYI GNYIS PA CAN NO, ,SGRUB PAR BYED PA'I MTHUS GRUB PA 'PHANGS PA NI AUTPALA MA YIN PA NYID SGRUB PAR 'DOD BAS 'PHANGS PA'O, ,DES KHYAB PA NI BSGRUB PA MA BTANG GI NGAR DU'O, ,SUN 'BYIN PAS KYANG KHYAB STE, JI SRID DU RJES SU 'GRO BA THE TSOM ZA BA'AM, THE TSOM MI ZAN PHYIN CI LOG GAM @236A *, ,ZHES SMRA BAR 'GYUR BAS SO, ,GZHAN YANG DE LTA BU'I BYE BRAG CAN SEMS PA CAN DU GSAL BA'O, ,KHAS MI LEN NA ZHES BYA BA NI SEMS PA CAN DU GSAL PAR THE TSOM ZA BA'I PHYIR DE LTA BU NYID DU KHAS MI LEN NO, ,SPYI ZHES BYA BA NI GNYIS PA DANG BCAS PA TZAM NYID DO, , LUS DE LTA BU NI MA GRUB PA'I PHYIR DANG BUM PA YANG GNYIS BA CAN DU BSGRUB PAR BYA BA'I BUM PA LA MI SRID PAR STON PAR 'GYUR BA'I PHYIR GANG YANG RUNG BA LA GNYIS PA CAN GYI DON NYID MED PA'I PHYIR RO, ,GCIG ZA BA MI SRID PA NI GANG YANG RUNG BA GCIG ZA ZHES BYA BA 'DI SBYOR BAR MI 'DOD LA, SMRA BA PO ZA BA PO GNYIS LA THE TSOM MI ZA STE, LHA SBYIN KHO NA ZA SNYAM NA YANG GANG YANG RUNG BA GCIG ZA'O ZHES BYA BA'I SGRA 'DI SBYOR BAR MI 'DOD DO, ,DE NYID BSTAN PA'I PHYIR JI LTAR ZHES BYA BA SMOS TE BUM PA RANG NYID BUM PA LAS DON GZHAN YIN PAR NI KHAS MI LEN TE DE NYID LAS GZHAN MA YIN PA'I PHYIR RO, ,GAL TE BUM PA NYID BUM PA LAS GZHAN YIN PAR KHAS LEN NA NI YANG 'GAL BA'I PHYIR TE, BUM PA DANG BUM PA MA YIN PA 'GAL BA'I PHYIR RO, ,DE'I PHYIR BUM PA LAS GZHAN MA YIN PAS LUS TZAM ZHIG BUM PA LAS DON GZHAN DU GYUR PA ZHES BYA BA YIN PAR GNYIS PA CAN GYI TSIG GI DON SHUGS KYIS TE; RIGS PAS RNAM PAR GNAS PA GZHAN GCIG LAS MED PA'I PHYIR GANG YANG RUNG BA GCIG GIS GNYIS PA CAN ZHES SMOS PA NI DON MED DO, ,GZHAN DU ZHES BYA BA NI BUM PA LAS GZHAN YIN PA'O, ,GAL TE LUS NYID 'DIR DON GZHAN DU 'DOD PA KHO NA'O ZHE NA, DE NYID DE SKAD CES BRJOD PAR BYA'O ZHES BYA BA NI LUS KYI GNYIS PA CAN YIN TE ZHES DAM BCA' BAR BYA BA'I BUM PA DAG LAS GANG YANG RUNG BA ZHES MA BRJOD DO, ,BUM PA YANG DE SKAD CES BYA BAR 'GAL BAS MI SRID PA'I BRJOD PA MI RIGS PAS SO, ,GANG YANG RUNG BA ZHES BYA BA NI SPYIR BRJOD PA YIN LA, SPYIR NI RDZAS BRJOD BAR 'DOD PA THAMS CAD LA SRID NA RUNG GI RDZAS THAMS CAD LA SRID PA MA YIN PA DE NI SPYI MI RIGS BA'I PHYIR TE, DE LTAR NA BYE BRAG KYANG DE THAL BAR 'GYUR BA'I PHYIR RO, ,BRAM ZE LA SOGS PAS NI RGYAL RIGS LA SOGS PA GZUNG NGO, ,DE LTAR BRAM ZE LA SOGS PAS GANG YANG MED PA LA RIGS NYID KYI SPYI'I @236B CHOS MI SRID DO, ,GZHAN YANG DBANG PO ZHES BYA BA'I SPYI'I MTSAN NYID DBANG PO LAS SKYES PA MA YIN PA NYID RTOG PAR BYED PA'I YID KYI SHES PA LA DBANG PO LAS SKYES PA ZHES BYA BA'I MTSAN NYID DANG MI LDAN PA LTA BU'O, ,DE NI JI LTAR DBANG PO LAS SKYES PA MA YIN PA NYID CE NA, DE LTAR RTOGS PA MA YIN TE, DBANG PO LAS SKYES PA'I MIG GI SHES PAS GSAL BA DANG BYA BA BYED PAR NUS PA DE LTAR RTOG PAS RTOGS PA MA YIN PA'I PHYIR DANG, DBANG PO DE 'GYUR YANG RTOG PA TZAM MI 'GYUR BA'I PHYIR DANG, DBANG PO MED PAR YANG RTOG PA 'BYUNG BA'I PHYIR RO, ,DE DAG LA DE LTAR KHAS LEN NA ZHES BYA BA NI DON GZHAN DU MA GRUB PA DE DAG LA GANG YANG RUNG BA ZHES KHAS LEN NA'O, ,'GYUR RO ZHES BYA BA NI SPYI BSGRUB PAR BYA BA'O, ,GAL TE CI'I PHYIR DON GZHAN MED CE NA, DE YANG ZHES BYA BA SMOS TE, RJES SU 'GRO BA MED PAS THE CHOM ZAL ZHES BYA BA RTZIG PA LA SEMS PA'I RANG BZHIN GYI LUS KYIS GNYIS PA CAN NYID MA GRUB PA STE, LUS NYID SEMS PA YIN PAR THE TSOM ZA BA'I PHYIR RO, ,DES NA BUM PA LA YANG SEMS PAR GSAL BA'I LUS KYIS GNYIS PA CAN DU THE TSOM ZA BA'I RTAGS KYIS 'GRUB PA MED DO, ,'GAL BA'I PHYIR ZHES BYA BA NI SNGAR BSHAD PA NYID YIN NO, ,DE'I PHYIR LUS DANG BUM PA GNYIS PA LA NI MI SRID DO, ,DE LTAR NA RDZAS BYE BRAG MED PA'I SPYI LTA ZHIG GA LA 'GRUB, DPER NA LHA SPYIN DANG ZHES BYA BA LA SOGS BA SMOS TE ZA BA'I CHOS GNYI GA LA SRID NA GANG YANG RUNG BA ZHES SPYIR BRJOD PA RIGS KYI, GNYI GA LA ZA BA NYID MI 'DOD NA GANG YANG RUNG BA GCIG ZA'O ZHES BYA BA GCIG CIG SOD DAM ZHES BYA BA'I DON TO, ,GAL TE LHA SBYIN KHO NA ZA BA MA YIN NO ZHES BYA BA LAS LTA SPYIN GCIG BU ZAB ZHES BYA BA CHOS 'DI LTA SBYIN LA 'GOG PA TZAM ZHIG BSAM PAS GANG YANG RUNG BA GCIG ZA'O ZHES BRJOD PAR MI RUNG BA'I SKYON MED DO ZHE NA, GCIG GZUNG BAR THAL BA STE, RDZAS GCIG GI CHOS BSAM BA'I SKABS YIN BAR THAL BA STE, MI 'DOD PA DER 'GYUR BA'I SKABS MED PA'I PHYIR TE, DU MA'I GNYIS PA CAN SEMS PA'I GNAS SKABS YIN PA'I PHYIR RO, ,'DI RNAM PAR BRTAG PA'I YUL YIN PA'I PHYIR RO ZHES BYA BA NI 'DI'AM 'DI'O ZHES GNYIS LAS GANG YANG RUNG BA GCIG TU @237A *, ,RTOG PA'I YUL YIN PA'I PHYIR GCIG GI CHOS SEMS PAR THAL BA MED DO, ,DER NI ZHES BYA BA NI RNAM PAR RTOG PA'I YUL DER RO, ,BUM PA YANG GNYIS PA MA YIN LA, LUS DE LTA BU'I KHYAD PAR CAN YANG GNYIS PA MA YIN NO ZHES BYA BAR MI 'DOD DE, RIGS PA MA YIN TE, GNYI GA YANG MI SRID NA BRTAG PA'I YUL MED PA'I PHYIR RO, ,DE NI RE ZHIG GCIG KHO NA ZA BA MA YIN NO ZHES DGAG PAR RTOG PA BSAL NAS, GAL TE LHA SBYIN DANG MCHOD SBYIN DAG LAS GANG YANG RUNG BA GCIG ZA'O ZHES BYA BA ZAB PO GCIG NYID YIN NO ZHES SGRUB PA YIN NA YANG RIGS PA MA YIN TE, GNYIS PO DAG LAS CIG SHOS KYIS GNYIS PA NYID MI SRID KYI GCIG GI GNYIS PA DANG BCAS PAR SGRUB NA YANG RNAM PAR RTOG PAS BSDU BA STE, 'DI 'AM 'DIS GNYIS PA CAN YIN NO ZHE NA, GANG YANG RUNG BA GCIG GIS GNYIS PA CAN YIN NO ZHES BRJOD PAR MI RIGS SO, ,DE LTAR NA RANG GI 'DOD PA'I DON YANG RJES SU 'GRO BA MED PA'I PHYIR MI 'GRUB LA SPYI YANG BYE BRAG MI SRID PAS MA YIN GCIG TU DGAG PA DANG SGRUB PA YANG MI RIGS PA'I PHYIR MI 'GRUB PAS NA, DA NI AUTPALA MA YIN PA'I PHYIR ZHES BYA BA YANG RTAGS 'DIS CI ZHIG SGRUB PAR NUS, PHYOGS DAD MTHUN PA'I PHYOGS DAG LAS GANG YANG RUNG BA ZHIG YIN PA'I PHYIR ZHES BYA BA LA YANG RJES SU 'GRO BA MED PA NYID DANG, GCIG TU NGES PAR GZUNG BA YANG MI 'THAD PA DAG TU RAB TU BRJOD PA YIN NO, ,JI LTAR ZHE NA, NAM MKHA' DANG BUM PA DAG LA MTHUN PA'I PHYOGS NYID YIN GYI, PHYOGS DANG MTHUN PA'I PHYOGS DANG, BDAG NYID MED PA'I PHYIR GANG YANG RUNG BA ZHES BYA BA'I RTAGS MED PA'I PHYIR RJES SU 'GRO BA MED DO, ,GAL TE PHYOGS SAM MTHUN PA'I PHYOGS GCIG YIN GYI CIG SHOS NI YIN PA MI SRID PAS DES PAR BA ZUNG NA YANG GANG YANG RUNG BA'I SGRA MI 'THAD DO ZHES BYA BAR SUN DBYUNG BAR BRJOD PA YIN NO, ,GZHAN YANG ZHES BYA BA NI RTAGS MA GRUB PA 'AM RDZAS MED NA SPYI MI RUNG BA'O, ,JI LTAR SPYI DANG RTAGS MA GRUB CE NA, GNYI GA LA SRID PAR 'GAL PA MED NA PHYOGS DANG MTHUN PA'I PHYOGS DE DAG DE LTAR DE GANG YANG RUNG BA ZHES BRJOD PA'I PHYIR 'GYUR RO, ,DE LTAR SRID PA NI MED DE 'DI LTAR GANG YANG RUNG BA GCIG CES BYA BA MTHUN PA'I PHYOGS BUM PA'AM @237B NAM MKHA' ZHES BYA BA GZHAN DU GYUR NA RTAGS DE PHYOGS SGRA LAM GRUB STE, 'DI LTAR SGRA RTAG PA 'AM MI RTAG BA ZHES BYA BA LTA BU'I BYE BRAG GI STE, BSGRUB PAR BYA BA NI SGRA DE NI PHYOGS DANG MTHUN PA'I PHYOGS DAG LAS GANG YANG RUNG BA ZHES BYA BA SPYI'I RANG BZHIN MA YIN TE, RNAM PAR BRTAG PA NI 'DI 'AM 'DI YANG RUNG ZHES SPYIR BRJOD PA YIN LA SGRA'I BDAG NYID NI SO SOR NGES PA STE, PHYOGS KHO NA GNAS KYI MTHUN PA'I PHYOGS MA YIN PA'I PHYIR SO SOR NGES PA DANG MA NGES PA 'GAL BA'I PHYIR RO, ,SO SOR NGES PA NYID KHAS MI LEN NA MA NGES PAR SPANG BAR 'GYUR BA'I PHYIR RO, ,DE LTAR NA SGRA LA MTHUN PA'I PHYOGS KYANG YIN PA ZHES BYA BA MED PA'I PHYIR RTAGS MA GRUB PO, ,DE'I MTHUN PA'I PHYOGS LA YANG PHYOGS YIN PA NYID PAS RJES SU 'GRO BA MED PA YIN MOD KYI, DE NI SNGAR BSHAD ZIN PAS RTOGS PA'I PHYIR 'DIR BRJOD PA MA MDZAD DO, ,PHYOGS DANG MTHUN PA'I PHYOGS DAG SO SOR NGES PA LA SPYI MI SRID PA'I PHYIR SPYI MA GRUB PO; ,DE LTAR ZHAR LA 'ONGS PA BSTAN NAS DON DKYUS MA NYID BSHAD DE, GAL TE RTZIG PA NI SPYIR GANG YANG RUNG BAS GNYIS PA CAN YIN PAR SMRA BAS GNYIS PA CAN DU 'GYUR BA'I PHYIR RJES SU 'GRO BA YOD DO ZHE NA, GANG YANG RUNG BAS ZHES SPYIR SMRAS KYANG SGRUB PAR 'DOD PAR 'DOD PA'I SKABS KYI DON GYI SHUGS KYIS GNYIS PA NI LUS KHO NAS SO ZHES BYE BRAG TU YANG GNAS TE, LUS SEMS PAR GSAL BAR SGRUB PAR 'DOD PAS LUS KHO NA GNYIS PAR RTOGS KYI BUM PA NI DGOS PA MED PA'I PHYIR RTOGS PA MA YIN NO, ,'GRO BA DANG 'ONG BA RIGS PA CAN SROG CHAGS LA SOGS PA 'GA' ZHIG LA THE TSOM ZA'I, RI'AM SHING LA NI MA YIN PA BZHIN NO, ,GAL TE LUS KHO NA BRJOD PA'I BYE BRAG GI SGRA CUNG ZAD KYANG MED PA'I PHYIR MA YIN NO ZHE NA, BYE BRAG GI SGRA DANG NYE BA KHO NA ZHES BYA BA SMOS TE, SKABS KYI SHUGS LA SOGS PA STE, DE SMRA BA 'DOD PA'I DBANG GIS KYANG NGO, ,DON GZHAN DU GYUR PA GNYIS RIGS PA MA YIN ZHES BYA BA NI LUS KHO NA RIGS PA'I PHYIR RO, ,YANG NA DON GZHAN PA GCIG KYANG MED DE GNYI GA ZHES BYA BA LUS BYE BRAG CAN DAG MA GRUB PA DANG BUM PA YANG BUM PA LAS DON GZHAN DU MI RUNG BAS SO, ,KHAS MI LEN ZHES BYA BA NI PHYIR RGOL BA'AM RIGS PAS NA GNYI GA YANG NGO, ,GAL TE SGRA DANG @238A *, ,BUM PA'I BYE BRAG GIS ZHES BYA BA NI GAL TE SPYI GANG YANG RUNG BA ZHES SMRAS PA LA DPE RTZIG PA LA BUM PAS GNYIS PA CAN YIN YANG LUS KYI MA YIN LA, BUM PA LA LUS TZAM GYIS GNYIS PA TZAM YIN YANG LUS BYE BRAG CAN GYIS GNYIS PA MA YIN ZHES BYA BAR RTOG NA, GAL TE BUM PAR GYUR PA'I MI RTAG PA YIN NA SGRA LAM GRUB PA YIN LA, SGRA'I MI RTAG PA NI RJES SU 'GRO BA MED DO, ,GAL TE MI RTAG PA SPYIR YIN NA GNYIS BA CAN TZAM SPYIR RTAGS YIN NO ZHE NA, DPE LA GRUB PA'I MI RTAG PA DE DANG SGRA LDAN PAR BSGRUB PA'I PHYIR RO, ,MI RTAG PA GRUB PA DE LTAR GNYIS PA CAN GANG GIS YANG DON GZHAN DU GYUR PA'I LUS DANG BUM PA DAG KHAS LEN NA GANG YANG RUNG BAS GNYIS PA CAN GYI DON GZHAN DU GYUR PA'I SPYI SRID PAR 'GYUR NA DON GZHAN DE NI MI SRID DO ZHES BSGRUBS ZIN TO, ,DE LTAR 'DUS PA YIN PA'I PHYIR ZHES PA DANG, GNYIS PA CAN GYIS SPYAD PA DE DE DAG GIS TSIG DAG GZHAN DU SNANG YANG 'DOD PA BSGRUB PAR BYA BA SMRAS PAS NA, CHOS DANG CHOS CAN DAG GIS KHYAB PAR BYAS PA STE, 'DI NYID KYI DPER BRJOD PA NI 'OG NAS STON TE, SEL BA NI DE LAS GNOD PA CAN SMRA BA STE, DE LA YANG LAN SO SOR BRJOD PA YIN TE, DPER NA MI RTAG PA'I SGRA'I SGRA YIN TE BYAS PA'I PHYIR RO ZHES BYA BA STE; DE LA GNOD PA SMRA BA NA RE, DE NI DE LTA MA YIN TE, MI RTAG PA'I CHOS DANG LDAN PA'I SGRA DE'I SGRA NI DE BRJOD PA'I SGRA STE, DE LTAR RTAGS BYAS NAS BSGRUBS NA SGRA RANG BRJOD PA'I SGRA DANG LDAN PAR 'GYUR GYI SGRA MI RTAG PAR NI MI 'GYUR RO, ,GANG YANG SGRA'I MI RTAG PA NYID DANG LDAN PA YIN TE BYAS PA'I PHYIR RO ZHES BYA BA LA YANG GNOD PAR SMRA BA STE, SGRA'I MI RTAG PA SGRA LAS GZHAN PA ZHIG DANG LDAN PAR GRUB NA YANG SGRA MI RTAG PAR MI 'GYUR RO, ,SGRA DANG MI RTAG PA'I SPYI LA GNOD PA SMRA BAS CHOS DANG CHOS CAN BRJOD PA'I DON LA 'GAL TE SKYON SMRA BA DE MED PA'I PHYIR DE YANG 'DOD PA BSGRUB PAR BYA BA SMRAS PA 'DIS GSAL BA YIN NO, ,JI LTAR ZHE NA, DE LTAR SMRA BA'I RGOL BA DE DAG KYANG 'DOD PA NI SGRA MI RTAG CES SPYI DE BRJOD PAS SGRUB PAR 'DOD PA YIN PA'I PHYIR SGRA MI RTAG PAR MI 'GYUR BA'I SKYON MED DO, ,DE'I PHYIR MI RTAG PA'I SGRA'I BRJOD PA'I SGRA YIN NO ZHES BYA BA NI MA YIN TE, DE LTAR GYUR PAR @238B SGRUB PAR 'DOD NA SGRA MI RTAG PAR MI 'GYUR TE, SGRA MI RTAG PA'I SGRA'I SGRAR TE, DE'I RJOD PAR BYED PA BSGRUB PA'I PHYIR MI RTAG PA'I SGRA'I SGRA ZHES BYA BAR 'GYUR RO, ,DE YANG SGRUB PAR MI 'DOD PA'I PHYIR MI RTAG PA SGRUB PAR 'DOD PA LA DER MI 'GYUR BA'I GNOD PA 'GA' YANG MED DO, ,DE'I PHYIR MI RTAG BA ZHES BYA BA'I CHOS 'BA' ZHIG CHOS CAN SGRA LA SGRUB PAR BYA BA 'AM, DE MA YIN PA GRUB NA PHYIN CI LOG TU STE, 'DOD PA LA GNOD PAR BYED PA'I 'GA' BA BYED DO, ,DE LTAR 'DOD PA'I SPYI NI SGRA MI RTAG CES BYA'O, ,PHYIN CI LOG KYANG MI 'DOD PA'I SPYI STE, SGRA RTAG CES BYA BA LTA BU'O, ,DE LTAR NA 'GAL BA STE 'DOD PA LA GNOD PAR BYED PA 'BA' ZHIG NI THAMS CAD DU SPYI STE, CHOS CAN DANG MI 'DOD PA'I CHOS BSDOMS PA DE NYID LA YIN NO, ,'GAL BA DE GAL TE CHOS KYI SGO NAS BRJOD PA NI MIG LA SOGS PA GZHAN GYI DON NYID DO ZHES BA LTA BU STE, DE 'DOD PA LAS PHYIN CI LOG TU GYUR NA CHOS KYI BYE BRAG LAS BZLOG PA ZHES THA SNYAD DU BYED DO, ,GZHAN GYI DON MIG LA SOGS PA ZHES BYA BA NI CHOS CAN GYI SGO NAS BRJOD PA STE, DE'I 'GAL BAR 'GYUR BA YANG CHOS CAN GYI BYE BRAG LAS BZLOG PA ZHES THA SNYAD DU BYAS KYI 'DOD PA PHYIN CI LOG NYID KYI DON NI GCIG PA NYID DO, ,DE BZHIN DU GTAN TSIGS LA YANG SGRA MI RTAG CES PA DANG, MI RTAG PA'I SGRA ZHES BYA BA DAG THA SNYAD DU BYE BRAG YOD KYI SGRA MI RTAG PA NYID DU DON LA NI GCIG GO, ,DE BZHIN DU MI RTAG PA'I SGRA'I SGRA ZHES BYA BA NI CHOS KYI CHOS CAN BYE BRAG PA'I SGO NAS THA SNYAD DU BYAS PA STE, RTAG PA'I SGRA LAS SGRA BYE BRAG TU BYAS TE BRJOD PA'O, , SGRA MI RTAG PA NYID DANG LDAN PA ZHES BYA BAS NI CHOS CAN SGRAS MI RTAG PA BYE BRAG TU BYAS PAS BRJOD PA STE, SGRA MA YIN PA'I MI RTAG PA LAS SGRA BYE BRAG TU BYED PA'I PHYIR RO, ,DE DAG DON DU NI BYE BRAG CUNG ZAD KYANG MED DE, THAMS CAD KYANG MI RTAG PA ZHES BYA BA'I CHOS SGRA DANG LDAN PAR RTOGS PA 'DOD PA'I PHYIR RO, ,DE YANG BYAS PA'I RTAGS KYIS RTOGS PAR NUS PA'I PHYIR 'DOD PA LA GNOD PA MED DO, ,'DUS PA YOD PA'I PHYIR BYA BA LA SOGS PA NI 'DOD PA SGRUB PAR NUS PA MA YIN PA'I PHYIR RO, ,GAL TE BDAG NYID BSGRUB PAR MI 'DOD NA BSTAN BCOS BYED PA'I 'DOD PA GZHAN THAMS @239A *, ,CAD BSGRUB PAR BYA BA YIN PA GSAL BAR RIGS PA'I PHYIR RANG NYID SMOS MI DGOS SO ZHE NA, 'DOD PA GZHAN THAMS CAD CES BYA BA LA SOGS PA GSUNGS SO, ,BDAG NI BYE BRAG PAR GYUR PA'I SMRA BAS SMRA'O ZHES RTZOD PA NA, BYE BRAG PA DES SGRA BYAS PAS MI RTAG PAR BSGRUB PA NA, DPYOD PA PA NA RE; KHYED KYI STON PA THUB PA GZEGS CAN GYIS SGRA LA NAM MKHA'I YON TAN DU KHAS LEN PA'I PHYIR, SGRA MI RTAG NA NAM MKHA' DAG YON TAN DU 'GYUR RO ZHES SGRA RANG GI STON PA'I KHAS BLANGS PA MED PAR 'GYUR BA'I PHYIR GTAN TSIGS GZHI MA GRUB PA DANG, DAM BCAS PA RANG GI BSTAN BCOS DANG 'GAL PAR GTAN TSIGS DANG DAM BCA' BA'I SKYON DU 'GYUR RO ZHES BYE BRAG PA YANG KHAS LEN BAR SEMS LA, DPYOD PA PA YANG SKYON YIN PA BYE BRAG PA DANG DPYOD PA PA LA KHA CIG ZER RO, ,GAL TE DE LTA BAS NA RGOL BA DE DAG BYAS PAS SGRA 'JIG PAR BSGRUB PA LA DE NYID KYIS DRI ZA'I YON TAN NYID YIN PAR 'DOD PA'I DON PHYIN CI LOG TU 'GYUR TE, SGRA MI RTAG NA BSTAN BCOS LAS GZHAN PA'I YON TAN DU 'DRA BA'I PHYIR, DRI YANG MI RTAG PAR 'GYUR LA, MI RTAG PA NAS RTAG PA'I YON TAN MA YIN PAR 'GYUR TE, BYAS PA'I GTAN TSIGS 'GAL BAR 'GYUR NA, SKYON 'DI CI'I PHYIR MI SEMS DE GZHAN LA YANG ZHES BYA BA NI NAM MKHA'I YON TAN LA YANG MTSUNGS TE, RTAG PA 'AM MI RTAG PA SEMS PA'I SKABS YIN GYIS NAM MKHA'I YON TAN MA YIN NO, ,MA YIN TE ZHES BYA BA NI NAM MKHA'I YON TAN NI SKABS MA YIN PA NI MA YIN PA'O, ,CI'I PHYIR ZHE NA, CHOS CAN DE SGRA'I CHOS SU MI RTAG PA DANG GCIG PA'I PHYIR RO ZHE NA, DNGOS PO'I 'BREL PA MED PA'I PHYIR ZHES BYA BA NI NAM MKHA'I YON TAN NYID BSTAN BCOS BYED PAR BRTAGS PA 'BA' ZHIG YIN GYI DNGOS PO'I CHOS MA YIN PA'I'O, ,DE NYID KYI PHYIR BSTAN BCOS LAS ZHES BYA BA LA SOGS SMOS SO, ,GAL TE BSTAN BCOS LAS KHAS BLANGS PAS KYANG GNOD NA NI, DE LTA NA DRIL SA'I YON TAN NYID DO YANG BSTAN BCOS PAS KHAS BLANGS PAR MTSUNGS PA'I PHYIR 'GAL BAR 'GYUR RO, ,DE MI 'GYUR NA NAM MKHA'I YON TAN NYID KYANG MI 'GYUR TE, KHYAD PAR MED PA'I PHYIR GAL TE SGRA LAS NAM MKHA'I YON TAN NYID RGOL BA'I 'DOD PA YIN PA YANG BSGRUB PAR BYA STE, RIGS @239B PA CI ZHE NA, RJES SU DPAG PAS TE, 'DI LTAR BSGRUB PAR BYA BA SGRA MI RTAG PA'I SPYI'I PHYOGS GCIG SGRA'I RANG BZHIN NAM MKHA'I YON TAN YIN PA'I PHYIR BSGRUB PAR BYA BA'I CHOS MI RTAG CES PA SPYI'I PHYOGS GCIG RGOL BA'I 'DOD PA YIN NO ZHE NA, BYE BRAG YIN PA TZAM GYI ZHES BYA BA NI NAM MKHA'I YON TAN NYID SGRA'I RANG BZHIN YIN PAR KHAS BLANGS NAS BRJOD PA'O, ,DON NI DE'I RANG BZHIN ZHES BYA BA RANG GI CHOS KYI BYE BRAG TSUL MTHA' YAS PA RNAMS NAM YANG MI 'DOR BAR RGOL BA'I 'DOD PA 'JUG PA STE, BSGRUB PAR BYA BA RGYUN MI 'CHAD DE MTHA' YAS PAR THAL BAR 'GYUR RO, ,DE LA THAL BAR 'GYUR BA CI YOD CE NA, BSGRUB PAR MI NUS PAR 'GYUR BA'I PHYIR TE, DE SNYED KYI RTAGS DANG 'BREL BA MA RTOGS PA'I PHYIR RO, ,PHYIN CI LOG NYAMS SU MYONG BA NI SGRA LA NAM MKHA'I YON TAN NYID SGRUB PAR 'DOD PA NI BLO'I'O, ,DE 'GOG PA NI DE DANG 'GAL BA STE, DE LTAR MI 'DOD PA'I BLO MI RTAG PA TZAM SGRUB PAR 'DOD PA'O, ,DE LTAR 'JUG PA NI DE LTAR RANG RIG PA NYAMS SU MYONG BA STE, DE LA TSAD MA MED BZHIN STOBS KYIS DE 'DOD RGYAL GYIS NAM MKHA'I YON TAN SGRUB PAR 'DOD PA YOD DO ZHES SGRUB PA'I RGOL BA NI BYAS PA'I GTAN TSIGS SMRA BA'I RGOL BA'I 'DOD PA NAM MKHA'I YON TAN SGRUB PAR MI 'DOD PA'I RANG RIG PA'I MNGON SUM GYIS GRUB PA DANG 'GAL BA KUN DU SPYOD DO, ,GAL TE MI RTAG BA TZAM ZHIG SGRUB PAR 'DOD PA'I BDAG NYID KYIS RTOGS NA 'DI LA NAM MKHA'I YON TAN SGRUB PAR 'DOD PA MED DO ZHES RANG GI NYAMS SU MYONG BA DANG 'GAL BA YANG KUN DU SPYOD DO, ,DE RTOGS PA NI BSGRUB PAR BYA BAR 'DOD PA'I NYAMS SU MYONG BA STE, DE YANG 'DOD PA KHO NA DANG MTHUN PA YIN GYI, MI 'DOD PA NYAMS SU MYONG BA MED PA'I PHYIR RO, ,DE LA STOBS KYIS TE NYAMS SU MYONG BA'I TSAD MA DANG 'GAL BA YANG NGO, ,MYONG BA MI 'DOD PA YANG 'DOD PA YIN NO ZHES PA'O, ,GAL TE SPYI'I PHYOGS GCIG YIN PA'I PHYIR ZHES MA SMRAS SAM ZHE NA, RGOL BA'I BSAM PA'I 'BRAS BU'I RTAGS MA YIN PAS SO, ,RANG BZHIN GYIS RTAGS NI MED DE BSAM PA RANG BZHIN GYIS BSKAL BA'I PHYIR DE'I RANG BZHIN MI RTOGS BAS SO, ,DE'I PHYIR 'DOD PA DANG MA 'BREL BA'I DON NAM @240A *, ,MKHA'I YON TAN NYID GANG YANG MI RTOGS PAS GZHAN MI RTAG PA RANG GI RTAGS KYIS GO BAR NUS PA LA CI YID GNYIS TE MI GNOD, GAL TE BSTAN BCOS KYIS GNOD DO ZHE NA, RJES SU DPAG PA RANG GI YUL DNGOS PO'I STOBS KYIS RTOGS PA LA'O, ,LUNG LA MI LTOS TE, DES PHAN PA 'AM GNOD PA MED DE DNGOS PO'I RANG BZHIN TSIG BZHIN DU MI 'GYUR BA'I PHYIR RO, ,DAS GRUB PAS NI RJES SU DPAG PAS MO [?], ,GAL TE NAM MKHA'I YON TAN NYID BTANG NA KHO BO BYE BRAG PA'I SMRA BA PO ZHES BYA BA'I RTZOD PA BTANG PAR 'GYUR RO ZHE NA, DE'I TSE ZHES BYA BA SMOS TE, RTZOD PA'I TSE 'DI NI ZHES BYA BA'I RTZOD PA'I DE'I LUNG KHAS LEN PA'I THABS YIN TE BRTZAD NAS RIGS PAS GRUB NA LUNG GZOD KHAS BLANGS PAR BYA'O, ,DE'I TSE ZHES BYA BA NI RTZOD PA'I TSE'O, ,DE YOD KYANG ZHES BYA BA LUNG YOD KYANG NGO, ,THAGS MIN TE RIGS PAS RTZOD PA NI LUNG GIS PHAN PA'AM GNOD PAS MI NUS PAS SO, ,DE LTAR ZHES BYA BA NI RIGS PAS SO, ,YUL GNYIS ZHES BYA BA NI MNGON SUM DANG LKOG TU GYUR PA'I LUNG NI DON TO, ,RNAM DAG NI TSAD MAS GRUB PA STE, GZUGS DANG TSOR BA LA SOGS PA LUNG GI DON MNGON SUM GYIS GRUB BA'O, ,MI RTAG PA DANG STONG PA NYID LA SOGS PA RJES SU DPAG PAS GRUB PA'O, ,DE LTA BU BSTAN BCOS TSAD MAS GRUB CING TSAD MAS MA GRUB PA DON LA YANG TSAD MA DANG RANG GI TSIG GIS MI GNOD PA YONGS SU BZUNG STE, KHAS BLANG BAR BYA'O, ,DE'I PHYIR RTZOD PA NI LUNG KHAS BLANGS PA'I THABS YIN NO, ,YANG YONGS SU GZUNG BAR 'DOD NA GZUNG BA DE'I DUS YIN PAS ZHES BYA BA NI LUNG NYID LA GRUB PA'I DON LUNG NYID KYIS YONGS SU GZUNG BAR 'DOD NA'O, ,DE TSE BSTAN BCOS KYIS RTAGS DANG DAM BCA' BA'I SKYON GYIS BRTZAD DE, LUNG DES GRUB PA'I DON LA NI LUNG DE DANG MI 'GAL BAS SEMS PAR RIGS PA STE, 'GAL BA MI 'KHRUL PA CAN ZHES BYA BA BSGRUB PA'I SKYON DU 'GYUR BA'I PHYIR RO, ,GAL TE DE LTAR LUNG GIS BRTZAD PA DE TSAD MAS GRUB PA LA YANG MA YIN ZHE NA, GNAS GSUM PAR NI 'JUG PA NA ZHES BYA BA SMOS TE, SHIN TU LKOG TU GYUR PA LA DPYOD PA NA STE, MNGON SUM DANG LKOG TU GYUR PA LA NI MA YIN TE DE @240B LA LUNG MI LTOS PA'I PHYIR RO, ,LUNG GIS BRTZAD BA DE LA YANG BSGRUB BYA'I CHOS KYIS NI 'BREL BAR 'GYUR BA STE, STONG PA NYID KYI 'BREL BA MI RTAG PA DANG SDUG BSNGAL BA LA SOGS PA LTA BU'I CHOS GANG MED NA, BSGRUB PAR BYA BA STONG PA NYID MI 'BYUNG BA DAG LA GNOD PA'I LAN GDAB PO, ,THUG PA MED PAR THAL 'GYUR PHYIR, ,DE BSTAN BCOS KYI DON MTHA' YAS PA'I PHYIR RO, ,GAL TE BSTAN BCOS MED PAR RTOG GE BA 'BA' ZHIG GIS MI RTOGS PA'I PHYIR TSAD MA LAS LUNG GIS PHAN PAR BYA BA 'GRUB PO ZHE NA, SEMS PA KUN LA ZHES BYA BA LA SOGS PA SMOS SO, ,GAL TE SGRUB BYED CIG LA BSTAN BCOS KYI DON KUN GYI DPE DAG NI ZHES BYA BRTAGS DANG 'BREL BA DAG MTHONG NA STE, GRUB NA DE GRUB NYID DU 'GYUR GYI RANG GI DON TZAM GRUB PAS NI MA YIN NO, ,ZHES BYA BA NI, 'JIG RTEN 'DAS PA'I LUS ZHES BYA BA NI 'JIG RTEN NA SRID PA'I THA SNYAD LAS 'DAS TE SHES PAR MI NUS PA'AM, 'JIG RTEN GYI GRAGS PA DANG 'GAL BA'I DNGOS POS MA 'DRES PA'I CHOS NAM MKHA'I YON TAN LUNG LAS GRAGS PA MA GRUB PAS, RANG GI KHYAB PAR BYED PA MI RTAG PA DE CI 'GRUB PA 'AM YANG NA SGRA DANG MA 'BREL BA NAM MKHA'I YON TAN MA GRUB PAS SGRA'I BYAS PAS MI 'GRUB BAM; DE'I RTAGS BYAS PAS RANG GI NGO BO MI RTAG PA DE BSGRUB PAR BRJOD PA LA 'DOD PA LA'O, ,MI RTAG PA BYAS PA DE GRUB PA LA JI LTAR BYED DAM BCA' BA DANG GTAN TSIGS KYI SKYON CAN YIN DE'I PHYIR DPE'I CHOS CAN TSANG BANG DANG, RANG GI NGAG LAS NI BSTAN BCOS LAS GRAGS PA'I CHOS MTHA' DAG MTHONG BA MA YIN YANG NGO, GAL TE LTAR GRUB PA NYID KYANG CI'I PHYIR ZHE NA, RANG BZHIN DANG NI ZHES BYA BA LA SOGS PA SMOS SO, ,RTZOD PA'I GNOD PA NI LUNG LA SOGS PA GANG GIS KYANG STE, DNGOS PO LA TSIG GIS MI GNOD PA'I PHYIR DANG, TSAD MA LA TSAD MAS MI GNOD PA'I PHYIR RO, ,DE LTAR RANG GI DON GYI RJES SU DPAG PA DPYAD NAS, GZHAN GYI DON GYI RJES SU DPAG PA YANG GZHAN LA BSTAN PAR 'DOD PAS KYANG ZHES BYA BA LA SOGS PA SMOS SO, ,DE'I GTAN TSIGS NGES SO, ,LUNG MI PAR JI LTAR RTOGS PA MA YIN TE, RTOGS PA NYID DO, ,GAL TE BSTAN BCOS KYI RIGS PA @241A *, ,LA GNOD DO ZHE NA, BSTAN BCOS MI RIGS PA YIN TE, NAM MKHA'I YON TAN LAS BYAS PA'I TSAD MAS GNOD PAS SO, ,GZHAN RIGS PA SMRA BA STE, BYAS PA DANG 'BREL BA'I DNGOS PO MI RTAG PAR BSGRUB PA'O, ,MJUG BSDU BA'I PHYIR DON KUN MTSUNGS PAR BYAS NAS NI ZHES BYA BA SMOS TE, BSTAN BCOS KYI DON KUN MTSUNGS PAR ZHES BYA BA GTAN TSIGS GCIG GIS BSGRUB PAR RO, ,NYAMS PAR 'GYUR TE MI SRID PAR 'GYUR RO, ,DE'I PHYIR ZHES BYA BA RANG NYID 'DOD PA KHO NA BSGRUB PAR BYA BA YIN PA'I PHYIR RO, ,GCIG GIS GRUB PA LA 'GAL BA MED KYANG ZHES BYA BA NI GTAN TSIGS GCIG GIS TE BYAS PAS MI RTAG PA DANG SDUG BSNGAL BDAG GRUB PA LA'O, ,'GAL BA MED KYANG ZHES BYA BA NI TSAD MAS MI GNOD KYANG NGO, ,GNOD PA NI BSTAN BCOS TE THUB PA GZEGS CAN GYI TSIG GIS SO, ,DE NI GZHAN GYI YUL LA STE DRIS PA'I YON TAN NYID LA YONG NGO, ,GAL TE DE NYID LA GNOD PA YIN GYI ZHES BYA BA NI SGRA MI RTAG PA NYID LA'O, ,DE RANG GIS BSGRUB PAR BYA BA LA 'GAL BA MED KYANG ZHES BYA BA NI BYAS PA DE RANG GIS MI RTAG PA BSGRUB PA LA TSAD MAS MI GNOD KYANG NGO, ,GZHAN GYI BYAS BA LA YANG MTSUNGS PA'I PHYIR ZHES BYA BA NI DRI LA'O, ,GAL TE GZHAN THUB PA GZEGS ZIN GYI BSTAN BCOS PA NA NAM MKHA'I YON TAN CAN YANG DAM BCAS PA'I SKYON YIN BA NYID DE YID CHES PAS GSAL BA'O ZHE NA, YIN MOD KYI ZHES BYA BA YID CHES PAS GSAL BA YIN PA'O, ,GZHAN GYI YUL NI DRIL YANG NGO, ,GAL TE BYAS BAS GNOD PAR BYAS PA'I CHOS CAN SGRA'I BRJOD PAR 'DOD PA'I PHYIR, NAM MKHA'I YON TAN NYID LA GNOD PA YIN GYI GZHAN DRIL NI MA YIN PA'O, ,GZHAN LA YANG 'GYUR RO ZHES BYA BA NI DRI LA YANG NGO, ,BYAS PA GANG YANG RANG GI MI RTAG PA SGRUB PAR NUS PA DE'I PHYIR BSTAN BCOS KYI GNOD PA 'DI'O, ,HA CANG THAL BAR 'GYUR BA'I PHYIR RO ZHES BYA BA NI DI LA SOGS PA BSTAN BCOS LAS BSHAD DO COG BSGRUB DGOS PAR RO, ,DE'I NUS PA MA YIN TE SNGAR BSHAD BA DE'I PHYIR BSTAN BCOS KHAS BLANGS PA'I PHYIR ZHES BYA BA NI KHO BO NI BYE BRAG PA'O ZHES SO, ,BSTAN BCOS MA GRUB PA NI SGRA LA MIG GIS GZUNG BA'O, ,DE YANG DAM BCA' BAR 'GYUR @241B TE; BSTAN BCOS LAS MIG GIS GZUNG BA BSHAD PA DE SGRA LA MA GRUB PA'I BSTAN BCOS LAS BSHAD PA'I MA GRUB PA YIN PA'I PHYIR RO, ,RIGS PAS GRUB PA'I BSGRUB PAR BYA BA MIG GIS GZUNG BA STE BSTAN BCOS LAS BYUNG BA YIN PA'I PHYIR NAM MKHA'I YON TAN BZHIN NO ZHES BYA BA'I RIGS PAS 'ONGS PA'O; ,DE KHO NA'I TSIG GIS BZLOG BAR NUS PA MA YIN TE, RIGS PAS 'ONGS BA NI DNGOS PO'I NGO BO NYID YIN PA'I PHYIR RO, ,GZHAN YANG BDAG NYID CES BYA BA'I SGRA YANG RGOL BA BDAG NYID KYIS 'DOD PA ZHES BYA BA PHYOGS KYI RANG BZHIN GYI DON CAN YIN NA, GAL TE BDAG NYID MI 'DOD KYANG BSTAN BTZOS BYED PAS 'DOD PAS YANG PHYOGS PAS PHYI ROL TU GYUR PA STE DON CAN DU 'GYUR BA'I PHYIR 'DOD PA ZHES BYA BA'I SGRA KHO NAS 'GRUB PA'I PHYIR BDAG NYID KYI SGRAS NI DON 'GA' YANG RGYAS PAR BYED PA MA YIN NO, ,GAL TE SANGS RGYAS PA'AM, BYE BRAG PA'I BSTAN BCOS LA SOGS PA DAG LA BDAG GI 'DOD PAS 'JUG PA ZHES BYA BA'I DON DU BDAG NYIN GYI SGRA SMOS PA YIN NO ZHE NA, YANG ZHES BYA BA NI SNGA MA RNAMS MI RIGS PAR MA ZAD DO ZHES BYA BA'I DON TO, ,BSTAN BCOS LA BDAG NYID MI 'DOD BAS MI 'JUG CES BYA BA'I DOGS PA 'DIG LAS TE, 'DI NI MI RIGS SO, ,CI'I PHYIR ZHE NA, BDAG NYID CES MA SMRAS KYANG BDAG NYID 'DOD NA 'JUG PA'I PHYIR RO, ,DE'I PHYIR RGYU GANG GIS NA BDAG NYID CES BYA BA'I SGRA SBYOR BA'I 'BAD BA BYED, GAL TE BSKUL BA'I DON DU'O ZHE NA, TSAD MAS ZHES BYA BA SMOS TE BSTAN BCOS LA MNGON SUM LA SOGS PA'I TSAD MAS GAGS MI BYED DE MI GNOD NA CIS LDOG PAR 'GYUR TE RANG 'JUG PAR MI 'GYUR RO, ,TSIG GIS ZHES BYA BA NI BDAG CES BYA BA'O, ,GANG YANG MI 'JUG GO ZHES BYA BA NI MNGON SUM LA SOGS PA'I TSAD MAS GNOD NA'O, ,YANG RNAM PAR BSHAD BA BYED PA GZHAN DAG NI BDAG NYID CES BYA BA'I SGRA 'DI LTAR 'CHAD DE, GZHUNG LUGS ZHES BYA BA'I GRUB PA'I MTHA' LA YOD PA'I'O, ,RAB TU GRAGS PA'I TSAD MAS GRUB BA'O, ,DPYOD PA'I SKABS SU NYID KYIS ZHES BYA BA NI RTAGS SBYOR BA'I SKABS KYIS SO, ,DE NI ZHES BYA BA NI RANG GI MTSAN NYID KYI CHOS CAN GZUNG BA'I DON DU 'CHAD PA'O, ,CI YANG MA YIN NO ZHES BYA BA'I @242A *, ,DON MED PA'O, ,GAL TE DPYOD PA'I SKABS NYID KYIS RANG GI NGO BO GRUB PA'I CHOS CAN CI'I PHYIR RTOGS SHE NA, RANG GI 'DOD BAS BRTAGS BA'I BYE BRAG STE SPYI GCIG DUM LA 'JUG PA NYID SGRA LA NAM MKHA'I YON TAN NYID DANG, MI RTOGS PA LA SPYI GSAL BA LAS THA DAD PA DANG, DON GCIG LA 'DU BA CAN YOD PA DAG LTA BU'O, ,DE NYID TSIG GI DON YIN NO, ,DES NA BDAG NYID 'DOD PAS BRTAGS PA'I BYE BRAG NYID TSIG GI DON TO, ,BRTAGS PA'I BYE BRAG GIS TSIG GI DON KYANG YIN LA DON LA RAG LAS PA'I NYE BAR SBYOR BA CAN MA YIN PA YANG YIN PAS, BRTAGS PA'I BYE BRAG GIS DON LA RAG LAS BA'I NYE BAR SBYOR BA CAN MA YIN PA'O, ,DE NI DU MA YIN PA'I PHYIR RNAMS TE, SKYES BU'I 'DOD PAS BRTAGS PA'I DON LA RAG LAS PA'I NYE BAR SBYOR BA STE, RAG LAS PA YANG YIN LA NYE BAR SBYOR BA YANG YIN PAS, RAG LAS PA'I NYE BAR SBYOR BA CAN TE, DON GYIS BSKYED PA'I SNANG BA'O, ,DE MA YIN BA NI MA YIN PA STE RANG DGAR SNANG BA'O, ,DE LTA BU'I DON MED BA RTOGS PA TZAM DAG LA RNAM PAR GZHAG PA NI SGRUB PA'O, ,DGAG BA NI GSAL BA'O, ,SBYOR BA NI RTAGS LA SOGS PAS RTOGS PA'O, ,'GA' YANG MED DE RTOG PA DANG LDAN PA DAG GI 'JUG PA NI DON BYA BA'I DON DU GNYER BA YIN LA, DE LTA BU NI DON BYED PA MED PA'I PHYIR RO, ,DES NA, MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,ZHES BSHAD PA LTA BU'O, ,GAL TE RANG GI MTSAN NYID MA YIN PA DAG KYANG DGAG PA'I PHYIR, DPYOD PAR BYED PA MA YIN NAM ZHE NA, DE BZHIN DU ZHES BYA BA SMOS TE, RANG GI MTSAN NYID GNYIS LA GRUB PA'I GZHI MED PA DE BZHIN DU'O, ,RGOL BA DANG PHYIR RGOL LA SPYIR GRUB PA'O, ,'DI'I RANG BZHIN JI LTA BU ZHES DPYOD PA'I GZHIR BYED PA MED DE, GZHI MA GRUB PA'I PHYIR RO, ,DE'I PHYIR GZHI THA SNYAD BYED PA NI MED DE, SPYIR MTHUN PA'I THA SNYAD BYA BAR MI NUS PA'I PHYIR RO, ,DE LTA BAS NA BRTAGS PA DAG DGAG BAR BYA BAR NI RIGS KYI RTAGS KYI GZHIR BYA BA NI MA YIN NO, ,RANG NYID KYI SGRAS NI RTAGS KYI YUL STON PA'I PHYIR RO, ,YANG KHA CIG STE CHOS CAN NI RAB TU GRUB PA KHO @242B NA STE YIN PAR BRJOD PA STE, 'DOD PAS SO, ,DE GRUB PA NYID YIN PAS CHOS CAN BSGRUB PAR BYA BA NI MA YIN NO ZHES BSTAN PAR BYA BA'I PHYIR, BDAG NYID ZHES BYA BAS BSGRUB PAR BYA BA'I NGO BO PHYOGS YIN PAR BRJOD DO ZHES ZER NA, DE YANG RIGS PA MA YIN TE, RANG GI NGO BO ZHES DANG POR BSTAN PA 'DI NYID KYIS CHOS CAN BSGRUB PAR 'GYUR BA DGAG PA'I DON RTOGS PA'I PHYIR TE, 'DI LTAR RANG GI NGO BO ZHES BYA BA GANG GIS CHOS CAN LA SOGS PA GRUB PA DANG, SGRUB PAR BYED BA STE, RTAGS DANG DPE DAG BSGRUB PAR BYA BAR BSTAN PA SRID NA'O, ,GAL TE RANG GI BDAG NYID LA GRUB PA'I CHOS CAN BSGRUB PAR 'GYUR PA DGAG PA'I PHYIR, BDAG NYID KYI SGRA SMOS BA YIN TE, RANG NYID 'DOD CES BRJOD PAS RANG GI MTSAN NYID NI BDAG NYID MI 'DOD PAS SO, ,GAL TE RANG GI MTSAN NYID KYI CHOS CAN DGAG PA YONGS SU GZUNG BA'I PHYIR BDAG NYID KYI SMRA MI BRJOD NA'O, ,RANG GI MTSAN NYID BSGRUB PA 'GRUB PAR THAL BAR 'GYUR BA DE YANG MA YIN TE, RJES SU DPAG PA'I YUL NI SPYI NYID DO, ,ZHES BYA BA NYID KYIS RANG GI MTSAN NYID MA YIN NO ZHES BYA BA DE'I DON RTOGS PA'I PHYIR RO, ,DE NYID CHOS CAN ZHES BYA BA LA SOGS PAS 'CHAD PAR BYED DO, ,NYES PA GZHAN BSTAN PAR BZHED NAS, RNAM PAR RTOG PAS BSLAD PA'I PHYIR CI STE, CHOS CAN LA SOGS PA SMOS SO, ,MI NUS PA'I PHYIR RO ZHES BYA BA NI PHA ROL GYI'O, ,CI'I PHYIR BYA BA NI GRUB PA'I MTHA' SMRA BA'I'O, ,GAL TE GTAN TSIGS BYE BRAG GI RJES SU 'GRO BA MED PA'I PHYIR RO ZHES BYA BA NI PHA ROL GYI'O, ,CHA SHAS GZHAN LA LTOS PA'I PHYIR RO ZHES BYA BA NI CHA SHAS DANG PO DAM BCAS PA'O, ,GNYIS PA NI GTAN TSIGS SO, ,GSUM PA NI DPE'O, ,DE LAS 'DI DAM BCA' BA LAS GZHAN PA'I CHA SHAS KYI NYES PA YIN PA'I PHYIR, DAM BCA' BA'I SKYON DU MI 'GYUR NA, CI'I PHYIR DAM BCA' BA'I SKYON DU SMRA ZHES BYA BA'I DON DU'O, ,DE LTAR CHA SHAS PHYE NAS DPYOD PA'I SKABS BTANG STE DPYOD NA NI GTAN TSIGS LA SOGS PA STE, DPE'I SKYON YANG NGO, ,PHYOGS KYI SKYON DU 'GYUR TE, DE LTAR NA CHA SHAS KYI RNAM PAR GZHAG PA MED PAR 'GYUR RO, ,CHA SHAS KYIS DBYE BA MED PAR 'GYUR BA DE'I PHYIR PHYOGS TZAM STE, GTAN TSIGS LA SOGS PA BSAL @243A *, ,BAS DBEN PA NYID KYIS RJES SU 'BREL PA STE PHYOGS DANG 'BREL BA'O, ,DE LTA MA YIN NA PHYOGS LA SOGS PA'I MTSAN NYID RTOGS PAR DKA' BA'I PHYIR RO, ,DKA' BA DE'I PHYIR RTOGS PAR BLA BA'I PHYIR, GTAN TSIGS LA SOGS GNOD SPANGS LAS, LOGS SHIG PHYOGS KYI MTSAN NYID NI BRJOD PA STE ZHES BYA BAR SBYAR RO, ,JI LTAR BSTAN CE NA, MA KHYAB PA DANG STE GRANGS CAN DAG TSIG TU SMRAS PA TZAM PHYOGS SU SMRA BA'O, ,BZLOG PA DAG NI KHYAB CHES PA STE, BYE BRAG PA DANG, DPYOD PA PA DAG BYAS PAS MI RTAG BSGRUB PA NA, NAM MKHA'I YON TAN YANG SGRUB PAR 'DOD PA'O, ,PHYOGS KYI MTSAN NYID LUGS GZHAN YANG SLOB DPON GYIS BSTAN PA BSHAD PA'I PHYIR, SGRUB BYA KHAS BLANGS PHYOGS MTSAN NYID, ,CES BYA BA SMOS TE, DE LAS GZHAN PHYOGS MA YIN TE, BSAL BA DAG NI GNOD 'GYUR BAS, ,KHAS LEN PAR MI 'GYUR BAS SO, ,LHAG MA NI MA KHYAB PA DANG BZLOG BA DAG GO, ,MTSAN NYID MI 'JUG PHYIR, MA KHYAB PHYIR NI PHYOGS MA YIN PA'I PHYIR MTSAN NYID LA MI 'JUG PA BZLOG PA LA NI PHYOGS KYI'O, ,LOG BAR RTOGS