[#THE FOLLOWING TEXT HAS INCOMPLETE SECTIONS, WHICH ARE ON ORDER]

[#DATA INCOMPLETE HERE]

@236A *, ,RIM, ,RTEN DANG BRTEN PA 'BRAS DANG LNGA, ,SHES BYA
RNAM PA BRGYAD DANG NI, ,BDUN CU RTZA GSUM BSTAN PA YI, ,GRANGS
LA NGES YOD MA YIN YANG, ,MKHYEN PA GSUM LA BRTEN NAS NI, ,RE
ZHIG DE TZAM ZHIG BRJOD DO, ,GO RIMS SKYE BA'I RIM PA

STE, ,SA MTSAMS LAM NI LNGA NA YOD, ,CIS SHES SLOB DPON SENG
BZANG GIS, ,YE SHES TSOGS NI NYI SHU YANG, ,LAM NI LNGA KAR
SBYAR BAS SO, ,NGO BO 'DOD PA MI MTHUN TE, ,RNAL 'BYOR RGYUD LA
SKYE BA DANG, ,BDEN BZHI'I RNAM PA YIN ZHES DANG, ,NYAN THOS
BYANG

SEMS SANGS RGYAS KYI, ,YE SHES YIN ZHES 'DOD PA GSUM, ,RNAM PAR
RGYAS DANG MKHYEN PAR BSDUS, ,YANG NA GTAN LA DBAB PA DANG,
,SKYE BA'I RIM PAS BSTAN PAS NA, ,ZLOS PA'I SKYON DANG BRAL BA
YIN, ,NYAMS LEN MNYAM PAR GZHAG PA DANG, ,

RJES KYI DUS SU NYAMS LEN NO, ,MNYAM GZHAG SBYOR BA NYI SHU STE,
,DE YI YON TAN BCU BZHI'O, ,BZHI BCU RTZA DRUG SBYOR BA'I SKYON,
,SBYOR BA'I MTSAN NYID DGU BCU GCIG ,SBYOR BA'I NGO BO ZHI GNAS
DANG, ,SHES RAB YIN TE ZLOS PA'I SKYON, ,MED DE

SBYOR BA RNAM BCU RU, ,RJES KYI CHA NAS 'DI RU NI, ,MNYAM GZHAG
CHA NAS BSTAN PAS SO, ,DON LA ZLOS SBYOR MTSAN NYID DE, ,DANG PO
GNYIS NI SBYOR BA DNGOS, ,GSUM NI 'BRAS YIN YANG NA YUL, ,BCO
LNGA SA MTSAMS SGO NAS TE, ,RGYU MTSAN DES NI NYI SHU'O, ,KHA

CIG SA MTSAMS 'DI LTAR 'DOD, ,LNGA NI KUN NA GCIG GI TSOGS,
,LUNG BSTAN SBYOR LAM PHYIR MI LDOG ,SA BDUN MAN CHAD NGES
'BYUNG NAS, ,GSUM NI BRGYAD NAS SA BCU'I BAR, ,GZHAN DON YAN
CHAD SANGS RGYAS SA, ,LA LA DE LAS GZHAN DU 'DOD, ,YON

TAN SA MTSAMS NGES MED DE, ,MDO LAS KUN LA YOD PAR SNANG, ,SBYOR
BA'I PHAN YON YIN PAS SU, ,SBYOR BA'I RJES LA 'BYUNG BA'O,
,GRANGS NGES MED DO NGO BO NI, ,PHYIN CI MA LOG PHAN YON NO,
,SKYON SPANGS SA MTSAMS NGES PA MED, ,SPYIR NA SA BRGYAD MAN
CHAD

