@01 #, ,DBU MA RTZA BA'I 'GREL PA SHES RAB SGRON MA'I RGYA CHER 'GREL PA, BAM PO NYI SHU BRGYAD PA, DA NI SKYE BA MI MTHUN PA'I PHYOGS KYI KHYAD PAR DGAG PAS SKYE MCHED RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA GSUM PA BRTZAM MO, ,YANG NA 'GRO BA MI MTHUN PA'I PHYOGS DGAG PAS SKYE MCHED RNAMS STONG PA NYID DU BSTAN PA'I PHYIR RAB TU BYED PA GSUM PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR NI DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA'O, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI SKYE BA MI MTHUN PA'I PHYOGS KYI KHYAD PAR DGAG PAS ZHES BYA BA SMRAS SO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, SKYE MCHED RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA GSUM PA BRTZAM MO ZHES BYA BA SMRAS SO, ,YANG NA DAM BCAS PA LA 'JUG PA'I RGYU'I DON GYI DBANG DU BYAS NAS 'GRO BA MI MTHUN PA'I PHYOGS DGAG PAS @02A *, ,ZHES BYA BA SMRAS SO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, SKYE MCHED RNAMS STONG PA NYID DU BSTAN PA'I PHYI RAB TU BYED PA GSUM PA BRTZAM MO ZHES BYA BA SMRAS SO ZHES BYA BAR SBYAR RO, ,DE LA DA NI SKYE BA MI MTHUN PA'I PHYOGS KYI KHYAD PAR DGAG PAS ZHES BYA BA DE JI LTAR DAM BCAS PA LA 'JUG PA'I RGYU'I DON GYI DBANG DU BYAS PA YIN ZHE NA, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS, 'DIR RAB TU BYED PA GSUM PA BRTZAM PA'I SKABS SU YANG 'GREL PA BYED PAS KYANG SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS, DA NI SKYE PA MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, SKYE BA NYID SKYE BA MED PA'I MI MTHUN PA'I PHYOGS YIN PAS SKYE BA MI MTHUN PA'I PHYOGS ZHES BYA'O, ,DE'I KHYAD PAR ZHES BYA BA NI PHA ROL POS 'OG NAS DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO ZHES BYA BA LA SOGS PA PHYOGS SNGA MA NYE BAR BZHAG PA 'BYUNG BA DAG YIN NO, ,DE DGAG PAS ZHES BYA BA NI SKYE BA MI MTHUN PA'I PHYOGS KYI KHYAD PAR DE DGAG PA'I DBANG DU @02B BYAS NAS RAB TU BYED PA GSUM PA BRTZAM MO ZHES BYA BAR SBYAR TE, 'DI LTAR DAM BCAS PA LA 'JUG PA'I RGYU'I DON GYI DBANG DU BYAS NAS SKYE BA MI MTHUN PA'I PHYOGS KYI KHYAD PAR DGAG PAS RAB TU BYED PA GSUM PA BRTZAMS NA 'DOD PA'I DON 'GRUB PAR 'GYUR BA'I PHYIR RO, ,SKYE MCHED RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA GSUM PA BRTZAM MO ZHES BYA BA DE JI LTAR GZHUNG 'OG NAS 'BYUNG BA DANG SBYAR BA'I DON GYI DBANG DU BYAS PA YIN ZHE NA, SKYE MCHED BRTAG PA'I RAB TU BYED PA GSUM PA'I GZHUNG 'OG NAS 'BYUNG BA 'DI'I DON NI SKYE MCHED RNAMS NGO BO NYID MED PA NYID DU BSTAN PA YIN PAS 'DIR RAB TU BYED PA GSUM PA BRTZAM PA'I SKABS SU YANG 'GREL PA BYED PAS GZHUNG 'OG NAS 'BYUNG BA DANG SBYAR BA'I DON DE'I DBANG DU BYAS NAS SKYE MCHED RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA GSUM PA BRTZAM MO ZHES BYA BA SMRAS TE, 'DI LTAR THEG PA CHEN PO'I MDO LAS, MIG DANG RNA BA SNA DANG NI, ,LCE DANG LUS DANG DE BZHIN YID, ,DE DAG NGO BO NYID STONG PAR, ,RDZOGS PA'I SANGS RGYAS RNAMS KYIS BSHAD, ,CES KYANG GSUNGS LA, GZHAN YANG MIG NI MIG GI NGO BO NYID KYIS STONG NGO, ,DE BZHIN DU RNA BA DANG SNA DANG LCE DANG LUS DANG YID NI YID KYI NGO BO NYID KYIS STONG NGO, ,DE CI'I PHYIR ZHE NA, DE DAG GI NGO BO NYID DE YIN PA'I PHYIR RO ZHES GSUNGS PA DE DAG BSGRUB PA'I PHYIR RAB TU BYED PA GSUM PA BRTZAM MO, ,'DI SKAD BSTAN TE, SNGAR SKYE BA MED PA BSGRUB PA'I DON DE BSTAN PAR BYA BA'I PHYIR DANG, LUNG LAS SKYE MCHED RNAMS NGO BO NYID MED PA NYID DU GSUNGS PA DE DAG BSGRUB PA'I PHYIR RAB TU BYED PA GSUM PA BRTZAM MO ZHES BSTAN TO, ,YANG NA 'GRO BA MI MTHUN PA'I PHYOGS DGAG PAS ZHES BYA BA DE JI LTAR DAM BCAS PA LA 'JUG PA'I RGYU'I DON GYI DBANG DU BYAS PA YIN ZHE NA, BSTAN BCOS MDZAD PAS 'GRO BA BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD LA 'GRO BA MED PAR DAM BCA' BA MDZAD PAS, 'DIR RAB TU BYED PA GSUM PA BRTZAM PA'I SKABS SU YANG 'GREL PA BYED PAS SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS, YANG NA 'GRO BA MI MTHUN @03A *, ,PA'I PHYOGS DGAG PAS ZHES BYA BA SMRAS TE, 'GRO BA NYID 'GRO BA MED PA'I MI MTHUN PA'I PHYOGS YIN PAS 'GRO BA MI MTHUN PA'I PHYOGS ZHES BYA'O, ,DE DGAG PAS ZHES BYA BA NI 'GRO BA MI MTHUN PA'I PHYOGS DE DGAG PA'I DBANG DU BYAS NAS RAB TU BYED PA GSUM PA BRTZAM MO ZHES BYA BAR SBYAR TE, 'DI LTAR DAM BCAS PA LA 'JUG PA'I RGYU'I DON GYI DBANG DU BYAS NAS, 'GRO BA MI MTHUN PA'I PHYOGS DGAG PAS RAB TU BYED PA GSUM PA BRTZAMS NA 'DOD PA'I DON 'GRUB PAR 'GYUR BA'I PHYIR RO, ,SKYE MCHED RNAMS STONG PA NYID DU BSTAN PA'I PHYIR RAB TU BYED PA GSUM PA BRTZAM MO ZHES BYA BA DE JI LTAR GZHUNG 'OG NAS 'BYUNG BA DANG SBYAR BA'I DON GYI DBANG DU BYAS PA YIN ZHE NA, SKYE MCHED BRTAG PA'I RAB TU BYED PA GSUM PA'I GZHUNG 'OG NAS 'BYUNG BA 'DI'I DON NI SKYE MCHED RNAMS STONG PA NYID DU BSTAN PA YANG YIN PAS 'DIR RAB TU BYED PA GSUM PA BRTZAM PA'I SKABS SU YANG 'GREL PA BYED PAS GZHUNG 'OG NAS 'BYUNG BA DANG SBYAR BA'I DON DE'I DBANG DU BYAS NAS SKYE MCHED RNAMS STONG PA NYID DU BSTAN PA'I PHYIR RAB TU BYED PA GSUM PA BRTZAM MO ZHES BYA BA SMRAS SO, ,'DI SKAD BSTAN TE, SNGAR 'GRO BA MED PA BSGRUB PA'I DON DE BSTAN PAR BYA BA'I PHYIR DANG, LUNG LAS SKYE MCHED RNAMS STONG PA NYID DU GSUNGS PA DE DAG BSGRUB PA'I PHYIR RAB TU BYED PA GSUM PA BRTZAM MO ZHES BSTAN TO, ,GANG GI TSE DANG PO LTAR BRTAG PA DE'I TSE MI MTHUN PA'I PHYOGS NYE BAR GZHAG PA ZHES BYA BA NI DA NI SKYE BA MI MTHUN PA'I PHYOGS KYI KHYAD PAR DGAG PAS SKYE MCHED RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA GSUM PA BRTZAM MO ZHES BYA BAS SNGAR SKYE BA MED PA BSGRUB PA'I DON DE BSTAN PAR BYA BA'I PHYIR DANG, LUNG LAS SKYE MCHED RNAMS NGO BO NYID KYIS STONG PAR GSUNGS PA DE DAG BSGRUB PA'I PHYIR RAB TU BYED PA GSUM PA BRTZAM MO ZHES BSHAD PA DANG PO ZHES DE LTAR BRTAG PA DE'I TSE MI MTHUN PA'I PHYOGS SNGA MA NYE BAR GZHAG PA NI, PHA ROL POS 'OG NAS DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO ZHES BYA BA LA SOGS PA PHYOGS SNGA MA NYE BAR GZHAG PA 'BYUNG BA DAG YIN TE, 'DI LTAR PHYOGS SNGA MA NYE BAR SBAR BA BKAG NAS BSTAN BCOS MDZAD PA'I BZHED PA 'GRUB PA'I PHYIR 'DIR 'GREL @03B BA BYED PAS PHYOGS SNGA MA NYE BAR GZHAG PA BYAS SO, ,DE'I PHYIR DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO ZHES BYA BA LA SOGS PA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG MI MTHUN PA'I PHYOGS KYI DPE YIN PAR GO RIMS BZHIN DU SBYAR RO, ,'DI NA GANG SKYE BA MED PA DE LA NI YUL SO SOR NGES PA MED DE, DPER NA MO GSHAM GYI BU'I SKYE MCHED RNAMS LA YUL SO SOR NGES PA MED PA BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,NANG GI SKYE MCHED RNAMS LA NI YUL SO SOR NGES PA 'DI LTA DU YOD DE, 'DI LTA STE LTA BA DANG NYAN PA DANG SNOM PA DANG, MYONG BAR BYED PA DANG, RIG PAR BYED PA DANG YID RNAMS KYI YUL GZUGS DANG SGRA DANG DRI DANG RO DANG REG BYA DANG CHOS RNAMS YIN PAR GO RIMS BZHIN NO ZHES BYA BA NI NYE BAR SBYAR BA'I SBYOR BA YIN NO, ,DE'I PHYIR GTAN TSIGS JI SKAD SMOS PAS NANG GI SKYE MCHED RNAMS SKYE BA KHO NAR GZUNG BAR BYA'O ZHES BYA BA NI MJUG BSDU BA DANG TSAD MA'I 'BRAS BU YIN NO, ,GANG GI TSE GNYIS PA LTAR BRTAG PA DE'I TSE NI ZHES BYA BA NI, YANG NA 'GRO BA MI MTHUN PA'I PHYOGS DGAG PAS SKYE MCHED RNAMS STONG PA NYID DU BSTAN PA'I PHYIR RAB TU BYED PA GSUM PA BRTZAM MO ZHES BYA BAS SNGAR 'GRO BA MED PA BSGRUB PA'I DON DE BSTAN PAR BYA BA'I PHYIR DANG, LUNG LAS SKYE MCHED RNAMS STONG PA NYID DU GSUNGS PA DE DAG BSGRUB PA'I PHYIR RAB TU BYED PA GSUM PA BRTZAM MO, ,ZHES BSHAD PA GNYIS PA SHOS DE LTAR BRTAG PA DE'I TSE MI MTHUN PA'I PHYOGS SNGA MA NYE BAR GZHAG PA NI 'DI LTAR BYA'O ZHES BYA BAR SBYAR RO, ,DE'I TSE MI MTHUN PA'I PHYOGS SNGA MA NYE BAR BZHAG PA NI 'DI LTAR BYA STE, SNGAR 'GRO BA BRTAG PA'I RAB TU BYED PA GNYIS PA'I MJUG TU, DE'I PHYIR 'GRO DANG 'GRO BO DANG, ,BGROD PAR BYA BA'ANG YOD MA YIN, ,ZHES BSHAD PA'I PHYIR 'GRO BA SMRA BA DAG GIS DE MI BZOD PAS DE'I PHYIR PHA ROL PO DAG NA RE 'DI SKAD CES ZER RO ZHES BYA BAR SBYAR RO, ,DE'I PHYIR 'GRO BA YOD PA NYID DU SHES PAR BYA STE, BYA BA'I 'BRAS BU YIN PA'I PHYIR GZUGS LA LTA BA LA SOGS PA BZHIN NO ZHES ZER RO ZHES BYA BA SMRAS TE, DE DAG KYANG CHOS @04A *, ,CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE DPER NA MIG LA SOGS PA NI BYA BA'I 'BRAS BU YIN PA'I PHYIR YOD PA NYID DU SHES PAR BYA BA DE BZHIN DU 'GRO BA YANG BYA BA'I 'BRAS BU YIN PA'I PHYIR YOD PA NYID DU SHES PAR BYA'O ZHES ZER RO, ,DE SKAD CES ZER BA'I LAN DU, 'DIR 'GREL PA BYED PA NYID KYIS PHYOGS GNYI GA'I LAN DU BSHAD PA, LTA DANG NYAN DANG SNOM PA DANG, ,MYONG BAR BYED DANG REG BYED YID, ,DBANG PO DRUG PO DE DAG GI, ,SPYOD YUL BLTA BAR BYA LA SOGS, ,ZHES BYA BA LA SOGS PA SMRAS SO; ,LTA ZHES BYA BA NI LTA BAR BYED PA'I PHYIR RO ZHES BYA BA NI LTA BAR BYED PA PO NANG GI SKYES BU GZHAN NI MED DE, MIG GI DBANG PO NYID GZUGS LA LTA BAR BYED PA'I PHYIR MI GCES BYA'O, ,GZHAN DU NA 'DIS LTA BAR BYED PA'I PHYIR RO ZHES SMOS PAR 'GYUR BA ZHIG NA DO SKAD MA SMOS SO, ,LHAG MA RNAMS LA YANG DE BZHIN NO ZHES BYA BA NI, NYAN PA DANG SNOM PA DANG MYONG BAR BYED PA DANG REG PAR BYED PA DANG YID RNAMS LA YANG SGRA NYAN PAR BYED PA'I PHYIR RNA BA YIN, DRI SNOM PAR BYED PA'I PHYIR SNA YIN, RO MYONG BAR BYED PA'I PHYIR LCE YIN, REG BYA REG PAR BYED PA'I PHYIR LUS YIN, CHOS RNAMS SEMS PAR BYED PA'I PHYIR YID YIN TE, NYAN PAR BYED PA LA SOGS PA'I BYED PA PO NANG GI SKYES BU GZHAN MED PAR DE BZHIN DU SBYAR RO, ,DRUG PO ZHES BYA BA NI GZUGS LA SOGS PA GZUNG BA'I PHYIR TSOGS DE LA DBANG PO DANG BDAG PO NYID BYED PA'I PHYIR RO ZHES BYA BA NI DBANG PO ZHES BYA BA'I TSIG GI DON BSHAD PA STE, GZUGS LA SOGS PA YUL DRUG PO DAG GZUNG BA'I PHYIR DBANG PO DANG, YUL DANG SNANG BA DANG, NAM MKHA' DANG, DE DANG 'BYUNG BA'I YID LA BYED PA'I TSOGS CI RIGS PAR DE DAG LAS DBANG PO NI TSOGS LHAG MA DE DAG LA GTZO CHER DBANG BA NYID DANG, BDAG PO NYID BYED PA'I PHYIR DBANG PO ZHES BYA'O, ,DRUG PO ZHES BYA BA NI SO SO'I MING SMOS PA NYID KYIS GRANGS KYANG RAB TU 'GRUB MOD KYI, DE NGES PAR GZUNG BA NI THA SNYAD DU YANG DE DAG LAS GZHAN PA GZUGS LA SOGS PA LA DMIGS PAR BYED PA'I BYED PA PO MED PAR SHES PAR BYA BA'I PHYIR RO @04B ZHES BYA BA NI, LTA DANG NYAN DANG SNOM PA DANG, ,MYONG BAR BYED DANG REG BYED YID, ,CES DBANG PO SO SO'I MING SMOS PA NYID KYIS GRANGS DRUG YIN PAR YANG RAB TU 'GRUB MOD KYI DRUG PO ZHES BYA BA'I GRANGS DE NGES PAR GZUNG BA NI KUN RDZOB KYI THA SNYAD DU YANG DRUG PO DE DAG LAS GZHAN PA GZUGS LA SOGS PA LA DMIGS PAR BYED PA'I BYED PA PO NANG GI SKYES BU GZHAN MED PAR SHES PAR BYA BA'I PHYIR RO, ,DE DAG GI ZHES BYA BA NI DBANG PO DRUG PO DE DAG GI'O ZHES BYA BA NI DE DAG GI SPYOD YUL GANG ZHE NA ZHES BYA BAR SBYAR RO, ,SPYOD YUL ZHES BYA BA NI YUL TE DE DAG LA MTHU YOD PA NYID CES BYA BA'I THA TSIG GO ZHES BYA BA NI SPYOD YUL ZHES BYA BA'I TSIG GI DON BSHAD PA STE, SPYOD YUL NI YUL TE, YUL DE DAG LA DBANG PO RNAMS SPYOD PA'I MTHU YOD PA NYID CES BYA BA'I TSIG GO, ,BLTA BAR BYA BA LA SOGS PA ZHES BYA BA NI BLTA BAR BYA BA DANG, MNYAN PAR BYA BA DANG, BSNAM PAR BYA BA DANG, MYANG BAR BYA BA DANG REG PAR BYA BA DANG, BSAM PAR BYA BA DAG GO ZHES BYA BA NI DBANG PO DRUG PO DE DAG GI SPYOD YUL NI, GZUGS DANG, SGRA DANG, DRI DANG, RO DANG, REG BYA DANG, CHOS RNAMS YIN TE, BLTA BAR BYA BA LA SOGS PA DE DAG DANG GO RIMS BZHIN NO, ,YUL CAN DANG YUL SO SOR NGES PA DE YANG THA SNYAD PA YIN GYI DON DAM PA PA NI MA YIN PAS GTAN TSIGS MI MTHUN PA'I PHYOGS 'BA' ZHIG LA YOD PA'I PHYIR DON 'GAL BA NYID DO ZHES BYA BA NI PHYOGS SNGA MA GNYI GA'I GTAN TSIGS KYI DON 'GAL BA NYID DU 'GRUB PA YIN TE, PHYOGS SNGA MA SMRA BA DAG GI GTAN TSIGS YUL SO SOR NGES PA'I PHYIR RO ZHES BYA BA DANG BYA BA'I 'BRAS BU YIN PA'I PHYIR GZUGS LA LTA BA LA SOGS PA BZHIN NO ZHES SMOS PA'I DBANG PO YUL CAN DANG, GZUGS LA SOGS PA YUL SO SOR NGES PA DE YANG KUN RDZOB KYI THA SNYAD PA YIN GYI DON DAM PA NI MA YIN PAS PHYOGS SNGA MA SMRA BA'I GTAN TSIGS DE NI DON DAM PAR YOD PAR BSGRUB PA'I MI MTHUN PA'I PHYOGS KUN RDZOB 'BA' ZHIG LA YOD PA'I PHYIR DON DAM PAR YOD PAR BSGRUB PA DANG, DON 'GAL BA NYID YIN PAS MA GRUB PO ZHES BSTAN TO, ,DON DAM PAR JI LTAR MIG LA SOGS PA YUL CAN DANG YUL GYI DNGOS POR MI 'THAD PA DE LTAR 'DI BSHAD PAR BYA STE @05A *, ,ZHES BYA BAS NI DON SNGA MA GSAL BAR BYA BA'I PHYIR TSIG LE'UR BYAS PA 'OG MA DAG GI MGO 'DREN PAR BYED DO, ,RE ZHIG MIG GI DBANG PO GCIG PU'I DBANG DU MDZAD NAS, LTA BA RANG GI BDAG NYID NA, ,DE YIS DE NI MI MTHONG NYID, ,CES BYA BA NI DON DAM PAR MIG LA SOGS PA'I DBANG PO DRUG DANG, GZUGS LA SOGS PA YUL DRUG PO DAG YUL CAN DANG, YUL GYI DNGOS POR MI 'THAD PAR STON PA'I SKABS LAS, RE ZHIG DANG POR MIG GI DBANG PO DANG GZUGS YUL CAN DANG YUL GYI DNGOS POS MI 'THAD PA'I DBANG DU BYAS TE STON TO, ,LTA BA ZHES BYA BA NI LTA BAR BYED PA'I PHYIR TE MIG GI DBANG PO ZHES BYA BA'O ZHES BYA BAS NI KUN RDZOB TU MIG GI SKYE MCHED KYI MTSAN NYID BSTAN TE GANG GI PHYIR MIG GI DBANG POS NI GZUGS LA LTA BAR BYED PA STE DE'I PHYIR LTA BA ZHES BYA'O, ,RANG GI BDAG NYID NA ZHES BYA BA NI RANG GI NGO BO NYID YIN NA'O ZHES BYA BA NI MIG GI DBANG PO DE DON DAM PAR GZUGS KYI RANG GI NGO BO NYID YIN NA'O, ,DE YIS DE NI MI MTHONG NYID, ,CES BYA BA LA CI'I PHYIR MI MTHONG BA NYID YIN ZHE NA, PHYOGS DE NI TSIG GI DON 'OG NAS 'BYUNG BAS GSAL BAR BYED DO ZHES BYA BAR NI MIG GI DBANG PO DES MIG GI DBANG PO DE NI MI MTHONG BA DE NYID YIN TE, DE CI'I PHYIR ZHE NA, PHYOGS DE NI TSIG LE'UR BYAS PA'I PHYED 'OG MA SHOS KYIS GSAL BAR BYED DO ZHES BYA BA'I THA TSIG GO , ,CI'I PHYIR ZHE NA, DES DE MI MTHONG BA'I PHYIR TE, DE NI GRAGS PA YIN NO ZHES BYA BAR DGONGS SO ZHES BYA BA NI CI'I PHYIR MIG GI DBANG PO DES MIG GI DBANG PO DE MI MTHONG ZHE NA, DE RANG GIS RANG MI MTHONG BA NYID KYI PHYIR TE, DE NI RGOL BA DANG PHYIR RGOL BA GNYI GA LA GRAGS PA YIN PAS BSGRUB MI DGOS SO ZHES BYA BAR SLOB DPON GYIS DGONGS SO, ,NYID CES BYA BA'I SGRA NI NGES PAR 'BYUNG BA'I DON TO, ,DER MI MTHONG BA NYID CES BYA BAR BLTA BAR BYA'I, GZHAN DU NA MTHONG BA ZHES BYA BAR SHES PAR 'GYUR RO ZHES BYA BA NI, DE YIS DE NI MI MTHONG NYID, ,CES BYA BA TSIG LE'UR BYAS PA DE'I SKABS NAS NYID CES BYA BA'I SGRA SMOS PA NI MI MTHONG BA NYID CES BYA BAR NGES PAR BZUNG BA'I DON YIN GYI, DES NI DE NYID MI MTHONG STE, ,ZHES BYA BA LTAR SGRA JI BZHIN DU NGES PAR BZUNG NA DES DE NYID MI @05B MTHONG NA YUL GZHAN MTHONG NGO ZHES BYA BAR SHES PAR 'GYUR BAS DE NI MI RUNG NGO, ,JI STE DE LTA NA KHYOD KYIS CI ZHIG BSGRUBS PAR GYUR TE, GANG GI TSE MIG RANG GI BDAG NYID MI MTHONG NGO ZHES SMRAS PA DE'I TSE GZHAN DU GYUR PA DE'I GZUGS MTHONG NGO ZHES KHAS LEN TO ZHE NA ZHES BYA BA NI CI STE PHA ROL POS 'DI SKAD CES KHYED DBU MA PAS, LTA BA RANG GI BDAG NYID NA, ,DE YIS DES NI MI MTHONG NYID, ,CES BSHAD PA DE LTA NA KHYED DBU MA PAS CI ZHIG BSGRUBS PAR GYUR TE, GANG GI TSE MIG GIS RANG GI BDAG NYID MI MTHONG NGO ZHES BYA BA SMRAS PA'I TSE, KHO BO CAG MIG GIS GZHAN DU GYUR PA GZUGS MTHONG NGO ZHES KHAS LEN PAS DES NA KHO BO CAG GI 'DOD PA NYAMS PAR MI 'GYUR RO SNYAM DU SEMS SHING DE SKAD CES ZER BA YIN NO, ,DE SKAD CES ZER BA'I LEN DU, 'DIR 'GREL PA BYED PA NYID KYIS KHYOD 'DOD PA GANG YIN PA DE YANG, GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,MIG LA GZUGS MTHONG BA'I MTHU NYID MED DO ZHES BYA BA'I TSIG GI DON TO ZHES BYA BA SMRAS TE, KHYED MIG GIS GZHAN DU GYUR PA GZUGS MTHONG BAR 'DOD PA GANG YIN PA DE YANG KHO BOS MI MTHONG BA NYID DU BSGRUBS ZIN TE, JI LTAR ZHE NA, DE'I PHYIR, GANG TSE BDAG NYID MI MTHONG BA; ,DE YIS GZHAN NI JI LTAR MTHONG, ,ZHES BYA BA SMRAS TE TSIG LE'UR BYAS PA DE'I DON NI MIG LA GZUGS MTHONG BA'I MTHU NYID MED DO ZHES BYA BA'I THA TSIG GO , ,DE LA 'DIR TSIG LE'UR BYAS PA'I PHYED GONG MAS NI MIG GIS RANG GI BDAG NYID MI MTHONG BA'I CHOS BSTAN LA ZHES BYA BA NI, LTA BA RANG GI BDAG NYID NA, ,DE YIS DE NI MI MTHONG NYID, ,CES BYA BA TSIG LE'UR BYAS PA'I PHYED GONG MA DES NI MIG GIS GZUGS MI MTHONG BA NYID DU SGRUB PA'I CHOS NI RANG GI BDAG NYID MI MTHONG BA YIN PAR BSTAN TO, ,PHYED 'OG MAS NI BSGRUB PAR BYA BA CHOS GZUGS MI MTHONG BA BSTAN TO ZHES BYA BA NI, GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,ZHES BYA BA'I TSIG LE'UR BYAS PA'I PHYED 'OG MA DES NI CHOS CAN MIG LA BSGRUB PAR BYA BA CHOS NI GZUGS MI MTHONG BA NYID YIN PAR BSTAN TO, ,DPE NI BSGRUB PAR BYA BA DANG, SGRUB PA'I CHOS KYI @06A *, ,DBANG GIS GNYI GA LA GRAGS PA'I CHOS CAN RNAMS RNA BA LA SOGS PA YIN PAR SBYAR RO, ,DE'I PHYIR BSGRUB PAR BYA BA DANG, SGRUB PA'I CHOS NYE BAR GZHAG PAS SBYOR BA'I TSIG TU 'DOD PA NI ZHES BYA BA NI 'OG NAS CHOS CAN DANG, BSGRUB PAR BYA BA CHES DANG, SGRUB PA'I CHOS DANG, DPE NYE BAR SBYAR BA RNAMS YIN PAR SBYAR RO, ,DE'I PHYIR DON DAM PAR MIG GI DBANG POS NI GZUGS MI MTHONG BA NYID DE, RANG GI BDAG NYID MI MTHONG BA'I PHYIR, DPER NA RNA BA LA SOGS PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG; SGRUB PA'I CHOS DANG DPE YIN PAR GO RIMS BZHIN DU SBYAR TE, DPER NA RNA BA LA SOGS PA NI RANG GI BDAG NYID MI MTHONG BA'I PHYIR, DE DAG GIS GZUGS MI MTHONG BA NYID YIN PA DE BZHIN DU MIG GI DBANG PO YANG RANG GI BDAG NYID MI MTHONG BA'I PHYIR DES GZUGS MI MTHONG BA NYID YIN TE, RJES SU DPAG PA DES NI MIG GI DBANG POS GZUGS MI MTHONG BA NYID BSTAN TO, ,YANG NA PHYED GONG MAS NI MIG GI DBANG PO GZUNG BA NYID MA YIN PAR BSTAN NAS, MIG GI DBANG PO RANG GI BDAG NYID CHOS MTHUN PA'I DPE NYID DU NYE BAR GZHAG LA ZHES BYA BA NI YANG NA, LTA BA RANG GI BDAG NYID NA, ,DE YIS DE NI MI MTHONG NYID, ,CES BYA BA TSIG LE'UR BYAS PA'I TSIG GONG MA DES NI MIG GI DBANG PO NYID MIG GI DBANG PO'I GZUNG BA'I YUL NYID MA YIN PAR BSTAN NAS, MIG GI DBANG POS RANG GI BDAG NYID GZUGS MIG GI DBANG PO YUL MA YIN PA'I CHOS MTHUN PA'I DPE NYID DU NYE BAR GZHAG GO , PHYED 'OG MAS NI MIG GI DBANG POS GZUGS MI MTHONG BAR BSTAN PAS BSGRUB PAR BYA BA CHOS GZUGS MIG GI DBANG PO'I YUL MA YIN PA NYID DU BSTAN TO ZHES BYA BA NI, GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,ZHES BYA BA TSIG LE'UR BYAS PA'I PHYED 'OG MA DES NI MIG GI DBANG POS GZUGS MI MTHONG BAR BSTAN PAS, CHOS CAN GZUGS LA BSGRUB PAR BYA BA CHOS MIG GI DBANG PO'I YUL MA YIN PA NYID DU BSTAN TO, ,'DIR DE'I DBANG GIS SBYOR BA'I TSIG NI ZHES BYA BA NI 'DIR BSGRUB PAR BYA BA DANG, SGRUB PA'I CHOS DANG, CHOS MTHUN PA'I DPE DE'I DBANG @06B GIS SBYOR BA'I TSIG TU GYUR BA NI 'OG NAS CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE NYE BAR SBYAR BA RNAMS YIN PAR SBYAR RO, ,DE'I PHYIR DON DAM PAR GZUGS MIG GI DBANG PO'I YUL MA YIN TE, BSAGS PA'I PHYIR DPER NA MIG GI DBANG PO'I BDAG NYID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MIG GI DBANG PO'I BDAG NYID NI BSAGS PA'I PHYIR MIG GI DBANG PO'I YUL MA YIN PA DE BZHIN DU GZUGS KYANG BSAGS PA'I PHYIR MIG GI DBANG PO'I YUL MA YIN TE, RJES SU DPAG PA DES NI GZUGS MIG GI DBANG PO'I YUL MA YIN PAR BSTAN TO, ,RANG GI BDAG NYID MI MTHONG BA DANG BSAGS PA NI MTSAN NYID KYI SGRA'I TSUL NYE BAR GZUNG BA'I PHYIR TE, GTAN TSIGS THOGS PA DANG BCAS PA NYID DANG 'BYUNG BA LAS GYUR PA NYID DANG RGYUR BYAS PA'I GZUGS NYID DANG GZUGS KYI PHUNG POR GTOGS PA NYID LA SOGS PA DAG GI PHYIR RO ZHES KYANG PHYOGS GNYIS KA LA RJES SU DPAG PA DAG BRJOD PAR BYA'O ZHES BYA BA NI, LTA BA RANG GI BDAG NYID NA, ,DE YIS DE NI MI MTHONG NYID, ,GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,ZHES BYA BAS MIG GI DBANG POS GZUGS MI MTHONG BA'I GTAN TSIGS RANG GI BDAG NYID MI MTHONG BA ZHES BYA BA DANG, GZUGS MIG GI DBANG PO'I YUL MA YIN PA'I GTAN TSIGS BSAGS PA'I PHYIR ZHES BYA BA NI MTSAN NYID KYI SGRA'I TSUL TZAM NYE BAR GZUNG BA'I PHYIR MTSON PA TZAM DU ZAD KYI PHYOGS DE GNYIS KYI GTAN TSIGS NI THOGS PA DANG BCAS PA NYID LA SOGS PA DAG KYANG YIN NO ZHES BYA BA'I THA TSIG STE, DPER NA KHVA DAG LAS ZHUN MAR BSRUNG BAR BYA'O ZHES SMRAS NA KHYI DAG LAS MI BSRUNG BAR BYA BA MA YIN PA DE BZHIN DU, 'DIR YANG RANG GI BDAG NYID MI MTHONG BA ZHES BYA BA DANG, BSAGS PA ZHES BYA BA DE GNYIS GTAN TSIGS SU SMOS PAS THOGS PA DANG BCAS PA NYID LA SOGS PA DAG GTAN TSIGS SU MI RUNG BA MA YIN NO, ,'DI SKAD BSTAN TE, DON DAM PAR MIG GI DBANG POS NI GZUGS MI MTHONG BA NYID DE, THOGS PA DANG BCAS PA NYID KYI @07A *, ,PHYIR RAM, 'BYUNG BA LAS GYUR BA NYID KYI PHYIR RAM, RGYUR BYAS PA'I GZUGS NYID KYI PHYIR RAM, GZUGS KYI PHUNG POR GTOGS PA NYID LA SOGS PA DAG GI PHYIR DPER NA RNA BA LA SOGS PA BZHIN NO ZHE'AM, DON DAM PAR GZUGS NI MIG GI DBANG PO'I YUL MA YIN TE, THOGS PA DANG BCAS PA NYID KYI PHYIR RAM, 'BYUNG BA LAS GYUR PA NYID KYI PHYIR RAM, RGYUR BYAS PA'I GZUGS NYID KYI PHYIR RAM, GZUGS KYI PHUNG POR GTOGS PA NYID LA SOGS PA DAG GI PHYIR DPER NA MIG GI DBANG PO'I BDAG NYID BZHIN NO ZHES TSAD MA SNGAR BSTAN PA'I PHYIR PHYOGS GNYI GA LA RJES SU DPAG PA DAG BRJOD PAR BYA'O, ,'DIR KHA CIG NA RE MIG GIS RANG GI BDAG NYID MI MTHONG BA NI BSTAN DU MED PA YIN PA'I PHYIR RUNG MOD KYI, GZUGS NI BSTAN DU YOD PA YIN PAS DE'I PHYIR DE MTHONG NGO ZHES ZER RO ZHES BYA BA NI 'DIR SDE PA GZHAN DAG DBU MA PAS GZUGS MIG GI DBANG PO'I YUL MA YIN TE ZHES BSHAD PA DE KHAS BLANGS PA LA GNOD PAR 'GYUR RO ZHES RGOL BA YIN NO, ,DE DAG 'DI SKAD CES DBU MA PAS DON DAM PAR MIG GI DBANG POS NI GZUGS MI MTHONG BA NYID DE, RANG GI BDAG NYID MI MTHONG BA'I PHYIR DPER NA RNA BA LA SOGS PA BZHIN NO ZHES BSHAD PAR GTAN TSIGS, RANG GI BDAG NYID MI MTHONG BA, ,ZHES BYA BA NI RUNG STE, 'DI LTAR BCOM LDAN 'DAS KYIS KYANG, GZUGS NI RNAM PA GSUM STE BSTAN DU YOD LA THOGS PA DANG BCAS PA DANG BSTAN DU MED LA THOGS PA MED PA DANG, BSTAN DU MED LA THOGS PA DANG BCAS PA'O, ,DE LA BSTAN DU YOD PA THOGS PA DANG BCAS PA NI GZUGS KYI SKYE MCHED DO, ,BSTAN DU MED LA THOGS PA MED PA NI RNAM PAR RIGS BYED MA YIN PA'I GZUGS SO, ,BSTAN DU MED LA THOGS PA DANG BCAS PA NI MIG LA SOGS PA DBANG PO LA SOGS PA LNGA'O ZHES GSUNGS PAS MIG GIS RANG GI BDAG NYID MI MTHONG BA NI BSTAN DU MED PA YIN PA'I PHYIR RUNG MOD KYI, KHYED KYIS DON DAM PAR GZUGS MIG GI DBANG PO'I YUL MA YIN TE, BSAGS PA'I PHYIR DPER NA MIG GI DBANG PO'I BDAG NYID BZHIN NO ZHES BSHAD PAS MIG GI DBANG POS GZUGS MI MTHONG NGO ZHES BSGRUBS PA @07B DE NI MI RUNG STE, GZUGS KYI SKYE MCHED NI SNGAR BSTAN DU YOD LA THOGS PA DANG BCAS PA YIN PAS DE'I PHYIR DE MTHONG NGO ZHES GSUNGS BZHIN DU DE MI MTHONG NGO ZHES BSGRUB PA NI KHAS BLANGS PA LA GNOD PAR 'GYUR RO ZHES ZER RO, ,DE SKAD CES ZER BA'I LEN DU 'DIR 'GREL PA BYED PA NYID KYIS DE LA RGYU GZHAN DES KHO BO CAG GIS SMRAS PA'I GTAN TSIGS DANG DPE BSGRUB PA'I PHYIR GNOD PA MED DO ZHES BYA BA SMRAS TE, DE LA KHYED NA RE MIG GIS RANG GI BDAG NYID MI MTHONG BA NI BSTAN DU MED PA YIN PA'I PHYIR RUNG MOD KYI ZHES ZER BA'I BYED RGYU GZHAN DES KHO BO CAG GIS DON DAM PAR MIG GI DBANG POS NI GZUGS MI MTHONG BA NYID DE RANG GI BDAG NYID MI MTHONG BA'I PHYIR ZHES SMRAS PA'I GTAN TSIGS DANG DON DAM PAR GZUGS MIG GI DBANG PO'I YUL MA YIN TE, BSAGS PA'I PHYIR DPER NA MIG GI DBANG PO'I BDAG NYID BZHIN NO ZHES SMRAS BA'I DPE BSGRUB PA'I PHYIR KHO BO CAG GI RJES SU DPAG PA DE KHAS BLANGS PA LA GNOD PA MED DO, ,CHOS MNGON PA PA DAG NA RE GAL TE KHYAD PAR MED PA DAG MIG GIS GZUGS RNAMS MI MTHONG BA NYID CES ZER NA DE NI GRUB PA LA SGRUB PA YIN TE, PHYOGS NI DE DANG MTSUNGS PA'I MIG GIS MI MTHONG BA YIN PA'I PHYIR RO, ,'ON TE MIG GIS GZUGS RNAMS MI MTHONG BA RTEN PA MTSUNGS PA LA BYA'O ZHES ZER NA NI DE LTA NA KHAS BLANGS PA LA GNOD PAR 'GYUR TE, CHOS MNGON PA LAS, RTEN MTSUNGS MIG GIS GZUGS RNAMS MTHONG, ,DER BRTEN RNAM PAR SHES PAS MIN, ,ZHES GSUNGS PA'I PHYIR RO ZHES ZER RO ZHES BYA BYA BA NI SNGAR SDE PA GZHAN DAG LA DBU MA PAS LAN BTAB PA DANG, 'DIR CHOS MNGON PA PA DAG DBU MA PA LA GRUB PA LA SGRUB PA'I SKYON CHAGS PA DANG, KHAS BLANGS PA LA GNOD PAR 'GYUR RO ZHES RGOL BA YIN NO, ,DE DAG 'DI SKAD CES DBU MA PAS DON DAM PAR MIG GI DBANG POS NI GZUGS MI MTHONG BA NYID DE ZHES BSHAD PA GANG YIN PA DE GAL TE DE DANG MTSUNGS PA'I MIG GIS MI MTHONG BA LA BYA'O ZHES ZER NA NI MA GRUB PA'I SKYON CHAGS PA YIN TE, DE DANG MTSUNGS PA'I MIG GIS GZUGS MI MTHONG BA NI NGED KYI PHYOGS LA YANG GRUB PA'I PHYIR RO, ,'ON TE RTEN PA MTSUNGS @08A *, ,PA'I MIG GIS MI MTHONG BA LA BYA'O ZHES ZER NA NI KHAS BLANGS PA LA GNOD PAR 'GYUR TE, CHOS MNGON PA LAS, RTEN PA MTSUNGS PA'I MIG GIS GZUGS RNAMS MTHONG GI, DE LA BRTEN PA'I RNAM PAR SHES PAS NI MI MTHONG NGO ZHES GSUNGS PA'I PHYIR RO ZHES ZER RO, ,DE SKAD CES ZER NA DE'I LAN DU, 'DIR 'GREL PA BYED PA NYID KYIS, DE LA 'DIR RTEN PA MTSUNGS PA'I MIG NYID PHYOGS SU BYAS PA'I PHYIR GRUB PA LA SGRUB PA YANG MA YIN LA KHAS BLANGS PA LA GNOD PAR YANG MI 'GYUR TE, MIG GIS GZUGS NI MI MTHONG ZHING, ,YID KYIS CHOS RNAMS MI SHES TE, ,GANG LA 'JIG RTEN MI 'JUG GO , ,DE NI DAM PA'I BDEN PA'O, ,ZHES GSUNGS PA'I PHYIR RO ZHES BYA BA LA SOGS PA SMRAS TE, 'DIR NGED DBU MA PAS RTEN PA MTSUNGS PA'I MIG NYID PHYOGS SU BYAS PA'I PHYIR GRUB PA LA SGRUB PA YANG MA YIN TE, KHYED LA RTEN PA MTSUNGS PA'I MIG GIS GZUGS MI MTHONG BAR MA GRUB PA'I PHYIR RO, ,KHAS BLANGS PA LA GNOD PAR YANG MI 'GYUR TE, CHOS MNGON PA LAS, RTEN MTSUNGS MIG GIS GZUGS RNAMS MTHONG, ,DER BRTEN RNAM PAR SHES PAS MIN, ,ZHES GSUNGS PA NI NGED KYANG KHAS LEN MOD KYI DE NI KUN RDZOB TU GSUNGS PA YIN TE, DE CI'I PHYIR ZHE NA, BCOM LDAN 'DAS KYIS 'PHAGS PA SRID PA 'PHO BA'I MDO LAS, MIG GIS GZUGS NI MTHONG NGO ZHES, ,THAMS CAD MKHYEN PAS GANG GSUNGS PA, ,LOG PA'I NGA RGYAL 'JIG RTEN LA, ,DE NI KUN RDZOB BDEN PAR BSTAN, ,ZHES GSUNGS PA'I PHYIR RO, ,DE KUN RDZOB TU GSUNGS PA YIN GYI DON DAM PAR GSUNGS PA MA YIN PAR CI LTAR NGES PAR SHES SHE NA, 'PHAGS PA SRID PA 'PHO BA'I MDO NYID LAS, MIG GIS GZUGS NI MI MTHONG ZHING, ,YID KYIS CHOS RNAMS MI SHES TE, ,GANG LA 'JIG RTEN MI 'JUG PA, ,DE NI DAM PA'I BDEN PA'O; ,ZHES GSUNGS PA'I PHYIR KHO BO CAG RTEN PA MTSUNGS PA'I MIG GIS KUN RDZOB TU GZUGS MTHONG BAR KHAS BLANGS PA DE DON DAM PAR MI MTHONG BAR BSGRUBS PAS DE'I PHYIR KHAS BLANGS PA LA GNOD PAR MI 'GYUR RO, ,DON DAM PAR MIG GIS GZUGS MTHONG BAR KHAS MA BLANGS PA'I PHYIR @08B DANG; RJES SU DPAG PA BRGYAD PA JI SKAD BSTAN PA'I PHYIR DE GRUB PAS ZHES BYA BAS NI RTEN PA MTSUNGS PA'I MIG GIS GZUGS MI MTHONG BA DE GRUB PAS DE'I PHYIR YANG KHAS BLANGS PA LA GNOD PAR MI 'GYUR BAR STON TO, ,DE'I PHYIR DON DAM PAR RTEN PA MTSUNGS PA'I MIG GIS GZUGS MI MTHONG STE; MIG GI DBANG PO YIN PA'I PHYIR NA DE DANG MTSUNGS PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DE DANG MTSUNGS PA'I MIG NI MIG GI DBANG PO YIN PA'I PHYIR, GZUGS MI MTHONG BA DE BZHIN DU RTEN PA MTSUNGS PA'I MIG KYANG MIG GI DBANG PO YIN PA'I PHYIR GZUGS MI MTHONG NGO, ,YANG NA DBANG PO GZUGS CAN YIN PA'I PHYIR RNA BA BZHIN NO ZHES BKAG PA'I PHYIR RO ZHES BYA BA NI YANG NA RJES SU DPAG PA DANG GTAN TSIGS DANG DPE 'DI LTAR YANG SBYAR TE, DON DAM PAR RTEN PA MA TSANGS PA'I MIG GIS GZUGS MI MTHONG STE, DBANG PO GZUGS CAN YIN PA'I PHYIR DPER NA RNA BA BZHIN NO, ,DE LTAR RJES SU DPAG PA DE DAG GIS DON DAM PAR RTEN PA MTSUNGS PA'I MIG GIS GZUGS MI MTHONG BA BKAG PA'I PHYIR YANG KHAS BLANGS PA LA GNOD PAR MI 'GYUR RO, , 'DIR GAL TE GZHAN DAG NA RE 'JIG RTEN LA MIG GIS GZUGS MTHONG BAR GRAGS PA SEL BAR BYED PA NI GRAGS PA'I GNOD PAR 'GYUR RO ZHES ZER BA'I PHYOGS SNGA MA KHONG NAS 'BYUNG BA DE'I LAN DU 'DIR 'GREL PA BYED PA NYID KYIS GRAGS PA'I GNOD PAR YANG MI 'GYUR TE ZHES BYA BA SMRAS SO, , JI LTAR ZHE NA, DE'I PHYIR DAM BCAS PA KHYAD PAR CAN NYE BAR BZUNG BA NYID KYIS DE MA SPANGS PA'I PHYIR DANG, LAN BTAB ZIN PA'I PHYIR RO ZHES BYA BA SMRAS TE, DON DAM PAR MIG GIS GZUGS MI MTHONG NGO ZHES DAM BCAS PA KHYAD PAR CAN NYE BAR BZUNG BA NYID KYIS 'JIG RTEN LA MIG GIS GZUGS MTHONG BAR GRAGS PA DE MA SPANGS PA'I PHYIR DANG SNGAR SKYE BA MED PA BSTAN PA'I SKABS SU KUN RDZOB TU SKYE BA YOD NA DON DAM PAR SKYE BA MED DO ZHES LAN BTAB PA NYID KYIS 'DIR YANG KUN RDZOB TU MIG GIS GZUGS MTHONG LA DON DAM PAR MI MTHONG BAR BSTAN PAS GRAGS PA'I GNOD PAR 'GYUR BA'I @009A *, ,SKYON MED DO, ,KHA CIG DAG NA RE MIG GIS MTHONG BA NYID DE, LTA BA'I BYA BA'I BYED PA PO YIN PA'I PHYIR RO ZHE'O ZHES BYA BA NI 'DIR KHA CHE'I BYE BRAG TU SMRA BDAG NA RE DBU MA PAS MIG GIS GZUGS MI MTHONG NGO ZHES BSHAD PA DE MI RUNG STE, DE CI'I PHYIR ZHE NA, MIG GIS GZUGS MTHONG BA NYID DO, ,LTA BA'I BYA BA'I BYED PA PO YIN PA'I PHYIR RO ZHES SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS YIN TE, MIG NI LTA BA'I BYA BA'I BYED PA PO YIN PA'I PHYIR GZUGS MTHONG BA NYID DO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, KHA CIG NA RE DE NI RIGS PA MA YIN TE ZHES BYA BA LA SOGS PA SMRAS TE, KHA CIG NA RE ZHES BYA BA 'GREL PA BYED PA NYID NA RE KHA CHE BA DAG GIS SMRAS PA DE NI RIGS PA MA YIN TE ZHES ZER BAR SBYAR RO, ,DE CI'I PHYIR ZHE NA, DAM BCAS PA'I DON GYI PHYOGS GCIG YIN PA'I PHYIR DANG ZHES BYA BA SMRAS TE, KHA CHE DAG GI GTAN TSIGS LTA BA'I BYA BA'I BYED PA PO YIN PA'I PHYIR RO ZHES BYA BA DE NI DAM BCAS PA'I DON GYI PHYOGS GCIG YIN PAS MA GRUB PA'I PHYIR TE, MIG GIS MTHONG BA NYID DE ZHES DAM BCAS PA DE NI LTA BA'I BYA BA BYED PA'I DON YIN PAS DE BSGRUB PA'I GTAN TSIGS LTA BA'I BYA BA'I BYED PA PO YIN PA'I PHYIR RO ZHES SMOS PA NI DAM BCAS PA'I DON GYI PHYOGS GCIG YIN PA'I PHYIR MA GRUB PO, ,GZHAN YANG RJES SU 'GRO BA MED PA'I PHYIR YANG RIGS PA MA YIN TE, KHA CHE DAG GI RJES SU DPAG PA'I PHYOGS DE LA DPE MED PA'I PHYIR RO, ,GZHAN YANG DGAG PA SMRAS ZIN PA'I PHYIR YANG RIGS PA MA YIN TE, RJES SU DPAG PA SNGAR BSTAN MA THAG PA DAG GIS MIG GIS GZUGS MI MTHONG BA NYID DU DGAG PA SMRAS ZIN PA'I PHYIR KHA CHE DAG GIS SMRAS PA DE NI RIGS PA MA YIN NO ZHES 'GREL PA BYED PA NYID ZER RO, ,GZHAN DAG NA RE KHA CHE DAG GIS SMRAS PA NI RIGS PA MA YIN TE ZHES BYA BA LA SOGS PA NI SLOB DPON DE BA SHAR MAS KHA CHE DAG GIS SMRAS PA'I PHYOGS DE RIGS PA MA YIN PAR SUN 'BYIN PA'I TSIG YIN NO, ,CI'I PHYIR RIGS PA MA YIN ZHE NA, SKAD CIG MAR SMRA BA RNAMS LA NI SKAD CIG MA YIN PAS BYA BA MI 'THAD PA'I PHYIR RO, , @009B ZHES BYA BA SMRAS TE, GANG DAG SKAD CIG MAR SMRA BA RNAMS KYI PHYOGS LA NI CHOS THAMS CAD SKAD CIG MA YIN PAS DE DAG LA NI KHA CHE DAG GI GTAN TSIGS LTA BA'I BYA BA'I BYED PA PO YIN PA'I PHYIR RO ZHES ZER BA DE MI 'THAD PA'I PHYIR TE, MIG GIS LTA BA'I BYA BA BYED PA GANG YIN PA DE GAL TE SKAD CIG MA NYID YIN NA DE'I PHYIR DE SKYES MA THAG KHO NAR 'JIG PAS LTA BA'I BYA BA BYED PA MI 'THAD PA'I PHYIR RO, ,GZHAN YANG SKAD CIG MA MA YIN PAR SMRA BA RNAMS LA YANG DE NYID DE LAS GZHAN PA NYID DU MI 'THAD PA'I PHYIR YANG RIGS PA MA YIN TE, GANG DAG SKAD CIG MA MA YIN PAR SMRA BA RNAMS KYI PHYOGS LA YANG CHOS THAMS CAD SKAD CIG MAR MI 'DOD PAS DE DAG LA YANG KHA CHE DAG GI GTAN TSIGS LTA BA'I BYA BA'I BYED PA PO YIN PA'I PHYIR RO ZHES ZER BA DE MI 'THAD PA'I PHYIR TE, MIG GIS LTA BA'I BYA BA BYED PA GANG YIN PA DE GAL TE SKAD CIG MA NYID MA YIN NA DE'I PHYIR MIG SNGA NA LTA BA'I BYA BA BYED PA MA YIN PA DE NYID PHYIS DE LAS GZHAN PA'I LTA BA'I BYA BA BYED PA NYID DU 'GYUR BAR MI 'THAD PA'I PHYIR KHA CHE DAG GIS SMRAS PA DE NI RIGS PA MA YIN NO ZHES SLOB DPON DE BA SHAR MAS RANG GI DBU MA RTZA BA'I 'GREL PA DKAR PO 'CHAR BA ZHES BYA BA LAS BSHAD DO, ,MDO SDE BA DAG NA RE 'DU BYED RNAMS LA BYA BA MED PA'I PHYIR MIG GIS KYANG MA MTHONG LA GZHAN GYIS KYANG MA YIN TE, 'O NA CI ZHE NA, MDO SDE LAS MIG DANG GZUGS RNAMS LA BRTEN NAS MIG GI RNAM PAR SHES PA SKYE'O ZHES GSUNGS PAS, KHYED MIG GIS MI MTHONG NGO ZHES ZER BA NI GRUB PA KHO NA LA SGRUB PA YIN NO ZHE'O ZHES BYA BA NI MDO SDE PA DAG NA RE LUS BYA BA 'DU BYED RNAMS LA BYA BA DANG, G-YO BA DANG SPYOD PA MED PA'I PHYIR MIG GIS KYANG GZUGS MI MTHONG LA, NANG GI SKYES BU LA SOGS PA BDAG GI RDZAS GZHAN GYIS KYANG GZUGS MTHONG BA MA YIN NO, ,'O NA CI ZHE NA, MDO SDE LAS MIG DANG GZUGS RNAMS LA BRTEN NAS MIG GI RNAM PAR SHES PA SKYE'O ZHES GSUNGS PAS BDAG CAG GI LUNG DE LAS MIG DANG GZUGS LA SOGS PA'I RKYEN DE DAG GIS MIG GI RNAM PAR SHES PA SKYE BAR GSUNGS PAR ZAD KYI, MIG GIS GZUGS MTHONG BAR MA GSUNGS PAS, KHYED DBU MA PA @010A *, ,DAG GI RJES SU DPAG PA'I SBYOR BA JI SKAD SMRAS PA DAG GIS MIG GIS GZUGS MI MTHONG BA NYID DO ZHES SGRUB PA GANG YIN PA DE NI GRUB PA KHO NA LA SGRUB PA YIN PAS MI RUNG NGO ZHES BYA BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, SKYE BA BKAG PA KHO NAS MIG GI RNAM PAR SHES PA MI 'THAD PA'I PHYIR GRUB PA LA SGRUB PA MA YIN NO ZHES BYA BA SMRAS TE, KHO BOS RKYEN BRTAG PA'I RAB TU BYED PAR DNGOS PO RNAMS BDAG DANG GZHAN DANG GNYIS DANG, RGYU MED PA LAS SKYE BA BKAG PA KHO NAS DON DAM PAR MIG GI RNAM PAR SHES PA SKYE BA MI 'THAD PA'I PHYIR DE KHYED LA MA GRUB PAS GRUB PA LA SGRUB PA MA YIN NO, ,GAL TE MDO SDE PA DAG 'DI SKAD CES MDO SDE LAS MIG DANG GZUGS RNAMS LA BRTEN NAS MIG GI RNAM PAR SHES PA SKYE'O ZHES GSUNGS PA BZHIN DU KHYED SKYE BA DGAG PA KHO NAS MIG GI RNAM PAR SHES PA SKYE BAR MI 'THAD DO ZHES ZER BA NI KHAS BLANGS PA LA GNOD PAR 'GYUR RO ZHES ZER BA'I PHYOGS SNGA MA KHONG NAS 'BYUNG BA DE'I LAN DU, 'DIR 'GREL PA BYED PA NYID KYIS KHAS BLANGS PA LA GNOD PAR YANG MI 'GYUR TE, THA SNYAD KYI BDEN PA DANG RJES SU MTHUN PA'I MDO SDE'I DON KHAS BLANGS PA'I PHYIR DANG ZHES BYA BA SMRAS TE, MDO SDE LAS MIG DANG GZUGS RNAMS LA BRTEN NAS MIG GI RNAM PAR SHES PA SKYE'O ZHES GSUNGS PA NI THA SNYAD KYI BDEN PAR BKA' STZAL PA YIN LA, THA SNYAD KYI BDEN PA DANG RJES SU MTHUN PA'I MDO SDE'I DON DE KHO BO CAG GIS KHAS BLANGS PA'I PHYIR KHAS BLANGS PA LA GNOD PAR YANG MI 'GYUR RO, ,GAL TE MDO SDE'I DON DE DON DAM PAR GSUNGS PA YIN NO ZHES ZER BA DE'I LAN DU, DON DAM PAR MDO SDE'I DON LA RIGS PA MED PA'I PHYIR RO ZHES BYA BA SMRAS TE, MDO SDE'I DON DE DON DAM PAR GSUNGS PA YIN NO ZHES BYA BA DE LA RIGS PA DANG LUNG MED PA'I PHYIR TE, KHO BOS RJES SU DPAG PA DAG GIS DON DAM PAR SKYE BA BKAG PA'I PHYIR DANG, LUNG LAS KYANG, GZUGS KYI SKYE BA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES GSUNGS PA'I PHYIR RO, ,MIG DANG GZUGS KYI SKYE MCHED KYI SKYE BA BKAG PA'I PHYIR @010B DANG; MIG DANG GZUGS DAG GI LTA BA PO DANG LTA BA NYID BKAG PA'I PHYIR DE'I KHYAD PAR MI SRID PAS CHOG MOD KYI ZHES BYA BA LA SOGS PAS NI TSIG LE'UR BYAS PA SNGA MA DE NYID YANG RNAM PA GZHAN DU BSHAD PA'I DON 'OG NAS 'BYUNG BA DAG GI MGO 'DREN PAR BYED DO, ,DE LA BYE BRAG PA DAG MIG GIS GZUGS MTHONG STE, YUL MA PHRAD PA 'DZIN PAR BYED DO ZHES RTOG PA DANG GRANGS CAN DAG MIG GIS GZUGS MTHONG STE, YUL PHRAD PA 'DZIN PAR BYED DO ZHES RTOG PAR BYED PA DE DAG KYANG RIGS PA MA YIN TE, CI'I PHYIR ZHE NA, MIG DANG GZUGS KYI SKYE MCHED KYI SKYE BA BKAG PA'I PHYIR MIG GIS GZUGS MA PHRAD PA YANG 'DZIN PAR MI BYED LA PHRAD PA YANG 'DZIN PAR MI BYED PA'I PHYIR DANG, MIG DANG GZUGS DAG GI LTA BA PO DANG, BLTA BAR BYA BA NYID BKAG PA'I PHYIR MIG KYANG LTA BA PO NYID MA YIN LA GZUGS KYANG BLTA BAR BYA BA NYID MA YIN PAS MIG GIS GZUGS MA PHRAD PA YANG MI 'DZIN LA PHRAD PA YANG MI 'DZIN PA'I PHYIR BYE BRAG PA DANG GRANGS CAN DAG GIS BRTAGS PA MA PHRAD PA 'DZIN PA DANG PHRAD PA 'DZIN PA ZHES BYA BA DE'I KHYAD PAR MI SRID PAS DE DAG YANG DGAG PAR BYA MI DGOS TE, CHOG MOD KYI 'ON KYANG NYAN PA'I SKYE BO'I BLO GROS DBYE BAR 'DOD PAS PHYOGS TZAM ZHIG BSHAD PAR BYA'O ZHES BYA BA SMRAS TE, 'ON KYANG KUN RDZOB TU SKYE MCHED RNAMS KYI SKYE BA KHAS BLANGS NAS NYAN PA'I SKYE BO'I BLO GROS KYI KHA DBYE ZHING BYE BRAG TU RTOGS PAR BYA BAR 'DOD PAS MIG GIS GZUGS MA PHRAD PA 'DZIN PA DANG PHRAD PA 'DZIN PAR 'DOD PA DAG GI PHYOGS BSAL BA'I PHYIR YANG 'DIR PHYOGS TZAM ZHIG BSHAD PAR BYA'O ZHES BYA BAR SBYAR RO, ,LTA BA RANG GI BDAG NYID NA, ,DE YIS DE NI MI MTHONG NYID, ,CES BYA BAS SNGA MA BZHIN DU RANG GI BDAG NYID MI MTHONG BA NYID PHYOGS KYI CHOS SU BSTAN NAS ZHES BYA BA NI TSIG LE'UR BYAS PA'I PHYED GONG MA DES SNGAR DON DAM PAR MIG GI DBANG POS NI GZUGS MI MTHONG BA NYID DE, RANG GI BDAG NYID MI MTHONG BA'I PHYIR DPER NA RNA BA LA SOGS PA BZHIN NO ZHES BYA BAS RANG GI BDAG NYID MA MTHONG BA NYID PHYOGS KYI CHOS SU BSTAN PA DANG, DE BZHIN DU DON DAM PAR GZUGS MIG GI DBANG PO'I YUL MA YIN TE, BSAGS PA'I PHYIR DPER NA @011A *, ,MIG GI DBANG PO'I BDAG NYID BZHIN NO ZHES BYA BAS BSAGS PA NYID PHYOGS KYI CHOS SU BSTAN PA DE BZHIN DU 'DIR YANG TSIG LE'UR BYAS PA'I PHYED GONG MA 'DIS RANG GI BDAG NYID MI MTHONG BA NYID DANG, 'BYUNG BA LAS GYUR BA NYID PHYOGS KYI CHOS SU BSTAN NAS RJES SU DPAG PA 'OG MA DAG BSGRUB PAR BYA'O ZHES BYA BAR SBYAR RO, ,GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,ZHES BYA BA 'DI BSGRUB PAR BYA BA CHOS NYE BAR GZHAG PA'I PHYIR ZHES BYA BA YANG TSIG LE'UR BYAS PA'I PHYED 'OG MA DES SNGAR DON DAM PAR MIG GI DBANG POS NI GZUGS MI MTHONG BA NYID DE, RANG GI BDAG NYID MI MTHONG BA'I PHYIR DPER NA RNA BA LA SOGS PA BZHIN NO ZHES BYA BAS GZUGS MI MTHONG BA NYID BSGRUB PAR BYA BA CHOS SU NYE BAR GZHAG PA DANG, DE BZHIN DU DON DAM PAR GZUGS MIG GI DBANG PO'I YUL MA YIN TE, BSAGS PA'I PHYIR DPER NA MIG GI DBANG PO'I BDAG NYID BZHIN NO ZHES BYA BAS MIG GI DBANG PO'I YUL MA YIN PAR BSGRUB PAR BYA BA CHOS SU NYE BAR GZHAG PA DE BZHIN DU 'DIR YANG TSIG LE'UR BYAS PA'I PHYED 'OG MA 'DIS YUL MA PHRAD PA 'DZIN PA MA YIN PA NYID DANG, MIG GI DBANG PO YUL LA PHRAD PA 'DZIN PA'I GZUNG BA MA YIN PA NYID BSGRUB PAR BYA BA CHOS SU NYE BAR GZHAG PA'I PHYIR RJES SU DPAG PA 'OG MA DAG BSGRUB PAR BYA'O ZHES BYA BAR SBYAR RO, ,GZHAN GYIS YONGS SU BRTAGS PA'I RNAM PAR RTOG PA GZHAN BSAL BAR 'DOD PAS SBYOR BA'I TSIG DAG BYA'O ZHES BYA BA NI BYE BRAG PA DAG GIS MIG GIS GZUGS MTHONG STE, YUL MA PHRAD PA 'DZIN PAR BYED DO ZHES YONGS SU BRTAGS PA DANG, GRANGS CAN DAG GIS MIG GIS GZUGS MTHONG STE, YUL PHRAD PA 'DZIN PAR BYED DO ZHES YONGS SU BRTAGS PA'I RNAM PAR RTOG PA GZHAN BSAL BAR 'DOD PAS 'DI MAN CHAD RIM BZHIN DU SBYOR BA'I TSIG DAG BYA'O ZHES BYA BAR SBYAR RO, ,DE LA GANG DAG MIG NI MA PHRAD PAR 'DZIN PA'O ZHES ZER BA DE DAG GI PHYIR MTHONG BA NI SHES PA'I DON YIN PA'I PHYIR DPER NA RGYAL PO DE DAG GIS RTOG CHEN DAG LAS SHES PA BZHIN TE, RANG GI BDAG NYID MI MTHONG BA'I PHYIR RO ZHES BYA BA NI BYE BRAG PA DAG NA RE MIG GIS GZUGS MTHONG STE, YUL MA PHRAD PA 'DZIN @011B PAR BYED DO ZHES ZER BA DE DAG GI PHYIR DBU MA PAS MIG GIS YUL MA PHRAD PA 'DZIN PAR MI BYED PAR SGRUB PA'I TSIG YIN NO, ,DE LA GANG DAG CES BYA BA NI BYE BRAG PA DAG GO, ,MIG NI MA PHRAD PA 'DZIN PA'O ZHES BYA BA NI MIG GIS GZUGS MTHONG STE DE YANG MIG GI DBANG PO RANG GI GNAS NA GNAS PA NYID KYIS YUL PHYI ROL NA GNAS PA THAG NYE BA'AM RING BA YANG RUNG STE, MA PHRAD PA KHO NA 'DZIN PAR BYED DO ZHES ZER BA YIN NO, ,DE SKAD CES ZER BA DE DAG GI PHYOGS DGAG PA'I PHYIR 'DIR 'GREL PA BYED PA NYID KYIS MTHONG BA NI SHES PA'I DON YIN PA'I PHYIR ZHES BYA BA SMRAS TE, MTHONG BA ZHES BYA BA'I SKAD KYI BYINGS NI 'DZIN PA'I DON MA YIN GYI SHES PA'I DON YIN PA'I PHYIR MIG GIS GZUGS MA PHRAD PA 'DZIN PAR MI BYED DO ZHES BYA BA'I THA TSIG GO, ,DE YANG JI LTA BU ZHE NA, DPER NA RGYAL PO DAG GIS RTOG CHEN DAG LAS SHES PA BZHIN TE ZHES BYA BA SMRAS TE, DPER NA RGYAL PO DAG GIS RTOG CHEN PA DAG DANG, BYA MA RTA DANG, NYAN RNA BA DAG GI TSIG LAS PHA ROL GYI YUL 'KHOR GYI RGYUS SHES PA ZHES BYA BA DE NI MTHONG BA'AM 'DZIN PA'I DON MA YIN GYI SHES PA'I DON YIN LA DE YANG RTOG CHEN LA SOGS PA BRGYUD PA LAS NYE BAR GDAGS PA TZAM DU ZAD KYI DNGOS SU SHES PA NYID MA YIN PA DE BZHIN DU MIG GIS GZUGS MA PHRAD PA 'DZIN PA ZHES BYA BA DE YANG MTHONG BA'AM 'DZIN PA'I DON MA YIN GYI SHES PA'I DON YIN LA, DE YANG RKYEN GZHAN DAG LA SOGS PA BRGYUD PA LAS NYE BAR GDAGS PA TZAM DU ZAD KYI DNGOS SU SHES PA NYID MA YIN NO, ,CI'I PHYIR ZHE NA, RANG GI BDAG NYID MI MTHONG BA'I PHYIR RO ZHES BYA BA SMRAS TE, MIG GI DBANG POS RANG GI BDAG NYID MI MTHONG BA'I PHYIR YUL MA PHRAD PA GZHAN MI MTHONG NGO ZHES BYA BA'I THA TSIG GO, ,RANG GI BDAG NYID MI MTHONG BA'I PHYIR RO ZHES BYA BA'I GTAN TSIGS DE'I DON GANG ZHE NA, DE'I PHYIR GTAN TSIGS KYI DON NI RANG GI BDAG NYID MI SHES PA YIN NO ZHES BYA BA SMRAS TE, MTHONG BA ZHES BYA BA'I SKAD KYI BYINGS NI SHES PA'I DON YIN PA'I PHYIR MIG GI DBANG POS RANG GI BDAG NYID ME MTHONG BA'I PHYIR RO ZHES BYA BA'I GTAN TSIGS KYI DON NI RANG GI BDAG NYID MI SHES PA YIN PAS RANG GI BDAG NYID MI SHES PA DES YUL MA PHRAD PA 'DZIN PAR @012A *, ,MI BYED DO ZHES BYA BAR SBYAR RO, ,DE'I PHYIR DON DAM PAR MIG NI YUL MA PHRAD PA 'DZIN PA MA YIN TE, RANG GI BDAG NYID MI MTHONG BA'I PHYIR DPER NA SNA LA SOGS PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNA LA SOGS PA NI RANG GI BDAG NYID MI MTHONG BA'I PHYIR YUL MA PHRAD PA 'DZIN PA MA YIN PA DE BZHIN DU MIG KYANG RANG GI BDAG NYID MI MTHONG BA'I PHYIR YUL MA PHRAD PA 'DZIN PA MA YIN TE, RJES SU DPAG PA DES NI MIG GI DBANG PO YUL MA PHRAD PA 'DZIN PA MA YIN PAR BSTAN TO, ,DE BZHIN DU DON DAM PAR GZUGS NI MIG GI DBANG PO YUL MA PHRAD PA 'DZIN PA'I GZUNG BA MA YIN TE 'BYUNG BA LAS GYUR PA YIN PA'I PHYIR DPER NA DRI LA SOGS PA BZHIN NO ZHES BYA BA DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DRI LA SOGS PA NI 'BYUNG BA LAS GYUR PA YIN PA'I PHYIR MIG GI DBANG PO YUL MA PHRAD PA 'DZIN PA'I GZUNG BA MA YIN PA DE BZHIN DU GZUGS KYANG 'BYUNG BA LAS GYUR PA YIN PA'I PHYIR MIG DBANG PO YUL MA PHRAD PA 'DZIN PA'I GZUNG BA MA YIN TE, RJES SU DPAG PA DES NI GZUGS MIG GI DBANG PO YUL MA PHRAD PA 'DZIN PA'I GZUNG BA MA YIN PAR BSTAN TO, ,RANG GI BDAG NYID MI MTHONG BA DANG 'BYUNG BA LAS GYUR PA NI MTSAN NYID KYI SGRA'I TSUL NYE BAR BZUNG BA'I PHYIR TE, GTAN TSIGS THOGS PA DANG BCAS PA NYID LA SOGS PA DAG GI PHYIR RO ZHES KYANG PHYOGS GNYI GA LA RJES SU DPAG PA DAG BRJOD PAR BYA ZHING SBYOR BA'I TSIG CI RIGS PAR RGYAS PAR BYA'O ZHES BYA BA YANG, LTA BA RANG GI BDAG NYID NA, ,DE YIS DE NI MI MTHONG NYID, ,GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,ZHES BYA BAS MIG GI DBANG PO YUL MA PHRAD PA 'DZIN PA MA YIN PA'I GTAN TSIGS RANG GI BDAG NYID MI MTHONG BA ZHES BYA BA DANG, GZUGS MIG GI DBANG PO YUL MA PHRAD PA 'DZIN PA'I GZUNG BA MA YIN PA'I GTAN TSIGS 'BYUNG BA LAS GYUR BA ZHES BYA BA NI MTSAN NYID KYI SGRA'I TSUL NYE BAR @012B GZUNG BA'I PHYIR MTSON PA TZAM DU ZAD KYI PHYOGS DE GNYIS KYI GTAN TSIGS NI THOGS PA DANG BCAS PA NYID LA SOGS PA DAG KYANG YIN NO ZHES BYA BA'I THA TSIG STE, DPER NA {KHVA} DAG LAS ZHUN MAR BSRUNG BAR BYA'O ZHES SMRAS NA KHYI DAG LAS MI BSRUNG BAR BYA BA MA YIN PA DE BZHIN DU 'DIR YANG RANG GI BDAG NYID MI MTHONG BA ZHES BYA BA DANG, 'BYUNG BA LAS GYUR PA ZHES BYA BA DE GNYIS GTAN TSIGS SU SMOS PAS THOGS PA DANG BCAS PA NYID LA SOGS PA DAG GTAN TSIGS SU MI RUNG BA MA YIN NO, ,'DI SKAD BSTAN TE DON DAM PAR MIG GI NI YUL MA PHRAD PA 'DZIN PA MA YIN TE, THOGS PA DANG BCAS PA NYID KYI PHYIR RAM, BSAGS PA NYID KYI PHYIR RAM, RGYUR BYAS PA'I GZUGS NYID KYI PHYIR RAM, GZUGS KYI PHUNG POR GTOGS PA NYID LA SOGS PA DAG GI PHYIR DPER NA SNA LA SOGS PA BZHIN NO ZHE 'AM, DE BZHIN DU DON DAM PAR GZUGS NI MIG GI DBANG PO YUL MA PHRAD PA 'DZIN PA'I GZUNG BA MA YIN TE, THOGS PA DANG BCAS PA NYID KYI PHYIR RAM, BSAGS PA NYID KYI PHYIR RAM, RGYUR BYAS PA'I GZUGS NYID KYI PHYIR RAM, GZUGS KYI PHUNG POR GTOGS PA NYID LA SOGS PA DAG GI PHYIR DPER NA DRI LA SOGS PA BZHIN NO ZHES TSAD MA SNGAR BSTAN PA'I PHYOGS GNYI GA LA RJES SU DPAG PA DAG BRJOD PAR BYA ZHING SBYOR BA'I TSIG DE BZHIN DU CI RIGS PAR RGYAS PAR BYA BA YIN NO, ,YANG NA DON DAM PAR MIG NI YUL MA PHRAD PA 'DZIN PAR MI 'DOD DE DA LTAR GYI YUL MNGON SUM PA YIN PA'I PHYIR DPER NA SNA LA SOGS PA BZHIN NO ZHES BYA BA NI MIG GI DBANG PO YUL MA PHRAD PA 'DZIN PA MA YIN PA'I GTAN TSIGS GZHAN BSTAN PA'I TSAD MA RNAM PA GZHAN YIN NO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNA LA SOGS PA NI DA LTAR GYI YUL MNGON SUM PA YIN PA'I PHYIR YUL MA PHRAD PA 'DZIN PA YIN PAR MI 'DOD PA DE BZHIN DU MIG KYANG DA LTAR GYI YUL MNGON SUM PA YIN PA'I PHYIR YUL MA PHRAD PA 'DZIN PAR MI 'DOD DO, ,CI STE MIG NI YUL MA PHRAD PA 'DZIN PA YIN TE, GZUGS BAR DU CHOD PA 'DZIN PA'I PHYIR DANG, RTZOL BA THA DAD PA MED PA'I PHYIR DANG, DUS THA DAD PA MED PAR 'DZIN PA'I PHYIR @013A *, ,DANG RANG LAS LHAG PA'I YUL 'DZIN PA'I PHYIR DPER NA YID BZHIN NO ZHE NA ZHES BYA BA NI BYE BRAG PA DAG MIG GI DBANG PO YUL MA PHRAD PA 'DZIN PA YIN PAR BSGRUB PA'I TSAD MA RNAM PA GSUM STON PA YIN TE, DE LA BYE BRAG PA DAG 'DI SKAD CES MIG NI YUL MA PHRAD PA 'DZIN PA YIN TE, GZUGS BAR DU CHOD PA 'DZIN PA'I PHYIR DPER NA YID BZHIN NO ZHES ZER BA NI TSAD MA GCIG STE DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YID NI GZUGS BAR DU CHOD PA 'DZIN PA'I PHYIR YUL MA PHRAD PA 'DZIN PA YIN PA DE BZHIN DU MIG KYANG GZUGS NAM MKHAS BAR DU CHOD PA 'DZIN PA'I PHYIR YUL MA PHRAD PA 'DZIN PA YIN NO ZHES ZER RO, ,YANG NA MIG NI YUL MA PHRAD PA 'DZIN PA YIN TE, RTZOL BA THA DAD PA MED PA DANG, DUS THA DAD PA MED PAR 'DZIN PA'I PHYIR DPER NA YID BZHIN NO ZHES ZER BA NI TSAD MA GNYIS PA STE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YID NI RTZOL BA THA DAD PA MED PA DANG, DUS THA DAD PA MED PAR YUL 'DZIN PA'I PHYIR YUL MA PHRAD PA 'DZIN PA YIN PA DE BZHIN DU MIG KYANG RTZOL BA THA DAD PA MED PA DANG DUS THA DAD PA MED PAR YUL 'DZIN PA'I PHYIR YUL MA PHRAD PA 'DZIN PA YIN TE, GAL TE MIG DANG YID DAG YUL PHRAD PA 'DZIN PA YIN PAR GYUR NA YUL LA PHYOGS PA'I RTZOL BA LAS YUL KYI GAN DU 'GRO BA'I RTZOL BA THA DAD PA YANG DMIGS PAR 'GYUR LA, RTZOL BA THA DAD PA YOD NA DUS JI SRID DU YUL GYI GAN DU 'GRO BA'I DUS DE SRID DU MI 'DZIN LA, GANG GI TSE YUL DANG PHRAD PA DE'I TSE NA 'DZIN PA'I DUS THA DAD PAR DMIGS PAR 'GYUR TE, DE LTA NA YID LA BSAMS MA THAG TU MI DRAN ZHING MIG PHYI MA THAG TU MI MTHONG GI, GANG GI TSE YID DANG MIG GIS YUL GYI GAN DU PHYIN PA DE'I TSEN GDOL SHES SHING MTHONG BAR 'GYUR BA ZHIG NA DE LTA MA YIN TE RTZOL BA THA DAD PA MED PAR 'DZIN PA DANG, DUS THA DAD PA MED PAR 'DZIN PA'I PHYIR YUL MA PHRAD PA 'DZIN PA YIN NO ZHES ZER RO, ,YANG NA MIG NI YUL MA PHRAD PA 'DZIN PA YIN TE, RANG LAS LHAG PA'I YUL 'DZIN PA'I PHYIR DPER NA YID BZHIN NO ZHES ZER BA NI @013B TSAD MA GSUM PA STE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YANG NI RANG LAS LHAG PA'I YUL 'DZIN PA'I PHYIR YUL MA PHRAD PA 'DZIN PA YIN PA DE BZHIN DU, MIG KYANG RANG LAS LHAG PA'I YUL 'DZIN PA'I PHYIR YUL MA PHRAD PA 'DZIN PA YIN TE, GAL TE YID DANG MIG DAG YUL PHRAD PA 'DZIN PA YIN PAR GYUR NA RANG LAS LHAG PA'I YUL 'DZIN PAR MI 'GYUR TE, DE LTA NA YID KYI DBANG POS KYANG RANG GI DE MA THAG PA'I SKAD CIG GCIG LAS LHAG PA'I YUL SKAD CIG MA RGYUN DANG DUS GSUM DANG RANG DANG GZHAN GYI YUL 'DZIN PAR MI 'GYUR LA, MIG GI DBANG POS KYANG RANG GI TSAD LAS LHAG PA'I YUL RGYANG GRAGS DANG DPAG TSAD LA SOGS PA'I KHYON CHEN PO DAG 'DZIN PAR MI 'GYUR BA ZHIG NA DE LTA MA YIN TE, RANG LAS LHAG PA'I YUL 'DZIN PA'I PHYIR YUL MA PHRAD PA 'DZIN PA YIN NO ZHES ZER RO, , DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG BZANG PO MA YIN TE ZHES BYA BA LA SOGS PA SMRAS TE, BYE BRAG PA DAG SMRAS PA'I TSAD MA GSUM PO DE DAG NI BZANG PO MA YIN TE ZHES SUN 'BYIN PAR BYED DO, ,DE LA GZUGS BAR DU CHOD PA 'DZIN PA'I PHYIR ZHES BYA BA DE JI LTAR BZANG PO MA YIN ZHE NA, DE'I PHYIR 'DI LA MA PHRAD PA 'DZIN PA NI GZUGS BAR DU CHOD PA 'DZIN PA'I DON YIN LA, GZUGS BAR DU CHOD PA 'DZIN PA'I PHYIR ZHES BYA BA'I DON KYANG DE NYID YIN PAS, DAM BCAS PA'I DON GYI PHYOGS GCIG YIN PA'I PHYIR DANG ZHES BYA BA SMRAS TE, 'DI LA YUL MA PHRAD PA 'DZIN PA YIN TE ZHES DAM BCAS PA DE'I DON NI GZUGS BAR DU CHOD PA 'DZIN PA NYID YIN LA, DE SGRUB PA'I GTAN TSIGS SU GZUGS BAR DU CHOD PA 'DZIN PA'I PHYIR ZHES SMOS PA NI DAM BCAS PA'I DON GYI PHYOGS GCIG YIN PA'I PHYIR GTAN TSIGS MA GRUB PAS DE NI BZANG PO MA YIN NO, ,RTZOL BA THA DAD PA MED PA DANG, DUS THA DAD PA MED PAR 'DZIN PA'I PHYIR ZHES BYA BA DE JI LTAR BZANG PO MA YIN ZHE NA, DE'I PHYIR RTZOL BA THA DAD PA MED PA DANG, DUS THA DAD PA MED PAR 'DZIN PA'I PHYIR ZHES BYA BA YANG MA GRUB PA'I PHYIR RO ZHES BYA BA SMRAS TE, 'DI LTAR LUS DANG DBANG PO DANG BLO LA SOGS PA CHOS THAMS CAD NI @014A *, ,SKAD CIG LAS LHAG PAR MI SDOD PAS DE'I PHYIR SEMS PA DANG LTA BAR 'DOD PAS JI SRID DU YUL LA 'DZIN PAR MI BYED PA DE'I BAR SKABS SU YANG RTZOL BA'I SKAD CIG MA DANG 'DZIN PA'I SKAD CIG MA'I DUS THA DAD PA DU MA 'GAG PAR 'GYUR BAS RTZOL BA THA DAD PA MED PA DANG DUS THA DAD PA MED PAR 'DZIN PA MA GRUB PA'I PHYIR DE YANG BZANG PO MA YIN NO, ,RANG LAS LHAG PA'I YUL 'DZIN PA'I PHYIR ZHES BYA BA DE JI LTAR BZANG PO MA YIN ZHE NA, DE NI, LTA BA RANG GI BDAG NYID NA, ,DE YIS DE NI MI MTHONG NYID, ,GANG TSE BDAG NYID MI MTHONG BA, ,DE YIS GZHAN NI JI LTAR MTHONG, ,ZHES BSHAD PA'I RIGS PA NYID KYIS RANG GI BDAG NYID MI MTHONG BAS, GZHAN MI MTHONG BAR BSGRUBS ZIN PAS RANG LAS LHAG PA'I YUL 'DZIN PA MED PA'I PHYIR, DE YANG BZANG PO MA YIN NO, ,GTAN TSIGS GRUB TU ZIN NA YANG RJES SU 'GRO BA MI 'GRUB STE ZHES BYA BA NI BYE BRAG PA LA SOGS PA MNYAM PAR MA BZHAG PA DAG GIS SKAD CIG MA'I RGYUN CHA PHRA MOS DUS THA DAD PAR RNAM PAR GZHAG PA DAG MI RTOG PAS KHYED LA RTZOL BA THA DAD PA MED PA DANG DUS THA DAD PA MED PAR 'DZIN PA'I PHYIR ZHES BYA BA'I GTAN TSIGS GRUB TU ZIN NA YANG KHYED KYIS RJES SU DPAG PA'I PHYOGS DE LA RJES SU 'GRO BA'I DPE MI 'GRUB PAS DE'I PHYIR YANG BZANG PO MA YIN NO, ,CI'I PHYIR RJES SU 'GRO BA'I DPE MI 'GRUB CE NA, DE'I PHYIR DON DAM PAR YID KYANG MA PHRAD PA 'DZIN PA NYID DU MA GRUB PA'I PHYIR RO ZHES BYA BA SMRAS TE, JI LTAR KHO BOS DON DAM PAR MIG KYANG YUL MA PHRAD PA 'DZIN PA MA YIN LA, GZUGS KYANG MIG GI DBANG PO'I YUL MA PHRAD PA 'DZIN PA'I GZUNG BA MA YIN NO ZHES BKAG PA DE BZHIN DU DON DAM PAR YID KYANG CHOS MA PHRAD PA 'DZIN PA NYID DU MA GRUB LA CHOS KYANG YID KYI DBANG PO YUL MA PHRAD PA 'DZIN PA'I GZUNG BA NYID DU MA GRUB PA'I PHYIR RO, ,GAL TE 'DI SKAD CES KHYED DBU MA PA LA YANG KUN RDZOB TU YID NI YUL MA PHRAD PA 'DZIN PA NYID DU MA GRUB PA NGED LA YANG MA GRUB PAS DE'I PHYIR NGED KYI DPE MA GRUB PA MA YIN NO ZHES ZER NA YANG DE'I LAN DU, YANG NA DON 'GAL BA NYID KYANG YIN NO ZHES BYA BA SMRAS TE, KHYED DON DAM PAR DPE MA GRUB PA MI 'DOD PAS YANG NA KUN RDZOB TU BSGRUBS NA NI DON DAM PAR MI 'GRUB PAS KHYED DON DAM PAR SGRUB PA DANG DON 'GAL BA NYID KYANG @014B YIN PAS DE YANG BZANG PO MA YIN NO,, ,,BAM PO NYI SHU DGU PA, DE LTAR RE ZHIG BYE BRAG PA DAG GIS MIG NI YUL MA PHRAD PA 'DZIN PA'O ZHES YONGS SU BRTAGS PA'I RNAM PAR RTOG PA BSAL NAS, DA NI GRANGS CAN DAG GIS MIG NI YUL PHRAD PA 'DZIN PA'O ZHES YONGS SU BRTAGS PA'I RNAM PAR RTOG PA BSAL BAR 'DOD PAS GRANGS CAN DAG MIG NI YUL MA PHRAD PA 'DZIN PA MA YIN TE ZHES BYA BA DE NI GRUB PA LA SGRUB PA YIN NO ZHES ZER NA ZHES BYA BA SMRAS TE, GRANGS CAN DAG NI MIG GZUGS LA LTA BAR BYED DE PHRAD PAR 'DZIN TO ZHES BYA BAR YONGS SU RTOG PAS DE'I PHYIR DE DAG NA RE SNGAR DBU MA PAS DON DAM PAR MIG NI YUL MA PHRAD PA 'DZIN PA MA YIN TE, RANG GI BDAG NYID LA LTA BAR MI BYED PA'I PHYIR DPER NA SNA LA SOGS PA BZHIN NO ZHES BYA BA DANG, DE BZHIN DU DON DAM PAR GZUGS NI MIG GI DBANG PO YUL MA PHRAD PA 'DZIN PA'I GZUNG BA MA YIN TE, 'BYUNG BA LAS GYUR PA YIN PA'I PHYIR DPER NA DRI LA SOGS PA BZHIN NO ZHES RJES SU DPAG PA DAG BYAS PA DE NI KHO BO CAG GI PHYOGS LA MIG NI YUL PHRAD PA 'DZIN PA YIN PAR GRUB PAS SGRUB PA YIN NO ZHES ZER RO, ,DE SKAD CES ZER BA DI'I LAN DU 'DIR 'GREL PA BYED PA NYID KYIS MIG YUL MA PHRAD PA 'DZIN PA NYID KYI CHOS KYIS STONG PA NYID DU BSTAN PAS YUL PHRAD PA 'DZIN PA YIN NO ZHES SGRUB PA'I TSUL GYIS MA BSTAN PA'I PHYIR GNAS MA YIN PA LA DBUGS 'BYIN TO ZHES BRJOD PAR BYA'O ZHES BYA BA SMRAS TE, KHO BOS BYE BRAG PA DAG YUL MA PHRAD PA 'DZIN PAR 'DOD PA'I PHYOGS MED PAR DGAG PA'I TSUL GYIS DGAG PAR BSTAN PAS GRANGS CAN DAG YUL PHRAD PA 'DZIN PAR 'DOD PA'I PHYOGS MA YIN PAR DGAG PAS SGRUB PA'I TSUL GYIS MA BSGRUBS PA'I PHYIR GRANGS CAN DAG GI RANG GI PHYOGS GNAS MA YIN PA LA PHRAD PA 'DZIN PA 'GRUB TU RE ZHING DBUGS 'BYIN PAR BYED DO ZHES BRJOD PAR BYA'O, ,DE LTA YIN MOD KYI TSIG TZAM GYIS DAM BCAS PA'I DON MI 'GRUB PAS 'DIR YANG SBYOR BA'I TSIG DAG BYA DGOS PAS DE'I PHYIR GZHAN YANG MIG NI YUL PHRAD PA 'DZIN PA YIN PAR MI 'DOD DE DBANG PO YIN PA'I PHYIR DPER NA YID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, @015A *, ,DPER NA YID NI DBANG PO YIN PA'I PHYIR YUL PHRAD PA 'DZIN PA YIN PAR MI 'DOD PA DE BZHIN DU MIG KYANG DBANG PO YIN PA'I PHYIR YUL PHRAD PA 'DZIN PA YIN PAR MI 'DOD DO, ,'DIR GAL TE PHA ROL PO DAG NA RE DBU MA PA'I GTAN TSIGS KYI DON DBANG PO YIN PA'I PHYIR ZHES BYA BA DE CI RE ZHIG DBANG PO YIN PA'I PHYIR DPER NA YID KYI DBANG PO BZHIN DU YUL PHRAD PA 'DZIN PA MA YIN PAR 'GYUR RAM, 'ON TE DBANG PO YIN PA'I PHYIR DPER NA SNA LA SOGS PA'I DBANG PO BZHIN DU YUL PHRAD PA 'DZIN PA YIN PAR 'GYUR TE, DES NA KHYED KYI GTAN TSIGS KYI DON MA NGES PA YIN PAS MA GRUB PO ZHES ZER BA'I PHYOGS SNGA MA KHONG NAS 'BYUNG BA DE'I LAN DU NI 'DIR 'GREL PA BYED PA NYID KYIS SNA LA SOGS PA DAG GIS MA NGES PA NYID KYANG MA YIN TE, DE DAG KYANG 'OG NAS DE DANG 'DRA BA KHO NAR STON PA'I PHYIR RO ZHES BYA BA SMRAS TE, SNA LA SOGS PA DE DAG KYANG SKYE MCHED BRTAG PA'I RAB TU BYED PA 'DI NYID KYI MJUG NAS, LTA BAS NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG NYAN LA SOGS, ,RNAM PAR BSHAD PAR SHES PAR BYA, ,ZHES 'BYUNG BAS MIG GI YUL MA PHRAD PA YANG MI 'DZIN LA, PHRAD PA YANG MI 'DZIN PA DE DANG 'DRA BA KHO NAR STON PA'I PHYIR MA NGES PA NYID MA YIN NO, ,PHRAD PA 'DZIN PA ZHES BYA BA'I DON KYANG GANG GIS YIN ZHES BYA BA NI, DBU MA PAS GRANGS CAN DAG LA DRI BA'I TSIG YIN NO, ,GAL TE GNAS NAS YUL GYI PHYOGS SU SONG STE 'DZIN PAR BYED PA'O ZHE NA ZHES BYA BA NI GRANGS CAN DAG MIG NI MIG GI DBANG PO RANG GI GNAS MIG GI 'BRAS BU'I PHYOGS NAS YUL GZUGS KYI PHYOGS SU SONG STE, GZUGS 'DZIN PAR BYED PAR 'DOD PAS GAL TE GRANGS CAN DAG DE SKAD CES ZER NA'O, ,DE SKAD CES ZER NA DE YANG MI RUNG STE, DE'I PHYIR DON DAM PAR MIG GI 'JUG PA NI MIG GI RNAM PAR SHES PA'I RNAM GRANGS KYI GNAS NAS PHYI ROL DU MI 'GRO STE, 'JUG PA YIN PA'I PHYIR DPER NA SNA LA SOGS PA'I DBANG PO'I 'JUG PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNA LA SOGS PA'I DBANG PO'I 'JUG PA NI 'JUG @015B PA YIN PA'I PHYIR, SNA LA SOGS PA'I RNAM PAR SHES PA'I RNAM GRANGS KYI GNAS NAS PHYI ROL DU MI 'GRO BA DE BZHIN DU MIG GI 'JUG PA YANG 'JUG PA YIN PA'I PHYIR MIG GI RNAM PAR SHES PA'I RNAM GRANGS KYI GNAS NAS PHYI ROL DU MI 'GRO'O, ,GAL TE MIG GI DBANG PO YUL 'DZIN PAR BYED PA'I 'JUG PA DE MIG GI RNAM PAR SHES PA ZHES BYA BA'I RNAM GRANGS KYI GNAS MIG GI 'BRAS BU'I PHYOGS NAS PHYI ROL GZUGS KYI PHYOGS SU 'GRO ZHING YUL 'DZIN PAR BYED PAR 'GYUR NA JI SRID DU GNAS NAS YUL GYI PHYOGS SU 'GRO BA DE SRID DU, DUS THA DAD PA DMIGS PAR 'GYUR BA'I SKYON DU 'GYUR TE, 'DI LTAR THAG RING POR 'GRO BA NI YUN RING PO NAS PHYIN PAR 'GYUR TE, CHOS DE NI 'GRO BA DANG LDAN PA YIN PA'I PHYIR RO, ,DES NA NYI MA DANG ZLA BA LA SOGS PA THAG RING PO NA 'DUG PA LA LTA BAS NI YUN RING POS MTHONG BAR 'GYUR LA, SHING LJON PA'I RTZE MO LA SOGS PA'I THAG NYE BA NA 'DUG PA LA LTA BAS NI DUS NYE BAS MTHONG BAR 'GYUR BA ZHIG NA DE LTA MA YIN TE, NYI ZLA DANG SHING LJON PA'I RTZE MO DAG MTHONG BA LA DUS SNGA PHYI MED PAS DE'I PHYIR MIG NI YUL PHRAD PA 'DZIN PA MA YIN NO, ,GAL TE YUL PHRAD PA 'DZIN PA YIN PAR 'GYUR NA YUL MIG GI 'BRAS BU'I KHYON TZAM ZHIG MTHONG ZHING DE LAS LHAG PA MI MTHONG BAR YANG 'GYUR RO, ,GAL TE MIG YUL PHRAD PA 'DZIN CING GNAS NAS YUL GYI PHYOGS SU 'GRO BA YIN NA LTA BA PO LHAS BYIN LONG BAR 'GYUR ZHING GDONG BKAB PAS KYANG GZUGS MTHONG BA'I SKYON DU YANG 'GYUR RO, ,DON DE NYID TSAD MA KUN LAS BTUS PA DANG, DBU MA'I TSIG LE'UR BYAS PA BRGYA PA DAG LAS KYANG, MIG NI GNAS NAS PHYI ROL DU, ,YUL LA RTOG PA'I MTHU MED DE, ,PHRAD NAS SHES PA YIN GYUR NA, ,BAR CHAD CAN DANG LHAG 'DZIN MIN, ,ZHES BSHAD PA YIN TE, DES NI MIG GI DBANG PO YUL PHRAD PA 'DZIN PA MA YIN PAR BSTAN PA YIN NO, ,DE BZHIN DU DON DAM PAR GZUGS NI MIG GI DBANG PO YUL PHRAD PA 'DZIN PA'I GZUNG BA MA YIN TE RGYU CAN YIN PA'I PHYIR DPER NA SGRA LA SOGS PA BZHIN NO ZHES BYA BA NI GZUGS MIG GI DBANG PO YUL PHRAD PA 'DZIN PA'I GZUNG BA MA YIN PAR BSTAN PA YIN TE, DE DAG KYANG CHOS CAN DANG, BSGRUB PAR BYA @016A *, ,BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SGRA LA SOGS PA NI RGYU CAN YIN PA'I PHYIR MIG GI DBANG PO YUL PHRAD PA 'DZIN PA'I GZUNG BA MA YIN PA DE BZHIN DU GZUGS KYANG RGYU CAN YIN PA'I PHYIR MIG GI DBANG PO YUL PHRAD PA 'DZIN PA'I GZUNG BA MA YIN NO, ,CI PHYOGS GNYI GAR BSTAN PA'I RJES SU DPAG PA BRGYAD PA DAG GIS PHYOGS GCIG GIS GCIG BSAL BA'I PHYIR GANG YANG RUNG BA LA MA GRUB PA YIN NO ZHES BYA BA NI PHA ROL PO DAG ,DBU MA PA LA 'DI SKAD CES KHYED DBU MA PAS BYE BRAG PA DAG YUL MA PHRAD PA 'DZIN PAR 'DOD PA DGAG PA'I RJES SU DPAG PA DAG GIS YUL MA PHRAD PA 'DZIN PA YANG BSAL LA, GRANGS CAN DAG YUL PHRAD PA 'DZIN PAR 'DOD PA DGAG PA'I RJES SU DPAG PA DAG GIS YUL PHRAD PA 'DZIN PA YANG BSAL BAS DES NA KHYED DBU MA PA LA MIG YUL MA PHRAD PA 'DZIN PA YANG MA GRUB LA, YUL PHRAD PA 'DZIN PAR YANG MA GRUB PAS DE'I PHYIR KHYED KYI 'DOD PA MA GRUB PO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS GNYI GA MED PA'I PHYIR MI SGRUB PAR 'DOD PA GRUB PO ZHES BYA BA SMRAS TE, DON DAM PAR BYE BRAG PA DAG YUL MA PHRAD PA 'DZIN PAR 'DOD PA DANG, GRANGS CAN DAG YUL PHRAD PA 'DZIN PAR 'DOD PA'I PHYOGS GNYI GA MED PA'I PHYIR NGED DBU MA PA MTHA' GNYIS PO DE DAG MI SGRUB PAR 'DOD PA'I 'DOD PA SGRUB PO, ,GANG DAG LA MIG GI 'OD ZER YUL GYI PHYOGS SU SONG STE YUL 'DZIN PAR BYED DO SNYAM PA'I BLO GROS YOD PA DE DAG LA YANG 'DI SKAD CES BRJOD PAR BYA STE ZHES BYA BA NI DPYOD PA CAN DAG GI GZHUNG LAS MIG GI DBANG PO NI 'OD ZER DANG BCAS PA YIN PAS MIG GI 'OD ZER YUL GYI PHYOGS SU SONG STE YUL 'DZIN PAR BYED DO ZHES 'BYUNG BAS DES NA DE DAG LA MIG NI YUL PHRAD PA 'DZIN PAR BYED DO SNYAM PA'I BLO GROS YOD PAS DE DAG LA YANG 'GREL PA BYED PA NYID KYIS 'DI SKAD CIS BRJOD PAR BYA STE ZHES BYA BAR SBYAR TE, THA SNYAD DU YANG MIG GI DBANG PO NI 'OD ZER DANG BCAS PA MA YIN PAR SHES PAR BYA STE, GZUGS DMIGS PA'I BYED RGYU YIN PA'I PHYIR DPER NA GZUGS BZHIN NO ZHES BYA BA YANG CHOS CAN DANG, @16B BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MAR ME'I SNYING PO'I GZUGS NI BUM PA'I GZUGS DMIGS PA'I MAR ME'I BYED RGYU YIN PA'I PHYIR 'OD ZER DANG BCAS PA MA YIN PAR SHES PAR BYA BA DE BZHIN DU MIG GI DBANG PO YANG GZUGS DMIGS PA'I MIG GI RNAM PAR SHES PA'I BYED RGYU YIN PA'I PHYIR 'OD ZER DANG BCAS PA MA YIN PAR SHES PAR BYA STE, GANG BSTAN DU YOD PA'I GZUGS NI 'OD ZER DANG BCAS PA YIN TE, DPER NA NYI MA'I GZUGS LTA BU YIN NO, ,MIG GI DBANG PO NI BSTAN DU MED PA'I GZUGS YIN PA'I PHYIR 'OD ZER DANG BCAS PA MA YIN NO ZHES BYA BAR DGONGS SO, ,GAL TE MIG GI DBANG PO NI 'OD ZER DANG BCAS PA KHO NA YIN TE, MIG GI DBANG PO YIN PA'I PHYIR DPER NA BYI BA LA SOGS PA MTSAN MO RGYU BA'I MIG BZHIN NO ZHE NA ZHES BYA BA NI, DPYOD PA CAN DAG DBU MA PAS MIG GI DBANG PO NI 'OD ZER DANG BCAS PA MA YIN PAR SHES PAR BYA STE ZHES BSHAD PA DE LA 'GAL BA 'KHRUL PA MED PA'I GNOD PA YOD PAR SKYON 'DOGS PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BYI BA LA SOGS PA MTSAN MO RGYU BA'I MIG NI MIG GI DBANG PO YIN PA'I PHYIR 'OD ZER DANG BCAS PA KHO NA YIN PA DE BZHIN DU MIG GI DBANG PO YANG MIG GI DBANG PO YIN PA'I PHYIR 'OD ZER DANG BCAS PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI RIGS PA MA YIN TE ZHES BYA BA LA SOGS PA SMRAS SO, ,CI'I PHYIR DE RIGS PA MA YIN ZHE NA, MIG GI DBANG PO NI BSTAN DU MED PA'I PHYIR DANG ZHES BYA BA SMRAS TE, GANG BSTAN DU YOD PA'I GZUGS NI 'OD ZER DANG BCAS PA YIN TE, DPER NA NYI MA'I GZUGS LTA BU YIN NO, ,MIG GI DBANG PO NI BSTAN DU MED PA'I GZUGS YIN PA'I PHYIR 'OD ZER DANG BCAS PA MA YIN PAS DPE BSGRUB PAR BYA BA CHOS KYIS STONG PA'I PHYIR DE NI RIGS PA MA YIN NO, ,GAL TE PHA ROL PO NA RE MIG GI DBANG PO'I GNAS MIG GI 'BRAS BU 'OD ZER DANG BCAS PA NYID YIN PAS DPE BSGRUB PAR BYA BA CHOS KYIS STONG PA MA YIN NO ZHES ZER BA'I PHYOGS SNGA MA KHONG NAS 'BYUNG BA DE'I LAN @17A *, ,DU 'DIR 'GREL BA BYED PA NYID KYIS, DE'I GNAS 'OD ZER DANG BCAS PA NYID YIN DU ZIN NA YANG DPE MA GRUB PA'I PHYIR ZHES BYA BA SMRAS TE, MIG GI DBANG PO DE'I GNAS MIG GI 'BRAS BU 'OD ZER DANG BCAS PA NYID YIN DU ZIN NA YANG BYI BA LA SOGS PA'I MTSAN MO RGYU BA'I MIG 'OD ZER DANG BCAS PA DE DON DAM PAR MA SKYES PAS KHYED KYI DPE MA GRUB PA'I PHYIR DE YANG RIGS PA MA YIN NO, ,'GAL BA 'KHRUL PA MED PA'I GNOD PA YOD PA'I PHYIR RO ZHES BYA BA NI 'GAL BA 'KHRUL PA MED PA'I GNOD PA YOD PA'I PHYIR YANG DE RIGS PA MA YIN TE, 'DI LTAR KHYED LA DPE BSGRUB PA'I RJES SU DPAG PA YOD PA DE BZHIN DU KHO BO LA YANG KHYED KYI DPE SUN 'BYUNG BA'I RJES SU DPAG PA YOD PA'I PHYIR RO, ,DPYAD PA RNAM PAR 'PHROS PAS CHOG GI SKABS NYID KYI DBANG DU BYA'O ZHES BYA BA NI BYE BRAG PA DANG GRANGS CAN DAG YUL MA PHRAD PA DANG PHRAD PA 'DZIN PAR YONGS SU RTOG PA'I RNAM PAR RTOG PA BSAL BA'I DPYAD PA RNAM PAR 'PHROS PAS CHOG GI DA NI LTA BA GZUGS LA LTA BAR MI BYED PA'I SKABS DE NYID KYI DBANG DU BYAS TE BSHAD PAR BYA'O ZHES BYA BA'I THA TSIG GO, ,LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BYA BA 'DI LA KHA CIG NA RE 'DI LA DNGOS PO RNAMS KYI NGO BO NYID NI RANG GI BDAG NYID LA MTHONG NA DE DANG LDAN PAS GZHAN GYI BDAG NYID LA YANG DMIGS PAR 'GYUR TE, DPER NA CHU LA RLAN MTHONG NA DE DANG LDAN PAS SA LA YANG DMIGS PA DANG, ME LA TSA BA MTHONG NA DE DANG LDAN PAS CHU LA YANG DMIGS PA DANG, SNA MA'I ME TOG LA DRI ZHIM PA NYID MTHONG NA DE DANG LDAN PAS GOS LA YANG DMIGS PA LTA BU YIN NA DNGOS PO GANG RANG GI BDAG NYID LA MI SNANG BA DE GZHAN GYI BDAG NYID LA JI LTAR DMIGS PAR 'GYUR TE, 'DI LTAR SNA MA'I ME TOG LA DRI NGA BA NYID MA MTHONG NA GOS LA YANG DMIGS PAR MI 'GYUR BA LTA BU'O, DE'I PHYIR GAL TE LTA BA RANG GI BDAG NYID LA LTA BAR BYED NA NI DES NA GZUGS LA LTA BAR BYED PAS LTA BA ZHES BYA BA DE 'THAD PAR 'GYUR BA ZHIG NA LTA BA NI RANG GI BDAG NYID LA LTA BAR MI BYED DO, ,DA GANG RANG GI BDAG NYID LA LTA BAR MI BYED PA DE GZHAN DAG LA JI LTAR LTA BAR BYED DE, ,DE BAS NA GZUGS LA LTA BAR BYED PAS LTA BA @17B ZHES BYA BA DE MI 'THAD DO, ,SLOB DPON 'PHAGS PA LHAS KYANG, DNGOS PO KUN GYI RANG BZHIN NI, ,THOG MAR BDAG LA SNANG 'GYUR NA, ,MIG NYID LA YANG MIG NYID NI, ,CI YI PHYIR NA 'DZIN MI 'GYUR, ,ZHES GSUNGS SO ZHES ZER RO ZHES BYA BA NI 'GREL PA BYED PA GNAS BRTAN BUD DHA P'A LI TA NI TSIG LE'UR BYAS PA DE'I DON 'DI SKAD DU RNAM PAR BSHAD PA BYED DO ZHES BYA BAR SBYAR RO, ,DE LA 'DIR RANG GI SDE PA DAG NA RE LTA BA GZUGS DMIGS PA DE GAL TE JI LTAR MIG LA MED PA DE BZHIN DU GZUGS LA YANG MED DO ZHE NA NI GRUB PA LA SGRUB PA YIN TE, DE LTAR YANG, DE NI MIG DANG GZUGS LA MED, ,DE GNYIS BAR NA'ANG YOD MA YIN, ,GANG DU DE NI GNAS GYUR PA, ,DE YOD MA YIN DE MED MIN, ,ZHES GSUNGS PA'I PHYIR RO ZHE'O ZHES BYA BA NI RANG GI SDE PA GZHAN DAG GIS GNAS BRTAN BUD DHA P'A LI TA'I RNAM PAR BSHAD PA DE SUN 'BYIN PAR BYED PA YIN TE, 'DI LA MIG GZUGS LA LTA BAR BYED PAS LTA BA'O ZHES BYA BA JI LTAR SHES SHE NA, LTA BA GZUGS DMIGS PA ZHES BYA BA GZUGS KYI RNAM PA'I MIG GI RNAM PAR SHES PA'I SKYES PAS MIG GZUGS LA LTA BAR BYED DO ZHES BYA BAR SHES PA YIN NA LTA BA GZUGS DMIGS PA ZHES BYA BA GZUGS KYI RNAM PA'I MIG GI RNAM PAR SHES PA DE NI JI LTAR MIG LA MED PA DE BZHIN DU GZUGS LA YANG MED PAS MIG GZUGS LA LTA BAR MI BYED PAR RANG GI SDE PA DAG GI GZHUNG LAS YANG GRUB PA YIN NA DE LA GAL TE GNAS BRTAN BUD DHA P'A LI TA LTA BA GZUGS LA DMIGS PA ZHES BYA BA GZUGS KYI RNAM PA'I MIG GI RNAM PAR SHES PA DE JI LTAR MIG LA MED PA DE BZHIN DU GZUGS LA YANG MED PAS, MIG GZUGS LA LTA BAR MI BYED DO ZHES SGRUB NA NI GRUB PA LA SGRUB PA YIN TE, DE LTAR YANG RANG GI SDE PA SPYI'I GRUB PA'I MTHA' LAS, DE NI MIG DANG GZUGS LA MED, ,DE GNYIS BAR NA'ANG YOD MA YIN, ,GANG DU DE NI GNAS GYUR PA, ,DE YOD MA YIN DE MED MIN; ,ZHES GSUNGS PA'I PHYIR RO ZHES ZER RO, ,KHA CIG NA RE ZHES BYA BA LA SOGS PA NI 'GREL PA BYED PA NYID KYIS GNAS BRTAN BUD DHA P'A LI TA'I RNAM PAR BSHAD PA DE SUN 'BYIN PAR BYED PA YIN TE, KHA CIG CES BYA BA NI 'GREL PA BYED PA NYID YIN NO, ,CI STE RANG GI BDAG NYID LA LTA BAR BYED @18A *, ,PA'I NUS PA MED DO ZHE NA NI ZHES BYA BA NI CI STE GNAS BRTAN BUD DHA P'A LI TA'I RNAM PAR BSHAD PA DE MIG RANG GI BDAG NYID LA LTA BAR BYED PA'I NUS PA MED PAS GZUGS LA LTA BAR MI BYED DO ZHES BYA BAR SGRUB NA NI'O, ,DE LTA NA SNA MA'I ME TOG DE'I DPER MI RUNG STE ZHES BYA BA NI LTA BA RANG GI BDAG NYID LA LTA BAR MI BYED PA'I CHOS MI MTHUN PA'I DPE SNA MA'I ME TOG LA DRI ZHIM PA NYID MTHONG NA DE DANG LDAN PAS GOS LA YANG DMIGS PA LTA BU YIN NA ZHES SMOS PA DE MI RUNG NGO, ,CI'I PHYIR MI RUNG ZHE NA, SNA MA'I ME TOG DAG LA TSOGS PA'I DBANG GIS DRI ZHIM PA NYID DAG 'BYUNG BA'I PHYIR ME TOG DANG PHRAD PAS 'BRU MAR DRI ZHIM PA NYID DU 'GYUR BA BZHIN NO ZHES BYA BA SMRAS TE, SNA MA'I ME TOG DAG LA RANG GI BDAG NYID KYIS DRI ZHIM PA YOD PA MA YIN GYI SA BON DANG SA LA SOGS PA TSOGS PA'I DBANG GIS DRI ZHIM PA NYID DAG GLO BUR DU 'BYUNG ZHING DE DANG PHRAD PAS GOS LA SOGS PA GZUGS GZHAN DAG LA YANG DRI ZHIM PA NYID DMIGS PAR 'GYUR TE, DPER NA 'BRU MAR DAG LA RANG GI BDAG NYID KYIS DRI ZHIM PA NYID YOD PA MA YIN GYI ME TOG DRI ZHIM PO DANG PHRAD PA'I DBANG GIS 'BRU MAR DRI ZHIM PA NYID DU 'GYUR BA BZHIN TE, DE BAS NA LTA BA RANG GI BDAG NYID LA LTA BAR MI BYED PA'I CHOS MI MTHUN PA'I DPER SNA MA'I ME TOG DAG MI RUNG BAS GNAS BRTAN BUD DHA P'A LI TA'I RNAM PAR BSHAD PA DE RIGS PA MA YIN NO, ,GZUGS LA LTA BAR BYED PA'I BYA BA YANG SUS KYANG KHAS MA BLANGS PAS DE 'GOG PA YANG MI 'THAD PA'I PHYIR RO ZHES BYA BA NI GNAS BRTAN BUD DHA P'A LI TAS LTA BA RANG GI BDAG NYID LA LTA BAR MI BYED PAS GZHAN DAG LA YANG LTA BAR MI BYED DO ZHES 'GOG PAR BYED PA DE YANG RIGS PA MA YIN TE, 'DI LTAR 'GA' ZHIG GIS MIG LA RANG GI BDAG NYID LA LTA BAR BYED PA'I NUS PA YOD CING DE DANG LDAN PAS GZUGS LA LTA BAR BYED PA'I BYA BA YOD PAR KHAS BLANGS NA NI DE 'GOG PA YANG 'THAD GRANG NA, SUS KYANG DE SKAD KHAS MA BLANGS BZHIN DU DE 'GOG PAR BYED PA YANG MI 'THAD PA'I PHYIR RO, ,CI STE BDAG NYID LA 'DZIN PAR MI BYED PA BZHIN DU GZHAN DAG LA YANG 'DZIN PAR MI BYED PAR SGRUB NA NI DE LTA NA YANG DPES MI NUS TE, ME DANG SNA MA'I ME TOG DAG RANG DANG GZHAN GYI @18B BDAG NYID LA 'DZIN PAR MI BYED PA'I PHYIR RO ZHES BYA BA NI CI STE GNAS BRTAN BUD DHA P'A LI TA MIG BDAG NYID LA 'DZIN PAR MI BYED PA BZHIN DU GZUGS GZHAN DAG LA YANG 'DZIN PAR MI BYED PAR SGRUB NA NI DE LTA NA YANG DE'I CHOS MI MTHUN PA'I CHOS ME LA TSA BA MTHONG NA DE DANG LDAN PAS CHU LA YANG DMIGS PA DANG; SNA MA'I ME TOG LA DRI ZHIM PA NYID MTHONG NA DE DANG LDAN PAS GOS LA YANG DMIGS PA LTA BU YIN NA ZHES SMOS PA DES MI NUS TE, DON DAM PAR ME NI RANG LA SREG PAR MI BYED CING GZHAN YANG SREG PAR MI BYED LA, SNA MA'I ME TOG KYANG RANG LA YANG DRI ZHIM PA NYID DU MI BYED LA GZHAN YANG BRI ZHIM PA NYID DU MI BYED PA'I PHYIR RO, ,DE LTA BAS NA DE NI RIGS PA MA YIN NO ZHE'O ZHES BYA BA NI 'GREL PA BYED PA NYID NA RE GNAS BRTAN BUD DHA P'A LI TA'I RNAM PAR BSHAD PA DE RIGS PA MA YIN NO ZHES ZER BA YIN NO, ,DE'I PHYIR DE LTAR MIG LTA BAR MA GRUB PAS SKYE BA YANG MA GRUB 'GRO BA YANG MA GRUB STE, DPE MED PA'I PHYIR RO ZHES BYA BA NI MJUG BSDU BA DANG TSAD MA'I 'BRAS BU YIN TE, DE'I PHYIR DE LTAR RIGS PAS DPYAD NA MIG LTA BAR MA GRUB PAS SNGAR PHYOGS SNGA MA NYE BAR GZHAG PA'I SKABS SU DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO, ,'DI NA GANG SKYE BA MED PA DE LA NI YUL SO SOR NGES PA MED DE, DPER NA MO GSHAM GYI BU'I SKYE MCHED RNAMS LA YUL SO SOR NGES PA MED PA BZHIN NO ZHES SMOS PA'I SKYE BA DE YANG MA GRUB LA, 'GRO BA YOD PA NYID DU SHES PAR BYA STE, BYA BA'I 'BRAS BU YIN PA'I PHYIR GZUGS LA LTA BA LA SOGS PA BZHIN NO ZHES SMOS PA'I 'GRO BA DE YANG MA GRUB STE, CI'I PHYIR ZHE NA, SNGAR PHYOGS SNGA MA NYE BAR GZHAG PA'I SKABS SU NANG GI SKYE MCHED RNAMS LA NI YUL SO SOR NGES PA 'DI LTA BU YOD DE, 'DI LTA STE LTA BA DANG NYAN PA DANG SNOM PA DANG MYONG BAR BYED PA DANG REG PAR BYED PA DANG, YID RNAMS KYI YUL GZUGS DANG SGRA DANG DRI DANG RO DANG REG BYA DANG CHOS RNAMS YIN PAR GO RIMS BZHIN NO ZHES SMOS PA'I DPE DE DAG MED PA'I PHYIR RO, ,YANG NA GTAN TSIGS 'GAL BA NYID KYANG YIN NO ZHES BYA BA NI, CI STE PHA ROL PO DAG KUN RDZOB TU LTA BA GZUGS LA LTA BAR BYED PAR SGRUB NA NI DE DAG DON @19A *, ,DAM PAR SGRUB PA DANG GTAN TSIGS 'GAL BA NYID YIN PAS DE YANG MI RUNG NGO, ,'DIR SMRAS PA, KHYOD SGRUB PA'I DON SGRO BTAGS NAS MIG GZUGS LA LTA BAR MI BYED DE, RANG GI BDAG NYID LA LTA BAR MI BYED PA'I PHYIR RO ZHES ZER BAS NI 'DI SKAD CES GAL TE DE LA RANG GI BDAG NYID LA NUS PA MED NA DE LA GZHAN GYI BDAG NYID LA YANG DE MED PAR BSTAN PA YIN NO ZHES BYA BA LA SOGS PA NI SKYE BAR SMRA BA DAG DBU MA PAS, LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BSHAD PA'I GTAN TSIGS KYI DON DE MA NGES PA NYID DU SGRUB PA'I TSIG YIN NO, ,'DI SKAD BSTAN TE DBU MA PA KHYOD RANG GI SGRUB PA'I DON YANG DAG PA MA YIN PA SGRO BTAGS NAS MIG GZUGS LA LTA BAR MI BYED DE, RANG GI BDAG NYID LA LTA BAR MI BYED PA'I PHYIR RO ZHES ZER BAS NI DON DU NA 'DI SKAD CES GAL TE MIG DE LA RANG GI BDAG NYID LA 'DZIN PAR BYED PA'I NUS PA MED NA MIG DE LA GZHAN GYI BDAG NYID LA YANG 'DZIN PAR BYED PA'I NUS PA MED PAR BSTAN PA YIN NO, ,DE LTA NA CI NYES SHE NA, DE'I PHYIR DE LTA NA YANG MA NGES PA NYID YIN TE ZHES BYA BA SMRAS TE, DE LTA NA KHYOD KYIS GTAN TSIGS MA NGES PA NYID KYI SKYON CHAGS PA YIN NO, ,CI'I PHYIR ZHE NA, ME LA RANG GI BDAG NYID LA SREG PAR BYED PA'I NUS PA NYID MED DU ZIN KYANG, GZHAN GYI BDAG NYID LA SREG PAR BYED PA'I NUS PA NYID YOD PA'I PHYIR RO ZHES BYA BA SMRAS TE, CI RE ZHIG MIG LA RANG GI BDAG NYID LA 'DZIN PAR BYED PA'I NUS PA MED PAS GZHAN DAG LA 'DZIN PAR MI BYED PA LTA BUR 'GYUR RAM 'ON TE ME LA RANG GI BDAG NYID LA SREG PAR BYED PA'I NUS PA NYID MED DU ZIN KYANG GZHAN GYI BDAG NYID LA SREG PAR BYED PA'I NUS PA NYID YOD PA LTA BUR 'GYUR BA MA NGES PA'I PHYIR RO, ,DES NA ME BZHIN DU LTA BA LA SOGS PA 'GRUB STE, DPER NA ME NI SREG PAR BYED PA YIN YANG GZHAN DAG SREG PAR BYED PA NYID YIN GYI RANG GI BDAG NYID SREG PAR BYED PA NYID MA YIN NO, ,DE BZHIN DU LTA BA YANG LTA BAR BYED PA YIN YANG GZHAN DAG LA LTA BAR BYED PA NYID YIN GYI RANG GI BDAG NYID LA LTA BAR BYED PA NI MA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR @19B BSHAD PA, LTA BA RAB TU BSGRUB PA'I PHYIR, ,ME YI DPES NI NUS MA YIN, ,MIG NI LTA BA'I NGO BO NYID, ,YIN NO ZHES BYA BA'I DON DE RAB TU BSGRUB PA'I PHYIR GTAN TSIGS MA NGES PA NYID KYI SKYON BRJOD PAS TE ZHES BYA BA NI SKYE BAR SMRA BA DAG GIS MIG NI LTA BA'I NGO BO NYID YIN NO ZHES BYA BA'I DON DE RAB TU BSGRUB PA'I PHYIR ME LA RANG GI BDAG NYID SREG PAR BYED PA'I NUS PA NYID MED DU ZIN KYANG, GZHAN GYI BDAG NYID SREG PAR BYED PA'I NUS PA NYID YOD PA'I PHYIR RO ZHES ME'I DPES DBU MA PA'I GTAN TSIGS MA NGES PA NYID KYI SKYON BRJOD PA GANG YIN PA DES NI LTA BA RAB TU BSGRUB PAR NUS PA MA YIN TE, DPE DES MI CHOG PA DANG MI NUS SO ZHES BYA BA'I THA TSIG GO, ,CI'I PHYIR ZHE NA, DON DAM PAR ME NI SREG PAR BYED PA NYID DU MA GRUB PA'I PHYIR DANG, THA SNYAD DU YANG LTA BA'I NGO BO NYID DU MA GRUB PA'I PHYIR RO ZHES BYA BAR DGONGS SO ZHES BYA BA SMRAS TE, NGED DBU MA PA'I PHYOGS LA DON DAM PAR ME NI SREG PAR BYED PA NYID DU MA GRUB PA'I PHYIR KHYED NA RE ME LA RANG GI BDAG NYID SREG PAR BYED PA'I NUS PA NYID MED DU ZIN KYANG GZHAN GYI BDAG NYID SREG PAR BYED PA'I NUS PA NYID YOD PA'I PHYIR RO ZHES ZER BA'I DPE DE MA GRUB PA'I PHYIR DANG THA SNYAD DU YANG MIG RANG GI BDAG NYID LA LTA BA'I NGO BO NYID DU MA GRUB PAS GZHAN GYI BDAG NYID LA LTA BA'I NGO BO NYID DU YANG MA GRUB PA'I PHYIR RO ZHES BYA BAR MDO MDZAD PAS DGONGS SO, ,YANG NA, LTA BA RAB TU BSGRUB PA'I PHYIR, ,ME YI DPES NI NUS MA YIN, ,GTAN TSIGS KYI SKYON BRJOD PA'I PHYIR TE ZHES BYA BA NI YANG NA, LTA BA RAB TU BSGRUB PA'I PHYIR; ,ME YI DPES NI NUS MA YIN, ,ZHES BYA BA NI 'DI LA KHA CIG LTA BA GZUGS LA LTA BAR BYED GTAN TSIGS SU ME NI RANG DANG GZHAN GYI BDAG NYID DAG SNANG BAR BYED PA'I PHYIR RO ZHES ZER BA DE'I SKYON DBU MA PAS BRJOD PA'I PHYIR LTA BA RAB TU BSGRUB PA'I PHYIR ME'I DPES NUS PA MA YIN NO, , CI'I PHYIR ZHE NA, ME'I NGO BO NYID RANG DANG GZHAN GYI BDAG NYID SNANG BAR BYED PA DE NI GZHAN GYI PHYOGS LA YANG MED PA'I PHYIR DANG, THA SNYAD DU YANG SREG PAR BYED PA'I NGO BO NYID DU MA GRUB PA'I PHYIR RO ZHES BYA BAR DGONGS SO ZHES BYA BA SMRAS TE, ME'I NGO BO NYID RANG DANG GZHAN GYI BDAG NYID SNANG BAR @20A *, ,BYED PA DE NI KHO BO CAG GI PHYOGS DANG GZHAN GYI PHYOGS LA YANG MED DE, DE LA MUN PA MED PA'I PHYIR DANG, THA SNYAD DU YANG ME RANG GI BDAG NYID SREG PAR BYED PA'I NGO BO NYID DU MA GRUB PAS GZHAN GYI BDAG NYID SREG PAR BYED PA'I NGO BO NYID DU YANG MA GRUB PA'I PHYIR RO ZHES BYA BAR MDO MDZAD PAS DGONGS SO, ,DES NA ME DE CI