PA MTHONG BAS NA, ,ZHES BYA BA NI GZHAN GYIS DAM BCAS PA SGRA LA NAM MKHA'I YON TAN LA SOGS PA PHYOGS SU 'DOD PA'O, ,CI'I PHYIR LOG PAR RTOGS BA YIN ZHE NA, BSGRUB BYAR 'DOD CING MI NYAMS LA, ,MI RTAG PA DAG NYID SGRUB PAR 'DOD PA LA GNOD PA MED PA'I PHYIR CI ZHIG GNOD, GAL TE MI GNOD KYANG BSTAN BCOS KHAS BLANGS PA'I PHYIR BSGRUB PAR BYA BA YIN NO ZHE NA, THUG PA MED PA'ANG GZIGS PHYIR RO; ,ZHES BYA BA SMOS TE, BSTAN BCOS KYI DON THAMS CAD BKAG PAR GZIGS PA'I PHYIR RO, ,GAL TE BDAG NYID DANG 'DOD PA, ,ZHES BYA BA DAG GIS KHO NA'I DON RTOGS PA'I PHYIR KHO NA ZHES BYA BA BRJOD PAR MI BYA'O ZHE NA, 'DIR ZHES BYA BA LA SOGS PA SMOS TE, BSTAN ZHES BYA BA'I SGRA DUS GSUM DANG MNGON PAR 'BREL PA'I PHYIR 'DAS PA DANG, DA LTAR BSGRUB PAR BYA BAR MA BSTAN KYANG RTAGS MA GRUB PA LA SOGS PA PHYIS BSTAN PAR 'GYUR BA'I YANG DE LTAR PHYOGS SU THAL BAR 'GYUR BA'I PHYIR DE RNAM PAR GCOD PA'I DON DU KHO NA'I SGRA SMOS TE, MA 'ONGS PA NA YANG RUNG RANG GI NGO BO KHO NA'O ZHES BYA BAR @243B RTOGS PAR BYA BA'I DON DU'O, ,DE LTAR NA THAMS CAD DU BSGRUB PAR BYA BA'I NGO BO MA GRUB BA'O, ,GAL TE 'DOD 'GYUR CES BYA BA'I SGRAS 'DOGS PAR 'GYUR BA BSAL ZIN PA YIN NAM ZHE NA, 'DIR DE RANG GI NGO BO DANG NYID BSTAN CES BYA BA 'DIR RO, ,'DOD 'GYUR CES BYA BA NI NUS PA MED BA'I PHYIR, DE LTAR RTOGS PAR BYED PA'I YAN LAG MA YIN NO, ,DON GCIG TU 'DUS PA'I CHOS CAN GCIG LA 'BREL BA STE, DE LTA BU'I ZLA MED KYANG BYAS PA'I RTAGS KYIS MI RTAG PA NYID BSGRUB PAR BYA BA YIN GYI RGOL BAS MI 'DOD PA NAM MKHA'I YON TAN GYIS KHYAD PAR DU BYAS PA NI MA YIN NO, ,THA DAD PAR GYUR PA ZHES BYA BA NI RTEN GSAL BA LAS SO, ,DBANG POS YONGS SU GZUNG BA NI BLTAR RUNG BA'O, ,GZHAN DU NA STE PHYIR RGOL BA KHONG DU CHUD PAR MI 'DOD NA SKABS DANG MA 'BREL BA SMRA BA NYID YIN NO, ,GAL TE BYE BRAG 'GA' NI RTAG PAR BSGRUB PAS SPYI SGRA NYID LA SOGS PAS 'PHEN PAS SPYI DE GRUB PAR RGOL BA'I 'DOD PA GRUB PA MA YIN NAM ZHE NA, RTOGS PAR BYED PA STE, NYAN PA PO MI RTAG ,LA LA 'BA' ZHIG RTOGS PAR 'DOD PA'I SKABS YIN PA'I PHYIR RO, ,GZHAN YANG NGES PAR SPYI'I DON BYE BRAG GI NGES PA STE, RTOGS PA'I DON CAN YIN BA NI MED DE, DNGOS POR GYUR PA'I 'BREL BA MED PA'I PHYIR RO, ,BYE BRAG DANG 'BREL PA DNGOS POR YOD NA YANG, KHYAD PAR GZHAN LA MI RTZOD PA YANG SRID DE ME LA TSA BA NYID LA RTZOD PA NA 'BYUNG BA 'AM 'BYUNG BA LAS GYUR BA'I BYE BRAG LA MI RTZOD PA LTA BU'O, ,GAL TE STONG PA NYID DU RTZOD PA LA BDAG MED PA LTA BU NI KHYAD BAR NGES PA SGRUB BA YIN TE, DE MED NA STONG PA NYID MI 'BYUNG BA YIN NA, DE LTA BU MA YIN PA MI RTAG PA LA NAM MKHA'I YON TAN DANG SPYI LA SOGS PA BSGRUB PAR BYA BA MA YIN NO, ,SPYI LA SOGS PA'I CHOS KYI BYE BRAG DA LTA BU NI GZHUNG LUGS DE LA MI GNAS PA RNAMS LA GANG NA YANG DE'I RJES SU 'GRO BA STE, DE SGRUB PAR 'DOD PA MED DO, , 'DOD NA YANG MI 'KHRUL BA'I RTAGS YOD PA MA YIN TE, DE DAG DNGOS PO'I CHOS MA YIN PA'I PHYIR RO, ,SPYI BSGRUB PA MI SRID PAR BSTAN PA 'DIS GNYIS PA CAN GYI SBYOR BA LA YANG SUN DBYUNG BA RAB TU BRJOD PA YIN TE, DE YANG SPYI BKOD PA'I PHYIR RO, ,SPYI LA SOGS PA BSTAN BCOS @244A *, ,LAS BYUNG BA'I PHYIR 'DOD PA YIN NO ZHE NA, YANG HA CANG THAL BAR 'GYUR BA'I PHYIR BSHAD PA YIN NO, ,SKABS SU BAB PA KHO NA ZHES BYA BA NI RTOGS BA PO'I 'DOD PA KHO NA'O, ,BYE BRAG TU MA BYAS PA NI NAM MKHA'I YON TAN DANG, SPYI DANG DON GCIG LA 'DU BA CAN ZHES BYE BRAG TU MA BYAS PA'I MI RTAG PA'I CHOS CAN NYID DO, ,GZHAN DU NA ZHES BYA BA NI RTOGS PA PO'I MI 'DOD PA SGRUB PAR BYED NA'O, ,DON GZHAN DU 'GRO BA STE BSTAN PAR BYA BA MA YIN PA STON PA NI SKABS SU MA BAB PA STON PAS MI RIGS PA'I PHYIR CHAD PAS BCAD PA STE, PHAN PA'I GNAS SU 'GYUR RO, , BSTAN PAR BYA STE ZHES BYA BA NI RANG GI NGO BO ZHES BSTAN PAR BYA ZHES BYA BA NI GSAL BA ZHES BYA BA'I BAR KUN LA SBYAR BA BSTAN TO, ,YID CHES BA DAG GIS ZHES BYA BA'I DU MA'I TSIG TU BYAS PA NI BSTAN BCOS DANG RANG GI TSIG GI DBYE BAS SO, ,MNGON SU MNGON ZHES BYA BA'I DON ZHES BYA BA CI DGOS SHE NA, MNGON SUM GYI DON ZHES SMOS PA NI ZHES BYA BA LA SOGS PA SMOS SO, ,BSGRUB PAR BYA BA THE TSOM ZA BA LA GTAN TSIGS BRJOD DE STON PA YIN NA'O, ,RTEN MA YIN ZHES BYA BA NI DE LA GTAN TSIGS 'JUG PA MI SRID PA'O, ,CI'I PHYIR ZHE NA, CHOS CAN GCIG LA NI PHYIN CI LOG PA'I YANG DAG PA'I SHES BA DAG STE, MNGON SUM MAM RJES SU DPAG PA GCIG NA CHOS DE 'GOG LA, YANG DE LA RTAGS YANG DAG PA LA BRTEN PA'I RJES SU DPAG PA'I CHOS DE NYID DE LA SGRUB PA 'GAL BA GNYIS MI SRID PA'I PHYIR RO, ,GTAN TSIGS KYI YUL NYE BAR BSTAN PA'I PHYIR YANG STE, PHYOGS BSTAN PA YANG GTAN TSIGS KYI YUL NYE BAR BSTAN PA'I PHYIR YIN NA GTAN TSIGS KYI YUL NYE BAR BSTAN PA'I PHYIR YIN ZHES RIM PA GZHAN DU SBYAR BA'O, ,THE TSOM NI RGYU'I BYED PA'I YUL YIN NO ZHES BYA BA NI BSGRUB BAR BYA BA YOD PAR SRID PA GTAN TSIGS KYIS SGRUB PAR BYED PA'I YUL YIN TE, BSAL BAS BSGRUB PAR BYA BA MI SRID PA'AM, GRUB ZIN PA GTAN TSIGS KYI BYED BA'I YUL MA YIN TE, DE LA BYED PA MI SRID PA'I PHYIR RO, ,RJES SU DPAG PA'I DBYE BA NI DNGOS PO'I STOBS KYIS RJES SU DPAG PA GCIG DANG 'GRAS BU DANG, RANG BZHIN DU BRTAGS PA BDAG GI DBYE BAS SO, ,RANG GI 'BRAS BU YANG DAG PAR BRJOD CING ZHES BYA BA NI @244B RANG GI DON YANG DAG PAR BRJOD CING NGO, ,DE DANG 'GAL BAR KHAS LEN PA'I GAGS BYED CES BYA BA NI THE TSOM ZA BAR BYED DE ZHES BYA BA'I DON TO, ,GAGS BYED PAR MTSUNGS PA DE'I PHYIR 'DI LTAR RANG GI TSIG DANG BSTAN BCOS DAG MNGON PAR BSDUS TE, MTSUNGS PAR YID CHES 'BRAS BU YAN LAG CES BRJOD DO, ,RANG TSAD MA MA YIN NA RJES SU DPAG PA TSANG MA MA YIN NO ZHES BYA BA'I TSIG 'JUG PAR MI 'GYUR RO, ,'ON KYANG RANG GI DON DE MTHONG LA DE NYID LA YANG GZHAN LA PHYIN CI MA LOG PAR BRJOD PAR 'DOD NAS SMRA BA'I PHYIR RAM MI SMRA BAR KHAS LEN TO, ,BSTAN BCOS MA BRTEN NA DER GRAGS PA STE, SHIN TU KLOG TU GYUR BA TSAD MA GNYIS KYIS MTHU'I YUL MA YIN PA DPYAD PA YANG MI 'JUG PA DE LTA BAS TE, BSTAN BCOS TSAD MAR KHAS MA BLANGS NA DPYAD PA 'JUG BAR MI 'GYUR BAS BSTAN BCOS TSAD MAR KHAS BLANGS NAS 'JUG GO, ,MTSUNGS PAR LTA BAR BYA BA'I PHYIR RO ZHES BYA BA NI GNYI GA YANG KHAS BLANGS PAS GNOD PAR BYED BA YIN NO ZHES BYA BAR MTSUNGS PAR RO, ,MTSUNGS PAR GSUNGS TE ZHES BYA BA NI SLOB DPON PHYOGS KYI GLANG POS SO, ,TSAD MA DANG DES GZHAL BAR BYA BA'I DON DAG MED DO ZHES BYA BA NI RIG BYED KYI GZHUNG LUGS SO, ,RANG GI TSIG DAG MI RIGS TE, GAL TE RANG GI TSIG DON LA MI SLU BAR 'GYUR NA NI DE NYID TSAD MA YIN LA, TSAD MA MA YIN NA NI TSIG GI DON MED DO, ,BSTAN BCOS KYANG TSAD MA MA YIN NA MI RIGS TE DOGS PA MED PA'I PHYIR RO, ,DE LA ZHES BYA BA NI TSAD MA DANG DES GZHAL BAR BYA BA DON MED DO ZHES BYA BA DPER BRJOD PAR BYA'O, ,'DIR CHOS CAN NI CHOS SO, ,DE RNAM PAR GZHAG PA NI BSTAN BCOS DE LA BRTEN BA'I PHYIR BSTAN BCOS DE LA GNOD PA NYID NA DES GZHAG PA'I GZHI CHOS NYID MI GNAS PAR NI BDE BA RAB TU SBYIN PA LA SOGS PA'I BYE BRAG BSAM PA'I GZHI MED PA'I PHYIR MI 'JUG PA'I PHYIR BSTAN BCOS LAS GRAGS PA'I PHYIR BYE BRAG SEMS PA DE LTA BU LA NGES PAR BSTAN BCOS TSAD MAR BYA DGOS SO, ,DA NI JI LTAR 'BAB STEGS DAG TU ZHES BYA BA NI PHYI ROL GYI STE, BSTAN BCOS DANG 'GAL SKYON YIN NA SANGS RGYAS PA DAG STE 'BAB STEGS SU KHRUS BYAS PAS CHOS MA YIN PA DAG PAR MI @245A *, ,'GYUR RO ZHES BSTAN BCOS MANG PO LAS KHRUS KYI CHOS MA YIN BA DAG BAR BSHAD PA DANG 'GAL BAR SMRA BA ZHES BYA BA YIN NO, ,MA MTHONG BA RTOGS PAR BYED PA NI GCIG TU BSKAL BA RTOGS PAR BYED PA'O, ,THAMS CAD CES BYA BA NI SANGS RGYAS PA'I BSTAN BCOS DAG DE LTAR MI SMRA'O ZHES BYA BA YIN NO, ,BKAG PA'I SKYON MED DE RANG GI BSTAN BCOS DANG MI 'GAL BA'I PHYIR RO, ,GZHAN YANG ZHES BYA BA NI BSTAN BCOS GZHAN DANG 'GAL BA MED DO ZHAS STON TO, ,DE LA YANG ZHAS BYA BA NI GZHAN GYIS KHAS BLANGS PA'I BSTAN BCOS SO, ,SMRA ZHING SEMS PA'I PHYIR RO ZHES BYA BA NI DE'I PHYIR TSAD MAR KHAS MI LEN PAS NA DE DAG DANG 'GAL BA MED DO ZHES BYA BA'I DON TO, ,'O NA BSTAN BCOS GANG ZHIG DANG 'GAL CE NA, BSTAN BCOS GANG ZHES BYA BA LA SOGS PA SMOS TE, BSTAN BCOS DES GZUNG BA'I PHYIR RO ZHES BYA BA DES BSTAN PA'I DON RNAMS GZUNG BA'I PHYIR YIN PA NA DE DANG 'GAL BAR 'GYUR BA SEMS KYI GZHAN DANG MA YIN NO ZHES BYA BA'I DON TO, ,BSTAN BCOS GNAS PA ZHES BYA BA NI DE KHAS LEN PA'O, ,DE LA MI BRTEN PA'I DNGOS PO ZHES BYA BA NI BSTAN BCOS LAS BSTAN PA MA YIN PA'I DON TO, ,DE BSTAN BCOS DANG 'GAL BAR 'GYUR NA NI DE DANG BSTAN BCOS DAG PHAN TSUN GNOD PA NI MA YIN GYI PHAN TSUN GAGS SU 'GYUR TE, GNYI GA YANG KHAS BLANGS PAR MTSUNGS PA'I PHYIR RO, ,DE BZHIN NO ZHES BYA BA NI, STOBS MTSUNGS PA'I PHYIR GAGS NYID YIN GYI GNOD PA NI MA YIN PA'O, ,STOBS MTSUNGS PA DE YANG RANG GI TSIG DANG 'GAL BA YIN GYI BSTAN BCOS DANG NI MA YIN TE, BSTAN BCOS DANG STOBS MTSUNGS BA NI BSTAN MA THAG PA YIN NO, ,DE GNYIS LAS ZHES BYA BA NI BSTAN BCOS DANG RANG GI TSIG DANG 'GAL BA LAS SO, ,GZHAN LA ZHES BYA BA NE TSAD MA MED PA LA'O, ,GNOD PAR BYED PA YIN NO ZHES BYA BA NI DE'I DON 'GOG PAR BYED PA'O, ,GAGS NI 'GOG PAR MI NUS KYI THE TSOM DU BYED PA'O, ,GZHAN DU ZHES BYA BA NI TSAD MA MED PAS SO, ,DAM BCA' BAR STOBS MTSUNGS PA 'AM ZHES BYA BA NI BSTAN BCOS DANG, BSTAN BCOS DANG, RANG GI TSIG DANG RANG GI TSIG TU'O, ,DE DAG @245B PHAN TSUN RIGS PA MED PA'I DAM BCA' BAS JI LTAR GNOD PAR 'GYUR, DE DAG GI CIG SHOS DON JI LTA BA BZHIN GYI RJES SU DPAG PA CAN LA YANG RIGS PA MED PA'I DAM BCA' BAS JI LTAR GNOD PAR 'GYUR BA'O, ,GAL TE LUNG YANG TSAD MA NYID YIN PA'I PHYIR GNOD PAR BYED DO ZHE NA, LUNG TSAD MA NYID NI RANG GI DON GYI RJES SU DPAG PAR BSAL ZIN TO, KHAS BLANGS TE ZHES BYA BA NI BSTAN BCOS TSAD MA NYID DU'O, ,DE NYID KYI PHYIR ZHES BYA BA NI LUNG DANG RANG GI TSIG DAG DON GYI 'BRAS BUR BRJOD PA'I PHYIR RO, ,YUL GYI DBYE BA BSTAN PA'I PHYIR TE, YUL GANG ZHE NA, KHAS BLANGS PA'I YUL LA GNOD PA DANG GAGS BYED PAR GNOD PA'I PHYIR TE, DNGOS PO'I DON LA GNOD PA NI MA YIN PAS SO, ,RJES SU DPAG PA'I DON NI DNGOS PO'I YUL LA'O, ,GZHAN DU NA NI ZHES BYA BA YUL GYI DBYE BA MED NA'O, ,RTAGS KYI BYE BRAG GI DBYE BAS MTHA' YAS HA CANG THAL BAR 'GYUR BA'I PHYIR RO, ,GAL TE DE DAG RJES SU DPAG PAR 'DUS NA NI KHAS BLANGS PA DANG 'GAL BA LOGS SHIG TU BYAS PA DON MED DO, ,GAL TE KHAS BLANGS PA DANG 'GAL BAR MTSUNGS PA NA CI'I PHYIR RANG GI TSIG DANG 'GAL BA BSTAN BCOS LAS LOGS SU BSTAN CE NA, NGAG BRJOD PA TZAM DE NYID LA DE NYID GAGS BYED PA NYID KYI DON GYIS SO, ,GAL TE BSTAN BCOS KYANG TSAD MA NYID MA YIN PA DE'I PHYIR DE YANG BSTAN BCOS LA GAGS BYED PA NYID DO ZHE NA, GZHI YOD PA LA ZHES BYA BA LA SOGS PA SMOS TE, BSTAN BCOS KYIS SO SOR GZHAG PA YIN NA, BSTAN BCOS DE LA GNOD PA BYAS NA DES GZHAG PA'I CHOS CAN YANG 'GOG PAR 'GYUR BA'I PHYIR GNOD PAR BYED PA ZHES BRJOD DO, ,GAL TE BSTAN BCOS DE DAM BCA' BA TZAM YIN PA'I PHYIR DE LTAR TSAD MA YIN NA'O, ,BYE BRAG MED DO ZHES BYA BA NI BSTAN BCOS RANG GI TSIG DAG KHAS BLANGS PAS TSAD MAR MTSUNGS PA'I PHYIR RO, ,CHOS CAN 'GOGS PAR BYED PA DE'I PHYIR BSTAN BCOS DANG CHOS SU 'GAL BA DAG NI GEGS ZHES BYA BA THE TSOM DU BYED PA MA YIN GYI GNOD PAR BYED PA STE, CHOS CAN 'GOG PAR BYED PA YIN NO, ,SNGAR KHAS BLANGS PA LA PHYI MA GZHAN GYIS GNOD PA NI BSTAN BCOS DANG 'GAL BA'O ZHES BYA BA SLOB DPON PHYOGS @246A *, ,KYI GLANG POS GSUNGS SO, ,GAL TE BSTAN BCOS DANG RANG GI TSIG DAG TSAD MA MA YIN PA DE BAS NA GAGS KYANG JI LTAR YIN ZHE NA, DE STOBS MTSUNGS TE, GNYI GA YANG RIGS PAS STONG PA'I KHAS BLANGS PA NYID YIN PA'I PHYIR RO, ,GAL TE BSTAN BCOS DANG RANG GI TSI GA DE DAG GANG LA TSAD MAR YOD PAR GYUR NA NI RANG GI DON GRUB PA NYID YIN PAS DE DANG 'GAL BA TSANG MA MED PA DE TSAD MA DANG LDAN PA'I GAGS MA YIN TO, TSAD MAS TSAD MA MA YIN PA LA GNOD PA'I PHYIR RO, ,GAL TE TSAD MA MED PA'I BSTAN BCOS DANG TSIG DAG KYANG RGOL BA DES TSANG MAR KHAS BLANGS PA'I PHYIR TSAD MA MA YIN PAS RANG DANG 'GAL BA'I DNGOS PO THAMS CAD LA GNOD PAR BYED PA NYID YIN NO ZHE NA, GANG KHAS BLANGS PA ZHES BYA BA LA SOGS PA SMOS SO, ,CI ZHIG YIN TE CIR MI RUNG STE KHYAD PAR MED PA'I PHYIR RO, ,SKYES BU'I 'DOD PA TZAM STE, DNGOS PO LA MI LTOS PA KHAS BLANGS PAS TSAD MAR BYAS NAS GNOD PA BYED PAR GZHAN YANG YONGS SU RDZOGS PA'I TSAD MA STE, TSAD MA'I MTSAN NYID RDZOGS PA'O ZHES BZHAD GAD DU BYA BA'O, ,THE TSOM ZA BA'I DE PHYOGS KHA NA MA THO BA MED PA LA YANG MTSUNGS TE, DE LA YANG BSGRUB PAR BYA BA'I DON LA THE TSOM YOD KYI DES PA NI MA YIN, DE NYID KYIS ZHES BYA BA NI PHYOGS BSTAN PA NYID KYIS SO, ,NGES PA NI BSGRUB PAR BYA BA LA'O, ,'GAL BA'I SKYON DANG LDAN PAR SMRA BA LTA BU NI MA YIN NO, ,GAL TE DE LTAR NA DE CI'I PHYIR, DE LTAR THE TSOM DU 'GYUR ZHE NA, GANG RTAGS KYI MCHAN NYID GSUM SMRA BA'I TSIG JI TZAM GYIS BSGRUB PAR BYA BA RTOGS PAR NUS PA DE PHYOGS KYI TSIG GIS MI NUS PA'I PHYIR RO, ,THE TSOM ZA BA YIN GYI, BSAL BA BZHIN DU MI SRID PAR STON PA NI MA YIN GYI, GNOD PA MED PA'I PHYIR SRID PA'I BSAM BA MED PA DAM BCA'I TSIG GIS RAB TU STON PAS NA KHYAD PAR YOD DO, ,MI SRID PA GANG ZHE NA, TSAD MA STE, MNGON SUM DANG RJES SU DPAG PA DAG GIS GNOD NA MI SRID PA YIN NO, ,GAL TE KHAS BLANGS PA DANG RANG GI TSIG DAG NI TSAD MA MA YIN PA'I PHYIR NGES 'GAL YANG SRID PAS PHYOGS SU 'GYUR RO ZHE NA, DE BZHIN DU STOBS MTSUNGS PAS CHOS CAN GCIG LA CHOS GNYIS @246B SBYAR BA YANG MI SRID PA NYID DO, ,GAL TE KHAS BLANGS BA DANG RANG GI TSIG DAG 'GAL BA SBYAR BA NI SMRA BA'I SKYON NYID YIN GYI DNGOS PO LA NI MA YIN PAS DE SPYAD PAS CI ZHIG DGOS SHE NA, GZHAN GYI DON ZHES BYA BA SMOS TE, GZHAN GYIS KHONG DU CHUD PA LA DGOS PA'I PHYIR RO, ,GAL TE SMRA BA PO'I SKYON YANG GZHAN LA CI GNOD CE NA, SMRA BA PO'I DON JI LTA BA BZHIN MA YIN PA GZHAN MA RTOGS PAR 'DOD PA DAG THE TSOM SKYES PAS THO 'TSAMS PA'I PHYIR SMRA BA PO'I YON TAN YANG DPYAD PAR BYA STE SMRA BA DE NYID GZHAN GYIS RTOGS PA LA SOGS PA'I RGYU YIN PA'I PHYIR RO, ,BYE BRAG CUNG ZAD KYANG MED NA ZHES BYA BA NI SNGAR KHAS BLANGS PA BYE BRAG MED KYANG JI LTAR GCIG TSAD MA DANG ZHES SMRAS PAS SO, ,GRUB PA'I MTHA' LA MA BRTEN PAR DPYOD PA RAB TU MI 'JUG PA ZHES BYA BA NI MNGON SUM DANG RJES SU 'JUG PAR MI NUS PA'I YUL LA'O, ,THAMS CAD LA YIN PAR BRJOD DO ZHES BYA BA NI KHAS BLANGS PAR MTSUNGS PA'I BSTAN BCOS DANG 'GAL BA YANG RANG GI TSIG DANG 'GAL BA NYID YIN PA'O, ,GAL TE BSTAN BCOS DANG 'GAL BA NI PHA ROL GYIS SMRAS PA DANG 'GAL BA MA YIN NAM ZHE NA, BSTAN BCOS DANG 'GAL BA 'DI LA YANG RGYU CIS NA DES PAR PHA ROL GYIS KHAS BLANGS BA KHO NA'O ZHES BYA BA LA RTEN, 'DI LTAR BSTAN BCOS KHAS LEN PA'I SKYES BUS DE NYID BSTAN BCOS DE'I DON TE GZHAN GYI KHA NAS TE, BSTAN BCOS BYED PA 'DI SKAD ZER RO ZHES GZHAN YANG DE BDAG NYID KYIS KHAS BLANGS PA'I PHYIR DON DE RANG GI YIN LA, YANG DE DANG 'GAL BAR SMRA BA YIN NA, DON DE NYID KUN DU SLONG BAR BYED DE, MI GNAS PAR BYED PA'I PHYIR RANG GI TSIG DANG 'GAL BA NYID DO, ,GRAGS PA DANG 'GAL BAR BYED PA JI LTA BU ZHE NA, 'DOD PA DANG 'BREL BA'I DON DE RNAM PAR RTOG PA'I YUL DU GYUR BA DON RNAMS LA'O, ,'DOD PA'I SGRA ZHES BYA BA YANG RNAM PAR RTOG PA'I YUL NYID DO, ,DE'I STE SGRA'I BRJOD PAR BYA BA NYID YIN BA STE, DES DE RTOGS PAR NUS PA LA'O, ,DE'I BRJOD PAR BYA BA MA YIN NO ZHES DAM BCAS PAS BRJOD PAR MI NUS PA STE, DE NYID KYI PHYIR DAM BCA' BA LA DES GNOD PA'O, ,GRAGS PA'O ZHES BYA BA DE NYID BSTAN PA'I PHYIR THA SNYAD LAS SKYES PA'I ZHES BYA BA SMOS TE, RNAM PAR RTOG PA'I YUL GYIS DEN GYI CHOS TE GRAGS @247A *, ,PA'I SGRAR BRJOD DO, ,SNA TSOGS KYI RANG BZHIN GYI GRAGS PA'I DNGOS PO'I YUL GYI DON TO, ,BYAS DANG MA BYAS PA'I BRDA GRUB PA DANG MA GRUB PA'O, ,'DOD PA TZAM GYIS BRDA 'JUG PAR RUNG BA YIN TE, BRDA NI 'DOD PA LA BRTEN PAS SO, ,DES ZHES BYA BA NI 'JUG PAR RUNG BA NYID KYIS SO, ,DON TZAM ZHES BYA BA NI YUL DANG DUS DANG RDZAS NGES PA MED PA'O, ,DE'I PHYIR RUNG BA DE NI DON THAMS CAD DANG 'BREL BA'I RANG BZHIN NO, ,DE NYID KYI PHYIR 'DAS BA DANG MA 'ONGS PA'I SGRA DAG GIS TE DUS MI MTSUNGS PA'I SGRA DAG GIS KYANG BRJOD PAR RUNG BA DE DANG 'GAL BAR BYED PA NI BRJOD PAR BYA BA MA YIN NO ZHES DAM BCA' BAS SO, ,GAL TE SGRA GANG DAG BRDAR MA BYAS PA'I RUNG BA NYID DAG GIS DON RTOGS PAR MI BYED PA YIN NAM, JI LTAR DE DAG 'GAL BA MA GRAGS PA DANG 'GAL BA ZHES BYA ZHE NA, SGRA THAMS CAD DON 'DI DAG DANG 'BREL TO ZHES DNGOS SU GRAGS PA STE; BRDA GRUB PA MED MOD KYI 'ON KYANG GRAGS PAR RUNG BA'I STOBS NYID KYIS KYANG STE, BRDAR BYAS PA NYI TSER MA ZAD PAR DON DER SGRA DE RAB TU GRAGS PA NYID DU SLOB DPON PHYOGS KYI GLANG POS GSUNGS TE, JI SKAD DU GANG LA YANG THUN MONG MA YIN PA YIN PA'I PHYIR ZHES BYA BA NI RI BONG CAN ZLA BA'I SGRAS BRJED PAR BYA BA MA YIN TE, YOD PA'I PHYIR BUM PA BZHIN NO ZHES GZHAN DAG RUNG BA NYID LA GNOD PA SMRAS TE, DE NI BUM PA YANG ZLA BA'I SGRAS BRJOD PAR RUNG BA NYID DU YOD PA 'GAL BA MA GRUB THE TSOM ZA BA'I PHYIR DPE LA BSGRUB PAR BYA BA MA TSANG BAS THUN MONG MA YIN PA NYID YIN PAS NA RJES SU DPAG PA MED DO, ,SGRA RAB TU GRAGS PA DA LTAR MED KYANG 'DAS PA DANG MA 'ONGS PA DAG RAB TU GRAGS PA MI 'GAL BA'I DON GYIS BSAL TE NGES GNOD PA'O, ,DE'I PHYIR MA GRAGS PA NI RUNG BA DANG 'GAL BA YANG PHYOGS MA YIN PAR GSUNGS PA'I PHYIR RUNG BA 'GAL BA YANG GRAGS PA DANG 'GAL BA NYID DO; ,BUM PA'AM SNAM BU LA SOGS PA THAMS CAD LA RUNG BA NYID DAG SRID PAS NA GANG LA YANG ZLA BA'I SGRA'I DON MA YIN PAR MA GRUB PA'I DPE MA GRUB PAS SO, ,'DI DGAG PAR MI NUS TE, GNOD PA CAN THUN MONG MA YIN PA NYID KYI PHYIR THUN MONG MA YIN PA NYID RAB TU GRAGS PA NI MI 'GAL @247B BA ZHES DE SKAD GSUNGS SO, ,DE LA 'GOG PAR BYED PA'I TSAD MA MED PAR NGES PA YANG YIN TE RUNG BA NYID TSAD MAS GRUB PA'I PHYIR RO, ,DE LTAR NA YOD PA NYID KYANG 'GAL BA YIN NO, ,RUNG BA NYID MI NGES PA'I PHYIR RO ZHES BYA BA NI DUS GSUM PA DAG YIN PA'I PHYIR RO, ,GTAN TSIGS THAMS CAD KYANG ZHES BYA BA NI YOD PA LAS LHAG PAR 'JUG PA'I DNGOS PO NI MED PA'I PHYIR YOD PAS MA RNYED NA DE DAG GIS MTHUN PA'I PHYOGS RNYED PAR MI 'GYUR BA'I DPER BRJOD PA'I 'BRAS BU'O ZHES BYA BA'I YOD PA NYID DPER BYAS PA'I'O, ,SNGAR RUNG BA NYID TSAD MAS GRUB PA'I PHYIR ZHES BSHAD PA'I TSAD MA DE 'DI YIN TE; SGRA'I BRDAL YANG DAG PAR BRTEN LA BRDA DE NI 'DOD PA TZAM LA YANG DAG PAR BRTEN PA'I PHYIR MA GRUB PA MA YIN GYI, SGRA'I THA SNYAD DU ZHES BYA BA'I SGRA YIS BRJOD PAR RUNG BA NYID DU GRUB STE, 'DOD PA NI THAMS CAD DU 'JUG PA'I PHYIR RO, ,DE'I GANG RNAM PAR RTOG PA'I YUL YIN PA DE NI BRDAR BYAS TE BRJOD PAR RUNG BA YIN TE ZLA BAS GA PUR BZHIN NO, ,RI BONG CAN YANG RNAM PAR RTOG PA'I YUL YIN NO ZHES BYA BA RANG BZHIN GYI GTAN TSIGS KYIS SO, ,DE LTA BAS NA SGRA RAB TU GRAGS PA ZHES GSUNGS SO, ,GAL TE BRJOD PAR RUNG BA LA GAGS BYED PA DE GNOD PAR BYED PA'I TSAD MA SRID PAR YIN GNYIS ZA NA THE TSOM CAN DU GYUR PA'I PHYIR RUNG BAR MI 'GRUB NA GAGS KYANG MI SNANG STE, 'DI LTAR YUN RING DU MA MTHONG BAR DON RNAMS TE SNGON MA RTOGS PA'I DON RNAMS LA'O, ,PHYIS BYE BRAG TU RTOGS PAR MTHONG BA STE NGES PAR RTOGS PA'O, ,DE DANG SGRAS YUL DU BYAS NAS RTOGS PA MTHONG BA SRID PA STE MTHONG NA'O, ,MTHONG BA DE YOD NA SKYES BU TZAM STE SKYES BU GANG GIS KYANG RUNG BA STE MED PAR MA NGES TE, MTHONG BA DANG MA MTHONG BA KUN LA RUNG BA NYID GRUB PA'I PHYIR RO, ,RANG BZHIN GYIS GTAN TSIGS KYI GRUB PAR GSUNGS PA LA, DE'I PHYIR SLOB DPON GYIS TSAD MAS RUNG BA NYID DU NGES PAR GSUNGS PA NA, RJES SU DPAG PA'I YUL LA 'GAL BA MI 'KHRUL PA CAN MI SRID PAR DON GYIS BSTAN PA YIN TE, GNOD PA CAN GYI TSAD MA YOD NA RAB TU GRUB MI SRID PA'I PHYIR RO, ,DE'I PHYIR GNOD PA'I TSAD MA MED PAR NGES PA YIN NO, ,TSAD MA NGES PA LA @248A *, ,GNOD PA CAN MI SRID PAR BSHAD PA DE DAG GI MNGON SUM DANG RJES SU DPAG PA DAG MTSUNGS PA NYID DU BSHAD PA YIN TE, DE GNYI GA YANG TSAD MA NYID YIN PAR BYE BRAG MED PAR TSAD MAR 'GYUR BA'I PHYIR MNGON SUM BZHIN DU RJES SU DPAG PA LA GNOD PA BYED PA MI SRID DO, ,GAL TE TSAD MA'I MTSAN NYID DE DAG KYANG LDAN DU ZIN KYANG GCIG TU STE RJES DPAG LA 'GAL ZLA MTHONG NA, DE LA MTHONG BA'I PHYIR MTSAN NYID MTSUNGS PA'I PHYIR MNGON SUM LA YANG 'GAL ZLA YOD PAR DOGS PAR 'GYUR RO, ,GAL TE BYE BRAG YOD NA NI BYE BRAG DES GCIG STE MNGON SUM GRUB PAR BYED PA ZHES BYA BAR TSAD MAR RNAM PAR GZHAG LA, DE'I BYE BRAG LAS PHYI ROL TU GYUR PA NI MED DO, ,DE TZAM GYIS NI GANG DAG RJES SU DPAG PA TSAD MA MA YIN TE 'KHRUL BA MTHONG BA'I PHYIR RO ZHES ZER BA, PHUR BU PA LA SOGS PA GSAL BA YIN NO, ,DE NI RIGS PA CAN LA SOGS PA'I LUGS DGAG PA'I PHYIR GAL TE ZHES BYA BA SMOS TE, RJES SU DPAG PA LA GNOD PA CAN MI SRID DE BRJOD PAR 'DOD PA'I GRANGS GCIG PA CAN YIN PAS SO, ,GTAN TSIGS LA 'GAL ZLA MED PA NYID 'DI 'DRA BA NYID RNAM PAR NGES PA YOD DAM ZHES BYA BA SMOS TE, MED NA MI 'BYUNG BA KHAS MI LEN NA NGES PAR MI NUS SO SNYAM DU DGONGS SO, ,MTSAN NYID KHYAD PAR MED PA ZHES BYA BA NI MED NA MI 'BYUNG BA MED PA'I RANG BZHIN DU MTSUNGS PA'O, ,DE 'DRA BA LAS 'GAL ZLA'I GTAN TSIGS MTHONG BA DANG 'DRA BA GZHAN LA YANG 'GAL ZLA LDOG PAR NGES PAR BYAS PAR MI NUS SO ZHES 'DAS MA THAG PAR BSHAD ZIN TO, ,GAL TE GNOD PA CAN MA MTHONG BA DAG BRJOD PAR 'DOD PA NI GRANGS GCIG PA CAN YIN NO ZHE NA, SKYES BU'I RTOGS PA'I BYE BRAG LAS TE, DNGOS PO RTAG PA BTANG BAS SO, ,DNGOS PO DE YANG DE LTAR NGES PAR BYA BA NUS PA MA YIN TE, MA MTHONG BA TZAM GYIS 'GAL BA MED PA'I DON DAG LHAN CIG PA DGAG PAR MI NUS PA'I PHYIR RO, ,GAL TE MTHONG NA MED PAR NGES PA MA YIN YANG RTAGS SU SBYOR RO ZHE NA, DE'I MTSAN NYID LA STE RTAGS KYI MTSAN NYID GNOD PAR BYED PA MED PA NYID LA'O, ,GAL TE NGES PAR MA SHES KYANG DNGOS PO LA GNOD PA MED PA NYID KYANG SRID DO ZHE NA, SHES PA NYID KYANG STE TSAD @248B MAS RTAGS KYI MTSAN NYID NGES PA NYID KYANG RTAGS KYI MTSAN NYID DU THAMS CAD KYIS SMOS SO, ,GAL TE KHYOD LA YANG 'GAL ZLA MED PA NYID JI LTAR NGES SHE NA, SNGAR SMOS PA'I MTSAN NYID DE MED NA MI 'BYUNG BA'O, ,DE NYID KYI PHYIR BRJOD PAR 'DOD PA'I GRANGS GCIG PA CAN DE YANG MED NA MI 'BYUNG BA CAN 'DI'I YUL LA MI 'DOD DO, ,'O NA GANG LA 'DOD CE NA, 'DI'I YUL YANG 'OG NAS BSHAD PAR BYA'O, ,DNGOS PO'I STOBS LA 'GAL BA MI 'KHRUL BA CAN MI SRID PA DE'I PHYIR 'DI LTAR SLOB DPON GYIS MNGON SUM DANG RJES SU DPAG PA GNYIS PHYOGS LA GNOD PAR BYED PA'I TSAD MAR BSHAD BA NA DE LA GTAN TSIGS KYI RTEN DU MI SRID PAS NA DE LA RJES SU DPAG PA MI SRID PAR BSHAD PA YIN LA, DE LA RJES SU DPAG PA SRID NA GNOD PAR BYED PAR NGES PA GSUNGS PA YIN NO, ,YANG NA THUN MONG MA YIN PA NYID YIN PAS ZHES BYA BA NI 'JIG RTEN GYI BRJOD PA STE, THA SNYAD KYI DNGOS POR BRJOD PAR BYA BA NYID KYI RJES SU DPAG PA NI MED DO ZHES SLOB DPON GYIS GSUNGS PA YIN NO, ,DE'I PHYIR RNAM PAR RTOG PA LA SNANG BA'I DON LA RJES SU DPAG PAS BRJOD PAR BSGRUB KYI PHYI ROL GYI DNGOS PO LA NI MA YIN PA'O, ,YUL THA DAD PA CAN NI RJES SU DPAG PA NI PHYI'I DNGOS PO LA GNOD PAR BYED LA GRAGS PA NI RNAM PAR RTOG PA'I YUL LA'O, ,DNGOS PO LA RJES SU DPAG PA JI LTAR MED CE NA, RI BONG CAN GYIS ZLA BA DNGOS POR BRJOD PAR MI 'DOD NA MING DU GRAGS PA GANG YANG DNGOS POR BRJOD PAR MI 'DOD PA'I PHYIR RI BONG CAN GYIS ZLA BA DNGOS SU BRJOD DE YOD PA'I PHYIR DPER NA BUM PA BZHIN NO ZHES BRJOD NA DPE DE YANG MA GRUB PA'I PHYIR RO, ,GAL TE RNAM PAR RTOG PA'I YANG THUN MONG MA YIN NAM ZHE NA, 'DIR YANG STE, RNAM PAR RTOG PA'I YUL YIN PA'I PHYIR BRJOD PAR NUS PA TZAM YIN NO ZHES BYA BA LA'O, ,THUN MONG MA YIN PA NYID MA YIN TE, RNAM PAR RTOG PA'I YUL NYID DU NI GA PUR LA SOGS PA ZLA BA'I SGRAS BRJOD PAR GRUB PA MTHONG BA'I PHYIR DPER GRUB PAS SO, ,DE'I PHYIR BRDA'I STOBS KYIS 'JUG PA NA ZHES BYA BA LA SOGS PA GSUNGS SO, ,GAL TE DNGOS PO MA YIN PA CI'I PHYIR ZHE NA, GAL TE SGRA DE'I DON 'GA' ZHIG TU NGES PAR GRUB NA DE'I @249A *, ,DON DNGOS POS GRUB PA YIN GYI DNGOS PO DAG LA MI LTOS NA NI MA YIN NO, ,GAL TE SGRA'I DON GRAGS PAS GRUB PAR KHAS LEN NA RI BONG CAN LA YANG SGRA'I DON DU 'GAL BA BYED PA MED DE GRAGS PA YIN PA'I PHYIR GA PUR LA SOGS PA ZLA BA'I SGRA'I DON YIN PA BZHIN NO, ,GAL TE GA BUR LA SOGS PA NI YID DGA' BAR BYED PA DANG, BSIL BA'I DNGOS PO YIN PA'I PHYIR ZLA BA'I SGRAS BRJOD PAR BYAS PA YIN ZHE NA, DE ZHES BYA BA SMOS TE, GA PUR DE LUS BSIL BAR BYED PA'I DNGOS POS ZLA BA'I SGRAS BRJOD PAR GRUB NA NI RI BONG CAN LUS BSIL BAR BYED PA LA SOGS PA'I DNGOS POS ZLA BA'I SGRAS BRJOD PA MED NA NI RI BONG CAN LA YANG DNGOS SU BRJOD PA LA GAGS BYED KYANG 'DOD PA'I PHYIR SKYON CUNG ZAD KYANG MED DO, ,'DI LA YANG ZHES BYA BA NI GRAGS PA 'DI LA YANG NGO, ,BRJOD PAR NUS PA DE DAG 'GOG PA LA 'GAL BAR 'GYUR BA STE, PHYIN CI LOG TU SGRUB PAR BYED PAR BSHAD PA YIN TE, SNGA MA RNAMS NYI TSER MA ZAD PA'O, ,SGRA DON RGYU MCHAN CAN DANG NI ZHES BYA BA NI LUS BSIL BAR BYED PA'I PHYIR ZLA BA ZHES BYA BA LTA BU'O, ,DE LTA BU'I SGRA DAG 'GOG PAR BYED BA STE LUS BSIL BAR BYED PA MED PA'I PHYIR ZLA BAR MI BRJOD DO ZHE NA, 'GAL BA MED DE MI 'DOD PA MED DO ZHES DES DE SLOB DPON GYIS MDZAD PA'O, ,YANG NA GONG DU BSHAD PA'I GTAN TSIGS KYIS SO, ,DON DAM DON CAN NI DNGOS SU SGRA'I DON YIN PA CAN TE, DE YANG DE DANG 'DRA'O, ,SNGA MA BZHIN ZHES BYA BA NI RJES SU DPAG PAS BSAL BA BZHIN NO, ,GRAGS PAS BSAL PA'I BYE BRAG DAG SKYON MED PA DE BZHIN DU, MNGON SUM GYIS BSAL BA YANG DBYE BA BSTAN PA'I PHYIR, MNGON SUM GYIS GSAL BA YANG ZHES BYA BA SMOS TE, MTSAN NYID SNA TSOGS PA ZHES BYA BA NI RIGS DANG LAS DANG YON TAN DAG GO, ,'BREL PA GZHAN MED PA NI RIGS LA SOGS PA RNAMS DNGOS POR GYUR PA'I 'BREL PA MED PA'I PHYIR GNYIS SU MED PA STE DNGOS PO NYID RIGS LA SOGS PAR BRJOD PA'I PHYIR, CHOS DANG CHOS CAN GNYIS SU MED PA STE, RNAM PA SNA TSOGS KYIS SO SOR SNANG BA NI CHOS DANG CHOS CAN THA DAD PA'O, ,BLOS MI MTHONG BA NI MNGON SUM GYIS SO, ,DE'I @249B PHYIR MI MTHONG BA DE DAG BKAG KYANG DES BSAL BA MA YIN TE, DE LA MI SNANG BA'I PHYIR RO, ,DE NYID 'GOG NA ZHES BYA BA NI MNGON SUM LA SNANG BA'O, ,DE'I DON DU ZHES BYA BA NI MNGON SUM GYIS GZUNG BA'I DON DE BYE BRAG TU BYAS PA'I PHYIR RO, ,LHAG MA NI LDOG PA'I MTSAN NYID DO ZHES BYA BA NI RTOGS PAR BYAS PA'I BYE BRAG DAG YIN GYI DNGOS PO'I NGO BO MA YIN PA NYID KYI PHYIR SPYI YIN TE RNAM PAR RTOG PA'I YUL YIN GYI DBANG PO'I BLO'I SPYOD YUL MA YIN PA'O, ,RANG GI MTSAN NYID DE NI RNAM PA KUN DU SGRAS BRJOD MIN PHYIR, SGRA'I YUL DANG 'GAL BAR BYAS KYANG MNGON SUM DANG 'GAL BA YIN NO; ,LDOG PA DE DAG KYANG DNGOS PO DE LA BRTEN NAS GRUB PA STE RTOGS PA'O, ,DE'I STOBS DE DNGOS PO'I STOBS KYIS BRJOD DE, DNGOS PO'I MNYAN PAR BYED PAS DBANG PO'I SPYOD YUL DU GNAS KYI RIGS LA SOGS PA DBYE BAS NI MA YIN PA'I PHYIR RO, ,LHAN CIG 'DUG KYANG MI 'JIG PA STE; 'JIG PA'I RGYU DANG LHAN CIG 'DUG KYANG NGO, ,BUM PA ZHIG PA DE LA YANG BSAL BA STE DE SNANG BA LAS SO, ,MI SNANG BAR GYUR PA STE, GTZO BO'I RANG BZHIN DU GNAS PAR 'GYUR BA'I PHYIR ZHIG GI SNYAM DU SEMS PAR ZAD PA STE, DE NI GRANGS CAN DAG GI LUS SO, ,MI GNAS PA STE GSAL BAR MI GNAS PA DE NYID LA MI RTAG PA NYID DU SMRA STE, 'GAL BA MED PAR 'GYUR BA'I PHYIR RO, ,RTAG PA YANG DE KHO NA BZHIN DU GNAS PA LA BYA'O ZHES RIM PA BZHIN DU BLTA'O, ,RGYUS DE ZHIG BA LA YOD NA NI ZHIG PA'AM MI SNANG BA ZHES BYA BA'I MING 'DI LA KHYOD DANG KHO BO DAG GIS ZHE NA NGAR MI BYA BA STE DON DE KHO NA LTAR YOD PA'I PHYIR RO, ,TSIG GI DON RNAM PAR GZHAG PA LA GNOD DE ZHES BYA NI GRANGS CAN BDAG NYID RDUL DANG MUN PA SNYING STOBS DANG SHES PA CAN RNAMS LA'O, ,SEMS PA YOD PA NI SEMS CAN DE BDAG GIS DE DAG PHAN TSUN THA DAD PAR 'DOD PA YIN NA, MI DMIGS KYANG DE LA DE YOD NA RDUL LA SOGS PA DAG KYANG YOD PA'I PHYIR DE DAG GI MTSAN NYID BYE BRAG STE PHAN TSUN STONGS PAR MI 'GYUR RO, ,DE DAG PHAN TSUN MED PA DE SGRUB NA MI DMIGS PA MA RTOGS PA SGRUB PA'I RKYEN 'GA' YANG MED DE DGAG PA NI MI DMIGS PA KHO NAS YIN PA'I PHYIR RO, ,DE LTA @250A *, ,BAS NA RDUL LA SOGS PA GCIG LA GCIG MED PAR SGRUB PA NA RDUL GYI MTSAN NYID NI YANG BA DANG 'GAL BA, MUN PA NI LCI BA DANG SNYING STOBS NI G-YO BA DANG SROM [?] PA DAG YIN LA, DE DAG GCIG LA GCIG GI RANG BZHIN DGAG PA MI DMIGS PAS BYED DE YOD NA DE'I RANG BZHIN LTAR DMIGS PAR 'GYUR BA MA DMIGS PA'I PHYIR ZHES SO, ,DE DAG DANG SEMS PA YOD PAR YANG THA DAD PA DE DAG NI SEMS BA MED PAR 'DOD PAS SO, ,DE'I BDE BA YANG MI RIGS PAS SO, ,MI DMIGS PAS DGAG PA 'GRUB PA STE, DE NYID KYI PHYIR MI DMIGS PA'I MTSAN NYID KYI ZHES BYA BA LA SOGS PA SMOS SO, ,DE LTA BU'I DNGOS PO'I RJES SU DPAG PA'I MA YIN TE, ZHO DANG MYU GU DAG NI 'OM DANG SA BON BZHIN DU BLTAR RUNG BA YIN PA'I PHYIR RO, ,DE NYID KYI PHYIR GAL TE DE YOD NA ZHES BYA BA SMOS TE, BAR GYI GNAS SKABS NI MNGON PAR BYUNG BA'O, ,DE NI MI 'GYUR BA'I RANG BZHIN YIN PA'I PHYIR SNGAR YANG BAR GYI MNGON PAR BYUNG BA'I RANG BZHIN DE NYID YIN PA'I PHYIR DMIGS PAS MTHONG PA NYID YIN NO, ,GAL TE SNGAR MI MTHONG BA'I MTSAN NYID YIN NO ZHE NA, MI MNGON PA'I MTSAN NYID NGE, BAR DU BTANG NA NI DE'I 'JIG PA YIN NO; ,GAL TE MTSAN NYID ZHIG KYANG BUM PA'I RDZAS NYID NA RTAG GO ZHE NA, RDZAS GZHAN DU GYUR PA NYID MI MTHUN PA NYID YIN GYI GZHAN CI YANG MED DO, ,DE LTAR SNANG BA DAG 'GAL BA'I MTSAN NYID YIN PA'I PHYIR DE RNAMS GZHAN PA NYID DU SNGAR MANG DU BRJOD ZIN TO, ,DE'I PHYIR SKYE BA'I GTAN TSIGS DANG RGYU 'O MA LA SOGS PA DE'I 'BRAS BU ZHO DE LTAR SKYES PAR SKYED PA'I RANG BZHIN 'GRUB KYI 'BRAS BU DE'I DNGOS PO RGYU LA YOD PA NI MA YIN PA'O, ,RI BONG GI RVA LAS KHYAD PAR GYI BYE BRAG CI YOD CES BYA BA'I DON TO, ,'O MA NI ZHO DE'I BDAG NYID MA YIN YANG STE 'O MA LA ZHO MED NA YANG NGO, , GAL TE 'O MA DE'I ZHO KHO NA SKYED PA'I RANG BZHIN DE LAS 'ONGS SHE NA, RANG GI RGYU ZHES BYA BA LA SOGS PA SMOS SO, ,'DI LTAR NUS PA YANG CI ZHIG YIN ZHES BYA BA NI MI SNANG BA'I GNAS SKABS NA NI NUS PA'I RANG BZHIN DU RGYU LA GNAS SO ZHES BYA BA NI GRANGS CAN DAG GI YIN DE DPYAD PA'O, ,GAL @250B TE ZHO DE NYID DO ZHE NA, DE KHO NA LTAR ZHES BYA BA LA SOGS PA SMOS SO, ,KHYAD PAR YOD NA DE BZHIN DU 'BYUNG BA YIN NO ZHES BYA BA 'DAS MA THAG TU SMRAS ZIN TO, ,GAL TE 'BRAS BU ZHO DE LAS NUS PA GZHAN NO ZHE NA, JI LTAR GZHAN ZHES BYA BA LA SOGS PA SMOS SO, ,RIGS PA DE DAG GIS RGYU DANG 'BRAS BU'I GNAS SKABS DAG RANG BZHIN GZHAN NYID DU RAB TU BRJOD PA YIN NO, ,DE LTAR GZHAN GYI DON GYI RJES SU DPAG PA'I MTSAN NYID DANG DAM BCA' BA'I MTSAN NYID DAG BSHAD NAS, DA NI GTAN TSIGS BSHAD PAR 'DOD NA PHYOGS KYI CHOS ZHES BYA BA SMOS TE, MTHUN PA'I PHYOGS LA YOD MED RNAM GNYIS TE, ,DE LA YOD PA DANG MED PA DANG RNAM GNYIS SO, ,PHYOGS KYI CHOS LA YANG RNAM GSUM STE, DE LA YOD