@236B DU, ,SKYON 'BYUNG ZHES NI MDO LAS BSHAD, ,DE TSE SPANGS
NAS SGOM ZHES ZAR, ,LA LA SGOM PA NOR LAS ZAR, ,MDOR NA SKYON
DANG YON TAN NI, ,SHES PAR BYAS NAS SGOM PA YIN, ,MTSAN NYID DGU
BCU RTZA GCIG KYANG, ,GRANGS NGES MED KYANG 'KHOR GYI DOR, ,DE

RTZAM KHO NA BSHAD PA YIN, ,GO RIMS SKYE BA'I RIM PA STE, ,SKYE
BA'ANG RAGS PA KHO NA STE, ,SA MTSAMS SBYOR BA'I RJES NA STE,
,MNYAM GZHAG DUS NA 'ANG 'DOD PA YOD, ,MTSAN NYID RDZOGS PA
SANGS RGYAS SO, ,CHA MTHUN DA LTA'I GNAS SKABS NAS, ,'DI NI
SBYOR

BA'I MTSAN NYID DO, ,RNAM PA ZER BA YOD KYANG NGE, ,GZHUNG NAS
SNGA MA GSAL BAR BSHAD, ,MTSAN NYID LA YANG MI MTHUN STE, ,THUN
MONG MA YIN MTSAN NYID DANG, ,GTAN TSIGS DAG TU 'DOD PA'O, ,DE
YANG SBYOR BA SKOR CIG DANG, ,SO SOR 'DOD PA THA DAD DO,,

PHYIN CI MA LOG DPOG PA DANG, ,SBYOR BA SO SOR DPOG PA YA, ,GTAN
TSIGS DAG KYANG THA DAD DO, ,SHES PA'I KHYAD PAR BYED PA NI,
,'BRAS BU'I GTAN TSIGS NGO BO NI, ,RANG BZHIN GTAN TSIGS 'DOD PA
YOD, ,SHES RAB 'BYUNG GNAS BLO GROS NI, ,KHYAD

PAR DAG KYANG RANG BZHIN ZER, ,KHA CIG BYED YIN GZHAN MIN ZER,
,GSUM KA GTAN TSIGS GCIG TU NI, ,BYED PA YOD DE MI 'THAD DO,
,SBYOR BA DPAGS PA'I DGOD PA NI, ,BRTZON 'GRUS CHER NI 'JUG PA
DANG, ,MTHAR GYIS SGOM PA'I MNGON RTOGS LA, ,

PHAN ZHES 'DOD PA THA DAD DO, ,RJOD PA MANG BA DE TZAM MO, ,THAR
DANG NGES 'BYED KYIS MTSON NAS, ,RJES LA NYAMS SU BLANG BAR
BSHAD, ,THAR CHA'I RTEN NI GLING GSUM MI, ,THOS BSAM SA YIN NGO
BO NI, ,DAD LA SOGS PA RNAM PA LNGA, ,SH'ANTIS DAD SOGS DBYE BAR
BYAS, ,

TSOGS LAM CHE 'BRING RNAM GSUM DU, ,SENG GE BZANG PO'I DBYE BA
YIN, ,MI SKRAG MI DNGANG MI ZHUM PA, ,CHE 'BRING GSUM GYI RTAGS
SU BSHAD, ,MYA NGAN 'DAS PA THAR PA STE, ,DE YI CHA NI SDUG
BSNGAL BZOD, ,DE DANG MTHUN PA NGES PA YIN, ,DE NYID SBYIN PA LA
SOGS LA, ,MI

@237A *, ,DMIGS PAS NI ZIN PA STE, ,THAR PA'I CHA MTHUN MTSAN
NYID YIN, ,NGES 'BYED BSDUS DON SNGAR BSHAD PAS, ,RJES KYI NYAMS
BLANG 'BA' ZHIG BSHAD, ,DMIGS PA SEMS CAN THAMS CAD DE, ,CHUNG
NGU'I RNAM PA MNYAM DANG BYAMS, ,'BRING GI RNAM PA

