@1A [DD] #, ,RGYA GAR SKAD DU, NA YA BINDU t'I KA ,BOD SKAD DU, ,RIGS PA'I THIGS PA'I RGYA CHER 'GREL PA, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,[DD] GANG ZHIG RIGS LAM RNAM PAR DAG PA DANG, ,RIGS MI THUS BSGRUB BYA DAG PA MCHOG GSUNG BA, ,THUB PA SMRA MCHOG DE LA PHYAG 'TSAL TE, ,RIGS THIGS TSIG RE NAS NI RNAM PAR DBYE, ,YANG DAG PA'I SHES PA NI SKYES BU'I DON THAMS CAD 'GRUB PA'I SNGON DU 'GRO BA CAN YIN PAS NA, DE BSTAN TO ZHES BYA BA'I THA TSIG DANG PO 'DIS NI RAB TU BYED PA 'DI'I 'GREL PA DANG, DGOS PA DANG, BRJOD PAR BYA BA DANG DGOS PA'I YANG DGOS PA BSTAN TO, ,'DI LTAR 'BREL PA MED PA DANG, DGOS PA MED PA DANG, BRJOD PAR BYA BA MED PA'I BSTAN BCOS SAM RAB TU BYED PA NI RTOG PA SNGON DU GTONG BA RNAMS KHAS MI LEN TE, 'DI LTAR 'DIR BSHAD PAR BYA BA NI CI ZHIG YIN SNYAM PA'I RMONGS PA DE BSAL BA'I PHYIR BRJOD PAR BYA BA BSNYAD DO, ,'BRAS BU MED DU DGOS PA BSAL BA'I PHYIR DGOS PA BRJOD DO, ,THABS @2A *, ,MA YIN DU DOGS PA BSAL BA'I PHYIR 'BREL PA BSNYAD DO, ,DE'I PHYIR NYAN PA PO SPRO BA SKYED PA'I DON DU 'BREL PA LA SOGS PA BRJOD DO, ,DE LA DE BSTAN TO ZHES BYA BA 'DIS NI BRJOD PAR BYA BA DANG, DGOS PA SNGON DU BSTAN TO, ,'BREL PA NI SHUGS KYIS BSTAN TO, ,DE LA SHUGS NI 'DI YIN TE, 'DI LTAR YANG DAG PA'I SHES PA BSTAN PA'I PHYIR, RAB TU BYED PA RTZOM PAS, DON GYIS NA RAB TU BYED PA NI THABS NYID DU STON TO, ,DE LTAR MA YIN NA THABS MA YIN PA LA JI LTAR 'JUG PAR 'GYUR TE, DE BAS NA 'BREL PA NI DON GYIS BSTAN TO, ,'DIR YANG DAG PA'I SHES PA BSTAN TO ZHES BYA BA DE NI BRJOD PAR BYA BA YIN NO, ,YANG DAG PA'I SHES PA BSTAN PA NI DGOS PA YIN NO, , YANG DAG PA'I SHES PA BSTAN PA DE NI KHONG DU CHUNG BAR BYED PA'I RANG BZHIN YIN LA, RAB TU BYED PA 'DIS BYED PAS NA RAB TU BYED PA 'DI NI DGOS PA DE'I THABS YIN NO, ,DE LTA BAS NA RAB TU BYED PA DANG, DGOS PAR THABS DANG THABS KYIS BSGRUB PAR BYA BA'I MTSAN NYID KYIS 'BREL PA YIN TE, 'DI LTAR RAB TU BYED PA 'DI THOS PA LAS YANG DAG PA'I SHES PA'I RANG GI NGO BO MA NOR BAR SHES PAR 'GYUR BAS, DE'I PHYIR RAB TU BYED PA NI THABS YIN LA, YANG DAG PA'I SHES PA'I YONGS SU @2B SHES PA NI THABS KYIS BSGRUB PAR BYA BA YIN PAR GNAS SO, ,DE NYID BSGRUB PAR BYA BA DANG, BSGRUB PA'I MTSAN NYID DANG BYA BA DANG BYED PA'I NGO BO'I MTSAN NYID KYIS 'BREL PA YIN TE, 'DI LTAR BSGRUB PA NI RAB TU BYED PA'O, ,BSGRUB PAR BYA BA NI 'BRAS BU'O, ,BYED PA NI RAB TU BYED PA'O, , BYA BA NI 'BRAS BU YIN PAS DE'I PHYIR YANG DAG PA'I SHES PA YONGS SU SHES PAR BYA BA'I PHYIR RAB TU BYED PA 'DI TZAM MO ZHES BYA BAR GNAS SO, ,DE LTAR GNAS SU ZIN KYANG CI STE LA LA ZHIG YANG DAG PA'I SHES PA YONGS SU SHES PAS CI ZHIG BYA STE DE NI GANG DU YANG MKHO BA MED NGO, ,DE'I BYIR DE NI BYA ROG GI SO BRTAG PA BZHIN DU GNAS PA MA YIN BAR KHYOD YONGS SU NGAL BAR 'GYUR RO ZHES 'DRI BAR 'GYUR PA DE'I PHYIR SKYES BU'I DON THAMS CAD 'GRUB PA NI YANG DAG PAR SHES PA SNGON DU 'GRO BA CAN YIN ZHES PA 'DI SMOS TE DES NI DGOS PA'I YANG DGOS PA BSTAN TO, ,DE BAS NA TSIG GI DON NI 'DI YIN TE, GANG GI PHYIR YANG DAG PA'I SHES PA SKYES BU'I DON THAMS CAD 'GRUB PA LAS MKHO BAR GYUR PA LAS DE'I PHYIR BSGRIMS TE DE YONGS SU SHES PAR BYA'O, ,DE YONGS SU SHES PA NI RAB TU BYED PA LAS 'BYUNG NGO, ,DE BAS NA YANG DAG PA'I SHES PA MKHO BAR GYUR PA YONGS SU SHES PAR BYA BA'I PHYIR RAB TU BYED PA 'DI BRTZAM PAR BYA'O ZHES BYA'O, ,DE NI RE ZHIG BSDU BA'I DON YIN NO, ,YAN LAG GI DON NI YANG DAG PA'I SHES PA SNGON DU 'GRO BA CAN YIN PAS NA ZHES BYA BA LA 'DIR MI SLU BA'I SHES BA NI YANG DAG PAR SHES PA STE, GANG DON BYED PA LA SLU BAR MI BYED PA YIN GYI MA NOR BA GANG YIN PA DE NI YANG DAG PA'I SHES PA MA YIN NO, ,DE LTA NA NI RAB TU BYED PA RNAL 'BYOR SPYOD PA'I LUGS SEL BAR BYED PAR 'GYUR TE, RAB TU BYED PA NI MDO SDE PA DANG, RNAL 'BYOR SPYOD PA'I LUGS KYI RJES SU SNYEGS PAR 'JUG PAR 'DOD DO, ,DE LTA BAS NA GNYI GA'I LUGS BSDU BA'I PHYIR, ,MI SLU BA'I SHES PA NI YANG DAG PA'I SHES PA YIN PAR KHONG DU CHUD PAR BYA'O, ,GANG LA YANG DAG PA'I SHES PA SNGON DU 'GRO BA YIN PA NI YANG DAG PA'I SHES PA SNGON DU 'GRO BA CAN NO, ,SNGON GYI SGRAS NI 'DI RGYU YIN PAR BRJOD DE GANG GI PHYIR 'BRAS BU BAS RGYU SVA BA DE'I @3A *, ,PHYIR DE SNGON DU ZHES BRJOD DE YANG DAG PA'I SHES PA'I RGYU CAN ZHES BYA BA'I THA TSIG GO, ,SKYES BU'I DON THAMS CAD 'GRUB PA ZHES BYA BA NI SKYES BU'I DON YIN PAS NA SKYES BU'I DON TO, ,DON ZHES BYA BA'I SGRAS NI DGOS PA YIN PAR BRJOD DE SKYES BU'I DGOS PA ZHES BYA BA'I THA TSIG GO, ,DE NI THAMS CAD KYANG YIN PA SKYES BU'I DON YANG YIN PAS SKYES BU'I DON THAMS CAD DE THAMS CAD CES BYA BA NI THAG NYE BA DANG, RGYANG RING BA DANG, DE BZHIN DU 'JIG RTEN PA DANG, 'JIG RTEN LAS 'DAS PA DANG, DE BZHIN DU DOR BAR BYA BA DANG, BLANG BAR BYA BA DANG; BTAD SNYOMS SU BYA BA'O, ,DE LA THAG NYE BA NI GANG YUL THAG NYE BA NA YOD PA'O, ,RGYANG RING BA NI GANG THAG RING PO NA YOD PA'O, ,'JIG RTEN BA NI GANG 'KHOR BA'I KHONGS SU GTOGS PA'O, ,'JIG RTEN LAS 'DAS PA NI MYA NGAN LAS 'DAS PA ZHES BYA BA'O, ,DOR BAR BYA BA NI MI 'DOD PA STE SBRUL DANG, TSER MA DANG, DUG DANG, MTSON CHA LA SOGS PA'I MTSAN NYID DO, ,BLANG BAR BYA BA NI 'DOD PA STE, ME TOG PHRENG DANG, TZAN DAN DANG, GOS DANG, BZA' BA DANG, BTUNG BA DANG, MAL CHA DANG, STAN GYI MTSAN NYID DO, ,'DOD PA DANG MI 'DOD PA GNYI GA LAS BZLOG PA GANG YIN PA DE NI BTANG SNYOMS SU BYA BA'O, ,SKYES BU'I DON DE THAMS CAD KYI RGYU NI YANG DAG PA'I SHES PA YIN TE, 'DI LTAR MNGON SUM LA SOGS PA'I SHES PAS DMIGS NAS MTSON CHA DANG, DUG DANG, TSER MA LA SOGS PA NI YONGS SU SPONG NGO, ,ME TOG PHRENG LA SOGS PA NI LEN TO, ,DE MA YIN PA GZHAN DAG LA NI BTANG SNYOMS SU BYED DO, ,SKYES BU'I DON THAMS CAD GRUB PA NI SKYES BU'I DON THAMS CAD 'GRUB PAR BYED PA'O, ,'GRUB PA ZHES BYA BA'I SGRA NI 'DIR GRUB PAR BYED PA ZHES BYA BAR BRJOD DO, ,DES NI 'DI SKAD DU SKYES BU'I DON GRUB PAR NGES PA DANG LDAN PA GANG CI SNYED BA DE THAMS CAD KYI RGYU NI YANG DAG PA'I SHES PA YIN NO ZHES BSTAN PAR 'GYUR RO, ,YIN PAS NA ZHES BYA BA'I SGRA NI DE'I PHYIR ZHES BYA BA'I DON YIN LA GANG DE NI RTAG TU 'BREL TE, DES NA 'DI SKAD DU GANG GI PHYIR YANG DAG PA'I SHES PA NI SKYES BU'I DON THAMS CAD 'GRUB PA'I SNGON DU BTANG BA CAN @3B YIN PA DE'I PHYIR DE BSTAN TO ZHES BYA BAR BSTAN PAR 'GYUR RO, ,DE BSTAN TO ZHES BYA BA LA DE ZHES BYA BA NI YANG DAG PA'I SHES PA DANG SBYAR BAR BYA STE, MA NING GI RTAGS KYIS BSTAN PA DANG GTZO BO YIN PA'I PHYIR RO, ,'DAS MA THAG PA YIN YANG SKYES BU'I DON THAMS CAD 'GRUB PA NI MA YIN TE; DNGOS SU NA GTZO BO MA YIN PA'I PHYIR RO, ,YANG DAG PA'I SHES PA DE NI LOG PAR RTOG PA RNAM PA BZHI BSAL BAS NOR BAR SHES BAR BYED DO, ,LOG PAR RTOG PA RNAM PA BZHI NI GRANGS LA LOG PAR RTOG PA DANG, RANG GI NGO BO LA LOG PAR RTOG PA DANG, SPYOD YUL LA LOG PAR RTOG PA DANG, 'BRAS BU LA LOG PAR RTOG PA'O, ,DE LA GRANGS LA LOG PAR RTOG PA NI KHA CIG GI NI GCIG STE, 'DI LTA STE, PHUR BU PA RNAMS KYI LTA BU'O, ,KHA CIG GI NI GSUM STE, 'DI LTA STE, GRANGS CAN PA RNAMS KYI LTA BU'O, ,RIGS PA CAN RNAMS KYI NI BZHI'O, ,SPYOD PA CAN RNAMS KYI NI DRUG GO, ,RANG GI NGO BO LA LOG PAR RTOG PA NI 'DI LTA STE, KHA CIG NI MNGON SUM RNAM PAR RTOG PA DANG BCAS PA, KHA CIG NI RNAM PAR RTOG PA MED PA LTA BU'O, ,YUL LA LOG PAR RTOG PA NI 'DI LTA STE, KHA CIG GIS NI MNGON SUM GYI YUL NI RANG GI MTSAN NYID KHO NA'O, , RJES SU DPAG PA'I YUL NI SPYI'I MTSAN NYID KHO NA'O ZHES BRJOD LA, GZHAN DAG GIS GZHAN DU BRJOD PA LTA BU'O, ,'BRAS BU LA LOG PAR RTOG PA NI 'DI LTA STE, KHA CIG NI TSAD MA LAS 'BRAS BU THA DAD PAR KHAS LEN LA, KHA CIG NI THA DAD PA MA YIN PAR KHAS LEN PA LTA BU'O, ,DE LTA BAS NA DE LTA BU'I LOG PAR RTOG PA RNAM PA BZHI BSAL BAS RNAM PA THAMS CAD DU MA NOR BAR YANG DAG PA'I SHES PA'I RANG GI NGO BO BSTAN PA YIN NO, ,DE LA RE ZHIG DANG PO KHO NAR GRANGS LA LOG PAR RTOG PA BSAL BA'I PHYIR, YANG DAG PA'I SHES PA RNAM PA GNYIS TE ZHES BYA BA SMOS SO, , 'DI LA RNAM PA GNYIS YOD PAS NA 'DI NI RNAM PA GNYIS SO, ,GRANGS KYI TSIG SMOS PA NYID KYIS NI RNAM PA GNYIS KHO NA'O ZHES RNAM PAR MNGON TE, DES NA RNAM PA GCIG DANG, RNAM PA GSUM LA SOGS PA BSAL BA YIN NO, ,GRANGS TZAM GYIS RNAM PA GNYIS SU BSTAN GYI, RNAM PA GNYIS @4A *, ,PO GANG GIS YIN PA NI MI SHES PAS DE'I PHYIR MNGON SUM DANG RJES SU DPAG PA'O ZHES BYE BRAG GIS BSTAN TO, ,DBANG PO LA BRTAN PA NI MNGON SUM STE, NGES PA'I TSIG 'DI NI YUL LAS SHES PAS MNGON SUM DU BYED PA NYID MTSON PAR BYED PA STE, DPER NA 'GRO BAS NA BA LANG NGO ZHES BYA BA DE LA 'GRO BAS NI BA LANG NYID NYE BAR MTSON PAR BYED DE, DE BAS NA BA LANG NYID DANG LDAN PA'I RIL PO LA BA LANG GI SGRAR RJOD PAR BYED PA YIN PAR STON PAR BYED PA DE BZHIN DU 'DIR YANG DBANG PO LA BRTEN PA NYID KYIS NA YUL LA SHES PAS MNGON SUM DU BYED PA NYID MTSON NAS RNAM PA BZHI CHAR YANG MNGON SUM DU BRJOD PAR STON TO, ,'DIS DPOG PAS NA DPAG PA STE, YONGS SU GCOD PAR BYED CES BYA BA'I THA TSIG GO, ,RJES SU ZHES BYA BA'I SGRA NI PHYIS SHES PAR BYA BA'I DON TE, PHYIS DPOG PA NI RJES SU DPAG PA STE, PHYOGS KYI CHOS 'DZIN PA DANG, 'BREL PA DRAN BA SNGON DU BTANG PA CAN ZHES BYA BA'I THA TSIG GO, ,MNGON SUM DANG RJES SU DPAG PA'O ZHES RNAM PAR DBYE BA THA DAD PAR BSTAN PA NI, DON GYIS NA YUL THA DAD PAR STON TE, JI LTAR DE GNYIS KYI RNAM PAR DBYE BA THA DAD PA DE BZHIN DU YUL YANG THA DAD DO ZHES BYA BA'I THA TSIG GO, ,DANG ZHES BYA BA'I SGRA NI BSDU BA'I DON TE, RJES SU DPAG PA DANG MNGON SUM STOBS MTSUNGS PA NYID DU SDUD DO, ,JI LTAR MNGON SUM DON GYIS SKYED PAR BYED PA YIN PAS MI SLU BA STE, DE'I PHYIR TSAD MA YIN PA DE BZHIN DU RJES SU DPAG PA YANG DE'I BDAG NYID DANG, DE LAS BYUNG BA GNYIS KYIS DON DANG 'BREL PAS MI SLU BA STE, DE'I PHYIR TSAD MA YIN NO, ,DE LTAR YIN NA GANG LA LA DAG TSAD MA THAMS CAD KYI GTZO BO NI MNGON SUM YIN NO ZHES BRJOD PA DE BSAL BA YIN TE, GNYIS KA YANG MI SLU BA KHO NAR NI 'DRA NA, MNGON SUM GTZO BO NYID YIN NO ZHES SU NYID KYIS BYAS, RANG GI NGO BO LA LOG PAR RTOG PA BSAL BAR BYA BA'I PHYIR, DE LA MNGON SUM NI RTOG PA DANG BRAL ZHING MA 'KHRUL PA'O ZHES BYA BA SMOS SO, ,DE LA ZHES BYA BA'I SGRA NI DGAR BA'I DON TE, YANG DAG PA'I SHES PA GNYIS LAS 'OG NAS 'BYUNG BA'I MTSAN NYID KYIS MNGON SUM DPAG PAR BYED DO, ,MNGON SUM ZHES BYA BAS NI MTSAN NYID KYI GZHI BSTAN TO, ,RTOG PA DANG BRAL ZHING MA 'KHRUL PA'O ZHES BYA BAS NI MTSAN @4B NYID BSTAN TE, DES NA 'DI SKAD DU RTOG PA DANG BRAL ZHING MA 'KHRUL BA GANG YIN PA DE NI MNGON SUM YIN PAR RIG PAR BYA'O ZHES BSTAN PAR 'GYUR TE, DE NI RE ZHIG BSDUS PA'I DON YIN NO, ,YAN LAG GI DON NI RTOG PA RNAMS DANG BRAL BA NI RTOG PA DANG BRAL BA STE, RTOG PA DANG BYE ZHES BYA BA'I THA TSIG GO; ,YANG NA RTOG PAS 'BRAS BA NI RTOG PA DANG BRAL PA STE, RTOG PAS SPANG ZHES BYA BA'I TSIG GO, ,'KHRUL PA MED BA NI MA 'KHRUL PA STE, THOB PAR BYED PA'I YUL LA PHYIN CI MA LOG CES BYA BA'I THA TSIG GO, ,CI'I PHYIR BYE BRAG GNYIS SMRAS SHE NA, SMRAS PA MA 'KHRUL PA SMOS PA NI RE ZHIG RAB RIB CAN GYI SHES PA 'KHRUL PA RNAM PAR GCAD PAR BYA BA'I PHYIR RO, ,RTOG PA DANG BRAL BA SMOS PA NI RJES SU DPAG PA BSAL BAR BYA BA'I PHYIR RO, ,'DI LTAR MA 'KHRUL PA NYID NI THOB PAR BYED PA'I YUL LA KHAS BLANG BAR BYA'I, DMIGS PA'I YUL NI MA YIN NO, ,GAL TE DMIGS PA'I YUL LA MA 'KHRUL PA NYID KHAS LEN NA, DES NI 'DIR RNAL 'BYOR SPYOD PA'I LUGS GSAL BAR BYAS PAR 'GYUR TE, 'DI LTAR RNAL 'BYOR SPYOD PA'I NI DMIGS PA'I SHES PA THAMS CAD NI 'KHRUL PA YIN PAR 'DOD DE, DE BAS NA DE'I LUGS SEL BAR RAB TU BYED PA NI RTZOM PAR 'GYUR TE, RAB TU BYED PA NI MDO SDE PA DANG, RNAL 'BYOR SPYOD PA'I RJES SU SNYEGS PAR RTZOM PAR 'DOD LA, GNYI GA YANG THOB PAR BYED PA'I YUL LA MI SLU BA'I MTSAN NYID LA NI MA 'KHRUL BA YIN PAR KHAS LAN TO, ,DE LTA YIN NA GO RJES SU DPAG PA YANG MNGON SUM NYID DU THAL BAR 'GYUR TE, DE YANG MI SLU BA NYID DU MA 'KHRUL PAR 'DOD DO, ,DE'I PHYIR RJES SU DPAG PA BSAL BAR BYA BA'I PHYIR RTOG PA DANG BRAL BA ZHES BYA BA SMOS TE, DE BAS NA BYE BRAG GNYI GA SMOS DGOS SO, ,GRUB PA'I MTHA' LA GRAGS PA'I RTOG PA BSAL ZHING, 'JIG RTEN PA'I RTOG PA BSTAN PA'I PHYIR RTOG PA NI SHES PA LA BRJOD PA DANG, 'DRER RUNG BA SNANG BA STE ZHES BYA BA SMOS SO, ,'DIS RJOD PAR BYED PAS NA BRJOD PA STE SMRA BAR BYED PAS NI SGRA'I SPYI'I NGO BO YIN NO, ,BRJOD PA DANG 'DRE BA NI BRJOD PA DANG 'DRE BA STE 'DRE BA NI 'BREL PA LA BYA'O, ,BRJOD PA DANG 'DRER RUNG BA NI BRJOD PA DANG 'DRER RUNG BA @5A *, ,STE DON GYI PHYI YIN NO, ,DE NI RJES SU 'GRO BA DANG LDOG PA DANG LDAN PA NYID KYIS KHYAB PA YIN PA'I PHYIR BRJOD PAR NUS KYI, DON GYI BYE BRAG RANG GI NGO BO'I MTSAN NYID KYI NGO BO NI BRJOD PAR MI NUS TE DE KHYAB PAR BYED PA MA YIN PA'I PHYIR RO, ,SHES PA GANG LA BRJOD PA DANG 'DRER RUNG BA DANG SNANG BA DE NI BRJOD PA DANG 'DRER RUNG BA SNANG BA YIN TE, DON GYI SPYI'I DON GYI RNAM PA ZHES BYA BA'I THA TSIG GO, ,GZHAN YANG DE NI BRJOD PAR BYA BA YIN PAS RJOD PA STE, BSNYAD PAR BYA BA DON GYI SPYI GANG YIN PA'O, ,BRJOD PA DANG 'DRE BA NI BRJOD PA DANG 'DRE BA'O, ,BRJOD PA DANG 'DRER RUNG BA NI BRJOD PA DANG 'DRER RUNG BA STE SGRA'I SPYI'I YIN NO, ,DES NI RJES SU 'GRO BA DANG LDOG PA 'THAD PA NYID KYI DON BRJOD PAR NUS KYI, SGRA'I BYE BRAG GIS NI MI NUS TE DE THUN MONG MA YIN PA'I PHYIR RO, ,SHES PA GANG LA BRJOD PA DANG 'DRER RUNG BA SNANG BA DE NI BRJOD PA DANG 'DRER RUNG BA SNANG BA YIN TE, SGRA'I SPYI'I RNAM PA ZHES BYA BA'I THA TSIG GO ZHES BYA BSTAN PAR 'GYUR RO, ,RNAM PAR RTOG PA RNAM PA DE GNYI GA YANG BRJOD PA DANG 'DRER RUNG BA SNANG BA ZHES BYA BA'I TSIG ZUR GNYIS SU BSHAD PA 'DIS BSTAN PAR YANG RIG PAR BYA'O, ,SHES PA ZHES BYA BA NI RIG PA STE BLO ZHES BYA BA'I THA TSIG GO, ,DE DANG BRAL BA'O ZHES BA NI RTOG PA DANG BRAL BA STE, RTOG PA'I 'DAM RDZA BA DANG BRAL BA ZHES BYA BA'I THA TSIG GO, ,DES NI 'DI SKAD DU SGRA DANG DON GYI SPYI'I RNAM PA MA YIN PA'I SHES PA GANG YIN PA DE NI MNGON SUM GYI TSAD MA YIN NO ZHES BSTAN PAR 'GYUR RO, ,RAB RIB DANG, MYUR DU BSKOR BA DANG, GRUR ZHUGS PA DANG, 'KHRUL PA LA SOGS PAS 'KHRUL PA MA BSKYED PA ZHES BYA BA LA RAB RIB CES BYA BA NI MIG GI GNOD PA'O, ,MYUR DU BSKOR BA ZHES BYA BA NI MGAL ME BSKOR BA LA SOGS PA'O, ,GRUR ZHUGS PA ZHES BYA BA NI GRUS 'GRO BA'O, ,'KHRUL PA ZHES BYA BA NI RLUNG DANG MA KHRIS PA 'KHRUGS PAS KHAMS MA SNYOMS PA'O, , RAB RIB DANG MYUR DU BSKOR BA DANG, GRUR ZHUGS PA DANG, 'KHRUL PA NI RAB RIB DANG, MYUR DU BSKOR BA DANG, GRUR ZHUGS PA DANG 'KHRUL PA'O, ,DE BSHAD LA SOGS PA GANG YIN PA DE DAG NI RAB RIB DANG, MYUR DU BSKOR BA DANG, GRUR ZHUGS PA DANG, 'KHRUL PA LA SOGS PA STE, SOGS @5B PA'I SGRAS NI MIG SNGON POR GYUR PA DANG, SER BOR MTHONG BA LA SOGS PA BSDU'O, ,GANG LA 'KHRUL BA SKYED PA YOD PA DE NI 'KHRUL PA SKYED PA'O, ,'KHRUL PA SKYED PA MED PA DE NI 'KHRUL PA MI SKYE BA STE, RAB RIB DANG MYUR DU BSKOR BA DANG, GRUR ZHUGS PA DANG, 'KHRUL PA DAG GIS 'KHRUL PA MI SKYED PA NI RAB RIB DANG, MYUR DU BSKOR PA DANG, GRUR ZHUGS PA DANG, 'KHRUL PA DAG 'KHRUG PA DAG GIS MI SKYED PA'O, ,'DI LTAR RAB RIB KYI GNOD PA NI ZLA BA LA GNYIS SU MTHONG BAR 'GYUR RO, ,MYUR DU BSKOR BA NI MGAL ME LA 'KHOR LO'O 'BYUNG NGO, ,GRUR ZHUGS STE 'GRO BAS NI CHU DOGS KYI SHING 'GRO BAR MTHONG NGO, ,RLUNG DANG MKHRIS BA LA SOGS PA 'KHRUGS PAS NI DNGOS PO 'BAR BA LA SOGS PAR MTHONG NGO, ,SHES PA NI MNGON SUM MO ZHES BYA BA LA MDO LAS SHES PA MA SMOS PAR JI LTAR RNYED CE NA, RTOG PA NI SHES PA KHO NA DANG 'BREL LA 'KHRUL BA YANG SHES PA'I CHOS YIN PAS MA MTHONG TE, DE LTA BAS NA RTOG PA DANG 'BREL BA DANG MA 'KHRUL PA NI SHES PA KHO NA LA BYA'O, ,DPER NA BE'U MED PA'I DUS MA KHRID DE SHOG CIG CES BYAS NA, RTA RGOD MA KHRID DE MI 'ONG GI DRUS MA KHRID DE 'ONG BAS 'DI LTAR DE NYID BE'U DANG 'BREL BAR MTHONG BA DE BZHIN DU, 'DIR YANG RTOG PA DANG 'KHRUL PA NI SHES PA KHO NA DANG 'BREL PAR MTHONG GI GZHAN DAG NI MA YIN PAS SHES PA KHO NA MNGON SUM DU 'DOD DO, ,DE NI RNAM PA BZHI STE ZHES BYA BA NI MNGON SUM ZHES BSNYAD PA GANG YIN PA STE, DE NI DBANG PO LAS BYUNG BA DANG, YID DANG, RANG RIG PA DANG, RNAL 'BYOR PA'I SHES PA DANG RNAM PA BZHIR RIG PAR BYA'O, ,LOG PAR RTOG PA BSAL BA'I PHYIR RAB TU DBYE BA 'DI BSTAN TE, KHA CIG NI DBANG PO NYID MTHONG BA PO YIN PAR 'DOD PAS DE BSAL BA'I PHYIR NI DANG PO STE, DBANG PO LAS BYUNG BA'I SHES PA MNGON SUM YIN GYI DBANG PO NI MA YIN NO, ,KHA CIG NI YID KYIS MNGON SUM LA SKYON 'DOGS TE; DE'I PHYIR SKYON DE YONGS SU SPANG BA'I CHED DU GNYIS PA'O, ,KHA CIG NI SEMS DANG SEMS LAS BYUNG BA RNAMS KYIS RANG RIG PA KHAS MI LEN TE, DE BSAL BA'I PHYIR GSUM PA'O, ,KHA CIG NI RNAL 'BYOR BA RNAMS KYIS MNGON SUM KHAS MI LEN TE, DE BSAL BA'I PHYIR MNGON SUM BZHI PA SMOS SO, ,DBANG @6A *, ,PO'I SHES PA ZHES BYA BA NI MIG LA SOGS PA'I DBANG PO LNGA RNAMS LA DBANG POR 'DOD KYI DBANG PO NI MA YIN NO, ,YID KYI MNGON SUM NI LOGS SHIG TU BSTAN PA'I PHYIR RO, ,DE BAS NA MIG LA SOGS PA'I DBANG PO LA BRTEN PA'I SHES PA NI DBANG PO LAS BYUNG BA'I MNGON SUM YIN NO, , RANG GI YUL GYIS DE MA THAG TU YUL LHAN CIG BYED PA CAN DBANG PO'I SHES PA MTSUNGS PA DE MA THAG PA STE, RKYEN GYIS BSKYED PA YIN GYI, RNAM PAR SHES PA'O ZHES BYA BA NI DER RANG GI YANG YIN LA YUL YANG YIN PAS RANG GI YUL TE, BDAG GI DMIGS PA ZHES BYA BA'I THA TSIG GO, ,RANG YUL GYI DE MA THAG BA NI RANG GI YUL GYI DE MA THAG PA STE, SKAD CIG MA GNYIS PA LAS BYUNG BA NYID DANG 'DRA BA LA NI DE MA THAG PA'I SGRAR BRJOD DO, ,DE NI RANG GI YUL GYI DE MA THAG PA YANG YIN LA YUL YANG YIN PAS RANG GI YUL GYI DE MA THAG PA YUL LO, ,DBANG PO'I SHES PA GANG LA DE LHAN CIG BYED PA YOD PA DE NI RANG GI YUL GYI DE MA THAG PA YUL GYI LHAN CIG BYED PA CAN DBANG PO'I SHES PA STE, DBANG PO'I SHES PA MTSUNGS PA DE MA THAG PA'I RKYEN DU GYUR PA DES SKYED PA GANG YIN PA DE NI YID TZAM LA BRTEN PA'I PHYIR YID KYI MNGON SUM ZHES BYA'O, ,'DIR RANG GI YUL GYI DE MA THAG PA YUL ZHES BYA BA'I SGRAS NI GZUNG BA DANG 'DZIN PA'I PHYIR RTOG PAR BYED PA MA YIN PA'I SKYON DANG, RIGS MI MTHUN PA'I YUL LA 'DZIN PA'I SKYON YANG YONGS SU SPANGS PAR RIG PAR BYA STE, 'DI LTAR YID KYI MNGON SUM DE NI DBANG PO'I RNAM PAR SHES PA'I YUL GYI DE MA THAG PA SKAD CIG MA GNYIS PA LA SKYE BA GANG YIN PA DE'I YUL DE YIN PAR 'DOD DO, ,DE BAS NA GZUNG BA DANG 'DZIN PA MED PAR THAL BA'I NYES PA YANG YONGS SU LTA GA LA 'GYUR RO, ,GANG GI TSE DE MA THAG PA'I SGRA RIGS MTHUN PA LA YANG BYA BA DE'I CHA RIGS MI MTHUN PA'I YUL LA 'DZIN PAR YANG THAL BAR GA LA 'GYUR, DBANG PO'I RNAM PAR SHES PA MTSUNGS PA DE MA THAG PA'I RKYEN GYIS BSKYED PA ZHES BYA PA'I THA TSIG DES NI LONG BA DANG 'ON PA LA SOGS PA MED PAR THAL BA'I NYES PA YANG YONGS SU SPANGS PA YIN TE, LONG BA DANG 'ON PA GNYIS KYIS YID KYI RNAM PAR SHES PA LA NI MTSUNGS BA DE MA THAG PA'I RKYEN DBANG PO'I RNAM PAR SHES PA MED DO, ,DE BAS NA GANG LA LA DAG NA RE YID KYI RNAM PAR SHES PAS PHYI @6B ROL GYI YUL MNGON SUM DU BYED PAR KHAS LEN NA, 'DI LTAR LONG BA DANG 'ON PA LA SOGS PA MED PAR THAL BAR 'GYUR RO ZHES SMRAS PA DE YONGS SU SPANGS PAR RIG PAR BYA'O, ,SEMS DANG SEMS LAS BYUNG BA'I THAMS CAD RANG RIG BA ZHES BYA BA NI DE DAG THAMS CAD KYANG YIN LA SEMS DANG SEMS LAS BYUNG BA YANG YIN PAS SEMS DANG SEMS LAS BYUNG BA THAMS CAD DO, ,THAMS CAD CES SMOS PA NI NOR BA'I SHES PA RNAMS KYANG YONGS SU BSDUS TE, DE DAG GIS RANG GI NGO BO RAB TU GSAL BA GANG YIN PA DE NI RANG GI RIG PA YIN NO, ,'DI LTAR SEMS DANG SEMS LAS BYUNG BA THAMS CAD NI RTOGS PAR BYA BA'I RANG BZHIN CAN YIN PA'I PHYIR RANG GI NGO BO RIG PAR BYED BZHIN DU SKYE STE, DPER NA MAR ME NI RAB TU GSAL BA'I RANG BZHIN CAN YIN PA'I PHYIR BDAG NYID RAB TU GSAL BAR BYED PA BZHIN DU SKYE'I, RANG GI NGO BO RAB TU GSAL BAR BYA BA LA MAR ME GZHAN LA MI LTOS SO, ,DE BZHIN DU SEMS DANG SEMS LAS BYUNG BA RNAMS KYANG RANG GI NGO BO RTOGS PAR BYA BA LA SHES PA GZHAN LA MI LTOS PA YIN TE, DE'I PHYIR RANG GRUB PA'I NGO BO RNAMS NI BDAG NYID LA MNGON SUM GYI TSAD MA YIN NO, ,YANG DAG PA'I DON BSGOM PA'I RAB KYI MTHA' LAS BYUNG BA RNAL 'BYOR BA'I SHES PA'O ZHES BYA BA LA YANG DAG PA NI PHYIN CI MA LOG PA'I DON TE, 'PHAGS PA'I BDEN PA BZHI PO DAG GO, ,DE BSGOM PA NI YANG DAG PA'I DON BSGOM PA STE, BSGOM PA ZHES BYA BA NI GOMS PA'O, ,DE'I RAB NI YANG DAG PA'I DON BSGOM PA'I RAB KYI MTHA' LAS BYUNG BA'I RNAL 'BYOR BA'I ZHES BYA BA LA YANG DAG PA STE, DRAN PA NYE BAR GZHAG PA DANG, DRO BAR GYUR PA DANG, RTZE MO DANG, BZOD BA'I GNAS SKABS SO, ,DE'I MTHA' NI YANG DAG PA'I DON BSGOM PA'I RAB KYI MTHA' STE, MTHA' NI CHOS KYI MCHOG CHOS SO, ,DE LAS SKYES PA NI YANG DAG PA'I DON BSGOM PA'I RAB KYI MTHA' LAS BYUNG BA'O, ,RNAL 'BYOR NI RING NGE 'DZIN LA BYA'O, ,DE GANG DAG LA YOD PA DE DAG NI RNAL 'BYOR BA RNAMS SO, , DE DAG GI SHES PA NI RNAL 'BYOR BA'I SHES PA STE, 'DI LTAR DE BSGOMS PA'I STOBS KYIS 'BYUNG BA NI BYUNG BA DANG, 'BYUNG BA DANG, 'BYUNG BAR 'GYUR BA'I DNGOS PO RNAMS GSAL BAR SNANG BA DANG, MA NOR BA'I RNAM PA DANG LDAN PAR 'BYUNG STE, DPER NA LHA LA SOGS PA'I BYIN GYI RLABS KYIS SHES PA 'BYUNG @7A *, ,BA DANG, 'BYUNG BAR 'GYUR BA'I DNGOS PO'I RNAM PA CAN MA NOR BAR 'BYUNG BA DE BZHIN DU, RNAL 'BYOR GYI MTHUS BSAM GTAN BA RNAMS KYI SHES PAS 'DAS PA DANG, MA 'ONGS PA DANG, THAG RING BA DANG, BAR DU CHOD PA DANG, PHRA MO'I DNGOS PO YUL GSAL BAR SNANG ZHING MA NOR BA'I RNAM PA DANG LDAN PA 'BYUNG STE, DE LTA BAS NA MNGON SUM GYI TSAD MAR 'DOD DO, ,'DIR SBYOR BA NI SEMS RTZE GCIG PA LHAG BA MED PA THOB PA RNAL 'BYOR BA'I DBANG PHYUG RNAMS KYI SHES PAS DNGOS PO BYUNG BA DANG, 'BYUNG BAR 'GYUR BA'I YUL DANG LDAN PA NI BYUNG BA DANG 'BYUNG BAR 'GYUR BA'I DNGOS PO DPAG TU MED PA DAG MA NOR BAR STON PA'I RGYU YIN BA'I PHYIR TSAD MA YIN TE 'BYUNG PO DANG GDON KHYAD PAR CAN BABS PA'I SHES PA BZHIN NO, ,GANG DAG TSAD MAR MI RUNG BA BZHIN BYUNG BA DANG, 'BYUNG BAR 'GYUR BA'I DNGOS PO DPAG TU MED PA DAG MA NOR BAR STON PA'I RGYUR YANG MI 'GYUR TE, DPER NA SMYON PA'I SHES PA BZHIN NO, ,THOB PAR BYED PA MED NA BYUNG BA DANG 'BYUNG BAR 'GYUR BA'I DNGOS PO DPAG TU MED PA DAG MA NOR BAR STON PA'I RGYU NYID DU MI 'THAD PA NI GNOD PAR BYED PA'I TSAD MA'I DON YIN NO, ,'DOD RGYAL GYIS NI BDAG TU MED PA MA NOR BAR STON MI SRID DO, ,DE'I PHYIR RNAM BAR BSHAD PA NI, DPER NA 'BYUNG PO DANG, GDON KHYAD PAR CAN BABS NA BYUNG BA DANG, 'BYUNG BAR 'GYUR BA'I DNGOS PO RNAMS LUNG STON BAR BYED PA DE BZHIN DU RNAL 'BYOR BA RNAMS LA YANG BYUNG BA DANG, 'BYUNG BAR 'GYUR BA'I DNGOS PO MA NOR BAR LUNG STON PAR DMIGS SO, ,DPER NA AA RU RA LA SOGS PA MA 'ONGS PA'I NAD BZLOG BA LA NUS PA DANG, SMIN PA LA SOGS PAR DRANG SRONG RNAMS KYIS MA NOR BAR LUNG BSTAN PA DMIGS PA BZHIN NO, ,YANG DPER NA BCOM LDAN 'DAS SH'AKYA THUB PA'I BSTAN PA LA MA 'ONGS PA'I LTAS BCU LUNG BSTAN PA BDEN PAR DMIGS PA DANG, MA LA SOGS LUNG BSTAN PA DANG, DUS 'GRIB PAR LUNG BSTAN PA DANG, RGYAL PO MYA NGAN MED LA SOGS PA LUNG BSTAN PA DANG, RE BA'I TSAL DANG, KHA CHE LA SOGS PA'I YUL PHYIN CI MA LOG PAR LUNG BSTAN PA DAM BCAS PA DMIGS PA LTA BU'O, ,YUL LA LOG PAR RTOG PA BSAL BA'I PHYIR, DE'I YUL NI RANG GI MTSAN NYID YIN TE ZHES BYA BA SMOS TE, MNGON @7B SUM GYI TSAD MA BSTAN PA GANG YIN PA DE'I YUL NI RANG GI MTSAN NYID KHO NA YIN PAR BLTA BAR BYA BA'I SPYI'I MTSAN NYID CES BYA BA SMOS NA MA YIN TE, SPYI'I NI DNGOS PO MED PA YIN PA DANG, MNGON SUM NI DNGOS PO'I RANG GI NGO BO LA DMIGS PA'I PHYIR RO, ,RANG GI MTSAN NYID KYANG JI LTA BU ZHIG YIN PAR KHONG DU CHUD PAR BYA ZHE NA, DE'I PHYIR SPYI DON GANG NYE BA DANG, MI NYE BA DAG LAS SHES PA LA SNANG BA THA DAD PA DE NI RANG GI MTSAN NYID DO ZHES BYA BA SMOS SO, ,NYE BA NI YUL RUNG BA NA 'DUG PA'O, ,MI NYE BA NI YUL RUNG BA MA YIN PA NA 'DUG PA DANG, THAMS CAD KYI THAMS CAD DU MED PA'O, ,NYE BA DANG NYE BA MA YIN PA DE NI NYE BA DANG MI NYE BA'O,, DE GNYIS KYIS NI SHES PA LA RNAM PAR GSAL BA DANG, MI GSAL BAR BYE BRAG TU BYED DE NYE NA NI GSAL BAR SNANG BA'I SHES PA 'BYUNG NGO, ,NYE BA MA YIN NA NI GSAL BA MA YIN PA'I SHES PA 'BYUNG NGO, ,DON GANG SHES PA LA SNANG BA BYE BRAG TU BYED PA DE NI RANG GI MTSAN NYID YIN NO, ,DNGOS PO DON DAM PAR YOD PA MNGON SUM GYI YUL MA YI NAM JI LTAR NA RANG GI MTSAN NYID YUL ZHES BYA ZHE NA, DE'I PHYIR DE NYID DON DAM PAR YOD PA STA ZHES BYA BA SMOS TE, DE NI DON YANG YIN LA DAM PA YANG YIN PAS DON DAM PA'O, ,DAM PA ZHES BYA BA NI BCOS MA MA YIN PA STE BTAGS PA MA YIN PA ZHES BYA BA'I THA TSIG GO, ,DON DAM PAR YOD PA NI DON DAM PAR YOD PA STE, RANG GI MTSAN NYID DON DAM PAR YOD PA ZHES BYA'O, ,DE BAS JI SKAD BRJOD BA'I SKYON DU MI 'GYUR RO, ,CI'I PHYIR RANG GI MTSAN NYID DON DAM PAR YOD PA YIN NO ZHES BYA ZHE NA, DE'I PHYIR DNGOS PO NI DON BYED NUS PA'I MTSAN NYID KHO NA YIN PA'I PHYIR RO ZHES BYA BA SMOS SO, ,DON ZHES BYA BA NI DGOS PA'O, ,BYED PA NI BYA BA'O, ,DON BYED PA NI DON BYED PA STE, DGOS PA BYED CES BYA BA'I THA TSIG GO, ,DER NUS PA NI DON BYED NUS PA STE, DNGOS PO GANG DON BYED NUS PA'I MTSAN NYID KYI RANG BZHIN YIN PA DE NI DON BYED NUS PA'I MTSAN NYID DO, ,DE'I NGO BO NI DON BYED NUS PA'I MTSAN NYID KHO NA'O, ,DE LTA BAS NA DON BYED NUS PA'I MTSAN NYID YIN PA'I PHYIR, 'DI SKAD DU GANG DON BYED NUS PA DE NI DNGOS PO ZHES BYA LA, RANG GI MTSAN NYID KYANG DON BYED DO ZHES BSTAN PAR 'GYUR TE, DE'I PHYIR RANG GI MTSAN NYID DON DAM PAR YOD PA'O, ,GZHAN NI SPYI'I MTSAN @8A *, ,NYID DE ZHES BYA BA NI RANG GI MTSAN NYID KYI RANG BZHIN BSHAD PA LAS GZHAN PA'I GZHAL BYA GANG YIN PA DON SPYI'I MTSAN NYID DE, DON GANG NYE BAR YANG RUNG MI NYE BAR YANG RUNG MI NYE BAR YANG RUNG SHES PA RNAM PA GCIG KHO NAR 'GYUR BA'O, ,DE NI RJES SU DPOG PA'I YUL YIN NO ZHES BYA BA NI SPYI'I MTSAN NYID RJES SU DPAG PA'I YUL KHO NA'O, ,RJES SU 'GRO BA DANG LDAN PA NYID KYIS KHYAB PA'I PHYIR RO, ,'DI NI SKABS MA YIN YANG TSIG MANG POR 'GYUR DU DOGS PAS MA BSHAD DO, ,'DI LTAR 'DIR NI RANG GI MTSAN NYID BRJOD PA'I SKABS SU BAB PAS MTSAN NYID DE LAS BZLOG NA RTOG PAR SLA BAS SPYI'I MTSAN NYID SMOS TE, 'DI NI RJES SU DPAG PA'I YUL YIN NO ZHES TSIG NYUNG DUR BYA BA'I PHYIR BKOD DO, ,GZHAN DU NA NI RJES SU DPAG PA'I YUL STON PAR TSIG 'DI DAG THAMS CAD YANG BZLAS DGOS PA 'GYUR RO, ,'BRAS BU LA LOG PAR RTOG PA GSAL BA'I PHYIR, MNGON SUM GYI SHES PA DE NYID TSAD MA'I 'BRAS BU STE ZHES BYA BA SMOS SO, ,DE'I 'BREL PA NI 'DI YIN TE, GAL TE MNGON SUM TSAD MAR 'DOD NA, DE'I TSE GZHAL BYA GZUGS LA SOGS PA LA YONGS SU DPYOD PA'I MTSAN NYID TSAD MA'I 'BRAS BU YIN PAR 'GYUR TE, DPER NA STA RES SHING LA SOGS PA GCAD PAR BYA BA LA DUM BU GNYIS SU 'GYUR BA 'BRAS BU MTHONG BA BZHIN NO, ,DE'I PHYIR MNGON SUM GYI SHES PA DE NYID TSAD MA'I 'BRAS BU STE ZHES BYA BA SMOS TE, MNGON SUM GYI SHES PA DE NYID TSAD MA'I 'BRAS BU YIN GYI MNGON SUM LAS GUD NA 'BRAS BU MED DO, ,MNGON SUM GYI 'BRAS BU'I NGO BO NYID YIN NO ZHES BYA BA DE CI'I PHYIR SNYAM PA LA, DE'I PHYIR DON RTOG PA'I NGO BO YIN PA'I PHYIR RO ZHES BYA BA SMOS TE, RTOGS PA NI GTAN LA PHEBS PA'O, ,DNGOS BZHIN DE DANG LDAN PA'I MNGON SUM GANG YIN PA DE NI DON RTOGS PA'I PHYIR NGO BO'O, ,DE'I DNGOS PO NI DON RTOGS PA'I NGO BO KHO NA STE DE'I PHYIR DON RTOGS BA'I NGO BO YIN PA'I PHYIR RO, ,DE NI 'DI SKAD DU TSAD MA DANG GZHAL BYAR THA SNYAD BTAGS PA LA DON GTAN LA 'BEBS PA'I MTSAN NYID NI 'BRAS BU YIN PAR 'GYUR TE, SHES PA NI DON GTAN LA 'BEBS PA'I RANG BZHIN YIN LA, MNGON SUM YANG SHES PA'I RANG BZHIN YIN PAR 'DOD DO, ,DE LTA BAS NA MNGON SUM NI DON GTAN LA 'BEBS PA'I RANG BZHIN YIN @8B BA'I PHYIR MNGON SUM NYID 'BRAS BU'I RANG BZHIN YIN NO ZHES BYA BAR RIG PAR BYA'O ZHES LUNG BSTAN PAR 'GYUR RO, ,GAL TE MNGON SUM NYID 'BRAS BU'I RANG BZHIN YIN NA 'O NA TSAD MA GANG ZHIG YIN PAR RIG PAR BYA SNYAM PA LA, DE'I PHYIR DON DANG 'DRA BA 'DI'I TSAD MA STE ZHES BYA BA SMOS TE, 'DRA BA NI MTHUN BA LA BYA'O, ,'DI'I ZHES BYA BA NI MNGON SUM GYI STE DON GYI RNAM PA CAN GYI MNGON SUM GANG YIN PA DE NYID TSAD MA YIN NO ZHES BYA BA'I THA TSIG GO, ,DON DANG 'DRA BA TSAD MA YIN PAR CI MNGON SNYAM PA LA, DE'I PHYIR DE'I DBANG GIS DON RTOGS PAR 'GRUB PA'I PHYIR RO ZHES BYA BA SMOS TE, GANG GI PHYIR DON DAM 'DRA BA'I DBANG GIS GTAN LA 'BEBS PA DE'I PHYIR 'DRA BA DE NYID TSAD MA MA YIN TE, 'DI LTAR 'DI NI SNGON POR RTOGS PA YIN GYI, SER PO NI MA YIN NO ZHES BYA BAR RNAM PAR GZHAG PA DE'I RGYU GANG YIN PA DE TSAD MA YIN PAR 'DOD DO, ,DBANG PO NI RNAM PAR GZHAG PA 'DI BYED PA MI NUS TE, 'DI LTAR DBANG PO DE NI SHES PA THAMS CAD KYI THUN MONG GI RGYU YIN PAS, DE'I PHYIR SO SOR NGES PA'I SA RNAM PAR GZHAG PA BYED PA NUS PA YIN NA JI LTAR 'GYUR GAL TE DBANG PO DE SNGON POR SHES PA KHO NAR SKYED PAR BYED LA, SER PO LA SOGS PAR SHES PA NI MA SKYES PA NI, DE'I TSE RNAM PAR GZHAG PA BYED PA NUS PAR 'GYUR RO, ,NYE BA YANG THUN MONG YIN PA'I PHYIR DBANG PO BZHIN TE, RNAM PAR GZHAG PA'I RGYU MA YIN NO, ,'BRAS BU NI THUN MONG MA YIN PA'I PHYIR SO SOR NGES PA'I RNAM PAR GZHAG PA'I RGYUR 'GYUR TE, 'DI LTAR SNGON PO'I RNAM PAR SHES PA LA SNGON PO'I RNAM PAR SHES PA GANG YIN PA DE SER PO LA SOGS PAR SHES PA LA MED PAR RNAM PAR GZHAG PA BYED PAR 'GYUR RO, ,GANG GI TSE SNGON PO'I RNAM PA YIN PA'I PHYIR, 'DI NI SNGON POR RTOGS PA YIN GYI, SER PO NI MA YIN NO SNYAM PA DE'I PHYIR DON DANG 'DRA BA NYID TSAD MA YIN NO, ,RIGS PA'I THIG PA'I RGYA CHER 'GREL PA SLOB MA LA PHAN PA LAS LE'U DANG PO'O,, ,,MNGON SUM DANG RJES SU DPAG PA'I BYE BRAG GIS YANG DAG PA'I SHES PA RNAM PA GNYIS SU BSTAN PA DE LA MNGON SUM NI SPROS PA DANG BCAS TE BSHAD ZIN TO, ,RJES SU DPAG PA BSHAD PAR BZHED NAS, RJES SU DPAG PA NI RNAM PA GNYIS TE ZHES BYA BA SMOS TE, RJES SU DPAG PA NI RNAM PA GNYIS SU RTOGS PAR BYA'O, ,SHES @9A *, ,PA DANG BRJOD PA'I NGO BO KHO NAS RANG DANG GZHAN GYI DON GYI RJES SU DPAG PA GNYIS SHIN TU HA DAD PA'I PHYIR THA MI DAD PA'I MTSAN NYID NI CUNG ZAD KYANG MED NA, GANG GIS NI SNGAR MTSAN NYID BRJOD PAR BYA, RAB TU DBYE BA BYAS NA SO SOR NGES PA'I MTSAN NYID BDE BLAG TU BRJOD PAR NUS PAS DE'I PHYIR SNGAR RAB TU DBYE BA BSTAN TO, ,RANG GI DON DANG, GZHAN GYI DON TO ZHES BYA BA NI BYE BRAG GIS RNAM PAR GNYIS KHO NAR STON PAR BYED DO, ,'DI'O DON CES BA NI DGOS BA BYA BA STE, RANG GI DGOS PA DANG, GZHAN GYI DON DGOS PA ZHES BYA BA'I THA TSIG GO, ,GANG GIS BDAG NYID KYIS RTOGS PAR 'GYUR BA DE NI RANG GI DON YIN LA GANG GIS GZHAN LA GO BAR BYED PA DE NI GZHAN GYI DON YIN PAR KHONG DU CHUD PAR BYA'O, ,DE LA RANG GI DON NI RJES SU DPAG PAR BYA BA LA TSUL GSUM PA'I RTAGS LAS SHES PA GANG YIN PA STE ZHES BYA BA NI 'DI TSUL GSUM PA CAN YIN PAS NA 'DI NI TSUL GSUM PA'O, ,'DIS DON MTSON PAR BYED PAS NA RTAGS SO, ,DE NI RJES SU DPAG PAR BYA BA YIN PAS RJES SU DPAG PAR BYA'O, ,RJES SU DPAG PAR BYA BA LA MTSAN NYID GSUM PA'I RGYU LAS SHES PA SKYE BA GANG YIN PA DE NI RANG GI DON RJES SU DPAG PA ZHES BYA BA'O, ,RTAG PA LTAR SNANG BA LAS SHES PA BSKYED PA GANG YIN PA DE RJES SU DPAG PA NYID YIN PA BSAL BA'I PHYIR TSUL GSUM PA ZHES BYA BA SMOS SO, ,RTAGS SHES PA DNGOS PO RJES SU DPAG PA GNYIS YIN PA BSAL BA'I PHYIR RJES SU DPAG PAR BYA BA SMOS SO,,SHES PA SMOS PA NI RTAGS RJES SU DPA PA DNGOS SU 'GYUR BA BSAL BA'I PHYIR RO, ,GAL TE RJES SU DPAG BAR BYA BA'I YUL SHES PA TSAD MA YIN PAR 'DOD NA 'O NA 'BRAS BU GANG ZHIG YIN SNYAM PA LA DE'I PHYIR, 'DIR YANG TSAD MA'I 'BRAS BU RNAM PAR GZHAG PA NI MNGON SUM DANG 'DRA'O ZHES BYA BA SMOS TE, 'DI LTAR MNGON SUM LA SHES PA DE NYID MTSAN MA'I 'BRAS BUR BSHAD PA DE BZHIN DU 'DIR YANG RJES SU DPAG PA'I SHES PA NYID TSAD MA'I 'BRAS BU YIN TE, DON GTAN LA 'BEBS PA'I RANG BZHIN CAN YIN PA'I PHYIR RO, ,JI LTAR MNGON SUM GYI DON DANG 'DRA BA TSAD MA YIN PA DE BZHIN DU RJES SU DPAG PA'I DON DANG 'DRA BA NYID TSAD MA YIN TE, DE'I DBANG GIS DON GTAN LA 'BEBS PA 'GRUB PA'I PHYIR RO, ,TSUL GSUM PA'I RTAGS LAS ZHES @9B BSHAD PA, TSUL GSUM PO DE GANG YIN SNYAM PA LA DE'I PHYIR, TSUL GSUM PA NYID KYI RTAGS NI ZHES BYA BA SMOS TE, TSUL GSUM PA'I DNGOS PO NI TSUL GSUM PA NYID DO, ,RJES SU DPAG BAR BYA BA LA YOD PA NYID DANG ZHES BYA BA NI 'OG NAS 'BYUNG BA'I RJES SU DPAG PAR BYA BA'I MTSAN NYID LA YOD PA NYID NI TSUL GCIG YIN TE, DE LA YOD PA ZHES SMOS BAS NI MIG GIS GZUNG BA YIN PA'I PHYIR RO ZHES BYA BA LA SOGS PA DAG GO, ,BSTAN PA SMOS PAS NI, PHYOGS LA GCIG MA GRUB PA LA SOGS PA BSAL TE, MTHUN PA'I PHYOGS NYID LA YOD PA ZHES BYA BA NI RIGS MTHUN PA'I PHYOGS LA YOD PA NYID TSUL GNYIS PA YIN TE, 'DIR YOD PA ZHES SMOS PAS NI THUN MONG MA YIN PA'I MA NGES PA BSAL TO, ,BAS TAN PA SMOS PAS NI THUN MONG LA NGES PA BSAL TO, ,GNYI GA SMOS PAS NI 'GAL BA BSAL TO, ,MI MTHUN PA'I PHYOGS LA MED PA NYID CES BYA BA NI, RIGS MI MTHUN PA LA GCIG TU MED PA NYID NI TSUL GSUM PA YIN TE, 'DIR MED PA ZHES SMOS PAS NI THUN MONG LA MA NGES PA DANG 'GAL BA BSAL TO, ,BSTAN PA SMOS PAS NI MI MTHUN PA'I PHYOGS KYI PHYOGS GCIG LA YOD PA YONGS SU SPANGS SO, ,NGES PA'O ZHES BYA BA NI THA MAR SMOS BA'I PHYIR RO, ,GSUM CHAR LA SPANGS PA NYID KYIS GSUM CHAR LA YANG DES RIG PAR BYA'O, ,TSUL GSUM PO DE DAG NI BDAG NYID NI TSAD MA JI LTA BU DAG GIS NGES PA YIN PAR GZUNG BAR BYA'O, ,GZHAN DU NA NI RJES SU DPAG PAR BYA BA LA YID CHES PAR BYA BAR MI NUS PA NYID DO, ,RJES SU DPAG PAR BYA BA YANG GANG YIN SNYAM PA LA DE'I PHYIR RJES SU DPAG PAR BYA BA ZHES BYA BA NI 'DIR SHES PAR 'DOD PA'I BYE BRAG DANG LDAN PA'I PHYIR CHOS CAN ZHES BYA BA SMOS TE, 'DIR ZHES BYA BA NI GTAN TSIGS KYI MTSAN NYID LA'O, ,SHES PAR 'DOD PA NI RTOGS PAR 'DOD PA'O, ,BYE BRAG CES BYA BA NI KHYAD PAR LA BYA'O, ,GANG LA SHES PAR 'DOD PA'I BYE BRAG YOD PA'I DE NI SHES PAR 'DOD PA'I BYE BRAG DANG LDAN PA'O, ,CHOS RNAMS GANG LA YOD PA DE NI CHOS CAN TE, DES NI 'DI SKAD DU CHOS CAN GANG GI BYE BRAG 'GA' ZHIG RTOGS PAR 'DOD PA'I CHOS CAN DE NI RJES SU DPAG PAR BYA BA YIN LA, DE NI GTAN TSIGS KYI MTSAN NYID KYI SKABS SU YIN PAR KHONG DU CHAD PAR BYA'O ZHES BSTAN PAR 'GYUR RO, , @10A *, ,GZHAN DU NI CHOS KYIS KHYAD PAR BYAS PA'I CHOS CAN NI RJES SU DPAG BAR BYA BA YIN NO, ,'O NA MTHUN PA'I PHYOGS PA GANG YIN SNYAM PA LA, MTHUN PA'I PHYOGS NI BSGRUB BAR BYA BA'I CHOS SPYI DANG DON MTHUN PA'I ZHES BYA BA SMOS TE, MTHUN PAR DPAG PA NI MTHUN PA'O, ,SHES PA 'DRA BAS YONGS SU GCAD PAR BYA BA YIN TE, 'DRA BA ZHES BYA BA'I THA TSIG STE, DON 'DRA BA GANG YIN PA DE NI MTHUN PA'I PHYOGS YIN NO, ,RNAM PA GANG GIS MTHUN ZHE NA, DE'I PHYIR 'DI SKAD DU BSGRUB PAR BYA BA'I CHOS KYI SPYI DANG ZHES BYA BA SMOS TE, DE NI BSGRUB PAR BYA BA YANG YIN LA CHOS KYANG YIN PAS BSGRUB PAR BYA BA'I CHOS TE, DE'I SPYI NI BSGRUB BAR BYA BA'I CHOS KYI SPYI'O, ,BSGRUB PAR BYA BA'I CHOS KYI BYE BRAG NI DON SO SOR NGES BA'I PHYIR, DE DANG NI MI 'GAL YANG MTHUN PA MA YIN PAS, BSGRUB PAR BYA BA'I CHOS KYI SPYI DANG ZHES BYA BA SMOS SO, ,MI MTHUN PA'I PHYOGS KYANG GANG YIN SNYAM BA LA, MI MTHUN PA'I PHYOGS NI MTHUN PA'I PHYOGS MA YIN PA STE ZHES BYA BA SMOS TE, GANG MTHUN PA'I PHYOGS MA YIN BA DE THAMS CAD NI MI MTHUN PA'I PHYOGS ZHES BYA'O, ,DE LAS GZHAN PA ZHES BYA BA NI MTHUN PA'I PHYOGS LAS GZHAN PA GANG YIN PA STE, DPER NA TSA BA'I RENG BA BSGRUB PAR BYA BA LTA BA YANG MA YIN GRANG BA YANG MA YIN PA'I DNGOS PO LTA BU'O, ,DE DANG 'GAL BA ZHES BYA BA NI MTHUN PA'I PHYOGS DE DANG 'GAL BA STA, DPER NA TSA BA'I REG PA KHO NA BSGRUB PAR BYA BA LAS GRANG BA'I DNGOS PO LTA BU'O, ,DE MED PA'O ZHES BYA BA NI MTHUN PA'I PHYOGS MED BA STE, DPER NA MDO SDE BA'I MI RTAG PA NYIS GRUB PAR BYED PA LA MI RTAG PA NYID MED PA TZAM ZHIG MI MTHUN PA'I PHYOGS YIN PA LTA BU STE, NAM MKHA' LA SOGS PA LA RTAG PAR DE GANG YIN PAS MI LEN PA'I PHYIR RO, ,DON RNAM PA GSUM PAR MTHUN PA'I PHYOGS MA YIN PAS MI MTHUN PA'I PHYOGS ZHES BYA STE, MED PA NI DNGOS SU MTHUN PA'I PHYOGS MA YIN NO, ,GZHAN PA DANG 'GAL BA GNYIS NI BRGYUD PAS MTHUN PA'I PHYOGS MED PA NYID DO, ,JI SKAD DU BSHAD PA'I GTAN TSIGS KYI MTSAN NYID DANG LDAN PA'I GTAN TSIGS NI DI ZHIG SNYAM PA LA DE'I PHYIR RO, ,TSUL GSUM PO DAG NI LHAG MA GSUM KHO NA DANG LDAN PA ZHES BYA BA SMOS TE, JI SKAD BSTAN PA'I TSUL GSUM NI GSUM KHO NA LA @10B SRID DE LHAG PA NI MED DO, ,NI ZHES BYA BA NI RNAM PA'I DON TE, RTAGS GSUM CHAR LA YANG TSUL GSUM PO DAG BLTA BAR BYA'I, TSUL RE RE'AM, TSUL GNYIS GNYIS PAR NI MA YIN NO, ,RTAGS GSUM YANG GANG DAG YIN SNYAM PA LA, MA DMIGS PA DANG, RANG BZHIN DANG 'BRAS BU'O ZHES BYA BA SMOS TE, RANG RANG GI MING GIS RTAGS GSUM STON BAR BYED DO, ,DE LA MI DMIGS PA NI ZHES BYA BA NI RE ZHIG MI DMIGS PA'I RANG GI NGO BO STON PAR BYED DO, ,DPER NA ZHES BYA BA NI NYE BAR MTSON PA'I TSIG GO, ,PHYOGS KYI BYE BRAG 'GA' ZHIG NA BUM PA ME DE ZHES BYA BA NI PHYOGS NYE BAR GZHAG PA'I TSIG YIN NO, ,DE LA 'GREL PA NI 'DI LTAR BYA STE, PHYOGS KYI BYE BRAG BA 'BA' ZHIG NA BUM MED DE ZHES BYA BA LA, 'GA' ZHIG NA ZHES BYA BA DES NI CHOS CAN BSTAN TO, ,PHYOGS KYI BYE BRAG CES BYA BAS NI DE NYID BYE BRAG TU BYAS PA STE RGOL BA 'DOD PA'I PHYOGS NA BUM PA MED DO ZHES BSTAN PAR 'GYUR GYI, PHYOGS THAMS CAD NA BUM PA MED PAR SGRUB BA YANG MA YIN LA, GANG YANG RUNG BA ZHIG NA YANG MA YIN NO, ,DMIGS PA'I RIG BYAR GYUR BA LAS ZHES BYA BA NGES NI GTAN TSIGS KYI BYE BRAG BSTAN TO, ,DMIGS PA ZHES BYA BAS NI SHES PA YIN PAR STON TO, ,DE NI RIG PAR BYA BA YIN PAS RIG BYA STE YUL ZHES BYA BA'I THA TSIG GO, ,DMIGS PA'I RIG BYA NI DMIGS PA'I RIG BYA'O, ,DER GYUR PA NI DMIGS PA'I RIG BYAR GYUR PA STE, DMIGS PA'I YUL NYID DU RUNG ZHES BYA BA'I THA TSIG GO, ,SDOD PA'I SA GZHI MI DMIGS PA'I PHYIR RO ZHES BYA BA LTA BU'O ZHES BYA BA NI MI SNANG BA'I PHYIR RO ZHES BYA BA'I DON TO, ,'DI SKAD DU PHYOGS LA SOGS PA NI SNANG BA MTSUNGS PAR RUNG BA'I NGO BO BUM PA LA SOGS PA NI MI SNANG BA'I PHYIR TE, BUM PAS STOD PAS SA GZHI STONG BA'I PHYIR RO ZHES BYA BA'I THA TSIG GO, ,'ON NA DMIGS PA'I RIG BYAR GYUR PA DE YANG GANG YIN SNYAM PA LA DE'I PHYIR, DMIGS PA'I RIG BYAR GYUR PA NI DMIGS PA'I RKYEN GZHAN TSANG BA NYID DANG, RANG BZHIN KHYAD PAR CAN ZHES BYA BA SMOS TE, DMIGS PA ZHES BYA BA NI SHES PA'O, ,RKYEN GZHAN NYID DMIGS PA'I RKYEN GZHAN DAG GO, ,DMIGS PA'I RKYEN NI DER BUM PA NYID DO, DE LAS GZHAG PA DAG NI DE MA THAG PA'I RKYEN LA SOGS PA DAG GO @11A *, ,DE DAG TSANG BA NI DMIGS PA'I RKYEN GZHAN TSANG BA NYID DO, ,TSOGS PA NI TSANG BA'I SGRAR BRJOD DO, ,KHYAD PAR CAN GYI RANG BZHIN NI RANG BZHIN KHYAD PAR CAN TE, DE GNYIS NI DMIGS PA'I RIG BYAR GYUR PA'I SGRAR BRJOD DO, ,'O NA RANG BZHIN KHYAD PAR CAN GANG YIN SNYAM PA LA, RANG BZHIN GANG YOD LA DMIGS PA'I RKYEN GZHAN DAG KYANG YOD NA MNGON SUM KHO NAR 'GYUR PA'O ZHES BYA BA SMOS TE, DNGOS PO GANG ZHIG YOD CING MIG LA SOGS PA NYE BAR GYUR LA BSKAL PA RNAM PA GSUM GYIS MA BSKAL NI MTHONG BAR NUS PA 'DI NI 'DIR RANG BZHIN KHYAD BAR CAN DU BZHED DE, DES NA 'DI SKAD DU MIG LA SOGS PA'I TSOGS KYANG LTAR RUNG BA BUM PA MI DMIGS PA'I PHYIR, 'DIR NI BUM PA MED DO ZHES BYA BAR BSTAN PAR 'GYUR RO, ,RANG BZHIN GYI GTAN TSIGS KYI MTSAN NYID BSTAN PAR BYA BA'I PHYIR RO, ,RANG BZHIN NI RANG YOD PA TZAM DU GYUR PA BSGRUB PAR BYA BA'I CHOS KYI GTAN TSIGS TE ZHES BYA BA SMOS TE; YOD PA TZAM ZHES BYA BA NI BSGRUB PA YOD PA TZAM LA BYA BA'O, ,YOD PA TZAM DU GYUR PA'I NGANG TSUL CAN GANG YIN PA DE NI YOD PA TZAM DU GYUR PA'O, ,YOD PA TZAM DU GYUR PA BSGRUB PAR BYA BA'I CHOS DE LA RANG BZHIN GYI GTAN TSIGS YIN PAR KHONG DU CHUD PAR BYA'O, ,DPER NA SHING SHA BA YIN PA'I PHYIR, 'DI NI SHING NGO ZHES BYA BA LTA BU'O ZHES BYA BA NI SHING SHA BA TZAM DANG 'BREL PA YIN TE, DE LTA BAS NA DES SGRUB PAR BYED DO, ,'BRAS BU NI DPER NA DU BA YOD PA'I PHYIR, DE NA ME YOD PA ZHES BYA BA LTA BU'O ZHES BYA BA NI 'BRAS BU'I GTAN TSIGS STON PAR BYED DE, ME LA RAG LUS TE SKYE BA'I DU NA GANG NA YOD PA DE NA ME YOD PAR KHONG DU CHUD PAR BYED DO, ,'O NA CI'I PHYIR RTAGS GSUM DU RNAM PAR GZHAG SNYAM PA DE'I PHYIR 'DI GNYIS NI DNGOS PO SGRUB PA'O, ,GCIG NI DGAG PA'I GTAN TSIGS SO ZHES BYA BA SMOS TE, GANG GI PHYIR DNGOS PO DANG, DNGOS PO MED PA'I NGO BOS RJES SU DPAG PAR BYA BA RNAM PA GNYIS YIN PA'I PHYIR, DNGOS PO BSGRUB PA DANG, DNGOS PO MED PA SGRUB PA'I GTAN TSIGS KYANG GNYIS SO, ,RJES SU DPAG PAR BYA BA LA DNGOS PO'I NGO BO YANG RNAM PA GNYIS TE, DNGOS PO DANG THA DAD PA DANG, THA MI DAD PA'O, ,RJES SU DPAG PAR BYA BA'I DNGOS PO'I NGO BO RNAM PA GNYIS YOD PAS DNGOS PO BSGYUR PA YANG RNAM PA @11B GNYIS SU 'GYUR TE, 'DI LTAR BSGRUB PAR BYA BA'I GTAN TSIGS DNGOS PO DANG THA DAD PAS KYANG BSGRUB PAR BYA BA THA MI DAD PA BSGRUB PAR MI NUS LA, BSGRUB PAR BYA BA'I GTAN TSIGS THA DAD PAS KYANG BSGRUB PAR MI NUS TE, DE LA BSGRUB PAR BYA BA DANG, SGRUB PAR BYED PA THA MI DAD PA NI RANG BZHIN GYI GTAN TSIGS YIN NO, ,BSGRUB PAR BYA BA DANG, SGRUB PAR BYED PA THA DAD PA NI 'BRAS BU'I GTAN TSIGS YIN NO, ,MI DMIGS PA NI DNGOS PO MED PA'I GTAN TSIGS YIN NO, ,DES BAS NA GANG GI PHYIR GNYIS PA DNGOS PO SGRUB PAR BYED LA, GCIG NI DGAG PA SGRUB PAR BYED PA'I PHYIR RTAGS GSUM STE, GNYIS NI DNGOS PO SGRUB PA YIN LA, GCIG NI DGAG PA'I GTAN TSIGS KHO NA YIN PAR BLTA BAR BYA'O, ,'O NA CI'I PHYIR, DNGOS PO SGRUB PAR BYED PA GNYIS KHO NA YIN SNYAM PA LA, DE'I PHYIR RANG BZHIN 'BREL BA YOD NA, DON GYIS DO NGO BAR BYED DE ZHES BYA BA SMOS TE, RANG BZHIN DANG 'BREL PA DANG; ,RANG BZHIN GYI NGO BOS 'BREL PA NI RANG BZHIN GYIS 'BREL BA STE, DE YOD NA RTAGS KYI MTSAN NYID KYI DON GYI BSGRUB PAR BYA BA'I MTSAN NYID KYI DO NYID CHES PAR BYED DO ZHES BYA BA'I THA TSIG GO, ,CI'I PHYIR RANG BZHIN 'BREL PA KHO NA YOD NA DON GYIS DON GO BAR BYED CE NA, DE'I PHYIR DE DANG MA 'BREL NA DER MI 'KHRUL PAR NGES PA MED PA'I PHYIR ZHES BYA BA SMOS TE, GANG GI PHYIR GANG ZHIG GANG DANG MA 'BREL PA DE NI DER MI 'KHRUL PAR GDON MI ZA BA MA YIN PA DE'I PHYIR, 'BREL PAR YOD NA GO BAR BYED PA DANG, GO BAR BYA BA YIN PAR RIG PAR BYA'I, GZHAN DU NI MA YIN NO, ,DA NI GANG ZHIG GANG DANG 'BREL PA DANG, NGO BOS 'BREL PA GANG YIN PA DE BSTAN PAR BYA BA'I PHYIR, BSGRUB PAR BYA BA'I DON LA RTOG PAR 'BREL PA DE YANG DNGOS SUN 'GRUB PAR BYED PA'I DON GYI RANG BZHIN YIN PA'I PHYIR RO ZHES BYA BA SMOS SO, ,GANG GI PHYIR DON DAM PAR NA, RTAGS 'GA' ZHIG BSGRUB PAR BYA BA'I DON GYI RANG BZHIN YIN PA DE'I PHYIR DE NI DE DANG 'BREL PA YIN NO, ,BSGRUB PAR BYA BA'I DON LAS BYUNG BA'I PHYIR TE ZHES BYA BA NI GANG GI PHYIR RTAGS 'GA' ZHIG BSGRUB PAR BYA BA'I DON LAS BYUNG BA YIN PA'I PHYIR, DE NI DE DANG 'BREL PA MED PA, CI'I PHYIR NA, BSGRUB PAR BYA BA'I DON GYI RANG BZHIN DANG, BSGRUB PAR BYA BA'I PHYIR DON LAS BYUNG BA'I KHO NA @12A *, ,RTAGS KYI 'BREL PA NYID DU BRJOD CE NA, DE'I PHYIR, DE'I RANG BZHIN MA YIN PA DANG, DE LAS BYUNG BA MA YIN PA DE NI DE DANG 'BREL PA MED PA'I RANG BZHIN YIN PA'I PHYIR RO ZHES BYA BA SMOS TE, GANG ZHIG BSGRUB PAR BYA BA DANG LHAN CIG TU RANG BZHIN GCIG PA MA YIN PA DANG, GANG YANG BSGRUB PAR BYA BA'I DON LAS BYUNG BA MA YIN PA DE NI DE DANG RNAM PA GANG GIS 'BREL PAR BRJOD PA , MA 'BREL PA NI RTAGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA DE'I BDAG NYID DANG, DE LAS BYUNG BA GNYIS KHO NAS 'BREL PA NYID DU BRJOD PAR BYA'I, GZHAN DU NI MA YIN NO; ,GAL TE DE LTAR YIN DU ZIN KYANG DE LAS CI ZHIG TU 'GYUR ZHE NA, DE'I BDAG NYID DANG, DE LAS BYUNG BA DE GNYIS KA RANG BZHIN DANG 'BRAS BU KHO NA YIN ZHES BYA BA SMOS TE, DE'I BDAG NYID NI RANG BZHIN GYI GTAN TSIGS KYI 'BREL PA YIN NO, ,DE LAS BYUNG BA NI 'BRAS BU'I GTAN TSIGS KYI 'BREL PA YIN TE, DE'I PHYIR, DE GNYIS KHO NAS DNGOS PO 'GRUB PO ZHES BYA BA SMOS SO, ,GANG GI PHYIR DE'I BDAG NYID DANG, DE LAS BYUNG BA GNYIS RANG BZHIN DANG 'BRAS BU KHO NA YIN PA DE'I PHYIR, DE GNYIS KHO NAS DNGOS PO SGRUB PAR NUS KYI, 'BREL PA MED PA GZHAN GYIS NI MA YIN TE, DE LTA BAS NA DNGOS PO SGRUB PA NI GNYIS KHO NA'O ZHES BYA BAR GNAS SO, ,GCIG NI DGAG PA'I GTAN TSIGS SO ZHES BSHAD PA YIN PA DE GANG ZHE NA, DE'I PHYIR, DGAG PA SGRUB PA YANG MI DMIGS PA JI SKAD SMOS PA KHO NAS 'GYUR ZHES BYA BA SMOS TE, DMIGS PA'I RIG BYAR GYUR BA LAS MI DMIGS PA'I SHES BSHAD PA GANG YIN PA GCIG PO DE NYID DGAG PA'I GTAN TSIGS YIN NO, ,CI'I PHYIR ZHE NA DE'I PHYIR, DNGOS PO YOD NA NI DE MI SRID PA'I PHYIR RO ZHES BYA BA SMOS TE, 'DI LTAR DNGOS PO YOD PA'I 'GYUR BA NI MI SRID PA NYID DO, ,MI DMIGS PA JI SKAD DU BSHAD PA NYID DNGOS PO MED PA'I THA SNYAD SGRUB PAR BYED PA YIN NO ZHES BYA BA DE GANG LAS SHE NA, GZHAN DU NA NI YUL DANG DUS DANG RANG BZHIN GYIS BSKAL PA'I DON DMIGS PA'I REG BYAR MA GYUR PA RNAMS LA RANG GI MNGON SUM LOG KYANG DNGOS PO MED PA NGES PA'I PHYIR RO ZHES BYA BA SMOS TE, GAL TE JI LTAR SMOS PA'I KHYAB PAR MI BRTEN PA, DE'I TSE @12B DMIGS PA'I RIG BYAR GYUR PA MA YIN PA YUL DANG, DUS DANG, RANG BZHIN GYIS BSKAL PA DAG GIS BSKAL PA'I DON GANG DAG YIN PA DE DAG LA SGRUB PA PO'I MNGON SUM LOG PA GANG YIN PA DES DNGOS PO MED PAR NGES PAR BYED MI NUS SO, ,NI ZHES BYA BA NI GANG GI PHYIR ZHES BYA BA'I DON YIN PAR KHONG DU CHUD PAR BYA'O, ,YUL DANG DUS DANG RANG BZHIN RNAMS NI YUL DANG DUS DANG RANG BZHIN DAG STE, DE DAG GIS BSKAL PA LA NI DE SKAD CES BRJOD DO, ,DE LA YUL DPAG TU MED PAS BAR DU CHOD PA NI YUL GYIS BSKAL PA RNAMS SO, ,BSKAL PA MI NYUNG BA ZHIG GIS BAR DU CHOD PAR DAG NI DUS KYIS BSKAL PA RNAMS SO, ,DBANG POS MI SOGS PA'I DNGOS PO RNAMS NI RANG BZHIN GYIS BSKAL PA DAG NI YIN PAR KHONG DU CHUD PAR BYA'O, ,DE'I PHYIR 'DI DMIGS PA'I RIG BYAR MA GYUR PA ZHES BYA BA DES I DMIGS PA'I RKYEN TSANG PA MED PAR STON TO, ,YUL DANG DUS DANG RANG BZHIN GYIS BSKAL PA ZHES BYA BA DES NI RANG BZHIN KHYAD PAR CAN GYI DNGOS PO MED PAR STON PAR BYED DE, DE LTA BAS NI MI DMIGS PA JI SKAD BSHAD PA NYID DGAG PA SGRUB PA YIN NO ZHES BYA BAR GNAS SO, ,DE LTAR RE ZHIG DUS KYI BYE BRAG KHAS MI BLANG BAR JI SKAD SMOS PA'I MI DMIGS PA NI DGAG PA SGRUB PA NYID YIN PAR BRJOD DO, ,DA NI DUS KYI BYE BRAG YONGS SU SMOS PAS DE BSGRUB PA NYID DU BSTAN PAR BYA BA'I PHYIR, MI RMONGS PAR DRAN PA'I 'DU BYED CES BYA BA SMOS TE, DRAN PA SKYED PAR BYED PA'I 'DU BYED YIN TE, DRAN PA'I SA BON ZHES BYA BA'I THA TSIG GO, ,MI RMONGS PA DRAN PA'I 'DU BYED BUM PA LA SOGS PA GANG LA YOD PA DE LA DE SKAD CES BRJOD DO, ,SGRUB PA PO'I MNGON SUM 'DAS PA DANG LTAR GYI LOG CES BYA BA NI 'DAS PA DANG, DA LTAR GYI DUS NI STONG PA'I NGO BO'I PHYOGS LA SOGS PA DMIGS PA GANG YIN PA'I PHYOGS LA SOGS PA DE DANG MTHUN PAR RUNG BA'I NGO BO BUM PA LA SOGS PA GANG YIN PA DE NI 'DAS PA DANG, DA LTAR GYI PHYOGS DANG MTHUN PAR RUNG BA'I NGO BO YIN PA'I PHYIR 'DAS PA DANG DA LTAR DU BSTAN TO, ,GZHAN DU NA NI PHYOGS LA SOGS PA NA BUM PA LA SOGS PA MED NA, 'DAS PA NYID DU 'AM, DE LTAR NYID DU LHAG LA 'GYUR, SGRUB PA PO NI LHA SBYIN LA SOGS PA'O, ,DE'I MNGON SUM GYI LONGS @13A *, ,SU GCAD PAR BYA BA YIN PA'I PHYIR, BUM PA LA SOGS PA NI MNGON SUM YIN NO, ,'DIR YANG MNGON SUM GYI YONGS SU GCAD PAR BYA BA PHYOGS LA SOGS PA DANG MTHUN PAR RUNG BA'I NGO BO YIN PA'I PHYIR, BUM PA LA SOGS PA MNGON SUM NYID DU BSTAN TO, ,DON DAM PAR NA DE NA BUM PA LA SOGS PA MED NA JI LTAR MNGON SUM DU 'GYUR, DE SKAD DU BSHAD PA'I TSUL GYIS NI SGRUB PA PO'I MNGON SUM 'DAS PA DANG, DA LTAR GYI LOG PA NI MA YIN PA LA BRTEN PA'I PHYIR, GZHAN GYI DNGO PO'I MTSAN NYID DU YIN TE, BUM PA LA SOGS PAS STONG PA'I SA GZHI'I RANG BZHIN NO ZHES BYA PA'I THA TSIG GO, ,DNGOS PO MED PA'I THA SNYAD 'JUG STE ZHES BYA BA LA DNGOS PO MED PA'I THA SNYAD NI 'DI NA BUM PA MED DO SNYAM PA DE LTA BU'I RNAM PAR SHES PA DANG, NGO BO DE BRJOD PA DANG DOGS PA MED PAS PHYOGS LA SOGS PA DER 'GRO BA'I MTSAN NYID 'JUG PA'O, ,SHES PA DANG BRJOD PA DANG, 'JUG PA'I MTSAN NYID DNGOS PO MED PA'I THA SNYAD DE NI DES 'JUG PAR BYED PAS NA, DNGOS PO MED PA'I THA SNYAD 'JUG GO, ,DE NI 'DI SKAD DU 'DAS PA DANG, DA LAR 'BYUNG BA'I YUL MI DMIGS PA KHO NA'O, ,DNGOS PO MED PA'I THA SNYAD SGRUB PA YIN GYI MA 'ONGS PA'I YUL NI MA YIN NO ZHES BSTAN PAR 'GYUR RO, ,'DI LTAR MA 'ONGS PA'I DUS KYI PHYOGS LA CHOS CAN NI MNGON SUM MA YIN TE, STONG PA'I PHYOGS KYI NGO BO DMIGS PA'I MTSAN NYID KYANG DMIGS PAR MI 'GRUB PO, ,'DAS PA'I DUS LA NI CHOS CAN YANG MNGON SUM DU GYUR LA, BUM PAS STONG PA'I NGO BO'I PHYOGS KYANG DRAN PAS, DE NYID KYI PHYIR MI RMONGS PAR DRAN PA'I 'DU BYED CES BYA BA SMOS SO, ,DE BAS NA KHAR TZANG LA SOGS PA'I NYI MA DAG LA BUM PA LA SOGS PAS STONG PA'I NGO BO'I PHYOGS LA SOGS PA DRAN PA LA DNGOS PO MED PA'I THA SNYAD 'JUG PAR 'GYUR RO, ,DA LTAR GYI DUS LA NI CHOS CAN BUM PA LA SOGS PAS DBEN PA'I PHYOGS KYANG MNGON SUM DU 'GRUB STE; DE LTA BAS NA DER NI DNGOS PO MED PA'I THA DAD GDAGS PAR YANG BLA'O, ,MI RMONGS PAR DRAN PA'I 'DU BYED CES BYA BA SMOS PAS NI, GTAN TSIGS MA GRUB PA YONGS SU BSAL BA YIN TE, GZHAN DU NA NI STONG PA'I NGO BO'I PHYOGS LA SOGS PA MI DRAN NA, MI DMIGS PA NYID 'GRUB PAR MI 'GYUR RO, , @13B 'DAS PA DANG, DA LTAR ZHES BYA BAS NI DUS KYI BYE BRAG YONGS SU SMOS PAR BSTAN NO, ,SGRUB PA PO'I MNGON SUM ZHES SMOS PAS KYANG SGRUB PA PO MA LUS PA'I MNGON SUM GSAL BA YIN NO, ,SGRUB PA PO MA LUS PA'I MNGON SUM SMOS PAS NI GTAN TSIGS 'GRUB PAR MI 'GYUR PA NYID DE, SGRUB PA PO THAMS CAD KYI MNGON SUM LOG PA NI PHYIR RGOL BA LA MI 'GRUB PO, ,BSHAD MA THAG PA'I MI DMIGS PA NYID DNGOS PO MED PA'I THA SNYAD 'JUG PA YIN NO ZHES BYA BA DE GANG LAS SHE NA, DE NYID KYI DNGOS PO MED PAR NGES PA'I PHYIR RO ZHES BYA BA SMOS TE, DRAN PA MNYAMS PA'I SA BON SGRUB PA PO'I MNGON SUM 'DAS PA DANG, DA LTAR BYUNG BA'I YUL GYI DNGOS PO LOG PA GANG YIN PA DE NYID KYIS DNGOS PO MED PA NGES PAR BYED NUS KYI, GZHAN MA 'ONGS PA'I YUL GYIS NI MA YIN NO, ,DE LTAR RE ZHIG SNGAR BSHAD PA'I GTAN TSIGS KYI MI DMIGS PA'I NGO BO DANG, DUS KYI BYE BRAG BSHAD ZIN TO, ,DA NI SBYOR PA'I BYE BRAG BSTAN PA'I PHYIR, DE NI SBYOR BA'I BYE BRAG GIS RNAM PA BCU GCIG STE ZHES BYA BA SMOS SO, ,SBYOR BA ZHES BYA BA NI, MTSAN NYID GSUM SGRUB PAR BYED PA'I TSIG BRJOD PA YIN NO, ,DE NI BYE BRAG GIS MI DMIGS PA RNAM PA BCU GCIG TU 'GYUR RO, ,RNAM PA'I BYE BRAG BSTAN PA'I PHYIR RANG BZHIN MI DMIGS PA NI ZHES BYA BA SMOS TE, RANG BZHIN GYI DNGOS PO RANG GI NGO BO MI DMIGS PA'O, ,DPE BSTAN PA'I PHYIR, DPER NA 'DI DU BA MED DE ZHES BYA BA SMOS TE, DPER NA ZHES BYA BA NI DPE'I TSIG YIN TE 'DI THAMS CAD DU BLTA BAR BYA'O, ,'DI NI BYA BAS NI CHOS CAN BSTAN TO, ,DU BA MED DE ZHES BYA BAS NI BSGRUB PAR BYA BA'I CHOS BSTAN TO, ,DMIGS PA'I RIG BYAR GYUR PA LAS MI DMIGS PA'I PHYIR RO ZHES BYA BA LTA BU'O ZHES BYA BA NI DMIGS PA'I RKYEN GZHAN DAG NI YOD NA BLTAR RUNG BA'I RUNG BZHIN DU BA MI DMIGS PA'I PHYIR RO ZHES BYA BA'I THA TSIG GO, ,'BRAS BU MI DMIGS PA NI ZHES BYA BA NI 'BRAS BU MI DMIGS SO ZHES BYA BAR TSIG RNAM PAR SBYAR RO, ,DPE NI DPER NA 'DI NA DU BA'I RGYU NUS PA THOGS PA MED PA DAG MED DE ZHES BYA BA SMOS TE, NUS PA THOGS PA MED PA ME DANG BUD SHING LA SOGS PA DU BA'I RGYU GANG DAG LA YOD PA DE DAG LA DE SKAD CES BYA'O, ,'DI NI ZHES BYA BAS NI CHOS CAN @14A *, ,BSTAN TE, DU BA'I RGYU NUS PA THOGS PA MED PA DAG MED CES BYA BAS NI BSGRUB PAR BYA BA'I CHOS BSTAN TO, ,DU BA MED PA'I PHYIR RO ZHES BYA BA LTA BU'O ZHES BYA BA NI GANG GI PHYIR 'DI NI DU BA MED PA KHO NA YIN PA DE'I PHYIR ZHES BYA BA'I THA TSIG STE, GAL TE 'DI NA DU BA'I RGYU NUS PA THOGS PA MED PA DAG YOD NA NI DU BA 'BYUNG BA KHO NAR 'GYUR RO,, ,,BAM PO GNYIS PA, KHYAB PAR BYED PA MI DMIGS PA ZHES BYA BA NI KHYAB PAR BYED PAS NA KHYAB PAR BYED PA STE, DE MI DMIGS PA LA DE SKAD CES BYA'O, ,DPER NA 'DI NA SHING MED PA'I PHYIR SHING SHA BA MED DO ZHES BYA BA LTA BU'O ZHES BYA BAS NI DPE STON TO, ,SHING NI SHING SHA PA LA KHYAB PAR BYED PA YIN TE, DE LDOG PA NA DE YANG LDOG PAR BYED DO, ,'DI NI ZHES BYA BAS NI CHOS CAN BSTAN TO, ,SHING MED PA'I PHYIR ZHES BYA BAS PHYIR ZHES BYA BAS NI GTAN TSIGS BSTAN TO, ,SHING SHA BA MED DO ZHES BYA BAS NI BSGRUB PAR BYA BA'I CHOS STON TO, ,RANG BZHIN 'GAL BA DMIGS PA ZHES BYA BA NI RANG BZHIN GYI 'GAL BA NI RANG BZHIN 'GAL BA STE, DE DMIGS PA LA DE SKAD CES BYA'O, ,DPE NI DPER NA 'DI NA ME YOD PA'I PHYIR GRANG BA'I REG PA MED DO ZHES BYA BA LTA BU'O ZHES BYA BA SMOS PA'O, ,'DI NA ZHES BYA BAS NI CHOS CAN BSTAN TO, ,ME YOD PA'I PHYIR ZHES BYA BAS NI GTAN TSIGS BSNYAD DO, ,GRANG BA'I REG PA MED DO ZHES BYA BAS NI BSGRUB PAR BYA BA'I CHOS BSTAN TE, 'DI LTAR ME NI GRANG BA'I REG PA DANG LHAN CIG PAR 'GAL BAS DE YOD NAG RANG BA'I REG PA ZLOG PAR BYED DO, ,'GAL BA'I 'BRAS BU DMIGS PA ZHES BYA BA NI 'GAL BA'I 'BRAS BU NI 'GAL BA'I 'BRAS BU STE, DE DMIGS PA LA DE SKAD CES BYA'O, ,DPER NA 'DI NA DU BA YOD PA'I PHYIR GRANG BA'I REG PA MED DO ZHES BYA BA LTA BU'O ZHES BYA BAS NI DPE STON TO, ,'DI NA ZHES BYA BA NI CHOS CAN YIN NO, ,DU BA YOD PA'I PHYIR ZHES BYA BA NI 'GAL BA'I GTAN TSIGS YIN NO, ,GRANG BA'I REG PA MED DO ZHES BYA BA NI BSGRUB PAR BYA BA'I CHOS YIN NO, ,GRANG BA'I REG PA DANG 'GAL BA NI ME YIN LA, DE'I 'BRAS BU NI DU BA YIN TE, DE BAS NA GANG NA DU BA YOD PA DE NA ME YOD PA YIN LA, GANG LA ME YOD PA DE NA GRANG BA'I REG PA GA LA YOD, 'GAL BA KHYAB PA DMIGS PA ZHES BYA BA NI 'GAL BAS KHYAB @14B PA NI 'GAL KHYAB STE, DE DMIGS PA LA 'DI SKAD CES BYA'O, ,DPE NI DPER NA DNGOS PO 'BYUNG PO LA YANG 'JIG PAR NGES PAR 'GYUR BA MED DO ZHES SMOS SO, ,NGES PAR 'GYUR BA ZHES BYA BA NI GDON MI ZA BAR 'GYUR BA'I CHOS ZHES BYA BA'I THA TSIG GO, ,DNGOS PO BYUNG BA ZHES BYA BA NI DNGOS PO SKYED PA ZHES BYA BA'I THA TSIG GO, ,DNGOS PO BYUNG BA 'JIG PA ZHES BYA BAS NI CHOS CAN BSTAN TO, ,NGES PAR 'GYUR BA MED DE ZHES BYA BAS NI BSGRUB PAR BYA BA'I CHOS BSTAN TO, ,DES NI 'DI SKAD DU DNGOS PO SKYES PA GANG GDON MI ZA BAR 'JIG PAR 'GYUR BA MA YIN NO ZHES BSTAN PAR 'GYUR RO, ,'DI GANG LAS SHE NA, RGYU GZHAN LA LTOS PA'I PHYIR RO ZHES BYA BA SMOS TE, 'DI LTAR 'JIG PA RGYU GZHAN LA LTOS PAR KHAS LEN TO, ,RGYU GZHAN LA LTOS PA GANG DAG YIN PA DE DAG NI GDON MI ZA BA MA YIN NO, ,DPER NA RAS LA TSON LTA BU'O, ,'DIR YANG NGES PAR 'GYUR BA NYID NI NGES PAR 'GYUR BA MA YIN PA NYID DU LHAN CIG BAR 'GAL BA, DES NI RGYU GZHAN LTOS PA LA KHYAB PAS, DE BAS NA GANG NA RGYU GZHAN NA LTOS PA NYID YOD PA DE NA NGES PAR 'GYUR BA MA YIN PA NYID DO, ,GANG NA NGES PAR 'GYUR BA MA YIN PA NYID YOD PA DE NA NGES PA 'GYUR BA NYID LTA GA LA YOD, 'BRAS BU 'GAL BA DMIGS PA ZHES BYA BA NI 'BRAS BU DANG 'GAL BA NI 'BRAS BU DANG 'GAL BA STE, DMIGS PA LA DE SKAD CES BYA'O, ,DPE NI 'DI NA ME YOD PA'I PHYIR GRANG BA'I RGYU NUS PA THOGS PA MED PA DAG MED DO ZHES BYA BA LTA BU'O ZHES BYA BA SMOS PA'O ,'DI NA ZHES BYA BA NI CHOS CAN YIN NO, ,ME YOD PA'I PHYIR ZHES BYA BA NI GTAN TSIGS BSTAN PA'O, ,GRANG BA NI RGYU'I NUS PA THOGS PA MED PA DAG MED DO ZHES BYA BA NI BSGRUB PAR BYA BA'I CHOS BSTAN PA'O, ,'DIR YANG GRANG BA'I RGYU RNAMS KYI 'BRAS BU NI GRANG BA YIN LA, GRANG BA NI MER LHAN CIG BAR 'GAL TE, GANG NA ME YOD PA DE NA GRANG BA'I RIG PA GA LA YOD, GANG NA GRANG BA'I REG PA MED PA DER NI GRANG BA'I RGYU'I NUS PA THOGS PA MED PA GANG DAG KYANG YOD RE SKAN, GAL TE DE LTA BU'I RNAM PA DAG YOD NA NI GDON MI ZA BAR GRANG BAR YANG 'GYUR RO, ,KHYAB PAR BYED PA 'GAL BA DMIGS PA ZHES BYA BA NI KHYAB PAR BYED PA DANG 'GAL BA NI KHYAB PAR BYED PA 'GAL BA STE, DE DMIGS PA LA DE SKAD CES BYA'O, ,GANG DPER NA 'DI NA ME YOD PA'I PHYIR @15A *, ,BA MO'I REG PA MED DO ZHES BYA BA LTA BU'O, ,ZHES BYA BA SMOS SO, ,'DI NA ZHES BYA BAS NI CHOS CAN BSTAN TO, ,ME YOD PA'I PHYIR ZHES BYA BAS NI GTAN TSIGS BSTAN TO, ,BA MO'I REG PA MED DO ZHES BYA BAS NI BSGRUB PAR BYA BA'I TSIG BSTAN TO, ,BA MO'I REG PA NI KHA BA'I REG PA'O, ,DE LA KHYAB PAR BYED PA NI GRANG BA'I REG PA'O, ,DE DANG LHAN CIG PAR 'GAL BA NI ME STE, DE BAS NA GANG LA ME YOD PA DE NI GRANG BA'I REG PA GA LA YOD, GANG NA GRANG BA'I REG PA MED PA DER NI BA MO'I REG PA YANG YOD RE SKAN, RGYU MI DMIGS PA ZHES BYA BA BA NI RGYU'I MI DMIGS PA NI RGYU'I MI DMIGS PA'O ZHES TSIG RNAM PAR SBYAR RO, , DPER NA 'DI NI ME MED PA'I PHYIR DU BA MED DO ZHES BYA BA LTA BU'O ZHES BYA BA LA, 'DI NA ZHES BYA BAS NI CHOS CAN BSTAN TO, ,ME MED PA'I PHYIR ZHES BYA BAS NI GTAN TSIGS YANG DAG PAR BSGRAGS SO, ,DU BA MED DO ZHES BYA BAS NI BSGRUB PAR BYA BA'I CHOS BRJOD DO, ,'DIR YANG ME'I 'BRAS BU NI DU BA YIN PAS, GANG NA ME MED PA DE NA DU BA YOD RE SKAN, RGYU 'GAL BA DMIGS PA ZHES BYA BA NI RGYU 'GAL BA NI RGYU 'GAL BA STE, DE DMIGS PA LA DE SKAD CES BYA'O, ,DPE NI, DPER NA 'DI NI SPU LONG ZHES BYED PA LA SOGS PA'I BYE BRAG MED DE ZHES BYA BA STE, 'DI NI ZHES BYA BAS NI CHOS CAN BSTAN TO, ,SPU LONG ZHES BYED PA LA SOGS PA MED DO ZHES BYA BA NI RGYU DANG 'GAL BAR BYA BA'I CHOS BSTAN PA'O, ,SPU LONG ZHES BYED PA NI SPU GYEN DU LANGS PA'O, ,DE LA SOGS PA GANG DAG YIN PA DE DAG NI SPU LONG ZHES BYED PA LA SOGS PA STE, SOGS PA SMOS PA NI, SO THAM THAM BYED PA DANG, LUS 'DAR BA LA SOGS PA YONGS SU BSDU BA'O, , DE DAG NI SPU LONG ZHES BYED PA LA SOGS PA YANG YOD LA BYE BRAG KYANG YIN PAS, SPU LONG ZHES BYED PA LA SOGS PA'I BYE BRAG DAG STE, SKRAG PA DANG 'GAL BA LA SOGS PA DAG KYANG SPU LONG ZHES BYED PA LA SOGS PAR 'GYUR BAS, DE BSAL BAR BYA BA'I PHYIR BYE BRAG CES SMOS TE, 'DI LA NI GANG DAG LHAGS PAS NYEN PA DE DAG YOD PAR RTOGS PAR BYA'O, ,GDUNG BAR BYED PA'I BYE BRAG NYE BA NYID KYI PHYIR RO ZHES BYA BA LA GDUNG BAR BYED PA'I BYE BRAG NI ME'I BYE BRAG GO, ,NYE BA'I ZHES BYA BA NI THAG NYE BA STE, DE NI GDUNG BAR BYED PA'I BYE BRAG KYANG YIN LA NYE BA YANG YIN PAS GDUNG BAR BYED PA'I BYE BRAG NYE STE, DE'I DNGOS PO NI DE NYID DO, , @15B DE BAS NA GDUNG BAR BYED PA'I BYE BRAG NYE BA'I PHYIR ME'I RNAM PA JI LTA BUS GRANG BA ZLOG PAR BYED NUS PA DE LTA BU'I RNAM PA BSGRUB PAR BYA BA'I PHYIR BYE BRAG CES SMOS SO, ,DE BAS NA 'DIR SPU LONG ZHES BYED PA LA SOGS PA'I BYE BRAG GI RGYU NI GRANG BA'I REG PA YIN NO, ,DE DANG 'GAL BA NI MA YIN LA, ME NYE NA GRANG BA'I REG PA ZLOG PAR BYED DO, ,GRANG BA LOG NA SPU LONG ZHES BYA BA LA SOGS PA'I BYE BRAG LTA YOD RE SKAN, RGYU 'GAL BA'I 'BRAS BU DMIGS PA ZHES BYA BA NI RGYU DANG 'GAL BA YIN LA, DE'I 'BRAS BU NI RGYU 'GAL BA'I 'BRAS BU STE, DE DMIGS PA NI RGYU 'GAL BA'I 'BRAS BU DMIGS PA'O, ,DPE NI DPER NA PHYOGS 'DI NA DU BA YOD PA'I PHYIR, SPU LONG ZHES BYED PA LA SOGS PA'I BYE BRAG DANG LDAN PA'I MI DANG LDAN PA MA YIN NO ZHES BYA BA LTA BU'O ZHES BYA BA SMOS PA'O, ,PHYOGS 'DI NA ZHES BYA BAS NI CHOS CAN BSTAN TO, ,DU BA YOD PA'I PHYIR ZHES BYA BAS NI GTAN TSIGS BSTAN TO, ,SPU LONG ZHES BYED PA LA SOGS PA'I BYE BRAG DANG LDAN PA'I MI DANG LDAN PA MA YIN NO ZHES BYA BAS NI BSGRUB PAR BYA BAR BYA BA'I CHOS BSTAN TO, ,SPU LONG ZHES BYED PA LA SOGS PA'I BYE BRAG DANG LDAN PA NI, SPU LONG ZHES BYED PA LA SOGS PA'I PHYIR BYE BRAG DANG LDAN PA STE, 'DI NI SPU LONG ZHES BYED PA LA SOGS PA'I BYE BRAG DANG LDAN PA YANG YIN LA MI YANG YIN PAS SPU LONG ZHES BYED PA LA SOGS PA'I BYE BRAG DANG LDAN PA'I MI STE, DE PHYOGS GANG NA YOD PA'I DE NI SPU LONG ZHES BYED PA LA SOGS PA'I BYE BRAG DANG LDAN PA'I MI DANG LDAN PA ZHES BYA'O, ,'DIR SPU LONG ZHES BYED PA LA SOGS PA'I BYE BRAG GI RGYU NI GRANG BA'I REG PA YIN NO, ,DE DANG 'GAL BA NI ME YIN LA, ME'I 'BRAS BU NI DU BA YIN TE, DE BAS NA GANG NA DU BA YOD PA DE NA ME YOD LA, GANG NA ME YOD PA DE NA GRANG BA'I REG PA MED DO, ,GANG NA GRANG BA'I REG PA MED PA DE NA GRANG BA'I 'BRAS BU SPU LONG ZHES BYED PA LA SOGS PA DAG LTA YOD PAR GA LA 'GYUR, SNGAR NI MI DMIGS PA'I RIG BYAR GYUR PA LAS MI DMIGS PA GCIG PO DGAG PA'I GTAN TSIGS SU BSHAD PA MA YIN NAM, 'O NA JI LTAR 'BRAS BU MI DMIGS PA LA SOGS PA DANG, RANG BZHIN 'GAL BA DMIGS PA LA SOGS PA DAG GIS DGAG PAR BYED CE NA, DE'I PHYIR 'BRAS BU MI DMIGS PA LA SOGS PA'I SBYOR BA BCU PO DE DAG THAMS CAD @16A *, ,NI RANG BZHIN MI DMIGS PA'I NANG DU BSDU BAR 'GYUR RO ZHES BYA BA SMOS TE, DE DAG CES BYA BA NI BSHAD MA THAG PA RNAMS SO, ,THAMS CAD CES BYA BA NI GRANGS BCUR YONGS SU CHUD PA RNAMS MA LUS PA STE, MI DMIGS PA'I SBYOR BA RNAMS NI RANG BZHIN MI DMIGS PA'I NANG DU 'DU BAR 'GYUR RO, ,RANG BZHIN MI DMIGS PA'I SBYOR BA YANG GZHAN LA, 'BRAS BU MI DMIGS PA LA SOGS PA YANG GZHAN TE, 'DI LTAR 'BRAS BU MI DMIGS PA LA SOGS PA DAG LA NI DON GZHAN DGAG PA YIN LA, RANG BZHIN 'GAL BA DMIGS PA LA SOGS PA LA NI DON GZHAN YOD PA MA YIN NAM, 'O NA JI LTAR NA DE'I NANG DU 'DU ZHE NA, DE'I PHYIR DON GZHAN YOD BA DANG, DGAG PA DAG GI SBYOR BA THA DAD KYANG BRGYUD PA'I SGO NAS ZHES BYA BA SMOS TE, GAL TE DON GZHAN YOD PA DANG, DGAG PA DAG GI SBYOR BA THA DAD DU GYUR KYANG, BRGYUD PAS 'DI'I NANG DU 'DU BAR DGONGS KYI, DNGOS SU NI MA YIN TE, 'DI LTAR RE ZHIG 'BRAS BU MI DMIGS PA DAG LA NI DU BA MED PAS NA, DU BA'I RGYU NUS PA THOGS PA MED PAR RTOGS PAR 'GYUR RO, ,GANG NA DU BA MED PA DE NA DE'I RGYU DMIGS PA'I REG BYAR GYUR PA KHO NA DAG MI DMIGS PAS, RANG BZHIN MI DMIGS PAR 'DUS SO, ,SGRUB PA PO RNAMS KYI BSAM PA THA DAD PA'I PHYIR RO, , LA LA NI 'BRAS BU MED PA'I SGO NAS RGYU MED PAR RTOGS PAR 'GYUR RO, ,LA LA NI RANG BZHIN MED PA'I SGO NAS TE, DE BZHIN DU KHYAD PAR BYED PA ME MI DMIGS PA DANG, RGYU MI DMIGS PAR BRGYUD PAR KHONG DU CHUD PAR BYA'O, ,RANG BZHIN 'GAL BA DMIGS PA LA YANG ME YOD PAR GRANG BA MED PAR RTOGS PAR BYED LA, GANG NA ME YOD PA DE NA DMIGS PA'I REG BYAR GYUR PA GRANG BA'I REG PA MI DMIGS PAS RANG BZHIN MI DMIGS PA'I NANG DU 'DU'O, ,DE BZHIN DU 'GAL BA'I 'BRAS BU DMIGS PA LA YANG DU BAS ME BSGRUBS NAS GRANG BA MED PAR KHONG DU CHUD PAR BYED DO, ,DER YANG DMIGS PA'I RIG BYAR GYUR PA GRANG BA MI DMIGS PAS NA, RANG BZHIN MI DMIGS PA'I NANG DU 'DU BA NYID DO, ,'GAL BA KHYAB PA MI DMIGS PA LA YANG RGYU GZHAN LA LTOS PA NYID KYIS NGES PAR 'GYUR BA MED PA NYID BSGRUBS NAS, NGES PAR 'GYUR BA NYID SEL BAR BYED DE, DE YANG DER DMIGS PA'I RIG BYAR GYUR PA KHO NA MI DMIGS PA ZHES @16B SNGA MA BZHIN DU 'DU BAR 'GYUR RO, ,DE NI DPE'I SGO NAS RIG PAR BYA STE, 'DI LTAR GOS KYI TSON THAMS CAD DU SNANG DU RUNG BA'I RANG BZHIN YIN YANG MI DMIGS PA BZHIN NO, ,DE BZHIN DU RGYA 'GAL BA'I 'BRAS BU DMIGS PA'I BAR LA YANG DU BAS ME BSGRUBS TE, GRANG BA ZLOG BAR BYED LA, DED LOG NA GANG NA YANG SPU LONG ZHES BYED PA LA SOGS PA'I BYE BRAG DANG LDAN PA'I ME MED PAR SGRUB PAR BYED DE, DE YANG DER DMIGS PA'I RIG BYAR GYUR BA'I ME DE LHA BU KHO NAS MI DMIGS PAS RANG BZHIN MI DMIGS PA'I NANG DU 'DU BA NYID DO, ,GANG DAG 'BRAS BU DANG RGYU GNYIS BYA BA DANG THA MI DAD PA DAG GIS BYE BRAG MED PAR NYE BAR BRTAGS NAS, RANG BZHIN MI DMIGS PA'I NANG DU 'DU'O ZHES BRJOD PA DE DAG GI DE NI BTAGS PAS 'DU BA YIN GYI DON DAM PAR NI MA YIN NO, ,DAM BCA' BA'I PHYOGS GCIG KYANG GTAN TSIGS LTAR SNANG BAR 'GYUR LA, BRGYUD PA'I DON YANG MI 'THAD DO, ,RANG BZHIN 'GAL BA DMIGS PA LA SOGS PA DAG LA YANG MI MTHUN PA CAN GYI TSAD MAS BZLOG PAR BRJOD PAS 'DU'O ZHES BYA BA NI, GANG ZHIG GANG DANG MTHUN PAR 'GYUR, RANG GI DON GYI RJES SU DPAG PA LA NI SBYOR BA MI SRID PA YIN NAM, DER MI DMIGS PAR SBYOR BA'I BYE BRAG LAS RNAM PA BCU GCIG GO ZHES BYA BA GA LAS SHE NA YANG DE'I PHYIR SBYOR BA MTHONG BA GOMS PA LAS BDAG NYID KYANG DE BZHIN DU RNAM PAR BCAD PA RTOGS PAR 'GYUR BAS, BDAG GI DON GYI RJES SU DPAG PA LA YANG BYE BRAG BSTAN TO ZHES BYA BA SMOS TE, SBYOR BA RNAMS MTHONG BA NI RTOGS PA'O, ,DE YANG THA DAD DU MNGON DU BYED PA NI GOMS PA'O, ,DE LTA BAS NA SBYOR BA RNAMS LA SHIN TU GOMS PA'I PHYIR, BDAG NYID KYANG GANG GI TSE 'GA' ZHIG RNAM PAR DPYAD PA RTOG PAR BYED PA DE'I TSE, SBYOR BA'I TSUL KHO NAS RTOGS PAR 'GYUR TE, DE BAS NA BDAG GI DON GYI RJES SU DPAG PA LA YANG MI DMIGS PA'I SBYOR BA'I BYE BRAG BSTAN TO, ,RNAM PAR DPYAD PA RTOG PA NI DGAG PA YID CHES PA ZHES BYA BA'I THA TSIG GO, ,YANG NA RNAMS PAR DPYAD PAR RTOGS PA STE BYE BRAG TU RTOGS ZHES ZHES BYA BA'I THA TSIG GO, ,RANG BZHIN MI DMIGS PA LA BYE BRAG SMOS KYI, 'BRAS BU MI DMIGS PA LA NI DE MED PAS DE'I PHYIR, JI LTAR NA DE DAG MI 'KHRUL PA NYID YIN ZHE NA, DE'I PHYIR MED PA'I THA @17A *, ,SNYAD SGRUB PA'I MI DMIGS PA'I DE THAMS CAD LA RANG BZHIN 'GAL BA LA SOGS PA DMIGS PA DANG, RGYU LA SOGS PA'I MI DMIGS PA'I DGAG PA BSHAD PA GANG YIN PA GANG BA DE DAG NI DMIGS PA'I RIG BYAR GYUR BA KHO NA DAG LAS DMIGS PA DANG, MI DMIGS PAR RIG PAR BYA'O ZHES BYA BA SMOS TE, BYE BRAG DE NI MED PA'I THA SNYAD SGRUB PA MI DMIGS PA RNAM PA MANG PO BSHAD PA GANG YIN PA DE THAMS CAD DU BLTA BAR BYA STE, GAL TE RGYU LA SOGS PA DMIGS PA'I RIG BYAR GYUR PA LAS MI DMIGS BA ZHIG YIN NA NI, DE'I TSE 'BRAS BU LA SOGS PA DGAG PA SGRUB NUS KYI GZHAN DU NA MA YIN NO, ,RANG BZHIN 'GAL BA LA SOGS PA YANG GAL TE DMIGS PA'I RIG BYAR GYUR BA ZHIG YIN NA, DE TSE MI MTHUN PA CAN DGAG PAR NUS PA GZHAN DU NI MA YIN NO, ,CI'I PHYIR ZHE NA, DE'I PHYIR, GZHAN DAG LA NI 'GAL BA DANG, RGYU DANG, 'BRAS BU YOD PA DANG, MED PA MI 'GRUB PA'I PHYIR RO ZHES BYA BA SMOS TE, 'GAL BA DANG, RGYU DANG 'BRAS BU YOD PA DANG, MED PA NI 'GAL BA DANG, RGYU DANG 'BRAS BU YOD PA DANG MED PA DAG STE, DE DAG MI 'GRUB PA LA NI DE SKAD CES BRJOD DO, ,DE NI 'DI SKAD DU GANG DAG DMIGS PA'I RIG BYAR GYUR BA MA YIN PA DE DAG LA NI 'GAL BA YANG MI 'GRUB LA, 'GAL BA MED PA YANG MI 'GRUB PO, ,RGYU DANG 'BRAS BU YOD PAR YANG MI 'GRUB LA, RGYU DANG 'BRAS BU NYID MED PAR YANG MI 'GRUB BO ZHES BSTAN PAR 'GYUR TE, 'DI LTAR DMIGS PA'I RIG BYAR GYUR PA RGYUN CHAGS SU 'JUG PA GANG DAG MTHONG BA RNAMS LA NI 'GA' ZHIG NYE BAS MI SNANG NA NI DE DANG 'GAL PAR YID CHES PAR YANG NUS LA, GANG DAG 'GA' ZHIG NYE NA YANG DE KHO NA BZHIN DU 'DUG STE, DMIGS PA DE LA NI 'GAL BA MED DO ZHES NGES PAR BYED DO, ,DE BZHIN DU DMIGS PA'I RIG BYAR GYUR PA GANG YOD NA, DMIGS PA'I RIG BYAR GYUR PA SNGON MA MTHONG BA GANG ZHIG DMIGS BA LA, DE NI DE MED PAR NI MI DMIGS NA, DE NI DE LAS BYUNG NGO ZHES DE GNYIS RGYU DANG 'BRAS BU'I DNGOS POR NGES PAR BYED LA, GANG MED KYANG GANG ZHIG DMIGS PA DE GNYIS NI RGYU DANG 'BRAS BU NYID DU MED PAR RTOG PAR BYED DO, ,DE LAR RE ZHIG MED PA'I THA SNYAD SGRUB BA DMIGS BA'I RIG BYAR @17B GYUR PA LAS MI DMIGS PA RNAM PAR GZHAG PA BSHAD ZIN TO, ,'O NA DE LAS GZHAN PAS CI ZHIG BSGRUB CE NA, BSKAL PA'I YUL MI DMIGS PA MNGON SUM DANG, RJES SU DPAG PA LOG PA'I MTSAN NYID NI THE TSOM GYI RGYU YIN TE ZHES BYA BA SMOS TE BSKAL BA'I YUL MNGON SUM DANG, RJES SU DPAG PA LOG PA'I RANG BZHIN GANG YIN PA DE NI THE TSOM GYI RGYU YIN GYI, DNGOS PO MED PA'I THA SNYAD KYI GTAN TSIGS NI MA YIN NO, ,DE CI'I PHYIR ZHE NA, TSAD MA LOG KYANG DON MED PAR MI 'GRUB PA'I PHYIR RO ZHES BYA BA SMOS TE, TSAD MA LOG PA'I MTSAN NYID NI BSKAL BA'I YUL MI DMIGS PA STE, TSAD MA LOG KYANG DON MAD PAR GRUB BO, ,TSAD MA NI DON GYI 'BRAS BU YIN PAS TSAD MA LOG PAS RGYU TZAM LDOG PAR MI 'GRUB BO, ,RIGS PA'I THIGS PA'I RGYA CHER 'BREL BA SLOB MA LA PHAN PA LAS LE'U GNYIS PA'O,, ,,YANG DAG PA'I SHES PA BSTAN PA'I ZHAR LA RANG GI DON DANG, GZHAN GYI BYE BRAG GIS RJES SU DPAG PA RNAM PA GNYIS SU KHAS BLANGS PA DE LAS RANG GI DON NI SPROS PA DANG BCAS PA BSHAD ZIN TO, ,GZHAN GYI DON GYI RJES SU DPAG PA BSHAD PAR BZHED NAS, 'DI SKAD DU, GZHAN GYI DON GYI RJES SU DPAG PA NI TSUL GSUM PA'I RTAGS BRJOD PA STE ZHES SMOS SO, 'DIS RJOD PAR BYED PAS NA BRJOD PA STE TSIG CES BYA'O, ,'DI TSUL GSUM PA CAN YIN PAS NA 'DI NI TSUL GSUM PA'O, ,'DI NI TSUL GSUM PA YANG YIN LA RTAGS KYANG YIN PAS TSUL GSUM BA'I RTAGS TE, BRJOD PA LA NI DE SKAD CES BYA'O, ,RJES SU DPAG PA NI YANG DAG PA'I SHES PA YIN NO ZHES BSHAD NA, JI LTAR NA RJES SU DPAG PA'I TSIG YIN ZHE NA; DE'I PHYIR, RGYU LA 'BRAS BU BTAGS PA'I PHYIR RO ZHES BYA BA SMOS TE, RGYU NI TSIG YIN LA, 'BRAS BU NI RJES SU DPAG BA DER SGRO BTAGS PAS, TSIG DE NYID LA RJES SU DPAG PA ZHES BYA BA BSHAD DE, RJES SU DPAG PA'I RGYU YIN PA'I PHYIR RJES SU DPAG PA ZHES BYA'O ZHES BYA BA'I THA TSIG GO,, DE NI RNAM PA GNYIS TE ZHES BYA BA NI GZHAN GYI DON GYI RJES SU DPAG PA DANG SBYAR RO, ,TSUL GSUM PA'I RTAGS BRJOD PA YIN NA, JI LTAR RNAM PA GNYIS ZHES BYA ZHE NA, SBYOR BA'I BYE BRAG GIS ZHES BYA BA SMOS SO, ,SBYOR BA NI TSIG TU 'GOD PA STE, DE'I PHYIR BYE BRAG GIS RNAM PA GNYIS NYID DO, , @18A *, RNAM PA GNYIS PO GANG YIN ZHE NA, CHOS MTHUN PA NYID CAN DANG, CHOS MI MTHUN PA NYID CAN NO ZHES BYA BA SMOS SO, ,'DI NI CHOS MTHUN PA YIN PAS 'DI NI CHOS MTHUN PA'O, ,CHOS DE'I DNGOS PO CHOS MTHUN PA NYID DO, ,DE GANG LA YOD PA DE NI CHOS MTHUN PA NYID CAN ZHES BYA BA'O, 'DI CHOS MI MTHUN PA YIN PAS CHOS MI MTHUN PA'O, ,CHOS MI MTHUN PA'I DNGOS PO NI CHOS MI MTHUN PA NYID DO, ,DE GANG LA YOD PA DE NI CHOS MI MTHUN PA NYID CAN TE, RJES SU 'GRO BA DANG LDAN PA DANG, LDOG BA DANG LDAN BA ZHES BYA BA'I THA TSIG GO, ,GAL TE RJES SU 'GRO BA DANG LDAN PA NI CHOS MTHUN PA NYID KYI SBYOR BA YIN LA, LDOG PA DANG LDAN PA NI CHOS MI MTHUN PA NYID KYI SBYOR BA YIN NA, DON DU YANG BYE BRAG YOD NA, DE CI'I PHYIR SBYOR BA'I BYE BRAG GIS RNAM PA GNYIS TE ZHES BRJOD CE NA, DE'I PHYIR 'DI GNYIS DON DU NI BYE BRAG CI YANG MED DO ZHES BYA BA SMOS TE, CHOS MTHUN PA NYID CAN YANG TSUL GSUM LA LTOS PAR BYA BA YIN LA, CHOS MI MTHUN PA NYID CAN YANG TSUL GSUM LA LTOS PAR BYA BA YIN TE, DE BAS NA THAMS CAD LA TSUL GSUM YOD PA'I PHYIR RO, ,DON LA NI BYE BRAG PHRA MO MANG MED DO, ,SBYOR BA'I BYE BRAG MA GTOGS PAR ZHES BYA BA NI 'DIR SBYOR BA'I BYE BA KHO NAR ZAD KYI; DON MA YIN TE, 'DI LTAR GCIG LA NI RJES SU 'GRO BA DNGOS PO RJOD PAR BYED LA, LDOG PA NI SHUGS KYIS GO BAR BYED DO, ,GNYIS PA LA YANG LDOG PA NI DNGOS SU RJOD PAR BYED LA, RJES SU 'GRO BA NI DON GYIS SHES PAR BYED DO, ,DE LA CHOS MTHUN PA NYID CAN ZHES BYA BA NI RE ZHIG DANG DNGOS POR NYE BAR 'GOD PA'O, ,DMIGS PA'I RIG BYAR GYUR PA GANG MI DMIGS PA DE NI MED PA'I THA SNYAD KYI YUL DU GRUB STE ZHES BYA BA 'DI NI DMIGS PA'I RJES SU 'GRO BA BSNYAD PA YIN NO, ,DPER NA RI BONG GI RVA LA SOGS PA GZHAN 'GA' ZHIG MTHONG BA BZHIN DU ZHES BYA BA LA, MED PA'I THA SNYAD KYI YUL DU MTHONG BA 'DI NI DPER NA RI BONG GI RVA LA SOGS PA LTA BU'O, ,MTHONG BA ZHES BYA BA NI GRUB PA STE RTOGS PA ZHES BYA BA'I THA TSIG GO, ,DES NI DPE BSTAN TO, ,PHYOGS KYI BYE BRAG GANG NA DMIGS PA'I RIG BYAR 'GYUR BA BUM PA MI DMIGS ZHES BYA BA 'DIS NI PHYOGS KYI CHOS BSTAN TO, ,RANG BZHIN GYI GTAN TSIGS @18B KYI SBYOR BA NI GTAN TSIGS GNYIS PA'I SBYOR BA CHOS MTHUN PA NYID CAN STON PA'O, ,GANG YOD PAR DE THAMS CAD NI MI RTAG PA STE, DPER NA BUM PA LA SOGS PA LTA BU'O ZHES BYA BA LA, GANG ZHES BYA NI DNGOS PO CI YANG RUNG BA YOD PA DE THAMS CAD NI RIL GYIS MI RTAG PA STE, DES NI RJES SU 'GRO BA TZAM BSTAN TO, ,RANG BZHIN DAG PA'I SBYOR BA'O ZHES BYA BA NI RANG BZHIN GYI GTAN TSIGS KYI SBYOR BA BYE BRAG DANG BRAL BA YIN NO ZHES BYA BA'I THA TSIG GO, ,GANG SKYE BA DANG LDAN PA DE NI MI RTAG PA'O ZHES BYA BA'I TSIG 'DI NI RANG BZHIN GYI GTAN TSIGS GNYIS PA'I RJES SU 'GRO BA YIN NO, ,RANG BZHIN DU GYUR PA'I CHOS KYI BYE BRAG GIS RANG BZHIN GYI SBYOR BA'O ZHES BYE BRAG BDAG NYID DU GYUR PA'I CHOS KHO NAS BYE BRAG TU BYAS NAS, RANG BZHIN GYI GTAN TSIGS KYI SBYOR BAR BYAS BA STE, 'DI LTAR SKYE BA NI DNGOS SU SKYE BA DANG LDAN PA DANG THA MI DAD MOD KYI, 'ON KYANG GANG LA SKYE BA YOD PA DE SKYE BA DANG LDAN PA'O ZHES BYE BRAG TU BSTAN TO, ,GANG BYAS PA DE NI MI RTAG PA'O ZHES BYA BAS NI RANG BZHIN GYI GTAN TSIGS GSUM PA'I RJES SU 'GRO BA BSTAN TO, ,KHYAD PAR GYI BYE BRAG GIS TE ZHES BYA BA LA KHYAD PAR NI BYE BRAG STE, RANG BZHIN GYI GTAN TSIGS KYI SBYOR BA BYE BRAG MI MNGON PA YIN NO ZHES BYA BA'I THA TSIG GO, ,JI LTAR NA BYE BRAG MI MNGON ZHE NA, RANG GI NGO BO GRUB PAR BYA BA'I PHYIR RO, ,GZHAN GYI BYED PA LA LTOS PA'I DO BO NI BYAS PA ZHES BYA BA'O ZHES BYA BA SMOS TE, GANG ZHIG PHA ROL GYI BYED PA LA BRTEN NAS LTOS BA ZHES BYA BAR TSIGS RNAM PAR SBYAR TE, DNGOS PO GANG ZHIG GIS RANG GI NGO BO SGRUB PA'I PHYIR RGYU RNAMS KYI BYED PA LA LTOS PA STE, GANG GI PHYIR BYAS PA ZHES BRJOD PA DE'I PHYIR BYE BRAG MI MNGON BA STE, RANG BZHIN GYI GTAN TSIGS GZHAN YIN NO, ,BTZAM MA THAG TU 'BYUNG BA DANG, RKYEN GYI BYE BRAG GIS THA DAD PA CAN NYID LA SOGS PA YANG DE BZHIN DU BLTA BAR BYA'O ZHES BYA BA NI RANG BZHIN GYI GTAN TSIGS DE DAG KYANG KHYAD PAR GYI BYE BRAG LA LTOS PA KHO NAS YIN PAR BLTA BAR BYA STE, 'DI LTAR BRTZAL ZHES BYA BA RGYU'I BYED PA LA LTOS TE GRUB PA GANG YIN PA DE NI BRTZAL MA THAG TU 'BYUNG BA ZHES BYA BA STE, DE'I PHYIR BRTZAL MA THAG TU 'BYUNG BA'I PHYIR MI RTAG PA'O ZHES BYA BA 'DI YANG RANG BZHIN GYI GTAN TSIGS BYE BRAG MI MNGON PA @19A *, ,YIN NO, ,RKYEN GYI BYE BRAG NI RKYEN GYI BYE BRAG GO, ,'DI RKYEN GYI BYE BRAG LAS THA DAD BA'I DAD TSUL CAN YIN BAS 'DI NI RKYEN GYI BYE BRAG GIS THA DAD PA CAN NO, ,DE'I DNGOS PO NI RKYEN GYI BYE BRAG GIS THA DAD PA CAN NYID DE, RGYU'I BYE BRAG GIS RJES SU MTHUN PA CAN NYID CES BYA BA'I THA TSIG GO; ,'DI LTAR 'JIM PA'I GONG BU CHUNG NGU LAS NI BUM PA CHUNG NGUR 'GYUR LA, CHEN PO LAS NI CHEN POR 'GYUR BA DANG, RDZA MKHAN MKHAS PAS BYED NA NI SDU GUR 'GYUR LA, MI MKHAS PAS BYED NA NI MI SDUG PAR 'GYUR TE, DE'I PHYIR RKYEN GYI BYE BRAG GIS THA DAD PA CAN YIN PA'I PHYIR MI RTAG PA'O ZHES BYA BA 'DI YANG RANG BZHIN GYI GTAN TSIGS BYE BRAG MI MNGON PA KHO NA YIN NO, ,YOD PA'AM SKYE BA DANG LDAN PA'AM, BYAS PA ZHES BYA BA'I SGRA NI PHYOGS KYI CHOS NYE BAR STON PA'O ZHES BYA BA LA SNGAR NI RANG BZHIN GYI GTAN TSIGS GSUM CHAR GYI RJES SU 'GRO BA TZAM BSTAN TO, ,DA NI GO RIMS BZHIN DU PHYOGS KYI CHOS RNAMS BSTAN PA STE, 'AM ZHES BYA BA NI YOD PA'I SGRA DANG SKYE BA DANG LDAN PA'I SGRA DANG, BYAS PA'I SGRA SBYOR BA THA DAD PAR BSTAN PA'I PHYIR RO, ,DE TZAM DANG RJES SU 'BREL BA CAN GYI BSGRUB PAR BYA BA'I CHOS LA RANG BZHIN GYI GTAN TSIGS SO ZHES SNGAR RANG BZHIN GYI GTAN TSIGS KYI MTSAN NYID BSHAD PA GANG YIN PA DE DANG SBYAR BA'I PHYIR, BSGRUB PA'I CHOS DE DAG THAMS CAD NI ZHES BYA BA SMOS SO, ,SNGAR RANG BZHIN GYI GTAN TSIGS RNAM PA GSUM CHAR GYI PHYOGS KYI CHOS BSTAN PA GANG DAG YIN PA DE DAG NI, RANG GI BSGRUB PA JI LTA BU DAG GIS ZHES BYA BA STE, GANG GI BDAG GI TSAD MA GANG YIN PAS RANG GI TSAD MA DE DAG GIS SGRUB PA'I CHOS TZAM DANG, SGRUB PAR BYA BA'I CHOS SU 'BREL PAR GRUB PA KHO NA KHONG DU CHUD PAR BYA STE, SGRUB PA'I CHOS KYI RANG GI NGO BO NI SGRUB PA'I CHOS TZAM MO, ,SGRUB PA'I CHOS TZAM DANG RJES SU 'BREL PA NI SGRUB PA'I CHOS TZAM DANG RJES SU 'BREL PA'O; ,RJES SU 'BREL PA NI MTHUN PAR 'BREL PA STE, RJES SU 'GRO BA ZHES BYA BA'I THA TSIG GO, ,SGRUB PAR BYA BA'I CHOS GANG LA SGRUB PA'I CHOS TZAM DANG RJES SU 'BREL PAR GRUB PA YOD PA DE LA, BDAG NYID KYI SGRUB PA JI LTA BU DAG GIS SGRUB PA'I CHOS TZAM DANG RJES SU BREL PA'I SGRUB PAR @19B BYA BA'I CHOS KHO NA LA PHYOGS KYI CHOS DE DAG GTAN TSIGS NYID DU BRJOD PAR BYA'O, ,CI'I PHYIR BSGRUB BAR BYA BA'I CHOS DE SGRUB PA'I CHOS TZAM DANG RJES SU 'BREL CE NA, DE'I PHYIR DNGOS SU NA DE NYID DE'I RANG BZHIN YIN PA'I PHYIR ZHES BYA BA SMOS TE, 'DI LTAR DON DAM PAR NI MI RTAG PA'I RANG BZHIN NYID BYAS PA YIN GYI, BYAS PA YANG GZHAN LA MI RTAG PA YANG GZHAN PA NI MA YIN NO, ,JI LTAR ZHE NA, RGYU DANG RKYAN RNAMS KYIS BYAS PA GANG YIN BA DE NYID 'JIG PA'I NGANG TSUL CAN GYI RANG BZHIN YIN NO, ,RANG BZHIN YANG GTAN TSIGS YIN PA'I PHYIR ZHES BYA BA NI, 'DIR BSGRUB PAR BYA BA'I RANG BZHIN NYID GTAN TSIGS KHO NAR BSTAN PA YIN NO, ,JI LTAR NA BSGRUB PAR BYA BA DANG RJES SU MA 'BREL PAR 'GYUR TE, 'DI LTAR DE TZAM DANG RJES SU 'BREL PA LA RANG BZHIN ZHES BYA'O, ,CE CI'I PHYIR ZHE NA, DE GRUB LA DE MA GRUB NA, DE'I RANG BZHIN NYID MED PA'I PHYIR ZHES BYA BA SMOS TE, GAL TE SGRUB PA'I CHOS BYAS PA CAN NYID LA SOGS PA NI SGRUB PA DE'I TSE BYAS PA NYID DANG, MI RTAG PA NYID GNYIS DON DAM PAR NA RANG BZHIN GCIG PA NYID MA YIN NO, ,'KHRUL PA YANG SRID PA'I PHYIR RO ZHES BYA BA NI; GAL TE BYAS PA NYID GRUB ZIN PA LA PHYIS DBYIBS LA SOGS PA RGYU GZHAN GYIS MI RTAG PA NYID DU BYED NA, DE'I TSAL 'KHRUL PA SRID NA, DBYIBS LA SOGS PA YANG RANG GI RKYEN LA RAG PAS 'BYUNG BA'I PHYIR DE LA GDON MI ZA BAR 'BYUNG BA MA YIN PAS 'GA' ZHIG MI 'JIG KYANG SRID SO; ,'BRAS BU'I GTAN TSIGS KYI SBYOR BA NI ZHES BYA BAS NI CHOS MTHUN PA NYID CAN GYIS RJES SU DPAG PA KHO NA'I GTAN TSIGS KYI SBYOR BA STON PAR BYED DO, ,GANG NA DU BA YOD PA DE NA ME YOD DE ZHES BYA BA LA GANG ZHES BYA BA NI PHYOGS GANG NA DU BA YOD PA DE THAMS PA DE THAMS CAD NA ME YOD DO ZHES BYA BA NI RJES SU 'GRO BA ZHES BYA'O, ,DPER NA TSANG BA LA SOGS PA BZHIN TE ZHES BYA BA NI DPE STON PA YIN NO, ,'DI NA YANG DU BA YOD DO ZHES BYA BA NI 'DOD PA'I YUL DU DU BA STON PAR BYED PA NA PHYOGS KYI CHOS STON PAR BYED DO, ,'DIR YANG RGYU DANG 'BRAS BU'I DNGOS POR GRUB BA KHO NAL RGYU BSGRUB @20A *, ,PAR BYA BAR 'BRAS BU GTAN TSIGS SU BRJOD PAR BYA'O ZHES BYA BA NI, 'BRAS BU'I GTAN TSIGS LA YANG SNGAR RGYU DANG 'BRAS BU'I NGO BO BSGRUB BAR BYA'O, ,PHYIS NI RGYU GRUB PAR BYA BA'I PHYIR 'BRAS BU GTAN TSIGS NYID DU BRJOD BAR BYA'O, ,'DI LTAR RANG GI NGO BO RTAGS SU NGES NA GO BAR BYED PA YIN GYI MA NGES PA NI MA YIN NO, CHOS MI MTHUN PA NYID CAN GYI SBYOR BA NI ZHES BYA BA NI, CHOS MI MTHUN PA NYID CAN GYI RJES SU DPAG PA GANG YIN PA DE DAG BSHAD PAR BYA STE, GANG YOD LA DMIGS PA'I RIG BYAR GYUR BA DE NI DMIGS PA KHO NAR GYUR TE ZHES BYA BA NI GANG ZHIG YOD PA LA GAL TE DE, DMIGS PA'I RIG BYAR DMIGS PA YIN NA DE'I TSE GDON MI ZA BAR DMIGS PAR 'GYUR TE, DES NA LDOG PA BSTAN TO, ,DPER NA SNGON PO LA SOGS PA'I BYE BRAG LTA BU YIN ZHES BYA BA NI CHOS MI MTHUN PA NYID KYI DPE YIN NO, ,'DI NA NI DMIGS PA'I RIG BYAR GYUR PA BUM PA DE LTAR MI DMIGS SO ZHES BYA BA NI, JI LTAR DMIGS PA'I RIG BYAR GYUR PA SNGON PO LA SOGS PA'I BYE BRAG DMIGS PA LTAR 'DI NA BUM PA NI DE LTA MA YIN NO, ,'DI ZHES BYA BAS NI 'DOD PA'I PHYOGS BSTAN TO, ,MI DMIGS PA'I SBYOR BA'O ZHES BYA BA NI 'DI MI DMIGS PA'I CHOS MI MTHUN PA NYID CAN GYI SBYOR BA YIN NO, ,RTAG PA NYID MED NA YOD PA'AM SKYED PA DANG LDAN PA'AM, BYAS PA NYID MED PA YIN NA ZHES BYA BAS NI RANG BZHIN GYI GTAN TSIGS GSUM MTSAR GYI YANG LDOG PA STON PAR BYED DO, ,SGRA NI YOD PA'AM SKYE BA DANG LDAN PA'AM BYAS PA ZHES BYA BA NI PHYOGS KYI CHOS RNAMS BSTAN TO, ,RANG BZHIN GYI SBYOR BA'O ZHES BYA BA DE DAG NI RANG BZHIN GYI GTAN TSIGS KYI SBYOR BA CHOS MI MTHUN PA NYID CAN DAG YIN NO, ,ME MED NA DU BA MI 'BYUNG BA NYID CES BYA BAS NI LDOG PA BSTAN TO, ,'DI NA NI YOD CES PAS NI PHYOGS KYI CHOS BSTAN TO, ,'BRAS BU'I GTAN TSIGS KYI SBYOR BA'O ZHES BYA BAS NI 'BRAS BU'I GTAN TSIGS KYI SBYOR BA CHOS MI MTHUN PA NYID CAN STON PAR BYED DO, ,CHOS MTHUN PA CAN GYI RJES SU DPAG PA LAS YANG RJES SU 'GRO BA DANG PHYOGS KYI CHOS DANG LDAN PA DANG, TSUL GNYIS SU MNGON PA MA YIN NAM, JI LTAR NA GZHAN DON RJES SU DPAG BA @20B TSUL GSUM PA'I RTAGS BRJOD PA YIN ZHE NA, DE'I PHYIR DON GYIS NA CHOS MTHUN PAS KYANG SBYOR BA LA CHOS MI MTHUN PA NYID RTOGS PA ZHES BYA BA SMOS SO, ,GANG GI PHYIR NUS PA'I SGO CHOS MTHUN PA NYID CAN GYI SBYOR BA LA CHOS MI MTHUN PA NYID DU RTOGS PAR 'GYUR BA DE'I PHYIR, JI SKAD DU SMRAS PA'I SKYON DU THAL BAR 'GYUR BA MED DO, ,NUS PA YANG CI ZHIG CE NA, DE MED NA BSGRUB PAR BYA BAS GTAN TSIGS KYI RJES SU 'GRO BA MED PA'I PHYIR RO ZHES BYA BA SMOS TE, GAL TE LDOG PA MED NA DE'I PHYIR BSGRUB PAR BYA BAS GTAN TSIGS KYI RJE SU 'GRO BA MI 'GYUR BA NYID DO, ,DE BZHIN DU CHOS MI MTHUN PAS RJES SU 'GRO BA RTOGS TE ZHES BYA BAS NI, ,CHOS MI MTHUN PA NYID CAN GYI SBYOR BA LA YANG NUS PAS RJES SU 'GRO BAS RTOGS 'GYUR RO, ,'O NA NUS PA DE YANG CI ZHIG CE NA, DE MED NA NI BSGRUB PAR BYA BA MED NA GTAN TSIGS MED PAR MI 'GRUB PA'I PHYIR RO ZHES BYA BA SMOS TE, GAL TE BSGRUB PAR BYA BAS GTAN TSIGS KYI RJES SU 'GRO BA MA YIN NO, ,DE'I TSE BSGRUB BAR BYA BA MED PAR YANG CI'I PHYIR YOD PAR MI 'GYUR, RJES SU 'GRO BA MED NA LDOG PA MI 'GRUB PO ZHES BYA BA 'DI GA LAS SHE NA, RANG BZHIN 'BREL PA MED NA GCIG LOG BAS GZHAN NGES PAR LDOG PA MA YIN NO ZHES SMOS TE; GAL TE RANG BZHIN DANG 'BREL PA DANG, RANG BZHIN GYI NGO BOS 'BREL PA MA YIN NO, ,DE'I TSE GCIG LOG KYANG GZHAN LDOG PAR NGES PA MED DE, 'GA' ZHIG LA RTA MED CES TE BA LANG DAG KYANG MED PA MA YIN PA BZHIN NO, ,DE YANG THAMS CAD KYI RNAM PA GNYIS TE ZHES BYA BA NI DNGOS PO THAMS CAD KYI 'BREL PA CI YANG RUNG CI SNYED PA DE THAMS CAD NI RNAM PA GNYIS KYI NANG DU 'DUS TE, DE'I BDAG NYID DANG DE LAS BYUNG BA ZHES SMOS PA YIN NO ZHES BYA BA LA DE'I BDAG NYID NI DE'I BDAG GO, ,DE'I BDAG GI DNGOS PO NI DE'I BDAG NYID DO, ,'DI DE'I BDAG NYID KYI MTSAN NYID YIN PAS 'DI NI 'DI'I BDAG NYID KYI MTSAN NYID DO, ,DE LAS SKYES PA NI DE LAS BYUNG BA'O, ,'DI NI DE LAS BYUNG BA'I MTSAN NYID YIN PAS ZHES BYA BAR TSIG RNAM PAR SBYAR TE 'DI NI SNGAR BSHAD ZIN TO, ,DES NA LDOG PA BRJOD PAS 'BREL PAR BSTAN PAR BYA'O ZHES BYA BA NI GANG GI PHYIR 'BREL PA YOD NA GCIG LOG PAS GZHAN LDOG @21A *, ,PAR 'GYUR GYI, MED NA MA YIN PA'I GTAN TSIGS DES GANG 'GA' ZHIG LDOG PAS GZHAN LDOG PAR BRJOD DE, DES NI BZLOG PAR BYA BA DANG ZLOG PAR BYED PA DE GNYIS 'BREL PAR BRJOD DO, ,DE LTA BAS NA LDOG BA'I TSIG GIS NI 'BREL PA BSDUS PA KHO NA YIN LA ZHES BYA BA NI LDOG PA'I TSIG KHO NAS 'BREL BA SDUD PAR BYED DO, ,GAL TE DE LTAR YIN DU ZIN KYANG DES CIR 'GYUR ZHE NA, 'BREL PA GANG YIN PA DE YANG RJES SU 'GRO BA ZHES BYA STE ZHES BYA BA SMOS TE, 'BREL PA BSTAN PA GANG YIN PA DE NYID RJES SU 'GRO BA'I ZHES BYA'O, ,DE LTA BAS NA RJES SU 'GRO BA'I SGO YAD RUNG LDOG PA'I SGO YANG RUNG STE, TSIG GCIG BRJOD PAS KYANG MTHUN PA'I PHYOGS DANG MI MTHUN PA'I PHYOGS LA RTAGS YOD PA DANG MED BA BSTAN PAR 'GYUR BAS ZHES BYA BAS NI GAL TE RJES SU 'GRO BA'I SGO NAS SBYOR BAR BYED DAM, 'ON TE LDOG PA'I SGO NAS SBYOR BAR BYED KYANG RUNG STE, 'ON KYANG BSHAD PA'I TSUL GYIS NA MTHUN PA'I PHYOGS DANG MI MTHUN PA'I PHYOGS GNYIS LA YOD PA DANG MED PA BSHAD PA NI YOD PA DANG MED PA RAB TU BSTAN PA YIN NO, ,GNYIS KAS KYANG RTAGS NI SO SOR BYED DO, ,DE LTAR NA TSIG GNYIS SBYOR BA NGES PA MED DO ZHES BYA BA NI, DE'I PHYIR SBYOR BA GCIG LA CHOS MTHUN PA NYID CAN DANG CHOS MI MTHUN PA NYID CAN GYI TSIG GNYIS SBYOR BA NGES PA MED DO, ,RE ZHIG DE LTAR 'BRAS BU DANG RANG BZHIN GYI GTAN TSIGS KYI RJES SU 'GRO BA DANG LDOG PA GNYIS GCIG GIS GCIG SDUD PA NI BSHAD ZIN TO, ,GTAN TSIGS GSUM PA'I PHYIR, MI DMIGS PA LA YANG ZHES BYA BA SMOS TE, 'BRAS BU RANG BZHIN GYI GTAN TSIGS 'BA' ZHIG TU MA ZAD KYI ZHES BYA BA'I THA TSIG GO, ,GANG YOD LA DMIGS PA'I RIG BYAR GYUR PA DE NI DMIGS PA KHO NAR 'GYUR RO ZHES BSTAN PAR MI DMIGS NA, DE LTA BU MED DO ZHES BYA BAR RTOGS PA'I PHYIR RJES SU 'GRO BA GRUB BO ZHES BYA BA NI GANG GI TSE DMIGS PA'I RIG BYAR GYUR PA YOD NA GDON MI ZA BAR DMIGS PAR 'GYUR RO ZHES LDOG PA BRJOD PA DE'I TSE, DMIGS PA'I RIG BYAR GYUR PA MI DMIGS PA'I SHUGS KYIS MED DO ZHES BYA BA RTOGS PAR 'GYUR TE, DE'I PHYIR RJES SU 'GRO BA GRUB PA BSDUS PA KHO NA YIN NO, ,DE LTAR NA RJES SU 'GRO BA SDUD @21B PA YIN NO, ,MI DMIGS PA LA LDOG PA SDUD PA NI BDAG NYID KYIS BRTAG PAR BYA'O, ,CHOS MTHUN PA DANG CHOS MI MTHUN PA CAN GYI RJES SU DPAG PA GNYIS LA YANG PHYOGS MA BSTAN PA MA YIN NAM, JI LTAR NA PHYOGS BSTAN PA MED PAR DE RTOGS PAR 'GYUR ZHE NA, DE'I PHYIR SBYOR BA 'DI GNYIS KA LA YANG PHYOGS BSTAN PAR NGES PA MED DE ZHES BYA BA SMOS TE, GDON MI ZA BAR PHYOGS BSTAN PAR BYA BA'I NGES PA GANG YIN PA'I NGES PA'I 'DI NI MED DO, ,'DI LTAR CHOS MTHUN PA NYID CAN GYI SBYOR BA LAS YANG DMIGS PA'I RIG BYAR GYUR PA GANG MI DMIGS PA DE NI MED PA'I THA SNYAD KYI YUL YIN ZHES BYA BA NI DMIGS PA'I RIG BYAR GYUR PA MI DMIGS PA GANG JI SNYED PA DE THAMS CAD KYI MED PA'I THA SNYAD KYI YUL YIN NO ZHES DNGOS PO MA LUS PA BSDUS PAS RJES SU 'GRO BA BYAS NA 'DI NA YANG DMIGS PA'I RIG BYAR GYUR PA BUM PA MI DMIGS SO ZHES PHYOGS KYI CHOS BSTAN PAR SHUGS KYIS 'DI NA BUM PA MED DO ZHES BYA BAR 'GYUR RO ZHES BYA BA NI DNGOS PO MA LUS PA BSDUS PAS RJES SU 'GRO BA GANG DANG GANG NA PHYOGS KYI CHOS BSTAN PA DE DANG DE NA BSGRUB PAR BYA BA STOBS KYIS 'GRUB PAR 'GYUR NA PHYOGS BSTAN CI DGOS DE BZHIN DU CHOS MI MTHUN PA NYID CAN GYI SBYOR BA LA YANG YOD PA'I THA SNYAD KYI YAL GANG YOD LA DMIGS PA'I RIG BYAR GYUR PA DE NI, DMIGS PA KHO NAR NGA GYUR NA ZHES BYA BA NI YOD PA'I THA SNYAD KYI YUL DNGOS PO GANG JI SNYED PA DE THAMS CAD DMIGS PA'I RIG BYAR GYUR NA, GDON MI ZA BAR DMIGS PAR 'GYUR RO ZHES LDOG PA BRJOD NA, 'DI NA NI DE 'DRA BA'I BUM PA DE LTAR MI DMIGS ZHES PHYOGS KYI CHOS BSTAN PA SHUGS NYID KYIS 'DIR YOD PA'I THA SNYAD KYI YUL MED DO ZHES BYA BAR 'GYUR RO ZHES BYA BA NI DNGOS PO MA LUS PA BSDUS PAS LDOG PA BSTAN PA GANG YIN PA DE DANG, PHYOGS KYI CHOS ZHES BYA BA'I DE GNYI GA'I STOBS KYIS DAM BCAS PA RTOGS PAS DAM BCAS PA MA BSTAN TE, GZHAN DU NA GANG RTOGS PA MED PA DE BSTAN TO, ,GAL TE SHUGS KYIS DAM BCA' BA'I DON RTOGS PAR 'GYUR NA, DE'I TSE DAM BCAS PA'I TSIG LA NGO MI CHOD PA CI YOD, 'DI LTAR SKABS KYI SHUGS KYIS LOG PAR RTOG PA'I YUL GYI DON NGES PAR SHES PA DANG, PHYOGS KYI CHOS DANG KHYAD PAR BSTAN @22A *, ,PA'I STOBS KYIS DAM BCAS PA'I DON KHONG DU CHUD PA DE LA PHYOGS BSTAN PAS CI ZHIG BYA, DE NI RNAM PAR NGES PA'I TSIG BRJOD PA LA BLTA BAR BYA'I, SPYOD PA BRJOD PAR NI PHYOGS BSTAN KYANG NYES PA 'GA' YANG MED DO, ,DE NYID KYI PHYIR NGES PA MED DE ZHES BYA BA SMROS SO, , CI STE RNAM PA THAMS CAD DU PHYOGS BSTAN PA DGAG PAR DOGS PA KHO NA ZHES 'BA' ZHIG YIN PAR GYUR NA NI, DE'I TSE 'DI SKAD DU GDON MI ZA BAR BSTAN PAR MI BYA'O ZHES BSHAD PAR 'GYUR RO, ,GAL TE RNAM PAR NGES PA'I TSIG BRJOD PAR PHYOGS MI BSTAN PAR CHUG NA, SPYOD PA BRJOD PA GANG DU BSTAN PA DER NI PHYOGS CI LTA BU ZHIG CES BSTAN PAR BYA ZHES BYA LA, MTSAN NYID CI LTA BU DANG LDAN PA'I PHYOGS SHIG BSTAN PAR BYA ZHE NA, RANG GI NGO BO KHO NA DANG, BDAG NYID DANG, 'DOD PA DANG, MA BRTZAL BAS BSTAN PAR BYA BA NI PHYOGS SO ZHES BSTAN PAR BYA BA YIN ZHES BYA BA SMOS TE, DON GANG ZHIG RGOL BA'I 'DOD PAS YUL DU BYAS NAS BSGRUB PAR BYA BA'I NGO BO KHO NAR STON CING, MNGON SUM LA SOGS PAS SEL BAR MI BYED PA DE LTA BU'I DON NI PHYOGS SO ZHES BSTAN TE, DE NI RE ZHIG BSDUS PA'I DON YIN NO, ,YAN LAG GI DON NI, RANG GI NGO BOS ZHES BYA BA NI BSGRUB PAR BYA BA KHO NAR 'DOD PAR ZHES BYA BA NI PHYOGS NI BSGRUB PAR BYA BA'I NGO BO MA GTOGS PA NGO BO GZHAN DU 'OS PA MA YIN PAS, DE'I PHYIR RANG GI NGO BOS ZHES BSHAD MOD KYI, BSGRUB PAR BYA BA KHO NA YIN PAR KHONG DU CHUNG PAR BYA'O, ,RANG GI NGO BO KHO NAS ZHES BYA BA NI BSGRUB PAR BYA BA KHO NAR 'DOD PA YIN GYI, SGRUB PA NYID YIN YANG RUNG NA MA YIN ZHES BYA BA BSNAN PAS NI BSGRUB PAR BYA BA'I NGO BO KHO NA 'BA' ZHIG TU BSTAN PAR BYA BA LA PHYOGS KHO NAR BRJOD KYI, NGO BO GZHAN SPANG BA NI MA YIN NO, ,BSGRUB PAR BYA BA'I NGO BO GZHAN DANG YANG LDAN PAR BSTAN PA GANG ZHE NA, DPER NA SGRA MI RTAG PA NYID DU BSGRUB PAR BYA BA LA GTAN TSIGS MIG GIS GZUNG BA NYID NI SGRA LA MA GRUB PA'I PHYIR BSGRUB PAR BYA BA YIN NA ZHES BYA BA SMOS TE, GANG ZHIG SGRA NI MI RTAG PA STE, MIG GIS GZUNG BA YIN PA'I PHYIR RO ZHES SMRA BAR BYED PA DE'I MIG GIS GZUNG BA DE NI SGRAL MA GRUB PAS BSGRUB PAR BYA BA YIN NO, ,DE'I PHYIR BSNAN PA MED PA @22B MIG GIS GZUNG BA BSTAN PA YANG PHYOGS NYID DU THAL BAR 'GYUR RO, ,GAL TE DE LAS BSGRUB PAR BYA BA'I NGO BO YOD PA CI'I PHYIR PHYOGS MA YIN ZHE NA, DE 'DIR NI SGRUB PA KHO NAR BRJOD PA'I PHYIR BSGRUB PAR BYA BA NYID KHO NAR MI 'DOD CES BYA BA SMOS TE, MIG GIS GZUNG BA NYID LA BSGRUB PAR BYA BA'I NGO BO NYID YOD MOD KYI, 'ON KYANG GTAN TSIGS NYID DU STON PA NA BSGRUB PAR BYA BA'I RANG GI NGO BO KHO NA 'BA' ZHIG NI MA YIN TE, BSGRUB PA'I NGO BO NYID KYANG YIN NO, ,DE BAS NA BSGRUB PAR BYA BA YIN YANG SGRUB PA'I NGO BO LHAG PAR YOD PA'I PHYIR BSNAN PA'I TSIG GIS PHYOGS NYID YIN PA ZLOG GO, ,BDAG NYID CES BYA BA NI DE'I TSE, RGOL BAS SGRUB PA SMRAS PA GANG YIN PA'O ZHES BYA BA NI SGRUB PA SMRAS PAS, BDAG NYID KYIS BSTAN PAR BYA BA'I DON GANG YIN PA DE NI PHYOGS KHO NA YIN GYI, BSTAN BCOS BYED PAS BSTAN PAR BYA BA'I DON NI MA YIN NO ZHES BYA BA'I THA TSIG GO, ,DES NA ZHES BYA BA NI RGOL BAS BSTAN PAR BYA BA LA PHYOGS KHO NAS BRJOD PAS SO; ,GAL TE BSTAN BCOS 'GA' ZHIG LA BRTEN TE SGRUB PA SMRA NA YANG ZHES BYA BA NI RE ZHIG BSTAN BCOS 'GA' ZHIG LA BRTEN TE, PHYOGS SU BYA BA'I NGES PA YIN PA DE NI NGES PA MED MOD KYI 'ON KYANG GAL TE BSTAN BCOS KHAS BLANGS TE, TSAD MAR BYED NA YANG ZHES BYA BA'I THA TSIG STE, BSTAN BCOS DE BYED PAS BSTAN BCOS SGRUB PA MANG ZHIG KHAS LEN DU ZIN KYANG ZHES BYA BA NI RGOL BA BSTAN BCOS GANG LA BRTEN TE SGRUB PA SMRA BA'I BSTAN BCOS DE GANG GIS BYAS PA'I BSTAN BCOS DE BYED PA DES LOG PAR RTOG PA'I YUL CHOS CAN LA GAL TE CHOS MANG ZHIG KHAS BLANGS PAR GYUR KYANG 'ON KYANG, DE'I TSE RGOL BA DES CHOS GANG BSGRUB PAR 'DOD PA DE NYID BSGRUB PAR BYA BA YIN GYI, CIG SHOS NI MA YIN NO ZHES BSTAN PAR 'GYUR RO ZHES BYA BA NI RGOL BA KHO NAS CHOS GANG BSGRUB PAR 'DOD PA NYID BSGRUB PAR BYA BA YIN GYI, BSTAN BCOS BYED PA'I 'DOD PA NI MA YIN TE, 'DI SKAD DU GANG GI TSE RGOL BAS BSTAN 'DOD PA ZHES BYA BA'I PHYOGS NYID KHAS LEN PA DE'I TSE, RGOL BA BSTAN BCOS KHAS LEN PA'I SGO NAS SMRA NA YANG BDAG NYID 'DOD PA'I CHOS KHO NA BSGRUB PAR BYA BA YIN GYI, BSTAN BCOS BYED PAS KHAS BLANGS PA NI MA YIN NO ZHES BSTAN PAR 'GYUR RO, ,'DOD PA ZHES BYA BA NI DON GANG LA RTZOD PAR SGRUB PAR 'DOD PA'O ZHES BYA BA'I SGRA'I DON 'CHAD DE, DNGOS @23A *, ,PO GANG RTZOD PA BYUNG BA'I RTZOD PA'I GZHI'I DNGOS PO NYID GRUB BAR 'DOD BAS BSGRUB BA BKOD PA'I DON DE NI 'DOD BA ZHES BYA'O, ,DE NI TSIG TU MA SMRAS KYANG BSGRUB PAR BYA BA YIN NO ZHES BYA BA YIN TE, GAL TE LOG PAR RTOG PA'I YUL DON DE TSIG GIS MA BRJOD KYANG, 'ON KYANG DE NI BSGRUB PAR BYA BA KHO NA YIN NO, ,DE CI'I PHYIR ZHE NA, DE NI RTZOD PA'I GZHI YIN PA'I PHYIR RO ZHES BYA BA SMOS TE, DE'I PHYIR DE KHO NAR RTZOD PA GANG GI PHYIR RTZOD PA DE JI LTAR NA, BSGRUB PAR BYA BA KHO NA MA YIN, RTZOD PA'I GZHI GANG LA DE TSIG TU MA BRJOD KYANG BSGRUB PAR BYA BAR 'DOD CE NA, DE'I PHYIR, DPER NA 'DUS PA YIN BA'I PHYIR MIG LA SOGS PA NI GZHAN GYI DON YIN TE, MAL CHA DAD STAN LA SOGS PA'I YAN LAG BZHIN NO ZHES BYA BA SMOS TE, DPER NA MAL CHA DANG STAN LA SOGS PA'I YAN LAG RNAMS 'DUS PA'I NGO BO YIN PAS, GZHAN GYI DON DU MTHONG BA LTAR DE BZHIN DU MIG LA SOGS PA YANG 'DUS PA'I NGO BO YIN PA'I PHYIR, GZHAN GYI DON YIN NO ZHES BYA BA NI SBYOR BA'I DON YIN NO, ,'DIR BDAG GI DON ZHES MA BRJOD KYANG BDAG GI DON NYID DU BSGRUB PAR BYA BA YIN TE ZHES BYA BA NI SBYOR BA 'DIR GAL TE DMIGS LA SOGS PA NI BDAG GI DON TE ZHES MA BRJOD KYANG BDAG GI DON KHO NAR SGRUB PAR BYED DO, ,DE LTA MA YIN NA GZHAN GYI DON TZAM ZHIG YIN NA, GRUB PA SGRUB PAR 'GYUR RO, ,BDAG LA LOG PAR RTOG PAS SGRUB PA 'BA' ZHIG STE, DE'I PHYIR DE NYID BSGRUB PAR BYA BA YIN NO, ,DES NA SMRAS PA TZAM KHO NA NYID BSGRUB PAR BYA BA MA YIN NO ZHES BSTAN PAR 'GYUR RO ZHES BYA BA NI GANG GI PHYIR, DE SKAD DU MA SMRAS KYANG 'DOD PAS YUL DU BYAS PA'I PHYIR BSGRUB PAR BYA BAR 'DOD PA DE'I PHYIR SMRAS PA KHO NA 'BA' ZHIG BSGRUB PAR BYA BA MA YIN GYI, CI LTA ZHE NA, 'DOD PAS YUL DU BYAS PA YANG BSGRUB PAR BYAS PA KHO NA YIN NO, ,MA BSAL BA ZHES BYA BA NI MTSAN NYID DE DANG LDAN DU ZIN KYANG BSGRUB PAR 'DOD PA'I DON MNGON SUM DANG RJES SU DPAG PA DANG, GRAGS PA DANG, RANG GI TSIG RNAMS KYIS SEL BA GANG YIN PA DE NI PHYOGS MA YIN NO ZHES BSTAN PA'I PHYIR ZHES BYA BA NI, JI SKAD SMOS PA'I MTSAN NYID DANG LDAN PA'I DON BSGRUB PA'I SKABS YIN YANG, GAL MNGON SUM DANG RJES SU DPAG PA DANG, GRAGS PA DANG, RANG GI TSIG GIS SEL BAR BYED NA, DE'I @23B TSE DON DE PHYOGS MA YIN NO ZHES BYA BAR BSTAN PA'I PHYIR MA BSAL BA ZHES BYA BA SMOS SO, ,DE LA MNGON SUM GYIS GSAL BA NI DPER NA SGRA NI MNYAN DU MI RUNG NGO ZHES BYA BA LTA BU'O ZHES BYA BA THOGS PA NI NYAN PA STE, SNA'I RNAM PAR SHES PA ZHES BYA BA'I THA TSIG GO, ,NYAN PA LA GRAGS PA'AM, NYAN PAS GZUNG BAR BYA BA NI MNYAN DU RUNG BA'O, ,MNYAN PAR BYA BA MA YIN PA NI MNYAN DU MI RUNG BA STE, RNA BA'I RNAM PAR SHES PA LA GRAGS PAR MI 'GYUR ZHES BYA BA'I THA TSIG GO, ,DE LTA BAS NA 'DIR SGRA NI CHOS CAN YIN NO, ,MNYAN DU MI RUNG BA NYID NI BSGRUB PAR BA'I CHOS YIN NO, ,SGRA NI MNYAN DU MI RUNG BA NYID DO ZHES DAM 'CHA' NA; DE NI MNGON SUM GYIS SEL BAR BYED DO, ,'DI LTAR RNA BA'I RNAM PAR SHES PA SGRA'I RNAM PAR SNANG BA NI SROG CHAGS SO COG GIS RANG GIS RANG RIG STE, DES NA MNYAN PAR BYA BA NYID DU RANG GIS RIG PA'I GRAGS PAS MNYAN DU MI RUNG BA NYID SEL BAR BYED DO, ,RJES SU DPAG PAS BSAL BA NI DPER NA BUM PA NI RTAG PA'O ZHES BYA BA LA BUM PA RTAG PA NYID DU DAM 'CHA' NA, BYAS PA LA SOGS PA'I RJES SU DPAG PAS SEL BAR BYED DE, 'DI LTAR BYAS PA NI MI RTAG PAR MTHONG LA, BUM PA YANG BYAS PA YIN TE, DES NA RTAG PA NYID DU GA LA 'GYUR, GRAGS PAS BSAL BA NI DPER NA RI BONG CAN NI ZLA BA MA YIN NO ZHES BYA BA LTA BU'O ZHES BYA BA STE, LA LA ZHIG RI BONG CAN NI ZLA BA'I SGRAR BRJOD PAR BYA BA MA YIN NO ZHES DAM 'CHA' BAR BYED NA, DE NI RI BONG CAN ZLA BA'I SGRAR BRJOD PA NYID DU GNAG RDZI MO YAN CHAD LA GRAGS PAS SEL BAR BYED DO, ,YANG NA DON THAMS CAD LA SGRA THAMS CAD KYI BRJOD PAR BYAR RUNG BAS SEL BAR BYED DE, SGRA DANG DON DU 'BREL BA NI BRDAR BTAGS PA YIN PA'I PHYIR, DPER NA BUM PA LA YANG ZLA BA'I SGRAR BRJOD PAR BYA BA NYID DU RUNG NGO, ,RANG GI TSIG GIS SEL BA NI DPER NA RJES SU DPAG PA NI TSAD MA MA YIN NO ZHES BYA BA LTA BU STE ZHES BYA BA STE, GANG ZHIG RJES SU DPAG PA NI TSAD MA MA YIN NO ZHES SMRA NA YANG, DE NI RANG GI TSIG DANG 'GAL TO, RJES SU DPAG PA TSAD MA NYID MA YIN NA TSIG DE NYID KYANG BRJOD PAR BYA BAR MI 'GYUR TE, 'DI LTAR TSIG NI RJES SU DPAG PA'I KHONGS SU 'DUS LA, RJES SU DPAG PA YANG TSAD MA MA YIN NA TSIG KYANG TSAD MAR GA LA 'GYUR, @24A *, ,TSIG DE TSAD MA MA YIN NA CI'I PHYIR BRJOD CES RANG GI TSIG DANG 'GAL LO, ,PHYOGS LTAR SNANG BA BZHIN BSAL BA YIN NO ZHES BYA BA LA LUNG DANG 'GAL BA NI RANG GI TSIG DANG 'GAL BA'I KHONGS SU 'DUS PAR MKHYEN NAS, PHYOGS LTAR SNANG BA BZHIN ZHES BSHAD DO, ,YANG NA LUNG NI RJES SU DPAG PA DNGOS PO'I STOBS KYIS ZHUGS PA LA BRTEN PAR BYA BA MA YIN PA NYID KYIS MI 'GAL BA'I PHYIR NA YANG BZHI ZHES BSHAD DO, ,DE LTAR NA ZHES BYA BA NI BSHAD PA'I TSUL GYIS NA'O, ,GRUB PA DANG MA GRUB KYANG SGRUB PA NYID DU 'DOD PA DANG, DE'I TSE RGOL BA BDAG NYID KYIS SGRUB PAR MI 'DOD PA DANG, SMRAS PA TZAM DANG BSAL BA LAS BZLOG PA LA NI BSGRUB PAR BYA BA YIN NO ZHES BYA BA LA, 'DIR BZLOG PA ZHES BYA BA NI RE RE LA YANG SBYAR BAR BYA STE, DES NA 'DI SKAD DU GRUB PA LAS BZLOG PA DANG, MA GRUB KYANG SGRUB PA NYID 'DOD PA LAS BZLOG PA DANG, DE'I TSE RGOL BA BDAG NYID KYIS BSGRUB PAR MI 'DOD PA LAS BZLOG PA DANG, SMRAS PA TZAM LAS BZLOG PA DANG, BSAMS PA TZAM LAS BZLOG PA NI PHYOGS YIN PAR BLTA BAR BYA'O ZHES BSTAN PAR 'GYUR TE, DE LTAR RE ZHIG DE NI BZLOG PA'I SGO NAS PHYOGS KYI MTSAN NYID BSTAN PA YIN NO, ,DA NI BSGRUB PA'I NGO BOR STON PAR BYED DO, ,DE NYID KYI NGO BOR ZHES BYA BA NI BSGRUB PAR BYA BA NYID KHO NAR ZHES BYA BA'I THA TSIG GO, ,RGOL BA'I 'DOD PA ZHES BYA BA NI BSTAN BCOS BYED PA'I 'DOD PA SEL BA'O, ,'DOD PA ZHES BYA BA NI SMRAS PA TZAM NYID MA YIN PA'O, ,MA BSAL BA ZHES BYA BA NI PHYOGS KYI CHOS DANG ZHES BYA BA'I THA TSIG GO, ,PHYOGS ZHES BYA BA NI BSGRUB BAR BYA'O ZHES BYA BA'I THA TSIG GO, ,DE LTAR NA PHYOGS KYI MTSAN NYID SKYON MED PAR BSTAN LA YIN NO ZHES BYA BA NI, DE LTAR PHYOGS KYI MTSAN NYID NYES PA DANG BSHAD PA YIN TE, DE LTAR RE ZHIG YANG DAG PA'I MTSAN NYID DANG LDAN PA'I RJES SU DPAG PA BSHAD ZIN TO, ,RJES SU DPAG PA LTAR SNANG BA BSHAD PAR BZHED NAS, GZHAN GYI DON GYI RJES SU DPAG PA NI TSUL GSUM PA'I RTAGS BRJOD PA STE ZHES SMRAS BA ZHES BYA BA SMOS TE, SMRAS PA ZHES SMOS PAS NI GTAN TSIGS LTAR SNANG BA DANG 'BREL PAR STON TO, ,DE LA TSUL GSUM PAS TSUL GCIG MA SMRAS NA YANG SGRUB PA LTAR SNANG BA YIN ZHES BYA BA @24B NI PHYOGS KYI CHOS DANG, RJES SU 'GRO BA DANG LDOG PA ZHES BRJOD PA STE, TSUL GSUM LAS GAL TE GCIG NYID MA BRJOD NA YANG DE'I TSE MA TSANG BA ZHES BYA BA'I SGRUB PA'I NYES PAR 'GYUR RO, ,DE SMRAS KYANG GO BAR BYA BA DANG GO BAR BYED PA GNYIS LA MA GRUB BAM THE TSOM ZA NA YANG NGO ZHES BYA BA NI TSUL GSUM LAS GANG YANG RUNG BA ZHIG SMRAS KYANG, GAL TE RGOL BA DANG PHYIR RGOL BA GNYIS LA MA GRUB BAM THE TSOM ZA BAR 'GYUR NA, 'ON KYANG BSGRUB PA LTAR SNANG BA YIN TE, DE LTAR RE ZHIG BSGRUB PA LTAR SNANG BA SPYIR BSTAN TO, ,BYE BRAG TU BSTAN PAR BYA BA'I PHYIR CHOS CAN DANG 'BREL PA'I TSUL GCIG MA GRUB BAM THE TSOM ZA NA MA GRUB PA'I GTAN TSIGS LTAR SNANG BA YIN ZHES BYA BA SMOS TE, CHOS CAN DANG 'BREL PA NI CHOS CAN DANG 'BREL PA STE, PHYOGS KYI CHOS ZHES BYA'O, ,DE MA GRUB BAM THE TSOM ZA BA NI MA GRUB PA ZHES BYA BA'I GTAN TSIGS LTAR SNANG BA YIN NO, ,DPE BSTAN BA'I PHYIR DPER NA SGRA MI RTAG PAR BSGRUB PA LA MIG GIS GZUNG BA NYID NI GNYI GA LA MA GRUB PA LTA BU'O ZHES BYA BA SMOS TE, SGRA MIG GIS GZUNG BAR BYA BA MA YIN PAR NI RGOL BA DANG PHYIR RGOL BA GNYIS GA YANG KHAS MI LEN TO, ,SHING RNAMS LA SEMS PA YOD PAR BSGRUB PA LA SHUN PA THAMS CAD BSHUS NAS 'CHI BA NI PHYIR RGOL BA LAS MA GRUB CES BYA BA NI GANG GI TSE PHYOGS KYI GOS CAN NA RE SHING RNAMS LA SEMS PA YOD DE, SHUN PA THAMS CAD BSHUS NA 'CHI BA'I PHYIR RO ZHES SANGS RGYAS PA LA TSAD MAR BYED PA DE'I TSE, SHING DAG LA SHUN PA THAMS CAD BSHUS PAS 'CHI BAR SANGS RGYAS PA LA MA GRUB BO, ,CI'I PHYIR MA GRUB ZHE NA, DE NI RNAM PAR SHES PA DANG, DBANG PO DANG, TSE 'GAG PA'I MTSAN NYID LA 'CHI BA YIN PAR KHAS LEN PA'I PHYIR RO ZHES BYA BA SMOS TE, RNAM PAR SHES PA DANG, DBANG PO RNAMS DANG, TSE ZHES TSIG RNAM PAR SBYAR RO, ,DE DAG 'GAG PA NI RNAM PAR SHES PA DANG, DBANG PO DANG, TSE 'GAG PA'O, ,MTSAN NYID DE 'CHI BA GANG LA 'CHI BA DE NI RNAM PAR SHES PA DANG, DBANG PO DANG, TSE 'GAG PA'I MTSAN NYID KYIS 'CHI BA YIN TE, SANGS RGYAS PA DAG NI DE LTA BU'I 'CHI BA KHAS LEN GYI SKAM PA TZAM LA NI MA YIN NO, ,DE YANG SHING DAG LA MI SRID PA'I PHYIR RO ZHES BYA BA NI DE 'DRA BA'I 'CHI @25A *, ,BA SHING DAG LA MI SRID PA'O, ,BDE BA LA SOGS PA SEMS PA MED PAR SGRUB PA LA SKYE BA CAN NAM MI RTAG PA NYID NI GRANGS CAN RGOL BA BDAG NYID LA MA GRUB PA'O ZHES BYA BA GANG GI TSE, GRANGS CAN NA RE BDE BA CAN LA SOGS PA NI SEMS PA MED PA STE, SKYE BA'I PHYIR RAM MI RTAG PA'I PHYIR RO ZHES SANGS RGYAS PA LA TSAD MAR BYED PA DE'I TSE, BDE BA LA SOGS PA DAG LA SKYE BA 'AM MI RTAG PAR NI GRANGS CAN BDAG NYID LA MA GRUB STE, DE'I NI CI YANG SKYE BA MED CING 'JIG PA MED DO, ,DE BZHIN DU DE'I BDAG NYID DAM, DE'I GZHI LA THE TSOM ZA NA MA GRUB CES BYA BA NI GANG GI TSE, GTAN TSIG BDAG NYID DAM, DE'I GZHI LA THE TSOM ZA BAR GYUR NA, DE'I TSE GRUB PA'I GTAN TSIGS LTAR SNANG BA YIN NO, ,'DIR DPE NI, DPER NA ME BSGRUB PAR BYA BA LA RLANGS PA LA SOGS PA'I DNGOS POR THE TSOM ZA BA'I 'BYUNG BA 'DUS PA LTA BU'O ZHES BYA BA STE, RLANGS PA LA SOGS PA GANG DAG YIN PA DE DAG NI RLANGS PA LA SOGS PA'O, ,DE DAG GI DNGOS PO NI RLANGS PA LA SOGS PA'I DNGOS PO STE, RLANGS PA LA SOGS PA'I NGO BO ZHES BYA BA'I THA TSIG GO, ,'BYUNG BA RNAMS 'DUS PA NI 'BYUNG BA 'DUS PA STE, ME GRUB PAR BYA BA LA DE GTAN TSIGS SU BYED NA GANG GI TSE 'DI CI RLANGS PA'AM, RDUL LAM; DU BA 'AM, KHUG RNA YIN ZHES RLANGS PA LA SOGS PA'I DNGOS POR THE TSOM ZA BA'I MA GRUB PA'I GTAN TSIGS LTAR SNANG BA YIN NO, ,DE'I GZHI LA THE TSOM ZA BA BSTAN PA'I PHYIR, DPER NA RMA BYA'I SGRA GRAGS PA'I PHYIR, RI SUL 'DI NA RMA BYA YOD DO ZHES BYA BA LA ZHES BYA BA SMOS TE, RMA BYA'I SGRA 'BYIN PA NI RMA BYA'I SGRA'O, ,RI SUL NI RI'I PHYOGS GCIG GO, ,GAL TE LA LA ZHIG 'DI SKAD DU RMA BYA'I SGRA GRAGS PA'I PHYIR, RIS SUL 'DI NA RMA BYA YOD DO ZHES TSAD MAR BYED NA, DE NA RMA BYA'I SGRA GRAGS PA NI DES NA 'DOD PA DANG 'BREL PA'I RI SUL NI THE TSOM ZA'O, ,JI LTAR THE TSOM ZA ZHE NA; SGRA GRAGS PA'I YUL MI RTOGS PA LTA BU'O ZHES BYA BA SMOS TE, RMA BYA'I SGRA DE GRAGS PA'I YUL LA THE TSOM ZA STE, RMA BYA'I SGRA 'DI RI SUL GANG NA GRAGS ZHES DE LA THE TSOM ZA BA YIN NO, ,CHOS CAN MA GRUB NA YANG MA GRUB PA YIN TE, DPER NA BDAG THAMS CAD NA GNAS PAR SGRUB PA LA @25B THAMS CAD LA DMIGS PA'I YON TAN NYID LTA BU'O ZHES BYA BA NI, KUN NA GNAS PA NI THAMS CAD NA GNAS PA STE, THAMS CAD NA YOD CES BYA BA'I THA TSIG GO, ,THAMS CAD NA DMIGS PA'I YON TAN RNAMS GANG LA YOD PA ZHES TSIG RNAM BAR SBYAR RO, ,DE'I DNGOS PO NI THAMS CAD DMIGS PA'I YON TAN NYID DO, ,SU ZHIG THAMS CAD NA DMIGS PA'I YON TAN NYID KYIS BDAG THAMS CAD NA GNAS PA NYID DU SGRUB PAR BYED PA DE LA GZHI MA GRUB PA'I GTAN TSIGS SU 'GYUR TE, 'DI LTAR GANG NA THAMS CAD NA DMIGS PA'I YON TAN NYID KYI CHOS YOD PAR BRJOD PA'I BDAG DE NYID MA GRUB BO; PHA ROL PO'I LO RGYUS NI 'DI YIN TE, BDE BA LA SOGS PA NI BDAG GI YON TAN RNAMS YIN ZHES GRAGS LA DE DAG KYANG YUL THAMS CAD NA NGAS PA'I LHA SBYIN LA DMIGS SO, ,BYA BA MED PA'I PHYIR BDAG LA NI 'GRO BA DANG 'ONG BA MED DE, GANG GI PHYIR DE'I YON TAN THAMS CAD NI DMIGS PA DE'I PHYIR, BDAG NI THAMS CAD NA GNAS PAR NGES SO ZHE'O,, ,,BAM PO GSUM PA, DE BZHIN DU MI MTHUN PA'I PHYOGS LA MED PA'I TSUL GCIG MA GRUB NA YANG MA NGES PA'I GTAN TSIGS LTAR SNANG BA YIN TE ZHES BYA BA NI LDOG BA LA MA GRUB NA MA NGES PA'I GTAN TSIGS LTAR SNANG BA YIN PAR BLTA BAR BYA'O, ,DES BSTAN PA'I PHYIR DPER NA SGRA RTAG PA NYID LA SOGS PA'I CHOS SU BSGRUB PA LA GZHAL BYA NYID LA SOGS PA'I CHOS NI MTHUN PA'I PHYOGS DANG, MI MTHUN PA'I PHYOGS THAMS CAD LA 'AM, PHYOGS GCIG LA YOD BA'I LTA BU'O ZHES BYA BA NI RTAG PA NYID LA SOGS PA'I CHOS GANG YIN PA DE NI RTAG PA NYID LA SOGS PA'O, ,DE BZHIN DU GZHAL BYA NYID LA SOGS PA'I CHOS GANG YIN PA DE NI GZHAL BYA NYID LA SOGS PA STE, GZHAL BYA YIN PA'I PHYIR SGRA NI RTAG GO ZHES SGRUB PA LA GZHAL BYA NYID NI MTHUN PA'I PHYOGS DANG, MI MTHUN PA'I PHYOGS THAMS CAD LA YOD DO, ,MI RTAG PA'I PHYIR SGRA NI BRTZAL MA THAG TU 'BYUNG BA MA YIN NO ZHES BSGRUB PA LA MI RTAG PA NYID NI MTHUN PA'I PHYOGS KYI PHYOGS GCIG LA YOD LA, MI MTHUN PA'I PHYOGS THAMS CAD LA YOD DO, ,MI RTAG PA'I PHYIR SGRA NI BRTZAL MA THAG TU 'BYUNG BA YIN NO ZHES BSGRUB BA LA MI RTAG PA NYID NI MTHUN PA'I PHYOGS THAMS CAD LA YOD @26A *, ,LA; MI MTHUN PA'I PHYOGS KYI PHYOGS GCIG LA YOD DO, ,REG BA MA YIN PA'I PHYIR SGRA NI RTAG GO ZHES SGRUB PA LA REG PA MA YIN PA NYID NI MTHUN PA'I PHYOGS DANG MI MTHUN PA'I PHYOGS GNYIS KA'I PHYOGS GCIG LA YOD DO, ,DES NI MTHUN MONG GI MA NGES PA RNAM PA BZHI BSTAN TO, ,DE BZHIN DU TSUL DE NYID LA THE TSOM ZA NA YANG MA NGES PA KHO NA STE ZHES BYA BA NI MI MTHUN PA'I PHYOGS LA MED PA NYID LA, GANG GI TSE THE TSOM DU GYUR PA DE'I TSO YANG MA NGES PA KHO NA YIN NO, ,DPE BSTAN PA'I PHYIR DPER NA BRJOD PAR 'DOD PA'I MI LA LA ZHIG THAMS CAD MKHYEN PA MA YIN PA'AM, 'DOD CHAGS LA SOGS PA DANG LDAN PAR BSGRUB PA LA SMRA BA LA SOGS PA'I CHOS LTA BU STE ZHES BYA BA SMOS TE, GANG ZHIG BRJOD PAR 'DOD PA'I MI LA LA ZHIG SMRA BA'I PHYIR, THAMS CAD MKHYEN PA MA YIN NO ZHES SMRA BAR BYED PA DANG, DE BZHIN DU SMRA BA KHO NA'I PHYIR 'DOD CHAGS LA SOGS PA DANG LDAN PA YIN NO ZHES SMRA NA, DE'I SMRA BA NYID LA SOGS PA'I CHOS NI MA NGES PA KHO NA YIN NO, ,MA NGES PA DE MING CI ZHIG BYA ZHE NA, MI MTHUN PA'I PHYOGS LAS LDOG PA DE THE TSOM ZA BA YIN NO ZHES BYA BA SMOS TE, 'DI LA MI MTHUN PA'I PHYOGS LAS LDOG PA LA THE TSOM ZA BA YOD PAS 'DI NI MI MTHUN PA'I PHYOGS LA THE TSOM ZA BA YIN TE LDOG PA LA THE TSOM ZA BA ZHES BYA BA'I THA TSIG GO, ,THAMS CAD MKHYEN PA LA ZHIG SMRA BAR MA MTHONG BA LA, MA MTHONG BA'I PHYIR NA LDOG PA GRUB PA MA YIN NAM, CI LTAR NA 'DI MA NGES PA ZHES BYA ZHE NA, DE'I PHYIR, THAMS CAD MKHYEN PA'I SMRA BA MA DMIGS SO ZHES BYA BA MI DMIGS PA'I RNAM PA DE LTA BU NI YUL BLTAR MI SNANG BA NYID KYIS THE TSOM GYI RGYU YIN PA'I PHYIR RO ZHES BYA BA SMOS TE, THAMS CAD MKHYEN PA SMRA BAR MA MTHONG DU ZIN KYANG MI DMIGS PA 'DI NI YUL BLTAR MI SNANG BA'I BDAG NYID YIN PA'I PHYIR YANG THE TSOM GYI RGYU YIN GYI, LDOG PA BSGRUB BAR BZOD PA NI MA YIN NO, ,DE BAS NA THAMS CAD MKHYEN PA MA YIN PA LAS BZLOG PA LA SMRA BA LA SOGS PA LDOG PA NI THE TSOM DU 'GYUR BA YIN TE ZHES BYA BA NI YUL BLTAR MI SNANG BA'I MI DMIGS PA NI THE TSOM GYI RGYU KHO NA YIN PA'I PHYIR, THAMS CAD MKHYEN PA MA YIN PA LAS BZLOG PA'I THAMS CAD MKHYEN PA NYID LAS SMRA BA'I MTSAN NYID KYI GTAN TSIGS KYI @26B LOG PA'I THE TSOM DU 'GYUR BA YIN NO, ,MI DMIGS PA NI YUL BLTAR MI SNANG BA'I BDAG NYID YIN PA'I PHYIR LDOG PA BSGRUB PA MA YIN DU ZIN KYANG, RANG BZHIN 'GAL BA DMIGS PAS SGRUB PAR BYED DO ZHE NA, DE'I PHYIR SMRA BA NYID DANG THAMS CAD MKHYEN PA NYID LA 'GAL BA MED PA'I PHYIR RO ZHES BYA BA SMOS TE, SMRA BA NYID DANG THAMS CAD MKHYEN PA NYID NI 'GAL BA MED DE, DE BAS NA MA MTHONG DU ZIN KYANG THAMS CAD MKHYEN PA NYID GANG YIN PA DE NI SMRA BA MA YIN NO ZHES BYA BA'I LDOG PA NI MI 'GRUB STE THE TSOM ZA BA'I PHYIR RO ZHES BYA BA NI, THAMS CAD MKHYEN PA SMRA BAR MTHONG DU ZIN KYANG SMRA BA NYID DANG, THAMS CAD MKHYEN PA'I NYID 'GAL BA MED PAS SMRAS PA NYID NI THAMS CAD MKHYEN PA NYID LAS LDOG PAR MI 'GRUB STE THE TSOM ZA BAR 'GYUR BA'I PHYIR RO, ,DE GNYIS CI LTAR 'GAL BA MED CE NA, DE'I PHYIR DNGOS PO RNAMS KYI 'GAL BA NI RNAM PA GNYIS TE ZHES BYA BA SMOS TE GANG LA 'GAL BA GANG CI SNYED PA DE THAMS CAD NI RNAM PA NYID KYI NANG DU 'DUS TE, GCIG NI DNGOS PO LAS GYUR PA'I PHYIR RO, ,GNYIS PA NI MTSAN NYID LAS GYUR PA'I 'GAL PA'O, ,DNGOS PO LAS GYUR PA'I 'GAL BA BSTAN PA'I PHYIR RGYU MA TSANG BA MED PAR 'BYUNG BA LA GZHAN YOD NA MED PA'I PHYIR 'GAL BA STE, GRANG BA DANG TSA BA'I REG PA LTA BU'O ZHES BYA BA SMOS TE, GANG GI TSE DNGOS PO'I RGYU'I TSIG MA NYAMS PAR RGYU CHAGS SU 'JUG PA NA, DNGOS PO GZHAN ZHIG NYE BAR GYUR NA LDOG PAR GYUR PA DE'I TSE 'GAL BAR RTOGS PAR 'GYUR TE, DPER NA GRANG BA DANG TSA BA'I REG PA GNYIS LA GRANG BA'I RGYU MA TSANG BA MED PAR 'BYUNG BA NA, GANG GI TSE TSA BA NYE BAR GYUR BA DE'I TSE GRANG BA LDOG PAR 'GYUR BA DE LTA BU STE, DE GNYIS NI 'JIG RTAN NA 'GAL BAR RTOGS SO, ,GCIG GIS GCIG SPONG BA STE GNAS PA'I MTSAN NYID KHO NAS TE, YOD PA DANG MED PA LTA BU'O ZHES BYA BA NI GANG ZHIG GCIG GIS GCIG SPANGS TE GNAS PA'I MTSAN NYID DE DAG NI GCIG GIS GCIG SPANGS TE GNAS PA'I MTSAN NYID DAG GO, ,DE'I DNGOS PO NI GCIG GIS GCIG SPANGS TE GNAS PA'I MTSAN NYID KHO NA STE DES 'GAL BA'O, ,DPER NA YOD PA DANG MED PA GNYIS LA YOD PA NI MED PA SPANGS PAS RNAM PAR GZHAG GO, ,MED PA NI YOD PA SPANGS PAS RNAM PAR GZHAG GO, ,'GAL BA RNAM PA DE GNYIS @27A *, ,YANG SMRA BA NYID DANG THAMS CAD MKHYEN PA NYID LA MI SRID CES BYA BA NI 'GAL BA RNAMS PA DE GNYIS GANG YANG THAMS CAD MKHYEN PA NYID DANG, SMRA BA NYID DU LDAN PA LA MI SRID DE, SMRA BA NYID KYI RGYU MA TSANG BA MED PAR 'BYUNG BA LA THAMS CAD MKHYEN PA NYID NYE BAR GYUR NA LDOG PA YANG MA MTHONG NGO, ,SMRA BA NYID SPANGS PAS THAMS CAD MKHYEN PA NYID RNAM PAR GZHAG PA YANG MA YIN LA, THAMS CAD MKHYEN PA NYID SPANGS PAS SMRA BA NYID RNAM PAR GZHAG PA YANG MA YIN NO, ,'GAL BA MED DU ZIN KYANG 'GAL BA MED BZHIN DU SMRA BA NYID NI THAMS CAD MKHYEN PA NYID KYIS ZLOG PAR 'GYUR RO ZHE NA, DE'I PHYIR, MI 'GAL BA YOD PA'I PHYIR, MI DMIGS KYANG MED PA RTOGS PA MA YIN ZHES BYA BA SMOS TE, GANG DU 'GAL BAR MI BRJOD PAR DER DNGOS PO GNYIS PA MI DMIGS PA MED PAR YID CHES PAR MI NUS SO, ,THAMS CAD MKHYEN PA NYID MA YIN PAR BSGRUB PA'I PHYIR, SMRA BA NYID KYIS LDOG PA LA THE TSOM ZA BA NI RE ZHIG DE LTA BU YIN NO, ,'DOD CHAGS LA SOGS PA DANG LDAN PAR STON PA LA YANG LDOG PAR THE TSOM ZA BAR BSTAN PA'I PHYIR, 'DOD CHAGS LA SOGS PA DANG, TSIG LA SOGS PA LA YANG RGYU DANG 'BRAS BU'I DNGOS POR MA GRUB PA'I PHYIR ZHES BYA BA SMOS TE, 'DOD CHAGS LA SOGS PA NI TSIG GI RGYU YIN NO ZHES BYA BA DE NI MA GRUB PO, ,'DOD CHAGS LA SOGS PA DANG TSIG RGYU DANG 'BRAS BU'I DNGOS POR MA GRUB NA DE LA CIR 'GYUR ZHE NA, DON GZHAN RGYU MA YIN PA LDOG PAS TSIG LA SOGS PA LDOG PA NI MA YIN ZHES BYA BA SMOS SO, ,DON GZHAN NI 'DOD CHAGS LA SOGS PA STE, RGYUR MA GYUR PA DE LAS LOG PAS CI'I PHYIR TSIG LA SOGS PA LDOG PAR 'GYUR, DE LTAR NA TSIG LA SOGS PA LDOG PA LA THE TSOM ZA BA DANG LDAN PA'I MA NGES PA YIN NO ZHES BYA BA NI GANG GI PHYIR DE LTAR SMRA BA NYID DANG, THAMS CAD MKHYEN PA NYID 'GAL BA CI YANG MED LA, 'DOD CHAGS LA SOGS PA DANG TSIG KYANG RGYU DANG 'BRAS BU'I DNGOS PO MA YIN PA DE'I PHYIR, THAMS CAD MKHYEN PA NYID MA YIN PA LOG PA DANG 'DOD CHAGS LA SOGS PA LOG PAS TSIG LDOG PA LA THE TSOM ZA BA STE, DE'I PHYIR LDOG PA LA THE TSOM ZA BA ZHES BYA BA'I MED PA YIN NO, ,TSUL GNYIS KYI PHYIN CI LOG TU @27B RTOGS PA NI 'GAL BA YIN NO ZHES BYA BA NI GANG GI TSE TSUL GNYIS KYI PHYIN CI LOG TU GRUB PA DE'I TSE 'GAL BA'I GTAN TSIGS LTAR SNANG BA YIN NO, ,GNYIS PO GANG DAG GI ZHE NA ZHES BYA BA NI TSUL GNYIS PO GANG DAG PHYIN CI LOG TU RTOGS PA NI GTAN TSIGS 'GAL BA STON PAR BYED PA'O, ,MTHUN PA'I PHYOGS LA YOD PA DANG, MI MTHUN PA'I PHYOGS LA MED PA'O ZHES BYA BA NI RJES SU 'GRO BA DANG LDOG PA ZHES BYA BA'I THA TSIG STE, ,DE NI RE ZHIG 'GAL BA'I MTSAN NYID SPYIR BSTAN PA YIN NO, ,BYE BRAG BSTAN PAR BYA BA'I PHYIR, BYAS PA NYID DANG BRTZAL MA THAG TU 'BYUNG BA NYID NI RTAG PA NYID SGRUB PA LA 'GAL BA'I GTAN TSIGS LTAR SNANG BA YIN ZHES BYA BA SMRAS TE, GANG GIS BYAS PA GANG NYID DAM, BSAMS MA THAG TU BYUNG BA NYID KYIS RTAG PA NYID SGRUB PAR BYED PA DE'I TSE 'GAL BA'I GTAN TSIGS LTAR SNANG BA YIN NO, ,JI LTAR NA 'DIR PHYIN CI LOG TU GRUB PA YIN ZHE NA, 'DI GNYIS KYIS MTHUN PA'I PHYOGS LA MED PA DANG, MI MTHUN PA'I PHYOGS LA YOD PAS PHYIN CI LOG TU GRUB ZHES BYA BA SMOS TE, RTAG PA NYID DU BSGRUB PA LA NAM MKHA' LA SOGS PA NI MTHUN PA'I PHYOGS YIN NO, ,DE LA NI BYAS PA NYID DANG, BRTZAL MA THAG TU 'BYUNG BA GNYI GA MI SRID DO, ,MI RTAG PA BUM PA LA SOGS PA NI MI MTHUN PA'I PHYOGS YIN NO, ,DE LA NI DE GNYI GA YOD PA NYID DE, ,DE LTAR NA DE GNYIS KYIS PHYIN CI LOG TU GRUB PA YIN NO, ,DE GNYIS NI BSGRUB PAR BYA BA'I PHYIN CI LOG TU GRUB PA'I PHYIR 'GAL BA DAG YIN ZHES BYA BA NI GANG GI PHYIR TSUL DE GNYIS KYIS PHYIN CI LOG TU GRUB PA DE'I PHYIR, BSGRUB PAR BYA BA PHYIN CI LOG TU SGRUB PA NI BSGRUB PAR BYA BA PHYIN CI LOG TU SGRUB PA'I PHYIR YANG 'GAL BA'I GTAN TSIGS LTAR SNANG BA YIN NO, ,'DOD PA LA GNOD PA BYED PA 'GAL BA GSUM PA YANG MA YIN NAM ZHES BYA BA NI 'DOD PA LA GNOD PA BYED PAS NA 'DOD PA LA GNOD PA BYED PA STE, 'GAL BA GSUM PA NA BSTAN BCOS MDZAD PAS BSTAN TO, ,DPE BSTAN PA'I PHYIR, DPER NA 'DUS PA YIN PA'I PHYIR MIG LA SOGS PA NI GZHAN GYI DON BYED DO, ,MAL CHA DANG STAN LA SOGS PA'I YAN LAG BZHIN NO ZHES BYA BA STE, DE'I DON NI RNAM PAR BSHAD ZIN TO, ,'GAL BA 'DI YANG JI LTA BU ZHIG CE NA, DE NI @28A *, ,'DUS PA MA YIN PA GZHAN GYI DON BYED PA NYID DU 'DOD DO, ,PHYIN CI LOG TU BSGRUB PA'I PHYIR 'GAL BA'O ZHES BYA BA SMOS TE, GZHAN DAG GI DON BYED PA NI GZHAN GYI DON BYED PA'O, ,DE'I DNGOS PO NI GZHAN GYI DON BYED PA NYID DO, ,'DUS PA MA YIN PA LA GZHAN GYI DON BYED PA NI 'DUS PA MA YIN PA GZHAN GYI DON BYED PA'O, ,DE NI DE'I 'DOD PA YANG YIN LA 'DUS PA MA YIN PA GZHAN GYI DON BYED PA YANG YIN NO ZHES BYA BAR TSIG RNAM PAR SBYAR RO, ,DE PHYIN CI LOG PA NI 'DUS PA MA YIN PA GZHAN GYI DON BYED PAR DE'I 'DOD PA DANG PHYIN CI LOG PA STE, DE SGRUB PA LA NI DE SKAD CES BYA'O, , DE LTA BAS NA DE'I 'DUS PA MA YIN PA GZHAN GYI DON BYED PA NI 'DOD PA NI PHYIN CI LOG TU SGRUB PA'I PHYIR DE 'GAL BA NYID YIN PAR BLTA BAR BYA'O, ,CI'I PHYIR MA SMRAS SHE NA ZHES BYA BA NI BSTAN BCOS BYED PAS KHAS BLANGS PA YANG YIN LA, 'GAL BA'I MTSAN NYID DANG YANG LDAN YANG ZHES BSAMS PA'O,, 'DI NYID KHO NA'I NANG DU 'DUS PA'I PHYIR ZHES BYA BA NI 'GAL BA 'DI GNYIS BSHAD PA GANG YIN PA DE NYID KYI NANG DU 'DUS PAS LOGS SHIG TU MA BRJOD DO, ,NANG DU 'DUS PA DE NYID BSTAN PA'I PHYIR, DE NI BSGRUB PAR BYA BA LOG PAR BSGRUB PAS 'DI GNYIS DANG THA DAD PA MA YIN NO ZHES BYA BA SMOS TE, BYAS PA NYID DANG BRTZAL MA THAG TU 'BYUNG BA'I MTSAN NYID KYIS GTAN TSIGS DAG NI RTAG PA NYID SGRUB PA LA BSGRUB PAR BYA BA PHYIN CI LOG TU SGRUB PA'I PHYIR 'GAL BA DAG TU BSHAD LA, 'DI YANG BSGRUB PAR BYA BA PHYIN CI LOG TU SGRUB PAS DE GNYIS DANG 'GAL BA NYID DU 'DRA'O, ,SNGA MA DE LA NI TSIG TU SMOS PA'I BSGRUB PAR BYA BA LA PHYIN CI LOG TU SGRUB LA, 'DIR NI 'DOD PA'I DON LA PHYIN CI LOG TU SGRUB PA MA YIN NAM, DE'I PHYIR JI LTAR DE GNYIS DANG 'DI 'DRA ZHE NA DE'I PHYIR, 'DOD PA DANG SMRAS PA GNYIS LA BSGRUB PAR BYA BA NYID DU NI BYE BRAG CI YANG MED CES BYA BA SMOS TE, 'DOD PA GANG YIN PA DANG SMRAS PA GANG YIN PA DE GNYIS NI BSGRUB PAR BYA BA LA BYE BRAG CI YANG MED DO ZHES DE NI SNGAR BSTAN ZIN TO, ,TSUL GNYIS LAS GCIG NI MA GRUB LA CIG SHOS NI THE TSOM ZA NA YANG MA NGES PA YIN ZHES BYA BA NI RJES SU 'GRO BA DANG LDOG PA KHO NA LA GCIG NI MA GRUB LA, CIG SHOS LA NI THE TSOM ZA NA GTAN TSIGS MA NGES PA NYID YIN @28B NO; ,DPE BSTAN PA'I PHYIR, DPER NA SMRA BA'I PHYIR 'DOD CHAGS DANG BRAL BA'AM, THAMS CAD MKHYEN PA YIN ZHES BYA BA STE, DE'I DON NI BSHAD ZIN TO, ,'DI LA LDOG PA NI MA GRUB LA RJES SU 'GRO BA LA NI THE TSOM ZA BA YIN ZHES BYA BA NI SBYOR BA 'DI LA LDOG PA NI MED PAR RJES SU 'GRO BA LA NI THE TSOM ZA BA YIN TE, 'DI LTAR THAMS CAD MKHYEN PA NYID BSGRUB PA LA MI MTHUN PA'I PHYOGS NI THAMS CAD MKHYEN PA NYID MA YIN PA YIN NA, THAMS CAD MKHYEN PA MA YIN PA DAG LAS KYANG TSIG NI LOG PA MA YIN NO, ,RJES SU 'GRO BA LAS THE TSOM ZA BA BSTAN PA'I PHYIR, THAMS CAD MKHYEN PA DANG 'DOD CHAGS DANG BRAL BA DAG NI BSKAL BA YIN PA'I PHYIR DE LA TSIG LA SOGS PA YOD DAM MED PAR THE TSOM ZA BA YIN NO ZHES BYA BA SMOS TE, GANG GI PHYIR THAMS CAD MKHYEN PA NYID DANG, 'DOD CHAGS DANG BRAL BA NYID NI DBANG PO'I SPYOD YUL MA YIN PA DE'I PHYIR, CI DE LA TSIG YOD DAM MED CES THE TSOM ZA STE, 'DI LTAR DPE NYID DU BSTAN PA'I MI GANG YIN PA DE CI THAMS CAD MKHYEN PA ZHIG YIN TE, SMRA'AM, 'ON TE THAMS CAD MKHYEN PA MA YIN LA SMRA SNYAM PA STE, DE LA NGES PA MED DO, ,TSUL DE GNYIS NYID LA THE TSOM ZA NA MA NGES PA YIN ZHES BYA BA NI GANG GI TSE RJES SU 'GRO BA'AM, LDOG PA GNYI GA LA YANG THE TSOM ZA BAR 'GYUR BA DE'I TSE, YANG MA NGES PA KHO NA'I GTAN TSIGS LTAR SNANG BA YIN NO, ,DPE BSTAN PA'I PHYIR DPER NA SROG LA SOGS PA DANG LDAN PA NYID KYI PHYIR, GSON PO'I LUS NI BDAG DANG BCAS PA YIN NO ZHES BYA BA LTA BU STE ZHES BYA BA SMRAS SO, ,SROG LA SOGS PA GANG YIN PA DE DAG NI SROG LA SOGS PA STE, SOGS PA'I SGRAS NI 'BYED PA DANG, 'DZUM PA DANG, BRKYANG BA DANG, BSKUM PA LA SOGS PA YONGS SU BSDU'O, ,BDAG DANG BCAS PA ZHES BYA BA NI, BDAG LONGS SPYOD KYI RTEN NYID DU GNAS PA'O, ,GSON PO'I LUS ZHES BYA BA DES NI SHI BA'I LUS BSAL TO; ,'DI RE RE SHING LDOG PA LA THE TSOM ZA BA BSTAN PA'I PHYIR, BDAG DANG BCAS PA DANG, BDAG MED PA LAS GANG LA SROG LA SOGS PA GNAS PAR 'GYUR BA'I GNAS PHUNG PO GZHAN NI MED DO ZHES BYA BA SMOS TE, PHUNG PO NI GNYIS TE, BDAG DANG BCAS PA DANG BDAG MED PA STE, DE LA MA GTOGS @29A *, ,PA GZHAN NI MED DO, ,SROG LA SOGS PA DANG LDAN PA NYID NI DNGOS PO'I CHOS YIN NA, DE BDAG DANG BCAS PA DANG, BDAG MED PA GNYIS LAS LOG STE, GZHAN GANG DU GNAS PAR 'GYUR, CI'I PHYIR PHUNG PO GSUM PA MI SRID CE NA, BDAG GNAS PA DANG, RNAM PAR GCOD PA DAG GIS THAMS CAD BSRUNG BA'I PHYIR RO ZHES BYA BA SMOS TE, GNAS PA DANG RNAM PAR GCOD PA NI GNAS PA DANG RNAM PAR GCOD PA DAG STE, GNAS PA NI YOD PA'O, ,RNAM PAR GCOD PA NI MED PA'O, ,BDAG GI GNAS PA DANG RNAM PAR GCOD PA NI BDAG NYID GNAS PA DANG RNAM PAR GCOD PA DAG GO, , DE GNYIS NI DNGOS PO THAMS CAD BSDUS TE, 'DI LTAR GANG LA BDAG MED GNAS PA DE NI BDAG DANG BCAS PA YIN NO, ,DE LA MA GTOGS PA GZHAN THAMS CAD NI BDAG MED PA YIN NO, ,DE'I PHYIR PHUNG PO GSUM PA LTA GA LA SRID DE, DE LTAR RE ZHIG SROG LA SOGS PA DANG BCAS PA DANG, BDAG MED PA DAG LA LDOG PAR MA GRUB PO, ,GAL TE DE GNYIS LAS LDOG PA MA GRUB NA DE LA RJES SU 'GRO BA YOD PAR 'GYUR RO ZHE NA, DE'I PHYIR 'DI GNYIS LAS GCIG LA GNAS PAR YANG NGES PA MED DE ZHES BYA BA SMOS TE, SROG LA SOGS PA DANG LDAN PA NI BDAG DANG BCAS PA'AM, BDAG MED PA LA YOD DO ZHES BYA BA NGES PAR BYA MI NUS SO, ,DE CI'I PHYIR ZHE NA, BDAG DANG BCAS PA 'AM, BDAG MED PAR SGRUB PA LA SROG LA SOGS PA MA GRUB PA'I PHYIR RO ZHES BYA BA SMOS TE, BDAG DANG BCAS PA NYID DU NGES PA'I DNGOS PO'AM, BDAG MED PA NYID DU NGES PA'I DNGOS PO LA SROG LA SOGS PA DANG LDAN PA NYID NI MA MTHONG NGO, ,DE'I PHYIR GNAS PAR NGES BA LTA GA LA YOD, ,DE BAS NA GSON PO'I LUS DANG 'BREL PA CAN GYI SROG LA SOGS PA ZHES BYA BA NI 'JUG SDUD PAR BYED PA NA PHYOGS KYI CHOS STON PAR BYED PA STE, GSON PO'I LUS DANG 'BREL BA ZHES BYA BA'I THA TSIG RNAM PAR SBYAR RO, ,DE GANG LA YOD PA DE NYID NI GSON PO'I LUS DANG 'BREL PA CAN TE, PHYOGS KYI CHOS ZHES BYA BA'I THA TSIG GO, ,BDAG DANG BCAS PA DANG, BDAG MED PA THAMS CAD LAS LDOG PA NYID DU MA GRUB PA'I PHYIR DE GNYIS DANG MA BRAL LO ZHES BYA BA 'DIS NI MJUG BSDUS TE, LDOG PA MED PAR STON TO, , @29B BDAG GCIG PU LA YANG MA GRUB PA'I PHYIR, DE LA RJES SU 'GRO BA MED DO ZHES BYA BA 'DIS NI MJUG PA SDUD NAS RJES SU 'GRO BA MED PAR STON TE, DE LTAR RE ZHIG RJES SU 'GRO BA DANG LDOG PA GNYIS LDOG PAR MA GRUB PA YIN NO, ,'O NA DE LA DE GNYIS MED PAR NGES PA YANG YOD DO ZHE NA, DE'I PHYIR BDAG DANG BCAS PA DANG, BDAG MED PA LAS DE'I RJES SU 'GRO BA DANG LDOG PA GNYIS MED PAR NGES PA MED DE ZHES BYA BA SMOS TE, JI LTAR BDAG DANG BCAS PA LA RJES SU 'GRO BA DANG LDOG PA GNYIS YOD PAR MA NGES PA DE LTAR MED PAR YANG MA NGES TE, DE BZHIN DU BDAG MED PA LA YANG BRJOD PAR BYA'O, ,YOD PAR MA NGES PA MED DU ZIN KYANG MED PAR NGES PAR GO CI'I PHYIR MI 'GYUR ZHE NA, DE'I PHYIR RJES SU 'GRO BA DANG LDOG PA GNYIS NI PHAN TSUN RNAM PAR GCOD PA'I NGO BO NYID YIN PA'I PHYIR RO ZHES BYA BA SMOS SO, ,RJES SU 'GRO BA DANG LDOG PA DAG NI GCIG LA GCIG MED PA'I NGO BOR GNAS PA DAG YIN TE, 'DI LTAR GANG NA RJES SU 'GRO BA MED PAR DE NA LDOG PA YOD PA'AM, GANG NA LDOG PA MED NA RJES SU 'GRO BA YOD PA'O, ,DE GNYIS PHAN TSUN DU RNAM PAR GCOD PA'I NGO BOR GNAS PA YIN DU CHUG NA, DES CIR 'GYUR ZHE NA, GCIG MED PAR NGES NA CIG SHOS YOD PAR GDON MI ZA BA'I PHYIR RO ZHES BYA BA SMOS TE, GANG GI TSE DE GNYIS GCIG LA GCIG MED PA'I NGO BOR GNAS PA DE'I TSE RJES SU 'GRO BA MED PAR NGES PA GANG YIN PA DES, LDOG PA YOD PAR NGES PAR GDON MI ZA BAR 'GYUR RO,, DE BZHIN DU LDOG PA MED PAR NGES PAS KYANG RJES SU 'GRO BA YOD PAR NGES PAR GDON MI ZA BAR 'GYUR TE, 'DI LTAR GANG DU SROG LA SOGS PA DANG LDAN PA NYID YOD PA MED DO ZHES BYA BAR NGES PA MED PAR NGES PA YIN LA, GANG DU MED PA MED DO ZHES BYA BAR NGES PA DER YANG YOD PAR NGES PA YIN NO, ,GANG GI PHYIR DE LTAR RJES SU 'GRO BA DANG LDOG PA GNYIS LA GCIG MED PAR NGES NA, CIG SHOS YOD PAR NGES PAR GDON MI ZA BA DE'I PHYIR BDAG DANG BCAS PA DANG, BDAG MED PA GNYIS LA SROG LA SOGS PA DANG LDAN PA MED PAR NGES PA YANG MED PA KHO NA YIN NO, ,DE NYID KYI PHYIR RJES SU 'GRO BA DANG LDOG PA GNYIS LA THE TSOM ZA BA'I MA NGES PA YIN TE ZHES BYA BA NI GANG GI PHYIR RJES 'GRO BA DANG LDOG PA DAG LA THE TSOM ZA BA NYID KYI PHYIR DE @30A *, ,NYID MA NGES PA YIN NO, ,RJES SU 'GRO BA DANG LDOG PA DAG LA THE TSOM ZA BAR ZIN KYANG MA NGES PAR 'GRO, CI'I PHYIR 'GYUR ZHE NA, DE'I PHYIR BSGRUB PAR BYA BA DANG CIG SHES LA NGES PA MED PA'I PHYIR RO ZHES BYA BA SMOS TE, GANG GI PHYIR BSGRUB PAR BYA BA DANG, SGRUB PAR BYED PA'I MI MTHUN PA'I PHYOGS LA SROG LA SOGS PA DANG LDAN PA NGES PA MED PA DE'I PHYIR MA NGES PA YIN NO, ,DE LTAR NA ZHES BYA BA SMRAS PA'I TSUL GYIS SO, ,TSUL GSUM PO ZHES BYA BA NI PHYOGS KYI CHOS DANG RJES SU 'GRO BA DANG LDOG PA ZHES BYA BA RNAMS SO, ,DE DAG CES BYA BA NI GTAN TSIGS LTAR SNANG BA YIN ZHES BYA BA DANG SBYAR RO, ,TSUL RE RE'AM, GNYIS GNYIS LA LAR MA GRUB PA'AM, THE TSOM ZA BA ZHES BYA BA NI, LA LAR NI TSUL GCIG MA GRUB PA'AM, THE TSOM ZA BA YIN NO, ,LA LAR PAR 'GYUR BA'I 'KHRUL PA CAN GYI PHYIR 'GYUR ZHE NA, DE'I PHYIR BSGRUB PAR BYA BA DANG CIG SHES GTAN TSIGS GZHAN NI MED DO, ,SBYAR RO, ,GTAN TSIGS LTAR SNANG BA GSUM PO MA GRUB PA DANG, 'GAL BA DANG, MA NGES PA DAG YIN ZHES BYA BA NI, MA GRUB PA DAG DANG, 'GAL BA DAG DANG, MA NGES PA RNAMS ZHES TSIG RNAM PAR SBYAR RO, ,'GAL BA MI 'KHRUL PA CAN YANG THE TSOM GYI RGYUR BSHAD CES BYA BA NI 'GAL BA MI 'KHRUL PA MED PA NI 'GAL BA MI 'KHRUL PA'O; ,DE 'DI LA YOD PAS 'GAL BA MI 'KHRUL PA CAN NO, ,YANG NA 'DI 'GAL BA MI 'KHRUL PA'I NGANG TSUL CAN YIN PAS 'DI NI 'GAL BA MI 'KHRUL PA CAN TE, DE NI BSTAN BCOS BYED PAS MA NGES PAR BSHAD DO, ,DE 'DIR NI MA SMOS SO ZHES BYA BA NI BDAG GIS MA BSTAN PA'O, ,DE CI'I PHYIR ZHE NA, RJES SU 'GAL BA'I YUL LA MI SRID PA'I PHYIR ZHES BYA BA SMOS TE, 'DI LTAR DNGOS PO'I STOBS KYIS ZHUGS PA'I RJES SU DPAG PA LA MI SRID DO, ,JI LTAR MI SRID CE NA, 'BRAS BU'AM, RANG BZHIN NAM, MI DMIGS PA'I MTSAN NYID SMOS PA LA 'GAL BA MI SRID CES BYA BA SMOS TE, RGYU YOD NA 'BRAS BU YOD PA NYID NI 'BRAS BU'I GTAN TSIGS KYI MTSAN NYID YIN, DE TZAM DANG RJES SU 'BREL PA'I GTAN TSIGS NYID NI RANG BZHIN GYI GTAN TSIGS KYI MTSAN NYID YIN, DMIGS PA'I RIG BYAR GYUR PA LAS MI DMIGS PA NI MI DMIGS PA'I MTSAN NYID YIN NA, 'GAL BA DAG NI MTSAN NYID SMOS @30B PA DANG LDAN PA DE DAG LA MI SRID DO, ,'DI LTAR SHING SHA PAS SHING NYE BAR BSGRUB PA LA MI MTHUN PA GANG SHING MED PA LA GRUB PAR BYED PA JI SKAD SMOS PA'I MTSAN NYID DANG LDAN PA GNYIS PA NI MI SRID DO, ,GAL TE MTSAN NYID SMOS PA DANG LDAN PA GSUM CAR LA MI SRID DU ZIN NA, 'O NA GZHAN LA SRID PAR 'GYUR RO ZHE NA, DE'I PHYIR MI 'KHRUL BA CAN GTAN NI MED CES BYA BA SMOS TE, GTAN TSIGS GSUM LA MA GTAGS PA GANG LA 'GAL BA MI 'KHRUL BA CAN SRID PAR 'GYUR BA'I 'KHRUL BA CAN GYI GTAN TSIGS GZHAN NI MED DO, ,GANG GI PHYIR GSUM PO DE DAG LA MI SRID PA'I PHYIR DNGOS PO MA MTHONG BA'I STOBS KYIS ZHUGS PA YIN ZHES BYA BA NI GANG LA 'BREL BA'I TSAD MAS GTAN LA PHAB PA MED PA DE NI DNGOS PO MA MTHONG BA'I STOBS KYIS ZHUGS PA ZHES BYA'O, ,LUNG LA BRTEN PA'I RJES SU DPAG PA LA BRTEN TE ZHES BYA BA NI, 'DI LA LUNG LA BRTEN PA'I YOD PAS 'DI NI LUNG LA BRTEN PA STE, GANG DU LUNG GI SGO SGO NAS CHOS CAN DANG, PHYOGS KYI CHOS LA SOGS PA GTAN LA 'BEBS PA DE NI PHUNG LA BRTEN PA'I RJES SU DPAG PA ZHES BYA'O, ,DE'I DON DPYAD PA DAG LA ZHES BYA BA NI LUNG GI DON DPYAD PA DAG LA'O, ,'GAL BA MI 'KHRUL BA CAN NI BSGRUB PA'I SKYON DU BSHAD CES BYA BA DE NI GO SLA'O, , GAL TE 'DI RIGS PA MA YIN NA DE'I TSE LUNG LA BRTEN PA'I RJES SU DPAG PA LA YANG DE CI'I PHYIR SRID CE NA, BSTAN BCOS BYED PA RNAMS NI DON RNAMS LA 'KHRUL BAS RANG BZHIN LOG PAR STON PA SRID PA'I PHYIR RO ZHES BYA BA SMOS SO, ,BSTAN BCOS BYED PA THAMS CAD NI DE KHO NA MTHONG BA BYUNG BA MA YIN PAS DE RNAMS NI DON KHA CIG DAG LA RANG BZHIN LOG PAR SMRA BA YANG 'GYUR BAS DE'I PHYIR 'GAL BA MI 'KHRUL BA CAN GYI SKABS SU 'GYUR RO, ,GAL TE LUNG DANG 'BREL BA'I RJES SU DPAG PA LA DE YOD PA NYID DU 'DOD NA'O, ,'O NA LTA DNGOS PO'I STOBS KYIS ZHUGS PA LA YANG CI'I PHYIR MI 'DOD CE NA, DE'I PHYIR, DNGOS PO JI LTA BA BZHIN DU GNAS PAR 'DUG PA BDAG DANG 'BRAS BU DANG MI DMIGS PA DAG LA NI DE MI SRID CES BYA BA SMOS TE, DNGOS PO JI LTA BA BZHIN DU GNAS PAR 'DUG PA DANG GANG DAG YIN PA DE DAG NI DNGOS PO JI LTA BA BZHIN DU GNAS PAR 'DUG PA RNAMS TE, 'DUG PA NI RNAM PAR GNAS PA'O, ,BDAG @31A *, ,DANG 'BRAS BU DANG MI DMIGS PA ZHES BYA BAR TSIG RNAM PAR SBYAR TE, BDAG NI RANG BZHIN ZHES BYA'O, ,JI LTAR YANG DAG BA'I DON DU DNGOS PO RNAM PAR GNAS PA DE LTAR RANG BZHIN DANG 'BRAS BU DANG MI DMIGS PA ZHES BYA BA'I GTAN TSIGS RNAMS RNAM PAR 'JOG PA GANG DAG YIN PA DE DAG LA 'GAL BA MI 'KHRUL PA CAN LTA GAL SRID, 'DIR DPE NI ZHES BYA BA NI LUNG LA BRTEN NAS TSAD MA STON PAR BYED PA'O, ,GANG ZHIG YUL THAMS CAD NA GNAS PA RANG DANG 'BREL PA CAN DANG, CIG CAR DU MNGON PAR 'BREL PA DE NI THAMS CAD GNAS PA ZHES BYA BA LA YUL THAMS CAD DU GNAS PA DAG NI YUL THAMS CAD NI GNAS PA RNAMS SO, ,DE DAG NI RANG DANG YANG YIN LA 'BREL PA CAN DAG DANG, DNGOS PO GANG ZHIG YUL THAMS CAD NA GNAS PA RANG DANG 'BREL PA CAN RNAMS DANG, CIG CAR DU MNGON PAR 'BREL BA DE NI THAMS CAD NA GNAS YIN PAR MTHONG STE, DPER NA NAM MKHA' BZHIN NO ZHES BYA BA LA, NAM MKHA'I NI YUL THAMS CAD NA RNAM PAR GNAS PA RANG DANG 'BREL PA CAN BUM PA LA SOGS PA ZHES BYA BA DAG DANG MNGON PAR 'BREL TE, DE NI THAMS CAD NA GNAS PA YIN PAR 'DOD DO, ,TSIG DES NI RJES SU 'GRO BA BSTAN TO, ,SPYI YANG YUL THAMS CAD NA GNAS PA RANG DANG 'BREL PA CAN DAG DANG CIG CAR DU 'BREL TO ZHES BYA BA NI SPYI DANG 'BREL PA CAN GSAL BA'I BYE BRAG YUL THAMS CAD NA YOD PA DE DAG DANG SPYI NI CIG CAR DU 'BREL TE, DES NI PHYOGS KYI CHOS BSTAN TO, ,RANG BZHIN GYI GTAN TSIGS KYI MTSAN NYID KYI SBYOR BA BSTAN PA'I PHYIR, DE DANG 'BREL PA CAN GYI RANG BZHIN CAN TZAM GYI RJES SU 'JUG PA'I DANG CAN DE'I YUL NA 'DUG PA'I RANG BZHIN NYID CES BYA BA SMOS TE, DE DANG 'BREL PA CAN RNAMS NI DE DANG 'BREL PA CAN DAG GO, ,DE DANG 'BREL PA CAN RNAMS KYI RANG BZHIN TZAM GYI RJES SU 'JUG PA'I DANG TSUL CAN GANG YIN PA DE NI DE DANG 'BREL PA CAN GYI RANG BZHIN TZAM GYI RJES SU 'JUG PA'I DANG CAN NO, ,'BREL PA CAN DE DAG GI YUL NI DE'I YUL LO, ,DE'I YUL NA 'DUG PA NI DE'I YUL NA 'DUG PA'O, ,DE NI DE'I YUL NA 'DUG PA YANG YIN LA RANG BZHIN YANG YIN PAS DE'I YUL NA 'DUG PA'I RANG BZHIN NO, ,DE'I DNGOS PO NI DE'I YUL NA 'DUG PA'I RANG BZHIN NYID DE, 'BREL PA @31B CAN GYI YUL NA NYE BAR GNAS PA ZHES BYA BA'I THA TSIG GO, ,THAMS CAD DU SONG BA KHO NAS 'BREL PA CAN RNAMS KHYAB PAR BYA BA YIN NO ZHES BYA BA 'DI GA LAS SHE NA, GANG NA GANG MED PA DE NI DE'I YUL LA BDAG NYID KYIS KHYAB PAR BYED PA MA YIN ZHES BYA BA SMOS TE, GANG NA GANG MED PA DES NI DE'I YUL KHYAB PAR BYA BA JI LTAR NUS, DE'I YUL ZHES BYA BA NI YUL DE GANG GI YIN PA DE NI DE'I YUL LO, ,YUL GANG NA DE MED NA YUL DE 'BREL PA CAN GANG YIN PA DE KHYAB PAR BYA BA MI NUS SO ZHES BYA BA'I THA TSIG GO, ,RANG BZHIN GYI GTAN TSIGS KYI SBYOR BA ZHES BYA BA DE NI GO SLA'O, ,DA RE ZHIG DE LTAR GZEGS ZAN PA KHA CIG GIS SPYI NI THAMS CAD KYI THAMS CAD NA GNAS PA MA YIN PAR BSTAN TO, ,GZEGS ZAN PA GZHAN DAG NI RTEN TZAM LA SPYI THAMS CAD GNAS PA NYID YIN PA KHO NAR 'DOD DE, DE'I LUGS RAB TU BSTAN PAR BYA BA'I PHYIR, SBYOR BA GNYIS PA YANG ZHES BYA BA SMOS TE, DE NI GO SLA'O, ,DMIGS PA'I RIG BYAR GYUR PA GANG ZHIG GANG NA MI DMIGS PA DE NI MED DE DPER NA 'GA' ZHIG NA BUM PA MED DO ZHES BYA BA LTA BU STE ZHES BYA BA DE NI DMIGS PA'I RJES SU 'GRO BA BSNYAD PA'O, ,GSAL BA'I BAR RNAMS NI YANG DMIGS PA'I RIG BYAR GYUR SPYI MI DMIGS ZHES BYA BA NI GSAL BA GZHAN RNAMS DANG, GSAL BA'I BAR RNAMS NI GSAL BA'I BAR RNAMS TE, DE DAG NI DMIGS PA'I RIG BYAR GYUR PA SPYI NI MI DMIGS SO, ,DES NI PHYOGS KYI CHOS BSTAN TO, ,RGOL BA DES KYANG RTEN TZAM LA THAMS CAD NA GNAS PA NYID DU BRTEN TO, ,MI DMIGS PA 'DI DANG RANG BZHIN DE NI PHAN TSUN 'GAL BA'I DON SGRUB PA YIN PAS GCIG LA THE TSOM SKYED PAR BYED CES BYA BA LA BSHAD MA THAG PA'I MI DMIGS PAS NI RTEN TZAM LA SPYI THAMS CAD NA GNAS PA NYID DU SGRUB PAR BYED LA, SNGA MA BZHIN GYI GTAN TSIGS KYIS NI THAMS CAD KYI THAMS CAD NA GNAS PA NYID DU SGRUB PAR BYED PAS PHAN TSUN 'GAL BA'I DON SGRUB PA DE GNYIS NI GCIG SEL BA'I BAR RNAMS NI SPYI MI DMIGS PA'I PHYIR RANG GI RTEN TZAM LA THAMS CAD NA GNAS PA NYID GCIG YIN NAM, 'O NA TE YUL THAMS CAD NA RNAM PAR GNAS PA RANG DANG 'BREL PA CAN GYI RJES SU 'JUG PA'I PHYIR, THAMS CAD KYI THAMS CAD NI GNAS PA ZHIG YIN SNYAM NA SPYI GCIG @32A *, ,LA THE TSOM ZA BAR BYED DO, ,RE ZHIG DE LTAR GZHAN GYI DON GYI RJES SU DPAG PA 'DRA BA DANG BCAS PA BSTAN TO, ,DE CI STE CI'I PHYIR DPE'I MTSAN NYID MA BSTAN CE NA, DE'I PHYIR, GTAN TSIGS KYI MTSAN NYID GSUM SMOS PA DE TZAM GYIS RTOGS PAS, DPE ZHES BYA BA SGRUB PA'I LAN LAG NI LOGS SHIG NA CI YANG MED DE, DES NA DE'I MTSAN NYID LOGS SHIG TU MA BRJOD PAS BYA BA SMOS SO, ,SNGAR GTAN TSIGS KYI MTSAN NYID GSUM SMOS PA GANG YIN PA'I TSUL GSUM PO DE DE NYID KYIS BSGRUB PAR BYA BA'I DON 'GRUB PAR 'GYUR TE, DE LTA BAS NA DPE ZHES BYA BSGRUB PA'I YAN LAG LOGS SHIG NA MED DE, DE'I PHYIR DE'I MTSAN NYID LOGS SHIG TU MA BRJOD DO, ,DON GO BA'I PHYIR ZHES BYA BA NI GTAN TSIGS KYIS DPE'I DON YANG GO BAR 'GYUR PA'I PHYIR RO, ,JI LTAR ZHES, GTAN TSIGS NI MTHUN PA'I PHYOGS NYID LA YOD PA DANG, MI MTHUN PA'I PHYOGS NYID LAS LOG PA'I TSUL DU BYE BRAG MED PAR BSHAD PA ZHES BYA BA SMOS TE, RE ZHIG SPYIR NA 'DI NI GTAN TSIGS KYI MTSAN NYID YIN TE, 'DI LTA STE, MTHUN PA'I PHYOGS NYID LA YOD PA ZHES BYA BA'I TSUL DANG, MI MTHUN PA'I PHYOGS NYID LAS LOG PA ZHES BYA BA'I TSUL LO, ,YANG BYE BRAG NI 'BRAS BU DANG RANG BZHIN GNYIS NA SKYE BA DANG, DE TZAM GYI RJES SU 'JUG PA YIN PAR BSTAN PAR BSHAD CES BYA BA NI BYE BRAG TU GTAN TSIGS KYI MTSAN NYID 'BRAS BU'I GTAN TSIGS NI SKYE BA'I YIN PAR RAB TU BSTAN PAR BYA'O ZHES BSHAD DO, ,RANG BZHIN GYI GTAN TSIGS NI DE TZAM GYI RJES SU 'JUG PA YIN PAR BSNYAD PAR BYA BA YIN NO ZHES BSHAD DO, ,DE YANG STON PAR BYED PAS ZHES BYA BA NI SPYI'I MTSAN NYID DAM, BYE BRAG GI MTSAN NYID STON PAR BYED PAS ZHES BYA BA'I THA TSIG GO, ,GANG NA DU PA YOD PA DE NA ME YOD LA, ME MED NA DU PA GANG NA YANG MED DE, DPER NA TSAD BANG DANG GZHAN LTA BU'O ZHES BYA BA NI, RE ZHIG 'BRAS BU'I GTAN TSIGS SPYI'I MTSAN NYID KYANG RUNG, RANG GI MTSAN NYID KYANG RUNG, 'DI SKAD DU RAB TU BSTAN PAR BYA'O ZHES STON PAR BYED PA STE, 'DI LTAR 'DI LA MTHUN PA'I PHYOGS LA YOD PAR RAB TU STON PAR BYED PAS GDON MI ZA BAR TSANG BANG LTA BU'O ZHES BRJOD PAR BYA'O, ,GZHAN DU NA MTHUN PA'I @32B PHYOGS LA YOD PA NYID DU BSTAN PAR MI NUS SO, ,DE BZHIN DU MI MTHUN PA'I PHYOGS LAS LDOG PAR BRJOD PAS KYANG GDON MI ZA BAR CHU LTA BU'O ZHES BRJOD PAR BYA'O, ,GZHAN DU NA LDOG PA NYID MA BSTAN PAR 'GYUR RO, ,SKYE BA YANG DE BZHIN DU BSTAN PA YIN TE, 'DI LTAR ME YOD NA DU BA YOD PA NI DE'I 'BRAS BU NYID YIN TE, DE NYID RJOD PAR BYED PAS NA GANG DANG GANG NA DU BA YOD PA DE DANG DE NA GDON MI ZA BAR ME YOD DE, DPER NA TSANG BANG LA SOGS PA LTA BU'O ZHES BSTAN PAR 'GYUR RO, ,GANG NA BYAS PA NYID YOD PA DE NI MI RTAG PA NYID YOD LA, MI RTAG PA NYID MED NA BYAS PA YANG MI SRID DE, DPER NA BUM PA DANG NAM MKHA' LTA BU'O ZHES BSTAN PAR BYA'O ZHES BYA BA 'DIS NI RANG BZHIN GYI GTAN TSIGS SPYI DANG BYE BRAG GI MTSAN NYID JI LTA BAR BSTAN PAR BYA BAR DE LTAR STON PAR BYED DE, 'DIR YANG GAL TE BUM PA LTA BU'O ZHES MA BRJOD NA DE'I TSE MTHUN PA'I PHYOGS NYID LA YOD PAR BSTAN PAR MI NUS SO; ,GAL TE NAM MKHA' LTA BU'O ZHES MA BRJOD NA, DE'I TSE LDOG PA YANG BSTAN PAR MI NUS SO, ,DE TZAM GYI RJES SU 'JUG PA YANG DE BZHIN DU BSTAN PAR NUS TE, 'DI LTAR GAL TE GANG DANG GANG NA BYAS PA NYID YOD PA DE DAG DE NA GDON MI ZA BAR MI RTAG PA NYID YOD DE, DPER NA BUM PA LTA BU'O ZHES STON PAR BYED PA DE'I TSE, DE TZAM GYI RJES SU 'BREL PA BSTAN PA YIN NO, ,GZHAN DU NA MTHUN PA'I PHYOGS DANG MI MTHUN PA'I PHYOGS NYID LA YOD PA DANG, MED PAR JI SKAD DU SMOS PA'I RNAM PA DAG BSTAN PAR MI NUS SO ZHES BYA BA NI MI MTHUN PA'I PHYOGS LA YOD PA STON PAR BYED PAS, GAL TE TSANG BANG LTA BU'O, ,BUM PA LTA BU'O ZHES MA BRJOD NA, DE'I TSE MTHUN PA'I PHYOGS NYID LA YOD PA MA BSTAN PA YIN NO, ,GAL TE YANG MI MTHUN PA'I PHYOGS LA MED PAR STON PAR BYED PAS CHU LTA BU'O, ,NAM MKHA' LTA BU'O ZHES MA BRJOD NA, DE'I TSE LDOG PA MA BSTAN PA KHO NA MA YIN TE, DE LTAR RE ZHIG SPYI'I MTSAN NYID BSTAN PAR MI NUS PAR BSHAD DO, ,BYE BRAG GI MTSAN NYID MI NUS PA BSTAN PA'I PHYIR, 'BRAS BU'I RTAGS NI DE'I 'BRAS BU NYID DU NGES PA'AM ZHES BYA BA SMOS TE, DE'I 'BRAS BU NI DE'I 'BRAS BU NYID DO, ,DE'I DNGOS PO NI DE'I 'BRAS BU NYID DU NGES PA STE, RGYU YOD NA 'BRAS BU YOD PA @33A *, ,NYID DO ZHES BYA BAR NGES PA GANG YIN PA DE NI DE'I 'BRAS BU NYID DU NGES PA ZHES BYA'O, ,RANG BZHIN GYI RTAGS NI RANG BZHIN GYIS KHYAB PA ZHES BYA BA LA NGO BO NYID KYIS KHYAB BA NI RANG BZHIN GYIS KHYAB PA STE, DE TZAM GYI RJES SU 'JUG PA'O ZHES BYA BA'I THA TSIG GO, ,DE GNYI GA YANG DPE BSTAN PA MED PAR BSTAN PAR MI NUS LA, GANG GI TSE JI SKAD SMOS PA'I RIG PA'I CHOS CAN 'GA' ZHIG LA GTAN TSIGS KYI SPYI'I MTSAN NYID DAM, BYE BRAG GI MTSAN NYID BSTAN PAR GYUR PA DE'I TSE DPE YANG BSTAN PA KHO NA YIN NO, ,DE CI'I PHYIR ZHE NA, DE'I PHYIR DE'I TSUL NI DE TZAM DU ZAD PA'I PHYIR ZHES BYA BA SMOS TE, 'DI LTAR DE'I TSUL NI DE KHO NAR ZAD DE, 'DI LTA STE, GANG DU 'GA' ZHIG NI BSGRUB PAR BYA BAS GTAN TSIGS KYI RJES SU 'GRO BAR STON PAR BYED PA DE NI CHOS MTHUN PA'I DPE YIN NO, ,GANG NA BSGRUB PAR BYA BA MED NA GTAN TSIGS MED PAR STON PAR BYED PA DE NI CHOS MI MTHUN PA'I DPE YIN NO, ,'DIS NI DPE'I NYES PA RNAMS KYANG BSAL BA YIN ZHES BYA BA NI GANG GI TSE, GANG DU GTAN TSIGS KYI SPYI'I MTSAN NYID DAM, BYE BRAG GI MTSAN NYID STON PAR BYED PA DE YANG DAG PA'I DPE YIN NO ZHES BRJOD PA DE'I TSE, GANG GI MTSAN NYID DE GNYIS STON PAR MI NUS PA DE NI DPE LTAR SNANG BA YIN NO ZHES BSHAD PAR 'GYUR RO, ,DPE RNAMS BSTAN PA DPER NA SGRA NI RTAG PA STE, LUS CAN MA YIN PA'I PHYIR, LAS DANG RDUL PHRA RAB DANG BUM PA BZHIN NO ZHES BYA BA NI BSGRUB PAR BYA BA DANG, SGRUB PA'I CHOS DANG, GNYI GA MED PA YIN ZHES BYA BA'O, ,SGRA NI RTAG PA STE LUS CAN MA YIN PA'I PHYIR RO, ,LAS GZHAN NO ZHES BYA BA NI BSGRUB PAR BYA BA'I CHOS MED PA YIN NO, ,RDUL PHRA RAB BZHIN NO ZHES BYA BA NI SGRUB PA'I CHOS MED PA YIN NO, ,BUM PA BZHIN NO ZHES BYA BA NI CHOS GNYI GA MED PA YIN NO, ,DE BZHIN DU BSGRUB PAR BYA BA'I CHOS LA THE TSOM ZA BA LA SOGS PA YANG ZHES BYA BA NI, 'DI LA BSGRUB PAR BYA BA'I CHOS LA THE TSOM ZA BA YOD PAS ZHES BYA BAR TSIG RNAM PAR SBYAR TE, BSGRUB PAR BYA BA'I CHOS THE TSOM ZA BA LA SOGS PA GANG DAG YIN PA DE DAG LA DE SKAD CES BRJOD DO, ,DPE RNAMS BSTAN PA, DPER NA SMRA BA'I PHYIR 'DOD CHAGS LA SOGS PA DANG LDAN PA YIN TE, LAM BO @33B CHE'I MI BZHIN NO ZHES BYA BA 'DI NI BSGRUB PAR BYA BA'I CHOS LA THE TSOM ZA BA YOD PA'O, ,MI 'DI NI 'DOD CHAGS DANG LDAN PA'I PHYIR 'CHI BA'I CHOS CAN YIN TE, LAM PO CHE'I MI BZHIN NO ZHES BYA BA 'DI NI BSGRUB PA'I CHOS LA THE TSOM ZA BA MOD PA'O, ,'DOD CHAGS LA SOGS PA DANG LDAN PA'I PHYIR THAMS CAD MKHYEN PA MA YIN TE, LAM PO CHE'I MI BZHIN NO ZHES BYA BA 'DI NI BSGRUB PA'I CHOS LA THE TSOM ZA BA YOD PA'O, ,RJES SU 'GRO BA MED PA ZHES BYA BA NI GANG LA RJES SU 'GRO BA MED PA NYID DO, ,RJES SU 'GRO BA RAB TU MA BSTAN PA ZHES BYA BA NI GANG LA RJES SU 'GRO BA YOD KYANG RAB TU MA BSTAN PA'O, ,DPE BSTAN PA DPER NA GANG SMRA BA DE NI 'DOD CHAGS LA SOGS PA DANG LDAN PA STE, 'DOD PA'I MI BZHIN ZHES BYA BA NI DE LA NI RJES SU 'GRO BA MED DE, GANG GIS DE LA TSIG DANG 'DOD CHAGS LA SOGS PA RNAMS KHYAB PAR BYA BA DANG, KHYAB PAR BYED PA'I DNGOS PO 'AM RGYU DANG 'BRAS BU'I DNGOS POR 'GYUR BA NI MED DO; ,SGRA NI BYAS PA'I PHYIR MI RTAG STE BUM PA BZHIN ZHES BYA BA 'DI LA NI RJES SU 'GRO BA YOD KYANG RAB TU MA BSTAN PA YIN NO, ,DE BZHIN DU RJES SU 'GRO BA PHYIN CI LOG NI ZHES BYA BA NI DPE DNGOS PO 'AM RGYU 'GRO BA PHYIN CI LOG YOD PA ZHES TSIG RNAM PAR SBYAR RO, ,DPE BSTAN PA GANG MI RTAG PA DE NI BYAS PA'O ZHES BYA BA LTA BU'O ZHES BYA BA LTA BU STE, 'DI LA NI GANG NI BYAS PA DE NI MI RTAG PA'O ZHES BRJOD PAR BYA BA YIN NA, GANG MI RTAG PA DE NI BYAS PA'O ZHES LOG PAR SMRAS SO, ,CHOS MTHUN PAS YIN ZHES BYA BA NI, DE DAG THAMS CAD NI CHOS MTHUN PA'I DPE LTAR SNANG BA YIN NO, ,CHOS MI MTHUN PAS KYANG ZHES BYA BA NI CHOS MI MTHUN PA'I DPE LTAR SNANG BA STON PAR BYED PA'O, ,RDUL PHRA RAB DANG LAS DANG NAM MKHA' BZHIN ZHES BYA BA NI BSGRUB PAR BYA BA LA SOGS PA LAS MI LDOG PA CAN DAG YIN ZHES BYA BA NI BSGRUB PAR BYA BA LA SOGS PA GANG DAG YIN PA DE DAG NI BSGRUB PAR BYA BA LA SOGS PA'O, ,DE DAG LAS MI LDOG PA RNAMS NI BSGRUB PAR BYA BA LA SOGS PA LAS MI LDOG PA RNAMS TE, DE DAG GANG DAG LA YOD PA DE RNAMS NI BSGRUB PAR BYA BA LA SOGS PA LAS MI LDOG PA CAN DAG YIN NO, ,DE LA RDUL PHRA RAB BZHIN NO ZHES BYA BA NI BSGRUB PAR BYA BA LAS LOG PA CAN YIN TE, RDUL PHRA RAB RNAMS @34A *, ,NI RTAG PA'I PHYIR BSGRUB PAR BYA BA LAS LOG BA CAN MA YIN TE, LAS BZHIN NO ZHES BYA BA BSGRUB PA LAS MI LDOG PA CAN YIN TE, LAS RNAMS NI LUS CAN MA YIN PA'I PHYIR BSGRUB PA LAS LOG PA MA YIN NO, ,NAM MKHA' BZHIN NO ZHES BYA BA NI GNYI GA LAS MI LDOG PA CAN YIN TE, NAM MKHA' LAS GNYI GA MA LOG PA YIN NO, ,DE BZHIN DU BSGRUB PAR BYA BA LAS LDOG PA LA THE TSOM ZA BA LA SOGS PA NI ZHES BYA BA NI, GANG LA BSGRUB PAR BYA BA LAS LDOG PA LA THE TSOM ZA BA YOD PA ZHES TSIG RNAM PAR SBYAR ZHING, BSGRUB PAR BYA BA LAS LDOG PA LA THE TSOM ZA BA LA SOGS PA GANG DAG; YIN PA ZHES BSDU'O, ,DPE RNAMS BSTAN PA DPER NA SER SKYA LA SOGS PA NI THAMS CAD MKHYEN PA'AM, YID CHES PA MA YIN TE ZHES BYA BA NI DAM BCA' BA GNYIS BKOD PA YIN NO, ,THAMS CAD MKHYEN PA DANG 'DOD CHAGS DANG BRAL BA'I RTAGS SU 'GYUR BA TSAD MA'I PHUL DU PHYIN PA BSTAN PA LA MED PA NYID KYI PHYIR ZHES BYA BA NI THAMS CAD MKHYEN PA NYID DANG, 'DOD CHAGS DANG BRAL BA NYID NI THAMS CAD MKHYEN PA NYID DANG 'DOD CHAGS DANG BRAL BA NYID DAG GO, ,THAMS CAD MKHYEN PA NYID 'DOD CHAGS DANG BRAL BA NYID KYI RTAGS SU GYUR PA, TSAD MA'I PHUL DU PHYIN PA BSTAN PA LA MED PA GANG DAG YIN PA DE DAG NI THAMS CAD MKHYEN PA NYID DANG, 'DOD CHAGS DANG BRAL BA NYID KYI RTAGS SU 'GYUR BA TSAD MA'I PHUL DU PHYIN PA BSTAN PA LA MED PA RNAMS SO, ,DE'I DNGOS PO NI DE NYID DE, DE LTA BAS NA THAMS CAD MKHYEN PA NYID DANG, 'DOD CHAGS DANG BRAL BA NYID KYI RTAGS SU 'GYUR BA TSAD MA'I PHUL DU PHYIN PA BSTAN PA MED PA NYID KYI PHYIR RO, ,'DIR CHOS MI MTHUN PA'I DPE NI ZHES BYA BA NI BRDAR SPRAD PAR SLA'O, ,GANG ZHIG THAMS CAD MKHYEN PA'AM, 'DOD CHAGS DANG BRAL BA DES NI SKAR MA SHES PA LA SOGS PA BSTAN TE, DPER NA KHYU MCHOG DANG SDONG RIS LA SOGS PA LTA BU ZHES BYA BA LA, SKAR MA SHES PA NI SKAR MA'I DPYAD ZHES BYA BA'I GTAN TSIGS TE, BU L'U K'A M'A shA LA SOGS PA LA BYA'O, ,DE NI THAMS CAD MKHYEN PA NYID DANG, 'DOD CHAGS DANG BRAL BA NYID DAG GIS RTAGS SU GYUR PA YIN PA'I KHYU MCHOG DANG SDONG RIS LA SOGS PAS BSTAN TO, ,DE'I PHYIR DE DAG THAMS CAD MKHYEN @34B PA'AM, 'DOD CHAGS DANG BRAL BA YIN PAR YID CHES PAR NUS SO ZHE'O, ,CHOS KYI MI MTHUN PA'I DPE LAS BSGRUB PAR BYA BA'I CHOS THAMS CAD MKHYEN PA NYID DANG YID CHES PA MA YIN PA GNYIS LDOG PA LA THE TSOM ZA BA YIN ZHES BYA BA NI, 'DIR KHYU MCHOG DANG SDONG RIS LA SOGS PA CHOS MI MTHUN PA'I DPE NYID DU BSTAN NA, THAMS CAD MKHYEN PA NYID MA YIN PA DANG, 'DOD CHAGS DANG BRAL BA NYID MA YIN PA NI DE DAG LAS LOG PAR NGES PA MED DO, ,BSGRUB PA LAS LDOG PA LA THE TSOM ZA BA ZHES BYA BA NI DE'I DON NI GO BAR ZAD DO, ,DPE NI DPER NA GSUM RIG PA'I BRAM ZE NI MI 'GA' ZHIG GI BRJOD PAR 'DOD PA'I TSIG GZUNG BAR MI BYA STE, 'DOD CHAGS LA SOGS PA DANG LDAN PA'I PHYIR RO ZHES BYA BA STE, NGES BRJOD KYI RIG BYED DANG, MCHOD SBYIN GYI RIG BYED DANG SNYAN DNGAGS KYI RIG BYED DANG RIG BYED GSUM PO DE DAG LA NI GSUM GYI SGRA BRJOD DO, ,GSUM RIG PAS GSUM RIG PA'O, ,'DI LA GZUNG BAR BYA BA'I TSIG YOD PAS 'DI NI GZUNG BAR BYA BA'I TSIG STE, TSAD MAR BYAS PA'I TSIG CES BYA BA'I THA TSIG GO, ,DES NI 'DI SKAD DU GSUM RIG PA'I BRAM ZE GANG YIN PA DES NI BRJOD PAR 'DOD PA'I MI'I TSIG RTAG TU TSAD MAR MI BYA'O ZHES BSTAN PAR 'GYUR RO, ,'DIR CHOS MI MTHUN PA'I DPE NI ZHES BYA BA DE'I DON NI GO BAR ZAD DO, ,TSIG GZUNG BAR BYA BA GANG DAG YIN PA DE DAG NI 'DOD CHAGS LA SOGS PA DANG MI LDAN TE, DPER NA GOO TA MA LA SOGS PA CHOS KYI BSTAN BCOS RNAMS BYED PA LTA BU'O ZHES BYA BA NI GOO TA MA DANG, DRANG SRONG RGYAS PA LA SOGS PA DAG GIS CHOS KYI BSTAN BCOS RNAMS BYAS PA GANG DAG YIN PA DE DAG NI, GSUM RIGS PA'I BRAM ZE RNAMS KYI TSIG TSAD MAR BYAS PA YIN NO, ,GOO TA MA LA SOGS PA'I LAS SGRUB PA'I CHOS 'DOD CHAGS LA SOGS PA DANG LDAN PA LDOG PA LA THE TSOM ZA BA YIN ZHES BYA BA NI, 'DOD CHAGS LA SOGS PA DANG LDAN PA NI DE DAG LAS LOG PAR NGES PA MED DO, ,GNYI LAS LDOG PA LA THE TSOM ZA BA NI ZHES BYA BA NI GANG LA GNYI GA LAS LDOG PA LA THE TSOM ZA BA YOD PA ZHES BSDU'O, ,DPE NI DPER NA SER SKYA LA SOGS PA NI YONGS SU 'DZIN PA DANG, KUN DU 'DZIN PA DANG LDAN PA'I PHYIR, 'DOD CHAGS DANG BRAL BA MA YIN ZHES BYA BA STE, YONGS SU 'DZIN @35A *, ,NI RDZAS BDAG GIR BYAS BA'O, ,KUN DU 'DZIN PA NI BDAG GIR BYAS PA'I 'OG TU ZHEN PA'O, ,YONGS SU 'DZIN PA DANG KUN DU 'DZIN PA NI YONGS SU 'DZIN PA DANG KUN DU 'DZIN PA DAG STE, DE DAG DANG LDAN PA LA DE SKAD CES BYA'O, ,'DIR CHOS MI MTHUN PA'I DPE NI GANG ZHIG 'DOD CHAGS DANG BRAL BA DE LA NI YONGS SU 'DZIN PA DANG KUN DU 'DZIN PA MED DO, ,DPER NA KHYU MCHOG LA SOGS PA LTA BU ZHES BYA BA NI, KHYU MCHOG LA SOGS PA NI BYIN PA NA CUNG ZAD KYANG MI LEN TE, DE'I PHYIR DE DAG LA YONGS SU 'DZIN PA MED DE, YONGS SU 'DZIN PA MED PA NYID KYIS KUN DU 'DZIN PA MED DE, DE DAG NI 'DOD CHAGS DANG BRAL BA YIN NO, ,BSGRUB PAR BYA BA DANG, SGRUB PA'I CHOS 'DOD CHAGS DANG BRAL BA MA YIN PA NYID DANG, YONGS SU 'DZIN PA DANG, 'DZIN PA LA LDAN PA DAG KHYU MCHOG LA SOGS PA LAS LDOG PA LA THE TSOM ZA BA YIN ZHES BYA BA NI, 'DOD CHAGS DANG BRAL BA MA YIN PA NYID NI 'DOD CHAGS DANG LDAN PA ZHES BYA'O, ,YONGS SU 'DZIN PA YANG SEMS KYIS BDAG GIR BYED PA'O, ,KUN DU 'DZIN PA YANG SRED PA STE, DE DAG THAMS CAD NI SEMS LA YOD PA'I PHYIR, DBANG PO'I SPYOD YUL MA YIN NO, ,DE'I PHYIR KHYU MCHOG LA SOGS PA LAS LOG PA NYID DU NGES PAR BYA MI NUS SO; ,LDOG PA MED PA ZHES BYA BA NI 'DI LA LDOG PA MED PAS NA ZHES BYA BAR TSIG RNAM PAR SBYAR RO, ,DPER NA SMRA BA'I PHYIR 'DOD CHAGS DANG BRAL BA MA YIN ZHES BYA BA DE NI DON GO BAR ZAD DO, ,GANG LA 'DOD CHAGS DANG MA BRAL BA NYID MED PA DE NI SMRA BA MA YIN TE, DPER NA RDO'I DUM BU BZHIN ZHES BYA BA DE NI CHOS MI MTHUN PA'I DPE YIN NO, ,GAL TE RDO'I DUM BU LAS GNYI GA LOG PA YIN MOD KYI, 'ON KYANG 'DOD CHAGS DANG BRAL BA THAMS CAD SMRA BA MA YIN NO ZHES BYA BAR LDOG PA MA GRUB PA'I PHYIR RO, ,LDOG PA MED CES BYA BA NI GAL TE RDO'I DUM BU LA SEMS MED PA'I PHYIR, 'DOD CHAGS CAN LA SOGS PA DANG LDAN PA DANG, SMRA BA MA YIN MOD KYI, 'ON KYANG 'DOD CHAGS DANG BRAL BA THAMS CAD SMRA BA MA YIN NO ZHES BYA BAR KHYAB PAR MI SGRUB STE, 'DOD CHAGS CAN NYID DANG, SMRA BA GNYIS 'BREL PA MED PA'I PHYIR, 'DOD CHAGS CAN NYID LDOG PA NA SMRA BA NGES PAR ZLOG PAR BYED PA NI MA YIN @35B NO; ,DE'I PHYIR DNGOS SU NA 'DI LA LDOG PA MED DO, ,LDOG PA RAB TU MA BSTAN ZHES BYA BA NI, GANG LA LDOG PA YOD BZHIN DU MA BSTAN PA'O, ,DPE BSTAN PA, CHOS MI MTHUN PAR DPER NA SGRA NI BYED PA'I PHYIR RTAG PA STE, NAM MKHA' BZHIN NO ZHES BYA BA LTA BU ZHES BYA BA STE, GANG ZHIG CHOS MI MTHUN PA'I DPER SGRA NI MA BYAS PA YIN PA'I PHYIR RTAG PA STE, NAM MKHA' BZHIN NO ZHES RJOD PAR BYED NA, DES NI LDOG PA YOD BZHIN DU MA BSTAN PA YIN TE, 'DI LTAR GAL TE DNGOS PO MA LUS PAR SDUD PA GANG DAG RTAG PA DE DAG NI MA BYAS PA LO ZHES BRJOD NA, DE'I TSE LDOG PA BSTAN PA YIN GYI, DPE TZAM GYIS NI MA YIN NO, ,LDOG PA PHYIN CI LOG CES BYA BA NI, 'DI LA LDOG PA PHYIN CI LOG YOD CES BYA BAR TSIG RNAM PAR SBYAR RO, ,DPE BSTAN PA, DPER NA GANG MA BYAS PA DE NI RTAG PA YIN NO ZHES BYA BA STE, 'DI LA NI GANG RTAG PA DE NI MA BYAS PA YIN NO ZHES BRJOD BAR BYA BA LAS LDOG PAR SMRAS SO, , DPE LTAR SNANG BA DE DAG GIS NI GTAN TSIGS KYI SPYI'I MTSAN NYID MTHUN PA'I PHYOGS NYID LA YOD PA DANG, MI MTHUN PA'I PHYOGS THAMS CAD LA MED PA NYID DAM, BYE BRAG GI MTSAN NYID BSTAN PAR MI NUS ZHES BYA BA NI, DPE LTAR SNANG BA DE DAG GIS NI GTAN TSIGS KYI SPYI'I MTSAN NYID GANG YIN PA DANG, BYE BRAG GI MTSAN NYID GANG YIN PA DAG BSTAN PAR MI NUS TE, DE NYID KYI PHYIR DE DAG DPE LTAR SNANG BA ZHES BYA'O, ,DPE DANG 'DRA BAR SNANG BAS NA DPE LTAR SNANG BA RNAMS SO, ,DE'I PHYIR DON GYI DBANG GIS DE DAG BSAL BAR RIG PAR BYA'O ZHES BYA BA NI, GANG GI PHYIR RNAM PA DE DAG GNYI GAS KYANG GTAN TSIGS KYI MTSAN NYID STON PAR MI NUS PA DE'I PHYIR, DON GYI DBANG GIS NA DE DAG BSAL BAR BLTA BAR BYA'O, ,DE LTAR NA RE ZHIG YANG DAG PA'I SHES PA 'DRA BA DANG BCAS PA BSHAD ZIN TO, ,DE NI DE'I GNYEN PO BSHAD PAR BZHED DE, MA TSANG BA NYID LA SOGS PAR SMRAS PA SUN 'BYIN PA DAG YIN NA ZHES BYA BA SMOS SO, ,MA TSANG BA NYID LA SOGS PA GANG DAG YIN PA DE DAG NI MA TSANG BA NYID LA SOGS PA'O, ,DE DAG SMRAS PA NI MA TSANG BA NYID LA SOGS PAR SMRAS PA STE, DE RE RE LA SUN 'BYIN PA RNAMS YIN NO, ,SNGAR BSGRUBS PA'I SKYON MA TSANG BA NYID LA SOGS PA SMOS PA GANG DAG YIN PA DE DAG @36A *, ,BRJOD PA NI SUN 'BYIN PA YIN ZHES BYA BA LA, 'DIR SOGS PA ZHES SMOS PAS NI MA GRUB BA DANG, 'GAL BA DANG, MA NGES PA DANG, DE'I SKYON RNAMS YONGS SU BSDU'O, ,'DIS RJOD PAR BYED PAS NA BRJOD PA NI TSIG STE, TSIG GANG GIS SKYON RNAMS SGROGS PAR BYED PA DE NI SUN 'BYIN PA ZHES BYA'O, ,DE CI'I PHYIR ZHE NA, DE'I PHYIR DES PHA ROL PO'I 'DOD PA'I DON GRUB PA LA GEGS BYED PA'I PHYIR ZHES BYA BA SMOS TE, GANG GI PHYIR TSIG DES PHYOGS SNGA MA PAS SGRUB PAR 'DOD PA'I DON 'GRUB PA LA GEGS BYED PA DE'I PHYIR, DE NI SUN 'BYIN PA ZHES BYA'O, ,RE ZHIG DE DAG NI YANG DAG PA'I SUN 'BYIN PA YIN NO, ,SUN 'BYIN PA LTAR SNANG BA DAG NI LTAG CHOD RNAMS TE, LTAG CHOD RNAMS NI SUN 'BYIN PA LTAR SNANG BA NYID DU RIG PAR BYA'O, ,YANG LTAG CHOD DE DAG KYANG GANG ZHE NA, YANG DAG PA MA YIN PA'I SKYON RJOD PA DAG NI LTAG CHOD PA YIN NO ZHES BYA BA SMOS TE, DE DAG NI YANG DAG PA MA YIN PA YANG YIN LA, SKYON YANG YIN PAS YANG DAG PA MA YIN PA'I SKYON RNAMS SO, ,YANG DAG PA MA YIN PA ZHES BYA BA NI MI BDEN PA'O, ,DE DAG BRJOD PA NI YANG DAG PA MA YIN PA'I SKYON RNAMS BRJOD PA STE, TSIG GANG GIS SGRUB PA'I SKYON MED BZHIN DU BRJOD PA DE DAG NI LTAG CHOD PA YIN PAR BLTA BAR BYA'O, ,YANG DAG PA'I SHES PA BSTAN PA'I SKABS YIN NA, CI'I PHYIR SUN 'BYIN PA DAG DE LTAR SNANG BA STON CE NA, LAN BTAB PA DAG DANG, SUN 'BYIN PA LTAR SNANG BA DAG BSTAN NA, YANG DAG PA'I SHES PA DE DAG GNYEN PO DANG BCAS PAR BSTAN PA YIN TE, 'DI LTAR 'DI DAG NI 'DI LA SUN 'BYIN PA YIN PAS DE DAG YONGS SU SPANGS TE BSGRUB PAR BYA'O, ,GANG GI TSE 'DI DAG NI SUN 'BYIN PA LTAR SNANG BA YIN PAS DE DAG GIS MI 'JIGS PAR RIG PAR BYA'O ZHES BSHAD PA YIN PA DE'I TSE YANG DAG BA'I SHES PA NYID RNAM PA THAMS CAD DU BSTAN PAR 'GYUR BAS, DE'I PHYIR JI SKAD SMRAS PA'I THAL BAR 'GYUR BA MED DO, ,RIGS PA'I THIGS PA TSIG RE RNAMS PHYE BAS, ,DAG BA RGYA CHEN DE THOB GANG YIN DES, ,'GRO KUN RIGS PA'I BDUD RTZI THOB GYUR NAS, ,SRID PA'I RGYA MTSO ZAD PAR BYED PAR SHOG ,RIGS PA JI BZHIN RIGS PA YI, ,RGYAL PO 'DOD NAS RIGS THOGS KYI, ,RGYA CHER 'GREL PA DUL BA'I LHAS, ,SLOB MA LA PHAN BSKYED PHYIR BYAS, ,RIGS PA'I THIGS PA RGYA CHER @36B 'GREL PA SLOB MA LA PHAN PA LAS LE'U GSUM PA'O,, ,,RGYA CHER 'GREL PA'I GZHUNG TSAD NI, SHLO KA CHIG STONG DAG DANG NI, ,DE BZHIN SHLO KA SUM CUR NI, ,YONGS SU BSDOMS TE MNGON PAR BRJOD, ,RIGS PA'I THIGS PA RGYA CHER 'GREL PA SLOB MA LA PHAN PA ZHES BYA BA SLOB DPON DUL BA'I LHAS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA,, #, ,RGYA GAR SKAD DU, NA YA BINDU t'I K'A, BOD SKAD DU, RIGS PA'I THIGS PA'I RGYA CHER 'GREL BA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,SKYE BA'I GDUNG BA RGYUN RAB 'BYUNG RGYU CAN, ,'GRO LAS RNAM PAR RGYAL BA 'DOD CHAGS LAS, ,SOGS PA'I DGRA LDAN BDE BAR GSHEGS PA'I GSUNG, ,YID KYI MUN PA SPYOD PAR MDZAD PA RGYAL, ,YANG DAG PA'I SHES PA NI ZHES BYA BA LA SOGS PAS NI RAB TU BYED PA 'DI'I BRJOD PAR BYA BA'I DGOS PA BRJOD DO, ,RAB TU BYED PA'I LUS NI RNAM PA GNYIS TE, SGRA DANG DON TO, ,DE LA SGRA'I DGOS PA NI BRJOD PAR BYA BA BSTAN PA NYID YIN GYI GZHAN MA YIN PA DE'I PHYIR DE MI DPYAD DO, ,CI STE BRJOD PAR BYA BA YANG DGOS PA MED PA NYID YIN NA NI DE BSTAN PA'I PHYIR SGRA DGOD PA'I RTZOM PA YANG MI BYA BAR 'GYUR TE, DPER NA BYA ROG GI SO DGOS PA MED PA'I PHYIR RTOGS PA DANG LDAN PA DE BRTAG PA'I RTZOM PA MI BYED PA BZHIN NO, ,DE BAS NA RAB TU BYED PA 'DI BRTZAM PAR BYA BA NYID DU BSTAN PA'I PHYIR 'DIS BRJOD PAR BYA BA'I DGOS PA BSTAN TO, 'DI DAG GI DON NI GANG GI PHYIR YANG DAG PA'I SHES PA SKYES BU'I DON THAMS CAD 'GRUB PA'I SNGON DU 'GRO BA DE BAS NA DE BSTAN PA'I PHYIR 'DI BRTZAMS SO ZHES BYA BA YIN NO, ,'DIR NI RAB TU BYED PA'I BRJOD PAR BYA BA YANG DAG PA'I SHES PA'I DGOS PA DE SKYES BU'I DON THAMS CAD 'GRUB PA'I RGYU NYID DU BSTAN PAS DGOS PA BRJOD PA YIN NO, ,DON 'DI BRJOD PA NA YANG 'BREL PA DANG, DGOS PA DANG, BRJOD PAR BYA BA RNAMS BSTAN PA YIN TE, 'DI LTAR SKYES BU'I DON LA PHAN PA'I YANG DAG PA'I SHES PA RAB TU BYED PA 'DIS BSTAN PAR BYA BA YIN PAR SMRA BA NA YANG DAG PA'I SHES PA NI SGRA BKOD PA 'DI'I BRJOD PAR BYA BA YIN LA, DE BSTAN PA NI DGOS PA YIN NO, ,RAB TU BYED PA 'DI NI DGOS PA'I THABS SU @37A *, ,SMRAS PA YIN TE, DE BAS NA BRJOD PAR BYA BA'I DGOS PA BSTAN PA'I SHUGS KYIS 'BREL PA LA SOGS PA BSTAN PA YIN NO, ,NGAG GCIG PO 'DIS NI 'BREL PA DANG, BRJOD PAR BYA BA DANG, DGOS PA RNAMS DNGOS SU SMRA BAR MI NUS KYI, GCIG SMRA BA NA GSUM NI SHUGS KYIS BSTAN TE, DE LA DE ZHES BYA BA NI BRJOD PAR BYA BA'I TSIG GO, ,BSTAN TO ZHES BYA BA NI DGOS PA'I TSIG GO, ,SMRA BA PO RAB TU BYED PA MDZAD PAR RTZOL BA'I DGOS PA DANG, NYAN PA RNAMS NYAN PA'I DGOS PA YANG 'DIR BSAM PAR BYA STE, 'DI LTAR RTOG PA DANG LDAN PA THAMS CAD KYI 'JUG PA NI DGOS PA BRTAGS NAS 'JUG GO, ,DE BAS NA SLOB DPON GYIS RAB TU BYED PA CI'I PHYIR BYAS, NYAN PA RNAMS KYANG CI'I PHYIR NYAN CES THE TSOM DU GYUR PA LA BSTAN PA NI DGOS PA YIN NO ZHES BRJOD DO, ,YANG DAG PA'I SHES PA KHONG DU CHUD PAR BYED PA RNAMS KYI STON PA POR BDAG NYID BYA BA'I PHYIR RAB TU BYED PA 'DI BYAS LA, SLOB MA RNAMS KYANG SLOB DPON GYIS SBYAR BA BDAG NYID KHONG DU CHUD PAR 'DOD NAS RAB TU BYED PA NYAN PAS NA RAB TU BYED PA MDZAD PA DANG, NYAN PA GNYIS KYI DGOS PA NI KHONG DU CHUD PA YIN NO, ,'BREL PA STON PA'I TSIG NI MED DE SHUGS KYIS KHONG DU CHUD PAR BYA'O, ,'DI LTAR YANG DAG PA'I SHES PA BSTAN PA'I PHYIR RTOG PA DANG LDAN PA RNAMS RAB TU BYED PA 'DI RTZOM PA NI 'DI NYID THABS YIN GYI GZHAN MA YIN PAR BSTAN PA NYID KYIS RAB TU BYED PA DANG DGOS PA GNYIS THABS DANG THABS LAS BYUNG BA'I 'BREL PA YIN NO, ,RAB TU BYED PA NYAN PA'I SNGON ROL DU BRJOD PAR BYA BA LA SOGS PA BSTAN DU ZIN KYANG TSAD MA MED PA'I PHYIR RTOG PA DANG LDAN PA RNAMS 'DZIN PAR MI 'GYUR BA NYID MA YIN NAM, RTZOM PA'I PHYOGS SU DE DAG BSTAN PAS CI ZHIG BYA ZHE NA, RAB TU BYED PA MA THOS PAR NI SMRAS SU ZIN KYANG NGES PAR MI 'GYUR BA BDEN MOD KYI, BSTAN NA TSAD MA MED PA'I BRJOD PAR BYA BA LA SOGS PA LA THE TSOM SKYE LA, THE TSOM LAS KYANG RAB TU 'JUG PAR 'GYUR RO, ,RTOG PA DANG LDAN PA RNAMS DON LA THE TSOM YOD PA NI 'JUG PA'I YAN LAG YIN LA, DON DU MI 'GYUR BA LA THE TSOM YOD PA YANG LDOG PA'I YAN LAG YIN PA DE BAS NA, BSTAN BCOS MDZAD PA NYID KYIS 'BREL PA LA SOGS PA NI BRJOD PAR RIGS SO, ,'CHAD PA PO RNAMS KYI TSIG NI BRTZE BA LA SOGS PA'I DON DU GZHAN DU SRID KYI, BSTAN BCOS MDZAD PA RNAMS RAB TU BYED PA RTZOM PA LA @37B NI BRJOD PAR BYA BA LA SOGS PA'I LOG PAR STON PA'I DGOS PA MA MTHONG BA LA 'JUG PA YANG MED DE, DE BAS NA DE DAG LA THE TSOM BYA BAR RIGS SO, ,MA BSTAN NA NI RTOG PA PO RNAMS RAB TU BYED PA 'DI'I BRJOD PAR BYA BA NI BYA ROG GI SO BRTAG PA BZHIN DGOS PA MED DO ZHES BYA BAR SRID PAR 'GYUR BA'AM, KLU 'JOG PO'I SPYI BO NA RIMS NAD SEL BA'I RIN PO CHE'I RGYAN GYI MAN NGAG BZHIN DU BSGRUB PAR MI NUS PA'AM, MA BAG MAR LEN PA'I RIM PA'I MAN NGAG BZHIN DU DGOS PA'I 'DOD PAR BYA BA MA YIN PA'AM, RAB TU BYED PA 'DI BAS DGOS PA'I THABS SLA BA YOD PA'AM, RAB TU BYED PA THABS MA YIN PA KHO NA'O ZHES BYA BAR YANG SRID PAR 'GYUR TE, DON MED PAR SRID SNYAM PA DE DAG LAS DON MED PAR SRID SNYAM PA GCIG YOD NA YANG RTOG PA DANG LDAN PA RNAMS 'JUG PAR MI 'GYUR RO, ,BRJOD PAR BYA BA LA SOGS PA SMRAS NA NI DON MED PAR SRID SNYAM PA DANG MI MTHUN PAR SRID SNYAM PA 'BYUNG BAR 'GYUR LA, DES KYANG RTOG PA DANG LDAN PA RNAMS 'JUG PAR 'GYUR RO, ,DE BAS NA RTOG PA DANG LDAN PA RNAMS 'JUG PAR 'GYUR BAS NA, RTOG PA DANG LDAN PA RNAMS 'JUG PA'I YAN LAG TU DON YOD PAR SRID DO SNYAM DU BYA BA'I PHYIR 'BREL PA LA SOGS PA BSTAN PAR BYA'O ZHES BYA BAR GNAS SO, ,MI SLU BAR BYED PA'I SHES PA NI YANG DAG PA'I SHES PA YIN NO, ,'JIG RTEN NA YANG SNGON NYE BAR BSTAN PA'I DON DANG PHRAD PAR BYED PA LA MI SLU BAR BYED PA ZHES BRJOD DO, ,DE BZHIN DU SHES PA YANG BSTAN PA'I DON DANG PHRAD PAR BYED NA MI SLU BAR BYED PA ZHES BRJOD DO, ,PHRAD PAR BYED PA NYID KYANG BSTAN PA'I DON LA 'JUG PAR BYED PA KHO NA PHRAD PAR BYED PA NYID YIN GYI GZHAN MA YIN TE, 'DI LTAR SHES PA NI SKYES BAR BYED PAS DON DANG PHRAD PAR BYED PA MA YIN GYI, 'ON KYANG DON LA SKYES BU 'JUG PAR BYED PAS NA DON DANG PHRAD PA YIN NO, ,'JUG PAR BYED PA YANG 'JUG PA'I YUL STON PAR BYED PA NYID KYIS, SKYES BU RNAMS BTZAN THABS SU SHES PAS GZHUG PAR NI MI NUS SO, ,DE BAS NA DON RTOGS PA KHO NA TSAD MA'I 'BRAS BU YIN LA; RTOGS PA'I DON LA SKYES BU BCUG PAR GYUR PA NI DON DANG PHRAD PAR GYUR PA YANG YIN NO, ,DE LTAR NA DON RTOGS PAR 'GYUR BA'I PHYIR TSAD MA'I BYA BA RDZOGS PA YIN NO, ,DE BAS NAM BCAD PA'I YUL CAN NI TSAD MA YIN TE, SHES PA GANG GIS THOG MA NYID DU DON RTOGS PA DE NYID KYIS SKYES BU BCUG PAR GYUR CING DON @38A *, ,DANG PHRAD PAR GYUR PA YANG YIN TE, DON DE KHO NA LA NI SHES PA GZHAN GYIS LHAG PA CI BYAR YANG MED DO, ,DE BAS NA BCAD PA'I YUL CAN NI TSAD MA MA YIN NO, ,DE LA MTHONG BA NYID DU SHES PA'I DON GANG YIN PA'I DON GANG YIN PA DE NI MNGON SUM NYID KYIS 'JUG PA'I YUL DU BYAS PA YIN NO, ,GANG GI PHYIR DON GANG LA RNAM PAR RTOG PAS MNGON SUM GYI BYED PA NYID RJES SU RTOG PA DE'I MNGON DU BYAS PA STON BAR BYED PA NI MNGON SUM YIN NO, ,DE BAS NA MA MTHONG BA NYID DU SHES PAR BYAS PA NI MNGON SUM GYIS BSTAN PA YIN NO, ,RJES SU DPAG PA YANG RTAGS MTHONG BA LAS NGES PA 'JUG PA'I YUL STON PAR BYED PA YIN NO, ,DE LTA YIN DANG MNGON SUM YANG SNANG BZHIN PA'I DON NGES PAR STON PAR BYED PA DANG, RJES SU DPAG PA LA YANG RTAGS DANG 'BREL PA'I NGES PAR STON PAR BYED PA YIN TE, DE'I PHYIR DE GNYIS NI NGES PA'I DON STON PAR BYED LA NGES NA TSAD MA YIN NO, ,RNAM PAR SHES PA GZHAN NI MA YIN TE, THOB PAR NUS PA'I DON STON PA NI THOB PAR BYED PA YIN LA, TSAD MA YANG THOB PAR BYED PA LAS YIN NA TSAD MA GNYIS LAS GZHAN PA'I SHES PAS BSTAN PA'I DON NI SMIG RGYU LA CHU BZHIN DU KHA CIG SHIN TU PHYIN CI LOG PA YIN LA, DE YANG MED PA'I PHYIR PHRAD PAR BYA MI NUS SO, ,KHA CIG NI YID GNYIS KYI DON BZHIN NI YID GNYIS NI DON BZHIN DU DNGOS PO DANG DNGOS PO MED PA MA NGES PA YIN LA, DNGOS PO DANG DNGOS PO MED PA GNYI GA'I DON DANG LDAN PA'I 'GRO BA YANG YOD PA MA YIN LA DE BAS NA DE DANG 'DRA BA PHRAD PAR MI NUS SO, ,RTAGS MED PAR RNAM PAR RTOG PA NGES PAR MA MTHONG BAR 'JUG PA THAMS CAD KYIS BSTAN PAR BYA BA'I DON NI DNGOS PO DANG DNGOS PO MED PA DAG TU MA NGES PA KHO NA YIN PA DE YANG THOB PAR MI NUS SO, , DE BAS NA PHRAD PAR MI NUS PA SHIN TU PHYIN CI LOG PA DANG DNGOS PO MED PA MA NGES PA'I DON STON PAR BYED PAS SHES PA GZHAN NI TSAD MA MA YIN NO, ,DON BYED PA DON DU GNYER BA RNAMS KYIS KYANG DON BYED PAR NUS PA THOB PA'I RGYU MTSAN GYI SHES PA BTZAL BAR BYA BA YIN LA, DES BTZAL BA GANG YIN PA DE NYID BSTAN BCOS LAS KYANG DPYAD PAR BYA BA YIN TE, DE BAS NA DON BYED PAR NUS PA'I DNGOS PO BSTAN PA NI YANG DAG PA'I SHES PA YIN NO, ,GANG ZHIG DES RAB TU BSTAN PA NYID DES THOB PAR BYA BA YIN TE, DE THOB PAR BYED PA NYID NI DON THOB PA RTOGS PA NYID NI DON THOB PA'I BDAG NYID YIN NO ZHES BRJOD PA ZIN PA YIN NO ZHES DE LA YUL @38B THA DAD PA DANG, DUS THA DAD PA DANG, RNAM PA THA DAD PA NI RAB TU BSTAN PA LAS DNGOS PO GZHAN NYID DE 'DI LTAR DNGOS PO GZHAN NYID 'GAL BA'I CHOS DANG LDAN PA LAS YIN LA, YUL DANG, DUS DANG, RNAM PA THA DAD PA YANG 'GAL BA'I CHOS DANG LDAN PA YIN NO, ,DE'I PHYIR RNAM PA GZHAN DANG LDAN PA'I DNGOS PO 'DZIN PA NI RNAM PA GZHAN DANG LDAN PA'I DNGOS PO LA TSAD MA YIN TE, DPER NA DUNG DKAR PO LA SER POR 'DZIN PA BZHIN NO, ,RNAM PA GZHAN GYI DNGOS PO 'DZIN PA NI, RNAM PA GZHAN DANG LDAN PA'I DNGOS PO LA TSAD MA MA YIN NO, ,YUL GZHAN NA GNAS PAR 'DZIN PA YANG YUL GZHAN NA GNAS PA LA TSAD MA MA YIN TE, JI LTAR SGO'I BU GA'I GSEB KYI YUL NA NOR BU'I 'OD GNAS PA LA NOR BUR 'DZIN PA'I SHES PA NI KHANG BA'I PHUG NA NOR BU GNAS PA LA TSAD MA MA YIN PA BZHIN NO, ,DUS GZHAN DANG LDAN PA 'DZIN PA DANG, DUS GZHAN DANG LDAN PA'I DNGOS PO LA TSAD MA MA YIN NO, ,JI LTAR NAM PHYED YIN PA LA NYI MA'I GUNG GI NGO BOR 'DZIN PA'I RMI LAM GYI SHES PA NI NAM PHYED KYI NGO BO LA TSANG MA MA YIN PA BZHIN NO, ,YUL NGES PA DANG RNAM PA NGES PA DE NI PHRAD PAR NUS PA YIN GYI DUS GANG YIN PA GO YONGS SU BCAD PA'I DUS GANG YIN PA DE NYID DANG PHRAD PAR MI NUS PA MA YIN NAM ZHE NA, GANG GI DUS NA YONGS SU BCAD PA'I DUS DE NYID KYI TSE NI PHRAD PAR BYA BA YIN PAR MI SMRA STE, MTHONG BA'I DUS KYANG GZHAN PHRAD PA'I DUS KYANG GZHAN YIN PA'I PHYIR RO, ,'ON KYANG DUS GANG DU YONGS SU BCAD PA'I DNGOS PO DE NYID DANG PHRAD PAR BYA BA YIN TE, THA DAD PA MED PAR MNGON PAR ZHEN PA'I PHYIR RGYUN GYIS ZHUGS PA LA GCIG PA NYID DU BLTA BAR BYA'O, ,GANG GI SNGON DU SHES PA 'GRO BA DE LA DE SKAD CES BYA STE, 'BRAS BU BAS RGYU SNGA BA LA SNGON DU SANG BA ZHES BYA'O, ,RGYU'I SGRA SMOS NA NI SKYES BU'I DON 'GRUB PA'I DNGOS KYI RGYU YIN PAR SHES PAR 'GYUR RO, ,SNGON DU SONG BA'I SGRA NI SNGA BA TZAM LA BYA'O, ,YANG DAG PA'I SHES PA NI GNYIS TE, DON BYED PAR SNANG BA DANG, DON BYED PAR NUS PA LA RAB TU 'JUG PAR BYED PA'O, ,DE NYID LA RAB TU 'JUG PAR BYED PA GANG YIN PA DE 'DIR DPYAD PAR BYA BA YIN LA, DE YANG SNGON DU SONG BA TZAM YIN GYI, DNGOS PO RGYU NI MA YIN TE, YANG DAG PA'I SHES PA YOD NA SNGAR MTHONG BA DRAN NO, ,DRAN PA LAS MNGON PAR 'DOD DO, ,MNGON PAR 'DOD PA LAS RAB TU 'JUG GO, ,RAB TU ZHUGS PA NA PHRAD PAR 'GYUR TE, DE'I @39A *, ,PHYIR MNGON SUM GYI RGYU MA YIN NO, ,DON BYED PAR SNANG BA NI MNGON SUM DU PHRAD PA'I RGYU YIN MOD KYI, 'ON KYANG DE BRTAG PAR BYA BA MA YIN TE, RTOG PA DANG LDAN PA RNAMS GANG LA DON DU GNYER BA RTOG PA DANG LDAN PA THE TSOM ZA BA DE NYID NI BRTAG PAR BYA BA YIN NO, ,DON BYED PAR SNANG BA'I SHES PA YOD NA NI SKYES BU DON GRUB ZIN PAS DES NA DE LA DON DU GNYER BA RNAMS YID GNYIS MED DE, DE'I PHYIR DE BRTAG PAR BYA BA MA YIN NO, ,DE BAS NA BRTAG PAR BYA BAR 'OS PA DNGOS KYI RGYU MA YIN PA YANG DAG PA'I SHES PA BSTAN PAR BYA BA'I PHYIR RGYU'I SGRA GZHAN NAS SNGON DU YOD PA SMOS SO, ,SKYES BU'I DON NI DON DU GNYER BAR BYA BA'I DON TE, 'DOD PAR BYA BA ZHES BYA BA'I DON TO, ,DOR BAR BYA BA'AM BLANG BAR BYA BA YIN NO, ,DOR BAR BYA BA'I DON NI DOR BAR 'DOD LA, BLANG BAR BYA BA YANG BLANG BAR 'DOD PA YIN NO, ,DOR BAR BYA BA DANG BLANG BAR BYA BA LAS MA GTOGS PA PHUNG PO GZHAN NI MED DE, BTANG SNYOMS SU BYA BA YANG BLANG BAR MI BYA BA YIN PA'I PHYIR DOR BAR BYA BA NYID DO, ,DE 'GRUB PA NI DOR BA DANG LEN PA DANG, RGYU LA RAG LAS NAS 'GRUB PA NI SKYE BA LA BRJOD LA, SHES PA LA RAG LAS TE 'GRUB PA NI RJES SU SGRUB PA STE, DOR BAR BYA BA LA NI DOR BAR BYA BAR RJES SU BSGRUB PA'O, ,BLANG BAR BYA BA YANG BLANG BAR RJES SU SGRUB PA'O,, DE BAS NA DOR BAR BYA BA DANG, BLANG BAR BYA BA GNYIS LA 'DOR BA DANG LEN PA'I MTSAN NYID RJES SU SGRUB PA NI 'GRUB PA ZHES BYA'O, ,'DI NI THAMS CAD KYANG YIN LA SKYES BU DON 'GRUB PA YANG YIN NO, ,THAMS CAD KYI SGRA NI 'DIR RDZAS MA LUS PA LA 'JUG GI, RNAM PA MA LUS PA LA MA YIN NO, ,DE BAS NA YANG DAG PA'I SHES PA'I RGYUS RNAM PA GNYI GA YANG 'GRUB PO ZHES BYA BA'I DON 'DI NI MA YIN LA SKYES BU'I DON 'DI NI MA YIN GYI, 'ON KYANG GANG JI TZAM GRUB PA DE DAG THAMS CAD MA LUS PAR SGRUB PA 'DI'I RGYU NI YANG DAG PA'I SHES PA YIN NO, ,LOG PA'I SHES PA LAS BYA ROG DANG TA LA TZAM DU YANG DON 'GRUB PA MED DE, 'DI LTAR CI STE BSTAN PA'I DON DANG PHRAD PAR BYED PA DE LTA NA DE LAS DON 'GRUB PA YIN LA, BSTAN PA DANG PHRAD PAR BYED PA YANG YANG DAG PA'I SHES PA KHO NA YIN NO, ,BSTAN KYANG MA PHRAD PA NI LOG PA'I SHES PA YIN LA, THOB PAR BYED PA MA YIN YANG JI LTAR DON 'GRUB PA'I RGYUR 'GYUR, DE BAS NA LOG PA'I SHES PA GANG YIN @39B PA DE LAS NI DON GRUB PA MA YIN LA, GANG LAS DON 'GRUB PA DE NI YANG DAG PA'I SHES PA KHO NA YIN NO, ,DE BAS NA YANG DAG PA'I SHES PA NYID NI 'BAD DE BSTAN PAR BYA BA YIN NO, ,GANG GI PHYIR DE NYID SKYES BU'I DON 'GRUB PA'I RGYU YIN PA DE BAS NA, JI TZAM DU SKYES BU'I DON 'GRUB PA NI YANG DAG PA'I SHES PA'I RGYU CAN KHO NA YIN NO ZHES JI SNYED SMRAS PA DE THAMS CAD NI YANG DAG PA'I SHES PA NI SKYES BU'I DON GRUB PA THAMS CAD KYI SNGON DU 'GRO BA ZHES BYA BAS BSTAN PA YIN NO, ,YIN PAS NA ZHES BYA BA'I SGRA NI 'DIR DE BAS NA ZHES BYA BA'I DON YIN LA, GANG DANG DE YANG RTAG TU 'BREL PA YIN NO, ,DES NA DON 'DI YIN TE, GANG GI PHYIR YANG DAG PA'I SHES PA NI SKYES BU'I DON THAMS CAD 'GRUB PAR SNGON DU 'GRO BA YIN PA DE BAS NA DE BSTAN NO, ,CI STE SGRA'I SBYOR BA LA YANG DAG PA'I SHES PA GTZO BOR MA GYUR MOD KYI, 'ON KYANG RAB TU BYED PA 'DIR BRJOD PAR BYA BA YIN PA'I PHYIR GTZO BOR YIN NO, ,DE BAS NA DE ZHES BYA BA'I SGRA DE NYID DANG SBYAR BAR BYA'O, ,BSTAN PAR BYA BA YIN PAS LOG PAR RTOGS PA BSAL BA'I SGO NAS SO SOR BSTAN PA NI BSTAN TO ZHES BYA BA YIN NO, ,'DIR LOG PAR RTOGS PA RNAM PA BZHI STE, GRANGS DANG, MTSAN NYID DANG, SPYOD YUL DANG, 'BRAS BU'I YUL LO, ,DE LA GRANGS LAS LOG PAR RTOGS PA BSAL BA'I PHYIR, RNAM PA GNYIS TE ZHES BYA BA SMOS TE, 'DI LA RNAM PA GNYIS TE BYE BRAG GNYIS YOD PAS NA RNAM PA GNYIS SO, ,YANG DAG PA'I SHES PA'I GSAL BA NI GNYIS YIN NO ZHES GRANGS BSTAN PA'I SGO NAS KYANG GSAL BA'I DBYE BA BSTAN PA YIN NO, ,GSAL BA'I DBYE BA BSTAN PA NI GSAL BA SO SO LA NGES PA'I YANG DAG PA'I SHES PA'I MTSAN NYID BSTAN PAR NUS KYI, GSAL BA'I DBYE BA MA BSTAN NA NI GSAL BA MTHA' DAG LA KHYAB PA'I YANG DAG PA'I SHES PA'I MTSAN NYID GCIG PO MI SLU BA DE RTEN SO SO LAS YOD PAR SMRA BAR MI NUS SO, ,DE BAS NA GRANGS KYI DBYE BA BSTAN BAS NI, MTSAN NYID BSTAN PA'I YAN LAG KHO NA YIN TE, GSAL BA'I BDAG NYID KYANG GRANGS KYI DBYE BA MA BSTAN PAR NI MTSAN NYID KYI DBYE BA BSTAN PAR MI NUS PA'I PHYIR RO, ,DE LTAR NA MTSAN NYID BSTAN PA'I YAN LAG NYID YIN PA'I PHYIR GRANGS KYI DBYE BA THOG MAR BSTAN TO, ,RNAM PA DE GNYIS KYANG GANG ZHES MNGON SUM DANG ZHES BYA BA SMOS TE, @40A *, ,DBANG PO LA BRTEN PA'I DON NI MNGON SUM YIN NO, ,DBANG PO LA BRTEN PA YANG SGRA BSHAD PA'I RGYU MTSAN YIN GYI, 'JUG PA'I RGYU MTSAN NI MA YIN NO, ,DBANG PO LA BRTEN PA NYID 'DIS NI DON GCIG TU 'DUS PA'I DON MNGON SUM DU BYED PA NYID MTSON PA YIN TE, DE NYID SGRA 'JUG PA'I RGYU MTSAN YIN NO; ,DE BAS NA GANG CUNG ZAD DON MNGON SUM DU BYED PA'I SHES PA DE NI MNGON SUM ZHES BYA'O, ,CI STE DBANG PO LA BRTEN PA KHO NA 'JUG PA'I RGYU MTSAN DU GYUR PA YIN NA NI DBANG PO'I SHES PA 'BA' ZHIG MNGON SUM YIN PAR SMRAS KYI, YID LA SOGS PA NI MA YIN PAR 'GYUR RO, ,DPER NA 'GRO BAS NA BA LANG ZHES BYA BA LA, BA LANG GI SGRAS 'GRO BA'I BYA BA BSHAD PA YIN MOD KYI, 'ON KYANG 'GRO BA'I BYA BAS NYE BAR MTSON PA DON GCIG LA 'DUS PA'I BA LANG NYID SGRA 'JUG PA'I RGYU MTSAN NYID DU BYED LA, DE LTAR NA 'GRO YANG RUNG MI 'GRO YANG RUNG, BA LANG NI BA LANG GI SGRAR GRUB PA BZHIN NO, ,'DIS DPOGS PAS NA DPAG PA STE; BYED PA BSGRUB PA'I RJES SU DPAG PA'I SGRAS NI RTOG PA DANG BCAS PA'I MTSAN NYID KYI TSAD MA BSTAN TE, RTAGS BZUNG ZHING 'BREL PA DRAN PA'I RJES LA DPOGS PA LA NI RJES SU DPAG PA STE, PHYOGS KYI CHOS BZUNG NAS BSGRUB PAR BYA BA DANG SGRUB PAR BYED PA 'BREL PAR DRAN NA RJES SU DPAG PA 'JUG PA NI DUS PHYIS 'BYUNG BA ZHES BYA'O, ,DANG ZHES BYA BA NI MNGON SUM DANG RJES LA DPAG PA NI GNYIS KA YANG MTHU MTSUNGS PAR SDUD PA YIN TE, JI LTAR DON MED PA'I MI 'BYUNG BA'I PHYIR DON DANG PHRAD PAR BYED PAS MNGON SUM TSAD MA YIN PA DE BZHIN DU RJES SU DPAG PA YANG DON MED NA MI 'BYUNG BA'I PHYIR YONGS SU BCAD PA'I DON DANG PHRAD PAR BYED PAS TSAD MA YIN NO ZHES SO, ,DE LA ZHES BYA BA NI BDUN PA'I DON DANG SBYAR NAS DMIGS KYIS DGAR BA BYED PA YIN NO, ,DE BAS NA TSIG GI DON 'DI YIN TE, DE LA STE MNGON SUM DANG RJES SU DPAG PA DE GNYIS LA ZHES TSOGS PA BSTAN PA YIN NO, ,MNGON SUM NI ZHES PHYOGS GCIG TU BYED PA YIN TE, DE LA TSOGS PA LAS MNGON SUM NYID KYI RIGS KYIS PHYOGS GCIG PO THA DAD DU BYED PA NI DMIGS KYIS DGAR PA'O, ,DE LA MNGON SUM NYID RJES SU BRJOD NAS, RTOG PA DANG BRAL ZHING MA 'KHRUL PA NYID SGRUB PA YIN TE, KHYED DANG NGED CAG LA DON LA MNGON SUM DU BYED PA'I SHES @40B PA GRAGS PA GANG YIN PA DE NI RTOG PA DANG BRAL ZHING MA 'KHRUL PA NYID YIN PAR BLTA'O, ,RTOG PA DANG BRAL ZHING MA 'KHRUL PA NYID MA GRUB PA YIN NA MNGON SUM GYIS SHES PA'I NGO BO GZHAN CI ZHIG LUS TE, GANG ZHIG MNGON SUM GYI SGRAS BRJOD PAR BYA BA YIN NA RJES SU BRJOD CES DE SNYAM DU NI BSAM PAR MI BYA STE; 'DI LTAR DBANG PO'I RJES SU 'GRO BA DANG LDOG PAR BYED CING DON LA YANG MNGON SUM DU BYED PA'I SHES PA NI THAMS CAD LA RAB TU GRUB BA NI MNGON SUM GYI SGRAS BRJOD PAR BYA BA YIN LA, DE RJES SU BRJOD NAS RTOG PA DANG BRAL ZHING MA 'KHRUL PA NYID SGRUB PAR BYED DO, ,RTOG PA DANG BRAL TE MI LDAN PA NI RTOG PA DANG BRAL BA YIN TE, RTOG PA'I NGO BO DANG BRAL BA ZHES BYA BA'I DON TO, ,MA 'KHRUL PA NYID SGRUB PAR BYED NUS PA'I DNGOS PO'I NGO BO LA PHYIN CI MA LOG PAR 'GYUR BA'I NGO BO LA BYA'O, ,DON BYED PAR NUS PA'I DNGOS PO'I NGO BO NI DBYIBS SU BKOD PA'I KHYAD PAR CAN GYI KHA DOG GI BDAG NYID DE, DE LA MA 'KHRUL PA GANG YIN PA DE DAG NI MA 'KHRUL PA ZHES BYA'O, ,MTSAN NYID DE GNYI GA YANG LOG PAR RTOGS PA BSAL BA'I PHYIR YIN GYI, RJES SU DPAG PA BSAL BA'I PHYIR NI MA YIN TE, 'DI LTAR RTOG PA DANG BRAL BA SMOS PA NYID KYIS RJES SU DPAG PA BSAL BA YIN MOD KYI, DE LA MA 'KHRUL PA MA SMOS NA NI LJON SHING 'GRO BAR SNANG BA LA SOGS PA DANG BRAL BA YIN PA'I PHYIR MNGON SUM YIN PAR 'GYUR RO, ,DE LA ZHUGS PA'I LJON SHING TZAM DANG YANG PHRAD PAR MI SLU BA YIN PA'I PHYIR YANG DAG PA'I SHES PA YANG YIN LA, RTOG PA DANG BRAL BA YIN PA'I PHYIR MNGON SUM YANG YIN PAR RTOG PAR 'GYUR BA DE BSAL BA'I PHYIR, MA 'KHRUL PA SMOS TE, 'DI LTAR DE NI 'KHRUL PA'I PHYIR MNGON SUM MA YIN LA, TSUL GSUM PA'I RTAGS KYIS BSKYED PA MED PA'I PHYIR RJES SU DPAG PA YANG MA YIN NO, ,TSAD MA GZHAN YANG YOD PA MA YIN TE, DE BAS NA LJON SHING 'GRO BAR MTHONG BA LA SOGS PA NI LOG PA'I SHES PA YIN PAR BSTAN TO, ,CI STE LOG PA'I SHES PA YIN NA DE LA JI LTAR SHING DANG PHRAD PAR 'GYUR ZHE NA, DE LAS SHING DANG PHRAD PA MA YIN TE, DES NI YUL SNA TSOGS SU 'GRO BA'I SHING YONGS SU BCAD PA YIN LA, PHRAD PA'I SHING NI YUL GCIG NA NGES PA YIN NO, ,DE BAS NA LJON SHING GI YUL 'GRO @41A *, ,BAR SNANG BA GANG YIN PA YUL DE DANG NI MA PHRAD PA YIN LA, YUL GANG DANG PHRAD PA DE NI MA MTHONG BAS, DE LAS DON GANG YANG PHRAD PA MED KYI, SHES PA GZHAN ZHIG KHO NA LAS SHING LA SOGS BA'I DON DANG PHRAD PA YIN NO, ,DE LTAR NAM 'KHRUL BA SMOS PA NI LOG PAR RTOGS PA GSAL BA'I PHYIR YIN NO, ,DE BZHIN DU MA 'KHRUL PA SMOS PAS KYANG RJES SU DPAG PA GSAL BA YIN MOD KYI, RTOGS PA DANG BRAL BA SMOS PA NI LOG PAR RTOG PA BSAL BA'I PHYIR RO, RJES SU DPAG PA NI 'KHRUL PA YIN TE, RANG GI SNANG BA DON MED PA LA DON DU MNGON PAR ZHEN PAR ZHUGS PA'I PHYIR RO, ,MNGON SUM NI GZUNG BA'I YUL LA PHYIN CI MA LOG PA YIN NO, , MA 'KHRUL PA NI 'DIR MI SLU BA YIN PAR GZUNG BAR MI BYA STE, 'DI LTAR YANG DAG PA'I SHES PA KHO NA MNGON SUM YIN GYI, GZHAN NI MA YIN NO, ,DE LA YANG DAG PA'I SHES PA YIN PA'I PHYIR MI SLU BA YIN PAR GRUB ZIN PA LA YANG MI SLU BA SMOS PA NI DGOS PA MED PA KHO NA YIN NO, ,DE LTAR NA DAG GI DON NI MI SLU BA'I SHES PA MNGON SUM ZHES BYA BA GANG YIN PA DE NI RTOG PA DANG BRAL ZHING MI SLU BA YIN NO ZHES BYA BAR 'GYUR TE, MI SLU BA LAN GNYIS SMOS PA 'DI LA DGOS PA CI YANG MED DO, ,DE BAS NA DON BYED NUS PA'I DNGOS PO GZUNG BAR BYA BA LA PHYIN CI MA LOG PA GANG YIN PA DE MA 'KHRUL PA YIN PAR RIG PAR BYA'O, ,RTOG PA YANG CI 'DRA BA ZHIG 'DIR GZUNG BAR BYA ZHE NA, BRJOD PA DANG ZHES BYA BA SMOS TE, 'DIS RJOD PAR BYED PAS NA BRJOD PA STE