PA DANG MED PA DANG GNYI GA YIN PA'O, ,DE BZHIN DU MI MTHUN PA'I PHYOGS LA RNAM PA GSUM MO, ,SO SOR ZHES BYA BA NI MTHUN PA'I PHYOGS LA SOGS PA LA YANG SO SOR RNAM PA GSUM ZHES SBYAR RO, ,GAL TE GTAN TSIGS PHYOGS KYI CHOS YIN NA BSGRUB PAR BYA BA DANG DAM BCA' BA DANG, PHYOGS DAG MING GI RNAM GRANGS YIN PA'I PHYIR BSGRUB PAR BYA BA'I CHOS ZHES BYA BAR 'GYUR LA, DE LTAR NA RTAGS DON MED DE BSGRUB PAR BYA BA GRUB ZIN PA'I PHYIR RO, ,MA GRUB NA NI GZHI MA GRUB PAR 'GYUR RO ZHE NA, PHYOGS NI CHOS CAN TE, NYE BAR BTAGS PA'I PHYIR RO, ,SGRA'I DON DNGOS LA GNOD PA YOD CING BTAGS PAS GNOD PA SPONG PA DANG, GDAGS PA'I RGYU MTSAN YOD NA GDAGS PAR BYAS NA, 'DIR SLOB DPON DBANG PHYUG SDE NA RE DGOS PA MED PA'I PHYIR GDAGS PAR MI BYA'O ZHE NA, DGOS PA MED PA MA YIN TE, CHOS CAN THAMS CAD KYI CHOS NI BSGRUB PAR BYA BA'I CHOS CAN GYI DANG PO'I CHOS CAN GYI DANG GNYI GA MA YIN PA'I CHOS CAN GYI CHOS TE, DU BA DANG MIG GIS GZUNG BA DAG DANG, KHA BZANG DKAR TE KHVA'I GANG PA'I PHYIR ZHES BYA BA GO RIMS BZHIN NO, ,DE THAMS CAD GTAN TSIGS YIN PA DGAG PA'I DON YIN PA'I PHYIR DGOS PA YOD PAS SO, ,DGOS PA DE YANG JI LTAR 'GRUB CEN, BSGRUB PAR BYA BA'I PHYOGS DE'I PHYOGS GCIG YIN BA'I PHYIR TE, CHOS CAN YIN PA'I PHYIR PHYOGS @251A *, ,ZHES SPYI NYE BAR GDAGS SU RUNG BA'I CHOS CAN DE 'DRA BA RTOGS PAR BYA BA'I PHYIR YIN PAS PHYOGS SU GDAGS SU MI RUNG BA'I CHOS CAN DAG SEL BAR BYED DO, ,DE LTAR NA YANG ZHES BYA BA NI PHYOGS MA YIN PA'I CHOS CAN SEL BA NA'O, ,MIG GIS GZUNG BAR BYA BA YIN PA'I PHYIR ZHES BYA BA LA SOGS PA DE KHRA'I GNAG BA ZHES BYA BA DAG SPANGS PA YIN TE, DE DAG PHYOGS KYI CHOS MA YIN PA'I PHYIR RO, ,GAL TE 'DIR CHOS CAN GYI CHOS ZHES BRJOD PAR BYA STE, DE LA CHOS ZHES SMRA BAS KYANG GZHAN LA LTOS PA YIN PA'I PHYIR CHOS CAN DON GYIS RTOGS PAS CHOS CHOS CAN LA BRTEN PA TZAM DU GRUB STE RTOGS SO, ,DER CHOS CAN ZHES SMOS PA BSGRUB PAR BYA BA'I CHOS CAN YIN PAR SHUGS KYIS 'GRUB PO ZHES SBYAR RO, ,CI'I PHYIR ZHE NA, NYE BA YIN PA'I PHYIR TE, GTAN TSIGS NI BSGRUB PAR BYA BA'I RGYU YIN LA, DE YANG BSGRUB PAR BYA BA'I CHOS CAN LA YOD PA RGYU YIN GYI, DPE LA SOGS PA LA YOD PA MA YIN TE GRUB ZIN PA'I PHYIR DANG, GTAN MI NUS PA'I PHYIR RO ZHE NA, DPE'I CHOS CAN YANG NYE BA YIN PA'I PHYIR TE, 'DI LTAR 'BREL PA DE GRUB PAS BSGRUB PAR NUS KYI, GZHAN DU NI MA YIN PA DE YANG DPE LA YOD PAS 'GRUB PAS DPE'I CHOS CAN YANG 'GRUB PAR BYED PA'I DON GYIS NYE BA'I PHYIR RO, ,GAL TE MTHUN PA'I PHYOGS LA YOD CES SMRAS PA'I PHYIR DPE'I CHOS CAN BSHAD ZIN PAS SO, ,BSHAD PA BYED PA 'DI YIS TE, ,CHOS ZHES BYA BAS CHOS CAN RTOGS PA LA YANG CHOS CAN SMOS PAS NYE BA'I PHYIR, BSGRUB BAR BYA BA'I CHOS CAN DU GRUB PA DANG, DE LAS YANG DPE'I CHOS NYE BAR BRTZAD PA NA MTHUN PA'I PHYOGS LA YOD CES SMOS PA'I PHYIR ZHES BYA BA 'BAD PA SPANG PA'O, ,PHYOGS ZHES SMOS PAS LEGS PAR BZHAG PAR 'GYUR TE, PHYOGS KYI YAN LAG GI CHOS CAN NO ZHES SPYI YAN LAG LA BTAGS PAS TSIGS CHUNG DUS RTOGS PA'I PHYIR RO, ,DE LTAR YANG SLOB DPON NYID KYIS, SPYI NI BSGRUB BYA YIN PA'I PHYIR, ,CHOS SAM YANG NA CHOS CAN NI, ,GTZO BO MING YANG PHYOGS GCIG PHYIR, ,BSGRUB BYA NYID DU NYE BAR GDAGS, ,ZHES GSUNGS SO, ,GAL TE GTAN TSIGS @251B NI SGRUB PAR BYED PA YIN LA, DE YANG BSGRUB PAR BYA BA'I CHOS CAN KHO NA BSGRUB PAR BYA BA YIN PA'I PHYIR, SGRUB PAR BYED PA YANG DE'I CHOS KHO NAR GO'O, ,DE'I PHYIR NYE BAR GDAGS PAR MA BYA'O ZHE NA, DON GYIS GO BA NA YANG RTOGS PAR DKA' BA YONGS SU SPANG BA'I PHYIR TE, SGRUB PAR BYED PA'I DON GZUNG NA DPE'I CHOS CAN LA THE CHOM DU 'GYUR BA'I PHYIR RO, ,YANG ZHES BYA BA NI DGOS PA SNGA MAR MA ZAD PA'O, ,DNGOS SAM BRGYUD PA ZHES BYA BA NI MED PA LAS NI MNGON SUM DU'O, ,GZHAN DAG LAS NI BRGYUD BA STE, BSGRUB PAR BYA BA MED PA'I PHYIR KHYAB PAR BYED PA LOG PAS RTOGS MED DO ZHES BRGYUD PAS SO, ,'DI DE KHO NA NYID NI PHYOGS LA YOD PA DANG MED BA DANG GNYI GA YIN PA DAG GO, ,CI RIGS PAR GTAN TSIGS LA SOGS PA STE, GTAN TSIGS DANG GTAN TSIGS LTAR SNANG BA NGES PAR GZUNG BAR BYA'O, ,CIS NGES PAR GZUNG ZHE NA; RANG GI RTOGS PA SGRUB PAR BYED PA STE, PHYOGS KYIS GSUM GYI DE KHO NA NYID DANG, RJES SU 'GRO BA DANG LDOG PA DAG GI DE KHO NA NYID GSUM GSUM DAG RANG GI DE KHO NA NYID RTOGS PA GRUB PAR BYED PA STE, MNGON SUM DANG RJES SU DPAG PA'I TSAD MAS NGES PAR GZUNG BAR BYA STE; PHYOGS KYI CHOS MED DAM THE TSOM ZA BAR TSAD MAS GRUB PA NI MA GRUB PA'I GTAN TSIGS LTAR SNANG BA'O, ,DE LAS BZLOG PA NI GTAN TSIGS SO, ,PHYOGS KYI CHOS GRUB PA LA TSUL LHAG MA GNYIS MA GRUB NA 'GAL BA'O, ,DE GNYIS LA THE TSOM ZA NAM NGES PA'O, ,MI MTHUN PA'I PHYOGS LA MED PA MA GRUB PA NI THUN MONG GI MA NGES PA'O, ,DE NYID LA THE TSOM ZA NA YANG MA NGES PA'O, ,RJES SU 'GRO BA DANG, LDOG PA DAG NYES PAR SMRA NA YANG GTAN TSIGS LTAR SNANG BA'O ZHES GZUNG BAR BYA'O, ,LDOG PA YIN LA THE TSOM DANG GCIG LA MA GRUB PA NI DNGOS PO LA YOD PA YANG YIN PA YANG GZUNG BAR BYA'O, ,TSUL GSUM PO DAG TSANG BA DANG MA TSANG BA DE DAG GI DE KHO NA NYID LA THE TSOM ZA BA DANG PHYIN CI LOG STE, DE KHO NA LTAR MA RTOGS PA GANG YANG GZHAN DU GNAS PA LA GZHAN DU RTOGS PA'O, ,DE LTA BU'I MTSAN NYID KYIS NI 'DOD PA BSGRUB PAR BYA @252A *, ,STE GRUB PAR RO, ,MI 'DOD BA BSGRUB PAR BYA BA STE SUN 'BYIN BA'O MI RTOGS PA'I PHYIR ZHES BYA BA NI MI NUS PA'I PHYIR RO, ,MA NGES PA NI PHYOGS KYI CHOS NYID YIN TE ZHES BYA BA NI GTAN TSIGS DANG 'GAL BA DAG NI PHYOGS KYI CHOS NYID YIN PAR 'GRUB STE, SGRUB PAR BYED PA YIN PA'I PHYIR RO, ,MA NGES PA NI SGRUB PAR MI NUS PA'I PHYIR RO, ,DGOS PAR MI 'GYUR BAS MA SMOS SO, ,MA GRUB PA NI PHYOGS KYI CHOS MA YIN PA NYID YIN NO, ,MA NGES PA NI MTHUN PA'I PHYOGS DANG MI MTHUN PA'I PHYOGS LA YOD BA 'AM MAD PAR NGES PA NI LTOS TE, SROG LA SOGS PA DANG MNYAN BYA DAG DNGOS PO LA GCIG TU NGES PA YIN NA YANG RTOGS PA PO THE TSOM ZA BA'I SGO NAS MA NGES PA'I SKYON DU 'GYUR LA THE TSOM ZA BA'I SKYON DE DNGOS PO LA MA NGES PA YANG MTSUNGS TE, SKYON DE KHO NAS MA NGES PAR 'GYUR BA'I PHYIR RO, ,DE DE LTAR BRJOD PA YANG 'DIR SUN 'BYIN PA NYID YIN NO ZHES BYA BA NI RGOL BA GANG MA NGES PA'I BSGRUB PA DGOD PA LA 'DI MA DES ZHES PHYIR RGOL BAS BRJOD NA YANG SUN 'BYIN PA YIN TE, GZHAN GYI 'DOD PA PHYIN CI LOG TU BYAS PA 'BA' ZHIG TU MA ZAD PA'O, ,RANG GI RTOGS PA SGRUB PAR BYED PA'I TSAD MAS NGES PA LAS GZHAN DU RGOL BA DANG, PHYIR RGOL BA GANG YANG RUNG BA RTAGS TSUL GNYIS SAM GCIG LA THE TSOM ZA BA STE, MTHUN PA'I PHYOGS DANG MI MTHUN PA'I PHYOGS DAG LA YIN NO, ,PHYOGS KYI CHOS MA GRUB NA NI MA NGES PA DANG 'GAL BAR MI 'GYUR BA'I PHYIR GNYIS SMOS KYI GSUM NI MA YIN NO, ,TSUL GCIG PHYIN CI LOG STE MI MTHUN PA'I PHYOGS LA MED PAR PHYIN CI LOG NA'O, ,'DOD BA 'AM 'DOD PA'I GAGS DE LTAR RTOGS PAR BYED PA NI NUS PA MED PA'I PHYIR RO, ,DE'I PHYIR 'DI NI MA NGES PA'O ZHES SUN 'BYIN PAR SMRA BA NA'ANG, 'DI'I PHYIR MA NGES PA YIN TE, DPER NA 'DI LTA BU'I ZHES TSAD MAS NGES PA'I RTAGS LA BRTEN PA YIN NO, ,DE'I PHYIR MNYAN PAR BYA BA NYID THUN MONG MA YIN PA NYID DU BSGRUB PA NI SUN 'BYIN PA'I GTAN TSIGS GNYI GA LAS LDOG PAR MI RIGS PA'I PHYIR ZHES BYA BA LA SOGS BA SMOS SO, ,GNYI GA LAS PHYI ROL DU GYUR BAR MI RIGS BA'I @252B PHYIR ZHES BYA BA NI RTAG PA DANG MI RTAG PA DAG GI DNGOS POS BSDUS PAS PHUNG PO GZHAN MED PA'I PHYIR RO, ,GAL TE GCIG LAS TSAD MAS NGES NA YANG MA NGES PAR MI 'GYUR NA, GCIG LA YOD PAR RTOGS PAR BYED PA'I SGRUB PAR BYED PA STE, TSAD MA YANG MED PA'I PHYIR MI MTHUN PA'I PHYOGS LA 'JUG PA DANG, MI MTHUN PA'I PHYOGS LAS LDOG PA LA THE TSOM ZA BA NYID KYI PHYIR BSGRUB PAR BYA BA DANG, CIG SHOS LAM NGES PA YIN, THUN MONG GI MA NGES PA BZHIN NO ZHES BYA BLTA BU'O, ,GZHAN LAS MA YIN ZHES BYA BA SKYES BU YON TAN MTSUNGS PA DAG LAS GZHAN LAS MA YIN PA'O, ,JI SNYED DU ZHES BYA BA NI SLOB DPON GYIS GSUNGS PA'O, ,'DI GNYIS GCIG TU BSDUS PAS ZHES BYA BA NI RTAG PA DANG MI RTAG PAS BSDUS PA DANG, GCIG TU NGES PA LOG PA DAG GO, ,LDOG PA NGES NA NI PHUNG PO GSUM PA SRID NA'O, ,KHYAD PAR RNAM PAR GCOD PA NI RTAG BA DANG CIG SHOS GNYI GA 'GOG PA'O, ,SMRAS PA NI LE'U GNYIS PAR RO, ,GAL TE NGES PA'I GTAN TSIGS ZHES BYA BA NI YANG DAG PA'I GTAN TSIGS SO, ,SMRA BA'I SKYON NI RJES SU 'GRO BA PHYIN CI LOG LA SOGS PA SMRAS PAS SO, ,DE YANG ZHES BYA BA NI YANG DAG PA'I RTAGS NYE BAR SMRAS PA'O, ,GCIG TU MA NGES PA NI MA YIN NO ZHES BYA NI DNGOS PO'I NGO BOS NI NGES PA MA YIN PA'O, ,DNGOS PO'I MTSAN NYID STON PA'I PHYIR TE, DE'I RGYUS NGES PAR MA YIN TE, SMRA BA'I SKYON GYIS BYAS PA'I PHYIR TE, 'ON KYANG DNGOS POS NI MA NGES PAR MI 'GYUR RO ZHES BYA BA STE; 'DI'I BSAM PA CI ZHE NA, MNYAN PAR BYA BA DANG SROG LA SOGS PA RTOGS PAR NGES PAR MA GRUB KYANG DNGOS PO LA NI NGES PA ZHIG YOD PA'I PHYIR RTAGS SU 'GYUR RO SNYAM PA'O, ,GZHAN GYIS DON GYI RJES SU DPAG PA NI DNGOS PO'I CHOS NYI TSE LA YANG DAG PAR BRTEN TE'O, ,SMRA BA'I SKYON SPANGS TE PHA ROL GYIS RTOGS PAR BYA BA'I PHYIR YIN LA DE YANG SGRA LA LTOS PA'I PHYIR RO, ,GAL TE DE LTA YIN NA ZHES BYA BA NI MA NGES PA YIN TE, 'DI'I PHYIR RO ZHES BYA BA SUN 'BYIN PA YIN NO, ,PHYOGS KYI CHOS GCIG LA MA GRUB BA 'AM ZHES BYA BA SMOS TE, GAL TE MA @253A *, ,GRUB BA NI GCIG LA MA GRUB PAS NA MA GRUB PA YIN NA THE TSOM DANG, GCIG LA MA GRUB PA NI DNGOS PO LA YANG YIN NO SNYAM DU BSAMS PA'O, ,'DOD PA MI 'THOB PAS DE NI DE LTAR YIN NO ZHES BYA BA NI, RGOL BA GANG MA GRUB PA'I GTAN TSIGS KYIS BSGRUB PA SMRA PA DE LA PHYIR RGOL BAS 'DI'I PHYIR 'DI MA GRUB PO ZHES SMRAS NAS, RGOL BA'I 'DOD PA DANG STE BSGRUB PAR BYA BA MI 'THO BA [*'THOB?] STE, DE'I GAGS SU 'GYUR BA'I PHYIR RO, ,DE NI DE LTA YIN TE SUN 'BYIN PA YIN NO, ,PHYIN CI LOG THOB PA MED PAR YANG SUN 'BYIN PA YIN NAM STE SUN 'BYIN PA NI PHYIR RGOL BA MI 'DOD PAR BYAS PA'AM TSUL PHYIN CI LOG TU BYAS PA 'BA' ZHIG YIN NO SNYAM PA'O, ,SGRUB PAR BYED PA'I GAGS BYED NUS PAS SUN 'BYIN PAR GZHAG STE, 'DI NI THE TSOM ZA BA'AM, GCIG LA MA GRUB PA'O ZHES SMRAS NA, NGAG DES GTAN TSIGS LTAR SNANG BA DE'I NGO BOR RTOGS PAR BYED PA'I PHYIR BSGRUB PAR BYA BA 'GRUB PAR BYA BA'I GAGS BYED NUS PA'I PHYIR RO, ,GAL TE MIG GIS GZUNG BA NYID GTAN TSIGS KYI MTSAN NYID GNYI GA LA GRUB PA LAS PHYIN CI LOG YIN NO ZHE NA, 'DI LA YANG ZHES BYA BA NI THE TSOM ZA BA DANG GCIG LA MA GRUB PA'O, ,MA NGES PA NI NGES PA MED PA DE'I PHYIR SGRUB PA NI MA YIN LA DE DE KHO NA LTAR PHYIR RGOL BAS BRJOD NA NI SUN 'BYIN PA YIN TE, PHYIR RGOL BA BRJOD PA DES RGOL BA'I 'DOD PA LA GAGS NUS PAS SO, ,MA GRUB PA YANG DE BZHIN NO, ,DE'I PHYIR GTAN TSIGS DANG 'GAL BA DAG KHO NA RANG GI KHYAB PAR BYED PA LA NGES PA'I PHYIR, GNYI GA SGRUB PA YANG YIN LA SUN 'BYIN PA YANG YIN TE, PHA ROL GYI 'DOD PA LA GAGS NUS PA'I PHYIR RO, ,PHYOGS KYI CHOS DGUR BSTAN PA ZHES BYA BA NI GANG MIG GI CHA DGUR GRAGS PA'O, ,DE NYID GANG ZHE NA, GZHAL BYA YIN PA'I PHYIR ZHES BYA BA LA SOGS PA'O, ,'DI DAG GO RIMS BZHIN DU CHAR GONG MA DANG, BAR MA DANG THA MA RNAMS SU YI GE'I PHRENG GI RIM PA LTAR RIM GYIS MA 'KHRUGS PAR BRI BAR BYA'O, ,DE LTAR NA MTHUN PA'I PHYOGS LA YOD PA DANG MED PA DANG GNYI GA DANG, MI MTHUN PA'I PHYOGS LA @253B YOD PA DANG, MED PA DANG GNYI GA DAG GI DBYE BA DANG, GTAN TSIGS DANG 'GAL BA DANG MA NGES PA'I DBYE BA DAG CHA SO SOR PHYE BA RTOGS PAR 'GYUR TE, PHRENG BA'I LUGS DANG MTHUN PAR BRTAGS PAS NI MTHUN PA'I PHYOGS KYI GSUM MO, ,GYEN THUR DU BRTAGS PA GSUM GYIS NI MI MTHUN PA'I PHYOGS LA GSUM MO, ,'DIR PHYOGS KYI CHOS KYI TSE DBYE BA YIN PA'I PHYIR MA GRUB PA NI MED DO, ,STENG DANG 'OG GI GTAN TSIGS SO, ,G-YAS G-YON DAG GIS 'GAL BA'O, ,ZUR BZHI NI THUN MONG GI MA NGES PA DAG GO, ,DBUS NI THUN MONG MA YIN PA'O; ,DE NYID KYI MTSAMS DANG PO DANG DBUS KYI RTZOD PA GNYIS SO, ,MTSAMS LHAG MA GSUM GYIS NI LDOG PA GRUB PA'O, ,PHYOGS BZHI RANG BZHIN 'BRAS BU'O, ,GZHAL BYA BYAS PA MI RTAG PA, ,BYAS PA SROG SOGS RTZOL LAS SKYES, ,MI RTAG RTZOL DANG REG BYA MIN, ,GTAN TSIGS DGU RU GRAGS PA YIN, ,RTAG DANG MI RTAG RTZOL 'BYUNG DANG, ,RTAG DANG BDAG BCAS RTAG NYID DANG, ,RTZOL 'BYUNG MIN DANG MI RTAG RTAG ,BSGRUB BYA'I CHOS SU RAB TU GRAGS, ,ZHES BYA BA BSDU BA'I TSIGS SU BCAD PA'O, ,GTAN TSIGS MED PAR 'GYUR BA MA YIN NAM ZHES BYA BA NI PHYOGS DANG MTHUN PA'I PHYOGS DAG KYANG MI MTHUN PA'I PHYOGS SU 'GYUR BA'I PHYIR RO, ,CI'I PHYIR ZHE NA, CHOS THAMS CAD CES BYA BA BSGRUB PAR BYA BA'I CHOS LA GZHAN PHYOGS DANG MI MTHUN PA'I PHYOGS YOD PA RNAMS SO, ,DE DAG BSGRUB PAR BYA BA LAS GZHAN YIN PA'I PHYIR LA, DE DANG LDAN PA'I BYE BRAG DE DAG KYANG MI MTHUN PA'I PHYOGS GZHAN PAR 'GYUR BA'I PHYIR RO, ,CHOS GZHAN DANG LDAN PA NI SER SKYA'AM MANG DU ZA BA'AM, RING BA NYID DANG NGO, ,BRJOD PAR 'DOD PA BRAM ZE'I RIGS LAS SKYES PA'O, ,DE MI BRTEN TE MED NA 'DOD SER SKYA LA SOGS PA BRAM ZE LAS GZHAN YIN PA'I PHYIR BRAM ZE MA YIN PAR 'GYUR RO, ,YUL GZHAN LA NI ZHES BYA BA NI MTHUN PA'I PHYOGS LA SOGS PA LA'O, ,YANG NA CHOS GZHAN PA DAG GO, ,DE MA YIN PA'I SGRUB PAS RNAM PAR PHYE NAS ZHES BYA BA MI MTHUN PA'I @254A *, ,PHYOGS NI MTHUN PA'I PHYOGS MA YIN PAR BSTAN NAS TE, CI'I PHYIR ZHE NA, BRJOD PAR 'DOD PAS BSGRUB PAR BYA BA'I CHOS DANG MI LDAN PAS BYE BRAG TU BYAS NAS 'JUG STE, RTOGS PAR BYED PA'I PHYIR DE DANG MI LDAN PA'I MTSAN NYID PHYOGS LA SOGS PA LA MED PA'I PHYIR RO, , RNAM PA DE LTA BU MI SRID CES BYA BA NI SPYI 'BA' ZHIG LAS CHOS GZHAN DANG MI LDAN PA'O, ,BRJOD PAR 'DOD PA'I CHOS DANG LDAN PAR CHOS GZHAN MA SPANGS PAS MTHUN PA'I PHYOGS SU BYED PA DE'I PHYIR RO, ,'ON KYANG CHOS DES ZHES BYA BA NI BRJOD PAR 'DOD PA BSGRUB PAR BYA BA'I CHOS DES SO, , RTZOD PA'I PHYIR ZHES BYA BA NI 'DI DAG GTAN TSIGS NYID YIN PAR KHA CIG 'DOD LA GZHAN NI DE 'GOGS PAS SO, ,DE LTAR NA 'DIR KHA CIG NI RTZOD PA MED KYANG, DGOS PA GZHAN GYIS DPER BRJOD PA YANG YOD PAR STON TO, ,BRTZAL MA THAG TU BYUNG BA'I SHES PA MI RTAG PA'I 'BRAS BU ZHES BYA BA NI SGRA MI RTAG PA'I 'BRAS BU'O, ,'DIR BRTZAL MA THAG TU BYUNG BA'I SHES PAS RGYU MI RTAG PAR GRUB PAS, DE'I RGYU SGRA YANG MI RTAG PAR SGRUB PAS RIG BYED KYI SGRA RTAG PAR SMRA BA DAG GIS 'DRI BAR BYED PA'O, ,SNGA NA YOD PA LA ZHES BYA BA NI RTAG PA'I SGRA BRTZAL MA THAG PA'I SHES PA'I GONG NAS YOD PA'O, ,DE LTAR NA SGRA RTAG TU YOD PA'I PHYIR DE'I 'BRAS BU SHES PA YANG RES 'GA' BAR MI 'GYUR RO, ,GAL TE RTZOL BA LAS SGRA LA LHAN CIG BYED PAS DE'I DBANG GIS SHES PA RES 'GA' BAR 'GYUR RO ZHE NA, DE LA SKYES BU'I RKAN DANG 'DOD PA LA SOGS PAS BRTZAL MA THAG TU BYUNG BA'I SHES PA ZHES BYA BA NI, DE LA NYE BAR SBYOR BA MED CES BYA BAR SBYAR RO, ,NYE BAR SBYOR BA 'BRAS BU NGES PA MI 'BYUNG BA'I PHYIR RO, ,GAGS SAM ZHES BYA BA NI DE BSAL BA'O, ,DBANG PO LA YANG NYE BAR SBYOR BA SBYAR TE, DES DBANG PO SBYOR BAR MI BYED PA'O, ,GAGS MI SRID PA ZHES BYA BA NI SHES PAS DMIGS PA'AM, MI DMIGS PA'I RANG BZHIN DU RTAG PA'I PHYIR RO, ,DUM BUR MI BYED CES BYA BA NI THOS PAR RUNG BA LA MI RUNG BAR MI BYED NA'O, ,CUNG ZAD KYANG KHYAD PAR DU BYED DO ZHES BYA BA NI DUS MNYAM PA'I RTZIG PAS SO SNYAM DU DGONGS PA'O, ,RNAM PAR SHES @254B PA'I RGYU YIN TE ZHES BYA BA NI YUL LA SOGS PA PHAN PAR BYED PAS NUS PA MTHAR THUG PAR 'GYUR BA RNAMS SO, ,NYE BAR BSKYED PAR BYA BA MA YIN PA NI SGRA RTAG PA'O, ,LTOS PAR MI RIGS PA NI LHAN CIG BYED PA'O, ,CI'I PHYIR ZHE NA, MI NUS PA'I RANG BZHIN DU RTAG PA'I PHYIR RO, ,LHAN CIG BYED PAR NUS PA CAN DE RNAMS ZHES BYA BA NI YUL DANG DBANG PO LA SOGS PA MI RTAG PA RNAMS SO, ,GAGS RTZIG PA LA SOGS PA YOD NA SNANG BA ZHES BYA BA MED PA'I PHYIR RAM RGYU MI NYE BA'I PHYIR RO, ,SNGAR SKYED PAR NUS PA DE GAGS SAM ZHES BYA BA NI, DE MA 'GAGS NA GAGS BYA PAR MI NUS PA'I PHYIR RO, ,DE 'GAGS KYANG GAGS MED NA YANG SHES PA SKYED NUS BA SKYE BA SRID PAS GAGS YOD NA ZHES BYA BA SMOS TE, RGYU'I 'PHEN PA ZAD PAS RGYUN CHAD PA YANG RTOGS PAR BYA'O, ,DE'I RANG BZHIN MA NYAMS PA'I PHYIR RO ZHES BYA BA NI NUS PA DE'I GAGS BYA BAR MI NUS TE NUS PA'I RANG BZHIN GRUB PA'I PHYIR RO, ,GAGS BYA BAR NUS NA NI NUS PA'I RANG BZHIN YANG MA YIN NO, ,DE'I RANG BZHIN MA NYAMS PA'I PHYIR RO ZHES BYA BA NI GAGS BYED PA'I TSE YANG NUS PA'I RANG BZHIN MA NYAMS BA STE, DNGOS PO'I RANG BZHIN NUS PA GRUB PA NI YANG MI NUS PA'I PHYIR MI 'GYUR RO, ,MI RTAG PA DAG KYANG GRUB PA'I RANG BZHIN BZLOG TU MI RUNG NA RTAG PA LTA GA LA RUNG, YANG ZHES BYA BA NI RNAM PAR BRTAG PA GZHAN TE, SKAD CIG MA'I RANG BZHIN ZHES BYA BA MI RTAG PA BUM PA LA SOGS PA'O, ,PHAN TSUN DE RTZIG PAS KYANG BUM PA'I NYE BAR LEN PA DANG LHAN CIG SHES PA MI SKYED PA'I RANG BZHIN GYI BUM PA'I SKAD CIG MA GZHAN SKYED PA NYID DU SRID PA'O, ,DES NA SGRIB PA LAS RANG BZHIN DUM BUR BYED DO, ,GZHAN DU ZHES BYA BA NI KHYAD PAR DU BYED PA LAS GZHAN DU KHYAD PAR MI BYED NA'O, ,CUNG ZAD KYANG MI BYED NA NI ZHES BYA BA NI BUM PA LA SOGS PA LA LHAN CIG BYED PAS KHYAD PAR DU MI BYED NA'O, ,DE LTAR GAGS RTAG PAR 'GYUR TE GAGS MI BYED PAS SO, ,RTAG PAS DE BZHIN DU MI 'GYUR GYI ZHES BYA BA NI GAGS RTAG PAS SO, ,DE LTA BU MED DE ZHES BYA BA NI SHES PAS RES 'GA' DMIGS PA'I @255A *, ,PHYIR RO; ,DES KHYAD PAR DU BYED PA CAN DU RTOGS SO ZHES BYA BA NI GAGS KYIS SO, ,DON DE LAS THOB PA'I KHYAD PAR ZHES BYA BA NI LHAN CIG BYED PA'I DON DE LAS THOB PA'I KHYAD PAR DE, RANG BZHIN GYI 'BRAS BU NYE BAR SBYOR TE SKYED DO ZHES ZER RO, ,GYIS SHIG STE KHYOD NYID KYIS RTAG PAR 'DOD PA NYAMS PAR 'GYUR RO SNYAM DU DGONGS PA'O, ,'BRAS BU CUNG ZAD BYED NA SGRA DE SNGAR GYI STE PHAN PA MA BYAS PA'I RANG BZHIN NO, ,NGES BA ZHES BYA BA NI RTAG PA'O, ,MI 'GYUR TE ZHES BYA BA NI MED DO ZHES BYA BA'I DON TO, ,GAL TE LHAN CIG BYED PA DE'I PHAN PA SGRA LAS DON GZHAN YIN NO ZHE NA, DE'I PHAN PA DON GZHAN PA NYID CES BYA BA LA SOGS PA SMOS SO, ,DE LA YANG ZHES BYA BA PHAN PA DON GZHAN DE LAS SHES BA SKYE PA LA'O, ,DE SHES PA MA YIN PAR 'GYUR TE ZHES BYA BA NI SGRA DE SHES PA DES SHES PAR MI 'GYUR TE, SGRA LAS GZHAN PA'I PHAN PA DANG 'BREL GYI SGRA DANG NI MA YIN PAS SO, ,DBANG PO 'AM NYE BA DAG LA LHAN CIG BYED PAR LTOS PA MA YIN TE ZHES BYA BAR SBYAR RO, ,BDAG GAM ZHES BYA BA NI BDAG NYID KYI KHYAD PAR TE RANG LAS THA DAD PA'I KHYAD PAR GYIS NI RTAG PA LA KHYAD PAR MI SKYED PA'I PHYIR DANG, RANG NYID LAS THA DAD PA YANG MI SRID PAS SO; ,GZHAN YANG RUNG ZHES BYA BA NI SNGA MA DAG LAS GZHAN PA STE, SKYES BU'I RTZOL BA LA SOGS PA'O, ,THAMS CAD KYIS ZHES BYA BA NI DBANG PO LA SOGS PAS SO, ,DE DAG GIS ZHES BYA BA NI SGRA NYID LA NYE BAR SBYOR BA MI RIGS PAR BSHAD PA DAG GIS SO, ,SGRA 'AM DBANG PO ZHES BYA BA NI SGRA GCIG PO MA YIN GYI DBANG PO DAG LA RTZOL BA LA SOGS PAS PHAN PAR BYED PA'O, ,LHAN CIG BYED PAR NYE BAR SBYOR BA'I PHYIR LA ZHES BYA BA NI PHAN PAS BYAS PA'I DBANG POS SGRA LA LHAN CIG BYED PAR NYE BAR SBYOR BAR 'GYUR TE, MA SBYAR NA DBANG PO DGOS PA MED PA'I PHYIR RO, ,RTAG TU DMIGS PAR 'GYUR TE ZHES BYA BA NI SHES PA'I RGYU NUS PA SKYE BA DANG NYAMS BA MED PA'I PHYIR RO, ,CI'I PHYIR SKYE BA DANG NYAMS PA MED CE NA, 'DI LTAR GAL TE ZHES BYA BA SMOS TE, SGRA NI RTAG PA NYID DU 'DOD LA, DE NI GANG LAS KYANG NUS PA 'THOB PA PA 'AM NYAMS PA MED NA RTAG PAR 'GYUR RO, ,GAL @255B TE NUS PA SGRA LAS DON GZHAN YIN NO ZHE NA, SHES PA SKYED PA'I NUS PA ZHES BYA BA LA SOGS PA SMOS TE, DON MED PA ZHES BYA BA NI SGRA RTAG PA GZHAN LA MI LTOS PA'I PHYIR RO, ,DON GZHAN PA NYID KYI SKYON NI SNGAR BSHAD PA LTAR DON GZHAN DE DANG SHES PAR 'BREL GYI SGRA SGRA DANG MA YIN PA'I PHYIR SGRA DE SHES PAS MI SHES PA'O, ,'BAD PA MA BYAS SAM 'BAD PA RDZOGS TE RGYUN CHAD NA'O, ,RES 'GA' YANG SGRA DMIGS PA MED DO, ,DE'I PHYIR ZHES BYA BA NI DMIGS PA GNYIS DANG LDAN PA DE'I PHYIR RO, ,DE'I BDAG NYID LAS ZHES BYA BA NI SGRA'I RANG GI NGO BO LA'O, ,PHAN PA 'GA' ZHIG SRID DE ZHES BYA BA NI RTZOL BAS SO, ,RGYU'I CHOS MTHONG BA'I PHYIR ZHES BYA BA NI RJES SU 'GRO BA DANG LDOG PA BSHAD MA THAG PA'O, ,GAL TE DE LTAR NA RTZOL BA'I RJES SU 'GRO BA DANG LDOG PAS MI RTAG PAR 'GYUR GYI, SHES PAS NI MA YIN NO ZHE NA, RTZOL MA THAG TU SHES PA STE ZHES BYA BA SMOS TE; BRTZAL MA THAG TU BYUNG BA'I SHES PA YOD PA'I PHYIR ZHES RTAGS SU BYED KYI SHES PA TZAM DU NI MA YIN NO, ,DE YANG BRTZAL MA THAG TU BYUNG BA SGRA LA DMIGS PA'I SHES PA ZHES BYA BA'I DON TO, ,DE YANG SGRA BRTZAL MA THAG TU BYUNG BA LTAR SHES PA YANG DE BZHIN NO, ,SNGAR YOD NGES PA NYID KYIS MING, ,ZHES BYA BA NI BRTZAL BA LAS SNGAR YONG PAR NGES PA STE, RTAG PA NYID KYI SGRA SHES PA SKYES PA NI MA YIN PA'O, ,GAGS DANG DBANG PO DAG LA LHAN CIG BYAS PAS PHAN PA SRID KYANG SGRA RTAG PA LA NI GANG GIS KYANG BYE BRAG TU MI BYED DO, ,DE'I GAGS BSAL BA DANG, DBANG PO LA PHAN BTAGS PA GANG LA YANG LTOS PA MED PA'I SGRA RES 'GA' YANG 'BRAS BU RNAM PAR SHES PA MI BYED PA 'GAL BA'I PHYIR RO, ,SHES PA 'DI 'DRA BA NI BRTZAL MA THAG TU BYUNG BA 'AM RES 'GA' BA'O, ,DE DAG CES BYA BA NI MI RTAG PA'I'O, ,DPE'I YUL LA ZHES BYA BA NI BRTZAL BA LAS BYUNG BA'I DPER BRJOD PA'I YUL LA'O, ,DE'I BDAG NYID DU ZHES BYA BA NI RANG BZHIN GYI GTAN TSIGS SU'O, ,GAL TE 'O NA GZHAL BAR BYA BA LA SOGS PA CI'I PHYIR BSTAN CE NA, GTAN TSIGS BYE BRAG TU RTOGS PAR BYA BA'I PHYIR ZHES BYA BA SMOS TE, GTAN TSIGS DANG @256A *, ,DER SNANG BA DAG GO, ,DE NYID YIN NO ZHES BYA BA NI RANG GI DON GYI RJES SU DPAG PAR BSHAD PA'I MTSAN NYID GSUM NI GTAN TSIGS KYI MTSAN NYID YIN LA, DE DAG MA TSANG BA NI CI RIGS PAR GTAN TSIGS LTAR SNANG BA'O, ,BYE BRAG RTOGS PAR BYA BA YIN PA DE NYID KYI PHYIR; 'BRAS BU'I RTAGS KYI DPER BRJOD PA NI BRTZAL MA THAG TU BYUNG BA'I SHES PA'O, ,RANG BZHIN GYI PHYOGS GCIG NI BRTZAL MA THAG TU BYUNG BA'I SKYE BA'O, ,CHA NI BRTZAL MA THAG TU BYUNG BA'I STE, CHA CIG SHOS RANG BZHIN GYI RTAGS KYI CHA SGRA BRTZAL MA THAG TU BYUNG BA'I SKYE BA'O, ,GAL TE 'BRAS BU DANG RANG BZHIN GYI DBYE BA NYID CI DGOS SHE NA, GANG MED NA MI 'BYUNG BA YOD PA'AM ZHES BYA BA SMOS TE, RANG BZHIN THA DAD PA DAG MED NA MI 'BYUNG BA YOD PA'O, ,LDAN PA CAN NI RJES SU DBYUG PA DANG 'BREL BA STE, THA DAD PA'I 'BREL PA'O, ,SOGS PAS NI 'DU PA'I 'BREL PA STE, DE NI THA MI DAD PA LTAR BYED PA'O, ,GANG YANG DON GCIG LA 'DU BA STE GZHI GCIG PAR BYED PA'O, ,DE 'DRA BA'I 'BREL BA NI MED NA MI 'BYUNG BA'O, ,DE NYID KYI PHYIR, 'KHRUL PA SRID PA CAN NYID PHYIR, ,ZHES BYA BA LA SOGS PA SMOS SO, ,MI DMIGS PA'I ZHES BYA BA GTAN TSIGS YOD NA SNANG BAR RUNG BA LAS MA DMIGS PA'O, ,MED PA NI BSGRUB PAR BYA BA STE MED PA'I THA SNYAD DU RUNG BA'O, ,MI DMIGS PA LAS GZHAN MA YIN ZHES BYA BA NI GTAN TSIGS LAS GZHAN MA YIN PA'O, ,GAL TE DE LTA NA MI DMIGS PA'I RTAGS KYIS CI ZHIG SGRUB CE NA, DE'I RGYU MTSAN CAN SHES PA DANG SGRA DAG STE SNANG BA MI DMIGS RGYU CAN GYI MED PA'I THA SNYAD RMONGS PA LA BSGRUB PA'O, ,JI LTAR DE BZHIN DU RTOGS PAR BYA ZHE NA, ZHES BYA BA NI RGYU YOD PAS 'BRAS BU YOD PAR SGRUB PA'O, ,'DI YI THA SNYAD GRUB 'GYUR NA, ,ZHES BYA BA NI DPE LA STE, SNGON GNAS KHANG NA SBRUL SNANG DU RUNG BA MI DMIGS PA'I MED DO ZHES THA SNYAD DU RUNG BAR GRUB PAR 'GYUR BA LA'O, ,DPE LA 'BREL PA DE GRUB PA LA PHYIS YUL GANG NA SNANG BA MI DMIGS PA CAN DE LA YANG YOD NA SNANG DU RUNG BA LAS MI SNANG BA'I PHYIR, MED BA'I THA SNYAD DU RUNG BA YIN TE GNAS KHANG @256B BZHIN NO ZHES BRJOD PAS, SNANG BA MI DMIGS PA DE'I 'BRAS BU NYID BLO SGRA YANG 'GRUB STE, DE'I 'BRAS BU KHYAB BA'I PHYIR RO, ,LAN 'GA' MA YIN PAR KUN DU DPYAD ZIN PA NI DPE NGES PAR KHYAB PA RTOGS PA'O, ,SPYI DRAN PA YANG DRAN PAR 'GYUR, ZHES BYA BA NI SNANG DU RUNG BA MTHONG BAR NGES NA MED PA'I THA SNYAD DU RUNG BA'O ZHES BYA BA DRAN PA STE, CHOS CAN GYI BYE BRAG TU MA BYAS PA'O, ,DE NYID DPE'I CHOS CAN LA NI NGES BAS DRAN PAR BYED PAS SO, ,MTHONG BA DANG MA MTHONG BA NYID KYIS GRUB CES BYA BA NI, DBE BRJOD PA STE, MNGON SUM DANG MI DMIGS PAS CHOS THA DAD PAS RJES SU 'GRO BA DANG LDOG PA RTOGS PAS RGYU DANG 'BRAS BU'I RANG BZHIN GRUB BA NYID YIN YANG RMONGS PAS RGYU DANG 'BRAS BU THA SNYAD MI SHES PA LA RJES SU 'GRO BA DANG LDOG PA'I PHYIR 'BRAS BU DANG RGYU DANG NGO BO ZHES THA SNYAD RTAGS DANG RTAGS CAN THA DAD PA LTAR SNANG BA NI BRTAGS PA THA DAD KYI RANG GI NGO BOR MA YIN PA BZHIN NO, ,THA SNYAD KYI DE TZAM DU GZHAN DU 'GRUB STE ZHES BYA BA NI DE TZAM DU ZHES BYA BA BSGRUB PAR BYA BA DANG GTAN TSIGS KYI THA SNYAD PA'O, ,GZHAN DU ZHES BYA BA NI DPE LA'O, ,YANG NA THA DAD PAR RO, ,KHYAD PAR MED PA'I PHYIR RO, ,ZHES BYA BA NI DON DAM PAR RO, ,GAL TE MI DMIGS PA DE NYID JI LTAR GRUB CES BYA BA NI SNANG BA MI DMIGS PA NYID GANG GIS GRUB CES BYA'O, ,MED PA DE YANG ZHES BYA BA NI MI DMIGS PA NI SHES PA MED PA YIN PAR BSAM PAS SO, ,GCIG DMIGS PA'I MTHU YIS ZHES BYA BA NI MI DMIGS PA MNGON SUM GYIS 'GRUB PAR STON TO, ,RANG GI YUL GYI SHES PA MED PA LAS ZHES BYA BA NI GZHAN GYI LUGS DGAG PA STE, PHA ROL KHA CIG NI DE LA DMIGS PA'I SHES PA MED PAS MED PAR SMRA'O, ,RANG BZHIN KHYAD PAR CAN GYI SHES PA YOD PA ZHES BYA BA NI DGAG PAR 'DOD PAS DBEN PA'I SHES PA YOD PA LAS SO, ,THAMS CAD MI RTOGS NA ZHES BYA BA NI PHA ROL 'DOD PA LTAR SHES PA MED PA TZAM GYIS DES DBEN PA'I CHOS DMIGS PA MA YIN NA'O, ,GANG LA ZHES BYA BA NI CHOS CAN GANG LA'O, ,'DI DMIGS LA GZHAN NI MI DMIGS PA'O ZHES BYA BA NI PHYOGS DBEN PA 'DI DMIGS @257A *, ,LA; DGAG PAR 'DOD PA MI DMIGS PA'O, ,GAL TE NYAMS SU MYONG BA YANG GANG GIS GRUB CE NA, RANG GI NGO BO'I BYE BRAG YANG DAG PAR MYONG BA STE, RANG RIG PA LAS SO, ,DE LTA BAS NA SHES PA BDAG NYID KYI BYE BRAG STE, RANG NYID PHYOGS DBEN PA RTOGS PA'O ZHES SHES PA BDAG NYID KYIS GRUB CING DE NYID KYI YUL GYI DON GYI BYE BRAG STE, 'DI NI DMIGS LA 'DI NI MI DMIGS SO ZHES BYE BRAG TU BYED DO, ,GZHAN DU ZHES BYA BA NI RANG RIG PA LAS GZHAN DU'O, ,DON GYI YANG ZHES BYA BA NI SHES PA RANG LA YOD PA'I BYE BRAG GIS GRUB PA LTAR DON GYI RANG GI BYE BRAG 'GRUB PA NI MA YIN NO ZHES BZLOG PA BSDU BA NI YANG GI DON TO, ,RNAM PAR SHES PA LA YOD BA'I BYE BRAG PHYOGS GZHAN DANG MA 'DRES PA DMIGS PAR RANG NYID KYIS GRUB PA'I BYE BRAG LAS PHYOGS NI DMIGS LA DGAG PAR BYA BA NI MI DMIGS SO ZHES BYA BA GRUB PA'I PHYIR RO, ,THAMS CAD MI RTOGS PA THAL BAR 'GYUR RO, ,ZHES BYA BA NI LE'U DANG POR RGYAS PAR BSHAD ZIN TO, ,KHYAD PAR CAN GYI MYONG BA LA ZHES BYA BA NI SA PHYOGS DGAG PAR BYA BAS DBEN PA'I MYONG BA'O, ,GZHAN 'GOG PA NI DGAG PAR BYA BA MED DO ZHES RTOGS BAR BYED PA'O, , GZHAN MA YIN ZHES BYA BA NI KHYAD PAR CAN MYONG BA NYID YIN PA'O, ,MNGON SUM NYID KYIS GRUB PA YIN ZHES BYA BA NI KHYAD PAR CAN DMIGS PA NYID DGAG PAR BYA BA MI DMIGS PA'I PHYIR RO, ,DE'I PHYOGS 'BA' ZHIG NI DMIGS PAR BYA BA MI DMIGS PA YIN LA, DE LA DMIGS PA'I SHES PA NI DMIGS PAR BYED PA'I MI DMIGS PA YIN TE, DE DAG DMIGS PA'I RANG BZHIN YIN YANG DGAG PAR 'DOD PA'I CHOS KYI DMIGS PA DAG YIN PA'I PHYIR MA YIN PA DGAG PAS MI DMIGS PAR GZHAG STE, GRONG GI PHAG NI BZA' BA MA YIN PAS BZAD MED DO ZHES BYA BA BZHIN NO, ,DE NYID DE NGES PA LAS ZHES BYA BA NI MA 'DRES PA NYAMS SU MYONG BA DE NYID DE NGES PA LAS DE NYAMS SU MYONG BA NI PHYOGS 'BA' ZHIG MYONG BA YIN GYI DGAG PAR BYA BA MYONG BA NI MED DO ZHES BYA BA DANG, DE'I YUL NI PHYOGS DGAG PAR BYA BA DANG MA 'DRES PA YIN GYI DGAG PAR BYA BA MED DO ZHES NGES PA'I @257B SHES PA SKYED PAR BYED PA NI DE KHO NA YOD DO ZHES NGES BAR BYED PA STE, PHYOGS DANG DE NYAMS SU MYONG BA KHO NA'O, ,GZHAN YOD BA NI DGAG PAR BYA'O, ,GZHAN NYAMS SU MYONG BA YANG DGAG PAR BYA BA'I NYAMS SU MYONG BA'O, ,MED PA'I THA SNYAD KYI RGYU YANG DE YIN NO ZHES BYA BA NI GCIG NGES PAR DMIGS PA'I YUL DANG SHES PA DE DAG MA YIN PAR DGAG PAS MED PA'I NGO BO NYID YIN PA'I PHYIR DON MED PAS GRUB ZIN PA'I PHYIR RMONGS PA LA MED PA'I THA SNYAD KYI YUL NYID DU SGRUB PAR BYED DE, SNANG DU RUNG BA'I DON MI DMIGS PA THAMS CAD DU DE'I DON MED PAR SHES PAR BYA BA BRJOD PAR BYA STA DE LTAR SPYAD PAR BYA BA YIN TE, SNGON GYI GNAS KHANG NA SNANG DU RUNG BA'I MI DMIGS BA LTA BU'O ZHES BSGRUB PA STE RGYAS PAR SNGAR BSHAD ZIN TO, ,RANG BZHIN KHYAD PAR CAN GYI SHES PA YOD PA ZHES BYA BA NI DGAG PAR BYA BA DANG MA 'DRES PA'I DON SHES PA'O, ,GZHAN DU NI DE 'DRA BA'I SHES PA MED PAR SPANG NGO; ,MUN PAR LAG PAS BYUG PA NA ZHES BYA BA NI MUN PA'I SA PHYOGS NA BUM PAS STONG PA MYONG BA MED DE MI MTHONG BA'I PHYIR RO SNYAM DU SEMS PA'O, ,DE LA YANG ZHES BYA BA NI MTHONG BA 'BA' ZHIG KHYAD PAR CAN MYONG BA MA YIN GYI REG PA LAS KYANG BUM PA STONG PA MYONG BAS DE NYID BYE BRAG CAN MYONG PA MI DMIGS PA YIN NO, ,'BAD PA DANG BCAS PA NI THOGS PA STE, DGAG PAR BYA BA YOD PA'O, ,'DIS NI YOD NA NGES PAR DMIGS PAR 'GYUR BA BSTAN TA, ,'BAD PA MED BA NI MI DMIGS PA'O, ,DE MED NA ZHES BYA BA NI BAR SNANG STONG PA'I REG PA DMIGS PA DE MED NA'O, , GZHAN MED PA NI DE LAS GZHAN BUM PA LA SOGS PA DGAG PAR 'DOD PA MED BA'O, ,YANG PHA ROL KHA CIG NA RE DMIGS PA'I RGYU GZHAN YOD LA ZHES BYA BA DBANG PO GZUGS SNANG BA DANG BCAS PA DANG, SHES PA PHYOGS MA 'DRES LA DMIGS PA DAG YOD LA DE LAS GZHAN PA NI PHYOGS LAS GZHAN PA DGAG PAR BYA BA'O, ,DE LAS DMIGS PA'I SHES PA MED PA LAS DGAG PAR BYA BA MED PAR 'GRUB STE, 'DIS NI DGAG PAR BYA BA LA DMIGS PA MED PA TZAM YIN GYI, DMIGS PA'I RGYU GZHAN YOD LA DE LAS DMIGS PA MED PA ZHES BYA BA NYES PA MED PA KHYAD PAR CAN @258A *, ,BSTAN TO, ,DE LTA MA YIN NA ZHES BYA BA NI MED PA KHYAD PAR CAN MA YIN GYI, SHES BA MED PA TZAM DU GYUR NA'O, ,DE LTA NA GNYID LOG BA LA SOGS PA STE BRGYAL BA DANG, KHA PHAR BLTAS PA LA SOGS PA GNAS SKABS NA BUM PA LA SOGS PA MI DMIGS PA GANG DAG NI MED PAR YANG RTOGS PAR THAL BAR 'GYUR RO, ,MED PA KHYAD PAR CAN BZUNG NA NI GNYID LA SOGS PA MED PA MI 'GRUB STE, GNYID LA SOGS PA DE LA NI YON TAN DANG LDAN PA'I DBANG PO LA SOGS PA STE SNANG BA DANG YID LA BYED PA SHES PA SKYED PAR NUS PAR RO, ,DE ZHES BYA BA NI GNYID LOG PA LA SOGS PA'O; ,SHES PA MED PA TZAM GYI DMIGS PA KHYAD PAR CAN MED PA'I PHYIR TE, RGYU DES DE NYID YOD BZHIN DU GANG DAG GI MED PAR MA RTOGS PA NI MA YIN GYI, 'ON KYANG MI DMIGS PA TZAM DU ZAD PAS NA MA RTOGS PA YIN, DE MI DMIGS PA DE 'DRA BA NYID MED PA'I PHYIR TE, DMIGS PA'I RGYU GZHAN YOD PA'I DMIGS PA MED PA'I PHYIR RO, ,DE YOD NA NI GANG DAG GI MED PAR RTOGS PAR 'GYUR RO ZHES ZER RO, ,'DIR MA DMIGS PA'I RGYU GZHAN YOD NA ZHES BYA BA DE NYID DBANG PO LA SOGS PA DE DAG GI YON TAN 'JUG PA STE, BYA BA BYED PA NYID BRJOD PA YIN LA YON TAN DE LTA BU NI DMIGS PA 'JUG PAS STON PA STE, RANG GI SHES PA SKYES PAS YON TAN STON PA YIN TE, DE LTA NA NI ZHES BYA BA NI DMIGS PA 'JUG NA'O, ,GDONG DBANG PO LA SOGS PA