STE RANG DANG GZHAN GYI BDAG NYID DAG SNANG BAR BYED PA YIN NA, ,DE RANG DANG GZHAN GYI BDAG NYID DAG SREG PAR 'GYUR BA'I YANG RIGS NA DE LTA MA YIN NO, ,'ON KYANG GZHAN DAG SREG PAR BYED PA NYID YIN GYI RANG GI BDAG NYID SREG PAR BYED PA NI MA YIN NO ZHE NA, DE LTA NA YANG MES JI LTAR GZHAN DAG SREG PAR BYED KYI RANG GI BDAG NYID SREG PAR MI BYED PA DE BZHIN DU LTA BA YANG GZHAN DAG LA LTA BAR BYED KYI RANG GI BDAG NYID LA LTA BAR MI BYED DO ZHES BYA BA DE JI LTAR RUNG STE, ME JI LTAR RANG DANG GZHAN GYI BDAG NYID DAG SNANG BAR BYED PA DE BZHIN DU, LTA BA YANG GAL TE LTA BA YIN NA RANG DANG GZHAN GYI BDAG NYID DAG LA LTA BAR BYED DO ZHES BYA BA DE LTA BUR YANG 'GYUR BA ZHAG NA MI 'GYUR BA DE'I PHYIR LTA BA RAB TU BSGRUB PA'I PHYIR ME'I DPES NUS PA MA YIN NO, ,KUN RDZOB TU YANG ME'I NGO BO NYID NI TSA BA NYID YIN GYI SREG PAR BYED PA NYID NI MA YIN PAS DE'I PHYIR SREG PA ZHES BYA BA YANG MES BYAS PA'I BUD SHING 'GYUR BA YIN PAS DE'I PHYIR ME'I NGO BO NYID MA YIN NO ZHES BYA BA SMRAS TE, SREG PA ZHES BYA BA NI ME'I MTHUS BUD SHING GZHAN DU 'GYUR BA YIN GYI ME'I NGO BO NYID NI MA YIN PAS KHYOD SONG LA ME LA RANG GI BDAG NYID SREG PAR BYED PA'I NUS PA NYID MED DU ZIN KYANG GZHAN GYI BDAG NYID SREG PAR BYED PA'I NUS PA NYID YOD PA'I PHYIR RO ZHES BYA BA'I DPE DES LTA BA RAB TU BSGRUB PAR MI NUS SO, ,GZHAN YANG, LTA BA RAB TU BSGRUB PA'I PHYIR, ,ME YI DPES NI NUS MA YIN, ,ZHES BYA BA NI SONG BA DANG MA SONG BA DANG BSGOM PA DANG BRTAG PA DAG GIS ME'I DPE DE LTA BA DANG BCAS PA'I LAN BTAB ZIN PA'I PHYIR NUS PA MA YIN NO ZHES BYA BAR SBYAR RO, ,DE'I PHYIR, SONG DANG MA SONG BSGOM PA YIS, ,DE NI LTAR BCAS LAN BTAB BO, ,LTAR BCAS ZHES BYA BA NI LTA BA DANG BCAS PA'O, ,GANG ZHE NA ME'I DPE DE'O, ,CI ZHIG BYAS SHE NA LAN BTAB @20B PO; ,GANG GI ZHE NA SONG BA DANG MA SONG BA DANG BSGOM PA DAG GIS TE, JI LTAR SNGAR DON DAM PAR SONG BA DANG MA SONG BA DANG BSGOM PA DAG LA 'GRO BA MED DE, SONG ZIN PA'I PHYIR DANG MA SONG BA'I PHYIR DANG SONG BA DANG MA SONG BA MA GTOGS PAR BSGOM PA SHES PAR MI 'GYUR BA'I PHYIR RO ZHES BSHAD PA DE BZHIN DU DON DAM PAR MES KYANG BUD SHING BSREGS PA DANG, BSREG BZHIN PA DAG SREG PAR MI BYED DE, BSREGS PA'I PHYIR DANG, MA BSREGS PA'I PHYIR DANG, BSREGS PA DANG MA BSREGS PA MA GTOGS PAR BSREG PA SHES PAR MI 'GYUR BA'I PHYIR RO ZHES BYA BA DANG, DE BZHIN DU DON DAM PAR MIG KYANG GZUGS BLTAS PA DANG MA BLTAS PA DANG LTA BA DAG LA LTA BAR MI BYED DE, BLTAS PA'I PHYIR DANG MA BLTAS PA'I PHYIR DANG BLTAS PA DANG MA BLTAS PA MA GTOGS PAR LTA BA SHES PAR MI 'GYUR BA'I PHYIR RO ZHES GO RIMS BZHIN DU SBYOR BA'I TSIG DAG BRJOD PAR BYA'O ZHES BYA BA SMRAS TE, DE LTAR ME YANG SREG PAR MI BYED LA LTA BA YANG LTA BAR MI BYED NA CI ZHIG GANG GI DPER 'GYUR TE, DE'I PHYIR YANG LTA BA RAB TU BSGRUB PA'I PHYIR ME'I DPES NUS PA MA YIN NO, ,'DI LA GZHAN DAG NI PHA ROL POS ME BZHIN DU LTA BA LA SOGS PA 'GRUB STE, DPER NA ME NI SREG PAR BYED PA YIN YANG GZHAN DAG SREG PAR BYED PA NYID YIN GYI RANG GI BDAG NYID SREG PAR BYED PA NI MA YIN NO, ,DE BZHIN DU LTA BA YANG LTA BAR BYED PA YIN YANG GZHAN DAG LA LTA BAR BYED PA NYID YIN GYI RANG GI BDAG NYID LA LTA BAR BYED PA NI MA YIN NO ZHES SMRAS PA'I LAN DU, LTA BA RAB TU BSGRUB PA'I PHYIR, ,ME YI DPES NI NUS MA YIN; ,SONG DANG MA SONG BSGOM PA YIS, ,DE NI LTAR BCAS LAN BTAB PO, ,DE YANG GZHAN SREG PAR MI BYED PA'I PHYIR RO ZHES ZER RO ZHES BYA BA NI TSIG LE'UR BYAS PA GSUM PA 'DI LA 'GREL PA BYED PA GNAS BRTAN BUD DHA P'A LI TA NI 'DI SKAD CES RNAM PAR BSHAD PA BYED DO ZHES BYA BAR SBYAR RO, , DE YANG SNGAR, LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BSHAD PA DE LA PHA ROL PO LTA BA'I NGO BO NYID SMRA BA DAG GIS ME BZHIN DU LTA BA LA SOGS PA 'GRUB STE, DPER NA ME NI SREG PAR BYED PA YIN YANG GZHAN @21A *, ,DAG SREG PAR BYED PA NYID YIN GYI RANG GI BDAG NYID SREG PAR BYED PA NI MA YIN NO, ,DE BZHIN DU LTA BA YANG LTA BAR BYED PA YIN YANG GZHAN DAG LA LTA BAR BYED PA NYID YIN GYI RANG GI BDAG NYID LA LTA BAR BYED PA NI MA YIN NO ZHES ME'I DPES GTAN TSIGS MA NGES PA NYID KYI SKYON SMRAS PA DE BSAL BA'I LAN DU GNAS BRTAN BUD DHA P'A LI TAS TSIG LE'UR BYAS PA GSUM PA 'DI BSHAD DE LTA BA DE YANG GZHAN LA LTA BAR MI BYED LA ME DE YANG GZHAN SREG PAR MI BYED PA'I PHYIR GTAN TSIGS MA NGES PA NYID KYI SKYON MED DO ZHES ZER BA YIN NO, ,GZHAN DAG NA RE DE NI RIGS PA MA YIN TE, DPE TZAM GYIS PHYOGS SNGA MA SHIN TU SNYING PO MA YIN PAS DE 'GOG PA RIGS PA MA YIN PA'I PHYIR RO ZHE'O ZHES BYA BA NI 'GREL PA BYED PA NYID KYIS GNAS BRTAN BUD DHA P'A LI TA'I RNAM PAR BSHAD PA DE RIGS PA MA YIN PAR SUN 'BYIN PA'I TSIG YIN NO, ,CI'I PHYIR DE RIGS PA MA YIN ZHE NA, PHA ROL PO LTA BA'I NGO BO NYID DAG GIS ME BZHIN DU LTA BA LA SOGS PA 'GRUB STE, DPER NA ME NI SREG PAR BYED PA YIN YANG GZHAN DAG SREG PAR BYED PA NYID YIN GYI RANG GI BDAG NYID SREG PAR BYED PA NI MA YIN NO, ,DE BZHIN DU LTA BA YANG LTA BAR BYED PA YIN YANG GZHAN DAG LA LTA BAR BYED PA NYID YIN GYI, RANG GI BDAG NYID LA LTA BAR BYED PA NI MA YIN NO ZHES SMRAS PA'I PHYOGS SNGA MA DE NI GTAN TSIGS KYI MTSAN NYID KYI SBYOR BA MED DE, DPE TZAM ZHIG BRJOD PAR ZAD PA'I PHYIR SHIN TU SNYING PO MA YIN PAS DE LA YAN LAG MA TSANG BA NYID TZAM GYI SKYON BRJOD PAS TSIG NA GNAS BRTAN BUD DHA P'A LI TAS 'DI SKAD CES KHYOD KYIS LTA BA RAB TU BSGRUB PA'I PHYIR ME'I DPE BYAS PA GANG YIN PA DES NI LTA BA RAB TU BSGRUB PAR MI NUS SO, ,CI'I PHYIR ZHE NA, 'DI LA BUD SHING SREG GO ZHES BYA MOD KYI BUD SHING LAS ME GUD NA MED PA'I PHYIR TE, DE BAS NA ME NI RANG GI BDAG NYID SREG PAR BYED PA NYID YIN GYI GZHAN DAG SREG PAR BYED PA NI MA YIN NO, ,CI STE GZHAN PA NYID MA YIN DU ZIN KYANG BUD SHING NI BSREG PAR BYA BA'O, ,ME NI SREG PAR BYED PA'O ZHES RTOG NA KHO BOS KYANG BUD SHING NI SREG PAR BYED PA'O, ,ME NI BSREG PAR BYA BA'O ZHES SMRA LA RAG BO, ,YANG @21B NA KHYAD PAR GYI GTAN TSIGS BSTAN PA BRJOD DGOS SO, ,SLOB DPON 'PHAGS PA LHAS KYANG, MES NI TSAB NYID SREG STE, ,TSA BA MA YIN JI LTAR SREG, ,DES NA BUD SHING ZHES BYA MED, ,DE MA GTOGS PAR ME YANG MED, ,CES GSUNGS SO, ,DE LTA BAS NA ME'I DPES NUS PA MA YIN NO ZHES PHYOGS SNGA MA DES 'GOG PA RIGS PA MA YIN PA'I PHYIR RO ZHES ZER RO, ,GZHAN DAG GIS SMRAS PA ZHES BYA BA LA SOGS PA NI LTA BA LA MNGON PAR ZHEN PA DE DAG NYID RANG GI RIGS PAS LTA BA MA GRUB NAS 'DIR BRDA SPROD PA PA'I THAM LAG GI RJES SU ZHUGS TE MIG LTA BA'I BYA BA YOD PAR SGRUB PA YIN NO, , MIG LA LTA BA'I BYA BA YOD PA KHO NA YIN TE, SGRA'I BSTAN BCOS LAS DE LTAR BSTAN PA'I PHYIR RO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,'DI NA SGRA'I BSTAN BCOS LAS BYED PA PO LA BYA BA'I RKYEN BRJOD NAS LTA BAR BYED PAS LTA BA ZHES BYA STE, DER GANG JI SKAD BSTAN PA DE NI DE BZHIN TE ZHES BYA BA NI NYE BAR SBYAR BA'I SBYOR BA YIN TE, 'DI NA BRDA SPROD PA'I BSTAN BCOS LAS BYED PA PO GANG YIN PA LA BYA BA BYED PA'I TSIG GI RKYEN LHAS BYIN LAS BYED PAS BYED PA PO YIN NO ZHES BYA BA DANG, MIG GZUGS LA LTA BAR BYED PAS LTA BA PO YIN NO ZHES BRJOD PA, DES NA MIG GIS GZUGS LA LTA BAR BYED PAS LTA BA ZHES BYA STE, SGRA'I BSTAN BCOS DES GANG JI SKAD BSTAN PA DE NI DE BZHIN TE, GZHAN DU GYUR PA MA YIN PAS DE'I PHYIR LTA BA PO MIG LA LTA BA'I BYA BA YOD PA KHO NA YIN NO ZHES BYA BAR SBYAR RO, ,DPER NA BYED PA PO LA BYA BA'I RKYEN BRJOD NAS THUGS SU CHUD PAR MDZAD PA 'AM THUGS SU CHUD PAR GYUR PAS SANGS RGYAS ZHES BYA BA BZHIN NO ZHES BYA BA NI CHOS MTHUN PA'I DPE YIN TE, DPER NA SANGS RGYAS PA DAG GI GZHUNG LAS BYED PA PO GANG YIN PA LA BYA BA BYED PA'I TSIG GAM RKYEN SANGS RGYAS BCOM LDAN 'DAS KYIS SHES BYA THAMS CAD THUGS SU CHUD PAR MDZAD PA'AM, THUGS SU CHUD PAR GYUR PAS SANGS RGYAS ZHES BRJOD PA DES NA SANGS RGYAS NI PADMA RANG GIS RANG NYID KHA 'BYED PAR BYED PAS PADMA LA KHA 'BYED PA'I BYA BA YOD PA BZHIN DU NYID KYIS SHES BYA THAMS CAD THUGS SU CHUD PAR MDZAD PAS SANGS RGYAS @22A *, ,BCOM LDAN 'DAS SHES BYA THUGS SU CHUD PAR MDZAD PA'I BYA BA MNGA' BA DE BZHIN DU MIG KYANG GZUGS LA LTA BAR BYED PAS MIG LA YANG LTA BA'I BYA BA YOD PA KHO NA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA BSGRUB PA DE THA SNYAD KYI BDEN PA'I KHONGS SU NI YOD MOD KYI DON DAM PAR NI MED DO ZHES BYA BA LA SOGS PA SMRAS TE, BRDA SPROD PA PA'I THAM LAG GI RJES SU ZHUGS NAS, MIG LA LTA BA'I BYA BA YOD PAR SGRUB PA DE KUN RDZOB KYI BDEN PA'I KHONGS SU GTOGS PA YIN GYI DON DAM PA NI MA YIN PAS DON DAM PAR MED DO, ,JI LTAR ZHE NA; 'DI NYID DU MIG LTA BA BKAG PA'I PHYIR DANG, DE'I SKYE BA BKAG PA'I PHYIR LTA BA DANG BRAL BA YIN PAS, GANG TSE CUNG ZAD MI LTA BA, ,LTA BAR BYED PA MA YIN NO, ,GANG GI TSE GTAN PA'AM KHRI'U 'AM CUNG ZAD LA YANG LTA BAR MI BYED PA DE'I TSE LTA BAR BYED PA MA YIN NO ZHES BYA BA SMRAS TE, SKYE MCHED BRTAG PA'I RAB TU BYED PA 'DI NYID DU MIG LTA BA BKAG PA'I PHYIR DANG, RKYEN BRTAG PA DANG, 'GRO BA BRTAG PA'I RAB TU BYED PA'I SKABS SU LTA BA DE'I SKYE BA BKAG PA'I PHYIR MIG NI LTA BA'I BYA BA DANG BRAL BA YIN PAS DE LTAR GANG GI TSE MIG LTA BA'I BYA BA DANG BRAL BA YUL GTAN PA 'AM KHRI'U LA SOGS PA CUNG ZAD LA YANG LTA BAR MI BYED PA DE'I TSE LTA BAR BYED PA MA YIN NO, ,DE'I PHYIR, LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,LTA BAS LTA BAR BYED CES BYA BA DE JI LTAR RIGS PAR 'GYUR TE, DE NI MI RIGS PA KHO NA'O ZHES BYA BA'I TSIG GI DON TO ZHES BYA BAS NI LTA BAS LTA BAR BYED DO ZHES BYA BA'I SGRUB PA DE THA SNYAD KYI BDEN PA'I KHONGS SU NI YOD MOD KYI DON DAM PAR NI MED DO ZHES BSTAN TO, ,DE'I PHYIR, LTA BA LTA NYID MA YIN TE, ,ZHES BYA BA NI, GANG TSE CUNG ZAD MI LTA BA, ,LTA BAR BYED PA MA YIN NO, ,LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,ZHES JI SKAD BSHAD PA'I RIGS PA DE'I PHYIR LTA BAS LTA BAR BYED PA NYID MA YIN NO, ,CI STE LEGS PAR MA ZIN PA'I GDON GYIS BRLAMS PAS LTA BA MA YIN PAS LTA BAR BYED PA NYID DO ZHE NA, DE'I PHYIR, LTA BA MIN PA MI LTA NYID, ,LTA BA'I NUS PAS STONG PA'I PHYIR, ,BONG @22B BA LA SOGS PA BZHIN NO, ,ZHES BYA BAR DGONGS SO ZHES BYA BA SMRAS TE, LTA BA MA YIN PA NI BONG BA LA SOGS PA BZHIN DU LTA BA'I NUS PAS STONG PA'I PHYIR DER YANG LTA BAR MI BYED PA NYID DE, DE NI DAM BCAS PA'I TSIG YIN NO, ,DES NA DON DAM PAR SGRA'I BSTAN BCOS LAS LTA BA'I SGRA DANG SANGS RGYAS KYI SGRA BSTAN PA MI RUNG BA KHO NA STE, DPE MED PA'I PHYIR RO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR LTA BA YANG LTA BAR BYED PA NYID MA YIN LA, LTA BA MA YIN PA YANG LTA BAR BYED PA NYID MA YIN PA'I RIGS PA DES NA PHYOGS SNGA MA SMRA BA DAG GIS MIG LTA BA'I BYA BA YOD PA KHO NA YIN TE, SGRA'I BSTAN BCOS LAS DE LTAR BSTAN PA'I PHYIR RO, ,'DI NA SGRA'I BSTAN BCOS LAS BYED PA PO LA BYA BA'I RKYEN BRJOD NAS MTHONG BAR BYED PAS LTA BA ZHES BYA STE, DER GANG JI SKAD BSTAN PA DE NI DE BZHIN TE, DPER NA BYED PA PO LA BYA BA'I RKYEN BRJOD NAS THUGS SU CHUD PAR MDZAD PA 'AM, THUGS SU CHUD PAR GYUR PAS SANGS RGYAS ZHES BYA BA BZHIN NO ZHES SGRA'I BSTAN BCOS KYI THA MA LAG BSTAN PA DE NI MI RUNG BA KHO NA STE, DON DAM PAR SANGS RGYAS ZHES BYA BA'I DPE MED PA'I PHYIR RO, ,DPE MED PA'I PHYIR RO ZHE BSHAD PA DE MDZAD PA'I MTHA' DANG MI 'GAL LAM ZHE NA, DE'I PHYIR MDZAD PA'I MTHA' DANG YANG MI 'GAL TE DON DAM PAR BCOM LDAN 'DAS KYANG NGO BO NYID MED PA'I PHYIR DANG, DE BZHIN GSHEGS PA BRTAG PA'I RAB TU BYED PA LAS 'OG NAS KYANG, DE BZHIN GSHEGS PA'I RANG BZHIN GANG, ,DE NI 'GRO 'DIS RANG BZHIN NO, ,DE BZHIN GSHEGS PA RANG BZHIN MED, ,'GRO BA 'DI YANG RANG BZHIN MED, ,CES 'BYUNG BA'I PHYIR RO ZHES BYA BA SMRAS SO, ,YANG NA GZHAN DU BRTAG STE ZHES BYA BA LA SOGS PAS NI, GANG TSE CUNG ZAD MI LTA BA, ,LTA BAR BYED PA MA YIN NO, ,LTA BAS MTHONG BAR BYED CES BYAR, ,DE NI JI LTAR RIGS PAR 'GYUR, ,ZHES BYA BA'I TSIG LE'UR BYAS PA DE'I DON GZHAN DU BRTAG PA STON TO, ,'DI LA DE LTA BA YIN PA LA BYED PA PO LA BYA BA'I RKYEN BRJOD NAS LTA BAR BYED PAS LTA BA ZHES BYA BA 'AM, LTA BA MA YIN PA LA BYED PA PO LA BYA BA'I RKYEN BRJOD NAS LTA BAR BYED PAS LTA BA ZHES BYA BAS NI 'DI SKAD BSTAN TE, @23A *, ,MIG DE LTA BA'I NGO BO NYID YIN PA LA SGRA'I BSTAN BCOS LAS, BYED PA PO LA BYA BA'I RKYEN BRJOD NAS BYED PA PO NYID DU GRUB PA'I PHYIR LTA BAR BYED PAS LTA BA ZHES BYA BA'AM, 'ON TE MIG DE LTA BA'I NGO BO NYID MA YIN PA LA SGRA'I BSTAN BCOS LAS BYED PA PO LA BYA BA'I RKYEN BRJOD NAS BYED PA PO NYID DU GRUB PA'I PHYIR LTA BAR BYED PAS LTA BA ZHES GA LA GNYIS SU BRTAG PA YIN NO, ,DES CIR 'GYUR ZHES BYA BA NI PHA ROL PO NA RE DES SKYON CIR 'GYUR ZHES 'DRI BA YIN NO, ,GAL TE DE LTA BA YIN PA LA BYA BA NI ZHES BYA BA NI GAL TE BRTAG PA SNGA MA LTAR 'DOD NA'O, ,DES CIR 'GYUR ZHE NA, GANG TSE CUNG ZAD MI LTA BA, ,LTA BAR BYED PA MA YIN NO, ,'O NA CI ZHE NA, LTA BA NYID LTA BAR BYED PA YIN NO ZHES BYA BA SMRAS TE, GANG GI TSE MIG DE CUD ZAD LA YANG MI LTA BA DE'I TSE NA DE LTA BAR BYED PA MA YIN NO, ,'O NA CI LTA BU YIN ZHE NA, GANG GI TSE LTA BA NYID NA LTA BAR BYED PA YIN NO, ,NGES CIR 'GYUR ZHE NA; DES NA MIG LTA BA'I BYA BA SKYES PAS LTA BAR BYED DO ZHES BYA BA SMRAS TE, DES NA MIG LA LTA BA'I BYA BA YOD CING LTA BA'I NGO BO NYID YIN PAS LTA BAR 'GYUR RO, ,DE LTA NA SKYON CI YOD CE NA, DE LTA NA GTAN TSIGS DANG DPE'I SKYON DE NYID YOD DO ZHES BYA BA SMRAS TE, DE LTA NA SNGAR MIG LA LTA BA'I BYA BA YOD PA KHO NA YIN TE, SGRA'I BSTAN BCOS LAS DE LTAR BSTAN PA'I PHYIR RO ZHES PHYOGS SNGA MA NYE BAR GZHAG PA'I GTAN TSIGS DANG DPE'I SKYON DON DAM PAR SGRA'I BSTAN BCOS LAS, LTA BA'I SGRA DANG SANGS RGYAS KYI SGRA BSTAN PA MI RUNG BA KHO NA STE, DPE MED PA'I PHYIR RO ZHES JI SKAD BSTAN PA DE NYID YOD PAS MI RUNG NGO, ,GAL TE DE LTA BA'I BYA BA'I BYED PA PO YIN PA'I PHYIR LTA BA NYID YIN NO ZHE NA ZHES BYA BA NI GAL TE PHA ROL PO NA RE MIG GI DBANG PO MA GTOGS PAR LTA BA'I BYA BA GZHAN ME DPAS DES NA MIG DE LTA BA'I BYA BA BYED PA PO YIN PA'I PHYIR MI GNYID LTA BA NYID YIN NO ZHES ZER NA'O, ,DE SKAD CES ZER BA DE'I LAN DU DE'I TSE DE LTA BA YIN NA LTA BA'I BYA BA DON MED PA NYID DE ZHES BYA BA LA SOGS PA SMRAS TE, DE'I TSE MIG DE LTA BA YIN NA DE LA LTA BA'I BYA BA GNYIS PA SKYE BA DON MED PA NYID DO, ,DE'I PHYIR, LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,MI RIGS PA @23B KHO NA YIN TE, LTA BA'I BYA BA DANG LDAN PA'I PHYIR RO ZHES BYA BA'I TSIG GI DON TO ZHES BYA BA NI MIG DE LTA BA'I NGO BO NYID YIN NA, SNGA NAS LTA BA'I BYA BA DANG LDAN PA'I PHYIR DE LA LTA BA'I BYA BA GZHAN DON MED PA NYID DE LTA BA'I NGO BO NYID YIN PA LA SGRA'I BSTAN BCOS LAS BYED PA PO LA BYA BA'I RKYEN BRJOD NAS BYED PA PO NYID DU GRUB PA'I PHYIR LTA BA ZHES BYA BA DE MI RUNG NGO ZHES BYA BA'I THA TSIG GO, ,CI STE DE LTA BA MA YIN PA LA BYA NA YANG ZHES BYA BA NI CI STE BRTAG PA PHYI MA LTAR 'DOD NA YANG NGO, ,DES CIR 'GYUR ZHE NA, GANG TSE CUNG ZAD MI LTA BA, ,LTA BAR BYED PA MA YIN NO, ,DE'I TSE DE LTA BA'I NGO BO NYID MA YIN NA BONG BA LA SOGS PA BZHIN DU LTA BA'I BYA BA DANG BRAL BA YIN PAS LTA BA MA YIN PA YANG LTA BAR BYED PA MA YIN PA NYID DO ZHES BYA BA SMRAS TE, LTA BA'I NGO BO NYID MA YIN PA LA SGRA'I BSTAN BCOS LAS BYED PA PO LA BYA BA'I RKYEN BRJOD NAS BYED PA PO NYID DU GRUB PA'I PHYIR LTA BAR BYED PAS LTA BA ZHES BYA BA DE MI RUNG NGO ZHES BYA BA'I THA TSIG GO, ,DE'I PHYIR DE LTAR GNYI GA YANG LTA BA'I BYA BA DANG MI LDAN PA'I PHYIR, LTA BA LTA NYID MA YIN TE, ,LTA BA MIN PA MI LTA NYID, ,CES BYA BA NI BRTAG PA SNGA MA GNYI GA'I MJUG BSDU BA DANG TSAD MA'I 'BRAS BU YIN NO, ,CI STE DGAG PA GNYIS YOD NA SKABS KYI DON GO BAS DE'I PHYIR MIG LTA BA'I BYA BA SKYES PAS MTHONG NGO ZHE NA ZHES BYA BA NI CI STE PHA ROL PO DAG NA RE KHYED DBU MA PAS, LTA BA MIN PA MI LTA NYID, ,CES BSHAD PA'I TSIG LE'UR BYAS PA DE LA DGAG PA GNYIS YOD NA SKABS KYI DON GO PAS 'DIR KHO BO CAG 'DOD PA'I SKABS KYI DON NI LTA BAS LTA BA NYID YIN NA DE'I PHYIR KHYED KYIS, LTA BA MIN PA MI LTA NYID, ,CES BSHAD PA DES NA MIG LTA BA'I BYA BA SKYES PAS LTA BAS KHYED RANG GIS KHAS BLANGS PA LA GNOD PAR 'GYUR RO ZHES ZER NA'O, ,DE SKAD CES ZER BDE'I LAN DU DE NYID BZANG PO MA YIN TE YOD PA DANG MED PA'I RKYEN DGAG PA BZHIN DU YOD PA DANG MED PA'I BYED RGYU NYID BKAG PA'I PHYIR RO ZHES BYA BA SMRAS TE, KLAN KA DE NI BZANG PO MA YIN TE; SNGAR RKYEN BRTAG PA'I RAB TU BYED PA'I SKABS SU, MED DAM YOD PA'I DON LA YANG, ,RKYEN NI RUNG BA MA YIN TE, ,MED NA GANG GI RKYEN DU 'GYUR, ,YOD NA RKYEN GYIS CI ZHIG BYA, ,ZHES BSHAD PAS YOD PA DANG MED PA'I RKYEN DGAG PA BZHIN DU 'DIR YANG LTA BA'I BYA BA YOD PA DANG MED @24A *, ,PA GNYI GAS LTA BA'I BYED RGYU NYID BKAG PA'I PHYIR LTA BA MA YIN PA LTA BAR MI BYED PA NYID DO ZHES MED PAR DGAG PA'I TSUL BSTAN PAS LTA BA LTA BAR BYED PA NYID YIN NO ZHES MA YIN PAR DGAG PA'I TSUL MA BSGRUBS PA'I PHYIR RANG GIS KHAS BLANGS PA LA GNOD PAR MI 'GYUR RO, ,PHYIS 'BYUNG BA'I TSUL GYIS LTA BA NYID DU NYE BAR BRTAGS NAS DE LTA BA YIN PAR RTOG NA NI ZHES BYA BA NI PHA ROL PO DAG 'DI SNYAM DU DA LTAR LTA BA'I NGO BO NYID LA LTA BA'I BYA BA MED PAS DE LTA BA MA YIN DU ZIN KYANG MIG NI PHYIS GZUGS LA LTA BAR GDON MI ZA BAR 'GYUR BAS DES NA PHYIS 'BYUNG BA'I TSUL GYIS LTA BA NYID DU NYE BAR BRTAGS NAS MIG DE LTA BA YIN PA'I THA SNYAD DU 'GYUR BAS RTOG CING DE SKAD ZER BA YIN NO, ,DE SKAD CES ZER NA DE'I LAN DU THA SNYAD KYI BDEN PA RAB TU BSGRUB PA'I PHYIR 'DOD PA NYAMS SO ZHES BYA BA SMRAS TE, KHYED NI DA LTAR LTA BA'I NGO BO NYID KYIS LTA BA'I TSUL GYIS DON DAM PAR SGRUB PA YIN NA PHYIS 'BYUNG BA'I TSUL GYIS LTA BA NYID DU NYE BAR BRTAGS NAS DE LTA BA YIN PAR RTOG PAS NI THA SNYAD KYI BDEN PA RAB TU BSGRUB PA'I PHYIR KHYED RANG GI 'DOD PA NYAMS SHING GZHI MA GRUB PA YIN PAS DE YANG MI RUNG NGO, ,YANG NA PHA ROL PO NA RE MIG LTA BA'I BYA BA SKYES PAS LTA BAR BYED PAR SMRA STE, BYA BA'I THA SNYAD YOD PA'I PHYIR RO, , GANG LA LTA BA'I BYA BA MA SKYES PA DES NI LTA BA'I BYA BA BYED DO ZHES MI BRJOD DE DPER NA RNA BA BZHIN NO, ,MIG LA NI LTA BA'I BYA BA YOD PAS MIG GIS LTA BAR BYED DO ZHES THA SNYAD 'DOGS SO ZHES ZER BA LA SLOB DPON GYIS BSHAD PA ZHES BYA BAS NI, LTA BA LTA NYID MA YIN TE, ,LTA BA MIN PA MI LTA NYID, ,CES BYA BA'I TSIG LE'UR BYAS PA DE'I PHYED GONG MA 'DI NI YANG NA PHA ROL BO DAG NA RE 'JIG RTEN NA MIG LTA BAR BYED DO ZHES BYA BA'I THA SNYAD YOD PA'I SGO NAS DPAGS NA MIG LA LTA BA'I BYA BA YOD PAS LTA BA GZUGS LA LTA BAR BYED DO ZHES ZER BA LA, SLOB DPON GYIS DE DGAG PA'I PHYIR BSHAD PA YIN NO ZHES STON TO; ,PHA ROL PO'I TSIG DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I DPE DANG NYE BAR SBYAR BA'I SBYOR BA YIN PAR GO RIMS BZHIN DU SBYAR RO, ,DE LTA NA, LTA BA LTA NYID MA YIN TE, ,PHA ROL POS DON DAM PAR LTA BA PO 'GA' ZHIG LA LTA BA'I BYA BA @24B SKYES PAR MA BSTAN PA'I PHYIR DANG LTA BA LA LTA BA'I BYA BA SKYES PA'I SNGON ROL NA LTA BA NYID DU MA GRUB PA'I PHYIR RO ZHES BYA BAR DGONGS SO ZHES BYA BA NI PHA ROL PO DAG DE SKAD CES ZER BA LTA NA DE YANG MI RUNG STE, LTA BAS LTA BAR BYED PA NYID MA YIN NO, ,CI'I PHYIR ZHE NA, PHA ROL POS DON DAM PAR LTA BA POS LHAS BYIN LTA BU 'GA' ZHIG LA LTA BA'I BYA BA SKYES PAR RJES SU DPAG PA GANG GI SGO NAS KYANG MA BSTAN PA'I PHYIR DANG, LTA BA LA LTA BA'I BYA BA SKYES PA'I SNGON ROL NA MA SKYES BA'I DUS NA LTA BA NYID DU MA GRUB PA'I PHYIR 'JIG RTEN NA MIG LTA BAR BYED DO ZHES BYA BAR THA SNYAD YOD PA'I SGO NAS DPAGS NA, MIG LA LTA BA'I BYA BA YOD PAS, LTA BA GZUGS LA LTA BAR BYED DO ZHES BYAR MI RUNG BAR SLONG DPON GYIS DGONGS SO, ,SNGON LTA BA MA YIN PA LAS PHYIS LTA BA'I BYA BA DANG LDAN PAR 'GYUR BA NI BSTAN DKA' BA'I PHYIR, LTA BA MIN PA MI LTA NYID, ,CES BYA BA NI GAL TE PHA ROL PO NA RE LTA BA LTA BA'I BYA BA MA SKYES PA'I SNGON ROL NA LTA BA MA YIN YANG PHYIS LTA BA'I BYA BA SKYES PA'I DUS NA LTA BA YIN PAR 'GYUR ZHE NA, DE NI RJES SU DPAG PA GANG GI SGO NAS KYANG BSTAN DKA' BA'I PHYIR LTA BA MA YIN PAS KYANG LTA BAR MI BYED PA NYID DO, ,DE LTAR NA GTAN TSIGS KYI DON MA GRUB PA NYID DAM, DON 'GAL BA NYID YIN PAS DAM BCAS PA NYAMS SO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR DPYAD NA DON DAM PAR SGRUB NA NI GTAN TSIGS KYI DON MA GRUB PA NYID YIN LA KUN RDZOB TU SGRUB NA NI GTAN TSIGS KYI DON 'GAL BA NYID YIN PAS PHA ROL PO NA RE MIG LTA BA'I BYA BA SKYES PAS LTA BAR BYED PA SMRAS TE, BYA BA'I THA SNYAD YOD PA'I PHYIR RO, ,GANG LA LTA BA'I BYA BA MA SKYES PA DES NI LTA BAR BYED DO ZHES MI BRJOD DE, DPER NA RNA BA BZHIN NO, ,MIG LA NI LTA BA'I BYA BA YOD PAS MIG GIS LTA BAR BYED DO ZHES THA SNYAD 'DOGS SO ZHES ZER BA'I DAM BCAS PA NYAMS SO, ,DE YAN CHAD KYIS NI MIG NYID LTA BA PO YIN PAR 'DOD PA DAG GI PHYOGS BKAG GO, ,'DIR GRANGS CAN DANG BYE BRAG PA DAG GIS SMRAS PA ZHES BYA BA LA SOGS PAS NI BDAG LTA BA PO YIN LA MIG LTA BA'I BYA BA'I BYED PA YIN TE, BDAG DE MIG DES GZUGS LA LTA BAR BYED DO ZHES ZER BA DAG GI PHYOGS DGAG PA STON TO, ,DE'I PHYIR DE @25A *, ,DAG GI GZHUNG BSTAN PA'I PHYIR 'DIS LTA BAR BYED PAS LTA BA STE, BYED PA LA BYA BA'I RKYEN BRJOD PA'I PHYIR RO ZHES BYA BA LA SOGS PA SMRAS SO, ,LTA BA PO BDAG DE LTA BA'I BYED PA MIG 'DIS GZUGS LA LTA BAR BYED PAS MIG NI LTA BA ZHES BYA STE, BYED PA MIG LA 'DIS LTA BAR BYED PAS LTA BA'O ZHES LTA BAR BYED PA LA BYA BA'I RKYEN BRJOD PA'I PHYIR RO, ,BYED PA DE GANG YIN PA DE NI LTA BA PO STE DE YANG DES LTA BAR BYED DO ZHES BYA BA NI LTA BA'I BYED PA MIG DE BYED PA PO BDAG GANG GI YIN PA'I BDAG DE NI LTA BA ZHES BYA STE, LTA BA PO DE YANG MIG DES GZUGS LA LTA BAR BYED DO, ,DPER NA GCOD PA POS STA RES GCAD PAR BYA BA SHING GCOD PAR BYED KYI STA RE NYID KYIS GCOD PAR MI BYED PA BZHIN TE ZHES BYA BA NI DPER NA GCOD PA PO LHAS BYIN GYIS GCOD PAR BYED PA'I STA RES GCOD PAR BYA BA SHING GCOD PAR BYED KYI GCOD PA'I BYED PA STA RE NYID KYIS GCAD PAR BYA BA SHING GCOD PAR MI BYED PA DE BZHIN DU LTA BA PO BDAG GIS KYANG LTA BA'I BYED PA MIG GIS BLTA BAR BYA BA GZUGS LA LTA BAR BYED KYI LTA BA'I BYED PA MIG NYID KYIS BLTA BAR BYA BA GZUGS LA LTA BAR MI BYED DO, ,DES NA MIG GIS LTA BAR MI BYED DO ZHES BYA BA DE NI GRUB PA LA SGRUB PA YIN NO ZHES BYA BA NI LTA BA PO BDAG DE LTA BA'I BYED PA MIG DES BLTA BAR BYA BA GZUGS LA LTA BAR BYED KYI, LTA BA'I BYED PA MIG NYID KYIS BLTA BAR BYA BA GZUGS LA LTA BAR MI BYED PA'I RIGS PA DES NA KHYED DBU MA PAS, LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BSHAD PAS MIG GZUGS LA LTA BAR MI BYED PO ZHES BSGRUBS PA DE NI KHO BO CAG GI GZHUNG LA YANG GRUB PAS GRUB PA LA SGRUB PA'I SKYON CHAGS PA YIN NO, ,DE NYID KYI TSAD MA BSTAN PA'I PHYIR, BYED PA DAG LA BYED PA PO YOD DE BYED PA YIN PA'I PHYIR DPER NA STA RE LA SOGS PA DAG LA GCOD PA PO YOD PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GCOD PA'I BYED PA STA RE LA SOGS PA DAG NI GCOD PA'I BYED PA YIN PA'I PHYIR DE DAG LA GCOD PA'I BYED PA PO MI YOD PAS GCOD PA'I BYED PA PO MI DE GCOD @25B PA'I BYED PA STA RE LA SOGS PAS GCAD PAR BYA BA SHING GCOD PAR BYED PA DE BZHIN DU LTA BA'I BYED PA MIG KYANG LTA BA'I BYED PA YIN PA'I PHYIR DE LA LTA BA'I BYED PA PO BDAG YOD PAS LTA BA'I BYED PA PO BDAG DE LTA BA'I BYED PA MIG GIS BLTA BAR BYA BA GZUGS LA LTA BAR BYED DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, LTA BA NYID KYIS LTA BA PO'I RNAM PAR BSHAD PAR SHES PAR BYA BA NI LAN BTAB PAR SHES PAR BYA'O, ,GANG GIS SHE NA LTA BA NYID KYIS SO, ,GANG ZHE NA LTA BA PO'I STE LTA BA PO NYID DU RNAM PAR RTOG PA DGAG PA YANG 'DRA BA'I PHYIR RO ZHES BYA BAR DGONGS SO ZHES BYA BA LA SOGS PA SMRAS TE, SNGAR LTA BA DGAG PA'I SKABS SU GTAN TSIGS DANG DPE GANG DAG BSTAN PA DE DAG NYID 'DIR LTA BA PO DGAG PA'I SKABS SU YANG SBYAR BAR BYA'O ZHES BYA BAR DGONGS SO, ,DE'I PHYIR JI LTAR DER MIG GI CHOS RANG GI BDAG NYID LA LTA BAR MI BYED PA YIN PA DE BZHIN DU, 'DIR BDAG GI CHOS KYANG RANG GI BDAG NYID LA LTA BAR MI BYED PA YIN TE ZHES BYA BA SMRAS TE, SNGAR LTA BA DGAG PA'I SKABS SU, LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BSHAD PAS LTA BA GZUGS LA LTA BAR MI BYED PA'I SGRUB PA'I CHOS RANG GI BDAG NYID LA LTA BAR MI BYED PA YIN PAR BSTAN PA DE BZHIN DU 'DIR LTA BA PO DGAG PA'I SKABS SU YANG, LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BYA BAR SBYAR TE LTA BA PO BDAG GZUGS LA LTA BAR MI BYED PA'I SGRUB PA'I CHOS KYANG RANG GI BDAG NYID LA LTA BAR MI BYED PA YIN NO, ,CI'I PHYIR ZHE NA, GANG GI PHYIR BDAG RANG GI BDAG NYID MTHONG BAR MI 'THAD DE, RANG GI BDAG NYID LA 'JUG PAR 'GAL BA'I PHYIR RO ZHES SMRAS SO, ,PHYOGS KYI CHOS RANG GI BDAG NYID LA LTA BAR MI BYED PA DE SGRUB PA'I DON DU 'JIG PA'I DPE BSTAN PA'I PHYIR 'DI LTAR RAL GRI'I SO DE NYID KYIS RAL GRI'I SO DE NYID GCOD PAR MI BYED PA BZHIN NO ZHES BYA BA SMRAS SO, ,DE NYID KYI TSAD MA BSTAN PA'I PHYIR DE LTAR RJES SU DPAG PA NI DON DAM PAR BDAG KYANG LTA BA PO MA YIN TE, RANG GI BDAG @26A *, ,NYID LA LTA BAR MI BYED PA'I PHYIR DPER NA RNA BA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RNA BA NI RANG GI BDAG NYID LA LTA BAR MI BYED PA'I PHYIR LTA BA PO MA YIN PA DE BZHIN DU, BDAG KYANG RANG GI BDAG NYID LA LTA BAR MI BYED PA'I PHYIR LTA BA PO MA YIN NO, ,GAL TE PHA ROL PO NA RE BDAG GIS BDAG LA LTA BAR BYED PA SRID PA DES NA KHYED KYI GTAN TSIGS KYI DON RANG GI BDAG NYID LA LTA BAR MI BYED PA'I PHYIR ZHES BYA BA DE MA GRUB PA NYID DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS PHA ROL POS GTAN TSIGS KYI DON MA GRUB PA NYID DU DOGS PA'I DUG GIS BSLAD DU YANG MI RUNG NGO ZHES BYA BA SMRAS TE, PHA ROL PO BDAG LTA BA POR SMRA BAS DBU MA PA'I GTAN TSIGS KYI DON MA GRUB PA NYID DU DOGS PA DUG DANG 'DRA BA DES BSLAD CING SPAG ? TU YANG MI RUNG NGO, ,GAL TE PHA ROL PO NA RE RANG DANG GZHAN GYI GRUB PA'I MTHA' DAG TU BDAG GIS BDAG LA LTA BAR BYED DO ZHES KYANG BSHAD PAS GTAN TSIGS MA GRUB PA NYID DU DOGS PA'I DUG GIS BSLAD PAR BYA'O ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, GANG LA LAR BDAG GIS BDAG LA LTA BAR BYED DO ZHES BSHAD PA DES NI YID PHAN 'DOGS PA YIN PA'I PHYIR BDAG GIS ZHES BYA BA'I SGRAR SGRO BTAGS NAS THA SNYAD DU DE SKAD BSHAD PA YIN NO ZHES BYA BA SMRAS TE, RANG DANG GZHAN GYI GRUB PA'I MTHA' GANG LA LAR BDAG GIS BDAG LA LTA BAR BYED DO ZHES BSHAD PA DES NI YID NI BDAG CES BYA BA'I THA SNYAD LA PHAN 'DOGS SHING DE DANG RJES SU MTHUN PA YIN PA'I PHYIR YID KYIS ZHES BYA BA'I DON LA BDAG GIS ZHES BYA BA'I SGRAR SGRO BTAGS NAS KUN RDZOB KYI THA SNYAD DU BDAG GIS BDAG LA LTA BAR BYED DO ZHES DE SKAD BSHAD PA YIN TE, DON DU NA YID KYIS BDAG MED PAR LTA BAR BYED DO ZHES BYA BA YIN NO, ,'DIR RANG GI BDAG NYID LA LTA BAR MI BYED PA NI MTSAN NYID KYI SGRA'I TSUL NYE BAR GZUNG BA'I PHYIR TE, GTAN TSIGS DNGOS PO NYID DANG SHES BYA NYID DANG BRJOD PAR BYA BA NYID LA SOGS PA DAG GI PHYIR RNA BA LA SOGS PA BZHIN NO ZHE'AM @26B SGRA LA SOGS PA BZHIN NO ZHE'AM, BDAG GI BDAG NYID BZHIN NO ZHES GTAN TSIGS DANG DPE'I RJES SU DPAG PA DAG KYANG RGYAS PAR BRJOD PAR BYA'O ZHES BYA BA NI, LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BYA BAS LTA BA PO BDAG GZUGS LTA BAR MI BYED PA'I GTAN TSIGS RANG GI BDAG NYID LA LTA BAR MI BYED PA ZHES BYA BA NI MTSAN NYID KYI SGRA'I TSUL NYE BAR GZUNG BA'I PHYIR MTSON PA TZAM DU ZAD DE, PHYOGS DE'I GTAN TSIGS NI DNGOS PO NYID DANG SHES BYA NYID DANG BRJOD PAR BYA BA NYID LA SOGS PA DAG KYANG YIN LA, DPE YANG RNA BA DANG SGRA DANG BDAG GI BDAG NYID LA SOGS PA DAG KYANG YIN PAS GTAN TSIGS DANG DPE DE DAG GIS KYANG RJES SU DPAG PA RGYAS PAR BRJOD PAR BYA'O ZHES BYA BA'I THA TSIG GO, ,RJES SU DPAG PA RGYAS PA DE DAG NYID BSTAN PA'I PHYIR DE LTAR NA DON DAM PAR BDAG NI GZUGS LA LTA BAR MI BYED DE DNGOS PO YIN PA'I PHYIR DPER NA RNA BA LA SOGS PA BZHIN NO, ,DE BZHIN DU DON DAM PAR BDAG NI GZUGS LA LTA BAR MI BYED DE SHES BYA YIN PA'I PHYIR DPER NA SGRA LA SOGS PA BZHIN NO, ,DE BZHIN DU DON DAM PAR BDAG NI GZUGS LA LTA BAR MI BYED DE BRJOD PAR BYA BA YIN PA'I PHYIR DPER NA BDAG GI BDAG NYID BZHIN NO ZHES BYA BA DAG SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, RJES SU DPAG PA DE DAG GIS NI LTA BA PO BDAG GZUGS LA LTA BAR MI BYED PA NYID BSTAN TO, ,GZUGS LA YANG DE BZHIN DU CI RIGS PAR BRJOD PAR BYA'O ZHES BYA BAS NI GZUGS LTA BA PO BDAG GI YUL MA YIN PAR STON TE, DON DAM PAR GZUGS BDAG GI YUL MA YIN TE, DNGOS PO YIN PA'I PHYIR DPER NA RNA BA LA SOGS PA BZHIN NO, ,DE BZHIN DU DON DAM PAR GZUGS BDAG GI YUL MA YIN TE, SHES BYA YIN PA'I PHYIR DPER NA SGRA LA SOGS PA BZHIN NO, ,DE BZHIN DU DON DAM PAR GZUGS BDAG GI YUL MA YIN TE, BRJOD PAR BYA BA YIN PA'I PHYIR DPER NA BDAG GI BDAG NYID BZHIN NO ZHES BYA BAR SBYAR TE RJES SU DPAG PA DE DAG GIS NI GZUGS LTA BA PO'I BDAG GI YUL @27A *, ,MA YIN PAR BSTAN TO, ,GAL TE PHA ROL PO NA RE DBU MA PA LA DON DAM PAR THA SNYAD MED PA'I PHYIR DANG RANG LA MA GRUB PA'I BDAG PHYOGS SU BYAS PAS PHYOGS MA GRUB PA'I PHYIR DANG BRJOD PAR BYA BA YIN PA'I PHYIR ZHES BYA BA'I GTAN TSIGS KYI GZHI MA GRUB PA'I PHYIR DANG, , BDAG GI BDAG NYID BZHIN NO ZHES BRJOD PA'I DPE'I CHOS CAN YANG MA GRUB PA'I PHYIR DBU MA PA'I DAM BCAS PA DANG, PHYOGS DANG PHYOGS KYI CHOS DANG DPE MA GRUB PA'I SKYON YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS DAM BCAS PA LA SOGS PA'I SKYON YANG MED DE THA SNYAD KYI BDEN PA'I DBANG DU BYAS PA'I PHYIR DANG, SPYIS KHAS BLANGS PA'I BDAG PHYOGS SU BYAS PA'I PHYIR DANG, DE'I CHOS BSTAN PA'I PHYIR DANG, DPE NYID DU YANG DE NYE BAR GZHAG PA'I PHYIR RO ZHES BYA BA SMRAS SO, ,DE LTAR NA DON DAM PAR STA RE LA SOGS PA MA GRUB PAS DPE YANG MED PA'I PHYIR GRUB PA LA SGRUB PA MA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE SNGAR PHA ROL POS PHYOGS SNGA MA NYE BAR GZHAG PA'I SKABS SU DPER NA GCOD PA POS STA RES GCAD PAR BYA BA SHING GCOD PAR BYED KYI STA RE NYID KYIS GCOD PAR MI BYED PA BZHIN TE, DES NA MIG GIS LTA BAR MI BYED DO ZHES BYA BA DE NI GRUB PA LA SGRUB PA MA YIN NO ZHES SMRAS PA STE, DE LTAR RIGS PAS DPYAD NA DON DAM PAR GCOD PA PO BDAG DANG GCOD PA'I BYED PA STA RE DANG GCAD PAR BYA BA SHING MA GRUB PAS KHYED KYI DPE MED PA'I PHYIR KHO BO GRUB PA LA SGRUB PA MA YIN NO,, ,,BAM PO SUM CU PA, 'DIR KHA CIG NA RE LTA BA PO LTA BAR MI BYED DO ZHES BYA BA NI DE NYID KYIS DON DE LA SKUR PA BTAB PA'I PHYIR DAM BCAS PA'I SKYON DU 'GYUR RO ZHES ZER RO ZHES BYA BA NI BDAG TU SMRA BA DAG RIGS PA CAN GYI SGYU THABS KYIS DBU MA PA'I SGRUB PA SNGA MA DE RANG GI TSIG DANG 'GAL BAR SGRUB PA YIN TE, DPER NA 'GA' ZHIG NA RE KHO BO'I MA MO GSHAM YIN NO ZHES ZER BA'I TSIG DE NYID KYIS DON DE LA SKUR PA BTAB PA'I PHYIR RANG GI DAM BCAS PA DANG 'GAL BA'I SKYON DU 'GYUR BA DE BZHIN DU, KHYED DBU MA PAS LTA BA PO LTA BAR MI BYED DO ZHES SMRAS PA'I TSIG DE NYID KYIS KYANG DON DE LA SKUR PA BTAB PA'I PHYIR RANG GI DAM @27B BCAS PA DANG 'GAL BA'I SKYON DU 'GYUR RO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR RTEN CING 'BREL PAR 'BYUNG BA SKYE BA MED DO ZHES BYA BAS LAN BTAB ZIN PA'I PHYIR YANG PHYIR BKLAGS MI DGOS SO ZHES BYA BA SMRAS TE, JI LTAR KUN RDZOB TU RTEN CING 'BREL PAR 'BYUNG LA DON DAM PAR SKYE BA MED DO ZHES BSHAD PA NYID KYIS KUN RDZOB TU LTA BA PO ZHES BYA BA DON DAM PAR LTA BAR MI BYED PAR LAN BTAB ZIN PAS NYES PA MED PA'I PHYIR YANG PHYIR BKLAGS SHING LAN GDAB MI DGOS SO, ,GZHAN YANG 'DI LA LTA BA PO DE LTA BA PO'I NGO BO NYID YIN NAM 'ON TE LTA BA PO'I NGO BO NYID MA YIN ZHES BYA BA'I BRTAG PA RNAM PA GNYIS KYIS NI GRANGS CAN DAG LTA BA PO DE LTA BA PO'I NGO BO NYID YIN PAR 'DOD PA DANG, BYE BRAG PA DAG LTA BA PO DE LTA BA PO'I NGO BO NYID MA YIN PAR 'DOD PA'I PHYOGS GNYI GA DGAG PA STON TO, ,DE LA GAL TE LTA BA PO'I NGO BO NYID YIN TE, JI LTAR GRANGS CAN DAG NA RE SKYES BU'I NGO BO NYID NI SHES PA YOD PA NYID DO ZHES ZER BA LTA BU'O ZHE NA ZHES BYA BAS NI GAL TE BRTAG PA SNGA MA LTAR 'DOD NA DE YANG MI RUNG BAR STON TO, ,DE LA LTA BA PO'I NGO BO NYID YIN PA ZHES BYA BA NI MIG DANG GZUGS LA SOGS PA RKYEN RNAMS LA MA LTOS PAR LTA BA PO NYID DU 'DOD PA STE, DE YANG GRANGS CAN DAG GI GZHUNG LAS SKYES BU'I NGO BO NYID NI SHES PA NYID YOD PA YIN PAS DE NI RKYEN GZHAN LA MI LTOS PA'I PHYIR NGO BO NYID KYIS GRUB PA YIN PAS LTA BA PO'I NGO BO NYID CES BYA STE, DES LTA BAR BYED DO ZHES ZER BA YIN NO, ,DE NI MI RUNG STE CI'I PHYIR ZHE NA, DE LA GAL TE DE'I LTA BA PO DE LTA BA PO'I NGO BO NYID YIN NA NGO BO NYID NI MA BYAS PA'I PHYIR LTA BA MED PAR YANG LTA BA POR 'GYUR RO ZHES BYA BA SMRAS TE, GAL TE GRANGS CAN DAG GI LTA BA PO'I NGO BO NYID YIN NA NGO BO NYID NI MA BYAS PA'I PHYIR DPER NA ME'I TSA BA NYID NI RANG GI BDAG NYID KYIS TSA BA NYID YIN GYI GZHAN CI LA YANG MI LTOS PA DE BZHIN DU LTA BA PO YANG RANG GI BDAG NYID KYIS LTA BA PO NYID YIN GYI GZHAN CI LA YANG MI LTOS PAR 'GYUR TE, DE LTA NA LTA BA MED PAR YANG LTA BA POR 'GYUR BAS MI RUNG NGO, ,CI STE GCOD PA PO DE LA STA RE MED NA GCOD PA PO NYID DU MI 'THAD PA DE BZHIN DU DE YANG LTA BA MA SPANGS NA LTA BA PO NYID DU BLTA BAR BYA'O ZHE NA ZHES BYA BA NI CI STE PHA ROL PO NA RE 'DI @28A *, ,SKAD CES DPER NA GCOD PA PO LHAS BYIN NI GCOD PA PO'I NGO BO NYID YIN DU ZIN KYANG DE LA GCOD PA'I BYED PA STA RE MED NA GCOD PA PO NYID DU MI 'THAD KYI STA RE YOD NA GCOD PA PO NYID DU 'THAD PA DE BZHIN DU LTA BA PO BDAG DE YANG LTA BA PO'I NGO BO NYID YIN DU ZIN KYANG LTA BA'I BYED PA MIG SPANGS SHING MED NA LTA BA PO NYID DU MI 'THAD KYI MIG MA SPANGS SHING YOD NA LTA BA PO NYID DU BLTA BAR BYA'O ZHES ZER NA'O, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LTA NA BDAG LTA BA PO NYID NI THA SNYAD PA YIN TE, GCOD PA PO THA SNYAD PA YIN PA'I PHYIR RO ZHES BYA BA SMRAS TE, GAL TE GCOD PA PO DE DON DAM PA YIN NA STA RE LA MI LTOS PAR 'GYUR BA'I RIGS NA LTOS PAS DE THA SNYAD PA YIN PA BZHIN DU BDAG LTA BA PO DE YANG DON DAM PA YIN NA LTA BA LA MI LTOS PAR 'GYUR BA'I RIGS NA LTOS PAS DE YANG THA SNYAD PA YIN NO, ,DE LTAR RTOG NA, MA SPANGS LTA PO YOD MIN TE, ,LTA BA MA SPANGS NA DE LTA BA PO NYID DU KHAS BLANGS PA'I PHYIR RO ZHES BYA BA'I TSIG GI LHAG MA'O ZHES BYA BA NI LTA BA LA LTOS PA DE LTAR RTOG NA LTA BA PO DON DAM PA BA NGO BO NYID KYIS GRUB PA MED DE DE CI'I PHYIR ZHE NA, KHYOD KYIS LTA BA MA SPANGS SHING YOD NA DE LTA BA PO NYID DU KHAS BLANGS PA'I PHYIR TE, 'DI LTAR KHYOD KYIS LTA BA PO NYID LTA BA LA LTOS SHING BRTEN PA YIN GYI NGO BO NYID KYIS LTA BA PO YIN PAR MA SMRAS PA'I PHYIR LTA BA PO MED DO ZHES BYA BA'I TSIG GI DON YIN NO, ,'DI NA LTA BA DANG LDAN PA'I SNGON ROL DANG LTA BA DANG BRAL BA'I 'OG NA LTA BA MED PAS LTA BA MED NA BLTA BAR BYA BA LA LTA BA YANG MED PA'I PHYIR LTA BA PO NYID DU MI 'THAD PAS LTA BA PO MED DE, LTA BA PO'I NGO BO NYID MA YIN NO ZHES BYA BA'I THA TSIG GO ZHES BYA BA NI LTA BA PO'I BDAG LTA BA LA LTOS PA DE LA JI SRID DU LTA BA DANG LDAN PA'I SNGON ROL MI LDAN PA'I DUS DANG, GANG GI TSE LTA BA DANG BRAL BA'I 'OG ROL GYI DUS DE'I TSE NA LTA BA MED DO, ,LTA BA MED NA BLTA BAR BYA BA'I DMIGS PAS GZUGS LA LTA BA YANG MED PA'I PHYIR LTA BA PO'I BDAG YOD PA'I DUD ? MI 'THAD PAS LTA BA PO MED DE, BDAG LTA BA PO'I NGO BO NYID MA YIN NO ZHES BYA BA'I THA TSIG GO, 'ON KYANG YANG PHA ROL PO DAG NA RE DPER NA ME NI SREG PA'I NGO BO NYID YIN YANG BUD SHING LA MA LTOS PAR SREG PAR MI BYED KYI DE LA LTOS NAS SREG PAR BYED PA DE BZHIN DU LTA BA PO YANG ? @28B LTA BA PO'I NGO BO NYID YIN YANG LTA BA LA MA LTOS PAR LTA BAR MI BYED KYI DE LA LTOS NAS LTA BAR BYED DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS ME BZHIN DU YANG DE MI 'GRUB STE, BUD SHING MED PAR ME MI 'GRUB PA'I PHYIR RO ZHES BYA BA SMRAS TE, GANG GI PHYIR ME YANG BUD SHING LA MA LTOS PAR NGO BO NYID KYIS SREG PA'I NGO BO NYID DU GRUB PA MED PA DE BZHIN DU LTA BA PO YANG LTA BA LA MA LTOS PAR NGO BO NYID KYIS LTA BA PO'I NGO BO NYID DU GRUB PA MED PA'I PHYIR RO, ,YANG NA GAL TE LTA BA YOD NA LTA BA PO YIN NO ZHE NA YANG GRANGS CAN DAG GIS YONGS SU BRTAGS PA'I LTA BA PO MED DO ZHES BYA BA'I TSIG GI LHAG MA STE ZHES BYA BA NI TSIG SNGA MA DE NYID KYIS RNAM GRANGS BSHAD PA DU MA RNAM PAR BRTAG PA STE, YANG NA GAL TE LTA BA'I BYED PA YOD NA LTA BA PO YIN NO ZHES BYA BAR BRTAGS NA YANG GRANGS CAN DAG GIS SKYES BU'I NGO BO NYID NI SHES PA YOD PA NYID DO ZHES BYA BA LTA BUR YONGS SU BRTAGS PA'I LTA BA PO MED DO ZHES BYA BA'I TSIG GI DON YIN TE, GRANGS CAN DAG NI LTA BA PO NGO BO NYID KYIS GRUB PAR 'DOD DE GAL TE LTA BA PO NGO BO NYID KYIS GRUB PA YIN NA LTA BA MED PAR YANG NGO BO NYID KYIS 'GRUB PA'I RIGS NA NI MI 'GRUB PAS GRANGS CAN DAG GIS YONGS SU BRTAGS PA'I LTA BA PO MED DO ZHES BYA BA'I TSIG GI DON YIN NO, ,SNGAR LTA BA LA LTOS PA'I SKABS SU NI LTA BA YOD NA LTA BA PO NYID DU KHAS LEN PA LA NGO BO NYID KYIS GRUB PA'I LTA BA PO MED DO ZHES BSTAN TO, ,DE SKABS 'DIR NI GRANGS CAN DAG GI LO RGYUS LAS LTA BA YOD NA LTA BA PO YIN NO ZHES ZER BA DE DAG GI GZHUNG LTAR NA YANG LTA BA PO MED PAR STON TE, SNGA MA DANG 'DI LA KHYAD PAR NI DE YOD DO, ,GAL TE GRANGS CAN DAG LTA BA YOD NA LTA BA PO NYID DU 'DOD NA DES NA KHYED NYID KYIS LTA BA PO DE MED PA NYID DU BSGRUBS PA YIN TE, CI'I PHYIR ZHE NA 'DI LA GZUGS DMIGS SHING LTA BAR BYED PAS LTA BA PO'I ZHES RJES SU DPAG PA YIN NA, GZUGS DMIGS PA DE YANG MIG DANG GZUGS DANG SNANG BA DANG NAM MKHA' DANG YID LA BYED PA DAG YOD NA YOD PA YIN PAS DE'I PHYIR LHAS BYIN ZHES BYA BA'I TSOGS DE DAG DANG LDAN PA LA LTA BA PO ZHES GDAGS KYI DE LAS GZHAN NI MED DO ZHES BYA BA SMRAS TE LTA BA YOD NA LTA BA PO YIN NO ZHES BYA BAR BRTAG PA 'DI LA, LTA BA PO YI @29A *, ,NO ZHES BYA BA NI GZUGS DMIGS SHING LTA BAR BYED PAS LTA BA PO ZHES RJES SU DPAG PA YIN NA GZUGS DMIGS PA DE YANG MIG DANG GZUGS LA SOGS PA RKYEN DAG YOD NA 'BYUNG GI MED NA MI 'BYUNG BA YIN PAS DE'I PHYIR LHAS BYIN ZHES BYA BA'I MING CAN 'BYUNG BA DANG 'BYUNG BA LAS GYUR PA'I TSOGS MIG DANG GZUGS LA SOGS PA RKYEN DE DAG DANG LDAN PA LA LTA BA PO ZHES THA SNYAD GDAGS PAR ZAD KYI, DE LAS GANGS CAN GZHAN DAG GIS YONGS SU BRTAGS PA'I LTA BA PO NI MED DO, ,DE LAS GZHAN PA YONGS SU BRTAGS PA'I YOD PA NYID GCIG YOD DU ZIN NA YANG LONG BA'I RGYUD LA GZUGS DMIGS PA MED PA'I PHYIR RO ZHES BYA BA NI GAL TE DE LTAR DE LAS GZHAN MED MOD KYI, 'ON KYANG PHYOGS SU LHUNG BA'I DBANG DU BYAS TE LHAS BYIN ZHES BYA BA'I TSOGS MIG DANG GZUGS LA SOGS PA RKYEN DE DAG DANG LDAN PA LA LTA BA PO ZHES GDAGS PA DE LAS GZHAN PA GRANGS CAN DAG GIS YONGS SU BRTAGS PA'I LTA BA PO NGO BO NYID KYIS YOD PA NYID GCIG YOD DU ZIN NA YANG LONG BA'I RGYUD LA BDAG GI DNGOS POS GZUGS DMIGS PA MED PA'I PHYIR LTA BA PO'I NGO BO NYID MED DO, ,GAL TE 'DIR PHA ROL PO DAG NA RE 'DI LA LTA BA PO MED NA KHYED LA LTA BA PO ZHES BYA BA BYED PA PO'I THA SNYAD JI LTAR YOD PAR 'GYUR ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS RGYU DAG LA BYED PA POR THA SNYAD GDAGS TE MAR ME BZHIN DU RIGS PA NYID YIN NO ZHES BYA BA SMRAS TE, 'JIG RTEN NA BYED PA PO ZHES BRJOD PA NI RGYU RKYEN TSOGS PA DAG LA BYED PA PO ZHES BYA BAR THA SNYAD GDAGS TE, DPER NA MAR ME SNANG BA'I BYED PA'I RGYU YIN PAS DE LA SNANG BAR BYED PA ZHES THA SNYAD GDAGS PA BZHIN DU BYED PA PO NYID MED KYANG BYED PA'I RGYU DAG LA BYED PA POR THA SNYAD GDAGS PA RIGS PA NYID YIN NO, ,GAL TE BYED PA PO NI SHES PA YOD PA NYID YIN PAS MAR ME SHES PA MED PA NYID NI DE'I DPER MI RUNG NGO ZHE NA, DE'I LAN DU DPER NA MAR ME LA SEMS PA MED KYANG SNANG BA'I BYED PA'I YIN PA'I PHYIR SNANG BAR BYED PA YIN NO ZHES ZER BA BZHIN TE ZHES ZER BA SMRAS TE, DPER NA MAR ME SHES PA NYID YIN YANG SNANG BA'I BYED PA'I RGYU YIN PA'I PHYIR 'JIG RTEN PA DAG NA RE @29B SNANG BAR BYED PA YIN NO ZHES ZER BA DE BZHIN DU MIG DANG GZUGS LA SOGS PA 'BYUNG BA DANG 'BYUNG BA LAS GYUR PA'I TSOGS DAG KYANG SHES PA YOD PA NYID YOD PA MA YIN MOD KYI GZUGS DMIGS PA'I BYED PA'I RGYU YIN PA'I PHYIR 'JIG RTEN PA DAG NA RE LTA BAR BYED PA YIN NO ZHES ZER BAS CI'I PHYIR SHES PA YOD PA NYID MA YIN PA BYED PA PO NYID DU MI BRJOD, DE'I PHYIR THA SNYAD DU YANG DE MED DO ZHES BYA BA NI RGYU GANG LA YANG BYED PA PO NYID DU BRJOD PA DE'I PHYIR KUN RDZOB KYI THA SNYAD DU YANG LTA BA PO'I NGO BO NYID DU GRUB PA DE MED DE, DE LTAR RE ZHIG LTA BA PO'I NGO BO NYID GZUGS LA LTA BAR MI 'THAD DO, ,CI STE LTA BA PO'I NGO BO NYID MA YIN TE, JI LTAR BYE BRAG PA DAG NA RE BZHI'I SBYOR BA LAS GZUGS SHES PA SKYES PA NA LTA BAR BYED DO ZHES ZER BA LTA BU'O ZHE NA ZHES BYA BAS NI GAL TE BRTAG PA PHYI MA LTAR 'DOD NA DE YANG MI RUNG BAR STON TO, ,DE LA LTA BA PO'I NGO BO NYID MA YIN PA ZHES BYA BA NI MIG DANG GZUGS LA SOGS PA RKYEN RNAMS LA LTOS NAS LTA BA PO NYID DU 'DOD PA STE DE YANG BYE BRAG PA DAG GI GZHUNG LAS GANG GI TSE BDAG YUL LA LONGS SPYOD PAR 'DOD PA DE'I TSE NA PHRAD PA ZHES BYA BA'I TSIG GI DON GYI DBANG GIS BDAG DE YID DANG SBYOR BAR BYED DO, ,DE NAS YID KYI DBANG PO RNAMS GTONG BAR BYED DO, ,DE NAS DBANG PO RNAMS KYIS YUL RNAMS LA LONGS SPYOD PAR BYED PAS DE LTAR BDAG DANG YID DANG DBANG PO DANG YUL BZHI'I SBYOR BA LAS DMIGS PA'I SHES PA SKYES PA NA LTA BA PO DE GZUGS LA LTA BAR BYED PAS RKYEN GZHAN LA LTOS PA'I PHYIR LTA BA PO'I NGO BO NYID MA YIN PA LTA BAR BYED DO ZHES ZER BA YIN NO, ,DE YANG MI RUNG STE CI'I PHYIR ZHE NA; DE LTA NA YANG SKYON DE NYID YOD DE MA GRAGS PA'I YOD PA NYID LA DER BRTAG PA MI 'THAD PA'I PHYIR RO ZHES BYA BA SMRAS TE DE LTA NA YANG SNGAR 'DI LA GZUGS DMIGS SHING LTA BAR BYED PAS LTA BA PO'I ZHES RJES SU DPAG PA YIN NA GZUGS DMIGS PA DE YANG MIG DANG GZUGS DANG SNA BA DANG NAM MKHA' DANG YID LA BYED PA DAG YOD NA YIN PAS DE'I PHYIR LHAS BYIN ZHES BYA BA'I TSOGS DE DAG DANG LDAN PA LA LTA BA PO ZHES GDAGS KYI DE LAS GZHAN NI MED DO ZHES JI SKAD BSTAN PA'I SKYON DE NYID YOD DE, CI'I PHYIR ZHE NA, LHAS BYIN ZHES BYA BA'I TSOGS MIG DANG GZUGS LA SOGS PA'I RKYEN @30A *, ,DE DAG DANG LDAN PA LA LTA BA PO ZHES GDAGS PA DE LAS GZHAN PA BYE BRAG PA DAG GIS YONGS SU BRTAGS PA LTA BA PO'I NGO BO NYID MA YIN PA'I BDAG LTA BA PO ZHIG YOD DO ZHES BYA BA GRUB PA'I MTHA' GZHAN LA MA GRAGS PA'I YOD PA NYID DE LA LTA BA PO ZHES BYA BA DER BRTAG PA MI 'THAD PA'I PHYIR RO, ,DES NA LTA BA PO'I NGO BO NYID MA YIN PA DE DON DAM PAR GZUGS LA LTA BAR BYED DO ZHES BYA BA DE MI RUNG NGO, ,THUN MONG DU KHAS BLANGS NAS DE YOD DO ZHE NA, YANG ZHES BYA BA NI GAL TE BYE BRAG PA DAG 'DI SKAD CES 'JIG RTEN GYI THA SNYAD DU LTA BA PO YOD PAR GRAGS PA DER SPYIR THUN MONG DU KHAS BLANGS NAS LTA BA DANG GZUGS LA SOGS PA LA MA LTOS PAR YANG LTA BA PO BDAG DE YOD DO ZHES ZER NA DE'I LAN DU 'DIR 'GREL PA BYED PA NYID KYIS BSHAD PA, LTA BA SPANGS PAR GYUR KYANG NGO, ,ZHES BYA BA SMRAS TE LTA BA DANG GZUGS LA SOGS PA SPANGS SHING DE DAG LA MA LTOS NA YANG LTA BA PO BDAG MED DO ZHES BYA BAR STON TO, ,CI ZHIG CE NA ZHES BYA BA NI, LTA BA SPANGS PAR GYUR KYANG NGO, ,ZHES SMRAS PA DE'I TSIG GI DON CI ZHIG CE NA ZHES 'DRI BA YIN NO, ,DE'I LAN DU, LTA PO YOD MIN TE ZHES BYA BA'I SKABS YIN TE ZHES BYA BA SMRAS TE TSIG LE'UR BYAS PA'I RTZA BA DANG PO LAS, MA SPANGS LTA PO YOD MIN TE, ,ZHES SMOS PA'I SKABS NAS LTA PO YOD MIN TE ZHES BSHAD PA DE NYID KYI SKABS YIN TE, JI LTAR LTA BA MA SPANGS KYANG LTA BA PO YOD PA MA YIN PA DE BZHIN DU LTA BA SPANGS PAR GYUR KYANG LTA BA PO YOD PA MA YIN NO ZHES BYA BA'I THA TSIG GO, ,CI'I PHYIR LTA BA SPANGS PAR GYUR KYANG LTA BA PO YOD PA MA YIN ZHE NA DE'I PHYIR LTA BA'I NUS PA SPANGS PAR GYUR PA DE'I NGO BO NYID YIN PA'I PHYIR RO ZHES BYA BA SMRAS TE, LTA BA'I NUS PA SPANGS SHING MED PAR GYUR NA DE LTA BA PO'I NGO BO NYID MA YIN PA'I PHYIR RO, ,DE'I PHYIR DON DAM PAR DE GZUGS LA LTA BAR BYED PA MI 'THAD DE MIG LAS GZHAN YIN PA'I PHYIR DPER NA BUM PA BZHIN NO ZHES BYA BAS DE'I RJES SU DPAG PA BSTAN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI MIG LAS GZHAN YIN PA'I PHYIR GZUGS LA LTA @30B BAR BYED PAR MI 'THAD PA DE BZHIN DU LTA BA PO'I NGO BO NYID MA YIN PA'I BDAG DE YANG MIG LAS GZHAN YIN PA'I PHYIR GZUGS LA LTA BAR BYED PAR MI 'THAD DO, ,DE LTAR PHYOGS GNYI GAR YANG LTA BA PO NYID MA GRUB BO ZHES BYA BA NI PHYOGS GNYI GA'I MJUG BSDU BA DANG TSAD MA'I 'BRAS BU YIN TE, GRANGS CAN DAG GI PHYOGS LA YANG LTA BA PO'I NGO BO NYID LTA BAR BYED PA MA GRUB LA, BYE BRAG PA BYED PA DAG GI PHYOGS LA YANG LTA BA PO'I NGO BO NYID MA YIN PA LTA BAR BYED PA MA GRUB BO, ,YANG NA LTA BA PO'I NGO BO NYID DU YONGS SU BRTAGS NA YANG, MA SPANGS LTA PO YOD MIN TE, ,LTA BA SPANGS PAR GYUR KYANG NGO, , LTA BA DANG BCAS SAM LTA BA MED KYANG RUNG STE LTA BA PO'I NGO BO NYID MED DO ZHES BYA BAR DGONGS SO ZHES BYA BAS NI YANG NA BDAG LTA BA PO'I NGO BO NYID DU YONGS SU BRTAGS NA YANG DE LTA BA DANG LDAN NA YANG GZUGS LA LTA BAR MI BYED LA, LTA BA DANG MI LDAN NA YANG GZUGS LA LTA BAR MI BYED DO ZHES BYA BAR MDO MDZAD PAS DGONGS SO ZHES BSTAN TO, ,DE NYID BSTAN PA'I PHYIR GAL TE RE ZHIG LTA BA PO DE MIG YOD NA LTA BA BYED DO ZHES BYA BA DE LTAR 'DOD NA DE LTAR NA GZUGS DMIGS PA 'GRUB PA NI MIG YOD NA YOD PA'I PHYIR ME YOD NA SREG PA NYID BZHIN PAS LTA BA PO NYID THA SNYAD PA STE, MIG NYID YIN PAR 'DOD PAR BYA'O, ,CI STE LTA BA MED KYANG LTA BA PO YIN NO ZHES BYAR NI LONG BA'I RGYUD LA GZUGS DMIGS PA MED PA'I PHYIR DE LTA BA PO NYID YIN PAR MI RIGS SO ZHES BYA BA SMRAS TE, BDAG DE LTA BA DANG LDAN NA YANG GZUGS LA LTA BAR MI BYED LA LTA BA DANG MI LDAN NA YANG GZUGS LA LTA BAR MI BYED DO ZHES BYA BAR GO RIMS BZHIN DU SBYAR TE, 'DIR SMRAS PA ZHES BYA BA LA SOGS PAS NA LTA BA SMRA BA DAG LTA BA'I BYA BA YOD PA NYID KYI SGO NAS LTA BA PO YOD PAR SGRUB PA STON TO, ,LTA BA'I BYA BA YOD PA NYID NI LTA BA PO YIN PAR SHES PAR BYA STE, DE LA BYED PA DANG LAS YOD PA'I PHYIR RO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,'DI NA GANG LA CHAGS PAR BYA BA MED PA DE NI BYED PA DANG LAS MED DE DPER NA NAM MKHA'I ME TOG BZHIN NO ZHES BYA BA NI CHOS MI MTHUN PA'I PHYOGS @31A *, ,KYI DPE YIN NO, ,LTA BA PO DE LA NI BYED PA LTA BA DANG LAS BLTA BAR BYA BA YOD PAS ZHES BYA BA NI NYE BAR SBYAR BA'I SBYOR BA YIN NO, ,DE'I PHYIR LTA BA'I BYA BA YOD PA NYID NI LTA BA PO YIN PAR SHES PAR BYA'O ZHES BYA BAR NI MJUG BSDU BA DANG TSAD MA'I 'BRAS BU YIN NO, , DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA DON DAM PAR LTA BA RNAM PA THAMS CAD BKAG PA'I PHYIR LTA BA MED NA LTA BA PO YANG MI 'THAD DE, LTA PO MED NA KHYED KYI NI, ,BLTA BYA LTA BA GA LA YOD, ,GANG GIS KYANG LTA BAR MI BYED PA LA BLTA BAR BYA BA MI RIGS PA'I PHYIR DANG, 'DIS LTA BAR BYED PA'I LTA BA PO MED PA KHO NA'I PHYIR BYED PA DANG YANG MI RIGS PA'I PHYIR RO ZHES BYA BAR DGONGS SO ZHES BYA BA SMRAS SO, ,'DI SKAD BSTAN TE KHYED NI BLTA BAR BYA BA LTA BA YOD PAS LTA BA PO NYID SGRUB PAR BYED NA KHO BOS DON DAM PAR LTA BA DE YANG YUL PHRAD PA 'DZIN PA DANG MA PHRAD PA 'DZIN PA LA SOGS PA'I MTSAN NYID RNAM PA THAMS CAD KYIS LTA BAR BYED PA MA YIN PA DANG GZUGS KYANG DE'I GZUNG BA MA YIN PAR BKAG PA'I PHYIR DE LTAR BLTA BAR BYA BA DANG LTA BA MED PA'I PHYIR LTA BA PO YANG MI 'THAD DO, ,LTA BA PO MED NA KHYOD KYI BLTA BAR BYA BA DANG LTA BA YANG MI RIGS SO ZHES BYA BAR MDO MDZAD PAS DGONGS SO ZHES BSTAN TO, ,DE NA KHYED KYI BYED PA DANG LAS YOD PA'I PHYIR RO ZHES BYA BA'I GTAN TSIGS KYI DON DAM MA GRUB PA NYID DAM DON 'GAL BA NYID YIN NO ZHES BYA BA NI MJUG BSDU BA DANG TSAD MA'I 'BRAS BU YIN NO, ,DON DAM PAR SGRUB PA NI GTAN TSIGS KYI DON MA GRUB PA NYID LA KUN RDZOB TU SGRUB NA NI DON 'GAL BA NYID YIN NO, ,RANG GI SDE PA DAG LAS KHA CIG NA RE ZHES BYA BA LA SOGS PAS NI MDO SDE PA DANG BYE BRAG TU SMRA BA DAG NA RE 'DU BYED THAMS CAD NI RGYU DANG RKYEN GZHAN GYI DBANG LAS BYUNG BA DANG G-YO BA MED PA'I MTSAN NYID YIN PAS DE DAG LA DBU MA PAS BYED PA MED PA DANG BDAG MED PAR BSTAN PA MI RIGS KYI BLTA BAR BYA BA GZUGS DANG LTA BA MIG MED DO ZHES ZER BA NI MI RIGS SO ZHES SGRUB PA STON TO, ,DE LA RGYU DANG RKYEN GZHAN GYI DBANG DANG G-YO BA MED PA'I 'DU BYED DAG LA MIG LTA BAR MI PHYED DO ZHES @31B BYA BA DANG, DE LAS GZHAN PA'I BDAG LTA BA PO MED DO ZHES BYA BA GANG YIN PA DE NI RIGS KYI ZHES BYA BA NI 'DU BYED THAMS CAD NI RGYU DANG RKYEN GZHAN GYI DBANG LAS BYUNG BA BDAG MED PA DANG G-YO BA MED PA'I MTSAN NYID YIN PAS BYED PA MED PA'I PHYIR DE DAG LA DBU MA PAS MIG LTA BAR MI BYED DO ZHES BYED PA MED PA DANG, DE LAS GZHAN PA'I BDAG LTA BA PO MED DO ZHES BDAG MED PAR BSTAN PA NI RIGS SO ZHES BYA BA'I THA TSIG GO, ,BLTA BAR BYA BA DANG LTA BA DAG MED DO ZHES BYA BA NI MI 'DOD DE DE DAG GI 'BRAS BU RNAM PAR SHES PA LA SOGS PA BZHI YOD PA'I PHYIR RO ZHES BYA BA LA SOGS PAS NI BLTA BAR BYA BA GZUGS DANG LTA BA MIG MED DO ZHES ZER BA NI MI RIGS SO ZHES SGRUB PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,GANG MED PA DE LA NI 'BRAS BU RNAM PAR SHES PA DANG, REG PA DANG, TSOR BA DANG, SRED PA ZHES BYA BA BDAG MED DE DPER NA DMUS LONG GI MIG BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,BLTA BAR BYA BA DANG LTA BA DAG LA NI 'BRAS BU RNAM PAR SHES PA LA SOGS PA BZHI YOD PAS ZHES BYA BA NI NYE BAR SBYAR BA'I SBYOR BA YIN NO, ,DE'I PHYIR BLTA BAR BYA BA DANG LTA BA DAG YOD DO ZHES ZER BA NI MJUG BSDU BA DANG TSAD MA'I 'BRAS BU YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE JI SKAD BSTAN PA'I TSUL GYIS BLTA BAR BYA BA DANG LTA BA RAB TU MA GRUB PAR BSTAN PA DE'I TSE, BLTA BYA LTA BA MED PA'I PHYIR, ,RNAM PAR SHES LA SOGS PA BZHI, ,YOD MIN RKYEN MED PA'I PHYIR RO ZHES BYA BAR DGONGS SO ZHES BYA BA SMRAS TE, LUNG DANG RIGS PA SNGAR JI SKAD BSTAN PA'I TSUL GYIS BLTA BAR BYA BA DANG LTA BA MA SKYES PA'I PHYIR DANG, YUL DANG YUL CAN NYID BKAG PA'I PHYIR BLTA BAR BYA BA DANG RAB TU MA GRUB PAR BSTAN PA DE'I TSE BLTA BAR BYA BA DANG, LTA BA MED PA'I PHYIR RNAM PAR SHES PA LA SOGS PA BZHI YOD PA MA YIN TE RKYEN MED PA'I PHYIR RO ZHES BYA BA DGONGS TE, RGYU MED NA 'BRAS BU YANG MED PA'I PHYIR RO, ,DE NYID BSTAN PA'I PHYIR DE DAG MA @32A *, ,GRUB PAS MA GRUB NA BLTA BAR BYA BA DANG LTA BA YANG 'GRUB PAR MI RIGS TE DPE YANG MED PA'I PHYIR RO ZHES BYA BA SMRAS TE, BLTA BAR BYA BA DANG LTA BA DE DAG MA GRUB PAS RNAM PAR SHES PA LA SOGS PA BZHI MA GRUB BO, ,RNAM PAR SHES PA LA SOGS PA BZHI MA GRUB NA BLTA BAR BYA BA DANG LTA BA YANG GRUB PAR MI RIGS TE, RGYU MED NA 'BRAS BU MI 'GRUB LA, 'BRAS BU MED NA YANG RGYU 'GRUB PAR MI RIGS PA'I PHYIR RO, ,'DI SKAD BSTAN TE KHYOD RNAM PAR SHES PA LA SOGS PA 'BRAS BU'I GTAN TSIGS KYI RGYU LA BLTA BAR BYA BA DANG LTA BA YOD PA NYID DU SGRUB PAR BYED PAS KHO BOS RGYU BLTA BAR BYA BA DANG LTA BA MED PAS 'BRAS BU RNAM PAR SHES PA LA SOGS PA MI 'GRUB PA DANG, 'BRAS BU RNAM PAR SHES PA LA SOGS PA MED PAS RGYU BLTA BAR BYA BA DANG LTA BA YANG MI 'GRUB PAR BSTAN TO, ,KHYOD KYI CHOS MI MTHUN PA'I PHYOGS KYI DPE DMUS LONG GI MIG MED PA LA 'BRAS BU RNAM PAR SHES PA LA SOGS PA MED DO ZHES BYA BA LAS BZLOG NA MIG YOD PA LA 'BRAS BU RNAM PAR SHES PA LA SOGS PA YOD PAR SGRUB PA YANG MI RUNG STE, BLTA BAR BYA BA DANG LTA BDAG PHYOGS SU BYAS PA'I PHYIR DE LAS GZHAN PA RNAM PAR SHES PA LA SOGS PA 'BRAS BU MED DO ZHES BYA BA'I THA TSIG GO, ,GANG DAG 'DI SKAD CES, DON DAM PAR RNAM PAR SHES PA LA SOGS PA DAG YOD PA NYID DE DE DAG GI 'BRAS BU NYE BAR LEN PA LA SOGS PA DAG YOD PA'I PHYIR RO ZHES ZER BA DE DAG LA BSHAD PAR BYA STE, NYE BAR LEN PA LA SOGS PA, ,CI LTA BUR NA YOD PAR 'GYUR, ,DE DAG KYANG RNAM PAR SHES PA LA SOGS PA BZHIN DU MA GRUB PA'I PHYIR RO ZHES BYA BAR DGONGS SO ZHES BYA BA NI RANG GI SDE PA GANG DAG DON DAM PAR RNAM PAR SHES PA LA SOGS PA DAG YOD PA NYID DE, DE DAG GI 'BRAS BU NYE BAR LEN PA LA SOGS PA DAG YOD PA'I PHYIR RO ZHES ZER BA DE DAG LA YANG RNAM PAR SHES PA LA SOGS PA MED NA DE DAG GI 'BRAS BU NYE BAR LEN PA LA SOGS PA DAG CI LTAR YOD PAR 'GYUR ZHES BSHAD PAR BYA STE, NYE BAR LEN PA LA SOGS PA DE DAG KYANG RNAM PAR SHES PA LA SOGS PA BZHIN DU MA GRUB PA'I PHYIR RO ZHES BYA BAR 'GREL PA MDZAD PAS DGONGS @32B SO; ,'DI SKAD BSTAN TE, SRED PA'I RKYEN GYIS LEN PA ZHES BYA BA NI RGYU SRED PA ZHES BYA BA MED PA'I PHYIR 'BRAS BU LEN PA YANG MED DE LHAG MA RNAMS LA YANG DE BZHIN DU CI RIGS PAR RJES SU DPAG PA RGYAS PAR BRJOD PAR BYA'O, ,NYE BAR LEN PA ZHES BYA BA NI NYE BAR BLANG BAR BYA BA DAG STE, 'DOD PA DANG TSUL KHRIMS DANG BRTUL ZHUGS MCHOG TU 'DZIN PA DANG BDAG TU SMRA BA DANG LTA BA ZHES BYA BA DAG GO ZHES BYA BA NI NYE BAR LEN PA ZHES BYA BA'I TSIG GI DON NI SRED PA LA SOGS PA RKYEN RNAMS KYIS 'BRAS BU'I TSUL DU NYE BAR BLANGS BAR BYA BA DAG YIN PAS NYE BAR LEN PA ZHES BYA STE 'DOD PA NYE BAR LEN PA DANG TSUL KHRIMS DANG BRTUL ZHUGS MCHOG TU 'DZIN PA NYE BAR LEN PA DANG, BDAG TU SMRA BA NYE BAR LEN PA DANG, LTA BA NYE BAR LEN PA ZHES BYA BA DAG GO, ,SOGS PA ZHES BYA BA NI GANG DAG GI DANG POR DE DAG BSTAN PA STE ZHES BYA BA NI SRID PA LA SOGS PA GANG DAG GI DANG POR NYE BAR LEN PA LA SOGS PA DE DAG BSTAN TO, ,DE DAG KYANG SRID PA DANG SKYE BA DANG RGA SHI DAG GO ZHES BYA BA NI GANG DAG GI ZHES BYA BA DE DAG KYANG GANG ZHE NA ZHES BYA BAR SBYAR RO, ,DE'I PHYIR KHYOD LA SKYON DE NYID YOD DO ZHES BYA BA NI MJUG BSDU BA DANG TSANG MA'I 'BRAS BU YIN TE, DE'I PHYIR SNGAR 'DI LA GZUGS DMIGS SHING LTA BAR BYED PAS LTA BA PO'O ZHES RJES SU DPAG PA YIN NA GZUGS DMIGS PA DE YANG MIG DANG GZUGS DANG SNANG BA DANG NAM MKHA' DANG YID LA BYED PA DAG YOD NA YOD PA YIN PAS DE'I PHYIR LHAS BYIN ZHES BYA BA'I TSOGS DE DAG DANG LDAN PA LA LTA BA PO ZHES GDAGS KYI; DE LAS GZHAN NI MED DO ZHES JI SKAD BSTAN PA'I SKYON DE NYID KHYOD LA YOD PAS KHYOD KYI LTA BA PO DANG LTA BA DANG BLTA BAR BYA BA DAG MA GRUB BO ZHES BYA BA'I THA TSIG GO, ,DA NI PHA ROL POS RAB TU BYED PA'I DANG POR NYEN PA LA SOGS PA DANG SGRA LA SOGS PA DPE NYID DU NYE BAR GZHAG PA DAG JI SKAD BSTAN PA'I TSUL GYIS 'DRA BAR BSTAN PAR BZHED NAS, LTA BAS NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG MNYAN LA SOGS, ,RNAM PAR BSHAD PAR SHES PAR BYA, ,ZHES BYA BA GSUNGS SO ZHES BYA BA NI DA 'DI MAN CHAD NI PHA ROL POS SKYE BA YOD PA DANG 'GRO ? @33A *, ,BA YOD PAR BSGRUB PA'I PHYIR SKYE MCHED BRTAG PA'I RAB TU BYED PA 'DI'I DANG POR MI MTHUN PA'I PHYOGS NYE BAR GZHAG PA'I SKABS SU DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE YUL SO SOR NGES PA'I PHYIR RO, ,'DI NA GANG SKYE BA MED PA DE LA NI YUL SO SOR NGES PA MED DE DPER NA MO GSHAM GYI BU'I SKYE MCHED RNAMS LA YUL SO SOR NGES PA MED PA BZHIN NO, ,NANG GI SKYE MCHED RNAMS LA NI YUL SO SOR NGES PA 'DI LTA BU YOD DE 'DI LTA STE, LTA DANG NYAN DANG SNOM PA DANG, ,MYONG BAR BYED PA DANG REG PAR BYED PA DANG YID RNAMS KYI YUL GZUGS DANG SGRA DANG DRI DANG RO DANG REG BYA DANG CHOS RNAMS YIN PAR GO RIMS BZHIN NO, ,DE'I PHYIR GTAN TSIGS JI SKAD SMOS PAS NANG GI SKYE MCHED RNAMS SKYE BA KHO NAR GZUNG BAR BYA'O ZHES BYA BA DANG, 'GRO BA YOD PA NYID DU SHES PAR BYA STE BYA BA'I 'BRAS BU YIN PA'I PHYIR GZUGS LA LTA BA LA SOGS PA BZHIN NO ZHES BYA BA SMRAS PAS SKYE BA DANG 'GRO BA YOD PA DE'I DPER GZUGS LA SOGS PA YUL RNAMS DANG LTA BA LA SOGS PA DBANG PO RNAMS NYE BAR GZHAG PA LAS LTA BA DANG GZUGS CI LTAR MI 'THAD PAR BSTAN PA BZHIN DU, NYAN PA LA SOGS PA DANG SGRA LA SOGS PA DPE NYID DU NYE BAR GZHAG PA DAG KYANG LTA BA DANG GZUGS MI 'THAD PAR JI SKAD BSTAN PA'I TSUL GYIS 'DRA BAR BZHED NAS SLOB DPON GYIS TSIG LE'UR BYAS PA 'DI GSUNGS PAS SKYE MCHED LHAG MA RNAMS KYANG MI 'THAD PA NYID DU BSTAN TO, ,NYAN PA DANG SNOM PA DANG, MYONG BAR BYED PA DANG, REG PAR BYED PA DANG, YID DANG, NYAN PA PO DANG, MNYAN PAR BYA BA LA SOGS PA DAG GI LAN KYANG BTAB PAR SHES PAR BYA'O, ,GANG GIS SHE NA, LTA BA NYID KYIS TE LTA BA DGAG PA BZHIN DU NYAN PA LA SOGS PA DAG DGAG PA YANG CI RIGS PAR RJES SU DPAG PA RGYAS PAR SPROS PA DANG BCAS TE BSTAN PAR BYA'O ZHES BYA BA NI CI LTAR LTA BA DGAG PA'I SKABS SU, LTA BA RANG GI BDAG NYID NA, ,DA NI DE LA MI LTA NYID, ,GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BYA BAR DON DAM PAR MIG GI DBANG PO NI GZUGS LA LTA BAR MI BYED PA NYID DE, RANG GI BDAG NYID LA LTA BAR MI BYED PA'I PHYIR @33B DPER NA RNA BA LA SOGS PA BZHIN NO ZHES BYA BA DANG DON DAM PAR GZUGS MIG GI DBANG PO'I YUL MA YIN TE BSAGS PA'I PHYIR DPER NA MIG GI DBANG PO'I BDAG NYID BZHIN NO ZHES BYA BA BRGAL BA'I LAN DANG BCAS PA DAG GIS LTA BA DANG LTA BA PO DANG BLTA BAR BYA BA BKAG PA BZHIN DU, 'DIR YANG, NYAN PA RANG GI BDAG NYID NA, ,DE NI DE LA MI NYAN NYID, ,GANG TSE BDAG LA MI NYAN PA, ,DE GZHAN DAG LA CI LTAR NYAN, ,ZHES BYA BAS DON DAM PAR RNA BA'I DBANG PO NI SGRA NYAN PAR MI BYED PA NYID DE, RANG GI BDAG NYID LA NYAN PAR MI BYED PA'I PHYIR DPER NA SNA LA SOGS PA BZHIN NO ZHES BYA BA DANG, DON DAM PAR SGRA RNA BA'I DBANG PO'I YUL MA YIN TE, BSAGS PA'I PHYIR DPER NA RNA BA'I DBANG PO'I BDAG NYID BZHIN NO ZHES BYA BA BRGAL BA'I LAN DANG BCAS PA DAG GIS NYAN PA DANG NYAN PA PO DANG MNYAN PAR BYA BA DGAG PAR BYA'O, ,SNOM PA RANG GI BDAG NYID NA, ,DE NI DE LA MI SNOM NYID, ,GANG TSE BDAG LA MI SNOM PA, ,DE GZHAN DAG LA JI LTAR SNOM, ,ZHES BYA BAS DON DAM PAR SNA'I DBANG PO NI DRI SNOM PAR MI BYED PA NYID DE RANG GI BDAG NYID LA SNOM PAR MI BYED PA'I PHYIR DPER NA LCE LA SOGS PA BZHIN NO ZHES BYA BA DANG, DON DAM PAR DRI SNA'I DBANG PO'I YUL MA YIN TE BSAGS PA'I PHYIR DPER NA SNA'I DBANG PO'I BDAG NYID BZHIN NO ZHES BYA BA BRGAL BA'I LAN DANG BCAS PA DAG GIS SNOM PA DANG SNOM PA PO DANG BSNAM PAR BYA BA DGAG PAR BYA'O, ,MYONG BYED RANG GI BDAG NYID NA, ,DE NI DE LA MI MYANG NYID, ,GANG TSE BDAG LA MI MYANG BA, ,DE GZHAN DAG LA JI LTAR MYANG, ,ZHES BYA BAS DON DAM PAR LCE'I DBANG PO NI RO MYONG BAR MI BYED PA NYID DE RANG GI BDAG NYID LA MYONG BAR MI BYED PA'I PHYIR DPER NA LUS LA SOGS PA BZHIN NO ZHES BYA BA DANG, DON DAM PAR RO LCE'I DBANG PO'I YUL MA YIN TE BSAGS PA'I PHYIR DPER NA LCE'I DBANG PO'I BDAG NYID BZHIN NO ZHES BYA BA BRGAL BA'I LAN DANG BCAS PA DAG GIS MYONG BAR BYED PA DANG MYANG BA PO DANG MYANG BAR BYA BA DGAG PAR BYA'O, ,REG BYED RANG GI BDAG NYID NA, ,DE NI DE LA MI REG NYID, ,GANG TSE BDAG LA MI REG PA, ,DE GZHAN DAG LA JI LTAR REG, ,CES BYA BAS DON DAM PAR LUS KYI DBANG PO NI REG BYA LA REG PAR MI BYED PA NYID DE, RANG GI BDAG NYID LA @34A *, ,REG PAR MI BYED PA'I PHYIR DPER NA YID LA SOGS PA BZHIN NO ZHES BYA BA DANG, DON DAM PAR REG BYA LUS KYI DBANG PO'I YUL MA YIN TE BSAGS PA'I PHYIR DPER NA LUS KYI DBANG PO'I BDAG NYID BZHIN NO ZHES BYA BA BRGAL BA'I LAN DANG BCAS PA DAG GIS REG PAR BYED PA DANG, REG PA PO DANG, REG PAR BYA BA DGAG PAR BYA'O, ,SEMS BYED RANG GI BDAG NYID NA, ,DE NI DE LA MI SEMS NYID, ,GANG TSE BDAG LA MI SEMS PA, ,DE GZHAN DAG LA JI LTAR SEMS, ,ZHES BYA BA DON DAM PAR YID KYI DBANG PO NI CHOS SEMS PAR MI BYED PA NYID DE, RANG GI BDAG NYID LA SEMS PAR MI BYED PA'I PHYIR DPER NA MIG LA SOGS PA BZHIN NO ZHES BYA BA DANG, DON DAM PAR CHOS YID KYI DBANG PO'I YUL MA YIN TE, CHOS YIN PA'I PHYIR DPER NA YID KYI DBANG PO'I BDAG NYID BZHIN NO ZHES BYA BA BRGAL BA'I LAN DANG BCAS PA DAG GIS YID DANG SHES PA YOD PA NYID DANG CHOS DGAG PAR BYA'O, ,DES NA RAB TU BYED PA RTZOM PA NAS RNAM PAR RTOG PAR BYED PA'I SKYE BA YANG MA GRUB LA 'GRO BA YANG MA GRUB PO ZHES BYA BA NI MJUG BSDU BA YIN NO, ,'DI SKAD BSTAN TE JI SKAD BSTAN PA'I RIGS PA DES NA SKYE MCHED BRTAG PA'I RAB TU BYED PA DANG PO RTZOM PA NAS PHA ROL PO DAG SKYE BA YOD PA DAG 'GRO BA YOD PAR RNAM PAR RTOG PAR BYED PA'I SKYE BA YANG MA GRUB LA 'GRO BA YANG MA GRUB STE, PHA ROL POS DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO ZHES SMRAS PA DE'I YUL SO SOR NGES PA MED PA'I PHYIR SKYE BA MA GRUB LA, 'GRO BA YOD PA NYID DU SHES PAR BYA STE, BYA BA'I 'BRAS BU YIN PA'I PHYIR GZUGS LA LTA BA LA SOGS PA BZHIN NO ZHES SMRAS PA DE'I GZUGS LA LTA BA LA SOGS PA MED PA'I PHYIR 'GRO BA YANG MA GRUB BO, ,DE LA 'DIR RAB TU BYED PA'I DON NI PHA ROL POS SMRAS PA'I SGRUB PA'I SKYON BRJOD PAS SKYE MCHED RNAMS STONG PA NYID DU BSTAN PA YIN NO ZHES BYA BA NI TSAD MA'I 'BRAS BU YIN TE, SKYE MCHED BRTAG PA'I RAB TU BYED PA GSUM PA'I SKABS 'DIR RAB TU BYED PA'I DON TSAD MED PA'I 'BRAS BUR LTA BA NI PHA ROL POS SKYE BA DANG 'GRO BA BSGRUB PA'I PHYOGS SNGA MA DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, @34B YUL SO SOR NGES PA'I PHYIR RO ZHES BYA BA DANG, 'GRO BA YOD PA NYID DU SHES PAR BYA STE BYA BA'I 'BRAS BU YIN PA'I PHYIR GZUGS LA LTA BA LA SOGS PA BZHIN NO ZHES BYA BA RNAM PA GNYIS SMRAS PA DAG GI SGRUB PA'I SKYON BRJOD PAS SKYE MCHED RNAMS STONG PA NYID DU BSTAN PA YIN NO, ,SKYE MCHED RNAMS STONG PA NYID DU BSTAN PA LA YON TAN CI YOD PA BSTAN PA'I PHYIR DANG, SKYE MCHED RNAMS STONG PA NYID DU BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES BA'I LUNG GI KHUNGS KYIS KYANG BSGRUB PAR BYA STE, DE'I PHYIR 'PHAGS PA TSANGS PA KHYAD PAR SEMS KYIS ZHUS PA'I MDO LAS, NANG GI SA'I KHAMS GANG YIN PA DANG PHYI ROL GYI SA'I KHAMS GANG YIN PA NI GNYIS SU MED PA'I DON TE, DE YANG DE BZHIN GSHEGS PAS SHES RAB DANG YE SHES KYIS GNYIS SU MED PA DANG, GNYIS SU DBYER MED PA DANG, MTSAN NYID GCIG PA 'DI LTA STE, MTSAN NYID MED PAR MNGON PAR RDZOGS PAR SANGS RGYAS SO ZHES BYA BA GSUNGS PA'I LUNG GI DON DE GRUB CING YID CHES PA'I LUNG GI KHUNGS DES SKYE MCHED RNAMS STONG PA NYID DU BSGRUBS PA YIN NO, ,DE LA NANG GI SA'I KHAMS GANG YIN PA ZHES BYA BA NI MIG LA SOGS PA NANG GI SKYE MCHED RNAMS SO, ,PHYI ROL GYI SA'I KHAMS GANG YIN PA ZHES BYA BA NI GZUGS LA SOGS PA PHYI ROL GYI SKYE MCHED RNAMS SO, ,GNYIS SU MED PA DANG ZHES BYA BA NI NGO BO NYID KYIS DBANG PO RNAMS KYANG MED LA YUL RNAMS KYANG MED PA'O, ,GNYIS SU DBYER MED PA DANG ZHES BYA BA NI DBANG PO RNAMS LA YANG 'DZIN PA NYID MED LA YUL RNAMS LA YANG GZUNG BA NYID MED PA'O, ,DE LTAR DBANG PO RNAMS DANG YUL RNAMS LA NGO BO NYID KYIS THA DAD PA MED PA DANG, GZUNG BA DANG 'DZIN PA'I MTSAN NYID KHYAD PAR DU DBYE BA MED PA'I PHYIR MTSAN NYID GCIG PA ZHES GSUNGS SO, ,MTSAN NYID GCIG PA ZHES GSUNGS PA DE CI 'DRA ZHE NA, DE'I PHYIR 'DI LTA STE MTSAN NYID MED PA ZHES GSUNGS TE THA DAD PA NYID KYI MTHA' BSAL BA'I PHYIR MTSAN NYID GCIG PA ZHES GSUNGS LA, GCIG PA NYID KYI MTHA' BSAL BA'I PHYIR MTSAN NYID MED PA ZHES GSUNGS TE, GCIG PA NYID DANG THA DAD PA NYID KYI MTHA' @35A *, ,GNYIS DMIGS SU MED PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU 'PHAGS PA 'JAM DPAL RNAM PAR ROL PA'I MDO LAS BU MO KHAMS DAG CI LTAR BLTA BAR BYA, BU MOS SMRAS PA, 'JAM DPAL 'DI LTA STE, DPER NA 'JIG RTEN GSUM BSKAL BAS BSREGS PA NA THAL BA YANG MED PA LTAR RO ZHES BYA BA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG SKYE MCHED RNAMS STONG PA NYID DU BSGRUBS PA YIN TE, DPER NA MES 'JIG PA'I BSKAL PA BYUNG BA NA SEMS CAN DANG SNOD KYI 'JIG RTEN GYI THAL BA YANG DMIGS SU MED PA DE BZHIN DU NANG DANG PHYI ROL GYI KHAMS RNAMS LA CI YANG DMIGS SU MED PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU 'PHAGS PA SRID PA 'PHO BA'I MDO LAS, MIG NI GZUGS LA MI LTA ZHING, ,YID NI CHOS RNAMS MI SHES TE, ,GANG LA 'JIG RTEN MI 'JUG PA, ,DE NI DAM PA'I BDEN PA'O, ,ZHES BYA BA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG SKYE MCHED RNAMS STONG PA NYID DU BSGRUBS PA YIN TE, MIG LA SOGS PAS GZUGS LA SOGS PA LA LTA BAR MI BYED PA 'JIG RTEN GYIS MI RTOG PA'I DON DAM PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU MDO SDE'I MTHA' GZHAN DAG LAS CHOS THAMS CAD NI SHES PAR MI BYED, LTA BAR MI BYED DE DE NI CHOS SMRA BA LA YANG DMIGS PAR MI BYED SEMS PAR MI BYED RLOM PAR MI BYED DO ZHES BYA BA GSUNGS PA DANG, DE BZHIN DU THEG PA CHEN PO'I MDO SDE GZHAN DAG LAS SRING MO MIG NI GZUGS LA LTA BAR MI BYED RNAM PAR SHES PAR MI BYED DE, BYANG CHUB KYANG MIG DANG GZUGS DANG BRAL BA NYID DO, ,RNA BA DANG, SNA DANG, LCE DANG, LUS DANG, YID KYANG CHOS RNAMS 'DZIN PAR MI BYED RNAM PAR SHES PAR MI BYED DE BYANG CHUB KYANG YID DANG CHOS DANG BRAL BA NYID ZHES BYA BA LA SOGS PA GSUNGS PA'I LUNG GI DON DE DAG KYANG GRUB CING YID CHES PA'I LUNG GI KHUNGS DE DAG GIS KYANG SKYE MCHED RNAMS STONG PA NYID DU BSGRUBS PA YIN TE, SKYE MCHED RNAMS LA BYED PA DANG BYA BA MED PAR BSTAN PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU BCOM @35B LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PA'I MDO LAS, RAB KYI RTZAL GYIS RNAM PAR GNON PA GZUGS NI GZUGS KYI SPYOD YUL MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG RNAM PAR SHES PA'I SPYOD YUL MA YIN NO; ,RAB KYI RTZAL GYIS RNAM PAR GNON PA SPYOD YUL ZHES BYA BA NI GZUGS KYIS GZUGS MI SHES MI MTHONG BA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PAS RNAM PAR SHES PA MI SHES MI MTHONG BA'O, ,GZUGS MI SHES MI MTHONG BA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MI SHES MI MTHONG BA GANG YIN PA DE NI SHES RAB KYI PHA ROL TU PHYIN PA'O ZHES GSUNGS PA LA SOGS PA DE DAG GRUB PA YIN NO ZHES BYA BA NI LUNG GI DON DE YANG GRUB CING YID CHES PA'I LUNG GI KHUNGS DES KYANG SKYE MCHED RNAMS STONG PA NYID DU BSGRUBS PA YIN TE, YUL DANG YUL CAN GYI DNGOS PO DGAG PA BSTAN PA GANG YIN PA DE NI SHES RAB KYI PHA ROL TU PHYIN PA'O, ,DE LTAR YID CHES PA'I LUNG DE DAG GRUB PA NI SKYE MCHED RNAMS STONG PA NYID DU BSTAN PA'I YON TAN YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS SKYE MCHED RNAMS NGO BO NYID MED PA NYID DU BSTAN PA MA YIN TE, 'DI LTAR LUNG DE DAG KYANG YOD DO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA RGYA CHER 'GREL PA, SLOB DPON SPYAN RAS GZIGS BRTUL ZHUGS KYIS NYE BAR SBYAR BA LAS SKYE MCHED BRTAG PA ZHES BYA BA STE RAB TU BYED PA GSUM PA RGYA CHER 'GREL PA RDZOGS SO,, ,,DA NI SKYE MCHED YOD PA NYID MI MTHUN PA'I PHYOGS KYI KHYAD PAR DGAG PAS PHUNG PO RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BZHI PA BRTZAM MO ZHES BYA BA LA DBANG GIS ZHES BYA BA'I SGRA'I SBYOR BA SKABS 'DIR YANG DAM BCAS PA LA 'JUG PA'I RGYU'I DON DANG GZHUNG 'OG NAS 'BYUNG BA DANG SBYAR BA'I DON DU BLTA'O, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI SKYE MCHED YOD PA NYID MI MTHUN PA'I PHYOGS KYI KHYAD PAR DGAG PAS ZHES BYA BA SMRAS @36A *, ,TE; BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS 'DIR RAB TU BYED PA BZHI PA BRTZAM PA'I SKABS SU YANG 'GREL PA BYED PAS SNGAR BSTAN BCOS MDZAD PAS CI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS, DA NI SKYE MCHED YOD PA NYID MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, SKYE MCHED CES BYA BA NI MIG LA SOGS PA SKYE MCHED BCU GNYIS PO DAG GO, ,DE DAG GI YOD PA NYID CES BYA BA NI SNGAR RANG GI SDE PA DAG GIS DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO ZHES DAM BCAS PA NYID YIN NO, ,SKYE MCHED YOD PA NYID DU DAM BCAS PA DE NYID DBU MA PAS SKYE MCHED RNAMS STONG PA NYID DU STON PA'I MI MTHUN PA'I PHYOGS YIN PAS SKYE MCHED RNAMS YOD PA NYID MI MTHUN PA'I PHYOGS ZHES BYA'O, ,DE'I KHYAD PAR ZHES BYA BA NI RANG GI SDE PA DAG GIS 'OG NAS DON DAM PAR SKYE MCHED RNAMS YOD PA KHO NA YIN TE PHUNG POS BSDUS PA'I PHYIR RO ZHES BYA BA LA SOGS PA PHYOGS SNGA MA NYE BAR GZHAG PA 'BYUNG BA DAG YIN NO, ,DE DGAG PAS ZHES BYA BA NI SKYE MCHED YOD PA NYID MI MTHUN PA'I PHYOGS KYI KHYAD PAR DE DGAG PA'I DBANG DU BYAS NAS RAB TU BYED PA BZHI PA BRTZAM MO ZHES BYA BAR SBYAR TE, 'DI LTAR DAM BCAS PA LA 'JUG PA'I RGYU'I DON GYI DBANG DU BYAS NAS SKYE MCHED YOD PA NYID MI MTHUN PA'I PHYOGS KYI KHYAD PAR DGAG PAS RAB TU BYED PA BZHI PA BRTZAMS NA 'DOD PA'I DON 'GRUB PAR 'GYUR BA'I PHYIR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS PHUNG PO RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BZHI PA BRTZAM MO ZHES BYA BA SMRAS TE, PHUNG PO BRTAG PA'I RAB TU BYED PA BZHI BA'I GZHUNG 'OG NAS 'BYUNG BA 'DI'I DON NI PHUNG PO RNAMS NGO BO NYID MED PA NYID DU BSTAN PA YIN PAS, 'DIR RAB TU BYED PA BZHI PA BRTZAM PA'I SKABS SU YANG 'GREL PA BYED PAS GZHUNG 'OG NAS 'BYUNG BA DANG SBYAR BA'I DON DE'I DBANG DU BYAS NAS PHUNG PO RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BZHI PA @36B BRTZAM MO ZHES BYA BA SMRAS TE, SKYE MCHED YOD PA NYID MI MTHUN PA'I PHYOGS KYI KHYAD PAR DGAG PAS PHUNG PO RNAMS NGO BO NYID MED PA NYID DU BSTAN PA NI DE'I 'BRAS BU YIN NO, ,SKYE MCHED YOD PA NYID MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR RAB TU BYED PA BSTAN MA THAG PA'I MJUG TU, LTA BAS NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG MNYAN LA SOGS, ,RNAM PAR BSHAD PAR SHES PAR BYA, ,ZHES BSHAD PA'I PHYIR ZHES BYA BA LA SOGS PA SMRAS TE, SNGAR SKYE MCHED BRTAG PA'I RAB TU BYED PA GSUM PA BSTAN MA THAG PA'I MJUG TU DE SKAD BSHAD PA'I PHYIR RANG GI SDE PA DANG BYE BRAG TU SMRA BA DAG GIS DE MI BZOD PAS DE'I PHYIR RANG GI SDE PA DAG NA RE 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR SKYE MCHED RNAMS YOD PA KHO NA YIN TE, PHUNG POS BSDUS PA'I PHYIR RO ZHES BYA BA LA SOGS PA SMRAS TE DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,'DI NA GANG YOD PA MA YIN PA DE NI GZUGS LA SOGS PA'I PHUNG POS MA BSDUS TE, DPER NA NAM MKHA'I ME TOG BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,NANG GI SKYE MCHED RNAMS LA NI PHUNG POS BSDUS PA YOD DE, 'DI LTA STE, GZUGS CAN BCU NI GZUGS KYI PHUNG POS BSDUS LA, CHOS KYI SKYE MCHED NI PHUNG PO GSUM DANG GZUGS KYI PHUNG PO'I PHYOGS GCIG GIS BSDUS, YID KYI SKYE MCHED NI RNAM PAR SHES PA'I PHUNG POS BSDUS SO ZHES BYA BA NI NYE BAR SBYAR BA'I SBYOR BA YIN NO, ,DE'I PHYIR GTAN TSIGS JI SKAD SMOS PAS DON DAM PAR NANG GI SKYE MCHED RNAMS YOD PA KHO NA YIN NO ZHES ZER RO ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NI NAM MKHA'I ME TOG LA SOGS PA GANG DAG PHUNG PO MA BSDUS PA DE DAG NI DON DAM PAR YOD PA MA YIN GYI SKYE MCHED RNAMS NI PHUNG POS BSDUS PA'I PHYIR DON DAM PAR YOD PA KHO NA YIN TE, SKYE MCHED GZUGS CAN DBANG PO LNGA DANG YUL LNGA STE BCU NI GZUGS KYI PHUNG POS BSDUS LA, CHOS KYI SKYE MCHED NI TSOR BA DANG 'DU SHES DANG 'DU BYED KYI PHUNG @37A *, ,GSUM DANG, GZUGS KYI PHUNG PO'I NANG NAS PHYOGS GCIG PO RNAM PAR RIG BYED MA YIN PA'I GZUGS KYIS BSDUS, YID KYI SKYE MCHED NI RNAM PAR SHES PA'I PHUNG POS BSDUS PAS DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'DI LA GZUGS NI MDOR BSDU NA RNAM PA GNYIS TE 'BYUNG BA'I GZUGS DANG 'BYUNG BA LAS GYUR PA'I GZUGS SO, ,DUS LA SOGS PA'I DBYE BAS THA DAD PA DE DAG THAMS CAD GCIG TU BSDUS NAS GZUGS KYI PHUNG PO ZHES BYA'O ZHES BYA BA LA SOGS PA SMRAS SO, ,'DI LA ZHES BYA BA NI CHOS MNGON PA'I BSTAN BCOS LA'O, ,GZUGS NI MDOR BSDU NA RNAM PA GNYIS TE ZHES BYA BA NI KHA DOG GI BDAG NYID DANG DBYIBS KYI BDAG NYID DAM BSTAN DU YOD PA DANG BSTAN DU MED PA'O ZHES KYANG 'BYUNG MOD KYI, DE DAG KYANG 'BYUNG BA DANG 'BYUNG BA LAS GYUR PA'I GZUGS SU 'DUS PAS DE'I PHYIR 'DIR 'BYUNG BA'I GZUGS DANG 'BYUNG BA LAS GYUR PA'I GZUGS SO ZHES BYA BA GNYIS SMOS SO, ,DE DAG KYANG RGYAS PAR DBYE NA 'DAS PA DANG MA 'ONGS PA DANG, DA LTAR BYUNG BA'I DUS LA SOGS PA'I DBYE BAS THA DAD PA MANG DU YOD DE MDOR BSDUS PA DANG, RGYAS PAR DBYE BA DE DAG THAMS CAD GCIG TU BSDUS NAS GZUGS KYI PHUNG PO ZHES BYA'O, ,DE LA RE ZHIG PHA ROL PO'I GTAN TSIGS NYID DU MIG LA SOGS PAS BSDUS PAR 'DOD PA'I PHYIR DANG, BSTAN SLA BA'I PHYIR GZUGS LAS BRTZAMS TE BSAM PAR BYA'O ZHES BYA BA NI PHUNG PO LNGA DAG LAS DANG POR RE ZHIG GZUGS KYI PHUNG PO NGO BO NYID MED PA NYID DU BSTAN PAR BYA STE, PHA ROL PO SKYE MCHED YOD PA NYID DU SMRA BA DAG GIS SNGAR PHYOGS SNGA MA NYID NYE BAR BZHAG PA'I SKABS SU SKYE MCHED RNAMS YOD PA NYID KYI GTAN TSIGS SU SKYE MCHED MIG LA SOGS PA GZUGS CAN BCU NI GZUGS KYI PHUNG POS BSDUS PAR 'DOD PA'I PHYIR DANG, PHUNG PO LNGA PO DAG RTZING RIM GYIS BZHAG PA DANG SNOD LA SOGS PA'I DPE'I ? RIM PAS BZHAG PA LAS GZUGS KYI PHUNG PO BSTAN SLA BA'I PHYIR DANG POR GZUGS LAS BRTZAMS TE BSAM PAR BYA'O ZHES SMOS SO, ,GZUGS NGO BO NYID MED PA NYID DU BSTAN NA TSOR BA LA SOGS PA LHAG MA RNAMS KYI NGO BO @37B NYID MED PA NYID DU 'GRUB CING, DE LTAR PHUNG PO RNAMS NGO BO NYID MED PA NYID YIN NA PHA ROL PO DAG GI SKYE MCHED RNAMS YOD PAR SGRUB PA'I GTAN TSIGS SU PHUNG POS BSDUS PA'I PHYIR RO ZHES ZER BA DE MA GRUB PAS SKYE MCHED RNAMS NGO BO NYID MED PA NYID DU GRUB BO ZHES BYA BAR STON TO, ,GZUGS KYI PHUNG PO 'GOG PA'I GTAN TSIGS GANG ZHE NA, DE'I PHYIR, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BA SMRAS SO, ,GZUGS ZHES BYA BA NI GZUGS SU RUNG NGO ZHES BYA BA NI GNOD PA BYAR RUNG BA DANG, THOGS PA DANG BCAS PA'O ZHES BYA BA'I THA TSIG GO, ,DE'I RGYU NI GZUGS KYI RGYU STE; DE GANG ZHE NA, SA LA SOGS PA 'BYUNG BA CHEN PO BZHI PO DAG GO ZHES BYA BA NI 'BYUNG BA LAS GYUR PA'I GZUGS KYI RGYU NI 'BYUNG BA'I GZUGS DAG YIN NO ZHES BYA BAR SBYAR RO, ,DE DAG MA GTOGS PAR ZHES BYA BA NI DE DAG BSAL NA'O ZHES BYA BA NI GZUGS KYI RGYU DE DAG BSAL NA'O, ,GZUGS NI DMIGS PAR MI 'GYUR RO ZHES BYA BA NI DON DAM PAR RO ZHES BYA BA NI 'BYUNG BA LAS GYUR PA'I GZUGS SO, ,'O NA CI ZHE NA THA SNYAD GDAGS PA'I PHYIR GZUGS KYI RGYU 'BYUNG BA CHEN PO BZHI PO DAG LA BRTEN NAS GZUGS SO ZHES 'DOGS PAR BYED NGO ZHES BYA BA NI DPER NA NAGS TSAL ZHES BYA BA RDZAS SU GRUB PA MED DU ZIN KYANG SENG LDEN DANG NI MA PA DANG PA NAS LA SOGS PA'I TSOGS LA BRTEN NAS NAGS TSAL ZHES 'DOGS PA DE BZHIN DU GZUGS KYI RGYU LA BRTEN NAS GZUGS ZHES GDAGS PA TZAM DU ZAD KYI GZUGS ZHES BYA BA NGO BO NYID KYI GRUB PA MED DO, ,DE LTAR