SMRA BAR BYED PA'I SGRA'O, ,BRJOD PA DANG 'DRE BA NI RJOD PAR BYED PA'I RNAM PA DANG LHAN CIG SHES PA GCIG LA GZUNG BA'I RNAM PA NYID DU TSOGS PA STE, DE BAS NA GANG GI TSE SHES PA GCIG LA BRJOD PAR BYA BA DANG RJOD PAR BYED PA'I RNAM PA GNYIS TSOGS PAR YOD PA DE'I TSE BRJOD PAR BYA BA DANG RJOD PAR BYED PA GNYIS 'DRES PA ZHES BYA'O, ,MNGON PAR BRJOD BA DANG 'DRE BAR RUNG BA'I BRJOD PAR BYA BA'I SNANG BA SHES PA GANG LA YOD PA DE LA DE SKAD CES BYA'O, ,DE LA SHES PA KHA CIG NI BRJOD PA DANG 'DRES PAR SNANG BA YIN TE, DPER NA BRDA LA BLO BYANG BA RNAMS KYIS BUM PA'I DON LA RTOG PA NA BUM PA'I SGRA DANG 'DRES BA'I DON SNANG BA YIN NO, ,KHA CIG NI MNGON PAR BRJOD PA DANG MA 'DRES BAR YANG MNGON PAR BRJOD PA DANG 'DRER RUNG BAR SNANG BA YIN TE, DPER NA BYIS PA BRDA LA BLO MA BYANG BA RNAMS KYI RTOG @41B PA LTA BU'O, ,DE LA RTOG PA NI BRJOD PA DANG 'DRES PA'O ZHES SMOS NA NI BRDA LA BLO MA BYANG BA'I RTOG BA BSDUS PAR 'GYUR BAS RUNG BA SMOS PAS DE YANG BSDUS PA YIN NO, ,CI STE BRJOD PA DANG 'DRES PA SNANG BA MA YIN DU ZIN KYANG DER SKYES BA NYID KYIS RTOG PA NI BRJOD BA DANG 'DRER RUNG BAR SNANG BA KHO NA YIN NO, , BRJOD PA DANG 'DRES PA GANG YIN PA DE YANG RUNG BA ZHES BYA'O, ,DE BAS NA GNYI GA YANG RUNG BA SMOS PAS BSDUS PA YIN NO, ,BRJOD PA DANG 'DRES PA MED NA JI LTA RUNG BA NYID DU SHES PAR BYA ZHE NA, SNANG BA NGES PA MED PA'I PHYIR RO, ,SNANG BA NGES PA MED PA YANG SNANG BA NGES PA'I RGYU MED PA'I PHYIR RO, ,GZUNG BA'I DON GYIS RNAM PAR SHES PA SKYED PA NA SNANG BA NGES PAR SKYED PAR BYED PA YIN TE, DPER NA GZUGS KYIS MIG GI RNAM PAR SHES PA SKYED PA NA SNANG BA NGES PA SKYED PA BZHIN NO, ,RNAM PAR RTOG PA'I RNAM PAR SHES PA NI DON LAS SKYES PA MA YIN NO, ,DE BAS NA SNANG BA NGES PA'I RGYU NGES PA MED PA'I PHYIR SNANG BA NGES PA MED PA YIN NO; ,RNAM PAR RTOG PA DON LAS MI SKYE'O ZHES BYA BA DE YIN PAR CI MNGON ZHE NA, DON NYE BA LA MI LTOS PA'I PHYIR RO, ,BYIS PA RNAMS KYANG JI SRID DU NA MA MTHONG BA NA DE NYID 'DI YIN NO ZHES SNGON MTHONG BA NYID DU MI 'DZIN PA DE SRID DU DU BA BTANG NAS NU MKHAR 'JUG PAR MI BYED DO, ,SNGON MTHONG BA DANG PHYIS MTHONG BA GNYIS GCIG TU BYED PA'I RNAM PAR SHES PA NI YUL NYE BA CAN MA YIN TE, SNGON MTHONG BA NYE BA MA YIN PA'I PHYIR RO, YUL NYE BA MA YIN PA CAN NI DON LA MI LTOS LA, MI LTOS NA SNANG BA NGES PA'I RGYU MED PA'I PHYIR SNANG BA NGES PA MED PA YIN TE, DE 'DRA BA NI BRJOD PA DANG 'DRER RUNG BA YIN NO, ,DBANG PO'I RNAM PAR SHES PA NI NYE BA TZAM 'DZIN PA'I PHYIR DON LA LTOS PA YIN LA, DON KYANG SNANG BA NGES PA'I RGYU YIN PA'I PHYIR SNANG BA NGES PA YIN NO, ,DE BAS NA MNGON PAR BRJOD PA DANG 'DRER RUNG BA MA YIN NO, ,DE NYID KYI PHYIR RANG GI MTSAN NYID SMRA BAR BYA BA DANG SMRA BAR BYED PA'I DNGOS BOR KHAS BLANGS KYANG DE RNAM PAR MI RTOG PAR BRJOD DO, ,GAL TE RANG GI MTSAN NYID KHO NA SMRA BAR BYA BA DANG SMRA BAR BYED PA YIN PA DE LTA NA YANG MNGON PAR BRJOD PA DANG 'DRES BA'I DON GYI RNAM PAR SHES PA RNAM PAR RTOG PA YIN NO, ,DBANG PO'I RNAM PAR SHES PA NI DON GYI SGO NAS SNANG BA YIN BA'I PHYIR MNGON PAR BRJOD PA DANG 'DRER RUNG BA SNANG @42A *, ,BA MA YIN PAS RNAM PAR MI RTOG BA YIN NO, ,'O NA RNA BA'I RNAM PAR SHES BA NI SGRA'I RANG GI MTSAN NYID LA 'DZIN PA YIN LA, SGRA'I RANG GI MTSAN NYID KYANG KHA CIG NI SMRA BAR BYA BA YIN LA, KHA CIG NI SMRA BAR BYED PA YIN BAS MNGON BAR BRJOD PA DANG 'DRER RUNG BA SNANG BAR 'GYUR LA, DE LTA NA NI RNAM BAR RTOG PA DANG BA CAS PA NYID DU 'GYUR RO ZHE NA, DE LTA BU'I SKYON MED DE RANG GI MTSAN NYID SMRA BAR BYA BA DANG SMRA BAR BYED PAR DNGOS PO YOD DU ZIN KYANG, RANG GI MTSAN NYID BRDA'I DUS NA MTHONG BA NYID DU BZUNG NA SMRA BAR BYA BA DANG SMRA BAR BYED PA YANG BZUNG BAR 'GYUR RO, ,BRDA'I DUS NA YOD PA'I MTHONG BA'I YUL GYI DNGOS PO NYID NI DA LTAR YOD PA MA YIN NO, ,DPER NA BRDA'I TSE NA YOD PA'I MTHONG BA DA LTAR 'GAGS PA DE BZHIN DU DE'I YUL GYI DON YANG DA LTAR MED PA YIN NO, ,DE BAS NA RNA BA'I RNAM PAR SHES PAS STON GYI DUS NA MTHONG BA NYID MI 'DZIN PAS NA SMRA BAR BYA BA DANG SMRA BAR BYED PA'I DNGOS PO 'DZIN PA MA YIN NO, , TSUL 'DIS RNAL 'BYOR PA'I SHES PA YANG SGRA DANG DON MTHA' DAG SNANG BA YIN MOD KYI, BRDA'I DUS KYI MTHONG BA MI 'DZIN PA'I PHYIR RNAM PAR MI RTOG PA YIN NO, ,DE DANG ZHES BYA BA NI RNAM PAR RTOG PA DANG STE, RNAM PAR RTOG PA'I RANG GI NGO BO DANG BRAL BA STE, STONG PAR GYUR CING MA 'KHRUL PA'I SHES PA GANG YIN PA DE MNGON SUM YIN NO ZHES 'OG MA DANG SBYAR BAR BYA STE, RTOG PA DANG BRAL ZHING 'KHRUL BA MED PA NI PHAN TSUN LTOS PAS NI MNGON SUM GYI MTSAN NYID YIN GYI, SO SOR NI MA YIN NO ZHES BSTAN PA'I PHYIR DE DANG BRAL ZHING MA 'KHRUL PA GANG YIN PA DE MNGON SUM YIN NO ZHES MTSAN NYID GNYIS PHAN TSUN LTOS PA NI MNGON SUM GYI YUL CAN NYID DU BSTAN PA YIN NO, ,RAB RIB NI MIG LA GNOD PA STE, 'KHRUL PA'I RGYU 'DI NI DBANG PO LA YOD PA'O, ,MYUR DU BSKOR BA NI MGAL ME LA SOGS PA YIN TE, MGAL ME LA SOGS PA DAL BUS BSKOR NA 'KHOR LOS 'KHRUL PA MI 'BYUNG BAS DE'I PHYIR MYUR DU ZHES SMOS PAS 'KHRUL PA LA BYE BRAG TU BYAS SO, ,RGYU DE NI YUL LA YOD PA'O, ,GRUS 'GRO BA NI GRUR ZHUGS PA STE, GRUS 'GRO BA NI SHING LA SOGS PA 'GRO BAR 'KHRUL PA 'BYUNG BAS ZHUGS PA ZHES SMOS SO, ,'KHRUL PA'I RGYU 'DI NI PHYI ROL GYI RTEN LA GNAS PA YIN NO, ,'KHRUGS PA NI RLUNG DANG MKHRIS BA DANG BAD KAN LA @42B SOGS PA STE, RLUNG LA SOGS PAS 'KHRUL PAR GYUR BA NA KA BA LA SOGS PA LA 'BAR BA 'KHRUL PA SKYE'O, ,'KHRUL PA'I RGYU 'DI NI NANG LA YOD PA LA, ,'KHRUL PA'I RGYU DBANG PO LA YOD PA DANG, YUL LA YOD PA DANG, PHYI ROL GYI RTEN LA YOD PA DANG, NANG LA YOD PA DE THAMS CAD KYIS NI DBANG PO NYIS SGYUR BAR BYED DE, DBANG PO MA BSGYUR BAR DBANG PO 'KHRUL PAR MI RIGS PA'I PHYIR RO, 'KHRUGS PA LA MTHAR THUG PA DE DAG LA SOGS PA GANG YIN PA DE DAG LA DE SKAD CES BYA'O, ,SOGS PA SMOS PA NI LING TOG DANG, MIG SER LA SOGS BA NI DBANG PO LA GNAS PA YIN PAR GZUNG NGO, ,MYUR DU BSKOR BA LA SOGS PA NI YUL LA GNAS PA YIN TE, MGAL ME YAN MAN DU BSKOR BA BYAS NA ME'I KHA DOG CAN GYI 'BIGS PAR SNANG BA'I 'KHRUL PA 'BYUNG NGO, ,GLANG PO CHE BZHON BA LA SOGS PA NI PHYI ROL GYI RTEN LA GNAS PA YIN NO, ,GNAD MI BZAD PAR BSNUN PA LA SOGS PA NI 'KHRUL PA'I RGYU NANG GI RTEN LA GNAS PA GZUNG NGO, ,DE DAG GIS 'KHRUL PA GANG DU YANG MA SKYES PA'I RNAM PA DE LTA PU'I SHES PA DE NI MNGON SUM YIN NO,, ,,DE LTAR MTSAN NYID BSTAN NAS GANG DAG DBANG PO KHO NA LTA BA PO YIN PAR RTOG PA DANG, YID KYI MNGON SUM GYI MTSAN NYID LA SKYON BRJOD PA DANG, RANG RIG PA DANG, RNAL 'BYOR PA'I SHES PA KHAS MI LEN PA DE DAG GI LOG PAR RTOG PA BSAL BA'I PHYIR MNGON SUM GYI RNAM PAR DBYE BA STON PAS, DE NI RNAM PA BZHI STE ZHES BYA BA SMOS SO, ,DBANG PO DANG 'BREL PA'I SHES PA NI DBANG PO'I SHES PA ZHES BYA BA STE, DBANG PO LA BRTEN PA GANG YIN PA DE MNGON SUM YIN NO, ,YID KYI MNGON SUM LA GZHAN DAG SKYON BRJOD PA DE BSAL BA'I PHYIR YID KYI MNGON SUM GYI MTSAN NYID BSHAD PA, DBANG PO'I RNAM PAR SHES PA RANG BDAG NYID KYI YUL DE'I DE MA THAG PA NI 'DI LA BAR MED PAS DE MA THAG PA'O, ,BAR YANG BAR CHAD DANG KHYAD PAR LA BRJOD DE, DE BAS NA BAR BKAG PAS NA DBANG PA'O RNAM PAR SHES PA'I YUL GYI NYE BAR LEN PA LAS BYUNG BA RIGS 'DRA BA'I SKAD CIG MA GNYIS PAR 'BYUNG BA GZUNG STE, DE LTA YIN DANG RGYUD GCIG TU GTOGS PA'I DBANG PO'I RNAM PAR SHES PA'I YUL GYI SKAD CIG LA SKAD CIG MA PHYI MA BZUNG BA YIN NO, ,DE NI DBANG PO'I RNAM PAR SHES PA GANG YIN PA DANG LHAN CIG BYED @43A *, ,PA DE DBANG PO'I RNAM PAR SHES PA GANG LA YOD PA DE LA DE SKAD CES BYA'O, ,LHAN CIG BYED PA YANG RNAM PA GNYIS TE, PHAN TSUN PHAN PA BYED PA DANG, BYA BA GCIG LA BYED PA'O, ,'DIR NI SKAD CIG GI DNGOS PO LA KHYED PAR SGRUB PA MI 'THAD PA'I PHYIR BYA BA GCIG LA BYED PA NYID LHAN CIG BYED PAR BZUNG STE, YUL DANG RNAM PAR SHES PA GNYIS KYIS YID KYI RNAM PAR SHES PA GCIG LA BYED DO, ,'DI LTAR DE GNYIS NI DE LA GNYI GA LHAN CIG BYED PA NYID YIN NO, ,'DI 'DRA BA'I DBANG PO'I RNAM PAR SHES PA NI DMIGS PA'I SKYON BYED PA'I TSUL GYIS KYANG RNAL 'BYOR PA'I RNAM PAR SHES PA GNYID PA DE BSAL BA'I PHYIR MTSUNGS PA DE MA THAG PA'I RKYEN SMOS SO, ,MTSUNGS PA MI SHES PA NYID KYIS MTSUNGS PA YANG YIN LA BAR MA CHOD PAS DE MA THAG PA YANG YIN NO, ,DE'ANG YIN LA RGYU NYID KYIS NA RKYEN KYANG YIN PA'I DE MA THAG PA'I RKYEN TE DES BSKYED PA'O, ,'DIS NI RGYU GCIG TU GTOGS PA KHO NA'I DBANG PO'I SHES PA DANG, YID KYI RNAM PAR SHES PA GNYIS BSKYED PAR BYA BA DANG SKYED PAR BYED PA'I DNGOS POR GYUR PA NA YID KYI RNAM PAR SHES PA NI MNGON SUM NYID DU SMRA BA YIN NO, ,DE'I PHYIR RNAL 'BYOR PA'I SHES BA RGYUD GZHAN GYI RJES SU 'BRANG BA YANG BSAL BA YIN NO, ,GANG GI TSE DBANG PO'I RNAM PAR SHES PA'I YUL LAS YID KYI RNAM PAR SHES PA'I YUL GZHAN YIN PA DE'I TSE BZUNG ZIN PA 'DZIN PAS TSAD MAR MI RUNG BA'I SKYON YOD DO ZHES BYA BA BSAL BA YIN NO, ,GANG GI TSE DBANG PO'I RNAM PAR SHES PA'I YUL GYI NYE BAR LEN PA LAS BYUNG BA'I SKAD CIG MA 'DZIN PA DE'I TSE DBANG PO'I SHES PAS GZUNG BA MA YIN PA'I YUL GZHAN MI 'DZIN PA'I PHYIR LONG BA DANG 'ON PA LA SOGS PA MED PA'I SKYON DU THAL BAR 'GYUR BA BSAL BA YIN NO, ,YID KYI RNAM PAR SHES PA DE YANG MIG GI BYA BA 'DAS PA'I TSE MNGON SUM DU 'DOD DO, ,MIG BYED PA DANG LDAN PA DE'I TSE GZUGS SHES PA GANG YIN PA DE THAMS CAD MIG LA BRTEN PA KHO NA YIN TE, DE LTAR MA YIN NA NI RNAM PAR SHES PA GANG YANG MIG LA BRTEN PA MI 'THAD PAR 'GYUR RO, ,YID KYI MNGON SUM DE NI GRUB PA'AM MA GRUB PA'I MTHA' LAS GRAGS PA YIN NO, ,'DI SGRUB PAR BYED PA'I TSAD MA NI YOD PA MA YIN NO, ,JI STE DE LTA BU DE YOD DU BCUG NA YANG NYES PA 'GA' YANG MED DO ZHES BSTAN PA'I PHYIR 'DI'I MTSAN NYID BSTAN PA YIN NO,, @43B RANG RIG PA BSTAN PA'I PHYIR SMRAS BA, SEMS NI DON TZAM 'DZIN PA'O, ,SEMS LAS BYUNG BA BDE BA LA SOGS PA NI BYE DRAG GI GNAS SKABS 'DZIN PA'O, ,THAMS CAD KYANG DE YIN LA SEMS DANG SEMS LAS BYUNG BA YANG YIN NO, ,BDE BA LA SOGS PA 'BA' ZHIG NYAMS SU MYONG BA GSAL BA YIN PA'I PHYIR RANG RIG PA YIN GYI SEMS KYI GNAS SKABS GZHAN NI MA YIN NO SNYAM DU DOGS PA BSAL BA'I PHYIR THAMS CAD CES BYA BA SMOS TE, SEMS KYI GNAS SKABS GANG DAG BDAG NYID RIG CING MNGON SUM DU MA GYUR PA NI 'GA' YANG MED DO, ,NGO BO GANG GIS BDAG NYID RIG PA'I NGO BO DE NI BDAG NYID RIG PA'I MNGON SUM MO, ,'DIR GZUGS LA SOGS BA SNANG BA NA DUS GCIG TU NANG GI BDE BA LA SOGS PA'I RNAM PA NI MYONG BA YIN NO, ,GZUNG BAR BYA BA'I RNAM PA SNGON PO LA SOGS PA NYID SIM PA LA SOGS PA'I RANG BZHIN DU MYONG BA YIN NO ZHES KYANG BRJOD PAR MI NUS TE, 'DI LTAR SNGON PO LA SOGS PA SIM PA LA SOGS PA'I NGO BOR MYONG BA NI NGES PA MED DO, ,GAL TE 'DI NI SIM PA'I RANG BZHIN NYID YIN NA NI SNGON PO LA SOGS PA 'DI BDE BA'I RANG BZHIN NO ZHES BYA BA NGES PAR 'GYUR RO, RANG BZHIN GANG LA RNAM PAR RTOG PAS MNGON SUM GYI BYED PA DON MNGON SUM DU BYED PA NYID RJES SU RTOGS PA DE NI MNGON SUM YIN NA, SNGON PO LA NI BDE BA'I RANG BZHIN RJES SU RTOGS PA MED DO, ,DE BAS NA SNGON PO MYONG BA'I TSE BDE BA MA YIN BA'I SNGON PO'I DON LAS GZHAN KHO NA'I BDE BA MYONG BA YIN NO, ,DE YANG SHES PA NYID YIN PA DE BAS NA SHES PA NYAMS SU MYONG BA NI YOD DO, ,SHES PA'I NGO BO RIG PA DE YANG BDAG NYID KYIS MNGON SUM DU BYED CING RNAM PAR MI RTOG PA DANG, MA 'KHRUL BA YIN TE, DE BAS NA MNGON SUM YIN NO, ,RNAL 'BYOR BA'I MNGON SUM BSHAD PA'I PHYIR SMRAS PAR DANG YANG DAG BA'I DON NI BDEN PA LA ,BDE PA YANG TSAD MAS MTHONG BA'I DON TE, JI LTAR 'PHAGS PA'I BDEN PA BZHI LTA BU'O, ,YANG DAG PA'I DON BSGOM PA NI YANG NAS YANG DU SEMS LA BSLAN PA'O, ,SGOM PA'I RAB NI BSGOM PAR BYA BA'I DON SNANG BA'I SHES PA GSAL BAR SNANG BA RTZOM PA'O, ,RAB KYI MTHA' NI GANG GI TSE GSAL BA'I SNANG BA CUNG ZAD MA RDZOGS BA YIN TE, 'DI LTAR JI SRID DU GSAL BAR SNANG BA NYID MA RDZOGS BAR DE SRID @44A *, ,DU DE KHYAD PAR DU 'GRO BA YIN PA GANG GI TSE RDZOGS PA DE'I TSE NI KHYAD PAR DU 'GRO BA MED DO, ,DE BAS NA RDZOGS PA'I GNAS SKABS LAS SNGA ROL GYI GNAS SKABS KYI GSAL BA'I SNANG BA NI RAB KYI MTHA' ZHES BYA'O, ,MTHA' DE LAS BYUNG BA GANG YIN PA NYE BAR GNAS PA BZHIN DU BSGOM PAR BYA BA'I DON GYI RNAM BA SHIN TU GSAL BAR 'DZIN BA'I SHES PA NI RNAL 'BYOR PA RNAMS KYI MNGON SUM YIN NO, ,DES NA 'DIR GSAL BA'I RNAM PA BRTZAM PA'I GNAS SKABS NI SGOM BA'I RAB YIN LA, 'DI LTAR LHANG TSER GYIS BAR DU CHOD PA BZHIN NO, ,GANG GI TSE BSGOM PAR BYA BA'I DON MTHONG BA DE NI RAB KYI MTHA'I GNAS SKABS YIN ZHING, LAG MTHIL DU SHEL SGONG BZHAG PA BZHIN DU BSGOM PA'I DON MTHONG BA GANG YIN PA DE NI RNAL 'BYOR PA'I MNGON SUM YIN NO, ,DE NI GSAL BAR SNANG BA YIN LA, GSAL BAR SNANG BA NYID KYI PHYIR YANG RNAM PAR MI RTOG PA YIN NO, ,RNAM PAR RTOG PA'I RNAM PAR SHES PA NI BRDA'I TSE MTHONG BA NYID DU DNGOS PO 'DZIN PAS SGRA DANG 'DRER RUNG BA 'DZIN PA YIN LA, BRDA'I TSE NA MTHONG BA YANG BRDA'I TSE NA SKYES PA'I SHES PA'I YUL NYID YIN NO, ,DE LTAR STON GYI SHES PA ZHIG PA NI DA LTAR MED PA DE BZHIN DU SNGON GYI SHES PA ZHIG PA'I YUL GYI DNGOS PO YANG DA LTAR YOD PA MA YIN NO; ,DES NA MED PA'I RANG BZHIN CAN GYI DNGOS PO NYE BAR MA YIN PA 'DZIN PA'I PHYIR RNAM PAR RTOG PA NI MI GSAL BAR SNANG BA YIN NO, ,DE BAS NA GSAL BAR SNANG BA'I PHYIR RNAM PAR MI RTOG PA YIN LA, TSAD MAS DAG PA'I DON 'DZIN PA'I PHYIR MI SLU BA YIN NO, ,DE BAS NA MNGON SUM GZHAN BZHIN DU RNAL 'BYOR MNGON SUM YIN NO, ,RNAL 'BYOR NI TING NGE 'DZIN TO, ,DE DAG LA YOD PA NI RNAL 'BYOR PA STE, DE'I SHES PA NI MNGON SUM YIN NO, ,'O 'I SGRA NI YONGS SU RDZOGS PA'I TSIG STE, MNGON SUM NI 'DI DAG TZAM DU ZAD DO, ,DE LTAR MNGON SUM NI RTOGS PA DANG BRAL ZHING, MA 'KHRUL BA NYID DANG LDAN PA'I RNAM PAR PHYE BA BSTAN NAS SPYOD YUL LA LOG PAR RTOGS BSAL BA'I PHYIR, DE'I ZHES BYA BA SMOS TE, MNGON SUM RNAM PA BZHI PO DE'I YUL DE RTOGS PAR BYA BA NI RANG GI MTSAN NYID YIN TE, RANG THUN MONG MA YIN PA DE KHO NA NYID NI RANG GI MTSAN NYID DO, ,DNGOS PO LA NI THUN @44B MONG MA YIN BDE NYID DANG SPYI YANG YOD LA, THUN MONG MA YIN PA GANG YIN PA DE NI MNGON SUM GYIS GZUNG BAR BYA BA YIN NO, ,TSAD MA'I YUL NI RNAM PA GNYIS TE, GANG ZHIG RNAM PAR BSKYED PA STE GZUNG BAR BYA BA DANG, GANG ZHIG ZHEN PA'I BYA BA STE THOB PAR BYA'O, ,GZUNG BAR BYA BA YANG GZHAN LA ZHEN PAR BYA BA YANG GZHAN YIN NO, ,'DI LTAR MNGON SUM GYIS GZUNG BAR BYA BA NI SKAD CIG MA GCIG YIN LA, MNGON SUM GYI STOBS KYIS BSKYED BA'I NGES BA'I ZHEN PA'I BYA BA NI RGYUN NYID YIN NO, ,MNGON SUM GYIS THOB PAR BYA BA YANG RGYUN NYID YIN NO, ,SKAD CIG MA NI THOB PAR MI NUS PA'I PHYIR RO, ,DA BZHIN DU RJES SU DPAG PA YANG RANG GI SNANG BA DON MED PA LA YANG RANG GI SNANG BA DON DU ZHEN PAS 'JUG PA'I PHYIR DON MED PA 'DZIN PA YIN NO, ,YANG SGRO BTAGS PA'I DON 'DZIN PA NA RANG GI MTSAN NYID DU 'DZIN TE, DE BAS NA RJES SU DPAG PA 'DI 'JUG PA'I YUL NI ZHES BYA BA RANG GI MTSAN NYID YIN LA, GZUNG BAR BYA BA NI DON MED PA YIN NO, ,DES NA 'DIR TSAD MA'I GZUNG BAR BYA BA'I YUL STON PAS MNGON SUM GYI YUL RANG GI MTSAN NYID YIN PAR BSTAN TE, ,SHES PA'I YUL GANG ZHIG RANG GI MTSAN NYID DU RTOGS PAR BYA BA DE YANG GANG YIN ZHE NA, DON GANG ZHES SMOS TE, DON GYI SGRAS NI YUL GYI RNAM GRANGS YIN NO, ,DON DE SHES PA'I YUL GANG NYE BA NA GNAS PA DANG, MI NYE BA YUL THAG RING PO NA GNAS PA, NYE BA DAR MI NYE BA DE DAG LAS SHES PA LA SNANG BA GZUNG BA'I RNAM PA GSAL BA DANG MI 'GAL BA DAG TU THA DAD PA'O, ,SHES PA'I YUL ZHIG NYE BAS NI SHES PA'I RNAM PA GSAL BAR SNANG BAR BYED LA, NYE BA MA YIN PA NA RING BA'I YUL NA GNAS PA NYID KYI NI MI GSAL BAR BYED DE DE NI RANG GI MTSAN NYID YIN NO, ,DNGOS PO THAMS CAD KYANG RING BA LAS NI MI GSAL BAR SNANG NGO, ,NYE BA LAS NI GSAL TE DE NYID RANG GI MTSAN NYID YIN NO, ,CI'I PHYIR MNGON SUM GYI YUL KHO NA RANG GI MCHAN NYID YIN, 'DI LTAR RNAM PAR RTOG PA'I YUL GYI ME LA YANG MTHONG BA'I BDAG NYID KHO NAR NGES PA YIN NO ZHEN, DE NYID DON DAM PAR YOD PA ZHES SMOS TE, DON DAM PA DANG BCOS MA MA YIN PA STE SGRO MA BTAGS PA'I RANG BZHIN YIN LA, DES YOD PAS DON DAM PAR YOD PA'O, ,GANG GI PHYIR DON @45A *, ,GANG NYE BA DANG MI NYE BA DAG LAS SNANG BA GSAL BAR BYED BA DE NYID DON DAM PAR YOD BA YIN LA, MNGON SUM GYI YUL YANG DE NYID YIN PA DE'I PHYIR DE KHO NA RANG GI MTSAN NYID YIN NO, ,YANG CI'I PHYIR DE NYID NI DON DAM PAR YOD PA YIN ZHE NA, DNGOS PO'I MTSAN NYID DON BYED NUS PA KHO NA YIN PA'I PHYIR RO ZHES BYA BA SMOS TE, DON DU GNYER BAR BYA BA YIN BAS NA DON TE, DOR BAR BYA BA DANG, BLANG BAR BYA BA'O, ,DOR BAR BYA BA NO DOR BAR BSGRUB PAR BYA BA YIN LA, BLANG BAR BYA BA YANG BLANG BAR BSGRUB PAR BYA'O, ,DON DGOS PA'I BYED BA NI 'GRUB BA'O, ,DE LA NUS PA NI MTHU STE, DE NYID DNGOS PO GANG YIN PA'I MTSAN NYID DE RANG BZHIN YIN PA DE NI MTSAN NYID DON BYED NUS PA'O, ,DE'I DNGOS PO NI DON NYID DE DE'I PHYIR RO, ,DNGOS PO NI DE NYID DON DAM PAR YOD PA'I RNAM GRANGS YIN NO, ,DE'I DON NI 'DI YIN TE, GANG GI PHYIR DON BYED NUS PA LA NI DON DAM PAR YOD PA ZHES BRJOD LA, NYE BA DANG MI NYE BA LAS SHES PA'I SNANG BA THA DAD PAR BYED KYANG DON BYED NUS PA YIN PA DE'I PHYIR DE NYID DON DAM PAR YOD PA YIN NO ZHES BYA BA'O, ,DON BYA BA NI MNGON SUM GYI YUL DE NYID LAS 'GRUB KYI RNAM PAR RTOG PA'I YUL LA SNANG BA NYID DU NGES PA DE LTA NA YANG DE MTHONG BA NYID NI MA YIN TE; DE LAS DON BYA BA MED PA'I PHYIR DANG MTHONG BA LAS NI DON YOD PA'I PHYIR RO, ,DE BAS NA DE NYID RANG GI MTSAN NYID YIN GYI, RNAM PAR RTOG PA'I YUL NI MA YIN NO, ,RANG GI MTSAN NYID DU NGES PA DE LTA NA YANG DE MTHONG BA NYID NI MA YIN GANG ZHIG RANG GI MTSAN NYID MA YIN PA DE NI SPYI'I MTSAN NYID YIN NO, ,RNAM PAR RTOG PA'I SHES PAS NGES PA'I DON NI NYE BA DAG LAS SHES PA'I SNANG BA THA DAD PAR MI BYED DO, ,'DI LTAR SGRO BTAGS BAR BYA BA'I ME NI SGRO BTAGS NAS YOD PA DANG, SGRO BTAGS NAS NYE BA DANG RING BAR GNAS PA YIN NO, ,SGRO BTAGS PA DE NYE BA DANG RING BA LAS NI SHES PA'I SNANG BA THA DAD PA MED DO, ,DE BAS NA RANG GI MTSAN NYID LAS GZHAN ZHES BSHAD DO, ,SPYI NYID DU MTSON BAS SPYI'I MTSAN NYID DE THUN MONG GI NGO BO ZHES BYA BA'I THA TSIG GO, ,SGRO BTAGS PA'I NGO BO NI ME MTHA' DAG GI SPYI'I MTSAN NYID YIN LA DE YANG RJES SU DPAG PA'I GZUNG BAR BYA BA YIN NO ZHES BSTAN PA'I PHYIR, DE NI RJES SU @45B DPAG PA'I YUL YIN NO ZHES BYA BA SMOS TE, GZUNG BAR BYA BA'I NGO BO YIN NO, ,SPYI'I MTSAN NYID NI RJES SU DPAG PA'I MTSAN NYID YIN NO ZHES BSHAD PAR 'DOD PAS RANG GI MTSAN NYID KYI NGO BO BSHAD PA'I GZHUNG 'DI BZLAS PAR BYA DGOS PAS DE BAS NA TSEGS CHUNG BAR BYA BA'I PHYIR MNGON SUM GYI SKABS 'DI RJES SU DPAG PA'I YUL BSTAN TO, ,YUL LA LOG PAR RTOGS PA BSAL NAS 'BRAS BU LA LOG PAR RTOGS PA BSAL BA'I PHYIR, MNGON SUM GYI SHES PA DE NYID CES BYA BA SMOS TE, MNGON SUM GYI SHES PA BSTAN MA THAG PA GANG YIN PA DE NYID TSAD MA'I 'BRAS BU YIN NO, ,JI LTAR TSAD MA'I 'BRAS BU YIN ZHE NA, BSHAD PA DON RTOGS PA KHONG DU CHUD PA'O, ,MNGON SUM GYI SHES PA GANG LA NGO BO NYID YOD PA DE NI DON RTOG PA'I NGO BO YIN TE, DE'I DNGOS PO DE NI DE NYID DE DE'I PHYIR RO, ,'DI SKAD BSTAN TE, PHRAD PAR BYED PA'I SHES PA NI TSAD MA YIN NO, ,PHRAD PAR NUS PA YANG DON MED NA MI 'BYUNG BA TZAM 'BA' ZHIG LAS NI MA YIN TE, SA BON LA SOGS PA MED NA MI 'BYUNG BA YIN YANG MYU GU LA SOGS PA PHRAD BYED MA YIN PA'I PHYIR RO, ,DE BAS NA GZUNG BAR BYA BA'I DON LAS SKYES BU ZIN KYANG SHES PA 'DI'I GDON MI ZA BAR BYA PA GANG BYAS NA DON DANG PHRAD PAR BYED PA'I LAS SU BYA BA 'BA' ZHIG YOD PA YIN LA, GANG RJES SU BSGRUBS PAS SHES PA BRAD BYED DU GYUR PA DE NYID KYANG TSAD MA'I 'BRAS BU YIN NO, ,PHRAD PAR BYED PA'I PHRAD BYED KYI BYA BA YANG 'JUG PA'I YUL RAB TU SNGON PO KHO NA YIN NO ZHES SNGAR BSTAN ZIN TO, ,DON RAB TU SNGON PO'I NGO BO YANG DON RTOGS PA'I RANG BZHIN GYI MNGON SUM DE NYID YIN TE, DE'I PHYIR DE NYID TSAD MA'I 'BRAS BU YIN NO, ,GAL TE SHES PA NI DON RTOGS PA'I NGO BO YIN PA'I PHYIR TSAD MA'I 'BRAS BU YIN NA 'O NA TSAD MA CI YIN ZHE NA, SMRAS PA, SHES PA 'DI'I DON DANG 'DRA BA GANG YIN PA STE MTSUNGS PA GANG YIN PA TSAD MA YIN NO, ,'DI LA RNAM PAR SHES PA YUL GANG LAS SKYES PA DE NI YUL DE DANG 'DRA BA YIN TE, JI LTAR SNGON PO'I DON LAS SKYES PA NA SNGON PO 'DRA BA BZHIN NO, ,JI LTAR 'DRA BA DE YANG RNAM PA DANG SNANG BA ZHES KYANG BYA'O, ,SHES PA LAS MA GTOGS PA 'DRA BA MED PA MA YIN NAM, DE LTA YIN NA NI SHES DE NYID TSAD MA @46A *, ,YIN LA DE NYID 'BRAS BU YIN NO, ,DNGOS PO GCIG PA NI BSGRUB PAR BYA BA DANG, SGRUB PAR BYED PA 'THAD PA MA YIN NA JI LTAR 'DRA BA DE TSAD MA YIN ZHE NA, DE'I DBANG PO ZHES SMOS TE, DE'I ZHES BYA BA NI 'DRA BA LA BYA'O, ,DE'I DBANG GIS TE 'DRA BA'I MTHUS DON RTOGS PA DE KHONG DU CHUD PA DE GRUB PA STE 'GRUB PA'I GTAN TSIGS DE'I PHYIR TE, MNGON SUM GYI SHES PA DON RTOG PA'I NGO BO NI 'DRA BA'I DBANG GIS 'GRUB PA YIN TE, RTOGS PA YIN NO ZHES BYA BA'I THA TSIG GO, ,GANG GI PHYIR RNAM PAR SHES PA SNGON PAR SNANG BA DE'I PHYIR SNGON POR RTOGS PAR NGES PA YIN NO; ,MIG LA SOGS PA GANG DAG LAS SHES PA SKYES PA DE'I DBANG GIS NI SHES PA DE SNGON PO MYONG BA YIN PAR GZHAG PAR MI NUS KYI, ,SNGON PO 'DRA BA MYONG BAS NA SNGON PO RIG PAR RNAM PAR GZHAG GO, ,GANG GI DNGOS PO GCIG LA 'GAL BAR 'GYUR BA 'DIR BSKYED BYA SKYED BYED KYI RGYU MTSAN GYI NI BSGRUB PAR BYA BA DANG SGRUB PAR BYED PA'I DNGOS PO NI MA YIN MOD KYI, 'ON KYANG RNAM PAR GZHAG PA DANG 'JOG PA'I SGO NAS YIN NO, ,DE BAS NA DNGOS PO GCIG LA NGO BOR 'GAS NI TSAD MA YIN LA, NGO BO 'GAS NI TSAD MA'I 'BRAS BU YIN PAR 'GAL BA MED DO, ,'DI LTAR SHES PA DE DANG 'DRA BA NI RNAM PAR 'JOG PA'I RGYU YIN LA, RNAM PAR GZHAG PAR BYA BA NI SNGON PO MYONG BA'I NGO BO YIN NO, RNAM PAR GZHAG PA DANG RNAM PAR 'JOG PA'I NGO BO YANG SHES PA GCIG LA JI LTAR BU ZHE NA, BSHAD PA GANG GI PHYIR RNAM PAR SHES PA DE NI 'DRA BA NYAMS SU MYONG NAS NGES PAR BYED PA'I SHES PAS SNGON PO 'DZIN PAR 'JOG STE, DE BAS NA MYONG BAR 'GYUR BA'I 'DRA BA NI RNAM PAR 'JOG PA'I RGYU YIN LA, NGES PAR BYED PA'I SHES PAS SHES PA DE LA SNGON PO MYONG BAR RNAM PAR GZHAG PA NI RNAM PAR GZHAG PAR BYA BA YIN NO, ,DE BAS NA SHES PA MI'I 'DRA BA LAS BZLOG NAS 'DRA BA'I RNAM PAR 'JOG PA'I RGYU'O, ,SNGON POR LA RTOGS PA LAS BZLOG STE SNGON POR RTOG PA'I NGO BO NYID NI RNAM PAR GZHAG PA YIN NO, ,RNAM PAR 'JOG PAR BYED PA NI MNGON SUM GYIS RTOG PA BYUNG BA'I RNAM PAR RTOG PA'I SHES PA YIN GYI, MNGON SUM NYID NI RNAM PAR MI RTOG PA YIN PA'I PHYIR BDAG @46B NYID SNGON POR RTOG PAR RNAM PAR 'JOG PAR MI NUS SO, ,NGES PAR BYED PA'I SHES PAS RNAM PAR MA BZHAG PA NI SNGON POR RTOGS PA'I NGO BOS SHES PA YOD DU ZIN KYANG MED PA DANG 'DRA BA KHO NA YIN NO, ,DE BAS NA NGES PAR BYED PA'I SHES PAS RNAM PAR SHES PA SNGON POR RTOGS PA'I NGO BOR RNAM PAR GZHAG PA NI SNGON POR RTOGS PA'I BDAG NYID DU YOD PAR 'GYUR RO, ,DE BAS NA MNGON PAR ZHEN PAR BYED PA NYID MNGON SUM GYI TSAD MA YIN NO ,ZHEN PAR MA BYAS PAR NI RNAM PAR SHES PA SNGON PO'I RTOG PA'I BDAG NYID DU RNAM PAR GZHAG PA MED DO, ,DE LTA BAS NA YANG TSAD MA'I 'BRAS BU DON RTOGS PA'I NGO BO NYID MA GRUB PA YIN NO, ,DE BAS NA SGRUB PAR BYED PA DAM PA MED PA'I PHYIR SHES PA TSAD MA NYID DU MI 'GYUR RO, ,ZHEN PA BSKYED PAS 'DRA BA'I DBANG GIS SHES PA SNGON POR RTOGS PA'I NGO BOR RNAM PAR GZHAG NA NI 'DRA BA RNAM PAR 'JOG PA'I RGYU YIN PA'I PHYIR TSAD MA GRUB PA YIN NO, ,CI STE DE LTA NA MNGON SUM ZHEN PA DANG BCAS PA NYID TSAD MA YIN GYI, NYI TSE BA NI MA YIN NO ZHE NA, DE NI MA YIN TE, GANG GI PHYIR MNGON SUM GYI STOBS KYIS BYUNG BA'I ZHEN PAS NI DON MTHONG BA NYID DU ZHEN PAR BYED KYI, RTOGS PAR BYED PA NYID DU MA YIN NO, ,MTHONG BA YANG DON MNGON SUM DU BYED PA ZHES BYA BA MNGON SUM GYI BYED PA YIN NO, ,RNAM PAR RTOG PA YIN TE, 'DI LTAR DON LKOG TU GYUR PA RNAM PAR RTOG PA NA BDAG NYID RTOG PAR BYED KYI, MTHONG BA NI YIN NO ZHES RTOG PA'I BDAG NYID RNAM PAR RTOG PA'I BYED PA YIN PAR NI MYONG BA NYID LA NGES PA YIN NO, ,DE BAS NA RANG GI BYED PA BTANG STE MNGON SUM GYI BYED PA STON PAR BYED PA LAS SNGON GANG LA MNGON SUM DU SONG BA'I ZHEN PA YOD PA DER MNGON SUM KHO NA 'BA' ZHIG TSAD MA YIN NO, ,MNGON SUM GYI LE'U STE DANG PO'O,, ,,DE LTAR MNGON SUM BSHAD NAS, RJES SU DPAG PA BSTAN PA'I PHYIR RJES SU DPAG PA NI RNAM PA GNYIS TE ZHES BYA BA SMOS TE BYE BRAG GNYIS SO, 'ON RJES SUS DPAG PA'I MTSAN NYID BRJOD PAR BYA BA LA RNAM PAR DBYE BA GLO BUR DU CI'I PHYIR BSTAN CE NA, BSHAD PA, GZHAN GYI DON GYI RJES SU DPAG PA NI SGRA'I BDAG NYID, ,RANG GI DON GYI RJES SU DPAG PA NI SHES PA'I BDAG NYID YIN NO,, @47A *, ,DE GNYIS NI SHIN TU THA DAD PAS MTSAN NYID GCIG TU YOD PA MA YIN NO, ,DE BAS NA DE GNYIS SO SO'I MTSAN NYID NGES PAR BSTAN PA'I PHYIR RNAM PAR DBYE BA BSTAN TO, ,RNAM PAR DBYE BA NI GSAL BA'I DBYE BA YIN LA, GSAL BA'I DBYE BA BSTAN NAS NI GSAL BA SO SO LA NGES PA'I MTSAN NYID BSTAN PAR NUS TE, GZHAN DU NI MA YIN NO, ,DE BAS NA MTSAN NYID BSTAN PA'I CHED KHO NAR RNAM PAR DBYE BA SMOS SO, ,RNAM PAR DBYE BA BSTAN PA MED PAR NI MTSAN NYID BSTAN PAR MI NUS PAR RTOGS NAS THOG MAR RNAM PAR DBYE BA SMRAS PA YIN NO, ,RNAM PA GNYIS PO DE YANG GANG ZHE NA, RANG GI DON ZHES BYA BA SMRAS TE, RANG GI YIN TE GANG GIS RANG KHONG DU CHUD PAR BYED PA DE NI RANG GI DON TO, ,GZHAN GYI DON NI GZHAN GYI YIN TE, GANG GIS GZHAN KHONG DU CHUD PAR BYED PA DE NI GZHAN GYI DON TO, ,RANG GI DON DANG GZHAN GYI DON GYI RJES SU DPAG PA DE GNYIS KYI NANG NAS RANG GI DON SHES PAS KHYAD PAR JI LTA BU YIN ZHE NA, RJES SU DPAG PAR BYA BA LA TSUL GSUM PA'I RTAGS LAS ZHES BYA BA SMOS TE, GANG LA 'CHAD PAR 'GYUR BA'I TSUL GSUM PO YOD PA DE NI TSUL GSUM PA'O, ,MTSON PAR BYED PA'I 'DIS DON STON PAR BYED PAS NA RTAGS SO, ,TSUL GSUM PA'I RTAGS DE LAS SKYES BU'I SHES PA GANG YIN PA ZHES PA 'DI NI RGYU'I SGO NAS BYE BRAG TU BYAS PA'O, ,TSUL GSUM PA'I RTAGS LAS SKYES SHING TSUL GSUM PA'I RTAGS LA DMIGS PA YANG YOD PAS RJES SU DPAG PAR BYA BA LA ZHES BYA BAS BYE BRAG TU BYAS TE, 'DI NI YUL GYI SGO NAS BYE BRAG TU BYAS PA YIN NO, TSUL GSUM PA'I RTAGS LAS KYES SHING RJES SU DPAG PAR BYA BA LA DMIGS PA SHES PA DE NI RANG GI DON GYI RJES SU DPAG PA YIN NO, ,MTSAN NYID LA LOG PAR RTOGS PA BSAL NAS, 'BRAS BU LA LOG PAR RTOGS PA BSAL BA'I PHYIR SMRAS PA, TSAD MA'I 'BRAS BU GANG YIN PA DE'I RNAM PAR GZHAG PA GNAG YIN PA DE NI 'DIR RJES SU DPAG PAR BYA BA LA YANG MNGON SUM DANG 'DRA STE, MNGON SUM BZHIN DU RIGS PAR BYA'O, ,JI LTAR MNGON SUM SNGON PO DANG 'DRA BA NYAMS SU MYONG BA NA SNGON POR RNAM PAR GZHAG PA STE, DE BAS NA @47B RNAM PAR 'JOG PA'I RGYU SNGON PO DANG 'DRA BA NI TSAD MA YIN LA, SNGON PO KHONG DU CHUD PA'I NGO BO NYID DU RNAM PAR GZHAG PA NI TSAD MA'I 'BRAS BU YIN NO, ,DE BZHIN DU RJES SU DPAG PA YANG SNGON PO RNAM PA CAN DU SKYE BA NA SNGON PO KHONG DU CHUD PA'I DNGOS POR RNAM PAR GZHAG PA DE BAS NA DE SNGON PO DANG 'DRA BA NI 'DI'I TSAD MA YIN LA, SNGON POR RNAM PAR RTOG PA'I NGO BO NYID NI TSAD MA'I 'BRAS BU YIN NO, ,SNGON POR RTOG PA'I RANG BZHIN DE NI 'DRA BA'I DBANG GIS 'GRUB PAR 'GYUR GYI GZHAN DU NI MA YIN NO, ,DE LTAR 'DIR NI GRANGS DANG MTSAN NYID DANG 'BRAS BU LA LOG PAR RTOGS PA DANG SPYOD YUL LA LOG PAR RTOGS PA NI MNGON SUM GYI LE'U RAB BSAL NAS, BSTAN PA'I ZHA RAL TSUL GSUM PA'I RTAGS KYI SKABS SU BAB NAS DE NYID BSTAN PA'I PHYIR, TSUL GSUM PA NYID KYI ZHES BYA BA LA SOGS PA SMOS TE, RTAGS KYI TSUL GSUM GANG YIN PA STE, DE BRJOD PA NI 'DI YIN NO ZHES BYA BA NI TSIG GI LHAG MA'O, ,TSUL GSUM YANG GANG ZHE NA, 'CHAD PAR 'GYUR BA'I MTSAN NYID RJES SU DPAG PAR BYA BA DE LA RTAGS YOD PA NYID DU NGES PA NI TSUL GCIG YIN NO, ,'DIR NGES PA'I SGRA SMOS PA MA BYAS MOD KYI, 'ON KYANG THA MAR BYAS PA LA GON GDU THAL BA'I TSUL DE GNYIS KYANG LTOS PAR 'GYUR BA YIN NO; ,GANG GI PHYIR JI LTAR MYU GU LA SA BON BZHIN DU RUNG BTZAM GYI SGO NAS NI RTAGS LKOG TU GYUR BA SHES PA'I RGYU MTSAN MA YIN TE, MA MTHONG BA'I DU BA LAS MI RTOGS PA'I PHYIR RO, ,BUM PA LA SOGS PAS SGRON MA BZHIN DU RANG GI YUL CAN GYI SHES PA BSKYED PA LA LTOS NAS LKOG TU GYUR PA GSAL BAR BYED PA YANG MA YIN TE, MTHONG YANG 'BREL BA MA NGES PA LAS MI RTOGS PA'I PHYIR RO, ,DE BAS NA RTAGS KYI LKOG TU GYUR PA'I DON RTOGS PA'I BYED PA NI LKOG TU GYUR PA'I DON MED NA MI 'BYUNG BAR NGES PA KHO NA YIN GYI, GZHAN NI 'GA' YANG MA YIN NO, ,DE BAS NA RTAGS NI BYED PA'I BDAG NYID YIN PA'I PHYIR RJES SU 'GRO BA DANG, LDOG PA DANG PHYOGS KYI CHOS NYID DU NGES PA GDON MI ZA BAR BYA DGOS PAS TSUL KUN NGES PA'I SGRA LA LTOS PAR BYA BA YIN NO, DE LA YOD PA'I TSIG GIS NI MIG GIS GZUNG BAR BYA BA YIN PA'I PHYIR ZHES BYA BA LA SOGS PA MA GRUB BA BSAL @48A *, BA YIN NO, ,NYID KYI TSIG GIS NI PHYOGS GCIG LA MA GRUB PA BSAL BA YIN TE, JI LTAR SNGON SHING NI SROG DANG BCAS PA YIN TE, NYAL BA'I PHYIR RO ZHES LJON SHING PHYOGS SU BYAS LA LO MA 'KHUM PA'I MTSAN NYID KYI NYAL BA NI PHYOGS GCIG LA MA GRUB PA YIN TE; 'DI LTAR SHING THAMS CAD NI MTSAN MO LO MA KHUM PA LA BRTEN PA MA YIN TE, 'GA' 'GA' TZAM KHO NAR ZAD PA LTA BU'O, ,YOD PA'I TSIG GI RJES LA NYID SMOS PAS NI THUN MONG MA YIN PA'I CHOS GSAL BA YIN NO, ,CI STE RJES SU DPAG PAR BYA BA NYID LA YOD PA ZHES SMRAS NA NI MNYAM PAR BYA BA KHO NA GTAN TSIGS YIN PAR 'GYUR RO, ,RES PA SMOS PAS NI THE TSOM ZA BA MA GRUB PA THAMS CAD BSAL BA YIN NO, ,MTHUN PA'I PHYOGS NI MTSAN NYID 'CHAD PAR 'GYUR BA'O, DE NYID LA YOD PAR NGES PA NI TSUL GNYIS PA YIN NO, ,'DIR YANG YOD PA SMOS PAS 'GAL BA BSAL BA YIN TE, ,DE NI MTHUN PA'I PHYOGS LA YOD PA MA YIN NO, ,NYID SMOS PAS THUN MONG GI MA NGES PA NYID BSAL TE, DE NI MTHUN PA'I PHYOGS KHO NA LA YOD PA MA YIN GYI 'O NA CI ZHE NA, GNYIS KA LA YANG YOD PA YIN NO, ,YOD PA SMOS PA LAS SNGAR NGES PAR GZUNG BA SMOS PA NI YOD PA YIN YANG MTHUN PA'I PHYOGS LA MA KHYAB PA RTZOL BA LAS BYUNG BA DAG KYANG TAN TSIGS NYID DU BSTAN PA YIN NO, ,PHYIS NGES PA PAS GZUNG BA BYAS NA NI DON 'DIR 'GYUR TE, GANG ZHIG MTHUN PA'I PHYOGS LA YOD PA NYID DE GTAN TSIGS YIN NO ZHES BYA BA YIN TE, RTZOL BA LAS BYUNG BA NYID GTAN TSIGS MA YIN PAR 'GYUR RO, ,NGES PA'I TSIG GIS NI RJES SU 'GRO BA LA THE TSOM ZA BA'I MA NGES PA'I NYID BSAL BA YIN TE, CI LTAR SMRAS PA'I PHYIR 'GA' ZHIG NI THAMS CAD MKHYEN PA YIN NO ZHES BYA BA YIN TE, MTHUN PA'I PHYOGS THAMS CAD MKHYEN PA LA SMRA BA NYID THE TSOM ZA BA YIN NO MI MTHUN PA'I PHYOGS 'CHAD PAR 'GYUR BA NI MTSAN NYID DE LA MED PA NYID DU NGES PA NI TSUL GSUM PA YIN NO, ,DE LA MED PA SMOS PAS NI 'GAL BA BSAL BA YIN TE, 'GAL BA NI MI MTHUN PA'I PHYOGS LA YOD PA YIN NO, ,NYID SMOS PA'I MI MTHUN PA'I PHYOGS GCIG LA THUN MONG DU @48B YOD PA BSAL BA YIN TE, RTZOL BA LAS BYUNG BA NYID DU BSGRUB PAR BYA BA LA MI RTAG PA NYID NI MI MTHUN PA'I PHYOGS GCIG GLOG LA SOGS PA LA NI YOD PA YIN LA, NAM MKHA' LA SOGS PA LA NI MED PA YIN NO, ,DE BAS NA NGES PAR BYED PAS 'DI BSAL TO, ,MED PA'I SGRA'I SBA ROL DU NGES PAR GZUNG BA BYA SNA NI DON 'DIR 'GYUR TE, MI MTHUN PA'I PHYOGS NYID LA MED PA GNAG YIN PA DE NI GTAN TSIGS YIN LA, DE LTA NA YANG RTZOL BA LAS BYUNG BA NYID MTHUN PA'I PHYOGS LA YANG MED DO, DE'I PHYIR GTAN TSIGS MA YIN PAR 'GYUR BAS DE LTAR NA DE SNGAR MA BYAS SO, , NGES PAS NI MI MTHUN PA'I PHYOGS LAS LDOG PA LA THE TZOM ZA BA LA BSAL BA YIN NO, MTHUN PA'I PHYOGS NYID LA YOD PA ZHES BSTAN PA MI MTHUN PA'I PHYOGS LA MED PA NYID YIN NO ZHES KHONG DU CHUD PA MA YIN NAM, CI'I PHYIR DE GNYI GA GDUNG BAR BYAS SHE NA, BSHAD PA, RJES SU 'GRO BA'AM LDOG NA NGES PA DANG LDAN PA KHO NAR RAB TU SBYAR BAR BA'I, ,GZHAN DU NI MA YIN NO ZHES BSTAN PA'I PHYIR GNYI GA GZUNG BAR BYAS SO, ,SBYOR BA 'DI GNYI GA YANG MA NGES PA NYID YIN NA NI MTHUN PA'I PHYOGS LA YOD PA DANG, MI MTHUN PA'I PHYOGS LA MED PA TZAM NYE GTAN TSIGS YIN NO ZHES BYA BA'I DON 'DIR 'GYUR RO, DE LTA NA YANG DE'I BU YIN PA'I PHYIR DE SNGO BSANGS YIN TE, SNANG BA'I BU BZHIN NO ZHES BYA BA'I DE'I BU NYID GTAN TSIGS YIN PAR 'GYUR RO, ,DE'I PHYIR GANG GIS SGRUB PAR BYED PA DANG BSGRUB PAR BYA BA DANG 'BREL BAR RTOGS PAR 'GYUR BA RJES SU 'GRO BA DANG LDOG PA NGES PA DANG LDAN PA DAG KHO NAR SBYAR BAR BYA BA YIN NO, ,NGES PA DANG LDAN PA KHO NAR GDON MI ZA BAR SBYAR BAR BYA BA NA YANG GNYIS LAS GCIG KHO NA SBYAR BAR BYA'I, ,GNYI GA NI MA YIN TE, DE BAS RJES SU 'GRO BA'AM LDOG PA'I NGES PA DANG LDAN PA KHO NA SBYAR BAR BYA'O ZHES BSAL BA PA'I PHYIR GNYI GA GZUNG BA YIN NO; ,TSUL DE GSUM BSTAN PA'I ZHAR LA RJES SU DPAG PAR BYA BA DANG, MTHUN PA'I PHYOGS DANG, MI MTHUN PA'I PHYOGS BSTAN PAS DE DAG GI MTSAN NYID BRJOD DGOS SO, ,DE LA RJES SU DPAG PAR BYA BA GANG YIN ZHE NA, RJES SU DPAG PA BYA BA NI 'DRI ZHES BYA BA LA SOGS PA SMOS TE, @49A *, ,GTAN TSIGS KYI MTSAN NYID GTAN LA 'BEBS PA 'DIR CHOS CAN NI RJES SU DPAG PAR BYA BA YIN NO, GZHAN DUR SGRUB PAR BYA BA KHONG DU CHUD PAR BYA BA'I TSE NI SPYI RJES SU DPAG PAR BYA BA YIN LA, KHYAB PA NGES PAR BYED PA'I TSE NI CHOS RJES SU DPAG PAR BYA BA YIN PAR BSTAN PA'I PHYIR, 'DIR ZHES BYA BA SMOS SO, ,SHES PA 'DOD PA STE KHONG DU CHUD PAR 'DOD PA'I BYE BRAG GI CHOS CAN GANG LA YOD PA DE LA DE SKAD CES BYA'O, ,MTHUN PA'I PHYOGS GANG ZHE NA, MTHUN PA'I PHYOGS NI DON MTSUNGS PA'O, ,MTSUNGS PA 'DRA BA'I DON NYE BAR BTAGS NAS MTHUN PA'I PHYOGS SU BRJOD PA YIN LA, DE YANG MTSUNGS PA'I SGRAS KHYAD PAR DU BYAS PA YIN NO, MTHUN PA'I PHYOGS NI MTSUNGS PA'I PHYOGS TE, MTSUNGS PA LA MTHUN PA'I BSTAN PA YIN NO ,GANG GIS PHYOGS DANG MTHUN PA'I PHYOGS MTHUN PA YIN NO ZHES BYA BA, PHYOGS DANG MTHUN PA'I PHYOGS GNYIS KYI SPYI'I GANG YIN SNYAM PA LA, BSGRUBS PAR BYA BA'I CHOS KYIS SPYIS ZHES BYA BA SMRAS TE, BSGRUB PAR BYA BA YANG 'DI MA GRUB PA YIN PA'I PHYIR DANG, CHOS NI GZHAN LA BRTEN PA'I PHYIR BSGRUB PAR BYA BA'I CHOS SO, ,BYE BRAG BSGRUB PAR BYA BA MA YIN GYI, 'ON TE SPYI YIN PA DE BAS NA 'DIR SPYI BSGRUB PAR BSTAN TO, DE NI BSGRUB PAR BYA BA'I CHOS KYANG YIN LA, SPYI YANG YIN TE, BSGRUB PAR BYA BA'I CHOS KYI SPYIS PHYOGS DANG MTSUNGS PA NI MTHUN PA'I PHYOGS YIN NO ZHES BYA BA'I DON TO, ,MI MTHUN PA'I PHYOGS GANG ZHE NA, MTHUN PA'I PHYOGS NI ZHES BYA BA SMOS TE, MTHUN PA'I PHYOGS MA YIN PA DE NI MI MTHUN PA'I PHYOGS SO, ,MTHUN PA'I PHYOGS MA YIN PA GANG ZHE NA, MTHUN PA'I PHYOGS DE LAS GZHAN PA DANG, DE DANG 'GAL BA DANG, MTHUN PA'I PHYOGS DE MED PA'O, ,MTHUN PA'I PHYOGS LA GZHAN PA DANG, DE DANG 'GAL BA NI RJE SRID DU PHYOGS KYI RANG GI NGO BO MED PA'I NI MING SHES PA DE SRID DU KHONG DU CHUD PAR MI NUS SO, ,DE BAS NA GZHAN NYID DANG 'GAL BA NYID DU RTOG PA'I SHUGS KYIS NA GZHAN PA DANG 'GAL BA GNYIS NI MTHUN PHYOGS MED PA'I RANG BZHIN DU RTOGS SO, ,DE BAS NA MED PA'I DNGOS PO MTHUN PA'I PHYOGS MED PA'I NGO @49B POR RTOGS PA YIN LA, GZHAN PA DANG 'GAL BA GNYIS NI SHUS KYIS NA MED PA'I NGO BOR RTOGS PA YIN NO, DE BAS NA GSUM CHAR YANG MI MTHUN PA'I PHYOGS YIN NO ,TSUL GSUM PO YANG RTAGS GSUM 'O NA DANG STE ZHES BYA BA NI BSHAD ZIN PA'I TSUL GYIS SO, ,YANG GI SGRAS NI BRJOD PAR BYA BA GZHAN PA SDUD PA'I PHYIR RO, GZHAN GYI SNGAR TSUL GSUM DANG TSUL GSUM PA'I RTAGS DES PA YIN NO ,TSUL GSUM NYID NI BSHAD ZIN PAS TSUL GSUM PA'I MI DMIGS PA YIN NO, ,TSUL GSUM PA'I RTAGS KYANG GSUM KHO NA YIN TE, TSUL GSUM PA'I RTAGS NI RNAM PA GSUM YIN NO ZHES BYA BA'I DON YIN NO, ,DE DAG KYANG GANG ZHE NA SMRAS PA, ,DGAG PA BSGRUB PAR BYA BA LAS TSUL GSUM PA'I MI DMIGS PA DANG, YOD PA BSGRUB PAR BYA BA LAS TSUL GSUM PA'I RANG BZHIN DANG 'BRAS BU'O, ,DE LA MI DMIGS PA BRJOD PA'I PHYIR DPER NA ZHES BYA BA LA SOGS PA SMOS TE, DPER NA ZHES BYA BA NI NYE BAR BSTAN PA'I PHYIR TE, JI LTAR MI DMIGS PA 'DI JI LTA BA DE BZHIN DU GZHAN YANG YIN GYI, 'DI'I 'BA' ZHIG NI MA YIN NO ZHES BYA BA'I DON TO, PHYOGS NI PHYOGS GCIG GO, ,BYE BRAG TU GYUR PA NI BYE BRAGS STE RTOGS PA PO'I MNGON SUM LA BYA'O, ,DE LTA BU YANG THAMS CAD MA YIN PA DE'I PHYIR 'GA' ZHIG NA ZHES BYA BA SMOS TE, RTOGS PAR BYED PA'I MNGON SUM GYI PHYOGS 'GA' ZHIG NA ZHES BYA BA NI CHOS CAN NO, ,BUM PA MED DE ZHES BYA BA NI BSGRUBS PAR BYA'O, ,DMIGS PA NI SHES PA'O, ,DE'I MTSAN NYID NI SKYED PAR BYED PA TSOGS PA YIN TE, 'ON TE GANG GI PHYIR DENG DMIGS PA MTSON PAR BYED PA'O, ,DER 'GYUR BA'I DON NI SKYED PA NYID DU CHOGS PAR 'DUS PA'I PHYIR TE, DMIGS PA'I MTSAN NYID DU GYUR PA NI SNANG BA ZHES BYA BA'I DON TO, ,MI DMIGS PA DE'I PHYIR RO ZHES BYA BA 'DI NI GTAN TSIGS YIN NO, ,'ON TE GANG ZHIG GANG LA MED PA DE JI LTAR DER SNANG ZHE NA, SNANG BA NYID SGRO BTAGS PA'I PHYIR MED DU ZIN KYANG DER SNAD BA ZHES BYA STE, GAL TE 'DI NA YOD NA NI LTA BA KHO NAR 'GYUR RO ZHES DE LTAR BRTAG TU RUNG BA GANG YIN PA DE NI DER MED KYANG SNANG @50A *, ,BAR SGRO GDAGS PAR BYA BA YIN NO, ,DE LTAR BRTAG TU RUNG BA YANG GANG YIN ZHE NA, GANG GI RANG LA DMIGS PA MTHONG BA'I RGYU TSOGS PAR GYUR PA'I, ,GANG GI TSE TSOGS PAR RIG PAR BYA ZHE NA, GANG GI TSE SHES PA GCIG LA 'DRES BA'I DNGOS PO GZHAN DMIGS PA STE, DBANG PO GCIG GI SHES PA GZUNG BAR BYA BA MIG LA SOGS PA 'DOD PA LA MNGON DU PHYOGS PA'I DNGOS PO GNYIS GCIG LA GCIG LTOS PA NA SHES PA GCIG LA 'DRE BA ZHES BYA'O, ,DE GNYIS YOD PA NA GCIG NGES PAR GYUR BA NI MA YIN TE, RTOGS PAR BYAR RUNG BA GNYI GA YANG KHYAD PAR MED PA'I PHYIR RO, ,DE BAS NA SHES PA GCIG LA 'DRE BA CIG SHOS SNANG BA NA MTHONG BA'I TSOGS PA TSAD MA CIG SHOS KYANG GAL TE YOD NA NI MTHONG BA KHO NAR 'GYUR RO ZHES BRTAG PAR BYA BA NI SNANG BAR SGRO BTAGS PA YIN LA, DE MI DMIGS PA NI NANG BA MI DMIGS PA YIN NO, ,DE BAS NA BUM PAS DBEN PA'I SA PHYOGS DE NYID DANG, DE LA DMIGS PA'I SHES PA NI SNANG BA MI DMIGS PAR NGES PA'I RGYU YIN PA'I PHYIR SNANG BA MI DMIGS PA ZHES BYA'O, ,DI TZAM DU SHES PA GCIG LE 'DRE BA'I DNGOS PO NGES PAR MA GYUR PA DE SRID DU SNANG BA MI DMIGS PAR NGES PA MED DO, ,DE BAS NA DNGOS PO DANG SHES PA LA YANG MI DMIGS PA ZHES BRJOD PA YIN NO, ,MTHONG BA LOG PA TZAM NI RNA GNYID MA NGES PA'I PHYIR GO BAR BYED PA MA YIN NO, ,DE BAS NA SNANG BA NI BUM PAS DBEN PA'I SA PHYOGS DANG DE'I SHES PA TSIG GI SHUGS NYID KYIS SNANG BA MI DMIGS PA'I NGO BO YIN PAR SMRA BAR LTA'O, ,DMIGS PA'I MTSAN NYID DU GYUR PA YANG GANG ZHE NA, DMIGS PA'I MTSAN NYID DU GYUR PA NI ZHES BYA BA SMOS TE, DMIGS PA'I MTSAN NYID DU GYUR PA NI BUM PA DMIGS PA'I MTSAN NYID DU GYUR PA NYID LA BYA'O, ,SHES PA'I RKYEN GZHAN TSAR BAR GYUR PA NYID NI ZHES BYA BA NI, BUM PA YANG SHES PA SKYED PAR BYED PA YIN LA, MIG LA SOGS PA GZHAN YANG YIN TE, SNANG BA'I BUM PA LAS GZHAN PA'I RGYU GANG YIN PA DE NI RKYEN GZHAN YIN LA, DE DAG TSOGS PA NI 'DUS PA'O, ,RANG BZHIN NYID DE GZHAN PA LAS KHYAD PAR DU GYUR PA YIN @50B PAS KHYAD PAR CAN DE KHYAD PAR DANG LDAN PA ZHES BYA BA'I DON TO, ,DES NA BUM PA LA SOGS PA'I RANG BZHIN KHYAD PAR CAN 'DI DANG, RKYEN GZHAN TSOGS PA 'DIS GNYIS NI DMIGS PA'I MTSAN NYID DU 'GYUR BA YIN PAR BLTA BAR BYA'O, ,RANG BZHIN BYED PAR CAN CIG 'DRA BA ZHIG CE NA, RANG BZHIN GANG YOD LA ZHES BYA BA LA SOGS PA SMOS TE DMIGS PA'I RKYEN SNANG DU RUNG BA'I BUM PA LAS GZHAN DE DAG DE BDOG NA RANG BZHIN GANG YIN PA MNGON SUM KHO NAR 'GYUR BA DE NI RANG BZHIN KHYAD PAR CAN YIN NO, ,DE'I DON NI 'DI LTA STE, MNGON SUM GYI MTSAN NYID 'DI NI RTOGS PAR BYED PA GCIG LA LTOS PA YIN NO, ,DE LTA YIN DANG LTA BA PO GCIG LTA BA LA ZHUGS PA SNANG NA NI GNYI GA DANG LDAN PA YIN NO, ,MI SNANG BA YIN NA NI YUL DANG DUS DANG POR NGO BO NYID KYI BSKAL BAS RANG BZHIN KHYAD PAR CAN DANG BRAL BA YIN LA, RKYEN GZHAN NI TSOGS PA DANG LDAN PA YIN NO, ,RKYEN GANG GIS LTA BA PO DES MTHONG BAR 'GYUR BA DE NYE BAR 'GYUR BA YIN TE, DE LTA BAS NA DE GANG LTA BA'I DON DU 'JUG PA DE DAG NYE BA YIN NO, ,LTA BAR MA ZHUGS PA NA RUNG BA'I YUL NA 'DUG KYANG BLTA BAR BYA MI NUS PA NI RKYEN GZHAN DANG 'BRAL BA CAN YIN LA, RANG BZHIN KHYAD PAR CAN DANG NI LDAN PA YIN NO, ,YUL DANG DUS RING PO DANG 'DUG PA NI GNYI GA DANG BRAL BA YIN NO, ,DE LTA NA 'GA' ZHIG MTHONG NA NI RKYEN GZHAN DANG BRAL BA ZHES BYA BA MA YIN LA, RANG BZHIN KHYAD PAR CAN DANG 'DRA BA YIN NO, ,MA MTHONG BA NI MTHONG BAR NUS PA'I YUL LA GNAS PA RKYEN GZHAN DANG BRAL BA YIN LA; GZHAN NI GNYI GA DANG BRAL BA ZHES BYA'O, ,MI DMIGS PA'I DPE BKOD NAS, RANG BZHIN GYI DPE DGOD PA'I PHYIR, RANG BZHIN ZHES BYA BA LA SOGS PA SMOS TE, RANG BZHIN GYI GTAN TSIGS ZHES BYA BAR SBYAR RO, ,GTAN TSIGS CI 'DRA BA ZHIG BSGRUB PAR BYA BA'I RANG BZHIN YIN ZHE NA RANG BZHIN GYI ZHES BYA BA SMOS TE, BDAG NYID YOD PA DE 'BA' ZHIG NI RANG YOD PA TZAM MO, ,DE YOD PA NA YOD PAR 'GYUR BA'I NGO BO YIN PA STE, GANG ZHIG GTAN TSIGS BDAG NYID YOD PA LA LTOS TE YOD PA YIN GYI, GTAN TSIGS YOD PAS KHAS RGYU GZHAN 'GA' ZHIG LA LTOS PA NI MA @51A *, ,YIN PA DE NI RANG YOD PA TZAM NA YOD PA BSGRUB BAR BYA BA YIN TE, BSGRUB PAR BYA BA DE'I GTAN TSIGS GANG YIN PA DE NI BSGRUB PAR BYA BA DE'I RANG BZHIN YIN GYI, GZHAN NI MA YIN NO, ,DPER NA ZHES BYA BA NI DPE 'GOD PA'O, ,'DI NI ZHES BYA BA NI CHOS CAN NO, ,SHING NGO ZHES BYA BA NI BSGRUB PAR BYA BA'O, ,SHING SHA BA YIN PA'I PHYIR ZHES BYA BA NI GTAN TSIGS SO, ,DE'I DON NI 'DI SHING GI THA SNYAD DU BYAR RUNG BA YIN TE, SHING SHA BA YIN PA'I PHYIR RO ZHES BYA BA 'DI YIN NO, ,DE LA SHING SHA PA MANG DU YOD PA'I YUL NA GANG GI TSE SHING SHA PA'I THA SNYAD MI SHES PA'I GLEN PA ZHIG LA KHA CIG GIS SHING SHA PA RING PO ZHIG BSTAN TE, 'DI SHING YIN NO ZHES BRJOD PA DE'I TSE GLEN PA DE NI SHING SHA PA RING PO NYID SHING SHA PA THA SNYAD KYI RGYU MTSAN MA YIN PAR RTOGS PA DE'I TSE SHING SHA PA THUNG NGU GANG YIN PA MTHONG BA NI 'DI SHING MA YIN NO ZHES RTOGS SO, ,GLEN PA DE SHING SHA PA TZAM GYI RGYU MTSAN GYIS SHING NYID KYI THA SNYAD LA GZHUG BAR BYED PA RING PO LA SOGS PA'I RGYU MTSAN GZHAN GYIS 'DIR SHING GI THA SNYAD BYED PA MA YIN GYI, 'ON KYANG SHING SHA PA TZAM GYI RGYU MTSAN GYIS YIN TE, SHING SHA PAR GTOGS PA'I YAL GA DANG LDAN PA RGYU MTSAN GZHAN YIN NO ZHES BYA BA'I THA TSIG GO, ,'BRAS BU'I DPE DGOD PA'I PHYIR, ME YOD NGO ZHES BYA BA SMOS TE, BSGRUB PAR BYA BA YIN NO, ,DE NA ZHES BYA BA NI CHOS CAN NI, ,DU BA YOD PA'I PHYIR ZHES BYA BA NI GTAN TSIGS SO, ,RGYU DANG 'BRAS BU'I DNGOS PO NI 'JIG RTEN NA MNGON SUM DANG MI DMIGS PA'I RGYU MTSAN NYID DU GRAGS PAS RANG BZHIN LTAR 'BRAS BU'I MTSAN NYID NI MA BSTAN TO, ,TSUL GSUM PA'I RTAGS YIN PA'I PHYIR RTAGS GCIG KHO NAR MA YIN NAM, 'ON TE RNAM PA THA DAD PAR BYED NA NI, DE LTA NA NI, RANG BZHIN GYIS RTAGS GCIG BU'I RAB TU DBYE BA YANG MTHA' YAS PA'I PHYIR GSUM NYID DU MI RIGS SO ZHE NA 'DI LA GNYIS NI ZHES BYA BA SMOS TE, 'DI LA ZHES BYA BA NI GTAN TSIGS GSUM PO DE RNAMS LA'O, ,GTAN TSIGS GNYIS NI DNGOS PO BSGRUB PA STE, YOD PA SGRUB CING GO BAR BYED PA YIN NO, ,GCIG NI DGAG PA GO BAR BYED PA'I GTAN TSIGS SO, ,DGAG PA ZHES BYA BA NI MED PA DANG MED PA'I THA SNYAD DU BSGRUB @51B PAR BLTA BAR BYA'O, ,DE'I DON NI 'DI YIN TE, GTAN TSIGS NI BSGRUB PAR BYA BA BSGRUB PAR BYED PA YIN PA'I PHYIR BSGRUB PAR BYA BA'I YAN LAG YIN LA, BSGRUB PAR BYA BA NI GTZO BO YIN NO, ,DE BAS NA BSGRUB PAR BYA BA LA MKHO BA'I GTAN TSIGS NI GTZO BO BSGRUB PAR BYA BA THA DAD PA'I PHYIR THA DAD PAR DBYE BA YIN GYI, RANG GI NGO BO LAS NI MA YIN NO, ,BSGRUB PAR BYA BA YANG KHA CIG NI GTAN TSIGS LAS THA DAD PA YIN LA, KHA CIG NI THA DAD PA THA MI DAD PA YIN NO, ,THA DAD PA DANG THA DAD PA MA YIN PA YANG GCIG GIS SPANGS TE GNAS PAS GTAN THA DAD PA YIN NO, ,YOD PA YANG KHA CIG NI GTAN TSIGS LAS THA DAD PA YIN LA, KHA CIG NI THA DAD PA MA YIN NO, ,THA DAD PA DANG THA DAD PA MA YIN PA YANG GCIG GIS GCIG SPANGS TE GNAS PAS GTAN TSIGS THA DAD PA YIN NO, ,DE BAS NA BSGRUB PAR BYA BA PHAN TSUN MI MTHUN PA'I PHYIR GTAN TSIGS DAG KYANG THA DAD PA YIN GYI, RANG GI NGO BOS NI MA YIN NO, ,CI'I PHYIR GSUM NI GTAN TSIGS NYID YIN LA, CI'I PHYIR GZHAN NI GTAN TSIGS NYID MA YIN SNYAM DU DOGS PA LA, JI LTAR GSUM NI GTAN TSIGS NYID YIN LA, GZHAN NI GTAN TSIGS NYID MA YIN PA DE GNYI GA YANG BSTAN PA'I PHYIR, RANG BZHIN 'BREL PA ZHES SMOS TE, RANG BZHIN 'BRAL PA YIN TE, RANG BZHIN 'BREL BA NYID NI 'BREL PA'I RANG BZHIN NYID CES BYA BA'I DON TE RGYU DANG RANG GI NGO BO BSGRUB PAR BYA BA GNYI GA 'BRAS BU DANG RANG BZHIN GYIS 'BREL PAR BYE BRAG MED PAS TSIG GCIG GIS GNYIS BSDUS SO, ,NA ZHES BYA BA NI GANG GI PHYIR ZHES BYA BA'I DON TE, GANG GI PHYIR RANG BZHIN 'BREL PA YOD NA SGRUB PAR BYED PA'I DON GYIS BSGRUB PAR BYA BA'I DON GO BAR BYED PA YIN PA DE BAS NA GSUM CHAR YANG GO BAR BYED PA NYID YIN LA, GZHAN NI GO BAR BYED PA NYID MA YIN NO, ,CI'I PHYIR RANG BZHIN 'BREL PA YOD PA KHO NA GO BAR BYED PA'I DNGOS PO YIN LA GZHAN NI MA YIN ZHE NA, DES MA 'BREL NA ZHES BYA BA SMOS TE, DES ZHES BYA BA NI RANG BZHIN BSTAN PA YIN TE, RANG BZHIN DES MA 'BREL PA NI DES MA BRAL BA'O, ,GANG ZHIG GANG LA RANG BZHIN GYIS MA 'BREL PA DE NI DER MI 'KHRUL PAR NGES PA MED PA YIN TE, 'BREL PA'I YUL GANG @52A *, ,YIN PA DE LA MI 'KHRUL PA NI DER MI 'KHRUL PA'O, ,DE'I NGES PA NI DER MI 'KHRUL PAR NGES PA STE, DE MED PA'I PHYIR RO, ,DON NI 'DI YIN TE, GANG ZHIG GANG LA RANG BZHIN MA 'BREL PA DE NI MA 'BREL PA'I YUL DE LA GDON MI ZA BAR MI 'KHRUL PA YIN NO ZHES DE DAG MED NA MI 'BYUNG BA NGES PA MI 'KHRUL PA NGES PA YOD PA MA YIN NO, ,GO BAR BYA BA DANG GO BAR BYED PA'I DNGOS PO NI MA 'KHRUL PA NGES PA LAS YIN TE, RUNG BA TZAM GYI SGO NAS NI RTAGS SGRON MA BZHIN DU LKOG TU GYUR PA RTOGS PA'I RGYU MTSAN DU 'DOD PA NI MA YIN GYI, 'ON KYANG MI 'KHRUL PA NYID DU NGES PA YIN NO; ,DE BAS NA RANG BZHIN 'BREL PA YOD NA NI MED NA MI 'BYUNG BA NGES PA YIN LA, DE LAS GO BAR BYA BA DANG GO BAR BYED PA DNGOS PO YIN NO, ,DE BAS NA RANG BZHIN 'BREL PA YOD NA DON GYIS DON GO BAR BYED KYI, GZHAN DU NI MA YIN NO ZHES BYA BAR GNAS SO, ,GZHAN LA RAG LAS PA MA YIN PA NI GZHAN LA RAG LAS PA 'BREL PA MA YIN NAM, 'DIR BSGRUB PAR BYA BA DANG SGRUB PAR BYED PA DE GNYIS GANG ZHIG GANG LA 'BREL PA YIN ZHE NA, BSGRUB PAR BYA BA'I DON LA RTAGS 'BREL PA DE YANG ZHES BYA BA SMOS TE, DE YANG BSGRUB PAR BYA BA'I DON LA RTAGS KYI RANG BZHIN 'BREL PA YIN TE, RTAGS NI GZHAN LA RAG LUS PA YIN PA'I PHYIR 'BREL PA YIN LA BSGRUB PAR BYA BA'I DON LA GZHAN LA RAG LUS PA MA YIN PA'I PHYIR 'BREL PA'I YUL YIN GYI, 'BREL PA MA YIN NO ZHES BYA BA'I THA TSIG GO, ,DE LA DON NI 'DI YIN TE, DE'I BDAG NYID DU KHYAD PAR MED KYANG 'BREL PA GANG YIN PA NI GO BAR BYED PA YIN LA, 'BREL PA'I YUL GANG YIN PA DE NI GO BAR BYA BA YIN NO, ,GANG ZHIG CHOS GANG GI RANG BZHIN DU NGES PA DE NI DE DANG 'BREL PA YIN TE, DPER NA MI RTAG PA NYID LA RTZOL BA LAS BYUNG BA NYID CES BYA BA YIN NO, ,GANG ZHIG DE DANG GZHAN GYI RANG BZHIN DE NI 'BREL PA'I YUL YIN GYI, 'BREL PA NI MA YIN TE, DPER NA RTZOL BA LAS BYUNG BA NYID CES BYA BA LA MI RTAG PA NYID CES BYA BA BZHIN NO, ,GO BAR BYA BA DANG GO BAR BYED PA'I DNGOS PO NGES PA LA LTOS PA YIN LA, RTZOL BA LAS BYUNG BA NYID KYANG RANG BZHIN DU NGES PA YIN TE, DE'I PHYIR DE NYID MI RTAG PA NYID @52B DANG 'BREL PA YIN NO, ,DE BAS NA NGES PA'I YUL KHO NA GO BAR BYA BA DANG GO BAR BYED PA'I DNGOS PO YIN GYI GZHAN NI MA YIN NO, ,CI'I PHYIR RTAGS RANG BZHIN DANG 'BREL PA YIN ZHE NA, DNGOS SU NA ZHES BYA BA SMOS TE, BSGRUB PAR BYA BA'I DON DE'I BDAG NYID GANG YIN PA DE'I DNGOS PO NI DE NYID DE, DE BAS NA DE'I PHYIR RO, ,GANG GI PHYIR SGRUB PAR BYED PA NI BSGRUB PAR BYA BA'I RANG BZHIN YIN PA DE BAS NA DER RANG BZHIN 'BREL ZHES BYA BA'I DON TO, ,CI STE BSGRUB PAR BYA BA'I RANG BZHIN SGRUB PAR BYED PA YIN NA BSGRUB PAR BYA BA DANG SGRUB PAR BYED PA THA MI DAD PA'I PHYIR DAM BCAS PA'I DON GYI PHYOGS GCIG GTAN TSIGS SU 'GYUR RO ZHE NA, DNGOS SU NA ZHES BYA BA SMOS TE, 'DI GNYIS DON DAM PAR YOD PA'I TSUL GYIS THA DAD PA MA YIN NO, ,RTAG PAR RTOG PA'I YUL SGRO BTAGS PA'I NGO NGO LA LTOS NA NI, BSGRUB PAR BYA BA DANG SGRUB PAR BYED PA THA DAD PA YIN TE, NGES PA LA LTOS PA NYID NI GO BAR BYA BA DANG GO BAR BYED PA YIN PA'I PHYIR RO, ,DE'I PHYIR DE GNYIS KYI THA DAD PA NI NGES PA LA GNAS PA'I RANG BZHIN LA LTOS PA KHO NAR RIGS KYI DNGOS PO THA DAD PA LAS NI MA YIN NO, ,DE'I BDAG NYID 'GA' ZHIG LAS NI MA YIN GYI, BSGRUB PAR BYA BA LAS BYUNG BA'I RTAGS DE NYID LAS KYANG YIN TE, DE LAS BYUNG BA'I RTAGS KYANG BSGRUB PAR BYA BA'I DON DANG RANG BZHIN 'BREL PA YIN NO, ,CI'I PHYIR GYU MTSAN GNYIS KYIS RANG BZHIN 'BREL PA'I RTAGS YIN GYI, GZHAN GYIS NI MA YIN ZHE NA, DE'I RANG BZHIN MA YIN PA DANG ZHES BYA BA SMOS TE, DE'I RANG BZHIN GANG LA YOD PA NI DE'I RANG BZHIN YIN NO, ,DE'I RANG BZHIN YOD PA MA YIN PA DE DE'I RANG BZHIN MA YIN PA'O, ,'DI DE LAS BYUNG BA 'DI YIN PAS DE LAS BYUNG BA'O, ,DE LTA BU MA YIN PA DE NI DE LAS BYUNG BA MA YIN PA'O, ,GANG ZHIG GANG GI RANG BZHIN DANG GANG LAS BYUNG BA YANG MA YIN PA DE NI DE'I RANG BZHIN MA YIN PA'O,, 'DI DE LA LAS BYUNG BA DE 'DI BA DANG, SKYED PAR BYED PA MA YIN PA DE DANG 'DI 'BREL PA MED PA'I RANG BZHIN YIN PAS 'BREL PA MED PA'I RANG BZHIN YIN PA'I PHYIR RO, ,CI STE DE'I RANG BZHIN MA YIN PA DANG, SKYED PAR BYED PA MA YIN PA DANG YANG 'BREL PA'I RANG BZHIN 'GA' ZHIG YOD NA NI RGYU @53A *, ,MTSAN GZHAN LAS KYANG RANG BZHIN 'BREL PAR 'GYUR BA ZHIG NA, 'BREL PA'I RANG BZHIN NYID NI RANG BZHIN 'BREL PA YIN GYI, GZHAN LA NI RAG LAS PA'I RANG BZHIN 'GA' YANG MED DO, ,DE BAS NA DE'I BDAG NYID DANG DE LAS BYUNG BA GNYIS KHO NAS RANG BZHIN 'BREL PA YIN NO; ,DE'I BDAG NYID DANG DE LAS BYUNG BA KHO NAS RANG BZHIN 'BREL PA YIN DU ZAD MOD, 'BRAS BU DANG RANG BZHIN GNYIS KHO NA JI LTAR GO BAR BYED PA YIN ZHE NA, DE'I BDAG NYID DANG DE LAS BYUNG BA DE GNYIS RANG BZHIN DANG 'BRAS BU KHO NA YIN PAS ZHES BYA BA SMOS TE, BAS ZHES BYA BA NI DE BAS NA ZHES BYA BA'I DON YIN TE, GANG GI PHYIR RANG BZHIN DANG 'BRAS BU KHO NA LA DE'I BDAG NYID DANG, DE LAS BYUNG BAR GNAS LA, GO BAR BYA BA DANG GO BAR BYED PA'I DNGOS PO YANG DE'I RGYU MTSAN CAN YIN PA DE BAS NA 'BRAS BU DANG RANG BZHIN DE GNYIS KHO NAS DNGOS PO YOD PAR GRUB PO, , 'ON TE DGAG PA SGRUB PA NI MI SNANG BA MI DMIGS PA LAS KYANG CI'I PHYIR 'DOD PAR MI BYA ZHE NA, SMRAS PA, DGAG PA'I THA SNYAD BSGRUB PA NI GANG GI PHYIR SNANG BA MI DMIGS PA CI SKAD SMOS PA KHO NA LAS 'GYUR TE, DE BAS NA DE LAS GZHAN MA BSTAN TO, ,DE TZAM GYIS CI'I PHYIR YIN ZHE NA SMRAS PA; DER DGAG PAR BYA BA'I DNGOS PO YOD NA NI GANG GI PHYIR SNANG BA MI DMIGS PA MI SRID DO, ,DE MI SRID PA DE BAS NA DE LAS DGAG PAR 'GRUB PA YIN NO, ,'ON TE DE 'BA' ZHIG LAS CI'I PHYIR YIN ZHE NA, GZHAN DU NA ZHES BYA BA SMOS TE, DNGOS PO YOD PA LA DE MI SNANG BA'I MI DMIGS PA SRID PA'I PHYIR ZHES BYA BA NI GZHAN DU ZHES BYA BA'I SGRA'I DON YIN NO, ,DE LTA YIN PA DE BAS NA MI DMIGS PA'I GZHAN LAS DGAG PA 'GRUB PA MA YIN NO, ,DNGOS PO YOD KYANG DE SRID PA ZHES BYA BA 'DI GAR LA ZHE NA, YUL DANG DUS ZHES BYA BA LA SOGS PA SMOS TE, 'DIR RKYEN GZHAN TSOGS PA DANG RANG BZHIN KHYAD PAR CAN YIN PA'I PHYIR DMIGS PA'I RIG GYUR PA'I DON BSTAN LA, GNYIS LAS GCIG MED NA YANG GCIG KYANG DMIGS PA'I MTSAN NYID DU MA GYUR PA'I DON BSTAN TO, ,YUL 'DIR DMIGS PA'I MTSAN NYID DU MA GYUR PA RNAMS LA ZHES BYA BAS NI RKYEN GZHAN DANG BRAL BA CAN @53B BSTAN TO, ,GNYIS LAS DUS DANG RANG BZHIN GYIS BSKAL PA ZHES BYA BAS NI RANG BZHIN GYIS BSKAL PA BSTAN TO, ,YUL DANG DUS DANG RANG BZHIN DANG DE RNAMS KYIS BSKAL PA ZHES BYA BAR SBYAR TE, DE DAG LA DNGOS PO MED PAR NGES PA MED PA'I PHYIR RO, ,DNGOS PO YOD PA LA DE SRID PAR 'DOD PA YIN NO, , GANG LAS NGES PA MED CE NA, DE DAG LA SGRUB PA PO RANG GI MNGON SUM GANG YIN PA DE LOG KYANG DE RGYUS NGOS PO MED PAR NGES PA MED DO, ,GANG GI PHYIR DMIGS PA'I MTSAN NYID DU GYUR PA MA YIN PA DAG LA BDAG NYID KYIS MNGON SUM LOG PA'I MTSAN NYID MI SNANG BA MI DMIGS PA SRID DO, ,DE BAS NA JI SKAD DU BSTAN PA KHO NAS DGAG PA 'GRUB PA YIN NO, ,'ON TE SNANG BA MI DMIGS PA 'DI GANG GI DUS NA TSAD MA YIN, CI'I NGO BO YIN NA CI ZHIG BYED CE NA, MI RMONGS PA ZHES BYA BA SMOS TE, SGRUB PA PO'I MNGON SUM NI BUM PA LA SOGS PA'I DON TO, ,DE LOG PA NI MI DMIGS PA STE, DE'I RANG BZHIN MED PA'I NGO BO ZHES BYA BA'I DON TO, ,DE BAS NA RANG BZHIN MED PA NYID NI BSGRUB PAR BYA BA MA YIN TE, RANG BZHIN MI DMIGS PAR GRUB PA'I PHYIR RO, ,BUM PA LA SOGS PA MED DU ZIN KYANG SHES PA GCIG LA 'DRES BA SNANG BA NA MTHONG BA'I TSOGS PA TSANG BA CAN DU SHES PAS BLTA BAR BYA BA NYID DU BRTAG PAR BYA BA YIN PA'I PHYIR MNGON SUM ZHES BSTAN TO, ,DE BAS NA SHES PA GCIG LA 'DRES BA SNANG BA'I DON DANG, SHES PA DE NI MNGON LOG PA, ,ZHES BYA STE, SNANG BA'I DON DANG BLO DE LAS MTHONG BA'I TSOGS PA TSANG BA NYID KYI SOG NAS MNGON SUM NYID DU BRTAG PAR BYA BAR LOG PAR KHONG DU CHUD PA YIN NO, ,DE BAS NA DON DANG SHES PA KHO NA LA MNGON SUM GYIS BUM PA MED PA ZHES BYA'I, ,LOG PA TZAM NI 'DIR MED PA ZHES MI BYA STE, LOG PA TZAM LAS SNANG BA LOG PAR NGES PA MED PA'I PHYIR RO, ,SNANG BA MI DMIGS PA LAS SNANG BA LOG PAR NGES PA MA YIN NAM ZHE NA, DE BDEN MOD KYI SHES PA GCIG LA 'DRE BA 'BA' ZHIG SNANG NA BUM PA LA SOGS PA CI STE YOD NA NI SNANG BA KHO NAR 'GYUR RO ZHES SNANG BAR RTOG PA YIN LA, DE LAS NI SNANG BA MI DMIGS PA NGES PA YIN NO, ,SNANG BA MI DMIGS PA NGES PA'I SHUGS KYIS KYANG SNANG BA MED PA NGES PA YIN TE, @54A *, ,CI STE DER SNANG DU RUNG BA YOD NA NI SNANG BA MI DMIGS PA MI 'GRUB PA'I PHYIR RO, ,DE BAS NA SNANG BA MI DMIGS PA'I SHUGS KYIS NANG BA MED PAR SHES PA YIN NA, THA DAD DU BYED PA MA YIN PAS SNANG BA MI DMIGS PAS THA SNYAD DU BYAS PA YIN NO, ,DE BAS NA DON GZHAN SHES PA GCIG LA 'DRE BAR SNANG BA NA DE'I SHES PA NI MNGON SUM LOG PAR NGES PA'I RGYU YIN PA'I PHYIR MNGON SUM LOG PAR BSTAN PAR BLTA BAR BYA'O, ,CI STE MED DU ZIN KYANG SHES PA GCIG LA 'DRE BA MNGON SUM DU GYUR PA LA BUM PA LA BUM PA MNGON SUM NYID DU SGO 'DOGS PA DE BZHIN DU SHES PA GCIG LA 'DRE BA MI RMONGS PAR DRA PA'I DU BYED 'DAS PA DANG DANG DA LTAR BA LA DE'I RANG BZHIN GYI BUM PA MED KYANG SGRO BTAGS PAR BLTA BAR BYA'O, ,'DIS NI SNANG BA MI DMIGS PA MNGON SUM GYIS BUM PA LOG PA'I NGO BO YIN LA, DE YANG GRUB ZIN PA DES NA BUM PA MED PA NI BSGRUB PAR BYA BA MA YIN GYI; 'ON KYANG MED PA'I THA SNYAD YIN NO ZHES BYA BAR BSTAN TO, ,BUM PA LA SOGS PA GANG LA MTHONG BAS DRAN PA BSKYED PA'I RANG BZHIN GYI 'DU BYED MA RMONGS PA STE, NYAMS PA MED PAR YOD PA DE SKAD CES BYA'O, ,SGRUB PA PO'I MNGON SUM 'DAS PA DE DANG SGRUB PA'I MNGON SUM DA LTAR ZHES BYA BAR SBYAR RO, ,MA RMONGS PAR DRAN PA'I 'DU BYED SMOS PA NI DA LTAR BYE BRAG TU BYED PA MA YIN TE, 'DI LTAR 'DAS PA'I BUM PAS DBEN PA'I SA PHYOGS MTHONG BA LA DRAN PA'I 'DU BYED RMONGS PA YOD PAS BUM PA MI DMIGS PA LA RMONGS PA DANG, BUM PA MTHONG BA LA RMONGS PAR 'GYUR, DA LTAR GYI LA NI BUM PAS DBEN PA'I SA PHYOGS MTHONG BA NAS DRAN PA'I 'DU BYED LA RMONGS PA MED DO, ,DE BAS NA BUM PA MI DMIGS PA LA YANG RMONGS PA MA YIN LA, BUM PA LA YANG MA YIN NO, ,DE BAS NA MA RMONGS PA'I DRAN PA'I 'DU BYED SMOS PA NI DA LTAR GYI DGAG BYA KHYAD PAR DU BYED PA NI MA YIN TE; DA LTAR GYI DON LA NI DRAN PA'I 'DU BYED 'KHRUL PAS MED PA'I PHYIR RO, ,DE'I PHYIR 'DAS PA DANG DA LTAR GYI ZHES BYA BA LA DANG GI SGRA BYAS PA YIN TE, BYE BRAG DANG BRAL BA DA LTAR DANG, BYE BRAG DANG LDAN PA 'DAS PA BSDU BA CI LTAR KHONG DU CHUD PAR 'GYUR BA DE LTAR BYAS SO, ,DE LA DON 'DI YIN @54B TE; 'DAS PA'I MI DMIGS PA GSAL BAR DRAN PA DANG, DA LTAR GYI NI TSAD MA YIN NO, ,DE LTAR NA SNGON 'DI NA BUM PA YOD PA MA YIN TE, DMIGS PAR MA 'GYUR PA'I PHYIR RO ZHES BYA BA DANG, MED DE MI DMIGS PA'I PHYIR RO ZHES SHES PA ZHUS KYI, 'DI NA BUM PA BYIS YOD PAR 'GYUR BA MA YIN TE; MI DMIGS PAS 'GYUR BA'I PHYIR ZHES BYA BA NI SHES PAR MI NUS TE, MA 'ONGS PA'I MI DMIGS PA YOD PAR THE TSOM ZA BA'I PHYIR RO, ,DE LTAR MI DMIGS PA'I DUS KYI BYE BRAG BSHAD NAS BYED PA STON PAR BYED DO, ,MED PA'I THA SNYAD NI MED DO ZHES BYA BA'I RNAM PAR SHES PA DANG, DE LTA BU'I RNAM PA CAN GYI SGRA DANG, DOGS PA MED PAR 'GRO BA DANG 'ONG BA'I MTSAN NYID KYI 'JUG PA LUS KYI MED PA'I THA SNYAD DE, BUM PA MED PAR SHES NA NI THE TSOM MED PAR 'GRO BA DANG 'ONG BA LA 'JUG PAR BYED DO, ,MED PA'I THA SNYAD NI RNAM PA DE GSUM CHAR YANG 'JUG PAR BYED SGRUB PAR BYED PA NI MTHONG BA SNANG BA MI DMIGS PA YIN NO, ,GAL TE YANG BUM PA MED DO SNYAM DU SHES PA NI MI DMIGS PA KHO NA LAS 'GYUR LA, MED PAR NGES PA YANG 'DI NYID YIN MOD KYI, 'ON KYANG GANG GI PHYIR MNGON SUM GYI PHYOGS NYI TSE DMIGS PA DE'I PHYIR 'DI NA BUM PA MED DO ZHES DE LTAR MED PAR NGES PA NI MNGON SUM GYIS BYED PA'I RJES SU 'BRANG BA YIN NO, ,DE BAS NA PHYOGS NYI TSE 'DZIN PA'I MNGON SUM GYI BYED PA RJES SU 'BRANG BA'I MED PAR NGES PA NI MNGON SUM GYIS BYAS PA YIN NO, ,GZHAN YANG SNGAR BSHAD PA'I TSUL DU SNANG BA MI DMIGS PA'I NGES PAR BYED PA'I SHUGS NYID LAS MNGON SUM NYID KYIS MED PAR NGES PA YIN MOD KYANG, 'ON KYANG MTHONG BA RNAMS KYANG YOD PAR DOGS PA'I PHYIR NA MED PA'I THA SNYAD BYED MI NAS PA 'BA' ZHIG TU ZAD DO, ,DE BAS NA MI DMIGS PA NI GANG GI PHYIR SNANG BA LA MI DMIGS PA DE BAS NA MED DO ZHES PA'I THA SNYAD BYED PA YIN NO, ,DE BAS NA SNANG BA MI DMIGS PA NI MED PAR SHES PAR BYAS PA LA 'JUG PAR BYED KYI, MA BYAS PA LA NI BYED PA MA YIN TE, DES NA MED PAR NGES PA NI MI DMIGS PA LAS GYUR PA YIN YANG MNGON SUM GYIS BYAS PA LA MI DMIGS PAS 'JUG PAR BYAS SO ZHES BSTAN PA YIN NO, ,DE LTAR NA MI DMIGS PA NI @55A *, ,MED PA'I THA SNYAD DU 'JUG PAR BYED PA YIN NO, ,CI'I PHYIR 'DAS PA DANG DA LTAR GYI KHO NA LA MI DMIGS PA GO BAR BYED PA YIN NO, ,DE NYID KYIS ZHES BYA BA SMOS TE, JI SKAD DU BSTAN PA'I DUS KYI MI DMIGS PA'I LAS DNGOS PO MED PAR NGES PA'I PHYIR RO, ,MA 'ONGS PA'I MI DMIGS PA NI RANG NYID KYANG THE TSOM ZA BA'I NGO BO YIN TE, MA GRUB PA DE LAS NI DNGOS PO MED PAR NGES PA MA YIN GYI 'ON KYANG 'DAS PA DANG DA LTAR YIN NO, ,DA NI MI DMIGS PA'I RAB TU DBYE BA BSTAN PA'I PHYIR RO, DE NI ZHES BYA BA SMOS TE, MI DMIGS PA 'DI'I RNAM PA BCU GCIG YOD PAS NA RNAM PA BCU GCIG GO, ,RNAM PAR DBYE BA GANG LAS SHE NA, SBYOR BA'I BYE BRAG GIS TE, SBYOR BA NI SBYAR BA STE SGRA'I RJOD BYED KYI BYED PA LA BRJOD DO, ,SGRA YANG KHA CIG NI DNGOS SU, ,KHA CIG NI DON GZHAN GYI SGO NAS RJOD PAR BYED KHA CIG NI DON GZHAN 'GOG PA'I SGO NAS RJOD PAR BYED DO, ,KUN KYANG SNANG BA MI DMIGS PA YIN PAR NI SGRA MA SMOS KYANG RIG PAR BYA'O, ,RJOD PAR BYED PA'I BYE BRAG GIS MI DMIGS PA BYE BRAG TU DPE'I, RANG GI NGO BO LA NI DBYE BA MED DO ZHES BYA BA'I DON TO, ,RNAM PAR DBYE BA BSTAN PA'I PHYIR, RANG BZHIN ZHES BYA BA LA SOGS PA SMOS TE, DGAG PAR BYA BA'I RANG BZHIN GANG YIN PA DE MI DMIGS PA NI DPER NA ZHES BYA BA STE, 'DI NA ZHES BYA BA NI CHOS CAN NO, ,DU BA MED DE ZHES BYA BA NI BSGRUB PAR BYA'O, ,DMIGS PA'I MTSAN NYID DU GYUR PA LAS MI DMIGS PA'I PHYIR ZHES BYA BA'I GTAN TSIGS SO, ,GTAN TSIGS 'DI YANG SNGA MA BZHIN DU BSHAD PAR BYA'O, ,DGAG PAR BYA BA'I 'BRAS BU GANG YIN PA DE MI DMIGS PA'O, ,DPER NA ZHES BYA BA NI DPE 'GOD PA'O, ,'DI NA ZHES BYA BA NI CHOS CAN NO, ,DU BA SKYED PA'I NUS PA THOGS PA MED PA THOGS PAR YOD PAS GANG DAG YIN PA THOGS PA DE DAG MED DE ZHES BYA BA NI BSGRUB PAR BYA BA'O,, DU BA MED PA'I PHYIR RO ZHES BYA BA NI GTAN TSIGS SO, ,RGYU NI GDON MI ZA BAR 'BRAS BU DANG LDAN PA MA YIN PAS NA 'BRAS BU MA MTHONG PA LAS NI NUS PA THOGS PA DAG KHO NA MED PA NI BSGRUB PAR BYA BA YIN GYI, GZHAN NI MA YIN NO, ,NUS PA THOGS PA MED PA YANG SKAD CIG MA THA MAR GYUR PA GANG YIN @55B PA STE; GZHAN RNAMS LA NI GEGS YOD PA'I PHYIR RO, ,'BRAS BU MI DMIGS PA'I YANG GANG DU RGYU MI SNANG BA DER SBYAR BAR BYA BA YIN GYI RGYU SNANG BA LA NI SNANG BA MI DMIGS PA KHO NA RTOGS PAR BYED PA YIN NO, ,DE LA KHANG PA'I YANG THOG NA GNAS PA NA KHANG PA DAG RAM MTHONG DU ZIN KYANG DAG RA'I NGOS BZHI'I RTZIG PA MTHA' DAG MTHONG ZHING RTZIG PA MTHA' DAG DANG LHAN CIG TU SNANG BA ZHES BYA BA'I NAM MKHA'I PHYOGS DU BA DANG BRAL BA MTHONG NGO, ,DE LA DU BA MED PAR NGES PA LAS NI ME YUL GANG NA GNAS PAS YUL DER NGU BA SKYED PAR 'GYUR BA'I NUS PA THOGS PA MED PA'I ME DE MED PAR RTOGS PAR BYA BA YIN LA, KHANG PA DAG RA'I PHYOGS NA YOD PA'I MES KYANG DU BA YUL DER SKYE BAR GYUR PA YIN PA DES NA PHYOGS DE NA ME MED PAR KHONG DU CHUD PAR BYA'O, ,KHYIM GYI DAG RA'I PHYOGS RTZIG PAS YONGS SU BSKOR BA DE RTZIG PA'I MTHA' THUG PAR GNAS PA SNANG BA'I BDAG NYID CAN DU BAS DBEN PA'I NAM MKHA'I YUL DANG BCAS TE CHOS CAN DU BYED DE, DE BAS NA SNANG BA'I NAM MKHA'I CHA SHES CAN MNGON SUM DU GYUR PA 'AM, MNGON SUM DU MA GYUR PA NI CHOS CAN YIN PAR ME MED PAR SHES PA'I SHUGS 'ONGS PA YIN NO, ,'DI NI ZHES BYA BA MNGON SUM GYI TSIG TU BSTAN PA NI SNANG BA'I PHYOGS LA LTOS PA YIN NO, ,'DIR 'BA' ZHIG LA SNANG BA DANG MI SNANG BA SPYI CHOS CAN YIN PAR MA ZAD KYI GZHAN DU YANG YIN TE, SGRA SKAD CIG MA NYID DU BSGRUB PAR BYA BA LA SGRA GCIG NI MNGON SUM DU GYUR PA YIN LA, GZHAN NI LKOG TU GYUR PA DE BZHIN DU 'DIR YANG YIN NO, ,JI LTAR 'DIR CHOS CAN NI BSGRUB PAR BYA BA RTOGS PA'I GZHIR GYUR PA SNANG BA DANG MI SNANG BA'I CHA SHAS BSTAN PA DE BZHIN DU SBYOR BA PHYI MA RNAMS LA YANG RANG NYID KYIS KHONG DU CHUD PAR BYA'O, ,KHYAB PAR BYA BA DGAG PAR BYA BA LA KHYAB PAR BYED PA'I CHOS GANG YIN PA DE MI DMIGS PA'O, ,DPER NA ZHES BYA BA NI DPE 'GOD PA'O, ,'DI NI ZHES BYA BA NI CHOS CAN NO, ,SHING SHA PA MED DO ZHES BYA BA NI SHING SHA PA'I DNGOS PO MED PAR BSGRUB PAR BYA BA YIN NO, ,KHYAD PAR BYED PA'I SHING MED PA'I PHYIR ZHES BYA BA NI GTAN TSIGS YIN NO, ,MI DMIGS PA 'DI YANG KHYAB PAR BYA BA'I SHING SHA PA @56A *, ,NYID SNANG BA MED PA LA SBYOR BA YIN TE, DMIGS PA'I RIG BYAR GYUR PA'I KHYAB PAR BYA BA LA NI SNANG BA MI DMIGS PA NYID RTOGS PAR BYED PA YIN NO, ,DE LA GANG GI TSE YUL KA MTHON PO NA LTA 'OG DKRIGS TE 'DUG PA DE DAG LAS GCIG NI SHING STUG PO DANG LDAN LA, CIG SHOS GZHAN NI PHO RDZA STUG PO SHING MED PAR BRAG RDZONG DU 'DUG GO, ,LTA BA POS KYANG DE NAS 'DUG PA'I SHING MTHONG DU ZIN KYANG SHING SHA PA LA SOGS PA BYE BRAG NI KHONG DU MA CHUD PA GANG YIN PA LTA BA PO DE LA SHING NI MNGON SUM DU GYUR PA, SHING SHA PA NYID NI MNGON SUM MA YIN NO, ,SHING MED PA'I G-YA' BRAG DE LA SHING MED PAR SNANG BA MI DMIGS PAR NI KHONG DU CHUD PA DE LTA BU'I YUL LA KHYAB PAR BYED PA'I SHING MED PA'I PHYIR SHING SHA PA NYID KYANG MED DO ZHES 'DI MED PAR SGRUB PA'I PHYIR SBYOR BAR BYED DO, ,DGAG PAR BYA BA'I RANG BZHIN DANG 'GAL BA DMIGS PA DGOD PA LA, 'DI LA ZHES BYA BA NI CHOS CAN NO, ,GRANG BA'I REG PA MED DO ZHES BYA BA GRANG BA'I REG PA DGAG PA BSGRUB PAR BYA BA'O, ,ME YOD PA'I PHYIR ZHES BYA BA NI GTAN TSIGS SO, ,MI DMIGS PA 'DI YANG GANG NA GRANG BA'I REG PA MI SNANG BA DER SBYAR BAR BYA BA YIN NA NI, SNANG BA LA NI SNANG BA MI DMIGS PA SBYOR BAR BYA BA'I PHYIR RO; ,DE BAS ME'I KHA DOG GI BYE BRAG SNANG BA NA GRANG BA'I REG PA RING DU GYUR PA'I PHYIR MI SNANG BA DER 'DIR SBYAR BAR BYA'O, ,DGAG PAR BYA BA DANG 'GAL BA GANG YIN PA DE'I 'BRAS BU DMIGS PA NI GO BAR BYED PA YIN NO, ,DPER NA ZHES BYA BA NI DPE 'GOD PA'O, ,'DI NA ZHES BYA BA NI CHOS CAN NO; ,GRANG BA'I REG PA MED DO ZHES BYA BA NI GRANG BA'I REG PA'I DNGOS PO MED PAR BSGRUB PAR BYA BA YIN NO, ,DU BA YOD PA'I PHYIR ZHES BYA BA NI GTAN TSIGS SO, ,GANG NA GRANG BA'I REG PA YOD CING SNANG BA DE YOD NA NI SNANG BA MI DMIGS PA GO BAR BYED PA YIN LA, GANG NA 'GAL BA'I ME MNGON SUM DU GYUR PA DE NA NI 'GAL BA MI DMIGS PA GO BAR BYED PA YIN TE, GNYIG YANG MI SNANG BA NYID LA 'GAL BA'I 'BRAS BU MI DMIGS PA SBYOR BAR BYED DO, ,DE LA KHANG MIG GZHAN GRANG BA KHYAB PAR YOD PA SEL BAR NUS PA'I ME RJES SU DPOG PAR BYED PA NI GANG GI TSE KHANG MIG GI NANG @56B NAS DUD PA'I TSOGS CHEN PO BYUNG BAR MTHONG BA DE'I TSE NA, KHYAD PAR DU GYUR PA'I ME YOD PAR RJES SU DPAG PA LAS GRANG BA'I REG PA'O LOG PAR RJES SU DPAG PA YIN NO, ,'DIR NI SKAR KHUNG GI PHYOGS SNANG BA DANG BCAS TE, KHANG MIG GI PHYOGS KUN CHOS CAN YIN BAR NI BSGRUB PAR BYA BA RTOGS PA'I RJES SU 'BRANGS NAS SNGA MA BZHIN DU BLTA BAR BYA'O, ,DGAG PAR BYA BA DANG 'GAL BA GANG YIN PA DES KHYAB PAR BYA BA'I CHOS GZHAN DMIGS PA STE DPER NA ZHES BYA BA NI DPE DGOD PA YIN NO, ,NGES PA NI GDON MI ZA BAR 'GYUR BA'O, ,NGES BAR 'GYUR BA MED PA NI ZHES BYA BA NI NGES PAR 'GYUR BA NYID DGAG PA BSGRUB PAR BYA BA YIN NO, ,'JIG PA NI CHOS CAN NO, ,DNGOS PO LAS BYUNG BA'I YANG ZHES BYA BA NI CHOS CAN GYI BYE BRAG GO, ,YANG GI SGRA'I DON NI SKYES SHING BYUNG BA YANG 'JIG PA'I NGO BO YIN PAR NGES PAR 'GYUR BA MED NA MA SKYES PA LTA CI SMOS ZHES BYA BA YIN NO, ,SKYED PAR BYED PA'I RGYU LAS MA GTOGS PA RGYU THO BA LA SOGS PA NI RGYU GZHAN YIN NO, ,DE LA 'JIG PA LTOS PA YIN TE, DE LTOS PA'I PHYIR ZHES BYA BA NI GTAN TSIGS SO, ,RGYU GZHAN LA LTOS PA ZHES BYA BA NI NGES PAR 'GYUR BA MED PA NYID KYIS KHYAB PA YIN TE DPER NA SNAM BU KHA DOG BSKYUR BA NI GTZO BLAG MKHAN LA SOGS PA RGYU GZHAN LA LTOS PA'I PHYIR NGES PAR 'GYUR BA MED PA BZHIN DU'O, ,NGES PAR 'GYUR BA MED PA NI NGES PAR 'GYUR BA NYID DANG 'GAL BA YIN LA, 'JIG PA YANG 'JIG PA'I NGO BO'I BDAG NYID KYI 'JIG PA YANG RGYU GZHAN LA LTOS PAR 'DOD DO, ,DE BAS NA 'GAL BAS KHYAB PA RGYU GZHAN LA LTOS PA NYID DMIGS PAS NGES PAR 'GYUR BA NYID 'GOG PA YIN NO, ,'DI NGES PAR 'GRUB PA NYID NI RTAG PA YIN LA, NGES PAR 'GYUR BA MED PA NYID KYIS 'JIG PA NYID MA YIN PA LA BYA'O, ,RTAG PA NYID DANG, RTAG PA MA YIN PA GNYIS KYANG PHAN TSUN SPANGS TE GNAS PA'I PHYIR GCIG LA 'GAL LO; ,DE LTA YIN DANG PHAN TSUN SPANGS TE GNAS PA GNYIS LAS GCIG GANG YIN PA SNANG BA DE LA GNYIS PA GANG YIN PA DE'I BDAG NYID DGAG PAR BYA DGOS SO, ,DE'I BDAG NYID DGAG PA YANG SNANG BA NYID DU YIN NO ZHES BYA PA LA 'GRUB PA YIN TE, GANG GI PHYIR DE'I BDAG NYID DGAG PA NI 'DI LTAR @57A *, ,BYED PA YIN TE, GAL TE SNANG BA RTAG PA YIN NA RTAG PA'I RANG BZHIN DU YANG MTHONG BA MED DO, ,DES NA RTAG PA MA YIN NO ZHES SO, ,DE LTA NA YANG DGAG PAR BYA BA RTAG PA NYID SNANG BA BDAG NYID DU KHAS BLANGS NAS DGAG PAR BYA BAR 'GYUR RO, ,'DRE BA LA SOGS PA'I DNGOS PO MI SNANG BA YANG GAL TE BUM PA SNANG BA'I BDAG NYID YIN PA 'GOG PAR BYED NA NI, GAL TE SNANG BA 'DI 'DRE'I BDAG NYID NA 'DRE NYID DU SNANG BAR 'GYUR BA ZHIG NA SNANG BA YANG MA YIN TE, DES NA 'DRI MA YIN NO ZHES SNANG BA'I BDAG NYID KHAS BLANGS NAS BYA BA YIN NO, ,DES NA BUM PA LA SOGS PA SNANG BA'I DNGOS PO LA DNGOS PO'AM, DNGOS PO MED PA'AM, SNANG BA 'AM MI SNANG BA'I DE'I BDAG NYID YIN PA 'GOG PA NI SNANG BA NYID KHAS BLANGS PA SNGON DU 'GRO BA CAN YIN NO, ,DE LTA YIN NA NI JI LTAR BUM PA SNANG BA KHAS BLANGS NAS 'GOG PA NI SNANG BA MI DMIGS PA LAS YIN PA DE BZHIN DU PHAN TSUN SPANGS PA DANG LDAN PA THAMS CAD KYANG GZHAN SNANG BA LA 'GOG PA NI SNANG BA MI DMIGS PA KHO NAS YIN NO, ,DE LTAR NA SBYOR BA'I TSUL DE LTA BU NI RANG BZHIN MI DMIGS PA'I NANG DU 'DUS PA YIN NO, ,DGAG PAR BYA BA'I 'BRAS BU GANG YIN PA DE DANG 'GAL BA GANG YIN PA DE DMIGS PA STE, DPER NA ZHES BYA BA NI DPE DGOD PA YIN NO, ,'DI NA ZHES BYA BA NI CHOS CAN NO, ,GRANG BA SKYED PA LA NUS PA THOGS PA MED PA GRANG BA'I RGYU GANG DAG YIN PA DE DAG MED DO ZHES BYA BA NI BSGRUB PAR BYA BA'O, ,ME YOD PA'I PHYIR ZHES BYA BA NI GTAN TSIGS SO, ,GANG NA GRANG BA'I RGYU MI SNANG BA DANG, GRANG BA'I REG PA YANG MI SNANG BA DER GTAN TSIGS 'DI SBYOR BAR BYA BA YIN GYI, GRANG BA'I REG PA'AM DE'I RGYU SNANG BA LA NI 'BRAS BU MI DMIGS PA'AM, SNANG BA MI DMIGS PA GO BAR BYED PA YIN NO, ,DE BAS NA DE YANG DNGOS PO MED PAR SGRUB PA YIN NO, ,DE'I PHYIR PHYOGS GANG NA GRANG BA'I REG PA YOD KYANG RGYANG RING BA'I PHYIR RTOG PA PO LA MI SNANG LA, ME NI GSAL BA'I KHA DOG CAN YIN PA'I PHYIR RGYANG RING PO YANG SNANG BDER 'DI SBYOR BAR BYA'O, ,DGAG PAR BYA BA LA KHYAB PAR BYED PA GANG YIN PA DE DANG 'GAL BA GANG YIN PA DE DMIGS PA STE, DPER NA ZHES BYA BA NI DPE 'GOD BA'O, , @57B 'DI NA ZHES BYA BA NI CHOS CAN NO, ,BA MO'I REG PA MED DO ZHES BYA BA NI BSGRUB PAR BYA BA'O, ,ME YOD PA'I PHYIR ZHES BYA BA NI GTAN TSIGS SO, ,GANG NA DGAG PAR BYA BA MO'I REG PA DANG, KHYAB PAR BYED PA'I GRANG BA'I REG PA MI SNANG BA DER GTAN TSIGS 'DI SBYOR BAR BYED PA YIN GYI, DE GNYIS SNANG BA NYID LA NI 'DI LTAR NGO BO NYID DAM, KHYAB PAR BYED PA SNANG BA MI DMIGS PA SBYOR BAR BYA BA YIN NO, ,DE LTA NA MED PAR BSGRUB PA 'DI NI RTOGS PAR BYED PA RGYANG RING PO NA 'DUG LA, BA MO'I REG PA GRANG BA'I BYE BRAG DANG GRANG BA TZAM NI LKOG TU GYUR PA YIN LA, ME NI GZUGS KYI BYE BRAG GIS RGYANG RING PO NA 'DUG KYANG MNGON SUM DU GYUR TO, ,DE BAS NA NI ME LA NI GRANG BA TZAM MED PAR NGES PA YIN LA, DE LAS NI GRANG BA'I BYE BRAG BA MO'I REG PA MED PAR NGES PA YIN TE, GRANG BA'I BYE BRAG NI GRANG BA'I SPYIS KHYAB PAR BYA BA YIN PA'I PHYIR TE, YUL GYI BYE BRAG DE LA RJES SU DPAG PA 'DI SBYOR BAR BYA'O, ,DGAG PAR BYA BA'I RGYU GANG YIN PA DE MI DMIGS PA STE, DPER NA ZHES BYA BA NI DPE 'GOD PA'O, ,'DI NA ZHES BYA BA NI CHOS CAN NO, ,DU BA MED DO ZHES BYA BA NI BSGRUB PAR BYA'O, ,ME MED PA'I PHYIR ZHES BYA BA NI GTAN TSIGS SO, ,GANG NA 'BRAS BU YOD KYANG SNANG BA MI 'BYUNG BA DER NI 'DIR SBYOR BA BYA'O, ,'BRAS BU SNANG BA LA NI SNANG BA MI DMIGS PA NYID GO BAR BYED PA YIN NO, ,DE BAS NA DNGOS PO MED PAR BSGRUB PA 'DI LANG MTSO CHEN PO MI G-YO BA DGUN RLANGS PA MANG DU 'THUL BA LA NAM MKHA' 'O ZI TZAM DU GYUR BA NA DE NA DU BA YOD KYANG MI SNANG BAS RGYU MI DMIGS PAS DGAG PAR BYA BA YIN NO, ,CHU DE'I STENG NA ME 'BAR BA YIN NA NI GZUGS KYI KHYAD PAR NYID DMIGS PAR 'GYUR LA, 'BAR BA YANG MA YIN TE, SHING TSIG PA LA YOD NA DER YANG TSIG PA YOD NA SHING MNGON SUM DU GYUR PA YIN NO, ,DES NA ME NI RANG GI NGO BO 'AM GZHI'I NGO BO DE RNAM PAR 'GYUR BAS NA DER SBYOR BA 'DI BYA'O, ,DGAG PAR BYA BA'I RGYU GANG YIN PA DE DANG 'GAL BA GANG YIN PA DE DMIGS PA STE, DPER NA ZHES BYA BA NI DPE DGOD PA'O, ,'DI LA ZHES BYA BA NI CHOS CAN NO, ,SPU LANGS ZHES BYA BA NI SPU LANGS PA'O, ,DE LA SOGS PA NI @58A *, ,LHAGS PAS NYEN PA'I SO THAM THAM BYED PA LA SOGS PA'O, ,DE LAS GZHAN PA'I 'JIGS PA DANG, DAD PA LA SOGS PA LAS BYE BRAG TU GYUR PA NI YUL LO ZHES BYA BA LA SOGS PA'I BYE BRAG STE, DE MED DO ZHES BYA BA NI BSGRUB PAR BYA BA'O, ,ME GZHAN LAS GDUNG BA NYID BYE BRAG TU GYUR PA NI GRANG BA ZLOG PAR NUS PA YIN PAS NA GDUNG BAR BYED PA'I BYE BRAG STE, GDUNG BAR BYED PA KHA CIG YOD DU ZIN KYANG, DPER NA SGRON MA BZHIN DU GRANG BZLOG PAR BYED PA MA YIN PA DE LTA BU BSAL BA'I PHYIR BYE BRAG SMOS SO, ,GDUNG BA'I BYE BRAG GANG YIN PA NYE BA DE LA DE SKAD CES BYA'O, ,DE'I DNGOS PO NI DE NYID DE, DE BAS NA ZHES BYA BA NI GTAN TSIGS SO, ,GANG NA GRANG BA'I REG PA YOD KYANG MI SNANG BA DANG, SPU LONG ZHES BYED PA'I BYE BRAG YOD KYANG MI SNANG BA'I DER 'DI'I SBYOR BA BYA BA YIN GYI, SPU LONG ZHES BYED PA'I BYE BRAG SNANG BA NYID LA NI SNANG BA MI DMIGS PA SBYOR BAR BYED PA YIN LA, GRANG BA'I REG PA SNANG BA NYID LA YANG RGYU MI DMIGS PA'I SBYOR BAR BYED PA YIN NO, ,DE BAS NA DNGOS PO MED PA BSGRUB PA 'DI YANG GDUNG BAR BYED PA'I GZUGS KYI BYE BRAG RGYANG RING PO NAS KYANG MTHONG BA YIN LA, GRANG BA'I REG BA DANG SPU LONG ZHES BYED PA'I BYE BRAG NI MA MTHONG BA DE DAG GI RGYU DANG 'GAL BA MI DMIGS PAS DNGOS PO MED PAR RTOGS PAR BYED PA DE LA 'DI'I SBYOR BA BYA'O, ,DGAG PAR BYA BA'I RGYU GANG YIN PA DE DANG 'GAL BA DE'I 'BRAS BU DE DMIGS PA STE, DPER NA ZHES BYA BA NI DPE 'GOD PA'O, ,PHYOGS 'DI NI ZHES BYA BA LA SOGS PA'I BYE BRAG DANG LDAN PA'I 'BREL PA'O, ,SPU LONG ZHES BYED PA LA SOGS PA'I BYE BRAG GIS LDAN PA NI SPU LONG ZHES BYED PA LA SOGS PA'I BYE BRAG DANG LDAN PA'O, ,DE DANG 'BREL BA'I MI NI SPU LONG ZHES BYED PA LA SOGS PA'I BYE BRAG DANG LDAN PA'I MI STE, DE DE DANG LDAN PA MA YIN PA NI BSGRUB PAR BYA BA'O, ,DU BA YOD PA'I PHYIR ZHES BYA BA NI GTAN TSIGS SO, ,SPU LONG ZHES BYED PA'I BYE BRAG MNGON SUM DU GYUR NA NI SNANG BA MA YIN PA YIN LA, RGYU GRANG BA'I REG PA MNGON SUM DU GYUR NA NI RGYU MI DMIGS PA YIN LA, ME MNGON SUM DU GYUR NA NI RGYU DANG 'GAL BA DMIGS PA'I @58B SBYOR BA BYA BA YIN GYI, 'DI GSUM CHAR YANG MI SNANG BA 'DI LA SBYOR BAR BYA BA YIN NO, ,DE BAS NA DNGOS PO MED PAR SGRUB PA 'DI NI RTOGS PAR BYED PA RGYANG RING PO NA 'DUG LA, GRANG BA'I REG PAS NYEN PA'I SPU LONG ZHES BYED PA LA SOGS PA'I BYE BRAG YOD DU ZIN KYANG MNGON SUM DU MA GYUR LA, GANG NA DU BA MNGON SUM DU GYUR PA DER 'DI TSANG MA YIN NO, ,DU BA YANG YUL DE NA YOD PA'I GRANG BA ZLOG PAR NUS PA'I ME RJES SU DPOG PAR BYED NUS PA CI 'DRA BA DE 'DIR GZUNG BAR BYA'I, DU BA TZAM GYIS ME TZAM RJES SU DPOG PAR BYED KYANG GRANG BA'I REG PA SEL BA DANG, SPU LONG ZHES BYED PA LA SOGS PA SEL BAR BYED PA SHES PAR NUS PA MA YIN PAS DU BA TZAM NI GTAN TSIGS MA YIN PAR BLTA BAR BYA'O, ,CI STE GCIG NI DGAG PAR SGRUB PA'I GTAN TSIGS YIN PAR BSTAN NA DNGOS PO MED PA'I GTAN TSIGS BCU GCIG TU JI LTAR 'GYUR ZHE NA, 'BRAS BU MI DMIGS PA LA SOGS PA ZHES SMOS TE, DE DAG CES BYA BA 'DIS NI MI DMIGS PA'I SBYOR BA BSTAN PA 'DAS MA THAG PA BSTAN TO, ,DE LA GANG YANG RUNG BA GZUNG BAR THAL BAR 'GYUR BAS NA 'BRAS BU MI DMIGS PA LA SOGS PA SMOS SO, ,'BRAS BU MI DMIGS PA LA SOGS PA YANG GSUM MAM, BZHI ZHIG GZUNG BAR THAL BAR 'GYUR BAS BCU ZHES BYA BA SMOS SO, ,DE LA BCUS KYANG DPE BKOD BA TZAM GZUNG BAR THAL BAR 'GYUR BA LA, THAMS CAD CES BYA BA SMOS SO, ,'DI SKAD BSTAN TE, DPE SBYAR BAR BYA BA DANG 'DRA BA THAMS CAD KYANG YIN NO, ,BCU SMOS PA MED PAR THAMS CAD SMOS PA BYAS NA NI DPE SBYAR BAR BYAS PA MTHA' DAG GO BAR 'GYUR LA, BCU SMOS KYANG DPE SBYAR BA MTHA' DAG GO BAR 'GYUR RO, ,THAMS CAD SMOS PA LHAG PAR BYAS NA NI DPE SBYAR BA DANG 'DRA BA MTHA' RTOGS PAR 'GYUR RO, ,RANG BZHIN MI DMIGS BAR 'DUS PA NI DE'I BDAG NYID DU 'GRO BA YIN TE, RANG BZHIN MI DMIGS PA'I NGO BO NYID CES BYA BA'I DON TO, ,RANG BZHIN MI DMIGS PA'I SBYOR BA LAS 'BRAS BU MI DMIGS PA LA SOGS PA'I THA DAD PA MA YIN NAM, CI LTAR DER 'DUS PA YIN ZHE NA, SBYOR BA THA DAD KYANG ZHES BYA BA SMOS TE, SBYOR BA'I SGRA'I BYED PA THA DAD KYANG 'DUS PA YIN NO, , @59A *, ,'DI LTAR SBYOR BA THA DAD CE NA, DON GZHAN YOD PA DANG ZHES BYA BA SMOS SO, ,DGAG PAR BYA BA'I DON LAS DON GZHAN YIN PAR DMIGS TE, RANG BZHIN 'GAL BA DMIGS PA LA SOGS PA'I SBYOR BA LA BYA'O, ,DGAG PA NI 'BRAS BU MI DMIGS PA LA SOGS PA'I SBYOR BA LA BYA'O, ,DON LAS GZHAN YOD PA DANG DON GZHAN DGAG PA'I SGO NAS SBYOR BA THA DAD PA YIN NO, ,GAL TE SBYOR BA GZHAN RNAMS SU DON GZHAN YOD PA DANG DGAG PA YIN NO, ,'O NA JI LTAR NA DU BA 'DUS PA YIN ZHE NA, BRGYUD PA'I SGO NAS ZHES BYA BA SMOS TE, ZO CHUN BRGYUD PA LTA BU ZHES BYA BA'I DON TO, ,'DI SKAD BSTAN TE, SBYOR BA DE DAG DNGOS SU SNANG BA MI DMIGS PAR RJOD PA MA YIN GYI, SNANG BA MI DMIGS PA LA MI 'KHRUL PA NYID KYI DON GZHAN YOD PA DAG DGAG PA RJOD PAR BYED DO, ,DE LTAR ZO CHUN BRGYUD PA'I TSUL GYIS 'DI DAG RANG BZHIN MI DMIGS PAR 'DUS PA YIN GYI, DNGOS SU NI MA YIN NO, ,CI STE SBYOR BA THA DAD PA'I PHYIR DE LTAR THA DAD NA NI DE DAG GZHAN GYI DON GYI RJES SU DPAG PA YIN PAR BRJOD PAR BYA BA'I SBYOR BA THA DAD PA NI SGRA THA DAD PA YIN LA, SGRA YANG GZHAN GYI DON RJES SU DPAG PA YIN NO ZHES DGOS PA LA, SBYOR BA MTHONG BA GOMS PA LAS, ZHES BYA BA LA SOGS PA SMOS TE, BSTAN BCOS LAS BYUNG BA'I SBYOR BA MTHONG BA DMIGS SHING, DE GOMS PA YANG NAS YANG DU BYED PA DE'I RGYU MTSAN DE LAS DE DAG NYID KYANG SGRUB PA PO RANG YANG JI SKAD DU BSTAN PA'I RIM PA DE BZHIN DU RNAM PAR GCOD PA 'GOG PA RTOGS PAR 'GYUR TE, BAS ZHES BYA BA NI ZHES BYA BA'I DON TO, ,DON 'DI YIN TE, GANG GI PHYIR RANG YANG SBYOR BA GOMS PA'I THABS 'DIS RTOGS PAR BYED PAR BYED PA DE BAS NA RTOGS PA PO RANG LA DGOS PA SBYOR BA THA DAD PA RNAMS RANG GI DON GYI RJES SU DPAG PA LA BSTAN PA YIN NO, ,GANG YANG GZHAN KHONG DU CHUD PAR BYA BA NYID DU DGOS NA NI DE DAG GZHAN GYI DON GYI RJES SU DPAG PA NYID YIN NO ZHES BRJOD PAR BYA'O, ,SNANG BA 'GOG NA NI RANG BZHIN MI DMIGS PA'I SBYOR BA YIN PAR THAL BAR 'GYUR BAS 'BRAS BU MI DMIGS PA LA SOGS BA NI RGYU LA SOGS PA MI SNANG BA KHO NA 'GOG PA MA YIN NAM, DE LTA YIN NA NI DE DAG RNAM PA MI @59B DMIGS PAS 'GOG PA MA YIN NA DE LTAR SBYOR BA DE DAG SNANG BA DMIGS PA'I NANG DU 'DUS SHE NA, MED BA DANG MED PA'I THA SNYAD SGRUB BA MI DMIGS PA DE DAG THAMS CAD LA ZHES BYA BA LA SOGS PA SMOS TE, MED PA DANG DE'I THA SNYAD NI MED PA DANG THA SNYAD DE RANG BZHIN MI DMIGS PA LA NI THA SNYAD BSGRUB PAR BYA BA YIN NO, ,LHAG MA RNAMS LA NI MED PAR BSGRUB PAR BYA BA YIN NO, ,DE GNYIS BSGRUB PA'I MI DMIGS PA DE DAG THAMS CAD LA YANG ZHES BYA BA LA, YANG GI SGRA NI PHYIR GYI DON TE, GANG GI PHYIR MI DMIGS BA THAMS CAD LA DGAG PA BSTAN PA GANG YIN PA DE DAG DMIGS PA'I MTSAN NYID DU GYUR PA KHO NA SNANG BA 'GOG PA DE BAS NA SNANG BA MI DMIGS PA'I NANG DU 'DUS PA YIN NO, ,SNANG BA KHO NA YIN PA YANG CI'I PHYIR ZHE NA, RANG BZHIN ZHES BYA BA LA SOGS PA SMOS SO, ,'DIR YANG NI ZHES BYA BA'I SGRA NI RGYU'I DON TE, GANG GI PHYIR RANG BZHIN 'GAL BA GANG DAG YIN PA DE DAG LA SOGS PA MI DMIGS PA DANG, RGYU LA SOGS PA MI DMIGS PAS DGAG PA BSHAD PA DE BAS NA SNANG BA KHO NA DGAG PA YIN NO ZHES BYA BA'I DON TO, ,CI STE RANG BZHIN 'GAL BA LA SOGS PA DMIGS PA DANG, RGYU LA SOGS PA MI DMIGS PAS DGAG PA BSHAD MOD KYIS, 'ON KYANG JI LTAR SNANG BA KHO NA DGAG PA YIN ZHE NA, DMIGS PA'I MTSAN NYID DU GYUR PA KHO NA DAG LAS DMIGS PA DANG MI DMIGS PAR YANG RIG PAR BYA'O ZHES BYA BA SMOS SO, ,'DIR YANG YANG ZHES BYA BA RGYU'I DON TE, GANG GI PHYIR 'GAL BA DANG, KHYAB PAR BYA BA DANG, KHYAB PAR BYED PAR GYUR PA DANG, 'BRAS BU DANG; RGYUR GYUR PA ZHES BYA BA GANG YIN PA DE DAG GDON MI ZA BAR DMIGS PA YIN LA, DMIGS PA'I SNGON DU SONG BA'I MI DMIGS PA RIG PAR BYA STE SHES PAR BYA'O, ,DMIGS PA'I MI DMIGS PA GNYIS YOD PA GANG YIN PA DE NI SNANG BA KHO NA YIN NO, ,DE BAS NA RANG BZHIN 'GAL BA LA SOGS PA DMIGS PA DANG, RGYU LA SOGS PA MI DMIGS PAS DMIGS PA DANG MI DMIGS PA DANG LDAN PA'I 'GAL BA LA SOGS PA DGAG PA BYED PA NI SNANG BA KHO NA LA BYAS PAR BLTA BAR BYA'O, ,RGOL BA MANG POR SNGAR THAL BA'I LAN BSDU BA'I PHYIR YANG YANG GI SGRA NI RGYU'I DON YIN TE, GANG GI @60A *, ,PHYIR LAN 'DI DANG 'DI DAG YOD PA DE BAS NA RGOL BA MI RIGS SO ZHES BYA BA NI YANG GI DON TE, CI'I PHYIR DGAG PAR BYA BA'I 'GAL BA LA SOGS PA LA DMIGS PA DANG MI DMIGS PAR RIG PAR BYA ZHE NA, GZHAN DAG LA NI ZHES BYA BA SMOS SO, ,GANG GI DMIGS PA DANG MI DMIGS PA DANG LDAN PA LAS GZHAN PA MI DMIGS PA KHO NA GANG YIN PA DE DAG LA NI 'GA' ZHIG DANG LHAN CIG TU 'GAL BA DANG RGYU DANG 'BRAS BU YOD PA DANG KHYAB PAR BYED PA MED NA MED PA MI 'GRUB PO, ,GANG GI PHYIR DE LTA YIN BA DE BAS NA 'GAL BA DANG RGYU DANG 'BRAS BU DANG MED PA MI 'GRUB PA'I RGYU DES NA DMIGS PA DANG MI DMIGS PA DANG LDAN PA KHO NA 'GAL BA LA SOGS PA'I DGAG PAR BYA BA YIN LA, GNYIS KA DANG LDAN PA YANG SNANG BA KHO NA YIN NO, ,DE BAS NA SNANG BA KHO NA DGAG PA YIN TE, 'GAL BA DANG 'BRAS BU DANG RGYU YOD PA DANG KHYAB PAR BYED PA MED NA KHYAB PAR BYED PA MED PA NI SNANG BA MI DMIGS PA KHO NA LAS YIN TE, GCIG YOD PA NA GZHAN MED PAR RTOGS NA NI 'GAL BA YIN PAR SHES SO, ,RGYU MNGON PAR 'DOD PA MED NA 'BRAS BU MNGON PAR 'DOD PA MED PAR SHES NA YANG RGYU DANG 'BRAS BU KHONG DU CHUD DO, ,KHYAB PAR BYED PAR MNGON PAR 'DOD PA MED NA YANG KHYAB PAR BYED PAR NGES PA YIN NO, ,DE LA KHYAB PAR BYED PA DANG KHYAB PAR BYED PAR SHES PA'I RGYU MTSAN DU DNGOS PO MED PA KHONG DU CHUD PAR BYA DGOS TE, 'DI SHING MED NA SHING SHA PA NYID MED PAR SHES NA NI KHYAB PA DANG KHYAB PAR BYED PAR SHES PA YIN ZHING, DNGOS PO MED PAR KHONG DU CHUD PA YANG THAMS CAD DU SNANG BA MI DMIGS PA KHO NA LAS YIN NO, ,DE BAS NA 'GAL BA DANG RGYU 'BRAS DANG KHYAB BYA KHYAB BYED KYI DNGOS PO DRAN PAR BYED PA NI 'GAL BA LA SOGS PA DANG KHYAB BYA KHYAB BYED KYI DNGOS PO'I YUL LA, DNGOS PO MED PA KHONG DU CHUD PA'I RGYUR GYUR PA'I SNANG BA MI DMIGS PA DRAN PAR BYA'O, ,SNANG BA MI DMIGS PA MI DRAN NA NI 'GAL BA LA SOGS PA YANG MI DRAN NO, ,DE LTAR GYUR NA NI 'GAL BA LA SOGS PA YOD PA DANG DGAG PA NYID KYIS CIG SHOS MED PAR SHES PAR MI 'GYUR RO, ,'GAL BA LA SOGS PA 'DZIN PA'I DUS NA YOD PA'I SNANG BA MI DMIGS PA GDON MI ZA BAR DRAN PAR BYA BA NA @60B YANG DE KHO NA LAS DNGOS PO MED PAR SHES PA YIN NO, ,DE LA CI STE SNANG BA MI DMIGS PA DANG BLTAR MED DU ZIN KYANG SNGON 'GAL BA LA SOGS PA 'DZIN PA'I DUS KYI SNANG BA MI DMIGS PA DA LTAR DRAN PA GANG YIN PA DE NYID DNGOS PO MED PAR KHONG DU CHUD PA'I RGYU YIN NO, ,DE BAS NA SNANG BA MI DMIGS PA DA LTAR MED PA YIN PAS DNGOS PO MED PA SGRUB PA NI SNANG BA MI DMIGS PA'I SBYOR BA LAS 'BRAS BU MI DMIGS PA LA SOGS PA'I SBYOR BA THA DAD PA YIN NO, ,'GAL BA BSGRUB PA DANG, RGYU LA SOGS PA DGAG PA'I SGO NAS KYANG GANG GI PHYIR SNANG BA MI DMIGS PA 'PHANGS PA YIN TE, DE BAS NA DUS GZHAN NA YOD PA NGAN PA'I YUL DU GYUR PA'I SNANG BA MI DMIGS PA LAS DNGOS PO MED PAR KHONG DU CHUD PA DANG, SBYOR BA 'DI DAG KYANG SNANG BA MI DMIGS PA'I NANG DU 'DUS PA YIN NO, ,DE LTAR NA 'DI THAMS CAD KYIS NI MI DMIGS PA'I SBYOR BA BCU PO RNAMS BRGYUD PA'I SGO NAS SNANG BA MI DMIGS PA'I NANG DU 'DUS PAR BSTAN PAR RIG PAR BYA'O, ,SNANG BA MI DMIGS PA NI DNGOS PO MED PA DANG MED PA'I THA SNYAD BSGRUB PAR BYA BA LA TSAD MA YIN PAR SMRAS PA MI SNANG BA MI DMIGS PAS NI CI ZHIG BYED CE NA, BSKAL BA'I ZHES BYA BA SMOS TE, YUL DANG DUS DANG RANG BZHIN GSUM GYIS BSKAL PA'I YUL GANG YIN PA BSKAL BA'I YUL YIN PA DE NI THE TSON GYI RGYU YIN NO, ,RANG BZHIN CI 'DRA BA ZHIG CE NA, SMRAS PA, MNGON SUM DANG RJES SU DPAG PA LOG PA'I MTSAN NYID DE RANG BZHIN GANG LA YOD PA LOG PA'I NGO BO NYID SHES PA DANG SHES BYA'I NGO BO MA YIN NO ZHES BYA BA'I DON TO; ,TSAD MA LAS GZHAL BYA YOD PAR GZHAG PA MA YIN NAM, DE BAS NA TSAD MA MED PA'I PHYIR GZHAL BYA MED PAR KHONG DU CHUD PAR RIGS SO ZHE NA, TSAD MA LOG KYANG ZHES BYA BA SMOS TE, RGYU DANG KHYAB PAR BYED PA LOG NA NI 'BRAS BU DANG KHYAB PAR BYA BA LDOG PAR YANG 'GYUR LA, TSAD MA NI GZHAL BYA'I RGYU YANG MA YIN LA, KHYAB PAR BYED PA YANG MA YIN NO, ,DE BAS NA TSAD MA GNYIS LOG TU ZIN KYANG DON TE GZHAL BYA LDOG PAR MI 'GRUB PO, ,DE LTAR MI 'GRUB PA'I PHYIR MI SNANG BA MI DMIGS PA NI THE TSOM GYI RGYU YIN GYI, NGES PA'I GTAN TSIGS NI MA YIN NO, ,GANG YANG TSAD MA YOD @61A *, ,PAS GZHAL BYA YOD PAR 'GRUB PA DE NI RIGS YIN TE, TSAD MA NI GZHAL BYA'I 'BRAS BU YIN LA 'BRAS BU YANG RGYU MED NA MI 'BYUNG BA'I PHYIR RO, ,RGYU NI GDON MI ZA BAR 'BRAS BU DANG LDAN PA MA YIN NO, ,DE BAS NA TSAD MA LAS GZHAL BYA YOD PAR RNAM PAR GZHAG GO, ,TSAD MA MED PA'I PHYIR GZHAL BYA MED PAR RNAM PAR GZHAG PAR BYA BA NI MA YIN NO, ,RANG GI DON GYI RJES SU DPAG PA STE LE'U GNYIS PA'O,, ,,RANG GI DON DANG GZHAN GYI DON RJES SU DPAG PA GNYIS LAS GZHAN GYI DON BSHAD PAR 'DOD NAS, GZHAN GYI DON GYI RJES SU DPAG PA NI TSUL GSUM PA'I RTAGS RJOD PA STE ZHES BYA BA SMOS SO, ,RJES SU 'GRO BA DANG LDOG PA DANG PHYOGS KYI CHOS NYID CES BYA BA'I TSUL GSUM GANG LA YOD PA DE NI TSUL GSUM PA'O, ,TSUL GSUM PA YANG YIN LA RTAGS KYANG YIN PA DE BRJOD PA STE, 'DIS TSUL GSUM PA'I RTAGS 'CHAD PAR BYED, STON PAR BYED PAS BRJOD PA'O, ,DE CI YIN ZHE NA TSIG STE, TSIG GIS TSUL GSUM PA'I RTAGS BRJOD PA YIN NO, ,GZHAN GYI CHES YIN PAS GZHAN DON NO, ,YANG DAG PA'I SHES PA'I BDAG NYID NI RJES SU DPAG PA YIN NO ZHES SMRAS PA MA YIN NAM, DE CI'I PHYIR DE LTAR TSIG GI BDAG NYID LA RJES SU DPAG PA ZHES BYA ZHE NA, RGYU LA 'BRAS BU BTAGS PA'I PHYIR RO ZHES BYA BA SMOS TE, TSUL GSUM PA'I RTAGS BRJOD PA LAS TSUL GSUM GYI RTAGS DRAN PA SKYE'O, ,DRAN PA LAS RJES SU DPAG PA YIN TE, DE BAS NA TSUL GSUM PA'I RTAGS BRJOD PA NI BRGYUD PA'I SGO NAS RJES SU DPAG PA'I RGYU YIN NO, ,DE LTAR NA RGYU TSIG LA 'BRAS BU RJES SU DPAG PA BTAGS PA SGRO BTAGS PA BYAS TE, DE LTAR SGRO BTAGS PA'I PHYIR RGYU DAG NI RJES SU DPAG PA'I SGRAS BSTAN TE, DAG NI RJES SU DPAG PAR BTAGS PA YIN GYI, DNGOS NI MA YIN NO ZHES BYA BA'I THA TSIG GO; ,GANG JI SNYED NYE BAR BTAGS NAS RJES SU DPAG PA'I SGRAS BRJOD PAR NUS PA DE THAMS CAD BSHAD PAR BYA BA MA YIN GYI, 'ON KYANG RJES SU DPAG PAR BSHAD PAR 'DOD PAS RJES SU DPAG PA'I NGO BO BRJOD PAR BYA BA MA YIN PA'I PHYIR RGYU MTSAN BRJOD PAR BYA DGOS LA, RGYU MTSAN YANG TSUL @61B GSUM PA'I RTAGS YIN NO, ,DE YANG RANG NYID RTOGS PAS RJES SU DPAG PA'I RGYU MTSAN DU YIN PA'AM, GZHAN GYIS BSTAN PAS SO, ,DE BAS NA RTAGS KYI RANG GI NGO BO NYID DANG, STON PAR BYED PA'I SGRA YANG BSHAD DGOS SO, ,DE LA RANG GI NGO BO NI RANG GI DON GYI RJES SU DPAG PAR BSHAD ZIN TO, , STON PAR BYED PA'I SGRA 'DIR 'CHAD PA YIN NO, ,DE BAS NA STON PAR BYED PA'I SGRAS GDON MI ZA BAR BRJOD PAR BYA BA YIN PAR BYED PA'I PHYIR SLOB DPON GYIS RJES SU DPAG PA'I SGRAS BRJOD PA YIN NO ZHES BYA BA NI DON GYI RJES SU DPAG PA'I RNAM PAR DBYE BA BSTAN PA'I PHYIR, DE NI RNAM PA GNYIS TE ZHES BYA BA SMOS TE; GZHAN GYI DON GYI RJES SU DPAG PA DE NI GANG LA RNAM PA GNYIS TE BYE BRAG YOD PA TE RNAM PA GNYIS SO, ,CI'I PHYIR RNAM PA GNYIS YIN ZHE NA, SBYOR BA ZHES BYA BA SMOS TE, SGRA'I BYED PA'I BYE BRAG GIS SO, ,SBYOR BA NI RAB TU SBYOR BA STE DON BRJOD PA'O, ,SGRA'I DON BRJOD PA'I BYED PA THA DAD PA'I PHYIR RJES SU DPAG PA RNAM PA GNYIS SO, ,RGYU MTSAN RJOD BYED KYI BYED PA GNYIS PO DE NYID BSTAN PA'I PHYIR, CHOS MTHUN PA NYID CAN DANG CHOS MI MTHUN PA NYID CAN ZHES BYA BA SMOS TE, 'DI LA CHOS MTSUNGS PA YOD PA DE NI CHOS MTHUN PA YIN LA, DE'I DNGOS PO NI CHOS DANG MTHUN PA NYID DO, , 'DI LA MI 'DRA BA'I CHOS YOD PA NI CHOS MI MTHUN PA YIN LA, CHOS MI MTHUN PA'I DNGOS PO NI CHOS DANG MI MTHUN PA NYID DE, DPE'I CHOS CAN DANG LHAN CIG BSGRUB PAR BYA BA'I CHOS CAN GYI CHOS DE 'DRA BAR GTAN TSIGS KYIS BYAS PA DE NI CHOS DANG MTHUN PA ZHES BYA'O, , MI 'DRA BAR GTAN TSIGS KYIS BYAS PA NI CHOS DANG MI MTHUN PA ZHES BYA'O, ,DE LA SGRUB PAR BYED PA'I NGAG GANG LA RJOD PAR BYED PA CHOS MTHUN PA NYID YOD PA DE NI CHOS MTHUN PA NYID CAN TE, GANG BYAS PA DE NI MI RTAG STE DPER NA BUM PA LTA BU'O, ,DE BZHIN DU SGRA YANG BYAS PA YIN NO ZHES BYA BA'I NGAG 'DIR BYAS PA NYID KYIS BYAS PA DPE DANG BSGRUB BYA'I CHOS CAN GYI 'DRA BA NYID BRJOD BYA YIN PA BZHIN NO, ,NGAG GANG LA BRJOD PAR BYA BA CHOS MI MTHUN PA NYID YOD PA DE NI CHOS MI MTHUN PA NYID CAN TE DPER NA GANG RTAG PA DE NI @62A *, ,BYAS PA MA YIN TE, DPER NA NAM MKHA' LTA BU'O, ,SGRA NI BYAS PA YIN NO ZHES BYA BA 'DIR BYAS PAS BYAS PA BSGRUB PAR BYA BA DANG, DPE'I CHOS CAN SGRA DANG NAM MKHA' DAG GI MI 'DRA BA NYID BRJOD PAR BYA BA YIN PA BZHIN NO, ,CI STE SBYOR BA 'DI GNYIS KYANG BRJOD PAR BYA BA THA DAD PA YIN NA, 'O NA BSTAN PAR BYA BA TSUL GSUM PA'I RTAGS THA MI DAD PAR JI LTAR 'GYUR ZHE NA, 'DI GNYIS DON DU BYE BRAG CI YANG MED DO ZHES BYA BA SMOS TE, DON NI DGOS PA YIN TE, BSTAN PAR BYA BA'I DGOS PA GANG GI CHED DU RJES SU DPAG PA SBYOR BA'O, ,DE BAS NA 'DI GNYIS KYI DGOS PA NI BYE BRAG CUNG ZAD KYANG MED DO, ,TSUL GSUM GYI RTAGS BSHAD PAR BYA BA YIN PAS 'DI GNYI GA YANG DE'I CHED DU SBYAR BAR BYA BA YIN TE, RNAM PA GNYIS KAS KYANG TSUL GSUM PA'I RTAGS BSTAN PAR BYA BA YIN NO, ,DE BAS NA 'DI GNYIS KYANG DGOS PA BSTAN PAR BYA BA THA DAD PA MED DO, ,DE LTAR NA DE LAS NI THA DAD PA CUNG ZAD KYANG MED DO, ,'O NA BRJOD PAR BYA BA YANG THA DAD PAR MI 'GYUR RO ZHE NA, SBYOR BA'I BYE BRAG MA GTOGS PAR ZHES BYA BA SMOS TE, SBYOR BA NI BRJOD PA'I TSIG NYID YIN NO, ,RJOD BYED NYID THA DAD PA LAS GZHAN DGOS PAS BYAS PA NI THA DAD PA YOD PA MA YIN NO ZHES BYA BA'I DON TO, ,'DI SKAD BSTAN TE, BRJOD PAR BYA BA YANG GZHAN YIN LA, BSTAN PAR BYA BA'I DGOS PA YANG GZHAN YIN NO, ,DE LA BRJOD PAR BYA BA LA LTOS NAS NI TSIG NYID THA DAD PA YIN GYI, BSTAN PAR BYA BA NI THA DAD PA MED DE, RJES SU 'GRO BA SMOS PA NI 'OG NAS STON PA'I TSUL GYIS LDOG PA RTOGS PAR 'GYUR LA, LDOG PAS KYANG RJES SU 'GRO BA RTOGS SO, ,DE BAS NA BSTAN PAR BYA BA TSUL GSUM PA'I RTAGS NI THA DAD PA MED DO, ,GANG NA BRJOD PAR BYA BA THA DAD PA DER SHUGS KYIS RTOGS PAR BYA BA'I DON KYANG THA DAD PA NA MA YIN TE, 'DI LTAR LHA SBYIN TSON PO NYIN PAR ZAN MI ZA'O ZHES SMRAS PA DANG, LHA SBYIN TSON PO MTSAN MO ZAN ZA'O ZHES BYA BA'I NGAG 'DI GNYIS BRJOD PAR BYA BA THA DAD DU ZIN KYANG RTOGS PAR BYA BA GCIG KHO NA YIN NO, ,DE BZHIN DU 'DIR BRJOD PAR BYA BA'I DON THA DAD KYANG RTOGS PAR BYA BA GCIG KHO NA YIN NO, ,DE LA ZHES BYA BA NI CHOS MTHUN PA DANG CHOS MI @62B MTHUN PA CAN GNYIS KYI RJES SU DPAG PA CAN DE GNYIS LA'O, ,RE ZHIG CHOS MTHUN PA CAN MI DMIGS PA'I DPE DGOD PA'I PHYIR, DMIGS PA'I MTSAN NYID DU GYUR PA GANG ZHES BYA BA LA SOGS PA SMOS TE, DMIGS PA'I MTSAN NYID DU GYUR PA GANG SNANG BA GANG YIN PA MA DMIGS PA ZHES BYA BA 'DIS NI SNANG BA MI DMIGS PA DE RJES SU BRJOD PA'O, ,DE NI MED PA'I THA SNYAD KYI YUL YIN TE, DE MED DO ZHES BYA BAR THA SNYAD DU BYA'O ZHES BYA BA'I DON TO, ,'DIS NI 'DI MED PA'I THA SNYAD DU RUNG PA NYID BSGRUB PAR BYA BA YIN NO, DE BAS NA MED PA'I THA SNYAD DU RUNG BA'I NYID LA SNANG BA MI DMIGS PA NGES PAR BSTAN TE, SNANG BA MI DMIGS PA NI MED PA'I THA SNYAD DU RUNG BA KHO NA YIN NO ZHES BYA BA'I DON TO, ,SGRUB PAR BYED PA BSGRUB PAR BYA BA'I DON LA NGES PAR STON PAS YANG KHYAB PA BSTAN PA YIN TE, JI SKAD DU KHYAB PAR BYED PA'I KHYAB PA NI DE LA YOD PA KHO NA YIN LA, KHYAB PAR BYA BA YANG DE KHO NA LA YOD PA YIN NO ZHES BSTAN PA KHYAB PA SGRUB PA TSAD MA'I YUL NI DPE YIN PAS DE NYID BSTAN PA'I PHYIR, DPER NA ZHES BYA BA SMOS TE, DPE NI BSGRUB PAR BYA BA'I CHOS CAN LAS GZHAN YIN NO ZHES BYA BA'I DON STON TO, ,MTHONG BA ZHES BYA BA NI TSAD NGES PA YIN TE, RI BONG GI RVA NI MIG GI YUL DU BYAS PA MA YIN MOD KYI, 'ON KYANG TSAD MA'I SGO NAS MED PA'I THA SNYAD DU RUNG BAR SHES SO, ,RI BONG GI RVA LA SOGS PA'I GANG MED PA'I THA SNYAD KYI YUL DE LA DE SKAD CES BYA STE, RI BONG GI RVA LA SOGS PA NI SNANG BA MI DMIGS PA TZAM GYIS MED PA'I THA SNYAD YIN PAR TSAD MAR GRUB PA YIN NO, ,DE BAS NA DAG 'DIS BRJOD PAR BYA BA'I KHYAB PA NI TSAD MA LAS SHES PAR BYA BA YIN NO, ,KHYAB PA BSTAN NAS DA NI SNANG BA MI DMIGS PA'I PHYOGS KYI CHOS NYID BSTAN PA'I PHYIR, PHYOGS KYI BYE BRAG GANG NA ZHES BYA BA SMOS TE, PHYOGS NI SA'I PHYOGS GCIG GO, ,DE NYID GZHAN LAS BYE BRAG TU GYUR PA NI BYE BRAG YIN TE, PHYOGS GCIG GI BYE BRAG YIN PAS NA PHYOGS GCIG NA'O, ,'GA' ZHIG CES BYA BA NI RTOGS PA PO'I MNGON SUM LA BYA STE, PHYOGS GCIG DE YANG MED PA'I THA SNYAD KYI GZHIR GYUR PA SGRUB BA PO'I MNGON SUM GANG YIN PA DE YIN GYI, GZHAN NI MA YIN @63A *, ,NO; ,DMIGS PA'I MTSAN NYID DU GYUR PA NI SNANG BA STE, JI LTAR BUM PA MED DU ZIN KYANG SGRO BTAGS NAS DMIGS PA'I RIG BYAR GYUR PA NYID YIN PAR DE LTAR NA BSHAD ZIN TO, ,RANG BZHIN GYI GTAN TSIGS KYI CHOS DANG MTHUN PA NYID CAN DE'I SBYOR BA BSTAN PA'I PHYIR DE BZHIN DU ZHES BYA BA SMOS TE, MI DMIGS PA LA JI LTA BA DE BZHIN DU RANG BZHIN GYI CHOS MTHUN PA CAN GYI SBYOR BA YIN NO ZHES BYA BA'I DON TO, ,GANG YOD PA ZHES BYA BAS YOD PA RJES SU BRJOD NAS, DE THAMS CAD MI RTAG PA DE ZHES BYA BAS NI MI RTAG PA NYID SGRUB PA'O, ,THAMS CAD SMOS PA NI NGES PA'I DON YIN TE, THAMS CAD MI RTAG PA YIN GYI, MI RTAG PA NYID MA YIN PA 'GA' YANG MED DE, GANG YOD PA DE MI RTAG PA KHO NA YIN TE, MI RTAG PA LAS GZHAN DU RTAG PA LA YOD PA MA YIN NO ZHES DE LTAR BSGRUB PAR BYA BA MI RTAG PA NYID LA YOD PA NYID NGES PAR BSTAN PA YIN NO, , DE LTAR NA 'DIR KHYAB PA BSTAN PA'I TSIG YIN NO, ,DPER NA BUM PA LA SOGS PA LTA BU'O ZHES BYA BA 'DI NI KHYAB PA SGRUB PAR BYED PA TSAD MA'I YUL STON PAR BYED PA YIN NO, ,DAG PA ZHES BYA BAS NI BYE BRAG MED PA'I RANG BZHIN GYI SBYOR BA'O, ,BYE BRAG DANG BCAS PA BSTAN PA'I PHYIR, GANG SKYE BA DANG LDAN PA ZHES BYA BA SMOS TE, SKYE BAR RANG GI NGO BO THOB PA GANG LA YOD PA DE SKYE BA DANG LDAN PA'O, ,GANG SKYE BA DANG LDAN PA ZHES BYA BAS NI SKYE PA DANG LDAN PA NYID RJES SU BRJOD NAS, DE NI MI RTAG PA'O ZHES BYA BA MI RTAG PA NYID BSGRUB PA'O, ,DE LTA YIN DANG SKYE BA DANG LDAN PA NI MI RTAG PA NYID LA NGES PAR BSTAN TO, ,RANG BZHIN DU GYUR PA RANG BZHIN GYI BDAG NYID KYI CHOS DE'I BYE BRAG GIS BYE BRAG TU GYUR PA GTAN TSIGS SU BYAS PA'I SBYOR BA'O, ,SKYE BA MED PA LAS LDOG PA LA BRTEN NAS DNGOS PO LA SKYE BA ZHES BRJOD DO, ,LDOG PA DE NYID NI GANG GI TSE LDOG PA GZHAN LAS MI LTOS PAR BRJOD PAR 'DOD PA DE'I TSE DNGOS PO'I SKYE BA ZHES THA DAD PAR 'DRA BAR BSTAN CING SKYE BA THA DAD PA LTA BU DES KHYAD PAR CAN DU GYUR PA'I DNGOS PO YANG SKYE BA DANG LDAN PAR BRJOD PA YIN NO, ,DES NA RANG BZHIN DU GYUR PA'I CHOS RTAG PA'I THA DAD PAS KHYAD PAR CAN DU GYUR PA'I RANG BZHIN GYI SBYOR BA YIN PAR @63B BLTA'O; ,GANG BYAS PA DE NI ZHES BYA BA NI BYAS PA NYID RJES SU BRJOD NAS MI RTAG PA'O ZHES SGRUB PA STE, DES NA MI RTAG PA NYID LA BYAS PA NYID NGES PAR BSTAN TO, ,DE BAS NA MI RTAG PA NYID KYIS BYAS PA LA KHYAB PAR BSTAN PA YIN NO, ,KHYAD PAR GYI BYE BRAG GIS ZHES BYA BA NI RANG BZHIN GYI SBYOR BA ZHES BYA BAR SBYAR RO, ,KHYAB PAR NI KHYAB PAR DU BYED PA'O, ,DE'I BYE BRAG GIS DE KHYAD PAR THA DAD PAS KHYAD PAR CAN DU GYUR PA'I RANG BZHIN GYI SBYOR BA ZHES BYA BA'I DON TO, ,'DI LA RES 'GA' NI DAG PA KHO NA'I DON RJOD PAR BYED DO, ,RES 'GA' NI THA DAD PA MA YIN PA'I BYE BRAG GIS BYE BRAG TU GYUR PA'O, , RES 'GA' NI THA DAD PA STE, DPER NA LHA SBYIN ZHES BYA BA DAG PA YIN NO, ,RNA BA 'PHYANG BA CAN ZHES BYA BA NI THA DAD PA MED PA'I RNA BA GNYIS KYI BYE BRAG CAN DU GYUR PA'O, ,BA KHRA MO CAN ZHES BYA BA NI THA DAD PA'I BA KHRA MO'I BYE BRAG CAN NO, ,DE BZHIN DU YOD PA NI DAG PA YIN NO, ,SKYE BA DANG LDAN PA NI THA DAD PA MED PA'I BYE BRAG YIN NO, ,BYAS PA NYID NI THA DAD PA'I BYE BRAG YIN NO, ,BA KHRA MO CAN GYI SGRA LA NI THA DAD PA'I BYE BRAG BRJOD PA STE, KHRA MO'I SGRA DANG BA'I SGRA YANG YOD PA MA YIN NAM, BYAS PA'I SGRA LA NI BYE BRAG BRJOD PA'I SGRA'I SBYOR BA YOD PA MA YIN NO SNYAM DU DOGS PA LA, RANG GI NGO BO BSGRUB PAR BYA BA'I PHYIR GZHAN GYI BYED PA LA LTOS PA'I NGO BO ZHES BYA BA SMOS TE, RGYU GZHAN GYI BYED PA'O, ,RANG GI NGO BO BSGRUB PAR BYA BA'I PHYIR 'GRUB PA'I DON DU GZHAN GYI BYED PA LA LTOS PA GANG YIN PA DE LA DE SKAD CES BYA'O, ,NI ZHES BYA BA NI GANG GI PHYIR ZHES BYA BA'I DON TO, ,GANG GI PHYIR GZHAN GYI BYED PA LA LTOS PAS BSHAD PA DE BAS NA THA DAD PA'I BYE BRAG TU GYUR PA'I RANG BZHIN DU BRJOD DO, ,THA DAD PA'I BYE BRAG GI TSIG MA SBYAR DU ZIN KYANG BYAS PA'I SGRA NYID KYIS THA DAD PA'I BYE BRAG GI TSIG NANG DU 'DUS PA YIN NO, ,DE NYID KYI PHYIR BYAS PA'I SGRA 'DI NI MING GI BYE BRAG YIN TE, GANG GI PHYIR BYAS PA'I RKYEN 'DI NI MI LA BYED PA YIN NO, ,GANG DU BYE BRAG 'DUS PA DER NI BYE BRAG GI TSIG SBYAR BAR MI BYA BA YIN LA, KHA CIG TU NI BYE BRAG RTOGS PA YIN TE, DPER NA BYAS SO ZHES BRJOD PA NA RGYU RNAMS KYIS ZHES BYA BA 'DI RTOGS PA BZHIN NO, ,DER NI RES 'GA' NI RGYU'I SGRA SBYOR BAR @64A *, ,BYED LA, ,RES 'GA' NI SBYOR BAR MI BYED DO, ,RANG GI SGRAS SBYOR BA YANG DPER NA RKYEN GYI BYE BRAG GIS THA DAD PA CAN NYID KYIS SGRA LA SKYEN THA DAD PA LTA BU'O, ,JI LTAR BYAS PA'I SGRA THA DAD PA'I BYE BRAG CAN GYI RANG BZHIN RJOD PAR BYED PA DE BZHIN DU, RKYEN GYI BYE BRAG GIS THA DAD PA NYID CAN LA SOGS PA GANG DAG YIN PA DANG, BRTZAL MA THAG TU 'BYUNG BA LA SOGS PA'I THA DAD PA'I BYE BRAG CAN GYI RANG BZHIN RJOD PAR BYED PA DE DAG KYANG RANG BZHIN RJOD PAR BYED PA'I TSIG GI SBYOR BA YIN PAR BLTA BAR BYA'O, ,RKYEN RGYU RNAMS KYI BYE BRAG KHYAD PAR YIN TE, RKYEN GYI BYE BRAG DES THA DAD PA CAN DU GYUR PA NGO BO GANG YIN PA DE NI, RKYEN GYI BYE BRAG GIS THA DAD PA CAN RKYEN GYI GRA'O, ,DE'I NGO BO NI RKYEN GYI BYE BRAG GIS THA DAD PA NYID YIN NO, ,RKYEN GYI BYE BRAG GIS THA DAD PA NYID RKYEN DE LAS NI SGRA'I BYAS PA BSGRUB PAR BYA BA YIN LA, BRTZAL MA THAG TU BYUNG BA NYID LAS NI MI RTAG PA NYID YIN NO, ,DE NI RKYEN GYI BYE BRAG GIS THAD DAD PA'I SGRA LA NI THA DAD PA'I KHYAD PAR BRJOD PA RKYEN GYI BRE BRAG GI SGRA SBYOR BA YIN LA BRTZAL MA THAG TU BYUNG BA'I SGRA LA YANG BRTZAL BA'I SGRA SBYAR BA YIN NO, ,DE LTAR NA RANG BZHIN GYI GTAN TSIGS KYIS SBYOR BA RNAM PA GSUM DU BSTAN TE, DAG PA DANG THA DAD PA MA YIN PA'I BYE BRAG CAN DANG THA DAD PA'I BYE BRAG CAN NO, ,'DI DE'I LTAR BSHAD PA'I DON NI 'GA' TSIG GIS 'KHRUL PAS RANG BZHIN GYI GTAN TSIGS SBYAR BA LA RMONGS PAR MI 'GYUR BAR BYA BA'I PHYIR RO, ,'ON LTAR NA RANG BZHIN GYI GTAN TSIGS DE DAG CI 'BREL PA MA GRUB PA'I BSGRUB PAR BYA BA'I RANG BZHIN LA SBYOR BAR BYA BA YIN NAM, 'ON TE GRUB PA'I RANG BZHIN LA ZHES DOGS PA LA, GRUB PA'I RANG BZHIN LA SBYOR BAR BYA'O ZHES BSTAN PA'I PHYIR, SGRUB PA'I CHOS DE DAG THAMS CAD NI ZHES BYA BA SMOS TE, RTOGS PAR BYED PA YIN PA'I PHYIR SGRUB PA'O, ,GZHAN LA BRTEN PA'I PHYIR CHOS SO, ,SGRUB PA'I CHOS KHO PHYIR CHOS SO, ,SGRUB PA'I CHO KHO NA TZAM STE, TZAM GYI SGRAS LTOS PAR BYA BA LHAG PA BSAL BA YIN NO, ,DE DANG RJES SU 'BREL PA NI RJES SU ZHUGS PA DANG RJES SU 'GRO BA'O, ,SGRUB PA'I CHOS TZAM DANG RJES SU 'BREL PA GANG YIN PA DE LA DE SKAD CES BYA'O, ,GANG GIS GRUB CE NA, RANG GI TSAD MA JI LTA BU DAG GIS TE, BSGRUB PAR @64B BYA BA'I CHOS GANG GI BDAG NYID KYI TSAD MA GANG YIN PA'I TSAD MA DE NYID KYIS GRUB PO ZHES BYA BA'I DON TO, ,RANG BZHIN GYI GTAN TSIG LA YANG DBYE NA RNAM PA MANG DU YOD PA'I PHYIR 'BREL PA BSGRUB PA YANG TSAD MA MANG BAS TSAD DAG GIS ZHES MANG PO'I TSIG TU BSTAN TO, ,RTOGS BAR BYA BA YIN PA'I PHYIR BSGRUB PAR BYA BA'O, ,GZHAN LA BRTEN PA'I PHYIR CHOS TE, BSGRUB PAR BYA BA'I CHOS SO, ,DE'I DON NI 'DI LTA STE, SGRON MA BZHIN DU RUNG BA'I SGO NAS NI GTAN TSIGS GO BAR BYED PA MA YIN GYI, 'ON KYANG MED NA MED PA NYID DU NGES PA YIN TE, BSGRUB PAR BYA BA MED NA NI MI 'BYUNG BAR NGES PA KHO NA GTAN TSIGS KYI RTOGS PAR BYED PA'I BYED PA YIN GYI GZHAN 'GA' YANG MA YIN NO, ,THOG MA GNOD PAR BYED PA'I TSAD MAS BSGRUB PAR BYA BA GTAN TSIGS DANG 'BREL PA GTAN LA DBAB PAR BYED PA, PHYIS RJES SU DPOG PAR BYED PA'I TSE NI BYAS PA ZHES BYA BA NI MI RTAG PA'I RANG BZHIN YIN NO ZHES KYANG SGRUB PAR BYED PA DANG BSGRUB BYA MED NA MI 'BYUNG BA NYID DU SPYIR DRAN PAR BYA BA YIN NO, ,SPYIR DRAN PA'I DON DE NYID YANG KHYAD PAR LA SBYOR BAR BYED PA NI SGRA LA YOD PA'I BYAS PA 'DI YANG MI RTAG PA'I RANG BZHIN YIN NO ZHES BYA BA'O, ,DE LA SPYIR DRAN PA NI RTAGS SHES PA YIN LA, BYE BRAG TU GYUR PA SGRA LA YOD PA'I BYAS PA NYID MI RTAG PA'I RANG BZHIN DU DRAN PA'I NI RJES SU DPAG PA'I SHES PA YIN NO, ,DE LTAR YIN DANG LKOG TU GYUR PA'I DON RTOGS PAR BYED PA ZHES BYA BA NI MED NA MI 'BYUNG BAR SHES PA NYID YIN NO, ,DES NA DE TZAM DANG RJES SU 'BREL PAR NGES PA'I BSGRUB PAR BYA BA'I CHOS LA RANG BZHIN GYI GTAN TSIGS SBYAR BAR BYA'O, ,GZHAN LA NI MA YIN NO ZHES BYA BA BSTAN PA YIN NO, ,SGRUB PAR BYED PA GAL TE DE LTAR SGRUB PAR BYED PA DANG LHAN CIG 'BREL PA NGES PAR BYA BA YIN MOD, BSGRUB PAR BYA BA SGRUB PAR BYED PA'I CHOS TZAM DANG RJES SU 'BREL PA NGES PA CI'I PHYIR GSAL BAR BYA ZHE NA, DE NYID CAS BYA BA SMOS TE, SGRUB PAR BYED PA'I CHOS TZAM DANG RJES SU 'BREL PA GRUB PA NI, DE'I RANG BZHIN YIN PA'I PHYIR TE ZHES BYA BA NI SGRUB PAR BYED PA'I CHOS KYI RANG BZHIN YIN PA'I PHYIR RO, ,BSGRUB PAR BYA BA'I CHOS GANG ZHIG SGRUB PAR BYED PA'I CHOS TZAM DANG RJES SU 'BREL PA DANG LDAN PA DE NYID @65A *, ,SGRUB PAR BYED PA'I CHOS DE'I NGO BO YIN GYI, GZHAN NI MA YIN NO, ,'DI 'DRA BA KHO NA RANG BZHIN YIN DU ZAD MOD BSGRUB PAR BYA BA'I RANG BZHIN NYID LA CI'I PHYIR GTAN TSIGS SBYOR ZHE NA, RANG BZHIN YANG GTAN TSIGS YIN PA'I PHYIR TE, 'DIR NI RANG BZHIN KHO NA'I GTAN TSIGS KYI SKABS YIN TE, DE BAS NA SGRUB PAR BYED PA'I RANG BZHIN DU GYUR PA GANG YIN PA DE NYID BSGRUB PAR BYA BA YIN LA, RANG BZHIN YANG SGRUB PAR BYED PA'I CHOS TZAM DANG 'BREL PA YIN GYI, GZHAN NI MA YIN GYI, GZHAN NI BSGRUB PAR BYA BA'I CHOS SGRUB PAR BYED PA'I RANG BZHIN YIN NA, 'O NA NI DAM BCAS PA'I DON GYI PHYOGS GCIG GTAN TSIGS SU 'GYUR RO ZHE NA, DNGOS SU NA ZHES BYA BA SMOS TE, DON DAM PAR NI BSGRUB PAR BYA BA DANG SGRUB PAR BYED PA DAG DE'I BDAG NYID YIN GYI, SGOR BTAGS TE BSGRUB PAR BYA BA DANG SGRUB PAR BYED PA THA DAD PA YIN NO, ,BSGRUB PAR BYA BA DANG SGRUB PAR BYED PA'I DNGOS PO NI NGES PA LA GNAS PA'I NGO BO YIN LA, NGES PA LA GNAS PA'I NGO BO PHAN TSUN LDOG PAS BYAS PA'I SGO BTAGS PA'I BYE BRAG GIS THA DAD PA DES NA SGRUB PAR BYED PA YANG GZHAN, SGRUB PAR BYED PA DANG BSGRUB PAR BYA BA YANG GZHAN YIN NO, ,'DI LTAR THAG RING PO NAS YAL GA LA SOGS PA DANG LDAN PA'I DON LA SHING ZHES NI NGES LA, SHING SHA PA ZHES NI MA NGES MOD KYI, DE LTA NA DE NYID SHING YIN LA SHA PA YANG DE NYID DE, DES NA DNGOS PO LA THA DAD PA MED KYANG NGES PAS LDOG PA'I DBYE BA THA DAD PAR KUN DU STON PAR BYED DO, ,DE LTA BAS NA NGES PA LA GNAS PA'I NGO BO LA LTOS NAS, SGRUB PAR BYED PA YANG GZHAN BSGRUB PAR BYA BA YANG GZHAN YIN LA, DES NA DAM BCAS PA'I DON GYI PHYOGS GCIG GTAN TSIGS MA YIN LA, DNGOS SU NA DE'I BDAG NYID KYANG YIN NO, ,CI'I PHYIR SGRUB PAR BYED PA'I CHOS TZAM DANG RJES SU 'BREL PA KHO NA SGRUB PAR BYED PA'I RANG BZHIN YIN GYI GZHAN MA YIN ZHE NA, DE GRUB PA LA ZHES BYA BA SMOS TE, GANG ZHIG GANG DANG RJES SU 'BREL PA DE NI DE GRUB PA NA MA GRUB PA MA YIN TE, GNAG GI PHYIR DE GRUB PA NA MA GRUB PA DE NI SGRUB PAR BYED PA'I RANG BZHIN NYID DU MI RIGS SO, ,'DI LTAR GRUB PA DANG MA GRUB PA NYID NI DNGOS PO DANG DNGOS PO MED PA GNYIS YIN LA, @65B DNGOS PO DANG DNGOS PO MED PA YANG PHAN TSUN SPANGS TE, GNAS PA YIN TE, CI STE SNGAR GRUB PA DANG MA GRUB PA GCIG YIN PAR GYUR NA NI DON GCIG KHO NA LA DUS GCIG TU DNGOS PO DANG DNGOS PO MED PA GNYIS SU 'GYUR NA, DNGOS PO DANG DNGOS PO MED PA 'GAL BA DAG GCIG TU RIGS SU YANG MA YIN TE, GCIG MA YIN PA NI 'GAL BA'I CHOS DANG LDAN PA'I BDAG NYID YIN PA'I PHYIR RO, ,GZHAN YANG PHYIS SKYE BA NI SNGAR SKYE BA LAS THA DAD PA'I RGYU CAN YIN LA, 'BRAS BU THA DAD PA YANG RGYU THA DAD PA SNGON DU SONG BA YIN NO, ,DE BAS NA GRUB PA DANG MA GRUB PA GNYIS MI MTHUN PA'I CHOS TSOGS PA'I BDAG NYID KYI THA DAD PA YIN LA THA DAD PA'I RGYU CAN YANG BYED RGYU THA DA PA YIN PAS JI LTAR GCIG YIN, DE BAS NA SGRUB PAR BYED PA TZAM DANG RJES SU 'BREL PA KHO NA BSGRUB PAR BYA BA'I RANG BZHIN YIN GYI, GZHAN NA MI YIN NO, ,PHYIS GRUB PA SNGAR SKYES PA'I RANG BZHIN MA YIN DU ZAD MOD KYI, BSGRUB PAR BYA BA CI'I PHYIR MA YIN ZHE NA, SNGAR SKYES PAS PHYIS GRUB PA LA 'KHRUL PA STE, YONGS SU GTONG BA GANG YIN PA DE YANG SRID PA'I PHYIR 'GRUB PA NI SNGAR GRUB PA'I BSGRUB PAR BYA BA MA YIN NO, ,DE BAS NA SGRUB PAR BYED PA'I CHOS TZAM DANG RJES SU 'BREL PA KHO NA RANG BZHIN YIN LA, DE YANG BSGRUB PAR BYA BA YIN NO, ,DE LTAR NA NI SGRUB PAR BYED PA'I CHOS TZAM DANG RJES SU 'BREL PA GRUB PA KHO NA LA RANG BZHIN GYI GTAN TSIGS SBYAR BAR BYA BAR GNAS SO, ,'BRAS BU'I GTAN TSIGS KYI SBYOR BA LA SKABS KYIS NA CHOS MTHUN PA NYID CAN ZHES BYA BA LTOS PAR BYA BA YIN NO, ,GANG NA DU BA YOD PA ZHES DU BA RJES SU BRJOD NAS, DE NA ME YOD DE ZHES BYA BA NI ME YOD PA RJES SU SGRUB PA'O, ,DE LTAR NA SNGA MA BZHIN DU NGES PA'I DON KHONG DU CHUD PAR BYA'O, ,DES NI RGYU DANG 'BRAS BU YOD PA'I RGYU MTSAN GYI KHYAB PA BSTAN PA YIN NO, ,KHYAB PA SGRUB PA TSAD MA'I YUL BSTAN PA'I PHYIR, DPER NA TSANG BANG LA SOGS PA ZHES BYA BA SMOS TE, TSANG BANG LA SOGS PAR MNGON SUM DANG MI DMIGS PA GNYIS KYI RGYU DAG 'BRAS BU'I DNGOS PO'I BDAG NYID MED NA MI 'BYUNG BA NGES PA YIN NO, ,'DI NA YANG DU BA YOD DO ZHES BYA BA NI BSGRUB PAR BYA BA'I CHOS CAN LA PHYOGS KYI CHOS NYE BAR BSDUS PA'O, , @66A *, ,'DIR YANG ZHES BYA BA NI RANG BZHIN GYI GTAN TSIGS 'BA' ZHIG LA MA YIN GYI, 'BRAS BU'I GTAN TSIGS 'DIR YANG NGO, ,GRUB PA KHO NA ZHES BYA BA NI RGYU DANG 'BRAS BUR 'BREL PA NGES PA KHO NA LA STE, NGES PA NI GDON MI ZA BAR BYA DGOS SO, ,'DI BLTAR RUNG BA TZAM GYI SGO NAS GTAN TSIGS GO BAR BYED PA MA YIN GYI, MED PA MA YIN PA'I PHYIR ZHES BSHAD ZIN TO, ,CHOS MTHUN PA CAN GYI RANG BZHIN DANG 'BRAS BU DANG MI DMIGS PA'I SBYOR BA BSTAN PA YIN NO, ,CHOS MI MTHUN PA NYID CAN GYI SBYOR BA BSTAN PA'I PHYIR, CHOS MI MTHUN PA NYID CAN ZHES BYA BA SMOS TE, GANG YOD PA ZHES BYA BA NI DMIGS PA'I RIG BYAR GYUR PA GANG YIN PA STE, BLTAR RUNG BA YOD PA GANG YIN PA ZHES BOD PA NYID DU RJES SU BRJOD PA'O, ,DE NI DMIGS PA KHO NAR 'GYUR TE ZHES BYA BA NI DMIGS PA NYID BSGRUB PA'O, ,DES NA 'DIS NI SNANG BA YOD PA LA MTHONG BA'I YUL NYID KYIS KHYAB PA BSTAN TO, ,MED PA LOG PA NGES PA'I PHYIR SGRUB PAR BYED PA LOG PAS KHYAB PA BSTAN TO, ,DE BAS NA KHYAB PAR BYED PA BSGRUB PAR BYA BA'I CHOS MED NA NI GTAN TSIGS KYANG YOD PAR MI 'GYUR TE, GTAN TSIGS MED PAS BSGRUB PAR BYA BA MED PA LA KHYAB PA'I PHYIR RO, ,GTAN TSIGS KYANG YOD DO, ,DE BAS NA KHYAB PAR BYED PA SGRUB BAR BYED PA MED PAS KHYAB PAR BYA BA BSGRUB BAR BYA BA MED PA MED DE, DES NA BSGRUB PAR BYA BA NGES PA YIN NA, DE BAS NA CHOS MI MTHUN PA'I SBYOR BA THAMS CAD DU SGRUB PAR BYED PA MED PA NGES PAR BSTAN PAR BYA BA YIN NO ZHES RIGS PA YIN NO, ,RANG BZHIN GYI GTAN TSIGS KYI CHOS MI MTHUN PA NYID CAN GYI SBYOR BA BSTAN PA'I PHYIR, MI RTAG PA NYID MED NA ZHES BYA BA SMOS TE, 'DIR BSGRUB PAR BYA BA MI RTAG PA NYID MED PA GTAN TSIGS MED PA LA NGES PAR BRJOD PA YIN TE, DE BAS NA RANG BZHIN GYI GTAN TSIGS GSUM CHAR YANG GTAN TSIGS MED PAR BSGRUB PAR BYA BA MED PA LA NGES PAR KHYAB PAR BSTAN TO, ,SGRA NI YOD PA'AM, SKYE BA DANG LDAN PA'AM, BYAS PA'O ZHES BYA BA NI GSUM KA'I YANG PHYOGS KYI CHOS BSTAN PA'O, ,'DIR YANG KHYAB PAR BYED PA SGRUB PAR BYED PA @66B MED PAR BRJOD PA YIN TE, DE BAS NA KHYAB PAR BYED PA SGRUB PAR BYED PA MED PA YANG LOG PAS BSGRUB PAR BYA BA RTOGS PA YIN NO, ,'BRAS BU'I GTAN TSIGS KYI CHOS MI MTHUN PA NYID CAN GYI SBYOR BA NI, ME MED NA ZHES BYA BA SMOS TE, 'DIR YANG ME MED PA LA DU BA MED PAS KHYAB PAR BSTAN TO, ,'DI NA NI DU BA YOD DO ZHES BYA BA NI KHYAB PAR BYED PA DU BA MED PA MED DO ZHES BYA BA BSTAN PA YIN NO, ,DE BAS NA KHYAB PAR BYA BA ME MED PAS NA BSGRUB PAR BYA BA RTOGS PA YIN NO, ,CHOS MTHUN PA NYID CAN LA YANG LDOG PA MA BSTAN LA, CHOS MI MTHUN PA NYID CAN LA YANG RJES SU 'GRO BA MA BSTAN NA DE JI LTAR TSUL GSUM PA'I RTAGS BRJOD PA YIN ZHE NA, DON GYIS NA CHOS MTHUN PAS KYANG NI ZHES BYA BA SMOS TE, BRJOD PAR BYA BA CHOS MTHUN PA NYID DANG LDAN PA'I SBYOR BA BYAS PA LA YANG DON GYIS TE SHUGS KYIS NA, CHOS MI MTHUN PA NYID LDOG PA RTOGS PAR 'GYUR RO, ,NI'I DON NI GANG GI PHYIR TE, DE LTA NA NI DE BAS NA TSUL GSUM PA'I RTAGS 'CHAD PA NYID YIN NO, ,GAL TE YANG RJES SU 'GRO BA LA LDOG PA MA SMRAS SU ZIN KYANG RJES SU 'GRO BA'I TSIG GI SHUGS NYID KYIS KHONG DU CHUD PAR 'GYUR RO, ,JI LTA ZHE NA, BLOS RTOGS PA'I LDOG PA DE MED NA SGRUB PAR BYED PA LA GTAN TSIGS RJES SU 'GRO BA BLOS YID CHES PA MED PA'I PHYIR RO, ,BSGRUB PAR BYA BA LA GTAN TSIGS NGES PAR NI RJES SU 'GRO BA'I TSIG LAS KHONG DU CHUD PAR BSGRUB PAR BYA BA MED NA SGRUB PAR BYED PA YOD PAR DOGS PA MI BYA STE, DE LTAR MA YIN NA BSGRUB PAR BYA BA LA NGES PA NYID YIN PAR MI RTOGS PAR 'GYUR RO, ,BSGRUB PAR BYA BA MED NA SGRUB PAR BYED PA MED BAR RTOG PA YANG LDOG PA RTOGS PA YIN TE, DE BAS NA RJES SU 'GRO BA'I TSIG LAS BSGRUB PAR BYA BA LA SGRUB BAR BYED PA YOD PAR RJOD PA'I SHUGS KYIS LDOG PA RTOGS PA YIN NO, ,DE BZHIN DU ZHES BYA BA NI RJES SU 'GRO BA'I TSIG LA JI LTA BA DE BZHIN DU DON GYIS NA CHOS MI MTHUN PA CAN GYI SBYOR BA RJES SU 'GRO BA MA BRJOD DU ZIN KYANG RTOGS SO, ,JI LTA BU ZHE NA, BLOS BZUNG BA'I RJES SU 'GRO BA DE MED NA NI BSGRUB PAR BYA BA MED NA GTAN TSIGS MED PA NYID DU MI 'GRUB STE, KHONG DU CHUD PAR MI 'GYUR BA'I PHYIR RO, , @67A *, ,GTAN TSIGS MED PA LA BSGRUB BYA MED PA NGES PAR NI LDOG PA'I TSIG LAS KHONG DU CHUD PAS GTAN TSIGS YOD PA LA BSGRUB PAR BYA BA MED PAR DOGS PAR MI BYA STE, DE LTAR MA YIN NA GTAN TSIGS MED PA LAS NGES PAR MI 'GYUR RO, ,GTAN TSIGS YOD NA YANG BSGRUB PAR BYA BA YOD PAR RTOGS KYANG RJES SU 'GRO BA RTOGS PA YIN TE, DE BAS NA LDOG PA'I TSIG LA SGRUB PAR BYED PA MED PA LAS BSGRUB PAR BYA BA MED PAR NGES PAR BRJOD PA'I SHUGS KYIS RJES SU 'GRO BA RTOGS PA YIN NO, ,CI STE NAM MKHA' LA SOGS PA LAS BSGRUB PAR BYA BA MED NA SGRUB PAR BYED PA MED DU ZIN KYANG, DE LTA MOD KYI 'ON KYANG CI'I PHYIR GTAN TSIGS YOD NA BSGRUB PAR BYA BA YOD CE NA, RANG BZHIN 'BREL PA MED NA NI ZHES BYA BA SMOS TE, GANG GI PHYIR DE'I RANG BZHIN GYIS 'BREL PA GANG YIN PA DE MED NA BSGRUB PAR BYA BA CIG SHOS LOG PAS SGRUB PAR BYED PA GZHAN NGES PA DANG LDAN ZHING NGES PA CAN DU LOG PA MA YIN NO, ,'BREL PA THAMS CAD KYI RANG BZHIN 'BREL PA DE YANG RNAM PA GNYIS TE GANG LA DE'I BDAG NYID KYI MTSAN NYID RGYU MTSAN DU YOD PA DE LA DE SKAD CES BYA'O, ,GANG LA DE LAS MTSAN NYID YOD PA DE LA DE SKAD BYA STE, GANG ZHIG GANG DU 'BREL PA'I YUL GYI DON DE NI RANG BZHIN NAM RGYU YIN TE, GZHAN DU 'BREL PA NYID MI 'THAD PA'I PHYIR RO, ,DE BAS NA RNAM PA GNYIS YIN NO ZHES BSGRUB PAR BYA BA'I DON RTAGS 'BREL PA DE YANG ZHES BYA BA DER BSHAD ZIN TO, ,NI ZHES BYA BA NI GANG GI PHYIR GYI DON TE, GANG GI PHYIR RANG BZHIN 'BREL PA YOD NA BZLOG PAR BYA BA DANG LDOG PAR BYED PA YOD PA YIN PA DE BAS NA BSGRUB PAR BYA BA LOG NA SGRUB PAR BYED PA LDOG PAR BRJOD PAS NI ZLOG PAR BYED PA GNYIS KYI 'BREL PA BSTAN PAR BYA BA YIN TE, CI STE SGRUB PAR BYED PA BSGRUB PAR BYA BA DANG 'BREL PA YIN PA DE LTA NA NI BSGRUB PAR BYA BA LA LOG PA NA NGES PAR LDOG PAR 'GYUR RO, ,GANG GI PHYIR 'BREL PAR BYA BA YIN PA DE LTAR NA BSGRUB PAR BYA BA LOG NA SGRUB PAR BYED PA LOG PA'I TSIG GANG YIN PA DE 'BREL PA BSTAN PAS BSDUS PA YIN LA, GANG YANG DES BA SDUS PA 'BREL PA BSTAN PA DE NYID RJES @67B SU 'GRO BA'I TSIG YIN NO, ,'BREL PA YANG NGES PA BSTAN PAR BYA BA YIN TE, DE LTAR NA BRJOD PAR BYA BA NI RJES SU 'GRO BA YIN NO, ,GANG YI PHYIR DPE LA TSAD MAS 'BREL PA BSTAN PA NYID RJES SU 'GRO BA YIN GYI, GZHAN NI GANG YIN TE, DE BAS NA BZLOG PAR BYA BA DANG ZLOG PAR BYED PA DAG 'BREL BAR BYED PAR SHES PAR BYA'O, ,DE LTAR NA YANG RJES SU 'GRO BA NYID KYANG SHES PAR 'GYUR RO, ,DE LTA BAS NA ZHES BYA BA'I SGRA NI RGYU'I DON TE, GANG GI PHYIR RJES SU 'GRO BA LA YANG LDOG PA RTOGS LA, LDOG PAS KYANG RJES SU 'GRO BA RTOGS PA DE BAS NA TSIG GCIG GIS KYANG MTHUN PA'I PHYOGS DANG MI MTHUN PA'I PHYOGS LA YOD PA DANG MED PA GNYI GA BSTAN PA YIN NO, ,'DI BRJOD BYAR YIN PA'I PHYIR NA RJES SU 'GRO BA'I SGO STE, THABS GANG LA YOD PA DE NI RJES SU 'GRO BA'I SGO CAN TE DAG GO, ,DE BZHIN DU LDOG PA'I SGO STE THABS GANG YOD PA ZHES BYA BA, BAS ZHES BYA BA NI RGYU'I DON TE, GANG GANG GI PHYIR GCIG GIS KYANG GNYI GA RTOGS PA DE BAS NA SGRUB PAR BYED PA'I TSIG GCIG LA RJES SU 'GRO BA DANG LDOG PA'I TSIG GI SBYOR BA GNYI GA NGES PAR BYA BA MED DE, DON RTOGS PAR BYED PA'I PHYIR SGRA SBYOR BAR BYED PA YIN LA, DON KYANG RTOGS ZIN NA SBYOR BAS CI ZHIG BYA STE, RJES SU 'GRO BA'I TSIG GCIG PO ZHIG SBYOR BAR BYA'O, ,MI DMIGS PA LA YANG LDOG PA BSTAN PA'I SGO NAS RJES SU 'GRO BA RTOGS PA YIN TE, GANG YOD PA LA DMIGS PA'I RIG BYAR GYUR PA ZHES BYA BA NI BSGRUB PAR BYA BA MED PA'I THA SNYAD DU RUNG BA NYID LOG BA'I RANG BZHIN BLTAR RUNG BA YOD PA NYID BSTAN PA'O, ,DE NI DMIGS PA KHO NAR 'GYUR RO ZHES BYA BA NI MI DMIGS PA LOG PA'I RANG BZHIN MI DMIGS PA NYID BRJOD PA'O, ,DES NA 'DIS NI BSGRUB PAR BYA BA LOG PA LA SGRUB PAR BYED PA LOG PAS KHYAB PA BSTAN TO, ,CI STE SGRUB PAR BYED PA YOD KYANG BSGRUB PAR BYA BA LDOG PAR 'GYUR NA NI SGRUB PAR BYED PA MED PAS KHYAB PA MA YIN PAR 'GYUR RO, ,DE BAS NA KHYAB PA BSTAN BA KHONG DU CHUD PAR BYED PAS SGRUB PAR BYED PA YOD PA LA NI BSGRUB PAR BYA YOD PAS KHYAB PA BSTAN PAR BYA'O, ,DE BAS NA DE 'DRA BA MI DMIGS PA @68A *, ,NI ZHES BYA BA SMOS TE, SNANG BA MED DO ZHES BYA BAR YID CHES PA LA RJES SU 'GRO BA SGRUB PA'O, ,GANG GI PHYIR SGRUB PAR BYED PA NI BSGRUB PAR BYA BA'I CHOS DANG, DE'I BDAG NYID DANG DE LAS BYUNG BA GNYIS KYI 'BREL PAR RTOGS PAR BYA BA YIN PA DE'I PHYIR, SBYOR BA GNYI GA LA YANG PHYOGS BSTAN PAR BYA BA NGES PA MED DO, ,BSGRUB PAR BYA BA NGES PAR RTOGS PA'I SGRUB PAR BYED PA GANG YIN PA DE NYID CHOS CAN LA MTHONG BA LAS BSGRUB PAR BYA BA RTOGS PA'I PHYIR TE, DES NA BSGRUB PAR BYA BA BSTAN PAS NI CI YANG BYAR MED DO, ,DE BAS BSGRUB PAR BYA BA BSTAN PA'I DGOS PA MED DO, ,DON 'DI NYID MI DMIGS PA'I SBYOR BA LA STON TO, ,CHOS MTHUN PA NYID CAN GYI SBYOR BA LA SHUGS KYIS PHYOGS 'DI NI BUM PA MED DO ZHES BYA BAR 'GYUR RO, ,SHUGS DE CI ZHE NA, DMIGS PA'I MTSAN NYID DU GYUR PA GANG YANG MA DMIGS PA ZHES BYA BA NI MI DMIGS PA RJES SU BRJOD PA'O, ,DE NI MED PA'I THA SNYAD KYI YUL YIN PA LA ZHES BYA BA DE NI MED PA'I THA SNYAD DU RUNG BA NYID SGRUB PA'O, ,DE LTA YIN DANG SNANG BA MI DMIGS PA LA NI MED PA'I THA SNYAD DU RUNG BA NYID KYIS KHYAB PAR BSTAN PA YIN NO, ,'DI NA YANG DMIGS PA'I MTSAN NYID DU GYUR PA ZHES BYA BA LA SOGS PAS BSGRUB PAR BYA BA'I CHOS CAN LA RTAGS YOD PAR BSTAN TO, ,CI STE BSGRUB PAR BYA BA'I CHOS CAN DE LA BSGRUB PAR BYA BA'I CHOS MED NA NI SGRUB PAR BYED PA'I CHOS KYANG MED PAR 'GYUR RO, ,SGRUB PAR BYED PA'I CHOS NI BSGRUB PAR BYA BA'I CHOS LA NGES PA'I PHYIR ZHES BYA BA NI SHUGS YIN NO, ,CHOS MTHUN PA NYID CAN GYI SBYOR BA LA JI LTA BA BZHIN DU CHOS MI MTHUN PA NYID CAN GYI SBYOR BA LA YANG SHUGS NYID KYIS 'DIR YOD PA'I THA SNYAD KYI YUL BUM PA YOD PA MA YIN NO ZHES BYA BAR 'GYUR RO, ,SHUGS BSTAN PA'I PHYIR YOD PA'I THA SNYAD KYI YUL ZHES BYA BA SMOS TE, YOD PA'AM DMIGS PA'I MTSAN NYID DU GYUR PA ZHES BYA BA NI SNANG BA ZHES BYA BA YIN TE, 'DI BSGRUB PAR BYA BA LA LOG PA YIN NO, ,DMIGS PA KHO NAR GYUR NA ZHES BYA BA NI SGRUB PAR BYED PA LOG PA'O, ,'DIS NI BSGRUB PAR BYA BA LOG PA LA SGRUB PAR BYED PA LOG PAS KHYAB PA @68B BSTAN TO, ,'DI NA DE 'DRA BA'I BUM PA MI DMIGS SO ZHES BYA BA NI JI LTAR GZHAN NA SNANG BA MI DMIGS PA DE LTAR PHYOGS 'DI NA SNANG BA DE 'DRA BA'I BUM PA MI DMIGS SO ZHES BYA BA YIN NO, ,'DIS NI BSGRUB PAR BYA BA'I CHOS CAN LA BSGRUB PAR BYA BA LOG PA'I KHYAB PAR BYED BSGRUB PAR BYED PA LOG PA MED PAR BSTAN TO, ,CI STE BSGRUB PAR BYA BA'I CHOS CAN LA BSGRUB PAR BYA BA'I CHOS MED NA NI SGRUB PAR BYED PA'I CHOS KYANG MED PAR 'GYUR NA SGRUB PAR BYED PA'I CHOS CAN NI YOD DO ZHES BYA BA NI SHUGS YIN NO, ,DE BAS NA SHUGS KYIS 'DI NA BUM PA ,DE DO ZHES BYA BAR KHONG DU CHUNG PAR 'GYUR BAS PHYOGS MI BSTAN PA YIN NO, ,DE BZHIN DU 'BRAS BU DANG RANG BZHIN GYI GTAN TSIGS LA YANG DE KHONG DU CHUNG BAR 'GYUR BAS PHYOGS MI BSTAN TO, ,PHYOGS ZHES BYA BA'I SGRA 'DIS DON JI LTA BU ZHIG BSTAN PAR BYA BA YIN BRJOD PAR BYA BA YIN ZHE NA, RANG GI NGO BO KHO NAR ZHES SMOS TE, BSGRUB PAR BYA BA'I KHO NAR RO, ,BDAG NYID DANG ZHES BYA BA NI RGOL BA'O, ,'DOD PA ZHES BYA BA NI SMRAS PA 'GA' ZHIG MA YIN GYI, 'DOD PA YANG YIN NO ZHES BYA BA'I DON TO, ,DE LTA BU DE YANG MNGON SUM LA SOGS PAS MA BSAL BA'I DON GANG YIN PA DE PHYOGS ZHES BRJOD DO, ,CI STE PHYOGS BSTAN PAR BYA BA MA YIN NA GO JI LTAR MI BSTAN PAR BYA BA'I MTSAN NYID BRJOD CE NA, SGRUB PAR BYED PA'I RANG GI YAN LAG YIN PA'I PHYIR 'DI'I MTSAN NYID BSTAN PA NI MA YIN GYI, 'ON KYANG KHA CIG BSGRUB PAR BYA BA MA YIN PA LA NI BSGRUB PAR BYA BA DANG, BSGRUB PAR BYA BA LA YANG BSGRUB PAR BYA BA MA YIN PAR SHES TE, DE BAS NA BSGRUB PAR BYA BA DANG BSGRUB PAR BYA BA MA YIN PA DE LA LOG PAR RTOG PA BSAL BA'I PHYOGS KYI MTSAN NYID BSTAN TO, ,RANG GI NGO BOR 'DOD PA ZHES BYA BA 'DI'I BSHAD PA NI, BSGRUB PAR BYA BA NYID DU 'DOD PA YIN GYI ZHES BYA BA YIN TE, PHYOGS LA NI BSGRUB PAR BYA BA'I CHOS YIN PA'I PHYIR NGO BO GZHAN MED DO, ,DE BAS NA RANG GI NGO BO NI BSGRUB PAR BYA BA NYID YIN NO, ,KHO NA'I SGRA'I BSHAD PA'I PHYIR, RANG GI NGO BO KHO NA ZHES BYA BA SMOS TE, KHO NA'I SGRA'I LOGS SHIG TU BSHAD PAR BYA BA MA YIN NAM, CI'I PHYIR RANG GI NGO BO'I SGRA DANG 'BREL PAR BSHAD CE NA, @69A *, ,BRJOD PA KHO NA'I SGRA NI GSAL BAR BYED PA'I TSIG GI PHRAD YIN PAS TSIG GZHAN GYIS BRJOD PAR BYA BA'I DON GYI KHYAD PAR GSAL BAR BYED PA YIN TE, DES NA KHYAD PAR CAN BRJOD PA'I TSIG GZHAN DANG LHAN CIG GCIG TU BSTAN TO, ,SGRUB PA NYID YIN YANG RUNG BA NI MA YIN TE ZHES BYA BA NI SGRUB PAR BYED PA NYID DU 'DOD PA YIN LA, MA GRUB PA YIN PA'I PHYIR NA BSGRUB PAR BYA BA NYID DU YANG 'DOD PA DE BSAL BA'I PHYIR, KHO NA'I SGRA SMOS SO, ,DE'I DPE BSTAN PA'I PHYIR DPER NA SGRA MI RTAG PA NYID DU BSGRUB PAR BYA BA LA GTAN TSIGS MIG GIS GZUNG BA NYID SGRA LA MA GRUB PA'I PHYIR BSGRUB PAR BYA BA YIN NA NI ZHES BYA BA 'DI NI BSGRUB PAR BYA BA NYID DU 'DOD PA BSTAN TO, ,DE ZHES BYA BA NI MIG GIS BZUNG BA NYID LA BYA'O, ,'DIR NI ZHES BYA BA NI SGRA LA BYA'O, ,BSGRUB PAR BYA BA KHO NAR NI MI 'DOD DO ZHES BYA BA NI BSGRUB PAR BYA BA NYID DU 'DOD PA'I NGES PA MED PAR STON PA'O, ,SGRUB PA KHO NAR BRJOD PA'I PHYIR ZHES BYA BA NI GANG GI PHYIR SGRUB PAR BYED PA NYID DU YANG 'DOD PA YIN GYI, BSGRUB PAR BYA BA KHO NAR NI MA YIN NO, ,BDAG NYID CES BYA BA 'DIS NI RANG NYID KYI SGRA BSHAD BYAR BKOD NAS DE'I DON BSTAN PA'I PHYIR, RGOL BAS ZHES BYA BA SMOS SO, ,RANG NYID CES BYA BA'I TSIG PHRAD KYI SGRA NI BDAG NYID KYI ZHES DRUG PA'I DON DANG, BDAG NYID CES GSUM PA'I DON LA 'JUG GO, ,DES NA 'DIR NI RANG NYID KYI SGRAS GSUM PA'I MTHA' CAN GYI RANG NYID KYI SGRA'I DON LA 'JUG PA YIN NO, ,BDAG NYID KYI SGRA NI 'BREL BA CAN GYI SGRA YIN LA, NYE BA YANG RGOL BA YIN PA DE'I PHYIR RGOL BA GANG GI BDAG NYID GSUM PA'I DON DU BRJOD PA DE NYID RGOL BAS ZHES GSUM PA'I DON DANG LDAN PAR BSTAN PA YIN GYI, RGOL BA'I ZHES BYA BA 'DI RANG NYID KYI SGRA'I RNAM GRANGS NI MA YIN NO, ,RGOL BA DE YANG YIN ZHE NA, DE'I TSE BSGRUB PA SMRA BA GANG YIN PA'O ZHES BYA BA SMOS TE, RTZOD PA'I TSE NA BSGRUB PA SMRAS PA GANG YIN PA'O, ,'DIS NI RGOL BA DU MA YOD PA'I LAS RANG NYID SGRAS BRJOD PAR BYA BA'I RGOL BA'I KHYAD PAR DU BYAS PA'O, ,GAL TE DE LTAR NA RGOL BA'I 'DOD PA BSGRUB BYA YIN NO ZHES BRJOD PAR 'GYUR NA, BRJOD PA DE @69B NYID KYIS JI LTAR 'GYUR ZHE NA, 'DIS RTZOD PA'I DUS DE'I TSE RGOL BA 'DIS NI BSGRUB PAR BYA BA NYID DU RANG 'DOD PA'I CHOS GANG YIN PA DE KHO NA BSGRUB PAR BYA BA YIN GYI, CHOS CIG SHOS NI MA YIN NO ZHES BSTAN PA YIN TE, TSIG 'DI'I 'BRAS BU NI RGOL BAS MI 'DOD PA'I CHOS BSGRUB PAR BYA BA NYID BKAG PA NYID YIN NO ZHES BYA BA'I DON TO, ,'ON TE BSGRUB PAR BYA BA NYID DU SRID PA'I CHOS GZHAN GANG NA YOD PA DE BSAL BA'I PHYIR 'DI BRJOD CE NA, BSTAN BCOS DE BYED PAS ZHES BYA BA SMOS TE, RGOL BA DES BSTAN BCOS DE BYED PAS BSGRUB PAR BYA BA'I CHOS CAN DE LA CHOS DU MA KHAS BLANGS PA NA CHOS GZHAN BSGRUB PAR BYA BA NYID DU SRID PA MA YIN NO, ,'DI LTAR GANG GIS BSTAN BCOS GANG ZHIG KHAS BLANGS PA DE LAS BSGRUB PA'I CHOS DE THAMS CAN DE BSGRUB PAR BYA BA YIN NO ZHES LOG PAR RTOG PA YOD PAS NA CHOS MANG PO ZHIG KHAS BLANGS SU ZIN KYANG RGOL BA'I 'DOD PA GANG YIN PA DE NYID BSGRUB PAR BYA BA YIN GYI, GZHAN NI MA YIN NO ZHES BYA BAR SBYAR BA YIN NO, ,DNGOS PO'I STOBS KYIS ZHUGS PA'I RTAGS NI BSTAN BCOS LA MI LTOS PA MA YIN NAM, DE LTA BAS NA LTOS BAR BYED PA MA YIN PA'I PHYIR BSTAN BCOS LA GNAS TE BTZAD PAR BYA BA MA YIN NO ZHE NA, BDEN MOD KYI, GAL TE YANG GZU LUMS KYIS BSTAN BCOS 'GA' ZHIG LA GNAS PAR 'GYUR BAS NA BSTAN BCOS 'GA' ZHIG KHAS BLANGS NAS, SGRUB PAR SMRA BA DE LTA NA YANG DE'I 'DOD PA GANG YIN PA DE NYID BSGRUB PAR BYA BA YIN NO ZHES BYA BA'I PHYIR 'DI SMOS SO, ,'DOD PA ZHES BYA BA 'DOD PA'I SGRAS BLANGS NAS 'CHAD PA'I DON BDAG GANG LA 'GAL BA'I RTZOD PA RTZOM PA STE, BDAG MED DO ZHES BDAG 'GOG PAR SMRA BA NI BDAG YOD PAR SMRA BA DANG 'GAL BA YIN NO, ,SGRUB PA DANG 'GOG PA GNYIS 'GAL BA'I PHYIR RO, ,RTZOD PA'I RGYU DES SGRUB PA BKOD PA'I DON BDAG DE SGRUB PA STE; NGES PAR 'DOD PA'I RGOL BAS NI DON DE BSGRUB PAR BYA BA YIN NO ZHES 'DOD PA'I SGRAS BRJOD PAR 'GYUR RO, ,BRJOD PAR RO ZHES MTHAR SMOS PA'I 'GYUR RO'I SGRA 'DIR 'BREL PA DAG BRJOD PAR BYA'O, ,GAL TE YANG GI DON GYI RJES SU DPAG PA LA SMRAS PA KHO NA BSGRUB PAR BYA BA RIGS @70A *, ,MOD KYI; 'ON KYANG TSIG GIS MA SMRAS SU ZIN KYANG DE NI SHUGS KYIS SMRAS PA'I PHYIR BSGRUB PAR BYA BA KHO NA YIN NO, ,CI'I PHYIR ZHE NA, DE NI ZHES BYA BA LA SOGS PA SMOS TE, DE NI ZHES BYA BA NI DON DE'O, ,GANG GI GZHI RTEN YIN PAS DE'I RTZOD PA'I GZHI YIN NO, ,DE'I DNGOS PO NI DE NYID DE DE BAS NA'O, ,'DI SKAD BSTAN TE, GANG GI PHYIR RTZOD PA BSAL BAR 'DOD DE RGOL BAS SGRUB PA BKOD PA DE BAS NA RTZOD PA'I ZHI GANG YIN PA DE NYID BSGRUB PAR BYA BA YIN NO, ,'DI LTAR 'GAL BA'I RTZOD PA BSAL BA'I DON DU BSGRUB PA BKOD DE, GAL TE BSGRUB PAR BYA BA MA YIN NA DA BSGRUB PAR BYA BAR RIGS NGES PA GZHAN 'DI CI ZHIG YOD CES BYA BA'O, ,DPER NA 'DUS PA YIN PA'I PHYIR MIG LA SOGS PA NI GZHAN GYI DON BYED DE ZHES BYA BA NI GZHAN GYI DON RJES SU DPAG PA LAM SMRAS SU ZIN KYANG SGRUB PAR BYA BA YIN PAR SNANG BA'I DPER BYED DO, ,MIG LA SOGS PA GANG DAG YIN PA RNAM PA LA SOGS PA DE NI MIG LA SOGS PA ZHES BYA BA STE CHOS CAN NO, ,'DI GZHAN GYI CHED YIN PAS GZHAN GYI DON ZHES BYA BA STE, GZHAN GYI DON BYED PA NYID NI BSGRUB PAR BYA BA'O, ,'DUS PA YIN PA'I PHYIR RO ZHES BYA BA NI GTAN TSIGS SO, ,MAL CHA DANG , STAN LA SOGS PA'I YAN LAG BZHIN NO ZHES BYA BA NI KHYAB PA'I YUL STON TO, ,MAL CHA DANG STAN DE DAG LA SOGS PA GANG DAG YIN PA DE DAG NI MAL CHA DANG STAN LA SOGS PA STE, SKYES BU NYE BAR LONGS SPYOD PA'I YAN LAG 'DUS PA'I NGO BO YIN PA DE BZHIN DU TSAD MA 'DIR GAL TE YANG MIG LA SOGS PA NI BDAG GI DON BYED PA YIN NO ZHES BDAG GI DON NYID MI BRJOD MOD KYI, MA BRJOD KYANG BSGRUB PAR BYA BA NI BDAG GI DON NYID YIN NO, ,'DI LTAR GRANGS CAN RNAMS KYIS NI BDAG YOD PAR SMRAS LA, DE DANG MI MTHUN PA SANGS RGYAS PA RNAMS KYIS NI BDAG MED DO ZHES SMRAS SO, ,DE BAS NA GRANGS CAN RNAMS KYIS RANG GI SMRA BA DANG MI MTHUN PAS SANGS RGYAS PA RNAMS KYIS SMRA BA GANG YIN RGYUR BYAS NAS MTHUN PAR SMRA BA BSAL BA'I PHYIR DANG, RANG GI SGRA GZHAG PA'I PHYIR SGRUB PA BKOD DE DE BAS NA MA SMRAS SU ZIN KYANG BDAG DI DON NYID BSGRUB PAR BYA BA YIN TE, DE NI RTZOD BA'I GZHI YIN PA'I PHYIR RO, , @70B MAL CHA DANG STAN LA SOGS PA SKYES BU LA MKHO BA'I YAN LAG RNAMS NI 'DUS PA NYID BDAG GI DON NYID DANG RJES SU 'GRO BA MA GRUB PA LA GZHAN GYI DON TZAM DANG NI GRUB PA DE BAS NA, GZHAN GYI DON ZHES SMRAS SO, ,MIG LA SOGS PA ZHES BYA BA 'DIR SOGS PA SMRAS PA NI RNAM PAR SHES PA YANG GZHAN GYI DON BYED PA GRUB PAR 'DOD DE, ,RNAM PAR SHES PA LAS GZHAN PA NI BDAG KHO NA YIN PAS RNAM PAR SHES PA GZHAN GYI DON BYED DO ZHES GRUB PA'I SHUGS KYIS MIG LA SOGS PA BDAG GI DON NYID DU GRUB PAR 'GYUR RO SNYAM DU BSAMS NAS, GZHAN GYI DON BYED CES SMOS PA BYAS SO, ,'DOD PA BSGRUB BYAR BRJOD PA DES NA SMRAS PA TZAM KHO NA BSGRUB PAR BYA BA MA YIN GYI, 'ON KYANG PHYIR RGOL GYI RTZOD PA'I GZHI YIN PA'I PHYIR NA RGOL BAS BSGRUB BYAR 'DOD PAR SKABS KYIS RTOGS PAR BYA BA NI SMRAS SAM MA SMRAS KYANG RUNG BSGRUB BYA YIN PAR BSTAN PA YIN NO, ,MA BSAL BA ZHES BYA BA NI BSHAD PAR BYA'O, ,MTSAN DE DAG CES BYA BA NI BSGRUB PAR BYA BA NYID DU 'DOD PA LA SOGS PA'I MTSAN NYID SMRAS PA GANG YIN PA THAL MA THAG PA'O, ,MTSAN NYID DE DAG DANG LDAN PA YIN DU ZIN KYANG PHYOGS MA YIN DU ZIN PA'I PHYIR KHONG DU CHUD PAR BYA BA'I PHYIR MA BSAL BA ZHES BYA BA SMOS SO, ,SGRUB PAR 'DOD DU ZIN KYANG PHYOGS MA YIN PA CI 'DRA BA ZHIG CE NA, SGRUB PAR 'DOD PA'I DON MNGON SUM DANG RJES SU DPAG PA DANG GRAGS PA DANG RANG BZHIN TSIG RNAMS TE, DE DAG GIS SEL BA'I PHYIN CI LOG TU SGRUB PA DE NI PHYOGS MA YIN NO, ,DE LA ZHES BYA BA NI MNGON SUM LA SOGS BZHIS BSAL BA DE LA'O, ,MNGON SUM GYIS BSAL BA CI 'DRA BA ZHE NA, DPER NA ZHES BYA BA SMOS TE, DPER NA 'DI MNGON SUM GYIS BSAL BA YIN PA DE BZHIN DU GZHAN LA YANG BLTA BAR BYA'O ZHES BYA BA NI DPER NA SGRA'I DON RNA BAS GZUNG DU RUNG BA NI NYAN DU RUNG BA'O, ,MNYAN DU RUNG BA MA YIN PA NI MNYAN DU MI RUNG BA STE, RNA BAS GZUNG BA MA YIN NO ZHES BYA BA NI DAM BCAS PA'I DON TO, ,SGRA RNA BAS GZUNG BAR MI RUNG BA NI SGRA RNA BAS GZUNG BAR BYAR RUNG MNGON SUM DU GRUB PA DANG 'GAL LO, ,RJES SU DPAG PAS BSAL BA NI SGRA RTAG GO ZHES BYA BA LTA BU STE SGRA RTAG PA NYID DU DAM BCA' BA NI MI RTAG PA NYID DU RJES SU DPAG PAS GRUB PA @71A *, ,BSAL TO, ,GRAGS PAS BSAL BA NI RI BONG CAN NI ZLA BA'I SGRAS BRJOD PAR BYA BA MA YIN NO ZHES BYA BA NI DAM BCA' BA'I DON YIN NO, ,'DI NI GRAGS PAS BSAL BA YIN TE, GRAGS PA NI RNAM PAR RTOG PA'I RNAM PAR SHES PA'I YUL TE DON LA BRJOD DO, ,GRAGS PA STE RTOG PAR BYA BA NYID NI RNAM PAR RTOG PA'I RNAM PAR SHES PA'I YUL DU BRJOD PA YIN LA RTOGS PAR BYA BA'I RANG BZHIN RNAM PAR RTOG PA'I RNAM PAR SHES PA'I YUL NYID DE SA NI RI BONG CAN GYI ZLA BA'I SGRAS BRJOD PAR BYA BA NYID DU GRUB PA YIN NO, ,'DI LTAR RNAM PAR RTOG PA'I RNAM PAR SHES PA'I GZUNG BAR BYA BA GANG YIN PA DE NI SGRA'I RNAM PA DANG 'DRER RUNG BA YIN LA, SGRA'I RNAM PA DANG 'DRER RUNG BA GANG YIN PA DE YANG BRDA LAS BYUNG BA'I SGRAS BRJOD PAR NUS PA YIN NO, ,DE BAS NA GRAGS PA'I RANG BZHIN RNAM PAR RTOG PA'I YUL NYID KYIS GRUB PA ZLA BA'I SGRAS BRJOD PAR BYA BA NYID NI ZLA BA'I SGRAS BRJOD PAR BYA BA MA YIN PA NYID LA GNOD PAR BYED DO, ,GRAGS PA NI RANG BZHIN GYI GTAN TSIGS KYANG YIN TE, GANG GI PHYIR BRDA LAS BYUNG BA'I SGRAS BRJOD PAR BYA BA NYID NI RNAM PAR RTOG PA'I YUL NYID TZAM DANG RJES SU 'BREL PA YIN NO, ,DE BAS NA RANG BZHIN GYI GTAN TSIGS NI DAM BCAS PA'I DON BDAG NYID KYIS RJOD PAR BYED PA'I SGRA'O, ,DES BSAL BA'I DAM BCAS PA'I DON NI BSGRUB PAR BYA BA MA YIN TE, DPER NA RJES SU DPAG PA NI TSAD MA MA YIN NO ZHES BYA BA LTA BU'O, ,'DIR DAM BCAS PA'I DON NI RJES SU DPAG PA TSAD MAS 'GOG PA'O, ,RJES SU DPAG PA TSAD MA MA YIN NO ZHES BYA BA'I RANG GI TSIG GI NGAG 'DIS DE BSAL BA YIN NO, ,'DI LTAR SBYOR BA'I NGAG 'DI NI SMRA BA PO SGRA LAS BYUNG BA'I SHES PA DON YOD PA NYID DU 'DOD PAR STON PAR BYED DE, 'DI LTAR NGA'I LAS KHYOD LA DON GANG LAS RTOG PA SKYED DE DON BDEN PA YIN NO ZHES STON PAR MI BYED NA SMRA BA PO NGAG BRJOD PA NYID DU MI 'GYUR TE; BRJOD PA'I DON BDEN PAR GZHAN GYIS SHES PAR BYA BA MA YIN NA NI BRJOD PA'I DON MED DO, ,GANG YANG NGAG SMRA BA THAMS CAD BRDZUN PA YIN NO ZHES BRJOD PA DE YANG NGAG 'DI'I DON BDEN PA NYID STON PAS NGAG BRJOD PA YIN NO, ,GAL TE NGAG 'DI'I DON BDEN PAR BSTAN NA DE LTA NA NI BDAG NYID @71B KYI NGAG KYANG GZHAN MI BDEN PAR 'GYUR GYI, GAL TE 'DI NYID KYI DON MI BDEN NA NI GZHAN MI BDEN PA'I DON CAN DU BSTAN PAR MI 'GYUR LA, DE LTA NA YANG SMRAS PA'I 'BRAS BU CI YANG MED PAS MI SMRA BAR 'GYUR RO, ,DE BAS NA NGAG LAS BYUNG BA NGAG GI DON LA DMIGS PA'I SHES PA BDEN PA'I DON CAN DU BSTAN PA KHO NAS SMRAS PA PO DAG BRJOD PA YIN NO, ,DE LTA YIN DANG SGRA'I PHYI'I DNGOS PO MED NA MI 'BYUNG BAR BSTAN PA SGRA LAS SKYES PA'I SHES PA BDEN PA'I DON DU BSTAN PAR BYA BA YIN NO, ,DE BAS NA PHYI'I DON GYI 'BRAS BU SGRA LAS SKYES PA'I SHES PA BDEN PA'I DON CAN DU STON PAS NI 'BRAS BU SHING LAS SKYES PA'I RJES SU DPAG PA SGRA LAS BYUNG BA TSAD MAR BSTAN PA YIN NO, ,DE'I PHYIR RJES SU DPAG PA NI TSAD MA YIN NO ZHES BYA BAS NI SGRA LAS BYUNG BA'I SHES PA GZUNG BAR BYA BA MED PAR BSTAN PA YIN NO, ,TSAD MA MA YIN PA NI DON MED PA NYID LA BRJOD KYI GZHAN NI MA YIN NO, ,SGRA BRJOD PA'I SHUGS KYIS KYANG RANG GI SGRA DON MED PAR MI 'BYUNG BA YIN PAR BSTAN PA YIN ZHING, DE LTA NA YANG DON YOD PAR BSTAN PA YIN NO, ,DE BAS NA DON GYI 'BRAS BUR BRTAGS PA'I SGRA LAS BYUNG BA'I DON YOD PAR DAM BCAS PAS MED PA LAS GNOD PA YIN NO, ,DE BAS NA 'DIR DE LTAR RANG GI TSIG GIS DPAG PA'I YOD PAS MED PA LA GNOD PAS RANG GI TSIG DANG 'GAL BA YIN NO ZHES BYA BA'I DON 'DI BRJOD PA YIN NO, ,GZHAN DANG NI BSAL BA'I 'BRAS BU SGRA LAS SKYES PA'I SHES PA NI BSAL BA LA DMIGS SHING DON YOD PAR 'DOD DE SGRA SBYOR BA NI DES TSAD MA MA YIN PAS DAM BCAS PA LA GNOD PA YIN NO ZHES ZER RO, ,DE NI DMIGS TE 'DI LTAR 'DIR GRAGS PA NI RANG BZHIN GYI GTAN TSIGS YIN LA, RANG GI TSIG NI 'BRAS BU'I GTAN TSIGS NYID DU BRTAGS PAR 'DOD KYI DNGOS SU NI MA YIN NO, ,BSAMS PA'I 'BRAS BU'I SGRA NI DNGOS KHO NAR 'DOD DE, DE BAS NA DE 'DIR MI GZUNG NGO, ,GZHAN YANG JI LTAR RJES SU DPAG PAR MI 'DOD PA NI DU BA MED PA MI 'KHRUL BAR MI TSOL BA DE BZHIN DU SGRA BSAM PA LA MI 'KHRUL PAR MI TSOL TE, SGRA SBYAR BA NI PHYI'I 'BRAS BU RTOGS PA'I DON DU YIN NO, ,DE BAS NA SGRA BSAM PA MED NA MI 'BYUNG BA NYID KHAS BLANGS SNGON DU @72A *, ,BTANG NAS SGRA SBYOR BA NI MA YIN NO, ,GZHAN YANG RANG GI BSAM PA RTOGS PAR BYA BA'I PHYIR SGRA BRJOD PA MA YIN GYI, 'ON KYANG PHYI'I DNGOS PO YOD PAR RTOGS PAR BYA BA'I PHYIR RO, ,DE BAS NA SGRA SBYOR BA NI PHYI'I DNGOS PO MED NA MI 'BYUNG BA NYID DU KHAS BLANGS PA SNGON DU 'GRO BA CAN YIN TE, DE LTAR NA BSHAD PA SNGA MA NYID SKYON MED DO, ,DE LTA YIN DANG MA BSAL BA ZHES SMOS PAS PHYOGS LTA BUR MNGON PAS NA, PHYOGS LTAR SNANG BA STE BSHAD MA THAG PA BZHI PO BSAL BA YIN NO, ,DE NI PHYOGS KYI MTSAN NYID KYI TSIG GIS NGAG DAG RNAM PAR GCOD PAR BYED PA DE DAG RNAM PAR GCAD PAS PHYOGS KYI DON CI 'DRA BA ZHIG THOB PA DE BSTAN PA'I PHYIR RNAM PAR GCAD PAR BYA BA BSDUS NAS BSTAN TO, ,DE LTAR NA ZHES BYA BA NI BSTAN MA THAG PA'I TSUL GYIS SO, ,GRUB BA LAS BZLOG STE PHYIN CI LOG TU 'DUG PA'I RGYUS BSGRUB PAR BYA BA YIN PAR BLTA BAR BYA STE, GRUB PA LAS BZLOG PA'I DON GANG YIN PA DE NI PHYOGS YIN NO ZHES BYA BA'I DON TO, ,GRUB PA LAS PHYIN CI LOG KYANG MA GRUB PA YIN TE, DE BAS NA MA GRUB PA NI BSGRUB PAR BYA BA YIN YANG THAMS CAD MA YIN GYI, 'ON KYANG SGRUB PAR BYED PA NYID DU BSTAN PA'I MA GRUB PA LAS KYANG BZLOG PA DANG, RGOL BA BDAG NYID KYIS BSGRUB PAR MI 'DOD PA'I MA GRUB PA LAS BZLOG PA DANG, DE BZHIN DU SMRAS PA TZAM MA GRUB PA LAS BZLOG PA DANG, DE BZHIN DU BSAL BA LAS BZLOG PA NI SGRUB PAR BYED PA YIN NO, ,RNAM PAR GCAD PA LNGA DANG 'BRAS BU'I DON GANG YIN PA 'DI NI MA GRUB PA DANG, GRUB PAR BYED PA MA YIN PA DANG, RGOL BA BDAG NYID BSGRUB PAR 'DOD PA DANG, SKABS KYIS SMRAS PA'AM MA SKYES PA DANG, MA BSAL BA NI BSGRUB PAR BYA BA YIN TE, DON NI DE NYID NI NGO BO KHO NAR BDAG NYID 'DOD PA MA BSAL BA ZHES BYA BA'I TSIG DE DAG GIS BRJOD PA YIN NO ZHES BYA BA'I DON TO, ,PHYOGS ZHES BRJOD PA GANG YIN PA DE NI SGRUB PAR BYED PA 'DI YIN NO, ,DE LTAR NA GANG ZHES BYA BA'I SGRA NI, DE BAS NA ZHES BYA BA'I DON TO, ,PHYOGS KYI MTSAN NYID KHA NA MA THO BA MED PA ZHES BYA BA NI KHA NA MA THO BA NYES PA MED PA GANG YIN PA DE NI KHA NA MA THO BA MED PAR BSTAN PA BSHAD PA @72B YIN NO; ,TSUL GSUM PA'I RTAGS BSHAD PA RDZOGS TE, ZHAR LA 'ONGS PA'I PHYOGS KYI MTSAN NYID BRJOD NAS, GTAN TSIGS LTAR SNANG BA BRJOD PAR 'DOD DE, GZHAN GYI DON GYI RJES SU DPAG PA'I NI TSUL GSUM PA'I RTAGS PA ZHES BYA BA LA SOGS PA DE DAG GI SKABS 'BYED BAR BYED DO, , 'DI LTAR BSTAN TE, TSUL GSUM PA'I RTAGS 'CHAD PAR 'DOD PAS RJOD PAR BYA BA YIN LA, CI STE DE NYID DANG DE DANG CHA 'DRA BA YANG BRJOD NA NI SPANG BAR BYA BA SHES PA DE DANG BRAL BA'I BLANG BAR BYA BA BDE BLAG TU SHES PAR 'GYUR BA DE LTAR NA DE BSAL BAR SMRAS PA YIN NO, ,GZHAN GYI DON GYI RJES SU DPAG PA NI TSUL GSUM PA BRJOD PA STE ZHES SNGAR SMRAS ZIN TO, ,DE LA ZHES BYA BA NI DE LTAR YIN PA NA STE, GZHAN GYI DON GYI RJES SU DPAG PA TSUL GSUM PA'I RTAGS BRJOD PA YIN PAS NA ZHES BYA BA'I DON TO, ,TSUL GSUM PA'I NANG NAS GCIG MA SMRAS NA YANG ZHES BYA BA LA, YANG GI SGRAS GNYIS KYANG RUNG STE, BSGRUB PA LTAR SNANG BA YIN TE, SGRUB PA DANG 'DRA BA YIN GYI SGRUB PA MA YIN NO ZHES BYA BA'I THA TSIG STE, TSUL GSUM LAS SGRUB PA MA RDZOGS PA'I NYES PA YIN NO, ,MA SMRAS PA 'GA' ZHIG TU MA ZAD KYI, SMRAS KYANG MA GRUB PA'AM THE TSOM ZA NA YANG NGO, ,SU'I ZHE NA; SMRAS PA, GO BAR BYED PA SLAR RGOL BA DANG, GO BAR BYED PA RGOL BA GNYIS KYI GTAN TSIGS LTAR SNANG BA YIN NO, ,'ON TE TSUL GANG MA GRUB PA'AM THE TSOM ZA BA YIN, GTAN TSIGS LTAR SNANG BA'I MING CI YIN ZHE NA, CHOS CAN DANG 'BREL PA'I TSUL GCIG MA GRUB PA'AM ZHES BYA BA SMOS TE; CHOS CAN DANG LHAN CIG TU 'BREL PA NI CHOS CAN DANG 'BREL BA YIN TE, GTAN TSIGS CHOS CAN LA YOD PA LA BYA'O, ,DE MA GRUB PA'AM THE TSOM ZA NA MA GRUB PA ZHES BYA BA SMOS TE, CHOS CAN LA MA GRUB PA NYID KYI PHYIR MI RTOGS PA'I RGYU YIN NO, ,BSGRUB PAR BYA BA DANG 'GAL BAR RTOGS PA'AM THE TSOM GYI RGYU NI MA YIN GYI, 'ON KYANG MI RTAG PA'I RGYU YIN TE, 'DI LAS DON 'GA' YANG MI RTOGS SO, ,DON 'DI YANG MA GRUB PAR MING BTAGS PA NYID LAS RTAG PAR BYA'O, ,DPE BSTAN PA'I PHYIR, DPER NA ZHES BYA BA LA SOGS PA SMOS SO, ,SGRA MI RTAG @73A *, ,PA'O ZHES BYA BA SGRA MI RTAG PA NYID KYIS BYE BRAG CAN DU BSGRUB PAR BYA BA LA MIG GIS GZUNG BA NYID MIG GI YUL NYID NI SGRA LA RGOL BA DANG PHYIR RGOL BA GNYIS KA YANG MA GRUB PA LTA BU'O, ,SHING RNAMS LA SEMS YOD PAR ZHES BYA BA NI SHING SEMS YOD PAR BSGRUB PAR BYA BA LA; SHUN PA THAMS CAD NI SHUN PA THAMS CAD YIN TE, DE BSHUS PAR GYUR NA 'CHI BAR NAM MKHA'I GOS CAN DAG GIS SMRAS PA NI PHYIR RGOL BA SANGS RGYAS PA RNAMS LA MA GRUB PO, ,CI'I PHYIR MA GRUB CE NA, BSHAD PA, DE NI RNAM PAR SHES PA DANG, DBANG PO DANG, TSE ZHES ZLAS DBYI BA'O, ,DE LA RNAM PAR SHES PA NI DMIGS PAR SKYED PA'O, ,GZUGS LA SOGS PA'I RNAM PAR SHES PA LAS DPAG TU YOD PA GANG YIN PA LUS KYI NANG DU 'DUS PA MIG GI 'BRAS BU LA SOGS PAR GNAS PA'I NGO BO DE NI DBANG PO YIN NO, ,TSE ZHES BYA BA NI 'JIG RTEN PA RNAMS SROG ZER RO; ,LUNG LAS GRUB PAR 'DIR BRJOD PAR 'OS PA MA YIN PA DE BAS NA 'DIR SROG GI NGO BO LA TSE ZHES BYA'O, ,DE 'GAGS SHING NUB PA'I MTSAN NYID DE KHO NA GANG YIN PA DE LA DE SKAD CES SMOS SO, ,DE LTA BU'I 'CHI BA YIN PA NI SANGS RGYAS PAS KHAS BLANGS PA'I PHYIR RO, ,DE LTAR YIN DU ZAD MOD; 'ON KYANG CI'I PHYIR MA GRUB CE NA, SMRAS PA, RNAM PAR SHES PA LA SOGS PA 'GAGS PA'I BDAG NYID DA YANG SHING DAG LA MI SRID PA'I PHYIR RO, ,'GAGS PA NI YOD PA SNGON DU SONG BA YIN TE, DES NA GANG ZHIG SHING DAG LA RNAM PAR SHES PA 'GAGS PAR 'DOD PA DE RNAM PAR SHES PA MI 'DOD PAR CI LTAR 'GYUR, DE BAS NA RNAM PAR SHES PA SHING LA YOD PAR MI 'DOD NA NI DE 'GAGS PAR YANG MI 'DOD PA YIN NO, ,SKAM PA YANG 'CHI BA ZHES BRJOD LA, DE NI SHING LA GRUB PA MA YIN NAM ZHE NA, BDEN TE, 'ON KYANG RNAM PAR SHES PA YOD PAS KHYAB PA'I SHI BA GANG YIN PA DE 'DIR GTAN TSIGS SU BYED LA, DE YOD PAS KHYAB PA YANG RNAM PAR SHES PA 'GAGS PA YIN GYI, SKAM PA TZAM NI MA YIN NO, ,DE BAS NA GTAN TSIGS 'CHI BA GANG YIN PA DE NI SHING LAM GRUB PA YIN LA, SKAM PA'I BDAG NYID 'CHI BA GRUB PA GANG YIN PA NI GTAN TSIGS MA YIN NO, ,NAM @73B MKHA'I GOS CAN GYIS NI BSGRUB PAR BYA BAS KHYAB PA 'AM MA KHYAB PA'I 'CHI BA MA BRTAGS PAR 'CHI BA TZAM GTAN TSIGS SU SMRAS PA YIN NO, ,DES NA RGOL BA 'DIS NI GTAN TSIGS SU GYUR PA'I 'CHI BA DE NI MA SHES LA, MA SHES PA'I PHYIR GRUB PA YIN TE, SKAM PA'I RANG BZHIN GYI 'CHI BA SHING LA MTHONG BA'I PHYIR RO, ,PHYIR RGOL BAS NI SHES PAS DE'I PHYIR MA GRUB BO, ,GANG GI TSE RGOL BAS KYANG SHES PA DE'I TSE NI RGOL BA LA YANG MA GRUB PAR 'GYUR RO ZHES BYA BAR RIGS SO, ,BDE BA LA SOGS PA SEMS PA MED PAR SGRUB PAS ZHES BYA BA NI BDE BA DANG BOR BYAS PA'I SDUG BSNGAL LA SOGS PA GANG DAG YIN PA DE BDE BA LA SOGS PA'O, ,DE DAG SEMS PA MED PAR BSGRUB PAR BYA BA LA, SKYE BA CAN NAM MI RTAG PA YIN PA DE BAS NA SEMS MED PA YIN NO, ,GANG SKYE BA CAN NAM MI RTAG PA YIN PA DE NI SEMS PA MED PA YIN TE, DPER NA GZUGS LA SOGS PA LTA BU'O, ,DE BZHIN DU BDE BA LA SOGS PA YANG SKYE BA CAN NAM MI RTAG PA YIN PA DE BAS NA SEMS MED PA YIN NO, ,SEMS CAN NI SKYES BU'I NGO BO YIN NO, ,'DIR YANG SKYE BA CAN DANG MI RTAG PA NYID NI GTAN TSIGS KYI RNAM GRANGS YIN GYI CIG CAR MA YIN NO, ,DE GNYI GA YANG GRANGS CAN RGOL BA LA MA GRUB BO, ,GZHAN GYI DON DU GTAN TSIGS SMRA BA DES NI GZHAN LA GRUB PA GANG YIN PA DE GTAN TSIGS SU BRJOD PA YIN LA, GZHAN LA YANG MED PA LAS SKYE BA'I SKYE BA CAN NYID DANG, YOD PA GTAN NAS 'JIG PA'I MI RTAG PAR GRUB PA YIN NO, ,DE 'DRA BA NYID GNYI GA YANG GRANGS CAN RNAMS LA MA GRUB BO, ,'DIR YANG MI RTAG PA NYID DANG SKYE BA CAN GYI GRUB PAR BYED PA MI SHES PA'I PHYIR RGOL BA LA MA GRUB PA YIN GYI, CI STE MI RTAG PA NYID DANG SKYE BA CAN GNYIS KYI TSAD MA RGOL BAS KYANG SHES NA NI RGOL BA LA YANG GRUB PAR 'GYUR RO, ,DES NAS TSAD MA YONGS SU MA SHES PA'I PHYIR 'DI RGOL BA LA MA GRUB PA YIN NO, ,THE TSOM ZA NA MA GRUB PAR BSTAN BA'I PHYIR DE BZHIN DU BDAG NYID DAM ZHES BYA BA SMOS TE, GTAN TSIGS KYI BDAG NYID LA THE TSOM ZA NA MA GRUB PA YIN NO, ,DE'I GZHI LA ZHES BYA BA NI GTAN TSIGS DE'I GZHI STE, 'DI LA GTAN TSIGS BRTEN PAS NA GZHI YIN TE, GTAN TSIGS LAS GZHAN GZHIR GYUR PA BSGRUB PAR BYA BA'I CHOS @74A *, ,CAN LA BYA'O, ,DE LA GTAN TSIGS GNAS PA NA RTOGS PAR BYED PA'I TSUL GYIS GNAS PA'O, ,GZHI DE LA THE TSOM ZA BA NI YID GNYIS ZA BA'O, ,BDAG NYID LA THE TSOM ZA BA'I DPE BSTAN PA'I PHYIR, DPER NA ZHES BYA BA SMOS TE, RLANGS PA THOG MAR BYAS PA GANG YIN PA DE NI RLANGS PA LA SOGS PA'O, ,DE'I DNGOS PO RLANGS PA LA SOGS PA NYID DU THE TSOM ZA BA'O, ,'BYUNG BA 'DUS PA ZHES BYA BA NI SA LA SOGS PA'I 'BYUNG BA'I TSOGS 'DUS PA'I 'DUS PA BSAGS PA'O, ,ME GRUB PAR BYA BA'I PHYIR ZHES BYA BA NI ME GRUB PAR BYA BA'I CHED DU BZUNG NA MA GRUB PA YIN NO, , 'DI SKAD BSTAN TE GANG GI TSE DU BA YANG RLANGS PA LA SOGS PA NYID DU THE TSOM ZA BAR GYUR NA DE'I TSE MA GRUB PA YIN TE, RTOGS PAR BYED PA'I NGO BO MA NGES PA'I PHYIR RO, ,DU BA NYID DU NGES PA NI MES BSKYED PAR BYA BA'I PHYIR RTOGS PAR BYED PAR 'GYUR BA YIN LA, GANG GI TSE THE TSOM ZA BA DE'I TSE RTOGS PAR BYED PA MA YIN PAS MA GRUB PA ZHES BYA BA'I NYES PA YOD DO, ,DPER NA ZHES BYA BA NI GZHI MA GRUB PA'I DPER BYED PA YIN NO, ,RI SUL 'DI NA ZHES BYA BA NI CHOS CAN NO, ,RI MTHON PO'I PHAN TSUN BSNOL BA'I SA PHYOGS KYI RI SUL NA RMA BYA YOD DO ZHES BYA BA NI BSGRUB PAR ZHES BYA BA'O, , SGRA GRAG PA'I PHYIR ZHES BYA BA NI GTAN TSIGS SO, ,SGRA GRAG PA NI RMA BYA BA'I SGRA GRAG PA'O, ,CI LTAR NA GZHI MA GRUB PA YIN ZHE NA, ,DE GRAG PA'I YUL MI RTOGS PA LTA BU'O ZHES BYA BA SMOS TE, RMA BYA'I SGRA DE GRAG STE 'ONGS PA'I YUL DE LA DE SKAD CES BYA STE, RMA BYA'I SGRA YUL GANG NA GRAG PA DE MI RTOGS TE RMONGS PAR GYUR NA 'DI NI GZHI MA GRUB PA YIN TE, RI SUL MANG PO PHAN TSUN BSNOL BAR 'DUG PA LA, CI RI SUL 'DI KHO NA SMA BYA'I SGRA GRAG GAM, 'ON TE GZHAN NA ZHES GANG GI TSE RMA BYA'I SGRA GRAG PA'I RI SUL LA RMONGS PA DE NI TSE 'DIR NI GZHI MA GRUB PA ZHES BYA'O, ,DPER NA ZHES BYA BA NA CHOS CAN MA GRUB NA YANG MA GRUB PA'I DPER BYED PA'O, ,YUL THAMS CAD NA GNAS SHING 'DUG PA NI THAMS CAD NA GNAS PA STE, KHYAB PA ZHES BYA BA'I DON TO, ,BDAG KHYAB PA NYID DU BSGRUB PAR BYA BA LA , YON TAN NYID THAMS CAD NA DMIGS PA LTA BU ZHES BYA BA NI RTAGS YIN TE, BDAG @74B GI YON TAN BDE BA DANG SDUG BSNGAL BA DANG, 'DOD PA DANG ZHE SDANG LA SOGS PA YUL KUN NA DMIGS PA DE'I DNGOS PO DE NYID DO, ,YON TAN NI YON TAN CAN MED PAR YOD PA MED DE, YON TAN RNAMS NI YON TAN CAN DANG 'BREL PA YOD PA'I PHYIR DANG, BDAG G-YO BA MED PA'I PHYIR RO, ,DE BAS NA CI STE KHYAB PA MA YIN NA LHO PHYOGS NA DMIGS PA'I BDE BA LA SOGS PA CI LTAR YUL DBUS NA DMIGS PAR 'GYUR, DE LTAR NA BDAG THAMS CAD NA GNAS PA YIN NO, ,DE LA 'DIR SANGS RGYAS PA RNAMS LA BDAG MA GRUB PA KHO NA YIN NA, DE'I YON TAN NYID THAMS CAD NA DMIGS PA CI ZHIG GRUB PAR 'GYUR TE, MA GRUB PA'I GTAN TSIGS LTAR SNANG BA YIN NO, ,'DI GNYIS KYI BYE BRAG NI SNGA MA NI GZHI LA THE TSOM ZA BA'I SGO NAS CHOS CAN LA THE TSOM ZA BAR BSTAN TO, ,'DI NI CHOS CAN MA GRUB PAR BSTAN PA YIN NO, ,DE LTAR NA TSUL GCIG GI CHOS CAN DANG 'BREL PAR MA GRUB PA YANG MA GRUB PA'I GTAN TSIGS LTAR SNANG BA YIN NO, ,DE BZHIN DU GZHAN MI MTHUN PA'I PHYOGS LA MED PA ZHES BYA BA'I TSUL GCIG MA GRUB NA YANG NGES PA'I GTAN TSIGS LTAR SNANG BA YIN TE, NGES PA NI GCIG KHO NAR NGES PA STE, DGOS PA STE 'DI LA YOD PAS NA NGES PA'O, ,NGES PA MED PA YIN TE, 'DI LTAR BSGRUB PAR BYA BA LA NGES PA YANG MA YIN BZLOG PA LA NGES PA YANG MA YIN GYI, 'ON KYANG PHYIN CI LOG TU THE TSOM ZA BA YIN TE, NGES PA NI GCIG KHO NAR CIG SHOS PA YID GNYIS ZA BA'I GTAN TSIGS NA MA NGES PA ZHES BSTAN TO, ,DPER NA ZHES BYA BA LA SOGS BAS NI DPER BYED PA YIN NO, ,RTAG PA LA SOGS PA GANG YIN PA DE NI RTAG PA LA SOGS PA'I CHOS SO, ,SOGS PA'I SGRAS BTZAL MA THAG BA 'BYUNG BA MA YIN PA NYID DANG, RTZOL BA LAS BYUNG BA NYID DANG RTAG PA NYID DU GZUNG NGO, ,GZHAL BYA NYID LA SOGS PA GANG YIN PA DE GZHAL BYA NYID LA SOGS PA'I CHOS SO, ,SOGS PA'I SGRAS MI RTAG PA NYID DANG; YANG MI RTAG PA NYID DANG, LUS CAN MA YIN PA NYID GZUNG NGO, ,CHOS CAN SGRA LA RTAG PA LA SOGS PA'I CHOS BSGRUB PAR BYA BA NA, GZHAL BYA NYID LA SOGS PA'I CHOS CAN BZHI CHAR YANG MI MTHUN PA'I PHYOGS LA MED PAR MA GRUB PA MA NGES PA YIN TE, 'DI LTAR SGRA RTAG STE, GZHAL BYA @75A *, ,NYID YIN PA'I PHYIR NAM MKHA' BZHIN DANG BUM PA BZHIN NO ZHES BYA BA LA, GZHAL BYA NYID NI MTHUN PA'I PHYOGS DANG MI MTHUN PA'I PHYOGS KHYAB PA YIN NO, ,SGRA BRTZAL MA THAG TU BYUNG BA MA YIN TE, MI RTAG PA YIN PA'I PHYIR GLOG BZHIN DANG, NAM MKHA' BZHIN DANG, BUM PA BZHIN NO ZHES BYA BA NI MI RTAG PA 'DI NI GLOG LA SOGS PA YOD LA, NAM MKHA' LA SOGS PA LA MED BAS NA MTHUN PA'I PHYOGS KYI PHYOGS GCIG YOD PA YIN NO, ,MI MTHUN PA'I PHYOGS LA NI KHYAB PA YIN TE, BRTZAL MA THAG TU BYUNG BA THAMS CAD LA YOD PA'I PHYIR RO, ,SGRA BRTZAL MA THAG TU BYUNG BA YIN TE, MI RTAG PA NYID YIN PA'I PHYIR BUM PA BZHIN DU, GLOG BZHIN DU, NAM MKHA' BZHIN NO ZHES BYA BA'I MI RTAG PA NYID NI GLOG LA SOGS PA LA YOD LA, NAM MKHA' LA SOGS PA LA MED BA YIN PAS MI MTHUN PA'I PHYOGS KYI PHYOGS GCIG LA YOD PA YIN NO, ,MTHUN PA'I PHYOGS LA NI KHYAB PA YIN TE, BRTZAL MA THAG TU BYUNG BA THAMS CAD LA YOD PA'I PHYIR RO, ,SGRA RTAG PA YIN TE, LUS CAN MA YIN PA'I PHYIR NAM MKHA' BZHIN DANG, RDUL PHRA RAB BZHIN DANG, LAS BZHIN DANG, BUM PA BZHIN NO ZHES BYA BA'I LUS CAN MA YIN PA NYID NI GNYI GA'I PHYOGS GCIG LA YOD PA YIN TE, GNYI GA'I PHYOGS GCIG NAM MKHA' DANG LAS LA NI YOD PA, MTHUN PA'I PHYOGS KYI PHYOGS GCIG RDUL PHRA RAB DANG, MI MTHUN PA'I PHYOGS KYI PHYOGS GCIG BUM PA LA SOGS PA LA MED PA YIN TE, BUM PA DANG RDUL PHRA RAB LA SOGS PA LUS CAN YIN PA'I PHYIR RO; ,BYE BRAG PA DAG RDUL PHRA RAB RTAG PAR KHAS LEN PA DE BAS MA MTHUN PA'I PHYOGS KYI NANG DU GTOGS SO, ,CHOS RNAM PA 'DI BZHI CHAR YANG MI MTHUN PA'I PHYOGS LA MED PAR MA GRUB PAR DE BAS NAM NGES PA YIN NO, ,JI LTAR TSUL 'DI MA GRUB BA'I MA NGES BA YIN PA DE BZHI NA DU MI MTHUN PA'I PHYOGS LA MED PA ZHES BYA BA TSUL DE NYID LA THE TSOM ZA NA YANG MA NGES PA YIN NO, ,DE'I DPER BYED PA NI DPER NA BRJOD PAR 'DOD PA'I MI LA ZHIG THAMS CAD MKHYEN PA MA YIN TE ZHES BYA BA YIN TE, THAMS CAD MKHYEN PA MA YIN PA NI BSGRUB BYA'O, ,BRJOD PAR 'DOD PA NI SMRA BAR 'DOD PA'O, ,MI NI CHOS @75B CAN NO; ,'DOD CHAGS LA SOGS PA DANG ZHE SDANG LA SOGS PA GANG YIN PA DE 'DOD CHAGS LA SOGS PA DANG LDAN PA STE BSGRUB PAR BYA BA GNYIS PA'O, ,'AM ZHES SMOS PA NI 'DOD CHAGS LA SOGS PA DANG LDAN PAR BSGRUB PAR BYA BA THA DAD PAR BSTAN PA'I PHYIR RO, ,DE BAS NA BSGRUB PAR BYA BA'I SKABS NI THAMS CAD MKHYEN PA MA YIN PA NYID DAM 'DOD CHAGS LA SOGS PA DANG LDAN PA YIN NO, ,SMRA BA NI TSIG GI NUS PA'O, ,DE LA SOGS PA DANG YIN PA DE NI MIG 'DZUMS PA DANG 'BYED PA LA SOGS PA'O, ,SMRA BA LA SOGS PA'I CHOS DE MI MTHUN PA'I PHYOGS LAS LDOG PA LA THE TSOM ZA BA'I MA NGES PA GANG YIN PA DE LA DE SKAD CES BYA STE, THAMS CAD MKHYEN PA MA YIN PA NYID BSGRUB PAR BYA BA NI THAMS CAD MKHYEN PA NYID NI MI MTHUN PA'I PHYOGS SO, ,DE LA TSIG LA SOGS PA YOD DAM MED THE TSOM ZA BA YIN TE, DE BAS NA SMRA BA THAMS CAD MKHYEN PA YIN NAM, 'ON TE THAMS CAD MKHYEN PA MA YIN ZHES BYA BAR MNGON PA MED PAS SMRA BA NYID NI MA NGES PA YIN NO, ,THAMS CAD MKHYEN PA SMRA BA MI DMIGS PA MA YIN NAM, THAMS CAD MKHYEN PA LA TSIG DE JI LTAR THE TSOM ZA ZHE NA, DE NYID KYI PHYIR, THAMS CAD MKHYEN PA SMRA BA MA DMIGS SO ZHES BYA BAR MNGON PAR MI DMIGS PA GANG YIN PA'I RNAM PA DE LTA BU'I RIGS CAN DE LTA BU NI THE TSOM ZA BA'I RGYU YIN PA'I PHYIR RO, ,CI'I PHYIR ZHE NA, YUL BLTAR MI SNANG BA'I BDAG NYID GANG YIN PA DE'I DNGOS PO NI YUL BLTAR MI SNANG BA'I BDAG NYID DO, ,'DI LTAR YUL BLTAR MI SNANG ZHING MI DMIGS PA NI THE TSOM GYI RGYU YIN GYI, NGES PA'I RGYU MA YIN PA DE BAS NA THAMS CAD MKHYEN PA MA YIN PA'I MI MTHUN PA'I PHYOGS THAMS CAD MKHYEN PA NYID DANG SMRA BA NYID DANG LDOG PA NI THE TSOM DU GYUR PA YIN NO, ,MI DMIGS PA'I PHYIR THAMS CAD MKHYEN PA LA SMRA BA NYID MED DO ZHES NI MI SMRA'I, 'ON KYANG THAMS CAD MKHYEN PA NYID DANG SMRA BA NYID LHAN CIG 'GAL BA'I PHYIR RO ZHE NA; THAMS CAD MKHYEN PA NYID DANG SMRA BA NYID GNYIS LA 'GAL BA MED DO, ,'GAL BA MED PA'I RGYU'I PHYIR YANG LDOG PA MA GRUB BO ZHES BYA BAR SBYAR RO, ,KHYAB PA DANG LDAN PA'I LDOG PA STON PA NI, THAMS CAD MKHYEN PA GANG YIN PA ZHES BSGRUB BYA MED PA'I RANG BZHIN THAMS CAD MKHYEN PAR RJES SU BRJOD @76A *, ,NAS; DE SMRA BA MA YIN NO ZHES SGRUB PAR BYED PA SMRA BA NYID MED PAR SGRUB PA'O, ,DE BAS NA BSGRUB PAR BYA BA MED PA NI SGRUB PAR BYED PA MED PA LA NGES PA YIN PA'I PHYIR SGRUB PAR BYED PA MED PAS KHYAB PA BSTAN TO, ,LDOG PA'I KHYAB PA 'DI 'DRA BA NI SMRA BA NYID DANG THAMS CAD MKHYEN PA NYID GNYIS 'GAL BA YOD NA 'GRUB PAR 'GYUR NA, 'GAL BA YANG YOD PA MA YIN PA DE BAS NA MI 'GRUB BO, ,CI'I PHYIR ZHE NA, THE TSOM ZA BA'I PHYIR RO ZHES BYA BA SMOS TE, GANG GI PHYIR 'GAL BA MED PA DE BAS NA THE TSOM ZA BA YIN NO, ,THE TSOM ZA BA'I PHYIR LDOG PA MI GRUB BO, ,CI'I PHYIR 'GAL BA MED CEN, GANG GI PHYIR 'GAL BA NI RNAM PA GNYIS TE, NI ZHES BYA BA NI GANG GI PHYIR RO, ,GANG GI PHYIR 'GAL BA MED PA DE BAS NA THE TSOM PA GNYIS KHO NA STE, GZHAN MED PA DE BAS NA SMRA BA NYID DANG THAMS CAD MKHYEN PA NYID GNYIS 'GAL BA MED DO, ,'GAL BA RNAM BA GNYIS PO GANG ZHE NA, RGYU MA TSANG BA MED PAR ZHES BYA BA SMOS TE, RGYU MA TSOGS TE MA TSANG BA MED PA GANG YIN PA DE LA DE SKAD CES BYA'O, ,RGYU MA TSANG BA LAS MED PA GANG YIN PA DE NI GANG YANG 'GAL BAR MI RTOGS TE, DE NI GANG DANG YANG 'GAL BA YOD PA MA YIN PA DE BAS NA, RGYU MA TSANG BA MED PA SMRAS SO, ,RGYU TSOGS PA GANG YIN PA DE YANG DGAG PAR SUS KYANG MI NUS PA MA YIN NAM, DE BAS NA 'GAL BA GANG LAS RTOGS SHE NA, DE LTA NA 'O NA NI RGYU MA TSANG BA MED PA YANG GANG GIS RGYU MA TSANG BAR BYAS PAS MED PA DE DANG 'GAL BAR RTOGS PA YIN NO, ,DE LTA NA YIN DANG GANG ZHIG GANG DANG 'GAL BA DE NI DE LA CUNG ZAD BYED PA KHO NA YIN TE, 'DI LTAR GRANG BA'I REG PA'I SKYED BYED DU GYUR PAS GRANG BA'I REG PA BZHIN SKYED PA'I NUS PA 'JOMS PAR BYED PA NI ZLOG PAR BYED PAS GRANG BA'I REG PA DANG 'GAL BA YIN NO, ,DE BAS NA BZLOG PAR BYA BA'I RGYU MA TSANG BA'I BYED PAS SKYED PAR BYED PA KHO NA 'GAL BA YIN NO, ,'GAL BA 'DI LHAN CIG TU MI GNAS PA YANG YIN TE, DE BAS NA 'GAL BA GNYIS NI SKAD CIG GCIG LA YANG LHAN CIG TU GNAS PAR BYA BA DANG, BAR RING POR GNAS PA GNYIS LA 'GAL BA MED PAS NA NYE BAR GNAS PA DAG ZLOG PAR BYED PA DANG, BZLOG PAR BYA BA'I DNGOS POR GZHAG GO, ,DE BAS @76B NA GANG ZHIG GANG GIS ZLOG PAR BYED PA DES NI DE LTAR MYUR NA DE SKAD CIG GSUM PA LA ZLOG PAR BYED DO, ,SKAD CIG MA DANG PO LA NI TSOGS PA NA NUS PA MED PA'I GNAS SKABS SU RUNG BAR BYED PA YIN NO, ,GNYIS PA LA YANG 'GAL BA NUS PA MED PAR BYED DO, ,GSUM PA LA NI NUS PA MED PAR 'GAGS PA'I YUL DER 'ONG BAR BYED DO, ,DE LA SNANG BA NI 'GRO BA'I CHOS CAN YIN TE, CHU RLABS KYI TSUL MTHAR GYIS YUL GNOD PA NA GANG GI TSE MUN PA DANG BAR MA CHOD PA'I SNANG BA'I SKAD CIG SKYED PAR BYED PA DE'I TSE SNANG BA DANG NYE BA'I MUN PA SEL BA MED PAR SKYED PAR BYED DO, ,DES NA SNANG BA DANG NYE BAR 'DUG PA GANG YIN PA DE NUS PA MED PAR 'GYUR RO, ,MUN PA MED DE 'GAGS PA DANG YUL DER SNANG BA SKYED DE, DE LTAR NA RIM GYIS SNANG BAS MUN PA SEL BAR BYED DO, ,DRO BA'I REG PAS GRANG BA'I REG PA ZLOG PA'I TSUL YANG DE BZHIN NO, ,GANG GI TSE MUN NAG GI YUL DE NYID DU SNANG BA SKYED PAR BYED PA DE'I TSE SKAD CIG GANG LA MUN NAG GI YUL DU SNANG BA SKYED PA'I SKAD CIG MA SKYED PA DE NYID LAS MUN PA NI MUN PA GZHAN LA NUS PA MED PAR 'BYUNG NGO, ,DE LTAR NA NUS PA MED PA'I GNAS SKABS NA SKYED PAR BYED BA NYID KYI SGO NAS ZLOG PAR BYED PAS 'GAL BA YIN NO, ,DE BAS NA SKAD CIG GANG LA SKYED PAR BYED PA DE LA CI STE MYUR BAR ZLOG PAR BYED NA SKAD CIG GSUM PA LA ZLOG PAR BYED PAS 'GAL BA YIN NO, ,BSKYED PAR BYA BA DANG SKYED PAR BYED PA'I DNGOS PO YIN PA'I PHYIR RGYUN GNYIS 'GAL BA YIN GYI, SKAD CIG MA GNYIS NI 'GAL BA MA YIN NO, ,CI STE RGYUN CES BYA BA DNGOS POR YOD PA MA YIN PA DE LTA NA RGYUN CAN DNGOS POR GYUR PA YIN NO, ,DES NA DON DAM PAR NI SKAD CIG MA GNYIS NI 'GAL BA MA YIN TE, 'ON KYANG SKAD CIG MA MANG PO RNAMS YIN TE, 'DI LTAR SREG PAR BYED PA'I SKAD CIG MA YOD PA GRANG BA'I SKAD CIG MA BYUNG DU ZIN KYANG 'GAG PA'I CHOS CAN DU 'GYUR RO ZHES BYA BA 'DI YIN NO, ,RGYU GNYIS BZLOG PAR BYA BA DANG BZLOG PAR BYED PA NYID KYI RGYU MTSAN GYI 'GAL BAR GNAS PA NA YANG RDUL PHRA RAB THAMS CAD YUL GCIG NA GNAS PA MED KYANG 'GAL BA NI MA YIN TE, DE DAG RGYUN GCIG LA GCIG ZLOG PAR MI BYED PA'I PHYIR RO, , @77A *, ,'GRO BA'I CHOS CAN GYI SNANG BAS YUL GANG ZHIG GNOD PAR BYED PA'I YUL DE NA GNAS PA'I 'GAL BA'I RGYUN ZLOG PAR BYED PA YIN NO, ,DE BAS NA KHANG PA'I GRVA'I PHYOGS GCIG NA GNAS PA'I SGRON MA'I 'OD MUN PA DANG NYE BAR GNAS KYANG MUN PA SEL BAR BYED PA MA YIN NO, ,MUN PAS NON PA'I PHYOGS SU SNANG BA'I SKAD CIG MA GZHAN SKYED PAR NUS PA'I PHYIR RO, ,RGYU NUS PA MED PA'I BYA BA'I RGYU MTSAN CAN GYI 'GAL BA NI RGYUN LA GNAS PA NYID DU BSTAN PA'I PHYIR, BYUNG BA ZHES PA SMOS TE, GRANG BA'I REG PA RGYUN RGYUD MAR 'JUG PA 'BYUNG BA LA GZHAN DRO BA'I REG PA RGYUN YOD NA MED PA ZHES BYA BA YIN NO, ,GANG DAG 'GAL BA NI DNGOS POR YOD PA MA YIN NO ZHES SMRAS PA DE LA 'DI BRJOD PAR BYA STE, JI LTAR 'BRAS BU MA SKYES PA LA BSKYED PAR BYA BA DANG SKYED PAR BYED PA'I DNGOS PO ZHES BYA BA GNYIS LA GNAS PA YOD PA MA YIN YANG 'BRAS BU YOD PA NI RGYU SNGON DU 'GRO BA CAN YIN PA DE BAS NA DNGOS PO NYID YIN NO, ,DE BZHIN DU LDOG PA'I DNGOS PO LA NI 'GAL BA ZHES BYA BA GNYIS LA 'GAL BA YOD PA MA YIN YANG, ME'I RGYU MTSAN GYIS GRANG BA'I REG PA'I SKAD CIG MA GZHAN LA NUS PA MED PAR 'GYUR DE BAS NA 'GAL BA YANG DNGOS PO YOD PA KHO NA YIN NO; ,DPE BSTAN PA'I PHYIR, GRANG BA DANG TSA BA ZHES BYA BA SMOS TE, DE DAG NYID REG PA YIN TE, DE GNYIS BZHIN NO, ,GRANG BA DANG DRO BA'I REG PA GNYIS KYI 'GAL BA YANG SNGA MA DE DAG BZHIN DU SBYAR BAR BYA'O, ,'GAL BA GNYIS PA BSTAN PA'I PHYIR, GCIG GIS GCIG SPANGS TE ZHES BYA BA SMOS TE, YONGS SU DOR BA'O, ,DES GNAS PA'I MTSAN NYID DE NGO BO NYID GANG DAG LA YOD PA DE'I DNGOS PO NI GCIG GIS GCIG SPANGS TE GNAS PA'I MTSAN NYID DO, ,'DI LA GANG YONGS SU GCOD PA NA GANG RNAM PAR GCOD PA STE, YONGS SU GCOD PA ZHES BYA BA DE NI RNAM PAR GCAD PAR BYA BA YONGS SU SPANGS TE GNAS PA'I NGO BOR BLTA BAR BYA'O, ,SNGON PO YONGS SU GCOD PA NA YANG DE'I NGO BO NYAMS PAR BCAD PA YIN TE, DE RNAM PAR MA BCAD NA SNGON PO YONGS SU MI GCOD PAR THAL BAR 'GYUR BA'I PHYIR RO, ,DE BAS NA DNGOS PO RNAMS KYI YOD PA DANG MED @77B PA GNYIS NI PHAN TSUN SPANGS TE GNAS PA'I NGO BO YIN LA, SNGON PO LAS GZHAN PA'I NGO BO GANG YIN PA DE NI SNGON PO'I DNGOS PO MED PA LA MI 'KHRUL PA YIN TE, SNGON PO LTAR RUNG BA SER PO LA SOGS PA DMIGS PA NA NI DMIGS PAS MED PAR NGES PA'I PHYIR RO, ,JI LTAR SNGON PO NI DNGOS PO MED PA YONGS SU SPONG BAR BYED PA DE BZHIN DU SER PO LA SOGS PA MED PA LA MI 'KHRUL BA LA YANG YIN NO, ,DA LTAR DNGOS PO DANG DNGOS PO MED PA GNYIS NI DNGOS SU 'GAL BA YIN LA, DNGOS PO NI MED PA LA MI 'KHRUL BA LAS 'GAL BA YIN NO, ,YANG GANG ZHIG GZHAN LA MED PAR NGES SHE NA, GANG RNAM PA NGES PA DANG LDAN PA'I DON YIN GYI, RNAM PA MA NGES PA NI MA YIN TE, SKAD CIG MA NYID LA SOGS PA BZHIN NO, ,SKAD CIG MA NYID NI SNGON PO LA SOGS PA THAMS CAD KYI RANG BZHIN GYI BDAG NYID YIN TE, DES NA RNAM PA NGES PA MA YIN NO, ,DE BAS NA SKAD CIG MA NYID SPANGS PAR SNANG BA NI 'GA' YANG MED DO, ,GAL TE DE NA DNGOS PO MED PA YANG RNAM PAR MA NGES PAR 'GYUR RO ZHE NA, RNAM PA NGES PA ZHES BYA BAR JI LTAR 'GYUR TE, GANG GI PHYIR DNGOS PO MED PA NI NGO BOS DBEN PA'I RNAM PAR RTOG PA YIN NO, ,DE BAS NA MTHONG BA 'AM BRTAG PA YANG RUNG STE, NGES PA'I RANG BZHIN NYID GZHAN LA MED PAR NGES PA YIN GYI MA NGES PA ZHES BYA BAR, DE LTAR NA BRTAG PA DANG 'DRE LA SOGS PA YANG RNAM PA NGES PA BRTAGS PA YIN PAR LTA BAR 'DI NI BDAG NYID GCIG PAR 'GAL BAR YANG YIN TE, GANG ZHIG PHAN TSUN SPANGS TE GNAS PA DE DAG NI GCIG PA NYID MED PA YIN NO; ,DE NYID KYI PHYIR 'DI NI MTSAN NYID LAS GYUR PA'I 'GAL BA ZHES BYA BA STE, DNGOS PO RNAMS KYI RANG BZHIN 'DI'I DGOS PA YIN PAS SO, ,'GAL BA 'DIS NI DNGOS PO'I DE NYID THA DAD PAR RNAM PAR GZHAG PAR BYA BA YIN NO, ,DE NYID KYI PHYIR SNANG BA'I RANG BZHIN LA 'GOG PA GANG YIN PA DE NI SNANG BA NYID DU KHAS BLANGS NAS DGAG PAR BYA BA YIN TE, 'DI LTAR DNGOS PO MED PA DANG SHA ZA YANG GANG GI TSE SER PO LA 'GOG PAR 'DOD PA DE'I TSE SNANG BA'I BDAG NYID KHO NAS DGAG PAR BYA BA YIN PAS SNANG BA NYID DU KHAS BLANGS NAS DGAG PAR BYA BA YIN TE, 'DI LTAR DNGOS PO @78A *, ,MED PA DANG SHA ZA YANG GANG GI TSE SER PO LA 'GOG PAR 'DOD PA DE'I TSE SNANG BA'I BDAG NYID KHO NA DGAG PAR BYA BA YIN PAS SNANG BA NYID DU KHAS BLANGS NAS SNANG BA MI DMIGS PA KHO NA LAS 'GOG PA YIN NO, ,DE LTA NA YANG GCIG GI NGO BO LA YANG YONGS SU BCAD PA NA DE MED PA'I LTAR RUNG BA RNAM PAR GCAD PAR BYA BA YIN ZHING , GANG ZHIG DE MED PA LA NGES PA'I RNAM PA CAN GYI BLTAR RUNG BA DE YANG SNANG BA RNAM PAR GCAD PAR BYA BA YIN TE, DES NA RANG NYAMS PA BZHIN DU NYAMS PA DANG LDAN PA YANG RNAM PAR GCOD PA YIN NO, ,PHAN TSUN SPANGS TE GNAS PA'I NGO BO GANG YIN PA DE THAMS CAD NI DES GCIG PA NYID BKAG PA YIN TE, DES NA 'GAL BA 'DI YOD KYANG LHAN CIG TU GNAS PAR YANG 'GYUR RO, ,DE'I PHYIR 'GAL BA GNYIS KYI BYED PA THA DAD DE, GCIG GIS NI GRANG BA DANG DRO BA'I REG PA DAG GCIG PA NYID 'GOG PAR BYED LA, GZHAN GYIS NI LHAN CIG TU GNAS PA'O, ,YUL YANG THA DAD PA YIN TE, PHAN TSUN SPANGS PA NI DNGOS PO DANG DNGOS PO MED PA MTHA' DAG LA YIN LA, LHAN CIG TU MI GNAS PA'I 'GAL BA NI DNGOS PO NYID 'BA' ZHIG LA YIN NO, ,DE BAS NA BYED PA THA DAD PA DANG YUL THA DAD PA YIN PA DE'I PHYIR 'DI NYID GCIG GI NANG DU 'DUS PA MED DO, ,'GAL BA RNAM PA DE GNYIS KA YANG SMRA BA NYID DANG THAMS CAD MKHYEN PA NYID 'DI GNYIS LA MI SRID DE, 'DI LTAR RGYU MA TSANG BA MED PA'I THAMS CAD MKHYEN PA NYID NI SMRA BA NYID YOD PA'I PHYIR MED PAR RTOG PA MA YIN TE, THAMS CAD MKHYEN PA NYID NI MI SNANG BA YIN LA; MI SNANG BA YANG DNGOS PO MED PAR NGES PAR MA YIN NO, ,DE BAS NA 'DIS NI GZHAN DANG 'GAL BAR RTOGS PA MA YIN NO, ,SMRA BA NYID YONGS SU SPANGS TE THAMS CAD MKHYEN PA GNAS PA YANG MA YIN TE, SMRA BA YONGS SU SPANGS PA'I SHING LA SOGS PA DE DAG KYANG THAMS CAD MKHYEN PA NYID DU THAL BAR 'GYUR BA'I PHYIR RO, ,SMRA BA NYID NI THAMS CAD MKHYEN PA NYID YONGS SU SPANGS PA YANG MA YIN TE, SHING LA SOGS PA YANG SMRA BA NYID DU THAL BAR 'GYUR BA'I PHYIR RO, ,'GAL BA MED PA DE NYID KYI PHYIR SMRA BA NYID KYIS YOD PAS THAMS CAD MKHYEN PA NYID 'GOG PAR 'GYUR @78B BA MA YIN NO, ,CI STE DE LTA DE LA 'GAL BA MED NA BUM PA DANG SNAM BU GNYIS BZHIN DU DE GNYIS KYANG LHAN CIG TU GNAS PAR SNANG BAR 'GYUR BA ZHIG NA, MI SNANG BAS NA 'GAL BA SNANG BA YIN LA, 'GAL BA'I PHYIR DNGOS PO MED PAR RTOGS SO SNYAM DU DOGS PA LA, MI 'GAL BA BSGRUB PA LAS NI ZHES BYA BA SMOS TE, MI DMIGS KYANG 'DI 'GAL BAR GRUB PA MA YIN NO, ,GAL TE YANG LHAN CIG TU GNAS PA MA DMIGS PA DE LA YANG 'ON KYANG DE NYID 'GAL BA MA YIN NO, ,GANG GI PHYIR LHAN CIG PA MA DMIGS PA TZAM GYIS 'GAL BA MA YIN GYI, 'ON KYANG GNYI GA DMIGS PA NA BZLOG PAR BYA BA ZLOG PAR BYED PA'I DNGOS POS NGES PA LAS YIN PA'I PHYIR RO, ,DE BAS NA MA DMIGS SU ZIN KYANG SMRA BA NYID BSGRUB PAS MA YIN TE, DE'I PHYIR DE LAS GZHAN MED PAR RTOGS PA MA YIN NO, ,DE BZHIN DU SMRA BA NYID YIN PA'I PHYIR 'DOD CHAGS LA SOGS PA DANG LDAN PAR RTOG PA MA YIN TE, 'DI LTAR CI STE TSIG LA SOGS PA NI 'DOD CHAGS LA SOGS PA'I 'BRAS BUR GYUR PA YIN NA NI TSIG LA SOGS PA LAS 'DOD CHAGS LA SOGS PA RTOGS PAR 'GYUR NA, 'BRAS BU YANG MA YIN TE, DE CI'I PHYIR ZHE NA, 'DOD CHAGS DANG TSIG LA SOGS PA YANG RGYU DANG 'BRAS BU'I DNGOS POR MA GRUB PA'I RGYU'I PHYIR 'BRAS BU MA YIN PA DE BAS NA 'DI LAS RTOGS PA MA YIN NO, ,TSIG NA 'DOD CHAGS LA SOGS PA'I 'BRAS BU MA YIN YANG LHAN CIG TU RGYU BA YIN NO, ,DE BAS NA 'DOD CHAGS LA SOGS PA DANG LHAN CIG TU RGYU BA LOG PAS TSIG LDOG GO SNYAM DU DOGS PA LA SMRAS PA, DON GZHAN RGYU MA YIN PA LOG PAS LHAN CIG TU RGYU BA MTHONG BA TZAM GYI SGO NAS GZHAN TSIG LA SOGS PA LDOG PA NI MA YIN TE, DE BAS NA SMRA BA NYID KYANG YIN LA 'DOD CHAGS LA SOGS PA DANG BRAL BAR YANG 'GYUR RO, ,DE LTAR NA ZHES BYA BA NA GANG GI PHYIR GYI DON TE, DE BAS NA THAMS CAD MKHYEN PA NYID MA YIN PA LAS BZLOG PA MI MTHUN PA'I PHYOGS SU GYUR PA THAMS CAD MKHYEN PA DANG, 'DOD CHAGS LA SOGS PA DANG LDAN PA MA YIN PA LA TSIG LA SOGS PA LDOG PA LA THE TSOM ZA BA YIN TE, DE BAS NA TSIG LA SOGS PA MA NGES PA YIN TE, DE LTAR TSUL RE RE MA @79A *, ,GRUB PA DANG THE TSOM ZA BAR GTAN TSIGS KYI SKYON DU SMRAS NAS, TSUL GNYIS MA GRUB PA DANG THE TSOM ZA NA GTAN TSIGS KYI SKYON DU SMRA BAR 'DOD NAS, TSUL GNYIS ZHES BYA BA SMOS TE, TSUL GNYIS PHYIN CI LOG TU GRUB PAR GYUR NA 'GAL BA YIN NO, ,TSUL NI GSUM YOD PA DE BAS NA BYE BRAG SHES PAR BYA BA'I PHYIR, GNYIS PO GANG GIS ZHES SMOS SO, ,KHYAD PAR CAN GYI RANG BZHIN STON PA NI, ,MTHUN PA'I PHYOGS LA YOD PA DANG, MI MTHUN PA'I PHYOGS LA MED PA'O ZHES BYA BA STE, PHYIN CI LOG TU GRUB PA'O ZHES BYA BAR SBYAR RO, ,BYAS PA NYID DANG ZHES BYA BA NI RANG BZHIN GYI GTAN TSIGS SO, ,BRTZAL MA THAG TU BYUNG BA NYID NI 'BRAS BU'I GTAN TSIGS YIN TE, BRTZAL MA THAG TU BYUNG BA'I SKYE BA DANG SHES PA NI BRTZAL MA THAG TU BYUNG BA ZHES BYA'O, ,SKYE BA NI SKYE BA BZHIN PA'I RANG BZHIN LA BYA'O, ,SHES PA NI SHES BYA'I 'BRAS BU'O, ,DE LA 'DIR NI BRTZAL MA THAG TU BYUNG BA'I SHES PA GZUNG STE, DES NA 'BRAS BU'I GTAN TSIGS YIN NO, ,GTAN TSIGS 'DI GNYIS NI RTAG PA NYID DANG BSGRUB PA LA 'GAL BA'I GTAN TSIGS LTAR SNANG BA YIN NO, ,CI'I PHYIR 'DI GNYIS 'GAL BA YIN ZHE NA, 'DI GNYIS KYI ZHES BYA BA SMOS TE, MTHUN PA'I PHYOGS RTAG PA LA NI BYAS PA NYID DANG BRTZAL MA THAG TU BYUNG BA GNYIS MED PA KHO NAR NGES PA YIN LA, MI MTHUN PA'I PHYOGS MI RTAG PA NYID KHO NA LA YOD PAR NGES PAR PHYIN CI LOG TU GRUB PA YIN NO, ,'DI GNYIS GRUB KYANG CI'I PHYIR 'DI GNYIS 'GAL BA YIN ZHE NA, SMRAS PA, DE NYID NI BSGRUB PAR BYA BA RTAG PA NYID LAS PHYIN CI LOG MI RTAG PA NYID DU BSGRUB PA'I PHYIR RO, ,DE BAS NA BSGRUB PAR BYA BA PHYIN CI LOG TU BSGRUB PA'I PHYIR 'GAL BA DAG YIN NO, ,CI STE BSGRUB PAR BYA BA PHYIN CI LOG TU SGRUB PA'I PHYIR 'DI DAG NYID 'GAL BA YIN NO, ,GZHAN GYI DON GYI RJES SU DPAG PA LA NI SMRAS PA BSGRUB PAR BYA BA YIN GYI, MA SMRAS PA NI MA YIN LA, 'GOD PA NI MA SMRAS PA YIN NO, ,DE BAS NA 'DOD PA LA GNOD PA BYED PA 'DI GNYIS LAS GZHAN YIN NO ZHES BSTAN PA'I PHYIR SMRAS PA, 'DOD PA SGRAS MA SMOS PA LA GNOD PAR BYED PA PHYIN CI LOG TU BSGRUB PA'I PHYIR @79B 'GAL BA GSUM PA YANG YOD PA MA YIN NAM, GNYIS NI SMRAS PA PHYIN CI LOG TU SGRUB PA YIN LA, 'DI NI GSUM PA YIN NO, ,'DOD PA LA GNOD PA'I DPE BRJOD PA NI DPER NA ZHES BYA'O, ,MIG LA SOGS PA NI CHOS CAN NO, ,GZHAN GYI DON NI DGOS PA PO LA LEGS PAR NYE BAR BYED PA GANG YIN PA NI GZHAN GYI DON TE BSGRUB PAR BYA'O, ,'DUS PA YIN PA'I PHYIR, BSAGS PA YIN PA'I PHYIR ZHES BYA BA GTAN TSIGS TE, MIG LA SOGS PA NI RDUL PHRA RAB BSAGS PA'I NGO BO YIN PA DE BAS NA 'DUS PA'I NGO BO ZHES SMOS SO, ,MAL CHA DANG STAN LA SOGS PA GANG DAG YIN PA DE MAL CHA DANG STAN LA SOGS PA'O, ,DE DAG NYID YAN LAG STE SKYES BU'I LONGS SPYOD KYI YAN LAG YIN PA'I PHYIR RO, ,'DI NI KHYAB PA'I YUL BSTAN PA'I DPE YIN NO, ,'DIR NI GZHAN GYI DON BYED PA NYID CES BYA BA LA KHYAB PA YIN TE, 'DI LTAR MAL CHA DANG STAN LA SOGS PA 'DUS PA'I NGO BO YIN PA NI SKYES BU'I LONGS SPYOD PA YIN ZHING PHAN PAR BYED PA YIN PA'I PHYIR GZHAN GYI DON BYED PA NYID CES BYA'O, ,JI LTAR 'DI 'DOD PA LA GNOD PAR BYED PA YIN ZHE NA, DE NI 'DUS PA MA YIN GYI, GZHAN GYI DON BYED PA NYID DU 'DOD DE, PHYIN CI LOG TU BSGRUB PA'I PHYIR 'GAL BA'O ZHES BYA BA SMOS TE, 'DOD PA MA YIN PA'I YUL CAN GZHAN GYI DON NI 'DUS PA MA YIN PA GZHAN GYI DON BYED PA NYID DU 'DOD PA YIN PAS 'DUS PA MA YIN PA GZHAN GYI DON BYED PA NYID DU 'DOD PA'O, ,RGOL BA GRANGS CAN DE NI 'DUS PA MA YIN PA GZHAN GYI DON BYED PA NYID DU 'DOD PA'O, DE PHYIN CI LOG PA NI 'DUS PA GZHAN GYI DON BYED CES BYA BA YIN TE, DE BSGRUB PA'I PHYIR 'GAL BA YIN NO, ,GRANGS CAN DAG BDAG YOD DO ZHES SMRA BA NA SANGS RGYAS PA RNAMS KYIS, DE CI'I PHYIR ZHES DRIS PA DANG, BDAG GRUB PAR BYA BA'I PHYIR TSAD MA SMRA BA YIN TE, DE BAS NA MIG LA SOGS PA NI 'DUS PA MA YIN PA'I BDAG LA PHAN PAR BYED PA NYID DU BSGRUB PAR BYA BA YIN NO, ,GTAN TSIGS 'DI NI PHYIN CI LOG GIS KHYAB PA YIN TE, 'DI LTAR GANG ZHIG GANG LA PHAN PAR BYED PA DE NI SKYED PAR BYED PA YIN LA, BSKYED PAR BYA BA YANG CIG CHAR RAM RIM GYIS 'DUS PAR 'GYUR TE, DE @80A *, ,PAS MIG LA SOGS PA GZHAN GYI DON BYED PA NI 'DUS PA GZHAN GYI DON BYED DO ZHES PAR 'GRUB BO, ,SLOB DPON PHYOGS KYI GLANG POS 'GAL BA 'DI YANG BSTAN NA, RNAM 'GREL BYED PA KHYOD BZHIN DU, ,DE CI'I PHYIR MA SMOS SHE NA, CIG SHOS KYIS SMRAS PA, BSGRUB PAR BYA BA PHYIN CI LOG TU SGRUB PAR BYED PA 'DI GNYIS KHO NA'I NANG DU 'DUS PA'I PHYIR RO, ,SMRAS PA'I PHYIN CI LOG SGRUB PAR BYED PA NI MA YIN NA CI LTAR SMRAS PA'I PHYIN CI LOG SGRUB PAR BYED PA GNYIS KYI NANG DU 'DUS SHE NA, DE NI ZHES BYA BA SMOS TE, NI ZHES BYA BA NI GANG GI PHYIR ZHES BYA BA'I DON TE, GANG GI PHYIR 'DOD PA LA GNOD PA DE BSGRUB PAR BYA BA'I LOG PAR BSGRUB PA'I SGO NAS GTAN TSIGS 'DI GNYIS LAS THA DAD PA MA YIN NO, ,SMRAS PA PHYIN CI LOG TU SGRUB PAR BYED PA YIN YANG RUNG MA YIN YANG RUNG STE, JI LTAR DE GNYIS BSGRUB PAR BYA BA PHYIN CI LOG TU SGRUB PAR BYED PA DE BZHIN DU 'DIR YANG YIN PAS DE BAS NA SMRAS PA PHYIN CI LOG TU BSGRUB PA CI ZHIG BYA, DE BAS NA 'DI GNYIS KYI NANG KHO NAR 'DUG PA YIN NO, ,SMRAS PA KHO NA BSGRUB PAR BYA BA MA YIN NAM, DE JI LTAR BSGRUB PAR BYA BA PHYIN CI LOG BSGRUB PA'I SGO NAS THA DAD PA MA YIN ZHE NA, 'DOD PA ZHES BYA BA SMOS TE; GANG GI PHYIR, 'DOD PA DANG SMRAS PA GNYIS LA BSGRUB PAR BYA BA NYID KYI SGO NAS PHAN TSUN BYE BRAG THA DAD PA CI YANG MED DO, ,DE BAS NA 'DI GNYIS KHO NAR 'DUS PA YIN NO ZHES BYA BAR MJUG BSDUS PA'O, ,'DI LTAR PHYIR RGOL BAS SHES PAR 'DOD PA GANG YIN PA DE NI SKABS SU BAB PA YIN NO, ,SKABS SU BAB PA YIN PA DE YANG 'DOD PA SMRA BA YIN YANG RUNG STE, SGRUB PAR 'DOD PAS YUL DU BYA BA YIN GYI, SMRA BA TZAM 'BA' ZHIG NI MA YIN PA DE BAS BYE BRAG MED DO, ,TSUL GNYI GA MA GRUB NA 'GAL BA YIN PAR BSHAD ZIN TO, ,DE GNYIS KYI NANG NAS, GCIG NI MA GRUB PA LA CIG SHOS LA THE TSOM ZA NA YANG MA NGES PA YIN NO, ,DE CI 'DRA BA ZHIG CE NA, 'DOD CHAGS DANG BRAL BA GANG YIN PA DE NI 'DOD CHAGS DANG BRAL BA'O ZHES BYA BA NI BSGRUB PAR BYA BA GCIG DANG, THAMS CAD MKHYEN PA YIN NO ZHES BYA BA BSGRUB PAR BYA BA GNYIS PA'O, ,SMRA BA'I PHYIR ZHES BYA BA NI GTAN TSIGS SO, ,'DI LA LDOG @80B PA NI MA GRUB PA ZHES BYA BA SMOS TE, BDAG NYID 'DOD CHAGS DANG BCAS PA DANG, THAMS CAD MKHYEN PA MA YIN PA MI MTHUN PA'I PHYOGS LA NI SMRA BA NYID MTHONG BAS NA LDOG PA MA GRUB PA YIN NO, ,CI'I PHYIR RJES SU 'GRO BA LA THE TSOM ZA BA YIN ZHE NA, PHYOGS DANG MTHUN PAR 'GYUR BA THAMS CAD MKHYEN PA DANG; 'DOD CHAGS DANG BRAL BA DAG NI BSKAL PA'I PHYIR TE ZHES BYA BA SMOS TE, DBANG PO'I YUL LAS 'DAS PA'I PHYIR RO, ,TSIG LA SOGS PA DAG NI DBANG PO'I RNAM PAR SHES PAS SHES PAR BYA BA YIN YANG, DBANG PO'I YUL LAS 'DAS PA THAMS CAD MKHYEN PA DANG, 'DOD CHAGS DANG BRAL BA GNYIS LA YOD DAM MED THE TSOM ZA BA YIN NO, ,DE BAS NI SMRA BA'I PHYIR THAMS CAD MKHYEN PA YIN NAM, 'ON TE MA YIN ZHES BYA BAR MNGON PA MED PAS MA NGES PA YIN NO, ,DA NI GNYIS NYID LA THE TSOM ZA NA MA NGES PAR BRJOD PA'I PHYIR SMRAS PA, RJES SU 'GRO BA DANG LDOG PA'I TSUL DE NYID LA THE TSOM ZA BA'I PHYIR YID GNYIS KYI RGYU YIN NO, ,DPE DGOD DE BDAG DANG BCAS PAR 'DUG PA NI BDAG DANG BCAS PAR 'DUS PA YIN NO ZHES BYA BA NI BSGRUB PAR BYA BA YIN NO, ,LUS ZHES BYA BA NI CHOS CAN NO, ,GSON PO'I ZHES BYA BA NI CHOS CAN GYI BYE BRAG STE, SHI BA LA BDAG YOD PAR MI 'DOD DO; ,SROG NI DBUGS RGYU BA LA SOGS PA'O, ,SOGS PA NI MIG 'BYED PA DANG, 'DZUMS PA LA SOGS PA SROG CHAGS KYI CHOS DE NI SROG LA SOGS PA'O, ,DE DAG GANG LA YOD PA DE NI SROG LA SOGS PA DANG LDAN PA GSON PO'I LUS SO, ,DE'I DNGOS PO NI DE NYID DE DE BAS ZHES BYA STE, 'DI GTAN TSIGS SO, ,THUN MONG MA YIN PA 'DI YANG THE TSOM ZA BA'I RGYU NYID DU BSGRUB PAR BYA'O, ,PHYOGS KYI CHOS NI RGYU RNAM PA GNYIS KYIS THE TSOM GYI RGYUR GYUR PA NYID YIN TE, THE TSOM GYI RNAM PA GANG YIN PA DE DAG GNYIS KYI DNGOS PO THAMS CAD BSDUS PA'I PHYIR DANG, KHYAB PAR BYED PA'I RNAM PA DE GNYIS LAS YANG YOD PAR MA NGES PA'I PHYIR RO, ,RNAM PA GANG DAG GIS DNGOS PO THAMS CAD MA BSDUS PA'I RNAM PA DE DAG LA NI THE TSOM DU MI 'GYUR TE, 'DI RNAM PA GZHAN SRID NA NI PHYOGS KYI CHOS CAN DE CHOS GNYIS LAS GCIG DANG 'BREL BAR BSTAN PAR MI NUS TE, DE BAS NA THE TSOM GYI RGYUR MI @81A *, ,'GYUR RO, ,CHOS GNYIS MA NGES PAR YOD PAR STON NA NI THE TSOM GYI RGYUR 'GYUR RO, ,GNYIS MA NGES PAR YOD PAR YANG BSTAN PAR MI NUS NA NI MI RTOG PA'I RGYUR 'GYUR RO, ,NGES PAR YONG PAR BSTAN NA NI 'GAL BA'AM GTAN TSIGS SU 'GYUR RO, ,DE BAS NA GNYIS KYI DNGOS PO THAMS CAD BSDUS PA YIN LA, CI STE DE GNYIS LA GCIG PA YANG YOD PAR NGES PA MA YIN NA NI DE NYID LA THE TSOM ZA BA'I RGYU YIN NO, ,YOD PAR NGES PAR YANG 'GAL TE GCIG LA MI 'KHRUL PAR YOD PAR NGES NA NI 'GAL BA'AM GTAN TSIGS SU 'GYUR RO, ,MI 'KHRUL PA MA YIN PAR YOD PAR NGES PA YIN NA NI THUN MONG GIS MA NGES PA DANG, MI MTHUN PA'I PHYOGS LAS LDOG PA LA THE TSOM ZA BA DANG, LDOG PA MA GRUB LA RJES SU 'GRO BA LA THE TSOM ZA BAR 'GYUR RO, ,GCIG LA YANG YOD PAR NGES PA MED PA'I PHYIR NI THUN MONG MA YIN PA'I MA NGES BAR 'GYUR RO, ,DE BAS NA THUN MONG MA YIN PA'I MA NGES PA NYID KYI RGYU RNAM PA GNYIS BSTAN PA'I PHYIR BDAG DANG BCAS PA DANG ZHES BYA BA SMOS TE, BDAG DANG LHAN CIG TU 'DUG PA NI BDAG DANG BCAS PA'O, ,GANG LA 'BREL PA DE NI BDAG MED PA STE, GANG GI PHYIR DE DAG LAS PHUNG PO GZHAN NI YOD PA MA YIN NO, ,JI LTA BU ZHIG CE NA GANG LA DNGOS PO'I CHOS SROG LA SOGS PA 'DI GNAS PAR GYUR PA'O, ,DE BAS 'DI DE GNYIS LA THE TSOM ZA BA'I RGYU YIN NO, ,CI'I PHYIR PHUNG PO GZHAN MED CE NA, SMRAS PA, BDAG SMRAS PA LA NI DNGOS PO YOD PA DANG, RNAM PAR GCAD PA NI DNGOS PO MED PA STE, DE GNYIS KYIS DNGOS PO THAMS CAD BSDUS PA'I PHYIR DE'I NANG DU 'DUS PA'I PHYIR RO, ,GANG LA BDAG YOD PA DE NI BDAG DANG BCAS PA YIN LA, GZHAN NI BDAG MED PA DE'I PHYIR PHUNG PO GZHAN MED DO, ,THE TSOM GYI RGYU NYID DU GYUR BA'I RGYU RNAM PA GNYIS KYIS DNGOS PO THAMS CAD BSDUS PA BSTAN NAS, GNYIS PA BSTAN PA'I PHYIR, 'DI GNYIS LAS ZHES BYA BA SMOS TE, BDAG DANG BCAS PA DANG BDAG MED PA RNAM PA GNYIS KYI NANG NAS BDAG DANG BCAS PA'AM, BDAG MED PAR CIG LA YANG GNAS SHING YOD PAR NGES PA MED DO, ,SROG LA SOGS PA NI DNGOS PO CHOS YIN PA'I PHYIR PHUNG PO GNYIS LAS MA @81B GTOGS PAR GNAS PA MED DO, ,DE BAS NA 'DI NYID KHO NA LA GNAS SO ZHES BYA BA DE TZAM DU NI SHES NA, BYE BRAG TU 'DUG PAR NGES PA NI MED DO ZHES BYA BA'I DON 'DI YIN NO, ,DE BSTAN PA'I PHYIR SMRAS PA, BDAG DANG BCAS PA NYID KYI BYE BRAG DANG LDAN BAR SGRUB BA LA DNGOS PO NGES PA LA NI SROG LA SOGS PA'I CHOS MA GRUB STE, MA NGES PA'I PHYIR RO, ,DE LTAR CHOS THUN MONG MA YIN PA'I MA NGES PA'I RGYU RNAM PA GNYIS BSTAN TO, ,DE BAS NA ZHES BYA BA LA SOGS PAS NI PHYOGS KYI CHOS YIN BAR GYUR PA THAMS CAD THUN MONG DAM THUN MONG MA YIN PA'I MA NGES PRA 'GYUR BA DE BAS NA MJUG BSDU BA'I THABS KYIS PHYOGS KYI CHOS KHO NA STON PAR BYED DE, GSON PO'I LUS DANG 'BREL PA CAN GYI PHYOGS KYI CHOS ZHES BYA BA'I DON TO, ,'DI LTAR DE GNYIS LAS GCIG LA YANG GNAS PAR NGES PA MED BA DE BAS NA, DE GNYIS DANG BRAL BA MED DE, 'DI LTAR DNGOS PO THAMS CAD LA KHYAB BAR BYED PA'I DNGOS PO'I CHOS RNAM PA GNYIS LAS GCIG LA NGES