PHAN PA DANG, ,KHONG KHRO MED DANG MI 'TSE GSUM, ,CHUNG NGU'I
RNAM GNYIS TSE 'DI LA, ,GZHAN LA 'TSE BAR MI BYED PA, ,'BRING GI
RNAM GSUM PHYI MA LA, ,GZHAN LA PHAN PAR BYED PA'O, ,CHEN PO'I
PHA LA SOGS PA STE, ,'DI DANG PHYI MA GNYIS KA LA, ,PHAN PAR
BYED PA KHO NA'O,,

RTZE MO CHUNG NGU'I MI DGE LAS, ,LDOG PA BDAG SPONG GZHAN 'JUG
LA, ,'BRING GI SBYIN SOGS DGE BA LA, ,BDAG DANG GZHAN DAG SBYOR
BA STE, ,GZHAN BDE'I RGYUD LA SBYOR BA'O, ,CHEN PO'I BDAG KYANG
STONG SGOM ZHING, ,GZHAN LA SBYOR TE GZHAN DAG LA, ,PHYIN CI

LOG NI SPONG BAR 'DOD, ,BZOD PA CHUNG NGU'I BDEN BZHI LA, ,BDAG
DANG GZHAN DAG SBYOR BA STE, ,GZHAN NI 'PHAGS LAM SBYOR 'DOD
PA'O, ,'BRING GI RGYUN ZHUGS LA SOGS LNGA, ,SHES SHING MNGON DU
MI BYED LA, ,BDAG DANG GZHAN DAG SBYOR BA STE, ,GZHAN DAG

'BRAS BUR SBYOR 'DOD PA'O, ,CHEN PO'I BYANG CHUB SKYON MED LA,
,BDAG GZHAN SBYOR DANG GZHAN DAG NI, ,SANGS RGYAS LA NI SBYOR
'DOD PA'O, ,CHOS MCHOG CHUNG NGU'I SEMS CAN NI, ,SMIN PAR BYED
DE DON LA NI, ,THEG PA GSUM LA DGOD PA'O, ,'BRING GI BDAG

GZHAN GNYIS KA YANG, ,BYANG CHUB MNGON SHES SKYE LA STE, ,SEMS
CAN BYANG CHUB LAM SBYOR BA'O, ,CHEN PO'I BDAG NI RNAM MKHYEN
PA'I, ,YE SHES SKYE BAR 'DOD PA DANG, ,GZHAN BDAG PHUN SUM TSOGS
PA YI, ,MTHAR THUG LA NI 'JOG PA'O, ,TSOGS LAM RTEN NI

BSHAD ZIN PAS, ,NGES 'BYED MTHONG LAM BSGOM LAM GYI, ,PHYIR MI
LDOG PA'I GANG ZAG GSUM, ,BSTAN PHYIR RTAGS KYI SGO NAS BSHAD,
,PHYIR MI LDOG PA RNAM GSUM STE, ,'DIR NI THEG PA 'OG MA RU, ,MI
LDOG PA YI RTAGS BSHAD DO, ,DBANG PO RAB 'BRING THA MA

@237B YIS, ,NGES 'BYED MTHONG LAM BSGOM LAM GYI, ,SA BRGYAD DAG
TU GO RIMS BZHIN, ,PHYIR MI LDOG PA GSUM YIN NO, ,MTHAR THUG
LDOG PA MA YIN YANG, ,GNAS SKABS LDOG PA YOD PAS NA, ,RTAGS YOD
NA NI GNAS SKABS GYI, ,LDOG PA YANG NI MED DO ZHES, ,

RTAGS KYI SGO NAS DPOG PA YIN, ,RANG LA DPOG NA RGYU TSOGS PA'I,
,RANG BZHIN KHO NA'I GTAN TSIGS SO, ,GZHAN GYIS DPOG NA RANG
BZHIN DANG, ,'BRAS BU'I GTAN TSIGS GNYIS KYIS SO, ,DPAG PA'I
DGOS PA RANG LA NI, ,BRNYAS PA SKYES PA DGAG