NA 'DIS GZUGS KYI BSGRUB PAR BYA BA CHOS LA SOGS PA 'DUS PA TZAM NYID DANG, GZUGS KYI SGRUB PA'I CHOS RANG GI RGYU MA BZUNG NA DE'I BLO MED PA BSTAN TO ZHES BYA BA NI, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BA TSIG LE'UR BYAS PA'I PHYED GONG MA 'DIS NI 'BYUNG BA LAS GYUR PA'I GZUGS KYI NGO BO NYID MED PA NYID DU BSTAN PA'I BSGRUB PAR BYA BA CHOS DANG, SGRUB PA'I CHOS BSTAN TE, 'DIR BSGRUB PAR BYA BA CHOS NI RDZAS SU YOD PA MA YIN PAR BSGRUB PAR BYA BA STE, SA LA SOGS PA 'DUS PA TZAM NYID CES BYA BA YIN NO, ,SGRUB PA'I CHOS NI GZUGS KYI RGYU MA GTOGS PAR GZUGS DMIGS SU MED @38A *, ,PA STE RANG GI RGYU MA BZUNG NA DE'I BLO MED PA ZHES BYA BA YIN NO, ,DPE NI DE'I DBANG GIS TE, DMAG DANG NAGS TSAL LA SOGS PA DAG YIN NO ZHES BYA BA NI DON DAM PAR GZUGS RDZAS SU YOD PA MA YIN PAR BSGRUB PA'I CHOS MTHUN PA'I DPE NI BSGRUB PAR BYA BA CHOS DANG, SGRUB PA'I CHOS DE'I DBANG GIS BSTAN DGOS TE, DMAG DANG NAGS TSAL LA SOGS PA GANG DAG LA BSGRUB PAR BYA BA CHOS RDZAS SU YOD PA MA YIN PA DANG SGRUB PA'I CHOS RANG GI RGYU MA BZUNG NA DE'I BLO MED PA ZHES BYA BA YOD PA DAG YIN NO, ,'DIR RJES SU DPAG PA NI DON DAM PAR GZUGS RDZAS SU YOD PA MA YIN TE; RANG GI RGYU MA BZUNG NA DE'I BLO MED PA'I PHYIR RO ZHES BYA BA DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,'DI NA GANG RANG GI RGYU MA BZUNG NA DE'I BLO MED PA DE NI RDZAS SU YOD PA MA YIN TE, DPER NA DMAG LA SOGS PA BZHIN NO ZHES BYA BA NI CHOS MTHUN PA'I PHYOGS KYI DPE YIN NO, ,DE BZHIN DU GZUGS KYANG RANG GI RGYUS LA SOGS PA DAG MA BZUNG NA GZUGS KYI BLO MED PAS RDZAS SU YOD PA MA YIN NO ZHES BYA BA NI NYE BAR SBYAR BA'I SBYOR BA YIN TE, DPER NA DMAG LA SOGS PA NI RANG GI RGYUD PHUNG RNAM BZHI LA SOGS PA DAG MA BZUNG NA NI DMAG GI BLO MED PAS RDZAS SU YOD PA MA YIN PA DE BZHIN DU GZUGS KYANG RANG GI RGYUS LA SOGS PA DAG MA BZUNG NA GZUGS KYI BLO MED PAS RDZAS SU YOD PA MA YIN NO, ,YANG NA SBYOR BA'I LAN GZHAN YANG MED DE, DON DAM PAR GZUGS KYI BLO NI DNGOS PO RDZAS SU YOD PA'I YUL CAN MA YIN TE, BLO YIN PA'I PHYIR DPER NA NAGS TSAL LA SOGS PA'I BLO BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAGS TSAL LA SOGS PA'I BLO NI BLO YIN PA'I PHYIR DNGOS PO RDZAS SU YOD PA'I YUL CAN MA YIN PA DE BZHIN DU, GZUGS KYI BLO YANG BLO YIN PA'I PHYIR DNGOS PO RDZAS SU YOD PA'I YUL CAN MA YIN NO, ,YANG NA SBYOR BA'I LAM GZHAN YANG YOD DE DON DAM PAR GZUGS ZHES BYA BA'I SGRA 'DI NI TSIG GI DON RDZAS SU YOD PA'I YUL CAN MA YIN TE, SGRA YIN PA'I PHYIR DPER NA DMAG LA SOGS PA'I SGRA BZHIN NO ZHES BYA BA @38B DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG DPE YIN PAR GO RIMS BZHIN DU SBYAR TE, DPER NA DMAG LA SOGS PA'I SGRA NI SGRA YIN PA'I PHYIR TSIG GI DON RJES SU YOD PA'I YUL CAN MA YIN PA DE BZHIN DU, GZUGS ZHES BYA BA'I SGRA YANG SGRA YIN PA'I PHYIR TSIG GI DON RDZAS SU YOD PA'I YUL CAN MA YIN NO, ,'DIR CHOS MNGON PA PA DAG SEMS DANG SEMS LAS BYUNG BA DAG RDZAS SU YOD PAR 'DOD PAS DE'I PHYIR DE DAG NA RE DBU MA PA'I GTAN TSIGS KYI DON SGRA YIN PA'I PHYIR ZHES BYA BA DE MA NGES PA YIN TE, CI RE ZHIG SGRA YIN PA'I PHYIR DPER NA DMAG LA SOGS PA'I SGRA BZHIN DU TSIG GI DON RDZAS SU YOD PA'I YUL CAN MA YIN PAR 'GYUR RAM, 'ON TE SGRA YIN PA'I PHYIR DPER NA SEMS DANG SEMS LAS BYUNG BA DAG GI SGRA BZHIN DU TSIG GI DON RDZAS SU YOD PA'I PHYIR YUL CAN YIN PAR 'GYUR ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS RNAM PAR SHES PA DANG SEMS LAS BYUNG BA DAG KYANG BSGRUB PAR BYA BA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR GTAN TSIGS MA NGES PA NYID MA YIN NO ZHES BYA BA SMRAS TE, JI LTAR KHO BO GZUGS 'GOG PAR BYED PA DE BZHIN DU SEMS DANG SEMS LAS BYUNG BA DAG KYANG 'GOG PAR BYED PAS GTAN TSIGS MA NGES PA NYID GYI SKYON MED DO, ,GAL TE GZUGS NI DON DAM PAR YOD PA YIN TE, DE ZHIG KYANG DE'I BLO MI 'JIG PA'I PHYIR RO, ,'DI NA GANG ZHIG NA DE'I BLO 'JIG PA DE NI KUN RDZOB TU YOD PA YIN TE, DPER NA BUM PA BZHIN NO, , GZUGS SNGON PO LA SOGS PA DAG NI ZHIG KYANG DE'I BLO DE LTAR MI 'JIG PAS DE'I PHYIR GZUGS NI RDZAS SU YOD PA YIN NO ZHE NA ZHES BYA BA NI RANG GI SDE PA DAG NYID DBU MA PA'I GTAN TSIGS LA 'GAL BA 'KHRUL PA MED PA'I GNOD PA YOD DO ZHES SKYON 'DOGS PA YIN TE, DE DAG GI GZHUNG LAS BUM PA LA SOGS PA DNGOS PO GANG ZHIG PAR GYUR NA DE LA BUM PA'I BLO MI SKYE BA DE NI KUN RDZOB TU YOD PA YIN GYI SA LA SOGS PA'I GZUGS GANG ZHIG PAR GYUR KYANG DE LA GZUGS KYI BLO SKYE BA DE NI DON DAM PAR YOD PA YIN PAS DBU MA PA'I GTAN TSIGS RANG GI RGYU MA BZUNG NA DE'I BLO MED PA'I PHYIR RO ZHES BYA BA DE LA @39A *, ,'GAL BA 'KHRUL PA MED PA'I GNOD PA YOD DO ZHES ZER RO, ,DE DAG GI SBYOR BA'I TSIG DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE RJES SU 'GRO BA MED PA'I PHYIR RO ZHES BYA BA SMRAS TE, RANG GI SDE PA DAG LA DBU MA PA'I GTAN TSIGS LA 'GAL BA 'KHRUL PA MED PA'I GNOD PA YOD PAR SGRUB PA'I RJES SU 'GRO BA MED PA'I PHYIR KLAN KA DE NI BZANG PO MA YIN NO, ,DE LTAR RE ZHIG RGYUR BYAS PA'I GZUGS BRTAGS ZIN TO ZHES BYA BA NI SNGAR 'DI LA GZUGS NI MDOR BSDU NA RNAM PA GNYIS TE, 'BYUNG BA'I GZUGS DANG 'BYUNG BA LAS GYUR PA'I GZUGS SO ZHES SMOS PA LAS DE YAN CHAD DU 'BYUNG BA LAS GYUR PA'I GZUGS NGO BO NYID MED PA NYID DU BRTAGS ZIN TO,, ,,BAM PO SUM CU GCIG PA, DA NI 'BYUNG BA'I GZUGS KYI DBANG DU BYAS TE BSHAD PAR BYA'O ZHES BYA BA LA SOGS PAS NI 'BYUNG BA'I GZUGS NGO BO NYID MED PA NYID DU STON TO, ,'DIR PHYOGS SNGA MA NYE BAR BZHAG PA NI RGYUR BYAS PA'I GZUGS NI YOD PA KHO NA YIN TE, DE'I RGYU YOD PA'I PHYIR RO, ,'DI NA GANG MED PA DE LA NI RGYU GZUNG DU MED DE DPER NA NAM MKHA'I ME TOG BZHIN NO, ,RGYUR BYAS PA'I GZUGS LA NI RGYUS LA SOGS PA DE DAG YOD PAS DE'I PHYIR RGYUR BYAS PA'I GZUGS NI YOD PA KHO NA YIN NO ZHE NA ZHES BYA BA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE'I PHYIR BSHAD PA, GZUGS ZHES BYA BA MA GTOGS PAR, ,GZUGS KYI RGYU YANG MI RUNG NGO, ,'DI LA RGYUR BYAS PA'I GZUGS KYI MTSAN NYID GZUGS DANG, SGRA DANG DRI DANG RO DANG REG BYA MA GTOGS PAR GZUGS KYI RGYUS LA SOGS PA DAG KYANG MI SNANG ZHING GZUNG DU MED DO ZHES BYA BA SMRAS TE, @39B GZUGS MA GTOGS PAR YANG 'DI NI GZUGS KYI RGYU'O ZHES BYA BA MI SNANG BA NYID DO, ,GZUGS NI MI 'THAD PAR BSHAD ZIN TE DE LTAR GZUGS MI 'THAD PA'I PHYIR GZUGS KYI RGYU YANG MI 'THAD DO, ,'DIR YANG 'BYUNG BA'I GZUGS KYI BSGRUB PAR BYA BA CHOS GZUGS LA SOGS PA 'DUS PA TZAM NYID DANG SGRUB PA'I CHOS GZUGS LA SOGS PA MI SNANG NA SA LA SOGS PA DE DAG KYANG MI SNANG BAR BSTAN TO ZHES BYA BA NI 'DIR, GZUGS ZHES BYA BA MA GTOGS PAR, ,GZUGS KYI RGYU YANG MI RUNG NGO, ,ZHES BYA BA NI TSIG LE'UR BYAS PA'I PHYED 'OG MA 'DIS KYANG 'BYUNG BA'I GZUGS NGO BO NYID MED PA NYID DU BSTAN PA'I BSGRUB PAR BYA BA CHOS NI RDZAS SU YOD PA MA YIN TE, GZUGS LA SOGS PA 'DUS PA TZAM NYID YIN PAR BSTAN LA, SGRUB PA'I CHOS NI DE'I RGYU MI SNANG NA DE MI SNANG BA STE GZUGS LA SOGS PA MI SNANG NA SA LA SOGS PA DE DAG KYANG MI SNANG BA ZHES BYA BA NYID YIN PAR BSTAN TO, ,DE'I PHYIR DE'I DBANG GIS DPE YANG MNGON NO ZHES BYA BA NI 'BYUNG BA'I GZUGS NGO BO NYID MED PA NYID DU SGRUB PA'I CHOS MTHUN PA'I DPE YANG BSGRUB PAR BYA BA DANG, SGRUB PA'I CHOS DE'I DBANG GIS DMAG DANG NAGS TSAL LA SOGS PA GANG DAG LA BSGRUB PAR BYA BA CHOS RDZAS SU YOD PA MA YIN PA DANG, SGRUB PA'I CHOS DE'I RGYU MI SNANG NA DE MI SNANG BA ZHES BYA BA YOD PA DAG YIN PAR MNGON NO, ,DE LA 'DIR RE ZHIG SA'I DBANG DU BYAS TE SBYOR BA'I TSIG BYA'O ZHES BYA BA NI SA DGAG PAS LHAG MA RNAMS KYANG DGAG PAR BYA'O ZHES BYA BAR SBYAR RO, ,'DIR YANG PHA ROL PO DAG NA RE KHYED DBU MA PAS DON DAM PAR GZUGS SKYE BA MED DO ZHES BYA BAR KHAS BLANGS LA, DA 'DIR NI GZUGS LA SOGS PA 'DUS PA TZAM NYID DU SGRUB PAR BYED PAS RANG GI KHAS BLANGS PA LA GNOD PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS; 'DUS PA TZAM NYID KYANG DON DAM PAR MI STON PA'I PHYIR RO ZHES BYA BA SMRAS TE, KHO BO KUN RDZOB TU 'DUS PA TZAM NYID DU SGRUB KYI DON DAM PAR MI STON PA'I PHYIR RANG GI KHAS BLANGS PA LA GNOD PA MED DO, ,GAL TE KUN RDZOB TU 'DUS PA TZAM NYID DU BSTAN PA LA YON TAN CI YOD CE NA, 'DIR @40A *, ,BSTAN BCOS MDZAD PAS 'DUS PA TZAM NYID DU BSTAN PAS RDZAS SU YOD PA NYID DGAG PA KHO NA BSTAN TE, DE DGAG PA NI DON CHE BA'I PHYIR RO ZHES BYA BA SMRAS TE, 'DIR BSTAN BCOS MDZAD PA SLOB DPON KLU SGRUB KYI ZHAL SNGA NAS KYIS KUN RDZOB TU 'BYUNG BA'I GZUGS DAG GZUGS LA SOGS PA 'DUS PA TZAM NYID DU BSTAN PAS DE DAG DON DAM PAR RDZAS SU YOD PA NYID DGAG PA KHO NA BSTAN TE, DE DAG DGAG PA NI MDZAD PA PO NYID KYI BZHED PA MCHOG YIN PAS DON CHE BA'I PHYIR RO, ,JI LTAR DE DON CHE BA NYID YIN ZHE NA ZHES BYA BA NI GAL TE PHA ROL PO DAG DE SKAD CES 'DRI NA'O, ,DE'I LAN DU 'DIR THA SNYAD DU BRTEN NAS 'DOGS PAR BYED PA GANG YIN PA DE NI DON DAM PAR RDZAS SU YOD PA MA YIN PA'I PHYIR SKYE BA MED PAS NGO BO NYID MED PA NYID DU GRUB PA'I PHYIR TE ZHES BYA BA SMRAS TE, KUN RDZOB KYI THA SNYAD DU GZHI GANG LA BRTEN NAS DNGOS PO GANG 'DOGS PA DANG RNAM PAR 'JOG PA DANG STON PAR BYED PA DE NI DON DAM PAR RDZAS SU YOD PA MA YIN PA'I PHYIR, SKYE BA MED PAS NGO BO NYID MED PA NYID DU GRUB PA'I PHYIR 'DUS PA TZAM NYID DU BSTAN PAS RDZAS SU YOD PA NYID DGAG PA DE NI DON CHE BA NYID YIN NO, ,GAL TE 'DUS PA TZAM NYID BSTAN PA'I YON TAN DE DAG ? LAS SHES SHE NA, DE'I PHYIR 'PHAGS PA LANG KAR GSHEGS PA'I MDO LAS, GANG PHYIR 'DUS PA MA GTOGS PAR, ,BLO YIS DNGOS PO GZUNG DU MED, ,DE PHYIR STONG DANG MA SKYES DANG, ,RANG BZHIN MED PAR NGA SMRA'O, ,'DI LA RKYEN GYIS CUNG ZAD KYANG, , SKYE BA DANG NI 'GAG PA MED, ,SKYE BA DANG NI 'GAG PA YANG, ,RKYEN RNAMS KHO NA 'BA' ZHIG GO, ,ZHES BYA BA LA SOGS PA JI SKAD GSUNGS PA LTA BU'O ZHES BYA BA SMRAS TE, GANG GI PHYIR 'DUS PA DANG TSOMS DANG TSOGS LAS MA GTOGS PAR DNGOS PO RDZAS SU GYUR PA GZUNG DU MED PA DE'I PHYIR DNGOS PO RDZAS SU GRUB PA NYID MED PAS DON DAM PAR STONG PA DANG, MA SKYES PA DANG, RANG BZHIN MED PAR NGA SMRA'O ZHES GSUNGS SO, ,'DI LA RKYEN RNAMS KYI DNGOS PO RDZAS SU YOD PA GZHAN CUNG ZAD KYANG SKYE BA DANG 'GAG PAR MI BYED DE, THA SNYAD DU SKYE BA DANG 'GAG PAR BRJOD PA YANG RKYEN @40B RNAMS KHO NAR ZAD DO ZHES BYA BA LA SOGS PA LA JI SKAD GSUNGS PA LTA BU'O, ,'DIR SBYOR BA'I TSIG NI DON DAM PAR SA NI RDZAS SU YOD PA MA YIN PAR SHES PAR BYA STE, DE'I RGYU MI SNANG NA DE MI SNANG BA'I PHYIR RO, ,GANG RGYU MI SNANG NA DE MI SNANG BA DE NI DON DAM PAR RDZAS SU YOD PA MA YIN TE; DPER NA DMAG LA SOGS PA BZHIN NO ZHES BYA BA DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE YIN PAR GO RIMS BZHIN DU SBYAR TE, DPER NA DMAG PA SOGS PA DAG NI RGYUD BUNG RNAM BZHI LA SOGS PA DAG MI SNANG NA DE DAG KYANG MI SNANG BAS DON DAM PAR RDZAS SU YOD PA MA YIN PA DE BZHIN DU SA YANG DE'I RGYU KHA DOG DANG DBYIBS KYI BDAG NYID KYIS BSDUS PA GZUGS DANG SGRA LA SOGS PA 'DUS PA TZAM DAG MI SNANG NA NGE YANG MI SNANG BA'I PHYIR DON DAM PAR RDZAS SU YOD PA MA YIN NO, ,DE BZHIN DU BLO DANG SGRA'I PHYOGS LA YANG CI RIGS PAR BRJOD PAR BYA'O ZHES BYA BA NI 'DIR YANG SNGA MA BZHIN DU YANG SBYOR BA'I LAM GZHAN YANG YOD DE, DON DAM PAR SA'I BLO NI DNGOS PO RDZAS SU YOD PA'I YUL CAN MA YIN TE BLO YIN PA'I PHYIR DPER NA NAGS TSAL LA SOGS PA'I 'GRO ? BZHIN NO, ,YANG NA SBYOR BA'I LAM GZHAN YANG YOD DE, DON DAM PAR SA ZHES BYA BA'I SGRA 'DI NI TSIG GI DON RDZAS SU YOD PA'I YUL CAN MA YIN TE, SGRA YIN PA'I PHYIR DPER NA DMAG LA SOGS PA'I SGRA BZHIN NO, ,RNAM PAR SHES PA DANG SEMS LAS BYUNG BA DAG KYANG BSGRUB PAR BYA BA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR GTAN TSIGS MA NGES PA NYID MA YIN NO ZHES CI RIGS PAR BRJOD PAR BYA BA YIN NO, ,YANG NA GZUGS KYI RGYUS LA SOGS PA DE DAG MA GTOGS PAR DE DAG LAS GZHAN PA'I GZUGS DMIGS SU MED DE RANG GI RGYUS BZUNG NA DE GZUNG DU MED PA NI GZUGS KYI CHOS YIN NO ZHES BYA BA NI YANG NA RGYUR BYAS PA'I GZUGS KYI RGYU SA LA SOGS PA DE DAG MA GTOGS PAR SA LA SOGS PA DE DAG LAS GZHAN PA RGYUR BYAS PA'I GZUGS DMIGS SU MED DE ZHES BYA BA'I PHYOGS 'DI'I SGO NAS KYANG 'BYUNG BA'I GZUGS NGO BO NYID MED PA NYID DU BSTAN PAR @41A *, ,BYA'O; ,CI'I PHYIR ZHE NA, RGYUR BYAS PA'I GZUGS KYI RANG GI RGYU SA LA SOGS PA DAG MA BZUNG NA RGYUR BYAS PA'I GZUGS DE GZUNG DU MED PA'I PHYIR TE, DE NI RGYUR BYAS PA'I GZUGS NGO BO NYID MED PA NYID DU BSGRUB PAR BYA BA SGRUB PA'I CHOS YIN NO, ,'DIR SBYOR BA'I TSIG NI DON DAM PAR GZUGS NI RANG GI TSOGS PA'I YAN LAG DAG LAS GZHAN MA YIN TE, DE MA BZUNG NA DE'I BLO MED PA'I PHYIR DPER NA SA LA SOGS PA'I RANG GI BDAG NYID BZHIN NO ZHES BYA BA DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG DPE YIN PAR GO RIMS SU SBYAR TE, DPER NA SA LA SOGS PA'I RANG GI BDAG NYID NI RANG GI TSOGS PA'I YAN LAG KHA DOG DANG DBYIBS KYI BDAG NYID DAG MA BZUNG NA SA LA SOGS PA DE DAG GI BLO MED PA'I PHYIR RANG GI TSOGS PA'I YAN LAG DAG LAS GZHAN MA YIN PA DE BZHIN DU RGYUR BYAS PA'I GZUGS KYANG RANG GI TSOGS PA'I YAN LAG SA LA SOGS PA DAG MA BZUNG NA RGYUR BYAS PA'I GZUGS DE'I BLO MED PA'I PHYIR RANG GI TSOGS PA'I YAN LAG DAG LAS GZHAN MA YIN NO, ,'DIR GZHAN DAG NA RE 'DIR KHYED DBU MA PAS GZUGS PHYOGS SU BYAS PAS DE LA NI RNAM PAR RTOG PA MED PA'I PHYIR 'DZIN PA NYID MED PAS KHYED KYI GTAN TSIGS DE MA BZUNG NA DE'I BLO MED PA'I PHYIR ZHES BYA BA DE MI 'GRUB STE, DPER NA SGRA NI MI RTAG STE, MIG GI YUL YIN PA'I PHYIR RO ZHES ZER BA'I GTAN TSIGS DE MI 'GRUB PA DE BZHIN DU KHYED KYI GTAN TSIGS GZUGS NI RANG GI TSOGS PA'I YAN LAG DAG LAS GZHAN MA YIN NO ZHES BYAR YANG RUNG BA ZHIG NA DE YANG MI 'GRUB PO, ,CI'I PHYIR ZHE NA, MA BZUNG NA ZHES BYA BA NI BLO'I CHOS YIN PAS GAL TE 'DIR BLO PHYOGS SU BYAS NA NI BLO DES GZUGS KYI RANG GI RGYU MA BZUNG NA GZUGS KYI BLO MED PA'I PHYIR GZUGS NI RANG GI TSOGS PA'I YAN LAG DAG LAS GZHAN MA YIN NO ZHES BYAR YANG RUNG BA ZHIG NA MA BZUNG NA ZHES BYA BA GZUGS KYI CHOS MA YIN LA 'DIR GZUGS PHYOGS SU BYAS NAS GZUGS KYI RANG GI RGYU MA BZUNG NA GZUGS KYI BLO MED PA'I PHYIR GZUGS NI RANG GI TSOGS PA'I YAN LAG DAG LAS GZHAN MA YIN TE ZHES BYA BA'I @41B GTAN TSIGS DE'I DON MI 'GRUB PA'I PHYIR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, 'DIR BYA BA LAS LA GNAS PA YIN PAR BSAMS PAS MA BZUNG BA BLO'I CHOS YIN PA'I PHYIR GTAN TSIGS KYI DON MA GRUB PA NYID MA YIN NO ZHES BYA BA SMRAS TE; 'DI LTAR BYA BA NI GNYIS LA GNAS TE, DPER NA GCAD PA'I BYA BA GCOD PA PO LA GNAS PA DANG BCAD PA LA GNAS PA DE BZHIN DU MA BZUNG BA'I BYA BA YANG BYED PA PO'I BLO LA GNAS PA DANG, LAS GZUGS LA GNAS PA DAG LAS SKABS 'DIR MA BZUNG BA'I BYA BA DE LAS GZUGS LA GNAS PA YIN PAR BSAMS PAS MA BZUNG BA ZHES BYA BA DE NI LAS GZUGS KYI CHOS MA YIN GYI BYED PA PO'I BLO'I CHOS YIN PA'I PHYIR KHO BO'I GTAN TSIGS KYI DON MA GRUB PA NYID MA YIN NO, ,'DI SKAD BSTAN TE PHA ROL PO ZER BA LTAR MA BZUNG BA ZHES BYA BA DE LAS GZUGS KYI CHOS YIN NA NI GZUGS KYIS RANG GI RGYU MA BZUNG NA GZUGS KYI BLO MED PA'I PHYIR ZHES BYA BA'I GTAN TSIGS KYI DON DE MI 'GRUB PAR YANG 'GYUR BA ZHIG NA, 'DIR KHO BOS MA BZUNG BA ZHES BYA BA'I BYA BA DE LAS GZUGS LA GNAS PA YIN PAR BSAMS PAS MA BZUNG BA ZHES BYA BA DE BYED PA PO BLO'I CHOS YIN PA'I PHYIR BLOS GZUGS KYI RGYU DE MA BZUNG NA GZUGS KYI BLO DE MED PA'I PHYIR GZUGS NI RANG GI TSOGS PA'I YAN LAG DAG LAS GZHAN MA YIN TE ZHES BYA BA'I GTAN TSIGS KYI DON DE MA GRUB PA NYID MA YIN NO, ,GRANGS CAN DAG NA RE GZUGS LA SOGS PA DAG LAS SA LA SOGS PA DAG GZHAN MA YIN PAS DE NI GRUB PA LA SGRUB PA MA YIN NO ZHES BYA BA NI GRANGS CAN DAG NA RE KHO BO CAG GI GZHUNG LAS, SNYING STOBS DANG RDUL DANG MUN PA'I RANG BZHIN NI RTAG PA DANG THAMS CAD DU SONG BA YIN PA'I PHYIR DNGOS PO THAMS CAD GZHAN MA YIN TE, GCIG PA NYID YIN PAR GRUB PAS KHYED DBU MA PA GZUGS NI RANG GI TSOGS PA'I YAN LAG DAG LAS GZHAN MA YIN TE ZHES SGRUB PA DE NI GRUB PA LA SGRUB PA'I SKYON CHAGS PA YIN NO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DON BZANG PO MA YIN TE GZHAN NYID @42A *, ,DGAG PAS GZHAN MA YIN PA NYID DU STON PAR MI BYED PA'I PHYIR DANG, PHA ROL PO 'DOD PA'I GZHAN MA YIN PA NYID KYANG KHAS MA BLANGS PA'I PHYIR RO ZHES BYA BA SMRAS TE, KHO BOS MED PAR DGAG PA'I TSUL YONGS SU BZUNG STE GZHAN NYID DGAG PAS BYAS PA MA YIN PAR DGAG PA'I TSUL DU GZHAN MA YIN PA NYID STON PAR MI BYED PA'I PHYIR DANG, KHYOD SNYING STOBS DANG RDUL DANG MUN PA'I RANG BZHIN RTAG PA DANG THAMS CAD DU SONG BA'I PHYIR DNGOS PO THAMS CAD GZHAN MA YIN TE, GCIG PA NYID DO ZHES BYA BAR 'DOD PA DE KHO BOS KHAS MA BLANGS PA'I PHYIR KHO BO GRUB PA LA SGRUB PA MA YIN PAS KHYOD KYI KLAN KA DE NI BZANG PO MA YIN TE, BYE BRAG PA DAG GTAN TSIGS MA NGES PA NYID DU RGOL BAR BYED DE, MAR ME MA BZUNG YANG DE LAS GZHAN PA YOD NA BUM PA LA DE'I BLO YOD PA'I PHYIR RO ZHE NA ZHES BYA BA NI BYE BRAG PA DAG NA RE KHO BO CAG GI GZHUNG LAS TSIG GI DON DRUG PO DAG NI LCAGS KYI THUR MA BZHIN DU GZHAN NYID YIN PAS DE'I PHYIR KHYED DBU MA PA NA RE GZUGS NI RANG GI TSOGS PA'I YAN LAG DAG LAS GZHAN MA YIN TE, DE MA BZUNG NA DE'I BLO MED PA'I PHYIR DPER NA SA LA SOGS PA'I RANG GI BDAG NYID BZHIN NO ZHES ZER BA'I GTAN TSIGS KYI DON DE MA NGES PA NYID YIN TE, 'DI LTAR MAR ME NI BUM PA GSAL BAR BYED PA'I RGYU YIN PAS DE'I PHYIR MAR ME MED KYANG MAR ME DE LAS GZHAN PA NOR BU DANG, 'OD ZER DANG SMAN DANG ZLA BA DANG NYI MA'I SNANG BA LA SOGS PA GSAL BAR BYED PA'I BYED PA'I RGYU YOD NA BUM PA GSAL BAR BYED CING BUM PA LA DE'I BLO YOD PA'I PHYIR KHYED DBU MA PA'I GTAN TSIGS DE MA BZUNG NA DE'I BLO MED PA'I PHYIR ZHES BYA BA DE MA NGES PA YIN TE, CI RE ZHIG GZUGS RANG GI TSOGS PA'I YAN LAG SA LA SOGS PA DE DAG MA BZUNG NA GZUGS KYI BLO MED PA'I PHYIR GZUGS RANG GI TSOGS PA'I YAN LAG DAG LAS GZHAN MA YIN PAR 'GYUR RAM 'ON TE BUM PA'I GSAL BAR BYED PA'I BYED PA'I RGYU MAR ME MA BZUNG YANG GSAL BAR BYED PA'I BYED PA'I RGYU GZHAN YOD NA BUM PA'I BLO YOD PA'I PHYIR GZUGS RANG GI TSOGS PA'I YAN LAG DAG LAS GZHAN YIN PAR 'GYUR BA MA NGES PA'I PHYIR RO @42B ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG BZANG PO MA YIN TE, DE'I BLO MED PA KHO NA'I PHYIR RO ZHES NGES PAR GZUNG BA'I PHYIR DANG MAR ME MED KYANG NOR BU DANG 'OD ZER DANG SMAN DANG ZLA BA DANG NYI MA'I SNANG BA YOD NA DE'I BLO YOD PAS MI MTHUN PA'I PHYOGS LA SGRUB PA'I CHOS MED PA'I PHYIR MA NGES PA NYID MA YIN NO ZHES BYA BA SMRAS TE, KHO BO'I GTAN TSIGS MA NGES PA NYID MA YIN PA'I PHYIR KHYOD KYI KLAN KA DE YANG BZANG PO MA YIN TE ZHES BYA BA'I THA TSIG GO, ,CI'I PHYIR ZHE NA, DE'I BLO MED PA KHO NA'I PHYIR RO ZHES NGES PAR BZUNG BA'I PHYIR MA NGES PA NYID MA YIN TE, GAL TE GZUGS KYI RANG GI TSOGS PA'I YAN LAG SA LA SOGS PA DE DAG BZUNG NA YANG GZUGS KYI BLO YOD LA, DE DAG MA BZUNG NA YANG GZUGS KYI BLO YOD NA NI DES NA MA NGES PAR 'GYUR BA DANG, DPER NA SNAM BU'I RANG GI TSOGS PA'I YAN LAG RGYU SPUN DAG BZUNG NA YANG BUM PA'I BLO MED LA DE DAG MA BZUNG NA YANG BUM PA'I BLO MED PA LTA BU YIN NA YANG MA NGES PA NYID YIN GYI KHO BOS NI GZUGS KYI RANG GI TSOGS PA'I YAN LAG SA LA SOGS PA DAG MA BZUNG NA GZUGS KYI BLO MED PA KHO NA'I PHYIR GZUGS NI RANG GI TSOGS PA'I YAN LAG DAG LAS GZHAN MA YIN TE ZHES NGES PAR GZUNG BA'I PHYIR KHO BO'I GTAN TSIGS MA NGES PA NYID MA YIN NO, ,'DI LA PHA ROL PO DBU MA PA'I GTAN TSIGS MA NGES PA NYID DU SMRA BA'I PHYOGS LA DBU MA PA'I SGRUB PA'I CHOS DE MA BZUNG NA DE'I BLO MED PA KHO NA'I PHYIR RO ZHES NGES PAR GZUNG BA DE MED PA'I PHYIR YANG, DBU MA PA'I GTAN TSIGS MA NGES PA NYID MA YIN PAR BSTAN PA'I PHYIR MAR ME MED KYANG NOR BU DANG 'OD ZER DANG SMAN DANG ZLA BA DANG NYI MA'I SNANG BA YOD NA DE'I BLO YOD PAS MI MTHUN PA'I PHYOGS LA SGRUB PA'I CHOS MED PA'I PHYIR MA NGES PA NYID MA YIN NO ZHES BYA BA SMRAS TE, KHYED BYE BRAG PA DAG GI PHYOGS LA NI BUM PA GSAL BAR BYED PA'I BYED PA'I RGYU MAR ME MED KYANG NOR BU DANG 'OD ZER DANG SMAN DANG ZLA BA DANG NYI MA'I SNANG BA YOD NA BUM PA'I BLO YOD PAR 'DOD PAS DES NI DBU MA PA'I MI MTHUN PA'I PHYOGS BYE BRAG PA DAG GI PHYOGS LA YANG DBU MA PA'I SGRUB PA'I CHOS GZUGS KYI @43A *, ,RANG GI TSOGS PA'I YAN LAG SA LA SOGS PA DAG MA BZUNG NA GZUGS KYI BLO MED PA KHO NA'I PHYIR RO ZHES NGES PAR GZUNG BA DE MED PA'I PHYIR NGED DBU MA PA'I GTAN TSIGS KYI DON DE MA BZUNG NA DE'I BLO MED PA'I PHYIR ZHES BYA BA DE MA NGES PA NYID MA YIN NO, ,RANG GI TSOGS PA'I YAN LAG DAG LAS GZHAN MA YIN TE ZHES DAM BCAS PA KHYAD PAR CAN NYE BAR GZUNG BA'I PHYIR MAR ME NI BUM PA'I RANG GI TSOGS PA'I YAN LAG MA YIN NO ZHES BYA BA NI KHO BOS GZUGS NI BYED PA'I RGYU DAG LAS GZHAN MA YIN TE, BYED PA'I RGYU MA BZUNG NA GZUGS KYI BLO MED PA'I PHYIR ZHES KHYAD PAR MED PA'I DAM BCAS PA NYE BAR MA BZUNG GI 'DI LTAR GZUGS NI RANG GI TSOGS PA'I YAN LAG DAG LAS GZHAN MA YIN TE, RANG GI TSOGS PA'I YAN LAG DAG MA BZUNG NA GZUGS KYI BLO MED PA'I PHYIR RO ZHES DAM BCAS PA KHYAD PAR CAN NYE BAR GZUNG BA'I PHYIR GZUGS NI RANG GI SKYED PA'I RGYU TSOGS PA'I YAN LAG DAG MA BZUNG NA GZUGS KYI BLO MED PA'I PHYIR RANG GI TSOGS PA'I YAN LAG DAG LAS GZHAN MA YIN PAR BSGRUBS PAS DES NA MAR ME NI BUM PA'I RANG GI TSOGS PA'I YAN LAG MA YIN TE, GSAL BAR BYED PA'I RGYU YIN NO, ,DES NA BUM PA YANG RANG GI SKYED PA'I RGYU 'JIM PA DANG 'KHOR LO LA SOGS PA TSOGS PA'I YAN LAG DAG LAS GZHAN MA YIN PAR GRUB BO, ,'O NA GSAL BAR BYED PA'I RGYU DAG LAS BUM PA GZHAN NYID YIN PAS DE LTA NA YANG DBU MA PA'I GTAN TSIGS KYI DON MA NGES PA NYID YIN NO ZHE NA, DE'I LAN DU 'OG NAS, GANG DANG GANG YANG LHAN CIG TU, ,GZHAN PA NYID DU MI 'THAD DO, ,ZHES STON PAS MI MTHUN PA'I PHYOGS MED PA'I PHYIR DON DAM PAR MAR ME LAS BUM PA GZHAN NYID DU MA GRUB PA'I PHYIR YANG MA NGES PA NYID MA YIN NO ZHES BYA BA SMRAS TE, RANG GI TSOGS PA'I YAN LAG DAG LAS GZHAN MA YIN TE ZHES DAM BCAS PA KHYAD PAR CAN NYE BAR GZUNG BA'I PHYIR MAR ME NI BUM PA'I RANG GI TSOGS PA'I YAN LAG MA YIN PAS DBU MA PA'I GTAN TSIGS KYI DON MA NGES PA NYID MA YIN PA 'BA' ZHIG TU YANG MA ZAD DE, 'DI LTAR 'OG NAS PHRAD PA BRTAG PA'I RAB TU BYED PA'I SKABS NAS KYANG, GANG DANG @43B GANG YANG LHAN CIG TU, ,GZHAN PA NYID DU MI 'THAD DO, ,ZHES STON PAR 'GYUR BAS MI MTHUN PA'I PHYOGS GZHAN NYID CES BYA BA MED PA'I PHYIR YANG MA NGES PA NYID MA YIN TE, DON DAM PAR MAR ME DANG BUM PA GNYI GA MA SKYES BAS MAR ME LA BUM PA GZHAN PA NYID DU MA GRUB PA'I PHYIR YANG MA NGES PA NYID MA YIN NO, ,GAL TE DMAG LA SOGS PA YAN LAG CAN GYI RDZAS DAG LA RTZOM PA YOD PA'I PHYIR SA LA SOGS PA DAG RDZAS SU YOD PA NYID MA YIN PAR RAB TU SGRUB PA'I RJES SU DPAG PA DAG GI DPE MA GRUB BO ZHE NA ZHES BYA BA NI PHA ROL PO DAG NA RE SNGAR DBU MA PAS 'BYUNG BA DANG 'BYUNG BA LAS GYUR PA'I GZUGS RDZAS SU YOD PA MA YIN PA DANG, GZUGS KYI BLO DNGOS PO RDZAS SU YOD PA'I YUL CAN MA YIN PA DANG, GZUGS ZHES BYA BA'I SGRA TSIG GI DON RDZAS SU YOD PA'I YUL CAN MA YIN PAR BSGRUB PA'I DPE DMAG LA SOGS PA LAS BLANGS PA GANG YIN PA DE NI MA GRUB PAR RGOL BA'I TSIG YIN TE, DMAG DANG NAGS TSAL LA SOGS PA GANG DAG LA YAN LAG RTA DANG GLANG PO CHE LA SOGS PA DANG, SENG LDENG DANG NIM PA LA SOGS PA DAG YOD PA DE DAG NI DMAG LA SOGS PA YAN LAG CAN GYI RDZAS DAG CES BYA STE, DE DAG LA RTZOM PA'I YAN LAG RTA DANG GLANG PO CHE LA SOGS PA SENG LDENG DANG NIM PA LA SOGS PA DAG YOD PA'I PHYIR DMAG LA SOGS PA YAN LAG CAN GYI RDZAS DAG NI DON DAM PAR RDZAS SU YOD PA YIN PAS DBU MA PAS SA LA SOGS PA 'BYUNG BA DANG 'BYUNG BA LAS GYUR PA'I GZUGS DAG DANG, GZUGS KYI BLO DANG GZUGS KYI SGRA RDZAS SU YOD PA NYID MA YIN PAR BSGRUB PA'I RJES SU DPAG PA DAG GI DPE DMAG LA SOGS PA LAS BLANGS PA DE MA GRUB BO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DMAG GI YAN LAG DAG NI DMAG CES BYA BA YAN LAG CAN GYI RDZAS RTZOM PAR BYED PA MA YIN TE, YAN LAG YIN PA'I PHYIR DPER NA SHING GI YAN LAG RTZA BA DANG SDONG PO DANG YAL GA DANG YAL GA PHRA MO LA SOGS PA DAG BZHIN NO ZHES BYA BA SMRAS TE, 'DI LA RIGS PA CAN DAG GIS SMRAS PA'I MTSAN NYID GANG YANG RUNG BA LA MA GRUB PA DANG, THE TSOM ZA BA'I @44A *, ,SGRUB PA NI YANG SGRUB PA LA LTOS PAR BYA'O ZHES BYA BA YOD PAS, DE'I PHYIR KHO BOS DPE SNGA MA DE NYID YANG SGRUB PA GZHAN GYIS BSGRUB PAR BYA'O ZHES STON TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SHING GI YAN LAG RTZA BA DANG SDONG PO DANG YAL GA DANG YAL GA PHRA MO LA SOGS PA DAG NI KUN RDZOB TU YAN LAG YIN PA'I PHYIR DON DAM PAR SHING ZHES BYA BA YAN LAG CAN GYI RDZAS RTZOM PAR BYED PA MA YIN PA DE BZHIN DU DMAG GI YAN LAG RTA DANG GLANG PO CHE LA SOGS PA DAG KYANG KUN RDZOB TU YAN LAG YIN PA'I PHYIR DON DAM PAR DMAG CES BYA BA YAN LAG CAN GYI RDZAS RTZOM PAR BYED PA MA YIN PAS DPE MA GRUB PA MA YIN NO, ,YANG NA GLANG PO CHE DAG LA YONGS SU RDZOGS PA DE'I YAN LAG GANG YIN PA DE NI SHING RTA DANG RTA LA SOGS PA DAG RTZOM PAR BYED PA MA YIN TE, DE LA MED PA'I PHYIR DPER NA RGYU SPUN LA SOGS PA BZHIN PAS DPE MED PA MA YIN NO ZHES BYA BA YANG RJES SU DPAG PA GZHAN YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYU SPUN LA SOGS PA NI SHING RTA DANG RTA LA SOGS PA DAG LA MED PA'I PHYIR DE DAG SHING RTA DANG RTA LA SOGS PA DAG RTZOM PAR BYED PA MA YIN PA DE BZHIN DU, GLANG PO CHE DAG LA YONGS SU RDZOGS PAR YOD PA GLANG PO CHE'I YAN LAG SNA DANG MCHE BA LA SOGS PA GANG DAG YIN PA DE DAG KYANG SHING RTA DANG RTA LA SOGS PA DE DAG LA MED PA'I PHYIR SHING RTA DANG RTA LA SOGS PA DAG RTZOM PAR BYED PA MA YIN PAS KHO BO'I DPE MED PA MA YIN NO, ,DE BZHIN DU, GZUGS ZHES BYA BA MA GTOGS PAR, ,GZUGS KYI RGYU YANG MI RUNG NGO, ,ZHES BYA BA 'DI LA YANG SNGA MA BZHIN DU BSGRUB PAR BYA BA DANG, SGRUB PA'I CHOS DAG NYE BAR SBYAR NAS RJES SU DPAG PA RGYAS PAR BRJOD PAR BYA'O ZHES BYA BA NI SNGAR, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BAS RGYUR BYAS PA'I GZUGS BRTAG PA'I SKABS SU DE LTAR @44B NA 'DIS GZUGS KYI BSGRUB PAR BYA BA CHOS SA LA SOGS PA 'DUS PA TZAM NYID DANG, GZUGS KYI SGRUB PA'I CHOS RANG GI RGYU MA BZUNG NA DE'I BLO MED PAR BSTAN TO, ,DPE NI DE'I DBANG GIS TE DMAG DANG NAGS TSAL LA SOGS PA DAG YIN NO, ,'DIR RJES SU DPAG PA NI DON DAM PAR GZUGS RDZAS SU YOD PA MA YIN TE, RANG GI RGYU MA BZUNG NA DE'I BLO MED PA'I PHYIR RO, ,'DI NA GANG RANG GI RGYU MA BZUNG NA DE'I BLO MED PA DE NI RDZAS SU YOD PA MA YIN TE DPER NA DMAG LA SOGS PA BZHIN NO, ,DE BZHIN DU GZUGS KYANG RANG GI RGYU SA LA SOGS PA DAG MA BZUNG NA GZUGS KYI BLO MED PAS RDZAS SU YOD PA MA YIN NO, ,YANG NA SBYOR BA'I LAM GZHAN YANG YOD DE DON DAM PAR GZUGS KYI BLO NI DNGOS PO RDZAS SU YOD PA'I YUL CAN MA YIN TE, BLO YIN PA'I PHYIR DPER NA NAGS TSAL LA SOGS PA'I BLO BZHIN NO, ,YANG NA SBYOR BA'I LAM GZHAN YANG YOD DE DON DAM PAR GZUGS ZHES BYA BA'I SGRA NI TSIG GI DON RDZAS SU YOD PA'I YUL CAN MA YIN TE, SGRA YIN PA'I PHYIR DPER NA DMAG LA SOGS PA'I SGRA BZHIN NO, ,RNAM PAR SHES PA DANG SEMS LAS BYUNG BA DAG KYANG BSGRUB PAR BYA BA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR GTAN TSIGS MA NGES PA NYID MA YIN NO ZHES BSGRUB PAR BYA BA DANG SGRUB PA'I CHOS DAG NYE BAR SBYAR NAS RJES SU DPAG PA RGYAS PAR BRJOD PA DE BZHIN DU 'DIR, GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BAS 'BYUNG BA'I GZUGS BRTAG PA'I SKABS SU DE LTAR NA 'DIS 'BYUNG BA'I GZUGS KYI BSGRUB PAR BYA BA CHOS GZUGS LA SOGS PA 'DUS PA TZAM NYID DANG 'BYUNG BA'I GZUGS KYI SGRUB PA'I CHOS GZUGS LA SOGS PA MI SNANG NA SA LA SOGS PA DE DAG KYANG MI SNANG BAR BSTAN TO, ,DPE NI DE'I DBANG GIS TE, DMAG DANG NAGS TSAL LA SOGS PA DAG YIN NO, ,'DIR RJES SU DPAG PA NI DON DAM PAR SA NI RDZAS SU YOD PA MA YIN PAR SHES PAR BYA STE, DE'I RGYU MI SNANG NA DE MI SNANG BA'I PHYIR RO, ,GANG RGYU MI SNANG NA DE MI SNANG BA DE NI DON DAM PAR RDZAS SU YOD PA MA YIN TE, DPER NA DMAG LA @45A *, ,SOGS PA BZHIN NO, ,DE BZHIN DUS YANG RANG GI RGYU LA DOG DANG DBYIBS LA SOGS PA DAG MA BZUNG NA SA'I BLO MED PAS RDZAS SU YOD PA MA YIN NO, ,YANG NA SBYOR BA'I LAM GZHAN YANG YOD DE, DON DAM PAR SA'I BLO NI DNGOS PO RDZAS SU YOD PA'I YUL CAN MA YIN TE; BLO YIN PA'I PHYIR DPER NA NAGS TSAL LA SOGS PA'I BLO BZHIN NO, ,YANG NA SBYOR BA'I LAM GZHAN YANG YOD DE DON DAM PAR SA ZHES BYA BA'I SGRA DE NI TSIG GI DON RDZAS SU YOD PA'I YUL CAN MA YIN TE, SGRA YIN PA'I PHYIR DPER NA DMAG LA SOGS PA'I SGRA BZHIN NO, ,RNAM PAR SHES PA DANG SEMS LAS BYUNG BA DAG KYANG BSGRUB PAR BYA BA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR GTAN TSIGS MA NGES PA NYID MA YIN NO ZHES BSGRUB PAR BYA BA DANG SGRUB PA'I CHOS DAG NYE BAR SBYAR NAS RJES SU DPAG PA RGYAS PAR BRJOD PAR BYA BA YIN NO, ,CI LTAR GZUGS LA SOGS PA DAG LAS GZHAN MA YIN PA DE BZHIN DU SA LA SOGS PA DAG GZUGS LAS GZHAN MA YIN PA YANG MA YIN TE ZHES BYA BA NI CI LTAR RGYUR BYAS PA'I GZUGS SA LA SOGS PA DAG LAS GZHAN MA YIN NO ZHES MED PAR DGAG PA'I TSUL YONGS SU BZUNG STE BSHAD PAS SA LA SOGS PA DAG RGYUR BYAS PA'I GZUGS LA SOGS PA DAG DANG GCIG PA NYID YIN NO ZHES MA YIN PAR DGAG PA'I TSUL DU MA BSTAN PA DE BZHIN DU SA LA SOGS PA DANG RGYUR BYAS PA'I GZUGS LAS GZHAN MA YIN NO ZHES MED PAR DGAG PA'I TSUL YONGS SU BZUNG STE BSHAD PAS SA LA SOGS PA DAG RGYUR BYAS PA'I GZUGS DANG GCIG PA NYID YIN NO ZHES MA YIN PAR DGAG PA'I TSUL DU BSTAN PA YANG MA YIN NO ZHES BYA BA'I THA TSIG GO, ,CI'I PHYIR GZHAN MA YIN PAR BSHAD PAS GCIG PA NYID DU BSTAN PA YIN ZHE NA, DE'I PHYIR 'OG NAS GZHAN MA YIN PA NYID KYANG 'GOG PA'I PHYIR DANG ZHES BYA BA SMRAS TE, 'OG NAS PHRAD PA BRTAG PA'I RAB TU BYED PA'I SKABS NAS GCIG PA NYID KYANG 'GOG PAR 'GYUR BA'I PHYIR RO, ,GAL TE GZHAN MA YIN PAR BSHAD PAS GCIG PA NYID YIN PAR GYUR NA CI NYES SHE NA, DE'I PHYIR GZHAN MA YIN PA NYID KYIS 'O MA YANG ZHO NYID DU 'GYUR BA 'AM ZHO YANG 'O MA @45B NYID DU 'GYUR NA MI RUNG BA'I PHYIR RO ZHES BYA BA SMRAS TE, GAL TE GCIG PA NYID DU 'DON NA 'O MA YANG ZHO DANG GCIG PA NYID DANG ZHO YANG 'O MA DANG GCIG PA NYID DU 'GYUR BA'I SKYON DU GYUR NA MI RUNG BA'I PHYIR TE, DE LTAR NA MI 'DOD PAS DE'I PHYIR GZHAN MA YIN PA BKAG PAS GCIG PA NYID DU BSGRUBS PA MA YIN NO, ,DE LTAR GZHAN PA NYID KYANG MA YIN LA GCIG PA NYID KYANG MA YIN PA DE NYID KYIS CI GRUB CE NA, DE'I PHYIR, GCIG PA NYID DANG GZHAN NYID DU, ,CI LTAR BYIS PAS RNAM BRTAGS LTAR, ,DNGOS PO GZHAN MA YIN PA DANG, ,TSOGS LAS GZHAN PA GANG NA'ANG MED, ,CES GSUNGS PA DE GRUB PA YIN NO ZHES BYA BA SMRAS TE, 'PHAGS PA LANG KAR GSHEGS PA'I MDO LAS DE SKAD CES GSUNGS PA DE GRUB PA YIN TE, CI LTAR BYIS PA GRANGS CAN DAG GIS GCIG PA NYID DU RNAM PAR BRTAGS PA DANG, BYIS PA BYE BRAG PA DAG GIS GZHAN PA NYID DU RNAM PAR BRTAGS PA DE LTAR DNGOS PO GCIG PA NYID KYANG MED LA RGYU RKYEN TSOGS PA LAS LOGS SHIG NA RDZAS SU GRUB PA GZHAN YANG RANG DANG GZHAN GYI GRUB PA'I MTHA' GANG NA YANG MED DO ZHES GSUNGS PA DE GRUB PA YIN NO, ,DE'I PHYIR DE LTAR SKYE MCHED RNAMS RAB TU BSGRUB PA'I PHYIR GTAN TSIGS PHUNG POS BSDUS PA'I PHYIR RO ZHES SMRAS PA'I DON MA GRUB PA NYID DAM DON 'GAL BA NYID YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BA'I RIGS PAS CI LTAR BRTAGS PA DE'I PHYIR NI SNGAR RANG GI SDE PA DAG NA RE, DON DAM PAR SKYE MCHED RNAMS YOD PA KHO NA YIN TE PHUNG POS BSDUS PA'I PHYIR RO, ,'DI NA GANG YOD PA MA YIN PA DE NI GZUGS LA SOGS PA'I PHUNG POS MA BSDUS TE DPER NA NAM MKHA'I ME TOG BZHIN NO, ,NANG GI SKYE MCHED RNAMS LA NI PHUNG POS BSDUS PA YOD DE 'DI LTA STE, GZUGS CAN BCU NI GZUGS KYI PHUNG POS BSDUS LA, CHOS KYI SKYE MCHED NI PHUNG PO GSUM DANG GZUGS KYI PHUNG PO'I PHYOGS GCIG GIS BSDUS, YID KYI SKYE MCHED NI RNAM PAR SHES PA'I PHUNG POS BSDUS SO, ,DE'I @46A *, ,GTAN TSIGS JI SKAD SMOS PAS DON DAM PAR NANG GI SKYE MCHED RNAMS YOD PA KHO NA YIN NO ZHES ZER BA'I GTAN TSIGS DE DON DAM PAR SGRUB NA NI DON MA GRUB PA NYID YIN LA, KUN RDZOB TU SGRUB NA NI DON 'GAL BA NYID YIN NO, ,GZUGS KYI RGYU MA GTOGS PAR YANG GZUGS YOD DO ZHES SHES PAR BYAR MI NUS TE ZHES BYA BA NI, RGYUR BYAS PA'I GZUGS KYI SKYED PA'I RGYU SA LA SOGS PA DAG MED PAS RGYUR BYAS PA'I GZUGS KYANG MED DE, DON DAM PAR RGYUR BYAS PA NI GZUGS YOD PA NYID DU SGRUB PA'I GTAN TSIGS MED DO ZHES BYA BA'I THA TSIG GO, ,'ON KYANG RNAM PAR RTOG NA ZHES BYA BA NI GZUGS KYI RGYU SA LA SOGS PA MED PAR YANG GZUGS YOD PAR RNAM PAR RTOG NA'O, ,DE LTAR RTOG NA DE YANG MI RUNG STE 'DIR BSTAN BCOS MDZAD PAS DE BSAL BA'I PHYIR, GZUGS KYI RGYU NI MA GTOGS PAR, ,GZUGS NA GZUGS NI RGYU MED PAR, ,THAL BAR 'GYUR TE ZHES BYA BA GSUNGS SO, ,GZUGS KYI RGYU ZHES BYA BA NI GZUGS KYI YOD PA NYID KYI RGYU STE, BAR GYI TSIG MI MNGON PA'I PHYIR ME'I RGYU BZHIN NO ZHES BYA BA NI DPER NA ME'I RGYU ZHES BYA BA NI ME NYID ME'I RGYU MA YIN GYI ME'I YOD PA NYID KYI RGYU BUD SHING LA SOGS PA GZHAN YIN PA LAS YOD PA NYID KYI ZHES BYA BA'I BAR GYI TSIG MI MNGON PAR BYAS PA'I PHYIR ME'I RGYU ZHES BRJOD PA BZHIN DU GZUGS KYI RGYU ZHES BYA BA YANG GZUGS NYID GZUGS KYI RGYU MA YIN GYI GZUGS KYI YOD PA NYID KYI RGYU SA LA SOGS PA GZHAN YIN PA LAS, YOD PA NYID KYI ZHES BYA BA'I BAR GYI TSIG MI MNGON PAR BYAS PA'I PHYIR GZUGS KYI RGYU ZHES BRJOD DO, ,DE MA GTOGS PAR ZHES BYA BA NI GZUGS KYI RGYU MA GTOGS PAR TE, GZUGS YOD PA NYID DU STON PA'I RGYU MED PAR ZHES BYA BAR DGONGS SO ZHES BYA BA NI RGYU GANG GIS GZUGS YOD PA NYID DU SGRUB PAR BYED PA DE MED PAR ZHES BYA BA'I THA TSIG GO, ,GZUGS NA ZHES BYA BA NI DAM BCAS PA TZAM LAS RNAM PA DE LTA BU DE 'DOD NA'O ZHES BYA BA NI RGYU MED PAR DAM BCAS PA TZAM LAS GZUGS RNAM PA DE LTA BU DE YOD PAR 'DOD NA'O, ,GZUGS NI RGYU MED PAR, THAL BAR 'GYUR TE ZHES BYA BA NI 'THAD PA MED PAR ZHES PA'I THA TSIG GO, ,GAL TE GZUGS KYI RGYU MA GTOGS @46B PAR GZUGS YOD PA NYID DU 'DOD NA GZUGS 'THAD PA'I RGYU MED PA'I SKYON DU 'GYUR RO ZHES BYA BA'I THA TSIG GO, DE YANG MI 'DOD PAS ZHES BYA BA NI RGYU MED PAR SMRA BAR 'GYUR BA DE YANG MI 'DOD PAS TE 'DI LTAR SANGS RGYAS PA DAG KYANG DNGOS PO RNAMS RGYU MED PA LAS SKYE BAR MI 'DOD LA, 'JIG RTEN PA DAG KYANG DNGOS PO RNAMS RGYU MED PA LAS SKYE BAR MI 'DOD PA'I PHYIR RO, ,CI SKAD SMRAS PA'I SKYON LDOG PA MED DO ZHES BYA BA NI GZUGS KYI RGYU YOD PA NYID DU SGRUB PA'I GTAN TSIGS KYI DON MA GRUB PA NYID DAM 'GAL BA NYID GANG YIN PA DE DE BZHIN DU GNAS SO ZHES BYA BA'I THA TSIG GO, ,RGYU MED PAR SMRA BA GANG DAG DNGOS PO THAMS CAD RGYU MED PA KHO NA LAS SKYE BAR KHAS BLANGS PA'I PHYIR, GZUGS 'GRUB PA YANG DE DAG DANG 'DRA'O ZHES ZER NA ZHES BYA BA NI 'JIG RTEN RGYANG 'PHEN PA LA SOGS PA GANG DAG RGYU MED PAR SMRA BA DAG 'DI SKAD CES KHO BO CAG LA NI KHAS BLANGS PA LA GNOD PA MED DO, 'DI LTAR KHO BO CAG GIS NI DNGOS PO THAMS CAD RGYU MED PA KHO NA LAS SKYES PAR KHAS BLANGS PA'I PHYIR GZUGS RGYU MED PA LAS SKYE BAR 'GRUB PA YANG DNGOS PO GZHAN DAG RGYU MED PA LAS SKYE BAR 'GRUB PA DE DAG DANG 'DRA BAS KHO BO CAG GI PHYOGS LA NI KHYED KYIS CI SKAD SMRAS PA'I SKYON MED DO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LA BSHAD PA, GAL TE 'GA' ZHIG CI SKAD SMRAS PA'I RNAM PA LTA BUR GYUR NA NI DE YANG, RUNG BA ZHIG NA DON GANG YANG, ,RGYU MED PA NI GANG NA'ANG MED, ,DES NA DPE MED PA'I PHYIR SMRA BA DE YANG GRUB PA MED DO ZHES BYA BA SMRAS TE, DE SKAD CES ZER BA DE LA 'DI SKAD CES BSHAD PAR BYA STE, GAL TE KHYED NA RE DNGOS PO THAMS CAD RGYU MED PA KHO NA LAS SKYE BAR KHAS BLANGS PA'I PHYIR GZUGS 'GRUB PA YANG DE DAG DANG 'DRA'O ZHES ZER BA'I DPE DNGOS PO 'GA' ZHIG RGYU MED PA KHO NA LAS SKYE BAR CI SKAD SMRAS PA'I RNAM PA DE LTA BUR GYUR NA NI GZUGS RGYU MED PA LAS SKYE BAR 'GRUB PA DE YANG RUNG BA ZHIG NA KHYED KYIS DPER BYA BA'I DNGOS PO PHYI DANG NANG GI DON GANG YANG RGYU MED PA KHO NA LAS SKYE BA NI RANG DANG GZHAN GYI GRUB PA'I MTHA' DANG MTHO RIS DANG SA'I STENG GANG NA YANG MED PA'I PHYIR RGYU MED PAR SMRA BA DE LA YANG GRUB PA MED DO, ,KHO BOS DANG PO NYID @47A *, ,DU YANG RGYU MED PAR SMRA BA DAG BSAL ZIN PAS DE NI DNGOS PO MA YIN NO ZHES BYA BA NI GAL TE RGYU MED PAR SMRA BA'I PHYOGS DAG GCIG YOD DU ZIN NA NI DES NA KHO BOS 'DIR DE DAG DGAG PAR YANG BYA DGOS PA ZHIG NA KHO BOS RKYEN BRTAG PA'I RAB TU BYED PA'I SKABS SU, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BAS DANG PO NYID DU YANG RGYU MED PAR SMRA BA DAG BSAL ZIN PAS 'DIR RGYU MED PAR SMRA BA'I PHYOGS DAG NAM MKHA'I ME TOG BZHIN DU YOD PA MA YIN PAS DES NA KHO BOS 'DIR RGYU MED PAR SMRA BA'I PHYOGS MED PA DE DAG YANG DGAG MI DGOS PAS DE'I PHYIR 'DIR RGYU MED PAR SMRA BA'I PHYOGS LAS GLENGS TE SMRA BA DE NI DON PO MA YIN NO, ,GANG DAG GRANGS CAN GYI TSUL LA MKHAS SU RE BAS 'DI SKAD CES KHYOD KYIS SA LA SOGS PA DAG GZUGS LA SOGS PA DAG LAS GZHAN MA YIN NO ZHES SMRAS PAS, DE DAG GZHAN MA YIN PA NYID DU KHAS BLANGS PA YIN PAS DES NA DON DAM PAR SA LA SOGS PA DAG RDZAS SU YOD PAR SHES PAR BYAR NUS TE, GZUGS LA SOGS PA DAG LAS GZHAN NYID MA YIN PA'I PHYIR DPER NA GZUGS LA SOGS PA'I RANG GI BDAG NYID BZHIN NO ZHES ZER NA ZHES BYA BA NI GRANGS CAN GYI GZHUNG 'DZIN PA GANG DAG GRANGS CAN GYI GRUB PA'I MTHA' LAS SNYING STOBS DANG RDUL DANG, MUN PA'I RANG BZHIN NI RTAG PA DANG THAMS CAD DU SONG BA'I PHYIR DNGOS PO THAMS CAD GCIG PA NYID YIN NO ZHES 'BYUNG BA'I TSUL LA MKHAS SU RE BAS DE DAG DBU MA PA LA 'DI SKAD CES DBU MA PA KHYOD SA LA SOGS PA 'BYUNG BA CHEN PO BZHI PO DAG KYANG 'DOD PA GZUGS LA SOGS PA RGYUR BYAS PA'I GZUGS DAG KYANG 'DOD CING, KHYOD KYIS SA LA SOGS PA DAG LAS GZHAN MA YIN NO ZHES KYANG SMRAS PAS, DES NA DON GYIS GO BA LAS SA LA SOGS PA DE DAG GZUGS LA SOGS PA DAG LAS GZHAN MA YIN PA GCIG PA NYID DU KHAS BLANGS PA YIN PAS DES NA DON DAM PAR SA LA SOGS PA DAG RDZAS SU YOD PAR SHES PAR BYAR NUS TE, GZUGS LA SOGS PA DAG LAS GZHAN NYID MA YIN PA'I PHYIR DPER NA GZUGS LA SOGS PA'I RANG GI BDAG NYID BZHIN NO ZHES ZER BA YIN TE, DE DAG GI SGRUB PA DE @47B DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS LA SOGS PA'I RANG GI BDAG NYID NI GZUGS LA SOGS PA DAG LAS GZHAN NYID MA YIN PA'I PHYIR DON DAM PAR RDZAS SU YOD PAR SHES PAR BYAR NUS PA DE BZHIN DU SA LA SOGS PA DAG KYANG GZUGS LA SOGS PA DAG LAS GZHAN NYID MA YIN PA'I PHYIR DON DAM PAR RDZAS SU YOD PAR SHES PAR BYAR NUS SO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS CI SKAD BSTAN PA'I TSUL GYIS GZHAN MA YIN PA NYID MA GRUB PA'I PHYIR GTAN TSIGS KYI DON MA GRUB PA NYID YIN NO, ,DPE YANG MED DE GZUGS LA SOGS PA'I RANG GI BDAG NYID BSAL BA'I PHYIR RO ZHES BYA BA SMRAS TE, KHO BOS SNGAR CI LTAR GZUGS LA SOGS PA DAG LAS GZHAN MA YIN PA DE BZHIN DU SA LA SOGS PA DAG GZUGS LAS GZHAN MA YIN PA DAG MA YIN TE, 'OG NAS GZHAN MA YIN PA NYID KYANG 'GOG PA'I PHYIR DANG, GZHAN MA YIN PA NYID KYIS 'O MA YANG ZHO NYID DU 'GYUR BA 'AM, ZHO YANG 'O MA NYID DU 'GYUR NA NI RUNG BA'I PHYIR RO, ,DE'I PHYIR, GCIG PA NYID DANG GZHAN NYID DU, ,CI LTAR BYIS PAS RNAM BRTAGS LTAR, ,DNGOS PO GZHAN PA MA YIN DANG, , TSOGS LAS GZHAN PA GANG NA'ANG MED, ,CES GSUNGS BA DE GRUB PA YIN NO ZHES JI SKAD BSTAN PA'I TSUL GYIS GCIG PA NYID DANG GZHAN PA NYID BKAG PAS GRANGS CAN GYI GZHAN PA NYID MA GRUB PA'I PHYIR KHYOD KYI GTAN TSIGS KYI DON GANG YANG RUNG BA LA MA GRUB PA NYID YIN NO, ,KHYOD KYI DPE YANG MED DE DON DAM PAR GZUGS LA SOGS PA'I RANG GI BDAG NYID BSAL BA'I PHYIR, KHO BO LA GZUGS LA SOGS PA'I RANG GI BDAG NYID BZHIN NO ZHES BYA BA'I DPE MA GRUB PAS KHYOD LA DPE'I CHOS CAN MA GRUB PA'I SKYON YANG YOD, ,GZHAN DAG NA RE DON DAM PAR SA LA SOGS PA DAG YOD PA KHO NA YIN TE, DE DAG GI 'BRAS BU YOD PA'I PHYIR, ,'DI NA GANG MED PA DE LA NI 'BRAS BU GZUNG DU MED DE DPER NA NAM MKHA'I ME TOG BZHIN NO, ,SA LA SOGS PA BDAG LA NI 'BRAS BU GZUGS LA SOGS PA DAG YOD PAS DE'I PHYIR, SA LA SOGS PA DAG YOD PA KHO NA YIN NO ZHES ZER RO ZHES BYA BA NI 'DI PHA ROL PO DAG @48A *, ,'BRAS BU GZUGS LA SOGS PA DAG YOD PA'I SGO NAS RGYU SA LA SOGS PA DAG YOD PAR SGRUB PA YIN TE, DE DAG GI SBYOR BA'I TSIG DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,'BRAS BU MED PA'I RGYU MED DO, , ZHES BYA BA LA SOGS PA SMRAS SO, ,KHO BO'I PHYOGS LA GAL TE GZUGS MA GTOGS PAR GZUGS KYI RGYU SA LA SOGS PA ZHIG YOD NA NI DES NA 'BRAS BU MED PA'I RGYUR 'GYUR TE, 'BRAS BU GZUGS LA SOGS PA'I MTSAN NYID KYIS 'BRAS BU MED PA'I RGYUR 'GYUR BA'I PHYIR RO, ,GZHAN YIN PA'I PHYIR RTZI RKYANG LA SOGS PA BZHIN NO ZHES BYA BA NI KHO BO CAG DBU MA PA'I PHYOGS LA DON DAM PAR 'BYUNG BA LAS GYUR PA'I GZUGS NI NGO BO NYID MED PA NYID DU GRUB PAS, GAL TE KHYED GZUGS MA GTOGS PAR DON DAM PAR GZUGS KYI RGYU SA LA SOGS PA DAG YOD PAR 'DOD NA, DE LTA NA GZUGS KYI RGYU SA LA SOGS PA DE DAG GZUGS LAS THA DAD PAR GZHAN DU GYUR PA YIN PAR KHAS BLANGS PA DES NA GZUGS KYI RGYU SA LA SOGS PA DE DAG 'BRAS BU MED PA CAN DU 'GYUR TE, 'BRAS BU GZUGS DANG SGRA LA SOGS PA'I MTSAN NYID 'BYUNG BA LAS GYUR PA DAG NI DON DAM PAR NGO BO NYID MED PA YIN LA, GZUGS KYI RGYU SA LA SOGS PA 'BYUNG BA DAG NI DON DAM PAR YOD PAR 'DOD PA'I PHYIR RO, ,'ON TE 'BRAS BU GZUGS LA SOGS PA DAG NI KUN RDZOB TU YOD LA, RGYU SA LA SOGS PA DAG NI DON DAM PAR YOD PAR 'DOD NA, DE LTA NA YANG GZUGS KYI RGYU SA LA SOGS PA MA YIN TE, GZHAN YIN PA'I PHYIR DPER NA RTZI RKYANG LA SOGS PA NI GZUGS LAS GZHAN YIN PA'I PHYIR, GZUGS KYI RGYU MA YIN PA DE BZHIN DU SA LA SOGS PA DAG KYANG DON DAM PA YIN NA, GZUGS KUN RDZOB PA LAS GZHAN YIN PA'I PHYIR GZUGS KYI RGYU MA YIN NO, ,'BRAS BU MED PAR RGYU YOD PA NI MA MTHONG STE, DE'I PHYIR, @48B 'BRAS BU MED PA'I RGYU MED DO ZHES BYA BA NI, DE YANG GZUGS LA SOGS PA 'DUS PA'I BDAG NYID YIN PA'I PHYIR RO ZHES BYA BAR DGONGS SO ZHES BYA BA SMRAS TE, SA LA SOGS PA'I RGYU DE YANG GZUGS LA SOGS PA 'DUS PA'I BDAG NYID YIN PA'I PHYIR DON DAM PAR NGO BO NYID MED PA YIN PAR DGONGS SO, ,DE'I PHYIR RGYU BZHIN DU 'BRAS BU YANG MA GRUB PA'I PHYIR, DE DAG GI 'BRAS BU YOD PA'I PHYIR RO ZHES SNGAR SMRAS PA'I GTAN TSIGS KYI DON MA GRUB PA NYID KYI SKYON YOD DO ZHES BYA BA NI RGYU SA LA SOGS PA DE YANG GZUGS LA SOGS PA 'DUS PA'I BDAG NYID YIN PA'I PHYIR, DON DAM PAR NGO BO NYID MED PA YIN PAR DGONGS PA DE'I PHYIR RGYU SA LA SOGS PA YANG MA GRUB LA 'BRAS BU GZUGS LA SOGS PA YANG DON DAM PAR MA GRUB PA'I PHYIR SNGAR GZHAN DAG NA RE DON DAM PAR SA LA SOGS PA YOD PA KHO YIN TE, DE DAG GI 'BRAS BU YOD PA'I PHYIR RO ZHES ZER BA'I GTAN TSIGS KYI DON DE GANG YANG RUNG BA LAM GRUB PA NYID KYI SKYON YOD PA YIN NO, ,PHYIR GRAGS PA GTAN TSIGS NYID DU BRJOD NA NI DON 'GAL BA NYID YIN NO ZHES BYA BA NI GAL TE GTAN TSIGS KYI DON GANG YANG RUNG BA LA MA GRUB PA NYID KYI SKYON YOD PA DE SPANG BA'I PHYIR DBU MA PA DANG PHA ROL PO RANG LA YANG KUN RDZOB TU SA LA SOGS PA DE DAG GI 'BRAS BU YOD PA'I PHYIR GRAGS PA GTAN TSIGS NYID DU BRJOD NA NI KHYED DON DAM PAR SGRUB PA DANG DON 'GAL BA NYID YIN TE, KHYED KYI GTAN TSIGS DE RNAM PA DE DAG GIS SUN PHYUNG NGO ZHES BYA BA'I THA TSIG GO, ,SUN DBYUNG BA'I LAN GZHAN YANG YOD DE, 'DI LA GZUGS KYI RGYU ZHIG BRTAG NA GZUGS YOD PA 'AM MED PA LA BRTAG GRANG NA, GNYI GA LA YANG MI 'THAD PAR BSHAD PA ZHES BYA BAS NI, GZUGS KYI RGYU MI 'THAD PAR SUN DBYUNG BA'I LAN GZHAN STON TO, ,'DI LA ZHES BYA BA NI DON DAM PAR RO, ,DON DAM PAR RGYUR BYAS PA'I GZUGS KYI RGYU SA LA SOGS PA 'BYUNG BA DAG YOD PAR BRTAG NA, GZUGS YOD PA'AM MED PA LA RGYU LA SOGS PA LA DON DAM PAR YOD PAR BRTAG GRANG NA, PHYOGS GNYI GA YANG MI 'THAD PAR BSHAD PA STON TO, ,GZUGS YOD NA YANG GZUGS KYI NI, ,RGYU YANG 'ZAD PAR MI 'GYUR NYID, ,YOD PA'I PHYIR DPER NA BUM PA DANG SNAM BU YOD PA BZHIN NO ZHES BYA BAS NI, GZUGS @49A *, ,YOD PA LA GZUGS KYI RGYU MI 'THAD PA NYID BSTAN TE, GZUGS YOD PA'I PHYIR DPER NA BUM PA DANG SNAM BU YOD PA LA DE'I RGYU MI 'THAD PA BZHIN NO, ,CI STE MED NA YANG, GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, ,SA LA SOGS PA 'DOD PA STE, ,SKYE BA'I SNGON ROL NA MED PA'I PHYIR DE LAS GZHAN PA BZHIN NO ZHES BYA BAR DGONGS SO ZHES BYA BAS NI GZUGS MED PA LA YANG GZUGS KYI RGYU MI 'THAD PA NYID BSTAN TE, RGYU YANG 'THAD PAR MI 'GYUR NYID, ,CES BYA BA'I TSIG GI DON CI ZHE NA, SA LA SOGS PA RGYUR 'DOD PA 'THAD PAR MI 'GYUR BA NYID YIN PA STE, CI'I PHYIR ZHE NA, GZUGS SKYE BA'I SNGON ROL MA SKYES PA'I DUS NA GZUGS MED PA'I PHYIR, DPER NA GZUGS MED PA DE LAS GZHAN PA NAM MKHA'I ME TOG LA SOGS PA MED PA DAG LA RGYU YOD PAR MI 'THAD PA BZHIN NO ZHES BYA BAR DGONGS SO, ,'DIR SKYE BA MED PA'I RAB TU BYED PAR BSTAN PA'I SUN DBYUNG BA RJES SU BZLAS PAS SUN DBYUNG BAR BRJOD PAR RIG PAR BYA'O ZHES BYA BA NI, GZUGS YOD NA YANG GZUGS KYI NI, ,RGYU YANG 'THAD PAR MI 'GYUR NYID, ,GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, ,CES BSHAD PA'I SKABS 'DIR SNGAR RKYEN BRTAG PA'I RAB TU BYED PAR, MED DAM YOD PA'I DON LA YANG, ,RKYEN NI RUNG BA MA YIN TE, ,MED NA GANG GI RKYEN DU 'GYUR, ,YOD NA RKYEN GYIS CI ZHIG BYA, ,ZHES BSTAN PA'I SUN DBYUNG BA RJES SU BZLAS PAS, MED DAM YOD PA'I GZUGS LA YANG, ,RGYU NI 'THAD PA MA YIN TE, ,MED NA GANG GI RGYUR YANG 'GYUR, ,YOD NA RGYU YIS CI ZHIG BYA, ,ZHES SUN DBYUNG BA BRJOD PAR RIG PAR BYA'O, ,RGYU MED PAR SMRA BA DAG RGYU MED PA KHO NA'O ZHES ZER BAS DE DAG GI PHYIR BSHAD PA, RGYU MED PA YI GZUGS DAG NI, ,'THAD PAR MI RUNG RUNG MA YIN, ,RKUN RDZOB TU YANG DE KHAS MA BLANGS PA'I PHYIR RO ZHES BYA BAR DGONGS SO ZHES BYA BA NI 'JIG RTEN RGYANG 'PHEN PA LA SOGS PA RGYU MED PAR SMRA BA DAG NA RE DNGOS PO THAMS CAD RGYU MED PA KHO NA LAS SKYE BAS, GZUGS KYANG RGYU MED PA KHO NA LAS SKYE'O ZHES ZER BAS DE DAG DGAG PA'I PHYIR SLOB DPON GYI ZHAL SNGA NAS KYIS @49B TSIG LE'UR BYAS PA'I PHYED GONG MA 'DI BSHAD PA YIN TE, RGYU MED PA CAN GYI PHYOGS DE NI KUN RDZOB TU YANG KHAS MA BLANGS PA'I PHYIR RO ZHES BYA BAR DGONGS NAS, DE NI THA CHAD KHO NA YIN PA'I PHYIR 'THAD PAR MI RUNG BA NYID DE RUNG BA MA YIN NO ZHES YANG DANG YANG DU NGES PAR BZUNG STE BSHAD DO, ,YANG NA BYE BRAG TU SMRA BA DAG MA 'ONGS PA'I GZUGS KYANG YOD DO ZHES ZER BAS DE DAG GI PHYIR BSHAD PA, RGYU MED PA YI GZUGS DAG NI, ,'THAD PAR MI RUNG RUNG MA YIN, ,MA 'ONGS PA'I SKYE BA'I RGYU MA BLANGS PA BDAG NYID KYI DNGOS PO MA THOB PA NI THA SNYAD DU YANG YOD PAR MI 'GRUB PA'I PHYIR RO ZHES BYA BAR DGONGS SO ZHES ZER BA NI NYAN THOS BYE BRAG TU SMRA BA THAMS CAD YOD PAR SMRA BA DAG NA RE DNGOS PO THAMS CAD NI DUS THAMS CAD DU YOD PA YIN PAS MA 'ONGS PA'I GZUGS KYANG YOD PA KHO NA YIN NO ZHES ZER BAS DE'I PHYIR DE DAG KYANG RGYU MED PAR SMRA BA DAG DANG MTSUNGS PA DAG KHO NA YIN PAS DE DAG DGAG PA'I PHYIR YANG SLOB DPON GYI ZHAL SNGA NAS KYIS TSIG LE'UR BYAS PA'I PHYIR GONG MA 'DI BSHAD PA YIN TE, MA 'ONGS PA'I GZUGS GANG GIS RANG GI SKYE BA'I RGYU MA BLANGS SHING RANG GI SKYE BA'I RGYU MA BLANGS PA'I PHYIR BDAG NYID KYI DNGOS PO MA THOB PA DE NI KUN RDZOB KYI THA SNYAD DU YANG GTAN MED PA YIN PAS YOD PAR MI 'GRUB PA'I PHYIR RO ZHES BYA BAR DGONGS NAS, DE YANG THA CHAD KHO NA YIN PA'I PHYIR 'THAD PAR MI RUNG BA NYID DE RUNG BA MA YIN PA NYID DO ZHES YANG DANG YANG DU NGES PAR BZUNG STE BSHAD DO, ,GANG GI PHYIR DE LTAR 'BYUNG BA DANG 'BYUNG BA LAS GYUR PA'I BDAG NYID KYI GZUGS RNAM PA THAMS CAD DU MI 'THAD PA, DE PHYIR GZUGS KYI RNAM PAR RTOG ,'GA' YANG RNAM PAR BRTAG MI BYA, ,ZHES BYA BA NI GANG GI PHYIR GZUGS KYI RGYU MA GTOGS PAR GZUGS DMIGS PAR MI 'GYUR BA DANG, GZUGS YOD PA DANG MED PA LA YANG GZUGS KYI RGYU MI 'THAD PA DANG, RGYU MED PA'I GZUGS NI 'THAD PAR MI RUNG BA NYID DE, RUNG BA MA YIN PA NYID YIN PA DE'I PHYIR GZUGS KYI RNAM PAR RTOG PA 'GA' YANG RNAM PAR BRTAG PAR MI BYA STE, 'DI LTAR GNAS MED PA LA BRTAG PAR MI RIGS PA'I PHYIR RO, ,GANG ZAG CI LTA BUS GZUGS KYI RNAM PAR BRTAG PAR MI BYA ZHE NA, DE LA RE ZHIG GANG ZAG CI LTA BUS RNAM PAR BRTAG PAR MI BYA BA @50A *, ,BSTAN PA'I PHYIR MKHAS PA CHOS KYI DE KHO NA RNAM PAR RTOG PA DANG LEGS PAR BRAL BA RTOGS PAR 'DOD PA YANG DAG PA'I SHES PA'I MIG YANG DAG PAR BYE BAS ZHES BYA BA SMRAS TE, BYANG CHUB SEMS DPA' MKHAS PA GANG CHOS KYI DE KHO NA RNAM PAR RTOG PA DANG LEGS PAR BRAL BA RTOGS PAR 'DOD PA DMIGS PA MED PA'I DON YANG DAG PAR YUL LA DMIGS PA MED PA'I TSUL GYIS SHES PA'I MIG YANG DAG PAR BYE BAS RNAM PAR BRTAG PAR MI BYA'O, ,GZUGS KYI RNAM PAR RTOG PA GANG DAG LA RNAM PAR BRTAG PAR MI BYA BA BSTAN PA'I PHYIR, GZUGS RDZAS SU YOD PA DANG, RGYU LAS GZHAN PA DANG, RGYU LAS GZHAN MA YIN PA DANG, DE DAG LA SOGS PA KHA DOG DANG DBYIBS KYI DBYE BA LA SOGS PA YUL GYI RNAM PAR RTOG PA MANG PO ZHES BYA BA SMRAS SO, ,GZUGS KYI RNAM PAR RTOG PA DE DAG KYANG CI LTA BU YIN PA BSTAN PA'I PHYIR, BU MA BTZAS PA'I RMI LAM NA BU'I GZUGS DANG SPYOD PA LA SOGS PA'I YUL DAG MTHONG NAS SAD PA LTA BU ZHES BYA BA SMRAS TE, DPER NA MO GSHAM DMUS LONG MA BU BTZAS MA MYONG BA DANG KHA DOG DANG DBYIBS DANG SPYOD PA LA SOGS PA'I YUL MTHONG MA MYONG BA'I RMI LAM NA RANG GI BU BTZAS PA DANG MIG MTHONG BA RMIS NAS RANG GI BU KHA DOG DANG DBYIBS MTHA' YAS PA'I GZUGS DANG LDAN PA LA RNAM PAR BRTAGS PA DANG, SPYOD PA LA SOGS PA'I YUL LA LONGS SPYOD PA MANG PO LA RNAM PAR BRTAGS NAS GNYID SAD PA'I DUS NA RANG GI BU BTZAS PA YANG MED MIG GIS MTHONG BA YANG MED RNAM PAR BRTAGS PA YANG MED PAR SHES PA DE BZHIN DU, BYIS PA 'KHOR BA NA PHYIN CI LOG GIS BA ? SLANG PA'I BLO LA GZUGS RDZAS SU YOD PA DANG RGYU LAS GZHAN PA DANG, RGYU LAS GZHAN MA YIN PA LA SOGS PA'I YUL GYI RNAM PAR RTOG PA DAG MTHONG BA LAS GANG GI TSE CHOS KYI DE KHO NA NYID RNAM PAR RTOG PA DANG LEGS PAR BRAL BA RTOGS SHING YANG DAG PA'I SHES PA'I MIG YANG DAG PAR BYE BAS MI SKYE BA'I CHOS LA BZOD PA THOB PA DE'I TSE NA GZUGS LA SOGS PA'I RNAM PAR RTOG PA RANG BZHIN MED PAR MTHONG BAS DE LTA BU'I RNAM PAR RTOG PA DAG LA RNAM PAR BRTAG PAR MI BYA STE, MI SKYE BA'I CHOS LA BZOD PA THOB PAS 'KHOR BA'I GNYID LAS SAD PA'I PHYIR 'KHOR BA'I GNAS SKABS NA DMIGS PA'I YUL LA DMIGS PA @50B MED PAS DE LA RNAM PAR BRTAG PAR MI BYA'O ZHES BYA BA'I THA TSIG GO, ,DE'I PHYIR DE LTAR GZUGS KYI RGYU MI 'THAD PA'I PHYIR CI SKAD SMRAS PA'I SKYON DANG MA BRAL LO ZHES BYA BA NI MJUG BSDU BA DANG TSAD MA'I 'BRAS BU YIN TE, SNGAR SMRAS PA'I GTAN TSIGS KYI DON MA GRUB PA NYID DANG, DON 'GAL BA NYID SO NA GNAS PA YIN NO,, ,,BAM PO SUM CU GNYIS PA, YANG GZHAN YANG 'DI NA RGYU'I YON TAN SNGA NA YOD PA'I RIM GYIS 'BRAS BU LA YANG YON TAN MTHONG BA'I MTSAN NYID KYIS GANG DAG 'BRAS BU RGYU DANG 'DRA'O ZHES ZER BA DE DAG GI PHYIR BSHAD PA, 'BRAS BU RGYU DANG 'DRA BA ZHES, ,BYA BA 'THAD PA MA YIN TE, ,'BRAS BU RGYU DANG 'DRA BA BSTAN PA 'THAD PA MA YIN TE, RGYU DE 'BRAS BU MA YIN PA NYID DO ZHES BYA BA'I THA TSIG GO ZHES BYA BA LA SOGS PAS KYANG GZUGS KYI RGYU MI 'THAD PA'I SGO NAS GZUGS 'BYUNG BA RNAMS KYI 'BRAS BU YIN PAR MI 'THAD PA NYID BSTAN TO, ,DE YANG 'JIG RTEN 'DI NA RGYUR BYAS PA'I GZUGS KYI RGYUS LA SOGS PA 'BYUNG BA RNAMS KYI YON TAN SRA BA NYID DANG GSHER BA NYID DANG TSA BA NYID DANG, YANG ZHING G-YO BA NYID DAG SNGA NA YOD PA'I RIM GYIS PHYI'I 'BRAS BU RGYUR BYAS PA'I GZUGS LA YANG 'BYUNG BA'I YON TAN DE DAG YOD PAR MTHONG BAR MTSAN NYID KYIS RANG GI SDE PA DANG, PHYI ROL PA GANG DAG 'BRAS BU RGYU DANG 'DRA BAS GZUGS KYI RGYUS LA SOGS PA DAG KYANG YOD LA GZUGS KYANG DE DAG GI 'BRAS BU YIN PAS DON DAM PAR RDZAS SU YOD PA YIN NO ZHES ZER BA DE DAG DGAG PA'I PHYIR BSTAN BCOS MDZAD PAS 'DIR TSIG LE'UR BYAS PA'I PHYED GONG MA 'DI BSHAD PA YIN TE, GAL TE RGYU'I YON TAN DAG 'BRAS BU LA YANG YOD PA YIN NA DES NA RGYU NYID 'BRAS BU YIN PAR 'GYUR BA ZHIG NA DE LTA BU YANG MA YIN PAS DE'I PHYIR RGYU DE NYID 'BRAS BU MA YIN PA NYID DO ZHES BYA BA'I THA TSIG GO, ,'DIR NI BSGRUB PAR BYA BA CHOS SMRA BAR 'DOD PA'I RGYU RGYU MA YIN PA NYID DANG SGRUB PA'I CHOS 'DRA BAR BSTAN PA NYE BAR GZHAG GO ZHES BYA BA NI TSIG LE'UR BYAS PA'I PHYED GONG MA 'DI BSHAD PA'I SKABS 'DIR BSGRUB PAR BYA BA CHOS NI PHA ROL PO GZUGS KYI RGYUR SMRA BAR 'DOD PAS LA SOGS PAR 'BYUNG BA DAG GZUGS KYI RGYU MA YIN PA NYID DU BSGRUB PAR BYA BA STE, SMRA BA 'DOD PA'I RGYU RGYU MA YIN PA NYID CES NYE BAR BZHAG PA YIN NO, ,GRUB @51A *, ,PA'I CHOS NI 'BRAS BU RGYU DANG 'DRA BA YIN TE, 'DRA BAR BSTAN PA ZHES NYE BAR BZHAG PA YIN NO, ,DPE NI DE'I DBANG GIS TE, RGYUD THA DAD PA'I RDZAS YIN NO ZHES BYA BA NI GZUGS KYI RGYUS LA SOGS PA DAG GZUGS KYI RGYU MA YIN PA NYID DU SGRUB PA'I CHOS MTHUN PA'I DPE NI BSGRUB PAR BYA BA DANG, SGRUB PA'I CHOS DE'I DBANG GIS BSTAN DGOS TE, RGYUD THA DAD PA'I RDZAS RANG LAS DON GZHAN DU GYUR PA GANG LA BSGRUB PAR BYA BA CHOS PHA ROL POS SMRA BAR 'DOD PA'I RGYU 'BRAS BU'I RGYU MA YIN PA NYID DANG, SGRUB PA'I CHOS 'BRAS BU RGYU DANG 'DRA BA ZHES BYA BA DAG YOD PA YIN NO, ,'DIR SBYOR BA'I TSIG NI DON DAM PAR SMRA BAR 'DOD PA'I RGYU RGYU SPUN SNGON PO NI LA BA SNGON PO'I RGYU MA YIN TE, 'DRA BA'I PHYIR DPER NA DE LAS GZHAN PA'I LA BA SNGON PO BZHIN NO ZHES BYA BA DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHA ROL PO SMRA BAR 'DOD PA'I LA BA SNGON PO DE LAS GZHAN PA RGYUD THA DAD PA'I LA BA SNGON PO NI PHA ROL PO SMRA BAR 'DOD PA'I RGYU RGYU SPUN SNGON PO DANG 'DRA BA'I PHYIR DE'I RGYU RGYU SNGON PO MA YIN PA DE BZHIN DU PHA ROL SMRA BAR 'DOD PA'I LA BA SNGON PO DE YANG PHA ROL PO SMRA BAR 'DOD PA'I RGYU RGYU SPUN SNGON PO DANG 'DRA BA'I PHYIR DE'I RGYU RGYU SPUN SNGON PO MA YIN NO, ,'DIR GRANGS CAN DAG NA RE DE LAS GZHAN PA'I LA BA SNGON PO LA YANG SMRA BAR 'DOD PA'I LA BA SNGON PO'I RGYU MED PAR MA GRUB PA'I PHYIR DPE MED DO ZHES ZER RO ZHES ZER BA NI SNGAR DBU MA PAS DPER NA DE LAS GZHAN PA'I LA BA SNGON PO BZHIN NO ZHES SMRAS PA DE LA 'DIR GRANGS CAN DAG NA RE DPE DE MA GRUB PO ZHES ZER BA YIN TE, GRANGS CAN DAG NA RE GANG GI TSE 'JIG PA CHEN PO 'BYUNG BA'I TSE NA 'JIG RTEN GSUM GYI GSAL BAR ZHIG PAR GYUR PA DAG GTZO BO BAG LA ZHA BAR GYUR NAS GANG GI TSE PHYIR 'CHAGS PA DE'I TSE NA MCHOD SBYIN GYI LA BA SNGON PO'I RGYU GANG DAG YIN PA DE DAG LHAS BYIN GYI LA BA SNGON PO'I RGYUR YANG 'GYUR LA DE LTAR YANG GANG GI TSE LHAS BYIN GYI LA BA SNGON POR LA BAR GYUR PA DE'I TSO MCHOD SBYIN GYI LA BA SNGON PO'I RGYU SPUN DAG GIS 'TSEM PAR BYED PA MTHONG BAS SMRA BAR 'DOD PA'I RGYU RGYU SPUN SNGON PO DE DE LAS GZHAN PA'I LA BA SNGON PO'I RGYU MA YIN PAR MA GRUB PA'I PHYIR KHYED DBU MA PA'I DPE @51B MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI BZANG PO MA YIN TE ZHES BYA BA LA SOGS PA SMRAS TE, KHO BO'I DPE MA GRUB PA MA YIN NO ZHES BYA BA'I THA TSIG GO, ,CI'I PHYIR ZHE NA DA LTAR DE 'BYUNG BA'I RGYU'I DNGOS PO MA YIN PAR GRUB PA NYID DPE NYID DU 'DOD PA'I PHYIR DANG ZHES BYA BA SMRAS TE, DA LTAR GYI DUS NYID NA GANG GI TSE PHA ROL PO SMRA BAR 'DOD PA DE LAS GZHAN PA LHAS BYIN GYI LA BA SNGON PO BYED PA DE'I TSE NA LHAS BYIN GYI LA BA SNGON PO DE 'BYUNG BA'I RGYU'I DNGOS PO PHA ROL PO SMRA BAR 'DOD PA'I RGYU RGYU SPUN SNGON PO MA YIN PAR GRUB PA NYID KHO BO DPE NYID DU 'DOD KYI KHYED KYI GANG GI TSE 'JIG PA CHEN PO BYUNG BA DE'I TSE NA 'JIG RTEN GSUM GYI GSAL BA ZHIG PAR GYUR PA DAG GTZO BO BAG LA ZHA BAR GYUR NAS GANG GI TSE PHYIR 'CHAGS PA DE'I TSE NA MCHOD SBYIN GYI LA BA SNGON PO'I RGYU GANG DAG YIN PA DE DAG LHAS BYIN GYI LA BA SNGON PO'I RGYUR 'GYUR BA DANG, DA LTAR YANG GANG GI TSE LHAS BYIN GYI LA BA SNGON PO RAL BAR GYUR PA DE'I TSE MCHOD SBYIN GYI LA BA SNGON PO'I RGYU SPUN DAG GIS 'TSEM PAR BYED PA ZHES BYA BA DE KHO BO'I DPE NYID DU MI 'DOD PA'I PHYIR KHO BO'I DPE MA GRUB PA MA YIN NO, ,GZHAN YANG DGAG PA 'DI NI SGRA GANG DAG LHAN CIG SBYOR BAR BYED PA DE'I BRJOD PAR BYA BA'I DON DGAG PA KHO NAS MTHU NYE BAR ZAD PA YIN TE, DE NI DE'I KHYAD PAR MI STON PA'I PHYIR BRAM ZE MA YIN NO ZHES BYA BA BZHIN PAS SKYON MED DO ZHES BYA BA NI DE'I PHYIR KHO BO'I DPE MA GRUB PA'I SKYON MED PAS KHYOD KYI KLAN KA DE BZANG PO MA YIN TE, CI LTA ZHE NA, KHO BOS RAB TU BYED PA'I GNAS SKABS THAMS CAD DU DGAG PA BSTAN TO COG NI MED PAR DGAG PA'I DON YIN GYI MA YIN PAR DGAG PA'I DON MA YIN PAS 'DIR DON DAM PAR SMRA BAR 'DOD PA'I RGYU RGYU SPUN SNGON PO NI LA BA SNGON PO'I RGYU MA YIN TE ZHES BYA BA'I DGAG PA 'DI YANG RGYU MA YIN TE ZHES BYA BA'I SGRA GANG DANG LHAN CIG SBYOR BAR BYED PA DE'I BRJOD PAR BYA BA'I DON RGYU YIN PAR 'DOD PA DGAG PA KHO NAS MTHU NYE BAR ZAD PA YIN GYI RGYU MA YIN PA YOD DO ZHES MI BSGRUB STE, MED PAR DGAG PA DE NI MED PA DE'I KHYAD PAR GZHAN YOD PAR MI STON PA'I PHYIR DPER NA BRAM ZE MA YIN NO ZHES SMRAS PAS BRAM ZE MED PAR DGAG PA TZAM KHO NA ZHIG STON PAR ZAD KYI, BRAM ZE MA YIN PA RGYAL RIGS @52A *, ,YOD DO ZHES SGRUB PAR MI BYED PA BZHIN PAS KHO BO'I DPE MA GRUB PA'I SKYON MED DO, ,RANG GI SDE PA DAG NI 'BRAS BU RGYU DANG 'DRA BA DANG MI 'DRA BA YANG SMRA BAS SKAD CIG MA SNGA MA MTSAN NYID 'DRA BA LAS SKAD CIG PHYI MA SKYE BA LA LTOS NAS DPER NA MAR ME DANG CHU'I RGYUN LA SOGS PA DAG LA NI RGYU'I SKAD CIG MA DANG 'DRA BA'I PHYIR 'DRA BA YIN NO, ,SKAD CIG MA SNGA MA MTSAN NYID MI 'DRA BA LAS SKAD CIG MA PHYI MA SKYE BA LA LTOS NAS DPER NA SHING DANG 'O MA LA SOGS PA'I THAL BA DANG ZHO LA SOGS PA DAG LA NI RGYU'I SKAD CIG MA DANG MI 'DRA BA'I PHYIR MI 'DRA BA YIN NO ZHE NA ZHES BYA BA NI RANG GI SDE PA CHOS MNGON PA BA ? DAG NI 'BRAS BU RGYU DANG 'DRA BA DANG MI 'DRA BA GNYI GAR YANG SMRA BAS DE DAG NA RE SKAD CIG MA SNGA MA LA LTOS NAS SKAD CIG MA PHYI MA SKYE BA NI 'BRAS BU YIN LA, SKAD CIG MA PHYI MA SKYE BA LA LTOS NAS SKAD CIG MA PHYI MA RGYU YIN PAS, DES NA SKAD CIG MA SNGA MA MTSAN NYID DANG 'DRA BA LAS SKAD CIG MA PHYI MA SKYE BA LA LTOS NAS DPER NA MAR ME DANG CHU'I RGYUN LA SOGS PA DAG LA NI RGYU'I SKAD CIG MA SNGA MA DANG 'DRA BA'I PHYIR 'BRAS BU RGYU DANG 'DRA BA YIN NO, ,SKAD CIG MA SNGA MA MTSAN NYID MI 'DRA BA LAS SKAD CIG MA PHYI MA SKYE BA LA LTOS NAS DPER NA SHING LAS THAL BA 'BYUNG BA DANG 'O MA LAS ZHO 'BYUNG BA LA SOGS PA DAG LA NI RGYU'I SKAD CIG MA DANG MI 'DRA BA'I PHYIR 'BRAS BU RGYU DANG MI 'DRA BA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'BRAS BU RGYU DANG 'DRA BA GANG YIN PA DE NI RJES SU DPAG PA CI SKAD BSTAN PA NYID KYIS BKAG ZIN TO ZHES BYA BA LA SOGS PA SMRAS TE, DE NI, 'BRAS BU RGYU DANG 'DRA BA ZHES, ,BYA BA 'THAD PA MA YIN TE, ,ZHES SNGAR RJES SU DPAG PA JI SKAD BSTAN PA NYID KYIS BKAG ZIN TO, ,'BRAS BU RGYU DANG MI 'DRA BA GANG YIN PA DE'I DBANG DU BYAS TE BSHAD PA, 'BRAS BU RGYU DANG MI 'DRA ZHES, ,BYA BA'ANG 'THAD PA MA YIN NO, ,ZHES BYA BA NI 'BRAS BU RGYU DANG MI 'DRA BAR 'DOD PA'I PHYOGS DGAG PA STON TO, ,'DI YANG BSGRUB PAR BYA BA CHOS MYU GU SMRA BAR 'DOD PA'I RGYU'I 'BRAS BU MA YIN PA NYID DANG, SGRUB PA'I CHOS MI 'DRA BAR BSTAN PA NYE BAR GZHAG GO ZHES BYA BA NI TSIG LE'UR BYAS PA'I PHYED 'OG MA 'DI BSHAD PA'I SKABS 'DIR YANG BSGRUB @52B PAR BYA BA CHOS NI MYU GU PHA ROL PO SMRA BAR 'DOD PA'I RGYU 'BRU LA SOGS PA'I 'BRAS BU MA YIN PA NYID BSGRUB PAR BYA BA STE, MYU GU SMRA BAR 'DOD PA'I RGYU'I 'BRAS BU MA YIN PA NYID CES NYE BAR GZHAG PA YIN NO, ,SGRUB PA'I CHOS NI 'BRAS BU RGYU DANG MI 'DRA BAR BSTAN ZHES NYE BAR BZHAG PA YIN NO, ,DES NA YAN LAG LHAG MA YANG SNGA MA BZHIN DU MNGON NO ZHES BYA BA NI BSGRUB PAR BYA BA DANG, SGRUB PA'I CHOS NYE BAR GZHAG PA DES NA 'BRAS BU RGYU DANG MI 'DRA BA NYID MA YIN PAR BSGRUB PA'I YAN LAG LHAG MA CHOS MTHUN PA'I DPE YANG SNGA MA BZHIN DU BSGRUB PAR BYA BA DANG, SGRUB PA'I CHOS DE'I DBANG GIS BSTAN DGOS PAR MNGON TE, GYO MO LA SOGS PA GANG LA BSGRUB PAR BYA BA CHOS MYU GU PHA ROL PO SMRA BAR 'DOD PA'I RGYU'I 'BRAS BU MA YIN PA DANG, SGRUB PA'I CHOS 'BRAS BU RGYU DANG MI 'DRA BA ZHES BYA BA DAG YOD PA YIN NO, ,'DIR RJES SU DPAG PA NI DON DAM PAR MYU GU NI SMRA BAR 'DOD PA'I RGYU'I 'BRAS BU MA YIN TE, MI 'DRA BA'I PHYIR DPER NA GYO MO LA SOGS PA BZHIN NO ZHES BYA BA DE DAG GI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GYO MO LA SOGS PA NI PHA ROL PO SMRA BAR 'DOD PA'I RGYU 'BRU LA SOGS PA DANG MI 'DRA BA'I PHYIR DE DAG GI 'BRAS BU MA YIN PA DE BZHIN DU MYU GU YANG PHA ROL PO SMRA BAR 'DOD PA'I RGYU 'BRU LA SOGS PA DANG MI 'DRA BA'I PHYIR DE DAG GI 'BRAS BU MA YIN NO, ,CI STE YANG 'BRU NI MYU GU'I RGYU KHO NA YIN TE, DE YOD NA 'BYUNG BA'I PHYIR RAM DES THA SNYAD 'DOGS PA'I PHYIR DPER NA RNGA BO CHE'I SGRA 'AM NAS KYI MYU GU BZHIN NO ZHE NA ZHES BYA BA NI PHA ROL PO DAG 'BRAS BU RGYU DANG MI 'DRA BA'I RGYU 'BRU LA SOGS PA SA BON DAG YIN PAR SGRUB PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RNGA BO CHE'I SGRA DANG NAS KYI MYU GU NI RNGA BO CHE DANG NAS DE YOD NA 'BYUNG BA'I PHYIR RAM, RNGA BO CHE DANG NAS DES THA SNYAD 'DOGS PA'I PHYIR RNGA BO CHE DANG NAS NI RNGA BO CHE'I SGRA DANG NAS KYI MYU GU'I RGYU KHO NA YIN PA DE BZHIN DU MYU GU YANG 'BRU DE YOD NA 'BYUNG BA'I PHYIR RAM 'BRU DES THA SNYAD 'DOGS PA'I PHYIR 'BRU NI MYU @53A *, ,GU'I RGYU KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE SKYE BA CAN RNAMS KYI SKYE BA RNAM PA THAMS CAD DU BKAG PAS DPE MA GRUB PA'I PHYIR SGRUB PA MA TSANG BA'I SKYON YOD DO ZHES BYA BA SMRAS TE, CI LTAR KHO BOS 'BRU DANG MYU GU DAG BKAG PA DE BZHIN DU DNGOS PO SKYE BA CAN THAMS CAD KYI SKYE BA YANG RNAM PA THAMS CAD DU BKAG PAS RNGA BO CHE'I SGRA DANG NAS KYI MYU GU DAG KYANG MA GRUB PA'I PHYIR KHYOD KYI SGRUB PA LA DPE MA TSANG BA'I SKYON YOD PAS MI RUNG STE, DES NA 'GAL BA 'KHRUL PA MED PA'I GNOD PA YOD DO ZHES BYA BA'I THA TSIG GO, ,GANG DAG 'DI SKAD CES MIG LA SOGS PA'I 'BRAS BU NI MIG GI RNAM PAR SHES PA LA SOGS PA MI 'DRA BA YIN PA'I PHYIR MI 'DRA BA ZHES BYA BA'I GTAN TSIGS MA NGES PA NYID YIN NO ZHES ZER NA ZHES BYA BA NI PHA ROL PO DAG NA RE DBU MA PA'I GTAN TSIGS MI 'DRA BA'I PHYIR ZHES BYA BA DE MA NGES PA NYID YIN NO ZHES ZER BA STE, MIG LA SOGS PA RGYU GZUGS CAN SHES PA MED PA DAG LAS 'BRAS BU MIG GI RNAM PAR SHES PA LA SOGS PA GZUGS MED PAR SHES PA YOD PA MI 'DRA BA DAG 'BYUNG BA'I PHYIR DES NA CI RE ZHIG MYU GU RGYU DANG MI 'DRA BA'I PHYIR MYU GU SMRA BAR 'DOD PA'I RGYU'I 'BRAS BU MA YIN PAR 'GYUR RAM, 'ON TE MIG GI RNAM PAR SHES PA LA SOGS PA MIG LA SOGS PA DANG MI 'DRA BA'I PHYIR MIG GI RNAM PAR SHES PA LA SOGS PA MIG LA SOGS PA'I 'BRAS BU YIN PAR 'GYUR TE, DE'I PHYIR DBU MA PA'I GTAN TSIGS MI 'DRA BA ZHES BYA BA DE MA NGES PA NYID YIN NO ZHES ZER RO; ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG BZANG PO MA YIN TE, MIG GI RNAM PAR SHES PA LA SOGS PA YANG BSGRUB PAR BYA BA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR MI MTHUN PA'I PHYOGS MED PAS MA NGES PA NYID KYI SKABS MED DO ZHES BYA BA SMRAS TE, MIG LA SOGS PA LAS 'BRAS BU MIG GI RNAM PAR SHES PA LA SOGS PA MI 'DRA BA 'BYUNG BAR 'DOD PA DE YANG 'BRU LAS 'BRAS BU MI 'DRA BA 'BYUNG BA DGAG PAR SGRUB PA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR 'BRU LAS 'BRAS BU MYU GU MI @53B 'DRA BA MI SKYE BA'I MI MTHUN PA'I PHYOGS MIG LA SOGS PA LAS 'BRAS BU MIG GI RNAM PAR SHES PA LA SOGS PA MI 'DRA BA SKYE BA MED PAS KHO BO'I GTAN TSIGS MA NGES PA NYID KYI SKABS MED DO, ,YANG NA SMRA BAR 'DOD PA LA SOGS PA DAG RGYU MA YIN PAS GZUGS MA GRUB PA'I PHYIR DE DAG GI 'BRAS BU YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DAM DON 'GAL BA NYID YIN NO ZHES CI SKAD BSTAN PA'I TSUL DANG 'DRA'O ZHES BYA BA NI MIG GI RNAM PAR SHES PA LA SOGS PA YANG BSGRUB PAR BYA BA DANG RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR MI MTHUN PA'I PHYOGS MED PAS KHO BO'I GTAN TSIGS MA NGES PA NYID KYI SKYON MED PA 'BA' ZHIG TU YANG MA ZAD DE, SNGAR GZHAN DAG NA RE DON DAM PAR SA LA SOGS PA DAG YOD PA KHO NA YIN TE, DE DAG GI 'BRAS BU YOD PA'I PHYIR RO, ,'DI NA GANG MED PA DE LA NI 'BRAS BU GZUNG DU MED DE DPER NA NAM MKHA'I ME TOG BZHIN NO, ,SA LA SOGS PA DAG LA NI 'BRAS BU GZUGS LA SOGS PA DAG YOD PAS DE'I PHYIR SA LA SOGS PA DAG YOD PA KHO NA YIN NO ZHES ZER BA'I LAN DU BSTAN BCOS MDZAD PAS, GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,'BRAS BU MED PA'I RGYU MED DO, ,ZHES BSHAD PAS SA LA SOGS PA DE YANG GZUGS LA SOGS PA 'DUS PA'I BDAG NYID YIN PA'I PHYIR NGO BO NYID MED PAS RGYU BZHIN DU 'BRAS BU YANG MA GRUB PA'I PHYIR DE DAG GI 'BRAS BU YOD PA'I PHYIR RO ZHES SNGAR SMRAS PA'I GTAN TSIGS KYI DON MA GRUB PA NYID KYI SKYON YOD DO, ,SPYIR GRAGS PA GTAN TSIGS NYID DU BRJOD NA NI DON 'GAL BA NYID YIN NO ZHES CI SKAD BSTAN PA'I TSUL DANG 'DRA BAR 'DIR YANG GAL TE GZHAN DAG NA RE DON DAM PAR 'BRU LA SOGS PA DANG MIG LA SOGS PA DAG YOD PA KHO NA YIN TE, DE DAG GI 'BRAS BU YOD PA'I PHYIR RO, ,'DI NA GANG MED PA DE LA NI 'BRAS BU GZUNG DU MED DE, DPER NA NAM MKHA'I ME TOG BZHIN NO, ,'BRU LA SOGS PA DANG MIG LA SOGS PA DAG LA NI 'BRAS BU MYU GU LA SOGS PA DANG MIG GI RNAM PAR SHES PA LA SOGS PA DAG YOD PAS DE'I PHYIR 'BRU LA SOGS PA DANG MIG LA SOGS @54A *, ,PA DAG YOD PA KHO NA YIN NO ZHES ZER NA, DE LA YANG, GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,'BRAS BU MED PA'I RGYU MED DO, ,ZHES BYA BA'I TSUL NYID KYIS 'BRU LA SOGS PA DANG MIG LA SOGS PA DE YANG GZUGS LA SOGS PA 'DUS PA'I BDAG NYID YIN PA'I PHYIR NGO BO NYID MED PAS RGYU BZHIN DU 'BRAS BU YANG MA GRUB PA'I PHYIR DE DAG GI 'BRAS BU YOD PA'I PHYIR RO ZHES SNGAR SMRAS PA'I GTAN TSIGS KYI DON MA GRUB PA NYID KYI SKYON YOD DO, ,SPYIR GRAGS PA GTAN TSIGS NYID DU BRJOD NA NI DON 'GAL BA NYID YIN NO, ,BYE BRAG TU SMRA BA DAG NA RE 'BRAS BU NI RGYU DANG 'DRA BA YANG YIN LA MI 'DRA BA YANG YIN TE, BYED PA'I RGYUS 'DUS BYAS KYI BYED PA'I RGYU NI THAMS CAD YIN PAR KHAS BLANGS PA'I PHYIR DPE MED DO ZHES ZER RO ZHES BYA BA NI BYE BRAG TU SMRA BA DAG NA RE DBU MA PA'I DPE GYO MO LA SOGS PA BZHIN NO ZHES BYA BA DE BSGRUB PAR BYA BA STONG PAS MA GRUB PO ZHES ZER BA YIN TE, DE DAG NA RE 'BRAS BU NI RNAM PA GNYIS TE, RGYU DANG 'DRA BA YANG YOD LA RGYU DANG MI 'DRA BA YOD DE, CI LTA ZHE NA, CHOS MNGON PA LAS, RANG LAS GZHAN PA BYED PA'I RGYU, ,ZHES BSHAD PAS 'DUS BYAS KYI BYED PA'I RGYU NI RANG LAS GZHAN PA'I CHOS THAMS CAD YIN PAR KHAS BLANGS PA'I PHYIR DES NA GYO MO SKYE BA LA GEGS MI BYED PA'I CHOS THAMS CAD NI GYO MO'I BYED PA'I RGYU YIN LA, DE YANG GYO MO SKYE BA'I RGYU BUM PA NI 'BRAS BU DANG RIGS MTHUN PA NYID KYIS 'BRAS BU DANG 'DRA BA YIN LA, GYO MO SKYE BA'I RGYU THO BA NI RIGS MI MTHUN PA NYID KYIS 'BRAS BU DANG MI 'DRA BA YIN PAS 'BRAS BU RGYU 'DRA BA LAS KYANG SKYE LA RGYU MI 'DRA BA LAS KYANG SKYE BA'I PHYIR KHYED DBU MA PA NA RE DON DAM PAR MYU GU NI SMRA BAR 'DOD PA'I RGYU'I 'BRAS BU MA YIN TE MI 'DRA BA'I PHYIR DPER NA GYO MO LA SOGS PA BZHIN NO ZHES ZER BA'I DPE DE BSGRUB PAR BYA BA CHOS KYIS STONG PAR MI 'GRUB STE, GYO MO DANG 'BRU MI 'DRA YANG 'BRU NI GYO MO SKYE BA LA GEGS MI BYED PAS GYO MO'I BYED PA'I RGYU NI 'BRU YANG YIN PA'I PHYIR RO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE NI BZANG PO MA YIN TE, RIGS MTHUN PA SKYED PA'I RGYU THUN MONG MA YIN @54B PA LA SOGS PA'I KHYAD PAR CAN GYI SGRUB PAR BYED PA NYID 'GOG PAR 'DOD PA'I PHYIR RO ZHES BYA BA SMRAS TE, KHO BO'I DPE MED PA MA YIN PA'I PHYIR KHYOD KYI KLAN KA DE NI BZANG PO MA YIN TE, CI'I PHYIR ZHE NA, KHO BO NI 'BRU LA SOGS PA 'BRAS BU RIGS MTHUN PA SKYED PA'I RGYU THUN MONG MA YIN PA 'BRAS BU THUG PO CHE'I MYU GU NYID SKYED PA GZHAN MI SKYED BA DANG, LHAS BYIN GYI RGYUD KYANG LHAS BYIN NYID SKYED KYI GZHAN MI SKYED BA LA SOGS PA'I KHYAD PAR CAN GYI RGYU GANG DAG YIN PA DE DAG GIS 'BRAS BU SGRUB PAR BYED PA NYID DU KHYED 'DOD PA DE 'GOG PAR 'DOD PA'I PHYIR, RIGS MTHUN PA SKYED PA'I RGYU THUN MONG MA YIN PA LA SOGS PA'I KHYAD PAR CAN DAG NI 'BRAS BU DANG MI 'DRA BA'I PHYIR DPER NA GYO MO LA SOGS PA'I BZHIN DU PHA ROL PO SMRA BAR 'DOD PA'I RGYU'I 'BRAS BU MA YIN PAS KHO BO'I DPE MED PA MA YIN NO, ,DE LTAR NA GZHUNG GI TSOGS DES 'BYUNG BA'I GZUGS DANG RGYUR BYAS PA'I GZUGS BKAG PAS GZUGS KYI PHUNG PO MI SRID PAR BSTAN TO ZHES BYA BA NI MJUG BSDU BA DANG TSAD MA'I 'BRAS BU MA YIN TE, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,GZUGS KYI RGYU NI MA GTOGS PAR, ,GZUGS NA GZUGS NI RGYU MED PAR, ,THAL BAR 'GYUR TE DON GANG YANG, ,RGYU MED PA NI GANG NA'ANG MED, ,GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,'BRAS BU MED PA'I RGYU MED DO, , GZUGS YOD NA YANG GZUGS KYI NI, ,RGYU YANG 'THAD PAR MI 'GYUR NYID, ,GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, ,RGYU MED PA YI GZUGS DAG NI, ,'THAD PAR MI RUNG RUNG MA YIN, ,DE'I PHYIR GZUGS KYI RNAM PAR RTOG, ,'GA' YANG RNAM PAR BRTAG MI BYA, ,'BRAS BU RGYU DANG 'DRA BA ZHES, ,BYA BA 'THAD PA MA YIN TE, ,'BRAS BU RGYU DANG MI 'DRA ZHES, ,BYA BA'ANG 'THAD PA MA YIN NO, ,ZHES BYA BA TSIG LE'UR BYAS PA'I GZHUNG SGRUB PA DANG BCAS PA'I TSOGS CI SKAD BSTAN PA DES 'BYUNG BA'I GZUGS DANG RGYUR BYAS PA'I GZUGS BKAG @55A *, ,PAS RE ZHIG GZUGS KYI PHUNG PO MI SRID PAR BSTAN TO, ,DA NI GZUGS BKAG PA BZHIN DU TSOR BA LA SOGS PA DGAG PA YANG RIM PA MTSUNGS PAR BSTAN PAR BYA STE, TSOR DANG 'DU SHES 'DU BYED DANG, SEMS DANG DNGOS PO THAMS CAD KYANG, ,RNAM PA DAG NI THAMS CAD DU, ,GZUGS NYID KYIS NI RIM PA MTSUNGS, ,GZUGS DGAG PA BZHIN DU TSOR BA LA SOGS PA DAG DGAG PA YANG RIM PA MTSUNGS PA'I PHYIR RO ZHES BYA BAR DGONGS TE ZHES BYA BA NI CI LTAR SNGAR GZUGS DGAG PA'I SKABS SU, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BA LA SOGS PA'I TSIG LE'UR BYAS PA'I GZHUNG BSGRUB PA DANG BCAS PA'I TSOGS CI SKAD BSTAN PA DAG GIS GZUGS RNAM PA THAMS CAD DU MI 'THAD PA'I RIM PA CI SKAD BSTAN PA DE NYID KYIS TSOR BA LA SOGS PA PHUNG PO LHAG MA BZHI DANG DNGOS PO GZHAN THAMS CAD KYANG RNAM PA THAMS CAD DU MI 'THAD PAR RIM PA MTSUNGS SO ZHES BYA BAR BSTAN BCOS MDZAD PAS DGONGS TE ZHES BYA BAR SBYAR RO, ,DE LA RE ZHIG TSOR BA DANG 'DU SHES DANG 'DU BYED RNAMS DANG RNAM PAR SHES PA DAG GZUGS RNAM PA THAMS CAD DU MI 'THAD PA NYID KYIS MI 'THAD PAR RIM PA MTSUNGS PAR BSTAN PA'I PHYIR CI LTAR DON DAM PAR RDZAS SU YOD PA MA YIN TE, RANG GI RGYU MA BZUNG NA DE'I BLO MED PA'I PHYIR DPER NA DMAG LA SOGS PA BZHIN NO ZHES BSTAN PA DE BZHIN DU DON DAM PAR TSOR BA DANG, 'DU SHES DANG 'DU BYED RNAMS DANG RNAM PAR SHES PA DAG KYANG RDZAS SU YOD PA MA YIN TE, RANG GI RGYU BZUNG NA DE'I BLO MED PA'I PHYIR DPER NA DMAG LA SOGS PA BZHIN NO ZHES RGYAS PAR KHONG DU CHUD PAR BYA'O ZHES BYA BA LA SOGS PA DAG SMRAS SO, ,'DIR TSOR BA LA SOGS PA DAG GI RGYU GANG YIN NA; DE'I PHYIR TSOR BA LA SOGS PA DAG GI RGYU NI REG PA DANG MIG DANG GZUGS DANG SNANG BA DANG NAM MKHA' DANG YID LA BYED PA LA SOGS PA DAG YIN PAR CI RIGS PAR BRJOD PAR BYA'O ZHES BYA BA SMRAS TE, TSOR BA'I RGYU THUN MONG MA YIN PA NI REG PA'I RKYEN GYIS TSOR BA ZHES 'BYUNG BAS RIG PA @55B YIN TE CI LTAR 'BYUNG BA MA GTOGS PAR GZUGS MED PA DE BZHIN DU REG PA MA GTOGS PAR TSOR BA MED LA, CI LTAR GZUGS MA GTOGS PAR GZUGS KYI RGYU MED PA DE BZHIN DU TSOR BA MA GTOGS PAR YANG REG PA MED DO, ,TSOR BA DANG 'DU SHES DANG 'DU BYED RNAMS DANG RNAM PAR SHES PA DAG GI RGYU THUN MONG MA YIN PA NI SEMS DANG SEMS LAS BYUNG BAS MANG PO PA THAMS CAD KYI RKYEN NI THA MI DAD DE, RNAM PAR SHES PA'I TSOGS RNAMS MIG DANG GZUGS DANG SNANG BA DANG NAM MKHA' DANG YID LA BYED PA LA SOGS PA'I RKYEN RNAMS KYIS CI RIGS PAR SKYE BA NI SEMS LAS BYUNG BA'I CHOS SO MANG PO PA RNAMS KYANG DMIGS PA DANG GNAS DANG RNAM PA DANG RDZAS DANG DUS MTSUNGS PA'I TSUL GYIS SKYE BAR CI RIGS PAR BRJOD PAR BYA STE, DE DAG LA LANG CI LTAR 'BYUNG BA MA GTOGS PAR GZUGS MED PA DE BZHIN DU MIG DANG GZUGS DANG SNANG BA DANG NAM MKHA' DANG YID LA BYED PA DAG MA GTOGS PAR TSOR BA DANG 'DU SHES DANG 'DU BYED RNAMS DANG RNAM PAR SHES PA DAG MED LA, CI LTAR GZUGS MA GTOGS PAR GZUGS KYI RGYU MED PA DE BZHIN DU TSOR BA DANG 'DU SHES DANG 'DU BYED RNAMS DANG RNAM PAR SHES PA DAG MA GTOGS PAR YANG MIG DANG GZUGS DANG SNANG BA DANG NAM MKHA' DANG YID LA BYED PA LA SOGS PA DAG MED DO ZHES CI RIGS PAR BRJOD PAR BYA'O, ,CI LTAR DON DAM PAR GZUGS NI RANG GI TSOGS BA'I YAN LAG DAG LAS GZHAN MA YIN TE, DE MA BZUNG NA DE'I BLO MED PA'I PHYIR DPER NA SA LA SOGS PA'I RANG GI BDAG NYID BZHIN NO ZHES BYA BAS DON DAM PAR GZUGS RANG GI RGYU DAG LAS GZHAN MA YIN PAR BSTAN PA DE BZHIN DU 'DIR YANG DON DAM PAR TSOR BA LA SOGS PA DAG RANG GI RGYU DAG LAS GZHAN MA YIN PAR BRJOD PAR BYA'O ZHES BYA BA NI CI LTAR GZUGS RANG GI RGYUS LA SOGS PA DAG LAS GZHAN MA YIN PAR BSTAN PA DE BZHIN DU 'DIR YANG TSOR BA DANG 'DU SHES DANG 'DU BYED RNAMS DANG RNAM PAR SHES PA DAG KYANG RANG GI RGYU REG PA DANG MIG DANG GZUGS DANG SNANG BA DANG NAM MKHA' DANG YID LA BYED PA LA SOGS PA DAG LAS GZHAN MA YIN PAR BRJOD PAR BYA'O, ,'DIR SUN 'BYIN PA DANG SUN 'BYIN PA'I LAN DAG KYANG SNGA MA BZHIN NO ZHES BYA BA NI SNGAR, GZUGS KYI RGYU NI MA @56A *, ,GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BSHAD PA PHA ROL PO DAG GIS BRGAL BDAG DANG, DE DAG GI LAN DU, GZUGS KYI RGYU NI MA GTOGS PAR, , GZUGS NA GZUGS NI RGYU MED PAR, ,THAL BAR 'GYUR TE DON GANG YANG, ,RGYU MED PA NI GANG NA'ANG MED, ,CES BYA BA LA SOGS PA TSIG LE'UR BYAS PA'I GZHUNG BSGRUB PA DANG BCAS PA'I TSOGS CI SKAD BSTAN PA DE DAG THAMS CAD 'DIR YANG DE BZHIN DU CI RIGS PAR SBYAR BAR BYA'O, ,PHUNG PO RNAMS NYI TSE GZUGS RNAM PA THAMS CAD DU MI 'THAD PA NYID KYIS MI 'THAD PAR RIM PA MTSUNGS PAR MA ZAD KYI, CHOS THAMS CAD KYANG GZUGS RNAM PA THAMS CAD DU MI 'THAD PA NYID KYIS MI 'THAD PAR RIM PA MTSUNGS PAR BSTAN PA'I PHYIR, DNGOS PO THAMS CAD KYANG ZHES BYA BA NI PHUNG PO LAS GZHAN PA 'DUS BYAS KYI CHOS MED MOD KYI, DE DAG GI BYE BRAG DAG DGAG PA BRJOD PAR BZHED PA DE NYE BAR BZHAG STE ZHES BYA BA LA SOGS PA SMRAS TE, PHUNG PO RNAMS LAS GZHAN PA 'DUS