PAR YOD PA YIN NA NI RNAM PA GZHAN LAS DES PAR LOG PA YIN NO, ,DE NYID KYI PHYIR BDAG DANG BCAS PA DANG, BDAG MED PA THAMS CAD KYI DNGOS PO LAS LOG PA NYID DU MA GRUB PA'I PHYIR TE ZHES BYA BA SMOS TE, RE ZHIG SROG LA SOGS PA NI BUM PA LA SOGS PA KHA CIG LAS NI LOG PA KHO NA YIN NO, ,DE BAS NA BDAG DANG BCAS PA'AM, BDAG MED PA 'GA' ZHIG LAS LOG PA YIN NA ZHES BYA BA NI DE TZAM DU NI NGAS PAR BYA NUS NA, THAMS CAD LAS LOG PA YIN PAR NI NGES PAR MI NUS SO, ,DE BAS NA GANG LAS KYANG LOG PA MED DO, ,CI STE DE LTA NA DE GNYIS LA RJES SU 'GRO BA NGES PA YIN MOD CE NA, DE LA ZHES BYA BA SMOS TE, BDAG DANG BCAS PA'AM BDAG MED PA'I DON LA SROG LA SOGS PA RJES SU 'GRO BA MED DO, ,CI'I PHYIR ZHE NA, BDAG GCIG LA YANG ZHES BYA BA SMOS TE, BDAG DANG BCAS PA'AM BDAG LA MED PA LA MA GRUB PA'I RGYU'I PHYIR TE, SROG LA SOGS PA DNGOS PO'I CHOS YIN PAS DE NYID LAS 'GA' ZHIG LA 'JUG PA YIN NO ZHES BYA BAR NI NGES NA, BDAG MED PA KHO NA LA 'JUG PAR NI NGES PA MED PAS JI LTAR RJES SU 'GRO BA NGES PA YOD, PHYIR RGOL BA LA NI BDAG DANG @82A *, ,BCAS PA 'GA' YANG MED PA YIN PAS DE BAS NA GTAN TSIGS 'DI'I BDAG DANG BCAS PA LA RJES SU 'GRO BA YANG MED LDOG PA YANG MED PAS BDAG DANG BCAS PA LA RJES SU 'GRO BA DANG LDOG PA GNYIS MED PAR NGES PA MA YIN NAM, DE YOD PAR THE TSOM ZA BA MA YIN NO SNYAM DU DOGS PA LA, BDAG DANG BCAS PA'I DNGOS BO LAS SROG LA SOGS PA RJES SU 'GRO BA DANG LDOG PA GNYIS MED PAR NGES PA MED LA, BDAG MED PA LA YANG MED DO, ,BDAG DANG BCAS PA DANG BDAG MED PA LAS ZHES BYA BA'I SNGA MA'I SGRA LA LTOS PAR BLTA'O, ,JI LTAR RJES SU 'GRO BA DANG LDOG PA GNYIS MED PAR NGES PA MED CE NA, SMRAS PA, RJES SU 'GRO BA'AM LDOG PA GANG YIN PA GCIG MED PAR NGES PA NI CIG SHOS GNYIS PA YOD BAR GDON MI ZA BAR MED NA, MED PA YIN TE, CI'I PHYIR YOD PAR NGES PA MI 'KHRUL BA YIN NO, ,DE'I DNGOS PO NI DE NYID DE DE BAS NA'O, , GANG GI PHYIR GCIG MED PAR NGES PA NI CIG SHOS YOD PA MED NA MED PA YIN TE, DE BAS NA GCIG LA GNYI GA MED PAR NGES PA MED DO, ,CI'I PHYIR GCIG MED PAR NGES PA NI CIG SHOS YOD PAR NGES PA MI 'KHRUL PA YIN ZHE NA, RJES SU 'GRO BA DANG LDOG PA GNYIS NI PHAN TSUN RNAM PAR GCOD PA'I NGO BO YIN PA'I PHYIR ZHES BYA BA SMOS TE, PHAN TSUN RNAM PAR GCOD PA NI DNGOS PO MED PA'O, ,DE NYID NGO BO GANG YIN PA STE, DE NYID KYI NGO BO NI DE NYID DE DE BAS NA'O, ,RJES SU 'GRO BA DANG LDOG PA GNYIS NI YOD PA DANG MED PA YIN NO, ,YOD PA DANG MED PA GNYIS NI PHAN TSUN RNAM PAR GCOD PA'I NGO BO YIN NO, ,GANG RNAM PAR BCAD PAS GANG YONGS SU GCOD PA DE NI YONGS SU SPANGS TE GNAS PA YIN LA RANG MED PA RNAM PAR GCOD PAS KYANG YOD PA YONGS SU GCOD DO, ,DE BAS NA RANG MED PAR RNAM PAR BCAD PAS YOD PAR GNAS PA YIN NO, ,MED PA NI RNAM PAR RTOG PAS JI LTAR BSTAN PA'I NGO BO MED PA YIN LA, NGO BO YANG RNAM PAR BCAD PA'I NGO BO YIN TE, BDAG DANG BDAG MED PA BZHIN DU YONGS SU GCOD PAR BYED DO, ,DE LTA YIN DANG RJES SU 'GRO BA MED PA NI LDOG PA YIN LA, LDOG BA MED PA NI RJES SU 'GRO BA YIN NO, ,DE BAS NA RJES SU 'GRO BA @82B MED PAR NGES PA NA YANG LDOG PA YOD PAR NGES PA YIN LA, LDOG PA MED BAR NGES PA NA YANG RJES SU 'GRO BA YOD PAR NGES PA YIN NO, ,DE BAS NA GAL TE BDAG DANG BCAS PA NI DNGOS PO MED LA, BDAG MED PA NI DNGOS PO YIN BA DE LTA NA YANG DE NYID GROG LA SOGS PA'I RJES SU 'GRO BA DANG LDOG PA GNYIS MED PAR NGES PA MED DE, DNGOS PO GCIG LA DUS GCIG TU YOD BA DANG MED PA GNYIS CIG CAR 'GAL BA'I PHYIR DE GNYIS KA MED PAR NGES PA MI RUNG BA'I PHYIR RO, ,PHYIR RGOL BA'I DOR BYAS TE, BDAG DANG BCAS PA DANG BDAG MED PA'I DNGOS PO YOD MED DU BYA BA YANG MA YIN NO, ,'O NA CI ZHE NA TSAD MA'I DBANG GIS TE, DES NA GNYI GA LA THE TSOM ZA'O, ,DE BAS NA DE GNYIS LA SROG LA SOGS PA'I LDOG PA YOD MED DU THE TSOM ZA BA YIN NO, ,GANG GI PHYIR DE LTAR 'GA' ZHIG LA RJES SU 'GRO BA DANG LDOG PA GNYIS YOD PAR NGES PA YANG MA YIN, MED BAR NGES PA YANG MA YIN PA DE BAS NA RJES SU 'GRO BA LDOG PA GNYIS LA THE TSOM ZA'O, ,CI STE 'GA' ZHIG LA RJES SU 'GRO BA DANG LDOG PA GCIG MED PAR NGES PA YIN NA NI DE NYID KYIS GNYIS YOD PAR NGES PA YIN PAS RJES SU 'GRO BA DANG LDOG PA LA THE TSOM ZA BA KHO NAR MI 'GYUR RO, ,GANG GI PHYIR 'GA' LA YANG YOD PA DANG MED PAR NGES PA MED PA DE NYID KYI PHYIR RJES SU 'GRO BA DANG LDOG PA GNYIS LA THE TSOM ZA BA YIN NO, ,THE TSOM ZA BAS MA NGES PA YIN NO, ,CI'I PHYIR MA NGES PA YIN ZHE NA, BSGRUB PAR BYA BA DANG CIG SHOS 'GAL BA LA RJES SU 'GRO BA DANG LDOG PA LA DE LTAR THE TSOM ZA BAS NGES PA MED PA'I PHYIR TE, MTHUN PA'I PHYOGS DANG MI MTHUN PA'I PHYOGS GNYIS LA YOD MED THE TSOM ZA NA BSGRUB PAR BYA BA MI 'GRUB PA LA 'GAL BA YANG MI 'GRUB BO, ,BDAG DANG BCAS PA DANG BDAG MED PA'I RNAM PA LAS RNAM PA GZHAN YANG MI SRID PA DE BAS NA SROG LA SOGS PA DANG LDAN PA'I PHYIR GSON PO'I LUS CHOS CAN LA BDAG YOD MED THE TSOM ZA BA'I SROG LA SOGS PA MA NGES PA YIN NO, ,TSUL GSUM PA MA GRUB PA DANG THE TSOM ZA BA GTAN TSIGS KYI NYES PAR BSTAN NAM, MJUG BSDU BA'I PHYIR SMRAS PA, DE LTAR NA BSTAN MA THAG PA'I RIM PAS NA TSUL GSUM PO DAG GI NANG NAS GANG GI TSE TSUL RE RE NA @83A *, ,GRUB PA'AM THE TSOM ZA BAR GYUR PA DANG, TSUL GNYIS GNYIS MA GRUB PA'AM, THE TSOM ZA BAR GYUR PA DE'I TSOM GRUB PA DANG, 'GAL BA DANG, MA NGES PA'I GTAN TSIGS LTAR SNANG BA DANG, CI RIGS PAR ZHES BYA BA NI GANG MA GRUB PA DANG, THE TSOM ZA NA GTAN TSIGS LTAR SNANG BA GANG DU RIGS PA DE NI MA GRUB PA'AM THE TSOM ZA BAR RNAM PAR GZHAG PA'I PHYIR TE, GANG DANG GANG LA GANG GI SBYOR BA NI CI LTAR RIGS PA YIN NO, ,SLOB DPON GYIS KYANG 'GAL BA MI 'KHRUL PA CAN YANG THE TSOM GYI RGYUR BSHAD PA MA YIN NAM, GTAN TSIGS KYI 'GAL BAR SGRUB PA GANG YIN PA DE MI 'KHRUL BA'I 'GAL BA NI 'GAL BA MI 'KHRUL BA CAN NO, ,YANG NA 'DI 'GAL BA YANG YIN TE, SGRUB PAR BYED PA GZHAN GYIS GRUB PA'I CHOS DANG 'GAL BA SGRUB PA'I PHYIR DANG, MI 'KHRUL PA CAN YANG YIN TE, RANG GI BSGRUB PAR BYA BA 'GAL BA MI 'KHRUL BA'I PHYIR 'GAL BA LA MI 'KHRUL BA CAN NO, ,RANG GI BSGRUB PAR BSHAD PA BDEN YANG NGAS 'DIR MA SMOS SO, ,CI'I PHYIR ZHE NA SMRAS PA, RJES SU DPAG BA'I YUL NI TSAD MAS GRUB PA'I TSUL GSUM PA LAS RJES SU DPAG PA 'BYUNG BDE BAS NA DE NYID RJES SU DPAG PA'I YUL NA, SKABS DE LA NI 'GAL BA MI 'KHRUL BA CAN MI SRID DO, , TSAD MAS MA GRUB PA'I TSUL GSUM BA'I GNAS SKABS LA NI GANG GI TSUL TSAD MAS GRUB PA DE NYID LA GTAN TSIGS LTAR SNANG BA DE NI SRID PA YIN NA, TSAD MAS GRUB PA'I TSUL GANG YIN PA LA NI TSAD MAS GRUB PA'I TSUL 'GAL BA MI 'KHRUL BA CAN YOD PA MA YIN TE, DE BAS NA MI SRID LA; MI SRID PA DE'I PHYIR MA SMOS SO, ,CI'I PHYIR MI SRID CE NA, 'BRAS BU 'AM RANG BZHIN NAM MI DMIGS PA'I ZHES BYA BA SMOS SO, ,GANG GI PHYIR 'GAL BA MI SRID PA'I PHYIR TE, 'BRAS BU DANG RANG BZHIN DE GNYIS KYI MTSAN NYID SMOS PA LA ZHES BYA BA LA, 'BRAS BU NI RGYU LAS SKYE BA'I MTSAN NYID KYI DE KHO NA YIN NO, ,RANG BZHIN YANG BSGRUB PAR BYA BAS KHYAB BA NYID YIN NO, ,'BRAS BU GANG YIN PA DANG RANG BZHIN GANG YIN PA DE GANG GIS NA 'GAL BAR 'GYUR BA JI LTAR NA BDAG GI RGYU DANG KHYAB PAR BYED PA'I RANG BZHIN YONGS SU 'DOR BAR GYUR NA MI DMIGS PA'I MTSAN NYID SMOS @83B PA LA YANG ZHES BYA BA NI SNANG BA MI DMIGS PA NYID MI DMIGS PA'I MTSAN NYID YIN TE, DE YANG DNGOS PO MED PAR MI 'KHRUL BA YIN PA'I PHYIR 'GAL BA NYID MI SRID DO, ,'ON TE DE DAG LAS GZHAN LAS 'GYUR RO SNYAM NA, GSUM PO DE DAG LAS MI 'KHRUL PA CAN GZHAN MED DE ZHES BYA BA SMROS TE; DES BAS NA DE DAG NYID RGYU NYID YIN NO, ,'O NA SLOB DPON PHYOGS KYI GLANG POS GTAN TSIGS KYI SKYON 'DI GANG LA GSUNGS SHE NA, SMRAS PA, GANG GI PHYIR DNGOS PO'I STOBS KYIS ZHUGS PA'I RJES SU DPAG PA LA MI SRID PA DE BAS NA, LUNG LA BRTEN PA'I RJES SU DPAG PA LA BRTEN TE; 'GAL BA MI 'KHRUL PA CAN BSTAN TE, LUNG LAS GRUB BA LA RJES SU DPAG PA GANG GI TSUL GSUM BYED PA DE LUNG LA BRTEN PA'O, ,LUNG LAS GRUB BA'I TSUL GSUM PA'I TSAD MAS GRUB PA MA YIN NAM ZHE NA, DNGOS PO MA MTHONG BA'I STOBS KYIS ZHUGS PA YIN PAS NA ZHES SMOS TE, DNGOS PO MTHONG BA NI RNAM PAR RTOG PA TZAM MO, ,DE'I STOBS NI MTHU'O, ,DES ZHUGS PA NI TSAD MA MA YIN BA'I PHYIR TE, RNAM BAR RTOG BA TZAM LAS RNAM PAR GZHAG PA LUNG LAS GRUB PA'I TSUL GSUM PA'I RDZAS SU DPAG PA NI TSAD MA MA YIN PA'I PHYIR RO, ,'O NA LUNG LAS GRUB PA'I TSUL GSUM PA'I RJES SU DPAG PA DE GANG GI CHED DU BYAS SHE NA, DE'I DON DPYAD PA DAG LAS ZHES BYA BA SMOS TE, LUNG GI DON SPYI LA SOGS PA GANG YIN PA DE NI DBANG PO'I YUL LAS 'DAS PA DANG MNGON SUM DANG RJES SU DPAG PA GNYIS KYIS PHUL DU MA BYAS PA DE DPYAD PA LA ZHUGS PA NI, SLOB DPON GYIS LUNG LA BRTEN PA'I 'GAL BA MI 'KHRUL BA CAN BSHAD PA ZHES BYA BA GANG YIN PA LUNG LA BRTEN PA'I RJES SU DPAG PA LA SRID PAR 'GYUR RO, ,CI'I PHYIR LUNG LA BRTEN PA'I RJES SU DPAG PA LA YANG SRID PAR 'GYUR ZHES NA, SMRAS PA, BSTAN BCOS BYED PA RNAMS LA RANG BZHIN LOG PAR 'GAL BA'I NGO BO STON TE, SGRUB BA DE SRID PA'I PHYIR 'GAL BA MI 'KHRUL PA CAN SRID DO, ,'KHRUL PAS ZHES BYA BA NI, PHYIN CI LOG GIS TE, PHYIN CI LOG BAR BSTAN BCOS BYED PA RNAMS NI MED PA'I NGO BO DE DANG DE SGRO 'DOGS PAR BYED PA'I PHYIR RO, ,CI STE BSTAN BCOS BYED PA YANG 'KHRUL PA YIN NA SKYES BU GZHAN LA YID @84A *, ,BRTAN DU CI YOD CE NA, DNGOS PO JI LTA BA BZHIN DU ZHES BYA BA SMOS TE, GTAN TSIGS RNAMS NI RTOGS PAS GTAN TSIGS NYID DU RNAM PAR GZHAG PA MA YIN GYI, RANG BZHIN GNAS PAS GZHAG PA YIN NO, ,DE BAS NA, DNGOS PO JI LTA BA BZHIN DU GNAS PAR 'DUG PA BDAG DANG 'BRAS BU DANG MI DMIGS PA DAG LA NI MI SRID DE GNAS PA NI DON DAM PAR YOD PA'O, ,DNGOS PO NI YOD PA'O, ,DNGOS PO JI LTA BA BZHIN DU GNAS PAR 'DUG PA RNAM PAR GZHAG PA GANG DAG YIN PA DE DNGOS PO JI LTA BA BZHIN DU GNAS PAR 'DUG PA DAG GO, ,DE DAG NI JI LTAR GNAS PA'I DE BZHIN DU BZHAG PA YIN GYI, RTOGS PAS NI MA YIN NO, ,DE BAS NA DE RNAMS LA NI GANG GIS NA 'GAL BA MI 'KHRUL BA CAN SRID PAR 'GYUR BA NOR BA'I GO SKABS MED DO, ,DE LA 'GAL PA MI 'KHRUL PA CAN GYI DPE NI GANG ZHIG YUL 'DI THAMS CAD GNAS PA RANG DANG 'BREL PA CAN DAG DANG, CIG CAR MNGON PAR 'BREL PA NI YUL THAMS CAD NA GNAS PA DANG MNGON PAR 'BREL PA YIN NO, ,SPYI NI YUL THAMS CAD NA GNAS PA DANG MNGON PAR 'BREL PA BSTAN NAS DE THAMS CAD DU SONG BA YIN PA NYID DU BSTAN TO, ,DES NA CIG CAR DU MNGON PAR 'BREL PA CAN DANG THAMS CAD DU SONG BA LA NGES PAS DES KHYAB PA STON TO, ,SPYI DE LA DRANG SRONG CHEN PO GZEGS ZAN NI GCIG PU G-YO BA MED PA YIN LA, THAMS CAD NA GNAS PA RANG DANG 'BREL PA CAN DAG TU 'DU BA'I SGO NAS 'BREL PAR SMRA'O, ,DE LA GZIGS ZAN PA'I SLOB MA PE LU KAS NI BSAL BA DANG BRAL BA'I YUL NA YANG SPYI GNAS PAR BSGRUB PA'I PHYIR TSAD MA 'DI SMRAS SO, ,DPER NA NAM MKHA' BZHIN NO ZHES BYA BA NI KHYAB PA BSTAN PA'I YUL GYI DPE STE, NAM MKHA' YANG YUL THAMS CAD NA GNAS PA'I SHING LA SOGS PA RANG DANG LDAN PA CAN DAG DANG CIG CAR DU MNGON PAR 'BREL CING THAMS CAD DU SONG BA YANG YIN NO, ,SPYI YANG YUL THAMS CAD NA GNAS PA RANG DANG 'BREL PA CAN DAG DANG CIG CAR DU 'BREL TO ZHES BYA BA NI GTAN TSIGS KYI PHYOGS KYI CHOS NYID BSTAN PA YIN NO, ,'DI RANG BZHIN GYI GTAN TSIGS NYID YIN PAR SBYAR BA'I PHYIR DE DANG 'BREL BA CAN GYI @84B ZHES BYA BA SMOS TE, YUL THAMS CAD NA YOD PA'I RDZAS DE DAG DANG 'BREL PA CAN SPYI LA YOD PA'I RANG BZHIN DE KHO NA TZAM NI, DE DAG 'BREL PA'I RANG BZHIN TZAM YIN LA, DE DANG RJES SU 'BREL BA NI RJES SU 'JUG BA'O, ,DE GANG ZHE NA, DE'I YUL NA 'DUG BA'I RANG BZHIN NYID YIN NO, , 'BREL PA CAN DE DAG GI YUL NI DE'I YUL LO, ,DE'I YUL NA 'DUG PA'I RANG BZHIN GANG YIN PA DE NI DE'I YUL NA 'DUG PA'I RANG BZHIN NYID YIN TE, DE'I DNGOS PO DE BAS NA'O, ,GANG ZHIG DE DAG DANG 'BREL PA CAN GYI RANG BZHIN DE NI GDON MI ZA BAR DE DAG GI YUL NA 'DUG PA YIN NO, DE BAS NA SPYI NI 'BREL PA CAN DE'I RJES SU 'JUG PA'I YUL CAN DE'I YUL NA 'DUG PA YIN NO, ,BDAG PO NI BA LANG DANG RJES SU 'BREL PA CAN YIN YANG BA LANG GI STENG NA MI 'DUG PA'I RANG BZHIN MA YIN NAM, DE JI LTAR NA 'BREL PA CAN YIN PA'I PHYIR DE'I YUL NYID NA 'DUG BA YIN ZHE NA, GANG NA GANG MED PA ZHES BYA BA SMOS TE, YUL GANG NA GANG MED PA DE NI DE'I YUL GANG YIN PA'I YUL DE LA DE'I RANG GI NGO BO BDAG NYID KYIS KHYAB PAR BYED PA MA YIN NO, ,'DIR NI DE DANG LDAN PAR NI 'DU BA'I MTSAN NYID KYI 'BREL PA YIN LA, DE GNYIS KYANG YUL THA DAD PA MA YIN PA KHO NA YIN NO, ,DE BAS NA GANG DU GANG 'DU BA DE NI DES BDAG GI BA'I NGO BOR PANG DU BLANGS SHING 'DU BA CAN GYI NGO BOR RI YUL NA BDAG NYID GNAS PAS SO, ,YUL DE'I NGO BO NA GNAS PA NYID DE PANG DU BLANGS PA YIN NO, ,DE LTAR NA DE DANG 'DU BA YIN NO, ,DE BAS NA RDZAS GANG LA GANG ZHIG 'DU BA DE NI DE LA BDAG NYID KYIS KHYAB PA DANG LDAN PA YIN TE, DE'I YUL NA GNAS PA YIN NO, ,DE'I DON NI 'DI YIN TE, DE'I YUL NI GNAS PA'I DNGOS PO LA KHYAB PA DE'I YUL NA YOD PAS KHYAB PA YIN NO, ,DE'I YUL NA YONG BA MA YIN NA NI DE LA KHYAB PA YANG MED PA'I PHYIR TE, KHYAB PA'I MTSAN NYID KYI 'DUG PA'I 'GREL PAR YANG MI 'GYUR BA ZHIG NA, KHYAB PA YANG YOD PA DE BAS DE'I YUL NA 'DUG PA KHO NA YIN TE, 'DI NI RANG BZHIN GYI GTAN TSIGS YIN NO, ,DPE THA RA'I SBYOR BA BSTAN PA'I PHYIR, SBYOR BA GNYIS YANG ZHES BYA BA SMOS SO, ,DMIGS PA'I MTSAN NYID DU GYUR PA GANG ZHIG CES BYA BA NI SNANG BA ZHES BYA @85A *, ,BA'I DON TO, ,DE BAS NA SNANG BA MI DMIGS PA RJES SU BRJOD NAS, DE NI DE NA MED DE ZHES BYA BA NI THA SNYAD DU BYA BA MED PA NYID BSGRUB PA'O, ,DE LTAR NA KHYAB PAR BYA BA NA SNANG BA MI DMIGS PA YIN LA, THA SNYAD DU BYA BA NYID NI KHYAB PAR BYED BA YIN PAR BSTAN TO, ,DPER NA 'GA' ZHIG NA BUM PA MED DO ZHES BYA BA NI DPE'O, ,PHYOGS KYI CHOS NYID BSTAN PA'I PHYIR, ,GSAL BA'I BAR RNAMS LA YANG DMIGS PA'I MTSAN NYID DU GYUR PA MI DMIGS SO ZHES BYA BA SMOS TE, ,GSAL BA RNAMS KYI BAR NI GSAL BA'I BAR YIN NO, ,GSAL BAS STONG PA'I NAM MKHA' BZHIN NA; ,SPYI SNANG BA YIN YANG GSAL BA'I BAR NA RTA LA SOGS PA'I GSAL BA KHA CIG DANG, STONG BA NAM MKHA' LA MI DMIGS TE, DE BAS NA DE DAG LA MED DO ZHES BYA BAR MNGON NO, ,MI DMIGS PA 'DI DANG SNGAR SMOS PA'I RANG BZHIN NI PHAN TSUN 'GAL BA'I DON GANG YIN PA DE DAG SGRUB PAR BYED PA'I PHYIR DE GNYIS CHOS CAN LA GCIG LA THE TSOM SKYED PAR BYED DO, ,DON GCIG LA NI PHAN TSUN 'GAL BA'I RANG NGO BOR 'GYUR BA MI RIGS TE, 'DI DAG GCIG GIS NI GSAL BA'I BAR GSAL BAS STONG PA'I NAM MKHA' NA YOD PA BSGRUBS, CIG SHOS KYIS NI DE MI DMIGS PAS NA MED PAR BSGRUB PAR GCIG LA DUS GCIG LHAN CIG TU YOD PA DANG MED PA MI RIGS TE, DE GNYIS GAL BA'I PHYIR RO, ,LUNG LAS GRUB PA'I PHYIR NI THAMS CAD DU SONG BA NYID DANG THAMS CAD DU SONG BA MA YIN PA NYID DANG RJES SU BSGRUB PA DE GNYIS NI 'GAL BA MI 'KHRUL PA CAN DU GYUR PA YIN TE, 'DI LTAR CI GCIG YIN LA, YUL THAMS CAD NA GNAS PA DANG CIG CAR MNGON BAR 'BREL PA DANG, SNANG BAR YANG KHAS LEN TO, ,DE BAS NA 'BREL PA CAN YIN PA'I PHYIR THAMS CAD DU SONG BA NYID DANG, SNANG BA YIN PA'I PHYIR BAR NA MI DMIGS PAS NA DE THAMS CAD DU SONG BA MA YIN PA NYID DO, ,DE BAS NA BSTAN BCOS BYED PAS 'GAL BAS KHYAB PA MA MTHONG BAR 'GAL BAS KHYAB CHOS SMRA BA NI 'GAL BA MI 'KHRUL PA'I GO SKABS 'BYED PA YIN GYI, DNGOS PO LA NI 'DI MI SRID DO ZHES BYA BAS GTAN TSIGS LTAR SNANG BA MA BSTAN PA YIN NO, ,SGRUB PAR BYED PA'I YAN LAG YIN PA'I PHYIR JI LTAR GTAN @85B TSIGS BSTAN CING DE'I ZHAR LA GTAN TSIGS SNANG BA YANG BSTAN PA MA YIN NAM, DE BZHIN DU SGRUB PAR BYED PA'I YAN LAG YIN PA'I PHYIR DPE DANG DE'I ZHAR LA DPE LTAR SNANG BA BSTAN PAR BYA BA MA YIN NO, ,DE CI'I PHYIR MI BSTAN CE NA, SMRAS BA, GTAN TSIGS KYI MTSAN NYID GSUM SMOS ZIN PAS DPE DES CI ZHIG BYA, 'ON TE DE TZAM GYIS DON KHONG DU MI CHUD DO ZHE NA, DE TZAM GYIS ZHES BYA BA SMOS TE, MTSAN NYID BSTAN ZIN PA'I GTAN TSIGS DE KHO NAS BSGRUB PAR BYA BA RTOGS PAR 'GYUR BA DE'I PHYIR DE KHO NA GO BAR BYED BA YIN NO, ,DE BAS NA DE'I TSIG KHO NA SGRUB BAR BYED PA YIN GYI, DPE ZHES BYA BA SGRUB PAR BYED PA'I YAN LAG NI LOGS SHIG NA CI YANG MED DO, ,GANG GI PHYIR 'DI YAN LAG MA YIN PA DE BAS NA DPE DE'I MTSAN NYID LAS LOGS SHIG TU MA BRJOD DO, ,'O NA GTAN TSIGS KYI DPE MED NA GTAN TSIGS KHYAB PA NGES PAR JI LTAR 'GYUR ZHE NA, GTAN TSIGS KYI DPE MED DO ZHES MI ZER RO, ,'ON KYANG GTAN TSIGS LAS LOGS SHIG NA DPE ZHES BYA BA MED DE, GTAN TSIGS NYID DU DPE 'DUS PA YIN NO, ,DE BAS NA DE'I MTSAN NYID LOGS SHIG TU MA BRJOD DO ZHES SMRAS KYI, DPE'I MTSAN NYID NI MI BRJOD DO ZHES DE SKAD DU NI MA SMRAS SO, ,CI STE DE LTA NA TSIG LA MKHO BA'I MTSAN NYID KYANG BRJOD PAR BYA DGOS PA KHO NA YIN NO ZHE NA, DON GO BA'I PHYIR RO ZHES BYA BA SMOS TE, GO BA'I DON NI DPE'I MTSAN NYID GANG LA DON TE DGOS PA 'AM BRJOD PAR BYA BA GO BAR YOD PA DE LA DE SKAD CES BYA'O, ,DE'I DNGOS PO NI DE NYID DE DE BAS NA'O, ,DPE'I MTSAN NYID BSHAD PA NI JI LTAR DPE KHONG DU CHUD PAR BYA BA'I PHYIR YIN LA, DPE YANG GTAN GYI, DNGOS PO LA NI 'DI MI SRID DO ZHES BYA BAS NA DE'I TSIG KHO NA SGRUB BAR BYED PA YIN GYI, PA GANG YIN PA DE NI BGO BA STE, GRUB PA'AM BRJOD PAR BYA BA DPE ZHES BYA BA YANG GO BA STE SHES PA YIN NO, ,JI LTAR DE DON GO BA YIN ZHE NA, SMRAS PA, 'BRAS BU DANG RANG BZHIN DANG MI DMIGS PA RNAMS KYI GTAN TSIGS KYI TSUL DE DAG SPYIR THUN MONG DU BYE BRAG MED PAR BSHAD ZIN TO ZHES BYA BA'I THA TSIG GO, ,DE GANG ZHE NA, MTHUN PA'I PHYOGS LA YOD PA GANG YIN PA DANG, MI MTHUN PA'I PHYOGS THAMS CAD @86A *, ,LAS LDOG PA'I TSUL GNYIS PO DE NI BYE BRAG MED PAR BSHAD ZIN TO, ,SPYIR BSHAD ZIN KYANG RTOGS PAR MI NUS PAS DE BAS NA DE NYID KYI BYE BRAG GI MTHA' BRJOD PAR BYA DGOS SO, ,DE BAS NA BYE BRAG TU NI 'BRAS BU DANG RANG BZHIN GNYIS SKYE BA DANG, DE TZAM GYI RJES SU 'JUG PA YIN PAR BSTAN PAR BYA BA BSHAD DE, 'BRAS BU NI SKYE BAR SHES NA NI MTHUN PA'I PHYOGS KHO NA LA YOD PA DANG, MI MTHUN PA'I PHYOGS THAMS CAD LAS LDOG PA YIN PAR SHES PAR 'GYUR RO, ,RANG BZHIN NI DE TZAM GYI RJES SU 'JUG PA YIN PAR BSTAN PAR BYA BA BSHAD DE, DE ZHES BYA BA NI SGRUB PAR BYED PA'O, ,DE NYID TZAM YIN TE, SGRUB PAR BYED PA TZAM GYIS RJES SU 'JUG PA RJES SU 'GRO BA NI SGRUB PAR BYED PA TZAM YOD NA SGRUB PAR BYED PA YOD PA YIN LA, SGRUB PAR BYED PA YANG GANG GI TSE BSGRUB PAR BYA BA YOD PA TZAM NYID KYI DE'I BDAG NYID SHES PAR 'GYUR BA DE'I TSE RANG BZHIN GYI GTAN TSIGS MTHUN PA'I PHYOGS KHO NA LA YOD PA DANG, MI MTHUN PA'I PHYOGS THAMS CAD LAS LOG PAR SHES PAR 'GYUR RO, ,DE LTAR NA SPYI'I MTSAN NYID NI BYE BRAG GI BDAG NYID CAN DU SHES PAR BYA'I, GZHAN DU NI MA YIN TE, DE BAS NA BYE BRAG GI MTSAN NYID BSHAD DO, ,CI STE DE LTA YIN NA, DES CIR 'GYUR ZHE NA, DE YANG ZHES BYA BA SMOS TE, SPYI'I MTSAN NYID BSTAN PAR 'DOD PAS BYE BRAG GI MTSAN NYID STON PAR BYED PA KHO NAS BSTAN PAR BYA BA YIN PAR SBYAR RO, ,GANG NA DU BA YOD PA DE NA ME YOD LA ZHES BYA BA NI 'BRAS BU'I GTAN TSIGS LA KHYAB PAR BSTAN PA YIN TE, KHYAB PA YANG RGYU DANG 'BRAS BU'I DNGOS PO BSGRUB PA'I PHYIR TSAD MA LAS NGES PA YIN NO, ,DE BAS NA DPER NA TSANG BANG LTA BU'I ZHES BRJOD PAR BYA DGOS SO, ,ME MED NA DU BA YANG MED DO ZHES BYA BA NI LDOG PA BSTAN TO, ,DE YANG DPER NA GZHAN PA LTA BU'I ZHES BYA BAR BSTAN PAR BYA DGOS TE, ME LOG NA DU BA NGES PAR LDOG PA YIN PAR BSTAN PAR BYA DGOS LA, DE YANG TSANG BANG LAS GZHAN PA LTA BU'I ZHES BSTAN PAR BYA'O, ,GANG NA BYAS PA NYID YOD PA DE NA RTAG PA NYID YOD LA ZHES BYA BAS NI RANG BZHIN GYI GTAN TSIGS LA KHYAB PAR BSTAN TO, ,MI RTAG PA @86B NYID YIN NA BYAS PA YANG MI SRID DE ZHES BYA BAS NI LDOG PA BSTAN TO, ,KHYAB PA SGRUB PAR BYED PA'I TSAD MA YANG CHOS DANG MTHUN PA'I DPE LAS BSTAN PAR BYA BA YIN LA, KHYAB PAR RAB TU GRUB PA'I GTAN TSIGS KYANG BSGRUB PAR BYA BA LOG NA LDOG PAR BSTAN PAR BYA DGOS SO, ,DE BAS NA GDON MI ZA BAR DE DPER NA, BUM PA DANG NAM MKHA' LTA BU'O ZHES BSTAN PAR BYA BA YIN NO, ,DE LTAR CI'I PHYIR ZHE NA, GZHAN DU NA ZHES BYA BA SMOS TE, GANG GI PHYIR GZHAN DU NA SPYI'I MTSAN NYID KYI NGO BO MTHUN PA'I PHYOGS DAG LA YOD PA DANG MED PA JI SKAD SMOS PA'I RNAM PA DAG CES BYA BA MTHUN PA'I PHYOGS KHO NA LA YOD PAR NGES PA DANG MI MTHUN PA'I PHYOGS LA MED PA KHO NAR NGES PA JI SKAD DU SMOS PA'I RNAM PA DE DAG BSTAN PAR MI NUS SO, ,BYE BRAG GI MTSAN NYID BSTAN NAS NI JI SKAD SMOS PA'I RNAM PA YOD PA DANG MED PA NYID BSTAN PA YIN NO, ,BYE BRAG GI MTSAN NYID KYANG GZHAN DU BSTAN PAR MI NUS TE, BSGRUB PAR BYA BA DE'I 'BRAS BU NI DE'I 'BRAS BU STE DU BA'O, ,DE'I DNGOS PO NI DE'I 'BRAS BU NYID DO, ,DE NYID NGES PA YIN TE, ,'DI LTAR ME LA DU BA NI DE'I 'BRAS BU NYID DU NGES PA YIN NO, ,DE'I 'BRAS BU NYID DU NGES PA BYE BRAG GI MTSAN NYID KYI NGO BO GANG YIN PA DE NI GZHAN DU BSTAN PAR MI NUS SO, ,RANG BZHIN GYI RTAGS NI BSGRUB PAR BYA BA'I RANG BZHIN GYI KHYAD PAR YIN PA'I BYE BRAG GI MTSAN NYID KYI NGO BO YANG GZHAN DU BSTAN PAR MI NUS SO, ,'DI LTAR RGYU DANG 'BRAS BU DANG, DE'I BDAG NYID KYIS DNGOS PO TSANG BANG DANG BUM PA LAS SHES PAR BYA BA YIN NO, ,DE BAS NA KHYAB PA SGRUB PAR BYED PA'I TSAD MAS STON PAR NI CHOS DANG MTHUN PA'I DPE BSTAN PAR BYA BA YIN NO, ,DE'I 'BRAS BU NYID DU RAB TU BSGRUB PA LA NI RGYU'I DNGOS PO MED PA YIN PAR RTOGS PAR BYA BA'I PHYIR CHOS DANG MI MTHUN PA'I DPE BSTAN PA YIN NO, ,DE NYID KYI PHYIR GDON MI ZA BAR DNGOS PO YANG MA YIN RGYU'I NGO BO MED NA 'BRAS BU'I NGO BO MED PA NI DNGOS PO'AM DNGOS PO MA YIN PA YIN NO, ,DE LTAR NA DNGOS PO 'AM DNGOS PO MED PA CHOS DANG MI MTHUN PA'I DPER 'DOD DO, ,DE BAS NA DPE MED PA NI GTAN TSIGS KYI RJES SU 'GRO BA'AM LDOG PA BSTAN PAR MI NUS SO, ,DE'I PHYIR NA GTAN @87A *, ,TSIGS KYI TSUL BSHAD PA KHO NAS GTAN TSIGS LA KHYAB PA SGRUB PAR BYED PA'I TSAD MA STON PAR BYED PA CHOS DANG MTHUN PA'I DPE YIN LA, KHYAB PAR RAB TU BSGRUB PA'I GTAN TSIGS KYANG GRUB PA MED NA MED PA GANG YIN PA BSTAN PA'I PHYIR CHOS DANG MI MTHUN PA'I DPE BLANG BAR BYA BA YIN NO ZHES BSTAN PA YIN NO, ,DON 'DI BSTAN NA DPE BSTAN PA KHO NA YIN TE, KHYAB PA GRUB PA'I TSAD MA STON PA DANG LDOG PA STON PA GRUB PA MED NA ME BLANG BAR BYA BA'I DON GANG YIN PA DE'I DON BSTAN PA NA YANG DPE BSTAN PA YIN NO, ,'DI GA LAS SHE NA BSHAD PA, GANG GI TSUL DE TZAM DU ZAD PA DE'I DNGOS PO NI DE NYID DE BAS NA'O, ,DPE'I TSUL NI DE TZAM DU ZAD DE, 'DI LTA STE, KHYAB PA SGRUB PAR BYED PA'I TSAD MAS STON PA NYID CES BYA BA NI CHOS DANG MTHUN PA'I DPE YIN LA, KHYAB PA RAB TU GRUB PA LA YANG BSGRUB PAR BYA BA LOG NA LDOG PA RAB TU STON PA NYID YIN TE, DE YANG GTAN TSIGS KYI NGO BO BSHAD PA KHO NAS BSHAD PA YIN PAS DE'I MTSAN NYID KYIS CI ZHIG BYA, GTAN TSIGS KYI TSUL BSHAD PA LAS DPE'I DE KHO NA NYID BSTAN PA 'DIS NI DPE'I NYES PA DPE LTAR SNANG BA YANG BSTAN PA YIN TE, 'DI LTAR SNGAR BSHAD PA GRUB PAR BYA BA'I PHYIR DPE BLANGS BA YIN YANG RANG GI 'BRAS BU SGRUB PAR BYED MI NUS PA DE NI DPE'I NYES PA YIN NO ZHES SHUGS KYIS BSTAN PA YIN NO, ,DPER NA ZHES BYA BAS NI DPE LTAR SNANG BA'I DPE DGOD PA YIN TE, SGRA NI RTAG PA YIN TE ZHES BYA BA NI SGRA RTAG PA NYID DU BSGRUB PAR BYA BA YIN NO, ,LUS CAN MA YIN PA'I PHYIR ZHES BYA BA NI GTAN TSIGS SO, ,LAS DANG RDUL PHRA RAB DANG BUM PA BZHIN NO ZHES BYA BA DE DAG NI CHOS DANG MTHUN PA'I DPE BSTAN PA YIN NO, ,DE DAG KYANG BSGRUB PAR BYA BA DANG, SGRUB PAR BYED PA'I CHOS DANG, GNYI GA MED PA'I DPE NYES PA YIN NO, ,BSGRUB PAR BYA BA MED PA NI LAS TE, DE MI RTAG PA'I PHYIR RO, ,SGRUB PAR BYED PA MED PA NI RDUL PHRA RAB YIN TE, RDUL PHRA RAB RNAMS LUS CAN YIN PA'I PHYIR RO, ,RDZAS THAMS CAD DU SONG BA MA YIN PA TSAD MA YOD PA NI LUS CAN YIN LA, THAMS CAD DU SONG BA MA YIN PA DANG, RDZAS KYI RDUL PHRA RAB NI BYE BRAG PA DAG RTAG PAR 'DOD DO, ,DE BAS NA BSGRUB PAR BYA BA MED PA MA YIN NO, , @87B BUM PA NI GNYIS KA MED PA MA YIN TE, BUM PA MI RTAG PA YIN PA'I PHYIR DANG LUS CAN YIN PA'I PHYIR RO, ,DE BZHIN DU GANG LA BSGRUB PAR BYA BA'I CHOS LA THE TSOM ZA BA DE NI BSGRUB PAR BYA BA'I CHOS LA THE TSOM ZA'O, ,DE LA SOGS PA GANG YIN PA DE DAG LA DE SKAD CES BYA STE, BSGRUB PAR BYA BA'I CHOS LA THE TSOM ZA BA DANG, SGRUB PAR BYED PA'I CHOS LA THE TSOM ZA BA DAG GNYI GA LA THE TSOM ZA'O, ,DPER NA ZHES BYA BA NI DPE 'GOD PA YIN TE, 'DOD CHAGS LA SOGS PA DANG LDAN PA YIN TE ZHES BYA BA NI BSGRUB PAR BYA BA'O, ,SMRA BA'I PHYIR ZHES BYA BA NI GTAN TSIGS SO, ,LAM PO CHE'I MI BZHIN NO ZHES BYA BA'I DPE LA NI 'DOD CHAGS LA SOGS PA DANG LDAN PA NYID LA THE TSOM ZA BA YIN NO, ,'DI NI 'CHI BA'I CHOS DANG LDAN PA YIN PAS 'CHI BA'I CHOS CAN YIN PA NI BSGRUB PAR BYA BA'O, ,MI 'DI NI ZHES BYA BA NI CHOS CAN YIN NO, ,'DOD CHAGS LA SOGS PA DANG LDAN PA'I PHYIR ZHES BYA BA NI GTAN TSIGS TE, LAM PO CHE'I MI BZHIN NO ZHES BYA BA NI DPE LA YOD PA THE TSOM ZA BA YIN LA, BSGRUB PAR BYA BA 'CHI BA'I CHOS CAN DU NGES PA YIN NO, ,THAMS CAD MKHYEN PA MA YIN TE ZHES BYA BA THAMS CAD MKHYEN PA MA YIN PA NYID NI BSGRUB PAR BYA BA'O, ,'DOD CHAGS LA SOGS PA DANG LDAN PA'I PHYIR ZHES BYA BA NI GTAN TSIGS TE, DE GNYI GA YANG LAM PO CHE'I MI'I DPE LAS THAMS CAD MKHYEN PA NYID DANG, 'DOD CHAGS LA SOGS PA DANG MI LDAN PA YANG YOD PAS THE TSOM ZA BA YIN NO, ,DE BZHIN DU RJES SU 'GRO BA MED PA ZHES BYA BA NI DPE GANG LA BSGRUB PAR BYA BA DANG, SGRUB PAR BYED PA GNYIS SRID PA TZAM DU SNANG BA LA, SGRUB PAR BYED PAS KHYAB PA MA YIN PA'I GTAN TSIGS DE NI RJES SU 'GRO BA MED PA ZHES BYA'O, ,RJES SU 'GO BA RAB TU MA BSTAN PA NI DPE GANG LA RJES SU 'GRO BA YOD KYANG SMRA BA POS MA BSTAN PA DE NI RJES SU 'GRO BA MA BSTAN PA YIN NO, ,DPER NA ZHES BYA BA NI RJES SU 'GRO BA MED PA'I DPE DGOD PA YIN NO, ,GANG SMRAS PA DE NI ZHES BYA BAS SMRAS PA NYID RJES SU BRJOD NAS 'DOD CHAGS LA SOGS PA DANG LDAN PA NYID BSGRUB PAR BYA BA'O, ,DE BAS NA SMRA BA NYID 'DOD CHAGS LA SOGS PA DANG LDAN PA NGES PA NA KHYAB PA BSTAN PA YIN NO, ,'DOD PA'I MI @88A *, ,BZHIN NO ZHES BYA BA LA 'DOD PA'I SGRAS SLAR RGOL BA YANG GZUNG BAR BYA'O, ,DES NA 'DOD PA'I MI LA SMRA BA NYID DANG, 'DOD CHAGS LA SOGS PA DANG LDAN PA GNYIS YOD PA TZAM DU NI GRUB NA KHYAB PA MA GRUB STE, DES NA RJES SU 'GRO BA MED PA'I DPE YIN NO, ,SGRA MI RTAG PA STE ZHES BYA BA NI MI RTAG PA NYID NI BSGRUB PAR BYA BA'O, ,BYAS PA'I PHYIR ZHES BYA BA NI GTAN TSIGS GO, ,BUM PA BZHIN NO ZHES BYA BA NI DPE 'DI LA RJES SU 'GRO BA MA BSTAN PA YIN NO, ,'DIR BYAS PA NYID DU BUM PA DANG SGRA 'DRA MOD KYI, 'ON KYANG MI RTAG PA'I SGO NAS 'DRA BAR MI RTOGS PAR MI NUS TE; HA CANG THAL BAR 'GYUR BA'I PHYIR RO, ,CI STE BYAS PA NYID MI RTAG PA'I NGO BO YIN PAR SHES PAR GYUR NA NI DE LTA NA NI BYAS PA YIN PA'I PHYIR MI RTAG PAR RTOGS PAR 'GYUR TE, DE BAS NA GANG BYAS PA DE NI MI RTAG PA YIN NO ZHES BYA BA NYID MI RTAG PA NYID LA SOGS PA BRJOD NAS NGES BA BSGRUB PA'I PHYIR RJES SU 'GRO BA'I TSIG GI DON RTOGS PAR BYA BA'I YUL DPER BLANGS PA YIN LA, DON DE YANG RJES SU 'GRO BA BSTAN PA NYID YIN NO, ,'DIS NI RJES SU 'GRO BA'I TSIG MA SMRAS PA KHO NAR DPER BLANGS PA YIN NO, ,'DI 'DRA BA NI CHOS DANG MTHUN PA TZAM KHO NAR NYE BAR SBYAR BA YIN LA, CHOS DANG MTHUN PAS NI BSGRUB PAR BYA BA MI 'GRUB BO, ,DE BAS NA RJES SU 'GRO BA'I DON DANG LDAN PA DPE YIN LA, DON DE YANG 'DIR MA BLANGS LA, CHOS DANG MTHUN PA'I DON BLANGS PA NYE BAR MKHO BA MA YIN TE, DE BAS 'DI SMRA BA POS NYES PA'I PHYIR DPE'I NYES PA YIN NO, ,SMRA BA POS NI 'DIR GZHAN LA KHONG DU CHUD PAR BYA BA YIN NO, ,DE BAS NA CI STE DNGOS PO LA SKYON MED MOD KYI, 'ON KYANG SMRA BA POS NYES PAR BSTAN PA YIN PAS NYES PA NYID YIN NO, ,DE BZHIN DU DPE GANG LAS RJES SU 'GRO BA PHYIN CI LOG YOD PA DE LA DE SKAD CES BYA'O, ,GANG MI RTAG PA DE NI BYAS PA'O ZHES BYA BA NI DE NYID KYI DPE DGOD PA BYAS PA NYID KYI DPE RTAG PA NGES PAR NI DPE BSTAN PAR BYA BA YIN TE, DE LTA NA NI BYAS PA'I PHYIR MI RTAG PA KHONG DU CHUD PAR 'GYUR BA ZHIG NA 'DIR NI MI RTAG PA LA BYAS PA NYID NGES PAR YOD PAR BSTAN PAS BYAS PA NYID DU MI RTAG PA LA NGES PA KHO NA YIN NO, ,DE BAS NA BYAS PA NYID MI RTAG PA NYID @88B LA NGES PAR YOD PA MA YIN PAR BSTAN PA CI 'DRA BA DE 'DRA BAS NI MI RTAG PA KHONG DU CHUD PA MED DO, ,DE LTAR GANG MI RTAG PA ZHES BYA BAS MI RTAG PA RJES SU BRJOD NAS, DA NI BYAS PA PO ZHES BYA BAS BYAS PA NYID BSGRUB PA'O, ,DE BAS NA MI RTAG PA NYID BYAS PA LA NGES PAR YOD PAR BSTAN GYI, BYAS PA NYID NI MI RTAG PA LA MA BSTAN TO, ,DE LTAR DPER NA MI RTAG PA NYID NI BRTZAL MA THAG TU BYUNG BA NYID LA NGES PAR YOD PA MA YIN PAS BRTZAL MA THAG TU BYUNG BA NYID RTOGS PAR BYED PA MA YIN PA DE BZHIN DU BYAS PA NYID LAS MI RTAG PA NYID KHONG DU CHUD PAR MI 'GYUR TE, MI RTAG PA YIN PA'I PHYIR BYAS PA NYID YIN PAR 'GYUR RO, ,BYAS PA NYID NI DNGOS PO GNAS PA'I MI RTAG PA NYID LA NGES PAR YOD PA YIN MOD KYI, 'ON KYANG SMRA BAS NGES PAR YOD PA MA YIN PAR BSTAN PA DE BAS NA RANG SKYON CAN MA YIN YANG SMRA BAS NYES BA'I PHYIR SKYON YIN NO, ,DE BAS NA RJES SU 'GRO BA PHYIN CI LOG KYANG RJES SU DPAG PA LA SMRA BA PO'I NYES PA LAS YIN GYI, DNGOS PO'I NI MA YIN TE, GZHAN GYI DON GYI RJES SU DPAG PA LA NI SMRA BA PO NYES PA YANG BSAM PAR BYED PA YIN PA'I PHYIR RO, ,CHOS MTHUN PA'I DPE'I NYES PA RNAM PA DGU BSTAN NAS CHOS MI MTHUN PA'I DPE'I NYES PA RNAM PA DGU BSTAN PA'I PHYIR SMRAS PA; SGRA RTAG PA NYID DU BSGRUB PAR BYA ZHING LUS CAN MA YIN PA GTAN TSIGS SU BYA BA LA, CHOS MI MTHUN PA'I DPE RDUL PHRA RAB NI BSGRUB PAR BYA BA LDOG PA MED PA YIN TE, RDUL PHRA RAB RNAMS NI RTAG PA'I PHYIR RO, ,LAS KYI SGRUB PAR BYED PA'I LDOG PA MED PA YIN TE, LAS RNAMS LUS CAN MA YIN PA'I PHYIR RO; ,NAM MKHA' NI GNYI GA LOG PA MED PA YIN TE, RTAG PA YIN PA'I PHYIR DANG, LUS CAN MA YIN PA'I PHYIR RO, ,BSGRUB PAR BYA BA LA SOGS PA GANG DAG YIN PA DE DAG BSGRUB PAR BYA BA LA SOGS PA STE, BSGRUB PAR BYA BA DANG, SGRUB PAR BYED PA GNYI GA'O, ,DE DAG LDOG PA YOD PA MA YIN PA STE, DE GANG DAG LA YOD PA DE DAG NI BSGRUB PAR BYA BA LA SOGS PA LDOG PA MED PA CAN NO, ,DE'I DPE BSTAN ZIN TO, ,DPE GZHAN YANG BSTAN PA'I PHYIR DE BZHIN DU ZHES BYA BA SMOS TE, BSGRUB PAR BYA BA LDOG PA NI BSGRUB PAR BYA BA LDOG PA STE, GANG DU BSGRUB PAR BYA BA LDOG PA LA THE TSOM @89A *, ,ZA BA DE NI BSGRUB PAR BYA BA LDOG PA LA THE TSOM ZA BA YIN NO, ,DE LA SOGS PA GANG DAG YIN PA DE LA DE SKAD CES BYA'O, ,BSGRUB PAR BYA BA LDOG PA LA THE TSOM ZA BA'I DPER BYA BA'I PHYIR, DPER NA ZHES BYA BA SMOS TE, THAMS CAD MKHYEN PA MA YIN NO ZHES BYA BA NI BSGRUB PAR BYA BA GCIG GO, ,YID CHES PA MA YIN NO ZHES BYA BA NYES PA MA ZAD DO ZHES BYA BA BSGRUB PAR BYA BA GNYIS PA'O, ,SER SKYA LA SOGS PA ZHES BYA BA NI CHOS CAN NO, ,THAMS CAD MKHYEN PA DANG 'DOD CHAGS DANG BRAL BA'I ZHES BYA BA LA SOGS PA NI GTAN TSIGS YIN TE, THAMS CAD MKHYEN PA DANG YID CHES PA DE GNYIS KYI RTAGS SU GYUR PA'I TSAD MA PHUL DU PHYIN PA NI RTAGS KYI BDAG NYID TSAD MA'I BYE BRAG GO, ,GANG LA YANG THAMS CAD MKHYEN PA DANG YID CHES PA'I RTAGS SU GYUR PA TSAD MA PHUL DU PHYIN PA YOD PA BSTAN PA DE LA DE SKAD CES BYA'O, ,DE 'DRA BA'I BSTAN PA GANG DAG GI DNGOS PO NI DE NYID DE BAS NA'O, ,TSAD MA PHUL DU PHYIN PA NI 'DIR SKAD MA'I SHES PA'I MAN NGAG LA BSAMS TE, SER SKYA LA SOGS PA CI STE THAMS CAD MKHYEN PA'AM YID CHES PA YIN NA NI DE'I TSE SKAR MA SHES PA LA SOGS PA YANG CI'I PHYIR MA BSTAN, MA BSTAN PA DE BAS NA THAMS CAD MKHYEN PA'AM, YID CHES PA MA YIN NO, ,TSAD MA 'DIR NI CHOS MI MTHUN PA'I DPE NI, GNAG ZHIG THAMS CAD MKHYEN PA'AM YID CHES PA DE NI SKAR MA SHES PA LA SOGS PA THAMS CAD MKHYEN PA'AM YID CHES PA'I RTAGS SU GYUR PAR BSTAN TE, DPER NA KHYU MCHOG DANG LDONG RIS DANG DE SMRA BA GANG YIN PA KHYU MCHOG DANG LDONG RIS LA SOGS PA STE, NAM MKHA'I GOS CAN LA SOGS PA'I STON PA NI THAMS CAD MKHYEN PA DANG YID CHES PA YIN NO, ,DE LA 'DIR CHOS DANG MI MTHUN PA'I DPE KHYU MCHOG DANG LDONG RIS LA SOGS PA NI THAMS CAD MKHYEN PA MA YIN PA DANG YID CHES PA MA YIN PA NYID LDOG PA THE TSOM ZA BA YIN TE, 'DI LTAR SKAR MA SHES PA YANG STON LA, THAMS CAD MKHYEN PA YANG MA YIN PA'AM YID CHES PA MA YIN PAR 'GYUR MOD, 'DI LA 'GAL BA CI YOD, SHES PA 'DI NI LTAS CAN 'KHRUL PA YIN TE, THAMS CAD MKHYEN PA NYID RJES SU DPOG PAR BYED PAR MI RUNG NGO, GANG DU BSGRUB PAR BYA BA LDOG PA LA THE TSOM ZA @89B BA YOD PA DE LA DE SKAD CES BYA'O, ,DPER NA ZHES BYA BA NI DE'I DPE'O, ,NGES BRNGOD KYI RIG BYED DANG SNYAN DANG GAS KYI RIG BYED DANG, MCHOD SBYIN CAN RNAMS KYI RIG BYED GSUM NI GSUM STE, DE RTOGS PA NI GSUM RIG PA'O, ,BRJOD PAR 'DOD PA'I SER SKYA LA SOGS PA GANG LA DES GZUNG BAR BYA BA MA YIN PA'I TSIG YOD PA STE, BSGRUB PAR BYA BA'O, ,'DOD CHAGS LA SOGS PA DANG LDAN PA'I PHYIR RO ZHES BYA BA NI GTAN TSIGS SO, ,'DIS CHOS MI MTHUN PA'I DPES GANG LA BSGRUB PAR BYA BA MED PAS KHYAB PA STON PA DE NI CHOS MI MTHUN PA'I DPE YIN NO, ,GANG DAG YIN PA GZUNG BAR BYA BA YOD PA DE NI TSIG GZUNG BAR BYA BA ZHES BYA BA STE, BSGRUB PAR BYA BA LA LOG PAR RJES SU BRJOD NAS, DE NI 'DOD CHAGS LA SOGS PA DANG MI LDAN PA STE ZHES BYA BAS NI SGRUB PAR BYED PA MED PA SGRUB PA'O, ,GOO TA MA LA SOGS PA GANG DAG YIN PA DE LA 'DI SKAD CES BYA STE, DRANG SRONG YID CHES BYUNG BA LA SOGS PA CHOS KYI BSTAN BCOS DRAN PA DE DAG NI BYED PA PO YIN TE, GSUM RIG PA'I BRAM ZHES TSIG GZUNG BAR BYA ZHING BSTAN BCOS BYED PA YANG YIN TE, 'DOD CHAGS DANG BRAL BA YANG DE YIN NO ZHES BYA BA GOO TA MA LA SOGS PA'I CHOS CAN NI LDOG PA'I YUL YIN NO, ,GOO TA MA LA SOGS PA LAS SGRUB PA'I CHOS DANG 'DOD CHAGS LA SOGS PA DANG LDAN PA LDOG PA LA THE TSOM ZA BA YIN TE, DE DAG GIS TSIG GZUNG BAR BYED PA YIN ZHING GSUM RIG PA YIN YANG 'ON KYANG CI DE DAG CI 'DOD DANG BCAS PA YIN NAM, 'ON TE 'DOD CHAGS DANG BRAL BA YIN ZHES THE TSOM ZA'O, ,GANG LA GNYI GA LDOG PA LA THE TSOM ZA BA YOD PA DE LA DE SKAD CES BYA'O, ,DPER NA ZHES BYA BA NI DPE'O, ,'DOD CHAGS DANG BRAL BA MA YIN NO ZHES BYA BA 'DOD CHAGS DANG LDAN PA NYID NI BSGRUB PAR BYA BA'O, ,SER SKYA LA SOGS PA NI CHOS CAN NO, ,YONGS SU 'DZIN PA NI THOB PA THOG MA KHO NA BDAG GIR BYED PA'O, ,BDAG GIR BYAS PA'I RJES LA ZHEN PA'I SER SKYA GANG YIN PA DE NI KUN DU 'DZIN PA STE, YONGS SU 'DZIN CING KUN DU 'DZIN PA DE GNYIS DANG LNGA PA'I PHYIR RO, ,SER SKYA LA SOGS PA THOB PA RNAMS BDAG GIR BYED PA LA, BDAG GIR BYAS PA RNAMS MI GTONG BAS DE 'DOD CHAGS LA SOGS PA DANG LDAN @90A *, ,PAR MNGON NO, ,TSAD MA 'DI CHOS DANG MI MTHUN PA'I DPE NI GANG DU BSGRUB PAR BYA BA MED NA SGRUB PAR BYED PA MED PAR BSTAN PAR BYA STE, GANG ZHIG 'DOD CHAGS DANG BRAL BA DE NI BSGRUB PAR BYA BA MED PAR RJES SU BRJOD NAS, DE NI YONGS SU 'DZIN PA DANG KUN DU 'DZIN PA MED DE ZHES BYA BA NI SGRUB PAR BYED PA MED PAR SGRUB PA'O, ,DPER NA KHYU MCHOG LA SOGS PA LTA BU STE ZHES BYA BA NI DPE'O, ,BSGRUB PAR BYA BA STE, 'DOD CHAGS DANG BRAL BA MA YIN PA NYID DANG, SGRUB PAR BYED PA STE, YONGS SU 'DZIN PA DANG, KUN DU 'DZIN PA DANG, KHYU MCHOG LA SOGS PA'I DPE DE DAG LAS LDOG PA LA THE TSOM ZA BA YIN TE, KHYU MCHOG LA SOGS PA NI YONGS SU 'DZIN CING KUN DU 'DZIN PA DANG MI LDAN PAR YANG THE TSOM ZA BA YIN LA, 'DOD CHAGS DANG BRAL BA YANG THE TSOM ZA BA YIN TE, KHYED KYI GZHUNG GIS 'DOD CHAGS DANG BRAL BA DANG, YONGS SU 'DZIN PA MED PAR 'BYUNG MOD KYI, 'ON KYANG THE TSOM ZA BA KHO NA YIN NO, ,GZHAN YANG DPE GSUM PA BSTAN PA'I PHYIR, GANG LA LDOG PA MED PA DE NI LDOG PA MED PA'O, ,'DOD CHAGS DANG BRAL BA MA YIN NO ZHES BYA BA 'DOD CHAGS LA SOGS PA DANG LDAN PA NYID NI BSGRUB PAR BYA BA'O, , SMRA BA'I PHYIR ZHES BYA BA NI GTAN TSIGS SO, ,'DIR LDOG PA BSTAN PA NI GANG LA 'DOD CHAGS DANG MA BRAL BA NYID MED PA ZHES BYA BAS BSGRUB PAR BYA BA MED PAR RJES SU BRJOD NA DE NI SMRA BA MA YIN TE ZHES BYA BA NI BSGRUB PAR BYA BA MED PA SGRUB STE, DE BAS NA SGRUB PAR BYED PA MED PAS NI BSGRUB PAR BYA BA MED PA LA KHYAB PA BSTAN TO, ,RDO'I DUM BU BZHIN NO ZHES BYA BA NI DPE'I, ,'DI JI LTAR LDOG PA MED PA YIN ZHE NA, RDO'I DUM BU LAS JI TZAM GNYI GA LDOG PA DE'I PHYIR RO, ,CI GAL TE RDO'I DUM BU LAS 'DOD CHAGS DANG BCAS PA NYID DANG SMRA BA NYID GNYI GA LOG PA YIN MOD KYI, 'ON KYANG KHYAB PA LDOG PA GANG YIN PA DE MA GRUB PA'I PHYIR 'DI NI LDOG PA MED PA YIN NO, ,KHYAB PA YANG CI 'DRA BA ZHIG CE NA, 'DOD CHAGS DANG BRAL BA THAMS CAD CES BYA BA SMOS TE, BSGRUB PAR BYA BA MED PAR BRJOD NAS SMRA BA MA YIN NO ZHES BYA BAS SGRUB PAR BYED PA MED PAR STON PA YIN NO, , @90B DE BAS NA BSGRUB PAR BYA BA MED PA NI SGRUB PAR BYED PA MED PA LAS NGES PAR BSTAN PA YIN TE, 'DI 'DRA BA NI KHYAB PA YIN NO, ,DES NA LDOG PA DE MA GRUB PA'I DON 'DI GRUB PAR BYA BA'I PHYIR DPE YIN NA, DE NI RANG GI BYA BA MI BYED PA'I PHYIR DPE'I NYES PA YIN NO, ,GANG DU LDOG PA RAB TU MA BSTAN PA DE LA DE SKAD CES BYA'O, ,SGRA MI RTAG STE ZHES BYA BA NI MI RTAG PA NYID NI BSGRUB PAR BYA BA'O, ,BYAS PA'I PHYIR ZHES BYA BA NI GTAN TSIGS SO, ,NAM MKHA' BZHIN NO ZHES BYA BA NI CHOS DANG MI MTHUN PA'I DPE YIN NO, ,'DIR GZHAN GYI DON GYI RJES SU DPAG PA'I TSE GZHAN LA DON DE KHONG DU CHUD PAR BYA BA YIN LA, DE RANG DAG TU ZIN KYANG CI STE PHA ROL POS MA DAG PAR BRJOD PA STE, DE NI JI LTAR BRJOD PA DE LTAR NI RIGS PA MA YIN LA, JI LTAR RIGS PA DE LTAR NI MA BRJOD KYI GTAN TSIGS NI BRJOD DE, DE BAS NA GZHAN GYI RJES SU DPAG PA LA SMRAS PAS NYAS PA'I PHYIR GTAN TSIGS SAM DPE'I NYES PA YANG YIN NO, ,'DRA BA DANG MI 'DRA BA LAS BSGRUB PAR BYA BA KHONG DU CHUD PA MA YIN MOD KYI, 'ON KYANG BSGRUB PAR BYA BA NGES PA'I GTAN TSIGS YIN NO, ,DE BAS NA BSGRUB PAR BYA BA NGES PA'I GTAN TSIGS NI RJES SU 'GRO BA LDOG PA'I TSIG GIS BRJOD PAR BYA'O, ,DE LTAR MA YIN NA KHONG DU CHUD PAR BYED PA'I SMRAS PA MA YIN NO, ,DE DE BZHIN DU BSTAN PA NI DPE'I SGO NAS BSTAN PAR BYA'O, ,DE BAS NA DPE ZHES BYA BA NI RJES SU 'GRO BA DANG LDOG PA'I TSIG GI DON BSTAN PA YIN NO, ,'DIR NI LDOG PA'I TSIG MA SBYAR BAS DE BAS NA CHOS DAN MI MTHUN PA'I DPE SMRAS PA, MI 'DRA BA TZAM GYI SGO NAS GRUB PAR BYED PA BSTAN PA DE LTA BU NI SGRUB PAR BYED PA MA YIN NO, ,LDOG PA YUL GYI SGO NAS NI SGRUB PAR BYED PA YIN LA, DE BZHIN DU NI MA BSTAN TO, ,DE BAS NA LDOG PA BSTAN PA YIN TE, SMRA BA PO'I SKYON GYIS NYES PA YIN NO, ,GANG GI TSE BSGRUB PAR BYA BA YIN PA DE'I TSE BSGRUB PAR BYA BA MED PA SGRUB PAR BYED PA MED PA LA NGES PA NI LDOG PA'I TSIG LAS BSTAN PAR BYA BA YIN NO, ,DE LTAR NA NI GTAN TSIGS LAS BSGRUB PAR BYA BA'I NGES PA BSTAN PA YIN NO, ,CI STE BSGRUB PAR BYA BA MED PA NI SGRUB PAR BYED PA MED PA LA NGES PA YIN PAR MA BSTAN NA NI SGRUB PAR BYED PA YOD @91A *, ,DU ZIN KYANG BSGRUB PAR BYA BA MED PA YIN PAR SRID PAR 'GYUR RO, ,DE LTA NA NI SGRUB PAR BYED PA LA BSGRUB PAR BYA BA NGES PA YIN PAR GRAGS PAR MI 'GYUR RO, ,DE BAS NA BSGRUB PAR BYA BA MED PA NI SGRUB PAR BYED PA MED PA LA NGES PA YIN PAR BRJOD PAR BYA DGOS SO, ,LDOG PA PHYIN CI LOG NI SGRUB PAR BYED PA MED PA LA NGES PAR BSTAN GYI, BSGRUB PAR BYA BA MED PA NI SGRUB PAR BYED PA MED PA NGES PA YIN PAR MA BSTAN NO, ,'DI LTAR GANG MA BYAS PA ZHES BYA BAS SGRUB PAR BYED PA MED PA RJES SU BRJOD NAS, DE NI RTAG PA STE ZHES BYA BAS BSGRUB PAR BYA BA MED PA BSTAN TO, DE BAS NA DON 'DI YIN TE, MA BYAS PA NI RTAG PA KHO NA YIN LA, DE LTA YIN GYI MA BYAS PA NYID NI RTAG PA NYID BSGRUB PAR BYA BA MED PA LA NGES PA YIN PA BSTAN GYI, RTAG PA NYID SGRUB PAR BYED PA MED PA LA MA YIN NO, ,DE BAS NA BSGRUB PAR BYA BA NGES PA'I GTAN TSIGS LDOG PA'I TSIG SMRAS PA YIN NO; ,DE LTA BU LDOG PA'I PHYIN CI LOG KYANG SMRA BA POS NYES PA'I PHYIR NYES PA YIN NO, ,DPE'I SKYON GYI DPE BSTAN NAS, NYES PA NYID KYI RGYU BSTAN PA'I PHYIR, DPE LTAR SNANG BA DAG GIS ZHES BYA BA SMOS TE, BSGRUB PAR BYA BA NGES PA'I GTAN TSIGS BSTAN PAR BYA BA'I PHYIR DPE BRJOD PAR BYA BA YIN NA, DE DAG GIS NI GTAN TSIGS SPYI'I MTSAN NYID GANG YIN PA MTHUN PA'I PHYOGS NYID LA YOD PA DANG MI MTHUN PA'I PHYOGS THAMS CAD LA MED PA DE NGES PAR BSTAN MI NUS SO, ,SPYI'I MTSAN NYID NI BYE BRAG RTOGS PA NYID KYIS KHONG DU CHUD PAR BYA BA YIN, RANG GI NI MA YIN NAM ZHE NA, BYE BRAG GI MTSAN NYID CES BYA BA SMOS TE, CI STE BYE BRAG GI MTSAN NYID KHONG DU CHUD PAR NUS PA NI CI'I MTSAN NYID KYANG RTOGS PAR 'GYUR NA, BYE BRAG GI MTSAN NYID KYANG DE DAG GIS RTOGS PAR MI NUS SO, ,DE BAS NA DON GYI DBANG GI SHUGS KYIS DE DAG GSAL BAR RIG PAR BYA STE, BSGRUB PAR BYA BA NGES PA'I SGRUB PAR BYED PA GRAGS PA BLANG BAR BYA BA YIN NA, DE MI NUS PA'I PHYIR NYES PA YIN TE, RANG GI BYA BA MI BYED PA'I PHYIR RO, ,NUS PA 'DI TZAM GYIS SGRUB PAR BYED PA MED PAR SMRAS ZIN TO, ,SUN 'BYIN PA BSTAN PA'I PHYIR, SUN 'BYIN PA LTA BA NI MA TSANG BA NYID LA SOGS @91B PA'I SMRAS PA ZHES BYA BA SMOS TE, SMRAS PA 'DIS BRJOD PAR BYA BA'I PHYIR TSIG LA SMRAS PA ZHES BYA'O, ,MA TSANG BA NYID LA SOGS PA'I TSIG SUN 'BYIN PA YIN PAR BSHAD PA'I PHYIR, GANG SNGAR ZHES BYA BA SMOS TE, MA TSANG BA DANG, MA GRUB PA DANG, 'GAL BA DANG, MA NGES PA BSTAN PA DE DAG BRJOD PA'I TSIG GANG YIN PA DE DAG NI SUN 'BYIN PA YIN NO, ,MA TSANG BA NYID LA SOGS PA'I PHYIN CI LOG TU SGRUB PAR MI BYED PA MA YIN NAM, DE JI LTAR SUN 'BYIN PA YIN ZHE NA, SMRAS PA MA TSANG BA NYID LA SOGS PA'I PHA ROL PO'I 'DOD PA YANG YIN LA, DON KYANG YIN PA DES NGES PAR GRUB PA LA GEGS BYED PA'I PHYIR RO, ,'GAL BA BZHIN DU GDON MI ZA BAR PHYIN CI LOG TU BSGRUB PA KHO NA'I PHYIR SUN 'BYIN PA YANG MA YIN GYI, 'ON KYANG PHA ROL PO'I 'DOD PA NGES PA LA GEGS BYED PA'I PHYIR RAM, NGES PA MED PAR BYED PA YANG YIN TE, NGES PA PHYIN CI LOG TU GRUB PA NYID KYANG YOD DO, ,SUN 'BYIN PA SMRAS ZIN TO, ,SUN 'BYIN PA LTAR SNANG BA NI SUN 'BYIN PA BZHIN DU SNANG BAS NA SUN 'BYIN PA LTAR SNANG BA'O, ,DE DAG KYANG GANG ZHE NA, LTAG CHOD DO ZHES BYA BA'O, ,LTAG CHOD KYI SGRA NI LAN DANG 'DRA BA LA LTAG CHOD CES BYA BA STE, LAN GYI GNAS SU RAB TU SBYAR BA'I PHYIR LAN DANG 'DRA BA NI LTAG CHOD YIN NO, ,LAN DANG 'DRA BA DE NYID LAN GYI GNAS SU RAB TU SBYAR BA NYID DU BSTAN PA'I PHYIR, YANG DAG PA MA YIN PA MI BDEN PA'I SKYON BRJOD PA ZHES BYA BA SMOS TE, TSIG 'DIS BRJOD PAS NA BRJOD PA'O, ,DE NI LAN YIN TE, LAN DANG 'DRA BA'I LTAG CHOD NI LTAG CHOD RNAMS YIN NO, ,RIGS PA'I THIGS PA'I TSIG GI DNGOS PO CUNG ZAD BSHAD PA YIS, ,ZLA NYI LTA BU'I DGE BA DRI MED BDAG GIS GANG THOB PA, ,YE SHES CHOS MCHOG GANG YIN RGA MED GO 'PHANG 'THOB GYUR NAS, ,DE PHYIR BDAG NI 'GRO LA PHAN PA 'BA' ZHIG BYED PAR SHOG, ,MKHAS PA RNAMS KYIS YONGS RTZIS NA; ,TSIG BCAD RNAMS NI TSIG STONG DANG, ,DE BZHIN BRGYA PHRAG BZHI DAG DANG, ,BDUN CU RTZA BDUN RAB TU LDAN, ,RIGS PA'I THIGS PA ZHES BYA BA'I RAB TU BYED PA'I RGYA CHER 'GREL PA SLOB DPON CHOS MCHOG GIS MDZAD PA RDZOGS SO,, ,,RGYA GAR GYI MKHAN PO DZNY'A NA @92A *, ,GARBHA DANG, ZHU CHEN GYI LO TZ'A BA DGE SLONG DHARMA A'A LO KAS BSGYUR CING ZHUS TE GTAN LA PHAB PA, RGYA GAR GYI MKHAN PO SU MA TI K'I RTI DANG, BOD KYI LO TZ'A BA DGE SLONG BLO LDAN SHES RAB KYIS SLAD KYI YUL DBUS KYI DPE DANG GTUGS TE LEGS PAR BSGYUR CING ZHUS TE GTAN LA PHAB PA'O,, #, ,RGYA GAR SKAD DU, NA YA BINDU P'URBA PAKshE SAm KshIPTA, BOD SKAD DU, RIGS PA'I THIGS PA'I PHYOGS SNGA MA MDOR BSDUS PA, BCOM LDAN 'DAS DAG GI DBANG PHYUG LA PHYAG 'TSAL LO, ,LOG PAR RTOGS PA NI RNAM PA BZHI STE, GRANGS LA LOG PAR RTOGS PA DANG; RANG GI NGO BO LA LOG PAR RTOGS PA DANG, SPYOD YUL LA LOG PAR RTOGS PA DANG, 'BRAS BU LA LOG PAR RTOGS PA'O, ,DE LA GRANGS LA LOG PAR RTOGS PA NI, 'DI LTA STE, PHUR BU BA RNAMS NI MNGON SUM GCIG TU KHO NA TSAD MA YIN GZHAN NI MA YIN NO ZHES ZER RO, ,GRANGS CAN PA RNAMS NI MNGON SUM DANG, RJES SU DPAG PA DANG, SGRA LAS BYUNG BA DANG, TSAD MA GSUM KHO NA'O ZHES ZER RO, ,RIGS PA CAN RNAMS NI MNGON SUM DANG, RJES SU DPAG PA DANG, DPE DANG, SGRA LAS BYUNG BA DANG, TSAD MA BZHI KHO NA'O ZHES ZER RO, ,RGYAL DPOG PA RNAMS NI MNGON SUM DANG, RJES SU DPAG PA DANG, DPE DANG, SGRA LAS BYUNG BA DANG, DON GYIS GO BA DANG, DNGOS PO MED PA ZHES BYA BA DANG, TSAD MA DRUG KHO NA'O ZHES ZER RO, ,TZA RA KA LA SOGS PA NI, RIGS PA DANG, MI DMIGS PA DANG, SRID PA DANG ZHES GRAGS PA DANG SNYAM DU SEMS PA ZHES BYA BA TSAD MA GZHAN DAG KYANG YOD DO ZHES ZER RO, ,DE LA RANG GI NGO BO LA LOG PAR RTOGS PA NI, 'DI LTA STE, RIGS PA CAN RNAMS NI MNGON SUM DU THAMS CAD NGES PA'I BDAG NYID YIN PA'I PHYIR, RNAM PAR RTOG PA DANG BCAS PA KHO NA'O ZHES ZER RO, ,RGYAL DPOG PA RNAMS NI GTOD PAR BYED PA'I SHES PA SKAD CIG MA DANG PO KHO NA RNAM PAR RTOG PA MED PAR SKYE LA, DE'I 'OG ROL GYI MNGON SUM THAMS CAD NI RTOG PA DANG BCAS PA NYID DO ZHES ZER RO, ,DE BZHIN DU GZHAN DAG NI DUNG LA SER POR SHES PA LA SOGS PAR 'KHRUL PA YANG TSAD MA NYID YIN PAR @92B 'DOD DO, ,DE BZHIN DU BYE BRAG PA LA SOGS PA NI RNAM PAR SHES PA'I NGO BO MA YIN PA NYID DE, DBANG PO DANG, DON 'BREL PA YIN PAR BRJOD DO, ,KHA CIG NI BDAG DANG YID 'BREL PA'I NGO BO YIN PAR BRJOD DO, ,GZHAN DAG NI MNGON SUM RNA BA LA SOGS PA'I DBANG PO 'JUG PA'I NGO BO YIN PAR BRJOD DO, ,DE BZHIN DU RNAM PHUG LA SOGS PA NI YID KYI ZHES BYA BA'I MNGON SUM TSAD MAR RIGS PA MA YIN TE, SNGAR MNGON SUM GYIS GZUNG BA LAS YUL GZHAN MA YIN NA DE BZUNG ZIN PA 'DZIN PA'I PHYIR TSAD MA MA YIN PA KHO NA'O, ,YUL DON GZHAN NYID YIN NA NI, 'DI RANG DBANG DU 'JUG PA'I PHYIR DANG, DON THAMS CAD YUL YIN PA'I PHYIR, 'GA' YANG LONG BA LA SOGS PA'I DNGOS POR MI 'GYUR RO ZHES ZER RO, ,BYE BRAG TU SMRA BA LA SOGS PA NI RANG RIG PA'I MNGON SUM YANG RIGS PA MA YIN TE, BDAG NYID LA BYED PA 'GA' BA'I PHYIR RO ZHES ZER RO, ,RGYAL DPOG PA RNAMS NA RE SKYES BU THAMS CAD NI 'DOD CHAGS LA SOGS PA DANG MA RIG PAS 'KHRUL PA YIN TE, 'GRO BA 'DI LTA BU MA YIN PA NI 'GA' YANG MED DO, ,THAMS CAD LA DBANG POS MI SOD PA'I DON MTHONG BA'I THABS MED PA'I PHYIR LA MNGON SUM LA SOGS PA'I TSAD MAS GRUB PA'I RNAL 'BYOR BA DAG KYANG MED DE, DE'I PHYIR DBANG POS MI SOD PA'I DON MTHONG BA MI SRID PAS RNAL 'BYOR BA'I SHES PA MED PA KHO NA'O ZHES ZER RO, ,DE LA YUL LA LOG PAR RTOGS PAS NI 'DI LTA STE, RIGS PA CAN LA SOGS PA NA RE SPYI'I DNGOS POR GYUR PA YANG YOD PA'I PHYIR LA, DE YANG MNGON SUM GYIS YONGS SU GCAD PAR BYA BA YIN PA'I PHYIR TE, DE'I PHYIR MNGON SUM NI SPYI'I MTSAN NYID KYI YUL CAN YANG YIN NO, ,DE BZHIN DU BDAG LA SOGS PAR RANG GI MTSAN NYID KYI NGO BO YANG RJES SU DPAG PA'I TSAD MAS YONGS SU GCAD PAR BYA BA NYID YIN PA'I PHYIR, RJES SU DPAG PA YANG DE'I YUL CAN GYI TSAD MAS YIN PAR RIGS SO ZHES ZER RO, ,DE LA 'BRAS BU LA LOG PAR RTOGS PA NI 'DI LTA STE, RGYAL DPOG PA LA SOGS PA NA RE, 'JIG RTEN NA BSGRUB PAR BYA BA DANG SGRUB PA BDAG NI PHAN TSUN THA DAD PA'I BDAG NYID DU GRAGS PA'I PHYIR, 'BRAS BU NI TSAD MA LAS DON @93A *, ,GZHAN DU GYUR BA KHO NA YIN PAR RIGS TE, DGRA STA NYID CHAD PA MA YIN NO, ,DE LTA BAS NA DE KHO NA NYID 'DI NI RNAM PA BZHIR YONGS SU RDZOGS PA YIN TE, 'DI LTA STE, 'JAL BAR BYED PA DANG GZHAL BYA DANG TSAD MA DANG RTOGS PA'O, ,'DI LA 'JAL BAR BYED PA NI SKYES BU YIN NO, ,GZHAL BYA NI GZUGS LA SOGS PA'I YUL YIN NO, ,TSAD MA NI DBANG PO LA SOGS PA YIN NO, ,RTOGS PA NI DON YONGS SU CHOD PA YIN NO, ,GANG GI TSE SHES PA KHO NA TSAD MA YIN PA DE'I TSE YANG, SHES PA PHYI MA PHYI MA NI 'BRAS BU YIN LA, SNGA MA NI TSAD MA YIN TE, SPYI LA SOGS PA'I KHYAD PAR GYI SHES PA GANG YIN PA DE NI TSAD MA YIN NO, ,RDZAS LA SOGS PA'I KHYAD PAR CAN GYI SHES PA GANG YIN PA DE NI 'BRAS BU YIN NO ZHES ZER TE, GZHAN DAG DE LTAR MNGON SUM LA LOG PAR RTOGS PA RNAMS PA MANG PO ZHIG YOD PA DE DAG DGAG PAR TSAD MA'I MTSAN NYID JI LTA BA BZHIN 'DI BYAS SO; ,'DI NI BCOM LDAN 'DAS KYANG BZHED PA KHO NA YIN TE, JI SKAD DU, DGE SLONG DAG GAM MKHAS RNAMS KYIS, ,BSREGS BCAD BDAR BAS GSER BZHIN DU, ,YONGS SU BRTAGS NAS DA YI BKA', ,BLANG BAR BYA YI GUS PHYIR MIN, ,ZHES GSUNGS PA LTA BU'O, ,'DIS NI MNGON SUM DANG RJES SU DPAG PA'I MTSAN NYID RNAM PA GNYIS KHO NA ZHAL GYIS BZHES PA YIN TE, DPE LA SOGS PAS YONGS SU BRTAGS PAR ZHAL GYIS BZHES PA'I PHYIR RO, ,MNGON SUM GYI DPE NI BSREGS PA DANG CHOS MTHUN PAR BSTAN PA'I PHYIR RO, ,RJES SU DPAG PA NI BDAR BA DANG CHOS MTHUN PAR BSTAN PA'I PHYIR RO, ,PHAN TSUN DU MI 'GAL BA NI BCAD PA DANG CHOS MTHUN PAR YONGS SU BRTAGS PAR GSUNGS TE, DE YANG RJES SU DPAG PA KHO NA YIN NO, ,'DI LTAR DON NI RNAM PA GSUM STE, MNGON SUM DANG, LKOG TU GYUR PA DANG, SHIN TU LKOG TU GYUR PA'O, ,DE LA BKA'I DON MNGON SUM LA NI BSREGS PAS GSER BZHIN DU MNGON SUM GYIS BRTAGS PA YIN NO, ,DON LKOG TU GYUR PA LA NI BDAR BA BZHIN DU RJES SU DPAG PAS BRTAGS PA YIN NO, ,DE NYID KYI DON SHIN TU LKOG TU GYUR PA LA NI BCAD PAS GSER BZHIN DU PHAN TSUN MI @93B 'GAL BA'I SGO NAS BRTAGS PA YIN TE, DE LTAR YONGS SU DAG PA'I LUS LA NI YUL LKOG TU GYUR KYANG, RTOG PA DANG LDAN PA TSAD MA YIN PAR YID CHES PA RNAMS 'JUG PA'I PHYIR RO, ,CHOS MNGON PA LAS MIG GI RNAM PAR SHES PA DANG LDAN PAS SNGON PO SHES KYI SNGON PO'I SNYAM DU NI MA YIN NO ZHES BYA BA DANG, DON LA DON DU SHES KYI DON LA CHOS SU 'DU SHES PA MA YIN NO ZHES GSUNGS TE, SNGON PO SHES PA DANG DON DU 'DU SHES KYI ZHES BYA BA 'DI GNYIS KYIS NI YUL PHYIN CI MA LOG PAR BSTAN PA'I PHYIR, MA 'KHRUL PA NYID BSHAD PA YIN NO, ,SNGON PO'O SNYAM DU NI MA YIN NO ZHES BYA BA DANG, CHOS SU 'DU SHES PA NI MA YIN NO ZHES BYA BA 'DI GNYIS KYIS NI MING DANG 'BREL PA'I DON 'DZIN PA SPANGS PA'I PHYIR RTOG PA DANG BRAL BA NYID BSHAD PA YIN TE, DE NYID LAS MIG LA SOGS PA'I RNAM PAR SHES PA NGES PAR RTOG PA DANG, RJES SU DRAN PA'I RNAM PAR RTOG PAS, RNAM PAR MI RTOG PA NYID DU YANG BRJOD PAR MIG LA SOGS PA'I RNAM PAR SHES PA'I TSOGS GZUGS LA SOGS PA'I SKYE MCHED KYI RANG GI MTSAN NYID KYI YUL CAN YIN PAR YANG BSTAN TO, ,MDO LAS KYANG, 'DU BYED THAMS CAD SKAD CIG MA, ,MI GNAS BYA BA GA LA YOD,, 'DI DAG 'BYUNG BA DE NYID NI, ,BYA BA DE NYID BYED POR BRJOD, ,CES GSUNGS TE, 'DIS NI BYED PA PO DANG LAS LA SOGS PA'I DNGOS PO YANG DAG PAR BKAG PAS BYA BA LA SOGS PA THAMS CAD KYI KHONGS SU 'DUS PA SPANGS PA'I PHYIR, BYA BA'I MTSAN NYID KYI 'BRAS BU DON GZHAN DU GYUR PA BKAG PA YIN NO, ,RJES SU DPAG PA LA YANG LOG PAR RTOGS PA SNANG STE, 'DI LTA STE, BRDA SPROD PA RNAMS NI RJES SU DPAG PA TSAD MA MA YIN TE, 'KHRUL PA SRID PA'I PHYIR RO ZHES ZER RO, ,SNOD KYI RJES NA RE NI GZHAN DU MI 'THAD PA'I NGO BO GCIG PU KHO NA GTAN TSIGS KYIS RTOGS PAR BYED PA NYID KYI YAN LAG YIN GYI, PHYOGS KYI CHOS LA SOGS PA'I MTSAN NYID KYI TSUL GSUM PA NI MA YIN NO, ,'DI LTAR SNGO BSANGS YIN TE DE'I BU YIN PA'I PHYIR, DE'I BU SNANG BA YIN NO ZHES BYA BA'I GTAN TSIGS 'DI LA TSUL GSUM PA YOD KYANG GZHAN DU MI 'THAD PA NYID KYI YAN @94A *, ,LAG MED PA'I PHYIR RTOGS PAR BYED PA NYID MA YIN NO, ,TSUL GSUM PA MED KYANG GZHAN DU MI 'THAD PA DANG LDAN PA TZAM KHO NAS GTAN TSIGS RTOGS PAR BYED PA YIN PA YANG MTHONG STE, 'DI LTA STE, DNGOS PO DANG DNGOS PO MED PA NI JI LTAR YANG YOD PA'I BDAG NYID DAG YIN, JI LTAR YANG DMIGS PA'I BYA BA YIN PA'I PHYIR RO ZHES BYA BA LTA BU'O, ,'DI LA NI CHOS MTHUN PA DANG CHOS MI MTHUN PA'I DPE DAG MED DE, DNGOS PO THAMS CAD KYI TSOGS DNGOS PO DANG, DNGOS PO MED PA PHYOGS SU BYAS PA'I PHYIR RO, ,DE DAG LA MA GTOGS PA GZHAN MED PA'I PHYIR GANG ZHIG DPE NYID YIN PAR 'GYUR, PHYOGS KYI CHOS KYANG GZHAN DU MI 'THAD PA NYID KHO NA'I KHONGS SU 'DUS PA'I PHYIR RO, ,DE LTAR NA RTAGS NI TSUL GCIG PA KHO NA YIN PAR RIGS KYI TSUL GSUM PA NYID NI MA YIN PA'I RIGS SO ZHES ZER RO, ,GZHAN DAG NI PHYOGS KYI CHOS NYID DANG, MTHUN PA'I PHYOGS LA YOD PA NYID DANG, MI MTHUN PA'I PHYOGS LA MED PA NYID DANG, GNOD PA MED PA'I YUL CAN NYID DANG, BRJOD PAR 'DOD PA'I GRANGS GCIG PA CAN NYID DANG, SHES PA NYID CES BYA BA MTSAN NYID DRUG PA KHO NA'O ZHES ZER RO, ,GRANGS CAN PA RNAMS NA RE RJES SU DPAG PA NI 'BREL PA GCIG LAS LHAG MA GRUB PA YIN NO, ,LHAG MA GRUB PA NI 'DIR NYE BAR BTAGS PA'I SGO NAS RTAGS SHES PA KHO NA YIN TE, RJES SU DPAG PAR 'DOD KYI, RJES SU DPAG PAR BYA BA SHES PA NI MA YIN NO ZHES ZER RO, ,SLOB DPON DBYIG GNYEN YANG MED NA MI 'BYUNG BA'I DON MTHONG BA'I DER RIG PA'I RJES SU DPAG PA YIN NO ZHES ZER TE, 'DI YANG RJES SU DPAG PA NI RTAGS SHES PA KHO NA YIN LA, RJES SU DPAG PAR BYA BA SHES PA NI 'BRAS BU YIN PAR 'DOD DE, PHYIR RGOL BA 'DI THAMS CAD NI 'BRAS BU TSAD MA LAS DON GZHAN KHO NA YIN PAR YANG 'DOD PA NYID DO, ,BYE BRAG PA LA SOGS PA NI YANG DAG PAR MA GRUB PA YANG GTAN TSIGS SU NYE BAR RTOGS PAR BYED DE, 'DI LTA STE, BDAG NI THAMS CAD NI YOD PA YIN TE, THAMS CAD NA YON TAN DMIGS PA'I PHYIR RO ZHES BYA BA LA SOGS PA LTA BU'O, ,RGYAL DPOG PA LA SOGS PA NI MI MTHUN PA'I PHYOGS LA YOD PA YANG GTAN TSIGS SU NYE BAR @94B BRTEN TE, 'DI LTA STE, SGRA NI RTAG PA STE, GZHAL BYA YIN PA'I PHYIR RO ZHES BYA BA DANG, DE BZHIN DU BRJOD PAR 'DOD PA'I SKYES BU 'GA' ZHIG THAMS CAD MKHYEN PA MA YIN TE, GZHAL BYA DANG, SHES BYA DANG, DNGOS PO DANG, YOD PA'I PHYIR RO ZHES BYA BA LA SOGS PA LTA BU'O, ,DE RNAM PAR GCAD PA'I PHYIR NGES PAR GZUNG BA YIN NO, ,GRANGS CAN PA LA SOGS PA NI GTAN TSIGS 'GAL BAR MTHONG BZHIN DU YANG SHIN TU NGO MTSAR CHE BA'I MA RIG PAS BLO GROS PHYIN CI LO TU GYUR PAS MI 'GAL BA BZHIN DU RTOGS PAR BYED DE, 'DI LTA STE, MIG LA SOGS PA NI GZHAN GYI DON YIN TE, BSAGS PA YIN PA'I PHYIR, MAL CHA DANG STAN LA SOGS PA'I YAN LAG BZHIN NO ZHES BYA BA LA SOGS PA LTA BU'O, ,DE RNAM PAR GCAD PA'I PHYIR, MI MTHUN PA'I PHYOGS LA MED PA SMOS SO, ,GANG DAG RANG GI PHYOGS GRUB PAR BYA BA'I PHYIR, MI MTHUN PA'I PHYOGS GCIG LA YOD PA LA YANG GTAN TSIGS SU RTOGS PAR BYED DE, 'DI LTA STE, SGRA NI RTAG PA STE, BRTZAL MA THAG TU 'BYUNG BA YIN PA'I PHYIR RO ZHES BYA BA LA SOGS PA LTA BU DE RNAM PAR GCAD PA'I PHYIR NGES PA'I GZUNG BA YIN NO, ,GNYI GAR YANG KHYAD PAR CAN GYI GNAS SU NGES PAR GZUNG BA NI BRTZAL MA THAG TU 'BYUNG BA LA SOGS PA MTHUN PA'I PHYOGS GCIG LA YOD PA YANG MI RTAG PA NYID LA SOGS PA SGRUB PA NYID DU 'GAL BA MED DO ZHES BYA BA RAB TU BSTAN PA'I PHYIR RO, ,TSUL GSUM PA'I DNGOS KYI TSUL DU YOD KYANG JI SRID DU RTOGS PAR MA GRUB PA DE SRID DU DE LA BSGRUB PAR BYA BA RTOGS PAR MI 'GYUR RO ZHES BYA BA RAB TU BSTAN PA'I PHYIR, NGES PA'I ZHES BYA BA SMOS PA YIN TE, DE BZHIN DU DPER BRJOD PA YANG 'DI NYID LAS STON PAR 'GYUR RO, ,RJES SU DPAG PAR BYA BA CHOS DANG CHOS CAN GYI SPYI YIN PA'I PHYIR, DE MA GRUB PA DE LA RTAG PA YOD PA RTAG TU MA GRUB PA KHO NA'O, ,'ON TE SGRUB PA NA NI BSGRUB PAR BYA BA SNGA NYID NAS GRUB PA'I PHYIR, RTAGS KYI RJES SU 'BRANG BA DON MED DO ZHES BYA BA'I KLAN KA YONGS SU SPANG BA'I PHYIR, 'DI LAS RJES SU DPAG PAR BYA BA NI, 'DIR ZHES BYA BA LA SOGS PA BSHAD DO, ,GRANGS CAN PA LA SOGS PA GANG DAG BSGRUB PAR BYA BA'I CHOS DANG MI 'DRA BA'I YANG PHYOGS DANG MTHUN PA NYID DU RTOGS PAR BYED DE, @95A *, ,'DI LTA STE, MAL CHA DANG STAN LA SOGS PA'I YAN LAG BZHIN NO ZHES BYA BA LA SOGS PA LTA BU STE, DE'I PHYIR MTHUN PA'I PHYOGS BYE BRAG TU BSHAD DO, ,RIGS PA CAN LA SOGS PA GANG DAG MED PA'I NGO BO MI MTHUN PA'I PHYOGS YIN PAR MI 'DOD DO, ,MED PA'I NGO BO LAS 'GA' YANG LDOG PAR MI RUNG BA'I PHYIR RO, ,DE'I PHYIR 'DUS MA BYAS MED PAR SMRA BA BYAS PA'I PHYIR MI RTAG GO ZHES BYA BA SGRUB PAR BYED PA RNAMS KYI GTAN TSIGS MA NGES PA YIN NO ZHES ZER BA DE DAG LA MI MTHUN PA'I PHYOGS BYE BRAG BSHAD DO, ,KHA CIG RJES SU DPAG PA'I RAB TU DBYE BA DANG; RANG GI NGO BO GZHAN DU BRJOD DE, 'DI LTA STE, RIGS PA CAN RNAMS NA RE, DE SNGON DU 'GRO BA'I RJES SU DPAG PA NI RNAM PA GSUM STE, SNGA MA DANG LDAN PA DANG, LHAG MA DANG LDAN PA DANG, SPYIR MTHONG BA'I RJES SU DPAG PA'O ZHES ZER RO, ,BYE BRAG RNAMS NI RTAGS LAS BYUNG BA NI 'DI'I 'DI ZHES BYA BA STE, 'BRAS BU DANG, RGYU DANG, 'BREL PA DANG, DON GCIG DANG LDAN PA DANG, 'GAL BA'O ZHES ZER RO, ,SER SKYA PA LA SOGS PA NI RJES SU DPAG PA RNAM PA GNYIS TE, SPYIR MTHONG BA DANG, KHYAD PAR DU MTHONG BA'O ZHES ZER RO, ,DE'I PHYIR 'DI DAG GI LOG PAR RTOGS PA BSAL BA'I PHYIR RTAGS KYI RAB TU PHYE BA BRJOD DO, ,RGYAL DPOG PA LA SOGS PA NI THAMS CAD MKHYEN PA LA SOGS PA DMIGS PA'I RIG BYAR MA GYUR PA YANG RANG GI DMIGS PA LA LOG PA TZAM GYIS GO NAS 'GOG PAR BYED DE, DE'I PHYIR MI DMIGS PA BYE BRAG TU BSHAD DO, ,GNAS MA'I BU'I SDE PA LA SOGS PA NI MI RTAG PA LA SOGS PA PHYIS 'BYUNG BA YANG BYAS PA LA SOGS PA'I RANG BZHIN YIN PAR BRJOD DO, ,DE BSAL BA'I PHYIR RANG BZHIN GYI GTAN TSIGS KYI YUL BSNYAD DO, ,BRDA SPROD PA LA SOGS PA ME MA YIN PA BRGYA BYIN GYI SPYI PO LA SOGS PA LAS KYANG DU BA 'BYUNG BA MTHONG BAS, ME LA SOGS PA 'GRUB PAR BYA BA LA SOGS PA 'BRAS BU'I RTAGS 'KHRUL PA SMRA STE, DE'I PHYIR 'BRAS BU'I GTAN TSIGS BRJOD DO, ,GRANGS CAN PA RNAMS NI DNGOS PO RNAMS KYI 'BREL PA RNAM PA BDUN BRJOD DO, ,'DI LTA STE, BDAG DANG BDAG GIR 'BREL PA NI LHA SBYIN DANG MCHOD SBYIN LTA BU'O, , @95B RANG BZHIN DANG 'BREL PA NI 'JIM PA DANG BUM PA LTA BU'O, ,RGYU DANG RGYU CAN DU 'BREL PA NI RDZA MKHAN DANG BUM PA LTA BU'O, ,RGYU DANG 'BRAS BUR 'BREL PA NI SA BON DANG MYU GU LTA BU'O, ,PHA DANG MA LTA BUR 'BREL PA NI YAL GA DANG SHING LJON PA LTA BU'O, ,LHAN CIG SPYOD PA'I 'BREL PA NI NGUR PA DANG KHYO SHUG LTA BU'O, ,DGRA ZLA'I 'BREL PA NI BYA ROG DANG 'UG PA LTA BU'O ZHES ZER RO, ,RIGS PA CAN LA SOGS PA NI RNAM PA LNGAR BRJOD DE, 'BYOR BA'I MTSAN NYID KYI 'BREL PA NI DU BA DANG ME LTA BU'O, ,LDAN PA'I MTSAN NYID KYI 'BREL PA NI DE NYID DANG GZUGS LTA BU'O, ,'PHROD PA'I 'DU BA'I MTSAN NYID KYI 'BREL PA NI DE NYID DANG GZUGS DANG LDAN PA NYID LTA BU'O, ,'DU BA'I LDAN PA'I MTSAN NYID KYI 'BREL PA NI DPER NA DE NYID DANG DU BA LA YOD PA'I GZUGS LA SOGS PA LTA BU'O, ,LDAN PA'I 'PHRO BA'I 'DU BA'I MTSAN NYID KYI 'BREL PA NI, DPER NA ME DE NYID DANG DU BA LA YOD PA'I GZUGS LA SOGS PA DANG LDAN PA NYID LTA BU'O, ,DE DAG GI GZHUNG LUGS KYI 'BREL PA DE DAG KHO NAR 'BREL PA'I GTAN TSIGS NI RTOGS PAR BYED PA YIN TE, DE BSAL BA'I PHYIR 'BREL PA GNYIS PA BRJOD DO, ,SPYOD PA PA RNAMS NI DA LTAR THAMS CAD MKHYEN PA LA SOGS PA MI DMIGS PA'I PHYIR, MA 'ONGS PA'I DUS NA YANG DE'I SGO NAS DE MED PAR SHES TE, DE BSAL BA'I PHYIR MI DMIGS PA BRJOD DO, ,RGYAL DPOG PA LA SOGS PA GANG DAG RANG GI DMIGS PA LA SOGS PA RGYU MA YIN PA DANG, KHYAD PAR BYED PA MA YIN PA DANG, 'BRAS BU MA YIN PA'I BKAG PA DANG, TSIG LA SOGS PA DNGOS PO DANG BSGRUB PAS KYANG MI 'GAL BA BSGRUB PA'I SGO NAS THAMS CAD MKHYEN PA LA SOGS PA 'GOG PAR SMRA STE, DE DAG GI DE RIGS PA MA YIN NO ZHES BYA BAR BSTAN PA'I PHYIR DANG, 'JIG PA RGYU DANG BCAS PAR SMRA BA 'GAG PA'I PHYIR, MI DMIGS PA'I RAB TU DBYE BA BRJOD DO, ,DGAG PA'I GTAN TSIGS KYI SBYOR BA'I DBYE BA RNAM PA MANG PO ZHIG YOD KYANG, ME LA SOGS PA ME NYID LA SOGS PA GZHAN LAS DGAG PA 'GRUB PA MA YIN GYI, 'ON KYANG RANG BZHIN MI DMIGS PA KHO NAS YIN NO ZHES BYA BA BSTAN PA'I PHYIR, KHONG @96A *, ,SU 'DU BA 'THAD PA DANG BCAS PA BRJOD DE, 'THAD PA NI THAMS CAD LA ZHES BYA BA LA SOGS PAS BSTAN TO, ,BSKAL PA'I YUL ZHES BYA BA LA SOGS PA NI, PHA ROL POS RAB TU SBYAR BA'I MI DMIGS PA LA NUS PA MED PAR BSTAN PA YIN NO, ,RJES SU DPAG PA 'DI'I MTSAN NYID NI, BCOM LDAN 'DAS RJES SU DPAG PA'I RTEN GYI RTAGS STON PAR MDZAD PA NYID KYIS GSUNGS TE, 'DI LA RTAGS NI BSGRUB PAR BYA BA MED NA NI 'BYUNG BAR NGES PA YIN NA, RJES SU DPAG PA'I SHES PA'I RGYU YIN TE, DE YANG DGE SLONG DAG KUN DU 'BYUNG BA'I CHOS CAN GANG CI YANG RUNG BA DE THAMS CAD NI 'GOG PA'I CHOS CAN YIN NO ZHES DE SKAD DU BSGRUB PAR BYA BAS, GTAN TSIGS LA KHYAB PAR STON PAR MDZAD PAS, BSAL BA KHO NAR RAB TU BSTAN PA YIN NO, ,RTAGS DE YANG RANG BZHIN DANG, 'BRAS BU DANG, MI DMIGS PA'I BDAG NYID RNAM PA GSUM DU YANG BSTAN PA KHO NA STE, DE LA DGE SLONG DAG KUN 'BYUNG BA'I CHOS CAN GANG CI YANG RUNG ZHES BYA BA 'DIS NI RANG BZHIN ZHES BYA BA'I GTAN TSIGS BSHAD DO, ,'BRAS BU ZHES BYA BA YANG, DU BA LAS NI MER SHES TE, ,CHU SKYAR LAS NI CHU YIN NO, ,BYANG CHUB SEMS DPA' BLO LDAN GYI, , RIGS NI MTSAN MA RNAMS LAS SHES, ,ZHES BYA BA 'DIS BSTAN PA KHO NA YIN NO, ,MI DMIGS PA TZAM TSAD MA NYID YIN PA SPANG BAR MDZAD PAS, MI DMIGS PA'I KHYAD PAR ZHES BYA BA YANG BSTAN PA KHO NA STE, JI SKAD DU, DGE SLONG DAG GANG ZAG GIS GANG ZAG LA TSOD MA 'DZIN CIG , GANG ZAG LA TSAD KYANG MA 'DZIN CIG ,DGE SLONG DAG GANG ZAG GIS GANG ZAG LA TSOD 'DZIN PA NI NYAMS PAR 'GYUR TE, GANG ZAG GI TSOD NI NGA 'AM NGA DANG 'DRA BA YOD PA GANG YIN PAS GZUNG BAR BYA'O ZHES GSUNGS PA LTA BU'O, ,'DIS NI NGO BO NYID KYIS BSKAL PA'I DON DAG LA MI DMIGS BA TZAM TSAD MA NYID YIN PA SBONG BAR MDZAD PAS, MI DMIGS PA KHO NA TSAD MA YIN GYI, GZHAN NI MA YIN NO ZHES BSTAN PAR 'GYUR RO, ,RIGS PA CAN LA SOGS PA NI GZHAN GYI DON GYI RJES SU DPAG PA TSIG YAN LAG LNGA PA YIN TE, YAN LAG LNGA NI, DAM BCAS PA DANG, @96B GTAN TSIGS DANG, DPE DANG, NYE BAR SBYAR BA DANG, MJUG BSDU BA RNAMS SO ZHES ZER RO, ,RANG GI SDE PA KHA CIG KYANG, GZHAN GYI DON GYI RJES SU DPAG PA NI, TSIG YAN LAG GSUM PA YIN TE, YAN LAG GSUM NI DAM BCA' BA DANG, GTAN TSIGS DANG, DPE RNAMS SO ZHES BYA BAR BSTAN TO, ,GZHAN DAG NI SNGAR BSHAD PA'I YAN LAG LNGA PO DE KHO NA LTAR 'DOD DE, DE DAG DGAG PAR 'DI'I RANG GI NGO BO BSTAN TO, ,RTOG GE BA GZHAN THAMS CAD NI, 'DI RE ZHIG CHOS MTHUN PA DANG, CHOS MI MTHUN PA DANG LDAN PA'I TSIG SBYOR BA GANG YIN PA 'DI TZAM ZHIG CHU LA YIN NO, DE LTA MA YIN NA CHOS MTHUN PA TZAM ZHIG SBYAR BAS KYANG, JI LTAR CHOS MI MTHUN PAR RTOGS PAR 'GYUR, CHOS MI MTHUN PA TZAM ZHIG SBYAR NA YANG CHOS MTHUN PA RTOGS PAR GA LA 'GYUR, DE LTA BAS NA GNYI GA RTOGS PAR BYA BA'I PHYIR GNYI GA BRJOD PAR BYA DGOS SO ZHES BYA BAR RTOGS SO, ,DE BSAL BA'I PHYIR DE NI RNAM PA GNYIS TE ZHES BYA BA LA SOGS PA RAB TU DBYE BA BRJOD DO, ,DE LA SBYOR BA GCIG GI YANG NUS PA NYE BAR BSTAN PA'I PHYIR, DPER BRJOD PA BSNYAD DO, ,BYE BRAG PA LA SOGS PA NI SKYE BA DANG LDAN PA THAMS CAD LA 'BREL PA LA SOGS PA KHYAD PAR SGRA RNAMS 'JUG PA'I RGYU MTSAN THA DAD PA KHO NA YOD PAR NYE BAR RTOG CING, SGRA TZAM THA DAD PA'I SGO NAS DON THA DAD PAR RTOGS TE, DE DAG GI GZHUNG LUGS DGAG PA'I PHYIR, RANG BZHIN GYI GTAN TSIGS KYIS RAB TU DBYE BA RNAM PA GSUM BSTAN TO, ,RANG BZHIN GYI GTAN TSIGS RNAM PA 'DI GSUM CHAR GYI YANG LOG PAR RTOGS PAR BSAL BA'I PHYIR, SNGAR BSHAD PA KHO NA'I YUL NYE BAR BSTAN PAR BSGRUB PA'I CHOS DE DAG THAMS CAD NI ZHES BYA BA LA SOGS PA SMOS SO, ,SBYOR BA GCIG LA YANG TSUL GSUM PA'I RTAGS BSGRUB PA'I NUS PA YOD PA KHO NA'O ZHES BYA BAR BSTAN PA'I PHYIR, CHOS MTHUN PAS KYANG ZHES BYA BA LA SOGS PA CHOS NYE BAR BRJOD DO, ,RANG GI SDE PA GANG DAG NYE BAR SBYAR BA DANG, MJUG BSDU BA DAG NI LDOG PA YIN PA'I PHYIR MA BSTAN PA LA YANG RAG NA PHYOGS GO CI STE STON PAR MI BYED SNYAM STE SEMS PA DE @97A *, ,DAG LA SBYOR BA 'DI GNYI GA LA YANG PHYOGS BSTAN PAR NGES PA MED DE ZHES BYA BA LA SOGS PA SMOS TE, GZHAN DAG BSGRUB PAR BYA BA MA YIN PA YANG BSGRUB PAR BYA BA NYID DU BZUNG NAS, DE'I SGO NAS GTAN TSIGS KYI SKYON RJOD PAR BYED DE, DE DAG BSAL BA'I PHYOGS KYI MTSAN NYID BSHAD DO, ,RIGS PA CAN LA SOGS PA NI DAM BCA' NI BSGRUB PAR BYA BA BSTAN PA YIN NO ZHES PHYOGS KYI MTSAN NYID KHA NA MA THO BA DANG BCAS PAR NYE BAR STON TO, ,DE BZHIN DU RANG GI SDE PA KHA CIG GIS KYANG MTSAN NYID YONGS SU MA DAG PAR NYE BAR BSTAN TE, DE SKAD DU SLOB DPON DBYIG GNYEN GYIS RNAM PAR DPYAD PAR 'DOD PA'I DON PHYOGS YIN NO ZHES BSHAD DO, ,NAM MKHA'I GOS CAN RNAMS NI PHYOGS KYI PHYOGS GCIG LA YOD PAR YANG GTAN TSIGS YIN PAR RTOGS TE, DPER NA SHING RNAMS NI SEMS CAN YIN TE, NUB MO NYAL BA'I PHYIR RO ZHES ZER BA LTA BU'O; ,DE DAG GIS NYAL BA 'DAB MA 'KHUMS PA LA SOGS PA TZAM GYI MTSAN NYID YIN PAR BRJOD PAR 'DOD MOD KYI, 'ON KYANG 'DI NI PHYOGS SU BYAS PA'I SHING THAMS CAD LA MA GRUB STE, DE SHING TI NA TI KA LA SOGS PA KHO NA LA MTHONG BA'I PHYIR RO, ,DE RNAM PAR GCAD PAR GO RIMS BZHIN DU RJES SU DPAG PAR BYA BA LA YOD PA DANG, NGES PAR GZUNG BA SMOS TE, YUL KHYAD PAR CAN DU NGES PAR GZUNG BA NI 'DOD PA'I DON RTOGS PAR BYA BA'I PHYIR RO, ,DE LTA MA YIN NA BSHAD MA THAG PA'I DON RTOGS PAR MI 'GYUR RO, ,BYE BRAG LA SOGS PA NI RJES SU DPAG PAR BYA BA KHO NA LA YOD PA THUN MONG MA YIN PA MA NGES PA YANG DNGOS SU GTAN TSIGS YIN PAR KHAS LEN TE, DPER NA GSON PO'I LUS NI BDAG DANG BCAS PA YIN TE, SROG LA SOGS PA DANG LDAN PA'I PHYIR RO ZHES ZER BA LTA BU'O, ,DE BZLOG PA'I PHYIR MTHUN PA'I PHYOGS LA YOD PA BRJOD DO,, PHYOGS KYI MTSAN NYID 'DI RNAM PAR GNYI GA YANG HA CANG KHYAB CHE BA'I NYES PA YOD LA, DE DAG LA GTAN TSIGS DANG DPE MA GRUB PA SMRA BA YANG YOD PA'I PHYIR TE, DE'I PHYIR YANG PHYOGS KYI MTSAN NYID BSTAN PA, GRANGS CAN PA RNAMS NI RGOL BA DANG PHYI RGOL BA DAG LA MA GRUB PA YANG BSGRUB PAR @97B BYA BA NYID DU STON TE, DPER NA MIG LA SOGS PA NI GZHAN GYI DON YIN NO ZHES ZER BA LTA BU'O, ,GZHAN GYI DON NI SPYI YIN PAS DE'I PHYIR RANG GI NGO BO ZHES BYA BA SMOS SO, ,KHO NA ZHES BYA BA NI HA CANG YANG KHYAB CHES PA'I NYES BA BSAL BA'I PHYIR RO, ,GRANGS CAN PA LA SOGS PA NI RGOL BA MI 'DOD KYANG BLA STE, BSTAN BCOS BYED PAR 'DOD PA THAMS CAD BSGRUB PAR BYA BA KHO NA YIN NO ZHES BYA BAR RTOGS SO, ,DE'I SGO NAS BYAS PA NYID LA SOGS PA YANG DAG PA'I SGRUB PA LA YANG 'GAL BA RJOD PAR BYED DE, DE DANG 'DRA BAR CHOS CAN SGRA LA NAM MKHA'I YON TAN YANG MED PAR BSGRUB PA'I PHYIR, BYE BRAG PA LA SOGS PA'I GTAN TSIGS NI 'GAL BA YIN NO ZHES ZER BA LTA BU STE, DE'I PHYIR BDAG CES BYA BA SMOS SO, ,GRANGS CAN PA LA SOGS PA NA RE TSIG TU SMRAS PA KHO NA BSGRUB PAR BYA BA YIN GYI MA SMRAS PA NI MA YIN NO ZHES ZER ZHES GRAGS TE, DE'I PHYIR 'DOD PA ZHES BYA BA SMOS SO, ,RGYAL DPOG PA RNAMS NI RANG RIG PA'I MNGON SUM DU RAB TU GRUB PA BLO DANG BDE BA LA SOGS PA YANG MNGON SUM MA YIN PA DE NYID DU RAB TU SHES TE, DE DAG GIS DAM BCA' BA NI SGRA MNYAN PAR BYA BA MA YIN PA NYID DU DAM BCA' BA DE BZHIN DU, MNGON SUM GYI GNOD PA YIN NO ZHES BSTAN PA'I PHYIR, 'GAL BA DANG PO BRJOD DO, ,DE DAG NYID SGRA RTAG PA NYID SGRA SHES LA, GRANGS CAN PA LA SOGS PA GSAL BAR SMRA BA RNAMS KYANG RTAG PA NYID DU GSAL BA KHO NAR KHAS LEN PAS, DE'I PHYIR RJES SU DPAG PAS GNOD PA BSAL TO, ,BRDA SPROD PA KHA CIG SGRA BZANG PO KHO NA RJOD PAR BYED PA YIN GYI MI BZANG BA NI MA YIN NO ZHES ZER BA NI, DNGOS PO THAMS CAD SGRA BRJOD PAR BYA BA NYID DU RUNG BAR 'DOD PA TZAM GYI RJES SU BYED PA SKYE BO GNAG RDZI MO YAN CHAD LA GRAGS PA 'DOD PAR BYED PA YIN TE, DE'I PHYIR GRAGS PAS GSAL BA BSAL TO; ,'JIG RTEN RGYANG PAN PA RNAMS NI GZHAN DAG LA RANG GI BRJOD PAR 'DOD PA'I DON LKOG TU GYUR PA'I TSIG RTAGS DE MED NA MI 'BYUNG BA'I SGO NAS RJES SU DPOG PAR BYED KYANG, RJES SU DPAG PA TSAD MA MA YIN NO ZHES BYA BAR RAB TU SHES TE, DE'I PHYIR RANG GI TSIG DANG 'GAL BA @98A *, ,BRJOD DO, ,RIGS PA CAN RNAMS NI GTAN TSIGS LTAR SNANG BA RNAMS KYI MTSAN NYID NI, 'KHRUL PA DANG BCAS PA DANG, 'GAL BA DANG, SKABS DANG, MTSUNGS PA DANG, BSGRUB PAR BYA BA DANG, MTSUNGS PA DANG, DUS LAS 'DAS PA NI GTAN TSIGS LTAR SNANG BA DAG YIN NO ZHES GZHAN DU 'CHAD PAR BYED DE, DE LA 'KHRUL PA DANG BCAS PA MA NGES PA YIN TE, DPER NA SGRA NI RTAG PA STE, LUS CAN MA YIN PA'I PHYIR RO ZHES BYA BA LTA BU'O, ,GRUB PA'I MTHA' KHAS BLANGS PAS DE DANG 'GAL BAR BYED PA NI 'GAL BA STE, DPER NA BYE BRAG NI RDUL PHRA RAB DAG NI LUS CAN MA YIN PA'I PHYIR RTZOM PAR BYED PA MA YIN ZHES ZER BA LTA BU'O, ,GANG GI PHYIR SKABS BSAM PA DE GTAN LA DBAB PA'I PHYIR, BSTAN PA NI SKABS DANG MTSUNGS PA STE, DPER NA BDAG NI RTAG PA STE LUS LAS GZHAN YIN PA'I PHYIR RO ZHES BYA BA LTA BU'O, ,BSGRUB PAR BYA BA DANG KHYAD PAR MED PA BSGRUB PAR BYA BA YIN PA'I PHYIR BSGRUB PAR BYA BA DANG MTSUNGS TE, DPER NA SGRA NI RTAG PA STE, LUS CAN MA YIN PA'I PHYIR BLO LTA BU ZHES BYA BA LTA BU DANG, GZHAN DAG NA RE RDZAS YIN TE, LUS LAS 'ONG BA DANG LDAN PA'I PHYIR RO ZHES DPER RJOD PAR BYED PA LTA BU'O, ,DUS 'DAS NAS BSTAN PA NI DUS LAS 'DAS PA STE, DPER NA SGRA NI MI RTAG PA STE BUM PA BZHIN NO ZHES SMRAS NAS DRIS PA DANG BYAS PA'I PHYIR RO ZHES GTAN TSIGS SMRAS PA LTA BU'O ZHES ZER RO, ,BYE BRAG PA RNAMS NA RE STON PA MA YIN PA NI RAB TU MA GRUB PA DANG, MED PA DANG, THE TSOM ZA BA'O ZHES ZER TE, GANG LA RTAGS DANG RTAGS CAN DAG 'BREL PAR MA GRUB PA DE LA MA GRUB PA YIN NO, ,'BREL PA MED PA NI MED PA STE, DPER NA RVA CAN YIN PA'I PHYIR RTA'O ZHES BYA BA LTA BU'O, ,RVA CAN YIN PA'I PHYIR BA LANG NGO ZHES BYA BA LTA BU NI THE TSOM ZA BA YIN NO ZHES ZER RO, ,DE DAG DGAG PA'I PHYIR DANG GZHAN GYIS RAB TU SBYAR BA'I GTAN TSIGS RNAMS KYI MA GRUB PA NYID LA SOGS PA'I SKYON BRJOD PA'I PHYIR GTAN TSIGS LTAR SNANG BA DAG BSTAN TO, ,SHING DAG LA SEMS YOD PA YIN NO ZHES BYA BA NI NAM MKHA'I GOS CAN RNAMS KYIS DAM 'CHA' BA YIN NO, ,BDE @98B BA LA SOGS PA LA SEMS MED DO ZHES BYA BA NI GRANGS CAN PA RNAMS KYI YIN NO, ,BDAG NI THAMS CAD LA YOD PA YIN NO ZHES BYA BA NI RIGS PA CAN RNAMS KYI YIN NO, ,SGRA NI RTAG PA YIN NO ZHES BYA BA NI DPYOD PA PA RNAMS KYI YIN NO, ,SKYES BU THAMS CAD THAMS CAD MKHYEN PA NYID MA YIN PAR DAM 'CHA' BA NI RGYAL DPOG PA RNAMS KYI YIN NO, ,RANG GI SDE BA KHA CIG KYANG 'DOD PA LA GNOD PA BYED PA ZHES BYA BA 'GAL BA GZHAN YANG YOD DO ZHES RJOD PAR BYED DO, ,DE DGAG PA'I PHYIR 'DOD PA LA GNOD PA BYED PA 'GAL BA GSUM PA MA YIN NAM ZHES BYA BA LA SOGS PA SMOS SO; ,RIGS PA CAN RNAMS NA RE, GSON PO'I LUS NI BDAG DANG BCAS PA YIN TE, SROG LA SOGS PA DANG LDAN PA'I PHYIR RO ZHES ZER RO, ,RANG GI SDE PA KHA CIG NI DNGOS PO'I STOBS KYIS ZHUGS PA'I RJES SU DPAG PA LA YANG 'GAL BA MI 'KHRUL BA CAN ZHES BYA BA MA NGES PA'I GTAN TSIGS YOD DO ZHES BRJOD DE, DE LA DPER BRJOD PA NI DPER NA SGRA MI RTAG PA STE BYAS PA'I PHYIR BUM PA LTA BU'O ZHES BYA BA LA YANG GANG GI TSE GZHAN ZHIG GIS BRGAL TE, SGRA NI RTAG PA STE MNYAN PAR BYA BA YIN PA'I PHYIR SGRA NYID LTA BU'O ZHES SMRAS PA DE'I TSE SBYOR BA SNGA MA MA NGES PA YIN NO ZHES ZER RO ZHES GRAGS TE, DE DGAG PA'I PHYIR 'GAL BA MI 'KHRUL BA CAN YANG ZHES BYA BA LA SOGS PA SMOS SO, ,PE'I LU KA NA RE SPYI NI THAMS CAD NA YOD PA YIN TE, GSAL BA DAG DANG DE DAG GI STONG BA THAMS CAD NA YOD PA'I PHYIR RO ZHES ZER RO, ,PE'I THA RA NA RE DE NI GSAL BA THAMS CAD NA YOD PA YIN GYI, BAR GYI YUL LA YOD PA NI MA YIN NO ZHES ZER RO, ,RIGS PA CAN LA SOGS PA NI MTSAN NYID GSUM PA'I GTAN TSIGS LAS MA GTOGS PA DPE ZHES BYA BA SGRUB PA'I YAN LAG YOD DO ZHES ZER TE, DE BSAL BA'I PHYIR, MTSAN NYID GSUM ZHES BYA BA LA SOGS PA SMOS SO, ,GZHAN GYIS RAB TU SBYAR BA'I DPE KHA CIG KYANG SKYON CAN NYID DU BRJOD PA'I PHYIR, DPE LTAR SNANG BA NYE BAR BKOD DE, BYE BRAG PA LA SOGS PA'I LTAR NA RDUL PHRA RAB RNAMS NI RTAG PA YANG YIN LA LUS CAN YANG YIN TE, LUS CAN NI RDZAS THAMS CAD @99A *, ,NA YOD PA MA YIN PA'I MTSAN NYID YIN NO, ,LAS NI LUS CAN YANG MA YIN LA MI RTAG PA YANG YIN NO, ,BUM PA NI MI RTAG PA YIN LA LUS CAN YANG YIN NO, ,SER SKYA LA SOGS PA NI 'DOD CHAGS DANG LDAN PA YIN TE SMRA BA'I PHYIR LAM PO'I CHE'I MI BZHIN NO ZHES BYA BA NI RGYAL DPOG PA RNAMS KYI SBYOR BA YIN NO, ,BYE BRAG PA LA SOGS PA NA RE, SGRA MI RTAG PA STE BYAS PA'I PHYIR BUM PA BZHIN NO ZHES ZER RO, ,DE DAG NYID RJES SU 'GRO BA RAB TU BSTAN PA'I GTAN TSIGS KYANG RAB TU SBYOR BAR BYED DO, ,SER SKYA LA SOGS PA THAMS CAD MKHYEN PA MA YIN NO ZHES BYA BA LA SOGS PA NI NAM MKHA'I GOS CAN RNAMS KYI SBYOR BA YIN NO, ,GSUM RIG PA'I BRAM ZHES NI MI 'GA' ZHIG GIS BRJOD PAR 'DOD PA'I TSIG GZUNG BAR MI BYA STE ZHES BYA BA LA SOGS PA NI BRAM ZE RNAMS KYI SBYOR BA YIN NO, ,SER SKYA LA SOGS PA NI 'DOD CHAGS DANG BRAL BA MA YIN NO ZHES BYA BA LA SOGS PA NI NAM MKHA'I GOS CAN RNAMS KYI YIN NO, ,SMRA BA'I PHYIR 'DOD CHAGS DANG BRAL BA MA YIN NO ZHES BYA BA LA SOGS PA NI DPYOD PA PA RNAMS KYI YIN NO, ,SGRA NI MI RTAG PA NYID DE BYAS PA'I PHYIR RO ZHES BYA BA LA SOGS PA NI RIGS PA CAN GYI YIN NO, ,DE LA LHAG CHOD RNAMS KYI DPER BRJOD PA PHYOGS TZAM ZHIG BRJOD PAR BYA STE, DPER NA MI RTAG PA NYID LA SOGS PA NI BSGRUB PAR BYAS PA NYID DANG BRTZAL MA THAG TU 'BYUNG BA LA SOGS PA YANG DAG PAR SBYAR KYANG LTAG CHOD SMRA BAS RGOL BA KHYOD KYI GTAN TSIGS 'DI CI BSGRUB PAR BYA BA DANG PHRAD NAS SGRUB PAR BYED DAM 'ON TE MA PHRAD NAS, GAL TE PHRAD NAS YIN NA NI, DE'I TSE BSGRUB PAR BYA BA DANG KHYAD PAR MED PAR 'GYUR TE, KLUNG GI CHU RGYA MTSO DANG PHRAD PA BZHIN NO, ,GZHAN YANG 'DI BSGRUB PAR BYA BA GRUB ZIN PA DANG LHAN CIG PHRAD PAR 'GYUR RAM, MA GRUB PA DANG PHRAD, RE ZHIG MA GRUB PA DANG NI MA YIN TE, RI BONG GI RVA BZHIN MED PA'I PHYIR RO, ,BSGRUB PAR BYA BA GRUB ZIN NA YANG 'DI GANG GI GTAN TSIGS YIN PAR 'GYUR, DE'I PHYIR PHRAD PA'I PHYOGS NI RIGS PA MA YIN NO, ,YANG MA PHRAD CES BYA BA'I PHYOGS KYANG MA YIN TE, GTAN TSIGS MA PHRAD PA RNAMS DANG KHYAD PAR MED @99B PA'I PHYIR RO ZHES BYA BA LTA BU YIN NO, ,'DI NI PHRAD PA DANG MA PHRAD PA MTSUNGS PA ZHES BYA BA'I LTAG CHOD YIN TE, RIGS PA MED PAS GTAN TSIGS SUN 'BYIN PA'I PHYIR RO, ,GANG LA PHRAD PA DANG MA PHRAD PAR YOD PAR CHOS MTHUN PA TZAM GYIS GTAN TSIGS KYI MTSAN NYID DANG LDAN PA YANG GTAN TSIGS MA YIN PAR 'GYUR RO ZHES BYA BA 'DI LA RIGS PA CI ZHIG YOD, CHU DANG 'BYUNG BA NYID LA SOGS PAR CHOS MTHUN PA'I PHYIR MES MI BSREG PA NI MA YIN NO, ,BSGRUB PAR BYA BA YANG RI BONG GI RVA BZHIN DU SHIN TU MA GRUB PA NYID MA YIN NO, ,'O NA CI ZHE NA, NGES PA MA SKYES PA'I PHYIR RO, ,KHYOD KYIS SUN 'BYIN PA LA YANG KLAN KA 'DI THAMS CAD MTSUNGS PAS SUN 'BYIN PA MA YIN PA NYID DO, ,DE LTA BAS NA 'DRI BA LOG PA DE LTA BU DAG LA MTHA' MED PAS, DE DAG GI MTSAN NYID LOGS SHIG TU BRJOD PAR MI BYA STE, TSAD MA'I MTSAN NYID JI SKAD BSHAD PA NGES PAR GZUNG BA KHO NAS DE DAG BSAL BA NYID DO SNYAM DU BSAMS PA YIN NO, ,RIGS PA'I THIGS PA'I PHYOGS SNGA MA MDOR BSDUS PA, SLOB DPON MANG DU THOS PA KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO SHUDDHA SIm HA DANG, ZHU CHEN GYI LO TZ'A BA DGE SLONG DPAL BRTZEGS RAKshI TAS BSGYUR TE GTAN LA PHAB PA'O,, #, ,RGYA GAR SKAD DU, N'A YA BINDU PInd'A RTH'A, BOD SKAD DU, RIGS PA'I THIGS PA'I DON BSDUS PA, 'JAM DPAL GZHON NUR GYUR PA LA PHYAG 'TSAL LO, ,GANG GIS RIGS PA BZHI MKHYEN DANG, ,RGYAL BA MDZAD DANG MDOR MDZAD DANG; ,PHAN BYED DE LA PHYAG 'TSAL TE, ,MDO RU BSDUS PA BRTZAM PAR BYA, ,MNGON SUM DAG GI MTSAN NYID DANG, ,RANG DANG GZHAN GYI DON GYI DPAG ,RJES SU DPAG SNANG GNYEN PO'O, ,DE LA MNGON SUM MTSAN NYID NI, ,GRANGS DANG SPYOD YUL RGYU 'BRAS DANG, ,RANG GI NGO BO RNAM PA BZHI, , LOG RTOG RNAM BZHI'I GNYEN PO YIN, ,RJES SU DPAG PA'I MTSAN NYID NI, ,GRANGS DANG YUL DANG RGYU 'BRAS DANG, ,TSUL DGU RTAGS GSUM SBYOR BA DANG, ,MI DMIGS PA LA BCU GSUM STE, ,SPYI DANG DUS DANG SBYOR BA'O, ,MDOR NI NYI SHU DGU RU 'DOD, ,RJES DPAG MTSAN NYID DRUG TU 'DOD, , @100A *, ,DE YI GNYEN POR RAB TU BSTAN, ,GZHAN GYI DON GYI RJES DPAG LA, ,RNAM PA GNYIS SU BSTAN PA STE, ,CHOS MTHUN PA DANG CHOS MI MTHUN, ,RE RE LA YANG BCO LNGA'O, ,MTHUN PA'I PHYOGS LA BGRANG BA NI, ,MI DMIGS PA DANG RANG BZHIN DANG, ,'BRAS BU'I RANG BZHIN RNAM PA GSUM, ,RANG BZHIN DAG DANG KHYAB PAR 'GYUR, ,KHYAD PAR BYE BRAG SBYOR BA'O, ,DA NI RE RE DAG LA YANG, ,RJES SU 'GRO DANG PHYOGS KYI CHOS, ,LDOG PA DAG NI SHUGS KYIS BSTAN, ,SPYI RU BCO LNGA MNGON PAR BRJOD, ,MI MTHUN PHYOGS LA SPYAD NA NI, ,DE DANG 'DRA'O GZHAN DU NI, ,LDOG DANG PHYOGS CHOS DNGOS SU BSTAN, ,'GRO BA SHUGS KYIS RTOGS PAR BYA, ,YANG DAG MA NOR PHYOGS BZHI NI, ,DNGOS PO NYID DANG BDAG NYID 'DOD, ,MA BSAL BA'O PHYOGS LTAR BZHI, ,MNGON SUM DAG DANG RJES SU DPAG ,GRANGS DANG TSIG MA BSAL BA'O, ,MDOR BSDUS SUM CU BRGYAD DU BZHED, ,DE RNAMS DAG GIS 'JOMS PAR BYED, ,RJES SU DPAG PA LTAR SNANG BA, ,RNAM PA GNYIS SU SHES PAR BYA, ,GTAN GYIS LTAR SNANG NYID SHU BZHI, ,DPE YI SKYON RNAMS NYI SHU'O, ,GTAN TSIGS LTA BU BGRANG BA NI, ,MTSANG MA GRUB MA NGES PA, , 'GAL DANG 'GAL BA MI 'KHRUL CAN, ,MA CHANG BA NI RNAM PA GNYIS, ,MA GRUB PA NI RNAM PA DRUG ,MA NGES PA LA BRGYAD DU 'DOD, ,'GAL BA DAG LA RNAM PA BZHI, ,'GAL BA MI 'KHRUL GNYIS LA BZHI, ,MDOR NA NYI SHU RTZA BZHI'O, ,SPANG BAR BYA'O DPE YI SKYON, ,MTHUN PA'I DPE DANG MI MTHUN DPE, ,RNAM PA GNYIS SO GZHAN LA NI, ,MTHUN PA'I PHYOGS LA RNAM PA DGU, ,BSGRUB BYAR SGRUB DANG GNYI GA YI, ,LAS DANG RDUL DANG BUM PA'O, ,THE TSOM ZA BA DE LA GSUM, ,RJES SU 'GRO MED DANG BSTAN PA, ,PHYIN CI LOG TU BSTAN PA'O, ,MI MTHUN PHYOGS LA RNAM PA DGU; ,DE DANG 'DRA'O RNAM PA DRUG ,LDOG PA MED DANG MA BSTAN PA, ,LDOG PA PHYIN CI LOG DANG GSUM, ,DRUG NI GONG PO RAB TU BRTAGS, ,GNYEN PO DAG LA SUN 'BYIN NI, ,YANG DAG PA DANG LTAG CHOD DO, ,MDOR NA NYI SHU DAG DANG GNYIS, ,SPYIR NA BRGYA DANG NYI SHU GCIG , @100B SPANG BAR BYA BA BZHI BCU DRUG ,BSGRUB PAR BYA BA BDUN CU LNGA, ,DE NI TSIG KYANG BDUN CU GSUM, ,SHOL KA BCO BRGYAD RKANG PA GCIG ,YONGS SU BSDOMS TE MNGON PAR BRJOD, ,RIGS THIGS DON BSDUS 'DI DAG LA, ,'KHRUL CING NOR PA MCHI PA RNAMS, ,'PHAGS DANG MKHAS PA RNAMS LA YANG, ,BZOD PAR GSOL LO MKHAS PA RNAMS, ,MA HA PA ndI BZOD PA MDZOD, ,'KHRUL NOR GZHUNG RNAMS BSRANG DU GSOL, ,RIGS PA'I THIGS PA'I DON BSDUS PA, ,RGYA GAR GYI MKHAN PO DZI NA MI TRA SA MDZAD PA RDZOGS SO,, ,,RGYA GAR GYI MKHAN PO SU RENDRA BO DHI DANG; ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA,, #, ,RGYA GAR SKAD DU, HE TU BINDU d'I KA ,BOD SKAD DU, GTAN TSIGS KYI THIGS PA RGYA CHER 'GREL PA, SANGS RGYAS LA PHYAG 'TSAL LO, ,GANG ZHIG YON TAN MCHOG RAB TSOGS CAN RIGS PA'I RGYAL PO'I SKYE BA'I GTAN TSIGS LA, ,RTAGS 'BAD SHES BYA KUN LA MUN PA CHEN PO 'THAB TSOGS RTZA NAS MED PAR BYAS PA YANG, ,STONG PA SRID GSUM 'JIGS SPANGS SKYE BO'O CHU BO PHA ROL RGAL BA DE LA PHYAG 'TSAL TE, ,BLO DANG LDAN PA RNAMS KYIS BSNGAGS BYA GTAN TSIGS THIGS PA RAB GSAL LUGS RGYAS RNAM PAR DBYE, ,DON LKOG TU GYUR PA SGRUB PA'I RTEN RJES SU DPAG PA NYID YIN PAS ZHES BYA BA'I TSIG 'DIS NI RAB TU BYED PA 'DI'I 'BREL PA DANG, BRJOD PAR BYA BA DANG, DGOS PA DANG, DGOS PA'I YANG DGOS PA RNAMS STON PAR BYED DO; ,GANG GI PHYIR 'BREL PA MED PA DANG, BRJOD PAR BYA BA MED PA DANG, DGOS PA MED PA'I RAB TU BYED PA NI RTOG PA SNGON DU GTONG BA RNAMS KHAS MI LEN TE, 'DI LTAR JI SRID DU, 'DI LA BRJOD PAR BYA BA NI CI ZHIG YIN ZHES BYA BA MA GTOGS PA DANG, DE BZHIN DU JI SRID DU 'DI'I DGOS PA NI CI ZHIG YIN ZHES BYA BA'AM, 'DI'I 'BREL PA NI GANG ZHIG YIN ZHES BYA BA YANG DAG PAR MA RIG PA DE SRID DU RAB TU BYED PA LA DGA' BA YANG SKYED PAR MI BYED NA MNYAN PA DANG SEMS PA LA SOGS PA LA 'JUG PAR 'GYUR BA LTA SMOS KYANG CI DGOS, DE LTA BAS NA @101A *, ,NYAN PA'I SKYE BO SPRO BAR BYA BA'I PHYIR 'GREL PA LA SOGS PA GSUM BRJOD PAR BYA STE, BRJOD PAR BYA BA BSNYAD PAS NI 'DI LA BRJOD PAR BYA BA NI CI ZHIG YIN SNYAM DU BRJOD PAR BYA BA LA BRTEN PA'I RMONGS PA DE LTA BU ZLOG PAR BYED DO, ,DGOS PA BRJOD PA NI 'BRAS BU MED PAR DOGS PA ZLOG PAR BYED DO, ,'BREL PA BSNYAD PAS NI THABS MA YIN PAR DOGS PA SEL BAR BYED DO, ,DE 'DIR DE BYE BRAG TU RTOGS PAR BYA BA'I PHYIR ZHES BYA BA 'DIS NI BRJOD PAR BYA BA DANG DGOS PA DNGOS SU BSTAN TO, ,'DI BRTZAM MO ZHES BYA BA 'DIS NI SHUGS KYIS NA RAB TU BYED PA THABS NYID YIN PAR BSTAN TO, ,DE LA SHUGS NI 'DI YIN PAR KHONG DU CHUD PAR BYA STE, RJES SU DPAG PA BYE BRAG TU RTOGS PAR BYA BA'I PHYIR RAB TU BYED PA RTZOM NA RAB TU BYED PA NI DON GYIS NA THABS NYID YIN PAR STON PAR BYED DE, 'DI LTAR THABS MA YIN PA LA NI RTOG PA SNGON DU GTONG BA RNAMS MI 'JUG GO, ,DE'I PHYIR 'BREL PA DON GYIS BSTAN PA YIN NO, ,'DIR RJES SU DPAG PA BYE BRAG TU RTOGS PAR BYA BA ZHES BYA BA 'DI NI BRJOD PAR BYA BA YIN NO, ,RJES SU DPAG PA BYE BRAG TU RTOGS PA NI DGOS PA YIN NO, ,RJES SU DPAG PA BYE BRAG TU RTOGS PA YID CHES PA'I RANG BZHIN DE NI RAB TU BYED PA 'DIS BYED PAS RAB TU BYED PA 'DI NI DGOS PA 'DI'I THABS YIN NO, ,DE LTA BAS NA RAB TU BYED PA DANG DGOS PA GNYIS NI THABS DANG THABS KYIS BSGRUB PAR BYA BA'I MTSAN NYID KYI 'BREL PA YIN TE, 'DI LTAR RAB TU BYED PA NI THOS PA LAS RJES SU DPAG PA'I RANG GI NGO BO PHYIN CI MA LOG PAR SHES PAR 'GYUR BAS DE'I PHYIR RAB TU BYED PA NI THABS YIN LA, RJES SU DPAG PA NI THABS KYIS BSGRUB PAR BYA BA YIN PAR GRUB BO, ,BSGRUB PAR BYA BA DANG, SGRUB PA DANG, BYA BA DANG, BYED PA'I MTSAN NYID DANG, 'BREL PA YANG 'DI KHO NA YIN TE, 'DI LTAR SGRUB PA NI RAB TU BYED PA YIN NO, ,BSGRUB PAR BYA BA NI 'BRAS BU YIN NO, ,BYED PA NI RAB TU BYED PA YIN NO, ,BYA BA NI 'BRAS BU YIN NO, ,BYA BA'I MJUG THOGS DANG, BLA MA BRGYUD PA'I RIM PA'I 'BREL PA LA SOGS PA NI RAB TU BYED PA LA 'JUG PA @101B LA YAN LAG TU GYUR PA DAG PA YIN PAS 'BREL PA MA YIN PA KHO NA STE, 'DI LTAR GANG ZHIG DON DU GNYER BA DE NI DE'I THABS LA 'JUG GI, 'DI NI BLA MA BRGYUD DE 'ONGS PA YIN NO ZHES BYA BA DANG, RGYAS PAR BYA BA'I MJUG THOGS SU BSTAN PA YIN ZHES BYA BA DE TZAM GYIS NI DON DU GNYER BA RNAMS THABS MA YIN PA LA 'JUG PAR MI 'GYUR RO, ,DE LTA BAS NA RJES SU DPAG PAR BYA BA YONGS SU SHES PAR BYA BA'I PHYIR RAB TU BYED PA 'DI BRTZAM MO ZHES BYA BAR GNAS SO, ,DE LTAR GNAS PA LA BRGYA LA 'GA' ZHIG RJES SU DPAG PA YONGS SU SHES PAS CI ZHIG BYA DE NI GANG DU'ANG DGOS PA MED PAS BYA ROG GI SO BRTAG PA BZHIN NO, ,'DI NI GNAS MA YIN PA LA YONGS SU NGAL BA YIN NO ZHES SMRA BAR 'GYUR BAS DE'I PHYIR, DON LKOG TU GYUR BA SGRUB PA'I RTEN RJES SU DPAG PA NYID YIN PAS ZHES BYA BA 'DI SMOS SO, ,'DIS NI DGOS PA'I YANG DGOS PA BSTAN TO, ,DES NA 'DI SKAD DU GANG GI PHYIR DON LKOG TU GYUR PA SGRUB PA'I RTEN RJES SU DPAG PA YIN PA DE'I PHYIR RJES SU DPAG PA 'BAD DE YONGS SU SHES PAR BYA'O, ,YONGS SU SHES PA DE YANG RAB TU BYED PA 'DI LAS 'GYUR BAS DE'I PHYIR RJES SU DPAG PA DGOS PAR GYUR PA YONGS SU SHES PAR BYA BA'I PHYIR RAB TU BYED PA 'DI BRTZAM PAR BYA'O ZHES BSTAN PAR 'GYUR TE, RE ZHIG 'DI NI BSDUS PA'I DON YIN NO, ,YAN LAG GI DON NI, DON LKOG TU GYUR PA SGRUB PA'I ZHES BYA BA LA SOGS PA LAS, DBANG PO RNAMS LAS LOG PA NI LKOG TU GYUR PA STE, DBANG PO'I YUL LAS 'DAS ZHES BYA BA'I THA TSIG GO, ,DE NI DON YANG YIN LA LKOG TU GYUR PA'ANG YIN PAS DON LKOG TU GYUR PA STE, DON ZHES BYA BA NI GZHAL BYA'O, ,DE YANG BLANG BAR BYA BA DANG, DOR BAR BYA BA DANG, BTANG SNYOMS SU BYA BA YIN PAS RNAM PA GSUM DU 'DOD DO, ,DE LA 'DIR DON ZHES SMOS PAS NI GZHAL BYA SPYIR BSTAN TO, ,LKOG TU GYUR PA ZHES SMOS PAS NI DE NYID KHYAD PAR DU BYAS SO, ,GANG DAG BLANG BA DANG DOR BA DANG BTANG SNYOMS KYI YUL NYID KYIS DON DU GNYER BAR BYA BA DANG, DON DU GNYER BAR BYA BA MA YIN PA RNAM PA GNYIS YIN LA, DON GYI SGRAS NI DON DU GNYER BAR BYA BA MA YIN PA RNAM PAR GCOD PAR BYED PA DE DAG GI LTAR NA NI DOR BAR BYA BA DANG, BTANG @102A *, ,SNYOMS SU BYA BA RJES SU DPAG PAR MI 'GYUR RO, ,DON LKOG TU GYUR PA LA SGRUB PA STE, SGRUB PAR ZHES BYA BA'I SGRA NI LEN PA DANG 'DOR BA DANG BTANG SNYOMS KYI MTSAN NYID KYI BSGRUB PA LA BYA'O, ,GANG GI RTEN RJES SU DPAG PA YIN PA DE NI RTEN RJES SU DPAG PA'O, ,DE'I DNGOS PO NI DE NYID DE, RTEN RJES SU DPAG PA NYID YIN PA DE'I PHYIR RO, ,'DIR RJES SU DPAG PA'I SGRA NI RJES SU DPAG PAR BYA BA'I YUL CAN GYI SHES PA LA BYA'O, ,RTEN GYI SGRA NI RGYU LA BYA'O, ,DES NA 'DI SKAD DU 'DI LTAR DON LKOG TU GYUR PA SGRUB PA'I RGYU NI RJES SU DPAG PA YIN PAS ZHES BSHAD PAR 'GYUR RO, ,MDOR BSDUS NAS ZHES BYA BA NI 'DIR BSDUS PA LA 'GAL BA'I SROG CHAGS RNAMS MGU BAR BYA BA'I PHYIR DNGOS PO MNGON PAR BSDUS PAR BRJOD PAR BZHED PA YIN GYI, GZHUNG BSDUS PA NI MA YIN TE, 'DI LTAR 'DI LA GZHUNG NI MANG LA, DNGOS PO NI RANG GI DON GYI RJES SU DPAG PA TZAM DPYOD PAR ZAD DE, MNGON SUM YANG MI DPYOD, GZHAN GYI DON GYI RJES SU DPAG PA YANG MI DPYOD LA, DE BZHIN DU GTAN TSIGS LTAR SNANG BA DANG DPE YANG MI DPYOD DO, ,DE LTA BAS NA 'DI MDOR BSDUS PA'I SGRA NI DNGOS PO BSDUS PA BRJOD PAR BZHED PA YIN NO, ,DE LA BYE BRAG TU RTOGS PA NI BYE BRAG TU RTOGS PA STE, 'DIR DE ZHES BYA BA'I SGRA NI RJES SU DPAG PA DANG SBYAR RO, ,DE BYE BRAG TU RTOGS PA NI SO SOR NGES PA'I RANG GI NGO BO YID CHES PA STE, DE BYE BRAG TU RTOGS PAR BYA BA DE'I PHYIR RO, ,'DI BRTZAM MO ZHES BYA BA NI BLO LA RNAM PAR GNAS PA STE, 'DI ZHES BYA BA NI RAB TU BYED PA MTHA' DAG LA SNYEGS SO, ,BRTZAM ZHES BYA BA NI RAB TU BYED PA'I GZHUNG GI BDAG NYID DU BRTZAM PAR BYA BA BSTAN TO, ,DE LTA BAS NA 'DIR BSDUS PA'I DON NI 'DI YIN TE, GANG GI PHYIR DON LKOG TU GYUR PA SGRUB PA LEN PA DANG 'DOR BA DANG BTANG SNYOMS KYI MTSAN NYID KYI RGYU NI RJES SU DPAG PA YIN PA DE'I PHYIR RJES SU DPAG PA'I RANG GI NGO BO YONGS SU SHES PAR BYA BA'I PHYIR RAB TU BYED PA 'DI BRTZAM MO, ,YANG NA DON LKOG TU GYUR PA SGRUB PA NI RJES SU DPAG PAR BYA BA'I YUL CAN GYI SHES PA YIN LA, RJES SU DPAG PA NI TSUL GSUM PA'I RTAGS YIN TE, 'DIS RJES SU DPOG PAR BYED PA'I PHYIR RO, ,LHAG MA NI SNGA MA BZHIN NO, ,DES NA 'DI SKAD DU, @102B GANG GI PHYIR RJES SU DPAG PAR BYA BA BSGRUB PA NI TSUL GSUM PA'I RTAGS LA RAG LUS PA DE'I PHYIR TSUL GSUM PA'I RTAGS KYI MTSAN NYID RJES SU DPAG PA BYE BRAG TU RTOGS PAR BYA BA'I PHYIR RAB TU BYED PA 'DI TZAM MO ZHES BSHAD PAR 'GYUR RO, ,DE LA GANG GI TSE RJES SU DPAG PA RJES SU DPAG PAR BYA BA'I YUL CAN GYI SHES PA YIN PAR GZUNG BA DE'I TSE DE BYE BRAG TU RTOGS PA NI TSUL GSUM PA'I RTAGS LA RAG LUS PA YIN PAS TSUL GSUM PA'I RTAGS NYID BSGRUB PAR BYA BA'I PHYIR, PHYOGS CHOS DE'I CHAS ZHES BYA BA LA SOGS PA SMOS SO, ,GANG GI TSE TSUL GSUM PA'I RTAGS RJES SU DPAG PA'I SGRAR BRJOD PA DE'I TSE YANG DNGOS SU RTAGS NYID BYE BRAG TU RTOGS PAR BYA BAR RIGS PAR GYUR PAS DE NYID BYE BRAG TU RTOGS PAR BYA BA'I PHYIR PHYOGS CHOS DE'I CHAS ZHES BYA BA LA SOGS PA SMOS SO, ,TSIGS SU BCAD PA 'DIS RAB TU BYED PA'I LUS MTHA' DAG BSDUS NAS STON PAR BYED DO, ,YAN LAG GI DON NI 'BREL PA LAS BDAG NYID KYIS STON PAR BYED DO, ,BSDUS PA'I DON NI BRJOD PAR BYA STE, GANG ZHIG PHYOGS KYI CHOS YIN LA, DE'I CHAS KHYAB PA DE NI GTAN TSIGS YIN NO, ,DE YANG MED NA MI 'BYUNG BA MA GTOGS PA MED PA'I PHYIR, RANG BZHIN DANG, 'BRAS BU DANG, MI DMIGS PA'I BYE BRAG GIS RNAM PA GSUM KHO NA YIN NO; ,GTAN TSIGS GSUM PO LA MA GTOGS PA GZHAN NI GTAN TSIGS LTAR SNANG BA DAG YIN NO, ,MDO LAS PHYOGS KYI CHOS NI GTAN TSIGS SO ZHES BSHAD PA DE LA, GAL TE SPYI PHYOGS YIN PAR GZUNG NA NI DE'I TSE GTAN TSIGS MA GRUB PAR 'GYUR BA'AM, GRUB NA YANG RJES SU DPAG PA DON MED PAR 'GYUR RO SNYAM DU SEMS PA LA, PHYOGS NI CHOS CAN TE ZHES BYA BA SMOS TE, 'DIR CHOS CAN PHYOGS KYIS GRAR BSHAD KYIS SPYI NI MA YIN NO SNYAM DU DGONGS SO, ,DE'I PHYIR CHOS CAN GYI CHOS GTAN TSIGS YIN PAR BSHAD PAR 'GYUR RO, ,CI'I PHYIR CHOS CAN 'GA' ZHIG LA PHYOGS ZHES BYA SNYAM PA LA DE'I PHYIR, YAN LAG LA SPYI'I NYE BAR BTAGS PA'I PHYIR RO ZHES BYA BA SMOS TE, PHYOGS ZHES BYA BA SPYI LA YAN LAG GNYIS YOD DE, CHOS DANG CHOS CAN NO, ,DE BAS NA 'DIR CHOS CAN TZAM 'BA' ZHIG LA SPYI NYE BAR BTAGS NAS CHOS CAN LA PHYOGS KYI SGRAR BSHAD DO, ,KLAN KA'I BSAM PAS DGOS PA @103A *, ,MED PA'I PHYIR ZHES BYA BA LA SOGS PA SMOS TE, DNGOS SU BSTAN DU RUNG BA LA NI DGOS PA MED PAR NYE BAR GDAGS SU MI RUNG STE, DE BAS NA CHOS CAN 'BA' ZHIG LA PHYOGS ZHES BRJOD PAR MI BYA'O ZHE NA, NYE BAR GDAGS PAR BYA BA'I DGOS PA BSTAN PA'I PHYIR MA YIN TE, NYE BAR GDAGS PA NI CHOS CAN GYI CHOS THAMS CAD CES BYA BA LA SOGS PA SMOS TE, CHOS CAN GYI CHOS GTAN TSIGS SU BRJOD PA NA CHOS CAN GANG YANG RUNG BA THAMS CAD KYI CHOS KYANG GTAN TSIGS SU 'GYUR TE, DE'I PHYIR CHOS CAN MI 'DOD PA'I PHYIR CHOS GANG YIN PA DE GTAN TSIGS NYID DU 'GYUR DU 'ONGS PAS NYE BAR GDAGS PAR BYA'O, ,NYE BAR BTAGS PA BYAS NAS NYE BAR GDAGS SU RUNG BA'I CHOS CAN GANG YIN PA DE'I GTAN TSIGS NYID YIN PAR 'GYUR RO, ,NYE BAR GDAGS SU RUNG BA'I CHOS CAN YANG SPYI'I PHYOGS GCIG TU GYUR BA GANG YIN PA DE 'DI LTAR PHYOGS GCIG YIN PA'I PHYIR NYE BAR GDAGS PA BYAS NA THAL BAR MI 'GYUR RO, ,DE'I TSE MIG GIS GZUNG BA YIN PA'I PHYIR RO ZHES BYA BA LA SOGS PA 'GAL BA'I GZHIS MA GRUB PA RNAMS KYANG RGYU NYID DU BKAG PA YIN NO, ,SOGS PA SMOS PAS NI KHVA'I NAG PO NYID LA SOGS PA BSDU'O, ,NYE BAR GDAGS PA GSAL BAR BYA BA'I BSAM PAS GAL TE CHOS NI GZHAN LA BRTEN PA YIN PAS CHOS BRJOD PAS KYANG ZHES BYA BA LA SOGS PA SMOS TE, GAL TE CHOS CAN GYI CHOS YIN PAR BRJOD NA CHOS CAN THAMS CAD KYI CHOS GTAN TSIGS NYID DU 'GYUR BAS DE'I TSE CHOS CAN KHO NA SMOS PAR MI BYA'O, ,CHOS BRJOD PA KHO NAS NI CHOS CAN DU YANG 'GYUR RO, ,KYANG ZHES BYA BA'I SGRAS NI CHOS CAN DU 'GYUR BA 'BA' ZHIG TU MA ZAD KYI CHOS SMOS PAS KYANG 'GYUR RO ZHES DE SKAD DU STON PAR BYED DE, 'DI LTAR CHOS GZHAN LA BRTEN PA GZHAN LA RAG LUS PA'I KHYAD PAR DU GYUR PA DE YOD PA NA CHAD GDON MI ZA BAR CHOS CAN 'PHEN PAR BYED PA DE LA CHOS CAN SMOS PAS CI ZHIG BYA, BRTEN PAR BYA BA NI RTEN TE, CHOS CAN BRTEN PAR BYA BA NI RTEN CHOS CAN NO, ,DE 'GRUB PA NI RTEN CHOS CAN 'GRUB PA'O, ,YANG NA RTEN DU GYUR PA CHOS CAN 'GRUB PA NI RTEN CHOS CAN 'GRUB PA'O, ,DE LTAR CHOS CAN GRUB PA DANG CHOS CAN ZHES SMOS PAR BYA BA GANG YIN PA DES NI @103B BSGRUB PA'I CHOS CAN YONGS SU BSDUS PAR 'GYUR RO, ,DE LTA BAS NA NYE BAR GDAGS PA NI DON MED PA YIN NO, ,DE LA GAL TE BSHAD PA'I TSUL GYIS NA CHOS CAN SMOS PA'I SHUGS KYIS CHOS CAN THAMS CAD SEL DU ZIN KYANG CHOS CAN GANG YANG RUNG BA 'GA' ZHIG YONGS SU BSDUS PAR 'GYUR GYI, BSGRUB PAR BYA BA'I CHOS 'GRUB PAR 'GYUR BA LA 'DI GO GA LAS SHES DE SNYAM DU SEMS PAR 'GYUR BAS DE'I PHYIR NYE BA YIN PA'I PHYIR ZHES BYA BA SMOS TE, NYE BA DANG LHAN CIG PA'I CHOS CAN SMOS PAS BSGRUB PAR BYA BA'I CHOS CAN YONGS SU BSDUS PA YIN NO SNYAM DU BSAMS PA'O, ,'DIR NYE BA NI BLO LA SNANG BA'AM YANG NA BSGRUB PAR BYA DGOS PA'O, ,KYANG ZHES BYA BA'I SGRAS NI NYE BAR GDAGS PAS BSGRUB PAR BYA BA'I CHOS CAN 'GRUB PAR 'GYUR BA 'BA' ZHIG TU MA ZAD KYI, 'O NA JI LTA BU ZHE NA, CHOS CAN SMOS PAS KYANG 'GRUB PAR 'GYUR RO ZHES DE SKAD DU STON PAR BYED PA'AM, YANG NA KYANG ZHES BYA BA'I SGRA'I DON NI CHOS CAN SMOS PAS 'GRUB PA 'BA' ZHIG TU MA ZAD KYI NYE BA DANG LHAN CIG PA'I CHOS SMOS PAS KYANG BSGRUB PAR BYA BA'I CHOS CAN 'GRUB PAR 'GYUR RO ZHES BYA BA NI PHYOGS SNGA MA YIN NO, ,DE LA RE ZHIG 'DIR CHOS CAN SMOS PA GZHAN DAG 'KHRUL PAR 'GYUR BAR BSGRUB PA DANG, GRUB PA'I MTHA' SMRA BAS KYANG NYE BAR 'KHRUL PAR BSTAN PA'I PHYIR, DPE'I CHOS CAN YANG ZHES BYA BA LA SOGS PA SMOS TE, DPE'I CHOS CAN YANG NYE BA YIN TE, DE YANG BLO LA BSGRUB PAR BYA BA NYID DU SNANG LA, BSGRUB PAR BYA BA'I SKABS KYANG YIN PAS DE'I PHYIR THE TSOM DU 'GYUR BA GCIG TU BSGRUB PAR BYA BA'I CHOS CAN YIN PAR LTA GA LA ZHIG 'GRUB, YANG PHA ROL POS DE'I CHAS KHYAB PA ZHES BYA BA LA SOGS PA SMOS TE, GAL TE 'DIR DPE'I CHOS CAN YIN PAR 'DOD PAR GYUR NA NI DE'I TSE CHOS CAN GYI CHOS ZHES SMOS PA'I DON DPE'I CHOS CAN LA YOD PA GANG YIN PA DE GTAN TSIGS YIN NO ZHES BYA BA 'DIR 'GYUR BA ZHIG NA DPE'I CHOS CAN LA GTAN TSIGS YOD PA DE YANG DE'I CHAS KHYAB PA ZHES SMOS PA KHO NAS GRUB BO, ,DE'I PHYIR LHAG MAS NI CHOS CAN GYI CHOS ZHES SMOS PA BSGRUB PAR BYA BA'I CHOS CAN YONGS SU BSDU BA'I DON YIN @104A *, ,PAR 'GYUR TE, KHYAB PA YID CHES PAR BYA BA'I PHYIR DE'I CHAS KHYAB PA ZHES BYA BA YANG GDON MI ZA BAR BRJOD PAR BYA DGOS SO, ,DE BRJOD NA DE KHO NAS YOD PAR 'GRUB STE, DPE LA GTAN TSIGS BYED NA DE'I CHAS KHYAB PA MI 'THAD DE, GAL TE CHOS CAN ZHES BYA BA MA SMOS NA, DE'I TSE DE'I CHAS KHYAB PA ZHES BYA BA 'DI LA DE ZHES BYA BA'I SGRA GANG LA SNYEGS SHE NA, DE NI NYES PA MED DE, SNGAR CHOS SMOS KYANG CHOS CAN KHO NAR 'GYUR RO ZHES BSHAD ZIN TO, ,DE LTA BAS NA DE ZHES BYA BA'I SGRA NI CHOS SMOS PAS NYE BAR GZHAG PA'I CHOS LA SNYEGS PAR 'GYUR RO ZHES BYA BA NI PHYOGS SNGA MA YIN NO, ,GRUB PA'I MTHA' SMRA BAS GRUB KYANG NGES PAR BYA BA'I PHYIR YANG SMOS SU DOGS PAR 'GYUR TE ZHES BYA BA LA SOGS PA SMOS TE, GRUB KYANG NGES PAR BYA BA'I PHYIR YANG SMOS PA YANG MTHONG BAS DE GCIG TU BSGRUB PAR BYA BA'I CHOS CAN YIN PAR LTAG LA ZHIG 'GRUB NGES PA YIN PAR DOGS PA DE NYID DPE DANG BCAS PAR BSTAN PA'I PHYIR, MTHUN PA LA YOD PA KHO NAS ZHES BYA BA LA SOGS PA SMOS TE, DPER NA MTHUN PA'I PHYOGS LA YOD CES BYA BA'I TSIG 'DI NYID KYIS MI MTHUN PA'I PHYOGS LA GTAN TSIGS LOG PAR GRUB BO, ,MI MTHUN PA'I PHYOGS LAS GTAN TSIGS LOG PAR GRUB MOD KYI, BSGRUB PAR BYA BA MED PA LA GTAN TSIGS MED DO ZHES SMOS PA GANG YIN PA DE NI 'DI LTAR GTAN TSIGS NI MED PA KHO NA LAS LOG PA YIN GYI, GZHAN PA LAS KYANG MA YIN LA, 'GAL BA LAS KYANG MA YIN NO ZHES NGES PAR BYA BA'I PHYIR RNAM PAR BSHAD PA YIN PAR DE BZHIN DU 'DIR YANG DE'I CHAS KHYAB PA SMOS PAS DPE'I CHOS CAN LA GTAN TSIGS YOD PAR GRUB MOD KYI, CHOS CAN GYI CHOS ZHES SMOS PA GANG YIN PA DE NI DPE'I CHOS CAN GYI CHOS GANG YIN PA DE NI GTAN TSIGS KHO NA YIN NO ZHES NGES PAR BYA BA'I CHED YIN NO SNYAM DU DOGS PA 'GYUR RO, ,DE BAS NA DE LTAR NGES PAR BYA BA YIN PAR DGOS PAR BZLOG PA'I PHYIR NYE BAR GDAGS PAR BYA'O ZHES BYA BAR GNAS SO, ,'DI NYID LA GTAN TSIGS DE LTA BAS NA SHUGS KYIS ZHES BYA BA LA SOS PA SMOS TE, NYE BA'I MTSAN NYID KYIS SHUS BSHAD PA GANG YIN PA'I SHUGS DES BSGRUB PAR BYA BA'I CHOS CAN YIN PAR RTOGS PAR 'GYUR MOS KYI, 'ON @104B KYANG BSGRUB DKA' BAR 'GYUR LA, DE YANG NYE BAR GDAGS PA TZAM YI GE MNYAM PA YONGS SU SPANGS PA YIN NO, ,YANG ZHES BYA BA'I SGRA NI 'THAD PA GZHAN BSDU BA'I DON TE, NGES PAR BYA BA YIN PAR DOGS PA YONGS SU SPANGS PA YIN PA 'BA' ZHIG TU MA ZAD KYI, BSGRUB DKA' BA YANG YONGS SU SPANGS PA YIN NO ZHES BYA BA'I THA TSIG GO, ,YANG NA 'DIR GTZO BO YIN PA'I PHYIR DANG, SEMS LA GZHAG PA YIN PA'I PHYIR DANG, BSGRUB PAR BYA BA DANG, NGES PAR BYA BA GNYI GA SRID PA LAS BSGRUB PAR BYA BA STOBS DANG LDAN PA'I PHYIR BSGRUB PAR BYA BA'I CHOS CAN KHO NA YONGS SU BSDUS PAR 'GYUR GYI, DPE'I CHOS CAN NI YONGS SU MI SDUD PA YIN NAM, DE LTA BAS NA NYE BAR GDAGS PA MI BYA'O ZHES BYA BA YIN LA DOGS PAR BYA STE, DE'I PHYIR, DE LTA BAS NA SHUGS KYIS ZHES BYA BA LA SOGS PA SMOS TE, GTZO BO YIN PA LA SOGS PA'I SHUGS BSHAD PA GANG YIN PA'I SHUGS DES BSGRUB PAR BYA BA'I CHOS CAN GYI MTSAN NYID KYI DON YIN PAR RTOGS PAR 'GYUR MOD KYI, 'ON KYANG SHUS 'DIS SGRUB PA BSGRUB DKA' BAR 'GYUR LA, DE'I NYE BAR GDAGS PA TZAM YI GE MNYAM PAS YONGS SU SPANGS PA YIN NO, ,YANG ZHES BYA BA'I SGRA'I DON NI SGRUB PAR BYED PA'I DKA' BA YANG YONGS SU SPANGS PA YIN NO ZHES BYA BA'I THA TSIG GO, ,PHYOGS KYI CHOS DPYAD PA 'DIR DBANG PHYUG SDE ZHES BYA BA PHYOGS SNGAR MA SMRA BAS DES SLOB DPON PHYOGS KYI GLANG PO LA KLAN KA BCAL BA LA BSTAN BCOS MDZAD PA GZU BOR GYUR PA 'DIS LAN BTAB BO ZHES GRAG GO ,DE LTA BAS NA PHYOGS ZHES BYA BA'I SGRA NI 'DIR NYE BAR BTAGS PA YIN NO ZHES BYA BAR GNAS SO, ,PHYOGS KYI CHOS ZHES BYA BA 'DI LA BSDU BA DU MA'I DGOS PA YOD PAS 'DOD PA'I BSDU BA BRJOD PAR 'DOD PA LA KLAN KA'I BSAM PAS, GAL TE PHYOGS KYI CHOS NYID YIN NA ZHES BYA BA LA SOGS PA SMOS TE, PHYOGS KYI CHOS YIN PAS PHYOGS KYI CHOS SO ZHES DRUG PA'I BSDU BA YIN NO, ,'DIR PHYOGS KYI SGRAS NI CHOS KHYAD PAR DU BYED DO, ,DE LTA BAS NA PHYOGS KYI KHYAD PAR LA LTOS PA'I CHOS LTA ZHIG GZHAN DU 'JUG PAR GA LA 'GYUR, DE ZHES BYA BA'I SGRA NI 'DIR PHYOGS DANG SBYAR RO, ,PHYOGS DE'I KHYAD PAR @105A *, ,LA LTOS PAS NA DE'I KHYAD PAR LA LTOS PA STE, GANG ZHIG PHYOGS KYI KHYAD PAR DU BYED PA DE NI PHYOGS KHO NA LA YOD KYI GZHAN LA NI MED DO, ,DE LTA BAS NA DE GZHAN DU 'JUG PAR LTAG LA 'GYUR, YANG 'DI LA PHYOGS KYI CHOS YOD PAS PHYOGS KYI CHOS SO ZHES 'BRU MANG PO PA DANG DE NI PHYOGS YANG YIN LA CHOS KYANG YIN PAS PHYOGS KYI CHOS SO ZHES LAS KYI GZHI DANG, PHYOGS DANG CHOS YIN PAS PHYOGS KYI CHOS SO ZHES ZLAS DBYE BA DANG BSDU BA DU MA ZHIG 'THAD NA, 'DIR JI LTAR NA DRUG PA'I BSDU BA YIN ZHE NA, SMRAS PA, PHYOGS ZHES BYA BA'I SGA NI 'DIR CHOS CAN YIN PAR BZHED DO, ,DE YANG CHOS CAN GYI RANG GI NGO BO YONGS SU MA BOR NA GANG GI CHOS SU YANG MI 'GYUR BAS 'BRU MANG PO BA GSAL BA YIN NO, ,DE NYID KYI LAS KYI GZHI YANG MED DE, CHOS CAN GYI NGO BO YONGS SU MA BOR NA CHOS SU MI 'GYUR RO, ,ZLAS DBYE BA YANG GAL TE PHAN TSUN LDAN PA YIN NA NI DE'I TSE GNYIS KYI TSIG TU BYA DGOS SO, ,'ON TE GCIG TU BSDU BA YIN NA NI DE'I TSE PHYOGS KYI CHOS ZHES BYA BA MA NING GI RTAGS SU BYA DGOS SO, ,DE DAG LA MA GTOGS PA NI DRUG PA'I BSDU BA YIN NA, DE LA YANG KLAN KA YOD PAS PHYOGS SNGA MA'I 'DOGS PAS GRUB PA'I MTHA' SMRA BAS MA YIN TE, MA 'BREL PA RNAM PAR BCAD PAS BYE BRAG TU BYAS PA'I PHYIR ZHES BYA BA SMOS TE, 'DIR NI MA 'BREL PA RNAM PAR GCOD PAR BYED PA YIN TE, DE LTA BAS NA MA 'BREL PA RNAM PAR GCAD PA BYE BRAG TU BYAS PA'I PHYIR JI SKAD BSHAD PA'I NYE BAR THAL BAR MI 'GYUR RO, ,'DIR MA 'BREL PA'I SGRA NI MI SRID PA YIN PAR BSHAD DO,, DES NA 'DI SKAD DU SGRA LA BYAS PA NYID YOD KYI, SGRA'I CHOS BYAS PA NYID KHO NA MED PA'ANG MA YIN LA, CHOS MA YIN PA YANG MA YIN NO ZHES BSHAD PAR 'GYUR RO, ,'DIR DPER, DPER NA NAG PA GZHU THOGS SO ZHES BYA BA LTA BU YIN GYI ZHES BYA BA SMOS SO, ,'DIR NAG PA GZHU THOGS PA KHO NA'O ZHES GZHU THOGS PA MA YIN PA NYID 'GOG PA YIN GYI, NAG PA KHO NA GZHU THOGS SO ZHES BYA BA NI MA YIN NO, ,RE ZHIG DE LTAR 'DOD PA'I NGES PAR GZUNG BA BSTAN PA YIN NO, ,MI 'DOD PA'I NGES PAR GZUNG BA BSAL BAR BYA BA'I PHYIR, GZHAN DANG 'BREL PA RNAM PAR BCAD PAS NI MA YIN NO ZHES @105B BYA BA LA SOGS PA SMOS TE, GZHAN DAG LA 'BREL PA NI GZHAN DANG 'BREL PA STE, PHYOGS KYI CHOS ZHES BYA BA 'DIR MA 'BREL PA RNAM PAR GCOD PAR BYED PA YIN GYI, GZHAN DANG 'BREL PA GCOD PA NI MA YIN NO, ,DE LTA BAS NA TSIG GI DON NI PHYOGS KYI CHOS KHO NA YIN GYI, PHYOGS KHO NA'I CHOS NI MA YIN NO ZHES BYA BA 'DI YIN NO, ,DPER NI BRGYA BYIN GYI BU GZHU THOGS PA LTA BU'O ZHES BYA BA SMOS TE, 'DIR BRGYA BYIN GYI BU KHO NA GZHU THOGS SO ZHES GZHU THOGS PA PHUL DU BYUNG BA GZHAN DAG SEL BAR BYED PA YIN NO, ,GANG GIS NA LA LAR NI MA 'BREL PA RNAM PAR BCAD PAS NGES PAR GZUNG BAR 'DOD LA, LA LAR NI GZHAN DANG 'BREL PA RNAM PAR GCAD PA NGES PAR GZUNG BAR 'DOD PA'I 'DOD RGYAL 'DI GA LAS SMRAS PA, GANG DU CI YOD DAM MED CES CHOS KYI RANG GI NGO BO LA THE TSOM ZA BA DER GANG GI TSE YOD PAR SGRUB PAR BYED PA DE'I TSE MED PA RNAM PAR BCAD PA RIGS PAR GYUR PA YIN NO, ,DE NYID MA 'BREL PA RNAM PAR BCAD BZHES BYA STE, 'DI LTAR CI NAG PA GZHU THOGS SAM, 'ON TE MI THOGS ZHES NAG PA GZHU THOGS PA NYID LA THE TSOM ZA BA DER NAG PA GZHU THOGS SO ZHES SMRAS NA, GZHU THOGS PA NYID MI SRID PA NYID RNAM PAR GCOD PA YIN LA, GANG DU CHOS KYI RANG GI NGO BO GRUB LA, GZHAN LA PHUL DU BYUNG BA YOD DAM MED PA THE TSOM ZOS NAS MED PA SGRUB PAR BYED PA'I SGRA SBYOR BAR BYED PA DER NI GZHAN DAG DANG 'BREL PA RNAM PAR GCOD PAR BYED PA YIN TE, 'DI LTAR BRGYA BYIN GYI BU GZHU THOGS PA KHO NAR 'GRUB LA, CI DE DANG 'DRA BA GZHAN LA YOD DAM, 'ON TE MED CES THE TSOM ZA BA LA BRGYA BYIN GYI BU GZHU THOGS SO ZHES SMOS NA, GZHAN DANG 'BREL PA RNAM PAR GCOD PAR BYED PA YIN NO, ,DE BZHIN DU GANG TI TSE SGRA LA SOGS PA CHAS CAN LA BYAS PA NYID LA SOGS PA'I CHOS CI YOD DAM MED CES THA TSOM ZA BA DE'I TSE PHYOGS KYI CHOS SGRUB PAR BYED PA'I SGRAS MA 'BREL PA KHO NA RNAM PAR GCAD PAR BYA BA YIN GYI, GZHAN DANG 'BREL PA RNAM PAR GCAD PAR BYA BA NI MA YIN NO, , RE ZHIG DE LTAR PHYOGS KYI CHOS SKYON MTHA' DAG SPANGS TE GZHUNG BTZUGS PA YIN NO, ,YAN LAG GZHAN BSHAD PAR BZHED NAS, DE'I CHA NI DE'I CHOS SO ZHES BYA BA SMOS TE DE ZHES BYA BA'I SGRAS NI PHYOGS YONGS SU GZUNG NGO, ,GTZO BO YIN PA'I PHYIR DANG, 'DAS MA THAG PA YIN PA'I PHYIR CHOS LA SNYEGS PAR RIGS MOD KYI @106A *, ,'ON KYANG MI SRID PA'I PHYIR PHYOGS KHO NA SBYAR TE, 'DI LTAR CHOS LA NI CHOS GZHAN YOD BA MA YIN NO, ,CHA ZHES BYA BA'I TSIG NI CHOS KYI TSIG TU BRJOD DE, 'DI LTAR PHYOGS ZHES BYA BA'I SGRA NI 'DIR CHOS CAN KHO NA YIN PAR BRJOD DO, ,DE LTA BAS NA CHA ZHES BYA BA'I SGRA YAN LAG GI TSIG TU GA LA 'GYUR, KHYAB PA'I RANG GI NGO BO BSTAN PAR BZHED NAS, KHYAB PA NI DE LA KHYAB PAR BYED PA YOD PA KHO NA'AM ZHES BYA BA LA SOGS PA SMOS TE, CHUB PA NI KHYAB PA STE, ZIN ZHES BYA BA'I THA TSIG GO, ,DE YANG RES 'GA' NI KHYAB PAR BYED PA'I CHOS YIN PAR BRJOD PAR BZHED LA, RES 'GA' NI KHYAB PAR BYA BA'I CHOS YIN PAR BRJOD PAR BZHED DE, GANG GI TSE KHYAB PAR BYED PA'I CHOS YIN PA DE'I TSE GTAN TSIGS DE LA BSGRUB PAR BYA BA'I CHOS YOD PA KHO NA KHYAB PA YIN TE, GDON MI ZA BAR DE YOD PA KHYAB PA'I SGRAR BRJOD PAR BYA'O ZHES BYA BA'I THA TSIG GO, ,DE LTA MA YIN NA 'DOD PA'I KHYAB PA KHO NA MI SRID DO, ,GAL TE DA LA KHYAB PAR BYED PA KHO NA YOD DO ZHES DE SKAD DU NGES PAR GZUNG NA, DE'I TSE MI SRID PA CAN GYI MTSAN NYID DU 'GYUR TE, GANG ZHIG BSGRUB PAR BYA BA'I CHOS 'BA' ZHIG GIS KHYAB PAR DE LTA BU'I CHOS DE NI 'GA' YANG MED DO, ,'ON TE DE KHO NA LA KHYAB PAR BYED PA YOD DO ZHES NGES PAR GZUNG NGO ZHE NA NI, DE'I TSE MTHUN PA'I PHYOGS GCIG LA 'JUG PA BRTZAL MA THAG TU 'BYUNG BA LA SOGS PA GTAN TSIGS NYID DU MI 'GYUR TE, MI RTAG PA NI BRTZAL MA THAG TU 'BYUNG BA DAG KHO NA LA YOD PA MA YIN GYI, GLOG LA YANG YOD PA'I PHYIR RO, ,GZHAL BYA LA SOGS PA THUN MONG BA YANG GTAN TSIGS NYID DU THAL BAR 'GYUR TE, 'DI LTAR RTAG PA NYID NI GZHAL BYA KHO NA DAG LA YOD DO, ,GANG GI TSE KHYAB PAR BYA BA'I CHOS YIN PAR BRJOD PAR BZHED PA DE'I TSE NI DE LA KHYAB PAR BYA BA YOD PA KHO NA LA KHYAB PA YIN PAS BSGRUB PAR BYA BA'I CHOS DANG LDAN PA DAG LA GTAN TSIGS YOD PA KHO NA KHYAB PA YIN NO, ,BSGRUB PAR BYA BA'I CHOS MED PA'I GTAN TSIGS NI MED DO ZHES BYA BA'I THA TSIG GO, ,DE LTA MA YIN NA 'DOD PA'I KHYAB PA MI SRID DO, ,'DIR YANG GAL TE DE LA @106B KHYAB PAR BYA BA KHO NA YOD DO ZHES NGES PAR GZUNG NA NI DE'I TSE MI SRID PA CAN GYI MTSAN NYID DU 'GYUR TE, BSGRUB PAR BYA BA'I CHOS DANG LDAN PA GANG DAG LA GTAN TSIGS 'BA' ZHIG YOD PA NI 'GA' YANG MED DO, ,'ON TE DE KHO NA LA KHYAB PAR BYA BA YOD DAM ZHES NGES PAR GZUNG BAR BYA'O ZHE NA NI, DE'I TSE MTHUN PA'I PHYOGS GCIG LA 'JUG PA GTAN TSIGS NYID DU MI 'GYUR TE, MI RTAG PA DAG LA BRTZAL MA THAG TU 'BYUNG BA YOD PAR GDON MI ZA BA MA YIN TE, GLOG LA MED PA'I PHYIR RO, ,THUN MONG YANG GTAN TSIGS SU 'GYUR TE, 'DI LTAR RTAG PA DAG LA NI GZHAL BYA NYID YOD PAR GDON MI ZA BA YIN NO, ,KHYAB PA KHYAB PAR BYA BA DANG KHYAB PAR BYED PA'I NGO BO'I CHOS SU BRJOD PA NI LDAN PA BZHIN DU GNYI GA'I RNAM PA GCIG TU RTOGS PAR 'GYUR DU 'ONG BA RAB TU BSTAN PA'I PHYIR TE, 'DI LTAR GANG DAG LDAN PA LA SOGS PA'I 'BREL PA BSGRUB PAR BYA BA 'GRUB PA'I RGYU MTSAN DU 'DOD PA DE DAG NI BSGRUB PAR BYA BA DANG, SGRUB PA'I CHOS DAG GI 'BREL PA LDAN PA RTEN NYID DU THA MI DAD CING RNAM PA GCIG PAR RTOGS SO, ,'DIR NI KHYAB PAR BYED PA LA LTOS NA NI MA 'BREL PA RNAM PAR BCAD PAS KHYAB PA YIN LA, KHYAB PAR BYA BA LA LTOS NA NI GZHAN DANG 'BREL PA RNAM PAR BCAD PAS 'BREL PA YIN PAS 'BREL PA RNAM PA THA DAD PAR RTOGS SO, ,RE ZHIG DE LTAR KHYAB PA GNYI GAR BSTAN TO, ,DE LA 'DI SNYAM DU KHYAB PA NI RJES SU 'GRO BA DANG LDOG PA NGES PA LA RAG LUS PA YIN PAS, DE'I PHYIR DANG POR DE GNYIS KHO NA GTAN LA DBAB PA BRJOD PAR BYA DGOS SO ZHES SEMS PAR 'GYUR BA DE'I PHYIR, 'DIS RJES SU 'GRO BA'AM LDOG PA ZHES BYA BA LA SOGS PA SMOS TE, KHYAB PA GTAN LA DBAB PA BRJOD PA KHO NAS RJES SU 'GRO BA DANG LDOG PA DAG RANG GI TSAD MA JI LTA BA STE, BDAG NYID KYI TSAD MA JI LTA BUS NGES PAR BSHAD PAR RIG PAR BYA'O, ,'AM ZHES BYA BA'I SGA NI RJES SU 'GRO BA DANG LDOG PA DAG LAS GCIG GIS KYANG KHYAB PA YANG DAG PAR STON NUS PAR SHES PAR BYA BA'I PHYIR RO, ,PHYOGS KYI CHOS NGES PA NI RJES SU 'GRO BA DANG LDOG PA NGES @107A *, ,PA'I SKABS KYIS BLTA BAR BYA'I, KHYAB PA SMOS PAS NI MA YIN NO, ,PHYOGS KYI CHOS KYI SMOS PA NI SBYOR BA'I RIM PA GTZO BO MA YIN PAR BSTAN PA'I PHYIR RO, ,DANG ZHES BYA BA'I SGRA NI BSDU BA'I DON TO, ,JI LTAR NA RJES SU 'GRO BA DANG LDOG PA NGES PAR KHYAB PA 'PHEN PAR BYED SNYAM PA LA, GTAN TSIGS THAMS CAD LA ZHES BYA BA LA SOGS PA SMOS TE, GAL TE GTAN TSIGS THAMS CAD LA BSGRUB PAR BYA BA'I CHOS MED PAR GYUR NA DE'I TSE KHYAB PA YANG MI SRID PA KHO NAR 'GYUR TE, DE LTA BAS NA KHYAB PA NI RJES SU 'GRO BA LA RAG LUS PA YIN NO, , KHYAB PAR BYED PA LOG NA YANG LDOG PAR NGES PA YIN NO, ,DE LTA BAS NA GANG ZHIG LOG NA NGES PAR LDOG PAR 'GYUR BA DE NI, DE'I KHYAB PAR BYED PA YIN PAR 'GRUB PAR KHYAB PA NI LDOG PA LA RAG LUS PA YIN NO, ,MJUG BSDUS TE BSTAN PAR BYA BA'I PHYIR, RJES SU 'GRO BA DANG LDOG PA NGES PA DAG GIS NI ZHES BYA BA LA SOGS PA SMOS TE, GANG GI PHYIR DE LTAR BSHAD PA'I RNAM PAS NA RJES SU 'GRO BA DANG LDOG PA DAG YOD NA KHYAB PA SRID PA DE'I PHYIR RJES SU 'GRO BA DANG LDOG PA NGES PA DAG GIS KHYAB PA NGES PA YIN GYI, GZHAN DU NI MA YIN NO, ,GANG GI PHYIR DE LTAR DE DAG NGES PA'I KHYAB PA NGES PA LA RAG LUS PA DE'I PHYIR GANG DU KHYAB PA BSTAN PA DER DE GNYIS NGES PA YANG 'PHANGS PAR RIG PAR BYA STE, DE LTAR NA KHYAB PAS RJES SU 'GRO BA DANG LDOG PA NGES PA DAG 'PHANGS PA YIN NO, ,DE GNYIS JI LTAR NGES PA NI 'OG NAS BSGRUB PA YIN TE, DE LTA NA NI 'PHEN PA 'BA' ZHIG SGRUB PAR ZAD DO, ,DE LA PHYOGS KYI CHOS NGES PA BSGRUB PAR BZHED NAS, DE LA BSGRUB PA BYA BA'I CHOS CAN LA ZHES BYA BA LA SOGS PA SMOS TE, CHOS CAN LA PHYOGS KYI CHOS MNGON SUM MA MA RJES SU DPAG PA'I SGO NAS RAB TU GRUB PA GANG YIN PA DE NYID DE'I NGES PA YIN TE, RAB TU GRUB PA DANG SHES PA ZHES BYA BA NI RNAM GRANGS YIN NO, ,MNGON SUM GYI SGO NAS RAB TU GRUB PA BSTAN PA'I PHYIR DPER NA PHYOGS NA DU BA ZHES BYA BA SMOS TE, PHYOGS NA NI DU BA MNGON SUM GYI SGO NAS GRUB BO, ,GANG ZHIG DU BA DANG 'BREL PA CAN GYI PHYOGS MNGON SUM DU 'GYUR BA KHO @107B NA MA YIN NA, JI LTAR DE NA MNGON SUM GYI SGO NAS DU BA 'GRUB PAR 'GYUR, DE LTA BAS NA SNANG BA DUS KHO NA CHOS CAN YIN PAR RIGS TE, DE LA NI MNGON SUM GYIS 'DZIN PAR SRID DO, ,DE LTA BAS NA SBYOR BA NI DU BA LAS DU BA 'DI NI ME DANG BCAS PA YIN NO ZHES BYA BA 'DIR 'GYUR RO SNYAM DU SEMS PA'I RGOL BA DE LA, 'DI SKAD DU KHYOD KYI LTAR NA YANG DU BA'I RTZA BA ME DANG 'BREL PA CAN GYI YAN LAG GANG YIN PA DE NYID MI SNANG BA MA YIN NAM, DE LTA BAS NA NYES PA MTSUNGS SO ZHES BRGAL ZHING BRTAG PAR BYA'O, ,DE LA 'DI SNYAM DU BA'I YAN LAG CAN DE YOD PAS DES NA NYES PA 'GA' YANG MED DO SNYAM DU SEMS NA, 'O NA NI 'DI NA YANG PHYOGS KYI YAN LAG CAN YOD PAR 'GYUR BAS MTSUNGS SO, ,PHYOGS KHO NA CHOS CAN NYID DU RIGS TE, 'DI LTAR 'JIG RTEN NA PHYOGS NA ME YOD DO ZHES BRJOD KYI, DU BA LA YOD DO ZHES NI MI ZER RO, ,RJES SU DPAG PA'I SGO NAS RAB TU GRUB PA BSTAN PA'I PHYIR, SGRA LAS BYAS PA NYID LTA BU'O ZHES BYA BA SMOS TE, SGRA LA NI RKYEN THA DAD PAS THA DAD PA'I BYAS PA NYID RJES SU DPAG PA'I SGO NAS GRUB BO, ,MNGON SUM RTOGS PA MED PA NYID YIN NA JI LTAR DES PHYOGS NA DU BA 'DZIN, 'DI LTAR PHYOGS 'DI NA DU BA YOD DO ZHES PHYOGS DANG 'BREL PA CAN DU DU BA GZUNG BAR BYA DGOS NA, MNGON SUM RNAM PAR RTOG PA MED PA NI RTEN DANG BRTEN PA'I DNGOS PO MI 'DZIN NA, DE JI LTAR NA PHYOGS NA DU BA MNGON SUM GYI SGO NAS RAB TU GRUB SNYAM PA LA, DU BA DANG BCAS PA ZHES BYA BA LA SOGS PA SMOS TE, DU BA DANG LHAN CIG 'JUG PA NI DU BA DANG BCAS PA STE, DU BA DANG LHAN CIG PA ZHES BYA BA'I THA TSIG GO, ,DON GZHAN GYIS DBEN PA'I NGO BO CAN ZHES BYA BA NI SNANG BA'I PHYOGS LAS GZHAN PA'I PHYOGS NI DON GZHAN NO, ,GANG LA DAS DBEN ZHING BRAL BA'I NGO BO YOD PA DE NI DON GZHAN GYIS DBEN PA'I NGO BO CAN TE, DU BA MED PA LA SOGS PA'I RANG GI NGO BO DANG BRAL BA'I RANG GI NGO BO CAN ZHES BYA BA'I THA TSIG GO, ,THUN MONG MA YIN PA'I BDAG NYID DU ZHES BYA BA NI DU BA MED PA DANG, DE LAS GZHAN PA'I DU @108A *, ,BA DANG BCAS PA'I PHYOGS DAG LAS THA DAD PA BDAG NYID SO SOR NGES PA'I NGO BO ZHES BYA BA'I THA TSIG GO, ,MNGON SUM GYIS MTHONG BA LA ZHES BYA BA NI SKYES BU GANG GI NGO BO DE LTA BU MNGON SUM DU MTHONG BA YIN TE, MNGON SUM DU MTHONG BA DE LA'O, ,JI LTAR MTHONG BA THA DAD PA'I YUL CAN ZHES BYA BA NI JI LTAR MTHONG BA'I DON DU BA DANG BCAS PA'I PHYOGS DON GZHAN LAS THA DAD PA LA LOG PA'I MTSAN NYID GANG YIN PA STE, SHES PA GANG LA YUL DE YOD PA DE NI JI LTAR MTHONG BA THA DAD PA'I YUL CAN NO, ,DRAN PA RTAGS SHES PA ZHES BYA BA NI DRAN PA NYID DRAN PA YIN NO, ,RTAGS 'DZIN PA'I SHAS PA NI RTAGS SHES PA'O, ,DES NA 'DI SKAD DU MNGON SUM GYIS MDUN NA BLA 'OG TU RNAM PAR GNAS PA'I DNGOS PO GNYIS JI LTAR GNAS PA'I RANG GI NGO BO TZAM DE'I RNAM PA SKYES PAS SHES LA, DE'I 'OG TU BLA 'OG GI DNGOS PO GNYIS RTOGS PAR BYED PA NA, GANG GI PHYOGS NA DU BA YOD DO ZHES BYA BA DE LTAR RTOGS PAR 'GYUR BA BZUNG ZIN PA DE MNGON PAR BRJOD PA YOD PA'I RNAM PAR RTOG PA SKYE BAR 'GYUR RO, ,DE NYID KYI STOBS KYIS DE'I NGO BO MA YIN PA SEL BAR BYED PA NA, GANG GI 'DI NA DU BA MED PA MA YIN NO ZHES BYA BA DE LTAR RTOGS PAR 'GYUR BA DGAG PA'I RTOG PA SKYE BAR 'GYUR RO ZHES BSHAD PAR 'GYUR RO, ,DE LTA BAS NA DE LTAR MNGON SUM NI RNAM PAR RTOG PA GNYIS KYI RGYU YANG YIN LA, BDAG NYID KYIS KYANG DE'I RNAM PA SKYES BAS DE'I RAG GI NGO BO YONGS SU 'DZIN NA, DE JI LTAR PHYOGS NA DU BA YOD PA'I 'BREL PA YONGS SU GCOD PAR MI 'GYUR TE, 'DI LTAR 'BREL PA 'DZIN PA NI 'DI NA 'DI YOD DO ZHES BYA BA'AM, 'DI 'DI'I YIN NO ZHES BYA BAR YID CHES PA GANG YIN PA DE LTA BU YIN LA, DE YANG RNAM PAR MI RTOG BZHIN DU MNGON SUM LA SRID NA JI LTAR MI 'DZIN CES BYA BA NI BSDUS PA'I DON YIN NO, ,DE LTAR SHES PA'I TSOGS SKYES PA LA TSAD MA NYID DPYAD PA'I PHYIR, DE LA DANG PO YUL THUN MONG MA YIN PA MTHONG BA GANG YIN PA KHO NA ZHES BYA BA LA SOGS PA SMOS TE, DANG POR YUL THUN MONG MA YIN @108B PA MTHONG BA ZHES BYA BA GANG YIN PA DE KHO NA 'DIR TSAD MA YIN TE, 'DI LTAR DE NI DNGOS PO DANG DNGOS SU 'BREL PA YIN LA, DE'I STOBS KHO NAS RNAM PAR RTOG PA SKYE'O, ,DE LTA BAS NA RTZA BAR GYUR PA'I PHYIR DANG, DNGOS PO DANG DNGOS SU 'BREL PA'I PHYIR DE NYID TSAD MA YIN NO, DRAN PA TSAD MA NYID DU DGAG PA'I PHYIR, DE DE LTAR MTHONG NAS ZHES BYA BA LA SOGS PA SMOS TE, DU BA DANG BCAS PA'I PHYOGS DE THUN MONG MA YIN PA'I NGO BOR MTHONG NAS SO, ,DE LTA BU'I PHYOGS DE RNAM PA GANG DANG GANG GIS THUN MONG MA YIN PA STE, DU BA SNANG BA DANG LDAN PA'AM, YANG NA 'DOD PA'I PHYOGS DANG 'BREL PA'AM, YANG NA GZHAN GANG YANG RUNG BA'I RNAM PAS THUN MONG MA YIN PA'O, ,DU BA DANG BCAS PA'I PHYOGS DE'I THUN MONG MA YIN PA NYID DON GZHAN LAS LOG PA'I NGO BO MNGON PAR BRJOD PA NI YANG MNGON SUM DU BYED PA STE, MNGON SUM GYI STOBS KYI DON GZHAN LAS LOG PA'I YUL CAN GYI DRAN PA SKYE BA GANG YIN PA DE NI, JI LTAR YONGS SU MTHONG BA'I RNAM PAR 'DZIN PA'I PHYIR TSAD MAR MI 'DOD DO, ,DE'I THUN MONG MA YIN PA NI DE'I THUN MONG MA YIN PA'O, ,DE LAS THA DAD PA ZHES BYA BA NI, DE ZHES BYA BA'I SGRAS NI DON GZHAN YONGS SU BZUNG NGO, ,THA DAD PA ZHES BYA BA'I SGRAS NI LOG PA BZUNG NGO, ,DE LAS THA DAD PA ZHES BYA BA 'DIS NI THUN MONG MA YIN PA NYID KHO NA STON TO, ,DE MA YIN PA LAS LOG PA'I YUL CAN ZHES BYA BA NI DU BA DANG BCAS PA'I PHYOGS DE NYID LA DE ZHES BYA BA'I SGRAS BRJOD DO, ,DE MA YIN PA NI DE MA YIN PA STE, DON GZHAN ZHES BYA BA'I THA TSIG GO, ,DE LAS LOG PA NI DE MA YIN PA LAS LOG PA'O, ,GANG LA YUL DE MA YIN PA LAS LOG PA YOD PA DE NI MA YIN PA LA LOG PA'I YUL CAN NO, ,MNGON SUM GYIS MTHONG BA'I RNAM PA GANG YIN PA DE NI JI LTAR YONGS SU MTHONG BA'I RNAM PA STE, DE LTA BAS NA BZUNG ZIN PA 'DZIN PA'I PHYIR TSAD MA MA YIN NO SNYAM DU BSAMS PA'O, ,RNAM PAR RTOG PA NI JI LTAR YONGS SU MTHONG BA'I RNAM PA 'DZIN PA YIN NO ZHES BYA BA 'DI GA LAS SNYAM PA LA, SNGAR THUN MONG MA YIN PA MTHONG NAS ZHES BYA BA LA SOGS PA SMOS TE, MNGON SUM KHO NAS DU BA DANG BCAS PA'I PHYOGS DE THUN MONG MA YIN PA'I NGO BOR YONGS SU BZUNG BA @109A *, ,YIN LA, MNGON SUM GYI GZUNG BA THUN MONG MA YIN PA DE NYID LA DE'I NGO BOR BRJOD PAS YANG MNGON SUM DU BYED PA'I SNGON MA RTOGS PA'I DON RTOGS PAR BYA BA MED PAS RNAM PAR RTOG PA NI JI LTAR YONGS SU MTHONG BA'I DON 'DZIN PAR BYED PA YIN TE, DE LTA BAS NA DE LTAR DRAN PA YIN NA JI LTAR YONGS SU MTHONG BA'I DON 'DZIN PA'I PHYIR TSAD MA NYID DU DGAG GO, ,DANG ZHES BYA BA NI BSDUS PA'I DON TO, ,SPYI MED NA RNAM PAR RTOG PAS PHYOGS KYI CHOS JI LTAR YONGS SU MTHONG BA'I RNAM PA'I RNAM PAS 'DZIN PA'I PHYIR TSAD MA MA YIN PA 'BA' ZHIG TU MA ZAD KYI, SPYI YOD DU CHUG NA YANG DON BYED BA BSGRUB PA MA RTOGS PA'I PHYIR TSAD MA MA YIN NO ZHES BSDU BA'I DON TO, ,DA NI PHA ROL DU SPYI NYAMS SU MYONG BA'I YUL CAN YIN PA'I PHYIR DRAN PA NYID DU MI 'DOD BZHIN DU TSAD MA NYID DGAG PA'I PHYIR, DON BYED PA BSGRUB PA MTHONG ZIN PA'I PHYIR ZHES BYA BA LA SOGS PA SMOS TE, 'DI LA DON BYA BA BYED PA'I DNGOS PO GANG YIN PA DE NI MNGON SUM KHO NAS MTHONG ZIN PA YIN NO, ,DE MTHONG NAS PHYIS RNAM PAR RTOG PA 'JUG PA GANG YIN PA DE NI DON BYA BA BYED PA'I DNGOS PO MA MTHONG BA CUNG ZAD KYANG RTOGS PA MED DO, ,'DIR RJES SU DPAG PA NI CHOS MI MTHUN PA'I DPE YIN TE, JI LTAR RJES SU DPAG PAS DON BYA BA BYED PA'I DNGOS PO MA MTHONG BA RTOGS PA LTAR RNAM PAR RTOG PA NI, DE LTA MA YIN NO SNYAM DU DGONGS PA'O, ,DE LTA BAS NA RNAM PAR RTOG PA NI DON BYA BA BYED PA'I DNGOS PO MA MTHONG BA RTOG PA MED PA'I PHYIR TSAD MA MA YIN NO, ,DON GYI BYA BA NI BYED PA'O, ,DON NI DGOS PA'O, ,BYED PA NI SGRUB PA'O, ,DON BYED PA'I SGRUB PA NI DON BYED SGRUB PA'O, ,DE SGRUB PA ZHES BYA BA NI 'DIR, DE ZHES BYA BA'I SGRA NI DON BYED PA DANG SBYAR RO, ,YANG ZHES PA'I DON NI PHYIS ZHES BYA BA'I DON TE, DE BAS NA DON MA RTOGS PA RTOGS PAR BYED PA NI TSAD MA YIN NO ZHES BYA BAR GNAS SO, ,DE LA 'DI SNYAM DU DON BYED PA MA GTOGS PA YONGS SU GCOD PA TSAD MA YIN GYI, SPYI NI MA YIN NO ZHES BYA BA 'DI NI RANG GI LUGS BRJOD PAR ZAD DO SNYAM DU SEMS PAR 'GYUR BAS DE'I PHYIR, DON BYED PA DON DU GNYER BA RTOGS PA DANG LDAN PA THAMS CAD NI ZHES BYA BA LA SOGS PA SMOS TE, GANG LA LA RTOGS PA SNGON DU GTONG BA LA DE THAMS CAD NI DON BYED PA DON DU GNYER BA NI TSAD MA 'AM TSAD MA MA YIN PA TSOL TE, RTOGS PA SNGON DU @109B GTONG BA RNAMS NI BSLUS PAR GYUR NA MI RUNG NGO SNYAM NAS TSAD MA MA YIN PA YANG TSOL BAR BYED DO, ,YANG NA 'DI NI 'JIG RTEN PA'I TSIG GI LUGS DANG MTHUN PAR BRJOD PAR ZAD DO, ,'JIG RTEN NI PHAL CHER RNAM PAR RTOG PA DANG BCAS PAS LHAS BYIN GYIS BYAS SO, ,YANG NA GZHAN GYIS BYAS SO ZHES BYA BA DE LTA BU LA SOGS PA SMRA'O, ,RTOGS PA DANG LDAN PA ZHES BYA BA NI BLO SNGON DU GTONG BA'O, ,DE LA 'DI SNYAM DU SPYI YANG DON BYA BA BYED PA YIN NO, ,DE BAS NA SPYI DE 'DZIN PAR BYED PA'I SHES PA YANG TSAD MA MA YIN NO SNYAM DU SEMS PAR 'GYUR BAS DE'I PHYIR, SPYI NI DON BYED CUNG ZAD KYANG MI NUS TE ZHES BYA BA SMOS TE, SPYI NI DON BYA BA BYED CUNG ZAD KYANG MI NUS NA JI LTAR DE'I YUL CAN GYIS SHES PA TSAD MA NYID DU 'GYUR, SPYI JI LTA BU ZHIG DON BYA BA BYED PA MA YIN ZHE NA DE'I PHYIR RANG GI MTSAN NYID RTOGS PA'I 'OG TU ZHES BYA BA LA SOGS PA SMOS TE, RANG GI MTSAN NYID RTOGS PA NI MNGON SUM GYI RKYEN NO, ,DE'I STOBS KYIS PHYIS RNAM PAR RTOG PA'I SHES PA SKYE BA GANG YIN PA DES GZUNG BA'I SPYI GANG YIN PA DE NI CUNG ZAD KYANG MI BYED DO SNYAM DU DGONGS PA'O, ,'DI NYID LA DPER, DPER NA SNGON PO MTHONG NAS ZHES BYA BA LA SOGS PA SMOS TE, DPER NA MNGON SUM GYIS SNGON PO MTHONG NA PHYIS 'DI SNYAM DU 'DI NI SNGON PO'O SNYAM DU RNAM PAR RTOG PA'I SHES PA SKYE BA GANG YIN PA DE LA SNANG BA'I SPYI GANG YIN PA DES NI CUNG ZAD KYANG MI BYED PA YIN NO, ,RNAM PAR RTOG PA'I SHES PA'I GZUNG BA SPYI DON BYA BA BYED BA MA YIN NO ZHES BYA BA 'DI GA LAS SNYAM PA LA, SNGON PO'I RANG GI MTSAN NYID DE, ZHES BYA BA LA SOGS PA SMOS TE, SNGON PO'I RANG GI MTSAN NYID KYI NGO BO GANG YIN PA DE KHO NAS SNGON POS BSGRUB PAR BYA BA'I DON GYI BYA BA BYED KYI, SPYIS NI MA YIN NO, ,DE LTA BUS BSGRUB PAR BYA BA STE, 'DI NI DE LTA BUS BSGRUB PAR BYA BA YANG YIN LA, DON BYA BA YANG YIN PAS DE BSDU'O, ,'DI NI DE BYED PA'I NGANG TSUL CAN YIN PAS, DE LTA BUS BSGRUB PAR BYA BA DON BYA BA BYED PA YIN TE, RANG GI MTSAN NYID DO, ,DE LTA BU ZHES BYA BA'I SGRA NI SNGON PO LA BYA'O, ,DE LA 'DI SNYAM DU SNGON PO'I RANG GI MTSAN NYID MA MTHONG BA DE NYID RNAM PAR RTOG PAS SHES PAR 'GYUR RO SNYAM DU SEMS PAR 'GYUR BAS DE'I PHYIR, DE YANG DE'I BDAG NYID DU ZHES BYA BA LA SOGS PA SMOS TE, SNGON PO'I RANG GI MTSAN NYID DE YANG SNGON @110A *, ,PO'I DON BYA BA BYED PA'I BDAG NYID DU MNGON SUM KHO NAS MTHONG NA, DE LA RNAM PAR RTOG PAS CI ZHIG BYED PAR 'GYUR, DE LA 'DI SNYAM DU SNGON PO'I RANG GI MTSAN NYID KYANG DON GYI BYA BA BYED LA SNGON PO'I SPYI YANG BYA BA BYED PAR GYUR NA, YANG GNOD PA CI YOD SNYAM DU SEMS PAR 'GYUR BAS DE'I PHYIR, DE'I RANG GI MTSAN NYID GZUNG PA'I 'OG TU ZHES BYA BA LA SOGS PA SMOS TE, RANG GI MTSAN NYID 'DZIN PA NI MNGON SUM GYI RKYEN NO, ,DE'I 'OG TU 'BYUNG BA SNGON POR RNAM PAR RTOG PA GANG YIN PA DE'I YUL GYIS NI SNGON POS BSGRUB PAR BYA BA GOS KHA DOG BSGYUR BA LA SOGS PA'I DON BYA BSGRUB PAR MI BYED DE, 'DI LTAR SPYI NI RTAG PA 'AM BRTAGS PA ZHIG YIN PAR KHAS BLANGS GRANG NA, RTAG PA NI SHES PA'I NGO BO TZAM GYI DON BYED PAR YANG MI 'THAD DE, 'DI LTAR LHAN CIG BYED PA LA MI LTOS PA'I PHYIR DE'I 'BRAS BU DUS THAMS CAD DU 'BYUNG BAR 'GYUR RO, ,DE LTA BAS NA SHES PA GCIG PU KHO NA RTOGS PAR BYED PA YIN PAR 'GYUR GYI, SHES PA GZHAN GYI GO SKABS KYANG MED PA KHO NAR 'GYUR TE, BYA BA GZHAN DAG LA YANG DE BZHIN DU BRJOD PAR BYA'O, ,SPYI RTAG PA ZHIG YIN NA YANG DNGOS PO'I RANG GI NGO BO MA YIN PA'I PHYIR DON BYED NUS PA MA YIN NO, ,DE LTAR DON BYED PA MA RTOGS PA'I YUL CAN GYI SHES PA TSAD MA NYID DU BSGRUBS NAS, MJUG BSDU BA'I PHYIR, DE LTA BAS NA DON MA RTOGS PA'I YUL CAN TSAD MA YIN ZHES BYA BA LA SOGS PA SMOS TE, GANG GI PHYIR DE LTAR DON BYA BA BYED PA'I DNGOS PO MA RTOGS PA'I YUL CAN GYI SHES PA TSAD MA NYID YIN LA, SPYI NI DON BYA BA BYED PA MA YIN PA DE'I PHYIR DON MA RTOGS PA RTOGS PAR BYED PA TSAD MA YIN NO ZHES DE SKAD DU RJOD PAR BYED PAS KYANG, RANG GI MTSAN NYID MA RTOGS PA ZHES KHYAD PAR DU BYA DGOS TE, RANG GI MTSAN NYID MA RTOGS PA RTOGS PAR BYED PA NI TSAD MA YIN NO ZHES BRJOD PAR BYA DGOS SO SNYAM DU DGONGS PA'O, ,DE LTAR RE ZHIG RANG GI MTSAN NYID MA RTOGS PA RTOGS PA'I RGYU MTHONG BA TSAD MA NYID DU BSGRUBS NAS, DE'I STOBS KYIS 'BYUNG BA NI DRAN PA NYID YIN PA DANG, TSAD MA NYID MA YIN PAR SGRUB PA'I PHYIR RANG GI MTSAN NYID RTOGS NAS ZHES BYA BA LA SOGS PA SMOS TE, MNGON SUM GYI RANG GI MTSAN NYID RTOGS NAS PHYIS MNGON SUM GYI MTHU LAS SKYE BA MNGON SUM DANG MTHUN BAR BYED PA'I RNAM @110B PAR RTOG PA GANG YIN PA DE NI, BYA BA'I SGO NAS DE'I YUL CAN YIN PA'I PHYIR DRAN PA KHO NA YIN PAR RIGS KYI TSAD MA NI MA YIN NO, ,DE'I MTHU NI DE'I MTHU STE, DE ZHES BYA BA'I SGRA NI RANG GI MTSAN NYID RTOGS PA DANG SBYAR TE, 'DI LA DE'I MTHU LAS SKYES PA YOD PAS DE LA TSIG RNAM PAR SBYAR RO, ,'DI NI DE DANG MTHUN PAR BYED PA'I NGANG TSUL CAN YIN PAS DE DANG MTHUN PAR BYED PA'O, ,DE ZHES BYA BA'I SGRA NI RANG GI MTSAN NYID LA BYA STE, GSAL BAR MI SNANG BAR BRGYUD PA'I SGO NAS RANG GI MTSAN NYID KHO NA DANG MTHUN PAR BYED CES BYA BA'I THA TSIG GO, ,YANG NA DE ZHES BYA BA'I SGRA NI MNGON SUM DANG SBYAR RO, ,BYA BA'I SGO NAS DE'I YUL CAN YIN PA'I PHYIR ZHES BYA BA NI 'BRAS BU'I SGO NAS RNAM PAR RTOG PA RANG GI MTSAN NYID KYI YUL CAN YIN GYI, DON DA PAR NI MA YIN TE, 'DI LTAR RNAM PAR RTOG PA THAMS CAD NI DNGOS SUN YUL MED PA KHO NA YIN NA, DE DAG JI LTAR RANG GI MTSAN NYID KYI YUL CAN DU 'GYUR, BYA BA NI 'DIR RANG GI MTSAN NYID LA LHAG PAR ZHEN PA YIN TE, 'DI LTAR RANG GI MTSAN NYID GANG YIN PA DANG, MNGON SUM LA SNANG BA GANG YIN BA DANG, RNAM PAR RTOG PA LA SNANG BA GANG YIN PA DE THAMS CAD 'DRA BA'I PHYIR RNAM PAR RTOG PAS GCIG PA NYID DU MNGON BAR ZHEN PAR BYED DO, ,YANG NA BYA BA NI 'DIR JI LTAR YONGS SU MTHONG PA'I YUL MA GTOGS PA'I YUL 'DZIN PA MED BA YIN BAR BLTA BAR BYA STE, GANG GI TSE BYA BA'I SGO NAS RANG GI MTSAN NYID KYI YUL CAN YIN PA DE'I TSE, NYAMS SU MYONG ZIN PA'I YUL CAN YIN PA'I PHYIR DRAN PA KHO NA YIN GYI TSAD MA NI MA YIN NO, ,RNAM PAR RTOG PA NYAMS SU MYONG ZIN PA'I YUL CAN YIN PA'I PHYIR DRAN PA NYID YIN DU CHUG NA YANG, CI'I PHYIR BYA BA'I SGO NAS RANG GI MTSAN NYID KYI YUL CAN YIN PA'I PHYIR TSAD MA NYID MA YIN SNYAM PA LA DE'I PHYIR, DNGOS PO'I NGO BO MA RTOGS PA RTOGS PA MED PA'I PHYIR RO ZHES BYA BA SMOS TE, RNAM PAR RTOG PAR BYA BA'I SGO NAS RANG GI MTSAN NYID KYI YUL CAN YIN DU ZIN KYANG RANG GI MTSAN NYID MA RTOGS PA RTOGS PA MED PA'I PHYIR TSAD MAR MI 'DOD DO, ,DE LTAR NA DON BYED PA DON DU GNYER BA RNAMS NI TSAD MA TSOL BA'I PHYIR DNGOS PO DON BYED NUS PA'I YUL CAN GYI SHES PA NI TSAD MA NYID YIN NO ZHES BYA BAR GRUB BO, ,DON BYED PA DON DU GNYER BA RNAMS LTA ZHIG TSAD MA'AM @111A *, ,TSAD MA MA YIN PA CHOL DU ZAD MOD, DON BYED PA BSGRUB PA'I YUL CAN GYI SHES PA KHO NA TSAD MA YIN NO ZHES BYA BA 'DI GA LAS SHE NA, TSAD MA RNAM PAR GZHAG PA NI DNGOS PO LA BRTEN PA CAN NYID YIN PA'I PHYIR RO ZHES BYA BA SMOS STE, TSAD MA RNAM PAR GZHAG PA NI RANG GI MTSAN NYID LA RAG LAS PA YIN TE, 'DI LTAR DNGOS PO MI SLU BA'I SHES PA GANG YIN PA DE TSAD MA'O ZHES BYA BA RNAM PAR GZHAG GO, ,GANG LA DNGOS PO LA BRTEN PA YOD PA DE NI DNGOS PO LA BRTEN PA CAN NO, ,DE'I NGO BO NI DE NYID DE DNGOS PO LA BRTEN PA NYID YIN PA DE'I PHYIR RO, ,BRTEN PA DANG RAG LUS PA DAG NA GNAS PA ZHES BYA BA NI RNAM GRANGS YIN NO, ,DNGOS PO LA BRTEN PA CAN TSAD MAR RNAM PAR GZHAG GO ZHES BYA BA 'DI GA LAS SHE NA, DE'I DON DU 'JUG PA NI DON BYED PAR RUNG BA'I YUL CAN NYID YIN PA'I PHYIR RO ZHES BYA BA SMOS TE, GANG GI PHYIR DON BYED PA DON DU GNYER BA RNAMS DNGOS PO DON BYED PAR RUNG BA LA 'JUG PA DE'I PHYIR TSAD MA NI DNGOS PO LA RAG LUS PA ZHES THA SNYAD GDAGS SO, ,DON BYA BAR RUNG BA NI DON BYED PAR RUNG BA'O, ,'JUG PA GANG LA YUL DE YOD PA DE NI DON BYED PAR RUNG BA'I YUL CAN YIN NO, ,DE'I NGO BO NI DE NYID DE DON BYED PAR RUNG BA'I YUL CAN NYID YIN PA DE'I PHYIR RO, ,GAL TE DE DON DU GNYER BA RNAMS DON BYED PAR RUNG BA LA 'JUG TU ZIN KYANG JI LTAR DNGOS PO LA BRTEN PA CAN TSAD MAR RNAM PAR GZHAG SNYAM PA LA, DE'I PHYIR DNGOS PO NI DON BYED PAR RUNG BA'I MTSAN NYID CAN NYID YIN PA'I PHYIR RO ZHES BYA BA SMOS TE, GAL TE DON BYED PA DON DU GNYER BA RNAMS DON BYED PAR RUNG BA LA 'JUG NA, 'O NA NI DE DAG DNGOS PO KHO NA LA ZHUGS PA YIN TE, 'DI LTAR DON BYED PAR RUNG BA NI DNGOS PO KHO NA YIN NO, ,'DI LA DON BYED PAR RUNG BA NYID KYI MTSAN NYID YOD PAS ZHES TSIG RNAM PAR SBYAR RO, ,DE'I NGO BO NI DE NYID DE DON BYED PAR RUNG BA'I MTSAN NYID CAN NYID YIN PA DE'I PHYIR, 'DIR BSDUS PA'I DON NI 'DI YIN TE, GANG GI PHYIR DON BYED PA DON DU GNYER BA RNAMS DON BYED PAR RUNG BA LA 'JUG LA, DON BYED PAR RUNG BA YANG DNGOS PO YIN PA DE'I PHYIR DNGOS PO LA BRTEN PA CAN TSAD MAR RNAM PAR GZHAG STE, 'DI LTAR DON BYED PA DON DU GNYER BA RNAMS NI DNGOS PO DON BYED PAR RUNG BA BSGRUB PA'I @111B PHYIR TSAD MA TSOL BAR BYED PA YIN NO, ,DE LTA BAS NA GANG GI TSE DNGOS PO DON BYED PAR RUNG BAR MI SLU BA'I SHES PA TSAD MA NYID DU RNAM PAR GZHAG PA DE'I TSE JI LTAR NA TSAD MA NYID DNGOS PO LA RAG LUS PA MA YIN, GANG GI PHYIR TSAD MA NYID DNGOS PO LA RAG LUS PA YIN PA DE'I PHYIR RNAM PAR RTOG PA TSAD MA MA YIN NO ZHES BYA BAR GNAS SO, ,YANG TSUL GZHAN GYIS RNAM PAR RTOG PA TSAD MA NYID DU DGAG PA'I PHYIR, RNAM PAR RTOG PA DE LAS KYANG ZHES BYA BA LA SOGS PA SMOS TE, GANG GI PHYIR RANG GI MTSAN NYID GZUNG BA'I STOBS KYIS SKYE BA'I RNAM PAR RTOG PA GANG YIN PA'I RNAM PAR RTOG PA DE LAS KYANG RANG GI MTSAN NYID KYI LHAG PAR CHAGS PAS DNGOS PO KHO NA LA 'JUG LA, ZHUGS NA NI 'DI LTAR MNGON SUM DANG RNAM PAR RTOG PAR GRUB PA DANG BDE BA MTSUNGS PA DE'I PHYIR RNAM PAR RTOG PA LOGS SHIG TU TSAD MAR MI 'GYUR RO, ,KYANG ZHES BYA BA'I SGRA NI MNGON SUM GYI DNGOS PO LA 'JUG PA 'BA' ZHIG TU MA ZAD KYI, 'O NA JI LTA BU ZHE NA, RNAM PAR RTOG PA DE LAS KYANG DNGOS PO KHO NA LA 'JUG GO ZHES BSDU BA'I DON TO, ,'BRAS BU GCIG PA NYID NI GRUB PA DANG BDE BA THA MI DAD PA'I SGRAR BRJOD DO, ,GRUB PA DANG BDE BA THA MI DAD PA'I PHYIR LOGS SHIG TU TSAD MA NYID DU MI 'GYUR RO ZHES BYA BA 'DI 'KHRUL PA YOD PAR DOGS PA BSTAN PA'I PHYIR, MNGON SUM SNGA MA DANG PHYI MA RNAMS SU ZHES BYA BA LA SOGS PA SMOS TE, GAL TE GRUB PA DANG BDE BA THA MI DAD PA'I PHYIR RNAM PAR RTOG PA LOGS SHIG TU TSAD MAR MI 'DOD NA, DE LTA NA NI GANG GI TSE YUL GCIG LA MNGON SUM RGYUN CHAGS SU 'JUG PA DE'I TSE, MNGON SUM SNGA MA DANG MNGON SUM PHYI MA RNAMS SU 'GA' ZHIG LA NYE BAR SBYOR BA GCIG PA'I PHYIR DE DAG LOGS SHIG TU TSAD MA NYID DU MI 'GYUR TE, 'DI DAG GIS NYE BAR SBYOR BA THA MI DAD PAS ZHES TSIG RNAM PAR SBYAR RO, ,'GA' ZHIG LA ZHES BYA BA NI YUL 'GA' ZHIG LA STE, DE LTA BU NI PHYOGS SNGA MA'I DOGS PA YIN NO,, GRUB PA'I MTHA' SMRA BAS MA YIN NO, ,SKAD CIG MA'I BYE BRAG GIS BSGRUB PAR BYA BA'I DON DU 'DOD PA LA ZHES BYA BA LA SOGS PA SMOS TE, GANG GI TSE SKAD CIG MA'I BYE BRAG GIS BSGRUB PAR BYA BA'I DON DU 'DOD PA YIN PA DE'I TSE 'DI DAG GI NYE BAR SBYOR BA THA DAD PA KHO NA YIN NO, ,DE LTA BAS NA NYE BAR @112A *, ,SBYOR BA THA DAD PA YIN PA'I PHYIR PHYI MA RNAMS TSAD MA YIN PA MA YIN TE, DPER NA RNAL 'BYOR PA RNAMS KYI BDEN PA BZHI LA DMIGS PA'I SHES PA'I RGYUN LA SBYOR BA'I LAM GANG YIN PA DES NI BAR CHAD MED PA'I LAM 'DREN PAR BYED LA, BAR CHAD MED PA'I LAM GYIS KYANG RNAM PAR GROL BA'I LAM 'DREN PAR BYED, RNAM PAR GROL BA'I LAM GYIS KYANG NYON MONGS PA SKYE BA DANG SHIN TU 'GAL BA'I BRTEN PA BSKYED PA'I PHYIR NYON MONGS PA SPANGS PA BRTAN PAR BYED DO, ,DE LTA BAS NA DE DAG 'DZIN PAR BYED PA PHA ROL GYI SEMS SHES PA GANG DAG YIN PA DE DAG KYANG THA DAD PAR TSAD MA NYID YIN PA DE DANG 'DRA BA GZHAN DU YANG GAL TE SKAD CIG MA'I BYE BRAG GIS BSGRUB PAR BYA BA'I DON YIN NA DE LA YANG LOGS SHIG TU TSAD MA NYID YIN PAR KHONG DU CHUD PAR BYA'O, ,GAL TE SKAD CIG MA'I BYE BRAG GIS BSGRUB PAR BYA BA'I DON DU 'DOD PA LA GRUB PA DANG BDE BA DU MA YIN NA, 'O NA GZHAN GANG LA GRUB PA DANG BDE BA GCIG PA YIN SNYAM PA LA, 'BRAS BU THUN MONG BA LA NI, ,ZHES BYA BA LA SOGS PA SMOS TE, GANG GI TSE SKAD CIG MA THAMS CAD KYI 'BRAS BU THUN MONG YIN PAR BRJOD PAR 'DOD PA DE'I TSE, DE DAG GI MTHU THA DAD PAR MED DE, DE'I TSE TSAD MA NYID KYANG THA DAD PAR MI 'DOD DO, ,DPER NA GANG LA MNYAM PA LA ME TZAM GYIS BSGRUB PAR BYA BA'I DON LA DU BA GZHAN DANG GZHAN GYIS ZHES BYA BA LA SOGS PA SMOS TE, GANG GI TSE DU BA GZHAN DANG GZHAN GYIS ME NYE BAR 'JAL BAR BYED PA'I TSE ME TZAM GYIS BSGRUB PAR BYA BA'I DON BRJOD PAR 'DOD PA LA, JI LTAR DU BA RNAMS TSAD MA NYID THA DAD PAR MI 'DOD PA DE BZHIN DU 'DIR YANG RIG PAR BYA'O, ,GANG GI TSE TSA BA LNGAS GDUNG BAR 'DOD PA DE'I TSE NI DU BA LNGA CHAR YANG TSAD MA NYID THA DAD PA YIN PAR KHONG DU CHUD PAR BYA'O, ,GZHAN DANG GZHAN NI GZHAN DANG GZHAN NO, ,DE DAG NI GZHAN DANG GZHAN YANG YIN LA DU BA YANG YIN PAS ZHES TSIG RNAM PAR SBYAR LA, DU BA GZHAN DANG GZHAN DAG GIS GZHAL BA ZHES BSDU'O, ,DE DAG NI NYE BA YANG YIN LA ME YANG YIN PA ZHES TSIG RNAM PAR SBYAR ZHING, DE DAG GIS DU BA GZHAN DANG GZHAN GYIS GZHAL BA YANG YIN LA ME NYE BA YANG YIN ZHES TSIG RNAM PAR SBYAR RO, ,DE TZAM GYIS BSGRUB PAR BYA BA'I DON NI MAR @112B ME SBAR BA DANG, ME SBAR BA DANG, RAB TU GDUNG BA ZHES BYA BA DE LTA BU LA SOGS PA'O, ,DE LTAR PHYOGS KYI CHOS LA RNAM PAR RTOG PA TSAD MA'I RJES SU BYUNG BA LOGS SHIG TU TSAD MA NYID YIN PA BSAL NAS GZHAN LA YANG BSGRE BAR BYA BA'I PHYIR 'DIS NI CHOS DANG CHOS CAN DANG RTAGS LA SOGS PA'I RNAM PAR RTOG PA ZHES BYA BA LA SOGS PA SMOS TE, PHYOGS KYI CHOS NYID 'DZIN PA'I RNAM PAR RTOG PA TSAD MA NYID YIN PA GSAL BA'I DPE KHO NAS BSGRUB PAR BYA BA'I CHOS ME NYID LA SOGS PA 'DZIN PA DANG, CHOS CAN PHYOGS LA SOGS PA 'DZIN PA DANG, RTAGS DU BA LA SOGS PA 'DZIN PA TSAD MA'I STOBS LAS SKYES PA'I RNAM PAR RTOG PA TSAD MA NYID YIN PA BSAL BAR RIG PAR BYA'O, ,SOGS PA ZHES SMOS PA NI SNGON PO LA SOGS PA MTHONG BA'I STOBS KYIS SKYES PA'I RNAM PAR RTOG PA YANG TSAD MA NYID YIN PA GSAL BA'I PHYIR RO, ,RE ZHIG PHYOGS TZAM ZHIG BRJOD PAR BYA STE, MNGON SUM NI MDUN NA GNAS PA'I DNGOS PO RANG GI NGO BO TZAM MTHUN PAR BYED PA NA SKYE LA, DNGOS PO DE NI DNGOS SU NA YOD PA'I NGO BOS SNGON PO'I NGO BO GCIG PU DANG DE LAS GZHAN PA'I DNGOS PO MTHA' DAG LAS LOG PA'I RANG GI NGO BO YIN NO, ,GANG GI PHYIR DNGOS PO DE YOD PA'I NGO BOS SNGON PO YIN PA DE'I PHYIR 'DIR SNGON PO SNANG BA MNGON SUM LAS MA SKYES PA'I PHYIR MI GSAL BA YIN TE, SNGAR MTHONG BAS 'PHANGS PA'I PHYIR SNGON PO SNANG BA MA BOR NA 'DI NI SNGON PO'O SNYAM PA YOD PA'I NGO BO LA REG PA'I RNAM PAR RTOG PA STE, GANG GI PHYIR SNGON PO DE DNGOS PO MA LUS PA DANG MTSAN NYID MI MTHUN PA DE KHO NA'I PHYIR SER PO LA SOGS PA MA YIN NO, , SNYAM PA SER PO LA SOGS PA SEL BAR BYED PA DGAG PA'I SHES PA GNYIS PA SKYE BAR 'GYUR RO, ,DE LTA BAS NA MNGON SUM SNGON PO LA 'JUG PA NA RE ZHIG DE'I RNAM PAR SKYE BAS BDAG NYID KYI SNGON PO DE RTOGS PAR 'GYUR TE, SNGON PO'I RNAM PAR RTOG PA'I RGYUR 'GYUR BAR YONGS SU GCOD CING SER PO LA SOGS PA DGAG PA'I RGYU NYID DU 'GYUR BAR RNAM PAR GCOD PAR BYED DO, ,DE LA MNGON SUM DNGOS PO'I STOBS KYIS SKYE BA NI DNGOS PO LA RAG LUS PA'I PHYIR TSAD MA YIN NO, ,RNAM PAR RTOG PA GZHAN GNYIS NI MNGON SUM GYI STOBS LAS SKYES PA'I PHYIR MI SLU BA YIN YANG, DON MA RTOGS PA @113A *, ,RTOGS PA MED PA'I PHYIR TSAD MA NYID LOGS SHIG NA MED DE, GZHAN DAG LA YANG DE BZHIN DU RIG PAR BYA'O, ,DE LTAR NA GTAN TSIGS GSUM CHAR GYI PHYOGS LA CHOS KYI NGES PA YANG TSUL 'DRA'O ZHES KHYAD PAR MED PAR BSHAD DO, ,RJES SU 'GRO BA DANG LDOG PA NGES PA'I THABS THA DAD PA'I BYE BRAG GIS BSTAN PA'I PHYIR, RJES SU 'GRO BA NGES PA YANG ZHES BYA BA SMOS TE, BSGRUB PAR BYA BA'I CHOS NI DNGOS SU NA SGRUB PA'I CHOS KYI RANG GI NGO BO YIN NO, ,DE LTA BAS NA SGRUB PA'I CHOS KYI RANG BZHIN YIN PA'I PHYIR BSGRUB PAR BYA BA'I CHOS SGRUB PA'I CHOS KYI RANG GI NGO BO TZAM DANG RJES SU 'BREL BAR GRUB PA GANG YIN PA DE NYID RANG BZHIN GYI GTAN TSIGS KYI RJES SU 'GRO BA NGES PA YIN NO, ,DNGOS SU NA ZHES BYA BA NI DON DAM PAR TE, SGRA'I DON GYI SGO NAS NI THA DAD PA KHO NA'O SNYAM DU DGONGS PA'O, ,DE'I NGO BO ZHES BYA BA 'DI LA, DE ZHES BYA BA'I SGRA NI SGRUB PA'I CHOS DANG SBYAR RO, ,GANG LA DE'I NGO BO YOD PA DE NI DE'I NGO BO CAN NO, ,DE'I NGO BO CAN GYI NGO BO NI DE'I NGO BO CAN NYID DO, ,YANG NA DE ZHES BYA BA'I SGRA NI BSGRUB PAR BYA BA'I CHOS DANG SBYAR TE, SGRUB PA'I CHOS 'DI BSGRUB PAR BYA BA'I CHOS DE'I NGO BO STE BDAG NYID YIN NO, ,SGRUB PA'I CHOS KYI RANG GI NGO BO NI BSGRUB PA'I CHOS KYI NGO BO TZAM YIN NO, ,TZAM ZHES BYA BA'I SGRAS NI DNGOS PO GZHAN LA LTOS PA BSAL TO, ,MTHUN PAR 'BREL PA NI RJES SU 'BREL PA STE, RJES SU 'GRO BA ZHES BYA BA'I THA TSIG GO, ,SGRUB PA'I CHOS TZAM DANG RJES SU 'BREL PA ZHES TSIG RNAM PAR SBYAR TE, DE GRUB PA LA DE SKAD CES BRJOD DO, ,'DIR BSGRUB PAR BYA BA DANG SGRUB PA'I CHOS GNYIS DNGOS SU GCIG YIN KYANG LDOG PA'I BYE BRAG GIS BYE BRAG YOD PAS DE DAG RJOD PAR BYED PA'I SGRA GNYIS KYANG RNAM GRANGS MA YIN LA, DAM BCAS PA'I PHYOGS GCIG GIS KYANG GTAN TSIGS MA YIN NO, ,RANG GI NGO BO RAB TU BSTAN PA'I THABS KYI 'BREL PA GRUB PA'I RGYU BSTAN PA'I PHYIR, DE NI BSGRUB PAR BYA BA LAS BZLOG PA LA ZHES BYA BA LA SOGS PA SMOS SO, ,BSGRUB PAR BYA BA LAS BZLOG PA NI MI MTHUN PA'I PHYOGS TE, DE LA GTAN TSIGS KYI GNOD PA CAN GYI TSAD MA GANG YIN PA DE 'JUG PA GANG YIN PA DE NI SGRUB PA'I CHOS KYI NGO BO TZAM DANG RJES SU 'BREL PA @113B GRUB PA ZHES BYA'O, ,RJES SU 'BREL PA GRUB PA NI GNOD PA CAN GYI TSAD MA 'JUG PA'I 'BRAS BU YIN PA'I PHYIR GNOD PA CAN GYI TSAD MA 'JUG PA YIN TE ZHES BSHAD DO, ,'DIR TSUL GYI RJES SU 'BREL PA GRUB PA'I RGYU 'DI YIN PAR BSTAN TE, 'DI LTAR GNOD PA CAN GYI TSAD MA 'JUG PAS BSGRUB PAR BYA BA'I CHOS SGRUB PA'I CHOS KYI NGO BO TZAM DANG 'BREL PA SGRUB PAR BYED DO, ,GNOD PA CAN GYI TSAD MA 'JUG PA DE NYID BSTAN PAR BZHED NAS GANG YOD PA DE NI SKAD CIG MA KHO NA YIN NO ZHES BYA BA LA SOGS PA SMOS TE, GANG CUNG ZAD YOD PA DE THAMS CAD SKAD CIG MA KHO NA YIN NO, ,YOD PA LA NI SKAD CIG MA NYID MA GTOGS PA RNAM PA GZHAN CI YANG MED DO, ,CI'I PHYIR ZHE NA, SKAD CIG MA NYID MA YIN NA DON BYED PA DANG 'GAL BA'I PHYIR ZHES BYA BA LA SOGS PA SMOS TE, GANG ZHIG SKAD CIG MA MA YIN PA DE NI RIM DANG CIG CAR DAG GI DON BYED PAR MI 'THAD DE NI 'OG NAS STON PAR BYED DO, ,YOD PA NI DON BYED NUS PA'I MTSAN NYID CAN DU 'DOD NA, GAL TE SKAD CIG MA MA YIN PA RNAMS LA DON BYED NUS PA MED NA DE DAG GA LAS YOD DE, 'DI NI MI MTHUN PA'I PHYOGS LA GNOD PA CAN GYI TSAD MA YIN NO, ,DE LTAR RANG BZHIN GYI GTAN TSIGS KYI RJES SU 'GRO BA NGES PA BSTAN NAS, 'BRAS BU'I GTAN TSIGS KYI BSTAN PA'I PHYIR 'BRAS BU'I GTAN TSIGS KYI NI ZHES BYA BA LA SOGS PA SMOS TE, RGYU DANG 'BRAS BU'I NGO BO GRUB PA NYID 'BRAS BU'I GTAN TSIGS KYI RJES SU 'GRO BA NGES PA YIN NO, ,'DIR YANG 'BRAS BU'I GTAN TSIGS KYI RJES SU 'GRO BA NGES PA NI RGYU DANG 'BRAS BU'I NGO BO GRUB PA'I RGYU MTSAN CAN YIN PAS RGYU DANG 'BRAS BU'I NGO BO GRUB PA YIN TE ZHES BSHAD DO, ,DE 'DI LTAR RGYU DANG 'BRAS BU'I NGO BO GRUB PA DANG RGYU DANG 'BRAS BU LA KHYAB PA GRUB PA'O, ,RGYU DANG 'BRAS BU'I NGO BO NYID KYANG JI LTAR GRUB CE NA, 'DI LTA STE 'DI DMIGS NA ZHES BYA BA LA SOGS PA SMOS TE, 'BRAS BU DMIGS PA'I RIG BYAR GYUR PA SNGON MI DMIGS PA RGYU DMIGS NA DMIGS PA YIN NO, ,LHAN CIG BYED PA'I RGYU GZHAN DAG KYANG YOD PAR MNGON PAR 'DOD PA'I RGYU MED NA MED DO, ,DE'I PHYIR RGYU YOD NA NI 'BRAS BU YOD LA, RGYU MED NA NI 'BRAS BU MED PA GANG YIN PA MNGON SUM DANG MI @114A *, ,DMIGS PA DAG GIS SGRUB PAR BYED PA DE NYID RGYU DANG 'BRAS BU'I NGO BO ZHES BYA STE, ,GRUB PA NI RJES SU 'GRO BA DANG NGES PA YIN NO ZHES BYA BAR SBYAR RO, ,'DI LTA STE ZHES BYA BA NI NYE BAR STON PA'I TSIG YIN NO, ,'DI ZHES BYA BA 'DIS NI RGYU BSTAN TO, ,'DI ZHES BYA BA NI 'BRAS BU BSTAN PA'O, ,DMIGS PA'I RIG BYAR GYUR PA NI 'OG NAS 'CHAD DO, ,DE YOD NA NI YOD CES BYA BA 'DIR ZHES BYA BA'I SGRA NI RGYU DANG SBYAR RO, ,GANG LA MNGON SUM DANG MI DMIGS PA'I SGRUB PA YOD PA DE NI MNGON SUM DANG MI DMIGS PA'I SGRUB PA CAN NO, ,RGYU DANG 'BRAS BU NI RGYU DANG 'BRAS BU'O, , DE GNYIS KYI DNGOS PO NI RGYU DANG 'BRAS BU'I NGO BO STE, RGYU NYID DANG 'BRAS BU NYID CES BYA BA'I THA TSIG GO, ,GZHAN GYI BYED PA LA LTOS PA NI 'BRAS BU NYID DO, ,MJUG THOGS SU 'BYUNG BA'I 'BRAS BU LA DE BSKYED PAR RUNG BA'I BDAG NYID KYIS GDON MI ZA BAR NYE BAR GNAS PA NI RGYU NYID DO, ,YANG CI'I PHYIR RGYU DANG 'BRAS BU'I NGO BO GRUB PA NYID 'BRAS BU'I GTAN TSIGS KYI RJES SU 'GRO BA NGES PA YIN PAR BRJOD CE NA, DE'I PHYIR, RGYU DANG 'BRAS BU'I NGO BO NI, ,ZHES BYA BA LA SOGS PA SMOS TE, GANG GI PHYIR GANG NA DU BA YOD PA DE NA ME YOD CES BYA BA'I RJES SU 'GRO BA GANG YIN PA DE RGYU DANG 'BRAS BU'I NGO BO DON THA DAD PA YOD NA NI YOD LA, MED NA NI MED PA DE'I PHYIR RGYU DANG 'BRAS BU'I NGO BO GRUB PA NYID RJES SU 'GRO BA NGES PA YIN PAR BRJOD DO, ,'DI SKAD DU 'DI GNYIS DNGOS SU THA DAD MOD KYI, 'ON KYANG THABS GZHAN GYIS BSGRUB PAR BYA BA NI MA YIN PA'I PHYIR THABS DANG THABS KYIS BSGRUB PAR BYA BA THA MI DAD PAR BSTAN TE, THA MI DAD PA'I THABS KYIS 'DI RJES SU 'GRO BA NGES PA'I THABS NYID DU BSTAN TO ZHES BSHAD DO, ,CI'I PHYIR RGYU DANG 'BRAS BU'I NGO BO NI DON THA DAD PA KHO NA YOD NA, GANG NA DU BA YOD PA DE NA GDON MI ZA BAR ME YOD DO ZHES BYA BA'I KHYAB PA 'DIR 'GYUR ZHE NA, DE'I PHYIR, ME YOD NA YOD PA KHO NA ZHES BYA BA LA SOGS PA SMOS TE, DU BA NI ME'I 'BRAS BU NYID YIN PAS DE SKAD CES BSHAD DO, ,'DI LTAR ME YOD NA YOD PA KHO NA YIN TE, GANG GI TSE ME YOD NA DU BA YOD PA NYID KYI PHYIR ME'I 'BRAS BU NYID DU 'DOD PA DE'I TSE, GANG NA DU BA YOD PA DE NA GDON MI ZA BAR ME YOD PAR 'GYUR RO, ,DE LTAR 'BRAS BU'I GTAN TSIGS KYI RJES @114B SU 'GRO BA NGES PAR BSTAN PA YIN NO, ,MI DMIGS PA'I RJES SU 'GRO BA BSTAN PA'I PHYIR, MI DMIGS PA'I RJES SU 'GRO BA NGES PA YANG ZHES BYA BA LA SOGS PA SMOS TE, GANG GI TSE MED PA'I THA SNYAD NI DMIGS PA'I RIG BYAR GYUR BA MI DMIGS PA TZAM GYI RGYU CAN DU SGRUB PA DE'I TSE MI DMIGS PA'I RJES SU 'GRO BA RJES PA YIN NO, ,MI DMIGS PA TZAM LA 'JUG PA NI MI DMIGS PA TZAM 'JUG PA'O, ,JI LTAR NA MED PA'I THA SNYAD DMIGS BA SMOS TE, GANG GI TSE MED PA'I THA SNYAD KYI RGYU MTSAN ZHE NA, RGYU MTSAN GZHAN MED PAR MTHONG BA'I PHYIR RO ZHES BYA BA SMOS TE, GANG GI TSE MED PA'I THA SNYAD KYI RGYU MTSAN GZHAN BKAG PAR GYUR PA DE'I TSE DE NI DE TZAM GYI RGYU MTSAN CAN DU RNAM PAR GNAS SO, ,RGYU MTSAN GZHAN DGAG PA NI BRTZAD PA'I RIGS PA LAS KHONG DU CHUD PAR BYA'O, ,DE LTAR GTAN TSIGS GSUM CHAR RJES SU 'GRO BA NGES PA YANG BSTAN NAS, LDOG PA NGES PA BSTAN PA'I PHYIR, LDOG PA NGES PA YANG ZHES BYA BA LA SOGS PA SMOS TE, 'BRAS BU'I GTAN TSIGS KYIS NI RGYU DANG 'BRAS BU'I NGO BO GRUB LA, RANG BZHIN GYI GTAN TSIGS KYIS NI KHYAB PAR BYA BA DANG KHYAB PAR BYED PA'I NGO BO GRUB NA GANG GI TSE YUL BA LTAR RUNG BA RGYU MI DMIGS PA DANG KHYAB PAR BYED PA MI DMIGS PAS BSGRUB PAR BYA BA MED NA GTAN TSIGS MED PAR BSGRUB PA YIN PA DE'I TSE 'BRAS BU DANG RANG BZHIN GYI GTAN TSIGS DAG GI RJES SU 'GRO BA NGES PA YIN NO, ,'DIS GNYIS NI YUL BLTAR RUNG BA YIN PAS ZHES BYA BAR TSIG RNAM PAR SBYAR TE, BLTAR 'GYUR BA NI DMIGS PA'I RIG BYAR GYUR PA'O, ,'DI SKAD DU GANG GI TSE RGYU DANG KHYAB PAR BYED PA DAG DMIGS PA'I RIG BYAR MA GYUR PA DE'I TSE BSGRUB PAR BYA BA MED NA GTAN TSIGS MED PAR SGRUB PAR BYED DO ZHES BSHAD PA YIN NO, ,MI DMIGS PA YUL BLTAR RUNG BA NYID LA LTOS PA GANG LAS YIN ZHE NA, DE'I PHYIR, YUL BSTAN PA CAN ZHES BYA BA LA SOGS PA SMOS TE, GANG GI TSE YUL 'GA' ZHIG NYE BAR BSTAN NAS 'DI NA MED DO ZHES MED PA SGRUB PAR BYED PA DE'I TSE MI DMIGS PA YUL BLTAR RUNG BA NYID LA LTOS PA YIN NO, ,GANG LA YUL BSTAN PA YOD PA ZHES TSIG RNAM PAR SBYAR TE, BSTAN PA ZHES BYA BA NI NYE BAR BSTAN PA'O, ,YUL ZHES BYA BA NI GANG DU MED PA @115A *, ,SGRUB PAR BYED PA'O, ,YANG CI'I PHYIR YUL BLTAR RUNG BA NYID LA LTOS SHE NA, DE'I PHYIR, DE LTA MA YIN NA DMIGS PA'I RIG BYAR MA GYUR PA ZHES BYA BA LA SOGS PA SMOS TE, GANG ZHIG DMIGS PA'I RIG BYAR MA GYUR PA DE GZHAN DU GYUR PA'O, ,DE BZHIN DU GYUR PA NYID BSTAN PA'I PHYIR GANG DU YANG MED PAR MI 'GRUB PA'I PHYIR RO ZHES BYA BA SMOS TE, DNGOS PO DMIGS PA'I RIG BYAR MA GYUR PA GANG DU YANG MED PAR MI 'GRUB PAR YANG 'GYUR RO, ,RNAM PA GCIG TU NA, DE LTA MA YIN NA ZHES BYA BA NI GAL TE KHYAD PAR DU MI BYA NA ZHES BYA BA'I THA TSIG GO, ,DE LTA BAS NA 'DI LTAR DMIGS PA'I RIG BYAR MA GYUR PA NI GANG DU YANG MED PAR MI 'GRUB PAR YANG 'GYUR RO ZHES BYA BAR BLTA BA'O, ,YANG CI'I PHYIR MI DMIGS PA YUL BLTAR RUNG BA NYID LA LTOS PA YUL BSTAN PA CAN MED PA RAB TU STON PA KHO NA LAS YIN ZHE NA, DE'I PHYIR YUL MA BSTAN PA CAN NI ZHES BYA BA LA SOGS PA SMOS TE, GANG DU YUL NYE BAR MA BSTAN PAR BSGRUB PAR BYA BA MED NA GTAN TSIGS MED PAR STON PA DER NI GANG GI PHYIR 'BREL PA TZAM ZHIG GRUB PAS BSGRUB PAR BYA BA MED NA GTAN TSIGS MED PA 'GRUB PA DE'I PHYIR DE LA NI LDOG PA BSGRUB PAR BYA BA LA MI DMIGS PA YUL BLTAR RUNG BA NYID LA LTOS PA MA YIN NO, ,RGYU DANG 'BRAS BU DANG, KHYAB PAR BYA BA DANG KHYAB PAR BYED PA'I NGO BO NI 'DIR 'BREL PA'I SGRAR BSHAD DE, DE YANG GNOD PA CAN GYI TSAD MA LA RAG LAS PA YIN NO, ,DE'I PHYIR GANG GIS NA DE NYID GCIG LA GCIG BRTEN PA NYID KYIS NYES PAR 'GYUR BA RJES SU 'GRO BA DANG LDOG PA NGES PA DAG GCIG LA GCIG RAG LAS PA NI MA YIN NO, ,DE LTAR 'BRAS BU DANG RANG BZHIN DAG GI LDOG PA BSTAN NAS, MI DMIGS PA'I LDOG PA NGES PA NI ZHES BYA BA LA SOGS PA SMOS TE, DNGOS PO GANG ZHIG YOD PA YIN LA, DE GAL TE DMIGS PA'I RIG BYAR GYUR PA YIN NA GDON MI ZA BAR DMIGS PAR 'GYUR RO, ,DE LTAR NA GANG GI TSE ME DMIGS PA MED PAR BSTAN PA DE'I TSE MI DMIGS PA'I LDOG PA NGES PA YIN NO, ,RE ZHIG DE LTA BU NI CHOS KYI CHOS DANG RJES SU 'GRO BA DANG LDOG PA NGES PA DAG BSTAN PA YIN NO, ,GTAN TSIGS GSUM NYID DU BSTAN PA'I PHYIR, MTSAN NYID DE LTA BU CAN ZHES BYA BA LA SOGS PA @115B SMOS SO, ,PHYOGS CHOS DE'I CHAS KHYAB PA NI ZHES BYA BA NI GTAN TSIGS KYI MTSAN NYID 'DI DANG LDAN PA'I GTAN TSIGS BSHAD PA GANG YIN PA DE NI RNAM PA GSUM KHO NAR BLTA BAR BYA'O, ,GANG LA MTSAN NYID DE LTA BU YOD PA DE NI MTSAN NYID DE LTA BU CAN NO, ,RNAM PA GSUM PO BYE BRAG TU BSTAN PAR BYA BA'I PHYIR, RANG BZHIN DANG ZHES BYA BA LA SOGS PA SMOS TE, RANG RANG GI MING GIS GTAN TSIGS GSUM STON PAR BYED DO, ,DANG ZHES BYA BA NI BSDU BA'I DON TO, ,YIN TE ZHES BYA BA NI YONGS SU RDZOGS PAR RJOD PAR BYED PA YIN NO, ,RANG BZHIN GYI GTAN TSIGS KYI DPE BSTAN PA'I PHYIR, DPER NA 'GA' ZHIG MI RTAG PAR BSGRUB PAR BYA BA LA YOD PA DE LTA BU ZHES BYA BA SMOS TE, 'GA' ZHIG MI RTAG PA NYID DU BSGRUB PAR BYA BA LA YOD PA'I MTSAN NYID KYI GTAN TSIGS NI RANG BZHIN GYI GTAN TSIGS SO, ,'BRAS BU'I GTAN TSIGS KYI DPE ME DANG LDAN PA'I PHYOGS LA DU BA LTA BU ZHES BYA BA SMOS TE, PHYOGS 'GA' ZHIG ME DANG LDAN PAR BSGRUB PAR BYA BA LA DU BA'I MTSAN NYID KYI GTAN TSIGS NI 'BRAS BU'I GTAN TSIGS SO, ,MI DMIGS PA'I DPE MED PA LA ZHES BYA BA LA SOGS PA SMOS TE, DNGOS PO 'GA' ZHIG MED PAR BSGRUB PAR BYA BA LA DMIGS PA'I RIG BYAR GYUR PA MI DMIGS PA NI GTAN TSIGS GSUM PA YIN NO, ,YANG CI'I PHYIR GTAN TSIGS RNAM PA GSUM KHO NA YIN ZHE NA, RNAM PA GSUM PO 'DI KHO NAR ZHES BYA BA LA SOGS PA SMOS TE, GANG GI PHYIR GTAN TSIGS GSUM PO NYE BAR BSTAN PA GANG DAG YIN PA DE DAG KHO NA MED NA MI 'BYUNG BAR NGES PA DE'I PHYIR GTAN TSIGS NI RNAM PA GSUM PO NA YIN NO, ,YANG MED NA MI 'BYUNG BA 'DI NI CI ZHIG YIN, DE NI JI LTAR NGES SHE NA, DE'I PHYIR, PHYOGS KYI CHOS KYI KHYAB PA JI SKAD DU BSHAD PA ZHES BYA BA LA SOGS PA SMOS TE, DE LA KHYAB PAR BYED PA PO YOD PA KHO NA 'AM, DE LA KHYAB PAR BYA BA YOD PA KHO NA ZHES BYA BAR KHYAB PA NYE BAR BSTAN PA GANG YIN PA PHYOGS KYI CHOS LA KHYAB PA JI SKAD DU BSHAD PA DE NI MED NA MI 'BYUNG BA ZHES BYA'O, ,MED NA MI 'BYUNG BA DE YANG GTAN TSIGS RNAM PA GSUM MA GTOGS PA GZHAN NA MED PAS 'DI NYID DU NGES PA ZHES BYA'O, ,RANG BZHIN GYIS GTAN TSIGS KYI MTSAN NYID BSTAN PA'I PHYIR, DE LA SGRUB PA'I CHOS KYI NGO BO @116A *, ,TZAM DANG LDAN PA CAN NI ZHES BYA BA LA SOGS PA SMOS TE, BSGRUB PAR BYA BA'I CHOS GANG ZHIG GDON MI ZA BA SGRUB PA'I CHOS TZAM DANG LDAN PA'I BSGRUB PAR BYA BA'I CHOS DE LTA BU DE LA RANG BZHIN GYI GTAN TSIGS YIN PAR BRJOD PAR BYA'O, ,SGRUB PA'I CHOS KHO NA BSGRUB PA'I CHOS TZAM YIN TE, 'DI LA DE DANG LDAN PA'I NGANG TSUL YOD PAS ZHES BYA BAR TSIG RNAM PAR SBYAR RO, ,RANG BZHIN NI BDAG NYID DANG RANG GI NGO BO ZHES BYA BA'I THA TSIG STE, RANG BZHIN NYID GTAN TSIGS YIN PAS ZHES BYA BAR TSIG RNAM PAR SBYAR RO, ,GANG GI RANG BZHIN YIN ZHE NA, THOS PA'I PHYIR DANG NYE BA'I PHYIR BSGRUB PAR BYA BA'I CHOS KYI YIN NO ZHES BYA BAR KHONG DU CHUD DO, ,BSGRUB PAR BYA BA DANG SGRUB PA DAG SEL BA'I BYE BRAG GIS THA DAD PA KHO NA MA YIN NAM, DE JI LTAR NA GTAN TSIGS BSGRUB PAR BYA BA'I RANG BZHIN YIN NO ZHES BYA ZHE NA, DE'I PHYIR, DNGOS SU NA GTAN TSIGS NI RTAGS CAN GYI RANG BZHIN KHO NA ZHES BYA BA LA SOGS PA SMOS SO, ,PHAN TSUN LDOG PA'I BYE BRAG GIS BSGRUB PAR BYA BA DANG SGRUB PA'I CHOS DAG THA DAD PA YIN MOD KYI, 'ON KYANG DON DAM PAR NA GTAN TSIGS NI RTAGS CAN GYI RANG BZHIN KHO NA YIN TE, 'DI LTAR RKYEN LA RAG LAS TE SKYE BA'I PHYIR BYAS PA ZHES BYA BA GANG YIN PA DE NYID 'JIG PA'I PHYIR MI RTAG PAR 'DOD DO, ,DE LTA MA YIN NA BYAS PA YANG GZHAN LA MI RTAG PA YANG GZHAN DU 'GYUR TE, DE LTA NA SGRA NI BYAS PA STE, MI RTAG PA'O ZHES GCIG TU NYE BAR BSDU BAR MI 'GYUR RO, ,GANG GI TSE GTAN TSIGS BSGRUB PAR BYA BA'I RANG BZHIN YIN PAR BRJOD PA DE'I TSE GDON MI ZA BAR BSGRUB PAR BYA BA'I CHOS GTAN TSIGS DANG RJES SU 'BREL PA CAN DU 'GYUR BA MA YIN NAM, DE LA CI'I PHYIR DE TZAM DANG RJES SU 'BREL PA CAN ZHES BYA BA'I KHYAD PAR 'DI BYED CE NA, RANG BZHIN LA RJES SU 'GRO BA 'KHRUL PA MED PA YANG ZHES BYA BA LA SOGS PA SMOS TE, GTAN TSIGS BSGRUB PAR BYA PA'I RANG BZHIN YIN PAR KHAS BLANGS NA BSGRUB PAR BYA BA'I RJES SU 'GRO BA 'KHRUL PA MED MOD KYI 'ON KYANG MTSAN NYID BRJOD PAR BYA BA LA GZHAN GYI LUGS LA LTOS NAS BSGRUB PA'I CHOS TZAM DANG 'BREL PA CAN ZHES BYA BA'I KHYAD PAR 'DI BYA DGOS PA NYID DO, ,GZHAN GYI LUGS DE NYID BSTAN PA'I PHYIR, @116B GZHAN DAG NI DON GZHAN GYI RGYU MTSAN CAN ZHES BYA BA LA SOGS PA SMOS TE, GANG GI PHYIR GZHAN PHYIR RGOL BA DAG NI DNGOS PO GRUB ZIN BA LA DON GZHAN GYI RGYU MTSAN LAS CHOS GANG SKYE BA DE TZAM DANG 'BREL PA CAN MA YIN PA DE YANG RANG BZHIN DU 'DOD PA'I PHYIR, KHYAD PAR GYI CHOS DE LTA BU RANG BZHIN NYID YIN PA YANG 'GOG LA, PHYIS 'BYUNG BA'I BSGRUB PAR BYA BA'I CHOS DE LA GTAN TSIGS 'KHRUL PA YANG KHYAD PAR GYIS STON PAR BYED DO, ,DNGOS PO'I RANG GI RGYU DAG LAS DON GZHAN PA NI DON GZHAN TE, 'DI LA DON GZHAN GYI RGYU MTSAN YOD PAS ZHES TSIG RNAM PAR SBYAR RO, ,'DI DE'I NGO BO TZAM DANG LDAN PA'I NGANG TSUL YOD PAS DE'I NGO BO TZAM DANG LDAN PA CAN NO, ,DE DGAG PA NI NGO BO TZAM DANG LDAN PA MA YIN PA CAN NO, ,DON GZHAN GYI RGYU MTSAN CAN GYI BSGRUB PAR BYA BA'I CHOS LA GTAN TSIGS 'KHRUL PA GANG LAS YIN ZHE NA, DPER NA 'JIGS PA RGYU DANG LDAN PA LA ZHES BYA BA LA SOGS PA SMOS TE, BYAS PA NYID NI BSGRUB PAR BYA BA 'JIG PA RGYU DANG LDAN PA LA 'KHRUL PA YOD DE, 'DI LTAR GAL TE 'JIG PA RGYU DANG LDAN PAR 'DOD NA DE'I TSE 'GA' ZHIG MI 'JIG PAR YANG 'GYUR RO, ,'DI LTAR LTOS PA DANG BCAS PA RNAMS NI GDON MI ZA BAR 'BYUNG BA MA YIN TE, DE'I PHYIR LA LA BYAS PA YANG YIN LA MI RTAG PA YANG MA YIN PAR 'GYUR BAS 'KHRUL PA YIN NO, ,DE LTAR RANG BZHIN GYI GTAN TSIGS KYI MTSAN NYID BRJOD NAS SBYOR BA'I BYE BRAG BSTAN PA'I PHYIR, DE'I SBYOR BA NI RNAM PA GNYIS TE ZHES BYA BA SMOS TE, RANG BZHIN GYI GTAN TSIGS DE NA RNAM PA GNYIS RAB TU SBYAR RO, ,RNAM PA GNYIS PO BSTAN PA'I PHYIR, CHOS MTHUN PA CAN NYID DANG ZHES BYA BA LA SOGS PA SMOS TE, RES 'GA' NI CHOS MTHUN PA CAN NYID KYI SGO NAS RAB TU SBYOR LA, RES 'GA' NI CHOS MI MTHUN PA CAN NYID KYI SGO NAS ZHES BYA BA'I THA TSIG GO, ,'DI LA CHOS MTHUN PA YOD PAS NA 'DI NI CHOS MTHUN PA CAN NO, ,CHOS MTHUN PA CAN GYI NGO BO NI CHOS MTHUN PA CAN NYID DO, ,'DI LA CHOS MI MTHUN PA YOD PAS NA 'DI NI CHOS MI MTHUN PA CAN NO, ,CHOS MI MTHUN PA CAN GYI NGO BO NI CHOS MI MTHUN PA CAN NYID DO, ,CHOS MTHUN PA CAN NYID KYI SBYOR BA BSTAN PA'I PHYIR, GANG YOD PA @117A *, ,ZHES BYA BA LA SOGS PA SMOS TE, GANG CUNG ZAD YOD PA DE THAMS CAD NI SKAD CIG MA STE, DPER NA BUM PA LA SOGS PA LTA BU'O ZHES BYA BA 'DIS NI RJES SU 'GRO BA BSTAN TO, ,CHOS MI MTHUN PA CAN NYID KYI SBYOR BA BSTAN PA'I PHYIR, DE BZHIN DU SKAD CIG MA NYID MED NA ZHES BYA BA LA SOGS PA SMOS TE, GANG ZHIG SKAD CIG MA MA YIN PA DE NI YOD PA YANG MA YIN TE, DPER NA NAM MKHA' BZHIN NO ZHES BYA BA 'DIS NI LDOG PA BSTAN TO, ,SGRA NI YOD PAS ZHES BYA BA 'DIS NI CHOS MI MTHUN PA CAN NYID LAS RNAM PAR PHYE BA'I PHYOGS KYI CHOS NYE BAR BSTAN TO, ,CHOS MTHUN PA CAN NYID DANG CHOS MI MTHUN PA CAN NYID KYI SBYOR BA DAG GIS KHYAB PA DAG RAB TU STON PA'I RNAM PA BSTAN PA'I PHYIR, THAMS CAD NYE BAR BSDUS NAS ZHES BYA BA LA SOGS PA SMOS TE, RJES SU 'GRO BA'AM LDOG PAS DNGOS PO THAMS CAD NYE BAR BSDUS TE, CHOS MTHUN PA CAN NYID DANG CHOS MI MTHUN PA CAN NYID KYI SBYOR BA DAG GIS KHYAB PA RAB TU STON GYI, JI LTAR GZHAN DAG GIS BSGRUB PAR BYA BA'I CHOS CAN YONGS SU SPANGS NAS KHYAB PA GZHAN RAB TU STON PA LTA BU NI MA YIN TE, THAMS CAD SMOS PAS NI KHYAB PA GZHAN DGAG PA'I PHYIR RO, ,KHYAB PA RAB TU STON PA NI KHYAB PA RAB TU STON PA STE, GANG DAG LA MTSAN NYID DE YOD PA DE DAG NI KHYAB PA RAB TU STON PA'I MTSAN NYID CAN NO, ,GANG GI TSE THAMS CAD NYE BAR BSDUS NAS KHYAB PA RAB TU STON PA DE'I TSE CHOS KYIS KHYAD PAR DU BYAS PA'I CHOS CAN YANG RTOGS PA KHO NA MA YIN NAM, DE'I PHYIR RJES SU DPAG PA NI DRAN PA NYID DU 'GYUR RO ZHE NA, BSHAD PA GANG BYAS PA DE NI MI RTAG PA'O ZHES BYA BAR SPYIR RTOGS KYI KHYAB PA'I TSE SGRA NI MI RTAG GO ZHES BYA BA 'DI NI RTOGS PAR MI NUS SO, ,DE'I PHYIR CHOS CAN GYI NGO BO RTOGS PA'I RJES SU DPAG PA JI LTAR DRAN PA YIN PAR 'GYUR RO, ,SBYOR BA STON PA LA GOMS PA'I PHYIR GANG GIS CHOS RTOGS PAR BYED PA DE'I TSE BDAG NYID KYANG SBYOR BA'I TSUL KHO NAS RTOGS PAR 'GYUR BAS RANG GI DON GYI RJES SU DPAG PA LA YANG SBYOR BA'I BYE BRAG BYA STE, GTAN TSIGS GSUM CHAR LA YANG SBYOR BA'I BYE BRAG 'DI SRID DO, ,RANG BZHIN GYI GTAN TSIGS KYI NI KHYAB PAR BYA BA DANG KHYAB PAR BYED PA'I NGO BO NGES PA RAB TU SGRUB @117B BA'I SKABS KYIS 'DI BSTAN TO, ,SBYOR BA GNYI GA LA YANG DAM BCA' BA MA BSTAN PAS DE'I DON JI LTAR RTOGS PAR 'GYUR BA MA YIN NAM ZHE NA, DE'I PHYIR 'DIR NI SHUGS KHO NAS ZHES BYA BA LA SOGS PA SMOS TE, GANG GI PHYIR SBYOR BA GNYI GA LA YANG PHYOGS KYI CHOS DANG KHYAB PA RAB TU BSTAN PA'I SHUGS KHO NAS DAM BCA' BA'I DON RTOGS PAR 'GYUR BA DE'I PHYIR DAM BCA' BA RAB TU MI SBYOR RO, ,GZHAN GYI TSIG GI GO SKABS KYI DOGS PA BSU BAR, GAL TE GZHAL BYA'I DON ZHES BYA BA LA SOGS PA SMOS TE, GAL TE GZHAL BYA'I DON RAB TU STON NA TSIG MED PAR JI LTAR RTOGS PAR NUS ZHES BYA BA NI PHYOGS SNGA MA'I DOGS PA'O, ,GRUB PA'I MTHA' SMRA BAS BDAG NYID KYI RTOGS PA LA ZHES BYA BA LA SOGS PA SMOS TE, GZHAL BYA RAB TU BSTAN PA MED PAR GZHAL BYA RTOGS PAR MI 'GYUR NA NI DE'I TSE RANG GI DON GYI RJES SU DPAG PA'I TSE YANG RTOGS PAR MI 'GYUR TE, DE'I TSE YANG SU YANG GZHAL BYA NYE BAR STON PAR MI BYED PA'I PHYIR RO, ,'O NA DE'I TSE DE JI LTAR RTOGS PAR 'GYUR ZHE NA, DE'I PHYIR, PHYOGS NA YOD PA'I DU BA NYE BAR DMIGS PAS ZHES BYA BA LA SOGS PA SMOS TE, GANG GI TSE PHYOGS NA DU BA NYE BAR DMIGS PA LA DE LA YANG MES KHYAB BAR DRAN PA DE'I TSE GNYI GA'I MTHU KHO NAS PHYOGS 'DI NA ME YOD DO ZHES DE LTAR RTOGS KYI, 'DI LA SU YANG 'DI NA ME YOD DO ZHES STON PAR MI BYED DO, ,DE LA 'DI SNYAM DU RJES SU DPAG PA'I SNGON ROL DU BDAG NYID KYIS GZHAL BYA RTOGS PAR 'GYUR RO SNYAM DU SEMS NA, DE'I PHYIR BDAG NYID KYIS KYANG SNGAR CUNG ZAD KYANG MA RTOGS SO ZHES BYA BA SMOS TE, RJES SU DPAG PA'I SNGON ROL DU YANG DE LTA BU CUNG ZAD KYANG MI RTOGS SO, ,CI'I PHYIR ZHE NA, TSAD MA MA GTOGS PAR DE LTAR ZHES BYA BA LA SOGS PA SMOS TE, TSAD MA MA GTOGS PAR 'DI NA ME YOD DO ZHES DE LTA BUR RTOGS PA'I RGYU MTSAN GZHAN NI MED DO, ,DE'I PHYIR SNGON ROL KHO NAR JI LTAR RTOGS PAR 'GYUR, DE LA 'DI SNYAM DU 'DIS SNGON ROL DU CI ZHIG LTAR RTOGS PAR 'GYUR BA KHO NA'O SNYAM DU SEMS NA, DE'I PHYIR, RTOGS NA NI ZHES BYA BA LA SOGS PA SMOS TE, GAL TE 'DI LA GANG GIS NA TSAD MA MED PAR SNGON ROL KHO NAR GZHAL BYA RTOGS PAR 'GYUR BA DE @118A *, ,LTA BU'I MTHU ZHIG YOD NA, 'O NA NI RTAGS DON MED PA NYID YIN PA DE'I TSE RTAGS KYIS CI ZHIG BYA, DE LA 'DI SNYAM DU RE ZHIG DANG PO KHO NAR GZHAL BYA RNAM PAR GZHAG PAR BYA LA, DE NAS PHYIS DE RAB TU SGRUB PA'I PHYIR TSAD MA BSHAD PAR BYA'O SNYAM DU SEMS NA, DE'I PHYIR BDAG NYID KYIS BAB COL DU 'DI NA ME YOD DO ZHES BYA BA LA SOGS PA SMOS TE, GANG ZHIG TSAD MA MED PAR BAB COL KHO NAR GZHAL BYA RNAM PAR 'JOG PAR BYED CING PHYIS DE RAB TU SGRUB PA'I PHYIR RTAGS TSOL BAR BYED PA DE'I RTOGS PA'I RIM PA'I RNAM PA 'DI CI ZHIG YIN TE, 'DI LTAR DANG POR MA NGES PA'I RNAM PAR GZHAG PA 'DIS CI ZHIG BYA, 'DI RNAM PAR GZHAG PA'I DUS NI NGES PA'I DUS KHO NAR YIN PA'I PHYIR RO, ,GAL TE BDAG NYID RTOGS PAR BYED PA GZHAL BYA BRJOD PA MED PAR RTOGS KYANG GZHAN GYIS RTOGS PAR BYA BA LA GZHAL BYA BSTAN PAR RIGS SO ZHE NA, DE'I PHYIR DE GZHAN GYIS BRJOD NA YANG ZHES BYA BA LA SOGS PA SMOS TE, GZHAN GYI RTOGS PAR BYA BA LA YANG GZHAL BYA BRJOD PA DGOS PA MED PA'I PHYIR LHAG PAR 'GYUR RO, ,SLOB DPON PHYOGS KYI GLANG PO'I LUGS KYI RJES SU 'BRANG BA RNAMS KYI TSIG GI GO SKABS KYI DOGS PA BSU BAR, GAL TE DGOS PA YUL BSTAN PA YIN NO ZHE NA ZHES BYA BA SMOS TE, GZHAL BYA SMOS PAS GTAN TSIGS KYI YUL RAB TU STON TO ZHES GRAGS TE, DE'I PHYIR GZHAL BYA SMOS PA'I DGOS PA NI YUL BSTAN PA YIN NO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, RE ZHIG BSTAN PA DE NYID KYIS ZHES BYA BA LA SOGS PA SMOS TE, RE ZHIG YUL BSTAN PA DE NYID KYIS PHAN PA CI ZHIG YOD, GANG GIS NA YUL RAB TU BSTAN PA'I PHYIR DAM BCA' BA SMOS PA LOG PAR 'GYUR, DE LA 'DI SNYAM DU YUL RAB TU BSTAN PA MED PAR BSGRUB PAR BYA BA RTOGS PAR MI 'GYUR BA NYID PAS DE'I PHYIR GDON MI ZA BAR YUL RAB TU BSTAN PAR BYA'O ZHE NA, DE'I PHYIR GAL TE GZHAN DU NA RTOGS PAR MI 'GYUR NA NI ZHES BYA BA LA SOGS PA SMOS TE, GAL TE YUL RAB TU BSTAN PA MED PAR RTOGS PAR MI 'GYUR NA NI DE'I TSE KHYOD KYIS SMRAS PA THAMS CAD LEGS PAR 'GYUR RO, ,DE NI JI LTAR BTUB PA DE LTAR SNGAR BSTAN ZIN TO, ,DE LTAR SGRUB PA'I TSIG LAS DAM BCA' @118B BA'I SBYOR BA BSAL NAS, MJUG BSDU BAR DE LTA BAS NA 'DIS BDAG NYID KYIS RTOGS PA NA ZHES BYA BA LA SOGS PA SMOS TE, GANG GI PHYIR DAM BCA' BA SMOS PA JI LTAR YANG DGOS PA MED PA'I PHYIR DAM BCA' BA SMRA BA 'DI GANG GI TSA BDAG NYID RTOGS PAR BYED PA DE'I TSE DAM BCA' BA SMRAS PA 'DI DAM BCA' BA SMOS PA MED PA KHO NAR RTOGS SO, ,GANG GI TSE KHO BO GZHAL BYA RTOGS PAR BYA BAR RTZOM PA DE'I TSE NI KHO BO DE SGRUB PA'I DON DU GNYER BA MTHONG NAS DAM BCA' BA SMOS PA MED PAR NGAS MI RTOGS KYI, DAM BCA' BA RAB TU SBYOR CIG CES SMRA STE, DE DE SKAD DU SMRA BA NI DUS STON GYI BRAM ZE'I BZHIN DU GSAL BA RNGAN PA SGUGS PAR BYED PA YIN NO, ,DPER NA GNAS SHIG TU MCHU LA MTSUN GTOR BA LA SOGS PAR BRAM ZE THAMS CAD MGRON DU BOS PA DANG, CHOD PA BKRES PA SHIN TU DAD PA CAN ZHIG GIS BRAM ZE GZHAN NI MA RNYED KYI, SPRANG BA LTOGS TE LTO RNYONGS PA MCHU DANG GRE BA YONGS SU BSKAMS PA, GDONG RNYI RNYI BOR 'DUG PA, MKHUR TSOS RLABS SKYA BA ZHIG TSUR 'ONG BA MTHONG NAS, MGO BOS PHYAG 'TSAL TE THAL MO PADMAL BYE BA LTA BUR SBYAR NAS BDAG GI KHYIM DU GDUGS TSOD GSOL BAR THUGS BAG MDZAD CES SMRAS PA DANG, BRAM ZES TSOD PA DES BRAM ZE GZHAN MA RNYED PAR SHES NAS, GAL TE MAR KHUR RE RE LA DNGUL GYI DONG TSE RE RE BYIN NA GDOD KHO BO KHYIM DU ZAN ZA'I GZHAN DU NI MA YIN NO ZHES SMRAS SO ZHES GRAGS PA LTAR 'DIR YANG DE DANG 'DRA BAR BLTA BAR BYA'O, ,DE LA 'DI SNYAM DU RANG GIS RTOGS PA LA NI RTAGS KYI STOBS KYIS GZHAL BYA RTOGS PA, GZHAN GYI KHONG DU CHUD PAR BYED NA NI TSIG GIS RTOGS PAR 'GYUR RO SNYAM DU SEMS NA, DE'I PHYIR, KHO BOS BRJOD KYANG ZHES BYA BA LA SOGS PA SMOS TE, GAL TE PHA ROL PO DE LAS KHONG DU CHUD PAR 'GYUR NA NI PHYOGS KYI TSIG BRJOD PAR BYA BA YANG YIN NA, KHO BOS JI TZAM DU DAM BCA' BA'I TSIG BRJOD KYANG DE LA MI LTOS PAR BDAG NYID GRUB ZIN PA'I RTAGS GANG YIN PA DE KHO NA RJES SU DRAN NAS RTOGS PAR 'GYUR TE, DE'I PHYIR DAM BCA' BA'I TSIG BRJOD PA DANG MA BRJOD PA'I GNAS SKABS 'DI GNYIS LA KHYAD PAR CI ZHIG YOD, DE LA 'DI SNYAM DU GZHAN GYI DON GYI RJES SU DPAG PA LA DAM BCA' @119A *, ,BA SMOS PA MED PAR RTOGS PAR MI 'GYUR RO SNYAM NA, DE'I PHYIR DAM BCA' BA SMOS PA MED PAR YANG ZHES BYA BA LA SOGS PA SMOS TE, RANG GI DON DANG 'GAL BA'I SBYOR BA LA DAM BCA' BA SMOS PA MED PA KHO NAR PHYOGS KYI CHOS DANG 'BREL BA SMOS PA TZAM GYIS RTOGS PAR 'GYUR BA MTHONG STE, DE LTA BAS NA DAM BCA' BA SMOS PA DE GANG DU DGOS, 'DI LTAR GANG BYAS PA DE NI GDON MI ZA BAR MI RTAG PA YIN NO ZHES BYA BA KHYAB PA RAB TU BSTAN LA SGRA YANG BYAS PA YIN PAS ZHES PHYOGS KYI CHOS BRJOD PA DE GNYIS KYI SHUGS KHO NAS SGRA MI RTAG PA YIN NO ZHES BYA BAR GYUR NA, DE LA DAM BCA' BA SMOS PAS CI ZHIG BYA, GTAN TSIGS GZHAN GYI THABS KYIS GZHAN GYI RJES SU DPAG PA'I RANG GI DON GYI RJES SU DPAG PA'I SA BON CAN NYID YIN PAR BSTAN PA'I PHYIR, RANG LA NGES PA BZHIN DU GZHAN DAG LA ZHES BYA BA LA SOGS PA SMOS TE, JI LTAR RANG GI DON GYI RJES SU DPAG PA'I TSE RANG LA NGES PA SKYES PA DE KHO NA BZHIN GZHAN DAG LA YANG JI LTAR NA NGES PAR 'GYUR SNYAM NAS GTAN TSIGS RJOD PAR BYED DO ZHES BYA BA DE NI RTOGS PA YIN NO, ,YANG GANG ZHIG BDAG NYID NI GZHAL BYA NYE BAR BSTAN PA MED PAR YANG GZHAL BYA RTOGS LA, GANG GI TSE PHA ROL PO GO BAR BYED PA DE'I TSE GZHAL BYA'I TSIG SMOS PAR BYED PA DE DON GYI RIM PA SNGON MA BYUNG BA LA BRTEN PA YIN TE, DE'I PHYIR RIGS PA LAS 'DAS NAS DON GYI RIM PA SNGON MA BYUNG BA LA BRTEN PA'I RGYU BRJOD DGOS SO, ,DE LTAR RIGS PAS DAM BCA' BA SMOS PA BKAG NAS, MJUG BSDU BA'I PHYIR, DE LTA BAS NA GZHAL BYA SMOS PA NI CUNG ZAD KYANG MI DGOS SO ZHES BYA BA SMOS TE, GANG GI PHYIR DE LTAR GZHAN GYI DON GYI RJES SU DPAG PA LA NI RANG GI DON GYI RJES SU DPAG PA'I SA BON CAN NYID YIN LA, RANG GI DON GYI RJES SU DPAG PA LA YANG DAM BCA' BA'I SBYOR BA MED PA DE'I PHYIR GZHAN GYI DON GYI RJES SU DPAG PA LA YANG DAM BCA' BA SMOS PA DGOS PA CUNG ZAD KYANG MED DO, ,CI'I PHYIR MI DGOS SHE NA, GZHAN DU YANG RTOGS PA ZHES BYA BA LA SOGS PA SMOS TE, 'DI LTAR DAM BCA' BA SMOS PA MED PAR YANG RTOGS PAR 'GYUR RO ZHES BYA BA'I THA TSIG GO, ,DE LTAR SGRUB PA'I TSIG LAS DAM BCA' BA BSAL NAS MI 'DOD PA'I @119B YAN LAG BSAL BAR BYA BA'I PHYIR, BSGRE BAR BYA BAR 'DIS NI NYE BAR GTOD PA DANG, MJUG SDUD PA LA SOGS PA YANG ZHES BYA BA LA SOGS PA SMOS TE, DAM BCA' BA SMOS PA GSAL BA KHO NAS NYE BAR GTOD PA DANG, MJUG BSDUS PA DAG KYANG GSAL BAR KHONG DU CHUD PAR BYA'O, ,SOGS PA'I SGRAS NI THE TSOM DANG BAG MA BA LA SOGS PA BSDU'O, ,CI'I PHYIR ZHE NA, SBYOR BA 'DI TZAM KHO NA ZHES BYA BA LA SOGS PA SMOS TE, 'DI LTAR PHYOGS KYI CHOS DANG 'BREL PA SMOS PA TZAM KHO NAS BSGRUB PAR BYA BA RTOGS PAR 'GYUR RO, ,DE LA 'DI SNYAM DU JI SRID DU MTHONG BA'I MTHU CAN GYI GTAN TSIGS KYANG CHOS CAN LA NYE BAR MI GTONG LA, CHAD PA'I BYED PA MTHA' DAG MJUG BRTUL TE, YANG BSGRUB PAR BYA BA'I CHOS CAN LA MJUG SDUD PAR MI BYED PA DE SRID DUB SGRUB PAR BYA BA RTOGS PAR GAL 'GYUR SNYAM NA, DE'I PHYIR, KHA BYA'I CHAGS PA ZHES BYA BA LA SOGS PA SMOS TE, RE ZHIG GNAS MA YIN PAR MNGON PAR ZHE NA PA 'OR LA SEMS MNYAM PAR ZHOG LA, CI PHYOGS KYI CHOS DANG 'BREL BA SMOS PA 'DI TZAM GYIS RTOGS PA RAB TU BAM MI BTUB SOMS SHIG CES BYA BA YIN NO, ,KHA BYA NI GCER BU BA'I SLOB DPON RNAMS LA BYA STE, DE DAG NI 'BRAS BU MED PAR TSEGS CHEN POS BSGRUB PAR BYA BA NAS GON DU MING 'DRI BA LA CHAGS PA YIN LA GNAS MA YIN PA LA CHAGS PA 'DI YANG DE DANG 'DRA'O SNYAM DU DGONGS PA'O, ,MIG BCUMS TE ZHES BYA BA 'DIS NI PHYI ROL DU RNAM PAR G-YENG BA SPONG NGO, ,RE ZHIG SOMS SHIG CES BYA BA 'DIS NI GTOD PAR BYED DO, ,GAL TE PHA ROL PO KHAS LEN PA LTA NA, BTUB PA LTA NA SPROS PA'I PHRENG BAS CI ZHIG BYA ZHES BYA BA LA SOGS PA SMOS TE, GAL TE 'DI TZAM GYIS BSGRUB PAR BYA BA RTOGS PAR 'GYUR NA DE'I TSE DANG POR PHYOGS KYI CHOS SMOS SO, ,DE'I 'OG TU GTAN TSIGS BSTAN TO, ,DE'I 'OG TU YANG DPE BSNYAD DO, ,DE'I RJES LA CHOS CAN LA NYE BAR GTAD DO, ,DE'I 'OG TU BSGRUB PAR BYA BA'I CHOS MJUG BSDU'O ZHES BYA BA SPROS PA'I 'BREL PA GANG YIN PA DE CUNG ZAD KYANG DGOS PA MED DO, ,MJUG BSDU BA'I PHYIR SGRUB PA'I TSIGS POR BA LA 'DI TZAM KHO NA ZHIG CES BYA BA LA SOGS PA SMOS TE, SGRUB PA'I TSIG SBYOR BA LA PHYOGS KYI CHOS SMOS PA DANG, 'BREL PA @120A *, ,SMOS PA ZHES SMOS PA 'DI TZAM GYI TSONG CIG RIGS RAB BO, ,DE LA PHA ROL PO'I BSAM PA NI RANG GI DON GYI RJES SU DPAG PA LA DANG POR NI PHYOGS NA DU BA MTHONG NGO, ,DE'I 'OG TU NI 'BREL PA YIN NO, ,'BREL PA DRAN PA'I MJUG THOGS SU GANG GI PHYOGS NA DU BA YOD PAR YANG SNON PAR BYED PA 'DI DU BA NI YOD DO SNYAM PA DE LTA BU SNON PA'I SHES PA SKYE'O, ,SNON PA'I SHES PA'I DON NI GZHAN GYI DONG YI RJES SU DPAG PA LA NYE BAR GTOD PAR BRJOD DO ZHES GRAGS TE, DE BAS NA RANG GI DON GYI RJES SU DPAG PA LA YANG NYE BAR GTOD PA'I DON YOD PA'I PHYIR GZHAN GYI DON GYI RJES SU DPAG PA LA YANG 'DI YAN LAG GZHAN NYID DU RIG PA KHO NA'O SNYAM PA 'DI YIN NO, ,GRUB PA'I MTHA' SMRA BA'I DGONGS PA YANG THAMS CAD DU SNON PA'I DON SRID PA NI MA YIN TE, ME DON DU GNYER BA'I RTOGS PA PO GANG ZHIG DANG PO KHO NAR DU BA DANG ME DAG GIS 'BREL PA SEMS LA BZHAG NAS ME GANG NA YOD CES ME TSOL BAR BYED PA DE LTA BU'I RTOG PA PO DES GAL TE DU BA MTHONG NA DE DU BA MTHONG BA DANG PO KHO NAS 'DI NA ME YOD DO SNYAM PA'I SHES PA SKYE'I, ,SNON PA SHES PA GNYIS PA LA NI MI LTOS SO, ,DE'I PHYIR SNON PA'I SHES PA DON GDON MI ZA BAR THAMS CAD DGOS PA NI MA YIN NO, ,'ON TE YANG RES 'GA' DGOS PA YOD PAS SGRUB PA'I YAN LAG NYID DU 'DOD DO ZHE NA, DE'I TSE LAG PA NA LA SOGS PA RES 'GA' DGOS PA RNAMS KYANG SGRUB PA'I YAN LAG NYID YIN PAR BRJOD DGOS TE, RTOGS PA GANG ZHIG LAG PA NA 'THUNGS NA, GUR KUM DANG TZAN DAN DAG GIS LUS BSKUS TE MCHU RTZI DMAR POS MDZES PAR BYAS, MGO LA ME TOG GI THOD BCINGS NAS DU BA MTHONG STE, ME SHES PAR BYED PA'I LAG PA NA LA SOGS PA YANG BSGRUB PA'I YAN LAG TU THAL BAR 'GYUR RO SNYAM PA 'DI YIN NO, ,MJUG SDUD PA NI DAM BCAS PA GSAL BA KHO NAS BSAL BA YIN TE, GANG DU DAM BCA' BA DANG POR SMOS MI BZOD PA DE'I TSE DE YANG SMOS PA'I GO SKABS LTA ZHING RGYANGS BCAD DE BOR BA YIN NO, ,THE TSOM DANG BA GAM PA LA SOGS PA NI RIGS PA CAN DAG NYID KYIS BKAG STE, DE LTA BAS NA SGRUB PA'I TSIG LA SBYOR BA JI SKAD BSHAD TSAD KHO NA ZHIG RIGS PA YIN NO, ,DE LTAR SGRUB PA'I TSIG GI TSAD BSHAD PA BSTAN @120B NAS, RIM PA NGES PA BSAL BA'I PHYIR, 'DI LA YANG ZHES BYA BA LA SOGS PA SMOS TE, TSAD DE TZAM GYI SGRUB PA'I TSIG 'DI LA BAR PHYOGS KYI CHOS DANG 'BREL BA SMOS PA DAG GI SBYOR BA NGES PA NI CI YANG MED DO, ,CI'I PHYIR ZHE NA, JI LTAR YANG RTOGS PAR BYED PA'I PHYIR RO ZHES BYA BA SMOS TE, GAL TE PHYOGS KYI CHOS SNGAR RAM, 'ON TE PHYIS SBYOR YANG RUNG, DE LTA NA YANG RTOGS PAR BYED PA KHO NA YIN NO, ,'DI LTAR NA RTOGS KYI GZHAN DU NA MI RTOGS PA'I PHYIR RIM PA DES RAB KHAS BLANG BAR BYA BA YIN NA, GAL TE GNYI GA LTAR YANG BTUB NA GO DE'I TSE RIM PA NGES PA CUNG ZAD KYANG MI DGOS SO, ,CHOS MTHUN PA CAN NYID DANG CHOS MI MTHUN PA CAN NYID DAG GIS SBYOR BA THA DAD PAR BSTAN PA GANG YIN PA DE LA CI DON THA DAD PA ZHIG YOD DAM 'O NA TRE MED CE NA, DE'I PHYIR, 'BREL PA SMOS PA LA YANG ZHES BYA BA LA SOGS PA SMOS TE, SBYOR BA GNYIS PO GANG GIS 'BREL PA BRJOD PA DE NI 'BREL PA SMOS PA YIN NO, ,DE LA YANG SBYOR BA 'BA' ZHIG THA DAD PAR ZAD KYI DON NI THA DAD PA CUNG ZAD KYANG MED DO, ,CI'I PHYIR DON THA DAD PA MED CE NA, DE'I PHYIR, GNYI GA LTAR YANG CHOS THA DAD KYANG ZHES BYA BA LA SOGS PA SMOS TE, BSGRUB PAR BYA BA DANG, SGRUB PA DAG GI CHOS THA DAD MOD KYI, 'ON KYANG CHOS MTHUN PA CAN NYID KYIS KYANG BSGRUB PAR BYA BA'I RANG BZHIN CAN GYIS GRUB PA STON LA, CHOS MI MTHUN PA CAN NYID KYIS KYANG STON TO, ,CHOS THA DAD PA NI LDOG PA'I BYE BRAG LAS BLTA BAR BYA STE, 'DI LTAR RTAG PA DAG LAS LOG PA NI MI RTAG PA NYID YIN LA MA BYAS PA DAG LAS LOG PA NI BYAS PA NYID YIN NO, ,DNGOS SU NI GCIG KHO NA YIN TE, 'DI LTAR MI RTAG PA GANG YIN PA DE YIN PA GANG YIN PA DE NYID BYAS PA YIN NO, ,YANG CI'I PHYIR CHOS MTHUN PA CAN NYID DANG, CHOS MI MTHUN PA CAN NYID DAG GIS DE'I NGO BO STON CE NA, DE'I PHYIR, DE'I RANG BZHIN MA YIN PA YOD NA ZHES BYA BA LA SOGS PA SMOS TE, GAL TE SGRUB PA'I CHOS BSGRUB PAR BYA BA'I RANG BZHIN CAN ZHIG YIN PA RMA GYUR NA, DE'I TSE GANG NA SGRUB PA YOD PA DE NA BSGRUB PAR BYA BA YOD PAR NGES PAR MI 'GYUR TE, 'DI LTAR GANG NA BYAS PA NYID YOD PA DE NA CIG DON MI ZA BAR BRTZAL MA THAG TU 'BYUNG BA NYID YOD DAM, RE ZHIG DE LTAR NA CHOS MTHUN PA CAN NYID @121A *, ,KYIS DE'I NGO BO STON PAR BSHAD PA YIN NO, ,CHOS MI MTHUN PA CAN NYID KYIS BSTAN PA'I PHYIR, DE'I RANG BZHIN MA YIN PA LOG NA YANG ZHES BYA BA LA SOGS PA SMOS TE, GAL TE SGRUB PA'I CHOS BSGRUB PAR BYA BA'I RANG BZHIN CAN ZHIG YIN PAR MA GYUR NA, DE'I TSE BSGRUB PAR BYA BA LOG NA CI'I PHYIR SGRUB PA'I CHOS GDON MI ZA BAR LDOG STE, 'DI LTAR GANG NA BRTZAL MA THAG TU 'BYUNG BA MED PA NYID MED PA DE NI CI BYAS PA NYID KYANG GDON MI ZA BAR MED DAM, MJUG BSDU BA'I THABS KYIS GNYIS CIG CAR SBYOR BA BSAL BA'I PHYIR, DE LTA BAS NA RJES SU 'GRO BA DANG LDOG PA DAG GI ZHES BYA BA LA SOGS PA SMOS TE, GANG GI PHYIR DE LTAR BSHAD MA THAG GI TSUL GYIS CHOS MTHUN PA NYID CAN DANG CHOS MI MTHUN PA CAN NYID DAG LAS JI SKAD BSHAD PA'I MTSAN NYID DANG LDAN PA GCIG SBYAR BAS KYANG GNYIS PA 'PHEN PA DE'I PHYIR SGRUB PA'I TSIG GCIG LA GNYIS SBYOR BA MI BYA'O, ,CHOS MTHUN PA CAN NYID DANG CHOS MI MTHUN PA CAN NYID NI 'DIR RJES SU 'GRO BA DANG LDOG PA'I SGRAR BSHAD DO, ,CI'I PHYIR GCIG LA GNYIS SBYOR BA MI 'DOD CE NA, DE'I PHYIR, DON MED PA'I PHYIR RO ZHES BYA BA SMOS TE, GCIG KHO NAS DE'I DON BSTAN PA BYAS ZIN NA GNYIS PA DON MED PA NYID DO, , GCIG GIS GNYIS PA'I DON JI LTAR STON PAR BYED CE NA, DE'I RANG BZHIN YIN PA NYID KYIS ZHES BYA BA LA SOGS PA SMOS TE, GANG GI TSE BSGRUB PA'I CHOS KYI BSGRUB PAR BYA BA'I CHOS KYI BDAG GI NGO BO YIN PA'I PHYIR RJES SU 'BREL TO ZHES BYA BA 'DI GRUB PA YIN PA DE'I TSE BSGRUB PAR BYA BA MED NA SGRUB PA MED PA GRUB PA KHO NAR BLTA BAR BYA STE, 'DI LTAR DE MED KYANG YOD NA DE'I NGO BO GA LAS YIN, DE LA CI'I PHYIR LDOG PA SMOS TE, GANG GI TSE BSGRUB PAR BYA BA MED NA GTAN TSIGS GDON MI ZA BAR MED PAR GRUB PA YIN PA DE'I TSE GTAN TSIGS GDON MI ZA BAR BSGRUB PAR BYA BA'I RJES SU 'GRO'O ZHES BYA BA 'DI YANG SGRUB PA YIN TE, 'DI LTAR GAL TE GTAN TSIGS BSGRUB PAR BYA BA DANG RJES SU MA 'BREL NA CI'I PHYIR TE LOG NA NGES PAR LDOG ,DE LA CI'I PHYIR RJES SU 'GRO BA SMOS, DE LA 'DI SNYAM DU RJES SU 'GRO BA SMOS PA KHO NAS LDOG PA SGRUB MOD KYI, 'ON KYANG 'DI NI NGES PAR BYA BA'I CHED YIN PAR @121B 'GYUR RO SNYAM NAS, DE'I PHYIR, LDOG PA'I SBYOR BA NI JI LTAR NA MED PA KHO NA LA MED PA YIN PAR STON PA ZHES BYA BA LA SOGS PA SMOS TE, GANG ZHIG LDOG PA SBYOR BA NI CI NAS KYANG BSGRUB PAR BYA BA MED PA LA GTAN TSIGS MED PA YIN PAR RTOGS PAR 'GYUR BA STE, BSGRUB PAR BYA BA LAS GZHAN PA LA YANG MA YIN LA, BSGRUB PAR BYA BA DANG 'GAL BA LA YANG MA YIN NO ZHES DE LTAR NGES PAR BSTAN PA'I DON YIN PAR BRJOD PA 'DI YANG RIGS PA MA YIN NO, ,CI'I PHYIR ZHE NA, GZHAN PA 'GAL BA DAG KYANG MI MTHUN PA'I PHYOGS YIN PA'I PHYIR RO ZHES BYA BA SMOS TE, GANG GI TSE MTHUN PA'I PHYOGS MA YIN PAS MI MTHUN PA'I PHYOGS ZHES BYA BA DE'I TSE GZHAN DANG 'GAL BA DAG LA YANG MI MTHUN PA'I PHYOGS YOD PA KHO NA'O, ,'DI LTAR GANG ZHIG MTHUN PA'I PHYOGS LAS GZHAN PA DE NI GDON MI ZA BAR MTHUN PA'I PHYOGS MA YIN LA, GANG ZHIG MTHUN PA'I PHYOGS DANG 'GAL BA DE YANG MTHUN PA'I PHYOGS MA YIN NO, ,MTHUN PA'I PHYOGS LAS GZHAN PA LA MI MTHUN PA'I PHYOGS NYID DU YONGS SU BZUNG NA GTAN TSIGS CHAD PAR THAL BAR MI 'GYUR TE, 'DI LTAR GZHAN NI 'JIG RTEN NA BRJOD PAR 'DOD PA'I CHOS KYI RTEN MA YIN PAR GRAGS KYI, CHOS GZHAN DANG LDAN PA NI MA YIN NO, ,'DI LTAR BRAM ZE LAS GZHAN PA KHRID DE SHOG SHIG CES BYAS NA BRAM ZE NYID KYI RTEN MA YIN PA RGYAL RIGS KHRID DE 'ONG GI MI NYID LA SOGS PA CHOS GZHAN DANG LDAN PA'I PHYIR BRAM ZE DE NYID GZHAN YIN PAS KHRID DE 'ONG BA NI MA YIN NO, ,STONG PA DANG BDAG MED PA LA SOGS PA YANG GZHAN YIN PA NYID KYIS MI MTHUN PA'I PHYOGS YIN PA'I PHYIR GTAN TSIGS CHAD PA MA YIN TE, 'DI LTAR DE DAG LA BYAS PA NYID MI 'JUG STE, 'DI LTAR CHOS RNAMS KYI CHOS RNAM PAR MI 'JOG GO, ,MTHUN PA'I PHYOGS DANG 'GAL BA MI MTHUN PA'I PHYOGS NYID YIN NA YANG GAL TE 'GAL BA 'BA' ZHIG LAS RNAM PAR GCOD PAR BYED NA NI DE'I TSE ME YOD PA LAS NI 'DI NA DRO BA'I REG PA YOD DO ZHES BYA BA 'DI LA DRO BA YANG MA YIN GRANG BA YANG MA YIN PA LAS RNAM PAR BCAD PAR MI 'GYUR RO, ,GANG GI TSE GZHAN YANG MI MTHUN PA'I PHYOGS YIN PA NYID KYI DRO BA YANG MA YIN GRANG BA YANG MA YIN PA LAS RNAM @122A *, ,PAR BCAD PAR SGRUB PA DE'I TSE NYES PA 'GA' YANG MED DO, ,DE LTAR TSIG GIS CHOS NYID KYI RJES SU 'GRO BA DANG LDOG PA DAG PHAN TSUN 'PHEN PAR BSTAN NAS, DNGOS SU 'BREL PA SGRUB PAR BZHED NAS GANG GI RJES SU 'GRO BA DANG LDOG PA DAG TU 'GYUR BA YOD PA GDON MI ZA BAR 'JIG PA'I RANG BZHIN YIN NO ZHES BYA BA 'DI NI JI LTAR KHONG DU CHUD CES BYA BA LA SOGS PA SMOS TE, RGYU GANG GIS NA YOD PA SKAD CIG MA NYID YIN PAS RJES SU 'GRO BA DANG LDOG PA DAG TU 'GYUR BA DNGOS PO YOD PA NI GDON MI ZA BAR 'JIG PAR 'GYUR RO ZHES BYA BA 'DI JI LTAR KHONG DU CHUD, 'DIR PHA ROL PO'I BSAM PA NI NAM MKHA' LA SOGS PA NI YOD KYANG RTAG PA KHO NA YIN NO, ,DNGOS PO MI RTAG PA DAG KYANG DUS GZHAN GYI BAR DU GNAS TE, 'DI LTAR DE DAG 'JIG PA'I RGYU DANG PHRAD NAS 'JIG GI ,JI SRID DU DE DANG MA PHRAD PA DE SRID DU GNAS SO, ,DNGOS PO RNAMS KYI 'JIG PA'I RGYU SGRUB KYANG MI DGOS TE, SHING LA SOGS PA LA ME LA SOGS PA BAB PAS 'JIG PA MTHONG NGO, ,MTHONG BA YANG BSNYON DU RIGS PA MA YIN NO SNYAM PA 'DI YIN TE, PHYOGS SNGA MA'O, ,GRUB PA'I MTHA' SMRA BAS, 'JIG PA'I RGYU MI RUNG BA'I PHYIR RO ZHES BYA BA SMOS SO, ,'DI LTAR 'DI DAG GI 'JIG PA'I RGYU DPYAD NA JI LTAR YANG MI 'THAD DO, ,'DI'I DGONGS PA YANG NAM MKHA' LA SOGS PA RTAG PA NYID YIN NA YOD PA BSGRUB PAR BYA BA KHO NA YIN NO, ,SHING LA SOGS PA ME LA SOGS PAS 'JIG GO ZHES BYA BA 'DI YANG MNGON SUM DU MA GRUB STE, RE ZHIG CI SHING LA SOGS PA ME LA SOGS PAS BSHIG STE, DE'I