PA'O, ,DE NI SPYI YI BYE BRAG GI ,NGES 'BYED RTAGS NI NYI SHU
LA, ,GRANGS NGES MED KYANG DE TZAM ZHIG ,'KHOR GYI NGO RU BSHAD
PA YIN, ,DROD LA BCU GCIG RTZE MO'I DRUG ,BZOD PA GNYIS TE CHOS
MCHOG GCIG ,SENG GE BZANG PO'I 'DOD PA YIN, ,SH'ANTIS

DE LTAR MA PHYE'O, ,MTHONG LAM RTAGS NI BCU DRUG KYANG, ,RJES
KYI CHA NAS RTAGS YIN TE, ,'O NA BZOD PA ZER BA NI, ,SNGAR GYI
NUS PA MTSON PA YIN, ,BSGOM LAM RTAGS NI ZAB MO BRGYAD, ,KHA CIG
SA NI RE RE LA, ,ZAB MO RE RE YIN ZER BA, ,DE MI 'THAD DE RE RE
LA,,

BRGYAD KA YOD KYANG 'GAL BA MED, ,SRID DANG ZHI MNYAM RNAM PA
STE, ,GONG GI GANG ZAG DE NYID KYIS, ,RNAM PA 'DI LTAR SGOM ZHES
PA, ,SLOB DPON SENG GE BZANG PO DANG, ,BUDDHA SHRI' DZNYA NA
BZHED DO, ,SBYOR BA NYI SHU MI ZLOS TE, ,RJES KYI CHA NAS BSHAD
PA'O, ,

NGES 'BYED CHA MTHUN GYIS MI ZLOS, ,'DI NI SGYU MA'I TSUL NAS
SO, ,RMI LAM CHUR KHYER DPES BLANGS NAS, ,SA BRGYAD YAN CHAD NA
YOD CES, ,SANGS RGYAS PHAL PO CHE NAS BSHAD, ,SRID DANG ZHI BA
MNYAM NYID KYIS, ,MI SLOB RTEN BSTAN RNAM GROL GSUNG, ,'DI TZAM

SLOB PAR BYAR YOD CES, ,DE SKAD RNAM GROL GSUNG PAS NA, ,GTAN MI
SLOB PA'I MI SLOB MIN, ,ZHING DAG GNYIS TE SEMS CAN DANG, ,SNOD
KYI 'JIG RTEN DAG PA'O, ,SEMS CAN DAG LAS BKRES SOGS DANG, ,BRAL
TE THEG GSUM SNOD

@238A *, ,DU RUNG, ,SNOD DAG SNOD SOGS GSER LA SOGS, ,SENG BZANG
SANGS RGYAS SA RU 'DOD, ,BUDDHA SHRI' YANG DE BZHIN NO, ,DAG PAR
BYED PA YIN PAS NA, ,SA BCU MAN CHAD NA YOD CES, ,'PHAGS PA RNAM
PAR GROL SDE GSUNG, ,THABS LA MKHAS PA RNAM BCU

YANG, ,GRANGS NGES MED KYANG GO RIMS NI, ,BSKYED BYA SKYED PA'I
RIM PA DANG, ,BSGRUB BYA GTAN TSIGS RIM PAS NI, ,BSTAN ZHES
SANGS RGYAS YE SHES GSUNG, ,SANGS RGYAS SA NA YOD PAS NA, ,GZHAN
DON THABS LA MKHAS PA STE, ,DE NYID KYI NI MTSAN NYID YIN,
,MDZAD

PAS 'BRAS YIN 'DIR NI RGYU, ,DES NA DE GNYIS ZLOS PA MED, ,SENG
BZANG GSUNG STE RNAM GROL DANG, ,BUDDHA SHR'I NI RNAM GNYIS NI,
,SA BCU MAN CHAD NA YOD DE, ,THABS MKHAS PA YI NGO BO NI, ,SANGS
RGYAS RGYU LA MKHAS PA LA, ,'DOD PAS SA MTSAMS MI MTHUN NO,
,RTZE