BYAS KYI CHOS KYANG GUD NA MED LA, PHUNG PO RNAMS RNAM PA THAMS CAD DU MI 'THAD PAR BSTAN PA NYID KYIS 'DUS BYAS KYI CHOS THAMS CAD KYANG RNAM PA THAMS CAD DU MI 'THAD PAR GRUB MOD KYI 'DIR DNGOS PO THAMS CAD KYANG ZHES BYE BRAG TU SMOS PA NI PHUNG PO DE DAG GI BYE BRAG 'JIG RTEN LA GRAGS PA GZHAN DAG GI DGAG PA YANG BRJOD PAR BZHED PAS SLOB DPON GYIS DNGOS PO THAMS CAD KYANG ZHES BYA BA'I SGRA DE NYE BAR BZHAG GO, ,CI'I PHYIR DE DAG GI BYE BRAG DAG PA BRJOD PAR BZHED PAS NYE BAR BZHAG CE NA, DE'I PHYIR YONGS SU BRTAGS PA'I BUM PA DANG SNAM BU LA SOGS PA DAG RDZAS SU YOD PA NYID DANG GZHAN PA NYID DGAG PA'I PHYIR RO ZHES BYA BA SMRAS TE, BSTAN BCOS MDZAD PAS PHUNG PO RNAMS RDZAS SU YOD PA NYID MA YIN PA DANG GZHAN DANG GZHAN NYID MA YIN PAR DGAG PA MDZAD NA RANG GI SDE PA DANG PHYI ROL PA GZHAN DAG GIS PHUNG PO RNAMS RDZAS SU YOD PA NYID GZHAN DANG GZHAN MA YIN PA NYID DU SGRUB PA'I GTAN TSIGS DANG DPER YONGS SU BRTAGS PA'I BUM PA DANG, @56B SNAM BU LA SOGS PA DAG RDZAS SU YOD PA NYID DANG, GZHAN DANG GZHAN MA YIN PA NYID DGAG PA'I PHYIR DNGOS PO THAMS CAD KYANG RNAM PA THAMS CAD DU GZUGS MI 'THAD PA NYID KYIS MI 'THAD PAR RIM PA MTSUNGS SO ZHES GSUNGS SO, ,'DIR YANG SNGA MA BZHIN DU SBYOR BA'I TSIG DAG CI RIGS PAR BRJOD PAR BYA'O ZHES BYA BA NI SNGAR, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BA LA SOGS PAS CI LTAR DON DAM PAR GZUGS RDZAS SU YOD PA MA YIN TE, RANG GI RGYU MA BZUNG NA DE'I BLO MED PA'I PHYIR DPER NA DMAG LA SOGS PA BZHIN NO ZHES BSTAN PA DE BZHIN DU 'DIR YANG DON DAM PAR BUM PA DANG SNAM BU LA SOGS PA DAG KYANG RDZAS SU YOD PA MA YIN TE, RANG GI RGYU 'JIM PA DANG RGYU SPUN LA SOGS PA MA BZUNG NA BUM PA DANG SNAM BU LA SOGS PA'I BLO MED PA'I PHYIR DPER NA DMAG LA SOGS PA BZHIN NO ZHES RGYAS PAR BRJOD PAR BYA BA DANG, CI LTAR DON DAM PAR GZUGS NI RANG GI TSOGS PA'I YAN LAG LAS GZHAN MA YIN TE, DE MA BZUNG NA DE'I BLO MED PA'I PHYIR DPER NA SA LA SOGS PA'I RANG GI BDAG NYID BZHIN NO ZHES BYA BAS DON DAM PAR GZUGS RANG GI RGYU DAG LAS GZHAN MA YIN PAR BSTAN PA DE BZHIN DU 'DIR YANG DON DAM PAR BUM PA DANG SNAM BU LA SOGS PA DAG NI RANG GI TSOGS PA'I YAN LAG LAS GZHAN MA YIN TE, 'JIM PA DANG RGYU SPUN LA SOGS PA MA BZUNG NA BUM PA DANG SNAM BU LA SOGS PA'I BLO MED PA'I PHYIR DPER NA 'JIM PA DANG, SPUN LA SOGS PA RANG GI BDAG NYID BZHIN NO ZHES BYA BAS DON DAM PAR BUM PA DANG SNAM BU LA SOGS PA DAG RANG GI RGYU DAG LAS GZHAN MA YIN PAR CI RIGS PAR BRJOD PAR BYA'O, ,DE LTAR PHUNG PO RNAMS MA GRUB PA'I PHYIR PHUNG POS BSDUS PA ZHES BYA BA'I GTAN TSIGS KYI DON MA GRUB PA NYID DO ZHES BYA BA LA SOGS PA NI MJUG BSDU BA DANG TSAD MA'I 'BRAS BU YIN TE, DE LTAR PHUNG PO RNAMS MA GRUB PA'I PHYIR SNGAR GYI SDE PA DAG NA RE DON DAM PAR SKYE MCHED RNAMS YOD PA KHO NA YIN TE, PHUNG POS BSDUS PA'I PHYIR RO ZHES ZER BA'I GTAN TSIGS KYI DON DE MA GRUB PA NYID DO, ,DPE YANG MED DE CI LTA ZHE NA @57A *, ,'DI LTA STE GZUGS LA SOGS PA'I PHUNG POS BSDUS PA DE DAG DON DAM PAR YOD DO ZHES BYA BA MED PA'I PHYIR RO ZHES BYA BA NI PHYOGS SNGA MA SMRA BA DAG GI CHOS MI MTHUN PA'I PHYOGS KYI DPE 'DI NA GANG YOD PA MA YIN PA DE NI GZUGS LA SOGS PA'I PHUNG POS MA BSDUS TE, DPER NA NAM MKHA'I ME TOG BZHIN NO ZHES BYA BA DE LAS BZLOG PA CHOS MTHUN PA'I PHYOGS KYI DPE NANG GI SKYE MCHED RNAMS LA NI PHUNG POS BSDUS PA YOD DE, 'DI LTA STE GZUGS CAN BCU NI GZUGS KYI PHUNG POS BSDUS LA, CHOS KYI SKYE MCHED NI PHUNG PO GSUM DANG GZUGS KYI PHUNG PO'I PHYOGS GCIG GIS BSDUS, YID KYI SKYE MCHED NI RNAM PAR SHES PA'I PHUNG POS BSDUS PAS DE DAG DON DAM PAR YOD DO ZHES BYA BA DE MED PA'I PHYIR RO, ,YANG NA GTAN TSIGS KYI DON 'GAL BA NYID KYANG YIN TE, PHUNG POS BSDUS PA NI THA SNYAD KHO NAR YOD PA YIN PA'I PHYIR RO ZHES BYA BA NI PHYOGS SNGA MA SMRA BA DAG GI GTAN TSIGS KYI DON PHUNG POS BSDUS PA ZHES BYA BA DE NI THA SNYAD KHO NAR YOD PA YIN PA'I PHYIR DES NA KUN RDZOB TU YOD PAR SGRUB NA NI KHYED DON DAM PAR SGRUB PA DANG 'GAL BA NYID YIN PAS MA GRUB BO, ,DE LTAR RIGS PA DES NA, STONG PA NYID KYIS BRTZAD BYAS TSE, ,GANG ZHIG LAN 'DEBS SMRA BYED PA, , DE YIS THAMS CAD LAN 'DEBS MIN, ,BSGRUB PAR BYA BA MTSUNGS PAR 'GYUR, ,ZHES BYA BA NI DE LTAR GANG GI PHYIR CHOS THAMS CAD GZUGS RNAM PA THAMS CAD DU MI 'THAD PAR RIM PA MTSUNGS PA'I RIGS PA DES SLOB DPON KLU SGRUB KYI ZHAL SNGA NAS KYIS CHOS THAMS CAD DON DAM PAR NGO BO NYID MED PA NYID DU BSGRUBS NAS TSANGS PA MTSUNGS PAR SPYOD PA RNAMS LA PHAN GDAGS PA'I PHYIR TSIG LE'UR BYAS PA THA MA 'DI GNYIS BKA' STZAL TO ZHES BYA BAR SBYAR RO, ,'DI SKAD BSTAN TE 'DI LA DBU MA PAS STONG PA NYID KYIS BRTZAD CING 'GYED PA BRTZAMS TE CHOS THAMS CAD STONG PA NYID DU YONGS SU GLENG PA'I TSE RGOL BA GANG ZHIG STONG PA NYID MA YIN PAS LEN 'DEBS SHING SMRA BAR BYED PA DE'I LAN DE DAG THAMS CAD KYIS NI DBU MA PA LA LAN BTAB PA MA YIN TE, CI'I PHYIR ZHE NA, BSGRUB PAR BYA BA DANG MTSUNGS PAR 'GYUR BA'I PHYIR TE, 'DI LTA STE, DPER NA DBU MA PAS DNGOS PO THAMS CAD @57B NGO BO NYID STONG PA'O ZHES DAM BCAS NAS BSGRUB PAR BYA BA'I DPE BSTAN PA'I PHYIR GZUGS DANG SNAM BU DANG BUM PA'I NGO BO NYID STONG PA YIN NO ZHES BRTZAD PA ZHES PA'I TSE DNGOS POR SMRA BA GANG ZHIG GZUGS DANG SNAM BU DANG BUM PA'I NGO BO NYID STONG PA MA YIN TE, DE DAG GI RGYUS LA SOGS PA DANG RGYU SPUN LA SOGS PA DANG 'JIM PA LA SOGS PA YOD PA'I PHYIR RO ZHES LAN 'DEBS SHING SMRA BAR BYED PA DE'I LAN DE DAG THAMS CAD KYIS NI DBU MA PA LA LAN BTAB PA MA YIN TE, CI'I PHYIR ZHE NA, GZUGS DANG SNAM BU DANG BUM PA'I RGYU DE DAG KYANG BSGRUB PAR BYA BA GZUGS DANG SNAM BU DANG BUM PA BDAG NYID DANG MTSUNGS PAR NGO BO NYID STONG PA YIN PAR 'GYUR BA'I PHYIR RO ZHES BYA BA LTA BU'O, ,STONG PA NYID KYIS BRTZAD BYAS TSE, ,ZHES BYA BA BSTAN PA'I PHYIR, DE KHO NA BRTAG PA'I MTSAN NYID LA DNGOS PO 'GA' ZHIG GI DON DAM PA'I NGO BO NYID BRTAG PA BRTZAM PA NA STONG PA NYID KYIS DON DAM PAR SKYE MCHED RNAMS SKYE BA MED PA DANG RDZAS SU YOD PA MA YIN PAR TSAD MA YONGS SU BZUNG STE BRTZAD CING 'GYED PA BYAS PA'I TSE ZHES BYA BA SMRAS TE, DBU MA PA DNGOS POR SMRA BA DAG LA STONG PA NYID KYIS BRTZAD PA BYAS PA'I TSE ZHES BYA BAR SBYAR RO, ,DBU MA PAS GANG GI TSE DNGOS POR SMRA BA DAG LA STONG PA NYID KYIS BRTZAD PA BYAS PA'I TSE ZHE NA, DE KHO NA BRTAG PA'I MTSAN NYID LA DNGOS PO 'GA' ZHIG GI DON DAM PA PA'I NGO BO NYID BRTAG PA LA BRTZAM NA ZHES BYA BA SMRAS TE, GANG GI TSE CHOS THAMS CAD KYI DE KHO NA'I MTSAN NYID RTOG PAR BYED PA DE'I TSE NA PHYI DANG NANG GI DNGOS PO 'GA' ZHIG GI DON DAM PA PA'I NGO BO NYID BRTAG PA BRTZAM PA NA'O, ,DBU MA PAS RNAM PA GANG GIS DNGOS POR SMRA BA DAG LA BRTZAD PA BYAS PA'I TSE NA, STONG PA NYID KYIS ZHES BYA BA SMRAS SO, ,STONG PA NYID STON PA DE BSTAN PA'I DON DAM PA'I SKYE MCHED RNAMS SKYE BA MED PA DANG RDZAS SU YOD PA MA YIN PAR TSAD MA YONGS SU BZUNG STE BRTZAD CING 'GYED PA BYED PA'I TSE ZHES BYA BA SMRAS TE; ,RKYEN BRTAG PA'I RAB TU BYED PA DANG PO'I SKABS SU, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DANG GANG NA YANG, ,SKYES PA NAM YANG YOD MA YIN, ,ZHES BYA BA LA SOGS PAS SKYE BA'I PHYOGS BZHI PO DE DAG DGAG PA'I PHYIR DON DAM @58A *, ,PAR SKYE MCHED RNAMS BDAG DANG GZHAN DANG GNYIS DANG RGYU MED PA LAS SKYE BA MED PAR TSAD MA YONGS SU BZUNG STE BRTZAD CING 'GYED PA BYED PA'I TSE DANG, PHUNG PO BRTAG PA'I RAB TU BYED PA BZHI PA 'DI NYID KYI SKABS SU, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BA LA SOGS PAS RDZAS SU YOD PAR 'DOD PA'I PHYOGS DGAG PA'I PHYIR DON DAM PAR GZUGS RDZAS SU YOD PA MA YIN TE, RANG GI RGYU MA BZUNG NA DE'I BLO MED PA'I PHYIR DPER NA DMAG LA SOGS PA BZHIN NO ZHES BYA BAS RDZAS SU YOD PA MA YIN PAR TSAD MA YONGS SU BZUNG STE BRTZAD CING 'GYED PA BYAS PA'I TSE'O, ,GANG ZHIG LAN 'DEBS SMRA BYED PA, ,ZHES BYA BA BSTAN PA'I PHYIR, GANG ZHIG RTOG GE PHYI MA NYE BAR BZHAG PAS LAN 'DEBS SHING SMRA BAR BYED PA ZHES BYA BA SMRAS TE, DNGOS POR SMRA BA GANG ZHIG DBU MA PA LA LAN 'DEBS SHING SMRA BAR BYED PA ZHES BYA BAR SBYAR RO, ,DNGOS POR SMRA BA DAG SGRUB PA GANG GIS DBU MA PA LA LAN 'DEBS SHING SMRA BAR BYED CEN, RTOG GE PHYI MA NYE BAR BZHAG PAS LAN 'DEBS SHING SMRA BAR BYED PA ZHES BYA BA SMRAS TE, DNGOS POR SMRA BA DAG DBU MA PA LA 'DI SKAD CES, DON DAM PAR NANG GI SKYE MCHED RNAMS SKYE BA KHO NA YIN TE, LA LA'I DGA' BA DANG YONGS SU GDUNG BA'I RGYU YIN PA'I PHYIR DPER NA BUM PA LA SOGS PA BZHIN NO ZHES BYA BA DANG DON DAM PAR NANG GI SKYE MCHED RNAMS RDZAS SU YOD PA KHO NA YIN TE, PHAN 'DOGS PAR BYED PA'I PHYIR DPER NA MYA NGAN LAS 'DAS PA BZHIN NO ZHES BYA BA LA SOGS PA RTOG GE PHYI MA NYE BAR BZHAG PAS LAN 'DEBS SHING SMRA BAR BYED PA YIN NO, ,DE YIS THAMS CAD LAN BTAB MIN, ,ZHES BYA BA BSTAN PA'I PHYIR DE YIS, DE DAG THAMS CAD NI LAN BTAB PA MA YIN TE ZHES BYA BA SMRAS TE DNGOS POR SMRA BA DE'I LAN DE DAG THAMS CAD KYIS DBU MA PA LA LAN BTAB PA MA YIN NO ZHES BYA BAR SBYAR RO, ,BSGRUB PAR BYA DANG MTSUNGS PAR 'GYUR, ,ZHES BYA BA BSTAN PA'I PHYIR BSGRUB PAR BYA BA DANG MTSUNGS PAR 'GYUR BA'I PHYIR RO ZHES BYA BA SMRAS TE, CI'I PHYIR DE'I LAN DE DAG THAMS @58B CAD KYIS DBU MA PA LA LAN BTAB PA MA YIN ZHE NA, DE'I RTOG GE PHYI MA'I GTAN TSIGS DANG DPE DE DAG BSGRUB PAR BYA BA DANG MTSUNGS PAR MA GRUB PAR 'GYUR BA'I PHYIR RO ZHES BYA BAR SBYAR RO, ,CI'I PHYIR BSGRUB PAR BYA BA DANG MTSUNGS PAR 'GYUR ZHE NA, DE'I STON PA'I GTAN TSIGS DANG DPE DE DAG BSGRUB PAR BYA BA DANG MTSUNGS PAR MA GRUB PA'I PHYIR RTOG GE PHYI MA MI 'GRUB BO ZHES BYA BAR DGONGS SO ZHES BYA BA SMRAS TE, DON DAM PAR SKYE MCHED RNAMS SKYE BRDZAS SU YOD PA DE STON PA'I GTAN TSIGS DANG DPE LA LA'I DGA' BA DANG YONGS SU GDUNG BA'I RGYU YIN PA'I PHYIR DPER NA BUM PA LA SOGS PA BZHIN NO ZHES BYA BA DANG, PHAN 'DOGS PAR BYED PA'I PHYIR DPER NA MYA NGAN LAS 'DAS PA BZHIN NO ZHES BYA BA DE DAG DBU MA PAS BSGRUB PAR BYA BA SKYE MCHED RNAMS DON DAM PAR MA GRUB PA DANG MTSUNGS PAR MA GRUB PA'I PHYIR RTOG GE PHYI MA MI 'GRUB PO ZHES BYA BAR DGONGS TE, CI LTAR DON DAM PAR SKYE MCHED RNAMS SKYE BAR MA GRUB PA DANG RDZAS SU YOD PAR MA GRUB PA DE BZHIN DU DON DAM PAR LA LA'I DGA' BA DANG YONGS SU GDUNG BA'I RGYU YIN PA'I PHYIR ZHES BYA BA DANG, BUM PA ZHES BYA BA DANG, PHAN 'DOGS PAR BYED PA'I PHYIR ZHES BYA BA DANG, MYA NGAN LAS 'DAS PA ZHES BYA BA DAG KYANG MA GRUB PA'I PHYIR RTOG GE PHYI MA MI 'GRUB STE CHOS THAMS CAD SKYE BA MED PA DANG RDZAS SU MED PA YIN PA'I PHYIR GTAN TSIGS KYANG MED LA DPE YANG MED PAS LAN BTAB PA MA YIN NO ZHES BYA BAR DGONGS SO, ,DE BZHIN DU, STONG PA NYID KYIS BSHAD BYAS TSE, ,GANG ZHIG SKYON 'DOGS SMRA BYED PA, ,DE YIS THAMS CAD SKYON BRTAGS MIN, ,BSGRUB PAR BYA DANG MTSUNGS PAR 'GYUR, ,ZHES BYA BAS KYANG 'DI SKAD BSTAN TE, 'DI LA DBU MA PAS STONG PA NYID KYIS DNGOS BO NGO BO NYID MED PA NYID DU RNAM PAR BSHAD PA'I TSE RGOL BA GANG ZHIG STONG PA NYID MA YIN PAS SKYON 'DOGS SHING SMRA BAR BYED PA DE'I SKYON 'DOGS PAR BYED PA DE DAG THAMS CAD KYIS KYANG DBU MA PA LA SKYON BTAGS PA MA YIN TE, CI'I PHYIR ZHE NA, BSGRUB PAR BYA BA DANG MTSUNGS PAR 'GYUR BA'I PHYIR TE 'DI LTA STE DPER NA DBU MA PAS DNGOS PO THAMS CAD NGO BO NYID STONG PA'O ZHES DAM BCAS NAS BSGRUB PAR BYA BA'I DPE BSTAN @59A *, ,PA'I PHYIR PHUNG PO LA SOGS PA DAG NGO BO NYID STONG PA YIN NO ZHES RNAM PAR BSHAD PA BYAS PA'I TSE, DNGOS POR SMRA BA GANG ZHIG PHUNG PO LA SOGS PA DAG YOD PA KHO NA YIN TE BDEN PA LA SOGS PAS BSDUS PA'I PHYIR RO ZHES BYA BA LA SOGS PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYED PA DE'I SKYON 'DOGS PA DE DAG THAMS CAD KYIS NI DBU MA PA LA SKYON BTAGS PA MA YIN TE, CI'I PHYIR ZHE NA, PHUNG PO LA SOGS PA DAG YOD PA KHO NA YIN TE BDEN PA LA SOGS PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYED PA DE DAG KYANG BSGRUB PAR BYA BA PHUNG PO LA SOGS PA NYID DANG MTSUNGS PAR NGO BO NYID STONG PA YIN PAR 'GYUR BA'I PHYIR RO ZHES BYA BA LTA BU'O, ,STONG PA NYID KYIS BSHAD BYAS TSE, ,ZHES BYA BA BSTAN PA'I PHYIR PHUNG PO DANG KHAMS DANG SKYE MCHED DAG NGO BO NYID MED PA NYID DU BSTAN PA NA STONG PA NYID KYIS SBYOR BA RNAM PAR DBYE BA BYAS TE RNAM PAR BSHAD PA'I TSE ZHES BYA BA SMRAS TE, DBU MA PAS DNGOS PO SMRA BA DAG LA STONG PA NYID KYIS RNAM PAR BSHAD PA BYAS PA'I TSE ZHES BYA BAR SBYAR RO, ,DBU MA PAS GANG GI TSE DNGOS POR SMRA BA DAG LA STONG PA NYID KYIS RNAM PAR BSHAD PA BYAS PA'I TSE ZHE NA, PHUNG PO DANG KHAMS PA SKYE MCHED DAG NGO BO NYID MED PA NYID DU BSTAN PA NA ZHES BYA BA SMRAS TE, GANG GI TSE CHOS THAMS CAD KYI DE KHO NA'I MTSAN NYID RTOG PAR BYED PA DE'I TSE NA PHUNG PO DANG KHAMS DANG SKYE MCHED DAG NGO BO NYID MED PA NYID DU BSTAN PA NA'O, ,DBU MA PAS RNAM PA GANG GIS DNGOS POR SMRA BA DAG LA RNAM PAR BSHAD PA BYAS PA'I TSE ZHE NA, STONG PA NYID KYIS ZHES BYA BA SMRAS SO, STONG PA NYID STON PA DE BSTAN PA'I PHYIR SBYOR BA RNAM PAR DBYE BA BYAS TE RNAM PAR BSHAD PA'I TSE ZHES BYA BA SMRAS TE, TSIG LE'UR BYAS PA SNGA MA SHOS KYI SKABS SU, STONG PA NYID KYIS BRTZAD BYAS TSE, ,ZHES SMRAS PA'I SBYOR BA DE NYID 'DIR, STONG PA NYID KYIS BRTZAD BAS TSE, ,ZHES BYA BAR RNAM PAR DBYE BA BYAS TE RNAM PAR BSHAD PA'I TSE'O, ,GANG ZHIG SKYON 'DOGS SMRA BYED PA, ,ZHES BYA BA BSTAN PA'I PHYIR, GANG ZHIG TSAD MA LOG PAS BLO GROS BSLAD PA NYID KYIS PHUNG PO LA SOGS PA DAG YOD PA KHO NA YIN @59B TE; BDEN PA LA SOGS PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYAD PA ZHES BYA BA SMRAS TE, DNGOS POR SMRA BA GANG ZHIG DBU MA PA LA SKYON 'DOGS SHING SMRA BAR BYED PA ZHES BYA BAR SBYAR RO, ,DNGOS POR SMRA BA DAG SGRUB PA GANG GIS DBU MA PA LA SKYON 'DOGS SHING SMRA BAR BYED CE NA, TSAD MA LOG PAS BLO GROS BSLAD PA NYID KYIS PHUNG PO LA SOGS PA DAG YOD PA KHO NA YIN TE BDEN PA LA SOGS PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYED PA ZHES BYA BA SMRAS TE 'DIR YANG TSIG LE'UR BYAS PA SNGA MA SHOS KYI SKABS SU, GANG ZHIG LAN 'DEBS SMRA BYED PA, ,ZHES, SMOS PA'I SBYOR BA DE NYID 'DIR, ,GANG ZHIG SKYON 'DOGS SMRA BYED PA, ,ZHES BYA BA RNAM PAR DBYE BAR BYA'O, ,DNGOS POR SMRA BA DAG BSTAN BCOS NGAN PA DAG DANG LDAN PA'I TSAD MA LOG PAS BLO GROS BSLAD PA NYID KYIS DBU MA LA 'DI SKAD CES DON DAM PAR PHUNG PO RNAMS YOD PA KHO NA YIN TE, 'PHAGS PA'I BDEN PAS BSDUS PA'I PHYIR ZHES BYA BA DANG DON DAM PAR KHAMS DANG SKYE MCHED RNAMS YOD PA KHO NA YIN TE PHUNG PO LA SOGS PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYED PA YIN NO, ,DE YIS THAMS CAD SKYON BTAGS MIN, ,ZHES BYA BA BSTAN PA'I PHYIR DE YIS DE DAG THAMS CAD KYANG SKYON BTAGS SHING SUN PHYIN PA MA YIN TE ZHES BYA BA SMRAS TE, 'DIR YANG TSIG LE'UR BYAS PA SNGA MA SHOS KYI SKABS SU, DE YIS THAMS CAD LAN BTAB MIN, ,ZHES SMOS PA'I SBYOR BA DE NYID 'DIR, DE YIS THAMS CAD SKYON BTAGS MIN, ,ZHES BYA BAR RNAM PAR DBYE BA BYAS TE, DNGOS POR SMRA BA DE'I SKYON 'DOGS PA DE DAG THAMS CAD KYIS NI DBU MA PA LA SKYON BTAGS PA MA YIN NO ZHES BYA BAR SBYAR RO, ,BSGRUB PAR BYA DANG MTSUNGS PAR 'GYUR, ,ZHES BYA BA BSTAN PA'I PHYIR BSGRUB PAR BYA BA DANG MTSUNGS PAR 'GYUR BA'I PHYIR RO ZHES BYA BA'I TSIG GI LHAG MA'O ZHES BYA BA SMRAS TE, CI'I PHYIR DE'I SKYON 'DOGS PA DE DAG THAMS CAD KYIS DBU MA PA LA SKYON BTAGS PA MA YIN ZHE NA DE'I TSAD MA LOG PAS BLO GROS BSLAD PA NYID KYIS PHUNG PO LA SOGS PA DAG YOD PA KHO NA YIN TE, BDEN PA LA SOGS @60A *, ,PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYED PA DE DAG BSGRUB PAR BYA BA DANG MTSUNGS PAR MA GRUB PAR 'GYUR BA'I PHYIR RO ZHES BYA BA'I THA TSIG GO, ,CI LTA ZHE NA ZHES BYA BA NI PHA ROL PO NA RE CI LTAR BSGRUB PAR BYA BA DANG MTSUNGS PAR 'GYUR ZHES DRI BA YIN NO, ,DE'I LAN DU SUN DBYUNG BA DANG 'DRA BA'I PHYIR BSGRUB PAR BYA BA MA GRUB PA NYID DANG SPYIR MTSUNGS TE ZHES BYA BA SMRAS TE, DNGOS POR SMRA BA DAG GI SKYON 'DOGS PAR BYED PA DE DAG DBU MA PAS DNGOS PO THAMS CAD MA GRUB PAR SUN PHYUNG BA DANG 'DRA BA'I PHYIR BSGRUB PAR BYA BA DNGOS PO YOD PAR MA GRUB PA NYID DANG SKYON 'DOGS PA DE DAG MA GRUB PA NYID SPYIR MTSUNGS SO, ,DE NYID BSTAN PA'I PHYIR SLOB DPON 'PHAGS PA LHAS DBU MA PA'I TSIG LE'UR BYAS PA BRGYA PA LA, DNGOS PO GCIG LA GANG LTA BA, ,DE NI KUN LA'ANG LTA BAR 'DOD, ,GCIG GI STONG NYID GANG YIN PA, ,DE NYID KUN GYIS STONG PA NYID, ,CES GSUNGS SO ZHES BYA BA SA BSGRUB PAR BYA BA DANG MTSUNGS PAR 'GYUR BA'I KHUNGS BSTAN TO, ,DE LA 'DIR RAB TU BYED PA'I DON NI SKYE MCHED RNAMS YOD PAR STON PA NYE BAR GZHAG PA'I SGRUB PA'I SKYON BRJOD PAS PHUNG PO RNAMS NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE PHUNG PO BRTAG PA'I RAB TU BYED PA BZHI PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL PHOS SKYE MCHED RNAMS YOD PAR LTON PA'I PHYOGS SNGA MA DON DAM PAR SKYE MCHED RNAMS YOD PA KHO NA YIN TE, PHUNG POS BSDUS PA'I PHYIR RO ZHES BYA LA SOGS PA NYE BAR GZHAG PA DE DAG GI SGRUB PA'I SKYON BRJOD PAS PHUNG PO RNAMS NGO BO NYID MED PA NYID DU BSTAN PA YIN NO, ,PHUNG PO RNAMS NGO BO NYID MED PA NYID DU BSTAN PA LA YON TAN CI YOD PA BSTAN PA'I PHYIR DANG, PHUNG PO RNAMS NGO BO NYID MED PA NYID BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIR PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA @60B PHUNG PO LNGA PO DAG GIS MNGON PAR 'GRUB PAR GTOGS PA STON PA GANG YIN PA DE NI SHES RAB KYI PHA ROL TU PHYIN PA MA YIN NO ZHES BYA BA LA SOGS PA GSUNGS PA'I LUNG GI DON GRUB CING YID CHES PA'I LUNG GI KHUNGS DES PHUNG PO RNAMS NGO BO NYID MED PA NYID DU BSGRUBS PA YIN NO, ,DE LA, MNGON PAR 'GRUB PAR GTOGS PA STON PA ZHES BYA BA NI SKYE BAR BSDUS PA STON PA ZHES BYA BA'I THA TSIG GO, ,'BYUNG BA DANG 'BYUNG BA LAS GYUR PA'I GZUGS BSAL BA'I LUNG YANG 'DI YIN TE, DE'I PHYIR RAB KYI RTZAL GYIS RNAM PAR GNON PA GZUGS NGO BO NYID DANG BRAL BA NI GZUGS SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NGO BO NYID DANG BRAL BA NI RNAM PAR SHES PA'O, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA DAG NGO BO NYID DANG BRAL BA GANG YIN PA DE NI SHES RAB KYI PHA ROL TU PHYIN PA'O, ,RAB KYI RTZAL GYIS RNAM PAR GNON PA GSUNGS NGO BO NYID MED PA NI GZUGS SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NGO BO NYID MED PA NI RNAM PAR SHES PA'O, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA DAG GI NGO BO NYID MED PA GANG YIN PA DE NI SHES RAB KYI PHA ROL TU PHYIN PA'I ZHES BYA BA GSUNGS SO, ,DE BZHIN DU 'PHAGS PA TSANGS PA KHYAD PAR SEMS KYIS ZHUS PA'I MDO LAS, DES NI 'JIG RTEN PHUNG PO BSTAN, ,DE LA 'JIG RTEN GNAS PAR GYUR, ,MKHAS PAS DE LA MI GNAS PA, ,'JIG RTEN CHOS KYIS MI GOS SO, ,ZHES BYA BA LA SOGS PA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS NGES KYANG PHUNG PO RNAMS NGO BO NYID MED PA NYID DU BSGRUBS PA YIN TE, NGES 'JIG RTEN LA PHUNG PO BSTAN PA DE DAG LA 'JIG RTEN GANG DAG LA GNAS SHING CHAGS PA DANG LHAG PAR CHAGS PAR GYUR PA DE DAG NI SKYE BA DANG RGA BA DANG NA BA DANG 'CHI BA LA SOGS PA PHUNG PO'I TSOS RNAMS KYIS GNOD PAR 'GYUR RO, ,MKHAS PA GANG DAG PHUNG PO DE DAG LA MI GNAS SHING MCHAGS PA DANG LHAG PAR CHAGS PAR MA GYUR PA DE DAG NI 'JIG RTEN GYI CHOS RNAMS KYIS MI GOS TE, DE NI SHES RAB KYI PHA ROL TU PHYIN PA'O, ,CI LTAR DE LA MI GNAS 'GYUR, ,ZHES DRI BA'I LA @61A *, ,DU DE NYID LAS, 'JIG RTEN NAM MKHA'I MTSAN NYID DE, ,NAM MKHA' LA YANG MTSAN NYID MED, ,DE PHYIR DE YIS DE RTOGS PAS, ,'JIG RTEN CHOS KYIS MI GOS SO, ,ZHES BYA BA TSIGS SU BCAD PA GZHAN GSUNGS TE, CI LTAR NAM MKHA' LA DNGOS PO MED CING MTSAN NYID MED PA DE BZHIN DU PHUNG PO LA SOGS PA DNGOS PO RNAMS LA YANG DNGOS PO MED CING MTSAN NYID MED PAR RTOGS PAS 'JIG RTEN GYI CHOS RNAMS KYIS MI GOS SO ZHES GSUNGS TE, DE NI SHES RAB KYI PHA ROL TU PHYIN PA'O, ,DE BZHIN DU 'PHAGS PA SUM BRGYA PA'I MDO LAS, BYANG CHUB SEMS DPA' GZUGS DANG SGRA DANG DRI DANG RO DANG REG BYA DANG CHOS LA GNAS TE SBYIN PA SBYIN PAR MI BYA'O ZHES BYA BA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG PHUNG PO RNAMS NGO BO NYID MED PA NYID DU BSGRUBS PA YIN TE, DE NI RGYUR BYAS PA'I GZUGS DGAG PA BSGRUB PA'I LUNG YIN TE DE YANG SHES RAB KYI PHA ROL TU PHYIN PA'O, ,DE BZHIN DU 'PHAGS PA LANG KAR GSHEGS PA'I MDO LAS, SRID PA GSUM NI BTAGS PA TZAM, ,NGO BO NYID KYIS DNGOS PO MED, ,BTAGS PA DNGOS PO'I RANG BZHIN DU, ,NGAN RTOG RNAMS NI RTOG PAR BYED, ,CES BYA BA LA SOGS PA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG PHUNG PO RNAMS NGO BO NYID MED PA NYID DU BSGRUBS PA YIN TE, DE NI PHUNG PO RNAMS THA SNYAD KHO NAR YOD PA NYID DU BSTAN PA'I DON DAM PAR NGO BO NYID MED PA NYID DU BSTAN PA'I LUNG YIN NO, ,DON DE NYID BSTAN PA'I PHYIR YANG DE NYID LAS, BLO YIS RNAM PAR BRTAGS BYAS NA; NGO BO NYID NI GZUNG DU MED, ,DE PHYIR DE DAG BRJOD MED DANG, ,NGO BO NYID NI MED PAR BSTAN, ,ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA NI GANG GI PHYIR DON DAM PAR DNGOS PO RNAMS LA BLOS RNAM PAR BRTAGS NA NGO BO NYID CHA PHRA BA'AM, RAGS PA GZUNG DU MED PA DE'I PHYIR DE BZHIN GSHEGS PAS DNGOS PO DE DAG BRJOD DU MED PA DANG NGO BO NYID MED PAR BSTAN PA GANG YIN PA DE GRUB CING YID CHES PA'I LUNG GI KHUNGS DES KYANG PHUNG PO RNAMS NGO BO NYID MED PA NYID DU BSGRUBS PA YIN TE, DE NI SHES RAB KYI PHA ROL TU PHYIN PA'O, ,GANG GI PHYIR THEG PA CHEN PO'I MDO SDE MTHA' YAS BDAG LAS PHUNG @61B PO RNAMS NGO BO NYID MED PA NYID DU BSTAN PA DE'I PHYIR 'DIR YANG PHUNG PO LA SOGS PA NGO BO NYID MED PA NYID DU BSTAN TO, ,DE LTAR YID CHES PA'I LUNG DE DAG BSGRUBS PA NI PHUNG PO RNAMS NGO BO NYID DU BSTAN PA'I YON TAN YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS PHUNG PO RNAMS NGO BO NYID MED PA NYID DU BSTAN PA MA YIN TE, DE LTAR LUNG DE DAG KYANG YOD DO, ,SLOB DPON LEGS LDAN BYED KYIS NYE BAR SBYAR BA DBU MA PA'I RTZA BA'I 'GREL PA SHES RAB SGRON MA LAS PHUNG PO BRTAG PA ZHES BYA BA STE RAB TU BYED PA BZHI PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SA-HO,, ,,BOM PO SUM CU GSUM PA, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS KHAMS RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA LNGA PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU LTA STE, TSIG GI DON SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS TE 'DI LTA STE, SKYE MCHED LA SOGS PA DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS SA LA SOGS PA DAG YOD PA NYID DU STON PA'I GTAN TSIGS SU MTSAN NYID YOD PA'I PHYIR RO ZHES SMRAS PA DAG YIN NO, ,DE DGAG PAS ZHES BYA BA NI STONG PA NYID KYIS MI MTHUN PA'I PHYOGS KYI KHYAD PAR DE DGAG PA'I DBANG DU BYAS NAS RAB TU BYED PA LNGA PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS KHAMS RNAMS DNGOS PO NGO BO NYID MED PA NYID DU BSTAN PA'I DON GYI DBANG GIS RAB TU BYED PA LNGA PA BRTZAM MO ZHES BYA BA SMRAS TE, KHAMS RNAMS NGO BO NYID MED PA NYID DU BSTAN PA NI RAB TU BYED PA 'DI'I 'BRAS BU YIN NO, ,RAB TU BYED PA BSTAN MA THAG PAR, GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BSHAD PA'I PHYIR ZHES BYA BA NI PHUNG PO BRTAG PA'I RAB TU BYED PA BSTAN @62A *, ,MA THAG PAR BSTAN BCOS MDZAD PAS DE SKAD CES BSHAD PA'I PHYIR RANG GI SDE PA DAG GIS DE NI MI BZOD PAS DE'I PHYIR RE ZHIG RANG GI SDE PA DAG NA RE 'DI SKAD CES ZER RO ZHES BYA BAR SBYAR RO, ,'DI LA BCOM LDAN 'DAS KYIS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS ZHES BYA BA NI SDE PA GZHAN DAG GI GZHUNG LAS DE SKAD CES GSUNGS PAS KHAMS DRUG PO SA DANG, CHU DANG ME DANG RLUNG DANG, NAM MKHA' DANG, RNAM PAR SHES PA ZHES BYA BA DAG GI MTSAN NYID SRA BA DANG, GSHER BA DANG, TSA BA DANG, G-YO BA DANG, SKABS 'BYED PA DANG, RNAM PAR SHES PAR BYED PA DAG STON TO ZHES BYA BA NI KHAMS DRUG PO DAG GI MTSAN NYID KYI GZHI DANG MTSAN NYID YOD PAR DAM 'CHA' ? BA YIN NO, ,NAM MKHA'I ME TOG LA SOGS PA LTA BU MED PA DAG NI SKYES BU'I RGYU NYID DU MA BSTAN PAS ZHES BYA BA NI CHOS MI MTHUN PA'I PHYOGS KYI DPE YIN NO, ,DE'I PHYIR SLOB DPON GYIS SA LA SOGS PA DAG LA YANG GZUGS KYI RGYU MED DO ZHES DAM BCA' BA BYAS PA DE NI KHAS BLANGS PA LA GNOD PAR 'GYUR RO ZHES BYA BA NI BSTAN BCOS MDZAD PAS, GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES DAM BCA' BA BYAS PA DE NI BCOM LDAN 'DAS KYIS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PA'I LUNG KHAS BLANGS PA LA GNOD PAR 'GYUR RO ZHES ZER RO, ,GAL TE DE BZHIN GSHEGS PAS THA SNYAD DU KHAMS DRUG PO DAG SKYES BU'O ZHES BSTAN PAR KHAS BLANGS PAS NYES PA MED DO ZHE NA ZHES BYA BA NI RANG GI SDE PA DAG NA RE GAL TE KHYED DBU MA PA NA RE, BCOM LDAN 'DAS KYIS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PA NI DE BZHIN GSHEGS PAS KUN RDZOB KYI BDEN PAR DE SKAD BSTAN PAR NGED DBU MA PAS KHAS BLANGS PAS NGED CAG LA KHAS BLANGS PA LA GNOD PAR 'GYUR BA'I NYES PA MED DO ZHES ZER NA'O, ,DON DAM PAR BSTAN PAR KHAS BLANGS PA'I PHYIR NYES PA MED PA MA YIN NO ZHES BYA BA NI NGED RANG GI SDE PA DAG GIS BCOM LDAN 'DAS KYIS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PA'I LUNG DE DON DAM PAR KHAS BLANGS PA'I PHYIR KHYED DBU MA PA LA KHAS BLANGS PA LA GNOD PAR 'GYUR PA'I NYES PA MED @62B PA MA YIN NO, ,GAL TE DE MA GRUB PA'I PHYIR RIGS PA MA YIN NO ZHE NA ZHES BYA BA NI GAL TE KHYED DBU MA PA NA RE DON DAM PAR BSTAN PAR KHAS BLANGS PA DE NGED LA MA GRUB PA'I PHYIR RIGS PA MA YIN NO ZHES ZER NA'O, ,MA GRUB PA MA YIN TE ZHES BYA BA NI KHYED DBU MA PA LA YANG DON DAM PAR BSTAN PA DE MA GRUB PA MA YIN TE ZHES BSGRUB PA YIN NO, ,DE NYID KYI TSAD MA BSTAN PA'I PHYIR DON DAM PAR SA LA SOGS PA KHAMS RNAMS YOD PA KHO NA YIN TE, DE DAG GI MTSAN NYID YOD PA'I PHYIR RO, ,'DI LA BCOM LDAN 'DAS KYIS GANG DON DAM PAR MED DO ZHES GSUNGS PA DE LA NI MTSAN NYID MED DE DPER NA NAM MKHA'I ME TOG BZHIN NO, ,SA LA SOGS PA DAG LA NI SRA BA NYID LA SOGS PA'I MTSAN NYID DAG YOD PAS DE LTAR DE DAG GI MTSAN NYID YOD PA'I PHYIR SA LA SOGS PA KHAMS RNAMS YOD PA KHO NA YIN NO ZHES ZER RO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR NAM MKHA'I NGO BO NYID STONG PA NYID KYIS BSTAN SLA BA'I PHYIR DANG, DE YOD PA MA YIN PAR BSTAN PAS KHAMS LHAG MA RNAMS DGAG PA YANG SLA BA'I PHYIR SLOB DPON GYIS NAM MKHA'I KHAMS KHO NA'I DBANG DU MDZAD DE BSHAD PA, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA LA SOGS PA SMRAS SO, ,DBYER MED PA'I PHYIR RO ZHES BYA BAR DGONGS SO ZHES BYA BA NI GAL TE DBYER YOD NA NI SNGA PHYI YANG YOD PAR 'GYUR BA ZHIG NA NAM MKHA'I MTSAN NYID KYI GZHI DANG MTSAN NYID LA NI DBYER MED PA'I PHYIR SLOB DPON GYIS DE LAS DGONGS NAS NAM MKHA'I MTSAN NYID KYI SNGA ROL NA NAM MKHA' CUNG ZAD KYANG YOD PA MA YIN NO ZHES GSUNGS SO, ,DBYER MED PA NYID BSTAN PA'I PHYIR 'DI LA BYE BRAG TU SMRA BA DAG NAM MKHA' NI MI SGRIB PA KHO NAR STON PAS MI SGRIB PA NYID NAM MKHA' YIN LA DE YANG YOD PA NYID DU SGRUB PAS ZHES BYA BA LA SOGS PA SMRAS TE, NYAN THOS BYE BRAG TU SMRA BA DAG NA RE NAM MKHA'I MTSAN NYID NI MI SGRIB PA'O ZHES ZER BAS MI SGRIB PA DANG NAM MKHA' THA MI DAD DE DBYER MED PA YIN NO, ,DE DAG NAM MKHA' @63A *, ,DE YANG YOD PA NYID DU SGRUB TE DE NI MI 'GRUB BO, ,CI'I PHYIR MI 'GRUB CE NA, DE'I PHYIR MI SGRIB PA YOD PA NYID KYIS BSGRUB PAR BYA BA DANG SGRUB PA MI 'GRUB STE, DPER NA SGRA NI MI RTAG STE MI RTAG PA'I PHYIR RO ZHES BYA BA DE BZHIN DU 'DIR YANG NAM MKHA' YOD DE NAM MKHA' YIN PA'I PHYIR RO ZHES BYA BA SMRA TE, DPER NA SGRA NI MI RTAG STE MI RTAG PA'I PHYIR RO ZHES BYA BA DE DAM BCAS PA'I DON GYI PHYOGS GCIG YIN PAS MI 'GRUB PA DE BZHIN DU BYE BRAG TU SMRA BA DAG GIS NAM MKHA' YOD DE NAM MKHA' YIN PA'I PHYIR RO ZHES BYA BA DE YANG DAM BCAS PA'I DON GYI PHYOGS GCIG YIN PAS MI SGRIB PA YOD PA NYID KYIS BSGRUB PAR BYA BA DANG SGRUB PA MI 'GRUB PA'I PHYIR NAM MKHA' YOD PA NYID DU MI 'GRUB BO, ,YANG NA GANG DAG DBU MA PA'I BSTAN BCOS KYI TSUL LA SDANG BA DAG 'DI SKAD CES GANG GI PHYIR RIM MAM CIG CAR DE MI 'THAD PAR 'GYUR BA'I MTSAN NYID KYI GZHI DANG MTSAN NYID DAG GZHAN NYID YIN PAR KHAS MI LEN TE, SKYES BU CHEN PO'I MTSAN RNAMS LAS SKYES BU CHEN PO GZHAN YIN PAR MI RIGS PA BZHIN NO ZHES BYA BA NI RANG GI SDE PA GANG DAG DBU MA PA'I BSTAN BCOS KYI TSUL LA SDANG ZHING KHAMS RNAMS RDZAS SU YOD PAR 'DOD PA DAG NA RE KHYED DBU MA PAS, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA MTSAN NYID KYI GZHI DANG MTSAN NYID DAG RIM MAM CIG CAR GYI SGO NAS NAM MKHA' YOD PAR MI 'THAD PAR BSGRUB PA'I MTSAN NYID KYI GZHI DANG MTSAN NYID DAG GAL TE GZHAN NYID YIN NA NI NAM MKHA'I MTSAN NYID KYI SNGA ROL NA NAM MKHA' CUNG ZAD KYANG YOD PA MA YIN NO ZHES BSGRUB TU YANG RUNG BA ZHIG NA, MTSAN NYID KYI GZHI DANG MTSAN NYID DAG DPER NA SKYES BU CHEN PO'I MTSAN RNAMS LAS SKYES BU CHEN PO GZHAN NYID YIN PAR MI RIGS PA BZHIN DU GZHAN NYID YIN PAR KHAS MI LEN PAS DBU MA PA'I GTAN TSIGS KYI DON MI 'GRUB BO ZHES ZER BA YIN NO, ,'DIR KHA CIG NA RE MTSAN NYID KYI SGRA'I YUL NI MTSAN NYID KYI GZHI YIN PAS MTSAN NYID NI BYED PA YIN LA MTSAN NYID KYI GZHI NI LAS YIN TE, DE GNYIS NI MTSON PAR BYED PA DANG MTSON PAR BYA BA'I TSUL GYIS THA DAD PA NYID YIN NA 'DIR SMRA BA PO KHYED KYIS MTSAN NYID KYI GZHI DANG MTSAN NYID DAG GZHAN NYID YIN PAR KHAS MI LEN TE, SKYES BU CHEN PO'I @63B MTSAN RNAMS LAS SKYES BU CHEN PO GZHAN YIN PAR MI RIGS SO ZHES SMRAS PA NI BYED PA DANG LAS GCIG TU 'GYUR BA'I SKYON DU 'GYUR BAS MI RUNG NGO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR SMRA BA PO DE DAG NYID KYIS 'DI LA DE MTSON PAR BYA BA YIN PAS MTSAN NYID DE, LAS LA BYA BA'I RKYEN BRJOD PA'I PHYIR RO ZHES SMRA'O ZHES ZER RO ZHES BYA BA SMRAS TE, 'DI LA MTSAN NYID DE NYID MTSON PAR BYA BA YIN PAS MTSAN NYID DE, MTSAN NYID LAS MTSAN NYID KYI GZHI GZHAN NYID MA YIN NO, ,CI'I PHYIR ZHE NA, LAS LA BYA BA'I RKYEN BRJOD PA'I PHYIR RO ZHES SMRA'O ZHES ZER TE, BRDA SPROD PA LAS ZAG PA ZHES BYA BA'I SGRA'I YUL NI RNAM PA GSUM STE BYA BA DANG BYED PA DANG GZHI'O, ,DE LA CI LTAR ZAG PA ZHES BYA BA'I SGRA'I YUL BYA BA YIN ZHE NA, ZAG PA ZHES BYA BA NI ZAG PAR BYA BA'I DNGOS PO CHU LA SOGS PA LA BRJOD PA'I PHYIR RO, ,ZAG PA ZHES BYA BA'I SGRA'I YUL CI LTAR BYED PA YIN ZHE NA, ZAG PA ZHES BYA BA NI LAG PA LA SOGS PA'I BYED PA 'DIS ZAG PAR BYED PAS ZAG PA'O ZHES BRJOD PA'I PHYIR RO, ,ZAG PA ZHES BYA BA'I SGRA'I YUL CI LTAR GZHI YIN ZHE NA, ZAG PA ZHES BYA BA NI GZHI'I PHYOGS 'DIR ZAG PAS ZAG PA'O ZHES BRJOD PA'I PHYIR RO, ,DE LA CI LTAR ZAG PA ZHES BYA BA'I SGRA'I YUL LAS YIN PAR BRJOD PA DE BZHIN DU 'DIR YANG MTSAN NYID CES BYA BA'I SGRA'I YUL NI DE MTSON PAR BYA BA YIN PAS MTSAN NYID DE, LAS LA BYA BA'I RKYEN BRJOD PA'I PHYIR NYES PA MED DO ZHES SMRA'O ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE DAG GI DE LTAR KHAS BLANGS PA NYID LA YANG, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,NAM MKHA' NYID MTSAN NYID YIN NA DE NYID KYIS DE BSGRUB PA'I PHYIR NYE BAR SBYOR BA BYED PA NI GTAN TSIGS SU MI RUNG STE DON MA GRUB PA'I PHYIR DES NA GANG GIS CI ZHIG SGRUB PAR 'GYUR ZHES BYA BA SMRAS TE, KHYED NYID NA RE MTSAN NYID GYI GZHI DANG MTSAN NYID DAG GAL TE GZHAN NYID YIN NA NI NAM MKHA'I MTSAN NYID KYI SNGA ROL NA NAM MKHA' CUNG ZAD KYANG YOD PA MA YIN NO ZHES BSGRUB TU YANG RUNG BA ZHIG NA, MTSAN NYID KYI GZHI DANG MTSAN NYID DAG DPER NA SKYES BU CHEN PO'I MTSAN RNAMS LAS SKYES BU CHEN PO GZHAN NYID YIN PAR MI RIGS PA BZHIN DU GZHAN NYID @64A *, ,YIN PAR KHAS MI LAN TO ZHES ZER BAS NAM MKHA' NYID MTSAN NYID YIN PAS DE NYID KYIS DE BSGRUB PA'I PHYIR NYE BAR SBYOR BAR BYED PA NI DAM BCAS PA'I DON GYI PHYOGS GCIG YIN PA'I PHYIR DPER NA SGRA NI MI RTAG STE MI RTAG PA'I PHYIR RO ZHES BYA BA BZHIN DU GTAN TSIGS SU MI RUNG STE, BSGRUB PAR BYA BA'I DON YANG MA GRUB LA SGRUB PA'I DON KYANG MA GRUB PA'I PHYIR DES NA GANG GIS CI ZHIG BSGRUB PAR 'GYUR TE, DE'I PHYIR SLOB DPON GYIS NAM MKHA'I MTSAN NYID DANG NAM MKHA' DBYER MED PA'I PHYIR SNGA PHYI MED PAS NAM MKHA'I MTSAN NYID KYI SNGA ROL NA NAM MKHA' CUNG ZAD KYANG YOD PA MA YIN NO ZHES BSHAD PA DE NI LEGS PAR GSUNGS PA YIN NO, ,CI STE YANG THA SNYAD DU YOD PA'I NAM MKHA'I NI MI SGRIB PA NYID YIN PAR GRAGS SO ZHE NA ZHES BYA BA NI GAL TE PHA ROL PO DAG NA RE KUN RDZOB KYI THA SNYAD DU YOD PA'I NAM MKHA' NI KHYED DBU MA PAS KYANG MI SGRIB PA NYID KYI MTSAN NYID DANG LDAN PAR GRAGS PA NYID DU KHAS BLANGS LA, KHO BO CAG GIS KYANG KHAS BLANGS PAS DE'I PHYIR THA SNYAD DU YOD PA'I NAM MKHA'I MTSAN NYID MI SGRIB PA NYID YIN PAR GRAGS PA'I GTAN TSIGS DES DON DAM PAR NAM MKHA' YOD PA NYID DU BSGRUB PAR BYA'O ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE BSTAN PA'I PHYIR GTAN TSIGS MI 'DOD DO ZHES BYA BA SMRAS TE, GAL TE KUN RDZOB TU MI SGRIB PA NYID KYIS MTSAN NYID GTAN TSIGS SU 'DOD NA DES NI NAM MKHA' YOD PA NYID DU THA SNYAD PAR BSTAN PA YIN GYI DON DAM PAR BSTAN PA MA YIN PAS DES NA MI SGRIB PA NYID NAM MKHA' YIN PAS GCIG PA NYID DU GYUR PA'I PHYIR BSGRUB PAR BYA BA GANG YIN PA DE NYID SGRUB PA YIN PAS GTAN TSIGS KYI DON MA GRUB PA NYID SO NA GNAS PA YIN PAS KUN RDZOB TU YOD PA DE BSTAN PA'I PHYIR GTAN TSIGS MI 'DOD DO, ,DON DAM PAR MA GRAGS PAS DE BSTAN PA LA RAB TU 'BAD PAR BYA'O ZHES NA ZHES BYA BA NI PHA ROL PO NA RE KHYED DBU MA PA NA RE DAD LA KUN RDZOB TU NAM MKHA' MI SGRIB PA NYID YIN PAR GRAGS PAS KUN RDZOB TU YOD PA DE BSTAN PA'I PHYIR GTAN TSIGS MI 'DOD DO ZHES ZER BA DE MI RUNG STE, KHYED DBU MA LA DON DAM PAR NAM MKHA' MI SGRIB PA NYID DU YOD PAR MA GRAGS PAS DE'I PHYIR KHO BO CAG GIS KUN RDZOB TU NAM MKHA'I MTSAN NYID MI SGRIB PA NYID YIN PAR GRAGS PA @64B YIN PA DES DON DAM PAR NAM MKHA' DE YOD PA NYID DU BSTAN PA LA RAB TU 'BAD PAR BYA'O ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LA YANG GTAN TSIGS KYI SKYON DANG DPE'I SKYON YOD DE DAM BCAS PA TZAM LA GNAS PAR ZAD DO ZHES BYA BA SMRAS TE, KUN RDZOB TU MI SGRIB PA NYID YIN PAR GRAGS PA'I GTAN TSIGS KYIS DON DAM PAR NAM MKHA' YOD PA NYID DU SGRUB PA NI GTAN TSIGS KYI DON 'GAL BA NYID YIN PAS MI RUNG NGO, ,DPE MED PA'I SKYON YANG YOD DE DON DAM PAR NAM MKHA' YOD PAR BSGRUB PA'I CHOS MTHUN PA'I DPE 'GA' YANG MED DE, DON DAM PAR DNGOS PO 'GA' YANG YOD PAR MA GRUB PA'I PHYIR RO, ,DE'I PHYIR PHA ROL PO DAG GI SGRUB PA DE NI DAM BCAS PA TZAM LA GNAS PAR ZAD DE, GTAN TSIGS DANG DPE MED PA'I PHYIR RO, ,YANG NA BYE BRAG TU SMRA BA DANG BYE BRAG PA DAG NAM MKHA' NI RDZAS SU YOD PA DANG 'DUS MA BYAS SO ZHES ZER BAS DE DAG GI PHYIR BSHAD PA, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA NI NYAN THOS BYE BRAG TU SMRA BA DANG, MU STEGS BYE BRAG PA DAG NAM MKHA' NI RDZAS SU YOD PA DANG, 'DUS MA BYAS SO ZHES ZER BAS DE DAG DGAG PA'I PHYIR, SLOB DPON GYIS TSIG LE'UR BYAS PA'I BYED GONG MA 'DI YANG RNAM PA GZHAN DU BSHAD DO ZHES BYA BAR SBYAR RO, ,RDZAS SU GYUR PA'O ZHES DAM BCA' BA NYE BAR BZHAG PA YIN NO ZHES BYA BA NI, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA DE'I DON CI ZHE NA, NAM MKHA'I MTSAN NYID SNGA ROL NA NAM MKHA' RDZAS SU GYUR PA CUNG ZAD KYANG YOD PA MA YIN NO ZHES DAM BCA' BA NYE BAR BZHAG PA YIN TE, DE SKYE BA MED PAR PHYOGS GNYI GA LA GRAGS PA NI CHOS YIN NO ZHES BYA BA NI, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES DAM BCA' BA NYE BAR GZHAG PA DE SGRUB PA'I CHOS GTAN TSIGS NI NAM MKHA' DE SKYE BA MED PAR RGOL BA'I PHYOGS GNYI GA LA GRAGS PA YIN NO, ,DPE NI DE'I DBANG GIS DE, ,RI BONG GI RVA LA SOGS PA DAG YIN NO ZHES BYA BA NI NAM MKHA'I MTSAN NYID KYI SNGA ROL NA NAM MKHA' RDZAS SU GYUR PA CUNG ZAD KYANG YOD PA MA YIN NO ZHES DAM BCA' @65A *, ,BA NYE BAR GZHAG PA DE'I CHOS MTHUN PA'I PHYOGS KYI DPE NI BSGRUB PAR BYA BA DANG SGRUB PA'I CHOS DE'I DBANG GIS BSTAN DGOS TE, RI BONG GI RVA LA SOGS PA GANG DAG LA BSGRUB PAR BYA BA CHOS RDZAS SU GYUR PA CUNG ZAD KYANG YOD PA MA YIN PA DANG, SGRUB PA'I CHOS SKYE BA MED PAR PHYOGS GNYI GA LA GRAGS PA DAG YOD PA YIN NO, ,'DIR RJES SU DPAG PA NI DON DAM PAR NAM MKHA' RDZAS SU YOD PA MA YIN TE, SKYE BA MED PA'I PHYIR DPER NA RI BONG GI RVA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA NI SKYE BA MED PA'I PHYIR RDZAS SU YOD PA MA YIN PA DE BZHIN DU NAM MKHA' YANG SKYE BA MED PA'I PHYIR RDZAS SU YOD PA MA YIN NO, ,DE BZHIN DU RGYU MED PA'I PHYIR DANG 'BRAS BU MED PA'I PHYIR DANG, YOD PA MA YIN PA'I PHYIR RO ZHES BYA BA LA SOGS PA'I GTAN TSIGS DAG KYANG BRJOD PAR BYA'O ZHES BYA BA NI, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BAS DON DAM PAR NAM MKHA' RDZAS SU YOD PA MA YIN PA'I GTAN TSIGS SKYE BA MED PA'I PHYIR ZHES BYA BA NI MTSAN NYID KYI SGRA'I YUL NYE BAR BZUNG BA'I PHYIR MTSON PA TZAM DU ZAD DE, PHYOGS DE'I GTAN TSIGS NI RGYU MED PA'I PHYIR ZHES BYA BA DANG, 'BRAS BU MED PA'I PHYIR ZHES BYA BA DANG, YOD PA MA YIN PA'I PHYIR ZHES BYA BA LA SOGS PA DAG KYANG YIN PAR BRJOD PAR BYA'O, ,GANG DAG NAM MKHA' NI SGRA'I MTSAN NYID ZHES ZER BA DE DAG LA YANG SGRA NYID NAM MKHA' YIN PAS GTAN TSIGS KYI SKYON SNGA MA BZHIN NO ZHES BYA BA NI GRANGS CAN DAG SGRA DE TZAM LAS NAM MKHA' 'BYUNG BAS NAM MKHA' NI SGRA'I MTSAN NYID YIN TE RDZAS SU YOD DO ZHES ZER BA DE DAG LA YANG SGRA NYID NAM MKHA' YIN PAS RGYU DANG 'BRAS BU 'DRA BA'I PHYIR GTAN TSIGS KYI SKYON SNGA MA BZHIN TE, NAM MKHA' YOD PA NYID DE NAM MKHA' YOD PA'I PHYIR RO ZHES BYA BA DANG, SGRA YOD PA NYID DE SGRA YOD PA'I PHYIR RO ZHES BYA BA LTA BUR DAM BCAS PA'I DON GYI PHYOGS GCIG YIN PAS GTAN TSIGS KYI DON MA 'GRUB PAR SNGA MA BZHIN NO, ,'DIR KHA CIG NA RE GAL TE DON 'DI BSTAN BCOS BYED PA'I BSAM PA YIN PAR GYUR NA DE LTA NA BSTAN @65B BCOS BYED PAS, NAM MKHA'I MTSAN LAS GZHAN GYUR PA'I, ,NAM MKHA' CUNG ZAD YOD MA YIN, ,ZHES SMRAS PA KHO NAR 'GYUR RO ZHES ZER RO ZHES BYA BA 'DIR 'GREL PA BYED PAS NAM MKHA'I MTSAN NYID DANG NAM MKHA' GZHAN NYID MA YIN PAR BSGRUBS TE BSHAD PA DE LA BYE BRAG PA'I 'GREL PA BYED PA DAG NA RE KHYED KYI NAM MKHA'I MTSAN NYID DANG NAM MKHA' GZHAN NYID MA YIN PAR BSGRUBS TE BSHAD PA'I DON 'DI NI BSTAN BCOS BYED PA BTZUN PA KLU SGRUB KYI BSAM PA MA YIN TE, KHYED NYID KYI BSAM PAS RANG DGAR BSGRUBS SHING BSHAD PA YIN NO, ,GAL TE DON 'DI BSTAN BCOS BYED PA BTZUN PA KLU SGRUB KYI BSAM PA YIN PAR GYUR NA DE LTA NA BSTAN BCOS BYED PA BTZUN PA KLU SGRUB KYIS TSIG LE'UR BYAS PA'I SDEB SBYOR BYED PA'I SKABS SU, NAM MKHA'I MTSAN LAS GZHAN GYUR PA'I, ,NAM MKHA' CUNG ZAD YOD MA YIN, ,ZHES SMRAS PA KHO NAR 'GYUR BA'I RIGS NA DE SKAD MA SMRAS PAR, NAM MKHA'I MTSAN NYID SNGA ROL NA, NAM MKHA' CUNG ZAD YOD MA YIN, ,ZHES SMRAS PAS NAM MKHA'I MTSAN NYID DANG NAM MKHA' SNGA PHYI MI SRID PAR BSTAN PA KHO NA YIN PAS KHYOD KYIS NAM MKHA'I MTSAN NYID MA YIN PAR BSGRUBS SHING BSHAD PA'I DON 'DI NI BSTAN BCOS BYED PA'I BSAM PA MA YIN NO ZHES ZER BA YIN NO, , DE SKAD CES ZER BA DE'I LAN DU 'DIR 'GREL PA BYED PA NYID KYIS SNGA PHYI MI SRID PAR BSTAN PA KHO NAS GZHAN NYID DGAG PA 'GRUB PA'I PHYIR DE NI MI GNOD DO ZHES BYA BA SMRAS TE, BSTAN BCOS MDZAD PAS GZHAN NYID DGAG PA'I THABS KHO NAR SNGA PHYI MI SRID PAR BSTAN PA YIN PAS BSTAN BCOS MDZAD PAS SNGA PHYI MI SRID PAR BSTAN PA KHO NAS GZHAN NYID DGAG PA 'GRUB PA'I PHYIR KHYOD KYI KLAN KA DE NI KHO BO LA MI GNOD DO, ,GAL TE JI LTAR SNGA PHYI MED PAR BSTAN PA KHO NAS GZHAN NYID DGAG PA 'GRUB CE NA DE'I PHYIR BYE BRAG PA DAG NI MTSAN NYID KYI GZHI DANG MTSAN NYID GZHAN NYID DU DAM 'CHA' BAS, DE DAG GI GZHAN NYID YIN NA, LAN 'GA' SNGA PHYI YANG 'GYUR TE, GZHAN YIN PA'I PHYIR DPER NA BUM PA DANG SNAM BU DAG BZHIN BAS, DE'I PHYIR BSHAD PA, GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,ZHES BYA BA SMRAS TE, BYE BRAG PA DAG MTSAN NYID KYI GZHI DANG MTSAN NYID DAG @66A *, ,GZHAN NYID DU DAM 'CHA' BAS DE DAG GI GZHAN NYID DGAG PA'I THABS SU SLOB DPON GYIS TSIG LE'UR BYAS PA PHYED 'OG MA 'DI GSUNGS PAS MTSAN NYID KYI GZHI DANG MTSAN NYID DAG SNGA PHYI MI SRID PAR BSTAN PA KHO NAS GZHAN NYID DGAG PA 'GRUB PO ZHES BYA BAR SBYAR RO, ,SNGA PHYI MI SRID PAR BSTAN PA KHO NAS GZHAN NYID DGAG PA 'GRUB PA'I TSAD MA BSTAN PA'I PHYIR DE DAG GI GZHAN NYID YIN NA LAN 'GAL SNGA PHYIR YANG 'GYUR TE, GZHAN YIN PA'I PHYIR DPER NA BUM PA DANG SNAM BU DAG BZHIN PAS ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA DANG SNAM BU DAG NI GZHAN YIN PA'I PHYIR LAN 'GA' SNGA PHYIR YANG 'GYUR BA DE BZHIN DU BYE BRAG PA DAG GI MTSAN NYID KYI GZHI DANG MTSAN NYID DAG GZHAN NYID DU DAM 'CHA' BA YANG GZHAN YIN PA'I PHYIR LAN 'GA' SNGA PHYIR YANG 'GYUR BA ZHIG NA GAL TE MTSAN NYID LAS MTSAN NYID KYI GZHI DE SNGA BAR GYUR NA MTSAN NYID KYI GZHI MTSAN NYID MED PAR THAL BA'I SKYON DU GYUR BAS DE'I PHYIR SLOB DPON GYIS MTSAN NYID KYI GZHI DANG MTSAN NYID DAG SNGA PHYI MI SRID PAR BSTAN PA KHO NAR DE DAG GZHAN NYID DGAG PA 'GRUB PA'I PHYIR 'DIR 'GREL PA BYED PAS MTSAN NYID KYI GZHI DANG MTSAN NYID DAG GZHAN NYID MA YIN PAR BSGRUBS TE BSHAD PA'I DON DE BSTAN BCOS MDZAD PA'I DGONGS PA NYID YIN PAS PHA ROL PO'I KLAN KA DE 'GREL PA BYED PA LA MI GNOD DO ZHES BYA BA'I THA TSIG GO, ,MTSAN NYID MED PA NI MTSAN NYID YOD PA MA YIN PA STE DE SMRA BAR 'DOD PA'I MTSAN NYID KYI GZHI NYID DU MA GYUR PAR ZHES BYA BA'I THA TSIG GO ZHES BYA BA NI, GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,ZHES BYA BA'I MTSAN NYID MED PA NI MTSAN NYID YOD PA MA YIN PA STE MTSAN NYID KYI GZHI NAM MKHA' SNGA NA YOD PA DE PHA ROL PO SMRA BAR 'DOD PA'I MTSAN NYID MI SGRIB PA ZHES BYA BA'I MTSAN NYID KYI GZHI NYID DU MA GYUR PAR THAL BAR 'GYUR RO ZHES BYA BA'I THA TSIG GO, ,GAL TE MTSAN LAS SNGA GYUR NA, ,ZHES BYA BA 'DIS NI DE'I CHOS DUS THA DAD PA NYID BSTAN TO ZHES BYA BA NI, GAL TE MTSAN LAS SNGA GYUR NA, ,ZHES BYA BA @66B TSIG LE'UR BYAS PA'I RTZA BA 'DIS NI MTSAN NYID KYI GZHI NAM MKHA' SNGA NA YOD PA DE MTSAN NYID MED PAR THAL BAR 'GYUR BA DE'I SGRUB PA'I CHOS GTAN TSIGS DUS THA DAD PA NYID BSTAN TO, ,'DIR RJES SU DPAG PA NI NAM MKHA' NI SMRA BAR 'DOD PA'I MTSAN NYID KYI GZHI MA YIN TE, DE BAS DUS SNGA NA YOD PA'I PHYIR DPER NA DE LAS GZHAN PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS CAN DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA' LAS GZHAN PA'I KHAMS DANG CHU DANG ME DANG RLUNG DANG RNAM PAR SHES PA DAG NI NAM MKHA'I MTSAN NYID MI SGRIB PA ZHES BYA BA DE BAS DUS SNGA NA YOD PA'I PHYIR PHA ROL PO SMRA BAR 'DOD PA'I NAM MKHA'I MTSAN NYID MI SGRIB PA ZHES BYA BA'I MTSAN NYID KYI GZHI MA YIN PA DE BZHIN DU NAM MKHA' YANG NAM MKHA'I MTSAN NYID MI SGRIB PA ZHES BYA BA DE BAS DUS SNGA NA YOD PA'I PHYIR PHA ROL PO SMRA BAR 'DOD PA'I NAM MKHA'I MTSAN NYID MI SGRIB PA ZHES BYA BA'I MTSAN NYID KYI GZHI MA YIN NA, ,YANG NA, MTSAN NYID MED PAR THAL BAR 'GYUR, ,ZHES BYA BA NI MTSAN NYID LA MED PA NI MTSAN NYID MED PA STE, DE LA MTSAN NYID KYI GZHI NYID MED PAR ZHES BYA BA'I THA TSIG GO ZHES BYA BA NI, YANG NA, MTSAN NYID MED PAR THAL BAR 'GYUR, , ZHES BYA BA TSIG LE'UR BYAS PA'I RTZA BA DE'I MTSAN NYID MED PAR ZHES BYA BA NI MTSAN NYID LA MTSAN NYID KYI GZHI MED PA NI MTSAN NYID MED PA ZHES BYA BA STE, GAL TE MTSAN NYID LAS MTSAN NYID KYI GZHI SNGA BAR GYUR NA MTSAN NYID DE LA MTSAN NYID KYI GZHI NYID MED PAR THAL BAR 'GYUR RO ZHES BYA BA'I THA TSIG GO, ,GAL TE MTSAN LAS SNGA GYUR NA, ,ZHES BYA BA NI NAM MKHA' ZHES BYA BA'I SKABS YIN TE, 'DIS NI DE'I CHOS MTSAN NYID KYI GZHI LAS MTSAN NYID GZHAN PA NYID BSTAN TO ZHES BYA BA NI, GAL TE MTSAN LAS SNGA GYUR NA, ,ZHES BYA BA'I TSIG LE'UR BYAS PA 'DI'I DON NI GAL TE MTSAN NYID LAS SU ? NAM MKHA' SNGA BAR GYUR NA ZHES BYA BA'I SKABS YIN TE, 'DI NI MTSAN NYID LA MTSAN NYID KYI GZHI NYID MED PAR THAL BAR 'GYUR BA DE'I SGRUB PA'I CHOS GTAN TSIGS MTSAN NYID GZHAN PA NYID BSTAN TO, ,'DIR RJES SU DPAG PA NI SMRA BAR 'DOD PA'I MTSAN NYID @67A *, ,KYIS MTSAN NYID KYI GZHI NAM MKHA' MTSON PAR MI NUS TE, GZHAN YIN PA'I PHYIR DPER NA DE LAS GZHAN PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE; DPER NA NAM MKHA' MTSAN NYID MI SGRIB PA LAS GZHAN PA'I MTSAN NYID SRA BA DANG, GSHER BA DANG, TSA BA DANG, G-YO BA DANG, RNAM PAR SHES PAR BYED PA DAG NI NAM MKHA'I MTSAN NYID MI SGRIB PA ZHES BYA BA DE LAS GZHAN YIN PA'I PHYIR DE DAG GIS NAM MKHA' MTSON PAR MI NUS PA DE BZHIN DU PHA ROL PO SMRA BAR 'DOD PA'I NAM MKHA'I MTSAN NYID MI SGRIB PA YANG NAM MKHA' LAS GZHAN YIN PA'I PHYIR DES KYANG NAM MKHA' MTSON PAR MI NUS SO, ,DE LA TSIG LE'UR BYAS PA'I PHYED 'OG MA'I RNAM PAR BSHAD PA SNGA MA SHOS KYIS NI MTSAN NYID KYI GZHI BKAG LA RNAM PAR BSHAD PA PHYI MA SHOS KYIS NI MTSAN NYID BKAG TE DE GNYIS LA KHYAD PAR NI DE YOD DO, ,PHA ROL PO'I NANG GI RJES SU DPAG PA LA GNOD DE, MTSAN NYID KYI GZHI DANG, MTSAN NYID DAG LA MTSAN NYID MED PA NYID DU MI 'DOD PAS GZHAN NYID DU RNAM PAR RTOG PA YANG SPANG BAR BYA BA YIN NO ZHES BYA BA NI PHA ROL PO BYE BRAG PA DAG GI MTSAN NYID KYI GZHI DANG MTSAN NYID DAG GZHAN NYID DU DAM 'CHA' BA NI RANG GI RJES SU DPAG PA LA GNOD PA MI RUNG STE, CI'I PHYIR ZHE NA, BYE BRAG PA DAG NYID KYANG MTSAN NYID KYI GZHI LA YANG MTSAN NYID MED PA NYID DU MI 'DOD LA, MTSAN NYID LA YANG MTSAN NYID KYI GZHI MED PA NYID DU MI 'DOD PAR RJES SU DPOG PAS GAL TE MTSAN NYID KYI GZHI DANG MTSAN NYID DAG GZHAN NYID DU DAM BCAS NA MTSAN NYID KYI GZHI LA YANG MTSAN NYID MED PA NYID DU 'GYUR LA MTSAN NYID LA MTSAN NYID KYI GZHI MED PA NYID 'GYUR BAS RANG GI RJES SU DPAG PA LA GNOD PA'I PHYIR GZHAN NYID DU RNAM PAR RTOG PA YANG MI RUNG STE, SPANG BAR BYA BA YIN NO ZHES BYA BA'I THA TSIG GO, ,CI STE YANG DBYUG PAS MA BZLOG PA'I PHYIR KUN RDZOB PA'I GTAN TSIGS BRJOD NA GTAN TSIGS KYI DON MA GRUB PA NYID MA YIN YANG DON 'GAL BA NYID BZLOG DKA' BAS DE'I PHYIR MTSAN NYID DON @67B GZHAN DANG DON GZHAN MA YIN PAR GYUR PA MA GRUB PA'I PHYIR, NAM MKHA' MTSAN NYID MED PA ZHES BYA BAR GYUR TO ZHE NA ZHES BYA BA NI DBU MA PAS PHA ROL PO BYE BRAG PA LA SOGS PA GLANG PO LTA BU DAG RIGS PA'I LCAGS KYUS SNA NAS DRANGS TE PHYIR BZLOG TU ZIN KYANG DBYUG PA'I RIGS PAS MA BZLOG PA'I PHYIR CI STE YANG NGO TSA BOR NAS BYUNG RGYAL DU 'DI SKAD CES KHO BO CAG GIS MTSAN NYID KYI GZHI DANG MTSAN NYID DAG GZHAN NAM GZHAN MA YIN PAR SGRUB PA KUN RDZOB PA'I GTAN TSIGS GANG YANG RUNG BA DAG BRJOD NA KUN RDZOB TU KHO BO CAG GI GTAN TSIGS KYI DON MA GRUB PA NYID MA YIN YANG KHO BO CAG DON DAM PAR MTSAN NYID KYI GZHI DANG MTSAN NYID YOD PAR SGRUB PA DANG DON 'GAL BA NYID BZLOG DKA' BAS DE'I PHYIR MTSAN NYID KYI GZHI DANG MTSAN NYID DAG DON GZHAN DANG GZHAN MA YIN PAR GYUR PA KHO BO CAG GIS SGRUB MI ? NUS TE, MA GRUB PA'I PHYIR NAM MKHA' NI MTSAN NYID MED PA ZHES BYA BAR GYUR TO ZHES SGRUB CING DE SKAD CES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE MTSAN NYID MED PA'I DNGOS PO NYID YIN PAR YANG SHES PAR BYAR MI NUS TE, 'DI LTAR, MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,ZHES BYA BA SMRAS SO, ,DON DAM PA'I DNGOS PO GZHAN GYI PHYOGS DANG BDAG CAG GI PHYOGS GANG YANG GRUB PA MED DO ZHES BYA BA NI, MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,ZHES BYA BA'I TSIG GI DON BSHAD PA YIN TE, PHA ROL PO DAG NA RE NAM MKHA' MTSAN NYID MED PA ZHES BYA BAR 'GYUR RO ZHES ZER BA DE LTA BU'I DNGOS PO DON DAM PA PA NI 'GA' YANG GZHAN GYI PHYOGS DANG BDAG CAG GI PHYOGS GANG LA YANG GRUB PA MED DO, ,GANG DAG MTSAN NYID KYI GZHI NAM MKHA' NI YOD PA KHO NA YIN TE, DE LA MTSAN NYID 'JUG PA'I PHYIR RO ZHES ZER NA ZHES BYA BA NI BYE BRAG PA LA SOGS PA GANG DAG MTSAN NYID KYI GZHI LA MTSAN NYID 'JUG PA'I SGO NAS MTSAN NYID KYI GZHI YOD PAR SGRUB PA'I RJES SU DPAG PA YIN TE, DE DAG GI RJES SU DPAG PA DE YANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU @68A *, ,SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG RIGS PA MA YIN PAR NGES PAR BZUNG STE, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ZHES BYA BA SMRAS TE, SNGAR, MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,ZHES BSHAD PA'I RIGS PAS MTSAN NYID MED PA'I DNGOS PO 'GA' YANG MED NA MTSAN NYID GANG DU 'JUG PAR 'GYUR BA'I GZHI MED PA'I PHYIR MTSAN NYID 'JUG PA ZHES BYA BA DE MI 'THAD DO ZHES BYA BA'I THA TSIG GO, ,GZHI MED PA'I PHYIR GZHI BZHIN DU GTAN TSIGS MI 'GRUB STE ZHES BYA BA STE, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,ZHES BYA BA'I BSHAD PA YIN TE, MTSAN NYID MED PA'I MTSAN NYID KYI GZHI'I DNGOS PO MED NA MTSAN NYID KYI GZHI MED PA'I PHYIR GZHI BZHIN DU DE LA MTSAN NYID 'JUG PA'I PHYIR RO ZHES BYA BA'I GTAN TSIGS MI 'GRUB PO, ,DE NYID BSNAN PA'I PHYIR YUL MED PA LA GTAN TSIGS 'JUG PA MI 'GRUB PA'I PHYIR GTAN TSIGS KYI DON MA GRUB PA NYID KYI SKYON DU 'GYUR RO ZHES BYA BA SMRAS SO, ,YANG NA GZHAN MA YIN PA NYID KYI PHYOGS LA NI MTSAN NYID KYI GZHI DANG MTSAN NYID DAG GZHAN MA YIN PA NYID YIN NA DE GNYIS GYIS DE MTSON PAR BYAR MI RUNG STE, DE LAS GZHAN PA'I MTSAN NYID MED PA'I PHYIR NAM MKHA' LA MTSAN NYID MED DO ZHES BYA BA NI BYE BRAG TU SMRA BA DAG NAM MKHA' NI MI SGRIB PA KHO NAR STON PAS MTSAN NYID KYI GZHI DANG MTSAN NYID DAG GZHAN MA YIN PA NYID DU SMRA BA DE DAG GI PHYOGS LA YANG, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,ZHES BYA BA'I DON DE 'BYUNG BAR BSTAN PA YIN NO, ,GZHAN NYID KYI PHYOGS LA YANG SMRA BAR 'DOD PA'I MTSAN NYID NI MTSAN NYID KYI GZHI'I MTSAN NYID MA YIN TE, GZHAN YIN PA'I PHYIR DE LAS GZHAN PA BZHIN NO ZHES BYA BA NI SMRA BA GANG DAG MTSAN NYID KYI GZHI DANG MTSAN NYID BZHIN DU 'DOD PA DE DAG GI PHYOGS LA YANG MTSAN NYID KYI GZHI DANG, MTSAN NYID DAG GZHAN YIN PA'I PHYIR MTSAN NYID MI 'JUG PAS MTSAN NYID MED LA, MTSAN NYID MED NA YANG MTSAN @68B NYID KYI GZHI'I DNGOS PO MED PAS DE LA YANG, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,ZHES BYA BA'I DON DE 'BYUNG BAR BSTAN PA YIN NO, ,DE DAG GI RJES SU DPAG PA DE YANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I MTSAN NYID MI SGRIB PA DE LAS GZHAN PAS LA SOGS PA'I MTSAN NYID SRA BA LA SOGS PA DAG NI NAM MKHA' LAS GZHAN YIN PA'I PHYIR DE DAG NAM MKHA'I MTSAN NYID KYIS GZHAN NAM MKHA'I MTSAN NYID MA YIN PA DE BZHIN DU PHA ROL PO SMRA BAR 'DOD PA NAM MKHA'I MTSAN NYID MI SGRIB PA YANG NAM MKHA' LAS GZHAN YIN PA'I PHYIR NAM MKHA'I MTSAN NYID MA YIN NO, ,DE NYID BSNAN PA'I PHYIR MTSAN NYID MED PA'I PHYIR DES KYANG NAM MKHA' LA MTSAN NYID MED DE, MTSAN NYID MED PA'I DNGOS PO NAM MKHA' ZHES BYA BA MED NA, MTSAN NYID GANG DU 'JUG PAR 'GYUR TE, DE 'JUG PA MI 'GRUB PA NYID DO ZHES BYA BA'I THA TSIG GO ZHES BYA BA SMRAS TE, DE DAG KYANG SNGAR PHA ROL PO DAG NA RE MTSAN NYID KYI GZHI NAM MKHA' NI YOD PA KHO NA YIN TE, DE LA MTSAN NYID 'JUG PA'I PHYIR RO ZHES ZER BA'I GTAN TSIGS KYI DON MI 'GRUB PA NYID DU BSTAN TO, ,GZHAN YANG MTSAN NYID KYI GZHI LA 'JUG PA ZHES BYA BA'I GTAN TSIGS DE'I DON NI 'DI LA MTSAN NYID 'DI MTSAN NYID KYI GZHI'I CHOS YOD PA NYID LA SOGS PA MED NA MI 'BYUNG BA DES MTSAN NYID KYI GZHI SHES PAR 'GYUR BA YIN NA ZHES BYA BA NI SNGAR PHA ROL PO DAG NA RE MTSAN NYID KYI GZHI NAM MKHA' NI YOD PA KHO NA YIN TE, DE LA MTSAN NYID 'JUG PA'I PHYIR RO ZHES ZER BA'I GTAN TSIGS DE'I DON GANG ZHE NA, 'DI LA MTSAN NYID MI SGRIB PA ZHES BYA BA 'DI MTSAN NYID KYI GZHI'I CHOS NAM MKHA' YOD PA NYID LA SOGS PA DANG MED NA MI 'BYUNG BA'I MTSAN NYID KYIS 'BREL PA'I SGO DE NAS MTSAN NYID KYI GZHI SHES PAR 'GYUR BA YIN NA MTSAN NYID KYIS MTSAN NYID KYI GZHI SHES PAR 'GYUR BA DE YANG MI 'THAD PAR STON TO, ,CI'I PHYIR MI 'THAD CE NA, DE'I PHYIR GANG GI TSE KHO BO CAG GI PHYOGS LA, MTSAN NYID MED LA MTSAN NYID NI, ,MI 'JUG MTSAN NYID BCAS LA @69A *, ,MIN, DE'I TSE MED PAS NI MTSAN NYID MI 'GRUB PA'I PHYIR DANG, MTSAN NYID DANG BCAS PA'I DNGOS PO YANG MI 'GRUB PA'I PHYIR RO ZHES BYA BAR DGONGS SO ZHES BYA BA SMRAS TE, MTSAN NYID MED PA'I MTSAN NYID KYI GZHI LA NI MTSAN NYID MI 'JUG STE, GANG GI TSE MTSAN NYID MED PA DE'I TSE DE LA MTSAN NYID MI 'GRUB PA'I PHYIR MTSAN NYID MED PA'I MTSAN NYID KYI GZHI LA MTSAN NYID MI 'JUG GO, ,MTSAN NYID DANG BCAS PA'I MTSAN NYID KYI GZHI LA YANG MTSAN NYID MI 'JUG STE, GAL TE MTSAN NYID DANG BCAS PA'I DNGOS PO NAM MKHA' ZHES BYA BA ZHIG DON DAM PAR GRUB PAR GYUR NA NI DE LA MTSAN NYID 'JUG PAR YANG 'GYUR BA ZHIG NA DE MI 'GRUB PA'I PHYIR MTSAN NYID DANG BCAS PA'I MTSAN NYID KYI GZHI LA YANG MI 'JUG GO ZHES BYA BAR DGONGS SO, ,JI SKAD BSTAN PA'I RNAM PA DANG MTSAN NYID MI 'DRA BA'I MTSAN NYID KYI GZHI YANG MI 'GRUB PA'I PHYIR, MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,ZHES BYA BA NI MTSAN NYID DANG BCAS PA DANG MTSAN NYID MED PA'I RNAM PA SNGAR CI SKAD BSTAN PA DANG MTSAN NYID MI 'DRA BA'I MTSAN NYID KYI GZHI NI MTSAN NYID DANG BCAS PA YANG YIN LA, MTSAN NYID MED PA YIN PA GNYI GA'I BDAG NYID CAN ZHIG YIN GRANG NA, DE LTA BU'I MTSAN NYID KYI GZHI NI MI 'GRUB PA'I PHYIR MTSAN NYID DANG BCAS PA DANG MTSAN NYID MED PA LAS GZHAN PA'I MTSAN NYID KYI GZHI LA YANG MTSAN NYID 'JUG PAR MI 'GYUR RO, ,DE'I PHYIR DE LTAR DON DAM PAR DNGOS PO 'GA' LA YANG MTSAN NYID 'JUG PAR MA GRUB PA'I PHYIR DANG, DPE MED PA'I PHYIR KHYOD KYI 'DOD PA'I DON MA GRUB PO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR MTSAN NYID DANG BCAS PA DANG MTSAN NYID MED PA DANG DE GNYIS LAS GZHAN PA'I MTSAN NYID KYI GZHI LA YANG MTSAN NYID 'JUG PAR MA GRUB PA'I PHYIR DANG, MTSAN NYID 'JUG PA'I DPE MED PA'I PHYIR KHYOD KYI 'DOD PA'I DON MTSAN NYID KYI GZHI NAM MKHA' NI YOD PA KHO NA YIN TE, DE LA MTSAN NYID 'JUG PA'I PHYIR RO ZHES ZER BA MA GRUB PO, ,YANG NA MTSAN NYID MED PA NAM MKHA'I ME TOG LA SOGS PA DAG LA MTSAN NYID @69B DE MED PA'I PHYIR MI 'JUG PA DE NI GRAGS PA YIN NO ZHES BYA BA NI, MTSAN NYID MED LA MTSAN NYID NI, ,MI 'JUG ,CES BYA BA'I TSIG LE'UR BYAS PA DE'I DON NI 'JIG RTEN THAMS CAD LA YANG GRAGS PA YIN PAS 'DIR TSAD MAS SGRUB MI DGOS SO, ,DA NI MTSAN NYID BCAS LA MIN, ,ZHES BYA BA MTSAN NYID DANG BCAS PA LA MTSAN NYID MI 'JUG GO ZHES BYA BA'I SKABS DE NI DAM BCA' NYE BAR GZHAG PA YIN NO ZHES BYA BA NI TSIG LE'UR BYAS PA DE'I DON RNAM PA GZHAN DU BSHAD PA'I TSAD MA STON TE, MTSAN NYID DANG BCAS PA LA MTSAN NYID MI 'JUG GO ZHES BYA BA DE NI DAM BCA' BA NYE BAR GZHAG PA YIN TE, PHYOGS YIN NO ZHES BYA BA'I THA TSIG GO, ,DE'I CHOS NI MTSAN NYID GANG GIS MTSON NA MTSAN NYID DANG BCAS PA ZHES BYA BA'I MTSAN NYID YIN NO ZHES BYA BA NI, MTSAN NYID DANG BCAS PA LA MTSAN NYID MI 'JUG PA DE'I SGRUB PA'I CHOS GTAN TSIGS NI MTSAN NYID YIN PA'I PHYIR RO ZHES BYA BAR SBYAR BA YIN NO, ,DPE NI DE'I DBANG GIS TE, DE LAS GZHAN PA'I MTSAN NYID DAG YIN NO ZHES BYA BA NI MTSAN NYID DANG BCAS PA LA MTSAN NYID MI 'JUG PA'I CHOS MTHUN PA'I DPE NI BSGRUB PAR BYA BA DANG, SGRUB PA'I CHOS DE'I DBANG GIS BSTAN DGOS TE, NAM MKHA'I MTSAN NYID DE LAS GZHAN PA SA LA SOGS PA'I MTSAN NYID GANG DAG LA BSGRUB PAR BYA BA CHOS MTSAN NYID DANG BCAS PA LA MTSAN NYID MI 'JUG PA DANG SGRUB PA'I CHOS MTSAN NYID YIN PA'I PHYIR ZHES BYA BA YOD PA DAG YIN NO, ,'DIR RJES SU DPAG PA NI DON DAM PAR MI SGRIB PA NI NAM MKHA'I MTSAN NYID MA YIN TE; MTSAN NYID YIN PA'I PHYIR DPER NA SRAB LA SOGS PA DAG BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SRAB LA SOGS PA DAG NI MTSAN NYID YIN PA'I PHYIR NAM MKHA'I MTSAN NYID MA YIN PA DE BZHIN DU MI SGRIB PA YANG MTSAN NYID YIN PA'I PHYIR NAM MKHA'I MTSAN NYID MA YIN NO RNAM PA GNYIS SU SMRA BA DAG RNAM GRANGS LAS MTSAN NYID DANG BCAS PA DANG, MTSAN NYID MED PA LA MTSAN NYID 'JUG PAS NYES PA MED DO ZHE NA ZHES BYA BA NI RNAM PA GNYIS SU SMRA BA ZHES @70A *, ,BYA BA 'OS PA PA DAG NA RE KHO BO CAG NI GANG GI PHYIR SROG GI RDZAS LA MTSAN NYID MED PA DE'I PHYIR RNAM GRANGS DE LAS MTSAN NYID MED PAR YANG SMRA LA, GANG GI PHYIR LUS KYI RDZAS LA MTSAN NYID YOD PA DE'I PHYIR RNAM GRANGS DE LAS NI MTSAN NYID DANG BCAS PAR YANG SMRA BAS DE'I PHYIR KHO BO CAG GI MTSAN NYID DANG BCAS PA DANG MTSAN NYID MED PA'I PHYOGS LA MTSAN NYID 'JUG PAS KHYED NA RE MTSAN NYID DANG BCAS PA DANG MTSAN NYID MED PA LA MTSAN NYID MI 'JUG GO ZHES ZER BA'I NYES PA DE KHO BO CAG GI PHYOGS LA MED DO ZHES ZER BA YIN NO, ,DE SKAD CES ZER BA DE DGAG PA'I PHYIR YANG BSHAD PA, MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,ZHES BYA BA TSIG LE'UR BYAS PA 'DI YANG BZLAS TE BSHAD DO, ,RNAM PA GNYIS SU SMRA BA'I PHYOGS DE YANG RIGS PA MA YIN TE CI'I PHYIR ZHE NA, GNYI GA'I BDAG NYID KYI DNGOS PO MI SRID PA'I PHYIR DANG ZHES BYA BA SMRAS TE, GANG GI PHYIR 'JIG RTEN PHAN TSUN MI MTHUN PA'I DNGOS PO GNYIS GNAS GCIG NA 'DUG PA MA MTHONG STE, DPER NA BYA GAG PHYED SHI PHYED GSON PA MI SRID PA DE BZHIN DU MTSAN NYID DANG BCAS PA YANG YIN LA, MTSAN NYID MED PA YANG YIN PA'I DNGOS PO MI SRID PA'I PHYIR RO, ,GAL TE PHA ROL PO NA RE BYA GAG PHYED SHI PHYED GSON PA LTA BU DNGOS PO MI MTHUN PA GNYIS GNAS GCIG NA 'DUG PA MI SRID DU ZIN KYANG LTOS PA'I DBANG GIS GNYI GA'I BDAG NYID KYI DNGOS POR NGES PA YOD DE, DPER NA BU LA LTOS NAS NI PHA YIN LA PHA LA LTOS NAS NI BU YIN PA BZHIN DU 'DIR YANG SROG GI GNAS SKABS LA LTOS NAS NI MTSAN NYID MED PA YIN LA, LUS KYI GNAS SKABS LA LTOS NAS NI MTSAN NYID DANG BCAS PA YIN PAS NYES PA MED DO ZHES ZER BA DE'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, LTOS PA'I NGES PA YANG ME DANG BUD SHING BRTAG PA'I RAB TU BYED PA LAS 'OG NAS 'GOG PAR 'GYUR BA'I PHYIR DANG ZHES BYA BA SMRAS TE, 'OG NAS, GAL TE SHING LTOS ME YIN LA, ,GAL TE ME LTOS SHING YIN NA, ,GANG LA LTOS PA'I ME DANG SHING, ,DANG POR GRUB @70B PA GANG ZHIG YIN, ,ZHES 'BYUNG BA BZHIN DU 'DIR YANG GAL TE SROG LA LTOS NAS LUS MTSAN NYID DANG BCAS PA YIN LA LUS LA LTOS NAS SROG MTSAN NYID MED PA YIN NA GANG LA LTOS NAS SROG MTSAN NYID MED PA ZHES BYA BA DANG LUS MTSAN NYID DANG BCAS PA ZHES BYA BA BA DE GNYIS LAS GANG DANG POR GRUB PAR 'GYUR TE, MI 'GRUB PA'I PHYIR DE YANG RIGS PA MA YIN NO, ,GZHAN YANG PHYOGS GNYI GAR BSTAN PA'I SKYON NYIS 'GYUR DU 'BYUNG BA'I PHYIR DE YANG RIGS PA MA YIN NO ZHES BYA BA NI, SNGAR, MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, , ZHES PHYOGS GNYI GAR BSTAN PA'I SKYON DE GNYI GAS 'DIR GTAD KHONG DU CHUD PAR 'GYUR BA'I PHYIR RNAM PA GNYIS SU SMRA BA DAG GI PHYOGS DE YANG RIGS PA MA YIN NO, ,GZHAN DAG NI, MTSAN NYID MED LA MTSAN NYID NI, ,MI 'JUG , ,CES BYA BA 'DI LA DE LTAR GANG GI PHYIR MTSAN NYID MED PA'I DNGOS PO 'GA' YANG YOD PA MA YIN PA DE'I PHYIR MTSAN NYID MED PA'I DNGOS PO MED NA GZHI MED PA LA MTSAN NYID 'JUG PAR MI 'THAD DO, ,MTSAN NYID BCAS LA MTSAN NYID MIN, ,ZHES BYA BA 'DI LA YANG MTSAN NYID DANG BCAS PA'I DNGOS PO LA YANG MTSAN NYID 'JUG PAR MI 'THAD DE DGOS PA MED PA'I PHYIR RO ZHES ZER RO ZHES BYA BA NI, MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, ,ZHES BYA BA'I TSIG LE'UR BYAS PA 'DI LA 'GREL PA BYED PA GNAS BRTAN BUDDHA P'A LI TA NI 'DI SKAD CES RNAM PAR BSHAD PA BYED DO ZHES BYA BAR SBYAR RO, ,DE NI RIGS PA MA MA YIN TE ZHES BYA BA NI 'GREL PA BYED PA NYID KYIS GNAS BRTAN BUDDHA P'A LI TA'I RNAM PAR BSHAD PA DE RIGS PA MA YIN PAR SUN 'BYIN PA'I TSIG YIN NO, ,DE LA GNAS BRTAN BUDDHA P'A LI TAS DE LTAR GANG GI PHYIR MTSAN NYID MED PA'I DNGOS PO 'GA' YANG YOD PA MA YIN PA DE'I PHYIR MTSAN NYID MED PA'I DNGOS PO MED NA GZHI MED PA LA MTSAN NYID 'JUG PAR MI 'THAD DO ZHES RNAM PAR BSHAD PA DE CI LTAR RIGS PA MA YIN ZHE NA, DE'I PHYIR MTSAN NYID YOD NA DE DANG LDAN PA LA MED PA NYID MI 'THAD PA'I PHYIR DANG, DE BZHIN DU MTSAN NYID KYI GZHI YOD PA'I PHYIR RO ZHES BYA BA SMRAS TE, GANG GI PHYIR KHYOD @71A *, ,KYIS MTSAN NYID KYI GZHI MED DO ZHES SMRAS PA DE'I PHYIR MTSAN NYID KYI DNGOS PO YOD PAR KHAS BLANGS PAS, DE LTAR MTSAN NYID KYI DNGOS PO YOD PAR KHAS BLANGS NA DON DAM PAR MTSAN NYID DANG LDAN PA'I MTSAN NYID KYI GZHI LA MTSAN NYID MED PA NYID MI 'THAD PA'I PHYIR MTSAN NYID YOD PAR 'GYUR BA DANG, DE BZHIN DU MTSAN NYID YOD NA MTSAN NYID KYI GZHI YANG YOD PAR 'GYUR BA'I PHYIR DE NI RIGS PA MA YIN NO, ,GNAS BRTAN BUDDHA P'A LI TAS MTSAN NYID DANG BCAS PA'I DNGOS PO LA YANG MTSAN NYID 'JUG PA MI 'THAD DE DGOS PA MED PA'I PHYIR RO ZHES RNAM PAR BSHAD PA DE CI LTAR RIGS PA MA YIN ZHE NA, DE'I PHYIR MTSAN NYID DANG BCAS PA'I DNGOS PO GRUB PA LA YANG PHA ROL PO DRAN PAR BYA BA'I PHYIR MTSAN NYID KYI GZHI LA MTSAN NYID 'JUG PAR 'GAL BA MED PA'I PHYIR ZHES BYA BA SMRAS TE, GAL TE MTSAN NYID DANG BCAS PA'I DNGOS PO GRUB NA DE LTAR MTSAN NYID DANG BCAS PA'I DNGOS PO GRUB PA LA MTSAN NYID 'JUG PA 'GAL BA MED DE, 'DI LTAR GANG ZAG PHA ROL PO 'GA' ZHIG GIS MTSAN NYID KYI GZHI MTSAN NYID GANG YIN PA BRJOD PA LA DRAN PAR BYA BA'I PHYIR MTSAN NYID KYI GZHI 'DI'I MTSAN NYID NI 'DI YIN NO ZHES STON PAS MTSAN NYID KYI GZHI LA MTSAN NYID 'JUG PA 'GAL BA MED PA'I PHYIR DE YANG RIGS PA MA YIN NO, ,DES MI NUS SO ZHES BYA BA NI, GNAS BRTAN BUDDHA P'A LI TA'I RNAM PAR BSHAD PA DES MTSAN NYID KYI GZHI DANG MTSAN NYID DAG NGO BO NYID MED PA NYID DU SGRUB PAR MI NUS PAR RIGS PA MA YIN NO, ,DE'I PHYIR DE LTAR MTSAN NYID KYI GZHI LA MTSAN NYID 'JUG PAR MI 'THAD PAS, MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO, ,ZHES BSTAN PA'I DON GYI DBANG GIS MJUG BSDUS SO ZHES BYA BA NI, MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, ,MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,ZHES CI SKAD BSHAD PA'I RNAM PAS MTSAN NYID KYI GZHI LA MTSAN NYID 'DUG PA MI 'THAD PAS MTSAN NYID KYI 'JUG PA MA YIN NA MTSAN NYID KYI GZHI YANG 'THAD PAR MI 'GYUR TE, 'DI LTAR GANG GI TSE MTSAN NYID KYIS @71B MTSAN NYID KYI GZHI MTSON PAR MI BYED SHES PAR MI BYED PA DE'I TSE MTSAN NYIS KYI GZHI YANG 'THAD PAR MI 'GYUR TE, MI DMIGS PA'I PHYIR NAM MKHA'I ME TOG BZHIN NO, ,BSTAN PA'I DON GYI DBANG GIS MJUG BSDUS SO ZHES BYA BA NI SNGAR 'GREL PA BYED PAS NAM MKHA'I KHAMS NGO BO NYID MED PA NYID DU BSTAN PAR BRTZAMS PAS DE BSTAN PA'I DON GYI DBANG GIS NAM MKHA'I MTSAN NYID YOD PA'I PHYIR RO ZHES BYA BA'I GTAN TSIGS DGAG PA'I MJUG BSDUS SO,, ,,BAM PO SUM CU BZHI PA, 'DIR MKHAS SU RE BA'I MNGON PA'I NGA RGYAL CAN KHA CIG RANG GI PHYOGS KYI SKYON BRJOD PA BRNAG PAR MI BZOD PA NA ZHES BYA BA LA SOGS PAS NI PHA ROL PO GANG DAG NAM MKHA' YOD PA YIN TE MTSAN NYID YOD PA'I PHYIR RO ZHES ZER BA DAG GI PHYOGS DBU MA PAS SUN PHYUNG BA DANG, 'DIR PHA ROL PO RIGS PA'I BSTAN BCOS LA MKHAS SU RE BA DAG DBU MA PA LA BYUNG RGYAL DU 'DI SKAD CES ZER NA DE YANG MI RUNG BAR STON TO, ,DE LA MKHAS SU RE BA'I MNGON PA'I NGA RGYAL CAN KHA CIG CES BYA BA NI RANG GI SDE PA LA SOGS PA GANG DAG BDAG NYID MKHAS PA MA YIN BZHIN DU RIGS PA'I BSTAN BCOS LA MKHAS SU RE BA'I MNGON PA'I NGA RGYAL CAN DAG GO, ,DI DAG GI RANG GI PHYOGS KYI SKYON NI RIGS PA'I BSTAN BCOS KHONG DU MA CHUD PA STE, 'DI LTA STE NAM MKHA' NI YOD PA KHO NA YIN TE DE LA MTSAN NYID 'JUG PA'I PHYIR RO ZHES ZER BA YIN NO, ,DE'I SKYON BRJOD PA NI DBU MA PAS DE DAG LA KHYED CAG RIGS PA'I BSTAN BCOS BSLABS PA MA YIN NO ZHES BRJOD PA STE, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,ZHES BYA BA LA SOGS PA SNGAR CI SKAD BSTAN PA DAG BZHIN NO, ,PHA ROL PO DAG RANG GI PHYOGS KYI SKYON DE BRJOD PA BRNAG PAR MI BZOD PA NA DBU MA PA LA 'DI SKAD CES ZER RO ZHES BYA BAR SBYAR RO, ,NAM MKHA' YOD PA YIN TE MTSAN NYID YOD PA'I PHYIR RO ZHES SMRAS PA NA ZHES BYA BA NI PHA ROL PO DAG NA RE SNGAR KHO BO CAG GIS MTSAN NYID KYI GZHI NAM MKHA' NI YOD PA KHO NA YIN TE, DE LA MTSAN NYID 'JUG PA'I PHYIR RO ZHES SMRAS PA NA ZHES ZER BAR SBYAR RO, ,KHYED KYIS MTSAN NYID KYI GZHI DANG MTSAN NYID DAG SNGA PHYIR SGRO BTAGS NAS GTAN TSIGS KYI @72A *, ,DON MA GRUB PA NYID DU BRJOD PA ZHES BYA BA NI PHA ROL PO DAG NA RE KHO BO CAG GIS SNGAR DE SKAD SMRAS PA NA KHYED DBU MA PAS, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA LA SOGS PA'I SGRUB PA DAG SGRO BTAGS NAS KHO BO CAG GI GTAN TSIGS KYI DON MTSAN NYID 'JUG PA'I PHYIR RO ZHES BYA BA MA GRUB PA NYID DU BRJOD PA NI LEGS PAR SMRAS PA MA YIN NO ZHES BYA BAR SBYAR RO, ,KHO BO CAG GIS NAM MKHA' YOD PA YIN TE MTSAN NYID YOD PA'I PHYIR RO ZHES SMRAS PA NA, KHYED KYIS MTSAN NYID KYI GZHI DANG MTSAN NYID DAG SNGA PHYIR SGRO BTAGS NAS GTAN TSIGS KYI DON MA GRUB PA NYID BRJOD PA NI LEGS PAR SMRAS PA MA YIN TE, DE NI DPER NA SGRA NI MI RTAG STE BYAS PA'I PHYIR RO ZHES SMRAS PA LA, GAL TE SGRA SKYES PA'I SNGON ROL NA BYAS PA NYID YOD NA NI SGRA LA 'KHRUL PA YOD PA'I PHYIR GTAN TSIGS SU MI RUNG NGO, ,'ON TE SGRA SKYES PA'I SNGON ROL NA BYAS PA NYID MED DE PHYIS YOD NA NI GTAN TSIGS KYI DON MA GRUB PA NYID DO ZHES ZER BA DE'I TSIG DE RIGS PA DANG LDAN PA MA YIN TE, MA GRUB PA LTAR SNANG BA NYID BRJOD PA'I PHYIR RO ZHES BYA BA BZHIN NO ZHES BYA BAR SBYAR TE, DPER NA PHYOGS SNGA MA SMRA BA 'GA' ZHIG GIS SGRA NI MI RTAG STE BYAS PA'I PHYIR RO ZHES SMRAS PA LA, KHA CIG NA RE GAL TE SGRA SKYES PA'I SNGON ROL NA SGRA MI RTAG PAR SGRUB PA'I CHOS BYAS PA NYID CES BYA BA YOD NA NI SGRA LA BYAS PA NYID DANG MA 'BREL BA'I 'KHRUL PA YOD PA'I PHYIR BYAS PA'I PHYIR RO ZHES BYA BA DE GTAN TSIGS SU MI RUNG NGO, ,'ON TE SGRA SKYES PA'I SNGON ROL NA SGRA MI RTAG PAR SGRUB PA'I CHOS BYAS PA NYID CES BYA BA DE MED DE PHYIS YOD NA NI GTAN TSIGS KYI DON BYAS PA'I PHYIR RO ZHES BYA BA DE MA GRUB PA NYID DO ZHES ZER BA'I TSIG DE RIGS PA DANG LDAN PA MA YIN TE, SGRA NI MI RTAG STE BYAS PA'I PHYIR RO ZHES PHYOGS SNGA MA SMRA BA'I GTAN TSIGS KYI DON MA GRUB PA NYID MA YIN TE, MA GRUB PA LTAR SNANG BA NYID DU BRJOD PA'I PHYIR RO ZHES BYA BA BZHIN NO, ,DE BZHIN DU KHYED KYIS, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA LA SOGS PAS KHO BO CAG GI GTAN TSIGS MTSAN NYID YOD PA'I PHYIR RO ZHES CI SKAD SMRAS PA SUN 'BYIN PAR 'DOD PAS KHO BO @72B CAG GI GTAN TSIGS MTSAN NYID YOD PA ZHES BYA BA 'GOG PAR BYED PA'I TSIG DE YANG LEGS PAR SMRAS PA MA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, MTSAN NYID KYANG DE NYID DANG GZHAN LA SOGS PA'I KHYAD PAR GYIS MTSAN NYID KYI GZHI'I KHONGS SU GTOGS PA YIN LA, MTSAN NYID KYI GZHI'I SKYE MCHED DE DAG GI DON DAM PA PA'I YOD PA NYID NI DON DAM PAR BSAL BAS DE'I PHYIR MTSAN NYID KYI GZHI MI 'THAD NA MTSAN NYID KYANG MI SRID PAS DE DGAG PA'I PHYIR NI 'BAD PA MI RTZOM MO ZHES BYA BA LA SOGS PA SMRAS TE, MTSAN NYID KYANG MTSAN NYID KYI GZHI DANG DE NYID KYANG MA YIN LA GZHAN NYID KYANG MA YIN PA LA SOGS PA'I KHYAD PAR GYIS KUN RDZOB TU MTSAN NYID KYI GZHI'I KHONGS SU GTOGS PA YIN LA MTSAN NYID KYI GZHI MIG LA SOGS PA SKYE MCHED DE DAG GI DON DAM PA PA'I YOD PA NYID NI KHO BO CAG GI DON DAM PAR BSAL BAS DE'I PHYIR MTSAN NYID KYI GZHI MI 'THAD NA MTSAN NYID KYANG MI SRID PAS KHYED KYI GTAN TSIGS KYI DON MTSAN NYID YOD PA'I PHYIR RO ZHES BYA BA DE DGAG PA'I PHYIR NI KHO BO 'BAD PA MI RTZOM MO, ,KHYED NA RE 'DI SKAD CES MTSAN NYID KYI GZHI DANG MTSAN NYID DAG SNGA PHYIR SGRO BTAGS NAS GTAN TSIGS KYI DON MA GRUB PA NYID DU BRJOD PAS NI MA GRUB PA NYID MA YIN GYI MA GRUB PA LTAR SNANG BA NYID YIN NO ZHES BYA BA LA SOGS PA GANG SMRAS PA DE LA YANG KHYED KYI GTAN TSIGS KYI DON MA GRUB PA LTAR SNANG BA NYID MA YIN TE, 'DIR RIGS PA NYON CIG DANG BSHAD PAR BYA 'O ZHES BYA BAR SBYAR RO, ,CI LTAR MA GRUB PA LTAR SNANG BA NYID MA YIN ZHE NA, DE'I PHYIR SNGA PHYI MI SRID PAR BSTAN PA KHO NAS GZHAN NYID DGAG PA BSTAN PA'I PHYIR MA GRUB PA LTAR SNANG BA NYID MA YIN NO ZHES BYA BA SMRAS TE, SNGAR, GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,ZHES BYA BA LA SOGS PAS MTSAN NYID KYI GZHI DANG MTSAN NYID DAG SNGA PHYI MED PAR BSTAN PA KHO NAS BYE BRAG PA LA SOGS PA DAG MTSAN NYID KYI GZHI DANG MTSAN NYID DAG GZHAN NYID DU 'DOD PA DGAG PA BSTAN PA'I PHYIR KHYED KYI GTAN TSIGS KYI DON MTSAN NYID YOD PA'I PHYIR RO ZHES BYA BA DE MA GRUB PA LTAR SNANG BA NYID MA YIN @73A *, ,NO; DPER NA SGRA NI MI RTAG STE BYAS PA'I PHYIR RO ZHES SMRAS PA LA, GANG DAG NA RE SGRA SKYES PA'I SNGON ROL NA BYAS PA NYID YOD NA NI SGRA LA 'KHRUL PA YOD PA'I PHYIR GTAN TSIGS SU MI RUNG NGO, ,'ON TE SGRA SKYES PA'I SNGON ROL NA BYAS PA NYID MED DE PHYIS YOD NA NI GTAN TSIGS KYI DON MA GRUB PA NYID DO ZHES ZER BA DE'I TSIG DE RIGS PA DANG LDAN PA YIN NO ZHES ZER BA NI BDEN TE, SGRA NI MI RTAG STE BYAS PA'I PHYIR RO ZHES BYA BA NI SHES PAR BYED PA'I GTAN TSIGS YIN LA DE YANG TSIG GI BDAG NYID DANG DON GYI BDAG NYID YIN PAS MA GRUB PA NYID MA YIN TE, DE LA TSIG GI BDAG NYID NI BYAS PA'I PHYIR RO ZHES BYA BA'I TSIG GI GTAN TSIGS KYIS SGRA MI RTAG PA NYID DU SHES PA'I BLO SGRUB PAR BYED PAS DE YANG MA GRUB PA NYID MA YIN LA, DON GYI BDAG NYID NI BYAS PA'I PHYIR RO ZHES BYA BA'I GTAN TSIGS MA BRJOD PA'I MDUN ROL NA YANG SGRA LA BYAS PA NYID KYI DON YOD PA YIN PAS DE YANG MA GRUB PA NYID MA YIN PA LAS DE LA GANG DAG GAL TE SGRA SKYES PA'I SNGON ROL NA BYAS PA NYID YOD NA NI SGRA LA 'KHRUL PA YOD PA'I PHYIR GTAN TSIGS SU MI RUNG NGO, ,'ON TE SGRA SKYES PA'I SNGA ROL NA BYAS PA NYID MED DE PHYIS YOD NA NI GTAN TSIGS KYI DON MA GRUB PA NYID DO ZHES ZER BA DE'I TSIG DE RIGS PA DANG LDAN PA MA YIN PA NI BDEN NO, ,KHO BO CAG DBU MA PA'I GTAN TSIGS MTSAN NYID KYI SNGON ROL NA MTSAN NYID KYI GZHI MED PA'I PHYIR ZHES BYA BA NI DE LTAR RIGS PA DANG MI LDAN PA MA YIN TE, LEGS PA YIN PAS KHYED KYI GTAN TSIGS MTSAN NYID YOD PA'I PHYIR ZHES BYA BA DE MA GRUB PA NYID YIN NO, ,DE LTAR MKHAS SU RE BA'I MNGON PA'I NGA RGYAL CAN DE DAG DBU MA'I TSIG LE'UR BYAS PA BRGYAD PA LAS 'BYUNG BA'I LAN TZAM YANG 'DEBS MI NUS BZHIN DU DBU MA'I RTZA BA'I 'GREL PA SHES RAB SGRON MA LTA BU LA LTAG CHOD DU RGOL BAR BYED PA DE DAG GIS NI BDAG NYID RIGS PA'I SGO TZAM YANG MI SHES PAR BSTAN PA YIN NO, ,CI STE GANG LA GZHAN NYID YIN YANG MED NA MI 'BYUNG BA'I MTSAN NYID KYIS 'BREL PA DE NI GTAN TSIGS YIN PAS, DES NA GZHAN YIN PA'I PHYIR GTAN TSIGS KYI DON MA GRUB PA NYID DU BRJOD PA YANG MA GRUB PA LTAR SNANG BA @73B NYID YIN NO ZHE NA ZHES BYA BA NI 'DIR MTSAN NYID KYI GZHI DANG MTSAN NYID DAG GZHAN NYID DU SMRA BA DAG NA RE, SNGAR KHYED DBU MA PAS GZHAN NYID KYIS PHYOGS LA YANG SMRA BAR 'DOD PA'I MTSAN NYID NI MTSAN NYID KYI GZHI'I MTSAN NYID MA YIN TE, GZHAN YIN PA'I PHYIR DE LAS GZHAN BZHIN NO ZHES SMRAS PA GANG YIN PA DE NI DE LTAR MA YIN TE, 'DI LTAR MTSAN NYID KYI GZHI DANG MTSAN NYID GANG LA GZHAN NYID KYANG YIN LA MED NA MI 'BYUNG BA'I MTSAN NYID KYIS 'BREL PA YANG MED PA DPER NA NAM MKHA' DANG SRA BA NYID LTA BU NI GZHAN YIN PA'I PHYIR SRA BA NYID GANG YIN BA DE NAM MKHA'I MTSAN NYID MA YIN PAS SRA BA NYID CES BYA BA'I MTSAN NYID GANG YIN BA DE NAM MKHA' YOD PAR SGRUB PA'I GTAN TSIGS MA YIN GYI MI SGRIB PA DANG NAM MKHA' LTA BU GANG LA GZHAN NYID YIN DU ZIN KYANG MED NA MI 'BYUNG BA'I MTSAN NYID KYIS 'BREL PA YOD PA DE NI GZHAN YIN YANG MI SGRIB PA ZHES BYA BA'I MTSAN NYID GANG YIN PA DE NAM MKHA' YOD PAR SGRUB PA'I GTAN TSIGS YIN PAS DES NA MI SGRIB PA DANG NAM MKHA' GZHAN YANG YIN LA, MI SGRIB PA DE NAM MKHA'I MTSAN NYID KYANG YIN PA'I PHYIR KHYED DBU MA PAS KHO BO CAG GI GTAN TSIGS KYI DON MTSAN NYID YOD PA'I PHYIR RO ZHES BYA BA DE MA GRUB PA NYID DU BRJOD PA YANG MA GRUB PA NYID MA YIN TE, MA GRUB PA LTAR SNANG BA NYID YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI BZANG PO MA YIN TE DON DAM PAR GZHAN NYID DANG MED NA MI 'BYUNG BA'I MTSAN NYID KYIS 'BREL PA MA GRUB PAS ZHES BYA BA LA SOGS PA SMRAS TE, KHYED KYI GTAN TSIGS KYI DON MA GRUB PA NYID DU BRJOD PA NI MA GRUB PA LTAR SNANG BA NYID MA YIN TE CI'I PHYIR ZHE NA, DON DAM PAR MI SGRIB PA DANG NAM MKHA' GZHAN NYID YIN PAR YANG MA GRUB LA, MED NA MI 'BYUNG BA'I MTSAN NYID KYIS 'BREL PAR YANG MA GRUB PAS DES NA GZHAN YANG YIN LA MED NA MI 'BYUNG BA'I MTSAN NYID KYIS 'BREL PA YANG YIN PAS MI SGRIB PA NAM MKHA'I MTSAN NYID YIN NO ZHES BYA BA DE MI RUNG BAS DE NI BZANG PO MA YIN NO, ,KUN RDZOB TU NI MTSAN NYID KYI GZHI DANG MTSAN NYID DAG MED NA MI 'BYUNG BA'I MTSAN NYID KYIS @74A *, ,'BREL PA 'GOG PAR MI BYED DE, MNGON SUM DANG 'GAL BA'I PHYIR RO, ,DE'I PHYIR DE LA MNGON PAR ZHEN PA YANG SPANG BAR 'DOD PA'I PHYIR RO ZHES BYA BA SMRAS TE, DON DAM PAR GZHAN NYID DANG MED PA MI 'BYUNG BA'I MTSAN NYID KYIS 'BREL PA DE LA MNGON PAR ZHEN PA YANG SPONG BAR 'DOD PA'I PHYIR RO, ,'O NA MTSAN NYID MI SGRIB PA DES LA SOGS PA GZHAN DAG GI MTSAN NYID YIN PAR MI 'THAD DO ZHES BSHAD PAS, 'O NA DON GYIS GO BA'I SGO NAS KUN RDZOB TU MI SGRIB PA DE NAM MKHA'I MTSAN NYID YIN PAR MI 'GYUR RO ZHE NA, DE'I PHYIR SGRUB PA DE THA SNYAD KYI BDEN PAR GTOGS PA'I DNGOS PO BSTAN PA'I PHYIR THA SNYAD DANG RJES SU MTHUN PA NI YIN NO ZHES BYA BA SMRAS TE, MI SGRIB PA NAM MKHA'I MTSAN NYID YIN PAR SGRUB PA DE KUN RDZOB KYI BDEN PAR GTOGS PA'I DNGOS PO BSTAN PA'I PHYIR THA SNYAD DANG RJES SU MTHUN PA NI YIN PAR KHAS LEN PAS DE'I PHYIR MNGON SUM DANG 'GAL BA'I GNOD PA YANG MED DO, ,ZHAR LA BSHAD PAS CHOG GO ZHES BYA BA NI ZHAR LA BSHAD PAS CHOG GIS MTSAN NYID KYI GZHI DANG MTSAN NYID DAG DGAG PA'I SKABS NYID BRJOD PAR BYA'O ZHES BYA BA'I THA TSIG GO, ,'DIR SMRAS PA, DON DAM PAR NAM MKHA' YOD PA KHO NA YIN TE MTSAN NYID YIN PA'I PHYIR RO, ,'DI NA GANG MED PA DE NI MTSAN NYID YIN PAR MI 'DOD DE DPER NA NAM MKHA'I ME TOG BZHIN NO, ,NAM MKHA' NI MTSAN NYID YIN TE RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS DE'I PHYIR DE NI YOD PA KHO NA YIN NO ZHES BYA BA LA SOGS PAS NI MTSAN NYID DGAG PA'I DBANG DU BYAS TE PHYOGS SNGA MA DANG PHYI MA DAG RGYA CHER STON TO, ,DE LA 'DIR PHYOGS SNGA MA NYE BAR GZHAG PA NI KHAMS DRUG PO DAG RDZAS SU YOD PAR SMRA BA RANG GI SDE PA DANG GZHAN DAG NA RE DON DAM PAR NAM MKHA' YOD PA KHO NA YIN TE, MTSAN NYID YOD PA'I PHYIR RO ZHES BYA BA LA SOGS PA'I SGRUB PA DAG GIS NAM