YON TAN DANG LDAN PA YIN TE, RANG GI 'BRAS BU DMIGS PA 'JUG PA'I PHYIR RO, ,DE LTA MA YIN NA YON TAN DANG LDAN PA NYID DU RTOGS SO, ,DE LTAR NA DMIGS PA'I RGYU GZHAN YOD LA ZHES BYA BA DE YANG DMIGS PA NYID YIN TE, DMIGS PA MED NA GNYID LOG PA LA SOGS PA LTAR YON TAN GYI RGYUR MI 'GYUR BA'I PHYIR RO, ,DE LTAR DMIGS PA YIN DANG KHO BO CAG GI SMRA BA NYID LA BRTEN PAR 'GYUR TE, KHYOD KYI DMIGS PA KHYAD PAR CAN GYI DMIGS PA ZHES BYA BA YANG DON GANG YOD NA SNANG DU RUNG BA'I DMIGS PA DE NYID KYI DMIGS PA'I KHYAD PAR CAN MED PA STE, DGAG PAR BYA BA DANG MA 'DRES PAR CHOS CAN GYI RNAM PA GCIG TU SO SOR NGES PA'O, ,GZHAN DU ZHES BYA BA NI MI DMIGS PA NYID MI DMIGS PA YIN PA LAS @258B GZHAN DU DON DMIGS PA MED PA MI DMIGS PA YIN NA'O, ,DON GYI MED PA NYID NI DGAG PAR BYA BA MED PA NYID DO, ,DE SHES BA MI DMIGS PA YIS RTOGS 'GYUR NA, SHES PA MI DMIGS PA NI MED PA NYID DE SHES PA DE LTA BU'I MED DO ZHES BYA BA RTAGS GZHAN GYIS RTOGS PA YIN PHYIR TE, DE RANG GIS NI MI RTOGS TE MED PA YIN PA'I PHYIR DON GYI MED PA BZHIN NO, ,RTAGS DE YANG MI DMIGS PA NYID YIN TE DGAG PA MED PA'I SNGA MA BZHIN NO, ,DE'I PHYIR DE MI DMIGS PA YIN PA'I PHYIR YANG RTAGS GZHAN LA LTOS TE SNGA MA BZHIN ZHES BYA BA'I RIM GYIS THUG PA MED 'GYUR RO, , GZHAN YANG DAG PAR MYONG BA MED PAR ZHES BYA BA SMOS TE, DGAG PAR BYA BA'I PHYIR YANG DAG PAR MYONG BA STE SHES PA STE'O, ,DE MED PAR SHES PA RANG GIS RANG RIG PA'I STOBS KYIS PHYOGS MA 'DRES PA LA DMIGS PA'I SHES PA RANG NYID KYIS MI 'GRUB STE, NGES PA'I SHES PA MI SKYED NA'O; ,'O NA NI SHES PA DE'I KHYAD PAR GYIS YUL LA YANG DGAG PAR BYA BA MED PA'I KHYAD PAR DU MI RTOGS PAR THAL BAR 'GYUR TE, 'DI LTAR YANG DAG PAR MYONG BA NI BDAG NYID KYI KHYAD PAR TE 'DI NYAMS SU MYONG BA YOD KYI 'DI NYAMS SU MYONG BA NI MED DO ZHES RANG GI KHYAD PAR RTOGS PAS GZHAN DON GANG GI DMIGS PA MED PA'I DON GZHAN DE YANG DE BZHIN DU SHES PA BZHIN DU MED PAR RTOGS PAR BYED LA GANG GI DMIGS PA YOD PA NI YOD PAR RO, ,GZHON NU MA LEN NA RE GANG GI SKYON MED LA ZHES ZER TE, MI DMIGS PA'I RTAGS THUG PA MED PA LA GANG GI SKYON MED PA LA'O, , RANG BZHIN KHYAD PAR CAN GYI SHES PA MED PA STE SHES PA MED PA MA YIN PAR SMRA BA DAG GI LTAR YANG MA YIN PA'I PHYIR YANG THUG PA MED DO, ,'O NA CI ZHE NA, 'ON KYANG GANG MI DMIGS PAS TE, ZHES BYA BA SMOS TE, DE NYID BSHAD PA'I PHYIR BUM PA MED DO ZHES BUM PA DE NYID MED PA DMIGS PA LAS MED RTOGS TE, RNAM PAR RTOG PA CAN DES KYANG RANG GI MTSAN NYID 'DZIN PA'I PHYIR RTOG PA MED PA LAS RANG RGYUD PA'I TSAD MA YIN NO ZHES ZER RO, ,DE LTAR ZHES BYA BA NI BUM PA MED DO ZHES SHES PA'O, ,GANG LAS TE BUM PA MED PA GANG LAS BUM PA MED DO ZHES SHES BA'I RGYU YIN PAS @259A *, ,'DOD PA DE JI LTAR SHES BA'I RKYEN YIN, CI'I PHYIR ZHE NA, MED PA NI ZHES BYA BA LA SOGS PA SMOS SO, ,MED PA NI MED BA GZHAN LA MI LTOS PAS ZHES BYA BA NI MED PA'I PHYIR MED PA DE GZHAN GANG LA YANG MI LTOS TE LTOS PA MED PA'I PHYIR RO, ,YANG NA MED PAR BYA BA'I PHYIR GZHAN LA MI LTOS PA DE RGYU PHYI NAS MED PA'I PHYIR MED PA BYED NA BYED PA 'GOG PAR 'GYUR BA'I PHYIR RO, ,DE LAS BYUNG BA NI MED DO SNYAM BA'I RTOG BA CAN GYI TSAD MA'O, ,BYE BRAG LA BRTEN PA'I MTSAN NYID YIN PA'I PHYIR ZHES BYA BA BYE BRAG SKYE BA'I MTSAN NYID YIN PA'I PHYIR RO, ,DE NYID LA YANG BRTEN PA'I SGRA 'JUG PAS SO, ,MTSAN NYID DE DAG DANG LDAN PA ZHES BYA BA NI SHES PA SKYED PAR NUS BA DANG GZHAN LA BYE BRAG SKYE BA STE BYA BA BYED PA DANG RANG GRUB PA'O, ,'DI LA RKYEN DU 'GYUR BA MI SRID DO ZHES BYA BA NI BUM PA MED PA 'DI MED DO ZHES SHES BA'O, ,TSAD MA RANG RGYUD PA DGAG BA'I PHYIR MTHONG BA'I DE MA THAG PA CAN ZHES BYA BA SMOS TE, KHYED DANG KHO BO CAG LA MTHUN PAR GRUB PA'I MTHONG BA RTOG BA MED PA'I DE MA THAG PA CAN GYI SHES PA MTHONG BA KHO NA'I STOBS LAS SKYES SHING DE KHO NA'I RJES SU BYED PA'O, ,DE'I STOBS KYIS SKYE BA ZHES BYA BA NI DNGOS PO'I STOBS KYIS RANG DGA'AM RTAGS LAS MA YIN PA'O, ,SHES PA DE YANG DNGOS PO DE NYID DU NUS PA'I PHYIR TE ZHES BYA BA NI RTOGS PAR NUS TE SHES PA NYID KYIS YONGS SU BCAD ZIN PA'I PHYIR DANG PO SHES PA RTOGS PA MED PA DE KHO NA DON DE LA TSAD MAR 'GYUR RO, ,DE LTAR RNAM PA GCIG TU MTHONG BA RNAM PAR RTOG PA GCIG TU NGES PA CAN BSKYED PAS GCIG TU NGES PA DE'I MTHUS GCIG PO LAS GZHAN BA DGAG PAR BYA BA MED DO, ,'GOG PA'I PHYIR SNGA MA KHO NA TSAD MA YIN GYI DE'I MTHU LAS SKYES PA DE'I RJES SU BYED PAS MA RTOGS PA RTOGS PA MED PA RNAM PAR RTOG PA CAN NI RANG RGYUD PA'I TSAD MA MA YIN NO, ,MTHONG BA RNAM PA GZHAN DANG 'DRES NA MA MTHONG NGO ZHES SHES PA'I RTOGS PA CAN DE MI 'BYUNG BA'I PHYIR RO, ,DE DAG GI MJUG BSDU BA'I PHYIR DE PHYIR ZHES BYA BA SMOS TE, MTHONG BA KHO NAS DON DE RTOGS ZIN PA DANG, RTOG PA CAN DE YANG MTHONG BA'I MTHU LAS BYUNG BA'I PHYIR RANG DAGS RTOGS PA MED @259B PAS SO; ,GZHAN GYI STOBS KYIS BSKYED PA DE NYID BYE BRAG TU BSTAN PA'I PHYIR DBANG BO LA MI BRTEN PA ZHES SBYAR TE, 'DI MTSON PA YIN PAS BSGOMS PA LA BRTEN PA MA YIN NO ZHES KYANG SBYAR RO, ,DE'I PHYIR MNGON SUM MA YIN PAR BSAMS PA'O, ,PHYI ROL GYI DON NGES PA'I SHES PA YIN PA'I PHYIR RANG RIG PAR DOGS PA NI MED DO, ,RTAGS DAG LA BRTEN PA MA YIN PAS NI RJES SU DPAG PA MA YIN PA'O, ,DE'I PHYIR ZHES BYA BA NI MTHONG BA NYID KYIS SNGON PO RTOGS ZIN PAS DE LA NGES PA'I RTOGS PA NI SNGON PO DE NYID LA RTOGS PAR BYED PAR ZAD KYI MA RTOGS PA'I DNGOS PO'I CHOS RTOGS PA MED PAS DE TSAD MA MA YIN NO, ,SNANG BA MI DMIGS PA BRTEN NAS MI SNANG BA MI DMIGS PA BSTAN PA'I PHYIR, MA MTHONG BAS MED MI RIGS PHYIR, ,ZHES BYA BA SMOS TE, MA MTHONG BA TZAM DANG DON YOD PAR 'GAL BA MED PA'I PHYIR RO, ,GZHAN NI YOD BA ZLOG BYED DE, ,ZHES BYA BA NI SNANG BA MI DMIGS PA LAS GZHAN MI SNANG BA MI DMIGS PAS NI YOD PA ZLOG BYED DE YOD PA'I THA SNYAD NI YOD PA'I 'BRAS BU YIN PA'I PHYIR YOD PA'O, ,DE'I PHYIR YOD PA'I THA SNYAD ZLOG BYED DE, MED NA MI 'BYUNG BA MED PA'I PHYIR RO, ,DPER NA RTAGS MED RNAM RTOG SOGS, ,DE RTAGS LTAR SNANG BA LA BRTEN PA'I RTOGS PAS KYANG GZHAN YOD SGRUB PA MA YIN TE, MED NA MI 'BYUNG BA MED PA'I PHYIR RO, ,DE BZHIN DU GZHAN DAG GIS 'DOD PA'I MA MTHONG BA TZAM GYI MI DMIGS PA 'DI YANG DE 'BRAS NGES PA DE MED PA'I THA SNYAD KYI 'BRAS BU NGES PA CAN MA YIN TE, DNGOS PO MED NA MI DMIGS PAR MI 'BYUNG BAR NGES PA MED PA'I PHYIR RO, ,DE'I PHYIR LDOG PA SGRUB PAR NUS MIN NO, ,DE DNGOS PO 'GOG PA SGRUB PAR NUS PA MA YIN NO, ,GTAN TSIGS DANG BO'I DBANG BYAS TE, ,ZHES BYA BA NI SNGAR BSHAD PA STE SNANG BA MI DMIGS PA'O, ,NGES PA NYID NI SGRUB BYED YIN TE MED PAR NGES PA'O; ,RANG GI NGO BO SBYOR BA NI RTAGS SNANG BA MI DMIGS PA RANG GIS SGRUB BA'O, ,TSAD MAS GNOD PA'I PHYIR YANG ZHES BYA BA 'DI YANG 'GAL BA YIN NO ZHES BSDU BA'O, ,TSAD MAS GNOD PA ZHES BYA BA NI GCIG SPANGS PAS CIG SHOS GNAS BA MA YIN YANG DE GNYIS BDAG NYID GCIG PAR @260A *, ,'GAL BAR TSAD MA GZHAN GYIS BSGRUB BAS 'GAL BA STE, PHAN TSUN SPANGS PAS GNAS PA'I CHOS DANG LDAN PA DAG GO, ,BDAG NYID GCIG BAR TSAD MAS GNOD BA'I 'GAL BA DE NYID KHAS LEN PA LA SBYOR BAR GNOD PA CAN DE PHAN TSUN DGAG PAR BYA BA'I DON BKOD PA YANG 'GYUR TE 'GAL BAS KHYAB PA DMIGS PAS ZHES BYA BA MI DMIGS PA'I SBYOR BA GNOD PA CAN GYI DON SBYOR BAR 'GYUR RO, ,DE RTAGS KYANG 'GAL BAR 'GYUR TE ZHES BYA BA NI 'GAL BA KHAS LEN PA DE'I RTAGS NGES MI 'DOD PA BSGRUB PA'I PHYIR 'GAL BA'I GTAN TSIGS LTAR SNANG BAR 'GYUR RO, ,DE NYID BSHAD PAR 'DOD PAS DPER NA LTOS PA DANG BCAS PA DANG NGES PAR 'BYUNG BA DAG LTA BU'O, ,DE NYID GCIG PAR TSAD MAS GNOD PAR BSTAN BA'I PHYIR TSAD MA YANG ZHES BYA BA SMOS SO, ,GOS LA TSON BZHIN ZHES BYA BA LTOS PA DANG BCAS PA LA NGES PA MED PAS KHYAB PAR BSTAN TO; ,DE'I PHYIR LTOS PA DANG BCAS PA NI NGES PA MED PA NYID SGRUB PA'I PHYIR GZHAN NI RGYUS 'JIG PA'I PHYIR MI RTAG BAR NGES PAR 'GYUR BA LAS BZLOG BSGRUB PA'I PHYIR, GTAN TSIGS LTOS PA DANG BCAS PA NYID 'GAL BAR 'GYUR RO, ,NGES BA'I PHYIR ZHES BYA BA NI 'JIG PA NGES PA'I PHYIR 'GAL BA'AM SKYON MED PA'O, ,MA YIN TE, DE DAG CES BYA BA NI 'JIG PA'I RGYU DE DAG GO, ,RANG GI RGYU'I TSOGS PA LA RAG LAS PA'I BUM PA'I RANG GI RGYU LAS GRUB ZIN PA DAG ,RGYU GZHAN LA MNGON DU PHYOGS PA STE RAG LAS PAR MTHONG BA MED DO, ,RANG GI RANG BZHIN RDZOGS ZIN PA'I PHYIR TE; GZHAN DE LA RAG MA LAS PA'I PHYIR RO, ,GAL TE 'JIG PAR BYED PA 'DI CHOS NYID YIN PA'I PHYIR NGES PAR 'BYUNG BA DE BZHIN NO ZHE NA, CHOS NYID YIN PAR KHAS LEN PA DE NYID SKAD CIG MA YIN 'DOD PAR 'GYUR TE, SKAD CIG MA ZHES BYA BA GRUB MA THAG TU 'JIG PA'I RANG BZHIN MA YIN NA 'JIG PA'I CHOS MA YIN PAR BYE BRAG MED PA'I PHYIR SNGON 'JIG PA MA BYUNG BA DE PHYIS 'JIG PA'I RGYUS KYANG MI 'BYUNG BAR THAL BAR 'GYUR BA'I PHYIR RANG BZHIN GYIS 'JIG PAR 'GYUR RO, ,GZHAN YANG CHOS NYID DU KHAS LEN NA DE'AM ZHES BYA BA NI DNGOS PO'O, ,RANG BZHIN NGES NA @260B BYA BAS SBYOR TE, RGYU LAS MI RTAG PA'I RANG BZHIN DU NGES NA'O, ,DE RGYU ZHES BYA BA 'JIG PA'I RGYU'O, ,DE YANG MI RTAG PA'I RGYU RANG BZHIN NGES NA'O, ,DE'AM ZHES BYA BA DNGOS PO'AM DE'I SKYED PAR BYED PA STE, 'JIG PA'I RGYU GZHAN MA YIN PA'O, ,RANG BZHIN YIN PAR DE DNGOS PO RANG BZHIN GYIS 'JIG PA'O, ,DE'I SKYED PAR BYED PA DANG YANG 'JIG PA'I RANG BZHIN DU SKYED PA'I RANG BZHIN YIN PAR CIS MI 'DOD DE, JI LTAR NA BRGYUD PAS YIN DE SKYED PAR BYED PA LAS NI DNGOS PO'O, ,DES NA NI 'JIG PA'I RGYU LAS 'JIG PA'O, ,THOG MA NAS DE'I RANG BZHIN MA YIN PA NYID LA NI ZHES BYA BA NI RANG BZHIN SKYED PA'I RGYU LAS SKYE BA NA MI RTAG PA DE'I RANG BZHIN MA YIN PA NYID YIN NA NI PHYIS 'JIG PA NI RGYUS KYANG 'JIG PA DE 'BYUNG BAR MI NUS TE, NAM MKHA' BZHIN NO, ,DE DAG GIS ZHES BYA BA NI GZHAN LA RAG LAS PA MA NGES PA KHYAB PAR BSHAD PAS SO, ,RES 'GA' BA'I RANG BZHIN NI MA NGES PA'O, ,LTOS PA MED PA NGES PA STE, ,GANG ZHIG DE YOD GZHAN LTOS MED, ,DE DAG DI YOD LA NGES YIN, ,ZHES GSUNGS PA LTA BU'O, ,PHAN TSUN SPANGS TE GNAS PA'I MTSAN NYID KYI 'GAL BA NI, RES 'GA' BA'I RANG BZHIN DANG LTOS PA MED PA DAG GO; ,DE DAG NYID MA NGES PA YIN PA'I PHYIR MA NGES PAS ZHES BYA BA LA SOGS BA SMOS SO, ,'GAL BA ZHES BYA BA NI PHAN TSUN SPANGS TE GNAS PA'I 'GAL BA'O, ,TSAD MAS GRUB PA MA YIN PA ZHES BYA BA NI PHAN TSUN SPANGS PAS GNAS PA NYID YIN GYI TSAD MAS GNOD PA ZHES BYA BA NI GZHAN GSUM PA NI MA YIN PA'O, ,TSAD MAS GNOD PA MA YIN TE PHAN TSUN SPANGS PAS GNOD PA ZHES BYA BA RANG BZHIN 'GAL BA DMIGS PA NYID YIN PAR 'GYUR BAR RO, ,'GAL BAS KHYAB BA'I RANG BZHIN YANG ZHES BYA BA NI PHAN TSUN SPANGS PAS GNAS PA'I 'GAL BA MA YIN YANG NGO, ,DE 'GAL BAR BZHAG PA NI PHAN TSUN SPANGS PAS GNAS PA MA YIN TE, LTOS PA DANG BCAS PA SPANGS PAS NGES PAR 'BYUNG BA NYID DU MI 'GRUB PA'I PHYIR TE, DE RI BONG GI RVA LA SOGS PA RANG NYID MED PA'I PHYIR LTOS PA PO MED PAS LTOS PA DANG BCAS PA NYID SPANGS KYANG NGES PAR 'BYUNG @261A *, ,BA MI GNAS PA'I PHYIR RO, ,DE NYID LA NGES PAR 'BYUNG BA SPANGS KYANG LTOS PA DANG BCAS PAR MI GNAS PA'I PHYIR RO, ,'O NA JI LTA BUR ZHE NA, PHAN TSUN SPANGS TE GNAS PAS KHYAB PA'I RANG BZHIN YIN PAS DE NGES PAR 'BYUNG BA DANG, NGES PA MED PA NI PHAN TSUN SPANGS TE GNAS PA'I 'GAL BA STE, DE'I DNGOS PO DANG DE'I DNGOS PO MED PA YIN PA'I PHYIR RO, ,NGES PA DE'I DNGOS PO MED PAS KHYAB PA NI GZHAN LA LTOS PA NI'O, ,DE YANG SHUGS KYIS TE PHAN TSUN SPANGS PA MA YIN YANG DE DANG LDAN PA'I CHOS YIN PA'I PHYIR SHUGS KYIS ZHES BYA BA BRGYUD PAS 'GAL BA STE, DE DANG DE MED PA NI MNGON SUM DU 'GAL LA, 'GAL BA DE DANG LDAN PA NI DE'I SHUGS KYIS SO, ,SHUGS KYIS 'GAL BA DE SGRUB PAR BYED PA'I TSAD MA NI MI DMIGS PA'I SBYOR BAR 'GYUR RO ZHES BYA BA SBYOR BA DES RANG BZHIN 'GAL BA LAS GZHAN SBYOR BA DANG; SHUGS KYIS 'GAL BA YANG GRUB PAR 'GYUR RO ZHES DE LTAR BSTAN PA'I PHYIR 'GAL BAS KHYAB PA MI DMIGS PA ZHES BYA BA RANG BZHIN 'GAL BA DMIGS PA LAS SBYOR BA THA DAD PAR BSTAN PA YIN NO, ,CHOS CAN GYI NGAG DAG GI SBYOR BAR BRJOD PA NI DON CHOS CAN YOD PA LA RUNG GI MED PA LA MI RUNG BA'I PHYIR TE, DE SGRA'I DON PHYI'I DON MA YIN PAR BSAMS PA'O, ,DE BKAG PAR MI 'GYUR TE ZHES BYA BA NI THE TSOM LA SOGS PA DGAG PAR MI 'GYUR BA'O, ,CI'I PHYIR SBYOR BA BRJOD PAR MI BYA ZHE NA, YUL MED PA ZHES BYA BA SMOS TE, RTAGS GZHI MA GRUB PA'I PHYIR; DGAG PA'I SBYOR BA MI DMIGS PA'I PHYIR RO ZHE NA, RNAM PAR RTOG PAS YOD BZHAG PA NI RNAM PAR RTOG PA LA SNANG BA LA YOD PAR SNANG BA NI YOD PAR RTEN PA'O, ,MED PAR SNANG BA NI MED PAR RTEN PA'O, ,YOD PA DANG MED PA GNYI GAR SNANG BA NI GNYI GAR RTEN PA STE BUM PA DANG RI BONG GI RVA DANG LUS CAN MA YIN ZHES BYA BA RNAMS DANG GO RIMS BZHIN TE, LUS CAN MA YIN PA NI NAM MKHA' LA SOGS PA YOD PAR SNANG BA DANG, RI BONG GI RVA LA SOGS PA MED PA DAG TU SNANG BA GNYI GAR BSTAN PA, DER NI PHYI DNGOS NYER BLANGS TE, ,ZHES BYA BA GTZO BO LA SOGS PA DGAG @261B PA DER NI PHYI'I DNGOS ZHES BYA BA RNAM PAR RTOG PA LA SNANG BA LAS GZHAN BA RANG GI MTSAN NYID DO, ,DE NYE BAR BZUNG STE DGAG PAR BSGRUB PAR BYA BA MA YIN NO, ,DE LTAR NA YANG SGRA DON MED MIN TE RNAM PAR RTOG PA LA SNANG BA'I GTZO BO LA SOGS PA CHOS CAN MED PA NI MA YIN NO, ,CI'I PHYIR ZHE NA SBYOR BA BRJOD PHYIR TE RNAM PAR RTOG PA LA SNANG BA MED PA NI BRJOD PA MI SRID PAS SO, ,DE'I RNAM BA CAN GYI RNAM PAR SKYED PA'I PHYIR YANG NGO ZHES BYA BA NI SMRA BA BO SGRAS STON PA YANG NGO, ,RGYU DANG 'BRAS BU'I SHES PA LA ZHES BYA BA NI STON PA DANG NYAN PA PO'O, ,SO SOR MI SNANG BA NI RANG GI MTSAN NYID KYI DON TO; ,SO SOR RANG GIS RIG PA YIN PA'I PHYIR RO, ,ZHES BYA BA RGOL BA DANG, PHYIR RGOL BA LA RANG RIG PA'I MNGON SUM GYIS GRUB PA'O, ,'DI LA GZHAN RIGS PA NI MED DE, GZHAN DE BRDZUN PA'I PHYIR RO, ,YANG DAG PAR MA THOB PA NI MA 'ONGS PA'O, ,'DI LA GNOD PA MED PA'I PHYIR RO ZHES BYA BA NI RNAM PAR RTOG PA LA SNANG BA 'DI LA GNOD PA MED PA DE MED PAR MI 'GYUR BA'I PHYIR RO, ,'DI DAG BLO DON YUL CAN 'DOD, ,CES BYA BA NI SGRA 'DI DAG THAMS CAD DNGOS SU NI BLO LA SNANG BA'I DON CAN NO, ,DE LA YANG RNAM PAR GZHAG PA'I MTSAN NYID RGYU MED PA CAN BSGRUB PA ZHES BYA BA NI GTZO BO LA SOGS PA DGAG PA DE LA YANG PHA ROL GYIS JI LTAR BZHAG PA STE, MI GSAL BA DANG RTAG PA DANG SPYI DANG SKYED PAR BYED PA DAG TU BLO LA SNANG BA DE'I PHYI'I RGYU MED PA CAN DU SGRUB PAR BYED PA DE LTA BU'I MI DMIGS PA'I YOD PA'I PHYIR TE, RNAM PAR RTOG PA LA SNANG BA'I GZHI SGRUB PAS SO, ,DE BLO NYE BAR GZHAG PA'I DON DU ZHES BYA BA NI GTZO BO LA SOGS PA'I SNANG BA'I BLO DE'I PHYI'I RGYU MA YIN NO ZHES NYE BAR SGRUB PA'I DON DU'O, ,'DIR NI DNGOS PO NYID SEMS TE, ,ZHES BYA BA NI GTZO BO DGAG PA LA SOGS PA 'DIR RO, ,DNGOS PO NYID YIN NAM MA YIN PA SEMS KYI SGRA'I DON RNAM PAR RTOG PA LA SNANG BA NI SEMS PA'O, ,DNGOS PO KHO NA SEMS PA YANG CI'I PHYIR ZHE NA, 'BRAS BU SKYED DANG 'BREL PHYIR RO, ,ZHES BYA BA SMOS TE, DNGOS PO KHO NAS 'BRAS BU SKYED LA RTOG PA DANG LDAN PA YANG 'BRAS BU YOD PA KHO NA LA BLANG DANG DOR BAR RTOG GO, , @262A *, ,DE KHO NA NYID KYANG YANG DAG PAR MI RTOGS PA'I PHYIR RO ZHES BYA BA NI RNAM PAR RTOG PAS SO, ,'DI DAG THAMS CAD NI ZHES BYA BA NI RTOG PA DANG LDAN PA THAMS CAD DO, ,GSUNGS TE ZHES BYA BA NI SLOB DPON PHYOGS KYI GLANG BOS SO, ,BRJOD ZIN PA YIN NO ZHES BYA BA NI LE'U GNYIS PAR RO, ,GRANGS CAN DAG GTZO BO YOD PA NYID SPYI DE SGRUB PAR 'DOD NAS, YOD PA RANG BZHIN GTAN TSIGS NA, ,ZHES BYA BA SMOS TE, YOD PA'I PHYIR MI RTAG CES BYA BA'O, ,SPYI YOD PA JI LTAR BSGRUB BYA MIN TE, BSGRUB PAR BYA BAR 'GYUR BA'O, ,GAL TE RTAG PA DANG MI GSAL BA DANG, SKYED PAR BYED PA ZHES BYA BA'I BYE BRAG RJES SU 'GRO MED CE NA ZHES BYA BA NI DPE MA GRUB PO ZHE NA, GTAN TSIGS BSGRUB BYA DAG 'GAL 'GYUR TE, KHYED KYI GTAN TSIGS BYAS PA'I PHYIR MI RTAG CES BYA BA YANG SGRAR 'GYUR BA'I MI RTAG PA NI BUM PA LA MED LA RTAGS KYANG DE DANG 'DRA'O ZHES PA'O, ,GAL TE 'DI LTAR BYE BRAG CES BYA BA NAS GSUNGS TE ZHES BYA BA'I BAR NI BYE BRAG RJES 'GRO MED CES ZHES BYA BA'I CHA 'CHAD DO, ,TSAD MA YUL GYIS MI SHES PA'I PHYIR RO ZHES BYA BA NI BYE BRAG TSAD MAS MA GRUB PA'I PHYIR RO, ,GSUNGS SO ZHES BYA BA NI SLOB DPON PHYOGS KYI GLANG POS SO, ,GTAN TSIGS KYANG YIN PA'I PHYIR RO ZHES BYA BA NI BYE BRAG LA BRTEN NA BUM PAR GYUR PA'I YOD PA YANG DPE LA MED PA'I PHYIR RO, ,BYE BRAG GIS BSGRUB PAR BYA BA KHO NA SKYON DANG BCAS PA MA YIN GYI ZHES BYA BA NI YOD PA BYE BRAG GIS TE; GTZO BO YOD PA SPYI NYID DANG RTAG PA DANG SKYED BAR BYED PA'AM DBANG PHYUG YOD PA RTAG PA DANG BDE BA DANG RJES SU GZUNG BA DANG, CHAD PAS GCOD PAR BYED PA LA SOGS PA BYE BRAG TU BYAS TE SGRUB NA RJES SU 'GRO BA MED PA'I SKYON YOD PA NYI TSER MA ZAD DE 'ON KYANG YOD PA GTAN TSIGS SU BYAS NA YANG RJES SU 'GRO BA MED PAR SKYON MTSUNGS PA YIN TE, BUM PAR GYUR PA'I YOD PA NI SGRA LA MED PA'I PHYIR MA GRUB PA YIN LA SGRAR GYUR PA'I YOD PA NI DPE LA MED PAS SO, ,SKYON 'DI MED DE ZHES BYA BA NI MTSUNGS PA'O, ,YOD PA TZAM ZHIG NYER BLANGS TE, ,ZHES BYA BA RTAG PA @262B DANG SKYED PAR BYED PA LA SOGS PA'I BYE BRAG BOR TE'O, ,DON 'GA' GRUB PAR MI 'GYUR LA, ZHES BYA BA NI KHYOD KYI 'DOD PA'AM MA RTOGS PA'I DON NO, ,YOD PA TZAM STE KHO BO CAG KYANG YOD PA TZAM NI 'GOG PAR MI BYED DO, ,BYE BRAG GANG LA YANG YONGS SU MA SBYAR BAR SMRAS PAS ZHES BYA BA NI RANG DGAR DANG SKYED PAR BYED PA DANG, ,RTAG PA LA SOGS PA'I BYE BRAG GANG LAM SBYAR BA'I YOD PA'O, ,YOD PA DE NI SGRUB BYED NA, ,BYE BRAG KHO NAR BSGRUB BYA YIN, ,ZHES BYA BA NI GZHAN DU NA RTAGS DON MED PA'I PHYIR RO, ,GZHAN YANG RUNG ZHES BYA BA NI DBANG PHYUG YOD PAR 'DOD PAS KYANG RANG DBANG DANG BDE BA DANG 'BYIN PA PO LA SOGS PAR DANG, DES NI DE'I RANG BZHIN SGRUB PAR BYED PA YIN TE ZHES BYA BA NI BYE BRAG TU BSGRUB PA'I RTAGS DES SAM SMRA BA PO DE GTZO BO LA SOGS PA DE'I RANG BZHIN NO, ,RJES SU 'GRO BA MED PA YIN NO ZHES BYA BA NI DE LTA BU TSAD MAS GAR YANG MTHONG BA MED PA'I PHYIR GZHI BYE BRAG GIS BYE BRAG CAN DU 'DOD NA ZHES BYA BA NI RI'I ME ZHES BYA BAR SGRUB NA'O, ,DE LTAR GZHI DES BYE BRAG TU BYED PA NI MA YIN TE ZHES BYA BA NI RI'I ME YOD DO ZHES SGRUB PA NI MA YIN PA'O, ,'O NA CI ZHE NA, MI LDAN PA RNAM PAR GCOD PA NI BYE BRAG STE, 'DI LA ME YOD PA'O ZHES ME DANG MI LDAN PA RNAM PAR GCOD PA'O ZHES LE'U GNYIS PAR BSHAD ZIN TO, ,DE LA SPYI KHO NA ZHES BYA BA NI CHOS CAN DE LA SPYI ME TZAM STE CHA BYE BRAG TU MA BYAS PA LDAN PAR 'GRUB PA'O, ,GANG LA YANG MED PA'I PHYIR TE, BYE BRAG MED PA NI ZHES BYA BA NI DPER 'DOD PA'I CHOS CAN GANG LA YANG RTAG PA DANG, BDE BA DANG, RANG DBANG CAN TSAD MAS MA GRUB PA'I PHYIR BYE BRAG DE LTA BU DAG DANG LDAN PA'I RJES SU 'GRO BA MED PA YIN NO, ,GAL TE JI LTAR MED DE ZHES BYA BA NI RJES SU 'GRO BA JI LTAR MED DE YOD PA DE SHES BYA BA LA SOGS PA YIN LA DE LTA NA SHES BYA BA LA SOGS PA NI RJES SU 'GRO BA CAN YIN NO ZHE NA, CI ZHIG 'GRUB PAR 'GYUR ZHES BYA BA NI SHES BYA BA LA SOGS PA NI GRUB ZIN PA'I PHYIR DANG, DE GRUB PA YANG KHYED KYI 'DOD PA NI MA YIN NO ZHES BYA BA'I DON TO, ,RNAM PAR RTOG PA'I BLO'I SNANG BA NI DON @263A *, ,LA NI ZHES BYA BA NI RNAM PAR RTOG PA NI RTAG PA DANG BDE BA DANG 'BYIN PA PO DAG SNANG LA DE'I RTEN RANG GI MTSAN NYID SGRUB PAR BYED PA MA YIN NAM, DU BAS ME LA SOGS PA YANG RNAM PAR RTOG PA LA SNANG BA'I RTEN GRUB PA NYID YIN PA BZHIN ZHES BYA BA'O, ,SGRUBS SHIG CES BYA BA NI GAL TE ME LA SOGS PA LTAR RTEN RANG GI MTSAN NYID KYI DON CAN BSGRUB BAR NUS NA NI SGRUBS SHIG STE, DPE MA GRUB PA'I PHYIR NUS PA MI SRID SNYAM DU DGONGS PA'O, ,GAL TE PHYI ROL GYI DON GYI RTEN CAN NYID DU MI 'GRUB PA'I PHYIR GTZO BO LA SOGS PA STE, DBANG PHYUG LA SOGS PA DE'I MTSAN NYID KYI BYE BRAG STE, PHYI'I DON GYI MTSAN NYID LA MI BRTEN NA STE, DE LTA BUR MI 'GRUB NA RTAGS ZHES BYA BA LA SOGS PA DE'I SGRA'I DON TZAM STE, RANG GI MTSAN NYID KYIS STONG PA'O, ,RTEN GYI CHOS DE DAG NYE BAR BRTAGS PA YIN TE, GTZO BO'I BYE BRAG GI RANG BZHIN RTEN SGRUB PAR BYED DO ZHES BYA BA'I RTEN GYI DON BTAGS PA TZAM DU ZAD KYI ME LA SOGS PA LTAR DON DAM PA'I RTEN NI MI SRID DO, ,CI'I PHYIR ZHE NA, RTEN MA GRUB PA LA ZHES BYA BA SMOS TE, DON DAM PA'I RTEN DANG RJES SU 'GRO BA GAR YANG MA GRUB PA'I PHYIR DE BYE BRAG MED PAS ZHES BYA BA NI YOD PA SHES PA LA SOGS PA DE RTAG PA DANG BDE BA LA SOGS PA'I BYE BRAG RJES SU 'GRO BA GRUB PA MED PAS RNAM PAR RTOG PA LA SNANG BA'I RTEN GYIS DON NYID DON YOD PA TZAM NYID DE BYE BRAG DANG BRAL BA'O, ,DON MED BA YIN NO ZHES BYA BA NI RTAGS SO, ,GZHAN DU NI ZHES BYA BA LA SOGS PAS RJES SU 'GRO BA YOD PA RNAMS SO, ,ME SPYI DE CHOS CAN GYI BYE BRAG GIS DPEN PA'I ME TZAM DU BA TZAM DANG 'BREL PA GRUB PA'O, ,DE NYID CHOS CAN DE LAM GRUB PA'I PHYIR SGRUB PAR BYED PA'I PHYIR SKYON MED DO, ,DE SPYI YIS ZHES BYA BA NI BSGRUB PAR BYA BA'I CHOS DANG CHOS CAN 'BREL PA'I SPYI YIN PA'I PHYIR CHOS CAN LA MI LDAN PA SPANGS KYANG 'BREL PA'I SPYI DANG RJES SU 'GRO BA MED DO SNYAM PA'O, ,DE LTAR GYUR PA'I BDAG NYID KYI RJES SU 'GRO BA ZHES BYA BA NI BSGRUB PAR BYA BA GRUB ZIN PA'I BDAG NYID DANG RJES SU 'GRO BA'O, ,BYED PA NI ZHES BYA BA DE DANG RTAGS 'BREL @263B BA 'DZIN PA RIGS PA LA MKHAS PA SU YANG MED DE DGOS PA MED PA'I PHYIR RO, ,'O NA JI LTAR RJES SU 'GRO BA STON CE NA, PHA ROL GYIS GO BAR BYED PA NI ZHES BYA BA SMOS TE, NYAN PA BOS BSGRUB PAR BYA BA MA GTOGS BA LA STON PA NA'O, ,ME TZAM GYIS ZHES BYA BA NI CHOS CAN DANG MA SBYAR BA'O, , DPER NA TSANG BANG LTA BU ZHES DPE'I CHOS CAN SMOS PAS NI RJES SU 'GRO BA DRAN PAR BYA BA TZAM YIN GYI CHOS CAN SDUD PA NI MA YIN NO, ,KHYAD PAR BYED BA NI MTSON PAR BYED PA YIN PA'I PHYIR DU BA YANG CHOS CAN GYI BYE BRAG DANG BRAL BA NYID LA RJES SU 'GRO BAR BLTA'O, ,DE LTAR ME TZAM GYI DU BA TZAM LA KHYAB PAR GRUB PA DANG, CHOS CAN GANG KHO NA LA DU BA DE 'DRA BA RANG NYID MTHONG BA'I CHOS CAN KHO NA LA ME'I BLO SKYED PAR BYED PA STE, DES KHYAB BAR SHES PA'I PHYIR RO, ,DE LTA NA RI ME DANG LDAN PA ZHES SGRUB BAR BYED PA SHUGS KYIS RTOGS PAS BSGRUB BAR BYA BAR BSTAN PA NI RI'I ME ZHES RJES SU 'GRO BA'I TSE BSTAN PA NI CI YANG MA YIN TE, DE 'DRA BA'I RJES SU 'GRO BA MI SRID PA'I PHYIR DANG, DGOS PA MED PA'I PHYIR RO, ,DE LTA BAS NA DE LA BRTEN CING ZHES BYA BA NI CHOS CAN DE LA DU BA DE BRTEN CING STE PHYOGS KYI CHOS BRJOD CING KHYAB PA BRJOD PA STE ME DANG DU BA TZAM GYI RJES SU 'GRO BA DANG LDOG PA 'BREL PA'I RTZA BA CAN BRJOD PA TZAM GYI 'DOD PA RI ME DANG LDAN PA ZHES BYA BA BSGRUB PAR BYA BSGRUB PA'I PHYIR RJES SU 'GRO BA MED PAR YANG MA YIN LA RTAGS DON MED PA'ANG MA YIN NO, ,DE'I PHYIR SPYI RJES SU 'GRO BA'I TSE KHO BO CAG GIS MA BSTAN NA JI LTAR RTAGS DE KHYAD PAR CAN GYI RJES SU 'GRO BA STE, RJES SU 'GRO BA MED PAR 'GYUR, YANG DE'I BKOD PA SNGON DU 'GRO BA CAN NI BSGRUB PAR BYA BA BKOD PA SNGON DU 'GRO BA CAN GANG NA DU BA YOD PA DE NI RI'I ME YOD DO ZHES SPYI BKOD PA CAN GYI'O, ,'DIR YAN LAG MA YIN NO ZHES BYA BA NI BSGRUB PAR BYA BA MA RTOGS PAR BYA BA'I CHED DU RJES SU 'GRO BA SMRA BA YIN PA'I PHYIR RJES SU 'GRO BA STON PA NA'O, ,SGRUB PAR BYED PA'I NGAG LAS DAM BCA' BA'I NGAG LOGS SHIG TU BYA BAR JI LTAR 'GYUR ZHES BYA BA NI BSGRUB PAR BYA BA DNGOS SPYI DANG RJES SU STON PA YIN NO, ,DAM BCA' BA'I NGAG NYID RJES @264A *, ,SU 'GRO BA DANG LDOG PA'I NGAG YIN PAS SGRUB PA'I NGAG STE, SBYOR BA'I TSIG TU 'GYUR BA'I PHYIR DE LAS LOGS SHIG STE, SGRUB BAR BYED PA'I NGAG LAS LOGS SHIG TU DAM BCA' BA'I NGAG NI SGRUB BA'I YAN LAG MA YIN NO ZHES STON PAR JI LTAR 'GYUR TE, DE SGRUB PA'I NGAG NYID DU BSTAN PAR 'GYUR RO ZHES BYA BA'I DON TO, ,RTAGS KYI CHOS KYIS MI 'KHRUL PA ZHES BYA BA NI RJES SU 'GRO BA'O, ,CHOS CAN LA BSTAN PA NI ZHES BYA BA NI BSGRUB PAR BYA BA'I CHOS CAN BSAM PA MED PAR CHOS CAN GZHAN DPE'I CHOS CAN LA CHOS TZAM DANG 'BREL PA RAB TU BSTAN PA'O, ,DE LA RAB TU GRUB PA YIS BYA BA CHOS TZAM DANG 'BREL PA BSTAN PA'I RTAGS BSGRUB PAR BYA BA'I CHOS CAN LA RAB TU GRUB PAS SO, ,CHOS CAN LA YANG LDAN PAR RTOGS, ,DE RTAGS DAG LA GRUB PA'I CHOS CAN DE LA YANG KHYAB PAR BYED PA'I CHOS DE RTOGS SO, , GSUNGS ZHES BYA BA NI SLOB DPON PHYOGS KYI GLANG POS SO, ,ME LA SOGS PA RJES SU 'GRO BA YOD PAS SGRUB PAR BYED PA LTAR GTZO BO LA SOGS PAR YOD PA YANG KHA NA MA THO BA MED PA STE SKYON MED PA MA YIN NO, ,GZHAN GYI PHYOGS SUN 'BYUNG BA BSHAD NAS RANG GI PHYOGS KYI KLAN KA'I LAN GDAB PA'I PHYIR, BYE BRAG YONGS SU MI SBYOR PHYIR, ,ZHES BYA BA SMOS TE, SGRA'I YOD PA ZHES BYE BRAG YONGS SU MI SBYOR BA'I PHYIR TE YOD BA TZAM MO, ,DNGOS PO TZAM ZHIG CES BYA BA NI MI RTAG PA TZAM ZHIG GO, ,SGRUB BYED CES BYA BA NI KHYAB PAR BYED PA DE TZAM ZHIG DANG KHYAB PA GRUB PA'I YOD PA YIS SO, ,GAL TE SGRA'I YOD PA ZHES BYE BRAG TU MA GZUNG NA JI LTAR SGRA LA GRUB PAR BYED CE NA, DE LA BYE BRAG GZUNG BAR BYA BA NGES PA NI MED DO ZHES BYA BA SMOS TE, SGRA'I YOD PA ZHES BYA BA RJES SU 'GRO BA GZUNG BAR NGES BA NI MED DE, YOD PA TZAM LA BRTEN PA'I RJES SU 'GRO BAS KYANG BYA STE, BYE BRAG MED KYANG BSGRUB PAR BYA BA'I CHOS CAN LA 'DOD PA SGRUB PA NUS PA'I PHYIR TE, 'DI LTAR YOD PA TZAM LA MI RTAG PA TZAM GYIS KHYAD PAR GRUB PA NI KHYAB PA DANG LDAN PA'I YOD PA DE CHOS CAN GANG LA YOD PAR PHYOGS KYI CHOS SU BRJOD @264B PAS RANG LA KHYAB PAR BYED PA'I CHOS MI RTAG PA YANG CHOS CAN DE LA YOD PAS RTOGS PA'I PHYIR RO, ,YOD PA BSGRUB PAR BYA BA NYID YIN NA NI BYE BRAG RJES SU 'GRO BA MED PA LA YOD PA TZAM NI GRUB ZIN PA'I PHYIR RTAGS GZHAL BAR BYA BA LA SOGS PA 'BRAS BU MED DO, ,GZHAN YANG ZHES BYA BA NI SKYON RNAMS SDUD PA'O, ,YOD PA MA GRUB PA LA JI LTAR 'GYUR ZHES BYA BA NI, GTZO BO LA SOGS PA YOD PAR NAM YANG MA GRUB PA DE LA DE'I RANG BZHIN GYI RTAGS YOD PAR JI LTAR 'GYUR, GTZO BO LA SOGS PA RANG BZHIN YOD PA'I RANG BZHIN GYI CHOS 'GA' ZHIG RTAGS SU GRUB NA NI DE'I RANG BZHIN GRUB PA'I PHYIR GTZO BO LA SOGS PA'I DE NYID YIN PAR YANG JI LTAR MI 'DOD PA DE THA DAD PA MED PA'I PHYIR RO, ,GAL TE RANG BZHIN GYIS RTAGS BSGRUB PAR BYA BA NYID KYI NGO BO YIN NA JI LTAR RTAGS DANG RTAGS CAN GYI BYE BRAG TU 'GYUR ZHE NA, RANG GI NGO BO NYID YIN YANG STE, GTAN TSIGS BSGRUB PAR BYA BA'I RANG GI NGO BO YANG KHYAD PAR GZHAN SPANGS PA 'GA' ZHIG LA LTOS TE CHOS ZHES CHOS CAN LAS LDOG PA LTA BUR BSTAN TE THA DAD PA LTA BUR RO, ,CHOS DANG CHOS CAN GYI TSIG SGRA DAG STE SGRA'I DON THA DAD PAS KYANG NGO, ,BRJOD PAR BYA BA NI DE DAG GI RTEN PHYI'I DON TO, ,'DI NI RANG BZHIN GYI RTAGS MED PAR BSTAN PA'O, ,'BRAS BU YANG MI SRID PAR DON GYIS RTOGS PAR BYA STE, GTZO BO LA SOGS PA JI LTAR 'DOD PA'I BYE BRAG CAN LA MA GRUB PA'I PHYIR DE'I 'BRAS BU YANG CUNG ZAD TZAM YANG MI 'GRUB PAS SO, , DNGOS PO LA MI BRTEN PA ZHES BYA BA NI MED PA'I DNGOS PO LA MI 'JUG PA'O, ,GAL TE MA YIN PAR DGAG PA MED PA YIN YANG DNGOS PO LA 'JUG GO ZHE NA, MA YIN PAR DGAG PA MA YIN PAR ZHES BYA BA SMOS SO, ,'O NA DE JI LTAR ZHE NA, MED PAR BKAG PA STE DNGOS PO'I CHOS THAMS CAD DU LDOG PA TZAM GYI MED PA STE, RNAM PAR RTOG PAS GZHAG PA YOD PA LAS GTAN TSIGS SO, ,DE YANG MI 'GAL BA STE DE YANG JI LTA BU ZHIG CE NA, JI LTAR LUS MED BYA BA LUS MED PA NYID NI YOD PA MA YIN PA NYID DE CI YANG MED PA LA YANG 'JUG GO, ,YANG ZHES BYA BA'I @265A *, ,SGRAS NI SEMS LA SOGS PA YOD PA LA YANG 'JUG GO, ,DE'I PHYIR GNYI GA'I CHOS 'KHRUL PA'O, ,MED PA LA BKAG PA'I SGRAS 'JUG PAR BSHAD PA NA GSAL BYED PA NA RE, YOD PA MA YIN PA MED PA'I PHYIR TE, GZHI MED PA'I PHYIR BKAG PA'I YUL MA YIN PA YIN NO ZHES ZER RO, ,DE NI ZHES BYA BA YOD PA MA YIN PA DGAG PA'I YUL MA YIN NA'O, ,DA NI DE JI LTAR ZHES BYA BA NI YOD PA MA YIN BSGRUB PA'I YUL MA YIN NA'O, ,GAL TE MA YIN PA NYID KYIS DGAG PA'I YUL DU 'GYUR BA YANG JI LTAR ZHE NA, DGAG PA'I MTSAN NYID NI SGRUB PA LOG PA NYID YIN PA'I PHYIR RO, ,'ON TE SGRUB PA'I TSUL MA YIN PA NYID KYIS DGAG PA'I YUL DU GYUR PA YANG JI LTAR ZHE NA, DGAG PA'I MTSAN NYID NI SGRIB PA LOG PA NYID YIN PA'I PHYIR RO ZHES BYA BA SMOS TE, MTSAN NYID DANG YUL DAG GZHAN NYID NI MA YIN NO; ,GAL TE YONGS SU BGRANGS PA KHO NA LA ZHES BYA BA NI GANG LA DGAG PA 'JUG PAR 'DOD PA KHO NA LA DGAG PA LA 'JUG PA STE, DPER NA GRANGS CAN GANG DAG DBANG PHYUG MED PA DAG NI GTZO BO 'GA' ZHIG LAS SNA TSOGS SKYE BAR 'DOD LA, DE DAG NA RE GRANGS CAN RNAL 'BYOR SPYOD PA LA DRANG SRONG CHU KLUNG LA SOGS PA DBANG PHYUG TU SMRA BA DAG BKAG PA'I PHYIR DBANG PHYUG MED DO ZHES BYA BA NI GTAN TSIGS MED PAR 'JUG GI MED PA GZHAN LA NI MA YIN TE, DE LA 'JUG PAR MI 'DOD PA'I PHYIR RO ZHES ZER BA LTA BU'O, ,DE'I PHYIR LUS MED CES BYA BA YANG SEMS LA SOGS PA KHO NA LA 'JUG GI YOD PA MA YIN PA LA NI MA YIN TE, YONGS SU MA BGRANGS PA'I PHYIR TE, DE LA 'JUG PAR MI 'DOD PA'I PHYIR RO ZHES ZER NA'O, ,KYE MA ZHES BYA BA NI SKYO BAR STON PA'O, ,YANG NA SNYING RJE BA'O, ,SDUG BSNGAL BAS 'TSO BA SGRUB PA 'DI ZHES BYA BA NI RANG GI 'DOD PA'I SKYON CHAGS PA'I NYES PA BSRUNG DKA' BA'I PHYIR RO, ,BDAG NYID KYI GSON PA SDUG BSNGAL BAR BYED PA'O, ,JI LTAR BSRUNG BAR MI NUS SHE NA, BRDA LAS BYUNG BA ZHES BYA BA SMOS TE, SGRA'I 'JUG PA NI BRDA LAS BYUNG BA STE DE LA BRTEN PA'O, ,BRDA DE @265B YANG SKYES BU'I 'DOD PA TZAM DANG RJES SU 'BREL PA STE, DNGOS PO YOD PA KHO NA LA BRTEN PAR MA NGES PA'O, ,DE LTA BU'I SGRA DE 'DOD PA TZAM LAS BRGYUD DE, 'JUG PAS LUS MED CES BYA BA YOD PA MA YIN BA LA YANG 'JUG STE, SKYES BUS DE LA YANG BRDA BYAS PA'I PHYIR RO, ,DE 'DRA BA'I SGRA DE DON LA NGES PAR TE RANG 'DOD PAS 'JUG PA GZHAN DU ZHUGS BAR 'DOD PA STE GRAGS PA'I DNGOS PO DANG 'GAL BAR BYED 'DOD BA DE'I TSE'O, ,CHO NGES BTAB KYANG ZHES BYA BA NI LUS MED CES BYA BA YOD PA MA YIN LA MA BRJOD CIG CES GSOL BA SHIN TU BTAB KYANG NGO; ,'JIG RTEN MI LDOG GO ZHES BYA BA NI GRAGS PA BRDA JI LTA BA BZHIN DU GO BAR 'GYUR BAR MI LDOG PA'O, ,'JIG RTEN NI YOD PA MA YIN PA YANG RTOGS PAR BYA BA'I PHYIR MED CES BYA BA'I SGRA LA BRDAR BYED PA'O, ,GAL TE BRDAR BYAS KYANG MI RTOGS NA NI 'DOD PA DANG BYE BRAG MED PA'I PHYIR TE, MI RTOGS PAR 'DOD PA'I YOD PA MA YIN PA DANG BRDAR BYAS BAR BYE BRAG MED PA'I PHYIR GNYIS PA MA YIN PAR DGAG PA SEMS LA SOGS PA LA YANG LUS MED CES BYA BA NI SGRAS MI RTOGS PAR THAL BAR 'GYUR BA'I PHYIR RO, ,DE LAS KYANG RTOGS PA YANG DAG PAR BRTEN BA'I PHYIR TE ZHES BYA BA NI MA YIN PAR DGAG PA SEMS LA SOGS PA'I BRDA LAS KYANG RTOGS PA MED PA'I SGRA LA BRTEN PA'I PHYIR TE, MED PA'I SGRAS RTOGS PA'O, ,DE NI GZHAN LA YANG MTSUNGS PA'I PHYIR RO ZHES BYA BA BRDA'I MTHU LAS RTOGS PA'O, ,THE TSOM ZA BA YANG RNAM PAR BCAD PAS GO BAR BYED PA NYID THOB STE RTAGS SU 'GYUR BA YIN NA, RNAM PAR GCAD PA CAM LUS MED CES BYA