MO BDUN LA DROD KYI RTZE, ,RTAGS KYIS BSTAN TE DBYE BA NI, ,BCU
GNYIS BSTAN KYANG GRANGS NGES MED, ,RTZE MO BRTAGS GNYIS SO SO
STE, ,RTAGS KYI RTZE MO DPAG CES SU, ,LA LA DE SKAD 'DOD PA YOD,
,KHA CIG RTAGS GNYIS RTZE MO RU, ,'DOD DE RTAGS KYI DPAG BYA

NI, ,PHYIR MI LDOG PAR DPOG PA STE, ,LUNG NAS DE LTAR DPAG GO
GSUNG, ,RNAM 'PHEL BCU DRUG RTZE MO YI, ,GRANGS NGES MED DE GO
RIMS KYANG, ,MED DE 'DIS KYANG 'DIS KYANG NI, ,'PHEL LO ZHES NI
BYA BA YIN, ,BCU DRUG GANG RUNG YOD PAS SU, ,DE YI

RGYUD LA DGE 'PHEL BA, ,RTZE MO YIN ZHES LA LA ZER, ,BCU DRUG
NYID NI RTZE MO ZHES, ,KHA CIG DE SKAD 'DOD PA'NG YOD, ,SNGAR NI
YOD PAR MA GYUR LA, ,RTZE MO THOB NAS YOD PAS NA, ,'PHEL BA ZHES
NI BRJOD PA YIN, ,BZOD PA'I RTZE MO KUN MKHYEN NYID, ,GSUM GYI

CHOS NI RDZOGS PA YIN, ,DE GSUM CHOS NI SEMS BSKYED SOGS, ,SNGAR
BSHAD PA YI RIM PA RNAMS, ,BZOD PAR RDZOGS PAR 'THAD SNYAM NA,
,SPANG BYA GZHI SHES RDZOGS PA DANG, ,LAM SHES RNAM GNYIS RDZOGS
PA DANG, ,RNAM KUN BAR DU RDZOGS PA LA, ,RDZOGS

@238B PA'I THA SNYAD BRTAGS ZHES ZER, ,RTZE MO SA DGU YAN CHAD
NA, ,RDZOGS PAR YOD PAS 'GAL BA MED, ,DE SKAD KHA CIG RJOD PAR
BYED, ,SH'ANTI PA YI 'DOD PAS NI, ,KUN MKHYEN CHOS NI RNAM GSUM
YANG, ,RANG 'BYUNG DANG NI DE BZHIN GSHEGS, ,THAMS CAD MKHYEN PA

GSUM LA 'DOD, ,CHOS MCHOG RTZE MO DPAG MED KYANG, ,TING NGE
'DZIN LA BRTEN NAS SU, ,BSOD NAMS DPAG TU MED PA NI, ,RTZE MO RU
NI BSHAD PA YIN, ,MTHONG LAM RTZE MO SPANGS PA DANG, ,RTOGS DANG
YON TAN RTZE MO ZHES, ,SPANG SOGS ZHAR LA 'BYUNG BA STE,

RTZE MO DNGOS NI PHA ROL PHYIN, ,RE RE LA YANG DRUG DRUG TU,
,RDZOGS PA YIN ZHES KHA CIG ZER, ,DES NA MTHONG LAM RTZE MO NI,
,RJES KYI GNAS SKABS NA YOD ZER, ,SPANG BYA RNAM PAR RTOG PA NI,
,GZUNG 'DZIN GNYIS SU BSDUS PA STE, ,ZHIB TU PHYE NA RE RE LA,
,YANG