MKHA' MTSAN NYID YIN PA'I GTAN TSIGS KYIS DON DAM PAR YOD PA KHO NAR SGRUB STE, DE DAG GI SGRUB PA'I TSIG DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I @74B PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DE YANG LUNG LAS, BCOM LDAN 'DAS KYIS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS DE'I PHYIR KHAMS DRUG PO DAG NI MTSAN NYID YIN LA, SKYES BU NI MTSAN NYID KYI GZHI YIN PAR GSUNGS TE, DES NA NAM MKHA' NI MTSAN NYID YIN PA'I PHYIR DON DAM PAR YOD PA KHO NA YIN NO ZHES ZER TE 'DIR DE DAG GI BSAM PA GANG YIN ZHE NA, SNGAR KHO BO CAG GIS NAM MKHA' DE MTSAN NYID KYI GZHI NYID YIN PA'I SGO NAS YOD PAR BSGRUBS PA MA GRUB TU ZIN KYANG, DA 'DIR LUNG LAS NAM MKHA' MTSAN NYID YIN PAR GSUNGS PA'I LUNG DE KHYED DBU MA PA YANG KHAS LEN PAS DES NA MTSAN NYID YOD PA NYID KYI SGO NAS NAM MKHA' YANG YOD PA NYID DU 'GRUB PAR 'GYUR RO SNYAM NAS DE SKAD CES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS BSHAD PA, MTSAN NYID KYI GZHI MI 'THAD DO ZHES BSTAN ZIN PAS DE'I PHYIR, MTSAN GZHI 'THAD PA MA YIN NA, ,MTSAN NYID KYANG NI YOD MA YIN, ,ZHES BYA BA LA SOGS PA SMRAS TE, DA 'DI MAN CHAD NI MTSAN NYID DGAG PA'I SGO NAS NAM MKHA' NGO BO NYID MED PA NYID DU STON TO, ,'DI SKAD BSTAN TE DNGOS POR SMRA BA KHYED CAG SNGAR NAM MKHA' MTSAN NYID KYI GZHI NYID DU 'DOD PA DE LA KHO BOS MTSAN NYID KYI GZHI MI 'THAD PAR LUNG DANG RIGS PAS RGYA CHER BSTAN ZIN PAS DE'I PHYIR MTSAN NYID KYI GZHI 'THAD PA MA YIN NA MTSAN NYID KYANG YOD PA MA YIN NO ZHES STON TO, ,DE NYID BSTAN PA'I PHYIR MTSAN NYID KYANG MTSAN NYID KYI GZHI'I KHONGS SU GTOGS PA'I PHYIR DE BZHIN DU MI 'GRUB PA'I PHYIR DANG DPE YANG MED PA'I PHYIR RO ZHES BYA BAR DGONGS SO ZHES BYA BA SMRAS TE, CI LTAR DON DAM PAR NAM MKHA'I MTSAN NYID KYI GZHI NYID DU MA GRUB PAS MTSAN NYID KYANG MTSAN NYID KYI GZHI'I KHONGS SU GTOGS PA'I PHYIR DE BZHIN DU MI 'GRUB STE 'DI LTAR MTSAN NYID KYI GZHI MED NA MTSAN NYID KYANG YOD PAR MI 'GYUR BA'I PHYIR RO, ,YANG NA DON DAM PAR MTSAN NYID KYI GZHI SKYES BU ZHES BYA BA MI 'THAD PAS MTSAN NYID NAM MKHA' @75A *, ,YANG MTSAN NYID KYI GZHI'I KHONGS SU GTOGS PA'I PHYIR DE BZHIN DU MI 'GRUB STE, 'DI LTAR MTSAN NYID KYI GZHI MED NA MTSAN NYID KYANG YOD PAR MI 'GYUR BAS PHA ROL PO DAG GI GTAN TSIGS KYI DON MTSAN NYID YIN PA'I PHYIR ZHES BYA BA DE MA GRUB PA'I PHYIR NAM MKHA' YOD PA MA YIN NO, ,GTAN TSIGS KYI DON MA GRUB PA 'BA' ZHIG TU YANG MA ZAD DE DPE YANG MED PA'I PHYIR NAM MKHA' YOD PA MA YIN TE, 'DI LTAR PHA ROL PO DAG NAM MKHA' YOD PAR SGRUB PA'I CHOS MI MTHUN PA'I PHYOGS KYI DPE 'DI NA GANG MED PA DE NI MTSAN NYID YIN PAR MI 'DOD DE DPER NA NAM MKHA'I ME TOG BZHIN NO ZHES ZER BA DE LAS BZLOG PA CHOS MTHUN PA'I PHYOGS KYI DPE 'DI NA GANG YOD PA DE NI MTSAN NYID YIN PAR 'DOD DE, DPER NA CHE GE MO ZHIG BZHIN NO ZHES BYA BA'I DPE YANG MED PA'I PHYIR NAM MKHA' YOD PA MA YIN NO ZHES BYA BAR MDO MDZAD PAS DGONGS SO, , GANG GI PHYIR DE LTAR SHES RAB KYIS NYE BAR BRTAGS NA MTSAN NYID KYI GZHI DANG MTSAN NYID DAG MI 'THAD PA DE'I PHYIR BSTAN BCOS MDZAD PAS, DE'I PHYIR MTSAN GZHI YOD MIN TE, ,MTSAN NYID YOD PA NYID MA YIN, ,ZHES MJUG BSDU BA MDZAD DE ZHES BYA BA NI MJUG BSDU BA DANG TSAD MA'I 'BRAS BU YIN NO, ,DE NYID BSTAN PA'I PHYIR DE STON PA'I RJES SU DPAG PA MED PA'I PHYIR DANG DE MED PAR STON PA'I RJES SU DPAG PA YOD PA'I PHYIR RO ZHES BYA BAR DGONGS SO ZHES BYA BA SMRAS TE, KHYED LA NI MTSAN NYID KYI GZHI DANG MTSAN NYID DAG YOD PAR STON PA'I RJES SU DPAG PA MED PA'I PHYIR DANG, KHO BO LA NI MTSAN NYID KYI GZHI DANG MTSAN NYID DAG MED PAR STON PA'I RJES SU DPAG PA YOD PA'I PHYIR NAM MKHA' NGO BO NYID MED PA NYID DU GRUB PO ZHES BYA BAR MDO MDZAD PAS DGONGS SO, ,BYE BRAG TU SMRA BA DAG GIS SMRAS PA, NAM MKHA' NI DNGOS PO YIN TE YUL DE LA 'DUN PA'I 'DOD CHAGS SPANG BA'I PHYIR DPER NA GZUGS BZHIN NO YANG NA SNYOMS PAR 'JUG PA'I DMIGS PA YIN PA'I PHYIR DPER NA RNAM PAR SHES PA LA SOGS PA BZHIN NO, ,YANG NA 'DUS MA BYAS YIN PA'I PHYIR DPER NA MYA NGAN LAS 'DAS PA BZHIN NO ZHES BYA BA'I @75B 'DIR BYE BRAG TU SMRA BA DAG BDAG NYID CHOS MNGON PA'I LO RGYUS LA MI MKHAS BZHIN DU, SLOB DPON GYI ZHAL SNGA NAS CHOS MNGON PA'I LO RGYUS MI MKHYEN PA SKAD DU ZUR SNYOGS BYED CING DON DAM PAR NAM MKHA' DNGOS PO YIN PAR SGRUB PAR BYED PA YIN TE DE DAG GI SGRUB PA'I TSIG DE DAG KYANG CHOS CAN DANG; BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE DPER NA GZUGS NI RNAL 'BYOR PA DAG GZUGS KYI YUL DE LA DE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE THOGS PA'I 'DU SHES RNAMS NUB PAR GYUR CING SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED RDZOGS PAR BYAS TE GNAS SO ZHES BYA BA'I TSUL GYIS YUL DE LA 'DUN PA'I 'DOD CHAGS SPONG BA'I PHYIR GZUGS DNGOS PO YIN PA DE BZHIN DU NAM MKHA' YANG RNAL 'BYOR PA DAG NAM MKHA'I YUL DE LA DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS SO ZHES BYA BA'I TSUL GYIS YUL DE LA 'DUN PA'I 'DOD CHAGS SPONG BA'I PHYIR NAM MKHA' YANG DNGOS PO YIN NO ZHES ZER TE, DE NI RJES SU DPAG PA RNAM PA GCIG YIN NO, ,GZHAN YANG DPER NA RNAM PAR SHES PA LA SOGS PA NI DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES ? MTHA' YAS SKYE MCHED RDZOGS PAR BYAS TE GNAS SO ZHES BYA BA DANG, DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS SO ZHES BYA BA DANG, DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS SO ZHES BYA BA'I TSUL GYIS SNYOMS PAR 'JUG PA'I DMIGS PA YIN PA'I PHYIR RNAM PAR SHES PA LA SOGS PA DAG DNGOS PO YIN PA DE BZHIN DU NAM MKHA' YANG DE RNAM PA THAMS CAD DU GZUGS ? @76A *, ,KYI 'DU SHES RNAMS LAS YANG DAG PAR 'DAS TE THOGS PA'I 'DU SHES RNAMS NUB PAR GYUR CING SNA TSOGS RNAMS YOD LA MI BYED PAS NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED RDZOGS PAR BYAS TE GNAS SO ZHES BYA BA'I TSUL GYIS SNYOMS PAR 'JUG PA'I DMIGS PA YIN PA'I PHYIR NAM MKHA' YANG DNGOS PO YIN NO ZHES ZER TE DE YANG RJES SU DPAG PA RNAM PA GCIG YIN NO, ,GZHAN YANG DPER NA MYA NGAN LAS 'DAS PA NI 'DUS MA BYAS YIN PA'I PHYIR DNGOS PO YIN PA DE BZHIN DU NAM MKHA' YANG 'DUS MA BYAS YIN PA'I PHYIR DNGOS PO YIN NO ZHES ZER TE DE YANG RJES SU DPAG PA RNAM PA GCIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'DI LA DON DAM PAR NAM MKHA' DE DNGOS PO NYID DU 'DOD NA MTSAN NYID KYI GZHI 'AM MTSAN NYID YIN GRANG NA, MTSAN NYID KYI GZHI DANG MTSAN NYID DE DAG CI LTAR MI SRID PA DE LTAR NI SNGAR BSTAN ZIN PAS DES NA GANG GI PHYIR KHO BO CAG GI PHYOGS LAS, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,DE'I PHYIR DPE MA BSTAN PAR BSGRUB PAR BYA BA 'GRUB PA MED DO ZHES BYA BA SMRAS TE, BYE BRAG TU SMRA BA CHOS MNGON PA'I LO RGYUS LA MKHAS SU RE BA KHYED DANG, LHAN CIG TU CHOS MNGON PA'I LO RGYUS DAG JE DPYAD PAR BYAS NYON CIG, ,KHYOD CHOS MNGON PA PA DAG DON DAM PAR NAM MKHA' DNGOS PO NYID DU 'DOD PA'I PHYOGS LA CHOS CAN NAM MKHA' DE DON DAM PAR DNGOS PO NYID YIN PAR BSGRUB PAR BYE GRANG NA, NAM MKHA' DON DAM PAR DNGOS PO NYID DU 'DOD NA DE MTSAN NYID KYI GZHI 'AM MTSAN NYID CIG YIN GRANG NA, MTSAN NYID KYI GZHI DANG MTSAN NYID DE DAG DON DAM PAR CI LTAR MI SRID PA DE LTAR NI SNGAR BSTAN ZIN PAS DES NA GANG GI PHYIR KHO BO CAG GI PHYOGS LA MTSAN NYID KYI GZHI DANG MTSAN NYID DAG MA GTOGS PA'I DNGOS PO NI 'GA' YANG YOD PA MA YIN PA DE'I PHYIR KHYED KYI CHOS CAN NAM MKHA' DANG BSGRUB PAR BYA BA CHOS DNGOS PO NYID DU 'DOD PA MA GRUB PAS KHYED KYI PHYOGS NYAMS SO, ,DE LTAR PHYOGS NYAMS PA'I PHYIR GTAN TSIGS DANG DPE YANG GZHI MA GRUB PA'I PHYIR GNYI GA'I @76B PHYOGS LA MA GRUB PA YIN NO, ,'ON KYANG YANG BSNAN PAR BYA STE, KHYED KYIS BRLOMS TE SMRAS PA'I DPE GZUGS BZHIN NO ZHES BYA BA DANG, RNAM PAR SHES PA LA SOGS PA BZHIN NO ZHES BYA BA DAG MED PAR KHYED KYI BSGRUB PAR BYA BA NAM MKHA' DNGOS PO YIN TE ZHES BYA BA DE 'GRUB PA MED DO, , CI'I PHYIR ZHE NA, KHO BO CAG GI PHYOGS LA DON DAM PAR KHYED KYI DPE GZUGS BZHIN NO ZHES BYA BA DANG, RNAM PAR SHES PA LA SOGS PA BZHIN NO ZHES BYA BA DE DAG MA GRUB STE, GAL TE 'DI LA DON DAM PAR GZUGS KYANG RNAM PAR SHES PA LA SOGS PA DAG DNGOS PO NYID DU YOD NA DE DAG KYANG MTSAN NYID KYI GZHI 'AM MTSAN NYID CIG YIN GRANG NA, DE LA YANG MTSAN NYID KYI GZHI DANG MTSAN NYID DE DAG CI LTAR MI SRID PA DE LTAR SNGAR BSTAN ZIN PAS KHYED KYI DPE DE DAG KYANG MA GRUB STE, DE'I PHYIR DPE MA BSTAN PAR BSGRUB PAR BYA BA 'GRUB PA MED DO ZHES SMRAS SO, KHYED KYIS BRLOMS TE SMRAS PA'I GTAN TSIGS YUL DE LA 'DUN PA'I 'DOD CHAGS SPONG BA'I PHYIR ZHES BYA BA DANG, SNYOMS PAR 'JUG PA'I DMIGS PA YIN PA'I PHYIR ZHES BYA BA DE DAG KYANG NAM MKHA' DNGOS PO YIN PA'I GTAN TSIGS SU MI RUNG STE, CI'I PHYIR ZHE NA, CHOS MNGON PA NYID LAS 'DOD PA'I 'DOD CHAGS DANG, SRID PA'I 'DOD CHAGS KYI MTSAN NYID NI CHAGS PA DANG ZHEN PA DANG 'CHUMS PA DANG LHAG PAR CHAGS PA LA SOGS PA'I RNAM GRANGS DAG YIN PAR GSUNGS TE, DE LA GANG GI TSE RNAL 'BYOR BA DE GZUGS KYI YUL DE LA 'DUN PA'I 'DOD CHAGS SPONG ZHING NAM MKHA'I YUL DE LA SNYOMS PAR 'JUG PA'I SKABS SU DE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED RDZOGS PAR BYAS TE MA ? GNAS SO ZHES GSUNGS PA'I TSE NA RNAL 'BYOR PA DE RNAM PA THAMS CAD DU KHA DOG GI BDAG NYID KYI GZUGS LA DMIGS PAR MI BYED PAS NI GZUGS KYI 'DU SHES RNAMS LAS YANG DAG PAR 'DAS SO, ,DBYIBS KYI BDAG NYID KYI GZUGS LA DMIGS PAR MI BYED PAS NI THOGS PA'I 'DU SHES @77A *, ,RNAMS NUB PAR GYUR TO, ,SPRIN DANG, DU BA DANG, RDUL DANG, KHUG RNA DANG, GRIB MA DANG, NYI MA DANG, SNANG BA DANG, MUN PA DANG, KHA DOG DANG, DBYIBS DANG, GNYI GA'I BDAG NYID KYI GZUGS LA DMIGS PAR MI BYED PAS NI SNA TSOGS KYI 'DU SHES RNAMS YID LA MI BYED PA YIN TE, DES NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED RDZOGS PAR BYAS TE GNAS PA DE'I TSE NA RNAL 'BYOR PA DE NAM MKHA'I YUL DE LA 'DUN PA'I 'DOD CHAGS YOD KYANG GZUGS KYI YUL DE LA 'DUN PA'I 'DOD CHAGS LDOG PAR 'GYUR PAS 'DOD CHAGS DANG GZUGS DE DNGOS PO YOD PA MA YIN NO, ,GANG GI TSE RNAL 'BYOR PA DE NAM MKHA'I YUL DE LA 'DUN PA'I 'DOD CHAGS SPONG ZHING RNAM PAR SHES PA'I YUL DE LA SNYOMS PAR 'JUG PA'I SKABS SU DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS SO ZHES GSUNGS PA'I TSE NA, RNAL 'BYOR PA DE 'DI SNYAM DU BDAG GIS 'DI LTA STE NAM MKHA' MTHA' YAS SO SNYAM DU RNAM PAR BRTAGS PA DE LA NI DNGOS PO YOD PA MA YIN TE, DE NI RNAM PAR SHES PA'I RNAM PAR RTOG PA 'BA' ZHIG GO SNYAM NAS DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS PA DE'I TSE NA RNAL 'BYOR PA DE RNAM PAR SHES PA'I YUL DE LA 'DUN PA'I 'DOD CHAGS YOD KYANG NAM MKHA'I YUL DE LA 'DUN PA'I 'DOD CHAGS LDOG PAR 'GYUR BAS 'DOD CHAGS DANG NAM MKHA' DE DNGOS PO YOD PA MA YIN NO, ,GANG GI TSE RNAL 'BYOR PA DE RNAM PAR SHES PA'I YUL DE LA 'DUN PA'I 'DOD CHAGS SPONG ZHING CI YANG MED PA'I YUL DE LA SNYOMS PAR 'JUG PA'I SKABS SU DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS SO ZHES GSUNGS PA'I TSE NA RNAL 'BYOR PA DE 'DI SNYAM DU BDAG @77B GIS 'DI LTA STE RNAM PAR SHES PA MTHA' YAS SO SNYAM DU RNAM PAR BRTAGS PA DE LA NI DNGOS PO YOD PA MA YIN TE, DE NI CI YANG MED DO SNYAM NAS DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS SO ZHES GSUNGS PA DE'I TSE NA RNAL 'BYOR PA DE CI YANG MED PA'I YUL DE LA 'DUN PA'I 'DOD CHAGS YOD KYANG RNAM PAR SHES PA'I YUL DE LA 'DUN PA'I 'DOD CHAGS LDOG PAR 'GYUR BAS 'DOD CHAGS DANG RNAM PAR SHES PA DE DNGOS PO YOD PA MA YIN NO, ,GANG GI TSE RNAL 'BYOR PA DE CI YANG MED PA'I YUL DE LA 'DUN PA'I 'DOD CHAGS SPONG ZHING YOD MIN MED MIN GYI YUL DE LA SNYOMS PAR 'JUG PA'I SKABS SU DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS SO ZHES GSUNGS PA'I TSE NA RNAL 'BYOR PA DE 'DI SNYAM DU BDAG GIS 'DI LTA STE CI YANG MED DO SNYAM DU RNAM PAR BRTAGS PA DE LA NI DNGOS PO YOD PA MA YIN TE, DE NI YOD PA YANG MA YIN MED PA YANG MA YIN NO SNYAM NAS DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS SO ZHES GSUNGS PA DE'I TSE RNAL 'BYOR PA DE YOD MIN MED MIN GYI YUL DE LA 'DUN PA'I 'DOD CHAGS YOD KYANG CI YANG MED PA'I YUL DE LA 'DUN PA'I 'DOD CHAGS LDOG PAR 'GYUR BAS 'DOD CHAGS DANG CI YANG MED PA DE DNGOS PO YOD PA MA YIN NO, ,DE YAN CHAD SRID PA'I RTZE MO PA'I LAM DE NYID KYIS 'JIG RTEN LAS 'DAS PA'I LAM SKYED PAR MI NUS PAS, DE'I TSE RNAL 'BYOR PA DES 'DUN PA'I 'DOD CHAGS DANG GZUGS DANG NAM MKHA' DANG RNAM PAR SHES PA DANG CI YANG MED PA DANG YOD MIN MED MIN GYI 'DU SHES THAMS CAD NGO BO NYID MED PA NYID DU MTHONG BAS RDO RJE LTA BU'I TING NGE 'DZIN LA DMIGS PA MED PA'I TSUL GYIS MNYAM PAR GZHAG STE, RNAM PA THAMS CAD MKHYEN PA NYID MNGON PAR RDZOGS PAR SANGS RGYAS PA NI DNGOS PO MED PAR MTHONG @78A *, ,BA'I 'BRAS BU YIN TE, DE LTAR NA NAM MKHA' LA SOGS PA CHOS THAMS CAD DNGOS PO MED PA NYID DU CHOS MNGON PA NYID KYI LO RGYUS LAS GSUNGS BZHIN DU, KHYED CAG CHOS MNGON PA'I LUNG LA BRTEN CING NAM MKHA' DNGOS PO YOD PAR BSGRUB PA'I GTAN TSIGS DANG DPE STON PA NI KHYED RANG GI TSIG DE NYID KYIS KHYED CAG RANG NYID CHOS MNGON PA'I LO RGYUS LA SHIN DU RMONGS PA NYID DU BSTAN PA YIN NO, ,'DIR CHOS MNGON PA PA DAG NA RE NGED KYI NAM MKHA' DNGOS PO YOD PAR MA GRUB PAS GZHI MA GRUB PA'I YUL DE LA 'DUN PA'I 'DOD CHAGS SPONG BA'I PHYIR DPER NA GZUGS BZHIN NO ZHES BYA BA DANG, SNYOMS PAR 'JUG PA'I DMIGS PA YIN PA'I PHYIR DPER NA RNAM PAR SHES PA LA SOGS PA BZHIN NO ZHES BYA BA'I GTAN TSIGS DANG DPE DAG MA GRUB TU ZIN KYANG KHO BO CAG GIS YANG NA 'DUS MA BYAS YIN PA'I PHYIR DPER NA MYA NGAN LAS 'DAS PA BZHIN NO ZHES SMRAS PA'I GTAN TSIGS DANG DPE DE KHYED LA SAD ? GRUB PAS DE'I PHYIR KHO BO CAG GI GTAN TSIGS DANG DPE DE GRUB PAS NAM MKHA' DNGOS PO YIN PAR 'GRUB BO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, MYA NGAN LAS 'DAS PA DANG GZHAN GANG YANG RUNG BA DAG KYANG DNGOS PO NYID DU GRUB PA MED PA'I PHYIR RO ZHES BYA BA SMRAS TE, MYA NGAN LAS 'DAS PA DANG 'DUS MA BYAS ZHES BYA BA LA SOGS PA GANG YANG RUNG BA DAG KYANG DON DAM PAR DNGOS PO NYID DU GRUB PA MED PA'I PHYIR KHYED KYI GTAN TSIGS DANG DPE GANG YANG MI 'GRUB BO ZHES BYA BA'I THA TSIG GO, ,'DIS NI SDE PA GZHAN DAG GI SGRUB PA, NAM MKHA' YOD PA KHO NA YIN TE GZUGS YONGS SU CHAD PA'I PHYIR DANG 'DUS MA BYAS YIN PA'I PHYIR RO ZHES BYA BA DAG LA YANG SKYON GYIS LAN BTAB PA YIN TE, GTAN TSIGS KYI DON MA GRUB PA NYID DU BRJOD PAR BYA'O ZHES BYA BA NI, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES JI SKAD BSTAN PA'I RIGS PA 'DIS NI SDE PA GZHAN DAG GI SGRUB PA DE SKAD CES ZER BA DAG LA YANG GZHI MA GRUB PA DANG GTAN TSIGS DANG DPE MA GRUB PA'I SKYON GYIS LAN BTAB PA YIN TE, DE DAG NAM MKHA' YOD PAR SGRUB @78B PA'I GTAN TSIGS GZUGS YONGS SU CHAD PA'I PHYIR DANG, 'DUS MA BYAS YIN PA'I PHYIR RO ZHES ZER BA DE DAG GI DON MA GRUB PA NYID KYI SKYON YANG CI RIGS PAR BRJOD PAR BYA'O ZHES BYA BA'I THA TSIG GO, ,DE DAG GI SGRUB PA DE YANG CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR TE, NAM MKHA' NI GZUGS YONGS SU CHAD PA'I PHYIR NAM MKHA' YOD PA KHO NA YIN TE, NAM MKHA' LA GZUGS BYE BRAG TU YONGS SU GCAD DU RUNG GI SGRUB PA LA GZUGS BYE BRAG TU YONGS SU BCAD DU MI RUNG BA'I PHYIR RAM, YANG NA NAM MKHA' NI GZUGS KYI MTHAR THUG CING GZUGS CAN MA YIN PAS GZUGS YONGS SU CHAD PA'I PHYIR NAM MKHA' YOD PA KHO NA YIN NO, ,GZHAN YANG NAM MKHA' DANG 'GOG PA DANG DE BZHIN NYID DAG NI 'DUS MA BYAS YIN PA'I PHYIR YANG NAM MKHA' YOD PA KHO NA YIN TE DE DA LA YANG GTAN TSIGS DANG DPE'I SKYON SNGA MA BZHIN DU CI RIGS PAR BRJOD PAR BYA'O ZHES BYA BAR SBYAR RO, ,MDO SDE PA DAG GIS SMRAS PA, NAM MKHA' DNGOS PO NYID NI MA YIN TE 'O NA CI ZHE NA, KHO BO CAG LA DA NI THOGS PA DANG BCAS PA'I RDZAS KYI DNGOS PO MED PA TZAM YIN NO ZHES BYA BA NI SNGAR BYE BRAG TU SMRA BA LA SOGS PA DAG NAM MKHA' DNGOS POR 'DOD PA NYID BKAG PA DANG, 'DIR MDO SDE PA DAG NA RE KHYED DBU MA PA NAM MKHA' DNGOS PO MA YIN PA NYID DU 'GOG PAR BYED PA DE NI GRUB PA LA SGRUB PA'I SKYON CHAGS PA YIN TE, CI'I PHYIR ZHE NA, KHO BO CAG GI GZHUNG LAS NAM MKHA' NI DNGOS PO NYID MA YIN TE THOGS PA DANG BCAS PA'I RDZAS KYI DNGOS PO MED PA TZAM YIN PAR GRUB PA'I PHYIR RO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS SNYOMS PAR 'JUG PA'I DMIGS PA YIN PA'I PHYIR ZHES BYA BA DANG, YUL DE LA 'DUN PA'I 'DOD CHAGS SPONG BA'I PHYIR ZHES BYA BA DES DNGOS PO MED PA'I NGO BO NYID SEL BAR BYED PA YIN MOD KYI ZHES BYA BA LA SOGS PA SMRAS TE, 'DI MAN CHAD KYIS NI MDO SDE PA DAG GIS YONGS SU BRTAGS PA'I NAM MKHA' DNGOS PO MED PA NYID DU LTA BA DE 'GOG PAR BYED DO, ,'DI SKAD BSTAN TE SNGAR BYE BRAG TU SMRA BA DAG NA @79A *, ,MKHA' DNGOS POR 'DOD PA'I GTAN TSIGS SNYOMS PAR 'JUG PA'I DMIGS PA YIN PA'I PHYIR ZHES BYA BA DANG YUL DE LA 'DUN PA'I 'DOD CHAGS SPONG BA'I PHYIR ZHES BYA BA DE DAG MI 'THAD PAR BSAL BA NYID KYIS MDO SDE PA DAG NAM MKHA' DNGOS PO MED PA NYID DU 'DOD PA YANG SEL BAR BYED PA YIN MOD KYI 'ON KYANG MDO SDE PA NAM MKHA' LA DNGOS PO MED PA NYID DU RTOG PAR BYED PA DE NYID KYI SGO NAS DE DGAG PA'I 'THAD PA GZHAN YANG BSTAN PAR BYA'O ZHES BYA BAR SBYAR RO, ,DE'I PHYIR 'ON KYANG DE DAG NAM MKHA' LA RTOG PAR BYED PA DE DGAG PA'I PHYIR DGAG PA CHES GSAL BAR BRJOD PAR BZHED PAS DE NYID BSHAD PA ZHES BYA BA LA SOGS PA SMRAS TE, BYE BRAG TU SMRA BA DAG GI GTAN TSIGS SNGA MA BKAG PA DE NYID KYIS MDO SDE PA DAG NAM MKHA' DNGOS PO MED PA NYID DU RTOG PAR BYED PA DE DGAG PA'I PHYIR BSTAN BCOS MDZAD PAS DGAG PA SNGA MA BAS KYANG CHES GSAL BA'I DGAG PA GZHAN BRJOD PAR BZHED PAS DE NYID 'DIR BSHAD PA ZHES BYA BAR SBYAR RO, ,DGAG PA CHES BSAL BA DE YANG GANG ZHE NA, DE'I PHYIR, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BAS DE BSTAN ZIN PAS DE'I PHYIR, DNGOS PO YOD PA MA YIN NA, DNGOS MED GANG GI YIN PAR 'GYUR, ,ZHES BYA BA SMRAS SO, ,GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BAS CI ZHIG BSTAN ZIN ZHE NA, SNGAR PHUNG PO BRTAG PA'I SKABS SU TSIG LE'UR BYAS PA'I PHYED GONG MA DES THOGS PA DANG BCAS PA'I GZUGS ZHES BYA BA'I DNGOS PO YOD PA MA YIN PAR BSTAN ZIN TO, ,DE LTAR THOGS PA DANG BCAS PA'I GZUGS ZHES BYA BA'I DNGOS PO YOD PA MA YIN NA, KHYED KYIS NAM MKHA' ZHES BYA BAR BTAGS PA GANG YIN PA'I DNGOS PO MED PA DE GANG GI YIN PAR 'GYUR TE, DE STON PA'I RJES SU DPAG PA YOD PA MA YIN PAS DON DE RAB TU MI 'GRUB BO ZHES BYA BA NI SNGAR, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES BSTAN PAS DNGOS PO DE YOD PA MA YIN NA @79B KHYOD KYI DNGOS PO MED PA DE GANG GI YIN PAR BRTAG , ,'DI LTAR DNGOS PO'I DNGOS PO MED PAR 'GYUR GRANG NA, DNGOS PO DE YANG YOD PA MA YIN NA DNGOS PO MED PA DE GANG GI YIN PAR 'GYUR, DE LTA BAS NA DNGOS PO MED PA DE STON PA'I RJES SU DPAG PA YOD PA MA YIN PAS MDO SDE PA DAG GIS NAM MKHA' DNGOS PO MED PA NYID DU 'DOD PA'I DON DE RAB TU MI 'GRUB BO, ,YANG NA GZHAN DU BRTAG STE ZHES BYA BA LA SOGS PAS NI, DNGOS PO YOD PA MA YIN NA, ,DNGOS MED GANG GI YIN PAR 'GYUR, ,ZHES BYA BA TSIG LE'UR BYAS PA'I RTZA BA DE GNYIS KYI DON RNAMS GZHAN DU RNAM PAR BSHAD PA STON TE, ,DE'I PHYOGS SNGA MA NYE BAR GZHAG PA BSTAN PA'I PHYIR PHA ROL POS SMRAS PA, NAM MKHA' DNGOS PO YIN TE ZHES BYA BA'I DON DE BSTAN PAR MI NUS TE, KHYOD KYIS, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES BYA BAS DPE MED PA DANG DPE BSGRUBS SU ZIN KYANG BSGRUB PAR BYA BA DANG, SGRUB PA ME 'GRUB PA KHO NAR 'GYUR RO ZHES SMRAS PAS DE'I PHYIR KHO BOS BSGRUB PAR BYA STE ZHES BYA BA LA SOGS PA SMRAS TE, 'DIR PHA ROL PO BYE BRAG TU SMRA BA DAG NA RE KHO BOS SNGAR NAM MKHA' NI DNGOS PO YIN TE, YUL DE LA 'DUN PA'I 'DOD CHAGS SPONG BA'I PHYIR DPER NA GZUGS BZHIN NO, ,YANG NA SNYOMS PAR 'JUG PA'I DMIGS PA YIN PA'I PHYIR DPER NA RNAM PAR SHES PA LA SOGS PA BZHIN NO, YANG NA 'DUS MA BYAS YIN PA'I PHYIR DPER NA MYA NGAN LAS 'DAS PA BZHIN NO ZHES BYA BA'I GTAN TSIGS DANG, DPE RNAM PA GSUM SMRAS PAS NAM MKHA' DNGOS PO YIN TE ZHES BYA BA'I DON DE BSTAN PAR MI NUS TE, CI'I PHYIR ZHE NA, DBU MA PA KHYOD KYIS, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES BYA BAS DPE MA BSTAN PAR BSGRUB PAR BYA'O 'GRUB PA MED DO ZHES DPE MED PAR BSTAN PA DANG, DPE GZUGS DANG RNAM PAR SHES PA LA SOGS PA DANG, MYA NGAN LAS 'DAS PA DAG KUN RDZOB TU BSGRUBS SU ZIN KYANG BSGRUB PAR BYA BA NAM MKHA' DNGOS PO YIN TE ZHES BYA BA DANG, SGRUB PA YUL DE LA 'DUN @80A *, ,PA'I 'DOD CHAGS SPONG BA'I PHYIR ZHES BYA BA DANG, SNYOMS PAR 'JUG PA'I DMIGS PA YIN PA'I PHYIR ZHES BYA BA DANG, 'DUS MA BYAS YIN PA'I PHYIR ZHES BYA BA DAG MI 'GRUB PA KHO NAR 'GYUR RO ZHES SMRAS PAS KHO BO CAG GIS NAM MKHA' DNGOS PO YIN TE ZHES BYA BA'I DON DE BSTAN PAR MI NUS MOD KYI 'ON KYANG RIGS PA'I BSTAN BCOS LAS GTAN TSIGS DANG DPE GANG YANG RUNG BA LA MA GRUB PA DANG, THE TSOM ZA BA NI YANG SGRUB PA LA LTOS PAR BYA'O ZHES BYA BA'I MTSAN NYID YOD PAS DE'I PHYIR KHO BOS SGRUB PA SNGA MA DE NYID 'DIR YANG BSGRUB PAR BYA STE ZHES ZER BA YIN NO, ,DE DAG GI SGRUB PA NYID BSTAN PA'I PHYIR GZUGS LA SOGS PA LA DNGOS PO YOD PA KHO NA YIN TE LTOS PAS DE DAG MED PA YOD PA'I PHYIR RO, ,'DI NA GANG YOD PA DE LA NI LTOS PAS DNGOS PO MED PA YOD DE DPER NA GZUGS LA RO NYID MED PA BZHIN NO, ,GANG MED PA DE LA NI LTOS PAS DNGOS PO MED PA MED DE DPER NA RTA'I RVA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, CHOS MI MTHUN PA'I PHYOGS KYI DPE YIN PAR GO RIMS BZHIN DU SBYAR TE, DPER NA GZUGS DNGOS PO YOD PA LA NI DE LA LTOS PAS GZUGS LA RO NYID MED PA YOD KYI RTA'I RVA DNGOS PO MED PA LA NI DE LA LTOS PAS RTA'I RVA LA RO NYID MED PA MED PAS GZUGS LA RO NYID MED PA YOD PA'I PHYIR GZUGS DNGOS PO YOD PA KHO NA YIN PA DE BZHIN DU GZUGS DANG RNAM PAR SHES PA LA SOGS PA DANG MYA NGAN LAS 'DAS PA DNGOS PO YOD PA DAG LA YANG DE DAG LA LTOS PAS GZUGS DANG RNAM PAR SHES PA LA SOGS PA DANG MYA NGAN LAS 'DAS PA DAG LA DE DAG MED PA YOD PA'I PHYIR GZUGS DANG RNAM PAR SHES PA LA SOGS PA DANG MYA NGAN LAS 'DAS PA DAG NI DNGOS PO YOD PA KHO NA YIN NO, ,DE DAG DNGOS PO YOD PA KHO NA YIN PAS KHO BO CAG BYE BRAG TU SMRA BA DAG GIS DPE GRUB PA'I PHYIR BSGRUB PAR BYA BA NAM MKHA' DNGOS PO YIN TE ZHES BYA BA'I DON DE 'GRUB BO GTAN TSIGS KYI DON MA GRUB PA NYID KYANG MA YIN TE, 'DI LTAR KHYOD KYIS LAN CIG @80B MA YIN PAR PHUNG PO DANG KHAMS DANG SKYE MCHED DAG PHUNG PO LA SOGS PA NYID KYIS MED PA NYID DU BRJOD PAS DE'I PHYIR LTOS PAS DE DAG MED PA YOD PA'I PHYIR DNGOS PO YOD PA KHO NA YIN NO ZHES BYA BA NI KHO BO CAG BYE BRAG TU SMRA BA DAG GI GTAN TSIGS KYI DON YUL DE LA 'DUN PA'I 'DOD CHAGS SPANG BA'I PHYIR ZHES BYA BA DANG SNYOMS PAR 'JUG PA'I DMIGS PA YIN PA'I PHYIR ZHES BYA BA DANG, 'DUS MA BYAS YIN PA'I PHYIR ZHES BYA BA DE DAG GI DON MA GRUB PA NYID KYANG MA YIN TE CI'I PHYIR ZHE NA, 'DI LTAR DBU MA PA KHYOD KYIS LAN CIG MA YIN PAR DANG PO RKYEN BRTAG PA'I RAB TU BYED PA NAS BRTZAMS TE 'DI'I BAR DU LAN DU MAR PHUNG PO DANG KHAMS DANG SKYE MCHED DAG PHUNG PO SKYE MCHED KYI NGO BO NYID KYIS MED PA NYID DU BRJOD PAS PHUNG PO LA SOGS PA DE DAG GI DNGOS PO'I NGO BO NYID MED PA NYID YOD PAR BSGRUBS PA DE'I PHYIR PHUNG PO LA SOGS PA DNGOS PO YOD PA DE DAG LA LTOS PAS DE DAG ME PA YOD PA'I PHUNG PO LA SOGS PA DE DAG DNGOS PO YOD PA KHO NA YIN NO, ,DE DAG DNGOS PO YOD PA KHO NA YIN PAS, YUL DE LA 'DUN PA'I 'DOD CHAGS SPONG BA'I PHYIR ZHES BYA BA DANG, SNYOMS PAR 'JUG PA'I DMIGS PA YIN PA'I PHYIR ZHES BYA BA DANG, 'DUS MA BYAS YIN PA'I PHYIR ZHES BYA BA'I GTAN TSIGS DE DAG GI DON MA GRUB PA NYID KYANG MA YIN PA'I PHYIR BSGRUB PAR BYA BA NAM MKHA' DNGOS PO YIN TE ZHES BYA BA'I DON DE 'GRUB BO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, KHO BOS GZUGS LA SOGS PA'I DNGOS PO YOD PA NYID DGAG PA BYAS PAR ZAD KYI DE DAG MED PAR MA BSTAN PAS DE'I PHYIR GZUGS ZHES BYA BA'I DNGOS PO YOD PA MA YIN NA GANG LA RO NYID MED PAR 'GYUR TE, DE MED PA'I PHYIR DPE MA GRUB PAS 'DOD PA'I DON GRUB PA MED DO ZHES BYA BA SMRAS TE, BYE BRAG TU SMRA BA DAG GI SGRUB PA DE LA YANG DPE MI 'GRUB BO, ,CI'I PHYIR ZHE NA, KHO BOS MED PAR DGAG PA'I TSUL GYIS GZUGS LA SOGS PA PHUNG PO DANG KHAMS DANG SKYE MCHED DAG GI DNGOS PO YOD PA NYID DGAG PA BYAS PAR ZAD KYI MA YIN PAR DGAG PA'I TSUL GYI GZUGS LA SOGS PA PHUNG PO DANG KHAMS DANG SKYE MCHED DE DAG MED PAR MA BSTAN @81A *, ,PAS DE'I PHYIR GZUGS ZHES BYA BA'I DNGOS PO YOD PA MA YIN NA GANG LA LTOS PAS DE LA RO NYID MED PA YOD PAR 'GYUR TE, DNGOS PO YOD PA MA YIN PAS DNGOS PO MED PA YANG YOD PA MA YIN NO, ,DNGOS PO YOD PA LA LTOS PAS DNGOS PO MED PA YOD PA DE MED PA'I PHYIR KHYOD KYI DPE 'DI NA GANG YOD PA DE LA NI LTOS PAS DNGOS PO MED PA YOD DE DPER NA GZUGS LA RO NYID MED PA BZHIN NO ZHES BYA BA DE MA GRUB PAS KHYOD KYI 'DOD PA'I DON NAM MKHA' DNGOS PO YIN TE ZHES BYA BA DE GRUB PA MED DO, ,GZHAN DAG GIS SMRAS PA, DNGOS PO DANG DNGOS PO MED PA DAG NI YOD PA KHO NA YIN TE, DE DAG SHES PA YOD PA'I PHYIR RO, ,'DI NA GANG LA SHES PA YOD PA DE NI YOD DE DPER NA CHOS NYID BZHIN NO ZHES BYA BA NI 'DIR MDO SDE PA DANG BYE BRAG TU SMRA BA DAG DNGOS PO DANG DNGOS PO MED PA SHES PA'I GANG ZAG YOD PA'I GTAN TSIGS KYIS DNGOS PO DANG DNGOS PO MED PA DAG KYANG YOD PAR SGRUB PA YIN NO, ,DE DAG NI SGRUB PA DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE YIN PAR GO RIMS BZHIN DU SBYAR TE, DPER NA CHOS NYID LA NI DE MKHYEN PA'I SANGS RGYAS BCOM LDAN 'DAS YOD PA'I PHYIR CHOS NYID KYANG YOD PA KHO NA YIN PA DE BZHIN DU DNGOS PO DE DANG DNGOS PO MED PA DAG LA YANG DE DAG SHES PA'I RNAL 'BYOR BA YOD PA'I PHYIR DNGOS PO DANG DNGOS PO MED PA GANG DAG KYANG YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, 'DIR BSHAD PA, PHA ROL PO'I YID LA BSAMS PAS BRTAGS PA'I DNGOS PO DANG DNGOS PO MED PA SHES PA DE YANG DNGOS PO'AM DNGOS PO MED PA ZHIG YIN GRANG NA, DE GNYI GA DGAG PA YANG BSTAN ZIN PAS DE DAG SHES PA YOD PAR MI 'GRUB PO ZHES BYA BA SMRAS TE, PHA ROL PO MDO SDE PA DANG BYE BRAG TU SMRA BA DAG GIS YID LA BSAMS PAS BRTAGS PA'I DNGOS PO DANG DNGOS PO MED PA SHES PA ZHIG YOD PAR GYUR NA DE YANG DNGOS PO'AM DNGOS PO MED PA ZHIG YIN GRANG NA, DE GNYI GA DGAG PA YANG BSTAN ZIN TE, DE LA SHES PA DE DNGOS @81B PO NI MA YIN TE NAM MKHA'I DNGOS PO DGAG PA JI SKAD BSTAN PA NYID KYIS BKAG ZIN PA'I PHYIR RO, ,DNGOS PO MED PA YANG MA YIN TE MA SKYES PA'I PHYIR MA SKYES PA LA 'JIG PA YANG MED PAS DNGOS PO MED PA YANG MED PA'I PHYIR RO, ,DE LTAR SHES PA DE DNGOS PO 'AM DNGOS PO MED PA'I BDAG NYID DU MA GRUB PAS DNGOS PO DANG DNGOS PO MED PA SHES PA MED DO, ,DE MED PA'I PHYIR DNGOS PO DANG DNGOS PO MED PA DAG KYANG YOD PA MA YIN PA KHO NA'O, ,DNGOS PO DANG DNGOS PO MED PA DANG MI MTHUN PA'I SHES PA GZHAN ZHIG YOD PAR RTOG NA ZHES BYA BA NI GAL TE PHA ROL PO DAG DNGOS PO DANG DNGOS PO MED PA SHES PA DE DNGOS PO'I NGO BO NYID KYANG MA YIN PA DNGOS PO MED PA'I NGO BO NYID KYANG MA YIN PAS YOD PAR MA GRUB PA DANG, DE DAG 'DIR 'DI SKAD CES DNGOS PO DANG DNGOS PO MED PA SHES PA DE NI DNGOS PO DANG DNGOS PO MED PA GNYI GA DANG MI MTHUN PA DNGOS PO YANG YIN LA DNGOS PO MED PA YANG YIN PA GZHAN ZHIG YOD PAR RTOG CING DE SKAD CES ZER BA YIN NO, ,DE LTAR RTOG NA DE YANG MI RUNG STE DE'I PHYIR BSHAD PA, DNGOS DANG DNGOS MED MI MTHUN CHOS, ,GANG GIS DNGOS DANG DNGOS MED SHES, ,DE NI YOD PA MA YIN PA NYID DO ZHES BYA BA'I TSIG GI DON TO ZHES BYA BA SMRAS TE, DNGOS PO DANG DNGOS PO MED PA NI PHAN TSUN MI MTHUN PA'I CHOS YIN PAS DE GNYIS GANG ZAG GCIG GI RGYUD LA YOD PAR MI 'THAD PAS DNGOS PO DANG DNGOS PO MED PA SHES PA'I GANG ZAG DNGOS PO DANG DNGOS PO MED PA DANG MI MTHUN PA DNGOS PO YANG YIN LA DNGOS PO MED PA YANG YIN PA DE LTA BU NI YOD PA MA YIN PA NYID DO, ,DE MED NA GANG GIS DNGOS PO MED PA DAG SHES PAR 'GYUR TE, GANG GIS KYANG SHES PAR MI 'GYUR RO, ,DE LTAR DNGOS PO DANG DNGOS PO MED PA DAG SHES PA'I GANG ZAG YOD PA MA YIN PA'I PHYIR DNGOS PO DANG DNGOS PO MED PA DAG KYANG YOD PA MA YIN PA KHO NA'O ZHES BYA BA'I THA TSIG GO, ,GAL TE RNAM GRANGS KYI TSUL SMRA ? BA DAG GIS BRTAGS PA'I DNGOS PO DANG DNGOS PO MED PA DANG MI MTHUN PA DE DAG SHES PA YOD PA'I PHYIR NYES PA MED DO ZHE NA ZHES BYA BA NI GAL TE 'DIR 'UG PA PA RNAM GNYIS SU SMRA BA DAG NA RE KHO BO CAG NI RNAM GRANGS KYI TSUL GYIS GNYI GA YIN PAR SMRAS TE, DPER NA PHA'I RNAM @82A *, ,GRANGS LA LTOS NAS NI BU YANG YIN LA, BU'I RNAM GRANGS LA LTOS NAS NI PHA YANG YIN PA DE BZHIN DU LUS KYI RNAM GRANGS LA LTOS NAS NI DNGOS PO YANG YIN LA SROG GI RNAM GRANGS LA LTOS NAS NI DNGOS PO MED PA YANG YIN PAS DE'I PHYIR KHO BO CAG GI PHYOGS LA DNGOS PO DANG DNGOS PO MED PAR SHES PA'I GANG ZAG DE NI DNGOS PO YANG YIN LA DNGOS PO MED PA YANG YIN PAR 'GRUB PAS KHYED KYIS DNGOS PO DANG DNGOS PO MED PA MI MTHUN PA'I CHOS GNYIS GANG ZAG GCIG GI RGYUD LA YOD PA MA YIN NO ZHES BSHAD PA'I NYES PA DE KHO BO CAG GI PHYOGS LA MED DO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS BSHAD PA DE NI RIGS PA MA YIN TE GCIG LA BDAG NYID MI MTHUN PA GNYIS MI SRID PA'I PHYIR DANG, LTOS PA MI 'THAD PA'I PHYIR DANG, DE STON PA'I RJES SU DPAG PA MED PA'I PHYIR RO ZHES BYA BAR DGONGS SO ZHES BYA BA SMRAS TE, 'UG PA PA DAG GI TSUL DE YANG RIGS PA MA YIN TE, CI'I PHYIR ZHE NA, DNGOS PO GCIG LA YOD PA YANG YIN MED PA YANG YIN ZHES BYA BA BDAG NYID MI MTHUN PA GNYIS MI SRID DE, DPER NA DE NYID SNANG BA YIN LA MUN PA YANG YIN NO ZHES BYA BA LTA BU MI SRID PA'I PHYIR DANG LTOS PA YANG MI 'THAD DE SHI BA LA LTOS NAS GSON PO YIN LA GSON PA LA LTOS NAS SHI BA YIN NO ZHES BYA BA DPER NA BYA GAG PHYED SHI PHYED SOS PA LTA BU MI 'THAD PA'I PHYIR DANG, RNAM PA GNYIS YIN PA DE STON PA'I RJES SU DPAG PA KHYED LA MED PA'I PHYIR RO ZHES BYA BAR MDO MDZAD PAS DGONGS SO, ,GANG GI PHYIR DE LTAR DPYAD NA, NAM MKHA' 'THAD PA MI BZOD PA, ,DE'I PHYIR NAM MKHA' DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES PHA ROL POS SMRAS PA'I DNGOS PO NYID LA SOGS PA STON PA'I SGRUB PA SUN 'BYIN PA BSAL BA'I DAG GNYIS MJUG BSDUS ? SO ZHES BYA BA NI RAB TU BYED PA'I SKABS 'DIR KHAMS DRUG PO THAMS CAD NGO BO NYID MED PA NYID DU SGRUB PA LAS DANG PO NAM MKHA'I KHAMS BRTAG PA'I DBANG DU BYAS TE BSHAD PA'I MJUG BSDU BA YIN TE, DE LTAR GANG GI PHYIR BRTAGS NA MTSAN NYID KYI GZHI DANG MTSAN NYID @82B DAG MED CING, MTSAN NYID KYI GZHI DANG MTSAN NYID DAG MA GTOGS PA'I DNGOS PO GZHAN YANG MED DE DNGOS PO MED NA DNGOS PO MED PA YANG MED PA'I PHYIR NAM MKHA' NI BYE BRAG TU SMRA BA DAG GIS YONGS SU BRTAGS PA LTAR DNGOS PO YANG MA YIN LA MDO SDE PA DAG GIS YONGS SU BRTAGS PA LTAR DNGOS PO MED PA YANG MA YIN, KHA CIG GIS SKYES BU LTAR YONGS SU BRTAGS PA'I MTSAN NYID KYI GZHI YANG MA YIN GZHAN DAG GIS MI SGRIB PA LTAR YONGS SU BRTAGS PA'I MTSAN NYID KYANG MA YIN NO, ,'DI LTAR GAL TE NAM MKHA' ZHES BYA BA CUNG ZHIG YOD PAR GYUR NA DE BZHI PO DE DAG LAS GANG YANG RUNG BA ZHIG TU 'GYUR GRANG NA, BZHI PO DE DAG KYANG MED PAS DE'I PHYIR NAM MKHA' YOD PA MA YIN NO, ,PHA ROL POS SMRAS PA'I DNGOS PO NYID LA SOGS PA STON PA'I SGRUB PA SUN 'BYIN PA ZHES BYA BA NI PHA ROL PO RANG GI SDE PA DANG GZHAN DAG GIS SMRAS PA'I DNGOS PO DANG DNGOS PO MED PA DANG MTSAN NYID KYI GZHI DANG MTSAN NYID DAG STON PA'I SGRUB PA PHYOGS SNGA MA CI SKAD BSTAN PA DE DAG NYID SUN 'BYIN PA YANG YIN TE DBU MA PA LA SKYON 'DOGS PA'I TSIG YIN PA'I PHYIR RO, ,DE DAG BSAL BA'I DBANG GIS MJUG BSDUS SO ZHES BYA BA NI DBU MA PAS PHYOGS SNGA MA DE DAG MI 'THAD PAR BSAL BA'I MTHU DANG DBANG GIS NAM MKHA'I KHAMS NGO BO NYID MED PA NYID DU BSTAN PA'I SKABS KYI MJUG BSDUS PA YIN NO,, ,,BAM PO SUM CU LNGA PA, DA NI JI LTAR NAM MKHA' BRTAGS NA DNGOS PO YANG MA YIN DNGOS PO MED PA YANG MA YIN MTSAN NYID KYI GZHI YANG MA YIN MTSAN NYID KYANG MA YIN TE, NAM MKHA' ZHES BYA BA CI YANG MA YIN PA DE BZHIN DUS LA SOGS PA KHAMS LNGA PO GZHAN GANG DAG YIN PA DE DANG 'DRA BAR BSTAN PA'I PHYIR KHAMS LNGA PO, GZHAN GANG DAG KYANG NAM MKHA' MTSUNGS, ,ZHES BYA BA SMRAS SO, ,KHAMS ZHES BYA BA'I DON NI 'BYUNG KHUNGS KYI DON TE, GSER GYI 'BYUNG KHUNGS BZHIN DU NAM MKHA' LA SOGS PA DAG KYANG SDUG BSNGAL DANG YID MI BDE BA LA SOGS PA DAG GI 'BYUNG KHUNGS SU GYUR PA YIN NO ZHES BYA BA NI KHAMS ZHES BYA BA'I TSIG GI DON BSHAD PA YIN TE SDUG BSNGAL DANG YID MI BDE BA LA @83A *, ,SOGS PA DAG GI 'BYUNG KHUNGS SU GYUR PA YIN NO ZHES BYA BA NI KHAMS DRUG PO DE DAG NYID LAS LUS 'BYUNG BA'I PHYIR TE, LUNG LAS RGYAL PO CHEN PO KHAMS DRUG PO 'DI DAG NI SKYES BU GANG ZAG YIN NO ZHES GSUNGS PA'I PHYIR RO, ,YANG NA KHAMS ZHES BYA BA'I DON GYI BYED PA MED PAR RANG GI MTSAN NYID 'DZIN PA'I DON TO ZHES BYA BA NI KHAMS ZHES BYA BA'I TSIG GI DON RNAM PA GZHAN DU BSHAD PA YIN TE, 'DZIN PA'I DON NI KHAMS KYI DON TO ZHES BYA BA'I THA TSIG GO, ,LNGA PO ZHES BYA BA NI SA DANG CHU DANG ME DANG RLUNG DANG RNAM PAR SHES PA ZHES BYA BA DAG GO ZHES BYA BA NI KHAMS LHAG MA LNGA PO DAG GI MING BSTAN PA YIN NO, ,GZHAN ZHES BYA BA NI NAM MKHA'I 'OG TU DGAG PAR BYA BA YIN PA'I PHYIR RO ZHES BYA BA NI 'DIR GZHAN DAG NA RE LUNG LAS KHAMS BSTAN PA LAS DANG POR SA'I KHAMS BSTAN PAS CHU LA SOGS PA LHAG MA RNAMS GZHAN YIN NA 'DIR CI'I PHYIR NAM MKHA'I KHAMS DANG POR BSTAN CING SA LA SOGS PA LHAG MA RNAMS GZHAN ZHES BSHAD CES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS GZHAN ZHES BYA BA NI NAM MKHA'I 'OG TU DGAG PAR BYA BA YIN PA'I PHYIR RO ZHES BSHAD DE, BSTAN BCOS MDZAD PAS LUNG LAS KHAMS BSTAN PA'I GO RIMS KYI DBANG DU MA MDZAD KYI RAB TU BYED PA'I SKABS 'DIR KHAMS RNAMS DGAG PA'I GO RIMS KYI DBANG DU MDZAD PA'I PHYIR TE, DE YANG 'JIG RTEN NI PHAL CHER NAM MKHA' LA CI YANG MA YIN PAR MOS LA SA LA SOGS PA DAG LA NI DNGOS PO LA SOGS PAR MNGON PAR ZHEN PAS DE'I PHYIR 'JIG RTEN LA NAM MKHA' CI YANG MA YIN PAR GRAGS PA'I DON GYIS SA LA SOGS PA CI YANG MA YIN PAR MA GRAGS PA'I DON RAB TU BSGRUB PA'I DPE BSTAN PA'I PHYIR NAM MKHA' CI YANG MA YIN PAR GRUB PA DANG POR BSTAN TO, ,GANG DAG KYANG NAM MKHA' MTSUNGS ZHES BYA BA NI KHAMS LNGA PO GZHAN GANG DAG YIN PA DE DAG KYANG NAM MKHA' DANG MTSUNGS PAR DGAG PAR BYA STE, CI LTAR, NAM MKHA'I KHAMS NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA NAS BRTZAMS TE, DE PHYIR NAM MKHA' DNGOS PO MIN, ,DNGOS @83B MED MA YIN MTSAN GZHI MIN, ,MTSAN NYID MA YIN ZHES BYA BA'I BAR GYIS NAM MKHA' DGAG PA BSTAN PA DE BZHIN DU 'DIR YANG, SA SOGS MTSAN NYID SNGA ROL NA, ,SA SOGS CUNG ZAD YOD MA YIN, ,ZHES BYA BA NAS BRTZAMS TE, DE PHYIR SA SOGS DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES BYA BA'I BAR DU RGYA CHER BRJOD PAR BYA ZHING SA LA SOGS PA KHAMS LNGA PO GZHAN GANG DAG YIN PA DE DAG KYANG NAM MKHA' DANG DGAG PA MTSUNGS PA'I PHYIR 'DRA BAR BSTAN PAR BYA'O ZHES BYA BA NI CI LTAR SNGAR NAM MKHA' BRTAG PA'I SKABS SU, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, ,MTSAN BCAS MTSAN NYID MED PA LAS, GZHAN LA'ANG 'JUG PAR MI 'GYUR RO, ,MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO, ,MTSAN GZHI 'THAD PA MA YIN NA, ,MTSAN NYID KYANG NI YOD MA YIN, ,DE PHYIR MTSAN GZHI YOD MIN TE, ,MTSAN NYID YOD PA NYID MA YIN, ,MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,DNGOS PO YOD PA MA YIN NA, ,DNGOS MED GANG GI YIN PAR 'GYUR, , DNGOS DANG DNGOS MED MI MTHUN CHOS, ,GANG GIS DNGOS DANG DNGOS MED SHES, ,DE PHYIR NAM MKHA' DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES BYA BA SGRUB PA DANG BRGAL BA'I LAN DANG BCAS PA DAG GIS CI LTAR NAM MKHA' BRTAGS NA DNGOS PO YANG MA YIN DNGOS PO MED PA YANG MA YIN, MTSAN NYID KYI GZHI YANG MA YIN MTSAN NYID KYANG MA YIN TE, NAM MKHA' ZHES BYA BA CI YANG MA YIN PAR BSTAN PA DE BZHIN DU 'DIR YANG, SA SOGS MTSAN NYID SNGA ROL NA, ,SA SOGS CUNG ZAD YOD MA YIN, ,ZHES BYA BA NAS @84A *, ,BRTZAMS TE, DE PHYIR SA SOGS DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN, ZHES BYA BA'I BAR DU RGYA CHER BRJOD PAR BYA ZHING, DE DAG SGRUB PA DANG BRGAL BA'I LAN DANG BCAS PA DAG GIS SA LA SOGS PA KHAMS LNGA PO GZHAN DAG YIN PA DE DAG KYANG DNGOS PO YANG MA YIN DNGOS PO MED PA YANG MA YIN MTSAN NYID KYI GZHI YANG MA YIN MTSAN NYID KYANG MA YIN TE, SA LA SOGS PA KHAMS LNGA PO GZHAN GANG DAG YIN PA DE DAG KYANG CI YANG MA YIN NO ZHES 'ANG BAR BSTAN PAR BYA'O, ,'DIR GZHAN DAG NA RE DE LTAR KHAMS DRUG PO DAG NGO BO NYID MED PA NYID YIN NA CI'I PHYIR BCOM LDAN 'DAS KYIS RGYAL PO ZAS GTZANG LA RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS KHAMS DRUG PO SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA ZHES BYA BA DAG GI MTSAN NYID SRA BA DANG, G-YO BA DANG, SKABS 'BYED PA DANG, RNAM PAR SHES PAR BYED PA DAG YOD PAR BSTAN ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS BCOM LDAN 'DAS KYI GSUNG RAB LA KHAMS DE DAG DE LTAR YOD PAR BSTAN PA NI DE LTAR BSTAN PAS GDUL BA'I SKYE BO MANG PO LA RJES SU THUGS BRTZE BAS THA SNYAD DU GRAGS PA THA SNYAD KYI BDEN PAR GTOGS PA YIN GYI DON DAM PAR NI KHAMS RNAMS YOD PA MA YIN NO ZHES BYA BA SMRAS TE KHAMS DE DAG BSTAN PAS 'DUL BA'I SKYE BO RGYAL PO CHEN PO ZAS GTZANG LA SOGS PA LAS DANG PO PA RNAMS LA RJES SU THUGS BRTZE BAS DE DAG GDUL ZHING GZUNG PA DANG RAB TU 'GOD PA'I PHYIR THA SNYAD DU GRAGS PA'I DBANG DU MDZAD NAS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS KHAMS DRUG PO SA DANG, CHU DANG, ME DANG, RLUNG DANG, NAM MKHA' DANG, RNAM PAR ? ZHES BYA BA DAG GI MTSAN NYID SRA BA DANG GSHER BA DANG TSA BA DANG G-YO BA DANG SKABS 'BYED PA DANG RNAM PAR SHES PAR BYED PA DAG YOD PAR BSTAN TE DE DAG NI THA SNYAD KYI BDEN PAR GTOGS PA YIN GYI DON DAM PAR NI KHAMS RNAMS YOD PA MA YIN NO, ,BCOM LDAN 'DAS KYI @84B GSUNG RAB LA ZHES BYA BA LA CI'I PHYIR GSUNG RAB CES BYA ZHE NA, YONGS SU SHES PAR BYA BA DANG SPANG BAR BYA BA DANG MNGON SUM DU BYA BA DANG BSGOM PAR BYA BA'I BDEN PA BZHI PO DAG LA GDAMS NGAG DANG RJES SU STON PA'I GSUNG GANG YIN PA DE NI GSUNG RAB PO, ,YANG NA LAS DANG NYON MONGS PA DANG SHES BYA'I SGRIB PA SPANGS PA RAB KYI MTHAR PHYIN PA BRNYES PA'I GSUNG GANG YIN PA DE NI GSUNG RAB PO, ,YANG NA SKYE BO SKAL BA DANG LDAN PA 'KHOR BA'I BTZON RAR CHUD PA TSE RABS BRGYUD PAS BSGRIBS PA DAG RAB TU THAR BAR MDZAD PA'I GSUNG GANG YIN PA DE NI GSUNG RAB PO, , YANG NA DON DAM PAR SKYE BA MED PA DANG, 'GAG PA MED PA DANG CHAD PA MED PA DANG, RTAG PA MED PA LA SOGS PA RTOGS PA NYID KYIS RTOGS PAR MDZAD PA'I GSUNG GANG YIN PA DE NI GSUNG RAB PO, ,YANG NA SER SKYA DANG, GZEGS ZAN DANG, RKANG MIG DANG, 'PHEL BA DANG, KHYAB 'JUG DANG, LHA CHEN PO DANG, BRGYA BYIN DANG, TSANGS PA LA SOGS PA DAG GIS MI 'PHROGS PA NYID KYI 'BYOR BA CHEN PO LHA DANG MI DANG LHA MA YIN DANG 'GRO BA RNAMS LAS BRNYES PA'I GSUNG GANG YIN PA DE NI GSUNG RAB PO, ,JI LTAR DES 'BYOR BA CHEN PO DE LTA BU BRNYES SHE NA, RTEN CING 'BREL PAR 'BYUNG BA THUN MONG MA YIN PA STON PAR MDZAD DPA'I PHYIR DANG, THUGS RJE CHEN PO'I MTHUS PHAS KYI RGOL BA NGES PAR TSAR GCOD PA LA SOGS PA'I YON TAN YANG DAG PAR BSAGS PA'I PHYIR RO, ,KHAMS RNAMS YOD PA'I PHYIR KHAS BLANGS PA LA GNOD PA YANG MED LA, SKYE MCHED RNAMS 'GRUB PAR YANG MI 'GYUR RO ZHES BYA BA NI MJUG BSDU BA DANG TSAD MA'I 'BRAS BU YIN TE, KUN RDZOB TU KHAMS RNAMS YOD PA'I PHYIR KHAS BLANGS PA LA GNOD PA YANG MED LA, DON DAM PAR KHAMS NGO BO NYID MED PAR BSTAN PAS SKYE MCHE RNAMS 'GRUB PAR YANG MI 'GYUR RO, , YANG KHA CIG NA RE KHYOD KYIS DON DAM PAR DNGOS PO THAMS CAD LA SKUR PA BTAB PA'I ? PHYIR LOG PA'I DNGOS PO THAMS CAD LA SKUR PA 'DEBS PA'I TSUL CAN RJES SU BRJOD PAS BCOM LDAN 'DAS KYI GSUNG RAB LTAR BCOS PAS 'JIG RTEN RGYANG 'PHEN PA'I 'DOD PA BSGRUB PAR BYA BA'I PHYIR 'DI NI BCOM LDAN 'DAS KYI BKA' MA @85A *, ,YIN BAS SPANG BAR BYA BA YIN NO ZHES ZER RO ZHES BYA BA NI SLOB DPON GYI ZHAL SNGA NAS KYIS RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA DANG, LTA BA NGAN PA'I DRA BA ZHI BAR BYED PA DANG LDAN PA SHES RAB KYI PHA ROL TU PHYIN PA'I TSUL BKA' STZAL PA 'DI LA RANG GI SDE PA DAG LAS, 'DUS BZANG LA SOGS PA KHA CIG DBU MA'I BSTAN BCOS BRTZAMS PA DGAG PAR 'DOD PA DAG DPER NA RAB RIB CAN 'GA' ZHIG GIS SKRA SHAD DANG, SBRANG BU DANG, SBRANG BU MCHU RINGS LA SOGS PA'I DON YOD PA MA YIN PA RANG GI MIG GI SKYON GYIS SGRO BTAGS NAS SEL BAR BYED PA BZHIN DU DBU MA'I BSTAN BCOS LA CHAD PAR LTA BA YOD PA MA YIN BZHIN DU DE DAG RANG GI BLO GROS NGAN PA'I SKYON GYIS SGRO BTAGS NAS DE NYAN PA LA MNGON PAR TSOGS PA DAG PHYIR ZLOG PAR BYED CES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LA 'DIR PHA ROL PO DAG NI SKYON CHA MA MNYAM PAS RAB RIB SKYES PA DAG SKRA SHAD DANG SBRANG BU DANG, SBRANG BU MCHU RINGS LA SOGS PA DON YANG DAG PA MA YIN PA DAG SEL BAR BYED PA DANG 'DRA STE ZHES BYA BA LA SOGS PA SMRAS TE, PHA ROL PO 'DUS BZAD LA SOGS PA GLO GROS CHUNG DU DBU MA'I BSTAN BCOS BRTZAMS PA DGAG PAR 'DOD PA DAG NI DPER NA RLUNG DANG, MKHRIS PA DANG, BAD KAN KYI SKYON CHA MA MNYAM PAS MIG LA RAB RIB SKYES PA DAG SKRA SHAD DANG SBRANG BU DANG SBRANG BU MCHU RINGS LA SOGS PA'I DON YANG DAG PA MA YIN PA DAG RANG GI MIG GI SKYON GYIS SGRO BTAGS NAS SEL BAR BYED PA DANG 'DRA STE, CI LTA ZHE NA, SLOB DPON GYI ZHAL SNGA NAS KYIS RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA DANG, LTA BA NGAN PA'I DRA BA ZHI BAR BYED PA DANG LDAN PA SHES RAB KYI PHA ROL TU PHYIN PA'I TSUL BKA' STZAL PA 'DI LA RTAG PA DANG CHAD PAR LTA BA'I MTHA' YOD PA MA YIN BZHIN DU 'DUS BZANG LA SOGS PA DE DAG RANG GI BLO GROS NGAN PA'I SKYON GYIS SGRO BTAGS NAS DE NYAN PA LA MNGON PAR PHYOGS PA DAG PHYIR BZLOG PA'I PHYIR DBU MA'I BSTAN BCOS LA YANG DAG PA MA YIN PAS SGRO 'DOGS PAR @85B BYED PA TZAM DU ZAD KYI, DBU MA'I BSTAN BCOS LA RTAG PA DANG CHAD PAR LTA BA'I MTHA' GNYIS MED PA'I PHYIR RO, ,CI LTAR RTAG PA DANG CHAD PAR LTA BA MED CE NA, DE'I PHYIR 'DI LTAR KHO BOS NI SKYE MCHED RNAMS KYI YOD PA NYID DGAG PA SMRAS PA NA NGO BO NYID YOD PA DGAG PA BYAS PAR ZAD KYI DNGOS PO MED PA NYID DU NI MA SMRAS TE ZHES BYA BA SMRAS TE, KHO BOS MED PAR DGAG PA'I TSUL GYIS DON DAM PAR SKYE MCHED RNAMS KYI YOD PA NYID DGAG PAR ZAD KYI, MA YIN PAR DGAG PA'I TSUL GYIS DNGOS PO MED PA NYID DU NI MA SMRAS PAS DBU MA'I BSTAN BCOS LA RTAG PA DANG CHAD PAR LTA BA'I MTHA' GNYIS MED PA'I PHYIR CHAD PAR LTA BA MA YIN TE, 'DI NI BCOM LDAN 'DAS KYI BKA' YANG DAG PA YIN PAS DAD PA MCHOG BSKYED DE BSGRUB PAR BYA BA YIN NO, ,DE LTAR MTHA' GNYIS RNAM PAR SPANGS PA'I TSUL BSTAN PA DE NYID KYI KHUNGS BSTAN PA'I PHYIR MDO SDE LAS; JI SRID SEMS KYI SPYOD YUL BA, ,YOD MED GNYIS KYI MTHAR YANG 'GYUR, ,SPYOD YUL 'GAG PAR GYUR NA NI, ,SEMS KYANG YANG DAG 'GAG PAR 'GYUR, ,ZHES BYA BA DANG, DE BZHIN DU DNGOS POR MA LHUNG BA NI DNGOS PO MED PAS CHOS 'GA' YANG DNGOS PO MED PAR MI BYED DO ZHES BYA BA LA SOGS PA CI SKAD GSUNGS PA LTA BU'O ZHES BYA BA SMRAS SO, ,'DIR SLOB DPON NYID KYIS BSTAN BCOS GZHAN DAG GI SKABS SU BKA' STZAL PA'I KHUNGS KYANG BSTAN PA'I PHYIR DE BZHIN DU SLOB DPON NYID KYIS KYANG GZHAN DAG TU, 'DI NI YOD NYID 'GOG PA STE, ,MED NYID YONGS SU 'DZIN PA MIN, ,NAG PO MIN ZHES SMRAS PA NA, ,DKAR PO YIN ZHES MA BRJOD BZHIN, ,ZHES GSUNGS SO ZHES BYA BA SMRAS TE, SLOB DPON KLU SGRUB KYI ZHAL SNGA NAS KYIS NYID KYIS 'JIG RTEN BRTAG PA ZHES BYA BA'I BSTAN BCOS MDZAD PA LAS DE SKAD BKA' STZAL TE, DPER NA 'GA' ZHIG GIS NAG PO MA YIN NO ZHES SMRAS PAS DES NAG PO DGAG PA TZAM NYID BYAS PAR ZAD KYI, DKAR PO NYID DU MA BSTAN PA DE DE BZHIN DU 'DIR YANG MED PAR DGAG PA'I TSUL GYIS YOD PA NYID DGAG PA TZAM BSTAN PAS, MA YIN @86A *, ,PAR DGAG PA'I TSUL GYIS MED PA NYID DU MA BSTAN PAS CHAD PAR LTA BA MA YIN NO, ,DE'I PHYIR RNAM PA DE GNYI GA YANG LTA BA NGAN PA KHO NA YIN TE ZHES BYA BA LA SOGS PAS NI YOD PA DANG MED PAR LTA BA RNAM PA DE GNYIS NI RTAG PA DANG CHAD PAR LTA BA YIN PAS GNYI GA YANG LTA BA NGAN PA KHO NA YIN TE, DE LTAR LTA BA DES NI DON DAM PA MI MTHONG ZHES TSIG LE'UR BYAS PA 'OG MA'I MGO 'DREN PA STON TO, ,CI'I PHYIR RNAM PA DE GNYI GA YANG LTA BA NGAN PA KHO NA YIN ZHE NA, MKHAS PA SPROS PA MA LUS PA NYE BAR ZHI BA'I BDE BA 'DOD PA'I GEGS YIN PA'I PHYIR RO ZHES BYA BA SMRAS TE, RNAL 'BYOR PA MKHAS PA GANG DON DAM PAR RNAM PAR RTOG PA'I SPROS PA MA LUS PA NYE BAR ZHI BAS SANGS RGYAS NYID THOB PA'I BDE BA 'DOD PA DE'I GEGS NI MTHA' GNYIS SU LTA BA DE YIN PA'I PHYIR RO, ,CI LTA ZHE NA ZHES BYA BAS NI MTHA' GNYIS SU LTA BA DE JI LTAR MKHAS PA SPROS PA MA LUS PA NYE BAR ZHI BA'I BDE BA 'DOD PA'I GEGS YIN PA DE STON TO, ,DE LA RE ZHIG CI LTAR YOD PA'I MTHAR LTA BA DE DE'I GEGS YIN PAR BSTAN PA'I PHYIR, 'DI LA DON DAM PAR 'DOD PA DANG GZUGS DANG GZUGS MED PA NA SPYOD PA DANG 'JIG RTEN LAS 'DAS PA DANG DGE BA DANG MI DGE BA DANG LUNG DU MA BSTAN PA DAG GAL TE TSUL GANG YIS THA SNYAD GDAGS SU RUNG BA DES BDAG NYID THOB PA'I NGO BO NYID YIN BAR GYUR NA ZHES BYA BA LA SOGS PA SMRAS TE, 'DOD PA NA SPYOD PA ZHES BYA BA NI SBYIN PA LA SOGS PA'O, ,GZUGS NA SPYOD PA ZHES BYA BA NI BSAM GTAN BZHI LA SOGS PA'O, ,GZUGS MED PA NI SPYOD PA ZHES BYA BA NI SNYOMS PAR 'JUG PA BZHI LA SOGS PA'O, ,'JIG RTEN LAS 'DAS PA ZHES BYA BA NI 'PHAGS PA'I LAM YAN LAG BRGYAD PA LA SOGS PA'O, ,DGE BA ZHES BYA BA NI SROG GCOD PA SPONG BA LA SOGS PA DGE BA BCU'I LAS KYI LAM RNAMS SO, ,MI DGE BA ZHES BYA BA NI SROG GCOD PA LA SOGS PA MI DGE BA BCU'I ? LAS KYI LAM RNAMS SO, ,LUNG DU MA BSTAN PA ZHES BYA BA NI RNAM PAR SMIN PA LAS SKYES PA LA SOGS PA'O, ,DE DAG DON DAM PAR GAL TE TSUL GANG GIS THA SNYAD GDAGS SU RUNG BA DES BDAG NYID THOB @86B PA'I NGO BO NYID YIN PAR GYUR NA ZHES BYA BA NI 'DOD PA NA SPYOD PA LA SOGS PA DE DAG DON DAM PAR GAL TE CI LTAR SBYIN PA'I BYA BA SGRUB PAR BYED PA LA SOGS PA DANG, BSAM GTAN DAG SGRUB PAR BYED PA LA SOGS PA DANG, SNYOMS PAR 'JUG PA DAG SGRUB PAR BYED PA LA SOGS PA DANG, 'PHAGS PA'I LAM YAN LAG BRGYAD PA SGOM PAR BYED PA LA SOGS PA DANG, DGE BA DANG MI DGE BA DANG LUNG DU MA BSTAN PA DAG SGRUB PAR BYED PA'I TSUL GANG GIS THA SNYAD GDAGS SU RUNG BA'I TSUL DES BDAG NYID THOB PA'I NGO BO NYID YIN ZHING, NGO BO NYID YOD PA YIN PAR GYUR NA'O, ,DE LTAR GYUR NA DE JI LTAR GEGS YIN ZHE NA, DE'I PHYIR DGE BA DANG, MI DGE BA'I CHOS RNAMS BSKYED PA DANG, MI SKYED PA'I PHYIR 'BAD PA DON MED PA NYID DU 'GYUR BA TE YOD PA'I PHYIR DPER NA BUM PA DANG SNAM ? BU YOD PA BZHIN BAS ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SGYUR TE, DPER NA BUM PA DANG SNAM BU YOD PA NI YOD PA'I PHYIR DE DAG BSKYED PA DANG MI SKYED PA'I PHYIR 'BAD PA DON MED PA NYID YIN PA DE BZHIN DU DGE BA DANG MI DGE BA'I CHOS RNAMS KYANG TSUL GANG GIS THA SNYAD GDAGS SU RUNG BA'I TSUL DES BDAG NYID THOB PA'I NGO BO NYID DU YOD PAR GYUR NA YOD PA'I PHYIR DGE BA'I CHOS RNAMS BSKYED PA DANG, MI DGE BA'I CHOS RNAMS MI SKYED PA'I PHYIR 'BAD PA DON MED PA NYID DU 'GYUR BAS DE'I PHYIR YOD PAR LTA BA NI MKHAS PA SPROS PA MA LUS PA NYE BAR ZHI BA'I BDE BA 'DOD PA'I GEGS YIN NO, ,BDE BA DANG LDAN PA RNAMS KYANG BDE BA'I KHYAD PAR NYAMS PA MED PA DANG, SDUG BSNGAL DANG LDAN PA RNAMS KYANG SDUG BSNGAL GYI KHYAD PAR NYAMS PA MED PAR 'GYUR TE, RTZIG PA LA BRIS PA'I RI MO BZHIN DU SROG CHAGS RNAMS KYI NA TSOD DANG BOD TSOD DANG SPYOD LAM GYI KHYAD PAR DAG LA SKYE BRI MED PAR 'GYUR RO ZHES PA NI MJUG BSDU BA DANG TSAD MA'I 'BRAS BU YIN TE DE LTAR 'DOD PA NA SPYOD PA LA SOGS PA DE DAG DON DAM PAR GAL TE TSUL GANG GIS THA SNYAD GDAGS SU RUNG BA'I TSUL DES BDAG NYID THOB PA'I NGO BO NYID DU YOD PAR GYUR CING, DGE BA DANG @87A *, ,MI DGE BA'I CHOS RNAMS BSKYED PA DANG MI SKYED PA'I PHYIR 'BAD PA DON MED PA NYID DU GYUR NA SEMS CAN BDE BA DANG SDUG BSNGAL DANG LDAN PA RNAMS KYANG BDE BA DANG SDUG BSNGAL GYI KHYAD PAR NYAMS PA MED PAR 'GYUR TE, RTZIG PA LA BRIS PA'I RI MO BZHIN DU SROG CHAGS RNAMS KYI NA TSOD DANG BONG TSOD DANG SPYOD LAM GYI KHYAD PAR DAG LA SKYE BRI MED PAR 'GYUR BAS YOD PA'I MTHAR LTA BA DE NI MKHAS PA SPROS PA MA LUS PA NYE BAR ZHI BA'I BDE BA 'DOD PA'I GEGS YIN PA'I PHYIR LTA BA NGAN PA KHO NA YIN NO, ,DA NI CI LTAR MED PA'I MTHAR LTA BA DE DE'I GEGS YIN PA BSTAN PA'I PHYIR CI STE KHAMS GSUM PA DANG, 'JIG RTEN LAS 'DAS PA DANG DGE BA DANG MI DGE BA DANG LUNG DU MA BSTAN PA DAG NGO BO NYID MED PA YIN BAR GYUR NA ZHES BYA BA LA SOGS PA SMRAS TE, CI STE DON DAM PAR 'DOD PA DANG GZUGS DANG GZUGS MED PA NA SPYOD PA DANG 'JIG RTEN LAS 'DAS PA DANG DGE BA DANG MI DGE BA DANG LUNG DU MA BSTAN PA DAG GAL TE KUN RDZOB TU TSUL GANG GIS THA SNYAD GDAGS PA TZAM GYI TSUL DER YANG MED PA YIN BAR GYUR NA'O, ,DE LTAR GYUR NA DE CI LTAR GEGS YIN ZHE NA, DE LTA NA YANG DGE BA DANG MI DGE BA'I CHOS RNAMS BSKYED PA DANG MI SKYED PA'I PHYIR 'BAD PA DON MED PA NYID DU 'GYUR TE, MED PA'I PHYIR DPER NA RI BONG GI RVA RNON POR BYA BA'I PHYIR 'BAD PA BZHIN PAS ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA MED PA NI MED PA'I PHYIR TE RNON PO DANG RTUL POR BYA BA'I PHYIR 'BAD PA DON MED PA NYID YIN PA DE BZHIN DU DGE BA DANG MI DGE BA'I CHOS RNAMS KYANG KUN RDZOB TU TSUL GANG GIS THA SNYAD GDAGS PA TZAM GYI TSUL DER YANG MED PA YIN PAR GYUR NA MED PA'I PHYIR DGE BA'I CHOS RNAMS BSKYED PA DANG MI DGE BA'I CHOS RNAMS MI SKYED PA'I PHYIR 'BAD PA DON MED PA NYID DU 'GYUR BAS DE'I PHYIR MED PAR LTA BA YANG MKHAS PA SPROS PA MA LUS PA NYE BAR ZHI BA'I BDE BA 'DOD PA'I GEGS YIN NO, ,THA SNYAD CHAD PAR 'GYUR RO ZHES BYA BA NI MJUG BSDU BA DANG TSAD MA'I 'BRAS BU YIN TE, DE @87B LTAR 'DOD PA NA SPYOD PA LA SOGS PA DE DAG KUN RDZOB TU YANG GAL TE TSUL GANG GIS THA SNYAD GDAGS PA TZAM GYI TSUL DER YANG MED PA YIN BAR GYUR CING, DGE BA DANG MI DGE BA'I CHOS RNAMS BSKYED PA DANG MI SKYED PA'I PHYIR 'BAD PA DON MED PA NYID DU GYUR NA 'JIG RTEN NA DGE BA DANG MI DGE BA'I CHOS RNAMS BSKYED PA DANG MI SKYED PA LA SOGS PA'I THA SNYAD DAG CHAD PAR 'GYUR BAS MED PA'I MTHAR LTA BA DE YANG MKHAS PA SPROS PA MA LUS PA NYE BAR ZHI BA'I BDE BA 'DOD PA'I GEGS YIN PA'I PHYIR LTA BA NGAN PA KHO NA YIN NO, ,DE LTAR RNAM PA DE GNYI GA YANG LTA BA NGAN PA KHO NA YIN PA DE'I PHYIR 'DIR BSTAN BCOS MDZAD PAS LTA BA NGAN PA DE SPANG BA DE'I PHYIR 'DI BSHAD DE ZHES BYA BAR SBYAR RO, ,LTA BA NGAN PA'I RAB RIB KYIS BLO GROS KYI MIG NYAM PA, BLO CHUNG GANG DAG DNGOS RNAMS LA, ,YOD PA NYID DANG MED NYID DU, ,LTA BA DES NI BLTA BAR BYA, ,NYE BAR ZHI BZHI MI MTHONG, ,BLO CHUNG DU GANG DAG RAB RIB CAN DBANG PO NYAMS PAS ZLA BA GNYIS LA SOGS PA YANG DAG PA MA YIN PA MTHONG BA BZHIN DU DNGOS PO RNAMS LA YOD PA NYID DANG MED PA NYID DU LTA BA DE DAG GIS NI DON DAM PA'I BDEN PA SHIN DU CHA PHRA BA 'PHAGS PA'I SHES RAB KYI SPYAN GYI SPYOD YUL BLTA BAR BYA BA NYE BAR ZHI ZHING ZHI BA MI MTHONG NGO ZHES BYA BA'I THA TSIG GO ZHES BYA BA NI BLO CHUNG DU GANG DAG RTEN CING 'BREL PAR 'BYUNG BA MCHOG TU ZAB PA MA RTOGS PA NA DNGOS PO RNAMS LA YOD PA NYID DANG MED PA NYID DU RJES SU LTA BA CHAD PA DANG RTAG PAR LTA BAS BLO GROS KYI MIG BSGRIBS PA DE DAG GIS NI DON DAM PA'I BDEN BA MYA NGAN LAS 'DAS PA BLTA BAR BYA BA'I MTSAN MA THAMS CAD NYE BAR ZHI ZHING GNOD PA THAMS CAD ZHI BA NGO BO NYID KYIS STONG PA MI MTHONG NGO ZHES BYA BA'I THA TSIG GO, ,BLTA BAR BYA BA NYE BAR ZHIB ZHES BYA BA NI 'DI LA BLTA BAR BYA BA MTSAN MA THAMS CAD MI SNANG BAR GYUR PA'I PHYIR RO ZHES BYA BA NI DON DAM PA 'DI LA BLTA BAR BYA BA'I MTSAN MA THAMS CAD MI SNANG BAR GYUR PA'I PHYIR BLTA BAR BYA BA NYE BAR ZHI BA ZHES BYA'O, ,ZHI ZHES BYA BA NI GNOD PA THAMS CAD DANG BRAL BA'I PHYIR TE ZHES BYA BA NI DON DAM PA'I BDEN PA SHIN TU CHA PHRA BA 'PHAGS PA'I SHES RAB KYI SPYAN GYI SPYOD YUL @88A *, ,BLTA BAR BYA BA NYE BAR ZHI BA DE NI GNOD PA THAMS CAD DANG BRAL ZHING NGO BO NYID KYIS STONG PA'I PHYIR ZHI BA ZHES BYA'O, ,YOD PA DANG MED PA'I MTHAR LTA BA DE CI LTAR LTA BA NGAN PA KHO NA YIN PA SNGAR RIGS PAS BSGRUBS PA DE'I LUNG GI KHUNGS BSTAN PA'I PHYIR, MDO SDE LAS; GANG GIS GANG LA RKYEN RNAMS KYIS, ,YOD PAR BSGRUBS MED NYID ? DU 'GYUR, ,LTA NGAN SKYE BAR SMRA BA YIS, ,YOD PA DANG NI MED PAR BSTAN, ,ZHES CI SKAD GSUNGS PA LTA BU'O ZHES BYA BA SMRAS TE, GAL TE GANG GIS DNGOS PO GANG LA RKYEN RNAMS KYIS YOD PA NYID DU BSGRUBS PAR GYUR NA DE NI YOD PA'I MTHAR LTA BA YIN PAS LTA BA NGAN PA KHO NA YIN LA DE ZHIG PAR GYUR PA NA MED PA NYID DU 'GYUR TE, DE NI MED PA'I MTHAR LTA BA YIN PAS DE YANG LTA BA NGAN BA KHO NA YIN NO, ,DE'I PHYIR, LTA NGAN SKYE BAR SMRA BA YIS, ,YOD PA DANG NI MED PAR BSTAN, , ZHES GSUNGS TE, SKYE BA YOD NA MA ZHIG GI BAR DU YOD PA NYID CES KYANG STON LA DE ZHIG PA NA MED PA NYID CES KYANG STON PAS DE NI LTA BA NGAN PA KHO NA YIN NO, ,MKHAS PA GANG STONG PA NYID LA LTA BA DANG BSGOM PA'I MIG SMAN DANG LDAN PAS BLO GROS KYI MIG GI SKYON DANG BRAL BAR GYUR PA BLO GROS KYI MIG YANG DAG PAR BYED PA DES NI DNGOS PO RNAMS KYI CI LTA BA NYID MTHONG STE ZHES BYA BA NI MKHAS PA GANG DAG RTEN CING 'BREL PAR 'BYUNG BA MCHOG TU ZAB PA RTAG PA DANG CHAD PA'I MTHA' DANG BRAL BA RTOGS PA NA DNGOS PO RNAMS LA YOD PA NYID DANG MED PA NYID DU RJES SU MI LTA BA STONG BA NYID LA LTA BA DANG BSGOM PA'I MIG SMAN DANG LDAN BAS BLO GROS KYI MIG GI SKYON DANG BRAL BAR GYUR PA BLO GROS KYI MIG YANG DAG PAR BYA BA DE DAG GIS NI DON DAM PA'I BDEN PA SHIN TU CHA PHRA BA 'PHAGS PA'I SHES RAB KYI SPYAN GYI SPYOD YUL BLTA BAR BYA BA NYE BAR ZHI ZHING ZHI BA CI LTA BA NYID MTHONG NGO ZHES BYA BAR STON TO, ,DE NYID KYI LUNG GI KHUNGS BSTAN PA'I PHYIR BCOM LDAN 'DAS KYIS 'PHAGS PA LANG KAR GSHEGS PA'I MDO LAS, GANG TSE 'JIG RTEN YOD MIN ZHING, ,MED MIN YOD MED MIN MTHONG BA, ,DE TSE SEMS NI RNAM LDOG CING, ,BDAG MED NYID KYANG RTOGS PAR 'GYUR, ,ZHES JI SKAD GSUNGS PA LTA @88B BU STE GANG GI TSE GZUGS LA SOGS PA YUL RNAMS DNGOS PO YOD PA YANG MA YIN MED PA YANG MA YIN YOD MED KYANG MA YIN BAR MTHONG BA DE'I TSE NA LOG PAR 'DZIN PA'I RNAM PAR RTOG PA MED PAS KUN GZHI RNAM PAR SHES PA GNAS 'GYUR ZHING CHOS BDAG MED PA ZHES BYA BA DE KHO NA NYID RTOGS PAR 'GYUR RO ZHES GSUNGS TE, DE'I PHYIR DNGOS PO DANG DNGOS PO MED PA DGAG PA TZAM NYID DBU MA'I LAM ZHES BYA'I DE GNYIS KYI BAR NA CI YANG MED DO, ,DE BZHIN DU 'PHAGS PA DKON MCHOG BRTZEGS PA CHEN PO'I MDO 'OD SRUNGS KYI LE'U LAS, 'OD SRUNGS YOD CES BYA BA 'DI NI MTHA' GCIG GO, ,MED CES BYA BA 'DI YANG MTHA' GCIG GO ZHES BYA BA LA SOGS PA JI SKAD GSUNGS PA LTA BU'O ZHES BYA BAS KYANG DE NYID KYI YID CHES PA'I LUNG GI KHUNGS BSTAN TO, ,DE LA 'DIR RAB TU BYED PA'I DON NI SA LA SOGS PA KHAMS RNAMS YOD PAR STON PA'I GTAN TSIGS MTSAN NYID YIN PA'I PHYIR RO ZHES BYA BA NYE BAR GZHAG PA DE'I SKYON BRJOD PAS KHAMS RNAMS NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, KHAMS BRTAG PA'I RAB TU BYED PA LTA BA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS KHAMS RNAMS YOD PAR STON PA'I PHYOGS SNGA MA DON DAM PAR KHAMS RNAMS YOD PA KHO NA YIN TE, DE DAG GI MTSAN NYID YOD PA'I PHYIR RO ZHES BYA BA LA SOGS PA NYE BAR GZHAG PA DE DAG GI SGRUB PA'I SKYON BRJOD BAS KHAMS RNAMS NGO BO NYID MED PA NYID DU BSTAN PA YIN NO, ,KHAMS RNAMS STONG PA NYID DU BSTAN PA LA YON TAN CI YOD PA BSTAN PA'I PHYIR DANG KHAMS RNAMS STONG PA NYID DU BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR 'PHAGS PA TSANGS PA KHYAD PAR SEMS KYIS ZHUS PA'I MDO LAS, NANG GI SA'I KHAMS GANG YIN BA DANG PHYI ROL GYIS SA'I KHAMS GANG YIN PA DE GNYIS SU MED PA'I DON TO, ,DE YANG DE BZHIN GSHEGS PAS SHES RAB DANG YE SHES KYIS GNYIS SU MED PA DANG GNYIS SU DBYER MED @89A *, ,PA DANG MTSAN NYID GCIG PA 'DI LTA STE, MTSAN NYID MED PAR MNGON PAR RDZOGS PAR SANGS RGYAS SO ZHES BYA BA GSUNGS PA'I LUNG GI DON DE GRUB CING YID CHES PA'I LUNG GI KHUNGS DES KHAMS RNAMS STONG PA NYID DU BSGRUBS PA YIN NO, ,DE'I TSIG GI DON NI SNGAR SKYE MCHED BRTAG PA'I SKABS SU BSHAD PA BZHIN NO, ,GCIG PA NYID DANG THA DAD PA NYID KYI MTHA' GNYIS DMIGS SU MED PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU 'PHAGS PA 'JAM DPAL RNAM PAR ROL PA'I MDO LAS, BU MO KHAMS DAG JI LTAR BLTA BAR BYA, BU MOS SMRAS PA 'JAM DPAL 'DI LTA STE DPER NA 'JIG RTEN GSUM BSKAL BAS BSREGS PA NA THAL BA YANG MED PA LTAR RO ZHES BYA BA GSUNGS PA'I LUNG GI DON DE YANG GRUB CING YID CHES PA'I KHUNGS DES KYANG KHAMS RNAMS STONG PA NYID DU BSGRUBS PA YIN NO, ,DE'I TSIG GI DON KYANG SNGAR SKYE MCHED BRTAG PA'I SKABS SU BSHAD PA BZHIN TE, NANG DANG PHYI ROL GYI KHAMS RNAMS LA CI YANG DMIGS SU MED PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU MDO SDE'I MTHA' GZHAN DAG LAS GZUGS MED PA DANG, BSTAN DU MED PA DANG, GNAS PA MED PA DANG, SNANG BA MED PA DANG, RNAM PAR RIG PA MED PA GANG YIN PA DE LA MNGON PAR ZHEN PAR MI BYA'O ZHES BYA BA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG KHAMS RNAMS STONG PA NYID DU BSGRUBS PA YIN NO, ,DE LA GZUGS MED PA ZHES BYA BA NI GZUGS CAN MA YIN PA'I PHYIR RO, ,BSTAN DU MED PA ZHES BYA BA NI BSTAN PAR MI NUS PA'I PHYIR RO, ,GNAS PA MED PA ZHES BYA BA NI LUS DANG GNAS MED PA'I PHYIR RO, ,SNANG BA MED PA ZHES BYA BA NI YUL NYID DU SNANG BA MED PA'I PHYIR RO, ,RNAM PAR RIG PA MED PA ZHES BYA BA NI MIG LA SOGS PA'I RNAM PAR RIG PAS GZUNG DU MED PA'I PHYIR TE TSIG GI DON GCIG GIS GCIG BSHAD PA YIN PA'I DON DAM PA'I BDEN PA DE LA MNGON PAR ZHEN PAR MI BYA BA DE YANG SHES RAB KYI PHA ROL TU PHYIN PA'O, ,DE BZHIN DU BCOM LDAN 'DAS MA SHES RAB KYI @89B PHA ROL TU PHYIN PA'I MDO LAS, SHAR DVA TI'I BU CHOS THAMS CAD NI CHAGS PA MED PA'I MTSAN NYID DE GANG CHOS GANG GI MTSAN NYID YIN PA DE NI DE'I MTSAN NYID MED PA YIN PAS CHOS 'GA' YANG MTSAN NYID MNGON PAR BSGRUB PA'I PHYIR NYE BAR MI GNAS SO ZHES BYA BA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG KHAMS RNAMS STONG PA NYID DU BSGRUBS PA YIN TE CHAGS PA MED PA'I MTSAN NYID BSTAN PA GANG YIN PA DE NI SHES RAB KYI PHA ROL TU PHYIN PA'O, ,DE BZHIN DU 'PHAGS PA TSANGS PA KHYAD PAR SEMS KYIS ZHUS PA'I MDO LAS, NGAS NI 'JIG RTEN PHUNG PO BSTAN, ,DE LA 'JIG RTEN GNAS PAR 'GYUR, ,MKHAS PA DE LA MI GNAS PA, ,'JIG RTEN CHOS KYIS MI GOS SO, ,'JIG RTEN NAM MKHA'I MTSAN NYID DE, ,NAM MKHA' LA YANG MTSAN NYID MED, ,DE PHYIR DE YIS DE RTOGS PAS, ,'JIG RTEN CHOS KYIS MI GOS SO, ,ZHES BYA BA GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG KHAMS RNAMS STONG PA NYID DU BSGRUBS PA YIN NO, ,DE DAG GI TSIG GI DON KYANG SNGAR SKYE MCHED BRTAG PA'I SKABS SU BSHAD PA BZHIN TE, KHAMS RNAMS LA MTSAN NYID MED PA DANG, DE LA MI GNAS PA 'JIG RTEN GYI CHOS RNAMS KYIS MI GOS PA GANG YIN PA DE NI SHES RAB KYI PHA ROL TU PHYIN PA'O, ,'JIG RTEN NAM MKHA'I MTSAN NYID DE, ,NAM MKHA' LA YANG MTSAN NYID MED, ,CES BYA BA DE NI 'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN GYI MDO LAS KYANG GSUNGS TE MTSAN NYID NGO BO NYID MED PA NYID DU GSUNGS PA'I LUNG GI DON DE YANG GRUB CING YID CHES PA'I LUNG GI KHUNGS DES KYANG KHAMS RNAMS STONG PA NYID DU BSGRUBS PA YIN TE, DE YANG SHES RAB KYI PHA ROL TU PHYIN PA'O, ,DE BZHIN DU BCOM LDAN 'DAS MA SHES RAB KYI PHA ROL TU PHYIN PA'I MDO DE NYID LAS BCOM LDAN 'DAS KYIS SNGAR, SHA RA DVA TI'I BU CHOS THAMS CAD NI CHAGS PA MED PA'I MTSAN NYID DE ZHES BKA' STZAL PA DE LA 'PHAGS PA SH'A RI'I BU CHAGS PA MED PA NYID GANG YIN SNYAM DU THE @90A *, ,TSOM ZA BA DE BSAL BA'I PHYIR BCOM LDAN 'DAS KYIS SHA RA DVA TI'I BU CHOS THAMS CAD KYI MTSAN NYID MED PA NYID DANG YONGS SU GRUB PA MED PA NYID GANG YIN PA DE NI CHAGS PA MED PA NYID CES BYA'O ZHES BYA BA LA SOGS PA GSUNGS PA DE DAG GRUB PA YIN NO, ,LUNG GI DON DE DAG GRUB CING YID CHES PA'I LUNG GI KHUNGS DE DAG GIS KHAMS RNAMS STONG PA NYID DU BSGRUBS PA DE NI BSTAN BCOS MDZAD PAS KHAMS RNAMS STONG PA NYID DU BSTAN PA'I YON TAN YIN TE, DE YANG SLOB DPON GYI ZHAL SNGA NAS KYIS MKHYEN RLABS YIN PAS RTOG GE SKAM PO TZAM GYIS KHAMS RNAMS NGO BO NYID MED PA NYID DU BSTAN PA MA YIN TE, LUNG DE DAG KYANG YOD DO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS KHAMS BRTAG PA ZHES BYA BA STE RAB TU BYED PA LNGA PA RGYA CHER 'GREL PA, SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS 'DOD CHAGS DANG CHAGS PA DANG ZHE SDANG DANG SDANG BA LA SOGS PA DAG ,NGO BO NYID MED PA NYID DU BSTAN PAR BZHED PA'I DBANG GIS RAB TU BYED PA DRUG PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA'O, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCAS PA MDZAD PAS, 'DIR RAB TU BYED PA DRUG PA BRTZAM PA'I SKABS SU YANG 'GREL PA BYED PAS SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR @90B BYED PA'I PHYOGS YIN TE, 'DI LTA STE PHUNG PO DANG, KHAMS DANG SKYE MCHED DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL PO'I PHUNG PO DANG, KHAMS DANG SKYE MCHED DAG YOD PA NYID DU STON PA'I PHYOGS SNGA MA NYE BAR GZHAG PA 'OG NAS DON DAM PAR PHUNG PO DANG, KHAMS DANG, SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS KUN NAS NYON MONGS PA DANG NYES DMIGS BSTAN PA'I PHYIR RO ZHES BYA BA LA SOGS PA 'BYUNG BA DAG YIN NO, ,DE DGAG PAS ZHES BYA BA NI STONG PA NYID KYI MI MTHUN PA'I PHYOGS KYI KHYAD PAR DE DGAG PA'I DBANG DU BYAS NAS RAB TU BYED PA DRUG PA BRTZAM MO ZHES BYA BAR SBYAR TE, 'DI LTAR DAM BCAS PA LA 'JUG PA'I RGYU'I DON GYI DBANG DU BYAS NAS STONG PA NYID KYI MI MTHUN PA'I PHYOGS KYI KHYAD PAR DGAG PAS RAB TU BYED PA DRUG PA BRTZAMS NA 'DOD PA'I DON 'GRUB PAR 'GYUR BA'I PHYIR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, 'DOD CHAGS DANG CHAGS PA DANG ZHE SDANG DANG SDANG BA LA SOGS PA DAG NGO BO NYID MED PA NYID DU BSTAN PAR BZHED PA'I DBANG GIS RAB TU BYED PA DRUG PA BRTZAM MO ZHES BYA BA SMRAS TE, 'DOD CHAGS DANG CHAGS PA BRTAG PA'I RAB TU BYED PA DRUG PA'I GZHUNG 'OG NAS 'BYUNG BA 'DI'I DON NI 'DOD CHAGS DANG CHAGS PA DANG ZHE SDANG DANG SDANG BA LA SOGS PA DAG NGO BO NYID MED PA NYID DU BSTAN PA YIN PAS, 'DIR RAB TU BYED PA DRUG PA BRTZAM PA'I SKABS SU YANG 'GREL PA BYED PAS GZHUNG 'OG NAS 'BYUNG BA DANG SBYAR BA'I DON DE'I DBANG DU BYAS NAS, 'DOD CHAGS DANG CHAGS PA DANG ZHE SDANG DANG SDANG BA LA SOGS PA DAG NGO BO NYID MED PA NYID DU BSTAN PAR BZHED PA'I DBANG GIS RAB TU BYED PA DRUG PA BRTZAM MO ZHES BYA BA SMRAS TE, 'DOD CHAGS ZHES BYA BA NI CHAGS PA DANG LHAG PAR CHAGS PA ZHES BYA BA DAG GI RNAM GRANGS SO, ,CHAGS PA ZHES BYA BA NI GANG GI PHUNG PO LNGA LA 'DOD CHAGS LA SOGS PA SKYES PA'O, ,ZHE SDANG ZHES BYA BA NI ZHE SDANG BA DANG KHONG KHRO BA ZHES BYA BA DAG GI RNAM GRANGS SO, ,SDANG BA ZHES BYA BA NI GANG GI PHUNG PO LNGA LA ZHE SDANG LA SOGS PA @91A *, ,SKYES PA'O, ,SOGS PA ZHES BYA BA'I SGRAS NI GTI MUG DANG RMONGS PA LA SOGS PA KUN NAS NYON MONGS PA DANG KUN NAS NYON MONGS PA CAN THAMS CAD BSDU'O, ,RAB TU BYED PA DRUG PA 'DI'I 'BRAS BU NI GANG YIN RNAM PA GANG GIS NI 'BRAS BU DE THOB CE NA, 'DOD CHAGS DANG CHAGS PA DANG ZHE SDANG DANG SDANG BA LA SOGS PA DAG NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, PHUNG PO DANG KHAMS DANG SKYE MCHED DAG DE LTAR BKAG TU ZIN KYANG DE DAG LA MNGON PAR ZHEN PA RANG GI SDE PA DAG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS KUN NAS NYON MONGS PA DANG NYES DMIGS BSTAN PA'I PHYIR RO ZHES BYA BA LA SOGS SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,'DI NA GANG MED PA LA NI BCOM LDAN 'DAS KYIS DE LA BRTEN NAS KUN NAS NYON MONGS PA DANG NYES DMIGS MA BSTAN TE, DPER NA RUS SBAL GYI SPU DAG BZHIN NO ZHES BYA BA NI, CHOS MI MTHUN PA'I PHYOGS KYI DPE YIN NO, ,BCOM LDAN 'DAS KYIS PHUNG PO LA SOGS PA DAG LA BRTEN NAS, CHAGS PAS CHOS RNAMS MI SHES SHING, ,CHAGS PAS CHOS RNAMS MI MTHONG STE, ,MI GANG 'DOD CHAGS STEN BYED PA, ,DE TSE MUN PA MUN GNAG 'BYUNG, ,SDANG BAS CHOS RNAMS MI SHES SHING, ,SDANG BAS CHOS RNAMS MI MTHONG STE, ,MI GANG ZHE SDANG STEN BYED PA, ,DE TSE MUN PA MUN GNAG 'GYUR, ,RMONGS PAS CHOS RNAMS MI SHES SHING, ,RMONGS PAS CHOS RNAMS @91B MI MTHONG STE, ,MI GANG GTI MUG STEN BYED PA, ,DE TSE MUN PA MUN GNAG 'GYUR, ,ZHES KUN NAS NYON MONGS PA DANG NYES DMIGS BSTAN PAS ZHES BYA BA NI NYE BAR SBYAR BA'I SBYOR BA YIN TE, DE LA KUN NAS NYON MONGS PA NI GANG, NYES DMIGS NI GANG ZHE NA, CHAGS PAS CHOS RNAMS MI SHES SHING, ,CHAGS PAS CHOS RNAMS MI MTHONG STE, ,ZHES BYA BA DE DAG NI KUN NAS NYON MONGS PA'O, ,MI GANG 'DOD CHAGS STEN BYED PA, ,DE TSE MUN PA MUN GNAG 'GYUR, ,ZHES BYA BA DE DAG NI NYES DMIGS TE LUNG LAS, MUN KHROD NAS MUN KHROD DU 'GRO BA DANG, MUN KHROD NAS SNANG BAR 'GRO BA DANG, SNANG BA NAS MUN KHROD DU 'GRO BA DANG, SNANG BA NAS SNANG BAR 'GRO BA ZHES BYA BA GANG ZAG BZHI GSUNGS PA LAS, MUN KHROD NAS MUN KHROD DU 'GRO BA ZHES BYA BA DANG SBYAR RO, ,YANG NA, CHAGS PAS CHOS RNAMS MI SHES SHING, ,CHAGS PAS CHOS RNAMS MI MTHONG STE, ,DE TSE MUN PA MUN GNAG 'GYUR, ,ZHES BYA BA DE DAG NI NYES DMIGS SO, ,MI GANG 'DOD CHAGS STEN BYED PA, ,ZHES BYA BA DE NI KUN NAS NYON MONGS PA'O, ,YANG NA CHAGS PAS ZHES BYA BA DE NI KUN NAS NYON MONGS PA'O, ,CHOS RNAMS MI SHES PA DANG, MI MTHONG BA DANG, MI GANG 'DOD CHAGS STEN BYED PA, ,DE TSE MUN PA MUN GNAG 'GYUR, ,ZHES BYA BA DE DAG NI NYES DMIGS SO, ,STEN BYED PA ZHES BYA BA NI SKYE BA DANG DU LEN PAR BYED PA STE, LHAG MA RNAMS LA YANG DE BZHIN DU CI RIGS PAR SBYAR RO, ,DE'I PHYIR GTAN TSIGS JI SKAD SMOS PA'I 'THAD PAS PHUNG PO DANG KHAMS DANG SKYE MCHED YOD PA KHO NA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NA BCOM LDAN 'DAS KYIS RUS SBAL GYI SPU LA SOGS PA MED PA GANG DAG LA BRTEN NAS KUN NAS NYON MONGS PA DANG NYES DMIGS MA BSTAN PA DE DAG NI DON DAM PAR YOD PA MA YIN GYI PHUNG PO DANG KHAMS DANG SKYE MCHED LA SOGS PA GANG DAG LA BRTEN NAS KUN NAS NYON MONGS PA DANG NYES DMIGS BSTAN PA DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS 'DIR BSHAD PA, 'DU BYED @92A *, ,KYI TSOGS 'DOD CHAGS LA SOGS PA'I 'JUG PA SHAS CHE BA LA BRTEN NAS 'DOD CHAGS LA SOGS PA DANG DE DAG GI NYES DMIGS KYI SKYON BSTAN PA, SGYU MA DANG, SMIG RGYU DANG, RMI LAM DANG, DRI ZA'I GRONG KHYER LTA BU DE DAG NI THA SNYAD PAR YOD PA YIN GYI DON DAM PA PA NI MA YIN NO ZHES BYA BA SMRAS TE, 'DOD CHAGS DANG ZHE SDANG DANG GTI MUG LA SOGS PA KUN NAS NYON MONGS PA DANG, DE DAG GI NYES DMIGS KYI SKYON BSTAN PA SGYU MA LA SOGS PA LTA BU DE DAG NI THA SNYAD PAR YOD PA YIN GYI DON DAM PA PA NI MA YIN PAS DE'I PHYIR PHYOGS SNGA MA SMRA BA DAG GI PHUNG PO LA SOGS PA DON DAM PAR YOD PAR SGRUB PA'I GTAN TSIGS KUN NAS NYON MONGS PA DANG NYES DMIGS BSTAN PA'I PHYIR RO ZHES BYA BA DE MI 'GRUB PAS PHUNG PO LA SOGS PA DON DAM PAR YOD PA MA YIN NO ZHES STON TO, ,'DOD CHAGS LA SOGS PA DANG DE DAG GI NYES DMIGS KYI SKYON BSTAN PA DE DAG KYANG GZHI GANG LA BRTEN NAS GDAGS PA MDZAD CE NA, DE'I PHYIR 'DU BYED KYI TSOGS 'DOD CHAGS LA SOGS PA'I 'JUG PA SHAS CHE BA LA BRTEN NAS ZHES BYA BA SMRAS TE, PHUNG PO LNGA PO'I 'DU BYED KYI TSOGS 'DOD CHAGS DANG ZHE SDANG DANG GTI MUG LA SOGS PA'I 'JUG PA SHAS CHE BA LA BRTEN NAS GDAGS PA MDZAD DO, ,DE LA BRTEN NAS GANG DAG GDAGS PA MDZAD CE NA, DE'I PHYIR 'DOD CHAGS LA SOGS PA DANG DE DAG GI NYES DMIGS KYI SKYON BSTAN PA ZHES BYA BA SMRAS TE, 'DOD CHAGS DANG ZHE SDANG DANG GTI MUG LA SOGS PA KUN NAS NYON MONGS PA DANG, DE DAG GI NYES DMIGS KYI SKYON BSTAN PA DAG GDAGS PA MDZAD DO, ,'DOD CHAGS LA SOGS PA DANG DE DAG GI NYES DMIGS KYI SKYON BSTAN PA DE DAG KYANG JI LTA BU DAG YIN ZHE NA, DE'I PHYIR SGYU MA DANG, SMIG RGYU DANG, RMI LAM DANG, DRI ZA'I GRONG KHYER LTA BU ZHES BYA BA SMRAS TE, SGYU MA LTA BU ZHES BYA BA NI NGO BO NYID KYIS MA SKYES PA'I PHYIR RO, ,SMIG RGYU LTA BU ZHES BYA BA NI RDZAS SU MED PA'I PHYIR RO, ,RMI LAM LTA BU ZHES BYA BA NI SPYOD PA MED PA'I PHYIR RO, ,DRI ZA'I GRONG KHYER LTA BU ZHES BYA BA NI BYED PA PO MED PA'I PHYIR RO, ,'DOD CHAGS LA SOGS PA DANG DE @92B DAG GI NYES DMIGS KYI SKYON BSTAN PA SGYU MA LA SOGS PA LTA BU DE DAG THA SNYAD PA YIN NAM DON DAM PA PA YIN ZHE NA, DE'I PHYIR DE DAG NI THA SNYAD PAR YOD PA YIN GYI DON DAM PA PA NI MA YIN NO ZHES BYA BA SMRAS TE, DE NI DAM BCA' BA NYE BAR BZHAG PA YIN NO, ,'DIR PHA ROL PO DAG NA RE CI'I PHYIR DE DAG DON DAM PA PA MA YIN ZHES ZER BA'I PHYOGS SNGA MA KHONG NAS DBYUNG BA DE'I LAN DU 'GREL PA BYED PA NYID KYIS DE'I PHYIR DE DAG NYID BRTAG PAR BYA STE ZHES BYA BA SMRAS SO, ,'DI LA KHYOD CHAGS PA 'DOD CHAGS KYI SNGA ROL NA 'AM, PHYIS SAM, 'DOD CHAGS DANG, CHAGS PA DAG LHAN CIG NA YOD PA'AM 'DOD CHAGS CHAGS PA'I SNGA ROL NA'AM, PHYIS SAM 'DOD CHAGS DANG CHAGS PA DAG LHAN CIG NA YOD PAR 'DOD GRANG NA ZHES BYA BA NI BSTAN BCOS MDZAD PAS PHA ROL PO DAG LA BRTAG PA'I MU RNAM PA DRUG NYE BAR BZHAG PA YIN TE, DE LA YANG MU DANG PO GSUM NI 'DOD CHAGS BRTAG PA YIN LA, MU THA MA GSUM NI CHAGS PA BRTAG PA YIN NO, ,DE LA 'DOD CHAGS BRTAG PA'I MU GSUM NI CHAGS PA 'DOD CHAGS KYI SNGA ROL NA YOD PA LA BRTEN NAS 'DOD CHAGS YOD PAR 'DOD PA DANG, CHAGS PA 'DOD CHAGS PAS PHYIS YOD PA LA BRTEN NAS 'DOD CHAGS YOD PAR 'DOD PA DANG, CHAGS PA DANG 'DOD CHAGS LHAN CIG PA LA BRTEN NAS 'DOD CHAGS YOD PAR 'DOD PA'O, ,CHAGS PA BRTAG PA'I MU GSUM NI 'DOD CHAGS CHAGS PA'I SNGA ROL NA YOD PA LA BRTEN NAS CHAGS PA YOD PAR 'DOD PA DANG, 'DOD CHAGS CHAGS PAS PHYIS YOD PA LA BRTEN NAS CHAGS PA YOD PAR 'DOD PA DANG, 'DOD CHAGS DANG CHAGS PA LHAN CIG PA LA BRTEN NAS CHAGS PA YOD PAR 'DOD PA STE, DE DAG THAMS CAD MI 'THAD PAR RIM PA BZHIN DU BSGRUB PAR BYA'O, ,DE LA MU DANG POR BSGRUBS PA'I PHYIR, DE LA RE ZHIG ,GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,GAL TE 'DOD CHAGS KYI SNGA ROL NA CHAGS PA 'DOD CHAGS MED PA ZHIG YOD PAR GYUR NA ZHES BYA BA'I TSIG GI LHAG MA'O ZHES BYA BA SMRAS TE, 'DI LA GAL TE KHYED CHAGS PA 'DOD CHAGS @93A *, ,KYI SNGA ROL NA YOD PAR 'DOD NA DE LTAR NA KHYED 'DOD CHAGS MED PA'I SNGA ROL NA CHAGS PA 'DOD CHAGS MED PA ZHIG YOD PAR BSGRUB CING, CHAGS PA 'DOD CHAGS MED PA DE LA BRTEN NAS PHYIS 'DOD CHAGS SKYE BAR 'GYUR BAS, DES NA KUN NAS NYON MONGS PA YANG YOD LA DE'I NYES DMIGS KYANG YOD PAS KHYED PHUNG PO LA SOGS PA DAG DON DAM PAR YOD PAR SGRUB PA'I GTAN TSIGS KYI DON 'GRUB PAR 'GYUR RO SNYAM DU SEMS NA DE YANG MI RUNG STE, GAL TE 'DOD CHAGS KYI SNGA ROL NA CHAGS PA YOD PAR GYUR NA CHAGS PA DE 'DOD CHAGS MED PAR MI RUNG STE 'DOD CHAGS DANG BCAS PA'I CHAGS PA NYID YIN PAR 'GYUR RO, ,DE'I TSE NA DE CHAGS PA NYID YIN PAR GYUR NA DE LA BRTEN NAS PHYIS 'DOD CHAGS SKYE BAR 'GYUR BA DON MED PAS CHAGS PA LA BRTEN NAS 'DOD CHAGS SKYE BAR MI 'GYUR BAS 'DOD CHAGS MI SKYE'O, ,DES NA 'DOD CHAGS MED PAS KUN NAS NYON MONGS PA YANG MED LA, DE'I NYES DMIGS KYANG MED PAS KHYOD PHUNG PO LA SOGS PA DAG DON DAM PAR YOD PAR SGRUB PA'I GTAN TSIGS KYI DON MI 'GRUB PA NYID DO ZHES STON TO, ,'DOD CHAGS DANG CHAGS PA DANG LHAG PAR CHAGS PA ZHES BYA BA DAG NI RNAM GRANGS TE, DE MED CING MA GTOGS PA 'DOD CHAGS LA MI LTOS PA ZHIG YOD PAR GYUR NA'O ZHES BYA BA NI, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,ZHES BYA BA'I TSIG GI DON BSHAD PA YIN TE, 'DOD CHAGS ZHES BYA BA'I TSIG GI DON NI 'DOD CHAGS DANG CHAGS PA DANG LHAG PAR CHAGS PA ZHES BYA BA DAG GI RNAM GRANGS SO, ,'DOD CHAGS MED PA'I CHAGS YOD NA, ,ZHES BYA BA'I TSIG GI DON NI 'DOD CHAGS DE MED CING DE MA GTOGS PA 'DOD CHAGS LA MI LTOS PA'I CHAGS PA 'DOD CHAGS MED PA ZHIG YOD PAR GYUR NA'O, ,'DIR PHA ROL PO'I BSAM PA NI 'DOD CHAGS MED PA'I SNGA ROL NA CHAGS PA NYID MI 'THAD PAS PHYIS CHAGS PAR 'GYUR BA'I GANG ZAG MA CHAGS PA ZHIG YOD PAS DE LA BRTEN NAS PHYIS 'DOD CHAGS YOD PAR 'GYUR RO SNYAM DU SEMS PA YIN PAS @93B DE BSAL BA'I PHYIR 'DIR 'GREL PA BYED PAS SMIN PA MED PAR 'BRAS BU SMIN PA NYID MI 'THAD PA LTAR CHAGS PA NYID MI 'THAD PA NI MA YIN NO ZHES BYA BA SMRAS TE, SMIN PA MED PAR 'BRAS BU SMIN PA NYID MI 'THAD PA LTAR ZHES BYA BA NI CHOS MI MTHUN PA'I DPE YIN TE, JI LTAR SMIN PA MED PAR 'BRAS BU SMIN PA NYID MI 'THAD PA LTAR 'DOD CHAGS MED PAR CHAGS PA NYID MI 'THAD PA NI MA YIN TE, SMIN PA MED PAR 'BRAS BU SMIN PA NYID MI 'THAD KYANG 'BRAS BU MA SMIN PA NYID YOD PA LTAR 'DOD CHAGS MED PAR CHAGS PA NYID MI 'THAD PA MA YIN TE, MA CHAGS PA NYID MED DO, ,'DI SKAD BSTAN TE PHA ROL PO'I BSAM PA LTAR GAL TE 'DOD CHAGS KYI SNGA ROL NA CHAGS PA YOD PAR GYUR NA DE 'DOD CHAGS MED PA'I MA CHAGS PA NYID MA YIN GYI CHAGS PA NYID YIN TE, JI LTAR SMIN PA MED PAR 'BRAS BU MA SMIN PA NYID MED KYANG 'BRAS BU MA SMIN PA NYID YOD PA LTAR 'DIR NI DE LTA MA YIN TE CHAGS PA SNGA NA YOD PA DE LA 'DOD CHAGS MED PAR CHAGS PA NYID MED PA MA YIN GYI, DE 'DOD CHAGS MED KYANG CHAGS PA NYID YIN PAR 'GYUR RO, ,DE'I TSE NA DE CHAGS PA NYID YIN PAR GYUR NA DE LA BRTEN NAS PHYIS 'DOD CHAGS SKYE BAR 'GYUR BA DON MED PAS CHAGS PA LA BRTEN NAS 'DOD CHAGS SKYE BAR MI 'GYUR BAS 'DOD CHAGS MI SKYE'O, ,DES NA 'DOD CHAGS MED PAS KUN NAS NYON MONGS PA YANG MED LA DE'I NYES DMIGS KYANG MED PAS KHYED PHUNG PO LA SOGS PA DAG DON DAM PAR SGRUB PA'I GTAN TSIGS KYI DON MA GRUB PA NYID DO, ,BRTAG PA 'DI LAS CIR 'GYUR ZHE NA ZHES BYA BA NI PHA ROL PO DAG 'DOD PA'I BSAM PA LTAR BRTAG PA, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,ZHES BYA BA 'DI LA DON CIR 'GYUR ZHE NA ZHES BRTAG PA YIN NO, ,DE LA DON CIR 'GYUR ZHE NA, DE LA BRTEN NAS 'DOD CHAGS YOD CES BYA BAR 'GYUR RO, ,DE NYID BSTAN PA'I PHYIR CHAGS PA, DE LA BRTEN NAS 'DOD CHAGS YOD PAR 'GYUR TE, CHAGS PA 'DI'I 'DOD CHAGS NI 'DI'O ZHES BYA BAR 'GYUR RO ZHES BYA BA SMRAS TE, PHA ROL PO DAG 'DOD PA'I BSAM PA LTAR BRTAG PA, @94A *, ,GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,ZHES BYA BA 'DI LAS DON CIR 'GYUR ZHE NA, 'DOD CHAGS KYI SNGA ROL NA CHAGS PA YOD PA DE LA BRTEN NAS 'DOD CHAGS YOD PAR 'GYUR TE, CHAGS PA SNGA ROL NA YOD PA 'DI'I 'DOD CHAGS 'DI'O ZHES BYA BAR 'GYUR