BA DE NI MA YIN PAR BKAG PAS SEMS LA SOGS PA YOD PA LA YANG 'JUG PA YOD PA LA YIN PA RI BONG GI RVA LA SOGS PA LA YANG SRID PAS SO, ,DE JI LTAR DE'I BDAG NYID DU SGRUB PAR BYED CES BYA BA NI GNYI GA LA SRID PA'I RTAGS JI LTAR NA YOD PAS DE'I BDAG NYID DU NGES PA SGRUB PAR BYED CES BYA BA'I DON TO, ,RNAM PAR GCAD PA MA YIN PA'I MTSAN NYID CES BYA BA NI DGAG PA MA YIN PA STE SGRUB PA'O, ,DNGOS PO MED PA LA YANG BLOS RNAM PAR GZHAG @266A *, ,PA'I PHYIR ZHES BYA BA NI BRDA'I DBANG GIS SO, ,ZHES BYA BA LA SOGS PA GTAN TSIGS YOD PA DE MED PA LA YANG 'JUG BA'I PHYIR THUN MONG GI MA NGES PA YIN NO ZHES SNGA MA RNAM PAR BCAD PAS BSHAD PA YIN TO GO BAR BYA BA YIN NO, ,GNYI GA'I CHOS DE ZHES BYA BA LUS MED CES BYA BA'O, ,YOD PA LAS GZHAN YOD PA MA YIN PA LA 'JUG PA RANG GI NGAG GIS SMRAS PAS BSHAD CES BYA BA NI, GTAN TSIGS GNYI GA'I CHOS YIN PA'I RTOGS PA'I SKABS KYIS SO, ,GNYI GA'I CHOS NYID YIN YANG ZHES BYA BA NI RTAG PA DANG MI RTAG PA GNYI GA'I CHOS YIN YANG NGO, ,SKYON MED DE ZHES PA NI MA NGES PA'I'O, ,DE YANG RTAG PA DANG MI RTAG PA GNYI GA YIN PAS CI'I PHYIR 'KHRUL PA CAN MA YIN ZHE NA, PHYOGS NYID LA 'KHRUL PA'I YUL NI MA YIN TE, BUM PA DANG NAM MKHA' DAG MTHUN BA'I PHYOGS NYID DU BYAS PA'I PHYIR DE LA 'JUG PAS MI MTHUN PA'I PHYOGS LA 'JUG PA'I 'KHRUL PAR MI RIGS PA'I PHYIR RO SNYAM PA'O, ,KHYOD CES BYA BA NI PHYOGS DANG MTHUN PA'I PHYOGS LA GANG YANG RUNG BA ZHES BYA BA SMRA BA'O, ,DE JI LTAR ZHES BYA BA NI BSGRUB PAR BYA BA MED PA MI MTHUN PA'I PHYOGS YIN NA GNYI GA'I CHOS ZHES BYA BRTAG PA DANG MI RTAG PA NAM MKHA' DANG BUM PA'I CHOS DE BUM PA'I CHOS NYID DU NI BSGRUB PAR BYA BA RTAG PA MED PA LA 'JUG PA NAM MKHA'I CHOS NI BZLOG PA LA'O, ,DE'I PHYIR GNYI GA'I CHOS DE JI LTAR MI MTHUN PA'I PHYOGS LA MI 'JUG ,GAL TE DE DAG MTHUN PA'I PHYOGS NYID DU BYAS PA'I PHYIR MI MTHUN PA'I PHYOGS MA YIN NO ZHE NA, PHYOGS DANG MI MTHUN PA'I PHYOGS RNAM PAR PHYE BA LA LTOS PA ZHES BYA BA NI SKYES BU'I 'DOD PAS RNAM PAR PHYE BA LA LTOS PA STE, DE'I STOBS KYIS MI 'KHRUL BA DANG CIG SHOS SU MI 'GYUR PA'O, ,CI'I PHYIR ZHE NA, MI 'KHRUL PA DANG 'KHRUL PA NI DNGOS PO BA STE, DNGOS PO'I STOBS KYIS YIN PA'I PHYIR RO, ,DE'I PHYIR PHYOGS KYIS BYAS PA THAMS CAD CES BYA BA SMOS TE, RGOL BAS PHYOGS SU BYAS PA LA YOD PA'I BYAS PA YIN NA JI LTAR GYUR KYANG MI RTAG BAS KHYAB PO ZHES BYA BA'O, ,KHYAB PA TSAD MAS NYE @266B BAR STON TE ZHES BYA BA NI 'DOD PA MA YIN PA'O, ,BYAS PA THAMS CAD CES BYA BA NI PHYOGS KYI BYAS PA ZHES BYA BA NI BYE BRAG DANG BRAL BA'O, ,DE LTAR GRUB NA ZHES BYA BA NI DNGOS PO'I STOBS KYI KHYAD PAR RO, ,GZHAN DU ZHES BYA BA'I SKYES BU'I 'DOD PAS GAL TE 'DOD PAS KHYAB PA SGRUB PA YANG CI'I PHYIR GO BAR BYED PA MA YIN ZHE NA, SKYES BU'I 'JUG PA NI ZHES BYA BA LA SOGS PA SMOS SO, ,GANG ZHIG SKYES BUS BSGRUB PAR BYA BA NYID DU 'DOD PA DE PHYOGS YIN TE ZHES BYA BA NI SKYES BUS BYAS PA YIN PA'O, ,DE YANG 'DOD PA 'BA' ZHIG GI PHYOGS SU MI 'GYUR GYI DNGOS PO GANG KHO NA MI 'KHRUL PA'I YUL DU MTHONG BA ZHES BYA BA GNOD PA MED PA DANG, BRJOD PAR 'DOD PA'I GRANGS GCIG PA CAN KHO NAR GNAS PA DE PHYOGS SU BYED PA'I PHYIR, DNGOS POS YIN LA DE YOD PA YANG DNGOS POS YIN PA'I PHYIR GNYI GA'I CHOS MI 'KHRUL BA NYID DO ZHE NA'O, ,RJES SU DPAG PA'I YUL LA ZHES BYA BA NI DNGOS PO'I STOBS ZHUGS LA'O, ,MNGON SUM GYIS GNOD PA YOD PA YANG ZHES BYA BA NI RJES SU DPAG PAS GNOD PA YANG NGO, ,SMRAS ZIN TO ZHES BYA BA NI LE'U GNYIS BA LA SOGS PA MANG DU'O, ,GNOD PA MED PA NYID KYI MTSAN NYID KYANG DE LA MA NGES PA'I MTSAN NYID DO ZHES KYANG NGO ZHES BYA BA NI DE YANG SNGAR SMRAS ZIN TO ZHES BYA BA STE LE'U 'DI NYID DU'O, ,DE DAG GIS CI ZHIG BRJOD CE NA, PHYOGS KYI MTSAN NYID JI SKAD DU SMRA BA DE LTA BUS NI DNGOS PO'I STOBS KYIS ZHUGS PA'I RTAGS LA PHYOGS RNAM PAR PHYE BAS RTAGS KYIS GO BAR BYED PA'I MTSAN NYID LA PHAN PAR 'GYUR BA'AM GNOD PAR 'GYUR BA MA YIN NO ZHES BSTAN PA YIN NO, ,DE LTAR NA ZHES BYA BA NI PHYOGS KYI MTSAN NYID KYI GTAN TSIGS KYI GO BAR BYED PAR MI 'GYUR NA'O, ,DE LTAR BSGRUB PAR BYA BA LA MI LTOS NA GO BAR BYED PA NYID DO ZHES BYA BA 'DI CI ZHIG CES BYA BA 'DI BSGRUB PAR BYA BA LAS GZHAN PA'O, ,GANG GIS ZHES BYA BA NI BSGRUB PAR BYA BA LA MA LTOS PA'I RTAGS KYIS SO, ,GANG GI PHYIR ZHES BYA BA NI GTAN TSIGS GANG GI RGYUS SO, ,DON LA MI 'KHRUL PAR SEMS PAR BYED PA STE, DON DAM PA'I DON LA MI SLU BA'O, ,DE'I PHYIR ZHES BYA BA NI DON DAM PA'I @267A *, ,DON LA MI SLU BAR SEMS DANG BA'O, ,DNGOS POS KHYAD BAS NI DON DAM PAS SO, ,DE'I PHYIR SKYES BUS PHYOGS NYID DU MI 'DOD KYANG DNGOS POS KHYAB PA'I RTAGS YOD NA KHYAB PAR BYED PA'I DON DE LA MI 'KHRUL LA, DNGOS POS KHYAB BA DE MED NA SKYES BUS PHYOGS SU BYAS KYANG MI SLU BAR MI 'GYUR RO ZHES BYA BAR RTOGS PAR BYA'O, ,DE'I PHYIR RTAGS GANG ZHIG MI MTHUN PA'I PHYOGS LA 'JUG KYANG MI MTHUN PA'I PHYOGS DE SKYES BU 'DI PHYOGS SU BYED NA RTAGS MI 'KHRUL LA GZHAN PHYOGS SU MI BYED PA DAG NI 'KHRUL PAR 'GYUR RO ZHES BYA BA 'DI NI SHIN TU RNAM PAR DAG PA'I TSAD MA YIN TE, DNGOS PO DANG MI MTHUN PAR ZHUGS PA YIN PA'I PHYIR 'THING SLAD DU BYAS PA'O, ,DE LTAR GNYI GA'I CHOS GTAN TSIGS 'KHRUL PAR BSTAN PA BSHAD NAS MED PA'I CHOS 'GAL BAR BSTAN PA'I PHYIR MED BA TZAM GYIS KHYAB PA NI MED PAR BKAG PAS KHYAB PA'O; ,DON GYI RNAM PAR BCAD PA NI YOD PA'I DON LOG PA TZAM MO, ,YANG 'DI ZHES BYA BAS RANG GI PHYOGS LA KLA NA KA'I LAN 'DEBS PA STE 'DI ZHES BYA BA NI YOD PA'O, ,DE TZAM GYIS KHYAB PA ZHES BYA BA NI MI RTAG PA SGRA LA SOGS BA'I BYE BRAG DANG BRAL BA'O, ,SPYI'I DNGOS PO ZHES BYA BA YOD PA YANG SGRA LA SOGS PA'I BYE BRAG DANG BRAL BA'I DNGOS PO'O, ,DES NA ZHES BYA BA NI SPYI'I DNGOS PO KHYAB PA GRUB PAS SO, ,LDOG PA MED PAS SO ZHES BYA BA NI MI RTAG PA'I PHYIR ZHES BYA BA'I RTAGS NI MI MTHUN PA'I PHYOGS SGRA LA SOGS PA LAS MA LOG PA'I PHYIR RO, ,'DIR YANG DE LTAR YIN TE ZHES BYA BA NI LOG PA YOD PA YIN PA'O, ,JI LTAR ZHE NA, MI MTHUN PA'I PHYOGS BUM PA LA SOGS PA LA LDOG PA YOD PA'I PHYIR RO, ,RJES SU 'GRO BA GTZO MI CHE BA'I PHYIR RO ZHES BYA BA NI STOBS CHUNG BA'I PHYIR SNYAM PA'O, ,JI LTAR ZHE NA, BYE BRAG PA'I LUGS LTAR RDUL PHRA RAB DAG RTAG PA YIN LA DE LA REG PAR BYA BA MA YIN PA NYID RJES SU 'GRO BA MED PA'I PHYIR MTHUN PA'I PHYOGS LA MA KHYAB PAS SO, ,GAL TE DE LTAR NA 'DI GO BAR BYED BAR 'GYUR TE, 'DIR MI RTAGS PA NYID MTHUN PA'I PHYOGS RTZOL BA LAS BYUNG BA THAMS CAD LA RJES SU 'GRO BA'I PHYIR STOBS DANG LDAN @267B BA'O; ,MI MTHUN PA'I PHYOGS NAM MKHA' LA SOGS PA 'GA' ZHIG LAS LDOG PA YANG YOD LA DE STOBS CHUNG BA STE MI MTHUN PA'I PHYOGS GLO GA DANG RTZAL LA SOGS BA LAS LDOG PA MED PA'I PHYIR RO, ,RTAG PA RNAM PAR BCAD BA ZHES BYA BA NI THAMS CAD DU RTAG PA LA SOGS PAS SO, , GZHAN DU ZHES BYA BA NI RJES SU 'GRO BA NYI TSE MNYAM PA'AM DE STOBS CHE BAS SO, ,'DI YOD PA TZAM ZHES BYA BA NI RJES SU 'GRO BA'O, ,'DI'I NUS PA YONGS SU RDZOGS PA'I PHYIR RO ZHES BYA BA NI RTAGS DAG GIS SGRUB PAR 'DOD PA'I PHYIR RO, ,BYE BRAG DE DAG 'BA' ZHIG CES BYA BA NI SGRA DANG PHYOGS RTAG PA DANG, ME MED PAR RNAM PAR BCAD PA DAG GO, ,'O NA CI ZHIG NA, MI MTHUN PA'I PHYOGS MA YIN PA NI SPYI STE PHYOGS NYID CES BYA BA'I SPYI BSGRUB PAR BYA BA YIN NO ZHES BYA BA'I DON TO, ,SPYI YIS NI MI MTHUN PA'I PHYOGS MA YIN PA NYID CES BYA BAR RTOGS PAR 'GYUR LA; MI MTHUN PA'I PHYOGS DANG MA 'DRES PA DE NI GZHAN RNAM PAR BCAD PA RTOGS PA NYID KYIS GRUB PA'I PHYIR SPYI'I TSAD MAS MA GRUB CING DGOS PA MED PA DES CI ZHIG BYA ZHES BSTAN PA'I PHYIR GAL TE GZHAN DANG MA 'DRES PA ZHES BYA BA LA SOGS PA SMOS SO, ,DE LTAR LDOG PA GTZO CHER SGRUB PA ZHES PA NI RTAGS KYANG LDOG PA STOBS DANG LDAN BAR GRUB LA RTAGS CAN YANG LDOG PA STE, RNAM PAR GCAD PA NYID GTZO BO YIN GYI SPYI NI MI DGOS SO ZHES GRUB PA'O, ,MI MTHUN PA'I PHYOGS LA MA MTHONG DU ZIN KYANG ZHES BYA BA NI MA MTHONG BA TZAM 'BREL PA'I YUL LOG PAS ZHES BYA BA TSAD MA'I STONG BA'O, ,LUS DANG DBANG PO DANG BLO DAG CES SO SOR PHYE NAS SBYAR TE, DPYOD PA'I SBYOR BA GSUM PO DAG NI RIG BYED KYI LUD DE NYID KYI TSAD MA DE SKYES BU'I THAMS CAD MKHYEN BA NI MI SRID DO ZHES ZER RO, ,DE'I PHYIR LUS LA SOGS PA RNAMS 'DOD CHAGS LA SOGS PA'I RGYU YIN MOD KYI NYE BAR LEN PA'I TSUL BZHIN MA YIN PA YID LA BYED PA DANG BRAL BA RNAMS NI NUS BA SHIN TU MED DO, ,BDAG DANG BDAG GI'O ZHES MA MTHONG BA NYID LA ZHES BYA BA NI LOG PA NA 'DOD CHAGS LA SOGS PA LDOG GO ZHES BYA BAR STON @268A *, ,TO, ,DPER NA BDAG DANG BDAG GIR MA BZUNG BA'I DNGOS PO LTA BU'O, ,DE'I PHYIR BDAG DANG BDAG GIR 'DZIN PA YOD PA TZAM GYIS 'DOD CHAGS LA SOGS PA YOD LA DE MED NA MED BA'I PHYIR LUS LA SOGS PA NYI TSE'I NUS PA MA YIN BA'I PHYIR MI MTHUN PA'I PHYOGS THAMS CAD MKHYEN PA DANG 'DOD CHAGS DANG BRAL BA DAG LA MA MTHONG DU ZIN KYANG DE DAG DANG 'GAL BA MED DE DE DAG YOD LA 'DOD CHAGS LA SOGS PA SKYED MI NUS BA SRID PA'I PHYIR RO, ,GAL TE DE LTAR NA RGYU DANG 'BRAS BUR MA GYUR PA GZHAN RO LA SOGS PAS GZUGS LA SOGS PA RTOGS PA ZHES BYA BA NI DA LTAR BA'I RO LA SOGS PA STE, DUS MNYAM PA'I DNGOS PO GNYIS LA RGYU DANG 'BRAS BU MED PA'I PHYIR RO, ,'DI LA RTOGS BA'I RIM PA DANG SKYE BA'I RIM PA GNYIS SU SHES PAR BYA STE, DE LA MOD LAS NI SHES PA'I RIM PAS BSHAD DO, ,'GREL BA LAS NI SKYE BA'I RIM PA SNGAR BSHAD NAS DE'I RJES LA RTOGS PA'I RIM PA BSHAD DO, ,GROG MO'I NYE BAR LEN BA'I RGYU NI GROG MO'I SKAD CIG MA SNGA MA'O, ,DE LHAN CIG BYED PA NI 'BYUNG BAR 'GYUR BA'I BYE BRAG CHAR 'BAB PA'I RGYU'O, ,DE'I PHYIR GROG MO 'PHO BA'I RGYU'I RANG BZHIN CHAR 'BAB PA'I RGYU 'BYUNG BAR 'GYUR BA'I LHAN CIG BYED PA CAN NAM, GROG MO'I 'PHO BA'I NYE BAR LEN PA CHAR 'BAB PA'I RGYU 'BYUNG BAR 'GYUR BA LHAN CIG BYED PA YIN PA NYID DPAG PAS CHAR 'BAB PA DPOG PA'I PHYIR 'BRAS BU'I RTAGS LAS SKYES PA'I RJES SU DPAG PA YIN NO, ,NYA 'PHAR BA LA SOGS PA YANG DE BZHIN NO; ,RVA CAN YIN TE GLANG YIN PA'I PHYIR RO ZHES BA CHA SHAS CAN GYIS CHA SHAS RTOGS PA ZHES BYA BA RTAGS GSUM PA LAS GZHAN PA SDE GZHAN YIN PA'I PHYIR RANG BZHIN GYI RTAGS MA YIN LA DUS MNYAM PA'I PHYIR 'BRAS BU'I RTAGS MA YIN ZHING DGAG PA MI BYED PAS MI DMIGS PA YANG MA YIN NO SNYAM PA'O, ,SPYI RU RNAM PAR GZHAG PA NI ZHES BYA BA NI GLANG NYID DU'O, ,SPYI CAN NI NO GA PA DANG RAL SOGS PA'O, ,YANG GZHAN DAG CHU MI G-YO BAR MTHONG NAS DE'I GTING GI GZHI RJES SU DPOG BA YANG SNGA MA'I TSUL GYIS RTAGS BZHI PAR 'DOD DE BRTEN PAS RTEN DPOG @268B PA'O; ,DE LTA BU'I BDAG NYID KYI CHU ZHES BYA BA NI THUR DU MI LTUNG BAR GNAS PA'I RANG BZHIN NO, ,DE GZHI LAS MNGON PAR ZHUGS PA ZHES BYA BA NI GZHI LAS SKYES PA STE CHU'I NYE BAR LEN PA DANG GZHI'I NYE BAR LEN PA DAG LHAN CIG BYAS BAS CHU BRTAN PA'I RANG BZHIN SKYES PA'O, ,DE LAS PHAN PA NYAMS SU MYONG BA MED NA ZHES BYA BA NI GZHI LAS CHUS KHYAD PAR CUNG ZAD MA THOB NA'O, ,DE LAS GNAS SKABS KYI BYE BRAG THOB PAR MI RIGS SO ZHES BYA BA NI RTEN DE LAS BRTEN PA CHU BRTEN PA NYID THOB PAR MI RIGS BA STE PHAN PA MED PA LA RTEN DANG BRTEN PA NYID MI 'THAD PA'O, , SNGAR BRJOD ZIN TO ZHES BYA BA NI LAN MANG DU'O, ,YANG DAG PAR SBYOR BA'I PHYIR RO ZHES BYA BA NI RTEN DANG BRTEN PA SBYOR BA'I 'BREL PA YANG DAG PAR SBYOR BA ZHES BYA BAS BRTAN PAR GZHI DANG SBYOR BA'O, ,CI STE DE DAG GI YANG DAG PAR SBYOR BA YIN ZHES BYA BA NI RGYU CUNG ZAD MED NA YANG DAG PAR SBYOR BA MI RUNG BA'I PHYIR RO, ,GAL TE DE DAG LAS ZHES BYA BA NI GZHI DANG CHUD DANG LAS YANG DAG PAR SBYOR BA SKYE BO 'DU BAS SO ZHES BYA BA NI GZHI DANG CHU DAG LAS YANG DAG PAR SBYOR BA MI SKYE BA'I DE DAG LA 'DU BA STE DE DANG 'BREL PA STE, CI STE GCIG LA ZHES BYA BA NI RTEN NAM CHU LA'O; ,DE LTAR NA YANG DAG PAR SBYOR BA RTEN MED KYANG CHU 'BA' ZHIG BRTAN PAR GNAS PAR RUNG BA'O, ,GAL TE DE LAS MI NUS PA'I PHYIR RO ZHES BYA BA NI GCIG KHO NA LA'O, ,DE DANG 'DRA BA'I PHYIR ZHES BYA BA NI GZHI DANG CHU DAG KHYAD PAR SKYES PA'I PHAN PAR BYA BA DANG, PHAN PAR BYED PA MA YIN PA 'DRA BAS SO, ,PHAN PA MED PA DE'I PHYIR YANG DAG PAR SBYOR BA LAS GZHI DANG CHU DAG YANG DAG PAR SBYOR BA DE DANG LDAN PA ZHES BYA BAR MI 'GYUR RO, ,YANG NA YANG DAG PAR SBYOR BA LA YANG DAG PAR SBYAR BAR BYA BA BZHIN DANG, CHU DE DAG DANG LDAN PAR MI 'GYUR RO, , DE DANG MI LDAN NA YANG DE LAS BRTAN PAR GNAS PAR MI 'GYUR RO, ,GAL TE LHAN CIG PA LA ZHES BYA BA NI GZHI DANG CHU LHAN CIG TSOGS PA LA'O, ,PHAN TSUN ZHES BYA BA NI YANG DAG PAR SBYOR BA'I STOBS KYIS CHU DANG GZHI DAG LA DANG DE DAG GIS KYANG YANG DAG PAR SBYOR BA @269A *, ,LA'O; ,BSKYED PAR BYA BA DANG SKYED PAR BYED BA MA YIN BA LA ZHES BYA BA NI YANG DAG BAR SBYOR BAS NI DUS GCIG PA'I RTEN DANG BRTEN BDAG 'BREL PAR BYED BA'I PHYIR 'BREL PA CAN DAG PHAN TSUN BSKYED PAR BYA BA DANG SKYED PAR BYED BDAG MED PAS SO, ,DE NYID KYI PHYIR RANG GI NGO BO LA NI SGRUB PA'I PHYIR RO ZHES BYA BA SMOS TE, 'BREL PA CAN DAG GSUM PA 'BREL BDAG TU MNYAM BAR 'BREL BA YIN PA'I PHYIR GSUM GA YANG GRUB ZIN BA'I PHYIR RO, ,GZHAN GYIS KYANG ZHES BYA BA NI 'BREL BA'I CHOS DAG GI NGO BO LAS GZHAN BA'I PHAN PA'O, ,RNAM PA GANG GIS KYANG ZHES BYA BA NI RANG NGAM GZHAN GYI NGO BO GANG GIS KYANG NGO, ,DE'I PHYIR DNGOS PO THAMS CAD KYI 'BREL BA NYID NI ZHES BYA BA NI DNGOS BO THA DAD PA'I'O, ,DE DAG LA ZHES BYA BA NI BUM BA DANG SA GZHI DANG BTAR DANG RGYA SHUGS DANG CHU DAG LA'O, ,DE LTA BU'I BDAG NYID KYI THA SNYAD CES BYA BA NI RTEN DANG BRTEN PA'I'O, ,BSKYED PAR BYA BA DANG SKYED PAR BYED PA'I DNGOS PO DE BUM PA'I LHAN CIG BYED BA DANG CHU'I NYE BAR LEN BA DAG LHAN CIG BYAS BAR CHU BRTEN PA NYID DU SKYE LAS GZHI LA SOGS PA YANG DE DANG 'DRA'O, ,'DI DAG DE'I MED NA MI 'BYUNG BA MA YIN BA'I PHYIR ZHES BYA BA 'DI RTEN DANG BRTEN PA ZHES BYA BA 'DI DAG YANG DAG PAR SBYOR BA DE'I MED NA MI 'BYUNG BA MA YIN TE RTEN DANG BRTEN DU 'DOD PA TZAM GYIS DE LA BRTEN PA'I MTSAN NYID 'GRUB PA'I PHYIR BRGYUD PAS BTAGS PA NI BRGYUD BA YANG MA YIN LA BTAGS PA YANG MA YIN PAS BRGYUD PAS BTAGS PA STE, DE LA RTEN DANG BRTEN PAR 'DOD PA GNYIS LAS NI YANG DAG BAR SBYOR BA NUS PA'O, ,DE LAS NI DE BRTEN PA'I RANG BZHIN NO ZHES BYA BA'O, ,DE NYID BRTAG PA STE YANG DAG PAR SBYOR BA TSAD MAS GRUB BA MED PA'I PHYIR RO, ,DON MED BA'I PHYIR RO ZHES BYA BA NI RTEN DANG BRTEN PA DAG YOD PA TZAM GYIS BRTEN PA'I GNAS BAR 'GRUB BAR TSAD MAS 'GRUB PA'I PHYIR RO, ,PHAN BTAGS BAS BSHAD PA NI GNAS PA BRTEN BA NYID YIN NA NI DE DUS MNYAM PA LA MI 'THAD DE GRUB ZIN PA LA PHAN BA MI SRID PAS SO, ,GZHAN DU GYUR PA YANG DE LA PHAN PA MA YIN NO ZHES @269B SO; ,GAGS BYED PA YANG CI ZHIG CES BYA BA NI DE NYID DAM DE MA YIN BA ZHIG CES BTAGS PA'O, ,DE LA RTOG BA DANG PO'I DBANG DU BYAS TE, DE'I LTUNG BA'I GAGS BYED BA'I PHYIR ZHES BYA BA GANG GNAS BA DE NYID KYI RANG BZHIN DU GYUR BA'I GAGS BYED BA'I PHYIR RO, ,DE KHO NA LA ZHES BYA BA NI BRTEN PA'I CHOS LAS GZHAN DU GYUR BA'I GAGS ZHES BYA BA'I RANG BZHIN TE DE NYID LA GZHI NYE BAR SBYOR BA'I PHYIR BRTEN PA'I DBANG PO LA NI CI YANG MI BYED PA'I PHYIR GZHI DE JI LTAR BRTEN PA'I DBANG PO LTUNG BA'I GNAS YIN TE, GAGS BYED BAS MI LTUNG NGO ZHES BYA BA NI GZHI GAGS LA GAGS KYIS MI LTUNG BAR BYED DO ZHES BYA BAR RTOGS NA YANG NGO, ,MI LTUNG BA DE YANG BRTEN PA'I DNGOS BO DE NYID DAM DE MA YIN ZHES BRGAL ZHING BRTAG PA MTSUNGS SO, ,GAGS KYI TSIGS DON BYAS PA ZHES BYA BAR DE CUNG ZAD BYAS PA ZHIG YIN PAR BSHAD NA YANG DE MI 'THAD DE, THUG PA MED PAR YANG 'GYUR TE ZHES BYA BAR NI KHYAD PAR DE LAS KHYAD PAR 'GA' ZHIG MA THOB NA NI DE'I KHYAD PAR DU YANG MI 'GYUR LA DE LAS KHYAD PAR GNYIS PA ZHIG THOB NA YANG SNGA MA LTAR BRTAG PA MTSUNGS PA'I PHYIR KHYAD PAR RNAMS THUG PA MED PAR 'GYUR RO, ,GNOD PA DE DAG GI RTZA BA DE NI DE'I BDAG NYID DU GYUR PA'I PHAN PA KHAS MI LEN BA'I PHYIR RO, ,DE YANG CIS NA KHAS MI LEN ZHE NA, DE KHAS BLANGS NA DE'I RANG BZHIN RTEN LAS GRUB PAR GYUR LA DE LTA NA YANG RGYU DANG 'BRAS BUG 'GYUR ZHING RTEN DE LAS RTOGS BA YANG 'BRAS BU'I RTAGS LAS SKYE BAR 'GYUR DU 'ONGS PAS SO, ,RANG GI BDAG NYID GZHAN DU MA GYUR PA'I PHAN BA MI 'THAD PA DE'I PHYIR LTUNG BA MED PA'I GAGS YIN NO ZHE NA, SNGA MA BZHIN DU THAL BAR 'GYUR RO ZHES BYA BA LE'U GNYIS PA'I RANG BZHIN GYI RTAGS BSHAD PA LA SOGS PAR BSHAD PA LTAR RO, ,DE NYID BSTAN PA'I PHYIR 'DI BYED PA'I DNGOS PO 'GOG PA ZHES BYA BA LA SOGS PA SMOS SO, ,DE YANG 'DOD PA YIN NO ZHES BYA BA NI GZHI LTUNG BA MI BYED DO ZHES KHO BO LA GRUB ZIN PA'I PHYIR KHYED KYIS BRJOD PA NI DON MED DO, ,DE LA YANG NYES PA GZHAN BSTAN PA'I PHYIR DE LTAR LTUNG BA DE BYAS BA MED KYANG ZHES BYA BA LA SOGS PA SMOS @270A *, ,SO; ,SKAD CIG MA'I DNGOS BO RNAMS ZHES BYA BA NI GZHAN GYIS LHAN CIG BYAS PA'I RGYUN SKAD CIG MA GZHAN LA SKYE BAR RUNG BA'O, ,DE LA YANG BRTEN PA'I RGYU DANG YUL MTSUNGS BA NYID SKYE BA STE, DE DANG NYE BAR 'BRAS BU'I RGYUN SKYE BA'O, ,GZHI LA SKYE BAR GRUB PO ZHES BYA BA NI DE LAS SKYES PA'I RTAGS CAN SHES PA YANG 'BRAS BU'I RTAGS LAS SKYES PA NYID DU 'GYUR RO, ,'BRAS BU'I ZHES RJES SU 'JUG GO ZHES BYA BA NI MDO SNGA MA LAS BDAG NYID DE 'DRA'I RGYU, DE'I 'BRAS BU ZHES SMOS PA LTAR RO, ,MED PA MI 'BYUNG BAR NGES BA'I PHYIR RO ZHES BYA BA NI BSGRUB PAR BYA BAR 'DOD PA MED PAR YANG GTAN TSIGS SU 'DOD PAR 'BYUNG SRID PA'I PHYIR RO, ,RTOGS BA RNAMS KYI SGRUB BYED MIN, ,ZHES BYA BA NI RGOL BA DANG PHYIR RGOL BA RNAMS KYI GTAN TSIGS LTAR SNANG BA YIN NO ZHES BYA BA'I DON TO, ,SHES BYED YAN LAG KYANG CI YIN ZHE NA, GTAN TSIGS KYANG TSUL GSUM PA GO BAR BYED PA YIN TE ZHES BYA BA SMOS SO, ,MA 'BREL PAS NI MI RTOGS TE, ,ZHES BYA BA NI CHOS CAN DANG SGRUB PAR 'DOD PA'I CHOS DAG DANG NGO, ,DE LA CHOS CAN DANG MA 'BREL BA GO BAR MI BYED PA BSTAN PA'I PHYIR, TSAD MA LA SOGS PA MTHONG BA STE, SGRUB PAR 'DOD PA'I CHOS DANG 'BREL BA MTHONG BA YANG NGO, ,RGYA MTSOR ME BZHIN ZHES BYA BA NI CHOS CAN DANG 'BREL PAR MA GRUB PA'I DPER BRJOD PA'O, ,MA 'BREL BAS ZHES BYA BA NI CHOS CAN DANG CHOS DAG DANG NGO, ,GO BAR BYA BA DANG, GO BAR BYED PA DAG GI CIG GAM GNYI GA LAM GRUB PAS THE TSEM ZA BA NI CI RIGS PAR DE DAG NYID KYI GTAN TSIGS LTAR SNANG BA YIN TE RGOL BA LA MA GRUB PA DANG PHYIR RGOL BA GNYI GA LA MA GRUB PA ZHES BYA BA'O, ,THE TSOM ZA BA YANG DE BZHIN NO, ,GCIG RAB MA GRUB THE TSOM ZA, ,ZHES BYA BA NI CI RIGS PA STE, CHOS CAN DANG MA 'BREL PA'I DON GCIG MA GRUB BAM THE TSOM ZA BA NI MA GRUB CES BYA BAR SBYAR RO, ,MTHUN PA'I PHYOGS NYID LA YOD PA GCIG GAM, MI MTHUN PA'I PHYOGS LA MED PA NYID GCIG MA GRUB BAM THE TSOM ZA NA 'KHRUL PAR 'GYUR ZHES BYA BAR SBYAR RO, ,GNYIS MA GRUB BA DANG THE TSOM ZA ZHES BYA BA NI @270B MI MTHUN PA'I PHYOGS NYID LA YOD PA DANG, MI MTHUN PA'I PHYOGS LA MED PA NYID DAG GCIG RAB MA GRUB NA 'GAL BAR 'GYUR ZHES BYA BAR SBYAR RO, ,THE TSOM ZAN 'KHRUL BA CAN, ,ZHES BYA BAR SBYAR RO, ,'CHI BA KHAS BLANGS NAS SEMS PA CAN NYID JI LTAR KHAS BLANGS PAR MI 'GYUR ZHES BYA BA NI; RNAM PAR SHES PA 'GAG PA'I MTSAN NYID KYI 'CHI BA KHAS BLANGS NA'O, ,GAL TE 'CHI BA'I SGRA LA 'JUG PA'I PHYIR RO ZHES BYA BA NI SHUN LPAGS BSHUS NAS 'CHI'O ZHES GRAGS PA'I PHYIR RO ZHE NA, HA CANG THAL BAR 'GYUR RO ZHES BYA BA'I PHYIR RO ZHES BYA BA NI, SBRAS GANG BRJOD PAR GRUB PAR THAL BA STE, DPER NA CHU NGOGS STONG PA LA CHU 'GRAM NI BU RAM GYI PHUNG PO YOD DO ZHES BRJOD NA YANG DE YOD PA LA SOGS PA'O, ,NGOS POS GO BAR BYA BA'I DNGOS PO GRUB PA NI MA YIN NO ZHES BYA BA NI RTAGS DNGOS POR GYUR PAS GO BAR BYA BA'I CHOS DNGOS PO GRUB PA MA YIN PA'O, , 'O NA CI ZHE NA, SGRA'I DON TZAM ZHIG 'GRUB PAR 'GYUR BA'O , ,MI RTAG PA'I PHYIR DBYIBS DANG LDAN BA'I PHYIR ZHES BYA BA NI GRANGS CAN DAG MI RTAG PA'I PHYIR RO, ,BLO SEMS PA MED PAR BSGRUB PA DANG, DBANG PHYUG TU SMRA BA DAG DBYIBS DANG LDAN PA'I PHYIR SA STENGS DAG KHYAD PAR DU 'PHAGS PA'I BLO SNGON DU 'GRO BA CAN DU GRUB PA DAG KYANG MA GRUB PA YIN PAR BSHAD PA'O, ,KHYED DU 'PHAGS PA'I BLO NI DBANG PHYUG STE, THAMS CAD MKHYEN PA'I BLO DES BYA BAR 'DOD PA'O, ,DE LA YANG ZHES BYA BA NI MI RTAG PA DANG DBYIBS DANG LDAN PA DAG GO, ,DE DAG LAS MI RTAG PA'I PHYIR ZHES BYA BA SGRA NYID TZAM DU BSHAD PA'I PHYIR NYAMS PA'I BDAG NYID CES BYA BA SMOS TE, NYAMS PA NI YOD PA GTAN SA MED PA'I 'JIG PA'O, ,NYE BAR ZHI BA'I MI RTAG PA NI MI MNGON RGYU LA GNAS PA'O ZHES GRANGS CAN DAG GIS 'DOD PA DE NYAMS PA'I RANG BZHIN MI RTAG PA YIN PAR PHA ROL GRANGS CAN MI 'DOD PA'O, ,DE'I PHYIR RGOL BA NYID LA MA GRUB PA'O, ,YANG NA GRANGS CAN GYI SANGS RGYAS PA LAS MA GRUB PA'I PHYIR GNYI GA LAM GRUB PA'O, ,GAL TE SPYIR GRUB PA LA ZHES BYA BA MI RTAG PA ZHES BYA BAR BRJOD PA'I SPYIR GRUB PA'I PHYIR BYE BRAG NYAMS @271A *, ,BA'I MI RTAG PA DANG, NYE BAR ZHI BA'I MI RTAG ZHES BRTAG PAR MI BYA STE, SPYIR GRUB BA LA BYE BRAG TU RTOGS PAR BYED NA LAN PHYIN CI LOG STE 'BRAS BU MTSUNGS PA ZHES BYA BA'I LTAG CHOD YIN TE KHYED LA BYAS PA NYID BUM PAR GYUR PA'AM, SGRAR GYUR PA ZHES BYA BAR 'GYUR RO ZHES BYA BA'I DON TO, ,GNYI GA YANG 'DOD PA ZHES BYA BA NI GRANGS CAN DANG PHYIR RGOL BA DAG LA'O, ,SPYI'I DNGOS PO MI RTAG PA ZHES BYA BA GNYI GA LA MTHUN PAR GRUB PA'O, ,MTHUN PAR GRUB PA'I DPER BRJOD PA NI DPER NA BYAS PA'I PHYIR BYA BA'I GTAN TSIGS LTA BU'O, ,GAL TE 'DI YANG SANGS RGYAS BA DANG GRANGS CAN DAG LA SPYIR GRUB PA MED DE DE DAG NI YOD PA NYID GSAL BAR 'GYUR BA BYAS BA YIN PAR 'DOD PA MA YIN NAM ZHE NA, BYAS PA DE TSAD MAS GRUB PA'I DBANG DU BYAS TE GRUB BAR BRJOD PA YIN GYI GRUB PA'I MTHA'I DBANG DU BYAS NA NI MA GRUB BA YIN NO ZHES 'OG NAS 'CHAD PAR 'GYUR RO, ,MI MNGON PA NYID YOD PA MA YIN NAM ZHES BYA BA'I SPYIR GRUB PA YIN TE NYAMS BA DANG NYE BAR ZHI BA GNYI GA YANG MI GSAL BA'I RANG BZHIN DU GNYI GA 'DOD PA'I PHYIR RO SNYAM PA'O, ,PHA ROL GYI MI RTAG PA NYID DE LTA BU ZHES BYA BA NI SANGS RGYAS PA LA SOGS PA NI MI RTAG PA NYID NYE BAR ZHI BA LTA BU MI 'DOD PA'O, ,MTSAN NYID 'DI ZHES BYA BA NI MI RTAG PA'I MTSAN NYID MI MTHONG BA 'DIS SO, ,GTZO BO DANG SKYE SA BU DAG KYANG MI RTAG PAR 'GYUR TE, DE DAG KYANG GRANGS CAN GYI GZHUNG LAS MI MTHONG BAR 'DOD DE 'DI LTAR; KVA YI RNAM SHES SU YIS SHES, ,ZHES BYA BA DANG GTZO BO NI MI MTHONG BA'I TSIGS SU 'JUG GO ZHES SMRA BA'I PHYIR RO, ,GAL TE SNGA MA'I CHOS LAS GZHAN PA'I MI GSAL BA ZHES BYA BA NI SNGAR GSAL BAS MI GSAL BAR 'GYUR BA'I MI GSAL BA NI RTAG PAR 'DOD PA'O, ,CHOS SNGA MA LAS KYANG GZHAN LA ZHES BYA BA NI MI GSAL BA SNGAR GSAL BA LAS MI 'DRA BAR 'GYUR BA'O, ,MI NYAMS PA'I BUM BA'I RDZAS RTAG PAR YANG 'DOD PA'O, ,GNAS SKABS LDOG PA ZHES BYA BA NI BUM PA'I GSAL BA DANG MI GSAL PA'I GNAS SKABS LDOG PA STE, DE'I 'JIG BAR SMRA @271B BA'O; ,DE NYID BSHAD PA'I PHYIR GANG YANG GNAS SKABS ZHES BYA BA LA SOGS PA SMOS SO, ,MTSUNGS PAR BRJOD DE ZHES BYA BA NI NYES BAR DRAN PAR RO, ,DE NYID BSTAN PA'I PHYIR DE YANG ZHES BYA BA SMOS TE, GNAS SKABS LDOG PA DE'I YANG NGO, ,MI NYAMS PA YANG YIN NO ZHES BYA BA NI GANG 'GAL BA YIN PA'O, ,DE LDOG NA CIG SHOS MA LOG KYANG ZHES BYA BA NI CHU 'DZIN BA'I GNAS SKABS DE LOG NA CIG SHOS GNAS SKABS CAN MA LOG STE, PHRA BA'I RANG BZHIN GYI BUM PAR GTZO BO LA ZHI BAS GNAS SKABS KYANG DE THAMS CAD MI 'BYUNG STE, BUM PA DE , THAMS CAD DU MED DO ZHES RTOGS SO ZHES BYA BA'I DON TO, ,DE'I GNAS SKABS DE NYID CES BYA BA NI CHU 'DZIN PA'I GNAS SKABS DE NYID DO, ,DE YANG LOG BA ZHES BYA BA NI BUM PA'I MTSAN NYID DU CHU 'DZIN PA'O, ,MI LDOG PA'I GNAS SKABS CAN GYI NUS PA'I RDZAS GNAS PAR 'DOD PA NI BRGAL ZHING BRTAG PAR BYA BA YIN TE ZHES BYA BA 'GAL BA'I THA SNYAD YIN NO ZHES SNGAR BSHAD PA'I NYES PAS GOS PAR 'GYUR TE, 'DI LTAR BUM BA DE'I MTSAN NYID MED PA'I PHYIR MOD PA MA YIN LA GAL TE BUM PA YOD NA YANG BUM PA CHAG PA MA YIN BA'I PHYIR RO, ,GAL TE DNGOS PO GCIG PA NYID YIN NA YANG ZHES BYA BA NI SKYES BU'I DNGOS PO GCIG YIN YANG NGO, ,GNAS SKABS GOS DANG RGYAN DANG SPYOD PAS THA DAD PA MTHONG BA YIN NO ZHE NA, GNAS SKABS THA DAD BA DE NYID DNGOS PO'I THA DAD PA YIN TE DNGOS PO NYID GZHAN DANG GZHAN DU SKYES BA YIN GYI GNAS SKABS CAN GYI DNGOS PO LOGS GCIG NA NI MED PA'I PHYIR DE NYID DNGOS BO THA DAD PA'I MTSAN NYID DU CIS NA MI 'DOD DE 'DOD BAR BYA'O, ,'DOD PA DE LTA BAS NA BDE BA LA SOGS PA STE, SNYING STOBS BDE BA NYID SDUG BSNGAL BA NYID MUN PA BTANG SNYOMS NYID THA DAD PA DANG BEMS PO DE DAG DANG SKYES BU SHES PA YOD PA DAG TU THA DAD PA NYID YIN PA LA THE TSOM MED DO, ,GAL TE THA DAD PA'I MTSAN NYID YIN YANG DNGOS PO THA DAD PA MA YIN NA NI BDE BA LA SOGS BA YANG DNGOS PO THA DAD PAR MI 'GRUB BO, ,GNAS SKABS THA DAD KYANG ZHES BYA BA NI ZLOS GAR MKHAN GYI SKYES BU DGA' BYED @272A *, ,KYI GNAS SKABS GSER GYI MDOG CAN DANG NOR BU BUM RNA'I GNAS SKABS NAG PO LA SOGS PA THA DAD KYANG DE NYID GZUGS RJES SU BYED DE YOD BAS NA GNAS SKABS CAN GZUGS NI RTAG PAR YOD BAR 'GRUB CE NA, DE'I BDE BA LA SOGS PA NANG RNAMS DANG, DE DAG DANG SKYES BU RNAMS SU YANG MTSUNGS PAR 'GYUR TE DE DAG KYANG BDE BA DANG SDUG BSNGAL BA DANG, BTANG SNYOMS DANG, BEMS PO DANG SHES PA YOD BA DAG GNAS SKABS THA DAD PA YIN GYI DNGOS PO GCIG NYID DU MTSUNGS PAR THAL BAR 'GYUR BAS NA KHYED KYI THA SNYAD LA GNOD DO, ,GAL TE THA DAD NA RIM GYIS GSAL BA 'GAL BA'I PHYIR ZHES BYA BA NI THA DAD BA DAG GI BA LANG GI RVA G-YAS G-YON LTAR DUS GCIG TU GSAL BAR 'GYUR BA'I PHYIR RO, ,DE'I PHYIR BDE BA LA SOGS PA NI SEMS PA CAN SEMS PA MED BA DAG CIG CAR GSAL BA'I PHYIR THA DAD PAR 'GYUR LA BUM PA'I CHU 'DZIN PA NI RIM GYIS GSAL BA'I PHYIR DE DAG GCIG BA NYID DO ZHE NA, RIM GYIS GSAL BA'I PHYIR GCIG DANG GCIG NYID YIN PA DE LTA NA DA NI BUM PA DANG ZHO LA SOGS PA JI LTAR DU MA NYID YIN TE, GCIG TU THAL BAR 'GYUR RO ZHES SBYOR CI'I PHYIR ZHE NA; DU MAR BZHAG BA'I MTSAN NYID GCIG PAR GSAL BA ZHES BYA BA DANG 'GAL BA'I RIM GYIS GSAL BA DMIGS PA'I PHYIR TE, THOG MAR NI BUM PA GRUB LA DE NAS DE LA BRTEN PA'I ZHO LA SOGS PA GSAL BA'I PHYIR ZLOS GAR MKHAN LTAR GCIG PAR THAL BAR 'GYUR BAS SO, ,DE LTA NA THA DAD PA'I MTSAN NYID RIM PA MA YIN PAR GSAL BA ZHES BYA BA NI MA KHYAB PA'I SKYON CHAGS LA GCIG BA'I MTSAN NYID RIM GYIS GSAL BA NI KHYAB CHES PA'I PHYIR RO, ,YANG NA RIM PA MA YIN PAR GSAL BA'I PHYIR BUM BA DANG ZHO LA SOGS BA THA DAD BA NYID YIN ZHES BYA BA NI DE DAG RIM GYIS GSAL BA'I PHYIR THA DAD PA'I MTSAN NYID RIM MA YIN PAR GSAL BA DANG 'GAL BA'I PHYIR DANG, GCIG PA'I MTSAN NYID RIM GYIS GSAL BA YOD PA'I PHYIR JI LTAR DU MA NYID YIN TE MA YIN NO ZHES BYA BA'I DON TO, ,RIM GYIS GSAL BA LA THA MI DAD PAS KHYAB BA MA GRUB PA'I PHYIR DANG @272B ZHES BYA BA NI BUM PA DANG ZHO LA SOGS PA NYID KYIS TE, RIM GYIS GSAL YANG THA MI DAD PA MED PA'I PHYIR RO, ,CI ZHIG 'GAL ZHES BYA BA NI RIM GYIS SNANG BA DANG THA DAD PA DAG GO, ,GAL TE BUM PA DANG ZHO LA SOGS PA RIM GYIS SNANG BA YANG CI'I RGYU YIN ZHE NA RIM GYIS YIN PA NI ZHO DANG BUM PA DE'I 'BRAS BU YIN PA'I PHYIR TE, RGYU DE MA GRUB NA 'BRAS BU MI 'GRUB PA'I PHYIR RO, ,DES NA RIM GYIS GSAL BA'I PHYIR SNGA PHYI THA DAD PA NYID DU 'GRUB PO, ,GAL TE THA MI DAD NA CHA SHAS MED PA'I PHYIR RIM MA YIN PAR THAL BAR 'GYUR TE, GCIG GI BDAG NYID GSAL BA NYID GCIG BZHIN NO, ,GAL TE 'BRAS BU YIN PA'I PHYIR THA MI DAD DO ZHES BYA BA NI GRANGS CAN BA DAG NI 'BRAS BU RGYU'I RANG BZHIN DU YOD PAR 'DOD PAS SO, ,GAL TE 'GREL PA GRUB NA ZHES BYA BA NI 'BRAS BU NYID GCIG PA DANG NGO, ,DE YANG ZHES BYA BA NI 'BREL PA'O, ,BSHAD PAR BYA'O ZHES BYA BA NI SROG LA SOGS BA RJES SU 'GRO BA MED NA GNYIS LA THE TSOM ZA BA'I SKABS SU'O, ,'JIG BA DANG CIG SHOS DAG CES BYA BA NI BSAGS PA DANG NYE BAR ZHI BA DANG, MI RTAG PA DAG BYE BRAG MED DE GNYIS GRUB BAR MI GSAL BA LA SOGS PA BRTAGS KYANG NGO, ,SPYI'I CHOS ZHES BYA BA NI RGOL PA LA MTHUN PA'O, ,MI MTHUN PA'I DPE NI DPER NA RGYU RNAMS LA ZHES BYA BA RKAN DANG, MCHU DANG, BRJOD PAR 'DOD PA LA SOGS PA'I RJES SU 'GRO BAS SGRA SKYES BUS BYAS PAR 'DOD PA DANG, RDZA MKHAN LA SOGS PA'I RJES SU 'GRO BAS BUM PA BYAS PA SPYIR BRJOD PA LTA'O, ,'BREL PA THA DAD PA DAG KYANG NGO ZHES BYA BA NI BYAS PA NYID CES BYA BA'I SPYI'I CHOS GZHAN GYIS BRTAGS PA LA DPYAD KYANG STE, DE MED KYANG BYAS PA NYID TSAD MAS GRUB PO, ,GZHAN YANG BUM PA'I BYAS PA DANG SGRA'I BYAS PA CHOS CAN DANG 'BREL PA'I THA DAD PA ZHES BYA BA BYE BRAG MA SPYAD KYANG BYAS PA SPYI GNYI GA LA GRUB PO, ,DMIGS NA NI DER 'GYUR RO ZHES BYA BA SPYI GRUB PAR 'GYUR BA'O, ,CI STE SKABS NYID GTAN TSIGS SU BRJOD NA YANG DER SPYI GRUB KYANG MA NGES PA NYID DU GYUR PA'I PHYIR 'BREL BA LEGS PAR DPYAD PAR BYA BA YIN TE, 'BRAL PA DES BSGRUB PAR BYA BA @273A *, ,'GRUB PA'I PHYIR RO, ,JI LTAR KHANG BZANGS LA SOGS PA ZHES BYA BA NI BA LANG GI GNAS KHANG DANG, TSONG KHANG GI SKABS LA SOGS PAR BLO SNGON DU BTANG BAS BYAS PA'I RNAM PAR RJES SU MTHUN PA'O, ,GAL TE MTHONG NA NI ZHES BYA BA NI SA'I SNYING DANG RI LA SOGS PA YANG DE LTA BU'I DBYIBS KYI RNAM PAR MTHONG NA'O, ,DE BZHIN DU GTAN TSIGS SU 'GYUR RO, ,ZHES BYA BA NI KHANG BZANGS LA SOGS PA DE BZHIN DU SPYIR GRUB PA'I GTAN TSIGS SU 'GYUR, SKYES BU'I BYED PA NI SHING MKHAN LA SOGS PA'I BYED PA YOD PA DANG MED PA'O, ,RJES SU 'JUG CAN NI DE DANG RJES SU 'GRO BA DANG LDOG PA CAN NO, ,DE NI KHANG BZANGS LA DANG RTA BABS LA SOGS PA'O, ,DE LTA BUR SA STENGS KYI DBYIBS LA SOGS TE KHA DOGS LA SOGS PA GANG MTHONG BAR 'GRUB NA DBYIBS DE'I PHYIR BLO SNGON DU SONG BA GANG ZHIG DPAG PA DE'I RIGS TE, DNGOS PO MTSUNGS PAR 'GRUB PA'I PHYIR RO, ,GZHAN DU DNGOS PO THA DAD GRUB PA LA ZHES BYA BA NI DBYIBS DAG RIGS KYI 'DRA BA RI DANG KHANG BZANGS LA SOGS PA LA, SGRA MTSUNGS THA DAD MED BA YIS, ,DBYIBS DANG LDAN PA ZHES BYA BA NI SGRA MTSUNGS SO, ,SKYE BO YIS BRDZANGS SOGS TE GYEN DU 'GRO BA TZAM LA SOGS PAS SO, ,DON THA DAD KYANG SGRA MTSUNGS PAS RTOGS NA 'JI BA'I RNAM PAR 'GYUR BAS PHUNG DANG BUM PA LA SOGS PA'I BYED PA POR RDZA MKHAN GRUB PA'I PHYIR RO, ,GROG MKHAR YANG 'JI BA'I RNAM PAR 'GYUR BA YIN PA'I PHYIR RDZA MKHAN GYIS BYAS PAR 'GRUB PAR 'GYUR RO, ,BSGRUB BYAS KHYAB PA NI MI RTAG PA'I RJES SU 'GRO BA SPYI YIS ZHES BYA BA NI BYAS PA NYID GNYI GA LA GRUB PAS SO, ,'BREL PA'I THA DAD SMRAS PA YIS, ,ZHES BYA BA NI SGRAS GYUR PA'I BYAS PA BUM PA LA MED PA'I PHYIR RJES SU 'GRO BA MED PAR MTSUNGS SO ZHES KLAN KA BAS SMRAS PA'O, ,SKYON NI ZHES BYA BA NI SUN 'BYIN PAS SO, ,DES DON 'BRAS BUR MTSUNGS PAR YIN PA 'DONG, CES PA LTAG CHOD KYI BYE BRAG 'BRAS BU MTSUNGS PA ZHES BYA BA YIN NO, ,RIGS GZHAN PAR NI BYA BA DNGOS PO RIGS MI MTHUN PAR GRUB PA LA'O, ,SGRUB BYED MI RIGS GONG BU BZHIN, ,ZHES BYA BA NI SGRA @273B MTSUNGS