NI DGU DGU YOD PA YIN, ,KHAMS GSUM SPANG BYAS PHYE NA NI, ,RTOG
PA BRGYA RTZA BRGYAD YIN NO, ,GRANGS NGES RGYU MTSAN YUL GYIS
TE, ,CHE 'BRING GIS KYANG ZER BA YOD, ,NGO BO 'KHRUL PA'I SHES
PA STE, ,RTOG BCAS RTOG PA MED PA YI, ,'KHRUL PA GNYIS KA YIN

ZHES ZER, ,SHES BYA'I SGRIB PA KHO NA STE, ,NYON MONGS SGRIB
DANG SHES BYA'I SGRIB, ,LA LA GNYIS CHAR YIN PAR 'DOD, ,BDAG YOD
DU NI RTOG LA SOGS, ,DMAN PA'I RTOG PA YIN PA DANG, ,BDAG MED DU
NI RTOG LA SOGS, ,NGAN RTOG GI NI GNYEN PO DAG ,YIN

ZHES 'DOD PA MI MTHUN NO, ,LA LA GNYIS CHAR ZER BA STE, ,'DI
'BREL NA NI THA MA GSAL, ,NGAN RTOG BSKAL PA DPAG MED NAS, ,DE
YI GNYEN PO'I RTOG PA NI, ,'JIG RTEN PA YI LAM NA YOD, ,SPONG BA
MTHONG LAM BAR CHAD MED, ,THEG PA CHEN PO'I 'DOD PA

STE, ,NYAN THOS RNAM GROL LAM GYIS SO, ,RGYA MTSO LA NI CHU BO
BZHIN, ,YON TAN DPAG MED 'DU BA NI, ,SGOM PA LAM GYI RTZE MO
STE, ,SA BRGYAD YAN CHAD NA YOD CES, ,LA LA 'DOD DE DPYAD NA NI,
,SA BCU'I GNAS SKABS NA YOD 'DRA, ,SPANG BYA RTOG PA'I MTSAN
NYID NI, ,

@239A *, ,SNGAR BSHAD ZIN PAS BYE BRAG GI ,MTSAN NYID BSTAN PAR
BYA BA NI, ,SENG GE BZANG PO'I 'DOD PAS SU, ,NGES PAR 'BYED PA'I
DUS DAG NA, ,YOD PA'I PHRAG DOG YIN SHES GSUNG, ,RNAM PAR GROL
STE SGOM LAM GYI, ,RJES KYI SHES PA'I GNAS

SKABS KYI, ,DGE BA ZAG BCAS YIN ZHES ZER, ,BAR CHAD MED PA'I
RTZE MO NI, ,NGO BO ZHI GNAS LHAG MTHONG STE, ,BAR NI GANG GIS
MA CHOD LA, ,YON TAN RDZOGS MANG MTSAN NYID YIN, ,ZLOS PA'I
SKYON NI SNGAR SPANGS TE, ,SA MTSAMS RDO RJE LTA BU NA, ,MNYAM
GZHAG

'BA' ZHIG YIN PAS NA, ,'DI YI DMIGS PA DNGOS MED YIN, ,RANG GI
RGYUD LA LOG PAR RTOG, ,BCU DRUG GSAL LA SKYE BA STE, ,LOG PAR
RTOG PA'I NGO BO NI, ,NYON MONGS SHES BYA'I SGRIB PA STE, ,GNYIS
CHAR ZER TE LA LA NI, ,THA MA KHO NA YIN PAR 'DOD, ,GRANGS NGES
MED

DE SDUD PA RU, ,DPOG PAR SGRUB PA'I MING GIS SU, ,MANG DU BSHAD
PAR 'DUG PAS SO, ,RGYAS PAR 'DIR NI SPRO MI BYA, ,MTHAR GYIS PHA
ROL PHYIN PA DRUG, ,RJES SU DRAN DRUG DON DAM MO, ,PHA ROL DRUG
DANG SGRUB PA YANG, ,'CHOL DANG GO RIMS YIN PAS NA, ,ZLOS