RO, ,'DI LTAR GANG GI TSE LHAS BYIN MA CHAGS PA CHAGS PAR BYED PA DE'I TSE NA 'DOD CHAGS ZHES BYA STE, MA CHAGS PA 'DI'I 'DOD CHAGS NI 'DI YIN NO ZHES BYA BA YIN NA GAL TE CHAGS PA LA BRTEN NAS 'DOD CHAGS YOD PA NYID DU 'DOD NA, 'O NA DE LTA NA 'DOD CHAGS MED KYANG DE CHAGS PA NYID YIN PAR 'GYUR RO, ,DE SKAD BSTAN TE CHAGS PA NI 'DOD CHAGS MED PAR MI SRID LA 'DOD CHAGS KYANG CHAGS PA MED PAR MI SRID PA YIN NA GAL TE 'DOD CHAGS MED PA'I SNGA ROL NA CHAGS PAR MA GYUR PA DE CHAGS PA YIN PAR RTOG NA, 'O NA DE LTA NA 'DOD CHAGS MED KYANG DE CHAGS PA NYID YIN PAR THAL BAR 'GYUR BAS DE NI MI RUNG NGO, ,DE LTA NA SKYON GZHAN 'DIR YANG 'GYUR TE, CHAGS YOD 'DOD CHAGS YOD PAR 'GYUR, ,ZHES BYA BAS NI 'DI SKAD BSTAN TE, PHA ROL PO DAG 'DOD PA'I BSAM PA LTAR GAL TE 'DOD CHAGS KYI SNGA ROL NA CHAGS PA YOD PAR BRTAG NA CHAGS PA ZHES BYA BA DE RANG GI NGO BO NYID KYIS CHAGS PA NYID DU GRUB PA DE LA BRTEN NAS PHYIS 'DOD CHAGS YOD PA'I SKYON DU 'GYUR RO, ,CHAGS PA YIN NA DE LA 'DOD CHAGS SKYE BA DON MED PA NYID DU 'GYUR BAS ZHES BYA BA NI 'DOD CHAGS MED PAR YANG SNGA NAS CHAGS PA NYID YIN PAR GYUR NA DE LA YANG 'DOD CHAGS SKYE BA DON MED PA NYID DU 'GYUR TE, 'DOD CHAGS PHYIS SKYE BA DES CHAGS PA SNGA NA YOD PA DE LA KHYAD PAR LHAG PA CUNG ZAD KYANG SKYED PAR MI BYED PA'I PHYIR RO, , DE NI MI 'DOD DO ZHES BYA BA NI 'DOD CHAGS MED PA'I SNGA ROL NA CHAGS PA YOD PA DE NI THA SNYAD THAMS CAD DANG 'GAL BAS MI 'DOD DO, ,'ON TE 'DOD CHAGS KYI CHAGS PA NYID DU 'GYUR BAR BYED NA NI DE LTA NA 'DOD CHAGS KYI SNGA ROL NA CHAGS PA YOD PAR KHAS BLANG BAR MI BYA'O, ,DE LTAR @94B NA 'DIR GLAGS YOD PA'I TSIG YIN PA'I PHYIR BAR SKABS KYI DON LAS BZLOG PAS RJES SU DPAG PA NI 'DI LTA STE ZHES BYA BAR SBYAR TE, GLAGS YOD PA'I TSIG YIN PA'I PHYIR ZHES BYA BA NI PHA ROL PO DAG 'DOD PA'I BSAM PA LTAR GAL TE 'DOD CHAGS KYI SNGA ROL NA CHAGS PA YOD PAR GYUR CING CHAGS PA DE LA BRTEN NAS 'DOD CHAGS YOD PAR GYUR NA, CHAGS PA DE LA 'DOD CHAGS SKYE BA DON MED PA NYID DU 'GYUR BAS ZHES BYA BA'I GLAGS YOD PA'I TSIG YIN PA'I PHYIR RO, ,SKABS KYI DON LAS BZLOG PAS ZHES BYA BA LA SKABS KYI DON GANG ZHE NA, GLAGS YOD PA'I TSIG YIN PA'I SKABS KYI DON TE, 'DOD CHAGS MED KYANG DE CHAGS PA NYID YIN PAR 'GYUR RO, ,DE NI MI RUNG BAS SKABS KYI DON DE LAS BZLOG PAS DON GZHAN GO BAR 'GYUR BA'I SGO NAS 'DIR RJES SU DPAG PA'I SBYOR BA BYA STE, 'DOD CHAGS MED PA'I SNGA ROL NA CHAGS PA NYID KYANG MED PAS DE LA BRTEN NAS PHYIS 'DOD CHAGS SKYE BA YANG MED LA, 'DOD CHAGS MED NA KUN NAS NYON MONGS PA DANG DE'I NYES DMIGS BSTAN PA YANG MED PAS PHA ROL PO'I GTAN TSIGS KYI DON KUN NAS NYON MONGS PA DANG NYES DMIGS BSTAN PA'I PHYIR ZHES BYA BA MA GRUB PAR STON TO, ,CHAGS PA NI 'DOD CHAGS MED NA MI 'BYUNG BA'I TSUL CAN YIN TE LTOS PA DANG BCAS PA'I PHYIR DPER NA 'DOD CHAGS KYI RANG GI BDAG NYID BZHIN NO ZHES BYA BA DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG DPE YIN PAR GO RIMS BZHIN DU SBYAR TE, DPER NA 'DOD CHAGS KYI RANG GI BDAG NYID NI RANG GI BDAG NYID LA LTOS PA DANG BCAS PA'I PHYIR 'DOD CHAGS KYI RANG GI BDAG NYID MED NA 'DOD CHAGS KYI RANG GI BDAG NYID MI 'BYUNG BA'I TSUL CAN YIN PA DE BZHIN DU CHAGS PA YANG 'DOD CHAGS LA LTOS PA DANG BCAS PA'I PHYIR, 'DOD CHAGS MED NA MI 'BYUNG BA'I TSUL CAN YIN NO, ,DE'I PHYIR 'DOD CHAGS MED PA'I SNGA ROL NA CHAGS PA NYID KYANG MED PAS DE LA BRTEN NAS PHYIS 'DOD CHAGS SKYE BA YANG MED LA, 'DOD CHAGS MED NA KUN NAS NYON MONGS PA DANG DE'I NYES DMIGS BSTAN PA YANG MED PAS PHA ROL PO'I GTAN @95A *, ,TSIGS KYI DON KUN NAS NYON MONGS PA DANG, NYES DMIGS BSTAN PA'I PHYIR ZHES BYA BA MA GRUB PA'I PHYIR DON DAM PAR PHUNG PO DANG KHAMS DANG, SKYE MCHED DAG YOD PA MA YIN NO, ,'DOD CHAGS BRTAG PA'I MU GSUM LAS CHAGS PA 'DOD CHAGS KYI SNGA ROL NA YOD PA LA BRTEN NAS 'DOD CHAGS YOD PAR 'DOD PA ZHES BYA BA MU DANG PO MI 'THAD PAR BSGRUBS ZIN TO,, ,,BAM PO SUM CU DRUG PA, DA NI 'DOD CHAGS BRTAG PA'I MU GSUM LAS CHAGS PA 'DOD CHAGS PAS PHYIS YOD PA LA BRTEN NAS 'DOD CHAGS YOD PAR 'DOD PA ZHES BYA BA MU GNYIS PA MI 'THAD PAR BSGRUB PAR BYA STE, DE'I PHYIR 'DIR SMRAS PA, CHOS MNGON PA'I MTSAN NYID LAS, KUN 'GRO ZHES BYA RANG GI SAR, ,NYON MONGS CAN GYI SNGAR KUN 'GRO, ,ZHES 'BYUNG BAS CHAGS PA NYID 'DOD CHAGS KYI RGYU YIN PA'I PHYIR NYES PA MED DO ZHES BYA BA SMRAS TE, 'DIR NI PHYOGS SNGA MA SMRA BA DAG CHAGS PA 'DOD CHAGS PAS PHYIS YOD PA LA BRTEN NAS 'DOD CHAGS YOD PAR BSGRUB STE, DE DAG NA RE CHOS MNGON PA'I MDZOD LAS RGYU DRUG PO LHAN CIG 'BYUNG BA'I RGYU DANG, SKAL PA MA NYAM PA'I RGYU DANG, MTSUNGS PAR LDAN PA'I RGYU DANG, KUN TU 'GRO BA'I RGYU DANG, RNAM PAR SMIN PA'I RGYU DANG, BYED PA'I RGYU DAG LAS KUN DU 'GRO BA'I RGYU NI, KUN 'GRO ZHES BYA RANG GI SAR, ,NYON MONGS CAN GYI SNGAR KUN 'GRO, ,ZHES 'BYUNG BAS RANG GI SA BA'I KUN DU 'GRO BA'I CHOS SNGAR BYUNG BA RNAMS NI NYON MONGS PA CAN GYI CHOS PHYI MA RNAMS KYI KUN TU 'GRO BA'I RGYU YIN TE; DE DAG KYANG SDUG BSNGAL MTHONG BAS SPANG BAR BYA BA'I LTA BA LNGA DANG, KUN 'BYUNG BA MTHONG BAS SPANG BAR BYA BA'I LTA BA GNYIS DANG, SDUG BSNGAL DANG KUN 'BYUNG BA MTHONG BAS SPANG BAR BYA BA'I THE TSOM GNYIS DANG, MA RIG PA MA 'DRES PA GCIG DANG, MA RIG PA MTSUNGS PAR LDAN PA GCIG STE, PHRA RGYAS BCU GCIG PO DE DAG NI KUN DU 'GRO BA'I RGYU ZHES BYA STE, RANG GI KHAMS LA DMIGS PA'I PHYIR RO ZHES BSHAD PAS 'DIR CHAGS PA 'DOD CHAGS PAS PHYIS YOD PA NI YANG 'DOD CHAGS PHYIS SKYE BA'I KUN TU 'GRO BA'I RGYU YIN PA'I PHYIR KHYED NA RE CHAGS PA YIN NA @95B DE LA 'DOD CHAGS SKYE BA DON MED PA NYID DU 'GYUR BAS DE NI MI 'DOD DO ZHES ZER BA'I NYES PA DE KHO BO CAG LA MED DO, ,'DI SKAD BSTAN TE, SO SO'I SKYE BO THAMS CAD KYI RGYU LA 'DOD CHAGS LA SOGS PA BAG LA NYAL BA'I TSUL DU RANG GI NGO BO GZUNG DU MED PAR YOD PA NYID YIN BAS SO SO'I SKYE BO THAMS CAD NI 'DOD CHAGS DANG BCAS PAS CHAGS PA YIN NO, ,GANG GI TSE 'DOD CHAGS LA SOGS PA BAG LA NYAL BA'I TSUL DU GNAS PA DE DAG RKYEN RNYED NAS GSAL BAR GYUR PA DE'I TSE NA 'DOD CHAGS SKYES PA ZHES BYA STE, CHOS MNGON PA'I MDZOD LAS, BAG LA NYAL BA MA SPANGS DANG, YUL NI NYE BAR GYUR PA DANG, ,TSUL BZHIN MA YIN YID BYED PA, ,NYON MONGS RGYU NI RDZOGS PA YIN, ,ZHES BSHAD PAS DE'I PHYIR CHAGS PA NYID 'DOD CHAGS KYI RGYU YIN PA'I PHYIR KHYED NA RE 'DOD CHAGS MED PAR CHAGS PA YIN PAR 'DOD NA CHAGS ZIN PA'I PHYIR DE LA 'DOD CHAGS SKYE BA DON MED PA NYID DU 'GYUR RO ZHES ZER BA'I NYES PA DE KHO BO CAG LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, BSHAD PA, CHAGS PA YOD PAR GYUR NA YANG, ,'DOD CHAGS YOD PAR GA LA 'GYUR, ,ZHES BYA BA SMRAS TE, KHYOD KYI CHAGS PA YOD PAR GYUR NA YANG 'DOD CHAGS YOD PA NYID DU GA LA 'GYUR TE, 'DI LTAR CHAGS PA LA 'DOD CHAGS KYI BYA BA CI YANG MED DO, ,CHAGS PAR MI BYED NA NI, JI LTAR 'DOD CHAGS YIN PAR 'GYUR, CI STE 'GYUR NA NI GANG YANG 'DOD CHAGS MA YIN PA NYID DU MI 'GYUR BAS DE NI MI 'DOD DE DE'I PHYIR CHAGS PA NYID NI 'DOD CHAGS KYI RGYU YIN PAR MI 'THAD DO, ,DE NYID BSTAN PA'I PHYIR 'DI LTAR MA CHAGS PA LA 'DOD CHAGS SKYE BA NA CHAGS PA ZHES BRJOD PA'I RKYEN LA BRTEN PA YIN GYI, DE 'DOD CHAGS GANG GIS CHAGS PAR GYUR PA LA CHAGS PA ZHES BRJOD PA DE NYID KYIS CHAGS PAR GYUR PA LA 'DOD CHAGS SKYE BA DON MED PA NYID KYI PHYIR DANG ZHES BYA BA SMRAS TE, YANG 'JIG RTEN NA GRAGS PA'I TSUL NI MA CHAGS PA 'DOD CHAGS DANG PHRAD PAS CHAGS PA ZHES BYA BA'I THA SNYAD KYI RKYEN LA BRTEN PA YIN GYI CHAGS PA SNGA NA YOD PA DE KUN DU 'GRO BA'I 'DOD CHAGS GANG GIS @96A *, ,CHAGS PAR GYUR PA LA NI YANG 'DOD CHAGS SKYE BA DON MED PA NYID DU 'GYUR TE, DPER NA DE LAS GZHAN LA 'DOD CHAGS MI SKYE BA BZHIN BAS DE'I PHYIR CHAGS PA NYID 'DOD CHAGS KYI RGYU MA YIN NO, ,'DIR GAL TE PHA ROL PO DAG NA RE 'DI SKAD CES 'O NA CHAGS PA DE 'DOD CHAGS KYI RGYU MA YIN YANG BLA STE CHAGS PA NYID DU NI BRJOD PAR BYA'O ZHES ZER BA'I PHYOGS SNGA MA KHONG NAS DBYUNG BA DE'I LAN DU 'GREL PA BYED PA NYID KYIS, DE STON PA'I RJES SU DPAG PA MED PA'I PHYIR RO ZHES BYA BA SMRAS TE, 'DOD CHAGS MED PA'I SNGA ROL NA, ,CHAGS PA DE YOD PA ZHES BYA BA NI TSIG TZAM DU ZAD DE DE YOD PAR STON PA'I RJES SU DPAG PA MED PA'I PHYIR CHAGS PA SNGA NA MED DO, ,GA LA 'GYUR, ,ZHES BYA BA NI MI SRID PA STE, CHAGS PA YOD PAR GYUR NA YANG, 'DOD CHAGS YOD PAR GA LA 'GYUR, ,ZHES BYA BAR DGONGS SO ZHES BYA BA NI GAL TE PHA ROL PO DAG 'DOD PA'I BSAM PA LTAR CHAGS PA NYID YOD PAR GYUR NA YANG DE 'DOD CHAGS KYI RGYU YIN PAR GA LA 'GYUR TE, MI 'GYUR BA NYID DO ZHES BYA BAR MDO MDZAD PAS DGONGS SO, ,YANG NA LHAS BYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN TE, CHAGS PA YIN PA'I PHYIR MCHOD SBYIN CHAGS PA BZHIN NO ZHES BYA BA NI DON DE NYID YANG NA TSAD MAS KYANG BSGRUB PAR BYA STE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN CHAGS PA NI CHAGS PA YIN PA'I PHYIR LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN BA DE BZHIN DU LHAS BYIN CHAGS PA YANG CHAGS PA YIN PA'I PHYIR LHAS BYIN GYI RGYUD LA 'DOD CHAGS GANG SKYE BA DE'I MNGON SUM KYI RGYU MA YIN NO, ,GAL TE DE NI MI SRID DE CHAGS PA RGYUD THA DAD PA DANG THA DAD PA MA YIN PA'I 'DOD CHAGS KYI RGYU MA YIN PA NYID PHYOGS SU BYED NA GRUB PA LA SGRUB PA DANG, DON 'GAL BA NYID YIN NO ZHE NA ZHES BYA BA NI PHA ROL PO DAG DBU MA PA'I RJES SU DPAG PA SNGA MA DE MI SRID DE RJES SU DPAG PA MA YIN NO ZHES SUN 'BYIN PAR BYED PA @96B YIN TE, DE DAG NA RE KHYED DBU MA PAS LHAS BYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN TE ZHES DAM BCAS PA DE'I DON GANG YIN, LHAS BYIN CHAGS PA 'DOD CHAGS KYI RGYU MA YIN TE ZHES BYA BA DE RGYUD THA DAD PA'I 'DOD CHAGS KYI RGYU MA YIN PA NYID PHYOGS SU BYED DAM 'ON TE RGYU THA DAD PA MA YIN PA'I 'DOD CHAGS KYI RGYU MA YIN PA NYID PHYOGS SU BYED, DE LA GAL TE LHAS BYIN CHAGS PA RGYUD THA DAD PA MCHOD SBYIN GYI 'DOD CHAGS KYI RGYU MA YIN PA NYID PHYOGS SU BYED NA NI GRUB PA LA SGRUB PA NYID YIN PAS MI RUNG STE, 'DI LTAR LHAS BYIN CHAGS PA RGYUD THA DAD PA MCHOD SBYIN GYI 'DOD CHAGS KYI RGYU MA YIN PA NYID NI KHO BO CAG GI PHYOGS LA YANG GRUB PAS DE SGRUB NA GRUB PA LA SGRUB PA NYID YIN PAS MI RUNG NGO, ,'ON TE LHAS BYIN CHAGS PA RGYUD THA DAD PA MA YIN PA LHAS BYIN NYID KYI 'DOD CHAGS KYI RGYU MA YIN PA NYID PHYOGS SU BYED NA NI DON 'GAL BA NYID YIN PAS MI RUNG STE, 'DI LTAR KHYED KYI DPE MCHOD SBYIN CHAGS PA BZHIN NO ZHES BYA BA DE LA CHAGS PA NYID KYI MTSAN NYID YOD PA DE YANG MCHOD SBYIN RANG GI RGYUD LA 'DOD CHAGS SKYE BA'I RGYU NYID YIN PA BZHIN DU LHAS BYIN CHAGS PA LA CHAGS PA NYID KYI MTSAN NYID KYI MTSAN NYID YOD PA DE YANG LHAS BYIN RANG GI RGYUD LA 'DOD CHAGS SKYE BA'I RGYU NYID YIN PAS KHYED LHAS BYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN TE ZHES SGRUB PA DANG DON 'GAL BA NYID YIN PAS MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI BZANG PO MA YIN TE ZHES BYA BA LA SOGS PA SMRAS TE, KHO BO'I DAM BCAS PA DE GRUB PA LA SGRUB PA NYID KYANG MA YIN LA DON 'GAL BA NYID KYANG MA YIN PAS KHYED KYI KLAN KA DE NI BZANG PO MA YIN NO, ,JI LTAR GRUB PA LA SGRUB PA NYID MA YIN ZHE NA, DE'I PHYIR, CHAGS PA RGYUD THA DAD PA MA YIN PA'I 'DOD CHAGS KYI RGYU MA YIN PA NYID PHYOGS SU BYAS PA'I PHYIR GRUB PA LA SGRUB PA YANG MA YIN LA ZHES BYA BA SMRAS TE, GAL TE LHAS BYIN CHAGS PA RGYUD THA DAD PA MCHOD SBYIN GYI 'DOD CHAGS KYI RGYU MA YIN PA NYID PHYOGS SU BYAS @97A *, ,NA NI GRUB PA LA SGRUB PA NYID DU 'GYUR GRANG NA, KHO BOS LHAS BYIN CHAGS PA RGYUD THA DAD PA MA YIN PA LHAS BYIN NYID KYI 'DOD CHAGS KYI RGYU MA YIN PA NYID PHYOGS SU BYAS PAS DE KHYED LA MA GRUB PA'I PHYIR GRUB PA LA SGRUB PA NYID MA YIN NO, ,JI LTAR DON 'GAL BA NYID MA YIN ZHE NA, DE'I PHYIR, BSGRUB PAR BYA BA DANG RIGS MTHUN PA NYID KYIS BSGRUB PAR BYA BA BZHIN DU RIGS MI MTHUN PA'I PHYOGS 'GOG PA'I PHYIR DON 'GAL BA NYID KYANG MA YIN NO ZHES BYA BA SMRAS TE, 'DI LTAR KHO BO LA JI LTAR DON DAM PAR LTAS BYIN CHAGS PA LHAS BYIN GYI RGYUD LA 'DOD CHAGS SKYE BA DE'I MNGON SUM GYI RGYU MA YIN PAR GRUB PA DE BZHIN DU MCHOD SBYIN CHAGS PA YANG MCHOD SBYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PAR GRUB PAS, BSGRUB PAR BYA BA LHAS BYIN CHAGS PA LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PA DANG RIGS MTHUN PA NYID KYIS BSGRUB PAR BYA BA BZHIN DU DE'I MI MTHUN PA'I PHYOGS MCHOD SBYIN CHAGS PA MCHOD SBYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PAR YANG 'GOG PA'I PHYIR MI MTHUN PA'I PHYOGS MED PAS DON 'GAL BA NYID KYANG MA YIN NO, ,CI STE MCHOD SBYIN CHAGS PAS 'DOD CHAGS SGRUB PA NYE BAR PHUL BA LHAS BYIN GYI RGYUD LA 'DOD CHAGS SKYE BA'I RGYU NYID DU KHAS BLANGS PA'I PHYIR DANG, BYED PA'I RGYUS GZHAN GYI RGYUD KYI CHAGS PA YANG GZHAN GYI RGYUD LA 'DOD CHAGS SKYE BA'I RGYU YIN PA'I PHYIR DPE MED DO ZHE NA ZHES BYA BA NI PHA ROL PO DAG 'DI SKAD CES, KHYED DBU MA PA LA GRUB PA LA SGRUB PA DANG DON 'GAL BA NYID KYI SKYON MED DU ZIN KYANG KHYED KYI DPE MCHOD SBYIN CHAGS PA BZHIN NO ZHES BYA BA DE MI 'GRUB PAS DPE MED PA'I SKYON DU 'GYUR RO ZHES ZER BA YIN TE, DE DAG NA RE GANG GI TSE MCHOD SBYIN CHAGS PAS LHAS BYIN RGYUD LA 'DOD CHAGS PA SKYED PA'I RKYEN ME TOG DANG, BYUG PA LA SOGS PA DAG LHAS BYIN LA NYE BAR PHUL BAS, LHAS BYIN GYI RGYUD LA 'DOD CHAGS SKYE BAS MCHOD SBYIN CHAGS PA YANG LHAS BYIN GYI @97B RGYUD LA 'DOD CHAGS SKYE BA'I RGYU NYID DU KHAS BLANGS PA'I PHYIR, KHYED KYI DPE MCHOD SBYIN CHAGS PA LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PA BZHIN NO ZHES BYA BA DE BSGRUB PAR BYA BAS STONG PAS KHYED LA DPE MED DO, ,GZHAN YANG CHOS MNGON PA LAS, RANG LAS GZHAN PA BYED PA'I RGYU, ,ZHES 'BYUNG BAS BYED PA'I RGYU NI RANG GI NGO BO MA GTOGS PA CHOS THAMS CAD NI 'DUS BYAS KYI CHOS SKYE BA'I BYED PA'I RGYU YIN TE, SKYE BA LA GEGS MI BYED PA'I NGO BOR GNAS PA'I PHYIR RO ZHES BYA BAS MCHOD SBYIN CHAGS PA YANG LHAS BYIN GYI RGYUD LA 'DOD CHAGS GANG SKYE BA DE LA GEGS MI BYED PA'I PHYIR BYED PA'I RGYU YIN PAS MCHOD SBYIN CHAGS PA YANG LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU YIN PA'I PHYIR, KHYED KYI DPE MCHOD SBYIN GYI CHAGS PA LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PA BZHIN NO ZHES BYA BA DE BSGRUB PAR BYA BAS STONG PAS KHYED LA DPE MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG RIGS PA MA YIN TE ZHES BYA BA LA SOGS PA SMRAS TE, KHO BO'I DPE MED PA MA YIN PAS KHYED KYI KLAN KA DE NI SUN 'BYIN PA LTAR SNANG BA YIN PA'I PHYIR RIGS PA MA YIN NO, ,JI LTAR DPE MED PA MA YIN ZHE NA DE'I PHYIR, RGYU THUN MONG MA YIN PA NYID 'GOG PA'I PHYIR DANG ZHES BYA BA SMRAS TE, KHO BO LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU THUN MONG MA YIN PA LHAS BYIN CHAGS PA NYID DE'I RGYU MA YIN PAR 'GOG PA'I PHYIR MCHOD SBYIN CHAGS PA YANG LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU THUN MONG MA YIN PA 'GOG PAS DPE BSGRUB PAR BYA BAS MI STONG BA'I PHYIR DPE MED PA MA YIN TE, RGYU THUN MONG MA YIN PA LHAS BYIN CHAGS PA NYID LHAS BYIN GYI RGYUD LA 'DOD CHAGS GANG SKYE BA'I MNGON SUM GYI RGYU MA YIN PA DE BZHIN DU MCHOD SBYIN CHAGS PA YANG LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU THUN MONG MA YIN PA DE'I DPER DE RUNG BA'I PHYIR RO, ,GZHAN YANG 'DOD CHAGS SGRUB @98A *, ,PA ME TOG DANG BYUG PA LA SOGS PA DAG NI 'DOD PA'I RNAM PAR RTOG PA'I RGYU YIN PA'I PHYIR YANG KHO BO'I DPE MED PA MA YIN TE, 'DI LTAR KHYED NA RE MCHOD SBYIN CHAGS PAS 'DOD CHAGS SGRUB PA NYE BAR PHUL BA LHAS BYIN GYI RGYUD LA 'DOD CHAGS SKYE BA'I RGYU NYID DU KHAS BLANGS PA'I PHYIR DPE MED DO ZHES ZER BA DE YANG DE LTA MA YIN TE, 'DI LTAR 'DOD CHAGS SGRUB PA'I RKYEN ME TOG DANG BYUG PA LA SOGS PA DAG NI 'DOD PA DANG DGA' BA'I RNAM PAR RTOG PA'I RGYU YIN GYI 'DOD CHAGS KYI MNGON SUM GYI RGYU MA YIN PAS MCHOD SBYIN CHAGS PAS 'DOD CHAGS SGRUB PA NYE BAR PHUL BA DE LHAS BYIN GYI RGYUD LA 'DOD CHAGS SKYE BA'I RGYU NYID DU KHAS MA BLANGS PA'I PHYIR MCHOD SBYIN CHAGS PA LHAS BYIN GYI 'DOD CHAGS KYI RGYU MA YIN PAS, KHO BO'I DPE MCHOD SBYIN CHAGS PA LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PA BZHIN NO ZHES BYA BA DE GRUB PAS DPE MED PA MA YIN NO, ,GZHAN YANG BSGRUB PAR BYA BA KHYAD PAR CAN YIN PA'I PHYIR YANG KHO BO'I DPE MED PA MA YIN TE, KHO BOS SNGAR DAM BCAS PA'I BSGRUB PAR BYA BA NI LHAS BYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I RGYU MA YIN PA ZHES KHYAD PAR MED PA MA YIN GYI, LHAS BYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN TE ZHES DAM BCAS PA NI BSGRUB PAR BYA BA KHYAD PAR CAN YIN PA'I PHYIR MCHOD SBYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PAS KHO BO'I DPE MCHOD SBYIN CHAGS PA LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN PA BZHIN NO ZHES BYA BA DE GRUB PAS DPE MED PA MA YIN NO, ,DE NI SUN 'BYIN PA LTAR SNANG BA YIN NO ZHES BYA BA NI DE LTAR KHO BO'I DPE MED PA MA YIN PAS KHYED KYI KLAN KA SUN 'BYIN PA LTAR SNANG BA YIN PA'I PHYIR RIGS PA MA YIN NO ZHES BYA BA'I THA TSIG GO, ,'DOD CHAGS BRTAG PA'I MU GSUM LAS CHAGS PA 'DOD CHAGS LAS PHYIS YOD PA LA BRTEN NAS 'DOD CHAGS YOD PAR 'DOD PA ZHES BYA BA MU GNYIS PA NI 'THAD PAR @98B BSGRUBS ZIN TO, ,'DOD CHAGS BRTAG PA'I MU GSUM LAS CHAGS PA DANG 'DOD CHAGS LHAN CIG PA LA BRTEN NAS 'DOD CHAGS YOD PAR 'DOD PA ZHES BYA BA MU GSUM PA NI CHAGS PA BRTAG PA'I MU GSUM PA DANG CIG CAR 'OG NAS GNAS SKABS CIG TU STON TO, ,DE NI CHAGS PA BRTAG PA'I MU GSUM LAS 'DOD CHAGS CHAGS PA'I SNGA ROL NA YOD PA LA BRTEN NAS CHAGS PA YOD PAR 'DOD PA ZHES BYA BA MU DANG PO MI 'THAD PAR BSGRUB PAR BYA STE, DE'I PHYIR, CI STE CHAGS PA'I SNGA ROL NA 'DOD CHAGS YOD PAR 'DOD NA DE LTAN YANG, CHAGS PA LA YANG 'DOD CHAGS NI, ,YOD DAM MED KYANG RIM PA MTSUNGS, ,ZHES BYA BA SMRAS TE CHAGS PA YOD PAR YONGS SU BRTAG NA 'DOD CHAGS YOD DAM MED KYANG RUNG STE, CHAGS PA LA YANG 'DOD CHAGS MI 'THAD PA DE NYID DANG RIM PA MTSUNGS SO, ,DE NYID BSTAN PA'I PHYIR DGAG PA'I THABS 'OG NAS 'BYUNG NGO ZHES BYA BA'I THA TSIG GO ZHES BYA BA SMRAS SO, ,JI LTA ZHE NA ZHES BYA BA NI PHA ROL PO 'DRI BA'I TSIG YIN NO, ,DE'I LAN DU 'GREL PA BYED PAS DE NYID BSHAD PA, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,GAL TE CHAGS PA'I SNGA ROL NA 'DOD CHAGS CHAGS PA MED PA ZHIG YOD PAR GYUR NA CHAGS PA MED PAR 'GYUR RO ZHES BYA BA SMRAS TE, 'DI LA GAL TE KHYED 'DOD CHAGS CHAGS PA'I SNGA ROL NA YOD PAR 'DOD NA DE LTA NA KHYED CHAGS PA MED PA'I SNGA ROL NA 'DOD CHAGS CHAGS PA MED PA ZHIG YOD PAR BSGRUB CING 'DOD CHAGS CHAGS PA MED PA DE LA BRTEN NAS PHYIS CHAGS PA SKYE BAR 'GYUR PAS, DES NA KUN NAS NYON MONGS PA YANG YOD LA, DE'I NYES DMIGS KYANG YOD PAS, KHYED PHUNG PO LA SOGS PA DAG DON DAM PAR YOD PAR SGRUB PA'I GTAN TSIGS KYI DON 'GRUB PAR 'GYUR RO SNYAM DU SEMS NA DE YANG MI RUNG STE, GAL TE CHAGS PA'I SNGA ROL NA 'DOD CHAGS YOD PAR GYUR NA CHAGS PA MED PAR 'DOD CHAGS YOD PA DANG CHAGS PA YANG SNGA NA MED PAR 'GYUR RO, ,CHAGS PA MED NA GZHI MED PAS 'DOD CHAGS KYANG MED PA'I PHYIR KUN NAS NYON MONGS PA YANG MED @99A *, ,LA DE'I NYES DMIGS KYANG MED PAS KHYED PHUNG PO LA SOGS PA DAG DON DAM PAR YOD PAR SGRUB PA'I GTAN TSIGS KYI DON MI 'GRUB PA NYID DO ZHES STON TO, ,GZHAN YANG ZHES BYA BA LA SOGS PAS NI PHA ROL BO DAG 'DOD PA'I BSAM PA LTAR BRTAG PA, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,ZHES BYA BA DE LA CHAGS PA MED PA'I SKYON DU 'GYUR BA 'BA' ZHIG TU YANG MA ZAD DE SKYON GZHAN 'DI LTA BU DAG TU YANG 'GYUR RO ZHES STON TO, ,PHA ROL PO DAG GI BSAM PA LTAR BRTAG PA DE LA SKYON CIR 'GYUR ZHE NA, DE LA BRTEN NAS CHAGS PA YOD, ,CES BYA BAR 'GYUR RO, ,DE NYID BSTAN PA'I PHYIR CHAGS PA MED PA'I 'DOD CHAGS DE LA BRTEN NAS CHAGS PA YOD PAR 'GYUR TE, 'DOD CHAGS 'DIS 'DI CHAGS SO ZHES BYA BAR 'GYUR RO ZHES BYA BA SMRAS TE, PHA ROL PO DAG 'DOD PA'I BSAM PA LTAR BRTAG PA, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,ZHES BYA BA DE LA DON CIR 'GYUR ZHE NA, CHAGS PA'I SNGA ROL NA CHAGS PA MED PA'I 'DOD CHAGS SNGA NA YOD PA DE LA BRTEN NAS CHAGS PA PHYIS YOD PAR 'GYUR TE 'DOD CHAGS SNGA NA YOD PA 'DIS CHAGS PA SNGA NA MED PA 'DI PHYIS CHAGS PAR 'GYUR RO ZHES BYA BAR 'GYUR RO, ,DE LTAR PHA ROL PO DAG 'DOD PA'I BSAM PA LTAR CHAGS PA MED PA'I 'DOD CHAGS SNGA NA YOD PA DE LA BRTEN NAS CHAGS PA PHYIS YOD PAR GYUR NA DE LA SKYON CING 'GYUR ZHE NA; DE'I PHYIR DE LTA NA SKYON 'DIR 'GYUR TE ZHES BYA BA SMRAS SO, ,SKYON GANG ZHE NA, 'DI LA CHAGS PAR BYED PAS 'DOD CHAGS SO ZHES DNGOS PO BSGRUB PA YIN NA ZHES BYA BA LA SOGS PA SMRAS TE, BRDA SPROD PA LAS GANG GI TSE DNGOS PO 'GA' ZHIG CHAGS PAR BYED PA DE'I TSE NA 'DOD CHAGS PA NYID YIN NO ZHES 'DOD CHAGS KYI DNGOS PO BSGRUB PA YIN NA'O, ,DNGOS PO NI GZHI LA RAG LAS PA'I PHYIR GZHI'I SNGA ROL NA MED DE ZHES BYA BAS NI 'DI SKAD BSTAN TE, DNGOS PO ZHES PA 'DOD CHAGS KYI BDAG NYID DE NI BRTEN PA YIN LA DES DNGOS PO GANG @99B CHAGS PAR BYED PA DE NI DE'I GZHI YIN PAS DNGOS PO NI GZHI LA RAG LAS PA'I PHYIR GZHI CHAGS PA ZHES BYA BA'I SNGA ROL NA DE LA BRTEN PA'I 'DOD CHAGS YOD PAR MI 'DOD DO, ,DPER NA TSOS PA 'BRAS CHAN GYI SNGA ROL NA MED PA BZHIN NO ZHES BYA BA NI DPE YIN TE, DPER NA TSOS PA ZHES BYA BA NI BRTEN PA YIN LA 'BRAS CHAN NI GZHI YIN PAS 'BRAS CHAN GYI SNGA ROL NA TSOS PA MED PA DE BZHIN DU 'DOD CHAGS NI BRTEN PA YIN LA, CHAGS PA NI GZHI YIN PAS CHAGS PA'I SNGA ROL NA 'DOD CHAGS MED DO, ,DE BAS NA GAL TE PHA ROL PO 'DOD PA'I BSAM PA LTAR CHAGS PA MED PA'I 'DOD CHAGS SNGA NA YOD PA DE LA BRTEN NAS CHAGS PA PHYIS YOD PAR GYUR NA DPER NA 'BRAS CHAN MED PA'I SNGA ROL NA TSOS PA YOD PA'I SKYON DU 'GYUR BA BZHIN DU CHAGS PA MED PA'I SNGA ROL NA 'DOD CHAGS YOD PA'I SKYON DU 'GYUR BAS DE NI MI RUNG NGO, ,GAL TE CHAGS PA LA MI LTOS PAR 'DOD CHAGS YOD PAR 'DOD NA NI DE LTA NA SKYON GZHAN 'DIR YANG 'GYUR TE, 'DOD CHAGS YOD NA CHAGS YOD 'GYUR, ,ZHES BYA BA NI 'DI SKAD BSTAN TE PHA ROL PO DAG 'DOD PA'I BSAM PA LTAR GAL TE CHAGS PA'I SNGA ROL NA 'DOD CHAGS YOD PAR BRTAGS NA CHAGS PA LA MI LTOS PA'I 'DOD CHAGS SNGA NA YOD CING, 'DOD CHAGS ZHES BYA BA RANG GI NGO BO NYID KYIS GRUB PA SNGA NA YOD PA DE LA BRTEN NAS PHYIS CHAGS PA YOD PAR 'GYUR TE, DE LTA NA GZHI'I SNGA ROL NA BRTEN PA YOD PA NYID KYI SKYON DU 'GYUR RO, ,DE NI MI 'DOD DE ZHES BYA BA NI CHAGS PA'I SNGA ROL NA 'DOD CHAGS YOD PA DE NI THA SNYAD THAMS CAD DANG 'GAL BAS MI 'DOD DO, ,'ON TE CHAGS PA LA BRTEN NAS 'DOD CHAGS YOD PAR 'DOD NA NI DE LTA NA CHAGS PA'I SNGA ROL NA 'DOD CHAGS YOD PAR KHAS BLANG BAR MI BYA'O, ,DE'I PHYIR DON DE NYID LA 'JIG RTEN LA GRAGS PA'I DPE BSTAN PA'I PHYIR TSES PA NYID LA MI LTOS PAR TSAS PA SKYE BA MI 'THAD PA BZHIN NO ZHES BYA BA SMRAS TE, DPER NA 'BRAS CHAN TSOS PA NYID LA MI LTOS PAR TSOS PA'I BYA BA SKYE BAR MI 'THAD PA DANG, 'BRAS BU SMIN @100A *, ,PA NYID LA MI LTOS PA SMIN PA'I BYA BA SKYE BAR MI 'THAD PA BZHIN DU CHAGS PA NYID LA MI LTOS PAR 'DOD CHAGS SKYE BAR MI 'THAD DO, ,DE LTAR NA, 'DIR YANG GLAGS YOD PA'I TSIG YIN PA'I PHYIR SKABS KYI DON LAS BZLOG PAS RJES SU DPAG PA NI 'DI LTAR BYA STE ZHES BYA BAR SBYAR TE GLAGS YOD PA'I TSIG YIN PA'I PHYIR ZHES BYA BA NI PHA ROL PO DAG 'DOD PA'I BSAM PA LTAR GAL TE CHAGS PA'I SNGA ROL NA 'DOD CHAGS YOD PAR GYUR CING, 'DOD CHAGS DE LA BRTEN NAS CHAGS PA YOD PAR GYUR NA GZHI LA MI LTOS PAR BYA BA YOD PAR 'GYUR BA'I SKYON GYI GLAGS YOD PA'I TSIG YIN PA'I PHYIR RO, ,SKABS KYI DON LAS BZLOG PA ZHES BYA BA LA SKABS KYI DON GANG ZHE NA, GLAGS YOD PA'I TSIG YIN PA'I SKABS KYI DON TE, CHAGS PA MED KYANG 'DOD CHAGS YOD PA NYID YIN PAR 'GYUR BA'O, ,DE NI MI RUNG BAS SKABS KYI DON DE LAS BZLOG PAS DON GZHAN GO BAR 'GYUR BA'I SGO NAS 'DIR RJES SU DPAG PA'I SBYOR BA BYA STE, CHAGS PA MED PA'I SNGA ROL NA 'DOD CHAGS NYID KYANG MED PAS DE LA BRTEN NAS PHYIS CHAGS PAR 'GYUR BA YANG MED LA CHAGS PA MED NA KUN NAS NYON MONGS PA DANG DE'I NYES DMIGS BSTAN PA YANG MED PAS PHA ROL PO'I GTAN TSIGS KYI DON KUN NAS NYON MONGS PA DANG, NYES DMIGS BSTAN PA'I PHYIR ZHES BYA BA MA GRUB PAR STON TO, ,'DOD CHAGS NI CHAGS PA MED NA MI 'BYUNG BA'I TSUL CAN YIN TE LTOS PA DANG BCAS PA'I PHYIR DPER NA CHAGS PA'I RANG GI BDAG NYID BZHIN NO ZHES BYA BA DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA CHAGS PA'I RANG GI BDAG NYID NI RANG GI BDAG NYID LA LTOS PA DANG BCAS PA'I PHYIR CHAGS PA'I RANG GI BDAG NYID MED NA CHAGS PA'I RANG GI BDAG NYID MI 'BYUNG BA'I TSUL CAN YIN PA DE BZHIN DU 'DOD CHAGS KYANG CHAGS PA LA LTOS PA DANG BCAS PA'I PHYIR CHAGS PA MED NA MI 'BYUNG BA'I TSUL CAN YIN NO, ,DE'I PHYIR CHAGS PA MED @100B PA'I SNGA ROL NA 'DOD CHAGS NYID KYANG MED PAS DE LA BRTEN NAS PHYIS CHAGS PAR 'GYUR BA YANG MED LA, CHAGS PA MED NA KUN NAS NYON MONGS PA DANG DE'I NYES DMIGS BSTAN PA YANG MED PAS PHA ROL PO'I GTAN TSIGS KYI DON KUN NAS NYON MONGS PA DANG NYES DMIGS BSTAN PA'I PHYIR ZHES BYA BA MA GRUB PA'I PHYIR, DON DAM PAR PHUNG PO DANG, KHAMS DANG SKYE MCHED DAG YOD PA MA YIN NO, ,GAL TE PHA MED PAR YANG BU LA SOGS PA YOD PA MI SRID PA'I PHYIR MA NGES PA NYID DO ZHE NA ZHES BYA BA NI PHA ROL PO DAG NA RE DBU MA PA'I GTAN TSIGS LTOS PA DANG BCAS PA'I PHYIR ZHES BYA BA DE MA NGES PA NYID DO ZHES ZER BA YIN TE, DE DAG NA RE 'JIG RTEN NA PHA DANG BU LA SOGS PA DAG LTOS PA DANG BCAS PA NYID YIN YANG PHA SHI 'AM YUL GZHAN DU SONG STE MED PA'I PHYIN BU LA SOGS PA DAG YOD PA SRID PA'I PHYIR DES NA CI RE ZHIG LTOS PA DANG BCAS PA'I PHYIR CHAGS PA'I RANG GI BDAG NYID BZHIN DU CHAGS PA MED NA 'DOD CHAGS MI 'BYUNG BA'I TSUL CAN YIN PAR 'GYUR RAM, 'ON TE LTOS PA DANG BCAS PA'I PHYIR PHA MED PAR YANG BU LA SOGS PA YOD PA SRID PA LTA BUR 'GYUR TE, DE BAS NA KHYED DBU MA PA'I GTAN TSIGS LTOS PA DANG BCAS PA'I PHYIR ZHES BYA BA DE MA NGES PA NYID YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NYID KYI PHYIR DE YANG BKAG ZIN PAS DE NI MI GNOD DO ZHES BYA BA SMRAS TE JI LTAR KHO BOS DON DAM PAR 'DOD CHAGS DANG CHAGS PA DAG LA SNGA PHYI MED PAR BKAG PA DE BZHIN DU PHA DANG BU LA SOGS PA DAG LA YANG SNGA PHYI MED PAR BKAG ZIN PAS DE'I PHYIR MI MTHUN PA'I PHYOGS MED PAS MA NGES PA NYID MA YIN PA'I PHYIR KHYED KYI KLAN KA DE NI KHO BO LA MI GNOD DO, ,'DOD CHAGS BRTAG PA'I MU GSUM LAS 'DOD CHAGS CHAGS PA'I SNGA ROL NA YOD PA LA BRTEN NAS CHAGS PA YOD PAR 'DOD PA ZHES BYA BA MU DANG PO MI 'THAD PAR BSGRUBS ZIN TE, ,DA NI CHAGS PA BRTAG PA'I MU GSUM LAS 'DOD CHAGS PA CHAGS PA BAS PHYIS YOD PA LA BRTEN NAS CHAGS PA @101A *, ,YOD PAR 'DOD PA ZHES BYA BA MU GNYIS PA MI 'THAD PAR BSGRUB PAR BYA STE, DE'I PHYIR 'DIR SMRAS PA, 'DOD CHAGS KYI SKAD CIG MA SNGAR BYUNG BA'I TSUL CAN CHAGS PA'I SKAD CIG MA SKYE BAR 'DOD PA MED PA NYID CHAGS PA'I SKAD CIG MA PHYI MA SKYE BAR 'DOD PA'I RGYU NYID DU KHAS BLANGS PA'I PHYIR NYES PA MED DO ZHES BYA BA SMRAS TE, 'DIR NI PHYOGS SNGA MA SMRA BA DAG 'DOD CHAGS CHAGS PA PAS PHYIS YOD PA LA BRTEN NAS CHAGS PA YOD PAR BSGRUB STE, DE DAG NA RE KHO BO CAG NI 'DOD CHAGS YOD PA LA BRTEN NAS CHAGS PA YOD PAR 'DOD PA RIGS PA GANG GIS DE LTAR 'DOD CEN, SO SO'I SKYE BO THAMS CAD KYI RGYUD LA 'DOD CHAGS LA SOGS PA BAG LA NYAL BA'I TSUL DU RANG GI NGO BO GZUNG DU MED PAR YOD PA NYID YIN PAS 'DOD CHAGS KYI SKAD CIG MA SNGAR BYUNG BA'I TSUL CAN GANG LA CHAGS PA'I SKAD CIG MA PHYIS SKYE BAR 'DOD PA DA DUNG MED PA DE NYID GANG GI TSE RKYEN RNYOD NAS GSAL BAR GYUR PA DE'I TSE NA DES CHAGS PAR 'GYUR BAS, 'DOD CHAGS KYI SKAD CIG MA SNGAR BYUNG BA'I TSUL CAN CHAGS PA'I SKAD CIG MA SKYE BAR 'DOD PA MED PA DE NYID CHAGS PA'I SKAD CIG MA PHYI MA SKYE BAR 'DOD PA'I RGYU NYID DU KHAS BLANGS PA'I PHYIR KHYOD NA RE CHAGS PA MED PAR 'DOD CHAGS YOD PAR 'DOD NA GZHI MED PAR BYA BA YOD PA'I SKYON DU 'GYUR RO ZHES ZER BA'I NYES PA DE KHO BO CAG LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID GYIS BSHAD PA, 'DOD CHAGS YOD PAR GYUR NA YANG, ,CHAGS PA YOD PAR GA LA 'GYUR, ,ZHES BYA BA SMRAS TO, KHYED KYI 'DOD CHAGS YOD PAR GYUR NA YANG CHAGS PA YOD PAR NYID DU GA LA 'GYUR TE 'DI LTAR GAL TE 'DOD CHAGS YOD NA CHAGS PAR 'GYUR NA CHAGS PA DE 'DOD CHAGS DES CHAGS PAR GYUR PA MA YIN NO, ,CHAGS PA MA YIN NA NI JI LTAR CHAGS PAR 'GYUR CI STE 'GYUR NA NI NAM YANG CHAGS PA MA YIN PA NYID DU MI 'GYUR BAS DE NI MI 'DOD DO, ,DE'I PHYIR 'DOD CHAGS KYI SKAD CIG MA SNGAR BYUNG BA'I TSUL CAN @101B CHAGS PA'I SKAD CIG MA SKYE BAR 'DOD PA MED PA NYID NI CHAGS PA'I SKAD CIG MA PHYI MA SKYE BAR 'DOD PA'I RGYU YIN PAR MI 'THAD DO, ,DE NYID BSTAN PA'I PHYIR, YOD PAR MI 'GYUR BA NYID DE ZHES BYA BA SMRAS TE, SEMS KYI SKAD CIG MA SNGA MA LA BRTEN PA'I 'DOD CHAGS KYI SKAD CIG MA GANG YIN PA DE NI SEMS KYI SKAD CIG MA SNGA MA DE NYID DANG LHAN CIG TU 'GAGS PAS 'DOD CHAGS KYI SKAD CIG MA SNGAR BYUNG BA'I TSUL CAN DE CHAGS PA'I SKAD CIG MA PHYI MA SKYE BAR 'DOD PA'I RGYU NYID MA YIN PA'I PHYIR 'DOD CHAGS YOD PAR GYUR NA YANG CHAGS PA YOD PAR MI 'GYUR BA NYID DO, ,'DIR PHA ROL PO DAG NA RE 'O NA DE LTA NA CHAGS PA ZHES BYA BA'I THA SNYAD JI LTAR YOD PAR 'GYUR ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, 'DOD CHAGS KYI SKAD CIG MA DUS THA DAD PA NYID KYIS CHAGS PA'I SKAD CIG MA PHYIS 'BYUNG BA CHAGS PA NYID DU BYED PAR MI 'GRUB PA'I PHYIR ZHES BYA BA SMRAS TE, SEMS KYI SKAD CIG MA SNGA MA LA BRTEN PA'I 'DOD CHAGS KYI SKAD CIG MA GANG YIN PA DE NI SEMS KYI SKAD CIG MA SNGA MA DE NYID DANG LHAN CIG TU 'GAGS PAS 'DOD CHAGS KYI SKAD CIG MA SNGA MA DUS THA DAD PA NYID KYIS CHAGS PA'I SKAD CIG MA PHYIS 'BYUNG BA CHAGS PA NYID DU BYED PAR MA GRUB PA'I PHYIR CHAGS PA ZHES BYA BA'I THA SNYAD NI KUN RDZOB TZAM DU BRJOD PAR ZAD KYI DON DAM PAR YOD PA MA YIN NO, ,'DIR PHA ROL PO DAG NA RE JI LTAR 'DOD CHAGS KYI SKAD CIG MA SNGA MA 'GAG BZHIN PA LAS 'DOD CHAGS KYI SKAD CIG MA PHYI MA GANG SKYE BA DES DE NYID DANG DUS GCIG TU SKYE BA'I SEMS KYI SKAD CIG MA PHYI MA DE CHAGS PAR BYED PAS 'DOD CHAGS KYI SKAD CIG MA SNGAR BYUNG BA'I TSUL CAN CHAGS PA'I SKAD CIG MA SKYE BAR 'DOD PA MED PA DE NYID CHAGS PA'I SKAD CIG MA PHYI MA SKYE BAR 'DOD PA'I RGYU NYID YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DPER NA TSOS PA GZHAN GYIS GZHAN TSOS PA NYID DU MI 'THAD PA BZHIN TA ZHES BYA BA SMRAS TE, DON DAM PAR SEMS KYI SKAD CIG MA LA BRTEN PA'I 'DOD CHAGS KYI @102A *, ,SKAD CIG MA NI SEMS KYI SKAD CIG MA PHYI MA CHAGS PAR BYED PA MA YIN TE, GZHAN YIN PA'I PHYIR DPER NA LHAS BYIN GYIS KHYIM NA TSOS PA'I BYA BA GZHAN YOD PAS MCHOD SBYIN GYI KHYIM GYI 'BRAS CHAN GZHAN CHES PA NYID DU MI 'THAD PA BZHIN DU DE NYID MI 'THAD PAR BSTAN PA'I RIGS PA GZHAN BSTAN PA'I PHYIR 'DOD CHAGS KYI SKAD CIG MA 'DAS PAS DA LTAR CHAGS PA NYID DU BYED PAR MI 'THAD PA'I PHYIR RJES SU DPAG PA'I GNOD PAR 'GYUR RO ZHES BYA BAR DGONGS SO ZHES BYA BA SMRAS TE, GAL TE 'DOD CHAGS KYI SKAD CIG MA 'DAS PAS SEMS KYI SKAD CIG MA PHYI MA CHAGS PAR BYED CES BYA BAR DA LTAR NYID KYIS GNOD PAR 'GYUR TE JI LTAR DES GNOD PAR 'GYUR ZHE NA, DON DAM PAR DA LTAR GYI SEMS KYI SKAD CIG MA NI DA LTAR NYID MA YIN TE, LTOS PA DANG BCAS PA'I PHYIR 'DAS PA'I 'DOD CHAGS KYI SKAD CIG MA BZHIN NO ZHES BYA BAR MDO MDZAD PAS DGONGS SO, ,DE NYID KYI RJES SU DPAGS BSTAN PA'I PHYIR JI LTAR DES GNOD PAR 'GYUR ZHE NA, LHAS BYIN GYI 'DOD CHAGS NI LHAS BYIN CHAGS PA NYID KYI RGYU MA YIN TE, 'DOD CHAGS YIN PA'I PHYIR DPER NA RGYUD THA DAD PA'I 'DOD CHAGS BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYUD THA DAD PA MCHOD SBYIN GYI 'DOD CHAGS NI 'DOD CHAGS YIN PA'I PHYIR LHAS BYIN CHAGS PA NYID KYI RGYU MA YIN PA DE BZHIN DU RGYUD THA DAD PA MA YIN PA LHAS BYIN GYI 'DOD CHAGS KYANG 'DOD CHAGS YIN PA'I PHYIR LTAS BYIN CHAGS PA NYID KYI RGYU MA YIN NO, ,'DIR PHA ROL PA DAG NA RE MCHOD SBYIN GYI 'DOD CHAGS NI LHAS BYIN CHAGS PA NYID KYI RGYU YIN TE, 'DI LTAR GANG GI TSE MCHOD SBYIN 'DOD CHAGS KYI YUL DANG LDAN PAR GYUR PA DE'I TSE DES LHAS BYIN 'DOD CHAGS LHAG PAR SPYOD PA LA SBYAR BAR BYED PA'I PHYIR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, 'DOD CHAGS LA YANG CHAGS PA NI, ,YOD DAM MED KYANG RIM PA MTSUNGS, ,'DIR SNGA PHYI RNAM PAR BRTAG PA LA @102B KLAN KA'I SKABS MED DE GTAN TSIGS LTAR SNANG BAR MA BSTAN PA'I PHYIR RO ZHES BYA BA SMRAS TE, 'DIR PHA ROL PO DAG 'DOD CHAGS DANG CHAGS PA DAG SNGA PHYIR 'DOD PA MI 'THAD PAR BRTAG PA'I SKABS 'DIR LA PHA ROL PO'I KLAN KA'I SKABS MED DE 'DI LTAR 'DIR RGYU THUN MONG MA YIN PA DGAG PA BSTAN PA'I PHYIR PHA ROL PO DAG GIS DBU MA PA'I GTAN TSIGS KYI DON JI SKAD BSTAN PA DAG GTAN TSIGS LTAR SNANG BA YIN PAR MA BSTAN PA'I PHYIR RO, ,CHAGS PA BRTAG PA'I MU GSUM LAS 'DOD CHAGS CHAGS PA BAS PHYIS YOD PA LA BRTEN NAS CHAGS PA YOD PAR 'DOD PA ZHES BYA BA MU GNYIS PA MI 'THAD PAR BSGRUBS ZIN TO, ,DA NI 'DOD CHAGS BRTAG PA'I MU GSUM LAS CHAGS PA DANG 'DOD CHAGS LHAN CIG PA LA BRTEN NAS 'DOD CHAGS YOD PAR 'DOD PA ZHES BYA BA MU GSUM PA DANG, CHAGS PA BRTAG PA'I MU GSUM LAS 'DOD CHAGS DANG CHAGS PA LHAN CIG PA LA BRTEN NAS CHAGS PA YOD PAR 'DOD PA ZHES BYA BA MU GSUM PA DE GNYIS CHAR MI 'THAD PAR BSGRUB PAR BYA STE, DE'I PHYIR CI STE SKYON DER GYUR NA MI RUNG NGO SNYAM NAS 'DOD CHAGS DANG CHAGS PA GNYIS LHAN CIG NYID DU SKYE BAR 'DOD NA ZHES BYA BA SMRAS TE, CI STE PHA ROL PO DAG 'DOD CHAGS DANG CHAGS PA DAG SNGA PHYIR MI 'GRUB PA'I SKYON GYI MU BZHI JI SKAD SNGAR BSTAN PA DE DAG TU GYUR NA MI RUNG NGO SNYAM NAS 'DOD CHAGS DANG CHAGS PA GNYIS LA SNGA PHYI MED DE, 'DI LTAR DE GNYIS NI LHAN CIG TU SKYE BA YIN PAS GCIG LA GCIG BRTEN NAS 'DOD CHAGS KYANG YOD LA CHAGS PA YANG YOD PAS KUN NAS NYON MONGS PA DANG DE'I NYES DMIGS BSTAN PA YOD PA'I PHYIR KHO BO CAG GI GTAN TSIGS KYI DON 'GRUB PAS PHUNG PO DANG KHAMS DANG SKYE MCHED DAG DON DAM PAR YOD PA KHO NA YIN NO SNYAM NA DE YANG MI RUNG NGO, ,DE'I PHYIR 'GREL BA BYED PA NYID KYIS DE LA YANG NYON CIG CES BYA BA LA SOGS PA SMRAS TE, 'DOD CHAGS DANG CHAGS PA DAG LHAN CIG NYID DU SKYE BAR MI 'THAD PA'I RIGS PA NYON CIG CES BYA BA'I THA TSIG GO, ,'DOD CHAGS DANG NI CHAGS PA DAG ,LHAN CIG NYID DU SKYE MI RIGS, ,ZHES BYA BA NI 'DOD CHAGS @103A *, ,DANG CHAGS PA DAG LHAN CIG NYID DU SKYE BAR MI 'THAD DO, ,CI'I PHYIR ZHE NA, BRTAG PA DE LA, 'DI LTAR 'DOD CHAGS CHAGS PA DAG, ,PHAN TSUN LTOS PA MED PAR 'GYUR, ,CI'I PHYIR 'DOD CHAGS DANG CHAGS PA DAG LHAN CIG NYID DU SKYE BAR MI RIGS SHE NA, PHA ROL PO DAG 'DOD PA'I BSAM PA LTAR 'DOD CHAGS DANG CHAGS PA DAG LA SNGA PHYI MED DE DE GNYIS LHAN CIG NYID DU SKYE BAR BRTAG PA DE LA SKYON 'DI LTA BUR 'GYUR TE 'DI LTAR GAL TE 'DOD CHAGS DANG CHAGS PA DAG LHAN CIG NYID DU SKYE BAR GYUR NA 'DOD CHAGS DANG CHAGS PA DAG ,DPER NA LHAS BYIN DANG MCHOD SBYIN RANG GI NGO BO NYID KYIS GRUB PA LHAN CIG NYID DU SKYES PA DAG PHAN TSUN LTOS PA MED PAR 'GYUR RO, ,LTOS PA MED PA NYID BSTAN PA'I PHYIR, CHAGS PA 'DI'I 'DOD CHAGS NI 'DI'O, ,'DOD CHAGS 'DIS NI 'DI CHAGS PAR GYUR TO ZHES LTOS PA MED PA'I PHYIR ZHES BYA BA SMRAS TE, DE LTAR LTOS PA MED PAR GYUR NA 'DOD CHAGS MED PAR YANG CHAGS PA YOD LA CHAGS PA MED PAR YANG 'DOD CHAGS YOD PAR 'GYUR BAS DE LTAR GYUR NA 'DI'I 'DOD CHAGS NI 'DI'O, ,'DIS NI 'DI CHAGS PAR GYUR TO ZHES BYA BA DE DAG GI MI 'THAD DO, ,DE DAG MI 'THAD NA 'DOD CHAGS KYANG MI 'THAD PA NYID LA CHAGS PA YANG MI 'THAD PA NYID DU 'GYUR BAS DE NI MI RUNG NGO, ,DE'I PHYIR DE NI MI 'DOD DO ZHES BYA BA SMRAS TE, 'DI LTAR 'DOD CHAGS NI CHAGS PAR BYED PA YIN LA, CHAGS PA NI CHAGS PAR BYA BA YIN NA LHAN CIG NYID DU SKYES PA PHAN TSUN LTOS PA MED PA DAG LA DE DAG MI 'THAD PAS DE'I PHYIR 'DOD CHAGS DANG CHAGS PA DAG LTOS PA MED PA DAG NI THA SNYAD THAMS CAD DANG 'GAL BAS MI 'THAD DO, ,'O NA JI LTAR 'DOD CE NA, DE'I PHYIR DE GNYIS NI LTOS PA DANG BCAS PA NYID DU 'DOD DE, ,'DIR PHYOGS KYI CHOS KYI DBANG GIS RJES SU DPAG PA NI 'DI LTAR BYA STE ZHES BYA BAR SBYAR TE, LTOS PA DANG BCAS PA'I GTAN TSIGS YOD PA'I DBANG GIS SO, ,'DOD CHAGS DANG CHAGS PA DAG LA LHAN CIG GI DNGOS PO MED DE LTOS PA DANG BCAS PA'I PHYIR DPER NA SA BON DANG MYU GU DAG BZHIN NO @103B ZHES BYA BA DE DAG NI CHOS CAN DANG BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SA BON DANG MYU GU DAG NI LTOS PA DANG BCAS PA'I PHYIR DE DAG LA LHAN CIG GI DNGOS PO MED PA DE BZHIN DU 'DOD CHAGS DANG CHAGS PA DAG KYANG LTOS PA DANG BCAS PA'I PHYIR DE DAG LA YANG LHAN CIG GI DNGOS PO MED DO, ,'DIR BYE BRAG TU SMRA BA DAG GIS SMRAS PA, GTAN TSIGS KYI DON DE GANG YIN, CI SKYE BA LA LTOS PA DANG BCAS PA'I PHYIR RAM 'ON TE BRJOD PA KHYAD PAR CAN BSTAN PA LA LTOS PA DANG BCAS PA'I PHYIR YIN ZHES BYA BA NI 'DIR BYE BRAG TU SMRA BA DAG DBU MA PA'I GTAN TSIGS LTOS PA DANG BCAS PA'I PHYIR ZHES BYA BA DE'I DON MA NGES PA NYID YIN PAR SKYON 'DOGS PA YIN TE, DE DAG NA RE KHYED DBU MA PA'I GTAN TSIGS LTOS PA DANG BCAS PA'I PHYIR ZHES BYA BA DE'I DON GANG YIN, CI SEMS DANG SEMS LAS BYUNG BA DAG MAR ME DANG 'OD DAG SKYE BA LA LTOS PA DANG BCAS PA'I PHYIR LHAN CIG GI DNGOS PO MED PA YIN NAM, 'ON TE BA LANG GI RVA GNYIS LA 'DI NI G-YAS PA'O 'DI NI G-YON PA'O ZHES BRJOD PA KHYAD PAR CAN BSTAN PA LA LTOS PA DANG BCAS PA'I PHYIR LHAN CIG GI DNGOS PO MED PA YIN ZHES GAL GNYIS SU RTOG GO, ,DE LA GAL TE SKYE BA LA LTOS PA DANG BCAS PA'I PHYIR RO ZHE NA NI SEMS DANG SEMS KYI RJES SU 'JUG PA DAG LHAN CIG 'BYUNG BA RNAMS KYANG LHAN CIG 'BYUNG BA'I RGYUS RGYU YIN PA'I PHYIR DANG, MAR ME DANG 'OD DAG KYANG LHAN CIG 'BYUNG BA'I PHYIR MA NGES PA NYID DO ZHES BYA BA NI GAL TE KHYED DBU MA PA DAG SKYE BA LA LTOS PA DANG BCAS PA'I PHYIR LHAN CIG GI DNGOS PO MED DO ZHES BYA BAR SGRUB NA NI DES NA KHYED KYI GTAN TSIGS LTOS PA DANG BCAS PA'I PHYIR ZHES BYA BA DE'I DON MA NGES PA NYID YIN TE, 'DI LTAR CHOS MNGON PA'I MDZOD LAS, LHAN CIG 'BYUNG GANG PHAN TSUN 'BRAS, ,ZHES BSHAD PAS LHAN CIG 'BYUNG BA'I RGYU NI PHAN TSUN 'BRAS BU YIN TE PHAN TSUN ZHES BYA BA NI GCIG LA GCIG STE CHOS GANG DAG PHAN TSUN 'BRAS BU DANG, PHAN TSUN PHAN 'DOGS PAR BYED PA DE DAG NI PHAN TSUN LHAN CIG 'BYUNG BA'I RGYU'O, ,DE YANG JI LTA @104A *, ,ZHE NA, DPER NA, 'BYUNG BZHIN SEMS KYI RJES 'JUG DANG, ,SEMS DANG MTSAN NYID MTSAN GZHI BZHIN, ,ZHES BSHAD PA LTA BU STE, 'BYUNG BA CHEN PO BZHI PO DAG NI PHAN TSUN LHAN CIG 'BYUNG BA'I RGYU YIN PA LTA BU DANG, SEMS KYANG SEMS GYI RJES SU 'JUG PA'I CHOS RNAMS KYI LHAN CIG 'BYUNG BA'I RGYU YIN LA, DE DAG KYANG SEMS KYI LHAN CIG 'BYUNG BA'I RGYU YIN PA LTA BU DANG 'DUS BYAS KYI MTSAN NYID SKYE BA DANG GNAS PA DANG 'GAG PA ZHES BYA BA GSUM PO DAG KYANG MTSAN NYID KYI GZHI'I LHAN CIG 'BYUNG BA'I RGYU YIN LA, MTSAN NYID KYI GZHI YANG MTSAN NYID DAG GI LHAN CIG 'BYUNG BA'I RGYU YIN PA LTA BU'O ZHES BSHAD PAS, LHAN CIG 'BYUNG BA'I RGYUS SEMS DANG SEMS LAS BYUNG BA DAG LTOS PA DANG BCAS PA YANG YIN LA DE DAG LA LHAN CIG GI DNGOS PO YANG YOD PAS DES NA CI LTOS PA DANG BCAS PA'I PHYIR SA BON DANG MYU GU DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO MED PAR 'GYUR RAM, 'ON TE LTOS PA DANG BCAS PA'I PHYIR SEMS DANG SEMS LAS BYUNG BA DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO YOD PAR 'GYUR BA MA NGES PA DANG, GZHAN YANG MAR ME DANG 'OD DAG KYANG LTOS PA DANG BCAS PA YANG YIN LA, DE DAG LA LTAN CIG GI DNGOS PO YANG YOD PAS DES NA CI LTOS PA DANG BCAS PA'I PHYIR SA BON DANG MYU GU DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO MED PAR 'GYUR RAM, 'ON TE LTOS PA DANG BCAS PA'I PHYIR MAR ME DANG 'OD DAG BZHIN 'DOD CHAGS DANG CHAGS PA DAG LA LHAN CIG GI DNGOS PO YOD PAR 'GYUR BA YANG MA NGES PA NYID DO, ,GAL TE BRJOD PA KHYAD PAR CAN BSTEN PA LA LTOS PA DANG BCAS PA'I PHYIR RO ZHE NA YANG BA LANG GI RVA LHAN CIG 'BYUNG BA GNYIS LA YANG 'DI NI G-YON PA'O 'DI NI G-YAS PA'O ZHES BRJOD PA KHYAD PAR CAN BSTEN PA MTHONG BAS DE LTA NA YANG MA NGES PA NYID YIN NO ZHES BYA BA NI GAL TE KHYED DBU MA PA DAG BRJOD PA KHYAD PAR CAN BSTAN PA LA LTOS PA DANG BCAS PA'I PHYIR LHAN CIG GI DNGOS PO MED DO ZHES BYA BAR SGRUB NA NI DES KYANG KHYED KYI GTAN TSIGS @104B LTOS PA DANG BCAS PA'I PHYIR ZHES BYA BA DE'I DON MA NGES PA NYID YIN TE, 'DI LTAR 'JIG RTEN NA BA LANG GI RVA LHAN CIG 'BYUNG BA GNYIS LA YANG LTOS PA DANG BCAS PA'I DBANG GIS 'DI NI G-YON PA'O 'DI NI G-YAS PA'O ZHES BRJOD PA KHYAD PAR CAN BSTAN PA MTHONG BAS DES NA CI LTOS PA DANG BCAS PA'I PHYIR SA BON DANG MYU GU DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO MED PAR 'GYUR RAM, 'ON TE LTOS PA DANG BCAS PA'I PHYIR BA LANG GI RVA DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO YOD PAR 'GYUR BA MA NGES PA NYID YIN PAS, KHYED KYI GTAN TSIGS LTOS PA DANG BCAS PA'I PHYIR ZHES BYA BA DE'I DON MA NGES PA NYID YIN PAS MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS TSOGS PA'I DBANG PO KHO NA LAS SEMS DANG SEMS KYI RJES SU 'JUG PA DAG DANG MAR ME 'OD DANG BCAS PA DAG 'BYUNG BAS THA SNYAD DU YANG LHAN CIG GI DNGOS POR KHAS MA BLANGS PA'I PHYIR DANG BA LANG GI RVA GNYIS KYANG DON DAM PAR MA GRUB PA'I PHYIR CI SKAD SMRAS PA'I SKYON MED DO ZHES BYA BA SMRAS TE, SKYE BA DANG BRJOD PA KHYAD PAR CAN BSTEN PA DE DAG LA LTOS PA DANG BCAS PA NI YOD LA LHAN CIG GI DNGOS PO NI MED PAS KHO BO'I GTAN TSIGS DON DANG MTHUN PA'I PHYIR KHO BO'I GTAN TSIGS LTOS PA DANG BCAS PA'I PHYIR ZHES BYA BA DE'I DON MA NGES PA NYID MA YIN NO ZHES STON TO, ,'DI LTAR SEMS DANG SEMS LAS BYUNG BA DAG KYANG RANG GI LEN PA'I RGYU MIG DANG GZUGS DANG SNANG BA DANG NAM MKHA' DANG YID LA BYED PA'I TSOGS PA CI RIGS PA'I DBANG KHO NA LAS 'BYUNG BAS RANG RANG GI LEN PA'I RGYU LA LTOS PA DANG BCAS PA YIN PA'I PHYIR DE DAG LEN PA'I RGYU'I DBANG DU BYAS NA LHAN CIG 'BYUNG BA'I RGYU MA YIN PAS DE DAG LA LHAN CIG GI DNGOS PO YOD PAR KUN RDZOB KYI THA SNYAD DU YANG KHAS MA BLANGS BA'I PHYIR SEMS DANG SEMS LAS BYUNG BA DAG KYANG RANG RANG GI LEN PA'I RGYU LA LTOS PA DANG BCAS PA'I PHYIR SA BON DANG MYU GU DAG BZHIN DU DE DAG LHAN CIG GI DNGOS PO MED LA, MAR ME DANG 'OD DAG KYANG RANG RANG GI LEN PA'I RGYU 'BRU MAR DANG SNYING PO DANG GONG BU LA SOGS PA TSOGS PA'I DBANG KHO ? @105A *, ,NA LAS 'BYUNG BAS RANG RANG GI LEN PA'I RGYU LA LTOS PA DANG BCAS PA YIN PA'I PHYIR DE DAG KYANG LEN PA'I RGYU'I DBANG DU BYAS NAS LHAN CIG 'BYUNG BA'I RGYU MA YIN PAS DE DAG LA LHAN CIG GI DNGOS PO YOD PAR KUN RDZOB KYI THA SNYAD DU YANG KHAS MA BLANGS PA'I PHYIR MAR ME DANG 'OD DAG KYANG RANG RANG GI LEN PA'I RGYU LA LTOS PA DANG BCAS PA'I PHYIR SA BON DANG MYU GU DAG BZHIN DU DE DAG LA YANG LHAN CIG GI DNGOS PO MED PAS KHO BO'I GTAN TSIGS KYI DON SKYE BA LA LTOS PA DANG BCAS PA'I PHYIR LHAN CIG GI DNGOS PO MED DO ZHES BSGRUBS NA YANG DPER NA SA BON DANG MYU GU DAG LTOS PA DANG BCAS PA'I PHYIR DE DAG LA LHAN CIG GI DNGOS PO MED PA DE BZHIN DU 'DOD CHAGS DANG CHAGS PA DAG KYANG LTOS PA DANG BCAS PA'I PHYIR DE DAG LA YANG LHAN CIG GI DNGOS PO MED DO ZHES BYA BA DANG MTHUN PAS MA NGES PA NYID MA YIN NO, ,BA LANG GI RVA LTA BU BRJOD PA KHYAD PAR CAN BSTAN PA DAG NI KHO BO'I PHYOGS LA DON DAM PAR MA GRUB PA'I PHYIR KHO BO 'DOD CHAGS DANG CHAGS PA DAG LTOS PA DANG BCAS PA'I PHYIR DE DAG LA DON DAM PAR LHAN CIG GI DNGOS PO MED PAR SGRUB PA'I MI MTHUN PA'I PHYOGS BA LANG GI RVA DAG MED PAS DES NA CI LTOS PA DANG BCAS PA'I PHYIR SA BON DANG BYU GU DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO MED PAR 'GYUR RAM, 'ON TE LTOS PA DANG BCAS PA'I PHYIR BA LANG GI RVA DAG BZHIN DU 'DOD CHAGS DANG CHAGS PA DAG LA LHAN CIG GI DNGOS PO YOD PAR 'GYUR ZHES BYA BA'I MA NGES PA NYID MED DO, ,JI SKAD SMRAS BA'I SKYON MED DO ZHES BYA BA NI GTAN TSIGS MA NGES PA NYID MA YIN NO ZHES BYA BA'I THA TSIG GO, ,YANG GZHAN YANG 'DI LA 'DOD CHAGS DANG CHAGS PA DAG GCIG PA NYID LA LHAN CIG NYID DU BRTAG GAM THA DAD PA NYID LA LHAN CIG NYID DU BRTAG GRANG NA ZHES BYA BA LA SOGS PAS NI PHA ROL PO DAG NA RE GANG DAG LHAN CIG NYID DO ZHES ZER BA'I 'DOD CHAGS DANG CHAGS PA DE DAG GCIG PA NYID LA LHAN CIG NYID DU BRTAG GAM THA DAD PA NYID LA LHAN CIG NYID DU BRTAG GRANG NA DE GNYI GA YANG MI 'THAD PAR STON TO, ,DE DAG LA RE ZHIG GAL TE GCIG PA NYID LA LHAN CIG NYID DU RTOG NA DE YANG MI RUNG STE CI'I @105B PHYIR ZHE NA, GCIG NYID LHAN CIG NYID MED DE, ,ZHES BYA BA SMRAS TE RE ZHIG GCIG PA NYID YIN NA LHAN CIG NYID MI 'THAD DO, ,DE NI DAM BCA' BA NYE BAR GZHAG PA'O ZHES BYA BA NI, ,GCIG NYID LHAN CIG NYID MED DE, ,ZHES BYA BA DE NI RE ZHIG GCIG PA NYID YIN NA LHAN CIG NYID MI 'THAD PAR DAM BCA' BA NYE BAR GZHAG PA'I TSIG YIN NO, ,DE YI BSGRUB PA BSTAN PA'I PHYIR, ,DE NYID DE DANG LHAN CIG MIN, ,ZHES BYA BA SMRAS SO, ,LHAN CIG NYID NI GNYIS LAS YOD PA'I PHYIR RO ZHES BYA BAR DGONGS SO ZHES BYA BA NI, ,DE NYID DE DANG LHAN CIG MIN, ,ZHES RJES SU 'GRO BA BSTAN PA DE'I LDOG PA BSTAN PA'I TSIG YIN TE, YANG 'JIG RTEN LA GRAGS PA'I TSUL LTAR BYA NA YANG LHAN CIG NYID NI, DNGOS PO GNYIS LA YOD PA'I PHYIR, ,'DI NA BA LANG GCIG PU ZHES BYA BA NI GCIG PA NYID DE BA LANG GCIG CIG LA SNYEGS SO, ,DE LA BA LANG GCIG PU DE NYID BA LANG GCIG PU DE NYID DANG JI LTAR LHAN CIG TU 'GYUR TE, DE'I PHYIR GCIG PA NYID YIN NA LHAN CIG NYID MI 'THAD DO ZHES BYA BAR DGONGS SO, ,DES NA DE NI CHOS MTHUN PA'I DPE'I TSIG KYANG YIN NO ZHES BYA BA NI, DE NYID DE DANG LHAN CIG MIN, ,ZHES SMOS PA'I SGRUB PA DES NA TSIG DE NI 'DIR GCIG PA NYID YIN NA, LHAN CIG NYID MI 'THAD PAR SGRUB PA'I CHOS MTHUN PA'I DPE'I TSIG KYANG YIN TE, DPE NI BSGRUB PAR BYA BA DANG SGRUB PA'I CHOS KYI DBANG GIS BSTAN DGOS PAS, 'DIR 'DOD CHAGS DE NYID KYI RANG GI BDAG NYID LA SOGS PA GANG LA BSGRUB PAR BYA BA CHOS LHAN CIG NYID DU MI SKYE BA DANG, SGRUB PA'I CHOS GCIG PA NYID YIN PA'I PHYIR ZHES BYA BA DAG YOD PA YIN NO, ,'DIR RJES SU DPAG PA NI 'DOD CHAGS NI CHAGS PA DANG LHAN CIG NYID DU MI SKYE STE, GCIG NYID YIN PA'I PHYIR DPER NA 'DOD CHAGS DE NYID KYI RANG GI BDAG NYID BZHIN PAS RANG GI RJES SU DPAG PA LA GNOD DO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG MJUG BSDU BA YIN PAR GO RIMS BZHIN DU SBYAR TE, DPER NA 'DOD CHAGS DE NYID KYI RANG GI BDAG NYID NI GCIG NYID YIN PA'I PHYIR 'DOD @106A *, ,CHAGS DE NYID DANG LHAN CIG NYID DU MI SKYE BA DE BZHIN DU 'DOD CHAGS KYANG GCIG NYID YIN PA'I PHYIR CHAGS PA DANG LHAN CIG NYID DU MI SKYE'O, ,GAL TE SLOB DPON GYIS YAN LAG RDZOGS PAR MA BRJOD PA'I PHYIR SGRUB PA MA TSANG BA NYID KYI SKYON YOD DO ZHE NA ZHES BYA BA NI PHA ROL PO DAG NA RE SLOB DPON BTZUN PA KLU SGRUB KYIS, GCIG NYID LHAN CIG NYID MED DE, ,DE NYID DE DANG LHAN CIG MIN, ,ZHES SMRAS PA DE LA PHYOGS DANG DPE YOD DU ZIN KYANG GTAN TSIGS MED PAS DE'I PHYIR SGRUB PA MA TSANG BA'I SKYON YOD DO ZHES ZER BA YIN NO, ,DE SKAD CES ZER NA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE SLOB DPON GYI TSIG DAG DON GYI TSIG YIN PA'I PHYIR DANG, DON GYI TSIG DAG GIS NI DON CHEN PO DAG SKYED PAR BYED DE TSIG NYUNG NGU NYID YIN YANG SBYOR BA'I TSIG DU MA DAG 'GRUB PA'I PHYIR RO ZHES BYA BA SMRAS TE, SLOB DPON GYI ZHAL SNGA NAS NI MDO MDZAD PA YIN LA MDO NI DON SMOS PA TZAM YIN PA'I PHYIR DANG, DON SMOS PA TZAM GYI TSIG DAG GIS NI SBYOR BA'I TSIG DU MA DAG 'GRUB PA'I PHYIR KHYED KYI KLAN KA DE BZANG PO MA YIN NO, ,'DIR GAL TE PHA ROL PO DAG NA RE 'GREL PA BYED PA KHYOD NYID KYANG SBYOR BA'I TSIG DAG SMRA BA YIN PAS SGRUB PA'I YAN LAG GI RGYUS SHES BZHIN DU PHYOGS SU LTUNG BA'I DBANG GIS SLOB DPON GYIS KHA 'DZIN PA NI MI RIGS PA YIN NO ZHES ZER BA'I PHYOGS SNGA MA KHONG NAS 'BYUNG BA DE'I LAN DU 'DIR 'GREL PA BYED PA NYID KYIS SBYOR BA'I TSIG DAG LA NI MA TSANG BA NYID DU YANG MA 'GYUR RO ZHES BYA BA SMRAS TE, 'GREL PA BYED PA DAG GI SBYOR BA'I TSIG DAG LA NI GAL TE PHYOGS DANG DPE YOD KYANG GTAN TSIGS MED NA SGRUB PA MA TSANG BA NYID DU YANG 'GYUR BA BDEN NA KHO BOS NI SNGAR 'DOD CHAGS NI CHAGS PA DANG LHAN CIG NYID DU MI SKYE STE GCIG NYID YIN PA'I PHYIR DPER NA 'DOD CHAGS DE NYID KYI RANG GI BDAG NYID BZHIN PAS RANG GI RJES SU DPAG PA LA GNOD DO ZHES YAN LAG RDZOGS PAR BRJOD PA'I PHYIR KHO BO LA NI SGRUB PA MA TSANG BA NYID KYI SKYON MED DO, ,YANG NA MI 'GYUR TE DE LA YANG GANG GI TSE RAB TU BYED PA 'AM GRUB PA'I MTHA' LAS CUNG ZAD LA LA LA GRAGS PA YIN NA'O ZHES BYA BA NI YANG NA 'GREL @106B PA BYED PA DAG GI SBYOR BA'I TSIG DAG LA YANG GAL TE YAN LAG RDZOGS PAR MA BRJOD NA YANG SGRUB PA MA TSANG BA NYID KYI SKYON DU MI 'GYUR TE DE DAG GI SBYOR BA'I TSIG DE LA YANG GANG GI TSE RAB TU BYED PA'I SKABS SAM LUNG GI GRUB PA'I MTHA' LAS PHYOGS SAM DPE 'AM GTAN TSIGS CUNG ZAD CIG RGOL BA DANG PHYIR RGOL BA LA LA LA GRAGS PA YIN NA DE'I TSE YAN LAG RDZOGS PAR MA BRJOD KYANG SGRUB PA MA TSANG BA NYID KYI SKYON DU MI 'GYUR RO, ,DE LTAR RE ZHIG 'DOD CHAGS DANG CHAGS PA DAG GCIG PA NYID YIN NA LHAN CIG PA MI 'THAD DO, ,CI STE THA DAD PA NYID LA LHAN CIG NYID DU RTOG NA DE YANG MI RUNG STE, CI'I PHYIR ZHE NA, DE LTA NA YANG GANG GI TSE 'GAL BA MED PA'I GCIG PA NYID LA LHAN CIG NYID MED PA DE'I TSE, CI STE THA DAD NYID YIN NA, ,LHAN CIG NYID DU JI LTAR 'GYUR, ,ZHES BYA BA SMRAS TE CI STE THA DAD PA NYID LA LHAN CIG NYID DU RTOG NA DE LTA NA YANG GANG GI TSE 'JIG RTEN LA GCIG PA NYID DANG LHAN CIG NYID CES BYA BA DON 'GAL BA MED PA'I PHYOGS LA YANG JI SKAD BSTAN PA'I TSUL GYIS BRTAGS NA LHAN CIG NYID MED PA DE'I TSE CI STE THA DAD PA NYID YIN NA LHAN CIG NYID DU JI LTAR 'GYUR, 'DIR THA DAD NYID KYI MI MTHUN PA'I PHYOGS NI LHAN CIG NYID YIN NA MI MTHUN PA DE GNYIS GCIG NA JI LTAR LHAN CIG GNAS PAR 'GYUR TE, DE'I PHYIR THA DAD PA NYID YIN NA YANG LHAN CIG NYID MI 'THAD DO, ,DE NYID BSTAN PA'I PHYIR, THA DAD PA NYID LA LHAN CIG NYID YOD PA MA YIN PA NYID DE, RJES SU DPAG PA'I GNOD PAR 'GYUR BA'I PHYIR DANG THA DAD PA NYID LA LHAN CIG NYID YOD PAR STON PA'I RJES SU DPAG PA MED PA'I PHYIR RO ZHES BYA BAR DGONGS SO ZHES BYA BA SMRAS TE, DBU MA PA LA THA DAD PA NYID LA LHAN CIG NYID YOD PA MA YIN PAR DGAG PA'I RJES SU DPAG PA YOD PA'I PHYIR DANG, PHA ROL PO LA THA DAD PA NYID LA LHAN CIG NYID YOD PAR STON PA'I RJES SU DPAG PA MED PA'I PHYIR THA DAD PA NYID YIN NA YANG LHAN CIG NYID MI 'THAD DO ZHES BYA BAR MDO MDZAD PAS DGONGS SO, ,'DI YANG DAM BCA' BA NYE BAR GZHAG PA'O ZHES BYA BA NI, CI STE THA DAD NYID YIN NA, ,LHAN CIG NYID DU JI LTAR 'GYUR, , @107A *, ,ZHES BYA BA 'DI YANG GAL TE THA DAD PA NYID YIN NA LHAN CIG NYID MI 'THAD PAR DAM BCA' BA NYE BAR GZHAG PA'I TSIG YIN NO, ,PHYOGS KYI CHOS NI THA DAD PA NYID LA LHAN CIG NYID MED PAS PHYOGS BRTAG PA LAS THA DAD PA NYID YIN TE ZHES BYA BA NI 'DIR THA DAD PA NYID LA LHAN CIG NYID YOD PA MA YIN PAR SGRUB PA'I PHYOGS KYI CHOS GTAN TSIGS NI THA DAD PA YIN TE, DE YANG SNGAR DAM BCA' BA'I PHYOGS NYE BAR GZHAG PA'I SKABS SU THA DAD PA NYID LA LHAN CIG NYID MED PAR BSTAN PAS PHYOGS BRTAG PA DE LAS DE'I GTAN TSIGS THA DAD PA NYID YIN PAR SHES PAR BYA'O, ,DE YANG JI LTA BU ZHE NA, DPER NA BYAS PA NYID YIN NA MI RTAG PA BZHIN NO ZHES BYA BA SMRAS TE, DPER NA BUM PA BYAS PA MI RTAG PAR DAM BCA' BA'I PHYOGS NYE BAR GZHAG PA DE LAS BRTAGS NA DE'I PHYOGS KYI CHOS BYAS PA NYID YIN PAR SHES PA DE BZHIN DU 'DIR YANG THA DAD PA NYID LA LHAN CIG NYID MED PAR DAM BCA' BA'I PHYOGS NYE BAR GZHAG PA DE LAS BRTAGS NA DE'I PHYOGS KYI CHOS THA DAD PA NYID YIN PAR SHES PAR BYA'O, ,DE'I PHYIR 'DIR SMRA BAR 'DOD PA'I DON BSTAN PA'I DBANG GIS RJES SU DPAG PA NI 'DI LTAR BYA STE ZHES BYA BAR SBYAR TE, THA DAD PA NYID LA LHAN CIG NYID YOD PA MA YIN PAR SMRA BAR 'DOD PA'I DON BSTAN PA'I DBANG GIS SO, ,DON DAM PAR 'DOD CHAGS DANG CHAGS PA DAG LA LHAN CIG NYID MED DE THA DAD PA'I PHYIR DPER NA 'DOD CHAGS DANG 'DOD CHAGS DANG BRAL BA DAG BZHIN BAS RJES SU DPAG PA'I GNOD PAR 'GYUR RO ZHES BYA BA DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, MJUG BSDU BA YIN PAR GO RIMS BZHIN DU SBYAR TE, DPER NA 'DOD CHAGS DANG 'DOD CHAGS DANG BRAL BA DAG NI THA DAD PA'I PHYIR DE DAG LA LHAN CIG NYID MED PA DE BZHIN DU, 'DOD CHAGS DANG CHAGS PA DAG KYANG THA DAD PA'I PHYIR DE DAG LA YANG LHAN CIG NYID MED PAS RJES SU DPAG PA DES PHA ROL PO'I SGRUB PA LA GNOD PAR 'GYUR RO, ,YANG GZHAN YANG, GAL TE GCIG @107B PU LHAN CIG NA, ,GROGS MED PAR YANG DER 'GYUR RO, ,ZHES BYA BA NI YANG GAL TE 'DOD CHAGS DANG CHAGS PA DAG GCIG PA NYID KYANG YIN LA, LHAN CIG NYID DU YANG RTOG NA GROGS MED PAR YANG LHAN CIG NYID CES BYA BA DER 'GYUR BAS MI RUNG NGO, ,'DOD CHAGS DANG CHAGS PA DAG LHAN CIG NYID DU ZHES BYA BA'I SKABS YIN NO ZHES BYA BA NI, GAL TE GCIG PU LHAN CIG NA, ,GROGS MED PAR YANG DER 'GYUR RO, ,ZHES BYA BA NI 'DOD CHAGS DANG CHAGS PA DAG GAL TE GCIG PA NYID KYANG YIN LA LHAN CIG NYID DU YANG 'DOD NA, DE DAG GROGS MED PAR YANG LHAN CIG NYID CES BYA BA DER 'GYUR RO ZHES BYA BA'I SKABS YIN NO, ,'DOD CHAGS DANG CHAGS PA DAG GROGS MED PAR LHAN CIG NYID DU MI 'DOD DE ZHES BYA BA NI DAM BCA' BA NYE BAR GZHAG PA YIN NO, ,'DIS NI 'DOD CHAGS DANG CHAGS PA DAG GI LHAN CIG NYID DGAG PAR BYA BA'I CHOS LTOS PA DANG BCAS PA NYID KYANG BSTAN TO ZHES BYA BA NI DAM BCA' BA NYE BAR GZHAG PA'I PHYOGS DES NI SGRUB PA'I CHOS GTAN TSIGS LTOS PA DANG BCAS PA NYID KYANG BSTAN PA YIN NO, ,DE'I PHYIR RJES SU DPAG PA NI DON DAM PAR 'DOD CHAGS DANG CHAGS PA DAG GCIG PA NYID NI LHAN CIG NYID MA YIN TE, LTOS PA DANG BCAS PA'I PHYIR DPER NA 'DOD CHAGS KYI RANG GI BDAG NYID BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'DOD CHAGS KYI RANG GI BDAG NYID NI RANG GI BDAG NYID LA LTOS PA DANG BCAS PA'I PHYIR RANG GI BDAG NYID DANG LHAN CIG NYID MA YIN PA DE BZHIN DU 'DOD CHAGS DANG CHAGS PA DAG GCIG PA NYID DANG LTOS PA DANG BCAS PA'I PHYIR LHAN CIG NYID MA YIN NO, ,'DI LA GZHAN DAG NI GAL TE RE ZHIG 'DOD CHAGS DANG CHAGS PA DAG GCIG PA NYID YIN YANG LHAN CIG NYID DU GYUR NA NI DE LTA NA GROGS MED PAR YANG LHAN CIG NYID DU 'GYUR RO, ,JI LTA ZHE NA, 'DI LA GCIG NI GCIG PU LA SNYEGS TE, DE NA BA LANG GCIG DANG RTAG CIG CES BYA BA'I GCIG NYID NI @108A *, ,BA LANG LA YANG SNYEGS RTA LA YANG SNYEGS PAS GANG DANG GANG NA GCIG PA NYID YOD PA DE DANG DE NA LHAN CIG NYID YOD CING, BA LANG GCIG PU NYID DANG RTA GCIG PU NYID LA GROGS MED PAR YANG LHAN CIG NYID YOD PAR THAL BAR 'GYUR TE, DE LTA NA LHAN CIG NYID DU BRTAG PA DON MED PAR 'GYUR RO ZHES ZER RO ZHES BYA BA NI GNAS BRTAN BUDDHA P'A LI TA NI, GAL TE GCIG PU LHAN CIG NA, ,GROGS MED PAR YANG DER 'GYUR RO, ,ZHES BYA BA TSIG LE'UR BYAS PA'I PHYED GANG MA 'DI LA DE SKAD CES RNAM PAR BSHAD PA BYED DO ZHES BYA BAR SBYAR RO, , KHA CIG NA RE DE NI RIGS PA MA YIN NO, ,GLAGS YOD PA SGRUB PA DANG, SUN 'BYIN PA'I KHONGS SU MA GTOGS PA'I PHYIR DANG, DE DAG SMRA BAR 'DOD PAS DE DAG NYID BRJOD PAR BYA BA YIN NA, DE DAG MA BRJOD PA'I PHYIR RO ZHES ZER RO ZHES BYA BA NI 'GREL PA BYED PA NYID KYIS GNAS BRTAN BUDDHA P'A LI TA'I RNAM PAR BSHAD PA DE RIGS PA MA YIN PAR SUN 'BYIN PA'I TSIG YIN TE, CI'I PHYIR DE RIGS PA MA YIN ZHE NA, GNAS BRTAN BUDDHA P'A LI TA'I RNAM PAR BSHAD PA DE NI GLAGS YOD PA'I TSIG KHO NA YIN LA, GLAGS YOD PA NI RANG GI PHYOGS SGRUB PA'I KHONGS SU YANG MA GTOGS LA GZHAN GYI PHYOGS SUN 'BYIN PA'I KHONGS SU YANG MA GTOGS PA'I PHYIR, DE LA RANG GI PHYOGS SGRUB PA YANG MED LA GZHAN GYI PHYOGS SUN 'BYIN PA YANG MED PA'I PHYIR DE NI RIGS PA MA YIN NO, ,GZHAN YANG RANG GI PHYOGS SGRUB PA DANG GZHAN GYI PHYOGS SUN 'BYIN PA DE DAG SMRA BAR 'DOD PAS NI DE DAG NYID BRJOD PAR BYA BA YIN NA GNAS BRTAN BUDDHA P'A LI TAS DE DAG MA BRJOD PA'I PHYIR RJES SU DPAG PA'I TSAD MA MED PAR RANG GI PHYOGS KYANG MI 'GRUB LA GZHAN GYI PHYOGS KYANG SUN 'BYIN MI NUS PA'I PHYIR DE NI RIGS PA MA YIN NO, ,DE LTAR RE ZHIG GCIG PA NYID LA LHAN CIG NYID MI 'THAD DO, ,DE BZHIN DU, GAL TE THA DAD LHAN CIG NA, ,GROGS MED PAR YANG DER 'GYUR RO, ,ZHES BYA BA NI YANG GAL TE 'DOD CHAGS KYANG CHAGS PA DAG THA DAD PA NYID KYANG YIN LA LHAN CIG NYID DU YANG RTOG NA, DE LTA NA YANG GROGS @108B MED PAR YANG LHAN CIG NYID CES BYA BA DER 'GYUR BAS MI RUNG NGO, ,'DOD CHAGS DANG CHAGS PA DAG LHAN CIG NYID DO ZHES BYA BA'I SKABS YIN NO ZHES BYA BA NI, GAL TE THA DAD LHAN CIG NA, ,GROGS MED PAR YANG DER 'GYUR RO, ,ZHES BYA BA NI 'DOD CHAGS DANG CHAGS PA DAG GAL TE THA DAD PA NYID KYANG YIN LA LHAN CIG NYID DU YANG 'DOD NA DE DAG GROGS MED PAR YANG LHAN CIG NYID CES BYA BA DER 'GYUR RO ZHES BYA BA'I SKABS YIN NO, ,'DOD CHAGS SAM CHAGS PA GROGS MED PAR LHAN CIG NYID DU MI 'DOD DE ZHES BYA BA NI DAM BCA' BA NYE BAR BZHAG PA YIN NO, , 'DIS KYANG 'DOD CHAGS DANG CHAGS PA DAG NI LHAN CIG NYID DGAG PAR BYA BA'I LTOS PA DANG BCAS PA NYID KYANG BSTAN TO ZHES BYA BA NI DAM BCA' BA NYE BAR GZHAG PA'I PHYOGS DES KYANG DE SGRUB PA'I CHOS GTAN TSIGS LTOS PA DANG BCAS PA NYID KYANG BSTAN PA YIN NO, ,DE'I PHYIR RJES SU DPAG PA NI DON DAM PAR 'DOD CHAGS DANG CHAGS PA DAG THA DAD PA NYID LA LHAN CIG NYID YOD PAR MI 'DOD DE LTOS PA DANG BCAS PA'I PHYIR DPER NA RGYU DANG 'BRAS BU DAG BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYU DANG 'BRAS BU DAG NI LTOS PA DANG BCAS PA'I PHYIR DE DAG LA LHAN CIG NYID YOD PAR MI 'DOD PA DE BZHIN DU, 'DOD CHAGS DANG CHAGS PA DAG THA DAD PA NYID KYANG LTOS PA DANG BCAS PA'I PHYIR DE DAG LA YANG LHAN CIG NYID YOD PAR MI 'DOD DO, ,'DI LA YANG GZHAN DAG NI CI STE YANG THA DAD PA NYID YIN YANG LHAN CIG NYID DU 'GYUR NA NI DE LTA NA YANG GREGS MED PAR YANG LHAN CIG NYID DU 'GYUR RO, ,CI LTA ZHE NA, 'DI LA BA LANG LAS KYANG RTA THA DAD LA RTA LAS KYANG BA LANG THA DAD PAS GANG DANG GANG NA THA DAD PA NYID YOD PA DE DANG DE NA LHAN CIG NYID YOD CING BA YANG THA DAD PA NYID DANG RTA THA DAD PA NYID LA GROGS MED PAR YANG LHAN CIG NYID YOD PAR THAL BAR 'GYUR TE, DE LTA NA YANG LHAN CIG NYID DU BRTAG PA DON MED PAR 'GYUR RO ZHES ZER RO ZHES BYA BA NI GNAS BRTAN BUDDHA P'A LI TA NI, GAL TE THA DAD LHAN CIG NA, ,GROGS MED PAR YANG DER @109A *, ,'GYUR RO, ,ZHES BYA BA'I TSIG LE'UR BYAS PA'I PHYED 'OG MA 'DI LA DE SKAD CES RNAM PAR BSHAD PA BYED DO ZHES BYA BAR SBYAR RO, ,KHA CIG NA RE DE YANG RIGS PA MA YIN TE, SNGAR LAN BTAB PA DE BZHIN NO ZHES ZER RO ZHES BYA BA NI 'GREL PA BYED PA NYID KYIS GNAS BRTAN BUDDHA P'A LI TA'I RNAM PAR BSHAD PA DE RIGS PA MA YIN PAR SUN 'BYIN PA'I TSIG YIN TE, CI'I PHYIR DE RIGS PA MA YIN ZHE NA, GLAGS YOD PA SGRUB PA DANG SUN 'BYIN PA'I KHONGS SU MA GTOGS PA'I PHYIR DANG DE DAG SMRA BAR 'DOD PAS DE DAG NYID BRJOD PAR BYA BA YIN NA DE DAG MA BRJOD PA'I PHYIR RO ZHES SNGAR LAN BTAB PA BZHIN NO ZHES ZER RO,, ,,BAM PO SUM CU BDUN PA, YANG GZHAN YANG, GAL TE THA DAD LHAN CIG NA, ,'DOD CHAGS CHAGS LA CI ZHIG YIN, ,ZHES BYA BA NI YANG GAL TE THA DAD PA NYID NI 'DOD CHAGS 'BA' ZHIG LA YOD PA YANG MA YIN LA CHAGS PA 'BA' ZHIG LA YOD PA YANG MA YIN GYI, DE GNYI GA LHAN CIG 'BYUNG BA SPYI'I 'BRAS BU YIN PAS GNYIS LHAN CIG TU BYUNG BA LA YOD DO ZHES ZER NA, DE LA YANG SKYON GZHAN 'DI LTA BU YOD PAS MI RUNG NGO ZHES STON TO, ,LHAN CIG NYID KYIS SO ZHES BYA BA NI GAL TE DE LTAR RTOG NA, LHAN CIG NYID CES BYA BA DES 'DOD CHAGS DANG CHAGS PA THA DAD PA DAG LA CI ZHIG RAB TU BSGRUBS PA YIN TE, LHAN CIG NYID DES 'DOD CHAGS DANG CHAGS PA THA DAD PA DAG LHAN CIG NYID YOD PAR MI 'GRUB PO ZHES BYA BA'I THA TSIG GO, ,JI LTA ZHE NA DE NI DE DAG LA LHAN CIG NYID MED DE, THA DAD PA'I PHYIR DPER NA 'DOD CHAGS DANG 'DOD CHAGS DANG BRAL BA DAG BZHIN PAS RJES SU DPAG PA'I GNOD PAR 'GYUR RO ZHES BSTAN ZIN TO ZHES BYA BA SMRAS TE, SNGAR, CI STE THA DAD NYID YIN NA, ,LHAN CIG NYID DU JI LTAR 'GYUR, ,ZHES BYA BA SGRUB PA'I SKABS SU DE SKAD ? BSTAN ZIN TO, ,YANG BSHAD PA, THA DAD NYID DU GRUB GYUR NA, ,THA DAD NYID DU ZHES BYA BA NI PHAN TSUN MI LTOS PA NYID DU'O, ,NYID DU ZHES BYA BA NI BDAG NYID THOB PAR RO, ,DES NA DE GNYIS LHAN CIG 'GYUR, ,ZHES BYA BA NI GANG GI TSE PHA ROL PO DAG 'DOD PA LTAR THA DAD @109B PA NYID CES BYA BA DE DE GNYIS LHAN CIG TU 'BYUNG BA NYID LA YOD PAR BRTAGS NA, DE GNYIS THA DAD PA NYID DU RAB TU GRUB PAR GYUR NAS DE'I 'OG TU LHAN CIG NYID DU 'GYUR BAR RTOG PA YIN NO, ,DE LTAR RTOG PA DE MI RIGS PAR BSTAN PA'I PHYIR KHYOD KYI BLO GROS KYIS, GAL TE 'DOD CHAGS CHAGS PA DAG ,THA DAD NYID DU GRUB GYUR NA, ,DE GNYIS LHAN CIG NYID DU NI, ,CI YI PHYIR NA YONGS SU RTOG ,'DOD CHAGS DANG CHAGS PA DE GNYIS ZHIS BYA BAR SNYEGS SO ZHES BYA BA SMRAS TE, GAL TE 'DI SNYAM DU 'DOD CHAGS DANG CHAGS PA DAG THA DAD PA'I DNGOS POR GRUB PA NYID DU SEMS NAD DE GNYIS LA LHAN CIG GI DNGOS PO THA DAD PA'I DNGOS PO DANG MI MTHUN PA DON MED PAR CI'I PHYIR YONGS SU RTOG PAR BYED DE DGOS PA MED DO ZHES BYA BA'I THA TSIG GO, ,CI STE CHAGS PA 'DI'I 'DOD CHAGS NI 'DOD CHAGS 'DIS NI 'DI CHAGS PAR GYUR TO ZHES LTOS PA'I MTSAN NYID KYI DGOS PA YOD DO ZHE NA ZHES BYA BA NI, CI STE PHA LROL PO DAG NA RE THA DAD PA NYID YIN YANG LHAN CIG NYID DU BRTAG PA LA LTOS PA'I MTSAN NYID KYI DGOS PA DE LTA BU YOD DO ZHES ZER NA'O, ,DE'I LAN DU, DES NI 'DOD CHAGS DANG CHAGS PA DAG THA DAD PA NYID DGAG PA'I GTAN TSIGS LDOS PA DAD BCAS PA'I PHYIR ZHES BSTAN PA DE LA ZHE 'GRAS BA'I BLOS KYANG DON MA GRUB PA NYID DU BRTAG PAR MI NUS SO ZHES BYA BA SMRAS TE, DES NI SNGAR KHO BOS, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,ZHES BYA BA LA SOGS PA BSGRUB PA'I SKABS SU CHAGS PA NI 'DOD CHAGS MED NA MI 'BYUNG BA'I TSUL CAN YIN TE, ,LTOS PA DANG BCAS PA'I PHYIR DPER NA 'DOD CHAGS KYI RANG GI BDAG NYID BZHIN NO ZHES BSTAN PA DE LA KHYED ZHE 'GRAS PA'I BLOS KYANG KHO BO'I GTAN TSIGS KYI DON DE MA GRUB PA NYID DU BRTAG PAR MI NUS PAS KHYOD KYI RTOG PA DE MI RUNG NGO, ,GZHAN YANG KHO BOS, GAL TA 'DOD CHAGS SNGA RAL NA, ,'DOD CHAGS MED PA'I CHAGS YOD NA, ,ZHES BYA BA LA SOGS PAS 'DOD CHAGS DANG CHAGS PA DAG LA THA DAD PA NYID MI SRID PAR BSTAN PA DANG, KHYOD KYIS 'DOD CHAGS DANG CHAGS PA DAG RAB TU SGRUB PA'I @110A *, ,PHYIR DE GNYIS LHAN CIG NYID LA BRTEN TO, ,DE LA YANG KHO BOS, 'DOD CHAGS DANG NI CHAGS PA DAG , ,LHAN CIG NYID DU SKYE MI RIGS, ,ZHES BYA BA LA SOGS PAS BKAG STE, LHAN CIG NYID DE YANG LTOS PA DANG BCAS PA'I PHYIR MI 'DOD PAS, GCIG NYID LHAN CIG NYID MED DE, ,DE NYID DE DANG LHAN CIG MIN, ,ZHES BYA BAS GCIG NYID YIN PA'I PHYIR LHAN CIG NYID BKAG PA DANG, YANG KHYOD KYIS DE RAB TU BSGRUB PA'I PHYIR, THA DAD PA NYID DU KHAS BLANGS PAS, THA DAD SGRUB PAR MA GYUR PAS, ,DE PHYIR LHAN CIG 'DOD BYED DAM, ,LHAN CIG RAB TU BSGRUB PA'I PHYIR, ,THA DAD NYID DU YANG 'DOD DAM, ,ZHES BYA BA DAG GIS NI 'DOD CHAGS DANG CHAGS PA DAG THA DAD PA NYID DU NI DGOS PA MED PA'I PHYIR GRUB PAR MA GYUR PAS DE RAB TU BSGRUB PA'I PHYIR LHAN CIG NYID DU 'DOD PAR BYED LA, LHAN CIG NYID DU YANG GCIG PA NYID KYI SKYON CHAGS PA'I PHYIR MA GRUB PAS DE RAB TU BSGRUB PA'I PHYIR, THA DAD PA NYID DU YANG 'DOD PAR BYED PA KHYOD NI GOS NGAN PA LHAGS PA CHEN POS NYEN PA BA SKUMS PA YANG BRNAG MI BZOD PA YANG RKYONG BAR BYED PA DANG 'DRA'O ZHES BSTAN TO, ,GANG GI TSE, THA DAD DNGOS PO MA GRUB PAS, ,LHAN CIG DNGOS PO 'GRUB MI 'GYUR, ,DE'I TSE TSE DANG LDAN PA, THA DAD DNGOS PO GANG ZHIG LA, ,LHAN CIG DNGOS POR 'DOD PAR BYED, ,DE JE SMROS SHIG CES BYA BA NI, 'DI LTAR KHYOD NI THA DAD PA'I DNGOS PO YOD NA DE GNYIS KYI LHAN CIG GI DNGOS PO YOD PAR 'DOD NA THA DAD PA'I DNGOS PO DE YANG RNAM PA THAMS CAD DU MI 'GRUB PO, ,THA DAD PA'I DNGOS PO MED NA KHYOD KYI LHAN CIG GI DNGOS PO YOD PAR GA LA 'GYUR, 'O NA THA DAD PA'I DNGOS PO GANG ZHIG YOD NA 'DOD CHAGS DANG CHAGS PA DAG LHAN CIG GI DNGOS POR 'DOD PA DE JE SMROS SHIG CES BYA BA'I THA TSIG GO, ,DE NYID BSTAN PA'I PHYIR CI RIM GYIS SKYE BA'I THA DAD PA NYID GANG YIN PA LA'AM 'ON TE LHAN CIG SKYE BA'I THA DAD PA NYID GANG YIN PA LA LHAN CIG GI DNGOS POR 'DOD PAR BYED DE, DE LA GAL TE RIM GYIS SKYE BA'I THA DAD PA NYID LA ZHES BYAR NI @110B MI 'THAD DE, ,DE NI THA DAD PA'I PHYIR DPER NA 'DOD CHAGS DANG 'DOD CHAGS DANG BRAL BA DAG BZHIN NO ZHES SNGAR BSTAN ZIN TO, ,'ON TE LHAN CIG STE SKYE BA'I THA DAD PA NYID LA'O ZHE NA, DE YANG LTOS PA DANG BCAS PA'I PHYIR DPER NA RGYU DANG 'BRAS BU DAG BZHIN NO ZHES SNGAR BSTAN ZIN TO ZHES BYA BA SMRAS SO, ,GANG GI PHYIR DE LTAR 'DOD CHAGS DANG CHAGS PA DAG LHAN CIG NYID DANG LHAN CIG NYID MA YIN PAR GRUB PA MED PA DE'I PHYIR MJUG BSDU BAR BYA STE, DE LTAR 'DOD CHAGS CHAGS PA DANG, ,LHAN CIG LHAN CIG MIN MI 'GRUB, ,DPYAD PA SNGAR BSTAN PA BZHIN DU SBYAR TE MJUG BSDU'O ZHES BYA BA NI, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,DE LA BRTEN NAS 'DOD CHAGS YOD, ,CHAGS YOD 'DOD CHAGS YOD PAR 'GYUR, ,ZHES BYA BA LA SOGS PA DPYAD PA GANG DAG SNGAR BSTAN PA DE DAG GIS DE LTAR 'DOD CHAGS NI CHAGS PA DANG LHAN CIG GI ? MA CHAGS PA MED PAR YANG 'GRUB PA MED DO ZHES BYA BAR SBYAR TE, 'DOD CHAGS DANG CHAGS PA BRTAG PA'I SKABS KYI MJUG BSDU BAR BYA'O, ,JI LTAR BSTAN PA'I TSUL BZHIN DU CHOS THAMS CAD KYANG LHAN CIG NYID DANG LHAN CIG NYID MA YIN PAR 'GRUB PA MED PA NGES PAR BZUNG STE 'DRA BAR BSTAN PA'I PHYIR, 'DOD CHAGS BZHIN DU CHOS RNAMS KUN, LHAN CIG LHAN CIG MIN MI 'GRUB, ,'DOD CHAGS BZHIN DU ZHE SDANG DANG, ,GTI MUG LA SOGS PA PHYI DANG NANG GI CHOS THAMS CAD KYANG LHAN CIG NYID DANG LHAN CIG NYID MA YIN PAR YANG 'GRUB PA MED DO ZHES BYA BA NI, CI LTAR 'DOD CHAGS CHAGS PA DANG LHAN CIG GAM CHAGS PA MED PAR YANG 'GRUB PA MED PA DE BZHIN DU ZHE SDANG DANG GTI MUG LA SOGS PA PHYI DANG NANG GI CHOS THAMS CAD KYANG CHOS 'GA' ZHIG DANG LHAN CIG GAM LHAN CIG MA YIN PAR YANG 'GRUB PA MED DO, DE'I PHYIR DE LTAR DON DAM PAR 'DOD CHAGS LA SOGS PA MA GRUB PAS PHA ROL PO DAG GI RAB TU BYED PA'I DANG POR DE DAG LA BRTEN NAS KUN NAS NYON MONGS PA DANG NYES DMIGS BSTAN PA'I PHYIR ZHES GANG SMRAS PA'I GTAN TSIGS DE'I DON MA GRUB PA NYID DO, ,KUN RDZOB TU GTAN TSIGS NYID BRJOD @111A *, ,NA NI DON 'GAL BA NYID DO ZHES BYA BA NI PHA ROL PO DAG DON DAM PAR PHUNG PO DANG KHAMS DANG SKYE MCHED DAG YOD PAR SGRUB PA'I GTAN TSIGS BCOM LDAN 'DAS KYIS DE DAG LA BRTEN NAS KUN NAS NYON MONGS PA DANG NYES DMIGS BSTAN PA'I PHYIR RO ZHES BYA BA DE DE LTAR DON DAM PAR 'DOD CHAGS LA SOGS PA MA GRUB PAS GAL TE DON DAM PAR SGRUB NA NI GTAN TSIGS KYI DON MA GRUB PA NYID YIN LA, KUN RDZOB TU SGRUB NA NI DON 'GAL BA NYID YIN NO, ,DE LA 'DIR RAB TU BYED PA'I DON NI PHA ROL POS SMRAS PA'I GTAN TSIGS KYI SKYON BRJOD PAS 'DOD CHAGS DANG CHAGS PA LA SOGS PA DAG NGO BO NYID MED PA NYID DU BSTAN PA YIN NO ZHES BYA BA NI, MJUG BSDU BA DANG TSAD MA'I 'BRAS BU YIN TE, 'DOD CHAGS DANG CHAGS PA BRTAG PA'I RAB TU BYED PA DRUG PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL PO DAG PHUNG PO DANG KHAMS DANG SKYE MCHED DAG DON DAM PAR YOD PAR SGRUB PA'I GTAN TSIGS BCOM LDAN 'DAS KYIS DE DAG LA BRTEN NAS KUN NAS NYON MONGS PA DANG NYES DMIGS BSTAN PA'I PHYIR RO ZHES BYA BA LA SOGS PA SMRAS BA DE DAG GI SGRUB PA'I SKYON BRJOD PAS 'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSTAN PA YIN NO, ,'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSTAN PA LA YON TAN CI YOD PA BSTAN PA'I PHYIR DANG, 'DOD CHAGS DANG CHAGS PA LA SOGS PA LA CHOS THAMS CAD NGO BO NYID MED PA NYID DU BSTAN PA 'DI LA GZHAN DAG NA RE, RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR THEG PA CHEN PO'I MDO SDE MTHA' DAG LAS, 'JAM DPAL 'DOD CHAGS MED DO, ,'DOD CHAGS SU GDAGS PA MED DO, ,ZHE SDANG MED DO, ,ZHE SDANG DU GDAGS PA MED DO, ,GTI MUG MED DO, ,GTI MUG TU GDAGS PA MED DO, ,'DOD CHAGS NI BYANG CHUB PO, ,ZHE SDANG NI BYANG CHUB PO, GTI MUG NI BYANG @111B CHUB PO, ,CI LTAR YANG DAG PAR ZHUGS PA YIN ZHE NA, GANG GI TSE 'DOD CHAGS ZAD PAR BYA BA'I PHYIR MA ZHUGS, ZHE SDANG ZAD PAR BYA BA'I PHYIR MA ZHUGS, GTI MUG ZAD PAR BYA BA'I PHYIR MA ZHUGS PA DE'I TSE NA YANG DAG PAR ZHUGS PA YIN NO, ,'DAS PA'I SEMS NI CHAGS PAR MI BYED MA 'ONGS PA'I SEMS KYANG CHAGS PAR MI BYED DE, 'DAS ZIN PA'I PHYIR DANG MA 'ONGS PA'I PHYIR RO, ,DA LTAR GYI SEMS KYANG CHAGS PAR MI BYED DE DA LTAR NI GNAS PA MED PA'I PHYIR RO ZHES BYA BA LA SOGS PA GSUNGS PA'I LUNG GI DON DE GRUB CING YID CHES PA'I LUNG GI DON KHUNGS DES 'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSGRUBS PA YIN NO, ,DE BZHIN DU BCOM LDAN 'DAS MA SHES KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS NI 'DOD CHAGS KYI CHOS CAN NAM, 'DOD CHAGS DANG BRAL BA'I CHOS CAN MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG 'DOD CHAGS KYI CHOS CAN NAM, 'DOD CHAGS DANG BRAL BA'I CHOS CAN MA YIN NO, ,GZUGS 'DOD CHAGS KYI CHOS NYID MA YIN PA DANG, 'DOD CHAGS DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG RNAM PAR SHES PA, 'DOD CHAGS KYI CHOS NYID MA YIN PA DANG, 'DOD CHAGS DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,GZUGS NI ZHE SDANG GI CHOS CAN NAM, ZHE SDANG DANG BRAL BA'I CHOS CAN MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG ZHE SDANG GI CHOS CAN NAM, ZHE SDANG DANG BRAL BA'I CHOS CAN MA YIN NO, ,GZUGS ZHE SDANG GI CHOS NYID MA YIN BA DANG, ZHE SDANG DANG BRAL BA'I CHOS NYID MA YIN PA DE NI, SHES RAB KYI PHA ROL TU PHYIN PA'O, ,TSOR BA DANG, @112A *, ,'DU SHES DANG, 'DU BYED RNAMS DANG, RNAM PAR SHES PA ZHE SDANG GI CHOS NYID MA YIN PA DANG, ZHE SDANG DANG BRAL BA'I CHOS NYID MA YIN PA GANG YIN PA DE NI, SHES RAB KYI PHA ROL TU PHYIN PA'O, ,GZUGS NI GTI MUG GI CHOS CAN NAM, GTI MUG DANG BRAL BA'I CHOS CAN MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG GTI MUG GI CHOS CAN NAM, GTI MUG DANG BRAL BA'I CHOS CAN MA YIN NO, ,GZUGS GTI MUG GI CHOS NYID MA YIN PA DANG, GTI MUG DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GTI MUG GI CHOS NYID MA YIN BA DANG, GTI MUG DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, RAB KYI RTZAL GYIS RNAM PAR GNON PA GZUGS NI KUN NAS NYON MONGS PAR 'GYUR BA 'AM RNAM PAR BYANG BAR 'GYUR BA MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG KUN NAS NYON MONGS PAR 'GYUR BA 'AM RNAM PAR BYANG BAR 'GYUR BA MA YIN NO, ,GZUGS KUN NAS NYON MONGS PA DANG RNAM PAR BYANG BAR MI 'GYUR BA GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA KUN NAS NYON MONGS PA DANG RNAM PAR BYANG BAR MI 'GYUR BA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA NI LUNG GI DON DE DAG LA SOGS PA YANG GRUB CING YID CHES PA'I LUNG GI KHUNGS DE DAG LA SOGS PAS KYANG 'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSGRUBS PA YIN TE, DE LTAR YID CHES PA'I LUNG DE DAG GRUB PA NI 'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSTAN PA'I YON TAN YIN TE, DE LTAR THEG PA CHEN PO'I MDO SDE MTHA' YAS PA DAG LAS 'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSTAN PA DE @112B DAG BSTAN BCOS 'DIS SGRUB PA'I YUL NYID DU BSTAN PA NI SLOB DPON GYI ZHAL SNGA NAS KYI MKHYEN RLABS YIN NO, ,DE'I PHYIR KHO BOS RANG GI BSAM PAS RTOG GE SKAM PO TZAM GYI 'DOD CHAGS DANG CHAGS PA LA SOGS PA CHOS THAMS CAD NGO BO NYID MED PA NYID DU BSTAN PA MA YIN TE, 'DI LTAR LUNG DE DAG KYANG YOD DO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA, SHES RAB SGRON MA LAS 'DOD CHAGS DANG CHAGS PA BRTAG PA ZHES BYA BA STE RAB TU BYED PA DRUG PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS PHUNG PO LA SOGS PA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA BDUN PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON DBANG DU BYAS NAS DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS, 'DIR YANG SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE PHUNG PO DANG KHAMS DANG SKYE MCHED DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS PHUNG PO DANG KHAMS DANG SKYE MCHED DAG YOD PA NYID DU STON PA'I PHYOGS SNGA MA NYE BAR GZHAG PA, 'OG NAS DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DU BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BA LA SOGS PA 'BYUNG BA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA BDUN PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, PHUNG PO LA SOGS @113A *, ,PA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA BDUN PA BRTZAM MO ZHES BYA BA SMRAS TE, SKYE BA DANG GNAS PA DANG 'JIG PA BRTAG PA'I RAB TU BYED PA BDUN PA'I GZHUNG 'OG NAS 'BYUNG BA 'DI'I DON NI PHUNG PO LA SOGS PA DAG NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN RNAM PA GANG GIS NI 'BRAS BU DE THOB CE NA, PHUNG PO LA SOGS PA DAG NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, PHUNG PO DANG KHAMS DANG SKYE MCHED DAG DE LTAR BKAG TU ZIN KYANG DE DAG LA MNGON PAR ZHEN PA RANG GI SDE PA DAG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BA LA SOGS PA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR RO, ,'DI NA GANG MED PA DE LA NI 'DUS BYAS KYI MTSAN NYID DANG LDAN PAR MA BZUNG STE, DPER NA RI BONG GI RVA BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,PHUNG PO LA SOGS PA DAG NI SKYE BA LA SOGS PA 'DUS BYAS KYI MTSAN NYID DAG DANG LDAN PA YOD PAS ZHES BYA BA NI NYE BAR SBYAR BA'I SBYAR BA YIN NO, ,DE'I PHYIR GTAN TSIGS KYI MTHU JI SKAD SMOS PAS BLO GROS KYI 'DU BYED BSKYED PA DAG NI 'DUS BYAS PHUNG PO LA SOGS PA DAG LA 'DUS BYAS KYI NGO BO NYID DAG YOD PA KHO NAR SMRA'O ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NA RI BONG GI RVA LA SOGS PA MED PA GANG DAG LA 'DUS BYAS KYI MTSAN NYID DANG LDAN PAR MA BZUNG BA DE DAG NI DON DAM PAR NGO BO NYID YOD PA MA YIN GYI PHUNG PO DANG KHAMS DANG SKYE MCHED LA SOGS PA GANG @113B DAG LA 'DUS BYAS KYI MTSAN NYID DANG LDAN PAR BSTAN PA DE DAG LA NI DON DAM PAR 'DUS BYAS KYI NGO BO NYID DAG YOD PA KHO NA YIN PAS DE'I PHYIR GTAN TSIGS KYI MTHU JI SKAD SMOS PAS BLO GROS KYI 'DU BYED BSKYED PA KHO BO CAG BYE BRAG TU SMRA BA DAG MDO SDE PA DAG NI 'DUS BYAS PHUNG PO LA SOGS