PAR SGRUB PAR BYED PAR MI RIGS TE, DAG LA SOGS PA YANG RA DANG LDAN PAR THAL BAR 'GYUR TE GONG BU SBAS MTSUNGS PA'I PHYIR GLANG BZHIN NO, ,DNGOS BO GRUB PA MA YIN LA, ,ZHES BYA BA NI PHYOGS KYI CHOS DANG 'BREL BA DAG GO, ,MA GRUB BA RIGS ZHES BYA BA NI MA GRUB PA DANG MA NGES PA LA SOGS PA PHYOGS KYI CHOS DANG 'BREL BA DANG MA GRUB BAR RIGS SO, ,GRUB NA NI ZHES BYA BA DNGOS PO LA 'DOD BA'I RTAGS DANG RJES SU 'GRO BA GRUB NA, RTAGS KYI DON MA GRUB KYANG MA GRUB PA'I NYES PAR MI 'GYUR BA'O, ,DPER NA, SGRA YI NAM MKHA' RTEN SOGS PA'I ZHES BYA BA SMOS TE, SGRA LA NAM MKHA'I YON TAN NYID DANG 'BREL PA'I BYAS PA DANG BYAS PA DE NYID NAM MKHA'I YON TAN DANG RJES SU 'GRO BA NYID MA GRUB KYANG BYAS PAS MI RTAG PA GRUB BA'I PHYIR BRJOD BA BZHIN NO, ,'UG PA BA NI BYE BRAG PA'O, ,SGRUB BYED, LUS CAN LA SOGS SMRA BA, BZHIN; ,ZHES BYA BA NI LUS CAN YIN PA'I PHYIR MI RTAG PA ZHES BYA BAR SMRAS PA NA, SANGS RGYAS BA LA 'UG PA PAS 'DOD PA'I LUS RTAG PA NYID DANG THAMS CAD DU SONG BA MA YIN NO ZHES BYA BA NI TSAD MA ZHES BYA BA'I CHOS BRTAGS PA'I SGRA MTSAN NYID DE DAG GI MA GRUB KYANG REG PAR BYA BA NYID KYI LUS RTAGS SU 'DOD PA GRUB PA'I PHYIR DON GRUB BA BZHIN NO, ,GAL TE DE LTAR SLOB DPON PHYOGS KYI GLANG POS BYAS BA PHYIR RGOL BA GRANGS CAN LA MA GRUB PO ZHES BSHAD PA MA YIN NAM, DE'I PHYIR BYAS PA YANG SPYIR GRUB PA MED DO ZHE NA, GANG YANG BSTAN BCOS LA BRTEN PA'I CIG SHOS LA MA GRUB PAR SLOB DPON GYIS GSUNGS SO, ,JI SKAD DU GSUNGS SHE NA, MNGON PAR GSAL BA SMRA BA LA BYAS PA NYID MA GRUB PO ZHES SO, ,DE LA MNGON PAR GSAL BA SMRA BA NI GRANGS CAN TE, MI MNGON PAR RGYU DAG GIS MNGON PAR BYAS KYI MED BA LAS RGYUS BYAS BAR MI 'DOD PAS SO, ,RJES SU DPAG PAR THAMS CAD LA ZHES BYA BAS NI LUNG LA BRTEN PA'I DANG, DNGOS PO'I STOBS KYIS ZHUGS PA DAG GO, ,TSAD MAS MTHONG BA LA ZHES BYA BA BYAS PA NYID RGYU'I RJES SU 'GRO BA DANG, LDOG BAR TSAD MAS GRUB PA LA'O, ,DAM BCA' @274A *, ,BSAM GRUB PAR BRTZAD PAR MI RIGS BA'I PHYIR RO ZHES BYA BA NI GRANGS CAN GYI GRUB MTHA' MA GRUB PAS MA GRUB PAR BYA BAR MI RIGS PA'O, ,RJES SU DPAG PA NI BSTAN BCOS KYI DBANG DU BYAS PA YANG MA YIN ZHES BYA BA NI DNGOS PO'I STOBS KYIS ZHUGS PA NI BSTAN BCOS LA MI BRTEN PA'O, ,DE'I PHYIR MTSAN MA KHO NAS DNGOS PO STOBS KYIS ZHUGS PA'I RJES SU DPAG PA DE LA GNOD KYI LUNG GIS NI MA YIN NO, ,GAL TE TSAD MAS RTOGS PA MA YIN TE, TSAD MAS GRUB PA LAS BYE BRAG TU BYA BA'I DON MA YIN NA, CI MNGON PAR GSAL BA SMRA BA LA ZHES GSUNGS TE MA GRUB PO ZHES BYA BA 'GA' ZHIG TU GSUNGS PAR 'GYUR RO, ,DE BAS NA MNGON PAR GSAL BA LA ZHES BYA BAS NI LUNG LA LTOS TE GSUNGS SO, ,GZHAN DU NI MI SHES PA NYID LA DE SKAD CES BYA BA'O ZHES BYA BA NI BSTAN BCOS LAS MA GRUB PA LAS GZHAN DU DNGOS PO LA ZHUGS PA LA NI TSAD MAS MA SHES PA TZAM LA STE, MA RTOGS PA TZAM LA DE SKAD CES BYA BA'O ZHES BYA BA NI MA GRUB PA ZHES TE, MNGON PAR GSAL BAR SMRA BA LA ZHES BYE BRAG TU MI DGOS PA'O, ,YANG NA ZHES BYA BA NI RNAM PAR RTOG PA GZHAN TE, DE ZHES BYA BA MNGON PAR GSAL BA SMRA BA LA BYAS PA MA GRUB PA ZHES BYA BA SMRA BA DE'O, ,DPER BRJOD PA MA YIN TE ZHES BYA BA NI DPER BRJOD PA NGES PAR BYAS PA MA YIN PA STE, PHYOGS TZAM ZHES BYA BA GCIG LA MA GRUB PA TZAM BSTAN PA GTZOR BRJOD KYI TSAD MAS GRUB PA DANG LUNG GI DBYE BA MA DPYAD PA'O, ,BSGRUB PAR BYA BA DANG SGRUB PAR BYED PA THA DAD PA'I PHYIR ZHES BYA BA NI THA MI DAD NA DE DAG GI RANG BZHIN DU MI RUNG BA'O, ,DE YOD PA TZAM GYIS ZHAR LA 'ONGS BA ZHES BYA BA NI SGRA YOD PA TZAM GYIS ZHAR LA STE DE NYID KYIS SO, ,'ONGS PA ZHES BYA BA NI GRUB PA'O, ,DE YANG CHOS CAN SGRA GRUB PA NYID KYIS GRUB PA'O, ,DE LTAR GRUB PA LA YANG SGRA 'BYIN PA'I PHYIR RO ZHES BSTAN PA NI DON MED DO, ,DE NYID RGYAS PAR BSHAD PA NI SGRA DE LTAR, GYUR NA ZHES BYA BA NI CHOS CAN GRUB PA NYID KYIS SGRA RANG GRUB BAS NA PHYOGS BSTAN PA STE, CHOS CAN BSTAN PA NYID KYIS DE LTAR SGRAR GRUB LA, PHYIS @274B RANG NYID LAS KYANG ZHES BYA BA NI SGRA YIN PA'I PHYIR ZHES RTAGS BSTAN PAS KYANG SGRA NYID LAS GZHAN RTOGS BA MED PAS SO, ,DE'I PHYIR SGRA DE PHYOGS SU BYAS NAS DE GRUB PAR BYA BAR BYAS NA'O, ,DE NYID GTAN TSIGS KYANG YIN NA ZHES BYA BA NI SGRA PHYOGS YIN PA DE NYID GTAN TSIGS YIN NA'O; ,YANG NA BSTAN PAR MI BYA'O ZHES BYA BA NI YOD PA TZAM GYIS ZHAR LA 'ONGS PAS YANG DE BSTAN BA NI DON MED DO ZHES 'DAS MA THAG TU BSHAD ZIN TO, ,RTZOD PA MED PAR YANG 'GYUR TE ZHES BYA BA NI RTAGS DON MED PA'O, ,GAL TE RJES SU 'GRO BAM MTHONG PAS RJES SU 'GRO BA MA GRUB PA YIN NO ZHE NA, DE NI ZHES BYA BA LA RTAGS NYID GRUB PAR 'DOD NA RJES SU 'GRO BA MA MTHONG BA NI MA YIN TE, 'DI LA RJES SU 'GRO BA MI SRID PA YIN TE, 'DI LTAR JI LTAR CHOS CAN CHOS CAN GZHAN LA RJES SU 'GRO BA YIN TE, DE NI MI SRID BA STE CHOS CAN GYI BYE BRAG LA RTAGS KYIS GRUB PA'I PHYIR RO, ,DE'I PHYIR RTAGS KYI RANG BZHIN MA YIN NO, ,DES NA DE GRUB BA NA RTAGS GRUB PA MA YIN NO, ,GAL TE MAR ME LA SOGS PA RANG GIS RANG RTOGS PA'I SHES PA SKYED PA'I BYED PA LTAR RTAGS KYANG RANG GIS RTOGS PAR BYED DO ZHE NA, MAR ME LA SOGS PA NI ZHES BYA BA LA SOGS PA SMOS SO, ,RANG GI SHES PA'I YUL DU RTAGS CAN RTOGS PA NI MA YIN NO ZHES BYA BA SMOS TE, RTAGS RTOGS PA'I SHES PA NYID YUL DU BSGRUB PAR BYA BA NYID RTOGS PA NI MA YIN TE, ,RTAGS SHES PA LAS DUS PHYIS RTAGS CAN RTOGS PA STE, DE DAG RGYU DANG 'BRAS BU NYID YIN PA'I PHYIR DUS GCIG PA MA YIN NO, ,'DIR THAL BAR 'GYUR RO ZHES BYA BA RTAGS SHES PA RTAGS CAN YUL DU BYED PA'O, ,GAL TE CHOS DANG CHOS CAN ZHES BYA BA NI BYAS PA DANG MI RTAG PA DAG KYANG DON DAM PAR THA MI DAD PA'I PHYIR SKYON MTSUNGS PA'O SNYAM PA'O; ,SMRAS ZIN TE ZHES BYA BA NI LE'U GNYIS PAR RO, ,DE LTAR GYUR PA MA GRUB STE, ,ZHES BYA BA NI CHOS DANG CHOS CAN GYI THA DAD BA MA GRUB PA'O, ,DE DANG GZHAN NYID DGAG BAR BYA, ,ZHES BYA BA NI CHOS DANG CHOS CAN DAG DE NYID DANG GZHAN NYID DGAG PAR BYA BA'I DON @275A *, ,DAM BAR DE NYID DANG GZHAN NYID KHO NA'O, ,RANG GI BYE BRAG LA BRTEN PA'I, ,ZHES BYA BA NI BYAS BA DANG MI RTAG PA DAG GI LDOG PA'I CHOS KYI BYE BRAG LA BRTEN PA'O, ,SHES LA JI LTAR THA DAD PAR, ,ZHES BYA BA NI CHOS DANG CHOS CAN DAG DE NYID DANG GZHAN NYID DANG BRAL BAR SNANG BA'I PHYIR BYAS BA DANG MI RTAG PA'I CHOS DU MA SNANG BA DE LA RTAGS DANG RTAGS CAN GYI THA SNYAD BRTEN PA'I PHYIR SKYON MI MTSUNGS PA'O, ,'DIR NI ZHES BYA BA NI SGRA YIN PA'I PHYIR ZHES BYA BA 'DIR RO, ,THA SNYAD LA MTHONG BA'I ZHES BYA BA NI BYAS PA DANG MI RTAG PA LDOG PA'I KHYAD PAR GYIS RTAGS DANG RTAGS CAN DU BYED BA'I THA SNYAD LA THA DAD PA'I MTHONG BA'I BLO DE NYID LA YANG MA REG PHYIR TE, LDOG PA'I BYE BRAG 'DZIN PA'I BLO LA'ANG MA REG PA STE, DE DANG 'DRA BA'I BYE BRAG KYANG MI SNANG BA'O, ,NYID LA'ANG ZHES BYA BA NI DNGOS POS THA DAD BA DU MA LTA BU GA LA ZHIG CES BYA BA'I DON TO, ,DE YANG SGRA LAS SGRA NI LDOG PA'I BYE BRAG MED PA'I PHYIR GO BAR BYA BA DANG GO BAR BYED BA MED DO, ,GNYI GA LA MA GRUB PA'I PHYIR ZHES BYA BA NI RGOL BA DANG PHYIR RGOL BA GNYI GA LA YANG PHYOGS THA DAD PA CUNG ZAD KYANG MA GRUB BAS SO, ,DE DAG GIS CHOS KYANG BSHAD BA YIN TE ZHES BYA BA SGRA MI RTAG STE MI RTAG PA'I PHYIR RO ZHES BYA BA CHOS NYID GTAN TSIGS NYID DU BRJOD PA'I MA GRUB PA YANG BSHAD PAR RIG PAR BYA'O, ,MI MTHUN PA'I PHYOGS LAS LDOG PA ZHES BYA BA NI MI MTHUN PA'I PHYOGS MA YIN PA NYID DO, ,DE LA YANG ZHES BYA BA NI CHOS CAN NAM CHOS NYID SGRUB PAR BYED PAR 'GYUR BA'O, ,NYID YIN NO ZHES BYA BAR BSTAN PA'I PHYIR RO, ,BSGRUB PAR BYA BA'I CHOS NYID YIN PA'I PHYIR RTAGS MA GRUB PA YIN NO, ,GAL TE PHYOGS LA SOGS PA STE, ,MTHUN PA DANG MI MTHUN PA'I PHYOGS DAG GIS PHAN TSUN THA DAD PA GSUM DU GNAS PA'I PHYIR MI MTHUN BA'I PHYOGS MA YIN PA NYID CES BYA BA RTAGS KYI RANG BZHIN GYI CHOS MI MTHUN PA'I PHYOGS KYANG MA YIN LA, BSGRUB PAR BYA BA CAN DU GYUR PA MTHUN PA'I PHYOGS KYANG MA YIN BA GSUM PA PHYOGS LA YOD BA NYID MA YIN NAM, DE'I PHYIR RTAGS GRUB PO SNYAM MO, ,GANG GIS ZHES BYA BA NI RGYUN GYIS SO, ,DE LAS BZLOG PA MI MTHUN @275B PA'I PHYOGS SO ZHES BYA BA NI SGRUB BAR MI 'DOD PA'O, MI MTHUN PA'I PHYOGS MA YIN YANG ZHES BYA BA PA'I PHYOGS SU RNAM PAR GZHAG GI DNGOS PO MA YIN NA SGRUB BAR 'DOD PAS NI PHYOGS SU 'GYUR PA'I PHYIR MI MTHUN PA'I PHYOGS BSGRUB PAR BYA BA MED PA DNGOS POS GNAS PA YANG 'DOD PAS 'JIG PAR 'GYUR TE, MI MTHUN PA'I PHYOGS MA YIN PAR 'GYUR RO, ,DE LTA NA GTAN TSIGS 'GA' YANG MA NGES PAR MI 'GYUR TE, MI MTHUN PA'I PHYOGS KYANG 'DOD PAS BYAS PA'I PHYIR 'DOD PAS MI MTHUN PA'I PHYOGS MED PAR BYAS NAS RTAGS NYID DU 'GYUR BA'I PHYIR RO, , MANG DU SMRAS SO ZHES BYA BA NI LE'U 'DI NYID DU'O, ,GAL TE BSGRUB PAR BYA BA MA GRUB PA TZAM THAMS CAD CES BYA BA NI BSGRUB PAR BYA BA MED PA TZAM MO, ,GNYI GA LA NGES BYA BA NI RGOL BA DANG PHYIR RGOL BA GNYI GAS BSGRUB PAR BYA BA MED PAR NGES PA'O, ,DE'I PHYIR CHOS CAN LA ZHES BYA BA NI BSGRUB PAR BYA BA'I CHOS CAN LA'O, ,MA NGES PA'I PHYIR ZHES BYA BA NI RGOL BA DANG PHYIR RGOL BA DAG GIS BSGRUB PAR BYA BA MED PAR MA NGES PA'I PHYIR MI MTHUN PA'I PHYOGS MA YIN PA NYID CES BYA BA NI GTAN TSIGS KYI RANG BZHIN GRUB PO ZHE NA, 'DIR MI MTHUN PA'I PHYOGS MA YIN YANG ZHES BYA BA NI BSGRUB PAR BYA BA'I CHOS GTAN TSIGS SU BYAS PA 'DIR BSGRUB PAR BYA BA LA DES NA NI MTHUN PA'I PHYOGS SU 'GYUR BAS BSGRUB PAR BYA BA LA THE TSOM ZA BA YIN PA'I PHYIR MI MTHUN PA'I PHYOGS MA YIN ZHES BYA BA GTAN TSIGS YIN NO, ,DE LTA NA GTAN TSIGS DE BSGRUB PAR BYA BA LOG PA MI MTHUN PA'I PHYOGS YIN LA, DE LAS LOG PA'I MTSAN NYID DU MA NGES NA NI BSGRUB PAR BYA BA GRUB PA'I PHYIR LAM LOG NA NGES PA YANG MI MTHUN PA'I PHYOGS NYID DU GRUB PA'I PHYIR LDOG PA MA NGES PA DE JI LTAR NA SGRUB PAR BYED PA YIN TE, RTAGS DE'I MTSAN NYID LDOG PA NGES BA MA NGES PA STE MA GRUB PA'I PHYIR RO, ,GAL TE DE NYID KYIS NA DE ZHES BYA BA NI MI MTHUN PA'I PHYOGS MA YIN PA DE NYID KYIS NA GTAN TSIGS TE, RTAGS KYI LDOG PA'I MTSAN NYID NGES SO ZHE NA, JI LTAR MA NGES PAS NGES PA YIN NO ZHES BYA BA NI DES NA SNGAR SMOS PA'I SKYON DU 'GYUR BA'I PHYIR LDOG PA MA NGES @276A *, ,PA RTAGS YIN NA DES JI LTAR NGES PA YIN, DE NYID BSHAD PA'I PHYIR LDOG PA MA NGES PA NI ZHES BYA BA LA SOGS PA SMOS SO, ,'DI 'DI LA THE TSOM ZA BA'I PHYIR ZHES BYA BA NI RTAGS 'DI MI MTHUN PA'I PHYOGS MA YIN PAR THE TSOM YANG ZA LA, DE NYID KYI PHYIR TE THE TSOM ZA BA DE NYID KYI PHYIR MI MTHUN PA'I PHYOGS 'DI GTAN TSIGS 'DI LA MED DO ZHES BYA BA'O, ,CHOS RNAMS 'JUG PA DANG LDOG PA'I PHYOGS RNAM PAR GZHAG PA LA MI LTOS PA'O ZHES BYA BA NI BSGRUB PAR BYA BA YOD PA DANG MED PAS PHYOGS DANG MI MTHUN PA'I PHYOGS SU DNGOS PO'I DBANG GIS GNAS KYI SKYES BUS PHYOGS SU BYAS PA DANG, MA BYAS PA LAS BSGRUB PAR BYA BA MI LDOG PAR MI 'GYUR BA'O,, PHUNG PO GSUM PA'I LDOG PA NI MED DO ZHES BYA BA NI MI MTHUN PA'I PHYOGS MA YIN ZHES BYA BA RTAGS SU 'DOD PA GANG BSGRUB PAR BYA BA YOD PA 'AM, MED PA LAS GZHAN PA PHUNG PO GSUM PA NI MED DO, ,DE DAG GCIG LDOG NA GZHAN 'JUG PA'I PHYIR ZHES BYA BA NI BSGRUB PAR BYA BA YOD PA DANG, MED PA DANG DE DAG LAS PHYOGS LA GCIG LOG NA CIG SHOS 'JUG PA'I PHYIR RO, ,DE LTA MA YIN NA MI RTAG PA MED PA LOG PA ZHES BYA BA MI MTHUN PA'I PHYOGS MA YIN PA NYID CES BYA BA'I RTAGS KYIS SO, ,MI RTAG PA BSGRUB PAR BYA BA'I CHOS CAN LA ZHES BYA BA SGRA LA'O, ,JI LTAR SGRUB PAR BYED DE PHYOGS KYI CHOS PHUNG PO GSUM PAR GYUR PA NA, BSGRUB PAR BYA BA LA THE TSOM ZA BA'I PHYIR TE YOD PA DANG MED PAR NGES PA MA YIN PAR 'DOD PA'I PHYIR RO, ,YANG JI LTAR NA MI RTAG PA MED PA LDOG PAS ZHES BYA BA NI MI RTAG PA NYID KYIS SO, ,MI RTAG PA BSGRUB PAR BYA BA'I CHOS CAN LA SGRUB PAR BYED DE RTAGS NYID GRUB ZIN PA'I PHYIR BSGRUB PAR BYA BA MED DO, ,GAL TE DE NI ZHES BYA BA NI GAL TE SKYES BU'I 'DOD PAS PHYOGS DANG MI MTHUN PA'I PHYOGS MA YIN NA'O, ,PHYOGS SU 'DOD KYANG DNGOS POS BSGRUB PAR BYA BA MED PA'I YANG SRID PA'I PHYIR PHYOGS SU BYAS PA DANG YANG MI MTHUN PA'I PHYOGS SU 'GYUR RAM ZHE NA'O, ,RNAM GRANGS KYIS NA ZHES BYA BA NI RES 'GA' STE BSGRUB PAR BYA BA MED PA LA RTAGS LTAR SNANG BAS PHYOGS SU BYAS NA DNGOS POS MI MTHUN PA'I PHYOGS NYID MA YIN PA'O, ,GAL TE DE LTAR NA PHYOGS DANG MI MTHUN PA'I PHYOGS DAG BYE BRAG MED PAR 'GYUR ZHE NA, MTSAN NYID KYI BYE BRAG NI ZHES BYA BA PHYOGS KHA NA MA THO BA MED PA NI MI MTHUN PA'I PHYOGS DANG MA 'DRES PAR BSTAN ZIN TO, ,YANG NA MI MTHUN PA'I PHYOGS KYI MTSAN NYID SNGAR SMRAS PA @276B YIN TE; BSGRUB PAR BYA BA'I CHOS DANG MI LDAN PAR ZHES SO, ,GZHAN YANG MI MTHUN PA'I PHYOGS KYI THE TSOM MED PA LA ZHES BYA BA NI GTAN TSIGS MI MTHUN PA'I PHYOGS MA YIN PAR NGES PA NYID YIN LA DE LA YANG PHYOGS KYI CHOS SU GYUR NA PHYOGS LA MI MTHUN PA'I PHYOGS ZHES BYA BA BSGRUB PAR BYA BA MED PAR THE TSOM ZA BAR 'GYUR RO, , DE LTA BU'I PHYOGS LA BSGRUB PAR BYA BA MED PA ZHES BYA BA MI MTHUN PA'I PHYOGS RNAM BAR BCAD PA GRUB ZIN PA LA'O, ,YANG BSGRUB PAR BYA BA MED PA 'CHAD PA'I DON DU GTAN TSIGS BRJOD PA NI DON MED DO, ,GAL TE KHYOD CI LTAR NA YANG PHYOGS NI BSGRUB PAR BYA BA MA NGES PA YIN LA DE'I CHOS KYANG JI LTAR LDOG PAR NGES SHE NA, DE 'BA' ZHIG NYID KYI ZHES BYA BA PHYOGS LA SOGS PA'I RTOGS PA STONG PA'I RTAGS KYI CHOS KYI'O, ,GANG DAG GIS ZHES BYA BA NI SGRUB PAR 'DOD PA'I CHOS DE ME DANG MI RTAG PA LA SOGS PA'I DBYE BAS DU MA'I TSIG TU BYAS SO, ,DE DAG YOD PA DANG MED PA GO RIMS BZHIN DU GTAN TSIGS 'JUG PA DANG LDOG PA NYE BAR STON LA, DE LTAR BSGRUB PAR BYA BA'I RJES SU 'GRO BA DANG LDOG PA CAN GRUB PA'I BDAG NYID KYI RTAGS KYI DNGOS PO'I PHYOGS LA YOD PAR GRUB NA, DE'I KHYAB PA'I RANG BZHIN SHUGS KYIS PHYOGS DE BSGRUB PAR BYA BA YOD PA DE LTAR GRUB NA BSGRUB PAR BYA BA GRUB PA DE'I RJES LA CHOS CAN DANG SGRUB PAR 'DOD PA'I CHOS CAN DAG SDOM PA'I SPYI'I PHYOGS KYI MTSAN NYID DU THA SNYAD BTAGS PA 'BYUNG BAS PHYIS SHUGS KYIS PHYOGS KYI YUL DE PHYOGS KYANG YIN LA YUL YANG YIN PAS DE SKAD BRJOD DO, ,DE'I PHYIR PHYOGS KYI CHOS DANG 'BREL PA NYE BAR STON PA'I DUS NA PHYOGS NI YAN LAG MA YIN PA'I PHYIR DE'I MTSAN NYID KYI SGO NAS 'ONGS PA'I CHOS NI RTAGS NYI TSE BA'I MTSAN NYID DU NGES PA'I SGO NAS 'ONGS PA'I BSGRUB PAR BYA BA'I CHOS DAG RTOGS PA'I DUS NA STE 'BREL PA DANG, BSGRUB PAR BYA BA'I CHOS CAN LA RTOGS PA'I DUS NA PHYOGS LA SOGS PA'I RTOGS PA DAG YOD PA MA YIN YANG BSGRUB PAR BYA BA RTOGS PA NUS PA'I PHYIR PHYOGS LA SOGS PA'I MTSAN NYID NI RTAGS KYI YAN LAG MA YIN NO, ,CIG SHOS ZHES BYA BA NI BSGRUB PAR BYA BA MED PA'I BYE BRAG 'BA' ZHIG GO, ,DE LAS BZLOG PA NI MI MTHUN PA'I PHYOGS YIN NO, ,DE LAS GOL BA NI DE MA YIN PA'O, ,JI LTA BU BYA BA NI MA GRUB PA YIN NOM MA YIN SNYAM PA'O, ,DE LA YANG SKYON MED PA NYID DE ZHES ZER BA NI PHA ROL LO, ,CI'I PHYIR ZHE NA, CIG SHOS ZHES SMRAS BA'I PHYIR RO ZHES ZER RO, ,'DI LTAR BSAM PA NI DE LAS @277A *, ,BZLOG PAS STONG PA 'BA' ZHIG SMOS NA NI DE BSGRUB PAR BYA BA'I CHOS NYID DU 'GYUR BA'I PHYIR SKYON SNGA MA NYID DU 'GYUR RO, ,'DIR CIG SHOS ZHES BYA BA SMOS PAS BSGRUB PAR BYA BA GANG YANG RUNG BA STE BSGRUB PAR BYA BA MED PA TZAM LAS LDOG PA NI RTAGS MA YIN GYI MED PA'I KHYAD PAR 'GA' ZHIG LAS LDOG PA'I PHYIR RTAGS 'GRUB PO SNYAM PA'O, ,JI LTAR ZHE NA, MED PA TZAM LAS LDOG PA NI, BSGRUB BAR BYA BA YIN LA BYE BRAG 'BA' ZHIG LAS LOG PA NI RTAGS YIN PA'I PHYIR RO, ,LAN GDAB BA 'DI LA YANG ZHES BYA BA SMOS TE, CIG SHOS LA ZHES RTAGS BYE BRAG TU SMOS PA LA RANG GI 'DOD PAS GNOD PA NYID DE, PHYOGS LA YANG BSGRUB PAR BYA BA MED PAR KHAS BLANGS PAS SO, ,DE LTAR NA BSGRUB PAR BYA BA MED PA NYID LAS CIG SHOS LAS LOG PAS ZHES BYA BA 'THAD PA'I PHYIR RO, ,DE MED PAR KHAS MI LEN NA ZHES BYA BA NI PHYOGS DE LA BSGRUB PAR BYA BA MED PA NYID KHAS MI LEN NA'O, ,NUS PA MED CES BYA BA NI DGOS PA MED PA'O, ,PHA ROL GYIS BSAM PA ZHES BYA BA NI SANGS RGYAS PA KHYED KYI BSAM PAS 'DI MED PA YIN PAS ZHES BYA BA MI MTHUN PA'I PHYOGS GSUM DU 'DOD PAS DE DAG LA CIG SHOS MED PA LAS LOG PA ZHES BRJOD DO, ,MI MTHUN PA'I PHYOGS DE LAS CIG SHOS MED PAS RTAGS DBEN PA KHYOD KHAS LEN PA'I PHYIR KHYOD LA GRUB BRJOD DO ZHE NA, DE LA NYES BA MED PA MA YIN TE, 'DI LTAR MED PA LA DON DAM PAR TE DNGOS POS SO, ,CIG SHOS ZHES BRJOD PAR BYA BA'I DBYE BAS PHYOGS LAS PHAN TSUN GZHAN DU GZHAG PAR RUNG BA CI ZHIG YOD, ,'O NA MED PA ZHES BYA BA NYID JI LTAR BZHAG CE NA, 'DI LTAR GCIG GI MTSAN NYID GZHAN SER PO LA SOGS PA MA MTHONG NA BLOS SNGON PO 'DI LAS SER PO 'DI RNAM PAR DBYE BA STE, SNGON PO MED PA'I ZHES RTOGS SO, ,DE'I PHYIR MED PA 'DI NI DNGOS PO'I CHOS NYID DE, DE YIN PA'I PHYIR RO ZHES BYA BA NI BYE BRAG TU GZHAG PA'O, ,GAL TE DE LTA NA KHYED KYI MI MTHUN PA'I PHYOGS KYI DBYE BA GSUM DU JI LTAR 'GYUR TE MED PA NI DBYE BAR MI SRID PA'I PHYIR RO ZHE NA, RNAM PAR RTOG PAS BRTAGS PA 'GA' ZHIG ZHES BYA BA LA SOGS PA SMOS TE, LDOG PA DNGOS SU RTOGS PA NI BSGRUB PAR BYA BA'I MED PA DGAG PA TZAM GYIS RTOGS BAR NUS PA'I PHYIR DANG DBYE BA GSUM PA YANG BLOS BYAS PA'I PHYIR SKYON MED PAR STON TO, ,YOD PA DANG RJES SU 'BREL BA CAN ZHES BYA BA NI MA YIN PAR DGAG PA STE DE LAS PHAN TSUN THA DAD PA CAN TE, DE LAS GROL BAS 'DI RTAGS SU @277B BRJOD NA YANG RTAGS DES BSGRUB PAR BYA BA MED PA THAMS CAD SEL BAR BYED DE DE LTA NA YANG RTAGS 'DI BSGRUB BAR BYA BA MED PAS STONG PA ZHES BYA BAR 'GYUR BAS, DE NYID BSGRUB PAR BYA BA YIN PA'I PHYIR, RTAGS MA GRUB PA YIN NO, ,YANG NA 'KHRUL PA CAN YIN NO ZHES BYA BA NI BSGRUB PAR BYA BA MA YIN PAR DGAG PA'I RANG BZHIN 'GAL BA DANG, GZHAN PA YIN LA DES STONG NA ZHES BYA BA DE DAG RNAM PAR BCAD PA TZAM GYI RANG BZHIN YIN PA NI, GTAN MED PA'I BDAG NYID KYANG YIN PA'I PHYIR MI RTAG PA'I DNGOS PO LAS GZHAN GTAN MED PA YANG 'JUG PA'I PHYIR RO, ,GAL TE 'DI LTAR YANG DE ZHES BYA BA RGOL BA DE 'DOD PA 'BA' ZHIG STE, DE KHO NA LAS THA DAD PA ZHES BYA BA DE LAS GROL BA RTAGS NYID KYI NGO BOR BZHAG PA YIN PAS DE GTAN MED PA LA YANG MI 'JUG LA CIG SHOS LA ZHES BYA BA'I BYE BRAG KYANG 'GRUB STE, BZLOG PA 'GAL BA DANG GZHAN PA DAG LAS CIG SHOS LTAR MED PA LAS GROL BA YIN PA'I PHYIR DAM BCA' DANG KHYAD PAR YOD LA CIG SHOS KYI SGRAS PHYOGS MA BZUNG BA'I PHYIR RO, ,'DOD PAS GNOD PA YANG MED DO ZHE NA, DE LTA NA ZHES BYA BA NI BSHAD MA THAG PA'O, ,DE LAS THA DAD PA NI DE LTAR MI 'GYUR GYI ZHES BYA BA NI BSGRUB PAR BYA BA MED PA LAS GROL BA NI DE RTAGS SU MI 'GYUR BA STE, 'GAL BA DANG GZHAN PA DAG LAS GROL BA YANG RTAGS MA YIN PA'I PHYIR RO, ,'ON KYANG 'DOD PAS YIN LA ZHES BYA BA NI RGOL BA'I 'DOD PAS DNGOS PO MTSUNGS KYANG 'BA' ZHIG KHO NA RTAGS SU BYED PA'O, ,'DI LTAR 'DOD PA BZHIN DU GYUR NA ZHES BYA BA 'DOD PAS MED PA LAS GROL BA YIN LA 'DOD PA BZHIN DU GYUR NA, 'GAL BA LA SOGS PA DAG LA YANG RTAGS SU THAL BAR 'GYUR RO, ,DE'I PHYIR DNGOS POS RTAGS GNAS PA MED KYI 'DOD PAS GNAS PA'I PHYIR 'DOD PA KHO NAS BSGRUB PAR BYA BA'I DNGOS PO DRANGS PAR RAB TU BRJOD PAR 'GYUR TE, DE LTAR BSTAN PAR 'GYUR BA'I PHYIR DE KHO NA STE KHO BO 'DOD PA'I PHYIR 'DI LTAR YIN NO ZHES 'DOD PA KHO NA RTAGS SU BRJOD PAR RIGS KYI PHAN TSUN SPANGS TE CIG SHOS LAS GROL BAS CI ZHIG BYA, DE LA YANG ZHES BYA BA 'DOD PA DE LA YANG NGO,, DON RNAM PAR GZHAG PA'I LUGS NI GZHUNG 'DI DAG GI PHYOGS SO, ,BRTZAL MA THAG TU BYUNG BA'I SGRA NI MI RTAG STE, BRTZAL MA THAG TU BYUNG BA'I PHYIR ZHES BYA BA NI GTAN TSIGS NYID YIN NO, ,LAN NI DE NYID CES BYA BA SMOS TE, SGRA MI RTAG STE SGRA YIN PA'I PHYIR ZHES BYA BA NI DE NYID LDOG PA THA DAD PA STE SGRA DANG SGRA NYID DAG NI SGRA MA YIN PA @278A *, ,LAS LOG PA NYID DU ZAD PAS CHOS CAN RTOGS PA LA RTAGS KYI RTOGS PA THA MI DAD PA'I YUL GYIS THA SNYAD DU BYED PA'I PHYIR RO, ,BRTZAL MA THAG TU BYUNG BA NYID 'DI LA NI BSGRUB PAR BYA BA'I CHOS CAN DU YANG BYE BRAG BYAS PA ZHES BYA BA BRTZAL MA THAG PA LAS BYUNG BA'I SGRA ZHES SO, ,GTAN TSIGS SPYI'I CHOS ZHES BYA BA NI RTZOL BA LAS BYUNG BA TZAM MO, ,YAN LAG NI RTAGS SO, ,YAN LAG CAN NI RTAGS CAN NO, ,PHYOGS YAN LAG LA MI GNOD PHYIR TE, PHYOGS DANG YAN LAG DAG CHOS KYI BYE BRAG THA DAD PA'I PHYIR MA GRUB PA'I GNOD PA MED PA'O, ,CHOS CAN THA DAD MA GRUB PA MIN TE RTAGS RTZOL BA LAS BYUNG BA'I SGRA ZHES BYA BA MA GRUB PA MA YIN PA'O, ,RVA CAN NI GONG BU'I BYE BRAG GO, ,RVA CAN PHYIR ZHES BYA BA NI SPYI'O, ,YANG NA ZHES BYA BA NI CHOS DANG RTAGS DAG KYANG GCIG BA MA YIN PA'O, ,BSGRUB BYA'I DUS NA NI ZHES BYA BA RTOGS PA'I DUS NA'O, ,YAN LAG MIN RTAGS KYIS RNAM PAR RTOG PA MED PAS NA, BSGRUB PAR BYA BA'I CHOS DANG GCIG PA MA YIN TE, BSGRUB PAR BYA BA DE RTOGS KYI RTOG PAS NYE BAR MTSON TE KHONG DU CHUD PAR BYAS NAS RTAGS KYI RTOG PA NYID DGAG PA'I PHYIR DE LDOG PA'I PHYIR RTAGS DANG RTAGS CAN NYID DAG GCIG PA MED PAS NA'O, ,CHOS KYI BYE BRAG NI MI RTAG PA DANG BTZAL MA THAG TU BYUNG BA DAG GO, ,TSANG TSING ZHES BYA BA NI RI'I GSAB GSEB DAG GO, ,YANG NA NAGS MA TSANG TSING NGO, ,PHA'I THA SNYAD BTAGS PA'I RGYU NI BDAG NYID NYID MTSAMS SBYOR TE PA'I BYED PA'O, ,'DIS NI PHYIS DMIGS PA MED DE MI DRAN PA'I PHYIR MA MTHONG BA DAG 'DRA BAS SO, ,'GAL BA MED PA'I MTSAN NYID CAN ZHES BYA BA NI SMRA BA DANG 'DOD CHAGS DANG BRAL BA LA SOGS PA'O, ,DBANG POS MI SOD PA YANG DE DAG NYID DE SEMS KYI CHOS KYI RANG BZHIN GYIS BSKAL BA YIN PA'I PHYIR RO, ,BDAG NYID RANG GIS RTOGS PAS ZHES BYA BA NI RANG NYID 'DOD CHAGS LA SOGS PA DANG LDAN PAR RO, ,HA CANG THAL BAR 'GYUR RO ZHES BYA BA NI MANG DU ZA BA DANG SNGO BSANGS PA LA SOGS PA YANG GZHAN NYID DU ZA BA DANG, DKAR SHAM DAG LA RTOGS PAR 'GYUR BA'O, ,GAL TE MTHONG BAS 'GAL BAS ZHES BYA BA NI MI SBYOR TE DE DAG MTHONG BAS GNOD PAR 'GYUR BA'I PHYIR RO ZHE NA, RIGS PA MTSUNGS BZHIN DU ZHES BYA BA NI BDAG NYID LA MTHONG BAR 'DOD CHAGS DANG DKAR SHAM DAG MTSUNGS ZHES MANG DU ZA BA LA SOGS PA CI'I PHYIR MI SBYOR TE, MTHONG BAS GNOD PAR MI RIGS SO @278B SNYAM PA'O, ,YANG NA DE RIGS PA'I MTSAN NYID DU BRJOD PAR MI BYA BA STE ZHES BYA BA NI BDAG NYID RTOGS PA DE'O, ,DE CI'I PHYIR ZHE NA, 'GAL BA SRID PA'I PHYIR RO ZHES BYA BA NI MTHONG BAS GNOD PA SRID PA'I PHYIR RO, ,LDOG PA LAS KYANG ZHES BYA BA MI MTHUN PA'I PHYOGS LA MA MTHONG BAS GROGS BYAS PA'I BDAG LA MTHONG BAS 'DOD CHAGS LA SOGS PA DPOG PAR BYED DE, 'DOD CHAGS DANG BRAL BA RDO LA SOGS PA LA SMRA BA MA MTHONG BAS SO, ,DE MED NA ZHES BYA BA NI LDOG PA DE MED NA STE, BDAG NYID LA MTHONG BA DES MANG DU ZA BA LA SOGS PA GZHAN LA DPOG PAR MI BYED DE DE GZHAN NYUNG NGU ZA BA MA YIN PA BDAG NYID LA MTHONG BA YIN PAR MTHONG BAS MI MTHUN PA'I PHYOGS LAS LDOG PA MED PA'I PHYIR SGRUB PAR MI BYED CE NA, MI MTHUN PA'I PHYOGS LA ZHUGS PA'I BDAG NYID LA MTHONG BA'I MANG DU ZA BA LA SOGS PA DANG, 'JUG PAR THE TSOM ZA BA BDAG LA MTHONG BA DANG 'DOD CHAGS LA SOGS PA DAG GIS MI MTHUN PA'I PHYOGS LA RTAGS NGES PA MI 'GRUB PA'I PHYIR 'DOD CHAGS LA SOGS PA YANG BDAG NYID LA MTHONG BAS BSGRUB PAR MI BYA'O, ,DE NYID RGYAS PAR BSHAD PA LA MTHONG BA YANG ZHES BYA BA NI DKAR SHAM LA SOGS PA MTHONG BA DANG 'GAL BA MTHONG BA DAG KYANG BDAG NYID LA MTHONG BA MANG DU ZA BA LA SOGS PA DE DAG DANG GZHAN LA DE'I BDAG NYID DU DPAG PA DAG TU MTHONG BA DAG 'GAL BA DMIGS PA'I PHYIR GZHAN LA BSGRUB PAR MI BYA'O, ,'GAL BA MA MTHONG BA DAG KYANG BDAG NYID 'DOD CHAGS LA SOGS PA'I RANG LA MI MTHONG BA'I BDAG NYID RNAMS NI MI MTHONG BA NYID KYI PHYIR 'DOD CHAGS DANG BRAL BA LA SOGS BDAG DANG 'GAL BA SO SOR SBYAR BA MI 'GRUB PA'I PHYIR, GZHAN LA BSGRUB PAR MI BYA STE, 'DI LTAR RGYU GANG GIS NA 'GAL BAS MI MTHUN PA'I PHYOGS LA BSAM PAR NGES NA RTAGS DES BSGRUB PAR BYA BA NGES PA YIN NO, ,BDAG NYID KYI NANG GI CHOS ZHES BYA BA NI 'DOD CHAGS LA SOGS PA GANG DAG DANG BDAG NYID LDAN PAR RANG GIS RTOGS PA STE, GZHAN GYIS SHES PA'I SPYOD YUL MA YIN PA'I CHOS DE DAG RANG LA JI LTA BAR GZHAN THAMS CAD LA YANG NYE BAR SBYOR BA'I BDAG NYID GCIG PAR THA SNYAD DU BYED PA'I SKYES BUS 'DIS RIGS PA'I DAL BA STE, RIG PA BSLAB PA'I DKA' BA BYAS PA'I 'BRAS BU'O, ,RAB TU 'DOD PA NI BSTING BA STE, RMONGS PA NYID THOB BA'O, ,CI RMONGS PA YIN ZHE NA, BUD MED DANG DMANGS RIGS DAG GIS KYANG BDAG DANG GZHAN @279A *, ,GCIG GI RANG BZHIN MA YIN PAR GSAL BAR SHES TE BDAG NYID KYI BSAM PA NI RANG GIS RTOGS LA GZHAN GYIS NI MA RTOGS PAS SO ZHES GSAL BAR RTOGS PA DE RANG LA MTHONG BA'I CHOS GTAN TSIGS SU BYED PA'I SKYES BU 'DIS MI RTOGS PA'I PHYIR RO, ,SNGAR SMOS PA'I SNANG BA MI DMIGS PA'O, ,'DI 'DRA BA'I SBYOR BA NI ZHES BYA BA NI MI SNANG BAR MI DMIGS PA STE, 'DI LTAR SKYES BU'I SEMS KYI CHOS DMIGS PA'I RIG BYAR MA GYUR BA DAG LA 'DOD CHAGS DANG BRAL BAR 'GOG PAR BYED PA'O, ,GAL TE SMRA BA'I RTAGS 'DOD CHAGS DPOG PAR BYED PA DE LTA NA DE DANG 'GAL BA 'DOD CHAGS DANG BRAL BA 'GOG PA'I PHYIR 'GAL BA DMIGS PA NYID YIN NO ZHE NA, 'DOD CHAGS LA SOGS PA YANG DON GZHAN YIN PA'I PHYIR ZHES BYA BA NI DE'I BDAG NYID KYI 'BREL BA MED PA'O, ,GAL TE SMRA BAS 'DOD CHAGS DPAG PA NI 'BRAS BU YIN PAS 'GAL BA'I 'BRAS BU DMIGS PA YIN NO ZHE NA, 'DOD CHAGS LA SOGS PA 'BRAS BU YANG MA YIN ZHES BYA BA SMOS TE; 'DOD PA'I PHYIR SKYON MED DO ZHES BYA BA NI G-YO BA DANG BRJOD PAR 'DOD PA 'DOD CHAGS YIN NO 'DOGS NA'O, ,GAL TE DES NA 'DOD CHAGS GRUB PA NYID MA YIN NO ZHE NA, MA YIN TE 'DOD CHAGS DANG RANG BZHIN MI 'DRA BA'I PHYIR TE, 'DI LTAR 'DOD CHAGS LA SOGS PA NI RTAG PA LA SOGS PA PHYIN CI LOG LAS BYUNG BA ZAG PA DANG BCAS PA KHO NA'I YUL CAN YANG DAG PA MA YIN PA'I YON TAN LA DGA' BA'I RNAM PA CAN DE 'DI LTAR 'DI'I DMIGS NI AUTPALA SNGON PO'I 'DAB MA LTA BU ZHES BYA BA LA SOGS PAS DGA' BA'I RNAM PA CAN NO, ,RNAM 'BREL DU BSHAD ZIN TO ZHES BYA BA NI RGYAS PAR BSHAD PA'O, ,'DI DAG GI RGYU DMIGS PA MDO TZAM DU DE MA THAG TU STON PAR 'GYUR RO, ,'DI DAG GI RNAM PA NI BRJOD PA MANG DU DOGS PAS MA BSTAN PAR RTOGS PAR BYA'O, ,'DOD CHAGS DANG BRAL BA'I PHYIR RIGS PA MA YIN NO ZHES BYA BA NI, GZHAN GYI DON LA YANG 'DOD PA DANG BRAL BA'I PHYIR RO, ,MTSAN NYID THA DAD DE ZHES BYA BA 'DOD CHAGS DANG SNYING RJE LA SOGS PA'O, ,PHYIN CI LOG MED NA MED PA'I PHYIR RO ZHES BYA BA NI RTAG PA DANG, BDE BA DANG, BDAG DANG BDAG GIR 'DZIN PA STE, BDAG YIN NA NI GZHAN DU SHES LA ZHES BYA BA LA SOGS PA'I RIM GYIS 'DOD CHAGS LA SOGS PA 'BYUNG BA'I PHYIR RO, ,'BRAS BU RTZOM PA MED PA'I PHYIR ZHES BYA BA NI BDAG NYID KYI DON CUNG ZAD KYANG ME PA'I PHYIR SNYAM DU BSAMS PA'O, ,GAL TE GZHAN GYI DON @279B 'DOD PA NYID KYANG 'DOD CHAGS YIN NO ZHE NA, 'DI NI SNYING RJES SO ZHES SNGAR BSHAD ZIN TO, ,'KHRUL PA'I PHYIR MI DPOG NA ZHES BYA BA NI DKAR SHA MA DANG MANG DU ZA BA LA SOGS PA BDAG LA MTHONG BA YANG GZHAN LA DE LAS BZLOG PAR MTHONG BA'I PHYIR 'KHRUL PAS SO, ,'DI LA MI 'KHRUL LO ZHES BYA BA GANG LA DES ZHES BYA BA NI 'DOD CHAGS LA SOGS PA LA'O; ,GAL TE 'DI LA MI MTHUN PA'I PHYOGS LA MA MTHONG BA'I PHYIR 'KHRUL PA MED DO ZHE NA, MA MTHONG BA TZAM LA YANG BRJOD ZIN TO ZHES BYA BA NI SNGAR MI MTHONG BA'I BDAG NYID 'GAL BAR SO SOR SBYOR BAR YANG MI NUS SO ZHES BYA BA LA SOGS PAS SO, ,LHAN CIG 'BYUNG BA DANG CIG SHOS DAG NI 'GAL BA MED PA DANG 'GAL BDAG GO, ,BSAL BA'I DON ZHES BYA BA NI MI SNANG BA'I BDAG NYID DAG LA NI GCIG NYE NA CIG SHOS MED PAR GTAN LA DBAB PAR MI NUS TE THE TSOM ZA BA'I PHYIR RO, ,BYED PA'I YON TAN NI NGANG GRIMS PA'I NUS PA RKAN BYA BA'O, ,GAL TE 'DI LA YANG BDAG NYID LA MTHONG BA ZHES BYA BA NI BYED PA'I YON TAN DANG BRJOD PAR 'DOD PAR SMRA BAS DPOG PA 'DI YANG NGO, , BDAG NYID LA GZHAN DU YANG MTHONG BA'I PHYIR ZHES BYA BA NI 'DOD CHAGS MED BAR SMRA BA DMIGS PAS SO, ,GAL TE SEMS MED PA'I LDOG PA'I YUL YIN NO ZHES BYA BA NI RDO BA'I DUM BU LA SOGS PA RNAMS LA SMRA BA MA MTHONG BA'I PHYIR LDOG PA'I YUL YIN PA STE LDOG BA RTOGS PA'O, ,LDOG PA'I RNAM PA DE LTA BU ZHES BYA BA NI MA MTHONG BA TZAM GYIS SO, ,'O NA BUM PA YOD PA DANG MED PA NYID SNYING RJER RTOGS SHE NA, DE'I RGYU ZHES SMOS TE, 'DOD CHAGS DE'I RGYU'I NUS PA ZHES BYA BA TSOGS PA GZHAN DE RDO'I DUM BU LAS GZHAN PA DBANG PO DANG SEMS LA YOD PA LA SOGS PA RDO LA YOD KYANG 'BRAS BU 'DOD CHAGS MI BSKYED NA DBANG PO LA SOGS PA LAS RGYU GZHAN NUS PA RJES SU DPOG PAR BYED DO, ,SA DANG DROD DANG CHU DAG YOD KYANG MYU GU MI SKYE NA, DE LAS RGYU GZHAN BA SA BON DPOG PAR BYED PA BZHIN NO, ,SEMS MED PA LAS MI SRID DE ZHES BYA BA NI RDO BA'I DUM BU LA SOGS PA'O; ,SEMS PA YOD PA DANG BYED PA'I YON TAN DE GOMS PA LA SOGS PA STE, DBANG PO LA SOGS PA NUS PA'I RGYU SNANG BA ZHES BLTAR RUNG BA YIN TE RDO'I DUM BU DE LA MI SRID PA'I PHYIR NUS PA MED DO ZHES BYA BAR MI RTOGS TE, NUS PA'I RGYU GZHAN DAG TSANG BAR YOD KYANG 'BRAS BU 'DOD @280A *, ,CHAGS MI SKYED NA GDOD RDO'I DUM BU NUS PA MED CES BYA BAR RJES SU DPOG PA'I PHYIR 'DOD CHAGS KYIS NYE BAR PHAN MI 'DOGS NA ZHES BYA BA NI RDO'I DUM BU LAS 'DOD CHAGS NYID MED PA'I PHYIR RO, ,BDAG NYID DU GYUR PA'I YON TAN DE CHOS DE LTA BU LA NUS PA NYE BAR BTAGS PA'I PHYIR TE, 'DOD CHAGS KYI TSIG SMRA BA BSKYED BAS 'BRAS BU 'DOD NUS PA NI 'DOD CHAGS NYID YIN PA'I PHYIR RO, ,GAL TE 'DOD CHAGS KYI RGYU'I RANG BZHIN GYI NUS PAS SMRA BA SKYED BAR BYED DO ZHE NA DE'I NUS PAS KYANG MI NUS SO ZHES BYA BA NI 'DOD CHAGS KYI 'BRAS BU LA 'DOD CHAGS KYIS PHAN PAR MI NUS NA 'DOD CHAGS KYIS BAR DU CHOD BAS KYANG MI NUS SO, ,GZHAN LA NI ZHES BYA BA NI 'BREL BA MED BA DAG LA'O, ,CIS NA 'DI MA SMOS ZHES BYA BA NI 'GAL BA MI 'KHRUL PA'I DPER BRJOD PA DBYE BA GNYIS BSTAN PA'O, ,GAL TE SMRAS PA LA SOGS PAR BSGRUB PA DANG, MA SMRAS PA LA SOGS PAR SGRUB PA ZHES BYA BAR DBYE BAR RIGS PA MA YIN NAM ZHE NA, GCIG PA BRJOD PAR BSGRUB BAR BYA BA BYE BRAG MED PAR RTOGS PAR BYA BA'I PHYIR RO, ,'GA' ZHIG TU BRJOD PA DANG ZHES BYA BA NI BYAS PA DANG RTZOL BA LAS BYUNG BA DAG GO, ,SHUGS KYIS 'DUS PA YIN PA'I PHYIR ZHES BYA BA'O, ,SHUGS KYIS 'DOD PA PHYIN CI LOG DE LA YANG SBYOR BA'I BYE BRAG GIS 'GA' ZHIG TU CHOS SU BRJOD PAR 'DOD PAS DE 'DUS PA NI GZHAN GYI DON NYID DO ZHES SO, ,'GA' ZHIG TU CHOS CAN DU BRJOD PAS TE GZHAN GYI DON MIG LA SOGS PA ZHES BYA BAS CHOS DANG CHOS CAN GYI BYE BRAG LAS BZLOG PA BSGRUB PA DAG GIS SO, ,DE DAG KYANG SBYOR BAR BRJOD PAR 'DOD PAS RNAM PAR GZHAG PA YIN PA BSGRUB PAR BYAR PHYIN CI LOG TU SGRUB PAR NI BYE BRAG CI YANG MED DO, ,GAL TE 'GAL BA BZHIN DU GTAN TSIGS KYANG CI'I PHYIR THA DAD DU MA BYAS SHE NA ZHES BYA BA NI YANG DAG PA'I GTAN TSIGS DAG KYANG 'DOD PA BRJOD PA BSGRUB PA DANG, SHUGS KYIS 'DOD PA BSGRUB PA ZHES SO, ,SHUGS KYIS 'DOD PA'I GTAN TSIGS KYANG THA DAD DU BYAS PA NYID DE MA SMRAS KYANG 'DOD PA BSGRUB PAR BYA BA YIN PAR BSTAN PA NYID KYIS BSTAN PA