SKYON MED DE DKON MCHOG GSUM, ,DE BZHIN YIN PAS ZLOS SKYON MED,
,SBYIN DANG TSUL KHRIMS GNYIS DANG NI, ,GTONG DANG TSUL KHRIMS
DRAN PA YANG, ,DNGOS DANG BRAS BU'I CHA NAS SU, ,BSTAN PAS ZLOS
SKYON MED PA YIN, ,LHA DANG DKON MCHOG DPANG PO DANG,

RTEN TSUL YIN PAS ZLOS PA MED, ,SKAD CIG BYANG CHUB RNAM BZHI
NI, ,LDOG PAS DBYE BA YIN PAS SU, ,RIM GYIS SKYE BA MA YIN NO,
,DANG PO GNYIS NI 'BRAS BU YIN, ,THA MA GNYIS NI RNAM PA YIS,
,GRANGS NGES YOD PA MA YIN YANG, ,'BRAS BU KUN NI DE RU 'DU,
,SKU NI

GCIG GNYIS GSUM BZHI LNGA, ,GRANGS MED 'DOD PA DAG TU'O, ,RANG
DANG GZHAN GYIS DON GYIS SU, ,SKU GSUM ZHES NI BYAMS PAS GSUNGS,
,RANG DON CHOS SKU GNYIS PO NI, ,RGYUD DAG MA DAG RNAM GNYIS
KYI, ,DON DU GZUGS SKU RNAM GNYIS ZER, ,MDO SDE THAR

@239B PA CHEN PO NAS, ,NGO BO NYID SKU GSUNGS PA DANG, ,DON DAM
GYI NI BDEN PA DANG, ,GSUM PO DAG TU MA 'DUS PAS, ,SKU BZHI SHES
NI SENG BZANG GSUNG, ,SPRUL PA YI NI SPRUL LA SOGS, ,YOD PAS SKU
LNGA GZHAN DAG ZER, ,BDAG GZHAN LONGS SPYOD RDZOGS

PAS SU, ,SKU LNGAR 'DOD PA DON GSANG YIN, ,NGO BO NYID SKU'I NGO
BO NI, ,DNGOS PO'I GNAS LUGS YIN PA STE, ,CHOS SKU GNAS LUGS
RTOGS PA YI, ,YE SHES YIN NO SKU GNYIS NI, ,GZUGS LA 'JOG STE
GZUGS DE YANG, ,'KHOR GYI

SNANG BA 'BA' ZHIG LA, ,'JOG PA THOGS MED CHED KYI GZHUNG,
,GNYIS KA'I SNANG BA LA 'JOG PA, ,PHYOGS KYI GLANG PO LA SOGS
PA, ,GNYIS KA'I SNANG BA MA YIN PAR, ,'DOD PA N'A G'ARDZU NA
SOGS, ,YE SHES LNGA KA CHOS SKU RU, ,LA LA 'DOD PA YOD

KYANG NI, ,BUDDHA SHR'I DZNY'A 'DI LTAR 'DOD, ,ME LONG YE SHES
CHOS KYI SKU, ,MNYAM NYID SO SOR RTOG PA NI, ,LONGS SPYOD RDZOGS
SKU SPRUL PA NI, ,BYA BA SGRUB PA'I YE SHES YIN, ,DE LTAR 'DOD
PA THA DAD DO, ,CHOS NYID YIN PAS CHOS SKU ZHES, ,KHA CIG DE

SKAD 'DOD PA YOD, ,CHOS NYID RTOGS DANG CHOS STON PAS, ,CHOS SKU
YIN ZHES 'DOD PA'ANG YOD, ,NGES PA BZHI STE 'KHOR DANG NI, ,GNAS
DANG STON PA CHOS SU STE, ,DES NA JI LTAR 'DOD PA RU, ,LONGS
SPYOD BYED PAS LONGS SPYOD SKU, ,'KHOR