PHYIR MI SNANG BA ZHIG NI NA MA 'ON TE RANG GI DANG KHO NA ZHIG LA RGYU'I TSOGS PA MTSAN NYID MI MTHUN PA DANG PHRAD PAS GZHAN DU BYUNG STE, DE'I PHYIR MI SNANG ZHES BYA BA 'DI DPYAD PAR BYA'O SNYAM PA 'DI YIN NO, ,'JIG PA'I RGYU NI 'OG NAS KYANG DGAG PAR BYA'O, ,GAL TE 'JIG PA'I RGYUS DNGOS PO RNAMS MI 'JIG NA 'ON DE DAG JI LTAR 'JIG CE NA, DE'I PHYIR DNGOS PO RNAMS NI RANG GI NGO BO KHO NAS ZHES BYA BA LA SOGS PA SMOS TE, DNGOS PO RNAMS NI RANG GI NGO BO KHO NAS 'JIG PA'I DANG TSUL CAN YIN TE, DES NA SKAD CIG LAS PHAN TSUN DU MI GNAS KYI, RANG GI NGO BO GRUB ZIN PA 'DI DAG @122B PHYIS THO BA LA SOGS PA GZHAN GYI 'JIG PA NI MA YIN NO, ,DAM BCAS PA TZAM GYIS DON GRUB PA MA MTHONG BAS GTAN TSIGS DE LA NUS PA MED PA'I PHYIR RO ZHES BYA BA SMOS TE, 'DI LTAR 'JIG PA'I RGYUS DNGOS PO 'JIG PAR MI NUS SO, ,'DI LTAR 'JIG PA'I RGYUS DNGOS PO 'JIG NA GZHIG PAR BYA BA'I DNGOS PO DE NYID BYED DAM, 'ON TE DE LAS GZHAN PA GYO MO LA SOS PA'I NGO BO ZHIG BYED DAM, 'ON TE DNGOS PO MED PA ZHIG BYED CES BYA BA BRTAG PA GSUM MO, ,BRTAG PA DANG PO GSAL BA'I PHYIR, 'JIG PA'I RGYUS ZHES BYA BA LA SOGS PA SMOS TE, RE ZHIG 'JIG PA'I RGYUS GZHIG PAR BYA BA BUM PA LA SOGS PA'I RANG GI NGO BO BYED PA NI MA YIN TE, JI LTAR DE NI 'JI BA DANG DBYU GU DANG 'KHOR LO DANG SKUD PA DANG LAG NGAR DANG SOR MO DANG CHU LA SOGS PA RANG GI RGYU DAG NYID LAS GRUB ZIN PA KHO NA YIN NA, DE LA THO BA LA SOGS PAS GZHAN BYA CI DGOS TE, DE DAG NI RGYU MA YIN PA NYID DO, ,BRTAG PA GNYIS PA GSAL BA'I PHYIR, NGO BO NYID GZHAN ZHIG BYED NA YANG ZHES BYA BA LA SOGS PA SMOS TE, 'ON TE 'JIG PA'I RGYUS BUM PA LA MA GTOGS PA NGO BO NYID GZHAN ZHIG BYED NA DE LTA NA BUM PA DE'I SO NA 'DUG PA KHO NA YIN TE, DE LA 'JIG PA'I RGYUS CUNG ZAD KYANG MA BYAS SO, ,DE'I PHYIR MNGON BZHIN DU DMIGS PAR 'GYUR RO, ,SOGS PA SMOS PA NI DE BZHIN DU SBRANG RTZI DANG CHU LA SOGS PA CHU BA DANG, RKANG PA GCOD PA LA SOGS PA YANG BYED PAR 'GYUR BA BSDU BA YIN NO, ,DE LA 'DI SNYAM DU NGO BO NYID GZHAN GYI GYO MO LA SOGS PA'I NGO BO BYAS PA GANG YIN PA DES BUM PA BSGRIBS TE, DES NA JI SKAD DU BSHAD PA 'DI MI BYED DO SNYAM DU SEMS NA, DE'I PHYIR, NGO BO NYID GZHAN NI ZHES BYA BA LA SOGS PA SMOS TE, NGO BO NYID GZHAN YANG BUM PA LA SGRIB PAR MI BYED DO, ,CI'I PHYIR ZHE NA, DE'I SON 'DUG NA DE LA ZHES BYA BA LA SOGS PA SMOS TE, GAL TE BUM PA'I RANG GI NGO BOR NGAS PAR 'DUG NA DE LA SGRUB PAR YANG MI RUNG NGO, , YANG ZHES BYA BA'I SGRA NI BSDU BA'I DON TE, 'JIG PA MI RUNG BA 'BA' ZHIG TU MA ZAD KYI SGRIB PAR YANG MI RUNG NGO ZHES BYA BA'I THA TSIG GO, ,'DI LTAR SGRIB PA ZHES BYA BA NI DMIGS PA LA SOGS PA BSKYED PAR RUNG BA'I NGO BO NYID GZHAN DU BYED PA YIN NO, ,DE LTA MA YIN NA SGRIB PA NYID MI 'THAD DO, ,DE LTA BU'I @123A *, ,NGO BO NYID GZHAN DU BYED NA YANG SGRIB PAR BYED PAS BSHIG PA KHO NAR 'GYUR RO, ,GAL TE DE LTA YIN DU ZIN MOD CE NA MA YIN TE, DE LA BSHAD MA THAG PA'I RNAM PAR RTOG PA GSUM LAS MI 'DA' BA'I PHYIR RO, ,BRTAG PA GSUM PA DGAG PA'I PHYIR, 'JIG PA'I RGYUS DNGOS PO MED PAR BYED PA YANG ZHES BYA BA LA SOGS PA SMOS TE, 'JIG PA'I RGYUS BUM PA MED PAR BYED PA YANG MA YIN NO, ,CI'I PHYIR ZHE NA, MED PA TSUL ZHES BYA BA LA SOGS PA SMOS TE, GAL TE MA YIN PA'I NGO BO MED PA 'BRAS BU NYID DU 'DOD NA DE'I TSE MED PAR BYED DO ZHES BYA BAR 'DI LA TSIG GI DON NI DNGOS PO LAS GZHAN PA ZHIG BYED DO ZHES BYA BA 'DIR 'GYUR RO, ,DE'I PHYIR MA YIN PA 'JUG PAS MED PA 'BRAS BU NYID DU KHAS LEN NA BYED PA GANG YIN PA DE CI BUM PA LA THA DAD PA ZHIG GAM, 'ON TE THA DAD PA MA YIN PA ZHES BYA BA RNAM PAR BRTAG PA GNYIS LAS MI 'DA' STE, DE LA YANG NYES PA BSHAD ZIN TE, ,TSUL ZHES BYA BA'I SGRA NI 'DIR MA YIN PA YIN PAR RIG PAR BYA'O, ,DE LA 'DI SNYAM DU 'ON MED PA DGAG PA YIN PAR 'GYUR RO SNYAM NA DE'I PHYIR, DNGOS PO DGAG PA'I NGO BO NYID GCIG YIN NA 'ANG ZHES BYA BA LA SOGS PA SMOS TE, GAL TE MED PAR DGAG PA LA BRTEN NA DE'I TSE TSIG GI DON DNGOS PO MI BYED CES BYA BA 'DIR 'GYUR TE, DNGOS PO MI BYED PA LA RGYU NYID MED PAS 'JIG PA'I RGYU ZHES BYA BA CI YANG MA GRUB BO, ,DNGOS PO DGAG PA'I NGO BO ZHES BYA BA'I SGRA NI 'DIR MED PAR DGAG PA LA BYA BA'O, ,DE LTAR NA 'JIG PA'I RGYU LA NUS PA MED PAR BSTAN PA YIN NO, ,DA NI NUS PA KHAS BLANGS NAS KYANG 'BRAS BU MED PA NYID DU BSTAN PA'I PHYIR, DON MED PA'I YANG PHYIR TE ZHES BYA BA SMOS SO, ,YONGS SU BRTAGS NA 'JIG PA'I RGYU 'DI NI DON MED PA YIN TE, 'DI LTAR 'DI LA DNGOS PO BSTAN PA'I RANG BZHIN ZHIG YIN PA 'AM MI BRTEN PA'I RANG BZHIN ZHIG YIN PAR 'GYUR GRANG ZHES BRTAG PA RNAM PA GNYIS SO, ,DE LA BRTAG PA DANG PO'I DBANG DU BYAS NAS GAL TE DNGOS PO RANG GI NGO BOS 'JIG PA YIN NA ZHES BYA BA LA SOGS PA SMOS TE, GAL TE DNGOS PO RANG GI NGO BO KHO NAS 'JIG PA YI NA 'JIG PA'I RGYU CI ZHIG DGOS, SROG RKER PHYIN TE SHI @123B LA THUG PA NI GSOD PAR BYED PA'I 'BAD PA 'BRAS BU DANG BCAS PA MA YIN NO, ,CI'I PHYIR 'BRAS BU MED SNYAM NA, DE'I NGO BO NYID YIN PA KHO NAS ZHES BYA BA LA SOGS PA SMOS TE, 'DI 'JIG PA'I NGO BO YIN PA KHO NAS BDAG NYID 'JIG NA RANG TSIG PA DE LA ME CI ZHIG DGOS, DE LA 'DIS SNYAM DU 'JIG PA'I RGYU DAG GIS 'DI 'JIG PA'I NGO BO NYID DU BYED DO SNYAM NA, GANG ZHIG GANG GI NGO BO NYID YIN PA ZHES BYA BA LA SOGS PA SMOS TE, DNGOS PO GANG GI RANG GI NGO BO GANG YIN PA DE NI RANG GI RGYU DAG KHO NA LAS SKYE BAR 'GYUR GYI, DANG PO DNGOS PO SKYE LA PHYIS RANG GI NGO BO DE LTA BU THOB PAR BYA BA'I PHYIR RGYU GZHAN LA LTOS PA NI MA YIN NO, ,'DIR DPE GSAL BA DANG GSHER BA DANG DRO BA ZHES BYA BA LA SOGS PA SMOS TE, GSAL BA DANG, GSHER BA DANG, DRO BA DANG, SRA BA ZHES BYA BAR BSDU'O, ,GSAL BA NI SGRON MA LA SOGS PA'O, ,GSHER BA NI CHU LA SOGS PA'O, ,DRO BA NI ME'O, ,SRA BA NI SA LA SOGS PA'O, ,GSAL BA DANG GSHER BA DANG DRO BA DANG SRA BA DAG STE, RJES DE DAG CES BYA BAR TSIG RNAM PAR SBYAR RO, ,DE DAG DANG 'DRA BA YIN PAS NA DE DAG DANG 'DRA BA'O, ,DPE BSTAN PA'I PHYIR, GSAL BA LA SOGS PA ZHES BYA BA LA SOGS PA SMOS TE, GSAL BA LA SOGS PA JI SKAD DU BSHAD PA GSAL BA DANG, GSHER BA DANG, DRO BA DANG, SRA BA LA SOGS PA NGO BOR BYUNG BA RNAMS NI YANG DE DAG GIS BDAG NYID DU BYA BA STE, GSAL BA LA SOGS PA'I RANG GI NGO BO NYID DU BYA BA'I PHYIR RANG GI RGYU LA MA GTOGS PA RGYU GZHAN LA LTA CI SMOS SO, ,CI'I PHYIR ZHE NA, DE'I BDAG NYID LA DE'I BDAG NYID MED NA BDAG NYID MED PAR THAL BAR 'GYUR RO ZHES BYA BA SMOS TE, GANG ZHIG GANG GI NGO BO YIN PAR 'DOD PA DE GAL TE DE'I NGO BOR 'BYUNG BA NA MI 'GYUR NA DE'I TSE RANG GI NGO BO MED PA KHO NAR 'GYUR RO, ,DPE LA RAB TU GRUB PA'I DON DNGOS LA SBYAR BA'I PHYIR, DE DANG 'DRA BAR GAL TE MI GNAS PA'I CHOS CAN ZHIG YIN NA NI ZHES BYA BA LA SOGS PA SMOS TE, JI LTAR GSAL BA LA SOGS PA RANG GI RGYU DAG LAS GSAL BA LA SOGS PA'I BDAG NYID DU 'BYUNG BA DE BZHIN DU GAL TE MI GNAS PA'I CHOS CAN ZHIG YIN NA NI NGO BO NYID KYIS NGO BO GRUB PA YANG MI GNAS PA'I CHOS CAN NYID DU BYA BA'I @124A *, ,PHYIR RANG GI RGYU LAM GTOGS PAR RGYU GZHAN LA LTOS PA NI MA YIN NO, ,'DI LA MI GNAS PA'I CHOS YOD PA 'DI NI MI GNAS PA'I CHOS CAN TE RANG BZHIN MI GNAS PA MJUG THOGS SU 'JIG PA CAN ZHES BYA BA'I THA TSIG GO, ,SBYOR BA NI KHYAB PAR BYED PA 'GAL BA DMIGS PA ZHES BYA BA 'DI YIN TE, RGYU GZHAN LA LTOS PA LA NI DE'I NGO BO NYID MA YIN PAR KHYAB PO, ,DE DANG 'GAL BA NI NGO BO NYID YIN PA STE, BA MO'I REG PA LA KHYAB PAR BYED PA DANG 'GAL BA DRO BA'I REG PA BZHIN NO, ,GZHAN GYI 'KHRUL PA GLENG PA'I DOGS PA BSU BAR, SA BON LA SOGS PA BZHIN DU ZHES BYA BA LA SOGS PA SMOS SO, ,DE NYID RNAM PAR GROL BA'I PHYIR, 'DI SNYAM DU ZHES BYA BA LA SOGS PA SMOS TE, SA BON LA SOGS PA MYU GU LA SOGS PA SKYED PA'I RANG BZHIN YIN MOD KYI, 'ON KYANG 'BA' ZHIG GIS RANG GI 'BRAS BU SKYED PAR BYED PA MA YIN GYI CHU LA SOGS PA RGYU GZHAN LA LTOS SO, ,DE DANG 'DRA BAR DNGOS PO YANG 'JIG PA'I RANG BZHIN YIN MOD KYI, 'JIG PAR BYA BA'I PHYIR THOB LA SOGS PA RGYU GZHAN LA LTOS SO ZHES BYA BA NI PHYOGS SNGA MA'I DOGS PA'O, ,GRUB PA'I MTHA' SMRA BAS MA YIN TE, DE'I NGO BO NYID NI ZHES BYA BA LA SOGS PA SMOS TE, SA BON LA SOGS PA MYU GU LA SOGS PA SKYE BA'I NGO BO NYID KYI RGYU GANG YIN PA DE NI RANG GI 'BRAS BU BSKYED PA KHO NA STE, GZHAN LA MI LTOS SO, ,SKYE BA LA SOGS PA'I GNAS SKABS NA LTOS PA GANG YIN PA DE NI SKYED PA'I NGO BO NYID DU MI 'DOD PA KHO NA YIN PAS 'KHRUL PAR GA LAS 'GYUR, DE LA 'DI SNYAM DU NGO BO NYID GCIG PA YIN NA, DE JI LTAR RUNG SNYAM DU SEMS NA, DE NYID KYI PHYIR GNAS SKABS DE GNYIS ZHES BYA BA LA SOGS PA SMOS TE, GANG GI PHYIR DE LTAR SKYED PAR BYED PA NI 'BRAS BU SKYED PA'I NGO BO NYID YIN LA, SKYED PAR BYED PA NI DE'I NGO BO NYID DU MI 'DOD PA DE NYID KYI PHYIR SA BON LA SOGS PA'I SKYED PAR BYED PA DANG SKYED PAR BYED PA MA YIN PA'I GNAS SKABS DAG DNGOS PO THA DAD PAR NGES PAR BYA STE, NGO BO NYID SNA TSOGS PA YIN PAR KHONG DU CHUD PAR BYA'O ZHES BYA BA'I THA TSIG GO, ,SKYED PAR BYED PA NYID DANG, SKYED PAR BYED PA MA YIN PA NYID KYIS BYE BRAG YOD PAR GYUR DU CHUG NA YANG NGO BO NYID THA DAD PA GO CI'I @124B PHYIR 'GYUR ZHE NA, DNGOS PO RNAMS KYI NGO BO NYID GZHAN DU 'GYUR BA NYID MED PAS ZHES BYA BA LA SOGS PA SMOS TE, GAL TE GNAS SKABS 'DI GNYIS NGO BO NYID THA DAD PAR MA GYUR NA DE'I TSE DE'I NGO BO NYID GNAS SKABS THA MA BZHIN DU SNGON GYI GNAS SKABS NA YANG SKYED PAR BYED PA NYID DU THAL BAR 'GYUR RO, ,DE LTAR THA DAD PA YIN PAR BSTAN NAS MJUG BSDU BA'I PHYIR, DE LTA BAS NA GNAS SKABS KYI BYE BRAG THA MA GANG YIN PA ZHES BYA BA LA SOGS PA SMOS TE, GANG GI PHYIR DE SKAD DU BSHAD PA'I RNAM PAS GNAS SKABS DE NYID NGO BO NYID THA DAD PA DE'I PHYIR DE LA GNAS SKABS KYI BYE BRAG THA MA GANG YIN PA DE NYID MYU GU SKYED PA'I NGO BO NYID YIN GYI, GZHAN NI MA YIN NO ZHES BYA BAR GNAS SO, ,'ON CI'I PHYIR 'BRAS BU DON DU GNYER BA RNAMS SNGON GYI GNAS SKABS SU DE NYE BAR LEN PAR BYED, JI LTAR NA NI RGYU ZHES THA SNYAD 'DOGS SHE NA, DE'I PHYIR, SNGON GYI GNAS SKABS NA YOD PA'I BYE BRAG RNAMS NI ZHES BYA BA LA SOGS PA SMOS TE, RGYU GANG DAG SNGON GYI GNAS SKABS NA YOD PA DE DAG NI RGYU'I RGYU DAG YIN NO, ,'DI LTAR GNAS SKABS THA MA GANG YIN PA DE NI NYE BA'I THA MA'I GNAS SKABS KYI RGYU CAN YIN LA, NYE BA'I THA MA'I GNAS SKABS NI DE LAS GZHAN PA'I GNAS SKABS DAG NI RGYU CAN YIN TE, DE BZHIN DU DE NAS PHYUNG BA'I GNAS SKABS NI SKYEN 'DUG PA'I GNAS SKABS KYI RGYU CAN GYI BAR DU YIN NO, ,SGYE NA 'DUG PA'I GNAS SKABS MED PAR YANG DE NAS PHYUNG BA'I GNAS SKABS MED LA, DE BZHIN DU NYE BA'I THA MA'I GNAS SKABS MED PAR YANG GNAS SKABS THA MA MED PA'I BAR DU YIN TE DE LTAR NA SNGON GYI GNAS SKABS NA YOD PA'I RGYU RNAMS LA RGYU ZHES BYA BA'I THA SNYAD 'DOGS SHING 'BRAS BU DON DU GNYER BAR LEN GYI DNGOS SU RGYU YIN PA'I PHYIR NI MA YIN PAS MA NGES PA YIN NO, ,RGYU'I RGYU NI RGYU DAG YIN NO, ,DE DAG GI NGO BO NI DE DAG NYID DE, DE LTA BAS NA ZHES BYA BA NI DE LTA BU LA SOGS PA YIN NO, ,CI'I PHYIR SKAD CIG MA THA DAD PA DE LTA BU 'DI DNGOS PO'I NGO BO GCIG PAR SNANG ZHE NA, DE'I PHYIR DNGOS PO SKAD CIG MA RNAMS LA ZHES BYA BA LA SOGS PA SMOS TE, DNGOS PO THAMS CAD NI SKAD CIG TU 'JIG PA YIN LA, DE DAG LA YANG SKAD CIG @125A *, ,MA GZHAN DANG GZHAN SKYEN DE DAG LA GCIG PA NYID GA LA YOD, GZHAN GYI TSIG GI GO SKABS KYI DOGS PA BSU BAR, GAL TE THA MA DAG NUS PA YIN NA ZHES BYA BA LA SOGS PA SMOS TE, GAL TE RGYU RNAMS KYI GNAS SKABS THA MA KHO NA LA MNGON SUM DU NUS PA NYID DU 'DOD NA CI STE 'BRAS BU SKYED PAR MI BYED, 'DIR YANG PHA ROL PO CI STE SO SOR 'BRAS BU RE RE SKYED PAR MI BYED CES DE SNYAM DU SEMS SHING SPYIR RGAL ZHING RTAG PAR BYED DO, ,GRUB PA'I MTHA' SMRA BAS KYANG DE'I KHONG NA 'KHRUL PA MI MKHYEN PA LTAR BRDZUS NAS LAN DU, SKYED PAR BYED PA KHO NA'O ZHES BYA BA LA SOGS PA SMOS TE, GANG DAG NUS PA DE DAG NI GDON MI ZA BAR SKYED PAR BYED DO, ,DE DAG GI THA MA'I GNAS SKABS 'DI LA GZHAN DU 'GYUR BA MED DO, ,MI SKYED PA TZAM LA 'DIR GZHAN DU 'GYUR BA'I SGRAR BSHAD DO, ,CI'I PHYIR GDON MI ZA BAR BSKYED CE NA, NGO BO NYID BZLOG PA MED PA'I PHYIR ZHES BYA BA SMOS TE, 'DI LTAR 'DI DAG GI 'BRAS BU BSKYED PA'I NGO BO NYID GNAG YIN PA DE NAM YANG BZLOG PAR MI 'GYUR TE, BZLOG PA NI 'DIR BSKYED PAR MI BYED PA NYID YIN NO, ,GZHAN RANG GI BSAM PA SGROGS PA'I DOGS PA BSU BAR, GAL TE LHAN CIG BYED PA DE DAG THAMS CAD CES BYA BA LA SOGS PA SMOS TE, LHAN CIG BYED PA NYID DU MNGON BAR 'DOD PA'I RGYU'I KHYAD PAR THA MA'I GNAS SKABS NA YOD PA DE DAG THAMS CAD SO SRO 'BRAS BU SKYED PAR NUS PA YIN TE, DE'I PHYIR DE LA GZHAN GYI NYE BAR SBYOR BA CI ZHIG DGOS, GANG GIS NA LHAN CIG KHO NAR 'BRAS BU GCIG SKYED PAR BYED PA SO SOR NI MA YIN NO ZHES BYA BA NI PHYOGS SNGA MA'I DOGS PA'O, ,GRUB PA'I MTHA' SMRA BAS, DNGOS PO RNAMS LA NI ZHES BYA BA LA SOGS PA SMOS TE, DNGOS PO RNAMS LA NI GANG GIS NA 'DI GCIG PUS KYANG 'BRAS BU BSKYED PAR BYA BAR NUS NA BDAG CAG LHAG PAS CI ZHIG BYA ZHES DE SNYAM DU BRTAGS NAS, GZHAN LDOG PAR 'GYUR ZHES BYA BA DE LTA BUR RTOGS PAR 'GYUR BA RTOG PA SNGON DU GTONG BAR BYED PA CAN DAG NI 'GA' YANG MED DO, ,GANG DAG LA RTOG PA SNGON DU GTONG BAR BYED PA'I DANG TSUL YOD PA DE DAG NI RTOG PA SNGON DU GTONG BAR BYED PA CAN DAG STE, RTOG PA NI DPYOD PA DANG SEMS @125B PA ZHES BYA BA'I THA TSIG GO, ,GAL TE RTOG PA SNGON DU GTONG BAR BYED PA CAN DAG MA YIN NA 'O NA JI LTAR RTAG TU LHAN CIG KHO NAR BYED CE NA, DE'I PHYIR SEMS PA MED PAR BYED PA CAN ZHES BYA BA SMOS TE, GANG DAG LA SEMS PA MED PAR BYED PA YOD PA DE DAG NI SEMS PA MED PAR BYED PA CAN, , DAG STE, BLO SNGON DU MA GTONG BAR BYED PA CAN DAG BYA BA'I THA TSIG GO, ,GAL TE BLO SNGON DU GTONG BAR BYED PA CAN DAG CIG MA YIN NA 'O NA CI'I PHYIR RTOG PA SNGON DU GTONG BAR BYED PA CAN DAG KHO NA BZHIN DU GCIG TU 'DU ZHE NA, DE'I PHYIR RANG GI RGYU YONGS SU GYUR PAS 'DU BA'I CHOS CAN GANG YIN LA ZHES BYA BA SMOS TE, RANG GI 'DU BA'I RGYU YONGS SU GYUR PA NI RANG GI RGYUR YONGS SU GYUR PA'O, ,GANG DAG LA RANG GI RGYU YONGS SU GYUR PAS 'DU BA'I CHOS YOD PA DE DAG NI RANG GI RGYU YONGS SU GYUR PAS 'DU BA'I CHOS CAN DAG YIN NO, ,'DU BA NI RUNG BA'I YUL DU TSOGS PA STE, NYE BA DANG RUNG BA ZHES BYA BA'I THA TSIG GO, ,CI'I PHYIR DE DAG DE LTAR 'GYUR ZHE NA, DE'I PHYIR, DE'I RANG BZHIN LAS DE LTA BUR 'GYUR BA LA ZHES BYA BA SMOS SO, ,DE LTA BU'I RANG BZHIN NI DE'I RANG BZHIN TE, DE LTA BU ZHES BYA BA NI RUNG BA'I YUL DU TSOGS NAS BSKYED PA'O, ,DE LTA BUR 'GYUR BA ZHES BYA BA NI TSOGS SHING 'BRAS BU SKYED PAR BYED PA DAG GO, ,GANG GI PHYIR 'DI DAG RTOG PA SNGON DU GTONG BAR BYED PA CAN DAG MA YIN GYI, RANG GI RGYU YONGS SU GYUR BA'I DBANG PO KHO NAS GCIG TU 'DU BAR GYUR PA 'BA' ZHIG TU ZAD PA DE'I PHYIR, RUNG BA'I YUL DU TSOGS NAS SKYED PAR BYED PA'I RANG BZHIN GYI DBANG GIS 'DUS PA RNAMS 'BRAS BU SKYED PAR BYED PA LA JI STE RE RE KHO NAS SKYED PAR MI BYED CES KLAN KA BTZAL BAR 'OS PA MA YIN NO, ,YANG DE LTA MA YIN PAR GZHAN GYI DOGS PA BSU BA'I PHYIR, GAL TE NUS PA DAG CES BYA BA LA SOGS PA SMOS TE, GAL TE RGYU YONGS SU GYUR PA'I DBANG GIS 'DUS PA RNAMS MI LDOG TU ZAD NA NUS PA DAG YIN PA GO CI STE SO SOR 'BRAS BU DAG GZHAN DANG GZHAN SKYED PAR MI BYED PAR 'BRAS BU GCIG GIS YONGS SU DGA' STE, 'KHOD CES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS MA YIN TE, DE KHO NA LA ZHES BYA BA LA SOGS @126A *, ,PA SMOS TE, DE NYID RNAM PAR GROL BA'I PHYIR, GCIG BU DE NYID BSKYED PAR BYA BAR ZHES BYA BA LA SOGS PA SMOS TE, GANG GI PHYIR DE LTAR 'BRAS BU GCIG BSKYED PAR NUS KYI GZHAN NI MA YIN PA DE'I PHYIR GZHAN DANG GZHAN SKYED PAR MI BYED DO, ,YANG GZHAN GYI TSIG GI GO SKABS KYI DOGS PA BSU BAR, GAL TE MIG LA SOGS PA LHAN CIG BYED PA NGO BO NYID THA DAD PA DAG LAS ZHES BYA BA LA SOGS PA SMOS TE, GANG GI TSE MIG LA SOGS PA NGO BO NYID THA DAD PA RNAMS 'BRAS BU GCIG PA BSKYED PA DE'I RGYU'I BYE BRAG LAS 'BRAS BU'I BYE BRAG TU MI 'GYUR RO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS MA YIN TE, BDAG NYID JI LTA BU'I NGO BO NYID THA DAD PAS ZHES BYA BA LA SOGS PA SMOS TE, GANG GI PHYIR LHAN CIG BYED PA RNAMS GANG GI BDAG NYID KYI NGO BO NYID KYI BYE BRAG GANG YIN PA DE DAG NYID JI LTA BA'I NGO BO NYID KYI BYE BRAG DES 'BRAS BU KHYAD PAR DU BYA BA LA NYE BAR SBYAR BA DE'I PHYIR, DE'I NYE BAR SBYOR BA DAG GIS BYA BA'I KHYAD PAR GANG DAG YIN PA DE DAG 'CHOL BA MED PA'I PHYIR JI SKAD SMRA PA'I NYES BAR THAL BAR 'GYUR BA MED DO, ,DE'I KHYAD PAR NI DE'I KHYAD PAR TE ZHES BYA BA NI 'BRAS BU LA BYA'O, , DE'I KHYAD PAR LA NYE BAR SBYOR BA NI DE'I KHYAD PAR LA NYE BAR SBYOR BA STE, NYE BAR SBYOR BA NI BYED PA'O, ,DE DAG GI NYE BAR SBYOR BA NI DE'I NYE BAR SBYOR BA DAG STE, DE ZHES BYA BA'I SGRA NI RGYU RNAMS LA BYA'O, ,NYE BAR SBYOR ZHES BYA BA'I SGRA NI NUS PA DAG YIN TE, DE DAG NYE BAR SBYOR BA DAG GIS BYA BA NI DE'I NYE BAR SBYOR BAS BYA BA DAG GO, ,DE DAG NI DE'I NYE BAR SBYOR BAS BYA BA YANG YIN LA KHYAD PAR YANG YIN PAS ZHES TSIG RNAM PAR SBYAR TE, DE DAG 'CHOL BA MED PA LA DE SKAD CES BYA'O, ,DE LA DPE, DPER NA 'JIM PA'I GONG BU DANG RDZA MKHAN ZHES BYA BA LA SOGS PA SMOS TE, BUM PA LA NI 'JIM PA'I GONG BU LA SOGS PA KHYAD PAR DU BYA BA KHO NA LAS BYED DO, ,'JIM PA'I GONG BU DANG RDZA MKHAN DANG SKUD PA ZHES BYA BAR TSIG RNAM PAR SBYAR TE, SOGS PA SMOS PAS NI CHU LA SOGS PA YONGS SU BA SPU'O, ,'JIM PA'I GONG BU LA SOGS PA'I BYED PA SO SOR BSTAN PA'I PHYIR, 'JIM @126B PA'I GONG DU LAS NI 'JIM PA'I NGO BO NYID MA YIN PA ZHES BYA BA LA SOGS PA SMOS TE, 'JIM PA'I GONG BUS NI BUM PA 'JIM PA'I NGO BO NYID MA YIN PA SHING LA SOGS PA GANG DAG YIN PA DE DAG DANG MTSAN NYID MI MTHUN PA 'JIM PA'I NGO BO NYID DU 'DUG PAR BYED DO, ,RDZA MKHAN GYIS NI 'JIM NGO BO NYID KYIS BUM PA NYID GSUM PA DANG KHONG CHE BA LA SOGS PA'I RNAM PAS RIL PA SPYI BLUGS LA SOGS PA LAS NGO BO NYID THA DAD PAR BYED DO, ,SKUD PAS NI 'JIM PA'I BDAG NYID NGANG GSUS PA DANG KHONG CHE BA LA SOGS PA'I RNAM PA CAN DE NYID 'KHOR LO LAS RNAM PAR PHYE BA'I NGO BO NYID DU BYED DO, ,'JIM PA DANG DBYIBS KYI BYE BRAG CES BYA BAR TSIG RNAM PAR SBYAR TE, GANG LA BDAG NYID DE DAG YOD PA DE LA DE SKAD CES BYA'O, ,DE LTAR BYED PA'I BYE BRAG GIS YUL THA DAD PA NYID DU BSTAN NAS MA 'CHOL BA BSTAN PAR BYA BA'I PHYIR, DE LTAR NA RDZA MKHAN LAS NI ZHES BYA BA LA SOGS PA SMOS TE, GANG GI PHYIR DE LTAR BYED PA'I YUL THA DAD PA DE'I PHYIR DE LTAR BSHAD PA'I RNAM PAS NA 'JIM PA KHO NAS BUM PA 'JIM PA'I NGO BO NYID DU BYED PA'I RDZA MKHAN GYIS NI MA YIN LA, RDZA MKHAN KHO NAS GSUM PA DANG KHONG CHE BA LA SOGS PA'I RNAM PAR BYED KYI 'JIM PAS NI MA YIN PAS MA 'CHOL BAR GRUB PA YIN NO, ,DE LA 'DI SNYAM DU 'JIM PA DANG RDZA MKHAN DAG GI BYED PA'I YUL THA DAD PA'I PHYIR BUM PA NGO BO NYID GNYIS SU THAL BAR 'GYUR SNYAM DU SEMS NA, DE'I PHYIR, DE GNYIS KYI NUS PA'I YUL ZHES BYA BA LA SOGS PA SMOS TE, 'JIM PA DANG RDZA MKHAN DAG GI NUS PA'I KHYAD PAR GYIS YUL THA DAD PA'I PHYIR BUM PA NGO BO NYID GNYIS SU THAL BAR 'GYUR RO SNYAM DU SEMS NA, 'ON KYANG DE GNYIS KYANG BSKYED PA'I RNAM PA BUM PA'I KHYAD PAR NI NGO BO NYID THA DAD PAR MI 'GYUR RO, ,NUS PA'I BYE BRAG NI 'JIM PA'I KHYAD PAR RO, ,DE'I YUL THA DAD PA NI YUL SNA TSOGS PA NYID DO, ,DE DAG GIS BSKYED PA NI DES PA BSKYED PA STE, 'DI NI DES BSKYED PA YANG YIN LA KHYAD PAR YANG YIN PAS ZHES TSIG RNAM PAR SBYAR RO, ,DE'I BYE BRAG NI DES BSKYED PA'I KHYAD PAR GYI BYE BRAG STE, KHYAD PAR ZHES BYA BA'I SGRA NI 'DIR RNAM PA LA BYA'O, ,BYE BRAG CES BYA BA'I SGRA @127A *, ,NI KHYAD PAR YIN NO, ,RNAM PA GCIG TU NA KHYAD PAR YANG YIN LA BYE BRAG KYANG YIN PAS KHYAD PAR GYI BYE BRAG GO, ,CI'I PHYIR NGO BO NYID THA DAD PA YIN ZHE NA, 'JIM PA DANG DBYIBS DAG CES BYA BA LA SOGS PA SMOS TE, GAL TE 'JIM PA DANG DBYIBS NGO BO NYID GCIG PA NYID DU MA GYUR NA DE'I TSE 'JIM PA DANG DBYIBS DAG PHAN TSUN NGO BO NYID THA DAD PA'I PHYIR 'JIM PA GSUS PA DANG KHONG CHE BA LA SOGS PA'I RNAM PAR MI SNANG BAR 'GYUR LA, DBYIBS KYANG 'JIM PA'I NGO BOR SNANG BAR MI 'GYUR RO, ,GANG DAG LA PHAN TSUN GYI BDAG NYID YOD PA DE DAG NI PHAN TSUN GYI BDAG NYID CAN DAG GO, , DE'I NGO BO NI PHAN TSUN GYI BDAG NYID CAN NYID DO, ,PHAN TSUN GYI BDAG NYID CAN MA YIN PA NI PHAN TSUN GYI BDAG NYID CAN MA YIN PA NYID DE RGYUR GYUR PA DES SO, ,'DIR BYE BRAG PA'I LUGS KYI DOGS PA BSU BAR, GAL TE DBYIBS YON TAN NI ZHES BYA BA LA SOGS PA SMOS TE, DBYIBS ZHES BYA BA'I YON TAN NI RDZAS LAS GZHAN PA KHO NA YIN NO, ,DE'I PHYIR RDZA MKHAN DANG 'JIM PA'I GONG BU DAG GI NYE BAR SBYOR BA'I YUL GANG YIN PA DE NGO BO NYID THA DAD PA KHO NA YIN TE, 'DI LTAR 'JIM PAS NI 'JIM PA'I RDZAS BYED LA, RDZA MKHAN GYIS NI DBYIBS ZHES BYA BA'I YON TAN BYED PAS YUL THA DAD PA KHO NA YIN NO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, 'DI LA BSHAD ZIN TO ZHES BYA BA SMOS TE, 'JIM PA DANG DBYIBS DAG PHAN TSUN GYI BDAG NYID CAN MA YIN PA NYID KYI DE GNYIS DBYIBS DANG 'JIM PA'I NGO BO DAG TU MI SNANG BAR THAL BAR 'GYUR RO ZHES BYA BA YIN NO, ,GTAN TSIGS GZHAN BSTAN PA'I PHYIR GZHAN YANG, 'JIM PA LAS DBYIBS ZHES BYA BA LA SOGS PA SMOS TE, GAL TE DBYIBS DE 'JIM PA LAS GZHAN PA ZHIG YIN NA CI STE RDZA MKHAN GYIS LOGS SHIG MI BYED, GANG DAG THA DAD PA DE DAG NI RES 'GA' LOGS SHIG TU YANG BYED DE, DE DAG LOGS SHIG TU MI BYA BA GDON MI ZA BA CAN NI MA YIN NO, ,DE LA BYE BRAG PA'I LAN GYI DOGS PA BSU BAR GAL TE YON TAN NI RDZAS KYI GZHAN GYI DBANG YIN PAS ZHES BYA BA LA SOGS PA SMOS TE, YON TAN NI DUS THAMS CAD DU RDZAS KYI GZHAN GYI DBANG YIN NO, ,DE'I @127B PHYIR NA LOGS SHIG TU BYA BAR MI NUS TE, 'DI LTAR YON TAN GYI MTSAN NYID NI RDZAS LA BRTEN PA NYID DU BRJOD PA YIN NA DE JI LTAR RDZAS LA MI LTOS PAR LOGS SHIG TU BYED PAR 'GYUR ZHES BYA BA NI PHYOGS SNGA MA'I DOGS PA YIN NO, ,BYE BRAG BA KHO NAS SANGS RGYAS PA'I KLAN KA'I DOGS PA BSU BAR, GAL TE RANG BZHIN GYI RDZAS DE DBYIBS DE'I RTEN GYI BDAG NYID CAN YIN PA 'AM ZHES BYA BA LA SOGS PA SMOS TE, GANG GI TSE RANG BZHIN KHO NAS BUM PA LA SOGS PA'I RDZAS DE GSUS PA DANG KHONG CHE BA LA SOGS PA'I RNAM PA'I DBYIBS KYI RTEN GYI NGO BO NYID GCIG YIN PA 'AM, DBYIBS DE LTA BU'I DE BUM PA'I RDZAS LA RAG LAS PA ZHIG YIN PA DE'I TSE DE LA RDZA MKHAN GYI BYED PA LA LTOS CI DGOS, RANG KHO NAS CI'I PHYIR MI 'GYUR SNYAM BA NI KLAN KA BA'I BSAM PA YIN NO, ,DE YANG YIN LA DBYIBS KYANG YIN PAS DBYIBS DE'O, ,DE'I RTEN NI DBYIBS DE'I RTEN NO, , 'DI LA DBYIBS DE'I RTEN GYI BDAG NYID YOD PAS 'DI NI DBYIBS DE'I RTEN GYI BDAG NYID CAN NO, ,DE ZHES BYA BA'I SGRA NI BUM PA LA YOD PA'I DBYIBS YONGS SU BZUNG NGO, ,DE LA RAG LUS PA NI DE LA RAG LUS PA'O, ,'DI LA DE LA RAG LUS PA'I BDAG NYID YOD PAS 'DI NI DE LA RAG LUS PA'I BDAG NYID CAN DE, DE ZHES BYA BA'I SGRA NI RDZAS DANG SBYAR RO, ,BYE BRAG PAS DE LTAR PHA ROL PO'I KLAN KA LA DOGS PAR BYAS NA LAN DU MA YIN TE, DE LAS PHAN TSUN ZHES BYA BA LA SMOS TE, GANG GI PHYIR BUM PA ZHES BYA BA'I RDZAS GANG YIN PA DANG, GSUS PA DANG KHONG CHE BA LA SOGS PA'I RNAM PA'I KHYAD PAR GANG YIN PA 'DI GNYI GA YANG RDZA MKHAN LAS PHAN TSUN 'BREL DU RUNG BA NYID THOB PA DE'I PHYIR RDZA MKHAN LA LTOS TE 'BREL PA NI 'DIR RTEN DANG GNAS PA'I MTSAN NYID YIN PAR BSAM PA'O, ,RDZA MKHAN LA MA LTOS NA YANG NYES PA CI ZHIG YOD CE NA, DE'I PHYIR DE LTA MA YIN TE, DNGOS PO'I CHOS NYID KHO NAS SNGON YANG ZHES BYA BA LA SOGS PA SMOS TE, GAL TE PHAN TSUN 'BREL DU RUNG BA NYID DU BYA BA'I PHYIR RDZA MKHAN LA MA LTOS TE, DE'I TSE DNGOS PO'I CHOS NYID KHO NAS SNGON YANG 'JIM PA'I RDZAS SU GSUS PA DANG KHONG CHE BA LA SOGS PA'I RNAM PA'I KHYAD BAR DANG @128A *, ,'BREL DU RUNG BA NYID GCIG YIN NA NI DE LTA BU'I DBYIBS DANG 'BREL PAR THAL BAR 'GYUR RO ZHES BYA BA NI BYE BRAG PA'I KLAN KA'I LAN YIN NO, ,'DIR GRUB PA'I MTHA' SMRA BAS, 'DI LTAR YIN NA NI 'O NA RDZAS 'JIM PA'I RUNG BA DE ZHES BYA BA LA SOGS PA SMOS TE, GAL TE PHAN TSUN 'BREL DU RUNG BA NYID DU BYAS PA'I PHYIR RDZA MKHAN LA LTOS NA, DE LTA NA NI 'O NA RDZAS 'JIM PA'I RUNG BA NYID DE NI RDZA MKHAN KHO NAS BYED DO ZHES BYA BAR 'GYUR TE, RDZA 'JIM PA DANG RUNG BA NYID LA 'DI GNYIS NGO BO NYID THA DAD PA YANG MA YIN NO, ,GAL TE 'DI GNYIS NGO BO NYID THA DAD PAR 'GYUR NA NI DE'I TSE SNGA MA BZHIN DU RUNG BA NYID RDZAS LAS LOGS SHIG TU BYED PAR THAL BAR 'GYUR RO, ,GAL TE RUNG BA NYID KYANG YON TAN YIN PA'I PHYIR LOGS SHIG PA MA YIN PAR GRUB BO ZHES SMRA NA, DE'I TSE DE YANG DNGOS PO'I CHOS NYID KHO NA SNGON YANG 'BREL PAR 'GYUR DU 'ONG BAS RDZAS DANG LHAN CIG 'BREL DU RUNG BA NYID LA YANG RUNG BA NYID GZHAN ZHIG RDZA MKHAN LAS 'GYUR BAR 'DOD PAR BYA DGOS LA, DE YANG LOGS SHIG TU BYED PAR THAL BAR 'GYUR BAS RDZAS LAS NGO BO NYID GZHAN MA YIN PAR 'DOD PAR BYA DGOS TE, DE LA YANG DE'I SHAGS KYANG YANG DE KHO NA YIN LA, LAN YANG DE KHO NA YIN PAS THUG PA MED PAR THAL BAR 'GYUR BA'I PHYIR RDZAS 'JIM PA DANG, RUNG BA NYID GDON MI ZA BAR NGO BO NYID THA DAD PAR KHAS BLANG BAR BYA DGOS SO, ,DE LTA YIN NA CI ZHIG GRUB PAR 'GYUR ZHE NA, DE'I PHYIR, RE ZHIG NGO BO NYID GCIG LA YANG ZHES BYA BA LA SOGS PA SMOS TE, GANG GI TSE NGO BO NYID GCIG PA NYID YIN YANG GCIG LA RKYEN DU MAS KHYAD PAR NYID DU KHYAB PA YIN PA DE'I TSE KHO BO'I PHYOGS GRUB PA MA YIN TE, DE'I PHYIR KHO BO 'JIM PA DANG DBYIBS DAG NGO BO NYID GCIG TU BSGRUB PAR BYA BA'I PHYIR HA CANG 'BAD DE CI RUNG, GAL TE RUNG BA NYID LA BRTEN NA YANG 'BRAS BU NGO BO NYID GCIG PA LA YANG RKYEN DU MAS KHYAD PAR NYID DU BYA BAR 'GRUB PAS RDZAS DANG YON TAN DU SMRA BAS GSAL BA 'DIR CUNG ZAD KYANG MI DGOS TE, DE NI GZHAN NAS BSAL BA BYAS ZIN PA KHO NA'O SNYAM DU BSAMS PA'O, ,DE LTAR 'BRAS BU GCIG LA RGYU RNAM GNYIS NYE NGAR SBYAR BA THA DAD PA NYID @128B DU BSGRUBS NAS MJUG BSDU BA'I PHYIR, DES NA DNGOS SU 'BRAS BU NGO BO NYID GCIG YIN YANG LHAN CIG BYED PA ZHES BYA BA LA SOGS PA SMOS TE, GANG GI PHYIR DE LTAR RKYEN RNAMS KYIS BYED PA'I YUL THA DAD PAR BSGRUB PA'I RGYU DES NA DNGOS SU 'BRAS BU NGO BO NYID GCIG YIN MOD KYI, 'ON KYANG LHAN CIG BYED PA'I RKYEN RNAMS KYI NYE BAR SBYOR BA'I YUL GCIG MA YIN NO ZHES BYA BAR GRUB BO, ,LHAN CIG BYED PA'I NGANG TSUL CAN DAG NI BYED PA DAG GO, ,'DI DAG NYE BAR SBYOR BA'I YUL GCIG PA YOD PAS 'DI DAG NI NYE BAR SBYOR BA'I YUL GCIG PA CAN NO, ,MA YIN NO ZHES BYA BA NI DGAG PA'O, ,DNGOS SU ZHES BYA BA NI DON DAM PAR RDZAS SU NA ZHES BYA BA'I THA TSIG GO, ,DE LTAR PHYI'I DNGOS PO DAG LA RGYU RNAMS NYE BAR SBYOR BA'I YUL THA DAD PAR BSTAN NAS, NANG GI DAG DANG MTSUNGS PAR BSTAN PA'I PHYIR, JI LTAR 'DIR RGYU THA DAD PA'I ZHES BYA BA LA SOGS PA SMOS TE, JI LTAR DPE LA RGYU THA DAD PA RNAMS KHYAD PAR THA DAD PA DAG LA NYE BAR SBYOR BA'I PHYIR 'BRAS BU GCIG PA DAG MA YIN PA DE BZHIN DU MIG DANG GZUGS DANG SNANG BA DANG YID LA BYED PA ZHES BYA BA DANG, RNAM PAR SHES PA SKYED PA LA YANG 'BRAS BU THA DAD PA DAG TU BLTA BAR BYA'O, ,NYE BAR SBYOR BA'I YUL THA DAD PA DE NYID BSTAN PA'I PHYIR, 'DI LTAR MTSUNGS PA DE MA THAG PA'I RKYEN LAS NI ZHES BYA BA LA SOGS PA SMOS TE, MTSUNGS PA DE MA THAG PA'I RKYEN GYIS NI RNAM PAR SHES PA RTOG PA'I NGO BO NYID DU BYED DO, ,MIG GI DBANG POS NI RTOGS PA'I NGO BO GZUGS 'DZIN DU RUNG BA NYID DU NGES PAR BYED DO, ,YUL GYIS NI BDAG GI NGO BO DANG 'DRA BAR BYED DO, ,RGYU RKYEN GYIS NI DGE BA LA SOGS PA NYID DU NGES PAR BYED DO, ,GZUGS LA 'DZIN PAR RUNG BA NYID NI GZUGS 'DZIN DU RUNG BA NYID DO, ,DER SO SOR NGES PA LA DE SKAD CES BYA'O, ,'DI LA DE DANG 'DRA BA'I NGO BO YOD PAS 'DI NI DE DANG 'DRA BA'I NGO BO CAN NO; ,DE'I NGO BO NI DE DANG 'DRA BA'I NGO BO CAN NYID DO, ,DE LTAR NANG GI DAG LA RGYU RNAMS KYI NYE BAR SBYOR BA'I YUL THA DAD PAR BSTAN NAS, MJUG BSDU BA'I PHYIR, DNGOS SU 'BRAS BU THA DAD PA MA YIN YANG ZHES BYA BA LA SOGS PA SMOS TE, DNGOS SU 'BRAS BU THA DAD PA MA YIN MOD KYI @129A *, ,'ON KYANG RGYU'I NGO BO NYID THA DAD PA LAS, 'BRAS BU'I KHYAD PAR THA DAD PA KHO NA DAG TU 'GYUR RO, ,DE'I PHYIR RGYU THA DAD PA YIN YANG DES BYA BA'I KHYAD PAR THA MI DAD PA MA YIN PAS 'BRAS BU RGYU'I RJES SU BYED PA NYID GRUB BO, ,DE DAG GI BYA BA NI DES BYA BA STE, 'DI NI DES BYA BA YANG YIN LA KHYAD PAR YANG YIN PAS DE'I BYA BA'I KHYAD PAR RO, ,DE 'BRAS BU RNAMS RGYU'I RJES SU BYED PA NYID DU BSTAN NAS, RGYU LA RAG LAS PA'I 'BRAS BU RNAMS RNAM PAR GZHAG PA BSTAN PA'I PHYIR, RGYU'I NUS PA THA DAD PA DE DAG KHO NA ZHES BYA BA SMOS TE, RGYU'I NUS PA THA DAD PA BSHAD MA THAG PA GANG DAG YIN PA DE DAG KHO NAS ZHES BYA BA'I THA TSIG GO, ,RGYU RNAMS KYI NUS PA DAG STE, DE DAG THA DAD PA ZHES BYA BAR TSIG RNAM PAR SBYAR TE, DE DAG THA DAD PA ZHES BYA BA'I SGRA NI KHYAD PAR DAG LA BYA'O, ,YANG DE DAG BSTAN PA'I PHYIR, SKAD CIG PA YIN PA'I PHYIR, BDAG NYID JI LTAR BA BZHIN ZHES BYA BA LA SOGS PA SMOS TE, GANG GIS BDAG NYID KYI SO SO'I KHYAD PAR CAN GYI 'BRAS BU GANG YIN PA DE GDON MI ZA BAR BSKYED PAR BYA BA'I PHYIR BRTZON PA DAG NI ZHES BYA BA'I THA TSIG GO, ,'DI DAG GI NUS PA CHOS PA MED PA ZHES BYA BAR TSIG RNAM PAR SBYAR TE, CHOD BA MED PA ZHES BYA BA NI THOGS PA MED PA STE, GDON MI ZA BAR SKYED PA ZHES BYA BA'I THA TSIG GO, ,CI'I PHYIR NUS PA CHOD PA MED PA DAG YIN ZHE NA, SKAD CIG MA'I PHYIR ZHES BYA BA SMOS TE, GANG GI PHYIR SKAD CIG PA DAG YIN PA DE'I PHYIR DE DAG GI NUS PA DGAG PAR MI NUS SO, ,DE LTA BU DE DAG CI YIN ZHE NA, TSOGS PA'I 'BRAS BU'I ZHES BYA BA LA SOGS PA SMOS TE, DE DAG NI TSOGS PA'I 'BRAS BU GANG YIN PA DE'I NGO BO NYID RNAM PAR GZHAG PA'I RGYU DAG YIN ZHES BYA'O, ,DE DAG JI LTAR NGO BO NYID RNAM PAR GZHAG PA'I RGYU DAG YIN ZHE NA, 'DI LTAR DE NI DE MTHA' DAG LAS ZHES BYA BA LA SOGS PA SMOS TE, GANG GI PHYIR DE MTHA' DAG KHO NA LAS RTOGS PA'I NGO BO NYID DANG, GZUGS 'DZIN PAR SO SOR NGAS PA DANG, SNGON PO LA SOGS PA'I RNAM PA CAN ZHES BYA BA DE LTA BU SO SO'I KHYAD PAR CAN GYI RANG GI NGO BO DE GCIG SKYED PA DE'I PHYIR DE DAG NI RNAM PAR GZHAG PA'I RGYU YIN NO, ,'DI SKAD DU, 'DI NI RTOG PA'I NGO BO 'DI NI NGES PA'I DON 'DZIN PA'O,, @129B 'DI NI YUL GYI RNAM PA CAN NO ZHES BYA BA'I RNAM PAR GZHAG PA GANG YIN PA DE NA JI SKAD BSHAD PA'I RGYUS BYAS PA YIN NO ZHES BSHAD PA YIN NO, ,RNAM PA GCIG TU NA 'DI LTAR SBYAR BAR BYA STE, 'BRAS BU'I RGYU'I RJES SU BYED PA NYID YIN LA NI RAG NA, DE LTAR SKYE BA'I DE'I RANG GI NGO BO GNAS PA'I GZHI GANG YIN, 'DI LTAR 'BRAS BU'I RTEN NI MA MTHONG NGO ZHE NA, DE'I PHYIR, RGYU'I NUS PA THA DAD PA DE DAG KHO NA ZHES BYA BA LA SOGS PA SMOS TE, YAN LAG GI DON NI SNGA MA BZHIN NO, ,BSDUS PA'I DON NI BRJOD PAR BYA STE, RGYU'I NUS PA KHYAD PAR BSHAD MA THAG PA GANG DAG YIN PA DE DAG KHO NA TSOGS PA'I 'BRAS BU'I NGO BO NYID GNAS PA'I RTEN YIN NO ZHES BYA BA STE RGYU MA GTOGS PA RTEN GZHAN MED DO SNYAM DU DGONGS PA'O, ,LHAN CIG 'BYUNG BA MA YIN PA'I RGYU JI LTAR RTEN YIN ZHE NA, DE'I PHYIR, 'DI LTAR DE NI DE MTHA' DAG LAS ZHES BYA BA LA SOGS PA SMOS TE, GANG GI PHYIR DE MTHA' DAG KHO NA LAS DE LTA BU DE SKYES PA DE'I PHYIR RTEN YIN NO, ,'DI SKAD DU SKYED PAR BYED PA KHO NAS RTEN CES BYA'O, ,HA CANG THAL BAR 'GYUR BA'I PHYIR GZHAN DU NI MA YIN NO ZHES BSHAD PA YIN NO, ,GZHAN GYI TSIG GI GO SKABS KYI DOGS PA BSU BAR, GAL TE NUS PA 'GOG PA MED PA ZHES BYA BA LA SOGS PA SMOS TE, 'DI DAG GI NUS PA LA 'GOG PA MED PAS NA NUS PA 'GOG PA MED PA DAG GO, ,'GOG PA NI GAGS BYED PA DAG GO, ,'DI DAG GI 'BRAS BU MJUG THOGS YIN PAS 'BRAS BU MJUG THOGS PA DAG GO, ,'DI DAG KHYAD PAR DU BOGS DBYUNG DU MED PAS NA KHYAD PAR DU BOGS DBYUNG DU MED PA DAG STE, BOGS DBYUNG BA ZHES BYA BA NI DGOS PA LA BYA'O, ,'BRAS BU BSKYED PAR BYA BA LA GANG DAG NI NUS PA DGAG PAR YANG MI NUS LA, BOGS 'BYIN PAR BYA BAR YANG MI NUS PA DANG, GANG DAG GDON MI ZA BAR MJUG THOGS SU 'BRAS BU BSKYED PA'I RKYEN DE DAG LA PHAN TSUN LHAN CIG BYED PA'I DON CI ZHIG YIN, GANG GIS NA LHAN CIG BYED PA DAG CES BYA BA SKAD CIG PA NYID NI 'DIR KHYAD PAR DU BOGS DBYUNG DU MED PA NYID DANG, NUS PA 'GOG PA MED PA NYID KYI RGYU YIN TE, 'DI LTAR GANG DAG SKAD CIG MA GCIG CIG GNAS PA DE DAG NI BOGS DBYUNG BAR BYA BAR YANG MI NUS LA, YOD PA DGAG PAR YANG MI NUS SO, ,DE NYID KYI PHYIR, @130A *, ,LHAN CIG BYED PA NYID PHAN 'DOGS PAS RAB TU PHYE BA NI MA YIN NO, ,PHAN TSUN NUS PA 'GOG PA SEL BAS LHAN CIG BYED PA ZHIG TU 'GYUR NA YANG DE BKAG PA'I PHYIR LHAN CIG BYED PA NYID NI DE'I RGYU CAN YANG MA YIN NO, ,'DIR NI LHAN CIG BYED PA PHAN TSUN PHAN 'DOGS PA DAG YIN PAR BSAMS NAS GLAN KA BTZAL BAR BSAM PA YIN NO, ,'DIR GRUB PA'I MTHA' SMRA PAS, LHAN CIG BYED PA NI THAMS CAD DU BOGS 'BYIN PA BSKYED PA 'BA' ZHIG KYANG MA YIN ZHES BYA BA LA SOGS PA SMOS TE, LHAN CIG BYED PA NI THAMS CAD DU PHAN TSUN PHAN 'DOGS PA 'BA' ZHIG LA BYA BA YANG MA YIN NO, ,'O NA CI ZHE NA, MANG PO DAG DON CI YANG RUNG GCIG BYED PA YANG LHAN CIG BYED PA NYID DU 'DOD PA KHO NA'O, ,'DI'I DGONGS PA NI 'DUS NAS BYED PA RNAMS KYANG LHAN CIG BYED PA DAG CES BYA'O SNYAM PA 'DI YIN NO, ,THAMS CAD DU ZHES BYA BA NI SKAD CIG MA THAMS CAD DU'O, ,DPE BSTAN PA'I PHYIR, DPER NA RGYU TSOGS THA MA ZHES BYA BA LA SOGS PA SMOS TE, 'DI LA RGYU'I TSOGS THA MA LAS 'BRAS BU SKYE BAR DON CI BYED PA DE KHO NA LA MANG BO RNAMS LHAN CIG BYED PA NYID MA YIN NO, ,DE LA 'DI SNYAM DU DE LA LHAN CIG BYED PA NYID NI BTAGS PA YIN NO SNYAM NA, DE'I PHYIR 'DI NYID DNGOS SU ZHES BYA BA LA SOGS PA SMOS TE, DON GCIG BYED PA'I RGYU GANG YIN PA DE KHO NA LA LHAN CIG BYED PA NYID DNGOS YIN NO, ,CI'I PHYIR ZHE NA, THA MA DE NYID RGYU YIN PA'I PHYIR RO ZHES BYA BA SMOS TE, 'DI LTAR RGYU'I TSOGS THA MA DE KHO NA MNGON SUM PO GI RGYU YIN LA, RGYU LA LHAN CIG BYED PA'I THA SNYAD 'DOGS KYI RGYU MA YIN PA LA NI MA YIN NO, ,DE LA 'DI SNYAM DU DE LA 'DI YANG YOL PHAN TSUN PHAN 'DOGS PA NYID KYIS KYANG MTSAN NYID KYANG YOD PAR GCIG CE NA, DE'I PHYIR, SKAD CIG MA DE LA ZHES BYA BA LA SOGS PA SMOS TE, SKAD CIG MA THA MA NGO BO NYID GCIG PU GANG YIN PA DE LA NI 'DI LA NGO BO NYID KYI CHA 'DI NI BOGS MA DBYUNG BA YIN NO, ,'DI NI LHAN CIG BYED PA RNAMS KYI BOGS BSKYED PA YIN NO ZHES DE LTA BU'I DBYE BA 'DI BYA BAR MI NUS SO, ,'DI LTAR DBYE BA MED NA KHYAD PAR DU BYA BAR MI NUS SO, ,CI'I PHYIR KHYAD PAR DU BYA BA MI NUS SHE NA, DE'I PHYIR, KHYAD PAR 'BYUNG BA'I MTSAN NYID NI, NGO BO NYID GZHAN ZHES BYA BA LA SOGS PA SMOS TE, GANG GI PHYIR KHYAD PAR NI NGO BO NYID GZHAN 'BYUNG BA'I MTSAN NYID YIN PA DE'I PHYIR DBYE BA MED @130B NA MI SRID DO, ,NGO BO NYID GCIG PA YIN NA MI 'THAD DO ZHES BYA BA'I THA TSIG GO, ,GAL TE NGO BO NYID GZHAN 'BYUNG BA MED PAR KHYAD PAR 'BYUNG BA MI SRID NA, 'O NA NGO BO NYID GZHAN 'BYUNG DU ZAD MOD CE NA, DE'I PHYIR, NGO BO NYID GZHAN 'BYUNG NA NI ZHES BYA BA LA SOGS PA SMOS TE, NGO BO NYID GZHAN 'BYUNG BAR KHAS LEN NA, DE'I TSE THA MA NYID NYAMS PAR 'GYUR RO, ,NYAMS SU ZAD MOD, NYES BA CI ZHIG YOD CE NA, DE'I PHYIR MNGON SUM GYI ZHES BYA BA LA SOGS PA SMOS TE, THA MA NYID MA YIN NAM MNGON SUM GYI RGYU NYID DU KHAS BLANGS PA GANG YIN PA DER MI 'GYUR RO, ,MJUG BSDU BA'I PHYIR, DE LTA BAS NA LHAN CIG BYED PA RNAMS LAS RGYU'I KHYAD PAR ZHES BYA BA LA SOGS PA SMOS TE, GANG GI PHYIR DE LTAR KHYAD PAR NI NGO BO NYID DBYE BA MED NA MED PA YIN LA, THA MA LA DBYE BA MED PA DE'I PHYIR LHAN CIG BYED PA RNAMS LA RGYU'I KHYAD PAR 'BYUNG BA MED DO, ,GAL TE DE LA LHAN CIG BYED PA RNAMS LAS KHYAD PAR 'BYUNG BA MED NA, 'O NA CI'I PHYIR DE DAG 'BRAS BU SKYED PAR NUS SHE NA, DE'I PHYIR GANG DAG LA SNGON DANG PHYIS DANG THA DAD PA'I NGO BO MED PA GANG GIS MJUG THOGS SU 'BRAS BU 'BYUNG BA'I RKYEN THA MA NGO BO NYID KYI NUS PA SKAD CIG GI DE DAG CES BYA BA LA SOGS PA SMOS TE, RKYEN THA MA NGO BO NYID KYIS NUS PA SKAD CIG TZAM THOGS PA DAG LHAN CIG SKYE'I, SKYES ZIN PA 'DI DAG LA GZHAN GYI NUS PAR BYED BA NI MA YIN NO, ,SKYE BA'I RGYU RNAMS LAS NUS PA 'BYUNG MOD KYI, 'ON KYANG GZHAN GYI LUGS LA LTOS NAS NGO BO NYID KYIS ZHES BYA BA SMOS TE, GZHAN GYI RGYU SKYES ZIN PA LHAN CIG BYED PA DAG LAS NUS PAR 'DOD DO, ,GANG DAG LA SNGON YANG MED PHYIS KYANG MED, THA DAD PA'I NGO BO YANG MED PA GANG DAG LAS YUD TZAM GYI MJUG THOGS KHO NAR 'BRAS BU 'BYUNG GIS DUS GZHAN DU MA YIN PA SKAD CIG MAR GNAS PA DE LTA BU DE DAG SKYE STE, DE LTA BU DE DAG GI LHAN CIG BYED PA NYID DON GCIG BYED PA'I MTSAN NYID YIN GYI, PHAN TSUN 'DOGS PA'I MTSAN NYID MA YIN NO, ,GZHAN GYI 'DOD PA'I 'DOGS PA BSU BAR, GAL TE NUS PA DE ZHES BYA BA LA SOGS PA SMOS TE, RGYU'I TSOGS THA MA RE RE NUS PAR 'DOD PA GANG YIN PA'I NUS PA DE NYID GANG LAS BYUNG ZHE NA, GRUB PA'I MTHA' SMRA BAS, NGANG GI RGYU DAG LAS SO ZHES BYA BA SMOS TE, RANG GI RGYU GANG DAG YIN PA DE DAG LAS RGYU'I KHYAD PAR DE 'BYUNG NGO, ,PHA ROL PO'I TSOGS NAS BYED PAR @131A *, ,'GOG PA KHO NA'I DOGS PA BSU BAR, GAL TE DE DAG GIS ZHES PA LA SOGS PA SMOS TE, RGYU DE DAG GIS SA BON LA SOGS PA RE GYU'I KHYAD PAR NUS PA'I NGO BO 'DI CHU LA SOGS PA RKYEN GZHAN DANG NYE BA MED PA KHO NAR CI'I PHYIR MI SKYED, CI GZHAN DU YANG NUS SAM ZHE NA, RES 'GA' GZHAN DU YANG ZHES BYA BA LA SOGS PA SMOS TE, RES 'GA' LA LANG CHU LA SOGS PA LHAN CIG BYED PA MED PAR YANG RANG GI RGYU DAG GIS SKYED PAR 'GYUR RO, ,DE LTA YIN NA CI ZHIG GRUB PAR 'GYUR ZHE NA, DE'I PHYIR, LA LAR GCIG PUS KYANG ZHES BYA BA LA SOGS PA SMOS TE, GANG GIS TSE RES 'GA' SA BON LA SOGS PA CHU LA SOGS PA RGYU GZHAN DANG BRAL BAR RANG GI RGYU DAG GIS SKYED PA DE'I TSE, SA BON LA SOGS PA LAS GANG YANG RUNG BA GCIG GIS KYANG, YUL LA LAR MYU GU SKYED PAR 'GYUR BAS LHAN CIG BYED PA NYID NI DON GCIG BYED PA'I MTSAN NYID YIN PAR MI BTUB PO ZHES BYA BA NI PHYOGS SA MA'I DOGS PA YIN NO, ,'DIR GRUB PA'I MTHA' SMRA BAS, 'DU BYED RGYUD MA GZHAN DANG GZHAN GYI RKYEN DANG LDAN NAS ZHES BYA BA LA SOGS PA SMOS TE, GZHAN DANG GZHAN GYI RKYEN DAG NI GZHAN DANG GZHAN GYI RKYEN DAG STE, DE DAG DANG LDAN PA LA DE SKAD CES BYA'O, ,SKAD CIG NI SKAD CIG RE RE'O, ,'DI DAG LA NUS PA THA DAD PA YOD PAS NA NUS PA THA DAD PA CAN DAG GO, ,'DU BYED PAS NA 'DU BYED DAG GO, ,RGYUD MA DAG CES BYA BA NI RGYUN DU GYUR PA'O, ,'DU BYED GANG DAG RGYUN GYI RJES SU 'BRANG ZHING GZHAN DANG GZHAN GYI RKYEN DANG 'BREL PAS SKAD CIG SKAD CIG LA NUS PA THA DAD PA CAN GANG DAG YIN PA DE DAG NI KHA DOG GAM, DBYIBS 'GA' ZHIG GIS SAM, RNAM PA GZHAN GANG YANG RUNG BA 'GA' ZHIG GIS 'DRA BAR SHES MOD KYI, 'ON KYANG DE DAG GI LA NGO BO NYID THA DAD PA KHO NAR KHONG DU CHUD PAR BYA'O, ,NGO BO NYID THA DAD PA YIN DU CHUG NA YANG, DES NA CI ZHE NA, DE'I PHYIR, DES NA 'GA' ZHIG KHO NA ZHES BYA BA LA SOGS PA SMOS TE, RKYEN THA DAD PAS NGO BO NYID THA DAD PAR GRUB NA RGYU 'GA' ZHIG KHO NA 'BRAS BU 'GA' ZHIG GI RGYU YIN NO ZHES BYA BAR GRUB PO, ,GANG GI GANG ZHIG CE NA, DE'I PHYIR, DE LA GZUNGS DANG DBANG PO LA SOGS PA'I TSOGS YUL CHOD PA MED PA LA SOGS PA DANG LDAN PA CAN ZHES BYA BA LA SOGS PA SMOS @131B TE, DE LA MIG DANG GZUGS LA SOGS PA'I TSOGS YUL RUNG BA NA RNAM PAR GNAS SHING, MCHOD PA GANG YIN PA DE RNAM PAR SHES PA SKYED PAR NUS PA'I RGYUR 'DOD DO, ,MIG LA SOGS PA PHAN TSUN PHRAD PAR BYED PA'I RGYU MTSAN GYI RKYEN GANG YIN PA DE NI RNAM PAR SHES PA'I RGYU SKYED PAR NUS PA YIN TE, DE LTAR NA RGYUN GYI RJES SU 'BRANG BA'I DNGOS PO RNAMS LA RGYU DANG 'BRAS BU'I NGO BO BYE BRAG TU RIG PAR BYA'O, ,CHOD PA NI MI SNANG BA'O, ,DE LA SOGS PA GANG DAG YIN PA DE DAG NI CHOD PA LA SOGS PA'O, ,SOGS PA SMOS PAS NI HA CANG RING BA DANG NYE BA LA SOGS PA BSDU'O, ,YUL GANG LA DE DAG MED PA YOD PA DE NI CHOD BA MED PA LA SOGS PA DANG LDAN PA'O, ,GZUGS DANG DBANG PO NI GZUGS DANG DBANG PO DAG GO, ,DE LA SOGS PA YID LA BYED PA LA SOGS PA'I TSOGS GANG YIN PA DE NI GZUGS DANG DBANG PO LA SOGS PA'I TSOGS SO, ,GZUGS DANG DBANG PO LA SOGS PA'I TSOGS GANG LA YUL CHOD PA MED PA LA SOGS PA DANG LDAN PA YOD PA DE NI YUL CHOD PA MED PA LA SOGS PA DANG LDAN PA CAN TE, 'DI NI YUL CHOD PA MED PA LA SOGS PA DANG LDAN PA CAN YANG YIN LA, GZUGS DANG DBANG PO LA SOGS PA'I TSOGS KYANG YIN PAS GZUGS DANG DBANG PO LA SOGS PA'I TSOGS YUL CHOD PA MED PA LA SOGS PA DANG LDAN PA CAN YIN NO, ,GCIG LA GCIG NYE BAR 'GRO BA NI PHAN TSUN NYE BAR 'GRO BA STE, NYE BAR 'GRO BA NI 'DIR PHRAD PA'O, ,DE LA SOGS PA GANG YIN PA DE NI PHAN TSUN NYE BAR 'GRO BA LA SOGS PA STE, SOGS PA SMOS PAS NI DE LA PHAN 'DOGS PAR BYED PA GZHAN GANG YIN PA DE YANG BSDU'O, ,PHAN TSUN NYE BAR 'GRO BA LA SOGS PA'I RTEN RKYEN GYI KHYAD PAR GANG YIN PA DE NI PHAN TSUN NYE BAR 'GRO BA LA SOGS PA'I RTEN RKYEN GYI KHYAD PAR TE RTEN NI RGYU'O, ,RTEN GYI KHYAD PAR ZHES BYA BA 'DI LA KHYAD PAR ZHES BYA BA'I SGRAS NI MNGON SUM DU SKYED PA'I RKYEN LAS THA DAD PAR STON PAR BYED DO, ,'DI DAG GI RGYU DANG 'BRAS BU'I NGO BO NYID 'DI BYE BRAG TU YIN DU CHUG NA YANG, TSOGS NAS BYED PA GO CI'I PHYIR SNYAM PA LA, DE DAG KYANG SNGON YANG MED CES BYA BA LA SOGS PA SMOS TE, RNAM PAR SHES PA'I RGYU GANG DAG YIN PA DANG, NUS PA'I RGYU GANG DAG YIN PA DE DAG NI MNGON PAR 'DOD PA'I RGYU'I GNAS SKABS NA SNGON ROL NA YANG MED LA DUS @132A *, ,DUS SU PHYIS KYANG MED THA DAD PA'I NGO BO YANG MED DO, ,DE'I PHYIR NUS KYANG CI STE SNGON MED CING PHYIS MED LA THA DAD PA'I NGO BO MA YIN ZHES BYA BA DE LTA BU'I NYES PA SMRAS PA GANG DAG YIN PA SNGON DANG PHYIS DANG THA DAD PA'I NGO BO NYES PA DE DAG GI DE LA MI GOS, MI 'BAG MI REG CES BYA BA'I THA TSIG GO, ,MJUG BSDUS NAS NYES PA 'JUG PA YONGS SU SPANGS PA'I PHYIR, DES NA 'DI DAG CES BYA BA LA SOGS PA SMOS TE, GANG GI PHYIR 'DI DAG SNGON YANG MED, ,PHYIS KYANG MED THA DAD PA'I NGO BO YANG MA YIN PA'I RGYU DES NA RGYU 'DI DAG PHAN TSUN NYE BAR 'GRO BA LA SOGS PA'I RGYU GANG YIN PA DE NI RNAM PAR SHES PA BSKYED PAR NUS PA'I RGYU'I RGYU YIN LA, DE YANG SKAD CIG MA YIN PA'I PHYIR NAM YANG GZHAN DU 'GYUR BA MED DO, ,CI'I PHYIR, RES 'GA' GZHAN DU YANG 'GYUR RO, ,DE'I PHYIR, LA LAR GCIG PUS KYANG BSKYED PAR 'GYUR RO ZHES GANG SMRAS PA DE GSAL BA YIN NO, ,RGYU DANG 'BRAS BU'I NGO BO'I KHA NA MTHO BA MED PA 'DI LTA BU 'DI GZHAN LA YANG BSGRE BA'I PHYIR, TSUL 'DIS ZHES BYA BA LA SOGS PA SMOS TE, 'DIR RGYU DANG 'BRAS BU'I NGO BO LA SO SOR NGES PA BSHAD PA'I TSUL GANG YIN PA 'DI NI GZHAN THAMS CAD LA YANG BLTA BAR BYA'O, ,GZHAN GANG LA ZHE NA, DNGOS PO NUS PA SKAD CIG MA RE RE LA NGO BO NYID KYI BYE BRAG GZHAN DANG GZHAN ZHES BYA BA LA SOGS PA SMOS TE, SO SOR NGES PA 'DI NI NUS PA GANG DAG SKAD CIG MA RE RE LA NGO BO NYID KYI BYE BRAG GZHAN DANG GZHAN GYI RJES SU 'GRO BA DE DE LA BLTA BAR BYA'I DNGOS PO GANG DAG BSTAN PA GCIG PU'I NGO BO NYID CAN LA NI MA YIN NO, ,GANG DAG LA NGO BO NYID KYI BYE BRAG GI RJES SU 'GRO BA'I NGANG TSUL CAN YOD PA DE DAG NI NUS PA NGO BO NYID KYI BYE BRAG GI RJES SU 'GRO BA CAN DAG STE, DNGOS PO THA DAD PAS THA DAD PA ZHES BYA BA DE LTA BU'I NGANG TSUL CAN ZHES BYA BA'I THA TSIG GO, ,GANG DAG LA BSTAN PA GCIG PU'I NGO BO NYID YOD PA DE DAG NI BRTAN PA GCIG PU'I NGO BO NYID CAN DAG GO, ,YANG CI'I PHYIR BRTAN PA GCIG PU'I NGO BO NYID CAN DAG LA MA YIN ZHE NA, NGO BO NYID GZHAN DU 'GYUR BA MED PAS ZHES BYA BA LA SOGS PA SMOS TE, DNGOS POR NAMS KYI NGO BO NYID NI GZHAN DU 'GYUR BA MED DO, ,DE'I PHYIR GAL TE DNGOS PO BSTAN PA'I 'BRAS BU SKYED NUS PA'I NGO BO NYID GCIG YIN NA DES NA 'DI BYED PAR MI 'THAD DE, THAMS CAD DU BYED PA KHO NAR 'GYUR RO SNYAM DU DGONGS PA @132B YIN NO, ,'ON TE MI NUS PA'I NGO BO NYID PA CIG YIN NA NI DE'I TSE YANG MED PAR MI 'THAD DE, THAMS CAD DU MI BYED PA KHO NAR 'GYUR RO SNYAM DU DGONGS PA YIN NO, ,RES 'GA' BYED RES 'GA' ZHIG MI BYED CES BYA BA GANG YIN PA DE LTA BUR NI MA 'GYUR RO, ,DE DAG NI NUS PA DANG MI NUS PA YANG YIN LA NGO BO NYID KYANG YIN PAS ZHES BSDU'O, ,BYED PA DANG MI BYED PA NI BYED PA DANG MI BYED PA DAG STE, DE DAG MI RUNG BA LA DE SKAD CES BYA'O, ,GZHAN GYI TSIG GI GO SKABS KYI DOGS PA BSU BAR, GAL TE LHAN CIG BYED KYI ZHES BYA BA LA SOGS PA SMOS TE, 'DIS NUS KYANG LHAN CIG BYED PA GZHAN DAG DANG LHAN CIG BYED KYI, 'GA' ZHIG GIS NI MA YIN NO,, DE'I PHYIR JI SKAD BSHAD PA'I NYES PAR THAL BAR MED DO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRAS BAS, CI 'BA' ZHIG CES BYA BA LA SOGS PA SMOS TE, KYE 'BA' ZHIG GI 'BRAS BU BSKYED PAR NUS PA'I NGO BO NYID MA YIN NAM CI NA GANG GIS NA LHAN CIG BYED PA LA LTOS, PHA ROL POS NUS SO ZHES BYA BA SMRAS TE, BRTEN PA'I DNGOS PO 'DI 'BA' ZHIG GIS NUS PA KHO NA'O, ,GRUB PA'I MTHA' SMRA BAS, CI'I PHYIR MI BSKYED CES BYA BA SMOS TE, 'BA' ZHIG GIS KYANG NUS NA GO CI'I PHYIR MI BSKYED, DE LA 'DI SNYAM DU 'BA' ZHIG GIS NI BSAD KYANG MI BSKYED DO SNYAM DU SEMS NA, DE'I PHYIR, MI BSKYED NA JI LTAR NUS ZHES BYA BA SMOS TE, GANG ZHIG NAM YANG 'BA' ZHIG GIS MI BSKYED PA DE JI LTAR NUS PA'I SRID PAR 'GYUR, GZHAN GYI LUGS KYI DOGS PA BSU BAR, GAL TE THAG PA LA SOGS PA ZHES BYA BA LA SOGS PA SMOS TE, NUS PA GANG YIN PA DES NI GDON MI ZA BAR BSKYED DGOS SO ZHES BYA BA'I NGES PA 'DI NI MED DO, ,'DI LTAR THAG PA LA SOGS PA RAS YUG LA SOGS PAR BYED NUS MOD KYI, THAMS CAD DU BYED PA NI MA YIN PA NYID DE, 'DIR YANG DE DANG 'DRA BAR 'GYUR RO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, THOS TSAMS PA'I PHYIR, RTZE BA'I NGANG TSUL CAN ZHES BYA BA LA SOGS PA SMOS SO, ,LHA RNAMS DGA' BA NI DRANG PO'AM BLUN PO YIN TE, DE NI SKYID DE BAR BSKYED BSKYED PAS DGA' BA'I RANG BZHIN CAN YIN NO, ,RTZE BA NI BYIS PA'I CHOS DE DE DANG 'DRA BAS NI SHES RAB MED PA NYID DU STON PAR BYED DO, ,SKYED DE BAR BSKYED BSKYED PA NYID KYIS NI BSTAN BCOS DAG LA MNGON PAR BRTZON PA MED PAR STON PAR BYED DO, ,GANG ZHIG BRTZON @133A *, ,PA MED CING BLO NGAN PA DE MED NGOS PO BYAS KYANG BRJED NGAS PA'I RANG BZHIN CAN YIN PA'I PHYIR, YANG DANG YANG BYED DU 'JUG GO, ,BYAS ZHES BYA BA NI LAN BTAB ZIN TO, ,YANG DANG YANG BYED DU 'JUG CES BYA BA NI YANG DANG YANG LAN 'DEBS SU 'JUG PA'O, ,'DI GANG DU LAN BTAB ZIN CE NA, DE'I PHYIR, 'DI LTAR 'DIS NI SA BON LA SOGS PAR NYE BAR DGOD PAR ZHES BYA BA LA SOGS PA SMOS TE, 'DI NI GAL TE SA BON LA SOGS PA BZHIN DU MA NGES PA YIN NO SNYAM STE ZHES BYA BA'I SKABS DER DPYANG ZIN TO, ,MJUG BSDU BA'I PHYIR, DE LTA BAS NA NGO BO NYID GZHAN DU 'GYUR BA MED PA'I PHYIR ZHES BYA BA LA SOGS PA SMOS TE, GANG GI PHYIR DE LTAR BSHAD PA'I RNAM PAS NUS PA'I NGO BO NYID NI MI BSKYED PAR MI RUNG NGO ZHES BSHAD PA DE'I PHYIR NGO BO NYID GZHAN DU 'GYUR BA MED PAR 'BRAS BU SKYED PA'I CHOS KYI DNGOS PO GANG YIN PA DE NI THA MA'I GNAS SKABS BZHIN DU SNGON YANG 'BRAS BU BSKYED PA BZLOG TU MI RUNG NGO, ,DE LA 'DI SNYAM DU 'DI SNGON NI NUS PA MED PA KHO NA YIN LA, 'DI'I NUS PA NI THA MA'I GNAS SKABS SU 'BYUNG NGO SNYAM DU SEMS NA, DE'I PHYIR THA MA'I GNAS SKABS NA ZHES BYA BA LA SOGS PA SMOS TE, GANG GI TSE SNGON NUS PA MED PA LAS THA MA'I GNAS SKABS SU NUS PA 'BYUNG NGO ZHES BYA BAR 'DOD PA DE'I TSE YANG CI NUS PA DE DNGOS PO'I BDAG NYID DU GYUR PA ZHIG YIN NAM, 'ON TE GZHAN DU GYUR PA ZHIG YIN ZHES BYA BA BRTAG PA GNYIS SO, ,GAL TE BDAG NYID DU GYUR PA ZHIG YIN NA NI, DE'I TSE NUS PA DNGOS PO'I NGO BO NYID THA MA'I GNAS SKABS SU 'BYUNG BAR KHAS LEN NA, SNGON MED PA'I DNGOS PO ZHIG SKYE BA KHO NAR KHAS BLANGS PA YIN NO, ,'ON TE NUS PA'I DNGOS PO'I NGO BO NYID MA YIN NA NI DE'I TSE DE'I NGO BO NYID MA YIN NA DNGOS PO DE BYED PA PO MA YIN PAR 'GYUR RO, ,CI'I PHYIR ZHEN, NUS PA ZHES BYA BA LA SOGS PA SMOS TE, 'DI LTAR RJES SU 'GRO BA DANG LDOG PA DAG GIS NUS PA ZHES BYA BA LA SOGS PA'I DNGOS PO GZHAN ZHIG LAS 'BRAS BU 'BYUNG BA ZHES BYA BAR SHES KYI DNGOS PO LAS NI MA YIN NO, ,DE LTAR NUS PA THA DAD PA DANG THA DAD PA MA YIN PAR RNAM PAR BRTAG PA BSAL NAS, GTAN TSIGS GZHAN BSTAN PA'I PHYIR GZHAN YANG RE ZHIG CES BYA BA LA SOGS PA SMOS TE, RE ZHIG DNGOS PO BRTAN PA'I RANG BZHIN CAN GANG YIN PA DE GANG GI @133B TSE THA MA'I GNAS SKABS NA LHAN CIG BYED PA MTHA' DAG DANG LDAN PA DE'I TSE NYID NA CI'I PHYIR 'BRAS BU BSKYED, 'DI LA LHAN CIG BYED PA MTHA' DAG YOD PAS 'DI NI LHAN CIG BYED PA MTHA' DAG DANG LDAN PA'O, ,PHA ROL BOS BSKYED PA MTHONG BA STE ZHES BYA BA LA SOGS PA SMOS TE, GANG GI PHYIR 'BRAS BU BSKYED PA MTHONG PA DE'I PHYIR SKYED DO ZHES SMRA'O, ,GRUB PA'I MTHA' SMRA BAS CO 'DRI BA'I PHYIR, MTHU CHEN PO CAN GYI MTHONG BA ZHES BYA BA LA SOGS PA SMOS TE, MTHU CHEN PO CAN GYI KHYOD KYIS MTHONG BA GANG YIN PA DE NI NUS PA CHEN PO CAN YIN NO, ,CI'I PHYIR MTHONG BA 'DI NI NUS PA CHEN PO CAN YIN ZHE NA, 'DI LTAR MTHONG BA 'DI NI DNGOS PO 'BRAS BU BSKYED PA'I NGO BO NYID DANG BRAL BA DAG KYANG RANG GI NGO BO TZAM GYI BYA BA RNAM PA SNA TSOGS PA RNAMS LA SBYOR BA YIN PA'I PHYIR RO, ,'DIR KHO BO LA GNOD PA NI CI YANG MED MOD KYI, 'ON KYANG RGYU ZHIG LA RGYU 'GA' ZHIG LTAR KHYOD CHED DU MA BTANG PA'AM YENGS PA'I MTHONG BA'I LAM LAS 'DAS PAR GYUR NA, KYE MA DE'I TSE RGYU DE SKYED PAR MI BYED PA'I CHOS CAN YIN TE, RGYUD RNAM PAR 'CHAD PA CAN DU 'GYUR PAS BSAM PA 'DI NI KHO BO'I SEMS LA NYAM NGA'O, ,'DI LA NUS PA CHEN PO YOD PAS 'DI LA MTHU CHEN PO YOD PA ZHES TSIG RNAM PAR SBYAR RO, ,DE'I NGO BO NYID MA YIN PA DAG CES BYA BA NI BSKYED PA'I NGO BO NYID MA YIN PA DAG CES BYA BA'I THA TSIG GO, ,KYANG ZHES BYA BA'I SGRA NI SRID PA STE, DE LTA BU DAG KYANG ZHES BYA BA'I THA TSIG GO, ,RANG GI NGO BO TZAM GYIS ZHES BYA BA NA MTHONG BA TZAM GYIS ZHES BYA BA'I THA TSIG GO, ,KYE MA ZHES BYA BA NI BA MI BRTZE BA'O, ,BSKYED PA NI RAB TU BSKYED PA'O,, TSAD DE 'DI LA YOD PAS 'DI NI SKYED PA'I CHOS CAN NO, ,SKYED PA'I CHOS CAN MA YIN PA NI MA SKYED PA'I CHOS CAN NO, ,'DI LA RGYU MED PA YOD PAS 'DI NI RGYU MED PA CAN NO, ,GDUNG BA NI CHAGS PA DANG NYAM NGA ZHES BYA BA'I THA TSIG GO, ,PHA ROL PO KHO BO NI DE'I NGO BO MA YIN PA LAS ZHES BYA BA LA SOGS PA SMOS TE, KHO BO NI 'BRAS BU SKYED PA'I NGO BO NYID MA YIN PA DAG BDAG GIS MTHONG BAS 'BRAS BU BSKYED DO ZHES NI MI SMRA'O, ,'ON KYANG DE DAG NI NGO BO NYID KYI 'BRAS BU SKYED PA'I CHOS CAN YIN LA, DE LTA BU DE DAG BDAG GIS MTHONG NA, 'DI DAG NI SKYED PA PO YIN NO ZHES BYA BAS SHES PAR ZAD DO, ,DE SKYED PA NI DE BSKYED PA'O, ,CHOS DE GANG DAG LA YOD PA @134A *, ,DE DAG NI SKYED PA'I CHOS CAN DAG STE, DE ZHES BYA BA'I SGRA NI 'BRAS BU DANG SBYAR RO, ,GRUB PA'I MTHA' SMRA BA, DAM BA LTAR CO 'DRI BA'I PHYIR, 'DI YANG YOD BDE NA NA ZHES BYA BA LA SOGS PA SMOS TE, KYE BDEN NA KHYOD KYANG 'DI SKAD DU GANG GIS NA RTAG PAR 'DOD PA'I RGYU DE DAG 'BRAS BU SKYED PA'I CHOS KYI NGO BO NYID YIN PA DE NI DE LAS GZHAN PA'I RKYEN MTHA' DAG DANG LDAN PA'I RGYU DE RNAMS 'BRAS BU MI BSKYED PAR BTANG SNYOMS SU 'KHOD DO ZHES SMRA BA, BTANG SNYOMS SU KHYOD PA NI GYI NA 'DUG PA BSTEN PA'O, ,KHYOD KYIS DE SKAD BRJOD PAS PHAN PA MANG PO MTSAR BTAGS MOD KYI, 'ON KYANG CI DE DAG GI MI SDOD PAR SKYED PA'I ZHES BYA BA LA SOGS PA 'DI TZAM ZHIG NI DRI BAR BYA DGOS TE, RTAG PAR 'DOD PA'I RGYU DE DAG GI MI SDOD PAR BSKYED PA'I CHOS CAN GYI NGO BO NYID GANG YIN PA DE NI THA MA'I GNAS SKABS DE KHO NA'I TSE 'BYUNG NGAM, 'ON TE SNGON YANG YOD, 'DI LA MI SDOD PAR SKYED PA'I CHOS YOD PAS ZHES BYA BAR TSIG RNAM PAR SBYAR TE, BSHOL BA MED PAR BSKYED PA CAN ZHES BYA BA'I THA TSIG GO, ,PHA ROL POS KHAS BLANGS PA'I PHYIR, YOD DO ZHES BYA BA SMRAS TE, DE 'DRA BA'I NGO BO NYID DE NI SNGON YANG YOD DO, ,'DIR GTAN TSIGS SU MNYAMS MA BYUNG BA ZHES BYA BA LA SOGS PA SMOS TE, GANG GI PHYIR DNGOS PO GANG DAG LA NYAMS PA YANG CUNG ZAD KYANG MED, 'BYUNG BA YANG MED PA BRTAN PA GCIG PU'I NGO BO NYID CAN DE DAG LA NI RNAMS KYANG NGO BO NYID 'GA' YANG MED DO ZHES BYA BA 'DI 'GAL BA DE'I PHYIR SNGON YANG YOD PA ZHES BYA'O, ,NYAMS PA DANG BYUNG BA NI NYAMS PA DANG 'BYUNG BA'O, ,DE DGAG PA NI MA NYAMS PA MA BYUNG BA ZHES BYA'O, ,GANG DAG LA MNYAMS MA BYUNG BA BRTAN PA GCIG PU'I NGO BO NYID YOD PA DE DAG NI MNYAMS MA BYUNG BA BRTAN PA GCIG PU'I NGO BO NYID CAN RNAMS SO, ,MI RTAG PA RNAMS LA YANG SKAD CIG MA GCIG LA NYAMS PA DANG BYUNG BA NYID MED PAS, BRTAN PA ZHES BYA BA SMOS TE, RGYUN GYIS KYANG BRTAN PA NYID DU RTOGS PAS DE'I PHYIR GCIG PU ZHES BYA BA SMOS SO, ,GRUB PA'I MTHA' SMRA BAS DE NI CI DANG ZHES BYA BA LA SOGS PA SMOS TE, MI SDOD PAR SKYED PA'I NGO BO NYID SNGON YANG YOD LA SKYED PA NI MA YIN NO ZHES BYA BA @134B KHYOD KYI TSIG 'DI NI MA YANG YIN LA, MO GSHAM YANG YIN NO ZHES BYA BA 'DI DANG 'DRA'O, ,DE LA 'DI SNYAM DU 'DI NI DE DANG 'DRA BA MA YIN NO SNYAM DE SEMS NA, DE'I PHYIR, MI SDOD PAR SKYED PA'I CHOS KYI NGO BO NYID KYANG YIN LA ZHES BYA BA LA SOGS PA SMOS TE, GAL TE 'DI DE DANG 'DRA BA MA YIN NA DE'I TSO MI SDOD PAR SKYED PAR ZHES BYA BA 'DI'I DON CI YIN PA DANG MI SKYED DO ZHES BYA BA 'DI'I DON YANG CI YIN PAR BRJOD DGOS SO, ,PHA ROL PO'I GZHUNG GI DOGS PA BSU BAR, GAL TE DE'I NGO BO NYID NI LHAN CIG PA YIN GYI ZHES BYA BA LA SOGS PA SMOS TE, MI SDOD PAR 'BRAS BU SKYED PA NI LHAN CIG BYED PA'I RKYEN DANG LHAN CIG PA YIN PAR 'DOD KYI, DE DANG BRAL BA NI MA YIN NO ZHE NA, GRUB PA'I MTHA' SMRA BAS, 'ON NA NI 'BA' ZHIG KYANG GZHAN LA ZHES BYA BA LA SOGS SMOS TE, GAL TE DE'I NGO BO NYID LHAN CIG PA YIN GYI 'BA' ZHIG NI MA YIN NO, ,'O NA NI, BYE MA 'BA' ZHIG KYANG GZHAN LA LHAN CIG PA YANG GZHAN NO ZHES BYA BAR SBYAR TE, DE CI'I PHYIR ZHE NA, DNGOS PO THA DAD PA'I MTSAN NYID NI ZHES BYA BA LA SOGS PA SMOS TE, THA DAD PA NI THAMS CAD DU NGO BO NYID SNA TSOGS PA'I MTSAN NYID YIN NO, ,YANG TSUL GZHAN GYIS DUS THAMS CAD DU 'BRAS BU SKYED PAR THAL BAR 'GYUR BAR BSTAN PA'I PHYIR, LHAN CIG BA NYID YIN NA ZHES BYA BA LA SOGS PA SMOS TE, DNGOS PO LHAN CIG BYED PA DANG LHAN CIG PA YIN NA YANG RANG GI NGO BO KHO NAS BYED KYI, GZHAN GYI NGO BOS NI MA YIN LA, DNGOS PO'I NGO BO NI SNGON YANG DE KHO NAR ZAD DO, ,DE'I PHYIR JI LTAR NES 'GA' SKYED PA DANG 'BRAS BAR 'GYUR RO, ,NGO BO NYID DA LTA BU DANG LDAN PA NI DUS THAMS CAD DU 'BRAS BU SKYED PAR 'GYUR RO SNYAM DU DGONGS PA YIN NO, ,PHA ROL POS MTSUNGS PA NYID DU BSGRUB PA'I PHYIR, GANG GI DNGOS PO SKAD CIG MA YIN PA ZHES BYA BA LA SOGS PA SMOS TE, DNGOS PO SKAD CIG MA YIN PAR SMRA BA'I LTAR NA YANG, JI STE 'BA' ZHIG GIS MI SKYED, GRUB PA'I MTHA' SMRA BAS, GAL TE YIN NA ZHES BYA BA LA SOGS PA SMOS TE, GAL TE 'BA' ZHIG YIN PAR 'GYUR NA 'BA' ZHIG GIS KYANG 'BRAS BU SKYED PAR 'GYUR RO, ,PHA ROL POS CI STE MA YIN, @135A *, ,CI'I PHYIR 'BA' ZHIG MA YIN PA BRJOD DGOS SO, ,GRUB PA'I MTHA' SMRA BAS, SKAD CIG MA YIN PA'I PHYIR RO ZHES BYA BA SMOS TE, 'DI'I LHAN CIG BYED PA DANG LDAN CIG PA'I RANG GI NGO BO SKAD CIG MA GANG YIN PA DE NYID 'KHOR BA THOG MA MED PA NAS, 'DI'I RANG GI NGO BO'I SKAD CIG MA DANG PO YIN NO, ,DE'I PHYIR, RANG GI NGO BO SKAD CIG MAR NGES PA YIN, JI LTAR 'BA' ZHIG TU 'GYUR, DE LA 'DI SNYAM DU DNGOS PO SKAD CIG MA GCIG LA 'BYUNG BA CAN 'BRAS BU SKYED DO ZHES BYA BA 'DI YANG SGRUB DGOS SO SNYAM DU SEMS NA, DE'I PHYIR, JI LTA BU ZHIG SKYED PA NI BSHAD ZIN TO ZHES BYA BA SMOS TE, SKAD CIG MA GCIG TU GNAS PA JI LTAR 'BRAS BU SKYED PA DE LTAR GONG DU DE DAG KYANG SNGON YANG MED PHYIS KYANG MED, THA DAD PA'I NGO BO YANG MA YIN PAS ZHES BYA BA'I GAR SKABS DER BSHAD ZIN PA NYID DO, ,GANG GI TSE DE LTAR YIN PA DE'I TSE DNGOS PO NUS PA DANG LDAN PA CHOD PA MED PAR 'BRAS BU SKYED PA SKAD CIG MA GCIG LA 'BYUNG BA'I CHOS CAN DE JI LTAR SNGON NAM PHYIS SAM THA DA PAR 'GYUR, 'DI LA SKAD CIG MA GCIG KHO NA LAS BYUNG BA'I NGANG TSUL YOD PAS SKAD CIG MA GCIG LA 'BYUNG BA CAN NO, ,GLEGS BAM LA LA LAS NI SKAD CIG MA DE LA 'BYUNG BA CAN ZHES 'BYUNG STE, DE NI 'DI SKAD CI 'DI LA MNGON PAR 'DOD PA'I SKAD CIG MA DE KHO NA LA 'BYUNG BA'I NGANG TSUL YOD PAS SDANG CIG MA DE LA 'BYUNG BA CAN ZHES TSIG RNAM PAR SBYAR BAR BYA'O, ,SNGON DANG PHYIS DANG SO SO NI 'DIR GZHAN DU 'GYUR PA'I SGRAR BSHAD DO, ,DE LA 'DI SNYAM DU SA BON LA SOGS PA TSOGS BAR MA GYUR PA RNAMS SNGON YOD PA DANG TSOGS PA LAS BKAR TE SO SO DANG PHYIS YOD PA ZHES BYA BA GZHAN DU 'GYUR BA MTHONG BA KHO NA'I SNYAM DU SEMS NA, DE'I PHYIR, GANG ZHIG 'GYUR BA DE NI ZHES BYA BA LA SOGS PA SMOS TE; TSOGS PAR MA GYUR PA GANG YIN PA DANG TSOGS PA LAS BKAR TE, SO SOR BYED PA GANG YIN PA DE NI MI THOGS PAR SKYED PA'I CHOS CAN DE NYID MA YIN NO, ,DE'I PHYIR DNGOS PO SKAD CIG MA CI STE 'BA' ZHIG MI SKYED CI STE 'BA' ZHIG MA YIN ZHES THAL BAR 'GYUR, BA SMRAS BA GANG YIN PA @135B DE BSAL BAR RIG PAR BYA'O, ,'DIR GTAN TSIGS SU, BYED PA PO DANG BYED PA PO MA YIN PA DAG GI ZHES BYA BA LA SOGS PA SMOS TE, BYED PA PO'I NGO BO NYID KYANG GZHAN KHO NA YIN GYI, BYED PA PO MA YIN PA'I NGO BO NYID KYANG GZHAN YIN LA, RGYU YANG BYED PA PO'I YANG GZHAN KHO NA YIN LA BYED PA PO MA YIN PA'I YANG GZHAN KHO NA YIN NO, ,DE LA BYED PA PO NI SKAD CIG MA THA MA GANG YIN PA'O, ,BYED PA PO MA YIN PA NI NYE BA'I THA MA PA'I SKAD CIG MA LA SOGS PA GANG YIN PA'O, ,DE NYID KYI NGO BO NYID GANG YIN PA DE NI GNYI GA LA BRTEN YANG THA DAD PA BRJOD PAR 'DOD PA MED PAR GCIG PA NYID DU BSHAD LA, DE BZHIN DU DE GNYIS KYI RGYU GANG YIN PA DE YANG SNGA MA BZHIN GCIG PA NYID DU BSHAD DO, ,NGO BO NYID DANG DE'I RGYU NI NGO BO NYI DANG DE'I RGYU DAG STE, BYED PA PO DANG BYED PA PO MA YIN PA DAG GI NGO BO NYID DAG KYANG 'GAL BA'I PHYIR LA BYED PA PO DANG BYED PA PO MA YIN PA DAG GI RGYU DAG KYANG 'GAL BA'I PHYIR RO ZHES BYA BA'I THA TSIG GO, ,'DI SKAD DU BYED PA PO'I NGO BO NYID THA MA GANG YIN PA DE NI DE'I NGO BO NYID KHO NAS MUG THOGS SU 'BRAS BU SKYED PAR BYED LA, BYED PA PO MA YIN PA'I NGO BO NYID NYE BA'I THA MA LA SOGS PA GANG YIN PA DE YANG DE NYID KYI PHYIR SKAD CIG MA THA MA BZHIN DU MI SDOD PAR BYA BA BYED PA MA YIN NO, ,DE'I PHYIR DE LTA BU DE NYID CHOS CAN GCIG LA 'GAL BAS, CI STE 'BA' ZHIG GIS MI SKYED CES BYA BA'I THAL BA 'DI BSAL BA YIN NO, ,DE BZHIN DU DE'I RGYU DAG KYANG BYED PA PO SKYED PA'I NGO BO NYID GANG YIN PA DE NI BYED PA PO SKYED PAR BYED LA, BYED PA PO MA YIN PA SKYED PA'I NGO BO NYID GANG YIN PA DE YANG CIG SHOS SKYED PA'I PHYIR, DE'I PHYIR DE LTA BU DAG CHOS CAN GCIG LA 'GAL BAS CI STE 'BA' ZHIG MA YIN ZHES BYA BA'I THAL BA 'DI YANG BSAL TO ZHES BSHAD PA YIN NO, ,GZHAN GYI 'DOD PA'I DOGS PA BSU BAR, GANG ZHIG DE'I NGO BO NYID DE NI ZHES BYA BA LA SOGS PA SMOS TE, GANG LA LA ZHIG 'DI SNYAM DU DNGOS PO RTAG PAR 'DOD PA'I NGO BO NYID GANG YIN PA DE NI MI SDOD PAR SKYED PA'I CHOS CAN KHO NA YIN PAS, DE NI NAM YANG LHAN CIG PA NYID LA MI LTOS SO, ,'BRAS @136A *, ,BU GANG YIN PA DE NI RKYEN GZHAN DAG LA LTOS PAS DE LAS GZHAN PA DANG LHAN CIG PA DAG KHO NA LAS SKYE'I, RTAG PA 'BA' ZHIG KHO NA LAS MI MA YIN NO SNYAM DU SEMS NA STE, 'DI LA MI SDOD PAR BSHOL BA MED PAR SKYED BA'I CHOS YOD PAS 'DI NI MI SDOD PAR SKYED PA'I CHOS CAN NO, ,LHAN CIG BA'I NGO BO NI LHAN CIG PA NYID DO, ,GRUB PA'I MTHA' SMRA BAS, DE LTAR NA YANG JI LTAR ZHES BYA BA LA SOGS PA SMOS TE, DE SKAD DU SMRA BA DE'I LTAR NA YANG JI LTAR RTAG PAR 'DOD PA'I DNGOS PO DE 'BA' ZHIG GIS KYANG 'BRAS BU GDON MI ZA BAR SKYE LA; 'BRAS BU YANG MNGON PAR 'DOD PA'I RGYU DE LAS MI SKYE, GANG ZHIG MI SDOD PAR SKYED PA'I CHOS CAN YIN PA DES NI GDON MI ZA BAR 'BRAS BU BSKYED DGOS SO, ,GAL TE GDON MI ZA BAR 'BRAS BU SKYED PA MA YIN NA NI, JI LTAR MI SDOD PAR SKYED PA'I NGO BO NYID CES BYA STE, GNAS SKABS DE NI 'GAL LO, ,GZHAN GYI 'DOD PA'I DOGS PA BSU BAR, GAL TE 'BA' ZHIG GIS SKYED PA KHO NA NI MA YIN NO ZHE NA ZHES BYA BA SMOS TE, GDON MI ZA BAR 'BA' ZHIG GIS SKYED DO ZHES BYA BA GANG YIN PA 'DI KHO BO KHAS MI LEN TO ZHE NA, GRUB PA'I MTHA' SMRA BAS, DE NI JI LTAR NA ZHES BYA BA LA SOGS PA SMOS TE, GAL TE 'BA' ZHIG GIS GDON MI ZA BAR MI SKYED NA JI LTAR NA BSHOL BA MED PAR SKYED PA'I NGO BO NYID YIN, MI SDOD PAR SKYED PA'I NGO BO NYID DO ZHES SMRAS PA GDON MI ZA BAR SKYED DO ZHES DE SKAD DU YONGS SU BSTAN PA MA YIN PA, 'DI LTAR GDON MI ZA BAR SKYED PA, SKYED PA KHO NA BSHOL BA MED PAR SKYED PA, MI SDOD PAR SKYED PA'I NGO BO NYID CES BYA BA LA SOGS PA NI RNAM GRANGS DAG YIN NO, ,DE LA 'DI SNYAM DU DE 'BA' ZHIG GIS KYANG NUS NA YID MI RTEN PAR GZHAN LA LTOS PA GANG YIN PA 'DI NI 'BRAS BU KHO NA'I NYES PA YIN NO SNYAM DU SEMS NA, DE'I PHYIR, 'DI 'BA' ZHIG GIS KYANG NUS NA ZHES BYA BA LA SOGS PA SMOS TE, GAL TE MNGON PAR 'DOD PA'I DNGOS PO 'BA' ZHIG GIS KYANG NUS PA'I NGO BO NYID YIN NA DE'I TSE 'BRAS BU GZHAN LA LTOS NAS YANG CI STE BTANG SNYOMS SU 'JOG ,CI STE @136B BTANG SNYOMS SU MI 'JOG PA YIN YANG CI ZHIG BYAR YOD CE NA, DE'I PHYIR, GZHAN LA MI 'CHOL BAR ZHES BYA BA LA SOGS PA SMOS TE, GZHAN 'DOD 'BOD KYANG MI 'CHOL BAR 'BRAS BU NA NA GYIS SKYED PAR 'GYUR RO, ,DE LTA YIN NA YON TAN CI ZHIG YOD CE NA, DE LTA NA 'DIS BDAG NYID KYI ZHES BYA BA LA SOGS PA SMOS TE, GAL TE 'BRAS BU GZHAN LA LTOS NA YANG NAN GYIS 'BA' ZHIG GIS SKYED NA DE LTA NA DES RANG GI NUS PA BSAL BAR BYAS PA YIN GYI, DE LTA MA YIN TE, MTHU MED PA LTA BU'AM, BRNYAS PA LTA BU ZHIG TU GYUR NA JI LTAR NUS PAR 'GYUR, DE LTAR NA MI SDOD SKYED PAR BYED PA NI GDON MI ZA BAR 'BRAS BU SKYED PAR BSTAN PA YIN NO, ,DE NI PHAN TSUN 'GAL BAR BSTAN PA'I PHYIR, 'BRAS BU GZHAN LA LTOS SO ZHES BYA BA NI ZHES BYA BA LA SOGS PA SMOS TE, 'BRAS BU RKYEN GZHAN LA LTOS SO ZHES SMRAS BAS NI RTAG PAR 'DOD PA DE 'BA' ZHIG LAS MI SKYE BAR SMRAS PA YIN LA, RTAG PAR 'DOD PA'I DNGOS PO DE 'BA' ZHIG GIS KYANG NUS PA'I NGO BO NYID YIN NO ZHES SMRAS PAS NI DE LAS SKYE BAR SMRAS BA YIN NA, SKYE BA DANG MI SKYE BA 'DI DAG DNGOS PO GCIG LA JI LTAR SRID BAR 'GYUR, PHA ROL BO LAS MJUG BSDU BA SNGON DU 'GRO BA'I CO 'DRI BAR BYA BA'I PHYIR, DE LTA BAS NA PHRAG DOG GIS ZUG RNGUS ZHES BYA BA LA SOGS PA SMOS TE, GANG GI PHYIR DE LTAR GCIG LA SKYE BA DANG MI SKYE BA DAG 'GAL BA MA YIN YANG SMRA BA DE'I PHYIR, PHRAG DOG GI ZUG RNGUS GNAD DU DRAG RAB TU BRGYAB PA CAN 'DI 'CHAL ZHING 'KHANG PAR ZAD PAS BTANG SNYOMS SU DOR BAR RIGS SO, ,KHA NANG DU BLTAS BA'I SDUG BSNGAL GYI RGYU MTSAN YIN PA'I PHYIR, PHRAG DOG NYID ZUG RNGU STE, 'DI LA GNANG DU BRGYAB PA YOD PAS ZHES BYA BAR TSIG RNAM PAR SBYAR RO, ,'CHAL ZHES BYA BA NI CAL COL DANG 'KHRUGS PA DANG LTAG 'OG MA 'BREL PA ZHES BYA BA'I THA TSIG GO, ,DKYUS MA'I MJUG BSDU BA'I PHYIR, DE LTA BAS NA GCIG SKYES PA'I ZHES BYA BA LA SOGS PA SMOS TE, GANG GI PHYIR DE LTA YIN BA DE'I PHYIR LHAN CIG BYED PA NYID GCIG SKYED PA'I MTSAN NYID DU BSHAD PA GANG YIN PA DE NI DNGOS @137A *, ,PO SKAD CIG PA RNAMS KHO NA'I YIN PAR RIG PAR BYA'I, GANG DAG SO SO NA YOD PA CAN SKAD CIG PA MA YIN PA RNAMS KYI NI MA YIN NO, GANG DAG LA SO SO NA YOD PA SRID PA DE DAG GI SO SO NA YOD PA SRID BA CAN RNAMS SO, ,YANG CI'I PHYIR LHAN CIG BYED PA NYID 'DI SKAD CIG PA MA YIN PA RNAMS KYI YANG YIN PAR MI 'DOD CE NA, DE'I PHYIR, SO SOR SKYED SRID PAS ZHES BYA BA LA SOGS PA SMOS TE, GANG DAG SO SOR YANG SKYED PA SRID PA DE DAG NI LHAN CIG BYED PA NYID DU NGES PAR GA LA RUNG STE, LHAN CIG KHO NAR BYED PA NI LHAN CIG BYED PA NYID DU KHO NA YIN NO, ,DE LTAR NA RE ZHIG LHAN CIG BYED PA NYID NI DON GCIG PA'I MTSAN NYID DU BSTAN PA YIN NO, ,PHAN TSUN LAS KHYAD PAR 'BYUNG BA'I MTSAN NYID BSTAN PA'I PHYIR, GANG DU RGYUN GYI PHAN 'DOGS PAS ZHES BYA BA LA SOGS PA SMOS TE, GANG DU RGYUN GYI SGO NAS PHAN 'DOGS PA LA LTOS PA'I DNGOS PO RNAMS RGYU YIN PA DER NI RGYUN DU LA BRTEN NAS KHYAD PAR 'BYUNG BA'I MTSAN NYID RKYEN RNAMS KYI LHAN CIG BYED PA RNAM PAR GZHAG GI RDZAS NI MA YIN NO, ,'DIR DPER BSHAD PA NI, DPER NA 'BRAS THUG PO CHE DAG LAS 'BRAS CHAN 'BYUNG BA LA ME DANG CHU LA SOGS PA LHAN CIG BYED PA'I RKYEN RNAMS LA RGYUN LA BRTEN NAS 'BRAS THUG PO CHE RNAMS KYI KHYAD PAR 'BYUNG GI, ,RDZAS LA BRTEN NAS NI MA YIN PA LTA BU DANG, DPER NA SA BON LA MYU GU SKYE BA ZHES BYA BA LA SOGS PA LTA BU'O, ,'BRAS THUG PO CHE DANG SA BON LA SOGS BA ZHES BYA BAR TSIG RNAM PAR SBYAR RO, ,'BRAS CHAN DANG MYU GU LA SOGS PA DE SKAD CES BSHAD DE, DE DAG SKYE BA LA DE SKAD CES BSHAD DO, ,'DIR GTAN TSIGS SU, RDZAS SKAD CIG MA LA ZHES BYA BA LA SOGS PA SMOS TE, RDZAS GRUB PA SKAD CIG MA GCIG TU GNAS PA LA NI KHYAD PAR DU BYA BAR MI NUS TE, KHYAD PAR BYA BA'I DUS SU MI SDOD PA'I PHYIR RO, ,'DIR RGYUN GYI SGO NAS PHAN 'DOGS SO ZHES BYA BA 'DI GA LAS SHE NA, DE'I PHYIR, 'BRAS THUG PO CHE LA SOGS PA ZHES BYA BA LA SOGS PA SMOS TE, GAL TE 'BRAS THUG PO CHE RNAMS DANG ME DANG @137B CHU DANG ZANGS BU LA SOGS PA RIM GYIS NGO BO NYID KHYAB PAR DU GYUR PA ZHIG MI SKYED PAR GYUR PA DE'I TSE, TSE RABS BRGYAD KYANG 'BRAS CHAN DU MI 'GRUB LA, GAL TE YANG SA DANG CHU DANG RLUNG LA SOGS PAS RIM GYIS SA BON KHYAD PAR DU MI BYED NA, DE'I TSE SA BON LOG BRGYAR BTAB KYANG MYU GUR MI 'GYUR RO, ,DE BZHIN DU GAL TE GANG ZHIG SNANG BA NAS MUN KHUNG DU ZHUGS PA DE'I DBANG PO LA RANG GI PHAN 'DOGS PA DAG GIS PHAN MI 'DOGS NA DE'I MIG GNYIS KYIS BSGRIMS TE BOR YANG NAM YANG DON RTOGS PAR MI 'GYUR RO, ,PHYI DANG NANG GI BYE BRAG GIS DPE GNYIS YIN NO, ,DE LA 'DI SNYAM SU JI LTAR SKAD CIG MA GZHAN DAG LA LHAN CIG BYED PA RNAMS PHAN TSUN LAS KHYAD PAR 'BYUNG BA DE BZHIN DU MI SDOD PAR SKYED PA RNAMS LA YANG CI STE MI 'GYUR SNYAM DU SEMS NA, DE'I PHYIR, THOGS PA MED PAR BSKYED PA'I DBANG PO ZHES BYA BA LA SOGS PA SMOS TE, DBANG PO LA SOGS PA BSHOL BA MED PAR BSKYED PA GANG DAG YIN PA DE DAG NI PHAN TSUN LAS KHYAD PAR MI SKYE STE, GONG DU SKAD CIG MA YIN PA'I PHYIR RO ZHES BSHAD ZIN TO, ,GAL TE DE'I TSE KHYAD PAR 'BYUNG BAR KHAS MI LEN NA, 'O NA JI LTAR DE DAG SHES PA'I RGYU YIN ZHE NA, DE'I PHYIR, DER NI PHAN TSUN NYE BAR 'GRO BA LA SOGS PA'I RKYEN BDAG NYID JI LTA BA'I RKYEN RNAMS KYIS ZHES BYA BA LA SOGS PA SMOS TE, PHAN TSUN NYE BAR 'GRO BA LA SOGS PA'I RTEN DU GYUR PA GANG GI BDAG NYID KYI RKYEN GANG DAG YIN PA RNAMS KYI TE GANG GI PHYIR DE LTA BU DAG GIS DBANG PO LA SOGS PA RUNG BA'I YUL LA SOGS PAR GNAS PA CAN SKYES PA DE DAG RANG GI NGO BO GRUB PA TZAM GYIS SHES PA'I RGYU'I DNGOS POR 'GYUR BA DE'I PHYIR DER LHAN CIG BYED PA NYID NI DON GCIG BYED PA KHO NA YIN GYI, KHYAD PAR 'BYUNG BA NI MA YIN NO, ,PHAN TSUN NYE BAR 'GRO BA NI GCIG LA GCIG PHRAD PA STE; RUNG BA'I YUL LA SOGS PAR 'JOG PA ZHES BYA BA'I THA TSIG GO, ,STZOGS PA SMOS PAS NI MCHOD PA LA SOGS PA YONGS SU BSDU'O, ,PHAN TSUN NYE BA 'GRO BA LA SOGS PA'I RTEN DE LA DE SKAD CES BYA STE, RTEN NI 'DIR RGYU'O, ,DE RNAMS KYI SKYE PA ZHES BYA BA NI RGYU'I GSUM @138A *, ,PA STE; DE DAG RGYUR BYAS NAS SKYES PA GANG DAG YIN PA ZHES BYA BA'I THA TSIG GO, ,GANG DAG LA RUNG BA'I YUL LA SOGS PAR GNAS PA DE DAG NI, RUNG BA'I YUL LA SOGS PAR GNAS PA CAN NO, ,STZOGS PA SMOS PAS NI YUL CHOD BA MED PA LA SOGS PA YONGS SU BSDU'O, ,GNAS PA ZHES BYA BA'I SGRA NI, 'DIR 'JUG PA YIN PAR BSHAD DO, ,LHAN CIG NGO BO NYID GRUB PA NI RANG GI NGO BO TZAM MO, ,YANG KHYAD PAR 'BYUNG BA'I MTSAN NYID KYI LHAN CIG BYED BA NYID JI LTAR RNAM PAR GZHAG CE NA, GANG DU KHYAD BAR SKYED PAS ZHES BYA BA LA SOGS PA SMOS TE; GANG DU LA LAR LHAN CIG BYED BA RNAMS PHAN TSUN NAS KHYAD PAR BYED PA RKYEN NYID DU 'GYUR BA DER NI RGYUN LA BDAG NYID KHYAD PAR DU GYUR PA THOB PAR BYA BA'I PHYIR, LHAN CIG BYED PA'I RKYEN GZHAN DAG LA LTOS PA YIN NO, ,DE'I PHYIR DE DAG LAS MNGON PAR 'DOD PA'I 'BRAS BU BSKYED PAR BYA BA'I PHYIR, SKAD CIG MA BRGYUD PAS NGO BO NYID GZHAN MTHUN PA DANG CHOD MTHUN PA DANG, CHES CHER MTHUN PA 'THOB BO ZHES BYA STE, DPER NA SKAD CIG MA THA MA LTA BU'O, ,DE LTAR NA THAMS CAD DU SKAD CIG MA GCIG GI DBANG DU BYAS NAS DON GCIG BYED PA'I MTSAN NYID NI, LHAN CIG PA NYID YIN PAR RIG PAR BYA'O, ,YANG JI LTAR NA NGO BO NYID GZHAN THOB PA DAG MNGON PAR 'DOD PA'I 'BRAS BU SKYED PAR BYED PA YIN ZHE NA, DE'I PHYIR, DE LA RGYU DANG RKYEN RNAMS KYI ZHES BYA BA LA SOGS PA SMOS TE, DE LA RGYU'I RGYUN DE LA NYE BAR LEN PA ZHES BYA BA'I RGYU GANG DAG YIN PA DANG, LHAN CIG BYED PA'I RKYEN GANG DAG YIN PA DE DAG GI NYE BAR 'GRO BA'I SKAD CIG MA DANG PO GANG YIN PA DE 'JIG PA'I RGYU MED PA RANG GI NGANG GIS LOG PA YIN NA, RGYU DANG RKYEN DE DAG KHO NA LAS SKAD CIG MA GNYIS PA MNGON PAR 'DOD PA'I 'BRAS BU SKYE BA NYE BA 'BYUNG NGO, , GNYIS PA LAS GSUM PA CHES NYE BA 'BYUNG NGO, ,GSUM PA LAS BZHI PA CHES CHER NYE BA 'BYUNG BAS DE LTAR NA RIM GYIS GANG GI MJUG THOGS SU 'BRAS BU 'BYUNG BAR 'GYUR BAS KHYAD PAR DU GYUR PA DANG LDAN PA RGYU'I TSOGS THA MA'I BAR DU 'BYUNG STE, 'DI NI 'BRAS BU 'BYUNG BA'I RIM @138B *, ,PA YIN NO, ,DE LTAR NA LHAN CIG BYED PA DAG LAS SKAD CIG MA BRGYUD PAS NGO BO NYID GZHAN 'BYUNG BA'I MTSAN NYID KHYAD PAR DU GYUR PA THOS NAS RGYU'I SKAD CIG MA THA MA LAS 'BRAS BU SKYE'O ZHES BYA BAR GNAS SO, ,'DIR PHA ROL POS KLAN BTZAL BA'I PHYIR, LHAN CIG BYED PA LAS KHYAD PAR YANG DAG PAR BYUNG BA'I RGYU LAS ZHES BYA BA LA SOGS PA SMRAS TE, GAL TE LHAN CIG BYED PA DAG LAS KHYAD PAR THOB PA'I RGYU GANG YIN PA DE LTA BU KHO NA LAS 'BRAS BU SKYE BAR 'DOD NA DE'I TSE KHYAD PAR DE NYID SKYE BAR MI 'GYUR TE, 'DI LTAR KHYAD PAR YANG NGO BO NYID GZHAN SKYE BA'I MTSAN NYID KYI 'BRAS BU KHO NA YIN LA, DE BSKYED BAR BYA BA LA YANG LHAN CIG BYED PA RNAMS KHYAD PAR DU GYUR PA MED DO SNYAM DU BSAMS PA'O, ,DE LA 'DI SNYAM DU LHAN CIG BYED PA KHYAD PAR DU GYUR PA MED PA DAG KHO NA LAS KHYAD PAR SKYE'O SNYAM DU SEMS NA, DE'I PHYIR, KHYAD PAR CAN MA YIN PA LAS ZHES BYA BA LA SOGS PA SMRAS TE, GAL TE LHAN CIG BYED BA KHYAD PAR DU GYUR PA MA THOB PA DAG LAS KHYAD PAR SKYE BAR KHAS LEN NA, DE'I TSE 'BRAS BU YANG BSKYED PAR KHAS BLANGS DGOS TE, BSGRUB PAR BYA BA NYID DU 'DRA BA'I PHYIR RO SNYAM DU BSAMS PA'O, ,DE'I PHYIR PHAN TSUN NAS KHYAD PAR 'BYUNG BA LA MI LTOS PA KHO NAR LHAN CIG BYED PA RNAMS KYI 'BRAS BU SKYED PAR 'GYUR RO, ,DE LTA YIN NA CI ZHIG GRUB PAR 'GYUR ZHE NA, DE'I PHYIR, DES NA SKAD CIG MA MA YIN ZHES BYA BA LA SOGS PA SMRAS TE, RGYU GANG GIS NA LHAN CIG BYED PA RNAMS PHAN TSUN NAS KHYAD PAR 'BYUNG BA LA MI LTOS LA, 'ON KYANG 'BRAS BU SKYED PA DES NA SKAD CIG MA MA YIN PA RNAMS KYANG DE DANG 'DRA BAR 'GYUR TE, DE DAG KYANG LHAN CIG BYED PA RNAMS LA MI LTOS PAR 'BRAS BU SKYED PAR 'GYUR BA DE DAG LAS KHYAD PAR DU 'GYUR BA 'BYUNG BAR RE BA NI MED DO, ,DE LA 'DI SNYAM DU TSOGS PA DANG PO'I KHYAD PAR DU GYUR PA YANG LHAN CIG BYED PA RNAMS LAS SKYE BAR 'DOD DO SNYAM DU SEMS NA, DE'I PHYIR, 'ON TE KHYAD PAR 'BYUNG NA YANG ZHES BYA BA LA SOGS PA SMRAS TE, GAL TE KHYAD PAR DANG PO BSKYED PA @139A *, ,LA LHAN CIG BYED PA RNAMS PHAN TSUN NAS KHYAD PAR DU GYUR PA SKYE DANG DE'I SE DE KHYAD PAR GYUR PA BSKYED PA LA YANG LHAN CIG BYED PA RNAMS PHAN TSUN KHYAD PAR DU GYUR PA SKYED PA LA LTOS PAR 'GYUR LA, DE BZHIN DU GNYIS PA'I GSUM PA'I ZHES BYA BA THUG PA MED DO; ,YANG NA 'DI NI DON GZHAN YIN TE, GAL TE TSOGS PA DANG PO SO SOR RANG RANG GI LHAN CIG BYED PA RNAM PAR PHYE BA'I GNAS SKABS PA DAG GIS KHYAD PAR DU GYUR PA BSKYED LA SKAD CIG MA GNYIS PA LA KHYAD PAR DU GYUR BA THOB NAS SKYED PAR BYED DO ZHES BYA BAR KHAS LEN LA, DE'I TSE DE'I KHYAD PAR DU GYUR PA SKYED PA LA YANG LHAN CIG BYED PA'I SKYED RNAM PAR PHYE BA'I GNAS SKABS NA 'BYUNG BA DE DAG SO SOR RANG GI LHAN CIG BYED PA DAG LAS KHYAD PAR DU GYUR PA RE BAR 'GYUR LA, DE DAG KYANG RANG GI DAG LAS DE LAS GZHAN PA DAG KYANG RANG GI DAG LAS SHES TE, DE LTA NA THUG PA MED PAR 'GYUR LA, THUG PA MED PA NI GANG DU YANG RIG PA DANG LDAN PA MA YIN NO SNYAM DU BSAMS PA'O, ,'DIR NI RNAM PAR PHYE BA'I GNAS SKABS NA 'BYUNG BA DAG SO SO RANG RANG GI LHAN CIG BYED PA DAG GIS PHAN PA BYED PA'I SGO NAS THUG PA MED PAR KLAN KA BTZAL BAR BYA'I, SKAD CIG MA DANG PO LA GNAS PA'I LHAN CIG BYED PA RNAMS KYIS PHAN BYED PA LA THUG PA MED PAR 'GYUR BA NI MA YIN TE, DE DAG SKAD CIG MA GCIG CIG GNAS BA'I PHYIR RO, ,DE LA 'DI SNYAM DU RGYU BRGYUD BA THOG MA MED PA'I PHYIR, DE LTA BU'I THUG PA MED PA GNOD PAR BYED PA MA YIN NO SNYAM DU SEMS NA, DE'I PHYIR, LHAN CIG BYED PA RNAMS NI, GANG GIS NA ZHES BYA BA SMRAS TE, LHAN CIG BYED PA RNAMS NI RGYU GANG GIS NA 'DI DAG PHAN TSUN NAS BYAS PA'I KHYAD PAR DANG RTAG TU RJES SU 'BREL PAR 'GYUR BA PHAN TSUN NAS 'BRAS BU SKYE BA DANG MTHUN PA'I KHYAD PAR BSKYED PAR RUNG BAR DUS THAMS CAD DU GNAS PA MA YIN NO, ,'BRAS BU SKYE BA NI 'BRAS BU 'BYUNG BA'O, ,'DI NI DE DANG MTHUN PA YANG YIN LA, KHYAD PAR YANG YIN PAS 'BRAS BU SKYE BA DANG MTHUN PA'I KHYAD PAR RO, ,GANG DAG LA DE SKYED PAR RUNG BAR GNAS PA YOD PA DE DAG NI 'BRAS BU SKYES @139B BA DANG MTHUN PA'I KHYAD PAR BSKYED PAR RUNG BA GNAS PA CAN NO, ,CI'I PHYIR LHAN CIG BYED PA DAG DA LTA BU MA YIN ZHE NA, DE'I PHYIR, DE MED PA DANG YOD PA DAG GI ZHES BYA BA LA SOGS PA SMRAS TE, LHAN CIG BYED PA GANG DAG YOD DE NYE NA NI 'BRAS BU GSAL BA MTHONG BA'I PHYIR LA, MED DE BRAL NA NI 'BRAS BU BRAL BA MTHONG BA'I PHYIR RO, ,'DI SKAD DU GAL TE LHAN CIG BYED PA RNAMS DUS THAMS CAD DU PHAN TSUN NAS 'BRAS BU SKYE BA DANG MTHUN PA'I KHYAD PAR BSKYED PAR RUNG BA GNAS PA DAG YIN NA CI'I PHYIR RES 'GA' NI 'BRAS BU SKYE LA, RES 'GA' NI BRAL BAR 'GYUR ZHES SMRAS PA YIN NO, ,GAL TE LHAN CIG BYED PA DUS THAMS CAD DU DE LTA BU MA YIN DU CHUG NA YANG DES NA CI ZHE NA, DE'I PHYIR, DES NA KHYAD PAR DANG PO ZHI ZHES BYA BA LA SOGS PA SMOS TE, GANG GI PHYIR DE LTAR LHAN CIG BYED PA RNAMS RTAG TU DE LTA MA YIN PA'I RGYU DES NA, KHYAD PAR DANG PO TSOGS PA'I 'OG SKAD CIG MA GNYIS PA LA SKYE BA GANG YIN PA DE NI LHAN CIG BYED PA DAG GIS PHAN MA BTAGS PA YIN PAR MI 'THAD PAR 'GYUR RO, ,DE MED PA YIN NA NI SKAD CIG MA GNYIS PA'I KHYAD PAR YANG MED LA, DE BZHIN DU THA MA DANG NYE BA'I SKAD CIG MA'I KHYAD PAR GYI BAR DU MED PA'I PHYIR, JI LTAR SKAD CIG MA THA MA BA NUS PA SKYE BAR 'GYUR, DE YANG MED NA NI JI LTAR TSOGS PA DAG LAS MNGON PAR 'DOD PA'I 'BRAS BU SKYE ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, ZUR GYIS MTHO BTZAMS PA'I PHYIR, KHO BO NI YANG DANG YANG DU ZHES BYA BA LA SOGS PA SMOS TE, GAL TE YANG DANG YANG BRJOD NA YANG 'JIG RTEN GYIS RIG PA GO BA LTA NA LAN BRGYAR YANG SMRA'I, LAN GCIG GAM GNYIS SMRA BRJOD LTA ZHIG SU ZHIG 'DRA STE, PHA ROL GYI DON LA ZHUS PA KHO BO NI DE LTA BU LA BRJOD PA LA NAM YANG SKYO BA MED DO, ,KYE GAL TE SKYO BA MED NA, 'O NA SMROS SHIG CE NA, LHAN CIG BYED PA RNAMS NI GANG GIS NA ZHES BYA BA LA SOGS PA SMOS TE, GANG GIS NA DE DAG PHAN TSUN NAS 'DOGS PA MED PA'I PHYIR, KHYAD PAR DANG PO BSKYED PAR BYA BA LA LHAN CIG BYED PA DAG NYID DU MI 'GYUR PA PHAN TSUN NAS KHYAD PAR BSKYED PA'I @140A *, ,MTSAN NYID KHO NA NI LHAN CIG BYED PA NYID MA YIN NO, ,'ON KYANG 'BRAS BU GCIG SGRUB PAR BYED PA NYID KYI LHAN CIG BYED PA NYID YIN TE, 'DI LTAR TSOGS PA'I SKAD CIG MA DANG BLO 'BYUNG BA'I LHAN CIG BYED PA DE DAG THAMS CAD NI 'DUS NAS SKAD CIG MA GNYIS PA LA KHYAD PAR ZHES BYA BA'I 'BRAS BU BSKYED DE, DE'I PHYIR 'DI DAG GI LHAN CIG BYED PA NYID NI DE'I RGYU CAN YIN PAR 'GYUR RO, ,GZHAN GYI TSIG GI GO SKABS KYI DGOS PA BSU BAR, GAL TE PHAN TSUN NAS KHYAD PAR MED PA RNAMS LA ZHES BYA BA LA SOGS PA SMRAS TE, DON GCIG BYED PA LHAN CIG BYED PA'I MTSAN NYID DU 'DOD PA GANG YIN PA DE YANG PHAN TSUN NAS KHYAD PAR MED PA'I LHAN CIG BYED PA RNAMS LA MED DO, ,GAL TE YOD NA NYES PA CIR 'GYUR ZHE NA, DE'I PHYIR, 'ON TE YOD NA NI ZHES BYA BA LA SOGS PA SMRAS TE, GAL TE KHYAD PAR MED PA RNAMS LA YANG DON GCIG BYED PA YOD PAR GYUR NA, DE'I TSE SO SOR LA YANG 'GYUR TE, SO SOR KHYAD PAR GYI MTSAN NYID KYI 'BRAS BU DE SKYED PAR 'GYUR RO SNYAM DU BSAMS PA'O, ,DE LTA YIN NA NYES PA CI YOD CE NA, DE'I PHYIR, DE LTA NI KHYAD PAR DE LAS 'BYUNG BA CAN GYI ZHES BYA BA LA SOGS PA SMOS TE; GANG GI TSE SO SOR YANG KHYAD PAR SKYED PA DE LTAR YIN PA DE'I TSE KHYAD PAR DANG PO'I BRGYUD PA LAS 'BYUNG BA'I 'BRAS BU YANG 'BA' ZHIG LAS 'BYUNG BAR 'GYUR RO, ,'DI NI DE YANG YIN LA KHYAD PAR YANG YIN PAS KHYAD PAR DE'O, ,'DI LA DE LAS 'BYUNG BA'I NGANG TSUL YOD PAS 'DI NI KHYAD PAR DE LAS 'BYUNG BA CAN NO, ,'DI SKAD DU GAL TE SO SOR BYE BRAG SKYED NA, MYU GU LA SOGS PA MNGON PAR 'DOD BA'I ' RAS BU YANG CI STE MI SKYED CES BYA BA NI PHYOGS SNGA MA'I BSAMS PA YIN NO, ,GRUB PA'I MTHA' SMRA BAS, SNGAR BSHAD PA DRAN PAR BYA BA'I PHYIR, THAMS CAD BSHAD ZIN TO ZHES BYA BA LA SOGS PA SMOS TE, RKYEN TSOGS PA GZHAN DAG GZHAN DAG GIS JI LTAR RGYU'I RGYUN LA SKAD CIG SKAD CIG LA KHYAD PAR SKYE BAR 'GYUR BA DE LTAR GONG DU BSHAD ZIN TO, ,SKAD CIG DE RE RKYEN GZHAN DANG GZHAN DAG GIS ZHES BYA BA LA SOGS PA NI GZHUNG ZLOS PAR @140B BYED PA STE, 'DI NI 'DU BYED RGYUD MA GZHAN DANG GZHAN GYI RKYEN DANG LDAN SKAD CIG MA RE RE LA NUS PA THA DAD PA DAG CES BYA BA NAS BZUNG STE, 'GA' ZHIG KHO NA 'GA' ZHIG GI RGYU YIN NO ZHES BYA BA'I BAR GYU GZHUNG 'DIS LAN BTAB ZIN TO, ,'DIS NI 'DI SKAD DI, ,TSOGS PA'I SKAD CIG MA DANG PO LA LHAN CIG BYED PA RNAMS PHAN TSUN NAS KHYAD PAR 'BYUNG BA MED MOD KYI, 'ON KYANG RANG RANG GI RGYU DAG GIS KHYAD PAR CAN KHO NAR BSKYED PA YIN TE, DE'I PHYIR, KHYAD PAR MED PA RNAMS LA DE YANG MED DO ZHES GANG SMRAS PA DE BAS LA BA YIN NO ZHES BSHAD PA YIN NO, ,JI LTAR NA RNAM PAR SHES PA SKYE BAR RUNG BA'I YUL NA RNAM PAR GNAS PA RNAMS DANG, CHOD PA MED PA RNAMS DANG, TSOGS PA'I RKYEN RNAMS MNGON PAR 'DOD PA'I 'BRAS BU SKYED BA YIN PA DE LTAR YANG CI RIGS PAR YANG BSHAD ZIN TO, ,'DI DAG LA RNAM PAR SHES PA SKYE BAR RUNG BA'I YUL YOD PAS ZHES BYA BAR TSIG RNAM PAR SBYAR RO, ,DE DAG GI NGO BO NI YUL RUNG BA CAN NYID DO, ,DE LA SOGS PA RNAM PAR SHES PA SKYED PAR NUS PA'I GNAS SKABS KYI BYE BRAG GANG DAG YIN PA DE LA DE SKAD CES BYA'O, ,RKYEN GANG DAG LA YUL RUNG BA CAN NYID LA SOGS PA'I GNAS SKABS KYI BYE BRAG YOD PA DE DAG NI YUL RUNG BA CAN NYID LA SOGS PA'I GNAS SKABS KYI BYE BRAG DAG STE, 'DI YANG DE LA GZUGS DANG DBANG PO LA SOGS PA'I TSIGS YUL CHOD BA MED PA LA SOGS PA DANG LDAN PA CAN GANG YIN PA DE NI RNAM PAR SHES PA SKYED PAR NUS PA'I RGYU YIN NO ZHES BYA BA 'DI BSHAD ZIN TO; ,'DIS KYANG JI LTAR PHAN TSUN NAS KHYAD PAR DU GYUR PA MA SKYES PA DAG LAS KHYAD PAR 'BYUNG BA DE BZHIN DU 'BRAS BU YANG 'GYUR TE ZHES SMRAS PA GANG YIN PA DE BSAL BA YIN TE, 'DI LTAR 'BRAS BU NI PHAN TSUN BTAGS PA'I LHAN CIG BYED PA LAS RAB TU SKYE BA YIN LA, KHYAD PAR DANG PO NI DE LTA BU MA YIN NO, ,'BRAS BU SKYED PA'I RKYEN DE DAG KYANG GANG LAS SKYES PA DE YANG DE DAG PHAN TSUN NYE BAR 'GRO BA LA SOGS PA'I RTEN RKYEN GYI KHYAD PAR GANG YIN PA DE NI DE'I RGYU BSKYED PAR NUS PA YIN NO ZHES BYA BA'I BAR SKABS 'DIR BSHAD ZIN TO; SO SOR 'BRAS BU BSKYED PAR @141A *, ,NUS PA YIN YANG JI LTAR 'BA' ZHIG DAG GIS MI SKYED PA DE YANG BSHAD ZIN TE, DE NI BYED PA PO'I KHYAD PAR SO SO NA YOD PA MED PA'I PHYIR ZHES BYA BA 'DIS PHYOGS GCIG BZLAS PA DRAN PAR BYED DE, GONG DU DE DAG KYANG SNGON YANG MED PHYIS KYANG MED SO SO NAS YANG MED PAS NUS KYANG SNGON DANG PHYIS DANG SO SO NA YOD PA LAS 'BYUNG BA'I NYES PA DAG GIS MI GOS SO ZHES BYA BA'I BAR SKABS 'DIR BSHAD ZIN TO, ,DE'I PHYIR KHYAD PAR DE LAS 'BYUNG BA CAN GYI 'BRAS BU YANG 'BA' ZHIG LAS 'BYUNG BAR 'GYUR RO ZHES GANG SMRAS PA DE BSAL BA YIN TE; SKAD CIG MA DE LTA BU NI 'BYUNG BA 'AM 'BYUNG BAR YANG MI 'GYUR LA, 'DI'I SKAD CIG BYED PA RNAMS SO SOR BYA BAR YANG MI NUS SO, ,DE LA 'DI SNYAM DU 'BRAS BU CUNG ZAD CIG NI LHAN CIG BYED PA PHAN TSUN PHAN BTAGS PA'I RANG GI NGO BO DAG GIS BSKYED DO, ,CUNG ZAD CIG NI MA YIN NO ZHES BYA BA'I 'DOD RGYAL 'DI GA LAS SNYAM DU SEMS NA, DE'I PHYIR, 'BRAS BU RNAM PA GNYIS ZHES BYA BA LA SOGS PA SMOS TE, 'BRAS BU RNAM PA GNYIS LA 'BRAS BU NI LHAN CIG BYED PA DAG GIS BSKYED PA'I KHYAD PAR BRGYUD PA LAS 'BYUNG BA ZHES BYA BA DE LTA BU'I CHOS CAN YIN TE, DPER NA MYU GU LA SOGS PA LTA BU'O, ,LA LA NI LHAN CIG BYED PAS BYAS PA'I KHYAD PAR LA MI LDOG PAR YUD TZAM KHO NAS SKYE BA YIN TE, DPER NA MI SDOD PAR SKYED PA'I DBANG PO RNAM PAR SHES PA LA SOGS PA LTA BU'O, ,LHAN CIG BYED PA DAG GIS BSKYED PA ZHES BYA BAR TSIG RNAM PAR SBYAR TE, DE DAG NI LHAN CIG BYED PAS BSKYED PA YANG YIN LA, KHYAD PAR YANG YIN PAS ZHES BSDU'O, ,DE DAG BRGYUD PA LA DE SKAD CES BYA STE, 'DI LA DE LAS 'BYUNG BA'I CHOS YOD PAS 'DI NI LHAN CIG BYED PAS BSKYED PA'I BRGYUD PA'I KHYAD PAR LAS 'BYUNG PA'I CHOS CAN NO, ,MI SDOD PAR SKYED PA'I DBANG PO'I RNAM PAR SHES PA NI SDOD PA MED PAR BSKYED PA'I RNAM PAR SHES PA STE, MI SDOD PA SMOS PA NI SNANG BA NAS MUN KHUNG DU ZHUGS PA'I PHAN BTAGS PA'I DBANG PO'I RNAM PAR SHES PA BSAL BAR BYA BA'I PHYIR RO, ,DBANG PO NI 'DIR YID LA @141B BYED PA LA SOGS PA MTSON PA YIN PAR BLTA BAR BYA'O, ,YANG CI'I PHYIR 'BRAS BU DE RNAM PA GNYIS YIN ZHE NA, DE'I PHYIR, 'BRAS BU DANG RGYU'I NGO BO NYID THA DAD PA'I PHYIR ZHES BYA BA SMOS TE, 'BRAS BU KHO NA LA, LA LA NI RGYU DANG SKYEN TSOGS PA TZAM KHO NA LAS MI SKYE'I, 'ON KYANG TSOGS PA LAS KYANG YONGS SU GYUR PA DAG LAS SKYE LA, YANG LA LA NI RANG GI NYE BAR LEN PA TSOGS PA TZAM LAS TE, MI SDOD PAR SKYED PA'I RGYU'I TSOGS PA LAS SKYES BA GANG YIN PA DE LTA BU'I NGO BO NYID YIN NO, ,RGYU RNAMS KYANG KHA CIG NI YONGS SU 'GYUR BAR NYE BAR 'GRO BA NA 'BRAS BU NYE BAR SKYED PAR BYED KYI, TSOGS PA TZAM GYIS NI MA YIN TE, DE DAG NI BRGYUD BAS RGYU ZHES BYA BA'I THA SNYAD LA BRTEN LA, YANG KHA CIG NI PHAN TSUN TSOGS PA TZAM GYIS 'BRAS BU SKYED PAR BYED PA DAG YIN TE, DE DAG NI RGYU DNGOS SU THA SNYAD GDAGS PA GANG YIN PA DE LTA BU'I NGO BO NYID DAG KYANG YOD DO, ,'DI NYID KYI RGYU DANG 'BRAS BU DAG NGO BO NYID THA DAD PA RNAMS KYI THUG PA MED PA YONGS SU SPANGS PA'I PHYIR, DE LA LHAN CIG BYED PA DAG LAS ZHES BYA BA LA SOGS PA SMOS TE, GANG GI TSE LHAN CIG BYED PA DAG LAS RGYUN GYI SGO NAS PHAN 'DOGS PA LA BRTEN NAS, MNGON PAR 'DOD PA'I 'BRAS BU'I RGYU SKYE BA DE'I TSE LHAN CIG BYED PA DAG GIS BYAS PA'I KHYAD PAR DANG PO GANG YIN PA DE NI LHAN CIG BYED PA DAG GIS BYAS PA'I KHYAD PAR DAG LAS MI SKYE'O, ,'DIR CHOS MI MTHUN PA CAN NYID KYI DPE NI, 'BRAS BU MJUG THOGS CAN LTA BU'O ZHES BYA BA YIN TE; JI LTAR RGYU'I CHOS 'BRAS BU MJUG THOGS CAN LHAN CIG BYED PA DAG LAS RGYUN GYI KHYAD PAR 'BYUNG BA LA BRTEN NAS 'BRAS BU BSKYED PA LTAR 'DI NI DE LTA BU MA YIN NO ZHES BYA'O, ,RNAM PA GCIG TU NA 'DI CHOS MTHUN PA CAN NYID KYI DPE KHO NA YIN TE, JI LTAR RGYU'I TSOGS 'BRAS BU BU MJUG THOGS PA SKAD CIG MA DE LA BYUNG BA'I LHAN CIG BYED PA DAG GIS PHAN MA BTAGS PA'I NGO BO KHO NAS 'BRAS BU SKYED PA DE BZHIN DU KHYAD PAR DANG PO YANG PHAN TSUN PHAN MA BTAGS PA'I NGO BO NYID KYI LHAN CIG BYED PA DAG LAS SKYE'O, ,RGYUN GYIS PHAN 'DOGS PA LA LTOS PA NI RGYUN GYIS PHAN @142A *, ,'DOGS PA LA LTOS PA'O, ,'BRAS BU'I RGYU NI 'BRAS BU'I RGYU'O, ,DE SKYE BA NI 'BRAS BU'I RGYU SKYE BA'O, ,DE NI RGYUN GYIS PHAN 'DOGS PA LA LTOS PA YANG YIN LA, 'BRAS BU'I RGYU SKYE BA YANG YIN PAS ZHES TSIG RNAM PAR SBYAR RO, ,'DI LA LHAN CIG BYED PA DAG GIS BYAS PA'I KHYAD PAR DAG LAS SKYE BA YOD PAS 'DI NI LHAN CIG BYED PAS BYAS PA'I KHYAD PAR LAS SKYE BA CAN NO, ,GANG LAS 'BRAS BU MJUG THOGS YOD PA DE NI 'BRAS BU MJUG THOGS CAN TE, DE DANG 'DRA BAR 'JUG PAS NA DE LTA BU'O, ,YANG DE LAS GZHAN PA'I SGRUB PA GANG YIN ZHE NA, DE'I PHYIR, DE PHAN CHAD KYI KHYAD PAR GANG DAG YIN PA ZHES BYA BA LA SOGS PA SMOS TE, KHYAD PAR DANG PO PHAN CHAD KYI KHYAD PAR GANG DAG YIN PA DE DAG NI LHAN CIG BYED PA DAG GIS BYAS PA'I KHYAD PAR DAG LAS SKYE STE, 'DI DAG LA DE LTA BU LAS SKYE BA YOD PAS ZHES TSIG RNAM PAR SBYAR RO, ,'DI NI SA LA SOGS PA SKAD CIG MA BRGYUD DE 'BYUNG BA THAMS CAD SO SOR BLOS GCIG PA NYID DU BZUNG BA RNAMS PHAN TSUN PHAN 'DOGS PAR SHES PAR BYA STE, 'DI LTAR SA BON SKAD CIG MA BRGYUD DE 'BYUNG BA LA ZLOS GCIG PA NYID DU YONGS SU BZUNG NAS, SKAD CIG MA PHYI MA DAG LAS DANG CHU LA SOGS PA LA PHAN 'DOGS PAR BYED PA YIN PAR BLTA BAR BYA LA, DE BZHIN DU SA DANG CHU LA SOGS PA YANG SO SO'I SKAD CIG MA PHYI MA PHYI MA DAG LA, DE LAS GZHAN PA DAG LAS PHAN 'DOGS PAR BYED PA YIN PA BLTA BAR BYA'O, ,YANG CI'I PHYIR KHYAD PAR DANG PO YANG GZHAN DU SKYE LA, DE LAS GZHAN PA DAG KYANG GZHAN DU SKYE ZHE NA, DE'I PHYIR, DE DANG DE DAG NI DE'I RANG BZHIN ZHES BYA BA LA SOGS PA SMOS TE, KHYAD PAR DANG PO NI PHAN MA BTAGS PA'I LHAN CIG BYED PAS BSKYED PAR BYA BA'I NGO BO NYID YIN LA DE LAS GZHAN PA'I KHYAD PAR DAG PHAN TSUN PHAN GDAGS PA'I LHAN CIG BYED PAS BSKYED PAR BYA BA'I NGO BO NYID DAG YIN NO, ,RANG BZHIN NI NGO BO NYID DE, DE DANG DE DAG LA RANG BZHIN DE YOD PAS ZHES TSIG RNAM PAR SBYAR RO, ,DE'I PHYIR GONG DU THUG PA MED PAR BRJOD PA GANG YIN PA DE YANG 'DI KHO NAS BKAG @142B PAR BLTA BAR BYA'O, ,DE LA 'DI SNYAM DU JI LTAR KHYAD PAR DANG PO KHYAD PAR DU GYUR PA MA SKYES PA'I LHAN CIG BYED PA DAG GIS SKYED BA DE BZHIN DU, SKAD CIG MA MA YIN PA RNAMS KYANG KHYAD PAR DU GYUR PA MA BSKYED PA KHO NAR 'BRAS BU BSKYED PA LA 'GYUR RO SNYAM NA, DE'I PHYIR, GAL TE KHYAD PAR DANG PO'I RGYU BZHIN DU ZHES BYA BA LA SOGS PA SMOS TE, GAL TE KHYAD PAR DANG PO BZHIN DU DNGOS PO SKAD CIG MA YIN LA LHAN CIG BYED PA RNAMS KYI KHYAD PAR DU GYUR PA MA BSKYED PAS KYANG 'BRAS BU BSKYED PAR 'GYUR RO ZHE NA, SKYED PA NI RAG STE, 'GOG PAR BYED PA SU ZHIG YOD DE, DNGOS PO SKAD CIG MA MA YIN PA'I NGO BO DE CI'I PHYIR, MI SDOD PAR SKYED PA'I CHOS CAN ZHIG GAM, 'ON TE MA YIN ZHES 'DI BA 'BA' ZHIG TU ZAD DO, ,GAL TE MI SDOD PAR SKYED PA'I CHOS CAN YIN NA NI, DE'I TSE SO SOR BYED PA SRID PAS RTAG PAR 'DOD PA DE 'BA' ZHIG GIS KYANG 'BRAS BU BSKYED PAR 'GYUR RO ZHES DE SKAD DU BSHAD ZIN PA KHO NA'O, ,RNAM PAR BRTAG PA GNYIS PA LA NYES PA, DE'I NGO BO NYID MA YIN NA NI ZHES BYA BA LA SOGS PA SMOS TE, GAL TE MI SDOD PAR SKYED PA'I NGO BO NYID MA YIN NA NI, DE'I TSE 'DI LHAN CIG BYED PA DANG, LHAN CIG KYANG BYED PA PO MA YIN PA NYID DO, ,MJUG BSDU BA'I PHYIR, DE LTA BAS NA, SKAD CIG MA MA YIN PA'I RGYU DAG LA ZHES BYA BA LA SOGS PA SMOS TE, GANG GI PHYIR DE LTAR RNAM PAR BRTAG PA GNYI GA LA YANG NYES PA YOD PA DE'I PHYIR, RGYU GANG DAG SKAD CIG MA MA YIN PA DE DAG NI 'GA' YANG DON GCIG BYED PAS LHAN CIG BYED PA NYID DU NGES PA MED DO, ,'O NA KHYAD PAR 'BYUNG BA'I MTSAN NYID YIN PAR 'GYUR RO SNYAM NA, DE'I PHYIR, RGYUN GYIS PHAN 'DOGS PA YANG MA YIN PAS ZHES BYA BA LA SOGS PA SMOS TE, LHAN CIG PA NYID RGYUN GYIS PHAN 'DOGS PA'I SGO NAS KHYAD PAR 'BYUNG BA'I MTSAN NYID GANG YIN PA DE YANG RTAG PA RNAMS LA MI 'THAD DE, DE LTA BAS NA DE DAG GI LHAN CIG BYED PA 'GA' YANG MED DO, ,CI'I PHYIR 'BA' ZHIG GIS KYANG BSKYED PAR 'GYUR BAS NYES PA DE SO NA 'DUG PA NYID DO, , @143A *, ,YANG CI'I PHYIR DNGOS PO RTAG PA YANG GDON MI ZA BAR LHAN CIG BYED PA DAG LAS KHYAD PAR BSKYED DO ZHE NA, DNGOS PO'I RGYUN TSOGS PA LA GNAS PA CAN NO, ,PHAL CHER ZHES BYA BA LA SOGS SMOS TE, DNGOS PO'I RGYU LUS CAN NI PHAN CHER LHAN CIG BYED PA'I RKYEN DAG GIS KHYAD PAR BSKYED PAS 'BRAS BU SKYES PA MTHONG STE, DPER NA SA BON LA SOGS PA'I RGYUN LTA BU'O, ,DE BZHIN DU GAL TE RGYU RTAG PAR SMRA BA'I YANG DNGOS PO RTAG PAR 'DOD PA RKYEN GZHAN DAG LA LTOS NAS 'BRAS BU BSKYED NA DE'I TSE GDON MI ZA BAR DE'I SKYED PAR BYED PA'I NGO BO NYID GZHAN ZHIG 'BYUNG STE, PHAN GDAGS PAR BYA BA YIN DANG LTOS PA'I CHOS CAN ZHES BYA'O, ,TSOGS PA NI CHA SHAS 'DUS PA'O, ,'DI LA TSOGS PA LA GNAS PA'I NGANG TSUL YOD PAS, 'DI NI TSOGS PA LA GNAS PA CAN NO, ,'BRAS BU LA LTOS PA ZHES BYA BA NI, PHAN GDAGS PAR BYA BA YIN NA ZHES BYA BA'I THA TSIG GO, ,YANG CI'I PHYIR DNGOS PO RTAG PA LA LHAN CIG BYED PA DAG LAS SKYED PAR BYED PA'I NGO BO NYID GZHAN SKYE BAR KLAN KA BTZAL ZHE NA, SKYED PAR BYED PA'I NGO BO NYID SNGON YANG YOD NA NI ZHES BYA BA LA SOGS PA SMOS TE, GAL TE RTAG PA LA SKYED PAR BYED PA'I NGO BO NYID SNGON YANG YOD NA NI, DE'I TSE MI SKYED PA MI RUNG STE, SNGON YANG BSKYED PAR 'GYUR RO ZHES BYA BA'I THA TSIG GO, ,DE LTAR LHAN CIG BYED PA'I ZHAR LA BRGYUD DE 'ONGS PA YONGS SU RDZOGS PAR BYAS NAS, DKYUS MA'I MJUG BSDU BA'I PHYIR, DE LTA BAS NA GANG GI BDAG NYID GANG YIN PA NI ZHES BYA BA LA SOGS PA SMOS TE, GANG GI PHYIR DE LTAR SA BON LA SOGS PAS MA NGES SO ZHES BYA BA LA SOGS PA YONGS SU SPANG PA DE'I PHYIR, DNGOS PO GANG GI NGO BO NYID GANG YIN PA DE NI DE YOD PA TZAM KHO NAS DE LTA BUR 'GYUR GYI, DANG PO YOD PAR GYUR NAS PHYIS DE LTA BU'I NGO BO NYID 'GRUB PAR BYA BA'I PHYIR, GZHAN GYI BYED PA LA LTOS PA NI MA YIN NO, ,GANG GI PHYIR DE LTA YIN PA DE'I PHYIR GAL TE, DNGOS PO NGO BO NYID KHO NAS MI GNAS PA'I RANG GI NGO BO ZHIG YIN NA NI, DE LA 'JIG PA'I RGYU DAG CUNG ZAD KYANG MI DGOS SO, ,'ON TE 'DIR RANG BZHIN @143B BRTAN PA CAN DU KHAS LEN NA, DE'I TSE DNGOS PO GNAS PA'I CHOS CAN LA YANG NGO BO NYID GZHAN DU BYA BAR MI NUS PAS 'JIG PA'I RGYU DAG SHIN TU MI DGOS TE RDO RJE LA SHING SRIN GYIS CUNG ZAD BYA BAR MI NUS SO, ,'DI LA MI GNAS PA'I CHOS YOD PAS 'DI NI MI GNAS PA'I CHOS CAN TE, G-YO BA'I NGO BO NYID CES BYA BA'I THA TSIG GO, ,'DI LA GNAS PA'I CHOS YOD PAS 'DI NI GNAS PA'I CHOS CAN TE, RANG BZHIN BRTAN PA ZHES BYA BA'I THA TSIG GO, ,DE LA 'DI SNYAM DU GNAS PA'I CHOS CAN YANG NGO BO NYID GZHAN DU 'GYUR BA KHO NA'O SNYAM DU SEMS NA, CI'I PHYIR, 'ON TE GZHAN NYID DU 'GYUR NA NI ZHES BYA BA LA SOGS PA SMOS TE, GAL TE GZHAN NYID DU 'GYUR NA, DE LTAR YIN NA NI RANG BZHIN RTAG PA KHO NAR MI 'GYUR RO, ,DE'I PHYIR CHOS 'GAL BA GNYIS 'BREL PA MI RUNG BA'I PHYIR, DE NYID RTAG PA SNGA MA STE, MI GNAS PA'I CHOS KYI NGO BO NYID YIN PAR ZAD DE, BRTAG PA DE LA YANG LAN BTAB ZIN TO, ,DE LA 'DI SNYAM DU GZHAN DU 'GYUR BA NYID KYANG DE KHO NA'I NGO BO NYID YIN NO SNYAM DU SEMS NA, DE'I PHYIR, PHA ROL LAS GZHAN DU 'GYUR BA GANG YIN PA DE NI ZHES BYA BA LA SOGS PA SMOS TE, DE LA PHA ROL 'JIG PA'I RGYUR 'DOD PA LAS GZHAN DU 'GYUR BA GANG YIN PA DE NI GZHAN KHO NA YIN LA, GANG ZHIG GZHAN YIN PA DE JI LTAR DE'I NGO BO NYID YIN NO ZHES THA SNYAD 'DOGS PAR 'GYUR, CI'I PHYIR ZHE NA, DE'I PHYIR, DNGOS PO THA DAD PA NI NGO BO NYID THA DAD PA'I MTSAN NYID CES BYA BA LA SOGS PA SMOS TE, DNGOS PO RNAMS THA DAD PA GANG YIN PA DE NI NGO BO NYID THA DAD PA'I MTSAN NYID YIN PAS, 'DIR GAL TE NGO BO NYID THA DAD PA YIN NA, JI LTAR DNGOS PO THA DAD PAR MI 'GYUR, DE LA 'DI SNYAM DU PHA ROL LAS GZHAN DU 'GYUR PA GANG YIN PA NGO BO NYID GZHAN YIN DU ZAD MOD, DE LTA YIN NA NYES PA CI YOD CE NA, DE LTA NA DNGOS PO SNGA MA ZHES BYA BA LA SOGS PA SMOS TE, GANG GI TSE PHA ROL LAS GZHAN DU 'GYUR BA GANG YIN PA DE NI GZHAN KHO NA YIN LA, DE LTA YIN NA DNGOS PO RANG BZHIN BRTAN PA CAN SNGA MA GANG YIN PA DE NI NYAMS PA MED PA'I CHOS NYID LA GNAS PAS DE SUS KYANG GZHAN DU @144A *, ,'GYUR BA BYAS BA MED PA'I PHYIR, 'JIG PA'I RGYU RNAMS DON MED PA DE'I SO NA 'DUG PA YIN NO, ,ZANGS LA SOGS PA RNAM PAR GNAS PA'I RANG GI NGO BO RNAMS KHO NA ME LA SOGS PA LAS SNYI BA NYID LA SOGS PA'I NGO BO NYID GZHAN 'BYUNG BAR MTHONG BA MA YIN NAM ZHE NA; DE'I PHYIR, 'DIS NI ZANGS LA SOGS PA'I SGRA BA LA SOGS PA ZHES BYA BA LA SOGS PA SMOS TE, PHA ROL LAS GZHAN DU 'GYUR BA NGO BO NYID GZHAN YIN NO ZHES SMOS PA 'DIS NI ZANGS KYI SRA BA ME DANG NYE NA SNYI BA'I NGO BO NYID GZHAN DU 'GYUR BA GSAL BAR RIG PAR BYA'O, ,SOGS PA SMOS BA NI, CHU'I SNYI BA LHAGS PA NYE NA SRA BA'I NGO BO NYID GZHAN DU 'GYUR BA GSAL BA YIN PAR RIG PAR BYA'O, ,JI LTAR GSAL ZHE NA, DE'I PHYIR, DE LA YANG SNGA MA ZHES BYA BA LA SOGS PA SMOS TE, ZANGS LA SOGS PA DE LA YANG SRA BA LA SOGS PA'I NGO BO NYID SNGA MA GANG YIN PA DE RANG GI NGANG GIS 'JIG PA CAN YIN PA'I PHYIR ZHE NA, ME LA SOGS PA LHAN CIG BYED PA'I RGYU DANG, ZANGS LA SOGS PA'I SKAD CIG MA RANG GI NYE BAR LEN PA'I RGYU LAS SNYI BA LA SOGS PA'I NGO BO NYID GZHAN KHO NA ZHIG 'BYUNG GI ,GNAS PA SNGA MA KHO NA'I NGO BO NYID, GZHAN DU 'GYUR BA NI MA YIN NO, ,YANG PHA ROL POS BRGAL BAR BYA BA'I PHYIR, DE NI RANG GI GNAS PA'I CHOS CAN KHO NA YIN TE ZHES BYA BA LA SOGS PA SMOS TE, DNGOS PO DE NI RANG GI NGO BO GNAS PA'I CHOS CAN KHO NA YIN TE, 'DI LTAR JI SRID DU 'JIG PA'I RGYU NYE BAR MA GYUR BA DE SRID DU GNAS SO, ,DE LTA BU DE NI GZHAN GYIS 'JIG PAR 'GYUR LA, RGYU DE YANG NGO BO NYID GZHAN MED KYI, 'ON KYANG DNGOS PO 'PHO BA KHO NA 'JIG PA ZHES BYA BAS GZHAN MA YIN NO ZHES BYA BA NI PHYOGS SNGA MA YIN NO, ,GRUB PA'I MTHA' SMRAS BAS, LAN 'DI NI ZHES BYA BA LA SOGS PA SMOS TE, SMRAS PA, DAG BA'I LAN 'DI NI RNAM PAR BRTAG PA GNYIS LAS MI 'DA'O, RNAM PAR BRTAG PA GNYIS PO DE NYID BSTAN PA'I PHYIR, CI DNGOS PO NGO BO NYID KYIS RTAG PA ZHIG GAM ZHES BYA BA LA SOGS PA SMOS TE, KYE CI DNGOS PO NGO BO NYID KYIS RTAG PA ZHIG GAM, 'ON TE MA YIN, CIR 'GYUR ZHE NA, BRTAG @144B PAR BYA BA LAS SNGAR RTAG PAR GYUR NAS ZHES BYA BA LA SOGS PA SMOS TE, DE LTA BUR BRTAG PAR BYAS BA LA, GAL TE SNGAR RTAG PAR GYUR NAS, PHYIS 'JIG PA'I RGYU DANG NYE NA MI RTAG PAR 'GYUR RO ZHES SMRAS NA, DE'I TSE, RTAG PAR 'DOD PA SNGA MA THAMS CAD DU RTAG PA DANG MI RTAG PA THA DAD PA CAN GYI DNGOS PO GNYIS SU YANG RAB TU SMRA LA, RANG GIS 'JIG PA DANG MI 'JIG PAR YANG RAB TU SMRAS PA YIN NO, ,'DI LA RTAG PA DANG MI RTAG PA'I NGO BO NYID THA DAD PA DAG YOD PAS 'DI NI RTAG PA DANG MI RTAG PA'I NGO BO NYID THA DAD PA CAN GYI DNGOS PO GNYIS SO, ,'DI LTAR RANG GI GNAS PA'I CHOS CAN GZHAN LAS DNGOS PO 'PHO BA'I NGO BO 'JIG PA YIN PAR 'DOD LA, DE YANG DE LAS GZHAN MA YIN PA DE'I TSE NGO BO NYID GNYIS SU KHAS BLANGS PAR 'GYUR RO, ,JI LTAR RANG GI 'JIG PA DANG MI 'JIG PA YIN ZHE NA, BSHAD PA, GAL TE NGO BO NYID SNGA MA BDAG NYID KYIS 'JIG PA YIN NA, DE'I TSE 'DI'I 'JIG PA'I NGO BO NYID KHO NAS RANG 'JIG PAR SMRAS PA YIN NO, ,DE LTA NA YANG 'JIG PA'I RGYU DON MED PA YIN NO, ,'JIG PA'I RGYUS BSKYED PA'I NGO BO NYID PHYI MA GANG YIN PA DE YANG 'JIG PA'I NGO BO NYID YIN PA'I PHYIR, BDAG NYID 'JIG PAS 'JIG PA'I RGYU DON MED PA YIN NO, ,'ON TE NGO BO NYID SNGA MA 'JIG PA'I DANG CAN MA YIN NA DE'I TSE YANG BDAG NYID KYIS MI 'JIG PAR SMRAS PA YIN NO, ,MJUG BSDU BA'I PHYIR, DE LTAR NA SNGA MA LA ZHES BYA BA LA SOGS PA SMOS TE, DE LTAR BSHAD PA'I RNAM PAS NA RTAG PAR 'DOD PA SNGA MA LA GNYI GA LTAR YANG 'JIG PA'I RGYU NUS PA MED DO ZHES BYA BAR GNAS SO, ,PHA ROL POS GCIG LA RTAG PA DANG, MI RTAG PA'I NGO BO NYID GNYIS KYIS NYES PA YONGS SU SPANG BA'I PHYIR, SNGAR RTAG PAR 'GYUR NAS ZHES BYA BA LA SOGS PA SMOS TE, RTAG PAR 'DOD PA'I DNGOS PO SNGAR RTAG PAR 'GYUR NAS, PHYIS MI RTAG PAR 'GYUR BA NI MA YIN GYI, 'ON KYANG 'DI NI PHYIS KYANG RTAG PA KHO NA'O, ,'DIR GTAN TSIGS SU NGO BO NYID GCIG PA'I PHYIR RO ZHES BYA BA SMOS TE, GANG GI PHYIR 'DI'I NGO BO NYID GCIG YIN PA DE'I PHYIR 'DI PHYIS MI @145A *, ,RTAG PA NYID GA LA YIN ZHES BYA BA NI PHYOGS SNGA MA'O, ,GRUB PA'I MTHA' SMRA BAS, 'O NA DNGOS PO DE ZHES BYA BA LA SOGS PA SMOS TE, GAL TE DNGOS PO 'DI RANG GI NGO BO 'JIG PA DANG MA 'BREL MI 'GYUR NA, 'O NA 'JIG PA ZHES JI SKAD DU BYA, MI 'GYUR BA'I RANG GI NGO BO NI THAMS CAD DU ZHIG PA NYID DU RTAG PAR RIG PA YIN NO, ,DE CI'I PHYIR ZHE NA, DE'I PHYIR, DE'I NGO BO NYID DANG 'JIG PA DAG NI ZHES BYA BA LA SOGS PA SMOS TE, RTAG PA'I NGO BO NYID DANG 'JIG PA 'DI GNYIS NI PHAN TSUN GYI NGO BO NYID MTSAN NYID MI 'DRA BA'I PHYIR TE, 'JIG PA DANG MI 'JIG PA'I NGO BO NYID DAG PHAN TSUN SPANGS TE GNAS PA'I MTSAN NYID YIN PA'I PHYIR RO SNYAM DU DGONGS PA YIN NO, ,'DI GNYIS LA PHAN TSUN GYI NGO BO YOD PAS 'DI DAG NI PHAN TSUN GYI NGO BO CAN NO, ,PHAN TSUN GYI NGO BO CAN MA YIN PA NI PHAN TSUN GYI NGO BO CAN MA YIN PA'O, ,DE'I NGO BO NI DE NYID DE'I PHYIR RO, ,MJUG BSDU BA'I PHYIR, DE LTA BAS NA 'DI LA 'JIG PA YOD DANG ZHES BYA BA LA SOGS PA SMOS TE, GANG GI PHYIR DE LTA YIN PA DE'I PHYIR, NAM YANG RUNG STE RTAG PA NYID DU 'DOD PA 'DI 'JIG PAR 'DOD NA, DE'I TSE 'DI 'JIG PA'I NGO BO NYID KHO NAR 'GYUR DGOS SO, ,DE LTA MA YIN NA 'JIG PAR MI RUNG STE, DE LTA NA YANG 'JIG PA'I RGYU DON MED PA KHO NA'O ZHES SNGAR BSHAD ZIN TO, ,MJUG BSDU BA'I PHYIR, DES NA DNGOS PO NGO BO NYID KYIS 'JIG PA YIN YANG RUNG ZHES BYA BA LA SOGS PA SMOS TE, JI SKAD DU, SPYOS PA'I TSUL DES NA, GAL TE DNGOS PO 'JIG PA'I NGANG CAN YIN YANG RUNG, 'ON TE 'JIG PA'I NGANG CAN MA YIN YANG RUNG STE, RNAM PA THAMS CAD DU 'JIG PA'I RGYU DGOS PA 'GA' YANG MED DO, ,DKYUS MA'I MJUG BSDU BA'I PHYIR, DE LTA BAS NA DNGOS PO 'JIG PA LA LTOS PA MED PAS ZHES BYA BA LA SOGS PA SMOS TE, GANG GI PHYIR DE SKAD DU BSHAD PA'I RNAM PAS 'JIG PA'I RGYU RNAM PA THAMS CAD DU MI 'THAD PA DE'I PHYIR, DNGOS PO NI 'JIG PAR BYA BA LA CUNG ZAD KYANG LTOS PA MED DO, ,DE'I PHYIR 'JIG PAR NGES PAR GRUB BO, ,'DIR SBYOR BA NI GANG DAG GANG ZHIG @145B YOD PA DE'I PHYIR, LTOS PA MED PA DE DAG NI DE YOD PAR NGES PA DAG YIN TE, DPER NA 'BRAS BU BSKYED PAR BYA BA LA RGYU'I TSOGS THA MA LTA BU'O, ,DNGOS PO YANG 'JIG PAR BYA BA LA LTOS PA MED PA YIN TE, DE LTA BAS NA DE YOD PAR NGES PA YIN NO, ,DES CI ZHIG GRUB PAR 'GYUR ZHE NA, GANG YOD PA DE NI 'JIG PA YANG YIN ZHES BYA BA LA SOGS PA SMOS TE, DE YOD PAR GRUB NA DNGOS PO GANG LA LA YOD PA DE NI GDON MI ZA BAR 'JIG PA YIN LA 'JIG PA'I NGO BO NYID LOG NA THAMS CAD DU YOD PA NYID LDOG PAS DE LTAR NA RJES SU 'GRO BA DANG, LDOG PA DAG GRUB PA YIN NO, , 'DIR PHA ROL POS RJES SU 'GRO BA DANG LDOG PA DAG MA GRUB PAR KLAN KA BTZAL BA'I PHYIR, GAL TE NGO BO NYID KYIS 'JIG PA NYID YIN NA YANG ZHES BYA BA LA SOGS PA SMOS TE, GAL TE YOD PA KHA CIG 'JIG PA'I RGYU MI RUNG BA'I PHYIR NGO BO NYID KYIS 'JIG PA'I NGANG CAN YIN DU CHUG NA YANG YOD PA THAMS CAD 'JIG PA'I NGANG CAN DU 'GYUR DGOS SO ZHES BYA BA 'DI GO GA LAS, DE'I PHYIR LA LAR YOD KYANG 'JIG PA'I NGO BO NYID MA YIN PAR 'GYUR RO, ,YANG DOGS PA'I RGYU CI ZHIG YIN SNYAM NA, THAMS CAD KYI NGO BO NYID THAMS CAD YIN PA NI ZHES BYA BA LA SOGS PA SMOS TE, DNGOS PO THAMS CAD RANG GI NGO BO GCIG PA NI MA YIN NO, ,DPER NA YOD PA NYID DU 'DRA YANG, KHA CIG NI THOGS PA DANG BCAS PA YIN LA, KHA CIG NI THOGS PA MED PA YIN NO, ,BSTAN DU YOD PA DANG BSTAN DU MED PA LA SOGS PA YANG DE BZHIN DU BLTA BAR BYA STE, DE DANG 'DRA BAR YOD PA NYID DU MTSUNGS KYANG, KHA CIG NI 'JIG PA'I BDAG NYID DU 'GYUR LA, KHA CIG NI MI 'JIG PA'I BDAG NYID DU 'GYUR RO, ,DE'I PHYIR MA KHYAB PAS RJES SU 'GRO BA DANG LDOG PA DAG MA GRUB BO ZHES BYA BA NI PHYOGS SNGA MA'I DOGS PA'O, ,GRUB PA'I MTHA' SMRA BAS, GNOD PA CAN GYI TSAD MA BSTAN PA'I PHYIR, MA YIN TE, SKAD CIG MA NYID MA YIN NAM ZHES BYA BA LA SOGS PA SMOS TE, GANG ZHIG 'JIG PA'I NGO BO NYID DU MA 'DOD PA DE NI YOD PA NYID DU MI RUNG NGO, ,DE'I PHYIR YOD PA YANG YIN LA, RTAG PAR YANG 'GYUR RO ZHES BYA BA'I 'KHRUL PAR GA @146A *, ,LA 'GYUR, CI'I PHYIR DNGOS PO MED PA NYID DU THAL BAR 'GYUR ZHE NA, DE'I PHYIR, DNGOS PO'I MTSAN NYID NI ZHES BYA BA LA SOGS PA SMOS TE, 'DI LTAR GANG DON BYED NUS PA DE NI DNGOS PO ZHES BYA'O, ,'O NA DNGOS PO MED PA'I MTSAN NYID CI YIN ZHE NA, NUS PA THAMS CAD DANG BRAL BA NI ZHES BYA BA LA SOGS PA SMOS TE, GANG ZHIG GANG DU YANG NUS PA MED PA DE NI DNGOS PO MED PA ZHES BYA'O, ,DE LA 'DI SNYAM DU SKAD CIG MA MA YIN PA YANG DON BYED PAR 'GYUR RO SNYAM DU SEMS NA, DE'I PHYIR, SKAD CIG MA MA YIN PA NI 'GA' YANG ZHES BYA BA LA SOGS PA SMOS TE, SKAD CIG MA MA YIN PA GANG YIN PA DE NI GANG DU YANG NUS PA MED DO, ,CI'I PHYIR ZHE NA, RIM DANG CIG CAR DAG GIS ZHES BYA BA LA SOGS PA SMOS TE, RIM DANG CIG CAR MA GTOGS PA DUS GZHAN MED PA'I PHYIR RO, ,SKAD CIG MA MA YIN PA NI, RIM GYIS DON BYED PAR YANG MI 'THAD DE, 'DI LTAR LHAN CIG BYED PA LA LTOS NAS RIM GYIS DON BYED PA YIN NA, RTAG PA NI LHAN CIG BYED PA LA LTOS PA MED DO ZHES BSHAD ZIN TO, ,DE'I PHYIR 'DIS CUNG ZAD BYA BA GANG YIN PA DE THAMS CAD CIG CAR BYED PAR 'GYUR GYI, RIM GYIS NI MA YIN NO, CIG CAR YANG MI 'THAD DE, 'DI LTAR BYA BA THAMS CAD CIG CAR BYAS NAS KYANG SKAD CIG MA GNYIS PA LA SOGS PA LA YANG BYED PAR 'GYUR TE, SKAD CIG MA GNYIS PA LA SOGS PAR 'DI'I BYA BA BYED PA'I NGO BO NYID LDOG PA NI MED DO, ,LHAN CIG BYED PA LA MI LTOS PA'I PHYIR, SKAD CIG MA GNYIS PA LA SOGS PA LA BYA BA BYA DGOS PA DE THAMS CAD KYANG SNGON KHO NA BYED PAR 'GYUR TE, DE LTAR NA THUG PA MED PA'I 'KHOR LO LA ZHON PA'I RTAG PA NYON MONGS BDAG NYID KYANG KHYAB PAR 'GYUR LA, 'BRAS BU LTA SMOS KYANG CI DGOS, DE LTAR 'KHRUL PA YONGS SU SPANGS NAS, MJUG BSDU BA'I PHYIR, DE LTA BAS NA GANG YOD PA DE NI SKAD CIG MA KHO NA YIN PAS KHYAB PA GRUB BO ZHES BYA BA SMOS TE, GANG GI PHYIR DE LTAR BSHAD PA'I RNAM PAS JI LTAR YANG 'KHRUL PA MED PA DE'I PHYIR GANG CUNG ZAD YOD PA DE THAMS CAD NI, SKAD CIG MA KHO NA YIN PAS KHYAB BA GRUB BO, , @146B RANG BZHIN GYI GTAN TSIGS KYI SKABS RDZOGS SO,, ,,'BRAS BU'I GTAN TSIGS KYI DBANG DU BYAS NAS, DON GZHAN SHES PAR BYA BA LA 'BRAS BU GTAN TSIGS YIN TE ZHES BYA BA SMOS TE, GANG GI TSE DON GZHAN RTOGS PAR 'DOD PA DE'I TSE 'BRAS BU KHO NA GTAN TSIGS SU BRJOD PAR BYA'O, ,DON GZHAN ZHES BYA BA NI BSGRUB PA LA MA GTOGS PA'I DNGOS PO GZHAN LA STE, DNGOS PO GZHAN THA DAD PA GZHAN KHO NA ZHES BYA BA'I THA TSIG GO, ,RANG BZHIN GYI GTAN TSIGS NI PHAN TSUN ZLOG PA'I BYE BRAG PAS BRTAGS PA'I CHOS GZHAN SHES PAS BYED PA YIN PAR 'DOD LA; 'BRAS BU'I GTAN TSIGS NI DNGOS PO GZHAN SHES PAR BYED PA YIN PAS KHYAB PAR YOD DO, ,YANG CI'I PHYIR DON GZHAN RTOGS PAR BYA BA LA 'BRAS BU KHO NA GTAN TSIGS YIN PAR 'DOD KYI, GZHAN YANG MA YIN ZHE NA, DE'I PHYIR 'KHRUL PA MED PA'I PHYIR RO ZHES BYA BA SMOS TE; RGYU ZHES BYA BA BSGRUB PAR BYA BA DON GZHAN GANG YIN PA DE DANG 'BRAS BU KHO NAR LHAN CIG 'KHRUL PA MED KYI GZHAN NI MA YIN TE, DE LAS BYUNG BA'I MTSAN NYID KYIS 'BREL PAS 'BRAS BU KHO NA DANG 'BREL PA'I PHYIR RO, ,'DI LTAR DE'I BDAG NYID DANG, DE LAS BYUNG BA'I MTSAN NYID KYI 'BREL PA LA, DE LA DE'I BDAG NYID NI RANG BZHIN GYI GTAN TSIGS KYI 'BREL PA YIN LA, DE LAS BYUNG BA'I 'BRAS BU'I GTAN TSIGS KYI 'BREL PA YIN NO, ,DE'I PHYIR GZHAN DANG MA 'BREL PA NYID KYI MI 'KHRUL BA MED DO, ,GZHAN GYI 'DOD PA'I DOGS PA BSU BAR, GAL TE RGYU DANG 'BRAS BU'I DNGOS PO SHES PAR BYA BA DANG SHES PAR BYED PA ZHES BYA BA LA SOGS PA SMOS TE, GAL TE RGYU DANG 'BRAS BU'I MTSAN NYID KYI 'BREL PAS BRTAGS SHES PAR BYED PA NYID DU 'DOD NA, DE'I TSE RNAM PA THAMS CAD DU SHES PAR BYA BA DANG, SHES PAR BYED PA'I DNGOS POR THAL BAR 'GYUR TE, ME'I SPYI'I CHOS BZHIN DU KHYAD PAR GYI CHOS RNAMS KYANG SHES PAR BYA BA YIN PAR 'GYUR LA, DU BA'I YANG KHYAD PAR GYI CHOS BZHIN DU SPYI'I CHOS RNAMS KYANG SHES PAR BYED PA YIN PAR 'GYUR RO, ,ME'I SPYI'I CHOS ME NYID DANG RDZAS NYID DANG YOD PA NYID DANG SHES @147A *, ,BYA NYID LA SOGS PA NI SHES PAR BYA BA YIN PAR 'DOD KYI, KHYAD PAR GYI CHOS RTZVA'I DANG LO MA'I LA SOGS BA NI MA YIN NO, ,DU BA'I YANG KHYAD PAR GYI CHOS DU BA NYID DANG SNGO BA NYID DANG, 'KHYIL BA NYID LA SOGS PA SHES PAR BYED PA YIN PAR 'DOD KYI, SPYI'I CHOS RDZAS NYID DANG, YOD PA NYID DANG SHES BYA NYID LA SOGS PA NI MA YIN NO, ,CI'I PHYIR RNAM PA THAMS CAD DU SHES PAR BYA BA DANG SHES PAR BYED PA'I DNGOS POR 'GYUR ZHE NA, DE'I PHYIR, RNAM PA THAMS CAD DU BSKYED PAR BYA BA DANG SKYED PAR BYED PA ZHES BYA BA LA SOGS PA SMOS SO, ,GANG GI PHYIR DU BA DANG MES RNAM PA THAMS CAD DU, SPYI DANG KHYAD PAR GYI CHOS DAG GIS BSKYED PAR BYA BA YIN LA, ME YANG DU BA RNAM PA THAMS CAD DU SPYI DANG KHYAD PAR GYI CHOS DAG GIS SKYED PAR BYED PA YIN PA DE'I PHYIR RNAM PA THAMS CAD DU SHES PAR BYA BA DANG, SHES PAR BYED PA'I DNGOS POR 'GYUR RO ZHES BYA BA NI, PHYOGS SNGA MA'I DOGS PA YIN NO, ,GRUB PA'I MTHA' SMRA BAS, MA YIN TE, DE MED PAR YANG 'BYUNG BA NI ZHES BYA BA LA SOGS PA SMOS TE, ME MED KYANG RDZAS NYID LA SOGS PA 'BYUNG LA, ME'I KHYAD PAR MED KYANG DU BA TZAM 'BYUNG NGO, ,DE'I PHYIR, ME KHO NA LAS RDZAS NYID LA SOGS PA 'BYUNG LA, ME'I KHYAD PAR KHO NA LAS DU BA TZAM DU 'BYUNG NGO ZHES BYA BA DE LTA BU'I NGES PA MED PA'I PHYIR, DE SKAD SMRAS PA'I NYES PAR THAL BA MED DE, 'DI LTAR ME LAS DU BA ZHES BYA BA'I RDZAS 'BYUNG GI ,CHU ZHES BYA BA NI MA YIN LA, RTZVA'I ME LAS DU BA 'GA' KHO NA ZHIG 'BYUNG GI ,THAMS CAD NI MA YIN NO, ,MJUG BSDU BA'I SGO NAS, BSGRUB PAR BYA BA DANG SGRUB PAR BYED PA DAG GIS SHES PAR BYA BA DANG SHES PAR BYED PA DPYAD PA'I PHYIR, DE LTA BAS NA RGYU'I NGO BO NYID CES BYA BA LA SOGS PA SMOS TE, GANG GI PHYIR DE LTAR RNAM PA THAMS CAD DU BSKYED PAR BYA BA DANG, SKYED PAR BYED PA'I DNGOS PO YIN PA NI MED PA DE'I PHYIR RGYU LAS RNAM PAR GNAS PA'I CHOS JI SNYED CIG MED PAR 'BRAS BU MI 'BYUNG BA DE SNYED CIG NA RGYU YIN GYI GZHAN NI MA YIN NO, ,CI'I PHYIR ZHE NA, DE'I 'BRAS BU NYID DU NGES PA'I PHYIR RO ZHES BYA BA @147B SMOS TE, DE DAG KHO NA'I 'BRAS BU 'DI YIN NO ZHES BYA BA DE LTA BU'I NGES PA YOD PA'I PHYIR RO ZHES BYA BA'I THA TSIG STE, 'DI LTAR SPYI'I CHOS RNAMS KHO NA'I 'BRAS BU DU BA YIN NO ZHES NGES PAR BRJOD PA YIN NO, ,DE LTAR RE ZHIG BSGRUB PAR BYA BAR GTOGS PA'I CHA DPYAD PA YIN NO, ,BSGRUB PAR GTOGS PA'I CHA DPYAD PAR BYA BA'I PHYIR GANG DAG DE DAG MED NA MI 'BYUNG BA'I CHOS ZHES BYA BA LA SOGS PA SMOS TE, 'BRAS BU YANG DE'I CHOS, GANG DAG RGYUR GTOGS PA'I CHOS DAG MED NA MI 'BYUNG BA'I CHOS DE DAG NYID KYIS SHES PAR BYED PA YIN PAR RIG PAR BYA'O, ,'DI SKAD DU, 'BRAS BUR GTOGS PA'I KHYAD PAR GYI CHOS RNAMS RGYUR GTOGS PA'I SPYI'I CHOS RNAMS MED NA MI 'BYUNG STE, DE LTA BAS NA DE DAG NYID SHES PAR BYA BA DANG SHES PAR BYED PA'I DNGOS PO YIN NO, ,YANG GZHAN GYI TSIG GI GO SKABS KYI DOGS PA BSU BAR, GAL TE CHA SHAS KYIS ZHES BYA BA LA SOGS PA SMOS TE, GAL TE RGYUR GTOGS BA'I SPYI'I CHOS KHO NA DAG MED PAR 'BRAS BUR GTOGS PA'I KHYAD PAR GYI CHOS RNAMS MI 'BYUNG BA YIN NA, DE LTA NA NI 'O NA CHA SHAS KYIS BSKYED PAR BYA BA DANG SKYED PAR BYED PA NYID DU GYUR TO, ,'DI LTAR ME'I KHYAD PAR GYI CHOS RNAMS KYANG SKYED PAR BYED PA MA YIN LA, DU BA'I YANG SPYI'I CHOS RNAMS BSKYED PAR BYA BA MA YIN PAR THAL BAR 'GYUR TE, BDAG NYID THAMS CAD KYIS BSKYED PAR BYA BA DANG SKYED PAR BYED PA'I DNGOS POR NI 'DOD DO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, MA YIN TE, DES BSKYED PAR BYA BA'I KHYAD PAR ZHES BYA BA LA SOGS PA SMOS TE, 'DIR BDAG NYID THAMS CAD KHO NAS BSKYED PAR BYA BA DANG, SKYED PAR BYED PA'I DNGOS PO YIN GYI, CHAS NI MA YIN NO, ,SHES PAR BYA BA DANG SHES PAR BYED PA'I DNGOS PO NI, SHES PA LA LTOS PA YIN GYI, DNGOS PO 'JUG PA LA LTOS PA NI MA YIN NO, ,'DI LTAR GAL TE ME'I KHYAD PAR GYI DU BA'I KHYAD PAR BSKYED PA GANG YIN PA DE BZUNG BAR NUS NA, DE'I TSE ME'I KHYAD PAR SHES PAR BYA BA NYID DU 'DOD PA NYID DE, 'DI LTAR YANG AA KA RU'I DU BA MTHONG BA LAS AA @148A *, ,KA RU'I ME RJES SU DPAG PA MTHONG NGO, ,GAL TE SPYI'I RDZAS NYID LA SOGS PA, RTAGS KYI KHYAD PAR DU BAS KHYAD PAR DU BYAS PA DE LTA BU DE DAG KYANG BZUNG NUS NA, DE'I TSE DE DAG LAS KYANG ME RTOGS PAR 'GYUR BAS 'DOD BA KHO NA STE, GANG ZHIG DU BA LA YOD PA'I RDZAS YIN PA'I PHYIR, 'DI NA ME YOD DO ZHES SMRA NA DE'I RJES SU DPAG PA YIN PAR 'GYUR RO, ,ME'I KHYAD PAR DES BSKYED PAR BYA BA NI, DES BSKYED PAR BYA BA'O, ,'DI NI DES BSKYED PAR BYA BA YANG YIN LA, KHYAD PAR YANG YIN PAS DES BSKYED PAR BYA BA'I KHYAD PAR TE, DU BA LA YOD PA'I KHYAD PAR ZHES BYA BA'I THA TSIG GO, ,DE 'DZIN PA NI DES BSKYED PAR BYA BA'I KHYAD PAR 'DZIN PA'O, ,RTAGS KYI KHYAD PAR NI, RTAGS KHYAD PAR CAN TE, SPYI GANG DAG LA DE'I KHYAD PAR BYE BRAG YOD PA DE DAG NI RTAGS KYI KHYAD PAR GYI BYE BRAG CAN NO, ,GAL TE DES BSKYED PA'I KHYAD PAR 'DZIN PA DANG RTAGS KYI KHYAD PAR GYI BYE BRAG CAN GYI SPYI 'DZIN NA RJES SU DPAG PAR 'DOD DO,, 'O NA GANG GI TSE MI 'DOD CE NA, KHYAD PAR CAN MA YIN PA'I SPYI BRJOD PAR 'DOD NA NI ZHES BYA BA LA SOGS PA SMOS TE, GANG GI TSE KHYAD PAR CAN MA YIN PA'I DU BA BRJOD PAR 'DOD PA DANG, KHYAD PAR CAN MA YIN PA'I RDZAS NYID LA SOGS PA SPYI DAG BRJOD PAR 'DOD PA DE'I TSE, 'KHRUL PA'I PHYIR RJES SU DPAG PAR MI 'DOD DO, ,'DI LTAR ME'I KHYAD PAR MED PAR YANG KHYAD PAR CAN MA YIN PA'I DU BA 'BYUNG LA, ME MED PAR YANG KHYAD PAR CAN MA YIN PA'I RDZAS NYID LA SOGS PA 'BYUNG NGO, ,DE LTA BAS NA GANG NA DU BA YOD PA DE NA ME YOD DO ZHES BYA BA NI, 'BRAS BU LAS RGYU RJES SU DPAG PAR RNAM PAR GNAS SO, ,'DIR PHA ROL POS 'KHRUL BA GLENG BA'I GO SKABS KYI DOGS PA BSU BAR, GAL TE 'GA' ZHIG RES 'GA' 'GA' ZHIG LAS BYUNG YANG ZHES BYA BA LA SOGS PA SMOS TE, GAL TE DU BA 'GA' ZHIG DUS RES 'GA' ME 'GA' ZHIG LAS BYUNG DU CHUG NA YANG, DU BA THAMS CAD ME LA RAG LAS TE SKYE BAR 'GYUR RO ZHES BYA BA'I NGES PA 'DI GO GA LAS, NGES PA MA GRUB NA, RJES SU 'GRO BA DANG LDOG PA DAG KHO NA MI 'GRUB BO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, MA YIN TE, DE LAS 'BYUNG BA MA YIN PA NI ZHES BYA BA LA SOGS PA SMOS TE, GAL TE DU BA MES BSKYED PAR BYA BA'I NGO BO NYID @148B MA YIN PAR GYUR NA, DE'I TSE LAN 'GA' YANG ME DE LAS 'BYUNG BAR MI 'GYUR TE, BRJOD KYANG DE LAS 'BYUNG BAR MI 'GYUR RO SNYAM DU DGONGS PA YIN NO, ,'DI LA ME DE LAS 'BYUNG BA'I NGO BO NYID YOD PAS 'DI NI DE LAS 'BYUNG BA CAN NO, ,DE LAS 'BYUNG BA CAN MA YIN PAS DE LAS 'BYUNG BA CAN MA YIN PA STE, DES BSKYED PAR BYA BA'I NGO BO NYID MA YIN PA ZHES BYA BA'I THA TSIG GO, ,CI DU BA MES BSKYED PAR BYA BA YIN PAS ME LAS 'BYUNG STE, DES NA DE SKAD DU BRJOD DAM ZHE NA, DE'I PHYIR, PHAN TSUN LTOS PAS ZHES BYA BA LA SOGS PA SMOS TE, RGYU DANG 'BRAS BU DAG GI BSKYED PAR BYA BA DANG SKYED PAR BYED PA'I NGO BO NYID KYI MTSAN NYID NI PHAN TSUN LTOS PA YIN NO, ,'DI LTAR DU BA YANG MES BSKYED PAR BYA BA'I NGO BO NYID KYI 'BRAS BU YIN LA, ME YANG DU BSKYED PAR BYED PA'I NGO BO NYID KYI RGYUR 'DOD DO, ,PHAN TSUN LA LTOS PA NI PHAN TSUN LTOS PA'O, ,BSKYED PAR BYA BA DANG SKYED PAR BYED PA NI, BSKYED PAR BYA BA DANG SKYED PAR BYED PA DAG GO ,DE DAG NI BSKYED PAR BYA BA DANG SKYED PAR BYED PA DAG KYANG YIN LA, NGO BO NYID DAG KYANG YIN PAS ZHES TSIG RNAM PAR SBYAR RO, ,GANG DAG LA DE DAG GI MTSAN NYID YOD PA DE DAG NI, BSKYED PAR BYA BA DANG SKYED PAR BYED PA'I NGO BO NYID KYI MTSAN NYID CAN GYI RGYU DANG 'BRAS BU DAG GO, ,GAL TE 'DI GNYIS KYIS BSKYED PAR BYA BA DANG SKYED PAR BYED PA'I NGO BO NYID PHAN TSUN LTOS PA YIN DU CHUG NA YANG, DES NA CI ZHIG GRUB PAR 'GYUR ZHE NA, 'DE LA GAL TE DU BA ME LA SOGS PA'I ZHES BYA BA LA SOGS PA SMOS TE, RGYU DANG 'BRAS BU'I DNGOS PO DE LTAR GNAS PA DE LA GAL TE DU BA ME LA SOGS PA'I TSOGS PA SPANGS TE, BRGYA BYIN GYI SPYI BO LA SOGS BA GZHAN LAS KYANG 'BYUNG NA NI, DE'I TSE DU BA ME LA SOGS PA'I TSOGS PAS BSKYED PAR BYA BA'I NGO BO NYID MA YIN PAS, LAN 'GA' YANG DE LAS 'BYUNG BAR MI 'GYUR TE, DPER NA PADMA BZHIN NO, ,'DI LTAR MES BSKYED PAR BYA BA'I NGO BO NYID ME LAS 'BYUNG BA BSHAD KYI, DES BSKYED PAR BYA BA'I NGO BO NYID MA YIN PA NI MA YIN TE, HA CANG THAL BAR 'GYUR BA'I PHYIR RO, ,GANG ZHIG GANG GIS BSKYED PAR BYA BA'I NGO BO NYID MA YIN PA DE NI LAN 'GA' YANG DE LAS MI 'BYUNG STE, DPER NA ME LAS PADMA @149A *, ,LTA BU'O, ,KHYOD KYI LUGS KYIS KYANG, DU BA NI ME MA YIN PAS BSKYED PAR BYA BA'I NGO BO NYID YIN NO ZHES BYA BA NI KHYAB BAR BYED PA MI DMIGS PA YIN NO, ,DE LA 'DI SNYAM DU DES BSKYED PAR BYA BA'I NGO BO NYID MA YIN BA 'DI YANG TSOGS PA'I DBANG GIS 'BYUNG NGO SNYAM DU SEMS NA, TSOGS BAS KYANG ZHES BYA BA LA SOGS PA SMOS TE, ME LA SOGS PA'I TSOGS PA DES KYANG DU BA DE LTA BU DE BSKYED PAR MI 'GYUR RO, ,CI'I PHYIR, DE BSKYED PA'I NGO BO NYID MA YIN PA'I PHYIR ZHES BYA BA SMOS TE, DU BA BSKYED PA'I NGO BO NYID MA YIN PA'I PHYIR RO, ,GANG GI TSE DU BA GZHAN LAS KYANG 'BYUNG BA DE'I TSE ME LA SOGS PA'I TSOGS PA DU BSKYED PA'I NGO BO NYID MA YIN TE, DE'I PHYIR JI LTAR DU BSKYED PAR 'GYUR, 'DIR DPER NA, TSOGS PA GZHAN BZHIN TE, JI LTAR CHU LA SOGS PAS DU BSKYED PAR MI BYED PA DE BZHIN DU 'DIS KYANG SKYED PAR MI BYED DO, ,DE LA 'DI SNYAM DU, DU BA NI MES BSKYED PAR BYA BA'I NGO BO NYID KYANG YIN LA, GZHAN GYIS BSKYED BAR BYA BA'I NGO BO NYID KYANG YIN BAR 'GYUR RO SNYAM DU SEMS NA, DE'I PHYIR, DU BA NI DE DANG DE MA YIN PAS ZHES BYA BA LA SOGS PA SMOS TE, DU BA NI MES BSKYED PAR BYA BA'I NGO BO NYID KYANG YIN LA, BRGYA BYIN GYI SPYI BO LA SOGS PA'O, ,BSKYED PAR BYA BA'I NGO BO NYID KYANG YIN PAR 'GYUR BAR 'OS PA MA YIN NO, ,DE DANG DE MA YIN PA NI DE DANG DE MA YIN PA DAG GO, ,DE DANG DE MA YIN PA DAG GIS BSKYED PAR BYA BA NI, DE DANG DE MA YIN PAS BSKYED PAR BYA BA STE, DE ZHES BYA BA NI ME LA SOGS PA RGYU'O, ,DE MA YIN PA ZHES BYA BA NI BRGYA BYIN GYI SPYI BO LA SOGS PAS SO, ,CI'I PHYIR, RIG PA MA YIN ZHE NA, NGO BO NYID GCIG PA'I PHYIR RO ZHES BYA BA SMOS TE, DU BA NI NGO BO NYID GCIG PA YIN NA, DE JI LTAR DE DANG DE MA YIN PAS BSKYED PAR BYA BA'I NGO BO NYID DU 'GYUR GAL TE DE DANG DE MA YIN PAS BSKYED PAR BYA BA'I PHYIR NGO BO NYID GCIG PA YIN PAR GYUR NA NYES BA CI YOD CE NA, DU BA DANG DU BA MA YIN PAR BSKYED PA'I NGO BO NYID LAS ZHES BYA BA LA SOGS PA SMOS TE, DU BSKYED PA'I NGO BO NYID LAS 'BYUNG NA NI, DU BA'I NGO BO NYID DU 'GYUR LA, DU BA MA YIN PAR BSKYED PA'I NGO BO NYID LAS BYUNG NA NI, DU BA MA YIN PA'I NGO BO NYID DU @149B 'GYUR RO; ,DE'I PHYIR DU BA DANG DU BA MA YIN PA'I NGO BOS DU BA 'GAL BA'I NGO BO NYID CAN DU GYUR TO, ,GAL TE DU BA DANG DU BA MA YIN PAR BSKYED PA'I NGO BO NYID LAS SKYES PA YIN DU CHUG KYANG, 'ON KYANG DU BA DANG DU BA MA YIN PA'I NGO BO NYID DU GO CI'I PHYIR 'GYUR ZHE NA, 'BRAS BU'I NGO BO NYID RNAMS NI ZHES BYA BA LA SOGS PA SMOS TE, 'BRAS BU RNAMS KYI NGO BO NYID GANG YIN PA DE NI, RGYU'I NGO BO NYID KYIS BYAS PA YIN NO, ,DE'I PHYIR DU BA DANG DU BA MA YIN BA BSKYED PA'I NGO BO NYID LAS 'BYUNG NA, JI LTAR DU BA DANG DU BA MA YIN PA'I NGO BO NYID DU MI 'GYUR, DE LA 'DI SNYAM DU 'BRAS BU RNAMS KYI NGO BO NYID NI RGYU'I NGO BO NYID KYIS BYAS BA MA YIN NO SNYAM DU SEMS NA, DE'I PHYIR, RGYU LA MI LTOS NA YANG ZHES BYA BA LA SOGS PA SMOS TE, GAL TE 'BRAS BU'I NGO BO NYID RGYU'I NGO BO NYID LA MI LTOS NA, DE'I TSE RGYU MED PA CAN DU THAL BAR 'GYUR RO, ,RGYU MED PA CAN NYID YIN NA NI, YUL DANG DUS DANG RNAM PA SO SOR NGES PAR MI 'GYUR RO, ,MJUG BSDU BA'I PHYIR, DE LTAR NA DU BA SKYED BAR BYED PA GANG YIN PA DE NI ME LA SOGS PA'I ZHES BYA BA LA SOGS PA SMOS TE, GANG GI PHYIR DE LTA YIN PA DE'I PHYIR, GANG ZHIG DU BSKYED PAR BYED PA DE NI ME LA SOGS PA'I TSOGS PA'I KHYAD PAR YIN LA, DU BA YANG ME LA SOGS PA'I KHYAD PAR LAS BYUNG BA GANG YIN BA DE KHO NA YIN PAR BLTA'O, ,'DI LTAR 'JIG RTEN NA GANG ZHIG TSA BAR BYED PA DANG 'TSED PAR BYED PA DANG, DU BA SKYED PAR BYED PA DE NI ME YIN PAR GRAGS LA, GANG ZHIG MES BSKYED CING MIG DAG NAS MCHI MA 'DZAG PAR BYED PA DANG, NAG POR BYED PA DANG, GRE BA LA GNOD PAR BYED PA NI DU BA YIN PAR GRAGS SO, ,DE LTAR ME DANG DU BA DAG PHAN TSUN LTOS BA'I NGO BO NYID DU BSTAN NAS, KLAN KA SNGA MA YONGS SU SPANG BA'I PHYIR, DE LTAR NA RGYU DANG 'BRAS BU DAG CES BYA BA LA SOGS PA SMOS TE, GANG GI PHYIR DE LTAR BSHAD PA'I RNAM PAS RGYU DANG 'BRAS BU DAG GI NGO BO NYID NGES PA DE'I PHYIR, RIGS MI MTHUN PA LAS 'BYUNG BA MA YIN NO ZHES BYA BAR GRUB BO, ,GAL TE RIGS MI MTHUN PA LAS 'BYUNG BAR MA GYUR DU CHUG NA YANG, DES NA DNGOS SU @150A *, ,CI ZHIG GRUB CE NA, DE'I PHYIR, DE LTA BAS NA 'BRAS BU ZHES BYA BA LA SOGS PA SMOS TE, GANG GI PHYIR DE LTAR RIGS MI MTHUN PA LAS 'BYUNG BA BKAG PA DE'I PHYIR 'BRAS BUS RGYU 'KHRUL PA MED DO ZHES BYA BAR GNAS SO, ,DE LTA YIN NA YON TAN CI ZHIG YOD CE NA, DES RGYU DANG 'BRAS BU'I DNGOS PO GRUB NA ZHES BYA BA LA SOGS PA SMOS TE, JI SKAD DU SPROS TE BSHAD PA DES RGYU DANG 'BRAS BU'I DNGOS PO 'KHRUL PA MED PAR GRUB NA, SHES PAR BYA BA DANG, SHES PAR BYED PA BSAM PA LA DU BA LA SOGS PA 'BRAS BU LA ME LA SOGS PA RGYUS KHYAB PA GRUB PA YIN NO, , 'DIR GZHAN GYI 'KHRUL PA KUN DU BSTAN PA'I PHYIR, RIGS MI MTHUN PA LAS KYANG ZHES BYA BA LA SOGS PA SMOS TE, JI LTAR YONGS SU MTHONG PA LA MA GTOGS PA RGYU RIGS MI MTHUN PA LAS KYANG, 'BRAS BU CUNG ZAD 'BYUNG BA MTHONG STE, DE'I PHYIR 'KHRUL PA SRID NA, JI LTAR 'BRAS BU LA RGYUS KHYAB PA GRUB PAR 'GYUR, 'KHRUL PA DE NYID BSTAN PA'I PHYIR, DPER NA BA LANG GI LCI BA LA SOGS PA LAS ZHES BYA BA LA SOGS PA SMRAS TE, SHA LU KA RUNG GI SA BON LAS RAB TU SKYE BA YANG BA LANG GI LCI BA LA SOGS PA LAS SKYE BA MTHONG NGO, ,SOGS PA ZHES BYA BA'I SGRAS NI, RVA LAS 'DAM BU DANG BA LANG GI SPU DANG, LUG GI BAL DAG LAS RTZVA D'UR BA ZHES BYA BA LA SOGS PA YONGS SU BSDU'O, ,GRUB PA'I MTHA' SMRA BAS, RIGS MI MTHUN PA LAS 'BYUNG BA NI MA YIN TE ZHES BYA BA SMOS TE, BA LANG GI LCI BA LA SOGS PA LAS SHA LU KA LA SOGS BA 'BYUNG BA NI, RIGS MI MTHUN PA LAS 'BYUNG BA MA YIN NO, ,GANG GI PHYIR BA LANG GI LCI BA LA SOGS PA'I RNAM PA DE LTA BU KHO NA SHA LU KA LA SOGS PA DANG POR 'BYUNG BA DE 'DRA BA RNAMS KYI DANG PO'I RGYU MTSAN NYID YIN PA DE'I PHYIR BA LANG GI LCI BA LA SOGS PA RGYU RIGS MI MTHUN PA NYID KYI THA DAD PA MA YIN NO, ,CI STE THAMS CAD DU RVA LAS 'DAM BU MI 'BYUNG ZHE NA, DE'I PHYIR RGYUN GYIS 'BYUNG NA NI ZHES BYA BA LA SOGS PA SMOS TE, 'DAM BU DANG PO NYID DU 'BYUNG BA'I RGYU NI RVA KHO NA YIN NO, ,DE LTAR BYUNG BA PHYIS RGYUN CHAGS PAR 'BYUNG BA NI RVA LAS BYUNG BA MA YIN NO, ,'DI SKAD DU, 'DAM BU RNAMS KYI DANG PO'I RGYU MTSAN @150B NI RNAM PA THAMS CAD DU RVA KHO NA YIN LA, PHYIS NA DE DAG RIGS MTHUN PA SNGA MA SNGA MA DAG LAS PHYI MA PHYI MA 'BYUNG STE, DPER NA DU BA DANG PO NI ME LAS NYE BAR 'BYUNG LA, DE'I 'OG ROL GYI DUS SU 'BYUNG BA SKAD CIG MA RNAMS NI, RIGS MTHUN PA'I SKAD CIG MA'I RGYU MTSAN CAN MA YIN PA LTA BU'O ZHES BSHAD PA YIN NO, ,DE LTAR RE ZHIG RGYU RIGS MI MTHUN PA NYID BKAG BA YIN NO, ,DA NI RIGS MI MTHUN PA NYID KHAS BLANGS NAS 'KHRUL PA YONGS SU SPANG PA'I PHYIR, YANG NA BA LANG GI LCI BA DANG, CIG SHOS LAS SKYES PA CAN DAG CES BYA BA LA SOGS PA SMOS TE, BA LANG GI LCI BA DANG CIG SHOS LAS SKYES PA'I SHA LU KA DAG RNAM PA 'DRA MOD KYI, 'ON KYANG DE GNYIS KYI NGO BO NYID RO DANG, NUS PA DAG RNAM PAR SMIN PA THA DAD PA YOD PA KHO NA'O, ,GANG DAG BA LANG GI LCI BA DANG, CIG SHOS LAS SKYE BA YOD PA DE DAG NI BA LANG GI LCI BA DANG CIG SHOS LAS SKYE BA CAN DAG GO, ,CIG SHOS ZHES BYA BA'I SGRAS NI, RANG GI SA BON YONGS SU BZUNG NGO, ,RNAM PA 'DRA BA RNAMS NGO BO NYID KYANG 'DRA BAR 'GYUR BA MA YIN NAM ZHE NA, DNGOS PO RNAMS KYI RNAM PAR MTSUNGS PA KHO NA ZHES BYA BA LA SOGS PA SMOS TE, RNAM PA MTSUNGS PA DAG GIS THAMS CAD NGO BO NYID MTSUNGS PAR 'GYUR RO ZHES BYA BA'I NGES PA GANG YIN PA 'DI NI MED DO, ,DE NYID KYI RGYU ZHES BYA BA NI NGO BO NYID GCIG PA'I RGYU'O, ,CI'I PHYIR RGYU MA YIN ZHE NA, RNAM PA THA DAD PA MA YIN PA RNAMS KYANG ZHES BYA BA LA SOGS PA SMOS TE, 'DI LTAR DNGOS PO KHA CIG RNAM PA MTSUNGS KYANG KHYAD PAR 'GA' ZHIG GIS RIGS THA DAD PA MTHONG NGO, ,'DI LTAR LA LA LA MI ME TOG LAS THA DAD PAR MTHONG STE, SHUR PA KA ME TOG SNGON PO DANG, CIG SHOS CAN DAG LTA BU'O, ,LA LA LA NI 'BRAS BU LAS TE KAR KO TA 'BRAS BU MED PA DANG CIG SHOS LTA BU'O, ,LA LA LA NI RO LAS TE NAGS KYI DANG CIG SHOS KYI RGYAL MO GA GON DAG LTA BU'O, ,LA LA LA NI DRI LAS TE SHING LJON PA DANG CIG SHOS LAS SKYE BA'I TZAM PA KA DAG LTA BU'O, ,LA LA LA NI MTHU LAS TE REG PA DANG SPYAD PAS 'KHRU BA'I AA RU RA DAG LTA BU'O, ,YANG BA LANG GI LCI BA DANG, CIG SHOS LAS SKYE BA DAG NGO BO NYID GCIG PA YIN NA NYES PA CI YOD CE NA, DE LTA MA YIN TE, TSOGS PA MTSAN NYID MI 'DRA BA LAS @151A *, ,ZHES BYA BA LA SOGS PA SMOS TE, GAL TE RGYU'I TSOGS MTSAN NYID MI 'DRA BA LAS KYANG 'BRAS BU'I MTSAN NYID MI 'DRA BA MA YIN PA KHAS LEN NA, DE'I TSE RGYU THA DAD PA MA YIN PA DAG LAS 'BRAS BU'I THA DAD PA DANG THA DAD PA MA YIN PA DAG MI 'GRUB BO, ,DE'I PHYIR KHAMS GSUM GYI THA DAD PA DANG THA DAD PA MA YIN PA DAG RGYU MTSAN MED PA CAN DU 'GYUR RO, ,GAL TE RGYU MTSAN NYID MI 'DRA BA LAS 'BRAS BU MTSAN NYID MI 'DRA BA MA YIN PA 'BYUNG NA RGYU'I THA DAD PA LAS 'BRAS BU'I THA DAD PAR MI 'GYUR DU CHUG NA YANG, MTSAN NYID MI 'DRA BA MA YIN PA LAS 'BYUNG BA GO CI'I PHYIR THA DAD PAR MA YIN PAR MI 'GYUR ZHE NA, DE'I PHYIR, 'DI LTAR THA DAD PA LAS THA DAD PA MA YIN PAS ZHES BYA BA LA SOGS PA SMOS TE, GANG GI TSE RGYU THA DAD BA LAS 'BRAS BU THA DAD PAR MI 'GRUB PA DE'I TSE RGYU THA DAD PA MA YIN PA LAS KYANG, 'BRAS BU THA DAD PA MA YIN PA MI 'GRUB BO, ,YANG THA DAD PA DANG THA DAD PA MA YIN PA DE DAG RGYU MED PA CAN YIN NA YANG NYES PA CI YOD CE NA, DE'I PHYIR, DE LA MA GTOGS PA'I ZHES BYA BA LA SOGS PA SMOS TE, DNGOS PO NI THA DAD PA DANG THA DAD PA MA YIN PA KHO NAR ZAD KYI, DE LA MA GTOGS PA'I DNGOS PO GZHAN NI MED DO, ,GAL TE DE GNYIS RGYU MED PA CAN YIN NA; DE'I TSE DNGOS PO THAMS CAD RGYU MED PA CAN DU 'GYUR RO, ,RGYU MED PA CAN NYID GCIG YIN NA NI DNGOS PO RTAG TU YOD PA'AM MED PA ZHIG TU 'GYUR RO, ,'DIR GTAN TSIGS SU, LTOS PAR BYA BA MED PA'I PHYIR RO ZHES BYA BA SMOS TE, DE NYID BSTAN PA'I PHYIR, DNGOS PO RNAMS NI LTOS PA'I PHYIR ZHES BYA BA LA SOGS PA SMOS TE, DNGOS PO RNAMS KYI RES 'GA' BA GANG YIN PA 'DI NI LTOS PAR BYAS PA YIN TE, 'DI LTAR DE DAG CUNG ZAD CIG LA LTOS NA, DUS GZHAN DU SHOL BAR 'GYUR RO, ,RES 'GA' YOD PA NI RES 'GA' BA DAG STE, RES 'GA' BA SMOS BA NI NYE BAR MTSON PAR ZAD PAS YUL DANG NGO BO NYID SO SOR NGES PA YANG BLTA BAR BYA'O, ,'DI SKAD DU JI LTAR RGYU YOD NA 'BRAS BU YOD LA, RGYU MED NA MED PA DE BZHIN DU RGYU THA DAD BAS, 'BRAS BU THA DAD LA THA DAD PA MA YIN NA THA DAD PA MA YIN PAR GDON MI ZA BAR KHAS BLANG DGOS SO, ,GTAN TSIGS GZHAN BSGRUB PAR BYA BA DAG LA SGRUB BA TE BAR SBYOR @151B BA ZHES BYA BA LA SOGS PA SMOS TE, RGYU MED PA CAN NYID YIN NO, ,BSGRUB PAR BYA BA DAG LA SGRUB PA RNAMS KYI SBYOR BA SO SOR NGES PA, NAS KYI MYU GU LA NAS KHO NA, S'A LU'I MYU GU RNAMS KHO NA ZHES BYA BA LA SOGS PA GANG YIN PA DER YANG MI 'GYUR, ,CI'I PHYIR MI 'GYUR ZHE NA, RGYU'I NUS PA SO SOR NGES NA ZHES BYA BA LA SOGS PA SMOS TE, GAL TE RGYU RNAMS KYI NUS PA SO SOR NGES PA DAG YIN NA DE'I TSE, 'GA' ZHIG 'GA' SGRUB PAR BYED PA GZUNG BAR RIGS KYI GZHAN NI MA YIN NO, ,CI'I PHYIR GZHAN MA YIN ZHE NA, DE KHO NA DE LA NUS PA'I PHYIR LA ZHES BYA BA LA SOGS PA SMOS TE, 'DI LTAR NAS KYI SA BON KHO NA NAS KYI MYU GU LA NUS KYI, S'A LU'I SA BON NI MA YIN NO, ,YANG CI'I PHYIR DE'I TSOGS PA ZHES BYA BA'I RGYU KHO NA DE LA NUS KYI, GZHAN NI MA YIN NO ZHE NA, DE'I PHYIR, DE GNYIS NI ZHES BYA BA LA SOGS PA SMOS TE, S'A LU DANG NAS KYI SA BON DE DAG NI S'A LU DANG NAS KYI MYU GU SKYED PAR BYED PA NYID KYIS THA DAD PAR RNAM PAR GNAS PA'I PHYIR RO, ,DE LA 'DI SNYAM DU GAL TE MTSAN NYID MI 'DRA BA LAS KYANG SKYE BAR 'GYUR NA 'GYUR DU ZAD MOD, NYES BA CI YOD CE NA, DE BSKYED PA'I NGO BO NYID DANG MTSAN NYID MI 'DRA BA LAS KYANG ZHES BYA BA LA SOGS PA SMOS TE, GAL TE DU BA SKYED PA'I NGO BO NYID DANG MTSAN NYID MI MTHUN PA, BRGYA BYIN GYI SPYI BO LAS KYANG DU BA 'BYUNG BA KHAS LEN NA, DE'I TSE ME KHO NA DU BA SKYED PAR NUS SO ZHES BYA BA'I NUS PA 'DIR MI 'GYUR RO, ,NGES PA MED NA NI, DU BA GANG YANG RUNG BA LAS 'BYUNG BAR 'GYUR RO, ,DE LTA YIN NA NI DNGOS PO THAMS CAD GANG YANG RUNG BA LAS SKYE BAR 'GYUR RO, ,DE LA 'DI SNYAM DU GZHAN YANG DE SKYED PAR NUS SU ZAD MOD, KHO BO LA GNOD PA CI YOD SNYAM NA, DE'I PHYIR, DE SKYED PAR NUS PAR MTSUNGS NA NI ZHES BYA BA LA SOGS PA SMOS TE, GAL TE BRGYA BYIN GYI SPYI BO LA YANG DU BA SKYED PAR NUS PA YOD NA NI, ,DE'I TSE DE YANG MI KHO NA YIN NO, ,DE'I PHYIR LEGS PAR RNAM PAR PHYE BA'I 'BRAS BUS NI, RGYU 'KHRUL PA MED PAS KHYAB PA GRUB BO, ,KHA CIG NA RE, DU BA LAS KYANG DU BA 'BYUNG BA LAS 'KHRUL PA'I NYES PA DE'I SO NA 'DUG GO ZHES ZER BA GANG YIN PA DE YANG RIGS PA MA YIN TE, 'DI LTAR 'JIG RTEN NI DU BA 'DI'I SKAD CIG MA DANG PO NI 'DI'O PHYI MA NI 'DI'O @152A *, ,ZHES BYA BA LA SOGS PA DNGOS PO RNAMS KYI SKAD CIG MA RNAM PAR DBYE BA NI MI SHES SO, ,MI SHES PAS SKAD CIG MA THAMS CAD GCIG PA NYID DU 'DZIN LA, GCIG PA NYID DU BZUNG NAS DU BA THAMS CAD MED LAS RAB TU 'BYUNG BAR SHES TE, RJES SU DPAG PA DANG, RJES SU DPAG PAR BYA BA'I THA SNYAD KYANG JI LTAR GRAGS PA YIN PAR ZAD MOD KYI, DNGOS PO JI LTA BA BZHIN NI MA YIN NO, ,'ON TE MKHAS PA BLO GROS CAN 'GA' ZHIG GIS SKAD CIG MA'I RNAM PAR DBYE BA SHES PAR GYUR NA, DES KYANG YONGS SU SNANG BA'I DU BA'I RGYUN DANG PO ME LAS RAB TU 'BYUNG BA KHO NA'O SHES PAS, 'DI LTAR 'DI NA DU BA'I SKAD CIG MA SNANG BA GANG YIN PA 'DI NI ME LAS BRGYUD DE BYUNG BA YIN NO SNYAM DU RJES SU DPOG PAR BYED PA LA, ME YANG MNGON SUM DANG BRGYUD PAS DU BA THAMS CAD KYI RGYUR 'DOD DE, GAL TE ME DE MED PAR GYUR NA DU BA'I SKAD CIG MA'I RGYUN 'JUG PA RNAMS 'BYUNG BAR MI 'GYUR RO, ,DE LTAR RE ZHIG RJES SU DPAG PA RNAMS PAR GZHAG PA YIN NO, ,DNGOS PO'I SGO NAS KYANG 'KHRUL PA MED PA KHO NA STE, JI LTAR ME'I RGYU MTSAN CAN GYI SKAD CIG MA DANG PO GANG YIN PA DE NI GZHAN LAS MI 'BYUNG LA DUS PHYIS 'BYUNG BA CAN GANG DAG YIN PA DE DAG KYANG NAM YANG ME LAS MNGON SUM DU MI 'BYUNG NGO, ,DE LTAR NA RE ZHIG NI 'BRAS BU'I GTAN TSIGS 'KHRUL PA MED PAR BSTAN PA YIN NO, ,'BRAS BU'I GTAN TSIGS KYI SKABS RDZOGS SO,, ,,MI DMIGS PA'I DBANG DU BYAS NAS, ,DMIGS PA'I RIG BYAR GYUR NA ZHES BYA BA LA SOGS PA SMOS TE, DON GANG ZHIG DMIGS PA'I RIG BYAR GYUR PA YIN NA; DE MI DMIGS PA NI DNGOS PO MED PA'AM, DNGOS PO MED PAR THA SNYAD GDAGS PA BSGRUB PAR BYA BA'I GTAN TSIGS TE, 'AM ZHES BYA BA'I SGRA NI GANG DU BSGRUB SHAR BYA BA DANG, SGRUB PA'I THA DAD PA DER NI DNGOS PO MED PA'I GTAN TSIGS YIN LA, GANG DU THA DAD PA MA YIN PA DER NI MED PAR THA SNYAD GDAGS PA'I GTAN TSIGS YIN NO ZHES RNAM PAR RTOG PA SHES PAR BYA BA'I PHYIR RO, ,DMIGS PA NI DMIGS PAR BYED PA STE, YONGS SU GCOD PA DANG, SHES PAR BYED PA'I MNGON SUM ZHES BYA BA'I THA TSIG GO, ,DMIGS PA'I RIG BYA NI DMIGS PA'I RIG BYA'O, ,SHES PAR BYA @152B BA YIN PAS, RIG BYA STE DMIGS PA'I RIG BYA NYID DU GYUR BA NI DMIGS PA'I RIG BYAR 'GYUR PA STE, DMIGS PA'I RIG BYA NYID YUL NYID DU GYUR BA ZHES BYA BA'I THA TSIG GO, ,NGO BO'I RKYEN MED KYANG NGO BO GTZO CHER BSTAN PAR RUNG BA NYID DE, DPER NA GNYIS DANG GCIG DAG LA GNYIS SU SMOS PA DANG; GCIG TU SMOS PAR BYA BA ZHES BYA BA 'DIR MDO'I DON GNYIS NYID DANG GCIG NYID DAG CES BYA BAR BSHAD PA LTA BU'O, ,DMIGS PA'I RIG BYAR 'GYUR BA NI, DMIGS PA'I RKYEN MA GTOGS PA DE LAS GZHAN PA'I RKYEN GZHAN MTHA' DAD DANG DNGOS LTAR RUNG BA'I NGO BO NYID DANG, YUL DANG, DUS DANG, NGO BO NYID KYI SKAL PA DAG GIS MA BSKAL BA NYID CES BYA BA'I THA TSIG GO, ,DMIGS BA DE NI RNAM PA GNYIS TE, SHES PAR BYED PA'I CHOS DANG SHES PAR BYA BA'I DON GYI CHOS SO, ,RE ZHIG SHES PAR BYED PA'I CHOS NYID BSTAN PAR BYA BA'I PHYIR, DE LA DMIGS PA ZHES BYA BA LA SOGS PA SMOS TE; GANG GI TSE DMIGS PA DANG DMIGS PAR BYED PA'I CHOS YIN PAR BRJOD PAR 'DOD PA DE'I TSE DMIGS PAR BYED PA DE'I SHES PA MNGON SUM ZHES BYA BA GANG YIN PA DE 'DIR DMIGS PA'I SGRAR BRJOD DO, 'DI'I DAG PA'I DON BSTAN PA'I PHYIR, DE LAS GZHAN PA'I DMIGS PA NI ZHES BYA BA LA SOGS PA SMOS TE, DMIGS PAR BYED PA'I CHOS NYID DU BRJOD PAR 'DOD PA'I BUM PA LA SOGS PA 'DZIN PA'I SHES PA DE LAS GZHAN PA BUM PAS DBEN PA'I SA GZHI 'DZIN PAR BYED PA'I DMIGS PA GANG YIN PA DE NI 'DIR MI DMIGS PA'I SGRAR BRJOD DO, ,YANG DMIGS PA KHO NA YIN NA, JI LTAR MI DMIGS PA'I SGRAR BRJOD CE NA, BRJOD PAR 'DOD PA'I DMIGS PA LAS GZHAN YIN PA'I PHYIR ZHES BYA BA SMOS TE, BRJOD PAR 'DOD PA BUM PA 'DZIN PAR BYED PA'I DMIGS PA GANG YIN PA DE LAS BUM PAS DE DBEN PA'I SA GZHI 'DZIN PAR BYED PA'I DMIGS PA 'DI GZHAN YIN PA'I PHYIR MI DMIGS PA ZHES BYA STE, MA YIN PAR 'JUG PAS, DPER NA BZAR RUNG BA LAS GZHAN BZAR MI RUNG BA MI GTZANG BA LAS SOGS PA LTA BU DANG, REG TU RUNG BA LAS GZHAN PA REG TU MI RUNG BA GDOL BA DANG ROL MYAGS LA SOGS PA LTA BU'O, ,MA YIN PAR @153A *, ,'JUG PA NI MA YIN PAR 'JUG PA STE, DGAG PAR BYA BA'I DON MA YIN PA BOR NAS DON KHYAD PAR CAN LA 'JUG PA GANG YIN PA ZHES BYA BA'I THA TSIG STE, MA YIN PAR 'JUG PA DE LTA BU DE 'DIR DAG PA RAB TU SBYAR PA YIN NO, MA YIN PA NI GANG DU BSGRUB BA NI GTZO CHE LA, DGAG PA NI DON GYIS GO BA DE LTA BU YIN PAR BLTA BAR BYA'O, ,BRJOD PAR 'DOD PA'I DMIGS PA LAS GZHAN PA'I DMIGS PA YIN PAS BSGRUB PA NI GTZO BO NYID YIN TE, DE LTAR NA DMIGS PA GZHAN YOD PAR BSGRUB PA'I SHUGS KHO NAS BRJOD PAR 'DOD PA'I DMIGS PA DGAG PA'I SHES PAR 'GYUR RO, ,DE LAS BZLOG PA NI MED PAR DGAG PA YIN PAR BLTA BAR BYA STE, DER NI DGAG PA GTZO BO NYID YIN NO, ,DE LTAR MI DMIGS PAR SHES PAR BYED PA'I CHOS NYID YIN PA BSTAN NAS, ,DMIGS PA SHES PAR BYA BA'I DON GYI CHOS NYID YIN PA BSTAN PAR BYA BA'I PHYIR, DMIGS PAR BYA BA'I CHOS NYID YIN NA NI ZHES BYA BA LA SOGS PA SMOS TE, GANG GI TSE DMIGS PA DMIGS PAR BYA BA'I DNGOS PO'I CHOS YIN PAR BRJOD PAR 'DOD PA DE'I TSE DMIGS PA YUL GYI NGO BO NYID YIN PAR BLTA BAR BYA BA'O, ,YUL GYI NGO BO NYID JI LTA BU ZHIG LA DMIGS PA ZHES BYA ZHE NA, RANG GI YUL CAN GYI RNAM PAR SHES PA ZHES BYA BA LA SOGS PA SMOS TE, DGAG PAR BYA BA BUM PA LA SOGS PA'I RANG GI NGO BO'I YUL CAN GYI SHES PA GANG YIN PA DE BSKYED PAR RUNG BA NYID DE, DE'I MTSAN NYID CAN GYI YUL GYI NGO BO NYID NI DMIGS PA'I SGRAR BRJOD DO, ,SHES PA 'DI LA BUM PA LA SOGS PA'I BDAG NYID KYI YUL YOD PAS NA 'DI NI RANG GI YUL CAN NO, ,DE NI RANG GI YUL CAN YANG YIN LA, RNAM PAR SHES PA GANG YIN PAS RANG GI YUL CAN GYI RNAM PAR SHES PA STE, DE SKYE BA LA DE SKAD CES BYA'O, ,RANG GI YUL CAN RNAM PAR SHES PA SKYED PAR RUNG BA NYID CES BYA BAR TSIG RNAM PAR SBYAR TE, ,YUL GYI NGO BO NYID 'DI LA RANG GI YUL CAN GYI RNAM PAR SHES PA BSKYED PAR RUNG BA NYID KYI MTSAN NYID YOD PAS, ,'DI NI RANG GI YUL CAN GYI RNAM PAR SHES PA BSKYED PAR RUNG BA NYID KYI MTSAN NYID CAN NO, ,GAL TE 'DIR DMIGS PA YUL GYI NGO BO NYID NI JI LTAR @153B RUNG BA NYID KYI MTSAN NYID YIN, 'DI LTAR RUNG BA NYID KYI CHOS NYID YIN LA, CHOS DANG CHOS CAN DAG NI THA DAD PA KHO NA'O ZHE NA, DE'I PHYIR, RUNG BA NYID NI DNGOS PO'I NGO BO NYID YIN PA'I PHYIR RO ZHES BYA BA SMOS TE, RUNG BA NYID NI DNGOS SU NA, DNGOS PO'I NGO BO NYID KHO NA YIN GYI, DON DAM PAR DNGOS PO'I RANG GI NGO BO LAS THA DAD PA NI MA YIN NO, ,DE LTAR DMIGS PA YUL GYI CHOS NYID YIN PA BSTAN NAS, DGAG PA 'JUG PA BSTAN PA'I PHYIR, DE LAS GZHAN PA'I DMIGS PA ZHES BYA BA LA SOGS PA SMOS TE, DGAG PAR BYA BA BUM PA LA SOGS PA RANG GI YUL CAN GYI RNAM PAR SHES PA BSKYED PAR RUNG BA, DE LAS GZHAN PA BUM PAS DBEN PA'I PHYOGS DMIGS PA BSKYED PAR RUNG BA GANG YIN PA DE NYID, ,'DIR MI DMIGS PA'I SGRAR BRJOD DO, ,TSUL GONG MA DANG MTHUN PAR BSGRE BA'I PHYIR, ,SNGA MA BZHIN NO ZHES BYA BA SMOS TE, BRJOD PAR 'DOD PA'I DMIGS PA LA GZHAN YIN PA'I PHYIR, MA YIN PAR 'JIG PAS BZAR MI RUNG BA DANG, REG TU MI RUNG BA BZHIN NO ZHES BYA BA DON THAMS CAD THAL ZIN NO, ,YANG GZHAN ZHES BYA BA'I SGRA NI SPYI'I SGRA YIN NA, JI LTAR MI DMIGS PA NYID MA YIN PAR 'JUG PAS, BUM PAS DBEN PA'I PHYOGS SHES PA KHO NA'AM, BUM PAS DBEN PA'I PHYOGS KHO NA YIN PAR RAB TU BRTAGS LA, KHYAD PAR MED PAR GZHAN GYI SGRAR BRJOD PAR BYA BA THAMS CAD KHO NA NI MA YIN NO ZHE NA, DE'I PHYIR, DE'I PHYIR, RUNG BA NYID DU KHYAD PAR MED BA'I PHYIR GANG DU GANG ZHIG DMIGS NA ZHES BYA BA LA SOGS PA SMOS TE, PHYOGS LA SOGS PA'I GNAS SKABS GANG DU GZUGS LA SOGS PA GANG ZHIG DMIGS NA, DNGOS PO GZHAN GANG ZHIG NGES PAR DMIGS PAR 'GYUR BA'I DNGOS PO DE NI GZUGS LA SOGS PA DE DANG 'BREL PA BRJOD DO, ,RUNG BA NYID DU KHYAD PAR MED PA NI NGES PAR DMIGS PA'I RGYU YIN TE, 'DI LTAR GZUGS LA SOGS PA DMIGS NA DRUNG BA NYID KYI NGO BOR MTSUNGS PA'I PHYIR, GNYIS PA YANG GDON MI ZA BAR DMIGS PAR 'GYUR RO, ,DE NYID JI LTAR 'BREL CE NA, SHES PA GCIG DANG 'BREL PA'I PHYIR RO ZHES BYA BA SMOS TE, GNYI @154A *, ,GA YANG SHES PA GCIG DANG 'BREL TE, 'DI LTAR SHES PA DE DNGOS PO GNYIS KYI RNAM PAR BSKYED PA NA DE GNYIS BDAG NYID DANG 'BREL PAR STON PAR BYED DO, ,CI'I PHYIR SHES PA DE GDON MI ZA BAR DNGOS PO GNYIS KYI RNAM PAR 'GYUR ZHE NA, DE'I PHYIR, DE GNYIS YOD NA ZHES BYA BA LA SOGS PA SMOS TE, GAL TE RUNG BA NYID KYI NGO BOR MTSUNGS PA GANG DAG YIN PA DE DAG YOD PA YIN NO, ,DE'I TSE GCIG NGES BAR RTOGS PAR MI 'GYUR RO, ,'DIR GTAN TSIGS SU MI SRID PA'I PHYIR RO ZHES BYA BA SMOS SO, ,GANG GIS NA DE GNYIS LA GCIG KHO NA SNANG BAR 'GYUR GYI, CIG SHOS NI MA YIN PA 'DI NI MI SRID DO, ,KLAN KA GNYUG MA YONGS SU SPANG BAR BZHED NAS, MJUG BSDU BAR, DE LTAR BAS NA 'DIR RUNG BA NYID KYI NGO BO KHYAD PAR MED PA CAN ZHES BYA BA LA SOGS PA SMOS TE, GANG GI PHYIR DE GNYIS RUNG BA NYID KYI PHYIR NGO BOR MTSUNGS PAS SHES PA GCIG DANG 'BREL PA DE'I PHYIR MI DMIGS PA'I SKABS 'DIR DE GNYIS NYE BA'I PHYIR RUNG BA NYID KYI NGO BO KHYAD PAR MED PA CAN DAG PHAN TSUN LTOS PA KHO NAS GZHAN NYID YIN PAR BLTA BAR BYA'I KHYAD PAR MED PAR GZHAN GYI SGRAR BRJOD PAR BYA BA'I DNGOS PO LA LTOS NAS NI MA YIN NO, ,GANG DAG LA RUNG BA NYID KYI NGO BO KHYAD PAR MED PA YOD PA DE DAG NI RUNG BA NYID KYI NGO BO NYID KYI NGO BO KHYOD PAR MED PA CAN DAG GO, ,GA DGAG LA SHES PA GCIG DANG 'BREL PA'I NGANG TSUL YOD PA DE DAG NI, SHES PA GCIG DANG 'BREL PA CAN DAG GO, ,'DIR ZHES BYA BA 'DIS NI MI DMIGS PA STON PAR BYED DO, ,DE LTAR 'DIR SHES PA GCIG PA DANG 'BREL PA CAN DAG PHAN TSUN LTOS PA KHO NAS GZHAN NYID DU THA SNYAD GDAGS SO ZHES BSTAN NAS, MI DMIGS PA BSTAN PAR BYA BA'I PHYIR, DE 'BA' ZHIG DE LA LTOS NAS ZHES BYA BA LA SOGS PA SMOS TE, GANG GI TSE PHYOGS DE 'BA' ZHIG KHO NA JI SKAD BSHAD PA'I BU MA LA LTOS NAS, BUM PA DE LAS GZHAN YIN NO ZHES BYA BA DE'I TSE MI DMIGS PA NI BUM PAS DBEN PA'I PHYOGS SHES PA'AM BUM PAS @154B DBEN PA'I PHYOGS KYI NGO BO NYID YIN TE, GANG GI TSE DE SHES PA YIN PA DE'I TSE NI MI DMIGS PA SHES PAR BYED PA'I CHOS KYI MTSAN NYID YIN NO, ,GANG GI TSE DE'I NGO BO NYID YIN PA DE'I TSE NI SHES BYA'I CHOS KYI MTSAN NYID YIN NO, ,'DI SKAD DU MI DMIGS PA NI, BYED PA PO LA GNAS PA'I BYA BA 'AM, LAS LA GNAS PA'I BYA BA YIN PAR 'GYUR TE, BYED PA PO GNAS PA YIN NI MI DMIGS PA SHES PA YIN NO, ,LAS LA GNAS PA YIN NA NI MI DMIGS PA YUL GYI NGO BO NYID YIN NO ZHES BSHAD PA YIN NO, ,DE LTAR MA YIN PAR 'JUG PAS MI DMIGS PA RNAMS PAR BZHAG NAS, 'DI'I BSGRUB PAR BYA BA BSTAN PA'I PHYIR, DE'I ZLA BO DNGOS PO MED PA'AM, DNGOS PO MED PAR THA SNYAD GDAGS PA ZHES BYA BA LA SOGS PA SMOS TE, MI DMIGS PA MA YIN PA'I NGO BO BSHAD PA GANG YIN PA DE NI ZLA BO BUM PA LA SOGS PA DNGOS PO MED PAR THA SNYAD GDAGS PA SGRUB PAR BYED PA YIN TE, RGYU DANG, KHYAB PAR BYED PA ME DMIGS PAS NI DNGOS PO MED PA DANG DNGOS PO MED PAR THA SNYAD GDAGS PA SGRUB PAR BYED LA, RANG BZHIN MI DMIGS PAS DNGOS PO MED PAR THA SNYAD GDAGS PA 'BA' ZHIG GO, ,DNGOS PO MED PAR THA SNYAD GDAGS PA NI, SHES PA DANG MNGON PAR BRJOD PA DANG 'JUG PA'I MTSAN NYID DE, DE LA 'DI NA BUM PA MED DO SNYAM PA DE LTA BU'I RNAM PA CAN GYI SHES PA DANG, DE LTA BU DNGOS PO MNGON PAR RJOD PAR BYED PA'I MNGON PAR BRJOD PA DANG, PHYOGS DER DOGS PA MED PAR 'GRO BA DANG 'ONG BA'I MTSAN NYID KYI 'JUG PA YIN NO, ,PHA ROL POS GANG GI TSE MI DMIGS PA YUL GYI NGO BO NYID MA YIN PA DE'I TSE, MI DMIGS PAR MI RUNG BA NYID DU BSTAN PA'I PHYIR, JI LTAR NA GZHAN YOD PA DE MED PA YIN ZHES BYA BA LA SOGS PA SMOS TE, PHYOGS KYI NGO BO NYID GANG YIN PA DE JI LTAR BUM BA MED PA YIN, RGYU GANG GIS NA DNGOS BO MED PA'I NGO BO'I MI DMIGS PAS DNGOS PO MED PAR THA SNYAD GDAGS PAR GYUR PAR 'GYUR, 'DIR PHA ROL PO'I BSAM PA NI, GANG GI TSE 'BRAS BU DANG RANG BZHIN GYI GTAN TSIGS DNGOS PO YOD PA'I NGO BO DAG LAS MI DMIGS PA LOGS SHIG TU BYED NA, DE'I TSE DE GDON MI ZA BAR DNGOS PO MED PA'I NGO BOR 'GYUR TE, DE LTA MA YIN NA LOGS SHIG @155A *, ,SHIG TU BYED PA DON MED PA NYID YIN NO, ,KHYAD KYIS NI GZHAN YOD PA'I NGO BO MED DMIGS PAR BSHAD NA, DE CI GZHAN DON YOD PA DE MED PA YIN PAR NGES TE, DES NA KHYOD DE SKAD DU 'CHAD SNYAM PA 'DI YIN TE, DE'I PHYIR, JI LTAR NA GZHAN YOD PA ZHES BYA BA LA SOGS PA'I GLAN KA 'DIR 'GYUR RO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, ,SNGAR BSHAD PA DRAN PAR BYA BA'I PHYIR, 'DIR JI LTAR MA YIN PAR 'JUG PAS LTOS PA'I SGO NAS ZHES BYA BA LA SOGS PA SMOS TE, RUNG BA NYID KYI NGO BOR MTSUNGS PA DAG MA YIN PAR 'JUG PAS LTOS PA'I SGO NAS DNGOS PO MED PA DANG, LTOS PA'I SGO NAS MI DMIGS PA YIN GYI, DGAG PA TZAM NI MA YIN NO ZHES BYA BA 'DI NI SNGAR BSHAD ZIN PA NYID DO, ,'DI SKAD DU, ,GANG GI TSE MA YIN PA'I NGO BOR DNGOS PO MED PA DANG, MI DMIGS PA DAG RNAM PAR 'JOG PA'I TSE, BUM PAS DBEN PA'I PHYOGS KYI SGO NGO BO NYID KHO NA BUM PA MED PA YIN NO, ,DE'I PHYIR BUM PA MED PA'I NGO BO'I MI DMIGS PA DE LTA BUS DNGOS PO MED PAR THA SNYAD GDAGS PA GRUB PA LA NYES PA 'GA' YANG MED DO, ,LOGS SHIG TU SMOS PA NI CHUNG ZAD TZAM ZHIG KHYAD PAR YOD PA'I PHYIR RO, ,DON DAM PAR NI MI DMIGS PA RANG BZHIN GYI GTAN TSIGS KHO NA YIN TE, 'DI LTAR DBEN PA'I NGO BO NYID KYI PHYOGS KYI CHOS NYIS BA DNGOS PO MED PAR THA SNYAD GDAGS SU RUNG BA NYID KYI MTSAN NYID GRUB PAR BYED DO, ,YANG CI'I PHYIR DNGOS PO MED PA DANG MI DMIGS PA DGAG PA TZAM MA YIN ZHE NA, DE'I PHYIR, DE GRUB PAR MA GRUB PA'I PHYIR ZHES BYA BA SMOS TE, DGAG PA TZAM DE'I TSAD MA NYID CHUNG ZAD KYANG MI 'GRUB BO, ,'DI LTAR KHYOD KYI PHYOGS LTAR DMIGS PA MED PA MI DMIGS PA YIN LA, DES DNGOS PO MED PA'AM DER THA SNYAD GDAGS PA SGRUB PAR BYED NA, DE LA RE ZHIG MI DMIGS PA DE NYID JI LTAR 'GRUB, GAL TE MI DMIGS PA GZHAN ZHIG GIS NA NI DE'I TSE DE YANG JI LTAR GRUB, DE LAS GZHAN PA YANG JI LTAR GRUB STE, DE LTAR NA THUG PA MED PAR 'GYUR RO, ,DE'I PHYIR DNGOS PO MED PAR THA SNYAD DGAG PA NYID GANG DU YANG GRUB PAR MI 'GYUR RO, ,YANG DE NA SGRUB PA MA GRUB PA'I PHYIR ZHES BYA BA 'DI DON GZHAN YIN TE, @155B DGAG PA TZAM DE GRUB PA NYID YIN PA KHO NAR MI 'GRUB BO, ,'DI LTAR GRUB PAR BYED PA SGRUB PA ZHES BYA NA DGAG PA TZAM NI DNGOS PO MED PA'I PHYIR SGRUB BAR BYED PA MI NUS TE, DNGOS PO MED PA NI NUS PA THAMS CAD DANG BRAL BA YIN NO, ,'ON TE DNGOS PO MED PA YANG GRUB PA BSKYED PAR 'DOD NA NI DE'I TSE, LHAN CIG BYED PA LA MI LTOS PA'I PHYIR RTAG TU BSKYED PAR 'GYUR TE, SHES PA GZHAN GYI GO SKABS KHO NA YANG MED PAR 'GYUR RO, ,DE LTA NA DGAG PA TZAM GYIS GRUB PA SKYED PAR MI NUS NA, DE'I TSE MED PAR THA SNYAD GDAGS PA YANG MI 'GRUB PA KHO NAR 'GYUR RO, ,DE LTAR 'DIR DNGOS PO MED PAR DGAG PA TZAM GYI NGO BO NYID YIN PA BSAL NAS, RGYU GANG GIS NA GZHAN YOD PA NA DE MED PA YIN NO ZHES THA SNYAD GDAGS PA DE BSTAN PA'I PHYIR, 'BREL PA MED PA'I NGO BO DE, ,ZHES BYA BA LA SOGS PA SMOS TE, GANG GI PHYIR, BUM PA DANG 'BREL PA MED PA DE'I NGO BO'I PHYOGS DE'I RANG GI NGO BO GRUB PA DE NYID GZHAN BUM PA MED PAR GRUB PA YIN PA DE'I PHYIR, ,GZHAN YOD PA YANG MI DMIGS PA BZHIN DU, ,ME YIN PA'I NGO BOS DE MED PA YIN NO ZHES THA SNYAD GDAGS SO, ,'DIR PHA ROL POS BUM PA LA SOGS PA MED PA YANG DNGOS PO MED PAR THA SNYAD GDAGS PA'I RGYU NYID DU NYES PA MED PAR MTHONG NAS GZHAN YOD PA'I MTSAN NYID KYI DNGOS PO MED PAR ZHES BYA BA LA SOGS PA SMOS TE, BUM PAS DBEN PA'I PHYOGS NI MTSAN NYID KYI DNGOS PO MED PA GANG YIN PA DE RANG GI NGO BOR MNGON SUM ZHES BYA BA'I TSAD MAS 'GRUB PAR 'GYUR BAS BUM PA MED PAR THA SNYAD GDAGS PA SGRUB PAR BYED PA'AM, BUM PAS DBEN PA'I PHYOGS DE GRUB PAS RJES SU DPAG PA'I BUM PA MED PA BUM PA MED PAR THA SNYAD GDAGS PA SGRUB PAR BYED KYANG RUNG BA'I 'DIR DNGOS PO MED PAR THA SNYAD GDAGS PA GRUB PA LA KHYAD PAR 'GA' YANG MED NA, KHYAD PAR GANG GIS NI MI DMIGS PAS DNGOS PO MED PAR THA SNYAD GDAGS PA 'GRUB PA 'GAL BAR 'GYUR, 'DIR GCIG GI LTAR NA NI BUM PAS DBEN PA'I PHYOGS DMIGS PA'I MI DMIGS PA MNGON SUM DU RTAGS YIN LA, CIG SHOS KYI LTAR NA NI, BUM PAS DBEN PA'I PHYOGS DMIGS PAS RJES SU DPAG PA'I BUM PA MED PA DNGOS PO MED PAR THA SNYAD GDAGS PA'I RTAGS YIN PAS KHYAD PAR YOD PA YIN NAM ZHE NA, KHYAD PAR 'DI NI YONG BA BDEN @156A *, ,NA GANG GIS NA DGAG PAR BRTAGS PA BZHIN DU MI DMIGS PA LAS SO, ,DNGOS PO MED PAR THA SNYAD GDAGS PA 'GRUB PA 'GAL BAR 'GYUR BA'I KHYAD PAR DE NI MED DE BRGYUD DE MI DMIGS PAS RJES SU DPAG PA'I TSUL GYIS GRUB PA GANG YIN PA DE YANG DE KHO NA LAS GRUB PAR ZAD DO, ,GAL TE KHYAD PAR MED DU CHUG NA YANG DES NA CI ZHE NA, DE'I PHYIR, GZHAN YOD PA DE NYID DANG ZHES BYA BA LA SOGS PA SMOS TE, GANG GI TSE DE SKAD DU BSHAD PA'I TSUL GYIS DNGOS PO MED PAR THA SNYAD GDAGS PA SGRUB PA LA KHYAD PAR MED PA DE'I TSE BUM PAS DBEN PA'I PHYOGS DE NYID DANG, DE'I YUL CAN GYI DMIGS PA BUM PA DNGOS PO MED PA'I RTAGS NYID DU SGRUB PA CI STE MA YIN, DE DE LTAR GRUB PA NI BUM PA MED PAR THA SNYAD GDAGS PA SGRUB PAR BYED PA KHO NA YIN NA, GZHAN YOD PAR GRUB PA NYID DE DE MED PAR GRUB PA YIN NO ZHES 'JIG RTEN DANG 'GAL BAR BRTAGS PAS CI ZHIG BYA, 'DIR PHA ROL GYI BSAM PA NI, JI SKAD BSHAD PA'I NYES PAS MI DMIGS PA MA YIN PA'I NGO BOR RTOGS PA LA NI RIGS NA, DNGOS PO MED PAR DGAG PA'I NGO BOR YONGS SU BZUNG NA DNGOS PO MED PAR THA SNYAD GDAGS PA GRUB PA LA 'GAL BA CI ZHIG YOD, GANG GIS GZHAN YOD PA NYID DE MED PA YIN, GZHAN YOD PA GRUB PA NYID DE MED PAR GRUB PA YIN NO ZHES BYA BA DE LTA BU 'JIG RTEN DANG 'GAL BA RNAM PAR 'JOMS PAR BYED, GRUB PA'I MTHA' SMRA BAS, RE ZHIG GZHAN YOD PA DE MED PA'I SGRUB BA NYID YIN PA DGAG PAR BYA BA'I PHYIR, SO SO MA GRUB PA'I PHYIR DANG ZHES BYA BA SMOS TE, BUM PA MED PA DANG PHYOGS SO SOR GRUB PA NI MED DO, ,'ON KYANG BUM PAS DBEN PA'I NGO BOS PHYOGS 'DZIN PAR BYED PA'I SHES PA KHO NAS BUM PA MED PA SHES TE, DE'I PHYIR SHES PA GCIG GIS GZUNG BAR BYA BA PHYOGS DANG BUM PA DAG JI LTAR RTAGS DANG RTAGS CAN GYI DNGOS POR 'GYUR, GTAN TSIGS GZHAN 'BREL PA MED PA'I PHYIR ZHES BYA BA SMOS TE, PHYOGS DANG BUM PA MED PA 'DI GNYIS NI PHAN TSUN 'BREL PA 'GA' YANG MED DO, ,'BREL PA MED NA JI LTAR RTAGS DANG RTAGS CAN GYI DNGOS POR 'GYUR, DE NYID BSTAN PAR BYA BA'I PHYIR, RE ZHIG GZHAN YOD PA NI ZHES BYA BA LA SOGS PA SMOS TE, RE ZHIG GZHAN YOD PA NI ZLA BO BUM PA LA SOGS PA MED PA'I SGRUB PA MA YIN @156B NO; ,RE ZHIG CES BYA BA'I SGRAS NI, GO RIMS YANG DAG PAR BSTAN PAR BYA BA'I PHYIR TE, GZHAN YOD BA'I YUL CAN GYI DMIGS PA DNGOS PO MED PA BSGRUB PA YIN PA DGAG PA NI PHYIS BSHAD PAR BYA'O SNYAM DU DGONGS PA YIN NO, ,JI LTAR GZHAN YOD PA DNGOS PO MED PA'I BSGRUB PA MA YIN ZHE NA, DE'I PHYIR, GANG ZHIG GRUB PA NA GANG MI 'GRUB PA DE NI ZHES BYA BA LA SOGS PA SMOS TE, DON GANG ZHIG GRUB PA'I TSE DON GZHAN GANG ZHIG MI 'GRUB PA DE GNYIS NI RTAGS DANG RTAGS CAN YIN NO, 'DIR DPE ME DANG DU BA LTA BU YIN NO ZHES BYA BA SMOS TE, GANG GI TSE LA LAR DU BA GRUB PA'I TSE, ME MA GRUB PA YIN PA DE'I TSE ME GRUB PAR BYA BA'I PHYIR, DU BRTAGS NYID DU GZUNG GI ,GANG GI TSE DU BA GRUB PA'I TSE KHO NA NA ME 'GRUB PA DE'I TSE NI, DE GNYIS RTAGS DANG RTAGS CAN GYI DNGOS PO MA YIN NA, 'DIR NI BUM PAS DBEN PA'I PHYOGS RTOG PA'I TSE NYID NA BUM PA MED PA SHES NA, DE JI LTAR 'DI GNYIS RTAGS DANG RTAGS CAN GYI DNGOS POR 'GYUR, 'DI CI'I PHYIR ZHE NA, DE LAS GZHAN PA DANG 'BREL PA MED PA'I NGO BO CAN TE ZHES BYA BA LA SOGS PA SMOS TE, DE ZHES BYA BA LA NI PHYOGS ZHES BYA BA GZHAN YOD PA'O, ,DE LAS GZHAN PA DANG 'BREL PA MED PA'I NGO BO ZHES BYA BA LA SOGS PA LA PHYOGS DE LAS GZHAN PA RUNG BA NYID KYI NGO BOR MTSUNGS PA BUM PA LA SOGS PA GANG YIN PA DE NI, DE LAS GZHAN PA ZHES BYA BA'I SGRAR BRJOD DO, ,'DI LA DE LAS GZHAN PA DANG 'BREL PA MED PA'I NGO BO YOD PAS 'DI NI DE LAS GZHAN PA DANG 'BREL PA MED PA'I NGO BO CAN TE, BUM PAS DBEN PA'I PHYOGS ZHES BYA BA'I THA TSIG GO, ,GANG GI PHYIR BUM PA DANG 'BREL PA MED PA'I NGO BO NYID KYI PHYOGS DE'I DE NYID RNAM PAR 'JOG PAR BYED PA'I TSAD MA GANG YIN PA GANG GIS NA BUM PAS DBEN PA NYID KYI PHYOGS SHES BAR 'GYUR BA'I RNAM PAR 'JOG PAR BYED PA'I TSAD MA DE KHO NAS PHYOGS KYI GZHAN RNAM PAR BCAD PA 'GRUB STE, BUM PAS DBEN PA'I PHYOGS SHES PAR 'GYUR ZHES BYA BA'I THA TSIG GO, ,DE'I PHYIR SO SOR MA GRUB PAS GZHAN YOD PA DE NI DNGOS PO MED PA'I SGRUB PA MA YIN NO, ,GTAN TSIGS GZHAN BSHAD PAR BZHED NAS, DE DE'I RTAGS YIN ZHES BYA BA LA SOGS PA SMOS TE, RTAGS DE DANG RTAGS CAN DANG LDAN NA, RTAGS DE RTAGS CAN DER LHAN @157A *, ,CIG 'BREL PA 'GA' ZHIG TU 'GYUR TE, DPER NA BYAS PA NYID CES BYA BA'I RTAG DANG MI RTAG PA NYID CES BYA BA'I RTAGS CAN DU LHAN CIG DON GCIG LA 'DU BA'I MTSAN NYID KYIS 'BREL PA LTA BU ZHIG YIN GRANG STE, 'DI LTAR BYAS PA NYID DANG MI RTAG PA NYID GNYIS NI DON GCIG LA BSDU BA YIN NO, , 'DI GNYIS DON GCIG LA 'DU BA'I MTSAN NYID KYIS 'BREL BA NI GZHAN GYI GZHUNG LA LTOS NAS BSHAD PA YIN NO, ,RANG GI LUGS LTAR NA NI, 'DI GNYIS DE'I BDAG NYID KYIS 'BREL BA YIN NO, ,'BREL PA GZHAN BSTAN PA'I PHYIR, DU BA DANG ZHES BYA BA LA SOGS PA SMOS TE, DU BA DANG RTAGS CAN MED PAR LHAN CIG DON GCIG LA 'DU BA LTA BU ZHIG YIN GRANG STE, 'DI LTAR DU BA DANG ME GNYI GA YANG PHYOGS GCIG NA 'DU BA YIN NO, ,LDAN PA NI 'DIR 'DU BA'I SGRAR BSHAD DE, GZHAN NI PHYOGS NA DE GNYIS 'DU BA'I MTSAN NYID KYIS 'BREL PAR KHAS MI LEN TE, YANG NA ME LA DU BA MTHONG BA'I PHYIR DE GNYIS RTEN DANG BRTEN PA'I MTSAN NYID KYI 'BREL PA ZHIG YIN GRANG 'BREL PA 'DI GNYI GA YANG GZHAN GYI LUGS LA LTOS NAS NYE BAR BKOD PA YIN NO, ,RANG GI LUGS LTAR 'DI GNYIS KYI 'BREL BA BSTAN PA'I PHYIR, BSKYED PAR BYA BA DANG BSKYED PA'I DNGOS PO LTA BU ZHIG YIN GRANG ZHES BYA BA SMOS TE, MES NI DU BA BSKYED DO, ,DE'I PHYIR DE GNYIS NI RGYU DANG 'BRAS BU'I MTSAN NYID KYIS 'BREL PA YIN NO, ,DE LTAR 'BREL PA RNAM PA GSUM BRJOD NAS, DKYUS MA DANG SBYAR BAR BYA BA'I PHYIR, DNGOS PO YOD PA DANG MED PA DAG LA NI ZHES BYA BA LA SOGS PA SMOS TE, JI LTAR BYAS PA NYID DANG MI RTAG PA NYID DAG DON GCIG LA 'DU BA'I MTSAN NYID KYIS 'BREL PA DANG, JI LTAR DU BA DANG ME DAG 'BREL PA JI SKAD BSHAD PA RNAMS LTAR PHYOGS DANG BUM PA MED PA DAG LA NI PHAN TSUN RGYU GANG GIS NA GZHAN YOD PA PHYOGS KYI MTSAN NYID BUM PA MED PA DGAG PA'I MTSAN NYID 'DI SGRUB PAR 'GYUR BA'I 'BREL PA DE LTA BU 'GA' YANG MED DE, JI LTAR BUM PA MED PA NI DNGOS PO MED PA'I PHYIR GANG DU YANG 'DU BA MED LA, DNGOS PO MED PA NYID KYI PHYIR, 'DI RTEN 'GA' YANG MA YIN NO, ,GZHAN GYI 'DOD PA'I DOGS PA BSU BAR, GAL TE YUL DANG YUL CAN GYI DNGOS PO YOD DO ZHES BYA BA LA SOGS PA SMOS TE, DE MED PA DANG GZHAN YOD PA DAG LA YUL DANG YUL CAN GYI DNGOS PO'I 'BREL PA YOD PA NYID DE, @157B 'DI LTAR PHYOGS NA BUM PA MED PAR SHES SO, ,DE LTA BAS NA GZHAN YOD PA NI YUL YIN LA, BUM PA MED PA NI YUL CAN YIN PA LA, 'DI GNYIS YUL DANG YUL CAN GYI MTSAN NYID KYIS 'BREL PA YIN TE, DPER NA SGRA DANG DON DAG LTA BU'O, ,YAL GA LA SOGS PA DANG LDAN PA'I YUL LA SHING LJON PA'I SGRA SBYOR LA, DE GNYIS KYANG YUL DANG YUL CAN GYI MTSAN NYID KYIS 'BREL PA LTAR 'DIR YANG DE DANG 'GRE'O ZHES BYA BA NI PHYOGS SNGA MA YIN NO, ,GRUB PA'I MTHA' SMRA BAS, SGRA DANG DON DAG NI ZHES BYA BA LA SOGS PA SMOS TE, SGRA DANG DON DAG NI YAL GA LA SOGS PA DANG LDAN PA'I DON STON PAR SEMS NA SHING LJON PA'I SGRA SBYOR BAS 'BREL PAR RIGS TE, 'DI LTAR SGRA DE DANG YAL GA LA SOGS PA DANG LDAN PA'I DON DER LHAN CIG RGYU DANG 'BRAS BU'I MTSAN NYID KYI 'BREL PA YOD DO, ,GANG GI PHYIR BRJOD PAR 'DOD PA YAL GA LA SOGS PA DANG LDAN PA'I DON STON PAR SEMS NA, SHING LJON PA'I SGRA SBYOR BA DE'I PHYIR DON DE LTA BU BRJOD PAR 'DOD NA, SGRA SBYOR BAS SGRA NI 'BRAS BU YIN LA RGYU NI BRJOD PAR 'DOD PA YIN NO ZHES BYA BA GRUB LA, DON DE LTA BUR BRJOD PAR 'DOD PA MED NA, SHING LJON PA'I SGRA MI SBYOR BAS 'DI GNYIS LA MED NA MI 'BYUNG BA'I MTSAN NYID KYI 'BREL PA YANG SRID DO, ,SGRA DANG DON DAG GI RGYU 'BRAS KYI DNGOS PO NYID MED NA MI 'BYUNG BA NYID MOD KYI, 'ON KYANG GZHAN GYI BSAM PA'I DOR BYAS NAS MED NA MI 'BYUNG BA LOGS SHIG TU NYE BAR BKOD DE, GZHAN DAG NI MED NA MI 'BYUNG BA, RGYU DANG 'BRAS BU'I MTSAN NYID KYIS 'BREL PA LAS LOGS SHIG TU 'DOD DO, ,DE LTA BAS NA 'DI BSDUS PA'I DON NI 'DI YIN TE, GANG GI TSE BRJOD PAR 'DOD PA LA GSAL BAR SNANG BA'I DON DE NA YOD PA NYID DU SGRO BTAGS PA PHYI ROL GYI DON DANG THA MI DAD PAR BYAS NAS BRJOD PAR BYA BA NYID YIN PA DE'I TSE NI SGRA DANG DON DAG DNGOS SU RGYU DANG 'BRAS BU'I DNGOS PO YIN TE, 'DI LTAR BRJOD PAR 'DOD PA LA GSAL BAR SNANG BA'I DON BSTAN PAR BYA BA'I PHYIR SGRA SBYOR BAR 'DOD DO ZHES BYA BA NI RANG GI GZHUNG YIN NO, ,GANG GI TSE GZHAN GYI GZHUNG LA LTOS NAS PHYI'I DON BRJOD PAR BYA BA YIN PAR 'DOD PA DE'I TSE YANG BRGYUD PAS RGYU DANG 'BRAS BU'I DNGOS PO YOD PA NYID DO, ,'DI LTAR DON LAS NI MTHONG BA YIN NO, ,MTHONG BA LAS NI BRJOD PAR 'DOD PA YIN NO, ,BRJOD PAR 'DOD PA @158A *, ,LAS NI RTZOL BA YIN NO, ,RTZOL BA LAS NI RLUNG YIN NO, ,RLUNG LAS NI GNAS GZHAN DU THUG PA YIN NO, ,DE LAS NI SGRA 'GRUB PAR BRGYUD PA YIN NO, ,'DIR BSTAN BCOS MDZAD PA'I DGONGS PA'O, ,'DI LA DNGOS SU RGYU DANG 'BRAS BU'I DNGOS PO YOD PA KHO NA'O, ,DE YOD NA GZHAN DAG GIS GZHAN YONGS SU BTAGS PA GANG YIN PA DE YANG YIN TE, MING LA LOG PAR RTOGS PA 'BA' ZHIG TU ZAD DO SNYAM PA YIN NO, ,DE LA 'DI SNYAM DU DE MED PA DANG GZHAN YOD PA DAG KYANG DE LTA BU YIN PAR 'GYUR RO SNYAM NA, DE'I PHYIR RNAM PA 'DI YANG 'DI LA MED PAS ZHES BYA BA LA SOGS PA SMOS TE, SGRA DANG DON DAG GI 'BREL PA'I RNAM PA NYE BAR BSTAN PA GANG YIN PA 'DI NI DE MED PA DANG GZHAN YOD PA DAG LA MI SRID PA KHO NA'O, ,DE'I PHYIR JI LTAR DE GNYIS YUL DANG YUL CAN GYI MTSAN NYID KYIS 'BREL PAR 'GYUR, CI'I PHYIR MI 'GYUR ZHE NA, DE'I PHYIR DE GNYIS BSGRUB PAR BYA BA DANG SGRUB PA'I DNGOS POR GRUB NA NI ZHES BYA BA LA SOGS PA SMOS TE, GANG GI TSE DE MED PA DANG GZHAN YOD PA DAG BSGRUB PAR BYA BA DANG, SGRUB PA'I DNGOS POR GRUB PA YIN PA DE'I TSE BSGRUB PAR BYA BA DANG, SGRUB PA'I DNGOS PO'I SGO NAS YUL DANG YUL CAN GYI DNGOS POR 'GYUR NA, BSGRUB PAR BYA BA DANG SGRUB PA'I DNGOS PO DE NYID NI 'BREL PA MED PAR MI 'GRUB PO, ,BSGRUB PAR BYA BA DANG SGRUB PA'I DNGOS PO DE MA GRUB NA, DE'I RGYU CAN YUL DANG YUL CAN GYI DNGOS PO LTA RGYANGS BCAD DE POR BA YIN NO, ,GAL TE YANG YUL DANG YUL CAN GYI DNGOS POS BYAS PA NYID KYI BSGRUB PAR BYA BA DANG SGRUB PA'I DNGOS POR GYUR NA NYES PA CI YOD CE NA, DE'I PHYIR DE LTA MA YIN NA, 'DI GCIG LA GCIG BRTEN PA YIN PAR 'GYUR RO ZHES BYA BA SMOS TE, DE MED PA DANG GZHAN YOD PA DAG LA YUL DANG YUL CAN GYI DNGOS PO MA GTOGS PA 'BREL PA GZHAN MI 'DOD NA, DE'I TSE GCIG LA GCIG BRTEN PA'I NYES PAR 'GYUR RO, ,'DI LTAR YUL DANG YUL CAN YOD PAR BSGRUB PAR BYA BA DANG SGRUB PA YOD LA, BSGRUB PAR BYA BA DANG SGRUB PA YOD PAS KYANG YUL DANG YUL CAN YOD PAS GCIG LA GCIG BRTEN PA NYID YIN NO, ,GCIG LA GCIG BRTEN PA DAG NI NUS PA MA YIN TE, DPER NA GRU LA GRUB BCINGS PA GCIG LA GCIG SKYOB PAR MI NUS PA BZHIN NO, ,'THAD PA GZHAN @158B BSTAN PA'I PHYIR, GZHAN YOD PA LAS ZHES BYA BA LA SOGS PA SMOS TE, GANG GI PHYIR BUM PAS DBEN PA'I SA PHYOGS KYI MTSAN NYID KYI GZHAN YOD PAS BUM PA MED PAR SGRUB PAR BYED PA DE'I TSE CHOS 'BA' ZHIG BSGRUB PA YIN PAS, SPYI BSGRUB PAR BYA BA NYID MA YIN PA'I NYES PAR 'GYUR RO, , 'DI LTAR YON TAN DANG GTZO BOS DNGOS POR RNAM PAR GNAS PA CHOS DANG CHOS CAN SPYI BSGRUB PAR BYA BA NYID 'DOD KYI, CHOS SAM CHOS CAN 'BA' ZHIG NI MA YIN NO, ,GAL TE BUM PA MED PA 'BA' ZHIG BSGRUB PAR 'GYUR NA NYES PA CI YOD CE NA, DE'I PHYIR, DE LTA YIN NA NI DE LAS GZHAN PA YOD PA'I PHYIR ZHES BYA BA LA SOGS PA SMOS TE, GAL TE 'BA' ZHIG BSGRUB PAR BYA BA NYID YIN PAR 'GYUR NA DE'I TSE TSIG GI DON 'DI RNAM PAR GNAS TE, SA PHYOGS DBEN PA'I NGO BO YIN PA'I PHYIR, KHAMS GSUM NA BUM PA ZHES BYA BA 'GA' YANG MED DO, ,DE LTA NA BUM PA YUL THAMS CAD NA DUS THAMS CAD DU MED PAR 'GYUR RO, ,BUM PA'I DNGOS PO NYID MED PAR 'GYUR RO SNYAM DU DGONGS PA YIN NO, ,'DIR PHA ROL GYI TSIG GI GO SKABS KYI DOGS PA BSU BAR, GAL TE MA YIN TE PHYOGS LA SOGS PA CHOS CAN GYI KHYAD PAR CAN ZHES BYA BA LA SOGS PA SMOS SO, ,DE NYID RNAM PAR GROL BA'I PHYIR, 'DI SNYAM DU PHYOGS LA SOGS PA CHOS CAN ZHES BYA BA LA SOGS PA SMOS TE, PHYOGS ZHES BYA BA'I CHOS CAN GANG YIN PA DE NYID KHYAD PAR DU 'GYUR BA'I BUM PA MED PA SGRUB PAR BYED KYI 'BA' ZHIG NI MA YIN NO, ,DE'I PHYIR SPYI BSGRUB PAR BYA BA MA YIN PA'I NYES PAR MI 'GYUR LA, PHYOGS 'DI LA NI RTAGS DANG RTAGS CAN DAG 'BREL BA MED PA'I NYES PA YANG MI SRID DE, 'DI LTAR RTAGS NYID KHAS BLANGS PA GZHAN YOD PA DANG PHYOGS LA SOGS PA CHOS CAN DU 'BREL PAR YOD PA KHO NA STE, DNGOS PO'I NGO BO YIN PA'I PHYIR RO SNYAM DU BSAMS PA'O, ,GRUB PA'I MTHA' SMRA BSAM YIN TE, PHYOGS LA SOGS PA NYID CES BYA BA LA SOGS PA SMOS TE, 'DIR CHOS CAN GZHAN LA RTAGS NYID DU 'DOD PA GZHAN YOD PA YANG GZHAN PA NI MA YIN NO, ,GZHAN MA YIN PAR JI LTAR SHES SHE NA, DE'I PHYIR PHYOGS GANG KHO NA ZHES BYA BA LA SOGS PA SMOS TE, PHYOGS GANG KHO NA NA BUM PA MED DO ZHES BYA BA'I PHYOGS DE NYID BUM PA DANG 'DRES PA MED PA'I GZHAN YOD @159A *, ,PA NYID DU 'DOD CING RTAGS NYID DU 'DOD DO, ,'DI LTAR BUM PAS DBEN PA'I PHYOGS MTHONG BA KHO NAS RTOGS PAR BYED PA 'DI PHYOGS NA BUM PA MED DO SNYAM PA'I BLO 'BYUNG NGO, ,DE'I PHYIR JI LTAR KHYAD PAR MED PA THAN LDOG PA'I BYE BRAG GIS KYANG THA DAD PA MA YIN PA'I PHYOGS DE KHO NA RTAGS DANG RTAGS CAN GYI DNGOS POR RUNG, DE LA 'DI SNYAM DU DNGOS SU THA DAD PA MED MOD KYI, 'ON KYANG SPYI DANG KHYAD PAR GYI DNGOS POR BRTAG PAS RTAGS DANG RTAGS CAN GYI DNGOS POR 'GYUR RO SNYAM NA, DE'I PHYIR 'DIR GANG GIS NA SPYI NI GTAN TSIGS SU 'GYUR LA ZHES BYA BA LA SOGS PA SMOS TE, PHYOGS DE LTA BU LA NI RGYU GANG GIS NA, SPYI NI GTAN TSIGS NYID DU KHAS LEN PA, KHYAD PAR NI CHOS CAN NYID DU KHAS LEN PAR 'GYUR BA'I SPYI DANG KHYAD PAR DU BRTAG PA NI MI 'THAD DO, ,CI'I PHYIR PHYI DANG KHYAD PAR DU YONGS SU BRTAG PA MI SRID CE NA, DE'I PHYIR, DE'I KHYAD PAR RTOGS PA KHO NA ZHES BYA BA LA SOGS PA SMOS TE, BUM PA DBEN PA'I PHYOGS KYI KHYAD PAR CHOS CAN NYID DU YONGS SU BRTAGS PA GANG YIN PA'I PHYOGS KYI KHYAD PAR DE LTA BU RTOGS PA KHO NAS BUM PA MED PA'I RTOGS PA'I PHYIR RGYUS PHYOGS KYI SPYI GTAN TSIGS KYI DNGOS PO MA YIN NO, ,DE LA 'DI SNYAM DU PHYOGS KYI KHYAD PAR DE NYID GZHAN DU YANG 'JUG PA'I PHYIR SPYI YIN PAR 'GYUR RO SNYAM DU SEMS NA, DE'I PHYIR, DE LA RJES SU 'GRO BA YANG MED PA'I PHYIR ZHES BYA BA SMOS TE, BUM PAS DBEN PA'I PHYOGS YONGS SU SNANG BA DE LTA BU LA NI GZHAN DU RJES SU 'GRO BA MED DO, ,DE'I PHYIR JI LTAR SPYI DANG KHYAD PAR GYI DNGOS PO YIN, GTAN TSIGS GZHAN DAM BCAS PA'I PHYIR PHYOGS GCIG YIN PA'I PHYIR YANG ZHES BYA BA LA SOGS PA SMOS TE, GANG GI TSE BUM PAS DBEN PA'I PHYOGS KHO NA CHOS CAN MA YIN LA, DE NYID RTAGS NYID DU YANG BRJOD PA DE'I TSE, DAM BCAS PA'I PHYOGS GCIG YIN PA'I PHYIR, 'DI RTAGS NYID GA LA YIN, GAL TE PHYOGS KYI KHYAD PAR RJES SU 'GRO BA MED PA'I PHYIR DANG, DAM BCAS PA'I PHYOGS GCIG YIN PA'I PHYIR, RTAGS YIN PAR MI 'DOD NA, 'ON TE PHYOGS KYI SPYI GTAN TSIGS SU 'GYUR RO SNYAM NA, DE'I PHYIR, GANG NA PHYOGS TZAM YOD PA DE NA ZHES BYA BA LA SOGS PA SMOS TE, GANG DAG GANG NA PHYOGS TZAM YOD PA DE DANG DE NA BUM PA MED PA NI MA YIN NO, ,DE LTA BAS NA 'KHRUL PA'I PHYIR, @159B PHYOGS KYI SPYI YANG GTAN TSIGS MA YIN NO, ,PHA ROL GYI 'DOD PA'I DOGS PA BSU BAR, GAL TE PHYOGS 'BA' ZHIG YIN PA DE LTA BU NA NI ZHES BYA BA LA SOGS PA SMOS TE, PHYOGS TZAM NI HA CANG SPYI YID CHES PAS 'KHRUL PA YANG BDEN NA, BUM PAS DBEN PA'I PHYOGS 'BA' ZHIG YIN PA DE LTA BU GZHAN YANG YOD PA GANG YIN PA DE NA BUM PA MED PA NYID DU 'KHRUL PA MED DO, ,DE'I PHYIR BUM PAS DBEN PA'I PHYOGS KYI SPYI DE LTA BU NI GTAN TSIGS YIN TE, DE LA NI 'KHRUL PA YANG MED DO ZHES BYA BA NI PHYOGS SNGA MA YIN NO, ,GRUB PA'I MTHA' SMRA BAS DE 'BA' ZHIG CES BYA BA LA SOGS PA SMOS TE, PHYOGS 'BA' ZHIG CES BYA BA GANG YIN PA DE NYID BUM PA DANG BRAL BA ZHES MI BYA'AM, BYAR ZAD MOD, NYES BA CI YOD CE NA, 'DIR RTAGS SU GYUR PA DE YANG ZHES BYA BA LA SOGS PA SMOS TE, MI DMIGS PA'I SBYOR BA 'DIR RTAGS NYID DU 'DOD PA BUM PA DANG 'BRAL BA'I PHYOGS DE YANG PHYOGS RTOGS PA'I DUS DE KHO NA NA GRUB PA YIN NO, ,DE'I PHYIR PHYOGS 'BA' ZHIG PO DE DAG GI RTAGS SU 'DOD PAR BYA, 'DI NYID LA GTAN TSIGS GZHAN RJES SU 'GRO BA SMOS PA YANG ZHES BYA BA LA SOGS PA SMOS TE, GANG DAG GANG NA PHYOGS 'BA' ZHIG YOD PA DE DANG DE NA BUM PA MED DO ZHES BYA BA DE LTA BU RJES SU 'GRO BA SMOS PA GANG YIN PA DE YANG DON MED PAR 'GYUR RO, ,'DI LTAR RTAGS SU GYUR PA'I PHYOGS RTOGS PA KHO NA BUM PA DANG BRAL BA GRUB NA RJES SU 'GRO BAS LHAG PAR CI ZHIG BYA, MJUG BSDU BA'I PHYIR, DE LTA BAS NA GZHAN YOD PA NA ZHES BYA BA LA SOGS PA SMOS TE, GANG GI PHYIR DE LTAR BSHAD PA'I RNAM PAS 'BREL PA MED PA DE'I PHYIR DBEN PA'I MTSAN NYID KYI GZHAN YOD PA NI BUM PA MED PA'I SGRUB PA MA YIN NO ZHES BYA BAR GRUB BO, ,YANG GZHAN GYI TSIG GI GO SKABS KYI DOGS PA BSU BAR, GAL TE 'GAL BA'I 'BREL PA YOD DO ZHES BYA BA LA SOGS PA SMOS TE, DE MED PA DANG GZHAN YOD PA DAG LA 'GAL BA'I MTSAN NYID KYI 'BREL PA YOD PA NYID DO, ,DE'I PHYIR 'GAL BA'I MTSAN NYID KYI 'BREL PAS 'BREL PA'I PHYIR GZHAN YOD PA LAS DNGOS PO MED PA 'GRUB PAR 'GYUR RO ZHES BYA BA NI PHYOGS SNGA MA YIN NO, ,GRUB PA'I MTHA' SMRA BAS 'GAL BA MI SRID PA'I PHYIR, DRI BAR, GANG ZHIG GANG DANG 'GAL ZHES BYA BA SMOS TE, BSGRUB PAR BYA BA BUM PA MED PA @160A *, ,DANG GTAN TSIGS PHYOGS DAG ,GANG ZHIG GANG DANG LHAN CIG 'GAL BA BRJOD DGOS SO, ,PHA ROL POS 'GAL BA BSTAN PA'I PHYIR, GZHAN YOD PA DANG ZLA BOR RO ZHES BYA BA SMOS TE, BUM PAS DBEN PA'I NGO BO'I PHYOGS DANG ZLA BO BUM PA DANG LHAN CIG 'GAL LO, ,GRUB PA'I MTHA' SMRA BAS, CI GANG GIS NA RTAGS DANG RTAGS CAN ZHES BYA BA LA SOGS PA SMOS TE, KYE CI 'DIR GANG GIS NA RTAGS DANG RTAGS CAN DAG 'GAL BA'I MTSAN NYID KYI 'BREL PA YIN PAR BRJOD PA, DBEN PA'I PHYOGS DMIGS PA LA BUM PA YOD PAR GZHAL BAR 'DOD DAM, 'DIR ZLA BO BUM PA MED PAR SGRUB PAR BYED PA MA YIN NAM, DE NI DBEN PA'I PHYOGS KYI MTSAN NYID KYI GZHAN YOD PA DANG LHAN CIG 'GAL BA MED DO, ,CI'I PHYIR MI 'GAL ZHE NA, LHAN CIG GNAS PA'I PHYIR RO ZHES BYA BA SMOS TE, 'DI LTAR BUM PAS DBEN PA'I PHYOGS DANG BUM PA MED PA DANG LHAN CIG GNAS PA MTHONG NGO, ,MJUG BSDU BA'I PHYIR; GZHAL BYA DE LA ZHES BYA BA LA SOGS PA SMOS TE, GANG GI TSE 'DIR BUM PA MED PA KHO NA DBEN PA'I NGO BO'I PHYOGS DMIGS PAS 'JAL BAR BYED PA DE'I TSE, GZHAL BYA DE LA RTAGS DANG RTAGS CAN DAG JI LTAR 'GAL, DE'I PHYIR 'DIR DE GNYIS 'BREL PA MED PA NYID DO, ,DE LTAR 'BREL PA MED PAR BSTAN NAS; NYES PA GZHAN BSTAN PA'I PHYIR, 'DI LA YANG ZHES BYA BA LA SOGS PA SMOS TE, 'GAL BA'I MTSAN NYID KYI 'BREL PA'I PHYOGS 'DI LA YANG SPYI BSGRUB PAR BYA BA NYID MA YIN PA'I NYES PA NI DE'I SO NA 'DUG PA NYID DO, ,YANG PHA ROL POS MI 'DOD PA BRJOD PAS BRGAL BAR BYA BA'I PHYIR, DE MED PAR DANG GZHAN YOD PA DAG 'BREL PA MED NA ZHES BYA BA LA SOGS PA SMOS TE, GAL TE DE MED PA DANG GZHAN YOD PA DAG PHAN TSUN CUNG ZAD KYANG 'BREL PAR MI 'DOD NA, DE'I TSE GZHAN YOD PA RTOGS KYANG DE MED PA RTOGS PAR MI 'GYUR BA ZHIG NA, GZHAN YOD PA NI DE MED PA'I SHES PAR BYED PA YIN PAR NI 'DOD DO, ,GRUB PA'I MTHA' SMRA BAS, 'BREL BA GANG LAS KYANG ZHES BYA BA LA SOGS PA SMOS TE, GANG GIS NA NYES PA MNYAM PA NYID DU 'GYUR BA MED NA MI 'BYUNG BA'AM, 'GAL BA'AM, GZHAN YANG RUNG STE, 'BREL PA GANG LAS KYANG GZHAN YOD PA DE DE MED PA'I SHES PAR BYED PA YIN PAR MI 'DOD DO, ,GAL TE 'BREL PA'I @160B SGO NAS SHES PAR BYED PA YIN PAR MI 'DOD NA, 'O NA JI LTAR SHES PAR BYED PA YIN ZHE NA, 'ON KYANG GZHAN YOD PA NYID CES BYA BA LA SOGS PA SMOS TE, BUM PAS DBEN PA'I PHYOGS YOD PA NYID DU BUM PA MED PA YIN TE, 'DI NI DE LAS GZHAN PA DANG 'BREL PA MED PA'I NGO BO CAN DE'I DE NYID RNAM PAR 'JOG PAR BYED PA'I TSAD MA KHO NAS GZHAN RNAM PAR BCAD PA 'GRUB PA'I PHYIR RO ZHES BYA BA'I BAR SKABS 'DIR BSHAD ZIN TO, ,'DI NYID GSAL BAR BYA BA'I PHYIR, GZHAN DANG 'BREL PA MED PA'I NGO BO ZHES BYA BA LA SOGS PA SMOS TE, PHYOGS LA SOGS PA GZHAN YOD PA BUM PA DANG 'BREL PA MED PA'I NGO BO DE'O, ,'BA' ZHIG CES BYA BA NI DBEN PA'I NGO BO'O, ,BDAG NYID GCIG TU RNAM PAR GNAS PA ZHES BYA BA NI NGO BO NYID SO SOR NGES PA LA RNAM PAR GNAS PA STE, TSIG 'DI GNYIS KYIS NI 'BREL PA MED PA'I NGO BO NYID RNAM PAR BSHAD DO, ,DE LTA BUR GYUR PA DE JI SKAD BSHAD PA DE'I BDAG NYID DU YONGS SU GCOD PA GANG YIN PA DE NYID BUM PA LA SOGS PA GZHAN RNAM PAR GCOD PA DGAG PA YIN NO, ,DE LTAR BYAS NA PHYOGS DE 'BA' ZHIG PA DE NYID GZHAN BUM PA DANG BRAL BA MED PA YIN NO, ,DE LTA BAS NA GZHAN PA YOD PA NYID DU PHYOGS YOD PA NYID DE MED PA BUM PA MED PA ZHES BYA LA, DE LAS GZHAN PA RTOGS PA NYID PHYOGS RTOGS PA NYID DE MED PAR RTOGS PA BUM PA MED PAR RTOGS PA YIN GYI, BUM PA SHES PA MED PA TZAM GYIS BUM PA MED PAR RTOGS PA NI MA YIN NO, ,GAL TE YANG DE LTAR MI 'DOD NA, NYES PA CIR 'GYUR ZHE NA, DE LTA MA YIN TE, DE YONGS SU BCAD PAS ZHES BYA BA LA SOGS PA SMOS TE, GAL TE BUM PAS DBEN PA'I PHYOGS YONGS SU BCAD PAS BUM PAS RNAM PAR MI GCOD MI 'GOG NA DE'I TSE BUM PAS DBEN PA'I PHYOGS YONGS SU BCAD PA NYID DU MI 'GYUR RO, ,CI'I PHYIR ZHE NA, DE'I PHYIR, DE DANG DE MA YIN PA'I NGO BO DAG RNAM PAR MA PHYE BA'I PHYIR RO ZHES BYA BA SMOS TE, DE DANG DE MA YIN PA NI DE DANG DE DAG GO, ,DE DANG DE MA YIN PA DAG GI NGO BO NI, DE DANG DE MA YIN PA'I NGO BO DAG STE, DE DANG DE MA YIN PA'I NGO BO DAG RNAM PAR MA PHYE BA'I PHYIR LOGS SHIG TU MA BYAS PA'I PHYIR RO, ,'DI SKAD DU BUM PAS DBEN PA'I SA GZHI'I NGO BO DE DANG BUM PA'I NGO BO DE MA YIN PA 'DI @161A *, ,GNYIS GANG GI PHYIR RNAM PAR DBYE BA MA BYAS PA YIN PA DE'I PHYIR YONGS SU GCOD PA MI 'GYUR RO, ,GAL TE RNAM PAR PHYE NAS DE YONGS SU GCOD PA MA BYAS PAR CHUD NA YANG, DE NI CI ZHE NA, LA LAR 'GA' ZHIG MTHONG NAS ZHES BYA BA LA SOGS PA SMOS TE, YUL LAM DUS SAM GNAS SKABS KYI BYE BRAG LA LAR DNGOS PO 'GA' ZHIG MTHONG BA'I 'OG TU THOB PAR BYA BA'I DON DAM PA YONGS SU SPANG BAR BYA BA'I DON GYI THA SNYAD GANG YIN PA DER MI 'GYUR RO, ,CI'I PHYIR MI 'GYUR ZHE NA, ME MTHONG YANG GANG GIS NA ZHES BYA BA LA SOGS PA SMOS TE, RTOGS PAR BYED PA 'DIS ME MTHONG YANG RGYU GANG GIS NA CHU DON DU GNYER BA ME LA 'JUG PAR MI 'GYUR BA ME 'BA' ZHIG MTHONG BA NI MA YIN NO, ,'DI SKAD DU GANG GI TSE DE DANG DE MA YIN PA'I NGO BO DAG RNAM PAR DBYE BA MI BYED PA DE'I TSE MI MTHONG YANG CHU'I NGO BO RNAM PAR MA BCAD PA'I PHYIR, ME 'BA' ZHIG KHO NA MTHONG BA NI MA YIN NO, , DE'I PHYIR CHU DON DU GNYER BA ME DE LA 'JUG BAR 'GYUR TE, 'DIS CHU ME LAS RNAM PAR PHYE BA NI MA YIN NO, ,'JUG PA YANG MA YIN TE, DE LTA BAS NA RANG GI NGO BO SO SOR NGES PA'I ME YONGS SU GCOD PAR BYED PA'I SHES BA DE NYID KYIS CHU RNAM PAR BCAD PA YANG BYAS PAR KHAS BLANGS DGOS SO ZHES BSHAD PA YIN NO, ,GZHAN GYI TSIG GI GO SKABS KYI DOGS PA BSU BAR, GAL TE MI DMIGS PAS CHU MED PAR ZHES BYA BA LA SOGS PA SMOS TE, GANG GI TSE ME MTHONG NA DE NA CHU MI DMIGS PA DE'I TSE CHU MI DMIGS BAS ME LA CHU MED PAR SHES SO, ,DE'I PHYIR CHU DON DU GNYER BA DE LA MI 'JUG GO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, MI DMIGS PA ZHES BYA BA 'DI CI YIN ZHES BYA BA LA SOGS PA SMOS TE, MI DMIGS PA'I SGRAS CI ZHIG YIN PA SHES PAR BYA, RE ZHIG GAL TE CHU DMIGS PA MED PA YIN NO ZHE NA, DE'I TSE MED PA DE DNGOS PO MED PA'I PHYIR, JI LTAR 'GA' ZHIG RTOGS PA YIN TE, JI LTAR 'GA' ZHIG YONGS SU GCOD PAR BYED PA YIN ZHES BYA BA'I THA TSIG GO, ,DE LA 'DI SNYAM DU 'DI NI 'GA' YANG YONGS SU GCOD PAR BYED PAR MI 'DOD PA NYID DO, ,'O NA CI ZHE NA, YONGS SU GCOD PA'I RGYU YIN NO SNYAM DU SEMS NA, DE'I PHYIR, RTOGS PA'I RGYU YIN ZHES @161B BYA BA SMOS TE, MED PA NI DNGOS PO MED PA'I PHYIR RTOGS PA'I RGYU NYID DU YANG RUNG BA MA YIN NO, ,'DI SKAD DU GAL TE MI DMIGS PA MA YIN PA'I NGO BOR BRTEN NA NI, DE'I TSE KHO BO CAG GI PHYOGS KHAS BLANGS PAR 'GYUR RO, ,'ON TE MED PAR DGAG BA'I NGO BO NA NI, DE'I TSE DNGOS PO MED PA'I PHYIR 'GA' YONGS SU GCOD BA'AM, YONGS SU GCOD PA'I RGYU YANG MA YIN NO, ,MI DMIGS PA MED PA'I NGO BOR YONGS SU GZUNG NA TSUL GYIS THUG PA MED PAR BSTAN PA'I PHYIR, DE YANG JI LTAR RTOGS ZHES BYA BA SMOS TE, CHU DMIGS PA MED PA DE YANG JI LTAR RTOGS, RE ZHIG MA RTOGS PA NI 'GA'I SGRUB PA YANG MA YIN TE, SHES PAR BYED PA YIN PA'I PHYIR RO, ,GAL TE DE YANG DE LAS GZHAN PA'I MI DMIGS PAS RTOGS SO ZHE NA NI, MI DMIGS PA GNYIS PA DE YANG JI LTAR RTOGS, DE BZHIN DU DE LAS GZHAN PA YANG ZHES BYA BA THUG PA MED PAR 'GYUR RO, ,DE LA 'DI SNYAM DU MI DMIGS PA NI SHES PA MED PA'I NGO BO YIN LA, DE NI RANG GI NGO BO TZAM KHO NAS SHES BYA MED PAR STON PAR 'GYUR RO SNYAM DU SEMS NA, DE'I PHYIR, DE'AM DE LAS GZHAN PA YANG RUNG ZHES BYA BA LA SOGS PA SMOS TE, GAL TE DNGOS PO MED PA'I NGO BO NYID DU SHES PAR 'DOD PA'AM DE LA MA GTOGS PA GZHAN YANG RUNG STE, 'GA' YANG MA GTOGS PAR YANG DNGOS PO MED PA RTOGS PA YIN NA, DE'I TSE GNYID LOG PA LA SOGS PA'I GNAS SKABS DAG TU 'GRO BA THAMS CAD KYIS JI STE DNGOS PO MED PA RTOGS PAR MI 'GYUR, 'DI LTAR DNGOS PO THAMS CAD NI DE DANG DE MA YIN PA'I NGO BOR PHUNG POR GNYIS SU RNAM PAR GZHAG PA, GAL TE MI DMIGS PAS KYANG DE'AM DE LAS GZHAN PA MA GTOGS PAR YANG DNGOS PO MED PA RTOGS NA, DE'I TSE THAL BA 'DIS 'GYUR TE, 'DI NI TSAD MA RNAM PAR GTAN LA DBAB PAR DPYAD ZIN TO, ,GNYID LOG PA DANG MYOS PA DANG BRGYAL BA DANG CHOD PA DANG RGYAB KYIS PHYOGS PA ZHES BYA BAR TSIG RNAM PAR SBYAR TE; DE DAG GI GNAS SKABS LA DE SKAD CES BYA'O, ,DE LA GNYID LOG PA'I GNAS SKABS NA GNYID MTHUG POS NON PA LA YUL 'DZIN PA'I NUS PA MED DO, ,MYOS PA'I GNAS SKABS NA MYOS BAR 'GYUR BA'I RDZAS SPYAD PAS DE'I STOBS KYIS SEMS LA YUL RTOGS PA'I NUS PA DANG BRAL LO, ,BRGYAL @162A *, ,BA'I GNAS SKABS NA GNAD DU RGYAB PAS SAM, RLUNG LA SOGS PA MA MNYAM PAS YUL 'DZIN PA'I NUS PA MED DO, ,CHOD PA'I GNAS SKABS NA YUL GYIS BSKAL BAS SAM THOGS PAR BYED PA'I RDZAS KYIS BSGRIBS PAS YUL 'DZIN PA'I NUS PA DANG BRAL LO, ,RGYAB KYIS PHYOGS PA'I GNAS SKABS NA BRJOD PAR 'DOD PA'I YUL 'DZIN PAR NUS PA MED DO, ,SOGS PA SMOS PAS NI, MUN NAG LA SOGS PA'I GNAS SKABS NA YUL 'DZIN PA'I NUS PA MED PAR BLTA BAR BYA'O, ,MJUG BSDU BA'I PHYIR, DE LTA BAS NA 'DIS ME MTHONG YANG ZHES BYA BA LA SOGS PA SMOS TE, GANG GI PHYIR DE LTAR DE DANG DE MA YIN PA'I NGO BO DAG RNAM PAR DBYE BA MI BYED PA DE'I PHYIR, RTOGS BAR BYED PA 'DIS ME MTHONG YANG 'DI NI ME KHO NA YIN GYI, 'DI NI CHU MA YIN NO ZHES BYA BA DE LTA BUR RNAM PAR PHYE NAS MA RTOGS PAS, ME DON DU GNYER BA 'DUG PAR YANG MI BYA'O, ,'O NA CI ZHE NA CHU BA BRTZAL BA'I PHYIR YUL DE LA 'JUG PAR BYA'O, ,CHUR MA NGES PA'I PHYIR 'GRO BAR YANG MI BYA 'PHAGS PAR MI BYA'O, ,DE LTAR NA 'JAL BAR BYED PA PHAN TSUN 'GAL BA'I BYA BA DANG 'BREL PA'I PHYIR NYON MONGS 'DI, CI 'GRO NA RUNG NGAM 'ON TE 'DUG NA RUNG GTOL MED DE, RGAL DKA' PA'I SKABS SU CHUD PAR GYUR TO, ,GZHAN GYI 'DOD PA'I DOGS PA BSU BAR, GAL TE GCIG MTHONG BA DE KHO NAS ZHES BYA BA LA SOGS PA SMOS TE, GANG GI PHYIR CHUS DBEN PA'I ME GCIG PU DE KHO NA MTHONG BA DE'I PHYIR DE LA CHU MED PAR RTOGS PAR 'GYUR TE, RNAM PA GZHAN MED PA'I PHYIR RO, ,GRUB PA'I MTHA' SMRA BAS, RANG GI TSIG KHO NAS PHA ROL BO RANG GI PHYOGS LA GZHAG PAR BYA BA'I PHYIR, JI LTAR GCIG MTHONG BAS ZHES BYA BA LA SOGS PA SMOS TE, JI LTAR DNGOS PO GCIG MTHONG BAS GZHAN MED PAR RTOGS PAR NUS, YANG GZHAN GYI TSIG GI GO SKABS KYI DOGS PA BSU BAR, GAL TE DE 'BA' ZHIG CES BYA BA LA SOGS PA SMOS TE, GANG GI PHYIR CHU DANG 'BREL PA MED PA'I NGO BO ME 'BA' ZHIG KHO NA RTOGS PA DE'I PHYIR, CHU MED PAR KHONG DU CHUD DO ZHES BYA BA PHYOGS SNGA MA'I DOGS PA YIN NO, ,GRUB PA'I MTHA' SMRA BAS, CO DRI BAR, 'DI NYID KHO BOS ZHES BYA BA LA SOGS PA SMOS TE, 'DI KHO BOS DANG PO KHO NAR BSHAD ZIN NA, CI STE KHYOD DE LA MA RANGS PA LTAR STO NA, GDON MI ZA @162B BAR KHYOD LA 'BROS KHUNG GZHAN MED DE, DE NA KHYED PHUG RDUGS PAS 'DI KHAS LEN PAR ZAD KYI, GZU BOR GYUR PAS NI MA YIN TE, GONG DU GZHAN NYID NI ZHES GCIG DANG 'BREL PA DAG PHAN TSUN LTOS PA YIN NO, ,DE'I PHYIR DE LAS GZHAN PA YOD PA NYID DE MED PA YIN LA, DE LAS GZHAN PA DMIGS PA NYID DE, MI DMIGS PA YIN NO ZHES BSHAD NA, DER NI KHYED KYIS RANGS PAR MA BYAS LA, DE NI PHUG RDUGS PA'I PHYIR KHAS LEN PAS 'DI NI GZU PO'I TSUL CHAGS PA MA YIN NO, ,MJUG BSDU BA'I PHYIR, DE LTA BAS NA 'GRAM MA MTHONG BA'I BYA BZHIN DU ZHES BYA BA LA SOGS PA SMOS TE, JI LTAR GRU BO CHER ZHUGS PA'I TSONG PA RNAMS KYIS 'GRAM MTHONG YANG CI MA RUNG SNYAM NAS, BYA SBUR TE GTOR BAR BYED PA DE GANG GI TSE THAMS CAD DU BYUGS TE 'GRAM MA RNYED PA DE'I TSE GRU KHO NAR 'DUG PAR BYA BA'I PHYIR 'ONG NGO ZHES GRAGS PA LTAR 'DI YANG DE DANG 'DRA BAR BLTA BAR BYA'O, ,GANG GI PHYIR RING DU YANG SONG, PHA ROL DU YANG SONG YANG GDON MI ZA BAR KHO BO'I PHYOGS KHAS BLANG DGOS PA DE'I PHYIR, GTING TSUGS PA MED PA CAN GYI PHYOGS GRUB PA NI CHUNG ZAD KYANG MI DGOS SO, ,GANG LA GTING TSUGS PA MED PA YOD PA DE NI GTING MI TSUGS PA CAN GYI PHYOGS BSGRUB PA'O, ,GTING MI TSUGS PA ZHES BYA BA NI MA NGES PA DANG MTHAR PHYIN PA MA