YIN NO, ,YANG NA @280B 'DUS PA NYID KYIS 'DUS PA'I DON NYID SGRUB PAR 'DOD NA MA BRJOD PAR YANG BSGRUB PA NGES PAR BSTAN PA NYID KYIS SHUGS KYI 'DOD PA BSGRUB PA'I GTAN TSIGS BSHAD PA'I PHYIR RO, ,CI'I PHYIR 'GEGS PAR BYED CES BYA BA NI MA BSTAN TO ZHES BYA BAR RGOL BA MI RIGS SO ZHES BYA BA YIN NO, ,GAL TE 'DUS PA RNAM GZHAN 'DUS PA MA YIN PA LA PHAN PAR ZHES BYA BA NI 'DUS PAS 'DUS PA MA YIN PA'I DON BYED BA'O, ,KHA CIG 'DUS PA GZHAN RNAMS GZHAN 'DUS PA LA PHAN PA ZHES 'DON TO, ,DE LTAR NA BDAG MED PAR SMRA BA LA KLAN KAR SBYAR BA'O, ,'GAL BA MA YIN PA NYID DU BSGRUB PA NI 'DRA BA NYID DO, ,SNGA MA LTAR NA NI 'GAL BA YIN PAR BSGRUB PAR BYA BA TZAM DU BYA'O, ,GAL TE 'GA' ZHIG TU 'BRAS BU BSKYED PA'I DON RNAMS MTHAR THUG PAR TSOGS PA YANG YIN ZHES BYA BA NI NGES PAR 'BRAS BU 'BYIN PA'I PHYIR GZHAN LA PHAN PA BYED PA MI 'GRUB STE, CI'I PHYIR ZHE NA; DE LTA MOD KYI ZHES BYA BA LA SOGS PA SMOS SO, ,SO SOR PHAN PA BYED PA DAG LAS ZHES BYA BA LA SOGS PAS NI 'DUS PA KHO NA LA PHAN PAR BYED PAR BSGRUB PAS 'GAL BA NYID DU STON TE, SO SOR PHAN PA BYED PA NI 'DUS PA RNAMS SO SOR PHAN PA BYED PA'O, ,PHAN PAR BYA BA'I RANG BZHIN GZHAN SKYE BA'I PHYIR ZHES BYA BA NI SNGA MA LAS KHYAD PAR DU GYUR PA'O, ,DE LTAR NA PHAN PAR BYED PA DE NI MI RTAG PA NYID RDO, ,RANG BZHIN GZHAN MI SKYE BA NI PHAN PAR BYA BA NYID MA YIN NO, ,THA DAD PA'I RANG BZHIN GYIS PHAN PA ZHES BYA BA NI SNGA MA LAS GZHAN DU GYUR PA NI PHAN PA STE, SKAD CIG MA GZHAN SKYED PA YIN GYI PHAN PAR BYA BA GCIG LA DUS GCIG TU PHAN PA DU MA BYED PA NI MA YIN TE, PHAN PAR BYA BA DU MAR GYUR NA 'DUS PA PHAN PAR BYA BA MA YIN GYI RE RE LA PHAN PAR THAL BAR 'GYUR BA'I PHYIR RO, ,DE LTA BAS NA PHAN PAR BYA BA'I SKABS GZHAN DANG GZHAN DAG SKYE BA'I PHYIR MI RTAG PA KHO NAR 'GYUR RO, ,DE'I PHYIR PHAN PAR BYA BA'I SKAD CIG MA 'DUS PA KHO NA LA DON BYED PAR GRUB PA'O, ,GAL TE PHAN PA BDAG LA DON GZHAN YIN NA PHAN PA LAS GZHAN PA'I BDAG DE LAS PHAN PA MA YIN NO ZHES BYA BA LA SOGS PA STE, PHAN PA RNAMS PHAN PA SKYE NA YANG BDAG DE LAS THA @281A *, ,DAD PA ZHIG MA YIN ZHES BYA BA THUG PA MED PAR 'GYUR BA LA SOGS BA'I RIG BYED BRTAG BA LA SOGS PA SMRAS ZIN TO, ,GAL TE BDAG LA MI PHAN PA NYID YIN NA BDAG DE LA PHAN PA'I DON DU SGRUB PA BKOD PA DON MED PA NYID YIN PAS BDAG LA PHAN PAR BYED PA DE'I DON DU SGRUB PA NI RANG GI TSIG DANG 'GAL BA YIN NO, ,DE'I PHYIR RANG BZHIN GCIG TU MI 'GYUR BA'I PHYIR ZHES BYA BA NI PHAN BA'I KHYAD PAR PHYI MA PHYI MA DAG TU SKYED PA DE'I PHYIR PHAN BAR BYA BA DE RANG BZHIN GCIG TU MI 'GYUR BA'I PHYIR 'DUS PA'I KHO NA'I DON BYED PAR GRUB PAS 'DUS PA MA YIN PA'I DON BYED PAR 'DOD PA LAS PHYIN CI LOG TU BSGRUB PA'I PHYIR 'GAL BA'I GTAN TSIGS LTAR SNANG BA NYID YIN NO, ,GNYIS KA LA MA GRUB PA YANG 'GAL BA YIN TE ZHES BYA BA NI YANG GI SGRAS NI'O, ,BDAG DANG BCAS PA DANG BDAG MED PA LAS GZHAN PA'I PHUNG PO GANG LA ZHES BYA BA NI DE GNYIS PAS PHYI ROL TU GYUR PA'I CHOS 'GA' ZHIG LA'O, ,GAL TE DE LA YOD PAR GYUR NA NI SROG LA SOGS PA BDAG DANG BDAG MED PA GNYI GA LAS PHYI ROL DU GYUR PA'I PHYIR DE DAG LA THE TSOM ZA BAR MI 'GYUR TE GNYI GA LAS LDOG BAR GRUB PA'I PHYIR RO, ,DE'I BDAG NYID KYIS GRAGS PAR MA GRUB PA'I PHYIR RO ZHES BYA BA LA SOGS PA'I DON BDAG DANG BDAG MED PA'I BDAG NYID KYIS CHOS SU TSAD MAS MA GRAGS PA'I PHYIR RO, ,DE DAG LAS LDOG PA MED DO ZHES BYA BA NI BDAG BCAS DANG BDAG MED GNYI GA LAS LDOG PA MA GRUB PO ZHES BYA BA'I DON TO, ,GAL TE BDAG DANG BDAG MED PA GANG LA YANG YOD PAR MA GRUB PA'I PHYIR, ,MA GRUB PA'I GTAN TSIGS LTAR SNANG BA YIN PAS NA RTOGS BAR BYED PA MA YIN PA'I PHYIR MA NGES PA MA YIN NO ZHE NA, GO BAR MI BYED PA YANG MA YIN TE ZHES BYA BA SMOS TE, CI'I PHYIR ZHE NA, GANG ZHIG DANG 'BREL PA'I PHYIR ZHES BYA BA NI SROG LA SOGS PA 'DI CHOS CAN GSON PO'I LUS LA 'GA' ZHIG DANG 'BREL BA'I PHYIR, RTAGS DE LAS CHOS CAN DE LAS RTOGS BA 'JUG PAR 'GYUR BA'I PHYIR TE, 'DI LTAR SROG LA SOGS PA 'DI CI BDAG DANG BCAS PA ZHIG GAM BDAG MED PA ZHIG GI CHOS CAN YIN NO ZHES SO, ,MA 'BREL PA ZHES BYA BA NI CHOS DANG @281B NGO; ,GNYI GA LAS PHYI ROL DU GYUR PA ZHES BYA BA NI SROG LA SOGS PA BDAG DANG BDAG MED PA GNYI GA DAG LAS PHYI ROL DU GYUR PA YIN NA NI, DE BDAG DANG BDAG MED PA GNYI GA LAS LOG BA'I PHYIR SROG LA SOGS PA DE LAS GSON PO'I LUS DE LA GO BA DANG THE TSOM ZA BAR MI BYED PA DER 'GYUR RO, ,GAL TE DE LTA NA ZHES BYA BA NI SROG LA SOGS PA BDAG DANG BDAG MED PA GANG LA YANG YOD PAR MA GRUB KYANG DE LAS STON PA 'JUG PA DE LTA NA'O, ,MA 'BREL PA'I PHYIR ZHES BYA BA NI MIG GIS GZUNG BAR BYA BA DE CHOS CAN DANG MA 'BREL BA'I PHYIR RO, ,SROG LA SOGS PA'I BYE BRAG LA ZHES BYA BA NI BDAG DANG BDAG MED PA'I CHOS YIN PA'I BYE BRAG LA'O, ,BSKAL PA'I PHYIR ZHES BYA BA NI BDAG TSAD MAS MA MTHONG BA'I PHYIR RO, ,'JUG BA DANG LDOG PA NI BUM PA LA SOGS PA CHOS CAN KHYAD BAR GYI KHYAD BAR GANG LA YANG BDAG YOD BA DANG MED BA NGES PAR MA GRUB PA'I PHYIR RO; ,DE LA SROG LA SOGS PA YANG NGO ZHES BYA BA NI BDAG DE LA SROG LA SOGS PA 'JUG PA DANG, LDOG PA YANG TSAD MAS MA MTHONG BA'O, ,'JUG PA DANG LDOG PA MA GRUB PA DE'I PHYIR DON GZHAN SROG LA SOGS BA BDAG GI 'BRAS BUR MA GYUR PA'I PHYIR BDAG LA SOGS PAS RJES SU 'GRO BA MA GRUB PA YIN NO, ,DE NYID RGYAS PAR BSTAN PA'I PHYIR SROG LA SOGS PA DANG BDAG TU ZHES BYA BA LA SOGS PA SMOS SO, ,GZHAN DAG CES BYA BA NI RIGS PA CAN NO, ,GO BAR BYED PA KHO NAS ZHES BYA BA NI SROG LA SOGS PAS BDAG GO BAR BYED PA KHO NA STE, SROG LA SOGS PA DE NI 'DI'I RIGS CAN DE DAG BDAG SGRUB PA'I GTAN TSIGS YIN TE, GCIG TU LDOG PA CAN ZHES BYA BAR 'DOD PA'O, ,DE GCIG TU LDOG PA CAN YIN PA'I PHYIR RO ZHES BYA BA NI MI MTHUN PA'I PHYOGS KHO NA LAS LDOG PA ZHES 'DOD PA'I PHYIR RO, ,DE NYID KYI PHYIR SROG LA SOGS PA MI MTHUN PA'I PHYOGS KHO NA LA MI 'JUG PA'I PHYIR MTHUN PA'I PHYOGS LAS NI LDOG PA MED DE MTHUN PA'I PHYOGS MED PA'I PHYIR DE GSON PO'I LUS THAMS CAD PHYOGS SU BYAS PA'I PHYIR LA GSON PO'I LUS LAS GZHAN PA THAMS CAD NI MI MTHUN BA'I PHYOGS YIN PAR 'DOD PA LAS MTHUN @282A *, ,PA'I PHYOGS MED PA LA, MED PAS LDOG PA NI YUL DU MI RIGS PA'I PHYIR RO, ,GCIG TU RJES SU 'GRO BA CAN NI 'OG NAS STON TO, ,MNYAN BAR BYA BA NYID KYANG RTAG PA NGANG MI RTAG PA GANG LA YANG YOD BAR MA GRUB BA'I PHYIR PHYOGS KYI THUN MONG MA YIN PA'I CHOS MA YIN PAS LDOG PA CAN GYI RTAGS NYID DU 'GYUR RO ZHE NA BYE BRAG BA NA RE MA NYAN PAR BYA BA NYID NI DE LTA MA YIN TE, GNYI GA LAS LDOG BA'I PHYIR RO ZHES BYA BAS MTHUN PA'I PHYOGS LAS KYANG LDOG PA'I PHYIR TE, LOG PA NI 'DIR MA MTHONG PA YIN BAS SO, ,SROG LA SOGS PA NI DE LTA MA YIN ZHE'O, ,DE LTA BU'I LDOG PA'I RNAM PA ZHES BYA BA NI MI MTHUN PA'I PHYOGS LAS GCIG TU LDOG PA SMRAS PA DES SO, ,BDAG MED PA NYID LA MED PA NYID DO ZHES NGES PA SMRA NA DON GYIS GZHAN MA YIN PA BDAG DANG 'DRE BAS BDAG LA SROG LA SOGS PA 'JUG PAR BRJOD PA YIN LA, DE LTA NA BDAG KHO NA LA 'JUG PA DE NYID MED NA MI 'BYUNG BA YIN NO, ,DE NYID KYI RJES SU 'GRO BA GRUB PAS SROG LA SOGS PA LDOG PA NYI TSE CAN MA YIN NO, ,DE'I PHYIR ZHES BYA BA NI MA MTHONG BAS LDOG BA MI 'GRUB PA'I PHYIR SROG LA SOGS BA BDAG GAM BDAG MED PA'I BYE BRAG GI RJES SU 'GRO BA MED PA LA LDOG PA YANG MED DO, ,GAL TE MA MTHONG BAS LDOG BA MI 'GRUB STE, DE LTA NA SLOB DPON PHYOGS KYI GLANG POS MNYAN PAR BYA BA NYID JI LTAR LDOG PA CAN ZHES GSUNGS SHE NA, SLOB DPON GYIS NI ZHES BYA BA LA SOGS BA SMOS SO, ,DE TZAM GYIS ZHES BYA BA NI MA MTHONG BA TZAM GYIS SO, , GZHAN DU NA ZHES BYA BA NI MA MTHONG BA TZAM GYIS LDOG PA DES NA MNYAN PAR BYA BA NYID THE TSOM ZA BA'I RGYUR NGES PA'I GTAN TSIGS LTAR SNANG BAR SLOB DPON GYIS GSUNGS SO, ,'DI LTAR RTAGS MNYAN PAR BYA BA GANG RTAG BA GANG LA MI SRID PA DE SGRA LA DMIGS PA LAS SGRA RTAG PA DE LA THE TSOM ZA BAR RIGS PA MA YIN TE, 'DI LTAR ME MED PA LA MI SRID PA'I DU BA PHYOGS LA DMIGS PA LAS ME MED BA LA THE TSOM BYA BAR MI RIGS PA BZHIN NO, SROG LA SOGS PA MED PAS BDAG MED PA NI SHI BA'I LUS DANG BUM BA LA SOGS PA LA KHYAB PA'I PHYIR DU BA MED PAS ME MED PA LA KHYAB PA @282B LTAR RO; ,DE'I PHYIR NYE BA'I LUS DANG BUM BA LA SOGS PA RGYU BDAG LOG BA'I PHYIR, SROG LA SOGS PA LOG BA'I PHYIR TE ME LOG PAS DU BA LOG PA BZHIN NO, ,DE LTAR NA 'BRAS BU SROG LA SOGS PA LDOG PA'I KHYAB PAR BYED PA YIN LA, DE GSON PO'I LUS LA LOG STE SROG LA SOGS PA YOD PAR GYUR NA KHYAB PAR BYA BA DAG MED PA YANG LDOG PA'I PHYIR GSON BO'I LUS LA BDAG GRUB PO SNYAM PA'O, ,LAN SBYIN BA NI MA 'BREL PA SROG LA SOGS PA MED PA STE LDOG PAS NYE BAR MI SBYOR BA BDAG MED PA STE LOG PA LA KHYAB PA MI 'GRUB STE, 'BREL PA MED PA'I PHYIR RO, , DE LOG PAS MI 'JUG CES BYA BA NI BDAG LOG PAS SROG MI 'JUG PA'O, ,BZLOG PA'I 'BREL PA NI NYE BAR SBYOR BA LOG PA DE DANG 'BREL PA LOG PAS KHYAB PA'O, ,SHIN TU BSKAL PA DE NI BDAG GO, ,SROG LA SOGS PA MED BAS KHYAB PA BDAG MED PA YANG GANG ZHES BYA BA NI LDOG PA'I KHYAB PA'I YUL MI MTHUN PA'I DPE 'DRI BA'O, ,GZHAN LA YANG MI MTHONG NA ZHES BYA BA NI MTHONG BA TZAM GYIS BDAG MED PAR 'GRUB NA GZHAN YANG PHYOGS LA YANG MA MTHONG BA'I PHYIR DE YANG BDAG MED PAR 'GYUR LA, DE LTA MA YIN PA BDAG DE BUM PA LA SOGS BA LA MED DO ZHES BYA BA GANG LAS DE MA MTHONG BA TZAM DU KHYAD PAR MED PA'I PHYIR RO, ,LDOG PA MI SHES PA MED PAS DE'I ZHES BYA BA NI BDAG GANG LAS LOG PA MI SHES PA DE'I'O, ,'GA' ZHIG MTHONG BA KHO NA LA ZHES BYA BA NI GSON PO'I LUS 'GA' ZHIG KHO NA LA'O, ,BDAG NI DE LTAR GZHAN YOD PA DANG MED PAR RTOGS PA MA YIN NO, ,GAL TE GANG YANG ZHES BYA BA LA SOGS BA NI LDOG PA CAN GYI SBYOR BA'I NGAG GO, ,DE LA YANG ZHES BYA BA NI BDAG LOG PAS SROG LA SOGS PA LDOG PAR SGRUB PA DE YANG NGO, ,RGYU DANG 'BRAS BU DNGOS PO MA YIN PAS ZHES BYA BA NI BDAG NI RANG LAS THA DAD PA SROG LA SOGS PA RGYU MA GRUB PAS SO, ,DE YANG LE'U GNYIS PAR MI DMIGS PA'I DBYE BA'I SKABS SU DON GZHAN DGAG PAR SMRAS PA YIN NO, ,MA MTHONG BA'I PHYIR RO ZHES BRJOD CES 'DAS MA THAG PAR BRJOD ZIN TE, 'DI LTAR BDAG DANG BCAS PA'I DPE'I CHOS 'GA' YANG TSAD @283A *, ,MAS GRUB PA'I PHYIR RO, ,GAL TE 'GA' ZHIG TU BDAG MTHONG BAR KHAS BLANGS KYANG MTHUN PA'I PHYOGS LA MTHONG BA TZAM GYIS NI RJES SU 'GRO BA MI 'GRUB STE, LDOG PA MA GRUB PA'I PHYIR RO, ,DE LTA BU'I LDOG PA LAS NI ZHES BYA BA BUM PA LA SOGS PA LA BDAG MA MTHONG BA TZAM GYIS MED PAR 'DOD PA'O, ,NUS PA'I RGYU GZHAN ZHES BYA BA NI BLO LA SOGS PA BUM PA YOD KYANG SROG LA SOGS PA MI 'BYUNG NA, BLO LA SOGS PA'I GZHAN BA'I RGYU MED PAS SROG LA SOGS BA MED PAR 'GYUR RO ZHES DPAG BAR RUNG NA DE LTA BU'I NI BUM PA LA SOGS PA LA MI SRID DO, ,GAL TE BLO LA SOGS PA DE YANG BDAG MED PAS SO ZHES BYA BA NI BUM PA LA SOGS PA LA BLO LA SOGS PA MED BA DE YANG BDAG MED PAS SO ZHE NA, MA YIN TE ZHES BYA BA NI BDAG MED PAS BLO LA SOGS BA MED PA NI MA YIN PA'O, ,CI'I PHYIR ZHE NA, BLO LA SOGS PA DE LA BDAG LAS GZHAN PA'I DNGOS PO'I NUS BA MA MTHONG BA'I PHYIR RO, ,DE YANG JI LTAR ZHE NA, RE ZHIG CES BYA BA NI RIM LA LTOS BA STE, SHES PA DANG, DBANG PO DANG, YUL RNAMS KYI RIM PAS SO, ,RNAM PAR SHES PA SNGA MA NI MTSUNGS PA DE MA THAG PA'O, ,GZHAN DAG SHES PA'I RGYU YOD CES BYA BA RTAG PA YOD PAR 'DOD DE YUL DU MA DAG NYE YANG SHES PA YUL KUN CIG CAR SKYE BA'I PHYIR YID CES BYA BA GCIG YOD PAR RJES SU DPAG STE, YID GCIG PO'I DBANG GIS SHES PA RIM GYIS SKYE BA DE LTA MA YIN NA NI, YUL KUN LA DUS GCIG TU SHES PA SKYE BAR THAL BAR 'GYUR RO ZHES ZER TE, DE DGAG PA'I PHYIR DE YANG YUL GZHAN SPANG BA DANG ZHES BYA BA SMOS TE, NUS PA MA YIN PA'I SHES PA SNGA MA DE YUL GZHAN SPONG BA STE, YUL GCIG LA GTOD PAR 'DOD PAS YUL GZHAN LA DMIGS PA'I RNAM PAR SHES PA GZHAN DUS GCIG TU MI SKYE BA YIN GYI; YID RTAG BA NUS PA MED PAS NI MA YIN TE, RTAG PA NI RIM DANG CIG CAR DU RE RES DON MED PA DAG MI RUNG BA'I PHYIR RO, ,GNOD PA CAN LAS NI RNAM PAR SHES PA PHYI MA 'KHRUL PA SKYE'O ZHES BYA BAR SBYAR RO, ,STZOGS PA'I SGRA GNYIS KYIS NI MI GSAL BA LAS NI MI GSAL BA SKYE'O @283B ZHES GO RIMS BZHIN DU SBYOR RO, ,DBANG BO LA SOGS PA'I ZHES BYA BA NI YUL RNAMS KYANG NGO, ,BLO YANG DBANG BO LA SOGS PA RNAMS KYI RKYEN YIN PAR BRJOD DO, ,DE YANG DBANG BO LA SOGS BA RNAMS KYI BDAG PO YIN BA'I PHYIR RO, ,DE TZAM GYIS ZHES BYA BA NI DBANG BO LA SOGS PA'I RGYU DAG GIS SO, ,'DI ZHES BYA BA NI BLO LA SOGS PA 'BRAS BU RNAMS SO, ,BDAG NYID KYI DNGOS BO NI 'BRAS BUR GYUR PA BLO LA SOGS PA RNAMS RANG GI BDAG NYID KYI DNGOS PO DANG RJES SU 'GRO BA STE YOD BA DANG LDOG PA STE MED BA'O, ,CAN ZHES BYA BA NI RGYUR GYUR PA'I CHOS DE DAG TZAM GYI RJES SU 'GRO BA LDOG PA DANG LDAN PA YIN PA'O, ,'DI NYID RGYU YIN TE ZHES BYA BA NI GANG GI RJES SU 'BRAS BU BYED PA DE NYID RGYU YIN TE, RJES SU BYA BA'I CHOS GZHAN BZHIN NO, ,GANG GI RJES SU 'BRAS BU BYED PA DE NYID RGYU YIN PA DE'I PHYIR DE LA YANG MA MTHONG BAR RGYU GZHAN BRTAG NA RGYU THUG PA MED PAR THAL BAR 'GYUR RO, ,GANG DU YOD NA YOD PA NYID CES BYA BA NI SA BON DANG, SA DANG, CHU DANG, DROD DANG GANG ZHIG YOD NA RGYU YIN PA LA'O, ,DE LAS GZHAN DU ZHES BYA BA LAS SA BON LA SOGS PA DE LAS GZHAN BA YANG NGO, ,SNGAR BSHAD BA'I RIM PA RJES SU 'GRO BA DANG LDOG PA GNYIS LAS THE TSOM ZA BA DE'I PHYIR, MNYAN PAR BYA BA NYID DANG, SROG LA SOGS PA YANG 'KHRUL BA CAN DU MTSUNGS TE, SROG LA SOGS PA GO BAR BYED PA MA YIN NO, ,LDOG PA 'KHRUL PA'I PHYIR RO ZHES BYA BA NI MNYAN PAR BYA'O, ,JI LTAR 'KHRUL ZHES BYA BA NI GRUB PA'I MTHA' SMRA BA'O, ,DE LA MI MTHUN PA'I PHYOGS KHO NA LAS LDOG PA NI MA YIN PA'I PHYIR RO ZHES BYA BA NI MNYAN PAR BYA BA NYID DE MI MTHUN PA'I PHYOGS LAS KYANG LOG BA'I PHYIR TE BUM PA LA SOGS PA NI MI RTAG PA NYID DU BSGRUB PA'I MTHUN PA'I PHYOGS YIN NO, ,DE BZHIN DU 'DI ZHES BYA BA NI MNYAN PAR BYA BA NYID MTHUN PA'I PHYOGS LAS LOG PA DE BZHIN DU'O, ,'DI ZHES BYA BA NI SROG LA SOGS PA 'DI'O, ,MTHUN PA'I PHYOGS LA RJES SU 'JUG PA MED PAS SMRA BA MA YIN NAM ZHES BYA BA RJES SU 'GRO BA MED PAR SNGAR SMRAS PA MA YIN NAM ZHES BYA BA'I DON TO, ,DE LTAR NA SROG LA SOGS PA DE MTHUN @284A *, ,PA'I PHYOGS LA MED PA NYID YIN LA MTHUN PA'I PHYOGS LA MED PA DE GZHAN MNYAN BAR BYA BA LA YANG MTSUNGS TE, MTHUN PA'I PHYOGS LA RJES SU 'JUG PA NYID YIN PAS SO, ,GZHAN YANG SROG LA SOGS PA MI MTHUN PA'I PHYOGS NYID LA MED PA ZHES BRJOD PAS KYANG NGO; ,DGAG PA GNYIS KYIS ZHES BYA BA NI MI MTHUN PA'I PHYOGS NYID LA ZHES BYA BA DANG MED PA ZHES BYA BA DAG GIS SO, ,RNAL MA RTOGS PA ZHES BYA BA NI MTHUN PA'I PHYOGS LA YOD BAR RTOGS PA'O, ,GZHAN DU ZHES BYA BA NI RNAL MA'I DON MTHUN PA'I PHYOGS LA YOD BA MI RTOGS PA'O,, RNAM PAR GCAD PA MED PAS ZHES BYA BA NI MTHUN PA'I PHYOGS MED PA RNAM PAR GCOD NA, MI MTHUN PA'I PHYOGS NYID LA MED PA ZHES BYA BA GCIG TU LDOG BA CAN DU SMRA BA NGES PAR GZUNG BA GCAD PAR BYA BA MED BAS SO, ,DE LTAR NGES BAR GZUNG BAR 'BRAS BU DANG BCAS PAR 'DOD NA NI; MTHUN PA'I PHYOGS LA MED PA RNAM PAR GCOD PA'I PHYIR RJES SU 'GRO BA YOD PAR BSTAN PAS GCIG DU LDOG PA CAN DU MI 'GYUR RO, ,GAL TE MI MTHUN PA'I PHYOGS NYID LA MED PAR NGES PAR GZUNG PA MED PAR SMRA NA YANG, MI MTHUN PA'I PHYOGS KHO NA LA MED BAR MI 'GYUR GYI MTHUN PA'I PHYOGS LA YANG MED BA ZHES BYA BAR 'GYUR BAS RJES SU 'GRO BA MED PAR NI 'GYUR MOD KYI, DE LTA NA LDOG PA NGES PAR MI 'GRUB PA'I PHYIR TE, LDOG PA NGES PA NI RJES SU 'GRO BA LA RAG LAS PA'I PHYIR RO, ,DE NYID DE DAG NYID CES BYA BA LA SOGS PAS 'CHAD PAR BYED DE, MTHUN PA DANG MI MTHUN PA'I DPE DAG LAS GANG YANG RUNG BA GCIG GIS TE, MTHUN PA'I PHYOGS DPES RJES SU 'GRO BA DNGOS SU STON CING LDOG PA SHUGS KYIS STON TE, DE MED NA RJES SU 'GRO BA NYID 'GRUB PA'I PHYIR RO, ,DES NA DE GNYI GA RTAGS LA YOD PA NYID DU BSTAN BA YIN NO, , MI MTHUN PA'I DPE NI STON PA DNGOS SU STON CING RJES SU 'GRO BA SHUGS KYIS YIN PAR BSTAN BA CHOS MTHUN PA DANG, MI MTHUN PA NYID KYI SBYOR BAS SLOB DPON GYIS GSUNGS SO, ,DGAG PA BKAG NA ZHES BYA BA NI MTHUN PA'I PHYOGS LA MED PA BKAG NA'O, ,SGRUB PA'I RANG BZHIN NI MTHUN @284B BA'I PHYOGS LA YOD PAR 'GYUR BA STE DE LTA MA YIN NA MTHUN PA'I PHYOGS LA MED PA NYID RNAM PAR GCAD BAR MI 'GYUR BA'I PHYIR RO, ,GAL TE MTHUN PA'I PHYOGS YOD BA MA YIN BAS ZHES BYA BA NI SROG LA SOGS PA MTHUN PA'I PHYOGS YOD BA MA YIN TE, SROG DANG LDAN PA THAMS CAD PHYOGS SU BYAS PA'I PHYIR, DE'I PHYIR MI MTHUN PA'I PHYOGS ZHES BYA BA CUNG ZAD KYANG MA GRUB PA DE LAS LDOG BA MI SRID DE YUL MED PA'I PHYIR RO, ,LDOG PA'I LDOG PA NI MED BA MED PA'O, ,DE NI MTHUN PA'I PHYOGS MED PA LA JI LTAR 'DOD DE, 'DI LTAR MED PA BKAG PA NI ZHES BYA BA SMOS TE; MED PA LA DE YOD LA ZHES BYA BA NI DE MTHUN PA'I PHYOGS MED PA YIN TE, YANG RJES SU 'GRO BA MED PA BKAG PA RJES SU 'GRO BA YOD PA DE YOD LA MTHUN PA'I PHYOGS MED PA DE LA RJES SU 'GRO BA YOD PA DGAG PA MED PA RANG GI RANG BZHIN NI MI SRID DO ZHES BYA BA MED PA LA YOD PA YOD LA MED PA MED DO, ,ZHES 'GAL BA NI MI SRID DO ZHES SGO GNYI GAR 'GAL BA SMRA BA NI 'THING SLAD DU BYA BA'O, ,DE NYID BSHAD PA'I PHYIR GANG DE DAG DGAG PA'I YUL YANG MI 'DOD LA ZHES BYA BA NI MED PA DGAG PA'I YUL YANG MI 'DOD LA, YOD PA MA YIN PA MED DO ZHES BYA BAS YOD PA YOD PAR YANG THA SNYAD DU BYED PA'O, ,STZOGS PAS NI MED PA LA MED PA NI MI SRID PAR THA SNYAD DU BYED PA'O, ,MED BA LA MED PA NYID TZAM BYA BA'I SKABS NI LE'U GNYIS PAR RTAGS KYI MTSAN NYID BSTAN PA'O, ,YOD PAR BSGRUB PA 'JUG PA'I PHYIR, ,ZHES BYA BA NI SROG LA SOGS PA BDAG DANG 'GAL BA'I MA GRUB PA'I RTAGS YOD PA'I PHYIR BDAG MED PA YANG MA YIN LA GO BAR MI BYED PA YANG MA YIN NO, ,'ON KYANG SNGAR BSHAD PA'I TSUL GYIS 'BREL PA YANG MA GRUB PA'I PHYIR SROG LA SOGS PA LAS THE TSOM ZA BAR 'GYUR RO, ,GAL TE MA YIN TE ZHES BYA BA NI SROG LA SOGS PA BDAG LA THE TSOM ZA BA NI MA YIN TE LDOG PA NGES PA'I PHYIR RO, ,DE YANG JI LTAR ZHE NA, BUM PA LA SOGS PA BDAG MED PA DAG LAS LOG PA'I PHYIR DE DAG BDAG MED PA NYID DU NI SANGS RGYAS PAS KHAS BLANGS PA'I PHYIR RO ZHE NA, TSAD MA MA YIN PA KHAS BLANGS PA ZHES @285A *, ,BYA BA NI RIGS PAR BYAS PA MA YIN PAR KHAS BLANGS PA LAS DE LTAR GYUR NA ZHES BYA BA NI SANGS RGYAS BAS KHAS BLANGS BAS BUM PA LA SOGS PA BDAG MED PAR GYUR NA NI GSON PO'I LUS KYANG MED PA NYID DU HA CANG YANG THAL BAR 'GYUR TE, DE LTAR PHA ROL KHAS LEN PA'I PHYIR RO, ,GAL TE GSON PO'I LUS NI KHO BO CAG GIS BDAG DANG BCAS BAR KHAS BLANGS PA'I PHYIR LA BUM PA LA SOGS PA NI BDAG MED PAR KHAS BLANGS BA'I PHYIR KHYAD PAR YOD DO ZHE NA, LUNG GIS BDAG 'GRUB PAR 'GYUR GYI ZHES BYA BA SMOS TE, BDAG YOD PAR RANG GIS KHAS BLANGS PAS 'GRUB PA BDAG MED PAR YANG GNYI GA'I KHAS BLANGS PAS 'GRUB PA'I PHYIR RO, ,SROG LA SOGS PA BDAG LA THE TSOM ZA BA DE'I PHYIR GAL TE MTHUN PA'I PHYOGS MED PA'I PHYIR DE LAS MA LOG KYANG DE LOG PA MA MTHONG NA YANG SROG LA SOGS PA MTHUN PA'I PHYOGS LAS LDOG PA LA THE TSOM ZA BAR 'GYUR TE DE LAS LDOG PAR 'GYUR RO DE NYID BSTAN PA'I PHYIR BDAG THE TSOM ZA BA'I PHYIR RO ZHES BYA BA SMOS TE, BDAG NYID THAMS CAD DU BLTAR MI RUNG BA'I PHYIR GANG NA YOD PA DANG MED PA NYID DU MA GRUB PA'I PHYIR BUM PA LA SOGS PA LAS SROG LA SOGS PA YANG MTHUN PA'I PHYOGS LAS LOG PA YIN PAR DOGS PAR 'GYUR RO, ,MTHUN PA'I PHYOGS LA NGES BA MED PA DE NYID MI MTHUN PA'I PHYOGS LA YANG MTHUN PA'I PHYOGS GCIG LA NGES PAR 'GRUB NA GZHAN GYI MI MTHUN PA'I PHYOGS LA MI 'JUG PAR NGES PAR 'GRUB STE, DE LTA NA GDOD MTHUN PA'I PHYOGS NYID LA YOD PAR NGES PAR 'GRUB PA'I PHYIR RO, ,DE LAS GZHAN DU MI MTHUN PA'I PHYOGS LA GZHAN LA MTHUN PA 'GA' ZHIG LA RTAGS MED PAR GRUB KYANG MI MTHUN PA'I PHYOGS DE NYID MA MTHONG BA DAG LA NI LDOG PA STE, THE TSOM ZA BA YIN TE, RDZAS KYI BYE BRAG MTHA' DAG MA YIN PA LA KHYAB PA ZHES BYA BA NI DE 'DRA BA THAMS CAD LA YOD PA MA YIN PA'I DON KHA CIG GO, ,DE DAG MTHONG BA'I RDZAS KHA CIG LA MED PAR GRUB KYANG YANG RDZAS DE DANG RIGS 'DRA BA GZHAN LA YANG SRID PA MTHONG BA STE, SA'I RANG BZHIN CAN SHING DANG RUS PA DANG, RDO LA SOGS PA PHAL CHE BA KHA CIG LCAGS KYIS @285B 'JOMS TE, GCOD PA DANG, 'BIGS BA DANG, GCOD PA DAG MTHONG YANG, YANG SA'I RANG BZHIN DANG 'DRA BA'I RDO RJE DAG LA LCAGS KYIS 'JOMS PA MED PA BZHIN NO, ,DE'I PHYIR MTHUN PA'I PHYOGS KHO NA LA YOD PAR NGES NA DE NYID MI MTHUN PA'I PHYOGS LA MED PAR NGES PA YIN GYI DE MTHUN PA'I PHYOGS KHO NA LA NGES PA DE MA GRUB NA MI MTHUN PA'I PHYOGS MTHONG BA 'GAL ZHIG LA MED PA'I YOD KYANG DE MA MTHONG BA DAG LA MED BA NYID LA THE TSOM ZA BAR 'GYUR TE, MTHUN BA'I PHYOGS KHO NA LA YOD BAR NGES NA DE NYID MI MTHUN PA'I PHYOGS LA YANG YOD BAR DOGS PA'I PHYIR RO, ,'GAL PA'I MTSAN NYID BSTAN PA DAG KYANG MA GRUB PA'I PHYIR ZHES BYA BA NI 'GAL BA'I MTSAN NYID GNYIS SNGAR BSTAN PA DAG KYANG BDAG LTAR MI RUNG BA DANG LHAN CIG MA GRUB PA'I PHYIR, BDAG MED BA LA SROG LA SOGS PA LDOG BA LA THE TSOM ZA'O, ,GAL TE 'GAL BA GNYIS PO DAG MA GRUB KYANG TSAD MAS GNOD PA'I 'GAL BA YOD DO ZHE NA, SROG LA SOGS BA RNAMS NGES PAR BDAG DE'I 'BRAS BU YIN NA NI BDAG MED PA DANG, SROG LA SOGS PA 'GAL BAR 'GYUR TE, SROG LA SOGS BA DANG DE MED BA NI PHAN TSUN SPANGS PAS GNAS PA'I PHYIR RO, ,'GAL BA NYID YIN LA, DE DANG 'GAL BA SROG LA SOGS PA MED PA DE KHYAB PA DAG MED PA YOD PA'I PHYIR DGAG PAR BYA BA SROG LA SOGS PA DE DANG 'GAL BA SROG LA SOGS PA MED PAS KHYAB PA BDAG MED PA DMIGS PA RTAGS KYI TSAD MAS GNOD PA'I 'GAL BAR 'GYUR NA, 'GAL BA 'DI'I RTZA BAR GYUR BA SROG LA SOGS PA DANG BDAG TU 'BREL BA 'GA' YANG MA GRUB PA'I PHYIR 'GAL BAS KHYAB PA DMIGS PA RTAGS MI SRID DO, ,'BRAS BU SMOS PA NI MTSON PA YIN PA'I PHYIR DE BDAG NYID KYI 'BREL PA YANG MA GRUB STE, BDAG RANG GI NGO BO GRUB PA MED PA'I PHYIR RO, ,DE NYID DE YANG MA GRUB PO ZHES BSTAN ZIN TO, ,ZHES BYA BA BDAG LTAR MI RUNG BA LA MTHONG BA DANG MA MTHONG BA GNYIS KYIS RANG BZHIN LA MNGON SUM LA RAG LAS BA'I 'BREL BA'I MI 'GRUB PO ZHES 'DAS MA THAG TU BSTAN ZIN TO, ,GAL TE SROG LA SOGS PA DE BDAG MED PA LAS LOG PA YOD NA YANG, @286A *, ,DE LTAR NA SROG LA SOGS PA DE YOD PAS GSON PO'I LUS LA BDAG MED PA MED PAR 'GYUR TE, BDAG MED PA YOD NA SROG LA SOGS PA MED PAR 'GYUR TE DE LAS LOG BA'I PHYIR RO, ,DES BDAG MED PA MED PAR 'GRUB KYANG BDAG NI MI 'GRUB PO, ,CI'I PHYIR BDAG MED PA LOG NA BDAG MI 'GRUB CE NA, GANG GI KHYOD KYI LUGS LTAR NA LDOG PA MED NA YANG ZHES BYA BA MED BA MED NA YANG NGO, ,MED PA MED PA DE LA YOD BA GRUB PAR NI MI 'DOD DO, ,JI LTAR MTHUN PA'I PHYOGS LA SROG LA SOGS PA LDOG PA MED KYANG DE SROG LA SOGS PA YOD PAR MI 'DOD PAS SO, ,DNGOS PO'I RANG BZHIN BSAM PA LA NI MTHUN PA'I PHYOGS LA MI LDOG NA ZHES BYA BA RTAGS LDOG PA MED NA MTHUN PA'I PHYOGS LA GTAN TSIGS SU 'GRO BA DANG LDAN DE MED PA MED PA NI YOD PA YIN TE, DGAG BA BKAG PA NI BSGRUB PA'I RANG BZHIN YIN PA'I PHYIR RO, ,MTHUN PA'I PHYOGS LA LDOG BA MED RJES SU 'GRO BA MED NA NI MI MTHUN PA'I PHYOGS LA RJES SU 'GRO BA MED KYANG LDOG PA YOD PAR 'GYUR RO, ,DE LTAR NA NI SROG LA SOGS PA RTAGS KYIS BDAG YOD MA YIN, BDAG MED MIN DE GANG YANG RTOGS PAR MI 'GYUR RO, ,GAL TE SROG LA SOGS PA BDAG MED PA LAS LDOG PA GSON PO'I LUS LA YOD PAS BDAG MED PA LDOG PA DES NA BDAG YOD PAR RTOGS PA NI MA YIN NO, ,DE'I PHYIR LDOG PA NGES BA BSAM PA'I SKYON GYIS GOS PA MED DO SNYAM PA'O, ,BSGRUB PA'I SGO KHO NA NAS ZHES BYA BA NI SROG LA SOGS PA YOD PA TZAM GYI RJES SU 'GRO BA DANG LDOG PA DRAN PA LA MI LTOS PAR BDAG GRUB NA'O, ,DA NI ZHES BYA BA LDOG BA LAS MI LTOS NA'O, ,BDAG MED PA LAS LDOG PA'I ZHES BYA BAS LDOG PA CAN GYI RTAGS KYI'O, ,'DI NI ZHES BYA BA LDOG BA CAN GYI RTAGS DE NI'O, ,DE LA MI SRID BA ZHES BYA BAS BDAG MED PA DE LA SROG LA SOGS PA MI SRID PA STE, LDOG PA CAN YIN PA'I PHYIR LDOG BA CAN SROG LA SOGS PA GSON PO'I LUS LA YOD NA RTAGS DE RANG DE LA YOD BAS GSON PO'I LUS DE LA BDAG MED BAR MI SRID PAR SGRUB PAR BYED PA'I PHYIR BDAG MED PA DE SRID NA BDAG @286B YOD PAR BSGRUB PA'I PHYIR, DE LA LDOG PA CAN GYI RTAGS YIN PAR KHYOD BRJOD NA, DA NI LDOG PA'I THABS LAS GZHAN BA BSGRUB PA 'GA' ZHIG GIS BDAG NYE BAR GRUB NA'O, ,YANG NA NI ZHES BYA BA SKYON GZHAN STON PA STE 'DI LTAR BSGRUB BA'I SGO KHO NA NAS GRUB NA YANG SROG LA SOGS PA DE BDAG KHO NA LA YOD PAR NGES PA'I RGYU MTSAN CI ZHIG GRUB PAS SROG LA SOGS PAS GRUB BA'I SGO NAS BDAG GSON PO'I LUS LA GO BAR BYED DO ZHES BRJOD PAR BYA, DE LTAR GRUB NA ZHES BYA BA NI NGES PA'I RGYU CUNG ZAD MED PAR GRUB PA'I SGO NAS NGES PA DE LTAR GYUR NA BUM PAS SNAM BU SGRUB BA'I SGO KHON NAS NGES PA LA SOGS PA HA CANG THAL 'GYUR RO, ,THUN MONG MA YIN PA'I MA NGES PA ZHES BYA BA NI MTHUN PA'I PHYOGS SAM MI MTHUN PA'I PHYOGS 'GA' YANG MA GRUB PA'I PHYIR DE DAG LA YOD PA DANG, MED PA ZHES BYA BAR NGES PA NI MED LA PHYOGS NI YOD PA'I PHYIR RO, ,THUN MONG BA ZHES BRJOD PA NI GZHAL BAR BYA BA NYID DE ZHES BYA BA NI MI RTAG PA GRUB PA LA MTHUN PA'I PHYOGS DANG MI MTHUN PA'I PHYOGS GNYI GAS YOD PA'I PHYIR THUN MONG MA YIN PA MA YIN PA'I PHYIR RO, ,GAL TE NAM MKHA' LA SOGS PA 'DUS MA BYAS RTAG PA DAG GZHAL BAR BYA BA NYID YIN PA'I PHYIR GZHAL BAR BYA BA NYID MI RTAG BA LA MA NGES PA YIN NAM ZHE NA 'DUS MA BYAS LA SKUR BA 'DEBS PA ZHES BYA BA SMOS TE, GANG DAG 'DUS MA BYAS BRTAGS PA YIN GYI DNGOS PO YOD PA MA YIN PAR 'DOD PA DAG LA YANG 'DUS MA BYAS MED PA'I PHYIR, YUL MED PA LA 'JUG PA MI RIGS PA'I PHYIR DE LA GTAN TSIGS RJES SU 'GRO BA MI RIGS PA'I PHYIR MA NGES PA MED LA, DE NYID KYI PHYIR MTHUN PA'I PHYOGS MI RTAG PA KHO NA LA YOD PA'I PHYIR RJES SU 'GRO BA MI 'KHRUL PA'I PHYIR GZHAL BAR BYA BA NYID NI RJES SU 'GRO BA CAN ZHES BYA BA NI GTAN TSIGS NYID RIGS BA CAN DAG SMRA BA'O, , 'DI LA YANG ZHES BYA BA NI LDOG PA CAN LDOG PA NYI TSER MI RIGS BAR MA ZAD DO ZHES BYA BA NI YANG GI SGRA'I DON TO, ,'DI PA ZHES BYA BA NI RJES SU 'GRO BA CAN 'DI LA JI LTAR MI MTHUN PA'I PHYOGS LAS LDOG PA MED DE RJES SU 'GRO BA YOD NA LDOG PA YOD PA'I PHYIR RO, ,CI'I PHYIR ZHE NA, 'DI LTAR @287A *, ,RJES SU 'GRO BA CAN ZHES BYA BA NI MTHUN PA'I PHYOGS KHO NA LA YOD PA YIN LA, DE LTAR CI MTHUN PA'I PHYOGS KHO NA LA YOD PAS MI MTHUN PA'I PHYOGS LA YOD PA NYID RNAM PAR MI GCOD NA NI DE NA SRID PAR STON PA YIN LA DE LTA NA NI, MTHUN PA'I PHYOGS KHO NA LA YOD PA ZHES BYA BA'I NGES BAR BZUNG BA'I 'BRAS BU YANG CI'I PHYIR RO, ,DE MA YIN PA YANG YOD PA'I PHYIR RO, ,MI MTHUN PA'I PHYOGS LA YOD PA RNAM PAR GCOD NA YANG MI MTHUN PA'I PHYOGS LA MED PA'I PHYIR JI LTAR LDOG PA MED BA YIN, GAL TE YOD PA RNAM PAR GCOD PA MED DE LDOG PAR JI LTAR 'GYUR ZHE NA, YOD PA RNAM PAR GCAD BA LAS GZHAN PA NI LDOG PA NI MED DO ZHES BYA BA SMOS TE, YOD PA RNAM PAR GCAD PA NYID LDOG PA'I RANG BZHIN YIN PA'I PHYIR RO, ,GAL TE MI MTHUN PA'I PHYOGS MED PA'I PHYIR GZHI MED PA LAS LDOG PA DANG, RJES SU 'GRO BA GNYI GAL MED DO ZHE NA, GANG KHO NA ZHES BYA BA LA SOGS PA SMOS SO, ,GAL TE MED PA NI GZHIR MI RUNG BA'I PHYIR RO ZHE NA, DES NA MED PA LA LDOG PA MI RIGS SO ZHES BYA BA 'DI YANG 'ONGS PA YIN TE, DE LA YANG KHO BOS YANG JI LTAR NA MED PA LA RJES SU 'GRO BA 'GOG CING SMRAS TE ZHES BYA BA 'DAS MA THAG TU BSTAN PA'I RIM PAS 'GOG PAR BYED DO, ,GAL TE MED PAS KYANG DES STONG PA'I DNGOS PO 'DREN PAR BYED PA'I PHYIR GZHAL BAR BYA BA NYID MED PA LA ZHUGS BAS KYANG MI RTAG PA KHO NA LA ZHUGS PA YIN NO ZHE NA, DNGOS PO'I MTSAN NYID RJES SU 'DREN PA NI MED PAR BKAG PAS MI SRID PA'I PHYIR TE MI NUS PA'I PHYIR RO, ,DE 'DREN NA NI DE MED PAS BKAG PA NYID DU MI 'GYUR RO, ,GAL TE MED CES BYA BA NI SGRA'I YUL NI MED PAR BKAG PA MA YIN NO ZHE NA, MED CES BYA BA'I YUL NI MA YIN PAR BKAG PA DNGOS PO 'DREN PA GCIG PU MA YIN GYI, 'ON KYANG BKAG PA YANG YIN TE GTAN MED PA LTA BU'O, ,DE'I PHYIR MED PAR BKAG PA DE DANG MED PA'I SGRA MI 'GAL LO, ,DE LTAR NA GZHAL BAR BYA BA NI MED PAR BKAG PA YANG 'JUG STE, MED CES BYA BA'I SGRA DANG SHES PA YUL DU BYED PA'I PHYIR RO, ,DE LTA NA MED PA LA NI MI RTAG PA NYID MED DE MI RTAG PA NYID NI 'DIR @287B DNGOS PO G-YO BA DON BYED PA'I RANG BZHIN LA BRJOD PA'I PHYIR RO, ,DE LA MED PAR BKAG PA'I MED PA LA MED PA'I PHYIR RO, ,GZHAL BAR BYA BA NYID DE LA ZHUGS BA MTHUN PA'I PHYOGS LA YOD PA NYID YIN NO, ,GAL TE YANG MI SRID DO ZHES ZER BA NI GSAL BYED DE, 'DI LTAR GTAN MED PA DE LA MED PA'I SGRA 'JUG PA MI SRID DE, 'DI LTAR GZHI LA SOGS PA ZHES BYA BA MED PA LA 'JUG GO ZHES BYA BA BDUN PA'I DON LA SOGS PAS MED PA LAS MI LDOG CES BYA BA LA DNGANG BA LA SOGS PA'I RNAM PAR DBYE BA'I DON RNAMS MED PA'I YUL LA NYE BAR DRAN PAR MI RIGS TE, YUL MED PA'I PHYIR RO ZHE NA, 'DI'I LAN BRJOD ZIN TO ZHES BYA BA NI LE'U GNYIS PA'I MED CES BYA BA LA SOGS PAR YANG DANG YANG DU BSTAN ZIN TO, ,DE'I PHYIR ZHES BYA BA NI LDOG PA MED PA NA RJES SU 'GRO BA MED CING RJES SU 'GRO BA YOD NA, DE NYID KYIS LDOG PA YANG YOD DE, NGES BA NI SGRA GNYIS PA CAN YIN PA'I PHYIR RDZAS SU 'GRO BA CAN ZHES BYA BA LDOG PA DANG MI LDAN PA'I RJES SU 'GRO BA CAN ZHES BYA BA'I RTAGS NI 'GA' YANG MED DO, ,GZHAN YANG GZHAL BAR BYA BA NYID RJES SU 'GRO BA NYID CES BYA BA NYI TSE MA YIN PAR ZAD KYI THUN MONG GI MA NGES PA NYID KYANG YIN PAR BSTAN PA'I PHYIR, GZHAL BAR BYA BA NYID MI MTHUN PA'I PHYOGS LA RJES SU 'GRO BA ZHES BYA BA 'DIR YOD PA'O, ,DE NI MI RIGS PA YANG MA YIN TE ZHES BYA BA SMOS TE, GSUM DU BRJOD ZIN TO ZHES BYA BA NI LE'U GNYIS PAR RO, ,RJES SU 'GRO BA MED BA NYID KYI CHOS KYIS STONG PA ZHES BYA BA NI RJES SU 'GRO BA MED PAR RNAM PAR GCOD PA'O, ,GAL TE RNAM PAR GCOD PA NI RNAM PAR RTOG PAS BYAS BA STE, DNGOS PO'I NGO BO NI MA YIN NO ZHE NA, DNGOS PO'I MTSAN NYID KHO NA CHOS YIN PA NI MA YIN TE 'DI LTAR RANG GI MTSAN NYID 'DZIN PA'I DON GYIS CHOS NYID YIN NA NI DNGOS PO YANG YIN NA; YID KYIS GZHAN LA BRTEN TE BRTAGS PA YANG CHOS NYID YIN PA'I PHYIR RNAM PAR GCAD PA DAG KYANG CHOS ZHES BYA BA STE, LDOG PA'I BYE BRAG GI CHOS RNAMS DE LTA BU DE'I PHYIR YOD PA LA BRTEN NAS, DE LA LTOS TE RNAM PAR GCAD PA TZAM MANG YIN LA RANG GI MTSAN NYID @288A *, ,'DZIN PA'AM, GZHAN LA BRTAN PAR SNANG BA'I PHYIR CHOS ZHES BYA'O, ,DE NYID BSHAD PA'I PHYIR MED PA YANG RNAM PA 'GA' ZHIG GI THA SNYAD KYI LAM DU SBYOR BA'I PHYIR ZHES BYA BA SMOS TE, SNGAR BSHAD PA'I TSUL GYIS RNAM PAR GCAD PA'I MTSAN NYID 'DZIN PA DANG, YID LA SNANG BAS THA SNYAD DU NGES PA'I PHYIR RO, ,GZHAN DU NA ZHES BYA BA MED PA LA SGRA'I YUL CHOS SU MI SBYOR NA'O, ,DE LA THA SNYAD DU MI BYA BAR YANG MI 'GYUR RO ZHES BYA BA NI MED PA LA MED PAR RTOGS PA'I SGRA DANG SHES PAS MI GCOD PAR 'GYUR RO, DE LTAR NA YOD PA'I CHOS KYI THA SNYAD KYANG YOD PAR MI 'GYUR TE, DE'I DNGOS PO