PA DAG LA 'DUS BYAS KYI NGO BO NYID DAG YOD PA KHO NAR SMRA'O ZHES ZER RO, ,DE SKAD CES ZER BA DE'I LAN DU 'GREL BA BYED PA NYID KYIS 'DIR BSHAD PA, 'DI LA KHYED SKYE BA LA SOGS PA 'DUS BYAS KYI MTSAN NYID DU 'DOD PA DE DAG NYID CI 'DUS BYAS DAG YIN NAM 'ON TE 'DUS MA BYAS DAG YIN ZHES BYA BA LA SOGS PA SMRAS TE, CHOS MNGON PA'I SDE SNOD GSUM PO 'DI LA BYE BRAG TU SMRA BA DANG, MDO SDE PA KHYED SKYE BA DANG GNAS PA DANG 'JIG PA ZHES BYA BA GANG DAG 'DUS BYAS KYI MTSAN NYID DU 'DOD PA DE DAG NYID 'DUS BYAS KYI NGO BO NYID YIN LA 'DUS BYAS GZHAN GYI MTSAN NYID DU 'GYUR BAR 'DOD DAM 'ON TE DE DAG NYID 'DUS MA BYAS KYI NGO BO NYID YIN LA, 'DUS BYAS GZHAN GYI MTSAN NYID DU 'GYUR BAR 'DOD CES BRTAG PA YIN NO, ,GAL TE DE DAG 'DUS BYAS DAG YIN NO ZHE NA, DE LA RE ZHIG SKYE BA'I DBANG DU BYAS TE BSHAD PA ZHES BYA BA NI GAL TE SKYE BA LA SOGS PA DAG 'DUS BYAS KYI MTSAN NYID DE DAG 'DUS BYAS DAG YIN NO ZHE NA, DE LA SKYE BA DANG GNAS PA DANG 'JIG PA GSUM LAS RE ZHIG SKYE BA 'DUS BYAS YIN NA, DE 'DUS BYAS KYI MTSAN NYID DU MI RUNG BAS MTSAN NYID MED PA'I PHYIR PHA ROL PO'I GTAN TSIGS SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BA'I DON MA GRUB PAS, DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID YOD PA MA YIN PAR BSTAN PA'I DBANG DU BYAS TE, TSIG LE'UR BYAS PA'I PHYED 'OG MA SHOS 'DI BSHAD DO ZHES BYA BAR SBYAR RO, ,GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,MTSAN NYID GSUM DANG LDAN PAR 'GYUR BA NI MTSAN NYID GSUM PO DAG TSOGS PAR 'GYUR BA STE, CHANG BA GSUM DANG LDAN PA BZHIN NO ZHES BYA BA NI GAL TE SKYE BA 'DUS BYAS KYI MTSAN NYID DU BSTAN PA DE NYID 'DUS BYAS YIN PAR GYUR NA DE LA YANG MTSAN NYID GSUM DANG LDAN PAR 'GYUR TE ZHES BYA BA'I SGRA NI MTSAN NYID GSUM PO DAG TSOGS PAR 'GYUR BA STE DPER NA RTZVA CHANG BA GSUM DANG LDAN PA'I TSOMS LA CHANG BA GSUM TSOGS PA ? @114A *, ,ZHES BYA BA BZHIN NO, ,DE'I PHYIR, DE'I TSAD MA BSTAN PA'I PHYIR RO DON DAM PAR SKYE BA LA SOGS PA 'DUS BYAS NYID NI 'DUS BYAS KYI MTSAN NYID YIN PAR MI 'DOD DE, 'DUS BYAS YIN PA'I PHYIR DPER NA MTSAN NYID KYI GZHI BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MTSAN NYID KYI GZHI NI 'DUS BYAS YIN PA'I PHYIR 'DUS BYAS KYI MTSAN NYID YIN PAR MI 'DOD PA DE BZHIN DU SKYE BA LA SOGS PA DAG KYANG GAL TE 'DUS BYAS YIN NA 'DUS BYAS YIN PA'I PHYIR 'DUS BYAS KYI MTSAN NYID YIN PAR MI 'DOD DO; GAL TE MTSAN NYID KYI GZHI YANG MTSAN NYID KYI GZHI GZHAN MTSON PAR BYED PA'I MTSAN NYID YIN PA'I PHYIR MA NGES PA NYID DO ZHE NA ZHES BYA BA NI PHA ROL PO DAG DBU MA PA'I DPE MTSAN NYID KYI GZHI BZHIN NO ZHES BYA BA DE MA NGES PA NYID YIN NO ZHES SKYON 'DOGS PA YIN TE, DE DAG NA RE DPER NA SKYES BU CHEN PO'I MTSAN 'KHOR LO RTZIBS STONG DANG LDAN PA DE NI MTSAN NYID KYI GZHI YANG YIN LA, MTSAN NYID KYI GZHI GZHAN MTSON PAR BYED PA'I MTSAN NYID KYANG YIN TE, 'DI LTAR 'KHOR LO DE RTZIBS STONG DANG LTE BA DANG MU KHYUD LA SOGS PA 'KHOR LO'I MTSAN NYID GZHAN DAG GI MTSAN NYID KYI GZHI YANG YIN LA, DE SKYES BU CHEN PO ZHES BYA BA MTSAN NYID KYI GZHI GZHAN MTSON PAR BYED PA'I MTSAN NYID KYANG YIN PAS DES NA RE ZHIG 'DUS BYAS MTSAN NYID KYI GZHI YIN PA'I PHYIR, 'DUS BYAS KYI MTSAN NYID KYI GZHI BZHIN DU 'DUS BYAS KYI MTSAN NYID YIN PAR MI 'GYUR RAM, 'ON TE 'DUS BYAS MTSAN NYID KYI GZHI YIN PA'I PHYIR 'KHOR LO SKYES BU CHEN PO ZHES BYA BA MTSAN NYID KYI GZHI GZHAN GYI MTSAN NYID YIN PA BZHIN DU 'DUS BYAS KYI MTSAN NYID YIN PAR 'GYUR BA MA NGES PA NYID YIN PAS MTSAN NYID KYI GZHI DPER MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, MTSAN NYID KYI GZHI NI MTSAN NYID KYI GZHI GZHAN LA 'DUS BYAS NYID DU MTSON PAR BYED PA NYID MA YIN PA'I PHYIR MI MTHUN PA'I PHYOGS MED PAS MA NGES PA NYID MA YIN NO ZHES BYA BA SMRAS TE, 'DIR SMRA BAR 'DOD PA 'DUS BYAS KYI MTSAN NYID KYI GZHI MTSAN NYID KYI GZHI GZHAN LA 'DUS BYAS NYID DU MTSON PAR BYED PA NYID MA YIN PA'I MI MTHUN PA'I PHYOGS 'KHOR LO RTZIBS STONG @114B DANG LDAN PA ZHES BYA BA MTSAN NYID KYI GZHIS SKYES BU CHEN PO ZHES BYA BA MTSAN NYID KYI GZHI GZHAN LA 'DUS BYAS NYID DU MTSON PAR BYED PA NYID YIN PA ZHIG YOD NA NI DES NA MA NGES PA NYID DU YANG 'GYUR BA ZHIG NA MI MTHUN PA'I PHYOGS DE MED PAS MA NGES PA NYID MA YIN TE, 'DI LTAR 'KHOR LO RTZIBS STONG DANG LDAN PA ZHES BYA BA MTSAN NYID KYI GZHI DE NI SKYES BU CHEN PO ZHES BYA BA MTSAN NYID KYI GZHI GZHAN LA SKYES BU CHEN PO ZHES BYA BA'I DON GZHAN NYID DU MTSON PAR BYED PA NYID YIN GYI, SMRA BAR 'DOD PA'I 'DUS BYAS NYID DU MTSON PAR BYED PA NYID MA YIN PA'I PHYIR MI MTHUN PA'I PHYOGS MED PAS DES NA 'DUS BYAS KYANG MTSAN NYID KYI GZHI YIN PA'I PHYIR 'DUS BYAS KYI MTSAN NYID KYI GZHI GZHAN LA 'DUS BYAS NYID DU MTSON PAR BYED PA NYID MA YIN LA, 'KHOR LO YANG MTSAN NYID KYI GZHI YIN PA'I PHYIR SKYES BU CHEN PO ZHES BYA BA MTSAN NYID KYI GZHI GZHAN LA 'DUS BYAS NYID DU MTSON PAR BYED PA NYID MA YIN PAR 'DRA BAS MA NGES PA NYID MA YIN NO, ,GAL TE SKYE BA LA SOGS PA DAG 'DUS BYAS NYID YIN DU ZIN NA YANG SKYED PAR BYED PA DANG GNAS PAR BYED PA DANG 'JIG PAR BYED PA'I PHYIR 'DUS BYAS KYI MTSAN NYID NYID YIN NO ZHE NA ZHES BYA BA NI GAL TE PHA ROL PO DAG 'DI SNYAM DU SKYE BA LA SOGS PA 'DUS BYAS KYI MTSAN NYID GSUM PO DE DAG 'DUS BYAS NYID YIN DU ZIN NA YANG GZHAN SKYED PAR BYED PA YIN PA'I PHYIR SKYE BA ZHES BYA ZHING, GNAS PAR BYED PA YIN PA'I PHYIR GNAS PA ZHES BYA LA, 'JIG PAR BYED PA YIN PA'I PHYIR 'JIG PA ZHES BYA STE, DE LTA NA YANG DE DAG 'DUS BYAS KYI MTSAN NYID NYID YIN NO SNYAM DU SEMS SHING DE SKAD CES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI RJES SU 'GRO BA MED PA'I PHYIR DAM BCAS PA TZAM DU ZAD DE ZHES BYA BA SMRAS TE, KHYOD KYIS SMRAS PA'I DON DE LA NI 'DI LTAR SKYE BA LA SOGS PA NI 'DUS BYAS KYI MTSAN NYID YIN TE, SKYED PAR BYED PA LA SOGS PA YIN PA'I PHYIR DPER NA CHE GE MO ZHIG BZHIN NO ZHES BYA BA'I DPE MED PA'I PHYIR DAM BCAS PA TZAM DU ZAD PAS MI RUNG NGO, ,SKYE BA NI SKYE BA YIN LA GNAS PA NI GNAS PA YIN 'JIG PA NI 'JIG PA YIN PA LAS, SKYE BA LA SOGS PA DAG GI BYA BA NYID LA SKUR PA BTAB STE, DE DAG BYED PA PO NYID DU KHAS BLANGS PA'I PHYIR RO ZHES BYA BAS NI PHA ROL PO @115A *, ,DAG 'DOD PA LTAR SKYE BA LA SOGS PA DE DAG BYED PA PO NYID DU KHAS BLANGS NA DE DAG GI BYA BA NYID LA SKUR PA BTAB PA'I PHYIR DE DAG 'DUS BYAS KYI MTSAN NYID MA YIN PAR STON TE, 'DI LTAR YANG 'JIG RTEN GYI THA SNYAD DU NI SKYE BA'I BYA BA NI SKYE BA ZHES BYA LA GNAS PA'I BYA BA YANG GNAS PA ZHES BYA, 'JIG PA'I BYA BA LA 'JIG PA ZHES BYA BA YIN PA LAS, PHA ROL PO DAG GIS SKYE BA LA SOGS PA DE DAG SKYE BAR BYED PA LA SOGS PAR SMRAS PAS DE DAG BYED PA PO NYID DU KHAS BLANGS PA'I PHYIR DE DAG GI BYA BA LA SKUR PA BTAB PAS DE DAG 'DUS BYAS KYI MTSAN NYID MA YIN NO, ,DE'I PHYIR THA SNYAD DU YANG BYED PA PO NYID YIN NA ZHES BYA BA LA SOGS PA SMRAS TE, DE NYID KYI TSAD MA BSTAN PA'I PHYIR TE, SKYE BA NI 'DUS BYAS KYI MTSAN NYID MA YIN TE, SKYED PAR BYED PA YIN PA'I PHYIR DPER NA PHA BU'I MTSAN NYID MA YIN PA BZHIN NO ZHES BYA BA LA SOGS PA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE DPER NA PHA NI BU SKYED PAR BYED PA YIN PA'I PHYIR BU'I MTSAN NYID MA YIN PA DE BZHIN DU SKYE BA YANG SKYED PAR BYED PA YIN PA'I PHYIR 'DUS BYAS KYI MTSAN NYID MA YIN NO, ,DE BZHIN DU GNAS PA YANG 'DUS BYAS KYI MTSAN NYID MA YIN TE, GNAS PAR BYED PA YIN PA'I PHYIR DPER NA ZAS LUS GNAS PAR BYED PA YIN PA'I PHYIR LUS KYI MTSAN NYID MA YIN PA BZHIN NAM, BRAN MO BUM THOGS MA BUM PA 'JOG PAR BYED PA YIN PA'I PHYIR BUM PA'I MTSAN NYID MA YIN PA BZHIN NO ZHES BYA BA DAG KYANG CHOS CAN DANG BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ZAS BZHI NI LUS GNAS PAR BYED PA YIN PA'I PHYIR LUS KYI MTSAN NYID MA YIN PA DANG, CHU CHUN MA LA SOGS PA BRAN MO BUM THOGS MA DAG KYANG BUM PA 'JOG PAR BYED PA YIN PA'I PHYIR BUM PA'I MTSAN NYID MA YIN PA DE BZHIN DU GNAS PA YANG GNAS PAR BYED PA YIN PA'I PHYIR 'DUS BYAS KYI MTSAN NYID MA YIN NO, ,DE BZHIN DU 'JIG PA YANG 'DUS BYAS KYI MTSAN NYID MA YIN TE, 'JIG PAR BYED PA YIN PA'I PHYIR DPER NA THO BAS 'JOMS PAR BYED PA YIN PA'I PHYIR BUM PA'I MTSAN NYID MA YIN PA BZHIN NO ZHES BYA BA DAG KYANG CHOS CAN @115B DANG BSGRUB PAR BYA BA CHOS DANG, SGRUB PA'I CHOS DANG DPE YIN PAR GO RIMS BZHIN DU SBYAR TE DPER NA THO BA NI 'JOMS PAR BYED PA YIN PA'I PHYIR BUM PA'I MTSAN NYID MA YIN PA DE BZHIN DU 'JIG PA YANG 'JIG PAR BYED PA YIN PA'I PHYIR 'DUS BYAS KYI MTSAN NYID MA YIN NO, ,DE'I PHYIR DE LTAR SKYE BA LA SOGS PA DE DAG 'DUS BYAS KYI MTSAN NYID YIN PAR MA GRUB PA'I PHYIR GTAN TSIGS KYI DON MA GRUB PA NYID DAM DON 'GAL BA NYID YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE DE LTAR SKYE BA LA SOGS PA DAG 'DUS BYAS YIN NA 'DUS BYAS KYI MTSAN NYID YIN PAR MA GRUB PA'I PHYIR PHA ROL PO DAG NA RE DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES ZER BA'I GTAN TSIGS KYI DON DE DON DAM PAR SGRUB NA NI MA GRUB PA NYID YIN LA, KUN RDZOB TU SGRUB NA NI DON 'GAL BA NYID YIN NO, ,DE LTA BAS NA JI SKAD SMOS PA'I SKYON YONGS SU SPANG BAR 'DOD PAS SKYE BA 'DUS BYAS YIN NO ZHES BYA BA DE LTAR SHES PAR MI BYA'O ZHES BYA BA NI BSNAN PA STE, GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,ZHES BYA BAS GAL TE SKYE BA 'DUS BYAS YIN NA DE YANG MTSAN NYID GSUM DANG LDAN PAR 'GYUR BAS 'DUS BYAS KYI MTSAN NYID DU MI RUNG NGO ZHES JI SKAD SMOS PA'I SKYON YONGS SU SPANG BAR 'DOD PAS SKYE BA 'DUS BYAS YIN NO ZHES BYA BA DE LTAR SHES PAR MI BYA'O, ,DE LTAR RE ZHIG SKYE BA 'DUS BYAS YIN NA 'DUS BYAS KYI MTSAN NYID DU MI 'THAD PA'I SKYON BSTAN ZIN TO ZHES BYA BAS NI BRTAG PA SNGA MA SHOS KYI MJUG BSDU BA BSTAN TO, ,DA NI BRTAG PA PHYI MA SHOS BSTAN PA'I PHYIR JI SKAD SMOS PA'I SKYON YONGS SU SPANG BAR 'DOD PAS CI STE SKYE BA 'DUS MA BYAS ZHES BYA BAR 'DOD NA, JI LTAR 'DUS BYAS MTSAN NYID YIN, ,ZHES BYA BA LA SOGS PA SMRAS TE, CI STE SKYE BA 'DUS MA BYAS PA YIN NA 'DUS BYAS KYI MTSAN NYID DU MI RUNG BAS MTSAN NYID MED PA'I PHYIR PHA ROL PO'I GTAN TSIGS SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BAS DON MA GRUB PAS DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID @116A *, ,DAG YOD PA MA YIN PAR STON TO, ,DE NYID BSTAN PA'I PHYIR SKYE BA LA 'DUS BYAS KYI MTSAN NYID NYID MED DE, 'DUS MA BYAS NI RANG NYID YOD PA MA YIN PA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID TSAD MAS BSGRUB PA'I PHYIR YANG NA 'DUS MA BYAS KYI CHOS NI 'DUS MA BYAS NYID YIN PAS ZHES BYA BA LA SOGS PA SMRAS TE, SKYE BA 'DUS MA BYAS YIN NA 'DUS BYAS KYI MTSAN NYID MA YIN PAR SGRUB PA'I CHOS GTAN TSIGS NI 'DUS MA BYAS NYID YIN NO, ,DON DAM PAR SKYE BA 'DUS MA BYAS NI 'DUS BYAS KYI MTSAN NYID DU 'GYUR BAR 'OS PA MA YIN TE, 'DUS MA BYAS YIN PA'I PHYIR DPER NA NAM MKHA' BZHIN PAS RANG GI RJES SU DPAG PA LA GNOD DO ZHES BYA BA DAG LA GNOD DO ZHES BYA BA DAG NI CHOS CAN DANG, BSGRUB PAR BYA BA CHOS DANG SGRUB PA'I CHOS DANG DPE DANG MJUG BSDU BA YIN PAR GO RIMS BZHIN DU SBYAR TE, DPER NA NAM MKHA' NI 'DUS MA BYAS YIN PA'I PHYIR 'DUS BYAS KYI MTSAN NYID DU 'GYUR BAR 'OS PA MA YIN PA DE BZHIN DU SKYE BA 'DUS MA BYAS KYANG 'DUS MA BYAS YIN PA'I PHYIR 'DUS BYAS KYI MTSAN NYID DU 'GYUR BAR 'OS PA MA YIN NO, ,SKYE BA NI MTSAN NYID KYI SGRA'I TSUL NYID GZUNG BA'I PHYIR GNAS PA DANG 'JIG PA GNYIS KYANG NYE BAR BLANGS PA YIN TE, 'DUS BYAS KYI MTSAN NYID DU SMRA BAR 'DOD PA'I PHYIR RO, ,DE GNYIS KYANG DE BZHIN DU DGAG PA YIN PAS YANG DE GNYIS DGAG PA BRJOD MI DGOS SO ZHES BYA BA NI SKYE BA LA SOGS PA MTSAN NYID GSUM DGAG PA 'DRA BAR BSTAN PA YIN TE, 'DIR SKYE BA 'BA' ZHIG GI DBANG DU BYAS TE BSHAD PA NI MTSAN NYID KYI SGRA'I TSUL NYE BAR GZUNG BA'I PHYIR MTSON PA TZAM DU ZAD KYI, DES GNAS PA DANG 'JIG PA GNYIS KYANG NYE BAR BLANGS PA YIN TE DE GNYIS KYANG PHA ROL PO DAG 'DUS BYAS KYI MTSAN NYID DU SMRA BAR 'DOD PA'I PHYIR RO, ,DE GNYIS KYANG SKYE BA BZHIN DU 'DUS BYAS SAM 'DUS MA BYAS YIN NA YANG 'DUS BYAS KYI MTSAN NYID DU MI 'THAD PAR DGAG PA YIN PAS YANG DE GNYIS LOGS SHIG TU DGAG PA BRJOD MI DGOS SO, ,YANG GZHAN YANG 'DI LA SKYE BA LA SOGS PA 'DI DAG 'DUS BYAS KYI MTSAN NYID DU BRTAG PAR BYA NA DE DAG SO SO 'AM 'DUS PA LA BRTAG GRANG NA ZHES BYA BA NI YANG RNAM PA GZHAN DU NA PHA ROL PO DAG 'DOD PA LTAR SKYE BA LA SOGS PA 'DI DAG 'DUS @116B BYAS KYI MTSAN NYID DU BRTAG PAR BYA NA DE DAG RIM GYIS 'BYUNG BA LA BRTAG GAM, 'ON TE DNGOS PO GCIG LA DUS GCIG TU 'BYUNG BA LA BRTAG GRANG NA GNYI GA YANG MI 'THAD PAR STON TO, ,DE NI RE ZHIG BRTAG PA SNGA MA LTAR MI 'THAD PAR BSTAN PA'I PHYIR DANG, SKYE BA LA SOGS GSUM SO SOS, ,'DUS BYAS MTSAN NYID BYA BAR NI, ,NUS MIN, SKYE BA LA SOGS PA GSUM PO DAG SO SOS NI 'DUS BYAS KYI MTSAN NYID BYA BAR MI NUS TE, 'DI LTAR LKOG SHAL LA SOGS PA MTSAN NYID 'DUS PA DAG GIS MTSAN NYID KYI GZHI MTSON PAR NUS PA'I PHYIR RO ZHES BYA BAR DGONGS SO ZHES BYA BA LA SOGS PA SMRAS TE, 'DI LTAR YANG 'JIG RTEN LA GRAG PA'I TSUL NI LKOG SHAL LA SOGS PA MTSAN NYID 'DUS PA DAG GIS MTSAN NYID KYI GZHI BA LANG MTSON PAR NUS PA YIN PAS SKYE BA LA SOGS PA GSUM PO DAG SO SOS NI 'DUS BYAS KYI MTSAN NYID BYAR MI NUS SO ZHES BYA BAR DGONGS SO, ,SKYE BA LA SOGS PA DAG RIM GYIS 'BYUNG BA NYID DU KHAS LEN NA YANG 'DI LTAR DNGOS PO MA SKYES PA LA NI SKYE BA DANG GNAS PA DANG 'JIG PA DAG MED PAS 'DUS BYAS KYI MTSAN NYID BYA BA'I MTHU MED DO ZHES BYA BA NI SKYE BA LA SOGS PA DAG RIM GYIS 'BYUNG BA NYID DU KHAS LEN NA YANG 'DI LTAR RE ZHIG DNGOS PO MA SKYES PA LA SKYE BA DANG GNAS PA DANG 'JIG PA DAG MED PAS DE DAG RIM ? GYIS MI 'BYUNG STE, 'DI LTAR SKYE BA LA SOGS PA DAG NI DNGOS PO LA BRTEN PA YIN TE, BUM PA'I SKYE BA DANG GNAS PA DANG 'JIG PA ZHES BYA NA, BUM PA DE MA SKYES PA LA NI SKYE BA LA SOGS PA DAG MED PAS DE DAG SO SOS BUM PA MA SKYES PA'I MTSAN NYID BYA BAR MI NUS SO, ,'GAGS PA LA YANG MTSAN NYID KYI GZHI MED PA'I PHYIR SKYE BA DANG GNAS PA DANG 'JIG PA DAG MED PAS 'DUS BYAS KYI MTSAN NYID BYA BA'I MTHU MED DO ZHES BYA BA NI DNGOS PO 'GAGS PA LA YANG SKYE BA DANG GNAS PA DANG 'JIG PA MED PAS DE DAG RIM GYIS MI 'BYUNG STE 'DI LTAR 'GAGS PA ZHES BYA BA NI ZHIG CING MED PA YIN PAS MTSAN NYID KYI GZHI MED PA'I PHYIR DE LA SKYE BA LA SOGS PA DAG MED PAS DE DAG SO SOS DNGOS PO 'GAGS PA'I MTSAN NYID BYA BAR MI NUS SO, ,SKYES PA LA NI SKYE BA MED PA'I PHYIR RO ZHES BYA BA NI DNGOS PO LA SKYES PA DANG MA 'GAGS PA LA YANG SKYE BA LA SOGS PA DAG RIM GYIS MI 'BYUNG STE, 'DI LTAR BUM PA'I DNGOS PO SKYES PA DANG MA 'GAGS @117A *, ,PA LA NI YANG SKYE BA MED PA'I PHYIR GNAS PA DANG 'JIG PA MED PAS DE DAG SO SOS 'DUS BYAS KYI MTSAN NYID BYA BAR MI NUS SO, ,GNAS PA LA NI 'GAG PA MI SRID PA'I PHYIR RO ZHES BYA BA NI DNGOS PO GNAS PA LA YANG SKYE BA LA SOGS PA DAG RIM GYIS MI 'BYUNG STE, 'DI LTAR BUM PA'I DNGOS PO GNAS PA LA NI 'GAG PA MI SRID PA'I PHYIR SKYE BA DANG GNAS PAR 'GYUR BA YANG MED PAS DE DAG SO SOS 'DUS BYAS KYI MTSAN NYID BYA BAR MI NUS SO, ,'DIR GZHAN DAG NA RE DE LTAR KHYOD KYIS GNAS PA LA NI 'GAG PA MI SRID PA'I PHYIR RO ZHES SMRAS PAS DE LA 'GAG PA MI SRID KYANG BLA STE, GNAS PA'I MTSAN NYID YOD PAR KHAS BLANGS PAS MTSAN NYID GZHAN YANG YOD PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, GNAS PA NI MI RTAG PA NYID DANG RJES SU 'BREL PA'I PHYIR TE ZHES BYA BA SMRAS TE, DNGOS PO GNAS PA'I DUS NA YANG GNAS PA'I MTSAN NYID MED DE MI RTAG PA NYID DANG RJES SU 'BREL PA'I PHYIR RO, ,DE NYID KHUNGS BSTAN PA'I PHYIR DE LTAR YANG ZHES BYA BA LA SOGS PAS SLOB DPON 'PHAGS PA LHAS DBU MA'I TSIG LE'UR BYAS PA BRGYA PA LAS GSUNGS PA GZHUNG 'OG MA DAG BSTAN TO, ,GNAS MED DNGOS PO GA LA YOD, ,CES BYA BA NI GNAS PA MED PA DNGOS PO NYID KYANG GA LA YOD DE MED DO ZHES BYA BA'I THA TSIG GO ,MI RTAG PAS NA GA LA GNAS, ,ZHES BYA BA NI GNAS PA YANG MI RTAG PA NYID DANG RJES SU 'BREL PAS NA GA LA YOD DE MED DO, ,GAL TE DANG PO GNAS GYUR NA, ,THA MAR RNYINGS PAR MI 'GYUR RO, ,ZHES BYA BA NI GAL TE DANG PO NYID NAS MI RTAG PA NYID MED DE GNAS PAR GYUR NA NI DES NA THA MAR YANG RNYINGS PAR MI 'GYUR BA ZHIG NA DE LTAR MA YIN TE DANG PO NAS MI RTAG PAS RTAG PA MED PAR BSTAN TO, ,GAL TE DE LTAR NA MI RTAG PA NYID YOD DO ZHE NA, DE'I LAN DU, GAL TE KHOR ZUG MI RTAG YOD, ,KHOR ZUG GNAS PAR MI 'GYUR RO, ,ZHES BYA BA SMRAS TE, GAL TE KHOR ZUG TU MI RTAG PA YOD NA KHOR ZUG TU GNAS PAR YE MI 'GYUR BA ZHIG NA DE LTA MA YIN PAS MI RTAG PA YANG MED DO, ,GAL TE DE LTA NA RTAG PA NYID YOD DO ZHE NA, DE'I LAN DU, YANG NA RTAG PAR GYUR PA LAS, ,PHYIS NI MI RTAG PAR YANG 'GYUR, ,ZHES BYA BA SMRAS TE RTAG PA NYID YOD NA DA LTAR MI RTAG @117B PA SNANG BAS DANG PO RTAG PAR GYUR BA LAS PHYIS MI RTAG PAR 'GYUR BA'I SKYON DU 'GYUR BAS RTAG PA YANG MED DO, ,CI STE MI RTAG PA NYID DANG DNGOS PO SNGA PHYI MED DE LHAN CIG NYID DU RTOG NA DE YANG MI RUNG BAR BSTAN PA'I PHYIR, GAL TE DNGOS PO MI RTAG DANG, ,LHAN CIG GNAS PAR YOD GYUR NA, ,MI RTAG LOG PAR 'GYUR BA'AM, ,YANG NA GNAS PA BRDZUN PAR 'GYUR, ,ZHES BYA BA GSUNGS PA YIN NO, ,DE LTAR RE ZHIG RTAG PA SNGA MA SHOS BSTAN ZIN TO, ,DA NI BRTAG PA PHYI MA SHOS BSTAN PA'I PHYIR CI STE SKYE BA LA SOGS PA DAG 'DUS PA 'DUS BYAS KYI MTSAN NYID DU 'DOD NA DE LTA NA YANG, 'DUS PA YIN NA YANG, GCIG LA DUS GCIG CI LTAR RUNG, DE DAG 'DUS PA 'DUS BYAS KYI DNGOS PO GCIG LA DUS GCIG NA MED DO ZHES BYA BA'I TSIG GI DON TO ZHES BYA BA LA SOGS PA SMRAS TE, SKYE BA LA SOGS PA GSUM PO DAG 'DUS PA YANG 'DUS BYAS KYI MTSAN NYID MA YIN PAR STON TO, ,GAL TE DE CI LTAR NGES PAR GZUNG BAR BYA ZHE NA ZHES BYA BA NI PHA ROL PO DAG 'DRI BA'I TSIG YIN NO, ,DE BSTAN PA'I PHYIR, 'DI LTAR SKYES PA DANG GNAS PA DANG ZHIG PA SHIN TU MI MTHUN PA NYID DAG DNGOS PO GANG YANG RUNG BA CIG LA DUS GCIG TU 'BYUNG BAR NI SEMS BDE BAR GNAS PA DAG GIS BRTAG PAR MI RIGS PA'I PHYIR RO ZHES BYA BA SMRAS TE, DNGOS PO GCIG LA DUS GCIG TU DE GSUM 'BYUNG BA NI SMYOS PA DANG GDON GYIS BRLAMS PA MA GTOGS PA SEMS BDE BAR GNAS PA DAG GIS BRTAG PAR MI RIGS PA'I PHYIR DE NI MI RUNG NGO, ,MDO SDE PA DAG GIS SMRAS PA RGYU DANG RKYEN SO SOR NGES PA'I MTHU LAS 'BYUNG BA'I RGYUD LA DUS GCIG KHO NAR DNGOS PO SKYE BAR 'DOD PA MA BYUNG BA LAS 'BYUNG BA GANG YIN PA DE NI SKYE BA YIN LA, SKAD CIG MA SNGA MA'I RGYUD KYIS NGES PAR GNAS PA YIN, SKAD CIG MA SNGA MA DANG MTSAN NYID MI 'DRA BA NYID NI RGA BA YIN, BYUNG NAS BRAL BA NI 'JIG PA YIN PAS DE LTAR LTOS PA NGES PAS SKYE BA LA SOGS PA DAG 'DUS PA'I MTSAN NYID SKAD CIG MA GCIG LA DUS GCIG NA YOD PAS SGRUB PA DE KHO BO CAG LA MI GNOD DO ZHES BYA BA NI 'DIR MDO SDE PA DAG NA RE DNGOS PO RGYU DANG RKYEN SO SOR NGES PA'I MTHU LAS 'BYUNG BA'I RGYUD GCIG LA 'DUS BYAS KYI MTSAN NYID BZHI PO DAG SKAD CIG MA GCIG LA DUS GCIG KHO NAR YOD PAS KHYED DBU MA @118A *, ,PA NA RE 'DI LTAR SKYES PA DANG GNAS PA DANG ZHIG PA SHIN TU MI MTHUN PA NYID DAG DNGOS PO GANG YANG RUNG BA CIG LA DUS GCIG TU 'BYUNG BAR NI SEMS BDE BAR GNAS PA DAG GIS BRTAG PAR MI RIGS PA'I PHYIR RO ZHES SMRAS PA'I SGRUB PA DE KHO BO CAG LA MI GNOD DO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LTAR YONGS SU RTOG NA YANG, RGYUD RDZAS SU MED PA'I PHYIR DANG ZHES BYA BA LA SOGS PA SMRAS TE, MDO SDE PA KHYED DE LTAR YONGS SU RTOG NA KHYED KYIS KYANG DE MI RUNG BAR SHES PA'I RIGS TE, 'DI LTAR GAL TE DNGOS PO RDZAS SU GYUR PA 'BA' ZHIG YOD NA NI DES NA DE'I RGYUD GCIG LA SKYE BA LA SOGS PA DAG BRTAG TU YANG RUNG GRANG NA, KHYED NI SKAD CIG MAR SMRA BA YIN PAS RGYUD RDZAS SU MED PA'I PHYIR JI LTAR MTSAN NYID GSUM PO DAG RGYUD GCIG LA DUS GCIG TU 'BYUNG BAR RIGS TE MI RIGS SO, ,LTOS PAS SKYE BA DANG GNAS PA LA SOGS PA RNAM PAR RTOG PA'I PHYIR MTSAN NYID GSUM PO DAG THA SNYAD PA YIN GYI DON DAM PA PA MA YIN NO ZHES BYA BA NI YANG NA SKYE BA'I GNAS SKABS LA LTOS NAS SKYE BAR RTOG CING SKYES PA LA LTOS NAS GNAS PA RTOG LA, GNAS PA LA LTOS NAS 'JIG PAR RTOG NA DE LTA NA LTOS PAS SKYE BA DANG GNAS PA LA SOGS PAR RNAM PAR RTOG PA'I PHYIR MTSAN NYID GSUM PO DAG THA SNYAD PA YIN GYI DON DAM PA PA MA YIN TE, DPER NA THUNG NGU LA LTOS NAS RING PO BZHIN NO, ,CI'I PHYIR DON DAM PA PA MA YIN ZHE NA, DE'I PHYIR GNAS PA'I DUS NA YANG DE DANG MI MTHUN PA 'JIG PA MED PA'I PHYIR ZHES BYA BA SMRAS TE, SKYE BA'I DUS DANG GNAS PA'I DUS NA YANG DE GNYIS DANG MI MTHUN PA 'JIG PA MED LA, 'JIG PA'I DUS NA YANG DE DANG MI MTHUN PA SKYE BA DANG GNAS PA GNYIS MED PAS DE'I PHYIR MTSAN NYID GSUM PO DAG CIG LA DUS GCIG NA MED DO, ,DE YANG SKYON SNGAR BSTAN PA LAS 'DA' BAR MI 'GYUR RO ZHES BYA BA NI 'JUG BSDU BA YIN TE, MOD SDE PA DAG GIS YONGS SU BRTAGS PA DE YANG NGO, ,BYE BRAG TU SMRA BA DAG NA RE DNGOS PO SNGON MA BYUNG BA LAS BDAG NYID THOB PA NI SKYE BA YIN LA, SKYE BA GNAS PA NI GNAS PA YIN, GNAS PA RNYINGS PA NYID NI RGA BA YIN, RGAS PA 'GAG PA @118B 'JIG PA YIN PAS SKYE BA LA SOGS PA DAG RIM GYIS 'BYUNG BA NYID 'DUS BYAS NYID LAS 'KHRUL PA MED PA'I PHYIR DE DAG MTSAN NYID DU GRUB PAS, SKYE BA LA SOGS GSUM SO SOS, ,'DUS BYAS MTSAN NYID BYA BAR NI, ,NUS MIN, ZHES SMRAS PA NI RIGS PA MA YIN NO ZHES ZER RO ZHES BYA BA NI 'DIR BYE BRAG TU SMRA BA DAG NA RE 'DUS BYAS KYI MTSAN NYID BZHI PO DAG SKAD CIG MA RE RE LA RIM GYIS 'BYUNG BA NYID MTSAN NYID KYI GZHI 'DUS BYAS LAS MTSAN NYID YIN PAR 'KHRUL PA MED PA'I PHYIR DE DAG MTSAN NYID NYID DU GRUB PAS, DBU MA PAS SKYE BA LA SOGS PA GSUM PO DAG SO SOS 'DUS BYAS KYI MTSAN NYID BYA BAR MI NUS SO ZHES SMRAS PA DE RIGS PA MA YIN NO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI RIGS PA MA YIN TE, 'DI LTAR MTSAN NYID CES BYA BA NI MTSAN NYID KYI GZHI GANG YIN PA LAS NAM YANG 'KHRUL PAR MI BYA STE, DPER NA SRA BA NYID SA LAS 'KHRUL PAR MI 'GYUR BA DANG, SKYES BU CHEN PO'I MTSAN DAG SKYES BU CHEN PO LAS 'KHRUL PAR MI 'GYUR BA LTA BU YIN PA'I PHYIR RO ZHES BYA BA SMRAS TE, YANG 'JIG RTEN GRAGS PA'I TSUL NI DE LTA BU YIN NA, KHYED KYIS MTSAN NYID BZHI PO DAG SKAD CIG MA RE RE LA RIM GYIS 'BYUNG BAR SMOS PAS SKAD CIG MA GCIG LA MTSAN NYID KYI GZHI GANG BYUNG BA DE LA MTSAN NYID GZHAN MED PAS DE DAG MTSAN NYID KYI GZHI LAS 'KHRUL PA YOD PA'I PHYIR 'DUS BYAS KYI MTSAN NYID MA YIN PAS KHYED KYI SGRUB PA DE NI RIGS PA MA YIN NO, ,DE NYID KYI TSAD MA BSTAN PA'I PHYIR DON DAM PAR SKYE BA LA SOGS PA DAG NI DNGOS PO RNAMS KYI 'DUS BYAS KYI MTSAN NYID YIN PAR MI RUNG STE, RIM GYIS 'BYUNG BA'I PHYIR DPER NA 'JIM PA DANG GONG BU DANG SMYAD PA DANG GLEBS PA DANG BCUM PA'I GNAS SKABS KYI KHYAD PAR DAG BUM PA'I 'DUS BYAS KYI MTSAN NYID NYID MA YIN PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'JIM PA LA SOGS PA'I GNAS SKABS KYI KHYAD PAR DAG NI RIM GYIS 'BYUNG BA'I PHYIR BUM PA'I 'DUS BYAS KYI MTSAN NYID NYID MA YIN TE, 'DI LTAR BUM PA NI DANG PO 'JIM PA'I GNAS SKABS @119A *, ,YIN LA, DE'I 'OG TU 'JIM PA LAS MCHOD RTEN 'DRA BAR GONG BUR BYED DO, ,DE'I 'OG TU GONG BU LAS SPYI BO LAG PAS SMYAD DE ZHI BA'I MTSAN 'DRA BAR BYED DO, ,DE'I 'OG TU SMYAD PA DE'I STENG NAS GLEBS TE GDUGS 'DRA BAR BYED DO, ,DE'I 'OG TU GLEBS PA DE LAS DKYIL DU LAG PA BCUG STE KHA BCUM NAS SBYANG 'DRA BAR BYED DE 'JIM PA LA SOGS PA'I GNAS SKABS KYI KHYAD PAR DE DAG RIM GYIS 'BYUNG BA'I PHYIR BUM PA'I 'DUS BYAS KYI MTSAN NYID NYID MA YIN PA DE BZHIN DU SKYE BA LA SOGS PA DAG KYANG RIM GYIS 'BYUNG BA'I PHYIR DNGOS PO RNAMS KYI 'DUS BYAS KYI MTSAN NYID YIN PAR MI RUNG NGO, ,SKYE BA LA SOGS PA DAG NI 'KHRUL PA MED DE, 'DUS MA BYAS LA DE DAG MED PA'I PHYIR RO ZHE NA ZHES BYA BA NI 'DIR BYE BRAG TU SMRA BA DAG YANG SKYE BA LA SOGS PA DAG RIM GYIS 'BYUNG YANG MTSAN NYID KYI GZHI 'DUS BYAS LA 'KHRUL PA MED PA'I PHYIR MTSAN NYID NYID YIN PAR SGRUB PA'I TSIG YIN TE DE DAG NA RE KHYED DBU MA PAS SKYE BA LA SOGS PA DAG 'DUS BYAS LAS 'KHRUL PA YOD PAS DE DAG MTSAN NYID MA YIN NO ZHES SMRAS PA NI DE LTA MA YIN TE, GAL TE SKYE BA LA SOGS PA DE DAG 'DUS MA BYAS KYI PHYOGS LA YANG YOD NA NI DES NA DE DAG 'DUS BYAS LAS 'KHRUL PA YOD PA'I PHYIR 'DUS BYAS KYI MTSAN NYID NYID MA YIN NO ZHES SMRA BAR YANG RIGS PA ZHIG NA, SKYE BA LA SOGS PA DE DAG NI 'DUS MA BYAS KYI PHYOGS LA MED PA'I PHYIR DES NA DE DAG 'DUS BYAS LAS 'KHRUL PA MED PAS RIM GYIS 'BYUNG YANG 'DUS BYAS KYI MTSAN NYID NYID YIN NO ZHES ZER RO, ,DE SKAD CES ZER BA'I LAN DU 'DIR 'GREL PA BYED PA NYID KYIS NYE BAR BRTAGS PA YIN GYI DON DAM PAR YOD PA NI MA YIN TE ZHES BYA BA LA SOGS PA SMRAS TE, SKYE BA LA SOGS PA DAG 'DUS MA BYAS LA MED DU ZIN KYANG GAL TE DNGOS PO GCIG GI RGYUD LA DUS GCIG NA GSUM CHAR YOD NA NI DES NA DE DAG 'DUS BYAS LA 'KHRUL PA MED DO ZHES BRJOD PAR RIGS SHING DE DAG 'DUS BYAS KYI MTSAN NYID NYID YIN PAR YANG 'GYUR GRANG NA DE LTA MA YIN PA DE DAG 'DUS BYAS LAS 'KHRUL PA YOD PA'I PHYIR 'DUS BYAS KYI MTSAN NYID MA YIN NO, ,CI STE 'DUS MA BYAS LA DE DAG MED PA'I PHYIR 'DUS BYAS LA RIM GYIS 'BYUNG @119B YANG MTSAN NYID NYID YIN PAR RTOG NA NI NYE BAR BRTAGS PA YIN GYI DON DAM PAR YOD PA MA YIN TE, DE CI'I PHYIR ZHE NA, SKYE BA BKAG PA'I PHYIR DANG MA SKYES PA LA GNAS PA DANG 'JIG PA MED PA'I PHYIR RO ZHES BYA BA SMRAS SO, ,SKYE BA'I DUS NA YANG GNAS PA MED PA DANG 'JIG PA MED PA'I BDAG NYID DE DAG NI DE DAG GI BDAG NYID MA YIN PAS DE DAG DANG MI LDAN PA'I PHYIR RO ZHES BYA BA NI SKYE BA'I DUS NA YANG SKYE BA GNAS PA DANG 'JIG PA MED PA'I BDAG NYID CAN NI GNAS PA DANG 'JIG PA DE DAG GI BDAG NYID MA YIN PA SKYE BA DE GNAS PA DANG 'JIG PA DE DAG DANG MI LDAN PA'I PHYIR DE DAG 'DUS BYAS KYI MTSAN NYID MA YIN NO, ,PHYIS 'BYUNG BA'I TSUL GYIS DE DAG GI BDAG NYID CAN NYID DU RTOG NA YANG THA SNYAD TZAM DU ZAD PAS CI SKAD BSTAN PA'I SKYON LDOG PA MED DO ZHES BYA BA NI 'DUS BYAS LA MTSAN NYID GSUM DA LTAR MED KYANG, PHYIS 'BYUNG BA'I TSUL GYIS MTSAN NYID GSUM PO DE DAG GI BDAG NYID CAN NYID DU RTOG NA YANG THA SNYAD TZAM DU ZAD PAS DE DAG 'DUS BYAS KYI MTSAN NYID MA YIN PAR BSTAN PA'I SKYON LDOG PA MED DO, ,DE'I PHYIR DE LTAR SKYE BA LA SOGS PA DAG SO SO DANG 'DUS PA 'DUS BYAS KYI MTSAN NYID NYID DU MA GRUB PA'I PHYIR GTAN TSIGS KYI SKYON DE NYID MA LDOG GO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR MTSAN NYID YOD PAR MA GRUB PA'I PHYIR PHA ROL PO DAG GIS SNGAR DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES SMRAS PA'I GTAN TSIGS DE MA GRUB PAR SNGAR BSTAN PA'I SKYON DE NYID MA LDOG PAR SO NA GNAS SO, ,YANG GZHAN YANG ZHES BYA BAS NI SKYE BA LA SOGS PA GANG DAG 'DUS BYAS KYI MTSAN NYID DUS BSTAN PA DE DAG LA 'DUS BYAS KYI MTSAN NYID GZHAN ZHIG YOD DAM 'ON TE MED CES GAL TE GNYIS SU BRTAG PA STON TO, ,DE LA BRTAG PA DANG PO BSTAN PA'I PHYIR, ,SKYE DANG GNAS DANG 'JIG RNAMS LA, ,'DUS BYAS MTSAN NYID GZHAN ZHIG NI, ,GAL TE YOD NA THUG PA MED, ,DE LA YANG GZHAN ZHIG YOD CING DE LA YANG @120A *, ,GZHAN YOD DE THUG PA MED PAR 'GYUR BAS DE NI MI 'DOD DE SKYE BA LA SOGS PA DANG LDAN PAR 'DOD PAR MI BYA'O ZHES BYA BA SMRAS SO, ,BRTAG PA PHYI MA SHOS BSTAN PA'I PHYIR, CI STE DE LTAR GYUR PA 'DOD, ,CES ZER NA, DE LA YANG DE NYID BZLAS PAR BYA STE, MED NA DE DAG 'DUS BYAS MIN, ,ZHES BYA BA SMRAS TE CI STE THUG PA MED PAR GYUR NA MI RUNG NGO SNYAM NAS DE DAG LA 'DUS BYAS KYI MTSAN NYID GZHAN MED PAR SEMS NA DE DAG 'DUS BAS MA YIN PAR 'GYUR TE, 'DUS BYAS MA YIN NA 'DUS BYAS KYI MTSAN NYID DU YANG MI 'GYUR RO, ,CI STE SKYE BA LA SOGS PA DAG 'DUS BYAS NYID YIN PAR YANG 'DOD LA, THUG PA MED PA NYID DU YANG MI 'GYUR TE SKYE BA LA SOGS PA DAG GIS 'DUS BYAS NYID DU MTSON PAR BYED PA NI 'DUS BYAS KYI MTSAN NYID DE, DPER NA BKRA SHIS PA DANG MI SHIS PA'I MTSAN NYID BZHIN DU 'DUS BYAS KYI MTSAN NYID GZHAN MED PAS THUG PA DANG GNAS PA DANG MU THUG DE MED PAR YANG MI 'GYUR RO ZHE NA ZHES BYA BA NI, PHA ROL PO DAG NA RE SKYE BA LA SOGS PA DAG LA MTSAN NYID GZHAN MED PAS THUG PA MED PAR YANG MI 'GYUR LA DE DAG NYID KYIS 'DUS BYAS MTSON PAR BYED PAS MTSAN NYID KYANG YIN TE, DPER NA BKRA SHIS PA'I MTSAN 'KHOR LO LA SOGS PA DANG BKRA MI SHIS PA'I MTSAN DAG MTSAN GZHAN MED PAR THUG PA MED PAR YANG MI 'GYUR LA DE DAG NYID KYIS MTSAN NYID KYI GZHI MTSON PAR BYED PAS MTSAN NYID BYED PA YIN PA BZHIN NO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI SNGAR JI LTAR DON DAM PAR SKYE BA LA SOGS PA 'DUS BYAS NYID NI 'DUS BYAS KYI MTSAN NYID YIN PAR MI 'DOD DE, 'DUS BYAS YIN PA'I PHYIR DPER NA MTSAN NYID KYI GZHI BZHIN NO ZHES BSTAN PA BZHIN DU SKYE BA LA SOGS PA DAG KYANG DE DANG 'DRA BAS DE'I PHYIR DON DAM PAR SKYE BA LA SOGS PA DAG 'DUS BYAS YIN PAR 'DOD PAR MI BYA'O ZHES SMRAS SO, ,'O NA SKYE BA LA SOGS PA DAG LA MTSAN NYID GZHAN MED PAS 'DUS BYAS KYANG MA YIN ZHING THUG PA MED PAR YANG MI 'GYUR LA DE DAG NYID KYIS 'DUS BYAS MTSON PAR BYED PAS MTSAN NYID KYANG YIN NO ZHES ZER BA DE'I LAN DU, SKYE BA LA SOGS PA DAG @120B 'DUS MA BYAS YIN NA YANG 'DUS BYAS KYI MTSAN NYID NYID DU MI RUNG STE, 'DI LTAR DE'I LAN KYANG 'DIR, ,MED NA DE DAG 'DUS BYAS MIN, ,ZHES BYA BAS BTAB ZIN TO ZHES BYA BA SMRAS SO, ,DE'I PHYIR YANG, JI SKAD BSTAN PA'I SKYON LDOG MED DO ZHES BYA BA NA MJUG BSDU BA YIN TE, BRTAG PA GNYI GA'I SGO NAS MTSAN NYID YOD PAR MA GRUB PAS PHA ROL PO'I GTAN TSIGS MA GRUB PA'I SKYON SNGAR BSTAN PA NYID LDOG ? PA MED DE SO NA GNAS SO,, ,,BAM PO SUM CU BRGYAD PA, 'DIR GNAS MA BU'I SDE PA DAG GIS SMRAS PA, SKYE BA DANG GNAS PA DANG 'JIG PA DAG 'DUS BYAS KYANG YIN LA THUG PA MED PAR YANG THAL BAR MI 'GYUR TE ZHES BYA BA LA SOGS PAS NI NYAN THOS GNAS MA BU'I SDE PA DAG NA RE SKYE BA LA SOGS PA 'DUS BYAS KYI MTSAN NYID DAG LA NYE BA'I MTSAN NYID GZHAN YANG YOD LA DE DAG GCIG GIS GCIG LA BYA BA BYED PAS THUG PA MED PAR YANG THAL BAR MI 'GYUR RO ZHES ZER BA'I GZHUNG STON TO, ,GNAS MA BU'I SDE PA DAG CES BYA BA NI SNGON KUN DU RGYU GNAS PA ZHES BYA BA ZHIG BCOM LDAN 'DAS KYI BSTAN PA LA RAB TU BYUNG NAS DES SLOB MA RNAMS LA GANG ZAG TU SMRA BA'I TSUL BDAG TU SMRA BA DANG 'DRA BA DAG BSTAN PA DE DAG LA GANG DAG MA BZHIN DU SEMS PA DE DAG GNAS MA BU'I SDE PA DAG CES BYA'O, ,DE DAG GI GZHUNG BSTAN PA'I PHYIR GAL TE JI LTAR ZHE NA, GANG GI PHYIR 'DI LA CHOS NI BDAG NYID DANG BCO LNGA SKYE STE, CHOS DE DANG, DE'I SKYE BA DANG, DE'I GNAS PA DANG, DE'I 'JIG PA DANG, DE'I LDAN PA DANG, DE'I GNAS PA LAS GZHAN DU 'GYUR BA NYID DANG, 'DIR GAL TE CHOS DE DKAR PO YIN NA DE'I YANG DAG PA'I RNAM PAR GROL BA'AM, CI STE NAG PO YIN NA LOG PA'I RNAM PAR GROL BA DANG, GAL TE CHOS DE NGES PAR 'BYUNG BA YIN NA DE'I NGES PAR 'BYUNG BA NYID DAM, CI STE NGES PAR 'BYUNG BA MA YIN NA NGES PAR 'BYUNG BA MA YIN PA NYID SKYE STE, DE DAG NI 'KHOR ZHES BYA'O, ,DA NI SKYE BA'I SKYE BA DANG GNAS PA'I GNAS PA DANG 'JIG PA'I 'JIG PA DANG LDAN PA'I LDAN PA DANG, GNAS PA LAS GZHAN DU 'GYUR BA NYID KYI GNAS PA LAS GZHAN DU 'GYUR BA NYID DANG, YANG DAG PA'I RNAM PAR GROL BA'I YANG DAG PA'I RNAM PAR GROL BA'AM LOG PA'I RNAM PAR GROL BA'I @121A *, ,LOG PA'I RNAM PAR GROL BA DANG, NGES PAR 'BYUNG BA NYID KYI NGES PAR 'BYUNG BA NYID DAM NGES PAR 'BYUNG BA MA YIN PA NYID KYI NGES PAR 'BYUNG BA MA YIN PA NYID KYANG SKYE STE, DE DAG NI 'KHOR GYI 'KHOR ZHES BYA STE DE LTAR CHOS BDAG NYID DANG BCO LNGA SKYE'O, ,DE LA RTZA BA'I SKYE BAS NI BDAG NYID MA GTOGS PAR CHOS BCU BZHI SKYED PAR BYED DO, ,SKYE BA'I SKYE BAS NI RTZA BA'I SKYE BA DE 'BA' ZHIG SKYED PAR BYED DO, ,GNAS PA LA SOGS PA DAG KYANG DE BZHIN PAS THUG PA MED PAR THAL BAR MI 'GYUR RO ZHES BYA BA SMRAS TE, 'DI LA RNAM PAR SHES PA LA SOGS PA CHOS RNAMS LAS CHOS GANG YANG RUNG BA ZHIG SKYE BA NA DE BDAG NYID DANG BCO LNGA PO DE DAG SKAD CIG MA GCIG LA SKYE STE, CHOS DE NI GTZO BO YIN LA DE'I SKYE BA LA SOGS PA RTZA BA BDUN NI DE'I 'KHOR YIN, SKYE BA'I SKYE BA LA SOGS PA BDUN NI 'KHOR DE DAG GI 'KHOR YIN NO, ,DE LA RTZA BA'I SKYE BAS NI BDAG NYID MA GTOGS PAR CHOS DE DANG, DE'I 'KHOR DRUG DANG, 'KHOR GYI 'KHOR BDUN TE, CHOS BCU BZHI PO CI SKAD BSTAN PA DAG SKYED PAR BYED DO, ,SKYE BA'I SKYE BAS NI RTZA BA'I SKYE BA DE 'BA' ZHIG SKYED PAR BYED DE, DE LTAR MTSAN NYID DANG NYE BA'I MTSAN NYID DAG GCIG GIS GCIG SKYED PAR BYED PAS MTSAN NYID KYANG YIN LA THUG PA MED PAR THAL BAR YANG MI 'GYUR RO, ,DE BZHIN DU CHOS GANG YANG RUNG BA ZHIG GNAS PA NA YANG BDAG NYID DANG BCO LNGA GNAS LA 'JIG PA NA YANG BDAG NYID DANG BCO LNGA 'JIG ,LDAN PA NA YANG BDAG NYID DANG BCO LNGA LDAN, RGA BA NA YANG BDAG NYID DANG BCO LNGA RGA, RNAM PAR GROL BA NA YANG BDAG NYID DANG BCO LNGA GROL, NGES PAR 'BYUNG BA NA YANG BDAG NYID DANG BCO LNGA 'BYUNG STE, DE DAG LA YANG RTZA BA'I GNAS PAS NI BDAG NYID MA GTOGS PAR CHOS DE DANG DE'I 'KHOR DRUG DANG, 'KHOR GYI 'KHOR BDUN TE CHOS BCU BZHI GNAS PAR BYED LA, GNAS PA'I GNAS PAS NI RTZA BA'I GNAS PA DE 'BA' ZHIG GNAS PAR BYED DO, ,RTZA BA'I 'JIG PAS KYANG BDAG NYID MA GTOGS PAR CHOS BCU BZHI PO DE DAG 'JIG PAR BYED LA, 'JIG PA'I 'JIG PAS NI RTZA BA'I 'JIG PA DE 'BA' ZHIG 'JIG PAR BYED DO, ,RTZA BA'I LDAN PAS KYANG BDAG NYID MA GTOGS PAR CHOS BCU BZHI LDAN @121B PAR BYED LA, LDAN PA'I LDAN PAS NI RTZA BA'I LDAN PA 'BA' ZHIG LDAN PAR BYED DO, ,RTZA BA'I RGA BAS KYANG BDAG NYID MA GTOGS PAR CHOS BCU BZHI PO DE DAG RGA BAR BYED LA, RGA BA'I RGA BAS NI RTZA BA'I RGA BA DE 'BA' ZHIG RGA BAR BYED DO, ,RTZA BA'I RNAM PAR GROL BAS KYANG BDAG NYID MA GTOGS PAR CHOS BCU BZHI PO DE DAG RNAM PAR GROL BAR BYED LA, RNAM PAR GROL BA'I RNAM PAR GROL BAS NI RTZA BA'I RNAM PAR GROL BA DE 'BA' ZHIG RNAM PAR GROL BAR BYED DO, ,RTZA BA'I NGES PAR 'BYUNG BAS KYANG BDAG NYID MA GTOGS PAR CHOS BCU BZHI PO DE DAG NGES PAR 'BYUNG BAR BYED LA, NGES PAR 'BYUNG BA'I NGES PAR 'BYUNG BAS NI RTZA BA'I NGES PAR 'BYUNG BA DE 'BA' ZHIG NGES PAR 'BYUNG BAR BYED DO, ,DE LTAR NA SKYE BA LA SOGS PA BDUN PO DAG RE RE LA CHOS BCO LNGA BCO LNGA SKYE BA DANG GNAS PA DANG 'JIG PA DANG, LDAN PA DANG, RGA BA DANG, RNAM PAR GROL BA DANG, NGES PAR 'BYUNG BAR 'GYUR BA DAG SPYIR BSDOMS NA SKAD CIG MA GCIG LA CHOS BRGYA RTZA LNGA LHAN CIG NA YOD PAR 'DOD DO, ,PHYOGS SNGA MA DE'I TSIG LE'UR BYAS PA NI, ,SKYE BA'I SKYE BAS RTZA BA YIN, ,SKYE BA 'BA' ZHIG SKYED PAR BYED, ,RTZA BA'I SKYE BAS SKYE BA YI, ,SKYE BA'ANG SKYED PAR BYED PA YIN, ,ZHES BYA BA STE ZHES BYA BA NI SLOB DPON GYI ZHAL SNGA NAS KYIS PHA ROL PO DAG GIS PHYOGS SNGA MA CI SKAD SMRAS PA DE BSDU BA MDZAD NAS TSIG LE'UR BYAS PA 'DI GSUNGS SO ZHES BYA BAR SBYAR RO, ,DE'I TSIG GI DON BSTAN PA'I PHYIR SKYE BA'I SKYE BAS NI RTZA BA'I SKYE BA 'BA' ZHIG SKYED PAR BYED CING GZHAN SKYED PAR MI BYED DO, ,RTZA BA'I SKYE BAS NI SKYE BA SKYED PAR BYED PA YIN NO ZHES BYA BA SMRAS TE, SKAD CIG MA GCIG LA SKYE BA'I SKYE BAS NI RTZA BA'I SKYE BA 'BA' ZHIG SKYED PAR BYED PAS DE NI NYE BA'I MTSAN NYID YIN LA, RTZA BA'I SKYE BAS NI SKYE BA'I SKYE BA LA SOGS PA CHOS BCU BZHI PO DAG SKYED PA'I BYED PAS DE NI MTSAN NYID YIN TE, DE LTAR MTSAN NYID DANG NYE BA'I MTSAN NYID DAG GCIG GIS GCIG SKYED PAR BYED PAS DE DAG MTSAN NYID KYANG YIN LA THUG PA MED PAR YANG THAL BAR MI 'GYUR RO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DE NI MANG PO YANG YIN, DE NI SNA TSOGS KYANG @122A *, ,YIN MOD KYI DE DE LTA NI MA YIN TE, GAL TE KHYOD KYI SKYE BA'I SKYES, ,RTZA BA'I SKYE BA SKYED BYED NA, ,KHYOD KYI RTZA BAS MA BSKYED DES, ,DE NI CI LTAR SKYED PAR BYED, ,CES BYA BA SMRAS SO, ,GAL TE KHYOD KYI SKYE BA'I SKYE BAS RTZA BA'I SKYE BA SKYED PAR BYED NA ZHES BYA BA NI TSIG LE'UR BYAS PA'I PHYED GONG MA'I BSHAD PA STE, PHYOGS SNGA MA SMRA BA'I GZHUNG BRNAN PA YIN NO, ,KHYOD KYI RTZA BA'I SKYE BAS MA BSKYED PA'I SKYE BA DES RTZA BA'I SKYE BA DE CI LTAR SKYED PAR BYED SKYED PAR MI BYED PA NYID DE MA SKYES PA'I PHYIR SNGON BZHIN NO ZHES BYA BAR DGONGS SO ZHES BYA BA NI TSIG LE'UR BYAS PA'I PHYED 'OG MA'I BSHAD PA STE, PHYOGS SNGA MA SMRAS PA'I GZHUNG SUN 'BYIN PA YIN NO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNGON MA SKYES PA'I DNGOS PO NI MA SKYES PA'I PHYIR RTZA BA'I SKYE BA DE SKYED PAR MI BYED PA NYID YIN PA DE BZHIN DU RTZA BA'I SKYE BAS MA BSKYED PA'I SKYE BA'I SKYE BA DE YANG MA SKYES PA'I PHYIR RTZA BA'I SKYE BA SKYED PAR MI BYED PA NYID DO, ,GAL TE RTZA BA'I SKYE BAS BSKYED PA KHO NA'I SKYE BA'I SKYE BAS RTZA BA'I SKYE BA SKYED PAR BYED DO ZHE NA ZHES BYA BA NI GAL TE PHA ROL PO DAG DE SKAD CES ZER NA'O, ,DE'I LAN DU 'GREL PA BYED PA NYID KYIS BSHAD PA, GAL TE KHYOD KYI RTZA BA YI, ,BSKYED PA DE YIS RTZA BSKYED NA, ,DES MA BSKYED PA'I RTZA BA DES, ,DE NI CI LTAR SKYED PAR BYED, ,CES BYA BA SMRAS SO, ,GAL TE KHYOD KYI RTZA BA'I SKYE BAS BSKYED PA'I SKYE BA'I SKYE BA DES RTZA BA'I SKYE BA DE SKYED PAR BYED NA ZHES BYA BA NI TSIG LE'UR BYAS PA'I PHYED GONG MA'I BSHAD PA STE, PHYOGS SNGA MA SMRA BA'I GZHUNG BRNAN PA YIN NO, ,SKYE BA'I SKYE BA DES MA BSKYED PA'I RTZA BA'I SKYE BA DES SKYE BA'I SKYE BA DE JI LTAR SKYED PAR BYED SKYED PAR MI BYED PA NYID DE, MA SKYES PA'I PHYIR SNGON BZHIN NO ZHES BYA BAR DGONGS SO ZHES BYA BA NI TSIG LE'UR BYAS PA PHYED 'OG MA'I BSHAD PA STE, PHYOGS SNGA MA SMRA BA'I GZHUNG SUN 'BYIN PA YIN NO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNGON MA SKYES PA'I DNGOS PO NI MA SKYES PA'I PHYIR SKYE BA'I SKYE BA DE SKYED PAR MI BYED PA NYID YIN PA DE BZHIN DU SKYE BA'I SKYE @122B BAS MA BSKYED PA'I RTZA BA'I SKYE BA DE YANG MA SKYES PA'I PHYIR SKYE BA'I SKYE BA DE SKYED PAR MI BYED PA NYID DO, ,GAL TE RTZA BA'I SKYE BA DANG SKYE BA'I SKYE BA DAG SKYE BZHIN PA NA RANG GI BYA BA BYED PA'I PHYIR NYES PA MED DO ZHE NA ZHES BYA BA NI GAL TE PHA ROL PO DAG DE SKAD CES ZER NA'O, ,DE'I LAN DU 'GREL PA BYED PA NYID KYIS BSHAD PA, KHYOD KYI DE NI SKYE BZHIN PA, ,MA SKYES DE YIS GAL TE NI, ,DE NI SKYED PAR BYED NUS NA, ,DE SKYED PA NI 'DOD LA RAG ,CES BYA BA SMRAS SO, ,KHYOD KYI RTZA BA'I SKYE BA'AM SKYE BA'I SKYE BA DE SKYE BZHIN PA RANG NYID MA SKYES PA DES GAL TE SKYE BA'I SKYE BA'AM RTZA BA'I SKYE BA DE SKYED PAR BYED NUS NA NI SKYE BA'I SKYE BA'AM RTZA BA'I SKYE BA DE SKYED PAR 'DOD LA RAG NA ZHES BYA BA NI TSIG LE'UR BYAS PA DE'I BSHAD PA STE, PHYOGS SNGA MA SMRA BA'I GZHUNG BRNAN PA YIN NO, ,RTZA BA'I SKYE BA'AM SKYE BA'I SKYE BA SKYE BZHIN PA RANG NYID MA SKYES PA DES SKYE BA'I SKYE BA'AM RTZA BA'I SKYE BA DE SKYED PAR MI NUS TE, MA SKYES PA'I PHYIR RAM SKYE BZHIN PA'I PHYIR SNGON BZHIN NAM SKYE BAR 'DOD PA'I DNGOS PO BZHIN NO ZHES BYA BAR DGONGS SO ZHES BYA BA NI DAM BCA' BA STE, PHYOGS SNGA MA SMRA BA'I GZHUNG SUN 'BYIN PA YIN NO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNGON MA SKYES PA'I DNGOS PO NI MA SKYES PA'I PHYIR SKYE BA'I SKYE BA'AM RTZA BA'I SKYE BA DE SKYED PAR MI NUS PA DANG, SKYE BAR 'DOD PA'I DNGOS PO NI SKYE BZHIN PA'I PHYIR SKYE BA'I SKYE BA'AM RTZA BA'I SKYE BA DE SKYED PAR MI NUS PA DE BZHIN DU RTZA BA'I SKYE BA'AM SKYE BA'I SKYE BA SKYE BZHIN PA RANG NYID MA SKYES PA DE YANG MA SKYES PA'I PHYIR RAM SKYE BZHIN PA'I PHYIR SKYE BA'I SKYE BA'AM RTZA BA'I SKYE BA DE SKYED PAR MI NUS SO, ,GAL TE LHAN CIG 'BYUNG BA'I RGYUS SKYE BZHIN PA LA YANG SKYED PA'I MTHU YOD PA'I PHYIR LHAN CIG 'BYUNG BA MA SKYES PA DAG GAM, SKYE BZHIN PA DAG GIS MA SKYES PA'I PHYIR RAM, SKYE BZHIN PA'I PHYIR ZHES BYA BA'I GTAN TSIGS KYI DON MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS MA BSKYED PA'I PHYIR RAM SKYE BZHIN PA'I PHYIR ZHES BYA BA DE MA NGES PA NYID YIN NO ZHES SKYON 'DOGS PA YIN TE, DE DAG NA RE LHAN CIG 'BYUNG BA'I RGYU NI CHOS MNGON PA MDZOD LAS, LHAN @123A *, ,CIG 'BYUNG GANG PHAN TSUN 'BRAS, ,'BYUNG BZHIN SEMS KYI RJES 'JUG DANG, ,SEMS DANG MTSAN NYID MTSAN GZHI BZHIN, ,ZHES BSHAD DE LHAN CIG 'BYUNG BA'I RGYU NI PHAN TSUN 'BRAS BU YIN TE, DPER NA 'BYUNG BA CHEN PO BZHI PO DAG NI LHAN CIG 'BYUNG BA'I RGYU YIN PA LTA BU DANG, SEMS KYANG SEMS KYI RJES SU 'JUG PA'I CHOS RNAMS KYI LHAN CIG 'BYUNG BA'I RGYU YIN LA, DE DAG KYANG SEMS KYI LHAN CIG 'BYUNG BA'I RGYU YIN PA LTA BU DANG, 'DUS BYAS KYI MTSAN NYID SKYE BA DANG GNAS PA DANG 'GAG PA ZHES BYA BA GSUM PO DAG KYANG MTSAN NYID KYI GZHI'I LHAN CIG 'BYUNG BA'I RGYU YIN LA, MTSAN NYID KYI GZHI YANG MTSAN NYID DAG GI LHAN CIG 'BYUNG BA'I RGYU YIN PA LTA BU'O ZHES BSHAD PAS LHAN CIG 'BYUNG BA'I RGYUS DNGOS PO SKYE BZHIN PA LA YANG SKYED PA'I MTHU YOD PA'I PHYIR DES NA, CI RTZA BA'I SKYE BA'AM SKYE BA'I SKYE BA SKYE BZHIN PA DE MA SKYES PA'I PHYIR SNGON MA SKYES PA'I DNGOS PO BZHIN DU SKYE BA'I SKYE BA'AM, RTZA BA'I SKYE BA DE SKYED PAR MI NUS PA YIN NAM, 'ON TE RTZA BA'I SKYE BA'AM SKYE BA'I SKYE BA SKYE BZHIN PA DE LHAN CIG 'BYUNG BA'I RGYU YIN PA'I PHYIR SKYE BA'I SKYE BA'AM RTZA BA'I SKYE BA DE SKYED PAR NUS PA MA NGES PA DANG, YANG NA CI RTZA BA'I SKYE BA'AM SKYE BA'I SKYE BA SKYE BZHIN PA DE SKYE BZHIN PA'I PHYIR SKYE BAR 'DOD PA'I DNGOS PO BZHIN DU SKYE BA'I SKYE BA'AM RTZA BA'I SKYE BA DE SKYED PAR MI NUS PA YIN NAM, 'ON TE RTZA BA'I SKYE BA'AM SKYE BA'I SKYE BA SKYE BZHIN PA DE LHAN CIG 'BYUNG BA'I RGYU YIN PA'I PHYIR TE SKYE BA'I SKYE BA'AM RTZA BA'I SKYE BA DE SKYED PAR NUS PA MA NGES PAS DE'I PHYIR KHYED DBU MA PA'I GTAN TSIGS MA SKYES PA'I PHYIR RAM, SKYE BZHIN PA'I PHYIR ZHES BYA BA DE'I DON MA NGES PA NYID YIN PAS MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, LHAN CIG 'BYUNG BA DAG KYANG 'DOD CHAGS DANG CHAGS PA DAG LHAN CIG NYID DU SKYE BA DGAG PA'I SKABS SU BKAG PA'I PHYIR DANG, BYED PA'I RGYU YANG BKAG PA'I PHYIR SGRUB PA DES MA NGES PA NYID DU BSTAN PAR MI NUS PAS THUG PA MED PAR THAL BAR 'GYUR BA BZLOG PA MED DO ZHES BYA BA SMRAS TE, LHAN CIG 'BYUNG BA'I RGYU DAG KYANG SNGAR 'DOD CHAGS DANG CHAGS PA BRTAG PA'I SKABS SU, 'DOD CHAGS DANG NI CHAGS @123B PA DAG ,LHAN CIG NYID DU SKYE MI RIGS, ,'DI LTAR 'DOD CHAGS CHAGS PA DAG ,PHAN TSUN LTOS PA MED PAR 'GYUR, ,ZHES BYA BAS BKAG ZIN PA'I PHYIR DANG, BYED PA'I RGYUS SKYE BZHIN PA RANG NYID MA SKYES PA GZHAN GYI RGYU YIN NO ZHE NA, ,YANG GAL TE 'DIR RTZA BA'I SKYE BA'AM SKYE BA'I SKYE BA SKYE BZHIN PA DE BYED PA'I RGYU YIN NA NI DES NA MA NGES PA NYID DU YANG 'GYUR GRANG NA, BYED PA'I RGYU NYID KYANG SNGAR BKAG ZIN PAS DE'I PHYIR KHYED KYI SGRUB PA DE KHO BO'I GTAN TSIGS MA NGES PA NYID DU BSTAN PAR MI NUS PAS MTSAN NYID GCIG GIS GCIG SKYED PAR MA GRUB PA'I PHYIR DE DAG LA MTSAN NYID GZHAN ZHIG YOD NA THUG PA MED PAR THAL BAR 'GYUR BA'I SKYON SNGAR BSTAN PA DE KHYED KYIS BZLOG PA MED DE SO NA GNAS SO, ,DE'I PHYIR GZHAN DAG GIS THUG PA MED PAR THAL BAR 'GYUR BA BZLOG PA'I PHYIR SMRAS PA, CI LTAR MAR MES RANG DANG GZHAN, ,SNANG BAR BYED PA DE BZHIN DU, ,SKYE BA'ANG RANG DANG GZHAN GYI DNGOS, ,GNYI GA SKYED PAR BYED PA YIN, ,DE'I PHYIR THUG PA MED PAR THAL BAR MI 'GYUR RO ZHES BYA BA NI, SDE PA GZHAN DAG SGRUB PA GZHAN GYI THUG PA MED PAR THAL BAR MI 'GYUR BAR SGRUB PA YIN TE, DE DAG NA RE CI LTAR MAR MES RANG GI BDAG NYID KYANG SNANG BAR BYED LA BUM PA DANG SNAM BU LA SOGS PA DANG DNGOS PO GZHAN DAG KYANG SNANG BAR BYED PA DE BZHIN DU SKYE BAS KYANG RANG GI BDAG NYID KYANG SKYED PAR BYED LA BUM PA DANG SNAM BU LA SOGS PA DNGOS PO GZHAN DAG KYANG SKYED PAR BYED PAS DE'I PHYIR 'DUS BYAS KYI MTSAN NYID KYANG YIN LA THUG PA MED PAR THAL BAR YANG MI 'GYUR RO ZHES ZER RO, ,'DIR DON GO SLA BA DANG RNAM PAR BSHAD ZIN PA GANG YIN PA DE NI RNAM PAR BSHAD PAR MI BYA STE TSIG MANGS SU DOGS PA'I PHYIR DANG, DON GRAGS PA DANG DON RNAM PAR BSHAD ZIN PAS 'BAD PA DON MED PA NYID YIN PA'I PHYIR RO ZHES BYA BA NI, 'GREL PA BYED PA NYID KYIS PHYOGS SNGA MA SMRA BA'I TSIG LE'UR BYAS PA GONG MA DE'I 'GREL PA MA BYAS PA'I 'THAD PA SMRAS PA YIN NO, ,PHYOGS SNGA MA SMRA BA DAG DE SKAD CES ZER BA DE'I LAN DU 'DIR 'GREL PA BYED PA NYID KYIS TSIG MANGS KYANG BLOS 'DIR RJES SU DPAG PA NI BSHAD PAR BYA STE ZHES BYA BA LA SOGS PA @124A *, ,SMRAS SO, ,SKYE BA NI RANG DANG GZHAN GYI BDAG NYID KYI YUL DAG LA BYA BA BYED DE DE'I NGO BO NYID YIN PA'I PHYIR RO, ,DPER NA MAR ME SNANG BA'I NGO BO NYID YIN PAS RANG DANG GZHAN GYI BDAG NYID DAG SNANG BAR BYED PA BZHIN NO ZHE NA ZHES BYA BA NI 'GREL PA BYED PA NYID KYIS PHA ROL PO DAG GIS SMRAS PA'I TSIG LAS DRIS ? TE PHYOGS SNGA MA NYE BAR BZHAG PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MAR ME NI SNANG BA'I NGO BO NYID YIN PA'I PHYIR RANG DANG GZHAN GYI BDAG NYID SNANG BAR BYED PA DE BZHIN DU SKYE BA YANG SKYE BA'I NGO BO NYID YIN PA'I PHYIR RANG DANG GZHAN GYI BDAG NYID DAG SKYED PAR BYED DO ZHE NA'O, ,DE LA BSHAD PA, DON DAM PAR SKYE BA NI SKYED PAR BYED PA'I NGO BO NYID KHO NA'O ZHES BSGRUB PAR BYA BA'I GTAN TSIGS DE'I NGO BO NYID YIN PA'I PHYIR ZHES BYA BA NYID KYIS BSGRUB PAR BYA BA BZHIN DU MA GRUB PAR BRJOD PA'I PHYIR DANG, DAM BCAS PA'I DON GYI PHYOGS GCIG YIN PA'I PHYIR DPER NA SGRA MI RTAG STE SGRA YIN PA'I PHYIR RO ZHES BYA BA BZHIN PAS DE NI RIGS PA MA YIN NO ZHES BYA BA NI 'GREL PA BYED PA NYID KYIS PHYOGS SNGA MA'I GTAN TSIGS DE BSGRUB PAR BYA BA BZHIN DU MA GRUB PA'I PHYIR DANG, DAM BCAS PA'I DON GYI PHYOGS GCIG YIN PA'I PHYIR MA GRUB BO ZHES SUN DBYUNG BA'I TSIG YIN NO, ,YANG BSHAD PA 'DI LA DON DAM PAR MAR ME NI RANG DANG GZHAN GYI BDAG NYID DAG GZUNG BA LA BAR DU GCOD PA'I MUN PA SEL BA'I PHYIR SNANG BAR BYED PA YIN NO ZHES BRJOD PAR BYA GRANG NA, 'DI LA JI SKAD SMOS PA'I SGRUB PA DE MI SRID DO ZHES BYA BA NI PHA ROL PO DAG 'DOD PA LTAR BRTAG NA DE LTA BU YIN GRANG NA, BRTAG PA 'DI LA CI SKAD SMOS PA'I SGRUB PA DE MI SRID PAR STON TO, ,CI LTAR ZHE NA, DE'I PHYIR BSHAD PA, MAR ME DANG NI GANG DAG NA, ,DE 'DUG PA NA MUN PA MED, ,MAR MES CI ZHIG SNANG BAR BYED, ,CI YANG SNANG BAR MI BYED DO, ,ZHES BYA BA'I TSIG GI DON TO ZHES BYA BA NI MAR MES SNANG BAR BYED PA YIN NO ZHES BYA BA NI RANG DANG GZHAN GYI BDAG NYID DAG GZUNG BAR BYA BA LA BAR DU GCOD PA'I MUN PA SEL BA'I PHYIR SNANG BAR BYED PA YIN NO ZHES BRJOD @124B PAR BYA GRANG NA, MAR ME LA YANG MUN PA MED LA PHYOGS GANG NA MAR ME DE 'DUG PA DE NA YANG MUN PA MED PAS MAR MES CI ZHIG SNANG BAR BYED DE CI YANG SNANG BAR MI BYED DO ZHES BYA BA'I THA TSIG GO, ,DE LTAR NA 'DIR BSGRUB PAR BYA BA CHOS MAR ME SNANG BAR BYED PA NYID MA YIN PA DANG, SGRUB PA'I CHOS MAR ME RANG DANG GZHAN GYI BDAG NYID DAG LA MUN PA MED PA NYID BSTAN TO ZHES BYA BAS NI BSGRUB PAR BYA BA CHOS DANG, SGRUB PA'I CHOS DE BSTAN TO, ,DE'I PHYIR 'DIR RJES SU DPAG PA NI DON DAM PAR MAR ME NI RANG DANG GZHAN GYI BDAG NYID DAG SNANG BAR BYED PA MA YIN TE, MUN PA MED PA'I PHYIR DPER NA NYI MA 'OD ZER GSAL ZHING 'JEBS ? PA DANG LDAN PA'I SNANG BA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYI MA 'OD ZER GSAL ZHING 'JEBS PA DANG LDAN PA'I SNANG BA NI MUN PA MED PA'I PHYIR MAR MES SNANG BAR BYA BA MA YIN PA DE BZHIN DU MAR ME RANG GI BDAG NYID DANG, PHYOGS GANG NA MAR ME DE 'DUG PA'I GZHAN GYI BDAG NYID DAG KYANG MUN PA MED PA'I PHYIR MAR MES SNANG BAR BYA BA MA YIN NO, ,'DIR NYI MA 'OD ZER GSAL ZHING 'JEBS PA DANG LDAN PA ZHES 'OD ZER GYI KHYAD PAR GNYIS SMOS PA NI NANG PAR NAM MKHA' SPRIN MED PA LA NYI MA SHAR BA'I TSE NA 'OD ZER GSAL BA YIN YANG 'JEBS PA MA YIN LA, GUNG LA 'OD ZER SPRIN GYIS KHEBS PA'I TSE NA 'JEBS PA YIN YANG GSAL BA MA YIN PAS DE GNYI GA'I TSE, SA PHYOGS DMA' BA DAG SNANG BA GANG YOD PA DES MAR MES SNANG BAR BYA DGOS PAS DE'I PHYIR 'OD ZER GSAL BA DANG 'JEBS PA GNYIS SMOS SO, ,YANG NA, MAR ME DANG NI GANG DAG NA, ,DE 'DUG PA NA MUN PA MED, ,MED CES BYA BA NI SNANG BAR BYED PA'I PHYIR TE, 'DIS NI MAR ME'I CHOS NI SNANG BAR BYED PA NYID YIN PAR STON TO ZHES BYA BA NI SNGAR NI MUN PA MED PA NYID SGRUB PA'I CHOS YIN PAR BSTAN TO, ,'DIS NI SNANG BAR BYED PA NYID SGRUB PA'I CHOS YIN PAR STON TE KHYAD PAR NI DE YOD DO, ,DE'I PHYIR 'DIR RJES SU DPAG PA NI DON DAM PAR MAR ME NI MAR ME RANG DANG GZHAN GYI BDAG NYID DAG SNANG BAR BYED PA MA YIN PAR SHES PAR BYA STE, SNANG BAR BYED PA YIN PA'I PHYIR DPER NA NYI MA BZHIN NO ZHES BYA BA @125A *, ,DAG KYANG, CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYI MA NI SNANG BAR BYED PA YIN PA'I PHYIR MAR MES SNANG BAR BYA BA MA YIN PA DE BZHIN DU MAR ME RANG GI BDAG NYID DANG PHYOGS GANG NA MAR ME DE 'DUG PA'I GZHAN GYI BDAG NYID DAG KYANG SNANG BAR BYED PA YIN PA'I PHYIR MAR MES SNANG BAR BYA BA MA YIN NO, ,DE BZHIN DU MAR ME NI SNANG BAR BYED PA MA YIN TE GTAN TSIGS 'BYUNG BA NYID DANG, PHAN GDAGS PAR BYA BA NYID DANG BYAS PA NYID DANG, RKYEN GYI DBYE BAS THA DAD PA NYID LA SOGS PA DAG GI PHYIR SA LA SOGS PA DAG BZHIN NO ZHES KYANG BRJOD PAR BYA'O ZHES BYA BA NI MAR ME RANG DANG GZHAN GYI BDAG NYID DAG SNANG BAR BYED PA MA YIN PA'I GTAN TSIGS MUN PA MED PA'I PHYIR DANG, SNANG BAR BYED PA YIN PA'I PHYIR ZHES BYA BA DE GNYIS NI MTSAN NYID KYI SGRA'I TSUL NYE BAR GZUNG BA'I PHYIR MTSON PA TZAM DU ZAD KYI, DE BZHIN DU MAR ME NI RANG DANG GZHAN GYI BDAG NYID DAG SNANG BAR BYED PA MA YIN TE, 'BYUNG BA NYID LA SOGS PA DAG YIN PA'I PHYIR DPER NA SA LA SOGS PA DAG BZHIN NO ZHES KYANG BRJOD PAR BYA'O, ,'DI SKAD BSTAN TE MAR ME NI RANG DANG GZHAN GYI BDAG NYID DAG SNANG BAR BYED PA MA YIN TE, 'BYUNG BA NYID YIN PA'I PHYIR DPER NA SA BZHIN NO, ,MAR ME NI RANG DANG GZHAN GYI BDAG NYID DAG SNANG BAR BYED PA MA YIN TE, PHAN GDAGS PAR BYA BA NYID YIN PA'I PHYIR DPER NA CHU BZHIN NO, ,MAR ME NI RANG DANG GZHAN GYI BDAG NYID DAG SNANG BAR BYED PA MA YIN TE; BYAS PA NYID YIN PA'I PHYIR DPER NA ME BZHIN NO, ,MAR ME NI RANG DANG GZHAN GYI BDAG NYID DAG SNANG BAR BYED PA MA YIN TE, RKYEN GYI DBYE BAS THA DAD PA NYID YIN PA'I PHYIR DPER NA RLUNG BZHIN NO, ,DE'I PHYIR DPE MED PAS SGRUB PA MA TSANG BA'I SKYON YOD DO ZHES BYA BA NI MJUG BSDU BA DANG TSAD MA'I 'BRAS BU YIN TE, PHA ROL PO DAG GIS SNGAR SKYE BA NI RANG DANG GZHAN GYI BDAG NYID KYI YUL DAG LA BYA BA BYED DO, ,DE'I NGO BO NYID YIN PA'I PHYIR DPER NA MAR ME SNANG BA'I NGO BO NYID YIN PAS RANG DANG GZHAN GYI BDAG NYID DAG SNANG BAR BYED PA BZHIN NO ZHES SMRAS PA'I DPE MA GRUB PAS PHYOGS SNGA @125B MA LA SGRUB PA MA TSANG BA'I SKYON YOD PAS MI RUNG NGO ZHES BYA BA'I THA TSIG GO , ,'DIR SMRAS PA, MUN PA SEL BAS SNANG BYED YIN, ,MAR ME SKYE BZHIN PAS MUN PA SEL BAR BYED DE GANG GI PHYIR DES SNANG BAR BYA BA'I DNGOS PO LA MUN PA MED PA DANG SNANG BAR BYED PAS SNANG BA YIN PA DE'I PHYIR MUN PA SEL BAS SNANG BAR BYED PA YIN NO ZHES SMRAS PAR 'GYUR RO, ,DE'I PHYIR MUN PA MED PA'I PHYIR ZHES GANG SMRAS PA DE MA GRUB PAS DES NA GTAN TSIGS KYI DON MA GRUB PA NYID DO, ,DPE MED PA YANG MA YIN TE MAR MES SNANG BAR BYA BA'I DON DMIGS PA'I PHYIR RO ZHES BYA BA NI DE LTAR DPE MED PAR BSTAN PA DANG, 'DIR YANG RANG GI SDE PA DAG DPE YOD PAR SGRUB PA YIN TE, DE DAG NA RE GANG GI PHYIR KHYED KYIS, MAR ME DANG NI GANG DAG NA, ,DE 'DUG PA NA MUN PA MED, ,CES BYA BAS RJES SU DPAG PA RNAM GNYIS BSHAD PA'I GTAN TSIGS DES SNANG BAR BYA BA'I DNGOS PO LA MUN PA MED PA'I PHYIR DANG, SNANG BAR BYED PA YIN PA'I PHYIR, ,ZHES BYA BA DE NYID KYIS MAR ME SNANG BA YIN PA DE'I PHYIR, MUN PA SEL BAS SNANG BYED YIN, ,ZHES SMRAS PAR 'GYUR BAS MAR ME SKYE BZHIN PA RANG DANG GZHAN GYI BDAG NYID DAG LA MUN PA MED PA NYID MUN PA SEL BAR BYED PA YIN NO, ,DE'I PHYIR KHYED KYIS DON DAM PAR MAR ME NI MAR ME RANG DANG GZHAN GYI BDAG NYID DAG SNANG BAR BYED PA MA YIN TE MUN PA MED PA'I PHYIR DPER NA NYI MA 'OD ZER GSAL ZHING 'JEBS PA DANG LDAN PA'I SNANG BA BZHIN NO ZHES GANG SMRAS PA'I GTAN TSIGS KYI DON MA GRUB PA NYID DO, ,KHYED KYI GTAN TSIGS KYI DON MA GRUB PAS KHO BO CAG GI DPE MED PA YANG MA YIN TE MAR MES SNANG BAR BYA BA'I DON RANG DANG GZHAN GYI BDAG NYID DAG LA MUN PA MED PA DANG SNANG BAR BYED PA DMIGS PA'I PHYIR KHO BO CAG GI DPE GRUB BO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, CI LTAR MAR ME SKYE BZHIN PAS, , MUN PA SEL BAR BYED PA YIN, ,ZHES BYA BA SMRAS SO, ,JI LTAR ZHES BYA BA NI MI SRID PA LA SNYEGS TE, JI LTAR SEL BAR BYED DE SEL BAR MI BYED PA NYID DO ZHES BYA BA'I TSIG GI DON TO ZHES BYA BAS NI BSGRUB PAR BYA BA CHOS BSTAN TO, ,MAR ME SKYE BZHIN PAS ZHES BYA BA 'DIS NI SKYE BZHIN PA'I CHOS SKYE BZHIN @126A *, ,PA NYID BSTAN ZHES BYA BAS NI SGRUB PA'I CHOS BSTAN TO, ,DE'I PHYIR DE NI BSGRUB PAR BYA BA DANG SGRUB PA'I CHOS NYE BAR GZHAG PA YIN NO ZHES BYA BA SMRAS TE, SNGA MA GNYIS DANG GO RIMS BZHIN NO, ,GANG TSE MAR ME SKYE BZHIN PA, ,MUN PA DANG NI PHRAD PA MED, ,CES BYA BA NI CHOS MTHUN PA'I DPE NYE BAR GZHAG PA YIN TE ZHES BYA BAS NI CHOS MTHUN PA'I PHYOGS KYI DPE BSTAN TO, ,DE YANG JI LTA BU ZHE NA, DPER NA SGRA BYAS PA JI LTAR BRTAG STE BUM PA MI RTAG PA BZHIN NO ZHES BYA BA LTA BU'O ZHES BYA BA SMRAS TE DPER NA 'GA' ZHIG GIS SGRA RTAG GO ZHES SMRAS PA NA GZHAN DAG GIS SGRA BYAS PA JI LTAR RTAG STE BUM PA BYAS PA MI RTAG PA BZHIN DU SGRA BYAS PA YANG MI RTAG PA YIN NO ZHES BSGRUB PA DE BZHIN DU 'DIR YANG GANG GI TSE MAR ME SKYE BZHIN PA DANG MUN PA PHRAD PA MED PA DE'I TSE NA MUN PAS MAR ME SGRIB PAR MI BYED PA NYID GANG GI TSE MAR ME SKYE BZHIN PA MUN PA DANG PHRAD PA MED PA DE'I TSE MAR MES MUN PA SEL BAR BYED PA MA YIN PA'I PHYIR DPE YIN PAR SGRUB BO, ,DE LA 'DIR RJES SU DPAG PA NI DON DAM PAR MAR ME NI MI MTHUN PA'I PHYOGS SEL BAR BYED PA MA YIN TE, SKYE BZHIN PA YIN PA'I PHYIR DPER NA MUN PAS MAR ME BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, ,DPER NA MUN PA MAR ME DANG PHRAD PA MED PA NI SKYE BZHIN PA YIN PA'I PHYIR MAR ME SGRIB PAR BYED PA MA YIN PA DE BZHIN DU MAR ME MUN PA DANG PHRAD PA MED PA YANG SKYE BZHIN PA YIN PA'I PHYIR MUN PA SEL BAR BYED PA MA YIN NO, ,GAL TE SHES PA DANG SHES PA MA YIN PA DAG GIS MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS SKYE BZHIN PA YIN PA'I PHYIR ZHES BYA BA DE MA NGES PA NYID YIN PAR SKYON 'DOGS PA YIN TE, DE DAG NA RE YE SHES DANG MA RIG PA DAG SKYE BZHIN PA YIN YANG YE SHES KYIS MA RIG PA SEL BAR BYED PAS DES NA CI RE ZHIG SKYE BZHIN PA YIN PA'I PHYIR MUN PAS MAR ME SGRIB PAR MI BYED PA BZHIN DU, MAR MES MUN PA SEL BAR MI BYED PA YIN NAM 'ON TE SKYE BZHIN PA YIN YANG YE SHES KYIS MA RIG PA SEL BAR BYED PA BZHIN DU MAR MES MUN PA SEL BAR BYED PA MA NGES PAS DBU MA PA'I GTAN TSIGS @126B DE MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, BSGRUB PAR BYA BA'I KHONGS SU GTOGS PA'I PHYIR DE BZHIN DU BKAG PAS MA NGES PA NYID MA YIN NO ZHES BYA BA SMRAS TE, JI LTAR DON DAM PAR MAR MES MUN PA SEL BAR BYED PA BKAG PA DE BZHIN DU, YE SHES KYIS MA RIG PA SEL BA YANG BKAG PAS MI MTHUN PA'I PHYOGS MED PA'I PHYIR MA NGES PA NYID MA YIN NO, ,YANG NA SKYE BZHIN PA NI MNGON PAR MA GRUB PA STE, MAR ME NI SNANG BAR BYED PA MA YIN TE, MNGON PAR MA GRUB PA'I PHYIR BU MA SKYES PAS BYA BA MI NUS PA BZHIN NO ZHES BYA BAS NI MNGON PAR MA GRUB PA GTAN TSIGS YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BU MA SKYES PA NI MNGON PAR MA GRUB PA'I PHYIR BYA BA MI NUS PA DE BZHIN DU, MAR ME SKYE BZHIN PA YANG MNGON PAR MA GRUB PA'I PHYIR MUN PA SEL BAR BYED PA MA YIN NO, ,YANG NA, JI LTAR MAR ME SKYE BZHIN PAS, ,MUN PA SEL BAR BYED PA YIN, ,ZHES BYA BAS NI DPE LA PHRAD PA MED PA BRJOD PA'I PHYIR MAR ME'I CHOS PHRAD PA MED PA YIN PAR BSTAN TO ZHES BYA BAS NI DPE MAR ME LA MUN PA DANG PHRAD PA MED PA'I CHOS YOD PAR BRJOD PA'I PHYIR MAR MES MUN PA SEL BAR MI BYED PA'I SGRUB PA'I CHOS PHRAD PA MED PA YIN PAR STON TO, ,SNGA MAS NI MUN PA LA MAR ME DANG PHRAD PA MED PA'I CHOS YOD PA'I BRJOD PA'I PHYIR MUN PAS MAR ME MI SGRIB PA'I SGRUB PA'I CHOS PHRAD PA MED PA YIN PAR BSTAN TE KHYAD PAR NI DE YOD DO, ,GANG TSE MAR ME SKYE BZHIN PA, MUN PA DANG NI PHRAD PA MED, ,CES BYA BA NI CHOS MTHUN PA'I DPE'I TSIG YIN NO ZHES BYA BAS NI CHOS MTHUN PA'I PHYOGS KYI DPE BSTAN TO, ,'DIR RJES SU DPAG PA NI DON DAM PAR MAR ME SKYE BZHIN PA NI MUN PA SEL PAR BYED PA MA YIN TE, PHRAD PA MED PA'I PHYIR DPER NA 'JIG RTEN GYI BAR GYI MUN GNAG SNANG BA MED PA BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'JIG RTEN GYI BAR GYI MUN GNAG SNANG BA MED PA NI MAR ME DANG PHRAD PA MED PA'I PHYIR @127A *, ,MAR ME SGRIB PAR MI BYED PA DE BZHIN DU MAR ME SKYE BZHIN PA YANG MUN PA DANG PHRAD PA MED PA'I PHYIR MUN PA SEL BAR BYED PA MA YIN NO, ,YANG NA DON DAM PAR MAR ME NI MUN PA SEL BAR BYED PA MA YIN TE, MI MTHUN PA'I PHYOGS DANG PHRAD PA MED PA'I PHYIR, DPER NA MUN PA BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MUN PA NI GNYEN PO'I PHYOGS DANG PHRAD PA MED PA'I PHYIR, MUN PA SEL BAR BYED PA MA YIN PA DE BZHIN DU MAR ME YANG MI MTHUN PA'I PHYOGS DANG PHRAD PA MED PA'I PHYIR MUN PA SEL BAR BYED PA MA YIN NO, ,GAL TE MNGON SPYOD KYI LAS BZHIN DU PHRAD PA MED PAR YANG SNANG BAS MUN PA SEL BA'I PHYIR MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS PHRAD PA MED PA'I PHYIR ZHES BYA BA DE MA NGES PA NYID YIN PAR SKYON 'DOGS PA YIN TE, DE DAG NA RE MNGON SPYOD KYI LAS DANG DGRA BO DAG PHRAD PA MED PAR YANG MNGON SPYOD KYI LAS KYIS DGRA BO GSOD PAR BYED PAS, DES NA CI RE ZHIG PHRAD PA MED PA'I PHYIR MUN PAS MAR ME SGRIB PAR MI BYED PA BZHIN DU MAR MES MUN PA SEL BAR MI BYED PA YIN NAM 'ON TE PHRAD PA MED KYANG MNGON SPYOD KYI LAS KYIS DGRA BO GSOD PAR BYED PA BZHIN DU, MAR MES MUN PA SEL BAR BYED PA MA NGES PAS DBU MA PA'I GTAN TSIGS DE NI MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA YANG LAS LA SNANG BA MED PA'I PHYIR DANG DGRA BO'I PHYIR LAS BYAS PAS RIG SNGAGS KYI LHA DAG GIS PHRAD PA KHO NAS MI 'DOD PA BYED PA'I PHYIR MA NGES PA NYID MA YIN NO ZHES BYA BA SMRAS TE, MAR MES MA PHRAD PAR SNANG BAR MI BYED PA'I MI MTHUN PA'I PHYOGS MNGON SPYOD KYI LAS KYIS MA PHRAD PAR YANG DGRA BO SNANG BAR BYED PA YOD NA NI DES NA MA NGES PA NYID DU YANG 'GYUR BA ZHIG NA MNGON SPYOD KYI LAS LA SNANG BA MED PAS BSGRUB PAR BYA BA DANG 'DRA BA'I PHYIR MA NGES PA NYID MA YIN NO, ,GZHAN YANG MNGON SPYOD KYI LAS KYIS RIG SNGAGS KYI LHA DAG DANG DGRA BO PHRAD NAS DGRA BO GSOD PAS MA PHRAD PAR GSOD PA MA YIN PA'I @127B PHYIR YANG MA NGES PA NYID MA YIN NO, ,CI STE YANG RANG GI PHYOGS LA CHAGS PAS MIG KHEBS PAR GYUR PA NYID KYIS 'DI SKAD CES MAR MES PHRAD PA MED PAR SNANG BAR BYED PA NI MTHONG GI MUN PAS PHRAD PA MED PAR SNANG BAR BYED PA NI MA MTHONG NGO ZHES ZER NA ZHES BYA BA NI, CI STE PHA ROL PO DAG YANG DPE BSGRUB PA'I PHYIR DE SKAD CES ZER NA'O, ,DE'I LAN DU 'GREL PA BYED PA NYID KYIS, DPE BSGRUB PA'I PHYIR DE NI MI GNOD DO, ,DE NYID BRTAG PAR BYA STE, CI MTHONG BA DE CI LTAR MTHONG BA BZHIN YIN NAM 'ON TE GZHAN ZHIG YIN MAR MAS PHRAD PA MED PAR SNANG BAR BYED PA MTHONG BA NI DE LTA MA YIN TE, CI STE MAR MES PHRAD PA MED PAR YANG MUN PA SEL BAR 'DOD NA NI 'DI YANG 'DOD PAR GYIS SHIG ,MAR MES PHRAD PA MED PAR YANG, ,GAL TE MUN PA SEL BYED NA, ,'JIG RTEN KUN NA GNAS PA'I MUN, ,'DI NA 'DUG PA DE GSAL 'GYUR, ,DE NI MI 'DOD PAS DE'I PHYIR MAR MES PHRAD PA MED PAR MUN PA SEL BAR BYED DO ZHES BYA BA DE YANG 'DOD PAR MA BYED CIG CES BYA BA SMRAS TE, DPE BSGRUBS PA'I PHYIR DE NI MI GNOD DO ZHES BYA BA NI KHO BOS MAR ME LA SNANG BAR BYED PA NYID MED DE DPER NA MUN PA BZHIN NO ZHES SMRAS PA'I DPE DE KHYOD KYIS MUN PAS PHRAD PA MED PAR SNANG BAR BYED PA NI MA MTHONG NGO ZHES SMRAS PAS BSGRUBS PA'I PHYIR KHO BO LA MI GNOD DO, ,YANG GZHAN YANG KHYOD 'DOD PA LTAR MUN PA SEL BAR BYED PA'I PHYIR, MAR ME RANG DANG GZHAN GYI DNGOS, ,GAL TE SNANG BAR BYED GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BA THE TSOM MED, ,DE NI MI 'DOD DE RANG DANG GZHAN GYI DNGOS PO DAG SGRIB PAR MI BYED PAR 'DOD DO ZHES BYA BA NI 'DI NA MAR ME NI MUN PA'I GNYEN POR GNAS PA YIN PAS DES NA GAL TE MAR MES RANG DANG GZHAN GYI DNGOS PO DAG SNANG BAR BYED PAR GYUR NA MUN PAS KYANG RANG DANG GZHAN GYI DNGOS PO DAG SGRIB PAR THAL BAR 'GYUR BA 'DI LA THE TSOM MED PA ZHIG NA MUN PAS NI RANG DANG GZHAN GYI DNGOS PO DAG SGRIB PAR BYED PAR MI 'DOD DO, ,GAL TE SGRIB PAR BYED NA NI GZHAN BZHIN DU MUN PA NYID KYANG MI DMIGS PAR 'GYUR ZHING DNGOS PO RNAMS RTAG TU SNANG BAR 'GYUR BA ZHIG NA DE LTA MA YIN PAS DE NI MI 'DOD DO, , @128A *, ,DE'I PHYIR DE NI CHOS MTHUN PA'I DPE'I TSIG YIN NO ZHES BYA BA NI MUN PA RANG DANG GZHAN GYI DNGOS PO DAG SGRIB PAR MI BYED PAR 'DOD PA DE NI 'DIR MAR ME RANG DANG GZHAN GYI BDAG NYID LA YOD PA'I MUN PA SEL BAR BYED PA MA YIN PA'I CHOS MTHUN PA'I DPE'I TSIG YIN NO; 'DIR RJES SU DPAG PA NI DON DAM PAR MAR ME NI RANG DANG GZHAN GYI BDAG NYID LA YOD PA'I MI MTHUN PA'I PHYOGS SEL BAR BYED PA MA YIN TE, MI MTHUN PA'I PHYOGS DANG BCAS PA YIN PA'I PHYIR DPER NA MUN PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MUN PA NI GNYEN PO DANG BCAS PA YIN PA'I PHYIR RANG DANG GZHAN GYI BDAG NYID DAG SGRIB PAR BYED PA MA YIN PA DE BZHIN DU MAR ME YANG MI MTHUN PA'I PHYOGS DANG BCAS PA YIN PA'I PHYIR RANG DANG GZHAN GYI BDAG NYID LA YOD PA'I MUN PA SEL BAR BYED PA MA YIN NO, ,YANG NA DON DAM PAR MAR ME NI MUN PA SEL BAR BYED PA MA YIN TE, MI MTHUN PA'I PHYOGS DANG BCAS PA YIN PA'I PHYIR, DPER NA GRIB MA BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GRIB MA NI GNYEN PO DANG BCAS PA YIN PA'I PHYIR MUN PA SEL BAR BYED PA MA YIN PA DE BZHIN DU MAR ME YANG MI MTHUN PA'I PHYOGS DANG BCAS PA YIN PA'I PHYIR MUN PA SEL BAR BYED PA MA YIN NO, ,DE'I PHYIR DE LTAR MAR ME RANG DANG GZHAN GYI BDAG NYID DAG SNANG BAR BYED PA GSAL BAS DPE MED DO, ,DES NA PHA ROL POS MAR ME BZHIN DU SKYE BA YANG RANG DANG GZHAN GYI DNGOS PO DAG SKYED PAR BYED PAS THUG PA MED PAR THAL BAR MI 'GYUR RO ZHES GANG SMRAS PA DE DE BZHIN DU GNAS PA NYID DO ZHES BYA BA NI MJUG BSDU BA DANG TSAD MA'I 'BRAS BU YIN NO, , YANG GZHAN YANG SKYE BAS JI LTAR RANG GI BDAG NYID SKYED PAR 'DOD DO, ,CI SKYES SAM 'ON TE MA SKYES PAS SKYED PAR BYED CES BYA BAS NI GAL TE SKYE BYAS RANG GI BDAG NYID SKYED PAR BYED NA SKYE BA DE RANG NYID SKYES PAS SKYED DAM 'ON TE MA SKYES PAS SKYED CES GAL TE GNYIS SU BRTAG PA STON TO, ,DES CI @128B 'GYUR ZHES BYA BA NI 'DRI BA'I TSIG YIN NO, ,DE LA RE ZHIG BRTAG PA PHYI MA BSTAN PA'I PHYIR GAL TE MA SKYES PAS SO ZHE NA, SKYE BA 'DI NI MA SKYES PAS, ,RANG GI BDAG NYID CI LTAR SKYED, ,CES BYA BA SMRAS SO, ,DE'I TSAD MA BSTAN PA'I PHYIR SKYE BA MA SKYES PAS RANG GI BDAG NYID SKYED PAR MI BYED PA NYID DE, MED PA'I PHYIR SNGON BZHIN NO ZHES BYA BAR DGONGS SO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNGON MA SKYES PA'I DNGOS PO NI MED PA'I PHYIR RANG GI BDAG NYID SKYED PAR MI BYED PA DE BZHIN DU, SKYE BA MA SKYES PA YANG MED PA'I PHYIR RANG GI BDAG NYID SKYED PAR MI BYED DO, ,BRTAG PA SNGA MA SHOS BSTAN PA'I PHYIR, CI SKYES PAS SO SHE NA, CI STE SKYES PAS SKYED BYED NA, ,SKYES NA CI ZHIG BSKYED DU YOD, SKYES PA LAS SKYE BA'I BYA BA DON MED PA NYID DU 'GYUR BA'I PHYIR RO ZHES BYA BAR DGONGS SO ZHES BYA BA SMRAS SO, ,DE'I PHYIR DE LTAR BRTAGS NA SKYE BAS RANG GI BDAG NYID SKYED PAR BYED PA NYID MI SRID PAS THUG PA MED PAR THAL BAR 'GYUR BA LDOG PA MED DO ZHES BYA BA NI MJUG BSDU BA DANG TSAD MA'I 'BRAS BU YIN TE, SKYE BAS RANG GI BDAG NYID MA SKYES PAS GAL TE SKYE BA GZHAN LA LTOS NA THUG PA MED PAR THAL BAR 'GYUR BA'I SKYON LDOG PA MED DO, ,DES NI RE ZHIG SKYE BAS BDAG NYID SKYED PAR MI BYED PA BSTAN TO, ,'DIR GAL TE PHA ROL PO DAG NA RE DE LTAR SKYE BAS RANG GI BDAG NYID KYANG MI SKYED PA SKYE BA GZHAN LA LTOS PAS YANG THUG PA MED PAR THAL PAR 'GYUR BA LDOG PA MED PAS, 'O NA SKYE BA NI RANG GIS KYANG MI SKYED LA GZHAN GYIS KYANG MI SKYED PA 'DUS MA BYAS SU GYUR PAS 'DUS MA BYAS KYI MTSAN NYID YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, SKYE BA LA SOGS PA DAG 'DUS MA BYAS PA NYID YIN NA YANG 'DUS MA BYAS YIN PA'I PHYIR, DE DAG 'DUS BYAS MIN ZHES BYA BA DE DE BZHIN DU GNAS PA NYID YIN PAS SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BA'I GTAN TSIGS KYI DON MA GRUB PA NYID KYI SKYON YOD DO ZHES BYA BA SMRAS SO, ,YANG GZHAN YANG SKYE BAR SMRA BA @129A *, ,DAG LA CI SKYE BAS SKYES PA'AM MA SKYES PA'AM SKYE BZHIN PA CI ZHIG SKYED PAR BYED CES DRI BAR BYA STE ZHES BYA BA LA SOGS PAS NI SKYE BAS GZHAN SKYED PAR BYED DO ZHES GANG SMRAS PA DE LA, SKYE BAS BSKYED PAR BYA BA GZHAN DE SKYES PA'AM MA SKYES PA'AM, SKYE BZHIN PA ZHIG SKYED PAR BYED GRANG NA, RNAM PA THAMS CAD KYANG MI 'THAD PAR STON TO, ,DE'I PHYIR RNAM PA THAMS CAD KYANG RIGS PA MA YIN PA NYID DU DGONGS NAS BSHAD PA, SKYES DANG MA SKYES SKYE BZHIN PA, ,CI LTA BUR YANG SKYED MI BYED, ,JI LTAR ZHE NA, SONG DANG MA SONG BGOM PA YIS, ,DE DAG RNAM PAR BSHAD PA YIN, ,JI LTAR DER RJES SU DPAG PA RGYAS PAR BSTAN PA BZHIN DU 'DIR YANG BRJOD PAR BYA'O ZHES BYA BA SMRAS TE, JI LTAR 'GRO BA BRTAG PA'I SKABS DER, ,RE ZHIG SONG LA 'GRO MED DE, ,MA SONG BA LA'ANG 'GRO BA MED, ,SONG DANG MA SONG MA GTOGS PAR, ,BGOM PA SHES PAR MI 'GYUR RO, ,ZHES BSTAN PA BZHIN DU 'DIR YANG, RE ZHIG SKYES PA MI SKYED DE, ,MA SKYES PA YANG SKYED MI BYED, ,SKYES DANG MA SKYES MA GTOGS PAR, ,SKYE BZHIN SHES PAR MI 'GYUR RO, ,ZHES BRJOD PAR BYA BA YIN NO, ,SKYE BZHIN PA SKYED PAR MI BYED PA'I TSAD MA BSTAN PA'I PHYIR DON DAM PAR SKYE BZHIN PA SKYED PAR MI BYED DE, NGO BO NYID NGES PAR MA ZIN PA'I PHYIR DPER NA 'GAG BZHIN PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'GAG BZHIN PA NI NGO BO NYID NGES PAR MA ZIN CING MED PA'I PHYIR SKYE BAS SKYED PAR MI BYED PA DE BZHIN DU SKYE BZHIN PA YANG NGO BO NYID NGES PAR MA ZIN CING MED PA'I PHYIR SKYE BAS SKYED PAR MI BYED DO, ,YANG NA DON DAM PAR SKYE BZHIN PA SKYED PAR MI BYED DO, ,DUS GZHAN DU 'PHO BA LA MNGON PAR PHYOGS PA'I PHYIR DPER NA 'GAG BZHIN PA BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'GAG BZHIN PA NI SKAD CIG MA'I RGYUN GYIS DUS GZHAN DU 'PHO BA LA MNGON PAR PHYOGS PA'I PHYIR SKYE BAS SKYED PAR MI BYED PA DE BZHIN DU SKYE BZHIN PA YANG SKAD CIG MA'I RGYUN @129B GYIS DUS GZHAN DU 'PHO BA LA MNGON PAR PHYOGS PA'I PHYIR SKYE BAS SKYED PAR MI BYED DO, ,TSAD MA SNGA MAS NI DON DAM PAR SKYE BZHIN PA MED PAS SKYE BAS SKYED PAR MI BYED PA BSTAN LA, 'DIS NI KUN RDZOB TU SKYE BZHIN PA SKAD CIG MA YIN PAS SKYE BAS SKYED PAR MI BYED PA BSTAN TE, KHYAD PAR NI DE YOD DO, ,'DIR GAL TE PHA ROL PO DAG NA RE KUN RDZOB TU SKYE BZHIN PA ZHES BYA BA NI GANG CUNG ZAD NI MA SKYES PA YIN PAS NGO BO NYID NGES PAR MA ZIN PA YANG MA YIN LA DUS GZHAN DU 'PHO BA LA MNGON PAR PHYOGS PA YANG MA YIN PA'I PHYIR, KHYOD KYI SGRUB PA SNGA MA DAG KHO BO CAG LA MI GNOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, CI STE SKYE BZHIN PA ZHES BYA BA DE CUNG ZAD NI SKYES CUNG ZAD NI MA SKYES PA'O ZHES BYA BAR RTOG NA ZHES BYA BA LA SOGS PA SMRAS SO, DE LA RE ZHIG BRTAG PA SNGA MA BSTAN PA'I PHYIR DE LTA NA YANG DE'I GANG CUNG ZAD SKYES PA DE NI SKYED PAR MI BYED DE, ,DE'I SKYE BA DON MED PA NYID DU 'GYUR BA'I PHYIR RO ZHES BYA BA SMRAS TE, GANG CUNG ZAD SKYES PA DE NI SKYES ZIN PA YIN PA'I PHYIR SKYE BAS SKYED PAR MI BYED DE, DE'I SKYE BA DON MED PA NYID YIN PA'I PHYIR RO GZHAN YANG DE'I GANG CUNG ZAD SKYES PA DE NI SKYE BA DES BSKYED PA MA YIN LA SKYES PA DE SKYE BZHIN PA YANG MA YIN TE, CI'I PHYIR ZHE NA DE SKYES NA SKYE BZHIN PA MA YIN ZHING SKYE BZHIN PA SKYED PAR MI BYED DO ZHES KYANG BRJOD PA'I PHYIR RO, ,GAL TE CUNG ZAD SKYES PA DE SKYE BA MED PA KHO NAR SKYES NA NI DE'I LHAG MA YANG DE BZHIN DU SKYE BA MED PA KHO NAR SKYE BAR 'GYUR BAR NGES SO, , YANG NA DE'I GANG CUNG ZAD NI SKYE BA MED PA KHO NAR SKYES LA CUNG ZAD NI SKYE BAS SKYED PAR BYED PA LA KHYAD PAR CI YOD PA BRJOD DGOS SO, ,CI STE DE'I GANG CUNG ZAD SKYES PA DE YANG SKYE BA KHO NAS SKYED NA NI DE LTA NA MA SKYES BA SKYE BAS SKYED PAR BYED KYI, SKYE BZHIN PA SKYED PAR BYED PA MA YIN NO, ,CI STE DE'I GANG CUNG ZAD SKYES PA DE YANG SKYE BAS SKYED PAR BYED NA NI DE LA SKYE BA GNYIS KYIS BYAS PA'I KHYAD PAR CAN DU 'GYUR BA ZHIG NA MI 'GYUR TE, SKYES ZIN PA DE LA NI YANG BSKYED PA'I PHYIR BYA BA 'GA' YANG RTZOM PAR MI BYED PAS DE'I PHYIR DE'I GANG YANG CUNG ZAD SKYES PA DE NI SKYE BAS @130A *, ,SKYED PAR MI BYED DO, ,BRTAG PA PHYI MA SHOS BSTAN PA'I PHYIR DE'I GANG CUNG ZAD MA SKYES PA DE YANG SKYED PAR MI BYED DE SKYE BAS STONG PA'I PHYIR DPER NA MA 'ONGS PA BZHIN NO ZHES BYA BA SMRAS TE, DE LTAR DE'I GANG CUNG ZAD SKYES PA DE SKYE BAS SKYED PAR MI BYED PAS, DES DE'I LHAG MA GANG CUNG ZAD MA SKYES PA DE SKYE BAS SKYED PAR BYED DO ZHES BYA BAR 'GYUR TE, DE LTA NA SKYE BZHIN PA SKYED PAR BYED DO ZHES GANG SMRAS PA DE NYAMS PAR GYUR PAS DE'I GANG CUNG ZAD MA SKYES PA DE YANG SKYED PAR MI BYED PA'I TSANG MA NYID 'DIS BSTAN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MA 'ONGS PA NI SKYE BAS STONG PA'I PHYIR SKYE BAS SKYED PAR MI BYED PA DE BZHIN DU, DE'I GANG CUNG ZAD MA SKYES PA DE YANG SKYE BAS STONG PA'I PHYIR, SKYE BAS SKYED PAR MI BYED DO, ,'DIR GAL TE PHA ROL PO DAG NA RE SKYE BZHIN PA ZHES BYA BA NI GANG CUNG ZAD SKYES PA DANG CUNG ZAD MA SKYES PA MA YIN GYI SKYE BA LA MNGON PAR PHYOGS PA YIN PAS, KHYED KYI SGRUB PA SNGA MA DES KHO BO CAG GI PHYOGS LA MI GNOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, GAL TE SKYE BZHIN PA ZHES BYA BA NI SKYE BA LA MNGON PAR PHYOGS PA'O ZHE NA, BRGAL ZHING BRTAG PA NI DE GANG ZHIG YIN, SKYES PA ZHIG GAM 'ON TE MA SKYES PA ZHIG YIN ZHES BYA BA DE NYID YIN NO, ,LAN KYANG SKYES PA NI SKYED PAR MI BYED DE DE'I SKYE BA DON MED PA NYID DU 'GYUR BA'I PHYIR RO, , MA SKYES PA YANG SKYED PAR MI BYED DO SKYE BAS STONG PA'I PHYIR DPER NA MA 'ONGS PA BZHIN NO ZHES BYA BA DE NYID YIN NO ZHES BYA BA SMRAS SO, ,'DIR SMRAS PA, NGO BO NYID NGES PAR MA ZIN PA'I PHYIR ZHES BYA BA'I GTAN TSIGS DE'I DON GANG YIN, CI MNGON SUM GYI NGO BO NYID NGES PAR MA ZIN PA'I PHYIR RAM 'ON TE RJES SU DPAG PAS NGO BO NYID NGES PAR MA ZIN PA'I PHYIR YIN ZHES BYA BA LA SOGS PA NI PHA ROL PO DAG DBU MA'I GTAN TSIGS KYI DON NGO BO NYID NGES PAS MA ZIN PA'I PHYIR ZHES BYA BA DE MNGON SUM GYI NGO BO NYID NGES PAR MA ZIN PA'I PHYIR ZHES BYA BAR SGRUB NA NI MA NGES PA NYID YIN @130B LA, RJES SU DPAG PAS NGO BO NYID NGES PAR MA ZIN PA'I PHYIR ZHES BYA BAR SGRUB NA NI DON MA GRUB PA NYID YIN NO ZHES GAL TE GNYIS SU RTOG PA YIN NO, ,DE LA BRTAG PA SNGA MA LTAR NA NI MA NGES PA NYID DE MNGON SUM GYI NGO BO NYID NGES PAR MA ZIN PA'I DNGOS PO LA YANG SKYE BZHIN PA YOD PA'I PHYIR RO ZHES BYA BA SMRAS TE, DBANG PO DANG YID DANG RANG RIG PA DANG RNAL 'BYOR PA'I MNGON SUM GYI NGO BO NYID NGES PAR MA ZIN PA'I DNGOS PO LA YANG SKYE BZHIN PA YOD PA'I PHYIR RO, ,BRTAG PA PHYI MA SHOS BSTAN PA'I PHYIR BRTAG PA PHYI MA LTAR NA NI DON MA GRUB ? PA NYID TE, SKYE BA LA BRTEN NAS SKYE ZHING SKYE BAS SKYE BZHIN PA RJES SU DPAG PA'I PHYIR RO ZHES BYA BA SMRAS TE, MIG GI RNAM PAR SHES PA SKYE BA'I RKYEN MIG DANG GZUGS DANG SNANG BA DANG NAM MKHA' DANG YID LA BYED PA ZHES BYA BA DAG NI SKYE BA ZHES BYA STE, DE LA BRTEN NAS MIG GI RNAM PAR SHES PA SKYE ZHING SKYE BA DE'I SGO NAS MIG GI RNAM PAR SHES PA SKYE BZHIN PA YOD PAR RJES SU DPAG PA'I PHYIR RO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DNGOS PO THAMS CAD KYI RANG BZHIN NGO BO NYID MED PA NYID DU SMRA BA RNAMS LA MNGON SUM DANG RJES SU DPAG PAS DMIGS PA'I DNGOS PO YOD PA NYID MED PAS MI MTHUN PA'I PHYOGS MED PA'I PHYIR MA NGES PA NYID MA YIN NO ZHES BYA BA LA SOGS PA SMRAS TE DBU MA PA DNGOS PO THAMS CAD KYI RANG BZHIN DON DAM PAR NGO BO NYID MED PA NYID DU SMRA BA RNAMS LA MNGON SUM DANG RJES SU DPAG PAS DMIGS PA'I DNGOS PO'I YOD PA NYID MED PAS MI MTHUN PA'I PHYOGS DNGOS PO'I YOD PA NYID GZHAN ZHIG YOD NA NI DES NA MA NGES PA NYID DU YANG 'GYUR GRANG NA DE MED PAS MA NGES PA NYID MA YIN NO, ,DON MA GRUB PA NYID KYANG MA YIN TE GAL TE CI LTAR ZHE NA, GANG TSE SKYE BA YOD PAS NI, ,SKYE BZHIN 'DI 'BYUNG MED PA'I TSE, KHYED NA RE SKYE BA LA BRTEN NAS SKYE ZHING SKYE BAS SKYE BZHIN PA RJES SU DPAG PAR BYA'O ZHES ZER BAS DE NYID 'DIR BRTAG PAR BYA STE CI STE YOD PA'AM YOD MED CIG YIN GRANG NA, DE DAG DGAG PA YANG RGYAS PAR BSTAN ZIN PAS, JI LTAR SKYE LA BRTEN @131A *, ,NAS NI, ,SKYE BZHIN ZHES NI BRJOD PAR BYA, ,DE'I TSE JI LTAR SKYE BA LA BRTEN NAS SKYE BZHIN BSKYED DO ZHES BRJOD PAR BYA BAS NI GTAN TSIGS KYI DON MA GRUB PA NYID MA YIN PAR STON TE, SNGAR, GANG TSE CHOS NI YOD PA DANG, ,MED DANG YOD MED MI SGRUB PA, ,CI LTAR SGRUB BYED RGYU ZHES BYA, DE LTA YIN NA MI RIGS SO, ,ZHES BYA BAS RKYEN RNAMS KYI DNGOS PO SKYED PAR MI BYED PA BSTAN ZIN PAS KHYOD KYI SKYE BA LA BRTEN NAS SKYE BZHIN PA RJES SU DPAG GO ZHES BYA BA DE MI RUNG NGO, ,DE LTA BAS NA RJES SU DPAG PA MED PA'I PHYIR NGO BO NYID NGES PAR MA ZIN PA ZHES BYA BA'I GTAN TSIGS KYI DON MA GRUB PA NYID MA YIN NO ZHES BYA BA NI 'JUG BSDU BA YIN NO, ,'DIR SMRAS PA, DPER NA MI MKHAS PA LA LA ZHIG MTSON THABS MKHAS PAS MA GSOD CING SKYES BU DAM PA MA YIN PA'I SPYAD PA KUN DU SPYOD PAR BYED PA DE BZHIN DU, KHYOD KYANG RTOG GE LA MKHAS PAS DRANG SRONG MCHOG GIS GSUNGS PA'I RTEN CING 'BREL PAR 'BYUNG BA'I TSUL NYAN THOS DANG RANG SANGS RGYAS KYI SKYED MA SUN 'BYIN CING 'PHAGS PA MA YIN PA'I SPYAD PA RJES SU SGRUB PAS SNGAR KHAS BLANGS PA'I GNOD PAR 'GYUR RO ZHES BYA BA NI PHA ROL PO DAG RKYEN TSOGS PA LA BRTEN NAS 'BRAS BU SKYE BZHIN PA YOD PAS SKYE BAS SKYE BZHIN PA SKYED PAR BYED DO ZHES SGRUB PA'I TSIG YIN TE, LUNG LAS 'DI YOD PAS 'DI 'BYUNG LA 'DI SKYES PA'I PHYIR 'DI SKYE'O ZHES GSUNGS PA KHYED DBU MA PAS KYANG KHAS BLANGS LA, DA 'DIR DE MED PAR STON PA NI KHAS BLANGS PA'I GNOD PAR 'GYUR RO ZHES ZER RO, ,DE SKAD CES ZER BA DE'I LAN DU 'GREL BA BYED PA NYID KYIS 'DIR BSHAD PA, GDUL BA RGYU DANG 'BRAS BU LA SKUR BA 'DEBS PA LTA BA NGAN