YIN PA'O, ,PHA ROL BOS GAL TE LHA CIG YONGS SU BCAD PA KHO NAS ZHES BYA BA LA SOGS PA SMOS TE, GAL TE DON GZHAN DANG 'BREL PA MED PA'I LUS CAN GYI DNGOS PO GCIG YONGS SU BCAD PA KHO NAS, GZHAN DNGOS PO MED PA'I NGO BO NYID DU SHES PAR 'DOD PA RNAM PAR BCAD PA 'GRUB, DGAG PA GRUB PA YIN NA, DE'I TSES GZHI LA SOGS PA YONGS SU SNANG BA DE NA KHYAD PAR MED PAR DMIGS PA'I RIG BYAR GYUR PA YANG RUNG, DNGOS PO SNANG BA LA MA GTOGS PA GZHAN YANG RUNG STE, THAMS CAD MED PAR 'GRUB PAR 'GYUR GYI, SHES PA GCIG DANG 'BREL PA NYID KYIS RUNG BA'I NGO BO NYID DU MTSUNGS PA BUM PA LA SOGS PA GANG YIN PA DE 'BA' ZHIG KHO NA NI MA YIN NO, ,DE'I PHYIR DNGOS PO DMIGS PA'I RIG BYAR GYUR PA MI DMIGS PA GANG YIN PA DE KHO NA DNGOS PO MED PA BSGRUB PA YIN NO ZHES BYA BA'I KHYAD PAR DU BYED PA GANG YIN PA DE YANG BRJOD MI DGOS TE, GANG GI PHYIR @163A *, ,SA GZHI LA SOGS PA YONGS SU SNANG BA DER DMIGS PA'I RIG BYAR MA GYUR PA GANG DAG YIN PA DE DAG KYANG RNAM PAR CAD PA DE'I PHYIR KHYAD PAR 'DIS CI ZHIG BYA BA NI PHYOGS SNGA MA YIN NO, ,GRUB PA'I MTHA' SMRA BAS, DE'I BDAG NYID GCIG YONGS SU BCAD PAS ZHES BYA BA LA SOGS PA SMOS TE, GANG GI PHYIR PHYOGS KYI RANG BZHIN DBEN PA'I NGO BO NYID GCIG KHO NA YONGS SU BCAD PA YIN PA DE'I PHYIR PHYOGS DE'I NGO BO NYID GZHAN BKAG PA YIN NO, ,BUM PAS DBEN PA'I PHYOGS 'DI YANG DNGOS PO GZHAN GYI NGO BO NYID MA YIN LA, PHYOGS DER KHYAD PAR MED PAR GZHAN THAMS CAD MED PAR SGRUB PAR BYED PA YANG MA YIN NO, ,CI PHYOGS KYI DE LAS GZHAN PA'I BDAG NYID RNAM PAR GCOD PAR BYED CE NA, DE'I PHYIR DE'I BDAG NYID DU NGES PAR SNANG BA SHES PA'I PHYIR RO ZHES BYA BA SMOS TE, GANG GI PHYIR PHYOGS KYI RNAM PA SO SOR NGES PA'I RNAM PA SO SOR NYAMS SU MYONG BA, DE'I PHYIR DE'I GZHAN GYI BDAG NYID RNAM PAR GCOD PAR BYED DO, ,LEGS TE PHYOGS 'BA' ZHIG GI RNAM PAR SHES PA YIN PAR CHUG NA YANG, 'ON KYANG CI'I PHYIR DE LAS GZHAN PA'I BDAG NYID RNAM PAR GCOD PA YIN ZHE NA, DE'I PHYIR DE'I BDAG NYID NI DE LAS GZHAN PA'I BDAG NYID MA YIN NO ZHES BYA BA SMOS TE; PHYOGS DE'I BDAG NYID NGO BO NYID GANG YIN PA DE NI DE LAS GZHAN PA'I DNGOS PO'I NGO BO NYID MA YIN NO, ,GAL TE YANG GZHAN GYI BDAG NYID RNAM PAR BCAD PAR MA GYUR NA, NYES PA CIR 'GYUR ZHE NA, DE'I PHYIR, GZHAN GYI BDAG NYID RNAM PAR MA CHAD NA, ,ZHES BYA BA LA SOGS PA SMOS TE, GAL TE PHYOGS KYI NGO BO NYID LAS GZHAN GYI BDAG NYID RNAM PAR MA CHAD NA DE'I TSE 'JUG PA DANG LDOG PA DAG MED PAR 'GYUR RO, ,'DI LTAR GANG GI TSE PHYOGS KYI NGO BO LA DNGOS PO GZHAN GYI RANG GI NGO BO MA BKAG PA YIN PA DE'I TSE DNGOS PO GZHAN DON DU GNYER BA RNAMS 'DUG PAR YANG MI BYA LA, 'GRO BAR MI BYA BA YIN BAS SNGA MA THAMS CAD BRJOD PAR BYA'O, ,DE LTAR DNGOS SU GZHAN GYI BDAG NYID RNAM PAR BCAD PA BSTAN NAS, GZHAN GYI BDAG NYID RNAM PAR BCAD PAR BYA BA LA BLO'I BYED PA BSTAN BA'I PHYIR, YUL DANG DUS DANG NGO BO NYID DANG GNAS SKABS SU ZHES BYA BA LA SOGS PA SMOS TE, YUL DU NGES PA @163B DANG DUS DANG NGO BO NYID DANG GNAS SKABS KYI BYE BRAG TU NGES NGES BA'I DNGOS PO SNGON PO LA SOGS PA DE BLOS YUL DANG DUS DANG NGO BO NYID GNAS SKABS KYI BYE BRAG TU SO SOR NGES PA'I BDAG NYID DU YONGS SU GCOD NA DNGOS PO SNANG BA LAS BZLOG PA DNGOS PO GZHAN 'GOG PAR BYED DO, ,YUL DANG DUS DANG NGO BO NYID GNAS SKABS ZHES BYA BAR TSIG RNAM PAR SBYAR TE DE DAG TU NGES PA LA DE SKAD CES BYA'O, ,DE'I BDAG NYID DU ZHES BYA BA NI YUL LA SOGS PAR NGES PA'I BDAG NYID DU'O, ,DE'I DE KHO NA NYID MED PA ZHES BYA BA LA DE KHO NA'I NGO BO NI DE KHO NA NYID DE YUL LA SOGS PA'I SO SOR NGES PA'I NGO BO NYID KYI DE KHO NA MED PA NI YUL GZHAN LA SOGS PA'I NGO BO NYID DO, ,'DI SKAD DU YUL DANG DUS DANG NGO BO NYID DANG GNAS SKABS NGES PA'I SNGON PO LA SOGS PA'I NGO BO GZHAN GANG YIN PA DE RNAM PAR GCOD DO ZHES BSHAD PA YIN NO, ,YANG CI'I PHYIR DE KHO NA NYID MED PA RNAM PAR GCOD CE NA, DE'I PHYIR, GAL TE GZHAN GYI DNGOS PO RNAMS PAR BCAD PAR GYUR NA ZHES BYA BA LA SOGS PA SMOS TE, GAL TE YUL DANG DUS DANG NGO BO NYID DANG GNAS SKABS GZHAN GANG YIN PA DE BKAG PA YIN NA, DE LTA NA YUL LA SOGS PA NGES PA'I SNGON PO 'DI BLO DES YONGS SU BCAD PA YANG YIN LA, YUL LA SOGS PA NGES PA'I MTSAN NYID KYI DE KHO NA NYID KYANG DE KHO NA'I YIN GYI, GZHAN GYI NI MA YIN ZHES BYA BAR RNAM PAR GZHAG PA YIN NO, ,'DI LTAR DNGOS PO GZHAN DU GYUR PA JI SKAD BSHAD PA'I YUL LA SOGS PA DANG, BRAL BA'I NGO BO NYID 'GOG BA'I BLO NYID YUL DANG DUS DANG NGO BO NYID DANG GNAS SKABS NGES PA'I DNGOS PO GZUGS LA SOGS PA YONGS SU GCOD PA ZHES BYA'O, ,DE NYID KYI PHYIR MNGON SUM ZHES BYA BA TSAD MA GCIG 'JUG PA'I DNGOS PO THAMS CAD PHUNG PO GNYIS SU RNAM PAR 'JOG PAR BYED PA KHO NA YIN NO, ,DE LA PHUNG PO GNYIS NI 'DI YIN TE, GCIG YONGS SU SNANG BA GANG YIN PA DANG, DE LA MA GTOGS PA GZHAN THAMS CAD MI SNANG BA NYID DU RNAM PAR 'JOG PAR BYED PA'O, ,'DI SKAD DU DNGOS PO THAMS CAD SNANG BA DANG MI SNANG BA NYID DU RNAM PAR 'JOG PAR BYED PA YIN NO ZHES BSHAD PA YIN NO, ,'DI NA NI SNANG BA'O, ,DE LA MA GTOGS PA 'DI NI MI SNANG BA'O ZHES BYA BA RNAM PAR RTOG PA'I BYED PA 'DI MNGON SUM RNAM @164A *, ,PAR RTOG PA MED PA LA MED PA MA YIN NAM ZHE NA, DE'I PHYIR, DE NI RJES SU 'GRO BA DANG LDOG PA'I ZHES BYA BA LA SOGS PA SMOS TE, MNGON SUM DE NI YOD PA DANG DGAG PA'I RNAM PAR RTOG PA'I RGYU NYID YIN PA KHO NAS 'BRAS BU DANG BCAS PA YIN NO, ,RJES SU 'GRO BA'I BLO NI YOD PA'I RNAM PAR RTOG PA'O, ,LDOG PA'I BLO NI DGAG PA'I RNAM PAR RTOG PA'O, ,'DI SKAD DU MNGON SUM NI MDUN NA GNAS PA'I DNGOS PO RANG GI NGO BO TZAM MTHUN PAR BYED CING SKYE LA, DNGOS PO DE NI DNGOS SU NA YOD PA'I NGO BOS SNGON PO'I NGO BO GCIG PU DANG, DE LAS GZHAN PA'I DNGOS PO MTHA' DAG LAS LOG PA'I NGO BO NYID YIN NO, ,GANG GI PHYIR DNGOS PO YOD PA'I NGO BOS SNGON PO DE DE'I RNAM PAR SKYES PA'I MNGON SUM GYIS BZUNG BA DE'I PHYIR 'DIR MNGON SUM GYI STOBS KYIS GANG GIS NA 'DI NI SNGON PO YIN NO ZHES BYA BA DE LTA BUR SHES BAR 'GYUR BA YOD PA'I RNAM PAR RTOG BA SNGON PO LTA BUR SNANG BA 'BYUNG NGO; ,GANG GI PHYIR DNGOS PO GZHAN MTHA' DAG DANG, MTSAN NYID MI MTHUN PA'I SNGON PO DE MNGON SUM GYIS BZUNG BA DE'I PHYIR MNGON SUM GYIS STOBS KHO NA SER PO LA SOGS PA MA YIN NO ZHES BYA BA DE LTA BUR SHES PAR 'GYUR BA SER PO LA SOGS PA SEL BAR BYED PA DGAG PA'I SHES PA GNYIS PA SKYE'O ZHES BSHAD PA YIN NO, ,GAL TE MNGON SUM DNGOS PO DE LTA BU'I RNAM PAR SKYES PAR MA GYUR NA DUS PHYIS RNAM PAR RTOG PA 'DI LTA BU DAG SKYE BAR MI 'GYUR RO, ,DE LTA BAS NA MNGON SUM GYI STOBS KYIS RNAM PAR RTOG PA DE LTA BU GNYIS 'BYUNG STE, GANG GI TSE MNGON SUM RNAM PAR RTOG PA 'DI LTA BU DAG SKYED PAR BYED PA DE'I TSE 'BRAS BU DANG BCAS PAR RNAM PAR GZHAG GI, GZHAN DU NI MA YIN NO, ,DE LTAR NA RJES SU 'GRO BA DANG LDOG PA'I BLO'I RGYU NYID KHO NAS 'BRAS BU DANG BCAS PA NYID YIN PA'I PHYIR, TSAD MA GCIG 'JUG PA NI DNGOS PO THAMS CAD PHUNG PO GNYIS SU RNAM PAR BYED PA YIN NO ZHES BYA BAR GRUB BO, ,YANG CI'I PHYIR PHUNG PO GSUM PA MI 'DOD CE NA, DE LA MA GTOGS PA MA LUS PA ZHES BYA BA LA SOGS PA SMOS TE, GANG GI TSE DNGO PO YONGS SU SNANG BA LAM GTOGS PA MTHA' DAG DGAG PA'I NGO BO RNAM PAR BCAD PAS KHYAB BA SGRUB @164B PAR BYED PA'I TSE KHO NA RNAM PA GZHAN MED PAR BSGRUB PA YIN NO, ,'DI SKAD DU GANG GI TSE DNGOS SO SNANG BA LA MA GTOGS PA'I DNGOS PO THAMS CAD SNANG BA MA YIN PA NYID DU RNAM PAR 'JOG PAR BYED PA DE'I TSE PHUNG PO GSUM PA GAL SRID DE, 'DI LTAR DGAG PA'I RNAM PAR RTOG PA KHO NAS SER PO LA SOGS PA MA LUS PA BRTZAL BAS YUL DU BYED PA NA PHUNG PO GZHAN MED PAR STON PAR BYED DO ZHES BSHAD PA YIN NO, ,YANG CI'I PHYIR DNGOS PO YONGS SU SNANG BA LA MA GTOGS PA MA LUS PA RNAM PAR BCAD PA'I NGO BO NYID KYIS KHYAB PA SGRUB BAR BYED CE NA, DE'I PHYIR, DE DE LAS GZHAN PA NYID KYIS MA KHYAB NA ZHES BYA BA LA SOGS PA SMOS TE, GAL TE YONGS SU SNANG BA LA MA GTOGS PA'I DON TE SNANG BA LAS GZHAN PA NYID KYIS KHYAB PAR MA GYUR NA, DE'I TSE 'GOG PAR BYED PA'I SHES PA DES, DE LAS GZHAN PA NYID KYIS MA KHYAB PA'I DON GANG YIN PA DE RNAM PAR BCAD PA DANG LOGS SHIG TU BYAS PAR MI 'GYUR RO, ,DE'I PHYIR YANG YONGS SU SNANG BA NYID DU 'DOD PA'I DNGOS PO YONGS SU BCAD PAR THAL BAR 'GYUR TE, DE DANG DE MA YIN PA'I NGO BO DAG RNAM PAR MA PHYE BA'I PHYIR, 'JUG PA DANG LDOG PA DAG MED DO ZHES BYA BA THAL BA SNGA MAR 'GYUR RO, ,DE ZHES BYA BA NI SNANG BA LA MA GTOGS PA'O, ,DE LAS GZHAN PA NYID KYIS MA KHYAB NA ZHES BYA BA NI SNANG BA LAS GZHAN PA NYID KYIS MA KHYAB NA ZHES BYA BA'I TSIG GO, ,DES ZHES BYA BA NI 'GOG PAR BYED PA'I SHES BAS SO, ,DON DE RNAM PAR MA BCAD PA'I PHYIR ZHES BA BA DE LAS GZHAN PA NYID KYIS MA KHYAB PA'I DON NI DON DE'O, ,DE RNAM PAR MA BCAD PA NI DON DE RNAM PAR MA BCAD BA'O, ,'JUG BSDU BA'I PHYIR, DE LTA BAS NA TSAD MA'I BYED PA NI ZHES BYA BA LA SOGS PA SMOS TE, GANG GI PHYIR DE LTAR RJES SU 'GRO BA DANG LDOG PA'I BLO'I RGYU NYID KHO NAS TSAD MA 'BRAS BU DANG BCAS PA NYID YIN PA DE'I PHYIR TSAD MA GCIG KHO NA'I BYED PA NI DNGOS PO 'GA' ZHIG LA TSAD MA 'JUG PA YONGS SU SNANG BA NYID DU 'DOD PA DE NI YONGS SU GCOD CING, DE LAS GZHAN PA YONGS SU MI SNANG BA NYID DU 'DOD PA NI RNAM PAR GCOD PA 'GOG PAR BYED LA, SNANG BA DANG MI SNANG BA DANG, MI SNANG BA LA MA GTOGS PA RNAM PA GSUM GZHAN NI MED PAR STON TO ZHES BYA BA 'DI TZAM DU ZAD MOD, RE ZHIG TSAD MA GCIG @165A *, ,'JUG PA DE NI YONGS SU GCOD LA, DE LAS GZHAN PA NI RNAM PAR GCOD DO ZHES BYA BA NI RIGS NA, RNAM PA GZHAN GSUM PO MED PAR GO JI LTAR STON PAR BYED CE NA, DE'I PHYIR 'DI LTAR 'GA' ZHIG LA TSAD MA 'JUG PA NI ZHES BYA BA LA SOGS PA SMOS TE, 'DI LTAR SNGON PO LA SOGS PA 'GA' ZHIG LA TSAD MA 'JUG PA'I SNGON PO DE NYID DE LAS GZHAN PA'I SER PO LA SOGS PA LAS RNAM PAR GCOD PA LOGS SHIG TU BYED DO, ,GANG GI PHYIR KHO NAR DER SNGON PO DE NYID YONGS SU BCAD PA DANG, DE LAS GZHAN PA SER PO LA SOGS PA SNGON PO DE LAS RNAM PAR GCOD PA DANG GANG GI PHYIR SNGON PO DE LA DE LAS GZHAN PA SER PO LA SOGS PA YONGS SU GCOD PAR MA GYUR PA DE KHO NA'I PHYIR, JI SKAD BSHAD PA'I TSAD MA DE NYID RNAM PA GZHAN MED PAR SGRUB PAR BYED PA YIN NO, ,CI'I PHYIR ZHE NA, DE SNANG NA ZHES BYA BA LA SOGS PA SMOS TE, GANG GI PHYIR SNANG BA SNGON PO GANG YIN PA DE SNANG NA SER PO LA SOGS PA GANG ZHIG MA MTHONG BA'I MA MTHONG BAS THAMS CAD DE NI LAS GZHAN PA NYID DU MTHONG BA LAS GZHAN PA NYID DU RNA PAR 'JOG PA DANG, GANG GI PHYIR SNANG BA LAS GZHAN PA MA YIN NO SNANG BA LAS GZHAN PA MA YIN PA NI SNANG BA NYID KHO NA RNAM PAR 'JOG PA DE'I PHYIR RNA PA GZHAN MED PA YIN NO, ,DE LAS GZHAN PA MA YIN PA NYID CES BYA BA LA, DE LAS GZHAN PA NI DE LAS GZHAN PA STE, SNANG BA LAS GZHAN PA ZHES BYA BA'I THA TSIG GO, ,DE LAS GZHAN PA MA YIN PA NI DE LAS GZHAN PA MA YIN PA STE, SNANG BA DE NYID CES BYA BA'I THA TSIG GO, ,DE NYID DU ZHES BYA BA NI SNANG BA NYID DU ZHES BYA BA'I THA TSIG GO, ,GANG DAG SNANG BA DANG DE LAS GZHAN PA NYID DU ZHES 'DON PA DE DAG GI LTAR NA NI GZHUNG RUNG BAR DGA' STE, 'DI LTAR GAL TE MTHONG BA NYID DANG, DE LAS GZHAN PA NYID DU THAMS CAD RNAM PAR 'JOG PAR BSHAD NA, DE'I TSE DE LAS GZHAN MA YIN PA NYID DU RNAM PAR 'JOG PA ZHES BYA BA LHAG PAR 'GYUR RO, ,DE LTA BAS NA GZHUNG 'DI NI MI SNANG BA THAMS CAD NI DE LAS GZHAN PA NYID DU RNAM PAR 'JOG PA'I PHYIR LA ZHES DE SKAD DU GDON PAR BYA'O, ,'DI SKAD DU DMIGS PA NA 'DI NYID DU RNAM PAR 'JOG LA MI DMIGS PA THAMS CAD NI GZHAN NYID DU RNAM PAR 'JOG STE, DE'I PHYIR RNAM PA GZHAN MED PAR GRUB PO ZHES BYA BAR @165B GNAS SO ZHES BSHAD PA YIN NO, ,PHAN TSUN RNAM PAR GCOD PA'I NGO BO GZHAN GANG DAG YIN PA DE LA YANG RNAM PA GZHAN DGAG PA BSGRE BAR BYA BA'I PHYIR, 'DIS NI RIM DANG RIM MA YIN PA LA SOGS PA ZHES BYA BA LA SOGS PA SMOS TE, MTHONG BA DANG MA MTHONG BA LA MA GTOGS PA RNAM PA GZHAN MED PAR STON PAR BYED PA'I GZHUNG 'DIS NI RIM DANG RIM MA YIN PA LA SOGS PA PHAN TSUN RNAM PAR GCOD PA'I NGO BO GZHAN GANG DAG YIN PA DE DAG KYANG RNAM PAR BSHAD PAR BLTA BAR BYA STE, DE LA YANG RIM DANG RIM MA YIN PA MA GTOGS PA RNAM PA GSUM PA MED DO SNYAM DU DGONGS PA YIN NO, ,CIG CAR MA LA GTOGS PA'I DUS JI SNYED PA DE THAMS CAD NI RIM ZHES BYA'O, ,RIM LA MA GTOGS PA'I DUS JI SNYED PA DE THAMS CAD NI CIG CAR BYA'O, ,DE'I PHYIR RNAM PA GSUM PA LTA GA LA SRID, 'DIR 'BRAS BU DUS GCIG TU SKYED PA'I RGU NI CIG CAR ZHES THA SNYAD GDAGS SO, ,'BRAS BU BRGYU DE BSKYED PA'I RGYU NI RIM ZHES THA SNYAD GDAGS SO, ,GANG DAG LA PHAN TSUN RNAM PAR GCOD PA'I NGO BO YIN PA DE DAG NI PHAN TSUN RNAM PAR GCOD PA'I NGO BO CAN DAG STE, PHAN TSUN SPANGS TE GNAS PA'I RANG GI NGO BO CAN ZHES BYA BA'I THA TSIG GO, ,SOGS PA SMOS PA NI RTAG PA DANG MI RTAG PA DANG 'DUS BYAS DANG 'DUS MA BYAS PA DANG, THOGS PA DANG BCAS PA DANG, THOGS PA MED PA LA SOGS PA BLTA BAR BYA'O, ,ZHAR LA 'ONGS PA RDZOGS PAR BYAS NAS, DKYUS MA SBYAR BAR BYA BA'I PHYIR, DE LTA BAS NA DE LTAR GCIG DMIGS PAS ZHES BYA BA LA SOGS PA SMOS TE, DE LTA BAS NA DE SKAD BSHAD PA'I RNAM PAS SNGON PO LA SOGS PA GCIG DMIGS PAS DON 'DI SNGON PO YIN GYI, SER PO LA SOGS PA'I NGO BO NI MA YIN NO ZHES BYA BA NI DE LTA BU SNGON PO DE'I SER PO LA SOGS PA'I BDAG NYID RNAM PAR GCOD PA YIN GYI, DE'I YUL LAM DE'I DUS SU SNGON PO LA MA GTOGS PA GZHAN THAMS CAD 'GOG PAR BYED PA NI MA YIN NO, ,'DI NI SHES PA GCIG DANG 'BREL PA DANG PHAN TSUN LTOS PA KHO NAS GZHAN NYID YIN PAR 'DOD PAS NA, 'DIR DMIGS PA'I RIG BYAR GYUR BA RUNG BA NYID KYI NGO BOR MTSUNGS PA'I PHYIR, PHYOGS GNAS YIN PAR 'GYUR PA 'DI TZAM ZHIG TU ZAD KYI, PHYOGS DER DMIGS PA'I @166A *, ,RIG BYAR MA GYUR PA YANG 'GOG PA NI MA YIN NO, ,DMIGS PA DE'I YUL DANG DUS KYANG GANG DAG YIN PA DE DAG NI, ,DE'I YUL DANG DUS KYI SGRA BSHAD DO, ,MJUG BSDU BA'I PHYIR, DE LTA BAS NA DE'I BDAG NYID MA YIN PAR YANG 'GYUR LA ZHES BYA BA LA SOGS PA SMOS TE, GANG GI PHYIR DE LTAR THAMS CAD MED PAR 'GOG PAR BYED PA MA YIN PA DE'I PHYIR, DE'I BDAG NYID MA YIN PA SNGON PO'I NGO BO NYID MA YIN PAR YANG 'GYUR LA, DE'I YUL DANG DANG DUS SU NYE BAR YANG 'GYUR BAS 'GAL BA 'GA' YANG MED DO, ,'DIR DPE, RO DANG GZUGS LA SOGS PA BZHIN NO ZHES BYA BA SMOS TE, JI LTAR GZUGS NI RO'I NGO BO NYID MA YIN MOD KYI, 'ON KYANG RO'I YUL DANG RO SKYE BA'I DUS NA YOD PA LTAR 'DIR YANG DE DANG 'DRA BAR 'GYUR, GANG GI PHYIR DE LTAR BSHAD PA'I TSUL GYIS NA DMIGS PA'I BDAG NYID DGAG PA KHO NA BYA BAR NUS KYI, DE'I YUL DANG DUS DAG TU THAMS CAD MED PAR DGAG PA MA YIN PA DE'I PHYIR DMIGS PA'I RIG BYAR GYUR PA ZHES KHYAD PAR DU DGOS SO, ,DKYUS MA'I MJUG BSDU BA'I PHYIR, DE LTA BAS NA JI SKAD BSHAD PA'I MI DMIGS PA KHO NA LAS ZHES BYA BA LA SOGS PA SMOS TE, GANG GI PHYIR DE LTAR KHYAD PAR MED PAR GZHAN THAMS CAD DGAG PAR BYA MI NUS PA DE'I PHYIR JI SKAD BSHAD PA'I MI DMIGS PA KHO NA LAS DUS RES 'GA' YUL LA LA ZHIG TU DNGOS PO 'GA' ZHIG MED PAR 'GRUB PA YIN GYI, GZHAN LAS NI MA YIN NO ZHES BYA BAR GRUB BO, ,DE LTAR NA GONG DU GZHAN YOD PA DE NYID DANG, DE'I YUL CAN GYI SHES PA DE DNGOS PO MED PA'I SGRUB PA JI STE MA YIN ZHES KLAN KA BTZAL BA GANG YIN PA DE LA RE ZHIG GZHAN YOD PA DNGOS PO MED PA'I SGRUB PA NYID YIN PA BSAL ZIN TO, ,GZHAN YOD PA'I YUL CAN GYI DMIGS PA DNGOS PO MED PA'I RTAGS NYID YIN PA DGAG PA'I PHYIR, GZHAN YOD PA'I YUL CAN GYI DMIGS PA YANG ZHES BYA BA LA SOGS PA SMOS TE, BUM PAS DBEN PA'I SA GZHI'I YUL CAN GYI DMIGS PA GANG YIN PA DE NI BUM PA MED PA BSGRUB PAR BYED PA YIN PAR NI 'DOD PA KHO NA'I 'DI RTAGS NYID DU MI 'DOD PA 'BA' ZHIG TU ZAD DO, ,CI'I PHYIR 'DI RTAGS NYID DU MI 'DOD CE NA, DER @166B YANG DNGOS PO MED PA LOGS SHIG TU GRUB PAR BYA BA NYID YIN NA ZHES BYA BA LA SOGS PA SMOS TE, RTAGS NYID DU BRTAG PAR BYA BA GZHAN YOD PA'I YUL CAN GYI DMIGS PA DER YANG DNGOS PO MED PA LOGS SHIG TU BSGRUB PAR BYA BA NYID YIN PAR KHAS LEN NA 'BREL PA MED PA DE'I SO NA 'DUG PA NYID DO, ,BUM PA MED PA DANG GZHAN YOD PA'I YUL CAN GYI DMIGS PAR LHAN CIG DON GCIG LA 'DU BA'AM, RTEN DANG BRTEN PA'I DNGOS PO'AM, BSKYED PAR BYA BA DANG SKYED PAR BYED PA'I DNGOS PO YOD PA NI MA YIN NO, ,SO SOR MA GRUB PA'I NYES PA 'DIR YANG BSGRE BAR BYA BA'I PHYIR, RTAGS 'BYUNG BA'I DUS KHO NA NA ZHES BYA BA LA SOGS PA SMOS TE, RTAGS 'BYUNG BA'I DUS NI SKYE BA'I DUS TE, SNGAR BUM PAS DBEN PA'I PHYOGS KYI MTSAN NYID KYI GZHAN YOD PA RTOGS NAS PHYIS BUM PA MED PAS PHYOGS RTOGS PA'I RJES SU 'GRO BA DANG LDOG PA DAG RAB TU BSGRUB PA NYE BAR BSTAN TE, DE'I 'OG TU PHYOGS RTOGS PAS BUM PA MED PA RTOGS PA NI MA YIN NO, ,'O NA CI ZHE NA, DE LAS GZHAN PA BUM PAS DBEN PA'I PHYOGS RTOGS PA KHO NA DE MED PA BUM PA MED PA RTOGS KYI PHYIS NI MA YIN NO, ,CI'I PHYIR RTAGS NYID DU MI 'DOD, DE LAS GZHAN PA RTOGS PA'I DUS KHO NA DE MED PAR RTOGS ZHES DE'I PHYIR, MTHONG MA THAG TU ZHES BYA BA LA SOGS PA SMOS TE, GANG GI PHYIR MNGON SUM GYI MJUG THOGS KHO NAR CHOD PA SHOL BA MED PAR PHYOGS KYI NGO BO 'DI NI YOD DO, ,BUM PA LA SOGS PA'I NGO BO 'DI NI MED DO ZHES BYA BA'I NGES PA SKYE BA, DE'I PHYIR DE MED PA DANG, GZHAN YOD PA DAG NI DUS MNYAM DU RTOGS TE, JI LTAR BUM PAS DBEN PA'I PHYOGS LA DON DU GNYER BAS, PHYOGS MTHONG NAS MTHONG MA THAG TU PHYOGS 'DI NI YOD PA YIN ZHES NGES PAR BYED PA DE BZHIN DU, DE NYID KYIS RUNG BA NYID KYI NGO BOR MTSUNGS PA'I BUM PA MA MTHONG NAS 'DI NA BUM PA MED DO ZHES BYA BAR NGES PAR BYED DO, ,CHOD PA ZHES BYA BA'I SGRAS NI 'DIR KHYAB PA GANG GI PHYIR RTAGS SKYE BA'I DUS DE KHO NA BUM PA MED PAR GRUB PA DE'I PHYIR 'DI GNYIS SO SOR RTAGS DANG RTAGS CAN GYI DNGOS PO NI MA YIN NO, ,RTAGS 'BYUNG BA'I DUS KHO NA MED PAR 'GRUB PO ZHES BYA BA 'DI DAG LAS SHE NA, GZHAN YOD PA RTOGS NAS GDOD CES BYA BA LA SOGS @167A *, ,PA SMOS TE, DRAN PA BRJOD PAR BZHED PA YIN TE, DES NA MTHONG BA DANG RTOGS PA DANG CHOD PA MED PA ZHES BYA BA'I THA TSIG GO, ,GTAN TSIGS GZHAN DPE MA GRUB PA'I PHYIR RO ZHES BYA BA SMOS TE, GZHAN YOD PA'I YUL CAN GYI DMIGS PAS BUM PA MED PAR BSGRUB PAR BYA BA LA DPE 'GA' YANG MED DO, ,DE NYID BSTAN PA'I PHYIR, DE NI GANG ZHIG GANG GI RJES SU 'GRO BA ZHES BYA BA LA SOGS PA SMOS TE, RTAGS NYID DU 'DOD PA'I DNGOS PO DE NI RTAGS NYID DU 'DOD PA'I DNGOS PO GANG ZHIG DNGOS PO GANG GI RJES SU 'GRO BA YOD PA DNGOS PO DE'I RTAGS YIN PA'O, ,CI'I PHYIR RJES SU 'GRO BA MED CE NA, DE'I PHYIR, 'DI SKAD DU GANG NA ZHES BYA BA LA SOGS PA SMOS TE, 'DI LTAR 'DI SKAD DU GANG NA YONGS SU SNANG BA'I PHYOGS KYI YUL CAN GYI DMIGS PA YOD PA DE NA BUM PA MED DO ZHES BYA BAR BSTAN PAR NI MI NUS SO, ,CI'I PHYIR MI NUS SHE NA, DMIGS PA GCIG PU DE NI ZHES BYA BA LA SOGS PA SMOS TE, YONGS SU SNANG BA'I YUL CAN GYI DMIGS PA GCIG PO GANG YIN PA DE BZHIN GANG NA YOD PA GANG GIS NA GANG DANG GANG NA 'DI YOD PA DE DANG DE NA BUM PA MED DO ZHES RJES SU 'GRO BA BYED PAR 'GYUR, DE LA 'DI SNYAM DU KHYAD PAR YONGS SU BOR NAS SPYIR RJES SU 'GRO BA BYED DO ZHE NA, SPYIR RAB TU BSTAN PA'I DPE LA YANG ZHES BYA BA LA SOGS PA SMOS TE, GANG GI TSE GANG DANG GANG NA BUM PAS DBEN PA'I PHYOGS TZAM 'DZIN PAR BYED PA'I DMIGS PA YOD PA DE DANG DE NA BUM PA MED DO ZHES SPYIR KHYAB PA STON PAR 'DOD PA DE'I TSE YANG, DPE LA TSAD MA GZHAN MED PA BUM PAS DBEN PA'I PHYOGS TZAM 'DZIN PAR BYED PA'I DMIGS PA DE NYID BSGRUB PAR BYA BA'I CHOS BUM PA MED PA'I SGRUB PAR BYED PA YIN PAR 'DOD PAR BYA DGOS LA, DE LA YANG TSAD MA GZHAN MED PAR MI DMIGS PA 'DI KHO NA SGRUB PAR YIN PAR BRJOD DGOS LA, SGRUB PA DE LA YANG DPE GZHAN ZHIG BRJOD DGOS PA THUG PA MED PA YIN NO, ,THUG PA MED PA YIN NA NI DANG PO STE, BSGRUB PAR BYA BA NYID DU 'DOD PA BUM PA MED PA RTOGS PA MA YIN PAR 'GYUR RO, ,DKYUS MA'I MJUG BSDU BA'I PHYIR, DE LTA BAS NA RTAGS GANG LAS KYANG ZHES BYA BA LA SOGS PA SMOS TE, GANG GI PHYIR DE LTAR BSHAD PA'I RNAM PAS NA GZHAN YOD PA DANG, DE'I YUL @167B CAN GYI DMIGS PA'I DNGOS PO MED PA SGRUB PA RTAGS NYID DU MI 'THAD PA DE'I PHYIR, RTAGS GANG LAS KYANG DNGOS PO MED PAR MI 'GRUB PAR KHAS BLANG BAR BYA'O, ,GAL TE RTAGS GANG LAS KYANG DNGOS PO MED PA MI 'GYUR NA, 'O MA DE MA GRUB NA, DNGOS PO MED PAR THA SNYAD GDAGS PA YANG JI LTAR 'JUG PA 'GRUB CE NA, DE'I PHYIR, MNGON SUM GYI MTSAN NYID KYI MI DMIGS PAS ZHES BYA BA LA SOGS PA SMOS TE, PHYOGS KYI MTSAN NYID KYI GZHAN YOD PA GANG YIN PA DE MNGON SUM GYI MTSAN NYID KYI MI DMIGS PA, PHYOGS DMIGS PA'I NGO BO NYID KYIS GRUB NA DNGOS PO MED PAR THA SNYAD GDAGS PA SGRUB PAR BYED PA YIN NO, ,DNGOS PO MED PA NI PHYOGS RTOGS PA'I DUS KHO NA GRUB PA YIN TE, 'DI LTA BUR BUM PAS DBEN PA'I PHYOGS RTOGS PA DE KHO NA'I TSE BUM PA MED PA YANG RTOGS PAR 'GYUR RO, ,GAL TE BUM PA MED PA GRUB NA, 'O NA NI DNGOS PO MED PAR THA SNYAD GDAGS PA YANG GRUB PA KHO NA YIN PAS, SU ZHIG DNGOS PO MED PA RTOGS NAS DE LA DNGOS PO MED PAR THA SNYAD GDAGS PA 'JUG PAR MI 'GYUR ZHE NA, DE'I PHYIR, RTOGS PA RMONGS PA LA ZHES BYA BA LA SOGS PA SMOS TE, DNGOS PO MED PA RTOGS KYANG DNGOS PO MED PAR THA SNYAD GDAGS PAR MI BYED PA'I BLO GROS RMONGS PA LUNG NGAN PAS BSLUS PA'I RTOGS PAR BYED PA DE LTA BU DAG YOD DO, ,'DI LTAR SOR MO'I RTZE MO GLANG PO CHE BRGYAS DBEN PAR GRUB KYANG GRANGS CAN PA'I GRUB PA'I MTHA' LA 'CHEL BA LA LA SOR MO'I RTZE MO LA GLANG PO CHE BRGYA MED PAR THA SNYAD GDAGS PA 'JUG PAR MI BYED DO, ,DE BZHIN DU BA LANG GI GONG BU RIGS LA SOGS PAS DBEN PAR GRUB KYANG BYE BRAG PA RNAMS RIGS LA SOGS PA MED PAR THA SNYAD GDAGS PA 'JUG PAR MI BYED DO, ,DE BZHIN DU 'JIG RTEN NA YANG PHYOGS LA LAR MNGON PAR 'DOD PA'I DNGOS PO 'GA' ZHIG BDAG NYID KYIS MA MTHONG BZHIN DU YANG GZHAN LA CI 'DI NA LHA SBYIN MED DAM ZHES DE SKAD 'DRI BA DAG MTHONG NGO, ,'DI NI RNAM PAR DPYAD NA HA CANG THAL BAR 'GYUR BAS, DE LTA BAS NA, ZHAR LA 'ONGS PAS CHOG GO, ,DE LTAR MI DMIGS PA RANG GI NGO BO'I SGO NAS BSTAN NAS, RAB TU DBYE BA BSTAN PAR BYA BA'I PHYIR, MI DMIGS @168A *, ,PA DE NI ZHES BYA BA LA SOGS PA SMOS TE, MI DMIGS PA DE NI RNAM PA GSUM DU RIG PAR BYA'O, ,RNAM PA GSUM PO DE NYID BSTAN PAR BYA BA'I PHYIR, RGYU DANG 'BRAS BU'I DNGOS PO GRUB LA ZHES BYA BA LA SOGS PA SMOS TE, GANG ZHIG DNGOS PO MED PAR SGRUB PAR BYED PA DANG, GANG ZHIG MI DMIGS PA'I GTAN TSIGS NYID DU SMOS PAR BYED PA DE GNYIS MNGON SUM DANG RJES SU DPAG PA DAG GIS RGYU DANG 'BRAS BU'I DNGOS POR YANG GRUB, BDAG NYID KYI TSAD MAS KHYAB PAR BYA BA DANG, KHYAB PAR BYED PA'I DNGOS POR YANG GRUB PA YIN LA RANG BZHIN MI DMIGS PA'I SGO NAS, RGYU DANG KHYAD PAR BYED PA GANG ZHIG DNGOS PO MED PAR GRUB PA DE GNYIS KYIS MI DMIGS PA NI GO RIMS BZHIN DU, RGYU MI DMIGS PA ZHES BYA BA GNYIS YIN NO, ,RANG BZHIN MI DMIGS PA NI GSUM PA YIN NO, ,MI DMIGS PA RNAM PA MANG MOD KYI, RTZA BA'I RNAM PA RAB TU BSTAN PA'I PHYIR, RNAM PA GSUM ZHES BSHAD DO, ,'DI LTAR RAB TU BYED PA 'DI NI RTOGS PAR BYED PA MGO SMOS PAS GO BA MDOR BSDUS PA LA DGA' BA'I DBANG DU BYAS NAS BRTZAMS PA YIN PAS, DES RTZA BA'I RAB TU DBYE BA DE MTHONG NAS RGYAS PAR KHONG NAS 'DREN PAR 'GYUR RO, ,YANG RE ZHIG RGYU DANG KHYAB PAR BYED PA KHO NA LA JI LTAR MED PAR THA SNYAD GDAGS PA 'GRUB CE NA, DE'I PHYIR DE LA RGYU DANG KHYAB PAR BYED PA DAG GI ZHES BYA BA LA SOGS PA SMOS TE, RGYU DANG KHYAB PAR BYED PA DAG GIS RANG GI NGO BO MED PA THA SNYAD GDAGS PA GANG YIN PA DE YANG GZHAN YOD PAR GRUB PA KHO NA LAS BLTA BAR BYA'I, ,RANG BZHIN MI DMIGS PA 'BA' ZHIG GZHAN YOD PAR GRUB PA LAS RIG PAR BYA BA NI MA YIN NO, ,'O NA CI ZHE NA, RGYU DANG KHYAB PAR BYED PA MI DMIGS PA DAG KYANG GZHAN YOD PAR GRUB PA LA RIGS PAR BYA'O ZHES BYA BA 'DI YANG, YANG ZHES BYA BA'I SGRAS RIG PAR BYA'O, ,JI SKAD BSHAD PA'I RNAM PAS RGYU'AM KHYAB PAR BYED PA DNGOS PO MED PAR GRUB TU CHUG NA YANG, DES NA CI ZHE NA, DE'I PHYIR, DE LTAR GRUB PA DE NI 'BRAS BU DANG KHYAB PAR BYA BDAG CES BYA BA LA SOGS PA SMOS TE, GANG GI TSE JI SKAD BSHAD PA'I RNAM PAR RGYU DNGOS PO MED PA'AM KHYAD PAR BYED PA DNGOS PO MED PAR DE GRUB PA YIN PA DE'I TSE 'BRAS BU'AM, KHYAB @168B PAR BYA BA DAG DNGOS PO MED PA'AM, DNGOS PO MED PAR THA SNYAD GDAGS PA SGRUB PAR BYED PA YIN TE GO RIMS BZHIN NO, ,'AM ZHES BYA BA'I SGRA NI BSDUS PA STE, 'DI LTAR 'DIR BSGRUB PAR BYA BA DANG SGRUB PA DAG THA DAD DE, DES NA DNGOS PO MED PA DANG DNGOS PO MED PAR THA SNYAD GDAGS PA GNYI GA YANG SGRUB PAR BYED DO, ,MI DMIGS PA GSUM PA LA JI LTA BU YIN ZHE NA, RANG BZHIN MI DMIGS PA LA NI ZHES BYA BA LA SOGS PA SMOS TE, RANG BZHIN MI DMIGS PA GANG YIN PA DE NI BSGRUB PAR BYA BA DANG SGRUB PA THA MI DAD PA'I PHYIR, MI DMIGS PA RTAGS SU GYUR PAS DNGOS PO MED PAR THA SNYAD GDAGS PA KHO NA SGRUB PAR BYED KYI, GZHAN YOD PAR GRUB PA'I DUS KHO NA GRUB PA'I PHYIR, DNGOS PO MED PA NI MA YIN NO, ,'DIR KLAN KA TSOL BAR BYED PAS, GAL TE RGYU DANG KHYAB PAR BYED PA ZHES BYA BA LA SOGS PA SMOS TE, GAL TE GANG GI TSE RGYU DANG KHYAB PAR BYED PA DAG DE LAS GZHAN PA YOD PA'I MTSAN NYID MI DMIGS PA MED PAS THA SNYAD GDAGS PAR GRUB PA DE'I TSE 'BRAS BU'AM KHYAB PAR BYA BA DAG DNGOS PO'AM, DNGOS PO MED PAR THA SNYAD GDAGS PA SGRUB PAR BYED LA, GZHAN YOD PA'I NGO BO MI DMIGS PA DE YANG DMIGS PA'I RIG BYAR GYUR PA RGYU DANG KHYAB PAR BYED PA DE GNYIS KHO NA'I MED PAR THA SNYAD GDAGS PA'I SGRUB PAR BYED PA YIN PAR 'DOD NA GO DE'I PHYIR, RGYU DANG KHYAB PAR BYED PA MI DMIGS PA, DE GNYIS JI LTAR THAMS CAD DU ME MED NA DU BA MED DO, ,SHING MED NA SHA BA MED DO ZHES BYA BA DE LTA BUR, LKOG TU DON LA SBYOR BAR BYED, DE LAS GZHAN PA YOD PAR GRUB PA'I NGO BO ZHES BYA BA RGYU DANG KHYAB PAR BYED PAS DBEN PA'I PHYOGS GANG YIN PA DE NI DE LAS GZHAN PA YOD PA ZHES BYA'O, ,'DI SKAD DU GANG KHO NA RGYU DANG KHYAB PAR BYED PA DAG DMIGS PA'I RIG BYA MA GRUB PA DE KHO NAR SBYOR BAR ZAD KYI, LKOG TU GYUR PA ME TOG GI GRONG LA SOGS PAR NI MI RUNG NGO ZHES SMRAS PA YIN TE, 'DI NI KLAN KA'O, ,GRUB PA'I MTHA' SMRA BAS, RTAGS MA NGES PA'I PHYIR TSAD MA NYID KYIS NI ZHES BYA BA LA SOGS PA SMOS TE, RGYU DANG KHYAB PAR BYED PA MI DMIGS PA DAG DON LKOG TU GYUR PA LA TSAD MA NYID KYIS SBYOR BAR BYED PA NI MA YIN NO, ,CI'I PHYIR MI BYED CE NA, RTAGS MA NGES PA'I PHYIR ZHES @169A *, ,ZHES BYA BA SMOS TE, 'DI LTAR RGYU DANG KHYAB PAR BYED PA MI DMIGS PA'I NGO BO RTAGS NI DON LKOG TU GYUR PA LA MA NGES TE, DMIGS PA'I RIG BYAR GYUR PA MA YIN PA'I PHYIR RO, ,MA NGES PA'I RTAGS LAS NI BSGRUB PAR BYA BA 'GRUB PA MA YIN NO, ,GAL TE RTAGS MA NGES NA CI'I PHYIR; DON LKOG TU GYUR PA LA SBYOR BA BYED CE NA, RGYU DANG KHYAB PAR BYED PA 'BREL PA GRUB PA DAG CES BYA BA LA SOGS PA SMOS TE, ME DANG DU BA DAG RGYU DANG 'BRAS BU'I DNGOS PO'I MTSAN NYID KYIS 'BREL PA GRUB PA YIN NA GANG DU 'GA' ZHIG NA ME MED PA DE NA NGES PAR DU BA YANG MED LA, DE BZHIN DU SHING DANG SHA PA DAG KYANG KHYAB PAR BYA BA DANG, KHYAB PAR BYED PA'I DNGOS PO'I MTSAN NYID KYI 'BREL BA GRUB PA YIN NA GANG NA SHING MED PA DE NA, SHING SHA PA YANG GDON MI ZA BAR MED DO ZHES BYA BA'I DON 'DI RAB TU BSTAN PAR BYA BA'I PHYIR, 'DI DAG RAB TU SBYOR BA 'BA' ZHIG TU ZAD DO, ,'DI SKAD DU 'BRAS BU DANG KHYAB PAR BYA BA DE LAS 'BYUNG BA DANG, DE'I BDAG NYID KYI MTSAN NYID KYIS 'BREL PAS 'BREL PA DAG, ,RGYU DANG KHYAB PAR BYED PA DAG MED PAR JI LTAR YOD PAR 'GYUR, ,DE'I PHYIR MIG BTZUMS TE, YANG THAMS CAD NA RGYU DANG KHYAB PAR BYED PA MED PA 'BRAS BU DANG KHYAB PAR BYA BA MED DO ZHES BRJOD PAR BYA'O ZHES BSHAD PA YIN NO, ,DE LTAR RANG BZHIN DANG 'BRAS BU DANG MI DMIGS PA ZHES BYA BA GTAN TSIGS GSUM CHAR YANG BSTAN NAS, MDO'I DON DANG SBYAR BAR BYA BA'I PHYIR, DE LTA BAS NA PHYOGS KYI CHOS 'DI ZHES BYA BA LA SOGS PA SMOS TE, GTAN TSIGS GSUM LA PHYOGS KYI CHOS RNAM PA GSUM BSHAD PA GANG YIN PA DE NYID RJES SU 'GRO BA DANG LDOG PA DANG LDAN PA YIN NO, ,DE'I PHYIR DE'I CHAD KHYAB PA TSUL GSUM PA'I PHYOGS KYI CHOS RJES SU 'GRO BA DANG LDOG PA DANG LDAN PA'I GTAN TSIGS NI, RANG BZHIN DANG 'BRAS BU DANG MI DMIGS PA'I BYE BRAG GIS RNAM PA GSUM KHO NA SHES PAR BYED PA YIN NO, , CI'I PHYIR RNAM PA GSUM KHO NA ZHE NA, DE'I PHYIR RANG GI BSGRUB PAR BYA BA CHOS LA 'KHRUL PA MED PA'I PHYIR RO HES BYA BA SMOS TE, 'DI LTAR GTAN TSIGS RNAM PA GSUM PO 'DI KHO NA RANG GI BSGRUB PAR BYA BA'I CHOS LA 'KHRUL PA MED KYI GZHAN NI MA YIN TE, 'DI LTAR DE LAS 'BYUNG BA DAD DE'I BDAG NYID KYI @169B MTSAN NYID KYIS 'BREL PA 'DI KHO NA LA YOD KYI GZHAN LA NI MA YIN NO, ,MI DMIGS PA'I GTAN TSIGS KYI SKABS RDZOGS SO,, ,,DE LTAR MTSAN NYID GSUM PA GTAN TSIGS NYID DU BSTAN NAS, LOG PAR RTOG PA BSAL BA'I PHYIR, GZHAN NYID DAG NI GTAN TSIGS MTSAN NYID DRUG PA'O ZHES ZER TE ZHES BYA BA SMOS TE, MTSAN NYID GSUM PA LA RANGS PAR MA GYUR PA KHA CIG NI GTAN TSIGS MTSAN NYID DRUG PAR 'CHAD DO, ,MTSAN NYID DRUG PO BGRANG BAR BYA BA'I PHYIR, GSUM PO DE DAG CES BYA BA SMOS TE, SNGAR BSHAD PA DAG GO, GNOD PAR MA BYAS PA'I YUL CAN NYID CES BYA BA LA, GTAN TSIGS GANG LA GNOD PAR MA BYAS PA'I YUL YOD PA DE NI GNOD PAR MA BYAS PA'I YUL CAN NO, ,DE'I NGO BO NI GNOD PAR MA BYAS PA'I YUL CAN NYID DE, TSAD MA DAG GIS BSGRUB PAR BYA BA'I CHOS KYI MTSAN NYID KYI YUL MA BTZAL BA ZHES BYA BA'I THA TSIG GO, ,BRJOD PAR 'DOD PA'I GRANGS GCIG PA CAN NYID CES BYA BA LA, RDZAS GANG LA GRANGS GCIG YOD PA DE NI GRANGS GCIG PA'O, ,SPYI GANG LA RTEN NYID DU RDZAS BRJOD PAR 'DOD PA'I GRANGS GCIG PAR BRJOD PAR 'DOD PA CAN NO, ,DE'I NGO BO NI DE NYID DE GRANGS GCIG DANG LDAN PA'I GTAN TSIGS BSAL BA LA GTAN TSIGS NYID CES BYA BA SPYI RTEN PA DE LA GTAN TSIGS KYI MTSAN NYID KYI 'DI LA BLTA BAR BYA'O ZHES BYA BA'I THA TSIG GO, ,SHES PA NYID CES BYA BA LA, 'DI SHES PAS NA SHES PA'O, ,DE'I NGO BO NI SHES PA NYID YUL GYI LAS KYI NGO BO NI SHES PA LA LTOS PA LA YIN PAS MTSAN NYID 'DI DANG LDAN YANG, GAL TE SHES YIN NA NI DE'I TSE SHES PAR BYED PA YIN GYI, GZHAN DU NI MA YIN NO ZHES BYA BA'I THA TSIG GO, ,MI 'DOD PA'I NGO BO BSAL BAR BYA BA'I PHYIR, DE LA RE ZHIG GNOD PAR MA BYAS PA'I YUL CAN NYID NI ZHES BYA BA LA SOGS PA SMOS TE, GNOD PAR MA BYAS PA'I YUL CAN NYID CES BYA BA MTSAN NYID GZHAN DU NYE BAR BKOD PA GANG YIN PA DE NI MTSAN NYID THA DAD PA MA YIN NO, ,CI'I PHYIR ZHE NA, GNOD PA DANG MED NA MI 'BYUNG BA DAG CES BYA BA LA SOGS PA SMOS TE, 'DI LTAR TSAD MA DAG GIS KYANG BSGRUB PAR BYA BA'I CHOS LA GNOD LA, BSGRUB PAR BYA BA MED NA YANG GTAN TSIGS MI 'BYUNG NGO ZHES BYA BA 'DI NI PHAN TSUN 'GAL LO, ,'GAL BA DE NYID BSTAN PA'I PHYIR, MED NA @170A *, ,MI 'BYUNG BA NI ZHES BYA BA LA SOGS PA SMOS TE, BSGRUB PAR BYA BA'I CHOS YOD PA KHO NA GTAN TSIGS YOD PA GANG YIN PA DE NI MED NA MI 'BYUNG BA ZHES BYA BA STE, BSGRUB PAR BYA BA'I CHOS MED PAR MED CES BYA BA'I THA TSIG GO, ,MED NA MI 'BYUNG BA NYID DE YANG GTAN TSIGS KYI RJES SU 'GRO BA DANG LDOG PA DAG BRJOD PAS BSTAN ZIN NA, JI LTAR CHOS CAN LA BSGRUB PAR BYA BA'I CHOS MED NA MI 'BYUNG BA'I MTSAN NYID KYI GTAN TSIGS DE YANG YOD PAR 'GYUR LA, 'DI LA BSGRUB PAR BYA BA'I CHOS KYANG MED PAR 'GYUR TE, 'DI NI RUNG SNYAM MI BYED DO, ,RUNG SNYAM MI BYED PA DE NYID CO 'DRI BA'I THABS KYIS BSTAN PAR BYA BA'I PHYIR, MNGON SUM DANG RJES SU DPAG PA ZHES BYA BA LA SOGS PA SMOS TE, MNGON SUM MA MA RJES SU DPAG PAS NI BSGRUB PAR BYA BA'I CHOS DE CHOS CAN DE LAS ZLOG PAR BYED LA, BSGRUB BAR BYA BA'I CHOS MED NA MI 'BYUNG BA'I GTAN TSIGS KYIS NI BSGRUB BAR BYA BA'I CHOS DE CHOS CAN DE LA 'JUG PAR BYED PAS PAS DA NI BSGRUB PAR BYA'I CHOS 'DI CI MNGON SUM DANG RJES SU DPAG PA'I 'JIGS PAS CHOS CAN DE LA LOGS SHIG TU 'BRAS SAM, 'ON TE GTAN TSIGS KYI MTHUS DE KHO NA LA GNAS PAR BYA BA 'DI DPYOD PA NA DNGOS PO RNAMS TE POR SKABS CHEN POR CHUD PAR 'GYUR RO, ,'DI LTAR MNGON SUM DANG RJES SU DPAG PA LA DAG GIS NI, BSGRUB PAR BYA BA'I CHOS DE LAG PAS MGUL NAS BZUNG NAS ZLOG PAR BYED LA, GTAN TSIGS KYIS NI MDUN DU 'DUG NAS LAG PA GNYIS STOBS YOD MED KYIS DE KHO NA LA 'JUG PAR BYED PAS DE PHAN TSUN DU PHAR DRANGS PAS TE POR NYAM NGA BAR 'GYUR RO, ,GZHAN GYI TSIG GI GO SKABS KYI DOGS PA BSU BAR, GAL TE GZHAN LA GTAN TSIGS BSGRUB PAR BYA BA'I CHOS ZHES BYA BA LA SOGS PA SMOS TE, SKABS SU BAB PA LA MA GTOGS PA'I CHOS CAN LA GTAN TSIGS BSGRUB PAR BYA BA'I CHOS MED NA MI 'BYUNG BA YIN GYI CHOS CAN DE KHO NA LA NI MA YIN NO, ,DE'I PHYIR 'DI CI STE, SKABS SU CHUD CES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, THO 'TSAM BA'I PHYIR, DE CI NYON MONGS 'DI ZHES BYA BA LA SOGS PA SMOS TE, DPER NA 'GA' ZHIG GIS MA NING CHUNG MAR BLANGS NAS BU TSOL BAR BYED DO ZHES GRAGS PA LTAR 'DI YANG DE DANG 'DRA BAR BLTA BAR BYA'O, ,GTAN TSIGS KYI MED NA MI @170B 'BYUNG BA NYID NI PHO NYID YIN NO, ,DE DANG BRAL BA NI MA NING YIN NA, JI LTAR MED NA MI 'BYUNG BA DANG BRAL BA'I MA NING DE DANG 'DRA BA DE NYE BAR BSTAN NAS, CHOS CAN LA BSGRUB PAR LA BYA BA'I CHOS NGES PA'I MTSAN NYID KYI THU TSUL BAR BYED, DE NYID BSTAN PAR BYA BA'I PHYIR, GANG GI GA CHOS CAN LA ZHES BYA BA LA SOGS PA SMOS TE; GTAN TSIGS GANG ZHIG SKABS SU BAB PA'I CHOS CAN LA BSGRUB PAR BYA BA'I CHOS MED KYANG, YOD PA DE DANG 'DRA BA'I GTAN TSIGS DE CHOS CAN LA NYE BAR BSTAN NAS CHOS CAN DE BSGRUB PAR BYA BA'I CHOS DANG LDAN PA ZHES JI SKAD DU BYA, YANG GZHAN GYI TSIG GI GO SKABS KYI DOGS PAR BSU BAR, GAL TE DE NYID KYI PHYIR; GNOD PA MED PA SMOS TE ZHES BYA BA SMOS TE, DE NYID RNAM PAR DGROL BA'I PHYIR, 'DI SNYAM DU ZHES BYA BA LA SOGS PA SMOS TE, BRGYA LA PHA ROL BO NA RE, GANG GI PHYIR KHO NAR GTAN TSIGS MNGON PAR 'DOD PA'I CHOS CAN LA BSGRUB PAR BYA BA'I CHOS MED PAR YANG YOD PAR 'GYUR BAR DOGS PA DE KHO NA'I PHYIR KHO BOS TSAD MA DAG GIS GNOD PAR MA BYAS PA'I CHOS CAN LDAN PA'I CHOS CAN ZHES GSAL BAR BYED DO ZHES SMRAS TE, GANG LA GNOD PAR MA BYAS PA'I CHOS CAN YOD PA DE NI GNOD PAR MA BYAS PA'I CHOS DANG LDAN PA'I CHOS CAN NO, ,'DI SKAD DU GANG GI PHYIR KHO NAR GNOD PAR BYAS PA'I CHOS DANG LDAN PA'I CHOS CAN YANG SRID PA DE KHO NA'I PHYIR GNOD PAR MA BYAS PA'I YUL CAN NYID MTSAN NYID GZHAN DU BRJOD DO ZHES SMRAS PA YIN NO ZHES BYA BA NI PHYOGS SNGA MA'I DOGS PA YIN NO, ,GRUB PA'I MTHA' SMRA BAS, DE DAG GNOD PA MED PA KHO NAS ZHES BYA BA LA SOGS PA SMOS TE, GAL TE GANG NA TSAD MA DAG GIS GNOD PAR MA BYAS PA'I CHOS DANG LDAN PA DE LTA BU'I CHOS CAN RNAM PAR 'JOG NA, 'O NA NI 'DI LTAR GNOD PA MED PA KHO NAS BSGRUB PAR BYA BA GRUB PAR 'GYUR BAS GTAN TSIGS CUNG ZAD MI DGOS SO, ,'DI LTAR GNOD PAR BYED PAS BSGRUB PAR BYA BA'I CHOS SEL BAR BYED PA YIN NA, GAL TE DE MED NA GO 'O NA NI BSGRUB PAR BYA BA'I CHOS GRUB PA'I PHYIR; GTAN TSIGS DGOS PA DANG 'GAL BA YANG MED DO, ,'DI LTAR 'DIR BSGRUB PAR BYA BA'I CHOS MED PAR BYED PA'I TSAD MAS 'JUG PAR NGES PA ZHIG GAM, 'ON TE MA NGES PA ZHIG YIN ZHES BYA BA RNAM PAR BRTAG PA GNYIS SO, ,RNAM PAR BRTAG PA DANG PO'I DBANG DU BYAS NAS, BSGRUB PAR BYA BA MED PA @171A *, ,LAS ZHES BYA BA LA SOGS PA SMOS TE, GAL TE GNOD PAR BYED PA'I TSAD MA KHO NAS THAMS CAD LA BSGRUB BAR BYA BA MED PAR BYED NA NI, DE'I TSE GANG NA GNOD PAR BYED PA'I TSAD MA MED PA DE NA BSGRUB PAR BYA BA YANG, DE KHO NA LAS 'GRUB PAS GTAN TSIGS DON MED DO, ,DE LA 'DI SNYAM DU DE NAS GNOD PA YOD PA KHO NA STE, DES NA GTAN TSIGS DON YOD PAR 'GYUR RO SNYAM NA, DE'I PHYIR GNOD PA YOD PA YANG ZHES BYA BA LA SOGS PA SMOS TE, GAL TE DE LA GNOD PA YOD NA DE'I TSE SGRUB PA LA NUS PA MED PA'I PHYIR, GTAN TSIGS SHIN TU YANG DON MED PA NYID DO, ,'DI LTAR GNOD PAR BYED PA'I TSAD MA SRID NA GTAN TSIGS KYIS RANG GI BSGRUB PAR BYA BA SGRUB PAR MI NUS SO, ,DE'I PHYIR DE CING DGOS, RNAM PAR BRTAG PA GNYIS PA'I DBANG DU BYAS NAS, MA NGES BA ZHIG YIN NA NI ZHES BYA BA LA SOGS PA SMOS TE, MA NGES PA'I PHYOGS LA NI TSIG GI DON GNOD PAR BYED PA'I TSAD MA YANG MED LA, 'ON KYANG BSGRUB PAR BYA BA MED PA YANG SRID DO ZHES BYA BA 'DIR 'GYUR RO, ,GNOD PAR BYED PA'I TSAD MA MED PAR BSGRUB PAR BYA BA MED DO ZHES BYA BA'I THA TSIG GO, ,DE'I PHYIR GNOD PA MED PA LA NUS PA CHUNG ZAD KYANG MED PA DE GNOD PAR MA BYAS PA'I YUL CAN NYID CHUNG ZAD KYANG DGOS PA MED DO ZHES BYA BA'I THA TSIG GO, ,'DI LTAR GAL TE BSGRUB PAR BYA BA MED PA GNOD PAR BYED PA'I TSAD MA KHO NAS BYED NA, DE'I TSE GNOD PA YONGS SU SPANG BA'I PHYIR, GNOD PAR MA BYAS PA'I YUL CAN SMOS PA'I DON YOD PA YIN NO, ,GANG GI TSE GNOD PAR BYED PA'I TSAD MA MED PA'I YANG BSGRUB PAR BYA BA MED PA KHO NA YIN PA DE'I TSE GNOD PAR MA BYAS PA'I YUL CAN NYID SMOS PA DON MED PA YIN NO, ,'DI SKAD DU GAL TE GANG GNOD PA MED PA DE NA GNOD MI ZA BAR BSGRUB PAR BYA BA YOD PA DE'I TSE GNOD PA MED PA SMOS PAR RIGS PA NYID DO, ,GANG GI TSE GNOD PA MED PA BZHIN DU YANG BSGRUB BAR BYA BA MED PA DE'I TSE GNOD PA MED PA SMRAS PA DES CI ZHIG BYA ZHES BSHAD PA YIN NO, ,PHA ROL BOS PHYOGS GNYIS KA LA BSHAD PA'I NYES PAS 'JIGS PA'I PHYIR, LAM GZHAN LA BRTEN PAR BYA BAR GNOD PA MED PA NI ZHES BYA BA SMOS TE, GANG GIS NA GNOD PA MED PA KHO NAS BSGRUB @171B PAR BYA BA 'GRUB PAR 'GYUR BA GNOD PA MED PA'I SGRAR MI BRJOD DO, ,'O NA CI ZHE NA, GNOD PA MI DMIGS PA NI GNOD PA MED PA YIN NO, ,GNOD PA MI DMIGS PA DE YANG MTHONG BA NI NYES PA DANG BCAS PA YIN PA'I PHYIR, RES 'GA' GNOD PA SRID KYANG SKYES BU LA YOD PAR 'GYUR TE, RES 'GA' GNOD PA YOD KYANG MI MTHONG NGO SNYAM DU BSAMS PA YIN NO, ,DE'I PHYIR DE NI GTAN TSIGS SBYOR BA'I YUL DU 'GYUR RO, ,'DI SKAD DU GANG GI TSE GNOD PA MI DMIGS PA LA GNOD PA MED PA ZHES BYA BA DE'I TSE GTAN TSIGS KYANG 'BRAS BU YOD PA YIN LA, GNOD PAR MA BYAS PA YANG SMOS PAS BYA BA YIN NO ZHES SMRAS PA YIN NO, ,GRUB PA'I MTHA' SMRA BAS, CO 'DRI BAR BYA BA'I PHYIR, GTAN TSIGS GNOD PA DMIGS PA LA 'JIGS KYI ZHES BYA BA LA SOGS PA SMOS TE, KYE GTAN TSIGS GNOD PA DMIGS PA LA 'JIGS KYI, GNOD PA LA MA YIN NAM CIN KHYOD GNOD PA TSAD MAR BZUNG NAS, GNOD PA MI DMIGS PA TZAM LA GTAN TSIGS SBYOR BAR BYA BAR 'DOD, RE ZHIG GNOD PA LA 'JIGS PAR BYA BA GANG YIN PA NI RIGS TE, DE NI SRIN PO BZHIN DU GTAN TSIGS KYI BYIS PA THAMS CAD ZA BAR BYED KYI, DMIGS PA NYON MONGS PA DANG BRAL BA NI ZA YANG CI ZHIG ZA BAR 'GYUR, GRUB PA'I MTHA' SMRA BAS, PHA ROL PO DAM 'CHA' BA LEN DU GZHUG PA'I PHYIR, GTAN TSIGS DE DON DAM PAR ZHES BYA BA LA SOGS PA SMOS TE, KHYOD GTAN TSIGS SBYOR BA GANG YIN PA DE DON DAM PAR GNOD PA SRID KYANG RUNG MI SRID KYANG RUNG, MI LTOS PAR GNOD PA MI DMIGS PA TZAM LA SBYAR BAR BYA'AM CI, PHA ROL POS SMRAS PA SBYAR BAR BYA, LEGS PAR SBYAR BAR BYA, RAB TU SBYAR BAR BYA'O, ,GRUB PA'I MTHA' SMRA BAS, CI'I PHYIR SBYAR BAR BYA ZHES BYA BA SMOS TE, DON GANG ZHIG BSGRUB PAR BYA BA'I PHYIR PHA ROL POS BSGRUB PAR BYA BA 'GRUB PAR BYA BA'I PHYIR RO ZHES BYA BA SMOS TE, BSGRUB PAR BYA BA GRUB KYANG CI MA RUNG SNYAM NAS, GTAN TSIGS SBYOR RO, ,GRUB PA'I MTHA' SMRA BAS, DES LA LAR GNOD PA YOD BZHIN DU YANG ZHES BYA BA LA SOGS PA SMOS TE, GAL TE BSGRUB PAR BYA BA 'GRUB PAR BYA BA'I PHYIR, GTAN TSIGS SBYOR NA DES LA LAR GNOD PA YOD BZHIN DU BSGRUB PAR BYA BA GRUB BAR NUS SAM ZHE NA, GANG GI NA KHYOD GNOD PA MED PAR BYA BA @172A *, ,LA 'BAD PAR YANG MI BYED LA, BSGRUB PAR BYA BA 'GRUB PAR BYA BA'I PHYIR GTAN TSIGS KYANG SBYOR, BRGYA LA PHA ROL PO NA RE, NUS PA KHO NA'O ZHES ZER NA DE'I PHYIR, DE LTA NA YANG ZHES BYA BA LA SOGS PA SMOS TE, GAL TE GNOD PA YOD BZHIN DU GTAN TSIGS KYIS BSGRUB PAR BYA BA SGRUB PAR NUS NA DE LTA NA YANG GNOD PA MA BYAS PA'I YUL CAN NYID KYI MTSAN NYID KYI GTAN TSIGS KYIS CI ZHIG BYA STE, 'DIR KHYED GNOD PA YOD BZHIN DU YANG GTAN TSIGS 'DIS NUS PAR 'DOD DO, ,GANG GI TSE GNOD PA YOD NA GTAN TSIGS KYIS BSGRUB PAR BYA BA SGRUB PAR MI NUS PA'I DE'I TSE GNOD PAR MA BYAS PA'I YUL CAN NYID KYI MTSAN NYID BYA BAR RIGS KYI GANG GI TSE YOD BZHIN DU YANG SGRUB PAR BYED PA DE'I DE CI DGOS, DE LTAR NA PHA ROL PO GNOD PA YOD BZHIN DU YANG GNOD PA MI DMIGS PA TZAM GYIS GTAN TSIGS SBYOR BAR KHAS LEN PA YIN NO, ,GRUB PA'I MTHA' SMRA BAS, PHA ROL PO GNOD PA DMIGS PA LA YANG GTAN TSIGS SBYOR BA BYED DU GZHUG PA'I PHYIR, DE LTA NA YANG THE TSOM CAN LA ZHES BYA BA LA SOGS PA SMOS TE, GAL TE KHYOD GNOD PA YONG BZHIN DU MI DMIGS PA TZAM GYIS GTAN TSIGS SBYOR BAR 'DOD NA DE LTA YIN NA, JI LTAR KHYOD GNOD PA YOD BZHIN DU YANG GNOD PA KHAS BLANGS NAS MI DMIGS PA TZAM GYIS GTAN TSIGS SBYOR BA KHAS LEN PA DE BZHIN DU, GNOD PA DMIGS PA LA YANG GTAN TSIGS SBYOR BAR 'GYUR RO, ,'DI LTAR GAL TE MI DMIGS PA LA YANG GNOD PA KHAS BLANGS NAS SBYOR BAR BYED NA, DE'I TSE DMIGS PA'I PHYOGS LA YANG KHAS LEN PA YOD PAS GNOD PA DMIGS PA LA YANG SBYOR BAR 'DOD PAR GYIS SHIG ,THE TSOM CAN LA NI GAL TE GNOD PA KHAS BLANGS NAS GTAN TSIGS MI SBYOR NA, DE'I TSE DE GNOD PA YOD PA BZHIN DU YANG GTAN TSIGS KHO NA STOBS DANG LDAN PA YIN NO ZHES GTAN TSIGS SBYAR BA LA 'JUG PAR MI 'GYUR BA NYID DO, ,KHAS LEN NA NI KHYAD PAR MED PA'I PHYIR, GDON MI ZA BAR DMIGS PA'I PHYOGS LA YANG GNOD PA YOD PA KHAS BLANGS NAS SBYOR BAR 'DOD PAR BYA'O, ,DE LTAR MA YIN TE KHAS MI LEN NA CI GNOD PA YOD DAM, 'ON TE MED CES THE TSOM ZA BAR 'GYUR RO, ,DE'I PHYIR THE TSOM CAN LA KHAS BLANGS NAS GTAN TSIGS SBYOR BA LA 'JUG PAR BYED PAR MI 'GYUR BA NYID DE, RTOGS PA @172B SNGON DU GTONG BA RNAMS NI THE TSOM GYI 'JUG PA MA YIN NO, ,YANG NA MI DMIGS PA LA THE TSOM ZA BA YIN TE, GANG LA THE TSOM ZA BA DE LA NI CI GNOD PA YOD DAM, 'ON TE MED CES BYA BA PHYOGS GNYIS SU 'GYUR RO, ,DE LA MED PA NYID KYI PHYOGS LA NI GNOD PA MED PA KHO NAS BSGRUB PAR BYA BA GRUB PAR BSAMS NAS; GTAN TSIGS DON MED PAR DOGS PAR SBYOR BAR MI BYED DO, ,DE LTA BAS NA THE TSOM ZA BA BSAL BA'I PHYIR, GDON MI ZA BAR GNOD PA KHAS BLANGS NAS GTAN TSIGS SBYOR BAR 'DOD PAR BYA'O, ,KHAS LEN PA YIN NA NI, DMIGS PA DANG MI DMIGS PA'I PHYOGS DAG KHYAD PAR MED PA'I PHYIR, DMIGS PA LA YANG GNOD PA'I GTAN TSIGS KYI SBYOR BA BYOS SHIG ,GZHAN GYI TSIG GI GO SKABS KYI DOGS PA BSU BAR, GAL TE GNOD PA YOD NA MI NUS SO ZHES BYA BA SMOS TE, GNOD PA YOD NA GTAN TSIGS KYIS BSGRUB PAR BYA BA SGRUB PAR NUS PA MA YIN NO ZHE NA, GRUB PA'I MTHA' SMRA BAS, GAL TE DE LTAR NA SBYAR KYANG ZHES BYA BA LA SOGS PA SMRAS TE, GAL TE GNOD PA YOD NA GTAN TSIGS KYIS MI NUS NA, DE LTA NA NI, 'O NA GTAN TSIGS SBYAR KYANG GNOD PAS BYAS PA'I MI NUS BAR 'GYUR DU 'ONG BAS JI SRID DU GNOD PA MI SRID PA GTAN LA MA BAB PA DE SRID DU GTAN TSIGS SBYOR BAR MI BYA'O, ,'DI LTAR GAL TE JI ZHIG LTAR GNOD PA YOD PA DANG DE'I GTAN TSIGS SBYAR KYANG NUS PA MED PA KHO NA YIN NO, ,GZHAN GYI TSIG GI GO SKABS KYI DOGS PA BSU BAR, GAL TE GNOD PA MI DMIGS NA NUS SO SNYAM NA ZHES BYA BA SMOS TE, GANG GI TSE GNOD PA MI DMIGS PA DE'I TSE GTAN TSIGS NUS PA KHO NA YIN NO, ,'DIS YANG PHA ROL PO'I BSAM PA NI, GANG NA GNOD PA MI DMIGS PA DE NI DE MED PA KHO NA'O SNYAM PA 'DI YIN NO, ,GRUB PA'I MTHA' SMRA BAS, DMIGS PAS GNOD PA LA KHYAB PA'AM, CI NA ZHES BYA BA LA SOGS PA SMOS TE, KYE DMIGS PAS GNOD PA LA KHYAB PA'AM CI NA, RGYU GANG GIS NA 'DI LTAR DE LTA YIN NA, GTAN TSIGS GNOD PAS BYAS PA'I NUS PA MED PAR DOGS PA GANG YIN PA DER MI 'GYUR BA DMIGS PA LOG NA GNOD PA GNOD MI ZA BAR LDOG PAR KHAS LEN, DE LA 'DI SNYAM DU, DMIGS PAS GNOD PA LA KHYAB PAR 'DOD PA NYID DO SNYAM DU SEMS NA DE'I PHYIR, DE LTA NA YANG GNOD PA MI DMIGS PA KHO NA LAS ZHES BYA BA LA SOGS PA @173A *, ,SMOS TE, GAL TE DMIGS PAS GNOD PA LA BYA BA NA, DE LTA NA YANG 'DI LTAR GNOD PA MI DMIGS PA KHO NA LAS BSGRUB PAR BYA BA 'GRUB PAR 'GYUR BAS GTAN TSIGS DON MED PA YIN NO, ,CI'I PHYIR ZHE NA, MI DMIGS NA GNOD PA MI SRID PA'I PHYIR RO ZHES BYA BA SMOS TE, GANG NA GNOD PA MI DMIGS PA DE NA DE MED PA KHO NA'O, ,DE MED NA BSGRUB PAR BYA BA GRUB NA DE LA GTAN TSIGS KYIS CI ZHIG BYA, DE LA 'DI SNYAM DU DMIGS PA LOG NA GNOD PA LDOG PA MA YIN PA NYID DO SNYAM DU SEMS NA, DMIGS PA LOG KYANG ZHES BYA BA LA SOGS PA SMOS TE, GAL TE DMIGS PA LOG KYANG GNOD PA MI LDOG PA, 'O NA NI KYE GTAN TSIGS NUS PA MED PA DE'I SO NA 'DUG PA YIN TE, DE'I PHYIR SBYOR BAR MI BYA BA NYID DO, ,MJUG BSDU BA BSTAN PA'I PHYIR, DE LTA BAS NA CHOS CAN LA RANG GI BSGRUB BAR BYA BA YOD PA DANG MED BA DAG LAS ZHES BYA BA LA SOGS PA SMOS TE, GANG GI PHYIR DE LTAR CHOS CAN LA GNOD PAS BSGRUB PAR BYA BA BRTZAL KYANG GTAN TSIGS YOD PA DE'I PHYIR CHOS CAN LA BSGRUB PAR RANG GI BSGRUB PAR BYA BA YOD KYANG GTAN TSIGS MED LA RANG GI BSGRUB BAR BYA BA MED KYANG YOD PA NI CUNG ZAD KYANG SGRUB PAR YANG ME BYED, 'JIG PAR YANG MI BYED 'GOG PAR YANG MI BYED DO, ,DE'I PHYIR GTAN TSIGS DE LTA BU NYE BAR BKOD PA NI, BSGRUB PAR BYA BA SGRUB PAR NUS PA MA YIN NO, ,MJUG BSDU BA'I PHYIR, DE LTA BAS NA GNOD PA DANG MED PA MI 'BYUNG BA DAG NI ZHES BYA BA LA SOGS PA SMOS TE, GANG GI PHYIR DE LTAR GNOD PA DANG MED NA MI 'BYUNG BA DE DAG 'GAL BA DE'I PHYIR 'DI PHYIR 'DI GNYIS LHAN CIG YOD PA MA YIN NO, ,DE'I PHYIR GNOD PA MED PA NGO BO GZHAN MA YIN NO ZHES BYA BA GRUB PO, ,'DI LTAR GANG NA GNOD PA YOD PA DE NA BSGRUB BAR BYA BA MED NA MI 'BYUNG BA'I GTAN TSIGS MED LA, GANG NA MED NA MI 'BYUNG BA YOD PA DE NA GNOD PA MED PAS MI 'GAL LO, ,'GAL BAS NA LHAN CIG MED DO, ,DE LTAR GNOD PA DANG MED NA MI 'BYUNG BA DAG 'GAL BA'I PHYIR GNOD PAR MA BYAS PA'I YUL CAN NYID NGO BO GZHAN PA NYID BSAL BA YIN NO, ,YANG TSUL GZHAN GYIS GSAL BAR BYA BA'I PHYIR, DE DE LAS KHYAD PAR GZHAN PA'AM ZHES BYA BA LA SOGS PA SMOS TE, DE MNGON PAR 'DOD PA'I KHYAB PAR DE LAS @173B KHYAB PAR GZHAN GYI DNGOS PO MTSAN NYID GCIG TU SMOS PAR 'GYUR NA, MNGON PAR 'DOD PA'I KHYAD PAR GANG ZHIG YOD BZHIN DU YANG KHYAD PAR GZHAN DU 'DOD BA GANG ZHIG GZHAN DU 'GYUR BA STE, DPER NA PHYOGS KYI CHOS NYID YOD BZHIN KHO NAR MTHUN PA'I PHYOGS LA YOD PA GZHAN DU 'GYUR BA MI MTHONG STE, DE'I PHYIR MTHUN PA'I PHYOGS LA YOD PAS DE LAS MTSAN NYID GZHAN DU SMOS PA LTA BU ZHIG YIN GRANG NA, MED NA MI 'BYUNG BA DE NYID KYI KHYAD PAR YOD BZHIN DU GNOD PAR MA BYAS PA'I YUL CAN NYID KHYAD PAR GZHAN DU 'DOD PA GZHAN DU 'GYUR BA NI MA YIN NA, DE JI LTAR NGO BO GZHAN DU SRID PAR 'GYUR GANG GI PHYIR DE LTA YIN PA DE'I PHYIR, RANG GI BSGRUB PAR BYA BA DANG 'GAL BA MED NA MI 'BYUNG BA'I GTAN TSIGS DANG 'GAL BA DE LTA BU DAG GI YUL LA GNOD PA MI SRID DO, ,DE'I PHYIR GNOD PA MED PA NI LOGS SHIG TU GTAN TSIGS DANG 'GAL BA 'DI GNYIS KYIS MTSAN NYID DU BRJOD PAR MI BYA'O, ,MJUG BSDU BA'I PHYIR, DE LTA BAS NA GTAN TSIGS SBYOR BA LA ZHES BYA BA LA SOGS PA SMOS TE, GANG GI PHYIR DE LTAR GNOD PA DANG MED NA MI 'BYUNG BA DAG 'GAL BA DE'I PHYIR, GANG DU GTAN TSIGS SBYOR BA DER DAM BCAS PA'I NYES PA RNAMS SRID PA MED DO, ,'DI LTAR BSGRUB PAR BYA BA MED NA MI 'BYUNG BA GANG YIN PA DE NYID GTAN TSIGS ZHES BYA NA, BSGRUB PAR BYA BA MED NA MI 'BYUNG BA'I GTAN TSIGS SBYOR BA DE LA LTA GNOD PA'I NGO BO'I DAM BCAS PA'I GNOD PA RNAMS GAL SRID, DE LA 'DI SNYAM DU DAM BCAS PA TZAM SBYOR BA LA DAM BCAS PA'I NYES PA RNAMS SRID PAR 'GYUR RO, ,SNYAM DU SEMS NA DE'I PHYIR, DAM BCAS PA 'BA' ZHIG SBYOR BA YANG MED PAS ZHES BYA BA LA SOGS PA SMOS TE, DAM BCAS PA 'BA' ZHIG KYANG SBYOR BA MA YIN TE, DE LTA BAS NA DAM BCAS PA'I NYES PA BRJOD PAR MI BYA'O, ,'DI LTAR DAM BCAS PA TZAM GYIS DON 'GRUB PAR MI 'GYUR BAS GTAN TSIGS DANG BRAL BA'I DAM BCAS PA SBYOR BA NYID MED DO, ,DE'I PHYIR DAM BCAS PA'I NYES PA RNAMS KYI GO SKABS YOD PAR LTA GAL 'GYUR, DE LTAR GNOD PAR MA BYAS PA'I YUL CAN NYID GSAL BAS, MTSAN NYID GZHAN GSAL BA'I PHYIR, 'DIS NI GRANGS GCIG BRJOD PAR 'DOD PA CAN YANG GSAL BA YIN NO ZHES BYA BA @174A *, ,SMOS TE, GNOD PAR MA BYAS PA'I YUL CAN NYID BSAL BA KHO NAS GRANGS GCIG BRJOD PAR 'DOD PA CAN YANG GSAL BA RIG PAR BYA'O, ,'DI NYID THA DAD PA'I PHYIR GCIG GSAL BAS GNYIS PA SEL BA MI SRID PAR BZUNG NAS, JI LTAR BU ZHES DRI'O, ,GRUB PA'I MTHA' SMRA BAS BSAL BA'I THABS BSTAN PA'I PHYIR, GCIG NI RANG GI BSGRUB PAR BYA BA YOD PA KHO NAS ZHES BYA BA LA SOGS PA SMRAS TE, GRANGS GCIG BRJOD PA TZAM GYIS NI 'GAL BAR 'KHRUL PA MED PA SEL BAR BYED DO, ,'GAL BA 'KHRUL PA MED PA DE LA YANG GTAN TSIGS GCIG NI RANG GI BSGRUB PAR BYA BA YOD PA KHO NAS YOD PA'I PHYIR, RANG GI BSGRUB PAR BYA BA DER 'KHRUL PA MED PA CAN YIN TE, DPER NA SGRA NI MI RTAG PA STE, BYAS PA'I PHYIR SGRA BZHIN NO ZHES BYA BA LTA BU'O, ,SGRA DE NYID LA DE LAS GZHAN PA BYAS PA DE LAS GZHAN PA MNYAN PAR BYA BA NYID LA SOGS PA DE LAS GNOD PAR BYED PA MI RTAG PA NYID LA GNOD PA BYED PA RTAG PA NYID YOD PA KHO NA YANG YOD PA'I PHYIR BYAS PA NYID, DE DANG 'GAL BAS NA GNOD PA DANG MTSUNGS TE, DPER NA SGRA NI RTAG STE MNYAN PAR BYA BA YIN PA'I PHYIR SGRA NYID BZHIN NO ZHES BYA BA LTA BU'O, ,GNOD PA NI MED NA MI 'BYUNG BA YOD NA MI 'THAD DO, ,MED NA MI 'BYUNG BA YANG GNOD PA YOD NA MI 'THAD DO, ,'DIR YANG MI RTAG PA NYID MED PA MI 'BYUNG BA'I BYAS PA NYID SRID NA RTAG PA NYID MI 'THAD LA, RTAG PA NYID MED NA MI 'BYUNG BA'I MNYAN PAR BYA BA NYID SRID NA YANG MI RTAG PA NYID MI 'THAD PAS, GNOD PA DANG MTSUNGS PA YIN NO, ,GTAN TSIGS GZHAN BSTAN PAR BYA BA'I PHYIR GZHAN YANG CI GTAN TSIGS KYI ZLA BO MI SRID PA ZHES BYA BA LA SOGS PA SMOS TE, CI GANG ZHIG LA DNGOS SU GTAN TSIGS KYI ZLA BO MI SRID PA DE YANG DAG PA'I SHES PA'I RGYU'AM BZLOG PA'I RGYUR 'DOD DAM, 'ON TE GANG ZHIG LA GTAN TSIGS KYI ZLA BO RAB TU MA BSTAN PA ZHIG YIN, PHA ROL POS GNYI GA LTAR YANG NYES PA MA MTHONG NAS, CIR 'GYUR ZHES BYA BA SMOS TE, PHYOGS GNYI GA LA YANG NYES PA CI YOD, GRUB PA'I MTHA' SMRA BAS, PHYOGS DANG PO LA NYES PA BSTAN PAR BYA BA'I PHYIR, GAL TE GTAN TSIGS KYI ZLA BO MA BSTAN PA ZHIG YIN NO ZHE NA ZHES BYA BA LA SOGS PA SMOS TE, RE ZHIG GAL TE GANG @174B LA GTAN TSIGS KYI ZLA BO MI SRID PA NYID YIN PA DE 'DOD NA DE'I TSE GTAN TSIGS KYI ZLA BO MED PA NYID CES BYA BA'I MTSAN NYID DU 'DOD PA GANG YIN PA DE, MTSAN NYID MA YIN PA KHO NA'O, ,CI'I PHYIR ZHE NA, NGES PAR BYA BAR MI NUS PA'I PHYIR ZHES BYA BA SMOS TE, DON DE LTA BU LA NI 'DI LA GTAN TSIGS KYI ZLA BO MI SRID PA KHO NA'O ZHES NGES PAR BYA BAR MI NUS SO, ,DE LTA YIN NA NYES PA CI YONG CE NA, GTAN TSIGS MED PA YANG YIN TE ZHES BYA BA SMOS TE, DE LTAR YIN NA, GTAN TSIGS MED PAR YANG 'GYUR RO, ,YANG ZHES BYA BA'I SGRA NI BSDU BA'I SGO NAS 'THAD PA STON PAR BYED PA YIN TE, DE LTAR NA TSIG GI DON NI DE'I PHYIR GTAN TSIGS MED PA NYID YIN NO ZHES BYA BA 'DI YIN NO, ,'DIR GTAN TSIGS SU SGRUB PAR BYED PA'I CHOS MA NGES PA'I BDAG NYID NI ZHES BYA BA LA SOGS PA SMOS TE, SGRUB PAR BYED PA'I CHOS MA NGES PA'I RANG GI NGO BO NI RGYU SGRUB PAR BYED PA'I CHOS KYI MTSAN NYID YIN PAR MI SRID DO,, CI DANG 'DRA ZHE NA, PHYOGS KYI CHOS THE TSOM CAN BZHIN NO ZHES BYA BA SMOS TE, DPER NA PHYOGS KYI CHOS THE TSOM CAN LA PHYOGS KYI CHOS NYID DU THA SNYAD MI 'DOGS PA BZHIN NO, ,GAL TE MTSAN NYID LA THE TSOM ZA BAR CHUG NA YANG GTAN TSIGS GO CI'I PHYIR MA YIN ZHE NA, THE TSOM CAN GYI MTSAN NYID NI GTAN TSIGS KYANG MA YIN PAS ZHES BYA BA LA SOGS PA SMOS TE, THE TSOM CAN GYI MTSAN NYID NI GTAN TSIGS SU RNAM PAR MI GZHAG STE, DE'I PHYIR YANG GTAN TSIGS NYID DU MI 'GYUR RO, ,CI'I PHYIR ZHE NA, MTSAN NYID MTSUNGS PA LA, ZLA BO SRID PA MTHONG NA ZHES BYA BA LA SOGS PA SMOS TE, GANG GI MTSAN NYID DU MTHUN PA'I GTAN TSIGS GCIG LA ZLA BO MTHONG BA DE'I TSE, ZLA BO MA MTHONG BA DAG LAS YANG DOGS PA SKYED PAR BYED DE, GANG DAG LA ZLA BO MA MTHONG BA DE DAG LA YANG DOGS PA SKYED PAR BYED DO ZHES BYA BA'I THA TSIG GO, ,'DIR GTAN TSIGS SU KHYAD PAR MED PA'I PHYIR RO ZHES BYA BA SMOS TE, 'DIR TSUL GSUM PA LAS NI KHYAD PAR 'GA' YANG MED DO, ,BRGYA LA PHA ROL PO KHYAD PAR KHAS LEN PAR 'GYUR NA, DE'I PHYIR KHYAD PAR YOD NA NI ZHES BYA BA LA SOGS PA SMOS TE, GAL TE DE'I BDAG NYID DAM DE LAS BYUNG BA'I KHYAD PAR ZHIG YOD NA DE'I TSE KHYAD PAR @175A *, ,DE NYID GTAN TSIGS KYI MTSAN NYID YIN PAR 'GYUR RO, ,KHYAD PAR DE NYID GTAN TSIGS KYI MTSAN NYID YIN DU ZAD MOD KYI NYES PA CI YOD CE NA, DE'I PHYIR DES GNYEN PO GCIG TU BSAL BA'I GTAN TSIGS KYI ZHES BYA BA LA SOGS PA SMOS TE, KHYAD PAR DE DANG LDAN PAS GNYEN PO GCIG TU BSAL BA'I GTAN TSIGS DES RANG GI BSGRUB PAR BYA BA NGES PAR BYED DO, ,DE'I PHYIR DE'I MTSAN NYID CAN MA YIN PA KHYAD PAR DE LTA BU DANG LDAN PA MA YIN PA GANG YIN BYA BA LA SOGS PA SMOS TE, GANG BLA ZLA BO'I MED PA KHO NA YIN PA DE NI GNYEN PO GCIG TU GSAL BA ZHES BYA'O; ;DE'I MTSAN NYID CAN MA YIN PA ZHES BYA BA 'DI LA KHYAD PAR DE'I MTSAN NYID YOD PAS 'DI NI DE'I MTSAN NYID CAN NO, ,DE'I MTSAN NYID CAN MA YIN PA NI DE'I MTSAN NYID CAN YIN PA'O, ,DE'I MTSAN NYID CAN MA YIN PA'I GTAN TSIGS NYID MA YIN NA CI ZHIG 'GRUB PAR 'GYUR ZHE NA, DE'I PHYIR DE LTA NA GRANGS GCIG BRJOD PAR 'DOD PA CAN DON MED PA YIN NO ZHES BYA BA SMOS TE, GAL TE ZLA BO GNYIS PA DE'I MTSAN NYID CAN MA YIN NO, ,DE'I TSE 'DI GTAN TSIGS NYID DU MI 'GYUR RO, ,DE'I PHYIR GRANGS GCIG NYID BRJOD PAR 'DOD PA CAN GYIS GANG ZHIG RNAM PAR GCOD PAR BYED DE, GRANGS GCIG BRJOD PAR 'DOD PA CAN NYID DON MED PA YIN NO, ,DE'I MTSAN NYID CAN MA YIN PA DANG LDAN PA GTAN TSIGS NYID MA YIN NA YANG, NYES PA BSTAN PAR BYA BA'I PHYIR, 'DI'I PHYIR 'GAL BAR 'KHRUL PA MED PA'I MTSAN NYID CES BYA BA LA SOGS PA SMOS TE, GANG GI TSE DE'I MTSAN NYID CAN MA YIN PA LA, GTAN TSIGS NYID MED PA DE'I TSE 'GAL BAR 'KHRUL PA MED PA'I MTSAN NYID BSAL BAR 'GYUR RO, ,'DI LTAR RANG GI MTSAN NYID DANG LDAN PA'I GTAN TSIGS DAG CHOS CAN GCIG LA BSGRUB PAR BYA BA'I CHOS PHAN TSUN 'GAL BA SGRUB PAR BYED PA NYID KYI 'GAL BAR 'DU NA, 'GAL BAR 'KHRUL PA MED PA ZHES BYA BA STE, DE'I MTSAN NYID CES BYA NA, DE YANG DE LTA YIN PA BSAL BAR 'GYUR RO, ,DE LA 'DI SNYAM DU GANG DU KHYAD PAR DE YOD PA DER 'GAL BAR 'KHRUL PA MED PA YOD PAR MA GYUR DU CHUG NA YANG, GZHAN DU GO SU ZHIG GIS ZLOG PAR BYED CE NA, GANG ZHIG RTOGS NAS ZLA BO @175B SRID DAM MI SRID PA DAG BLTA BAR BYA BA KHYAD PAR DE ZHES BYA BA LA SOGS PA SMOS TE, NGO BO GANG ZHIG RTOGS NAS GTAN TSIGS RNAMS KYI ZLA BO SRID DAM MI SRID PA DAG BLTA BAR BYA BA STE, 'DI LTA NI KHYAD PAR 'DI YOD DE, DE LTA BAS NA 'DI LA NI ZLA BO YOD PAR MI 'GYUR RO, ,'DI LA NI KHYAD PAR MED PAS 'DI LA NI ZLA BO YOD PAR 'GYUR RO ZHES DE LTAR GTAN TSIGS LA DBAB PAR BYA BA KHU TSUL BCANGS PA'I TSUL DU SMRAS PA'I KHYAD PAR GANG YIN PA'I KHYAD PAR DE'I RANG GI NGO BO MI STON TAM, MJUG BSDU BA'I PHYIR, DE LTA BAS NA KHYAD PAR MED PA KHO NA YIN PAS ZHES BYA BA LA SOGS PA SMOS TE, GANG GI PHYIR DE LTAR KHO BO GZHAN DU KHYAD PAR GYI NGO BO MI STON PA DE'I PHYIR KHYAD PAR MED PA KHO NA YIN NO, ,KHYAD PAR MED PA'I PHYIR, THAMS CAD DU ZLA BO YOD DAM MED CES DOGS PAR 'GYUR RO, ,DE LA 'DI SNYAM DU GANG LA ZLA BLO'I GTAN TSIGS MTHONG BA DE NYID GTAN TSIGS MA YIN GYI, GANG LA MA MTHONG BA DE NYID GTAN TSIGS YIN PAR 'GYUR RO SNYAM DU SEMS NA DE'I PHYIR, ZLA BO'I GTAN TSIGS MTHONG BA'I GTAN TSIGS KYANG ZHES BYA BA LA SOGS PA SMOS TE, GANG LA ZLA BO'I GTAN TSIGS MTHONG BA DE YANG DANG PO NYID DU ZLA BO'I GTAN TSIGS MTHONG BA DANG, LHAN CIG GANG GI NA 'DI NI GTAN TSIGS YIN NO, ,'DI NI MA YIN NO ZHES BYA BA DE LTAR NGES PAR 'GYUR BA'I KHYAD PAR NI 'GA' YANG MI DMIGS SO, ,DE LA 'DI SNYAM DU GANG DAG LA ZLA BO'I TSIGS SRID PA DE DAG NI GDON MI ZA BAR DMIGS PAR 'GYUR RO, ,DE'I PHYIR DE DAG KHO NA GTAN TSIG NYID DU 'GYUR GYI, GZHAN DAG NI MA YIN NO SNYAM DU SEMS NA, DE'I PHYIR ZLA BO'I GTAN TSIGS SRID PA RNAMS KYIS KYANG ZHES BYA BA LA SOGS PA SMOS TE, GANG DAG LA ZLA BO'I GTAN TSIGS SRID PA DE DAG GI YANG DE DAG GDON MI ZA BAR DMIGS PA NI MA YIN NO, ,GAL TE MI DMIGS NA 'ON NA NI DE MED PA KHO NA YIN MOD CE NA, DE'I PHYIR, SHES RAB PHUL DU BYUNG BA DANG LDAN PA ZHES BYA BA LA SOGS PA SMOS TE, SHES RAB PHUL DU GYUR BA GANG YIN PA DE KHO NAS BRTAGS NAS MTHONG GI, GZHAN GYIS NI MA YIN NO, ,GANG GI PHYIR DE LTA YIN PA DE'I PHYIR ZLA BO'I GTAN TSIGS SRID DAM MI SRID PA DAG NGES PA MED DO, ,DE'I PHYIR, GTAN TSIGS KYI MTSAN NYID MA NGES PA'I PHYIR, @176A *, ,'GA' YANG GTAN TSIGS SU MI 'GYUR RO ZHES BYA BA NI MJUG SDUD PA YIN NO, ,DE LTAR ZLA BO'I GTAN TSIGS NYID MI SRID PA BSAL NAS RNAM PAR RTOG PA GNYIS PA BSAL BAR BYA BA'I PHYIR, 'ON TE ZLA BO'I GTAN TSIGS RAB TU MA BSTAN PA ZHIG YIN TE ZHES BYA BA SMOS TE, 'ON TE GONG DU BSHAD PA'I NYES PAS 'JIGS PA'I PHYIR, ZLA BO'I GTAN TSIGS NYID MA BSTAN PA'I PHYOGS KHAS LEN PAR BYED NA'O, ,PHYOGS 'DI KHAS BLANG BAR BYA BA LA, SLOB DPON PHYOGS KYI GLANG PO DBANG POR NYE BAR BSTAN PA'I PHYIR, JI LTAR BSHAD PA LTA BU'O ZHES BYA BA SMOS SO, ,JI SKAD DU BSHAD CE NA, 'O NA NI GANG GI TSE SGRA NYID RTAG PAR LAS LEN PA ZHES BYA BA LA SOGS PA SMOS TE, SLOB DPON PHYOGS KYI GLANG POS MNYAN PAR BYA BA NYID NI, JI LTAR YANG RNAM PAR GCOD PA'I GTAN TSIGS NYID MA YIN NO ZHES BSHAD PA DANG, PHA ROL POS 'O NA NI GANG GI TSE BRDA SPROD BA PA SPYI'I KHYAD PAR SGRA NYID RTAG PAR KHAS LEN PA DE'I TSE, MNYAN PAR BYA BA'I MTSAN NYID KYI PHYOGS KYI CHOS 'DI GTAN TSIGS YIN PA KHO NAR 'GYUR TE, SGRA NI RTAG PA STE MNYAN PAR BYA BA YIN PA'I PHYIR SGRA NYID BZHIN NO ZHES SMRAS SO, ,PHA ROL POS 'DI SKAD DU SMRAS PA DANG, SLOB DPON PHYOGS KYI GLANG PO BLO GROS MKHAS PA DANG LDAN PA'I ZHAL SNGA NAS KYIS, GAL TE SGRA ZHES BYA BA'I CHOS CAN 'DI LA BYA BRAG PAS MA RTAG PA NYID KYI GTAN TSIGS BYAS PA NYID DAM, BRTZAL MA THAG TU 'BYUNG BA NYID LA SOGS PA'I MTSAN NYID GCIG BSTAN PAR MA GYUR NA NI, DE'I TSE ZLA BO'I GTAN TSIGS RAB TU MA BSTAN PA 'DI GTAN TSIGS YIN PA KHO NAR 'GYUR RO ZHES BSHAD DO, ,'DI LTAR SLOB DPON PHYOGS KYI GLANG PO'I ZHAL SNGA NAS DBANG POR GSOL PA DANG LAG PA GNYIS KYIS MGO LA BTZIR NAS KUS 'DEBS SHING, 'DI NI DE BSGRAGS SU YANG MI RUNG LA ZHES BYA BA LA SOGS PA SMOS TE, KYE MA KYI HUD BLA MA RNAMS KYI NYES PA BSGRAGS PAR RIGS PA MA YIN PAS NA, BLA MAS SMRAS PA'I PHYIR BSGRAGS SU YANG MI RUNG LA, HA CANG RNGAMS PO TSE BCAB PAR MI NUS PAS NA HA CANG RNAMS CHE BA'I PHYIR, BCAB TU YANG MI RUNG BAS CI BLA MA SUN DBYUNG NGAM, 'ON TE RIGS PA LA YAL BAR DOR, JI LTAR BYA GTOL MED PA SHIN TU SKOBS CHEN POR CHUD PA YIN NA JI LTA ZHIG TU RGOL BAR NUS, MA SHES SO, ,'DI LA NYES PA CI ZHIG YOD NA, GANG GIS NA 'DI MI BZAD CE NA, GTAN TSIGS 'DIS JE ZHES BYA BA LA SOGS PA SMOS TE, @176B MNYAN PAR BYA BA NYID KYI GTAN TSIGS GANG YIN PA 'DIS SO, ,DNGOS PO RNAMS KYANG RANG GI BSGRUB PAR BYA BA'I DE NYID KYI RANG BZHIN DU BYAS SHING ZHES BYA BA NI SGRA LA SOGS PA DNGOS PO RNAMS RTAG PA'I RANG GI NGO BOR BSGRUBS SHING NGO, ,DE'I TSAD MA CAN GYI SKYES BU RNAMS KYANG ZHES BYA BA LA SOGS PA LA SPYOD PA DANG, BRDA' SPROD PA LA SOGS PA SKYES BU GANG DAG LA MNYAN PAR BYA BA NYID DE'I TSAD MA YOD PA DE DAG NI DE'I TSAD MA CAN RNAMS TE DE DAG MNGON PAR MTHO BA MTHO RIS DANG, NGES PAR LEGS PAR BYANG GROL BAR SBYAR NAS SO, ,'DI LTAR DNGOS PO DE NYID BSGOM PA NA JI SRID DU NYON MONGS PA RNAMS LA MI SPONG BA DE SRID DU NI MTHO RIS SU 'GRO BAR 'GYUR RO, ,NYON MONGS PA RNAMS SPONG NA NI MYA NGAN LAS 'DAS PAR 'GRO BAR 'GYUR, KHYOD KYIS SKYES BUS GTAN TSIGS GZHAN ZHES BYA BA LA SOGS PA NI YANG DUS GZHAN PHYIR KHYOD KYIS SKYES BU SHES RAB KYI RANG BZHIN CAN BYE BRAG PAS GTAN TSIGS GZHAN BYAS PA NYID BSTAN NAS, MNYAN PAR BYA BA NYID KYI MTSAN NYID KYI GTAN TSIGS BSGRUB PA'I NUS PA LA GAGS BYAS PA YIN NO, ,DNGOS PO DE DAG DANG ZHES BYA BA LA SOGS PA NI, SGRA LA SOGS PA DNGOS PO DE DAG DANG, DE'I TSAD MA CAN GYI SKYES BU DE DAG KYANG MNGON PAR MTHO BA DANG, NGES PAR LEGS PA'I PHUN SUM TSOGS PA LAS BSKYED NAS ZHES BYA BA'I THA TSIG GO, ,RGYAL PO RGYAL SRID SHOR BA LTAR, ,ZHES BYA BA LA SOGS PA NI, GANG GI TSE RGYAL PO DBANG SHOR BA YIN PA DE'I TSE DKA' THUB KYI NAGS TSAL LA KUN DU RTEN PAR BYED DO, ,DE BZHIN DU MNYAN PAR BYA BA'I MTSAN NYID KYI GTAN TSIGS 'DI YANG GANG GI TSE BSGRUB PA'I NUS PA MED PAR BYAS PA YIN PA DE'I TSE 'DI LTAR BZHIN DU SGRA LA SOGS PA DNGOS PO DE DAG DANG, DE'I TSAD MA CAN GYI SKYES BU DE DAG KYANG DNGOS PO NYID DANG MTHO RIS DANG BYANG GROL DAG LAS 'DREN PAR BYED, DE DAG GIS KYANG LAG PA BRKYANG STE MNYAN DU RUNG BA NYID SKYOBS SHIG MNYAN DU RUNG BA NYID SKYOBS SHIG CES 'O DOD 'BOD PAR BYED LA, GTAN TSIGS DES KYANG DE DAG YONGS SU BSKYAB PAR MI NUS TE, RANG GI NYES PAR SPYAD PA DAG GIS DBANG GIS DBANG SHOR BA'I PHYIR DKA' THUB KYI NAGS TSAL DU 'GRO BAS 'DIR KHO BOS JI SKAD DU SMRA BAR BYA, @177A *, ,DE LTAR CO DRIS PA'I PHYOGS 'DI LA NYES PA NYE BAR BSTAN PAR BYA BA'I PHYIR, SGRUB PA NYID SKYES BU'I SPOBS PAS BYAS PA YANG YIN TE ZHES BYA BA LA SOGS PA SMOS TE, ZLA BO'I GTAN TSIGS RAB TU MA BSTAN PA'I GTAN TSIGS GTAN TSIGS NYID DU KHAS LEN NA GTAN TSIGS KYI SGRUB PA NYID SKYES BU'I SPOBS PAS BYAS PAR 'GYUR TE, DE'I PHYIR DNGOS SU NA CHUNG ZAD KYANG SGRUB PA'AM, SGRUB PA MA YIN PAR MI 'GYUR RO, ,'DI LTAR GANG GI TSE ZLA BO'I GTAN TSIGS NYE BAR MI STON PA DE'I TSE NI SGRUB PA YIN LA, GANG GI TSE NYE BAR STON PA DE'I TSE NI SGRUB PA MA YIN PAS, SGRUB PA NYID SKYES BU'I SPOBS PAS BYAS PAR 'GYUR RO, ,ZLA BO'I GTAN TSIGS RAB TU MA BSTAN PA'I GTAN TSIGS NYID DU KHAS LEN NA, CIG GTAN TSIGS DE DNGOS PO CHOS SU CHOS DE YOD PA CAN ZHIG GAM, 'ON TE CHOS DE YOD PA CAN MA YIN PA ZHIG CES BYA BA RNAMS PAR BRTAG PA GNYIS SO, ,RNAM PAR BRTAG PA DANG PO'I DBANG DU BYAS NAS, GTAN TSIGS DE ZHES BYA BA LA SOGS PA SMOS TE, DANG POR GTAN TSIGS SU BZUNG BA GANG YIN PA DE GAL TE NGO BO NYID KHO NAS, BSGRUB PAR BYA BA'I CHOS DE YOD PA KHO NAS YOD PA'AM, BSGRUB PAR BYA BA'I CHOS DE YOD PAR BYED PA BSGRUB PAR BYED PA DE LTA BU'I NGANG TSUL CAN ZHIG YIN NA NI, DE'I TSE RGYU GANG GIS NI BSGRUB PAR BYA BA'I CHOS MED PAR YANG YOD PAR 'GYUR BA'AM, BSGRUB PAR BYA BA'I CHOS SGRUB PAR MI 'GYUR BA GTAN TSIGS GZHAN GYIS GZHAN DU BYED PAR 'GYUR, CI'I PHYIR GZHAN NYID DU MI BYED CE NA, DNGOS PO RNAMS KYI NGO BO NYID GZHAN DU 'GYUR BA DANG ZHES BYA BA LA SOGS PA SMOS TE, 'DI LTAR DNGOS PO RNAMS KYI NGO BO NYID GANG YIN PA DE YANG GZHAN DU MI 'GYUR LA, NGO BO NYID 'GAL BA GNYIS GANG YIN PA DE YANG DNGOS PO RNAMS KYI RE RE LA YOD PAR MI 'GYUR RO, ,'DI SKAD DU GAL TE GTAN TSIGS DON DAM PAR BSGRUB PA'I CHOS MED NA MI 'BYUNG BA YIN NA, DE JI LTAR GTAN TSIGS GZHAN GYIS GZHAN DU BYED PAR 'GYUR ZHES BSHAD PA YIN NO, ,RNAM PAR BRTAG PA GNYIS PA BSTAN PA'I PHYIR, CHOS DE YOD PA CAN MA YIN PA ZHIG YIN YANG ZHES BYA BA LA SOGS PA SMOS TE, GAL TE GTAN TSIGS CHOS DE YOD PA CAN MA YIN PA ZHIG TU 'DOD NA DE'I TSE, GZHAN DU YANG JI LTAR DNGOS PO 'GA' ZHIG GIS SGRUB PA YIN, GZHAN DU YANG ZHES BYA BA NI ZLA BO'I GTAN TSIGS RAB TU MA BSTAN PA NA YANG @177B ZHES BYA BA'I THA TSIG GO, ,'DI SKAD DU GAL TE GTAN TSIGS BSGRUB PAR BYA BA'I CHOS MED PA YANG YOD NA NI DE'I TSE ZLA BO'I GTAN TSIGS RAB TU MA BSTAN PA YANG 'DI JI LTAR 'GA' ZHIG GI SGRUB PA YIN ZHES BSHAD PA YIN NO, ,MJUG BSDU BA'I PHYIR, DE LTA BAS NA NGO BO NYID KYIS ZHES BYA BA LA SOGS PA SMOS TE, GANG GI PHYIR DE LTAR DNGOS PO RNAMS KYI NGO BO NYID KYANG GZHAN DU BYA BAR MI NUS LA, NGO BO NYID 'GAL BA GNYIS GCIG TU MI SRID PA DE'I PHYIR, DON DAM PAR NA RANG RANG GI BSGRUB PAR BYA BA MED NA MI 'BYUNG JI SKAD BSHAD PA'I MTSAN NYID CAN 'BRAS BU DANG RANG BZHIN DAG GI DE'I MTSAN NYID LA 'BRAS BU RANG BZHIN GYI MTSAN NYID LA, ZLA BO'I GTAN TSIGS MI SRID PA'I PHYIR GRANGS GCIG BRJOD PAR 'DOD PA CAN NI MTSAN NYID MA YIN TE, GRANGS GCIG BRJOD PAR 'DOD PA CAN NYID KYI MTSAN NYID GTAN TSIGS MA YIN NO ZHES BYA BA'I THA TSIG GO, ,CI'I PHYIR ZHE NA, RNAM PAR GCAD PAR BYA BA MED PA'I PHYIR RO ZHES BYA BA SMOS TE, 'DIS RNAM PAR GCAD PAR BYA BA CUNG ZAD KYANG MED DO, ,PHYOGS KYI CHOS NYID KYIS NI MA GRUB PA RNAM PAR GCOD PAR BYED, MTHUN PA'I PHYOGS LA YOD PA NYID KYIS NI 'GAL BA DANG THUN MONGS MA YIN PA SEL BAR BYED, MI MTHUN PA'I PHYOGS LAS LOG PAS NI THUN MONGS MA YIN PA'I MA NGES PA SEL BAR BYED NA, GRANGS GCIG BRJOD PAR 'DOD PA CAN NYID KYIS RNAM PAR GCAD PAR BYA BA NI 'GA' YANG MED DO, ,'GAL BAR 'KHRUL PAR MED BA ZHIG RNAM PAR GCOD PAR 'GYUR DU NI, DE JI SKAD BSHAD PA'I TSUL GYIS NA DNGOS PO'I STOBS KYIS ZHUGS PA'I RJES SU DPAG PA LA MI SRID PAS DE LTA BAS NA GRANGS GCIG BRJOD PAR 'DOD PA NI DON MED PA YIN NO, ,SHES PA NYID BSAL BAR BYA BA'I PHYIR, SHES PA NYID NI RTAGS KYI CHOS MA YIN NA ZHES BYA BA LA SOGS PA SMOS TE, SHES PA NI RTOG PAR BYED PA'I CHOS YIN GYI RTAGS KYI CHOS NI MA YIN NO, ,DE'I PHYIR JI LTAR RTAGS KYI MTSAN NYID DU 'GYUR TE, RTAGS KYI CHOS KHO NA RTAGS KYI MTSAN NYID DU 'GYUR BAR 'OS SO SNYAM DU 'GYUR BA YIN NO, ,RTAGS KYI CHOS KHO NA RTAGS KYI MTSAN NYID DU RIGS PA'I NGO BO BSTAN PAR BYA BA'I PHYIR, RTAGS KYI NGO BO JI LTA BU ZHIG LAS DON RTOGS PAR BYA ZHES ZHES BYA BA LA SOGS PA SMOS TE, RTAGS NGO BO JI LTA BU ZHIG LAS GZHAL BYA'I DON RTOGS PAR BYA ZHES BSAM PAR BYA BA LA SKABS SU BANG @178A *, ,PA LA RTOGS PAR BYED PA LHA SBYIN LA SOGS PA LA SLU BAR MI BYED PA GANG YIN PA DE'I NGO BO LA RTAGS DE'I NGO BO 'DI LTA BU YIN NO ZHES BYA STE, NGO BO GANG ZHIG MTHONG NAS RTOGS PAR BYED PA 'DIS 'DI BSGRUB PA YIN NO, ,'DI NI BSGRUB PA MA YIN NO ZHES RAB TU RNAM PAR PHYE STE BZHAG NAS, DE LA 'DOD PA'I DON NYE BAR 'JOG PAR BYED PA'I BSGRUB PA GANG YIN PA'I BSGRUB PA DE 'DOD PA'I DON NYE BAR 'JOG PAR BYED PA YIN PAR YID CHES NAS 'JUG PAR 'GYUR RO, ,TSUL DE LTA BUR RNAM PAR GNAS PA DE LA RTAGS 'DI'I BDAG GI NGO BO GANG YIN PA DE RTAGS KYI MTSAN NYID DU 'GYUR BAR 'OS KYI, GZHAN GYI NGO BO NI MA YIN NO, ,DE LA 'DI SNYAM DU SHES PA NI RTAGS SHES PA'I SHES PAR BYED PA YIN PA'I PHYIR, BSGRUB PAR BYA BA GRUB PAR BYA BA LA NYE BAR SBYOR TE, DE'I PHYIR 'DI RTAGS KYI MTSAN NYID DU RIGS SO SNYAM DU SEMS NA, DE'I PHYIR RTOG PA SKYE BA LA NYE BAR SBYOR BA TZAM GYIS ZHES BYA BA LA SOGS PA SMOS TE, GAL TE SHES PA YIN PA'I PHYIR, GZHAL BYA RTOG PA SKYE BA LA NYE BAR SBYOR BA DE TZAM GYIS RTAGS SU 'DOD NA DE'I TSE HANG THAL BAR 'GYUR RO, ,HA CANG THAL BA DE NYID BSTAN PAR BYA BA'I PHYIR, DE LTAR NA NI GZHAL BYA DANG SKYES BU LA SOGS PA ZHES BYA BA LA SOGS PA SMOS TE, GZHAL BYA DON DANG SKYES BU 'JAL BAR BYED PA DANG, SOGS PA'I SGRAS LDAN PA DANG, 'DU BA LA SOGS PA DANG SNANG BA DANG YID LA BYED PA LA SOGS PA YANG RTAGS KYI MTSAN NYID NYID DU 'GYUR RO, ,'DIR GTAN TSIGS SU DE DAG MED PAR NI ZHES BYA BA LA SOGS PA SMOS TE, GZHAL BYA LA SOGS PA MED PAR NI RTAGS CAN LA RES 'GA' YANG SHES PA SKYE BAR MI 'GYUR RO, ,SHES PA LA LTOS PA'I LAS KYI NGO BO'I SHES PA NYID MA YIN NAM, DE YANG RTAGS KYI CHOS KHO NA YIN NA, JI STE GZHAN GYI NGO BO ZHES BYA ZHE NA, DE LTA YIN MOD KYI 'ON KYANG SHES PA'I DBANG GIS 'DI'I CHOS 'DIR 'GYUR GYI, RANG GIS NI MA YIN TE 'DI LTAR GANG GI TSE SHES PAS YUL DU BYAS PA DE'I TSE DE'I CHOS SU 'GYUR GYI, GZHAN DU NI MA YIN NO GANG ZHIG GANG GI CHOS YIN PA DE NI RANG GI RGYU DAG LAS 'GRUB PA KHO NAR 'GYUR GYI PHYIS NI MA YIN NO, ,'DIR PHA ROL POS, 'O NA NI NGES PA SMOS PAR MI BYA'O ZHES BYA BA LA SOGS PA SMOS TE, SHES PA NYID NGO BO GZHAN DU MI 'DOD NA, 'O NA NI KYE BSTAN BCOS LAS NGES PA SMOS PA BYAS PA GANG @178B YIN PA DE MI BYA DGOS SO, ,GRUB PA'I MTHA' SMRA BAS, MI BYA BA MA YIN TE ZHES BYA BA LA SOGS PA SMOS TE, DE NI GZHAN GYI DON KHO NAR BYED PA YIN NO, ,GZHAN GYI DON DE NYID BSTAN PAR BYA BA'I PHYIR, MTHONG BA DANG MA MTHONG BA DAG GIS ZHES BYA BA LA SOGS PA SMOS TE, GANG DAG MTHUN PA'I PHYOGS LA MTHONG BA DANG MI MTHUN PA'I PHYOGS LA MA MTHONG BAS GTAN TSIGS SHES PAR BYED PA NYID DU 'DOD PA DE DAG GI MTHONG BA DANG MA MTHONG BAS GTAN TSIGS NUS PA MA YIN NO ZHES SHES PAR BYA BA'I PHYIR NGES PA SMOS PA BYAS PA YIN NO, ,'DI LTAR MTHONG BA DANG MA MTHONG BA DAG YOD BZHIN DU YANG GTAN TSIGS SHES PAR BYED PA NYID MA YIN PA MTHONG STE, LOG PA'I SHES PAS KYANG DE'I BU YIN PA'I PHYIR, SNGO BSANGS YIN NO ZHES BYA BA LA SOGS PA LA MTHUN PA'I PHYOGS LA MTHONG BA YANG YOD, SNGO BSANGS MA YIN PA MI MTHUN PA'I PHYOGS LA MA MTHONG BA YANG YOD MOD KYI, TZAM GYIS NI GTAN TSIGS SHES PAR BYED PA NYID MA YIN NO, ,DE BAS NA MTHUN PA'I PHYOGS LA YOD PA DANG, MI MTHUN PA'I PHYOGS LA MED PAS GTAN TSIGS SHES PAR BYED PA YIN NO ZHES BYA BA'I DON 'DI SHES PAR BYA BA'I PHYIR, MTSAN NYID BRJOD PAR NGES PA SMOS PAR KHONG DU CHUD PAR BYA'O, 'DI SKAD DU, MTHUN PA'I PHYOGS DANG MI MTHUN PA'I PHYOGS DAG LA, YOD PA DANG MED PAR NGES PA DAG GIS GTAN TSIGS SHES PAR BYED PA YIN TE, 'OL BYI MTHONG BA DANG MA MTHONG BA TZAM GYIS NI MA YIN NO ZHES BYA BA'I DON 'DI SHES PAR BYA BA'I PHYIR, NGES PA'I SGRA SBYAR TO ZHES BSHAD PA YIN NO, ,DKYUS MA'I MJUG BSDU BA'I PHYIR, DES NA GZHAN GYI NGO BO'I MTSAN NYID MA YIN TE ZHES BYA BA SMOS TE, RGYU DES NA GZHAN RTOGS PAR BYED PA'AM GZHAN YANG RUNG BA'I NGO BO SHES PA LA SOGS PA GANG YIN PA DE NI RTAGS KYI MTSAN NYID MA YIN NO, ,CI'I PHYIR ZHE NA, DES RTAGS KYI NGO BO'I KHYAD PAR ZHES BYA BA LA SOGS PA SMOS TE, SHES PA LA SOGS PA GZHAN GYI NGO BO DES RTAGS KYI NGO BO'I KHYAD PAR 'GA' YANG MI STON TE, ,PHA ROL PO MTHUN PA'I PHYOGS DANG MI MTHUN PA'I PHYOGS DAG LA, YOD PA DANG MED PA DAG GIS GTAN TSIGS SHES PAR BYED PAR 'DOD PA DE LA YANG NGES PA CI'I PHYIR SMOS @179A *, ,PA YIN NAM ZHE NA, DE'I PHYIR YOD PA DANG MED PA DE DAG NI ZHES BYA BA LA SOGS PA SMOS TE, KHA CIG YOD PA DANG MED PA DAG GIS GTAN TSIGS SHES PAR BYED PAR 'DOD MOD KYI, 'ON KYANG YOD PA DANG MED PA DE DAG SGRUB PAR BYED PA'I TSAD MA 'JUG PA KHO NAS KHONG DU CHUD PAR BYA'I, GZHAN DU NI MA YIN NO, ,CI'I PHYIR ZHE NA, THABS GZHAN MED PA'I PHYIR RO ZHES BYA BA SMOS TE, 'DI LTAR YOD PA DANG MED PA DAG RNAM PAR GZHAG PAR BYA BA LA DE SGRUB PAR BYED PA'I TSAD MA MA GTOGS PA THABS GZHAN MED DO, ,DE NYID KYI PHYIR CI NAS KYANG YOD PA DANG MED PAR NGES PA DE DAG 'DZIN PAR 'GYUR SNYAM NAS YOD PA DANG MED PA 'DI GNYIS GSAL BAR BYA BA'I PHYIR, MTSAN NYID LAS NGES PA SMOS TE BYAS SO, ,YOD PA DANG MED PA SMOS PA KHO NAS NGES PA NYID 'PHEN PA MA YIN NAM, DE LTA MA YIN NA 'DI GNYIS YOD PA KHO NA 'GRUB PAR MI 'GYUR RO ZHE NA, DE'I PHYIR YOD PA DANG MED PA SMOS PA TZAM GYIS KYANG ZHES BYA BA LA SOGS PA SMOS TE, DNGOS PO DANG DNGOS PO MED PA SMOS PA TZAM GYIS KYANG DNGOS PO DANG DNGOS PO MED PAR RAB TU BSGRUB PA'I TSAD MA 'JUG PA 'PHEN MOD KYI NGES PA SMOS SO, ,CI'I PHYIR ZHE NA, DE LTAR MA YIN NA SHES BYA YOD PAR RNAM PAR GZHAG PA NI ZHES BYA BA LA SOGS PA SMOS TE, GAL TE DE DAG SGRUB PA'I TSAD MA 'PHEN PAR MA GYUR NA, DE'I TSE 'DI LTAR DNGOS PO DANG DNGOS PO MED PA DE GNYIS YOD PAR RAB TU MI 'GRUB BO, ,CI'I PHYIR RAB TU MI 'GRUB CE NA, SHES BYA YOD PA RNAM PAR GZHAG PA NI ZHES BYA BA LA SOGS PA SMOS TE, GANG GI PHYIR SHES BYA YOD PA'I RNAM PAR GZHAG PA NI SHES PA YOD PA'I RGYU CAN YIN PA DE'I PHYIR DNGOS PO THAMS CAD LA YOD PAR RNAM PAR GZHAG PA NYID YOD PAR RAB TU SGRUB PA 'DREN PAR KHONG DU CHUD PAR BYA'O, ,'DI LTAR 'DI NI SNGON PO'O, ,'DI NI SER PO'O ZHES RNAM PAR 'JOG PAR BYED PA GANG YIN PA DE NI DE DMIGS PA KHO NAS BYED KYI, GZHAN DU MA YIN NO, ,DE LTA BAS NA, SHES BYA RNAM PAR GZHAG PA NI SHES PA'I RGYU CAN YIN NO, ,DE'I PHYIR SHES BYA RNAM PAR GZHAG PA NYID DE BSGRUB PA'I TSAD MA 'PHEN PAR BYED PA YIN NO, ,GTAN TSIGS GZHAN BSTAN BCOS BYED PA NI GZHAN GYI DON YIN PA'I YANG PHYIR TE ZHES BYA BA SMOS TE, 'DI LTAR BSTAN BCOS BYED PA NI GZHAN GYI DON YIN TE, GZHAN @179B GYIS RTOGS PAR BYA BA'I PHYIR BSTAN BCOS BYED DO ZHES BYA BA'I THA TSIG GO, ,GZHAN GYI DON DE NYID BSTAN PAR BYA BA'I PHYIR, TSUL GSUM PA'I RTAGS YOD PA NI ZHES BYA BA LA SOGS PA SMOS TE, GZHAN LA PHAN PAR DGA' BA GANG ZHIG GIS GZHAN DAG LA TSUL GSUM PA'I RTAGS NI, KHYED LA RJES SU DPAG PAR BYA BA'I MTSAN NYID KYI DON 'DOMS PAR BYED PA YIN NO ZHES SMRAS NA, GZHAN GANG DAG TSUL DE MI SHES PA DE DAG NI TSUL DES LKOG GI DON LA 'JUG PAR MI 'GYUR RO, ,DE LTA BAS NA BSTAN BCOS STON PA NI, GZHAN SHES PAR BYED PA YIN PA'I PHYIR, YOD PA DANG MED PA'I YUL BSTAN PA NA, SHES PA GRUB MOD KYI, 'ON KYANG RTOG GE NGAN PA PA KHA CIG MTHUN PA'I PHYOGS DANG, MI MTHUN PA'I PHYOGS LA GTAN TSIGS YOD PA DANG MED PA DE DAG KHO NA MTHONG BA DANG MA MTHONG BA TZAM GYIS RNAM PAR 'JOG PAR BYED DE, DE'I BU YIN PA'I PHYIR SNGO BSANGS YIN TE, DE LAS GZHAN PA'I BU BZHIN NO ZHES BYA BA LA, DE'I BU NYID MTHUN PA'I PHYOGS LA NI MTHONG BA YOD LA MI MTHUN PA'I PHYOGS LA NI MA MTHONG NGO, ,DE'I PHYIR DE DAG 'DI YANG MTHONG BA DANG MA MTHONG BA DAG GIS GTAN TSIGS NYID YIN PAR STON TO ZHES GRAGS TE, DE LTA BAS NA DE DAG GI 'DOD PA DGAG PA'I PHYIR, MTSAN NYID BRJOD PAR NGES PA'I SGRA 'DE RAB TU SBYAR RO, ,NGES PA ZHES BYA BA'I SGRA SMOS PAR BYA BA LA BDAG NYID KYI DGONGS PA BSTAN PAR BYA BA'I PHYIR, YOD PA DANG MED PA DAG YOD KYANG ZHES BYA BA LA SOGS PA SMOS TE, LA LAR YOD PA DANG MED PA DAG NGOS PO 'JUG PAS YOD MOD KYI, 'ON KYANG JI SRID DU RJES SU 'GRO BA DANG, LDOG PA DE DAG YOD PA NYID LA THE TSOM ZA BAR 'GYUR RO, ,GANG GI PHYIR DE LTA YIN PA DE'I PHYIR 'DI GNYIS YOD PAR RNAM PAR GZHAG PA NI TSAD MA GANG LAS YOD PA DANG, MED PA 'DI GNYIS NGES PA YIN PA DE LA RAG LUS PA YIN NO ZHES BYA BA'I DON 'DI SHES PAR BYA BA'I PHYIR, KHO BOS NGES PA SMOS PA BYAS PA YIN NO, ,RJES SU 'GRO BA DANG LDOG PA ZHES BYA BA'I SGRA NI 'DIR YOD PA DANG MED PA DAG LA BYA'O, ,RAB TU 'GRUB PA ZHES BYA BA'I SGRA NI RNAM PAR GZHAG PA LA BYA'O, ,SHES PA NYID LOGS SHIG TU MTSAN NYID MA YIN PA NYID DU GTAN TSIGS 'DI KHO @180A *, ,NA YANG BSTAN PAR BYA BA'I PHYIR GANG GI PHYIR YOD PA DANG MED PA SMOS PA TZAM GYIS ZHES BYA BA LA SOGS PA SMOS TE, GANG GI PHYIR MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA SMOS PA KHO NAS DE BSGRUB PA'I TSAD MA 'PHEN PAR BYED PA RGYU DE'I PHYIR YANG YOD PA DANG MED PA DAG LAS SHES PA MTSAN NYID LOGS SHIG TU GYUR PA MA YIN NO, ,'DIR GTAN TSIGS SU DE NYID KYIS DON RTOGS PA'I PHYIR ZHES BYA BA SMOS TE, GANG GI PHYIR YOD PA DANG MED PA SMOS PA DE NYID KYIS SHES PA'I DON RTOGS PA DE'I PHYIR LOGS SHIG TU MI BYA'O, ,'DIR DPE PHYOGS KYI CHOS NYID LAS NYE BAR GTOD PA'I DON BZHIN NO ZHES SMOS PA'I PHYIR DPER NA PHYOGS KYI CHOS NYID SMOS PA KHO NAS NYE BAR GTOD PA'I DON RTOGS PA'I PHYIR, PHYOGS KYI CHOS NYID LAS LOGS SHIG TU MI BRJOD PA BZHIN NO, ,'DIR PHA ROL POS 'KHRUL PA BSTAN PA'I PHYIR, 'O NA NI DE RJES SU 'GRO BA DANG LDOG PA DAG KYANG ZHES BYA BA LA SOGS PA SMOS TE, GAL TE DON RTOGS PA'I PHYIR LOGS SHIG TU BYA BAR MI 'DOD NA, 'O NA NI KYE RJES SU 'GRO BA DANG LDOG PA DAG KYANG SO SO NYID DU BRJOD PAR MI BYA'O, ,'DIR GTAN TSIGS SU GCIG SBYOR BAS GNYI GA RTOGS PA'I PHYIR RO ZHES BYA BA SMOS TE, GANG GI PHYIR GCIG KHO NA SBYAR BAS GNYI GA RTOGS PAR 'GYUR BA DE'I PHYIR NYE BAR GTOD PA BZHIN DU 'DI GNYIS SO SOR BRJOD PAR MI BYA'O ZHES BYA BA NI PHYOGS SNGA MA'O, ,GRUB PA'I MTHA' SMRA BAS MA YIN NO, ,MTHUN PA'I PHYOGS DANG MI MTHUN PA'I PHYOGS DAG LA ZHES BYA BA LA SOGS PA SMOS TE, MTHUN PA'I PHYOGS DANG MI MTHUN PA'I PHYOGS DAG LA GTAN TSIGS YOD PA DANG MED PA GANG DAG YIN PA DE DAG NI PHAN TSUN LTOS NAS MTHUN PA'I PHYOGS LA YOD PAR STON PAR BYED PA'I TSIG GAM, MTHUN PA'I PHYOGS MA YIN PA LA MED PAR STON PAR BYED PA'I TSIG KYANG RUNG, GCIG GIS YOD PA DANG MED PA GNYI GA GO BAR BYED DO ZHES BYA BA'I GNYIS PA DANG DON GCIG PA KHO NAR BRJOD PA NI MA YIN NO, ,DE'I PHYIR 'DI GNYIS DON THA DAD PA'I PHYIR SO SOR YAN LAG GZHAN NYID YIN NO, ,PHA ROL POS 'DI GNYIS DON GCIG KHO NAR GZHUNG GZUGS PA'I PHYIR, DE KHO NA LA YOD PA DANG ZHES BYA BA LA SOGS PA SMOS TE, KYE MTHUN @180B BA'I PHYOGS LA YOD PA NYID CES BYA BA'I TSIG GANG YIN DE DANG MTHUN PA'I PHYOGS MA YIN PA LA MED PAR NGES PA ZHES BYA BA'I TSIG GANG YIN PA'I TSIG 'DI DAG PHAN TSUN 'PHEN BA MA YIN NAM, 'DI LTAR MTHUN PA'I PHYOGS LA YOD PA NYID CES SMRAS NA YANG, MTHUN PA'I PHYOGS MA YIN PA LA MED PAR RTOGS PAR 'GYUR LA MTHUN PA'I PHYOGS MA YIN PA LA MED PAR NGES ZHES SMRAS NA YANG MTHUN PA'I PHYOGS LA YOD PAR RTOGS PAR 'GYUR TE, DE LTA BAS NA GNYIS PA DANG DON GCIG GO ZHES BYA BA NI PHYOGS SNGA MA YIN NO, ,GRUB PA'I MTHA' SMRA BAS, TSIG 'DIS NI ZHES BYA BA LA SOGS PA SMOS TE KYE TSIG GI NUS PA NI SHUGS KYIS GNYI GA 'PHEN PAR BYED PA GANG YIN PA DE YIN NO, ,CI'I PHYIR ZHE NA, NGES PA STAN PA GCIG KYANG ZHES BYA BA LA SOGS PA SMOS TE, GANG GI PHYIR NGES PA STON PA'I TSIG GCIG GANG YIN PA DE YANG 'PHEN PA GNYIS PA MED PA DE'I PHYIR GNYI GA 'PHEN PA GANG YIN PA 'DI NI SGRA'I NUS PA YIN GYI NGES PA DANG BRAL BA YOD PA DANG MED PA DAG 'BA' ZHIG PHAN TSUN 'PHEN PAR BYED PA NI MA YIN NO, ,DE LA 'DI SNYAM DU'O NA NGES PA DANG LHAN CIG PA DAG 'PHEN PAR 'GYUR RO SNYAM DU SEMS NA DE'I PHYIR, NGES PA DANG LDAN PA DAG NI 'BA' ZHIG DAG MA YIN TE ZHES BYA BA SMOS TE, GANG GI TSE YOD PA DANG MED PA DAG NGES PA DANG LDAN PA YIN PA DE'I TSE 'BA' ZHIG PA DAG CES MI BYA'O, ,'DIR GTAN TSIGS SU NGES PA NI GNYI GA'I NGO BO YIN PA'I PHYIR RO ZHES BYA BA SMOS TE, THAMS CAD DU YOD PA DANG DGAG PA'I NGO BO'I DON YIN PA'I NGES PA NI GNYI GA'I NGO BO YIN NO, ,'DI LTAR BRJOD PA LAS BZLOG PA 'GOG PA'I NGO BO NI YOD PAR NGES PA YIN TE, DES NA RANG GI SGRA BRJOD PA GANG YIN PA DANG, NGES PAR BZUNG BA'I STOBS KYIS BKAG PA YANG YIN PA DE GNYI GA'I NGO BOR 'GYUR RO, ,DE LTA BAS NA YOD PA DANG MED PA NGES PA DANG LDAN PA DAG NI 'BA' ZHIG PA DAG CES MI BYA'O, MJUG BSDU BA'I PHYIR, DE LTA BAS NA GANG GIS NA YOD PA'AM MED PAS ZHES BYA BA LA SOGS PA SMOS TE, GANG GI PHYIR DE LTAR NGES PA DANG BCAS PA DAG LA 'BA' ZHIG PAR THA SNYAD GDAGS PA MED PA DE'I PHYIR, RGYU GANG GIS NA YOD PA 'BA' ZHIG GIS GNYIS PA MED PA 'PHEN PAR @181A *, ,'GYUR BA'AM MED PA 'BA' ZHIG GIS GNYIS PA YOD PA 'PHEN PAR 'GYUR BA DE LA YOD PA NYID CES BYA BA NGES PAR BZUNG BA DANG BCAS PA'I TSIG 'DIS KYANG DNGOS PO 'BA' ZHIG LA MI BYA LA, DE MED PA LA MED PAR NGES PA ZHES BYA BA NGE PA GZUNG BA DANG BCAS PA'I TSIG 'DIS KYANG MED PA 'BA' ZHIG LA MI BYA'O, ,DE LTAR YOD PA DANG MED PA DAG SGRA 'JUG PA LA LTOS NAS PHAN TSUN 'PHEN PAR BYED PA KHO NA YIN PAS SO SOR YAN LAG GZHAN NYID DU BSTAN NAS, SHES PA DE DANG MTSAN NYID MI MTHUN PA NYID DU BSTAN PAR BYA BA'I PHYIR, SHES PA NI GZHAN SHES PAR BYED PA'I ZHES BYA BA LA SOGS PA SMOS TE, JI LTAR YOD PA DANG MED PA DAG PHAN TSUN THA DAD PA LTAR SHES PA NI DE LTAR GZHAN GYIS SHES PAR BYA BA'I PHYIR BSHAD PA'I MTSAN NYID GSUM PA LAS THA DAD PA MA YIN NO, ,DE'I PHYIR THA DAD PA MA YIN PA'I PHYIR SHES PA NYID LOGS SHIG TU MTSAN NYID GZHAN MA YIN NO ZHES BYA BA GRUB BO, ,'DI THAMS CAD DU SHES PA SMOS PA NI SHES PA NYID MTSON PAR BYA BA'I DON YIN PAR BLTA BAR BYA'O, ,DE LTAR GNOD PA MA BYAS PA'I YUL CAN NYID LA SOGS PA BSAL NAS MJUG BSDU BA'I PHYIR, DE LTA BAS NA GTAN TSIGS NI MTSAN NYID GRUB BA MA YIN NO ZHES BYA BA SMOS TE, GANG GI PHYIR DE SKAD BSHAD PA'I RNAM PAS GNOD PAR MA BYAS PA'I YUL CAN NYID LA SOGS PA'I LOGS SHIG TU MTSAN NYID GZHAN NYID DU MI MTHUN PA DE'I PHYIR, GTAN TSIGS MTSAN NYID GRUB PA MA YIN NO ZHES BYA BA GRUB BO, ,RIGS PA SNA TSOGS RIN CHEN MDZES GSAL BLO LDAN RNAMS KYI RIGS PA'I 'BYUNG GNAS PA, ,MU STEGS MUN GNAG SHIN TU 'JOMS MKHAS THUB PA'I GRUB MTHA'I SGRON MA GTAN TSIGS KYI, ,THIGS PA 'DI TSIG RE NAS RNAM BKROL DGE BA ZLA 'OD LTA BU DKAR THOB GANG, ,DE DAG KUN GYIS 'GRO BA MYUR DU THAMS CAD MKHYEN NYID THOB PAR BYED GYUR CIG ,GTAN TSIGS THIGS PA DAM PA'I TSIG DON TZAM, ,RAB TU RNAM PAR DBYE BA'I RGYAS BSHAD PA, ,DUL BA'I LHAS BGYIS 'DIR NI MI MTHUN PA, ,GANG LAGS DE LA 'PHAGS PAS BZOD PAR MDZOD, ,GTAN TSIGS KYI THIGS PA'I RGYA CHER 'GREL PA RDZOGS SO,, ,,RGYA GAR GYI MKHAN PO PRADZNYA BARMA DANG, ZHU CHEN GYI LO TZ'A BA DGE SLONG DPAL BRTZEGS RAKshI TAS BSGYUR CING ZHUS TE GTAN LA BAB PA,, ,, @181B #, ,RGYA GAR SKAD DU, HE TU BINDU BI BA RAn, BOD SKAD DU, GTAN TSIGS THIGS PA'I 'GREL PA, BCOM LDAN 'DAS RDO RJE 'CHANG BA LA PHYAG 'TSAL LO, ,SKYE BO'I TSOGS KYI NYON MONGS SKYOB PA'I PHYIR NA THUGS RJE CHEN PO YANG DAG BSKYED BA CAN, ,BSOD NAMS YE SHES BDAG NYID RAB TU BSAGS PA RGYA CHE BA YI RGYU DAG NGAL BA RNAM PAR BSAL, ,SHES BYA MA LUS RAB 'BYAMS DRI MA MED PA'I SHES RAB 'CHAR BA'I RI BO LA BRTEN NAS, ,'JIG RTEN SNYING GI MUN PA 'JOMS MDZAD RGYAL BA NYI MA GANG YIN DE LA SPYI BOS PHYAG 'TSAL LO, ,CHOS KYI GRAGS PA'I RNAMS LA NI,, DPYAD ZIN KYANG NI DPYAD PA MDZES, ,RGUN NI BTZIR BA GYUR KYANG NI, ,MNGAR BA CIS NA 'DOR 'GYUR RAM, ,'GRO RNAMS PHYOGS GCIG GANG GI BLO, ,RIGS LAM GNAS NAS GZHAL GYUR NA, ,RGYAL GYUR DE GSUNG ZAB MO GANG, ,BDAG BLO BLUN POS GA LA YIN, ,DE LTA NA YANG BDAG LAS KYANG,, GANG DAG KHA CIG BLO DMAN PA, ,YOD PA RNAMS LA BDAG GIS NI, ,GTAN TSIGS THIGS PAR RNAM PAR DBYE, ,KHA CIG NI DON LKOG TU GYUR PA LA SOGS PA RAB TU BYED BA RTZOM PA'I DGOS PA GSUNGS PA BA DE YANG NYAN PA'I SKYE BO 'JUG PA'I DON YIN NO ZHES BYA BA DE LA, ,BSTAN BCOS THAMS CAD NYID DAM NI, ,YANG NA BYA BA 'GA' ZHIG LA, ,JI SRID DGOS PA MA BRJOD PAR, ,DE SRID GANG GIS GZUNG BAR BYA, ,ZHE NA, DE NI MI RIGS TE, GANG GIS RAB TU BYED PA 'DI'I DGOS PA 'DI YIN NO ZHES BRJOD PAS DGOS PA'I KHYAD PAR DAG GI RAB TU BYED PA NI THABS SU NGES PA YIN TE, THABS MA YIN PA LA MI 'JUG PA'I PHYIR DE DON DU GNYER BA'I RTOG PA DANG LDAN PAS RAB TU BYED PA MNYAM PA LA SOGS PA 'JUG PAR 'GYUR RO ZHES RJOD PAR BYED PA DON DANG LDAN PAR SMRA BA DE SKAD STON PA DE NI MI RIGS TE, GANG GI PHYIR RTOG PA DANG LDAN PA RNAMS KYIS DGOS PA DON DU GNYER BA RNAMS NI DE'I THABS NGES PA DE YOD PA LAS YIN TE, DPER NA ZHING RMO BA LA SOGS PA RNAMS LO THOG LA SOGS PA'I THABS SA BON LA SOGS PA SA BON MA YIN PA LAS DBEN PA'I SA BON LA SOGS PA NGES PAR 'GYUR BA BZHIN NO, ,GZHAN DU NA THABS MA NGES PA'I THABS LAS BYUNG BA DON DU GNYER BA NI RTOG @182A *, ,PA DANG LDAN PA RNAMS SPONG BAR 'GYUR TE, THABS LAS BYUNG BA'AM 'BYUNG BAR 'GYUR BA LA TSAD MA'I BYA BA MI SRID PA'I PHYIR RO, ,MA NGES SU ZIN KYANG 'BREL PA MA TSANG BA MED BA'I THABS NGES BAR RUNG BA 'DI DAG BRJOD PAR 'DOD PA'I 'BRAS BU BSGRUB PAR 'GYUR BA SRID PAS RTOG PA DANG LDAN PA 'JUG PAR 'GYUR BAS DES NA YONGS SU MI SPONG NGO, ,NGES PA YANG TSAD MA KHO NAS YIN NA DGOS PA'I NGAG LA TSAD MA MED DE, SGRA RNAMS DANG PHYI ROL GYI DON LA 'BREL BA MED PA'I PHYIR RO, ,BRJOD PAR 'DOD PA'I TSAD MA DE LA YANG JI LTA BA'I DNGOS PO LA 'JUG PA'I NGES PA MED PA'I PHYIR DES NA RAB TU BYED PA'I DGOS PA KHYAD PAR GYI THABS LA NGES PA MED DO, ,GANG GIS JI LTAR DON GANG BRJOD PAR 'DOD PA DE JI LTA BAR DES RJES SU MI SGRUB PO, ,GZHAN BSAMS NAS GZHAN DU BRJOD PAS 'JUG PA NA SLU BA MTHONG BA'I PHYIR 'JIG RTEN PA THAMS CAD LA YID BRTAN DU MED PAS SO, , GAL TE DGOS PA'I KHYAD PAR NYE BAR DGOD BA DE'I THABS SU GYUR PA'I RAB TU BYED PA'I YUL LA THE TSOM SKYE BA DE'I PHYIR DE NI ZHING RMO BA LA SOGS PA NYID LAS SA BON DANG SA BON MA YIN PAR NGES PAS 'JUG PAR BRJOD DO ZHE NA, MA YIN TE, DGOS PA'I KHYAD PAR GYI THABS LA THE TSOM SKYE BA NI DE BRJOD PA LAS SNGAR YONG PAS SGRUB PAR BYED PA DANG, GNOD PAR BYED PA'I TSAD MA MED PA DE NI RIGS PA'I STOBS LAS 'ONGS PA'I PHYIR RO, ,RJES SU DPAG PA DE'I DGOS PA LA SOGS PA BSTAN PA'I PHYIR RAB TU BYED PA RNAMS MTHONG BAS CI 'DI RJES SU DPAG PA BSTAN PA'I DGOS PA'AM, GZHAN CUNG ZAD CIG YIN ZHES DE LTA BU'I DNGOS PO'I THE TSOM SNGAR 'JUG PA NA GANG GIS BSAL BAR NUS, GZHAN YANG CI 'DI DGOS PA MED PA 'AM, YANG NA KHO BO CAG MNGON PAR 'DOD PA'I DGOS PA DANG LDAN PA YIN NO ZHES SHES PAR 'DOD PA 'JUG PA SRID PAS DGOS PA'I NGAG NYE BAR DGOD PA DON MED DO, , DE'I PHYIR GANG DGOS PA SPANGS PA'I NGAG GAM DE'I DON LA RTOG PA DANG LDAN PA RTZOM PA BYED PA'AM STON PAR MI 'GYUR TE, DPER NA SE'U BCU PA ZHES BYA BA LA SOGS PA'I NGAG DANG, BYA ROG GI SO RTOG PA BZHIN NO, ,'DI 'AM 'DI'I DON KYANG DGOS PA MED PAS ZHES BYA BA NI KHYAD PAR BYED PA MI @182B DMIGS PAS RGOL BA NA, DE MA GRUB PAR BRJOD PA'I PHYIR THOG MAR DGOS PA'I NGAG NYE BAR BKOD DO, ,DE LA DE BSTAN PA'I PHYIR ZHES BYA BA'I TSIG GI BDAG NYID 'DIS NI RAB TU BYED PA'I DGOS PA GSUNGS TE, JI LTAR NGAG GIS BRJOD PAR BYA BA RTOGS PA NI NGAG GI DGOS PA YIN TE, DE YANG 'DI LA YOD DE TSIG GI NANG TSAN RNAMS DANG DAG PHAN TSUN DU 'BREL PA LAS BSDUS PA'I DON RTOGS SO, ,DE LTA NA RAB TU BYED PA 'DIR RJES SU DPAG PA BSTAN TO ZHES BYA BA DE NI BRJOD PAR BYA BA YIN TE, DE'I SGRA NI DE NYID DANG 'BREL PA'I PHYIR RO, ,GAL TE LKOG TU GYUR PA'I DON RTOGS PA'I ZHAR LA RJES SU DPAG PA BYUNG BA DE LTA NA YANG SMRA BA PO'I BSAM PA DANG RJES SU 'BREL PA'I SGRA 'JUG PAS DE'I SGRA RAB TU SBYAR GYI, GZHAN DU NA GTZO BO LA SBYAR BAR YANG JI LTAR 'GYUR, SGRA RNAMS KYI RANG GI NGO BO NI DON DANG 'BREL PA MED PA'I PHYIR DANG PHYOGS KYI CHOS ZHES BYA BA LA SOGS PAS RJES SU DPAG PA BSTAN PA'I PHYIR RO, ,RANG GI NGO BO PHYIN CI MA LOG PAR RTOGS PA DE BSTAN PA NI RAB TU BYED PA'I DGOS PA YIN TE, DE BSGRUB PAR BYA BA'I PHYIR RO, ,DE NYID KYI PHYIR RJES SU DPAG PA BSTAN PA'I YUL NI RAB TU BYED PA'I BYA BA YIN PA BSTAN TE, DE BSTAN PA'I PHYIR ZHES BYA BA nI TZA'I RKYEN GYIS BSTAN TE, DES KYANG RAB TU BYED PA DAG GI DGOS PA NI BSGRUB PAR BYA BA DANG, SGRUB PAR BYED PA'I MTSAN NYID 'BREL PAR BSTAN PA YIN NO, ,GAL TE SGRA 'JUG PA'I YUL BSTAN PAS RAB TU BYED PA'I BYA BA GTZO BO YIN PAR BSTAN PA DE LTA NA YANG DNGOS PO'I 'JUG PA KHO NA GTZO BO YIN PAR BSTAN TE, DE NI DE'I BSGRUB PAR BYA BA YIN PA'I PHYIR RO, ,CIG SHOS KYI THABS DE NI DOR BAR BYA BA YIN TE GTZO BO MA YIN PA'I PHYIR RO, ,DE'I PHYIR RJES SU DPAG PA BSTAN PA KHO NA DGOS PAR RTOGS PAS RAB TU BYED PA'I BYA BA NI MA YIN NO ZHES BYA'O, ,DON LKOG TU GYUR PA RTOGS PA NI RJES SU DPAG PA LA BRTEN PA'I PHYIR ZHES BYA BA LA SOGS PA 'DIS NI RAB TU BYED PA'I DON RJES SU DPAG PA'I MTSAN NYID KYI DGOS PA GSUNGS SO, ,DAG RANG GI DON RTOGS PA'I MTSAN NYID KYI DGOS PA NYID LA RTOG PA DANG LDAN PA 'JUG PAR MI 'GYUR RO, ,'ON KYANG DE'I BRJOD PAR BYA BA'I DON SKYES BU LA NYE BAR MKHO BA @183A *, ,YIN TE, DE YANG DE LA YOD DE, GANG GI PHYIR LKOG TU GYUR BA'I DON RTOGS PA GANG YIN PA DE NI NGES BA'O, ,RJES SU DPAG PA'I TSUL GSUM PA'I RTAGS DE RGYU LA 'BRAS BU NYE BAR BTAGS PA'I PHYIR THABS GZHAN MA YIN PA BSGRUB PAR BYA BA DE BSTAN PAS GZHAN GYI 'DOD PA BSAL BA'I PHYIR RO, ,RTEN NI RGYU'O, ,RJES SU DPAG PA'I RTEN GANG YIN PA ZHES BYA BA THUN MONG DU RNAM PAR SBYOR RO, ,DES NA RJES SU DPAG PA RTEN YIN PAS ZHES BYA BA BYE BRAG GANG GI YIN ZHES BYA BA RTOGS PA NA GAL TE YANG DON LKOG TU GYUR PA RTOGS PA NI SGRA'I 'BREL PA MO RTAGS SU GO BA DE LTA NA YANG DE TSIG GI SBYOR BA'I DUS SU NYE BA MA YIN PAS PHYI ROL DU GYUR PA'I PHYIR MO RTAGS KYI RGYU MTSAN MA YIN TE, DPER NA 'DI BRAM ZE MOR BDEN NO ZHES PA DANG, SNOD 'DI 'BRU BZHAG PA ZHES BYA BA BZHIN NO, ,'DIS KYANG DON LKOG TU GYUR PA RTOGS PA THAMS CAD TSAD MAR GYUR PA LAS YIN GYI GZHAN GYIS DE RTOGS SO, ,MI RIGS PA'I PHYIR TSUL GSUM PA'I RTAGS LA BRTEN PA KHO NA BSHAD PA YIN TE, RJES SU DPAG PA NYID LA BRTEN PA'I PHYIR ZHES NGES PAR GZUNG BA'I PHYIR RO, ,DES KYANG SGRA LA SOGS PA RNAMS YIN NA NI RJES SU DPAG PA'I TSAD MA MA YIN TE, GZHAN DU NA DE RNAMS KYANG BSTAN PAR THAL BAR 'GYUR TE RGYU MTSAN MTSUNGS PA'I PHYIR RO, ,DE LTA NA LKOG TU GYUR PA'I DON THAMS CAD RTOGS PA NI TSAD MA'I BDAG NYID LAS YIN GYI RANG DAGS NI MA YIN NO, ,DE RANG GI DON DANG 'BREL PA MED PAS NGES PA NA DE MI SLU BAR RIGS PA MA YIN PA'I PHYIR DANG, TSAD MA NI MI SLU BA MTSAN NYID YIN PA'I PHYIR RO, ,GZHAN YANG 'BREL PA MED PA LAS MA YIN PA'I PHYIR DE THAMS CAD LAS THAMS CAD RTOGS PAR THAL BAR 'GYUR RO, ,CHOS CAN DANG MA 'BREL DU ZIN KYANG THAMS CAD LA RTOGS PA SKYE STE NYE BA LA BSKAL BA MED PA'I PHYIR RO, ,DE LTAR GYUR PA TSUL GSUM PA'I RTAGS KHO NA LAS YIN PA'I PHYIR LKOG TU GYUR PA'I DON THAMS CAD RTOGS PA NI TSUL GSUM PA'I RTAGS LAS SKYES PA NYID RJES SU DPAG PA LAS THA DAD PA NI MA YIN NO ZHES BYA'O, ,DON 'DI YANG PHYOGS CHOS DE CHAS KHYAB PA NI, GTAN TSIGS SU'I ZHE NA, LKOG TU GYUR PA'I DON RTOGS PA YIN NO ZHES RANG @183B BZHIN 'BREL BA BSHAD DO, ,PHYOGS KYI CHOS NYID DANG DE'I CHAS KHYAB PA NYID LKOG TU GYUR BA'I DON RTOGS PA'I GTAN TSIGS SO ZHES NGES PAR GZUNG BA'I PHYIR RO, ,DON SMOS PA NI LKOG TU GYUR PA'I DON RTOGS SO ZHES BYA BA RJES SU DPAG PA YANG RANG GI MTSAN NYID KYI YUL CAN GYI TSAD MAR BSTAN TE; DON BYED PAR NUS PA NI DON YIN TE, RANG GI MTSAN NYID KHO NA'I BDAG NYID DO, ,DE NYID KYI PHYIR DNGOS PO LA BRTEN NAS TSAD MA RNAM PAR GZHAG PA NI YIN NO ZHES 'CHAD PAR 'GYUR RO, ,GZHAN DU NA DON BYED PA DON DU GNYER BA RJES SU DPAG PA LAS 'JUG PAR MI 'GYUR RO, ,SPYI'I DNGOS PO YANG SHES PA TZAM GYI MTSAN NYID YIN PA'I PHYIR, DE'I DON BYED PA YIN TE, DE YANG DE LAS SKYE BA KHO NAR GRUB PA'I PHYIR RO, ,RIGS NI BTZO BA DANG BSREG PA LA SOGS PA LA NYE BAR MKHO BA MED DE, ,RANG GI MTSAN NYID KHO NA DE LA NYE BAR MKHO BA'I PHYIR RO, ,GAL TE DE DANG 'BREL BAR DE LA 'JUG PAR 'GYUR RO ZHE NA, MA YIN TE RTAG PA LA PHAN GDAGS PAR BYA BA 'GA' ZHIG DANG 'BREL PA MED PA'I PHYIR RO, ,'BREL PA YOD DU ZIN KYANG, JI LTAR GZHAN RTOGS PA NA GZHAN LA 'JUG PA YIN NA HA CANG THAL BAR 'GYUR RO, ,GAL TE 'DU BA NA PHYE BA NYID KYIS THA DAD PAR MI NGES PAS DE NGES PA LA 'KHRUL PAS DE LA 'JUG PAR 'GYUR RO ZHE NA, DE LTA NA 'ON TE 'KHRUL PA KHO NA YIN PA BLA'I BAR DU LHAG PA'I SPYIS CI ZHIG BYA, GAL TE 'KHRUL PA LAS SA BON MED PA MI RIGS PA'I PHYIR RO ZHE NA, DE KHO NA GSAL BAS 'BRAS BU GCIG PA DE CIS NA SA BON MA YIN, KHA DOG DANG DBYIBS KYI RNAM PA MTSUNGS PA LAS SPYIR SHES PA YIN NO, ,SPYI YANG DE'I NGO BO MA YIN TE, ,DE JI LTAR 'KHRUL PA'I SA BON YIN, GZHAN DAG NI 'DRA BA'I RGYU MTSAN LAS 'KHRUL PAR 'DOD PA DE SPYI SHES PA NI GSAL BA KHO NA RIGS MI MTHUN PA LAS LDOG PA RNAM PA 'DRA BA DE DANG, DE KHO NA 'KHRUL PA'I RGYU MTSAN YIN TE, DE MA YIN PA LAS LDOG PA DE'I RANG BZHIN YIN PA'I PHYIR SPYI DNGOS POR GYUR PA DANG 'BREL PA MED PAS DE RNAMS LA YOD PAR MI RUNG BA'I PHYIR RO, ,GANG YANG GSAL BA'I BDAG NYID KHO NA LA SPYIR BTAGS TE, ,DE RANG GI MTSAN NYID KYI YUL CAN GYI RJES SU DPAG PAR KHAS BLANGS PAR 'GYUR RO, ,RANG GI @184A *, ,MTSAN NYID KYI SPYI YIN NA RJES SU DPAG PA LA JI LTAR SO SOR SNANG BA YIN ZHES BSAM PAR BYA STE, GSAL BA'I DNGOS PO SPYI LAS GZHAN PA'I NGO BO'I SPYI MI 'DOD PAS BYE BRAG PA'I LTA BA KHAS LEN PAR THAL BAR 'GYUR RO, ,DE LA YANG SNGAR BSHAD PA'I SKYON GYIS LKOG TU GYUR PA RANG GI NGO BOS RTOGS PAR MI NUS PAS RTAGS LA BRTEN PAS MNGON SUM LAS RJES SU DPAG PA LOGS SHIG TU BSHAD DE, DE NYID KYANG RANG GI MTSAN NYID DE MA YIN PA LAS LDOG PA LA SPYI'I MTSAN NYID DU BSHAD ZIN TO, ,'DIS MTSON PAR BYED PAS NA MTSAN NYID NI ZHES SPYI'I MTSAN NYID DU BYAS PA DES NA RJES SU DPAG PA'I MTSAN NYID YUL YIN PA LA 'GAL BA MED PA'I PHYIR RGYA CHER MI BSHAD DO, ,MDOR BSDUS NAS ZHES BYA BA NI ZLOS PAR DOGS PA BSAL BA YIN TE, RGYA CHER NI RNAM 'GREL LA SOGS PAR BSHAD PA'I PHYIR RO, ,RTAGS KYI MTSAN NYID RJES SU DPAG PA BSTAN PA NI, RANG GI NGO BO DANG, RAB TU DBYE BA DANG, TSAD MA DANG, DE NGES PA'O, ,DE LA PHYOGS CHOS DE'I CHAS KHYAB PA NI, GTAN TSIGS ZHES BYA BAS NI RANG GI NGO BO BSTAN TO, ,DE NI RNAM GSUM NYID CES BYA BAS RAB TU DBYE BA'O, ,MED NA MI 'BYUNG ZHES BYA BA LA SOGS PAS NI RAB TU DBYE BA NGES PAR BYED PA'I TSAD MA NYE BAR BKOD DO; ,RNAM GSUM GYI RAB TU DBYE BA YANG RTAGS GSUM PO RNAMS KYI NGO BO DANG RE RE'I NGO BO NGES PAR BYED PA'I TSAD MA 'JUG PA BSHAD PAR BYA'O, ,DE LA PHYOGS KYI CHOS NI PHYOGS KYI CHA'I CHOS KYIS KHYAB PA MED NA MI 'BYUNG BA YIN NO ZHES MTSAN NYID BSTAN TO, ,GTAN TSIGS ZHES BYA BAS NI MTSAN GZHI BSTAN TO, ,GTAN TSIGS DE NI RNAM GSUM NYID, ,CES BYA BAS DBYE BA BRJOD DO, ,'ON TE GTAN TSIGS GZHAN MED PAR NGES PAR GYUR NA RNAM PA GSUM KHO NA ZHES BYA BA RIGS KYI 'GRAN ZLA MED PAR NGES PAS YOD PA RNAMS LA NGES PAR GZUNG BA DANG BCAS PAR GTAN LA DBAB PO, ,DE SMRAS PA, GANG PHYIR 'DI KHO NA YIN ZHES, ,'DI YOD PAR NI GTAN LA 'BEBS, ,DNGOS GZHAN MED PAR RIGS PA CI, ,RJES 'GRO MED NA 'DI MA YIN, ,ZHE'O, GTAN TSIGS MED PAR NI MNGON SUM GYIS MI RTOGS TE, ,DE YUL MED PA DANG 'GAL BA'I PHYIR RO, ,DE LTA NA DNGOS PO MED PA NI DNGOS PO'I BDAG NYID KYI @184B CHA'I MED PA'I MTSAN NYID YIN NA DE'I DBANG PO DANG NYE BA MED PA'I PHYIR MNGON SUM GYI YUL YIN PAR 'GAL LO, ,GANG YANG, RE ZHIG DBANG POS 'DI MED CES, ,BLO NI SKYED PAR BYED PA YIN, ,DNGOS PO'I CHA DANG 'BREL NYID KYI, ,DBANG PO RUNG BA YIN PHYIR RO, ,ZHES BYA BA SMOS SO, YANG NA NUS PA THAMS CAD KYIS STONG BA'I MTSAN NYID DE YANG DON GYI NUS PA LA LTOS PA'I MNGON SUM GYI YUL DU 'GAL BA'I PHYIR RO, ,RJES SU DPAG PAS KYANG GTAN TSIGS GZHAN MED PA MI RTOGS TE, ,DE NI RTAGS RNAM PA GSUM LA BRTEN PA KHO NAR BSHAD PAS SO, ,RNAM GSUM NYID CES BYA BA DA NI BSHAD PAR BYA STE, ,DE LA 'BRAS BU DANG RANG BZHIN DAG NI SGRUB PA SGRUB PAR BYED PA'I PHYIR DGAG PA MI BYED LA MI DMIGS PA LAS KYANG GTAN TSIGS GZHAN MED PAR NGES PA MA YIN NO, ,GANG GI PHYIR DE NI RNAM PA BZHIR GNAS TE, ,RANG BZHIN DANG 'BRAS BU DANG KHYAB PAR BYED PA MI DMIGS PA DANG 'GAL BA DMIGS PA SGRUB PA STE DE LA MTSUNGS PAR RUNG BA'I NGO BO SHES PA GCIG LA 'DRE BA RANG BZHIN MI DMIGS PA NI GZHAN GYI NGO BO MI DMIGS PAS MED PA'I THA SNYAD KYI GTAN TSIGS SU 'DOD PA DANG, GTAN TSIGS GZHAN GTAN MED PAR KHAS BLANGS PAS RJES SU BSTAN PA'I NGO BO MA YIN NO, ,GAL TE ZHIG NA YUL LA SOGS PA KHO NA LA 'GOG NA NI 'DIR 'GYUR GYI GTAN MED PA NI MA YIN TE, RGYU DANG KHYAB PAR BYED PA MI DMIGS PA DAG KYANG 'BRAS BU KHYAB PAR BYA BA MED PA'I GTAN TSIGS KYI DNGOS PO YIN NA GTAN TSIGS GZHAN NI GTAN MED PAR KHAS BLANGS PA LA RNAM PA 'DI LTA BU MI SRID DO, ,DE JI LTAR DE DAG GIS DE MED PAR GO BAR 'GYUR, 'GAL BA YANG RGYU MA TSANG BA MED PAR 'BYUNG BA GZHAN YOD NA MED PAR GO BAR BYA BA YIN PA'I PHYIR 'GAL BA DMIGS PA YANG MI SRID DO, ,SRID PA YANG 'BRAS BU MI DMIGS PA LA SOGS PA RNAMS JI LTAR GTAN TSIGS 'GOG PAR BYED PA YIN ZHES DOGS PA LA, GTAN TSIGS LTAR SNANG DE LAS GZHAN, ,CES BYA BA SMOS TE, DES NA GANG GI PHYIR GTAN TSIGS RNAM PA GSUM LAS GZHAN PA'I GTAN TSIGS LTAR SNANG BA YIN PA DE'I PHYIR, DE NI RNAM GSUM NYID CES DE LTAR DGONGS SO, ,'DIR NI GANG DANG GANG NGES PA DE DANG DE LAS BZLOG PA LA MI MTHUN PA'I @185A *, ,PHYOGS KYIS KHYAB PA DE'I NGES PA GRUB PA YIN TE, DPER NA GANG YOD PA DE SKAD CIG MA KHO NA'O ZHES PAS YOD PA SKAD CIG MA RNAMS LA NGES PAR BRJOD PAS YOD PA LAS BZLOG PA MED PAS SKAD CIG MA'I MI MTHUN PA'I PHYOGS SKAD CIG MA MA YIN PA LA KHYAB PA GRUB PA DE BZHIN DU 'DIR YANG GTAN TSIGS RNAM PA GSUM DU NGES PAS GTAN TSIGS LAS BZLOG PA'I GTAN TSIGS LTAR SNANG BA LA GRANGS GSUM LAS PHYI ROL DU GYUR PA'I DON GYIS KHYAB PAS GRANGS GSUM KHO NAR NGES PA YIN NO, ,DES NA GTAN TSIGS RNAM PA GSUM PO LAS THA DAD PA'I DON RNAMS KYIS GTAN TSIGS LTAR SNANG BA BSTAN TO, ,DES NA RANG BZHIN 'GAL BA DMIGS PA DANG 'BRAS BU DANG RANG BZHIN DANG MI DMIGS PA LAS THA DAD PA'I DON RNAMS NI GTAN TSIGS MA YIN PAR NGES PA'I PHYIR RO, ,GTAN TSIGS DANG DER SNANG BA DAG PHAN TSUN SPANGS TE GNAS PA'I MTSAN NYID DE NYID GTAN TSIGS SU RTOG PA'I DUS KHO NAR 'GAL BAR RTOGS TE, DE'I BDAG NYID DU DE NGES PAR SNANG PA'I SHES PA NYID DE LAS BZLOG PA GZHAN PA DE SNANG BAR RTOGS PA NI PHAN TSUN GCIG LA GCIG MED PAR NGES PA'I PHYIR RO, ,DE LA GTAN TSIGS RNAM PA GSUM LAS BZLOG PA'I DON RNAMS LA GTAN TSIGS LTAR SNANG BA NYE BAR DMIGS PAS RANG NYID DANG 'GAL BA'I GTAN TSIGS GSAL BA DE YANG GTAN TSIGS GSUM LAS PHYI ROL DU GYUR PA'I DON NI GTAN TSIGS MED PAR KHAS MA BLANGS SO, ,'ON KYANG DE RNAMS LA GTAN TSIGS DGAG PA NI GTAN TSIGS SU RMONGS PA 'BA' ZHIG GIS GZHAN LA GRAGS PA DE NYID DE LA SGRO 'DOGS PA 'AM THE TSOM ZA BA DE 'GAL BA DMIGS PAS BSAL TO, ,GTAN MED NA JI LTAR 'GAL BA YIN ZHES DE JI STE BRJOD, LHAN CIG MI GNAS PA'I MTSAN NYID KYI 'GAL BA MED NA GANG GIS NA DE'I RIGS PAS THAMS CAD LA NYE BAR BRJOD DAM, GANG DANG GANG 'GOG PA DE DANG DE LA 'GAL BAR RTOGS PA MA YIN NA GANG GIS JI LTAR MED PA 'GA' ZHIG DANG 'GAL BAR RTOGS ZHES RTZOD PA YIN TE, 'DI NA GRANG BA'I REG PA MED DE ME YOD DO ZHES BYA BA BSGRUB PAR BYA BA'I CHOS CAN KHO NA LA GRANG BA'I REG PA DANG ME 'GAL BAR MI 'BYUNG LA, JI LTAR RTOGS PA NYID 'DI GZHAN LA 'GAL BAR RTOGS PA'I @185B MES BSGRUB PAR BYA BA'I CHOS CAN LA 'GOG PA DE BZHIN DU GTAN TSIGS LTAR SNANG BA NYE BAR DMIGS PAS GTAN TSIGS RNAM PA GSUM LAS PHYI ROL DU GYUR PA'I DON RNAMS LA BKAG PA YIN NA, THAMS CAD LA GTAN MED PA YANG MTSAN NYID KYI 'GAL BAR RTOGS TE, DPER NA SKAD CIG MA BZHIN DU SKAD CIG MA MA YIN PA DE NI DNGOS PO 'GA' ZHIG LA YANG MI SRID PA'I PHYIR RO, ,DE BZHIN DU YOD PA DANG MED PA YANG NGO, ,NUS PA THAMS CAD DANG BRAL BA'I MTSAN NYID YIN PA'I PHYIR BLO GROS NGAN PA'I 'DOD PA DE RNAMS LA SHIN TU GRUB PAS CHOG GO, ,GTAN TSIGS RNAM PA GSUM KHO NAR NGES PAS DE LAS BZLOG PA LA DE'I MI MTHUN PA'I PHYOGS KYIS KHYAB PAR GYUR PA 'DI GNAS PA YIN TE, ,DE LA NGES PAR GYUR PA YIN NO ZHES DGOS PA DANG LDAN PAS BZLOG PA LA KHYAB PA BSTAN PA'I PHYIR GTAN TSIGS LTAR SNANG DE LAS GZHAN ZHES BYA BA 'DI GSUNGS SO, ,DE LTAR GYUR NA DE NI SKAD CIG MA'I MI MTHUN PA'I PHYOGS LA YOD PA LAS BZLOG PAS KHYAB PA LA GNOD PAR BYED PA'I TSAD MAS NGES KYI, ,'DIR NI GSUM GYI GRANGS LAS PHYI ROL DU GYUR PA'I DON RNAMS LA GTAN TSIGS LTAR SNANG BAS KHYAB PA LA TSAD MAS GANG ZHIG GIS NGES SHE NA, ,MED NA MI 'BYUNG NGES PHYIR RO, ,ZHES BYA BA GSUNGS SO; ,GTAN TSIGS RNAM PA GSUM LAS THA DAD PA'I RTAGS KHAS LEN PA'AM, THE TSOM ZA BA NYID LA DNGOS PO LA PHYOGS KYI CHOS NYID YOD DU ZIN KYANG MED NA MI 'BYUNG BA MED DO ZHES BYA BA'I DON TO, ,DE LTAR YANG 'CHAD PAR 'GYUR TE DE NI GTAN TSIGS RNAM PA GSUM LAS GZHAN YOD PA MA YIN NO ZHES NGES PAR BRJOD PA'I PHYIR RO, ,MED NA MI 'BYUNG BA MA TSANG NA GTAN TSIGS LTAR SNANG BA MA GRUB PA DANG 'GAL BA DANG MA NGES PA CHOS MTSUNGS PAS KHYAB PA'I GZHAL BYA NYID LA SOGS PAR NGES PA BZHIN DU GTAN TSIGS LTAR SNANG BA NI BSGRUB PAR BYA'O, ,MED NA MI 'BYUNG BA MA TSANG LAS ZHES BYA BAS RANG BZHIN GYI GTAN TSIGS SO, ,MED NA MI 'BYUNG BA MA TSANG BA YANG GTAN TSIGS RNAM PA GSUM LA THA DAD PA YIN PA'I PHYIR DE LAS GZHAN PA'I DON RNAMS KHYAB PAR BYED PA MI DMIGS PAS DE GRUB PA YIN TE, ,DE LTAR DE'I BDAG NYID DANG DE LAS BYUNG BA DAG GIS MED NA MI 'BYUNG BA LA KHYAB BO, ,DE @186A *, ,DAG DE LA GDON MI ZA BAR YOD LA DE YANG DE DAG KHO NA LA YOD DE DE'I RANG BZHIN MA YIN PA DANG DE LAS BYUNG BA MA YIN PA NI DE LA RAG LAS PA MED PAS DE LA MI 'KHRUL PAR NGES PA MED PA'I PHYIR RO, ,RGYU DANG 'BRAS BU'I DNGOS PO 'AM, ,RANG BZHIN NGES PAR BYED PA LAS, ,MED NA MI 'BYUNG NGES PA STE, ,MA MTHONG LAS MIN MTHONG LAS MIN, ,GZHAN DU GZHAN NI GZHAN DAG DANG, ,NGES PAR YOD PA'I NGES PA GANG, ,DON GZHAN RGYU MTSAN CAN GYI CHOS, ,YIN NA GOS LA TSON BZHIN NO, ,ZHES GSUNGS SO, ,GZUGS LA SOGS PA YANG RO LA SOGS PA MED NA MI 'BYUNG BA RANG GI NGO BO NI MA YIN LA 'ON KYANG RANG GI RGYU LA MI 'KHRUL BA'I SGO NAS DE'I RGYU LAS BYUNG BA KHO NA MED NA MI 'GYUR BA'I RGYU MTSAN YIN NO ZHES BYA BA'I, GZHAN DU NA DE'I BDAG NYID MA YIN PA DANG, ,DE LA RAG LAS PA 'AM RGYU LA RAG LAS PA DE MED NA MI 'BYUNG BAR BRTAGS NA NI THAMS CAD KYI DON ME MED NA MI 'BYUNG BAR 'GYUR TE, KHYAD PAR MED PA'I PHYIR RO, ,GAL TE DON GCIG TU 'DU BA'I RGYU MTSAN GZUGS DANG RO LA SOGS PA MED NA MI 'BYUNG BA YIN NO ZHE NA, 'ON TE 'DU BA YANG BRTEN PA DANG RTEN DU GYUR PAR NYE BAR BRJOD DE, DE YANG RTEN DANG BRTEN PA'I DNGOS PO'I BDAG NYID YIN NA PHAN 'DOGS PA MED PAR HA CANG THAL BAR 'GYUR BAS MI 'GRUB PO, ,TSOGS PA GCIG LA RAG LAS PA KHO NA LA DON GCIG TU 'DU BA YIN TE, JI LTAR 'DU BA'AM GZHAN PA'I 'BREL PA MI SRID PA DE LTAR 'BREL BA BRTAG PAR BSTAN BCOS MDZAD PAS RGYAS PAR BSTAN PAS DE NYID DU NGES PAR BYA'O, ,GAL TE DES DE RGYU'AM BSKYED PAR BYA BA DANG, SKYED PAR BYED PA'I DNGOS PO 'AM DE'I BDAG NYID DU ZIN KYANG DES NA MI 'BYUNG BA LAS GZHAN MA YIN NO ZHES 'DIR DNGOS PO'I RANG BZHIN GYI LAN BRJOD DE, GANG 'DI LTAR GYUR PA NI KHO BO 'BA' ZHIG MA YIN GYI KHYOD KYIS KYANG MTHONG NGO ZHE NA, DE LTA NA SLO BUR BDE DNGOS PO RNAMS KYI RANG BZHIN YIN NO ZHES BYA BAR 'GA' BA ZHIG MI 'GYUR BA MA YIN NA, GTAN TSIGS YUL DANG DUS DANG RDZAS NGES PAR MI RUNG NGO, ,DE CUNG ZAD GCIG LA LAR 'JIG PA 'AM MA YIN PA DANG GANG GANG LA CUNG ZAD CIG RAG LAS PA'AM RAG LAS PA MED PA DE LTA MA YIN NA KHYAD PAR MED PA'I PHYIR @186B 'DOD PA'I YUL DANG DUS RDZAS BZHIN DU YUL LA SOGS PA GZHAN NA YOD PA LA GANG GIS NA BSAL PAR NUS, DE'I PHYIR GANG GANG ZHIG LAS MED KYANG 'BYUNG BAR MTHONG BA DE DANG DE NI 'KHRUL PA'I RGYU YIN PA DE KHO NA NYID SEMS PAS 'DI BRJOD KYI, RKANG PA BRKYANG BA'I DMIGS PA NI MA YIN NO, ,DE YANG MI 'KHRUL PA'I RGYU JI LTAR BSHAD PA LAS GZHAN DU RJES SU SBYOR NA NI DE MA TSANG BAS GTAN TSIGS KYI MTSAN NYID LA BRTEN PA MA YIN NO SNYAM NA, DE SKAD DU YANG, LDAN PA LA SOGS PA GANG RNAMS LA, ,'BREL PA DE 'DRA YOD MIN NA, ,DE NI GTAN TSIGS MIN ZHES BSHAD, ,'KHRUL PA SRID PA NYID KYI PHYIR, ,ZHES GSUNGS SO, ,'DIR SBYOR BA NI GANG DANG GANG DE'I BDAG NYID DANG DE LAS BYUNG BA MED PA DE DANG DE NI MED NA MI 'BYUNG BA MA YIN TE, DPER NA GZHAL BYA LA SOGS PAS MI RTAG PA BZHIN NO, ,RANG BZHIN DANG 'BRAS BU DANG MI DMIGS PA LAS THA DAD PA'I DON DE RNAMS KYANG 'GA' ZHIG TU DE'I BDAG NYID DANG DE LAS BYUNG BA MED PAS ZHES BYA BA NI KHYAB PAR BYED PA MI DMIGS PA'O, ,RANG BZHIN MI DMIGS PA NI RANG BZHIN GYI GTAN TSIGS KYI NANG DU 'DUS PA'I PHYIR 'DI NI DE'I BDAG NYID KYI MTSAN NYID KYI 'BREL PA KHO NA'O, ,KHYAB PAR BYED PA DANG, RGYU MI DMIGS PA YANG DE'I BDAG NYID DANG DE LAS BYUNG BA'I MTSAN NYID KYI 'BREL PA KHO NAS KHYAB PAR BYA BA DANG 'BRAS BU LDOG PA SGRUB PAR BYED DO, ,DE SKAD DU YANG, DE'I PHYIR DE TZAM DANG 'BREL BA, ,NGO BO NYID KYIS NGO BO NYID, ,LDOG PAR 'GYUR BA'AM RGYU YIS NI, ,'BRAS BU 'KHRUL PA MED PA YIN, ,ZHES GSUNGS SO, ,DE LTAR DES GTAN TSIGS KYI MTSAN NYID DANG GRANGS NGES PA DANG, DE'I 'THAD PA ZHES BYA BA DON RNAM PA GSUM TSIGS SU BCAD PA 'DIR RGYAS PAR BSHAD DO, ,YANG NA RNAM GSUM NYID CES BYA BA NI PHYOGS KYI CHOS DE RNAM PA GSUM STE, RANG BZHIN DANG, 'BRAS BU DANG MI DMIGS PAR BSHAD PA NI DE'I CHAS KHYAB PA LAS GZHAN MA YIN TE, DE YANG DE'I CHAS KHYAB PA RNAM PA GSUM YIN NO ZHES BYA BAR 'BREL TO, ,CI'I PHYIR ZHE NA, MED NA MI 'BYUNG BAR NGES PA'I PHYIR RO, ,MED NA MI 'BYUNG BA LA KHYAB PA'I PHYOGS KYI CHOS RNAM PA GSUM KHO NA DANG, PHYOGS KYI CHOS NGES PA RNAM PA GSUM STE, MED NA MI 'BYUNG BAR @187A *, ,NGES PA'I PHYOGS KYI CHOS NGES PAR RANG BZHIN DANG 'BRAS BU DANG MI DMIGS PA'I BDAG NYID PHYOGS KYI CHOS THA DAD PA RNAM PA GSUM MO, ,DE'I CHAS KHYAB PA MA YIN PA NI GTAN TSIGS MA YIN TE 'BRAS BU DANG, RANG BZHIN DANG MI DMIGS PA'I BDAG NYID RNAM PA GSUM LA PHYOGS CHOS DE'I CHAS KHYAB PA KHO NA YIN PA'I PHYIR DE NI GTAN TSIGS MED PA MA YIN NO ZHES BSHAD ZIN TO, ,DE'I PHYIR GTAN TSIGS RNAM PA GSUM LAS PHYI ROL TU 'GYUR BA LA MED NA MI 'BYUNG BA MED PA'I PHYIR GTAN TSIGS KYI THA SNYAD DU BYED PA GTAN TSIGS RNAM PA GSUM LA MED NA MI 'BYUNG BA GDON MI ZA BAR YOD PAS DE GTAN TSIGS MA YIN PAR BRJOD PA BSAL BA YIN NO, ,DE LTA NA YANG DE NI GTAN TSIGS LTAR SNANG BA YANG MTSAN NYID 'DI BRJOD NA, DE LA SLOB MA RNAMS GTAN TSIGS KYI THA SNYAD LDOG PAR 'GYUR RO SNYAM NAS, GTAN TSIGS LTAR SNANG DE LAS GZHAN, ZHES BYA BA SMOS SO, ,DE BAS NA PHYOGS CHOS DE'I CHAS KHYAB PA NI ZHES BYA BA GTAN TSIGS KYI MTSAN NYID LA GZHAN PA DE DAG NI MTSAN NYID MA TSANG BA'O, ,GTAN TSIGS LTAR SNANG BA GI BAR 'GYUR RO SNYAM NAS DE'I MTSAN NYID MA BRJOD DO, ,'DI LTAR PHYOGS CHOS ZHES BRJOD PAS GANG LA PHYOGS CHOS MED DE GTAN TSIGS MA YIN NO, ,DE'I CHAS KHYAB PA ZHES BYA BA BRJOD PAS GANG LA DE'I CHAS KHYAB PA DANG BRAL BA'I KHYAB PAR BYA BA DANG KHYAB PAR BYED PA PHYIN CI LOG PA'O, ,DE LA YOD PA DANG MED PA DE'I GTAN TSIGS KYI TSUL MA TSANG BA NI MA GRUB PA'AM GAL BA 'AM MA NGES PA'I GTAN TSIGS LTAR SNANG BAR GO BAR BYA'O, ,'DI LTAR MTSAN NYID GANG GI DON GANG YIN SLOB MA LA BSTAN PAS DE'I MTSAN NYID DANG BRAL BA LA DE'I THA DAD RNAM LA RANG NYID 'JUG PAR MI 'GYUR RO, ,DE MA YIN PA'I NGO BO YONGS SU SPANGS NAS DE'I NGO BO RTOGS PA'I PHYIR DE NI 'BAD PA MED PA'I 'BRAS BU DANG LDAN PA YIN NO, , GZHAN DU GTAN TSIGS LTAR SNANG BA BSTAN PA GANG YIN PA DE BLO DMAN PA'I DBANG DU BYAS PA'O, ,RAB TU BYED PA 'DI NI BLO RGYA CHE BA RNAMS LA BSTAN NA MDZES TE MDOR BSDUS NAS BRJOD PA'I PHYIR RO, ,DE NYID NI MDOR BSDUS NAS JI LTA BAR BSHAD PA BZHIN DU RTOGS PAR NUS PAS BLO DMAN PA DAG NI @187B MA YIN TE, DE DAG NI RGYAS PAR BRJOD PA LAS GZHAN PA JI LTA BA BZHIN DU DON RTOGS PA MED PA'I PHYIR RO, ,DE NYID KYI PHYIR NA DON GYIS 'PHANGS PA'I NYE BAR BKOD PA SNGA MA KHO NA BZHIN DU GTAN TSIGS LTAR SNANG BA'I MTSAN NYID DANG DE LA NYE BAR BRJOD DO, ,DE NI 'DIR GTAN TSIGS KYI MTSAN NYID DANG GRANGS NGES PA DANG DE NI GTAN TSIGS RNAM PA GSUM DU NGES PAS BZUNG BAR BSHAD DO, ,DE NI GNYI GA'I RGYU YIN PA'I PHYIR GNYI GA DANG 'BREL BAR BSHAD PA DANG GTAN TSIGS LTAR SNANG BA'I MTSAN NYID SHUGS KYIS BSHAD PAS, RJOD PAR BYED PA'I RGYU MTSAN MA YIN NO SNYAM NAS TSIGS SU BCAD PA'I DON RNAM PA DRUG TU RGYAS PAR BSHAD DO, ,GZHAN YANG 'DI DAG KYANG LEGS PAR MTHONG STE, RNAM GSUM NYID CES BYA BA NI, RANG BZHIN DANG, 'BRAS BU DANG, MI DMIGS PA THA DAD PA GTAN TSIGS DE NI THA DAD PA'O, ,DE BZHIN DU RNAM GSUM NYID NI PHYOGS KYI CHOS DANG RJES SU 'GRO BA DANG LDOG PA'I NGO BO THA DAD PA RNAM PA GSUM NI TSUL GSUM KHO NA'O, ,DE'I CHAS KHYAB CES BRJOD PAS RJES SU 'GRO BA DANG LDOG PA DAG BRJOD DO, ,GNOD PA MED PA'I YUL CAN LA SOGS PA'I TSUL GZHAN RUNG BA YIN DU ZIN KYANG DE NI GTAN TSIG MA YIN NO, ,GANG LAS SHE NA, GANG GI PHYIR GTAN TSIGS LTAR SNANG BA RANG BZHIN LA SOGS PA RNAM PA GSUM PO DE LAS SAM PHYOGS KYI CHOS LA SOGS PA TSUL GSUM PO DANG 'BREL PA LAS GZHAN NI YANG DAG PAR LDAN PA LA SOGS PA GZHAN DANG GNOD PA MED PA'I YUL CAN LA SOGS PA LAS THA DAD PA'I TSUL DANG LDAN PA KHO NA'O, ,CI'I PHYIR ZHE NA; MED NA MI 'BYUNG BA RNAM PA GSUM YIN, RNAM PA GSUM KHO NA DANG TSUL GSUM PO KHO NA'I GTAN TSIGS NGES PA GZHAN LA RANG BZHIN LA SOGS PA LAS THA DAD PA DANG TSUL GZHAN LA RUNG BA MED DO ZHES BYA BA'I DON TO, ,RANG BZHIN LA SOGS PA LAS THA DAD PA'I 'BREL PA'I RGYU MTSAN MED NA MI 'BYUNG BA MI SRID PA DE BZHIN DU TSUL GZHAN YANG MED DO, ,JI LTAR MED NA MI 'BYUNG BA'I TSUL GZHAN YANG SRID PA KHO NA YIN NO ZHES BYA BA DE LTAR MTSAN NYID RNAM PA DRUG LA SOGS PA'I SKABS SU PHYOGS KYI CHOS ZHES BYA BA 'DIR GTAN TSIGS KYI MTSAN NYID KYI DBANG DU BYAS PA'O, ,GAL TE PHYOGS @188A *, ,SPYI YIN PAR NYE BAR BZUNG NA NI GANG RJES SU DPAG PA'I YUL THAMS CAD LA GTAN TSIGS MA GRUB PAR 'GYUR BA'AM, GRUB NA NI RJES SU DPAG PA DON MED PA YIN NO ZHE NA, PHYOGS NI CHOS CAN NO ZHES BYA BA SMOS SO, ,GAL TE SPYI'I TSIG YIN NA JI LTAR PHYOGS KYI SGRA CHOS TZAM LA 'JUG PA YIN ZHE NA, YAN LAG LA SPYIR NYE BAR BTAGS PA'I PHYIR RO, ,PHYOGS KYI SGRA NI CHOS DANG, CHOS CAN YAN LAG GNYI GA'I SPYI YIN TE DE NI 'DIR CHOS CAN TZAM LA SPYIR NYE BAR BTAGS NAS PHYOGS KYI SGRA 'JUG PA'I PHYIR RO, ,DE'I PHYOGS GCIG TU GYUR PA'I RGYU MTSAN GYIS SPYIR NYE BAR BTAGS PA'I PHYIR, BSGRUB PAR BYA BA'I CHOS CAN LAS GZHAN PA DE THAL BAR MI 'GYUR RO, ,DE SKAD DU, SPYI DON BSGRUB BYA NYID YIN PAS, ,CHOS TZAM YANG NA CHOS CAN LA, ,GTZO BO MIN YANG NYE BAR BTAGS, ,BSGRUB BYA'I PHYOGS GCIG YIN PA'I PHYIR RO, ,ZHES GSUNGS TE, DE 'DIR SLOB DPON GYIS BSHAD PA LA, DBANG PHYUG SDE SPONG BA'I LAN BTAB PAR 'DOD PAS PHYOGS SNGA MA NI, GAL TE DGOS PA MED PA'I PHYIR, ,ZHES BYA BA LA SOGS PA SMOS TE, DGOS PA MED NA DNGOS KYI SGRA'I DON KHYAD DU GSAD PAR MI 'DOD PA'I PHYIR DGOS PA MED PAS NYE BAR GDAGS PAR MI RIGS SO, ,DE'I PHYIR CHOS CAN GYI CHOS YIN BA BLO'I SNYAM DU GZHAN SEMS NA, DGOS PA MED PA MA YIN TE, GANG LAS SHE NA THAMS CAD NI RTZOD PA'I GZHI 'AM GZHAN PA'I CHOS CAN NO, ,DE'I CHOS DE DGAG PA'I DON DU NYE BAR BTAGS PA'I DGOS PA DE YANG YOD PA DE'I PHYIR NYE BAR BTAGS PA NI CHOS CAN THAMS CAD KYI CHOS DGAG PA'I PHYIR ZHES BYA BA DGOS PA MED PA MA YIN PAS GTAN TSIGS MA GRUB PA YIN NO, ,GAL TE DE LTAR YON TAN CI ZHIG TU 'GYUR ZHE NA, DE LTA NA MIG GIS GZUNG BAR BYA BA YIN NA PA'I PHYIR ZHES BYA BA LA SOGS PA SMOS TE, KHVA'I NAG PO ZHES BYA BA LA SOGS PA SMOS PA NI GZHI THA DAD PAS MA GRUB PA YIN, YONGS SU SPANGS PA NI GTAN TSIGS KYIS BSAL BA YIN NO, ,CHOS CAN GYI CHOS ZHES THUNG MONG DU BRJOD PA DE DAG GIS KYANG DE GTAN TSIGS SU 'GYUR BAS CHOS CAN SMOS PAS KYANG DE GRUB PAS NYE BAR BTAGS SU MED DO, ,DE'I PHYIR NYE BAR @188B BTAGS PA KHO NA DON MED DO SNYAM NAS GZHAN GYIS, CHOS BRJOD PAS KYANG ZHES BYA BA SMOS TE, CHOS CAN 'BA' ZHIG BRJOD PA NI MA YIN TE, CHOS CAN YIN PAR GZHI LTAR GRUB STE GZHI CHOS CAN YIN PAS GZHI SMOS PA DE GRUB PA DE LAS YIN NO, ,GAL TE YANG CHOS NI CHOS GZHAN LA BRTEN PA'I RGYU MTSAN CI ZHIG YIN CE NA, CHOS NI GZHAN LA BRTEN PA YIN PAS ZHES BYA BA SMOS TE, GZHAN GYI DBANG YIN PA'I PHYIR GDON MI ZA BAR 'DIS CHOS CAN 'PHANGS PA YIN NO, ,DE'I PHYIR CHOS CAN LHAG PAR BRJOD PAS BSGRUB PA BYA BA'I CHOS CAN KHO NA BYE BRAG TU BSTAN PAS GANG YANG RUNG BA NI MA YIN NO; ,CHOS CAN SMOS PAS MNGON PAR 'DOD PA'I KHYAD PAR CAN GYI CHOS CAN 'BA' ZHIG RTOGS PA DE YANG BSGRUB PAR BYA BA'I CHOS CAN YIN NO SNYAM DU 'DOD PAS GA LAS SHE NA, NYE BA YIN PA'I PHYIR ZHES BYA BA'I GRAGS PA SMOS TE, NYE BA YANG CHOS CAN BRJOD PAS MNGON PAR 'DOD PA KHO NAR RIG PAR BYA'O, ,CHOS CAN BRJOD PA YANG CHOS CAN TZAM 'PHANGS PA KHYAB PA'I RIGS PA YIN NA NI, CHOS CAN BRJOD PA DON MED PA'I PHYIR RO, ,NYE BAR GYUR PA 'DI BSGRUB PA BYA BA'I CHOS CAN YIN TE, DE LA THOG MAR GTAN TSIGS BSTAN PA'I PHYIR RO, ,GAL TE BSGRUB PAR BYA BA'I CHOS CAN NYE BAR BRJOD PA MA YIN NO, ,GA LAS SHE NA, DPE'I CHOS CAN YANG YIN TE BSGRUB PAR BYA BA'I CHOS CAN 'BA' ZHIG NYE BA MA YIN TE, RES 'GA' KHYAB PA BSTAN PA SNGON DU 'GRO BA'I GTAN TSIGS KYI SBYOR BA LA DPE'I CHOS CAN LA YANG THOG MAR GTAN TSIGS YOD PAR STON PA'I PHYIR RO, , GAL TE NYE BAR BSGRUB PAR BYA BA'I CHOS CAN DU MA GRUB PA DE LTAR YONGS SU LHAG PA LAS YIN TE, GANG GI PHYIR GTAN TSIGS DE'I CHAS KHYAB PA NI DPE'I CHOS CAN LA YOD PAR GRUB PAS DPE MED NA GTAN TSIGS DANG BSGRUB PAR BYA BA'I KHYAB PA BSTAN PAR MI NUS SO SNYAM DU BSAMS NAS, CHOS CAN LHAG PAR SMOS PA DES NA BSGRUB PAR BYA BA'I CHOS CAN YONGS SU GZUNG NGO, ,DE'I CHAS KHYAB PA ZHES BYA BA KYANG DE'I SGRA NI BRJOD PA LA LTOS NAS CHOS CAN DANG 'BREL PA'I PHYIR DE'I 'BREL PA'I DON KYANG CHOS CAN SMOS PAR DGOS PAR MI BYA'O, ,GANG LA DGOS PA MED NA MI 'BYUNG BA @189A *, ,DE NI YONGS SU LHAG PA'I YUL YIN TE, CHOS CAN BRJOD PA DANG DGOS PA GZHAN DANG 'BREL PA YIN NA NI, DE YONGS SU LHAG PA GA LA YIN CHOS CAN BRJOD PAS NI BSGRUB PAR BYA BA'I CHOS CAN YONGS SU BZUNG NGO SNYAM DU SEMS NA GRUB PA'I MTHA' SMRA BAS, GRUB KYANG ZHES BYA BA SMOS TE, DE'I CHAS KHYAB PA DPE'I CHOS CAN LA YOD PA LA YANG CHOS CAN BRJOD PAS DPE'I CHOS CAN KHO NA'I CHOS GANG YIN PA DE GTAN TSIGS YIN NO ZHES BSNAN PA'I DON DU DOGS PA DES NA MIG GIS BZUNG BA LA SOGS PA KHO NA YANG GTAN TSIGS SU 'GYUR GYI BYAS PA LA SOGS PA MA YIN PAS MI 'DOD PA NYID DU 'GYUR BA DE'I PHYIR NYE BAR BTAGS PAR BYAS SO, ,CI RTOG GE'I BSTAN BCOS LA BSNAN PA'I PHYIR BRJOD PA MTHONG NGAM ZHE NA, MTHUN PA LA YOD PA KHO NAS ZHES BYA BA LA SOGS PA SMOS TE, DE LA YANG MTHUN PA LA YO PA ZHES BYA BA 'DIR GTAN TSIGS KYI MTSAN NYID DE, RIGS MTHUN PA KHO NA LA YOD PA ZHES BYA BA NGES PAR GZUNG BAS GTAN TSIGS KYI LDOG PA GRUB MOD, GANG LA ZHE NA, BSGRUB PAR BYA BA MED PA'O, ,GANG 'DI MED PA DE NI 'DI YIN NO ZHES BA BAS MED PA MED PAR SMOS PA NI BSNAN PA'I DON DU SLOB DPON GYIS, MED PA LA MED PA ZHES BYA BA BSHAD PAS JI LTA BA MED NA NI GZHAN PA DANG 'GAL BA LA MA YIN PA BZHIN DU, DE LTA NA 'DIR YANG CHOS CAN GYI CHOS ZHES BRJOD PAS BSNAN PA'I DON DU DOGS PAR 'GYUR RO, ,GANG GI TSE ZHE NA, DPE'I CHOS CAN LA YOD PAR GRUB KYANG NGO, ,GA LAS SHE NA, DE'I CHAS KHYAB PA ZHES SMOS PAS SO, ,GANG LA ZHE NA, YOD PA BSNAN PA'I DON YIN PAS SO, ,DE NYID LA DPE'I CHOS CAN LA YOD PAR DOGS PA SRID DO, ,GANG LAS SHE NA, YONGS SU LHAG PAS BSGRUB PA BYA BA'I CHOS CAN YONGS SU BZUNG BA NA'O, ,'O NA NI PHYOGS KYI CHO MED NA GTAN TSIGS MED PA'I PHYIR BSNAN PA'I DON DU DOGS PAR MI BYA STE, DE LTA NA BSGRUB PAR BYA BA'I CHOS CAN GYIS KHYAB PA'I CHOS KYANG GAL TE CHOS CAN KHA CIG LA NYE BAR DMIGS PA DE DANG DE NYID LA RANG GI KHYAB PAR BYED PA LA RTOG PA SKYE'O GZHAN DU NA NYE BA DANG, RING PA'I RIM PA BLTA BAR MI 'GYUR RO, ,CHOS CAN KHA CIG LA MI @189B DMIGS NA JI LTAR GO BAR BYED PA YIN DE LTAR YIN NA YANG THAMS CAD DU RUNG GI KHYAB PAR BYED PA RTOGS PAR 'GYUR TE, NYE BA DANG RING BA MED PA'I PHYIR RO ZHE NA, DES NA SHUGS KYIS ZHES BYA BA LA SOGS PA SMOS TE, GAL TE 'DI DE MA THAG TU SHUGS KYIS NYE BAR BRJOD PA DE'I PHYIR SHUGS KYI DON NI BSGRUB PAR BYA BA'I CHOS CAN GYI MTSAN NYID YONGS SU BZUNG BA NYAN PA PO BLO RNON POS RTOGS PAR 'GYUR TE, 'ON KYANG SGRA MED PA'I DON LA RANG NYID RJES SU ZHUGS NAS RTOGS PAR DKA' BAR 'GYUR BA DANG, DE LA NYE BAR BTAGS PA TZAM GYIS RANG NYID SGRA MED PA'I DON LA RTOG PA NA; CHOS CAN GYI CHOS ZHES BYA BA 'DI DANG PHYOGS CHOS ZHES BYA BA YI GE MNYAM PA DANG RTOGS PAR DKA' BA YANG YONGS SU SPANGS PA YIN NO ZHES BYA BA'O, ,'DIR YANG GI SGRA NI GANG GZHAN GYIS BSTAN PA LA RE BA DANG BCAS PA DES NA DON 'DI'I MTSAN NYID BRJOD PAS RTOGS PAR MI 'GYUR RO ZHES BYA BA'O, ,JI LTAR MTSAN NYID RTOGS PA'I PHYOGS KYI CHOS MED PAS GTAN TSOGS MED NA DOGS PA 'DI GANG LA YIN SNYAM PAS DE'I PHYIR DE DAG MTSAN NYID KYI RJES SU 'BRANG BA RNAMS LA BSNAN PA'I DON DU DGOS PA YONGS SU SPANG PA'I PHYIR YANG NYE BAR BTAGS PA BYAS SO, , 'DIR SGRA'I SBYOR BA LA GDON MI ZA BAR RNAM PAR GCOD PA'I 'BRAS BU CAN NYID DU NGES PAR GZUNG BAR BYA STE, PHYOGS KYI CHOS ZHES BYA BA 'DIR DRUG PA'I BSDU BA YIN GYI, GZHAN GYI BSDU BA NI SRID PA MA YIN NO, ,DE LTA NA YANG PHYOGS KYI CHOS ZHES BYA BA KHO NAR NGES PA BZUNG BAS DE'I CHAS KHYAB PA DANG 'GAL BA YIN NO ZHES 'GAL BA'I MTSAN NYID BRJOD PA NA, GAL TE PHYOGS CHOS ZHES BYA BA LA SOGS PA SMOS TE, PHYOGS KYI KHYAD PAR GZHAN RNAM PAR GCOD PA LA LTOS PA'I PHYIR, DE'I KHYAD PAR LA LTOS PA'I CHO NI GZHAN LA PHYOGS SU BYAS PA DANG GZHAN GYI TSE'I MTHUN PA'I PHYOGS LA RJES SU MI 'JUG GO, ,DE LTAR NA PHYOGS KYIS KHYAD PAR DU BYA BA NI MTHUN PA'I PHYOGS KHO NA YIN GYI GZHAN DU NI MA YIN TE, DPER NA LHA SBYIN GYI BU GANG YIN PA DE KHO NA'I YIN GYI, MCHOD SBYIN GYI MA YIN BA BZHIN DU DES NA GZHAN LA MI 'JUG PAS THUN MONG MA YIN PA NYID DU THUN MONG BA NI MA YIN PAS DE'I @190A *, ,CHAS KHYAB PA DANG 'GAL LO ZHES BYA BA'I DON TO, ,DE'I CHAS KHYAB PA NI BSTAN PA'I PHYIR THUN MONG BA YIN PA DES NA PHYOGS KYI CHOS NI DE'I CHAS KHYAB PA MA YIN LA, YANG NA DE'I CHAS KHYAB PA NI PHYOGS KYI CHOS MA YIN PAS 'GAL BA'I MTSAN NYID YIN NO ZHES BYA'O, ,'ON KYANG DE'I CHAS KHYAB PA NI BSGRUB PAR BYA BA'I CHOS KHYAB PAR BYED PA DE NI GTAN TSIGS SU 'GYUR BA GZHI CHOS CAN DE LA YOD PA KHO NA'AM, YANG NA KHYAB PAR BYA BA'I GTAN TSIGS DE NYID NI KHYAB PAR BYED PA BSGRUB BYA'I CHOS SU GYUR PA KHO NA LA YOD PA ZHES BYA BA RANG GIS BSGRUB PAR BYA BA DANG, MED NA MI 'BYUNG BA'I MTSAN NYID 'CHAD PAR 'GYUR RO, ,'DIS KYANG PHYOGS SU BYAS PAS GZHAN LA 'JUG PA GDON MI ZA BAR 'PHANGS PA NI MED NA GANG GI MTSAN NYID LA GNOD PAR DOGS PA YIN, DE LTA NA PHYOGS SU BYAS PA DE NYID LA YOD PA KHO NA BSGRUB PAR BYA BA'I CHOS CAN LA GTAN TSIGS GNAS PA DON DE'I CHAS KHYAB PA BSTAN PA YIN NO, ,GANG ZHIG DE'I CHOS CAN LA RANG GI BSGRUB PAR BYA BA MED NA MI 'BYUNG BA DE NYID GO BAR BYED PA'I RGYU MTSAN YIN PA'I PHYIR GZHAN GYI CHOS CAN DE LA YANG RANG GI BSGRUB PAR BYA BA MED NA MI 'BYUNG BA'I RGYU MTSAN NI SGRUB PAR BYED PA'I TSAD MA'I RGYU MTSAN MA YIN NO, ,LA LAR MTHUN PA'I PHYOGS PHAL CHE BA 'AM LHAN CIG YOD PA TZAM MTHONG BA RGYU MTSAN MA YIN TE, DPER NA RDO RJE LA MTSON GYIS GCOD PA YIN TE SA YIN PA'I PHYIR SHING BZHIN NO ZHES BYA BA LA SOGS PAS GZHAN LA MTSON GYIS GCOD PA MED NA MI 'BYUNG BA YANG RDO RJE LA DE BZHIN DU YOD PAR 'GYUR BA MA YIN NO, ,GAL TE PHYOGS SU BYAS PA LAS GZHAN KHO NA LA KHYAB PA BSTAN PAR BYA'O ZHES BYA BA'I NGES PA DE JI LTAR YIN, YOD PA NYID SKAD CIG MA'I DNGOS PO RNAMS LA BSTAN PA GANG YIN PA NI DON THAMS CAD PA NYID SKAD CIG MA'I DNGOS PO RNAMS LA BSTAN PA GANG YIN PA SKAD CIG MAS KHYAB PAR 'DOD PAS DE LAS 'GA' ZHIG KYANG MTHUN PA'I PHYOGS SU GYUR BA MED DO, GANG ZHIG ME LCI 'BAR BA LA SOGS PA 'BA' ZHIG LA SKAD CIG MA KHAS BLANGS SU ZIN KYANG DE YANG MNGON SUM MA YIN TE, SKAD CIG MA'I THA DAD PAR GYU PA NI SHIN TU PHRA BAS NYE BAR MI RTOGS PA'I PHYIR RO, ,GZHAN KHO NA LA KHYAB PA MA BSTAN PAR BSGRUB PAR BYA BA'I CHOS CAN LA MA YIN NO ZHES BYA BA'I RIGS PA 'DI CI ZHIG YIN, , @190B DE LTA NA GTAN TSIGS KYI MTSAN NYID BSTAN PA BRTAG PA YIN GYI, DNGOS PO'I STOBS KYIS ZHUGS PA MA YIN NO, ,DE'I PHYIR RANG GI BSGRUB PAR BYA BA DANG 'BREL PA LAS KYANG GTAN TSIGS LA KHYAB PA 'GRUB STE, DE YANG MI MTHUN PA'I PHYOGS LA GNOD PA CAN GYI TSAD MA YOD NA BSGRUB PAR BYA BA'I CHOS CAN LA YANG 'GRUB PA'I PHYIR GZHAN LA RJES SU 'BRANG BA LA CUNG ZAD KYANG LTOS PA MA YIN PAS SO, ,DE NYID KYI PHYIR, GZHAN DU GANG DANG GANG LA 'GA' ZHIG TU MTHONG BA DE'I 'BREL PAR RIG PA NI, DE DANG DE NI DE LA GO BAR BYED PA YIN NO ZHES DNGOS PO GO BAR BYED PA MTSUNGS TE, GANG YANG RJES SU DPAG PA DANG, ,DE MTSUNGS LA YANG YOD GYUR PA, ,ZHES BYA BA LA SOGS PA'I MTSAN NYID NI DE LA BSGRUB PAR BYA BA'I CHOS DANG LDAN PA NI, MTHUN PA'I PHYOGS SU BRJOD DO, ,DES NA YOD PA NYID NI BSGRUB PAR BYA BA'I CHOS YOD PA YIN NO ZHES BYA BA DE BZHIN DU DE DANG DE'I CHOS KYIS BSGRUB PAR BYA BA'I CHOS CAN YANG MTHUN PA'I PHYOGS KYI DNGOS PO LAS LDOG PA MA YIN NO, ,BSGRUB PAR BYA BAR 'DOD PA NYID KYIS 'DOD PAS GZHAN PA'I PHYOGS KYI MTSAN NYID DE BSAL BAR MI NUS PA'I PHYIR RO, ,DE'I PHYIR, DE'I CHAS KHYAB PA ZHES BRJOD PA RANG GI BSGRUB PA BYA BA DANG, MED NA MI 'BYUNG BA'I 'BREL PA'I RGYU MTSAN LAS GZHAN DU MI RIGS PAR BRJOD DO, ,GDON MI ZA BAR GZHAN LA MI 'JUG PAS 'PHANGS SO ZHES JI LTAR DOGS PA YIN ZHE NA, BDEN TE, GTAN TSIGS THAMS CAD PHYOGS SU BYAS PA KHO NA'I CHOS CAN LA RANG GI BSGRUB PAR BYA BA DANG 'BREL PA TSAD MAS NGES PAR NUS NA NI 'DIS DOGS PAR MI BYA STE, DPER NA YOD PA'I MTSAN NYID KYI RANG BZHIN GYI GTAN TSIGS NI SKAD CIG MA BSGRUB PAR BYA BA'I BDAG NYID LAS BZLOG PA LA GNOD PA CAN GYI TSAD MA MJUG PA BZHIN DU, 'BRAS BU'I GTAN TSIG NI PHYOGS SU BYAS PA'I CHOS CAN DANG RANG BZHIN GYI GTAN TSIGS 'GA' ZHIG GI 'BREL PA NI MNGON SUM DANG MI DMIGS PAS SGRUB NA, JI LTAR LKOG TU GYUR PA'I BSGRUB PA'I BYA BA'I CHOS GZUNG BAR BYA BA YIN, DE'I PHYIR GZHAN LA RAB TU GRUB PA DE LAS YIN NO ZHES BYA'O, ,DE LA LTOS PAS GZHAN LA MI 'JUG PAS THUN MONG MA YIN PA SRID PAR @191A *, ,DOGS PAS DE NI BSGRUB PAR BYA BA DANG BZLOG PA GZHAN DAG LA 'JUG PA MA NGES PA NI DE GNYI GA LAS, DE'I CHOS CAN PHYI ROL DU GYUR BA MI RIGS PAS MA NGES PA DANG, BSGRUB BAR BYA BA LA 'JUG PA DANG RNAM PAR GCOD PA DAG GIS THAMS CAD BSDUS PAS GTAN TSIGS DE LA THE TSOM ZA BAR 'GYUR RO, ,LA LAR SNGAR RTEN LA YOD PAR BZUNG BA BRJED PA LA 'BREL PA SGRUB PA'I TSAD MAS DRAN PA NI GZHAN LA 'JUG PA LA LTOS PA YIN SNYAM SEMS NAS 'DI DAG GI LAN NI MA YIN TE ZHES BYA BA SMOS TE, GZHAN LA MI 'JUG PA NI MA YIN NO, ,GA LAS SHE NA MA 'BREL PA NI 'BREL PA MED PA'O, ,RNAM PAR GCOD PAS BYE BRAG TU BYAS PA'I PHYIR YIN GYI PHYOGS NI GZHAN DANG LDAN PA RNAM PAR GCOD PAS BYE BRAG TU BYAS PA MA YIN NO, ,DE LTA NA YANG MA 'BREL PA RNAM PAR GCOD PA YANG CHOS CAN LA CHOS YOD PAR GANG LA THE TSOM ZA BA DE LA MA 'BREL PA RNAM PAR GCOD PA'I RIGS PA THOB PA'I PHYIR TE, DPER NA NAG PA 'PHONG SKYEN NO ZHES BYA BA LTA BU'O, ,NAG PA 'PHONG SKYEN PA CI YOD DAM MED CES THE TSOM ZA BA DE'I PHYIR NAG PA 'PHONG SKYEN NO ZHES BYA BA DE LA YOD PAR STON PAR BYED PA THOS NAS PHYOGS GZHAN YOD PAR GYUR PA NYAN PA PO DOGS PAR RNAM PAR GNAS PA BSAL BA'I PHYIR MA 'BREL PA RNAM PAR GCOD PA'I RIGS PA 'DIR THOB PA'I PHYIR RO, ,GZHAN GYI 'DOD PA'I RNAM PAR GCOD PA BSAL BAR 'DOD PA NI, GZHAN DANG LDAN PA RNAM PAR GCOD PAS KHYAD PAR DU BYAS PA MA YIN NO ZHES BYA BA SMOS TE GZHAN LA RJES SU MI 'JUG PAS THUN MONG MA YIN PA ZHES BYA BAR SBYAR RO, ,'DIR YANG DPE NI DPER NA, SRID SGRUB 'PHONG SKYEN NO ZHES BYA BA LTA BU'O, ,SGRA MTSUNGS KYANG 'DI 'PHONG SKYEN NO ZHES BYA BA'I SGRA'I NUS PAS YON TAN KHYAD PAR CAN LA 'JUG STE, SRID SGRUB 'PHONG SKYEN PAR GRUB PA'I PHYIR MA 'BREL PA DOGS PA MED DE 'DI 'DRA'I KHYAD PAR BCAS PA GZHAN LA YANG YOD DAM MED CES GZHAN DANG LDAN PA'I NYAN PA PO DGOS PA NA GANG GI TSE SRID SGRUB 'PHONG SKYEN NO ZHES BRJOD PA DE'I TSE GZHAN DANG LDAN PA RNAM PAR GCOD PA'I RIGS PA 'THOB PO, ,BSTAN PAR BYA BA LA THE TSOM GNAS PA'I PHYOGS DAG PHAN TSUN MI MTHUN PA'I PHYIR GCIG LA BSTAN PA @191B DES GZHAN RNAM PAR BCAD PAR RIGS PA'I STOBS KYIS 'ONGS PA'I PHYIR RO, ,DE 'DIR PHYOGS LA CHOS 'DI YOD DAM MED CES DOGS PA LA PHYOGS KYI CHOS ZHES DE LA YOD PA NYID BSTAN PA'I MA 'BREL PA RNAM PAR GCOD PA YIN GYI, GZHAN DANG LDAN PA NI MA YIN NO, ,DE'I CHOS KHYAB PA'I DE BSTAN PAS NA DE LA THE TSOM ZA BAR 'GYUR RO SNYAM NAS DE'I CHA NI DE'I CHOS SO, ,DE'I SGRAS NI PHYOGS KHYAD PAR DU BYED KYI CHOS NI MA YIN TE, CHOS LA CHOS RTEN PA MI SRID PA'I PHYIR RO, ,CHA NI CHOS LA BYA'I PHYOGS GCIG MA YIN TE, PHYOGS KYI SGRA CHOS CAN TZAM BRJOD PA'I PHYIR RO, ,DE'I CHA NI CHA SHAS MA YIN TE PHYOGS GCIG MED PA'I PHYIR RO, ,PHYOGS KYI CHOS LA YOD PA DE'I KHYAB PA NI GANG KHYAB PAR BYA BA DANG, GANG KHYAB PAR BYED PA DE GNYI GA'I CHOS SU RTOGS PA YIN TE, GANG GI TSE KHYAB PAR BYED PA BRJOD PAR 'DOD PA DE'I TSE KHYAB PAR BYED PAR GO BAR BYA'O, ,DE LA ZHES BYA BA NI YOD PA'I 'DUN PA'I DON GTZO BO YIN GYI 'DIR NGES PAR GZUNG BA NI MA YIN TE, CHOS LA CHOS MI RTEN PA'I PHYIR RO, ,DES NA 'DI'I DON NI DE LA KHYAB PA NI CHOS CAN GANG LA KHYAB PAR BYA BA YOD PA DE LA KHYAB PAR BYED PA YOD PA KHO NA STE, BDAG NYID DU GYUR PA'I CHOS KYIS KHYAB PA YIN NO, ,DE YANG KHYAB PAR BYA BA YOD PA LA LTOS NAS KHYAB PAR BYED PA KHO NA'I KHYAB PAR RTOGS SO, ,DE BZHIN DU NGES BZUNG GIS KHYAB PAR BYED PA KHO NA DE LA YOD PA NI MA YIN TE, GTAN TSIGS MED PAR THAL BAR 'GYUR BAS KHYAB PAR BYED PA MA YIN PA LUS CAN NYID LA SOGS PA DE YOD PA'I PHYIR RO, ,DE KHO NA LA YOD PA YANG MA YIN TE, RTZOL BA LAS BYUNG BA LA SOGS PA GTAN TSIGS MA YIN PAR 'GYUR BA DANG, THUN MONG GI GTAN TSIGS SU 'GYUR TE, GZHAL BYA LA SOGS PA NYID MI RTAG PA LA YOD PA'I PHYIR RO, ,GANG GI TSE KHYAB PAR BYA BA'I CHOS BRJOD PAR 'DOD PA DE'I TSE KHYAB PAR BYA BA'I GO BAR BYED PA NI KHYAB PAR BYED PA DE KHO NA LA YOD PA'O, ,CHOS CAN GANG LA KHYAB PAR BYED PA YOD PA DE KHO NA LA YOD PA NA DE MED DU ZIN KYANG KHYAB PA YIN NO, ,'DI YANG KHYAB PAR BYA BA KHO NA DE LA YOD PA ZHES NGES PAR BZUNG BA NI GTAN TSIGS MED PA THAL BAR 'GYUR BAS BRTEN PAR MI BYA STE, KHYAB PAR BYA BA MA YIN PA YANG YOD PA'I @192A *, ,PA'I PHYIR RO, ,KHYAB PAR BYA BA NI DE LA YOD PA KHO NA YANG MA YIN TE, ,MTHUN PA'I PHYOGS KYI PHYOGS GCIG LA YOD PA GTAN TSIGS SU MI 'GYUR BA DANG THUN MONG BA GTAN TSIGS SU 'GYUR TE, ,GZHAL BYA NI RTAG PA RNAMS LA GDON MI ZA BAR YOD PA'I PHYIR RO, ,KHYAB PAR BYA BA DANG, ,KHYAB PAR BYED PAR BRJOD PA'I KHYAB PA NI GNYI GA LA CHOS MTSUNGS PAS GCIG TU RTOGS NA NI LDAN PA LA SOGS PA GZHAN DU MA GYUR CIG CES BYA BA'I PHYIR BSTAN TO, ,'DI LTAR SNGAR MI LDAN PAR RNAM PAR BCAD PAS NGES PAR BZUNG NAS PHYIS GZHAN DANG LDAN PA'I RNAM PAR GCOD PA YIN NA GNYI GA LA RNAM PA GCIG GIS KHYAB PO ZHES BYA BA LAS YIN, DE SKAD DU YANG, RTAGS LA RTAGS CAN YOD NYID DANG, ,CIG SHOS RTAGS CAN KHO NA LA'O, ,NGES PA LAS NI BZLOG PA LA, ,RTAGS DANG RTAGS CAN 'BREL PA MED, ,CES BYA BA GSUNGS TE, DES NA SLOB DPON GYIS LDAN PA'I STOBS KYIS GO BAR BYED PA GZHAN DAG LA NYES PA BRJOD DO, ,LDAN YIN ME DANG DU BA NA, ,CHA 'GA' ZHIG GIS MA YIN TE, ,DU BA DES NI THAMS CAD KYI, ,GSAL BYED THOB PAR 'GYUR PHYIR TE, ,'DI LA 'JUG PA MA YIN NO, ,ZHES BSHAD DO, ,'DI LTAR LDAN PA NI GNYI GA LA KHYAD PAR MED PAR THAL BAR 'GYUR BAS KHYAB PA MA YIN NO, ,KHYAB PAR BYED PA'I CHOS KYIS KHYAB PA CI 'DRA BA KHYAB PAR BYA BA CHOS DE 'DRA BA NI MA YIN NO SNYAM NAS, DE SKAD DU, GANG TSE 'BREL PA GNYIS LA GNAS, ,RTAGS DANG RTAGS CAN LHAN CIG STE, ,RTEN DANG BRTEN PA'I YOD PA BZHIN, ,LDAN PA LA NI DE MED DO, ,ZHES GSUNGS SO, ,DES NA KHYAB PAR BYED PA NI KHYAB PAR BYA BA MA YIN LA KHYAB PAR BYA BA DANG KHYAB PAR BYED PA MA YIN NO, ,DE'I CHAS KHYAB PA NI GTAN TSIGS ZHES BRJOD PAS, LDAN PA'I PHYOGS BRJOD PA'I SKYON DU MI 'GYUR BA DANG GNYI GA GO BAR BYA BA DANG GO BAR BYED PAR THAL BAR MI 'GYUR RO, ,JI SKAD DU BSHAD PA'I GTAN TSIGS KYI MTSAN NYID KYI KHYAB PAR BYED PA NI GO BAR BYA BAR RTOGS LA KHYAB PAR BYA BA NI GO BYED DU RTOGS SO, ,GAL TE DE LTA NA PHYOGS CHOS DE'I CHAS KHYAB PA ZHES BYA BA DE TZAM GTAN TSIGS KYI MTSAN NYID YIN PA DE'I PHYIR PHYOGS KYI CHOS DANG DE'I CHAS @192B KHYAB PA ZHES BYA BA GTAN TSIGS KYI TSUL GNYIS SU 'GYUR LA, GZHAN DU TSUL GSUM DU BSHAD PA DANG JI LTAR 'GAL BAR MI 'GYUR ZHE NA, DE'I CHAS KHYAB PA ZHES BYA BA'I TSIG 'DIS RJES SU 'GRO BA DANG LDOG PA DAG BSHAD PAR RIG PAR BYA'O ZHES BYA BAR SBYAR TE, RJES SU 'GRO BA DANG LDOG PA DAG GI TSUL NYID KYIS KHYAB PA YOD PA'I PHYIR RO, ,'DI LTAR GANG KHO NA'I RJES SU 'GRO BA DANG GANG LDOG NA LDOG PA DE NYID DES KHYAB PAR BRJOD DE DE'I BDAG NYID YIN PA'I PHYIR NA KHYAB PA YIN NO, ,KHYAB PA BRJOD PAS RJES SU 'GRO BA DANG, LDOG PA BRJOD DE, DE'I PHYIR KHYAB PA'I TSIG GIS RJES SU 'GRO BA DANG LDOG PA BRJOD PAS 'GAL BA MED PA'I PHYIR RO, ,DES NA SHES PAR BYED PA'I GTAN TSIGS KYI DBANG DU BYAS NAS NGES PA YIN NO, ,NGES PA YANG TSAD MA DU MA KHO NAS SAM YANG NA BDAG NYID JI LTA BA GANG DANG GANG GI TSAD MA DES NGES BA STE, TSAD MA GANG DANG GANG YIN PA DE NI PHYIS BSHAD PAR BYA'O, ,'AM GYI SGRAS NI RJES SU 'GRO BA DANG LDOG PA DAG NI DON MTSUNGS PAR BSTAN GYI TSIG NI MA YIN NO, ,DES NA MTHUN PA'I PHYOGS SAM MI MTHUN PA'I PHYOGS DAG GI SBYOR BA GCIG GIS GNYI GA RTOGS TE, DPAG PA DANG SGRUB PA'I TSUL DAG GI 'JUG PA THA DAD KYANG DON DAM PA DE'I BDAG NYID YIN PAS GNYI GA RTOGS PAR BSTAN TO, ,LDOG PA NI BSGRUB BYA LDOG PAS RTAGS LDOG PA'I CHOS YIN TO, RANG BZHIN GCIG TU GYUR PA'I CHOS YIN NA NI RJES SU 'GRO BA'I NGO BO 'DI DNGOS PO LA 'DI 'GAL BA MED DO, ,CI PHYOGS KYI CHOS KYANG YIN NAM ZHE NA, BDAG NYID JI LTA BA'I TSAD MAS BSHAD PA YIN NO ZHES BYA BAR SBYAR TE, NGES PA'I ZHAR LA DE YANG 'DIR BSTAN PA'I PHYIR RO, ,GAL TE NGES PA GO BAR BYED PA NYID DU BSHAD PAS JI LTAR SLAR YANG RJES SU 'GRO BA'I DON GYIS KHYAB PA YIN ZHE NA, GANG GI TSE GTAN TSIGS THAMS CAD LA ZHES BYA BA SMOS TE, GTAN TSIGS GANG DANG GANG LA BSGRUB PAR BYA BA DE DANG DE LAS MED PA DE'I TSE BSGRUB PAR BYA BA'I CHOS DES GTAN TSIGS DE LA KHYAB PA MI 'GRUB PO, ,DE'I PHYIR GTAN TSIGS GANG DANG GANG LA BSGRUB PAR BYA BA'I CHOS DE DANG DE LA YOD PA NI KHYAB PAR BYED PA'I CHOS KYI NGO BO KHYAB PA YIN NO ZHES BYA BA NI RJES SU 'GRO BA'I NGO BO'I KHYAB PA'O, ,GANG DANG GANG LDOG PA NGES PAS DE YANG LDOG @193A *, ,PA DES KHYAB PAR 'GRUB KYI BZLOG PA NI MA YIN NO, ,DES NA KHYAB PAR BYA BA'I NGO BO'I KHYAB PA NI LDOG PA'I BDAG NYID YIN PA'I PHYIR RO, ,YANG NA BSGRUB PAR BYA BA'I CHOS KHYAB PAR BYED PA MED NA KHYAB PA MI 'GRUB PA'I PHYIR RO, ,DE NA GTAN TSIGS KYI KHYAB PAR BYA BA SPANGS PA YIN NO,, BSGRUB PAR BYA BA'I CHOS KHYAB PAR BYED PA MED PA GA LAS SHE NA, BDAG NYID LDOG NA GTAN TSIGS LDOG PA MED PA'I PHYIR RO, ,LDOG PA'I BDAG NYID NI LDOG PAR BYED PA KHYAB PAR BYED PA YIN PA'I PHYIR, CIG SHOS DE MED PA LA MED PA KHO NA KHYAB PAR BYA BA YIN PA'I PHYIR RO, ,DE'I PHYIR LDOG PA YOD PA NYID KYIS BSGRUB PAR BYA PA KHYAB PA LDOG PA'I BDAG NYID KHO NA LA YOD PAR RTOGS TE KHYAB PAR BYA BA'I CHOS KYI MTSAN NYID GRUB PA YIN NO, ,DE BAS NA DE'I CHAS KHYAB PA'I TSIG GIS GANG GI PHYIR RJES SU 'GRO BA DANG LDOG PA BSHAD PA'I PHYIR RO, ,DE LTAR DE'I PHYIR RJES SU 'GRO BA DANG LDOG PA DAG BDAG NYID JI LTA BA'I TSAD MAS NGES PA DAG GIS DE'I CHAS KHYAB PA NGES PA YIN NO, ,JI SKAD BSHAD PA'I BDAG NYID JI LTA BA'I TSAD MAS RJES SU 'GRO BA DANG LDOG PA DANG PHYOGS CHOS NGES PA BSHAD PA'I PHYIR RO, ,DE LA TSAD MA GANG DANG GANG GIS NGES PA DE BSTAN PA'I PHYIR DE LA ZHES BYA BA LA SOGS PA SMOS TE, DE LA PHYOGS KYI CHOS LA SOGS PA DE RNAMS LA'O, ,PHYOGS KYI CHOS NGES PA'I SKABS PHYIS BSTAN DU ZIN KYANG MDO'I RIM PAS THOG MAR BRJOD BAS PHYOGS KYI CHOS NGES PA ZHES BYA BAR SBYAR RO, ,RAB TU GRUB PA 'DI CI ZHIG YIN ZHE NA RTOGS PA'O, ,GANG LA ZHE NA, BSGRUB PAR BYA BA'I CHOS CAN LA'O; ,GANG GIS SHE NA, MNGON SUM DANG RJES SU DPAG PA'I SGO NAS SO, ,PHYOGS KYI CHOS THAMS CAD MNGON SUM DANG RJES SU DPAG PAS NGES PA NI MA YIN TE, 'ON KYANG 'GA' ZHIG LA KHA CIG GIS YIN NO ZHES BSTAN PA'I PHYIR 'AM GYI SGRA SMOS PA YIN NO, ,MNGON SUM GYIS KYANG RANG NYID KYI RANG GI MTSAN NYID KYI RNAM PA NYID YIN DU ZIN KYANG DE MA THAG TU SPYIR RTOG PA'I RNAM PA SKYED PA'I PHYIR RAB TU GRUB PA LA NYE BAR BRTAGS NAS NGES PAR BRJOD DO, ,MNGON SUM GYI RJES LAS BYUNG BA'I RNAM PAR RTOG PA LA MA GTOGS PA RTOGS PA MED DO ZHES BSTAN TO, ,DES NA GAL TE SPYI'I NGO @193B PO'I RTAGS RNAM PAR 'JOG PA DE LTA NA YANG RANG GI MTSAN NYID RTOGS PA KHO NA DE RNAM PAR 'JOG PA'I RGYU MTSAN YIN PA'I PHYIR PHYOGS KYI CHOS MNGON SUM YIN PAR BSGRUB PAR BYA BA'I CHOS CAN RAB TU GRUB PA ZHES BRJOD DO, ,'DI YANG DE MA THAG KHO NAR GSAL BAR BYED BAR 'GYUR RO, ,YANG NA RJES SU DPAG PAR BSGRUB PAR BYA BA'I CHOS CAN LA PHYOGS KYI CHOS RAB TU GRUB PAR NGES PA DANG, TSAD MA DANG 'BRAS BU THA DAD NI RJES SU DPAG PA DANG RJES SU DPAG PAS NGES SO, ,'DIR DPE NI RIM PA JI LTA BA BZHIN DU DPER NAS PHYOGS LA DU BA ZHES BYA BA SMOS SO GANG ZHIG DU BA'I SPYI MNGON SUM GYIS NGES SO SNYAM DU SEMS NAS SA PHYOGS DANG 'BREL PA'I ME MNGON SUM MA YIN LA, GANG YANG MNGON SUM LA NAM MKHA'I CHA'I NGO BO SNANG BA LA SOGS PA DU BA'I BDAG NYID DANG LDAN PAR MTHONG BA 'DI ME DANG LDAN PAR MTHONG BA NI MED PA DE'I PHYIR JI LTAR SA PHYOGS KYI DU BA MNGON SUM LA RAB TU GRUB PA YIN NA, DE'I PHYIR DU BA KHO NA CHOS CAN DU RIGS TE, DU BA 'DI ME DANG BCAS PA YIN TE, DU BA YIN PA'I PHYIR ZHES BSGRUB PAR BYA BA YIN NO ZHE NA, ME DANG BCAS PA'I DU BA'I CHA SHAS YONGS SU SNANG NA STENG DU GNAS PA'I CHA ME DANG LHAN CIG TU YOD PA MA YIN TE, MNGON SUM MA YIN PA'I PHYIR JI LTAR DU BA'I SPYI'I CHOS CAN MNGON SUM MA YIN; GAL TE DU BA'I YAN LAG MNGON SUM DU GRUB PA YIN NO ZHE NA, YAN LAG LAS THA DAD PA MED PA'I PHYIR 'JIG RTEN PA GCIG TU MNGON PAR ZHEN PA'AM, SA PHYOGS KYANG DE TZAM DU GCIG TU BRTAGS PA GSAL BAR MI NUS SO, ,SA PHYOGS NYID LA YANG ME BSTAN PAR BYA BA YIN GYI DU BA NI MA YIN NO, , 'BRAS BU'I GTAN TSIGS YUL DANG DUS LA SOGS PA LA LTOS NAS GO BAR BYED PA NI GANG, 'GAL 'BRAS LA YANG YUL DANG NI, ,DUS LA SOGS PA LTOS PAR 'DOD, ,GZHAN DU 'KHRUL 'GYUR MI GRANG BA, ,SGRUB PA LA NI THAL BA BZHIN, ,ZHES BYA BA SMOS TE, DE'I PHYIR YUL LA SOGS PA LA LTOS PA ME SGRUB PAR BYED PA'I DU BA DANG LDAN PA'I SA PHYOGS CHOS CAN DU BZUNG NA 'GAL BA MED DO, ,DPER NA CHU SKYAR DANG LDAN PA'I SHING LA SOGS PA YUL LA SOGS PA LA LTOS NAS CHU SGRUB PAR BYED PA'AM, ,SGRA LA BYAS PA NI RKYEN THA DAD PAS THA DAD PA'I PHYIR ZHES BYA BA LA SOGS BA RJES SU @194A *, ,DPOG PA BZHIN NO, ,'DIR JI LTAR MNGON PAR BRJOD PA'I MNGON SUM GYIS BSGRUB PAR BYA BA'I CHOS CAN PHYOGS KYI CHOS SU RAB TU GRUB PA DGOS PA MA RTOGS NAS GZHON NU MA LEN GYIS JI LTAR SPYI'I BDAG NYID DU BA LA SOGS PA'I RTAGS MNGON SUM DU RTOGS PA MED PA LAS YIN; RANG GI NGO BO 'DZIN PA 'AM CHOS CAN LA YANG DE TZAM ZHIG NYE BAR SBYOR BA NA 'DI DAG GI 'BREL PA GANG GIS 'DZIN PA YIN SNYAM NAS SLAR RTZOD PA NI DES NA MNGON SUM SNGON DU SONG BA DANG RJES SU DANG GA BA LA SOGS PA'I CHOS KYI RGYU MTSAN YIN NO ZHES RNAM BSHAD BYED PAS, MNGON SUM SNGON DU 'GRO NYID KYIS, ,RJES DPAG LA SOGS JI LTAR 'GYUR, ,GAL TE RTOGS MED DBANG PO'I BLO, ,DRAN PA LA NI MI STOS NA, ,RTAGS DANG CHOS CAN 'BREL PA DAG ,DE LTAR RTOGS PA MED PAS KYANG, ,MI 'DZIN CES BYA BA LA RTAGS LA SOGS PA MNGON SUM GYIS 'DZIN PA SPANGS PA YIN NA RNAM PAR RTOG PA MED PA'I PHYIR, RNAM RTOG DE LA DON DNGOS KYIS, ,PHAN 'DOGS PAR NI MI 'DOD PHYIR, ,SNGA MA LTA BA'I SHES PA NI, ,DANG POR RNAM RTOG MED PAR YOD, ,BYIS PA LKUGS SOGS SHES PA DANG, ,'DRA BA NYI TSE'I DNGOS LAS SKYES, ,DE LAS GZHAN YANG DNGOS CHOS NAS; ,RIGS LA SOGS PA GANG GANG GI ,NGES PAR BYED PA'I BLO DE YANG, ,MNGON SUM NYID DU 'DOD PA YIN, ,ZHES SMRAS NA, BDE BAR GSHEGS PA KHO NA LA 'DIR RTAGS DAG DANG CHOS CAN GYI 'BREL PA 'DZIN PA'I MTSAN NYID RNAM PAR RTOG PA MED PA'I MNGON SUM 'DI DAG SKYON YIN GYI, KHO BO CAG RTOG PA DANG BCAS PA'I MNGON SUM 'DOD PA LA BSHAD PA LTAR MI 'GYUR SNYAM NA, DE'I PHYIR, DE YIS SKYON BRJOD PA BSAL BA'I PHYIR DU BA DANG BCAS PA'I PHYOGS ZHES BYA BA LA SOGS PA SMOS TE, DE'I 'DIR BSDUS PA'I DON NI 'DI YIN TE, MNGON SUM NI MDUN NA GNAS PA'I RTEN DANG BRTEN PA DU BA DANG SA PHYOGS LA SOGS PA BSGRUB PA'I NGO BOS DU BA LA SOGS PA RIGS MTHUN PA DANG RIGS MI MTHUN PA LAS LDOG PA NI RANG RANG GI NGO BO LA RNAM PAR GNAS PAS THAMS CAD KYI NUS PA RNAMS PHAN TSUN MA 'DRES PA'I NGO BO YIN PA'I PHYIR, DE'I NUS PA LAS 'BYUNG BA'I JI LTAR @194B GNAS PA'I RJES SU BYED PA LAS PHYIS DGAG PA DANG SGRUB PA'I RNAM PAR RTOG PA GNYIS SKYE BAR 'GYUR RO, ,GANG GIS SA PHYOGS KYI DU BA CHOS DANG CHOS CAN DU GRAGS PA DE YANG RTEN DANG BRTEN PA BZHIN DU 'DIR YIN GYI GZHAN DU NI MA YIN NO ZHES BRTAG PA STE, JI LTAR NYAMS SU MYONG BA GOMS PA BSAL BA DANG, LHAN CIG BYED PA'I RKYEN GZHAN GYIS RNAM PAR RTOG PA SKYE'O, ,DE'I PHYIR, CHOS DANG CHOS CAN GYI NGO BO NGES BA DANG 'BREL PA, NGES PA MNGON SUM GYI RGYU MTSAN GYIS 'GRUB PAR 'GYUR RO, ,DE LTA NA DU BA DE NYID PHYOGS LA 'BREL PAR NGES PA NI GANG 'DI LA 'DI'O ZHES NGES PAR BYED PA DANG, DE NI RNAM PAR RTOG PAS KYANG MNGON SUM GYIS JI SKAD DU BSHAD PA'I RNAM PA GRUB PA KHO NA YIN TE, RTEN DANG BRTEN PA'I RNAM PAR GNAS PA MED PA'I PHYIR RO, ,DNGOS PO RNAM PA GNYIS LAS GZHAN KHO NA RTEN DANG BRTEN PA'I MTSAN NYID 'GA' ZHIG GI 'BREL PA GANG YIN PA DE NI MED DO, ,MNGON SUM GYIS NYAMS SU MYONG BA LAS PHYI NAS RNAM PAR 'GYUR TE, DNGOS PO LAS GYUR PA DE BZHIN DU BKAG PA'I PHYIR RO, ,DE'I PHYIR DE NYID DE BZHIN DU GNAS PA DON GNYIS LA BRTEN NAS RNAM PAR RTOG PA D'I SGRO 'DOGS PA KHO NA STE, DE NI 'BREL PA DANG 'BREL PA CAN DANG THA DAD PA KHYAB PAR GZHAN SPONG BA DANG MI SPONG BA DAG GIS 'JIG RTEN NA CHOS CAN GYI THA SNYAD DU BYED KYI DON DAM PAR MA YIN NO, ,SPYI'I THA SNYAD KYANG RIGS MI MTHUN PA'I LDOG PA DNGOS PO LA MI BRTEN PA NI MA YIN PAR RGYA CHER BYAS SO, ,DE DAG NYID THA DAD KYANG NYAMS SU MYONG BA'I SGO NAS RIGS MI MTHUN PA LAS LDOG PAS DBEN PA'I NGO BO CAN NI GCIG TU NGES PA'I SHES PA'I RGYU YIN PA'I PHYIR RO, ,DE SKAD DU YANG, GCIG RTOGS DON SHES LA SOGS PA, ,DON GCIG SGRUB LA KHA CIG NI, ,THA DAD YIN YANG RANG BZHIN GYIS, ,NGES TE DBANG PO LA SOGS BZHIN, ,ZHES BYA BA GSUNGS SO, ,DES NA SPYI'I RNAM PAR RTOG PA'I DRAN PA KHO NA BZANG BA LA 'DZIN PA YIN LA, DER SNANG BA'I DU BA'I RNAM PA DANG RIGS MI MTHUN PA LAS LDOG PA NI MNGON SUM KHO NAS 'DZIN PA'I PHYIR RO, ,RIGS MI MTHUN PA LAS LDOG PA NI LOG PA LAS GZHAN MA YIN TE, GANG 'GA' ZHIG MNGON SUM GYIS MI 'DZIN PAR 'GYUR RO, ,DE'I PHYIR @195A *, ,JI LTAR MTHONG BA'I DU BA LA SOGS PA RANG GI MTSAN NYID GZHAN LAS LDOG PA NI BDAG GIS BRTAGS PA YIN NO ZHES RTOGS PAR BYED PA PO YANG NGES PA'I DBANG GIS DRAN PA NYID KYI RNAM PAR RTOG PA YANG RNAM PA GNYIS TE, ,MNGON SUM GYI STOBS LAS BYUNG BA NYID NI DNGOS PO'I YUL MED PA YANG YIN NO, ,DE'I PHYIR GANG, SPYI NI NYAMS MYONG MED PAS NA, ,DRAN DANG RNAM PAR SHES PA 'DI, ,THA DAD MED PAR GANG BRJOD NA, ,NGES PAR DRAN PA'I NUS PA YIS, ,MO GSHAM BU YANG YOD PAR 'GYUR, ,ZHES BYA BA BSHAD PA DE DAG KYANG GSAL BA YIN NO, ,YANG NA GZHON NU MA LEN GYIS SMRAS PA MNGON SUM GYI YUL NI RANG GI MTSAN NYID YIN LA RJES SU DPAG PA'I YUL NI SPYI'I MTSAN NYID YIN NO ZHES BRJOD PAS DU BA LA SOGS PA'I SPYI NI RJES SU DPAG PA'I GZUNG BA KHO NA STE, ,DE LA RTAGS 'DZIN PA YANG THUG PA MED PAR 'GYUR TE RJES SU DPAG PA DE NI GZHAN GYI STOBS KYIS SKYE LA DE YANG SPYI'I NGO BO STE, DE RJES SU DPAG PA GZHAN GYI YUL CAN YIN PA'I PHYIR RO, ,DE BZHIN DU GZHAN DE YANG 'GA' ZHIG GI RTAGS GCIG KYANG DUS STONG PHRAG GIS KYANG RTOGS PAR BYED PA MED NA KYE MA CI SKYES BU'I TSE THUNG DU YIS YIN NAM, DE SKAD DU, ,RJES SU DPAG PA MED NA NI, ,GANG GI SPYI RTOGS MED PA DANG, ,RTAGS NI RNAM PAR BSAL BA NA, ,RJES SU DPAG BA 'JUG PA MED, ,SPYI MA YIN PA'I RTAGS KYANG NI, ,'GA' ZHIG KYANG NI MI 'DOD NA, ,RTAGS NI RTOGS PA MED PA YI, ,CUNG ZAD YOD PAR BSTAN DU MED, ,DE YANG RJES SU DPAG PA NI, ,GZHAN GYIS RTOGS PAR 'GYUR NA SLAR, ,DE LAS BYUNG BA'I RTAGS LAS NI, ,SPYI SHES PA DANG 'BREL PA LAS, ,DE'I YANG RJES SU DPAG PA NYID, ,RTAGS LAS KYANG NI YANG DAG BYUNG, ,RJES SU DPAG PA GZHAN NYID KYI, ,DE BZHIN SHES PAR BRTAG NA NI, ,RTAGS DANG RTAGS CAN RJES DPAG DAG ,MTHA' YAS PHYIR NA RTAGS GCIG LA, ,DUS MI STONG PHRAG MANG POS KYANG, ,RTOGS PAR BYED PA YOD MA YIN, ,CES DOGS PA LA DU BA DANG BCAS PA'I PHYOGS ZHES BA LA SOGS PA SMOS PA NI 'DI SNYAM DU DGOS PA YIN TE, RJES SU DPAG PA LAS GZHAN GANG GIS SPYI RTOGS PA MED NA NI KHYOD ZER BA'I SKYON @195B 'DIR 'GYUR NA, KHO BO CAG MNGON SUM GYI RJES LAS BYUNG BA'I RNAM PAR RTOG PAS KYANG RANG BZHIN GYIS 'KHRUL PAS SPYI RTOGS TE, DPER NA NOR BU'I 'OD LAS NOR BU 'KHRUL PA BZHIN DU RTAGS KYI RNAM PAR RTOG PA RANG GI MTSAN NYID LA RTEN PA'I PHYIR BRGYUD PAS DNGOS PO DANG 'BREL PAS MI SLU BA YIN NO; ,'BRAS BU'I GTAN TSIGS NYID KYANG RNAM PAR RTOG PA LA SNANG BA'I DU BA'I SPYI RTAGS SU 'JOG PA NI DU BA MTHONG BA LA BRTEN NAS DER NGES PA YIN NO, ,DU BA'I RANG GI MTSAN NYID KYI DU BA NI RTAGS SU GZHAG PAR RIGS PA MA YIN NO, ,DE THUN MONG MA YIN PA MTHUN PA'I PHYOGS LA 'JUG PA MED PA'I PHYIR DE'I CHAS KHYAB PA MI RIGS SO, ,BSGRUB BYA SGRUB BYED BRTAGS PA LA, DNGOS PO MTHONG BA MED PA'I PHYIR, ,ZHES PA DANG, SPYI'I MTSAN NYID NI RJES SU DPAG PA'I YUL YIN NO ZHES BYA BA YANG GANG GSUNGS PA NA, DE LA SPYI'I MTSAN NYID NI RJES SU DPAG PA KHO NA'I YUL YIN NO ZHES NGES PAR GZUNG BAR MI BYA STE, MNGON SUM GYI RJES LAS BYUNG BA'I RNAM PAR RTOG PA DANG, DE NI RNAM PAR RTOG PA GZHAN GYI 'ANG YUL YIN PA'I PHYIR RO, ,'ON KYANG SPYI'I MTSAN NYID KHO NA RJES SU DPAG PA'I YUL YIN NO ZHE NA, NGES PAR GZUNG BAS RANG GI MTSAN NYID YUL YIN PA DGAG PA'I PHYIR RO, ,DE LA DU BA DANG LHAN CIG TU GNAS PA NI DU BA DANG BCAS PA'I ZHES BYA BAS PHYOGS KYI CHOS KYI DON BSTAN PA NYID RIGS PA DANG, SGRUB PA'I RNAM PAR RTOG PA 'DI'I SA BON DU BA DANG BCAS PA MTHONG BA DANG LDAN PA MNGON SUM GYIS ZHES BYA BAR 'BREL TO, ,CI 'DRA BA ZHE NA, DON GZHAN GYIS DBEN PA'I NGO BO'O, ,DON GZHAN NI RIGS MTHUN PA DANG, RIGS MI MTHUN PA'O, ,DBEN PA NI MA 'BREL PA'O ZHES 'DIR RNAM PAR SBYAR RO, ,DNGOS PO THAMS CAD RANG RANG GI NGO BO LA RNAM PAR GNAS PA YIN TE, RANG GI NGO BO LA 'DRE BA MI SRID PA'I PHYIR RO, ,DE LTA MA YIN NA THAMS CAD THAMS CAD LA NYE BAR SBYOR BAR THAL BAR 'GYUR RO,, 'DIS NI DGAG PA'I RNAM PAR RTOG PA'I RGYU MTSAN BSHAD PA DANG SPYIR NYE BAR RTOGS PA'I SA BON YIN TE, DE SKAD DU, ,MING DON GANG LDAN PHAN TSUN DU, ,THA DAD PA 'DI SA BON YIN, ,CES BSHAD DO, ,'DI LTAR DON GZHAN LAS LDOG PA NI PHAN TSUN THA DAD KYANG SPYIR NYE BAR MTHONG BAS DE DAG THA DAD PA'I NGO BO @196A *, ,MI MNGON BA LA THA MI DAD PA'I RANG BZHIN DU SGRO BTAGS NAS RNAM PAR RTOG PA SKYE'O, ,THUN MONG MA YIN PA'I BDAG NYID CES BYA BA NI DON GZHAN LAS THA DAD PA'I NGO BO STE, JI LTAR GZHON NU MA LEN GYIS DON GZHAN GYIS DBEN PA'I NGO BO DNGOS PO MED PA'I TSAD MAS BZUNG BA YIN GYI MNGON SUM GYI NGES PA NI MA YIN NO SNYAM DU BSAM PA LTAR MA YIN TE, DNGOS PO'I NUS PA LAS BYUNG BA'I MNGON SUM LAS GZHAN DU MTHONG BA NI MI SRID DE 'KHRUL BA THAL BAR 'GYUR BA'I PHYIR RO, ,DE NA BDAG NYID MTHONG BA DANG LDAN PAR GYUR PA'I SKYES BU LA DE MA THAG TU DRAN PA RTAGS SHES PA SKYE'O ZHES BYA BAR 'BREL TO; ,DRAN PA NI DRAN PA'O, ,RTAGS SNANG BA'I SHES PA NI RTAGS SHES PA'O, ,'DI MNGON SUM GYI RJES LA BYUNG BA'I RTOGS PA LA SPYI SNANG BAS NGES RTAGS RNAM PAR 'JOG GO, ,DON DAM PA YUL CI ZHIG YIN ZHE NA, 'DI LTAR MTHONG BA THA DAD PA'I YUL CAN ZHES BYA BA SMOS SO, ,GANG DANG GANG DU BA LA SOGS PA MTHONG BA NI JI LTAR MTHONG BA'O, ,DE THA DAD PA NI DON DAM PAR DE GZHAN LAS LDOG PA'I YUL CAN GYI RTAGS SHES PA GANG DGAG PA DANG SGRUB PA'I BDAG NYID DO, ,DE NI DE SKAD DU, NGES PA'I SHES PA RNAMS NI SGRO 'DOGS PA RNAM PAR GCOD PA'I 'BRAS BU CAN YUL MED KYANG DE'I YUL DU BRJOD DO ZHES GSUNGS SO; ,RTOGS PAR BYED PA POS NGES PA'I DON NI JI LTAR MTHONG BA THA DAD PA DE'I YUL CAN YIN PA DE'I PHYIR DRAN PA'I NGO BO DON DAM PA MA YIN NO, ,RNAM PAR RTOG PAS JI LTAR MTHONG BA'I DNGOS PO LAS GYUR PA THA DAD PA LA REG PA MED PA'I PHYIR RO, ,'O NA NI KHYED DE LTAR BRJOD PA NA KHO BO CAG GI 'DOD PA'I RJES SU 'BRANGS PA KHO NA STE, RANG DANG GZHAN GYI NGO BO YOD PA DANG MED PA DAG GI BDAG NYID KHO NA'I DNGOS PO MTHONG BA NI DGAG PA SGRUB PA'I RTOGS PA KHAS BLANGS PA'I PHYIR DANG MTHONG BA'I LTA BA'I SHES PA'I MING YIN NO, ,KHO BO CAG MNGON SUM SGRUB PA'I RNAM PAR RTOG PA LA KHYED KYANG MNGON SUM GYI TSAD MA NYID DER SNANG BAR BRJOD DO, ,THAMS CAD RIGS MTHUN PA'I RJES SU 'GRO BA'I SPYI'I NGO BO MTHONG BAS MA RTOGS PA RTOGS PA YIN PA'I PHYIR RO, ,DE NI SNGAR MED DON SHES PA, ,NGES PA GNOD PA SPANGS PA DANG, ,MA NYAMS RGYU LAS BYUNG BA NI, ,TSAD MAR 'JIG RTEN YANG DAG 'DOD, ,CES BYA BA'I TSAD MA'I MTSAN @196B NYID DANG LDAN PA DANG YOD PA'I DON DANG 'BREL PAR GYUR PA DANG DBANG PO RNAMS YOD PA'O, ,DGAG PA'I RNAM PAR RTOG PA YANG MED PA'I TSAD MA'I 'BRAS BU DNGOS PO MED PAR BSHAD PA NI TSAD MA GZHAN GYI YIN NO, ,DNGOS PO'I YUL CAN GYI RNAM PAR SHES PA MNGON SUM LA SOGS PA DES NI MED PA'I CHA MA YIN LA DNGOS PO NYID RTOGS PA YIN TE, DE NI YOD PA'I CHA'I YUL CAN YIN PA'I PHYIR RO, ,DE'I PHYIR DGAG PA'I RNAM PAR RTOG PA SKYED PAR BYED PA NYID KYIS DE DNGOS PO MED PA'I TSAD MAR BSHAD DO, ,JI LTAR GZUGS LA SOGS PA SHES PA BSKYED PA NYID KYI DBANG PO'I MNGON SUM ZHES BYA'O, ,DE LA DE LTA BU NYID 'BA' ZHIG NI DRAN PA'I RTAGS SHES PA ZHES BYA BA MI RIGS TE, SGRUB PA'I RNAM PAR RTOG PA NI SPYI MA BZUNG BAS DRAN PA NYID SRID PA'I PHYIR RO, ,DGAG PA'I RNAM PAR RTOG PA LA YANG RTAGS SHES PA MI 'DOD DO, ,'DI GA LAS SHE NA DRAN PA NYID DES SPYI BZUNG BA LA 'DZIN PA DANG, MED PA'I CHA 'DZIN PA YIN NO ZHES RGYAL DPOG PA RNAMS KYIS BRJOD PA'I DOGS PA'I GNAS SKABS MTHONG NAS DGAG PA DANG SGRUB PA'I RNAM PAR RTOG PA TSAD MA DANG TSAD MA MA YIN PA DPYAD PA RTZOM PA NI DE LA DE RNAMS MTHONG BA LA DGAG PA DANG SGRUB PA'I RNAM PAR RTOG PA RNAMS KYI DANG PO GANG YIN PA 'DI NI, SNGA MAR LTA BA'I SHES PA NI, ,THOG MAR RTOG PA MED PA YOD, ,CES BYA BA LA SOGS PA RNAM PAR RTOG PA MED PA'I RAB TU 'JUG PA ZHES BYA BA DANG POR BSHAD PA YUL THUN MONG MA YIN PA NI RANG GI MTSAN NYID KYI YUL BSTAN PA DE NYID TSAD MA YIN GYI DGAG PA DANG SGRUB PA'I RNAM PAR RTOG PA YANG MA YIN TE DE NYID LA TSAD MA'I MTSAN NYID RIGS PA'I PHYIR DANG CIG SHOS LA MI SRID PA'I PHYIR RO, ,'DI LTAR MA RTOGS PA'I YUL CAN DANG DON BYED PA SGRUB PAR BYED PA'I YUL CAN GYI TSAD MA'I MTSAN NYID BSTAN PA NYID MTHONG BA LA YOD PA YIN TE, DE LA DANG PO ZHES BYA BA NI SNGAR MED PA'I DON GYI RNAM PAR SHES PA BSHAD DO, ,YUL THUN MONG MA YIN PA ZHES BYA BA NI DON BYED BA SGRUB PA'I YUL NYID DE, RANG GI MTSAN NYID KYIS DON BYED PA SGRUB PAR NUS PA'I PHYIR RO, ,DE LA RE ZHIG DGAG PA'I RNAM PAR RTOG PA NI MNGON SUM GYIS BZUNG BA'I DON GYI YUL GYI SA DRAN PA BSTAN PA YIN TE, DE LA ZHES BYA BA SMOS TE, THUN MONG MA YIN BA DE LTAR GYUR PA DON GZHAN @197A *, ,DANG MA 'BREL PA'I NGO BO MTHONG BAS MA 'DRES PA'I NGO BO'I NUS PA LAS BYUNG BA MTHONG BA RTOGS PAR GYUR PA DE LTA NA YOD PA'I CHA LAS THA DAD PA MED PA'I CHA 'DOD PA YANG YOD PA'I CHA'I RANG BZHIN MA 'DRES PA'I NGO BO'I BRTAGS PA NA GZHAN DU NI MED PA'I CHA DE NYID MI 'GRUB BO, ,RANG BZHIN GYIS MA 'DRES PA'I NGO BO MED NA MED PA'I CHA YOD PAR GYUR PA YANG RIGS PA MA YIN NO, ,'DRES PA'I NGO BO NI RANG GI RGYU'I STOBS LAS 'ONGS PA CUNG ZAD CIG KYANG BYED PA MED PA'I CHAS SRID KYANG SPANG BAR MI RIGS PA'I PHYIR DANG, DE NYID KYIS NA DE 'JIG PA LA 'JIG PA'I RGYU MI RIGS SO ZHES 'CHAD PAR 'GYUR BA'I PHYIR RO, ,NGES 'DRES PA'I NGO BO 'JIG PA NI RANG GI RGYU KHO NA'I RANG BZHIN MA 'DRES PA'I NGO BO LAS SKYES NA MDZES KYI, CI DKA' THUB KYI LA TU BA'I RIGS PA KHAS LEN PAR BYED DAM, DE'I PHYIR RANG BZHIN KHO NA YOD PA RNAM LA GZHAN PA'I NGO BO BRTAG PA'I PHYIR MED PA'I CHA NI BZHIN MA YIN NO, ,DE YANG DE LTAR MTHONG NAS 'DZIN PA KHO NA'O, ,DE'I TSE DE LTAR GYUR PA DE'I DON GANG DANG GANG GIS THUN MONG MA YIN PAR MTHONG BA'I DNGOS PO NI SPYI'I NGO BO MA YIN TE, DE'I NGO BO MA TSANG BA'I RANG BZHIN YIN PA'I PHYIR RO, ,DE THUN MONG MA YIN PA DE DANG DES MA YIN PA'I NGO BO NI SPYI'I RANG BZHIN MA YIN PA DE DAG NYID GSAL BAR BYED DO, ,DE'I PHYIR DON GZHAN LAS THA DAD PA MTSAN NYID MI MTHUN PA'I DI GZHAN GYI NGO BO MA YIN PA'I PHYIR RO, ,MNGON PAR BRJOD PA NI MNGON DU SMRAS PA'O, ,MTSAN NYID MI MTHUN PAR RAB TU 'JUG PAR MTHONG BA'I MNGON SUM GYI STOBS KYIS DRAN PA SKYES PA YIN GYI, GANG RTAGS KYI STOBS KYIS BSKYED PA'I RNAM PAR BCAD PA'I YUL LA YANG DRAN PA YOD PA NI MA YIN PA'I PHYIR RO, ,YUL CI ZHIG CE NA, DE MA YIN PA LA LDOG PA'I YUL CAN NO, ,DE'I SGRAS NI MTHONG BA'I YUL GYI DNGOS PO LA SNYEGS SO, ,DE MA YIN PA NI RIGS MI MTHUN PA DE MA YIN PA'O, ,DE LAS LDOG PA NI DE MA YIN PA LAS LDOG PA'O; ,DE'I YUL GANG YIN PA DE NI DE BZHIN DU STE, JI LTAR MTHONG BA NYID DON GZHAN DAG LAS THA DAD PAR BRTAGS PA NI RTOGS PAR BYED PA POS MNGON PAR ZHEN NAS DE SKAD BRJOD KYI DON DAM PAR YUL MED PA'I PHYIR RO, ,DE TSAD MA YIN PA NI MED PA TSAD MA'I 'BRAS BU MA YIN NO ZHES BYA BA'I DON TO, ,DRAN PA @197B SKYED PAR BYED PAS TSAD MAR MI RIGS SO, ,CI'I PHYIR TSAD MA MA YIN ZHE NA, JI LTAR MTHONG BA'I RNAM PA GSAL BA LA SOGS PA RKYEN GZHAN LA LTOS PA DANG BCAS PA'I BYE BRAG DE 'DZIN PA'I PHYIR RO, ,MTHONG NGO ZHES BYA BA NI RNAM PAR RTOG PA'I GZUNG BAR BYA BA'I MA YIN TE, MTHONG BAR KHYAD PAR MED PA'I PHYIR RNAM PA THAMS CAD LA RNAM PAR RTOG PA SKYE BAR THAL BAR 'GYUR RO, ,'ON KYANG 'GA' ZHIG GOMS PA LA SOGS PA'I RKYEN LA LTOS PA'I PHYIR RNAM PA 'DZIN PAR BRJOD DO, ,KHYED KYANG JI LTAR MTHONG BA'I RNAM PA 'DZIN PA YIN YANG, CI'I PHYIR TSAD MA'I MTSAN NYID BRJOD PA DE BSAL BAR BSTAN PA'I PHYIR SNGA MA LTA BA'I SHES PA SKYE BA'I DUS SU THUN MONG MA YIN LA MA 'DRES PA'I NGO BO MTHONG NAS THUN MONG MA YIN PA NI DON GZHAN GYI NGO BOR MI 'GYUR RO ZHES MNGON PAR BRJOD PA NI MNGON PAR BRTAGS PA'O, ,DGAG PA'I RNAM PAR RTOG PA NI SNGON MED PA'I DON RTOGS PA MED PA'I PHYIR SNGON MED PA'I DON RNAM PAR SHES PA SPANGS PA YIN NO, ,SNGAR MED PA'I DON GYI RNAM PAR SHES PA TSAD MA YIN NO ZHES KHYED KYIS BRJOD DO, ,JI SKAD BSHAD PA'I RNAM PAS DGAG PA'I RNAM PAR RTOG PA TSAD MA MA YIN NO, ,DE LTA NA NI SGRUB PA'I RNAM PAR RTOG PA TSAD MAR 'GYUR TE, DE SNGON MED PA'I RNAM PAR SHES PA MI SRID PA MA YIN TE, DE SO SOR SNANG BA'I RJES SU BYED PA'I SPYI'I RNAM PA NI THUN MONG MA YIN PA'I NGO BO LA DMIGS PA NI MA MTHONG BAS MA RTOGS PAS RTOGS PA'I PHYIR, DE GANG GIS NA TSAD MA MA YIN, DE SKAD DU, DE LAS GZHAN YANG DNGOS CHOS NI, ,ZHES BYA BA LA SOGS PA SMRAS PA 'DI DAG GZHON NU MA LEN GYIS BRJOD PA'I DOGS PA BSU NAS SGRUB PA'I RNAM PAR RTOG PA'I TSAD MA YANG BSAL BA NI, DON BYED PA BSGRUB PA ZHES BYA BA SMOS TE, RANG GI MTSAN NYID LA LTA BA'I SHES PAS MTHONG BA'I PHYIR DANG, DE BSGRUB PA MTHONG BA MED PA NI DON BYED PA SGRUB PA'I NGO BO RNAM PAR RTOG PAS RTOGS PA MED PAS SGRUB PA'I RNAM PAR RTOG PA TSAD MA MA YIN NO, ,GAL TE DES KYANG MA RTOGS PA'I SPYI RTOGS PA YIN NO ZHES BRJOD PA DE LTA NA YANG DE'I DON BYED PA SGRUB PA MA YIN PA'I PHYIR DE'I RTOG PA NI RAB RIB CAN GYI SHES PA LA SOGS PA BSHAD PA BZHIN DU SGRUB PA'I RNAM PAR RTOG PA TSAD MA MA YIN NO, ,DE LA GZHAN YANG DNGOS CHOS NI, , @198A *, ,RIGS LA SOGS PA GANG GANG GI, ,BLO YIS NGES PA ZHES BRJOD DO, ,DE LAS GZHAN YANG DNGOS PO 'DZIN PA RNAM PAR MI RTOG PA'I MNGON SUM GYI YUL NYID NI DNGOS PO'O, ,RIGS LA SOGS PA NI BYE BRAG TU RTOGS PA NI BLO YIS MNGON BAR ZHEN PAR BRJOD DE, DE NI RNAM PAR MI RTOG PA'I SHES PAS RTOGS PAS DE LA TSAD MA YIN GYI, RIGS NI DON BYED PA SGRUB PA MED PA'I PHYIR, SKRA SHAD LA SOGS PA'I SHES PA BZHIN DU MA RTOGS PA RTOGS PA TSAD MA MA YIN NO, ,DE NYID KYI PHYIR DON BYED PA'I NUS PAS STONG PA'I SPYI NI DBANG PO DANG 'BREL PA MED PA'I PHYIR MNGON SUM SRID PA MA YIN NO, ,DANG GI SGRAS NI DRAN PA NYID DANG ZHES SNGAR BSHAD ZIN PA BSDU'O, ,DRAN PA NYID KYANG PHYIS BSHAD PAR BYA'O, RJES SU DPAG PA BZHIN CES BYA BA'I CHOS MI MTHUN PA'I DPE YIN NO, ,JI LTAR MNGON SUM GYIS DON BYED PA SGRUB PA'I SA PHYOGS CHOS CAN RTOGS KYANG ME DON BYED PA SGRUB PA'I SPYI'I RNAM PA LKOG TU GYUR PA RTOGS PA MED DO, ,RANG GI MTSAN NYID KYIS RNAM PAR RTOG PAR MI NUS PA'I PHYIR RO, ,RTOGS PAR BYED PA POS SGRUB PA'I RNAM PAR RTOG PA SPYI'I RNAM PA DON BYED PA SGRUB PA MA RTOGS PA RTOGS PA MED DO, ,DE LTA BA'I SHES PAS RTOGS PA DE'I PHYIR DRAN PA ZHES BYA BA 'DIR TSAD MA MA YIN NO, ,GAL TE DON BYED PA SGRUB PAR BYED PA'I YUL KHO NA LA TSAD MA YIN GYI CIG SHOS LA MA YIN NO ZHES BYA BA GA LAS SHES SHE NA, GANG GI PHYIR DON BYED PA DON DU GNYER BA'I SKYES BU NI PHAN PA DANG MI PHAN PA THOB PA DANG, YONGS SU SPANGS PA THAMS CAD DON DU GNYER GYI BYA ROG DANG TA LA'I RIGS PAS NI 'GA' ZHIG KYANG MA YIN TE, RTOG PA DANG LDAN PA BLO SNGON DU GTONG BA TSAD MA 'AM TSAD MA MA YIN PA ZHIG YIN, TSAD MA LAS NI THAMS CAD DU 'JUG PAR BYED KYI, TSAD MA MA YIN PAS NI 'GA' ZHIG GI TSE YANG MA YIN TE, SLU BA SRID PA'I PHYIR RO ZHES GNYI GA TSOL BA YIN GYI NYON MONGS PA NI MA YIN NO, ,DE'I PHYIR DON BYED PA SGRUB PAR BYED PA'I YUL KHO NA LA TSAD MAR BRJOD DE, DE'I DON BYED PA SGRUB PA NI 'JUG PA'I YAN LAG YIN PA'I PHYIR DANG, CIG SHOS NI BZLOG PA YIN PA'I PHYIR RO, ,DE LTAR NI TSAD MA NI MI SLU BAR BYED PA MA 'KHRUL BA ZHES 'JIG RTEN YANG @198B BRJOD DO, ,GANG DON BYED PA SGRUB PA MA RTOGS NA DE LA 'JUG PA MED PAS 'DI GA LAS THOB BA YIN, DE JI LTAR MI SLU BAR BYED PA DE RTOGS PA SNGON DU GTONG BAR BYED PAS TSAD MAR BRJOD PAR 'GYUR, GAL TE DE LTA NA SPYI YANG DON BYED PA SGRUB PA NYID DES DE'I YUL LA SGRUB PA'I RNAM PAR RTOG PA TSAD MAR 'GYUR RO ZHE NA, SPYIS NI ZHES BYA BA SMOS TE, CUNG ZAD CIG KYANG DES BSGRUB PAR BYA BA KHAS MA BLANGS TE, THA MI DAD PA'I SHES PA'I MTSAN NYID BRJOD PA 'AM GZHAN LA NI BSAL BAS BSGRUB PAR BYA BA'I DON BYED PAR NYE BAR BTAGS PA YIN NO, ,CI 'DRA BA ZHE NA, RANG GI MTSAN NYID RTOGS PA'O,, GSAL BA RTOGS PA NI LTA BA'I SHES PA'I MING YIN NO, ,'OG TU NI DUS PHYIS DE'I MTHU LAS SKYES PA'I RNAM PAR RTOG PA CAN GYI, RNAM PAR SHES PA'I BZUNG BA YIN PAS SO, ,DE'I SGRA NI RANG GI MTSAN NYID RTOGS PA DANG 'BREL TO, ,DE LAS GZHAN PA'I DNGOS PO YANG ZHES BYA BA LA SOGS PA GZHAN GYIS BRJOD PA NI JI SKAD DU BRJOD PAS MTHONG BA'I RJES LA RNAM PAR RTOG PA NI MNGON SUM GYI TSAD MA NYID DO ZHES BSAL BA YIN TE, PHYIS NI THAMS CAD DU CUNG ZAD CIG KYANG DON BYED PAR NYE BA BTAGS PA MED DO, ,RJES SU DPAG PA'I RNAM PAR RTOG PA'I GZUNG BAR BYA BA'I SPYI NI RGYU 'AM KHYAB PAR BYED PA DANG; RTAGS 'BREL PA NGES PA'I SGO NAS DON BYED PA SGRUB PA'I YUL MA RTOGS PA'I DON BYED PA RTOGS PA'I PHYIR DE'I YUL TSAD MA YIN GYI, 'DI NI DE LTAR RTOGS PA MED PA'I PHYIR DON BYED PA SGRUB PAR BYED PA NI LTA BA'I SHES PA YIN NO ZHES BYA'O, ,'DIR DPE NI, DPER NA SNGON PO MTHONG BA NA SNGON PO'O SNYAM DU SHES PA SNANG BZHIN TE ZHES BYA BA NI LHAG MA'O, ,SPYI NI CUNG ZAD CIG KYANG DON BYED PAR NYE BAR BRTAG PAR MI BYA'O ZHES RNAL MA DANG SBYAR RO, ,'O NA 'DI RTAGS KYI RNAM PA LA SNANG BA'I SPYI'I GNAS SKABS SU DE LA DPE GZHAN GYIS CI ZHIG BYA ZHE NA, MTHONG BA THAMS CAD KYI RJES LAS BYUNG BA'I RNAM PAR RTOG PA MNGON SUM GYI TSAD MA DANG MTSUNGS PAR GZHAN GYIS KHAS BLANGS PA BSAL BA'I PHYIR RO, ,GAL TE SNGON PO YIN NO ZHES MTHONG BA'I RJES LAS BYUNG BA'I RNAM PAR RTOG PA LAS SNANG BA'I SPYI DON BYED PAR CIS NA BRTAG PAR MI BYA, GSAL BA'I BSGRUB PAR BYA BA'I DON DE YANG DON GZHAN @199A *, ,GYIS DE'I DON BYED PA BRTAG PAR MI BYA BA'I PHYIR DE YANG DON BYED PA SGRUB PA MED PAS NA DNGOS PO MED PAR THAL BAR 'GYUR RO, ,'O NA TE THA MI DAD PA'I SHES PA'I MTSAN NYID DANG BRJOD PA'I RANG BZHIN BSGRUB PAR BYA BA SGRUB PAR BYED PA YIN PAS MA GRUB PA YIN TE, RANG GI BSGRUB PAR BYA BA'I RGYU YIN PA'I PHYIR RO SNYAM DU DOGS PA LA, DE NYID CES BYA BA SMOS TE, ,LTA BA'I SHES PAS NYE BAR DMIGS PA GANG YIN PA DE NI, ,SNGON PO'I RANG GI MTSAN NYID NI SNGON PO'I GSAL BA'O, ,RNAM PA DE LTA BUS BSGRUB PAR BYA BA'I DON BYED PA YIN TE, RNAM PA DE LTA BU'I SGRAS NI SPYI TZAM DU MNGON PAR 'DOD PA NI 'DRA BA NYID MING GI RNAM GRANGS YIN PA'I PHYIR THUN MONG BA'I NGO BO 'DI YANG 'DRA BA'I PHYIR RO, ,DES NA RNAM PA DE LTA BU'I BSGRUB PAR BYA BA NI SNGON PO'I SPYI BSGRUB PAR BYA BA THA MI DAD PA'I SHES PAR BRJOD PA'I MTSAN NYID DON GYI BYA BA BYED PAR NUS PA NI RANG GI MTSAN NYID 'DI YIN NO ZHES DE BZHIN DU BSHAD DO, ,'DI SNYAM DU DGONGS PA YIN TE, 'DI LTAR GSAL BA THA DAD PA YANG 'GA' ZHIG DANG NYE BAR GYUR PA LAS DANG 'BRAS BU GCIG TU NGES PA'I MTSAN NYID DU MTSUNGS PA GCIG THA MI DAD PA BYED PAS NA, DE LAS GZHAN PA'I SPYI DANG LDAN PA MED DE, DE LTA MA YIN NA THUG PA MED PAR THAL BAR 'GYUR RO, ,DE LTAR NA THA MI DAD PA'I SHES PA DANG BRJOD PA'I BDAG NYID KYI DON BYA BA SGRUB PAR BYED DO, ,GANG GI PHYIR TSAD MA MED PA DANG TSAD MAS GNOD PA'I SPYI YANG KHAS BLANGS PAS CI ZHIG BYA, 'DI LTAR RJES SU DPAG PA LA SOGS PA'I SHES PA LA JI LTA BA'I RNAM PA 'DI MI GSAL BA'I NGO BO SNANG BA LA DE LTA BU'I RNAM PA GSAL BA MTHONG BA RNAMS LA DE NYE BAR MI RTOGS SO, ,GSAL BA GCIG KHO NA MTHONG BA'I DUS SU SNGON PO LA SOGS PA'I NGO BO GSAL BAR SNANG BA NA DE JI LTAR MTHONG BA MED PAR BRTAGS NAS BDAG NYID LA BDAG NYID SLU BAR BYED DAM, GAL TE GSAL BA'I NGO BO DANG 'DRES PAS 'DI LCAGS KYI GONG BU'I ME BZHIN DU SNANG BA YIN NO ZHE NA, MA YIN TE, THAMS CAD DU THA DAD PA DANG, ,THA MI DAD PA'I RNAM PAR GZHAG PA MED PAR THAL BAR 'GYUR TE, 'DI'I LAN NI GZHAN DU YANG RNYED PAR SLA BA'I PHYIR RO, , @199B SPYI'I NGO BO LA GSAL BA DANG MI GSAL BA RNAM PA GNYIS NI MED DE, GANG GI GCIG NI MTHONG BA'I RNAM PA DANG, GZHAN RJES SU DPAG PA LA SOGS PA'I SHES PA'I DON GNYIS SU KHAS BLANGS PAR THAL BAR 'GYUR TE, SO SOR SNANG BA THA DAD PA NYID THAMS CAD DU DNGOS PO THA DAD PAR RNAM PAR GZHAG PA'I RGYU MTSAN YIN PA'I PHYIR RO, ,SPYI LA SPYI GZHAN YOD PAR THAL BAR 'GYUR BA SPYI GZHAN MED PAR KHAS BLANGS PA'I PHYIR RO, ,'DIS NI, DNGOS RNAMS KUN LA LDOG PA DANG, ,RJES SU 'GRO BA'I BDAG NYID BLO, ,SKYE BA'I BDAG NYID GNYIS MED NA, ,DE YANG RIGS PA MA YIN NO; ,GANG RUNG 'DIR NI 'KHRUL PA DANG, ,NYE BAR BTAGS PAR MI 'DOD DO, ,THAMS CAD DUS SU BLO BRTEN PHYIR, ,'KHRUL PAR BRJOD PA DE 'KHRUL PA, ,ZHES BYA BA GANG SMRAS PA DE DAG KYANG BSAL BA YIN NO, ,GAL TE GANG GI PHYIR DBANG PO'I BLOR MNGON PAR BRJOD PAR 'DOD PA DE'I TSE MA GRUB PA YIN TE, SNGON PO LA SOGS PA MI GSAL BA'I RNAM PA SNGON PO LA SOGS PA GSAL BA'I RNAM PA DE LA NYE BAR MI RTOG PA'I PHYIR RO, ,GSAL BA YANG GNYIS PA'I RJES SU 'GRO BA DANG DE YOD NA 'GYUR NA GSAL BA GNYIS KYI BAR DU MA KHYAB PA DANG LDAN PA DE JI LTAR DE'I RJES SU 'GRO BA YIN, YANG NA KHYAB PAR NYE BAR DMIGS PAR 'GYUR NA DE NI DE LA RTOGS PA MED PA GA LA YIN, GSAL BA MI GSAL BA'I NGO BOR MI SRID DE GCIG PA'I PHYIR RO, ,DE SKAD DU, GAL TE RIGS NI KUN LA YOD, ,GCIG DE GSAL BAS GSAL BA NYID, ,THA DAD MED PHYIR KUN LA MTHONG, , DE YANG GSAL BA LA LTOS MIN, ,CES BYA BA SMOS TE, GSAL BA GCIG LA NYE BAR DMIGS PAR GYUR NA YANG 'JIG RTEN NA GSUM PO MA LUS PA KHYAB PA'I NGO BO 'AM MA LUS PA'I RTEN LA KHYAB PA MTHONG BAR 'GYUR NA, ,GANG LA CUNG ZAD GCIG KYANG SKAD CIG MA LA SOGS PA BZHIN DU MTHONG BA DANG MA MTHONG BA NI MI 'THAD DO, ,GAL TE MTHONG BA YANG RTEN GCIG LA MTHONG BAR MTHONG BAR ZHEN GYI THAMS CAD LA MA YIN NO ZHE NA, MA YIN TE, RNAM PAR RTOG PAS DE MTHONG BAR KHAS BLANGS PA'I PHYIR RO, ,NGES PAS YUL DU BYAS PA MA NGES PA YIN NO ZHES BYA BA MI RIGS TE, DES NA THAMS CAD @200A *, ,DU SONG BA'I NGO BO MTHONG NA DON THAMS CAD MTHONG BAR THAL BAR 'GYUR RO, ,DE NI MTHONG BA DE DANG LHAN CIG NYE BAR DMIGS PA'AM, DE DANG THA MI DAD PA RANG BZHIN NYE BAR MI DMIGS PA RIGS PA MA YIN NA, DE JI LTAR DBANG PO'I BLO YIS GNYIS KYI BDAG NYID YIN; YANG NA RJES SU DPAG PA LA SOGS PA'I BLO'I YIN NA, DE YANG RANG GI MTSAN NYID SNANG BA MED PAS GANG LAS GNYIS KYI BAR DU 'GYUR, DE RNAMS KYI SPYI 'DZIN PA RNAMS LA GSAL BA LTA BU'I MTSAN NYID GSAL BA NI MED DE, RANG GI MTSAN NYID LA SNANG BA DE MED KYANG DE SRID PA'I PHYIR DANG; RNAM PA GZHAN RANG GI SHES PA LA SO SOR SNANG BA'I PHYIR RO, ,GCIG LA RNAM PA DU MA MI RIGS PAS HA CANG THAL BAR 'GYUR BA'I PHYIR RO, ,DE'I PHYIR THA DAD PA'I DON GYI GZUNG BAR BYA BA 'DI THA MI DAD PA'I SPYI'I BLO LA SO SOR SNANG BA NI RANG GI MTSAN NYID SNANG BA MA YIN TE, 'ON KYANG THOG MA MED PA'I PHYIN CI LOG GI RNAM PAR RTOG PA GOMS BA'I BAG CHAGS LAS SKYE BA YOD PA DE BZHIN DU SNANG BA'I PHYIR DANG, BRTEN PA'I PHYIR BLO NI 'JIG PA MED PAR 'GYUR NA SKAD CIG MAR KHAS BLANGS PA'I PHYIR RO, ,'ON KYANG GNOD PA MED PA NYID DE YANG 'DI MI SRID DE GNOD PAR BYED PA'I CHA TZAM BSHAD PA'I PHYIR RO, ,RGYAS PA YANG YOD PA 'JIG PA JI LTA BA'I GNAS SKABS 'DI NYID DE DANG DER BSHAD PA'I GNOD PAR BYED PA NGES PAR GZUNG BAR BYA'O, ,DE'I PHYIR JI LTAR GSAL BA LA SPYI GZHAN MED KYANG GCIG PA BYED PA DE LTA NA THA MI DAD PA'I SHES PA BRJOD LA 'JUG PAR YANG BYED PA'I PHYIR; DE NYID SNGON PO'I RANG GI MTSAN NYID DAG SPYI BSGRUB PAR BYA BA'I DON BYED PAR KHAS BLANGS PA'I PHYIR RO, ,GANG YANG, GAL TE SPYI GZHAN MI 'DOD NA, ,DE YI 'JUG PA NGES PA CAN, ,BA LANG NYID KYANG MED NA NI, ,CI PHYIR BA LANG BLOR MI NGES, ,JI LTAR THA DAD NYID MTSUNGS KYANG, , LDOG RNAMS 'GA' LA 'JUG BA NI, ,BA LANG NYID SOGS RGYU MTSAN NI, ,MED KYANG DE BZHIN BLO 'BYUNG 'GYUR, ,ZHES BYA BA PHYOGS SNGA MAR BYAS NAS, YUL MED NA NI BLO RNAMS NI, ,SKYE BA MED PAR 'DOD PA YIS, ,GZHAN LAS BYE BRAG 'DOD PA NA, ,DES NA SPYI DE NGES PA YIN, , @200B DES NA DE MED SKYE NA NI, ,YUL MED PHYIN CI LOG TU 'GYUR, ,GZHAN MED NA NI MI 'GAG NA, ,SPYI 'DI LA NI NYES PA MED, ,CES BYA BA GANG YANG PHYIN CI LOG PA'I THAL BAR 'GYUR BA'I SKYON BRJOD PA 'DI DE BZHIN GSHEGS PA'I GZHUNG LUGS KYI RIGS PA DRI MA MED PA'I BLO LA GNOD PA MED DO; ,SPYI'I BLO RNAMS NI GNOD PA BYED PA'I RKYEN GYI MTSAN DANG LDAN PA'I PHYIN CI LOG TU KHAS BLANGS PA'I PHYIR RO, ,CI PHYIR NOG SOGS LDAN RNAMS LA, ,BA LANG GANG PHYIR DE BDAG NYID, ,CI PHYIR 'DI DE'I BDAG CE NA, ,RANG BZHIN YIN ZHES GO BAR BYA, ,ZHES BYA BA SMOS PA NI, , GSAL BA'I RANG BZHIN THUN MONG MA YIN BA GSAL BA SKYE BA DANG 'JIG PA DAG GI SPYI SKYE BA MED PA DANG LDAN PA MI RIGS TE 'GAL BA'I CHOS DANG LDAN PAR THA DAD PAR THAL BAR 'GYUR BA'I PHYIR RO, ,GAL TE DE YIS BDAG NYID 'DOD, ,GSAL BA'I SKYE DANG SKYE MED DANG, ,'JIG DANG 'JIG MED CI STE 'DOD, ,DE BZHIN RJES 'GRO MED CES MIN, ,GSAL BA'I SKYE BAS MI SKYE GRANG, ,RTEN GZHAN LAS NI 'ONG MED PA, ,DE YI YUL NA SNGAR YOD MIN, ,DE YIS JI LTAR 'BREL PA YIN, ,GAL TE GSAL 'JIG MI 'JIG NA, ,GSAL BA GZHAN LA MED 'GRO BA, ,DES STONG YUL LA GNAS PA MED, ,RIGS DE GANG LA YOD PA SMOS, ,GAL TE GSAL BA'I SKYE BA DANG, ,RIGS DE 'BREL PAR MI 'DOD NA, MA BSLAD PA YI BLO CAN LA, ,DE YI BDAG NYID JI LTAR 'DOD, ,GAL TE SNGON PO LA SOGS PA'I RANG GI MTSAN NYID KHO NA SPYI'I DON GYI BYA BA BYED BAR DE NYID DES RTOGS NA RNAM PAR RTOG PA TSAD MAR 'GYUR RO ZHE NA, ,DE'I SNGON PO'I RANG GI MTSAN NYID CES BYA BA SMOS TE, ,BDAG NYID DES SNGON PO'I BSGRUB PAR BYA BA'I DON BYA BA BYED PAR RANG BZHIN MTHONG BA NYID LTA BA'I SHES PA ZHES BA'O, ,DE'I PHYIR BYA BA GRUB PA LAS KHYAB PAR MI BYED PA'I RNAM PAR RTOG PA'I SHES PA JI LTAR TSAD MAR 'GYUR, ,'ON TE SPYI NYID DE LTAR LHAG PAR RTOGS PA'I SNGON PO'I RNAM PAR RTOG PA'I TSAD MA YOD DO, ,SPYI DON MED PA'I BYA BA BYED PA NI MA YIN TE SNGON PO BSGRUB PAR BYA BA'I DON BYED PA'I SNGON PO DANG LHAN CIG TU BYUNG NAS BYED PAR 'GYUR BA'I @201A *, ,GSAL BA'I RANG BZHIN NYID SPYI YIN PAR 'DOD DO ZHE NA, ,DE'I RANG GI MTSAN NYID BZUNG BA'I DUS BYIS BYUNG BA'I SNGON BO ZHES BYA BA SMOS TE, ,GSAL BA'I DUS PHYIS BYUNG BAR NUS PA'O, ,GAL TE RTAGS BZUNG BA'I DUS PHYIS BYUNG BA NI SNGAR BSHAD PA'I RNAM PA GSAL BA'I BSGRUB PAR BYA BA'I DON BYA BA BYED PA NI SPYI'I RNAM PAR RTOG PAS GZHAG PAR NUS PA YIN NO SNYAM NAS, ,SNGON PO'I RNAM PAR RTOG PA'I YUL GYI SNGON PO'I SPYIS SNGON PO'I DON GYIS BSGRUB PAR BYA BA BYED PA GTZO BO LA SOGS PA BYED PA YIN NO, ,DE GSAL BA NI RANG BZHIN DU RUNG BAR GYUR PA LA RNAM PAR RTOG PA'I NGO BO DE MI SRID PA'I PHYIR RO, ,RTAG PA'I RANG BZHIN DE 'DZIN PA NI SNGON PO'I RNAM PAR RTOG PA'I YUL GYIS NI SNGON PO'I BSGRUB PAR BYA BA 'AM GZHAN PA'I DON BYA BA MI BYED DE, ,RIM DANG, CIG CAR LA SOGS PAS 'GAL BA'I PHYIR RO SNYAM MO, ,DE LTAR SNGON PO DE MTHONG BA NA SNGON PO'O ZHES SHES PA LA SO SOR SNANG BA'I SPYI NI CUNG ZAD CIG KYANG DON BYED PAR NYE BAR BTAGS PAR MI BYA'O, ,BSGRUB PAR BYA BA'I DON BYED PA MED PA'I YUL YIN NA YANG MNGON SUM GYIS RJES LAS BYUNG BA'I RNAM PAR RTOG BA TSAD MAR THAL BAR 'GYUR NA NI HA CANG KHYAB CHES SO SNYAM NAS; DE LA SNGA NA MED PA'I DON GYI RNAM PAR SHES PA YIN NO ZHES TSAD MA'I MTSAN NYID DPYOD PA BAS KHYAD PAR CAN NYE BAR BSTAN PA'I PHYIR BSHAD PA NI, DE LTA BAS NA ZHES BYA BA SMOS TE, GANG GI PHYIR DE LTAR DON BYED PA MED PA SGRUB PA'I YUL GYIS NI MTHONG BA'I RJES LAS BYUNG BA'I RNAM PAR RTOG PA YANG TSAD MAR MI RIGS SO, ,DE'I PHYIR KHO BO CAG 'DOD PA'I TSAD MA MI SLU BA CAN SHES PA ZHES BYA BA'I TSAD MA'I MTSAN NYID BSAL NAS MA RTOGS PA'I DON GYI YUL CAN NI TSAD MA STE, DE LA SNGA NA MED PA'I DON RNAM PAR SHES PA YIN NO ZHES 'DIR YANG BDAG GIS KYANG BYA SNYAM NAS TSAD MA'I MTSAN NYID GZHAN BYED PA HA CANG KHYAB CHES PAS DE YONGS SU SPANGS NAS KHYAD PAR GYI KHYAD PAR CAN DU NYE BAR BSTAN PA STE, KHYAD PAR JI LTAR YIN ZHE NA, RANG GI MTSAN NYID MA RTOGS PA YIN NO ZHES BYA BA KHYAD PAR LA 'DIS RJES SU DPAG PA'I RNAM PAR RTOG PA YANG TSAD MAR GRUB LA, LTA BA'I @201B SHES PA'I RJES LAS BYUNG BA'I RNAM PAR RTOG PA TSAD MA YIN PA BSAL BA YIN NO ZHES BYA BAR THAMS CAD LEGS PAR GNAS SO, ,DE LTA NA SGRUB PA'I RNAM PAR RTOG PA DON BYA BA MED PA SGRUB PAR BYED PA'I YUL GYIS SPYI MA RTOGS PA RTOGS PA'I TSAD MA YANG BSAL TO, ,RANG GI TSIG NI BSDUS PA YIN TE DRAN PA NYID DGAG PA'I RNAM PAR RTOG PA THUN MONG PA TSAD MA MA YIN PA'I RGYU NI, RANG GI MTSAN NYID RTOGS NAS ZHES BYA BA SMOS TE, LTA BA'I SHES PA DE'I MTHU LAS SKYES PA CAN RANG GI MTSAN NYID RTOGS PA'I STOBS KYIS BYUNG BA'I RNAM PAR RTOG PA NI DE'I RJES LAS DNGOS SU SKYES PA NI MA YIN PA'I PHYIR DANG, MTHONG BA'I 'DU BYED PAS 'PHANGS PA'I DBANG GIS SNGON PO'I RANG GI MTSAN NYID KYI RNAM PA MI GSAL BA'I RJES SU BYED PA NI SNANG BA DANG, BRTAG PAR BYA BA DAG GCIG TU BYED PAR BRJOD DO, ,DNGOS PO YOD PA'I CUNG ZAD CIG KYANG 'DI NYID RJES SU BYED PA MED PA DE NI DRAN PA KHO NA'O, ,GA LAS SHE NA, DNGOS PO'I YUL GYI 'BRAS BU YIN PA'I PHYIR DON DAM PA MA YIN NO, ,SKYES BU RANG GI MTSAN NYID LA 'JUG PA 'DI'I 'BRAS BU STE DER MNGON PAR ZHEN PAS SO, ,GANG GI PHYIR DE'I YUL CAN GYI 'BRAS BU YIN PA'I PHYIR DRAN PA KHO NA YIN PA DE BAS NA MTHONG BA'I STOBS LAS SKYES PA'I RNAM PAR RTOG PA TSAD MA MA YIN TE, DE LTA NA DRAN PAS NYAMS SU MYONG BA'I RANG GI MTSAN NYID KYI CHA'I YUL YIN DU ZIN KYANG DON DAM PA DE'I YUL MA YIN PA NYID DE, RANG GI MTSAN NYID KYI DBANG PO'I BLO 'GYUR BA GSAL BA'I NGO BO DRAN PA LA SNANG BA MED PA'I PHYIR RO, , 'ON KYANG JI SKAD BSHAD PA'I 'BRAS BU KHO NA STE, DE YANG SGRUB PA'I RNAM PAR RTOG PA DANG MTSUNGS PA'I PHYIR JI LTAR 'DI DRAN PAR MI 'GYUR, 'ON TE DE LA 'DIR RJES SU DPAG PA'I RNAM PAR RTOG PA DRAN PA'I NGO BO YIN YANG TSAD MAR 'DOD DE'I LTAR GANG ME MA YIN PA LAS LDOG PA KHO NA'I DNGOS PO TZAM TSANG BA NGAL SOGS PA NYAMS SU MYONG BAR GYUR PA DE NYID PHYOGS KYI KHYAD PAR LA DU BA MTHONG BAS DRAN PA YIN PA DE BZHIN DU SGRUB PA'I RNAM PAR RTOG PA YANG TSAD MAR 'GYUR RO ZHE NA, DNGOS PO'I NGO BO MA RTOGS PA RTOGS PA MED PA'I PHYIR ZHES BYA BA SMOS SO, ,'DI SNYAM DU DGONGS @202A *, ,PA YIN TE, TSANG BANG LA SOGS PA ME MA YIN PA LAS LDOG PA'I DNGOS PO TZAM SNGAR NYAMS SU MYONG BA GANG YIN PA DE YUL LA SOGS PA DANG 'BREL PA NYID LA RJES SU DPAG PA NI DRAN PA MA YIN NO, ,'ON KYANG PHYOGS GANG LA SNGAR NYAMS SU MYONG BA DE DANG 'BREL PA DE BAS NA BSGRUB PAR BYA BA'I CHOS CAN LA DANG DPE LA BZUNG BA GNYI GA ME MA YIN PA LAS LDOG PA'I DNGOS PO'I NGO BO MA RTOGS PA MA 'BREL PA RNAM PAR BCAD NAS RTOGS PAR BSHAD PAS 'DI TSAD MA YIN GYI MTHONG BA'I RJES LAS BYUNG BA'I RNAM PAR RTOG PA NI MA YIN TE, DE PHYIN CI LOG PA'I PHYIR RO; ,GAL TE DNGOS PO'I NGO BO MA RTOGS PA RTOGS PA MED PA'I TSAD MA YIN PAR CI'I PHYIR NA MI 'GYUR ZHE NA, DNGOS PO'I RTEN CAN YIN PA'I PHYIR RO ZHES BYA BA LA SOGS PA SMOS TE, TSAD MA'I RNAM PAR GZHAG PA NI DNGOS PO'I RTEN CAN NYID DO, ,TSAD MA'I YUL BYA BA MNGON PAR 'DOD PAS BRJOD KYI DMIGS PA'I MTSAN NYID NI MA YIN NO, ,DE LTA MA YIN NA RJES SU DPAG PAS KUN DU BRTAGS PA'I SPYI LA DMIGS PA NI DNGOS PO LA RTEN PA MED PA'I PHYIR MTSAN NYID RNAM PAR GZHAG PA MA KHYAB PAR 'GYUR RO, ,GAL TE DNGOS PO LA BRTEN NAS TSAD MA RNAM PAR 'JOG NA, BSKAL BA'I YUL LA DMIGS PA JI LTAR TSAD MA YIN ZHE NA, 'DIR YANG GTZO BO LA SOGS PA'I RNAM PAR RTOG PA NYID DNGOS PO NYE BAR LEN PA DES BSGRUB PAR BYA BA'I PHYIR, GZHAN YANG DNGOS PO LA RTEN PA CAN NYID YOD PA'I PHYIR NYES PA MED DO, ,'ON TE TSAD MA'I RNAM PAR GZHAG PA NI DNGOS PO LA RTEN PA CAN KHO NA'O ZHES BYA BA GA LAS SHE NA, DON BYED PA ZHES BYA BA SMOS TE, BDE BA DANG SDUG BSNGAL GYI MTSAN NYID DU RUNG BA GANG YIN PA DE NI NUS PA'I YUL CAN YIN PA'I PHYIR RO, ,DE DON DU GNYER BA NI THOB PA DANG 'DOR BA'I MTSAN NYID KYI DON BYED PA DON DU GNYER BA 'JUG GO, GAL TE DON BYED PAR RUNG BA LA DON DU GNYER BA 'JUG PA DE LTA NA YANG JI LTAR TSAD MA'I RNAM PAR GZHAG PA DNGOS PO LA BRTEN PA YIN, DON BYED PAR RUNG BA LA BRTEN PA DE LTA YIN NA NI 'GYUR RO ZHE NA, DNGOS PO DON BYED RNAMS LA RUNG BA GANG YIN PA DE'I MTSAN NYID DO, ,DE'I PHYIR DON BYED PAR RUNG BA LA RTEN @202B PA KHO NA DNGOS PO LA BRTEN PA YIN NA JI LTAR MA YIN ZHES BYA BAR 'GYUR SNYAM DU BSAMS PA'O, ,'DIR TSAD MA'I RNAM PAR GZHAG PA NI DNGOS PO LA BRTEN PA BSTAN PA NI RANG GI MTSAN NYID MA RTOGS PA ZHES LHAG PAR BRJOD DO ZHES BRGYA LA GZHAN SMRA NA DNGOS PO TZAM GYI RGYU MTSAN GYI TSAD MA RNAM PAR GZHAG PA NI RANG GI MTSAN NYID LA BRTEN PA NYID MA YIN NO, ,GANG GI PHYIR, GAL TE YANG MA RTOGS PA NI RANG GI MTSAN NYID RTOGS PA MA YIN PA DE LTA NA DNGOS PO'I NGO BO MA RTOGS PA'I RNAM PAR RTOG PA TSAD MAR 'GYUR RO SNYAM NAS MA GRUB PA'I DON BRJOD PA NA, DNGOS PO'I NGO BO MA RTOGS PA ZHES BYA BA LA SOGS PA BSHAD ZIN TO, ,DE MA GRUB PAR BRJOD PA NI DNGOS PO'I RANG GI NGO BO MA RTOGS PA RTOGS PA TSAD MA YIN GYI CIG SHOS NI MA YIN NO ZHES GA LAS YIN ZHE NA, DON BYED PAR RUNG BA'I ZHES BYA BA'I BRGAL ZHING BRTAG PA BSHAD ZIN TO, ,DE LTA NA DNGOS PO'I YUL CAN GYI TSAD MA BRJOD PA NI RANG GI MTSAN NYID KYI YUL CAN KHO NA BSHAD PA YIN TE, DE NYID DON BYED PAR NUS PA'I MTSAN NYID YIN PA'I PHYIR DANG, SPYI NI BZLOG PA NI YIN PA'I PHYIR ZHES BYA BAR BSAMS PA'O, ,NYAMS SU MYONG BA'I DUS PHYIS BYUNG BA'I SNGON PO'I RNAM PAR RTOG PA'I TSAD MA YANG GSAL BA'I GTAN TSIGS LHAG PAR BSHAD PA NI, DE LAS KYANG ZHES BYA BA SMOS TE, JI SKAD BSHAD PA'I SGRUB PA'I RNAM PAR RTOG PA 'BA' ZHIG MA YIN TE, SNGON PO RANG GI MTSAN NYID NYAMS SU MYONG BA'I PHYIR DNGOS PO NYID RANG GI MTSAN NYID DO, ,DE LA MNGON PAR ZHEN PA NI RANG GI MTSAN NYID LA MNGON PAR ZHEN PAS YIN GYI GZHAN DU NA DE LA 'JUG PAR MI RIGS SO, ,SKYES BU'I 'JUG PA NI RANG RANG GI MTSAN