GYI NGES PA SA BCU PA, ,'BA' ZHIG YIN ZHES SENG BZANG GSUNG,
,SH'ANTI MTHONG LAM YAN CHAD KYI, ,BYANG CHUB SEMS DPA' YIN ZHES
ZER, ,GNAS NI 'GOG MIN CHOS DE NI, ,THEG PA CHEN PO KHO NA'I
CHOS, ,STON PA MTSAN DANG DPE BYAD KYIS, ,

BRGYAN PA'I GZUGS NI KHO NA YIN, ,MTSAN NI SUM CU RTZA GNYIS
DANG, ,DPE BYAD BRGYAD CUR BSHAD KYANG DE, ,DPAG TU MED PAR YOD
PA STE, ,RAB GNAS MTSON NAS DPAG MED BSHAD, ,GDUL BYA'I NGOR NI
'DI TZAM GYIS, ,SKYES BU

@240A *, ,CHEN PO MTSON PAS NI, ,MTSAN GYI MTSAN NYID DAG TU
BSHAD, ,NGO BO SPYIR NI GZUGS YIN YANG, ,PHAL DUD DBANG PO LNGA
LA 'JOG ,SEMS KYI RNAM DAG MTSON PAS NA, ,DPE BYAD ZER TE YANG
NA NI, ,MTSAN NI BRGYAN PAR BYED

PAS NA, ,DPE BYAD DU YANG 'DOD PA YOD, ,SANGS RGYAS MTSAN NYID
MA YIN YANG, ,JI LTAR 'DUL BAR SPRUL PAS NA, ,GZUGS SKU ZHES NI
BRJOD PA YIN, ,NGES PA BZHI DANG BRAL NAS SU, ,JI LTA BA DANG JI
LTA BUR, ,DE LTA BA DANG DE LTA

BUR, ,STON PA SPRUL PA'I SKU YIN NO, ,DE YI MDZAD PA NYI SHU
BDUN, ,LHUN GYIS GRUB CING RGYUN MI 'CHAD, ,'JIG RTEN 'JIG RTEN
'DA' 'GOD DANG, ,SANGS RGYAS LA 'GOD RNAM GROL GSUNG, ,YANG NA
JI LTA JI SNYED PA, ,JI SNYED RTEN DANG

LAM BZHI 'GOD, ,MTHAR THUG LA DGOD JI LTA BA, ,BUDDHA SHR'I
DZNY'A NA ZER RO, ,DE LTAR MDZAD PA DPAG MED KYANG, ,LAM BDEN
RANG BZHIN GNAS SKABS TE, ,MYA NGAN 'DAS 'GOD 'BRAS BUR 'DOD,
,LHUN GRUB RGYUN MI 'CHAD PA YANG, ,

THUB PA KHO NA'I MDZAD PAR BZHED, ,BHANGGA LAR SKYES DGE SLONG
NI, ,MAR ME MDZAD DPAL YE SHES KYIS, ,GZHUNG DANG BLA MA'I GSUNG
GIS NI, ,PHAR PHYIN BSDUS DON SGRON MAR BYAS, ,DE DAG DRI MED
GANG THOB PAS, ,'GRO KUN

LOG RTOG RNAM SPANGS TE, ,PHA ROL PHYIN NYID RTOGS NAS KYANG,
,GZHAN LA PHAN PHYIR STON PAR SHOG ,SHES RAB KYI PHA ROL TU
PHYIN PA'I BSDUS DON SGRON MA ZHES BYA BA DPAL MAR ME MDZAD YE
SHES KYIS MDZAD PA RDZOGS

SO,, ,,PAndI TA DE NYID DANG LO TZ'A BA MKHAS PA CHEN PO'I CHEN
PO TSUL KHRIMS RGYAL BAS BSGYUR BA'O,, ,