MED BAR MA BSAL BAR DE'I NGO BO NGES PAR MI NUS PA'I PHYIR RO, ,GNYI GA DANG GNYI GA MA YIN PA'I ZHES BYA BA NI MED PA LA MED PAR GNYI GA DANG, DE GNYI GA MA YIN PA'I RNAM PAR GZHAG PA DAG GRUB BAR BYED PA STE, TSAD MAS MA NGES NA'O, ,YOD PAR 'DOD PA'I GRUB MTHA' LA SOGS PA'I SO SOR MI MTHUN PAR SMRA BA DANG LDAN PA DAG DE'I GRUB MTHA' DANG LDAN PA DANG LDAN PA DE MA YIN PA DAG GCIG TU BYE BRAG BYED PAR NGES PAR GZUNG BAR MI 'GYUR TE, 'DI LTAR MED PA SHES PAS YUL DU MA BYAS NA YOD PA YANG MI NGES PA'I PHYIR DANG, DE GRUB PA'I MTHA' MED PAR MA NGES NA DE'I GRUB PA'I MTHA' DANG LDAN PA YANG NGES PAR MI NUS PA'I PHYIR, GRUB PA'I MTHA'I DBYE BA DAG NGES PAR BZUNG BA STE, THA SNYAD DU BYED PAR MI 'GYUR RO, ,GZHUNG LUGS THA DAD PA'I THA SNYAD KYANG MED PAR NUS PA DE'I PHYIR GANG LTAR JI LTAR YANG RUNG ZHES BYA BA NI MA YIN PAR DGAG PA 'AM MED PAR YANG RUNG, YOD PA LAS BZLOG PA TZAM YOD PA'I CHOS KYI BYE BRAG RTOGS KYANG RUNG, SGRA DANG NGES PA'I SHES PA 'DIS MED PAR BYED PA NA'O, ,MED PA DE NYID GZHAL BAR BYA BA ZHES BYA'O, ,DE'I PHYIR GTAN MED PA LA YANG GZHAL PAR BYA BA NYID RJES SU 'GRO BA'O, ,GAL TE SGRA DANG RTOGS BAR RANG DGA'I YUL NI DNGOS PO MED PA'I PHYIR GZHAL BAR BYA BAR MI 'GYUR RO, ,DE'I PHYIR GZHAL BA NI MED PA LA MI 'JUG GI TSAD MA'I YUL KHO NA LA GZHAL BAR BYA BA YIN LA DE NI DNGOS BOR YOD PA STE, MI SLU BA CAN YIN @288B PA'I PHYIR RO ZHE NA, TSAD MA'I YUL ZHES BYA BA LA SOGS PA SMOS SO, ,GAL TE MED PA TSAD MA'I YUL YIN NA DE NI CUNG ZAD KYANG MED PA'I PHYIR MI SLU BAR MI 'GYUR RO ZHE NA, TSAD MA'I MTSAN NYID NI ZHES BYA BA LA SOGS PA SMOS SO, ,RANG GI YUL LA GZHAN GYIS MI GNOD PA STE ZHES BYA BA NI TSAD MA RANG GI YOD PA'AM, MED PAR GNYI GA'AM, GNYI GA MA YIN PAR GZHAG PA LA TSAD MAS GZHAN GYIS MI GNOD PA STE, DE DANG TSAD MA SLU BAR MI BYED PA YIN NO, ,SLU BAR MI BYED PA DE NI MED PAR 'JOG PA 'DI'I TSAD MA'I MTSAN NYID LA YOD PA'I PHYIR MED PA GZHAL BAR BYA BA NYID DU GRUB PO, ,GAL TE MED PA 'GA' YANG MED DE ZHES BYA BA THAMS CAD KYANG RTAG PAR YOD PA NYID DE ZHIG PA DANG MA SKYES PA DAG KYANG NGO BO'I RANG BZHIN DU MI GSAL BAR GNAS PA'I PHYIR RO, ,'GRO BA THAMS CAD JI LTAR YANG STE GSAL BA'AM MI GSAL BA JI LTAR YANG YOD PA'I PHYIR, GZHAL BAR BYA BA'I YOD PA KHO NA LA 'JUG GO ZHE NA, GANG LTAR DE YOD PA MA YIN PA'I RNAM PA STE, GSAL BA NA SNGAR MI GSAL BA YOD PA'I RNAM PA DE LTAR YOD PA MA YIN PA DE NYID LA MI GSAL BA MED PA ZHES BYA ZHING, ZHIG PA NA YANG MI GSAL BAR GRUB PAS GSAL BA'I RNAM PA DE MED PA NYID LA MED PA ZHES BYA'O, ,YANG GANG DAG RI BONG RVA MED CES SMRA BA LA, RI BONG YANG YOD PA LANG LA SOGS PA'I RVA DAG KYANG YOD PA'I PHYIR, RI BONG RVA MED CES SMRA BA NI BZHAD GANG DU BYED PA DE NI BDAG NYID LA BZHAD GAD DU BYED PA YIN STE, DE LTAR RI BONG GI RVA ZHES BYA BA LA SOGS PA SMOS TE 'DIR RI BONG GI YAN LAG TU GYUR BA'I RVA 'GOG GI BA LANG LA SOGS PA'I RVA TZAM THAMS CAD MED PAR NI MI SMRA BA LA'O, ,CI ZHES BYA BA NI DRI BA STE, 'BREL BA KHON MED PAR BYE BRAG TU BYED LA RVA CAN ZHES BYA BA LA YANG RVA DANG BA LANG LA SOGS PA'I RDZAS BOR NAS 'BREL BA ZHIG YOD DO ZHES 'BREL PA TZAM YOD PAR BYE BRAG TU BYED KYI RVA LA SOGS PA LA MI LTOS SAM ZHES BYA BA'O, ,RVA DANG RDZAS KYI RANG BZHIN YANG RGYU BA LANG GI RDZAS DANG 'BRAS BU'I RANG BZHIN @289A *, ,SO SOR THA DAD PA GRUB PA'I PHYIR THA DAD PA RGYU DANG 'BRAS BUR GNAS PA DE NYID 'BREL PA YIN PA DE'I PHYIR, CIS NA RI BONG GI RVA MED CES BYA BA 'DI LA RI BONG GI RDZAS RVA DAG LA RGYU DANG 'BRAS BU'I RANG BZHIN MED DO ZHES SMRAS PA YIN, RGYU CIS NA RDZAS RVA DAG BOR TE 'BREL PA NYI TSE MED CES BRJOD PAR BYA'O ZHES BYA BA LA BRTEN TE GAL TE RVA CAN BA LANG DAG DANG DE'I RVA DANG RANG BZHIN MI 'DRA BA'I BYE BRAG YOD LA, RI BONG RVA LA NI BA LANG DANG RVA'I BYE BRAG DE LTA BU RANG BZHIN CUNG ZAD KYANG MED DE RI BONG NI RDZAS LAS GZHAN BA LANG LTAR MED DO ZHE NA; GANG ZHIG 'BREL PA MED DO ZHES BYA BAR 'DOD PA YANG, RANG BZHIN BYE BRAG CAN RGYU DANG 'BRAS BUS 'BREL PA DE NYID MED PAR 'DOD PA YIN NO, ,GAL TE 'BREL PA MED DO ZHES BRJOD PAR MI BYA STE, 'DI LTAR 'BREL PA CAN RI BONG GI RDZAS NYID YOD KYI 'BREL PA CAN RVA NI MED PA'I PHYIR GNYIS MI SRID PA LA 'BREL ZHES BYA BA DGAG PAR BYA BA MI SRID BAS DGAG PA 'BREL MED CES KYANG MI BRJOD DO ZHE NA, MKHAS PA'I TSIG RIGS PA DANG LDAN NO ZHES BYA BA NI RDZAS GNYIS MED PA DE NYID 'BREL PA YIN LA DE LA 'BREL PA MED CES BRJOD DU MI RUNG BAR YANG SMRA BAS BSGRUB PAS 'BREL PA MED PA YANG YIN LA 'BREL PA MED PA NYID DU GZHAG PAR 'DOD PAS SO, ,'O NA NI MED PA LA CI ZHIG DGAG CE NA, 'BREL PA BRTAGS PAS KHAS BLANGS PA DE BKAG PA MED PA'I PHYIR RO, ,GAL TE KHAS BLANGS PA'I 'BREL PA DANG, 'BREL PA CAN GYI RDZAS KYANG MED DE MA 'BREL PA'I RI BONG GI RDZAS GZHAN 'GA' ZHIG GO ZHE NA, KHO BO 'DOD PA NYE BAR GZHAG PA YIN TE, 'DI LTAR RVA DANG 'BREL PA'I RI BONG MED CES PA'I PHYIR RO, ,PHA ROL ZHES BYA BA NI SGRUB PA'I MTHA' MDZAD PA'O, ,PHAN TSUN 'GAL BAR 'GRUB CING RANG GI BSGRUB PAR BYA BA LA MI 'KHRUL PA CAN GYI RTAGS GNYIS CHOS CAN GCIG LA DUS GCIG TU 'JUG PA'I 'GAL BA MI 'KHRUL BA CAN NO, ,'GAL BA MI 'KHRUL BA NYID SRID PA MED PA LA ZHES BYA BA NI MED NA MI @289B 'BYUNG BA DANG 'GAL BA SGRUB PA'I GTAN TSIGS KYIS ZLA DAG TU 'GAL BA'I PHYIR RO, ,GAL TE 'BRAS BU DANG RANG BZHIN DANG MI DMIGS PA LAS GZHAN PA SRID DO ZHE NA, MI 'KHRUL BA CAN GZHAN NI MI SRID DO ZHES BYA BA SMOS TE, 'DIR RANG GIS BSGRUB PAR BYA BA LA MI 'KHRUL BA CAN NI 'DOD PA DE NI RTAGS GSUM PA GZHAN 'GA' YANG MED PA'I PHYIR DNGOS POS ZHUGS PA'I RTAGS LA 'DIR MI SRID DO, ,'O NA GANG LA 'DI SRID CE NA, RANG BZHIN PHYIN CI LOG TU NYE BAR STON PA'I PHYIR DE PHAN TSUN 'GAL BAS KHYAB PA'I CHOS GNYIS NYE BAR SBYOR BAR BYED PA SRID PA'I PHYIR RO, ,DE LTAR NA LUNG LA BRTEN TE LUNG GI DON DE DPYAD PA DAG LA 'GAL BA DANG, RANG GIS BSGRUB PAR BYA BA LA YANG MI 'KHRUL TE LUNG GIS TSUL GSUM SGRUB PA NYID DU STOBS MTSUNGS PA'I PHYIR, GANG GIS KYANG SUN DBYUNG BAS GNOD PA NI MI NUS KYI 'ON KYANG PHAN TSUN THE TSOM DU BYED PA'I PHYIR GAGS DAG BYED PA'O, ,THAMS CAD DU SONG BA ZHES BYA BA NI BA LANG NYID KYI MING NI RANG GI RTEN BA LANG DAG DANG DES STONG PA'I YUL NAM MKHA'I PHYOGS LA SOGS PA THAMS CAD DU YOD PA'O ZHES BYA BAR SGRUB PA'O, ,GTAN TSIGS NI RANG DANG 'BREL BA CAN YUL THAMS CAD NA GNAS PA DAG DANG CIG CAR DU MNGON PAR 'BREL PA'I PHYIR ZHES BYA BA STE, SPYI BA LANG NYID DANG 'BREL PA CAN BA LANG GI GSAL BA KHRA BO DANG 'PHEL RGYUD PHYOGS THAMS CAD NA YOD PA DAG DANG, CIG CAR DU MNGON BAR 'BREL PA ZHES PA BA LANG GI GSAL BA GCIG LA YOD PA'I BA LANG GI GSAL BA DAG KYANG SPYI MA BCAD PAR 'BREL PA STE, SPYI BA LANG NYID NI GCIG PA CHA SHAS GZHAN DANG PHAN TSUN G-YO BA DANG BRAL BA YIN PA'I PHYIR RO, ,DE'I PHYIR GSAL BAS STONG BA DAG NA YANG SPYI YOD DO, ,DE LTAR NA MA YIN NA DUM BUR GYUR PAS GCIG NYID NYAMS LA GAL TE GCIG PO 'GRO BAS RIM GYIS GSAL BA RNAMS DANG 'BREL PA NI G-YO BA'I BYA BA CAN DU YANG 'GYUR LA CIG CAR 'BREL PAR YANG MI 'GYUR RO, ,DE NYID BSHAD PA'I PHYIR DE DANG 'BREL PA CAN GYI RANG BZHIN TZAM @290A *, ,DANG ZHES BYA BA SMOS TE, BA LANG GI GSAL BA GCIG DANG 'BREL PA CAN RANG BZHIN TZAM STE, DE LA THA DAD MED DE GCIG NYID YIN PA'I PHYIR RO, ,RANG BZHIN DE KHA NA DANG YUL DANG RDZAS SO SOR NGES BA'I GSAL BA THAMS CAD RJES SU 'BREL PA'I GSAL BA DE THAMS CAD KYI YUL NA SPYI DE NYID GNAS PA YANG YIN TE, DE'I PHYIR BAR DAG NA YOD PAR 'DOD PA'O, ,DE LAS ZLOG NA NI GANG ZHIG GANG NA MED PA DE NI ZHES BYA BA SMOS TE, DE GSAL BA'I BAR RNAMS NA MED NA NI GSAL BA LTAR YUL DANG RDZAS DANG NGES PA'I PHYIR GSAL BA DE'I YUL NA GSAL BA GCIG LA YOD PA'I BDAG NYID KYIS KHYAB PA MA YIN TE, DPER NA GSAL BA DAG BZHIN NO ZHES ZER RO, ,CIG SHOS NA RE GAL TE NAM MKHA'I YUL DE BAR SNANG NA BUM BA'I GZUGS NYID KYI SPYI BO YOD PA MA YIN YANG BUM PA'I GSAL BA YUL THAMS CAD NA GNAS PA DAG GI YUL NA GZUGS NYID KYIS KHYAB PA CAN MA YIN NAM, SOGS PAS NI AUTPALA SNGON PO DRI NYID KYI SPYI YANG BAR NA YOD PA MIN YANG AUTPALA SNGON PO'I GSAL BA YUL THAMS CAD LA GNAS PA DAG GI YUL NA BDAG NYID KYIS KHYAB PA MA YIN NAM ZHES BYA BAS DE'I YUL NA BDAG NYID KYIS KHYAB PAR BYED PA NYID BAR NA MED PA NYID LA 'JUG PAS MA NGES PA SMRA'O, ,CIG SHOS LAN SBYIN PA NI YANG DAG PAR SBYOR BA DANG 'DU BA'I DAG LAS ZHES BYA BA SMRA STE, DE LA YANG DAG PAR SBYOR BA NI NAM MKHA'I ZHES BYA BA PHYOGS CAN DANG PHYOGS BUM PA LA SOGS PA THA DAD PA DAG 'BREL PAR 'DOD PA'O, ,'DU BAS NI BUM PA DANG BUM PA NYID BDAG NYID CIG CAR 'BREL BA'O, ,DES NA BUM PA'I GZUGS NYID DANG AUTPALA'I DRI NYID GCIG YIN YANG 'BREL PA'I STOBS KYIS GSAL BA THAMS CAD 'BREL PA DAG SMRA BA NI BSTAN BCOS TE, DRANG SRONG GZEGS CAN GYIS BSHAD PA'I LUNG YIN NO, ,DE LTA NA NI GZUGS NYID GCIG GIS GSAL BA'I BAR NA MED KYANG 'DU BA'I STOBS KYIS GSAL BA MTHA' DAG DANG 'BREL PAR 'GYUR MOD KYI BSTAN BCOS LAS BLANGS PA BZHAG STE, 'JIG RTEN PA'I PHYOGS LA BSTAN NAS ZHES BYA BA MTHONG BA'I TSAD MA LA BRTEN TE @290B DPYOD PA'O, ,GAL TE 'JIG RTEN PA'I PHYOGS LA BRTEN NA JI LTA BU ZHE NA, RNAM PAR BCAD PA DANG RNAM PAR MA BCAD PA SNA'I RNAM PAR SHES PA SKYE BA'I MTSAN NYID DU SMRAS TE ZHES BYA BA SMRA STE 'BREL PA CAN DANG 'BREL BDAG CHAD PAR SNANG BA DANG MA CHAD PAR SNANG BA DAG GIS THA DAD PA DANG THA MI DAD PA'I 'BREL PAR BRJOD DO, ,THA DAD PA DANG THA MI DAD PAR 'BREL BA GRUB BA DAG LA GO RIMS BZHIN DU YANG DAG PAR SBYOR BA DANG 'DU BA DAG GIS 'BREL PAR BRJOD PA'O, ,DE LTAR LUNG LAS BSTAN BA BZHAG STE, RIGS PAS 'ONGS PA BCAD PA DES NA SPYI 'DI RANG GSAL BA GCIG LA YOD PA TZAM DE DANG GSAL BA GZHAN MTHA' DAG DANG 'BREL BA CAN YIN PA'I PHYIR BAR RNAMS LA YANG GNAS PA NI BSGRUB PAR BYA BA'O, ,DE DANG 'BREL PA'I PHYIR ZHES BYA BA NI DON TZAM STE, CIG CAR CHA SHAS MED PAR 'BREL PA'I PHYIR RO, ,GAL TE ZHES BYA BA GANG DAG KHA CIG CES BYA BA'I DON TO, ,GANG GI RTEN LA KHYAB PAR GRUB NA ZHES BYA BA NI GSAL BA'I BAR NA MED PAR 'DOD PA'O, ,DES KYANG DE'I YUL NA GNAS PA ZHES BYA BA GSAL BA GCIG GI YUL NA GNAS PA'I SPYI DE NYID GZHAN DE DAG GI YUL NA YANG GNAS PAR CE STE MI 'DOD DE, DE DE LTAR 'DOD PA NYID MA YIN NAM, DE LTAR 'DOD NA NI GSAL BA'I BAR NA YANG YOD PAR KHAS BLANGS PA YIN TE, SPYI GCIG NYID YIN PA'I PHYIR DANG G-YO BA YANG MED PAS SO, ,GAL TE SPYI GSAL BA GCIG LA 'BREL NAS YANG YUL GZHAN NA GNAS PA DAG DANG RIM GYIS 'BREL TO ZHE NA, BYA BA MED PAS ZHES BYA BA SMOS TE, PHAN TSUN G-YO BA'I BYA BA MED PA'I PHYIR RIM GYIS MI SRID DO, ,GAL TA GSAL BA GCIG DANG 'BREL PA DE G-YO BA MED NA NI GSAL BA NYID LA 'BREL GYI BAR NA MED PA'I PHYIR, GSAL BA MED PA'I YUL GZHAN DU SNGON MA BYUNG BA'I BA LANG GI GSAL BA'I DNGOS PO SKYES PA NA SPYI DE SNGAR DE NA MED PA'I PHYIR DANG DER 'GRO BA YANG SMED PA'I PHYIR GSAL BA DE DANG SPYIR 'BREL PAR MI RIGS PA'I PHYIR DE BA LANG NYID DU MI 'GRUB PA'I PHYIR RO, ,SPYI RANG GI RANG BZHIN GCIG DANG GSAL BA THAMS CAD 'BREL PA NI BAR NA YOD PA MED NA MI 'BYUNG BA'O, ,NYI MA'I 'OD KYI @291A *, ,ZHES BYA BA GCIG GIS MANG PO DANG 'BREL PA NI BAR STONG PA DAG NA YANG YOD PAS KHYAB PA'I YUL BSTAN PA'O, ,DMIGS PA'I RIG BYAR GYUR BA LA ZHES BYA BA NI SPYI NI DBANG POS GZUNG BAR 'DOD PAS SO, ,MNGON PAR GSAL BA'O ZHES BYA BA NI MNGON SUM DU GYUR PA'O, , GAL TE GSAL BA YOD PA'I YUL NA NI GSAL BA DE'I BAR NA NI MI GSAL LO ZHE NA, THA MI DAD PA'I PHYIR ZHES BYA BA SMOS TE SPYI DE NI GCIG NYID YIN PA'I PHYIR RO, ,GCIG LA GSAL BA LTAR ZHES BYA BA BA LANG LA GSAL BA LTAR BA LANG DE'I BAR DAG NA YANG GSAL BAR 'GYUR TE MI GSAL BAS STONG PA STE; GSAL BA GCIG PU YIN PA'I PHYIR RO, ,GAL TE BSGRIBS PA 'AM GNAS THAG RING BA'I PHYIR MI GSAL LO ZHE NA, GCIG NYID YIN PA DE'I PHYIR BSGRIBS PA YANG MA YIN LA ZHES BYA BA NI BSGRIBS PAS KYANG MI GSAL BAR MI RUNG STE, MI GSAL BA STONG PA'I PHYIR RO, ,GNAS THAG RING BA BAS KYANG BAR DU MI GSAL BAR MI RIGS TE SNGA MA BZHIN NO, ,GAL TE BAR NA YOD PA LA MTHONG BA'I RGYU MED DO ZHE NA, MTHONG BA'I BDAG NYID KYANG DBANG PO DANG RANG GI RTEN GSAL BAR 'BREL PA STE, DES SPYI GSAL BAR BYED PA'O, ,DE NI SPYI GCIG PA NYID YIN PA NA YOD PA 'DI LA YANG YOD DE SPYI THA DAD PA MED PA NYID KYI PHYIR RTEN 'DU BA CAN TE, 'DU BA MA 'BREL PA YANG MA YIN PA STE BAR NA GNAS PA MA 'BREL LA GSAL BA GNAS PA 'BREL PA NI GCIG NYID DU MI 'GYUR RO, ,GAL TE SPYI'I YUL NA GNAS PA'I GSAL BA DANG, DBANG PO'I SBYOR BA LA MI GSAL BA LTOS NA, SPYI DE RTEN DANG YUL MTSUNGS PA NI MTHONG BA BAR NA GNAS PA YUL MI MTSUNGS PA NI MI MTHONG BAS NA RTEN DANG MTSUNGS PA DANG MI MTSUNGS PAR 'GYUR RO, ,'GAL BA YANG BRJOD PA YIN NO ZHES BYA BA NI YUL MTSUNGS PA DANG MI MTSUNGS PA SPYI GCIG LA 'GAL BA 'BA' ZHIG TU MA ZAD PA GCIG LA THE TSOM SKYED PAR BYED DO ZHES BYA BAR SPYI GCIG PAR NA GNAS PA DANG, MI GNAS PAR THE TSOM SKYED PAR BYED DO, ,'GAL BA'I CHOS DANG 'BREL PA CAN NYID GNYIS ZHES BYA BA NI 'GAL BAS KHYAB PA NGES PA'I CHOS GNYIS SO, ,DE YANG 'DIR NI RANG GI NGO BO TZAM DANG CIG CAR MTHA' DAG 'BREL PA DANG DBANG POS GZUNG BAR BYA BA DAG GO, ,GCIG LA @291B DE DAG MED DO ZHES BYA BA NI CHOS CAN GCIG LA 'GAL BA MI 'KHRUL BA'I RTAGS KYI DNGOS POS 'JUG PA MED PA'O, ,GAL TE DE LTAR NA SLOB DPON PHYOGS KYI GLANG POS BYAS PA'I PHYIR ZHES BYA BA DNGOS PO'I STOBS KYIS ZHUGS PA LAS 'GAL BA MI 'KHRUL BA CAN BSTAN PA JI LTA BU ZHE NA, SLOB DPON GYIS NI ZHES BYA BA LA SOGS PA SMOS SO, ,PHYOGS TZAM ZHES BYA BA NI DNGOS PO'I STOBS KYIS ZHUGS PA'O ZHES BYA BAR MA BYAS PAR GNYI GA YANG LUNG LAS GRAGS PAR MTSUNGS PA TZAM DU DGONGS NAS GSUNGS PA'O, ,'DIR GZHAN DAG NI SLOB DPON PHYOGS KYI GLANG POS DGONGS PA 'DI LTAR 'DREN TE SLOB DPON GYIS DPER BRJOD PA NI LEGS PAR RDZOGS PA YIN TE, BYA BA NYID GTAN TSIGS YIN LA SGRA NYID 'GAL BA MI 'KHRUL BA CAN ZHES BYA BA GTAN TSIGS LTAR SNANG BA NYID YIN PAR STON PAR BZHED PAS SO ZHES ZER RO, ,SGRA NYID CES BYA BA SGRA SPYI'I GSAL BA LAS LDOG PA CAN DE THA DAD PA DANG, SPYI DE NYID DBANG POS RTOGS PAR BYA BA DANG, DE NYID RTAGS DE GSUM PO 'DI DAG NI BYE BRAG PA DANG DPYOD PA 'DI'I TSAD MA MA YIN PAS 'JUG STE KHAS LEN PA'O, ,GAL TE BYAS PA NYID BYE BRAG PA'I LUNG LAS GRAGS PA YIN PA'I PHYIR, GNYI GA MTSUNGS PA'I PHYIR 'GAL BA MI 'KHRUL PA CAN YIN NO ZHE NA; BYAS PA'I GNAS SKABS KYANG ZHES BYA BA NI BYAS PA'I RANG BZHIN NI LUNG LA MI BRTEN TE, LUNG MED PA DAG GIS KYANG TSAD MAS RTOGS PA'I PHYIR LUNG LAS BKOD PA MA YIN NO, ,DE'I PHYIR MTSUNGS PA MA YIN NO, ,GAL TE SGRA NYID KYANG DNGOS PO STE GZUNG BAR BYA BA YIN NO ZHE NA, BSGRUB PAR BYA BA YANG 'BREL PA LAS YIN NA ZHES BYA BA SMOS TE, MNYAN PAR BYA BA NYID CES BYA BA SGRA NYID TSAD MAS GRUB TU CHUG NA YANG RTAG PA DANG 'BREL PA NI NAM YANG GRUB PA MED DE, DE DMIGS PA'I PHYIR DANG, RTAG PA LA RJES SU 'GRO BA DANG LDOG PA NGES PA YANG MED DE BRTAGS PAR LDOG PA MED PA LA LDOG PA MI SRID LA DE MED NA RJES SU 'GRO BA YANG MI 'GRUB PA'I PHYIR RO, ,DE LTAR GZHAN GYI DON GYI RJES SU DPAG PA'I MTSAN NYID KYI RAB TU BYED PA DANG, DAM BCA' BA DANG GTAN TSIGS DAG BSTAN NAS, DA NI DPE'I RAB TU BYED PA BSTAN PA'I PHYIR, GTAN TSIGS MTSAN NYID GSUM NYID PHYIR,, @292A *, ,ZHES BYA BA LA SOGS PA SMOS TE, GTAN TSIGS NI BSGRUB PAR BYA BA RTOGS PA'I RGYU'O, ,DE TZAM GYIS RJES SU DPAG PA SKYED NUS PA'I PHYIR RO, ,DPE DAG LOGS SHIG MI BRJOD DO, ,'DI LTAR DPE NI GTAN TSIGS KYI KHONGS SU 'DUS PA YIN GYI RTAGS LOGS SHIG TU SGRUB PAR BYED PA NI MA YIN NO; ,DE TZAM GYIS DON RTOGS PA'I PHYIR ZHES BYA BA NI BSGRUB PAR BYA BA RTOGS PA DE RJES SU DPAG PA SKYE BA'O, ,GAL TE DPE LOGS SHIG TU SGRUB PAR BYED PA MA YIN PAS DPE'I MTSAN NYID SHES PAR BYA BA'I PHYIR CI STE MI BSTAN ZHE NA, DON RTOGS PA'I PHYIR RO ZHES BYA BA NI GTAN TSIGS KYI MTSAN NYID BSTAN PA DE NYID KYIS DPE'I MTSAN NYID KYANG RTOGS PAR NUS PA'I PHYIR TE, 'DI LTAR GTAN TSIGS KYI MTSAN NYID NI, BYE BRAG MED PAR ZHES BYA BA DE LAS BYUNG BA DANG DE'I BDAG NYID KYIS 'BREL PAS MA PHYE BAR RO, ,GZHAN DU NA ZHES BYA BA NI DPE BSTAN PA LAS GZHAN DU SPYI'I MTSAN NYID MTHUN PA'I PHYOGS LA YOD PA DANG, MI MTHUN PA'I PHYOGS LA MED PA DANG, DE'I 'BRAS BU NYID DU NGES PA 'AM, RANG BZHIN GYIS KHYAB PA DAG BSTAN PAR MI NUS TE, 'DI LTAR TSANG BANG LA SOGS PA RGYU DANG 'BRAS BU GNYIS KA DMIGS NA 'BREL PA 'DZIN PA DE NYID KYI RJES SU 'GRO BAR GO BAR 'GYUR RO, ,'BREL PA LA SOGS GNYI GA MED NA LDOG PAR RTOGS PAR 'GYUR RO; ,'DI YANG ZHES BYA BA NI GTAN TSIGS KYI MTSAN NYID BSTAN PA 'DI YANG RJES SU 'GRO BA DANG LDOG PA'I DON BSTAN PA NA STE, TSANG BAR DANG GZHAN LTA BU'I ZHES BYA BA LA SOGS PA NI DPE'I MTSAN NYID BSTAN PA YIN TE, DPE'I MTSAN NYID RJES SU 'GRO BA LA TSANG BAR LTA BU'O ZHES BSGRUB PAR BYA BA DANG, SGRUB PAR BYED PA GNYI GA NGES PAR BRJOD PA DANG 'BREL PA LA SOGS PA LA GNYI GA MED PAR NGES PAR BSTAN PA DE TZAM DU ZAD PAS SO, ,DE DAG GIS DPE'I SKYON RNAMS KYANG GSAL BA YIN TE ZHES BYA BA NI DPE'I MTSAN NYID MTHUN PA'I DPE NI BSGRUB PAR BYA BA DANG SGRUB PAR BYED PA GNYIG YOD PAR NGES SHING CIG SHOS NI GNYI GA MED PAR NGES PAR RJES SU 'GRO BA DANG, LDOG PA NGES PA CAN DU BSTAN BA NYID KYIS MTHUN PA'I DPE LA MA TSANG NGAM MA NGES SAM, RJES SU 'GRO BA MA TSANG NA DPE MA YIN NO ZHES DON GYIS RTOGS TE DPE DON MI BYED PA'I PHYIR RO, ,CIG SHOS KYANG GNYI GA MED PAR MA GYUR TAM MA NGES SAM, LDOG PA MED DAM, MA @292B BSTAN NA DPE LTAR SNANG BA'O ZHES RTOGS TE RANG GI DON MI NUS PA'I PHYIR RO, ,DE'I TSUL LA REG MIN NYID 'GYUR ZHES BYA BA NI GTAN TSIGS KYI TSUL PHYOGS KYI CHOS DANG 'BREL PA'O, ,DE LA MA REG PA NI DE'I RANG BZHIN MI LDAN PA'O, ,DE LTA BU'I SHES PAR 'DOD PA'I CHOS DANG BSGRUB PAR BYA BA DAG DANG MA 'BREL PHYIR NA DON MED PA'O, ,GAL TE CHOS CAN BSGRUB PAR BYA BA DAG DANG 'BREL NA NI, GTAN TSIGS KYI RANG BZHIN YIN PA'I PHYIR, DPE ZHES MING TZAM LA DGAG PA MED DO, ,GAL TE RANG BZHIN DE DAG MI LDAN NA NI SGRUB PAR BYED PA'I DON MED DO, ,CHOS CAN DANG MA 'BREL PAR BSGRUB PAR BYA BA DANG, MA 'BREL BAS NI 'DOD PA RTOGS PA MED DE HA CANG THAL BAR 'GYUR BA'I PHYIR RO, ,GAL TE KHYOD CI LTAR NA YANG DPE'I PHYOGS KYI CHOS STON PA NI MA YIN NAM ZHE NA; BDEN TE 'DI PHYOGS DANG MA 'BREL, ,ZHES SMOS PA NI DE'I GTAN TSIGS LAS LOGS SHIG TU SGRUB PAR BYED PAR 'GYUR BA DGAG PA'I PHYIR TE, GTAN TSIGS KYI MTSAN NYID GSUM DANG BRAL BA LA SGRUB PAR BYED PA MI SRID DO ZHES BSTAN PA'I DON DU'O, ,DPE GTAN TSIGS LAS LOGS SHIG TU SGRUB PAR BYED PA MA YIN TE, DE NI GTAN TSIGS KYI MTSAN NYID SHES PAR BYA BA'I YAN LAG YIN LA, GTAN TSIGS KYI MTSAN NYID RTOGS PAS NI BSGRUB PAR BYA BA KHONG DU CHUD PA'I PHYIR RO, ,GZHAN DU GAL TE GTAN TSIGS KYI MI 'KHRUL BA'I CHOS NYID RJES SU 'GRO BA DANG, LOG PA DAG DANG 'BREL PA GNYIS DPE YIS RAB TU MI STON NA, BSGRUB PAR BYA BA BSGRUBS PAS DPE DES CI ZHIG PHAN BAR BYED DE, 'DI LTAR DPE DE CHOS CAN DANG MA 'BREL PA'I PHYIR TSANG BANG DU MTHONG BA'I DU BA'I RGYA MTSOR ME BZHIN NO, ,GAL TE NYE BAR 'JAL BA'I TSAD MA NI DPE YIN TE, 'DI LTAR BA MEN MA RTOGS PA LA RTAGS SBYAR BA MED PAR BA MEN BA LANG 'DRA BA'O ZHES BSTAN PA NI BA MEN GYI RNAM PA RTOGS PA'O ZHE NA, DE LA YANG BA MEN RTOGS PA NI MED KYI BA LANG GI RANG BZHIN CAN GYI RNAM PA 'BA' ZHIG GO, ,GAL TE RVA CAN LA SOGS PA RNAM PA 'DRA BA'I PHYIR RTOGS SO ZHEN, 'GA' ZHIG GI 'DRA BA TZAM GYIS BDAG NYID GZHAN BA LANG LAS THA DAD PA'I CHOS KYANG, SO SOR NGES PAR NYE BAR 'JAL BAS BSGRUB PAR 'GYUR BA MED DO, ,'DI LTAR DON RNAMS LA TSUL GANG DAG KYANG CUNG ZAD DAM MANG BA JI LTAR MI 'DRA BA NI MED DE DUM PA @293A *, ,DANG; BA MEN DU YANG GZUGS NYID DANG, ,SHES BYA NYID LA SOGS PA 'DRA BA'I PHYIR, ,DES BA MEN NYE BAR 'JAL BAR 'GYUR RO, ,GAL TE CUNG ZAD 'DRA BAS BDAG NYID THAMS CAD MTSUNGS PAR RTOGS NA NI, SNA TSOGS THAMS CAD KYI BDAG NYID DU 'GYUR TE, CUNG ZAD MI 'DRA BA NI MED PA'I PHYIR RO, , GAL TE DE LTA YIN NO ZHE NA, DE YANG RIGS PA MA YIN TE, MNGON SUM LA SOGS PAS GNOD PA'I PHYIR RO, ,'DRA BA TZAM THAMS CAD NI SGRUB PAR BYED PA'I YAN LAG MA YIN TE, DE'I PHYIR BSGRUB PAR BYA BA DES MNGON PAR KHYAB PA STE NGES PA YOD PA'I KHYAB PAR BYA BA'I CHOS KYI 'BREL PA STE, KHYAB PAR BYED PA LA RAG LAS PA'I DNGOS PO DE DANG LDAN PA STE, RANG BZHIN DE DANG GTAN TSIGS DANG LDAN PAR DPES RAB TU STON PA'I PHYIR, KHYAB PA RAB TU STON PA'I 'DRA BA DPE ZHES BYA BA DE KHON SGRUB PA'I YAN LAG STE, DE YANG GTAN TSIGS KYI MTSAN NYID RTOGS PA'I YAN LAG GI TSUL GYIS BRGYUD PAS SGRUB PAR BYED PAR BRJOD KYI DPE DNGOS SU BSGRUB PAR BYA BA'I RTOGS PA NI MED DO, ,DES NA DPE 'DI MNGON PAR SGRUB PAR BYED PA RANG RGYUD BA MA YIN TE, DE MA 'BREL PA NA ZHES BYA BA DPE DE CHOS CAN LA MA 'BREL NA STE 'BREL PA MA YIN PAS DON MED PA CAN YIN NO, ,YANG NA GTAN TSIGS DE DPES 'BREL PA MA BSTAN DPE NYID KYIS BSGRUB PAR BYA BA KHO NA BSGRUB PAR MI NUS PA'I PHYIR DON MED PA CAN YIN NO, ,GAL TE GTAN TSIGS DE 'BREL PA BSGRUB NA NI, DE NYID KYIS PHYOGS RTOGS PA'I PHYIR DPE LOGS SHIG TU DON BYED PA MED PA CAN YIN NO, ,RTOGS PA'I TSIG GI DON BRGYAD DE MNGON SUM DANG DER SNANG BA LA SOGS PA'O, ,DE YANG LE'U DANG POS NI MNGON SUM DANG MNGON SUM LTAR SNANG BA GNYIS BSTAN TO, ,GNYIS PAS NI RJES SU DPAG PA DANG, DER SNANG BA GNYIS SO, ,GSUM PAS NI SGRUB PA DANG, DER SNANG BA DANG, SUN 'BYIN PA NGO BO DANG, DER SNANG BA DAG BSTAN PA LAS DRUG BSHAD ZIN PAS, DA NI SUN 'BYIN PA DER SNANG BA DAG BSHAD PAR BZHED NAS, MA TSANG BA LA SOGS PA BRJOD PA SUN 'BYIN PA ZHES BYA BA LA SOGS PA GSUNGS SO, ,MTSANG BA LA SOGS PA ZHES BYA BA NI MA GRUB PA DANG, MA NGES PA DANG, 'GAL BDAG GI DBYE BA RGYAS PAR BSTAN PA RNAMS SO, ,DE DAG RJOD PAR BYED PA NI ZHES BYA BA NI RGOL BA GANG SGRUB PA MTSANG BA LA SOGS PA SMRA BA DES, SMRA @293B PAN PHYIR RGOL BAS DE KHO NA LTAR PHYIR RJOD PAR BYED PA STE, MTSANG BA LA MCHAD PA ZHES BYA BA LA SOGS PA PHYIN CI MA LOG PAR BRJOD NA, PHYIR RGOL GYIS BRJOD PA DE DAG NI SUN 'BYIN PA ZHES BYA STE, TSIG DES NI PHA ROL DE RGOL BA'I 'DOD PA'I DON GRUB PA LA GEGS BYED PA'I NUS PA'I PHYIR, GAL TE SKYON MA BRJOD KYANG ZHES BYA BA LA SOGS PAS NI BRJOD PAR 'DOD PA GRUB PA LA GEGS BYED DO ZHES BRJOD PA DE NI MI RIGS TE, DON DE NYID MA TSANG BA LA SOGS PAR GNAS PAS MI NUS PA YIN GYI, BRJOD PAS MI NUS PAR MI BYED SNYAM PA'I KLAN KA'O, ,SKYES BU'I NUS PA GRUB PO ZHES BYA BA NI LOG PAR RTOGS PA CAN DANG, YANG DAG PA'I SHES PA CAN NYID KYIS SKYES BU'I BYE BRAG GIS RANG GI 'DOD PA GRUB PAR MI NUS PA DANG, GZHAN DGAG PAR 'DOD PA NUS PA'I PHYIR, RTZOD PA 'PHEN PA DANG RGYAL BA'I BYE BRAG NI BRJOD PAS GRUB STE, SGRUB PA SUN 'BYIN PA DAG GIS PHAM PA DANG, RGYAL BA DAG GI NUS DE YANG BRJOD PA LAS GZHAN GYIS MI 'GRUB PA'I PHYIR BRJOD PA NI SUN 'BYIN PA ZHES BYA STE, DE YANG SKYON DE LTA BUR RJOD PAR BYED PA STE, MA TSANG BA LA SOGS PA'I SGRUB PA SMRAS ZIN PA NI PHYIR RGOL BAS KYANG MA TSANG BA LA SOGS PA NYID SKYON BRJOD ZIN PA'I PHYIR, YANG RGOL BAS YONGS SU RDZOGS PAR SMRA BA LA SOGS PA STE, GZHAN DU BSGRUB PA LA SOGS PAS LEGS PAR 'JOG PAR BYED NA, PHYIR RGOL BAS SKYON BRJOD PAS DES RGOL BA'I 'DOD PA PHYI MA'I GAGS MI BYED PA'I PHYIR RO, ,SGRUB PAR BYED PA GZHAN YIN PA'I PHYIR RO ZHES BYA BA STE, SNGA MA'I MTSAN NYID YIN NA DE GRUB PAR BYED PA GZHAN YIN PA'I PHYIR, SNGA MA'I GAGS BYED PA'I PHYIR, SUN 'BYIN PA NYID YIN NO, ,PHYOGS SNGA MA SMRA BAR 'DOD PA DANG BCAS PAR GYUR NA ZHES BYA BA NI, TSANG BAR 'DOD PA LA SOGS PAS SMRA BA'I BSAM PA RDZOGS PA'I PHYIR SMRA BAR 'DOD PA DANG BCAS PAR GYUR NA NI, BAR DER MA TSANG BA LA SOGS PA SKYON BRJOD KYANG SKABS MA YIN PA'I PHYIR SUN 'BYIN PA MA YIN NO, ,NGAG GNAS PAR GYUR PA NA ZHES BYA BA NI PHYOGS SNGA MA SMRA BA NI BRJOD PAR 'DOD PA RDZOGS PAR GYUR NA'O, ,DE LTA BAS NA KHYED SMRA BA YONGS SU RDZOGS SAM ZHES DRIS TE, RDZOGS SO ZHE NA SUN 'BYIN PAR BRJOD PAR BYA'O, ,GZHAN DU NA SUN @294A *, ,'BYIN PA LTAR SNANG BAR 'GYUR RO, ,DE NYID KYI PHYIR NGAG GNAS PAR GYUR PA NA DE LA SKYON BRJOD PA NI DE GRUB PAR BYA BA LA SUN 'BYIN PA NYID DO ZHES GSUNGS TE, ,GZHAN DU NI MA YIN TE, DE NYID DER SNANG BA STE SUN 'BYIN PA'I GNAS SU SBYAR LA SUN MI PHYIN PA'I PHYIR RO, ,DER SNANG BA NI LTAG CHOD DE SUN 'BYIN PA'I GNAS SU SMRA BA SUN 'BYIN PAR MI NUS PA STE NYES PA MA YIN PA BRJOD PA'O, ,DE'I PHYIR, NYES PA NYE BAR BRJOD MIN PA, ,ZHES BYA BA GSUNGS SO, ,GAL TE LTAG CHOD KYI RAB TU BYED PA NI GRANGS NGES PAR THUB PA RKANG MIG LA SOGS PAS BSTAN NA DE 'DIR CI'I PHYIR MA BSTAN ZHE NA, LOG PA'I LAM LA MTHA' MED NYID, ,PHYIR NA DE 'DIR SPROS MI BYA, ,ZHES BYA BA SMOS SO, ,MTHA' MED YANG CI'I PHYIR ZHE NA, LOG PA'I LAM GYI RGYU TSUL BZHIN MA YIN PA'I RNAM PAR RTOG PA DAG LA MTHA' MED DE 'DOD RGYAL DU 'JUG PA'I PHYIR RO, ,JI SKAD SMRA BA'I MTSAN NYID CES BYA BA NI THUB PA RKANG MIG GIS SMRAS PA'I MTSAN NYID DO, ,LTAG CHOD DE DAG GI NANG DU YANG MI 'DU BAS NA GZHAN YIN NO, ,'ON TE SUN 'BYIN PA YIN NA YANG LHAG PA'I LTAG CHONG TU MI 'GYUR NA DE SUN 'BYIN PA'I NANG DU YANG MI 'DU STA, 'DI LTAR NYES PA NYE BAR MI BRJOD PA'I PHYIR RO, ,JI LTAR ZHE NA, BDAG MED CES BYA BA SGRA'I DON RNAM PAR RTOG PA'I YUL NI MI 'GOG PAR DE LA SKUR PA MI 'DEBS KYI, 'ON KYANG BDAG KHAS LEN PA NYID KYANG MA YIN TE, RANG GI MTSAN NYID DE'I PHYIR DON DU BDAG MED DO ZHES 'GOG PA'I PHYIR MED CES BYA BA'I SMRA BA DANG MI 'GAL LO, ,GAL TE RNAM PAR RTOG PA LA SNANG BA'I BDAG SGRA'I DON CI'I PHYIR MI 'GOG CE NA, DE NI BSGRUB PAR MI 'DOD PA'I PHYIR BSGRUB PAR BYA BA'I DON LAS PHYI ROL TU GYUR PA YIN PA'I PHYOGS KYI MTSAN NYID KYIS BSTAN ZIN TO, ,DE MI 'DOD PA YANG CI'I PHYIR ZHE NA, RTOG PA DANG LDAN PA DAG NI PHYI'I KHO NA LA GTAD NAS BKAG PA DANG, BSGRUB PA'I THA SNYAD DAG BYED DE DON BYED PA DANG 'BREL PA'I PHYIR RO ZHES LE'U 'DI NYID DU BSTAN ZIN TO, ,DE'I BLO LA SNANG BA YOD MOD KYI DE BTANG SNYOMS SU BYAS NAS, DES DON BYED PA MED PA'I PHYIR RO, ,'DOD PA DANG LDAN PA'I SKYES BU NI MA NING GI GZUGS LA RTOGS PA MI BYED DO ZHES SO, ,GAL TE GANG YANG RUNG BA'I SHAN TZAM GYIS ZHES BYA BA SUN 'BYIN PA'I @294B GNAS SU RJES SU BRJOD PA LA SOGS PA CUNG ZAD TZAM GYIS LTAG CHOD SMRA BA DAG GI KHONGS SU 'DU NA'O, ,MI MTSUNGS PA STE 'DU BAR MI 'DOD PA LTAG CHOD KYANG CUNG ZAD 'DRA BA'I PHYIR PHAN TSUN 'DU BAR 'GYUR LA DE LTA NA NI DBYE BA NGAS PAR 'GRUB BO, ,DE LTA BAS NA SPYI'I MTSAN NYID SUN 'PHYI NANG LTAR SNANG BA NA LTAG CHOD DO ZHES SO, ,KHYAD PAR NANG GI BYE BRAG DAG NI KHONGS SU MI 'DU BA'I PHYIR, DE LOG PA'I RTOG PA SNA TSOGS PA'I PHYIR RO, ,SPYI'I MTSAN NYID DE YANG SUN 'BYIN PA LTAG CHOD DO ZHES SNGA MA LTAR BRJOD PAR BYA'O, ,GAL TE LTAG CHOD KYI SPYI'I MTSAN NYID KYANG CI'I PHYIR RGYAS PAR MI BSTAN ZHE NA, SGRUB PA DANG SUN 'BYIN PA SNGAR RGYAS PAR BSTAN PA'I MTSAN NYID SHES PA NYID KYIS LAN LTAR SNANG BA'I MTSAN NYID KYANG BDE BLAG TU RTOGS PA'I PHYIR TE, TSANG BANG LA SOGS PA YUL YIN PA LA DER BRJOD PAR ZHUGS PA LA NI SUN 'BYIN PA YIN TE, RANG GI YUL LA ZHUGS PA'I PHYIR RO, ,GAL TE SKYON MED PA'AM YOD KYANG BRJOD PA MA YIN PA LTAG CHOD KYI YUL MA YIN PA STE, DE LA SUN 'BYIN PA MI 'JUG PA'I PHYIR RO, ,DE NI SUN 'BYIN PA LTAR SNANG BA'I PHYIR RO, ,DE LTAR YUL LA MA ZHUGS PA DES NI RGOL BA'I 'DOD PA'I RTOGS PA'I GEGS MI BYED PA'I PHYIR RO, ,SUN 'BYIN PA MA YIN TE, DE'I MTSAN NYID RTOGS PA'I GAGS BYED PAS STONG PA'I PHYIR RO; ,DON 'DI RIGS PHYIR MDO NI YOD PA'I LUGS GZIGS PA'I LUNG NI RNAM PAR MA SPANGS PA ZHES BYA BAR SBYAR TE, BDAG GI SLOB DPON PHYOGS KYI GLANG PO'I LUGS MA SPANGS PAR TE LUNG DANG MTHUN PAR GZHUNG 'DIR BSHAD DO ZHES BYA BA'I DON TO, ,DE LTAR NA SLOB DPON GYI LUNG NYID BDAG GIS BLANGS KYI SLOB DPON GYI RNAM PAR BSHAD PA BYED PA DAG LA NI LTOS PA MED DE, DE DAG MI RIGS PAR SMRA BA'I PHYIR RO, ,DE'I PHYIR MDO NI DON YOD LUGS ZHES BYA BA GZHAN DAG GIS BSHAD PA'I 'GREL PA DAG NI MDO MA YIN NO, ,DE'I PHYIR SLOB DPON GYI LUNG KHO NA BLANGS TE, RIGS PA DANG LDAN PA'I DON STON PA'I PHYIR RO, ,DON YOD CES BYA BA NI SLOB DPON GYI MDO DON YOD PA STE, 'BRAS BU MED PA CUNG ZAD KYANG MED CES BYA BA'I THA TSIG GO, ,LUGS NI DE'I RIGS PA'I GZHUNG LUGS SO, ,GZIGS PA NI SLOB DPON PHYOGS KYI GLANG POS BDAG GIS RTOGS PAR BYA PHYIR ZHES BYA BA NI, BDAG NYID DANG @295A *, ,'JIG RTEN GZHAN DAG GIS SO, ,DE'I PHYIR ZHES BYA BA NI MDO'I'O, ,DRI MED BLO YIS TE, SLOB DPON PHYOGS KYI GLANG PO'I'O, ,DE LTAR NA DRI MED BLO YI MDO DGONGS PA ZHES BYA BAR SBYAR RO, ,NGES PAR 'DI NYID YIN TE ZHES BYA BAR SBYAR TE 'DIR KHO 'OS BSHAD PA LTAR RO, ,DE LTAR NA RANG DANG GZHAN GYI SDE PA DAG GIS BSHAD PA LTAR NIM YIN TE; DE DAG NI RIGS PAR SMRA LA, MDO'I DON NI RIGS DANG LDAN PA'I PHYIR DANG, DE YANG SLOB DPON BLO DRI MA MED PA'I PHYIR TE, GZHAN DAG GIS BSHAD PA LTAR YIN NA NI MDO YANG RIGS PA DANG LDAN PAR MI 'GYUR LA, BLO DRI MA MED PAR MI 'GYUR TE MI RIGS PA'I DON RJOD PAR BYED PA'I PHYIR RO, ,GAL TE KHYED KHO NAS RIGS PA RTOGS PAR JI LTAR ZHE NA, MA BSGOMS BLO CAN SKYE BOS RTOGS MA YIN, ,ZHES BYA BA SMOS TE, RANG DANG GZHAN GYI SDE PA GANG DAG MA BYANGS [*BYANG?] PA'I BLO CAN DAG GIS SLOB DPON DRI MA MED PA'I BLO MNGA' BA'I DGONGS PA RTOGS PAR MI NUS KYI, GANG DAG SKYE BA NAS SKYE BA RNAMS SU SBYANGS PA'I SKYE BOS RTOGS PA YIN NO ZHES BYA BAR BDAG NYID NI SKYE BA DANG, SKYE BA RNAMS SU BLO BSGOMS PA DANG LDAN PAR STON TO, ,DE LTAR SLOB DPON PHYOGS KYI GLANG PO'I RAB TU BYED PA RNAMS KYI DON GYI TSUL DAG PHYIN CI MA LOG PAR RTOGS PA NI, SLOB DPON GYI DON RAB TU BYED PA NYID YIN GYI BSHAD PA BYED BA DAG LAS NI MA YIN NO ZHES BYA BAR STON TO, ,DE YANG BDAG NYID KYIS SHIN TU YUN RING POR GOMS PA CHED CHE BAR BYAS PA'I STOBS KYIS ZHES BYA BA'I THA TSIG GO, ,RTOG GE NGAN PA'I STOBS KYIS RNAM DAG RIGS PA'I BAD MA 'DI, KHA 'BYED TSIG BSHAD NYI ZER DAG GIS RAB TU GSAL BYAS LAS, ,STON KA'I ZLA BA LTAR DKAR BDAG GIS THOB DES 'JIG RTEN KUN, ,SNANG BYED YE SHES DPAL BZANG BDAG NYID THOB PAS DGA' BAR SHOG ,TSAD MA RNAM PAR NGES PA'I 'GREL BSHAD LAS, GZHAN GYI DON RJES SU DPAG PA'I LE'U STE GSUM PA'O,, ,,TSAD MA RNAM PAR NGES PA'I 'GREL BSHAD MKHAS PA'I GRAGS PAS RGYA MTSO'I MTHAS KLAS PAR KHYAB PA, SLOB DPON YE SHES DPAL BZANG PO'I ZHAL SNGA NAS MDZAD PA RDZOGS SO,, ,,GNAS BRTAN MKHAS PA CHEN PO DZNY'ANA SHR'I BHA DRA DANG, LO TZ'A BA DGE SLONG CHOS KYI BRTZON 'GRUS KYIS BSGYUR, KHYUNG PO MTSAN BZHI KHAMS ZLA HOR THUG GIS SBYIN PAR BYA BA'I CHOS RNAMS NYE BAR SBYAR ZHING GSOL BA BTAB NAS, GZHUNG NYE BAR SBYAR TE BRTZAMS NAS BSGYUR BA LAGS SO,, ,,