NYID MA RTOGS PA NI DE'I MTHU LAS SKYES PA RNAM PAR RTOG PA TSAD MA MA YIN NO ZHES BYA BAR 'BREL TO, ,SNGAR MA RTOGS PA'I DON MA RTOGS PA TSAD MA MA YIN PAR BSHAD DO, ,PHYIS RTOGS PA NYID RTOGS PA'I PHYIR SGRUB BA DANG DGAG PA'I NGO BO THA DAD PA DAG SKYE BA YIN NO, ,YANG NA, GAL TE DE'I YUL GYI 'BRAS BU YIN PA'I PHYIR ZHES GANG BSHAD PA DE NYID LHAG PA'I GTAN TSIGS THABS KYIS BSAL BAR BYAS SO, ,GAL TE DE LA MNGON PAR GZHAN NAS DNGOS PO LA SKYES BU 'JUG @203A *, ,PA DE LTA NA YANG SPYI MA RTOGS PA 'DZIN PA MTHONG BAS THA DAD PA'I TSAD MA CIS NA MI 'DOD CE NA, BDEN TE, RANG GI MTSAN NYID KHO NA LA ZHUGS NA ZHES BYA BA SMOS TE, MNGON SUM LTA BA'I SHES PAR GRAGS PA DANG, GRUB PA DANG BDE BA THA MI DAD PA'I PHYIR RO, ,GRUB PA NI MA MTHONG BA'I YUL YONGS SU GCAD PA'I MTSAN NYID THOB PA'O, ,BDE BA NI DE'I DON BYED PA RJES SU SGRUB PA'I MTSAN NYID YONGS SU SKYONG BA'O, ,GRUB PA DANG BDE BA THA MI DAD PA NI 'DI YIN NO ZHES DE BZHIN DU BSHAD DO, ,DE LA RNAM PAR RTOG PA DANG RNAM PAR MI RTOG PA MNGON SUM THA MI DAD PA GRUB PA NI RANG GI MTSAN NYID LHAG PAR ZHEN PA'O, ,THA MI DAD PA'I BDE BA NI LTA BA'I SHES PA LA SOGS PA SGRUB PA'I RNAM PAR RTOG PAR YANG RANG GI MTSAN NYID KHO NA LA 'JUG GO, ,'DI'I DGOS PA NI 'DI YIN TE, GANG GI TSE RTOGS PA DANG MI RTOGS PA'I SEMS GZHAL BAR BYA BA GZHAN GYI YUL YIN PA DE'I TSE DE LA SKYES BU 'JUG CING BSGRUB PAR BYA BA'I DON BYED PAR RTOGS PA'AM 'JUG PA NYID NI MED DO, ,DE'I YUL NYID DU MNGON PAR 'DOD PA'I SPYI THA MI DAD PA'I SHES PA KHO NA'I DON BYED PAR KHAS BLANGS PAS RNAM PAR RTOG PA SKYE BAR GRUB PA YIN NO, ,SNGON POR NYAMS SU MYONG BA LAS GZHAN PA'I GZHAL BYA SER PO LA SOGS PA'I YUL GYI SHES PAS NI SNGON PO'I DNGOS PO LA SKYES BU 'JUG PA MA YIN TE, SGRUB PAR BYED PA'I DON BYED PA YANG 'GA' ZHIG TU YIN PA'I PHYIR RO, ,DE'I PHYIR LTA BA'I SHES PA NYID GZHAL BYA LAS GZHAN GYI YUL GYI BYE BRAG CAN DAG LA DE BZHIN BSHAD PA NI RNAM PAR MI RTOG PA CAN LAS, ,GNYIS KYI BDAG NYID DNGOS PO 'DZIN ZHES BYA BA BSHAD PA NI MA YIN NO, ,DE'I PHYIR SNGON PO MTHONG BA KHO NA RNAM PAR MI RTOG PA'I TSAD MAR RIGS SO, ,DE THA MI DAD PA LA NYE BAR SBYOR BA'I DRAN PA'I RNAM PAR RTOG PA NYID KYANG MTHONG BA LAS THA DAD PA NI MA YIN TE, DE LTA MA YIN NA TSAD MA GZHAN DU RTOG PAR BYED PA NI 'BRAS BU MED DE, DRAN PA DANG, 'DOD PA DANG, SDANG BA DANG, RTZOL BA LA SOGS PA TSAD MAR THAL BAR 'GYUR BAS TSAD MA 'DI TZAM NGES PA RNAM PAR NYAMS PAR 'GYUR RO, ,GANG GI TSE SNGON PO LA SOGS PA'I DNGOS @203B PO GCIG LA RGYUN MI 'CHAD PAR DBANG PO'I SHES PA SKYE BA DE'I TSE SNGA MA DANG GRUB PA DANG BDE BA THA MI DAD PA'I PHYIR PHYI MA'I DBANG PO'I SHES PA RNAMS TSAD MA MA YIN PAR THAL BAR 'GYUR BAS MA NGES PA YIN NO ZHES TSAD MA BSLAD PAR SMRA BAS BSTAN PA NI, GAL TE MNGON SUM SNGA MA DANG PHYI MA ZHES BYA BA LA SOGS PA SMOS TE, 'DI DAG GI LAN NI PHYI MA TSAD MA MA YIN PAR THAL BAR MI 'GYUR TE, GANG GI PHYIR DU MA LA GRUB PA DANG BDE BA THA DAD PA'I PHYIR RO, ,'DI LTAR SKAD CIG MA RE RE'I YONGS SU GCOD PA'I YUL GYI MTSAN NYID NI GRUB PA'O, ,DE'I DON BYED PA SGRUB PA'I MTSAN NYID NI BDE BA YONGS SU SKYONG BA STE NGO BO THA DAD PA'O, ,DE'I PHYIR MI MTHUN PA'I PHYOGS LAS LDOG PAS GTAN TSIGS MA NGES PA MA YIN NO, ,GANG GI TSE DU MA GRUB PA DANG BDE BA THA DAD PA NI, SKAD CIG MA'I BYE BRAG GIS BSGRUB PAR BYA BA'I DON DU 'DOD PA NA'O, ,GANG GI TSE SKAD CIG MA'I BYE BRAG GIS PHAN PA DANG MI PHAN PA'I MTSAN NYID THOB PA DANG YONGS SU SPONG BAR 'DOD PA'I RNAL 'BYOR PA RNAMS NI GZHAN PA LA PHAN PA NYE BAR BSTAN PA YIN TE, 'GA' ZHIG GI RNAM PA 'GAS LA LAR NYE BAR MKHO BA YIN PA DE'I TSE'O, ,DPER NA MTHONG BA 'DI LAM GYI SDUG BSNGAL LA CHOS SHES PA'I BZOD PA MTHONG BAS BAG LA NYAL GYI BAG CHAGS 'GOG PA BZHIN NO, ,DE'I GZHI LA 'GAL BA SKYE BA'I PHYIR RO, ,SDUG BSNGAL LA CHOS SHES PA NI NYON MONGS PAS DBEN PA'I MYA NGAN LAS 'DAS PA'I MTSAN NYID KYI THOB PA SKYED PA YIN NO, ,BAG LA NYAL DANG 'GAL BA'I RTEN LA BRTAN PA SKYED NAS, , DES DE DAG 'DZIN PA NI GZHAN GYI SEMS PA LA THA DAD BA'I TSAD MA YIN NO, ,GZHAN LA PHAN PA'I SBYIN PA DANG DBANG BSKUR BA DANG LDAN PA DNGOS PO MA LUS PA RGYA CHE BA LA KHYAB PA'I SNANG BA LA GZIGS PA NANG GI BDAG NYID KYI BCOM LDAN 'DAS NI DON GYI SKAD CIG MA 'GA' ZHIG GIS 'GA' ZHIG GI GZHAN GYI DON DU RJES SU BZUNG BA'AM 'CHING BA YIN NO ZHES BYA'O, ,DNGOS PO THAMS CAD KYI SKAD CIG MA RE RE RNAMS KYI MTSAN NYID LA GZIGS PA RNAMS KYI MNGON SUM GYI SEMS DE'I YUL SKAD CIG MA RNAMS LA THA DAD PA'I DON BYED PA DANG BCAS PAR NYE BAR SBYOR BA'I GRUB PA DANG BDE BA THA DAD PA'I PHYIR RO, , @204A *, ,DE GANG GI TSE MNGON SUM RNAMS SKAD CIG MA THA DAD PA MTHONG BA'I DBANG DU BYAS PAR BRJOD PA DE'I TSE THA DAD PA LA NYE BA SO SO BA NYID LA MA NGES PA MED DO, ,YANG NA DON THAMS CAD GCIG TU BYED PAR 'DOD PAS MNGON PAR ZHEN PA THA SNYAD DU BYED PAR SKYES BU MNGON PAR 'DOD PAS BRJOD NA, DE'I TSE MA LUS PA NYID KYIS SNGON PO'I RGYUN GYI DON GCIG PA DANG, ,BRTEN PA'I NGO BOR BSGRUB PAR BYA BA'I DON GCIG PA'I BDAG NYID DU MNGON PAR ZHEN PA'I PHYIR PHYI MA YANG TSAD MAR MI 'DOD PAS MA NGES PA GA LA YIN CES BSTAN PA NI 'BRAS BU THUN MONG PA ZHES BYA BA SMOS TE, DE RGYUN DU GNAS PA'I SKAD CIG MA THAMS CAD LA GCIG TU MNGON PAR ZHEN NAS THA SNYAD DU BYED DO, ,GANG THUN MONG PA'I SKAD CIG RE RE LA PHAN TSUN DU RGYU BYED PAS THA DAD DU TSUG KYANG DON DAM PAR PHYIN CI LOG PAS GCIG TU MNGON PAR 'DOD PA'I 'CHOS PA LA SOGS PA SNGON PO LA SOGS PA'I 'BRAS BU'O; ,DE LA PHYI MA'I SHES PA'I SKAD CIG MA DE DAG GI MTHUS DON THOB PAR BYED PA'I NUS BA THA DAD PA MED DO, ,MNGON SUM SNGA MA'I YUL GYI SKAD CIG MA KHO NA LA DE RNAMS 'JUG PA NA DANG PO 'DI NYID DE LA TSAD MA YIN NO, ,DE LTA NA DON BYED PA DON DU GNYER BA RNAMS DE SGRUB PAR BYED PA THOB PAR NUS PA'I SHES PA TSAD MA'I THA SNYAD DU BYED DO, ,BLO MA NYAMS PA'I DON BYED PA'I SGRUB PAR BYED PA THA DAD PA NYID KYIS TSAD MA LAS THA DAD PA'I THA SNYAD SHES PA RNAMS LA RIGS SO, ,DE LTA MA YIN NA DRAN PA LA SOGS PA YANG TSAD MAR THAL BAR 'GYUR BAS BSAL BAR BYA BA'AM 'BRAS BU MED PA'I TSAD MA RNAM PAR 'JOG PA LA RTOGS PA DANG LDAN PA JI LTAR GUS PAR BYED, DE DAG THUN MONG GI 'BRAS BU'I NUS PA THA MI DAD PA GANG ZHIG YIN SNYAM NA, DU BA GZHAN DANG GZHAN GYIS ZHES BYA BA SMOS TE, DE'I GZHAL BAR BYA BA ME DE DANG NYE BA DE RNAMS LA DE'I YUL LTA BU RJES SU DPAG PA'I SHES PAS ME TZAM BSGRUB PAR BYA BA'I DON LA 'BAR BA LA SOGS PA LA SU ZHIG SLU BA YIN, DE'I DON BYA BA SGRUB PAR BYED PA THOB PAR NUS PA THA DAD PA MED PAS JI LTAR TSAD MA THA DAD PAR MKHAS PA LA MI RIGS PA DE BZHIN DU 'DIR YANG YIN NO, ,GANG GI TSE GDUNG BA LNGA PAS GDUNG BAR 'DOD PAR GYUR PA DE'I TSE DU BA GZHAN @204B DANG GZHAN GYIS GZHAL BAR BYA BA'I ME DANG NYE BA'I YUL LA YANG RJES SU DPAG PA'I NUS PA THA DAD PA'I TSAD MA BSAL BAR MI NUS SO, ,DE LTAR NA JI LTAR SNGON PO MTHON NAS SNGON PO'O SNYAM PA'I SHES PA ZHES BYA BA'I DPES SNGON PO'I RNAM PAR RTOG PA TSAD MA YIN PA BSAL NAS RNAL MA'I DON LA NYE BAR SBYOR BA, 'DIS NI ZHES BYA BA SMOS TE, SNGON PO'I RANG GI MTSAN NYID MTHONG BA'I DUS PHYIS BYUNG BA'I SNGON PO'I RNAM PAR RTOG PA TSAD MA BSAL BA NYID DO, ,DE MIN 'DOD BA'I PHYIR RNAM PAR RTOG PA LA YANG DON GYIS PHAN 'DOGS SO ZHES GZHON NU MA LEN GYIS SMRAS PA NA, PHYOGS LA SOGS PA MTHONG BA'I DUS PHYIS BYUNG BA CHOS CAN GYI RNAM PAR RTOG PA DANG, DE DANG 'BREL PA RTOGS PA'I DUS SU ME'I RANG GI MTSAN NYID MTHONG BA'I DUS PHYIS BYUNG BA'I ME'I SPYI'I YUL LA BSGRUB BYA'I CHOS KYI RNAM PAR RTOG PA DANG, DU BA MTHONG BA'I SHES PA'I RJES LAS BYUNG BA'I SPYI SNANG BA'I RTAGS KYIS RNAM PAR RTOG PA DANG, SOGS PA SMOS PAS CHOS DANG CHOS CAN GYI 'BREL PA'I RNAM PAR RTOG PA DANG TSAD MA'I RJES LAS BYUNG BA'I CHOS LA SOGS PA'O, ,RANG GI NGO BO TZAM GYI YUL LA LTA BA'I MING CAN GYI MNGON SUM DU SONG BA YIN GYI RNAM PAR RTOG PA MED PA NI RTAGS DANG CHOS CAN GYI 'BREL PA DE BZHIN DU MI 'DZIN NO SNYAM PA'I 'JIGS PAS TSAD MAR KHAS BLANGS PA GANG YIN PA DE BSAL BA NI SPANGS PA YIN NO, ,SNGA MA RANG GI MTSAN NYID KYI YUL MTHONG BA GANG YIN PA LA GZHAN GYI LTA BA'I SHES PA ZHES THA SNYAD BYED PA DE NYID TSAD MA YIN GYI, DE'I STOBS LAS BYUNG BA'I RNAM PAR RTOG PA NI MA YIN TE, JI SKAD BSHAD PA'I RIGS PAS DE DAG LEGS PAR GNAS SO, ,PHYOGS KYI CHOS DANG BSGRUB PAR BYA BA'I CHOS CAN MNGON SUM DANG RJES SU DPAG PAS GRUB PAR NGES PA'I PHYIR RO, ,DE NYID KYIS MNGON SUM GYI PHYOGS KYI CHOS NGES PAR BRJOD PAS ZHAR LA MTHONG BA'I RJES LAS BYUNG BA'I RNAM PAR RTOG PA TSAD MA YIN PA BSAL BAS MNGON SUM MA RTOGS PA DANG BRAL ZHING MA 'KHRUL BA YIN BAR BSTAN TO, ,GAL TE DE LTA NA CI'I PHYIR RJES SU DPAG PA BSTAN PA'I PHYIR 'DI TZAM PA YIN GYI YANG DAG PA'I SHES PA BSTAN PA'I PHYIR ZHES THUN MONG DU MA YIN NO ZHE NA, GRANGS LA @205A *, ,SOGS PA LA LOG PAR RTOG PA NYID BSAL BAS KYANG 'DIR DE'I YUL YANG BSAL BA YIN TE, LKOG TU GYUR PA RTOGS PA NI RJES SU DPAG PA LA BRTEN PA YIN NO, ,CI'I PHYIR ZHE NA, PHYOGS CHOS KHO NA DANG, DE'I CHAS KHYAB BA NYID DANG, GTAN TSIGS DANG RGYU MTSAN DANG DE LAS GZHAN MA YIN NO ZHES BRJOD PAS LKOG TU GYUR PA'I DON GYI YUL CAN GYI TSAD MA THAMS CAD RJES SU DPAG PA'I NANG DU 'DUS PAS GRANGS LA LOG PAR RTOG PA BSAL BAS NI YANG DAG PA'I SHES PA'I YUL LA LOG PAR RTOG BA BSAL TO, ,DE LTAR KHYAB PAR BYED PA'I CHA GO BAR BYA BAR RTOGS PAS DE'I CHAS KHYAB PAR BRJOD PAS RJES SU DPAG PA'I YUL NI SPYI YIN LA MNGON SUM GYI YUL NI RANG GI MTSAN NYID YIN NO ZHES BSTAN PAR 'GYUR TE, DE THUN MONG YIN PA'I PHYIR RO, ,THUN MONG MA YIN PA YIN NA YANG KHYAB PAR BYED PAR MI RIGS PA'I PHYIR DANG, RNAM PAR RTOG PA'I YUL YIN PA'I PHYIR RO, ,DE LA DANG POR THUN MONG MA YIN PA'I YUL YIN NO ZHES BRJOD PAS RANG GI MTSAN NYID MNGON SUM GYI YUL KHO NAR BSHAD DO, ,MTHONG BA NYID TSAD MA YIN NO ZHES BYA BA BSHAD PAS TSAD MA'I 'BRAS BU NYID BSTAN PA YIN TE, DE NI DON RTOGS PA'I NGO BO YIN PA'I PHYIR DANG, DE BZHIN DU DE'I NGO BO YIN PA'I PHYIR RO, ,DE BZHIN DU DE'I SBYOR BA RNAM PA GNYIS BSTAN PAR BYA BA'I PHYIR GZHAN GYI DON GYI RJES SU DPAG PA BSHAD PAR BYA BA YIN TE, DE'I TSUL GSUM PA'I RTAGS BSHAD PA'I NGO BO YIN PA'I PHYIR RO, ,MDOR BSDUS NAS RJES SU DPAG PA BSTAN PAR 'DOD PA YIN NA DE YANG THAMS CAD KYANG YOD PA'I PHYIR NA 'DIR CI'I PHYIR RJES SU DPAG BA BSTAN PA'I PHYIR ZHES BSHAD PAR BYA ZHE NA, BDEN NA GTZO BO YIN PA'I PHYIR DE SMOS SO, ,'DI LTAR GTZO BO NI SKYES BU LA NYE BAR MKHO BA'I DE KHO NA NYID 'PHAGS PA'I BDEN PA BZHI'I RJES SU DPAG PA KHO NAS NGES PA YIN PA DE GTZO BO YIN NO, ,DE LTAR MNGON SUM GYI YUL LA YANG SLU BA SRID PAS RJES SU DPAG PA GZHAN GTAN LA 'BEBS PA'I RGYU MTSAN YIN PA DE'I PHYIR DE GTZO BO YIN PA DANG 'JUG PAR BYED PA YIN PA 'DI'I GTZO BO YIN NO, ,DE LTA NA YANG GANG NYAMS SU MYONG BA'I 'BRAS BU BDE @205B BA DANG SDUG BSNGAL SGRUB PAR BYED PA'AM NYAMS SU MYONG BAR GYUR PA 'BRAS BU MTHONG BA LA DE 'JUG PA'I YUL MA YIN TE, 'BRAS BU GRUB PA'I PHYIR RO, ,DE'I PHYIR GANG MA 'ONGS PA'I 'BRAS BU BDE BA DANG SDUG BSNGAL SGRUB PAR BYED PA'I MNGON SUM DE LA YANG RJES SU DPAG PA KHO NA RAB TU 'JUG GO,, DE MA 'ONGS PA'I BDE BA DANG SDUG BSNGAL DU RUNG BA NYID NI MNGON SUM GYIS NGES PA MA YIN TE, 'BRAS BU LKOG TU GYUR PA'I PHYIR RO, ,DE SKAD DU, MNGON SUM MA YIN PA'I RGYU LAS 'BRAS BU DNGOS PO MI RTOGS SO ZHES BSHAD DO, ,DE'I PHYIR SNGAR NYAMS SU MYONG BA'I BDE BA DANG SDUG BSNGAL SGRUB PAR BYED PA DANG CHOS MTHUN PA MNGON SUM GYI YUL YIN DU ZIN KYANG MA 'ONGS PA'I DNGOS PO RUNG BA MNGON SUM GYIS NGES PAR MI NUS SO, ,DE SKAD DU, DPER NA MTHONG BA DANG CHOS MTHUN PA DE BZHIN DU SGRUB PAR BYED PA'I RJES SU DPAG PA DE NYID THOB BO ZHES BYA BA SMOS SO, ,DE LTA NA GNYI GA YANG 'JUG PAR BYED PA NYID DE GNYI GAS DON YONGS SU BCAD NAS 'JUG GO ZHES BSHAD PA JI LTAR YIN ZHE NA, BDE BA DANG SDUG BSNGAL SGRUB PAR BYED PA ME DANG CHU LA SOGS PA RANG GI NGO BO MNGON SUM DU GRUB LA MA 'ONGS PA'I 'BRAS BU RUNG BA'I YUL NI RJES SU DPAG PAS YIN PA'I PHYIR GNYI GA YANG 'JUG PAR BYED PA DANG, YANG DAG PA'I SHES PA SNGON DU SONG BA NYID PHAN PA DANG MI PHAN PA THOB PA DANG YONGS SU SPANGS PA DAG LA MA 'ONGS PA'I 'BRAS BU'I RUNG BA'I YUL LA MNGON SUM GYIS NGES PA MA YIN NO ZHES BSHAD ZIN TO, ,TSU ROL MTHONG BAS MA 'ONGS PA'I 'DRAS BU RUNG BA NGES PA DE'I PHYIR RJES SU DPAG PA GTZO BO YIN PAS DE SMOS SO ZHES BYA BA SPROS PAS CHOG PAS RGYA CHER MI SBYAR RO, ,DE LA RANG BZHIN MI DMIGS PA DANG, 'BRAS BU'I PHYOGS KYI CHOS NGES PA'I BSGRUB PAR BYA BA'I THABS MTSUNGS PAS THA MI DAD PAR BSHAD DO, ,RJES SU 'GRO BA DANG LDOG PA NGES PA YANG BSGRUB PAR BYA BA'I THABS THA DAD PAS THA DAD PAR BSTAN PA 'BRAS BU YIN NO, ,RE ZHIG RANG BZHIN GYI GTAN TSIGS KYI RJES SU 'GRO BA NGES PAR RANG GI TSAD MAS RGYU MTSAN BSTAN PA NI, RJES SU 'GRO BA NGES PA YANG ZHES BYA BA SMOS TE, PHYOGS KYI CHOS NGES PA 'BA' ZHIG BSTAN PA NI @206A *, ,MA YIN NO, ,'ON TE RJES SU 'GRO BA NGES PA GANG YIN PA YANG RANG BZHIN GYI GTAN TSIGS LA BRJOD DO ZHES BYA BA LHAG MA'O, ,SGRUB PAR BYED PA'I CHOS KYI YOD PA TZAM NI THOB PA LA SOGS PA RGYU MTSAN GZHAN LA LTOS PA MA YIN NO, ,DE DANG RJES SU 'BREL PA'I RJES SU 'GRO BA'I KHYAB PA DE GRUB PA GANG YIN PA DE NI RANG ZHIN GYI GTAN TSIGS KYI 'BREL BA NGES PA'O, ,SGRUB PAR BYED PA'I CHOS KYI DNGOS PO TZAM DANG 'BREL PAR SU ZHIG LA GRUB CE NA, BSGRUB PAR BYA BA'I CHOS DANG NGO, ,BSGRUB PAR BYA BA NI 'DIR CHOS DANG CHOS CAN GYI SPYI'I PHYOGS GCIG YIN PA'I PHYIR CHOS YIN NO ZHES BYA BA DE BZHIN BSHAD DO, ,GANG DANG GANG LA SGRUB PAR BYED PA'I CHOS YOD PA DE DANG DE LA BSGRUB PAR BYA BA'I CHOS KYANG RGYU MTSAN GZHAN LA MI LTOS PAR YOD PA'I PHYIR DON DE NI RANG BZHIN GYI GTAN TSIGS KYI RJES SU 'GRO BA NGES PAR GRUB PA YIN NO, ,JI LTAR BSGRUB PAR BYA BA'I CHOS DANG SGRUB PAR BYED PA'I CHOS YOD PA TZAM LA RAG LAS PA YANG YIN ZHE NA DE YONG PA NA SGRUB PAR BYED PA'I CHOS DE YOD PA NI 'DI'I RANG BZHIN YIN TE DE YOD PA DES DE YOD PA YIN PAS SO, ,GANG GI TSE SGRUB PAR BYED PA'I CHOS DANG BSGRUB PAR BYA BA'I CHOS DE'I RANG BZHIN GYIS DE TZAM DANG 'BREL BA JI LTAR YIN ZHE NA, RANG BZHIN MED PAR THAL BAR 'GYUR BA'I PHYIR RO, ,'O NA NI DE'I RANG BZHIN THA MI DAD PA'I PHYIR JI LTAR BSGRUB PAR BYA BA DANG SGRUB PAR BYED PA YIN ZHE NA, DNGOS SU NA ZHES BYA BA SMOS TE, DON DAM PAR RO, ,BSGRUB PAR BYA BA DANG SGRUB PAR BYED PA'I RNAM PAR RTOG PA'I DUS SU DE MA YIN PA LAS PHAN TSUN LDOG PA'I DON GYI RGYU MTSAN RTOG PA CAN GYI BLO THA DAD PAR SNANG BAS BSGRUB PAR BYA BA DANG, SGRUB PAR BYED PA LA NYAMS PA MED DO, ,'DI DON DAM PAR NA SGRUB PAR BYED PA DANG BSGRUB PAR BYA BA'I CHOS DANG CHOS CAN DANG BYAS PA LA SOGS PA THA DAD PAR DMIGS PAR BYA BA MED DE, 'BREL PA MED PAS BSGRUB PAR BYA BA DANG SGRUB PAR BYED PA MI RIGS PA'I PHYIR RO, ,GAL TE BYAS PA DANG MI RTAG PA LA SOGS PA LA 'DU BA'I 'BREL PA YIN NO ZHE NA, MA YIN TE, DE YANG DON GZHAN LA 'DIS DON 'DI LA 'DU BA ZHES BYA BA 'BREL PA MED PAR 'GYUR BA DE'I GNAS SKABS YIN PAR 'BREL PA GZHAN BRTAG @206B DGOS PAS THUG PA MED BAR THAL BAR 'GYUR BA DANG, 'DU BA'I YOD PAR BRTAG NA NI BYAS BA LA SOGS PA RTAG PA DANG BDAG LA SOGS PA 'DOD NA 'ANG 'GYUR RO, ,GANG BYAS PA NYID LA SOGS BA SGRA KHO NA LA 'DU BA STOBS GANG YIN BAS DE NYID LA 'JUG PAR 'GYUR NA, DE NYID RTAG PA MNGON PAR 'DOD PA RNAMS LA YANG GCIG PA NYID DU KHAS LEN PA'I PHYIR BYAS PA LA SOGS PA BDAG LA SOGS PA 'JUG PA GANG GIS NA BSAL BAR NUS, 'ON TE GANG MA BYUNG BA LAS BYUNG BA'I CHOS DANG BYUNG NAS KYANG MED PA'I CHOS NI MI BRTAN PA'I NGO BOR YOD PA DE NYID LA BYAS PA LA SOGS PA 'JUG GO ZHES RNAM PAR GZHAG GO ZHE NA, DE LTA NA DE NYID MA BYUNG BA LAS BYUNG BA RANG BZHIN NAM BYUNG ZIN PA MI BRTEN PA'I DNGOS PO NYID LA DE PHYIN CI LOG TU SGRO 'DOGS PA RNAM PAR GCAD PA'I YUL CAN GYI RNAM PAR RTOG PA'I BLO RGYU MTSAN DU CI STE MI 'DOD, DE NYID KYIS DON DAM PAR THA MI DAD PA DANG LDAN PA'I CHOS DANG CHOS CAN 'JUG NA BAR DU LHAG PAS CI ZHIG BYA, BYAS PA'I PHYIR ZHES BYA BA LA SOGS PA LDOG PA DANG LDAN PA NI KHAS BLANGS DGOS SO, ,DE LTA NA, YOD PA TZAM GYIS BYAS PA'I PHYIR, ,ZHES BYA BA LA SOGS PA'I CHOS KYI BSGRUB PAR BYA BA'I CHOS RTOGS PA'I RGYU MTSAN MA YIN NO, ,DE DAG RTAG DU NYE BA NYID KYIS GTAN TU DE'I CHOS RTOGS PAR THAL BAR 'GYUR RO, ,'ON KYANG RNAM PAR RTOG PA'I SNANG BA KHO NA STE, DE YANG RNAM PAR RTOG PA'I RANG GI SNANG BA NYID KYI RNAM PA PHYI ROL DNGOS PO LTA BUR MNGON PAR ZHEN PA'I RJES SU 'BRANGS NAS BYAS PAS MI RTAG PA LA SOGS PA'I DNGOS PO'I NGO BO RTOGS PAR BYED KYI, DON DAM PAR NA REG PA MED KYANG DE'I NGO BO BRGYUD PAS DE'I RGYU YIN PA'I PHYIR RO, ,LDOG PA'I CHOS KYANG DE SKYE BA'I RGYU MTSAN TZAM GYIS YONGS SU BRTAG PAR BYA BA YIN NO, ,DE RNAM PAR RTOG PA'I RGYU MTSAN GANG YIN PA DE NYID RNAM PAR RTOG PA SKYE BA'I RGYU MTSAN DU YOD PA DE MCHOG YIN PAS GDON MI ZA BAR KHAS BLANGS BAR BYA BA'I PHYIR DANG, LDOG PA DANG LDAN PAS CHOS GRUB ZIN PA'I DON DU KHAS BLANG BA'I PHYIR DE BRTAGS PAS CHOG GO, ,GDON MI ZA BAR MI RTAG PA THA DAD PA'I SGO NAS KYANG DNGOS PO KHO NA LA GNAS PA'I BDAG NYID DU RTOGS PAR @207A *, ,BYA BA YIN TE, DE DANG RJES SU MTHUN PA DON BYED PA DON DU GNYER BA RAB TU 'JUG PA'I PHYIR RO, ,GZHAN DU NA MI RTAG PA LAS THA DAD PA'I RTAG PA YIN PA'I PHYIR DE KHONG DU CHUNG BA DON DU GNYER BA SGRA 'DI MI RTAG PAR BSGRUB PAR BYA BA DON BYED PA DON DU GNYER BAS SGRA RTAG PA LA SOGS PAR BSAMS NAS CI MI RTAG PA PHAN BA MED PA DPYOD PAR BYED DAM, GAL TE RTAG PA LA YANG MI RTAG PA KHONG DU CHUD PAS DE NYID LA 'JUG TE CIS NA SGRA MI RTAG PA'I BDAG NYID YIN, DE'I SGO NAS RAB TU RTOGS SO ZHE NA, ,CI BAR DU GCOD PA 'DIS CI ZHIG BYA, BAR DU GCOD PA MED PA KHO NAS RTOGS PA YONG NA MDZES TE, DE NYID DON DU GNYER BA'I PHYIR RO, ,DE 'DIR SHIN TU SPROS PA NI YONGS SU RDZOGS PAR DKA' BAS CHOG GO, ,RGYAL DPOG PA GANG DAG GIS BSAMS PA, GANG DAG SHIN TU THA DAD PA DANG LDAN PA'I CHOS DE DAG NYID 'DI NI RIGS PA CAN LA SOGS PA LA SKYON YIN GYI KHO BO CAG RNAM PA 'GAS THA DAD PA DANG, THA MI DAD PA DANG LDAN PA'I CHOS RNAMS KYI RANG BZHIN LA SKYON MED DO ZHE NA, DE DAG KYANG DNGOS PO'I NGO BO SGRUB PAR BYED PA'I CHOS KYI NGO BO KHAS BLANGS NAS BSGRUB PAR BYA BA CHOS RNAM PA 'GA' ZHIG THA DAD PAR KHAS BLANGS PA'I 'BRAS BU CUNG ZAD CIG NYE BAR MA MTHONG STE, BSGRUB PAR BYA BA DANG SGRUB PAR BYED PA'I DNGOS PO NI RNAM PAR RTOG PA THA DAD PA'I SGO NAS 'THAD PA YANG YIN NO, ,BDAG NYID GCIG PA LA RNAM PA 'GA' ZHIG THA DAD PA NI RIGS PA MA YIN TE, RANG BZHIN GCIG PA LA THA MI DAD PA'I PHYIR RO, ,GAL TE DE LAS KYANG DE DAG RNAM PA 'GA' ZHIG GIS THA DAD PA DANG THA MI DAD PA DE NYID YIN NO ZHE NA, MA YIN TE, THUG PA MED PAR THAL BAR 'GYUR BA'I PHYIR RO, ,DE LTA NA CHOS DE DAG GI RANG BZHIN GCIG PA YIN DU ZIN KYANG THA DAD PA LDAN PA DES NA RANG BZHIN GYIS RNAM PA 'GA' ZHIG THA MI DAD PA'I RGYU MTSAN NI THA MI DAD PA GZHAN PA ZHIG GI RANG BZHIN KHAS BLANG BAR BYA DGOS TE, DE BZHIN DU DE LAS GZHAN PA YIN NO ZHES THA DAD PA DANG THA MI DAD PA MTHA' YAS PA'I RANG BZHIN BRGYUD PA BLOS BRTAGS SU ZIN KYANG, GNYIS GA'I NGO BO MTHA' YAS PA'I RANG BZHIN BRGYUD PA SNANG BA NI MED PA'I PHYIR @207B DE BTAGS PAS BDAG NYID CI SLU BAR BYED DAM, KHYAD RNAM PA 'GAS THA DAD PA KHAS BLANGS PAS NA THA DAD PA'I PHYOGS RNAMS KYI JI LTAR SKYON GYI GNAS SKABS MED PA YIN, GANG BDAG NYID KYI MDUN NA GNAS PA LA 'DI CHOS SO 'DI CHOS CAN NO ZHES RNAM PAR GZHAG PAR BYA'O, ,GAL TE DES THA DAD PA DE NI THA DAD PA KHO NA YIN PA'I PHYIR MA NGES PAR RTZOD PA GA LA YIN, 'ON TE THA MI DAD NA 'DI SGRUB PAR BYED PA'I CHOS SAM 'DI BSGRUB PAR BYA BA'I CHOS SAM 'DI NI CHOS CAN ZHES THA DAD PA DE JI LTAR DON DAM PAR RNAM PA GSUM 'GRUB PA YIN, DE'I PHYIR DE DANG DE LAS GZHAN PA'I NGO BO LDOG PA'I BRTEN PA NI BLOS BRTAGS NAS THA DAD PA DANG LDAN PA LTA BU'I CHOS DANG CHOS CAN DU SNANG BAS BSGRUB PAR BYA BA DANG SGRUB PAR BYED PA'I DNGOS PO DE TZAM DANG RJES SU 'BREL PA'I DNGOS PO DE DANG DE'I RANG BZHIN YIN PAR RIGS SO SNYAM DU BSAMS PA'O, ,DE'I DNGOS PO NI NGO BO'I TSIG GIS BSHAD DO, ,'DIR YANG DNGOS PO DE NGO BO GANG DANG GANG GI RGYU LAS BYUNG BA BSGRUB PAR BYA BA'I CHOS DANG, SGRUB PAR BYED PA'I CHOS KYI NGO BO TZAM DANG RJES SU 'BREL PA SU ZHIG YIN ZHE NA, SGRUB PA ZHES BYA BA SMOS SO, ,DE NI DNGOS SU DE'I RANG BZHIN YIN PA BSGRUB PAR BYA BA LAS LDOG PA'I MI MTHUN PA'I PHYOGS DE LA GTAN TSIGS KYI GNOD PAR BYED PA'I TSAD MA GANG YIN PA DES BZLOG PA'I CHOS DANG MI MTHUN PAR 'JOG PA'O, ,GANG GIS BSGRUB PAR BYA BA'I GTAN TSIGS DE LA MI 'JUG STE 'GAL BA GNYIS GCIG LA LHAN CIG PAR MI SRID PAS DE LA 'JUG PA NI GNOD PA CAN GYI TSAD MA RAB TU 'JUG PA DANG, BSGRUB PAR BYA BA NYID KYI DNGOS SU DE'I RANG BZHIN YIN PAS GNOD PA CAN GYI TSAD MA 'JUG PA BSHAD DO, ,DE'I MI MTHUN PA'I PHYOGS LA GTAN TSIGS LDOG PA YOD PA NI, ,BSGRUB PAR BYA BA'I CHOS CAN LA 'JUG PA'I PHYIR BSGRUB PAR BYA BA'I CHOS CAN LA DON GZHAN LA MED PA'I SGRUB PAR BYED PA'I CHOS NI RANG BZHIN DU GRUB BO, ,DE YANG DNGOS SU DE'I NGO BO NYID YIN PAS SGRUB PAR BYED PA'I CHOS YOD PA TZAM DANG RJES SU 'BREL PA NI BSGRUB PAR BYA BA'I CHOS SU 'GRO BA NGES PA YIN NO, ,GANG DANG GANG LA SGRUB PAR BYED PA'I CHOS YOD PA DE @208A *, ,DANG DE LA BSGRUB PAR BYA BA YOD DO ZHES DE LTAR DNGOS PO NYE BAR SKYE'O, ,'DI'I DPE NI, DPER NA GANG YOD PA DE NI SKAD CIG MA KHO NA YIN NO ZHES NGES PAR BZUNG BAS NI KHYAB BA SMRAS PA YIN NO, ,SGRUB PA'I CHOS KYI NGO BO TZAM DANG RJES SU 'BREL BA DE DAG GI NGO BO BSHAD PA YIN NO, ,RGYU MTSAN GZHAN MED PAS YOD PA KHO NA SKAD CIG MA YIN NO ZHES BYA BAR BSTAN PAS DE YANG DNGOS SU NA DE'I RANG BZHIN YIN PAS GRUB PAS YIN NO, ,DE GRUB PA'I THAMS GNOD PAR BYED PA'I TSAD MA YOD PAR BSTAN PA NI, SKAD CIG MA MA YIN PA SKAD CIG MA NYID LAS BZLOG PAS YOD PA'I DON BYED NUS PA DANG 'GAL BA'I PHYIR DON GYI 'BRAS BU'I BYA BA GRUB PAS DE DANG 'GAL BA'O, ,DE'I MTSAN NYID NI DON BYED PA'I MTSAN NYID DO, ,DNGOS PO NYID KYI DON BYED PAR NUS PA'I BDAG NYID GANG YIN BA DE NI DE BZHIN DU BSHAD DO, ,DON BYED PA NI DE'I GNAS PA'I NGO BO'I DNGOS PO NYID MTSAN PAR BYA BA STE, DE RNAM PA DE LTA BUS DNGOS PO NYID NYAMS PA NI LDOG PA'O, ,DE LAS BZLOG PA'I NGO BOS MED PA NYID 'DREN PA'I PHYIR NA, GNOD PAR BYED PA'I TSAD MA 'DI YANG KHYAB PAR BYED PA MI DMIGS PA'I NGO BO STE PHYIS SKABS SU BAB PA DANG RANG NYID CHAD PAR 'GYUR RO, ,DE NI GNOD PAR BYED PA'I TSAD MA YOD PA 'DIS BSGRUB PAR BYA BA'I CHOS KYI NGO BO SGRUB PAR BYED PA'I CHOS RANG BZHIN DU GRUB BO, ,DE YANG DNGOS SU NA DE'I RANG BZHIN YIN PAS SGRUB PAR BYED PA'I CHOS TZAM DANG RJES SU 'BREL PAR GRUB PO, ,DE LTAR NA RANG BZHIN GYI GTAN TSIGS LA BZLOG PA LA GNOD PA CAN GYI TSAD MA YOD PA DE'I BDAG NYID DU GRUB PAS RJES SU 'GRO BA NGES PA BSHAD PA YIN NO, ,'BRAS BU'I GTAN TSIGS BSTAN PAR BYA BA NI, 'BRAS BU'I GTAN TSIGS KYI RJES SU 'GRO BA NGES PA ZHES BYA BA'I SKABS YIN TE, 'DIR RGYU NYID DANG 'BRAS BU DAG GI NGO BO CI ZHIG ,RGYU NYID DANG 'BRAS BU NYID DANG, ,DER GRUB PA NI RTOGS PA ZHES BYA'O, ,DE NI 'BRAS BU'I GTAN TSIGS KYI RJES SU 'GRO BA NGES PA DANG, JI LTAR RGYU DANG 'BRAS BU'I DNGOS POR GRUB PA DE LTAR BSTAN PA NI, 'DI LTAR STE ZHES BYA BA SMOS SO, ,'DI LTA STE ZHES BYA BA'I SGRA NI NYE BAR MTSON PA'O, ,DU BA LA SOGS PA 'DI ME 'DI DMIGS NA @208B NYE BAR DMIGS SO ZHES BYA BA 'BREL PA'O, ,'DIS NI RGYU DANG 'BRAS BU'I DNGOS POR GRUB PA MNGON SUM GYI BYED PA YIN NO, ,MNGON SUM 'BA' ZHIG GIS RGYU DANG 'BRAS BU'I DNGOS PO DNGOS PO THE TSOM MED PAR GRUB PA MA YIN TE, 'ON KYANG SNGAR MI DMIGS PA 'JUG PA DANG LHAN CIG BRTAN PAR BYA BA NI; DMIGS PA'I RIG BYAR GYUR PA'I MI DMIGS PA ZHES BYA BA SMOS TE, GAL TE DU BA LA SOGS PA DE DMIGS PA'I RIG BYAR GYUR BA'I NYE BAR DMIGS PA'I RKYEN YOD LA SNANG BA'I BDAG NYID KYI YOD PA NI DMIGS PAR 'GYUR RO, ,ME LA SOGS PA'I TSOGS PA NYE BA LAS SNGAR ME LA SOGS PA'I TSOGS PA NYE BAR DMIGS PA LAS 'BRAS BU YOD PAR NYE BAR DMIGS PA 'GRUB BO, ,NYE BAR DMIGS PA'I RKYEN GZHAN MA TSANG NA NI MI SKYE BAR NYE BAR DMIGS PA'I NGO BO YOD PA DE'I YUL NYE BA YIN DU ZIN KYANG DMIGS PA'I RIG BYAR MA GYUR PAS ME LA SOGS PA'I TSOGS PA NYE BAR GYUR PA LAS SNGON DU NYE BAR DMIGS PA NI MED DO, ,DMIGS PA'I RIG BYAR GYUR BA LAS MI DMIGS BA ME LA SOGS PA'I TSOGS PA NYE BA SKYE BA LAS SNGAR GZHAN NAS 'ONGS PA'AM DE YUL DANG DUS NYE BAS RTZIG PA DANG RE LDE LA SOGS PA LA DE SKYE BA'AM DE'I YUL NA YOD PA YIN ZHES BYA BA RNAM PA GSUM GSAL BA YIN NO, ,RNAM PA 'DI RNAMS KYIS DE MA YIN PA'I 'BRAS BU 'GYUR NA NI 'GYUR RO, ,DE'I PHYIR MI DMIGS PAS DE MA YIN PA'I 'BRAS BU'I DOGS PA BSAL NAS DE YOD NA YOD PAR MNGON SUM GYIS BZUNG BA'I RGYU MTSAN GYIS RGYU DANG 'BRAS BU'I 'BREL PA THE TSOM MED PAR GRUB PO; ,GAL TE ME DANG BUD SHING LA SOGS PA'I DNGOS PO NGES PA NYE BA NA MI SNANG BA'I BDAG NYID 'GA' ZHIG LAS DU BA 'BYUNG BAR 'GYUR RO ZHES DOGS PA LA, ME DANG BYAD SHING LA SOGS PA THA DAD PAS RJES SU BYED PA'I DU BA NI TZAN DAN DANG GA BUR DANG, AA KA RU DANG, SKRA DANG BAL LA SOGS PA'I BUD SHING THA DAD PA DE'I RJES SU MTHUN PA'I NGO BO THA DAD PA 'DI MTHONG BA'I PHYIR DANG, BUD SHING GI 'GYUR BA CHE BA DANG CHUNG BA'I BYED PAS ME DE DANG RJES SU MTHUN BA DANG ME DANG BUD SHING LA SOGS PA NYE BA MI SNANG BA'I BDAG TU NGES PA NYE BA LAS MI RIGS TE, 'BREL PA MED PA'I PHYIR RO, ,'BREL PA @209A *, ,NYID NI RGYU 'AM 'BRAS BU'I DNGOS PO LAS YIN NO, ,DE'I 'BRAS BU YIN NA ME DANG BUD SHING PHRAD PAS RGYUN MI 'CHAD PAR DU BA SKYE BAR MI 'GYUR RO, ,DE YOD NA YONG PA'I RJES SU BYED PA 'DI YANG 'BRAS BU NYID YIN NA, DE YANG DU BA LA YANG MTSUNGS SO, ,BUD SHING LA SOGS PA MI SNANG BA'I BDAG NYID NI RGYU MA YIN TE BUD SHING LA SOGS PA RANG GI RGYU SHING LA SOGS BA LAS 'BYUNG BA MTHONG BA'I PHYIR DE LA YANG DE BZHIN DU DNGOS PO RTOGS NA DE NYID KYI LAN BRJOD PAR BYA'O, ,YANG RTZOD NA YANG DE KHO NA LA LAN YIN PAS THUG PA MED PAR 'GYUR RO, ,'DIS TSOGS PA GCIG LA RAG LAS PA YANG BSAL BA YIN NO, ,DE'I RJES SU 'GRO BA DANG LDOG PA'I RJES SU BYED PA DU BA NYID KYI RGYU BRTAG PAR BYA'O, ,GAL TE DE YANG ME DANG MTSUNGS PAR DE YANG RGYU YOD PA YIN NO ZHE NA, ME LA SOGS PA YOD NA GDON MI ZA BAR YOD PA LA GZHAN YANG RGYU NYID DU BRTAG PAR MI BYA STE RGYU MTSAN MED PA'I PHYIR RO, ,'BRAS BU LA THA DAD PA'I RGYU MTSAN GYIS RGYU'I DNGOS POR BRTAG NA, JI LTAR ME DANG BUD SHING LA SOGS PA'AM GZHAN GANG YANG RUNG BA YOD NA YONG BA 'AM GZHAN YANG DE YOD PAR NGES PA'I NYE BA'I RGYU LAS YIN NA DE TZAM GYIS NI ME LA SOGS PA'I RGYU NYAMS PA NI MA YIN NO, ,GANG LAS DU BA LA SOGS PA MTHONG BA'I PHYIR NGES PAS DE LA 'JUG NA DE NI SLU BAR 'GYUR RO, ,SEMS CAN THAMS CAD KYI LAS KYI DBANG GIS SKYE BA NYID KYANG 'GRO BA SNA TSOGS SU MTHONG BA'I RGYU NYAMS PA NI MA YIN NO, ,DE'I 'BRAS BU MTHONG BA'I PHYIR 'JUG PAR 'GYUR BA NA DE MA YIN PA THOB PA MED PA'I PHYIR RO, ,ZHAR LA 'ONGS PAS CHOG GO, ,CI YANG 'DIR RGYU DANG 'BRAS BU'I DNGOS PO LA MI DMIGS PA DANG LHAN CIG PA'I MNGON SUM GYI RGYU MTSAN GYI NGO BO YIN ZHE NA DE YOD NA NI YOD LA MED NA NI MED PAS ZHES BYA BA SMOS TE, RGYUR MNGON PAR 'DOD PA GANG YIN PA DE KHO NA YOD LA 'BRAS BUR MNGON PAR 'DOD PA YOD PA KHO NA DANG, DE MED PA NI RGYUR MNGON PAR 'DOD PA DE MED NA MED PA NYID NI 'BRAS BUR MNGON PAR 'DOD PA MED PA'O, ,DE NYID RGYU DANG 'BRAS BU'I YOD PA LAS GZHAN MA YIN NO, ,DE NI DE DAG LAS GZHAN GYI RANG BZHIN DU GYUR PA RGYU DANG 'BRAS BU'I NGO BOR MA RTOGS PA @209B 'AM; YANG NA RANG BZHIN DU GYUR PA KHO NA'I RGYU DANG 'BRAS BU'I BDAG NYID YIN, GANG GI TSE DANG PO'I PHYOGS YIN PA DE'I TSE THAMS CAD RGYU DANG 'BRAS BU'I DNGOS POR 'GYUR TE, RGYU'I DNGOS PO NGES PA MED PA DES NA THAMS CAD THAMS CAD KYI 'BRAS BUR THAL BAR 'GYUR BA DANG, RANG BZHIN GYIS DE'I NGO BO YIN NA NI GZHAN DANG 'BREL PA YANG DE'I NGO BO MA YIN NO, ,DNGOS PO SO SOR NGES PA'I NGO BO SPANGS NAS GZHAN DANG LDAN PA YANG MA YIN TE, NGO BO GZHAN LA MI BRTEN PAS SO, ,GANG GIS GZHAN DANG LDAN PA DE DAG GIS SNGA MA'I NGO BO NI 'JIG PA YIN TE, 'JIG PA'I RGYU NI MI RIGS PAR PHYIS BSHAD PAR BYA'O, ,SNGAR MED PA YANG SKYE BA MA YIN TE, DE LAS DON GZHAN PA NYID DU THAL BAR 'GYUR RO, ,DE RNAMS LA GRUB PA RNAMS SNGAR MA GRUB BA THA MI DAD PA'I RGYU CAN NI DE'I RANG BZHIN DU MI RIGS PA 'AM THA DAD PA DANG THA MI DAD PA 'DI DAG RGYU MED PAR 'GYUR RO; ,DNGOS PO RNAMS LA GANG CHOS 'GAL BA GNAS PA DANG RGYU THA DAD PAS SO, ,DE'I PHYIR RGYU MTSAN GZHAN MED PAS THA DAD PA MED PA DE LTA NA SNA TSOGS PA GCIG PAR 'GYUR BA LA SOGS PA THAL BAR 'GYUR RO, ,SO SOR SNANG BA THA DAD PA YANG GCIG LA GCIG MED PA'I NGO BOS 'GAL BA'I CHOS GNAS PA LAS 'DA' BA NI MED DO, ,DE'I PHYIR SNGA MA'I DNGOS PO DE'I GNAS SKABS KHO NA YIN PA'I PHYIR DE DAG GZHAN DANG LDAN PA YANG RGYU DANG 'BRAS BU'I NGO BO THOB PA MED DO, ,YANG NA PHYOGS GNYIS PA YIN PA DE'I TSE RANG BZHIN KHO NAS RGYU DANG 'BRAS BU'I NGO BO YIN PA'I PHYIR DE'I RANG BZHIN GZHAN DON MED PA JI LTAR NYAMS SU MYONG BAR MI 'GYUR, RGYU DANG 'BRAS BU'I BLO YANG DE KHO NA YOD PA NYID TZAM DANG RJES SU 'BREL PAS, ,DON GZHAN PA'I RGYU MTSAN DE NI DMIGS PA'I RIG BYAR GYUR PA LAS RGYU DANG 'BRAS BU'I NGO BOS DBEN PA'I NGO BOS GZHAN MI SNANG BA'I PHYIR RO, ,RNAM PA DE LTA BU YANG BZUNG NAS BRTAG NA NI HA CANG THAL BAR 'GYUR RO, ,DE'I DON GZHAN PA'I RGYU DANG 'BRAS BU'I BLO'I RGYU MTSAN NI MI DMIGS PA'I MTSAN NYID DANG LDAN PAS JI LTAR RANG YOD PA TZAM GYIS DE'I BLO 'JUG PAR MI 'GYUR RTAG TU NYE BA NYID KYIS DE DAG 'DIR THAMS @210A *, ,CAD KYI TSE SKYE BAR THAL BAR 'GYUR RO, ,BYE BRAG MA BZUNG BAR BYE BRAG TU BYA BA YANG RANG NYID BYE BRAG CAN DU SHES PA'I RGYU MTSAN MI RIGS TE, DE MI DMIGS PA'I MTSAN NYID KYIR GYUR BA YIN NO, ,MTHONG BA YANG MI RTOGS PAR MI RIGS TE, RGYU DANG 'BRAS BU'I BLO LA DE'I RGYU MTSAN KHAS BLANGS PA'I PHYIR RO, ,GANG GI RGYU MTSAN GYIS GZHAN LA DE'I BLO RTEN CING NGES PA GANG YIN PA DE NI DE'I NYE BAR MTSON PAR MI RIGS PA NYID DE DBYIG PAS DBYIG PA CAN NGES PAR BYED PA MED NA LHA SBYIN DBYUG PA CAN NYE BAR MI MTSON PA BZHIN NO, ,RGYU DANG 'BRAS BU DAG GI 'BREL PA DON GZHAN PA NI 'THAD PA MA YIN LA, 'BREL PA GZHAN BRTAGS NA NI THUG PA MED PAR THAL BAR 'GYUR BA DANG, ,RGYU DANG 'BRAS BU'I NGO BO KHAS BLANGS PA YANG RGYU DANG 'BRAS BU DAG LHAN CIG MI 'BYUNG BAR DE YOD PA DANG, DE BAS NA RGYU DANG 'BRAS BU DE NYE BA MA YIN PAS JI LTAR RGYU DANG 'BRAS BU'I BLOR 'GYUR, 'GAGS PA DAG DE'I SHES PAS SGRO BTAGS NAS BRTAGS PA LA RTOGS PA'I YUL NYID KYI RGYU DANG 'BRAS BUR MNGON PAR ZHEN PA YIN NA NI DNGOS PO'I YUL NI MA YIN NO, ,DE YANG KHYAD PAR CAN YOD PA DANG MED PA'I RGYU MTSAN KHAS BLANGS PA'I PHYIR CI DON GZHAN DU BRTAGS NAS RTOGS PA'I YUL DER MNGON PAR ZHEN PA DE DON MED DO, ,RGYU DANG 'BRAS BU CIG CAR NA YIN TE, LHAN CIG TU 'DI DAG SKYE BA MED DO, ,SO SOR SKYE NA YANG JI LTAR RGYU DANG 'BRAS BU'I NGO BO YIN, GANG GI TSE RGYU LAS SKYE BA DE'I TSE CI RANG GI 'BRAS BU LHAN CIG SKYE'AM YANG NA 'BA' ZHIG YIN, 'BA' ZHIG KYANG CIG RANG GI 'BRAS BU'I SNGAR RAM YANG NA PHYIS YIN, GAL TE RANG GI 'BRAS BU DANG LHAN CIG GNYI GA GZHAN LAS YOD PAS PHAN TSUN 'BREL PA MED PA'I PHYIR 'BRAS BU'I 'BREL PA MED PA NYAMS PA YIN NO, ,YANG NA 'BA' ZHIG RANG GI 'BRAS BU LAS SNGAR DE SKAD CIG MA RGYU YIN PAS DE NYID SKYE BAR 'GYUR BA NYID NA ZHIG PA'I PHYIR JI LTAR 'BRAS BU BYED PA YIN, DE YANG YOD NA JI LTAR RGYU 'DI LA LTOS PA YIN, DE MED PA LAS YIN NA JI LTAR RGYU MA YIN PAS 'BRAS BU RGYU DANG 'BREL BA LAS SKYE BA YIN, YANG NA RANG GI 'BRAS BU BYAS ZIN NAS PHYIS @210B SKYE NA NI DE YANG 'BRAS BU'I TSE ZHIG PA'I PHYIR MED PA DE DUS PHYIS 'BYUNG BA'I RGYU DANG 'BRAS BU'I DNGOS PO SKYED PA GA LA YIN DE'I DNGOS PO YANG 'BREL PA BRJOD NA, RGYU DANG 'BRAS BU NI LHAN CIG MI 'BYUNG BA'I PHYIR GNYIS LA GNAS PAR GAL 'GYUR DE MED NA JI LTAR 'BREL PA YIN, SKAD CIG MA MA YIN PA NYID KYANG RGYU DANG 'BRAS BU DAG SKYES PA LAS SNGAR DE RTEN LA YOD PA MA GTOGS PA DAG PHYI NAS KYANG RANG BZHIN GZHAN LA 'JUG PAS DE MA YIN PA LA BRTEN PA NYID DANG RTEN MED PAS DE DNGOS PO'I RKYEN NAM RGYU MA YIN NO, ,YANG NA 'DU BA'I RGYU MTSAN NYID KYIS RGYU DANG 'BRAS BUR BRJOD PA DANG SHES PA DAG YIN DE'I TSE 'DU BA CAN GYI RGYU NYID KYI 'BRAS BU NI 'DU BA LAS RGYU NYID DU 'GYUR, RGYU MTSAN DANG 'DU BA MED PA'I RGYU DANG MA YIN TE, 'BRAS BU NI DE 'DRA BA'I 'BRAS BU NYID DE, DE YANG THAMS CAD LA BYE BRAG MED PAS DNGOS PO THAMS CAD PHAN TSUN RGYU DANG 'DRAS BU'I NGO BOR 'GYUR RO, ,SNGA MA DANG PHYI MA YONG PA DANG MED PA'I BYE BRAG GIS DE YANG 'DIR DE NI 'BREL BA MED PAR MI RIGS PAS BOGS DBYUNG DU MED PA LA DE MI RIGS SO, ,DE DAG NYID DAM DE'I KHYAD PAR DAG DE'I MTSAN NYID YIN NO ZHES DGONGS NAS DE YONG NA NI YOD LA DE MED NA NI MED PAS RGYU DANG 'BRAS BU'I NGO BO ZHES BSHAD DO, ,DE LTAR RE ZHIG MI DMIGS PA DANG LHAN CIG PA'I MNGON SUM DAG GIS RGYU DANG 'BRAS BU DAG YOD NA YOD PA'I YUL LA RGYU DANG 'BRAS BU YOD PA YIN TE, DE YOD NA NI YOD LA DE MED NA NI MED PA MTSAN NYID SGRUB PAR BYED PA BSHAD DO, , RES 'GA' ZHIG MI DMIGS PA 'AM MNGON SUM SNGON PAS RGYU DANG 'BRAS BU SGRUB PA'I PHYIR DE'I YUL RE ZHIG BSTAN PA NI, RGYU GZHAN RNAMS YOD KYANG ZHES BYA BA SMOS TE, DU BA LA SOGS PA'I 'BRAS BU ME DANG BUD SHING LA SOGS PA'I SKYE BO'I TSOGS PA CAN DAG NI TSOGS PA LAS GZHAN MA YIN TE, TSOGS PA RNAMS RGYU MED PA NYID DU THAL BAR 'GYUR RO, ,'BRAS BU DE LA LTOS PA MA YIN NA DNGOS PO MED PAR THAL BAR 'GYUR RO, ,GAL TE DE DANG 'BRAS PAS DE LA LTOS PA YIN NO ZHE NA, ,'DIR SU ZHIG SKYED PAR BYED PA MA YIN NA DON GZHAN DANG 'BREL PAS @211A *, ,YIN, SKYED PAR BYED NA YANG TSOGS PA'I RANG GI NGO BO KHO NAS SKYED BAR BYED PA YIN TE, ,'BRAS BU GCIG BYED PA LA 'DI DAG NUS PA MED DAM GANG GIS NA GZHAN ZHIG BSTAN PAR BYA, DE LA YANG GZHAN GYI TSOGS PA DANG 'BREL LA LTOS PA YIN NA NI THUG PA MED PAR 'GYUR RO, ,DE'I PHYIR TSOGS PA KHO NAS SKYED BAR BYED PA DE DAG KYANG RGYU RE RE THABS KYIS 'BRAS BU THA DAD PA DE DPAG PAR BYA'O SNYAM NAS, RGYU GZHAN RNAMS YOD KYANG ZHES BYA BA SMOS TE, TSOGS PA CAN GYI NANG DU GTOGS PA'I RGYU'I SKYED PAR BYED PA RNAMS NI SO SOR DE DAG KYANG SKYED PAR BYED PA'I PHYIR 'DI SKYED PAR BYED PA MED PA NYID DU BZUNG NAS, BRJOD PAR 'DOD PA'I MED PA LAS YOD PA MA YIN NO ZHES BYA BA 'DIS MI DMIGS PA'I YUL BSHAD DO, ,YANG NA MNGON SUM GYI 'JUG PA NI SNGAR BSHAD PA'I MI DMIGS PAS SPANGS NAS DE YOD NA YOD PA 'DZIN PA NI SRID PA YIN TE; DE BZHIN DU 'DIR YANG DE YOD NA YOD LA DE MED NA NI MED PA'I RGYU DANG 'BRAS BU'I DNGOS PO SGRUB PAR BYED PA CI ZHIG SNYAM NA, MNGON SUM DANG MI DMIGS PAS SGRUB PAR BYED DO ZHES BYA BA SMOS SO, ,MNGON SUM SNGON DU SONG BA'I MI DMIGS PA DON GZHAN GYIS DBEN PA 'DZIN PAR BYED PA MNGON SUM GYI BDAG NYID 'DI SGRUB PAR BYED PA YIN NO ZHES MNGON SUM DANG MI DMIGS BAS RGYU DANG 'BRAS BU'I NGO BO SGRUB PAR BYED BA YIN GYI GANG MI DMIGS BA LA LTOS PA DANG BCAS PA'I MNGON SUM GYIS BSGRUB PAR BYA'O ZHES SNGAR BSHAD DO, ,DE MI DMIGS PA SNGON DU SONG BA'I MNGON SUM 'DI SGRUB PAR BYED PA'I PHYIR MI DMIGS PA DANG MNGON SUM SGRUB PAR BYED PAR BRJOD BAR BYA'O, ,RGYU DANG 'BRAS BU'I DNGOS PO DE'I RJES SU 'GRO BA LDOG PA GRUB PAR NGES PA DAG JI SKAD BSHAD PA NI MNGON SUM DANG MI DMIGS PA DANG RGYU DANG 'BRAS BU'I 'BREL PA NGES PA YIN NO ZHES BYA BAR SBYAR RO, ,'O NA NI 'BRAS BU'I GTAN TSIGS KYI RJES SU 'GRO BA NGES PA THAMS CAD DU 'BRAS BU 'BYUNG BA NI RANG GI RGYU YOD PA'I RJES SU 'GRO BA YIN NO ZHES BYA BAR SGRUB PA'I SKABS YIN NA JI LTAR RGYU DANG 'BRAS BU'I DNGOS POR SGRUB BA NYID 'DIR BRJOD SNYAM DU DOGS PA LA, RGYU DANG 'BRAS BU'I DNGOS PO GRUB BA @211B RGYU MTSAN YIN PA'I PHYIR RJES SU 'GRO BA NGES PA NI RGYU LA 'BRAS BU NYE BAR BTAGS NAS GZHAN MA YIN PA'I THABS KYIS BSGRUB BAR BYA BA BSTAN PA NI MTHONG BA TZAM GYI RGYU MTSAN GANG DAG 'DOD PA DE'I 'DOD PA BSAL BA'I PHYIR 'DI BSTAN PA'I PHYIR BSHAD DO, ,RGYU DANG 'BRAS BU'I NGO BO NYID CES BYA BA SMOS TE, ,RGYU DANG 'BRAS BU'I NGO BO NYID NI YOD PA'O, ,NI ZHES BYA BA NI GANG GI PHYIR RO, ,DON GZHAN PA NI BSGRUB PAR BYA BA LAS THA DAD PA'O, ,GANG THA MI DAD PA DE NI BZLOG PA LA GNOD PA CAN GYI TSAD MA 'JUG PAS DE'I BDAG NYID DU NGES PA KHO NA'I RJES SU 'GRO BA SNGAR BSHAD PA'I PHYIR RO,, DON GZHAN SMOS PA NI DE NI DON GZHAN PA NYID LA'ANG DE LTAR 'GYUR RO, ,JI LTAR GANG NA LA LAR DU BA YOD PA DE LA ME GDON MI ZA BAR NGES PAS ME DE LA YOD DO ZHES BYA BA 'DIS GZUGS KYI RJES SU 'GRO BA YANG YIN TE, GANG RGYU DANG 'BRAS BU'I NGO BO MA YIN YANG RO DON GZHAN PA GZUGS LAS RJES SU 'GRO BA NGES PA DE NI TSOGS PA GCIG LA RAG LAS PAS DE'I RANG GI RGYU'I SGO NAS MI 'KHRUL PA'I PHYIR NYES PA MED DO, ,YANG NA GAL TE ME'I 'BRAS BU DU BA YIN PA DE LTA NA YANG GANG NA 'DI YOD PA DE LA GDON MI ZA BAR ME YOD PA CIS NA YIN, GANG GI RGYU DANG 'BRAS BU YOD PAR GRUB PA'I RGYU MTSAN GYI RJES SU 'GRO BA BRJOD DO SNYAM NA, ME YOD NA YOD PA KHO NA ZHES BYA BA SMOS TE, NI ZHES BYA BA NI GANG GI PHYIR RO, ,YOD NA YOD PA 'BRAS BU NYID DU BA YIN PA'I PHYIR RO, ,DE'I PHYIR RGYU DANG 'BRAS BU LA YOD NA YOD PA NYID JI SKAD BSHAD PA NI RJES SU 'GRO BA NGES PA YIN NO, ,GAL TE GANG NA DU BA YOD PA DE LA GDON MI ZA BAR ME YOD BAR MA GYUR LA DE ME MED KYANG YOD BAS ME'I YOD PA'I DNGOS PO'I MTSAN NYID KYI RGYU DANG 'BRAS BU NYAMS PAR 'GYUR RO, ,DA NI MI DMIGS PA'I 'BREL PA NGES PA BSTAN PA'I PHYIR, MI DMIGS PA ZHES BYA SMOS TE, RANG BZHIN DANG 'BRAS BU'I GTAN TSIGS 'BA' ZHIG GI RJES SU 'GRO BA NGES BA BSHAD PA MA YIN GYI 'ON KYANG MI DMIGS PA'I RJES SU 'GRO BA NGES PA YANG BRJOD PAR BYA NA 'DI'I NGO BO CI ZHIG YIN CE NA, MED PA'I THA SNYAD KYI ZHES BYA BA SMOS TE BSGRUB PAR BYA BA'I CHOS SU RUNG BA NI BSGRUB PAR BYA BA YIN PA'I PHYIR, DE MED PA'I @212A *, ,THA SNYAD DU RUNG BAR MNGON PAR 'DOD DO, ,DE NI DMIGS BA'I RIG BYAR GYUR PA'I MI DMIGS PA DE NI GZHAN MI DMIGS PA'I NGO BO'O, ,DE TZAM NI RGYU MTSAN LA MI LTOS PAR MED PA'I THA SNYAD LA 'JUG PA'O, ,DE SGRUB PAR BYED PA NI RJES SU 'GRO BA NGES PAR GRUB PA'O, , YANG MED PA'I THA SNYAD TZAM LA 'JUG PAR 'GYUR BA GA LAS SHE NA, RGYU MTSAN GZHAN MED PAR MTHONG BA'I PHYIR RO ZHES BYA BA SMOS SO, ,GANG MED PA'I THA SNYAD KYANG JI SKAD BSHAD PA'I MI DMIGS PA LAS THA DAD PA'I BLO DANG SGRA DON BYED NUS PAS STONG PA LA SOGS PA RGYU MTSAN MA YIN NO ZHES BYA BA BSGRUB PA DE'I TSE JI SKAD BSHAD PA'I MI DMIGS BA TZAM GYI 'JUG PAS GRUB BA MA YIN TE, DE'I TSE MI DMIGS PA'I RJES SU 'GRO BA GRUB PA YIN NO, ,DE LTA MA YIN NA RGYU MTSAN GZHAN LA LTOS BAR DOGS PA YANG BDEN NO, ,JI SKAD BSHAD PA'I MI DMIGS PAR GDON MI ZA BAR MED PA'I THA SNYAD MI 'GYUR NA GANG LAS RJES SU 'GRO BA NGES PA YIN SNYAM NA, RGYU MTSAN GZHAN MED PA NI RTZOD PA'I RIGS PAR RGYA CHER BSHAD PAS DE NYID DU NGES PAR GZUNG BAR BYA'O, ,YANG NA YOD PA'I THA SNYAD KYI RGYU MTSAN DMIGS PA'I RIG BYAR GYUR BA LAS YOD PA DE NI MED PA'I THA SNYAD KYI RGYU MTSAN YIN PA'I PHYIR RGYU MTSAN NI DE LA MI DMIGS PAS MED PA NYE BAR BSTAN PA'I TSAD MA GANG YIN PA DE NYID KYIS BSHAD DO, ,DES NA YOD PA'I DNGOS PO NI MI SRID PAR NGES PAS MI DMIGS PA'I RJES SU 'GRO BA NGES PA'I LDOG PA DPYAD PA'I TSE BSHAD PAR BYA'O, ,DE NYID NI GTAN TSIGS RNAM PA GSUM PO'I BDAG NYID JI LTA BA'I TSAD MA BSHAD PA YIN NO, ,RANG BZHIN GYI GTAN TSIGS LAS BZLOG PA LA GNOD PA CAN GYI TSAD MA YOD PA DE'I BDAG NYID 'BREL PA GRUB PA'I PHYIR DANG, 'BRAS BU'I GTAN TSIGS NI MNGON SUM DANG MI DMIGS PA DAG GIS RGYU DANG 'BRAS BU'I DNGOS PO'I RGYU MTSAN GRUB PA'I PHYIR RO, ,MI DMIGS PA LA RGYU MTSAN GZHAN MED PAS SGRUB BAR BYED BA'I TSAD MAS DE MED PAS GTAN TSIGS SU GRUB PA'I PHYIR RO, ,RE ZHIG GTAN TSIGS RNAM PA GSUM YANG RANG RANG GI TSAD MAS LDOG PA NGES PA'I RGYU @212B MTSAN BSTAN TO, ,LDOG PA NGES PA YANG RJES SU 'GRO BA NGES PA 'BA' ZHIG MA YIN TE, BDAG NYID JI LTA BA'I TSAD MA DAG GI RGYU MTSAN BSHAD KYANG 'BRAS BU RANG BZHIN GYI GTAN TSIGS KYI LDOG PA NGES PA YANG BDAG NYID JI LTA BA'I TSAD MA'I RGYU MTSAN BRJOD DO,, YANG CI 'DIR BSGRUB PAR BYA BA MED NA MED PAR GRUB PA GANG DE'I BDAG NYID YIN NAM, BSGRUB PAR BYA BA MED NA MED BAR GRUB PA DE DAG TSAD MA GANG GIS YIN ZHE NA, RGYU DANG KHYAB PAR BYED PA MI DMIGS PA DAG LAS 'BRAS BU'I GTAN TSIGS NI RGYU MI DMIGS PAS BSGRUB PAR BYA BA MED NA MED PAR NGES PA YIN NO, ,RANG BZHIN GYI GTAN TSIGS NI KHYAB BAR BYED PA MI DMIGS PAS SO, ,NAM ZHIG NA MI DMIGS PA DE SGRUB BAR 'GYUR, RGYU DANG 'BRAS BU DANG KHYAB PAR BYA BA DANG, KHYAB PAR BYED PA'I NGO BOR GRUB NA'O, ,MNGON SUM DANG MI DMIGS PA DAG GI RGYU DANG 'BRAS BU'I NGO BOR GRUB PA BDEN NA RGYU MI DMIGS PAS 'BRAS BU'I GTAN TSIGS KYI BSGRUB BAR BYA BA MED NA SGRUB PAR BYED PA MED PA 'GRUB PO, ,BZLOG PA LA GNOD PA CAN GYI TSAD MA DE YOD PA'I RGYU MTSAN 'JUG PA NA GRUB PAS KHYAB PAR BYA BA DANG KHYAB PAR BYED PA'I DNGOS POR GRUB PA YOD NA, KHYAB PAR BYED PA MI DMIGS PAS RANG BZHIN GYI GTAN TSIGS KYI BSGRUB PAR BYA BA MED NA SGRUB PAR BYED PA MED PA 'GRUB PO, ,DE NI DE SKAD DU BRJOD PAS GANG LA DE'I BDAG NYID DANG DE LAS BYUNG BA'I MTSAN NYID KYI 'BREL PA NGES PA NYID KYIS GNYI GA'I RJES SU 'GRO BA DANG LDOG PA BSHAD PA YIN NO, ,DE NYID KYIS NA GZHAN DU RGYU DANG 'BRAS BU'I NGO BO YIN NO ZHES BSHAD ZIN TO, ,CI 'DRA BA DAG YIN ZHE NA, JI SKAD BSHAD PA'I BLTAR RUNG BA'I YUL GANG DAG YIN PA DE DAG LA'O, ,GANG GI TSE RGYU DANG KHYAB PAR BYED PA DMIGS PA'I RIG BYAR GYUR PA LAS MI DMIGS PA DE'I TSE MI DMIGS PA DE'I BSGRUB PAR BYA BA MED NA SGRUB PAR BYED PA MED DO ZHES BYA BA'I DON TO, ,NAM ZHIG NA DE DAG SNANG DU RUNG BA'I YUL GYI BYE BRAG LA LTOS PA DANG BCAS PA YIN ZHE NA, NYE BAR BSTAN PA'I YUL LA ZHES BYA BA SMOS TE, NYE BAR BSTAN PA NI BRJOD @213A *, ,BA'O; ,YUL NI CHOS MI MTHUN PA'I DPE'I GZHI'I MTSAN NYID GANG BSGRUB BAR BYA BA'I CHOS MED NA MED PA DE NYE BAR BSTAN PA NI BYA BA YIN NO, ,GAL TE DE LA YANG SNANG DU RUNG BA'I YUL LA CI'I PHYIR LTOS SHE NA, MI DMIGS PA ZHES BYA BA LA SOGS PA SMOS TE GZHAN DU NA NI GAL TE SNANG DU RUNG BA'I YUL GYI BYE BRAG GI MI DMIGS PA LA MI LTOS PA NA'O, ,GANG DMIGS PA'I RIG BYAR MA GYUR BA'I YUL GYI CHOS MI MTHUN PA'I DPE BSTAN PA DE'I TSE DMIGS PA'I RIG BYAR MA GYUR BA DE NI RGYU DANG KHYAB PAR BYED PA YIN NO ZHES MI DMIGS PA'I MTSAN NYID KYIR GYUR PA'I RGYU'AM KHYAB PAR BYED PA LA LAR BSKAL BA'I YUL RI RAB LA SOGS PA MED PAR MI 'GRUB NA CI BSGRUB PAR BYA BA MED PAS SGRUB PAR BYED PA MED BA DAG JI LTAR 'GRUB BAR 'GYUR SNYAM NA, RGYU DANG KHYAB PAR BYED PA MI DMIGS PA NYID DU GRUB PAS 'GRUB PA'I PHYIR RO SNYAM DU DGONGS SO, , 'ON TE YUL NYE BAR MA BSTAN KYANG MED PA NYE BAR BSTAN PA'I MI DMIGS PA SNANG BA'I YUL GYI BYE BRAG LA CIS NA LTOS PAR BYA BA MA YIN ZHE NA, YUL NYE BAR MA BSTAN PA ZHES BYA BA SMOS TE, YUL NYE BAR MA BSTAN PA NI CHOS MI MTHUN PA'I DPE'I NGO BO'O, ,GANG LA BSGRUB BAR BYA BA MED PA LA MED PA BSHAD PAS DE'I 'BREL PA TZAM GRUB STE YOD NA SNANG BA'I YUL GYI BYE BRAG MED KYANG GANG GI PHYIR 'GRUB PA DE'I PHYIR DE LA YUL NYE BAR MA BSTAN PA NI LDOG PA SGRUB PAR BYED PA'I MI DMIGS PA BLTAR RUNG BA'I YUL GYI BYE BRAG LA LTOS PA MA YIN PA NI YAN LAG TU MI BYED DO, , DE LTA NA DON MTHA' DAG YONGS SU MA BZUNG BA'I SPYIR BRJOD PA YANG DANG GANG LA 'BREL PA'I RANG BZHIN DE'I BDAG NYID DAM DE LAS BYUNG BA DE DAG NI DE MED MED NA GDON MI ZA BAR MED PA YIN TE, RANG BZHIN DANG RGYU MA YIN PAR THAL BAR 'GYUR RO, ,DE SKAD DU, RANG BZHIN LA YANG MED MI 'BYUNG, ,YOD PA TZAM DANG 'BREL PA YIN, ,DE MED PAR NI RANG YOD DAG ,MED 'GYUR THA DAD MED PHYIR RO, ,DE BZHIN DU, ME YI 'BRAS BU DU BA STE, ,DU BA CHOS KYI RJES 'JUG PA, ,DE MED PAR NI DE YOD NA, ,RGYU DANG LDAN PA LAS 'DAS 'GYUR, ,CES BSHAD DO, ,DE DANG @213B DE NI SNANG BA'I YUL LA LTOS PAR BYA BA LA PHAN 'DOGS PAR MI BYED NA, ,DE DAG NI CUNG ZAD CIG KYANG MED DO, ,'BREL PA TZAM GRUB PA YIN NO ZHES BYA BA 'DIS 'BREL PA'I GTAN TSIGS BRJOD PA MA YIN TE, 'ON KYANG MTHONG BA TZAM NYID KYIS LDOG PA BRJOD PA MI SRID DO ZHES BSTAN TO, , DE LTA NA 'BREL PA MED KYANG GANG GI TSE BSGRUB PA BYA BA THAMS CAD SPANGS PA'I DON MTHONG BAR 'GYUR BA DE'I TSE DE RNAM BAR MI DMIGS PA'I SGRUB BAR BYED BAS MED PAR GRUB PO SNYAM NAS GZHON NU MA LEN GYIS DE YANG, YUL DE DAG TU BGROD SONG NA, ,DON GZHAN NYE BAR MI DMIGS PA, ,DE RGYU GZHAN NI MED PA'I PHYIR, ,MED PA YIN CES RTOGS PAR BYA, ,ZHES SMRAS TE, YUL LA SOGS PA BSKAL PA'I MI SNANG BA YOD KYANG DE LA GTAN TSIGS MI DMIGS PA TZAM SRID PAS THE TSOM ZA BA YIN NO, ,'DIR NI BSGRUB BAR BYA BA MA LUS PA MED NA LDOG PA'I MTSAN NYID YIN TE, RNAMS DE LTA BU NYID GANG DANG GANG LA BSGRUB PAR BYA BA MED PA DE DANG DE LA SGRUB PAR BYED PA MED DO ZHES SLAR YANG TSIG DAG GIS BRJOD PA'I PHYIR RO, ,RJES SU 'GRO BA NGES PA YANG SNGAR 'BREL PA'I RGYU MTSAN NYID BRJOD DO, ,DE'I PHYIR DES KYANG GZHAN DAG MTHONG BA TZAM GYI RGYU MTSAN GYIS RJES SU 'GRO BA GRUB PAR 'DOD PAS MED PAR BRJOD PA KHO NA'O, ,DON THAMS CAD KYI GTAN TSIGS SU 'DOD PA BSGRUB PAR BYA BA'I CHOS DANG LDAN PAR RJES SU DPOG PAR BYED PA RNAMS KYIS MTHONG BAR MI NUS PA'I PHYIR RO, ,MA LUS PA'I YUL DANG PHYOGS LA SOGS PA'I BSGRUB PAR BYA BA'I DON RJES SU 'GRO BA NI GANG DANG GANG LA GTAN TSIGS YOD PA DE DANG DE LA BSGRUB PAR BYA BA YOD DO ZHES MA LUS PAR BSTAN PA'I PHYIR RO, ,YUL LA SOGS PA NYUNG ZAD CIG TU BSGRUB PAR BYA BA'I CHOS DANG SGRUB PA BYED PA'I CHOS LHAN CIG TU YANG DANG YANG KHYAB PA GRUB PA MTHONG YANG 'BREL PA MED PA NI LA LAR PHAL CHER DE BZHIN DU MTHON KYANG SRID PAS MI SRID PA LA GNOD PAR BYED PA'I TSAD MA MED PA'I PHYIR RO, ,MI DMIGS PA'I GTAN TSIGS KYI DBANG DU BYAS NAS DA NI, MI DMIGS PA'I LDOG PA NGES PA ZHES BYA BA SMOS SO, ,BRJOD DO ZHES BYA BA LHAG MA'O, ,'DI'I BDAG NYID @214A *, ,CI YIN ZHE NA, DMIGS PA'I RIG BYAR GYUR PA ZHES BYA BA SMOS TE YOD PA'O, ,MI DMIGS PA NI SHES PA GZHAN GYIS SAM BLTAR RUNG BA'I RANG BZHIN NO, ,DE NI YOD BA'I PHYIR BSGRUB PAR BYA BA MED PA'I NGO BOS MI DMIGS PA DE NYE BAR DMIGS PA'I BDAG NYID KYI MED PA'O, , DE GANG 'DZIN PA NI MNGON SUM MO, ,DE YOD PA'I MTSAN NYID DU DE BSTAN PA NI BSTAN PAR BYA ZHING SHES PAR BYA BA 'DIS BSTAN PA NI NYE BAR BSTAN PA CAN GYI TSAD MAS DE'I BDAG NYID KYI MI DMIGS PA'I LDOG PA NGES PA DANG DE'I GTAN TSIGS DE NI TSAD MA DE BZHIN DU BRJOD DO, ,GAL TE YOD NA NI GZHAN NYE BAR DMIGS PA'I SHES PA LA SNANG DU RUNG BA'I RANG BZHIN DU 'GYUR TE, 'ON KYANG NYE BAR MI DMIGS NA JI LTAR 'DI SNANG DU RUNG BA'I BDAG NYID DU 'GYUR GANG ZHIG YOD PA GZHAN RNAMS KYANG DMIGS PA'I RKYEN DU YOD PA NI MNGON SUM DU 'GYUR BA DE NYID DU SNANG DU RUNG BAR BSHAD DO; ,DES NA RNAM PA DE LTA BU NYE BA LAS GDON MI ZA BAR RNAM PA DE LTA BU'I MNGON SUM 'JUG PAR 'GYUR RO, ,GZHAN DU NA RES 'GA' ZHIG KYANG MNGON SUM GYI YUL DU MI 'GYUR TE KHYAD PAR MED PA'I PHYIR RO, ,GANG DANG GANG LA RGYU MTSAN TZAM YOD PA DE DANG DE LA NGES PAR 'GYUR TE, DPER NA SA BON LA SOGS PA TSOGS PA TZAM GYI RGYU MTSAN GYIS MYU GU BZHIN NO, ,YOD PA'I DNGOS PO YANG JI SKAD BSHAD PA'I DMIGS PA'I RIG BYAR GYUR PA TZAM GYI RGYU MTSAN DANG LDAN PA'I PHYIR RNAM PA DE LTA BU'I MNGON SUM DU 'GYUR RO ZHES BYA BA RANG BZHIN GYI GTAN TSIGS SO, , TSAD MA 'DIS NI RANG BZHIN MA DMIGS PA'I BSGRUB PAR BYA BA MED NA MED PA'I MTSAN NYID KYI LDOG PA NGES PA'O, ,'DI YANG RJES SU 'GRO BA NGES PA'I RGYU MTSAN GYI TSAD MA 'DIS KYANG MI DMIGS PA LA RGYU MTSAN GZHAN MED PAR BSTAN PA'I PHYIR RO, ,RGYU DANG KHYAB PAR BYED PA MI DMIGS PA RJOD PAR 'DOD PA DAG 'BREL PA NYID GRUB PA'I THABS KHO NAS RJES SU 'GRO BA DANG LDOG PA GRUB PA'I RGYU MTSAN YIN NO, ,DE YANG 'BRAS BU DANG RANG BZHIN GYI GTAN TSIGS NYE BAR BSTAN PA NYID KYIS THA DAD PAR MA BRJOD DO, ,DE BZHIN DU RGYU DANG KHYAB PAR BYED PA DAG MED PAS @214B 'BRAS BU DANG KHYAB PAR BYA BA DAG MED PAR GDON MI ZA BAR RJES SU 'GRO'O, ,'BRAS BU DANG KHYAB PAR BYA BA MED PA LAS LDOG PA'I YOD PA DE NI YOD PA'I MTSAN NYID LA GDON MI ZA BAR LDOG PAS KHYAB PAR BYED PA DANG RGYU DAG YOD PA'I PHYIR RO, ,DE LTA MA YIN NA 'BRAS BU DANG KHYAB PAR BYA BA DAG RGYU MED PA 'AM RANG BZHIN MA YIN PAR THAL BAR 'GYUR BA'I PHYIR CUNG ZAD CIG KYANG THA DAD PAR BRJOD PA MED DO, ,GZHUNG 'DI TZAM GYIS NI PHYOGS CHOS DE'I CHAS KHYAB PA'I GTAN TSIGS ZHES BYA BA DE BSHAD PA YIN NO, ,DA NI RNAM GSUM NYID CES BYA BA DE BSHAD PAR BYA STE, MTSAN NYID 'DIS ZHES BYA BA SMOS TE PHYOGS LA CHOS YOD PA DE'I CHAS KHYAB PA DE NI GTAN TSIGS YIN NO ZHES DE'I MTSAN NYID GANG YIN PA DE NYID, GTAN TSIGS DE NI RNAM GSUM STE, ,ZHES PA'I MTSAN NYID DO, ,DE ZHES BSHAD PA NI GTAN TSIGS RNAMS SO, ,RNAM GSUM STE ZHES BYA BA'I 'BREL PA NI RNAM GSUM KHO NA'O, ,GTAN TSIGS DE RNAMS KYI RANG RANG GI MING GRAGS PA NI, RANG BZHIN DANG 'BRAS BU DANG MI DMIGS PA'O, ,DANG ZHES BYA BA NI GTAN TSIGS KYI BSDU BA'I PHYIR RO ZHES BYA BA NI RDZOGS PAR BSTAN PAS NGES PAR BZUNG BA'I DON KHO NAR GSAL LO, ,DPER NA SGRA 'GA' ZHIG LA MI RTOGS PA BSGRUB PAR BYA BA YOD PA LTA BU'O ZHES BYA BA RANG BZHIN GYI GTAN TSIGS NYE BAR BSTAN PA DANG ME DANG LDAN PAR SA PHYOGS LA BSGRUB PAR BYA BA DU BA LTA BU'O ZHES BYA BA 'BRAS BU'I GTAN TSIGS BSTAN PA DANG MED PA LA ZHES BYA BA NI MED PA'I THA SNYAD DO, ,DMIGS PA'I RIG BYAR GYUR PA'I MI DMIGS PA ZHES BYA BA NI MI DMIGS PA NYE BAR BKOD PA'O, ,CI'I PHYIR GTAN TSIGS RNAM PA GSUM KHO NA YIN ZHES DOGS PA LA, GTAN TSIGS RNAM PA GSUM LAS THA DAD PA'I DON RNAMS KYI GTAN TSIGS LTAR SNANG BA DANG GTAN TSIGS 'GAL BAS KHYAB PAS GTAN TSIGS GSUM NYID DU NGES PA YIN TE GTAN TSIGS LTAR SNANG BA TSAD MA YIN PA DE LAS LDOG PA STE NYE BA BSTAN PA NI, 'DI KHO NA ZHES BYA BA SMOS TE, RANG BZHIN DANG 'BRAS BU DANG MI DMIGS PAR BSHAD PA'I GTAN TSIGS RNAM PA GSUM MED @215A *, ,NA MI 'BYUNG BAR NGES PA ZHES BYA'O, ,GTAN TSIGS RNAM PA GSUM GYI LDOG PA NI DE RNAMS KYI DON LA MED NA MI 'BYUNG BAS GANG MED PA ZHES BYA BA'I DON TO, ,DES KYANG MED NA MI 'BYUNG BA MA TSANG BA YIN PA'I PHYIR RANG BZHIN DANG, 'BRAS BU DANG, MI DMIGS PA LAS THA DAD PA NI GTAN TSIGS LTAR SNANG BA STE, GZHAL BAR BYA BA LA SOGS PA BZHIN DU 'GYUR RO ZHE NA, MED NA MI 'BYUNG BA MED PAS GTAN TSIGS RNAM PA GSUM LDOG PA YIN PA'I PHYIR DE'I BDAG NYID DANG DE LAS BYUNG BA MED NA KHYAB PA MED DO ZHES BYA BA NA KHYAB PAR BYED PA MI DMIGS PAS RTAGS SO, ,'ON TE MED NA MI 'BYUNG BA ZHES BYA BA CI ZHIG SU ZHIG GIS YIN, 'DI JI LTAR RNAM PA GSUM DU NGES PAR BRJOD CE NA, JI SKAD BSHAD PA ZHES BYA BA SMOS TE, KHYAB PAR BYED PA 'AM DE'I RGYU DE DAG YOD PA DES NA GANG LA DE KHYAB PAR BYA BA DANG 'BRAS BU DAG NYE BA DE LA YOD PA NYID DO,, GANG LA KHYAB PAR BYA BA DANG 'BRAS BU'I RANG BZHIN DE'I RGYU YOD PAR BSTAN PA'AM KHYAB PAR BYED PA NYE BA'I CHOS CAN DE NYID LA DE MED NA MI 'BYUNG BA YIN NO ZHES KHYAB PAR BYA BA DANG KHYAB PAR BYED PA'I CHOS KYI KHYAB PAR BSHAD PA NI JI SKAD DU BSHAD PA'I MED NA MI 'BYUNG BA YIN NO, ,SU'I ZHE NA, PHYOGS KYI CHOS BSGRUB PAR BYA BA'I CHOS CAN GYI CHOS DE NYID KYI NGO BO'I MED NA MI 'BYUNG BA GTAN TSIGS RNAM PA GSUM JI SKAD DU BSHAD PA'O, ,GTAN TSIGS LAS DE GZHAN LA DE LDOG PA'I DON GYIS YOD PA'O, ,'DIR YANG RNAM PA GSUM YOD BA LA DE'I BDAG NYID DANG DE LAS BYUNG BA'I MED NA MI 'BYUNG BA'I KHYAB BA DAG YOD PA'I PHYIR BYAS PA NYID DANG MI RTAG PA BZHIN DU 'DIS KHYAB PAR BYA BA DANG KHYAB PAR BYED PA YOD PA DE NI KHYAB PA MNYAM PAS GCIG LA CI MI 'KHRUL BA YIN NO, ,DE'I PHYIR GTAN TSIGS RNAM PA GSUM PO 'DI NYID LAS DE GZHAN PA LA MED PA'I SGO NAS NGES PAR BRJOD DO, ,DES NA GTAN TSIGS LTAR SNANG DE LAS GZHAN ZHES BYA BA MED NA MI 'BYUNG BA'I NGES PA'I 'THAD PA DANG LHAN CIG TU DE'I DON BSHAD DO, ,JI LTAR GTAN TSIGS RNAM PA GSUM LAS GZHAN PA NI MED NA MI 'BYUNG BA MED PA DE LTAR SNGAR BSHAD ZIN TO, ,YANG NA GAL TE RANG BZHIN LAS @215B GZHAN PA'I DON NI DON GZHAN 'BRAS BU LAS KYANG GZHAN RGYU 'AM GNYI GA MA YIN PA DANG, MI DMIGS PA LAS GZHAN JI SKAD DU BSHAD PA'I MI DMIGS PA TZAM 'AM NYE BAR DMIGS PA 'AM DGAG PA'AM DE LAS GZHAN PA YANG 'GAL BA'AM, MI 'GAL BA'O, ,DE LA DON GZHAN NI BRGYA LA DE MA THAG PA'I 'BRAS BU YIN NA NI TSU ROL MTHONG BAS RTOGS PAR MI NUS PA'I PHYIR RTAGS MA YIN NO, ,'BRAS BU MTHONG NAS THA DAD PAR NGES PAR BYED PA YANG, BSGRUB PA GRUB PA'I DUS PHYIS 'BYUNG BA'I PHYOGS KYI CHOS DANG RJES SU 'GRO BA RTOGS PA DON MED DO, ,'BRAS BU DANG BAR DU CHOD PA'I RGYU RNAMS LAS KYANG 'BRAS BU DE'I RTAGS MA YIN TE, BAR DU CHOD PA LA GEGS BYED PAS MA TSANG BAS SRID PAS 'KHRUL PA'I PHYIR RO, ,DE SKAD DU, TSOGS PA'I 'BRAS BU'I NUS PA RNAMS, ,'GYUR BA DANG 'BREL 'BRAS BU YANG, ,MA NGES PA NI NYID YIN TE, , GAGS BYED PA DAG SRID PHYIR RO, ,ZHES GSUNGS SO, ,RUNG BA RJES SU DPAG PA NI DON GZHAN PA'I RTAGS MA YIN NO, ,GNYI GA MA YIN PA YANG 'BREL PA MED PAS GTAN TSIGS SU MI RUNG NGO, ,JI LTAR SMIN DRUG SHAR BA LAS SNAR MA YOD PAR RNAM PAR SHES PA NGES PA YIN ZHE NA, 'ON TE DE YANG 'BREL PA MED PAR MI RIGS TE KHYAD PAR MED PA'I PHYIR THAMS CAD KYI THAMS CAD RTOGS PAR THAL BAR 'GYUR RO ZHES BSHAD PA'I PHYIR RO, ,DE'I PHYIR RGYU SKAR GYI 'KHOR LO'I 'PHONG BA NI GTAN TSIGS KHO NA YIN TE, DUS KYIS BAR DU CHOD PAR 'GA' ZHIG GIS BRTAG PAR BYA'O, , DPER NA 'BYUNG BA 'KHRUG PA LAS DUS PHYIS CHAR 'BYUNG BA BZHIN DU GTAN TSIGS KYIS RGYU'I CHOS RJES SU DPOG PAR 'BRAS BU'I RTAGS LAS SKYED PAR BRTAG PAR BYA'O, ,MI DMIGS PA TZAM YANG THE TSOM ZA BA'I GTAN TSIGS TE TSAD MA LDOG PAS KYANG DON MED PAR MI 'GRUB PO, ,NYE BAR DMIGS PA'I DGAG PA YANG JI LTAR DNGOS PO MED PAR SGRUB PAR BYED PA YIN, NYE BAR DMIGS PA MA 'KHRUL PAS MED PAR MI RIGS SO, ,'GAL BA DMIGS PA YANG MI MTHUN PA'I DNGOS PO SGRUB PAR BYED PA YIN TE, 'ON KYANG 'GAL BA DE YOD PA NA GZHAN NYE BAR MI DMIGS PA KHO @216A *, ,NAS GRUB PA'I PHYIR DE'I SGO NAS MI DMIGS PA NYID SBYOR BAR RIGS PAR 'GYUR GYI, DE LTA MA YIN NA DMIGS SU YOD PA LA DGAG PA MI 'GRUB PO, ,'GAL BA MED PA NYE BAR DMIGS PA YANG DGAG PAR MA NGES PA YIN TE, 'GAL BA MED PA RNAMS NI LHAN CIG YOD PA SRID PAS SO, ,RNAM PA GZHAN YANG MI SRID PAS MED NA MI 'BYUNG BA LAS GZHAN YOD PA MA YIN PA'I PHYIR RO, ,DA NI RANG BZHIN GYI GTAN TSIGS KYI YOD PA'I MTSAN NYID NI DE LA ZHES BYA BA SMOS TE, GTAN TSIGS RNAM PA GSUM LAS RE ZHIG RANG BZHIN GYI GTAN TSIGS KYI MTSAN NYID BRJOD DO, , BSGRUB PAR BYA BA LA GANG GIS DE SGRUB PAR BYED PA DE'I CHOS DE'I NGO BO NI DE'I NGO BO DE NYID KYIS SGRUB PAR BYED PA'I CHOS KYI NGO BO TZAM DANG DE'I RJES SU 'GRO BA GANG YIN PA DE YOD DE, BSGRUB PAR BYA BA'I CHOS KYI CHA SHAS LA SPYI NYE BAR BTAGS NAS DE LA RANG BZHIN GYI GTAN TSIGS YIN NO, ,BSGRUB PAR BYA BA'I CHOS NI MNYAN PAR BYA BA YIN PA'I PHYIR DE NYID RANG BZHIN YIN NO ZHES RTOGS PAR BYA'O, ,JI LTAR 'DI BSGRUB PAR BYA BA'I CHOS KYI RANG BZHIN JI SNYED PA THA MI DAD PAR RTOGS PA YIN ZHE NA, PHAN TSUN ZHES BYA BA SMOS TE, MED PA DANG MI RTAG PA MA YIN PA LA SOGS PA LAS LDOG PA'I GTAN TSIGS SU GYUR BAS BSGRUB PAR BYA BA'I CHOS DANG SGRUB PAR BYED PA'I CHOS DAG THA DAD PA DE LA YOD KYANG DNGOS PO NI DON DAM PAR RTAGS CAN GYI RANG BZHIN KHO NA BSGRUB PAR BYA BA'I CHOS KYI RANG BZHIN NYID DO, ,DE LTA NA MED PA LAS LDOG PA GANG YIN PA DE NYID SKAD CIG MA LA SOGS PA DE NYID CHOS CAN GCIG LA THA MI DAD PAS BSGRUB PAR BYA BA DANG BSGRUB PAR BYED PA'I CHOS KYANG DON DAM PAR THA DAD PA MED PA'I PHYIR RO, ,GAL TE DNGOS SU NA RTAGS CAN GYI RANG BZHIN GYI SGRUB PAR BYED PA'I CHOS CI'I PHYIR SGRUB PAR BYED PA'I CHOS YOD PA TZAM DANG RJES SU 'BREL PA NI BSGRUB PAR BYA BA'I CHOS KYIS KHYAD PAR DU BYA BA YIN, GANG GI RANG BZHIN GANG YIN PA DE NI JI LTAR DE TZAM GYI RJES SU 'GRO BA YIN, RANG BZHIN MA YIN PAR THAL BAR 'GYUR BAS DE'I RANG BZHIN YIN NO SNYAM NAS GANG GI PHYIR, GTAN TSIGS KYI RANG BZHIN ZHES BYA BA SMOS TE, GANG GI BSGRUB PAR BYA BA'I CHOS @216B DE LA GTAN TSIGS KYI RANG BZHIN NI BSGRUB PAR BYA BA'I CHOS KYI RJES SU 'GRO BA LAS 'KHRUL PA MED PAS SGRUB PAR BYED PA'I CHOS YOD PA TZAM GYI RJES SU 'GRO BA DE LA 'KHRUL PA MED PA DANG 'KHRUL PA SRID NA NI KHYAD PAR RNAMS RIGS SO, ,'DIR YANG 'KHRUL PA MI SRID PA NYID KYI PHYIR KHYAB PAR MI RIGS PA NYID DO ZHE NA, DE LTAR YANG RANG BZHIN GYI GTAN TSIGS KYI MTSAN NYID BYED PA DANG, GANG 'DI DAG BSGRUB PAR BYA BA'I CHOS DE TZAM GYI RJES SU 'GRO BA'I SGRUB PAR BYED PA'I CHOS YOD PA TZAM GYI RJES SU 'GRO BA'I KHYAD PAR NI GZHAN GYI 'DOD PA LA LTOS PA NI RIGS PA CAN LA SOGS PA'I 'DOD PA LA LTOS PA'O, ,DE NYID PHA ROL PO'I LOG PAR RTOG PA BSTAN PA NI, GZHAN ZHES BYA BA SMOS TE, RIGS PA CAN LA SOGS PA GANG DON GZHAN GYI RGYU MTSAN GYIS SKYED PAR BYED PA'I DON GYIS DON GZHAN LA BSNUN PA'I RDZAS DANG LDAN PA LA SOGS PA GANG YIN PA DE'I RGYU MTSAN YIN NO, ,DE NYID 'DI LTAR BSNUN PAS RDZAS DANG LDAN PA CHA SHAS RNAMS LA BYA BA SKYED PA YIN TE, DE RNAMS KYI CHA SHAS SU BYE BAS LDAN PA ZHIG GO, ,DE NA RTZOM PA'I 'BRAS BU'I RDZAS ZHIG PA YIN NO ZHES SMRA'O, ,DE LTAR NA DON GZHAN LA LTOS PA'I RGYU MTSAN NI BYAS PA NYID LA SOGS PA YOD KYANG DE MED PAS SO, ,DE MA YIN PA YOD PA TZAM GYI RJES SU 'GRO BA DE BYIS PA NYID LA SOGS PA YOD NA YOD PA KHO NA DE TZAM NI DE'I RJES SU 'GRO BA YOD PA GANG YIN PA DE NI BSGRUB PAR BYA BA'I CHOS MI RTAG PA'I MTSAN NYID DO, ,DE LAS BZLOG PA YANG BYAS PA NYID LA SOGS PA'I RANG BZHIN DU 'DOD DO, ,GANG GI PHYIR KHYAD PAR DU BYAS PA DE'I PHYIR DES NA KHYAD PAR GYI RNAM PA DE LTA BU'I DON GZHAN PA'I RGYU MTSAN CAN GYI 'JIG PA DE'I RANG BZHIN MA YIN TE, MTSAN NYID KHYAD PAR DU BYAS PA ZHES BYA BA SMOS TE, RANG YOD TZAM GYIS 'BYUNG BA NYID, ,RANG BZHIN NYID NI GZHAN LA MIN, ,ZHES BYA BAS KHYAB PAR BSTAN TO, ,DE BZHIN DU DE LA DON GZHAN PA'I RGYU MTSAN NI, ,BSGRUB PAR BYA BA LA GTAN TSIGS BYA BA LA SOGS PA 'KHRUL PAS MA NGES PA YIN TE 'DIR DPE NI DPER NA 'JIG PAR BSGRUB PAR BYA BA LA, RGYU DANG LDAN PA'I BYAS PA @217A *, ,LTA BU'O ZHES BYA BA SMOS TE, GTAN TSIGS KYI RANG BZHIN MA YIN PAS 'KHRUL PA YIN NO, ,'O NA NI THA DAD PAR KHAS BLANGS PAS BYAS PA'I RANG BZHIN YIN PA'I MI RTAG PA NI GZHAN DAG MI 'DOD PA DES CI ZHIG BRJOD CE NA, DES YOD PA TZAM DANG RJES SU 'BREL PA'I RANG BZHIN DU 'DOD PA YANG YIN NO SNYAM DU DE LTAR SEMS NA NI BYAS PA DANG MI RTAG PA'I CHOS KYI RTOG PA YANG KHAS BLANGS PA RNAMS KYIS GDON MI ZA BAR MA BYUNG BA LAS BYUNG BA DANG, BYUNG NAS KYANG MED PA'I MI GNAS PA'I RANG BZHIN KHAS BLANG BAR BYA DGOS TE, GZHAN DU NA BDAG LA SOGS PA DANG BYAS PA NYID DANG MI RTAG PA NYID KHYAB PAR MED PA YOD PAR 'GYUR RO, ,DE'I PHYIR GANG MA BYUNG BA LAS BYUNG BA DANG BYUNG NAS MED PAS MI GNAS PA DE DAG NYID DE NI MTHONG BA'I STOBS LAS SKYES PA'I BYAS PA DANG MI RTAG PA'I CHOS THA DAD PAR RTOG PA LA SNANG BA'I SGO NAS BSGRUB PAR BYA BA DANG, SGRUB PAR BYED PA DAG LAS CIS THA DAD PA'I CHOS GNAS PA YIN, BRTAGS SU ZIN KYANG DNGOS PO'I BDAG NYID DON BYED PA'I RGYU MTSAN DE DON DU GNYER BA RNAMS KYIS BSAMS PA'I PHYIR RO, ,DE SKAD DU YANG, YOD MED PHYOGS NI THA DAD PAS, ,SGRA DON SKUR 'DEBS MED RNAMS KYIS, ,GANG LA 'BREL PAS 'BRAS SKYED PA'I, ,DNGOS PO KHO NA DPYAD PAR BYA, ,DON BYED NUS PA MED PA LA, ,DE 'DOD BRTAGS PAS CI ZHIG BYA, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAG CI PHAN, ,ZHES BSHAD DO, ,DE'I PHYIR MTHONG DU ZIN KYANG DNGOS PO 'GA' ZHIG GIS BDAG NYID DU MA YIN PA GZHAN LAS LDOG PA'I RNAM PA 'GA' ZHIG NGES SO, ,DE MA YIN PA GZHAN GYIS KYANG DE YIN PA'I NGO BO LAS LDOG PA'I BDAG NYID LA 'KHRUL PA'I RGYU YOD PA SRID PAS MA NGES PA YIN PAS MA NGES PA NYID DO, ,NGES PA DAG GI NGO BO NI TSAD MA GZHAN GYI 'BREL PA NGES PAS MDUN NA GNAS PA LA RJES SU DPAG PA YIS NGES PA'I PHYIR MI RTAG PA'I RANG BZHIN DU GYUR PA'I BYAS PA NYID KYIS 'JIG PA'I RTAGS SU RIGS SO, ,DE BZHIN DU 'JIG PA'I RANG BZHIN KHO NA GTAN TSIGS SU JI SKAD BSHAD PA'I RIGS @217B PAS DE 'DOD PA YIN TE, DE NI DE TZAM DANG RJES SU 'BREL PA NYID LA DON GZHAN GYI RGYU MTSAN GYIS BYE BRAG NI RANG BZHIN MA YIN PAR BRJOD DO, ,GAL TE BYAS PA NYID KYI DNGOS SU RGYU DANG LDAN PAR 'DI RJES SU DPAG PAR BYA STE, DES NA SNGAR ZHIG PA MED PA'I BYE BRAG GIS YOD PA DE 'DU BA'I 'BREL PAS MI RTAG PA RNAM PAR GZHAG GO, ,'DI NYID BDAG LA SOGS PA RTAG PA LA THAL BAR 'GYUR BA MED LA 'JIG PA ZHES BYA BA NI YOD PA MED PA 'JIG PA'I MTSAN NYID DU 'DOD PA NA, BYAS PA NYID 'DU BA'I SRID PA'I 'BREL PA'I KHYAD PAR GYIS 'JIG PA'I RANG BZHIN DU BSTAN PA LA CUNG ZAD CIG KYANG MI 'DOD PA MED DO SNYAM DU SEMS PA NA DE NI MI RIGS TE, RNAM PA DE LTA BU'I 'JIG PA NI RGYU DANG LDAN PA 'GAL BA'I PHYIR RO ZHES SLOB DPON RANG NYID 'DI 'CHAD PAR 'GYUR RO, ,'DI NI RJES SU DPAG PAR BYED NA CUNG ZAD CIG KYANG DON BYED PAR NUS PA MED PA BRTAG PA'I PHYIR RO, ,BDE BA DANG SDUG BSNGAL SGRUB PAR BYED PA SHES PA JI LTAR RIGS PA RTOGS PAR 'DOD PA NI CUNG ZAD CIG YONGS SU BRTAG PAR BYED DO, ,DE'I PHYIR 'DIR MI BRTAN PA'I RANG BZHIN GYI YOD PA NYID RJES SU DPAG PAR BYA STE DE NYID KYI RGYU DANG LDAN PA BRTAG PAR BYA'O, ,DE LTA MA YIN NA MED PAS DBEN PA'I SKAD CIG MA'I DUS SU MED PA THOB PA LA SOGS PAS BSKYED PA NI DNGOS PO LA NYE BAR MI MKHO BA'I PHYIR RO, ,DE YOD PA NI DE NYID DU GNAS PA KHO NA YIN TE, JI LTAR DE'I KHYAD PAR GYIS SAM YOD PA DE 'DU BAS MI RTAG PAR 'GYUR, DNGOS PO MI 'GYUR THOB PA LA SOGS PAS BYAS NAS ZHIG NAS MED PA'I KHYAD PAR GYIS YOD PA LDAN PA'I 'BREL PAS GAL TE MI RTAG PA YIN NO CI STE, BDAG LA SOGS PA LA YANG THAL BAR 'GYUR BA GNAS PA YIN NO, ,RANG GI RGYU LAS MA BYUNG BA LAS BYUNG BA LA YOD PA DANG 'DU BA NI MI 'DOD DE MI 'GRUB PAS SO, ,MA BYUNG BA LAS BYUNG BA GANG YOD PA DE NYID LA BYAS PA NYID CES BRJOD DO, ,YOD PA LA 'DU BA'I 'BREL PAS MI RTAG PAR KHAS BLANG PAR MI BYA STE, BOGS DBYUNG DU MED PA'I PHYIR, SNGA MA ZHIG NAS MED PA'I BYE BRAG MI RIGS SO, ,MA BYUNG BA LAS 'BYUNG BAR KHAS BLANGS PA DE NYID NI BYAS PA NYID KYI MI BRTEN PA'I RNAG BZHIN GYI @218A *, ,'JIG PA YOD NA 'BRAS BU BYED PA TSAD MA MED CING TSAD MAS GNOD PA'I DON GZHAN BRTAGS PAS CI ZHIG BYA, DE LTAR NA BYAS PA 'JIG PA DE'I BDAG NYID DU PHA ROL POS KYANG GDON MI ZA BAR KHAS BLANG BAR BYA DGOS SO, ,DE'I PHYIR 'JIG BA MI GNAS PA'I MTSAN NYID LA DON GZHAN PA'I RGYU MTSAN KHAS BLANGS NAS BYAS PA NYID MA YIN PA'I RANG BZHIN GYI BYE BRAG TU BSTAN NA DE GRUB PA DANG MA GRUB PA DANG THA DAD PA'I RGYU CAN NI DE'I RANG BZHIN DU MI RIGS PAS DE LTAR BSGRUB PAR BYA BA DE LA BYAS PA NYID MA NGES PA YIN NO, ,GANG DANG GANG RGYU MTSAN GZHAN LA LTOS PA DE DANG DE NI GDON MI ZA BAR 'BYUNG BA MA YIN TE, DPER NA GOS KHA BSGYUR BA BZHIN NO, ,BYAS PA NYID RNAMS KYI 'BYUNG BA ZHIG NAS MED PA YANG RGYU MTSAN GZHAN LTOS PAS ZHES BYA BA 'GAL BAS KHYAB PA DMIGS PA YIN NO, ,'ON TE GOS LA TSON GYIS BSGYUR BA NI TSAD YOD PA'I RGYU YIN PA'I PHYIR DE YANG RANG GI RGYU LA RAG LAS PAS NYE BA NA DE'I RTEN LA MI MTHUN PA'I RKYEN DANG PHRAD PAS MI BRTAN PAS NA GDON MI ZA BAR 'BYUNG BA MI RIGS KYI 'JIG PA LA NI MA YIN TE, RGYU RNAMS NI MTHA' YAS PAS GDON MI ZA BAR BUM PA LA SOGS PA 'GA' ZHIG LA NYE BA DANG 'JIG PA'I RTEN PA LA SNGA MA'I RGYU DE NYE BAS KHA CIG NYE BAR 'JIG STE, GANG GI PHYIR DE MED NA 'JIG PA MI RTZOM MO ZHE NA, DE NI MI RIGS TE, GAL TE YANG GANG GI PHYIR 'JIG PA'I RGYU MANG PO YOD PA DE LTA NA YANG RANG GI RGYU GANG YIN PA NYE BA'I PHYIR RO, ,DE BZHIN DU DE'I RGYU RNAMS DANG NYE BA NA YANG DE DANG 'GAL BA MTHA' YAS PA YOD PAS DE'I NUS PA LA GEGS BYED PAS GDON MI ZA BAR RGYU NI 'BRAS BU DANG LDAN PA MA YIN PA'I PHYIR 'GA' ZHIG ZHIG PA YANG MA NGES 'JIG PA MA YIN NO, ,'ON TE GOS LA TSON LA SOGS PA 'DI NI LTOS PA DANG BCAS PAR YANG GAL TE THAMS CAD DU NYE BAR DMIGS PA DES NA GDON MI ZA BAR CIS NA 'BYUNG BA MA YIN ZHE NA, GAL TE DE BZHIN DU NYE BAR DMIGS KYANG DE NI GZHAN DU 'DZIN TO, ,GAL TE DE LTA NA DE BZHIN DU THAMS CAD ZHIG PA NYE BAR DMIGS PA LAS GZHAN DU YOD PAR DOGS PA LA YID SKYO BAR MI BYA'O ZHE NA, ,CI DNGOS PO MA LUS PA'I NGO BO RGYA CHE BA LA YANG @218B SHES PA'I SNANG BAS KHYAB PA YIN PAR GANG GIS BRJOD NA NI DE LTAR YIN NA YANG JI LTAR RJES SU DPAG PA MI 'JUG PAR THAL BA LAS 'JUG PA MTHONG BAS NA DON MED PA LA BRTEN PAR 'GYUR TE, GANG ZHIG RGYUS BYAS PA'I 'JIG PA MTHONG DU ZIN KYANG RGYU GANG ZHIG LAS GZHAN DU SKYE BAR YANG MTHONG BAS DOGS PA SKYE STE, ,YUL DANG DUS DANG RANG BZHAN GYIS BSKAL BA RNAMS LA JI LTAR DE BZHIN DU YOD PAR NGES PA YIN, BYAS PA NYID LA YANG 'DI YOD PA DANG MED PA'I MTSAN NYID KYI 'JIG PA NI RTAG PAR KHAS BLANGS PAS DE'I 'JIG PA KHAS BLANGS PA NI DNGOS PO LAS SKYE BAR THAL BAR 'GYUR BA DANG, BUM PA LA SOGS PA BZHIN DU 'JIG PA'I RGYU 'GA' ZHIG NYE BAR MI DMIGS SO, ,DE SKAD DU, DPER NA BUM PA LA SOGS PAR, ,'JIG PA'I RGYU NI MTHONG BA YIN, ,DE BZHIN 'JIG DE RGYU MED LAS, ,DE YI SKYE BA CI LTAR YIN, ,ZHES BYA BA SMRAS PA DE'I PHYIR BYAS PA NYID LA NI SGRUB PA DE NYID KYIS MA NGAS PA CIS NI MA MTHONG, GAL TE DNGOS PO RNAMS KYI GCIG TU NGES PA CHOS NYID YIN NO ZHE NA, DE DAG KHO NA YIN PAR GA LAS NGES, GAL TE DE DAG LAS GZHAN PA YOD PAR NYE BAR MI DMIGS SO ZHE NA, 'O NA NI 'DI MI DMIGS PAR 'GYUR ZHE NA, BDAG LA SOGS PA LA YANG CI'I PHYIR LDOG PAR MI 'GYUR JI LTAR 'DIR GZHAN DU YOD PA LDOG PAR 'GYUR RO, ,DES RJES SU DPAG PAS NYE BAR DMIGS SO ZHES BRJOD NA RJES SU DPAG PA DE DANG DE LA MI MTHUN PA'I PHYOGS LAS LDOG PA NI MI DMIGS PAR KHO NAS GTAN TSIGS CI LTAR LDOG PAR 'GYUR 'DI NI CI YANG MA YIN NO, ,DE'I PHYIR RGYU DANG LDAN PA'I 'JIG PA NI BYAS BA NYID KYI RANG BZHIN MA YIN PA DANG, 'KHRUL PAS NA LEGS BAR BSHAD PA SMRAS PAS CHOG GO, ,DA NI RANG GI DON GYI RJES SU DPAG PA'I SKABS GANG YIN PA DE DAG NA YANG 'GA' ZHIG SBYOR BA'I YAN LAG NYID BSTAN PA'I PHYIR RANG GI DON GYI RJES SU DPAG PA YANG SRID PAS ZHAR LA GZHAN GYI DON GYI RJES SU DPAG PA'I SBYOR BA BSTAN PA NI, DE'I SBYOR BA ZHES BYA BA SMOS TE RANG BZHIN GYI GTAN TSIGS NI RNAM PA GNYIS SO, ,MTSAN NYID GSUM BSTAN PA'I TSIG GI DPE NI SBYOR BA'O, ,DE NYID BSTAN PA NI CHOS MTHUN PA @219A *, ,MTSUNGS PA GANG YIN PA DE NI DE LA YOD PA DES NA CHOS MTHUN PA STE, SBYOR BA GCIG DANG GZHAN CHOS MI MTHUN PA MI 'DRA BA GANG YIN PA DE LA YOD PA DES NA CHOS MI MTHUN PA'O, ,RIM PA JI LTA BA 'DIS DE'I DPE BRJOD PA NI, DPER NA GANG DANG GANG YOD PA, ,ZHES BYA BA SMOS TE, GANG GI SGRA NI ZLOS PA GTZO BO YIN NO, ,DE THAMS CAD CES BYA BA NI DE'I SGRA YANG ZLOS PA GTZO BO NYID DO, ,THAMS CAD SMOS PA NI MA LUS PA YONGS SU BZUNG BAS PHYI ROL GYI KHYAB PA BSAL BA YIN NO, ,DPER NA BUM PA ZHES BYA BA NI GANG YOD PA DANG SKAD CIG MA 'BREL BSGRUB PAR BYED PA'I TSAD MA BUM PA LA SOGS PA LA 'JUG PA DE LA DRAN PA KUN NAS SLONG BA'I PHYIR DPER BRJOD KYI DPE TZAM LAS SGRUB PA MED PA'I PHYIR RO, ,GCIG LA YOD PA DE BZHIN DU THAMS CAD LA YOD PA MA YIN NO, ,HA CANG THAL BAR 'GYUR BA'I PHYIR RO, ,SGRA LA YANG YOD PAS ZHES BYA BA NI PHYOGS DE LA CHOS BSDU BA'O, ,CHOS MI MTHUN PA'I SBYOR BA'I DPE NI, DE BZHIN DU ZHES BYA BA LA SOGS PA'O, ,DE BZHIN DU ZHES BYA BA SMOS PA NI CHOS MI MTHUN PA'I SBYOR BA'I DPE BSDUS PA YIN NO, ,'DIR YANG THAMS CAD CES BYA BA DE NI RNAM PAR DBYE BA 'GYUR BAR 'BREL PA YIN TE SKAD CIG MA NYID MED PA THAMS CAD LA YOD PA NYID MED PA YIN ZHES BYA BA NI SBYOR BA GNYI GA LA YANG THAMS CAD SMOS PA 'BRAS BUR BSTAN PA YIN NO, ,THAMS CAD NI BSGRUB PAR BYA BA'I CHOS CAN DANG DPE'I CHOS CAN NYID DO, ,BSGRUB PAR BYA BA'I CHOS NYE BA BSDU BA NI NYE BAR BSDUS PA DANG BSDOMS PA DES NA KHYAB PAR BYA BA NI KHYAB PAR BYED PA DE KHO NA LA YOD PA LA ZHES PA LA SOGS PA'I NGO BO'O, ,DE BSTAN PA NI RAB TU BSHAD PA'O, ,DE'I MTSAN NYID NI GANG DANG GANG DE SKAD DU BSHAD PA'O, ,DE'I PHYIR GANG BSGRUB PAR BYA BA'I CHOS CAN YONGS SU SPANGS NAS PHYI ROL GYI KHYAB PA BSTAN PA NI GAL TE YANG DPE'I CHOS CAN LA BSGRUB PAR BYA BA'I CHOS KYIS SGRUB PAR BYED PA'I CHOS LA KHYAB PA DE TZAM GYIS THAMS CAD LA DE BZHIN DU YOD PA DANG MED PA LAS BSGRUB PAR BYA BA 'GRUB PAR MI RIGS PAS BSAL BA YIN NO, ,YANG NA THAMS CAD DU BSGRUB PAR BYA BA'I @219B CHOS KYIS SGRUB PAR BYED PAR CHOS LA KHYAB PA YOD PAR 'GYUR NA NI RNAM PA DE LTA BU CIS NA MA BSTAN, GANG GIS PHYI'I KHYAB PA LA NUS PA MED PAR BSHAD PA NI DE NI SNGO BSANGS YIN TE DE'I BU YIN PA'I PHYIR SNGO BSANGS KYI BU MTHONG BA BZHIN NO ZHES BYA BA DE'I BU YIN PAS SNGO BA SANGS SU BSGRUB PAR BYA BA PHYI ROL DU MTHONG BA'I BU LA KHYAB PA BSTAN KYANG BSGRUB PAR BYA BA 'GRUB PAR MI 'GYUR RO, ,DE'I PHYIR THAMS CAD KYI NYE BAR BSDUS PA'I 'BREL PA TSAD MAS GRUB PA'I RGYU MTSAN GYIS SHUGS LA BSGRUB PAR BYA BA GRUB PA GANG YIN PA DE DRAN PA BSTAN TO, ,THAMS CAD NYE BAR BSDUS NAS KHYAB PA BSTAN PA YANG CHOS KYIS KHYAD PAR BYAS PA'I CHOS CAN DE NYID SHES PA MED PAS, GANG GI PHYIR PHYOGS KYI CHOS BSTAN PA'I DE MA THAG PA'I DUS PHYIS 'BYUNG BA'I RJES SU DPAG PA NA DRAN PA NYID DU 'GYUR NA DE BSGRUB PAR BYA BA'I CHOS CAN MED NA, MI 'BYUNG BA CHOS RTOG PA'I RGYU MTSAN NYID KYI DE BSTAN PA LAS SNGAR NI MI SRID PA'I PHYIR RO, ,DE NI KHYAB PA SNGON DU SONG BA'I DE MA THAG TU BYE BRAG GI YUL LA RJES SU DPOG PA NA JI LTAR DRAN PAR 'GYUR, 'O NA CHOS MTHUN PA'I SBYOR BAS KHYAB PA BSTAN PA'I MTSAN NYID NI RIGS TE, SGRUB PAR BYED PA'I CHOS YOD NA BSGRUB PAR BYA BA'I CHOS GDON MI ZA BAR YOD PAR BSTAN PAS SO, ,CHOS MI MTHUN PA'I SBYOR BA NI BSGRUB PAR BYA BA MED PAS GTAN TSIGS MED PA 'BA' ZHIG JI LTAR DE LA BRJOD GTAN TSIGS YOD PAS BSGRUB PAR BYA BA YOD PA NI MA YIN NO ZHE NA, DE DAG GI SKYON NI MED DE 'DIR BSGRUB PAR BYA BA MED NA GTAN TSIGS MED PA NI DNGOS PO'I NGO BO BSTAN PA DE'I GTAN TSIGS KYI KHYAB PAR BSTAN PA'I MTSAN NYID KYI NGO BO 'GAL BA DANG LDAN PA MA YIN NO, ,DNGOS PO'I CHOS KYI YOD PA LA SOGS PA'I GTAN TSIGS DE'I BDAG NYID MED PAR JI LTAR 'GYUR TE, GANG LAS GTAN TSIGS TSUL GSUM PAR 'GYUR, 'ON KYANG BSGRUB PAR BYA BA LDOG PA LAS LDOG PA'I CHOS NYID RANG GI CHOS SU GTOGS PA DE LTA BU BSTAN PA NI CHOS MI MTHUN PA'I SBYOR BAS RNAM PA DE LTA BU'I SGRUB PAR BYED PA'I CHOS LAS GDON MI ZA BAR BSGRUB PAR BYA BA RTOGS PA YIN GYI GZHAN DU NA LDOG PA DANG LDAN PA GCIG PA NYID @220A *, ,DU MI RIGS PA'I PHYIR KHYAB PA'I MTSAN NYID BSTAN PA MED NA CHOS MI MTHUN PA'I SBYOR BAR MI RIGS SO, ,'O NA NI SBYOR BA RNAM PA GNYIS LA DAM BCA' BA'I SBYOR BA MA BSTAN PA'I DE JI LTAR SHUGS KYIS GO BAS DE'I DON RTOGS PAR 'GYUR, GANG YANG SGRUB PAR BYED PA'I SBYOR BAR MNGON PAR MI 'DOD CAN, 'DIR NI ZHES BYA BA SMOS TE SBYOR BA'O, ,PHYOGS KYI CHOS DANG 'BREL PA BRJOD PA'I SHUGS KHO NAS ZHES 'CHAD PAR 'GYUR RO, ,DAM BCAS PA'I DON NI CHOS DANG CHOS CAN GYI SPYI'I MTSAN NYID BSGRUB BYAR RTOGS PA'I PHYIR GTAN TSIGS LAS DAM BCA' BA'I SBYOR BA BSTAN PAR MI BYA'O, ,GAL TE GZHAN SHUGS KYIS BRJOD PA NI, RAB TU MA BSTAN PA ZHES BYA BA SMOS TE MA BRJOD PA'O, ,GZHAL BAR BYA BA NI BSGRUB PAR BYA'O, ,JI LTAR NI RNAM PA 'GA' ZHIG MI RTOGS PA'O, ,GAL TE DAM BCAS PA'I DON DE BZHIN DU RTOGS PA YIN NO SNYAM DU SEMS NA, RANG GI DON GYI RJES SU DPAG PA'I SKABS SU DE RANG NYID LA GZHAN GYIS BSTAN PA MED PAR RTOGS NA GZHAL BYA NYA BAR STON PAR BYED PA SU ZHIG YOD CES BYA BA NI SU YANG MA YIN NO, ,RANG NYID KYIS BSGRUB PAR BYA BA MED NA MI 'BYUNG BA'I SGRUB PAR BYED PA'I CHOS MTHONG BAS GZHAL BYA RTOGS PA YIN NO, , DE BZHIN DU GZHAN GYI DON GYI RJES SU DPAG PA LAS YANG DE NYID KYIS DE RTOGS NA DAM BCA' BA BRJOD PAS CI ZHIG BYA, GAL TE RANG NYID RTOGS PA'I DUS NA GZHAL BAR BYA BA 'GA' ZHIG NYE BAR BSTAN PA MED PA DE LTA NA DE JI LTAR RTOGS SHE NA, PHYOGS NA YOD PA ZHES BYA BA SMOS TE BSGRUB PAR BYA BA'I CHOS CAN LA YOD PA'O, ,DU BSGRUB PAR BYED PA'I CHOS NYE BAR DMIGS PA NI MNGON SUM GYIS MTHONG BA LDAN PA'O, ,DU BA DE DANG DE LA BSGRUB PAR BYA BA'I CHOS ME DANG 'BREL PA TSAD MAS NGES PA'I STOBS KYIS SNGAR KHYAB PA RTOGS LA MED NA MI 'BYUNG BA DRAN PAR 'GYUR BA'I MTHU KHO NAS PHYOGS KYI CHOS KHO NA BZUNG BA DANG KHYAB PAR DRAN PA'I MTHU KHO NAS DAM BCA' BA'I SBYOR BA SPANGS PA LAS 'DI NA ME YOD DO ZHES DE LTA BU'I NGO BO DAM BCA' BA'I DON SHES PAR 'GYUR RO, ,DE LA 'DIR YANG SHA ZA LA SOGS PA 'GA' ZHIG GIS GZHAL BAR BYA BA RNA BAR BRJOD PAS DE LTAR 'GYUR RO SNYAM DU SEMS NA, @220B DE NA 'DI LA ZHES BYA BA SMOS TE, DE LA RANG GI DON GYI RJES SU DPAG PA DUS SU SHA ZA LA SOGS PA 'GA' ZHIG MI SNANG BA'I ME 'DI NA DE LTAR YOD DO ZHES GZHAL BAR BYA BA 'DI RTOGS PAR BYED PA STON CING BRJOD PA NI MED DO, ,GAL TE KHYOD BDEN PAR SMRA BAS YIN NA DE LTAR BRJOD PAR NI MI RIGS LA, DE BZHIN DU KHO BOS KYANG SA PHYOGS LA YOD PA'I DU BA MTHONG NAS DE MES KHYAB PAR DRAN PA LA LTOS NAS ME'I RTOGS PA 'BYUNG NGO, ,YOD PAR 'GA' ZHIG BRJOD PAR MI BYED NA YANG ME 'DI NA YOD DO ZHES DE RTOGS PAR BYED PA DE BZHIN DU DE NI GZHAN LA YANG RIM PA DANG BCAS PAS RTOGS PA KHO NA YIN PA'I PHYIR RO, ,GAL TE 'GA' ZHIG STON PA MED PA DE LTA NA YANG RANG NYID KYIS GZHAL BYA RNAM PAR GZHAG PA RTOGS PA NA RTOGS KYI RJES SU 'BRANG BAR 'DOD DO ZHE NA, BDAG NYID KYI ZHES BYA BA SMOS TE, GAL TE 'GA' ZHIG STON PAR MI BYED NA RANG NYID 'BA' ZHIG GIS KYANG RTAGS KYI BYED PA LAS SNGAR CUNG ZAD CIG KYANG ME LA SOGS PA RTOGS PA MED DO, ,GAL TE CI'I PHYIR ZHE NA TSAD MA NI RGYU'O, ,MED PA NI STONG PA'O, ,ME 'DI NA YOD DO ZHES DE LTAR RTOGS PA'I RGYU MTSAN MED PA'I PHYIR DE LKOG TU GYUR PA RTOGS PA'I RGYU MTSAN TSUL GSUM BA'I GTAN TSIGS MED NA DE JI LTAR 'GYUR, GAL TE RTAGS MED KYANG DE LTAR RTOGS PAR 'GYUR RO ZHES SMRA NA DE'I TSE DE LTAR RTOGS PAR 'DOD PA YIN NA RTAGS DON MED DO, ,DE NI RJE SU DPAG PAR BYA BA'I RTOGS PA'I CHED YIN PA'I PHYIR DE MED KYANG DE RTOGS NA DE JI LTAR 'DI DGOS PA MED PAR MI 'GYUR GZHAN DAG SHIN TU RMONGS PAR STON PA NI BDAG NYID CES BYA BA SMOS TE, ,RANG DGAR 'DI LA ME YOD DO ZHES RNAM PAR 'JOG PA NI JI LTAR BA BCOL DU RNAM PAR GZHAG PAR BYA BA YIN NO, ,CI'I PHYIR TSAD MA MED KYANG RNAM PAR 'JOG PAR 'GYUR, DE RTOGS PA NI RGYU MTSAN NI GZHAL BYA RNAM PAR GZHAG PA RTOGS PA'I CHED DU PHYI NAS RTAGS DE'I RGYU MTSAN GYI RJES SU 'BRANG NGO ZHES BYA BA RTOGS PA'I RIM PA CHAR PHYE BA 'DI CI ZHIG YIN, DE LTA NA DANG PO RTAGS KYI RJES SU 'BRANGS PA DE LAS BSGRUB PAR BYA BA RTOGS SO ZHES BYA BA RIM PA 'THAD PA YIN NA, GANG SNGAR RJES SU DPAG PAR BYA BA YIN NO ZHES BYA BA DE NI PHYIN CI LOG LA BRTEN @221A *, ,PA'I PHYIR BZHAD GANG DU 'GYUR TE, 'JIG RTEN NA SKRA BREGS NAS SKAR MA 'DRI'O ZHES BYA BA GANG YIN PA DE'I GRU DE DANG RIM PA 'DI MTSUNGS PA'I PHYIR RO, ,DE'I PHYIR PHYOGS KYI CHOS BZUNG NAS KHYAB PAR DRAN PA'I MTHU KHO NAS RANG NYID RTOGS PA YIN NO, ,DE YANG STON PAR BYED PAS BRJOD PA YIN NO ZHES BYA BA NI CUNG ZAD CIG KYANG GZHAL BYA BSTAN PA MED DO, ,GAL TE RANG GI DON RJES SU DPAG PA'I DUS SU RANG NYID KYIS BSGRUB PAR BYA BA RTOGS PA NI RIGS TE BRTAG KYANG DE LA BDAG NYID KHO NAS RTOGS SO ZHES DE SKAD DU BSHAD KYI, GZHAN GYI DON GYI RJES SU DPAG PA NI GZHAN GYIS JI LTAR RTAGS BSTAN PA DE BZHIN DU GZHAL BYER BYA BA YANG GZHAN KHO NAS BSTAN PAR BYA BA DE'I PHYIR DAM BCA' BA'I SBYOR BA RIGS SO SNYAM NA, DE GZHAN GYIS SHES BRJOD NA YANG, ,ZHES SMOS TE, BDAG NYID KHO NA NYID TSE SNGAR RNAM PAR 'JOG PAR BYED NA BSLAD PA YIN TE, GZHAN RGOL BAS DE'I GZHAL BAR BYA BA BRJOD PA YANG BSLAD PA NYID DO, ,DE BRJOD PA NI DON LA THE TSOM ZA BA RJOD PAR BYED DE, DE NI NGES PA'I YAN LAG MA YIN PAS GZHAL BAR BYA BA ZAB PA RTOGS PAR DKA' BA BRGYUD PAS KYANG DE MA YIN PA DANG 'BREL PA BRJOD PAR 'DOD PA TZAM GYI RGYU MTSAN GYIS STONG PAR GNAS PA YIN NO, ,CI'I PHYIR BSLAD PA YIN ZHE NA, NYE BAR MKHO BA MED PA'I PHYIR RO, ,'DIR BSGRUB PAR BYA BA RTOGS PA LA NYE BAR MKHO BA CUNG ZAD CIG KYANG MED DE, ,DE SHES PA DANG SHUGS LA DBYER MED DO ZHES BYA BA'I DON TO, ,GZHAN DAG NI 'GA' ZHIG TU NYE BAR MKHO BA YOD DO ZHES DGONGS PAS YUL NYE BAR BSTAN PA ZHES BYA BA SMOS TE, GTAN TSIGS KYI YUL NI BSGRUB PAR BYA BA GANG YIN PA DE BSTAN PA STE, DAM BCA' BA'I TSIG NYE BAR MKHO BA YIN ZHE NA, DE NYID KYIS ZHES BYA BA SMOS TE YUL LO, ,RE ZHIG SMOS PA NI RIM GYIS SO, ,YUL NYE BAR BSTAN PAS DON DANG LDAN PA YIN DE BSTAN NA NI DAM BCA' BA'I TSIG DOGS PAR 'GYUR NA, YUL BSTAN PA NYID KYIS CI ZHIG PHAN TE DGOS PA CI ZHIG YOD CES BYA'O, ,GAL TE DE NI BSGRUB PAR BYA BA RTOGS PA DANG, CHOS MTHUN PA CAN GYI SBYOR BA LA SOGS PA RTOGS PA'I YUL NYE BAR BSTAN PA'I DON DE DANG DE @221B BSTAN PA LA DAM BCA' BA'I TSIG BRJOD DGOS TE DE LTA NA BSGRUB PAR BYA BA BSTAN PAR BYA STE, BYAS PA NYID MI RTAG GO ZHES BRJOD PA 'DIR CI ZHIG CHOS MTHUN PA CAN GYI SBYOR BA YIN, YANG NA CHOS MI MTHUN PA CAN YANG MI SHES TE, 'DIR GNYI GA LA DOGS PA SKYE STE, BYAS PA NYID KYIS MI RTAG PA BSGRUB PAR BYA BA DANG CHOS MTHUN PA CAN DANG RTAG PA NI MA BYAS PA NYID NI CHOS MI MTHUN PA ZHES BYA BA SGRA NI MI RTAG STE BYAS PA NYID DO ZHES DAM BCA' BA'I TSIG GIS THE TSOM MED PAR RTOGS PA DANG, GTAN TSIGS 'GAL BA DANG MA NGES PA RTOGS PAR MI 'GYUR TE, DAM BCA' PA SNGON DU SONG BA'I SBYOR BA NI SGRA MI RTAG STE BYAS PA'I PHYIR ZHES GTAN TSIGS YOD PAR RTOGS PA LAS BYAS PA'I PHYIR RTAG GO ZHES BYA BA NI 'GAL BA DANG, RTZOL BA LAS BYUNG BA YIN TE BYAS PA'I PHYIR ZHES BYA BA NI MA NGES PA DANG, GTAN TSIGS TSUL GSUM PA'I RTAGS GO BAR BYA BAR MI 'GYUR TE DE BSGRUB PAR BYA BA LTOS PA'I PHYIR RO, ,DAM BCA' BA'I TSIG NI CHA SHAS LA SPYI BRTAGS PA'I PHYIR RO, ,BSGRUB PAR BYA BA'I CHOS CAN LA PHYOGS ZHES BYA BA STE, DE LA YOD PA'I BYAS PA NYID NI PHYOGS KYI CHOS SO, ,BSGRUB PAR BYA BA'I CHOS NI SPYI'I DON NI PHYOGS SO, ,DE LA 'JUG PA NI MTHUN PA'I PHYOGS LA YOD PA DANG, MI MTHUN PA'I PHYOGS LA MED PA STE MTHUN PA'I PHYOGS ZHES BYA BA BSGRUB PAR BYA BA'I CHOS SPONG BA NI MI 'JUG PA'O, ,MI MTHUN PA'I PHYOGS LA MED PAR RTOGS PA YIN NO ZHES DOGS PA LA, GAL TE ZHES BYA BA SMOS TE, BSGRUB PAR BYA BA'I CHOS KYI MTSAN NYID NGES PA DANG, CHOS MTHUN PA CAN GYI SBYOR BA LA SOGS PA RANG GI NGO BO NGES PAR BZUNG BA'I BDAG NYID LAS GZHAN DU NA NI DAM BCA' BA'I TSIG MED PA NA'O, ,DE NI MI RIGS TE BSGRUB PAR BYA BA 'GRUB PA DON DU CHOS MTHUN PA CAN GYI SBYOR BA LA SOGS PA SHES PA'I DON LA YUL NYE BAR BSTAN PAR BYA BA YIN NA NI DE THAMS CAD LEGS PAR 'GYUR RO, ,JI SRID DU RANG GI DON RJES SU DPAG PA'I DUS SU DAM BCA' BA'I TSIG MED KYANG PHYOGS KYI CHOS BZUNG NAS 'BREL BA DRAN PAS BSGRUB PAR BYA BA 'GRUB PA'I MTSAN NYID RTOGS PA YIN NO ZHES BSHAD PA DE BZHIN DU GZHAN GYI DON GYI RJES @222A *, ,SU DPAG PA LA YANG 'GYUR TE, GANG GI PHYIR DE LTA BAS NA DAM BCA' BA'I SBYOR BAR SMRA BA NI GANG GI TSE RANG NYID KYIS BSGRUB PAR BYA BA RTOGS PA DE'I TSE BDAG NYID KYI BSGRUB PAR BYA BA RTOGS PAS YUL RNAM PAR 'JOG PAR BYED NA GANG GIS NA YUL DAM BCA' BA'I TSIG GI SGO NAS SKYES BU 'GA' ZHIG GIS DE MED KYANG RTOGS PAS BSGRUB PAR BYA BA NGES PA NI RTAGS KYI MTHU KHO NA LAS YIN NO, ,KHO BO CAG GIS RTOGS PA GANG YIN PA DE NI KHO BO CAG DON DU GNYER BA MTHONG BA NI BSAL BA'O, ,DAM BCA' BA'I SBYOR BA MTSAN NYID NI CI DUS STON GYI BRAM ZE BZHIN DU RNYED PA TSOL BAR BYED DAM, DPER NA YOD MED KYANG GZHAN DAG GI KHYIM DU BRAM ZE LA GZHAN DAG DAD PA CAN LA SOGS PA DUS STON DON DU GNYER BA NA DAD PA CAN LA SMRAS PA MAR GYIS BKANG ZHING SO SOR YON STER NA NI KHO BO ZA'I GZHAN DU NA MA YIN NO ZHES BYA BA DE DANG MTSUNGS PAR KHYOD LA YANG YIN NO, ,GZHAN YANG GAL TE SMRAS PA GZHAN GYI DON GYI RJES SU DPAG PA'I DUS SU JI LTAR RTAGS GZHAN GYIS MA BRJOD NA RTOGS PA MED DO ZHES BSTAN PA DE BZHIN DU BSGRUB PAR BYA BA YIN NO ZHES BRJOD NA, NAM GYI TSE DGOS PA YIN, GAL TE 'DI RGOL BAS BRJOD PA TZAM GYIS RTAGS KYANG NGES LA DE'I RJES SU 'BRANGS NAS BSGRUB BYA RTOGS PAR 'GYUR BA DANG GZHAN LA RTOGS PA DON DU GNYER BA YIN NA KHO BO YANG RTAGS BRJOD PA SPANGS NAS DAM BCA' BA LA CIS NA SBYOR BA MI BYED, KHO BO CAG GI TSIG NYED DE RTOGS PA'I TSAD MA YIN PA DE NYID KYI RJES SU DPAG PAR BYA BA RTOGS PA NI BRJOD PAS GRUB PA'I PHYIR NA DE NA YOD PA MA YIN NO, ,GANG GI PHYIR KHO BO CAG GI TSIG 'BA' ZHIG GIS KYANG MA YIN TE, RANG GI DON RJES SU DPAG PA'I DUS SU KHO BO CAG GIS BRJOD PA MED PA'I PHYIR RO, ,KYANG GI SGRAS NI 'ON KYANG GANG GI TSE KHO BO CAG GI BRJOD PA 'JUG PA DE'I TSE YANG KHO BO CAG GI TSIG LAS RTAGS KYANG RTOGS PA MED NA GANG KHO NA LAS BSGRUB BYA 'GRUB PA'I RJES SU 'BRANG BAR 'GYUR, 'ON KYANG GANG GI TSE DE'I RTAGS TSAD MA 'GA' ZHIG LAS DE 'DIR RANG NYID GRUB PAR GYUR PA DE LA KHO BO CAG GIS DRAN PA SKYED PAR BYED PA TZAM YIN PA @222B DE'I TSE RTAGS BDAG NYID GRUB PA'I RJES SU 'BRANGS NAS BSGRUB PAR BYA BA RTOGS KYI TSIG GIS NI MA YIN NO, ,DE'I PHYIR GANG GIS NA DAM BCA' BA BRJOD PA DANG MA BRJOD PA'I BDAG NYID KYI GNAS SKABS 'DI GNYIS LA KHYAD PAR MED DE RTAGS KYI BDAG NYID GRUB PA'I NUS PA KHO NAS BSGRUB PAR BYA BA RTOGS PAS CI YANG MA YIN NO, ,DES NA RANG DANG GZHAN GYI DON RJES SU DPAG PA RTAGS KYI BDAG NYID KYI RJES SU 'BRANGS PA DES BSGRUB BYA RTOGS TE, BSGRUB BYA RTOGS PA LA BYE BRAG MED PA'I PHYIR GZHAN GYI RJES SU DPAG PA LA DAM BCA' BA DON MED PA NYID DE RTAGS KYANG RE ZHIG 'DIR MA BRJOD PA YIN NA, GANG DE SNGAR GRUB PA'I BDAG NYID RJES SU DRAN PAS MA YIN NA CI THE TSOM ZA BA'I DON BRJOD PAR BYA BA'I DAM BCA' BA BRJOD PAR KHAS LEN PA YIN, GAL TE BSGRUB PAR BYA BA 'GRUB PA LA DAM BCA' BA MI BRJOD PA NYE BAR MI MKHO BAS DE'I DON LA 'DI SBYOR BA MA YIN GYI CHOS MTHUN PA'I SBYOR BA LA SOGS PA SHES PA'I PHYIR DE BRJOD PA LA GNAS PA NYID DE DE BZHIN DU NA RTOGS PA MED PA'I PHYIR RO SNYAM NA DAM BCA' BA SMOS PA MED PA ZHES BYA BA SMOS TE, CHOS MTHUN PA'I SBYOR BA LA SOGS PA DAM BCA' BA BRJOD PA MED PAR YANG RTOGS PA MTHONG BA DE'I PHYIR DE'I DON LA DAM BCA' BA NYE BAR DGOD PA MDZES PA MA YIN NO, ,CHOS MTHUN PA'I SBYOR BA LA SOGS PA MED NA YANG BSGRUB PAR BYA BA BSTAN PA RTOGS PA GA LA YIN ZHE NA, PHYOGS KYI CHOS DANG 'BREL PA SMOS PA TZAM GYIS ZHES BYA BA SMOS TE, 'DI SNYAM DU DGONGS PA YIN TE 'GA' ZHIG BYAS PA YIN PA DE NI MI RTAG GO ZHES BYA BA DE TZAM BRJOD PA TZAM GYIS MA YIN TE, BTANG SNYOMS SU 'DUG PA DANG, SGRUB PAR BYED PA MA TSANG BA GANG YIN PA KHO NAS PHAN PA'I PHYIR RO, ,'ON KYANG GTAN TSIGS CHOS CAN LA NYE BAR BSDU BA NI GDON MI ZA BAR BYA BA YIN NO; ,DE LA GANG GI TSE SGRA YANG BYAS PAS SHES BRJOD PA DE'I TSE CHOS MTHUN PA CAN GYI SBYOR BA RTOGS PA'AM, YANG NA GANG GI TSE BRTAG PA BRJOD PA DE'I TSE CHOS MI MTHUN PA CAN YIN NO ZHES 'BREL PA BRJOD PA SNGON DU SONG BA'I PHYOGS KYI CHOS BRJOD PAS SBYOR BA GNYI GA RTOGS PA @223A *, ,YIN NO, ,GTAN TSIGS 'GAL BA DANG MA NGES PA YANG PHYOGS KYI CHOS SMOS PA TZAM GYIS RTOGS SO, ,GANG GI 'BREL PA RJOD PAR BYED PA DE'I TSE JI LTAR MI RTOGS, DE LTA NA GANG BYAS PA DE NI MI RTAG PA YIN NO ZHES BYA BA NI PHYOGS KYI CHOS BRJOD PA NA 'BREL PA BSHAD PA LA GTAN TSIGS SU KHONG DU CHUD PA NI BSGRUB PA'I RJES SU BZLAS PAS KHYAB PA YIN NO, ,GANG BYAS PA DE NI RTAG PA YIN NO ZHES BRJOD PA NI 'GAL BA STE KHYAB PA PHYIN CI LOG PA YIN LA, GANG BYAS PA DE NI RTZOL BA LAS BYUNG BA YIN NO ZHES BYA BA BSTAN PA NI 'KHRUL PAS MA NGES PA YIN PAR NGES SO, ,TSUL GSUM PAS RTAGS GO BAR BYA BA YIN TE GANG GI PHYIR KHYAB PA STON PA'I DUS SU KHYAB PAR BYED PA'I CHOS BSGRUB PAR BYA BA RTOGS PAR BYA'O, ,GANG LA KHYAB PAR BYA BA'I CHOS CAN LA NYE BAR SDUD PA DE KHYAB PAR BYED PA'I CHOS KHYAD PAR CAN RTOGS PAR BYA STE, BSGRUB PAR BYA BA'I SPYI'I PHYOGS GCIG PHYOGS YIN NO ZHES NYE BAR BSDU BA NI KHYAB PAR BYA BA'I CHOS PHYOGS KYI CHOS NYID DU RTOGS PAR BYA'O, ,DE YANG KHYAB PA CHOS CAN GANG NYE BAR BSTAN PA DE NI BSGRUB PAR BYA BA'I CHOS KYI SPYI DANG DON MTHUN PA LA MTHUN PA'I PHYOGS SU SHES PAR BYA'O ZHES MTHUN PA'I PHYOGS LA YOD PA YANG RTOGS PA DANG, SHUGS KYIS KHYAB PAR BYED PA LDOG PAS KHYAB PAR BYA BA LDOG PA GANG LA NGES PA DE NI MI MTHUN PA'I PHYOGS LA MED PA YANG NGES PA YIN NO, ,GAL TE PHYOGS LA SOGS PA RNAMS KYANG SHES PA NI CUNG ZAD CIG DOGS PA NI THA SNYAD DU BYED PA RNAMS PHYOGS LA SOGS PA'I BRDA LA LTOS NAS LKOG TU GYUR PA'I DON RTOGS PA MA YIN GYI, GANG LA LAR DPE GANG LA 'BREL PA'I RNAM PA DE DANG DES RTOGS PA DE LA 'JIG RTEN PA DNGOS PO RTOGS PAR GYUR PA NI PHYOGS LA SOGS PA BRDA BZUNG PA LA LTOS PA MA YIN NO, ,DE LA BSTAN BCOS BYED PA JI LTAR 'DOD PA'I LUNG GI NGO BO RTOGS PA RANG NYID KYI BRDA LA, GZHAN PA'I MTSAN NYID BYE PA YANG THA SNYAD KYI DUS SU DE'I RJES SU 'BRANG BA RNAMS LA 'BA' ZHIG TU NYE BAR MKHO BA MED DO, ,DE'I BRDA BSTAN PA NYID NI JI SKAD BSHAD PA'I @223B LUNG GI NGO BO LA NYE BAR MKHO BA'I THA SNYAD DU BYED PA RNAMS GAL TE DE LAS RTOGS PA DE TZAM NYID KYI BSGRUB BYA 'GRUB PA SKYED PA'I PHYIR PHYOGS DANG MTHUN PA'I PHYOGS LA SOGS PA'I BRDA YONGS SU SHES PA LA YANG CUNG ZAD NYAMS PA MED DO, ,DE NYID KYI PHYIR SLOB DPON GYIS MED NA MI 'BYUNG BA'I DON BSTAN PA DE RJES SU DPAG PA YIN NO ZHES GO BAR BYED PA'I NGO BO TZAM GYI PHYOGS LA BRDA LA MI LTOS PAR RTZOD PA BSGRUB PAR BSHAD DO, ,RANG GI SHES RAB KYIS NYES PAS YIN GYI, DE LA CUNG ZAD CIG KYANG SKYON DU GRAGS PA MED PA'I PHYIR 'DIR CI ZHIG BRJOD PAR BYA, DE'I CHOS MTHUN PA CAN GYI SBYOR BA LA SOGS PA SHES PA'I PHYIR DAM BCA' BA BRJOD PA YIN NA, PHYOGS KYI CHOS DANG 'BREL PA BRJOD PA TZAM KHO NAS JI SKAD BSHAD PA'I RNAM PA RTOGS PAR MI YOD DE, CI YANG MED PA YOD DE, CI YANG MED PA KHO NA'O, ,RANG NYID KYANG 'DI BRJOD PA'I RIM PA GNAG GIS RJES SU DPAG PAR BYA BA RTOGS PA DE KHYAB PAR DU BSAL NAS GZHAN LA RTOGS PA RIM GZHAN LA BRTEN PA NI GZHAN SLU BA G-YO CAN GYI RTOGS PA KHO NA YIN GYI BDEN PA MA YIN NO ZHES BSTAN PA NI RANG LA NGES PA BZHIN DU ZHES BYA PA LA SOGS PA SMOS TE, JI LTAR RANG LA PA SKYES PAR BYAS PA DE BZHIN DU GZHAN LA YANG NGES PA SKYES PAR BYED PA NI GZHAN LA YANG PHAN PAR DGA' BAS SGRUB PA BRJOD DO, ,DE LA NI DE'I RIGS PAR GYUR PA LA'O, ,BDAG NYID NI RGOL BA 'DI'O, ,GZHAN BYA NYE BAR BSTAN PA NI NYE BAR BSTAN PA SU ZHIG GIS BRJOD PA MED KYANG RANG GI DON GYI RJES SU DPAG PA'I DUS SU GZHAL PAR BYA BA LA RTOGS LA GZHAN LA THE TSOM ZA BA LA SOGS PA LA STON PA NI BDAG NYID KYIS RTOGS PA'I GZHAL BYA KHONG DU CHUD PA SNGAR RANG NYID KYIS RTOGS PA'I DUS SU GANG SNGA MA'I GZHAL BYA RTOGS PA'I THABS KYI RIM PA NYAMS SU MYONG BA DE LAS GZHAN LA BRTEN PA YIN NO ZHES BYA BA 'DI LA RIM PA GZHAN LA BRTEN PA'I RGYU CI ZHIG YOD, CI YANG MED PA NYID DE GZHAN DAG RMONGS PAR 'GYUR BAS SPANG BAR BYA'O, ,'DI LTAR GANG GI TSE BDAG NYID KYIS RTOGS PA'I RIM PAS @224A *, ,RTOGS PA'I RGYU MTSAN YIN NA CIS NA DES YONGS SU SPANGS NAS RIM PA GZHAN LA BRTEN PA YIN, YANG NA RTOGS PA'I RGYU MTSAN MA YIN PA'I RIM PA GZHAN LA BRTEN PA YIN NA NI JI LTAR DES RANG NYID KYIS RTOGS PA DANG LDAN PA KHYED KYI YIN PA'I PHYIR RO, , DE LTA BAS NA GANG GI PHYIR DE LTAR NA'O, ,GZHAL BAR BYA BA BSGRUB PAR BYA BA SMOS TE, DAM BCA' BA BRJOD PA NI CUNG ZAD CIG KYANG DGOS PA MED DO, ,GANG LAS GZHAN DU YANG NI MED KYANG DES RTOGS PA STE BSGRUB PAR BYA BA'I RTOGS PA SKYE BA'I PHYIR ZHES BYA BA MJUG BSDU BA'O, , DE LTAR DAM BCA' BA'I NGAG SGRUB PAR BYED PA YIN PA BSAL BAS GZHAN DAG GI NYE BAR SBYAR BA DANG MJUG BSDU BA LA SOGS PA GZHAN DAG GIS YONGS SU BRTAGS PA'I SGRUB PAR BYED PA'I DAG BSAL BA NI RIGS PA LHAG PAR BSHAD PA NI 'DIS NI ZHES BYA BA SMOS TE, GZHAN LAS KYANG RTOGS PA SKYE BA YIN NO ZHES BYA BA'I RIGS PA NI NYE BAR GTOD PA DANG MJUG BSDU BA LA SOGS PA'O, ,SOGS PA SMOS PA NI THE TSOM ZA BAS SHES PAR 'DOD PA LA SOGS PA SPANGS SHING BSAL BA YIN NO, ,DE LA DPE LA LTOS PA DE BZHIN DU NYE BAR SBYAR BA 'AM, DE BZHIN DU MA YIN PA LAS BSGRUB PAR BYA BA NI NYE BAR GTOD PA'O, ,DAM BCA' BA SLAR BRJOD PA NI MJUG BSDU BA'O ZHES BYA BA 'DIS BSGRUB PAR BYA BA'I MTSAN NYID BSTAN PA NI DAM BCA' BA YIN PAS DAM BCA' BA'O ,'DIS NI ZHES BYA BAS DE NYID BSTAN PA YIN TE 'DI TZAM NYID KYIS PHYOGS KYI CHOS DANG 'BREL PA BRJOD PA TZAM GYIS NYE BAR GTOD PA LA SOGS PA SPANGS NAS BSGRUB BYA RTOGS PA BTUB PA'I PHYIR NI SKYE'O, ,'DIR 'OD KYI SMRAS PA RE ZHIG DAM BCA' BA NI YUL NYE BAR BSTAN PA'I PHYIR GDON MI ZA BAR BRJOD PAR BYA STE, 'JIG RTEN SNGAR GCAD PAR BYA BA LA SOGS PA'I LAS NGES PAR DPYAD PA DE'I PHYIR STA RE LA SOGS PA SGRUB PAR BYED DO, ,NYE BAR GTOD PA YANG JI SRID DU DPE MTHONG BA NUS PAS GTAN TSIGS CHOS CAN LA NYE BAR MA BSDUS PA DE SRID DU GANG LAS BSGRUB BYA RTOGS PAR 'GYUR, RANG GI DON GYI RJES SU DPAG PA DANG MTHONG BA NI NGES PA'I SHES PA @224B 'DIS DON STON TO, ,DE LTAR RANG GI DON GYI RJES SU DPAG PA NI THOG MAR SA PHYOGS LA DU BA MTHONG NA DE NI GANG DANG GANG LA DU BA BDAG GIS MTHONG BA DE DANG DE LA ME YOD DO ZHES MES KHYAB PA DRAN PA DANG, DES NA 'DI NA YANG DU BA YOD DO ZHES SLAR NGES SO, ,DE SO SOR NGES PA'I DON GZHAN GYI RJES SU DPAG PA LA NYE BAR GTOD PA ZHES BRJOD DO, ,MJUG BSDU BA YANG GDON MI ZA BAR BRJOD PAR BYA STE, GANG GI PHYIR GANG YANG SNGAR SGRA MI RTAG GO ZHES BRJOD PA DE TZAM GYIS NGES PA SKYE BA MA YIN GYI DA LTAR TSAD MA'I STOBS KYIS 'ONGS PA'I DON DE SHES PA'I DON 'DIS MJUG BSDU BA YIN NO,, MA LUS PA'I TSAD MA'I BYA BA 'DIS NYE BAR SDUD PA YIN TE, 'DI LTAR DAM BCA' BA NI LUNG NGO, ,GTAN TSIGS NI RJES SU DPAG PA'O, ,DPE NI MNGON SUM MO, ,NYE BAR GTOD PA NI NYE BAR 'JAL BA'O, ,DES NA TSAD MA RNAM PA BZHI PO'I DE DAG GI BYA BA YANG MJUG BSDU BAS NYE BAR SDUD PA YIN PA'I PHYIR JI LTAR 'BRAS BU DANG BCAS PA MA YIN SNYAM PA DE DAG BSTAN PA NI, RE ZHIG KHA BYA'I CHAGS PA YONGS SU DOR ZHES BYA BA LA SOGS PA SMOS TE, KHA BYA NI GCER BU SLOB DPON NO, ,DE NI 'BRAS BU MED PA'I MING RTZEG MA 'BRI BA LA CHAGS PA DES NA DE LTA BU GZHAN GYIS BSHAD PA'I DE'I STENG DU GDON MI ZA BAR MI RIGS PA 'BRAS BU MED PAR YANG BRJOD PAR BYED PA YIN PA'I PHYIR GNAS MED PA LA MNGON PAR ZHEN PA NI SPANG BAR BYA'O, ,MIG TSUGS LA ZHES BYA BA NI RNAM PAR G-YENG BA NYE BAR BSDUS PA LA SOGS PA'O, ,RE ZHIG 'DI TZAM GYI PHYOGS KYI CHOS DANG 'BREL PA SMOS PA TZAM GYI DAG GIS BSGRUB BYA RTOGS PAR GYUR PA CIS NAM YIN JI SRID DU JI SNYED PA'I GZHAN GYI DON GYI RJES SU DPAG PA'I DON BRJOD PA NA KHO BO CAG RNAMS KYIS RJES SU RANG DON JI LTA BA BZHIN SHES LA DE SRID DU NYUNG BA DANG LHAG PAR CHAGS PA MED PA'I RANG GI DON GYI RJES SU DPAG PA'I RTOGS PA LA YANG GTAN TSIGS DANG, DPE DE'I NUS PA LA NYAMS PA CI ZHIG YOD, 'DI GZHAN GYI DON GYI RJES SU DPAG PA LA YANG GANG GIS RTOGS PA MI SKYE, DE TZAM GYIS RTOGS PAS DAM BCA' BA DANG NYE BAR GTOD PA DANG MJUG BSDU BA'I MTSAN NYID SMOS PA'I PHRENG BAS CI ZHIG BYA, YANG NA BYIS PA @225A *, ,'JUG PAR BYED PA DE LA NYE BAR MKHO BA NYE BAR BRJOD PA NI MTSAN NYID YIN NO, ,DE LTA NA DAM BCA' BA NYE BAR GTOD PA DANG MJUG BSDU BA'I MTSAN NYID SPROS PA'I PHRENG BAS CI ZHIG BYA, YANG BYIS PA 'JUG PAR BYED PA DE LA NYE BAR MKHO BA NYE BAR BRJOD PA NI MTSAN NYID YIN NO, ,DE LTA NA DAM BCA' BA NI NYE BAR GTOD PA DANG MJUG BSDU BA'I SBYOR BA YANG GAL TE TSAD MAS DES NA RANG GI BSGRUB BYAS KHYAB PA'I SGRUB PAR BYED PA'I CHOS SU MI 'GYUR BA'AM, BSGRUB PAR BYA BA'I CHOS CAN LA YOD PA YIN PA DE 'DIR GTAN TSIGS SU MI 'GYUR RO, ,DE'I GTAN TSIGS YOD PA YIN NA DAM BCA' BA MED KYANG RANG GI DON RJES SU DPAG PA LTA BU'I GO BAR BYED PA'I NGO BO MA TSANG BA MED PAS, DE'I BSAL BAR MI BYA BA'I PHYIR GNAS MED PA LA CIS NA ZHEN PAR BYED, SGRUB PAR BYED PA'I CHOS 'PHEN PA'I NUS PAS STONG BA'I BSGRUB PAR BYA BA'I CHOS BRJOD PA TZAM GYIS RGOL BA BSGRUB PAR BYA BA NGES PAR RIGS PA MA YIN TE, GTAN TSIGS NYE BAR BKOD PA DON MED PAR THAL BAR 'GYUR BA'I PHYIR RO, ,DE DES 'PHANGS PA'I NUS PA NYID KYIS DAM BCAS PA YIN NO, ,GANG GIS DAM BCA' BA'I YUL NYE BAR BSTAN PA NI GZHAN DU BSTAN BCOS BYED PA NYID KYIS BSHAD PAS SMRAS PA'I LAN BTAB ZIN TO, ,GANG YANG SGRUB PAR BYED PA LA RAB TU SBYAR BA DES NA KHO BO SGRUB PAR BYED PA 'DIS BSGRUB PAR BYA BA CHE GE MO ZHIG RTOGS PAR BSGRUB PAR BYA'O SNYAM PAS, LAS LA NGES PAR DPYAD PA NYID DE LA RAB TU SBYAR BA'I PHYIR 'JIG RTEN PA'I RIGS LAS 'DAS PA MA YIN NO, ,DE LTAR MA YIN NA GAL TE SGRUB PAR BYED PA LAS GANG GI BSGRUB PAR BYA BA RTOGS PA SKYE BA DES NA LAS LA NGES PAR DPYOD PA DE MED PAR GYUR PA'I RANG GI DON GYI RJES SU DPAG PA'I BSGRUB BYA 'GRUB PA NI SGRUB PAR BYED PA'I RGYU MTSAN LAS JI LTAR 'GYUR, NANG YANG ME DANG DU BA'I 'BREL PA SEMS LA RNAM PAR GNAS KYANG GANG NA ME YOD CES ME TSOL BA NA DU BA DANG PA SKYE BA DES NA LAS LA NGES PAR DPYOD PA DE MED PAR GYUR JI LTAR RANG GI DON GYI RJES SU DPAG PA LA NGES PA'I SHES PA'I SHES PAS SHES PAR 'GYUR, YANG NA RES 'GA' DE LA @225B MTHONG NGO ZHES GZHAN GYI DON LA BSTAN PA YIN NA NI DE'I TSE ZHO LA SOGS PA ZHO LA SOGS PA ZOS NAS RES 'GA' DU BA LAS ME RTOGS PA YANG YIN NO ZHES, ZHO LA SOGS PA ZOS PA YANG RES 'GA' ZHIG CIS NA SU ZHIG GIS BRTEN PA BYA BA MA YIN GANG PHYIR BRJOD PA LUNG YIN NO ZHES BYA BA DE LA GAL TE RGOL BA'I TSIG NYID LUNG YIN PA DE'I TSE DE NYID LAS BSGRUB PAR BYA BA 'GRUB PAR GTAN TSIGS BSTAN PA DON MED DO, ,YANG NA DAM BCA' LUNG DU SMRA NA LUNG DAM BCA' BA YIN PA DE'I TSE, PHYOGS 'DI NA ME YOD DO ZHES LUNG 'GA' ZHIG LAS BSHAD PA MED NA JI LTAR LUNG DAM BCA' BA YIN, GTAN TSIGS RJES SU DPAG PA YIN NO ZHES BYA BA YANG MI RIGS TE PHYOGS KYI CHOS TZAM GTAN TSIGS MA YIN GYI DE NI TSUL GSUM PA YIN PA'I PHYIR RO, ,DPE THAMS CAD KYANG MNGON SUM MA YIN PA'I PHYIR JI LTAR DPE MNGON SUM DU 'GYUR, NYE BAR GTOD PA YANG TSAD MA MA YIN NA JI LTAR DE'I BYED PA NYE BAR BSDU BA YIN, NYE BAR GTOD PA NI GAL TE NGES PAR DPE MTHONG BA'I NUS PAS GTAN TSIGS CHOS CAN LA NYE BAR GTOD PA DE NI NYE BAR GTOD PAR BLA'I, ,CI BYAS PA'I PHYIR ZHES BYA BA LA PHYOGS KYI CHOS BSTAN PA YIN DE NYID MTHONG BA'I NUS PAS GTAN TSIGS NYE BAR BSDU BAR 'GYUR BAS PHYOGS KYI CHOS BSTAN PAR MI BYA BAS CI YANG MA YIN NO, ,DES NA GANG LA DAM BCA' BA THOG MA KHO NAR SBYOR BA MI 'DOD DE, DE LA DE YANG BRJOD PA GANG LAS MJUG BSDU BAR 'GYUR SNYAM NA, PHYIR ZHES BYA BA SMOS TE DE'I PHYIR NA 'DI NYID PHYOGS KYI CHOS DANG 'BREL PA TZAM GYIS SGRUB PAR BYED PA'I BDAG NYID KYANG GANG GI SBYOR BAS SBYOR BA NA TSIG YAN LAG LNGA PA'I BDAG NYID MA YIN NO ZHES BYA BAR GNAS SO, ,'DI BSGRUB PAR BYA BA'I NGAG GIS DAM BCA' BA LA SOGS PA 'BA' ZHIG SBYOR BA MI RIGS TE, SNGAR GZHAN GYIS KHAS BLANGS PA GTAN TSIGS KYI SBYOR BA'I DPE YIN NO ZHES BYA BA'I RIM PA NGES PA NI 'GA' YANG MED DO, ,GA LAS SHE NA THAMS CAD DU GANG GI TSE SNGAR GTAN TSIGS YIN LA PHYI NAS KHYAB PA'AM, YANG NA SNGAR KHYAB PA YIN LA PHYIS PHYOGS KYI CHOS LA RAB TU SBYAR BA DE LTA NA YANG GO BAR BYED PA'I PHYIR RO, ,'O NA NI DE'I SBYOR BA RNAM PA GNYIS YIN NO ZHES BYA BA MI RIGS PAR BSHAD PA YIN TE GANG GI PHYIR RIGS PA CAN GYI GTAN @226A *, ,TSIGS NI RNAM PA GSUM STE, RJES SU 'GRO BA DANG, LDOG PA DANG, RJES SU 'GRO BA DANG LDOG PA DANG LDAN PA'O, ,DES NA DE'I SBYOR BA NI RNAM PA GSUM STE, CHOS MTHUN PA DANG CHOS MI MTHUN PA DANG CHOS MTHUN PA DANG CHOS MI MTHUN PA CAN DAG GO ZHES BRJOD PAR BYA'O ZHE NA, 'BREL BA SMOS PA DAG GIS KYANG ZHES BYA BA SMOS TE, RIM PA NGES PA 'BA' ZHIG NI RIGS PA MA YIN TE, 'ON KYANG GNYI GA LA YANG DON THA DAD PA NI 'GA' YANG MED DE GANG LA YANG TSUL GSUM YOD PAR GYUR PA DE'I PHYIR GTAN TSIGS THAMS CAD RJES SU 'GRO BA DANG LDOG PA NYID DANG RJES SU 'GRO BA CAN NAM, LDOG PA CAN GYI GTAN TSIGS 'GA' ZHIG MED PA DES NA GANG LAS SBYOR BA RNAM PA GSUM DU 'GYUR BAR SEMS PA YIN, ,GAL TE GANG LAS DON THA DAD PA MED PA YANG YIN NA GNYIS KA SMOS SO ZHE NA, GNYIS KA ZHES BYA BA SMOS TE CHOS MTHUN PA DANG CHOS MI MTHUN PA SBYOR BA LA SOGS PA LA YANG DGAG PA DANG SGRUB PA'I NGO BOS CHOS THA DAD PAR RTOGS SO, ,DE LTA NA SGRUB PAR BYED PA'I CHOS DE YOD PA NYID BSGRUB PAR BYA BA'O, ,RANG BZHIN DU GYUR PA KHO NA CHOS MTHUN PA DANG, CHOS MI MTHUN PA'I SBYOR BA DAG GIS BSHAD PA'I PHYIR RO, ,'O NA NI CHOS MTHUN PA'I SBYOR BA NI GTAN TSIGS YOD NA BSGRUB BYA YOD PA DANG, CHOS MI MTHUN PA BSGRUB PAR BYA BA MED NA GTAN TSIGS MED PAR SGRA LAS RTOGS KYI DE'I BDAG NYID MA YIN NA DE CIS NA BRJOD, GAL TE DE'I RANG BZHIN DU BSTAN PA'I PHYIR ZHE NA DE'I RANG BZHIN MA YIN PA ZHES BYA BA SMOS TE GANG GI TSE CHOS MTHUN PA'I SBYOR BAS DE'I RANG BZHIN DU MA 'PHANGS PA DE'I TSE SGRUB PAR BYED PA DE'I RANG BZHIN DU MA GYUR PA CI DE LTAR GCIG TU NGES PAR GDON MI ZA BAR BSGRUB PAR BYA BAR 'GYUR TE, RES 'GA' BA ZHIG TU 'GYUR SRID DO, ,GANG BYAS PA DE MI RTAG PA YIN NO ZHES BYA BAR GCIG TU NGES PAR GYUR BA'I GTAN TSIGS LA BSGRUB BYAS KHYAB PA NI CHOS MTHUN PA LA SOGS PA'I SBYOR BAR BRJOD DO, ,DE YANG DE'I BDAG NYID MA YIN NA NI DON GZHAN LA SHUGS KYIS DE 'PHEN PA MI SRID PA'I PHYIR RO, ,JI LTAR DE'I RANG BZHIN DU GYUR BA'I GCIG TU NGES PA LAS GZHAN LA @226B YOD PA MA YIN ZHE NA, BYAS PA NYID YOD NA ZHES BYA BA LA SOGS PA SMOS SO, ,GAL TE RTZOL BA LAS BYUNG BA NYID MED DU ZIN KYANG BYAS PA NYID YOD PAS DE'I RANG BZHIN MA YIN PAS MI RTAG PA YANG 'DI NYID KYI LUGS KYIS DE YANG DE'I BDAG NYID SPANGS PA'I PHYIR NA RTZOL BA LAS BYUNG BA NYID MI RTAG PA'I RJES SU 'GRO BAS MI 'GYUR BA 'AM, LDOG NA LDOG PAR MI 'GYUR BAS JI LTAR DE LAS DE RTOGS PAR 'GYUR ZHE NA, NYES PA 'DI DAG MED DE, RTZOL BA LAS BYUNG BA'I DON GYI RANG BZHIN GYIS MI RTAGS PA NYID DES SGRUB PAR BYED PA DE LA YANG DE'I BDAG NYID YOD PAS RJES SU 'GRO BA DANG LDOG PA DANG BSAL BAR MI NUS SO, ,BYAS PA NYID MI RTAG PA NYID TZAM LA LTOS PA DE'I BDAG NYID NI 'DIS SPONG BAR BYED BAR 'DOD PA'I PHYIR RO, ,'O NA NI ME LDOG PAS DE'I RANG BZHIN MA YIN PA'I DU BA LDOG PA DANG RJES SU 'GRO BA YANG MTHONG NGO ZHE NA, 'BRAS BU MA YIN PA ZHES BYA BA SMOS TE, RJES SU 'GRO BA DANG LDOG PA DAG NI 'BREL PA'I RGYU MTSAN DES DE LA KHYAB PA NA, DE MED NA DE MED PA'I PHYIR DANG, DE LA DON GZHAN PA'I DU BA ME DE LAS BYUNG BA'I MTSAN NYID KYI 'BREL BA NI RJES SU 'GRO BA DANG LDOG PA'I RGYU MTSAN DU YOD PAR GYUR PA'O, ,DE DAG GANG LA DON GZHAN MA YIN PAR BRJOD PA DE NI GDON MI ZA BA'I BDAG NYID YIN NO ZHES BYA BAR DGONGS SO, ,'DIR DPE NI DPER NA BYAS PA NYID DANG RTZOL BA LAS BYUNG BA DE DAG NYID LAS BYUNG BA ZLOG PA STE GCIG LDOG PAS GZHAN LDOG PA NI MA YIN TE GANG RTZOL BA LAS BYUNG BA MA YIN PA DE NI BYAS PA YANG YIN NO ZHES BYA BA DE LTA BU'I NGO BO YIN NO, ,GANG GI PHYIR DE LTAR NA DE'I PHYIR RJES SU 'GRO BA DANG LDOG PA DAG LAS MTSAN NYID JI LTA BA'I GTAN TSIGS YOD NA BSGRUB PAR BYA BA GDON MI ZA BAR YOD PA DANG, BSGRUB BYA MED NA GTAN TSIGS GDON MI ZA BAR MED PA'I PHYIR CHOS MTHUN PA'I SGO NAS SAM CHOS MI MTHUN PA'I SGO NAS SBYOR BA GCIG GIS GNYIS PA 'PHEN PAS BDAG NYID LA KHYAB PAR BYED PA'I RGYU MTSAN GYIS 'PHANGS PAS DE YANG CIG SHOS NI KHYAB PAR BYA BA YIN PA DE'I PHYIR GANG LA YANG TSUL GSUM PA RTOGS PAS GCIG NI TSIG GIS YIN LA GZHAN NI DON GYIS YIN NO ZHES 'BREL PA BRJOD BA'I SBYOR BA @227A *, ,KHO NAS DGAG PA'I SGO NAS SAM SGRUB PA'I SGO NAS THA DAD KYI DON NI MA YIN NO ZHES BYA BAR GRUB PO, ,DE'I PHYIR DE'I SBYOR BA GNYIS TE CHOS MTHUN PA DANG CHOS MI MTHUN PA'O, ,CHOS MTHUN PA DANG CHOS MI MTHUN PA DAG GNYIS BSAM YIN LA, DE'I DON GYIS YIN TE GANG YANG RUNG BA KHO NAS STON PA'I PHYIR RO, ,GTAN TSIGS THAMS CAD RJES SU 'GRO BA DANG, LDOG BA'I DNGOS BO CAN DE RJES SU 'GRO BA CAN NAM LDOG PA CAN GYIS MA YIN NO ZHES BYA 'DI DAG KYANG NYE BAR BSDU BA NI GNYIS PA 'PHEN PAS ZHES BYA BA SMOS TE, GCIG PU NI MA YIN NO, ,RJES SU 'GRO BA'I SGO NAS SAM LDOG PA'I SGO NAS SGRUB PAR BYED PA'I NGAG GNYIS KYIS RJES SU 'GRO BA DANG LDOG PA DAG GI SBYOR BA DNGOS SU SGRA YIS BSTAN PAR 'DOD PA NI DON MED PAS RTOGS PA'I SHES PA LA DGOS BA MED PA'I PHYIR RO, ,DON DE NYID GZHAN GYI BSAL BA RTOGS PAR BYA BA NI DE'I RANG BZHIN YIN PA NYID CES BYA BA LA SOGS PA SMOS TE, GANG GI TSE DE'I RANG BZHIN GYIS BSGRUB BYA DANG GTAN TSIGS KYI RJES SU 'GRO BA GRUB BO, ,DE'I RANG BZHIN YIN PA DE NYID KYI PHYIR DE MED NA MED PAR YANG GRUB PA NYID DO, ,DE'I RANG BZHIN MED PA NI GANG GI BDAG NYID MED PAS MED PAR RIGS PA'I PHYIR RO, ,DE BZHIN DU DE'I RANG BZHIN GYIS BSGRUB PAR BYA BA MED NA SGRUB PAR BYED PA MED PAR GRUB PA BDEN PA DE NYID KYI PHYIR GTAN TSIGS GRUB PA DANG RJES SU 'GRO BA YANG GRUB PA YIN NO, ,KHA CIG CHOS MTHUN PA CAN GYI SBYOR BA BSHAD PA NA DE MED PA NYID NI GTAN TSIGS MI MTHUN PA'I PHYOGS LA MED PAR GSUNGS PA JI LTAR GZHAN PA DANG 'GAL BA MI MTHUN PA'I PHYOGS YIN NA GTAN TSIGS MED PAR THAL BAR 'GYUR BA DANG 'GAL BA KHO NAS RNAM PAR BCAD PA THAL BAR 'GYUR PAS NA BSNAN PA BSTAN PA'I PHYIR LDOG PA'I SBYOR BA YIN NO ZHE NA, DE DANG DE'I DON DU YANG MI RIGS TE, GANG GI PHYIR GZHAN PA DANG 'GAL BA DAG KYANG YIN TE, DE MED PA 'BA' ZHIG GIS MI MTHUN PA'I PHYOGS YIN NA CHOS GZHAN DANG LDAN PAS GZHAN YIN NA, BRJOD PAR 'DOD PA'I CHOS KYI RTEN MA YIN PA MA YIN NO, ,'GAL BA NYID KHO NA MI MTHUN PA'I PHYOGS MA YIN TE @227B LHAN CIG MI GNAS PA'I MTSAN NYID 'GAL BA DANG, PHAN TSUN SPANGS TE GNAS PA'I MTSAN NYID KYIS SO, ,DE'I MI RTAG PA LAS GZHAN PA DAG MED PA LA SOGS PA'I CHOS DANG LDAN PA'I DON LA BYAS PA NYID LA SOGS PA 'JUG PA NI GTAN TSIGS MED PAR THAL BAR 'GYUR RO, , DRO BA BSGRUB PAR BYA BA'I ME'I MTSAN NYID KYI GTAN TSIGS DANG 'GAL BA NI GRANG BA STE GRANG BA YANG MA YIN DRO BA YANG MA YIN PA GZHAN YANG RNAM PAR BCAD PAR THAL BAR 'GYUR BAS DRO BA GCIG TU NGES PA MES GO BA BYED PAR MI 'GYUR RO ZHES BYA BA DE 'DI'I SKYON DU 'GYUR GYI, SLOB DPON GYIS BSHAD PA GANG GI TSE GCIG TU MI MTHUN PA'I PHYOGS SU 'DOD PA DE'I TSE DE MED PA MI MTHUN PA'I PHYOGS YIN GYI 'GAL BA DANG GZHAN NI MA YIN NA DE NI GZHAN LA YANG BRJOD PAR 'DOD PA'I CHOS MI RTEN PA DANG 'GAL BA YANG YOD PAS DE MED PA LAS GZHAN PA DAG NI RIGS PA MA YIN NO, , KHO BO CAG NI MI MTHUN PA'I PHYOGS KYANG RNAM PA GSUM 'DOD PA DANG, BRJOD PAR 'DOD PA'I CHOS KYI RTEN MA YIN PA GZHAN YIN NO ZHES BYA BA YOD PA MA YIN NO, ,GAL TE RANG BZHIN GYI GTAN TSIGS KYI RJES SU 'GRO BA DANG LDOG PA DAG NI SGRUB PAR BYED PA'I CHOS BSGRUB PAR BYA BA'I RANG BZHIN DU GYUR PA'I RGYU MTSAN GYIS RJES SU 'GRO BAS SAM, LDOG PAS CHOS MTHUN PA DANG CHOS MI MTHUN PA CAN GYI SBYOR BA DAG BRJOD PAS DE'I BDAG NYID KYI SGO NAS DON GYIS CIG SHOS 'PHANGS PAR BRJOD DO, ,DE'I TSE TSAD MA GRUB PA NYID DE DE'I RANG BZHIN DU GYUR PA DE'I RGYU MTSAN GYIS YIN GYI SGRA TZAM SHES PAS NI MA YIN NO ZHES BYA BAR DGONGS SO SNYAM NAS, GZHAN GYIS GANG GIS NA ZHES BYA BA LA SOGS PA SMOS TE, GANG GIS NA ZHES BYA BA NI YOD PA 'JIG PA'I RANG BZHIN DU GYUR PA NYID KYIS YOD PA'I MTSAN NYID KYI GTAN TSIGS SKAD CIG MA NYID KYI RANG BZHIN DU GYUR PA YIN NO ZHES BYA BA'I DON TO, ,'DI 'DRI BA'I BSAM PA NI YOD PA NI RNAM PA GNYIS TE, BYAS PA BUM PA LA SOGS PA DANG MA BYAS PA NAM MKHA' LA SOGS PA'O, ,DE LA GANG RE ZHIG MA BYAS PAR YOD PA RGYU MED PA NI RTAG PA'I MTSAN NYID DANG LDAN PA NI MI RTAG PA KHO NAR MI 'GYUR TE, GANG KHO @228A *, ,NA LAS SKAD CIG MA YIN ZHES BYA, YOD PA NI SKAD CIG MA'I RANG BZHIN MA YIN NO, ,GANG YANG YOD PA DANG BYAS PA NYID DE DAG KYANG THO BA LA SOGS PA'I RJES SU 'GRO BA DANG, LDOG PA'I RJES SU BYED PAS 'JIG PA NI RGYU DANG BCAS PA'I PHYIR DE'I RGYU NYE BAR 'JIG GO, ,BYAS PA'I BDAG NYID YIN DU ZIN KYANG YOD PA MA LUS PA NYID SKAD CIG MA'I RANG BZHIN MA YIN TE RJES SU 'GRO BA DANG LDOG PA DAG MI SRID PA'I PHYIR GDON MI ZA BAR 'JIG PA NI DBYUG PA LA SOGS PA'I RJES SU 'GRO BA DANG LDOG PA'I RNAM PAS MTHONG BA'I PHYIR RO, ,DE SKAD DU YANG, BSNUN DANG ME DANG 'BREL PA NI; ,'JIG PA'I RKYEN DU NYE BA YIN, ,GANG GI TSOGS PA MED PA NI, ,BUM PA LA SOGS 'JIG PA MED, ,CE'O, ,BDE BAR GSHEGS PA PAS GZHAN LA YANG RJES SU 'GRO BA DANG LDOG PA'I RJES SU BYED PA NYID RGYU DANG LDAN PA'I THA SNYAD DU BYED PA'I RGYU MTSAN DU KHAS BLANGS PAS DE 'DIR YANG YOD PA YIN NO ZHES DE'I THA SNYAD CIS NI 'JUG PAR MI 'GYUR ZHE NA, 'O NA NI RJES SU 'GRO BA NGES PA YANG BSTAN TE GNOD PAR BYED PA'I TSAD MA 'JUG PA'I DBANG GIS RANG BZHIN YIN PA SNGAR BSTAN ZIN LA, RJES SU 'GRO BA NGES PA YANG RANG BZHIN GYI GTAN TSIGS LA SOGS PA LA BRJOD PAS DE GANG GIS PHYOGS SNGA MA'I GO SKABS SU 'GYUR RO ZHE NA, ,BDEN TE 'ON KYANG SNGON GYI SLOB DPON GYIS BYAS PA NYID SKAD CIG PA NYID BSGRUB PAR BYA BA LA MTHAR GZHAN GYIS BYAS PA STE, GDON MI ZA BAR 'JIG PA'I RGYU DANG 'BREL PAR KHAS LEN PA'I PHYIR, DE'I RGYU DANG MI LDAN PAR BSTAN PAS LTOS PA MED PAR 'JIG PA LAS BZLOG PA LA GNOD PA CAN GYI TSAD MA RNAMS KYIS DE'I BDAG NYID DU SGRUB PAR BYED PAR BSHAD PA DE'I ZHAR LA BYUNG BAS BYAS PA DANG YOD PA'I MTSAN NYID NI DE'I BDAG NYID GO BAR BYED PA YIN GYI GZHAN DU BSTAN PAR MI BYA STE DON BYED PA'I MTSAN NYID DANG 'GAL BAS NA YOD PA THAMS CAD NI DNGOS PO TZAM KHO NA ZHES SNGAR BSHAD DU ZIN KYANG, SPROS PAR 'DOD NAS PHYOGS SNGA MA NYE BAR BKOD DO, ,MA BYAS PA'I MTSAN NYID CAN GYI YOD PA NI MI SRID PA KHO NAR NGES TE RGYU MED NA YUL DANG DUS DANG RANG BZHIN NGES PAR MI RIGS PA'I PHYIR @228B RO; ,DES NA SNGON GYI SLOB DPON GYIS YOD PA RGYU MED PA CAN GYI RTAG PA NI YAN LAG MA TSANG BA NYID KYI RTAG PA MI SRID PA'I PHYIR DE'I BDAG NYID DU DE LA 'BAD PA MA MDZAD DO, ,BSTAN BCOS BYED PA NI YOD PA'I SPYI DANG BYAS PA'I MTSAN NYID KYANG SKAD CIG MA'I RANG BZHIN DU YUL DANG DUS DANG RANG BZHIN GYIS BSKAL DU ZIN KYANG DE'I BDAG NYID DU DNGOS PO LA GNAS PA KHO NA STE, GZHAN GYIS KHAS BLANGS PA'I DON BYED PAR 'GAL BA DANG PHYIS GDON MI ZA BAR 'JIG PA RGYU MED PA NI KHYAD PAR MED PAS SKYE BA TZAM MED PAR THAL BAR 'GYUR BAR BSTAN PAR BYA'O, ,DE LA SNGON GYI SLOB DPON GYIS YOD PA DANG BYAS PA THAMS CAD LA MTHAR RGYUS BYAS PA'I 'JIG PAR GDON MI ZA BA YIN NO ZHES GANG PHA ROL PO 'DOD PA NI DE NI LTOS PA MED PA'I RIM PAS 'JIG PA'I RGYU MI RIGS PA'I PHYIR RO ZHES BSHAD DO, ,GAL TE 'JIG PA'I RGYU MED PA DE LTA NA DE DAG GI BYAS PA 'JIG PA STE, GDON MI ZA BAR 'BYUNG BA NI 'JIG GO ZHES BYA BA GANG LAS YIN DE GLO BUR BA 'BA' ZHIG GI RANG BZHIN MI RIGS SHE NA, RANG GI NGO BO KHO NAS ZHES BYA BA SMOS TE, KHO BO CAG DE LAS 'BYUNG BA 'BRAS BU YIN PAS DNGOS PO'I RGYU'I SGRAS BRJOD DO, ,RANG GI RGYU KHO NAS 'JIG PA NI 'JIG PA'I NGANG CAN NI KHAB KYI RTZE MOR YUNGS KAR GYI GNAS MED PA BZHIN DU RANG GI BDAG NYID DNGOS PO LAS SKYE BA DE DAG BYAS PA'I MTSAN NYID KYI YOD PA'I DNGOS PO RNAMS RANG GI RGYU LAS GRUB PA NI GZHAN GYIS BCOL BA LA SOGS PAS 'JIG PA SKYED PA NI MA YIN NO, ,GANG LAS YIN ZHE NA, DE BCOM PA ME DANG 'BREL PA LA SOGS PA LA RGYUR KHAS BLANGS PA DE NI NUS PA MED PA'I PHYIR RO, ,ME DANG 'BREL PA LA SOGS PA CHA RNAM PA GSUM DU DPYAD PAR BYA STE, DE NYID SHING LA SOGS PA 'JIG PA'AM SOL BA LA SOGS PA GNAS SKABS GZHAN PA 'AM SHING LA SOGS PA LDOG PA'I MTSAN NYID KYIS DNGOS PO MED PA CAN MA YIN PA'I NGO BO ZHIG YIN, GANG LA ME LA SOGS PA DANG 'BREL PA'I BYED PA LAS GZHAN NI BSAM PAR MI BYA'O, ,RE ZHIG DNGOS POR GYUR PA LA LA ZHIG LA 'DIR 'JIG PA RGYU'I NUS PAS NI MI RIGS SO, ,GANG GI PHYIR 'JIG @229A *, ,PA'I RGYU YOD PA YIS BUD SHING LA SOGS PA RANG GI RGYU LAS BSTAN PA'I NGO BOR SKYES PA'I RANG BZHIN KHO NA MI BRTEN PA'I BDAG NYID KYI MTSAN NYID CAN DU MI BYED DO, ,GANG GIS SHE NA, BUD SHING LA SOGS PA RANG GI RGYU KHO NA LDOG PAS SO, ,GNAS PA'I BDAG NYID LDOG PA MED PA GZHAN DU DNGOS PO MED PA DE'I BDAG NYID DU BYED PAR NUS PA MA YIN NO, ,DE'I RGYU GZHAN GYIS PHYIS 'BYUNG BA NI DON GZHAN PA NYID DU THAL BAR 'GYUR NA DE NI GZHAN DU RIGS PA MA YIN TE DE LA RGYU'I BYED PA BRTAG PAR MI NUS PA'I PHYIR RO, ,YANG NA JI SRID DU RNAM GSUM BRTAG PAR BYA STE, 'JIG PA NI SHING LA SOGS PA'I RANG BZHIN ME DANG 'BREL PA LA SOGS PAS 'JIG PA RGYUS BYED PAR 'GYUR NA DE'I RANG GI RGYU KHO NAS LDOG PA'I PHYIR RO, ,GZHON NU MA LEN GYIS BSAM PA ME DANG 'BREL PA LA SOGS PAS MED PA'I RANG BZHIN DU BYED PA NI MA YIN TE, 'ON KYANG BUD SHING LA SOGS PAS ZHIG NAS MED PA DE YANG BUD SHING LA SOGS PA'I NGO BO MA TSANG BA NA SOL BA LA SOGS PA PHYIS BYUNG BA KHO NA STE, DE NI ZHO LA 'O MA MED PA LA ZHIG NAS MED PAR BSHAD PA'I RNAM PA DE BZHIN DU MED PA RGYU DANG LDAN PAR KHAS BLANG PAR BYA BA LA 'GAL BA MED DO, ,DE BZHIN DU GZHAN ZHIG KYANG, DNGOS PO GZHAN GYIS DBEN PA YI, ,MI DMIGS PA LAS SRID PA NA, ,DE YI DE NI DNGOS MED 'DOD, ,CIS NA RGYU LAS 'BYUNG MA YIN, ,ZHES SMRAS TE, ,GZHON NU MA LEN GYIS 'DOD PA DE DANG DE DAG BSAL BA NI DNGOS PO RNAMS KYI ZHES BYA BA LA SOGS PA SMOS TE, 'BRAS BU'I BDAG NYID PHYI MA NI DNGOS PO GZHAN KHO NA MED PA GANG YIN PA DE NI ME DANG 'BREL PA LA SOGS PA LAS SOL BA LA SOGS PA 'BYUNG BA NI KHO BO CAG MNGON PAR 'DOD PA NYID DE, 'ON KYANG DNGOS PO GZHAN RGYUR KHAS BLANGS PA NA ME LA SOGS PA BUD SHING LA BYED PA MED PAR DNGOS PO'I BUD SHING LA SOGS PA'I GNAS SKABS KHO NAR 'GYUR RO, ,DES NA YANG JI LTAR ME LA SOGS PA DANG 'BREL PA LAS SNGAR BUD SHING LA SOGS PA NYE BAR DMIGS PA LAS GZHAN PA DE'I BSGRUB PAR BYA BA'I YANG DON BYED PA DE BZHIN DU SOL BA LA SOGS PA SKYED PA NA NYE BAR DMIGS PAR THAL BAR 'GYUR RO, ,CI STE DNGOS PO @229B GZHAN ZHIG NAS MED PA'I NGO BO DE SKYED PA NI BUD SHING LA SOGS PA ZHIG NAS MED PAS JI LTAR NYE BAR DMIGS PAR THAL BAR 'GYUR ZHE NA, 'DI SNYAM DU DGONGS PA YIN TE 'JIG PA 'DI BUD SHING LA SOGS PA LAS GZHAN BA LANG LA SOGS PA DAG KYANG DNGOS PO DE LTAR MA GYUR CIG SNYAM NAS SOL BA LA SOGS PA LA ZHIG PA RNAM PAR 'JIG PA'I RGYU MTSAN BRJOD PA YIN NO, ,GAL TE 'DI YOD PA LAS DE LDOG PA YIN NO ZHE NA, TSIG LA MKHAS PA'I NGO MTSAR DE GANG YOD PAS LDOG PA YIN, CI YANG MA YIN PA'I RANG BZHIN NI KHAS MA BLANGS PAS DE NYID DNGOS PO GZHAN PA SOL BA LA SOGS PA LA LDOG PAR BRJOD NA, DE'I DON 'DI GRUB ZIN PAS SOL BA LA SOGS PA'I DNGOS PO'I SOL BA LA SOGS PA YOD PAS SOL BA LA SOGS PA LA ZHIG PA ZHES BYA'O, ,SOL BA LA SOGS PA DE YOD PAS DE YOD PA NI MA YIN NO, ,RANG GI BDAG NYID KYI RGYU'I DNGOS PO MI RIGS TE ME LA SOGS PAS DE SKYED PAR BRJOD PA'I PHYIR RO, ,BUD SHING NYE BAR BCOM PAS SOL BA LA SOGS PA 'BYUNG BAS 'DI 'JIG PA'I NGO BO YIN NO ZHE NA, NYE BAR BCOM PA ZHES BYA BA 'DI CI ZHIG ,GAL TE LDOG PA NI SOL BA SOGS PA'I MTSAN NYID DU KHAS LEN NA SNGA MA LAS KHYAD PAR MED DO, , DE'I PHYIR RANG GI NGANG GIS LDOG PA NA SHING LA SOGS PA LA ME LA SOGS PAS SOL BA LA SOGS PA SKYED PA NYID NI MDZES TE, DE LTA NA YIN NA SHING LA SOGS PA DE BZHIN DU NYE BAR DMIGS PA LA SOGS PA THAL BAR JI LTAR 'GYUR, GZHAN YANG, GAL TE DNGOS PO GZHAN PA LA ZHIG NAS MED PA 'DI'I 'GYUR BA RJES SU SKYES PA YIN NA NI MAR ME DANG BLO LA SOGS PA ZHIG PA DE DAG GANG LAS DNGOS PO GZHAN PA'I ZHIG PA RNAM PAR GZHAG PAR BYA, GAL TE DE YANG MI GSAL BA'I BDAG NYID KYI DNGOS PO 'GYUR BA KHO NA LA ZHIG PAR DMIGS SO ZHE NA, MAR ME LA SOGS PA'I NGO BO MI GSAL BAR 'GYUR BA LA TSAD MA MED PA'I PHYIR RO, ,GANG GI TSE NUS PA'I NGO BO THOB MI GSAL BA YIN PA DE'I TSE NUS PA NI 'BRAS BU MTHONG BA LAS DPAG PAR BYA BA'I NGO BO YIN PA'I PHYIR MED PA JI LTAR MAR ME LA SOGS PA'I NUS PA'I BDAG NYID DU GNAS PAR BRTAGS PAR BYA, YANG NA MA TSANG BA MED PA'I BDAG NYID THOB @230A *, ,PA'I NYE BAR DMIGS SU RUNG BA MI GSAL BA YIN NA 'DI LA YANG DE'I BDAG NYID DU GNAS PA'I TSAD MA MED PA NYID DO, ,MKHAS PA NI TSAD MA MED PA'I TSIG LA GUS PAR MI BYED PA DANG, BDAG NYID MED PA'I PHYIR JI LTAR YOD PA YIN, BLO LA SOGS PA RNAMS KYI 'GYUR BA DANG YONGS SU 'GYUR BA GZHAN DU BYAS PA'I BRTAG BA RGYAS PA ZHAR LA BYUNG BAS CHOG GO, ,GAL TE DNGOS PO GZHAN SOL BA LA SOGS PA NI SGRIB PA YIN PAS BUD SHING LA SOGS PA NYE BAR DMIGS PAR MI 'GYUR RO ZHES BYA BAR 'DOD DO ZHE NA, NGO BO NYID GZHAN NI ZHES BYA BA LA SOGS PA SMOS TE, RANG BZHIN GZHAN PA 'DI BUD SHING LA SOGS PA SGRIB PAR RIGS PA MA YIN NO, ,DE SO NA 'DUG PA'I NGO BO BUD SHING LA SOGS PA DE LA GYUR PA SGRIB PAR YANG NYE BAR DMIGS SU MED PAS MI RUNG BA'I PHYIR RO, ,DNGOS PO 'BA' ZHIG GI RANG BZHIN MA YIN LA, DNGOS PO GZHAN NI 'JIG PA'I RGYUS MI BYED PAS SO, ,DNGOS PO DANG DNGOS PO MED PA YANG BYED PA MED DO SNYAM NAS, 'JIG PA'I RGYUS ZHES BYA BA LA SOGS PA SMOS TE, GA LAS SHE NA, DNGOS PO MED PA SGRUB PA DANG MA YIN PAR DGAG PAR YANG, BRJOD PAS 'DOD PA MA YIN TE MED PA MI GZHAN GYI 'BRAS BUR KHAS LEN PAR BYED PA NA CI BUD SHING LA SOGS PA'I NGO BO LAS DON GZHAN PA ZHES BYA BA 'AM, THA DAD PA DANG THA DAD PA MA YIN PAR RNAM PAR RTOG PA LAS MA 'DAS PA'I PHYIR RO, ,DE LA YANG BSHAD ZIN PA'I SKYON NYID DO, ,'O NA NI MED PAR DGAG PA CI YANG MA YIN PA'I NGO BO 'DI ME LA SOGS PA LAS SKYE BAR KHAS LEN TE DE YOD KYANG BUD SHING LA SOGS PA RANG BZHIN MED PA GANG LA NI, SNGA MA'I SKYON DU 'GYUR RO, ,DE YANG NGES PAR ME LA SOGS PA YOD PA DANG MED PA'I RJES SU BYED PAS DE'I 'BRAS BU DE'I YOD PA'I THA SNYAD DU BYED LA GZHAN YANG DE'I RGYU MTSAN GYIS YIN PA'I PHYIR RO, ,DE SKAD DU, SHES PA'I SPYOD YUL GYUR PA NA, ,DE YOD PAR NI NYE BAR DMIGS, ,ZHIG LA ZHIG PA'I NGO BO DE, ,JI LTAR 'BRAS BUR 'GRO BA MIN, ,DPER NA SNGON MED LAS BYUNG BA'I, ,DNGOS PO RGYU LAS SKYE BA YIN, ,BYUNG ZIN PA NI MI 'GYUR BA, ,DE NI RGYU LAS BYUNG MA YIN, ,CES SMRA BA NA, DNGOS PO @230B DGAG PA ZHES BYA BA LA SOGS PA SMOS TE, ,'DI'I DGONGS PA NI GANG GI TSE DNGOS PO GZHAN PA'I TSOGS PA LA LTOS PA MED PA TZAM NYID NA CI YANG MA YIN PA'I NGO BO'I ZHIG PA YIN PA DE'I TSE DE LA BYED PA PO'I BYED PA MI SRID DE SRID NA NI CHOS CAN KHO NA LA DE SRID PA'I PHYIR RO, ,GAL TE DE YANG MA BYUNG BA LAS BYUNG BAR KHAS BLANGS PAS 'BRAS BU NYID DU 'GAL BA MED DO ZHE NA, MA YIN TE BYUNG BA CHOS CAN LA YOD PA'I NGO BO THOB PA NA DNGOS PO MED PA NYAMS PA YIN NO, ,GANG GI PHYIR BYUNG BA ZHES BYA BA YOD PAR BRJOD KYIS MYU GU LA SOGS BA LA YANG YOD PA'I SGRA 'JUG PA'I RGYU MTSAN MA YIN NO, , GAL TE DON BYED PAR NUS PA YIN NO ZHE NA, NUS PA THAMS CAD KYIS STONG PA DE LTA NA JI LTAR SHES PA'I YUL DU 'GYUR, RGYU MA YIN PA NI YUL MA YIN TE HA CANG THAL BAR 'GYUR BA'AM, DE'I YUL MA YIN NA JI LTAR RGYU DANG LDAN PAR RTOGS PA YIN, DNGOS POR GANG GIS BRJOD, CI YANG MA YIN PA'I NGO BO KHO NA DNGOS PO YIN NO SNYAM NAM SHES PA SKYED PAR BYED PA NYID JI LTAR NUS PA DE DAG 'BREL PA MA YIN, GAL TE SHES PA'I YUL MED NA JI LTAR YOD PAR 'GYUR, 'DI NI 'BRAS BU YANG JI LTAR YIN, GAL TE RANG GI RGYU YOD PA LAS YOD PA YIN NO ZHE NA, DE LTA NA 'BRAS BUR YOD PA DE SHES PA'I YUL YIN NO, ,'DI LTAR GAL TE RANG GI RGYU YOD PA LAS BYUNG NGO ZHES SHES PA NA YOD DO ZHES PA YANG SHES SO, ,GANG GI PHYIR YOD DO ZHES PA DANG BDOG GO ZHES MKHAS PAS BRJOD PA NI YOD PA DANG YIN PA DANG MCHIS PA DANG BDOG PA SGRA'I MING YIN GYI DON DAM PAR NA DON LA THA DAD PA 'GA' ZHIG KYANG MED DO, ,GAL TE MED PA'I BDAG NYID DE BYUNG BA 'DI YIN NO ZHE NA, MA YIN TE 'GAL BA'I PHYIR GANG GI PHYIR MA BYUNG BA'O ZHES BYA BA MED PAR BRJOD NA DE JI LTAR BYUNG BA YIN NO ZHES BSTAN PAR BYA, GAL TE NGO BO 'GA' ZHIG GIS RAB TU GNAS PA SHES PA'I BDAG LA SO SOR SNANG BAS YOD PA MA YIN NO ZHE NA, SHIN TU LKOG TU GYUR PA'I MIG LA SOGS PA MED PAR 'GYUR RO, ,MA YIN TE DE DAG SHES PA'I RGYU'I NGO BOR SNANG BA'I PHYIR RO ZHE NA, 'DI YANG 'BYUNG BAR BYED PA'I NGO BOR SNANG BA'I PHYIR DANG DNGOS PO THAMS CAD KYIS DBEN PA JI LTAR BYUNG BA @231A *, ,DANG 'BREL PA YIN, NGO BO CUNG ZAD CIG GIS MNGON PAR GYUR PA DANG SHES PA'I YIN PAS KYANG RGYU'I NGO BOR SNANG BA MTSUNGS PA'I PHYIR DANG RGYU MA YIN PA YUL NYID DU MI RIGS PA'I PHYIR RO, ,KHO BO CAG KYANG DNGOS PO MED PA'I BLO NI RANG GI BAG CHAGS YONGS SU SMIN PA'I RJES SU 'GRO BAS YUL MED PA NYID DO, ,DNGOS PO MED PA 'BYUNG BAR BYED PA LA JI LTAR MA YIN PAR DGAG PA DANG MED PAR DGAG PA THA DAD PAR BRJOD PA YIN, GAL TE DE'I NGO BOR MI BYED PAS MA YIN PAR DGAG PA LAS DE THA DAD DO ZHE NA, MA YIN TE MED PA'I NGO BO YANG 'BYUNG BA LAS 'GAL BA MED PA'I PHYIR RO, ,BYUNG NGO ZHES BYA BA BYUNG ZIN PA'I YOD PA LA MI SLU BA STE, DE LA JI LTAR YOD PA'I NGO BO'I RNAM PAS MA YIN PAR DGAG PA YIN, DE NYID DGAG PA'I DON DU GCIG PAR 'GYUR TE THAMS CAD DU SGRUB PA GTZO BO YIN PA'I PHYIR RO, ,GANG GI TSE DE LTAR NA CUNG ZAD CIG RNAM PA 'GAS LDOG PA YIN PA DE'I TSE DE NI DE MA YIN PA LAS THA DAD PAS DE LAS BZLOG PAR SHES SO, ,DE YANG MED PA NI THAMS CAD LAS LDOG PA YIN PAR BSHAD LA DNGOS PO NYID NI 'GA' ZHIG GIS BYED PA DE BZHIN DU 'DIS DNGOS PO LA DMIGS PAR BSHAD PAR 'GYUR NA, DE DAG THA DAD PA NI MED DO, ,THA DAD PA MED NA MA YIN PAR DGAG PA MA YIN PA DANG, SKABS MA YIN PA BRJOD PAR YANG 'GYUR TE DNGOS PO LDOG PA'I SKABS SU MED PA'I BDAG NYID KYI DNGOS PO GZHAN BRJOD PA'I PHYIR RO, ,RANG GI NGO BOS MED PA'I BDAG NYID NI MA YIN TE, RANG GI NGO BOS MED NA 'BRAS BU NYID DU 'GAL BA'I PHYIR RO, , GZHAN GYI NGO BOS YIN NA NI DNGOS PO THAMS CAD MED PA'I BDAG NYID DU 'GYUR TE BUM PA DANG LA LA ZHIG KHYAD PAR MED DO, ,YANG NA YIN DU CHUG NA MED PA 'DI ME LA SOGS PA DAG LAS DE 'BYUNG BA YIN NA CIS NA SHING LA SOGS PA NYE BAR MI 'GYUR, 'DI LTAR ME LA SOGS PA GZHAN GYI BYED PAR DON 'DI GRUB PA'I PHYIR BUD SHING LA SOGS PA LDOG PA MED PAS NA SNGA MA BZHIN DU NYE BAR DMIGS PAR 'GYUR RO, ,GAL TE DE NYE BAR BCOM PA LAS ZHIG PA SKYE BA YIN NO ZHE NA, JI LTAR DE NYE BAR BCOM PA YIN, RE ZHIG ZHIG PA MED PA MA YIN TE BUD SHING YOD PA'I DUS SU DE MED PA'I PHYIR RO, , @231B ME LA SOGS PA RNAMS KYIS ZHIG PA NI MA YIN TE, MI MNGON PA NYID DU DE DAG BYED PAR KHAS BLANGS PA'I PHYIR RO, ,BCOM PA NA ZHIG PA'I MED PA MA YIN TE BUD SHING LA SOGS PA NYAMS PA DANG DUS MNYAM PAR THAL BAR 'GYUR BAS ZHIG PA DANG 'JIG PA DE LA RNAM PAR RTOG PA RNAM PA GSUM RNAM PAR GNAS PA'I PHYIR RO, ,DES NA THUG PA MED PA YIN NO, ,GAL TE DE NYID ZHIG PA BUD SHING LA SOGS PA LA ME LA SOGS PA SKYE BA NA LDOG PA DES NA 'DI MI DMIGS PA YIN NO ZHE NA, JI LTAR GZHAN GYIS GZHAN LDOG PA YIN NA HA CANG THAL BAR 'GYUR RO, ,GAL TE 'DI RGYU DANG LDAN PA DE DAG NYID THA DAD PAS THA DAD PAR CIS NA MI 'GYUR, 'BRAS DANG NAS KYI MYU GU YANG RGYU THA DAD PA BDAG NYID THA DAD PA SHIN TU MTSAN NYID MI MTHUN PAR MNGON SUM GYIS NYAMS SU MYONG BA NYID DU NGES PA YIN NO, ,'DI LTAR DNGOS PO GZHAN GYI TSOGS PA LA MI LTOS PA'I 'PHO BA TZAM GYI MTSAN NYID NI ZHIG PA MA YIN TE ME LA SOGS PA DANG PHRAD PA'I RGYU THA DAD KYANG DE LA GNOD PA MED DE CI YANG MA YIN PA'I NGO BOR RO GCIG PAR SHES PA'I BDAG NYID LA SNANG BAS DNGOS PO'I STONG PA NYID SPANGS NA GZHAN PA DE LA NGO BO CUNG ZAD CIG MTHONG BA NI MED DO, ,DE YANG RGYAS PAR NI SKAD CIG MA 'JIG PAR GRUB PAR DPYAD ZIN PA DE RE ZHIG 'DIR GZHAG GO, ,DE'I PHYIR ME LA SOGS PA DANG 'BREL PA DE CUNG ZAD CIG 'BYUNG NGAM MI 'BYUNG ZHES KHAS BLANGS PAR MI RIGS SO, ,GANG DAG ZHIG PA ZHES BYA BA 'DI CUNG ZAD CIG 'BYUNG BA MED DE 'ON KYANG GANG GI PHYIR RANG NYID MI GNAS PA'I NGO BO BYUNG ZIN PA MA YIN PA DE'I PHYIR ZHIG PA ZHES BYA BA'I MED PA NI 'DI'I 'AM GZHAN PA CUNG ZAD CIG 'BYUNG BA MED DO, ,DE LTAR NA 'BYUNG BA'I CHOS 'GA' ZHIG MED PAS NA DNGOS PO GZHAN PA'I DNGOS PO BYED PA MA YIN PAS ME LA SOGS PA DANG PHRAD PAS NI BYA BA DGAG PA NYID DU 'GYUR RO, ,DE LTAR NA ME LA SOGS PA DANG 'BREL PA LAS BYED PA PO YOD PAR MI 'GYUR RO ZHES BYA BAS, BYED PA PO MA YIN PA RGYU NYID MA YIN PA DE'I PHYIR 'JIG PA'I RGYU 'GA' ZHIG YANG MED DO, ,'GA' ZHIG MI NUS PAS 'JIG PA'I RGYU MI RIGS PA DANG DE NYID DON MED PA'I YANG PHYIR RO, ,GAL TE DNGOS PO'I RANG GI NGO BO 'JIG PA ZHES BYA BA SMOS TE, 'JIG PA'I NGANG TSUL CAN TE, RANG GI NGO BOS MI @232A *, ,GNAS NA GNAS PAR MI NUS TE KHAB RTZER YUNGS KAR BZHIN DU DE LA 'JIG PA'I RGYU NI CI YANG MA YIN TE RGYU GCIG YIN ZHE NA, BDAG NYID 'JIG PA'I PHYIR RO, ,DE'I RANG GI NGO BO NYID NI MI GNAS PA'I RANG BZHIN NYID DE, RANG BZHIN NI GNAS PAR MI NUS TE KHAB RTZER YUNGS KAR MI GNAS NA 'BAD PAS 'BRAS BU DANG LDAN PAR MI 'GYUR RO, ,'DIR KHYAB PA BSTAN PA NI GANG ZHIG GANG GIS ZHES BYA BA LA SOGS PA SMOS TE, DE'I NGO BO NI RANG BZHIN GYI SKYED PAR BYED PA'I RGYU LAS YIN GYI RGYU GZHAN LA LTOS PA NI MA YIN NO, ,BSAL BA LA SOGS PA ZHES BYA BAS NI DPE RNAM PAR 'GREL TO, ,DE'I BDAG NYID LA RGYU GZHAN LA MI LTOS PAS KHYAB LA, DE'I BDAG NYID DU SGRUB PAR BYED PA'I TSAD MA BSTAN PA NI, DE'I BDAG NYID LA GANG GI RANG BZHIN YIN PA DE'I RANG BZHIN GYI DE'I BDAG NYID MED PA RGYU GZHAN LA LOS PA NA NI RANG GI RGYU LAS SGRUB PA'I RANG GI NGO BO NYID MED PAS BDAG NYID MED PA NI RANG BZHIN MED PAR THAL BAR 'GYUR BAS SO, ,DE DANG 'DRA BA NI GSAL BA LA SOGS PA DANG LDAN PA'O, ,YANG NI PHYI NAS SO, ,DE'I BDAG TU BYAS PA'I PHYIR NI MI GNAS PA'I CHOS CAN DU'O, ,RGYU GZHAN LA MI LTOS SO ZHES BYA BA NI TSAD MA'I 'BRAS BU'O, , GAL TE MI GNAS PA'I CHOS CAN ZHIG YIN NA NI 'JIG PA'I RANG GI NGO BO NYID KYIS RANG GI RGYU LAS GRUB BO ZHES BYA BAR NI PHYOGS LA CHOS BSDU BA'O, ,'GAL BAS KHYAB PA DMIGS PA 'DI NI RGYU GZHAN LA LTOS PA DANG MI LTOS PA DAG PHAN TSUN SPANGS TE GNAS PA'I MTSAN NYID DES 'GAL BA'I PHYIR RO, ,RGYU GZHAN LA MI LTOS PA NI, DE'I RANG GI NGO BOS KHYAB PA'I PHYIR RO, ,'DIR GZHAN GYI TSIG GI DOGS PA'I GO SKABS NI SA BON LA SOGS PA BZHIN DU ZHES BYA BA LA SOGS PA SMOS SO, ,'DI SNYAM DU ZHES BYA BA LA SOGS PA SMOS TE, DE NYID RNAM PAR DBYE BA NI 'BA' ZHIG SKYED PAR MI BYED DO ZHES BYA'O, , GANG LAS YIN ZHE NA, CHU DANG ZHING LA SOGS PA RANG GI RGYU NAS THA DAD PA MYU GU LA SOGS PA SKYED PA'I RANG BZHIN YANG SA BON LA SOGS PA RNAMS KYI BDAG NYID LA LTOS PA'I PHYIR RO, ,DES NA DE'I RANG BZHIN NI RGYU GZHAN LA LTOS PA MA YIN NO ZHES BYA BA MA NGES PA YIN NO, ,DE BZHIN DU BUD SHING LA @232B SOGS PA RANG GI RGYU LAS 'JIG PA'I BDAG NYID DU GRUB PA'I 'JIG PA NI BDAG NYID 'JIG PA YIN NO ZHES BYA BA NI DPE DON YIN NO ZHE NA, SA BON LA SOGS LA BZHIN DU MA NGES PA MA YIN NO, ,GANG LAS SHE NA, DE'I RANG BZHIN DU MYU GU LA SOGS PA SKYED PAR BYED PA'I SA BON LA SOGS PAS MYU GU LA SOGS PA SKYED PA'I PHYIR DE'I BDAG NYID 'DI RGYU GZHAN LA MI LTOS PAS SO, ,PHYI NAS ZHING LA SOGS PA LA LTOS NAS SKYED PA MA YIN PA DANG SBYANG BA LA SOGS PA NA GNAS PAS KYED PA LA SOGS MA YIN TE DE'I NGO BO NYID MA YIN PA'I RANG BZHIN NYID KYI MYU GU LA SOGS PA SKYED PA'I NGO BO NYID MED PAS DE NI DE'I BDAG NYID KYI MTSAN NYID CAN GYI RGYUR GNAS PA MA YIN PA'I PHYIR RO, ,DES NA MA NGES PA MA YIN NO, ,'O NA NI NGO SHES PA'I MNGON SUM KHO NAS SA BON LA SOGS PA GCIG GI NGO BO NYID DU RTOGS SO, ,DE LA 'DI SKYED PAR BYED PA'I RANG BZHIN NYID DANG SKYED PA MA YIN PA'I RANG BZHIN NYID KYI MTSAN NYID THA DAD PA GA LAS YIN, GANG GI PHYIR MA NGES PAR MI 'GYUR ZHE NA, NGO SHES PA TSAD MA MA YIN PA NI MA YIN TE DE LA SNGAR MED PA'I DON RNAM PAR SHES PA ZHES BYA BA LA SOGS PA TSAD MA'I MTSAN NYID DANG LDAN PA'I PHYIR YOD PA DANG YANG DAG PAR 'BREL PA'I DBANG PO RNAMS LAS BYUNG BA NGO SHES PA NI MNGON SUM KHO NA YIN TE MNGON SUM LAS GTZO BO'I TSAD MA NI YOD PA MA YIN NO, ,GANG LAS DE'I YUL THA DAD PAR GRUB PA'I GNOD PA YOD PAS 'DI DAG TSAD MA MA YIN PAR 'GYUR ZHES DOGS PA LA, DE NYID KYI ZHES BYA BA SMOS TE SKYED PAR BYED PA DANG, SKYED PAR NGES PA MA YIN PA 'GAL BA'I CHOS GNAS BAS SO, ,DE DAG GI GNAS SKABS NI SKYED PAR BYED PA DANG SKYED PAR BYED PA MA YIN PA'I GNAS SKABS SA BON LA SOGS PA'I DNGOS PO THA DAD PA'O, ,DNGOS PO THA DAD PAR NGES PA NI ZHEN PAS SO, ,'DI LTAR 'BRAS KYI SA BON NI DE'I MYU GU'I RGYU'I RANG BZHIN YIN TE DE YOD NA 'BRAS KYI MYU GU YOD PA MTHONG BA'I PHYIR MNGON SUM GYIS KHONG DU CHUD DO, ,NAS KYI SA BON YANG DE SKYED PA'I RANG BZHIN DE YOD NA 'BRAS KYI MYU GU MI DMIGS SO, ,DES DBEN PA'I NAS KYI SA BON 'DZIN PA NI MNGON SUM GYI NGO BOS RTOGS SO, ,DE BZHIN DU 'DIR YANG GNAS SKABS @233A *, ,KYI SA BON NI DE'I MYU GUS DBEN PA DANG DBEN PA MA YIN PA'I GNAS SKABS 'DZIN PA NI MNGON SUM GYI STOBS NYID KYIS RANG GI MYU GU SKYED PAR BYED PA DANG SKYED PAR MI BYED PA'I RANG BZHIN CIS NA NGES PAR MI 'GYUR, GAL TE GNAS SKABS THA DAD PAR 'DOD PA NYID DE GNAS SKABS CAN THA MI DAD PA YIN NO ZHE NA, DE'I GNAS SKABS KYI NGO BO GZHAN GYIS DBEN PA MNGON SUM LA SNANG BAR THAL BAR 'GYUR RO, ,BDAG NYID KYI NGO BO MA YIN PAS DBEN PAR RANG GI SHES PA LA SNANG BA GANG YIN PA DE NI MNGON SUM DU MI RIGS PA MA YIN NO, ,GAL TE GNAS SKABS CAN DANG LDAN PA'I RANG BZHIN THA DAD PA MED PAS JI LTAR NGO BO GZHAN YIN ZHE NA, 'O NA NI GNAS SKABS RNAMS MTHONG BA'I NGO BO NI THA DAD PA'I GNAS SKABS LTA BUR BDAG NYID THA DAD PA DE THA DAD PA YOD PA THA MI DAD PA DANG 'BREL PA MA YIN NO, ,DES NA 'DI GNAS SKABS BZHIN DU THA DAD PAR NYAMS SU MYONG BAS JI LTAR GNAS SKABS SU BYED PA PO YIN GAL TE GNAS SKABS THA DAD PAS KYANG THA DAD PA'I NGO BOR DE BZHIN DU RNAM PAR 'JOG PA'I PHYIR RNAM PA 'GA' ZHIG GIS KYANG THA DAD PAS NYES PA MED DO ZHE NA, GANG ZHIG MDUN NA GNAS PA'I BDAG NYID LA 'DI GNAS SKABS SO ZHES BRJOD PA DES GNAS SKABS DE DANG LDAN PA THA DAD PA DANG DE THA MI DAD PA NYID NI RNAM PA 'GAS YIN NO ZHES BYA BA 'DI NI LONG BA'I 'DOD PA'O, ,DES NA 'DI MNGON SUM GYIS DE'I BDAG NYID MA YIN PA'I NGO BO GZHAN DU SNANG BAR THAL BAR 'GYUR BA MI BZLOGS SO, ,DES NA BDAG NYID THA DAD PA'I GNAS SKABS BZHIN PAR THAL BAR 'GYUR BA'AM, GNAS SKABS CAN DE BZHIN DU GNAS SKABS RNAMS THA MI DAD PAR 'GYUR RO, ,DE DAG KYANG RNAM PA 'GA' ZHIG THA DAD PA DANG THA MI DAD PA BSAM PAR BYA STE, DE LTA NA GNAS SKABS CAN DANG DE'I GNAS SKABS NI BDAG NYID THA MI DAD PA DANG LDAN PA NA, RNAM PA 'GAS THA MI DAD PA'I RGYU MTSAN DNGOS PO GZHAN ZHIG 'DOD PAR BYA BA DANG, DE BZHIN DU DE YANG DE RNAM PA 'GAS THA DAD PA YANG GZHAN YIN NO, ,DE RANG BZHIN GCIG PAR SHIN TU THA MI DAD PA'I GNAS SKABS DANG LDAN PA NI BRGYUD PAS SHIN TU THA DAD PA DANG THA MI DAD PA DNGOS PO GZHAN PA ZHIG TU THAL BAR 'GYUR BA DANG, RNAM PA 'GA' ZHIG THA DAD PA'I @233B RGYU MTSAN GYI NGO BO NI GZHAN YIN PA LA DE BZHIN DU DE LAS GZHAN PA LA YANG YIN PA'I PHYIR DNGOS PO RE RE LA DPAG TU MED PAR THAL BAR 'GYUR RO, ,DPAG TU MED PA'I NGO BO SNANG BA NI MNGON SUM GYIS NYAMS SU MYONG BA MED DE NYAMS SU MYONG BA MED NA JI LTAR BRTAG PA BDAG NYID BSLU BAR BYA BA'AM, DE'I PHYIR GNAS SKABS KYI NGO BO RNAM PAR DPYAD NA DMIGS PA'I RIG BYAR GYUR PA LAS MI DMIGS PA'I PHYIR DANG, DPAG TU MED PA'I NGO BOR THAL BAR 'GYUR BA'I PHYIR RNAM PA 'GAS THA DAD PA DANG THA MI DAD PA DANG LDAN PA'I GNAS SKABS CAN GYI MED PA KHO NA'O, ,DE YANG SKYED PAR BYED PA DANG, SKYED PAR MI BYED PA'I RANG BZHIN GYI GNAS SKABS THA DAD PA DANG LDAN PAR MNGON SUM GYIS RTOGS PA'I PHYIR RO, ,DE GCIG PA NYID DU MNGON PAR ZHEN PA'I NGO BO SHES LA NYAMS SU MYONG BAS GNOD PAS JI LTAR TSAD MAR 'GYUR, GANG GI PHYIR SA BON LA SOGS PA RNAMS MYU GU LA SOGS PA SKYED PA'I RANG BZHIN CAN YANG DE'I BDAG NYID KYI RGYU GZHAN LA LTOS KYANG SNGA MA'I GTAN TSIGS MA NGES PAR MI 'GYUR RO, ,GNAS SKABS CAN 'GA' ZHIG YOD DU CHUG KYANG DE YANG DE NYID KYIS THA DAD PA SKYED DO, ,DE LTA NA DE DAG SKYED PAR BYED PA DANG SKYED PAR MI BYED PA'I GNAS SKABS DAG YIN NO ZHES BYA BA 'DI NI BDUN PA'I GNYIS PA'I TSIG YIN PAS DE'I TSE 'GYUR RO, ,DES NA DON 'DI SKYED PAR BYED PA'I GNAS SKABS DANG, 'DI SKYED PAR MI BYED PA'I GNAS SKABS NI DNGOS PO'I CHOS KYI MTSAN NYID THA DAD PA'I RANG BZHIN DU MA YIN PA DE NYID KYI PHYIR SKYED PAR BYED PAR DANG SKYED PAR MI BYED PA'I RANG GI NGO BO YIN PAR MNGON SUM GYIS NGES PAR GRUB BO, ,THA DAD PAR NGES PA'I MTSAN NYID DU DE LA THA SNYAD BYED PA'I YUL LA CHOS 'GAL BA GNAS PA'I MTSAN NYID BSTAN PA'I PHYIR RO, ,GNAS SKABS KHO NA MYU GU LA SOGS PA'I SKYED PA'I RANG BZHIN DU BRJOD PAR NUS PA MA YIN PAS GNAS SKABS MED PA'I PHYIR NUS PA THAMS CAD SPANGS PA'I MTSAN NYID NI MED PAR THAL BAR 'GYUR RO, ,DE'I PHYIR YOD PA GCIG TU NGO SHES PA RNAMS LA DNGOS PO RNAMS KYI SNGA MA DANG PHYI MA'I DUS DAG SKYED PA'I BYED PA DANG SKYED PAR MI BYED PA'I RANG BZHIN THA DAD PAR RNAM PAR 'JOG PA'I MNGON SUM GYIS NYAMS SU MYONG BA'I RGYU MTSAN GYIS @234A *, ,GNOD PAR JI LTAR TSAD MAR 'GYUR, DE'I SNANG BA THA DAD PA MED PA'I NGO BO NI BRDZUN PA NYID DO, ,DBANG PO LAS BYUNG BA'I NYAMS SU MYONG BA 'JUG PA YOD PA 'DI LA RAB TU SBYOR BA MED PA'I PHYIR RAB RIB LA SOGS PAS BSKYED PA BZHIN DU MNGON SUM DU GA LA 'GYUR, DON BYED PA'I RGYU MTSAN CAN GYI NGO BO YANG SA BON LA SOGS PA LAS GZHAN MA YIN TE DON DAM PA YIN PA'I PHYIR RO, ,RANG BZHIN GYIS YOD PA GANG KHONG DU CHUD PA'I PHYIR NGO SHES PA TSAD MAR 'GYUR NA DON BYED PA'I NUS PA'I MTSAN NYID YIN PA'I PHYIR DON DAM PAR YOD PA'O, ,DE'I PHYIR 'DRA BA GZHAN BYUNG BA'I RGYU MTSAN 'DI YIN TE, SKRA SHAD DANG CHU SHING GI SDONG PO LA SOGS PA BZHIN DU RNAM PA 'DRA BA TZAM GYIS SNYING 'PHROGS PA RNAMS 'KHRUL PA NYID DU DE KHO NA NYID NGES PAS BSAM PAR BYA'O, ,DES NA YOD KYANG SKAD CIG MA RE RE'I THA DAD PA NYE BAR MI RTOGS PAS BYIS PA RNAMS GANG GI TSE MI MTHUN PA'I RKYEN DANG PHRAD PAS MI 'DRA BA'I DNGOS PO GZHAN SKYED PA DE'I TSE 'DI'I DE KHO NA NGES PAR GYUR NA NGO SHES PA'I DMIGS PA MI 'BYUNG NGO, ,DE RNAMS PA GCIG TU NGES PA'I SHES PA SKYED PAR BYED PA LA GZHAN ZHIG 'DRA BA THA DAD PA YANG MED DE RANG GI RGYU'I STOBS LAS 'ONGS PA'I RANG BZHIN GYI DBANG GIS KHA CIG TU RNAM PA GCIG TU NGES PA'I SHES PA'I MTSAN NYID DAM, DON SHES PA LA SOGS PA'I MTSAN NYID DON GYI BYA BA BYED PA LAS GZHAN NI MED DO ZHES MKHAS PA BSTAN BCOS MDZAD PAS RNAM 'GREL DU BSHAD PAS 'DIR MI SMRA'O, ,GDON MI ZA BAR SA BON LA SOGS PA SKYED PAR BYED PA DANG SKYED PAR MI BYED PA'I GNAS SKABS NI DNGOS PO THA DAD PAS JI SKAD BSHAD PA BZHIN DU KHONG DU CHUD PAR BYA'O ZHES BSTAN PA'I PHYIR THA MI DAD PA LA RJES SU DPAG PAS GNOD PA NI DNGOS PO RNAMS ZHES BYA BA SMOS TE, SA BON LA SOGS PA RNAMS RANG GI 'BRAS BU SKYED PAR BYED PAS SO, ,RANG GI NGO BO DE DANG DE RNAMS LA YOD PA LAS GZHAN DU GYUR PA MED PA'I PHYIR RES 'GA' BA'I SKYED PAR BYED PA NI MI SRID PA'I PHYIR RO, ,DE'I NGO BO MYU GU LA SOGS PA SKYED PA'I RANG GI NGO BO PHYIS BZHIN DU NI 'BRAS LA SOGS PA'I RGYU NYE BA BZHIN DU'O, ,SNGA MA SBYANG LA SOGS PA NA GNAS PA'I DUS SU YANG RANG GI @234B 'BRAS BU SKYED PAR THAL BAR 'GYUR RO, ,DE LTA NA 'BRAS BU LA SOGS PA NYE BA YANG SA BON LA SOGS PA'I RANG GI NGO BO KHO NAS 'BRAS BU SKYED KYI GZHAN GYI NGO BOS NI MA YIN NO, ,GANG YANG 'DI DE'I TSE 'BRAS BU SKYED PAR BYED PA'I RANG BZHIN PHYIS YOD PA GANG YIN PA DE NYID YIN NO ZHES NGO SHES PAS MDUN NA GNAS PA'I SKYED PAR BYED PA'I RANG BZHIN SNGA MA'I NGO BO LA THA MI DAD PAR NGES PA YIN PA NGES NA SNGAR YANG CIS NA DE'I 'BRAS BU BYED PA MA YIN, SBYOR BA NI GANG DANG GANG GI TSE SKYED PA'I RANG BZHIN DE DANG DE NI DE'I TSE SKYED PAR BYED PA NYID DE, SKYED PAR MI BYED PA DANG SKYED PAR BYED PA 'GAL BA'I PHYIR GZHAN YANG DE'I RANG BZHIN THOB PAR 'GYUR RO, ,DPER NA DE NYID KYIS SA BON LA SOGS PA NYE BA'I DUS BZHIN NO, ,SBYANG LA SOGS PA NA SA BON LA SOGS PA 'DI YANG RANG GI 'BRAS BU SKYED PAR BYED PA'I RANG BZHIN NYID DU NGO SHES PAS RNAM PAR 'JOG PA'I PHYIR ZHES BYA BA NI THAL BAR RANG BZHIN GYI GTAN TSIGS SO, ,DE SKYED PA NI MA YIN TE DE'I PHYIR DE SKYED PA'I RANG BZHIN MA YIN NO ZHES BYA BA NI BZLOG PA'I SBYOR BA'O, ,GANG DANG GANG GI TSE SKYED PA'I RANG BZHIN LA LOG PA'I 'BRAS BU MI SKYED PA DE DANG DE NI DE'I TSE SKYED PA'I RANG BZHIN MA YIN TE, DPER NA 'BRAS KYI MYU GU SKYE BA'I RANG BZHIN LAS LOG PA'I 'BRAS BU MI SKYED PA'I KO TRA BA'I SA BON BZHIN NO, ,'BRAS LA SOGS PA'I RGYU NYE BA LAS SNGAR 'BRAS BU SKYED PA'I RANG BZHIN LAS LDOG PA CAN GYI 'BRAS BU'I SA BON LA SOGS PA YIN PA'I PHYIR ZHES BYA BA 'DI KHYAB PAR BYED PA MI DMIGS PA'O, ,DE'I PHYIR RJES SU DPAG PAS KYANG GNOD PAR NYAMS SU MYONG BAS NGO SHES PA JI LTAR TSAD MAR 'GYUR, 'DIS GNOD PAR BYED PAS TSAD MA MA YIN PA'I PHYIR JI LTAR GNOD PAR BYED PAR 'GYUR, TSAD MAS MA NGES PAR GYUR NA GANG GIS NA GNOD PA GCIG LA GCIG BRTEN PAR 'GYUR, NGO SHES PA TSAD MA MA YIN PAS 'DI RJES SU DPAG TSAD MA GNOD PA MED DE 'ON KYANG RANG GI BSGRUB BYA LA 'BREL PA'I PHYIR RO, ,DE YANG BZLOG PA LA GNOD PAR BYED PA NI TSAD MA'I STOBS KYIS NGES PA'I PHYIR RO, ,MA YIN TE MNGON SUM NI GZHAN PAS TSAD MA'I GTZO BO YIN NO ZHE NA, NGO SHES PA MNGON SUM DU GRUB PA MED DO ZHE NA RJES SU DPAG PAS MNGON SUM GYI @235A *, ,BDAG NYID DU YOD PA LA GNOD PA YIN NO ZHES NI MI SMRA'I, MNGON SUM STOBS DANG LDAN PAS CI ZHIG BYED, DE NI DON MED NA MED PA'I PHYIR TSAD MAR BRJOD DO, ,RJES SU DPAG PA DE YANG DON DANG 'BREL PA'I RTAGS LAS SKYED PAS MTSUNGS PA'I PHYIR KHYAD PAR CI YANG MED DO, ,GAL TE RJES SU DPAG PA DANG 'GAL BAR BRJOD KYANG NGO SHES PA'I TSAD MA DE DANG RNAM PA MTSUNGS PAS GCIG TU STON NA NI SNGON PO DANG CIG SHOS KYI ME TOG LA SOGS PA KHA PHYE BA'I DNGOS POR GCIG NAS TSAD MA MA YIN NO, ,ME TOG GI 'BRAS BU LA SOGS PA'I 'BRAS BU MTHONG BAS DPAG PA NAS THA DAD PA NI MA YIN TE, MNGON SUM GYIS DE LTAR MED PAR MYONG BA DANG NGO SHES PA'I TSAD MA 'GEGS PA'I SKAD CIG MA'I 'JIG PA'I GRUB PAR RGYAS PAR BYAS PAS CHOG GO, ,GANG GI PHYIR DE LTAR GNAS PA'I RNAM PAR SKYED PAR BYED PA DANG SKYED PA MED PA'I GNAS SKABS KYI SA BON GYI DNGOS PO THA DAD PA DE'I PHYIR MTHA' MA'I GNAS DANG KHYAD PAR MED PA DE MA THAG TU MYU GU LA SOGS PA'I 'BRAS BU SKYED PA GANG YIN PA DE KHO NA MYU GU SKYED PA'I RANG BZHIN NO, ,'BRAS BU MTHONG BAS DPAG PA'I NGO BO NYID DE SKYED PA'I RANG BZHIN YIN PAS SO, ,GAL TE DE LTA NA DE KHO NA MYU GU SKYED PA'I RANG BZHIN YIN LA SNGAR BYUNG BA'I GNAS SKABS NI DE SKYED PA'I RANG BZHIN MA YIN PA'I PHYIR JI LTAR DE RNAMS LA DE'I RGYUR BSHAD, MYU GU DON DU GNYER BA RNAMS KYIS DE NYE BAR LEN TO ZHE NA, SNGON GYI GNAS SKABS ZHES BYA BA SMOS TE, SBYANG LA SOGS PA NA GNAS PA'I DUS SU YOD PA'I GNAS SKABS DANG KHYAD PAR MED PA'I MYU GU LA SOGS PA'I RGYU THA MA'I GNAS SKABS DANG KHYAD PAR MED PA'I RGYU NI RKYEN GZHAN LA RAG LAS PA'I KHYAD PAR GYIS YIN NO, ,BRGYUD PAS SKYE BA DE'I PHYIR DE RNAMS NI BTAGS PA'I PHYIR RO, ,MYU GU DON DU GNYER BA RNAMS KYIS RGYUR BRJOD PA NYE BAR LEN TO, ,GANG GI PHYIR SA BON LA SOGS PA DE'I NGO BO RGYU GZHAN LA LTOS PA NI SKYED PAR BYED PA DE LA LTOS PA'I PHYIR DE'I DE SKYED PA'I NGO BO NYID YIN NO ZHES BYA'O, ,DE'I PHYIR SA BON LA SOGS PA DANG LDAN PAS MA NGES PA MA YIN TE DE'I NGO BO NYID YIN PA'I PHYIR ZHES BYA BAS GTAN TSIGS KYI MJUG BSDU BA YIN NO, ,DE LTA NA DE NI GANG GI TSE RE ZHIG NGO SHES PA MNGON SUM GYI TSAD MA RTAG PA GRUB BAR @235B GZHAN DAG BRJOD PAS SA BON LA SOGS PA DANG LDAN PAS MA NGES PAR BSTAN PA DE'I TSE SNGAR BSHAD PA'I RNAM PAS MNGON SUM DANG RJES SU DPAG PA DAG GIS GNOD PA'I PHYIR DE'I BDAG NYID MED PA YIN NA GANG GIS NA DE LAS GCIG PA NYID DU YOD PA YIN, GANG GI PHYIR MA NGES PAR 'GYUR ZHES BSTAN ZIN TO, ,GANG GI TSE NGO SHES PA YIN PA'I PHYIR SA BON LA SOGS PA SNGA MA DANG PHYI MA'I DUS DAG RANG BZHIN GCIG PA YIN NO ZHES GTAN TSIGS SU GZHAN DAG BRJOD NA, DE NI 'DIR GTAN TSIGS MA GRUB PA YIN TE LA LAR DNGOS SU YOD PA NI MA YIN TE, 'DIR SKAD CIG MA'I DNGOS PO RNAMS LA GCIG PA NYID MED PA'I PHYIR RO SHES KHO BO CAG 'DOD DO ZHES BYA BAR SBYAR RO, ,'ON TE GANG MANG SKAD CIG MA'I DNGOS PO DE YANG SA BON LA SOGS PA'I SKAD CIG MA RE RE'I GCIG PA'I NGO BO BYE BRAG KYANG MI RTOGS PA'I PHYIR SKAD CIG MA THA MA BZHIN DU THAMS CAD KYANG SKYED BAR BYED PA'I RANG BZHIN YIN TE, DE'I NGO BO NI CHU LA SOGS PA LA LTOS PA'I PHYIR DE'I GNAS SKABS KYI MA NGES PA YIN NO ZHES DOGS PA LA, GZHAN DANG GZHAN SKYE BAS ZHES BYA BA LA SOGS PA SMOS TE, SKAD CIG MA LA MA NGES PA MED DO, ,RKYEN GZHAN DANG GZHAN LAS SKAD CIG MA SO SOR SKYE BAS SKAD CIG MA RNAMS THA DAD PAS NUS PA'I PHYIR SKAD CIG MA THA MA BZHIN DU SKYED PAR BYED PA'I RANG BZHIN SPANGS NAS DE YANG GANG GIS NA MA NGES PA YIN, RGYU THA DAD PA LA RAG LAS PA'I SKYE BA RNAMS NI BYE BRAG NYE BAR RTOGS SU ZIN KYANG THA MI DAD PAR MI RIGS SO, ,RGYU THA DAD PA'I RJES SU MI BYED NA RGYU MED PAR THAL BAR 'GYUR RO, , DE SKAD DU YANG 'DU BYED PA'I RGYUN LAS GZHAN DANG GZHAN PA'I RKYEN DANG LDAN PAS SKAD CIG MA RE RE LA NUS PA THA DAD PA CAN DAG 'GA' ZHIG MTSUNGS PAS NGO BO 'DRA BAR SHES MOD KYI DE LTA NA DE DAG GI NGO BO THA DAD PA KHO NA YIN TE, DES NA 'GA' ZHIG GI RGYU YIN ZHES GSUNGS SO, ,JI SKAD DU DE'I NGO BO NYID BSKYED PA'I PHYIR ZHES BYA BA LA SOGS PA LA GZHAN DAG MA NGES PA BRJOD PA NI DE ZHES BYA BA SMOS TE, SA BON DANG ZHING LA SOGS PA'O, ,MTHA' MA NI THA MA'I DNGOS PO SO SOR MYU GU SKYED PAR NUS PA RGYU RNAMS GYES NAS 'BRAS BU SKYED PAR MED PAR KHYED RNAMS 'DOD PA YIN YANG CI'I PHYIR RE RE SKYED PAR MI BYED, DES NA 'DI @236A *, ,RNAMS KYI RE RE NYID 'GA' ZHIG LAS MYU GU SKYE BAR 'GYUR GYI DO DAG GZHAN DE'I NGO BO YIN DU ZIN KYANG MI SKYED PA YIN NA NI DE'I NGO BO SKYED PA YIN NO ZHES BYA BA MA NGES PA YIN PAS DE BZHIN DU SBYAR BA LA SOGS PA NA GNAS BA SA BON LA SOGS PA YANG MYU GU LA SOGS PA SKYED PA'I RANG BZHIN YIN DU ZIN KYANG MI SKYED PAR 'DOD PA'I PHYIR RO, ,DE MA NGES PA YIN PAS DE'I GNAS SKABS KHO NA YIN NO ZHES GZHAN DAG SEMS PA NA, 'DIR MI BYED CE NA ZHES BYA BA SMOS TE, DE LTAR GAL TE GZHAN GYIS BSAM PAS SPYI'I SGRO NAS BRJOD PA SPYI YIS LAN BTAB PA NI SKYED PAR BYED PA KHO NA'O ZHES BYA BA SMOS PA STE 'DIR RANG GI 'BRAS BU SKYED PA'O, ,DE LTA MA YIN NA DNGOS PO SKYED PAR BYED PA MA YIN PAR DOGS SO, ,GANG LAS SHE NA, NGO BO NYID LDOG PA MED PA'I PHYIR RO, ,GAL TE SKYED PAR BYED PA'I RANG BZHIN MA YIN NA SKYED PAR BYED PAR MI 'GYUR TE DE'I RANG BZHIN DU 'DOD NA NI GDON MI ZA BA SKYED PA YIN NO, , DE LTA NA YANG GANG LAS MA NGES PA'I DNGOS POR 'GYUR, MTHA' MA'I SKYED PAR BYED PA GCIG YOD PAS 'BRAS BU GCIG PA NYID SKYED PA YIN GYI GZHAN DAG NI NYE BAR SBYOR BA'I YUL MED PA'I PHYIR SKYED PAR BYED PA MA YIN NO SNYAM DU GZHAN DAG SEMS PAS GAL TE DE LTA NA LHAN CIG BYED PA ZHES BYA BA SMOS TE, LHAN CIG PA NI CIG CAR BA'I RGYUR RUNG BA RNAMS SO, ,DE'I 'BRAS BU BYED PA'I RUNG BAS KHAS BLANGS PA'I YOD PA'I 'BRAS BU LA GCIG KHO NAS BSKYED PA'I PHYIR GZHAN GYI NYE BAR SBYOR BAR CI ZHIG DGOS TE CI YANG MA YIN NO, ,DE SKYED PAR BYED PA KHO NA'O ZHES BYA BA CI ZHIG BRJOD CE NA, 'DI'I LAN NI DNGOS PO RNAMS ZHES BYA'O, ,DNGOS PO RNAMS NI SA BON LA SOGS PA'O, ,RTOG PA SNGON DU GTONG PAR BYED CING BLO SNGON DU GTONG BAR BYED PA NI 'GA' YANG MED DO, ,GANG GI PHYIR RTOG PA SNGON DU GTONG PAR BYED PAS 'DI KHO BO CAG GANG YANG RUNG BA GCIG PUS KYANG 'BRAS BU SKYED PAR NUS NA BDAG CAG GIS CI ZHIG BYA ZHES BRTAGS NAS GZHAN DAG LDOG PAR 'GYUR ZHING BTANG SNYOMS SU 'DUG PA LA BRTEN PA NA DE'I 'BRAS BU SKYED PAR BYED PA NA'O, ,GANG GI PHYIR SA BON LA SOGS PA'I DNGOS PO DE NI SEMS BA MED PA'I BYED PA CAN NO, ,DPYAD NA STONG PA'I BYED PA NI GCIG GIS SKYED PA NA GCIG GI 'BRAS BU LA THAMS CAD BYED PA KHO NA YIN NO, , @236B DNGOS PO CHOS CAN GYI 'BRAS BU DE DAG SNGAR YOD PA'I BYED PA LAS DE BZHIN NA MI RIGS SO, ,GANG GI TSE BYED PA CAN DE LAS GZHAN PA'I BYED PA YIN PA DE'I TSE DE NYID LAS 'BRAS BU SKYED PA'I BYED BA DANG LDAN PAS BYED PA PO NYID DOR BAR BYA'O, ,GAL TE DE 'DI'I BYED BA NI BYED BA PO DE LAS DE YIN NO ZHE NA, 'O NA NI DE LTAR BYED PA PO NI NYE BAR MKHO BA YIN GYI, 'BRAS BU LA NYE BAR MI MKHO BA NI DE LA BTAGS PA YIN PAS DON DAM BAR NA BYED PA PO DOR BAR BYA'O, ,BYED PA 'DI DANG SU ZHIG 'BREL PA YIN 'DU BA YIN NA NI SNGAR BSAL ZIN PA'I PHYIR RO, ,'DU BA YANG BYED PA DANG LDAN PA YIN NA, GZHAN YANG DE'I 'BRAS BU LA NYE BAR MI MKHO BA DE YOD PAR THAL BAR 'GYUR RO, ,'DU BA 'DI'I BLO'I RGYU YIN NO SNYAM NA GCIG PA NYID KYIS THAMS CAD MTSUNGS PA'I PHYIR RO, ,GAL TE MNGON PAR 'DOD PA NYID BYED PA YIN PAS DE'I BYED PA BSKYED PA YIN PAS HA CANG THAL BAR MI 'GYUR RO ZHE NA, 'O NA NI DES NA DE LAS SKYE BAR DE NYID LA 'DU BAR BRJOD DE DE YANG THAMS CAD LA MTSUNGS TE, GANG GIS BYED PA'I 'BAD PAS SKYE BA YIN NA, DES 'BRAS BU NYID CIS NA MI SKYED, GANG GIS BAR DU CHOD PA LA BRTEN PA DE LTA NA RANG DANG NYE BA TZAM GYI BYED PA 'DIS BSKYED PA YIN NO, ,BYED PA GZHAN GYIS NI MA YIN TE THUG PA MED PAR THAL BAR 'GYUR RO, , DE LTA NA DE NYID KYI PHYIR RANG DANG NYE BA TZAM GYI BYED PAS YIN NO ZHES BSHAD ZIN TO, ,DE'I PHYIR PHYIS 'BYUNG BA'I 'BRAS BU NI SNGAR YOD PA RGYU'I BYED PAS YIN NO, ,DE YANG THAMS CAD LA YOD PA YIN NO ZHES THAMS CAD KYI 'BRAS BU SKYED PA'I BYED PAR BSTAN TE, 'BRAS BU THAMS CAD SKYED BAR BYED PA DE YOD PA'I PHYIR RO; ,'BRAS BU'I RGYUR MNGON PAR 'DOD PA NI YOD NA YOD PA MA YIN PA GZHAN LAS SKYE BA MED DO, ,DE LTAR YOD PA NI DE NYID LA RGYU'I BYED PAS 'BRAS BU BYED PA 'DI MI SRID PA'I PHYIR RO, ,DE'I PHYIR YOD DU ZIN KYANG RGYU RNAMS LA JI LTAR NYE BAR DMIGS PAR MI 'GYUR, GAL TE DE DANG 'BREL PA LAS SKYE BA'I RGYU YIN PA'I PHYIR RO ZHE NA, MA YIN TE, MED PA DES 'BREL PAR MI RIGS PA'I PHYIR RO, ,BDAG NYID YOD PA KHO NAS SKYED PA'I DON NI MI 'THAD PA'I PHYIR SKYE BA'I DUS NA NYE BAR DMIGS PA'I BDAG NYID YIN NA SNGAR YANG 'BYUNG BA BZHIN DU DMIGS PAR THAL BAR 'GYUR RO, ,NGO BO GZHAN GYIS YOD PA YIN NA @237A *, ,NI DNGOS POR MI 'GYUR RO, ,DNGOS PO NI MTSAN NYID THA DAD PA'I PHYIR DNGOS PO THA DAD DO, ,DE'I PHYIR NYE BAR DMIGS PA'I BYA BA'I BDAG NYID KYI SKYE BA LAS SNGAR YOD PA'I MI DMIGS PA DE'I PHYIR SKYE BA YANG 'BREL PA GA LA YIN, DE'I PHYIR 'BRAS BU MA BYUNG BA NYID RGYU YOD PA LAS BYUNG BA DES NA SKYE BA YIN NO ZHES THAMS CAD KYIS DE LTAR BSKYED DO, ,'ON TE GCIG GIS KYANG DE SKYED PAR NUS NA GZHAN DAG DE LA DE NYE BA'I MTSAN NYID KYI BYED PA DON MED DO SNYAM NAS DE LA GZHAN DAG YOD PA DANG 'BREL PA MA YIN NO ZHES NA, RANG GI RGYU ZHES BYA BA SMOS TE, ZHING DANG CHU DANG SA BON GYI TSOGS PA'I MTSAN NYID YONGS SU GYUR BAS 'BRAS BU SKYED BA DANG RJES SU MTHUN PA'I YON TAN GYI BYE BRAG DANG LDAN PA NI SKAD CIG MA RE RE NYE BAR BSAGS PA PHUL DU BYUNG BA LAS SKAD CIG MA GZHAN SKYE'O, ,DES NA NYE BA NI 'BRAS BU DANG YUL NYE BA RNAMS GANG YIN PA DE LTAR GYUR BA LA 'BRAS BU DANG KLAN KA BTZAL BAR 'OS PA MA YIN NO, ,RGYU GCIG GIS KYANG DE'I 'BRAS BU NUS PA'I PHYIR 'DIR KHYED NYE BAS CI ZHIG BYA ZHES BRGAL ZHING BRTAG PAR 'OS PA MA YIN NO, ,DE LA GZHAN PA DANG NYE BA MED NA GCIG GIS KYANG YOD PAR MI SKYED DO, ,GANG LAS DE'I RANG BZHIN YIN ZHE NA, DE'I RANG BZHIN LAS ZHES BYA BA NI DNGOS PO GTZO BOR BSTAN TE ZHING DANG CHU DANG SA BON LA SOGS PA'I TSOGS PA YONGS SU GYUR PA SKYED PA'I RANG BZHIN YIN PA'I PHYIR RE RE LA NUS PA DE MED DO ZHE NA, TSOGS PA'I SGRAS BRJOD PA THA DAD PA'I NUS PAS RANG RANG GI MTSAN NYID GZHAN PA SKYED PA'I PHYIR DANG DE YANG SKAD CIG MA RE RE BSAGS PA PHUL DU BYUNG BA SKYED PA'I PHYIR 'BA' ZHIG PA RNAMS LA NI DE SKYED PA'I RANG BZHIN MA TSANG BA DE LAS GZHAN RKYEN NI SKYED BAR RUNG BA'I RANG BZHIN YIN PA'I PHYIR SKYED PA'I BYED PAR NUS RGYU LAS SO, ,'DI YANG JI LTAR SKABS SU BAB PA DE DANG DER BSAL BAR BYA'O, ,DE'I PHYIR CHOGS PA SKYE BA'I RANG BZHIN DAG YOD PA GANG YIN PA DE DANG DE LA GCIG MED DAM RGYU MA TSANG BA LAS MI SRID PA'I PHYIR RO, ,TSOGS PA GCIG PA LAS SKYE BA NI LHAN CIG 'BYUNG BAR NGES TE DE DAG YOD NA YOD PA LAS 'BRAS BU THAMS CAD SKYED PA'I PHYIR RO, ,DE'I NGO BO LAS SKYE BA YIN NO ZHES BYA BA LA SOGS PA 'DIR MA NGES PA MED DO ZHES GANG GIS BSAMS @237B NAS MTHA' MA'I NUS PAS CIS NA SKYED PAR MI BYED CES SNGAR DE BSAL BAR BSHAD DO, ,GAL TE NUS PA DAG CES BYA BA LA SOGS PA SMOS TE, GRUB PA'I MTHA' SMRA BAS KYANG MTHA'AM BSKYED PA YIN NO ZHES BYA BA'I DGONGS PA GANG YIN PA DE NI BSHAD ZIN PA STON PA NI MA YIN TE, DE KHO NA ZHES BYA BA LA SOGS PA SMOS TE, DE DAG NYID BSHAD PA NI GCIG PU DE NYID CES BYA BA LA SOGS PA SMOS TE, 'DI'I DGONGS PA 'DI NUS PA DAG MNGON SUM DANG MI DMIGS PA'I GRUB PAR BYED PA DAG GIS RJES SU 'GRO BA DANG LDOG PA DAG GI THA DAD BYED BA LAS RGYU MTSAN GZHAN MED PA'I PHYIR RO, ,DE YANG RJES SU 'GRO BA DANG LDOG PA DAG GCIG LA MTHONG BA NI GZHAN DAG GZHAN LA MA YIN LA, GCIG PU DE NYID BSKYED PAR BYA BAR NUS PAR RTOGS PAR BYA'O, ,GZHAN DANG GZHAN NI BSKYED PAR BYA BA MA YIN NO, ,DE YANG GANG GI GNAS SKABS SU SKYED PAR MTHONG BA DE CIS SKYED PA'I RANG BZHIN YIN, DE NYID YIN NAM YANG NA SNGAR YANG YIN ZHES 'DIR BRTZOD DE, DE LA SNGAR YANG DE'I RANG BZHIN YIN NA PHYI MA BZHIN DU NI SNGA MA YANG SKYED PAR THAL BAR 'GYUR RO, ,SKAD CIG MA RE RE THA DAD PAR BRJOD NA NI SLAR GZHAN GCER BU PA DANG, RGYAL DPOG BDAG MA NGES PA BRJOD CING SMRA STE, THA DAD PA PHAN TSUN LDOG PA MIG LA SOGS PA GANG YIN PA DE DAG GI LHAN CIG BYED PA DAG GIS CIG CAR DU BYED PA RNAMS KYIS RNAM PAR SHES PA'I MTSAN NYID 'BRAS BU GCIG PA SKYED PA BDEN TE PHAL CHER THA DAD PA'I RANG BZHIN GYI RGYU RNAMS 'BRAS BU GCIG TU THA DAD PA'I RANG BZHIN YIN NA NI RGYU'I BYE BRAG LAS 'BRAS BU'I BYE BRAG MED PAR 'GYUR RO, ,DES NA MIG LA SOGS PA THA DAD PA'I BDAG NYID KYI 'BRAS BU GCIG SKYED PAR 'DOD PAR MI BYA STE, 'ON KYANG THA MI DAD PA'I 'BRAS BU GCIG PA 'DI SKYED BAR BYED PA NI SPYIR GYUR PA'I NGO BO KHAS BLANGS PA GANG GIS THA MI DAD PA'I 'BRAS BU SKYED DO, ,DE YANG TSOGS PA'I GNAS SKABS NYID LA 'BRAS BU SKYE'I, ,MA TSOGS BA'I GNAS SKABS NI MA YIN NO, ,RE RE YOD PA LA DE'I BDAG NYID MED PA NI MA YIN TE, RES 'GAL MED PA 'GAL BA'I PHYIR RO, ,DE 'DI SKYED BAR BYED PA'I RANG BZHIN NI SKYED PAR BYED PA DANG SKYED PAR MI BYED PA LDAN PA NI MA YIN TE, TSOGS PA DANG CIG SHOS KYI GNAS SKABS THA @238A *, ,DAD PA THAL BAR 'GYUR RO, ,DE LTA NA YANG SPYI'I RANG BZHIN NYAMS PA YIN PA DE'I PHYIR MIG LA SOGS PA TSOGS PA RNAMS SKYED PAR BYED PA'I NGO BO GANG YIN PA DE NI RE RE YOD DU ZIN KYANG SKYED PAR BYED PA MA YIN GYI DE NI NGO BO SKYED PA'I PHYIR ZHES BYA BA MA NGES PA YIN NO ZHE NA, SGRUB PA'I MTHA' SMRA BAS MA YIN TE, BDAG NYID JI LTA BA ZHES BYA BA LA SOGS PA SMOS TE, 'DI SNYAM DU DGONGS PA YIN TE, CI BYED KYANG MNGON PAR 'DOD PA'I RGYU 'DI MIG LA SOGS PA RE RE LAS GAL TE YIN NA DE MI RIGS LA, ,TSOGS PA'I RANG BZHIN LAS SKYE BA'I PHYIR 'BRAS BU RGYU NI DE KHO NA YIN PA'I PHYIR RO, ,'O NA NI DE'I GNAS SKABS NA RE RE LA SOGS PA'I SGRAS BRJOD PA SKYED PA'I RANG BZHIN DU KHAS BLANGS PAS MIG LA SOGS PA RE RE RGYU YIN NO ZHE NA, GAL TE DE LTAR NGES PA 'DI LA CI ZHIG YOD, GANG KHYED DU MA LAS YIN GYI GCIG LAS MA YIN NO ZHES BYA BA LA ZLOG PA LA GNOD PAR BYED BA'I TSAD MA MED PA'I PHYIR RO, ,GCIG DE'I 'BRAS BU BYA DGOS SO ZHES BYA BA NGES PA NI MA MTHONG STE, GCIG DE'I 'BRAS BU BYED DO ZHES BYA BA GANG LAS NGES PA YIN, DE YOD PA LAS YOD PA YIN NO ZHES BYA BA DE 'DIR DU MA LAS 'DI MTSUNGS SO, ,DE SKAD CIG DE NYID SKYED PAR NUS KYI GZHAN LA NI MA YIN PAS GZHAN DANG GZHAN BSKYED PA MA YIN NO ZHES BSHAD DO; ,DU MA YIN PA LAS DU MA THOB PA NI MA YIN TE, GANG GI PHYIR KHO BO CAG GIS KHYED BZHIN DU RGYU KHO NAS 'BRAS BU'I BDAG NYID DU KHAS MA BLANGS TE, GANG DU MA YONGS SU GYUR PA LAS DU MA'I RANG BZHIN YIN PA'I PHYIR 'BRAS BU DU MAR 'GYUR BA ZHIG NA, 'ON KYANG SNGA MA NYID 'GA' ZHIG YOD PAR GYUR PA DE YANG DU MA YOD PA NYID LAS YOD PA'I PHYIR DE'I 'BRAS BUR BRJOD NA DE GANG LAS DU MAR THAL BAR 'GYUR BA YIN, GANG YANG THA MI DAD PAR SKYED PAR BRJOD PA'I PHYIR, DE GCIG TU GNAS KYANG KHYED KYI DE'I 'BRAS BU SKYED PA'I RANG BZHIN NYID YIN PA DE'I PHYIR 'BRAS BU SKYED PAR THAL BAR 'GYUR RO, ,DE GZHAN NYE BA DANG DE LA BYE BRAG MED PA'I PHYIR RAM DE YANG MI SKYED PAR 'GYUR RO, ,DE'I PHYIR DE RNAMS YOD PA DANG MED PA DANG LDAN PA LAS RANG GI 'BRAS BU YOD PA DANG MED PA DANG LDAN PA MTHONG STE DE NYID BYE BRAG TU SKYED PA YIN PA'I PHYIR MA NGES PA GA LA YIN, 'ON TE TSOGS PA'I RGYU LA BRTEN PAR BRJOD NA NI RGYU THA DAD PAS 'BRAS BU THA DAD PAR MI @238B 'GYUR RO ZHE NA, DE NI MA YIN TE JI LTAR BDAG NYID GANG DANG GANG GI TSOGS BA'I BDAG NYID KYIS RANG BZHIN DE THA DAD PAS DE KHYAD PAR LA NYE BAR SBYAR NA DE'I RNAM PAR SHES PA 'BRAS BU'I MTSAN NYID GANG GI KHYAD PAR NI TSOGS PA'I NGO BO'I BYE BRAG GIS DE RNAMS LA NYE BAR SBYOR BA'I PHYIR RO, ,DE'I NYE BAR SBYOR BAS TSOGS PA THA DAD PA'I BYED PAS BYA BA'I RANG BZHIN GYI KHYAD BAR NI BYA BA DANG KHYAD PAR CAN GYI RANG BZHIN DE DAG TSOL BA MED PA'I PHYIR RO, ,PHAN TSUN THA DAD PA'I NGO BO YIN PA'I PHYIR TSOGS PA THA DAD PA THA MI DAD PA'I NGO BO'I 'BRAS BU YIN NA JI LTAR RGYU THA DAD BA LAS 'BRAS BU THA MI DAD PAR 'GYUR, DE LTA NA TSOGS PA GCIG PA'I YID LA BYED PA YOD PA'I NUS PA LA SOGS PA'I MTSAN NYID DE LAS RNAM BAR RTOG PA'I SHES PA BSKYED DO, ,GZHAN YANG 'DI LA BYED PA DANG DBANG PO TZAM GYI MTSAN NYID DE LAS 'KHRUL PA'I DBANG PO'I SHES PA 'BYUNG NGO, ,DE LAS GZHAN YUL DANG DBANG PO DANG YID LA BYED PA'I BDAG NYID DE LAS MA 'KHRUL PA'I RNAM PAR SHES PA 'BYUNG BA'I PHYIR TSOGS PA THA DAD PAS BSKYED PA'I 'BRAS BU'I RANG BZHIN KHYAD PAR MA 'CHOL BA YOD PA NYID DE TSOGS PA'I MTSAN NYID RGYU THA DAD PAS 'BRAS BU THA DAD PA'I PHYIR RO, ,'O NA NI GANG GI TSE YUL DANG DBANG PO DANG YID LA BYED PA RNAMS KYIS RNAM PAR SHES PA SKYED PA DE'I TSE DE DAG NYE BAR SBYOR BA'I YUL GCIG PA'I PHYIR JI LTAR 'CHOL BA MED PA YIN ZHE NA, RNAM PA DE LTA BU 'CHOL BA 'DOD PA'I PHYIR SKYON MED DO, ,DE SKAD DU DE LA GCIG PUS KYANG NUS ZHES BYA BA LA SOGS PA BSHAD DO, ,DE LTA NA JI LTAR SKYED BAR BYED PA YIN, GAL TE DE DAG THA DAD PAS 'BRAS BU THA DAD PA NI MED DE, 'ON KYANG TSOGS PA RNAMS GZHAN DANG GZHAN GYI 'BRAS BU SKYES PA NI SKYED PAR BYED PA NYID DE GANG GI PHYIR MED PAR 'GYUR TE, DE DAG GI SKYED PAR BYED PA DE YOD NA 'GA' ZHIG YOD PA'I PHYIR RO, ,DE LA GCIG GAM DU MA YOD PA DE DAG GCIG GAM DU MA'I SKYED PAR BYED PAR BRJOD DO, ,'ON NI TSOGS PA GCIG DANG TSOGS PA DU MA'I DNGOS PO SKYED PAS PHAN TSUN THA DAD PAR 'GYUR NA, DE DANG DE MA YIN PA'I NGO BO'I RGYU LAS SKYED PA NYID DE DANG DE MA YIN PA'I DNGOS POR MI 'DOD DO, ,DE LA GANG GI TSE MIG DANG GZUGS DANG YID LA BYED PA RNAMS RNAM PAR SHES PA @239A *, ,BSKYED PA'I BDAG NYID YIN PA DE'I TSE MIG DANG GZUGS DAG KYANG RNAM PAR SHES PA'I DNGOS POR THA MI DAD PA'I RGYU LAS SKYES PA'I PHYIR DE DAG GI RNAM BAR SHES PA'I BDAG NYID RNAM PAR SHES PA'AM, DE GZUGS NYID DU JI LTAR THAL BAR MI 'GYUR SNYAM DU NA, ,DE DANG DE MIN DNGOS PO NI, ,DE DANG DE MIN RGYU LAS SKYES, ,GZUGS SOGS CIS TE SHES PA YIN, ,RNAM SHES THA DAD RGYU LAS SKYES, ,ZHES BSHAD PAS, NYES BA 'DI DAG MED DO, ,DE DAG JI LTAR RANG RANG GI NGO BO THA DAD PA'I RGYU MTSAN NI NYE BAR LEN PAS DER NYE BAR SBYAR RO, ,YID LA BYED PA NI RNAM PAR SHES PA'I NYE BAR LEN PA'I RGYU STE, DBANG PO NI RANG GI RNAM PAR SHES PA'I SKYED PAR RUNG BA SKYE BA NI LHAN CIG BYED PA'I RGYU YIN NO, ,DE BZHIN GZHAN DAG LA YANG CI RIGS BAR BRJOD PAR BYA'O, ,DES NA GZHAN 'DRA BA'I TSOGS PA DBANG PO'I SKAD CIG MA SKYED PAR BYED PA NI RNAM PAR SHES PA DANG MI 'DRA BA'I PHYIR MTSAN NYID MI MTHUN PA'I 'BRAS BU MTSAN NYID MI MTHUN PA'O, ,CI STE DE DAG THAMS CAD KYI RJES SU 'GRO BA DANG LDOG PA'I RJES SU BYED PA DE'I TSE DBANG PO LA SOGS PA'I SKAD CIG MA 'DI THA DAD BA GA LA YIN ZHE NA, 'DI DAG NYE BAR LEN PA'I DNGOS POS 'DI NYE BAR SBYOR GYI GZHAN LA NI LHAN CIG BYED PA'I RKYEN YIN PA'I PHYIR; RTOGS PA'I NGO BO LA PHAN 'DOGS PA DANG PHAN MI 'DOGS PA DAG STE YOD PA LA MI 'KHRUL PA DANG 'KHRUL PA YIN NO, ,DE LTA NA RNAM PAR SHES PA RTOGS PA'I NGO BOR YID LA BYED PAS PHAN 'DOGS PA'I PHYIR DBANG PO BEMS PO'I NGO BO NYID MA YIN NO ZHES GZHAN LA'ANG DE BZHIN DU SHES BAR BYA'O, , RNAM PAR SHES PA TZAM GYI DNGOS PO NI DE MA THAG PA'I RKYEN GYI BYED PA LAS YIN PAR NGES PA NYID DBANG PO LA SOGS PA NI MA YIN NO, ,DBANG PO'I SKAD CIG MA PHYI MA SKYED PA NI SNGA MA'I DBANG PO LAS PHYI MA YIN GYI RANG GI RNAM PAR SHES PAR RUNG BA'I RGYU MTSUNGS PA DE MA THAG PA NI RKYEN MA YIN NO, ,DE BZHIN DU GZUGS LA SOGS PA YANG BRJOD PAR BYA'O, ,DE'I PHYIR GNAS SKABS THA DAD KYANG RNAM PA GCIG TU NGES PAR BYED PA'I SHES PA'I RGYU MTSAN GYIS RANG GI RGYUN 'BYUNG BA'I 'BRAS BU SKYED PA'I RGYU MTSAN YIN TE, DE NI NYE BAR LEN PA'I RGYU YIN PA'I PHYIR RO, ,GANG RGYUN GZHAN NI SNGAR GYI GNAS SKABS LA @239B LTOS NAS KHYAD PAR LA SOGS PA'I RGYU MTSAN DE LHAN CIG BYED PA'I RGYU YIN TE, DE YANG DNGOS PO 'DI RNAMS RANG GI RGYU BRGYUD PA LAS 'ONGS PA'I RANG BZHIN NO, ,CUNG ZAD CIG RANG GI 'BRAS BU'I RGYUN RNAM PAR 'JOG PA'I RGYU MTSAN SKYED PA YIN TE, GZHAN YANG RGYUN GZHAN DU BRJOD PA'I RGYU MTSAN YIN PA'I PHYIR RO, ,DE NYID KYI TSOGS PA GZHAN GYIS BYE BRAG TU BYAS PA'I PHYIR DBANG PO DANG, GZUGS DANG RNAM PAR SHES PA'I SKAD CIG MA RNAMS NI PHAN TSUN MTSAN NYID MI MTHUN PA LA 'GAL BA MED DO, ,DE'I PHYIR GANG GI TSE RE RE'I RGYU DU MA YIN PA'I PHYIR 'BRAS BU'I BYE BRAG NYID YIN PA DE'I TSE 'BREL BA MED PAS MA NGES PAR 'GYUR NA DE YANG KHAS BLANGS PA'I PHYIR CI YANG MED DO, ,'ON TE TSOGS PA'I MTSAN NYID KYI RGYU'I BYE BRAG GI TSOGS PA GZHAN LAS 'BRAS BU'I BYE BRAG KYANG MTSAN NYID MI MTHUN PA DE'I PHYIR RGYU RNAMS LAS RANG BZHIN THA DAD PAR BRJOD PA DE'I TSE DE 'DIR MED PAS JI LTAR RGYU'I BYE BRAG LAS 'BRAS BU'I BYE BRAG TU MA 'GYUR ZHES BYA BA'I BSAM PA NI RGYU'I BYE BRAG LAS 'BRAS BU'I BYE BRAG TU MI 'GYUR BA MA YIN NO ZHES GANG LAS YIN ZHE NA, BDAG NYID CI LTA BA ZHES BYA BA LA SOGS PA BRJOD DO, ,GNYIS GA YANG 'DI DAG GI 'BRAS BUR TSAD MAS MTHONG BA YIN NO ZHES BYA BA BSTAN PA NI DPER NA ZHES BYA BA LA SOGS PA SMOS TE, 'JIM PA'I GONG BU LA SOGS PA DAG LAS BYUNG PA'I BUM PA RGYU DU MA YIN DU ZIN KYANG DU MA'I NGO BOR MI 'GYUR RO, ,CHOGS PA GZHAN GYIS BSKYED PA MA YIN PAS THA MI DAD PA'I NGO BO 'DI DPE BRJOD PA'I PHYIR RO, ,DE LA TSOGS PA GZHAN GYIS BSKYED PA NI RE ZHIG THA DAD PAR BSTAN PA NI 'JIG PA'I GONG BU ZHES BYA BA LA SOGS PA SMOS TE, 'DIR 'JIG PA'I GONG BU DANG RDZA MKHAN DANG SKUD PA MA TSOGS PA'I RANG BZHIN NI RGYU GZHAN PA DANG LHAN CIG PAS SO PHAG LA SOGS PA'I MTSAN NYID GZHAN GYIS BSKYED PAS DNGOS PO THA DAD PA'I 'BRAS BU RNAMS SGRUB PA YIN NO, ,TSOGS PA'I MTSAN NYID MI MTHUN PA DE DAG GIS BUM PA'I BDAG NYID SKYED PA DE BZHIN DU RDZA MKHAN LA SOGS PA LA LTOS PA MED PA 'JIM PA'I GONG BU DE LAS GZHAN SKYED PA'I SHING LA SOGS PA MTSAN NYID MI MTHUN PA'I NYE BAR LEN PA LAS BYUNG BAS SA'I BDAG NYID KYI @240A *, ,'BRAS BU SKYE BA MTHONG NGO, ,RDZA MKHAN LA SOGS PA DANG LHAN CIG PAS KYANG DE'I BDAG NYID KYI BUM PA DE'I RGYUS BYAS PA'I BYE BRAG NI 'JIM PA'I GONG BU 'BA' ZHIG LAS THA DAD PA'I NGO BOS DE'I 'BRAS BU LA SOGS PA DANG MTSAN NYID MI MTHUN PA BYED DO, ,DE LTAR RDZA MKHAN LA SOGS PAS KYANG GZHAN GYI NYE BAR LEN PA'I LHAN CIG BYED PA'I DNGOS POS 'BRAS BU BYED PA GANG YIN PA DE NI MTSAN NYID MI MTHUN PA NYID 'JIM GONG DANG LHAN CIG TU DE'I RGYUS BYED PA'I BYE BRAG CAN DAG BUM PA'I BDAG NYID KYI 'BRAS BU SKYED DO ZHES BYA BA NI BSDUS PA'I DON TO, ,DE LA 'JIM PA'I GONG BU LAS THA DAD PA'I RANG BZHIN BUM PA LAS GZHAN PA'I NYE BAR LEN PA'I RGYU DE NI 'JIM PA'I NGO BO MA YIN PA SHING LA SOGS PA DE RNAMS LAS 'BYUNG NGO, ,RDZA MKHAN DANG 'JIM PA'I GONG BU'I NYE BAR LEN PA'I BYED PA PHUL DU BYUNG BA LA LHAN CIG BYED PA'I DNGOS POS NYE BAR SBYOR BAS BUM PA DE NYID KYI 'JIM PA'I GONG BU'I NYE BAR LEN PAS SA'I BDAG NYID YIN PA DE NYID DBYIBS KYI BYE BRAG CHU 'DZIN PA LA SOGS PA'I RNAM PA DE'I BDAG NYID KYIS DE LAS GZHAN PA GANG DAG 'JIM PA'I GONG BU DE LAS GZHAN PA'I RGYU MTSAN DANG NYE BAR LEN PA'I RGYU LHAN CIG TU SO PHAG LA SOGS PA NI DE DAG LAS THA DAD PA'I NGO BOR 'GYUR TE, SKUD PA LAS NI 'JIM PA'I GONG BU DANG RDZA MKHAN GYI RGYUS BYAS PA'I BYE BRAG LAS BUM PA DE NYID SA'I DBYIBS KYI BYE BRAG NI 'JIM PA'I GONG BU LA RDZA MKHAN DAG DE SKYED PA'I NGO BO YIN PHYIR BUM PA'I NGO BOR RIGS SO, ,DE DAG KYANG SKUD PA'I RGYUS BYAS PA'I BYE BRAG DE DAG LA MI LTOS PA'I GNAS SKABS THA DAD PA'I BDAG NYID 'KHOR BA LA SOGS PA LAS RNAM PAR PHYE ZHING RNAM PAR DPYAD PA'I RANG BZHIN DU 'GYUR RO, ,DE'I PHYIR RGYU RNAM PA GSUM DU GNAS PA LAS SKYE BA'I BUM PA DE LAS GZHAN PA RE RE'I 'BRAS BU DANG GNYIS PA'I 'BRAS BU THA DAD PA'I NGO BO SKYED PA'I PHYIR TSOGS PA THA DAD PAS THA DAD PA'I RGYU NYID PHAN TSUN MI MTHUN PA'I NGO BOR 'GYUR RO, ,DES NA NYE BAR SBYOR BA'I 'BRAS BU'I RANG BZHIN GYI BYE BRAG MA 'KHRUL PAR GRUB BO, ,DE YANG RE RE GNAS SKABS SU 'BYUNG BA DE NI RGYU'I BYE BRAG GI RJES SU 'GRO BA DANG LDEG PA'I RJES SU @240B BYED PA DES CHA SHAS KYIS SKYED BA NI MED DO, ,DE DAG RE RE'I SKYED PA NYID KYANG DNGOS PO NYID DE RE RE'I RIGS MI MTHUN PA'I RGYU GZHAN DANG NYE BA LAS MTHONG LA DE DANG NYE BA LAS BYE BRAG MTHONG BA'I PHYIR DE SKYE'O ZHES BYA BA 'DI NI DE KHO NA NYID SEMS PAS RNAM PAR DPYAD PA YIN NO, ,GANG GI PHYIR 'BRAS BU'I BYE BRAG DON DU GNYER BA RGYU DU MA YONGS SU BZUNG BA BYAS NAS PHAN TSUN PHAN 'DOGS PAR BYED PA BRGYUD PA'I 'BRAS BU LA MI SLU BA NI 'BRAS BU SKYED PAR 'OS BA'I RGYU'I TSOGS PA'I DNGOS PO YIN PA'I PHYIR RO, ,GANG GI PHYIR DE LTAR TSOGS PA'I BYE BRAG LAS BYE BRAG TU GYUR PA'I SO PHAG DANG 'KHOR LOS RNAM PAR PHYE BA'I BUM PA STE, DES RNAM PAR PHYE BA NI BUM PA'I MTSAN NYID 'BRAS BUR 'GYUR RO, ,DE'I PHYIR DE LTAR BSHAD PAS RDZA MKHAN LAS NI 'JIM PA'I GONG BU SPANGS BA DE NI TSOGS PA GZHAN PA'I NANG DU 'DUS PA'I 'JIM PA'I NGO BO MA YIN TE, 'BRAS BU 'GA' ZHIG 'JIM PA'I GONG BU'I RGYUS PHAN BTAGS PA'I BDAG NYID KHO NA DE DANG BYE BRAG TU BYED PA'I RGYU YIN PA'I PHYIR RO, ,'JIM PA 'BA' ZHIG NI MA YIN TE, DE DANG DE'I TSOGS PA LAS PHYI ROL TU GYUR PA'I DBYIBS KYI BYE BRAG RDZA MKHAN GYI NYE BAR LEN PAS PHAN BTAGS PAR BYAS PA NYID KYIS 'JIM PA'I DBYIBS KYI BYE BRAG GI BDAG NYID KYI 'BRAS BU'I RGYU YIN PA'I PHYIR RO, ,DE LTAR NA TSOGS PA'I BYE BRAG LAS 'BRAS BU'I BYE BRAG TU 'GYUR BA'I DPE BSTAN NAS LHAN CIG BYED PA NYID DU MAS KYANG DU MA'I BDAG NYID DU 'GYUR BA SPANGS PAR STON PA NI, DE NYID KYI BUM PA ZHES BYA BA SMOS TE, 'JIM PA DANG RDZA MKHAN GNYIS LHAN CIG BYED PA DAG PHAN TSUN PHAN 'DOGS PAR BYED PA'I BDAG NYID GANG GIS NUS PA'I BYE BRAG NI RKYEN GZHAN DANG LHAN CIG PA'I GNAS SKABS BYE BRAG CAN DU RUNG BA DE'I YUL DE NI GNAS SKABS GZHAN PA'I YUL THA DAD GYUR KYANG JI LTAR DE GZHAN LAS THA DAD PA DE LTAR NGO BO NI THA DAD PA MED DO, ,'BRAS BU'I RANG GI NGO BO YANG DU MA NYID DANG GCIG PA NYID MA YIN TE, DE RNAMS KYIS BSKYED PA'I 'JIG PA DANG DBYIBS KYI BYE BRAG GI BDAG NYID DE BZHIN GYI TSOGS LAS SKYE BAS THA DAD PA'I PHYIR THA DAD PA'O, ,GAL TE DE GZHAN LAS YIN PA BZHIN DU RANG GI NGO BO LA THA DAD PA MED DO ZHES @241A *, ,JI LTAR SHES PAR BYA ZHE NA, 'JIM PA DANG DBYIBS DAG CES BYA BA LA SOGS PA SMOS TE, GANG GI TSE RDZA MKHAN DANG 'JIM PA DE'I GNAS SKABS SU 'BYUNG BA'I NUS PA'I BYE BRAG GI YUL 'DZIN PA DANG DBYIBS DAG GI BYE BRAG GI BDAG NYID DE NI GZHAN LAS YIN PA BZHIN DU RANG GI NGO BO DAG KYANG THA DAD PA DE'I TSE 'JIM PA DANG DBYIBS PHAN TSUN BDAG NYID MA YIN PA PHAN TSUN SPANGS PA'I BDAG NYID KYI RGYUS DBYIBS KYI KHYAD PAR DANG 'JIM PA'I NGO BO DANG DBYIBS KYI BYE BRAG NI DE GZHAN GYI NGO BO BZHIN DU SNANG BA MED DO, ,GANG DANG GANG GI RANG BZHIN MA YIN PA DE DANG DE'I BDAG NYID NI RANG GI 'DZIN PA'I SHES PA LAS SNANG BA MED DE GZUGS DANG RO'I SHES PA BZHIN NO, ,DE MA TSANG BA'I NUS PA LAS SKYE BA NA DE'I NGO BO'I RJES SU BYED PAR MI RIGS TE 'KHRUL PA NYID DU THAL BAR 'GYUR BAS DE'I DBANG GIS DON RNAM PAR GZHAG PA MED PAR THAL BAR 'GYUR RO, ,DE'I PHYIR 'JIM PA DANG DBYIBS DAG GCIG GI BDAG NYID YIN PA'I PHYIR RGYU DU MA LAS 'BRAS BU DU MA'I BDAG NYID YIN PA'I MA NGES PA YIN NO, ,MIG LA SOGS PA THA DAD PA'I NGO BO DAG LHAN CIG BYED PA LAS 'BRAS BU GCIG BYED PA 'GAL BA YIN NO, ,DE DAG THUN MONG PA'I TSOGS PA ZER GCIG PAS 'BRAS BU GCIG BYED PA 'AM, THA MI DAD PA'I NGO BOS THUN MONG MA YIN PA'I RGYU DANG 'BRAS BUR 'DOD PA YIN TE, 'DI DAG KYANG TSOGS PA GCIG PA LA LTOS NAS RGYU DANG 'BRAS BU GCIG PA NYID BRJOD KYI DON DAM PAR DE'I TSOGS PA'I NANG DU 'DUS PA'I RIGS MTHUN PA'I SKAD CIG MA GZHAN SKYED PAS TSOGS PA GZHAN PA'I BDAG NYID KYIS 'BRAS BU GZHAN SKYED PA YIN DU ZIN KYANG JI LTAR RKYEN GCIG SKYED PAR BYED PA CUNG ZAD KYANG MED PA DE BZHIN DU RKYEN DU MA YANG SKYED PA YIN NO, ,RGYU DU MA LAS 'BRAS BU DU MA NYID KHAS BLANGS PA LA RES 'GA' ZHIG KYANG GNOD PA MED DO, ,DE NA 'BRAS BU GCIG PA LA LTOS NAS DU MAR THAL BAR 'GYUR BA NI LDOG PA LA THE TSOM ZA BA YIN TE, SGRUB BAR BYED PA THUN MONG DU GRUB PAS BSGRUB PAR BYA BA YIN NO, ,'O NA NI 'JIM PA DANG DBYIBS KYI BYE BRAG DAG NGO BO GCIG KYANG NGO TSA MED BAR GRANGS CAN LA SOGS PA RNAMS THA DAD PA DANG THA MI DAD PA 'DOD PA JI LTAR RKYEN DU @241B MA LAS SKYE BA GCIG NYID 'DI DPER 'GYUR, THAMS CAD DU RDZAS DANG RNAM GRANGS DANG MING DANG MTSAN NYID DANG 'BRAS BU DANG THA DAD PAS THA DAD PA YIN GYI, YUL DANG DUS DANG NGO BO THA MI DAD PAR 'DOD DE DPER NA BUM PA DANG GZUGS LA SOGS PA DE BZHIN DU BUM PA NI GCIG DANG GZUGS LA SOGS PA NI MANG PO ZHES BRJOD BA NI GRANGS SO, ,BUM PA DANG GZUGS PA LA SOGS PA ZHES BYA BA NI MING THA DAD PA'O, ,RJES SU 'JUG PA'I MTSAN NYID RDZAS DANG RTAG PA'O, ,LDOG PA'I MTSAN NYID THA DAD PA DANG SKAD CIG MA'O, ,RGYAL DPOG PAS KYANG CUNG ZAD CIG DUS GZHAN DU GNAS PA'I MTSAN NYID KYANG THA DAD PA'O, ,BUM PA CHU 'DZIN PAR BYED KYI GZUGS NI MA YIN LA, GZUGS KYI DNGOS PO LA CHAGS PA ZHES BYA BA 'BRAS BU THA DAD DO, ,DE LTAR THAMS CAD DU RDZAS DANG RNAM GRANGS LA SOGS PA THA DAD PA DANG YUL LA SOGS PA RNAMS KYIS KYANG THA MI DAD PA'I PHYIR 'JIM PA DANG DBYIBS DAG 'JIM PA DANG RDZA MKHAN DAG GIS RNAM PA 'GA' ZHIG SKYED PAS RGYU GCIG PA LA GCIG YOD PA NYID DO, ,JI LTAR GCIG PA DE BZHIN DU DE RNAMS THA MI DAD PA'I BDAG NYID SKYE BA'I PHYIR RO, ,DU MA'I RGYU GANG YIN PA DE LAS DU MA NYID DE GANG GCIG PA NYID GANG YIN PA DE NI LHAN CIG BYED PAS THA MI DAD PA'I NGO BO GCIG PA NI RGYU GCIG PA NYID YIN PA'I PHYIR 'KHRUL PA MED DO ZHE NA, DE NI MI RIGS TE, RANG BZHIN GYIS THA DAD PAR KHAS MI LEN NA GZHAN DU NA THA DAD PAR MI 'GRUB PAS DU MA LAS GCIG PA'I 'BRAS BU SKYED PA LA 'GAL BA MED DO, ,RANG BZHIN GYIS THA DAD PAR KHAS BLANGS PA 'JIM PA DANG DBYIBS DAG THA DAD PA MED PA'I BDAG NYID DE, DBYIBS DANG 'JIM PA'I NGO BO'I BYE BRAG RNAMS DE DAG SNANG BA MED PA NI SPANG BAR DKA' BA NYID DO, ,GAL TE RANG BZHIN GYIS THA DAD PA MED PA CHOS DANG CHOS CAN GYI RNAM GRANGS LA SOGS PA THA DAD DU ZIN KYANG THA MI DAD DO, ,GZHAN GYI NGO BO THA DAD PAR GRANGS LA SOGS PAS KYANG BDAG NYID THA MI DAD PA LA GNOD PAR MI NUS SO, ,RE ZHIG GRANGS THA DAD PAS NUS PA MED DE, RDZAS GCIG PA LA THA SNYAD MANG PO MTHONG BA'I PHYIR RO, ,DPER NA BLA MA ZHES BYA BA BZHIN DU MANG PO'I TSIG BRJOD PA LA NGES PA MA MTHONG BA'I PHYIR GZUGS LA SOGS PA 'DIR RGYU @242A *, ,MTSAN MA YIN TE, GZUGS LA SOGS PA RGYU MTSAN YIN NA NI BLA MA ZHES GCIG GI TSIG RES 'GA' ZHIG KYANG MI BRJOD PAR 'GYUR RO, ,GAL TE CHOS CAN GYI NGO BO BRJOD PA SRID PAS BRJOD PAR 'DOD DO ZHE NA, DE GCIG PA NYID BRJOD PAR 'DOD PA THAMS CAD DANG, BLA MA DAG MI SNANG BA YIN PAR THAL BAR 'GYUR RO, ,'BRU ZHES RIGS BRJOD PA NA CHOS CAN DANG, GZUGS LA SOGS PA MA BRJOD PAS GNYIS KA'I NGO BO CUNG ZAD KYANG BSHAD PA MED DE, ,DNGOS PO RNAMS LA BLA MA'I SGRAS BRJOD PA'I PHYIR, JI LTAR CHOS CAN GYI NGO BO LA SRID PAS GCIG TU BRJOD PA 'DOD PA YIN DE'I PHYIR BLA MA GCIG PU ZHES GZHI MTHUN PAR BSTAN PAS RNAM GRANGS PA YANG GCIG GI GRANGS KYI YUL LA DE YANG RNAM GRANGS PA'I NGO BOS THA DAD PA YIN NO, ,JI LTAR GRANGS THA DAD PAS THA DAD PAR GRUB PA YIN, MING YANG BRDA'I RGYU MTSAN CAN TE, DE YANG 'DOD PA LA RAG LAS NAS 'JUG PA'I PHYIR GANG LAS DON THA DAD PA YIN, GCIG LA YANG MI THA DAD PA MTHONG NA JI LTAR THA DAD PA'I RGYU MTSAN YIN, DPER NA DBANG PO DANG BRGYA BYIN DANG RTZEG MA 'DZIN CES BYA BA BZHIN NO, ,'DIR YANG DBANG BYED PA DANG BRGYA STER BA DANG, RTZEG MA 'DZIN PA'I NUS PA THA DAD PAR RTOGS SO ZHE NA; MA YIN TE, THAMS CAD BYA BA DANG BYED PA PO MA YIN PA'I PHYIR, DBANG STER BA DANG, BRGYA STER BAR NUS SO 'DZIN TO ZHES BYA BA MA YIN NO, ,DE LTA NA CI ZHIG YIN, CHOS CAN GYI NGO BO YANG GCIG TU KHAS BLANGS PA'I PHYIR DANG, NUS SO ZHES BYA BA LA SOGS PA'I TSIG DE BRJOD PA NA GZHI MTHUN PA MTHONG BA'I PHYIR RO, ,'KHRUL PA'I SHES PA'I YUL MA YIN PA'I PHYIR NYE BAR BTAGS PA MI RIGS SO, ,GANG DAG GI RNAM GRANGS KYI DON 'GA' YANG RJES SU RTOGS PA MED NA 'DI DE LA CI ZHIG BRJOD PAR BYA, MTSAN NYID THA DAD PA'I GTAN TSIGS KYANG MA GRUB PA'I PHYIR DANG, GCIG GI DNGOS PO LA LAR RJES SU 'GRO BAR GRUB PA MED PA'I PHYIR RO, ,DE LTA NA GTAN DU GNAS PA'I RTAG PAS RDZAS RTAG PA MA YIN PAR NGO TSA MED PAR 'DOD DE, YONGS SU GYUR PA'I RTAG PA KHAS BLANGS PA'I PHYIR SNGA MA DANG PHYI MA'I SKAD CIG MA'I RGYUN TU GNAS PA 'DI RNAM GRANGS PA LTA BU NI MA YIN TE, RGYUN CHAD @242B PA'I NGO BOS RNAM GRANGS PA NYID DE, RNAM GRANGS PA'I NGO BO 'GAL BA'I PHYIR RDZAS RTAG PA YIN NO ZHES KHAS BLANG BAR MI BYA'O, ,'DI YONGS SU GYUR PA'I RTAG PA NI GTAN DU GNAS PA'I RTAG PA BZHIN DU SRID BAR MI 'GYUR RO, ,RNAM GRANGS LAS THA DAD PA'I RDZAS MA GRUB LA DE DMIGS PA'I RIG BYAR GYUR PA LAS DE LTA BU'I GCIG PA MI RTOGS SO, ,RNAM GRANGS PA RNAMS NI BYA BA DANG BYED PA NGO BO MTSUNGS PA RNAMS LA RDZAS SU MNGON PAR ZHEN NAS BLO DMAN PA RNAMS KYIS GZHAN YANG MTSAN NYID MI MTHUN PA MI RTOGS SO, ,'BRAS BU THA DAD PA NI KHO BO CAG LA MA GRUB PA NYID DE, GZUGS LA SOGS PA 'GA' ZHIG GI BYA BA DANG BYED PA YIN PA'I PHYIR, DE BZHIN DU KHAS BLANG BAR BYA BAR BRJOD DO, ,'BRAS BU NI DUS MNYAM PA DANG MI MNYAM PA RNAM PA GNYIS TE DE LA SNGAR YOD PA LAS 'DI 'BYUNG BA NI THA DAD PA'I RGYU MTSAN YIN NA DE NI MI SRID DE, CHOS DANG CHOS CAN DUS MTSUNGS PA'I PHYIR RO, ,DRUS MNYAM PA 'BRAS BU THA DAD PA NI MA NGES PA YIN TE RNAM PAR PHYE BA'I YONGS SU GYUR PA NI SNAM BU LA SOGS PA LA SRID PA'I PHYIR RO, ,'BRAS BU GCIG PA NYID DU BRJOD KYI DON DAM PAR DE'I TSOGS PA'I NANG DU 'DUS PA'O, ,SNAM BU LA SOGS PA NI RNAM PAR PHYE BA'I YONGS SU GYUR PA YIN NO, ,'BRAS BU DU MA BYED PA MTHONG YANG CHOS CAN GYI NGO BO LAS THA DAD PA MED PA'I PHYIR DANG, GCIG TU MI BYED PA LA 'GAL BA MED PA'I PHYIR, 'DIR RGYU NYID 'BRAS BU'I BDAG NYID DU KHAS MA BLANGS PA'I PHYIR RO, ,GANG GI PHYIR RGYU GCIG GI BDAG NYID LAS 'BRAS BU GCIG GI BDAG NYID DU KHAS LEN PA NA, DE LAS GZHAN PA'I NGO BO MED PAS DE GZHAN GYI BDAG TU KHAS BLANG BAR MI BYA STE, 'ON KYANG SNGAR 'GA' ZHIG YOD PA NYID LA SNGAR MED PA'I PHYIR RO, ,DE LA YUL DANG DBANG PO DANG YID LA BYED PA GCIG LA GCIG NYE BAR LEN BAS BYAS PA'I NGO BO THA DAD BA RNAMS DANG NYE BA'I BYE BRAG CAN RANG DANG GZHAN PA'I SKAD CIG MA RE RER YOD PA NA YOD PA DE RGYU MTSAN YIN LA, DE YANG DU MAR BYED PAR RJES SU BYED PA'I PHYIR RO, ,DU MA BYED PAR KHAS BLANGS PA LA 'GAL BA MED DO, ,GANG GI PHYIR GCIG BYED PA YANG DE YOD PA YOD PA DE RGYU MTSAN YIN LA, DE YANG DU MA BYED BAR MTSUNGS SO, ,'O NA NI DE DANG NYE BA'I RNAM PAR SHES PA'I @243A *, ,MTSAN NYID KYI 'BRAS BU SRID PA DE SKYED PA'I RANG BZHIN KHO NAR DE DAG NGES PA YIN NO, ,'BRAS BU'I RANG BZHIN LA LTOS NAS RGYU SKYED BAR BYED PAR RNAM PAR 'JOG PA DE'I PHYIR RNAM PAR SHES PA'I RANG BZHIN RE RE DAG GIS JI LTAR GZHAN 'BRAS BU SKYED PA YIN, YANG NA DE YOD NA DE DAG SKYED PA'I RANG BZHIN DU 'GYUR NA, DES KYANG RNAM PAR SHES PA KHO NA BYED PAR MI 'GYUR TE, DE GZHAN SKYED PA'I RANG BZHIN YIN PA'I PHYIR RO ZHE NA, 'DI LA NYES PA MED DE, DE DAG DU MA'I 'BRAS BU BYED PA NI RANG BZHIN YIN PA'I PHYIR RO, ,DE LTAR NA DE'I GNAS SKABS SU RE RE'I BYE BRAG GIS RIGS MTHUN PA DANG CIG SHOS KYI SKAD CIG MA SKYED PA'I BDAG NYID DU DE DAG DE YOD PA LAS MTHONG BA'I PHYIR RO, ,DE LA RNAM PAR SHES PA SKYED PA'I RANG BZHIN KHO NA YIN PA'I PHYIR DE SKYED PA'I RANG BZHIN RGYUN MI 'CHAD DO, ,DE NYID DANG MI MTHUN PA'I PHYIR RANG BZHIN GZHAN SKYED PA MA YIN NO, ,DES NA DE DAG DU MA'I BDAG NYID DU MI 'GYUR TE, GCIG GI BDAG NYID DU PHUL DU BYUNG BA'I 'BRAS BU'I RGYU YIN PA'I PHYIR RO, ,DE GZHAN LA LTOS NAS MI MTHUN PA LAS LDOG PA LA NYE BAR BRTEN PA LA SGRA DU MAS BRJOD PA NA DNGOS PO DU MA'I NGO BOR BSTAN PA NI MED DE, BYE BRAG DU MA GCIG PA'I BDAG NYID LA DE BZHIN BRJOD PA'I PHYIR, DPER NA GZUGS DANG BSTAN DU YOD PA DANG THOGS PA DANG BCAS PA ZHES BYA BA BZHIN DU RANG BZHIN THA DAD PA'I RGYU MTSAN NI SGRA MA YIN TE GZHI MTHUN PA MED PAR THAL BAR 'GYUR BA'I PHYIR RO, ,GAL TE DE'I RGYU MTSAN GCIG PA YOD PA MA YIN NO ZHE NA, MA YIN TE, DE DAG GCIG PA NYID KYI PHAN 'DOGS PA LA MI LTOS PA NI MI RIGS PA'I PHYIR RAM LTOS PA LA JI LTAR GCIG PA LAS DU MA'I 'BRAS BUR MI 'GYUR, GAL TE DU MA NYID KYI BDAG NYID NYE BAR MI RIGS PA'I PHYIR RO ZHE NA, MA YIN TE GZHI MTHUN PA MED PA'I SKYON DE'I GNAS SKABS SU THAL BAR 'GYUR BA MED DO, ,SNGON PO LA SOGS PA LA BDAG NYID THA DAD PA MNGON SUM GYIS MTHONG BA MED LA, 'BRAS BU THA DAD PAS DE DAG THA DAD PAR RJES SU DPAG NA NI 'BREL PA MED PA'I PHYIR DANG, DE 'DZIN PA'I TSAD MA MED PA'I PHYIR RO, ,SNGON GYI 'BRAS BU MA YIN DU ZIN KYANG DNGOS PO RNAMS BDAG NYID GCIG PA KHO NA RTOGS TE @243B MAR ME LA SOGS PA BZHIN NO, ,RJES SU DPAG PA NI MA YIN TE, DE BZLOG PA LA YANG GNOD PAR BYED PA'I TSAD MA MED PA'I PHYIR DANG, GCIG GIS DU MA BYED PAR KHAS BLANGS PA GANG YIN PA GZUGS DANG RO DANG DRI DANG REG BYA'I BYE BRAG RNAMS 'DI LA LAR LHAN CIG 'BYUNG BAR NGES PA'I TSAD MAS DE YONGS SU MTHONG BAR MI 'GYUR TE THA DAD PA'I RGYU MTSAN CAN LHAN CIG 'BYUNG BAR NGES PA MI RIGS PA'I PHYIR RO, ,DE'I RGYU MTSAN RNAMS KYANG RGYU GCIG PA DE LA RAG LAS NAS SKYE BAR NGES PA NI LHAN CIG 'BYUNG BA MED PA'I PHYIR RO, ,GAL TE CHOS CAN GCIG GI RANG BZHIN GYIS GCIG LA LHAN CIG 'BYUNG BAR NGES SO ZHE NA, MA YIN TE GCIG PA NI DU MA'I RANG BZHIN KHO NAR BSAMS PA'I PHYIR DANG, DU MA NI GCIG GI NGO BO NYAMS SU MYONG BA'I PHYIR DE DANG LDAN PA'I DU MA NI SPANG BAR DKA' BA'I PHYIR RO, ,DE LTA MA YIN NA CHOS DANG CHOS CAN GYI THA DAD PA JI LTAR NGES PAR 'GYUR, DE LTAR NA BDAG NYID KYI MDUN NA GNAS PA LA 'DI CHOS CAN DANG RNAM GRANGS SO ZHES RNAM PAR GZHAG PAR 'GYUR TE, GANG GI TSE THA DAD PA DE'I TSE THA DAD PA NYID YIN NA NI DU MAS KYANG 'BRAS BU GCIG TU MI 'GYUR NA, PHAN TSUN PHAN 'DOGS PAR BYED PA LA MI LTOS NA YUL DANG DBANG PO DANG YID LA BYED PAS LHAN CIG BA KHO NAS 'BRAS BU GCIG RTZOM PA MI RIGS TE, GCIG PA NYID NI CUNG ZAD CIG LA LAR SKYED PA MED DO, ,DE'I PHYIR RGYU DANG 'BRAS BU THAMS CAD KYI DNGOS PO RGYUN CHAD PAR 'GYUR RO, ,GCIG PAS DU MA DANG DU MAS GCIG BYED PA SPANGS PA NA RNAM PA GZHAN NI MI SRID PA'I PHYIR DANG, SNA TSOGS RGYU MED PA NYID KYANG MA YIN TE YUL DANG DUS DANG RANG BZHIN SO SOR NGES PA'I PHYIR RO, ,DE'I PHYIR TSOGS PA GCIG LA RAG LAS PA'I SKYE BA NYID LHAN CIG 'BYUNG BAR NGES PA'I DNGOS PO RNAMS 'BRAS BU GCIG BYED PAR NGES PA KHO NA YIN NO, ,DE BAS NA RANG GI RGYUN GYI SKAD CIG MA DANG CIG SHOS KYI NYE BAR LEN PA CIG CAR BYED PA YIN NO, ,JI LTAR GCIG LAS DU MA'I 'BRAS BUR MI 'GYUR, DE'I PHYIR JI LTAR 'BRAS BU THA DAD PAS THA DAD PAS THA DAD PAR BRTAG PA YIN, RDZAS DANG RNAM GRANGS DAG NGO BO GCIG PAR BRJOD NA GCIG PAS DU MA'I 'BRAS BU NUS PA'I PHYIR JI LTAR MI SKYED PA YIN, RANG BZHIN NI DNGOS PO YIN PA'I PHYIR RO, , @244A *, ,DE LTA MA YIN NA DE NI RANG BZHIN MED PAR THAL BAR 'GYUR RO, ,RANG BZHIN GCIG PA'I RDZAS DANG RNAM GRANGS DE 'BRAS BU THA DAD PA DNGOS PO NI GCIG DANG 'BREL PA YIN NO SNYAM NAS, 'BRAS BU THA DAD PAS THA DAD PAR BRJOD PA NA, 'DI NI NGO TSA MED PAR BSAL BAS SPANG BAR 'OS PA YIN, BYE BRAG PA RNAMS KYANG RDZAS GCIG PA'I RDZAS DANG, YON TAN DANG LAS DANG 'DU BA'I RGYUR BRJOD PA NA, LAS NI GCIG LA 'BREL PA'I BYE BRAG GI 'DU BYED PA'I RGYU MTSAN CAN GCIG PA DU MA BYED PA SPONG BA NA RANG GIS BYAS PA LA ZHE SDANG BAS SPONG BA YIN NO, ,'DIR NUS PA THA DAD PA NI RGYU MTSAN MA YIN TE, GANG GI PHYIR DE GCIG PA LA MI LTOS NA JI LTAR DE NUS PA NGES PA'I DON LA BRTEN NAS SLAR CHA SHAS MED PA GSAL BAR BYED PA YIN, GANG LAS GCIG PA'I BDAG NYID PHUL DU BYUNG BAS DU MA'I NUS PA LA PHAN 'DOGS PA DE KHO NA LAS 'BRAS BU DU MA BYED PA YIN NO ZHES BYA BRGYAS PAR BRJOD PAS CHOG GO, ,YUL DANG DUS DANG RANG BZHIN THA MI DAD PAR KHAS BLANGS PA DE YANG MI 'THAD PA NYID DE, DE LTA NA YUL DANG DUS DAG THA MI DAD KYANG GZUGS DANG NGO DANG DRI DANG REG BYA RNAMS RNAM GRANGS PA'I NGO BOS THA DAD PA DE'I PHYIR JI LTAR RANG BZHIN YANG THA MI DAD PAR GRUB, GANG GI TSE RDZAS DANG RNAM GRANGS DAG KYANG GCIG LA RJES SU 'JUG PA DANG LDOG PA'I NGO BO YIN PA DE'I TSE BUM PA DANG SNAM BU BZHIN DU DNGOS PO GNYIS SU 'GYUR GYI GCIG GI NGO BO NI MA YIN PA'I PHYIR RO, ,DE'I PHYIR JI LTAR THA MI DAD PAR GRUB PA YIN, RJES SU 'JUG PA DANG LDOG PA'I NGO BOR MI RIGS TE; DE DAG RJES SU 'JUG PA CAN DANG, LDOG PA CAN LA RAG LAS PA'I PHYIR DANG, DE'I PHYIR RJES SU 'JUG PA DANG LDOG PA DANG LDAN PA DAG GI RANG BZHIN LAS GZHAN DU NA BRJOD PAR BYA'I, DE DAG RJES SU 'JUG PA DANG LDOG PA NYID RANG BZHIN YOD PA NYID KYIS YOD PA LA RAG MI LAS PA'I PHYIR RO; ,DRAN PA DRAN PAR BYED PA RANG BZHIN DU MI 'GYUR TE KHYAB PA DANG LDOG PA'I RANG BZHIN GYI MTSAN NYID YIN PA'I PHYIR RANG BZHIN THA DAD PAR BRJOD PAR BYA'O, ,GAL TE SA LA SOGS PA'I NGO BOR RANG BZHIN YIN NO ZHE NA, 'DIR YANG THA MI DAD DO ZHES BYA BA, GANG GI TSE 'DRA BAR BRJOD NA DE NI THA DAD PA KHO NA @244B YIN TE, 'DRA BA'I DBANG DU BYED PAS 'DRA BA'I PHYIR RO, ,DE'I PHYIR DON GNYIS SU 'GYUR NA GCIG LA NGO BO GNYIS NI MED DO, ,'ON TE GCIG NI GNYIS KYI NGO BO SPANGS PA DE THA MI DAD PAR KHAS LEN NA DE LTA NA JI LTAR GZUGS DANG SGRA NGO BO GNYIS 'DIR RANG BZHIN DU BRJOD PA YIN, DE'I GCIG PA JI LTAR GNYIS KYI NGO BO YIN, GCIG GI RANG BZHIN DE BKAG PAS GNYIS KYI NGO BO YIN NO SNYAM NA, 'ON TE RANG BZHIN GCIG PA YANG KHAS MA BLANGS PAS DE LTA NA JI LTAR DE GCIG TU BRJOD PA YIN, RE ZHIG DU MA RNAMS RGYU GCIG LAS SKYE BA'I PHYIR THAMS CAD DU NYE BAR LEN PA'I RGYU MTSAN GYI BYED PA THA DAD PAS RGYU THA DAD PAR MI 'GRUB STE, 'BRAS BU GCIG BYED PA MA YIN PA'I YANG PHYIR RO, ,GCIG KYANG YONGS SU 'GYUR BA'I RNAM PAR DBYE BA DANG RNAM PAR MA PHYE BA'I YONGS SU 'GYUR BAS 'BRAS BU THA DAD PAR KHAS BLANGS PA'I PHYIR RO, ,RJOD PAR BYED PA GCIG PAS BRJOD PAR BYA BA GCIG PA'I PHYIR YANG GCIG PA LA RNAM GRANGS DU MA MI SRID PA'I PHYIR DANG, BYAS PA DANG MA BYAS PA SNA TSOGS PA'I RUNG BA RNAMS RJOD PAR BYED PA DANG BRJOD PAR BYA BA GCIG PA NYID LA LAR MI SRID PA'I PHYIR RO, ,NUS PA THA DAD PA YUL THA DAD PAR BRJOD PA NA LAN BSHAD ZIN NO, ,RNAM PAR SHES PA GCIG GI YUL MA YIN PA'I DANG RE RE LA YANG RNAM PAR SHES PA DU MA SKYE STE, DE LTA NA ZLA BA LA SOGS PA LA MANG POS MTHONG BA NA DE JI LTAR GCIG PA NYID DU KHAS BLANG BAR BYA BA YIN, MANG PO RNAMS KYANG RNAM PAR SHES PA GCIG GI YUL YIN PAR SRID PAS SNGON PO LA SOGS PA RNAMS GCIG TU THAL BAR 'GYUR RO; 'DI LTAR GCIG GNYIS KYI NGO BO YIN NO ZHES BYA BA 'DI DAG NI THAMS CAD DU RNAM PA 'GA' ZHIG KYANG 'BREL PA MED DO, ,RNAM PAR SHES PA YANG SNGON PO'I GZUGS BRNYAN LAS SKYES PA NA SER POR SNANG BA RNAM PAR BCAD NAS BYE BRAG CAN DU SNANG BA YIN GYI 'DI YANG KHYOD KYI GNYIS KYI NGO BOR NI MED DO; ,'ON TE RDZAS DANG RNAM GRANGS DAG KYANG LHAN CIG 'DRES PA'I PHYIR MI'I SENG GE BZHIN DU GCIG PA 'DREN MA'I NGO BO YIN PA'I PHYIR GNYIS KYI NGO BOR BRJOD DO ZHE NA, DE MI RIGS TE, MI'I SENG GE 'DREN MA'I NGO BOR MA GRUB STE, RDUL PHRA RAB DU MA DANG 'BREL PA'I NGO BOR LHAN CIG PA DE YANG RDUL @245A *, ,PHRA RAB RE RE MI'I SENG GE'I NGO BOR MI 'GYUR TE, DE'I STENG GI CHA NI SENG GE'I GZUGS YIN LA 'OG GI CHA NI MI'I GZUGS YIN NA RIGS GZHAN DE NYID MI'I SENG GE YIN PAS 'DREN MA'I NGO BO MED DO, ,SNA TSOGS BA'I NGO BO NI 'DREN MAR BRJOD DO, ,SNA TSOGS PA NI DU MA'I NGO BO YIN TE DU MA'I NGO BO YIN NA GCIG GI NGO BO GA LA YIN, DU MA NYID DE DAG KYANG NAGS DANG DPUNG ZHES BYA BA BZHIN DU MANG PO RNAMS LAS 'BRAS BU GCIG PA MTHONG BA'I PHYIR GCIG GI THA SNYAD DU BYED DO, ,BLUN PO BLO ZHAN PA PHYIN CI LOG PA GANG YIN PA DE DAG DE LTAR RE ZHIG RGYUS SO SO BA NYID DU YUL DANG DUS DANG RANG BZHIN RNAMS GCIG SGRUB PAR BYED PA TSOGS PA RNAMS KYANG RNAM GRANGS PA LA 'KHRUL PA YIN NO, ,DE LTA NA RNAM GRANGS NI YUL DANG DUS DANG RANG BZHIN DAG RNAM GRANGS PA'I NGO BOS THA DAD PAR SNGAR BSHAD PA DANG, CHOS DANG CHOS CAN BKAG PAS GNYIS DANG LDAN PA MI SRID PA'I PHYIR RO, , RDZAS DANG RNAM GRANGS NGO BO'I PHYIR, ,DNGOS PO GNYIS KYI NGO BOR GRAGS, ,DE DAG BDAG NYID GCIG PA DANG, ,THA DAD MING SOGS KYIS 'BYED PAS, ,DBANG PO YI NI SHES PA LA, ,DNGOS PO'I NGO BO MI SNANG BA, ,SGRA YI SPYOD YUL MIN NA CIS, ,DE MING THA DAD THA DAD 'GYUR, ,DON DAM PAR NI GCIG PA NYID, ,CES BYA LA SOGS DE BZHIN GSUNGS, ,SGRA YI BYED PA'I DON DAG NI, ,DBANG PO'I BLO LA SNANG MED PHYIR, ,MTHONG BA BZHIN DU DE YI SGRA, ,RTOGS PA YI NI SPYOD YUL LO, ,GAL TE RTAGS DES THA DAD NYID, ,MING GIS THA DAD 'GYUR ZHE NA, ,'GA' ZHIG LDOG PA'I THA DAD PA, , DNGOS PO LA NI RNAM 'GAGS MIN, ,GRANGS THA DAD KYANG GZHAN 'DOD PA'I, ,TSIG LAS THA DAD MED PHYIR RO, ,DE PHYIR BRTAGS PA NYID KYANG NI, ,RNAM 'GAS THA DAD PAR 'GYUR GYI, ,GANG DAG GI TSIG DNGOS PO'I DBANG, ,ZHES BYA SOGS KYIS DNGOS LA MIN, ,'JIG PA MED PA LDOG MED PA, ,LDOG PA 'JIG PAR BRJOD PA YIN, ,RDZAS KYI RNAM GRANGS 'JIG PA NA, ,'JIG NA BDAG MIN CIS MI 'DOD, ,GAL TE RNAM GRANGS NGO BO ZHES, ,RDZAS KYI RANG BZHIN NYID YIN NO, ,CI DE GZHAN BA'I NGO BOR 'GYUR, ,GAL TE MIN NA DE BZHIN 'JIG ,JI LTAR RDZAS DAG GNAS @245B PA LAS, ,PHYIS BYUNG DE YANG DE BDAG GAM, ,'GAL BA'I CHOS NI GNAS PA NA, ,RNAM GRANGS SU ZHIG CI ZHIG 'GYUR, ,GANG PHYIR DE LA BRTAG PA YI, ,THA DAD NGO BOR GAL TE 'DOD, ,GAL TE RNAM GRANGS THA DAD DNGOS, ,RDZAS KYI NGO BOS 'GYUR ZHE NA, ,DE 'DI THA DAD MED GYUR PA, ,'DI LA 'BREL PA MED NYID YIN, ,RDZAS DANG RNAM GRANGS RANG BZHIN DAG ,GCIG PA NYID DU KHAS LEN NA, ,GCIG LAS SKYE DANG MI SKYE DANG, ,'JIG DANG MI 'JIG THAL BAR 'GYUR, ,DE'I PHYIR MTSAN NYID THA DAD PAS, ,DE DAG THA DAD NYID MI 'GYUR, ,GAL TE 'BRAS BU THA DAD PAS, ,RANG BZHIN DES THA DAD 'GYUR NA, ,RANG BZHIN THA DAD MED GYUR DES, ,THA DAD MED NA DE BZHIN DU, ,RANG BZHIN KHO NAS THA DAD PAS, ,CIS NA THA DAD GRAGS MI 'GYUR, ,PHYIS 'BYUNG 'BRAS BU THA DAD PAS, ,DE YI THA DAD BYED PA MIN, ,RANG BZHIN 'GYUR BA MED PA'I PHYIR, ,'JIG PA'I RGYU NI MI RIGS SO; ,GCIG DES THA DAD MED PA NA, ,DE'I DNGOS PO YANG DE BZHIN NO, ,DE DAG GI NI THA DAD RNAMS, ,GANG GIS DBYER MED THA DAD 'GYUR, ,GAL TE DE DAG THA DAD GRUB, ,THA DAD DON LA BRTAG CE NA, ,DE YANG GZHAN GYI RANG BZHIN DU, ,GANG DE THA DAD MED GRUB PA'I, ,GZHAN GYI RANG BZHIN BRTAG NA NI, ,DE BZHIN THUG PA MED PAR 'GYUR, ,MTHA' YAS PA YI RANG BZHIN NYID, ,DON BYED NUS LAS BYUNG BA YI, ,SHES LA SNANG BA MED PA LA, ,GANG GI DE BZHIN KHAS LEN 'GYUR, ,GAL TE GCIG NGES DBYER MED 'GYUR, ,THA DAD MED PAS DBYER MED NA, ,DE NI GCIG LAS LDOG MED PHYIR, ,THA DAD PA NYID RNAM PAR SNYAM, ,THA DAD MED YONGS MA SPANGS PAR, ,THA DAD RTOG PAS BYAS PAR 'GYUR, ,DE NI BDEN PAR YONG GYUR NA, ,THA DAD MED DON BRDZUN PAR 'GYUR, ,PHAN TSUN MED PA'I NGO BO RNAMS, ,GZHAN MIN PA YI RGYU CAN YIN, ,GANG PHYIR GCIG PA'I DNGOS DE'I PHYIR, ,GCIG LA GNYIS PA'I NGO BO MED, ,PHAN TSUN MED PA'I NGO BO YANG, ,RNAM GRANGS YIN NA THA DAD MED, ,RDZAS NI 'JIG PA 'AM MI 'JIG 'GYUR, ,DE LTAR DE NI GZHAN ZHIG YIN, ,GTAN DU GNAS PA'I RTAG PA'I RDZAS, ,THA DAD SKAD CIG MAS 'JIG PAR, ,CIS NA MI @246A *, ,'DOD 'GAL ZHE NA, ,THA DAD MTSAN NYID 'DOD BYA MIN, ,DE 'DOD CI YI PHYIR NA SPYI, ,GSAL BA KUN GYI RJES SU 'GRO BA, ,GCIG 'DOD NA NI MA DANG YANG, ,CHUNG MA CIS NA GCIG MI 'DOD, ,THA DAD PA THA DANG MED PA'I SKYON, ,BSHAD ZIN DE DAG 'DOD NA GANG, ,JI LTAR SO SOR THAL MI 'GYUR, ,DE NI JI LTAR GNYIS 'GYUR MIN, ,BUR MA BAD KAN RGYUR 'GYUR LA, ,DONG GRA MKHRIS PA'I RGYU YIN ZHE, ,DE YI RTZA BA 'AM GZHAN SBYAR 'DI, ,BU RA MA DONG GRA'I MING CAN YIN, ,MNGAR KUN GYIS NI BAD KAN GYI, ,RGYU MIN DPER NA SBRANG RTZI BZHIN, ,DPER NA MA GA DH'A CAN BZHIN, ,RNO BA'ANG MKHRIS PA SKYED PA MIN, ,SO SO NYE BAR GYUR PA GANG, ,MA SHA'I SNUM DANG RNO BA YIS, ,BAD KAN MKHRIS PA SKYED PA BZHIN, ,RANG GI BDAG 'DRES CI MI 'DOD, ,NUS LA LTOS PA'I 'BRAS YIN NA, ,YON TAN TZAM DANG 'BREL BA NI, ,'GA' ZHIG CUNG ZAD NYID YIN GYI, ,DE NI KUN LA YOD PA MIN, ,THA DAD THA MI DAD TZAM GYIS, ,SKYON GANG JI LTAR 'BYUNG BA YIN, ,'GAL BA NYE BAR 'GYUR BA'I SKYON, ,DE NI SKYE BAR GYUR NA YANG, ,DE NI DE BDAG NYID GYUR PA, ,MI 'DOD LDOG PAR MI 'GYUR NA, ,DE LTA DE LTAR DBYIBS DAG NI, ,CHA SHAS NYID NI SNANG GYUR PA; ,DE BZHIN 'GA' ZHIG KYANG MA YIN, ,CHA SHAS SNANG BA MED PA'I PHYIR, ,DE YANG SGRA GCIG GIS BRJOD PA'I, ,RNAM 'GAS THA DAD MED PA MED, ,RANG GI MTSAN NYID SHES PA LA, ,SGRA YI DON NI SNANG BA MED, ,SGRA DAG GIS NI DE NYID LA, ,MI GSAL BA YI NGO BOR RTOGS, ,DE PHYIR THA DAD DBYER MED RTAGS, ,GANG GIS 'DI DAG LHAN CIG 'GYUR, ,CHA MED PA YANG DU MA YI, ,THA DAD YUL SBYOR JI LTAR 'DOD, ,GAL TE RTOGS SO ZHE NA NI, ,SKAD CIG 'JIG PAR NYAMS MYONG BA'I, ,RNAM GRANGS PA NI RTOGS PA LA, ,GNAS PA 'DZIN PAR GA LAS 'DOD, ,TSAD MA GZHAN GYIS YIN ZHE NA, ,DE 'DIR GNOD PA BYED PAR MTSUNGS, ,GCIG YIN NA GZHAN GZHAN MIN PHYIR, ,THA DAD MED BRJOD DAG ,PHAN TSUN DE DAG THA DAD PAR, ,DES NA CHOS DANG CHOS CAN NI, ,DE DAG KYANG NI THA DAD 'GYUR, ,GAL TE GANG GI BDAG NYID DES, RNAM GRANGS RDZAS DE YIN SNYAM @246B NA; ,GAL TE THA DAD DES BDAG NA, ,THA DAD LDAN PA'I MTSAN NYID GYUR, ,GCIG PA GNYIS KYI NGO BO MIN, ,RDZAS DANG RNAM GRANGS NGO BO LAS, ,'GA' ZHIG 'DIR NI GZHAN YOD MIN, ,RANG BZHIN GANG YIN RGYU MTSAN GYUR, ,DE DAG GCIG PA NYID DU BRTAGS, ,DE PHYIR DE DAG THA DAD MED, , RANG GI BDAG NYID NYAMS PAR THAL, ,DE THA DAD KYANG DE DAG YIN, ,ZHE NA GANG TSE BDAG NYID GANG, ,CHOS DANG CHOS CAN DE 'AM GZHAN, ,GAL TE THA DAD DE BDAG NA, ,THA DAD NYID DAM DE LA YANG, ,DE LAS GZHAN DU YONGS SU BRTAGS, ,DE DAG THA DAD MED GRUB PHYIR, ,SNGA MA BZHIN DU THAL BAR 'GYUR, ,DE NI DE DBANG YIN PA'I PHYIR, ,CHOS CAN BZHIN DU DE 'GYUR RO, ,DE GZHAN DE BZHIN RTOGS MED PA, ,DES NA RGOL NGAN BRJOD 'DI BRTAGS, ,LAS KYI NUS PA RNAMS KYIS KYANG, ,CHA NI MED PAR GNAS PA NA, ,GANG LA MNGON PAR ZHEN PA'I DNGOS, ,SGROG CHAGS RNAMS KYI BDE SDUG SOGS, ,LAS RNAMS KYIS NI BSKYED PA DE, ,DE DAG NYID LAS TSAD MED PAR, ,PHAN TSUN CAN LA LTOS YOD PA, ,DE BZHIN DU LUS NI GNAS PA YIN, ,ZHES MANG DU BRJOD PAS CHOG GO, ,DE LTAR 'JIG PA DANG DBYIBS DAG GCIG PA'I RANG BZHIN YIN PA DE NI RNAM PA 'GAS THA DAD PA MI SRID PA'I PHYIR LHAN CIG BYED PA RNAMS KYANG 'BRAS BU DU MA YIN NO ZHES BYA BA 'DIR DPER GYUR PA NI 'DI YIN NO, ,'DI BYE BRAG PA'I 'DOD PA'I DOGS PA BSU BA NI YON TAN NI ZHES BYA BA LA SOGS PA SMOS TE, DBYIBS NI CHA SHAS KYI BKOD PA YIN PAR BRJOD DE, DE YANG LDAN PA'I MTSAN NYID YIN PA'I PHYIR, YON TAN GYI NGO BO YIN NO, ,DE'I PHYIR 'JIG PA'I RDZAS LAS GZHAN PA NYID DE RDZAS DANG DBYIBS NI MA 'DRES PA'I RANG BZHIN YIN PA'I PHYIR RO, ,DES NA GANG GI TSE 'JIM PA'I GONG BU NI 'JIM PA'I BDAG NYID BYED PA YIN LA, DE YANG RDZAS KHAN GYIS NI DBYIBS KYI BYE BRAG BYED PAR BRJOD PA DE'I TSE DE DAG SHIN TU THA DAD PAS RGYU DU MA NYID LAS 'BRAS BU DU MA NYID 'THOB BO, ,GRUB PA'I MTHA' SMRA BAS BSHAD ZIN TO ZHES BYA BA SMOS SO, ,'JIM PA DANG DBYINGS RANG BZHIN THA DAD PA LAS 'JIM PA DANG, DBYIBS DAG PHAN TSUN BDAG NYID CAN MA YIN ZHES BYA BA @247A *, ,LA SOGS PA'I SKYON BSHAD ZIN TO, ,DBYIBS LAS 'JIM PA'I RDZAS GZHAN PA NI MA YIN TE, DE'I PHYIR 'JIM PA'I GONG BU NYE BAR LEN PA PHUL DU BYUNG BAS BYAS PA DE'I 'BRAS BU'I MTSAN NYID LA RDZA MKHAN NI LHAN CIG BYED PA YIN LA, ,DE'I NYE BAR LEN PA'I BDAG NYID KYIS BYAS PA DE'I 'BRAS BU'I MTSAN NYID LA 'JIM PA'I GONG DU NI LHAN CIG BYED BA SO SO BA 'AM, MA LUS PA NYID LAS 'JIM PA'I DBYIBS KYI BDAG NYID KYI 'BRAS BU BYED PA'I PHYIR RGYU DU MA LAS KYANG 'DI DU MA NYID MA YIN NO, ,'DIR GTAN TSIGS LHAG PA BSHAD PA NI GZHAN YANG ZHES BYA BA LA SOGS PA SMOS TE, BUM PAR GTOGS PA'I DBYIBS GANG YIN PA DE, GANG GI TSE DE 'JIM PA LAS 'JIM PA THA DAD PAR GYUR PA DE'I TSE RDZA MKHAN GYIS CI'I PHYIR LOGS SHIG TU MI BYED THA DAD PA NI GDON MI ZA BAR LOGS SHIG TU MI BYED PA MA YIN NO, ,RDZA MKHAN GYI RJES SU 'GRO BA DANG LDOG PA DAG GIS DE DBYIBS KYI RGYUR RTOGS PAR BYA BA'I PHYIR DE LOGS SHIG TU BYED PAR 'GYUR RO, ,GZHAN YANG GAL TE YON TAN ZHES BYA BA LA SOGS PA SMOS TE RDZAS LA BRTEN PA'I YON TAN LDAN PA MA YIN PA LDAN PA'I RNAM PAR DBYE BA RNAMS RGYU MA YIN PA LA MI LTOS PA ZHES BYA BA LA YON TAN GYI MTSAN NYID THAMS CAD DU YON TAN NI RDZAS KYI GZHAN GYI DBANG YIN PAS DE JI LTAR RES 'GA' ZHIG LOGS SHIG TU BYED PA YIN, BYE BRAG PA NYID SANGS RGYAS PA LA RTZOD PAR DOGS PA NI GAL TE RANG BZHIN GYIS ZHES BYA BA LA SOGS PA SMOS TE, GAL TE RANG BZHIN GYIS DBYIBS NI DE'I YON TAN GYI BDAG NYID YIN TE, BYA BA DANG LDAN PA LAS DANG LDAN PA ZHES BYA BA LA SOGS PA BRJOD PAS RDZAS DE NI RTEN GYI RANG BZHIN NAM, DBYIBS NI GYO MOG NI RNAM PA DE LTA BU'O, ,DE LA RAG LAS PA BDAG NYID YIN NA DE'I TSE RDZA MKHAN GYI BYED PA LA LTOS PA CI ZHIG DGOS RANG NYID KHO NA CI'I PHYIR MA YIN ZHES RTZOD PA'I BSAM PAS DE LTAR BYE BRAG PA RTZOD PAR DOGS PA LA LAN BSHAD PA NI MA YIN TE DE LAS ZHES BYA BA LA SOGS PA SMOS TE, 'JIM PA'I RDZAS SU CHU 'DZIN PAR BYED PA LA SOGS PA GANG YIN PA DE'I DBYIBS DE DAG GI 'BRAS BU DANG 'BREL PA RTEN PA DANG BRTEN PA'I MTSAN @247B NYID DO, ,DE LA RUNG BA GANG YIN PA DE NI GNYI GA YANG YIN NO, ,DE RDZA MKHAN LAS GANG THOB PA'I PHYIR RO, ,DE'I PHYIR RDZA MKHAN LA LTOS PA YIN NO, ,RDZA MKHAN LA MI LTOS PA'I SKYON NI DE LTA MA YIN NA ZHES BYA BA SMOS TE, GANG GI TSE DE DAG PHAN TSUN 'BREL PAR RUNG BA 'DI RDZA MKHAN LA LTOS PA MA YIN NA, DE'I TSE 'JIM PA'I RANG BZHIN KHO NA RNAM PA DE LTA BU DBYIBS DANG 'BREL PAR RUNG BA NYID DO, ,DE LA YANG DNGOS PO KHO NAR GYUR PA'I DBYIBS DANG 'BREL PAR RUNG BA'I CHOS YOD PA'I RDZA MKHAN DANG NYE BA LAS SNGON YANG DBYIBS KYI KHYAD PAR DANG 'BREL PAR 'GYUR SNYAM PA'I BYE BRAG PA'I RTZOD PA'I LAN NI GRUB PA'I MTHA' SMRA BAS DE LA YIN NA ZHES BYA BA SMOS TE, GANG GI PHAN TSUN 'BREL PAR RUNG BA NI RDZA MKHAN LA SOGS PA DANG LTOS PA DE LTA YIN NA 'O NA 'JIM PA'I RDZAS KYI RUNG BA RDZA MKHAN LAS GYUR BA 'THOB PA YIN NO, ,'JIM PA'I RDZAS DANG RUNG BA 'DI GNYIS SO, ,RANG BZHIN THA DAD PA DU MA MA YIN PA'O, ,GANG GI TSE RUNG BA NYID MA YIN PA DE NI RDZAS LAS LOGS SHIG TU BYED PAR SNGA MA BZHIN DU THAL BAR 'GYUR RO, ,YANG NA RUNG BA YIN NA YANG RDZAS KYI GZHAN DBANG YIN PAS LOGS SHIG TU GRUB PAR BRJOD PA MA YIN TE, DE'I TSE DE YANG DNGOS PO'I CHOS NYID KHO NAS SNGA MA BZHIN DU 'BREL PAR MI 'GYUR RO SNYAM NAS RDZAS DANG LHAN CIG 'BREL PAR RUNG BA DANG GZHAN RDZA MKHAN LAS BYUNG BA'I RUNG BAR 'DOD PAR BYA'O, ,DE YANG LOGS SHIG BYED PAR THAL BAR 'GYUR BAS RDZAS LA THA DAD PA'I RANG BZHIN DU KHAS BLANGS BAR MI BYA STE, LOGS SHIG BYED PA'I THAL BA YANG 'GYUR BA DE NYID KYIS LAN GDAB PAR BYA'O, ,YANG DE NYID KYI LAN YIN NA NI THUG PA MED PAR THAL BAS GDON MI ZA BAR G-YO MOG GI BDAG NYID DANG 'JIM PA'I RDZAS KYI RUNG BA DAG RANG BZHIN THA MI DAD PAR KHAS BLANGS BAR BYA'O, ,DE LTA YIN NA CIR 'GYUR ZHE NA, GRUB PA'I MTHA' SMRA BAS RE ZHIG CES BYA BA LA SOGS PA SMOS TE, 'JIM PA'I GONG BU DANG RDZA MKHAN DAG GI G-YO MOG GI RDZAS DANG LDAN PA'I KHYAD PAR GYI 'BREL PAR RUNG BA SKYED PA'I PHYIR GCIG GI RANG BZHIN LA YANG GCIG LA RKYEN DU MAS KHYAD PAR DU BYA BA'I BYE BRAG NYID GANG YIN PA DE GRUB BO, , @248A *, ,KHO BO CAG GI PHYOGS DE LAS KYANG KHO BO CAG 'JIM PA DANG DBYIBS DAG RANG BZHIN GCIG PA NYID DU SGRUB PA LA SHIN TU 'BAD PAS CI ZHIG BYA, GANG GI TSE RUNG BA LA BRTEN NA YANG RKYEN DU MAS SKYED PA'I GCIG PA YANG DU MA NYID DU THAL BAR 'GYUR BA 'GRUB STE, 'BRAS BU NI RDZAS DANG YON TAN DANG LDAN PA SPANGS PAS 'DIR DOGS PA CI YANG MED KYI GZHAN PA NYID DE SPONG BAR BYED PA'I PHYIR ZHES BYA BA DGONGS PA YIN NO, ,'BAD PAR 'DZIN PAS KYANG 'JIM PA DANG DBYIBS DAG PHAN TSUN BDAG NYID MA YIN PA 'DI GNYIS DBYIBS DANG 'JIM PA'I KHYAD PAR GYI NGO BO DAG TU MI SNANG BAR THAL BAR 'GYUR BA'I PHYIR RO ZHES BYA BA 'THAD PA 'DIS SGRUB PA NYID DE, 'DIS GCIG PA NYID RIGS PA GZHAN SRID KYANG DE RJOD PAR BYED PA'I MTSAN NYID LA 'THAD PA MI BYED DE RANG BZHIN GYIS GRUB PA LAS GZHAN DU YANG 'BYUNG BA YIN NO ZHES BRJOD DO, ,DE LTA NA DE NI TSOGS PA THA DAD PA LAS TSOGS PA GZHAN SKYED PAS THA DAD PA YIN NO, ,LHAN CIG BYED PA RNAMS DU MA LAS KYANG 'BRAS BU GCIG PA NYID LA 'GAL BA MED DE ZHES BSTAN PA'I PHYIR MJUG BSDU BA NI DES NA DNGOS SU ZHES BYA BA LA SOGS PA SMOS TE, GANG GIS RKYEN GZHAN BSAGS PA DE'I TSOGS PA MA TSANG PA LAS TSOGS PA GZHAN SKYED DO, ,DE YANG TSOGS PA SNGA MA LAS SKYE BAS THA DAD PA'I 'BRAS BU GZHAN NYID SKYED PA DANG, TSOGS PA GCIG PAR BSTAN PA YUL LA LHAN CIG BYED PA DU MA NYID KYANG DU MA GCIG BYED PA LA 'GAL BA MED PA'I PHYIR RJES SU 'GRO BA DANG LDOG PA'I RJES SU BYED PA'I 'BRAS BU GCIG MTHONG BA'I PHYIR RANG BZHIN GCIG PA NYID SGRUB PAR BYED PA'I RGYU DES NA LHAN CIG BYED PA NI LHAN CIG BYED PA'I NGAG TSUL CAN TSOGS PA GCIG PA'I NANG DU 'DUS PA'O, ,RKYEN NI TSOGS PA GZHAN PA'I LHAN CIG LA NYE BAR SBYOR BA MED DE YUL GCIG LA NYE BAR SBYOR BA GANG YIN PA DE MA YIN NO, ,TSOGS PA GZHAN PA NYID NI LHAN CIG PA THA DAD PA'I YUL LA NYE BAR SBYOR BA'I RIGS PA'I STOBS KYIS RTOGS SO, ,GANG SNGAR RNAM PAR RTOGS PA 'DIS GANG GI TSE BYED PA'I SGRAS NI TSOGS PAR BRJOD PA DE'I TSE THA DAD PA YOD PA DE NI TSOGS PA RNAMS @248B LAS SKYE BA YIN NO, ,'BRAS TU THA DAD PA YIN NO ZHES BYA BAS CI ZHIG BRJOD CE NA RGYU THA DAD PAS THA DAD PA NI MA YIN TE, 'DI DAG GI DPE BSTAN PA'I MJUG BSDU BA'O, ,YANG NA RGYU'I SGRAS NI TSOGS PAR BSHAD PA'I YUL LHAN CIG BYED PAR BRJOD DO, ,DE'I TSE THA DAD PAS DU MA'I MTSAN NYID LAS 'BRAS BU DU MA'I MTSAN NYID THA DAD PAR MI 'DOD BA KHO NA STE, DU MA'I BYED PA LA 'GAL BA MED PAS GCIG PA DU MA NYID LAS SKYE BA MTHONG BA'I PHYIR RO, ,'JIM PA DANG DBYIBS DAG BDAG NYID GCIG PAR BSTAN PA'I MJUG BSDU BA NI 'JIM PA DANG DBYIBS KYI BDAG NYID KYI 'BRAS BU'I RANG BZHIN GCIG PA NYID KYANG DU MA'I RANG BZHIN MA YIN PA YANG NGO, ,DNGOS SU NI DON DAM PAR RO, ,RNAM PAR RTOG PA'I BLO LA 'JIM PA DANG DBYIBS DAG THA DAD PAR SNANG BA'I PHYIR RO, ,DE SKAD DU TSOGS PA THA DAD PAS 'BRAS BU THA DAD PA NI DU MA'I TSOGS PA'I YUL LA RKYEN THA DAD PAS DU MA'I 'BRAS BU YIN PA'I DPE BSTAN PA NI MIG LA SOGS PA GANG SKYED PA'I GNAS SKABS SO, ,JI LTAR ZHES BYA BA SMOS PA NI DPE'O, ,RGYU THA DAD PA NI TSOGS PA THA DAD PA'O, ,RDZA MKHAN MA TSANG BA'I 'JIM PA'I GONG BU'I DANG DE LHAN CIG SKUD PA DBANG DU BYAS PA'I TSOGS PA RNAM PA GSUM GYI MTSAN NYID THA DAD PA RNAMS RANG BZHIN DU MA'I BYE BRAG RNAMS NI SO PHAG DANG 'KHOR LOS GCOD PA DANG BUM PA DE'I RNAM PAR DBYE BA NI BUM PA'I MTSAN NYID LA NYE BAR SBYOR BAS 'BRAS BU GCIG MA YIN NO, ,'ON KYANG 'BRAS BU THA DAD PA KHO NA STE, DE BZHIN DU RNAM PA DE NYID KYIS MIG LA SOGS PA LAS MIG GI RNAM PAR SHES PA SKYE STE, TSOGS PA GZHAN PA'I TSOGS PA'I MTSAN NYID THA DAD PA'I RGYU LAS 'BRAS BU DU MA YIN PAR RIG PAR BYA'O, ,DE NYID RNAM PAR DBYE BA NI DE BZHIN DU ZHES BYA BA LA SOGS PA SMOS TE, GANG MIG GI NGO BO SPANGS PA'I MTSUNGS PA DE MA THAG PA'I RKYEN DU BSHAD PA NI RNAM PAR SHES PA'I MTSAN NYID DE, RKYEN GZHAN LA LTOS PA DANG BCAS PA DE LAS RNAM PAR RTOG PA'I RNAM PAR SHES PA'AM, CIG SHOS DE NYE BAR BRTEN NAS RTOG PA'I NGO BO DANG NYE BAR DMIGS PA DANG BCAS PA'I MIG GI RNAM PAR SHES PA YANG 'GYUR RO, ,MIG GI RNAM PAR SHES PA DE NYID NYE BAR DMIGS PA'I BDAG @249A *, ,NYID CI 'DRA BA ZHIG CE NA, DE LAS BYUNG BA'I SKYE BA DE NYID 'BRAS BU GCIG BA SO SOR NGES PA STE MIG GI DBANG PO DANG NYE BA LA LAS NI MTSUNGS PA DE MA THAG PA'I NYE BAR LEN GYIS BYAS PA DE LAS GZUGS 'DZIN PAR SO SOR NGES PA'I GZUGS KYI RNAM PA SO SOR NGES PA'O, , SGRA LA SOGS PA'I RNAM PAS DBEN PA NYID KYI 'BRAS BU STE, MIG DANG LHAN CIG PA'I MTSUNGS PA DE MA THAG PA'I RKYEN GYIS TSOGS PA SKYED PAR BYED PA'I PHYIR YUL LA DBANG BYED PA'O, ,MTSUNGS PA DE MA THAG PA'I RKYEN DANG DBANG PO DE DANG YUL NI 'DRA BA'I NGO BO NYID DE GZUGS DE 'BA' ZHIG PA SNANG BA NI 'KHRUL PA'I RNAM PAR SHES PA NI MA YIN NO ZHES YUL DANG DBANG PO DANG YID LA BYED PA TSOGS PA'I MTSAN NYID KYI 'BRAS BU KHO NAR BSTAN TO, ,DE DANG GZHAN PA'I 'BRAS BU GCIG PA DANG GNYIS SKYE BA NI RANG NYID KYIS BRTAGS PA NI 'DI THA DAD PA YANG DNGOS PO'I 'BRAS BU STE, MIG GI RNAM PAR SHES PA'I MTSAN NYID KYI RGYU RNAMS YUL DANG DBANG PO DANG YID PA BYED PA RNAMS KYI NGO BO 'BA' ZHIG DE DAG NGO BO DE LAS THA DAD PA NYID DE, DES BSKYED PA'I BYE BRAG RNAMS RTOGS PA'I NGO BO LA SOGS PA'I MTSAN NYID DU 'GYUR RO, ,DE'I PHYIR SKYED BAR BYED PA LA LTOS NAS GCIG GI BDAG NYID KYANG DU MAR BSTAN TO, ,DE LTAR NA GANG GI PHYIR ZHES BYA BA NI DE'I PHYIR TE, RGYU THA DAD PA MA YIN YANG JI LTAR TSOGS PA GCIG GI NANG DU 'DUS PA'I RKYEN KYANG THA MI DAD PA DE BZHIN DU TSOGS PA'I MTSAN NYID THA DAD KYANG THA MI DAD DO, ,TSOGS PA GZHAN SKYES PA RNAMS KYI 'BRAS BU'I KHYAD PAR NI 'BRAS BU KHYAD PAR CAN NO ZHES BYA BA DES GANG BRJOD PA'O, ,GAL TE LHAN CIG BYED PA RNAMS KYANG 'BRAS BU THA MI DAD PAR 'GYUR BA NI TSOGS PA THA DAD KYANG THA MI DAD PA YOD PA YIN NO, ,'ON TE TSOGS PA THA DAD PAR 'GYUR TE, LHAN CIG BYED PA THA DAD KYANG CIS NA THA MI DAD PAR 'GYUR BA YIN, KHYAD PAR MED PA'I PHYIR RO ZHE NA, DE NI BSAL BA YIN TE DE LA PHAN TSUN 'DUS PA LA BRTEN NAS RKYEN GYI KHYAD PAR LAS 'BRAS BU GCIG BAR BSTAN PA DANG GCIG LA GCIG GI RGYUN LA PHAN 'DOGS PA STE, LHAN CIG BYED PA SO SOR NGES PA'I NUS PA RNAMS LAS SKYES @249B PA'I 'BRAS BU GCIG MI SKYED DO, ,MTSUNGS PA DE MA THAG PA'I 'BRAS BU GZHAN SKYED PAR NUS PA DANG 'BREL PA RNAMS NI GZHAN PA LAS YIN TE, RANG BZHIN THA DAD PA DANG LDAN PA YOD PAS 'BRAS BU THA DAD PA SKYED PA'I PHYIR, GANG LAS KHYAD PAR MED PA YIN, 'O NA NI 'BRAS BU SGRUB PAR BYED PA'I GZHI NI JI LTAR RTEN PA'I NGO BO DE 'BYUNG BA DAG GIS BSKYED BA DE NI GZHAN PA NYID LA BRTEN PA YIN NO ZHES KHYED 'DOD PA DE BZHIN DU GZHAN RNAM PAR SHES PA LA SOGS PA'I 'BRAS BU LA YANG YIN NA, DE'I PHYIR 'DIS KYANG RGYU CUNG ZAD CIG LA BRTEN PA DANG, DE'I RGYU SNGA MA NI SKYED PAR BYED PA NYID 'BRAS BU PHYI MA'I RTEN NYID DE SKYED PA MA YIN PA DE'I PHYIR DE NI NGO BO YIS SKYED PA YIN NO ZHES BYA BA DE DAG MA NGES PA'I GNAS SKABS SU 'GYUR ZHE NA, RGYU'I NUS PA THA DAD PA DE DAG KHO NA ZHES BYA BA SMOS TE, BSHAD MA THAG PA'I RGYU'I NUS PA THA DAD PA NI RGYU RNAMS KYI NUS PA'I KHYAD PAR RO; ,CI 'DRA BA'I BDAG NYID JI LTA BA DE DAG GI RGYU'I NUS PA THA DAD PA RNAMS LHAN CIG BYED PA'I MTSAN NYID GANG GI BDAG NYID KYI TSOGS PAS SKYED PA'I PHYIR KHYAD PAR CAN GYI 'BRAS BU SKYED PA'O, ,BAR DU CHOD PA MED PA NI BAR DU GCOD PA 'AM GAS BYED PAR MI NUS PA STE NUS PA MED PA GANG GI DNGOS PO DE DAG GI NUS PA CHOD PA MED PA'O, ,GDON MI ZA BAR 'BRAS BU BYED PAR NUS PAR NYE BAR GNAS SO ZHES BSHAD DO, ,TSOGS PA YOD BA'I 'BRAS BU NI RKYEN GCIG LAS SKYE BA NI RES 'GA' YANG MI SRID PAS THAMS CAD TSOGS PA KHO NAS 'BRAS BU BYED PA'I PHYIR CHOGS PA 'BRAS BU'I NGO BO NYID GNAS PA'I RTEN YIN NO ZHES BRJOD DO, ,CI'I PHYIR NUS PA CHOD PA TSOD PA MED PA YIN ZHE NA, SKAD CIG MA YIN PA'I PHYIR RO, ,SKAD CIG MA'I NUS PA LA GAGS BYA BAR MI NUS SO, ,RANG BZHIN GZHAN LA BRTEN PA BZHIN DU JI SRID 'BREL PAS BYED PA DE SRID DU SKAD CIG MA RANG GI 'BRAS BU BYAS NAS 'GAG BA'I PHYIR RO, ,JI LTAR DUS MI MNYAM PA'I RGYU RTEN DU SBYOR BA YIN ZHE NA, 'DI LTAR ZHES BYA BA LA SOGS PA SMOS TE GANG GI PHYIR RNAM PAR SHES BA'I MTSAN NYID KYI 'BRAS BU DE DAG KYANG MIG LA SOGS PA'I NGO BO MA LUS PA DAG LAS RTOGS PA @250A *, ,PA LA SOGS PA GZHAN LAS DE MA YIN PA'I KHYAD PAR CAN SKYED DO, ,RANG GI NGO BO LA CHA SHAS SU 'BRAS BU MI SKYED PAS RE RE LAS MA LUS BA NYID 'BYUNG BAS GCIG SKYED PA DE'I PHYIR RTEN DU BSHAD DO, ,SKYED PAR BYED PA LAS GZHAN PA NYID PHAN 'DOGS PAR BYED PA YIN GYI PHAN 'DOGS PAR MI BYED PA NI RTEN MA YIN TE HA CANG THAL BAR 'GYUR RO, ,DE'I PHYIR DUS THA DAD PA RTEN PA'I DNGOS POR 'GAL BA MED DO, ,GANG YANG 'BYUNG BA RNAMS RTEN PA'I NGO BO 'JUG PAR BRJOD DO, ,DE YANG RANG GI YUL 'DI SKYED PAR BYED PA NYID YIN NO ZHES SNGA MA'I 'BYUNG BA SKYED PAR BYED PA NI PHYI MA 'JOG PA'I RGYU YIN NO, ,GANG GI PHYIR MA NGES PA YIN GZHAN YANG DE'I NGO BO SKYED PA YIN NO ZHES BYA BA 'DIR MA NGES PAR BRJOD PAR GYUR PAR GZHAN DAG DGOS PA NA GAL TE NUS PA 'GOG PA MED PA ZHES BYA BA SMOS TE, 'GOG PA MED PA NI 'GAGS BYED PA'I NUS PA MED PA'O, ,GANG DAG NUS PA 'GOG PA MED PA DE NI 'BRAS BU MJUG THOGS PA YIN PA'I PHYIR GANG SKYES PA'I DUS LA MI SDOD PA'I 'BRAS BU BYED PA DE DAG KYANG NUS PA 'GOGS PA MA YIN GYI SKYES PA'I MJUG THOGS SU 'BRAS BU BYED DO, ,SKAD CIG MA 'DI ZAD PA LA GNOD PA BYED PA MED LA PHAN 'DOGS PA SPONG BAR BRJOD PA NI KHYAD PAR DU BOGS DBYUNG DU MED PA DAG CES BYA BA SMOS TE, DE YANG KHYAD PAR BOGS DBYUNG DU MED PA'I SKAD CIG MA RNAMS ZHES BYA BA 'DIS SKAD CIG MA BYE BRAG TU BYED PAR MI NUS PA'I PHYIR RO ZHES BSHAD DO, ,KHYAD PAR DU BOGS 'BYIN PAS LHAN CIG 'BYUNG BA'I MJUG THOGS TE SKYE BA'I PHYIR DANG DE'I TSE DE 'GAGS PA'I PHYIR RO, ,DE RNAMS LA RNAM PA DE LTA BU'I RKYEN RNAMS PHAN TSUN LHAN CIG BYED PA'I DON CI GZHIG YIN GANG GIS LHAN CIG BYED PAR BRJOD, 'ON TE KHYAD PAR BOGS DBYUNG DU MED PA NYID KYIS LHAN CIG BYED PA NYID MED DO ZHES BSTAN PA'I DON 'DI CI ZHIG YIN, NUS PA 'GOG PA MED DO ZHES BYA BA'I NUS PA 'GOG PAR BYED PA'I LHAN CIG BYED PAR BRJOD PA MED DO ZHE NA, BDEN TE, THAMS CAD DU DE LA CUNG ZAD CIG BYED PA MED PAR SHES PAR BYA BA'I DON DU 'DI DAG BSHAD DO, ,NUS PA @250B LA GEGS BYED PA MED PAS PHAN 'DOGS BA NYID DU BTAGS PA'I LHAN CIG BYED PA NI 'GAGS PA DE'I PHYIR KHYAD PAR PHUL DU BYUNG BA MI SRID PA'I PHYIR RO, ,SKAD CIG MA RNAMS RANG GI RGYU TZAM DANG 'BREL PA NYID SKYED PAR BYED PA NYID DE YANG RNAM PA DE LTA BU'I THAMS CAD DU YOD PA 'BA' ZHIG SKYED PA MA YIN TE DE'I NGO BO SKYED PA YIN NO ZHES BYA BA MA NGES PA YIN NO SNYAM DU SEMS NA, 'DI DAG YONGS SU SPONG PA NI BOGS 'BYIN PA NYE BAR LEN PA'I LHAN CIG BYED PA MA YIN NO, ,GANG GI PHYIR DE MED PAS LHAN CIG BYED PAR MI 'GYUR, GANG LA BOGS DBYUNG BA'I NYE BAR LEN PA NI LHAN CIG BYED PAR YANG MI 'GYUR THAMS CAD DU LA LAR YANG LHAN CIG 'BYUNG BA PHUL DU BYUNG BA'I NYE BAR LEN BA'I MTSAN NYID MI SRID DO, ,DE LTA NA LHAN CIG BYED PA CI ZHIG YIN ZHE NA, MANG PO DAG DON GCIG BYED CES BYA BA LA SOGS PA SMOS TE, 'BRAS BU GCIG SGRUB PA'O, , GANG MANG PO DAG LA YANG SRID DE RIGS PA'I STOBS KYIS RNAM PA DE LTA BU LHAN CIG BYED BA THAMS CAD LA SRID PA NI GZHAN MA YIN NO, 'DI DPE NI DPER NA RGYU'I TSOGS PA THA MA LTA BU ZHES BYA BA NI DE MA THAG TU MYU GU'I 'BRAS BU'O, ,RGYU'I TSOGS BA NI RKYEN GYI TOGS PA'O, ,'DI DAG NI NYE BAR BTAGS PAR GYUR NA LHAN CIG BYED PA 'DI DAG PHUL DU BYUNG BA BSKYED PAS DNGOS PO YIN NO ZHE NA, 'DI NYID CES BYA BA SMOS TE, 'BRAS BU GCIG BYED PA I MTSAN NYID NI GTZO BO YIN GYI LHAN CIG BYED PA RNAMS NI PHUL DU BYUNG BA MI SRID BSKYED PA'I MTSAN NYID NYID MI PHAL PA YIN PA'I PHYIR RO; ,'DI DAG GI LAN NI PHYIS GDAB PAR BYA'O, ,'DI GA LAS SHE NA, THA MA DE NYID CES BYA BA SMOS TE, BRJOD PAR 'DOD PA'I 'BRAS BU'I RGYU YIN PA'I PHYIR RO, ,RGYU NI LHAN CIG BYED PAR BSHAD PA NI RGYU MA YIN TE, GANG GI PHYIR CAR LHAN CIG BYED PA NI LHAN CIG BYED PAR BRJOD DE, MTHA' MA'I RGYU'I TSOGS PA'I RNAM PA DE LTA BU YIN PA'I PHYIR DPER NA THA MA'I DON GCIG PA'I LHAN CIG BYED PA NYID YIN PA DE BZHIN DU SNGA MA'I TSOGS PA LAS PHYI MA PHYI MA'I SKAD CIG MA KHYAD PAR CAN THA DAD PAR NGES TE THA MA NYID DPER BSTAN PA'I PHYIR RO, ,DE'I PHYIR MYU GU @251A *, ,LA SOGS PA'I 'BRAS BU THAMS CAD KYI BYE BRAG GI MTSAN NYID DU MA'I RKYEN GYIS BSKYED PA'I PHYIR RO, ,THAMS CAD DU DON GCIG BYED PA'I 'BRAS BU 'PHEL PA DANG 'GRIB PA'I RGYU NI LHAN CIG BYED PA'I RGYU'I TSOGS PA NYID DU KHYAD PAR DU SKYED PA YIN NO ZHES BYA'O, , 'DI DAG DON GCIG BYED PA YANG DE LA LHAN CIG BYED PA YOD NA KHYAD PAR DU SKYED PA MTSAN NYID YIN NO ZHE NA, SKAD CIG MA DE LA ZHES BYA BA SMOS TE, THA MA'I BYE BRAG TU BYED PAR MI NUS PA NYID NA LHAN CIG BYED PAS KYANG KHYAD PAR DU BYED PA MA YIN NO, ,GANG LAS KHYAD PAR DU BYED PAR MI NUS SHE NA; GCIG LA ZHES BYA BA SMOS TE, NGO BO NYID GCIG LA CHA SHAS DBYER MED PA DE LA 'DI KHYAD PAR DU MI BYED PA NI CHAR MI BYED PA'O, ,RANG GI RGYU LAS SKYES PA 'DI LHAN CIG BYED PAS KHYAD PAR DU BYED PA'I PHYIR BYE BA YOD PA MA YIN NO, ,GAL TE DBYER MED PA LA KHYAD PAR YOD NA CI'I PHYIR MI BYED CE NA, KHYAD PAR DU 'BYUNG BA'I MTSAN NYID NI NGO BO NYID GZHAN 'BYUNG BA'I PHYIR RO ZHES BYA BA SMOS SO, ,CHA MED PA GA LA YIN NGO BO NYID GZHAN RNAM PAR 'JOG PA NA BDAG NYID LAS GZHAN PA'I KHYAD PAR YOD PA YIN NO ZHE NA, NGO BO GZHAN 'BYUNG NA ZHES BYA BA LA SOGS PA SMOS TE; GANG GI TSE DNGOS PO GZHAN PA'I MTSAN NYID KHYAD PAR DU 'GYUR BA DE'I TSE THA MA'I RGYU NYAMS PA YIN TE, GAL TE NYES PA CI ZHIG YOD CE NA, DE'I PHYIR THA MA MA YIN PA'I PHYIR MNGON SUM GYI RGYUR MI 'GYUR RO, ,DE LTA BAS NA GANG GI PHYIR RGYU'I GTZO BO NI LHAN CIG BYED PA RNAMS MA YIN NO, ,DNGOS SU KHYAD PAR DU SKYED PA'I PHYIR DON GCIG BYED PA NYID LHAN CIG BYED PA YIN NO, ,'O NA NI LHAN CIG BYED PA RNAMS KHYAD PAR DU SKYED PA MI BDEN NA 'BRAS BU SKYED PA'I NUS PA DE DAG MI RIGS SO ZHE NA, DE DAG CES BYA BA LA SOGS PA SMOS TE, GAL TE DE DAG GI NGO BO NYID KYI NUS PAS SKYE BA DE DANG DE DAG LHAN CIG BYED PA DAG GI NUS PA LAS SKYE BAR KHAS BLANGS PA'I PHYIR RO, ,JI SRID THA MA'I NGO BO NYID KYI NUS PA NI RKYEN DANG LHAN CIG TU SKAD CIG MA TZAM THOGS NAS DE DAG SKAD CIG MA GCIG LA SKYED PA NGES PA'I PHYIR RO, ,DES NA SNGON DANG PHYI MA THA @251B DAD PA'I NGO BO MED PA GANG GI MJUG THOGS SU 'BRAS BU 'BYUNG ZHING SKYED KYI DUS GZHAN DU NI MA YIN NO, ,DE LA NI DE RNAMS LA'O, ,RNAM PA DE LTA BU RNAMS LA BYA BA GCIG PA KHO NA'I LHAN CIG BYED PA NYID YIN GYI KHYAD BAR DU SKYED PA'I MTSAN NYID MA YIN TE, NGO BO NYID KYIS NUS PA'I DNGOS PO DANG PHAN TSUN 'GAL BAS NUS PA LAS SKYED PAR KHAS LEN PAR RIGS PA MA YIN NO SNYAM DU GZHAN DAG SEMS NAS, GAL TE NUS PA DE DAG GANG LAS ZHES BYA BA SMOS SO, ,GRUB PA'I MTHA' SMRA BAS RANG GI RGYU DAG LAS ZHES BYA BA SMOS TE, GZHAN GYI 'DOD PA LA LTOS NAS 'DIR NGO BO NYID CES BYA BA BSHAD DO, ,GZHAN DAG SKYED PA LA RGYU DANG LHAN CIG PA RNAMS KYI NUS PA 'DOD NA NI DE DGAG PA'I PHYIR GZHAN LA NGO BO NYID CES BRJOD KYI NGO BO NYID CUNG ZAD CIG SKYED PA MED DE, DE'I RGYU GCIG NYID DU THAL BAR 'GYUR BA'I PHYIR RO, ,DON GCIG BYED PAR NGES PA'I SKAD CIG MA NI MI RIGS TE, MTHA' MA'I SKAD CIG MA 'BA' ZHIG DANG 'DRA BA MTHONG BA'I PHYIR RO, ,'DI LTAR 'DI LTA BU'I NGO BO DANG, 'DI LTA BU'I NGO BO MA YIN PA ZHES MTHONG BA DANG MA MTHONG BA DAG LAS RNAM PAR 'BYED PA'I PHYIR RO, ,DE ZHING LA SOGS PA CI 'DRA BA DE LA RKYEN GZHAN DANG NYE BA LAS NYE BAR DMIGS PAS DE 'DRA BA NYID 'BA' ZHIG DANG YIN NO, ,DE'I PHYIR DE LAS GZHAN PA DANG LHAN CIG PA LTA BU 'BA' ZHIG GI NUS PA LAS KYANG MYU GU LA SOGS PA SKYED PA NI RANG RANG GI SKAD CIG MA'I MJUG THOGS SU SKYE BA YIN NO, ,'BA' ZHIG KYANG MYU GU LA SOGS PA SKYED PA'I PHYIR RANG BZHIN MI SKYED PA YIN NA, DE'I NGO BO LAS SKYED PA YIN NO ZHES BYA BA MA NGES PA YIN NO SNYAM DU BSAMS NAS GZHAN GYIS GAL TE DE DAG GIS ZHES BYA BA SMOS TE, RANG GI RGYU NI ZHING DANG SA BON LA SOGS PA LAS GZHAN PA'I NUS PA LAS GZHAN PA'I RKYEN GZHAN NYE BA KHO NAS SKYED LA CI'I PHYIR 'BA' ZHIG PAS MA YIN, LHAN CIG BYED PA NI THAMS CAD KYI TSE MI SRID PA'I PHYIR RO SNYAM NA, RES 'GA' ZHIG NI ZHES BYA BA SMOS TE, DUS 'GA' ZHIG GI TSE'O, ,GZHAN DU YANG NI 'BA' ZHIG PA LAS KYANG 'BYUNG BAR 'GYUR RO, ,'DI LTAR @252A *, ,NANG GI BDAG NYID DANG PHYI ROL DU MTHONG STE LA LAR 'BRAS BU CI 'DRA BA DANG LTAN CIG PA GANG DE 'DRA BA NYID DE SPANGS PA'I 'BA' ZHIG PAS KYANG SKYED PAR 'GYUR BA'I NUS PA LA RKYEN CI ZHIG YOD CE NA, DES NA 'BA' ZHIG KHO NA ZHES BYA BA SMOS TE GCIG KYANG SKYED PAR BYED PA SRID PAS DU MA NYI TSE NI MA YIN NO, ,'GA' ZHIG TU YUL LA SOGS PA'I NUS PAS SKYED PA NI ZHING DANG SA BON LA SOGS PA 'BRAS BU SKYED PA'O, ,GANG GI TSE DE'I RANG BZHIN NI GDON MI ZA BAR SKYED PA NA 'BA' ZHIG SKYED PA MA YIN NO, ,DE'I RANG BZHIN SRID NA YANG DE LAS GZHAN DAG MA NGES PA YIN NO ZHES ZER BA'I LAN NI 'DI YIN TE GZHAN DANG GZHAN LA ZHES BYA BA LA SOGS PA SMOS TE GZHAN DANG GZHAN SBYAR NAS KHUR KHYER PA'I SKYES BU'I 'BAD PAS SGYE LA SOGS PAR BCUG NA ZHING DU 'GRO BA DANG BTZUGS PA LA SOGS PA'I RKYEN PHYIS SBYOR BA GANG YIN PA DE NI RGYU SKAD CIG MA THA DAD PA'I NUS PA NI RES 'GA' ZHIG KYANG SNGA MA DANG PHYI MA'I DUS SU 'BYUNG BA NUS PA GCIG PA MA YIN NO, ,GZHAN DANG GZHAN RKYEN LDAN PA'I MTSAN NYID RGYU THA DAD PA YANG NUS PA THA DAD PA NI RGYU MED PAR THAL BAR 'GYUR RO, ,GZHAN YANG 'BRAS LA SOGS PA'I SA BON GYI NUS PA THA DAD PA NI RGYU MED PAR THAL BAR 'GYUR RO, ,GZHAN YANG 'BRAS LA SOGS PA'I SA BON GYI NUS PA THA DAD PA'I RGYU THA DAD PA DANG 'BREL PA'I PHYIR 'DU BYED PA DANG NYE BAR TSOGS PA'O, ,RKYEN GYI BYED PA RGYUD MA LAS RGYU 'BYUNG NGO, ,GAL TE KHA DOG DANG DBYIBS SAM GZHAN PA MTSUNGS PA NI MED DE RNAM PA CUNG ZAD CIG 'DRA BAS RNAM PA GCIG TU SHES PA SKYED PA'I MTSAN NYID MTSUNGS PA'I NGO BO DE DAG YIN PA'I PHYIR 'DRA BA DANG MTSUNGS PAR RTOGS PA NGO SHES PA YIN NO, ,DE LTAR BCOS MA DANG MA BCOS PA'I NOR BU DANG MU TIG LA SOGS PA RKYEN GZHAN DANG 'BREL PA'I MTSAN NYID TSOGS PA THA DAD PAS THA DAD PA NYID DE, MI 'DRA BA NYID LA NGO BO SHES PA'I DBANG GIS THA MI DAD PA NI MA YIN TE, SA BON LA SOGS PA 'DI DAG GI RANG BZHIN MTSUNGS PA'O, ,DE LTAR NA GANG GI PHYIR NGO BO THA DAD PAS NUS PA THA DAD PA GZHAN DANG GZHAN PA'I TSOGS PA SKYED PA NYID KYIS SKAD CIG MA GRUB @252B PO; ,GANG CUNG ZAD CIG ZHING DANG SA BON LA SOGS MYU GU LA SOGS PA 'BRAS BU 'GA' ZHIG DES SKYED PAR NUS KYI, THAMS CAD KYIS THAMS CAD SKYED PA MA YIN NO, ,ZHING DANG SA BON LA SOGS PA MA TSOGS PA LA MYU GU SKYED PA'I RANG BZHIN NAM SKAD CIG MA'I NUS PA'I NGO BO MED PAS DE'I RANG BZHIN SKYED PA DANG MI SKYED PA'I NGO BO YIN PA'I PHYIR 'DIR MA NGES PA MA YIN NO, ,GANG GI PHYIR GANG DANG GANG GI NGO BO YIN PA DE NI RANG GI RGYUS BSKYED PA NYID DE DANG 'DRA BAR 'GYUR GYI, DE NI RGYU'I NGO BO GZHAN LA LTOS PA MED NA NI MA NGES PAR 'BYUNG BAR 'GYUR NA NGO SHES PA'I 'DRA BA'I YUL LA TSOGS PA THA DAD PA'I NGO BOS GNOD PAS TSAD MA MA YIN PA DES NA 'DRA BA GRUB PA MED DO, ,SKAD CIG MA ZAD PAS SNGA MA DE NYID DE DAG GI GNAS SKABS KYI DNGOS PO THA DAD PAR NGES PA YIN NO ZHES BYA BA LA SOGS PAS NGO SHES PA MED PA'I YUL GCIG PA MED PAS BSAL TO, ,DE LTAR NI MTSUNGS PA'I NGO BO DANG YUL THA DAD PA'I SGO NAS 'DI DAG KYANG DE LA GZHAN DANG GZHAN LAS SKYE BA YIN NO ZHES BYA BA 'DI BSHAD ZIN PA DE YUL BSTAN PA'I DON DU 'DIR NYE BAR BKOD DO, ,CUNG ZAD CIG 'GA' ZHIG GI RGYU YIN NO ZHES BSHAD ZIN TO; ,DE CI SU ZHIG GI RGYU YIN ZHES BYA BA'I NUS PA GCOD PA NANG GI BDAG NYID CAN RNAMS LA RE ZHIG BSTAN PA NI DE LA ZHES BYA BA LA SOGS PA SMOS TE, DE LA NI DE RNAMS LA'O, ,SKAD CIG MA THA MA'I NUS PA'I NGO BO'I SKAD CIG MA'I DNGOS PO RNAMS LA BAR DU GCOD PA CAN NO, ,SOGS PA SMOS PA NI GANG BDAG NYID SHIN TU RING BA'AM NYE BA LA SOGS PA'O, ,DE'I YUL CHOD PA MED PA GANG LA DE CHOD PA MED PA'O, ,YUL CHOD PA MED PA LA SOGS PA GANG YIN PA DE NI YUL CHOD PA MED PA STE, GZUGS DANG DBANG PO LA SOGS PAS NI YID LA BYED PA DANG 'DRA BA'I DBANG PO LA SOGS PA'O, , DE YANG TSOGS PA NI TSOGS PA CAN GYI MTSAN NYID BSHAD DO, ,YUL LA SOGS PA MA CHOD PA NI YUL DANG 'DIR DBANG PO LA SOGS PA'I TSOGS PA DE RNAM PAR SHES PA SKYED PAR NUS PA'I RGYU YIN GYI GZHAN NI MA YIN NO, ,DE YOD PA NYID NI DE YOD KYI GZHAN YOD NA YANG MED PAS 'DI DAG TZAM RGYU @253A *, ,MTSAN YIN PAS NUS PA DANG MI NUS PA RNAM PAR GZHAG GO, ,GANG DBANG PO LA SOGS PA DE DAG PHAN TSUN NYE BAR SDUD PA'O, ,SOGS PA SMOS PA NI BAR DU CHOD PA DANG 'GRIB PA LA SOGS PA'O, ,RTEN DANG RGYU DANG RKYEN GYI KHYAD PAR LA DNGOS SU BYED PA'I RKYEN LAS THA DAD PA'I RNAM PAR SHES PA DE SKYED PAR NUS PA'I RGYU NI DE YOD NA YOD PA NYID DU MTHONG BA NYID DO, ,NUS PA DE DAG LAS BYUNG BA YIN ZHE NA, RANG GI ZHES BYA BA DE JI SKAD BSHAD PA'O, ,DE LA 'DI 'DRA BA DANG NUS PA GANG YIN PA DE GNYI GA YANG DE'I RGYUR BSHAD DO, ,GANG BZLAS NAS BSHAD PA NI GZHAN DAG RKYEN GZHAN DANG NYE BA NYID LAS SKYE BA NI BRGYA LA ZHIG GZHAN DU YANG 'GYUR RO ZHES BYA BA DE'I LAN GDAB PA'I PHYIR DANG DE DAG NUS PA DANG MI NUS PA'I RGYU DE RNAM PAR GZHAG PA NI SNGON MED PA NI DNGOS PO YUL RING PA'AM SHIN TU RUNG BAR DU CHOD PA LA SOGS PA'I DUS SO, ,PHAN TSUN RJES SU 'GRO BA LA SOGS PA'I RTEN DANG RKYEN NYE BA NA PHYIS MED PA NI DE'I GNAS SKABS DOR BA DANG BAR DU CHOD PA LA SOGS PA RTOGS PA'O, ,SO SOR MED PA NI DNGOS PO RE RE'I DUS SU YOD PA'AM BDOG PA'I RGYU MED PA'I PHYIR RO, ,DE'I PHYIR NUS KYANG NGO, ,KYANG GI SGRAS NI RGYU'I NUS PA MANG PO YANG SNGON DANG PHYI MA DANG SO SOR YOD PA LAS BYUNG BA NI SNGA MA DANG PHYI MA DANG SO SOR YOD PA'I GNAS SKABS KYI NGO BOR GYUR PA'I TSUL GANG DAG LA RKYEN GZHAN DANG NYE BA LAS CI'I PHYIR SKYE BA YIN, SNGON DANG PHYIS DANG SO SOR CIS NA MI SKYED CES SKYON BRJOD PA NA SNGON DANG PHYIS DANG SO SOR SKYED PA'I MTSAN NYID LA DES MI GO STE 'BYAR BA MA YIN NO, ,RES 'GA' GZHAN DU YANG 'GYUR RO ZHES GANG BSHAD PA DE YANG 'DIS BSAL BA YIN NO SNYAM NAS DES NA ZHES BYA BA SMOS TE, GANG GIS GANG DAG GANG GI GNAS SKABS SU NGES PA DE NI GZHAN DU 'GYUR BA MED DE SKAD CIG MA YIN PA'I PHYIR RO, ,GANG 'BYUNG BA DE NI DE NYID MA YIN PA'AM DE DANG 'DRA BA GZHAN DANG 'DRA BAR GYUR PA DES NA RGYUS SO, ,DE DAG NI DBANG PO LA SOGS PA'O, ,PHAN TSUN NYE BAR 'GRO BA NI GZHAN DANG GZHAN RUNG BA'I YUL DU TSOGS PA'O, ,BAR DU CHOD PA SPANG BA'I RGYU GANG YIN PA DE @253B NI RNAM PAR SHES PA SKYED PAR NUS PA'O, ,RGYU NI DE'I LHAN CIG BYED PA'I RKYEN DBANG PO LA SOGS PA'I NUS PA RNAMS RANG GI SKAD CIG MA SKYED PA'I PHYIR RO, ,DE LTAR BYED PA DE'I NUS PA'I RGYU NI PHAN TSUN NYE BAR 'GRO BA LA SOGS PA'I RTEN PA'I RKYEN GYI BYE BRAG GI LHAN CIG BYED PA DBANG PO LA SOGS PA NI RES 'GA' ZHIG GZHAN DU 'GYUR BA MED DO, ,PHAN TSUN NYE BAR 'GRO BA LA SOGS PA'I RTEN RKYEN GYI BYE BRAG MED KYANG YOD PA DES CI ZHIG BRJOD PA YIN NA RES 'GA' ZHIG GZHAN DU 'GYUR BA BA YANG YIN PA'O, ,DES NA 'GA' ZHIG KYANG LA LAR SKYED PA YIN NO ZHES BYA BA LA GZHAN DU 'GYUR BA SRID PAS PHAN TSUN NYE BAR 'GRO BA LA SOGS PA'I RTEN PA'I RKYEN GYI BYE BRAG GIS NYE BAR LEN PA DANG LHAN CIG BYED PA RNAMS NUS PA'I RGYU YIN TE, DBANG PO LA SOGS PA NYE BAR LEN PA'I NUS PA'I RGYUS DBANG PO LA SOGS PA SKYED PAS DE MED NA YOD PA NI MI RIGS SO, ,LHAN CIG BYED PA GANG GIS 'BRAS BU GCIG BYED PAR NGES PA DE DANG DE MED NA DE SKYED PA MA YIN TE DE NYID TSOGS PA GCIG LA RAG LAS PA DE MI SRID PA'I PHYIR RO, ,RNAM PA DE LTA BU'I RGYU DANG 'BRAS BU'I DNGOS PO SO SOR NGES PA'I BDAG NYID RNAMS LA RTZOD PA MED PA NI GZHAN LA YANG MTHONG BAR BSTAN PA NI TSUL 'DIS ZHES BYA BA LA SOGS PA SMOS TE, GANG DAG GZHAN PA'I RGYU DANG 'BRAS BU'I DNGOS PO SO SOR NGES PA TSUL BSHAD PA GANG YIN PA DE NI GZHAN LA YANG THAMS CAD DU BLTA BAR BYA'O, ,THAMS CAD LA ZHES BYA BA BRJOD PAS SKAD CIG MA MA YIN PA RNAMS LA SO SOR NGES PAR MA GYUR CIG SNYAM NA, SKAD CIG MA RE RE LA ZHES BYA BA LA SOGS PA SMOS TE, GANG LA SKAD CIG SKAD CIG LAS GZHAN DANG GZHAN GYI RANG BZHIN THA DAD PA'I RJES SU 'GRO BA CAN GYI NUS PA LAS 'BYUNG BA DE LA 'DIR DON GCIG BYED PA SO SOR NGES PA'I LHAN CIG BYED PAR BLTA'O, ,GANG DAG DNGOS PO BRTAN PA GCIG PU'I NGO BO CAN DAG NI MA YIN PA'O GZHAN GYIS BRTAGS PA'I PHYIR RO, ,DE RNAMS LA YANG BRTAN PA NI RGYUN LA BRTEN NAS BSHAD PA'O, ,GCIG PU SMOS PA NI SKAD CIG MA GCIG YOD PA'I PHYIR BRTAN PAR 'DZIN TO, ,CI'I PHYIR DNGOS PO BRTAN PA LAS YANG GCIG PU'I @254A *, ,NGO BOR MI 'DOD DO ZHE NA, NGO BO NYID CES BYA BA LA SOGS PA SMOS TE, SU DAG DNGOS PO RANG NYID LAS MI 'BYUNG NA BDAG NYID KHO NA'I NGO BO GZHAN LAS 'BYUNG BA MA YIN NO, ,DE'I PHYIR BSTAN PA'I DON NI GAL TE 'BRAS BU SKYED PAR NUS PA'I RANG BZHIN YIN PA DE BAS NA MI BYED PAR MI 'THAD DE, THAMS CAD DU BYED PAR 'GYUR RO, ,GZHAN DU NA NUS PA MED PA'I NGO BO YIN PA DE YANG BYED PA MI 'THAD PAS THAMS CAD DU DNGOS PO BYED PA MA YIN NO, ,GANG YANG DES 'GA' ZHIG BYED PA RES 'GA' MA YIN PA MI RIGS TE, DES NA SKAD CIG MA MED PA DAG DE'I 'BRAS BU BYED PAR NUS PA'I NGO BO NYID LA LHAN CIG PA DANG LHAN CIG MA YIN PA GNAS SKABS DAG GCIG GI NGO BO YIN PA'I PHYIR 'BA' ZHIG PA DAG KYANG DE'I 'BRAS BU BYED PAR THAL BAR 'GYUR BAS DON GCIG BYED PA'I SO SOR NGES PA'I MTSAN NYID NI LHAN CIG BYED PA RNAMS LAS 'BYUNG BAR GA LA 'GYUR, GZHAN GYIS 'DIR GZHAN DANG LHAN CIG BYED PA ZHES BYA BA LA SOGS PA SMOS TE GAL TE 'BA' ZHIG PA 'DI SKAD CIG MA MED PA'I NUS PA'I NGO BO YIN PA DE LTA NA YANG GZHAN DANG LHAN CIG BYED PA'I 'BA' ZHIG NI MA YIN TE, 'DI YANG 'DI'I NGO BO GZHAN DANG LHAN CIG BYED PA GANG RANG GI 'BRAS BU BYED PA'I NUS PA'I NGO BO YOD PA 'BA' ZHIG GIS NI MA YIN NO ZHE NA, GRUB PA'I MTHA' SMRA BAS CI 'BA' ZHIG GIS ZHES BYA BA LA SOGS PA SMOS TE, GZHAN DANG LHAN CIG PA NYID KYI RANG GI 'BRAS BU BYED KYI 'BA' ZHIG PAS MA YIN NO ZHES BYA BA DE 'BA' ZHIG PA'I NGO BOS MI NUS PAS MI SBYOR GYI GZHAN GYIS YIN NO SNYAM DU BSAMS NAS GZHAN 'DRI PA NI MA GTOGS SO ZHES DGONGS NAS NUS NA CI'I PHYIR MI SKYED CES BYA BA SMOS TE, SKAD CIG MA MED PA'I 'BA' ZHIG PA NUS PA'I NGO BO KHO NA GZHAN DU YOD NA NI SKAD CIG MA MED PA NYAMS PA YIN NO, ,NUS NA CI'I PHYIR MI BYED, NUS NA MI BYED PA NI LHAN CIG PA'I GNAS SKABS KYIS SBYOR RO ZHES BYA BA LHAN CIG PA KHO NA BYED PAR 'DOD KYI 'BA' ZHIG PA NUS PA MED PA'I NGO BO YIN PAR KHONG DU CHUD PAR BYA'O, ,YANG NA 'BA' ZHIG PA GAL TE MGO BO GCOD PA DE LTA NA YANG MI BYED DO ZHES 'DOD NA MI BYED NA ZHES BYA BA LA SOGS PA SMOS TE 'BA' ZHIG PA NI RES 'GA' ZHIG KYANG 'BRAS BU BYED PAR NUS PA MED NA, JI @254B LTAR NUS PAR BRTAG PAR BYA, 'DIR GANG NUS PA'I NGO BOS GDON MI ZA BAR 'BRAS BU BYED PAR NGES PA MA YIN TE, GZHAN LA YANG MTHONG NGO SNYAM DU SEMS NAS GZHAN GYIS GAL TE THAG PA LA SOGS PA ZHES BYA BA SMOS SO, ,GRUB PA'I MTHA' SMRA BAS BZHAD GAD BYED PA NI RTZE BA'I NGANG TSUL CAN ZHES BYA BA SMOS TE, LHA RNAMS DGA' BA NI BLON PO DRANG PO'O, ,DE BDE PA SKYED PA'I PHYIR DGA' BA'I RANG BZHIN CAN NO, ,RTZE BA NI BYIS PA'I CHOS SO, ,DE DANG CHOS MTHUN PAS NI SHES RAB NYAMS PAR BSHAD DO, ,SKYID DE BAR SKYES PA NI BSTAN BCOS LA MI SBYOR BA'O, ,MI SBYOR BA'I BLO NGAN PA GANG YIN PA DE NI BYAS KYANG DNGOS PO BRJOD PA'I NGANG TSUL CAN YANG BYED PA'O, ,BYAS PA NI RAB TU BRTZAMS PA'O, ,YANG BYED PA ZHES BYA BA NI SLAR YANG RTZOM PA'O, ,GANG LA SLAR YANG RTZOM PAR BYED CE NA, 'DI LTAR ZHES BYA BA SMOS TE, SA BON BZHIN DU MA NGES PA YIN NO ZHES BYA BA'I GNAS SKABS DES 'DI DAG BSAL BA YIN NO, ,'DI NYID SKAD CIG MA MED PA'I NUS PA'I NGO BO NYID LA LHAN CIG BYED PA NYID KYIS 'BRAS BU GCIG BYED PA'I NGO BO 'GAL BAS 'GA' ZHIG BYED PAR 'THAD PA MA YIN NO ZHES BSTAN PA'I MJUG BSDU BA NI DE LTA BAS NA ZHES BYA BA SMOS TE, 'BRAS BU BYED PAR NUS PA'I NGO BO GZHAN DU 'GYUR BA MI SRID PA'I PHYIR RES 'GA' ZHIG KYANG MI NUS PAS NA MI SRID PAS DE'I CHOS KYI 'BRAS BU BYED PA 'DI LTA BU NI THA MA'I GNAS SKABS BZHIN DU LHAN CIG BYED PA'I GNAS SKABS DNGOS PO'I 'BRAS BU BYED PA BZLOG TU MI RUNG NGO, GAL TE SKAD CIG MA MED PA'I 'BA' ZHIG NI NUS PA MED PA NYID DE, DES NA 'BA' ZHIG NI MI BYED PA LHAN CIG PA'I GNAS SKABS 'DI NYID KYI NUS PA DANG LHAN CIG BYED PAS SKYE'O, ,DE'I PHYIR LHAN CIG BYED PAS BYED DO ZHE NA, THA MA'I GNAS SKABS NA ZHES BYA BA SMOS TE, NUS PA LAS SKYE BA 'DRA BA SNGON NUS PA MED PAR YOD PA'O, ,DE'I NUS PA GANG YIN PA DE LAS SKYE BA DE'I RANG GI NGO BO NYID DU SPYOD PA LA SOGS PA RNAMS 'DOD PA DE DAG NUS PA DANG MI NUS PA'I NGO BO THA DAD PAR MNGON PAR 'DOD PA NI RNAM PA 'GAS THA DAD KYANG DE'I NGO BO NYID DU RTOGS PA'I PHYIR RO ZHES 'DOD NA DE SNGON MED PA SKYE BA NYID YIN NO, ,'O NA MED PA'I DNGOS PO DE SKYED PA GANG YIN PA DE NI NGO BO'I NUS PA YIN NO, ,NGO BO GCIG PA'I NUS PA NYID SNGAR MED PAS SKYED PAR MI NUS @255A *, ,ZHES PA MI RIGS TE, DE DAG NGO BO THA DAD PAR THAL BAR 'GYUR TE CHOS 'GAL BA GNAS PAS MTSAN NYID THA DAD PA'I PHYIR RO, ,GAL TE NUS PA DANG LDAN PA SKYED PA DANG MI SKYED PA NGO BO NYID GCIG PAR RTOGS PA KHO NA JI LTAR SPONG BAR NUS PA YIN NO ZHE NA, MA YIN TE, TSAD MAS RTOGS PA LAS GZHAN DU RTOGS PA LA KHYED RJES SU 'BRANG NA ZLA BA GNYIS PA LA SOGS PA YANG SPANG BAR MI BYA'O, ,GAL TE GNOD PAR BYED PA'I TSAD MA SRID PAS KHYAD DU GSOD PA YIN NO ZHE NA, 'DIR YANG NGES PA GCIG GI NGO BO LA SKYED PA DANG MI SKYED PA PHAN TSUD 'GAL BAS GNOD PAR CIS NA MI 'DOD, RDO RJE RDO BA'I CHOS CAN DE'I NGO BOS SKYES PA YIN NO ZHES RNAM PAR 'BYED PA NYID KYI SNGA MA DANG PHYI MA'I DUS DAG ZAD PA MED NA JI LTAR THA DAD PAR RTOGS PAR 'GYUR, RNAM PAR SHES PA LA SOGS PA'I 'BRAS BU MI SKYED PA CIG CAR SKYED PAR THAL BAR 'GYUR RO, ,GAL TE MIG LA SOGS PA DANG NYE BA LAS SNGON NUS PA MED PA LAS SKYE BA NI RIM PA DANG LDAN PA YIN NO ZHE NA, GAL TE DE LTAR RNAM PA GCIG PA SNGA MA DANG PHYI MA DAG GI DBANG DU BYAS PA NGO SHES PA SKYE BA NA SNGA MA'I NUS PA THA DAD PA'I RDO BA LA SOGS PA'I GZUNG BAR BYA BA LA YANG RJES SU DPAG PA'AM DON GYIS GO BAS GNOD PAS NYAMS SU MYONG BA TSAD MA MA YIN NO ZHES KHAS BLANG PAR BYA'O, ,DE LTAR SKYED PA DANG MI SKYED PA'I NGO BO GCIG PA 'GAL BA'I PHYIR NUS PA KHO NAS SNGAR MA MYONG BA SKYED DO, ,'DRA BA GZHAN 'BYUNG BA 'DZIN PAR BYED PA NA TSU ROL MTHONG BA GCIG TU 'KHRUL PA DANG SEN MO LA SOGS PA BREGS NAS YANG SKYE BA BZHIN DU CIS NA MI 'DOD, 'ON TE LHAN CIG BYED PA'I RKYEN DANG NYE BA'I MTSAN NYID LAS NUS PA DE'I NGO BO YIN PA'I PHYIR SNGON MED PA SKYE BAR THAL BAR MI 'GYUR RO ZHE NA, RIGS PA CAN LA SOGS PA GZHAN DAG SMOS PA 'DIR MA YIN PAS DE'I NGO BO MA YIN PA ZHES BYA BA SMOS TE, GZHAN GANG DAG SA BON LA SOGS PA DON GYI NUS PA LTA BU DE'I NGO BO YONGS SU SPANGS NAS PHYI MA'I BYED PA PO NYID KYANG MA YIN NO, ,GANG LAS SHE NA NUS PA ZHES BYA BA BSHAD PA NI DE GZHAN PA'I LHAN CIG BYED PA'I RKYEN GYI MTSAN NYID GANG YIN PA DE NYID LA KHYAD PAR GYI SGRAS BRJOD DO ZHES RIGS PA CAN GYIS KHAS BLANGS PA DE NYID KYI PHYIR DE YOD NA YOD PA NYID KYIS 'BRAS BU SKYED DO,, @255B DE YANG LHAN CIG BYED PA'I RKYEN RNAMS NI SKAD CIG MA MED PA GANG YIN PA DE RNAMS LA THAL BAR 'GYUR BA 'DI MI 'DOGS PA'I PHYIR RO, ,SKAD CIG MA NYID DON GCIG BYED PAR NGES PA'I MTSAN NYID LA LHAN CIG BYED PA NYID 'DOD PAR KHAS BLANGS SO, ,GZHAN YANG SKAD CIG MA MED PA RNAMS LA DON GCIG BYED PAS SO SOR NGES PA BSAL BA'I RGYU LHAG PA NI GZHAN YANG ZHES BYA BA LA SOGS PA SMOS TE, SKAD CIG MA MED PA DNGOS PO GANG YIN PA 'DI LHAN CIG BYED PA MTHA' DAG DANG LDAN PA RANG GI 'BRAS BU BYED PAR 'DOD PA YIN NA, RE ZHIG DE DANG DE NYID CI'I PHYIR MI BYED, RGYU GANG GIS DE'I 'BRAS BU BYED PA NGO BO NYID KYIS DE'I TSE BYED PA YIN NO, ,DE NYID BSTAN PA'I RANG BZHIN YIN PA'I PHYIR SNGON YANG BYED PAR 'GYUR BA DES NA DON GCIG BYED PAR SO SOR NGES PA'I DNGOS POR GA LA 'GYUR, JI LTA BA DE MTHONG BA LA RIGS PA GZHAN BTZAL BAS CI ZHIG BYA, DE LTAR NA THAMS CAD LA 'DI MI RIGS SO SNYAM DU GZHON NU MA LEN SEMS NAS SKYED PA MTHONG STE ZHES BYA BA LA SOGS PA SMOS TE, GANG GI PHYIR DE NYID DON GCIG BYED PA MTHONG BA DES NA MTHONG BA'I STOBS KYIS BYED PA YIN NO ZHES KHO BOS SMRA'O, ,SNGAR BYED PA MA MTHONG BA DES NA MI BYED DO ZHES BYA BA 'DI MTHONG BA'I RIGS PA'I 'THAD PAS CI ZHIG BYA SNYAM NA, SKAD CIG MA MED PAR KHAS LEN PA LA DON GCIG BYED PAR MA GRUB PA'I PHYIR RO, ,RANG GI MTHONG BAS 'BRAS BU BYED PA DE'I PHYIR 'DI BSHAD PAR RIGS PA MA YIN NO ZHES BZHAD GAD BYED PA NI MTHU CHEN PO CAN ZHES BYA BA LA SOGS PA SMOS TE, MTHU CHEN PO CAN GYI MTHONG BA NI NUS PA CHEN POR GYUR PA'O, ,GANG GI PHYIR KHYED KYI RGYU DANG 'BRAS BU'I DNGOS PO 'DI DAG MA TSANG BAR MI 'GYUR TE, GAL TE RGYU DANG 'BRAS BU'I NGO BO YIN PA'I PHYIR DNGOS PO'I 'BRAS BU BYED PA DE NYID KYI LAN CIS NA MI BRJOD, GANG GIS 'BRAS BU BYED PA MTHONG BA LAN DU BYED PA YIN NO SNYAM NA, RANG GI NGO BO TZAM GYIS BYED PA NI BDAG NYID YOD PA RTZAM GYIS RNAM PA SNA TSOGS PA RNAMS LA SBYOR BAR BYED PA DE JI LTAR NUS PA CHEN PO TZAM MA YIN , 'DIR 'GA' ZHIG GIS KYANG NUS PA MA YIN 'ON KYANG BRGYA LA 'GA' ZHIG CI ZHIG LTAR BSGRIBS PA'AM MI SDOD PA LA, ,'DIR KHYOD KYI ZHES BYA BA @256A *, ,NI ZHES BRJOD PA'O, ,MTHONG BA LAS 'DAS PA NI DE LAS RGAL BA'O, ,DE DANG GZHAN DU BRJOD PA 'DI DAG SKYED PA'I CHOS DE DANG 'DI NI MI SKYED PA'I CHOS YIN PA DE'I PHYIR RGYUD MED PAR 'GYUR BAS 'DI KHO BO CAG GI BSAM PA NI SEMS LA GDUNG BAR BYED DO, ,GZHAN GYIS KHO BO NI DE'I ZHES BYA BA LA SOGS PA SMOS TE, KHO BO RGYU DANG 'BRAS BU'I NGO BO SPANGS NAS, DNGOS PO RNAMS KHO BO CAG GIS MTHONG BA'I DBANG GIS 'BRAS BU BYED PAR NI MI SMRA STE, 'ON KYANG NGO BO NYID KYIS DE YOD PA DE LA 'BRAS BU BYED PA NGO BO YIN PA DE'I PHYIR RANG GI 'BRAS BU BYED PA DE MTHONG BA 'BA' ZHIG MI SKYED DE, ,DE DAG BYED PA PO'I RANG BZHIN DU MTHONG BA NI JI LTAR GNAS PA'I DNGOS PO SHES PAR BYED KYI MED PA'I RANG GI NGO BO BYED PA NI MA YIN NO ZHE NA, GRUB PA'I MTHA' SMRA BAS 'DI YANG YOD PA BDEN PA ZHES BYA BA SMOS TE, KHO BO CAG RIGS PA LA RJES SU CHAGS PA RIGS PAR BRJOD PA LA CIS NA BTANG SNYOMS SU BYED PA 'DIR YANG KHYED KYIS THAMS CAD KYI TSE RIGS PA BRJOD PA SPANGS PA YANG RAS 'GA' ZHIG RIGS PA DANG LDAN PAR SMRA BA LA DGA' BA SKYE STE, 'O NA DE CI YIN ZHES DRIS PA NA, DE DAG 'BRAS BU SKYED PA ZHES BYA BA SMOS TE, 'BRAS BU SKYED PA'I CHOS NI DNGOS PO'I 'BRAS BU BYED PA'I CHOS SO, ,RGYU DES NA RKYEN MTHA' DAG DANG LDAN PA RNAMS NI LHAN CIG BYED PA'I TSOGS PA'O, ,GANG DAG 'BRAS BU MI SKYED PAR BTANG SNYOMS SU GYIN 'DUG PA MA YIN PAR RTOGS PA'I PHYIR KHYED KYIS RIGS PA BRJOD PA 'DI YANG YOD PAR BDEN NO, ,'ON KYANG 'DI DAG 'DI LTAR BLTA BAR BYA STE, CI DE DAG MI SDOD PAR SKYED PA'I CHOS KYI NGO BO NYID DO, ,CI DE DAG THA MA'I GNAS SKABS DE KHO NA'I TSE NI TSOGS PA'I GNAS SKABS SU GANG DE MA THAG TU 'BRAS BU SKYED PA DE KHO NA SKYES PA YIN NAM, YANG NA SNGON YANG PHAN TSUN SPANGS PA'I GNAS SKABS SU BYUNG ZIN PA YANG YIN, DE LA DE NYID SKYES PA NYID YIN NA MED PA'I NGO BO GZHAN SKYES PAS 'DI BYED PA PO NYID YIN NA NI SNGAR BSHAD PA'I SKYON GYIS 'JIGS PAS, GZHAN GYIS YOD PA GANG ZHIG YIN, ,ZHES BYA BA SMOS SO, ,'PHO BA DANG SKYES PA NI 'PHO @256B BA DANG SKYES PA STE DE BKAG PA NI MI 'PHO BA DANG MA SKYES PA'I BRTAN PA GCIG PU'I NGO BO GANG DAG GI DNGOS PO DE DAG NAM YANG NGO BO NYID 'GA' ZHIG 'DIR DMIGS PA MED PA 'GAL BA'I PHYIR RO, ,SKAD CIG MA RNAMS LA JI SRID DU MTHONG BA'I NGO BO LAS GZHAN DU 'GYUR BA DE SRID DU DE GZHAN YIN PA'I PHYIR MI 'PHO BA DANG, MI SKYE BA SNGA MA DANG PHYI MA'I NGO BO RNAMS BRTAN PA'I NGO BO MA YIN NO ZHE NA, 'DIR DA NI ZHES BYA BA LA SOGS PA SMOS SO, ,'DI'I TSIG 'DI KHO BO CAG 'DRA BA'I TSIG YIN NO ZHES MI 'DOD NA DE'I PHYIR MI SDOD PAR ZHES BYA BA SMOS TE, GANG GI TSE 'DI DAG 'DIS MTSUNGS PAR MI 'GYUR BA DE'I TSE LHAN CIG BYED PA MTHA' DAG GI 'BRAS BU'I GNAS SKABS LAS SNGAR YANG MI SDOD PAR SKYED PA'I NGO BO NI 'BRAS BU BYED PA'I NGO BO MI THOGS PA'O, ,'BRAS BU MI SKYED PA YANG YIN NO ZHES SMRAS PA'I DON CI ZHIG YIN, REG PA CAN GYI BSAMS PA DNGOS PO RNAMS KYI LHAN CIG BYED PA'I NYE BA DANG MI NYE BA LA LTOS PA'I BYED PA PO MA YIN PA'I RANG BZHIN GYI RNAM PAR GZHAG PA DANG, NGO BO NYID DES MI 'PHO BA DANG, MI SKYE BA BRTAN PA GCIG PU'I NGO BO NYID MA YIN LA, SNGAR YANG RANG GI 'BRAS BU SKYED PA'I NGO BO MA YIN NO, ,'ON KYANG LHAN CIG BYED PA'I RKYEN MTHA' DAG NYE BA YIN NO ZHES DE'I 'DOD PA'I DOGS PA BSU BA NI, GAL TE DE'I NGO BO NYID NI ZHES BYA BA LA SOGS PA SMOS SO, ,DE DAG BSAL BA NI 'O NA NI 'BA' ZHIG KYANG GZHAN LA ZHES BYA BA LA SOGS PA SMOS TE, BRGYA LA LHAN CIG BYED PAS RANG GI 'BRAS BU SKYED PA'I NGO BO 'BA' ZHIG DANG DE LAS BZLOG PA'I NGO BO GZHAN MA YIN PAR CI'I PHYIR MI 'GYUR ZHE NA, DNGOS PO THAMS CAD THA DAD PA, ,ZHES BYA BA SMOS TE, DNGOS PO THA DAD PA NI DNGOS PO'I MTSAN NYID THA DAD PA'O, ,GAL TE DE'I 'BRAS BU SKYED PAR BYED PA DANG SKYED PAR MI BYED PAS THA DAD PA YIN TE, 'BRAS DANG NAS KYI SA BON BZHIN DU JI LTAR DNGOS PO THA DAD PAR MI 'GYUR TE, NGO BO LAS GZHAN PA'I DNGOS POS NI MA YIN TE GANG GI PHYIR DE THA DAD KYANG THA MI DAD NA RANG BZHIN MED PAR THAL BAR 'GYUR BA'I PHYIR RO, ,'O NA NI BDAG NYID SKYED PAR BYED PA DANG SKYED PAR MI BYED PA'I NGO BO SPANGS PA'I PHYIR RKYEN GZHAN PA'I NGO BO LA LTOS PA'I @257A *, ,PHYIR SKYED PAR BYED PA DANG, SKYED PAR MI BYED PA'I NGO BOS DE THA DAD KYANG GANG LAS DNGOS PO THA DAD PAR THAL BAR 'GYUR RO, ,DE GZHAN LA LTOS PA'I NGO BO NYID THA DAD PA'I MTSAN NYID YIN PA'I PHYIR RO, ,LHAN CIG BYED PA NYID YIN YANG, ,ZHES BYA BA LA SOGS PA SMOS TE, GAL TE DNGOS PO GANG YIN PA 'DI LA LHAN CIG BYED PA GZHAN MNGON PAR 'DOD NA NAM ZHIG KHYED KYI LAN 'DI MI SLU BAR 'GYUR, DE'I RANG GI NGO BOS NYE BA YIN PAS MA NGES PAR 'GYUR RO, ,RANG GI NGO BOS MA YIN NA 'DI DAG YOD PA MA YIN TE, DE LTAR NA DNGOS PO NI DON DAM PAR NA DE NYID GZHAN GYI BYED PA POR 'GYUR GYI DE LA BYED PA PO NYID DU BSHAD PA NI RTOGS PAS SPRUL PA NYID MA YIN NO, ,RTOGS PA'I RJES SU BYED PA NI DON BYED PA GZHAN MED DE BRAM ZE'I BU LA SREG PA NYE BAR BTAGS BA SREG PA RAG LAS PA NI MA YIN NO, ,DE'I PHYIR PHAN MI 'DOGS PA'I DNGOS PO LA 'BRAS BU LTOS PAR MI 'GYUR TE, DE SPANGS PA NYID LHAN CIG BYED PA RNAMS LAS 'BYUNG BA'AM, GANG DE RNAMS LAS KYANG MI 'BYUNG BAS SO, ,DE DAG KYANG GZHAN GYI NGO BOS BYED PA YIN GYI RANG NYID BYED PA MA YIN PA'I PHYIR RO, ,DES NA THAMS CAD DU RANG KHO NA BYED PA PO NYID MA YIN LA GZHAN GYI NGO BOS KYANG BYED PA PO MA YIN PA'I PHYIR THAMS CAD DU BYED PA PO MED PAS CUNG ZAD CIG KYANG 'GA' YANG SKYED PA MED DO, ,DE'I GANG GI NGO BO KHO NAS DNGOS PO'I 'BRAS BU BYED KYI GZHAN GYI NGO BOS NI MA YIN PAS LAN GYI GO SKABS MED DO, ,DES NA GZHAN DANG LHAN CIG DANG GZHAN 'BA' ZHIG PA ZHES BYA BA DE MI G-YO BA NYID DO, ,YANG RANG GI NGO BO GANG GIS SKYED PAR BYED PA 'DI LHAN CIG PA DANG LHAN CIG PA MA YIN PA'I GNAS SKABS DAG THAMS CAD DU YOD PA DE'I TSE RANG GI 'BRAS BU SKYED PAR BYED PA YANG BRTAN PA'I NGO BO SNGON YANG LHAN CIG MA YIN PA'I GNAS SKABS DE KHO NA GANG LHAN CIG PA'I GNAS SKABS KYI DUS LA MI SDOD PAR SKYED PA'I RANG BZHIN DU 'GYUR BAR ZAD DO, ,DE'I PHYIR JI LTAR RES 'GA' ZHIG MI SKYED PAR BRAL BA YIN, YANG RES 'GA' GZHAN GYIS SMRAS PA RANG GI RGYU 'DI RKYEN GZHAN LA LTOS NAS RANG GI 'BRAS BU SKYED PA NA NGO BO NYID KYIS SKYE'O ZHES BYA BA 'GA' ZHIG GIS BYED PA NI MA YIN NO, , @257B LHAN CIG BYED PA DANG LHAN CIG BYED PA MA YIN PA'I GNAS SKABS 'DI NGO BO THA DAD PA RKYEN GZHAN LA LTOS NAS RANG GI 'BRAS BU SKYED PA'I RANG BZHIN NI THAMS CAD DU MED PA DE'I PHYIR LHAN CIG PA NYID DE YIN NA YANG ZHES BYA BA LA SOGS PA SMOS TE, RANG GI NGO BO NYID KYIS BYED PA YIN PA'I PHYIR DANG DE SNGON YANG YOD PA'I PHYIR RO, ,RKYEN GZHAN LA LTOS PA DE LAS THOB PAS DE'I BDAG NYID PHUL DU BYUNG BA MI SKYED PA PHAN 'DOGS PA'I MTSAN NYID 'DI MI RIGS PA'I PHYIR RO, ,DE LTA MA YIN NA HA CANG THAL BAR 'GYUR BAS 'BA' ZHIG 'BRAS BU BYED PA SEL BAR MI 'GYUR RO, ,JI LTAR LHAN CIG BYED PA DANG LHAN CIG BYED PA MA YIN PA'I GNAS SKABS KYI DNGOS PO THA DAD PAR MI 'GYUR BA'I PHYIR RKYEN GZHAN LA LTOS PA'I RANG GI 'BRAS BU BYED PA'I RANG GI NGO BO LA YANG GZHAN GYI NGO BOS BYED PA PO YIN TE, RKYEN GZHAN DANG NYE BAR RTOGS PA'I DUS SU BYED PA PO NYID YIN GYI SNGON MA YIN NO ZHES BYA BA 'DI'I DON TO, ,DES KYANG 'DI RES 'GA' ZHIG 'BRAS BU BYED PA'I NGO BO NI THAMS CAD DU MA YIN NO ZHES BRJOD NA, JI LTAR THAMS CAD DU RANG GI 'BRAS BU SKYED PA'I RANG BZHIN DU 'DI BSHAD PAR 'GYUR, 'O NA NI DE LTAR NGO BO THA DAD PA NYID DU DE DANG DE MA YIN PA'I DUS SU SGRUB PAR 'GYUR RO, , DE'I PHYIR SKAD CIG MA RNAMS DON GCIG BYED PAR NGES PA'I MTSAN NYID LHAN CIG BYED PA NYID YIN NO ZHES PAR NGES SO, ,GZHAN GYIS GZHAN DAG SKYON MTSUNGS PAR BRJOD PAR 'DOD PA NI GANG GI ZHES BYA BA LA SOGS PA SMOS PA NI GO BLA'O, ,GAL TE SKAD CIG MA RNAMS DE LTAR YANG JI LTAR MI 'GYUR ZHE NA, JI LTA BU'I SKYED PA NI BSHAD ZIN TO ZHES BYA BA SMOS TE, LHAN CIG BYED PA RNAMS KYIS THA MI DAD PAR SKYED PAR BYED PAS MTHA' MA'I RKYEN GYI NGO BOS NUS PA NYID DO, ,LHAN CIG SKYED KYANG SKAD CIG MA GANG DAG SNGON DANG PHYIS DANG SO SOR NUS PA MED DO ZHES BYA BA 'DIR DE JI LTAR SKAD CIG MA LA RUNG BA YIN, GANG LA MTHA'I SKAD CIG MA SKYED PA'I NGANG TSUL CAN GZHAN DU 'GYUR, MTHA' MA'I SKAD CIG MA LAS SNGON DANG PHYI MA DANG THA DAD PA'I NGO BO GZHAN DU 'GYUR TE, THA MA'I SKAD CIG MAR GYUR PA DE NYID LHAN CIG BYED PA'I RGYUN GYIS PHAN 'DOGS PA'I NGO BO LA LTOS NAS SKYED PA'I CHOS NI MA YIN PA'I PHYIR @258A *, ,SKAD CIG MA MED PA'I PHYOGS LA BSHAD PA'I SKYON 'DIR MI 'GYUR RO, ,SKAD CIG MA MA YIN PA'I PHYOGS LA GANG GIS SHE NA, BYED PA PO DANG BYED PA PO MA YIN PA ZHES BYA BA LA SOGS PA SMOS TE, BYED PA PO NI THA MA'O, ,BYED PA PO MA YIN PA NI DE LAS GZHAN PA DE DAG GI NGO BO'O, ,THA DAD PA DE YANG THA MI DAD PAR BRJOD PAR 'DOD PA NA GCIG PA NYID DU BRJOD LA, DE LTAR NA BYED PA PO NI GANG MTHA' RGYU LAS SKYES PA DANG BYED PA PO MA YIN PA RGYU GANG YIN PA DE NI GZHAN PA STE DE YANG THA MI DAD PAR BRJOD PAR 'DOD PA NI GCIG PA NYID DU BSHAD PA DES NA BYED PA PO DANG BYED PA PO MA YIN PA DE DAG GI NGO BO DE DAG CHOS CAN GCIG LA 'GAL BA'I PHYIR RO, ,DE LTA NA DE DAG GI NGO BO LA SKYED PAR BYED PA RGYU NI BYED PA PO GCIG GI NGO BO DANG SKYED PAR BYED PA LAS GZHAN BYED PA PO MA YIN PA'I NGO BO SKYED PAR BYED PA DE DAG KYANG CHOS CAN GCIG PA 'GAL BAS GZHAN PA NYID DE, BYED PA PO'I RANG BZHIN SKYED PAR BYED PA'I RGYU LAS SKYES PA'ANG BYED PA PO MA YIN TE NGO BO GZHAN MA YIN PA'I PHYIR GANG ZHIG 'GYUR BA DE NI DE NYID MA YIN NO ZHES THAL BA 'DIR MI 'GYUR RO, ,GZHAN YANG DE LTA MA YIN PA BRTAN PA'I NGO BO RNAMS LA DON GCIG BYED PAR NGES PAR BRTAGS PA'AM DNGOS PO NYE BAR DGOD PA NI GANG ZHIG DE'I NGO BO ZHES BYA BA LA SOGS PA'O, ,DNGOS PO LTOS NAS SKYED PA'I CHOS KYI NGO BO NI THAMS CAD KYI TSE SU YANG MI BRJOD KYI LHAN CIG BYED PA NYE BA LA LTOS NAS DNGOS PO RNAMS BYED PA POR RNAM PAR 'JOG NA BDAG NYID KYIS MA YIN PA'I PHYIR RANG NYID BYED PA PO MA YIN NA GZHAN GYI NGO BOS BYED PA PO MI RIGS PAS BYED PA PO RGYUN CHAD PAR THAL BAR 'GYUR RO, ,RNAM PA DE LTA BU DE NI RANG GI NGO BOS RES 'GA' ZHIG LHAN CIG BYED PA'I 'BRAS BU LA MI LTOS SO, ,GANG GZHAN LHAN CIG PA DANG GZHAN 'BA' ZHIG PA NI BYED PA PO MA YIN PA THA DAD PAR 'GYUR RO, ,GAL TE DE LTA NA DE THAMS CAD DU DE'I NGO BO 'BRAS BU BYED PA CIS NA MA YIN ZHE NA, 'BRAS BU RKYEN GZHAN LA LTOS PA'I NGO BO DES DE LA SKYED PAR BYED PA NYID DU GNAS SU ZIN KYANG 'BA' ZHIG PA LAS MI 'BYUNG BA DE 'DIR 'BRAS BU KHO NA'I SKYON YIN TE, GANG DE LA 'BA' ZHIG SKYED PAR BYED PAR GNAS SU ZIN KYANG RKYEN GZHAN LA LTOS PA'I PHYIR RO, ,DE'I PHYIR @258B DE'I 'BRAS BU'I BDAG NYID LHAN CIG BYED PA RNAMS KHO NA LAS SKYE BAS DON GCIG BYED PA'I MTSAN NYID LHAN CIG BYED PA NYID SKAD CIG MA MA YIN PA LA YANG 'THAD PA'I PHYIR RO ZHE NA, GRUB PA'I MTHA' SMRA BAS SNGA MA'I SKYON LAS MA 'DAS PAR BSTAN PA NI DE LTA NA YANG ZHES PA SMOS TE, RGOL BAS JI LTAR DE RTAG PAR MNGON PAR 'DOD PA'I DNGOS PO 'BA' ZHIG GIS SKYED PA NI MI THOGS PAR SKYED PA'I CHOS KYI NGO BO NYID YOD DO ZHES BRJOD PAS LHAN CIG PA NYID LAS 'GYUR TE, TSOGS KYI NGO BOS SKYED PA YIN NO ZHES BRJOD PA DE'I PHYIR 'BA' ZHIG PA LAS MA YIN TE DE'I GNAS SKABS 'GAL BA YIN PAR SNGAR BSHAD DO; ,'DI LTAR GANG LA MI THOGS PAR SKYED PA'I CHOS DE NI GDON MI ZA BAR 'DIS 'BRAS BU BYED PA YIN NO, ,GDON MI ZA BAR BYED PA'I RANG BZHIN MA YIN PA JI LTAR THOGS PA MED PA'I NGO BO YIN, MI THOGS PA LAS 'BRAS BU MTHONG BAS THOGS PA MED PAR SKYED PA'I NGO BOR KHYOD DU CHUD PAR BYA'I GZHAN DU NI MA YIN NO SNYAM PA'I GZHAN GYIS BSAMS PA'I DOGS PA BSU BA NI GAL TE 'BA' ZHIG CES BYA BA LA SOGS PA SMOS TE, KHO BO NI 'BA' ZHIG BYED DO ZHES MI SMRA STE 'ON KYANG MI SDOD PAR SKYED PA'I NGO BO YIN NO ZHE NA, 'DIR DANG NI JI LTAR ZHES BYA BA LA SOGS PA SMOS TE, GAL TE BYED PA NYID KYANG MI 'DOD NA JI LTAR MI SDOD PAR SKYED PA'I NGO BO YIN PAR BRJOD, 'ON TE DE LTAR YIN NO ZHES SMRA NA, DE'I TSE 'DI SKAD DU BRJOD PA 'DIS YONGS SU BSTAN PAR BYAS PA MA YIN NAM CI SHIG DE SKYED PA YIN SNYAM NA, DE NYID MI SDOD PAR SKYED PA'I NGO BO'O, ,GANG DANG GANG SKYED PA YIN PA DE GDON MI ZA BAR SKYED PA'I NGO BOR DE JI LTAR 'GYUR, GANG 'BRAS BU 'DI NYID GZHAN LA RAG LAS PAS SKYED PA BYED PAR GNAS PA DE YANG RKYEN GZHAN LA RAG LAS PA YIN NO ZHES BYA BA DE NI RIGS KYI, GANG GI PHYIR 'BRAS BU YANG SKAD CIG MA MED PA'I DNGOS PO 'BA' ZHIG PAS NUS PA YOD KYANG RKYEN GZHAN LA LTOS NAS JI LTAR BTANG SNYOMS SU 'DUG ,MI LTOS PA MA YIN NA YANG CI ZHIG BYED, GZHAN LA ZHES BYA BA SMOS TE, RKYEN GZHAN LA MI 'CHOL BAR NI MA SPANGS PAR BYA'O, ,DE'I 'BRAS BU'I STOBS KYIS SKYED PAR 'GYUR RO, ,GAL TE DE LTAR YIN NA YOD TAN CI ZHIG YOD CE NA, DE LTA NA ZHES BYA BA SMOS TE, @259A *, ,GZHAN LA MI 'CHOL BAR STOBS KYIS RANG GI 'BRAS BU SKYED PA 'DIS 'BA' ZHIG PA LA YANG NUS PA YOD PA GANG YIN PA DE NI BDAG NYID 'BA' ZHIG GIS KYANG DE NUS PAR BSTAN PA YIN NO, ,DE LTA MA YIN NA LHAN CIG BYED PA KHO NA BYED PAS 'BA' ZHIG PAS KYANG RES 'GA' ZHIG KYANG MI BYED PAS 'BA' ZHIG PA 'DIS NUS PA MA YIN NO ZHES GZHAN DAG GI BLOR 'GYUR NA DE LAS 'DI SPANGS NAS SKYE BA LTA BU'I JI LTAR RJES SU 'BRANG, DE'I PHYIR 'BRAS BU RKYEN GZHAN LA LTOS PA YIN NO ZHES BYA BA NI MI RIGS PAR BRJOD DO, ,'BRAS BU GZHAN LA LTOS PA 'GAL BA DE'I GNAS SKABS BSTAN PA NI 'BRAS BU GZHAN LA LTOS NAS ZHES BYA BA LA SOGS PA SMOS TE, 'BRAS BU GZHAN LA LTOS PAR BRJOD PA 'BA' ZHIG PA'I RGYUS MI SKYED DO ZHES GDON MI ZA BAR SMRAS PA YIN NO, ,'BA' ZHIG PA NGES KYANG NUS PA'I PHYIR 'BA' ZHIG PA DE LAS KHYED 'BRAS BU SKYED PA YIN LA, 'DIS KYANG GCIG KHO NA'I 'BRAS BU YIN PA DE'I PHYIR GCIG LA SKYED PA DANG MI SKYED PA PHAN TSUN 'GAL PAS JI LTAR 'BRAS BU GCIG PAR BSHAD, CHOS CAN DE LA CHOS 'GAL BA GNAS PA NI MTSAN NYID THA DAD PA YIN PA'I PHYIR GCIG PAR BRJOD PA NA MA YANG YIN LA MO GSHAM YANG YIN NO ZHES BRJOD PA 'DI DAG 'DRA BAR 'GYUR BA'I SNGAR BSHAD PA'I SKYON DE LAS MI 'GROL LO, ,GANG GI PHYIR 'DI LTAR BRJOD PA NA 'GAL BAR BRJOD PAS MI RTOGS PA DE LTA BAS NA SKAD CIG MA MED PAR BRJOD PAS SKAD CIG MA'I PHYOGS LA GNOD PA MED PAS DE'I RTZOD PA RNAMS RDZOGS PAR BSTAN TO, ,MI BZOD PA'I MTSAN NYID NI PHRAG DOG GO, ,ZUG RDU NI SDUG BSNGAL GYI RGYU YIN PA'I PHYIR RO, ,DES NA GNAD DU BSNUN PA NAD KYIS ZUG PA'O, ,PHRAG DOG GI ZUG RNGUS GNAD DU BSNUN PAS MCHOG TU YID MI BDE BA CAN 'DI 'GAL BAR BRJOD PAS MI RTOGS PA NI 'CHAL BA STE, SNGA MA DANG PHYI MA MI 'BREL PAS 'CHOL PA'O, ,'KHANG BAS 'GAL BAR BYED PA'I PHYIR SEMS NI BDE ZHING BSKYED PAR 'DOD PA MI GUS PAS DE'I SKYON BRJOD PA NA MYUR DU SDUG BSNGAL BSKYED PAS RMA LAB TSA BTAB PA DANG MTSUNGS PA'I PHYIR, MKHAS PA BLO DANG LDAN PAS BTANG SNYOMS SU BYA BAR 'OS SO, ,DE NYID SKAD CIG @259B MA MED PA RNAMS LA RNAM PA 'GA' ZHIG DON BYED PAS NGES PA'I MTSAN NYID KYI LHAN CIG BYED PA NYID SRID PA MA YIN NO ZHES BSTAN PA'I MJUG BSDU BA NI DE LTA BAS NA ZHES BYA BA LA SOGS PA SMOS TE, GANG DAG BRTAN PA'I NGO BO SO SOR YOD PA SRID PA DE DAG SKAD CIG MED PA RNAMS SO SOR 'BA' ZHIG PAS 'BRAS BU SKYED PA SRID PAS LHAN CIG MI BYED PA'I PHYIR LHAN CIG BYED PAS NGES PA MI RIGS SO, ,DON GCIG BYED PA'I MTSAN NYID KYI LHAN CIG BYED PA NYID 'DI SKAD CIG MA RNAMS KHO NA LA DE DAG RANG GI RGYU YONGS SU GYUR PA DANG NYE BA'I CHOS PHAN TSUN NYE BAR LEN PA DANG LHAN CIG BYED PA'I RKYEN TSOGS PA GCIG PA SKYED PA THA DAD PA SRID PA'I PHYIR RO, ,'O NA NI PHUL DU BYUNG BA BSKYED PA'I MTSAN NYID KYANG LHAN CIG BYED PA NYID LAS 'BYUNG BAR MTHONG BA'I PHYIR DE JI LTAR THAMS CAD PHUL DU BYUNG BSKYED PA'I LHAN CIG BYED PA MA YIN NO ZHES SNGAR BSHAD PA YIN, DE LTA NA MANG PO RNAMS DON GCIG BYED PA JI LTAR YIN ZHE NA, DES NA, GANG DU RGYUN DU PHAN 'DOGS PAS, ,ZHES BYA BA LA SOGS PA SMOS TE, DON GCIG BYED PA'I MTSAN NYID KYI LHAN CIG BYED PA NYID THAMS CAD DU PHUL DU BYUNG BA SKYED PA NI MI SRID DE GANG LA RKYEN GYIS PHAN 'DOGS PA SNGA MA SNGA MA'I RKYEN RNAMS LAS SKAD CIG MA PHYI MA PHYI MA'I KHYAD PAR CAN DANG KHYAD PAR CAN DU SKYED PA YOD DE LHAN CIG BYED PAR BRJOD PAR 'DOD PA 'BRAS BU'I RGYU YIN PAR BSTAN TE, DPER NA 'BRAS THUG PO CHE LA SOGS PA LAS 'BRAS CHAN LA SOGS PA DANG, ME DANG CHU DANG SA BON LA SOGS PA LAS MYU GU LA SOGS PA SKYED PA'I SA LA SOGS PA DE LA KHYAD PAR DU SKYED PA'I RKYEN RNAMS LHAN CIG BYED PAR 'JIG RTEN PA BRJOD PA NI RGYUN LA BRTEN NAS SNGA MA SNGA MA'I SKAD CIG MA RNAMS LAS GNYIS PA LA SOGS PA'I KHYAD PAR GYI MTSAN NYID DANG RGYUN GYI 'BRAS BU MTSAN NYID DU BSHAD PA LA BRTEN NAS SNGA MA DANG PHYI MA'I SKAD CIG MA DAG CIG TU MNGON PAR ZHEN NAS DE NYID 'DI YIN ZHES KHYAD PAR DU 'BYUNG NGO ZHES BYA BA'I RDZAS LA BRTEN NAS MA YIN TE DNGOS PO LA BRTEN PA BTAGS PA YIN PA DES NA DON DAM PA MA YIN NO, ,SNGA MA DANG SNGA MA'I RANG GI RGYU YONGS SU GYUR PA DANG NYE BA'I CHOS RNAMS LAS PHYI MA PHYI MA KHYAD PAR CAN DU SKYED DE RGYU'I TSOGS PA SNGA MA'I DON GCIG BYED PA'I MTSAN NYID NI @260A *, ,DON DAM PAR NA LHAN CIG BYED PA NYID KYIS YIN NO ZHES BYA BA DE LA CUNG ZAD CIG KYANG NYAMS PA MED DO, ,CI'I PHYIR RDZAS LA BRTEN NAS KHYAD PAR DU 'BYUNG BA SKYED PAR MI 'DOD CE NA, SKAD CIG MA'I RDZAS LA KHYAD PAR LAS BYUNG PA SKYED PA MED PA'I PHYIR ZHES BYA BA NI DE NI DE MA THAG PA'I DNGOS PO SKAD CIG MA'I NGO BO YIN PA'I PHYIR RO, ,GAL TE DE LTA NA 'BRAS THUG PO CHE LA SOGS PA'I RDZAS SKAD CIG MA LA KHYAD PAR DU MI SKYO'O, ,DE MA THAG PA LAS KYANG 'DIR MI 'GYUR BA DE'I PHYIR JI LTA PA'I PHAN TSUN KHYAD PAR CAN DU SGRUB PA YANG SKAD CIG MA DANG LHAN CIG PA KHO NAS BYED KYI SKAD CIG MA MA YIN PA 'BA' ZHIG PA LAS NI MA YIN NO, ,DES NA DE DAG DON GCIG BYED PA'I MTSAN NYID NI LHAN CIG BYED PA LAS 'BYUNG NGO, ,GANG DANG GANG SNGAR BYED PA PO MA YIN PA DE NI PHYIS KYANG MA YIN NO ZHES BRJOD PAR MI NUS SO, ,DE LTA NI SNANG BA LAS MUN KHUNG DU ZHUGS PA'I DBANG POS DON RTOGS PAR MI BYED PA MANG PHYIS NAS BYED PA MTHONG NGO, ,DE SKAD DU, KHYIM LA SOGS PA'I NANG RNAMS SU, ,SNANG BA LA NI ZHUGS TZAM GYIS, ,DBANG POS BZUNG YANG MA YIN NA, ,DON SNANG BA NI MED PAR 'GYUR, ,ZHES BSHAD DO ZHE NA, DE'I PHYIR 'BRAS THUG PO CHE LA SOGS PA ZHES BYA BA LA SOGS PA SMOS TE, NYE BA DANG MI NYE BA YANG MTSUNGS PA'I PHYIR KHYAD PAR DU MI SKYED DE, ME LA SOGS PA YOD KYANG THUG PO CHE LA SOGS PA LAS 'BRAS CHAN LA SOGS PA MI BSKYED PA'AM, DE BZHIN DU SNANG BA NAS MUN KHUNG DU ZHUGS PA'I DBANG PO LA RANG GIS PHAN PA LAS RIM GYIS KHYAD PAR DU BYUNG BAR MA BSTAN NA DE'I TSE SNGA MA BZHIN DU PHYI NAS KYANG DON RTOG PA BSKYED PAR MI 'GYUR RO, ,DE'I PHYIR 'BRAS BU SRID PA GANG LA MTHONG BA GANG YIN PA DE NI DE'AM GZHAN PA 'BRAS KYIS BON LA SOGS PA GSO MA'I SA BON LA SOGS PA DANG KHYAD PAR DU 'BYUNG BA MED PA LAS GZHAN PA NYID KHYAD PAR DU 'BYUNG BAS DE'I 'BRAS BU BYED PA MA YIN NO, ,RE ZHIG DE LTAR NA GANG LA LHAN CIG BYED PA LAS 'BRAS BUR 'GYUR BA DE LA PHUL DU 'GYUR PAR BSKYED PA'I MTSAN NYID DU RTAG PA DANG LHAN CIG BYED PAS DON GCIG BYED PA'I MTSAN NYID LA YANG YONGS SU BSTAN TO, ,GANG LA NYE PA TZAM GYIS MI THOGS PAR LHAN CIG @260B BYED PAS 'BRAS BU BYED PA YIN NO, ,'ON TE DE YANG RGYUN LA BSTAN NAS PHUL DU BYUNG BA'I MTSAN NYID YOD PA YIN NO ZHE NA, GANG GI PHYIR THOGS PA MED PAR SKYED PA ZHES BYA BA LA SOGS PA SMOS TE, GANG BAR DU CHOD PA MED PA LA SOGS PA'I YUL LA DBANG PO LA SOGS PA RANG GI RGYU LAS SKYE BA DE RNAMS LA DUS MI RING BAR BYED PA KHYAD PAR DU SKYED PA MED DE PHAN TSUN 'BYUNG BA MA YIN TE, SKAD CIG MA YIN PA'I PHYIR ZHES SNGAR BSHAD ZIN TO, ,GAL TE KHYAD PAR DU MI SKYED PA DE'I TSE JI LTAR KHYAD PAR MED PA'I SHES PA RGYU LAS 'BYUNG BA YIN ZHE NA, GANG GI PHYIR DE LA ZHES BYA BA SMOS TE, BDAG NYID JI LTA BA'I GANG DANG GANG GI BDAG NYID KYI RKYEN YOD PA PHAN TSUN NYE BAR 'GRO BA BAR DU MCHOD PA'I YUL LA SOGS PA'I RTEN DU GYUR PA GANG SKYED PAR RUNG BA 'DI SHIN TU NYE BA DANG SHIN TU BSKAL BA SPANGS PA'I YUL LA SOGS PA GANG YIN PA DE NI BAR DU MA CHOD PA'I YUL LA SOGS PA DE LA GNAS PA CAN GANG YIN PA'O, ,DE DAG LHAN CIG PA'I NGO BOR GRUB PA DANG NGO BO MA YIN PA LAS GRUB PA THA DAD DO ZHES SHES PA'I RGYU BYED PA NYID DU DE RTOGS NA, DE LA CIS NA PHAN TSUN KHYAD PAR DU SKYED PA DON DU NYE BAR 'GYUR, GAL TE RANG GI RGYU RNAMS KHO NA PHAN TSUN NYE BAR 'GRO BA LA SOGS PA LA RTEN PA RNAMS RANG GI 'BRAS BU SKYED PAR RUNG BA'I YUL LA SOGS PA NA GNAS PA'I MTSAN NYID NI KHYAD PAR DU SBYOR ZHING SKYED PAR MI 'GYUR NA PHAN TSUN KHYAD PAR SKYED PA DE DANG 'DI DAG DON DU GNYER BAR BYED NA, RAG GI RGYU KHO NA LAS RNAM PA DE LTA BU SKYED PA NI MA YIN NO, ,GANG GI PHYIR DE LTA BAS NA ZHES BYA BA NI DE'I PHYIR TE, DBANG PO LA SOGS PA THOGS PA MED PAR GNAS PA DON GCIG BYED PA KHO NA GTZO BO YIN LA LHAN CIG BYED PA NYID RGYUN LA BRTEN NAS RNAM PAR GZHAG PA NI MA YIN TE KHYAD PAR DU 'BYUNG BA SKYED PA NI PHAL PA ZHES BYA'O, ,'ON TE KHYAD PAR DU SKYES PA'I MTSAN NYID LA LHAN CIG BYED PA NYID JI LTAR RNAM PAR MI GZHAG ,DE YANG 'JIG RTEN LA GRAGS PA'I PHYIR RNAM PAR GZHAN PAR BYA'O ZHE NA, DE'I PHYIR GANG LA ZHES BYA BA SMOS TE, 'BRAS BU BAR DU MA CHOD PA LAS SOGS PA'I YUL DANG NYE BA TZAM GYIS DBANG PO LA SOGS PA LTA BU LHAN CIG BYED PA'I RKYEN DU DER RTOGS SO, ,'O NA KYANG @261A *, ,BRJOD PAR 'DOD PA'I 'BRAS BU SKYED PAR NUS PA'I SKAD CIG MA RE RE SO SOR PHYE NAS KHYAD PAR DU BYED PA MA YIN NO, ,DE LA DUS RING PO NAS 'BYUNG BA'I 'BRAS BU BYED PA'I RGYU'I RGYUN SKAD CIG MA GZHAN DANG GZHAN DU YOD PA'I MTSAN NYID YUL DU BYUNG BA'I BDAG NYID SKYED PA'I PHYIR LHAN CIG BYED PA'I RKYEN GZHAN LA LTOS PA YIN GYI DE'I DUS MTSUNGS PA'I SKAD CIG MA MA YIN PA'I PHYIR RO, ,DE'I PHYIR RKYEN GZHAN PA DE DAG LAS NGO BO NYID GZHAN PA'I 'BRAS BU SKYED PAR NUS PA KHYAD PAR CAN BRGYUD PA'I MTSAN NYID THOB PA'I RGYUN LA 'JIG RTEN GCIG PA NYID DU BRJOD PAR MOS SO, ,DON DAM PAR NA DE LA YANG SNGA MA SNGA MA'I TSOGS PA LA PHYI MA PHYI MA'I 'BRAS BU SKYED PAR NUS PA KHYAD PAR CAN GYI MTSAN NYID SKAD CIG MA SO SOR NGES SO ZHES BYA BA'I DON GCIG BYED PA'I MTSAN NYID NI LHAN CIG BYED PA NYID NI RJES SU 'BYUNG NGO, ,JI LTAR NGO BO GZHAN THOB PA DE DAG KYANG GANG GIS NA RIM GYIS 'BRAS BU LDOG PAR BYED PA YIN ZHE NA, GANG GI PHYIR RANG GI NGANG GIS ZHES BYA BA LA SOGS PA SMOS TE, DE LA NI DE NI'O, ,RGYU NI RGYUN GYI RGYU STE NYE BAR LEN PA'I RGYUR BSHAD PA'O, ,RKYEN NI LHAN CIG BYED PA'I MING CAN DE DAG GO, ,SNGA MA NI GANG THOG MAR NYE BAR PHRAD PA'O, ,SKAD CIG MA DE DAG 'JIG PA'I RGYU LA MI LTOS PAR RANG GI NGANG GIS LDOG PA NI BDEN PA'I SKAD CIG MA DANG POR DE DAG KHO NA RANG GI NGANG GIS LDOG PA DANG, 'BRAS BU SKYED PAR NUS PA'I KHYAD PAR GYIS KHYAD PAR CAN DU BSKYED DO, ,SKAD CIG MA GSUM PAS DE DAG KYANG NUS PA KHYAD PAR CAN DANG LDAN PA'I MCHOG DANG, SKAD CIG MA BZHI PAS DE DAG KYANG NUS PA'I KHYAD PAR CHES MCHOG DANG LDAN PA DE BZHIN DU MTHA' MA'I BAR DU PHUL BYUNG BA DANG LDAN PA'O, ,MTHA' MA'I RGYU'I TSOGS PA LAS SKYES PA DE'I PHYIR 'BRAS BU SKYED PA ZHES BYA'O, ,DE LTAR LHAN CIG PA RNAMS KYIS NGO BO GZHAN THOB PA MI THOGS PAR 'BRAS BU SKYED PA 'DIR GZHAN DAG RTZOD PA NI LHAN CIG BYED PA LAS ZHES BYA BA SMOS TE, LHAN CIG BYED PA'I NGANG CAN GYI RGYU LAS SKYES PA NI GCIG GI TSIG NI GANG DANG 'BREL PA LAS BYUNG BA KHYAD PAR DU BSHAD MA THAG PA'I RNAM PAS MTHA'I TSOGS @261B PA'I RGYU'I SKAD CIG MA'I MTSAN NYID DE LAS MYU GU LA SOGS PA'I 'BRAS BU SKYED PAR 'DOD PA NA, DE NYID KYI KHYAD PAR LA SOGS PA'I 'BRAS BU 'DI SKYED PA'I NUS PA GANG RIM GYIS 'PHEL BA'I 'BRAS BU SKYED PAR 'DOD PAS DE SKYED PAR NI MI 'GYUR RO, ,SKAD CIG MA DANG PO DANG NYE BAR PHRAD PA RNAMS BRGYUD PAS KHYAD PAR SKYED PA'I PHYIR DANG SKAD CIG MA RNAMS DBYE BA MED PAR KHAS BLANGS PA'I PHYIR RO, ,PHAN TSUN KHYAD PAR MA THOB PA NYID 'BRAS BU SKYED PAR NUS PAS KHYAD PAR RTZOM PA YIN NO ZHE NA, KHYAD PAR MA YIN PA LAS KHYAD PAR MA YIN DAG CES BYA BA SMOS TE, PHAN TSUN 'BRAS BU SKYED PA'I NUS PAS SKYED PAR 'DOD NA NI MYU GU LA SOGS PA 'BRAS BU GANG YANG KHYAD PAR MED PAR 'GYUR RO ZHES BYA BAR BSAMS NAS DES KYANG PHAN TSUN KHYAD PAR DU SKYED PA NA LHAN CIG BYED PA LA MI LTOS PAR 'BRAS BU SKYED PAR 'GYUR RO, ,GAL TE DE LTAR GYUR NA CI ZHIG 'GRUB PAR 'GYUR ZHE NA, DES ZHES BYA BA SMOS TE, GANG GIS SKAD CIG MA YANG KHYAD PAR DU SKYED PA LA MI LTOS PA KHO NAR RANG GI 'BRAS BU GCIG BYED PA'I MTSAN NYID DU NGES PA NI LHAN CIG BYED PA NYID DU BSTAN TO, ,RGYU DES NA SKAD CIG MA MA YIN PA RNAMS KYANG RGYU NYID DU 'GYUR LA, LTOS PAR BYA BA RNAMS LA NGO BO NYID KHYAD PAR DU SKYED PAR MI 'GYUR RO, ,SKAD CIG MA MA YIN PAR BRJOD PA RNAMS SKAD CIG MA LA LTOS NAS RANG GI PHYOGS DANG MTSUNGS PAR STON PA NI GANG DAG ,NGO TSA MED PA'AM MI SHES PA, ,MA GTOGS DE LTAR BRJOD PA GANG, ,GANG PHYIR SU LA MDZES PAR 'GYUR, ,SKAD CIG RNAMS LA'ANG DE KUN MTSUNGS, ,KHYAD PAR GYI NI RGYU 'DI DAG ,RNAM PA 'GAS KYANG RKYEN DU MIN, ,SKAD CIG MA RNAMS DBYER MED NA, ,RTAG PA BZHIN DU SBYOR BA MIN, ,ZHES SMRA'O, ,DE LTAR NI 'GYUR NA SKAD CIG MA DANG PO YANG ZHING SA BON LA SOGS PA PHAN TSUN 'BREL PAR 'BYUNG BA'I KHYAD PAR KHO NA NYE BA LAS YIN TE, GANG DANG DE NI RTAG TU 'BREL, ,RING NA GNAS KYANG DE DANG DER, ,ZHES BYA BA'I RIGS PAS YUL RING PO NI 'DUG PA YANG RGYU DANG 'BRAS BUR 'GYUR RO SNYAM DU DOGS PA NA LHAN CIG BYED PAS BYAS PA ZHES BYA BA LA SOGS PA SMOS TE, LHAN CIG BYED RNAMS PHAN TSUN PHRAD NAS MA TSANG YANG DNGOS @262A *, ,PO'I CHOS NYID KHO NAS PHAN TSUN NYE BAR SKYED DE, LHAN CIG BYED PA'I 'BRAS BU SKYED PA NI NUS PA'I KHYAD PAR GYIS SKYED PA'O, ,BYAS PA'I KHYAD PAR KHO NA NI SRED PA'I DUS SU'O, ,NYE BAR GNAS PAR GYUR PA DE LTA NA NI THUG PA MED PAR 'GYUR RO, ,'DI LTAR DE KHYAD PAR DU SKYED NA YANG LHAN CIG BYED PA'I BYE BRAG GZHAN GYIS BYAS PAR KHAS BLANG BAR BYA STE, DE LTAR DE LAS SKYE BA YANG GZHAN YIN PA'I PHYIR RO, ,'ON TE LHAN CIG BYED PAR PHAN TSUN 'BRAS BU SKYED PA'I RJES SU 'BRANG BA'I KHYAD PAR GYI RGYU MTSAN GYIS GZHAN PA'I KHYAD PAR MI SKYED DO, ,RANG BZHIN KHO NAS DE DAG DE LA RUNG BA'I PHYIR RO ZHE NA, DE'I PHYIR LHAN CIG BYED PA ZHES BYA BA LA SOGS PA SMOS TE, LHAN CIG BYED PA RNAMS NI ZHING DANG SA BON LA SOGS PA PHAN TSUN 'BRAS BU SKYED BA RJES SU 'BRANG BA'I KHYAD PAR DE LAS SKYED PAR RUNG BAR RTAG TU GNAS PA MA YIN TE, GANG GIS RUNG BA'I GNAS SKABS NI RTAG TU RJES SU NUS BAS RTAG TU RJES SU 'BREL PA ZHING DANG SA BON LA SOGS PA 'BRAS BU SKYED PA DANG RJES SU 'BREL PA'I BYE BRAG NI SKYED PAR BYED PA'I BYE BRAG LAS 'GYUR NA GANG GI PHYIR KHYAD PAR MED PA LAS KYANG KHYAD PAR GYI 'BRAS BU YANG SKYE BAR 'GYUR RO ZHES BYA BA 'DI DAG SPANGS SO, ,'DI GA LAS SHE NA, DE YOD PA DANG ZHES BYA BA LA SOGS PA SMOS TE, DE DAG ZHING DANG SA BON LA SOGS PA RNAMS YOD PAR RUNG BA'I YUL DANG NYE BAR PHRAD PA'O, ,'BRAS BU GSAL BAR MTHONG BA'I PHYIR NI 'BRAS BU SKYED PAR MTHONG BAS SO, ,MED PA NI PHAN TSUN PHRAD BA DANG BRAL BAS 'BRAS BU DANG BRAL BA MTHONG BAS 'BRAS BU MI SKYED PA MTHONG BAS SO, ,GAL TE 'BRAS BU SKYED PAR NUS PA'I KHYAD PAR DU SKYED PA NI THAMS CAD KYI TSE RING BAR GNAS PAR 'GYUR BAS DE'I TSE YANG THAMS CAD KYI TSE KHYAD PAR DU 'GYUR RO, ,DE YANG DE BRGYUD PAS 'BRAS BU 'BYUNG NGO SNYAM NA DE YOD PA DANG MED PA DAG 'BRAS BU SKYED PA DANG MI SKYED PAR MI 'GYUR RO, ,DE'I PHYIR LHAN CIG BYED PA'I 'BRAS BU SKYED PA NI NUS PA'I KHYAD PAR LAS RUNG BA'I GNAS SKABS NA SKYE'I THAMS CAD DU MA YIN NO, ,GANG GI LHAN CIG BYED PA LOGS SHIG TU GNAS PA NA THUG PA MED PA'I 'JIGS PAS KHYAD PAR GRUB PAR NYE BAR GNAS @262B PA MED DO, ,DE PHAN TSUN THOG MAR PHRAD PA'I SKAD CIG MA 'BYUNG BA YOD PAR SBYOR BA MA YIN PA NYID DO, RGYU DES NA DANG PO'I KHYAD PAR GYI 'BRAS BU SKYED PA DANG RJES SU 'BREL PA'I LHAN CIG BYED PA DUS MTSUNGS PAS PHAN MI 'DOGS TE, ZHING DANG SA BON LA SOGS PA MI SKYED PA DANG SKYED PA 'DI 'DOD PA'I PHYIR RO, ,DES NA TSOGS PA'I GNAS SKABS BZHIN DU THAMS CAD KYI TSOGS PA'I GNAS SKABS SU 'BYUNG BA'I SKAD CIG MA RNAMS KYANG KHYAD PAR DE SKYED PA'I NGO BOS MI SKYED PA LAS TSOGS PA'I GNAS SKABS NA SKYED PA'I PHYIR DPER NA SKAD CIG MA RNAMS DON GCIG BAR BYED PA SO SOR NGES BA'I MTSAN NYID KYI LHAN CIG BYED PA DE BZHIN DU BRTAN PA'I RANG BZHIN YANG 'GYUR TE THABS THAMS CAD ZAB PA'I PHYIR RO, ,SKAD CIG MA YIN PAR SMRA BA NA NAD SNYOMS PA NYID LA LHAG PAR SEMS PA BZHIN DU DE NYID LA MCHOG TU BYED PAR 'GYUR RO, ,GRUB PA'I MTHA' SMRA BAS SKABS SU GZHAN BZHAD GAD BYED PA NI KHO BO NI YANG DANG YANG ZHES BYA BA LA SOGS PA SMOS TE, GAL TE YANG DANG YANG BRJOD KYANG 'JIG RTEN GYI RIGS RTOGS PAR 'GYUR NA BRGYA PHRAG SMRAS PAS CI ZHIG BYA, ,LAN GNYIS DANG GSUM GZHAN GYI DON LA MI 'JUG PA LA KHO BO CAG YANG DANG YANG DU RJOD PAR BYED PA LA CUNG ZAD KYANG YID SKYO BAR MI 'GYUR RO, ,DE LTAR RGOL BA LA BSTAN BCOS BYED PAS RNAM GRANGS GZHAN GYIS LA LAR DE NYID KYI DON GSAL BAR BYED PAS ZLOS PA YONGS SU SPONG BA LA 'BAD PA DE DAG NI GNAS MA YIN BAS YONGS SU NGAL PA NYID DO, ,GAL TE SKYO BA MED PA DE LHAN SMOS SHIG CE NA, GANG GI PHYIR LHAN CIG BYED PA RNAMS NI KHYAD PAR DU MI SKYED PA'I PHYIR LHAN CIG BYED PA NYID DON DAM PAR NA 'GA' ZHIG TU SRID DE, GANG GI PHYIR SKAD CIG DANG PO BYUNG NA SA BON LA SOGS PA DE RNAMS MED PA'I PHYIR 'BRAS BU SKYED PA DANG RJES SU MTHUN PA'I KHYAD PAR DU BYED PA'I LHAN CIG BYED PA SPANGS PAR 'GYUR RO, ,'ON KYANG DON GCIG BYED PA KHO NA'I LHAN CIG BYED PA RNAMS NI DON DAM PAR NA LHAN CIG BYED BA NYID DU SNGAR BSHAD PA'I RIGS PA RNAMS KYIS SRID PA YIN NO, ,DE YANG THOG MAR PHRAD PA LA RTEN PA YOD PA NYID YIN NA CIS NA LHAN CIG BYED PAR MI @263A *, ,'GYUR, GZHAN GYIS SMRAS PA DON GCIG BYED PAR KHAS BLANGS NA DE'I TSE SO SO'I GNAS SKABS DE NA SKYED PAR NUS PAR KHAS BLANGS PAS DE'I GNAS SKABS LHA BUR SO SO BA LA YANG 'GYUR RO, ,DE LTA NA DE'I GNAS SKABS KYANG PHAN TSUN KHYAD PAR MED PA KHO NAR SKYED DO, ,DE DAG SO SO BAS KYANG DE KHYAD PAR DU BYED NA JI LTAR THAL BAR MI 'GYUR, GANG DAG TSOGS PA DANG MA TSOGS PA'I GNAS SKABS 'GA' ZHIG LA KHYAD PAR YOD PA'I PHYIR RO, ,GAL TE YIN NA NYES PA CI ZHIG TU 'GYUR ZHE NA, DE LTA NA 'BRAS BU SKYED PA DANG 'BREL PA'I KHYAD PAR SO SOR BYED PAR THAL BAR 'GYUR BA DE'I PHYIR KHYAD PAR LAS BYUNG BA'I NGANG TSUL CAN MYU GU LA SOGS PA'I 'BRAS BU'I KHYAD PAR BZHIN DU 'BA' ZHIG BA LAS LHAN CIG BYED PAR 'GYUR RO ZHES SEMS PA NA 'DI DAG THAMS CAD KYI LAN BTAB ZIN TO, ,DE LTA NA TSOGS PA DANG MA TSOGS PA'I GNAS SKABS KHYAD PAR MED PA KHO NAR SKAD CIG MAS 'JIG PA YIN NO ZHES GANG BRJOD PA DE CI KHYAD PAR TZAM LA LTOS PA YIN NAM YANG NA 'BRAS BU BSKYED PAR RJES SU 'BREL PA'I KHYAD PAR SKYED PAR BYED BA LA LTOS PA YIN, GAL TE RDZAS LA SOGS PAR RNAM PAR RTOG NA NI DE MI RIGS SO, ,'GA' ZHIG KHYAD PAR TZAM SPANGS PA'I GNAS SKABS NI MI SRID DE THAMS CAD DU RKYEN GZHAN DANG GZHAN RUNG BA'I RGYU MTSAN GYIS GZHAN DANG GZHAN PA'I KHYAD PAR BYUNG BAS RES 'GA' CUNG ZAD CIG GCIG PA NYID MA YIN TE, RTEN DANG GRIB MA DANG NYI MA DANG RLUNG DANG GRANG BA LA SOGS BA BZHIN DU 'BYUNG BA SRID DO, ,DE YOD KYANG DE DANG 'DRA BA'I RGYU THA DAD PA MED PA'I PHYIR RO, ,'DI TZAM DU 'GYUR TE 'GA' ZHIG LA LAR 'BRAS BU DANG RJES SU 'BREL PAS YIN GYI THAMS CAD KYIS THAMS CAD LA MA YIN NO ZHES DE YANG SNGAR BSHAD ZIN TO, ,BSTAN PA NI SKAD CIG MA RE RE RGYAN GZHAN DANG GZHAN 'BREL PAS SKAD CIG MA RE RE NUS PA THA DAD PA'I 'DU BYED RGYUN DANG LDAN PA'O, ,GAL TE YANG 'GA' ZHIG LAS 'DRA BA'I NGO BOR RTOGS BA DE LTA NA YANG THA DAD PA KHO NA 'DI DAG NGO BO CUNG ZAD CIG 'GA' ZHIG GI RGYU YIN NO ZHE NA, SKAD CIG @263B PA'I NGO BO RNAMS GZHAN DANG GZHAN SKYED PA LA GCIG PA MED PA'I PHYIR ZHES SHIN TU BSDUS PA 'DIR BSHAD PA DANG, DE LTAR KHO BO CAG GIS YANG DANG YANG DU BRJOD DO ZHES GNYI GA SMOS PA YANG RIGS SO, ,JI LTAR RNAM PA GANG GIS DNGOS PO'I RGYUN LA KHYAD PAR DU SKYE BA DE YANG BSHAD ZIN TO; ,DE LA SKAD CIG MA SNGA MA NI RANG GI NGANG GIS LDOG PA KHO NAS KHYAD PAR CAN GYI SKAD CIG MA SKYED PAS KHYAD PAR SKYED PA YIN NO ZHES BYA'O, ,'ON TE 'BRAS BU SKYED PAR NUS PA'I KHYAD PAR SKYED PAR BYED PA'I KHYAD PAR LA LTOS PAS SNGA MA BZHIN DU THOG MAR PHRAD PA LA RTEN PAR PHAN TSUN KHYAD PAR MED PA YIN NO ZHES MNGON PAR 'DOD PA DE YANG MI RIGS SO, ,GANG GIS 'BRAS BU SKYED PAR NUS PA'I KHYAD PAR SKYED PAR BYED PA NI ZHING DANG SA BON LA SOGS PA CI 'DRA BA'I BAR DU CHOD PA LA SOGS PA SPANGS PA'I YUL NYE BA NA DE YOD PA NYID DE, YOD PA DE TZAM GYI RGYU MTSAN DANG SKYED PAR BYED PAR RNAM PAR GZHAG GO, ,RNAM PA DE LTA BU DE YANG THAMS CAD LA YOD PA MA YIN PA'I PHYIR JI LTAR SO SOR YANG 'BRAS BU SKYED PA DANG RJES SU MTHUN PA'I KHYAD PAR 'DI DAG SKYED PAR 'GYUR RO, ,GANG GI PHYIR 'BA' ZHIG PA YANG 'BRAS BU BYED PAR THAL BAR 'GYUR BA DE BSTAN TO,, GANG DAG YUL RUNG BA CAN DE NI RUNG BA'I YUL DE LAS BYUNG BAS RUNG BA'I YUL CAN NO, ,DE LA SOGS PA GANG DAG BAR DU MCHOD BA'I YUL CAN LA SOGS PA'I GNAS SKABS THA DAD PA DE BZHIN DU BSHAD DO, ,DE YANG DE'I GNAS SKABS THA DAD PA YANG DE SKAD DU RUNG BA'I YUL CAN NI BAR DU MA CHOD PA'I YUL LA SOGS PA'I GNAS SKABS KYI BYE BRAG ZHING DANG SA BON LA SOGS PA RNAMS KYIS NYE BAR BSKYED PA GANG YIN PA DE NI 'BRAS BU SKYED PAR NUS PA'I MTSAN NYID 'BRAS BU BYED PA'I NGANG TSUL CAN TE, RNAM PA DE LTA BU'I SA BON LA SOGS PAS THAMS CAD DU NI MA YIN NO ZHES BSHAD DO, ,JI LTAR 'DI DAG SO SOR YANG RNAM PA DE LTA BU'I KHYAD PAR 'GYUR ZHE NA, 'DI DAG KYANG SNGAR BSHAD ZIN TO, ,DE LA BAR DU CHOD PA'I YUL LA SOGS PA'I GZUGS DANG DBANG PO LA SOGS PA'I TSOGS PA GANG YIN PA DE RNAM PAR SHES PA SKYED PAR NUS PA'I RGYU YIN NO ZHES @264A *, ,BRJOD PA DE YANG DPE TZAM YIN PA'I PHYIR RO, ,'DIR YANG DE LA BAR DU MA CHOD PA'I YUL LA SOGS PA'I ZHING DANG SA BON LA SOGS PA'I TSOGS PA GANG YIN PA DE NI 'BRAS BU SKYED PA DANG RJES SU 'BREL PA'I KHYAD PAR SKYED BAR NUS PA'I RGYU YIN NO ZHES RTOGS PA KHO NA'O,, DE YANG RNAM PA DE LTA BU'I KHYAD PAR GYI SKYED PAR BYED PA PO KHYAD PAR DANG LDAN PA GANG LAS SKYES PA DE NI DE DAG PHAN TSUN NYE BAR 'GRO BA LA SOGS PA RTEN DANG RKYEN GYI BYE BRAG GANG YIN PA DE NI DE'I RGYU YIN TE SKYED PAR NUS PA'I RGYU YIN PA'I PHYIR RO, ,'DI DAG KYANG SNGAR BSHAD ZIN TO, ,DE DAG KYANG ZHES BYA BA SMOS TE 'BRAS BU SKYED PAR NUS PA'I KHYAD PAR GYI SKYED PAR BYED PA PO KHYAD PAR DANG LDAN PA GANG LAS SKYED PA DE NI PHAN TSUN NYE BAR 'GRO BA LA SOGS PA RTEN DANG RKYEN GYI BYE BRAG GANG YIN PA DE NI DE'I RGYU YIN TE, SKYED PAR NUS PA'I RGYU YIN PA'I PHYIR RO, ,DE LTA NA PHAN TSUN NYE PAR 'GRO BA LA SOGS PA'I RTEN BDAG NYID JI LTA BA'I RKYEN GYIS RUNG BA'I YUL LA SOGS PA GNAS SKABS LAS SKYES PA DE DAG LHAN CIG PA'I NGO BO NYID DU GRUB BA SHES PA'I RGYU NYID DU BSTAN TO ZHES BYA BA 'DIS 'DIR YANG RTOGS PAR BYA BA YIN NO, ,DE'I PHYIR GAL TE 'DI DAG KYANG PHAN TSUN MI SKYED NA KHYAD PAR DU MI 'GYUR TE, RANG GI RGYUS BYED PA GANG GIS BSAL BAR NUS, RANG GI KHO NA LAS SKYE BA KHYAD PAR RNAMS 'BYUNG BA NI PHAN TSUN DE'I YON TAN MI BYED DO, ,GANG GI PHYIR PHAN TSUN KHYAD PAR DU RUNG BAR BSTAN PA NI MDZES TE, DE DAG 'BRAS BU SKYED PAR RUNG BA'I KHYAD PAR SKYED PAR BYED PA RNAMS RE RE NUS KYANG CHA SHAS KYI 'BRAS BU SKYED PA'AM MA LUS PA RE RES BYED PA NI MI RIGS SO, ,JI LTA BU'I 'BA' ZHIG PA RNAMS KYI BYA BA DANG BYED PA PO'I KHYAD PAR DU MA CHOD PA LA SOGS PA'I YUL GYI ZHING DANG SA BON LA SOGS PA CAN SO SOR RE RE NAS NUS PA'I DNGOS PO LAS MI 'BYUNG BA'I PHYIR RO ZHES BYA BA DE DAG SNGON YANG MED PHYIS KYANG MED SO SO BA'I NGO BOS KYANG MED PAS NUS PA YANG SNGON DANG PHYIS DANG THA DAD PA'I NGO BOS 'BYUNG BA'I NYES PA DAG GIS GOS PA MED DO ZHES BYA BA 'DI DAG KYANG LAN MANG DU BSHAD ZIN TO, ,DES NA RNAM PA DE LTA BU'I KHYAD PAR RANG GI NYE BAR LEN PA CAN DANG RJES SU LA @264B 'BREL PA KHAS MI LEN PA DANG 'GA' ZHIG PA LAS THAL BAR MI 'GYUR BAS GANG LAS 'BRAS BU SKYED PAR NUS PA'I KHYAD PAR DU SKYES PAS 'BRAS BUR YANG 'GYUR, SLAR YANG 'DI 'DOD PAR GYUR NA RNYED PAR GA LA 'GYUR GANG GI TSE MYU GU LA SOGS PA'I 'BRAS BU NI LHAN CIG BYED PA PHAN TSUN 'BRAS BU SKYED PAR NUS PA'I KHYAD PAR BRGYUD PAR SKYED PAR BYED PA YIN NO, ,'BRAS BU SKYED PAR NUS PA'I KHYAD PAR YANG BAR DU CHOD PA LA SOGS PA'I YUL GYI RIM PA TZAM GYIS YIN PA DE'I PHYIR 'BRAS BU RNAM PA GNYIS SO ZHES BYA BA SMOS TE GANG GI PHYIR DE LTAR RNAM PAR PHYE BA DE'I PHYIR RO, ,JI LTAR 'BRAS BU RNAM PA GNYIS PA YIN ZHE NA LHAN CIG BYED PAS ZHES BYA BA LA SOGS PA SMOS TE, LHAN CIG BYED PA BAR DU MA CHOD PA LA SOGS PA'I YUL GYI MJUG THOGS SU SKYES PA CAN PHAN TSUN SNGA MA'I GNAS SKABS LA LTOS PA'I KHYAD PAR CAN GYI SKAD CIG MA'I MTSAN NYID KYI KHYAD PAR DE NA PHYI MA PHYI MA KHYAD PAR CAN DANG CHOS KHYAD PAR CAN LA SOGS PA'I SKAD CIG MA'I DNGOS PO'I NGO BO NYID SKYED PA'I CHOS GANG YIN PA DE'I BDAG NYID KYI 'BRAS BU GCIG PA DANG GZHAN NI DE LAS BZLOG PA'O, ,GANG LHAN CIG BYED PA NYE BA TZAM 'BYUNG BA NI PHAN TSUN BYED PA DANG KHYAD PAR PHAN TSUN BYED PA LA MI LTOS SO, ,'DIR DPE NI MYU GU LA SOGS PA'O, ,SOGS PA'I SGRAS NI 'BRAS CHAN LA SOGS PA GZUNG NGO, ,MI SDOD PAR SKYED PA'I RGYU'I TSUL DBANG PO GANG YIN PA DE'I RNAM PAR SHES BA LTA BU'O, ,SNANG BA LAS MUN KHUNG DU ZHUGS PA'I DBANG PO BSAL BA'I PHYIR KHYAD PAR 'DI DAG YIN NO, ,'DI DAG GA LAS SHE NA, RGYU DANG 'BRAS BU'I NGO BO NYID THA DAD PA'I PHYIR RO, ,'BRAS BU 'GA' ZHIG RGYU'I TSOGS PA DANG NYE BA TZAM LAS SKYE BA'I RANG BZHIN DANG DE LAS GZHAN PA NI DE'I YONGS SU 'GYUR BA LA LTOS PA YIN NO, ,RGYU RNAMS KYANG CUNG ZAD CIG RANG DANG NYE BA TZAM GYIS 'BRAS BU SKYED PA'I NGO BO NI RANG GI RGYU KHO NAS YIN NO, ,GANG GIS PHAN TSUN BYAS NAS KHYAD PAR BRGYUD PAS RANG GI 'BRAS BU BYED PA LA LTOS PA YIN GYI GZHAN PA NI DE LAS BZLOG PA'I RANG BZHIN YIN NO, ,DPER NA CUNG ZAD CIG 'BRAS KYI MYU GU SKYED PA'I NGO BO DANG GZHAN NI DE LAS @265A *, ,BZLOG PA STE, 'BRAS KYI MYU GU SKYED PA'I RANG BZHIN DE NI NAS KYI MYU GU SKYED PA'I RANG BZHIN MA YIN PA DNGOS PO NI RANG GI RGYU'I STOBS KYIS 'ONGS PA TSAD MAS RTOGS PA'I RANG BZHIN LA BRGAL ZHING BRTAG PAR MI RIGS SO, ,GANG DANG GANG SKYED PA'I RANG BZHIN DU TSAD MAS RTOGS BA DE CI THAMS CAD KYI RANG BZHIN DE YIN NAM, YANG NA NI DE NYID KYI ZHES DE LTAR DPYAD PA 'JUG PA NA, DE LA THAMS CAD DU DE'I RANG BZHIN YIN NA NI PHYI MA BZHIN DU SNGON YANG DE'I 'BRAS BU BYED PAR THAL BAR 'GYUR LA, GZHAN GYI NGO BOS NI BYED PA PO MA YIN PAS RANG BZHIN THA DAD DO, ,'BRAS DANG NAS KYI SA BON BZHIN DU BYED PA PO MA YIN PA'I GNAS SKABS DPYOD PA NI DE KHO NA NYID SEMS PAR BRJOD DO, ,'DRE BA GZHAN 'BYUNG BA'I RGYU MTSAN GYIS GCIG TU NGO SHES PA YIN TE SKRA DANG SEN MO LA SOGS PA RNAMS BREGS PA LAS SKYE BA BZHIN DU 'DIR YANG 'GAL BA MED PA'I PHYIR RO; ,GANG GI TSE RGYU DANG 'BRAS BU'I NGO BO NYID THA DAD PAS 'BRAS BU GNYIS SU RIGS PAR BYA'O, ,DE LA NI DE LTAR GYUR NA'O, ,LHAN CIG BYED PA RNAMS NI ZHING DANG SA BON LA SOGS PA'O, ,DE DAG PHAN TSUN RGYUN GYIS PHAN 'DOGS PA LA LTOS PA'I RGYU MTHA' MA'I GNAS SKABS SU GYUR PA GANG YIN PA DE NI MYU GU LA SOGS PA'I 'BRAS BU GANG YIN PA DE SKYED PA'I RGYU MTSAN GYI LHAN CIG SKYED PA'I RKYEN SKAD CIG MA DANG PO'I MJUG THOGS SU SKAD CIG MA GNYIS PA'I DNGOS PO KHYAD PAR CAN GYI NGO BO NI GANG KHYAD PAR GYI 'BRAS BU SKYED PAR NUS PA'I DANG PO LAS BYUNG NGO, ,DE DANG DE DAG LHAN CIG BYED PA RNAMS THOG MAR PHRAD PA LA RTEN PA'I PHAN TSUN KHYAD PAR DU BYAS PA'I KHYAD PAR GANG YIN PA DE NI SKYED PA CAN MA YIN TE PHAN TSUN NYE BAR 'GRO BA LA SOGS PA LA BRTEN PA NYID KYI RKYEN GYI BYE BRAG LA DE 'BYUNG BA'I PHYIR RO, ,DES NA 'BRAS BU SKYED PA DANG RJES SU MTHUN PA LA SOGS PA GANG GI KHYAD PAR LAS SKAD CIG MA DANG PO DANG NYE BA'I LHAN CIG BYED PA RNAMS DANG GZHAN SGRUB PA'I KHYAD PAR SKYED PA NYID DANG MTSUNGS SO, ,DE PHAN TSUN GYI KHYAD PAR NI 'DREN MA YIN TE, DE PHYI MA PHYI MA'I SKAD CIG MA'I DNGOS PO'I MTSAN NYID SKYED PA'I PHYIR RO, ,DE DANG DE DAG SKYE BA'I LHAN @265B CIG BYED PAS BYAS PA'I KHYAD PAR SKYED PA'O, ,GANG LAS SHE NA, DE'I RANG BZHIN YIN PA'I PHYIR DE DANG PO 'DI'I KHYAD PAR NI PHAN TSUN 'DUS PA LA SOGS PA'I BRTEN PA'I RKYEN GYI KHYAD BAR GYIS SGRUB PA DANG RJES SU MTHUN PA'I KHYAD PAR GYI LHAN CIG BYED PA RNAMS PHAN TSUN PHAN 'DOGS PA LA MI LTOS PAR SKYED PA'I RANG BZHIN YIN PA'I PHYIR DANG, 'DI DAG GI KHYAD PAR RNAMS LHAN CIG BYED PAS BYAS PA'I 'BRAS BU SKYED PA DANG RJES SU MTHUN PA'I KHYAD PAR SKYED PA'I RANG BZHIN YIN PA'I PHYIR RO, ,GANG GI DE LTA YIN PA DE'I PHYIR THUG PA MED PA MA YIN NO ZHES GNAS SKABS DU MAR SNGAR BSHAD ZIN TO, ,'ON TE LHAN CIG BYED PA ZHING LA SOGS PA DANG SA BON LA SOGS PA DANG, SBYANG LA SOGS PA NA GNAS PA DE LA YANG ZHING LA SOGS PAS BYAS PA'I KHYAD PAR NYE BAR GNAS PAS DE LTAR THUG PA MED PAR 'GYUR RO ZHE NA, DE'I BYE BRAG KHAS MA BLANGS PA'I PHYIR SKYES BU'I RTZOL BA LA SOGS PAS ZHING LA SOGS PA RMO BA'I RGYU BAR DU MA CHOD PA'I SA GSHIN PA SA BON DANG PHRAD PA'I MTSAN NYID LAS 'BRAS BU SKYED PAR NUS PA'I KHYAD PAR DANG SKYED PAR BYED PA'I KHYAD PAR KHAS BLANGS PA'I PHYIR RO, ,DE LA GZHAN GYI DE SKAD DU BSHAD PA'I JI LTAR THOG MAR PHRAD PA LA BRTEN PA'I ZHING DANG SA BON LA SOGS PA PHAN TSUN KHYAD PAR DU BYED PAS 'BRAS BU SKYED PA DANG RJES SU MTHUN PA'I KHYAD PAR SKYED NA NI DE BZHIN DU BRTAN PA'I NGO BO YOD PAS KYANG DE'I 'BRAS BU GCIG TU NGES PAR 'GYUR TE PHAN TSUN BYAS PA'I KHYAD PAR LA MI LTOS PA KHO NAR 'BYUNG BAS DE YANG KHAS BLANG BAR GYIS SHIG ,GAL TE ZHES BYA BA LA SOGS PA SMOS TE, SKAD CIG MA BZHIN DU SKAD CIG MA MA YIN PA BRGYA LA 'BRAS BU SKYED PAR 'GYUR RO ZHE NA, SKYED LA NI RAG STE, CUNG ZAD CIG 'DZIN PA NI MED DO, ,'ON KYANG GANG GI PHYIR NGO BO NYID KYIS 'BRAS BU BYED PA DE NI GAL TE MI THOGS SHING MI SDOD PAR 'BRAS DU SKYED PAR BYED PA'I CHOS TZAN GYIS BYED PA NI DE LTA BU'I NGANG TSUL CAN GANG YIN PA DES YIN TE, DE SKAD DU DE'I TSE SO SO NA YOD PA 'BA' ZHIG GIS KYANG YIN NO, ,'BA' ZHIG PA NI LHAN CIG MA YIN PA'O, ,DE LTAR 'GYUR BA NI RGYU DANG 'BRAS BUR @266A *, ,'GYUR RO ZHES LAN MANG DU BSHAD ZIN TO, ,DE'I NGO BO NYID MA YIN PA NI MI SDOD PA'O, ,SKYED BAR BYED PA MA YIN PA NI MA TSANG BA'I NGO BO NYID DO, ,DE'I TSE YANG ZHES BYA BA NI LHAN CIG PA'I GNAS SKABS NA YANG SNGON BZHIN DU MI SKYED PA NYID DU 'GYUR RO, ,GZHAN GYI NGO BO SKYED PAR BYED PA NYID NI SNGAR BKAG ZIN TO, ,DE LTAR NA DON GCIG BYED PA DANG KHYAD PAR SKYED PA NI SKAD CIG MA MA YIN PA LA LHAN CIG BYED PA BKAG PA'I MJUG BSDU BA NI DE LTA BAS NA ZHES BYA BA LA SOGS PA SMOS TE, RNAM PA GNYIS PA LA YANG LHAN CIG BYED PA NYID MI RIGS TE SKAD CIG MA MA YIN PA LA LHAN CIG BYED PA 'GA' ZHIG KYANG MED PAS DE 'BA' ZHIG GIS KYANG SKYED BAR 'GYUR RO, ,LHAN CIG BYED PA'I RKYEN LA LTOS PA'I SKAD CIG MA MA YIN PA GZHAN DAG RGYUR BRJOD PA LA RIGS PA CI ZHIG YOD SNYAM NAS BSTAN PA NI DNGOS PO'I ZHES BYA BA LA SOGS PA SMOS SO, ,RGYU RTAG PAR SMRA BA GANG YIN PA DE NI GANG GI TSE LHAN CIG BYED PA'I RKYEN GZHAN LA LTOS NAS 'BRAS BU SKYED PA YIN NA NI DE'I TSE RTAG PA'I RGYU DE NI RKYEN GZHAN LA LTOS NAS SKYED BAR BYED PA'I NGO BO GZHAN ZHIG SKYE ZHES BYA BAR GDON MI ZA BAR GSAL BA YIN NO, ,'BRAS BU MA YIN PA DANG 'BRAS BU DER NYAMS SU MI MYONG BA MA YIN PA NI LTOS PAR BRJOD DO, ,GANG GI TSE LHAN CIG BYED PA TSOGS SHING NYE BAR GYUR PA GANG YIN PA DE NI GNAS PA CAN NO, ,DE LA DA LTAR BA'I DNGOS PO NI RGYUN NO, ,PHAL CHER NI MANG PO'O, ,LHAN CIG BYED PA'I RKYEN GYI KHYAD PAR SKYED PAS RANG GI 'BRAS BU SKYED PA MTHONG STE SA BON LA SOGS PA BZHIN NO, ,DE'I PHYIR 'DI LTAR RNAM PAR DBYE BAR BYA STE, PHAL CHER SMOS PA NI MI SDOD PA'I DBANG PO LA SOGS PA'I TSOGS PA RNAM PAR GCAD PA'I PHYIR RO, ,DE SRID PAR 'GYUR BA'I TSUL GYIS SKAD CIG MA MA YIN PA LA SOGS PA RNAMS SO SOR YOD PA SRID PAS RES 'GA' BAR BRTAG PAR YANG MI NUS PA'I PHYIR RO, ,SNGON SKYED PAR BYED PA MA YIN PA PHYIS SKYED PAR BYED PA'I NGO BO NYID KYIS SKYED PA LA 'GAL BA MED DO, ,DE NYID SKYED PAR BYED PA DE'I BDAG NYID KYI NGO BO NI SKYED PAR MI @266B BYED PA MI RIGS TE DE'I BDAG NYID MA YIN NO, ,DE NYID KYI PHYIR NGO BO GZHAN GCIG 'DZIN TO, ,DE LA 'BA' ZHIG PA'I SKYED PAR BYED PA'I RANG BZHIN RANG GI NGANG GIS 'GAG PA TZAM DU KHAS BLANGS PAS DE THAMS CAD LEGS PAR GNAS PA YIN NO, ,YANG NA SKYED PAR BYED PA'I RANG BZHIN GZHAN PA YIN PA'I GZHUNG 'DOD PAS GAL TE RTAG PA'I RGYU SNGON SKYED PAR BYED PA'I NGO BOR MI 'GYUR GYI DE NI SNGAR YANG YOD PA LAS RKYEN GZHAN LA LTOS NAS DE SKYED PA YANG RIGS PA YIN NO ZHE NA, SKYED BAR BYED PA'I NGO BO ZHES BYA BA LA SOGS PA SMOS TE, GANG GI TSE TSOGS PA'I GNAS SKABS LAS SNGON YANG SKYED PAR BYED PA'I RANG BZHIN DU GYUR PA DE'I TSE MI BYED PA NI MI RUNG NGO, ,TSOGS PA'I GNAS SKABS NA YANG DE'I RANG BZHIN YIN PA KHO NAS BYED PAS GZHAN GYI NGO BO'I SKYED PAR BYED PA SNGON BKAG PA'I PHYIR SKYED PAR MI BYED DO, ,DE'I PHYIR DE 'DI'I NGO BOR YIN NA NI SNGON MED PAR GYUR TE, GAL TE RKYAN GZHAN GYIS KYANG 'DI BYED PA MA YIN NA CIS NA DA LTAR GZHAN LA LTOS BA NYID DU 'GYUR ZHE NA, DE LTAR NA DE DANG DE'I NGO BOS SKYED PA YIN PA'I PHYIR GANG DANG GANG GI RANG BZHIN YIN PA DE NI RANG GI RGYU KHO NA LAS DE DANG 'DRA BAR SKYE BAR 'GYUR RO, ,DE'I DNGOS PO 'DI NI RGYU GZHAN LA LTOS PA MA YIN NO ZHES BYA BA MA NGES PA SPANGS PAR BSHAD PA LA RNAM GRANGS GZHAN GYIS MA NGES PA BRJOD PA DE YONGS SU SPONG BAR 'DOD NAS PHAN TSUN RKYEN DU RUNG BA ZHES BYA BA LA SOGS PA MDZAD DO, ,DE LA RIGS PA GANG GIS SKAD CIG MA RNAMS LA RGYU DANG 'BRAS BU YOD PA DE NI SKAD CIG MA MA YIN PA RNAMS LA MI SRID PAR BSTAN PA NI ZHAR LA BYUNG BA NYE BAR BKOD PA DE RDZOGS NAS, RNAL MA BRJOD PA NI DE LTA BAS NA GANG GA BDAG NYID CES BYA BA LA SOGS PA SMOS TE, GAL TE NGO BO NYID KYIS MI GNAS PA'I CHOS NYID KYI DNGOS PO LA 'JIG PA'I RGYU DGOS PA MED NA NGO BO NYID KYIS GNAS PA CHOS 'BYUNG BAR 'GYUR RAM ZHE NA, DNGOS PO GNAS PA'I CHOS CAN LA YANG ZHES BYA BA LA SOGS PA SMOS TE GNAS PA'I CHOS CAN LA NI 'JIG PA'I RGYU DAG CUNG ZAD KYANG MI DOGS PAS DE NI RANG GI RGYU LAS YANG DAG PAR SKYE'O, ,BRTAN BA'I @267A *, ,NGO BO GANG YIN PA DE NI GZHAN MI BRTAN PAR SKYED PAR SU ZHIG GIS KYANG BYA BAR MI NUS PA'I PHYIR RO, ,DNGOS PO'I BDAG NYID MI 'GYUR NA, RGYUN KHO NA LA BDAG NYID RANG GI NGO BO YONGS SU GTONG BAR MI 'GYUR RO, ,YANG NA RTAG PA'I CHOS KYANG GZHAN DU RTOGS SO ZHES 'DOD NA, DE'I TSE GZHAN DU RTOGS NA DE'I NGO BO KHO NA RTAG PA'I CHOS CAN GYI BDAG NYID DU MI 'GYUR RO, ,MI RTAG PA'I CHOS KYI NGO BO NI SNGAR MED PA LAS PHYIS BYUNG BA RIGS PA YIN PA'I BDAG NYID YIN PA DE LA NI RES 'GA' 'BYUNG BAR MI RIGS SO, ,DE'I NGO BO NYID MA YIN PAR THAL BAR 'GYUR TE, 'GAL BA'I CHOS NYE BAR GNAS PA NI THA DAD PA'I MTSAN NYID YIN PA'I PHYIR RO ZHES BSHAD ZIN TO, ,DE LTAR GYUR NA SNGA MA NYID RNAM PAR RTOG PA'I NGO BO NI MI BRTAN PA'I CHOS YIN NO ZHES BYA BA DANG DE LA 'JIG PA'I RGYU DON MED DO ZHES BYA BA'I SKYON RNAMS BRTAG PA SNGA MAR ZAD PAS SNGAR BSHAD ZIN TO, ,YANG NA 'DI BRTAN PA'I NGO BO NYID 'BA' ZHIG PA 'DI SNGA RMI BRTAN PA'I NGO BO YIN NA NI 'JIG PA'I RGYU LAS SKYE BA YIN GYI, GZHAN DU NA LDOG PAR MI RIGS SO ZHE NA; PHA ROL LAS ZHES BYA BA SMOS TE, 'JIG PA'I RGYU YIS GNAS PA'I CHOS CAN DE LAS GZHAN GYI NGO BO NYID DU GNAS PA'I CHOS NYID KYI MTSAN NYID DU 'GYUR TE, DE SNGON GNAS PA'I CHOS NI RANG GI RGYU LAS YANG DAG BAR 'BYUNG BA'I PHYIR RO, ,NGO BO NYID LAS PHA ROL PO NI GZHAN GYI NGO BO NYID DE DE NI GRUB PA DANG MA GRUB PA'I PHYIR DANG RGYU THA DAD PA'I PHYIR JI LTAR DE'I NGO BOR 'GYUR, GAL TE DA'I BDAG NYID DU SNANG BA'I PHYIR RO ZHE NA, 'DRA BA LAS THA DAD PAR MI RTOGS PAS DE BZHIN DU SNANG BAR 'GYUR GYI GANG GI TSE 'DI SNGA MA'I NGO BOR GYUR BA LAS GZHAN DU 'GYUR BA DE LTA MA YIN NA TSAD MA DANG 'GAL BA GANG GIS ZLOG BAR 'GYUR, GAL TE GZHAN GYI NGO BO YIN NO ZHE NA, GANG ZHIG GZHAN GYI NGO BO YIN NA DE JI LTAR DE YIN GZHAN GZHAN GYI NGO BO YIN PA NI MI RIGS TE HA CANG THAL BAR 'GYUR BA'I PHYIR RO, ,GANG ZHIG GZHAN GYI NGO BO YIN @267B PA DE CIS DER MI 'GYUR ZHE NA, DNGOS PO THA DAD PA NI ZHES BYA BA LA SOGS PA SMOS TE, DNGOS PO GZHAN PA NYID DE GZHAN PA'I NGO BOR 'GYUR BA LA NYES PA CI ZHIG YOD CE NA, DE LTA NA ZHES BYA BA SMOS TE, ,DNGOS PO GZHAN DU 'GYUR BA NI 'JIG PA'I RGYU LA SKYES PA'I RANG BZHIN NO,, DNGOS PO SNGA MA NI RANG GI RGYU LA SKYES PA'O, ,'PHO BA MED PA'I CHOS LA GNAS PA NI GNAS PA LDOG PA LA BRTEN PAR MI 'GYUR BA'O, ,'JIG PA'I RGYUS DNGOS PO GZHAN SKYED PAR BYED PA'I PHYIR DE GNAS PA'I CHOS LA GZHAN DU 'GYUR BA'I LDOG PA MED DO, ,THO BA LA SOGS PAS DNGOS PO GZHAN 'BYUNG BA NA GZHAN LDOG PAR RIGS PA MA YIN TE, HA CANG THAL BAR 'GYUR BA'I PHYIR RO, ,DE NYE BA NAS DE SKYED PA YIN PA YANG SNGAR BSHAD ZIN TO, ,'O NA NI ZANGS MA LA SOGS PA SRA BA LA SOGS PA'I NGO BO 'JIG PA'I RGYUS ZHU BA LA SOGS PA'I RANG BZHIN GZHAN SKYED PA MTHONG BA NYID DE SNGA MA 'PHO BA MED PA'I CHOS MA YIN NO ZHE NA, 'DIS NI ZHES BYA BA LA SOGS PA SMOS TE, BSHAD MA THAG PA'I SRA BA LA SOGS PA'O, ,SOGS PA SMOS PAS NI SNYI BA LA SOGS PA BSDU'O, ,ME DANG GRANG BA LA SOGS PAS ZANGS MA DANG GSER LA SOGS PA DAG SNYI BA DANG SRA BA LA SOGS PA RANG BZHIN GZHAN SKYED PAR RNAM PAR GNAS PA'I NGO BO ZANGS LA SOGS PA BSAL ZHING SPANGS PA YIN TE SKYON MTSUNGS PA'I PHYIR RO, ,DE LTA NA 'ON TE SNGA MA 'PHO BA MED PA'I CHOS LA GNAS PA MED PAR MI RIGS TE DE LA NGO BO GZHAN 'BYUNG BA YIN NO ZHE NA, DE LA YANG ZHES BYA BA SMOS TE, SRA BA LA SOGS PA'I NGO BO CAN GYI ZANGS MA LA SOGS PA SNGA MA SRA BA DANG SNYI BA LA SOGS PA'I NGO BO RANG GI NGANG GIS 'JIG PA CAN YIN PA'I PHYIR 'JIG PA'I RGYU DANG 'BREL PAS ZHIG PA YIN NO, ,ME LA SOGS PA SMOS PAS NI CHU BLUGS PA DANG GRANG BA DANG RLUNG LA SOGS PA LHAN CIG BYED PA PHAN TSUN NYE BAR 'DUS PA LA SOGS PA RTEN GYI KHYAD PAR GYIS PHUL DU BYUNG BAR SKYED PA DANG, NYE BAR LEN PA LA RAG LAS PA SRA BA LA SOGS PA'I NGO BO CAN GYI ZANGS MA LA SOGS PA RANG GI NGANG GIS LDOG PA YIN NO, ,DE NYID KYI PHYIR NYE BAR LEN @268A *, ,PA'I RGYU DANG ME LA SOGS PA LHAN CIG BYED PA'I RKYEN GYIS NYE BAR LEN PA KHYAD PAR DU SKYED DO, ,GZHAN KHO NA NI SRA BA DANG SNYI BA LA SOGS PA'I NGO BO GZHAN ZHIG GO, ,SNYI BA SMOS PA NI NYE BAR MTSON PA NYID YIN PAS SNGA MA SRA BA DANG SNYI BA LA SOGS PA'I NGO BO CAN GYI ZANGS MA LA SOGS PA RNAM PAR GNAS PA'I BDAG NYID SRA BA DANG SNYI BA LA SOGS PAR 'GYUR BA NI SKYES PA YIN GYI YONGS SU GYUR PA NI MA YIN NO, ,GZHAN GYIS 'DIR DE NI ZHES BYA BA SMOS TE, JI LTAR GNAS PA'I CHOS CAN DU GYUR PA LA 'JIG PA'I RGYUS MI BRTAN PA'I NGO BO SKYED DO, ,DES NA 'JIG PA YIN NO ZHES SU ZHIG GIS SMRAS, ,GANG GIS GANG YANG PHA ROL LAS GZHAN DU 'GYUR BA'I PHYIR NA GZHAN GYI NGO BO YIN NO ZHES BRJOD DE, 'ON KYANG DE RANG GIS GNAS PA'I CHOS CAN KHO NA RANG GI RGYU LAS SKYE BA NI MI BRTAN PA'I NGO BO YIN PAS 'JIG PA'I RGYU LAS MI SKYE BAR JI LTAR SHES RANG GI RGYU JI LTA BA RNAMS KYIS RANG BZHIN GYIS GNAS PA'I CHOS CAN KHO NA SKYE BA YIN NO SNYAM NA NI ME LA SOGS PA 'JIG PA'I RGYU MI SRID NA GNAS PA'I PHYIR RO, ,GANG GI TSE RANG BZHIN GYIS GNAS PA'I CHOS CAN RGYU LAS SKYE BAR 'GYUR BA DE'I TSE MI SRID KYANG GNAS PA MA YIN NA NI DE'I PHYIR DE'I NGO BO NYID KYIS GNAS PA'I CHOS CAN YOD PA LAS RANG GI RGYU KHO NAS 'DI GZHAN GYI NGO BOR NGES PA YIN GYI, DPER NA ME LA SOGS PA GZHAN DANG 'GAL BA LAS 'JIG PAR BDAG NYID KYIS SNYAMS SU MYONG BA BZHIN NO, ,GZHAN GYIS ZHES BYA BA NI LAS SU BYA BA'I LNGA PA DBYE BA BRJOD PA STE, GZHAN LA LTOS SO ZHES BYA BA'I DON TO, ,RANG GI RGYU RNAMS KYIS 'DI'I NGO BO NGES PAR BSKYED PA YIN TE, DPER NA KHYED KYI 'GAL BA LA LTOS NAS RANG NYID LDOG PAR 'GYUR BA BZHIN NO, ,DE SKAD DU, DE YI NGO BO YOD PA YANG, ,GANG LA LTOS NAS LDOG 'GYUR BA, ,DPER NA GZHAN GYI 'GAL BA DAG ,BRJOD BZHIN THO BA LA SOGS YIN, ,ZHES BSHAD DO, ,GAL TE 'JIGS PA NI 'GAL BA DANG NYE BA NA RANG NYID LDOG PA YIN @268B NA RGYU MED PAR 'GYUR RO, ,RGYU MED PA YIN NA YUL DANG DUS DANG NGO BO NYID NGES PA MI RIGS PA MA YIN NAM ZHE NA, DE NI ZHES BYA BA SMOS TE 'JIG PA ZHES BYA BA 'JIG PA CAN LAS GANG GIS GZHAN PA'I NGO BO NI 'GYUR BA MED DO, ,'ON KYANG DNGOS PO 'PHO BA KHO NA 'JIG PA YIN TE YANG RANG BZHIN MED PA'I PHYIR RGYU DANG LDAN PA MI RIGS SO, ,DE NI DE'I MA YIN LA 'BA' ZHIG PA NI RANG NYID KHO NA MA YIN PA DE'I PHYIR 'BYUNG BA MED PAS GANG GI RGYU DANG LDAN PAR RTOGS PAR BYA, GRUB PA'I MTHA' SMRA BAS LAN NI 'DI NI ZHES BYA BA SMOS TE, RNAM PAR RTOG PA GNYIS LAS MI 'DA'O ZHES BSHAD ZIN TO, ,RNAM PAR RTOG PA GNYIS CI 'DRA BA ZHIG CE NA, CI DNGOS PO'I NGO BO RTOG PA ZHIG GAM ZHES BYA BA LA SOGS PA SMOS SO, ,'ON TE DUS GZHAN ZHIG TU GNAS PA'I CHOS CAN DU KHAS LEN PAS RTAG PAR RNAM PAR RTOG PA'I GO SKABS MED DO ZHE NA MA YIN TE, DE KHAS BLANGS NA YANG RTAG PA NYID KHAS BLANGS PAR 'GYUR RO, ,DE LTA NA GANG GI TSE LOGS SHIG TU GNAS PA'I CHOS 'DIR RANG GIS RGYU RNAMS KYI SKYED PA DE'I TSE LO GCIG RDZOGS PA GANG YIN PA PHYI MA'I DUS KYI LOR GNAS PA'I CHOS KYI NGO BO YIN NO, ,GANG GI PHYIR 'DI LOR GNAS PA DE'I MTHA' YANG DE NYID YIN PA DE'I PHYIR LO GZHAN DU GNAS PA DE'I MTHA' YANG THOG MAR LOR GNAS PA'I CHOS KYI NGO BO YONGS SU SPANGS PAS LO GZHAN DU GNAS PAR THAL BAR 'GYUR RO, ,DUS GZHAN DU GNAS PA'I CHOS SU KHAS BLANGS KYANG RTAG PA KHAS BLANGS PAR 'GYUR PAS RTAG PA'I RNAM PAR RTOG PA SPANG BAR DKA'O, ,'JIG PA'I RGYU DANG NYE BA LAS RANG NYID LDOG PA YIN NO ZHES KHAS BLANGS PAS MI RTAG PA'I RNAM PAR RTOG PA DANG 'JIG PA'I BDAG NYID KYI RNAM PAR YIN PA DE LTA NA 'JIG PA'I RGYUR MNGON PAR 'DOD PA NYE BAR RANG NYID 'JIG PA'I NGO BO GANG YIN PA DE NYID YOD PA'I NGO BOR GCIG PA'I PHYIR SKYES PA TZAM DE NYID NA 'JIG PAR THAL BAR 'GYUR BAS JI LTAR DUS GZHAN DU GNAS PA'I CHOS NYID SRID PA YIN, DE LTAR BRTAG PAR BYAS NA PHYI MA'I RNAM PAR RTOG PA KHAS BLANGS PAS DUS GZHAN DU GNAS PA 'DI SPANG PA'I PHYIR RTAG @269A *, ,PA NYID 'DIR KHAS BLANG BAR BYA'O, ,DE LA 'JIG PA'I RGYU DANG NYE BA LAS RANG NYID 'JIG PAR 'GYUR BA JI LTAR DUS GZHAN KHAS BLANGS PA SNGAR NI RTAG PAR GYUR PA NYID LA PHYIS NI MI RTAG PA 'DZIN PA'I RANG BZHIN DU BRJOD PAR 'GYUR RO ZHES DE LTAR RNAM PA GNYIS BRJOD PAR 'GYUR RO, ,YANG SMOS PA NI PHYI MA RTOGS PAR GYUR PA NYID LA PHYIS NI MI RTAG PA 'JIG PA'I RANG BZHIN DU BRJOD PAR 'GYUR RO ZHES DE LTAR RNAM PA GNYIS BRJOD PAR 'GYUR RO, ,YANG SMOS PA NI PHYI MA LA LTOS PA'O, ,GNYIS SU 'GYUR PA JI 'DRA BA ZHIG CE NA, RTAG PA DANG MI RTAG PA'I RANG BZHIN THA DAD PA GANG YIN PA DE LTAR 'DI SNGAR RTAG PA'I NGO BO GANG YIN PA DE NI RTAG PAR MNGON PAR 'DOD LA, RANG NYID PHYI NAS ZHIG PAR BRJOD PA NI THAMS CAD DU SKAD CIG MA RE RE KHO NA'I 'JIG PAR BRJOD DO, ,DE LTAR MA YIN NA SNGAR BSHAD PA RIGS PAS PHYIS 'JIG PAR MI SRID PA'I PHYIR RO, ,YANG NA SKAD CIG MA RE RE 'DI 'JIG PAR MI 'GYUR BA DE'I TSE PHYIS KYANG DE MI RIGS PAS THAMS CAD DU MI 'JIG PAR RAB TU SMRAS ZIN PAS SNGA MA LA RTAG PAR MNGON PAR 'DOD PA'I RANG BZHIN LA 'JIG PA'I RGYU NUS PA THOGS PA MED PA DES CI YANG MI BYED PA NYID DO, ,'O NA 'JIG PA'I RGYU NYID LA NUS PA MED PAR GZHAN GYIS KHAS MI LEN GYI 'GAL BA DANG NYE BA LA LTOS NAS RANG NYID 'JIG PAR KHAS LEN TO ZHE NA, 'JIG PA DE NYID KYI RGYU MTSAN MA YIN PAR THAL BA'I PHYIR RO, ,DE LTA MA YIN BA CUNG ZAD CIG BYED PA MED DO ZHES BYA BA 'DI RGYU YOD PA LA LTOS PA'I MTSAN NYID YIN PA'I PHYIR RO, ,GAL TE RANG GI RGYU KHO NA'I 'DI NYES PA YIN TE, GANG CUNG ZAD CIG BYED PA MED KYANG DE LA LTOS NA 'JIG PA YIN NO, ,SLAR YANG GNAS PA MA YIN PA LA MNGON PAR ZHEN PA DE DAG GIS CI ZHIG BYA, GANG DE LA DE LTAR 'JUG PA DE'I PHYIR PHAN 'DOGS PA LA LTOS PA NYID NI RANG GI RGYU YIS NGES PAR SBYOR NA MDZES PA YIN NO, ,DE LTA MA YIN NA 'BRAS BU'I BDAG NYID DE YANG DE LA NGES PAR SBYOR BA LA GUS PAR MI BYED DO, ,JI LTAR CUNG ZHIG BYED PA @269B MED PA 'GAL BA YIN, 'DI 'GAL BA MED PAR MNGON PAR 'DOD NA KHYAD PAR 'GA' YANG MED PAS 'DI NI GYI NA'O, ,GANG YANG DPER NA SKAD CIG MAR SMRA BA GZHAN DAG BUM PA NI THO BA LA SOGS PA LA LTOS NAS CUNG ZAD CIG KYANG BYED PA MED KYANG LDOG PA DE BZHIN DU KHO BO CAG KYANG DUS GZHAN DU GNAS PA CAN GYI DNGOS PO YIN NO ZHE NA, DE YANG GZHAN GYI GZHUNG LUGS MI SHES PAR SMRA BA YIN TE, KHO BO CAG NI GANG GI PHYIR RGYUN ZHES BYA BA SKAD CIG MA LAS THA DAD PA YOD PA NI MA YIN TE THO BA LA SOGS PA NYE BAS CUNG ZAD CIG KYANG LDOG PA LA BYED PA MED DO,, SKAD CIG MA KHO NA 'BA' ZHIG YOD PA DE YANG RANG NYID LDOG PAS THO BA LA SOGS PA LA LTOS PA NI MA YIN TE, RANG GI NGANG GIS 'GOG PA'I PHYIR RO, ,GANG YANG GYO MO LA SOGS PA DE DAG BSKYED PA'I MTSAN NYID MA YIN PA'I 'JUG PA DANG LDOG PA YOD PA GANG YIN PA NI 'DRA BA GZHAN BYUNG BA'I 'KHRUL PA'I RGYU MTSAN GYIS 'JIG RTEN PA GCIG PA NYID MNGON PAR ZHES PAR KHAS LEN PAS BUM PA LA SOGS PA LDOG PA YIN NO ZHES THA SNYAD DU BYED DO, ,DE LA THO BA LA SOGS PA CUNG ZAD CIG KYANG BYED PA MED PA NYID DU YOD PA MA YIN TE, DE YOD PA NYID LAS DE DAG 'BYUNG BA'I PHYIR RO, ,MGYOGS PA BSNUN PA'I THO BA LA SOGS PA NI LHAN CIG BYED PA'I RKYEN YIN TE, BUM PA'I SKAD CIG MA DANG PHAN TSUN NYE BAR 'DUS PA LA SOGS PA'I RKYEN GYI KHYAD PAR LAS GYO MO LA SOGS PA PHUL DU BYUNG BA SKYED PAR 'GYUR BA'I CHOS YIN PA'I PHYIR DANG, DE YANG DE SKYED PA'I RANG BZHIN YIN PA'I PHYIR RO, ,NGO BO GNYIS SU KHAS BLANGS PAR THAL BAR 'GYUR BA LA SOGS PA DE BSAL BAR 'DOD PAS GZHAN GYIS GAL TE SNGAR RTAG PA ZHES BYA BA LA SOGS PA SMOS TE, 'DI GA LAS SHE NA, NGO BO NYID GCIG PA'I PHYIR RO, ,THAMS CAD DU NGO BO GCIG PAS THAMS CAD DU RTAG PA YIN GYI, PHYI NAS MI RTAG PA'I NGO BO NI MI SRID PA'I PHYIR RO, ,GRUB PA'I MTHA' SMRA BAS 'O NA ZHES BYA BA SMOS TE, DNGOS PO THAMS CAD DU RTAG PA'I NGO BO NYID KYI RANG BZHIN GYIS 'JIG PA MI 'JIG PAR RTOGS NA JI LTAR 'JIG PA ZHES @270A *, ,BYA BA YIN, GA LAS SHE NA, DE'I NGO BO NYID DANG 'JIG PA DAG NI RTAG PA'I NGO BO DANG 'JIG PA MI RTAG PA'I NGO BO NYID NI PHAN TSUN MED PA'I NGO BO YIN PA NYID KYI PHYIR PHAN TSUN YONGS SU SPANGS PA'I PHYIR RO, ,MJUG BSDU BA NI DE LTA BAS NA ZHES BYA BA SMOS TE, RTAG PA'I CHOS LA 'JIG PA MI RUNG BA DE'I PHYIR 'JIG PA YOD PA GANG GI TSE GDON MI ZA BAR 'BYUNG BA'I BYAS PA'I NGO BO DANG 'JIG PA YOD PAR PHA ROL PO 'DOD PA DE'I TSE 'JIG PA'I NGO BOS 'JIG PAR 'GYUR RO, ,GNAS PA MED PA'I PHYIR 'JIG PA STE BYED PA PO'I TSIGS KYI GHA NYA'I RKYEN YIN NO, ,DE'I NGO BO GANG YIN PA DES 'JIG PA'I RANG BZHIN GYIS MI GNAS PA'I CHOS YIN PA DES NA BYAS PA'I NGO BO DANG LHAN CIG PA'I YOD PA NI RANG GI RGYUD LAS BYUNG BA YIN NO, ,DE LTA MA YIN NA GDON MI ZA BAR 'BYUNG BAR KHAS BLANGS PA BYAS PA'I BDAG NYID LA 'JIG PA YOD PA MI RIGS PA'I PHYIR RO, ,GAL TE YOD PA NYID YIN NO ZHE NA, DE LTA NA YANG ZHES BYA BA SMOS TE, RANG NYID KYIS 'JIG PA'I NGO BO NYID KYI NGO BO MA YIN TE, GZHAN PA NYID MI SRID PA'I PHYIR 'JIG PA'I RGYU DON MED DO, ,RNAM PAR RTOG PA DANG PO NYE BAR BKOD PA DE NYID BSHAD ZIN PAS YANG BSHAD PAR MI BYA'O, ,DES NA ZHES BYA BA LA SOGS PA NI GO BLA'O, ,DE LTAR NA 'JIG PA LA LTOS PA MED PAS NUS PA YANG DON MED DO, ,DE'I RGYU DANG 'BREL PA LAS BYAS PA'I MTSAN NYID DANG YOD PA NI SNGON GYI SLOB DPON RNAMS KYIS BSTAN CING BSHAD DO, ,DE'I BZLOG NA GNOD PA CAN GYI TSAD MA JI LTA BA DE RJES SU MYONG BA DE BSTAN PA NI LTA BAS NA DNGOS PO 'JIG PA LA ZHES BYA BA SMOS TE, 'DI LTAR SBYOR BA NI GANG DANG GANG GI DNGOS PO YOD PA LA LTOS PA MED PA DE DANG DE'I DNGOS POR NGES PA YIN TE, DPER NA THA MA'I RGYU'I TSOGS PA RANG GI 'BRAS BU BSKYED PA YIN NO, ,BYAS PA'I NGO BO'I DNGOS PO YOD PA'I 'JIG PA NI GZHAN GYIS DNGOS PO 'BYUNG BA GDON MI ZA BAR 'JIG PAR KHAS BLANGS PA YANG GZHAN LA MI LTOS PA'I PHYIR RO ZHES BYA BA NI RANG BZHIN @270B GYI GTAN TSIGS SO, ,THAL BAR 'GYUR BA BZLOG PA LA GNOD PA CAN GYI TSAD MA SNGON GYI SLOB DPON GYIS BSTAN TO, ,DES NA DE'I DNGOS POR NGES PA'I 'JIG PA NI RES 'GA' BA YIN PA'I PHYIR SKYES MA THAG 'JIG PA YIN NO, ,YOD PA GANG YIN PA DE NI BYAS PA'I MTSAN NYID KYI DNGOS PO'O, ,'JIG PA NI 'JIG PA'I RANG BZHIN YIN NO, ,'JIG PA NYID BSGRUB PAR BYA BA'I CHOS LOG NA BYAS PA'I BDAG NYID KYI YOD PA LDOG PA YIN PA'I PHYIR BYAS PA DANG MA BYAS PA'I MTSAN NYID LA SKAD CIG MA'I YOD PAS RJES SU 'GRO BA DANG LDOG PA GRUB CING RDZOGS PA'O, ,MI LDOG PA BSHAD PAS YOD PA DANG SKAD CIG MA DE'I BDAG NYID DU GRUB PA'I RGYU MTSAN GYIS RJES SU 'GRO BA DANG LDOG PA DAG KYANG NGES PA YIN NO, ,DE LTAR NA DE NI SNGON GYI SLOB DPON GYIS BYAS PA'I YOD PA MED PA'I MA BYAS PA'I YOD PA RGYU MED PA CAN NI RTAG PA ZHES BYA STE, RTAG PA'I MTSAN NYID SPANGS PAS DE NI RTAG PA MA YIN NO, ,YOD PA SKYE BA DANG LDAN PA GANG YIN PA DE BSHAD PA'I RIGS PAS GDON MI ZA BAR 'JIG PAR KHAS BLANG BAR BYA'O, ,GZHAN DUS GZHAN DU GNAS PAR 'GYUR RO ZHES BYA BA'I LAN BSHAD ZIN KYANG GANG DANG GANG YOD PA DE DANG DE NI SKAD CIG MA YIN NO ZHES THUN MONG DU BRJOD KYI BYAS BA DANG MA BYAS PA'I MTSAN NYID KYI YOD PA THA DAD PA LA LTOS PA MED PA RGOL BA RNON PO YIN NO, ,BYAS PA NYID KYANG GDON MI ZA BAR 'JIG PA YIN NO ZHES GZHAN GYIS KHAS BLANGS PA LA MI LTOS PA DE'I TSE 'JIG PA MI LTOS PA NYID DU THAMS CAD LA MI 'GRUB BO, ,GANG DAG 'JIG PAR 'GYUR BA BUM PA LA SOGS PA LA MTHONG BA DE DAG NYID LA RGYU MI RIGS PAS DE LA MI LTOS PA NI RUNG NGO, ,GANG YANG YUL LA SOGS PA BAR DU CHOD PA DANG RI BO LA SOGS PA LA 'JIG PA DANG MI 'JIG PA MA MTHONG BAS DE DAG NYID GDON MI ZA BAR 'JIG PAR KHAS BLANGS PA'I RGYU MTSAN MED PA'I PHYIR RO, ,MTHA' MA 'JIG PA NI LTOS PA MED PA BZHIN DU 'JIG PA LA KHYAD PAR MED PAS DNGOS PO YANG DE'I NGO BOR NGES PA YIN NO ZHES BRJOD PAR MI NUS PA'I PHYIR RO, ,DE'I NGO BO YANG LTOS @271A *, ,PA DANG BCAS PA'I PHYIR 'JIG PA LA LTOS PA MED PA NYID MA GRUB BO, ,MA BYAS PA DANG NAM MKHA' LA SOGS PA RNAMS LA 'JIG PA'I NGO BO LTOS PA DANG BCAS PA BZHIN DU LTOS PA YOD NA 'JIG PA'I RANG BZHIN DU MA GRUB PO, ,RJES SU 'GRO BA DANG LDOG PA DAG DE'I RGYU MTSAN DU MI RIGS PA MTHONG STE, DON BYED PAR 'GAL BA'I MTSAN NYID YIN PA DE'I TSE GNOD PA BYED PA'I TSAD MAS DE'I BDAG NYID RAB TU SGRUB PAR BYED PAR BRJOD PAR 'GYUR BA YIN NO SNYAM NAS PHYOGS SNGA MA SLANG PA NI GAL TE NGO BO NYID KYIS 'JIG PA ZHES BYA BA SMOS TE, BSHAD ZIN PA'I RIGS PAS 'JIG PA BUM PA LA SOGS PA LA YONGS SU MTHONG DU ZIN KYANG YUL LA SOGS PA BSKAL BA 'GA' ZHIG GAM, RI BO LA SOGS PA LA BYAS PA DANG 'JIG BA MI DMIGS PA 'AM NAM MKHA' LA SOGS PA BYAS PA MA YIN PA'I YOD PA DE'I NGO BO YANG MI 'JIG PA'I NGO BO MA YIN PAR YANG 'GYUR RO, ,YANG SMOS PA NI SRID PAR 'GYUR RO, ,'JIG PA'I NGO BO DE'I SGRUB PAR BYED PA'I TSAD MA MED PAR DOGS PA DE DANG 'DI DAG GIS 'JIG PA'I NGO BO LTOS PA DANG BCAS PA'I PHYIR LTOS PA MED PA MA GRUB PA YIN NO, ,DE'I DBANG GIS BSGRUB PAR BYA BA SKAD CIG MA NYID YOD PA'I NGO BOR MA GRUB PO, ,DE'I RGYU MTSAN GYI RJES SU 'GRO BA DANG LOG PA YANG MA GRUB PA'I PHYIR RO, ,YANG 'DIR DOGS PA'I RGYU MTSAN CI ZHIG YIN GANG GIS NA 'GA' ZHIG DE MA YIN PA LA YANG DOGS PA YIN SNYAM NA, THAMS CAD KYI NGO BO NYID THAMS CAD YIN PA NI MED PAS ZHES BYA BA SMOS TE, RNAM PA SNA TSOGS PA'I DNGOS PO'I NGO BO MTHONG STE, KHA CIG THOGS PA DANG BCAS PA DANG, KHA CIG THOGS PA MED PA DANG, DE BZHIN DU SNGON PO DANG SNGON PO MA YIN PA LA SOGS PA'I NGO BO DANG, DE BZHIN DU KHA CIG 'JIG PA DANG GZHAN NI MI 'JIG PA'I RANG BZHIN DU PHYOGS SNGA MA DOGS PA LA MA YIN TE, KHA CIG DE'I NGO BO MA YIN PA LA YANG 'GYUR RO ZHES DOGS NA DE BZHIN DU DNGOS PO DE NI SKAD CIG PA MA YIN PA NYID DU 'GYUR BA DANG DE LA YOD @271B PA DNGOS PO NYID DU THAL BAR 'GYUR BAS DE MA YIN PA'I NGO BO 'GYUR DOGS PA GA LA YIN, 'O NA JI LTAR SKAD CIG MA MA YIN PA DNGOS PO MED PAR THAL BAR 'GYUR, DES NA YOD PA DANG SKAD CIG MA NYID KYI NGO BO YIN PAS RJES SU 'GRO BA DANG LDOG PA GRUB PO ZHE NA, DNGOS PO'I ZHES BYA BA LA SOGS PA SMOS TE, 'DI SNYAM DU SEMS PA YIN TE 'DIR RE ZHIG 'DI NYID RNAM PAR DPYAD PAR BYA STE, CI DNGOS PO DE RNAMS KYI MTSAN NYID RIGS PA YIN NAM, DE LA YOD PA DANG 'BREL PA'I MTSAN NYID NI MA KHYAB PA YIN TE SPYI LA SOGS PA RNAMS LA MED PA'I PHYIR RAM, MO GSHAM GYI BU LA SOGS PA LA YANG YOD PAS KHYAB CHES PA NYID DO, ,MO GSHAM GYI BU LA SOGS PA MED PA'I PHYIR JI LTAR YOD PA DANG 'BREL PA YIN ZHE NA, MA YIN TE GCIG LA GCIG BRTEN PA NYID KYI PHYIR RO, ,GANG GI PHYIR MED PA DE DAG NI YOD PA DANG 'BREL PA SPANGS PA NYID DANG DE SPANGS PA YOD PA YIN PA'I PHYIR RO, ,GAL TE YOD PA NI YOD PA DANG 'BREL PA YIN PA DE LTA NA 'O NA TE GZHAN LAS YOD PA'I MTSAN NYID DU BRJOD PA'I PHYIR YOD PA DANG 'BREL PA YANG DON MED DO, ,DE NYID KYI PHYIR DNGOS PO YOD PA'I PHYIR RO, ,GAL TE DON BYED PA'I NUS PA THAMS CAD KYIS STONG PAS DE DAG YOD PA DANG 'BREL PA MED PA YIN NO ZHE NA, DE LTAR GYUR NA DON BYED NUS PA'I MTSAN NYID DANG LDAN PA GANG YIN PA DE NYID YOD PA DANG 'BREL PAS DON BYED NUS PA NYID DNGOS PO NYID DU 'ONGS PAS YOD PA DANG 'BREL PA DON MED DO, ,DE LTAR NA DE BZHIN DU GZHAN SPYI LA SOGS PA RNAMS JI LTAR RANG GI NGO BOS YOD PAR 'GYUR, DON BYED NUS PA NI 'DI DAG THAMS CAD LA YOD PAS DE NYID YOD PA'I MTSAN NYID DO, ,SKYE BA DANG 'JIG PA DANG GNAS PA DANG 'BREL PA YOD PA YIN NO ZER BA DE DAG NI MI RIGS SO, ,GNAS PA DANG SKYE BA DANG 'JIG PA 'GAL BAS CHOS CAN GCIG LA MI RIGS SO, ,GAL TE RES 'GA' SKYE BA DANG 'GAG PA YIN LA RES 'GA' GNAS PA YIN NO ZHE NA, SKYE BA DANG 'JIG PA JI LTA BA DE BZHIN DU GNAS PA MED DO, ,GNAS PA JI LTA BA DE BZHIN @272A *, ,DU SKYE BA DANG 'JIG PA MED DO, ,JI SKAD BSHAD PA'I DNGOS PO GCIG GI MTSAN NYID DU MI 'GYUR RO, ,DE'I PHYIR DNGOS PO GZHAN GYI MTSAN NYID DANG 'BREL PA'I NUS PA MTHA' MA SA DE'I SHES PA SKYED PAR KHAS BLANGS PA'I PHYIR RO, ,GZHAN GYIS TSIG GI DON DRUG LA SOGS PA RNAM PAR GZHAG PA DE NYID NI YOD PA'I MTSAN NYID DU MI RIGS TE, NUS PA THAMS CAD DANG BRAL BA YANG DNGOS PO MED PA'I MTSAN NYID YIN NO, ,THAMS CAD SMOS PA NI DNGOS PO THAMS CAD NI DNGOS PO GZHAN GYI NUS PA DANG BRAL PA'I NGO BO YIN PA'I PHYIR MED PA BSAL BA'I DON DU GANG NUS PA MED PA GANG YIN PA DE NI GCIG TU NGES PA'I MED PAR BRJOD DO, ,NUS PA'I MTSAN NYID NI SKAD CIG MA'I YOD PA YIN NO, ,DES NA SKAD CIG MA'I BDAG NYID NI MED PAR MI 'GRUB PO, ,GANG LAS RJES SU 'GRO BA DANG LDOG PA YIN ZHE NA, SKAD CIG MA MA YIN PA NI 'GA' YANG GANG YANG RUNG BA THA MA'I SHES PA SKYED PA'I MTSAN NYID KYI NUS PA SKAD CIG MA YIN PA DE'I NUS PA DANG BRAL BAR 'GYUR, GANG 'DIR NUS PA THAMS CAD KYIS STONG PA'I MTSAN NYID KYI MED PA DANG 'GAL BAS SEL BAR BYED PA'I YOD PA SKAD CIG MA'I BDAG NYID DU NYAMS SU MYONG NA NI GANG GI RJES SU 'GRO BA DANG LDOG PA DE YIN NO ZHE NA, RIM DANG CIG CAR DAG GIS ZHES BYA BA LA SOGS PA SMOS TE, STONG PA DANG NUS PA THAMS CAD KYIS STONG PA SKAD CIG MA MA YIN PA NI MNGON SUM MA YIN GYI, 'ON KYANG DE'I KHYAD PAR BYED PA STONG PA'I PHYIR RO, ,DE LTA NA RIM DANG CIG CAR DAG GIS BYA BA BYED PA LA KHYAB STE RNAM PA GZHAN NI MI SRID PA'I PHYIR RO, ,DES NA SKAD CIG MA YIN PA LA KHYAB PAR BYED PA'I NUS PA DE DAG DANG 'GAL BAS KHYAB PAR BYA BA LDOG PA YIN TE, GANG GI BYA BA BYED PA'I NUS PA YANG LDOG PA'I PHYIR RO, ,NUS PA THAMS CAD KYIS STONG PA'I MTSAN NYID KYI MED PA SKAD CIG MA MA YIN PA'I KHYAB PAR BYED PA MI DMIGS PAS 'DREN PA YIN TE, 'GAL BA DAG GCIG LA MI SRID PA'I PHYIR RO, ,DES NA LDOG PA CAN GYI YOD PA'I SKAD CIG MA RNAMS NI GNAS PA YIN TE @272B DE'I BDAG NYID YIN PA'I PHYIR RO, ,GANG YANG YOD PA DE NI SKAD CIG MA KHO NA YIN NO ZHES BYA BA NI RJES SU 'GRO BA DANG LDOG PA'I NGO BOS KHYAB PA GRUB PAR NGES PA YIN NO, ,'O NA NI RNAM PA GZHAN MI SRID PAS MYU GU LA SOGS PA'I 'BRAS BU LA SA BON LA SOGS PA RIM DANG CIG CAR LA SOGS PA DAG GIS BYED PAR BRJOD NA, DE NYID RNAM PA GZHAN DANG BRAL PA'I 'BRAS BU SKYE BAR GA LAS GRUB PA YIN, RNAM PAR GZHAN NI DMIGS PA'I RIG BYAR GYUR PA YIN NA JI LTAR GTAN MED PA DANG, YUL LA SOGS PA LA DGAG PA 'BA' ZHIG TZAM NYID YIN, DMIGS PA'I RIG BYAR MA GYUR PA NYID NI YOD PA NGES PA MA YIN TE BSKAL PA YIN PA'I PHYIR GANG LAS MED PA GRUB PA YIN, DE'I PHYIR RNAM PAR GZHAN DON BYED PA SRID PAS RIM DANG CIG CAR LDOG PAS KYANG DON BYED NUS PA LDOG PA MA YIN NA GANG LAS SKAD CIG MA YIN, NUS PA THAMS CAD DANG BRAL BA'I MTSAN NYID NI MED PA YIN NA GANG GIS YOD PA DANG SKAD CIG MA'I BDAG NYID RJES SU 'GRO BA DANG LDOG PAR 'GYUR ZHE NA, MA YIN TE GNYI GA LA YANG SKYON MED PA'I PHYIR RO, ,'DI LTAR RIM PA ZHES BYA BA NI GO RIMS SO, ,'BRAS BU GZHAN DANG LHAN CIG PA MYU GU LA SOGS PA 'BA' ZHIG GO, ,CIG CAR YANG DE LAS GZHAN PA'I SA BON LA SOGS PA 'BRAS BU DANG LHAN CIG PA'O, ,RNAM PA GZHAN NI MYU GU LA SOGS PA DE GNYI GA SPANGS PA YANG GZHAN DU GYUR PA RNAMS SO, ,DE YANG MYU GU LA SOGS PA GZHAN DANG LHAN CIG PA DANG 'BA' ZHIG PA'O, ,MED PA NI MNGON SUM GYIS RTOGS PAR BYA BA STE YOD NA MI DMIGS PA'I RIG BYAR GYUR PA KHO NA'I NGO BO YIN NA RIM DANG CIG CAR MED PA DANG, MI MNGON PA DANG MI DMIGS PAS SO, ,DNGOS PO'I DMIGS PAR BYA BA DANG GZHAN DANG LHAN CIG BA DANG 'BA' ZHIG PA MED PA'I PHYIR DES DBEN PA'I YUL LA SOGS PA MNGON SUM LA SNANG BA SKYED PA'I RANG BZHIN MI DMIGS PA KHO NA MED PAR NGES PA LA SOGS PA'I MTSAN NYID KYI THA SNYAD 'JUG GO, ,DE'I MYU GU LA SOGS PA'I RANG BZHIN GYI GNAS SKABS GNYIS LAS PHYI ROL DU GYUR PA DGAG PA NI @273A *, ,'GA' ZHIG YUL DANG DUS DAG LAS YUL GZHAN LA SOGS PA'I RIM GYIS MYU GU LA SOGS PA 'BYUNG BA CIG SHOS LA MED KYANG NYES PA CUNG ZAD KYANG MED DO, ,DE'I PHYIR MNGON SUM KHO NAS RNAM PA GZHAN MED PAR GRUB PAS RIM DANG CIG CAR DAG GIS JI LTAR DON BYED PAR NUS PA MA KHYAB PAR 'GYUR, BSTAN BCOS BYED PAS JI LTAR MNGON SUM KHO NAS RNAM PA GZHAN MED PAR GYUR PA DE BZHIN DU RANG NYID KYIS RIM PA DANG RIM PA CAN MA YIN PA LA SOGS PA 'DI KHAS BLANGS PA BSHAD CING 'CHAD PAR 'GYUR RO, ,DMIGS PA'I MTSAN NYID DU GYUR PA YANG RIM DANG CIG CAR LA SOGS PA DAG PHAN TSUN RNAM PAR GCOD PA'I NGO BO YIN PA'I PHYIR RNAM PA GZHAN MED PAR GRUB BO, ,DE LTA NA PHAN TSUN RNAM PAR GCOD PA'I NGO BO NI GCIG DGAG PA NI GZHAN SGRUB PA YIN LA DE YANG DGAG PA NI MA YIN TE, DGAG PA DANG SGRUB PA DAG 'GAL BAS GNYI GA DGAG PA'I BDAG NYID KYI RNAM PA GZHAN SRID PAR GA LA 'GYUR, 'DIR SBYOR BA NI GANG DANG GANG GI RNAM PA BCAD NAS GANG GI TSE CIG SHOS KYI RNAM PAR RNAM PAR GNAS PA DE DANG DE LA RNAM PA GZHAN MI SRID DO, ,DPER NA SNGON PO'I RNAM PA RNAM PAR BCAD NAS SNGON PO MA YIN PA'I RNAM PA RNAM PAR GNAS PA'I SER PO BZHIN NO, ,THAMS CAD DU RGYU DANG 'BRAS BUR GYUR PA'I DNGOS PO LA YANG RIM DANG CIG CAR LA SOGS PA DAG LAS RNAM PA GZHAN RNAM PAR GCOD PAS DE LAS GZHAN PA'I RNAM PA RNAM PAR GNAS PA'I RNAM PAR BCAD PA'I YUL DU BYED PA'I PHYIR ZHES BYA BA NI RANG BZHIN 'GAL BA DMIGS PA'O, ,RNAM PAR BCAD PA'I RNAM PAS CIG SHOS RNAM PAR GNAS PA LA RNAM PA GZHAN NI MI SRID PA DE'I PHYIR PHYI ROL DU GYUR PA'I MTSAN NYID YIN NO ZHES BYA'O, ,DES NA DNGOS PO GZHAN GYI NGO BO DAG PHAN TSUN SPANGS TE GNAS PA'I MTSAN NYID YIN PA'I PHYIR RO, ,'DI LA YANG GNOD PAR BYED PA GZHAN YOD PAR DOGS PAS THUG PA MED PAR DOGS PAR MI BYA STE, SNGAR 'GAL BAR RAB TU GRUB PA DRAN PA TZAM YIN PA'I PHYIR RO, ,'GAL BA DMIGS PA NI CHOS CAN LA YOD PA'I DNGOS PO NYE BAR BSTAN PAS 'GAL BA @273B SGRUB PAR BYED PA NYID KYI GNOD PAR BYED PA DE YANG 'DI LA YOD DE, DES NA 'GAL BA DAG GCIG LA MI SRID BAS MI MTHUN PA'I DNGOS POR NGES TE GRANG BA DANG DRO BA'I REG BA LTA BU DANG YOD PA DANG MED PA LTA BU'I ZHES BYA BA THUG PA MED PA GA LA YIN, DE LA SKAD CIG MA MA YIN PA RNAMS RIM GYIS 'BRAS BU MI BYED PA LA KHYAD PAR MED PAS MI BYED PA'I GNAS SKABS BZHIN NO, ,LHAN CIG BYED PA LA LTOS PA RNAMS GNYIS KYANG LHAN CIG BYED PAR MI RIGS PAS NYE BAR DGOD PAR MI BYA'O, ,THAMS CAD LA BYA BA GCIG BYED PA'I DUS DE NA BYED PAR THAL BAR 'GYUR TE, BYED PA PO'I RANG BZHIN DE NYID YIN PA'I PHYIR RO, ,CIG CAR YANG RIGS PA MA YIN TE MNGON SUM DANG 'GAL BA'I PHYIR DANG, SLAR YANG BYED PAR THAL BAR 'GYUR RO, ,GAL TE BYAS ZIN PAS MA YIN NO ZHE NA, MA YIN TE NUS PA MA ZHIG PA'I PHYIR RO, ,DE LTA MA YIN NA SNGAR YANG MI BYED PAR 'GYUR TE MI BYED PA'I NGO BO DANG KHYAD PAR MED PA'I PHYIR RO, ,GAL TE BYAS ZIN PAS BYED PAR MI NUS PA'I PHYIR DANG RO ZHE NA, DE LTA NA NUS PA DANG MI NUS PA DAG GCIG LA 'BRAS BU THAL BAR 'GYUR TE, 'BRAS DANG GSO MA'I SA BON BZHIN NO, ,RTAG PA YANG GANG GI TSE CIG CAR BYED PA DES NA SNGAR YANG YOD PAS DE NYID KYIS DE BYED PAR THAL BAR 'GYUR DE'I PHYIR CHOS SNGAR YANG DE BZHIN DU RES 'GA' ZHIG CIG CAR BYED PAR MI 'GYUR RO, ,SNGA MA DANG PHYI MA DUS DAG GCIG PA'I CHA CIG CAR BYED PA NI DON BYED NUS PA THAMS CAD ZLA BA'I MTSAN NYID CAN GYI MED PAR 'GYUR RO, ,JI LTAR SKAD CIG MA MA YIN PA NYID RIM DANG CIG CAR MA YIN SNYAM NA, RIM PA MED PA'I PHYOGS DE LA YANG SNGAR BSHAD PA'I SKYON NO, ,DE LTAR SKAD CIG MA MA YIN PAR GYUR NA MIG LA SOGS PA LA RAG LAS PA RNAMS MED PAR THAL BAR 'GYUR BAS SKAD CIG MA NYID KYIS YOD PA'I PHYIR RO, ,GANG YOD PA DE NI SKAD CIG MKHO NA YIN NO ZHES YOD PA 'JIG PA'I BDAG NYID DU GRUB PAS RJES SU 'GRO BA DANG LDOG PA'I NGO BO'I KHYAB PA GRUB PA YIN NO, ,BRAM ZE AA TZA TA YIS RNAM PAR SBYAR BA'I 'GREL BA LAS RANG BZHIN GTAN TSIGS @274A *, ,KYI DBANG DU BYAS PA'O,, ,,DE LTAR RANG BZHIN GYI GTAN TSIGS KYI DE'I BDAG NYID DU GRUB BA'I RGYU MTSAN GYI RJES SU 'GRO BA DANG LDOG PA NGES PAS BA BSTAN NAS 'BRAS BU'I DNGOS POR GRUB PA RGYU MTSAN YIN PA'I PHYIR DE DANG DE DAG MNGON SUM DANG MI DMIGS PA'I RGYU MTSAN GYIS SNGAR BSTAN ZIN PA'I PHYIR DER GTOGS LA GZHAN YANG GZHAN DAG LA 'KHRUL PA'I RGYU BSAL BA DE'I YUL BSTAN PA NI DONG ZHAN ZHES BYA BA SMOS TE, GTAN TSIGS LAS THA DAD PA'I DNGOS PO GO BAR BYA BA LAS 'BRAS BU'I GTAN TSIGS YIN TE, DON GZHAN MA YIN PA NI RANG BZHIN GYI GTAN TSIGS SO ZHES BSHAD DO, ,CI'I PHYIR DON GZHAN NYID 'BRAS BU'I GTAN TSIGS YIN ZHE NA, 'KHRUL PA MED PA'I PHYIR RO ZHES BYA BA SMOS TE, 'BRAS BU NYID DON GZHAN PA LA MI 'KHRUL PA YIN GYI GZHAN DU NI MA YIN NO, ,DES NA 'BRAS BU NYID LAS GZHAN PA'I RGYU GO BAR BYA BAR BRJOD DE, YANG DAG PAR LDAN PA'I STOBS KYIS GO PAR BYED PA NYID YIN NA CHA SHAS 'GA' ZHIG GIS MA YIN NO ZHES BYA BA LA SOGS PA SNGAR JI SKAD BSHAD PA, GANG THAMS CAD DU GO BAR BYA BA DANG, GO BAR BYED PA'I DNGOS POR THAL BAR 'GYUR BAR SLOB DPON GYIS BSHAD PA DE GZHAN GYIS 'DIR YANG 'BRAS BU'I GTAN TSIGS 'GA' ZHIG LA YANG THAL BAR 'GYUR RO ZHES DOGS PAS, GAL TE RGYU DANG 'BRAS BU'I DNGOS PO ZHES BYA BA LA SOGS PA SMOS TE, GAL TE 'BRAS BU'I GTAN TSIGS SU BRJOD PA DE'I TSE RGYU DANG 'BRAS BU'I DNGOS PO YIN PAS RGYU'I GO BAR BYED PA NYID DO, ,DE LTAR GYUR NA THAMS CAD DU SHES PAR BYA BA DANG SHES PAR BYED PA'I DNGOS POR 'GYUR TE, ME'I SPYI'I CHOS BZHIN DU BYE BRAG GI CHOS KYANG RTZVA DANG LO MA LA SOGS PA GO BAR BYA BAR 'GYUR RO, ,DU BA YANG BYE BRAG GI CHOS BZHIN DU RDZAS DANG SA LA SOGS PA SPYI'I CHOS KYANG GO BAR BYED PAR 'GYUR RO, ,GANG LAS SHE NA, RNAM PA THAMS CAD DU BSKYED PAR BYA BA DANG SKYED PAR BYED PA'I DNGOS PO YIN PA'I PHYIR RO, ,BSKYED PAR BYA @274B BA DANG SKYED PAR BYED PA'I DNGOS PO NI RGYU DANG 'BRAS BU'I DNGOS POR BRJOD DO, ,ME DANG DU BA DAG KYANG CHA SHAS KYIS NI MA YIN TE, 'ON KYANG RNAM PAR THAMS CAD KYIS SO, ,DE LTAR NA JI LTAR ME NYID DANG RDZAS NYID DANG YOD PA NYID LA SOGS PA RNAMS KYI SPYI'I CHOS SKYED PAR BYED PA DE BZHIN DU RTZVA DANG LO MA LA SOGS PA'I KHYAD PAR CHOS KYIS KYANG YIN NO, ,DPER NA DU BA'I DU BA NYID DANG SKYA BO NYID LA SOGS PA RNAMS KYI KHYAD PAR GYI CHOS SKYE BAR RANG NYID LA NGES PA DE BZHIN DU SPYI'I CHOS YOD PA NYID DANG, RDZAS NYID LA SOGS PAS KYANG YIN NO, ,DES KYANG JI LTAR DE DAG RGYU DANG 'BRAS BU'I DNGOS PO YIN PA DE BZHIN DU GO BAR BYED PA DANG GO BAR BYA BAR 'GYUR RO, ,'DI DAG DE'I RGYU MTSAN YIN NO ZHES BYA BA PHYOGS SNGA MA BA DOGS PA LA, 'DIR RNAM PA THAMS CAD DU SKYED PAR BYED PA DANG BSKYED PAR BYA BA'I DNGOS PO MA YIN TE, DES KYANG DE BZHIN DU GO BAR BYA BA DANG GO BAR BYED PA'I DNGOS POR GYUR PA GA LA YIN, CI'I PHYIR ZHE NA, DE MED PAR NI RTZVA DANG SHING LA SOGS PA DE DAG GI KHYAD PAR GYI CHOS MED PAR 'BYUNG BA'I DU BA TZAM NYID LAS KHYAD PAR GYI CHOS 'BYUNG BA'O, ,DE LTAR DE'I BDAG NYID DANG DE LAS BYUNG BAR NGES PA MED PA'I PHYIR RO; ;DE LTAR DE MED PAR NI ME MED PAR RDZAS LA SOGS PA SPYI'I CHOS RNAMS 'BYUNG BA'O, ,ME KHO NA LAS 'DI 'BYUNG BA YIN NO ZHES BYA BA DE LTA BU'I NGO BO NI DE LAS BYUNG BAR NGES PA MED PAS GANG LAS BSKYED PAR BYA BA DANG, SKYED PAR BYED PA'I NGO BOR 'GYUR, GANG GIS NA THAMS CAD SHES PAR BYA BA DANG SHES PAR BYED PA'I NGO BO YIN PA MED NA DE LAS 'BYUNG BAR NGES PA'I BSKYED PAR BYA BA DANG SKYED PAR BYED PA'I DNGOS PO RNAM PAR GZHAG PAR MI NUS SO, ,GANG GI PHYIR 'DI LTAR DE BAS NA 'BRAS BU NI DU BA LA SOGS PA'O, ,NGO BO JI SNYED CIG NI DU BA LA SOGS PA RNAMS SO; ,'DI RANG GIR GTOGS PA'I MTSAN NYID KYI GSUM PA'O, ,MED NA MI 'BYUNG BA NI MED NA MI SRID PA'O, ,CI MED NA MI SRID PA YIN ZHE NA, RGYU'I NGO BO JI SNYED CIG YIN NO ZHES 'DIR YANG SBYAR BAR BYA'O, ,RGYU LA BRTEN PA'I NGO BO JI SNYED CIG MED NA 'BRAS BUR GTOGS @275A *, ,PA'I RANG BZHIN MI 'BYUNG BAR 'DI DAG GI RGYU YIN NO ZHES BYA BAR SBYAR RO, ,CI MED NA MI 'BYUNG BA YIN ZHE NA, RGYU'O, ,RGYU'I DON GZHAN PA'I YUL RGYU YIN TE GZHI'I BDUN PA'O, ,DA NI RGYU YOD PA'I NGO BO JI SNYED PA RNAMS ME'I RDZAS LA SOGS PA MED NA MI 'BYUNG BA DAG GI RGYUR GTOGS PA'I SPYI'I CHOS NI RGYU'O, ,CI'I PHYIR 'BRAS BU GO BAR BYED PA YIN ZHE NA, DE'I 'BRAS BU NYID DU NGES PA'I PHYIR RO ZHES BYA BA SMOS SO, ,DE NYID RGYUR GTOGS PA'I SPYI'I CHOS DE'I 'BRAS BU YIN NO ZHES DE LTA BU'I NGO BOR NGES PA YOD PA'I PHYIR RO, , RGYU'I SPYI'I CHOS LA RES 'GA' ZHIG KYANG DE'I 'BRAS BU 'KHRUL PA MED DO, ,DE LTAR RGYUR GTOGS PA'I CHA SHAS KYI PHYI MA DON DU GNYER BAS NGES PAR DPYAD NA SNGA MA DON DU GNYER BAS 'BRAS BUR GTOGS PA'I CHA SHAS NGES PAR DPYOD DO, ,GANG DAG CES BYA BA LA SOGS PA SMOS TE, 'BRAS BU'I CHOS DANG DE DAG NYID KYI BDAG NYID DU GTOGS PAS RGYUR GTOGS PA'I CHOS RNAMS GO BAR BYED DO, ,GANG YANG DON GZHAN PA SRID PA NI DU BA NYID DANG SKYA BO LA SOGS PA KHYAD PAR GYI NGO BO DE NI RGYUR GTOGS PA'I CHOS MED NA MI 'BYUNG BA'O, ,'DIR YANG DE'I 'BRAS BU NYID DU NGES PA LA LTOS PA'O, ,'BRAS BUR GTOGS PA DE DAG NYID KYI KHYAD PAR GYI CHOS RNAMS KYI RGYUR GTOGS PA'I SPYI'I CHOS LA LTOS NAS 'BRAS BU NYID DU NGES DU NGES PA'I PHYIR RO, ,'BRAS BUR GTOGS PA'I KHYAD PAR GYI CHOS DE NI RGYUR GYUR PA'I SPYI'I CHOS MED NA RES 'GA' ZHIG KYANG MI 'BYUNG NGO, ,DE LTA NA DE'I RGYU'I NI SPYI'I CHOS KHO NA GO BAR BYA BA YIN LA BYE BRAG GI CHOS NI MA YIN NO, ,'BRAS BU YANG BYE BRAG GI CHOS KHO NA GO BAR BYED PA YIN GYI SPYI'I CHOS NI MA YIN PA DES NA 'BRAS BUR NGES PAS SO, ,GANG YANG RGYU'I BYE BRAG GI CHOS DE'I 'BRAS BU NYID DU NGES PA'I 'BRAS BU TZAM NI MED PAS DE NI MI RTOGS SO, ,'BRAS BU SPYI'I CHOS NI RDZAS LA SOGS PA GANG YIN PA DE DAG DE'I 'BRAS BUR NGES PA MED PAS GO BAR BYED PA MED DO, ,RGYU DANG 'BRAS BU DNGOS PO GO BAR BYED @275B PA YIN NA RNAM PA THAMS CAD DU GO BAR BYED PAR THAL BAR GAL LA 'GYUR GZHAN MI 'DOD PA'I DOGS PA BSU BA NI GAL TE CHA SHAS KYIS ZHES BYA BA LA SOGS PA SMOS TE, GAL TE RGYU SPYI'I CHOS GO BAR BYA BA YIN LA 'BRAS BU'I BYE BRAG GI CHOS NYID KYANG GO BAR BYED PA YIN PAS DE 'BRAS BU NYID DU NGES PAR 'DOD NA, DE LTA NA CHA SHAS KYIS BSKYED PAR BYA BA DANG SKYED PAR BYED PA'I DNGOS POR 'GYUR RO, ,RGYU'I SPYI'I CHOS KHO NA SKYED PAR BYED PA YIN LA BYE BRAG NI MA YIN TE, 'BRAS BU'I BYE BRAG GI CHOS KHO NA BSKYED PAR BYA BA YIN GYI SPYI'I CHOS MA YIN NO ZHES BYA BAR 'GYUR TE, RNAM PA THAMS CAD BSKYED PAR BYA BA DANG SKYED PAR BYED PA'I DNGOS POR MNGON PAR 'DOD PA'I PHYIR KHAS BLANGS DANG 'GAL LO ZHE NA, 'DI DAG GI LAN NI CHA SHAS KYIS BSKYED PAR BYA BA DANG SKYED PAR BYED PA'I DNGOS POR THAL BAR MI 'GYUR RO, , DNGOS PO'I BDAG NYID THAMS CAD CHA SHAS MED PAR DE KHAS BLANGS PA'I PHYIR GO BAR BYA BA DANG GO BAR BYED PA'I DNGOS PO YANG RNAM PA THAMS CAD DU MNGON PAR 'DOD PA'I PHYIR DE NI NGES BSKYED PAR BYA BA ZHES BYA BA LA SOGS PA SMOS TE, GANG 'BRAS BU NI RGYUR GYUR PA'I KHYAD PAR GYI CHOS KYIS BSKYED PAR BYA BA YIN NA NI KHYAD PAR DE GZUNG BAR BYA BA YIN LA, DE'I TSE NGES BSKYED PAR BYA BA'I KHYAD PAR GZUNG NAS RGYUR GYUR PA'I KHYAD PAR GYI CHOS GO BAR BYA BA NYID DU MNGON PAR 'DOD PA'I PHYIR RO, ,DE LTA NA DU BA LA SOGS PA'I RTAGS KYI KHYAD PAR GYI NGO BO'I BYE BRAG RNAMS 'BRAS BUR GYUR PA'I RDZAS LA SOGS PA SPYI'I GANG YIN PA DE DAG KYANG GO BAR BYED PA NYID DU MNGON PAR 'DOD PA'I PHYIR RO, ,DE LTA NA AA KA RU'I DU BA BZUNG BAR GYUR PA LAS DE NYID ME RJES SU DPOG PA DANG, DU BA NYID KYI KHYAD PAR RDZAS LA SOGS PAS ME RJES SU DPOG PA YIN NO, ,RNAM PA THAMS CAD DU BSKYED PAR BYA BA DANG SKYED PAR BYED PA'I DNGOS PO YOD PA TZAM GYIS GO BAR BYA BA DANG GO BAR BYED PAR MI 'GYUR RO, ,DE NI SHOS PA LA LTOS PA'I PHYIR RO, ,DE LTA NA YOD PA TZAM GYI RTAGS NI GO BAR BYED PA MA YIN TE DE SHES PAR BYED PA LA @276A *, ,LTOS PA'I PHYIR RO, ,SHES PAR BYED PA NI RANG NYID NGES PA LA LTOS NAS SHES BAR BYA BA'I DON SHES PAR 'GYUR GYI GZHAN DU NI MA YIN NO, ,JI LTAR DE MED PAR 'BYUNG BA NI DE LAS 'BYUNG BAR NGES PA MED PA'I PHYIR ZHES BSHAD BA NA, RNAM PA THAMS CAD DU BSKYED PAR BYA BA DANG SKYED PAR BYED PA'I DNGOS PO KHAS BLANGS PA 'DI MED PAR 'BYUNG BA NI MED PA YIN NO ZHE NA, KHYAD PAR CAN MA YIN PA ZHES BYA BA LA SOGS PA SMOS TE, GAL TE DE SKYED PA'I KHYAD PAR 'DZIN PA SPANGS PA NI KHYAD PAR CAN MA YIN PA'I 'BRAS BU TZAM KHAS BLANGS PA'AM, RTAGS KYI KHYAD PAR SPANGS PA'I RDZAS LA SOGS PA YIN PA DE'I TSE KHYAD PAR MED PA'I SPYI YANG BRJOD PAR 'DOD PA YIN NO, ,RGYUR GYUR PA'I KHYAD PAR YOD PAS KYANG DU BA TZAM 'BYUNG BA DE'I KHYAD PAR CAN MA YIN PA'I RDZAS LA SOGS PA NI MED KYANG 'BYUNG BAS 'KHRUL PA YIN PA'I PHYIR RNAM PA THAMS CAD DU BSKYED PAR BYA BA DANG SKYED PAR BYED PA DE MED PAS GO BAR BYA BA DANG GO BAR BYED PAR MI 'DOD DO, ,KHYAD PAR NI RJOD PAR 'DOD PA MA YIN TE DE LA 'KHRUL PA SRID PA'I PHYIR RO, ,'DI LTAR GAL TE DU BA TZAM GYI RTZVA DANG SHING LA SOGS PA'I KHYAD PAR MED KYANG 'BYUNG BA YIN, SKYED PA'I KHYAD PAR NI MA YIN TE, GANG GI TSE DE 'DZIN PAR NUS PA DE'I TSE KHYAD PAR GO BAR BYA BA NYID DU YOD PA KHO NA STE RTAGS NGES PA'I PHYIR RO, ,DE LTA NA GAL TE RDZAS NYID DANG YOD PA NYID TZAM ME YOD PA LAS 'BYUNG BA YIN GYI DU BA'I BDAG NYID MA YIN PAS DE'I KHYAD PAR NI MI 'KHRUL PA'I GO BAR BYED PA YIN YANG BSAL BAR MI BYA'O, ,'DI GZHAN GYI DOGS PA BRJOD PA'I GO SKABS NI GAL TE RES 'GA' ZHIG CES BYA BA SMOS TE, 'GA' ZHIG NI DU BA LA SOGS PA'O, ,RES 'GA' ZHIG NI DUS KHA CIG TU'O, ,'GA' ZHIG LAS NI ME LA SOGS PA'O, ,'BYUNG BA YANG NI YOD DO, ,THAMS CAD NI DU BA'O, ,DE DANG 'DRA BA NI, GANG DANG 'DRA BAR ME LA SOGS PA GCIG LAS 'BYUNG BA MTHONG BA'O, ,DE LAS SKYES PA NI RNAM PA DE LTA BU'I SKYE BA NI RNAM PA JI LTA BA DE GCIG LAS 'BYUNG BAR MTHONG BA DE 'DRA BA NYID SKYE BA GANG YIN PA DE NI RNAM PA DE LTA BU'I SKYE BA'O, ,'DI DAG TSAD MA GANG LAS NGES PA YIN ZHE NA, 'BRAS BU'I GTAN TSIGS KYI RGYU DANG 'BRAS BU'I @276B DNGOS PO SGRUB PA'I RGYU MTSAN GYI RJES SU 'GRO BA DANG LDOG PA GANG YIN BRJOD PA YIN NO, ,GAL TE DE LTA NA MNGON SUM DANG MI DMIGS PA DAG GIS DU BA 'BA' ZHIG ME'I TSOGS PA'I 'BRAS BUR GTOGS PA CI DE TZAM GYIS GZHAN DE DANG 'DRA BA'I DE DANG 'DRA BA 'BRAS BU GRUB PAR 'GYUR RAM, DE LA DE'I RGYU MTSAN DAG MNGON SUM DANG MI DMIGS PA DAG GIS BYED PA MED DE, GANG LA DE DAG KHO NA GZHAN GYIS BYED PA DE NI GZHAN DE'I 'BRAS BUR 'GYUR RO, ,DE GZHAN YIN NA CI ZHIG TU 'GYUR, GANG GIS RNAM PA DE LTA BU'I SKYE BAR 'GYUR, DE LTA NA DU BA'I GSAL BA 'GA' ZHIG ME LA SOGS PA LAS SKYE BA MTHONG BA DE CIS NA BUM PA LA SOGS PA LAS KYANG KHAS MI LEN GZHAN PAR KHYAD PAR MED PA'I PHYIR RO, ,GAL TE DE DAG LAS NYES PA CIR 'GYUR ZHE NA, DE LTAR GYUR NA TSAD MA MED PAS DE LTAR RNAM PAR DBYE BA'I BDAG NYID LA NGES PA MED PAS DE DANG MI 'DRA BA LAS SKYE BAR DOGS PA NA DE 'DRA BA'I DU BA LA SOGS PA DANG RJES SU 'GRO BA DANG LDOG PA DAG LA NGES PA MED NA GANG GIS 'BRAS BU GTAN TSIGS GO BAR BYED PA NYID YIN, YUL DANG DUS GCIG NA GNAS PAR NGES PA GANG YIN PA DE KHO NA'I ME'I KHYAD BAR GYI RGYU CAN GYI DU BA MNGON SUM DANG MI DMIGS PAS RTOGS KYI DE NYID KYI RJES SU 'GRO BA DANG LDOG PA RTOGS PA NI MED DE DE YUL GZHAN NA MI SRID PA'I PHYIR RO, ,DE LTA NA 'ON TE DE 'DRA BA'I SPYI'I BDAG NYID RTAGS YIN PAS DE'I RNAM PA DE LTA BU YANG SKYE BAS SEMS RNAM PA DE LTA BU'I RJES SU 'GRO BA'AM LDOG PA GA LA YIN, DE SKAD DU, YUL DANG DUS DANG GNAS SKABS RNAMS, ,THA DAD NUS PA THA DAD LA, ,DNGOS RNAMS RJES SU DPAG PA YIS, ,RTOGS PA SHIN TU RNYED PAR DKA', ,ZHES BSHAD DO ZHE NA, GRUB PA'I MTHA' SMRA BA LA MA YIN TE, DE LAS BYUNG BA ZHES BYA BA LA SOGS PA SMOS TE, 'DIR LAN CIG DU BA LA SOGS PA'I TSOGS BA LAS 'BYUNG BA MNGON SUM DANG MI DMIGS PA DAG GIS NGES PA'I NGO BO YANG DE 'DRA BA DANG DE DANG MI 'DRA BA YOD PA DAG JI LTAR BAR YONGS SU MTHONG BA LAS GZHAN PA NYID DANG MTSUNGS PAR DOGS PA DANG, DE LA ME LA SOGS PA'I TSOGS PA LAS SKYE @277A *, ,BA'I DU BA'I KHYAD BAR LAN CIG NGES PA GANG YIN PA DE LA LTOS BA NI DE LAS GZHAN PA'I KHYAD PAR DE DANG 'DRA BA DANG GANG DE DANG MI 'DRA BA'I DNGOS PO RNAMS KYANG NUS PA SNA TSOGS PA DANG DE LAS 'BYUNG NGO ZHES DOGS PA LA, DE BZHIN DU DE YANG LAN CIG ME LA SOGS PA'I TSOGS PA LAS 'BYUNG BAR NGES BA DE'I TSE DANG 'DRA BA NYID NI GZHAN LA LTOS PA'O, ,DE LA GANG GI TSE DE LAS GZHAN PA DE 'DRA BA LAS DE DANG 'DRA BA SKYE BAR 'GYUR BA DE'I TSE DE DANG MI 'DRA BA'I NGO BO NI ME LA SOGS PA'I TSOGS PA LAS SKYE BA'I NGO BO MA YIN TE, YONGS SU MA MTHONG BA'I DU BA DE YANG ME'I TSOGS PA RGYU YIN PAR 'GYUR RO, ,DE DANG 'DRA BA'I NGO BO NI ME LA SOGS PA'I TSOGS PA DANG MTSAN NYID MI 'DRA BA'I RGYU'I NGO BO LAS SKYE BA'I PHYIR DANG, DES NA ME LA SOGS PA'I TSOGS BA RGYU MA YIN PA'I PHYIR DE NYID LHAN CIG PA DE LAS BYUNG BAR MTHONG BA'I DU BA GANG YIN PA DE YANG MI 'BYUNG BAR 'GYUR RO, ,GANG 'DI'I RGYU MA YIN PA DE DANG DE NI LAN 'GA' YANG DE LAS 'BYUNG BAR MI 'GYUR TE DE RGYU MED PAR THAL BA'I PHYIR RO, ,DE LAS 'BYUNG BA MA YIN PA ZHES BYA BA LAS DE SMOS BA NI ME LA SOGS PA'I RGYU BRJOD PAR 'DOD PA GZUNG NGO, ,DE MA YIN PA NI DE MED PA'O, ,DE DANG MTSAN NYID MI MTHUN PA DANG DE DANG MI 'DRA BA BRGYA BYIN GYI SPYI BO LA SOGS PA'O, ,DE'I PHYIR 'BYUNG BA'I NGANG TSUL CAN DE NI DE LAS BYUNG BA'O, ,DE DANG 'DRA BA'I MTSAN NYID DE'I DU BA'I DNGOS PO'O, ,LAN 'GA' YANG NI LAN CIG KYANG NGO, ,ME LA SOGS PA DE LAS MI 'BYUNG BAS YOD PAR 'GAL BA'I PHYIR RO, ,DE 'DRA BA YIN DU ZIN NA ME LA SOGS PA'I TSOGS PA DE LAS DE DANG 'DRA BA'I NGO BO NI DE DANG 'DRA BA NYID RGYU YIN NO ZHES LAN CIG 'BYUNG BA KHO NAS MNGON SUM DANG MI DMIGS PA DAG GIS RTOGS PAR BYA BA YIN NA, GANG LAS 'KHRUL PAR DOGS PAR BYA, DES NA CI 'DRA BA'I DU BA DANG ME LA SOGS PA'I TSOGS PA LAS BYUNG BAR MTHONG BA DE 'DRA BA DE NI DE'I NGO BOS DE DANG 'DRA BA NYID DU 'BYUNG BAS SO, ,GANG DU BA YOD PA DE LA ME'I TSOGS PA YOD PAR RJES SU 'GRO BA DANG LDOG PA NGES PA YIN NO, ,YANG NA GZHAN DU BSHAD PAR @277B BYA STE; 'DIR MNGON SUM DANG MI DMIGS PA RGYU MTSAN GYI 'BRAS BU DANG RGYU'I DNGOS POR GRUB PO ZHES SNGAR BSHAD ZIN TO, ,DE'I RGYU MTSAN GYI RJES SU 'GRO BA DANG LDOG PA DAG BSTAN PAR 'DOD PA DE NI MI RIGS TE, 'DI LTAR DU BA 'GA' ZHIG ME LA SOGS PA'I TSOGS PA LAS GZHAN LA 'BYUNG BA STE, RES 'GA' ZHIG 'DI THOG MAR SKYE BA'I DUS DANG PO NI ME LA SOGS PA'I TSOGS PA LAS KYANG SKYE'O, ,THAMS CAD DU DE DANG 'DRA BA NI MA YIN TE DU BA'I SKAD CIG MA DANG PO CI 'DRA BA 'BYUNG BA'I SKAD CIG MA GNYIS PA LA SOGS RNAMS KYANG MNGON SUM KHO NAS DE DANG 'DRA BA DE NI SNGA MA DANG MTSAN NYID MI MTHUN PAR RTOGS TE, RNAM PA DE LTA BU'I SKYE BA ZHES BYA BA NI, JI LTA BU'I RNAM PA'I ME DANG BUD SHING GI TSOGS PA'I MTSAN NYID DANG POR DU BA SKYES PA'I RNAM PA DE LTA BU SKYE BA GANG YIN PA DE NI RNAM PA DE LTA BU'I SKYE BA YIN NO ZHES BYA BA 'DI GANG GIS MA YIN, DE NI DU BA LAS KYANG 'BYUNG BA'I PHYIR RO, ,DE LTAR GANG DANG GANG LAS MTHONG BA DE NI GZHAN LA YANG YOD PAR MTHONG BAS THAMS CAD LA YID BRTAN DU MED DO SNYAM DU SEMS PAS DE LTAR NA ZHES BYA BA SMOS TE, ME MA YIN PA'I DU BA LAS KYANG DU BA 'BYUNG LA BRGYA BYIN GYI SPYI BO LA SOGS PA LAS KYANG 'BYUNG BAS 'GAL BA MED DO, ,ME DANG DU BA LA RJES SU 'GRO BA DANG LDOG PA DAG MA YIN NO ZHES SEMS PA PHYOGS SNGA MA'I DOGS PAS 'DI SKAD DU, SKAD CIG DNGOS PO KHA CIG TU, ,JI LTAR RAG LAS 'JUG PA YIN, ,RGYUR GRAGS PA NI YOD PA LAS, ,'DI 'BYUNG DE LAS YOD PA YIN, ,DE PHYIR MES MIN DU BA LAS, ,DU BA SRID YIN JI LTA BA'I, ,BRGYA BYIN SPYI BO DE BZHIN DE, ,SRID PA GANG GIS BSAL BAR NUS, ,ZHES BSHAD DO ZHE NA, GRUB PA'I MTHA' SMRA BAS MA YIN TE ZHES BYA BA SMOS TE, BUD SHING GI TSOGS PA LAS SKYES PA CI 'DRA BA'I DU BA DE 'DRA BA KHO NA DU MA LAS KYANG 'BYUNG BA YANG MA YIN TE, RGYU'I NUS PA THA DAD PAS BDAG NYID 'GA' ZHIG LAS 'DRA BAR NGES PA YANG MI 'DRA BA YIN PA'I PHYIR RO, ,DE DANG 'DRA BA ME DANG BUD SHING GIS TSOGS PA'I SKAD CIG MA @278A *, ,GZHAN LAS SKYES PA DANG PO KHO NA LAS GZHAN PA'I SKAD CIG MA YIN PA DE BZHIN DU DE LAS GZHAN PA'I DNGOS PO NYID ME DANG BUD SHING GI TSOGS BA GZHAN LAS SKYE BAS DE 'DRA BA'I DU BA NI DUS 'BYUNG BA MI SRID DO, ,LA LAR 'BRAS BU LA YID BRTAN DU MED PA MA YIN NO, ,DE BZHIN DU CI 'DRA BA'I SKAD CIG MA GNYIS PA LA 'BYUNG BA NI DU BA'I SKAD CIG MA DANG PO LA SKYE BA'I DU BA'I SKAD CIG MA DE DANG 'DRA BA DU BA GZHAN GYI SKAD CIG MA DANG PO LAS SKYES BA CAN GYI DU BA'I SKAD CIG MA GNYIS PA DANG GSUM PA LA SOGS PA'O, ,DE BZHIN DU SKAD CIG MA GSUM LA SOGS PA'I MYU GU LA SOGS PA RNAMS LA YANG THAMS CAD DU BRJOD PAR BYA'O, ,GANG LAS 'DI'I RNAM PAR DBYE BAR BYA BA YANG YIN ZHE NA, DE LAS 'BYUNG BA CAN MA YIN PA NI ME DANG BUD SHING LA SOGS PA'I NGO BO DE LAS MA YIN BA'I DU BA LAS 'BYUNG BA'I NGANG TSUL CAN SKAD CIG MA DANG PO DANG MTSAN NYID MI MTHUN PA'I DU BA NI LAN 'GA' YANG NI LAN GCIG KYANG NGO, ,DE LAS NI ME LA SOGS BA'I TSOGS PA LAS MI 'BYUNG BA'I PHYIR 'BYUNG BA MI RIGS SO, ,DPER NA SKAD CIG MA DANG PO LA LTOS PA'I GNYIS PA DE DANG 'DRA BA DE BZHIN DU SKAD CIG MA DANG PO LA LTOS PA DE YANG DE 'DRA BA NYID DU KHYAD PAR MED PAS DE DANG 'DRA BA YIN NO, ,ME MA YIN PA LAS 'BYUNG BA CAN ME LAS SKYES PA DE DANG 'DRA BA'I NGO BO MED PAS LAN 'GA' YANG DE LAS MI 'BYUNG BA'I PHYIR RO, ,DES BSKYED PAR BYA BA'I NGO BO YIN NA NI BDAG NYID YIN PAS MI 'DRA BAR GA LA 'GYUR, DE'I PHYIR MI 'DRA BA LAS BYUNG BA LAS MI 'DRA BA MA YIN PA DES NA 'KHRUL PA MED DO, ,GAL TE DU BA'I SKAD CIG MA THAMS CAD NI MGUL PA SKAM PA DANG MCHI MA 'BYUNG BA DANG, KHA DOG GNAG PAR BYED PA LA SOGS PA'I DON BYED PA NYE BAR MKHO BAS, JI LTAR DE DANG 'DRA BA'I RANG BZHIN DU MI 'GYUR ZHE NA, DE LA YANG DON BYED PA MED DE SKAD CIG MA THA DAD PA LA RAG LAS PA'I NGO BO NI DE DANG 'DRA BA MED PAS DE LAS SKYON MTSUNGS PA'I PHYIR RO, ,GAL TE DE LTA NA 'JIG RTEN PA THAMS CAD JI LTAR DU BA'I THA SNYAD PA YIN ZHE NA, 'DRA BA GZHAN 'BYUNG BA'I RGYU MTSAN @278B GCIG TU MNGON PAR ZHEN PA'I DBANG GIS SKAD CIG MA'I THA SNYAD DU RUNG NGO, ,GAL TE 'DRA BA DE DANG 'DRA BA JI LTAR MA YIN ZHE NA, 'DRA BA NI DE DANG 'DRA BA LAS GZHAN YIN PA'I PHYIR RO, ,DE LTA NA BA LANG DANG 'DRA BAR GYUR PA'I BA ME NA NI DE DANG 'DRA BA MA YIN GYI BA LANG NYID GZHAN DE DANG 'DRA BA'I PHYIR RO, ,DON DAM PAR NA DE DANG 'DRA BA MED KYANG BLO DMAN PA RNAMS DE DANG 'DRA BA 'DOD BA 'BYUNG BA GANG GIS BSAL BAR NUS DE LTA NA TSU ROL MTHONG BA DE MA YIN PA RE ZHIG DER MNGON PAR ZHEN PA BSAL BAR NUS PA MA YIN NA, DE DANG 'DRA BA MNGON PAR ZHEN PA LA CI ZHIG BYAR YOD, DE SKAD DU, DBYIBS DANG KHA DOG MTSUNGS PA YI, ,RGYU GZHAN SKYE BAR GYUR PA LA, ,DE MIN DE BLO'I SKYE BO NI, ,RGYUN GCIG PA LA'ANG CI BYAR YOD, ,CES BSHAD DO, ,DE KHO NA NYID SEMS PAS NI DE DANG 'DRA BA DE DANG MI 'DRA BA'I RGYU THA DAD PAS DE DANG 'DRA BA DANG DE DANG MI 'DRA BA RNAMS RJES SU DPOG GO, ,DE 'DRA BA NYID MA YIN PA GANG GI TSE DE DANG 'DRA BA MA YIN PA LA YANG DE DANG 'DRA BA MED PA DE'I TSE DE SKYED PA'I NGO BO MA YIN PA'I PHYIR DE LAS 'BYUNG BA CAN MA YIN PA NI LAN 'GA' YANG DE LAS 'BYUNG BAR MI 'GYUR RO, ,DON BYED PAR NUS PA NI PHAN TSUN LTOS PAS ZHES BYA BA LA SOGS PA SMOS TE, RGYU LA LTOS NAS BSKYED PAR BYA BA'I RGYU DANG 'BRAS BU'I NGO BO LA LTOS PA'O ZHES SHES SO, ,DE LTA MA YIN NA DE LAS BYUNG BA DAG CIG SHOS MI RIGS PAS DES BSKYED PAR BYA BAR MI RUNG BA'I PHYIR RO, GAL TE DE LTAR DE LAS DPAG PHAS CI ZHIG 'GRUB CE NA, DE LA ZHES BYA BA SMOS TE, DE LA RIG PAR GYUR PA'O, ,GAL TE DU BA CI 'DRA BA DANG POR ME LA SOGS PA'I TSOGS PA LAS SKYES PA SKAD CIG MA GNYIS PA LA SOGS PAR BYUNG BA DE DANG 'DRA BA'O, ,ME LA SOGS PA'I TSOGS PA'I NI BUD SHING LA SOGS PA'I TSOGS PAS DE SKYED PAR BYED PA'I NGO BO'O, ,DE SPANGS PA NI DE LAS GZHAN PA'O, ,ME DANG BUD SHING LA SOGS PA'I TSOGS PAS BSKYED PAR BYA BA DE LAS GZHAN PA LAS DU BA'I SKAD CIG MA 'BYUNG BAR GYUR NA DE NI @279A *, ,DE DANG 'DRA BA'I NGO BO 'DI'O, ,DES BSKYED PAR BYA BA NI ME'I TSOGS BAS BSKYED PAR BYA BA'I NGO BO MA YIN NO, ,'ON KYANG DU BA BSKYED PAR BYA BA KHO NA BYAS ZIN PA LAN 'GA' YANG ME LA SOGS PA'I TSOGS PA LAS MI 'BYUNG NGO, ,DE DANG 'DRA BA'I DU BA'I NGO BO GZHAN LAS 'BYUNG NA DES BSKYED PAR BYA'I NGO BO NI MA YIN PA LA SOGS PAS BSKYED PAR BYA BA'I NGO BO'O, ,GANG LAS SHE NA, LAN 'GA' YANG DE LAS 'BYUNG BAR MI RIGS SO, ,'DIR DPE NI DON GZHAN PA BZHIN NO ZHES BYA BA NI DPER NA MYU GU LAS DON GZHAN PA DE MA YIN PAS BSKYED PAR BYA BAR MNGON PAR 'DOD PA NI GZHAN LAS 'BYUNG BAS DE MA YIN PAS BSKYED PA'I NGO BO STE, ME LA SOGS PA'I TSOGS PA LAS SKYE BA'I NGO BO MA YIN PA'I PHYIR LAN CIG KYANG DE LAS 'BYUNG BAR MI 'GYUR BA DE BZHIN DU DE DANG 'DRA BA'I DU BA YANG DE LAS BYUNG BA DANG MI 'DRA BA NYID 'DIR RTOGS PAR BYA'O, ,GAL TE ME LA SOGS PA'I TSOGS PAS 'DI DE MA YIN PAS BSKYED PAR BYA BA'I NGO BO YIN YANG DE DANG 'DRA BAR STOBS KYIS SKYED PAR BYED LA RAG LAS NA DE'I NYES PA YIN NO ZHES 'DOD NA, DE SKYED PA ZHES BYA BA SMOS TE, DE SKYED PA'I NGO BO MA YIN PA'I BDAG NYID 'BA' ZHIG DE LAS MI 'BYUNG NGO, ,'ON KYANG ME LA SOGS BA'I TSOGS PA DES KYANG DE DANG 'DRA BA'I DU BA SKAD CIG MA GNYIS PA 'BYUNG BA CI 'DRA BAR MI SKYED DO, ,GANG LAS SHE NA, DE SKYE BA'I NGO BO MA YIN PA'I PHYIR RO, ,DE DANG 'DRA BA GZHAN LAS 'BYUNG NA NI DE KHO NA DES BSKYED PA'I NGO BO YIN TE ME LA SOGS PA'I TSOGS PA DE SKYED PA'I NGO BO MA TSANG NA JI LTAR DE SKYED PAR 'GYUR, 'DIR DPE NI TSOGS PA GZHAN YIN NO, ,DPER NA TSOGS PA GZHAN DE MA YIN PA SKYED PAR MNGON PAR 'DOD PA'I NGO BO NI DES BSKYED PA MA YIN PA DE BZHIN DU ME LA SOGS PA'I TSOGS PA LAS KYANG YIN NO, ,DE LTA NA DE BDAG NYID KYI NGO BO'I RJES SU 'BRANG BAS 'JUG PA YIN NO, ,DE'I PHYIR TSOGS PA'I STOBS KYIS 'DI SKYE BAR GA LA 'GYUR, GAL TE ME LA SOGS PA'I TSOGS PA LAS SKYE BA'I NGO BO LAS KYANG DE DANG 'DRA BA'I DU BA'I NGO @279B BO SKYED PA YANG YIN TE, DPER NA DU BA DE NYID BUD SHING LAS SKYE BA'I NGO BO DANG ME LAS SKYE BA'I NGO BO GNYI GA YANG YIN PA DE BZHIN DE 'DRA BA DU BA YANG TSOGS PAS BSKYED PAR BYA BA'I NGO BO YIN PAS GNYIS LAS 'BYUNG BAR 'GYUR RO ZHE NA, DU BA DE NI ZHES BYA BA SMOS TE DE DANG 'DRA BA'I DU BA DE DANG DE MA YIN PAS BSKYED PAR BYA BA NI ME LA SOGS PA'I TSOGS PAS BSKYED PAR BYA BA DANG DU BAS BSKYED PA'I NGO BOR RIGS PA MA YIN NA RIGS PA DANG 'BREL PA GA LA YIN, NGO BO GCIG YIN PA'I PHYIR NA DE DANG 'DRA BA'I DU BA THA DAD PA MED PA'I PHYIR RO ,DE'I DUS THA DAD PAS KYANG DE'I NGO BO THA DAD PAR MI 'GYUR PA MA YIN NO, ,THA DAD PA NI MI 'DRA BA LAS BYUNG BA'I MI 'DRA BA BRTZAD PAR MI RIGS SO, ,GANG GI TSE DE'I DE 'DRA BA DANG DE MI 'DRA BA'I RGYUS BSKYED PA DE NI DE 'DRA BA DANG DE MI 'DRA BA NGO BO NYID DU 'GYUR RO, ,DE NYID BSTAN PA NI DU BA DANG DU BA MA YIN PA ZHES BYA BA LA SOGS PA SMOS TE, DU BA SMOS PA NI CI 'DRA BA'I ME LA SOGS PA'I TSOGS PA LA SKYES PA DE DANG 'DRA BA'I NGO BOR MNGON PAR 'DOD DO, ,DU BA MA YIN PA SMOS PAS KYANG MI 'DRA BA'I RGYU LAS SKYES PA'I DU BA MA YIN PA MI 'DRA BA'O, ,DE DAG KYANG DE DANG 'DRA BA DANG MI 'DRA BA'I RGYU LAS SKYES PAS DE DANG 'DRA BA DANG DE DANG MI 'DRA BA'I NGO BOR 'CHAD PAR MI 'GYUR BA'I RIGS PAS KHONG DU CHUD PAR BYA'O, ,DES NA ME DANG DU BA'I MTSAN NYID LAS DU BA LAS DU BA SKYED PA'I NGO BO NI DE DANG DE MI 'DRA BA SKYED PA'I NGO BO YIN PAS DE DANG 'DRA BA DANG DE MI 'DRA BA DAG 'BYUNG BA YIN NA DU BA DANG DU BA MA YIN PA DANG DE 'DRA BA DANG DE MI 'DRA BAR 'GYUR RO, ,GANG LAS 'DRA BA NYID YIN ZHES GA LAS SHE NA, 'BRAS BU'I NGO BO NYID RNAMS ZHES BYA BA LA SOGS PA SMOS TE, 'BRAS BU'I NGO BO NYID RNAMS NI PHAN TSUN 'BYUNG BA GANG YIN PA DE NI PHAN TSUN MTSAN NYID MI MTHUN PAR RGYU'I TSOGS PA'I RANG BZHIN GYIS BYAS PA YIN GYI NGO BO NYID KYIS NI MA YIN TE, RGYU MED PAR THAL BAR 'GYUR RO, ,DE'I PHYIR DE 'DRA BA DANG DE MI 'DRA BA LAS BYUNG BA'I DU BA DE 'DRA BA DANG DE MI 'DRA BA'I NGO BOR MI 'GYUR RO, , @280A *, ,GAL TE DE 'DRA BA DANG DE MI 'DRA BA'I NGO BO NI RGYU DE 'DRA BA DANG DE MI 'DRA BA LA LTOS NAS, 'BRAS BU SKYED PA TZAM KHO NA RGYU LA LTOS BA YIN PAR 'DOD DO ZHE NA, RGYU LA MI LTOS ZHES BYA BA SMOS TE, DE 'DRA BA DANG MI 'DRA BA'I NGO BO DAG DE DANG 'DRA BA DANG DE MI 'DRA BA'I RGYU LA MI LTOS NA DE DANG 'DRA BA DANG DE MI 'DRA BA DAG RGYU MED PA NYID DU THAL BAR 'GYUR BA'I PHYIR RO, ,DE 'DRA BA DANG DE MI 'DRA BA'I NGO BO MA BYUNG BA LAS THA DAD PA GZHAN 'GA' ZHIG SKYE BA NI MED DO, ,GANG LA DE 'DRA BA DE MI 'DRA BA'I RGYU LA MI LTOS PA RNAMS KYANG DE LA LTOS PAR 'GYUR RO; ,DE LTA BAS NA SKYED PA SMOS BAS NI DE DANG 'DRA BA DANG DE MI 'DRA BA'I NGO BO NYID BRJOD DO ZHES BYA'O, ,DE LA RGYU LA LTOS PAR KHAS BLANGS PA JI LTAR DE 'DRA BA DANG DE MI 'DRA BA RGYU LA MI LTOS PA YIN, DE'I PHYIR TSOGS PA NI DE 'DRA BA DANG DE MI 'DRA BA YIN PAS RGYU RNAMS DE 'DRA BA DANG DE MI 'DRA BA'I NGO BO RNAM PAR DBYE BAR BYA BA YIN NA GANG GIS NA MI 'DRA BA LAS 'DRA BAR 'BYUNG BAR 'GYUR RO ZHES DE NI BSHAD ZIN TO, ,DPER NA DU BA GCIG KYANG ME DANG BUD SHING MTSAN NYID MI MTHUN PA DAG LAS SKYE BAR 'GYUR BA DE BZHIN DU 'BRAS BU GCIG PA YANG MI MTHUN PA'I TSOGS PA GZHAN LAS KYANG 'BYUNG BAR 'GYUR RO ZHE NA, DE NI MI RIGS TE, GANG GI PHYIR KHO BO CAG KYANG MTSAN NYID MI MTHUN PA RNAMS SKYED PAR BYED PA NYID SEL BAR NI MI BYED KYI BSKYED PAR BYA BA NYID PHAN TSUN MTSAN NYID MI MTHUN PA YANG RANG GI RGYU YONGS SU GYUR PA LAS SKYES PA'I CHOS DE'I GNAS SKABS NGES BA'O, ,DE'I 'BRAS BU GCIG PA DE NI DE DAG PHAN TSUN LTOS NAS BSKYED PAR BYA BA DANG SKYED PAR BYED PA'I NGO BO NYID DU NGES PAS DE DANG 'DRA BA LAS DE 'DRA BA KHO NA SKYE BAR BRJOD KYI MI 'DRA BA LAS MA YIN TE, DE NI DES BSKYED PA'I NGO BO YIN PA'I PHYIR RO,, DE MED KYANG GZHAN YOD PAS DE SKYED PA NGES PA NI MI SRID PAS RGYU DANG 'BRAS BU'I DNGOS PO MA NGES PA NI MI RIGS PA'I PHYIR RO, ,GAL TE ME DANG BUD SHING GI NYE BAR LEN PAS PHAN BTAGS PA NI BUD SHING BZHIN DU DE'I NYE BAR LEN PAS PHAN BTAGS PA DE'I GNAS SKABS NGES PA NI DE RIGS @280B MI MTHUN PA LAS KYANG DU BA LA SOGS PA RIGS MTHUN PA'I DU BA SKYE BAR 'GYUR NA MNGON SUM DANG MI DMIGS PA DAG GIS KYANG DE BZHIN GO BAR 'GYUR RO, ,DE NI ME LA SOGS PA BZHIN DU DE YANG DE BSKYED PA'I RANG BZHIN DU NGES PAS RIGS 'DRA BA SKYED PAR BYED PAR CIS NA RJES SU MI DPAG ,DE MED KYANG RIGS MTHUN PA 'BYUNG BAS DE BSKYED PAR BYA BA DANG SKYED PAR BYED BAR NGO BOS NGES PA MED DO, ,GANG GIS NA RGYUD DANG 'BRAS BUR DE DAG GIS RIGS MTHUN PA DANG RIGS MI MTHUN PA'I DNGOS PO'I RGYU CAN DU 'GYUR BA GANG GI PHYIR, DE LTAR NA DE'I PHYIR DE BUD SHING LA SOGS PA'I TSOGS PA'I KHYAD PAR DANG LDAN PA DANG POR DU BA SKYED BA GANG YIN PA DE'I DU BA NI DANG POR DU BA SKYED BA GANG YIN PA DE'I DBU BA NI DANG POR ME LA SOGS PA'I TSOGS PA'I KHYAD PAR LAS SKYE BA KHO NA YIN GYI GZHAN NI MA YIN NO ZHES RGYU DANG 'BRAS BU GRUB PA DAG GRUB PA DE LTAR JI SKAD BSHAD PA'I RIGS PAS BSKYED PAR BYA BA DANG, SKYED PAR BYED PA'I RANG BZHIN DU NGES PAR MTHONG NGO, ,GANG RGYU RNAMS LAN 'GA' MNGON SUM DANG MI DMIGS PA DAG GIS NGES PA'I PHYIR RO, ,RIGS MI MTHUN PA NI MI 'DRA BA'I RGYU LAS SKYE BA DE DANG 'DRA BA'I 'BRAS BU MA YIN GYI MI 'DRA BA SEL BA NI MA YIN NO; ,DE LTAR NA DE NI DE 'DRA BA DANG DE MI 'DRA BA'I RGYU BYAS PA NYID DE DANG 'DRA BA DANG DE MI 'DRA BA'I NGO BOR RTOGS PAR BYA BA'I MJUG BSDU BA NI DE LTA BAS NA ZHES BYA BA SMOS TE, CI 'DRA BA'I 'BRAS BU NI CI 'DRA BA'I RGYU LAS RGYU LAS BYUNG BAR MNGON SUM DANG MI DMIGS PA DAG GIS MTHONG BAS LAN CIG NGES PA DE NI DE LA 'KHRUL PA MED DO, ,DE 'DRA BA MI 'DRA BA LAS MI 'BYUNG STE RGYU GANG YIN PA DES NA RGYU DANG 'BRAS BU'I DNGOS PO GRUB PO, ,DE 'DRA BA'I 'BRAS BU NI DE 'DRA BA'I RGYU KHO NA LAS NGES PAR GYUR PAS, JI SKAD BSHAD PA'I RIGS PAS 'BRAS BU LA RGYUS KHYAB PA'I RJES SU 'GRO BA DANG LDOG PA'I NGO BO GRUB PA YIN NO, ,RIGS MI MTHUN PA LAS BYUNG BA LAS BYUNG BAR MTHONG STE RGYU RIGS MI MTHUN PA LAS RGYU DANG MI 'DRA BA MI SKYE BA MA YIN NO ZHES DON MED PAR BSTAN PA NI RIGS MTHUN PA'I RGYU LAS 'BRAS BU MI SKYE'O ZHES BYA BA 'DI'I @281A *, ,DON 'DIR MNGON PAR 'DOD DO SNYAM NAS GZHAN DAG RTZOD PA NI GAL TE RANG NYID RIGS MI MTHUN PA LAS KYANG 'BRAS BU CUNG ZAD 'BYUNG BA MTHONG NA, DE RIGS MI MTHUN PA LAS MI SKYE'O ZHES BYA BA JI LTAR MTHONG BA DANG 'GAL BAR MI 'GYUR RO, ,DPE JI LTA BU ZHE NA, DPER NA BA LANG GI LCI BA ZHES BYA BA SMOS TE, SOGS PA SMOS BAS NI RVA DANG CHU SHEL LA SOGS PA'O, ,SHA LU KA LA SOGS PA SMOS PAS NI SMYUG MA DANG CHU LA SOGS PA'O, ,GRUB PA'I MTHA' GZHAN GYI 'KHRUL BAR BSTAN PA NI RIGS MI MTHUN PA LAS BYUNG BA MA YIN TE ZHES BYA BA SMOS TE, GANG GI PHYIR RGYU GANG LAS 'BYUNG BAR MTHONG BA DE DANG DE NI MI 'DRA BA LAS MI 'BYUNG NGO ZHES BYA BA 'DI'I DON 'DIR BRJOD PAR 'DOD KYI 'BRAS BU RIGS MI MTHUN PA LAS MA YIN PA'I PHYIR DE LA 'KHRUL PA MED DO, ,DE NI DE LTA BU KHO NA'I ZHES BYA BA SMOS TE; BA LANG GI LCI BA LA SOGS PA'I NGO BO DE DANG 'DRA BA'I AUTPALA LA SOGS PA'I DANG PO'I RGYU MTSAN DE, AUTPALA LA SOGS PA'I RGYUN GYI DANG PO THOG MAR RTZOM PA'I SKAD CIG MA DE'I RGYU YIN PAR GRUB PAS AUTPALA LA SOGS PA'I RGYUN DU GYUR PA LAS RGYU THA DAD BA MI 'DRA BAS SKYED PA NI MA YIN NO, ,THAMS CAD KYI SA DE'I TSE DANG POR BA LANG GI LCI BA LA SOGS PA RGYU MTSAN YIN PA'I PHYIR RO, ,GANG GI TSE RGYUN GYI SNGON MA'I SKAD CIG MA RGYU MTSAN YIN PAS PHYI MA PHYI MA'I SKAD CIG MA RNAMS RGYAN GYIS BSKYED PA'I MTSAN NYID DU 'JUG PAR 'GYUR BA DE'I TSE SMYUG MA LAS SMYUG MA 'BYUNG NGO, ,DE NI DE BZHIN DU GANG GI RGYUN RVA LA SOGS PA DAG LAS 'BYUNG BA NI SMYUG MA DE DANG 'DRA BA MA YIN NO, ,GANG YANG SMYUG MA DE LAS PHYI MA PHYI MA 'BYUNG BA DE DANG RVA LAS BYUNG BA MI 'DRA BA'I PHYIR RIGS MI MTHUN PA'I RGYU LAS MTHONG BA DANG 'DRA BA MI SRID PAS 'BRAS BU'I GTAN TSIGS KYI RJES SU 'GRO BA DANG LDOG PA NGES SO, ,GANG GI TSE AUTPALA SOGS PA SNGA MA SNGA MA RIGS MTHUN PA DANG RJES SU 'BREL BA THOG MA MED PA NAS RGYUN DU 'BYUNG BAR 'DOD PA DE'I TSE YANG BA LANG GI LCI BA LA SOGS PA YANG BRGYA LA 'BYUNG BA YANG DE DANG @281B 'DRA BA MED PAS 'KHRUL PA YIN NO ZHES BSTAN PA NI YANG NA ZHES BYA BA LA SOGS PA SMOS TE, AUTPALA'I RGYUN GANG YIN PA DANG BA LANG GI LCI BA LA SOGS PA'I RGYUN GANG YIN PA YANG THAMS CAD DU RIGS MTHUN PA'I RGYU MTSAN DAG GIS BA LANG GI LCI BA DANG, CIG SHOS LAS SKYE BA CAN GYI AUTPALA NGO BO NYID THA DAD PA YOD DO, ,GAL TE PHAN TSUN MI 'DRA BA NYID KYI GZUGS KYI RNAM PA THA DAD PAR GYUR PA LA YANG RNAM PA MTSUNGS PA YIN NA JI LTAR MI 'DRA BA YIN ZHE NA, DNGOS PO RNAMS KYI RNAM PA MTSUNGS PA KHO NA'I ZHES BYA BA SMOS TE, NI ZHES BYA BA NI GANG GI PHYIR RO, ,DE NYID DE DANG 'DRA BA'I RGYU MTSAN NI BA LANG GI LCI BA DANG CIG SHOS LAS SKYE BA CAN GYI AUTPALA DAG RNAM PA MTSUNGS PAR 'GYUR GYI, RIGS THA DAD PA'I RGYU MA YIN, 'DI GA LAS SHE NA, RNAM PA THA DAD PA MA YIN PA ZHES BYA BA LA SOGS PA SMOS TE, GANG DAG RNAM PA MTSUNGS PA NYID KHA CIG GIS DNGOS PO DE DAG KYANG GANG LAS RNAM PA LAS KHYAD PAR GZHAN GYI SGO NAS THA DAD PAR MTHONG BA'I PHYIR RO, ,DE'I PHYIR RNAM PA MTSUNGS PA NYID RIGS GCIG PA'I RGYU MTSAN MA YIN NO, ,DE LTAR NA RNAM PA MTSUNGS KYANG KHA CIG ME TOG THA DAD PA MTHONG STE SNGON PO DANG CIG SHOS KYI KU SU MA'I ZHVA MO LTA BU'O, ,LA LAR 'BRAS BU'I SGO NAS GZHAN PA CIG SHOS KYI KARKO TA LTA BU'O, ,LA LAR RO'I SGO NAS GZHAN PA DANG CIG SHOS KYI GA GON LTA BU'O, ,LA LAR DRI'I SGO NAS SHING DANG CIG SHOS LAS BYUNG BA'I TZAM PA KA LTA BU'O, ,LA LAR NUS PA'I SGO NAS REG PA DANG ZOS PA LAS 'KHRU BA'I AA RU RA LTA BU'O, ,DE'I PHYIR RNAM PA MTSUNGS PA'I RGYU MTSAN GYIS GANG LA DE NYID 'DI YIN NO ZHES NGO ZHES PA SKYED PA'I BA LANG GI LCI BA DANG CIG SHOS LAS SKYES PA LA AUTPALAR NYE BAR RTOG GO, ,DE BZHIN DU MTSAN NYID MI MTHUN PA'I TSOGS PA LAS SKYES PA DE DAG RIGS THA DAD PA NYID DU RTOGS PAR BYA STE RIGS GCIG PA MA YIN NO, ,DE NYID KYI PHYIR NGO SHES PA NI 'KHRUL PA NYID DES DE DANG 'DRA BAR BRTAGS PA NI BRDZUN PA'I PHYIR RO, ,GAL TE BA LANG GI LCI BA DANG CIG SHOS LA SOGS PA LAS SKYES PA'I @282A *, ,AUTPALA LA SOGS PA'AM, ME LAS SKYES PA'I DU BA LA SOGS PA LA DU BA NGO SHES PA'I DBANG GIS MTSAN NYID MI MTHUN PA'I TSOGS PA'I RGYU MTSAN CAN YANG MTSUNGS PA'I NGO BO NYID DU 'GYUR BA LA NYES PA CI ZHIG YOD CE NA, DE LTA MA YIN NA ZHES BYA BA LA SOGS PA SMOS TE, GAL TE RIGS MTHUN PA'I MTSAN NYID CAN GANG YIN PA DANG RKYEN GZHAN DANG LHAN CIG PA'I TSOGS PA RIGS MTHUN PA LA MI LTOS PA'I BA LANG GI LCI BA LA SOGS PA'I NGO BO LAS, AUTPALA LA SOGS PA 'AM, DU BA NI ME DANG BUD SHING LA SOGS PA'I MTSAN NYID CAN NAM BRGYA BYIN GYI SPYI BO LA SOGS PA'I NGO BO LAS DU BA'I BDAG NYID CAN YIN PA DE'I PHYIR MTSAN NYID MI MTHUN PA'I TSOGS PA YANG MTSAN NYID MED PAS DE DANG 'DRA BA'I 'BRAS BU DU BA DANG AUTPALA SOGS PA SKYE BA YIN NA NI DE'I TSE RGYU NI TSOGS PA'I NGO BO'O, ,THA DAD PA DANG, THA DAD PA MA YIN PA DAG LAS NI MTSAN NYID MI MTHUN PA'I DANG MTSAN NYID MI MTHUN PA MED PA'O, ,DE DANG RIGS MTHUN PA DANG RIGS MI MTHUN PA'I BDAG NYID DU GYUR PA'I PHYIR SNA TSOGS PAR GRUB PA'I DON THAMS CAD KYI TSOGS THA DAD PA DANG THA MI DAD PA DANG, RIGS MTHUN PA DANG RIGS MI MTHUN PA DAG RGYU MED PAR 'GYUR RO, ,DE'I PHYIR GANG LA MTSAN NYID MI MTHUN PA'I PHYOGS YOD PA DE RNAM PA 'GA' ZHIG GIS GZUGS MTSUNGS KYANG RIGS MI MTHUN PA'I 'BRAS BU KHO NA'O, ,GAL TE ME DANG BUD SHING LA SOGS PA'I TSOGS PA THA DAD KYANG DU BA LA RIGS THA DAD PA MED PAR MTSUNGS PAR MKHAS PAS DE MA YIN PA'I NGO BO DANG GZHAN LA GNAS PA GNYI GA LA YANG MTSUNGS PAR RTOGS SO ZHE NA, SKYON 'DI NI MED SKAD CIG MA THA DAD PA PHRA BA LA BRTEN PA LA NANG TSAN GYI RIGS THA DAD KYANG RGYUN RAGS PA LA BRTEN PA NI RIGS MI MTHUN PA LAS LDOG PAR MTSUNGS PA'I PHYIR RO, , KHRA MO LA SOGS PA NANG TSAN GYI RIGS THA DAD KYANG BA LANG MA YIN PA LAS LDOG PA'I RGYU MTSAN GYIS BA LANG GI RIGS DANG BA MEN BZHIN NO, ,DU BA THAMS CAD RIGS GCIG PAR RNAM PAR 'JOG PA NI NYE BAR LEN PA'I RGYU'I SKAD CIG MA THA DAD PA YANG RNAM PA GCIG TU SHES PA'I RGYU @282B MTSAN GYIS MTSUNGS PA'I PHYIR RO, ,GAL TE DANG PO 'DI BUD SHING LAS BYUNG BA JI LTAR YIN ZHE NA, MA YIN TE DU BA THAMS CAD NI BUD SHING GI RIGS KYI RJES SU BYED PAS SO, ,DE LTA NA AA RU RA DANG GA PUR DANG TZANDAN LA SOGS PA'I RIGS THA DAD PA'I RJES SU BYED PA'I DU BA DE DANG LUD PA 'BYIN PA LA SOGS PA 'JOMS PA'I RDZAS LAS BYAS PA'I RENG BU'I DU BA DE NI THA DAD PAS DE'I RO DANG NUS PA DANG SMIN PA'I 'BRAS BU'I RJES SU BYED PA'I PHYIR RO, ,RIGS MI MTHUN PA'I RGYU LAS BYUNG BA NI MA YIN NO, ,GANG GI PHYIR RNAM PA THA DAD PA DANG THA MI DAD PA'I RGYU MTSAN GYI RIGS MTHUN PA DANG RIGS MI MTHUN PA NI MA YIN PA'I PHYIR RO, ,'BRAS KYI MYU GU LA SOGS PA DE NI SA BON GYI RNAM PA'I RJES SU MI BYED DO, ,DE'I RIGS DE NI 'BRAS BU MA YIN PA LA SOGS PA LAS LDOG PA NYAMS SU MA MYONG BA YIN NO, ,DE'I PHYIR BUD SHING RNAMS NI DE'I NYE BAR LEN PA'I RGYU YIN LA ME LA SOGS PA NI LHAN CIG BYED PA'I RKYEN LAS BYE BRAG TU SKYED DO, ,RNAM PA DE LTA BU'I DU BA DANG MYU GU LA SOGS PA'I 'BRAS BU THA DAD PAR BYAS NAS SKYED PAS ZHAR LA BYUNG BAS CHOG GO, ,'O NA NI GANG GI TSE TSOGS PA THA DAD PAS KYANG 'BRAS BU THA MI DAD PA DE'I TSE RGYU THA DAD PA YOD KYANG DE MED PAS DE RGYU MED PA CAN DU 'GYUR NA THA MI DAD PA GA LAS 'ONGS PA YIN, DES NA GNYI GA YANG RGYU MED PA CAN DU BRJOD PA NI 'DI LTAR ZHES BYA BA LA SOGS PA SMOS TE, GAL TE TSOGS PA THA DAD PA YOD KYANG 'BRAS BU THA DAD PA MI SKYE NA DE RGYU MED PA NYID DU 'GYUR RO, ,DE'I RGYUR GYUR PA MED NA RES 'GA' ZHIG KYANG RGYU DANG LDAN PAR 'THAD PA MA YIN NO, ,DE'I TSE THAMS CAD KYI 'BRAS BU THA DAD PA GANG YIN PA DE YANG RGYU THA DAD PA LAS YIN PA'I PHYIR THA DAD PA MED PAR SKYES PA DE YANG RGYU DANG LDAN PA GA LA YIN, GAL TE RGYUR GYUR PA MED PA NI RGYU DANG LDAN PA MA YIN NO, ,DE LTAR RGYU MED KYANG 'BYUNG BA NI RGYU DANG LDAN PAR GA LA 'GYUR, GAL TE RGYU THA DAD PA NYID KYI THA MI DAD PA RGYU MTSAN YIN PA'I PHYIR MA YIN NO ZHE NA, DE LTA NA THA DAD PA 'DI LA LA ZHIG DANG MA 'BREL PAR MI 'GYUR RO, ,'BRAS BU DANG RTZOM LA SOGS PA @283A *, ,YANG RGYU THA DAD PA'AM THA MI DAD PA NYID LAS RGYU MTSAN GZHAN PA'I KHYAD PAR BRTAG PA MED PA'I PHYIR RO, ,SO SOR SNANG BA THA DAD PA 'GA' ZHIG GI 'KHRUL BA'I RGYU MTSAN LAS DON DAM PAR NYE BAR MTSON PA'I PHYIR RO, ,GAL TE DE DAG DE DANG 'DRA BA LAS KYANG 'DRA BA 'BYUNG BAR 'DOD PA GANG YIN PA DE'I THA DAD PA THA MI DAD PA NI RGYU MED PA CAN DU 'DOD LA, DNGOS PO KHO NA 'BA' ZHIG RGYU DANG LDAN PA YIN NO ZHES 'DOD DO ZHE NA, DE LA MA GTOGS PA ZHES BYA BA LA SOGS PA SMOS TE, THA DAD PA DANG THA DAD PA MA YIN PA LAS LOGS SHIG PA'I DNGOS PO NGO BO NI 'GA' YANG YOD PA MA YIN PAS DE DAG RGYU MED PA CAN NYID KYANG RGYU DANG LDAN PAR 'GYUR RO, ,DE NI DE NYID DAM GZHAN NYID DAM 'DI THA DAD PA'AM THA MI DAD PA'I RNAM PA DANG 'BREL PA MED PAR THAL BAR 'GYUR BAS SO, ,DE LA 'BREL PA GZHAN ZHIG BRTAGS NA NI THUG PA MED PAR THAL BAR 'GYUR RO, ,GZHAN MA YIN NA YANG THA DAD PA DANG THA MI DAD PA'I DNGOS PO'I NGO BO DAG RANG NYID KYI GNAS SKABS LA PHAN MI 'DOGS NA GANG LAS 'BREL PA YIN, PHAN 'DOGS PAR BRTAGS NA YANG GAL TE DNGOS PO'I RANG BZHIN LA RANG GI BDAG NYID KYIS THA DAD PA DANG THA MI DAD PA 'GA' YANG SKYED PAR MI 'DOD PA DE'I TSE DE YOD KYANG RANG BZHIN LAS GZHAN PA MED PA LA GANG LAS THA DAD PA DANG THA MI DAD PA'I DNGOS PO'I NGO BOR 'GYUR NA YANG THA DAD PA'I STOBS KYIS DNGOS PO LAS THA DAD PA DANG THA MI DAD PAR BSTAN PA'O, ,DE YANG GAL TE THA DAD PA DE'I TSE DNGOS PO'I NGO BO'I GNAS SKABS KHO NA YIN TE DE'I NGO BO LA THA DAD PA DANG, THA MI DAD PA 'GA' YANG MED PA'I PHYIR RO, ,SLAR YANG DE'I DBANG GIS THA DAD PA DANG THA MI DAD PAR BRTAGS PA'I DNGOS PO DE'I GNAS SKABS SAM GNAS SKABS MA YIN PA THA DAD PA DANG THA MI DAD PA DAG GO, , YANG NA THA DAD PA DANG THA MI DAD PA DE'I TSE DNGOS PO'I NGO BO THA DAD PA DANG THA MI DAD PAR BYAS SO ZHES BYA BAR 'GYUR RO, ,DE'I NGO BO LAS GZHAN PA'I RGYU MI SRID PA'I PHYIR RO, ,DE RGYU GZHAN NYID LAS PHYIS BYUNG BA NI, DE LAS GZHAN PA NYID DU 'GYUR RO, ,DNGOS PO'I NGO BO NYID KYI BYED PA @283B MA YIN TE DE'I RANG GI RGYU NYID LDOG PAS SO, ,RANG GI RGYU KHO NA LAS DNGOS PO NGO BO RES 'GA' ZHIG THA DAD PA DANG THA MI DAD PA'I BDAG NYID DU SKYE BAR BRTAG NA, THA DAD PA DANG THA MI DAD PA LA MA GTOGS PA NI DON MED DO, THA DAD PA DANG THA MI DAD PA'I BLO YANG DE NYID KYIS GRUB BO, ,DE'I PHYIR BYE BRAG PA LA SOGS PAS BRTAGS PA'I THA DAD PA DANG, THA MI DAD PA'I BYE BRAG GI SPYI'I BDAG NYID NI MI RIGS SO, ,DNGOS PO'I NGO BO NYID KHO NA THA DAD PA DANG THA MI DAD PA'I SGRAR BRJOD DO, ,DE DAG RGYU MED PA NYID KYIS DNGOS PO'I NGO BO NYID RGYU MED PAR 'GYUR RO, ,DE'I PHYIR DNGOS PO RNAMS RGYU MED PA CAN YIN PA'I PHYIR RTAG TU YOD PA 'AM MED PA ZHIG TU 'GYUR TE RGYU MED PA NI, GAL TE DNGOS PO RNAMS RES 'GA' ZHIG YOD PA DUS THAMS CAD DU YOD PAR 'GYUR RO, ,YANG NA RES 'GA' ZHIG MED PA DE YANG DUS THAMS CAD DU 'GYUR GYI RES 'GA' ZHIG YOD PA NI MI RIGS SO, ,CI'I PHYIR ZHE NA, RGYUR GYUR PA LA RES 'GA' ZHIG KYANG LTOS PA MED PA'I PHYIR RO, ,GANG GI PHYIR LTOS PA NI RGYU YOD NA YOD LA MED NA MED PA GANG YIN PA DE NI LTOS PA STE RES 'GA' BA'O, ,RES 'GA' BA'I DNGOS PO NI RIGS GZHAN NI MA YIN NO; ,DE'I PHYIR MTSAN NYID MI MTHUN PA LAS MTSAN NYID MI MTHUN PA MED PA'I 'BRAS BU SKYED PAR KHAS BLANGS PA LA JI SKAD BSHAD PA'I RIGS PAS RGYU MED PAR THAL BAR 'GYUR RO, ,SLAR YANG MTSAN NYID MI MTHUN PA'I PHYOGS LAS MTSAN NYID MI MTHUN PA MED PA'I 'BRAS BU SKYED PA'I SKYON GZHAN YANG BSGRUB PAR BYA BA SMOS TE, SO SOR NGES PA'I BSGRUB PAR BYA BA RNAMS NI BUM PA DANG SNAM BU LA SOGS PA RNAMS SO, ,SGRUB PAR BYED PA NI 'JIM PA LA SOGS PA RNAMS 'JIG RTEN PA NYE BAR SBYOR BA'O, ,BUM PA LA SOGS PA DON DU GNYER BA 'JIM PA'I GONG BU LA SOGS PA DE LA NGES PAR SBYOR RO, ,SNAL MA LAS SNAM BU DON DU GNYER GYI SNAL MA YANG MA YIN 'JIM PA'I GONG BU YANG MA YIN PAS DER MI 'GYUR RO, ,CI'I PHYIR ZHE NA, RGYU'I NUS PA ZHES BYA BA SMOS TE TSOGS PA GANG GIS NUS PA'I BDAG NYID DU PHUL DU BYUNG @284A *, ,BA'I MTSAN NYID DE DANG DE NI SO SOR NGES PA 'GA' ZHIG GI TSOGS PA KHA CIG GIS 'BRAS BU LA NYE BAR SBYOR GYI GZHAN GYIS NI DE LTA BU'I NGO BO MA YIN NO, ,GANG GI PHYIR SA LA SOGS PA CUNG ZAD CIG GIS BUM BA LA SOGS PA 'BA' ZHIG SGRUB PAR BYED PAS KHYAD PAR DU BYED KYI, GZHAN NI DE DANG MTSAN NYID MTHUN PA SNAL MA LA SOGS PA LAS MA YIN NO, ,CI'I PHYIR ZHE NA, 'JIM PA LA SOGS PA DE NYID BUM PA LA SOGS PA DE LA NUS PAR RUNG BA'I PHYIR DANG GZHAN NI DE KHO NA LA MI NUS SO, ,GAL TE CI'I PHYIR DE NYID KYIS DE LA NUS KYI GZHAN GYIS MA YIN ZHE NA, DE GNYIS ZHES BYA BA SMOS TE, SA LA SOGS PA DANG SNAL MA LA SOGS PA DE SKYED PA'I NGO BO NYID BUM PA LA SOGS PA SKYED PA'I NGO BO NYID DANG CIG SHOS KYI NGO BO NYID KYIS BUM PA LA SOGS PA SKYED PA THA DAD PA'I PHYIR GZHAN NYID NI MED PAS SO, ,'JIM PA LA SOGS PA DANG SNAL MA LA SOGS PA'I NGO BO DE LAS GZHAN PA DES BSKYED PA'I CIG SHOS KYI NGO BO MA YIN NO, ,GANG GI TSE TSOGS PA PHAN TSUN MTSAN NYID MI MTHUN PA'I NUS PA SO SOR NGES PA MI 'DOD NA MTSAN NYID MI MTHUN PA LAS KYANG MTSAN NYID MI MTHUN PA MED PA'I 'BRAS BU KHAS BLANGS PAS DE'I NGO BO MA YIN PA MTSAN NYID MI 'DRA BA LAS KYANG 'DU BA LA SOGS PA SKYED PA'I NGO BOR 'GYUR RO, ,ME DANG BUD SHING LA SOGS PA'I RGYU'I TSOGS PA'I MTSAN NYID GANG YIN PA DE DANG MTSAN NYID MI MTHUN PA'I BRGYA BYIN GYIS SPYI BO LA SOGS PA'AM, SKAD CIG MA LA BRTEN PA'I DU BA NI MED DANG BUD SHING GI TSOGS PA LAS KYANG BYUNG YANG DU BA DE'I SKAD CIG MA SKYED PAR 'DOD NA DE SKYED PAR NUS PA NGES PA MED PA BRJOD PAR 'DOD DE, DU BA LA SOGS PA'I 'BRAS BU SKYED PA'I NUS PA SO SOR NGES PA MED PAS SO, ,PAS ZHES BYA BA NI DE'I PHYIR TE CI YANG RUNG BA'I 'BRAS BUR 'GYUR RO, ,RGYU GANG YANG RUNG BA LAS 'BYUNG BAR 'GYUR TE, JI LTAR MTHONG BA DANG JI LTAR MA MTHONG BA'I THAMS CAD LAS THAMS CAD SKYE BAR 'GYUR RO ZHES BYA BA'I DON TO, ,DE'I PHYIR NUS @284B PA SO SOR NGES PA'I RGYU RNAMS KHAS BLANG BAR BYA'O, ,DE'I PHYIR MTSAN NYID MI MTHUN PA'I PHYOGS LAS 'BRAS BU 'GA' ZHIG LAS MTSUNGS NA NI 'DRA BA'I NYE BAR MTSON PAS KYANG MI 'DRA BA YIN PAS THAMS CAD DU DE DANG 'DRA BA RNAM PA DE LTA BU'I SKYE BAR GRUB BO, ,GAL TE MTSAN NYID MI MTHUN PA'I TSOGS PA LAS KYANG DE'I 'BRAS BU'I MTSAN NYID SKYED PAR NUS PA MTSUNGS PA'I PHYIR DE'I 'BRAS BU'I MTSAN NYID 'BYUNG BAR 'GYUR RO, ,'GA' ZHIG LAS DE BZHIN DU 'BYUNG BA NI JI SKAD BSHAD PA'I SKYON GYI SKABS SU 'GYUR RO ZHE NA, DE SKYED PAR NUS PA MTSUNGS ZHES BYA BA LA SOGS PA SMOS TE, RE ZHIG 'DIR PHYOGS SNGA MAS DU BA DE MA YIN PA LAS SKYE BA'I NGO BO MA YIN NO ZHES BYA BA LA SOGS PA'I SKYON KHAS BLANGS PA NI BSHAD ZIN TO, ,CI 'DRA BA'I ME'I LHAN CIG BYED PA'I RKYEN DE LA RAG LAS BA NI BUD SHING GI 'GYUR BA LA SOGS PA'I RANG BZHIN THA DAD PA'I RGYU'I NUS PA'I BDAG NYID DU PHUL DU BYUNG BA DE 'DRA BA'AM BRGYA BYIN GYI SPYI BO LA SOGS PA'O, ,GANG GI TSE DE'I TSOGS PA LAS SKYE BA'I DU BA MTSAN NYID MI MTHUN PA LAS NUS PA'I BDAG NYID PHUL DU BYUNG BA'I MTSAN NYID KYI 'BRAS BU SKYED PA YIN PA DE'I TSE DE NUS PA MTSUNGS PA NI DE NYID YIN PAS ME DANG BUD SHING LA SOGS PA NYID LAS GZHAN DU BRJOD PA MA YIN TE, DE DANG MTSAN NYID MI MTHUN PA DANG, DE DANG MTSAN NYID MI MTHUN PA MED PA'I BDAG NYID PHUL DU BYUNG BA MI SRID PA'I PHYIR RO, ,DE NYID ME DANG BUD SHING LA SOGS PA'I 'GYUR BA LAS DANG PO DU BA SKYED PA MA YIN TE DE YANG BUD SHING GANG ME LA RAG LAS PA'I 'GYUR BAS DU BA RANG GI RIGS KYI RJES SU BYED PA YIN TE, GAL TE BRGYA BYIN GYI SPYI BO LA SOGS PA YANG DE LTA BU'I NGO BOR KHAS BLANGS PA DE'I TSE 'BA' ZHIG LA RTZOD PA MED PAR 'GYUR BA'I DON DU KHAS BLANG BAR BYA BA DE BZHIN DU BRJOD PA'I PHYIR RO, ,GANG GI PHYIR DE LTA BAS NA ZHES BYA BA NI DE'I PHYIR TE DU BA LA SOGS PA 'BRAS BUR LAN CIG MTHONG BA MNGON SUM DANG MI DMIGS PA DAG GIS NGES PA STE, DE MA YIN PA'I NGO BO LAS LDOG PA'I @285A *, ,BDAG NYID KYI RGYU BUD SHING LA SOGS PA'I RGYUN LA LTOS PA'AM SKAD CIG MA LA LTOS PA LA 'KHRUL PA MED DE, DE DANG MTSAN NYID MI MTHUN PA'I PHYIR RO, ,'BRAS BU'I GTAN TSIGS KYI RJES SU 'GRO BA DANG, LDOG PA NGES PAR GRUB PA'I PHYIR GZHAN DU 'GYUR BA MA YIN NO, ,GTAN TSIGS THIGS PA'I 'GREL PA BRAM ZE AA TZA TAS RNAM PAR SBYAR BA 'BRAS BU'I GTAN TSIGS KYI DBANG DU BYAS BA LE'U GNYIS PA'O,, ,,DE LTAR 'BRAS BU'I GTAN TSIGS DE NI GANG DANG GANG LAS LHAN CIG SKYE BAR MNGON SUM DANG MI DMIGS PAS MTHONG BA DE DANG DRA BAR THAMS CAD DU YIN GYI, RNAM PA DE LTA BU'I SKYE BA RIGS MI MTHUN PA LAS KYANG 'BRAS BU GSAL BAR MI BYED DO, ,DNGOS PO 'GA' ZHIG LA KHYAB PA MTHONG BAS RJES SU 'GRO BA DANG LDOG PA GRUB PA YIN NO ZHES BSTAN TO, ,MI DMIGS PA YANG JI SKAD BSHAD PA'I RGYU MTSAN GZHAN MED PAR BSTAN PA DANG 'BREL PAS RJES SU 'GRO BA DANG LDOG PA LA LOG PAR RTOG PA MED DO, ,'DIR RANG GI NGO BO NYID LAS GZHAN DAG LOG PAR RTOG PA DE LTA NA YANG DMIGS PA'I RIG BYAR GYUR PA'I DNGOS PO CAM MI DMIGS PAS NI MED PAR 'GAG PA'I BDAG NYID TSAD MA GZHAN GYIS RTOGS PAR BYA BAR DBANG 'PHYUG SDE LA SOGS PA KHA CIG 'DOD DO, ,GZHAN YANG DGAG BAR BYA BA'I YUL GYI SHES PA'I NGO BO YONGS SU GYUR PA'I BDAG NYID DAM, DE LAS GZHAN PA'I DNGOS PO YUL CAN GYI RNAM PAR SHES PA NYID LAS MED PAR RTOGS PA NI MNGON SUM DANG RJES SU DPAG PA DAG GI TSAD MA LAS GZHAN DU DPYAD BA BRJOD DO, ,DNGOS PO GZHAN PA'I YUL CAN GYI RNAM PAR SHES PA NI MNGON SUM DANG RJES SU DPAG PAS MED PAR RTOGS PA MA YIN TE, DE NI DNGOS PO'I YUL CAN YIN PA'I PHYIR RO, , DNGOS PO MED PA DANG LDAN PA DANG MED DO ZHES SHES PA SKYED PA GANG YIN PA DE NI DNGOS PO MED PA'I TSAD MAR BRJOD PA 'THOB STE, DPER NA DBANG PO RANG GI YUL RTOGS PA SKYED PAR BYED PA NYID KYIS MNGON SUM DU BRJOD PA DE BZHIN DU GZHAN GYI DNGOS PO'I MTSAN NYID DAM SHES PA'I @285B MTSAN NYID MI DMIGS PAS MED PA KHO NA SGRUB PAR BYED PAR SMRA'I, MED PA'I THA SNYAD NI MA YIN NO, ,MI DMIGS PA'I RTAGS KYIS DNGOS PO MED PA GRUB PAS RANG NYID KHO NA THA SNYAD LA 'JUG PA YIN NO, ,RIG PA CAN YANG MED PA 'BA' ZHIG SHES BA KHO NA YIN GYI YUL LA SOGS PA 'DZIN PA'I SHES PA DE MA THAG TU BYUNG BA'I MNGON SUM NI GZHAN MED PA LA TSAD MA YIN TE, CI YANG MA YIN PAR YONGS SU BCAD PA'I BDAG NYID DU BRJOD DE DE NYID BUM PA LA SOGS PA DGAG PA'I MI DMIGS PA'I SGRAS BRJOD PA LA 'GAL BA MED DO ZHE NA, DE NYID MI DMIGS PA LAS THA DAD PAR GYUR PA'I BLO YIS RGOL BA NA, DE TSAR GCAD PA'I PHYIR MI DMIGS PA'I RANG BZHIN GYI NGO BO BSTAN PA NI DMIGS PA'I RIG BYAR GYUR PA'I MI DMIGS PA'I ZHES BYA BA LA SOGS PA SMOS TE, DMIGS PA'I RIG BYAR GYUR BA NI DMIGS PA'I RKYEN GZHAN TE, RGYU DANG DE MA THAG PA DANG BDAG PO'I RKYEN GYI MING CAN MA LUS PA DANG DMIGS PA'I RKYEN RANG BZHIN KHYAD PAR CAN YIN NO, ,RANG BZHIN GANG YIN PA DE YOD LA DMIGS PA'I RKYEN GZHAN YANG YOD NA MNGON SUM KHO NAR 'GYUR RO, ,DE LTA BU'I NGO BO LA BSTAN BCOS BYED PA GZHAN RIG PA CAN LA SOGS PAS BSHAD PA'I LOG PAR RTOG PA BSAL BA'I PHYIR DE DMIGS PA'I RIG BYAR GYUR PA SMOS SO, ,CHEN PO NYID DANG DU MA'I RDZAS DANG LDAN PA DANG GZUGS CAN GYI RDZAS RNAMS SU SMRA BA DANG, CHEN PO DU MA'I RDZAS DANG LDAN PA NYID KYI NGO BO MED PA NI DMIGS SU RUNG BAR BRJOD PA DE LTAR NA DMIGS PA'I RIG BYAR GYUR PA LAS MI DMIGS PA YOD KYANG DNGOS PO SRID PAS NA MED PA'I THA SNYAD SGRUB PA LAS MA NGES PAR BRJOD DO, ,DMIGS KYANG GZHAN GYI CHEN PO NYID DANG DU MA'I RDZAS NYID DANG GZUGS NI DMIGS PAR RUNG BA MA YIN PA DANG YOD PA MA YIN PAS DE TZAM GYI MI DMIGS PAS KYANG MED PA'I THA SNYAD DU DE LA BYED PAR MI NUS SO, ,BSHAD PA BYED PAS GANG SMRAS PA RJES SU DPAG PAS DMIGS PAR BYA BA DANG MNGON SUM DANG MI DMIGS PA'I GTAN TSIGS KYI DNGOS PO MED PA MA YIN TE, DBANG BO NYID DANG @286A *, ,PAGS PA LA SOGS PA BZHIN DU MIG DANG RJES SU DPAG PAS THOB PAR BYED PA NI, MIG GI 'OD ZER DU NYE BAR DMIGS PA DE NI MNGON SUM DANG MI DMIGS PA YIN NA JI LTAR MED PA'I THA SNYAD SGRUB PAR BYED PA YIN, DE DMIGS PA'I RIG BYAR GYUR PA'I MI DMIGS PA MED PA'I THA SNYAD DU BYED PA LA MA NGES PAR RIGS PA CAN BRJOD DE DGAG PA'I PHYIR DMIGS PA'I RIG BYAR GYUR PA'I PHYIN CI MA LOG PA BSTAN BCOS MDZAD PAS BSTAN PAS GNOD PA'I PHYIR RO, ,DE LTA NA DMIGS PA'I RKYEN GZHAN MTHA' DAG DANG, RANG BZHIN KHYAD PAR CAN JI SKAD BSHAD PA NI DMIGS PA'I RIG BYAR GYUR PAR BRJOD DO, ,DU MA'I RDZAS DANG LDAN PA NYID LA SOGS PA MED PA DE SRID DU 'KHRUL PA'I GO SKABS GA LA 'GYUR, DNGOS PO YOD PA LA DE MI SRID PA'I PHYIR RO, ,CHEN PO NYID LA SOGS PA NI MI SRID PAR DMIGS PA'I RIG BYAR GYUR PA'I SGRAR BRJOD PAR MI BYA'O, ,GZUGS LA SOGS PA LAS THA DAD PA'I RDZAS DE'I SNANG BAS DBEN PA'I RNAM PA GZHAN RANG GI SHES PA LA SNANG BA MED DO, ,SNANG BA MED PA MA YIN PA NI BDAG NYID KYI NGO BO MA YIN PAS THA DAD PA'I NGO BOR MNGON SUM GYIS NYAMS SU MYONG BAR THAL BAR 'GYUR BA'I PHYIR DE'I YOD PA DANG CHEN PO NYID LA SOGS PA 'DI SRID PA GA LA YIN, RANG GI NGO BOS CHEN PO DANG DE DANG 'BREL PAS KYANG 'DI'I CHEN PO'AM GZHAN GYI NGO BOR 'DZIN PA MED NA JI LTAR 'KHRUL PA'I SHES PA DE MA 'KHRUL PA YIN DE'I PHYIR CHEN PO DANG RDZAS DANG DMIGS PAR BYED PA PO NGO BO DE YANG RANG GI NGO BO 'DZIN PA MED DE, RDZAS BDAG NYID SHIN TU LKOG TU GYUR PA'I PHYIR RO, ,RDZAS KYI NGO BO THA DAD PA YANG NYE BAR MI RTOGS PAS DE BZHIN DU 'DZIN PAR BYED PA PO'AM CHEN PO'I NGO BO MED DE, GANG GI PHYIR RDZAS KYI YON TAN 'DU BA'I RGYU YIN PAR 'DOD PAS RDZAS SKYE BA'I DUS KHAS BLANGS PA'I PHYIR RO, ,DE YANG DMIGS PA'I BDAG NYID KHO NAR DE BZHIN DU NYAMS SU MYONG BAS NA SKAD CIG MA DANG BO'I RDZAS DANG YON TAN KHO NA SKAD CIG MA GNYIS PA NA SNGA MA'I NGO BOR 'DOR BA LAS NGO BO GZHAN DU GYUR PA NI MED DO, ,GANG LAS SNGAR CHEN PO NYID LA SOGS PA'I RTEN GYI DNGOS POR @286B RTOGS NAS PHYIS YON TAN GYI RTEN DU 'GRO BAR 'GYUR BA'I PHYIR RO, ,SKYED PAR BYED MI BYED NA RTEN MA YIN TE SKYED PAR BYED PA NI SKAD CIG MA NYID KYIS DON BYED PA MI 'GAL BAS SKAD CIG MA MA YIN PA DE LAS 'DU BA'I RGYU SRID PAR GA LA 'GYUR, GANG GI PHYIR RANG GIS SKYED PA'I 'BRAS BU SKYE BAR DE BZHIN DU BSTAN PA DE YANG SKAD CIG MA MA YIN PA LA SNGAR RTEN MA YIN PA LA PHYI NAS BRTEN PA'I DNGOS PO MA YIN NO, ,'DU BA'I RGYU MI SRID PA NYID DANG DU MA'I RDZAS DANG LDAN PA NYID KYANG MI SRID DO, ,GANG GI PHYIR DU MA'I RDZAS KYIS BSKYED PA 'DU BA'I RGYU'I BDAG NYID DU YOD PA GANG YIN PA DE NI DE LTAR BSTAN PA'I RDZAS MED PA DANG DU MA'I RDZAS DANG LDAN PA NI MA YIN LA, CHEN PO NYID LA SOGS PA YOD PA YANG 'DIR DMIGS PA'I RIG BYAR GYUR PA NI MA YIN PAR KHO BO CAG MNGON PAR 'DOD LA KHYED KYANG 'DOD DO, ,DE DAG DMIGS PA'I RIG BYAR GYUR PA LAS MI DMIGS PAS MED PA'I THA SNYAD DU GRUB PA MA NGES PA MA YIN NO ZHES BSTAN BCOS BYED PAS BSTAN PAR 'GYUR BA DANG DMIGS PA'I RIG BYAR GYUR BA LAS MI DMIGS PA'I RGYU DANG KHYAB PAR BYED PA BKAG PAS GZHAN GANG YIN PA DE 'BRAS BU DANG KHYAB PAR BYA BA MED PA'I GTAN TSIGS TE MED PA'I THA SNYAD KYI GTAN TSIGS SO,, GANG YANG DGAG PA NI DMIGS PA'I RIG BYAR GYUR PA LAS MI DMIGS PAS MED PA'I THA SNYAD KYI GTAN TSIGS YIN NO ZHES 'AM GYI SGRAS BSTAN TO, ,MI DMIGS PA'I MTSAN NYID KYIR RA [?] BA MI DMIGS PA NI MNGON SUM DANG RJES SU DPAG PA LDOG PA'I MTSAN NYID DE NI THE TSOM GYI RGYU YIN TE, TSAD MA LOG KYANG DON MED PAR MI 'GRUB STE RGYU MTSAN MED PA'I PHYIR YOD PA'I THA SNYAD 'GOG PA'I RGYU YIN NO ZHES KHONG DU CHUD PAR BYA'O, ,DE LA RE ZHIG GANG DMIGS PA MED PA TZAM MI DMIGS PAR 'DOD NA NI RNAM PAR SHES PA'AM GZHAN PA'I DNGOS PO YIN NO ZHES BRJOD PAS DE'I GZHAN PA'I DNGOS PO'AM RNAM PAR SHES PA KHO NA DGAG PA'I DON DU SHES PA DANG SHES BYA'I MTSAN NYID KYI CHOS MI DMIGS PAR STON PAR BYED PAS DMIGS PA NYID RNAM PA GNYIS SU BSTAN PA NI DE LA DMIGS PA ZHES BYA BA SMOS TE, DMIGS PA'I NGAG GIS DMIGS PAR THOS TE @287A *, ,BYA BA'I NGO BO NYID DE NI GANG GI TSE BYED PA PO LA LTOS PA DE'I TSE DE'I DMIGS PA NI BYED PA PO'I CHOS NYID LA LTOS LA, DE'I SHES PA NI RTEN BA'AM DMIGS PA STE SHES BA GANG YIN PA DE DMIGS PAR BRJOD PA DANG, DMIGS BA NI BLO DANG DBANG PO DANG LUS KYI TSOGS PA KHO NA SKAD CIG MA SNGA MA BZUNG NAS NYE BAR DMIGS BA SKYED BAR BYED PAR BRJOD DO, ,DE BZHIN DU DMIGS PA SKYED PAR BYED PA'AM RTEN PA'AM, BYED PA POR GZHAN DAG BRJOD PA DANG, DBANG PO LA SOGS BA LAS GZHAN GYIS SKYED BAR BYED PA NYID DU MI SRID DE GANG GI PHYIR RJES SU 'GRO BA DANG LDOG PA'I RJES SU BYED PA RGYU DANG 'BRAS BU'I THA SNYAD BYED PA DE YANG RJES SU 'GRO BA DANG LDOG PA DAG DBANG PO LA SOGS PA LAS GZHAN LA MI SRID PA'I PHYIR DANG DBANG PO LA SOGS PA YOD PA RNAMS LAS NGES PAR DMIGS PA'I PHYIR RO, ,GANG GI TSE DBANG PO LA SOGS PA RNAMS YOD KYANG RES 'GA' ZHIG DMIGS PA MI SKYE BA DE'I TSE RGYU GZHAN YOD PA RNAMS KYI NUS BA LAS 'BRAS BU MI SKYED DE RGYU GZHAN MA TSANG BA BSTAN PA'I PHYIR RO, ,DE LAS THA DAD PA'I RGYU GZHAN YONGS SU BSTAN NA NI BDAG KYANG YOD PA MA YIN LA, DE JI LTAR BDAG NYID LAS SKYE BA YIN, RGYU MTSAN MED PAR KHAS BLANGS NA NI HA CANG THAL BAR 'GYUR BA'I PHYIR RO, ,DE SKAD DU, GANG ZHIG YOD NA GANG 'BYUNG BA, ,DE LAS GZHAN NI BRTAGS NA NI, ,DE RGYU NYID KYIS THAMS CAD DU, ,RGYU RNAMS THUG PA MED PAR 'GYUR, ,ZHES BSHAD DO, ,RTEN PA NYID KYANG SKYED PAR BYED PA KHO NA YIN TE DE YANG DE'I BDAG NYID DU SRID PA MA YIN NO, ,GAL TE 'JIG PAR BYED PA'I PHYIR RTEN YIN NO ZHE NA, SKAD CIG MA MA YIN PA YANG 'JIG PA MED PAS GNAS PA MED DO, ,'DI LTAR MI 'JIG PAR DMIGS PA KHO NA GNAS PA ZHES BRJOD KYI LCI BA MED PA'I PHYIR LTUNG BA MED DO, ,GAL TE LDAN PA MED PA NI LCI BA'I PHYIR LTUNG BA YIN NO ZHES GZHAN DAG BRJOD DE LDAN PA LA BRTEN PA YIN NO ZHE NA, 'O NA DE YANG RTEN DANG BRTEN PA'I 'BYUNG BA RNAMS YOD PAR 'DOD PAS MI LTUNG BA'I CHOS KYI RTEN DU DMIGS PA NI CI YANG MED DO, ,'DU BA RTEN BA YIN NA NI GZHAN LA YANG THAL BAR 'GYUR TE, @287B DE'I BDAG NYID THAMS CAD LA MTSUNGS PA'I PHYIR DANG 'DI GCIG PA NYID DU KHAS BLANGS PA'I PHYIR DANG, RIM DANG CIG CAR GYI DON GYI BYED PA 'GAL BA 'DI NI YOD PA MA YIN NO, ,DE'I PHYIR SKYED PAR BYED PA NYID DANG RTEN PAR BYED PA GA LA YIN, 'DI DAG BTAGS BA LA 'THAG PAR BYED PA YIN NO, ,DE LTAR DMIGS PA BSTAN NAS MI DMIGS PA BSTAN PA NI MA YIN PAR ZHES BYA BA SMOS TE, BZAR MI RUNG BA NI BZAR MI RUNG BAR RJOD PAR 'DOD PA DE NI BZA' BA LAS GZHAN YIN BA'I PHYIR GRONG GI KHYIM BYA BZAR MI RUNG BA LAS GZHAN PA NI BZAR RUNG BAR YANG BRJOD DO, ,REG TU MI RUNG BA BZHIN ZHES BYA BA NI REG TU RUNG BA DANG 'GAL BAR BRJOD PAR 'DOD PA'I REG TU RUNG BA LAS GZHAN YIN PA'I PHYIR REG TU MI RUNG BA DON LA SOGS PA DE LAS GZHAN PA NI REG PAR BYA BA YIN NO, ,DE NI DMIGS PA'I RIG BYAR GYUR PA'I MI DMIGS PA 'DOD PAR BYA'O, ,GAL TE MA YIN PA NI DGAG PA'I YUL LA YIN PA'I PHYIR JI LTAR DNGOS PO'I MA YIN ZHE NA, MA YIN PAR 'JUG PAS ZHES BYA BA SMOS TE, MA YIN PA DGAG PA'I DON SPANGS NAS KHYAD PAR GYI DON LA 'JUG PA DE LA DGAG PA GZUNG BAR MI BYA STE, DGAG BA NI DNGOS PO'I YUL CAN YIN TE, GANG LA SGRUB PA GTZO BOS DGAG PA'I DON BZUNG NAS, RANG GI TSIG GI SGRUB PAR STON PA'I NGAG GCIG PA DE LA MA YIN PAR DGAG PA 'JUG PA DANG SGRUB PA GTZO BOR BRJOD PAS DMIGS PA NI GZHAN DMIGS PA YIN PA DE LTAR NGAG GIS GZHAN DMIGS PAR BRJOD DO, ,GZHAN DMIGS PAR BRJOD PA NA SHUGS KYIS MI DMIGS PA KHO NA BRJOD PAR 'DOD DO, ,DGAG PAR RTOG PA BRJOD PAR 'DOD PA NI DMIGS PA LDOG PA MED NA DE LA LTOS NAS GZHAN DU BRJOD PAR MI RIGS PA'I PHYIR RO, ,RANG GI TSIG GIS DGAG PA DANG SGRUB PA LA BRTEN PAR MA BRJOD PA DE LTA NA 'ON TE SGRA YIS MA YIN PA LA BRTEN PA SGRA GZHAN NYID KYI NGAG GIS RAB TU SBYOR BA'I PHYIR RO, ,GZHAN DMIGS PA'I MI DMIGS PA YIN PA'I PHYIR RO, ,DGAG PA NI SUB KYI MTHA' YIN LA, TI'I MTHA' NI MA YIN TE, NGAG GCIG PA NYID DMIGS PA MED PA MI @288A *, ,DMIGS PA YIN NO, ,MED PAR DGAG PA NI 'DI DAG LAS KYANG BZLOG PAR RIG BAR BYA'O, ,DE LA DGAG PA NI GTZO BO YIN LA SGRUB PA NI SHUGS KYIS GO BAR BYA BA DAG THA DAD PA YIN LA, RANG GI TSIG GIS DGAG BA LA BRTEN PA MI SLU BA'O, ,DE LTAR DE'I SHES PA'I CHOS KYI MTSAN NYID KYI MI DMIGS PA BSHAD NAS SHES PAR BYA BA'I CHOS KYI MTSAN NYID BSTAN PAR BYA BA'I PHYIR DMIGS PAR BYA BA'I CHOS NYID YIN NA NI ZHES BYA BA LA SOGS PA SMOS TE, GANG GI TSE LAS LA GNAS PA'I BYA BA LA LTOS PA NA DMIGS PAR BYA BA'I DNGOS PO'I CHOS DMIGS PAR BRJOD PAR 'DOD PA DE'I TSE YUL GYI RANG BZHIN GYI DMIGS PAR RIG PAR BYA'O, ,GAL TE YUL GYI NGO BO CI 'DRA BA ZHIG YIN ZHE NA, RANG GI YUL ZHES BYA BA LA SOGS PA SMOS TE, BUM PA LA SOGS PA DGAG PAR BYA BA'I BDAG NYID KYI YUL CAN GYI RNAM PAR SHES PA GANG YIN PA DE NI SKYED PAR RUNG BA'I MTSAN NYID DO, ,YUL GYI NGO BO LA DMIGS PA'I SGRA BRJOD DO, ,GAL TE YUL GYI NGO BO JI LTAR DMIGS SU RUNG BA'I MTSAN NYID YIN, CHOS DANG CHOS CAN NI THA DAD PA YIN ZHE NA, RUNG BA'I NYID NI ZHES BYA BA LA SOGS BA SMOS TE, RUNG BA NI DON DAM PAR NA DNGOS PO'I NGO BO NYID DE, DNGOS PO'I NGO BO LAS THA DAD PA NI MED DO, ,DE LTA MA YIN NA DNGOS PO'I RUNG BA NYID DU MI 'GYUR BA DANG, RUNG BA 'DI YIN NO ZHES DNGOS PO DANG 'BREL PAR YANG MI 'GYUR BA DANG, 'BREL PA CAN BRTAGS NA YANG THUG PA MED PAR 'GYUR RO ZHES LAN MANG DU BSHAD ZIN TO, ,DE NYID DMIGS PAR BYA BA YUL GYI CHOS SU BSTAN PA NA MI DMIGS PA RTOG PA YIN PAR DE LAS GZHAN PA ZHES BYA BA LA SOGS PA SMOS TE, DE'I PHYIR BUM PA LA SOGS PA DGAG PAR BYA BA YUL CAN GYI RNAM PAR SHES PA SKYED PAR RUNG BA LAS GZHAN PA DMIGS PAR SKYED BAR RUNG BA NYID DE LAS PHYIN CI LOG PA NI MA YIN NO, ,BUM PA'I RANG BZHIN GYIS DBEN PA'I PHYOGS KYI NGO BO DE NYID LA 'DIR MI DMIGS PA'I SGRAS BRJOD DO, ,SNGA MA NYID KYI RIGS PA TZAM 'DIR BSTAN PA NI SNGA MA BZHIN ZHES BYA BA LA SOGS @288B PA SMOS TE, BRJOD PAR 'DOD PA'I DMIGS PA LAS GZHAN YIN PA'I PHYIR BZAR MI RUNG BA DANG REG TU MI RUNG BA BZHIN DU MA YIN PAR DGAG PA LA 'JUG GO, ,JI LTAR DGAG PA YANG GZHAN GYI DON LA 'JUG PA YIN, THUN MONG BA'I BUM PA YOD PAS DBEN PA'I PHYOGS KYI SHES PA'AM SA PHYOGS TE BUM PAS DBEN PA'I MI DMIGS PA 'DI MA YIN PAR DGAG PA 'JUG PAR RAB TU BTAGS PA YIN GYI, KHYAD PAR MED PAR 'DI DAG THAMS CAD KYANG GZHAN GYI SGRAS BRJOD PAR MI BYA'O SNYAM NAS GANG DU GANG ZHIG CES BYA BA LA SOGS PA SMOS TE, GANG DU NI YUL DANG DUS DANG GNAS SKABS BAR DU MCHOD PA LA SOGS PA'I MTSAN NYID CAN NO, ,GANG ZHIG NI SA PHYOGS KYI NGO BO LA SOGS PA DMIGS PAR BYA'O, ,NGES PAR NI GDON MI ZA BA'O, ,DON GZHAN BUM PA LA SOGS PA'I NGO BO DMIGS PAR 'GYUR RO, ,DE NI BUM PA LA SOGS PA'I NGO BO DE DANG 'DRE BA DES NAS PHYOGS LA SOGS PA'I NGO BO DANG 'DRE BA'O, ,GAL TE GCIG LA DMIGS PAR BYA BA YANG JI LTAR GZHAN LA NGES PAR DMIGS PAR 'GYUR ZHE NA, RUNG BA NYID DU KHYAD PAR MED PA'I PHYIR RO, ,SA PHYOGS KYI BUM PA'I NGO BO DAG NI RANG GI YUL CAN GYI RNAM PAR SHES PA SKYED PAR RUNG BAR MTSUNGS SO, ,GANG GI TSES PHYOGS KYI NGO BO BAR DU CHOD PA'I SKAL BA LA SOGS PA SPANGS PA NI RNAM PAR SHES PA LA RANG GI RNAM PAR 'JOG PA YIN PA DE'I TSE BUM PA'I NGO BO YANG DE LA DE BZHIN DU RANG GI RNAM PA GTOD PAR 'GYUR BA NYID DO, ,GAL TE RUNG BA DE DANG DE NI RANG RANG GI NGO BO LA GNAS PA YIN JI LTAR DE DANG 'DRE BA YIN ZHE NA, SHES PA GCIG DANG 'DRE BA'I PHYIR RO, ,SHES PA GCIG LA DE GNYIS KYANG DE DAG GI RNAM PA'I SGO NAS 'DRE BA NI DNGOS SU MA YIN PAS DE'I RNAM PAR SHES PA DON GYI RNAM PA GNYIS SKYES BA DAG GI BDAG NYID 'DRE BAR BSTAN TO, ,CI DE'I SHES PA LA DON GYI RNAM PA GNYIS GDON MI ZA BAR YANG 'GYUR RAM, GANG GIS DE GNYIS SHES PA'I SGO NAS 'DRE BA YIN ZHE NA, DE GNYIS ZHES BYA BA LA SOGS PA SMOS TE, DE DAG MTSUNGS PAR RUNG BA'I NGO BO GANG YIN BA DE DAG GANG GI TSE YOD PAR @289A *, ,GYUR PA DE'I TSE RNAM PA GCIG NGES PAR RTOGS PAR MI 'GYUR TE, CI'I PHYIR ZHE NA, MI SRID PA'I PHYIR RO, ,'DI DAG YOD PAR SRID NA MTSUNGS PAR RUNG BA'I NGO BO GNYIS LAS GCIG KHO NA SNANG BA MA YIN TE GZHAN DU MA YIN NO, ,DE LTA NA RUNG BAR KHYAD PAR MED PA'I PHYIR CIS NA DE LA RANG GI RNAM PA GTOD PAR MI BYED DE CIG CAR SNANG BAR YANG NYAMS SU MYONG BAS GRUB BO, ,NYAMS SU MYONG BA DANG 'GAL BAR MI MKHAS PA YIS BRJOD PA LA GNOD PA MED PAS BRJOD PAR MI BYA'O, ,GAL TE MGYOGS PAR 'BYUNG BA'I PHYIR CIG CAR SNYAM DU SEMS SO ZHEN; MA YIN TE GNOD PAR BYED PA'I RKYEN SPANGS PAS 'KHRUL PAR BRTAG PAR MI RIGS PAS THAMS CAD DU DE BZHIN DU DNGOS PO MED PAR THAL BAR 'GYUR BA'I PHYIR RO, ,GAL TE RGYU'I CHOS 'DI KHO NA GANG GI TSE LAS SU BYA BA GCIG SGRUB PA DU MA MI BYED LA DBANG PO DE LAS DU MAR RTOGS PA'I RGYU BYED PA NI MA YIN NO ZHE NA, JI LTAR MAR ME LA SOGS PAS RTOGS PAR BYED PA MANG PO RNAMS LA DU MA SKYED PAR BYED PA YIN, BYED PA PO THA DAD PA SA SKYON MED DO ZHE NA, BYED PA PO GCIG YIN PA'I PHYIR BYA BA DANG LAS GCIG YIN PAS JI LTAR RGYU'I CHOS YIN ZHES BYA BA LA SOGS PA BRJOD PA NI BSLANG BA YIN NO, ,DNGOS PO RNAMS SKAD CIG MA RE RE SO SOR GYES BA LA DON DAM PAR MED PAS SO, ,BYED PA PO DANG BYED PA PO LA SOGS PA'I DNGOS PO'AM BYA BA 'GA' ZHIG KYANG MI RIGS SO, ,THAMS CAD KYI BYED PA PO DANG RJES SU 'GRO BA DANG LDOG PA'I RJES SU BYED PA'I 'BRAS BU 'GA' ZHIG PHUL DU BYUNG BA YOD PA MA YIN TE, GANG GIS 'DI BYED PA PO DAG DANG BYED PAR RIG PA YIN NO ZHES BYA BA LA SOGS PA GZHAN GYIS YONGS SU BRTAGS PA DE'I PHYIR RUNG BA DE NYID DU KHYAD PAR MED DO, ,GA LAS SHE NA, GCIG GI NGO BO NGES PAR RTOGS PA SRID PA'I PHYIR SHES PA GCIG LA TSOGS PAR GRUB PA DANG, RUNG BA'I NGO BO NYID DU MTSUNGS PA 'DI DAG NYID RTAGS YIN NO, ,RUNG BA'I NGO BO NYID DU MED PA DANG MTSUNGS PAS CIG CAR DBANG PO LAS SKYES PA'I SHES PA LAS SO SOR SNANG BA NI GZUGS DANG RO BZHIN DU MI SRID PA'I PHYIR RO, ,DE LA GANG DAG BDE BAR @289B GSHEGS PA RNAMS KYIS SKYE MCHED GCIG GI GZUNG BA MA YIN PAR 'DI BSTAN TO, ,DU MA LA YANG DBANG PO'I SHES PA GCIG SKYE BA'I PHYIR DE DAG SHES PA GCIG LA TSOGS PA NI GTZO BO KHO NA YIN NO, ,DE LA YANG DON RE RE THA DAD PA NYID DBANG PO GCIG GI RGYU MTSAN LAS GZHAN PA DUS GCIG PA GANG YIN PA DE'I YUL RNAMS CIG CAR NYE BA NA RANG GI SHES PA LA NUS PA KHYAD PAR MED PA'I PHYIR RO, ,DE NYID KYI PHYIR 'JIG RTEN PAS GCIG TU MNGON PAR ZHEN PA'I SHES PA SKYED PA YIN NO ZHES BRJOD DE, DE DAG DBANG PO GCIG LAS SKYES PA YIN PA DANG SKYE MCHED GCIG GI YUL YIN PAS DUS GCIG PA RNAMS LA 'JIG RTEN PAS DE BZHIN DU NGES PAS GCIG GI THA SNYAD DU BYED PA NI BTAGS PA YIN NO, ,GAL TE DE LTAR SHES PA GCIG LA TSOGS PA DE NI 'DRE BA YIN PA DE LTA NA YANG THUN MONG DU THAMS CAD LA GZHAN PA'I BDAG NYID DU CI STE DGAG PAR MI RTOGS SHE NA, DE LTA BAS NA ZHES BYA BA LA SOGS PA SMOS TE, GANG GI PHYIR RUNG BA NYID DU KHYAD PAR MED PA'I PHYIR RUNG BA NYID NI JI SKAD BSHAD PA'I RNAM PAS SHES PA GCIG LA GNYIS GANG YANG TSOGS PA DE'I PHYIR RUNG BA NYID KYI NGO BO KHYAD PAR MED PA CAN GANG DANG GANG YIN PA DE NYID LAS SHES PA GCIG LA TSOGS BA DE DAG YIN PA DE'I PHYIR DE DAG DE LTA BU'I NGO BO PHAN TSUN LTOS PA KHO NA YIN GYI GZHAN PA TSIG GI DON THAMS CAD LA LTOS PA MA YIN NO, ,GZHAN PA NYID NI 'DIR MI DMIGS PA LA 'GYUR BA MED DO, ,GAL TE 'JIG RTEN PA YANG DON GZHAN PA MA LUS PA LA LTOS NAS GZHAN PA NYID KHYAB PA'I RIGS PA LA BRTEN NAS LA LAR DGAG PA BRJOD DO, ,DE LTA NA YANG DE NI 'DIR GZUNG BAR MI BYA'I NYE BA'I RIGS PA LA BRTEN NAS SHES PA GCIG LA TSOGS PA'I MTSAN NYID NI NYE BA'I RIGS PA LA BRTEN NAS TSAD MAR BSAM PA LA 'GYUR BA MED DO, ,DE LTA MA YIN NA MI DMIGS PA MA NGES PA NYID DU 'GYUR RO, ,DE'I PHYIR DE KHO NA NYID SEMS PAS RNAM PA DE LTA BU'I GZHAN PA NYID LA BRTEN NAS MI DMIGS PA'I RGYU MTSAN LA 'KHRUL PA MED PA GANG YIN PA DE YANG JI SKAD BSHAD PA BZHIN DU DGONGS PA YIN NO, ,DE LTAR NA DE NI SHES PA GCIG LA TSOGS PA LA LTOS @290A *, ,NAS GZHAN PA NYID DU RTOGS PA NI MI DMIGS PAR BSTAN PAS NI DE 'BA' ZHIG LA ZHES BYA BA LA SOGS PA SMOS TE, DE NYID GANG GI TSES PHYOGS 'BA' ZHIG JI LTAR BSHAD PA'I BUM PA LA LTOS PA DE'I PHYIR GZHAN ZHES BRJOD PA DE'I TSE BUM PAS DBEN PA'I SA PHYOGS SAM SHES PA LA MI DMIGS PA YIN, DPER NA DBANG PHYUG SDES BSAMS PA'I DMIGS PA MED PA TZAM GYIS MI DMIGS PA BZHIN DU MA YIN TE, 'CHAD PAR 'GYUR BA'I SKYON DANG LDAN PA'I PHYIR RO, ,BUM PAS DBEN PA'I PHYOGS KYI NGO BO NI DES DBEN PA'I SHES PA NYID NI MA YIN TE, JI LTAR GZHON NU MA LEN GYI RNAM PAR SHES PA'AM GZHAN PA'I DNGOS PO GZHAN DU MA YIN TE, JI LTAR GZHAN GYI DNGOS PO'I YUL GYI RNAM PAR SHES PA NYAMS SU MYONG BA RNAMS DANG MI MTHUN PA'I DRAN PA LTOS PA MED PA'I THA SNYAD DU BYED PA'I RGYU MTSAN YIN PA DE LTA NA DES DBEN PA'I SA PHYOGS KYANG YIN NO, ,DE LTA NA RTOGS PAR BYED PA 'GA' ZHIG GIS GANG GI PHYIR PHYOGS 'BA' ZHIG GI RNAM PA NYID KYI SHES PA'I BDAG NYID DU RIGS PA YIN GYI BUM PA'I RNAM PA MA YIN PA DE'I PHYIR 'DIR BUM PA MED DO ZHES BYA BA DE BZHIN DU MED PA'I SHES PA SKYED PA YIN NO, ,GANG GI PHYIR 'GA' ZHIG GIS PHYOGS 'BA' ZHIG MTHONG BA GANG YIN PA NI BUM PA DANG LHAN CIG PA MA YIN PA DE'I PHYIR 'DIR BUM PA ZHES BYA BA DE LTAR YIN NO, ,DE'I PHYIR MED PA'I SHES PA SKYED PA'I NUS PA MTSUNGS PA'I GNYI GA YANG MI DMIGS PAR RNAM PAR GZHAG PAR RIGS SO,, DEL GANG GI TSE DE SHES PA YIN PA DE'I TSE SHES PA NYID KYI CHOS KYI MTSAN NYID NI MI DMIGS PA STE, BYED PA PO LA GNAS PA'I BYA BA LA LTOS PA'O, ,GANG GI TSE DE'I NGO BO YIN PA DE'I TSE SHES PAR BYA BA'I CHOS KYI MTSAN NYID NI LAS LA GNAS PA'I BYA BA LA LTOS PA YIN NO, ,DE LTAR MI DMIGS PA NI MA YIN PAR DGAG PA LA 'JUG PA'I RNAM PAR GZHAG PA'I BSGRUB PAR BYA BA 'DI YANG BSTAN PA NI DE MED PA ZHES BYA BA LA SOGS PA SMOS TE, THAMS CAD DU GZHAN DMIGS PA'I RIG BYAR GYUR PAS DBEN PA'I PHYOGS LA SOGS PA YANG SNANG BA YIN LA, GANG LA BUM PA LA SOGS PA @290B ZLA BO GZHAN MED PA RNAMS KYIS 'DI DRAN PAR 'GYUR TE, DE NI MED PA'AM MED PA'I THA SNYAD SGRUB PAR BYED PA YIN NO, ,RGYU DANG KHYAB PAR BYED PA MI DMIGS PA NI MED PA DANG MED PA'I THA SNYAD SGRUB PAR BYED DO, ,RANG BZHIN MI DMIGS PA NI MED PA'I THA SNYAD DU BYED PA NYID DO, ,MED PA DANG MED PA'I THA SNYAD DU BYED PA NI SHES PA DANG RJOD PAR BYED PA DANG RAB TU 'JUG PA'I MTSAN NYID DO, ,DE LA 'DI NA BUM PA MED DO ZHES BYA BA DE LTA BU'I RNAM PA'I SHES PA DANG, RNAM BA DE LTA BU'I DNGOS PO BRJOD PA NI RJOD PAR BYED PA'O, ,DOGS PA MED PAR PHYOGS DE LA 'GRO BA DANG 'ONG BA'I MTSAN NYID NI RAB TU 'JUG PA'O, ,'DIS DBANG PHYUG SDE DANG GZHON NU MA LEN GYIS TSIG GI GO SKABS SU DOGS PA LA GRUB PA'I MTHA' YAS RNAM PAR GZHAG PA BYED PA NI DE'I 'DOD BA BSAL NAS YANG GZHAN SU NA DBYUNG BA'I PHYIR SMRAS PA, JI LTAR NA GZHAN YOD NA ZHES BYA BA LA SOGS PA SMOS TE, DBANG PHYUG SDE'I 'DOD PA NI 'BRAS BU DANG RANG BZHIN GYI GTAN TSIGS DAG YOD PA'I NGO BO LAS MI DMIGS PAS THA DAD PAR BYED PAS GDON MI ZA BAR 'DI MED PA'I NGO BO NYID YIN NO, ,DE LTA MA YIN NA THA DAD PAR BYAS PA DON MED PA NYID DU 'GYUR RO, ,KHYOD KYIS KYANG GZHAN BKAG PAS DBEN PA'I SA PHYOGS SAM DE'I SHES PA MED PA'I NGO BO NYID DU NI DMIGS PAR BSTAN TE, 'DI YOD PA LA DE MED PA DE NI NYUNG STE GANG GIS DE LTAR BRJOD PAR BYA BA 'DI DAG MI RIGS SO, ,YOD PA DANG MED TE, YONG BA DANG MED PA'I CHA CHOS KYI NGO BOS THA DAD PA YOD ,GZHON NU MA LEN YANG 'DI SNYAM DU SEMS TE, GANG DAG GANG SHES PAR BYED PA DANG SHES PAR BYA BA'I CHOS KYI MTSAN NYID RNAM PA GNYIS MI DMIGS PA'I NGO BOR YOD PAR KHYED KYIS BRJOD DE, DE MED PA NI MED PA NYING SHES PA'I SGRUB PAR BYED PA YOD DE, 'ON KYANG DE NYID NI GZHAN DGAG PAR BYA BAS DBEN PA NI DNGOS PO DGAG PAR BYA BA'I SHES PA'AM GZHAN PA STE, DE'I SHES PA GANG YOD PA DANG MED PA'I CHA DE JI LTAR MED PAR DGAG PAR BYA BA'AM SHES PA YIN, JI LTAR MED PA'I CHA LA SBYOR BA MA YIN TE, YONG BA DANG MED PA'I CHA CHOS KYI NGO BOS THA DAD PA YOD KYANG CHOS CAN GYI NGO BO LA THA DAD @291A *, ,PA MED DO, GAL TE DE DAG YOD PA DANG MED PA DAG GZUNG BA DANG GZUNG BA MA YIN PAR RNAM PAR GNAS TE, JI SKAD DU, CHOS CAN THA DAD MED NA YANG, ,CHOS DAG THA DAD MED NA YANG, ,CHOS DAG THA DAD 'DOD PA NA, ,YOD DANG MED PA'I THA DAD PHYIR, ,'DZIN PA RNAM PAR GNAS PA YIN, ,ZHES BSHAD DO, ,LAN BSHAD ZIN PA 'DI BSTAN PA NI 'DIR JI LTAR ZHES BYA BA LA SOGS PA SMOS TE, JI LTAR MA YIN PAR 'JUG PA LA LTOS PA'I SGO NAS NI DGAG PA DAG NI DE SHES PA LA LTOS NAS DES DBEN PA'I DON DANG SHES PA MED PA DAG MI DMIGS PAR BRJOD PAR BYA BA'I PHYIR DBANG PHYUG SDE'I LAN BTAB PA YIN NO, ,MED PAR DGAG PA KHO NA 'BA' ZHIG DGAG PA'I DON MA YIN GYI, 'ON KYANG MA YIN PAR DGAG PA YANG YIN NO, ,DE'I PHYIR GZHAN YOD LA GZHAN MED PA'I GTAN TSIGS DANG MI DMIGS PA THA DAD PAR BYED PA NI RTOGS PAR BYED PA PO'I BSAM PA'I DBANG GIS YIN NO, ,RANG BZHIN GYI GTAN TSIGS RTOGS PAS DNGOS PO KHONG DU CHUD PAR NGES PA DANG, MI DMIGS PA YIS DNGOS PO MED PA RTOGS PAR NGES PA YIN NO, ,DON DAM PAR DGAG PA NI MED PA'I THA SNYAD DU RUNG BA'I DNGOS POR GYUR PA NYID KYI PHYOGS BSGRUB PAR BYA BA YIN PAS RANG BZHIN GYI GTAN TSIGS MA YIN GYI RANG BZHIN MI DMIGS PAR RIGS PAR BYA'O, ,GANG YANG LTOS PA MED PA'I DON GZHAN PA'I TSOGS PA DGAG PA TZAM NI MI PAR BYED PA NI PAR BYED PA NI DGAG PA TZAM NI ZHES BYA BA LA SOGS PA SMOS TE, CI'I PHYIR ZHE NA, DE'I SGRUB PAR BYED PA MA GRUB PA'I PHYIR ZHES BYA BA LA SOGS PA SMOS TE, DNGOS PO MED PA NUS PA THAMS CAD KYIS STONG PA'I MTSAN NYID CAN DU SGRUB PAR BYED PA 'GRUB PA'I GTAN TSIGS MI 'GRUB BO, ,NUS PA THAMS CAD KYIS STONG PA DE YANG MI RIGS PA'I PHYIR RAM, GTAN TSIGS NYID NI NUS PA DANG 'BREL PA'AM, DNGOS PO'I NGO BO'I MTSAN NYID YIN PA'I PHYIR DNGOS PO'O, ,DNGOS PO MED PA'I NI LHAN CIG BYED PA LA LTOS PA MED PAR RAG LAS PA'I PHUL DU BYUNG BA MED PAS MED DO ZHES PA'I @291B SHES PA SKYED PA NA DE RTAG TU SKYED PAR THAL BAR 'GYUR RO, ,DE'I PHYIR SGRUB PAR BYED PA DANG MA 'BREL PAS MED PA'I THA SNYAD MI 'GRUB BO, ,YANG NA MED PAR DGAG PA'I BDAG NYID DMIGS PA MED PA'I SGRUB PAR BYED PA CUNG ZAD CIG KYANG MI 'GRUB STE DE NI MED PA NYID LAS GZHAN PA'I DMIGS PA MED PAS BSGRUB PAR BYA BAR 'GYUR LA DE LA YANG GZHAN YIN PAS THUG PAR 'GYUR RO, ,DBANG PO BZHIN DU DGAG PA'I SHES PA'I RGYU RTAG TU NYE BAS LHAN CIG BYED PA LA DE NYID MI LTOS PAS DE RTAG TU SKYED PAR THAL BAR 'GYUR BA'I PHYIR RO, ,DON RNAM PA GNYIS BO 'DI JI LTAR MED PA YIN; 'GA' ZHIG RTOGS DANG RTOGS PA'I RGYU DE YANG JI LTAR RTOGS PA YIN ZHES BYA BA GZHUNG 'DI'I NANG DU SLOB DPON RNAG NYID KYIS RNAM PAR 'BYED PAR 'GYUR RO, ,YANG GZHON NU MA LEN GYI LAN NI DE'I ZHES BYA BA SMOS SO, ,'DI ZLA BO DNGOS PO GZHAN DANG 'DRE BA'I NGO BO 'DI DNGOS PO GZHAN DANG 'DRE BA MED PA KHYED KYI MNGON PAR 'DOD PA GRUB PA YIN TE, YOD PA'I CHA NYID KYI MED PA'I CHA'I NGO BO RIGS SO ZHES 'DOD PA, DE LTA NA YANG MED PA'I CHA YANG GZHAN PA'I NGO BO DANG MI 'DRE BA NYID KYIS MED PA BSTAN GYI DE LTA MA YIN NA DE MI 'THAD DO, ,DE YANG DNGOS PO'I CHA LA YANG MTSUNGS PA'I PHYIR DE NYID MED PA'I RGYU MTSAN DANG MTSUNGS PA'I PHYIR CI GZHAN PA MED PA'I CHA KHAS BLANG BAR BYA, DE NYID KYI PHYIR MA 'DRES PA'I NGO BO KHYAD PAR CAN YIN NA, GANG GI PHYIR DE LTA BAS NA ZHES BYA BA NI DE'I PHYIR GZHAN YOD PA NI GZHAN GYI DNGOS PO'O, ,YOD PA YANG KHYED MNGON PAR 'DOD DO; ,YOD PA'I CHA 'BA' ZHIG KYANG MA YIN GYI, MED PA'I CHA KHYED 'DOD PAS MED PA YIN NO ZHES THA SNYAD 'DOGS SO, ,KHO BO CAG NI DES NA YOD PA'I CHA'I MED PA NGO BO BRJOD PAR GYUR PA LA 'GAL BA CI YANG MED DO, ,JI SKAD DU SHES PAR BYED PA DANG, SHES PAR BYA BA'I CHOS KYI MTSAN NYID KYI RANG BZHIN MI DMIGS PAS MED PA'I THA SNYAD SGRUB PAR BYED PA YIN GYI MED PA NI MA YIN NO ZHES BSHAD DO, ,GZHAN BSAL BA'I PHYIR GANG YANG DAG PA CAN NI MI DMIGS PA DE SGRUB PAR BYED PAR MI 'GRUB BO ZHES BSHAD ZIN TO, ,BSHAD PA GNYIS PA NI DGAG PA TZAM GYIS @292A *, ,MI DMIGS PA SGRUB PAR BYED PA MA YIN PAR BSTAN PA NI GZHAN YOD PA'I MTSAN NYID CES BYA BA LA SOGS PA SMOS TE, 'JIG RTEN PA NI 'DI SNYAM DU SEMS TE, SA PHYOGS DAG PA MTHONG NAS BUM PA MED PAR THOG MAR RTOGS PA'AM SA PHYOGS NYI TSE SHES PAS NYAMS SU MYONG BA'I SGO NAS BUM PA MED PA'I RTOGS PA'O, ,DE'I PHYIR BUM PA MED PA'I THA SNYAD DU BYED PA NGES NA 'JIG RTEN PA'I SHES PA'I RJES SU 'BRANGS NAS DGAG PAR BYED PA'AM, GZHAN SA PHYOGS LA DGAG PAR BYA BA'I SHES PA GNYIS TE, DE SHES PA DAG YOD PA'I MTSAN NYID KYI DNGOS PO MED PAR RO, ,RANG GI TSAD MAS NI DBANG PO'I MNGON SUM DANG RANG RIG PA'I MNGON SUM GYIS DNGOS SU 'AM BRGYUD PAS JI LTA BA'I RIM PAS SGRUB PA GANG YIN PA DE YANG BUM PA MED PA'I THA SNYAD BYED PA YIN NO ZHES DE LTAR RNAM PAR GZHAG PAR RIGS SO,, DE LTAR RNAM PAR BZHAG KYANG KHYED KYI PHYOGS NYAMS PA CI YANG MED DO, ,DE LTA NA BRGYUD PAS KYANG MI DMIGS PAR KHAS BLANGS PA GANG YIN PA DE GRUB PA DES NA DE NYID KYIS GRUB PAR 'GYUR BA'I PHYIR RO, ,DGAG PA TZAM GYI MI DMIGS PA DE NYID DE SGRUB PAR BYED PAR BSTAN PA 'DI'I DGONGS PA NI JI LTAR KHYED SHES PAR BYED PA DANG, SHES PAR BYA BA'I CHOS KYI MTSAN NYID KYI DNGOS PO NGO BO RNAM PA GNYIS MI DMIGS PA DE LTA NA KHO BO YANG SHES PAR BYED PA DANG, SHES PAR BYA BA'I CHOS KYI MTSAN NYID DMIGS PA MED PA DANG MI DMIGS PA'I MING CAN RNAM PA GNYIS SU 'GYUR RO, ,DE LA SHES PAR BYA BA'I CHOS KYI MTSAN NYID NI GZHAN YOD PA MNGON SUM GYIS GRUB PA DGAG PAR BYA BA MED PA NI SHES PAR BYA BA'I MTSAN NYID DMIGS PA MED PA'I NGO BO MI DMIGS PA MED PA'I MING CAN DU GRUB PAR 'GYUR RO, ,SHES PAR BYED PA'I CHOS KYI MTSAN NYID DANG GZHAN YOD PA NI SA PHYOGS DAG PA SHES PA'I BDAG NYID RANG RIG PAS GRUB PA DANG, SHES PAR BYED PA'I CHOS DGAG PAR BYA BA'I SHES PA MED PA'I NGO BO MI DMIGS PAR MTSUNGS PAR BSHAD PA GRUB PAR 'GYUR RO, ,DES NA GANG LAS THUG PA MED PAR 'GYUR, GANG GIS NA SGRUB PAR @292B BYED PA MI 'GRUB PAR 'GYUR BA DE LA GZHAN YOD PA'I MTSAN NYID DGAG PAR BYA BA DANG, DE'I SHES PA NI GZHAN DGAG PAR BYA BAS DBEN PA'I SA PHYOGS DANG DE'I SHES PA DE'I BDAG NYID MED PA BRJOD PAR 'DOD PA'I PHYIR RO, ,YOD PA DGAG PAR BYA BA DANG DE'I SHES PA GZHAN MI DMIGS PAR KHYED 'DOD PA'O, ,RANG NYID NI RANG GI NGO BO TSAD MA STE DBANG PO'I MNGON SUM DANG RANG RIG MNGON SUM GYIS GRUB BO, ,DE NI DE DGAG PA NI MED PA'I THA SNYAD KYI SHES PA'I RJOD PAR BYED PA 'JUG PA'I MTSAN NYID KYI SGRUB PAR BYED PA 'GRUB PA'AM, DE 'GRUB PAS DE GZHAN PA'I DNGOS PO'I MTSAN NYID KYI MED PAR JI SKAD BSHAD PAS GRUB PA'AM, DE MED PAR GRUB PA'AM, DE DGAG PAR BYA BA DE SHES PA NI MED PA ZHES BYA BA DE LTAR 'DOD NA, KHYED MNGON PAR 'DOD PA'I MI DMIGS PA DANG KHO BO CAG MNGON PAR 'DOD PA'I MI DMIGS PA LA KHYAD PAR 'GA' YANG MED NA KHO BO CAG GI LTA BA CIS NA SPONG BAR BYED, 'O NA NI KHYAD PAR YOD PAR 'DOD DE GZHAN YOD PA'I MTSAN NYID MI DMIGS PA DANG CIG SHOS BAR DU MA CHOD PA'O, ,DE MED PA'I THA SNYAD SGRUB PAR BYED PA YIN NO SNYAM NAS DE LA KHYAD PAR MED DE ZHES BYA BA SMOS TE, KHYAD PAR MED NA GANG GIS NA MI DMIGS PA MED PA'I NGO BO DNGOS PO DANG 'BREL PA SPONG BAR KHO BO CAG MNGON PAR 'DOD PA'I MED PA'I THA SNYAD DU SGRUB PA DANG 'GAL BAR 'GYUR, GZHAN GYI KHYAD PAR YOD PA LA YANG GNOD PA MED PA'I PHYIR MED PAR MTSUNGS PA KHO NA'O ,DE SKAD DU DE'I SGRUB PAR BYED PA MED PAS MED PA'I THA SNYAD MI 'GRUB PAR THAL BAR 'GYUR RO ZHES BSHAD ZIN TO ZHE NA, DE YANG MI BDEN TE, GANG GI PHYIR DE NYID KHYOD MNGON PAR 'DOD PA'I GZHAN YOD PA DGAG PAR BYA BAS DBEN PA'I SA PHYOGS BDAG NYID DE'I YUL DMIGS PAS MI DMIGS PAR 'DOD PA DANG DE MED PA'I MI DMIGS PAR KHO BO CAG 'DOD PA'I DGAG PAR BYA BA MED PA DANG, DE DMIGS PAS MED PA CI'I PHYIR NA SGRUB PAR BYED PA'I RTAGS SU CIS NA MI 'DOD, DE LTA NA YOD PAR 'JIG RTEN PA LA GRAGS PA'I RJES SU 'BRANG BAR 'GYUR NA, CI'I PHYIR GZHAN YOD PAR RNAM PA @293A *, ,GNYIS SU GRUB PA NYID DE MED PAR GRUB NA DE'I BSGRUB PAR BYA BA GZHAN 'GA' ZHIG YOD PAR 'GYUR ZHES KHO BO CAG 'DOD PA'I 'JIG RTEN PA LAS SHIN TU 'DAS PA MI 'DOD DO ZHES BYA BA PHYOGS SNGA MA BZHIN NO, ,'DIR SO SOR MA GRUB PA'I PHYIR ZHES BYA BA SMOS TE, GZHAN YOD PA 'DIS MED PA'I RTAGS DANG RTAGS CAN GA LA YIN, DE BZHIN DU 'BREL PA MED PA'I PHYIR NI GZHAN YOD PAS DE MED PA'I RTAGS DANG RTAGS CAN MA YIN NO, ,THOG MAR RE ZHIG RGYU'I 'BREL PA NI GZHAN YOD PA'I ZHES BYA BA SMOS TE, DE DBEN PA'I SA PHYOGS KYIS BDAG NYID DE NI SGRUB PAR BYED PA MA YIN LA DGAG PAR BYA BA MED PA'I RTAGS MA YIN TE DMIGS PA YANG DE MED PA'I SGRUB PAR BYED PA MA YIN PAR PHYI MAS BSHAD PAR BYA'O, ,DE'I DON NI RE ZHIG GI SGRA'O, ,CI'I PHYIR GZHAN YOD PA SGRUB BYED MA YIN ZHE NA, GANG ZHIG GRUB NA ZHES BYA BA SMOS TE, DNGOS PO LA GRUB PAR GRAGS PA'O, ,GANG GZHAN GYI DNGOS PO MI 'GRUB PA NI MA GRAGS PA'O, ,DE'I DNGOS PO DE NI DNGOS PO DON DNGOS PO'I RTAGS CAN DU 'GYUR RO ZHES 'DIR RTAGS DANG RTAGS KYI RIGS PA'O, ,'DIR DBEN NI ME DANG DU BA LTA BU'O, ,JI LTAR GANG GI TSE DU BA RTOGS PA ME MI RTOGS PA DE'I TSE DE DAG RTAGS DANG RTAGS CAN GYI DNGOS POR 'GYUR TE, DU BA RTOGS PA'I DUS SU MI RTOGS PA NI MA YIN NO, ,GAL TE DE LTA NA DES CI STE ZHE NA, GZHAN ZHES BYA BA SMOS TE, YOD PA NI DNGOS PO'I NGO BO GANG YIN PA DER GRUB PA NYID DE RTOGS PA'O, ,DE MED PA NI DGAG PAR BYA BA DE MED PA'O, ,GRUB PA NI RTOGS PA'O, ,GZHAN YOD PA NYID DE MED PA'I BDAG NYID YIN PA'I PHYIR DE GRUB PA NYID KYIS DE GRUB PA'I MTSAN NYID YIN PA'I PHYIR RO, ,RIGS PA CAN YANG DGAG PAR BYA BA NI MED PAR DGAG PA'I BDAG NYID CAN MED PA'I NGO BO YIN PA DE NI JI LTAR GZHAN YOD PA'I NGO BO YOD PA DANG MED PA DAG 'GAL BA MED PAR 'GYUR, JI LTAR GZHAN YOD PAR GRUB PA NYID KYIS DE MED PAR GRUB PAR 'GYUR SNYAM DU SEMS NA DE LAS ZHES BYA BA SMOS TE, DE MED PA'I PHYOGS KYI MTSAN NYID YIN @293B PA DE'I PHYIR GZHAN DGAG PAR BYA BA BUM PA LA SOGS PA'O, ,MA 'DRES PA'I NGO BO NI SPANGS PA'I BDAG NYID NYI TSE DGAG PAR BYA BAS STONG PA'I BDAG NYID DO, ,'DIS NI SA PHYOGS NYI TSE YANG MED PAR DGAG PA'I BDAG NYID DU SMRA NA NI JI LTAR YOD PA CI YANG MA YIN PA'I NGO BO NI RANG BZHIN DANG 'GAL BAR 'GYUR RO ZHE NA, GZHAN GYI NGO BOS DE YANG CI YANG MA YIN PA'I NGO BO MA YIN PA'I PHYIR RO, ,JI LTA BA'I LTOS PA MED PA'I DNGOS PO GZHAN MED PAR DGAG PA DANG STONG PA DANG RNAM PAR RTOG PA'I SNANG BA DGAG PAR BYA BA CI YANG MED PA'I NGO BO DANG DE'I NGO BO SPANGS PA NI DE LTA BU DE NI GZHAN YOD KYANG DGAG PAR BYA BA DANG MA 'DRES PA'I NGO BO YIN PA DE'I PHYIR JI LTAR 'DI DGAG PAR BYA BA MED PA'I NGO BO PHAN TSUN GYI BDAG NYID CAN DU THAL BAR 'GYUR RO, ,DE'I PHYIR NGO BO YIN GYI GZHAN GYI NGO BOS NI MA YIN NO, ,DE LTA MA YIN NA JI LTAR GZHAN YOD PA 'DI GZHAN PA'AM DE LA MED PAR 'GYUR, GANG DANG GANG MED PAR MI 'GYUR BA DE NYID 'DI YIN TE, DE'I NGO BO BZHIN NO, ,DE'I PHYIR 'GRO BA THAMS CAD PHAN TSUN GYI BDAG NYID CAN DU THAL BAR 'GYUR RO, ,DE'I PHYIR DNGOS PO THAMS CAD GZHAN GYI NGO BO MED PAR YIN LA RANG GI NGO BOS NGO BO NYID LA GNOD PA MED DO; ,DE LTA NA CI STE MED PAR DGAG PA DANG MA YIN PAR DGAG PA THA DAD PA YIN, CI YANG MA YIN NO, ,LTOS PA MED PA 'BA' ZHIG NGO BO GZHAN MED PA TZAM NI MED PAR DGAG PA YIN NO ZHES 'JIG RTEN PA BRJOD LA NGO BO GZHAN LA GZHAN GYI NGO BOS STONG PA NI MA YIN PAR DGAG PA'O, ,NGO BO GZHAN MA YIN LA GZHAN GYI NGO BO MED PA TZAM MA YIN TE, NGO BO GZHAN LA DE'I NGO BOS STONG PAR NYAMS SU MYONG BA KHO NA YIN NO, ,JI LTAR DE MED PAR DGAG PA'I BDAG NYID DU 'GYUR, GZHAN GYI NGO BO'I SHUGS KYIS DE LAS DE RTOGS PA YIN NO ZHE NA, MA YIN TE RGYU RTOGS PA MED NA SHUGS MI SRID PA'I PHYIR RO, ,DE'I BDAG NYID DU MED PA'I MED PAR DGAG DU BA'I 'BREL PA YIN NO, ,'DU BA DAN YUR PAR RTOGS KYI GZHAN DU NI MA YIN NO, ,DE 'DIR MA 'DRES PA'I NGO BO CAN GANG YIN PA DE NYID DGAG PAR BYA BA MED PA CI YANG MA YIN PA'I NGO BO RNAM PAR 'JOG PAR BYED PA'I TSAD @294A *, ,MA MNGON SUM GYI NGO BO DE KHO NAS DE DUS PHYIS 'BYUNG BA MA YIN PA'I BUM PA 'DI NA MED DO ZHES BRTAGS PAS DE GZUNG BA LA 'DZIN PA'I DRAN PA TSAD MA MA YIN PA'I PHYIR GZHAN BUM PA LA SOGS PA RNAM PAR GCOD PAS MED PA GRUB STE, DE MED PA'I BDAG NYID KYI SA PHYOGS DES BZUNG BA'I PHYIR RO, ,SA PHYOGS DANG, BUM PA DANG MA 'DRES PA'I RNAM PA GNYIS PO 'DI NGO BO 'DI YANG LDOG PA'I NGO BO YIN NO, ,DE'I PHYIR GZHAN PA'AM BUM PA 'BA' ZHIG KYANG MA YIN PA BUM PAR RTOGS PA'I RTEN YOD PA DES NA RNAM PA GNYIS MNGON SUM GYIS 'DZIN TE, BUM PA LAS GZHAN PA NYID DANG BUM PAS STONG BA 'DZIN PAR 'GYUR BA'I PHYIR RO, ,DNGOS PO MA 'DRES PA GRUB PAR BYA BA'I PHYIR RAM 'DI MED DO ZHES BYA BA DE LTA BU'I PHYIR TSAD MA GZHAN PA RTZAM PA MA YIN PHYI NAS 'DI RGYAS PAR 'CHAD PAR 'GYUR BAS RE ZHIG GZHAG GO, ,GANG GI PHYIR GZHAN YOD PAR 'GRUB PA NYID DE MED PAR BSHAD PA'I RIGS PAS GRUB PA DE'I PHYIR GZHAN YOD PA NI MA YIN NO, ,DGAG PAR BYA BA MED PA'I RTAGS GNYIS PA'I RGYU BRJOD PA NI 'BREL PA MED PA'I YANG PHYIR ZHES BYA BA SMOS TE, GZHAN YOD PA DANG DE MED PA DAG LA 'BREL BA CUNG ZAD CIG KYANG YOD PA MA YIN PA DE'I PHYIR GANG LAS RTAGS CAN GYI DNGOS PO YIN, DE YANG NA MA ZHIG TSE BRJOD PAR BYA NA, GANG GI TSE DE MED PA'I NGO BO NYID GZHAN YOD PA'I NGO BOR KHAS BLANGS PA LA LTOS PA DE'I TSE GZHAN YOD PA LAS THA DAD PA DE MED PA CI YANG MA YIN PA'I NGO BO GZHAN 'DOD PA NA YIN NO, ,DE LTA MA YIN NA GZHAN YOD PA NYID DE MED PA'I NGO BO NYID BSHAD PA'I RIGS PAS DE'I BDAG NYID YIN NA JI LTAR 'BREL PA MED PA YIN, MNGON SUM GYIS GRUB PA DE NYID PHYOGS GZHAN GYIS BYED PAR MI 'GYUR TE, DE DANG DE ZHES BYA BA LA SOGS PA LA LTOS PA'I SGO NAS 'BREL PA NI GCIG LA 'DU BA ZHES BYA BA GZHAN GYI GZHUNG GIS BSHAD PA'O, ,GZHAN NI RIGS PA CAN LA SOGS PAS BYAS PA DANG MI RTAG PAR BRJOD PA THA DAD PA'I CHOS CHOS CAN GCIG LA 'DU BAS BYAS PA DANG MI RTAG PA DAG CHOS CAN GCIG LA 'DU BA'I 'BREL PA YIN NO, ,'DU BA DANG 'BREL PA'I DPE GZHAN NI @294B 'DIR DON GCIG LA 'DU BA'I PHYIR YANG DAG PAR LDAN PA NYID LA 'DU BA'I SGRAS BRJOD DO, ,LDAN PA DANG 'DU BA DAG NI RTAG PA'I PHYIR THA DAD PAR BSHAD PA LA GUS PAR MI BYED DO, ,PHA ROL POS ME DANG DU BA DAG RANG GI YAN LAG CAN LA 'DU BA YIN GYI DE GNYIS DON GCIG LA NI 'DU BA MA YIN TE, ME DANG DU BA GZHAN GYI LUGS KYIS RTEN DANG BRTEN PA'I DNGOS PO YIN NO ZHES 'JIG RTEN PAS 'BREL PAR BSHAD DO, ,BSKYED PAR BYA BA DANG SKYED PAR BYED PA ZHES BYA BA NI DON DAM PA'I 'BREL PAS BYAS PA'O, ,'O NA NI DON DAM PAR ME NI SKYED PAR BYED PA'I PHYIR CIG SHOS NI BSKYED PAR BYA BA YIN NA, DBANG PHYUG SDE DANG LHAN CIG DPYAD PA BYAS ZIN PA DE RIGS PA YU MTSAN DU BRJOD PA'AM, SNANG GZHAN YOD NA DE MED PA DGAL MI SRID NA CI STE BRJOD PA YIN, BDEN TE ZHAR LA BYUNG BAS DE'I 'DOD PA YANG DGAG PA'I PHYIR BSHAD DO, ,SNGAR GZHAN YOD PA MNGON SUM GYIS GRUB PA'I PHYIR DGAG PAR BYA BA MED PA DE'I DON LA MNGON SUM LAS GZHAN BRTAGS NA NI SHIN TU THAL BAR 'GYUR RO, ,ZHAR LA BYUNG BA BSHAD NAS DA NI 'DI BRJOD PAR BYA STE, GANG GI TSE GZHAN YOD PAR 'DZIN PAR MNGON SUM GYIS GRUB PA DE MED PAR MI 'GYUR BA DE'I TSE MNGON SUM LAS GZHAN PAS BUM PA MED DO ZHES BYA BA DE LTA BU'I RNAM PA KHYAD PAR DANG KHYAD PAR DU BYA BA YOD PA'I MTSAN NYID DANG NYE BA LA SOGS PA 'DOD PAR 'GYUR RO SNYAM NA, 'BREL PA MED NA GZHAN YOD NA DE MED PA DAG KHYAD PAR DANG KHYAD PAR DU BYA BA'I DNGOS PO MI RIGS TE, HA CANG THAL BAR 'GYUR BA DE'I PHYIR GANG LAS DE'I MTSAN NYID DANG NYE BA DE MED NA MNGON SUM DU 'GYUR BA YIN, DE LTAR 'BREL PA'I RANG GI NGO BO BSHAD PA DE 'DIR MI SRID PA NI DNGOS PO YOD PA DANG ZHES BYA BA SMOS TE, JI LTA BA'I BYAS PA DANG MI RTAG PA DANG ME DANG DU BA DAG DON GCIG TU 'DU BA LA SOGS PA'I MTSAN NYID KYI 'BREL PA NI YOD PA DANG MED PA DAG LA DE LTA BU 'GA' YANG MED DO, ,'BREL PA DAG NI DE MED PA GZHAN YOD PA LA SGRUB PAR BYED PAR MI 'GYUR RO, ,DE LTA NA DON GCIG PA'I CHOS CAN LA GNAS PA GNAS PA GANG YIN PA DE DAG DON GCIG LA 'DU BA YIN TE, GZHAN LA YOD PA NI SA PHYOGS SU BSHAD DO, , @295A *, ,RANG GI YAN LAG CAN LA GNAS PA DES NA DE LA BUM PA MED PA'O, ,DE LTA NAS PHYOGS KYI CHA CHAS LA BUM PA MED DO ZHES BYA BA NI SA PHYOGS MA YIN NO, ,SA PHYOGS KYI YAN LAG CAN NI RTZOM PA MA YIN TE, DE RDZAS KYI BDAG NYID NI RDZAS LAS GZHAN PA NYID KYIS RTZOM PAS BUM PA'I MED PA NI RDZAS NI RNAM PA DGUR 'DOD DO, ,BYA BA DANG LDAN PA LA SOGS PA RDZAS KYI MTSAN NYID YIN NA DE LTA YOD PA MA YIN NO, ,YON TAN GYI NGO BOS DE LA 'JUG PA MED DO, ,YON TAN NI NYI SHU RTZA BZHI NYID DU 'DOD PA 'DI DE DAG LAS GZHAN PA MA YIN NO,, LAS KYI NGO BO RNAM PA LNGA NI MA YIN TE RANG GI LAS DANG RANG GI DE MA THAG TU 'BYUNG BAS DE'I MTSAN NYID SPANGS PA'O, ,RDZAS GCIG CES BYA BA LA SOGS PA DE'I MTSAN NYID RNAMS SO, ,DE DANG DE DAG MED PA NI MI SRID PA YIN NO, ,SPYI LA SOGS PA'I NGO BOS KYANG MA YIN TE, DE'I NGO BO SPANGS PA'I PHYIR RO, ,GZHAN YOD PA'I DE MED PA DAG LAS ME DANG DU BA DAG BZHIN DU LDAN PA NI MED DE, RDZAS NYID DU DE KHAS MA BLANGS PA'I PHYIR RO, ,DE MED PA NI RDZAS YIN NO ZHES MA BSHAD DO, ,RTEN DANG BRTEN PA'I DNGOS PO YANG MED DE SNOD 'DI LA RGYA SHUG YOD PA BZHIN DU GANG GI PHYIR DE YANG LDAN PA'I RGYU MTSAN DU BRJOD PA'AM, SNAL MA 'DI RNAMS LA SNAM BU'I ZHES BYA BA NI 'DU BA'I RGYU MTSAN YIN NO, ,MED PA NI RDZAS KYI BDAG NYID MA YIN NO, ,LDAN PA MA LUS PA YANG 'DU BA RNAM PA LNGA NYID KYIS RDZAS LA SOGS PA RNAMS LA 'DU BAR 'DOD KYI DNGOS PO MED PA NI MA YIN NO, ,RNAM PA LNGA NI RANG GI NANG DU 'DUS PA YIN TE, DE'I BDAG NYID LA PHAN 'DOGS PA MED PA'I YOD PA NI RTEN DU THA SNYAD GDAGS PA MI SRID DO, ,PHAN 'DOGS PAR BYED PA NI BSKYED PAR BYA BA DANG SKYED PAR BYED PA'I DNGOS POR 'GYUR NA DE MED PA BSKYED BAR BYA BA MA YIN TE, 'BRAS BU THAL BAR 'GYUR RO, ,'BRAS BU YANG 'DIR MI SRID DE GANG LAS RANG GI RGYU DANG 'DRA BA'AM YOD PA DANG 'DRA BA 'BRAS BUS BRJOD NA, KHYED GZHAN YOD PAS SA PHYOGS SU BSHAD PA RGYU MA YIN GYI 'DI LTAR RNAM PA GSUM STE, RDZAS DANG YON TAN DANG LAS @295B RNAMS KYIS RDZAS DGUR 'DOD DO, ,MED PA NI RDZAS KYI MTSAN NYID MA YIN PAS YOD PA'I 'DU BA YANG SHES PA YOD PA'I YUL DE MED PAR 'GYUR NA MED PA NI SHES PA'I YUL MA YIN NO, ,SA PHYOGS YOD PA LA YANG BUM PA MED PA SRID PAS DE 'BRAS BUR GA LA 'GYUR, DE'I YUL THA DAD PA NI MED DE RNAM PA GCIG PA'I SHES PA'I YUL YIN PA'I PHYIR RO, 'BREL PA THA DAD PAS NI THA DAD PA NYID NI SPYI LA YANG THAL BAR 'GYUR RO, ,'DU BA YANG DE MA THAG TU SUN PHYUNG BAS RANG GI RGYU YOD PA LAS 'BYUNG BA'I NGO BO'I 'BRAS BU DE MED PAR GA LA 'GYUR 'DIS NI BSKYED PAR BYA BA DANG SKYED PAR BYED PA'I DNGOS PO YANG BSAL TO, ,DES NA RNAM PA THAMS CAD DU 'BREL PA MED PA'I PHYIR JI LTAR GZHAN YOD PAS DE MED PA'I SGRUB PAR BYED PAR 'GYUR, 'BREL PA GZHAN BSTAN PA'I PHYIR GAL TE YUL DANG ZHES BYA BA LA SOGS PA SMOS TE, DPER NA DON NI YUL LO, ,SGRA NI YUL CAN NO, ,YUL DANG YUL CAN GYI DNGOS PO DE DAG 'BREL PA BZHIN DU GZHAN YOD PAS DE MED PA DAG KYANG YUL DANG YUL CAN GYI DNGOS PO'I 'BREL PA LAS 'BYUNG "BAR 'GYUR RO, ,SA PHYOGS SU SNANG BA GZHAN YOD PAS BUM PA MED PAR SHES PAR 'GYUR RO ZHES BYA BA NI PHYOGS SNGA MA'I DOGS PA'O, ,SGRA DANG DON DAG 'BREL PAR 'GYUR RO ZHE MNGON PAR 'BREL PA'I NGO BO CI ZHIG YIN, RGYU DANG 'BRAS BU'I MTSAN NYID DO, ,YANG JI LTAR DON GYI 'BRAS BUR SGRA 'GYUR, DE STON PA NI DON STON PA'I BSAM PA YOD PA LA RJOD PAR 'DOD PA YOD PAR SGRA'I SBYOR BAS SGRA BRJOD PA DES NA DON RJOD PAR 'DOD PA LA 'JUG GO, ,SGRA NI RGYU DANG 'BRAS BU'I MTSAN NYID KYI 'BREL PA NI MED DO, ,GAL TE NA YANG SGRA DANG DON DAG GI SPYI'I NGO BO LA BLOS YONGS SU BRTAGS PA DE LTA NA YANG SO SOR SNANG BA'I RJOD PAR 'DOD PA'I SGRA'I SPYI LAS RTOG PA DANG 'BREL PA'I SGRA NI RANG GI MTSAN NYID KYIS KUN NAS BSLANG BA'I SGO NAS RGYU DANG 'BRAS BUR BRJOD DO, ,MED NA MI 'BYUNG BA'I MTSAN NYID YIN PAR GZHAN LA RAB TU GRAGS PAR BRJOD DO, GZHAN NI MED NA MI 'BYUNG BA'I MTSAN NYID KYI SGRA DANG DON DAG LA 'BREL @296A *, ,TO ZHES THA SNYAD BYED DO, ,DES NA 'BREL PA'I RGYU MTSAN YIN NO, ,GAL TE NYAN PA PO DANG 'CHAD PA PO DAG YOD PA'I NGO BO'I YUL DANG YUL CAN GYI NGO BOR RIGS KYI, DE MED PA'I GZHAN YOD PA DAG KYANG DE BZHIN DU 'GYUR RO ZHE NA, RNAM PA 'DI YANG ZHES BYA BA SMOS TE, RNAM PA 'DI NI DE MED PA GZHAN YOD PA LAS MI SRID DO ZHES BSHAD MA THAG PA YIN NO, ,BUM PA MED PAR BSTAN PA'I BSAM PA LA YOD PA'I SA PHYOGS KYI MTSAN NYID GZHAN YOD PAR RAB TU SBYOR BAS GRUB PA MED DO, ,BUM PA MED PAR STON PA'I BSAM PA'I SNGA ROL DU SA PHYOGS RANG GI RGYU KHO NA LAS GRUB PO, ,DE'I BSAM PA YONGS SU ZIN KYANG GZHAN YOD PA DANG DE MED PA DE YANG JI LTAR RGYU DANG 'BRAS BU'I DNGOS PO DE'I SGO NAS SAM MED NA MI 'BYUNG BA LAS 'GYUR, GANG GIS NA YUL DANG YUL CAN GYI DNGOS POR BRTAG PAR BYA BA YIN, GAL TE JI LTAR SGRA DANG DON DAG BSGRUB PAR BYA BA DANG SGRUB PAR BYED PA'I RGYU MTSAN YUL DANG YUL CAN GYI DNGOS PO YIN PA DE LTAR GZHAN YOD PA DANG DE MED PA DAG KYANG RE ZHIG DE TZAM GYI SGRA DANG DON DAG GI DPE YIN NO ZHE NA, GRUB NA NI ZHES BYA BA SMOS TE, SGRA DANG DON DAG NI RGYU DANG 'BRAS BU'I DNGOS PO'I RGYU MTSAN GYIS BSGRUB PAR BYA BA DANG SGRUB PAR BYED PA YIN GYI, DE LTA MA YIN NA DON GZHAN PA NYID NI DER MI RIGS PA'I PHYIR RO, ,DE BZHIN DU 'DIR YANG DE MED PA DANG GZHAN YOD PA DAG BSGRUB PAR BYA BA DANG SGRUB PAR BYED PA'I DNGOS POR 'GRUB PAR 'GYUR NA, DE'I TSE DE'I SGO NAS NI BSGRUB PAR BYA BA DANG SGRUB PAR BYED PA'I SGO NAS SO, ,YUL DANG YUL CAN GYI DNGOS POR 'GYUR NA, JI SRID DU DE NYID BSGRUB BYA DANG SGRUB BYED KYI DNGOS PO'I 'BREL PA MED NA RGYU DANG 'BRAS BUS DNGOS PO GANG GIS 'GRUB PAR 'GYUR, THAMS CAD BSGRUB BYA DANG SGRUB BYED DU THAL BAR 'GYUR BA'I PHYIR RO, ,GAL TE JI LTAR DBANG PO RANG GI YUL DU 'GRUB PA'I RGYU MTSAN YIN ZHE NA, PHAN TSUN NYE BAR 'GRO BA LA SOGS PA BRTEN PA'I RKYEN GYI KHYAD PAR LA SOGS PA'I DBANG PO DANG YUL DAG RNAM PAR SHES PA GCIG BSKYED PAR NUS PAS @296B SKYED PA'I THA SNYAD 'DOGS PA DE BZHIN DU 'DIR MA YIN TE, GZHAN YOD PA DANG DE MED BA DAG DE MI RIGS PA'I PHYIR RO, ,RTAGS DANG RTAGS CAN GYI DNGOS PO'I MTSAN NYID KYI BSGRUB PAR BYA BA DANG SGRUB PAR BYED PA RNAL MA YIN PA'I PHYIR, DE LA YANG 'BREL PA GZHAN PA MI RIGS SO, ,'BREL PA GZHAN PA'I RGYU MTSAN NI GZHAN YOD PA DANG DE MED PA LA MED DO, ,GAL TE BSGRUB PAR BYA BA DANG SGRUB PAR BYED PA'I DNGOS PO YANG YUL DANG YUL CAN GYI DNGOS PO'I RGYU MTSAN KHO NA YIN NO ZHE NA, DE LTA MA YIN NA ZHES BYA BA SMOS TE, 'BREL PA GZHAN MI 'DOD KYI 'ON KYANG YUL DANG YUL CAN YIN PAS BSGRUB PAR BYA BA DANG SGRUB PAR BYED PA'I DNGOS PO YIN PA DE'I PHYIR YUL DANG YUL CAN GYI DNGOS PO YIN PA DES 'DI GCIG LA GCIG BRTEN PA YIN PAR 'GYUR RO, ,DE LTA NA YANG GCIG MA GRUB PAS GNYI GA YANG MA GRUB PA YIN NO, ,GZHAN YANG, GZHAN YOD PAR GYUR PA RTAGS LAS SO, ,MED PA NI RTAGS CAN NO, ,RJES SU DPOG PAR 'DOD PA'O, ,'DI SPYI BSGRUB PAR BYA BAR 'GYUR NA GZHAN YOD PAS DE MED PA 'BA' ZHIG NYID SGRUB PA'I PHYIR DANG, 'BA' ZHIG PA LA 'BREL PA MED PA MA YIN PA'I PHYIR BSGRUB PAR BYA BA DANG SGRUB PAR BYED PA'I DNGOS PO MI RIGS SO, ,SPYI YANG KHYAD PAR DU BYA BA DANG KHYAD PAR BYED PA LA BRTEN PA'I CHOS DANG CHOS CAN MTSAN NYID BSGRUB PAR BYA BAR 'DOD PAS DE MED PA LA SKYON DU YANG 'GYUR BAS KYANG SMOS PA YIN NO, ,GAL TE THAMS CAD KYI SPYI BSGRUB PAR BYA BAR MI 'DOD DO ZHE NA, DE LTA NA ZHES BYA BA LA SOGS PA SMOS TE, CHOS TZAM YANG RANG RGYUD PA'I BSGRUB PAR BYA BAR KHAS BLANGS PA DE LAS GZHAN YOD PA'I PHYIR BUM PA MED DO ZHES BYA BA DE LTA BU'I NGO BO BUM PA YUL THAMS CAD DANG THAMS CAD KYI TSE MED PAR THAL BAR 'GYUR RO, ,CHOS CAN LA LA'I CHOS KYI YON TAN DU GYUR PA SGRUB PAR BYED PAR DE NYID LA DE'I TSE KHO NA YOD PAR RIGS TE GZHAN DU NI MA YIN NO, ,THAMS CAD DU SPYI BSGRUB PAR BYA BAR KHAS BLANGS PAS CHOS 'BA' ZHIG NI MA YIN NO SNYAM NA GZHAN GYI 'DIR MA YIN TE ZHES BYA BA LA SOGS PA SMOS TE, SPYI BSGRUB PAR BYA BA LA GZHAN YOD NA DE MED PA 'BREL PA MED PA GA LA @297A *, ,YIN; PHYOGS LA SOGS PA ZHES BYA BA LA SOGS PAS NI, SA PHYOGS 'DI LA BUM PA MED DO ZHES BYA BA DE BZHIN DU BUM PA MED PA'I SA PHYOGS LA SOGS PA CHOS CAN KHYAD PAR DU BYED PA YIN TE, BUM PA DANG BCAS PA'I PHYOGS LA SOGS PA THA DAD PAR RNAM PAR 'JOG PA'I PHYIR DE'I KHYAD PAR GYIS THOB PA YIN NO, ,BSGRUB PAR BYA BA NI BUM PA MED DO ZHES BYA BA DE LTA BU 'BA' ZHIG MA YIN PAR CHOS CAN 'GA' ZHIG LA YON TAN YOD PAR STON PA DE'I PHYIR SPYI BSGRUB PAR BYA BA YIN PA'I PHYIR GANG GIS NI DE'I SKYON 'BYUNG BAR MI 'GYUR, KHO BO CAG GI PHYOGS LA NI RTAGS DANG RTAGS CAN GZHAN PA'I BDAG NYID MA YIN LA PHYOGS LA SOGS PA'I CHOS CAN LA 'BREL PA MED PAR THAL BA'I SKYON DU MI 'GYUR RO, ,GZHAN YOD PA GANG ZHIG YIN SNYAM NA BUM PAS DBEN PA'I SA PHYOGS LA SOGS PA'I MTSAN NYID PHYOGS KYI CHOS CAN DANG DE'I BDAG NYID KYI 'BREL PA YOD PA'I PHYIR RO, ,DE LTA NA SGRA LA SOGS PA'I CHOS CAN LA BYAS PA NYID DE'I BDAG NYID KYI MTSAN NYID KYI 'BREL PAR KHYED 'DOD PA DE BZHIN DU 'DIR YANG YOD PA YIN NO ZHES BSAMS NAS DE YANG 'BREL PA'I PHYIR RO ZHES BYA BA MI RIGS PA BSHAD DO SNYAM DU SEMS NA GRUB PA'I MTHA' SMRA BAS KYANG BSGRUB PAR BYA BA'I CHOS KYI MTSAN NYID KYI RTAGS CAN BUM PA MED PA DANG, GZHAN YOD PA'I RTAGS DANG 'BREL PA MED PA MA YIN NA SNGAR BSHAD PA'I CHOS CAN LA MED PA DES NA LAN 'DI DAG LA 'BREL PA CI ZHIG YOD SNYAM DU DGONGS NAS, GZHAN YOD PAR BSHAD PA DANG CHOS CAN 'BREL PA MED PAR BSTAN PA NI MA YIN TE ZHES BYA BA SMOS TE RTAGS DANG RTAGS CAN GYI 'BREL PA MED PA MA YIN TE ZHES BYA BA SMRAS PA MA YIN TE ZHES BYA BAR SBYAR RO, ,DE LTAR SPYI SGRUB PAR BYED PA MA YIN PAS 'ON KYANG RTAGS DANG RTAGS CAN GYI 'BREL PA MED PA NYID DANG SPYI SGRUB PA MED PAR DE BZHIN DU BRJOD PA'I PHYIR RO, ,CHOS CAN DU RNAM PAR GZHAG PA NI GZHAN YOD PA YIN PA'I PHYIR GZHAN YOD PA'I MTSAN NYID RTAGS YIN NA PHYOGS LA SOGS PA GA LA YIN, 'DI DAG BSTAN PA NI PHYOGS GANG KHO NA @297B LA CHOS CAN DU KHYED KYI BRTAGS PA LA BUM PA LA SOGS PA MED DO ZHES BRJOD DO, ,'JIG RTEN PAS PHYOGS LA SOGS PA DE NYID LA BUM PA LA SOGS PA DE DANG 'DRE BA MED PA STE, TSOGS PAS BYAS PA SPANGS PA'I GZHAN YOD PA RTAGS SU 'DOD BA LAS GZHAN NI 'GA' YANG MED DO, ,GANG GI PHYIR DE MTHONG BA KHO NAS NI BUM PA DANG MA 'DRES PA'I PHYOGS LA SOGS PA MTHONG BA KHO NAS RTOGS PAR BYED PA POS 'DI NA BUM PA MED DO SNYAM PA'I RNAM PAR RTOG PA RTAGS CAN GYI SHES PA DE DAG KHAS BLANGS PA DE NYID KYI PHYIR GZHAN YOD BA'O, ,GANG KHO NA MTHONG BA RNAMS RTAGS KYI SHES PA SKYED PA DE KHO NA RTAGS SU BRJOD DO, ,BUM PA DANG MA 'DRES PA'I PHYOGS LA SOGS PA KHO NA YIN PA DE'I PHYIR GZHAN YOD PA'I MTSAN NYID DE NYID RTAGS SU KHAS BLANGS PA DES NA JI LTAR DE KHO NA GZHAN YOD PA LA LDOG PA YIN DU ZIN KYANG RTAGS DANG RTAGS CAN GYI DNGOS PO STE RTAGS NYID DANG RTAGS CAN NYID THA DAD PAR 'GYUR, CHOS CAN DU GYUR PA RTAGS NYID DU 'OS PA MA YIN TE, CHOS RTOGS PA NYID LAS BSGRUB BYA RTOGS PA'I RJES SU 'GRO BA LA SOGS PA'I RJES SU 'BRANG BAR MI RIGS PA'I PHYIR RO, ,DE LAS GZHAN PA'I CHOS CAN MED PA'I PHYIR RO, ,JI LTAR GZHAN YOD PA'I BDAG NYID DE RTAGS SAM SPYI BSGRUB BYAR SBYAR BAR BYA, SGRA DANG BYAS PA NYID KYANG DON DAM PAR NA DE'I BDAG NYID YIN DU ZIN KYANG LDOG PA THA DAD PA'I RGYU MTSAN YOD PA NYID KYIS THA DAD DO, ,DES NA SGRA LA SOGS PA CHOS CAN DU RTOGS LA MI RTAGS PA LA SOGS PA YANG RTOGS PAR BYAS PA NYID LA SOGS PA DE BSGRUB BYAR 'GYUR BA NI RIGS SO, ,GAL TE SPYI DANG BYE BRAG TU BRTAGS NAS RTAGS DANG RTAGS CAN DU YANG 'GYUR RO SNYAM DU SEMS SO ZHE NA, GANG GIS NA ZHES BYA BA SMOS TE, 'DIR GZHAN YOD PA'I RANG BZHIN LA SPYI DANG BYE BRAG GI DNGOS POR BRTAG PA YANG MI SRID DE GANG GIS NA SPYI DANG KHYAD PAR DU BRTAGS NAS SPYI NI GTAN TSIGS SU 'GYUR LA KHYAD PAR NI CHOS CAN DU 'GYUR BA YIN, SPYI BSGRUB PAR BYA BA'I DE RTAGS DANG RTAGS CAN DU 'BREL PAR @298A *, ,'GYUR RO, ,GANG GIS NA MI SRID PA YIN ZHE NA, DE KHYAD PAR RTOGS BA KHO NAS ZHES BYA BA SMOS TE, BUM PAS DBEN PA'I PHYOGS KYI KHYAD PAR DE KHO NA DE MED PA STE BUM PA MED PAR RTOGS PA'I PHYIR DANG, GANG GI PHYIR KHYAD PAR KHO NA BUM PA MED PAR RTOGS PA'I RGYU MTSAN YIN PA DE'I PHYIR CI DE LA SPYIR RTOGS PAR BYED PA NI, GAL TE DE NYID KYI KHYAD PAR GZHAN LA 'JUG PAS SPYI'I NGO BOR RTOGS PAR 'GYUR RO ZHE NA, BUM PAS DBEN PA'I PHYOGS KYI KHYAD PAR DE YANG GZHAN RIGS MTHUN PA LA RJES SU 'GRO BA DANG RJES SU 'JUG PA MED PA'I PHYIR GANG LAS SPYI'I BDAG NYID DU 'GYUR, 'DI YUL DANG DUS DANG GNAS SKABS NGES PA'I BYE BRAG RNAMS NI GZHAN GYI RJES SU 'GRO BA MED PA'I PHYIR RO, ,'DI NYID KYI GTAN TSIGS LHAG PAR BSTAN PA NI DAM BCA' BA'I DON ZHES BYA BA LA SOGS PA SMOS TE, GANG GI TSE BUM PAS DBEN PA'I PHYOGS KYI KHYAD PAR GYI CHOS DE KHO NA GTAN TSIGS SU 'DOD PA DE'I TSE DAM BCA' DON CHOS DANG CHOS CAN GYI SPYI YIN LA DE'I PHYOGS GCIG CHOS CAN GYI MTSAN NYID GTAN TSIGS SU 'GYUR RO, ,DAM BCA' BA'I DON GYI PHYOGS GCIG LDOG PA YIN YANG THA DAD PAR NYAMS SU MA MYONG BAS GTAN TSIGS MA GRUB PA YIN NO, ,'ON TE DE DAG GI SKYON DU MA GYUR CIG SNYAM NAS BUM PAS DBEN PA'I PHYOGS KYI BYE BRAG GTAN TSIGS SU MI 'DOD NA BUM PAS DBEN PA'I BYE BRAG SPANGS PA'I PHYOGS TZAM YIN NO ZHE NA, GANG NA PHYOGS TZAM YOD PA DE LA BUM PA MED PA YANG MA YIN NO ZHES BYA BA SMOS TE, BUM PA DANG BCAS PA'I PHYOGS KYANG PHYOGS TZAM LA YOD PAS GTAN TSIGS MA NGES PAR 'GYUR RO, ,PHA ROL GYIS SPYI DANG BYE BRAG GI DNGOS BO DE LTA MA YIN PAR BSTAN PA NI DE DANG 'DRA BA CI 'DRA BA CI 'DRA BA'I BUM PAS DBEN PA 'BA' ZHIG PA 'DI'O, ,PHYOGS NI MDUN NA GNAS PA'O, ,DE DANG 'DRA BA'I PHYOGS THAMS CAD LA BUM PA MED PA KHO NA YIN PAS GANG GIS MA NGES PAR 'GYUR, RNAM PA DE LTA BU'I PHYOGS KYI BYE BRAG RTOGS PA NYID BUM PA MED PA RTOGS PA YIN PA DE'I PHYIR GZHAN YOD PA NA DE MED PA DAG RTAGS DANG RTAGS CAN DU MI 'THAD PA NYE BAR @298B BSTAN PA NI DE NI 'BA' ZHIG CES BYA BA LA SOGS PA SMOS TE, GANG 'BA' ZHIG BA NI 'DI PHYOGS KYI BYE BRAG GI CHOS CAN DU RNAM PAR GZHAG PA DE 'BA' ZHIG GANG YIN PA DE NI 'BA' ZHIG PA ZHES BYA BA KHYOD KYIS BYE BRAG TU BRJOD PA 'DIS BUM PA SPANGS PA 'DI NYID BUM PA MED PA YIN NO ZHES SMRAS PA YIN NO, ,DE YANG BUM PA SPANGS PA RTAGS SU GYUR PA 'BA' ZHIG PA'I PHYOGS RTOGS PA KHO NA'I TSE GRUB PA YIN GYI DUS PHYIS NI MA YIN NO, ,DE'I PHYIR RNAM PA GZHAN KHO NA'I SGO NAS DU BA LA SOGS PA'I ME BSGRUB PAR BYA BA YIN PA DES NA RTOGS PA LAS BSGRUB PAR BYA BA RTOGS PA YIN; RTAGS DANG RTAGS CAN NI 'GA' ZHIG KYANG YOD PA MA YIN TE, SHES PAR 'DOD PA LA BUM PA MED PA GRUB NA GANG 'GA' ZHIG NI SHES PAR MI 'DOD PA'I PHYIR RO, ,PHYOGS 'GA' ZHIG PA RTOGS PA NYID DANG, BUM PA SPANGS PA RTOGS PA GANG YIN PA 'DI DAG DUS PHYIS GANG DANG GANG PHYOGS 'BA' ZHIG PA DE DANG DE NI BUM PA SPANGS PA YIN NO ZHES BYA BA'I RJES SU 'GRO BA SMOS PA'I RJES SU 'BRANG BA DON MED DE BSGRUB PAR BYA BA DANG POR RTOGS PA'I PHYIR RO, ,GANG GI PHYIR DE LTAR DE LTA BAS NA GZHAN YOD PA 'BA' ZHIG SA PHYOGS KYI MTSAN NYID NI BSGRUB PAR BYA BA DANG SGRUB PAR BYED PA BYE BRAG MED PAS DNGOS PO MED PA SGRUB PA MA YIN PA DE LTAR NA SPYI BSGRUB PAR BYA BA DE YANG RTAGS DANG RTAGS CAN GYI 'BREL PA BSTAN PAS GZHAN GYI PHYOGS LA SOGS PA'I CHOS CAN GYI KHYAD PAR LA MED PA SGRUB PAR BYED PA'I PHYIR RO ZHES GANG BSHAD PA LA DE THA DAD PAR MA GRUB PA'I PHYIR SUN 'BYIN PAS BSAL BA YIN NO, ,YUL DANG YUL CAN DU GYUR PA'I 'BREL PA YANG BSAL BAS PHA ROL PO BSGRUB PAR BYA BA DANG SGRUB PAR BYED PA LA 'BREL PA GZHAN STON PA NI GAL TE 'GAL BA'I ZHES BYA BA SMOS SO, ,GZHAN YOD PA DANG DE MED PA DAG LA 'GAL BA'I 'BREL PA YOD PAR BSHAD PA DE'I 'BREL PA YOD PAS GZHAN YOD PA LAS DNGOS PO MED PAR GYUR PAR 'DOD CE NA, GRUB PA'I MTHA' SMRA BAS BSGRUB PAR BYA BA DANG SGRUB PAR BYED PA DAG LA 'GAL BA MI SRID PAS GANG ZHIG GANG DANG 'GAL ZHES GANG ZHIG @299A *, ,DRIS PA'O, ,SGRUB PAR BYED PA DANG BSGRUB PAR BYA BA DAG LA 'DIR 'GAL BA MI SRID DO ZHES BSAMS PA YIN NO, ,GZHAN 'GAL BAR MNGON PAR 'DOD PA MI SHES PAS STON PA NI GZHAN MED PA'I PHYOGS 'BA' ZHIG GI BDAG NYID DANG ZLA BO NI GANG MED PA'O; ,'JAL BAR 'DOD PAS BUM PA LA SOGS PA DE YIN NO ZHES PHA ROL POS DE LTAR SMRAS PA NI MA 'BREL PAR BRJOD PAR BSTAN PA NI CI ZHES BYA BA SMOS TE, ZLA BOR 'DOD PA'I BUM PA LA SOGS PA 'JAL BAR 'DOD PAR GANG GIS ZLA BO GZHAL BAR BYA BA NYID KYIS RTAGS DANG RTAGS CAN LA 'GAL BA'I 'BREL PA BRJOD PA NI MED DO, ,GAL TE ZLA BO 'JAL BAR BYED PAR 'DOD PA NI MA YIN TE 'ON KYANG DE MED PA YIN NO ZHE NA, DNGOS PO MED PA'I ZLA BO ZHES BYA BA SMOS TE BSGRUB PAR BYA BA'O, ,DE DANG GZHAN YOD PA DANG 'GAL BA MED PA NYID DO, ,GANG LAS SHE NA LHAN CIG GNAS PA'I PHYIR RO, ,ZLA BO DNGOS PO MED PA DANG GZHAN YOD PA DAG LHAN CIG GNAS PA'I PHYIR RO, ,'DI GANG GZHAN GYI 'DOD PA LA LTOS NAS BRJOD PA YIN GYI DE LTA MA YIN NA GANG KHO NA'I PHYOGS 'BA' ZHIG DE KHO NA BUM PA MED PA YIN NO ZHES BSTAN PAS GANG ZHIG GANG DANG LHAN CIG GNAS PA YIN TE, DE LA GZHAN YOD PA DANG LHAN CIG GNAS PA'I DE MED PA'I GZHAL BAR BYA BA LA RTAGS DANG RTAGS CAN DAG JI LTAR 'GAL BA YIN, RNAM PA 'GA' ZHIG KYANG MA YIN NO ZHES BYA'O, ,'BREL PA MED PA NYID DE DAG YIN PA'I PHYIR RO, ,'DIR YANG 'GAL BA'I 'BREL PA LA LTOS NAS GZHAN YOD PA NI RTAGS YIN PA'I PHYIR, GZHAN PA'I CHOS CAN MI SRID PAS SPYI MED PA SGRUB PAR BYED PA'I GNAS SKABS LA GANG SNGAR GYI SKYON DE DANG DER BYUNG BA SO NA 'DUG STE YONGS SU SPANGS PA MED DO, ,'DI LTAR PHA ROL GYIS 'BREL PA MED PAR RNAM PAR GZHAG PA'I GZHAN YOD PAR RTOGS PAS DE MED PA'I RTOG PA GRUB PA'I MTHA' LA MI SRID PAR GZHAN GYIS BSTAN PA NI MED PA DANG ZHES BYA BA LA SOGS PA SMOS TE, GZHAN YOD PAR RTOGS PA NYID LAS DE MED PAR RTOGS PA'I PHYIR RTAGS DANG RTAGS CAN GYI @299B DNGOS PO RNAM PAR 'BYED PA NI GANG DANG GANG GZHAN YOD PAR RTOGS PA LAS DE MED PAR RTOGS PAR SNGAR BSHAD PA DE YANG GZHAN YOD PAS DE MED PA DAG LA 'BREL PA YOD PAR GYUR NA YIN GYI, RTAGS DANG RTAGS CAN 'BA' ZHIG PAS NI MA YIN NO, ,DE'I PHYIR KHYED KYIS GDON MI ZA BA DE DAG LA 'BREL PA 'GA' ZHIG 'DOD PAR BYA DGOS NA DE NYID KHO BO YANG 'DOD PA YIN NO ZHE NA, GRUB PA'I MTHA' SMRA BAS 'BREL PA ZHES BYA BA SMOS TE, 'BREL PA GANG LAS CUNG ZAD CIG 'BREL PA LA BRTEN PA GZHAN YOD PAS DE MED PA SHES PAR BYED PAR MI 'DOD KYI, 'ON KYANG KHO BO NI GZHAN PHYOGS 'BA' ZHIG YOD PA KHO NA DE GZHAN BUM PA LA SOGS PA MED PA YIN NO, ,GZHAN YOD PA LAS GZHAN DU GYUR PA CI YANG MA YIN PA'I NGO BO YIN PA'I PHYIR ZHES SNGAR 'DI DAG BSHAD ZIN TO, ,GZHAN YOD PA LA YANG DE MED PA YIN NO ZHES THA SNYAD BTAGS PA NI 'DIR RIGS PA CAN SUN 'BYIN PA YIN NO, ,GANG GI TSE DE LTA YIN PA DE'I TSE DE GZHAN YOD BA DANG GZHAN BUM PA LA SOGS PA DANG MA 'DRES PA NI LHAN CIG PA'I NGO BO GANG YIN PA DE LTAR NI MA YIN NO, ,GZHAN MA YIN PA DANG 'DRE BA'I NGO BO 'DI DAG NYID STON PA NI 'BA' ZHIG PA ZHES BYA BA NI NYI TSE BA NYID DU BRJOD DO, ,BDAG NYID KYI RANG BZHIN DU RNAM PAR GNAS PA YIN TE DE'I BDAG NYID GZHAN DANG LHAN CIG PA MA YIN PA'I BDAG NYID DU'O, ,DE'I NUS PA LAS BYUNG BA DE'I NGO BO NYID DU RJES SU BYED PA'I MNGON SUM GYIS YONGS SU GCOD PA DE NYID GZHAN BUM PA LA SOGS PA DE LA YOD PA RNAM PAR GCOD DO, ,RNAM PAR MI GCOD PAR MED PA RTOGS PA YIN NA NI GANG GIS NA GZHAN YOD PAS DE MED PA DAG GO BAR BYA BA DANG GO BAR BYED PA'I DNGOS PO YIN, GANG GI PHYIR DE DAG 'BREL PA YIN PAR KHO BO 'DOD DO, GZHON NU MA LEN GYIS BSAM PA YOD PA'I CHA LAS THA DAD PA 'DI NYID MED PA'I CHA YIN PA DE'I PHYIR GZHAN YOD PA DE MED PA MA YIN PA JI LTAR DE RTOGS PA YIN, 'DI LTAR 'DI MED PA DANG, SNGA NA MED PA LA SOGS PA THA DAD PAS THA DAD PA NI DNGOS PO MED PA LAS THA DAD PA MI SRID PAS 'DI DNGOS PO'I NGO BO NYID YIN NO, ,JI SKAD DU @300A *, ,DNGOS PO MED LA 'DI MI 'GYUR, ,THA DAD DES NA 'DI DNGOS YIN, ,ZHES SMRAS SO, ,DNGOS PO'I CHA NI DNGOS PO MED PA'I CHAR MI RUNG NGO, ,DE DBANG PO DANG LDAN PA'I 'BREL PA'I STOBS KYIS RTOGS KYI, CIG SHOS RTOGS PA YANG DE DANG 'BREL PA'I RGYU MED PA'I PHYIR RO, ,DE SKAD DU, 'BREL DE YOD PAS DE BZHIN DU, ,YOD PA'I NGO BOR RTOGS PA YIN, ,'DI LA 'DI DANG 'DIR DE MED, ,'BREL MED PA YI RGYU CAN YIN, ,ZHES BSHAD DO, ,DE JI LTAR DE RTOGS PA NYID LAS GZHAN RNAM PAR GCOD PA YIN ZHE NA, DE SUN DBYUNG BA'I PHYIR DE LAS GZHAN PA RTOGS PA ZHES BYA BA SMOS TE, PHYOGS 'BA' ZHIG PA'I BDAG NYID GCIG PU LHAN CIG PA MED PA DE NYID GZHAN ZLA BO BUM PA LA SOGS PA MA TSANG BA MED PA YIN NO ZHES BYA'O, ,DE'I PHYIR GZHAN GYI YOD PA KHO NA LA KHYOD DNGOS PO'I CHA'I NGO BOR MNGON PAR 'DOD PA'I ZLA BO DNGOS PO MED PA NI DE MA YIN TE THA DAD PAR GYUR PA'I CHOS GZHAN YIN NO ZHES BRJOD DO, ,BDE BAR GSHEGS PA'I SRAS RNAMS NI DE LAS KYANG DE RTOGS PA NYID DE DE LAS GZHAN PA YOD PA RTOGS PA NYID DA MED PAR RTOGS PA YIN NO, ,DE MI RTOGS PA NI DE'I ZLA BO MI RTOGS PA STE, MED PA MI RTOGS SO ZHES BYA BA'I DON TO, ,'DI SNYAM DU SEMS TE, GANG DANG GANG MED PA'I CHA DANG YOD PA'I CHA DAG THA DAD PAR GYUR PA'I DNGOS PO MED PA'I CHOS SU YONGS SU BRTAGS PA LA BUM PA DANG BCAS PA LA SOGS PA MED PA'I BDAG NYID DE'I NGO BO NI MA TSANG BA NYID NYAMS SU MYONG BA'I GZHAN DU NI MA YIN NO, ,DE YANG DE'I NGO BO MA TSANG BA GZHAN PA'I DNGOS PO'I YOD PA'I CHA LA YANG YOD NA DE MED PA YIN TE DE LAS GZHAN PA'I DNGOS PO 'DOR BAR 'GYUR BAS GANG DANG GANG GI NGO BO MA TSANG BA MA YIN PA DE DANG DE NI GZHAN PA NYID DU RIGS PAR MI 'GYUR TE DPER NA RANG GI NGO BO BZHIN NO, , MED PA'I CHA YANG DER MI 'GRUB PAS SNA TSOGS PA THAMS CAD KYANG RDZAS GCIG TU THAL BAR 'GYUR BA DANG, DES NA LHAN CIG TU SKYE BA LA SOGS PA THAL BAR 'GYUR BA DANG, THAMS CAD THAMS CAD LA SBYOR BAR 'GYUR BA'I PHYIR GDON MI ZA BAR GZHAN PA'I DNGOS PO YOD PA'I NGO BO NYID @300B DE GZHAN MED PA'I BDAG NYID KHO NA YIN PA DE BZHIN DU RTOGS PA NYID DE, DE LAS GZHAN PA'I YOD PA RTOGS PA NI DBANG PO DANG 'BREL PA KHO NAS YIN LA DE MED PA NI MA 'BREL PA LAS SO ZHES BYA BAS CI ZHIG BRJOD CE NA, 'DI LA 'DI DANG 'DIR DE MED DE, RGYU DANG 'BREL PA MED PA YIN ZHES BYA BA RNAM PAR RTOG PA LA LTOS NAS BRJOD PA YIN NO ZHE NA NI DE DANG DE LA GNOD PA MED DE MNGON SUM GYIS DE'I RNAM PAR SKYES NAS GZHAN MED PA DE'I BDAG NYID KYI DNGOS PO'I NGO BOR RTOGS PA'I PHYI NAS JI LTAR 'DZIN PA'I MNGON PAR BRJOD PA'I RNAM PAR RTOG PA KHAS BLANGS PA'I PHYIR RO, ,RGYAS PAR TSAD MA GNYIS SU BSGRUB PA'I GZHUNG GI DNGOS PO MED PA RNAM PAR DPYAD PA DE DNGOS PO MED PA'I GZHAL BYA DANG TSAD MA RNAM PAR DPYAD PA BYAS ZIN PAS DE NYID DU BLTA BAR BYA'O, ,GDON MI ZA BAR DE LAS GZHAN YOD PAR RTOGS PA NYID DE MED PAR RTOGS PA YIN PA DE'I PHYIR DNGOS PO MA 'KHRUL PA SGRUB PA'I DON DANG 'DI LA 'DI MED DO ZHES BYA BA MED PA'I THA SNYAD KYI DON DU MED PA'I TSAD MA BRTAG PA NI MI RIGS PA YIN NO ZHES BSTAN PA NI DE LTA MA YIN NA ZHES BYA BA SMOS TE, GANG GI TSE DE RTOGS PA NYID DE MED PAR RTOGS PAR MI 'DOD PA DE'I TSE DE LAS GZHAN PA'I DNGOS PO'I RANG GI NGO BO YONGS SU DE LAS GZHAN PA DE MA YIN PA'I NGO BO RNAM PAR GCOD PAS DE DNGOS PO MED PAR RTOGS PA MI SEL NA DE YONGS SU GCOD PA NYID DU MI 'GYUR TE DE LAS GZHAN PA'I DNGOS PO'I RANG GI NGO BO RTOGS PA NYID DU MI 'GYUR RO, ,CI'I PHYIR ZHE NA, DE DANG DE MA YIN PA'I NGO BO NI DE DANG DE LAS GZHAN PA'I NGO BOR RTOGS PAR NGES SO, ,KHAMS GSUM PO MA LUS PA'I MTSAN NYID MI MTHUN PA GANG YIN PA DE MA YIN PA'I NGO BO DE'I NGO BOR MI 'GYUR TE, GZHAN GYI NGO BO DE DAG RNAM PAR MA PHYE BA'I PHYIR RO, ,RNAM PAR MA PHYE BAS RNAM PAR DBYE BA RNAM PAR MA BZHAG PA'I PHYIR RO, ,MA 'CHOL BA RAB TU MA BSGRUB PA'I PHYIR GZHAN MA LUS PA'I NGO BO MI 'CHOL BA DE'I NGO BO'O, ,GAL TE DE DANG DE LAS BYUNG BA'I MNGON SUM GYIS DE BZHIN DU RJES SU MI BYED DE 'BA' ZHIG BA LAS GROL BA'I RNAM PA NYID SKYES NA NI DE'I @301A *, ,TSE JI LTAR DES DE YONGS SU GCOD PAR 'GYUR, GANG GI NGO BO'AM GANG GI DNGOS PO DE'I RJES SU MI BYED PA'I SHES PAS DE YONGS SU GCOD PAR MI RIGS TE, DPER NA DUNG DKAR PO'I RJES SU MI BYED PAS MIG SER GYIS DUNG SER POR SNANG BA'I SHES PA BZHIN NO, , SO SOR NGES PA'I RJES SU BYED PA NA DE MA YIN PA YONGS SU GCOD PA NYID JI LTAR GZHAN RNAM PAR MI GCOD PA YIN, DES NA SO SOR NGES PA DE'I NGO BO DE'I RJES SU MI BYED NA, DE LAS GZHAN PA RNAM PAR MI GCOD DE DE LTA NA YANG DE YONGS SU GCOD PA MED DO ZHES BYA'O, ,DO LTAR YIN NA DE LAS NYES PA CI ZHIG TU 'GYUR ZHE NA, LA LAR 'GA' ZHIG CES BYA BA SMOS TE, SKYE BO THAMS CAD KYIS RTOGS PA'I ME LA SOGS PA 'GA' ZHIG GI DNGOS PO YUL LA LAR MTHONG NAS DE DANG 'BREL PA THOB PA'I PHYIR DANG MTHONG BA DES MA MTHONG BA YONGS SU SPANGS PA'I PHYIR 'JUG PA DANG LDOG PA'I MTSAN NYID DU MI 'GYUR TE, CI'I PHYIR ZHE NA, NI ZHES BYA BA GANG GI PHYIR TE, ME NI MTHONG YANG 'DI RTOGS PAS DE DANG DE MA YIN PA'I NGO BO 'DRES PAR SNANG BA NI MNGON SUM GYIS SO, ,DE LTA MA YIN NA MTHONG BA'I NGO BO NYAMS PAR 'GYUR RO, ,DE LTA NA MA 'DRES PA'I NGO BO MA MTHONG NA 'DRES PA YANG GAL TE MI MTHONG BAS DE'I TSE BONG BA LA SOGS PA'I RNAM PA LTA BU 'GA' ZHIG GIS 'DI DAG JI LTAR MTHONG BAR 'GYUR, DE LTAR GYUR PA DE NI 'DRES PAR MTHONG BA DANG LDAN PA'I ME NYID MTHONG BA NA CHU LA SOGS PA NI MA YIN PAR RTOGS SO, ,'ON KYANG 'DRES PA'I NGO BOS DNGOS POR SNANG BA'I SHES PA DES JI LTAR CHU DON DU GNYER BA ME'I YUL DE LA 'JUG PAR MI 'GYUR, RANG GZHAN GYI TSIG GIS DOGS PA'I GO SKABS NI GAL TE MI DMIGS PAS ZHES BYA BA LA SOGS PA SMOS TE, MI SNANG BA'I SHES PA LA ME'I RANG GI NGO BO NYID RTOGS KYI CHU MED PA GANG YIN PA DE NI CHU DE LA MI DMIGS PA'I SHES PA YIN PA DES NA SHES PA GNYIS DE DANG DE MA YIN PA'I NGO BO DAG RNAM PAR 'BYED PAS 'JIG RTEN PA 'JUG PA DANG LDOG PA'I MTSAN NYID SO SOR NGES PA'I THA SNYAD GRUB PA YIN NO ZHE NA, GRUB PA'I MTHA' SMRA BAS MI DMIGS PA @301B ZHES BYA BA 'DI CI ZHIG CES BYA BA SMOS SO, ,GZHAN GYIS SMRAS BA RES 'GA' ZHIG CHU DMIGS PA SPANGS PA TZAM YIN NO SNYAM NAS GAL TE CHU'I DMIGS PA ZHES BYA BA LA SOGS PA SMOS TE, GZHON NU MA LEN GYIS CHU'I DMIGS PA LDOG PA TZAM CI YANG MA YIN PA'I NGO BO DNGOS PO MED PA'I TSAD MA NI MNGON PAR 'DOD KYI, MNGON SUM LA SOGS PA MA SKYES PAS TSAD MA DNGOS PO MED PAR BRJOD CES BYA BA 'AM, DE'I BDAG NYID YONGS SU MA GYUR PA'AM RNAM PAR SHES PA MED PA STE DNGOS PO GZHAN DU BRJOD DO, ,'ON KYANG DE'I BDAG NYID BKAG PA'I DNGOS PO GANG SNANG BA'I SHES PA'I BDAG NYID YONGS SU MA GYUR PA DE DANG DE LAS GZHAN PA'I DNGOS PO SNANG BA'I SHES PA DANG LHAN CIG TU RGYU BAR KHAS BLANG BAR BYA STE 'BA' ZHIG NI MA YIN NO ZHES GZHAN GYIS KHAS BLANG BA'I CHED DU 'DI NYE BAR DGOD DO, ,DE LTA NA YANG GZHAN PA'I DNGOS PO RNAM PAR SHES PA NYID DNGOS PO MED PA'I TSAD MA YIN PA BLA'I, CI TSAD MA MED PA'I BDAG NYID YONGS SU MA GYUR PAR BSHAD PA'I CHOS YONGS SU BRTAGS NA NI DE LAS GZHAN PA'I DNGOS PO RNAM PAR SHES PA YONGS SU GYUR PA LAS GZHAN PA NYID YONGS SU MA GYUR PA NI MA YIN TE, KHYED DNGOS PO LAS GZHAN PA NYID KYI DNGOS PO MED PAR KHAS BLANGS PA'I PHYIR RO, ,NUS PA MTSUNGS PA'I NGO BO SHES PA GCIG LA TSOGS PA NI GZHAN PA'I DNGOS PO RNAM PAR SHES PA RNAMS SO, ,DE BZHIN THABS GZHAN MED PAS DE SHES PA LAS GZHAN ZLA BO MED PAR GRUB PA YIN GYI GZUGS SHES PAS, RO LA SOGS PA MED PAR RTOGS PA'AM SHIN TU YUL LA SOGS PAS BSKAL PA NI RIGS PA MA YIN NO, ,GZHAN PA'I DNGOS PO RNAM PAR SHES PA SO SOR NGES PA'I NGO BO SO SOR SNANG BA NYID LAS DNGOS PO GZHAN DU SNANG BA DE CHU LA SOGS PA DMIGS PA MED PA KHO NAR MI 'GRUB KYI, DE LTAR ZLA BO MED PA NI MNGON SUM GYIS NGES PA NYID DO, ,DE MED PA'I THA SNYAD DU KHO BO CAG MNGON PAR 'DOD PAS MI DMIGS PA LAS 'ONGS PA MA YIN NO ZHES BSTAN PA 'DIS NYE BAR DGOD DO, ,DE LA GANG GI TSE CHU DMIGS SU MED PA CI YANG MA YIN PA'I NGO BO MI @302A *, ,DMIGS PA YIN PA DE'I TSE MED PA DE JI LTAR 'GA' ZHIG GIS RTOGS PA YONGS SU GCOD PA YIN, JI SRID DU YONGS SU GCOD PA NI SHES PA'I CHOS YIN PA'I PHYIR RO, ,YANG NA DE RTOGS PA'I NGO BOR MI 'DOD KYI 'ON KYANG DE'I PHYIR RGYUR YOD PA YIN NO ZHE NA, RTOGS PA'I RGYU 'AM ZHES BYA BA SMOS TE, NUS PA THAMS CAD KYIS STONG PA'I MTSAN NYID KYI DNGOS PO MED PA NI RTOGS PA'AM RTOGS PA'I RGYUR YOD PAR MI RIGS SO, ,CHU'I DNGOS PO NYID YIN NA LHAN CIG BYED PA LA DE LTOS PA MED PA'I PHYIR DE RTAG TU SHES PA SKYED PAS DNGOS PO MED PA'I SHES PA GCIG PU KHO NA RTOGS PAR 'GYUR TE, SHES PA GZHAN GYI GO SKABS MED PAR 'GYUR RO, ,SHES PA MED PA NI MED PA NYID SHES PAR RIGS SO ZHE NA, DE YANG ZHES BYA BA SMOS TE CHU DMIGS PA MED PAR JI LTAR RTOGS, YANG NA CHU 'DI DMIGS PA MED PA NI DE 'DIR RTOGS PA MED PA KHO NA CHU MED PAR RTOGS PA DE'I TSE RES 'GA' SKYE BA YIN NO, ,DE SKAD DU YANG DE'I CHU DMIGS SU MED PA'AM DE LA CHU LAS GZHAN PA ME LA SOGS PA'I RNAM PAR SHES PA GZHAN PA'I DNGOS PO YIN NO ZHES BSHAD DO, ,DES NA BDAG NYID YONGS SU MA GYUR PA NI THA DAD PA RNAM PAR GZHAG PA'AM DE LA YANG DE KHAS LEN PAS NA BDAG NYID YONGS SU GYUR PA DE'I BDAG NYID YIN PA'I PHYIR DE LAS THA DAD PAR RNAM PAR GZHAG PAR MI BYA'O, ,DE YANG DE'AM GZHAN PA YANG RUNG RES 'GA' ZHIG KYANG RTOGS PA MED KYANG GANG GI TSE CHU LA SOGS PA DNGOS PO MED PAR RTOGS NA DE'I TSE GNYID LOG PA LA SOGS PA'I GNAS SKABS NA YANG GNYID LOG KYANG CHU LA SOGS PA DNGOS PO MED PA CIS NA MI RTOGS, DES KYANG DE MED PAR RTOGS PAR 'GYUR RO ZHES TSAD MA RNAM PAR NGES BAS DE RNAM PAR DPYAD PAS DE NYID DU BLTA BAR BYA'O, , BAR DU CHOD PA LA SOGS PA SMOS PA NI 'DI DAG BSTAN PA YIN TE, GZHAN PA'I DNGOS PO YANG GZHAN PA NYID DANG MTSUNGS PAR RUNG BA'I NGO BO LA LTOS PAR KHAS MA BLANGS SO, ,DE LTAR NA KHO BO CAG GIS NYE BAR BRJOD PA MI DMIGS PA GRUB PAS SO, ,GANG GI TSE JI SKAD DU BSHAD PA'I @302B MI DMIGS PA'I RNAM PAS CHU MED PAR RTOGS PA LA MI SBYOR BA DANG MER SNANG BA'I SHES PA SO SOR NGES PA'I RNAM PA KHAS BLANG BAR MI BYA'O, ,DE LTA BAS NA 'DIS ME MTHONG BAR RTOGS PA NA ME MTHONG YANG SHES PA LA 'DRES PA'I NGO BOR SNANG BAS, 'DI NA ME YIN GYI CHU MA YIN NO ZHES MI NGES PAS MI SHES PA'O, ,CHU RANG GI NGO BOR SNANG YANG DE DON DU GNYER BA NI 'DUG PA LA 'JUG PAR MI BYA, 'GRO BAR MI BYA BA NI CHU DON DU GNYER BA LA 'JUG PAR MI BYA BA'O, ,DE LTAR NA CHU ZHES BRJOD PA GANG YIN PAS GDUNG BA BGROD PAR DKA' BA STE, DE'AM GZHAN PA'I NGO BO MA LUS PA MA 'DRES PA SO SOR NGES PA'I RNAM PAR SHES PA LA SNANG BA YIN NA 'DI'AM GZHAN PA NYID 'DREN MA'I NGO BOR YANG CIS NA SNANG BAR 'GYUR, DES KYANG 'JUG PA DANG LDOG PA DAG 'GAL BAS CIG CAR NYAMS SU BLANG BAR MI NUS PA'I PHYIR RO, ,RGOL BAR DKA' BA NI NYON MONGS SHING RTOGS PAR 'GYUR BA'O, ,'DIR GZHAN GYI DOGS PA SMRA BA'I GO SKABS NI GAL TE GCIG MTHONG BA ZHES BYA BA LA SOGS PA SMOS TE, KHO BO NI CHU LA DMIGS PA LDOG PA TZAM CI YANG MA YIN PA'I NGO BO DE MED PAR RTOGS PA NI MI BRJOD DO, ,JI SKAD BSHAD PA'I SKYON DU THAL BAR 'GYUR BAS SO, ,'ON KYANG 'DI GCIG PU 'BA' ZHIG PA'I ME MTHONG BA GANG YIN PA DE NYID LAS GZHAN PA YIN TE DE LA CHU SNANG BA MED PAR RTOGS PAR 'GYUR BA'AM RNAM PAR SHES PA LA GZHAN PA'I DNGOS POR BRJOD DO, ,GRUB PA'I MTHA' SMRA BAS JI LTAR GCIG MTHONG BAS ZHES BYA BA LA SOGS PA SMOS TE, CI DE GCIG MTHONG BA'I SHUGS KYIS KYANG GZHAN MED PAR RTOGS PAR 'GYUR RAM, DE LTA NA MTHONG BA DE'I TSE DE NYID YOD DO ZHES KHONG DU CHUD PAR 'GYUR LA, DE LAS GZHAN MED DO ZHES CIS NA NGES PAR 'GYUR BA YIN, ME LA SOGS PA 'BA' ZHIG PA DE NYID YONGS SU MTHONG BA NA CHU DANG MA 'DRES PAR MTHONG BAS ME SHES PA LA SO SOR SNANG BA NA CHU MED DO ZHES SHES PA SKYE BA YIN NO, ,DE LTA NA ME BZHIN DU CHU YANG GANG GIS DE LAS 'BYUNG BAR 'GYUR BA DE'I TSE ME BZHIN DU DE MTHONG BA'I SHES PA LA SNANG BAR 'GYUR RO, ,DE DAG GI RANG GI SHES PA KHYAD @303A *, ,PAR CAN YIN PA'I PHYIR, GCIG SNANG BAR RUNG BA YIN PAR RIGS SO, ,DE'I PHYIR GCIG SNANG BA GZHAN MED PA NI MI 'BYUNG BA YIN PA'I PHYIR, GZHAN PA'I YOD PA'I SHES PA SKYE BA NA GZHAN PA'I DNGOS PO'I RNAM PAR SHES PA MED DO,, ZHES BYA BA'I SHES PA SKYE BA'O, ,GZHAN GYI DNGOS PO DE YANG GZHAN DANG MA 'DRES PA'I RANG BZHIN DE NYID KYIS DE MED PAR RNAM PAR RTOG PA'I RGYU YIN NO ZHE NA, GRUB PA'I MTHA' SMRA BAS 'DI NYID CES BYA BA LA SOGS PA SMOS TE, 'ON TE KHO BO CAG GIS 'DI DAG KYANG DE DAG YOD PA NA GCIG GI NGO BOR NGES PA RTOGS PA MI SRID PA MA YIN NO ZHES BYA BA LA SOGS PA'I TSIG GIS SNGAR BSHAD ZIN TO, ,DE'I PHYIR GZHAN DANG MA 'DRES PA 'BA' ZHIG PA SNANG BA GANG YIN PA DE LAS GZHAN MED PA YANG YIN NO, ,DE NYID 'BA' ZHIG DE LAS GZHAN MED PA'I BDAG NYID YIN PA'I PHYIR RAM GZHAN MED PA'I CHA NI SUN PHYUNG BA'I PHYIR DANG, DE NI MNGON SUM LA SNANG BA'I PHYIR DE MED PA NI DE'I STOBS KYIS PHYIS THA SNYAD 'JUG PAR BYED DE GZUGS MED PA NYID KYI RNAM PAR RTOG PA'I SHES PA SKYE BA YIN NO, ,DES MA RTOGS NA CUNG ZAD CIG KYANG GO BAR BYA BAR MI 'GYUR TE, GANG GI PHYIR DE GZHAN GYI DNGOS PO RNAM PAR SHES PA NI MNGON SUM GYI BDAG NYID KYIS KYANG MI RTOGS KYI DE LAS GZHAN MED PA'I SHES PA SKYE BAS DNGOS PO MED PA'I TSAD MA LOGS SHIG TU RNAM PAR MI GZHAG GO, ,DE LTA NA DE GZHAN GYI RNAM PAR STONG PA MYONG BA KHO NA LAS DE MED PAR RIG GO, ,RNAM PAR RTOG PA'I SHES PA YANG DE'I RNAM PAS STONG BA'I NGO BOR RIGS PAS DE LAS GZHAN MED PAR RIG PA NI MED DE, 'BA' ZHIG PA 'DI RNAM PAR RTOG PAS 'BYED DO, ,DE'I PHYIR 'DI LTAR RTOG PA MED PA'I SHES PA BZHIN DU LA LAR MED PAR NGES PA NA 'DI NA ME YOD CES PHYIS NAS RNAM PAR RTOG PA'I SHES PAS, THA SNYAD RAB TU 'JUG PA TZAM DE LAS THA DAD PA'I TSAD MA NI MED PAR SNGAR JI SKAD BSHAD PA DE BZHIN DU MED PA'I SHES PA YANG RNAM PAR RTOG PA DE'I 'BRAS BU'I SGO NAS GZHAN PA'I DNGOS PO RNAM PAR SHES PA'I MNGON SUM LAS @303B DNGOS PO MED PAR GRAGS PA'I TSAD MA THA DAD PA MED PA'I PHYIR RO, ,DE'I PHYIR KHO BO CAG GIS BSHAD PA'I DE LAS GZHAN MED PAR RTOGS PA GANG YIN PA DE NYID KHYED KYIS KYANG BSTAN NA CI'I PHYIR MA RANGS PAR STON, GANG GI PHYIR DNGOS PO MED PA'I TSAD MAR BSHAD PA THA DAD PA NI KHAS MI LEN PAS KHAS LEN PA LA BZHAD GAD STON PA YIN NO, ,DE LTA NA KHYED KYIS DA LTAR THABS ZAD PAS GZU BOR GNAS PAR BRJOD PA YIN GYI DE LTA MA YIN NA 'DI SNGAR YANG CIS NA MI BRJOD, CAL COL DU BRJOD PAS BDAG DANG GZHAN NYON MONGS PA YIN NO ZHES MJUG BSDU BA NI DE LTA BAS NA 'GRAM MA MTHONG BA'I BYA BZHIN DU ZHES BYA BA LA SOGS PA SMOS TE, DPER NA GRUR ZHUGS PA'I TSONG PA RNAMS KYIS BYA BA BKROL NAS KYANG 'GRAM MTHONG BA YIN NA DE GANG GI TSE 'GRAM DU GNAS LA, MTHA' MA RNYED PA DE'I TSE NI GRU NYID DU PHYIR 'ONG BA DE BZHIN DU 'DI LA YANG BLTA BAR BYA STE, GANG GIS KYANG GDON MI ZA BAR KHAS BLANG BAR BYA BA GANG DANG GANG GI PHYOGS YIN PA DE BAS NA MA RIG PA'I GTING MI TSUGS PA CAN GYI PHYOGS BSGRUBS PA 'DI LA CUNG ZAD CIG KYANG DGOS PA MED DO, ,DE LTAR NA GZHAN GYI GZHAN YOD PA DE MED PA DAG RTAGS DANG RTAGS CAN GYI DNGOS POR 'DOD PA LA 'BREL PA MED PAS 'DI RIGS PA MA YIN NO, ,GZHAN GYIS BSTAN PA 'BREL PA MED PAS GZHAN YOD PAR RTOGS PAS KYANG MED PAR RTOGS PAR MI 'GYUR RO ZHES RTZOD PA NI 'DIR 'BREL PA LA SOGS PA 'GA' ZHIG GIS BYAS PA MED KYI, DE LAS GZHAN PA KHO NA DE MED PA YIN TE, GZHAN MED PAR RTOGS PA NYID KYIS DE MED PAR RTOGS PA'I PHYIR RO ZHES RAB TU BSGRUBS SO, ,GZHON NU MA LEN GYIS YONGS SU BRTAGS PA'I DNGOS PO MED PA'I DON 'GA' ZHIG DANG DNGOS PO MED PA'I TSAD MAS RTZOD PA NI ZHAR LA SUN PHYUNG NAS DA LTAR NI DNGOS PO 'KHRUL PA GRUB PA NI DE'I TSAD MA YANG RTEN CES BYA BA 'DI DAG DNGOS SU GSAL BAR BYED PAS PHYOGS SNGA MA KUN NAS BSLANG BA NI GAL TE DE LTAR GCIG YONGS SU BCAD PA ZHES BYA BA LA SOGS PA SMOS TE, GANG GI TSE GCIG PU 'BA' ZHIG YONGS SU BCAD PAS GZHAN RNAM PAR BCAD PA 'GRUB, DE'I TSE KHYAD @304A *, ,PAR GZHAN THAMS CAD KYI YUL GANG YIN PA DE LA 'DI GCIG TU MTHONG BA DE LA MED PAR 'GRUB PAR 'GYUR BAS, KHYAD PAR 'DZIN PAR MTSUNGS PAR RANG GI SHES PA SKYED PAR RUNG BA'I GNAS SKABS GANG YIN PA DE NYID DE, DPER NA 'DI DANG MTSUNGS PAR RUNG BA'I NGO BO'I DON GYIS DBEN PA'I NGO BO DMIGS PA DE LAS GCIG TU NGES PA'I RNAM PA CAN GYI SHES PA YIN PA DE BZHIN DU DE DANG MTSUNGS PA MA YIN PA'I NGO BO'I DON GYIS DBEN PA'I BDAG NYID LA YANG YIN NO, ,DES KYANG DES DBEN PA'I RNAM PAS, DE LAS GZHAN YOD PA SGRUB PAR BYED PA KHYAD PAR MED PAS SA PHYOGS KYI NGO BO SHES PA'I BUM PA MED PA BZHIN DU RO LA SOGS PA MED PA YANG SGRUB PAR BYED PAS BUM PA MED PA YANG MA YIN NO, ,GZHAN YANG GANG DMIGS PA'I RIG BYAR GYUR PA LAS MI DMIGS PAS MED PA SGRUB PAR BYED PA'I KHYAD PAR BSHAD PA YANG BRJOD MI DGOS SO, ,CI'I PHYIR ZHE NA, GANG DANG GANG DMIGS PA'I RIG BYAR MA GYUR PA DE DAG KYANG YUL DE DANG DE DAG LA RNAM PA GCIG PA'I SHES PAS RNAM PAR GCOD PAR 'GYUR BA NYID DO, ,DE BZHIN DU JI LTA BA'I DMIGS PA'I RIG BYAR GYUR PA DE'I RNAM PA GCIG PA'I SHES PA LA SNANG BA DES KYANG RNAM PAR GCOD PA YIN NO, ,DE BZHIN DU DMIGS PA'I RIG BYAR MA GYUR PA'I MTSAN NYID LA YANG YIN NA, CI DMIGS PA'I RIG BYAR GYUR PA'I KHYAD PAR 'DIS YIN NAM ZHES BYA BA DE LTA NA YANG PHYOGS SNGA MA RNAM PAR BZHAG NAS, GAL TE DE LAS GZHAN PA RNAM PAR GCOD PA DES THA DAD PAR BYED PA RNAMS GZHAN GYIS RNAM PAR GZHAG PA MNGON PAR 'DOD PA DE KHAS BLANG BAR BYA BA KHO NA'O, ,'ON TE DE'I YUL DANG DUS DAG TU MED PA DE MI RIGS SO, ,GANG GIS NUS PA MTSUNGS PAR RUNG BA'I NGO BO DMIGS PA'I RIG BYAR GYUR BA LAS KYANG MED PA SGRUB PAR BYED PA YIN LA DE DANG NUS PA MI MTSUNGS PAR RUNG BA'I NGO BO DMIGS PA'I RIG BYAR MA GYUR PA LA MI SRID PA MA YIN NO, ,DE DAG YOD PA LA GCIG TU NGES PAR RTOGS PA MI SRID PA MA YIN PAS DE LTAR DE MED PA SGRUB @304B BAR BYED DO, ,'DI DAG GZHAN LA YOD PA MA YIN PAS, RTOGS PAR BYED PAS BDAG NYID GCIG YONGS SU BCAD PAS ZHES BYA BA LA SOGS PA NYE BAR BSTAN TO, ,GANG DE'I MDUN NA GNAS PA MNGON SUM LA SNANG BA YIN TE, DE'I GCIG GI BDAG NYID DU NGES PA DE'I NGO BO YONGS SU BCAD PAS DE'I RNAM PAS BSKYED PA'I SGRUB PA'I RNAM PAR RTOG PA SKYE'O, ,DE LAS GZHAN NI DE DAG LAS GZHAN TE DE LAS THA DAD PA DE THAMS CAD DO, ,GANG BDAG GI NGO BO DE LAS RNAM PAR GCOD PA THA DAD PA DANG, LOGS SHIG TU BYED PA DANG GZHAN PA NYID KYIS SGRUB PAR BYED PAS MA 'DRES PA'I NGO BO'I SHES PA RNAMS SU 'GYUR RO, ,YANG JI LTAR GCIG GI BDAG NYID YONGS SU GCAD PAS GZHAN PA'I BDAG NYID RNAM PAR GCOD PAR MNGON SUM GYIS BYED PA YIN NO, ,JI SRID DU MNGON SUM GYIS MDUN NA GNAS PA'I DON GYI NUS PA LAS BYUNG BA'I NGO BO NYID DU RTOGS PA GANG YIN PA DE LAS LDOG PA MA LUS PA'I DON LAS SKYES PA DE'I BDAG NYID DU DE'I MDUN NA GNAS PA'O, ,JI LTAR DE RNAM PAR GCOD PAR BYED PA DANG DE RNAM PAR BCAD PA'I DON DNGOS PO MED PA'I TSAD MA KHAS BLANG BAR BYA, GANG GI PHYIR DNGOS PO MA 'DRIS PA'I GRUB PA DANG, DE'I TSAD MA LA YANG DAG PAR BRTEN PA YIN NO SNYAM NAS DE'I BDAG NYID DU NGES PAR SNANG BA'I SHES PA YIN NO ZHES BYA BA SMOS TE, GANG MDUN NA GNAS GCIG DNGOS PO LA GZHAN GYI NGO BO DANG MA 'DRES PA'I BDAG NYID DNGOS PO KUN GYI RANG BZHIN NI RANG RANG GI NGO BO LA GNAS PA'I PHYIR DANG GZHAN GYI NGO BO DANG MA 'DRES PA'I BDAG NYID YIN PA'I PHYIR RO, ,DE LTA MA YIN NA JI LTAR DNGOS PO MED PA'I CHAD MAS KYANG MA 'CHOL BAR DE DAG GRUB PAR 'GYUR, 'DRES PA'I DNGOS PO RNAMS MA 'CHOL BAR SGRUB PAR BYED PA NA 'KHRUL PAR THAL BAR 'GYUR BA'I PHYIR RO, ,DE'I PHYIR GZHAN GYI NGO BO DANG MA 'DRES PA'I RANG BZHIN KHO NA DE'I BDAG NYID DU NGES PAR SNANG BA NA GZHAN GYI NGO BO DANG MA 'DRES PAR SNANG BA KHO NA DE'I DON GCIG GI NUS PA LAS BYUNG BA'I MNGON SUM NI GZHAN GYI NGO BOR SNANG BAR MI RIGS @305A *, ,PAS DE 'KHRUL PAR GYUR NA NI MNGON SUM NYAMS PA YIN NO, ,DE SKAD DU, DE'I NUS PA LAS SKYES PA RNAMS DE'I NGO BO'I RJES SU BYED PA LA SOGS PA DE DON MED DO ZHES BYA BA BSHAD DO, ,DE DANG DE'I BDAG NYID DU NGES PAR SNANG BA'I SHES PA LAS RANG RIG PA'I MNGON SUM GYIS RIG PA'I PHYIR RO, ,DE RIG PA NI MNGON SUM GYIS DE'I NGO BO RNAM PAR BCAD PA DANG SO SOR BYED PA DE'I STOBS KYIS DUS PHYIS GZHAN PA'I BDAG NYID 'DI MA YIN NO ZHES MA 'DRES PAR RNAM PAR GNAS PA SHES PA'I RNAM PAR RTOG PA SKYE STE, GZUNG BA LA 'DZIN PA DES NA SNGON MED PA CUNG ZAD CIG KYANG SHES PA MED KYI, GZHAN PA'I NGO BO DANG MA 'DRES PA'I BDAG NYID KYI MNGON SUM DE NYID KYI RNAM PA'I RJES SU BYED PAS YONGS SU GCOD PA YIN PA'I PHYIR RO, GAL TE DE'I BDAG NYID DU NGES PAR SNANG BA'I SHES PA YIN PA DE LTA NA YANG, JI LTAR GZHAN GYI BDAG NYID LAS DE LOGS SHIG TU BYED PA YIN ZHE NA, DE'I BDAG NYID NI ZHES BYA BA LA SOGS PA SMOS TE, GANG GI PHYIR DE'I DNGOS PO'I BDAG NYID GANG GZHAN GYI NGO BO DANG MA 'DRES PA DE GZHAN MA LUS PA'I DNGOS PO'I BDAG NYID MA YIN NO, ,THAMS CAD DE LAS GZHAN PA'I RANG BZHIN YIN PA'I PHYIR RO, ,DE LTA MA YIN NA DE NYID DAM GZHAN NYID NYAMS PA YIN PAS SO, ,DE'I PHYIR DE'I BDAG NYID DU NGES PAR SNANG BA'I SHES PA NYID NI DE'AM GZHAN PA RNAMS LA LDOG PA YIN NO, SHES PAS DON LAG PAS 'DZIN PA NI MA YIN GYI GZHAN LAS LDOG PA YIN NO, ,GZHAN GYI NGO BO DANG MA 'DRES PA 'BA' ZHIG GCIG PU'I BDAG NYID KYI RJES SU BYED PA NYID DE GZHAN LAS LDOG PAR BSHAD PA'I PHYIR RO, ,YANG NA GZHAN GYI BDAG NYID RANG GI YUL LAS MI 'DOGS PA DE'I TSE RANG GI YUL LA GZHAN GYI BDAG YONGS SU RNAM PAR BCAD DO, ,BDAG DANG GZHAN YANG THA DAD PAR RNAM PAR GZHAG PA NI DE LA YANG YONGS SU BCAD PA LAS 'GYUR RO, ,DE LTA MA YIN NA GZHAN RNAM PAR MA BCAD PAS 'DI NYID GCIG GI BDAG NYID DU YONGS SU BCAD PA'I YONGS SU BCAD PA'I BDAG NYID DE LDOG BA'I NGO BOR 'GYUR @305B RO; DES KYANG RNAM PAR MA BCAD PAS GZHAN GYI BDAG NYID YONGS SU GCOD PAR THAL BAR 'GYUR BA DANG 'JUG PA DANG LDOG PA MED PAS SNGA MA BZHIN DU THAL BAR 'GYUR BA NI ME MTHONG YANG ME KHO NA MA MTHONG ZHES BYA BA LA SOGS PA'O, ,'BA' ZHIG PA DE GZHAN GYI BDAG NYID LAS LDOG PA YIN NA DE'I BDAG NYID LA YANG GZHAN MA LUS PA MA YIN NO ZHES BSTAN PA NI YUL DANG ZHES BYA BA SMOS TE, DE YANG MDUN NA GNAS PA'I YUL DANG DUS DANG NGO BO NYID DANG GNAS SKABS SU NGES PA DE LAS GZHAN PA YUL LA SOGS PA RNAMS LAS LDOG PA'I BDAG NYID NI RANG GI RGYU RNAMS KHO NA LAS 'BYUNG BA'I DE'I BDAG NYID DO, ,YUL LA SOGS PA NGES PA'I BDAG NYID KYI RNAM PA DE LTA BU'I NGO BO'I RJES SU BYED PA'I BLOS DMIGS PA DE KHO NA NYID 'PHO BA MED PA'O, ,YUL DANG DUS DANG NGO BO NYID DANG GNAS SKABS KYI BDAG NYID 'DI RANG GI YUL LA RNAM PAR GCOD PA STE THA DAD DU BYED PA'O, ,YANG CI'I PHYIR GZHAN GYI YUL LA SOGS PA DE LAS THA DAD PAR RNAM PAR GZHAG CE NA, DE LTA NA ZHES BYA BA SMOS TE, NA ZHES BYA BA NI GANG GI PHYIR RO, ,GZHAN GYI YUL LA SOGS PA DE LAS THA DAD PAR BYED PA GDOD MA NAS YUL LA SOGS PA NGES PA'I DON YONGS SU GCOD PA YIN TE, DE'I NGO BO'I RJES SU BYED PA'I PHYIR RO, ,DE LTA MA YIN NA DE LA GZHAN GYI YUL LA SOGS PA DE'I NGO BO'I RJES SU MI BYED NA RNAM PAR GCOD PAR MI 'GYUR RO, ,DE KHO NA NYID KYANG DE'I YUL LA SOGS PA NGES PA NYID DE'I TSE DE KHO NA MTHONG BA YIN NO, ,GZHAN GYI YUL LA SOGS PA NI GZHAN MA YIN PAR 'DOD DO, ,GANG GI PHYIR DE LTA NA ZHES BYA BA NI DE'I PHYIR RO, ,GZHAN DU GYUR PAS NI GZHAN GYI YUL LA SOGS PA DANG LDAN PA'O, ,DE LTA BUR GYUR PA NI DE'I YUL LA SOGS PA DANG LDAN PA RNAM PAR GCOD PA NYID NI RTOGS PAR BYED PA'O,, DE YONGS SU GCOD PA YIN NO ZHES BYA BA NI SNGA MA'I MJUG BSDU BA'O, ,DE BAS NA DE LTA BUR GYUR PAS GZHAN DU GYUR PA NYID RNAM PAR GCOD PA NYID KYIS MJUG BSDU BA'I 'BRAS BU YIN NO, ,DE SKAD DU BSHAD PA'I RIGS PA 'DIS MNGON SUM MA MA RJES SU DPAG PA'I TSAD MA GCIG 'JUG @306A *, ,PA'O; ,DE YANG DE BZHIN DU RANG GI YUL YONGS SU GCOD PA'O, ,'JUG PA NI RAB TU 'JUG PA'O, ,DNGOS PO THAMS CAD PHUNG PO GNYIS TE DE NYID DANG GZHAN NYID DU RNAM PAR 'JOG PAR BYED DE, ,DE BAS NA DE YONGS SU GCOD PA'I TSAD MA'I STOBS KYIS MA 'DRES PAR GRUB PA YIN NA, CI DE DON DU GNYER BA YANG MED PA LA RTOGS PAR BYED DAM, 'O NA NI 'DI DANG 'DI DAG GZHAN GYI BDAG NYID MA YIN LA GZHAN YANG DE'I BDAG NYID MA YIN NO ZHES BYA BA RNAM PAR RTOG PA'I BYED PA YIN GYI MNGON SUM NI RTOG PA MED PAR 'DOD NA DE JI LTAR MA 'DRES PAR DE LAS GRUB PAR 'GYUR ZHE NA, DE NI RJES SU 'GRO BA ZHES BYA BA LA SOGS PA SMOS TE, MNGON SUM DE NI SGRUB PA DANG DGAG PA'I RNAM PAR RTOG PA GANG GI TSE RANG GI YUL LA SKYE BA DE NYID 'DI'I 'BRAS BU DANG BCAS PA YIN TE, DE NYID KYANG CHAD MAR 'DOD KYI GZHAN DU NI MA YIN NO, ,DE NYID KYI PHYIR DON GCIG GI RANG BZHIN MNGON SUM GYI CHA SHAS MED PAR BDAG NYID THAMS CAD YONGS SU GCOD KYANG 'KHRUL PA'I RGYU MTSAN YOD PAR GYUR PAS SKAD CIG MA LA SOGS PA'I RJES SU 'GRO BA DANG LDOG PA'I BLO SKYED PAR MI NUS PAS DE LA TSAD MAR MI 'DOD DO SNYAM NA, GAL TE PHUNG PO GNYIS SU GRUB PA NI 'CHOL BAR MA GYUR CIG SNYAM NAS DNGOS PO MED PA'I TSAD MA BRTAG PA YIN TE, 'ON KYANG RNAM GZHAN MED PAR 'GYUR NA DE MED PAR GRUB PA LA MNGON SUM GYIS BYED PAS CUNG ZAD KYANG RTOG PA MED DO ZHES 'DOD NA ZHE NA, DE LA MA BRTAGS PA ZHES BYA BA LA SOGS PA SMOS TE, DE'I PHYIR YONGS SU MTHONG BA LAS THA DAD PA MA LUS PA'I DNGOS PO RNAM PAR GCOD PA NI DE LAS LOGS SHIG TU BYED PA GZHAN PAS KHYAB PA GANG YIN PA DE, SGRUB PA KHO NAS RNAM PA GZHAN NI DE NYID DAM GZHAN NYID LAS PHYI ROL DU GYUR PA MED PAR GRUB PA YIN NO, ,DES NA DE'I DON LA YANG DNGOS PO MED PA'I TSAD MA BRTAG PAR MI RIGS SO, ,YANG NA MA LUS YONGS SU MTHONG BA DANG BLTA BAR BYA BA LAS GZHAN PA NYID MA KHYAB PA NA MNGON SUM GYIS GRUB PAR MI 'GYUR TE, DE GANG GIS PHUNG PO GSUM PA MED PAR MNGON SUM NYID DU GYUR, @306B DE LAS MED PA'I TSAD MA BRTAG PA DON MED PAR 'GYUR RO ZHE NA, DE ZHES BYA BA SMOS TE, PHUNG PO GSUM PAR BRTAG PAR BYA BA NI MTHONG BA DANG DE LAS GZHAN PAS MA KHYAB PA YIN PA DES NA RANG GI YUL GYI DON DE MNGON SUM GYIS RNAM PAR MA BCAD PAS LOGS SHIG MA BYAS NA DE'I DON GYI PHUNG PO GZHAN BRTAG PAR BYA BA YIN NA, RANG GI YUL LA RNAM PAR MA BCAD PA'I PHYIR YANG DNGOS PO YONGS SU MA BCAD PAR THAL BAR 'GYUR BA DE NI DE'I YUL GZHAN GYI NGO BO MA LUS PA DANG 'DRES PA'I BDAG NYID DE GAL TE DES BDAG NYID YONGS SU MI GCOD PA DANG DES BDAG NYID YONGS SU BCAD PA NYID JI LTAR DE'AM GZHAN PAS THAMS CAD LA KHYAB PAR MA BSGRUB PA YIN, DE LTA MA YIN NA GCIG KYANG DE'AM GZHAN PA NYID DU MI 'GYUR TE RGYU MTSAN MTSUNGS PA'I PHYIR RO, ,GANG GI PHYIR DE LTAR DE BAS NA DNGOS PO 'GA' ZHIG LA TSAD MA MNGON SUM LA SOGS PA RAB TU 'JUG PA DE'I DNGOS PO SO SOR NGES PA'I BDAG NYID YONGS SU GCOD PA NA DE LAS GZHAN PA DE'I NGO BO MA TSANG BA RNAM PAR GCOD PA YIN NO, ,DE 'AM GZHAN PA NYID KYI RNAM PAR GZHAG PA LAS RNAM PAG SUM PA DE NYID DAG GZHAN PA NYID LAS PHYI ROL DU GYUR PA RNAM PA GZHAN MED PAR BSTAN TE GZHAN PAS THAMS CAD LA KHYAB PAR BSGRUB PA'I PHYIR RAM, DE DANG 'GAL BAS DNGOS PO THAMS CAD RNAM PA GNYIS SU BSGRUB PA'I PHYIR RO, ,DE LTAR TSAD MA GCIG GI BYA BA 'DI DAG BSHAD MA THAG PA DE NYID KYI MJUG BSDU BA BDE BLAG TU RTOGS PAR 'GYUR BA BSTAN PA NA 'DI LTAR ZHES BYA BA SMOS TE, DNGOS PO 'GA' ZHIG LA MNGON SUM LA SOGS PA 'JUG PA'O, ,DE NYID KYI DNGOS PO DE LAS GZHAN PA'I NGO BO RNAM PAR GCOD PA STE DE LAS THA DAD PAR BYED PAS SO, ,DE'I NGO BO NI MA 'DRES PA'I NGO BOR KHONG DU CHUD PAR BYA'O, ,DON DAM PAR NA DE NI DE'I NGO BO YIN PA'I PHYIR DANG, JI LTA BA'I DNGOS PO'I MNGON SUM GYI NGO BOS RJES SU BYED PA'I PHYIR RO, ,CI 'DI GZHAN GYI NGO BO RNAM PAR GCOD PAR BYED PA YIN TE, DE NYID GZHAN PA'I NGO BO MA TSANG BA'I GCIG GI NGO BO YONGS SU GCOD PA'I PHYIR DANG, DE BZHIN DU GZHAN PA NYID @307A *, ,DE NI DE LAS DE SNANG BA LAS GZHAN PA'I RNAM PAR GCOD PA'O, ,GA LAS SHE NA, DE LAS DE RANG GI YUL LAS SO, ,RANG GI YUL 'BA' ZHIG GZHAN LA RNAM PAR GCOD PA MA YIN TE, GZHAN PA YANG RANG GI YUL LAS YIN NO ZHES BYA'O, ,'DI GA LAS SHE NA, GZHAN NI DE LAS GZHAN PA STE DE LA RNAM PAR MI GCOD DO, ,GDON MI ZA BAR YONGS SU BCAD PA NI YONGS SU BCAD PA LAS GZHAN NYID YIN NO, ,GANG GI PHYIR DE LTAR DE'I PHYIR TSAD MA DE NYID GCIG GI DNGOS PO YONGS SU GCOD PAR BYED PA NA RNAM PA GZHAN MED PAR SGRUB PAR BYED DE DNGOS PO MED PAR BSHAD PA NI MA YIN NO, ,'DI GA LAS SHE NA, DE SNANG BA NA DNGOS PO MIN PA DE LAS GZHAN PA NYID KYIS DE LAS GZHAN TE RNAM PAR GCOD PA NI GZHAN NYID DO, ,DE LAS GZHAN PA NYID DU SNANG BA NI DE LAS GZHAN PA NYID DU SNANG BA STE, DES NA THAMS CAD DE LAS THA DAD PAR RNAM PAR 'JOG PA'I PHYIR RO, ,DE MA YIN PA LAS GZHAN DU BRJOD PA GANG YIN PA NI GZHAN MA YIN TE, MDUN NA GNAS PA GZHAN MA LUS PA'I NGO BO LAS LDOG PA LAS LDOG PA DE NYID DE LAS SNANG BA'I RNAM PAR GZHAG GO, ,RIGS PA 'DI NYID KYIS GZHAN LA YANG BSTAN PA NI 'DIR RIM PA DANG RIM PA MA YIN PA ZHES BYA BA LA SOGS PA SMOS TE, RIGS PA GZHAN PA 'DIS DON GCIG TU NGES PA'I NGO BO DANG RJES SU MTHUN PA'I BLO SKYE BA NA DE LAS BZLOG PA'I NGO BO THAMS CAD RANG GI YUL LAS RNAM PAR GCOD PAS NA PHUNG PO GNYIS YIN LA; GSUM PA'I RNAM PA GZHAN MED PAR SGRUB PAR BYED PA NA GZHAN GANG YANG RUNG BA 'GA' ZHIG RNAM PAR GCOD DO, ,RIM DANG RIM MA YIN PAS RTAG PA DANG MI RTAG PA LA SOGS PA DE BSHAD PA YIN NO, ,DE LTA NA 'BRAS BU RIM PA LA RKYEN DANG LHAN CIG MA YIN PA NYID KYI BLO DE DANG, RIM MA YIN PA'I 'BRAS BU GZHAN DANG LHAN CIG PA YIN PA DE'I PHYIR THA DAD PAR BYED DO, ,RIM DANG RIM MA YIN PA'I NGO BO DE LAS GNYIS SU GRUB PAS RNAM PA GSUM PA SRID PA BKAG PA YIN NO, ,RIM PA'I DNGOS POS THA DAD PA'I 'BRAS BU SKYED PA THAMS CAD NI DE DANG GZHAN RNAM PA @307B GNYIS SU RNAM PAR 'JOG PA'I PHYIR RO, ,DE LTAR SKYE BA DANG 'JIG PA NI SKAD CIG MAR BRJOD DO ZHES BYA BA RNAM BAR 'JOG BA KHO NA'I DUS SU BLOS DE LAS BZLOG PA'I NGO BO SA NI RANG GI YUL LA PHAN MI 'DOGS PAS DE LAS GZHAN PA NYID KYI RNAM PA GZHAN DU 'JOG PA'I PHYIR RDZAS GZHAN MED PA YIN NO, ,DE LTAR NA TSANG MA GCIG GI RGYU MTSAN GYIS MA 'DRES PAR GRUB PA'I MJUG BSDU BA BSTAN PA NI DE LTAR BAS NA ZHES BYA BA SMOS SO, ,DE SKAD DU BSHAD PA'I RIM PAS GCIG TU SO SOR NGES PA'I BDAG NYID DU DMIGS PAS DE'I DMIGS PAR BYA BA DE LAS GZHAN PA GANG YIN PA DE DANG MTSUNGS PAR RUNG BA'I NGO BO DE LAS BZLOG PA NI DE'I NGO BO MA TSANG BA DE'I BDAG NYID RNAM PAR GCOD PA STE THA DAD PAR BYED PA'O, ,DE'I DMIGS PAR BYA BA MI DMIGS PA'I RANG BZHIN GYI NGO BO GZHAN DU SNANG BA'I PHYIR RO, ,DE BZHIN DU DE'I RANG GI YUL DE LAS GZHAN PA'I BDAG NYID MED PA GTZO BO YIN PAR BSTAN PAS RNAM PAR GCOD PA YIN LAM 'DRES PAR SGRUB PAR BYED DO, ,DES NA GANG GI TSE 'DI DAG GZHAN THAMS CAD DANG BYE BRAG MED PAR DE LA MED PAR GRUB PAR 'GYUR RO ZHES GANG LA MNGON PAR 'DOD PA DE'I TSE GRUB PA LA SGRUB PA YIN NO, , GANG GI PHYIR THAMS CAD BYE BRAG MED PAR DE DANG RNAM PA GCIG PA'I BLO DE MA YIN PA'I NGO BO MA TSANG BA NI RANG GI YUL LAS RNAM PAR BCAD PAR BYA BA YIN TE, GZHAN GYI NGO BO THAMS CAD DE LA MI SNANG BA'I PHYIR RO, ,YANG NA DE'I YUL DANG DUS DAG TU BZLOG PA'I NGO BO THAMS CAD MED PAR RNAM PAR GCAD PAR BYA BAR 'DOD PA DE MI RIGS SO ZHES STON PA NI DE'I YUL DANG DUS DAG TU GANG LA 'DI NGES BA NA KHAMS GSUM PO MA LUS PA DANG, MTSAN NYID MI MTHUN PA'I DON DU DMIGS PAR BYA BA MA YIN NO, ,DE LA DNGOS PO GZHAN THAMS CAD DANG MTSUNGS BAR RUNG BA'I NGO BO 'AM CIG SHOS RNAM PAR GCOD PA DANG DGAG PA YIN NO, ,RGYU GANG GIS DE MTSUNGS PAR RUNG BA'I NGO BO DE LA MI SNANG BA'I BKAG PA DE LAS DE'I NGO BO GCIG TU NGES PA'I NGO BO SA RTOGS BA MI SRID PA'I PHYIR RO, ,DE MED NA MI 'BYUNG BA NI DE LA RAG LAS PA DE'I DGAG PA GO BAR BYED PA YIN PAS @308A *, ,DE RGYU MA YIN PA DANG, DMIGS PA 'DI RIGS BYAR MA GYUR PA DE DANG MTSUNGS PAR RUNG BA'I NGO BO NI SRID PA'I PHYIR JI LTAR MED PA 'GRUB PAR 'GYUR, DE DAG GI MJUG BSDU BA NI DE LTA BAS NA DE'I BDAG NYID MA YIN PA ZHES BYA BA SMOS TE, DE LAS BZLOG PA'I NGO BO GZHAN THAMS CAD DE'I RNAM PA GCIG PA YUL DANG NGUS SU YANG SGRUB PAR BYED PAR MI 'GYUR LA, DE'I SNANG BA GANG DANG GANG YUL DANG DUS DE DANG DE DAG TU YANG 'GYUR RO, ,CI DANG 'DRA ZHE NA, RO DANG GZUGS LA SOGS PA BZHIN NO, ,GZUGS SO SOR SNANG BA'I SHES PAS DE'I NGO BO DANG 'DRA BA'I RO RANG GI YUL LAS THA DAD PAR BYED PA YANG DE DANG MA 'DRES PAR SGRUB PAR BYED PAS KYANG DE'I YUL DANG DUS DAG MED PAR SGRUB PAR BYED DO, ,DES NA YANG THAMS CAD DANG MTSUNGS PAR MI RUNG BA'I GNAS SKABS KYANG DE LA MED PAR 'GYUR RAM, DMIGS PA'I RIG BYAR GYUR PA'I BYE BRAG RNAMS KYANG BRJOD PAR MI BYA'O, ,GANG GI PHYIR DE LTAR DE BAS NA JI SKAD BSHAD PA'I MI DMIGS PA KHO NA LAS RES 'GA' LA LA ZHIG TU 'GA' ZHIG DNGOS PO MED PAR 'GRUB BO, ,DMIGS PA'I RIG BYAR GYUR PA'I DE DANG MTSUNGS PAR RUNG BA'I NGO BO DMIGS PA'I BDAG NYID DE LTA BU'I NGO BOS YIN GYI, SPYI YIS NI MA YIN NO, ,JI SKAD DU BSHAD PA'I PHA ROL PO'I TSAD MA LNGA PO GANG LA DNGOS PO'I NGO BO LAS SKYES BA NI DNGOS PO YOD PA RTOGS PA'I PHYIR RO, ,DE LA MED PA'I TSAD MA YIN PA DE NI DMIGS PA'I RIGS BYAR MA GYUR PA'I TSANG MA LNGA PO RAB TU MI 'JUG PAS KYANG DE MED PAR 'GRUB BO, ,YOD KYANG DE NI RANG BZHIN GYIS BSKAL BA LA SOGS PA LA TSAD MA LNGA PO 'JUG PA MI SRID PA'I PHYIR RO, ,DES NA DE LTAR ZHAR LA BYUNG BA RDZOGS NAS GANG BSHAD PA DE NYID GZHAN GYIS SMRAS PA, GZHAN YOD PA DE'I YUL CAN GYI DMIGS PAS DE MED PAR CIS NA SGRUB PAR MI BYED CE NA, DE LA GZHAN YOD PAS DE MED PA'I RTAGS NI SUN PHYUNG NAS DE'I YUL LA GANG LA NYE BAR DMIGS PA BSAL BA NI GZHAN YOD PA'I YUL CAN ZHES BYA BA LA SOGS PA SMOS TE, GANG GZHAN YOD PA'I YUL CAN GYI DMIGS @308B PAS DE MED PA CIS NA SGRUB PAR MI BYED CES YANG BZLAS NAS BSHAD PA NI DES DE MED PAR SGRUB PAR BYED PAR KHO BO CAG 'DOD PA KHO NA YIN GYI JI SKAD BSHAD PA 'DI RTAGS NYID DU NI MA YIN NO, ,CI'I PHYIR ZHE NA, GANG GIS DE LA GZHAN YOD BA'I YUL CAN GYI DMIGS PA GANG YIN PA DNGOS PO MED PA LOGS SHIG PA GZHAN YOD PA DANG MTSUNGS PA'I PHYIR DE NI GZHAN YOD PA'I YUL YIN PA DANG DE, DE MED PA 'GA' ZHIG TU 'DU BA LA SOGS PA'I NGO BO'I 'BREL PA YOD PA MA YIN NO, ,THA MI DAD PAR GRUB PA 'DI YANG MTSUNGS SO ZHES BSTAN PA NI RTAGS 'BYUNG BA'I DUS SU ZHES BYA BA LA SOGS PA SMOS TE, GANG DANG GANG GZHAN YOD PA'I YUL CAN NYE BAR DMIGS PA RTAGS SU 'DOD PA DE DANG DES DBEN PA'I PHYOGS KYI RNAM PA 'BYUNG BA'I DUS KHO NA NI RTOG PA SKYE BA'I DUS KHO NAR RO, ,DE MED PAR 'GRUB PA'I PHYIR RO, ,DE LTA NA DER SNANG BAS DBEN PA'I GZHAN YOD PAR SNANG BA'I BLOS RIG PA NYID DE MED PAR RIGS PA YIN NO ZHES BYA'O, ,'DI DAG NYID SGRUB PA NI GZHAN NA DES DBEN PA YOD PAR RTOGS PAR BYA BA GDOD NAS RTOGS PA NI DUS PHYIS DE RTOGS PA'O, ,GZHAN YOD PAR RTOGS PA DE MED PA NI RJES SU 'GRO BA DANG LDOG PA DAG RAB TU BSGRUBS NAS 'BREL PA SGRUB PAR BYED PA'I TSAD MAS DE MED PA RTOGS PA NI MA YIN NO, ,'O NA CI ZHE NA, DE LAS GZHAN PA DES DBEN PA'I NGO BO RTOGS PA KHO NA DE'I ZLA BO MED PA RTOGS PA YIN TE, DE NYID DE MED PA'I BDAG NYID YIN PA'I PHYIR RO, ,'DI LTAR BUM PA DANG BCAS PA'I PHYOGS DANG MA 'DRES PA'I NGO BO 'BA' ZHIG GI PHYOGS SNANG BA NYID BUM PA MED BAR SNANG BA YIN NO, ,'DI NA BUM PA MED PA'AM, BUM PA 'DI DANG LDAN PA MA YIN TE BUM PA DAD BCAS PA LA GZHAN YIN DANG, DON LA NI THA DAD PA CI YANG MED DO, ,DES NA BUM PA DANG BCAS PA LAS GZHAN PA 'BA' ZHIG PA'I PHYOGS SNANG BA NYID BUM PA MED PAR SNANG BA YIN PA'I PHYIR BUM PA 'DI NA MED DO ZHES SHES PA NI GZUNG BA LA 'DZIN PAS DRAN PA YIN NO, ,GAL TE JI LTAR SHES SHE NA MTHONG BA CAN DU RJES SU 'GRO BA DANG, LDOG PA SGRUB PA'I MTSAN NYID KYIS BAR DU @309A *, ,CHOD PA MED PAR 'DI NA BUM PAS DBEN PA'I PHYOGS KYI NGO BO YOD DO, ,'DI NA BUM BA'I DNGOS PO MED DE ZHES PHYE NAS RNAM PAR RTOG PA NYID KYIS SHES PAR BYED PA'I PHYIR RO, ,DES NA 'DI NA YOD DO ZHES BYA BA RJES SU 'GRO BA DANG LDOG PA'I RJES SU BYED PA MED DO, ,GANG YANG, GZHAN YOD PA'I YUL DMIGS PA DE MED PAR SGRUB PA MA YIN TE DPE MA GRUB PA'I PHYIR RO, ,'DI NYID LDOG PA'I SGO NAS BSTAN PA NI DE NI GANG ZHIG CES BYA BA LA SOGS PA SMOS TE, GAL TE 'DI LA YANG RJES SU 'GRO BA YOD DO ZHE NA, 'DI SKAD DU YANG ZHES BYA BA LA SOGS PA SMOS SO, ,CI'I PHYIR BSTAN PAR MI NUS SHE NA, DE DMIGS PA GCIG PU GZHAN MA YIN PA DANG TSOGS PA GCIG PAR YOD PA GANG DMIGS PA KHYAD PAR GYI NGO BO DE NI GZHAN GANG NA YANG MED PA'I PHYIR RO, ,'ON TE DES DBEN PAR NYE BAR DMIGS PA THUN MONG BA'I GTAN TSIGS SU BRJOD PA YIN, GANG DANG GANG NA BUM PAS DBEN PA'I SA GZHI DMIGS PA DE DANG DE NA BUM PA MED DE DPER NA SNGAR NYAMS SU MYONG BA'I BUM PAS DBEN PA'I PHYOGS BZHIN NO ZHE NA, SPYI RAB TU BSTAN PA ZHES BYA BA SMOS TE, SPYI RAB TU BSTAN PAR BYED PA'I DPE LA YANG SNGAR NYAMS SU MYONG ZIN PA'I BUM PAS DBEN PA'I SA PHYOGS NA BUM PA MED PAR SGRUB PAR BYED PA'I TSAD MA MNGON SUM LA SOGS PA GZHAN NI GZHAN YOD PA'I YUL LA DMIGS PA NI MED DO, ,'ON KYANG DE KHO NA GZHAN YOD PA DMIGS PA YIN NO, ,BSGRUB PAR BYA BA'I CHOS DE MED PA SGRUB PAR BYED PA DE YANG JI LTA BA BSGRUB PAR BYA BA'I CHOS CAN LA DE MED PAR SGRUB PA NI DPE LA LTOS PA YIN NA, DPE YANG DE BZHIN DU GZHAN DE LA YANG LTOS NA NI THUG PA MED PA DANG, DPE YANG THUG PA MED PA'I PHYIR THAMS CAD LA DE MED PAR RTOGS PA MA YIN NO, , GANG GI PHYIR DE BAS NA RTAGS GANG LAS KYANG NI DE LAS GZHAN YOD YOD PA DMIGS PA NYID LAS SO, ,DE MED PAR MI 'GRUB BO, ,GANG GI TSE DE LAS GZHAN YOD PA LAS DE MED PAR SGRUB PAR MI BYED DO, ,YANG CIS RTAGS KYIS SGRUB PAR BYED PA MA YIN ZHE NA, MNGON SUM GYI ZHES BYA BA @309B SMOS TE, MNGON SUM GYI MTSAN NYID BRJOD PAR 'DOD PA'I DMIGS PA GZHAN PA MI DMIGS BA YIN PA'I PHYIR DE'I MTSAN NYID MI DMIGS PAS GRUB STE, NYAMS SU MYONG BA'I THA SNYAD SGRUB PA'I PHYIR RO, ,LAS LA GNAS PA'I BYA BA LA LTOS NAS DE GZHAN PA YOD PA MI DMIGS PA'I NGO BO YIN PA'I PHYIR RO, ,YANG CIS NA 'DI MED PA'I THA SNYAD SGRUB BA YIN ZHE NA, BSGRUB PAR BYA BA RTOGS PA LAS TE GANG YUL RTOGS ZIN NAS YUL CAN LA RMONGS PA DRAN PA NYID KYIS DE MED PA'I THA SNYAD DU BYED DO, ,MNGON SUM GYI RGYU MTSAN KHO NA MI DMIGS PA'I RTAGS MA YIN NO ZHES GZHAN LEGS PAR DPYAD ZIN PAS 'DIR ZHAR LA 'ONGS PAS CHOG GO, ,DES NA MI DMIGS PA'I GTAN TSIGS KYI LOG BAR RTOGS PA MA LUS BA BSAL NAS RANG GI NGO BO RNAM PAR GZHAG PA'I DBYE BA BSTAN PA'I PHYIR, DE 'DIR JI SKAD BSHAD PA'I MI DMIGS PA GSUM STE ZHES BYA BA SMOS TE, JI LTAR YIN ZHE NA, SGRUB PAR BYED PA'I TSAD MA DE YIS RGYU DANG 'BRAS BU'I DNGOS PO GRUB BAR GYUR NA RGYU MI DMIGS PA YIN NO, ,CI 'DRA BA ZHIG CE NA DNGOS PO MED PAR GRUB PA'O, ,DE BZHIN DU KHYAB PAR BYA BA DANG KHYAB PAR BYED PA'I DNGOS PO GRUB PA YOD NA DE SGRUB PAR BYED PA'I TSAD MA'I STOBS KYIS GZHAN DNGOS PO MED PAR SGRUB PA'I KHYAD PAR BYED PA MI DMIGS PA'O, ,ZHAR LA JI SKAD BSHAD PA'I RANG BZHIN MI DMIGS PAR YANG GRUB PAS DE LTAR MI DMIGS PA RNAM PA GSUM YIN NO, ,YANG JI LTAR KHYAB PAR BYED PA DAG GIS MED PA'I THA SNYAD DU 'GRUB, GANG LAS DE DAG MED PAR 'GRUB PA SMOS SHIG CHE NA, DE LA RGYU DANG KHYAB PAR DAG GIS KYANG ZHES BYA BA SMOS TE, 'BA' ZHIG BA DANG YIN PA DNGOS SU MID PA'I THA SNYAD SGRUB PA MA YIN GYI RANG BZHIN MI DMIGS PA'I NGO BOS MED PA'I THA SNYAD 'GRUB PO, ,GZHAN DES DBEN PA YOD PAR 'GRUB PA GANG YIN PA DE NYID MED PA'I THA SNYAD 'GRUB PA'I RGYU YIN PA'I PHYIR DE SKAD DU BRJOD DO, ,RGYU DANG KHYAB PAR BYED PA MED PA DE NI DE LTAR GRUB PA NI GZHAN YOD PA MNGON SUM GYI NGO BOS GRUB NA DNGOS PO MED PAR 'GRUB LA LA DNGOS PO MED PA'I THA SNYAD KYANG @310A *, ,'GRUB PA YIN NO, ,'BRAS BU DANG KHYAB PAR BYA BA DAG DGAG BA NI GANG GI TSE DE DAG DANG MI MTHUN PA'I YUL GYI KHYAD PAR DE'I MI DMIGS PAR MI 'GRUB PA DE'I TSE DNGOS PO MED BA'AM DNGOS PO MED PA'I THA SNYAD SGRUB PAR BYED PA YIN TE, 'AM GYI SGRA NI BSDU BA'I DON TO, ,CI 'ON TE RANG BZHIN MI DMIGS PAS KYANG MED PAR BSGRUB PAR BYA BA'I RTAGS SU 'GYUR RAM ZHE NA, RANG BZHIN MI DMIGS PA ZHES BYA BA LA SOGS PA SMOS TE, THA SNYAD KHO NA MED PA YANG MA YIN TE DE MNGON SUM GYIS GRUB PA'I PHYIR RO, , 'DIR GZHAN GYIS DOGS PA'I SKABS SU BRJOD PA NI GAL TE RGYU DANG KHYAB PAR BYED PA ZHES BYA BA SMOS TE, MED PA'I THA SNYAD DU GRUB PA GANG DANG GANG YIN PA DE MED PA YIN NA GANG GIS DE GZHAN RGYU DANG KHYAB PAR BYED PAS DBEN PA'I MNGON SUM GYI BDAG NYID KYIS GRUB BA DANG, DE'I NGO BO DMIGS PAS GZHAN 'BRAS BU DANG KHYAB PAR BYA BA DANG DNGOS PO MED PA DANG MED PA'I THA SNYAD SGRUB PAR BYED DO, ,DE YANG GZHAN YOD PA DMIGS PAS DE DAG GI RGYU DANG KHYAB PAR BYED PA DMIGS PA'I RIG BYAR GYUR PA KHO NA YOD PAS MED PA'I THA SNYAD DU SGRUB PAR BYED KYI GZHAN DU NI MA YIN NO ZHES 'DOD PAR GYUR NA, JI LTAR DE DAG RGYU DANG KHYAB PAR BYED PA MI DMIGS PA LKOG TU GYUR PA'I DON GYI YUL LA SBYOR BA YIN, GANG GI TSE 'BRAS BU DANG RANG BZHIN GYI GTAN TSIGS KYI LDOG PA'I SBYOR BA BYED PA NI GANG DANG GANG NA ME MED PA DE DANG DE NA DU BA YANG MED PA DE BZHIN DU, GANG DANG GANG NA SHING MED PA'AM, SKAD CIG MA MED PA DE DANG DE NA SHING SHA PA'AM YOD PA MED DO ZHES MA LUS PA'I DON YONGS SU BZUNG NAS LDOG PA'I SBYOR BAR 'GYUR NA, MED DANG SHING DANG SKAD CIG MA NYID DES DBEN PA'I DON THAMS CAD MNGON SUM MA YIN PA DE'I PHYIR NA JI LTAR DES DBEN PA'I DMIGS PA'I MTSAN NYID KYI MI DMIGS PA'I SPYOD PA NYID KYIS DMIGS PA'I RIG BYAR GYUR PA NI MI 'GYUR PO, ,DE LTA NA NI LTAR MA LUS PA BSDOMS NAS KHYAB PAR RGYU DANG KHYAB PA DANG RANG BZHIN GYI GTAN TSIGS KYI LDOG PA GRUB PA YIN, YANG NA DE GRUB NA JI LTAR @310B 'DIS GO BAR BYED PA YIN, DE'I PHYIR LA LAR MA MTHONG BA TZAM LAS LDOG PA DANG DE BZHIN DU MTHONG BA TZAM LAS RJES SU 'GRO BAR 'DOD PAR BYA STE, DE LTA NA YANG 'BREL PA BRJOD PA DON MED DO ZHES GZHAN DAG SEMS NA, GRUB PA'I MTHA' SMRA BAS RTAGS MA NGES PA ZHES BYA BA SMOS TE, LKOG TU GYUR PA'I DON LA RGYU DANG KHYAB PAR BYED PA MI DMIGS PA'I SBYOR BA'I LDOG PA BSTAN PA'I DUS SU TSAD MAS MA YIN LA RGYU DANG KHYAB PAR BYED PA MI DMIGS PA'I TSAD MAR GYUR PA KHO NAS SBYOR BA MA YIN TE, CI'I PHYIR ZHE NA, RGYU DANG KHYAB PAR BYED PA MI DMIGS PA'I RTAGS KYI MTSAN NYID NI DE MED PA'I MTSAN NYID LA MA NGES PA'I PHYIR RO, ,DE MI DMIGS PA'I NGO BI LA THE TSOM ZA BA'I PHYIR NA DE MED PA NYID LA YANG THE TSOM ZA BA'I PHYIR RO, ,DE LTA NA JI LTAR DE'I TSE DE DAG LA SBYOR BAR 'DOD PA YIN ZHE NA, RGYU DANG ZHES BYA BA SMOS TE, RGYU DANG KHYAB PAR BYED PA NI RGYU DANG 'BRAS BU'I DNGOS PO SGRUB PAR BYED PA DANG KHYAB PAR BYA BA DANG KHYAB PAR BYED PA SGRUB PAR BYED PA SNGAR BSHAD PA'I DE LAS BYUNG BA DANG DE'I BDAG NYID KYI MTSAN NYID KYI 'BREL PAS GRUB PAR BYED PAS 'BREL PA GRUB PA YIN NA, GAL TE MED PA GANG DANG GANG LA MED PAR 'GYUR BAS GZHAN DANG 'BRAS BU DANG KHYA PAR BYA BA GDON MI ZA BAR MED PAR NGES SO, ,DE LTA MA YIN NA MA YIN PAR THAL BAR 'GYUR BA'I PHYIR DANG, RANG BZHIN MED PAR THAL BAR 'GYUR BA'I PHYIR RO, ,DE'I SGO NAS 'BREL PA GRUB PAR BYED PA'I TSAD MAR 'GYUR RO, ,JI LTAR 'GYUR ZHE NA, 'DIR DE'I DON BSTAN PA'I PHYIR RGYU DANG KHYAB PAR BYED PA MI DMIGS PA 'DI RAB TU SBYOR BA 'BA' ZHIG TU ZAD DO, ,GANG LA MTHONG BA DANG MA MTHONG BA'I STOBS KYIS SGRUB PA NI GCIG MTHONG BA NA GZHAN MTHONG LA, MA MTHONG BA NYID NA MI MTHONG BA DE NYID LA DE YOD PA DANG MED PA NYID DU 'GYUR NA CI'I PHYIR THAMS CAD LA 'GYUR BA YIN, 'BREL PA MED PA'I BDAG NYID BA LANG DANG RTA LA SOGS PA RNAMS LA LAR DE BZHIN DU YOD PAR MTHONG YANG THAMS CAD LA DE BZHIN DU YOD PAR MI 'GYUR RO, ,SKYES BUS KYANG THAMS CAD KYI TSE 'GA' @311A *, ,ZHIG TU GCIG YOD PA DANG MED PA DAG LAS GZHAN YOD PA DANG MED PA MTHONG BA NI 'DOD RGYAL BA BZHIN DU MI SLU BA MA YIN 'BREL PA MED DO, ,DE SKAD DU, YUL LA SOGS PA'I KHYAD PAR LAS, ,RDZAS LA NUS PA THA DAD SNANG, ,DE LA GCIG MTHA' GZHAN LA NI, ,DE 'BYUNG NGES PAR RIGS MA YIN, ,ZHES BYA BA BSHAD DE, ,DE'I PHYIR GDON MI ZA BAR 'BREL PA LAS BSGRUB PAR BYA BA SGRUB PAR BYED PAR KHAS BLANG PAR BYA'O, ,DE NYID KYIS RJES SU 'GRO BA DANG LDOG PA DAG GI SBYOR BA BSTAN PA DANG, 'DI NYID KYIS BSTAN PA MED PAR KHYAB BA BSTAN PAR MI NUS PA'I PHYIR RO, ,GANG DANG GANG NA ZHES BYA BA MA LUS PA'I DON YONGS SU BZUNG NAS KHYAB PA NI 'BREL PA TSAD MAS GRUB PAR GYUR NA GDON MI ZA BA YIN TE, GANG DANG GANG NA 'BRAS BU YOD PA DE DANG DE NA RGYU YOD PA DANG, GANG DANG GANG NA DE MED PA DEN 'BRAS BU YANG MED PA YIN GYI DE LTA MA YIN NA RGYU MED KYANG 'BRAS BU 'BYUNG NA NI RGYU MED PA NYID DU 'GYUR RO, ,DES NA RTAG TU YOD PA DANG MED PA LA SOGS PAR THAL BAR 'GYUR RO, ,DE BZHIN DU GANG DANG GANG LA GANG GI RANG BZHIN YIN PA DE DANG DE LA DE'I RANG BZHIN YIN GYI DE LTA MA YIN NA BDAG NYID MED PAR 'GYUR BAS SO, ,KHYAB PA NYID DANG RJES SU 'GRO BA DANG LDOG BA BSTAN PA NI 'BREL PAS KHYAB PA YIN NA NUS KYI GZHAN DU NA MA YIN NO ZHES SNGA MA NYID DU RGYU CHER BSTAN ZIN TE, ,DE LTAR 'BRAS BU DANG RANG BZHIN DANG MI DMIGS PA'I MTSAN NYID KHO NA'I PHYOGS KYI CHOS 'DI DAG GI RGYU SGRUB PAR BYED PA'I TSAD MA YOD PAR GYUR PAS RJES SU 'GRO BA DANG LDOG PAR YOD PAR GYUR PA NYID YIN GYI GZHAN DU NI MA YIN NO ZHES BSTAN PA'I MJUG BSDU BA NI DE LTA BAS NA ZHES BYA BA SMOS TE, RANG BZHIN DANG 'BRAS BU DANG MI DMIGS PA'I MTSAN NYID KYI PHYOGS KYI CHOS 'DI DANG RJES SU 'GRO BA DANG LDOG PA DANG LDAN PA YIN PAS 'BREL PA YOD PAR GYUR PA 'DI DAG NYID KYI RANG BZHIN DANG 'BRAS BU DANG MI DMIGS PA'I MTSAN GZHI YIN NO, ,GANG GI PHYIR DE YANG RJES SU 'GRO BA DANG LDOG DANG LDAN PA'I 'BREL PA SGRUB PAR BYED PA'I TSAD MA YOD PAR GYUR PAR RIGS @311B PA BSHAD ZIN PA YIN PA DE'I PHYIR DE'I CHAS KHYAB PA STE, RJES SU 'GRO BA DANG LDOG PA NGES PA'I DBANG GIS DE'I CHAS KHYAB PA NGES PA YIN NO, ,SNGAR JI SKAD DU BSHAD PA'I DE'I CHAS KHYAB PA ZHES BRJOD PAS MTSAN NYID GSUM DANG TSUL GSUM DANG RNAM PA CAN GYI GTAN TSIGS GO PAR BYED PA YIN GYI MTSAN NYID GZHAN NI MED DE, JI SKAD BSHAD PA'I TSUL GSUM YOD PA LAS GZHAN PA NI DON MED PAS SO, ,JI SKAD DU BSHAD PA'I TSUL MED NA TSUL GZHAN BRTAGS KYANG MA 'KHRUL PA'I GO BAR BYED PA MED PA'I PHYIR RO, ,DE'I PHYIR TSUL GSUM PO KHO NA CAN GYI RTAGS RNAM PA GSUM PO KHO NA GO BAR BYED PA YIN GYI MTSAN NYID GZHAN GYIS MA YIN NO ZHES BSTAN TO, ,RANG GIS BSGRUB PAR BYA BA LA MI 'KHRUL PA'I PHYIR RO ZHES MTSAN NYID GSUM KHO NA RANG GIS BSGRUB PAR BYA BA'I CHOS LA MI 'KHRUL PA'I PHYIR RO, ,RANG GIS BSGRUB PAR BYA BA'I CHOS LA MI 'KHRUL PA NYID GO BAR BYED PA YIN PAS TSUL GZHAN BRTAGS PA DON MED DE, 'BREL PA'I RGYU MTSAN GYIS RJES SU 'GRO BA DANG LDOG PA'I RJES SU BYED PA'I TSUL GZHAN BRTAGS NA YANG RANG GIS SGRUB PAR BYA BA'I CHOS LA 'KHRUL PA DES NA 'DIR RNAM GSUM NYID CES BYA BA MTSAN NYID GSUM KHO NA'O, ,GTAN TSIGS DE NI MED NA MI 'BYUNG BA YIN PAS RANG GIS BSGRUB PAR BYA BA LA MI 'KHRUL PA'O, ,NGES BA NI GDON MI ZA BAR YOD PAR GYUR PA'I 'BREL PA'I RGYU MTSAN NO, ,DE'I CHAS KHYAB PAR KHAS BLANGS PA NYID TSUL GZHAN DU BRTAGS PA YANG GTAN TSIGS LTAR SNANG DE LAS GZHAN NO, ,GTAN TSIGS THIGS PA'I 'BREL PA BRAM ZE AA TZA TAS RNAM PAR SBYAR BA LAS MI DMIGS PA'I GTAN TSIGS BSHAD PA STE GSUM PA'O,, ,,JI SKAD BSHAD PA'I MTSAN NYID GSUM LAS GZHAN PA'I TSUL GZHAN GANG YANG RUNG PAR BRTAGS PA NI GTAN TSIGS LTAR SNANG BA'O, ,MED NA MI 'BYUNG BA'I RNAG GI BSGRUB PAR BYA BA'I CHOS LA MI 'KHRUL PA DE RNAMS LA MED PAR BSTAN PA NI JI SKAD BSHAD PA'I MTSAN NYID GSUM KHO NA LAS GZHAN NI MTSAN NYID MA YIN PA'I PHYIR DE LA GZHAN DAG @312A *, ,GIS LOG PAR RTOGS PA BSTAN PA NI GZHAN DAG NI GTAN TSIGS MTSAN NYID DUG PA'O ZHES ZER TE ZHES BYA BA SMOS TE, RIGS PA CAN DANG SPYOD PA LA SOGS PAS BSAM PA GTAN TSIGS GCIG PU YOD KYANG TSUL DRUG DU 'DOD PAS GSUM BO DE DAG DANG ZHES BYA BA SMOS TE, PHYOGS KYI CHO DANG RJES SU 'GRO BA DANG LDOG PA BSTAN PA'O, ,DE BZHIN DU GNOD PA MED PA'I YUL NI TSUL BZHI PA'O, ,BSGRUB PAR BYA BA'I CHOS KYI MTSAN NYID GANG YIN PA DE LA TSAD MAS MA BSAL BA NI GNOD PA MED PA STE, DE YOD PA DE NYID LAS TSUL GZHAN NO, ,RNAM PAR DE LTA BU BRJOD PAR 'DOD PA'I GRANGS GCIG PA'I TSUL GZHAN NI GRANGS GCIG PA GANG GI GTAN TSIGS KYI RDZAS DE'I GRANGS GCIG PA YIN TE, BRJOD PAR 'DOD PA'I GRANGS GCIG PA'I GTAN TSIGS KYI RDZAS LA BRTEN PA NYID GANG GI GTAN TSIGS KYI SPYI DE'I BRJOD PAR 'DOD PA'I GRANGS GCIG PA STE DE YOD PA LAS GZHAN PA'I TSUL LO, ,GAL TE GRANGS GCIG PA YONGS SU BCAD PAS 'GRAN ZLA'I GTAN TSIGS SPANGS PA'I BSAL BA'I GTAN TSIGS 'DI GTAN TSIGS SU SRID PA DE'I TSE GO BAR BYED PA NYID YIN TE, 'GRAN ZLA'I GTAN TSIGS DANG BCAS PA'I GRANGS GNYIS PA CAN YANG MI RIGS PA'I PHYIR RO, ,GAL TE 'GAL BA MI 'KHRUL PA CAN GYI GTAN TSIGS GZHAN PHA ROL POS BSTAN TO ZHES BYA BA'I DON TO, ,DE BZHIN DU SHES PA NYID DANG SHES PA'I YUL TE, MI SHES PA NYID NI GTAN TSIGS MA YIN LA RANG YOD PA TZAM GYIS GO BAR BYED PAR MI RIGS SO ZHES BYA'O, ,DE LA NI DE RNAMS LA'O, ,TSUL GZHAN PA GANG YIN PA DE DAG GNOD PA MED PA'I YUL CAN ZHES BYA'O, ,DES NA RE ZHIG 'BREL PA'I RGYU MTSAN RJES SU 'GRO BA DANG LDOG PA DAG MED NA MI 'BYUNG BAR 'GYUR BA DE LAS THA DAD PA'I MTSAN NYID GZHAN MA YIN TE DE'I BDAG NYID DU DE BRJOD PAR 'DOD PAS BSHAD ZIN PAS BSHAD PAR MI BYA'O, ,CI'I PHYIR MTSAN NYID THA DAD PAR MI 'GYUR ZHE NA, GNOD PAR BYED PA DANG MED NA MI 'BYUNG BA DAG 'GAL BA'I PHYIR RO, , @312B LHAN CIG MIG NAS PA'I MTSAN NYID KYI 'GAL BA SGRUB PAR BYED PA NI MED NA MI 'BYUNG BA ZHES BYA BA LA SOGS PA SMOS TE, BSGRUB PAR BYA BA'I CHOS GTAN TSIGS MED NA MI 'BYUNG BAR BRJOD PA LA DE LA TSAD MAS GNOD PAR GYUR NA, GAL TE DE YOD PA KHO NA DE LA MED PA'I YUL CAN GYI TSAD MA 'JUG NA DE'I TSE DE NI 'KHRUL PAS TSAD MAR MI 'GYUR BA'I PHYIR GNOD PA GA LA YIN, DES NA GTAN TSIG DANG BCAS PA DE'I MTSAN NYID KYI BSGRUB PAR BYA BA CHOS CAN LA MI 'BYUNG BAR 'GYUR, ,'DIR YANG BSGRUB PAR BYA BA'I CHOS SU JI LTAR NA MI 'GYUR, GANG GI PHYIR GNOD PAR BYED PA'I GO SKABS 'GYUR BA DE'I PHYIR MED NA MI 'BYUNG BA DANG TSAD MAS GNOD PAS LHAN CIG MI GNAS PAS MED NA MI 'BYUNG BAS NYE BAR GNAS PAS CHOS CAN LA BSGRUB PAR BYA BA'I CHOS YOD PAR TSAD MAS GNOD PA NYE BAR 'JOG PA YIN NO, ,DE DANG DE MED PA CHOS CAN GCIG LA PHAN TSUN SPANGS TE GNAS PA'I MTSAN NYID KYI 'GAL BA SRID PA YIN NO, ,DE NYID 'GAL BAR GSAL BAR BYED PA'I ZHAR LA BZHAD GAD BYED PA NI MNGON SUM DANG RJES SU DPAG PA ZHES BYA BA LA SOGS PA SMOS TE, BSGRUB PAR BYA BA LA GNOD PAR BYED PAS MNGON SUM DANG RJES SU DPAG PA DES CHOS CAN GYI MGUL PA NAS BZUNG NAS RANG GI GNAS LAS BTON NAS GANG GI PHYIR DE LA BSGRUB PAR BYA BA'I CHOS YOD PA KHO NAS DE DANG MED NA MI 'BYUNG BA'I PHYIR GTAN TSIGS YOD PA NI BSGRUB PAR BYA BA'I CHOS BSAL NAS BTZAN THABS KYIS GTAN TSIGS CHOS CAN DE LA 'JOG PAR BYED DO ZHES BYA BA NI KYE MA MCHOG TU BSGRUB PAR BYE BA'I CHOS KYI TSAN NYID CAN GYI DNGOS PO RNAMS RAB TU NYAM THAG PAR 'GYUR RO, ,DE LTA NA 'KHRUL 'KHOR GNYIS KYI GTZOR BAS DBUGS MI PHYIN PA 'CHI BA NYID DU 'GYUR RO, ,GZHAN GYI GNOD PA DANG MED NA MI 'BYUNG BA'I YUL GYI DBYE BA BSTAN PA NI GAL TE GZHAN LA ZHES BYA BA SMOS PA NI BSGRUB PAR BYA BA'I CHOS CAN YONGS SU SPANGS NAS DPE'I CHOS CAN LA BSGRUB PAR BYA BA'I CHOS DANG MED NA MI 'BYUNG BA'I GTAN TSIG YIN GYI YANG BSGRUB PAR BYA BA'I CHOS KHO NA LA NI MA YIN NO, , @313A *, ,DES NA GNOD PA DANG MED NA MI 'BYUNG BA GZHAN LA 'GAL BA GA LA YIN, GNOD PA'I CHOS CAN LA BSGRUB PAR BYA BA MED PA SGRUB PAS GTAN TSIGS GZHAN GYIS DE YOD PAR SGRUB PA'I PHYIR, ,DE LTA NA RNAM PA DE LTA BU'I MED NA MI 'BYUNG BA YOD KYANG GNOD PA YOD PAS GNOD PA MED PA'I YUL CAN GYI TSUL GZHAN SRID PA'I PHYIR RNAM PA DE LTA BU'I MED NA MI 'BYUNG BA KHAS LEN TO, ,GNOD PA MED YUL CAN LA SOGS PA'I TSUL GZHAN YOD KYANG GTAN TSIG LTAR SNANG DE LAS GZHAN TE TSUL GZHAN SRID PA YIN NO ZHES BSTAN TO; ,GTAN TSIGS LTAR SNANG BA DE'I RNAM PAR 'GREL PHA NI GZHAN LA BZHAD GAD BYED PA SNGON DU 'GRO BA NI DE CI ZHES BYA BA SMOS TE, 'DI BSGRUB PAR BYA BA'I CHOS CAN NO, ,NYON MONGS NI DKA' THUB CAN NO, ,MA NING DANG 'KHRIG PA LAS TE DE LA BSGRUB PAR BYA BA'I CHOS SGRUB PAR BYED PA'I NUS PA MED PA'I GTAN TSIG YONGS SU BSTAN PAS BSGRUB PAR BYA BA'I 'BRAS BU TSOL BAR BYED DAM, DE DAG NYID GSAL BAR BYED PA NI GANG ZHIG CHOS CAN LA BSGRUB PAR BYA BA'I CHOS MED PAR 'DOD KYANG BSGRUB PAR BYA BA'I CHOS MED NA MI 'BYUNG BAR GZHAN LA KHAS BLANGS PAS RNAM PA DE LTA BU'I BSGRUB PAR BYA BA'I CHOS CAN NYE BAR BSTAN NA JI LTAR CHOS CAN LA BSGRUB PAR BYA BA'I CHOS DANG LDAN PAR BRJOD, RGYA MTSO'I CHU LAN TSVA MED NA MI 'BYUNG BA YIN DU ZIN KYANG DE LAS THA DAD PA'I CHU LAN TSVA DANG LDAN PA MA YIN TE, BSGRUB PAR BYA BAR 'DOD PA'I CHU YOD PA LA YANG LAN TSVA YOD PAR MI 'GRUB PA'I PHYIR RO, ,GZHAN GYI TSIG GI GO SKABS SU DOGS PA NI GAL TE DE NYID KYI PHYIR ZHES BYA BA LA SOGS PA SMOS TE, 'DI DAG NYID RNAM PAR 'GREL PA NI 'DI SNYAM DU KHYED KYI 'DOD PA GANG GI PHYIR GTAN TSIG GZHAN DU YANG BSGRUB PAR BYA BA'I CHOS LAS GZHAN PA'I CHOS CAN LA YOD PA YIN TE, CHU LA SOGS PA DE BZHIN DU MTHONG BA'I PHYIR BSGRUB PAR BYA BA'I CHOS SPANGS KYANG MED NA MI 'BYUNG BA KHAS BLANGS PA'I PHYIR RO, ,DE NYID KYI PHYIR TSAD MA DAG GIS GNOD PA MED PA'I CHOS DANG LDAN PA'I @313B CHOS CAN DU BRJOD PA'O, ,GANG GI TSE MNGON SUM DANG RJES SU DPAG PA DAG GIS BSGRUB PAR BYA BA'I CHOS CAN GYI GTAN TSIGS KYI YUL BSGRUB PAR BYA BA'I CHOS LA MI GNAS PA NI DPER NA CHU LA NA TSVA DANG LDAN PA NYID DE'I TSE DE GO BAR BYED PA YIN GYI GZHAN DU MA YIN PA DE'I PHYIR GZHAN LA MED NA MI 'BYUNG BA TZAM GYIS BSGRUB PAR BYA BA GRUB PAR KHAS MA BLANGS PA'I PHYIR SNGAR BSHAD PA'I NYES PA ME DO ZHE NA, GRUB PA'I MTHA' SMRA BAS DE DA NI ZHES BYA BA SMOS TE, GANG GI TSE TSIGS CHOS CAN LA MED NA MI 'BYUNG BAS KHAS MA BLANGS LAS BSGRUB BYA 'GRUB PAR MI 'GYUR BAS DE DE GRUB PA'I TSUL GZHAN GNOD PA MED PA'I YUL CAN DU BRJOD DO, ,DE'I TSE GTAN TSIGS LA NUS PA CUNG ZAD CIG KYANG MED NA CI'I PHYIR GNOD BA MED PA'I GTAN TSIGS GZHAN YANG YIN, BSGRUB PAR BYA BA GRUB NA GTAN TSIGS CUNG ZAD CIG KYANG BYED PA MED PA KHO NA'O, ,DE LTAR NA 'DI RNAM PAR RTOGS PA GNYIS TE, GNOD PAR BYED PA'I TSAD MA 'JUG PA NA BSGRUB PAR BYA BA MED PAR NGES PAR 'GYUR RAM, NGES PA MED PA YIN, DE LA GANG GI TSE SNGA MA'I RNAM PAR RTOG PA YIN PA DE'I TSE BSGRUB PAR BYA BA'I CHOS MED PA LA GNOD PAR BYED PA'I TSAD MA 'JUG PAR NGES PAS NGES PAS DE NYID YOD PAS DE MED PAR MI 'GYUR PA'I PHYIR RO, ,DE'I PHYIR GNOD PA MED DE GNOD PAR BYED PA'I TSAD MA 'JUG PA NA MED PAR BSGRUB PAR BYA BA MED PA YANG MED PAS BSGRUB PAR BYA BA GRUB PAR GYUR PAS GTAN TSIGS DON MED PA NYID KYIS NYE BAR BKOD PAR MI BYA'O, ,DE BAS NA SU ZHIG LA GNOD PA'I YUL NYID KYIS TSUL GZHAN DU 'GYUR, GNOD PAR BYED PA'I TSAD MA 'JUG PA MED PAR GYUR CIG SNYAM NAS GTAN TSIGS MED PAR YIN TE, GANG GI TSE BSGRUB PAR BYA BA LA GNOD PA CAN GYI TSAD MA CHOS CAN LA 'JUG PA NA DE'I GTAN TSIGS BSGRUB BYA SGRUB PAR MI RUNG PAR 'GYUR RO ZHES 'DOD NA GNOD PA MED PA NA ZHES BYA BA LA SOGS PA SMOS TE, GANG GI TSE GNOD PAR BYED PA'I TSAD MA 'JUG PA DE'I TSE YANG DES BSGRUB PAR BYA BA MED PAR CHOS CAN LA SGRUB CAN TSANGS PAS KYANG DE MED PAR BYED PAR @314A *, ,MI NUS PA'I PHYIR YANG CI RO LTA BU'I GTAN NAM, GANG LAS SGRUB PAR BYED PA'I GTAN TSIGS SU RUNG BA YIN, DE NYID KYI PHYIR BYED KYIS GNOD PA MED PA'O YUL CAN GYI TSUL GZHAN SMOS PA'O, ,YANG NA GNAS PAR BYED PA'I TSAD MA 'JUG PAS, BSGRUB PAR BYA BA MED PA NGES PA MED NA MED PAR YANG MI 'GYUR RO ZHES BYA BA TSOGS GNYIS PA 'DOD NA, DE YANG GNOD PA MED PA NUS PAS STONG PAR BSTAN PA NI MA NGES PA ZHES BYA BA SMOS TE, GNOD PAR BYED PA'I TSAD MA 'JUG PAS BSGRUB PAR BYA BA MED PAR 'DOD PAR 'GYUR NA 'DI THOB STE, GNOD PAR BYAS PA'I TSAD MA RNAMS MED PAR BYAS PA'I TSAD MA RNAMS MED PAR GYUR KYANG BSGRUB PAR BYA BA SGRUB PAR BYED PA LA NUS PA MED NA GNOD PA MED PA YOD KYANG BSGRUB BYA MED PA SRID PA'I PHYIR RO, ,DE LA SBYOR NA YANG GTAN TSIGS LTAR SNANG KHO NA YIN NO; ,JI SKAD BSHAD PA'I GNOD PA MED PA NI BSGRUB BYA 'GRUB PA LA DON MED PA'I GTAN TSIGS YIN NO, ,DE LA GZHAN DU DON LA GNOD PA MED PA BSTAN PA'I GTAN TSIGS KYI NUS PA BSTAN PA NI GNOD PA MED PA ZHES BYA BA SMOS TE, GNOD PA CAN MED PA MA YIN PAR PHA ROL PO 'DOD DE, 'O NA CI ZHE NA, GNOD PA MI DMIGS PA YIN TE, DE DANG DE MI DMIGS PA NI YUL LAR GNOD PAR BYED PA SRID KYANG SKYED PA'I NUS PA MA TSANG BA DE'I PHYIR GNOD PAR BYED PA MI DMIGS PA TZAM GYIS BSGRUB BYA 'GRUB PAR MI SRID PA'I PHYIR RO, ,DE GRUB PA NI GTAN TSIGS GDON MI ZA BAR BRJOD DOGS PAS DE NI GTAN TSIGS SBYOR BA'I YUL YIN NO, ,DE LTA NA GTAN TSIGS RANG GI BSGRUB BYA 'GRUB PA LA JI LTAR MI NUS 'GYUR ZHE NA, GRUB PA'I MTHA' SMRA BAS GTAN TSIGS GNOD PA ZHES BYA BA SMOS TE, GTAN TSIGS GNOD PA GANG DMIGS PA DES 'JIGS KYI SLAR GNOD PAS MI 'JIGS MA CE NA, GANG GIS GNOD PA YOD DU ZIN KYANG KHYAD DU BSAD NAS DE MI DMIGS PA YIS YOD PA LA SBYOR BAR BYA BAR KHYED 'DOD, ,BRGYAL PHA ROL NA REG NOD PA NYON MONGS YOD DU ZIN KYANG DE LA @314B DMIGS PA NYID KYI SRID PA LA THABS CI BYAR YOD, DE'I PHYIR DE NYID LAS GTAN TSIGS 'JIG PAS DE MED PAR RAB TU SBYOR BA YIN NO ZHE NA, DE LTAR NA GTAN TSIGS ZHES BYA BA LA SOGS PA SMOS TE, DE LTA NA 'ON TE DON DAM PAR NA GCIG GNOD PA YOD DAM MED KYANG RUNG DE LA MI LTOS KYI GNOD PA MI DMIGS PA LA SBYAR BAR BYA BA'AM, CI ZHES BYA BA NI DRI BA'O, ,BRGYA LA GZHAN DAG NA RE 'DI DAG NI BSHAD ZIN PA CI'I PHYIR 'DRI SNYAM NAS, CI'I PHYIR SBYAR PAR BYA ZHES BYA BA SMOS TE, GNOD PA MI DMIGS KYANG DE YOD NA BSGRUB BYA SGRUB PA LA SBYOR BA'I PHYIR RO ZHES BSAMS PA'O, ,GZHAN GYIS BSAMS PA MA RTOGS BSGRUB BYA SGRUB PA'I PHYIR ZHES BYA BA SMOS TE, GNOD PAR BYED PA'I RKYEN MED NA TSAD MA 'DOD PA'I PHYIR DE LAS BSGRUB BYA SGRUB PA LA MI 'GAL LO SNYAM DU SEMS NA, GRUB PA'I MTHA' SMRA BAS GNOD PA YOD PA DE MI DMIGS KYANG BSGRUB BYA 'GRUB PA NI MI SRID PAS 'DOD RGYAL BA YIN PA NI DE LA LAS GNOD PA YIN BZHIN DU YANG ZHES BYA BA LA SOGS PA SMOS TE, YANG CI GTAN TSIGS 'DI GNOD PA YOD DU ZIN KYANG BSGRUB BYA SGRUB BYED DO ZHES KHYED BRJOD NA GANG GIS NA GNOD PA MED PAR NGES PAR BYA BA LA 'BAD PA DANG GTAN TSIGS KYANG SBYOR BAR MI BYED DAM, GAL TE DE DAG DE LTA YIN NO ZHE NA, DE LTA NA YANG GNOD PA BZHIN DU YANG BSGRUB BYA SGRUB PAR NUS PAR KHAS LEN PAR GYUR NA GNOD PA MED PA'I YUL CAN GTAN TSIGS KYI MTSAN NYI MA YIN TE CI'I PHYIR ZHE NA, GNOD PA YOD BA ZHIN DU YANG 'DIS NUS PA'I PHYIR DANG NUS PA KHAS BLANGS PA'I PHYIR RO, ,DE LA GTAN TSIGS KYI MTSAN NYID DU BRJOD NA GANG GIS NA BSGRUB BYA MED NA SGRUB PAR BYED PAR MI 'GYUR, GNOD PA MI DMIGS PA'I GTAN TSIGS KYI MTSAN NYID DON DAM PAR NA GNOD PA MED PA'I YUL CAN MA YIN NO ZHES 'DOD NA, DE LTA NA YANG ZHES BYA BA LA SOGS PA SMOS TE, DE LTA NA GNOD PA YOD PAR 'GYUR PA'I DNGOS PO SRID PA YANG DE KHAS BLANGS NAS MI DMIGS PA TZAM GYIS GTAN TSIGS KYI SBYOR BAR 'GYUR TE, GANG GI TSE GZHONG PA KHAS BLANGS NAS GTAN @315A *, ,TSIGS SBYOR BAR MNGON PAR 'DOD PAR GYUR PA DE MI DMIGS PA TZAM GYIS GNOD PA YOD NA YANG THE TSOM YIN TE, RES 'GA' ZHIG LA MI DMIGS PA SRID PAS THE TSOM CAN DE'I GTAN TSIGS KYI SBYOR BA LA 'JUG PA MI RUNG BA'I PHYIR RO, ,DE'I PHYIR THE TSOM GYI 'JUG PA GANG YIN PA DE NI YOD PAR KHAS BLANGS PA YIN NA 'JUG PA YIN NO, ,DE LTA NA YANG JI LTA BA'I GNOD PA MI DMIGS PA LA KHAS BLANGS NAS GTAN TSIGS SBYOR BA DE BZHIN DU DE DMIGS PA LA YANG SBYOR BAR BYA'O, ,GNOD PA'I DNGOS PO YOD PAR KHAS BLANGS PAR GYUR PA NA DE DMIGS PA DANG MI DMIGS PA LA KHYAD PAR MED PAS MI DMIGS PA'I GNOD PA NYID KYANG GTAN TSIGS KYI MTSAN NYID DU SBYAR BAR MI RIGS SO, ,GNOD PA'I RKYEN SPANGS PAR 'GYUR KYANG 'BREL PA'I TSAD MA YOD BA GA LA YIN, GZHAN GYI TSIG GI DOGS PA'I GO SKABS NI GAL TE GNOD PA YOD NA ZHES BYA BA LA SOGS PA SMOS TE, GNOD PA YOD PA'I GTAN TSIGS KYI NUS PA NI MI 'DOD DO, ,DES NA JI LTAR DE DMIGS KYANG SBYOR BAR 'GYUR, GRUB PA'I MTHA' SMRA BAS NI GAL TE DE LTAR ZHES BYA BA SMOS TE, GNOD PA YOD NA GTAN TSIGS KYIS MI NUS PAR 'DOD NA GNOD PA MI SRID PAR DE GTAN LAM PHAB PAR GTAN TSIGS GANG YIN PA DE RNAM PA DE LTA BU'I SBYOR BA MI DMIGS PA TZAM GYIS 'OD PA MA YIN NO, ,CI'I PHYIR ZHE NA, GNOD PA SRID PA'I PHYOGS LA SBYAR KYANG GTAN TSIGS KYIS BSGRUB BYA SGRUB PAR MI MUS PAR 'GYUR DU 'ONG BAS SO, ,PHYOGS SNGA MAR SMRA BAS GAL TE GNOD PA MI DMIGS NA ZHES BYA BA SMOS TE, GNOD PA MI DMIGS PA'I PHYIR DMIGS PA'I RKYEN YOD PAR GYUR NA YOD PAR GDON MI ZA STE, DON RNAMS MED PAS GTAN TSIGS KYIS NUS PA YIN NO SNYAM DU SEMS PA'O, ,GRUB PA'I MTHA' SMRA BAS DMIGS BAS GNOD PA ZHES BYA BA LA SOGS PA SMOS TE, DON RNAMS DMIGS PA'I 'BRAS BUR 'GYUR BA'I RGYU DANG 'BRAS BU'I KHYAB PA YANG MED DO, ,RGYU RNAMS NI GDON MI ZA BAR 'BRAS BU DANG LDAN PA MA YIN TE GAGS BYED PA SRID @315B PA'I PHYIR RO, ,JI LTAR KHYAB PAR BYED PA MA YIN PA'I DMIGS PA DE LOG PAS GNOD PA LDOG PAR 'GYUR RAM, GANG GI GTAN TSIGS LA GNOD PA SRID PAR GRUB PA'I NUS PA MI SRID PA YIN NO ZHES GZHAN GYIS KYANG 'DOD BA KHO NA'I TSAD MAS GNOD BA NI SKYE BO'I DUS SU GNOD PA MI DMIGS PA DUS GZHAN NA GNOD PA RKYEN GYIS BSKYED PAS YOD PAR TSAD MAS KHAS BLANGS PA'I PHYIR RO, ,'ON TE KHYAB PAR BYED PA MA YIN PA'I YANG DMIGS PA LDOG PAS GNOD PA LDOG CING 'GAG PA NI PHYIN CI LOG GI SKYOD CAN GYI SHES PA LA 'BAD PA YIN NO, ,RIGS PA 'DI NYID KYIS SHES PA LDOG PAS GNOD PA LDOG PA MED PA NI DE LTA NA NI ZHES BYA BA SMOS SO, ,GTAN TSIGS DON MED PA YIN TE, GA LAS SHE NA, GNOD PA MI DMIGS PA KHO NAS GTAN TSIGS KYI SBYOR BA SPANGS NAS BSGRUB BYA 'GRUB PA'I PHYIR RO, ,CI'I PHYIR ZHE NA, MI DMIGS NA GNOD PA MI SRID PA'I PHYIR RO, ,DE LTA NA GANG LA GNOD PA MI DMIGS PA DE LA DON DAM PAR NA DE YOD PA MA YIN NO SNYAM DU SEMS NA, GANG LA DON DAM PAR MED PA DE LA BSGRUB BYA MED PA YANG DON DAM PA KHO NAR MED PA YIN TE, GZHAN DU DON DAM PAR MED PA MI RIGS PA'I PHYIR RO, , DES KYANG BSGRUB PAR BYA BA'I CHOS MED NA MED PAR 'GYUR BA LA YOD NA YOD PAR 'GYUR PA'I BSGRUB BYA MI RTOGS NA GTAN TSIGS DON MED DO, ,'ON TE RIGS PA DANG 'GAL BAR MA GYUR CIG SNYAM NA DMIGS PA LOG PAS GNOD PA LDOG PAR 'DOD PAR MI BYA'O, ,DE LA DMIGS PA LOG KYANG ZHES BYA BA SMOS TE, GNOD PA YOD PA MI LDOG PAR 'DOD PA NI GTAN TSIGS NUS PA MED PA GANG YIN PA DE'I GNAS SKABS SU GNOD PA DMIGS PA GANG YIN PA SO NA 'DUG PAS GTAN TSIGS SBYOR BA MA YIN NO, ,GANG ZHIG GNOD PA MED PA'I YUL CAN GYI TSUL GZHAN DU 'GYUR, 'DI DAG NYID KYI MJUG BSDU BA NI DE LTA BAS NA ZHES BYA BA SMOS TE, GANG GI PHYIR DE LTAR GTAN TSIGS KYI KHYAB PA NI THAMS CAD DU BSGRUB PAR BYA BA DANG MED NA MI 'BYUNG BA KHAS MA BLANGS NA, KHYAB PA PHYI ROL PA NI DGA' BAS GTAN TSIGS KYI SBYOR BAS DON MED PAR 'THOB PO, ,DE'I PHYIR RANG @316A *, ,GI BSGRUB PAR BYA BA YOD PA DANG MED PA DAG LAS YIN GYI GZHAN DU YANG YIN NA NI RANG GI BSGRUB BYA YOD KYANG MED LA MED KYANG YOD PAS SO, ,GTAN TSIGS CHOS CAN LA CUNG ZAD CIG KYANG BSGRUB PAR BYA BAR MI 'GYUR LA SGRUB PAR BYED PAR YANG MI 'GYUR RO, , 'GOG PAR YANG MI BYED PA NI DE LAS BZLOG PA 'GOG PAR MI BYED PA'O, ,DES NA SGRUB PA DANG DGAG PAR BYED PA DAG SPANGS PA YIN NA SBYOR BAR MI NUS SO, ,RANG GI BSGRUB PAR BYA BA MED NA MI 'BYUNG BA'I GTAN TSIGS KYI SBYOR BA GDON MI ZA BAR GTAN TSIGS THAMS CAD KHAS BLANGS PAR 'DOD PAR BYA'O, ,DE YANG GAGS BYED PA'I RGYU MTSAN GYIS MTHONG BA DANG MA MTHONG BA LA RAG LAS PA NI MA YIN NO, ,GANG GI PHYIR SNGAR JI SKAD BSHAD PA BZHIN DU GNOD PA DANG MED NA MI 'BYUNG BA DAG 'GAL BAR GRUB PO ZHES BYA BA'I MJUG BSDU BA NI DE LTA BAS NA ZHES BYA BA LA SOGS PA SMOS TE, DE NI DE LAS KHYAD PAR GZHAN PA'I DNGOS POR GNAS NA MTSAN NYID MDZAD PAS KYANG NGO BO GZHAN ZHIG SMOS PAR 'OS PAR 'GYUR NA GANG ZHIG KHYAD PAR YOD BZHIN DU YANG GANG ZHIG DU 'GYUR TE, GANG LAS KHYAD PAR GYI GZHI DANG KHYAD PAR YOD PA DAG 'KHRUL PA SRID KYI 'BA' ZHIG PA KHO NA LA MI SRID DO, ,DPE SMOS PA NI DPER NA ZHES BYA BA LA SOGS PA SMOS TE, MNYAN BYA LA SOGS PA CHOS CAN DANG 'BREL PA YOD KYANG MTHUN PA'I PHYOGS LA MED PA'O, ,MIG GIS GZUNG BYA LA SOGS PA MTHUN PA'I PHYOGS YOD DU ZIN KYANG BSGRUB PAR BYA BA'I CHOS CAN LA MED PA'O, ,DES NA GANG ZHIG KHYAD PAR GYI GZHI LA KHYAB PA YOD PA GANG YIN PA LA 'KHRUL PA SRID KYI MTSAN NYID KYIS MA BSTAN TO, ,GAL TE 'DIR YANG DE 'BYUNG BAR 'GYUR BA YIN NO ZHE NA, 'DI DAG 'DI NI DE MA THAG TU BSHAD ZIN TO, ,MED NA MI 'BYUNG BA YOD PA LA GNOD PA SRID PA YIN NO, ,MED NA MI 'BYUNG BA LA GNOD PA MED PA YOD DE, YOD PAR GYUR BAS 'KHRUL PA MI SRID DO, ,GANG GIS NA KHYAD PAR GYI GZHI DANG KHYAD PAR YOD PA MTSAN NYID GZHAN DU BSTAN PAR 'OS PA MA YIN, BSGRUB BYA DANG MED NA MI 'BYUNG BA'I GTAN TSIGS DANG 'GAL @316B BA NI BSGRUB BYA DANG BZLOG PA MA YIN NA, MED NA MI 'BYUNG BA'I YUL LA GNOD PA MI SRID DO, ,BSHAD ZIN PA'I RNAM PAS YANG DAG PA'I GTAN TSIGS NYID LAS BZLOG PA YUL MED PA LA SBYOR BA NI GTAN TSIGS LTAR SNANG BAR BRJOD DO, ,GANG GI PHYIR DE LTAR PHYIR ZHES BYA BA NI DE'I PHYIR RO; ,DE MED PA NI GNOD PA SPANGS PA'O, ,LOGS SHIG TU NI MED NA MI 'BYUNG BA CAN GYI RJES SU 'GRO BA DANG LDOG PA'I BDAG NYID KYI GTAN TSIGS DANG 'GAL BA 'DI GNYIS KYI MTSAN NYID GZHAN DU BRJOD PAR MI BYA STE, MA 'KHRUL BA'I NGO BO GZHAN MI RIGS PA'I PHYIR RO, ,GANG GI PHYIR MED NA MI 'BYUNG BA YOD PA LA GNOD PA MI SRID PA DE'I PHYIR JI SKAD BSHAD PA'I MTSAN NYID CAN GYI GTAN TSIGS KYI SBYOR BA LA GO BAR BYA BA'I DON DAM BCAS PA'I NYES PA MNGON SUM DANG 'GAL BA LA SOGS PA RNAMS KYANG MI SRID DO, ,DE JI LTAR GNOD PA SPANGS PA'I GTAN TSIGS KYI TSUL GZHAN BRJOD PA YIN, GAL TE MI SRID KYANG DE DAG BRJOD NA NI 'BRAS BU MED PA GA LA YIN, 'BA' ZHIG PA'I SBYOR BA SRID PA YIN NO ZHE NA, DAM BCA' BA LA SOGS PA SMOS TE, GTAN TSIGS KYI SBYOR BA LA DAM BCA' BA 'BA' ZHIG LA SBYOR BA MED DO, , GTAN TSIGS KYI YUL NYID DU KHAS BLANGS PAS YUL MED NA GTAN TSIGS DE YOD PA MI RIGS PA'I PHYIR RO, ,DES NA BSTAN BCOS MDZAD PA SLOB DPON PHYOGS KYI GLANG POS KYANG MNGON SUM DANG 'GAL BA LA SOGS PA DAM BCA' BA'I SKYON GSUNGS PA YIN NO, ,BSGRUB PAR BYA BA DANG BSGRUB PAR BYA BA LAS BZLOG PA LOG PAR RTOGS PA MTHONG BAS SBYOR BA MI 'OS SU ZIN KYANG PHYOGS KYI MTSAN NYID BRJOD PA'I RIGS PA 'THOB PA NYID DO, PHYOGS NYID LA BSAL BA'I TSIG GIS TSAD MA DANG 'GAL BA BSHAD DO, ,HA CANG THAL BAR 'GYUR BAS PHYOGS KYI MTSAN NYID RNAM PAR GCAD PAR MI BYA STE THE TSOM GYI BSGRUB PAR BYA BA YIN PA'I PHYIR RO, ,TSAD MAS GNOD PAR BYA BA DANG GNOD PAR BYED PA MI 'JUG PA'I PHYIR DE KHO NA GNOD PA MED PA'I YUL CAN YIN TE TSUL GZHAN NI BSAL BAR BYA BA SEL BAR BYED PA NI 'DIS KYANG ZHES BYA BA SMOS TE, MED NA MI @317A *, ,'BYUNG BAR GYUR PA GNOD PA MED PA BSTAN PAS BRJOD PAR 'DOD PA'I GRANGS GCIG PA CAN 'GAL BA MI 'KHRUL PA'I SKYON GYI MI MTHUN PA'I PHYOGS BRJOD PA BSAL CING SNGA NGAS PA YIN NO, ,GZHAN GYIS DRIS BA JI LTA BU ZHE NA, RNAM PA GANG GIS JI LTA BU'I MED NA MI 'BYUNG BA DANG LHAN CIG MI GNAS PA'I RNAM PA DE LTA BU GTAN TSIGS KYI ZLA BO DANG MED NA MI 'BYUNG BA DAG KYANG YIN, GANG GIS BRJOD PAR 'DOD PA'I GRANGS GCIG PA DANG LDAN PA BSAL BA YIN ZHE NA, GRUB MTHA' SMRA BAS YANG DAG PAR BSTAN PA NI GCIG GI ZHES BYA BA LA SOGS PA SMOS TE, GTAN TSIGS GCIG GI MTSAN NYID RIGS TE, GAL TE RANG GI BSGRUB PAR BYA BA YOD PA KHO NAS YOD PA'I PHYIR RANG GI BSGRUB BYA LA 'KHRUL PAR JI LTAR 'GYUR, DE LTA MA YIN NA MED NA MI 'BYUNG BA'I MTSAN NYID NYAMS PAR 'GYUR RO, ,CHOS CAN GANG LA MTSAN NYID GCIG YOD PAR GYUR PA CHOS CAN DE KHO NA YIN PA LA YIN PA DE'I PHYIR 'GRAN ZLA'I GTAN TSIGS GZHAN YANG 'GAL BA YIN PA DES NA GTAN TSIGS KYI MTSAN NYID DANG LDAN PAR JI LTAR 'GYUR, GTAN TSIGS GCIG GI BDAG NYID KYI BSGRUB PAR BYA BA DE LA GNOD PAR BYED PA NI DE DANG 'GAL BA'I CHOS GZHAN YOD PA KHO NA STE MED KYANG YOD PA'I PHYIR MED NA MI 'BYUNG BA MA YIN PAS GNOD PA DANG MTSUNGS SO, ,GNOD PA MI SRID PA MTSUNGS PAS GTAN TSIGS KYI ZLA BOS BSAL BA KHO NAS BSAL TO, ,'DIR YANG SKYON GZHAN BRJOD PAR 'DOD NAS RNAM PAR RTOG PA NI GZHAN YANG ZHES BYA BA LA SOGS PA SMOS TE, DNGOS PO NI DON DAM PA STE GTAN TSIGS KYI ZLA BO GANG YIN PA DE NI MI SRID PA CI 'DI YANG DAG PA'I SHES PA'AM, BZLOG PA NYE BAR BKOD PA'AM, BSGRUB PAR BYA'AM DE LAS ZLOG PA'I SHES PA GTAN TSIGS SU 'DOD, GANG LAS BRJOD PAR 'DOD PA'I GRANGS GCIG PA CAN GYI MTSAN NYID DU BRJOD, YANG NA 'DI GTAN TSIGS KYI ZLA BO DE BSGRUB PAR BYA BA DANG, BZLOG PA SGRUB PAR BYED PA MA BSTAN PA ZHIG YIN, DON DAM PAR YOD PA YIN YANG SKYON GZHAN MA MTHONG NGO SNYAM NAS CIR 'GYUR ZHES @317B BYA BA SMOS SO, ,GAL TE SNGA MA'I RNAM PAR RTOG PA'AM PHYI MA DE LA NYES PA CI ZHIG YOD SNYAM PA'O, ,GRUB PA'I MTHA' SMRA BAS GAL TE GTAN TSIGS KYI ZLA BO MI SRID PAS YANG DAG PA'I SHES PA LA SOGS PA'I GTAN TSIGS SU 'DOD NA DE'I TSE 'DI MTSAN NYID MA YIN PA NI BRJOD PAR 'DOD PA'I GRANGS GCIG PA'O, ,CI'I PHYIR ZHE NA, NGES PAR BYA BAR MI NUS PA'I PHYIR RO, ,GANG GI DNGOS PO LA GTAN TSIGS KYI ZLA BO MI SRID PA NYID DU DE BZHIN DU BSHAD DO, ,GZHAN GYI 'DOD PA LA LTOS NAS 'DI DAG BRJOD PA YIN GYI, GZHAN DAG GIS MTHONG BA DANG MA MTHONG BA DAG LAS 'BREL PA MED KYANG MED NA MI 'BYUNG BA 'DOD PA DE'I PHYIR, DE'I GTAN TSIGS KYI ZLA BO RNAM PA DE LTA BU YOD PA SRID PA YIN TE, DE YANG MI DMIGS KYANG RES 'GA' ZHIG 'BYUNG BAS DNGOS PO NYID LA DE MED PAR MA NGES PA YIN TE, 'BREL PA'I RGYU MTSAN GYIS MED NA MI 'BYUNG BAR SMRA BA KHO BO CAG LA NI GTAN TSIGS KYI ZLA BO MI SRID DO, ,SHIN TU NGES PA KHO NA STE, DE'I BDAG NYID DANG DE LAS BYUNG BA'I MTSAN NYID KYI 'BREL PA TSAD MAS GRUB PA'I MED NA MI 'BYUNG BA'I RGYU MTSAN CAN GYI GTAN TSIGS GCIG GIS RANG GI BSGRUB PAR BYA BA SGRUB PAR BYED PAS SLAR YANG DE NYID KYI CHOS CAN LA DE'I MTSAN NYID DE DANG 'GAL BA SGRUB PAR BYED PA'I 'GRANG ZLA'I GTAN TSIGS MI SRID PAR NUS SO, ,DNGOS PO RNAMS LA 'GAL BA'I RANG BZHIN GNYIS MI RIGS PAS 'GAL BA'I CHOS GNAS NA MTSAN NYID THA DAD PA'I PHYIR DANG, 'GAL BA'I CHOS SGRUB PAR BYED PA SRID NA DE NYID KYI RANG GI BSGRUB PAR BYA BA LA MED NA MI 'BYUNG BAR THOG MAR DE LA TSAD MAS YOD PAR SGRUB PAR MI RIGS PA'I PHYIR RO, ,GAL TE DNGOS PO LA GTAN TSIGS KYI ZLA BO MED PAR NGES PAR KHO BO CAG GIS NGES PAR MI NUS KYI DE LTA NA YANG GTAN TSIGS KYI ZLA BO MI SRID PAS BRJOD PAR 'DOD PA'I GRANGS GCIG PA BSTUN NA GTAN TSIGS KYI MTSAN NYID DU 'DOD PAR GYUR PA CI'I PHYIR MA YIN ZHE NA, SGRUB PAR BYED PA'I CHOS MA NGES PA ZHES BYA BA LA SOGS PA SMOS TE, RTOGS PAR BYED PA'I CHOS KYI GTAN TSIGS DE MA NGES PA'I NGO BO @318A *, ,YIN NA NI GANG GI PHYIR DE'I MTSAN NYID NI SGRUB PAR BYED PA'I CHOS SU MI 'GYUR TE, DPER NA PHYOGS KYI CHOS THE TSOM CAN BZHIN NO, ,THE TSOM CAN GYI MTSAN NYID GANG YIN PA DE NI GTAN TSIGS MA YIN PA 'GAL YANG GTAN TSIGS SU MI 'GYUR RO, ,GANG YANG GTAN TSIGS KYI ZLA BO MA MTHONG BA DE DNGOS PO KHO NA LA GTAN TSIGS KYI ZLA BO MI SRID PA'I PHYIR RO, ,DNGOS PO DE LA GTAN TSIGS KYI ZLA BO MI SRID PAR DOGS NA NI GNOD PAR BYED PA'I SHES PA MED NA GNOD PAR DOGS PA NI MI RIGS PA'I PHYIR RO, ,DE SKAD DU, GNOD PA'I SHES PA MA SKYES PAS, ,DOGS PA TSAD MA MED NA MIN, ,ZHES BSHAD DO ZHE NA, MTSAN NYID MTSUNGS PA ZHES BYA BA LA SOGS PA SMOS TE, GTAN TSIGS KYI ZLA BO LA DOGS PA NI MTHONG BA DANG MA MTHONG BA'I RGYU MTSAN GYI MTSAN NYID MTSUNGS KYI MED NA MI 'BYUNG BA DE LA MTHONG BA NA 'GRAN ZLA'I GTAN TSIGS LA GNOD PA SRID PA'O, ,GANG GI PHYIR DE DAG KYANG MTSAN NYID MTSUNGS PA RNAMS NI 'GRAN ZLA MA MTHONG BA DE RNAMS LA YANG GTAN TSIGS KYI ZLA BO SRID PA'I YUL DOGS PA SKYED PAR BYED DO, ,CI'I PHYIR ZHE NA, ZLA BO SRID PA MTHONG BA DANG ZLA BO MA MTHONG BA LA KHYAD PAR MED PA'I PHYIR RO, , 'DI DANG CIG SHOS LA KHYAD PAR 'GA' YANG MED PA GANG YIN PA DE LA SRID PAR DOGS PAR MI BYA'O, ,SKYES BU'I NUS PA MA TSANG BA LA SOGS PAS DE MTHONG BA SRID PA YIN ZHE NA, DES CI ZHIG, ,BRJOD DOGS TSAD MA MED NA MIN, ,ZHES BYA'O, ,YANG NA KHYAD PAR NI 'BREL BA'I MTSAN NYI MED NA MI 'BYUNG BAR NGES PAR MTHONG BAS GTAN TSIGS KYI ZLA BO MA MTHONG NGO ZHES BYA BAR 'DOD NA NI GANG GI TSE 'GRAN ZLA SRID PAR DOGS PA KHAS BLANGS PA NYAMS PA YIN PA DE'I TSE KHYAD PAR YOD NA NI DE GTAN TSIGS KYI MTSAN NYID YIN TE, CI'I PHYIR ZHE NA, GANG GI PHYIR DES GTAN TSIGS KYI KHYAD PAR GYIS MI MTHUN PA'I PHYOGS CHA GCIG TU SEL BA RNAM PA DE LTA BU'I GTAN TSIGS SRID PAS RANG GI BSGRUB PAR BYA BA NGES PAR BYED PA'I PHYIR RO, ,RNAM PA DE LTA BUR MI 'GYUR BA DE NI KHYAD PAR SPANGS PA'I GTAN TSIGS KYI ZLA BO LA MA MTHONG BA GANG YIN PA DE MTSAN NYID CAN @318B LA MA YIN PA GTAN TSIGS SU MI 'GYUR RO, ,DE LTA NA YANG GAL TE GTAN TSIGS DANG ZLA BO'I GTAN TSIGS MTHONG BA'I RGYUS CI ZHIG TU GYUR NA GANG GIS DE LDOG PA DE LA BRJOD PAR 'DOD PA GRANGS GCIG PA CAN DU BYED DE, JI SKAD BSHAD PA MED NA MI 'BYUNG BAR BRJOD PA KHO NAS DE LDOG PAR 'GYUR RO ZHE NA, DE LTA NA ZHES BYA BA SMOS TE, GTAN TSIGS DE'I KHYAD PAR DANG 'BREL PA LA ZLA BO'I GTAN TSIGS SRID PAR GYUR NA BRJOD PAR 'DOD PA'I GRANGS GCIG PA CAN DOGS PA MED DO, ,JI SRID BSHAD PA'I KHYAD PAR KHAS BLANG BA MTSAN NYID KYI GTAN TSIGS MI SRID PAS GANG ZHIG BRJOD PAR 'DOD PA'I GRANGS GCIG PA RNAM PAR GCOD PAR BYED PA YIN, GANG GIS 'DI DON DANG BCAS PA NYID DU 'GYUR BA NI 'GAL BA MI 'KHRUL PA CAN GYI GTAN TSIGS LTAR SNANG BAR RNAM PAR GCOD PA'I PHYIR, BRJOD PAR 'DOD PA'I GRANGS GCIG PA CAN GTAN TSIGS KYI MTSAN NYID DU BYED PA YIN NA, DNGOS PO LA 'GRAN ZLA'I GTAN TSIGS MED PAS GTAN TSIGS SU GRUB PA NI 'BREL BA MTSAN NYID CAN GYI KHYAD PAR GYI GTAN TSIGS 'DOD PA NA 'GAL BA MI 'KHRUL PA CAN GYI GTAN TSIGS LTAR SNANG BA SRID PAR MI 'GYUR TE, DE LAS RNAM PAR BCAD PA MED PAS BRJOD PAR 'DOD PA'I GRANGS GCIG PA CAN DU CI STE 'GYUR SNYAM BSTAN PA NI DE'I PHYIR ZHES BYA BA SMOS TE, 'BREL PA'I MTSAN NYID KYI KHYAD PAR KHAS BLANGS PAS 'GAL BA MI 'KHRUL PA'I GTAN TSIGS LTAR SNANG BA'I MTSAN NYID GANG YIN PA NYAMS PAR 'GYUR TE MI SRID PA'I PHYIR RO, ,YANG 'GAL BA MI 'KHRUL PA'I MTSAN NYID CI ZHIG YIN ZHE NA, RANG GI MTSAN NYID CES BYA BA LA SOGS PA SMOS TE, GTAN TSIGS KYI BDAG NYID NI MTSAN NYID GANG YIN PA DE DANG LDAN PA'I GTAN TSIGS DAG CHOS CAN GCIG LA 'GAL BA BSGRUB PAR BYA BA DANG; SGRUB PAR BYED PA PHAN TSUN 'GAL BA 'DU BA NA 'GAL BA 'KHRUL PA MED PA ZHES BYA'O, ,'GAL BA MI 'KHRUL PA'I MTSAN NYID RNAMS NI DE DANG 'BREL BA KHAS BLANG BAR 'GYUR NA MI SRID DO, ,DE'I BDAG NYID DANG DE LAS BYUNG BA DAG RANG GI BSGRUB PAR BYA BA DANG 'BREL PA DANG @319A *, ,LDAN PA GTAN TSIGS GCIG NI CHOS CAN 'GA' ZHIG LA SRID PA YIN GYI, GNYIS PA DE'I MTSAN NYID DANG LDAN PA DE NYID LA GTAN TSIGS MI SRID PA'I PHYIR RO, ,DNGOS PO RNAMS KYI RANG BZHIN LA 'GAL BA RNAM PA GNYIS MI SRID PA'I PHYIR RO, ,CHOS 'GAL BA GNAS NA MTSAN NYID THA DAD PA'I PHYIR DE LA MI 'KHRUL PA'I GTAN TSIGS GNYIS PA DE LA SRID PA'I GO SKABS SU GA LA 'GYUR, ,'O NA NI GAL TE RNAM PA DE LTA BU KHYAD PAR YOD PAR GYUR NA NI 'GAL BA MI 'KHRUL PA NYAMS PAR 'GYUR NA, BRJOD PAR 'DOD PA'I GRANGS GCIG PA CAN MED DO, ,DE LTA NA YANG GTAN TSIGS MED PAR THAL BAR MI 'GYUR NA GTAN TSIGS MED PAR DES BSHAD PAS CI ZHIG BYA ZHE NA, KHYAD PAR DE'I NGO BO YANG ZHES BYA BA SMOS TE, 'BREL BA'I MTSAN NYID NI GANG GI PHYIR DNGOS PO LA 'GRAN ZLA'I GTAN TSIGS MI SRID PAS DE'I BDAG NYID DANG DE LAS BYUNG BA'I MTSAN NYID NGES PA'I NGO BOR KHYOD KYIS MA BSTAN GYI, KHO BO CAG GIS NI JI LTA BA BSTAN TO, ,GANG ZHIG GANG GI NGO BOR RTOGS NAS ZLA BO NI MI RTOGS PAS SRID DAM MI SRID PA DAG BLTA BAR BYA'O, ,GANG LA KHYAD PAR DANG BCAS PA MED PA DE LA 'GRAN ZLA SRID PA DE YIN TE, LUNG LA BRTEN PA'I RJES SU DPAG PAS RTOGS PAR BYED DO, ,GANG LA KHYAD PAR DANG BCAS PA YOD PA'I DNGOS PO STOBS KYIS ZHUGS PA'I RJES SU DPAG PA DE LA SBYOR BA'I ZLA BO MI SRID PA'I PHYIR RO, ,GANG GI PHYIR DE LTAR DE BAS NA DNGOS PO LA KHYAD PAR MED PA KHO NAS KHYED RNAMS SHES PAR BYED PA LA YANG KHYAD PAR MED PA KHO NA YIN PAS SO, ,DE'I PHYIR THAMS CAD DU GANG LA YANG SBYOR BA'I ZLA BO MA MTHONG, DE LA YANG SBYOR BA'I ZLA BA'O, ,YUL LA DOGS PA 'BYUNG BAR 'GYUR RO, ,DE NYID KYI DOGS PA BSTAN PAR BYED PA NI ZLA BO'I GTAN TSIGS MTHONG BA ZHES BYA BA LA SOGS PA SMOS TE, GANG YANG ZLA BO'I GTAN TSIGS MTHONG BA DE YANG DANG POR 'GRAN ZLA MTHONG BA DANG CIG SHOS DUS THAMS CAD DU ZLA BO MA MTHONG BAS KHYAD PAR CUNG ZAD KYANG MI RTOGS SO, ,GANG MTHONG BA LAS SHES PA DE LA 'GRAN ZLA SRID PA YIN GYI GZHAN NI MA YIN NO, ,MTHONG BA DANG MA MTHONG BA TZAM GYI RGYU @319B MTSAN GYIS RJES SU 'GRO BA DANG LDOG PA DAG THAMS CAD DU MTSUNGS PA'I PHYIR RO, ,DE LTA NA YANG PHYI NAS DE LA 'GRAN ZLA'I SBYOR BA MTHONG BAR GYUR NA THAMS CAD DU DE'I MTSAN NYID MTSUNGS PAR 'GRAN ZLA YOD PAR DOGS PAR LDOG PAR MI 'GYUR RO, ,GAL TE GANG DAG 'GRAN ZLA SRID PA DE RNAMS LA GDON MI ZA BAR RES 'GA' ZHIG 'DI DMIGS PAR 'GYUR RO, ,YANG NA SKYES BU'I CHOS KYANG DE DAG DMIGS PAR MI 'GYUR RO, ,GAL TE DE RNAMS LA 'DI MED PA NYID DES NA RNAM PA DE LTA BU GTAN TSIGS DE 'BYUNG BA YIN NA DE JI LTAR GTAN TSIGS DE KHO BO CAG LA MED PA YIN ZHE NA, GANG ZLA BO'I GTAN TSIGS ZHES BYA BA LA SOGS PA SMOS TE, GANG DAG LA 'GRAN ZLA'I GTAN TSIGS SRID PA DE RNAMS LA YANG THAMS CAD DU DE'I ZLA BO'I GTAN TSIGS RTOGS PAR BYED PA RNAMS KYIS DMIGS PA MA YIN NO, ,THAMS CAD GZIGS PA'I DMIGS PAS NI DNGOS PO YOD PA THAMS CAD LA KHYAB PA YIN TE, 'BREL PA MA TSANG BA MI DMIGS PA'I PHYIR RO, ,'O NA NI GANG LA THAMS CAD DU RTOGS PAR BYED PAS 'GRAN ZLA MA MTHONG BA DE LA DE'I TSE DOGS PA JI LTAR YIN, DE SKAD DU YANG, GNOD PA'I SHES PA MA SKYES NA, ,DOGS PA TSAD MA MED NA MIN, ,ZHES BSHAD DO, ,DE BZHIN DU 'ANG PHA ROL GYIS, ,NYE BAR BRTAGS LA RMONGS PAS NA, ,GNOD PAR BYED PA'ANG MA SKYES NA, ,THA SNYAD BYA BA THAMS CAD LA, ,THE TSOM ZAD PA DAG RJES 'BRANG 'GYUR, ,ZHES SMRA'O, ,SHES RAB PHUL DU BYUNG BA DANG LDAN PA ZHES BYA BA LA SOGS PA SMOS TE, DE LTA NA 'JAL BAR BYED PA KHA CIG RTZVA KU SHA'I RTZE MO LTA BU SHIN TU PHUL DU BYUNG BA'I SHES RAB DANG LDAN PAS GTAN TSIGS KYI ZLA BO BRTAGS NA KHO BO CAG GIS MTHONG STE, DPER NA RIG BYED KYI BYED PA PO SEL BA'I GTAN TSIGS BDE BAR GSHEGS PA SLOB MA DANG YANG SLOB BRGYUD PAS GZHON NU MA LEN SKYES PA'I SNGA ROL 'GRAN ZLA'I SBYOR BA RNAMS NYE BAR DGOD PA MA MTHONG BA DE NYID SHES RAB PHUL DU BYUNG BAR SBYAR BAS GTAN TSIGS KYI ZLA BO BRTAGS NA, DE DANG DE MTHONG BAS JI SRID 'TSO'I BAR DU ZLA BO'I GTAN TSIGS MTHONG BAS 'DE'I DOGS PA NAM YANG LDOG PAR MI 'GYUR RO, , @320A *, ,DES NA JI LTAR DOGS PA TSAD MA MED PA CAN YIN ZHES BRJOD, MTSAN NYID MTSUNGS PA ZHES BYA BA LA SOGS PA YANG 'GRAN ZLA SRID PA'I DOGS PA'I RGYU BSHAD ZIN PA NYID DE, ZLA BO SRID PAR DOGS PA LA DE'I RGYU MTSAN SRID PAS RTOGS PA LA SOGS PAS BLTAS PA TZAM GYIS BZLOG PAR MI NUS SO, ,DES 'GRAN ZLA'I SBYOR BA 'DI KHYAD DU BSAD PA'I RGYU CUNG ZAD CIG BRJOD PAR BYA DGOS TE, DPER NA KHO BO CAG GIS RANG BZHIN GYI GTAN TSIGS SU BRJOD PA LA BZLOG PA LA GNOD PA CAN GYI TSAD MA'I DBANG GIS DE'I BDAG NYID DU NGES PA'I RJES SU 'GRO BA DANG LDOG PA YOD PA GTAN LA PHAB PA DANG, 'BRA BU'I GTAN TSIGS KHA DU BSAD PA'I RGYU CUNG ZAD CIG BRJOD PAR BYA DGOS TE, DPER NA KHO BO CAG GIS RANG BZHIN GYI GTAN TSIGS SU BRJOD PA LA BZLOG PA LA GNOD PA CAN GYI TSAD MA'I DBANG GIS DE'I BDAG NYID DU NGES PA'I RJES SU MTHONG BA DE'I RGYUS NI MA NGES PA YIN TE, ZLA BO SRID PA DANG MI SRID PA DAG NI 'DIR ZLA BO SRID PA YIN NO ZHES DE LTA BU'I NGO BO NGES PA YIN PA DE'I PHYIR DNGOS PO LA GTAN TSIGS KYI 'GRAN ZLA MI SRID PA GANG YIN PA DE GTAN TSIGS KYI MTSAN NYID DE NI MA NGES PA'I PHYIR, BRJOD PAR 'DOD BA'I GRANGS GCIG PAR SMRA BA RNAMS LA CUNG ZAD CIG KYANG GTAN TSIGS SU MI 'GYUR RO, ,MA NGES PA NI GTAN TSIGS KYI MTSAN NYID DU MI 'GYUR BA'I MJUG BSDU BA NI DES NA DE LTAR NA CI 'DOD PAR LA MI SRID PA'I GTAN TSIGS ZLA BO GANG YIN PA DE NI YAN DAG PA'I SHES PA'I GTAN TSIGS LAS BZLOG PAR 'DOD PA YIN NO, ,RANG GI RNAM PAR RTOG PA BSAL NAS RNA PAR RTOG PA GNYIS BA BAS LA 'KHAR DOD NAS 'ON TE ZLA BO'I GTAN TSIGS RAB TU MA BSTAN PA ZHIG CES BYA BA LA SOGS PA SMOS TE, YANG DAG PA'I SHES PA LAS BZLOG PA'I GTAN TSIGS SU 'DOD PA'O ZHES BYA BAR SBYAR RO, ,'DI'I PHYOGS KYANG SLOB DPON PHYOGS KYI GLANG PO YANG BZHED PA YIN PAR GZHAN GYIS BSTAN PA NI 'DI SKAD DU ZHES BYA BA SMOS TE, SLOB DPON PHYOGS KYI GLANG POS CI ZHIG BSHAD CE NA 'O NA NI GANG GI TSE ZHES BYA BA LA SOGS PA SMOS TE, MNYAN @320B PAR BYA BA'I MTSAN NYID PHYOGS KYI CHOS KYI GTAN TSIGS NYID DU 'GYUR TE, SGRA NI RTAG PA YIN TE MNYAN PAR BYA BA YIN PA'I PHYIR SGRA BZHIN NO ZHES DE SKAD DU GZHAN GYIS BSHAD PAR GYUR PA LA SLOB DPON GYIS SGRAR BSHAD PA'I CHOS CAN GANG DANG GANG LA MI RTAG PA NYID KYI GTAN TSIGS BYAS PA NYID DANG RTZOL BA LAS BYUNG BA LA SOGS PA'I MTSAN NYID 'GA' ZHIG BYE BRAG PA LA SOGS PA MI STON PA DE'I TSE KHYED KYI GTAN TSIGS 'DI 'GRAN ZLA NYID MA BSTAN PAR GYUR NA ZHES BYA BA BSHAD PA LTA BU'O ZHE NA, DE SKAD DU DE SLOB DPON GYI ZHAL SNGA NAS DBANG PO YIN PAS PHYAG BRKYANG NAS BSTAN BCOS MDZAD PAS SNGON MDZAD PA YIN TE, 'DI NI DE NI ZHES BYA BA LA GANG GI TSE SLOB DPON YANG DE BZHED PA YIN NO ZHES 'GA' ZHIG 'CHAD PA DE DANG DE DAG NI CHES SHIN TU NYON MONGS PAR GYUR PA JI LTA BAR BYAS PA'I PHYIR BSGRAGS SU MI RUNG BA'O, ,BLA MA'I SKYON BSGRAGS SU MI RUNG BA DANG RIGS PA'I RJES SU 'BRANG BA RNAMS KYIS BCAB TU MI RUNG BA STE SBA BAR MI RUNG BA'O, ,DES NA CI BLA MA'I SKYON BRJOD DAM YANG NA RIGS PA LA LTOS PAR BYA BA YANG YIN, DES GNYI GA YANG MI NUS PA'I PHYIR CHES SHIN TU NYON MONGS PAR GYUR BA JI LTAR RGAL BAR NUS PA YIN TE RES 'GA' YANG MA YIN NO, ,'DI LA NYES PA CI ZHIG YOD, GANG GIS NA 'DI SHIN TU NYON MONGS PA YIN, RE ZHIG GTAN TSIGS 'DI ZHES BYA BA SMOS TE, MNYAN PAR BYA BA NYID LA SOGS PA GTAN TSIGS KYI MTSAN NYID DO, ,DNGOS PO NI SGRA LA SOGS PA'O, , RANG GI BSGRUB PAR BYA BA'I DE NYID NI RTAG PA'O, ,DE'I RANG BZHIN NI DE'I BDAG NYID DU BYAS PA'O, ,DE MNYAN BYA NYID LA TSAD MA CAN GANG DAG GIS SO, ,SKYES BU RNAMS NI DPYOD PA DANG BYA KA RA nA BA LA SOGS PA RNAMS SO, ,DES MNGON PAR MTHO BA NI MTHO RIS SO, ,NGES PAR LEGS PA NI BYAD GROL LA SBYOR BAR BYED DE, DE LTA NA DNGOS PO'I DE KHO NA NYID BSGOMS PAS NYON MONGS PA MA SPANGS NA NI RE ZHIG MTHO RIS SU SKYE BAR BYED DO, ,NYON MONGS PA SPANGS PA YIN NA NI MYA NGAN LAS 'DAS PA'I PHA ROL TU BYON PAR 'GYUR RO, ,YANG NA SGRA RTAG PA NYID DU RTOGS PA'I RIG BYED @321A *, ,TSAD MAR BYED PAS ME LA MCHOD SBYIN LA SOGS PAS MTHO RIS SGRUB BAR BYED LA RIG BYED KYI MTHA' BSTEN PA LAS BYAD GROL YIN NO, ,KHYED SHES RAB KYI RIGS KYIS BYE BRAG PA LA SOGS PA SKYES BU SAM BYAS PA LAS GZHAN PA'I GTAN TSIGS 'GRAN ZLA'I GTAN TSIGS BSTAN NI GANG 'DIR RTAG PA NYID SGRUB PAR BYED PA'I GZHUNG 'JUG PA NI GTAN TSIGS 'GRAN ZLA MA BSTAN NA NI 'GRUB BO, ,DE NYE BAR BSTAN DE BAS LA BA YIN NO, ,DNGOS PO DE DAG DANG NI RTAG PA NYID KYI PHUN SUM TSOGS PA LAS NYAMS PAS DE TSAD MAR BYED PA'I SKYES BU RNAMS MTHO RIS DANG BYANG GROL PHUN SUM TSOGS PA NYAMS PA'I MNYAN BYA'I MTSAN NYID KYI GTAN TSIGS DUS BA MA TSANG BAS SKYOB PAR BYED MI NUS PA NI RGYAL SRID SHOR BA LTAR DKA' THUB KYI NAGS TSAL DU 'GRO BA STE, RANG NYID NYES PAR BRJOD PAS 'DIR KHYED KYIS JI SKAD DU SMRA PAR BYA; DE NYID BZHAD GANG DU BYED PA'I DE'I PHYOGS LA SKYON BSTAN PA NI SGRUB PA NYID SKYES BUS SPOBS BA ZHES BYA BA LA SOGS PA SMOS TE, GANG GI TSE 'GRAN ZLA GTAN TSIGS MA BSTAN PA GTAN TSIGS SU 'DOD PA DE'I TSE SKYES BU'I SPOBS PAS BYAS PA'I SGRUB PAR BYED PAR KHAS BLANGS BAR 'GYUR RO, ,DES KYANG DNGOS BO LAS CUNG ZAD CIG SGRUB PA DANG SGRUB PA MA YIN NO, ,DE LTAR NA GANG GI TSE GTAN TSIGS KYI 'GRAN ZLA BA BSTAN BA DE'I TSE SGRUB BAR BYED BA'O, ,GANG GI TSE BSTAN PA DE'I TSE SGRUB BA MA YIN PAS SKYES BU'I SPOBS BAS BYAS PA'I SGRUB PAR BYED PAR 'GYUR RO, , GZHAN YANG 'GRAN ZLA'I GTAN TSIGS MA BSTAN PA'I GTAN TSIGS DE GTAN TSIGS SU KHAS LEN PAR BYED NA RNAM PAR RTOG PA GNYIS TE CI DON DAM PAR NA GTAN TSIGS DE'I CHOS YOD PA'AM YANG NA DE MA YIN PA'I CHOS YOD PA YIN, DE LA RNAM PAR RTOG BA DANG PO'I DBANG DU BYAS NAS GTAN TSIGS DE YANG ZHES BYA BA SMOS TE, THOG MA'I KHYAD PAR DE NI GANG GI NGO BO NYID KHO NA DE LA BSGRUB PAR BYA BA'I CHOS YOD PAR GYUR NA DE LTA BU'I RANG BZHIN LAS MNGON PAR 'DOD PA'I 'BREL BA GANG YIN PA 'DOD NA DE'I TSE JI LTAR GZHAN DU BYED PAR 'GYUR, GTAN TSIGS GZHAN @321B DE MA YIN PA'I CHOS YOD PAR JI LTAR BYED PAR 'GYUR, RNAM PA 'GA' ZHIG KYANG MA YIN NO, ,CI'I PHYIR ZHE NA, DNGOS PO RNAMS NI GTAN TSIGS KYI MTSAN NYID GANG GI NGO BO YOD PA NYID BSGRUB PAR BYA BA'I CHOS YOD PA'I BDAG NYID DE LAS GZHAN DU BYUNG PA NI DE LAS BZLOG PA STE MED PA'I PHYIR RO, ,RANG GI BSGRUB PAR BYA BA'I CHOS MED NA NI 'BYUNG BA'I RANG BZHIN KHO NA CHOS CAN GCIG LA DNGOS PO GNYIS 'GAL BAS GNYI GA'I RANG BZHIN GCIG TU GYUR BA'O, ,GCIG LA 'GAL BA GNYIS KYI NGO BO NYID MI SRID DO, ,'GAL BA'I CHOS GNAS PA DE'I GCIG PA NYAMS PAR THAL BAR 'GYUR BA'I PHYIR RO, ,YANG RNAM PAR RTOG BA GNYIS PA YIN PA DE'I TSE DE MA YIN PA'I CHOS YOD PA CAN MED NA YANG BSGRUB PAR BYA BA'I CHOS KYI NGANG TSUL CAN DANG 'BREL PAR KHAS BLANGS PA'I PHYIR RO, ,JI LTAR GZHAN LAS KYANG 'GRAN ZLA'I GTAN TSIGS MA BSTAN PAR GNAS SKABS SU YANG 'GA' ZHIG GIS SGRUB PAR BYED PA YIN, ,DE LA SGRUB PAR BYED PA MA YIN TE GTAN TSIGS BSTAN PA'I GNAS SKABS 'GA' ZHIG NI MA YIN NO, ,MJUG BSDU BA NI DE LTA BAS NA NGO BO NYID KYIS ZHES BYA BA LA SOGS PA SMOS TE, GANG GI PHYIR DE LTAR DNGOS PO RNAMS KYI RANG BZHIN NI GZHAN DU BYA BAR MI NUS PAS 'GAL BA GNYIS KYI NGO BO YANG GCIG LA MI SRID PAS DE'I PHYIR DON DAM PAR NA RANG RANG GI BSGRUB PAR BYA BA LA MED NA MI 'BYUNG BAR JI SKAD BSHAD PA'I MTSAN NYID KYIS RANG BZHIN DANG 'BRAS BU'I GTAN TSIGS DE'I MTSAN NYID KYI RANG BZHIN DANG 'BRAS BU'I MTSAN NYID LA 'GRAN ZLA'I GTAN TSIGS MI SRID PA'I PHYIR RJOD PAR 'DOD PA'I GRANGS GCIG PA NI MTSAN NYID MA YIN PAS RJOD PAR 'DOD PA'I GRANGS GCIG PA CAN GYI MTSAN NYID MA YIN NO, , CI'I PHYIR ZHE NA, RNAM PAR GCAD PAR BYA BA ZHES BYA BA LA SOGS PA SMOS TE, RJOD PAR 'DOD PA'I GRANGS GCIG PAS 'GRAN ZLA'I GTAN TSIGS RNAM PAR GCAD PAR BYA BAR BRJOD DO, ,YANG NA 'GRAN ZLA'I GTAN TSIGS SU RIGS KYI 'BRAS BU DANG RANG BZHIN MA YIN @322A *, ,PA'I PHYIR JI LTAR GTAN TSIGS KYI MTSAN NYID DU 'GYUR, DE LTAR NA 'DIS TSUL GNYIS BA SRID BA NI JI SKAD BSHAD PA'I MED NA MI 'BYUNG BA SRID PA LAS TSUL GZHAN KHAS BLANGS PA YANG GTAN TSIGS LTAR SNANG BA NYID DE, GTAN TSIGS LTAR SNANG DE LAS GZHAN, ,ZHES BYA BA DE'I DON GYI 'GREL PA YIN NO, ,SHES PA NYID BSAL BAR BYA BA NI YANG SHES PA NYID NI ZHES BYA BA LA SOGS PA SMOS TE, GNOD PA MED PA'I YUL CAN DANG RJOD PAR 'DOD PA'I GRANGS GCIG BA NI 'BRAS BU DANG RANG BZHIN GYI GTAN TSIGS NYID MED NA MI 'BYUNG BAR 'GYUR BA LA GNOD PA MED PA'I 'GRAN ZLA'I GTAN TSIGS MI SRID PA'I PHYIR RO, ,RNAM PAR GCAD PAR BYA BA MED PAR GYUR PA LA YANG RTAGS KYIS CHOS KYI MTSAN NYID DU MI 'GYUR RO ZHES BSHAD DO, ,SHES PA NI SHES PA NYID DO, ,DE NYID NI SHES PA YOD PAR BRJOD PAS SO, ,DE LTA NA SHES PA'I SGRA 'JUG PA'I RGYU MTSAN NI SHES PA NYID DU BRJOD DO, ,DE YANG SHES PA KHO NA SKYED PAR GYUR PA LA SHES PA NYID CES THA SNYAD DU BYED DO, ,RTAGS KYI NGO BO NI MA YIN NA JI LTAR RTAGS KYI MTSAN NYID DU 'GYUR, GAL TE YANG RNAM PAR RTOG PA'I SNANG BA SPYI'I RNAM PA'I RTAGS SU RNAM PAR GZHAG PA DE LTA NA YANG SHES PA NI RTAGS KYI CHOS MA YIN NO, ,'DIR RANG DGA' PA NI RTAGS MA YIN TE, DE SKAD DU RNAM RTOG THA DAD PAR RANG DGA' BA NI DON GYI RTEN MA YIN TE, RNAM PAR RTOG PA'I YUL KHONG DU CHUD PA NI DON MED PA LA DMIGS PA MED PA KHO NAR 'GYUR RO ZHES BSHAD DO, ,DE'I PHYI ROL GYI DNGOS PO LA BRTEN PA KHO NA RTAGS SU RNAM PAR GZHAG PAR BYA'O, ,BSGRUB PAR BYA BA DANG SGRUB BAR BYED PA'I RTOG PA NI DNGOS PO MTHONG BA LAS NYAMS BAS NA, RANG GI MTSAN NYID LA NI RJES SU 'GRO BA 'GA' YANG MED DO, ,DE'I CHOS DE NYID KYI RJES SU 'BRANG BA'I RNAM PAR RTOG PA DU MA LAS LDOG PA NI DNGOS PO YOD PA MTHONG BA'I BRGYUD PA DANG 'BREL PAS MI SLU BAR BYED PA MA YIN TE, 'BRAS BU LA SOGS PA'I RTAGS SU BSTAN PA'I RGYU MTSAN BSHAD ZIN TO, ,DE 'BRAS BU LA SOGS PA'I BDAG NYID @322B KYI NGO BO SHES PA'I RNAM PAR RTOG PA LA SNANG BA SPYI'I RNAM PAR RNAM PAR RTOG PA'I BDAG NYID DU GYUR BA NI MA YIN TE, DE NGO BO MED PA DNGOS PO'I NGO BO 'GAL BA'I PHYIR DANG, DE'I NGO BO NI RNAM PAR RTOG PA'I GZUGS BRNYAN SPYI'I BDAG NYID NI SPANGS PA'I PHYIR RO, ,GANG GI PHYIR PHYI ROL DU MA GYUR KYANG PHYI ROL DU MNGON PAR SHES PA NI RJES SU MI 'GRO BA YANG RJES SU 'GRO BAS SPYI'I BDAG NYID DO, ,DE LTA NA RNAM PAR RTOG PA'I NGO BOR BSHAD PA NI MA YIN NO, ,JI SKAD DU, SHES LAS THA DAD MA YIN PA, ,JI LTAR DON GZHAN 'BRANG BAR 'GYUR, ,ZHES BSHAD PA'O, ,RNAL MA'I DON BAS MA BAR BYA STE, RTOG PAR BYED PA'I SKYES BU GANG MI SLU BAR BYED PA'I RTAGS DE'I RANG GI NGO BO BRJOD PAR BYA BA BSTAN BCOS BYED PAS DE MTHONG BA'I NGO BO 'DI RTOGS PAR BYED PA GANG LA DE'I NGO BO SRID PA DE'I NGO BO SRID PA DE'I SGRUB PAR BYED PA YIN NO, ,DE MA TSANG BA NI SGRUB PAR BYED PA MA YIN NO ZHES RNAM PAR GZHAG PAR BYA'O, ,DE LA SGRUB PAR RNAM PAR GZHAG PA GANG YIN PA DE NI 'DOD PA'I DON DANG NYE BAR 'JOG PAR BYED PA LA YID CHES NAS 'JUG PA'I DMIGS PA YIN NO, ,DE LA DE NI RIGS PAS RNAM PAR GZHAG PA'O; ,'DI RTAGS KYI BDAG NYID KYI NGO BO GANG YIN PA DE'I MTSAN NYID DU 'GYUR BAS 'OS PA YIN TE, PHYOGS KYI MTSAN NYID BZHIN NO, ,GZHAN GYI NGO BO MA YIN NO, ,'DI SHES PA RTAGS SU SGRUB PAR BYED BA NI RIGS PA NYID DE BSGRUB BYA SGRUB PA LA NYER BAR SBYOR BA RTAGS KYI MTSAN NYID YIN NO ZHE NA, RTOG PA SKYE BA LA ZHES BYA BA LA SOGS PA SMOS TE, GANG GI TSE RJES SU DPAG PAR BYA BA RTOG PA SKYE PA LA NYE BAR SBYOR BAS DE TZAM GYI RTAGS KYI MTSAN NYID DU 'DOD NA NI DE'I TSE HA CANG THAL BAR 'GYUR BAR 'GYUR BA YIN NO, ,DE NYID NI DE LTA NA NI RTOG PA SKYE BA LA NYE BAR SBYOR BA TZAM RTAGS KYI MTSAN NYID YIN NA GZHAL BYA DON DANG SKYES BU 'JAL BAR BYED PA PO DANG SOGS PA'I SGRA LDAN PA DANG 'DU BA LA SOGS PA DANG SNANG BA DANG YID LA BYED PA LA SOGS PA RTAGS KYI MTSAN NYID DU 'GYUR RO, ,'DIR RGYU NI DAG MED PAR ZHES BYA BA SMOS TE, @323A *, ,GZHAL BYA LA SOGS PA MED PAR NI RTAGS CAN LA SHES PA SKYE BAR MI 'GYUR BAR BYAS SO, ,'DIR GZHAN DAG MI 'DOD BAR BRJOD PA NI 'O NA NI NGES PA SMOS PA ZHES BYA BA LA SOGS PA SMOS TE, GAL TE GZHAN GYI NGO BO NYID SHES PA RTAGS KYI MTSAN NYID MA YIN NA DE'I TSE SLOB DPON GYIS, RJES DPAG BYA DANG DE MTSUNGS LA, ,YOD DANG MED PA LA MED PAR, ,NGES PA NI ZHES BYA BA GANG YIN PA 'DI DAG MDZAD PA'I NGES PA SMOS PAR KHYED 'DOD PAS DE NI MI MDZAD PA KHO NAR 'GYUR RO ZHE NA, DE'I NGES PA SMOS PA NI RTAGS KYI NGO BO BSTAN PAS DON GZHAN YIN PA'I PHYIR RO, ,DE NYID DON GZHAN YIN PA BSTAN PA NI, MTHUN PHYOGS MI MTHUN PHYOGS DAG LA, ,ZHES BYA BA LA SOGS PA GSUNGS TE, GZHAN GYIS MTHUN PA'I PHYOGS MTHONG BA TZAM DANG MI MTHUN PA'I PHYOGS MTHONG BA TZAM GO BAR BYED PA'I GTAN TSIGS SU 'DOD PAS DE DAG MTHONG BA DANG MA MTHONG BA BSGRUB YA SGRUB PAR NUS PA'I GTAN TSIGS SU MI 'GYUR BA KHO NAS SHES PAR 'DOD PA'I DON NGES PA SMOS PA MDZAD PA YIN NO, ,GANG GI PHYIR DE DAG MTHONG DANG MA MTHONG DANG MA MTHONG BA YOD BZHIN SHES PAR BYED PA'I GTAN TSIGS MA YIN PAR MTHONG BA'I PHYIR DE SNGO BSANGS KYI BU YIN PA'I PHYIR ZHES BYA BA LA SOGS PA BZHIN NO, ,GNAG GI PHYIR DE LTAR RGYU DES NA MTHUN PA'I PHYOGS LA YOD PAS MI MTHUN PA'I PHYOGS THAMS CAD LA MED PAR KHYAD PAR DU BYED BAS NA, MTHUN PA'I PHYOGS MA YIN PA THAMS CAD LA MED PA MTHUN PA'I PHYOGS LA DE'I BDAG NYID DANG DE LAS BYUNG BA'I MTSAN NYID YOD PA KHYOD PAR CAN NI GO BAR BYED PA'I GTAN TSIGS YIN NO ZHES BYA BA 'DI DON SHES PA'I PHYIR MTSAN NYID GSUNGS PAS NGES PA SMOS PA MDZAD DO ZHES KHONG DU CHUD BAR BYA'O, ,'DI SKAD STON PA YIN TE GANG MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA'I 'BREL PA SGRUB PA'I TSAD MA 'JUG PAR NGES PA DE DAG NYID KYIS GTAN TSIGS GO BAR BYED PAR 'GYUR GYI, RES 'GA' ZHIG MTHONG BA DANG MA MTHONG BA TZAM GYIS 'DI DON SHES @323B BAR BYA BAR NGES PA SMOS PAR MDZAD PA NI MA YIN NO, ,RNAL MA'I DON GYI MJUG BSDU BA NI DES NA ZHES BYA BA LA SOGS PA SMOS TE, GANG GIS YOD PA DANG MED PA KHYAD PAR CAN DAG BSTAN PA'I CHED DU NGES PA SMOS PA MDZAD DO, ,TSUL GZHAN BRJOD PA MA YIN TE BDAG NYID MA YIN PA'I TSUL NI MTSAN NYID DU MI RUNG NGO, ,DES NA GZHAN GYI TSUL NI RTAGS KYI MTSAN NYID MA YIN TE, GANG GI PHYIR DES NA SHES PA LA SOGS PA TSUL GZHAN GYIS RTAGS KYI TSUL 'GA' ZHIG LA KHYAD PAR MI STON PA'I PHYIR RO, ,'O NA NI MTHUN PA'I PHYOGS DANG MI MTHUN PA'I PHYOGS LA YOD PA DANG MED PA GNYIS GO BAR BYED PA'I GTAN TSIGS SU GZHAN DAG 'DOD DE MTHONG BA DANG MA MTHONG BA DE DAG NYID SGRUB PAR BYED PAR DE CIS NA DON NGES PA LA SMOS PA ZHE NA, DES NA ZHES BYA BA LA SOGS PA SMOS TE, GAL TE RANG BZHIN DAG YOD PA DANG MED PA DAG GO BAR BYED PA'I GTAN TSIGS SU 'DOD DO, ,DE LTA NA YANG MTHUN PA'I PHYOGS KHO NA LA YOD PAS MI MTHUN PA'I PHYOGS LA MED PA NYID DO ZHES YOD PA DANG MED PA MTHONG BA DANG MA MTHONG BA TZAM GYIS RNAM PAR GZHAG PA YIN TE, DE DE LAS RNAM PA DE LTA BU MI 'GRUB STE 'BREL PA NYID MED PAR BYED PA'I TSAD MAS DE'I BDAG NYID DANG DE LAS BYUNG BAS SGRUB PAR BYED PA'I YUL 'JUG PAR KHONG DU CHUD PAR BYA STE, DE LAS THABS GZHAN MED PA'I PHYIR RO, ,DE KHAS MA BLANGS PA'I GTAN TSIGS MTHUN PA'I PHYOGS KHO NA LA YOD PA GTAN TSIGS SU 'DOD PA THAMS CAD LA GNOD PA GZHAN MED PA'I RGYU DE SA NA YOD PA DANG MED PA'I KHYAD PAR 'DI GNYIS BSTAN PAS, NGES PA ZHES BYA BA'I SGRA SBYAR BA YIN, MTSAN NYID NI MTSAN NYID MDZAD PAS SO, ,'ON NI YOD PA DANG MED PA BRJOD PA TZAM KHO NAS TSAD MA LAS NGES PA 'THOB NA GZHAN DU NA DE DAG YOD PA MI 'GRUB PO ZHE NA, DES NA GAL TE ZHES BYA BA LA SOGS PA SMOS TE, RJES DPAG BYA DANG DE MTSUNGS LA, ,YOD DANG MED PA LA MED PAR, ,ZHES BRJOD PA TZAM GYIS KYANG NGOS PA SMOS PA LA MI LTOS PAS YOD PA DANG YOD PA DANG MED PA DE GNYIS LA SGRUB PA'I TSAD MA GANG YIN PA DE 'JUG NA BRGYAL 'PHRAL BAR 'GYUR RO, ,JI LTAR NGES PA MA SMOS PAS YOD PA DANG MED PA BRJOD PA TZAM GYIS DE LA 'JUG PA 'PHANGS PA MA YIN ZHE NA, DE LTA MA YIN NA ZHES BYA BA SMOS TE, @324A *, ,GAL TE DE SGRUB PA'I TSAD MA 'JUG PAS 'PHAGS PA YIN BA DE'I TSE DE DAG NYID MTHUN PA'I PHYOGS DANG MI MTHUN PA'I PHYOGS GNYIS LA YOD PA DANG MED PA DAG GIS YOD PAR RANG GI NGO BOR RNAM BAR GZHAG PA GANG YIN PA DE MI 'GRUB BO, ,CI'I PHYIR MI 'GRUB CE NA, SHES PAR BYA BA LA SOGS PA SMOS TE, SHES PA DMIGS SU YOD PA LAS SKYE BA'I RGYU MTSAN YIN PA'I PHYIR SHES BYA YOD PA DANG MED PA'I MTSAN NYID YOD PAR RNAM PAR 'JOG PA NI RANG GI NGO BO RNAM PAR GNAS PA YIN NO, ,DMIGS PA'I RGYU MTSAN MED NA RANG NYID KYIS DON 'GRUB PA NI MED DE THAMS CAD LAS 'GRUB PAR THAL BAR 'GYUR BA'I PHYIR RO, ,DE'I PHYIR 'DI'I NGO BO NI 'DI LTA BU YIN NO, ,DI LTA BU MA YIN ZHES BYA BA 'DI RNAM PAR SHES PA SKYED PA NYID DU RNAM PAR GZHAG PAR BYA'O, ,GANG GI PHYIR DE LTAR DE'I PHYIR THAMS CAD NI BSTAN BCOS DANG 'JIG RTEN PA NYID KYI ZHES BYA'O, ,YOD PAR RNAM PAR GZHAG PA NYID NI NGES PA SMOS PA MED KYANG YOD PA SGRUB PAR BYED PA'I TSAD MA 'DREN CING 'PHEN PA YIN NO, ,GZHAN YANG BSTAN BCOS BYED BA NI GZHAN GYI DON YIN PA'I PHYIR DES DE SGRUB PAR BYED PA'I TSAD MA 'DRAS PA YIN NO ZHES BYA BAR SBYAR RO, ,YANG CI 'DRA BA ZHIG BSTAN BCOS BYED PA GZHAN GYI DON NGO BO GANG RANG NYID RNAM PAR 'JOG CING SHES BYA YOD PAR SGRUB PA'I TSAD MA 'PHEN PA YANG YIN ZHE NA, TSUL GSUM PA'I RTOGS ZHES BYA BA SMOS TE, MI SLU BAR BYED PA NI THOB PAR BYED PAR 'DOD PA DE'I DON LA YIN NO, ,GAL TE DE LTA BU'I NGO BO BSTAN BCOS BYED PA GZHAN GYI DON YIN PA DE LTA NA YANG JI LTAR DE SGRUB PAR BYED PA'I TSAD MA 'JUG PA 'PHEN PA YIN ZHE NA, GANG DAG TSUL DE ZHES BYA BA SMOS TE, TSUL GSUM PO'I RTAGS KYI TSUL GYI NGO BO RANG BZHIN TE, BSTAN BCOS LAS BSHAD PA RTOGS PAR BYED PA BOS MI SHES PA DE DAG NI DES TE TSUL GSUM PA'I RTAGS PA BSTAN BCOS NAS BSHAD PA 'DOD PA'I DON LA 'JUG PAR MI 'GYUR RO, ,SHES PA NYID KYI DON NI SHES PAR BYED PA RANG YOD PA TZAM GYIS 'JUG PA MED PA'I PHYIR RO, ,GANG GI PHYIR DE LTAR NA PHYIR ZHES BYA BA NI DE'I PHYIR TE GZHAN MTSON BAR BYED PA'I PHYIR NI GZHAN DAG GIS SHES PAR BYED PAR TSUL @324B GSUM PA'I RTAGS SHES PAR GRUB MOD KYI, GAL TE YANG NGES PA ZHES BYA BA SMOS PA LHAG MA YIN TE, 'ON KYANG KHYED CAG RTAGS KYI MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA'I KHYAD PAR BSTAN BCOS BYED PAS MTHUN PA'I PHYOGS KHO NA LA YOD PA DANG MI MTHUN PA'I PHYOGS LA MED PA KHO NA ZHES BYA BA LA DE LTAR RIGS PA CAN LA SOGS PA GZHAN DAG MTHONG BA DANG MA MTHONG BA TZAM GYIS GANG MTHONG BA DANG MA MTHONG BA'I 'BREL PA SGRUB BAR BYED PAR KHYOD KYIS DE TZAM GYIS RNAM PAR 'JOG PA YIN TE, GANG GI PHYIR ZHES BYA BA NI DE'I PHYIR RO, ,RGOL BA DE DAG DGAG PA'I PHYIR MTSAN NYID MDZAD PAS NGES PA'I SGRA SLOB DPON GYIS RAB TU SBYAR BA NI KHO BO CAG KHAS LEN PA YIN GYI, GANG GZHAN LA LOG PAR RTOGS PA MED NA DE'I TSE 'DI RAB TU SBYOR BA MA YIN NO, ,'ON KYANG YANG MTHONG BA DANG MA MTHONG BA DAG GIS YOD PA DANG MED PA'I YUL DAG GIS MTHUN PA'I PHYOGS DANG MI MTHUN PA'I PHYOGS KYI KHYAD PAR DU BYED DO, ,YOD PA DANG MED PA LAS RJES SU 'GRO BA DANG LDOG PA CIS NA MI 'DOD CE NA, YOD PA DANG MED PA ZHES BYA BA LA SOGS PA SMOS TE, LA LAR MTHUN PA'I PHYOGS LA YOD PA MTHONG BA'I GTAN TSIGS LA LAR MI MTHUN PA'I PHYOGS LA MED PA MTHONG BA YOD DU ZIN KYANG DE NI SNGO BSANGS YIN TE, SNGO BSANGS KYI BU YIN PA'I PHYIR ZHES BYA BA LA SOGS PA BZHIN RJES SU 'GRO BA DANG LDOG PA LA THE TSOM ZA BA'I PHYIR RO, ,DE LTA NA RJES SU 'GRO BA NI THAMS CAD DU BSGRUB BYA YOD PA NYID KYI GTAN TSIGS YOD PA LA KHYAB PA'AM BSGRUB BYA MED NA GTAN TSIGS MED PA'I LDOG PA NI LA LAR BSGRUB BYE DANG GTAN TSIGS YOD PA MTHONG BA TZAM GYIS MA YIN TE THAMS CAD LA YOD PA DANG MED PA NI 'BREL PA MED PA'I NGAL BO RNAMS LHAN CIG 'BYUNG BAR NGES PA MED PA'I PHYIR RO, ,DE LTAR LA LAR BSGRUB PAR BYA BAR MNGON PAR 'DOD PA DE MED PAR GYUR PA LAS MED PAR MTHONG BA'I GTAN TSIGS KYANG THAMS CAD DU DE MED NA GDON MI ZA BAR MED PA DE NI 'BAD PA MED PAR DE LDOG PAR NGES PAS LDOG PAR 'GYUR PA MED PA'I PHYIR RO, ,DE'I PHYIR 'BREL PA SGRUB PAR BYED PA'I TSAD MA YOD PA NYID JI SKAD BSHAD PA'I MTHUN PA'I PHYOGS DANG MI @325A *, ,MTHUN PA'I PHYOGS LA YOD PA DANG MED PA GRUB PA YIN GYI GZHAN DU NI MA YIN NO ZHES LOG PAR RTOGS PA BSAL BA'I CHED DU NGES PA SMOS PA MDZAD PA YIN NO ZHES BSTAN PA NI GANG LAS ZHES BYA BA LA SOGS PA SMOS TE, ,KHO BOS ZHES BYA BA NI SLOB DPON GYIS NGES PA SMOS PA MDZAD PA NI GZHAN DU KHO BO CAG MNGON PAR 'DOD PA'I PHYIR KHO BOS ZHES BYA'O, ,DES NA DE LTAR LOG PAR RTOGS PA BSAL BA'I PHYIR NGES PA'I MOS PA MED KYANG LOG PAR RTOGS PAR MI BYA'O ZHES BSTAN PA DE NYID KYI RIGS PAS SHES PA NYID TSUL GZHAN MA YIN PAR BSTAN PA NI GNAG GI PHYIR ZHES BYA BA LA SOGS PA SMOS TE, THA DAD PAR GYUR PAS NI PHYOGS KYI CHOS LA SOGS PA NI TSUL GSUM PA LAS SO, ,GANG LAS SHE NA, TSUL GSUM PA DE NYID KYI TSIG GIS DE SGRUB PAR BYED PA'I TSAD MA 'PHEN PAR RTOGS PA'I PHYIR RO, ,CI 'DRA BA'I ZHE NA, PHYOGS KYI CHOS NYID LAS NYE BAR GTONG BA'I DON BZHIN NO, ,DPER NA PHYOGS KYI CHOS BRJOD PA KHO NA GTAN TSIGS NYE BAR GTOD PA'I DON RTOGS PA DE NYID KYIS CAN LA GTAN TSIGS YOD PAR GYUR PAR BSTAN PA'I BDAG NYID YIN PA'I PHYIR DANG, PHYOGS KYI CHOS BRJOD PA DE'I TSUL YIN PA'I PHYIR RO, ,DES NA THA DAD PA NYE BAR GTAD PA TSUL GZHAN DU NI MI 'GYUR TE, DE LTAR TSUL GSUM PA'I TSIG DE NYID BRJOD PA'I PHYIR RO, ,'DIR GZHAN DAG MI 'DOD PAS SPONG BA NI, 'O NA NI RJES SU 'GRO BA DANG LDOG PA DAG KYANG ZHES BYA BA LA SOGS PA SMOS TE, GAL TE TSUL GSUM PA'I TSIG GIS YANG DAG PA'I SHES PA SKYED PA BZHES BYA BA DES NA DE LAS THA DAD PAR BRJOD PAR MI BYA BA DE LTA NA NI RJES SU 'GRO BA LAS THA DAD PA'I LDOG PA BRJOD PAR MI BYA BA LA LDOG PA LAS THA DAD PA'I RJES SU 'GRO BA YANG NGO, ,CI'I PHYIR ZHE NA, RJES SU 'GRO BA'AM LDOG PA GCIG GI SBYOR BAS GNYI GA RTOGS PA'I PHYIR RO, ,DE GNYIS TSIG THA DAD PA NI BYAS PA DE BZHIN DU SHES PA NYID KYANG TSUL GSUM PA'I GO BAR BYA BA LAS KYANG THA DAD PAR BRJOD PAR BYA'O ZHE NA, GRUB PA'I MTHA' SMRA BAS MA YIN TE ZHES BYA BA SMOS TE, RJES SU 'GRO BA DANG LDOG PA DAG THA DAD PA NI MED KYI 'ON KYANG TSUL THA DAD PA NYID DO, ,DE LTA NA RJES SU 'GRO BAS MTHUN PA'I PHYOGS @325B LA YOD PAR BRJOD DO, ,YANG LDOG LAS NI MI MTHUN PA'I PHYOGS LA MED PA DE DAG NI PHAN TSUN LTOS PAS SO, ,PHAN TSUN NANG DU 'DU BA YIN TE, SGRUB PA DANG DGAG PA'I TSUL THA DAD PA'I NGO BO YIN PA'I PHYIR RO, ,GANG DANG GANG THA DAD PA'I NGO BO DE DANG DE'I NAR DU 'DU BAR 'GYUR BA MI RIGS SO,, 'O NA NI GANG RJES SU 'GRO BA DANG LDOG PA NGO BO THA DAD PA DE LTA NA JI LTAR TSUL GSUM DU BRJOD PAR BYE, PHAN TSUN THA DAD PA'I BDAG NYID NI GCIG PA NYID DU MI RUNG NGO ZHE NA, NGO BO NYID THA DAD PAS MTSAN NYID THA DAD PA'I PHYIR DNGOS PO THA DAD PA LA NYES BA 'DI MED DO, ,GANG GI PHYIR JI LTA BA'I RJES SU 'GRO BA DANG LDOG PA RNAM PA RNAM PAR GZHAG PAR BYA BA DE LTA BU 'DIS NANG DU 'DU BAR BRJOD DE, GZHAN DU NI MA YIN NO, ,JI LTAR 'DI DAG RNAM PAR GZHAG CE NA, LDOG PAS BYAS PA THA DAD PA LA BRTEN PA'I DE LTA NA YANG TSUL THA DAD PA 'DI NYID NI LDOG PA THA DAD PA YIN DU ZIN KYANG DON DAM PAR THA DAD PA ME DE RTAGS GCIG LA TSUL GSUM DU BRJOD DO, ,'ON NI 'DI NI DON LA THA DAD PA 'GA' ZHIG KYANG MED KYI GZHAN DU SBYOR BA THA DAD PA YIN NO ZHES SNGAR BSHAD PA JI LTAR YIN ZHE NA, TSIG GCIG GIS KYANG ZHES BYA BA LA SOGS PA SMOS TE, RJES SU 'GRO BA DANG LDOG PA'I SGO NAS RAB TU SBYOR BA NA TSIG GCIG GIS RJES SU 'GRO BA DANG LDOG PA THA DAD PA'I MTSAN NYID GO BAR BYED PA YIN NO ZHES KHO BO CAG BRJOD LA, DON GCIG LA RANG BZHIN GNYIS MED DO ZHES BRJOD DO, ,PHAN TSUN THA DAD PA NYID DAG GI DON GYI NGO BO YIN PA'I PHYIR RO, ,'DIR GZHAN DAG NA RE, 'ON NI DE KHO NA LA ZHES BYA BA LA SOGS PA SMOS TE, BSAM PA NI 'DI YIN TE, MTSAN NYID GSUM PAS BSTAN PA'I RJES SU 'GRO BA DAG LDOG PA LA BRTEN PA PHAN TSUN NANG DU 'DU BAR BSHAD PA NI DER YANG RIG PAR BYA BA KHO NA STE, DE LTA NA DE KHO NA LA YOD DO ZHES BYA BA MTSAN NYID KYI DAG DE'I SHUGS KYIS DE MED PA LA MED PAR RTOGS SO, ,DE MED PA LA GDON MI ZA BA MI DO ZHES BYA BA 'DIS KYANG DE YOD PA YIN NO, ,'BREL PA MED NA NI MA YIN TE, GCIG MED PAS GZHAN MED PA NI 'BREL PA DE'I BDAG NYID DANG DE LAS BYUNG BA DAG GIS DE YOD NA YOD PA'I NGO BO KHO NA'O, ,DES KYANG MTHUN PA'I PHYOGS SAM MI MTHUN @326A *, ,PA'I PHYOGS DAG LA YOD PA DANG MED PA GCIG RTOGS PAR BYED PAS 'BREL PA KHYAD PAR CAN GYI MTSAN NYID KYI TSIG GIS GNYI GA RTOGS PAR MA BRJOD PAR MI BYA'O SNYAM NA, DE LTA NA TSIG GCIG GI DON GYI NANG DU 'DUS PAS THA DAD PA'I NGO BO YANG 'DIR RNYED PAR DKA'O, ,DES KYANG JI SKAD DU BSHAD PA'I RJES SU 'GRO BA DAG KYANG 'ON TE LOGS SHIG TU MI BYA STE, DE DANG DE'I GNAS SKABS KHO NA YIN NO ZHE NA, GRUB PA'I MTHA' SMRA BAS TSIG 'DIS NI ZHES BYA BA SMOS TE, DE KHO NA YOD PA ZHES BYA BA LA SOGS PA GNYI GA YANG 'PHEN PA NI RAB TU BSTAN PA'O; ,GA LAS SHE NA, SHUS KYIS GNYI GA BSTAN PAR NUS PA'I PHYIR RO, ,GAL TE JI LTA BU YIN ZHE NA, GCIG GIS KYANG ZHES BYA BA LA SOGS PA SMOS TE DAG CI 'DRA BA ZHIG ,NGES PAR BSTAN PA NI MTHUN PA'I PHYOGS KHO NA LA YOD PA DANG MI MTHUN PA'I PHYOGS LA MED PA KHO NAS THUN MANG DU GNYIS PA 'PHEN PA NI MED NA MI 'BYUNG BA YIN PA'I PHYIR RO, ,RE ZHIG TSIG GCIG TU BSTAN PA TZAM GYIS GNYI GA GCIG GI NGO BO DANG THA DAD PA'I NGO BO'I DON RNAMS KYI NGAG GCIG GIS BSTAN PAR MI BYA BA'I PHYIR RO, ,MTSAN NYID KYI TSIG GCIG GIS GNYI GA RTOGS KYANG THA DAD PAR BRJOD PA GANG YIN PA DE NI SBYOR BA NGES PA'I PHYIR CHOS MTHUN PA'I SBYOR BA LA MI MTHUN PA BRJOD PAR MI BYA BA DANG, CHOS MI MTHUN PA'I SBYOR BA LA YANG CHOS MTHUN PA MI BRJOD DO, ,YANG GCIG RJOD PAR BYED PAS TSUL GZHAN BSTAN PA'I DON MI RTOGS PA NI MA YIN NO, ,DE LTAR TSUL GSUM PA BRJOD PA NI SHES PA DANG RJES SU 'BREL PAS SHES BYA LA YOD PAR RNAM PAR GZHAG PAR MI BYA'O, ,BSTAN BCOS BYED PA LA BRTEN NAS GZHAN GYIS KHONG DU CHUD PAR BYA BA'I DON DU SHES PA NYID NI TSUL GSUM PA BSTAN PAS GO NA, SHES PA YANG BRJOD PA NI DGOS PA CUNG ZAD CIG KYANG YOD PA MA YIN NO, ,'DI THA DAD PAR BRJOD PAR MI RIGS PA'I PHYIR RO, ,'ON TE 'BA' ZHIG PA YANG TSIG GCIG GI DON GYI NANG DU 'DU BAR 'GYUR BA PHAN TSUN THA MI DAD PA'I RANG BZHIN DU 'GYUR RO, ,DE NYID KYI PHYIR TSIG GCIG GI DON GYI NANG DU 'DUS PA YIN PAR 'DOD DO ZHE NA, YOD PA DANG MED PA ZHES BYA BA SMOS TE, NGAG GCIG @326B PA'I DON LA MI LTOS PAR DE'I NANG DU 'DUS PA TZAM GYIS MTHUN PA'I PHYOGS DANG MI MTHUN PA'I PHYOGS MA YIN PA DAG GI YOD PA DANG MED PA DAG PHAN TSUN 'PHEN PA'I NANG DU 'DU BAR 'GYUR BA'I THA DAD PA'I NGO BO'I DON RNAMS KYANG TSIG GCIG GI DON GYI NANG DU 'DU BAR MA MTHONG BA'I PHYIR RO, ,'O NA NI NGES PA DANG LDAN PA'I YOD PA DANG, MED PA 'BA' ZHIG PA NYID DE DAG KYANG PHAN TSUN 'PHANGS PAS 'BA' ZHIG PA YANG DER THAL BAR 'GYUR RO ZHE NA, NGES PA DANG LDAN PA ZHES BYA BA SMOS TE, DE NGES PAR GZUNG BA'I DAG TU BSTAN PAS 'BA' ZHIG NI MA YIN NO, ,'ON KYANG LHAN CIG PA NYID KYIS SO, ,GANG LAS SHE NA NGES PA NA NGES PAR GZUNG BA'I NGAG NI GNYI GA'I NGO BO YIN PA'I PHYIR RO, ,NGES NA DE LTAR THUN MONG DU BRJOD PAS RJES SU 'GRO BA DANG LDOG PA 'BA' ZHIG BRJOD PAS DE'I NANG DU 'DU BAS GNYI GA RTOGS PA YIN NO, ,'ON KYANG PHAN TSUN NANG DU 'DU BAR GYUR PA NYID LHAN CIG TU TSIG GCIG GIS BRJOD PA YIN NO ZHES MJUG BSDU BA NI DE'I PHYIR ZHES BYA BA SMOS SO DE NYID LA MTHUN PA'I PHYOGS KHO NA LA YOD PA ZHES BYA BA 'DIS MTHUN PA'I PHYOGS LA YOD PA BRJOD PA NI MA YIN TE, 'ON KYANG DE LTA NA MTHUN PA'I PHYOGS MED PA YANG YIN NAM DE BZHIN CIG SHOS KYIS KYANG STE, MTHUN PA'I PHYOGS LA MED PA KHO NA ZHES BYA BA'I TSIG GIS MED PA NYID 'BA' ZHIG BRJOD PA NI MA YIN NO, ,'ON KYANG MTHUN PA'I PHYOGS LA YOD PAS KYANG YIN TE, GANG GIS 'BA' ZHIG PA TSIG GIS YOD PA'AM MED PA DE'I BDAG NYID KYI GNYIS PA 'PHEN PAS SO, ,GANG GI PHYIR 'DIS THA DAD PAR BRJOD PAR MI 'GYUR BA DE'I PHYIR GANG GI TSE RJES SU 'GRO BA DANG LDOG PA'AM MED PA THA DAD PA'I NGO BO YIN PA'I PHYIR JI LTAR DE LAS LOGS SHIG PA NYID YIN, 'ON TE NGES PA DANG LDAN PA'I TSIG GIS BYAS PA'I DE'I NGAG GCIG PA NYID KYIS GNYI GA RTOGS PA YIN PA'I PHYIR LOGS SHIG TU BRJOD PAR MI BYA'O, ,DE BYAS KYANG MA RTOGS PA RTOGS PA MED DE, 'ON KYANG SBYOR BA NGES PA'I DON YIN NO ZHES BSHAD DO, ,GAL TE JI LTA BA'I RJES SU 'GRO BA'AM LDOG PA'I YOD PA'I MTSAN NYID PHAN TSUN BDAG NYID MA YIN PA DANG, DES DE GNYIS PHAN TSUN TSUL GZHAN YIN PA DE BZHIN DU, BSTAN BCOS BYED PA NI GZHAN GYIS SHES PAR BYED PA YIN PAS SHES PA NYID NI MTSAN NYID GSUM LAS THA DAD DO, ,DE'I NANG DU 'DU BAR 'GYUR BA MA YIN PA DE'I PHYIR TSUL GZHAN DU 'GYUR @327A *, ,RO ZHE NA, SHES PA NI DE LTAR ZHES BYA BA SMOS TE, RJES SU 'GRO BA DANG LDOG PA'I YOD PA DANG MED PA'I MTSAN NYID PHAN TSUN NANG DU 'DU BAR 'GYUR BA DE BZHIN DU SHES PA NI MA YIN TE, GZHAN GYIS SHES PAR BYED PA'I BSTAN BCOS BSHAD PA'I MTSAN NYID GSUM GYI NANG DU MA 'DUS PA YIN TE, GZHAN GYI MTSAN NYID YIN PA'I PHYIR RO, , GZHAN GYIS SHES PAR BYED PA'I TSUL GSUM PA'I YUL RTOGS PA'I 'BRAS BU YIN, BSTAN BCOS DE LAS GANG GIS TSUL GSUM PA RTOGS PA GANG YIN PAS SHES PA NI MA BZUNG NGO, ,DE'I PHYIR THA MI DAD PA'I SHES PA NI MA BZUNG BAS MTSAN NYID GSUM GYI NANG DU 'DUS SO ZHES BYA BA'I DON TO, ,BAS ZHES BYA BA NI DE'I PHYIR TE MTSAN NYID GSUM LAS THA DAD PA MA YIN PA'I PHYIR RO, ,GAL TE SHES PA NYID SHES PA'I SGRA 'JUG PA'I RGYU MTSAN DU BSHAD PA'I RNAM PA KHO NAR BRJOD DO, ,DE'I TSE DE'I RTAGS KYI BDAG NYID MA GYUR PAS DE'I MTSAN NYID MA YIN NO, ,YANG NA SHES PA LA LTOS PA'I LAS SU BYA BA SHES PA NYID DU BRJOD NA DE'I TSE YANG SHES BYA YOD PAR RNAM PAR BRJOD PA'I RGYU MTSAN NI SHES PA YOD PA YIN PA'I PHYIR TSUL GSUM RNAM PAR GZHAG PA KHO NAS DE YOD PAR 'JOG PAR BYED PA'I SHES PA RNAMS KYANG 'PHEN PA YIN NO, ,DE'I PHYIR DE LA LTOS KYANG LAS BYA BA'I YOD PA NI MA BRJOD KYANG GRUB PAS DE'I TSIG GIS LOGS SHIG TU BRJOD PAR MI BYA'O, ,DE LTAR BSTAN BCOS NI GZHAN GYIS SHES PAR BYED PA'I PHYIR BSHAD PAS MA BZUNG BA'I SHES PA NI MTSAN NYID GSUM LAS THA MI DAD PA'I PHYIR RO, ,DE NYID GNOD PA MED PA'I YUL CAN LA SOGS PA YIN PA'I PHYIR TSUL GSUM BSAL BA'I MJUG BSDU BA NI DE LTA BAS NA GTAN TSIGS MTSAN NYID DRUG MA YIN PAR ZHES SMOS SO, ,DE LTA NA MTSAN NYID GSUM KHO NA YIN NO ZHES BYA'O, ,GTAN TSIGS THIGS PA'I 'GREL PA BRAM ZE AA TZA tAS RNAM PAR SBYAR BA LAS MTSAN NYID DRUG BSHAD PA STE BZHI PA'O,, ,,THUB PA NYID MA'I GSUNG GI RIGS PA'I SGRON MA YIS, ,RTOG GE NGAN PA MA LUS LAM NI ZAD MDZAD PA'I, ,'GREL PA 'DI YIS BSOD NAMS BSAGS PA GANG YIN DES, ,'GRO BA GZHAN DAG RNAM PAR DAG PAR BYED GYUR CIG ,GTAN TSIGS THIGS PA'I RGYA CHER 'GREL PA BRAM ZE AA TZA tAS RNAM PAR SBYAR BA RDZOGS SO,, ,,'DZAM GLING SNYING PO KHA CHE'I GRONG KHYER DU, ,MKHAS PA'I SNYING PO CHOS KYI GRAGS PA'I 'GREL, ,DAM CHOS SNYING PO TSAD MA BSGYUR BA LAS, ,SNYING PO MED PA RNAMS KYI SNYING POR SHOG,, ,,