PA DGE BA'I PHYOGS RTZA NAS 'BYIN PA DANG LDAN PA RNAMS KYI LTA BA NGAN PA'I DRI MA BKRU BA'I PHYIR 'DI SKAD CES, 'DI LTA STE, 'DI YOD PAS 'DI 'BYUNG LA 'DI SKYES PA'I PHYIR 'DI SKYE BA 'DI LTA STE MA RIG PA'I RKYEN GYIS 'DU BYED RNAMS ZHES BYA BA LA SOGS PA GANG GSUNGS PA DE KUN RDZOB TU GSUNGS KYI DON DAM PAR MA GSUNGS PAR KHAS LEN PAS KHAS BLANGS PA'I GNOD PAR MI 'GYUR RO ZHES BYA BA SMRAS SO, ,DE NYID KYI 'THAD PA BSTAN PA'I PHYIR 'DIR YANG BSTAN @131B ZIN TE, GONG DU CI BSTAN ZHE NA, DNGOS PO RANG BZHIN MED RNAMS KYIS, ,YOD PA GANG PHYIR YOD MIN NA, ,'DI YOD PAS NI 'DI 'BYUNG ZHES, ,BYA BA DE NI 'THAD MA YIN, ,ZHES BYA BA DER DE BSTAN ZIN TO ZHES BYA BA SMRAS TE, SNGAR BDAG PO'I RKYEN BRTAG PA'I SKABS SU DE BSTAN ZIN TO, ,'DIR PHA ROL PO DAG GIS BRTAGS PA'I RTEN CING 'BREL PAR 'BYUNG BA NI BRDAR BTAGS PA YIN GYI, DBU MA PAS BRTAGS PA'I RTEN CING 'BREL PAR 'BYUNG BA NI DON DAM PA MA YIN PAR BSTAN PA'I PHYIR 'DIR YANG BSHAD PA, RTEN CING 'BYUNG BA GANG YIN PA, ,DE NI NGO BO NYID KYIS ZHI, ,DNGOS PO RTEN CING 'BYUNG BA GANG YIN PA DE NI DON DAM PAR NGO BO NYID KYIS ZHI BA STE, SKYE BA MED DO ZHES BYA BA'I DON TO ZHES BYA BA LA SOGS PA SMRAS TE, RTEN CING ZHES BYA BA GANG YIN PA DANG 'BYUNG BA ZHES BYA BA GANG YIN PA DE DANG DE GNYI GA NGO BO NYID KYIS ZHI BA STE SKYE BA MED DO ZHES BYA BA'I THA TSIG GO , ,DE NYID KYI KHUNGS BSTAN PA'I PHYIR BCOM LDAN 'DAS KYIS 'PHAGS PA KLU'I RGYAL PO MA DROS PAS ZHUS PA'I MDO LAS, GANG ZHIG RKYEN LAS SKYE BA DE MA SKYES, ,DE LA NGO BO NYID KYIS SKYE BA MED, ,GANG ZHIG RKYEN LA LTOS PA DE STONG GSUNGS, ,GANG GIS STONG NYID SHES DE BAG YOD YIN, ,ZHES BYA BA DANG, DE BZHIN DU MDO SDE'I MTHA' GZHAN DAG LAS KYANG, GANG DAG BRTEN NAS SKYE BA NI, ,DE DAG DNGOS NYID GANG YANG MED, ,GANG DAG NGO BO NYID MED PA, DE DAG GAR YANG 'BYUNG MI 'GYUR, ,ZHES BYA BA DANG, DE BZHIN DU 'PHAGS PA LANG KAR GSHEGS PA'I MDO LAS, BLO GROS CHEN PO NGO BO NYID KYIS SKYE BA MED PA LAS DGONGS NAS CHOS THAMS CAD NGO BO NYID MED PAR BSTAN TO ZHES BYA BA LA SOGS PA JI SKAD GSUNGS PA LTA BU'O ZHES BYA BA SMRAS SO, ,DE'I PHYIR DE LTAR PHA ROL PO DAG ZHE 'GRAS PA'I BLO NYID KYIS SUN 'BYIN PA NYE BAR 'JOG PAS SGRUB PA NI DPER NA ZLA BA'I DKYIL 'KHOR DRI MA MED PA LA DRI MA CAN DU BYA BA'I PHYIR, THAL BA SPAR GANG 'THOR BA DANG 'DRA'O ZHES BYA BA NI SNGAR PHA ROL PO DAG NA RE MI MKHAS PA LA LA ZHIG MTSON THABS MKHAS PAS MA GSOD CING SKYES BU DAM PA MA YIN PA'I SPYAD PA KUN DU SPYOD PAR BYED PA DE BZHIN DU, @132A *, ,KHYOD KYANG RTOG GE LA MKHAS PAS DRANG SRONG MCHOG GIS GSUNGS PA'I RTEN CING 'BREL PAR 'BYUNG BA'I TSUL NYAN THOS DANG RANG SANGS RGYAS KYI SKYED MA SUN 'BYIN CING 'PHAGS PA MA YIN PA'I SPYAD PA RJES SU SGRUB PAS SNGAR KHAS BLANGS PA'I GNOD PAR 'GYUR RO ZHES ZER BA'I TSIG DOR GYI LAN YIN NO, ,DE PHYIR SKYE BZHIN NYID DANG NI, ,SKYE BA YANG NI ZHI BA NYID, ,DE LTAR GANG GI PHYIR YANG DAG PAR BRTAGS NA RTEN CING 'BREL PAR 'BYUNG BA LA SKYE BA MED DE, SGYU MA LTA BU YIN PA DE'I PHYIR SKYE BZHIN PA NYID DANG SKYE BA YANG ZHI BA NYID YIN NO ZHES BYA BA NI DON DAM PA'I RTEN CING 'BREL PAR 'BYUNG BA'I TSUL BSTAN PA YIN TE, DE LTAR GANG GI PHYIR RTEN CING ZHES BYA BA GANG YIN PA DANG 'BYUNG BA ZHES BYA BA GANG YIN PA DE DANG DE GNYI GA NGO BO NYID KYIS ZHI ZHING SKYE BA MED PA DE'I PHYIR RTEN CING 'BREL PAR 'BYUNG BA SMRA BA RNAMS LA SKYE BZHIN PA DANG SKYE BA GNYI GA YANG NGO BO NYID KYIS ZHI ZHING SKYE BA MED PA NYID YIN NO, ,DE LA PHA ROL POS SKYE BA LA BRTEN NAS DON DAM PAR SKYE BZHIN PA RJES SU DPAG PAR BYA'O ZHES GANG SMRAS PA DE YANG DAG PA MA YIN NO ZHES BYA BA NI MJUG BSDU BA YIN TE, PHA ROL PO DAG NA RE DBU MA PA'I GTAN TSIGS NGO BO NYID MA NGES PAR MA ZIN PA'I PHYIR ZHES BYA BA DE RJES SU DPAG PAS NGO BO NYID NGES PAR MA ZIN PA'I PHYIR ZHES BYA BAR SGRUB NA NI DON MA GRUB PA NYID DE, SKYE BA LA BRTEN NAS DON DAM PAR SKYE BZHIN PA RJES SU DPAG PA'I PHYIR RO ZHES GANG SMRAS PA DE SUN 'BYIN PA LTAR SNANG BA YIN NO, ,GZHAN DAG GIS SMRAS PA RGYU DANG RKYEN DE DANG DE DAG LA BRTEN NAS BUM PA SKYE BA DANG SNAM BU SKYE BA DE DAG MTHONG STE, MTHONG BA LAS LHAG PA'I TSAD MA GZHAN MED PAS, SKYES DANG MA SKYES SKYE BZHIN PA, ,JI LTA BUR YANG SKYED MI BYED, ,CES GANG SMRAS PA DE NI RIGS PA MA YIN NO ZHES BYA BA NI PHA ROL PO DAG SKYE BAS DNGOS PO SKYES PA DANG MA SKYES PA DANG SKYE BZHIN PA DAG SKYED PA 'JIG RTEN NA MNGON SUM DU MTHONG BAS KHYED KYIS DE DAG MI 'THAD PAR BSGRUBS PA DE RIGS PA MA YIN NO ZHES ZER BA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, TSUL KHRIMS LA SOGS PA TSOGS KYI RJES SU MTHUN PA DAG MTHONG BA LA SU ZHIG 'GA' ? @132B BAR BYED DO, DE DAG NI THA SNYAD PA YIN GYI DON DAM PA NI MA YIN NO, ,DE BAS NA DE DAG LA SOGS PA LA MNGON PAR ZHEN PA SPANG BAR 'DOD PAS BSTAN BCOS BRTZAMS PAS NYES PA MED DO ZHES BYA BA SMRAS TE, TSUL KHRIMS KYI SDOM PA DANG DBANG PO'I SDOM PA LA SOGS PA TSOGS KYI LAM GYI RJES SU MTHUN PA DAG 'JIG RTEN NA MNGON SUM DU MTHONG BA LA KHO BO CAG KYANG SKUR BA MI 'DEBS TE, DE DAG THA SNYAD PA YIN PA LA KHYED CAG DON DAM PAR MNGON PAR ZHEN PA SPANG BA'I PHYIR SLOB DPON GYIS BSTAN BCOS BRTZAMS PA MDZAD PAS NYES PA MED DO,, ,,BAM PO SUM CU DGU PA, CI STE BUM PA SKYE'O ZHES BYA BA DANG, SNAM BU SKYE'O ZHES BYA BA DE DAG THA SNYAD PA YIN GYI DON DAM PA MA YIN BAR CI LTAR NGES PAR GZUNG BAR BYA ZHE NA, DE NYON CIG ,'DI LA SKYES NA BUM PA DANG SNAM BU YIN GYI MA SKYES NA NI MA YIN NO, ,SKYES PA LA NI YANG SKYE BA MED PA'I PHYIR BUM PA DANG SNAM BU SKYE'O ZHES BYA BA DE MI 'THAD DO, , CI STE MA SKYES KYANG BUM PA BLO LA BZHAG NAS MING SGRO BTAGS TE, BUM PA SKYE'O ZHE'O ZHES BRJOD NA NI DE THA SNYAD TZAM DU ZAD DE BLO LA BZHAG PA'I BUM PA LA NI SKYE BA MED PA'I PHYIR RO ZHES BYA BA LA SOGS PAS NI SKYE BA DE LA BRTEN NAS DE LA SKYE BZHIN PA SKYED PA MI 'THAD PAR BSTAN PA DE NYID BRNAN PA'I PHYIR TSIG LE'UR BYAS PA 'OG MA'I MGO 'DREN PA STON TO, ,SKYE BA ZHES BYA BA NI SKYES PA LA YANG MED LA MA SKYES PA LA YANG MED PA'I PHYIR SKYE BAR BRJOD PA NI THA SNYAD TZAM DU ZAD DE DON DAM PAR MED PAS SKYE BA DE LA BRTEN NAS SKYE BZHIN PA BSKYED DE ZHES BYA BA MED PAR BSTAN TE, ,BYE BRAG TU SMRA BA GANG DAG GZUGS LA SOGS PA DANG, BUM PA LA SOGS PA DAG DUS 'PHO BA'I PHYIR YOD PA KHO NA LAS SKYE BAR RTOG NA ZHES BYA BAS NI BYE BRAG TU SMRA BA THAMS CAD YOD PAR SMRA BA DAG DUS GSUM GYI DNGOS PO RNAMS NI YOD PA KHO NA LAS MA 'ONGS PA'I DUS NAS DA LTAR GYI DUS SU 'PHO ZHING DA LTAR GYI DUS NAS KYANG 'DAS PA'I DUS SU 'PHO BA'I PHYIR DE DAG YOD PA KHO NA LAS SKYE BAS SKYE BA DE LA BRTEN NAS RTZA BA'I SKYE BAS SKYE BZHIN PA SKYED PAR BYED DO ZHES BYA BAR RTOG PAS, 'DIR DE DAG NA RE DNGOS PO NI MED PA LAS SKYE BA MA YIN GYI MA 'ONGS PA'I DUS NA BUM PA GZUGS DANG RO DANG @133A *, ,DRI DANG REG PA'I NGO BO NYID DU YOD PA DE DA LTAR BYUNG BA'I DUS SU BUM PA'I NGO BO NYID 'PHO ZHING SKYE LA, DA LTAR GYI DUS NAS 'DAS PA'I DUS SU YANG DE BZHIN DU CI RIGS PAR 'PHO ZHING SKYE BAS SKYE BA DE LA BRTEN NAS RTZA BA'I SKYE PAS SKYE BZHIN PA DE SKYED PAR BYED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG RIGS PA MA YIN TE, GAL TE DNGOS PO MA SKYES PA, ,'GA' ZHIG GANG NA YOD GYUR NA, GAL TE BUM PA DANG SNAM BU LA SOGS PA'I DNGOS PO MA SKYES PA 'GA' ZHIG RKYEN RNAMS SAM DE DAG 'DUS PA'AM GZHAN LA YOD PAR 'GYUR GRANG NA ZHES BYA BA LA SOGS LA SMRAS SO, ,DE NI CI PHYIR DER SKYE 'GYUR, ,YOD PA DE CI'I PHYIR DUS DER SKYE BAR 'GYUR TE YOD PA SKYE BA NI DON MED PA NYID DU 'GYUR BA'I PHYIR RO ZHES BYA BAR DGONGS SO ZHES BYA BA NI GAL TE BYE BRAG TU SMRA BA DAG 'DOD PA LTAR DNGOS PO SKYE BA'I SNGON ROL MA SKYES PA'I GNAS SKABS MA 'ONGS PA'I DUS NA BUM PA DANG SNAM BU LA SOGS PA'I DNGOS PO MA SKYES PA 'GA' ZHIG RKYEN RNAMS SO SO'AM, DE DAG 'DUS PA'AM DE LAS GZHAN PA'I PHYOGS SHED NA YOD PAR GYUR NA, YOD PA DE CI'I PHYIR MA 'ONGS PA'I DUS NAS DA LTAR GYI DUS DER 'PHO ZHING SKYE BA DANG, DA LTAR GYI DUS NAS 'DAS PA'I DUS SU 'PHO ZHING SKYE BAR 'GYUR TE, YOD PA SKYE BA NI DON MED PA NYID DU 'GYUR BA'I PHYIR YOD PA DUS 'PHO ZHING SKYE BAR MI 'GYUR RO ZHES BYA BAR DGONGS PA YIN NO, ,DE'I PHYIR, YOD NA SKYE BAR MI 'GYUR RO, ,ZHES BYA BA SMRAS TE ZHES BYA BA NI MJUG BSDU BA YIN TE, DNGOS PO YOD PA DUS 'PHO ZHING SKYE BAR MI 'GYUR RO ZHES BYA BA'I THA TSIG GO, ,DE LTAR NA 'DIS NI SKYE BA'I SNGON ROL NA DNGOS PO MA SKYES PA YOD PAR SMRA BA RNAMS KYI DAM BCAS PA NI YOD PA NYID DU RJES SU DPAG PAS SKYE BA MED PA DANG LDAN PA NYID KYIS SKYE BA BSAL BA'I PHYIR YOD PAR SMRA BA RNAMS KYI RANG GI RJES SU DPAG PA LA GNOD PA'I SKYON BSTAN TO ZHES BYA BA NI TSIG LE'UR BYAS PA GONG MA 'DIS NI YOD PAR SMRA BA RNAMS KYI DAM BCAS PA DE NI RANG GI RJES SU DPAG PA LA GNOD PA'I SKYON YOD PAS MI RUNG BAR BSTAN PA YIN TE, CI'I PHYIR ZHE NA, DE DAG GI DAM BCAS PA NI DNGOS @133B PO SNGA NA YOD PA NYID DU RJES SU DPOG PA YIN PAS DES NA GANG YOD PA DE NI SKYE BA MED PA DANG LDAN PA NYID YIN PAS SKYE BA BSAL BA'I PHYIR YOD PA SKYE'O ZHES SMRA BA DE DAG GI RANG GI RJES SU DPAG PA LA GNOD PAR 'GYUR RO, ,YOD PAR SMRA BA ZHES BYA BA NI GANG DAG DNGOS PO RNAMS YOD PA KHO NA LAS SKYE BAR SMRA BA DAG GO, ,DUS 'PHO BAR SMRA BA RNAMS LA YANG YOD PA NYID DU RJES SU DPOG PAS DA LTAR GYI DUS SU 'PHO BA MED PA NYID KYIS DA LTAR GYI DUS SU 'PHO BA BSAL BA'I PHYIR SKYON DE NYID YOD DO ZHES BYA BA NI TSIG LE'UR BYAS PA GONG MA 'DIS DUS 'PHO BAR SMRA BA RNAMS KYI DAM BCAS PA DE YANG RANG GI RJES SU DPAG PA LA GNOD PA'I SKYON YOD PAS MI RUNG BAR BSTAN PA YIN TE, CI'I PHYIR ZHE NA, DE DAG GI DAM BCAS PA YANG DNGOS PO SNGA NA YOD PA NYID RJES SU DPOG PA YIN PAS DES NA GANG YOD PA DE NI MA 'ONGS PA'I DUS NAS DA LTAR GYI DUS SU 'PHO BA MED PA NYID YIN PAS DA LTAR GYI DUS SU 'PHO BA BSAL BA'I PHYIR DUS 'PHO BAR SMRA BA DE DAG GI RANG GI RJES SU DPAG PA LA GNOD PAR 'GYUR RO, ,DUS 'PHO BAR SMRA BA ZHES BYA BA DE NI GANG DAG DNGOS PO RNAMS MA 'ONGS PA'I DUS NAS DA LTAR GYI DUS SU 'PHO ZHING DA LTAR GYI DUS NAS 'DAS PA'I DUS SU 'PHO BAR SMRA BA DAG GO, ,'DIS NI DNGOS PO DANG MTSAN NYID DANG GNAS SKABS DANG GZHAN PA GZHAN DU 'GYUR BA ZHES BYA BA DAG GI LAN BTAB PA YIN NO ZHES BYA BA NI DE LTAR YOD PAR SMRA BA RNAMS DANG DUS 'PHO BAR SMRA BA RNAMS KYI DAM BCAS PA MI 'THAD PAR BSTAN PA'I SKABS 'DIS NI DNGOS PO GZHAN DU 'GYUR BAR SMRA BA DANG, MTSAN NYID GZHAN DU 'GYUR BAR SMRA BA DANG GNAS SKABS GZHAN DU 'GYUR BAR SMRA BA DANG GZHAN PA GZHAN DU 'GYUR BAR SMRA BA ZHES BYA BA DAG GI LAN BTAB PA YIN NO, ,DE LA DNGOS PO GZHAN DU 'GYUR BAR SMRA BA NI BYE BRAG TU SMRA BA'I SLOB DPON BTZUN PA DHARMA TRA TA STE, DE NA RE DPER NA GSER GYI NGO BO NYID NI GDU BU DANG DPUNG RGYAN LA SOGS PA'I DBYIBS KYI DNGOS POR GZHAN DU 'GYUR BAR ZAD KYI GSER GYI NGO BO NYID LA GZHAN DU 'GYUR BA MED PA DE BZHIN DU CHOS THAMS CAD KYI NGO BO NYID KYANG RING PO DANG THUNG NGU LA SOGS PA'I DBYIBS KYI DNGOS PO GZHAN DU 'GYUR BAR ZAD KYI CHOS KYI NGO BO NYID LA GZHAN DU 'GYUR BA MED DO ZHES ZER RO, ,DE LA MDO @134A *, ,SDE PA DAG NA RE DE NI GRANGS CAN GYI PHYOG SU ? SA GZHAG PAR BYA'O ZHES ZER BAS NI DE'I LAN THEBS PA MA YIN TE, 'DI LTAR BTZUN PA DHARMA TRA TA NA RE MDO SDE PA DAG KYANG MED PAR SMRA BA'I PHYOGS SU GZHAG PAR BYA'O ZHES ZER BA'I PHYIR, ,'DIR DBU MA PAS NI DE LA RNAM PA GZHAN GYIS LAN GDAB PAR BYA STE, DON DAM PAR 'DAS PA DANG MA 'ONGS PA NI DNGOS PO YOD PA MA YIN TE, RDZAS YIN PA'I PHYIR DPER NA DA LTAR BZHIN NO, ,DES NA DHARMA TRA TAS DNGOS PO RDZAS NYID DU RJES SU DPAG PAS NI 'DAS PA DANG MA 'ONGS PA DAG DA LTAR BZHIN DU RDZAS NYID YIN NA DE GNYIS KYANG DA LTAR NYID YIN PAR 'GYUR BAS 'DAS PA DANG MA 'ONGS PA BSAL BA'I PHYIR DE'I DAM BCAS PA LA CHOS CAN GYI RANG GI NGO BO BSAL BA'I SKYON YOD PAS MI RUNG NGO ZHES LAN BTAB PA YIN NO, ,MTSAN NYID GZHAN DU 'GYUR BAR SMRA BA NI BYE BRAG TU SMRA BA'I SLOB DPON BTZUN PA GHO SHA KA STE, DE NA RE DPER NA MI GCIG LA CHUNG MA GSUM YOD PA GCIG LA LHAG PAR CHAGS KYANG GNYIS LA 'DOGS CHAGS DANG BRAL BA MA YIN PAS, LHAG PAR CHAGS PA DANG MA CHAGS PA'I MTSAN NYID GZHAN DU 'GYUR BAR THAD KYI MI'I DNGOS PO NYID LA GZHAN DU 'GYUR BA MED PA DE BZHIN DU CHOS RNAMS DUS GSUM DU 'JUG PA NA YANG MA 'ONGS PA GANG YIN PA DE MA 'ONGS PA NYID KYI MTSAN NYID DANG LDAN PA NA DA LTAR DANG 'DAS PA GNYIS DE'I MTSAN NYID DANG BRAL BA MA YIN PAS LDAN PA DANG MA BRAL BA'I MTSAN NYID GZHAN DU 'GYUR BAR ZAD KYI CHOS KYI DNGOS PO NYID LA GZHAN DU 'GYUR BA MED DO ZHES ZER RO, ,DE LA MDO SDE PA DAG NA RE DE LTA NA DUS GSUM 'DRES PAR 'GYUR RO ZHES ZER BAS NI DE'I LAN THEBS PA MA YIN TE, 'DI LTAR BTZUN PA GHO SHA KA NA RE DUS GSUM CHAR GSAL BA'I NGO BO NYID DU YOD PA YIN NA NI 'DRES PAR YANG 'GYUR BA ZHIG NA MA 'ONGS PA'I MTSAN NYID KYI DUS NA MA 'ONGS PA GSAL BA'I NGO BO NYID KYIS GTZO CHE BA YIN LA DA LTAR DANG 'DAS PA GNYIS NUS PA'I NGO BO NYID TZAM DU ZAD PAS NUS PA TZAM GYIS NI GSAL BA DANG 'DRES PAR MI 'GYUR RO ZHES ZER BA'I PHYIR RO, ,'DIR DBU MA PAS NI DE LA RNAM PA GZHAN GYIS LAN GDAB PAR BYA STE, DON DAM PAR MA 'ONGS PA NI MTSAN NYID KYI NGO BO NYID MA YIN TE, MA 'ONGS PA'I @134B MTSAN NYID KYI NGO BO NYID YIN PA'I PHYIR, DPER NA DA LTAR GYI MTSAN NYID KYI NGO BO NYID BZHIN NO, ,DES NA GHO SHA KAS DNGOS PO MTSAN NYID DANG LDAN PA NYID DU RJES SU DPAG PAS NI 'DAS PA DANG MA 'ONGS PA DAG LA DA LTAR BZHIN DU MTSAN NYID YOD NA DE GNYIS KYANG DA LTAR NYID YIN PAR 'GYUR BAS 'DAS PA DANG MA 'ONGS PA BSAL BA'I PHYIR DE'I DAM BCAS PA LAS YANG CHOS CAN GYI RANG GI NGO BO BSAL BA'I SKYON YOD PAS MI RUNG NGO ZHES LAN BTAB PA YIN NO, ,GNAS SKABS GZHAN DU 'GYUR BAR SMRA BA NI BYE BRAG TU SMRA BA'I SLOB DPON BTZUN PA BA SU MI TRA STE, DE NA RE DPER NA GCIG MAL GYI SHOD THABS GCIG BZHAG PA LA GCIG CES BYA ZHING DE'I STING DU BCU DANG BRGYA DANG STONG MAL LA SOGS PA'I SHOD THABS KYI GNAS SKABS GZHAN DAG BZHAG NA STONG LA SOGS PA'I GNAS SKABS GZHAN DU 'GYUR BAR ZAD KYI GCIG MAL GYI SHOD NYID LA GZHAN DU 'GYUR BA MED PA DE BZHIN DU, CHOS RNAMS DUS GSUM DU 'JUG PA NA YANG MA 'ONGS PA NAS DA LTAR DANG 'DAS PA'I GNAS SKABS GZHAN DU GYUR BA NA GNAS SKABS GZHAN DU BRJOD PAR ZAD KYI CHOS KYI NGO BO NYID LA GZHAN DU 'GYUR BA MED DO ZHES ZER RO, ,DE LA MDO SDE PA DAG NA RE DE LTA NA GNAS SKABS THA DAD PA TZAM DU ZAD KYI RDZAS LA THA DAD PA MED PAS DUS GSUM 'DRES PAR 'GYUR RO ZHES ZER BAS NI DE'I LAN THEBS PA MA YIN TE, 'DI LTAR BTZUN PA BA SU MI TRA NA RE DUS GSUM GYI RDZAS GNAS SKABS CIG NA YOD NA NI 'DRES PAR YANG 'GYUR BA ZHIG NA GNAS SKABS GZHAN DU 'GYUR BAS 'DRES PAR MI 'GYUR RO ZHES ZER BA'I PHYIR RO, ,'DIR DBU MA PAS NI DE LA RNAM PA GZHAN GYIS LAN GDAB PAR BYA STE, DON DAM PAR MA 'ONGS PA NI RDZAS KYI NGO BO NYID MA YIN TE, MA 'ONGS PA'I RDZAS KYI NGO BO NYID YIN PA'I PHYIR DPER NA DA LTAR GYI RDZAS KYI NGO BO NYID BZHIN NO, ,DES NA BA SU MI TRAS DNGOS PO RDZAS NYID DU RJES SU DPAG PAS NI 'DAS PA DANG MA 'ONGS PA DAG DA LTAR BZHIN DU RDZAS NYID YIN NA DE GNYIS KYANG DA LTAR NYID YIN PAR 'GYUR BAS 'DAS PA DANG MA 'ONGS PA BSAL BA'I PHYIR DE'I DAM BCAS PA LA YANG CHOS CAN GYI RANG GI NGO BO BSAL BA'I SKYON YOD PAS MI RUNG NGO ZHES LAN BTAB PA BZHIN NO, ,GZHAN PA GZHAN DU 'GYUR BAR SMRA BA NI BYE BRAG TU SMRA BA'I SLOB DPON BTZUN PA BUDDHA DE BSTE, @135A *, ,DE NA RE DPER NA BUD MED GCIG LA SNGA PHYI GZHAN LA LTOS NAS MA LA LTOS NAS NI BU MO ZHES KYANG BYA LA BU LA LTOS NAS NI MA ZHES KYANG BYA STE, DE LA NI SNGA PHYI GZHAN PA LA LTOS NAS NI GZHAN DU 'GYUR BAR ZAD KYI, BUD MED DE NYID LA GZHAN DU 'GYUR BA MED PA DE BZHIN DU CHOS RNAMS DUS GSUM DU 'JUG PA NA YANG MA 'ONGS PA GZHAN LA LTOS NAS DA LTAR DANG 'DAS PA DAG GZHAN DU BRJOD PAR ZAD KYI CHOS KYI NGO BO NYID LA GZHAN DU 'GYUR BA MED DO ZHES ZER RO, ,DE LA MDO SDE PA DAG NA RE DE LTA NA SNGA PHYI LAS GZHAN DU BRJOD PA TZAM DU ZAD KYI DNGOS PO LA GZHAN PA NYID MED PAS DUS GSUM 'DRES PAR 'GYUR RO ZHES ZER BAS NI DE'I LAN THEBS PA MA YIN TE, 'DI LTAR BTZUN PA BUDDHA DE BA NA RE DUS GSUM GYI RDZAS MA DANG BU LTA BU DAG GNAS SKABS GCIG NA YOD NA NI 'DRES PAR YANG 'GYUR BA ZHIG NA SNGA PHYI LA LTOS PAS GZHAN DU 'GYUR BAS 'DRES PAR MI 'GYUR RO ZHES ZER BA'I PHYIR RO, ,'DIR DBU MA PAS NI DE LA RNAM PA GZHAN GYIS LAN GDAB PAR BYA STE, DON DAM PAR MA 'ONGS PA NI DNGOS PO'I NGO BO NYID MA YIN TE, MA 'ONGS PA'I DNGOS PO'I NGO BO NYID YIN PA'I PHYIR DPER NA DA LTAR GYI DNGOS PO'I NGO BO NYID BZHIN NO, ,DES NA BUDDHA DE BAS DNGOS PO RNAMS DNGOS PO'I NGO BO NYID DU RJES SU DPAG PAS NI 'DAS PA DANG MA 'ONGS PA DANG DA LTAR BZHIN DU DNGOS PO'I NGO BO NYID YIN NA DE GNYIS KYANG DE LTAR NYID YIN PAR 'GYUR BAS, 'DAS PA DANG MA 'ONGS PA BSAL BA'I PHYIR DE'I DAM BCAS PA LA YANG CHOS CAN GYI RANG GI NGO BO BSAL BA'I SKYON YOD PAS MI RUNG NGO ZHES LAN BTAB PA YIN NO, ,DE DAG NI MNGON PAR BRTZON PA RNAMS KYI CHED DU PHYOGS TZAM ZHIG BSTAN PA YIN TE ZHAR LA BSHAD PAS CHOG GO, ,GAL TE GRANGS CAN DAG DNGOS PO YOD PA NYID GSAL BAR BYED PAS SKYON MED DO ZHE NA ZHES BYA BA NI 'DIR GRANGS CAN DAG NA RE KHO BO CAG GI PHYOGS LA DNGOS PO MA 'ONGS PA'I DUS NA NUS PA'I BDAG NYID DU YOD PA RKYEN RNAMS KYIS DA LTAR GYI DUS SU GSAL BAR BYED PAS KHYED KYI BSGRUB PA'I SKYON DE KHO BO CAG GI PHYOGS LA MED DO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, GSAL BA @135B BKAG ZIN PA'I PHYIR RO ZHES BYA BA SMRAS SO, ,MA SKYES PA YOD PAR CI LTAR SHES PAR BYAR NUS ZHES BYA BA NI DBU MA PAS GRANGS CAN DANG BYE BRAG TU SMRA BA DAG LA PHAR DRI BA'I TSIG YIN NO, ,DE'I LAN DU GRANGS CAN DANG BYE BRAG TU SMRA BA DAG NA RE MA SKYES PA NI YOD PAR KHO NAR SHES PAR BYAR NUS TE, DUS KYIS BSDUS PA'I PHYIR DA LTAR GYI DNGOS PO BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR GYI DNGOS PO NI DUS KYIS BSDUS PA'I PHYIR YOD PA KHO NAR SHES PAR BYAR NUS PA DE BZHIN DU MA 'ONGS PA MA SKYES PA YANG DUS KYIS BSDUS PA'I PHYIR YOD PA KHO NAR SHES PAR BYAR NUS SO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DON DAM PAR DA LTAR GYI DNGOS PO YANG NGO BO NYID YOD PA NYID DU MA GRUB PAS DPE MED PA'I PHYIR 'DOD PA'I DON MI 'GRUB PO ZHES BYA BA SMRAS TE, KHO BO CAG LA DON DAM PAR MA 'ONGS PA NGO BO NYID YOD PA NYID DU MA GRUB PA BZHIN DU, DA LTAR GYI DNGOS PO YANG NGO BO NYID YOD PA NYID DU MA GRUB PAS NGES NA KHYED KYI DPE DA LTAR GYI DNGOS PO BZHIN NO ZHES BYA BA DE MED PA'I PHYIR KHYED KYI 'DOD PA'I DON MA SKYES PA YOD PA KHO NAR SHES PAR BYAR NUS TE ZHES BYA BA DE MI 'GRUB PO 'DIS NI GZUGS LA SOGS PA DAG SNGA NA MED PA DANG ZHIG NAS MED PA NYID BSGRUB PA LA YANG SKYON GYIS LAN BTAB PAR RIG PAR BYA'O ZHES BYA BA NI GAL TE PHA ROL PO DAG NA RE GZUGS LA SOGS PA SNGA NA MED PA NI YOD PA KHO NAR SHES PA BYAR NUS TE, MA 'ONGS PA'I DUS KYIS BSDUS PA'I PHYIR DPER NA DA LTAR GYI DNGOS PO BZHIN NO ZHES ZER BA DANG, GZUGS LA SOGS PA ZHIG NAS MED PA YANG, ,YOD PA KHO NAR SHES PAR BYAR NUS TE, ,'DAS PA'I DUS KYIS BSDUS PA'I PHYIR DPER NA DA LTAR GYI DNGOS PO BZHIN NO ZHES ZER BA DE DAG LA YANG SNGA MA BZHIN DU DPE MED PA'I PHYIR 'DOD PA'I DON MI 'GRUB PO ZHES BYA BA'I SKYON GYIS LAN BTAB PAR RIG PAR BYA'O, ,'DIR GAL TE PHA ROL PO DAG DA LTAR GYI DNGOS PO BZHIN NO ZHES BYA BA'I DPE DE BSGRUB PA'I PHYIR GAL TE KHYED DBU MA PAS DA LTAR GYI DNGOS PO YANG MED PAR BSHAD NA THA SNYAD KYI BDEN PA LA @136A *, ,GNOD PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, THA SNYAD KYI BDEN PA LA GNOD PAR YANG MI 'GYUR TE, DA LTAR GYI GZUGS LA SOGS PA'I DNGOS PO DAG SGYU MA LA SOGS PA BZHIN DU YOD PA NYID DU KHAS BLANGS PA'I PHYIR DANG, THA SNYAD DU GZUGS LA SOGS PA DAG BTAGS PA'I YOD PA NYID DU KHAS BLANGS PA'I PHYIR RO ZHES BYA BA SMRAS TE, DPER NA SGYU MA'I BUD MED KYI LUS LA BUD MED KYI NGO BO NYID MED KYANG SGYU MA MI SHES PA DAG 'DI YOD DO ZHES ZER BA DE BZHIN DU DA LTAR GYI GZUGS LA SOGS PA'I DNGOS PO DAG KYANG DON DAM PAR NGO BO NYID MED PA YIN MOD KYI KUN RDZOB TU THA SNYAD TZAM DU YOD PA NYID DU KHAS BLANGS PA'I PHYIR DANG, KUN RDZOB KYI THA SNYAD DU GZUGS LA SOGS PA DAG RDZAS SU NI MED KYI SA LA SOGS PA RANG GI TSOGS PA'I YAN LAG 'DUS PA TZAM LAS BTAGS PA'I YOD PA NYID DU KHAS BLANGS PA'I PHYIR THA SNYAD KYI BDEN PA LA GNAS PAR YANG MI 'GYUR LA DON DAM PAR KHYED KYI DPE YOD PAR YANG MI 'GRUB PO, ,ZHAR LA BSHAD PAS CHOG GIS SKABS NYID BSDU BAR BYA STE DE LTAR RE ZHIG ,SKYES DANG MA SKYES SKYE BZHIN PA, ,CI LTA BUR YANG SKYED MI BYED, ,CES BYA BA DE BSHAD ZIN TO ZHES BYA BA NI MJUG BSDU BA DANG TSAD MA'I 'BRAS BU YIN NO, YANG BSHAD PA, GAL TE SKYE BA DE YIS NI, ,SKYE BZHIN PA NI SKYED BYED NA, GAL TE KHYED 'DOD PA LTAR SKYE BA DES SKYED BZHIN PA SKYED PAR BYED NA ZHES BYA BA NI GAL TE PHA ROL PO 'DOD PA LTAR SKYE BA ZHES BYA BA DES SKYE BZHIN PA DE SKYED PAR BYED PA YIN NA 'O NA NI DES NA SKYE BA ZHES BYA BA DE SKYED PAR BYED PA YIN PAS SKYE BA MA YIN PAR 'GYUR BAS SKYE BA ZHES BYA BA 'DUS BYAS KYI MTSAN NYID DU 'DOD PA DE MED PA'I PHYIR PHA ROL PO DAG GI GTAN TSIGS 'DUS BYAS KYI MTSAN NYID DANG LDAN PA'I PHYIR RO ZHES BYA BA DE MA GRUB PAS PHUNG PO LA SOGS PA DAG LA NGO BO NYID YOD PAR BSGRUB PAR BYA BA MI 'GRUB PO ZHES BYA BAR STON TE, ,DE NYID BSTAN PA'I PHYIR 'O NA DES NA, ,SKYE BA DE NI SKYED BYED PA YIN TE, ,ZHES BYA BA SMRAS SO, ,DE NYID KYI TSAD MA BSTAN PA'I PHYIR SKYED PAR BYED PA NI SKYE BA MA YIN TE SKYED PAR BYED PA YIN PA'I PHYIR, DPER NA PHA BU'I SKYE BA MA YIN PA BZHIN NO ZHES @136B BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHA NI SKYED PAR BYED PA YIN PA'I PHYIR BU'I SKYE BA MA YIN PA DE BZHIN DU SKYED PAR BYED PA YANG SKYED PAR BYED PA YIN PA'I PHYIR 'DUS BYAS KYI SKYE BA MA YIN NO, ,DE LTA NA, SKYE BA YANG NI GANG ZHIG YIN SKYE BA LA SKYE BA'I NGO BO NYID MED DO ZHES BYA BA'I THA TSIG GO ZHES BYA BA NI DE LTAR NA PHA ROL PO DAG SKYE BA ZHES BYA BA 'DUS BYAS KYI MTSAN NYID DU 'DOD PA DE GANG ZHIG YIN TE, SKYE BA'I NGO BO NYID MED DO ZHES BYA BA'I THA TSIG GO, ,DE LTAR NA YANG RGOL BA SKYE BA SKYED PAR BYED DO ZHES ZER BA'I DAM BCAS PA LA CHOS CAN GYI NGO BO NYID BZLOG PA'I SKYON YOD DO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR SKYE BA MED NA RGOL BA PHA ROL PO DAG NA RE SKYE BAS GZHAN SKYED PAR BYED DO ZHES ZER BA'I DAM BCAS PA DE LA CHOS CAN SKYE BA ZHES BYA BA DE'I NGO BO NYID YOD PAR 'DOD PA LAS BZLOG PA'I SKYON CHOS CAN SKYE BA ZHES BYA BA DE'I NGO BO NYID MED DO ZHES BYA BA'I SKYON YOD PAS PHA ROL PO'I SGRUB PAR MA GRUB PO, ,'DIR GAL TE PHA ROL PO DAG NA RE DE LTAR SKYE BA DE SKYED BZHIN PA GZHAN SKYED PAR BYED PA YANG YIN LA, SKYE BA DE NYID KYANG SKYE BA GZHAN GYIS SKYED PAR BYED PAS SKYE BA'I NGO BO NYID MED PA MA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DE GZHAN GYIS SKYED PAR BYED DO ZHES KYANG BRJOD PAR MI NUS PAS DE SKAD BRJOD NA 'DIR NYE BAR GNAS PAR 'GYUR TE, GAL TE SKYE BA GZHAN ZHIG GIS, ,DE SKYED THUG PA MED PAR 'GYUR, ,ZHES BYA BA SMRAS TE, GAL TE SKYE BA GZHAN ZHIG GIS SKYE BA DE SKYED PAR BYED NA DE LTA NA THUG PA MED PAR THAL BAR 'GYUR TE, DE YANG GZHAN GYIS BSKYED CING DE YANG GZHAN GYIS BSKYED DE MTHA' MED PAR 'GYUR BAS DE NI MI 'DOD DO, YANG NA THUG PA MED PAR THAL BAR 'GYUR BA YONGS SU SPANG BA'I PHYIR SKYE BA LA SKYED PA MED PA NYID DU 'DOD PAR BYA'O ZHES BYA BA NI, YANG NA THUG PA MED PAR THAL BAR 'GYUR BA'I SKYON ME 'DOD NA NI SKYE BA DE LA SKYED PAR BYED PA GZHAN MED PA NYID DU 'DOD PAR BYA DGOS TE DE LTA NA YANG SKYE BA'I NGO BO NYID @137A *, ,YOD PAR MI 'GRUB PO ZHES BYA BAR DGONGS SO, ,GAL TE DE LTAR 'GYUR RO ZHE NA ZHES BYA BA NI GAL TE PHA ROL PO DAG 'DI SKAD CES GAL TE SKYE BA DE SKYE BA GZHAN GYIS SKYED PAR 'GYUR NA THUG PA MED PAR THAL BAR 'GYUR BAS DE NI MI 'DOD DE, SKYE BA DE LA SKYED PAR BYED PA GZHAN MED PA KHO NAR SKYES SO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE'I PHYIR BSHAD PA, CI STE SKYE BA MED SKYES NA, ,THAMS CAD DE BZHIN SKYE BAR 'GYUR, ,DE NI MI 'DOD PAS DE'I PHYIR SKYE BAR RTOG PAR MA BYED CIG CES BYA BA SMRAS TE, CI LTAR SKYE BA DE SKYED PAR BYED PA GZHAN MED PAR SKYES NA NI BUM PA DANG SNAM BU LA SOGS PA PHYI NANG GI CHOS THAMS CAD KYANG DE BZHIN DU SKYED PA GZHAN MED PAR SKYE BAR 'GYUR BA ZHIG NA DE NI MI 'DOD PAS DE'I PHYIR SKYE BAS SKYE BZHIN PA GZHAN SKYED PAR BYED DO ZHES BYA BAR RTOG PAR MA BYED CIG ,YANG GZHAN YANG 'DI LA SKYE BA CAN RNAMS KYI SKYE BA NI YOD PA'AM, MED PA'AM, YOD MED CIG SKYE BAR 'GYUR GRANG NA ZHES BYA BA LA SOGS PAS NI PHA ROL PO'I GRUB PA'I MTHA' 'DI LA BUM PA DANG SNAM BU DANG MYU GU LA SOGS PA DNGOS PO GANG DAG LA SKYE BA YOD PA DE DAG NI SKYE BA CAN ZHES BYA STE, SKYE BA CAN DE RNAMS KYI SKYE BA ZHIG YOD PAR BRTAG NA DNGOS PO YOD PA'AM MED PA'AM, YOD MED CIG SKYE BAR 'GYUR GRANG NA RNAM PA THAMS CAD KYANG MI 'THAD PAR STON TO, ,DE NYID BSTAN PA'I PHYIR DE LA, ,RE ZHIG YOD DANG MED PA YANG, ,SKYE BAR RIGS PA MA YIN NO, ,YOD MED NYID KYANG MA YIN TE, ,GONG DU BSTAN PA NYID YIN NO, ,ZHES BYA BA SMRAS SO, ,GONG DU BSTAN PA NYID YIN NO ZHES BYA BA DRAN PAR BYA BA'I PHYIR SKYE BA MED PA'I RAB TU BYED PAR, MED DAM YOD PA'I DON LA YANG, ,RKYEN NI RUNG BA MA YIN TE, ,ZHES BYA BA DANG, GANG TSE CHOS NI YOD PA DANG, ,MED DANG YOD MED MI SGRUB PA, ,ZHES BYA BA DAG BSTAN PA NYID YIN PAS DE'I PHYIR YANG 'BAD PAR BYA MI DGOS SO ZHES BYA BA SMRAS SO, ,YANG GZHAN YANG, DNGOS PO 'GAG BZHIN NYID LA NI, ,SKYE BA 'THAD PAR MI 'GYUR RO, ,'GAG BZHIN PA NYID YIN PA'I PHYIR DPER NA 'CHI BZHIN PA NYID BZHIN NO @137B ZHES BYA BAS NI DNGOS PO THAMS CAD NI MI RTAG PA NYID DANG RJES SU 'BREL PA YIN PAS DE LA SKYE BA MI 'THAD PAR STON TE, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'CHI BZHIN PA NYID NI 'GAG BZHIN PA NYID YIN PA'I PHYIR SKYE BAR MI 'THAD PA DE BZHIN DU 'GAG BZHIN PA NYID KYANG 'GAG BZHIN PA NYID YIN PA'I PHYIR SKYE BA MI 'THAD DO, ,GAL TE 'GAG BZHIN PA NYID MA YIN PA SKYE BAS NYES PA MED DO ZHE NA ZHES BYA BA NI CI STE SKYE BZHIN PA'I GNAS SKABS NA 'GAG PAR MI 'GYUR BAS SKYE BA YOD PA'I PHYIR NYES PA MED DO ZHES ZER NA'O, ,DE YANG MI 'THAD PAR BSTAN PA'I PHYIR, GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,DNGOS PO'I MTSAN NYID DANG MI LDAN PA'I PHYIR NAM MKHA'I ME TOG BZHIN NO ZHES BYA BAR DGONGS SO ZHES BYA BA SMRAS TE, DES NI GAL TE DNGOS PO SKYE BZHIN PA NYID NA 'GAG PAR MI 'GYUR NA DE DNGOS PO NYID YIN PAR MI 'THAD PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI DNGOS PO'I MTSAN NYID 'GAG PA DANG MI LDAN PA'I PHYIR DNGOS POR MI 'THAD PA DE BZHIN DU 'GAG BZHIN MA YIN PA YANG DNGOS PO'I MTSAN NYID 'GAG PA DANG MI LDAN PA'I PHYIR DNGOS POR MI 'THAD DO, ,GAL TE GNAS PA NYID KYIS MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS DNGOS PO'I MTSAN NYID 'GAG PA DANG MI LDAN PA'I PHYIR ZHES BYA BA DE MA NGES PA NYID YIN PAS MI RUNG NGO ZHES SKYON 'DOGS PA YIN TE, DE DAG NA RE GNAS PA NI 'GAG PA DANG MI LDAN PA'I DNGOS PO NYID YIN PAR 'THAD PAS DES NA CI RI ZHIG 'GAG PA DANG MI LDAN PA'I PHYIR NAM MKHA'I ME TOG BZHIN DU 'GAG BZHIN MA YIN PA DE DNGOS POR MI 'THAD PAR 'GYUR RAM, ,'ON TE 'GAG PA DANG MI LDAN PA'I PHYIR GNAS PA BZHIN DU 'GAG BZHIN MA YIN PA DNGOS POR 'THAD PAR 'GYUR BA MA NGES PA NYID YIN PAS DE GTAN TSIGS NYID DU MI RUNG NGO ZHES ZER RO, ,DE SKAD CES ZER BA DE'I LAN DU @138A *, ,'DIR 'GREL PA BYED PA NYID KYIS, DE YANG MI RTAG PA NYID DANG RJES SU 'BREL PA'I PHYIR 'GAG BZHIN MA YIN PA NYID DU MA GRUB PAS SKYON MED DO ZHES BYA BA SMRAS TE, GNAS PA DE YANG MI RTAG PA NYID DANG RJES SU 'BREL PA'I PHYIR 'GAG BZHIN MA YIN PA NYID DU MA GRUB PAS MI MTHUN PA'I PHYOGS MED PA'I PHYIR MA NGES PA NYID KYI SKYON MED DO, ,RGYAS PAR NI SNGA MA BZHIN NO ZHES BYA BA NI, GNAS PA NYID RTAG PA NYID DANG RJES SU 'BREL PA'I KHUNGS SLOB DPON 'PHAGS PA LHAS DBU MA'I TSIG LE'UR BYAS PA BRGYA PA LAS, GNAS MED DNGOS PO GA LA YOD, ,MI RTAG PAS NA GA LA GNAS, ,GAL TE DNGOS PO GNAS GYUR NA, ,THA MAR RNYINGS PAR MI 'GYUR RO, ,GAL TE KHOR ZUG MI RTAG YOD, ,KHOR ZUG GNAS PAR MI 'GYUR RO, ,YANG NA RTAG PAR GYUR PA LAS, ,PHYIS NI MI RTAG PAR YANG 'GYUR, ,GAL TE DNGOS PO MI RTAG DANG, ,LHAN CIG GNAS PA YOD GYUR NA, ,MI RTAG LOG PAR 'GYUR BA'AM, ,YANG NA GNAS PA BRDZUN PAR 'GYUR, ,ZHES GSUNGS PA DAG 'DIR RGYAS PAR SNGA MA BZHIN DU SBYAR BA YIN NO, ,'DUS BYAS KYI MTSAN NYID GSUM LAS SKYE BA MI 'THAD PAR BSGRUBS ZIN TO, ,DA NI GNAS PA MI 'THAD PAR SGRUB PA' PHYIR JE DANG POR PHYOGS SNGA MA NYE BAR GZHAG PAR BYA STE, DE'I PHYIR 'DIR SMRAS PA, SKYE BA NI YOD PA KHO NA YIN TE, DE YOD NA 'BYUNG BA'I CHOS YOD PA'I PHYIR RO ZHES BYA BA LA SOGS PA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, 'DI NA GANG MED PA DE LA NI DA YOD NA 'BYUNG BA'I CHOS MED DO, DPER NA RUS SBAL GYI SPU MED PA LA DE'I GOS 'BYUNG BA MED PA BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,SKYE BA YOD PA LA NI GNAS PA'I MTSAN NYID 'BYUNG BA'I CHOS YOD PAS ZHES BYA BA NI NYE BAR SBYAR BA'I SBYOR BA YIN NO, ,DE'I PHYIR GTAN TSIGS CI SKAD SMOS PA'I 'THAD PAS SKYE BA YOD PA KHO NA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NA RUS SBAL GYI SPU MED PA LA DE'I GOS 'BYUNG BA MED PA LTA BU DAG NI YOD PA MA YIN GYI SKYE BA YOD PA LA GNAS ? @138B PA'I MTSAN NYID 'BYUNG BA'I CHOS YOD PA DE NI YOD PA KHO NA YIN PAS DE'I PHYIR SKYE BA YOD NA GNAS PA'I MTSAN NYID 'BYUNG BA'I CHOS YOD PA'I GTAN TSIGS KYI 'THAD PA DES NA SKYE BA YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL BA BYED PA NYID KYIS 'DIR BSHAD PA SKYE BA MED PA KHO NAS DE RAB TU GRUB PA YIN MOD KYI 'ON KYANG THA SNYAD DU GRAGS PA'I SKYE BA KHAS BLANGS NAS DON DAM PAR GNAS PA BRTAG PAR BYA'O ZHES BYA BA LA SOGS PA SMRAS TE, SNGAR SKYE BA MED PAR BSTAN PA KHO NAS DON DAM PAR GNAS PA MED PA DE YANG RAB TU GRUB PA YIN MOD KYI, 'O NA KYANG 'DUS BYAS KYI MTSAN NYID THAMS CAD RIM GYIS DGAG PA'I DBANG DU BYAS TE THA SNYAD DU GRAGS PA'I SKYE BA KHAS BLANGS NAS DON DAM PAR GNAS PA MED PAR BRTAG PAR BYA'O ZHES STON TO, ,DE'I PHYIR 'DI LA DON DAM PAR DNGOS PO DE GNAS PA'AM, MI GNAS PA 'AM, GNAS BZHIN PA ZHIG GNAS GRANG NA ZHES BYA BAS BRTAG PA RNAM PA GSUM NYE BAR BZUNG NAS RNAM PA THAMS CAD KYANG MI 'THAD PAR STON TO, ,DE LA BRTAG PA DANG PO BSTAN PA'I PHYIR, ,DNGOS PO GNAS PA MI GNAS TE, ,DA LTAR DANG 'DAS PA'I DUS GNYIS GCIG TU TSOGS PA MI SRID PA'I PHYIR DPER NA SHI BA DANG SKYES PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SHI BA DANG SKYES PA'I DUS GNYIS NI GCIG TU TSOGS PA MI SRID PA'I PHYIR SHI BA'I DUS NA SKYES PA'I DUS NA MED PA DE BZHIN DU DNGOS PO GNAS ZIN PA DANG DA LTAR GNAS PA'I DUS GNYIS KYANG GCIG TU TSOGS PA MI SRID PA'I PHYIR DNGOS PO GNAS ZIN PA DE GNAS PAR MI BYED DO, ,YANG NA GNAS PA DON MED PA NYID DU 'GYUR BA'I PHYIR GNAS PAR MI BYED DO ZHES PA NI 'THAD PA GZHAN GYIS BRNAN PA STE, GNAS ZIN PA LA YANG GNAS PA DON MED PA NYID DU 'GYUR BA'I PHYIR DANG, GNAS PA DANG GNAS PA PO GNYIS SU YANG THAL BAR 'GYUR BA'I PHYIR GNAS PA GNAS PAR MI BYED DO, ,BRTAG PA GNYIS PA BSTAN PA'I PHYIR, ,DNGOS PO MA GNAS GNAS PA MIN, ,MA GNAS PA'I PHYIR DPER NA 'GAG PA BZHIN @139A *, ,NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'GAG PA LA NI GNAS PA'I BYA BA MED PAS MA GNAS PA'I PHYIR GNAS PAR MI BYED PA DE BZHIN DU DNGOS PO MA GNAS PA LA YANG GNAS PA'I BYA BA MED PAS MA GNAS PA'I PHYIR GNAS PAR MI BYED NGO, ,BRTAG PA GSUM PA BSTAN PA'I PHYIR GNAS BZHIN PA YANG MI GNAS TE, GNAS PA DANG MA GNAS PA MA GTOGS PAR DE SRID PA'I PHYIR TE ZHES BYA BA SMRAS SO, ,RGYAS PAR NI SNGA MA BZHIN NO ZHES BYA BA NI SNGAR, SKYES DANG MA SKYES SKYE BZHIN PA, ,CI LTAR BUR YANG SKYED MI BYED, ,SONG DANG MA SONG BSGOM PA YIS, ,DE DAG RNAM PAR BSHAD PA YIN, ,ZHES BYA BAS RJES SU DPAG PA RGYAS PAR BSTAN PA BZHIN DU 'DIR YANG BRJOD PAR BYA BA DANG, DER SKYE BZHIN PA DGAG PA'I TSAD MA DON DAM PAR SKYE BZHIN PA SKYED PAR MI BYED DE, NGO BO NYID NGES PAR MA ZIN PA'I PHYIR DPER NA 'GAG BZHIN PA BZHIN NO, ,YANG NA DON DAM PAR SKYE BZHIN PA SKYED PAR MI BYED DE DUS GZHAN DU 'PHO BA LA MNGON PAR PHYOGS PA'I PHYIR DPER NA 'GAG BZHIN PA BZHIN NO ZHES BYA BA LA SOGS PA CI SKAD BSTAN PA BZHIN DU 'DIR YANG DON DAM PAR GNAS BZHIN PA GNAS PAR MI BYED DE, NGO BO NYID NGES PAR MA ZIN PA'I PHYIR DPER NA 'GAG BZHIN PA BZHIN NO, ,YANG NA DON DAM PAR GNAS BZHIN PA GNAS PAR MI BYED DE DUS GZHAN DU 'PHO BA LA MNGON PAR PHYOGS PA'I PHYIR DPER NA 'GAG BZHIN PA BZHIN NO, ,CI STE GNAS BZHIN PA ZHES BYA BA DE CUNG ZAD NI MA GNAS PA'O ZHES BYA BAR RTOG NA DE LTA NA YANG DE'I GANG CUNG ZAD GNAS PA DE NI GNAS PAR MI BYED DO DE'I GNAS PA DON MED PA NYID DU 'GYUR BA'I PHYIR RO, ,DE'I GANG CUNG ZAD MA GNAS PA DE YANG GNAS PAR MI BYED DE GNAS PAS STONG PA'I PHYIR DPER NA MA 'DOS PA BZHIN NO, ,GAL TE GNAS BZHIN PA ZHES BYA BA NI GNAS PA LA MNGON PAR PHYOGS PA'O ZHE NA, BRGAL ZHING BRTAG PA NI DE GANG ZHIG YIN, GNAS PA ZHIG GAM 'O NA TE MA GNAS PA ZHIG YIN ZHES BYA BA DE NYID YIN NO, ,LAN KYANG GNAS PA NI GNAS PAR MI BYED DE, DE'I GNAS PA @139B DON MED PA NYID DU 'GYUR PA'I PHYIR RO, ,MA GNAS PA YANG GNAS PAR MI KHYED DE GNAS PAS STONG PA'I PHYIR DPER NA MA 'ONGS PA BZHIN NO ZHES BYA BA DE NYID YIN NO ZHES RGYAS PAR BRJOD PAR BYA BA YIN NO, ,YANG GZHAN YANG 'DI LA GNAS BZHIN PA ZHES BYA BA NI GANG GI CUNG ZAD NI GNAS CUNG ZAD NI MA GNAS PA'AM, YANG NA DE LAS GZHAN PA GNAS PA'AM MA GNAS PA ZHIG YIN GRANG NA, DE LA GAL TE GNAS PA DANG MA GNAS PA DE GNAS PAS GNAS PAR BYED NA RE ZHIG DE'I GANG CUNG ZAD GNAS PA DE NI GNAS PA DE LAS GNAS PAR BYAS PA MA YIN LA, GNAS PA DE GNAS BZHIN PA YANG MA YIN TE, CI'I PHYIR ZHE NA DE GNAS NA GNAS BZHIN PA MA YIN ZHING GNAS BZHIN PA GNAS PAR MI BYED DO ZHES KYANG BRJOD PA'I PHYIR RO, ,GAL TE CUNG ZAD GNAS PA DE GNAS PA MED PA KHO NAR GNAS NA NI DE'I LHAG MA YANG DE BZHIN DU GNAS PA MED PA KHO NAR GNAS PAR 'GYUR BAR NGES SO, ,YANG NA DE'I GANG CUNG ZAD NI GNAS PA MED PA KHO NAR GNAS LA CUNG ZAD NI GNAS PAS GNAS PAR BYED PA LA KHYAD PAR CI YOD PA BRJOD DGOS SO, ,CI STE DE'I GANG CUNG ZAD GNAS PA DE YANG GNAS PA KHO NAS GNAS PAR BYAS NAS NI DE LTA NA MA GNAS PA GNAS PAS GNAS PAR BYED KYI GNAS BZHIN PA GNAS PAR BYED PA MA YIN NO, ,YANG GZHAN YANG DE'I GANG CUNG ZAD GNAS PA DE NI GNAS PAS GNAS PAR MI BYED DE GNAS ZIN PA'I PHYIR RO, ,DES NA DE'I LHAG MA MA GNAS PA GANG YIN PA GNAS PAS GNAS PAR BYED DE ZHES BYA BAR 'GYUR TE, DE LTAR GNAS BZHIN PA GNAS PAR BYED DO ZHES GANG SMRAS PA DE NYAMS PAR GYUR TO, ,CI STE DE'I GANG CUNG ZAD GNAS PA DE YANG YANG GNAS PAS GNAS PAR BYED NA NI DE LA GNAS PA NYID KYIS BYAS PA'I KHYAD PAR CAN DU 'GYUR BA ZHIG NA MI 'GYUR TE, GNAS ZIN PA DE LA NI YANG GNAS PAR BYA BA'I PHYIR BYA BA 'GA' YANG RTZOM PAR MI BYED PAS DE'I PHYIR GNAS BZHIN PA DE NI GNAS PAR MI BYED DO, , BRTAG PA GSUM PO DE DAG GIS NI SKYE BA KHAS BLANGS NA YANG GNAS PA MI 'THAD PAR BSTAN TO, ,DA NI SKYE BA KHAS MA BLANGS NA YANG GNAS PA MI 'THAD PAR BSTAN PA'I PHYIR, GANG GI TSE DON DAM PAR DNGOS PO 'GA' YANG YOD PA MA YIN PAR BSTAN PA'I TSUL GYIS DNGOS PO THAMS CAD KYI SKYE BA BSAL @140A *, ,BA DE'I TSE, MA SKYES GANG YIN GNAS PAR BYED, ,CES BYA BA SMRAS SO, ,SKYE BA KHAS BLANGS SAM MA BLANGS KYANG RUNG STE, DNGOS PO 'GA' YANG GNAS PAR MI BYED DO ZHES BYA BAR DGONGS SO ZHES BYA BA NI MJUG BSDU BA YIN NO, ,DES NA DE YOD NA 'BYUNG BA'I CHOS YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DAM DON 'GAL BA NYID YIN NO ZHES BYA BA NI TSAD MA'I 'BRAS BU YIN TE, PHA ROL PO SKYE BA YOD PAR SGRUB PA'I GTAN TSIGS DE DON DAM PAR SGRUB NA NI DON MA GRUB PA NYID YIN LA, KUN RDZOB TU SGRUB NA NI DON 'GAL BA NYID YIN NO, ,YANG GZHAN YANG, DNGOS PO 'GAG BZHIN NYID LA NI, ,GNAS PA 'THAD PAR MI 'GYUR RO, ,MI MTHUN PA NYID YIN PA'I PHYIR GANG ZHIG GANG DANG MI MTHUN PA DE LA NI DE YOD NA 'BYUNG BA MED DE, DPER NA SNANG BA GSAL BA DANG MUN PA BZHIN NO ZHES BYA BAR DGONGS SO ZHES BYA BAS NI DNGOS PO THAMS CAD NI MI RTAG PA NYID DANG RJES SU 'BREL PA YIN PAS DE LA GNAS PA MI 'THAD PAR STON TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNANG BA BSAL BA DANG MUN PA NI MI MTHUN PA NYID YIN PA'I PHYIR SNANG BA DE YOD NA MUN PA 'BYUNG BA MED PA DE BZHIN DU DNGOS PO 'GAG BZHIN PA NYID DANG GNAS PA YANG MI MTHUN PA NYID YIN PA'I PHYIR 'GAG BZHIN PA DE YOD NA GNAS PA 'BYUNG BA MED DO ZHES BYA BAR DGONGS SO, ,GAL TE 'GAG BZHIN PA NYID MA YIN PA GNAS PAS NYES BA MED DO ZHE NA ZHES BYA BA NI CI STE GNAS PA'I GNAS SKABS NA 'GAG PAR MI 'GYUR BAS GNAS PA YOD PA'I PHYIR NYES PA MED DO ZHES ZER NA'O, ,DE YANG MI 'THAD PAR BSTON PA'I PHYIR, GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,'DUS BYAS THAMS CAD MI RTAG PA NYID DANG RJES SU 'BREL BA'I PHYIR RO ZHES BYA BAR DGONGS SO ZHES BYA BA SMRAS TE, DES NI GAL TE DNGOS PO GNAS PA'I GNAS SKABS NA 'GAG PAR MI 'GYUR NA DE DNGOS PO NYID YIN PAR MI 'THAD PAR STON TO, ,DE NYID KYI TSAD MA BSTAN PA'I PHYIR YANG NA DE NI DNGOS PO NYID MA YIN TE, 'GAG BZHIN PA MA YIN PA'I PHYIR NAM MKHA'I ME TOG BZHIN NO @140B ZHES BYA BAR DGONGS SO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI 'GAG BZHIN PA MA YIN PA'I PHYIR DNGOS PO NYID MA YIN PA DE BZHIN DU 'GAG BZHIN PA MA YIN PA DE YANG 'GAG BZHIN PA MA YIN PA'I PHYIR DNGOS PO NYID MA YIN NO ZHES BYA BAR DGONGS SO, ,CI STE SKYE BA'I 'OG TU GNAS PA'I BYA BA MTHU CHE BA'I PHYIR 'GAG BZHIN PA YANG MA YIN DNGOS PO YANG MA YIN PA DANG RTAG PA YANG MA YIN TE, GNAS PA'I 'OG TU RGA BA DANG MI RTAG PA NYID 'BYUNG BA'I PHYIR RO ZHE NA ZHES BYA BA NI, PHA ROL PO DAG SNGAR DBU MA PAS, GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,ZHES BSHAD PA DE MI RIGS PAR SGRUB PA'I TSIG YIN NO, ,DE'I LAN DU 'DIR 'GREL PA BYED PA NYID KYIS, DE YANG RIGS PA MA YIN TE, GAL TE GZUGS LA SOGS PA'I DNGOS PO 'DI DAG GI GNAS PA'I SKAD CIG MA LA MI RTAG PA NYID MED PAR GYUR NA PHYIS KYANG DE DANG LDAN PAR MI 'GYUR TE, DE MED PAR 'BYUNG BA'I PHYIR DPER NA ME NI CHU MED KYANG 'BYUNG BA'I TSUL CAN YIN PAS NAM YANG CHU'I DNGOS POR MI 'GYUR BA BZHIN NO ZHES BYA BA SMRAS SO, ,GAL TE MTHONG BA'I PHYIR DGAG TU MI RUNG NGO, ZHE NA ZHES BYA BA NI PHA ROL PO DAG NA RE 'JIG PA ZHES BYA BA 'JIG RTEN NA MNGON SUM DU MTHONG BA'I PHYIR DGAG TU MI RUNG NGO ZHES ZER BA YIN NO, ,DE'I LAN DU 'DIR 'GREL BA BYED PA NYID KYIS, DE'I PHYIR DE NYID BRTAG PAR BYA STE, CI 'JIG PA MTHONG BA DE DE DANG 'BREL PA NYID LA'AM, 'ON TE DE MED PA LA MTHONG, DE LA BRTAG PA SNGA MA LA NI GNAS PA MI 'GRUB PO, BRTAG PA GNYIS PA LA NI DNGOS PO 'GAG BZHIN PA MA YIN PA NYID MI 'GRUB PAS GNYI GA LA YANG 'DOD PA'I DON NYAMS SO ZHES BYA BA SMRAS SO, ,GANG DAG MKHAS SU RE BA NYID KYIS DPER NA SNGA NA SANGS RGYAS NYID MED PA YANG PHYIS SANGS RGYAS NYID DU 'GYUR BA DE BZHIN DU, SNGA NA 'JIG PA MED PA YANG PHYIS 'JIG PA NYID DU 'GYUR RO ZHE NA ZHES BYA BA NI PHA ROL PO GANG DAG BDAG GIS 'DI SKAD SMRAS NA SANGS RGYAS KYI BKA' DANG SGRA'I BSTAN BCOS LA MKHAS PA NYID DU GZHAN GYIS DPOG PAR 'GYUR RO SNYAM PAS, DPER NA @141A *, ,SO SO'I SKYE BO'I GNAS SKABS KYI SEMS KYI SKAD CIG MA LA SNGA NA SANGS RGYAS NYID MED PA YANG PHYIS SANGS RGYAS NYID DU LUNG BSTAN NAS SANGS RGYAS SU 'GRUB PAR 'GYUR BA DE BZHIN DU DNGOS PO GNAS PA'I DUS NA SNGA NA 'JIG PA MED PA YANG PHYIS 'JIG PA'I RKYEN DANG PHRAD NAS 'JIG PA NYID DU 'GYUR RO ZHES ZER BA YIN NO, ,DE'I LAN DU 'DIR 'GREL PA BYED PA NYID KYIS, SGRUB PA DE NI THA SNYAD DU YANG MI GNOD DO, ,SHES PA'I SKAD CIG MA GANG LA SANGS RGYAS NYID MED PA DE NI PHYIS KYANG SANGS RGYAS NYID DU 'GYUR BAR KHAS MA BLANGS PA'I PHYIR TE, 'DI LTAR NYON MONGS PA DANG SHES BYA'I SGRIB PA SPANGS PA'I SHES PA'I SKAD CIG MA LA SANGS RGYAS NYID KYI SGRAR BRJOD PAR BYA ZHING DE LA NI SANGS RGYAS NYID MED NA MI 'BYUNG BA MED PAS DE NI GYI NA'O ZHES BYA BA SMRAS TE, SO SO'I SKYE BO'I GNAS SKABS KYI SEMS KYI SKAD CIG MA GANG LA SANGS RGYAS NYID MED PA DE NI PHYIS KYANG SANGS RGYAS NYID DU MI 'GYUR LA, SANGS RGYAS KYI SGRIB PA SPANGS PA'I YE SHES DE NI SANGS RGYAS NYID YOD NA 'BYUNG BA YIN PAS SO SO'I SKYE BO'I DUS NA SGRIB PA SPANGS PA'I YE SHES NI YOD LA, SANGS RGYAS NYID DU NI MA GRUB PA ZHIG PHYIS SANGS RGYAS NYID DU 'GRUB PAR 'GYUR BA MA YIN PA'I PHYIR SNGA NA SANGS RGYAS NYID MED PA DANG PHYIS SANGS RGYAS NYID DU GYUR PA GNYIS GNAS SKABS THA DAD PAS DPER MI RUNG NGO, ,DE BZHIN DU RGA BA NYID LA YANG SBYAR BAR BYA'O ZHES BYA BA NI 'JIG PA SNGA NA MED PA PHYIS 'JIG PA NYID DU 'GYUR BA MA YIN GYI SNGA NAS 'JIG PA DANG LDAN PAS 'GAG BZHIN PA YIN PA DE BZHIN DU RGA BA LA YANG SNGA NA MED PA LAS PHYIS RGA BA NYID DU 'GYUR BA MA YIN TE, SNGA NAS RGA BA DANG LDAN PAS RGA BZHIN PA YIN NO ZHES BYA BAR SBYAR RO, ,GANG GI PHYIR DE LTAR RGA SHI MED PA'I DNGOS PO YOD PA NYID MI 'THAD PA DANG LDAN PA DE'I PHYIR SLOB DPON GYIS BSHAD PA, DNGOS PO THAMS CAD DUS KUN DU, ,RGA DANG 'CHI BA'I CHOS YIN NA, ,GANG DAG RGA DANG 'CHI MED PAR, ,GNAS PA'I DNGOS PO GANG ZHIG YIN, ,ZHES BYA BAS NI DNGOS PO THAMS CAD MI RTAG PA DANG RJES SU 'BREL BA'I PHYIR RGA BA DANG 'CHI BA'I CHOS CAN YIN PAS GNAS PA MED PAR BSTAN TO, ,GANG LA SKYE BA YOD NA GNAS PA 'BYUNG BAR MTHONG BA'I SKYE BA MA GRUB PAS DE'I PHYIR DON MA GRUB PA NYID @141B NYAMS PA MED PA'AM, DON 'GAL BA NYAMS PA MED DO ZHES BYA BA NI MJUG BSDU BA YIN TE, SNGAR PHA ROL PO DAG NA RE SKYE BA NI YOD PA KHO NA YIN TE, DE YOD NA 'BYUNG BA'I CHOS YOD PA'I PHYIR RO ZHES ZER BA'I GTAN TSIGS DE DON DAM PAR SGRUB NA NI DON MA GRUB PA NYID YIN LA, KUN RDZOB TU SGRUB NA NI DON 'GAL BA NYID YIN NO, ,YANG GZHAN YANG, 'DI LA KHYED GNAS PA LA GNAS PA YOD PAR 'DOD PA DE LA YANG GNAS PA DE GNAS PA GZHAN GYIS SAM, DE NYID KYIS GNAS PAR 'DOD GRANG NA, DE GNYI GA YANG MI RIGS PAS DE'I PHYIR BSHAD PA, GNAS PA GNAS PA GZHAN DANG NI, ,DE NYID KYIS KYANG GNAS MI RIGS, ,CI LTA ZHE NA, CI LTAR SKYE BA RANG DANG NI, ,GZHAN GYIS BSKYED PA MA YIN BZHIN, ,CI LTAR SKYE BA RANG NYID KYIS SKYED PAR MI RIGS SHE NA, CI SKAD DU, SKYE BA 'DI NI MA SKYES PAS, ,RANG GI BDAG NYID CI LTAR SKYED, ,CI STE SKYES PAS SKYED BYED NA, ,SKYES NA CI ZHIG BSKYED DU YOD, ,CES SMRAS PA'I PHYIR RO, ,CI LTAR SKYE BA GZHAN GYIS BSKYED PAR MI RIGS SHE NA, CI SKAD DU, GAL TE SKYE BA GZHAN ZHIG GIS, ,DE SKYED THUG PA MED PAR 'GYUR, ,CI STE SKYE BA MED SKYES NA, ,THAMS CAD DE BZHIN SKYE BAR 'GYUR, ,ZHES SMRAS PA'I PHYIR RO, ,DE BZHIN DU 'DIR YANG, GNAS PA 'DI NI MI GNAS PAS, ,RANG GI BDAG NYID JI LTAR GNAS, ,CI STE GNAS PAS GNAS BYED NA, ,GNAS NA CI ZHIG GNAS SU YOD, ,CES BYA BA RNAM PAR BSHAD PA'I TSIG LE'UR BYAS PAS SKYE BA RANG GI BDAG NYID KYIS SKYED PA DGAG PA'I RJES SU 'BRANG BAS GNAS PA RANG GI BDAG NYID KYIS GNAS PA DGAG PA YANG BRJOD PAR BYA'O, ,GAL TE GNAS PA GZHAN ZHIG GIS, ,DE GNAS THUG PA MED PAR 'GYUR, ,CI STE GNAS PA MED GNAS NI, ,THAMS CAD DE BZHIN GNAS PAR 'GYUR, ,ZHES BYA BA RNAM PAR BSHAD PA'I TSIG LE'UR BYAS PAS 'DIR YANG SKYE BA GZHAN GYIS SKYED PA DGAG PA'I RJES SU 'BRANG BAS GNAS PA GZHAN GYIS GNAS PA DGAG PA YANG BRJOD PAR BYA'O ZHES BYA BAS NI CI LTAR RTZA BA'I SKYE BA RANG DANG GZHAN GYIS SKYED PAR MI BYED PA DE BZHIN DU RTZA BA'I GNAS PA YANG RANG DANG GZHAN GYIS GNAS PAR MI BYED PAR BSTAN TO, ,DE'I PHYIR DE LTAR GNAS PA MED PAS SKYE BA NI YOD PA KHO NA @142A *, ,YIN TE, DE YOD NA 'BYUNG BA'I CHOS YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID KYI LAN GDAB DKA'O ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR GNAS PA MED PAS SNGAR PHA ROL PO DAG NA RE SKYE BA NI YOD PA KHO NA YIN TE, DE YOD NA 'BYUNG BA'I CHOS YOD PA'I PHYIR RO, ,'DI NA GANG MED PA DE LA NI DE YOD NA 'BYUNG BA'I CHOS MED DE DPER NA RUS SBAL GYI SPU MED PA LA DE'I GOS 'BYUNG BA MED PA BZHIN NO, ,SKYE BA YOD PA LA NI GNAS PA'I MTSAN NYID 'BYUNG BA'I CHOS YOD PAS DE'I PHYIR GTAN TSIGS CI SKAD SMROS PA'I 'THAD PAS SKYE BA YOD PA KHO NA YIN NO ZHES ZER BA'I GTAN TSIGS DE'I DON MA GRUB PAR BSTAN TO, ,'DUS BYAS KYI MTSAN NYID GSUM LAS GNAS PA YANG MI 'THAD PAR BSGRUBS ZIN TO, ,DA NI 'GAG PA MI 'THAD PAR BSGRUB PA'I PHYIR JE DANG POR PHYOGS SNGA MA NYE BAR GZHAG PAR BYA STE, DE'I PHYIR 'DIR SMRAS PA, DON DAM PAR DNGOS PO RNAMS KYI SKYE BA DANG GNAS PA DAG NI YOD PA KHO NA YIN TE, DE DAG DANG LHAN CIG SPYOD PA'I CHOS YOD PA'I PHYIR RO, ,'DI NA GANG MED PA DE LA NI DE DAG DANG LHAN CIG SPYOD PA'I CHOS MED DO, ,DPER NA RTA'I {RVA} LA 'GAG PA MED PA BZHIN NO, ,SKYE BA DANG GNAS PA DAG LA NI LHAN CIG SPYOD PA'I CHOS 'GAG PA YOD PAS DE'I PHYIR GTAN TSIGS CI SKAD SMOS PA'I MTHUS DON DAM PAR SKYE BA DANG GNAS PA DAG YOD PA KHO NA YIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA MI ? SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RTA'I {RVA} LA SOGS PA MED PA GANG DAG LA LHAN CIG SPYOD PA'I CHOS 'GAG PA MED PA DE DAG NI DON DAM PAR MED PA YIN GYI, SKYE BA DANG GNAS PA GANG DAG LA LHAN CIG SPYOD PA'I CHOS 'GAG PA YOD PA DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DNGOS PO'I 'GAG PA YANG 'GAGS PA'AM MA 'GAGS PA'AM BZHIN PA ZHIG 'GAG PAR 'GYUR GRANG NA DE RNAM PA THAMS CAD DU MI 'THAD PAS DE'I PHYIR BSHAD PA ZHES BYA BA LA @142B SOGS PA SMRAS TE, 'GAG PA DE BRTAG PA RNAM PA GSUM CHAR DU MI 'THAD PAR STON TO, ,DE LA BRTAG PA DANG PO BSTAN PA'I PHYIR, 'GAGS PA 'GAG PAR MI BYED DE, ,SHI BA YANG 'CHI BAR 'GYUR NA MI RUNG BA'I PHYIR RO ZHES BYA BA SMRAS SO, ,BRTAG PA GNYIS PA BSTAN PA'I PHYIR, ,MA 'GAGS PA YANG 'GAG MI BYED, ,'GAG PAS STONG PA NI 'GAG PAR MI BYED DE 'GAG PA MED PA'I PHYIR GNAS PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GNAS PA 'GAG PAS STONG PA NI 'GAG PA MED PA'I PHYIR 'GAG PAR MI BYED PA DE BZHIN DU MI 'GAGS PA 'GAG PAS STONG PA YANG 'GAG PA MED PA'I PHYIR 'GAG PAR MI BYED DO, ,BRTAG PA GSUM PA BSTAN PA'I PHYIR, ,'GAG BZHIN PA YANG DE BZHIN MIN, ,'GAG PAR MI BYED DE 'GAGS PA DANG MA 'GAGS PA MA GTOGS PAR 'GAG BZHIN PA MI SRID PA'I PHYIR DANG, SKYON GNYI GAR 'GYUR BA'I PHYIR RO ZHES BYA BA SMRAS SO, ,YANG NA DON DAM PAR 'GAG BZHIN PA NI 'GAG PAR MI BYED DE DUS SU 'PHO BA LA MNGON PAR PHYOGS PA'I PHYIR SKYE BAR 'DOD PA BZHIN NAM DA LTAR BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SKYE BAR 'DOD PA'AM, DA LTAR NI DUS SU 'PHO BA LA MNGON PAR PHYOGS PA'I PHYIR 'GAG PAR MI BYED PA DE BZHIN DU 'GAG BZHIN PA YANG DUS SU 'PHO BA LA MNGON PAR PHYOGS PA'I PHYIR 'GAG PAR MI BYED DO; ,YANG NA CI STE 'GAG BZHIN PA ZHES BYA BA DE CUNG ZAD NI 'GAGS CUNG ZAD NI MA 'GAGS PA'O ZHES BYA BAR RTOG NA DE LTA NA YANG DE'I GANG CUNG ZAD 'GAGS PA DE NI 'GAG PAR MI BYED DO, ,DE'I 'GAG PA DON MED PA NYID DU 'GYUR BA'I PHYIR RO, ,DE'I GANG CUNG ZAD MA 'GAGS PA DE YANG 'GAG PAR MI BYED DE 'GAG PAS STONG PA'I PHYIR DPER NA MA 'ONGS PA BZHIN NO, ,GAL TE 'GAG BZHIN PA ZHES BYA BA NI 'GAG PA LA MNGON PAR PHYOGS PA'O ZHE NA, BRGAL ZHING BRTAG PA NI DE GANG ZHIG YIN, 'GAGS PA ZHIG GAM, 'ON TE MA 'GAGS PA ZHIG YIN ZHES BYA BA DE NYID YIN NO, ,LAN KYANG @143A *, ,'GAGS PA NI 'GAG PAR MI BYED DE, DE'I 'GAG PA DON MED PA NYID DU 'GYUR BA'I PHYIR RO, ,MA 'GAGS PA YANG 'GAG PAR MI BYED DE 'GAG PAS STONG PA'I PHYIR DPER NA MA 'ONGS PA BZHIN NO ZHES BYA BA DE NYID YIN NO, ,GZHAN YANG 'DI LA 'GAG BZHIN PA ZHES BYA BA NI CUNG ZAD NI 'GAGS CUNG ZAD NI MA 'GAGS PA'AM, YANG NA DE LAS GZHAN PA 'GAGS PA'AM MA 'GAGS PA ZHIG YIN GRANG NA, DE LA GAL TE 'GAGS PA DANG MA 'GAGS PA DE 'GAG PAS 'GOG PAR BYED NA, RE ZHIG DE'I GANG CUNG ZAD 'GAGS PA DE NI 'GAG PA DES BKAG PA MA YIN LA, 'GAGS PA DE 'GAG BZHIN PA YANG MA YIN TE, CI'I PHYIR ZHE NA, DE 'GAGS NA 'GAG BZHIN PA MA YIN ZHING 'GAG BZHIN PA 'GOG PAR BYED DO ZHES BRJOD PA'I PHYIR RO, ,GAL TE CUNG ZAD 'GAGS PA DE 'GAG PA MED PA KHO NAR 'GAGS NA NI DE'I LHAG MA YANG DE BZHIN DU 'GAG PA MED PA KHO NAR 'GAG PAR 'GYUR BAR NGES SO, ,YANG NA DE'I GANG CUNG ZAD NI 'GAG PA MED PA KHO NAR 'GAGS LA CUNG ZAD NI 'GAG PAS 'GAG PAR BYED PA LA KHYAD PAR CI YOD PA BRJOD DGOS SO, ,CI STE DE'I GANG CUNG ZAD 'GAGS PA DE YANG 'GAG PA KHO NAS BKAG NA NI DE LTA NA MA 'GAGS PA 'GAG PAS 'GAG PAR BYED KYI, 'GAG BZHIN PA 'GAG PAR BYED PA MA YIN NO, ,YANG GZHAN YANG DE'I GANG CUNG ZAD 'GAGS PA DE NI 'GAGS PAS 'GAG PAR MI BYED DE 'GAGS ZIN PA'I PHYIR RO, ,DES NA DE'I LHAG MA MA 'GAGS PA GANG YIN PA DE 'GAG PAS 'GAG PAR BYED DO ZHES BYA BAR 'GYUR TE, DE LTA NA 'GAG BZHIN PA 'GAG PAR BYED DO ZHES GANG SMRAS PA DE NYAMS PAR 'GYUR RO, ,CI STE DE'I GANG CUNG ZAD 'GAGS PA DE YANG, YANG 'GAG PAS 'GAG PAR BYED NA NI DE LA 'GAG PA GNYIS KYIS BYAS PA'I KHYAD PAR CAN DU 'GYUR BA ZHIG NA MI 'GYUR TE, 'GAGS ZIN PA DE LA NI YANG DGAG PAR BYA BA'I PHYIR BYA BA 'GA' YANG RTZOM PAR MI BYED PAS DE'I PHYIR 'GAG BZHIN PA DE YANG 'GAG PAR MI BYED DO, ,BRTAG PA GSUM PO DE DAG GIS NI SKYE BA KHAS BLANGS NA YANG 'GAG PA MI 'THAD PAR BSTAN TO, ,DA NI SKYE BA KHAS MA BLANGS NA YANG 'GAG PA MI 'THAD PAR BSTAN PA'I @143B PHYIR, YANG NA DNGOS PO THAMS CAD KYI SKYE BA BKAG PA'I PHYIR, MA SKYES GANG ZHIG 'GAG PAR BYED, MA SKYES PA LA NI 'GAG PA MI SRID DE MA SKYES PA'I PHYIR DPER NA MO GSHAM GYI BU BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MO GSHAM GYI BU NI MA SKYES PA'I PHYIR 'GAG PA MI SRID PA DE BZHIN DU MA SKYES PA YANG MA SKYES PA'I PHYIR 'GAG PA MI SRID DO, ,DE'I PHYIR DE LTAR SKYE BA KHAS BLANGS SAM KHAS MA BLANGS KYANG RUNG STE, 'GAG PA JI LTAR YANG MI 'GRUB BO ZHES BYA BA NI MJUG BSDU BA YIN NO, ,YANG GZHAN YANG 'DI LA 'GAG PA NI GNAS PA'AM MA GNAS PA LA BRTAG GRANG NA DE NI GNYI GA LA YANG MI RUNG STE ZHES BYA BAS NI BRTAG PA DE GNYI GA LA YANG 'GAG PA MI 'THAD PAR STON TO, ,DE LA RE ZHIG BRTAG PA SNGA MA BSTAN PA'I PHYIR, ,RE ZHIG DNGOS PO GNAS PA LA, ,'GAG PA 'THAD PAR MI 'GYUR RO, ,GNAS PA'I BYA BA SKYES PA LA GNAS PA DANG MI MTHUN PA'I 'GAG PAR MI 'THAD DE, GNAS PA'I PHYIR DE NI GRAGS PA YIN NO ZHES BYA BA SMRAS SO, ,BRTAG PA GNYIS PA BSTAN PA'I PHYIR GAL TE MA GNAS PA LA 'GAG PA YOD PAS NYES PA MED DO ZHE NA, DNGOS PO MA GNAS PA LA YANG, ,'GAG PA 'THAD PAR MI 'GYUR RO, ,MA GNAS PA'I PHYIR DPER NA 'GAGS PA BZHIN NO ZHES BYA BAR DGONGS SO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'GAGS PA NI MA GNAS PA'I PHYIR 'GAG PAR MI 'THAD PA DE BZHIN DU MA GNAS PA YANG MA GNAS PA'I PHYIR 'GAG PAR MI 'THAD DO, ,YANG GZHAN YANG 'DI LA GNAS SKABS 'DI GNAS SKABS DE NYID KYIS GNAS PA 'GAG GAM GNAS SKABS GZHAN GYIS GNAS PA 'GAG CES BYA BA NI DNGOS PO GNAS SKABS GANG GIS GNAS PA'I GNAS SKABS DE NYID KYIS 'GAG GAM, GNAS SKABS GZHAN GYIS GNAS PA 'GAG GRANG NA, BRTAG PA GNYI GA YANG MI 'THAD PAR STON TO, ,DES CIR 'GYUR ZHES BYA BA NI 'DRI BA'I TSIG YIN NO, ,BRTAG PA SNGA MA BSTAN PA'I PHYIR, ,GNAS SKABS DE YIS GNAS PA NI, ,DE YIS 'GAG PA NYID MI 'GYUR, ,GNAS SKABS @144A *, ,GANG GIS SNGAR NYE BAR MTSON PA'I GNAS SKABS DES NI 'GAG PA NYID DU MI 'GYUR TE, SNGON GYI NGO BO NYID YONGS SU MA SPANGS PA'I PHYIR DPER NA 'O MA 'O MA'I GNAS SKABS NYID KYIS 'GAG PA NYID DU MI 'GYUR BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'O MA 'O MA'I GNAS SKABS DE NYID KYIS GNAS PA NI SNGON GYI NGO BO NYID YONGS SU MA SPANGS PA'I PHYIR GNAS SKABS DE NYID KYIS 'GAG PA NYID DU MI 'GYUR BA DE BZHIN DU DNGOS PO GZHAN GNAS SKABS GANG GIS SNGAR NYE BAR MTSON PA'I GNAS SKABS DE NYID KYIS GNAS PA YANG SNGON GYI NGO BO NYID YONGS SU MA SPANGS PA'I PHYIR GNAS SKABS DES 'GAG PA NYID DU MI 'GYUR RO, ,BRTAG PA GNYIS PA BSTAN PA'I PHYIR, ,GNAS SKABS GZHAN GYIS GNAS PA YANG, ,GZHAN GYIS 'GAG PA NYID MI 'GYUR, ,ZHES BYA BA LA SOGS PA SMRAS SO, ,NYID CES BYA BA'I SGRA NI NGES PAR GZUNG BA'I DON TO, 'DIR GZHAN GYIS 'GAG PA NYID DU MI 'GYUR ZHES BYA BAR BLTA'I, GZHAN DU NA GZHAN MA YIN PAS 'GOG GO ZHES BYA BAR 'GYUR RO ZHES BYA BA NI, GZHAN GYIS 'GAG PA NYID MI 'GYUR, ,ZHES BYA BA NYID BSHAD PA STE, GZHAN NYID KYIS NI 'GAG MI 'GYUR, ,ZHES BYA BAR MI SBYAR RO ZHES BYA BA'I THA TSIG GO , ,DE NI DAM BCA' BA NYE BAR GZHAG PA'O ZHES BYA BA NI GNAS SKABS GZHAN GYIS GNAS PA YANG GZHAN GYIS 'GAG PA NYID DU MI 'GYUR BA DE NI 'DIR DAM BCA' BA NYE BAR GZHAG PA STE, PHYOGS YIN NO, ,GZHAN NYID KYIS CHOS GTAN TSIGS NI GZHAN NYID YIN NO ZHES BYA BA NI GNAS SKABS GZHAN GYIS GNAS PA YANG GZHAN GYIS 'GAG PA NYID DU MI 'GYUR BAR SGRUB PA'I CHOS GTAN TSIGS NI GZHAN NYID YIN NO ZHES BYA BAR SBYAR RO, ,'DIR RJES SU DPAG PA NI DON DAM PAR 'O MA NI ZHO'I GNAS SKABS KYIS 'GAG PAR MI 'GYUR TE, DE LAS GZHAN NYID YIN PA'I PHYIR DPER NA DE LA GZHAN PA'I PHRU BA LA SOGS PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'O MA LAS GZHAN PA'I PHRU BA LA SOGS PA NI 'O MA LAS GZHAN NYID YIN PA'I PHYIR 'O MA PHRU BA'I @144B GNAS SKABS KYIS 'GAG PA NYID DU MI 'GYUR BA DE BZHIN DU 'O MA LAS GZHAN PA'I ZHO YANG 'O MA LAS GZHAN NYID YIN PA'I PHYIR 'O MA ZHO'I GNAS SKABS KYIS 'GAG PA NYID DU MI 'GYUR RO, ,PHYIR RGOL BA DAG NA RE 'GAG PA NI YOD PA KHO NA YIN TE, DNGOS PO LA BRTEN PA'I PHYIR DPER NA TSOS PA BZHIN NO ZHES ZER NA ZHES BYA BA NI CHOS THAMS CAD LA SKYE BA MED PAS 'GAG PA YANG MED PAR SGRUB PA'I PHYOGS SNGA MA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS CHAN TSOS PA NI 'BRAS CHAN GYI DNGOS PO LA BRTEN PA'I PHYIR YOD PA KHO NA YIN PA DE BZHIN DU 'GAG PA YANG DNGOS PO LA BRTEN PA'I PHYIR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA BSHAD PA, GANG TSE CHOS RNAMS THAMS CAD KYI, ,SKYE BA 'THAD PAR MI 'GYUR BA, ,DE TSE CHOS RNAMS THAMS CAD KYI, ,'GAG PA 'THAD PAR MI 'GYUR RO, ,GANG GI TSE CI SKAD BSTAN PA'I TSUL GYIS CHOS THAMS CAD KYI SKYE BA MI 'THAD PA DE'I TSE 'GAG PA YANG MI 'THAD DE, TSOS PAR BYA BA DANG TSOS PA MA GRUB PAS DPE MED PA'I PHYIR RO ZHES BYA BAR DGONGS SO ZHES SMRAS SO, ,YANG GZHAN YANG 'DI LA 'GAG PA NI DNGOS PO YOD PA'AM MED PA LA BRTAG GRANG NA ZHES BYA BAS NI BRTAG PA DE GNYI GA LA YANG 'GAG PA MI 'THAD PAR STON TO, ,DE LA RE ZHIG BRTAG PA SNGA MA BSTAN PA'I PHYIR, RE ZHIG DNGOS PO YOD PA LA, ,'GAG PA 'THAD PAR MI 'GYUR RO, ,MI MTHUN PA NYID YIN PA'I PHYIR DPER NA ME DANG GRANG BA NYID BZHIN NO ZHES BYA BAR DGONGS SO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME DANG GRANG BA NYID NI MI MTHUN PA NYID YIN PA'I PHYIR ME LA GRANG BA NYID MI 'THAD PA DE BZHIN DU DNGOS PO YOD PA DANG 'GAG PA YANG MI MTHUN PA NYID YIN PA'I PHYIR DNGOS PO YOD PA LA 'GAG PA MI 'THAD DO, ,DE'I PHYIR, DNGOS DANG DNGOS PO MED PA DAG ,GCIG NYID NA NI 'THAD PA MED, ,CES BYA BA SMRAS SO ZHES BYA BA NI MJUG BSDU BA DANG TSAD MA'I 'BRAS BU YIN NO, ,CI STE YANG DNGOS POR GYUR NAS DE NYID DANG BRAL BA NA DNGOS PO MED PA ZHES BYA'O SNYA @145A *, ,NA ZHES BYA BA NI CI STE PHA ROL PO DAG 'DI SNYAM DU, SNGAR DNGOS POR GYUR NAS DE NYID DANG BRAL BA NA DNGOS PO MED PA ZHES BYA BAS DNGOS PO YOD PA LA 'GAG PA 'THAD PAR 'GYUR BAR SEMS NA'O, ,DE MI 'THAD PAR BSTAN PA'I PHYIR 'DIR 'GREL PA BYED PA NYID KYIS, 'O NA NI DE NYID KYIS DON DAM PAR PHYI NANG GI DNGOS PO RNAMS LA NGO BO NYID MED PA NYID YIN TE, DNGOS POR GYUR NAS DNGOS PO MED PAR GYUR PAS NGO BO NYID MED PA NYID CHES GSAL BAR BSTAN TE, SGYU MA LA SOGS PA BZHIN NO ZHES BYA BA SMRAS TE, MA GRUB PA'I SNGON ROL GYI GNAS SKABS NYID DU YANG 'GAG PAR 'GYUR BAS DNGOS PO RNAMS NGO BO NYID MED PA NYID YIN NO,, ,,BAM PO BZHI BCU PA, BRTAG PA PHYI MA BSTAN PA'I PHYIR, ,CI STE DNGOS PO MED PA LA RTOG STE ZHES BYA BA LA SOGS PA SMRAS TE CI STE DNGOS PO MED PA LA 'GAG PA YOD PAR RTOG NA DE YANG MI 'THAD PAR STON TO, ,DNGOS PO MED PA LA 'GAG PA YOD PAR RTOG PA DAG SU ZHE NA, GZHAN SEL BAR SMRA BA DAG STE, DE'I PHYIR CI LTAR KHA CIG NA RE GZUGS KYI BLO NI BDAG NYID LAS GZHAN MED PA'I YUL CAN YIN TE, DE MTHONG NA DE'I BLO SKYE BA'I PHYIR RO, ,'DI NA GANG MTHONG NA GANG GI BLO SKYE BA DE NI DE'I YUL CAN YIN TE, DPER NA RTA LA SOGS PA'I BDAG NYID GZHAN MED PA'I LKOG SHAL LA SOGS PA MTHONG NA BA LANG GI BLO SKYE BZHIN NO, ,DE BZHIN DU RO LA SOGS PA'I BDAG NYID GZHAN MED PA'I GZUGS MTHONG NA GZUGS KYI BLO SKYE BAS DE'I PHYIR GZUGS KYI BLO NI BDAG NYID LAS GZHAN MED PA'I YUL CAN YIN NO ZHES ZER BA LTA BU'O ZHE NA ZHES BYA BA SMRAS TE, DE NI GZHAN SEL BAR SMRA BA DAG DNGOS PO MED PA LA 'GAG PA YOD PAR SGRUB PA'I RJES SU DPAG PA YIN NO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA BA LANG NGO SNYAM PA'I BLO NI RTA LA SOGS PA'I BDAG NYID GZHAN MED PA'I LKOG SHAL LA SOGS PA MTHONG NA BA LANG GI BLO SKYE BA'I PHYIR BA LANG GI BDAG NYID LAS GZHAN PA RTA LA SOGS PA MED PA'I YUL CAN YIN PAS DE'I YUL BA LANG GI BDAG NYID LAS GZHAN PA RTA LA SOGS PA'I DNGOS PO MED PA DE LA NI SO SOR MA BRTAGS PAR 'GOG @145B PA'I TSUL GYIS 'GAG PA YOD PAS, RTA LA SOGS PA'I DNGOS PO MED PA 'GAG PA YOD PA DE BZHIN DU GZUGS SO SNYAM PA'I BLO YANG RO LA SOGS PA'I BDAG NYID GZHAN MED PA'I GZUGS MTHONG NA GZUGS KYI BLO SKYE BA'I PHYIR GZUGS KYI BDAG NYID LAS GZHAN PA RO LA SOGS PA MED PA'I YUL CAN YIN PAS, DE'I YUL GZUGS KYI BDAG NYID LAS GZHAN PA RO LA SOGS PA'I DNGOS PO MED PA DE LA YANG SO SOR MA BRTAGS PAR 'GOG PA'I TSUL 'GAG PA YOD PAS RO LA SOGS PA'I DNGOS PO MED PA LA YANG 'GAG PA YOD DO ZHES ZER RO, ,'DI SKAD BSTAN TE DE DAG GI GZHUNG LAS SGRA'I DON NI GZHAN SEL BA YIN TE, DPER NA BA LANG ZHES BYA BA'I SGRA BRJOD PA'I DUS NA DES RTA LA SOGS PA'I DNGOS PO GZHAN THAMS CAD BSAL BAS RTA LA SOGS PA GZHAN BSAL BA DE DAG GI DNGOS PO MED PA DE DAG LA NI SO SOR MA BRTAGS PAR 'GOG PA'I TSUL GYIS 'GAG PA YOD PAS RTA LA SOGS PA'I DNGOS PO MED PA LA 'GAG PA YOD PA DE BZHIN DU GZUGS ZHES BYA BA'I SGRA BRJOD PA'I DUS NA DES KYANG RO LA SOGS PA'I DNGOS PO GZHAN THAMS CAD BSAL BAS RO LA SOGS PA GZHAN BSAL BA DE DAG GI DNGOS PO MED PA DE DAG LA YANG SO SOR MA BRTAGS PAR 'GOG PA'I TSUL GYIS 'GAG PA YOD PAS, RO LA SOGS PA'I DNGOS PO MED PA LA YANG 'GAG PA YOD DO, ,SGRA'I DON GZHAN SEL BA DE SGRUB PA'I TSAD MA NI GZUGS KYI BLO NI BDAG NYID LAS GZHAN MED PA'I YUL CAN YIN TE, DE MTHONG NA DE'I BLO SKYE BA'I PHYIR DPER NA RTA LA SOGS PA'I BDAG NYID GZHAN MED PA'I LKOG SHAL LA SOGS PA MTHONG NA BA LANG GI BLO SKYE BA BZHIN NO ZHES BYA BA YIN TE CI LTAR BA LANG GI BLOS BA LANG MTHONG NA BA LANG GI BLO SKYE BA'I PHYIR BA LANG GI BLO NI BA LANG GI BDAG NYID LAS GZHAN PA RTA LA SOGS PA MED PA'I YUL CAN YIN PAS, BA LANG GI BLOS KYANG YUL BA LANG MA GTOGS PAR RTA LA SOGS PA'I DNGOS PO GZHAN THAMS CAD BSAL BA DE BZHIN DU GZUGS KYI BLOS KYANG GZUGS MTHONG NA GZUGS KYI BLO SKYE BA'I PHYIR GZUGS KYI BLO NI GZUGS KYI BDAG NYID LAS GZHAN PA RO LA SOGS PA MED PA'I YUL CAN YIN PAS GZUGS KYI BLOS KYANG YUL GZUGS MA GTOGS PA RO LA SOGS PA'I DNGOS PO GZHAN THAMS CAD BSAL TO, ,CI LTAR GZUGS KYI BLO @146A *, ,BDAG NYID LAS GZHAN MED PA'I YUL CAN GYIS GZUGS KYI BDAG NYID LAS GZHAN PHA RO LA SOGS PA DNGOS PO GZHAN THAMS CAD SEL BA DE BZHIN DU GZUGS KYI SGRA BDAG NYID LAS GZHAN MED PA'I YUL CAN GYIS KYANG GZUGS KYI BDAG NYID LAS GZHAN PA SGRA LA SOGS PA DNGOS PO GZHAN THAMS CAD SEL BAR BYED PAS SGRA'I DON NI GZHAN SEL BA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE ZHES BYA BA SMRAS SO, ,CI'I PHYIR DE RIGS PA MA YIN ZHE NA, DE NYID KYIS GTAN TSIGS DE MA GRUB PA'I PHYIR DANG ZHES BYA BA SMRAS TE, GZHAN SEL BA SMRA BA DAG GI GTAN TSIGS DE MTHONG NA DE'I BLO SKYE BA'I PHYIR RO ZHES BYA BA DE NYID KYIS GTAN TSIGS DE MA GRUB PA'I PHYIR RIGS PA MA YIN NO ZHES BYA BAR SBYAR RO, ,CI LTAR MA GRUB CE NA, DE MTHONG NA DE'I BLO SKYE BA'I PHYIR RO ZHES BYA BA'I GTAN TSIGS DE'I DON GANG YIN, GAL TE DE ZHES BYA BA'I SGRA GZUGS LA SNYEGS TE, GZUGS DE MTHONG NA GZUGS DE'I BLO SKYE BA'I PHYIR ZHES BYA BA'I GTAN TSIGS DES GZUGS KYI BLO DE BDAG NYID LAS GZHAN MED PA'I YUL CAN YIN PAR SGRUB NA NI 'O NA DE LTA NA GZUGS MTHONG ZHING GZUGS KYI BLO SKYE BA DE BDAG NYID LAS GZHAN MED PA'I YUL CAN YIN PAR MI RUNG STE, GZUGS KYI BDAG NYID YOD PA'I YUL CAN YIN PAR 'GYUR BAS DES NA GZUGS KYI BLO NI BDAG NYID LAS GZHAN MED PA'I YUL CAN YIN TE ZHES BYA BAR BSGRUBS PA DE MI 'GRUB PAS GTAN TSIGS DE RIGS PA MA YIN NO, ,'ON TE GZUGS KYI BLO NI BDAG NYID LAS GZHAN MED PA'I YUL CAN YIN TE ZHES BYA BAR SGRUB NA NI DES NA GZUGS MTHONG NGO ZHES BYA BAR YANG MI RUNG LA GZUGS KYI BLO SKYE ZHES BYAR YANG MI RUNG STE 'DI LTAR CI YANG MED PA'I YUL CAN GYI BLO ZHIG SKYE BAS, DES NA CI LTAR SGRA LA MIG GI BZUNG BA NYID MED PA DE BZHIN DU BLO LA YANG GZUGS MTHONG BA YANG MED LA GZUGS KYI BLO SKYE BA YANG MED PAS DE LTA NA CI YANG MED PA'I YUL CAN GYI BLO LA GZUGS KYI BDAG NYID KYI BLO YANG MED PA'I PHYIR GZUGS KYI BDAG NYID KYI BLO YOD PA LA LTOS NAS RO LA SOGS PA'I BDAG NYID GZHAN MED PA'I YUL CAN YIN TE ZHES BYA BAR SGRUB PA'I PHYOGS KYI KHYAD PAR MA GRUB PAS GTAN TSIGS KYI GZHI YANG MA GRUB PA'I PHYIR GZUGS KYI BLO @146B NI BDAG NYID LAS GZHAN MED PA'I YUL CAN YIN TE ZHES BYA BAR SGRUB PA DE MI 'GRUB PAS GTAN TSIGS DE RIGS PA MA YIN NO, ,CI STE DE ZHES BYA BA'I SGRA YUL MED PA NYID LA SNYEGS TE, YUL MED PA DE MTHONG NA YUL MED PA DE'I BLO SKYE BA'I PHYIR ZHES BYA BA'I GTAN TSIGS DES GZUGS KYI BLO DE BDAG NYID LAS GZHAN MED PA'I YUL CAN YIN PAR SGRUB NA NI DES NA 'DI SKAD BSTAN PAR 'GYUR TE, BLO NI BDAG NYID LAS GZHAN MED PA'I YUL CAN YIN TE, YUL MED PA'I PHYIR RO ZHES BYA BAR 'GYUR BAS GTAN TSIGS DE DAM BCAS PA'I DON GYI PHYOGS GCIG YIN PA'I PHYIR MI 'GRUB PAS RIGS PA MA YIN NO, ,GZHAN YANG, DPE LA BSGRUB PAR BYA BA CHOS MA TSANG BA'I SKYON YOD PA'I PHYIR YANG RIGS PA MA YIN TE, 'DI LTAR BA LANG NGO SNYAM PA'I BLO NI MED PA'I YUL CAN MA YIN TE, BA LANG NGO SNYAM PA'I BLO'I YUL NI BA LANG GI DNGOS PO YOD PA KHO NA YIN PAS DES NA PHA ROL PO'I DPE BA LANG GI BLO SKYE BA BZHIN NO ZHES BYA BA DE LA BSGRUB PAR BYA BA CHOS MED PA'I YUL CAN YIN TE ZHES BYA BA DE MA TSANG BA'I SKYON YOD PA'I PHYIR RIGS PA MA YIN NO, ,GZHAN YANG GZUGS KYI BLO NI GZUGS KYI BDAG NYID LAS GZHAN PA RO LA SOGS PA MED PA'I YUL CAN YIN TE ZHES BYA BA DE LA GZUGS ZHES BYA BA DE NI RNAM PAR RTOG PA GCIG GO, ,RO LA SOGS PA ZHES BYA BA DE NI RNAM PAR RTOG PA GNYIS PA'O, ,GZUGS KYI BDAG NYID LAS ZHES BYA BA DE NI RNAM PAR RTOG PA GSUM PA'O, ,RO LA SOGS PA GZHAN ZHES BYA BA DE NI RNAM PAR RTOG PA BZHI PA'O, ,MED DO ZHES BYA BA DE NI RNAM PAR RTOG PA LNGA PA STE SKAD CIG MA GCIG LA RNAM PAR RTOG PA LNGA DUS GCIG TU 'BYUNG BA MI SRID PA'I PHYIR SGRA'I DON GZHAN SEL BA ZHES BYA BA DE MI RIGS SO, ,DE LTAR GZHAN SEL BAR SMRA BA DAG DNGOS PO MED PA LA 'GAG PA YOD PAR 'DOD PA'I PHYOGS MI 'THAD PAR BSTAN NAS, DA NI GZHAN GANG DAG DNGOS PO MED PA LA 'GAG PA YOD PAR 'DOD PA DE DAG DGAG PA'I PHYIR, YANG BSHAD PA, DNGOS PO MED PAR GYUR PA LA'ANG, 'GAG PA 'THAD PAR MI 'GYUR RO, ,MED PA'I PHYIR, MGO GNYIS PA LA CI LTAR NI, ,GCAD DU MED PA DE BZHIN NO, ,ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER @147A *, ,NA MGO GNYIS PA MED PA NI MED PA'I PHYIR GCAD DU MED PA DE BZHIN DU DNGOS PO MED PA'I PHYIR 'GAG PAR MI 'GYUR RO, ,'DIS NI MED PA NYID DU RJES SU DPOG PAS 'GOG PA MED PA NYID KYIS DNGOS PO MED PA LA 'GAG PA YOD PAR SMRA BA RNAMS KYI DAM BCAS PA LA CHOS CAN GYI NGO BO NYID BSAL BA'I SKYON YOD PAR STON TO ZHES BYA BA NI TSIG LE'UR BYAS PA GONG MA 'DIS NI PHA ROL PO DNGOS PO MED PA LA 'GAG PA YOD PAR SMRA BA RNAMS DNGOS PO MED PA NYID DU RJES SU DPOG PAS DNGOS PO MED PA LA 'GAG PA YANG MED PA NYID KYIS DE RNAMS KYI DAM BCAS PA LA CHOS CAN DNGOS PO MED PA ZHES BYA BA 'GAG PA YOD PAR SGRUB PA'I NGO BO NYID BSAL BA'I SKYON YOD PAR BSTAN TE, DE DAG GI RJES SU DPAG PA NYID KYIS DNGOS PO MED PA LA 'GAG PA YOD PAR DAM BCAS PA MI 'GRUB PAR BSTAN TO ZHES BYA BA'I THA TSIG GO, ,YANG GZHAN YANG KHYED CAG 'GAG PA'I 'GAG PA ZHES SMRAS PA DE DON DAM PAR YOD NA RANG GI BDAG NYID KYIS SAM GZHAN GYI BDAG NYID KYIS 'GAG PAR 'GYUR GRANG NA, DE LA, 'GAG PA 'GAG PA GZHAN DANG NI, ,DE NYID KYIS KYANG 'GAG MI RIGS, ,CI LTAR ZHE NA, CI LTAR SKYE BA RANG DANG NI, ,GZHAN GYIS BSKYED PA MA YIN BZHIN, ,CI LTAR SKYE BA RANG NYID KYIS SKYED PAR MI RIGS ZHE NA, CI SKAD DU, SKYE BA 'DIS NI MA SKYES PAS, ,RANG GI BDAG NYID CI LTAR SKYED, ,CI STE SKYES PAS SKYED BYED NA, ,SKYES NA CI ZHIG BSKYED DU YOD, ,CES SMRAS PA'I PHYIR RO, ,CI LTAR SKYE BA GZHAN GYIS BSKYED PAR MI RIGS SHE NA, CI SKAD DU, GAL TE SKYE BA GZHAN ZHIG GIS, ,DE SKYED THUG PA MED PAR 'GYUR, ,CI STE SKYE BA MED SKYE NA, , THAMS CAD DE BZHIN SKYE BAR 'GYUR, ,ZHES SMRAS PA'I PHYIR RO, ,DE BZHIN DU 'DIR YANG, 'GAG PA 'DI NI MA 'GAGS PAS, ,RANG GI BDAG NYID CI LTAR 'GAG ,CI STE 'GAG PAS 'GAG BYED NA, ,'GAGS NA CI ZHIG 'GAG TU YOD, ,CES BYA BA RNAM PAR BSHAD PA'I TSIG LE'UR BYAS PAS, SKYE BA RANG GI BDAG NYID KYIS SKYED BA DGAG PA'I RJES SU 'BRANG BAS 'GAG PA RANG GI BDAG NYID KYIS 'GAG PA DGAG PA YANG BRJOD PAR BYA'O, ,GAL TE 'GAG PA GZHAN ZHIG GIS, ,DE 'GAG THUG PA MED PAR 'GYUR, ,CI STE 'GAG PA MED 'GAG NA, ,THAMS CAD DE BZHIN 'GAG PAR 'GYUR, ,ZHES @147B BYA BA RNAM PAR BSHAD PA'I TSIG LE'UR BYAS PAS 'DIR YANG SKYE BA GZHAN GYIS SKYED PA DGAG PA'I RJES SU 'BRANG BAS 'GAG PA GZHAN GYIS 'GAG PA DGAG PA YANG BRJOD PAR BYA'O ZHES BYA BAS NI CI LTAR RTZA BA'I SKYE BA RANG DANG GZHAN GYIS SKYED PAR MI BYED PA DE BZHIN DU RTZA BA'I 'GAG PA YANG RANG DANG GZHAN GYIS 'GAG PAR MI BYED PAR BSTAN TO, ,GANG DAG 'JIG PA CAN RNAMS NI 'JIG PA'I RGYUS 'JIG GO ZHES ZER BA DE DAG LA 'DI SKAD CES BRJOD PAR BYA STE ZHES BYA BAS NI GANG DAG 'JIG PA LA RGYU YOD PAR 'DOD PA DAG GI GZHUNG MI 'THAD PAR STON TO, ,DE NYID KYI TSAD MA BSTAN PA'I PHYIR GANG ZHIG GANG GI 'JIG PA'I RGYU YIN NO ZHES NGES PAR SHES PA DE NI DE'I 'JIG PA'I RGYU MA YIN TE, DE LAS GZHAN YIN PA'I PHYIR DPER NA DE LAS GZHAN DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'JIG PA'I RGYU DE LAS GZHAN PA 'JIG PA'I RGYU MA YIN PA DAG NI 'JIG PA DE LAS GZHAN YIN PA'I PHYIR DE'I 'JIG PA'I RGYU MA YIN PA DE BZHIN DU GANG ZHIG GANG GI 'JIG PA'I RGYU YIN NO ZHES NGES PAR SHES PA DE YANG 'JIG PA DE LAS GZHAN YIN PA'I PHYIR DE'I 'JIG PA'I RGYU NI MA YIN NO, ,DE'I PHYIR DE LTAR BSGRUB PA RGYAS PA CI SKAD BSTAN PAS SKYE BA DANG GNAS PA DANG 'GAG PA BSAL BA'I PHYIR RAB TU BYED PA'I DANG POR PHA ROL POS SMRAS PA'I GTAN TSIGS DANG DPE DAG DON DAM PAR NI DON MA GRUB PA NYID DANG MED PA NYID YIN LA, KUN RDZOB TU GTAN TSIGS DANG DPE DAG BRJOD NA NI DON 'GAL BA NYID YIN NO ZHES BYA BA NI SKABS 'DI'I MJUG BSDU BA DANG TSAD MA'I 'BRAS BU YIN NO, ,CI SKAD BSTAN PA'I TSUL GYIS 'BRAS BU'I DBANG GIS MJUG BSDU BA'I PHYIR, SKYE DANG GNAS DANG 'JIG PA DAG ,MA GRUB PHYIR NI 'DUS BYAS MED, ,DE LA PHA ROL POS DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES GANG SMRAS PA DE MA GRUB PO ZHES BYA BA NI RAB TU BYED PA'I SKABS SPYI'I MJUG BSDU BA DANG TSAD MA'I 'BRAS BU YIN NO, ,GANG DAG DON DAM PAR BA LANG LA SOGS PA 'DUS BYAS DAG YOD PA KHO NA YIN TE, DE DAG GI MTSAN NYID LKOG @148A *, ,SHAL LA SOGS PA DAG YOD PA'I PHYIR RO ZHES ZER BA DE DAG LA YANG ZHES BYA BA LA SOGS PAS NI 'DI SKAD BSTAN TE, SNGAR NI 'DUS BYAS KYI SPYI'I MTSAN NYID SKYE BA DANG GNAS PA DANG 'JIG PA DAG DGAG PAR BSTAN TO, ,DA NI BYE BRAG PA LA SOGS PAS 'DUS BYAS KYI RANG RANG GI MTSAN NYID SO SOR NGES PA GANG YOD PAR BRTAGS PA DGAG PA STON TE, DE DAG GI SGRUB PA DE YANG CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR SBYAR RO, ,DE DAG DGAG PA YANG SNGAR 'DUS BYAS KYI SPYI'I MTSAN NYID DGAG PA'I RJES SU DPAG PA CI SKAD BSTAN PA BZHIN DU BYAS TE, DE'I PHYIR DE BZHIN DU CI LKOG SHAL LA SOGS PA MTSAN NYID DE DAG MTSAN NYID DANG BCAS PA YIN NAM 'ON TE MTSAN NYID MED PA YIN ZHES BRGAL ZHING BRTAG PAR BYA'O, ,DE LA GAL TE DE DAG MTSAN NYID DANG BCAS PA YIN NA NI DE LTA NA LKOG SHAL LA SOGS PA DE DAG BA LANG GI BA LANG NYID DAM 'DUS BYAS NYID MTSON PAR BYED PA MA YIN TE, MTSAN NYID DANG BCAS PA'I PHYIR DPER NA BA LANG GI RDZAS BZHIN NO, ,CI STE DE DAG MTSAN NYID MED PA YIN NA NI MTSAN NYID MED PA'I PHYIR DE DAG RANG NYID MI 'GRUB PAS DE DAG GI MTSAN NYID KYIS GZHI MTSON PAR MI NUS SO ZHES SNGA MA BZHIN DU RGYAS PAR SBYAR RO ZHES BYA BA SMRAS TE, CI LTAR SNGAR, GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,CI STE SKYE BA 'DUS MA BYAS, ,CI LTAR 'DUS BYAS MTSAN NYID YIN, ,ZHES BYA BAS DON DAM PAR SKYE BA LA SOGS PA 'DUS BYAS NYID NI 'DUS BYAS KYI MTSAN NYID YIN PAR MI 'DOD DE, 'DUS BYAS YIN PA'I PHYIR DPER NA MTSAN NYID KYI GZHI BZHIN NO ZHES BYA BA DANG, DON DAM PAR SKYE BA 'DUS MA BYAS KYI MTSAN NYID DU 'GYUR BAR 'OS PA MA YIN TE, 'DUS MA BYAS YIN PA'I PHYIR DPER NA NAM MKHA' BZHIN PAS RANG GI RJES SU DPAG PA LA GNOD DO ZHES BYA BA DANG, GAL TE MTSAN NYID KYI GZHI 'KHOR LO YANG MTSAN NYID GZHI SKYES BU CHEN PO GZHAN MTSON PAR BYED PA'I MTSAN NYID YIN PA'I PHYIR MA NGES PA NYID DO ZHE NA, MTSAN NYID KYI GZHI 'KHOR LO NI MTSAN NYID KYI GZHI SKYES BU CHEN PO GZHAN LA 'DUS BYAS NYID DU MTSON PAR BYED PA NYID MA YIN PA'I PHYIR MI MTHUN PA'I PHYOGS MED PAS MA NGES PA NYID MA YIN NO ZHES RJES SU DPAG PA BRGAL BA'I @148B LAN DANG BCAS PA RGYAS PAR BSTAN PA BZHIN DU 'DIR YANG, GAL TE MTSAN NYID 'DUS BYAS NA, ,DE LA MTSAN NYID GSUM LDAN 'GYUR, ,CI STE MTSAN NYID 'DUS MA BYAS, ,CI LTAR 'DUS BYAS MTSAN NYID YIN, ,ZHES BYA BAS DON DAM PAR LKOG SHAL LA SOGS PA 'DUS BYAS NYID NI 'DUS BYAS KYI MTSAN NYID YIN PAR MI 'DOD DE, 'DUS BYAS YIN PA'I PHYIR DPER NA MTSAN NYID KYI GZHI BA LANG GI RDZAS BZHIN NO ZHES BYA BA DANG, DON DAM PAR LKOG SHAL LA SOGS PA 'DUS MA BYAS NI 'DUS BYAS KYI MTSAN NYID DU 'GYUR BAR 'OS PA MA YIN TE, 'DUS MA BYAS YIN PA'I PHYIR DPER NA NAM MKHA' BZHIN PAS RANG GI RJES SU DPAG PA LA GNOD DO ZHES BYA BA DANG, GAL TE MTSAN NYID KYI GZHI BA LANG YANG MTSAN NYID KYI GZHI PHYUGS BDAG CHEN PO GZHAN MTSON PAR BYED PA'I MTSAN NYID YIN PA'I PHYIR MA NGES PA NYID DO ZHE NA, MTSAN NYID KYI GZHI BA LANG GI MTSAN NYID KYI GZHI PHYUGS BDAG CHEN PO GZHAN LA 'DUS BYAS NYID DU MTSON PAR BYED PA NYID MA YIN PA'I PHYIR MI MTHUN PA'I PHYOGS MED PAS MA NGES PA NYID MA YIN NO ZHES CI RIGS PAS RJES SU DPAG PA BRGAL BA'I LAN DANG BCAS PA DAG RGYAS PAR SBYAR RO, ,DE DAG LA MTSAN NYID GZHAN DAG YOD NA NI THUG PA MED PAR THAL BAR 'GYUR LA, MTSAN NYID GZHAN MED NA NI MTSAN NYID KYI GZHI LA YANG THAL BA DE NYID DU 'GYUR RO ZHES BYA BA LA SOGS PA YANG BRJOD PAR BYA'O ZHES BYA BA NI CI LTAR SNGAR, SKYE DANG GNAS DANG 'JIG RNAMS LA, ,'DUS BYAS MTSAN NYID GZHAN ZHIG NI, ,GAL TE YOD NA THUG PA MED, ,MED NA DE DAG 'DUS BYAS MIN, ,ZHES CI SKAD BSTAN PA BZHIN DU 'DIR YANG, RANG GI MTSAN NYID SO SO LA, ,'DUS BYAS MTSAN NYID GZHAN ZHIG NI, ,GAL TE YOD NA THUG PA MED, ,MED NA DE DAG 'DUS BYAS MIN, ,ZHES BYA BA LA SOGS PA CI RIGS PAR BRJOD PAR BYA'O, ,GZHAN DAG NA RE DON DAM PAR 'DUS BYAS NI YOD PA KHO NAR SHES PAR BYA STE, GNYEN PO DANG BCAS PA'I PHYIR RO, ,'DI NA GANG MED PAR SHES PA DE NI GNYEN PO DANG BCAS PA MA YIN TE, DPER NA MO GSHAM GYI BU BZHIN NO, ,'DUS BYAS LA NI GNYEN PO 'DUS MA BYAS YOD PAS DE'I PHYIR GTAN TSIGS CI SKAD SMOS PA'I MTHUS DON DAM PAR 'DUS BYAS YOD PA KHO NAR SHES PAR @149A *, ,BYA STE, DES NA RJES SU DPAG PA SNGAR SMRAS PA DAG LA 'GAL BA 'KHRUL PA MED PA'I GNOD PA YOD CING PHUNG PO LA SOGS PA DAG KYANG 'GRUB BO ZHES ZER RO ZHES BYA BA NI RANG GI SDE PA DAG RIGS PA CAN GYI RGYU THABS KYIS 'DUS MA BYAS YOD PA'I SGO NAS 'DUS BYAS YOD PAR SGRUB PA YIN TE, DE DAG GI SGRUB PA DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG MJUG BSDU BA YIN PAR GO RIMS BZHIN DU SBYAR TE, RJES SU DPAG PA DES NA DBU MA PAS SNGAR SMRAS PA'I RJES SU DPAG PA DAG LA 'GAL BA 'KHRUL PA MED PA'I GNOD PA YOD CING KHO BO CAG GI SGRUB PA PHUNG PO LA SOGS PA DAG KYANG 'GRUB PO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'DI LA 'DUS BYAS RAB TU GRUB NA NI DE BSAL BAS 'DUS MA BYAS ZHES BYA BA RDZAS CUNG ZHIG YOD PAR BRJOD DU YANG RUNG GRANG NA, 'DUS BYAS DE BRTAGS NA YOD PA MA YIN PAS DE'I PHYIR, 'DUS BYAS RAB TU MA GRUB PAS, ,'DUS MA BYAS NI CI LTAR 'GRUB, ,THA SNYAD DU YANG RI BONG GI {RVA} BZHIN DU MA SKYES PAS RDZAS NYID DU MA GRAGS SO ZHES BYA BAR DGONGS TE, DE'I PHYIR GTAN TSIGS LA SOGS PA DE DAG MI SRID PA NYID DO ZHES BYA BA SMRAS TE, 'DUS BYAS YOD NA DE LA LTOS NAS 'DUS MA BYAS KYANG RING PO LA LTOS NAS THUNG DU 'GRUB PA'I TSUL DU 'GRUB PAS 'DUS MA BYAS YOD PA'I SGO NAS 'DUS BYAS SGRUB TU YANG RUNG GRANG NA, 'DUS BYAS MA GRUB PAS 'DUS MA BYAS ZHES BYA BA NI THA SNYAD DU YANG RI BONG GI {RVA} BZHIN DU MA SKYES PAS RDZAS NYID DU MA GRAGS PA'I PHYIR PHA ROL PO DAG GI GTAN TSIGS LA SOGS PA DE DAG MI SRID PA NYID DO, ,'DIR SMRAS PA, GAL TE DON DAM PAR SKYE BA LA SOGS PA DAG MTSAN NYID MA YIN PAR STON NA DE LTA NA DE DAG 'DUS BYAS KYI MTSAN NYID YIN PA NYID BSAL BA RJES SU BSGRUBS PAS PHYOGS DANG GTAN TSIGS DANG DPE'I GZHI LA SOGS PA MA GRUB PA'I SKYON DU 'GYUR RO ZHES BYA BA NI RANG GI SDE PA DAG DBU MA PA LA MTSAN NYID DANG, MTSAN NYID KYI GZHI MA GRUB PAS PHYOGS DANG GTAN TSIGS DANG DPE'I GZHAN LA SOGS PA MA GRUB PA'I SKYON YOD DO ZHES ZER BA YIN NO, ,DE SKAD CES @149B ZER BA DE'I LAN DU 'GREL PA BYED PA NYID KYIS, 'DIR BSHAD PA, DON DAM PAR YOD PA MA YIN YANG THA SNYAD DU, RMI LAM CI BZHIN SGYU MA BZHIN, ,DRI ZA'I GRONG KHYER JI BZHIN DU, ,YOD PA NYID DU KHAS BLANGS PA'I PHYIR SKYON MED DO ZHES BYA BA LA SOGS PA SMRAS SO, ,RMI LAM CI BZHIN ZHES BYA BA'I DPE BSTAN PA'I PHYIR CI LTAR RMI LAM RNAM PAR BRTAGS PA NYAMS SU MYONG BA DRAN PA DANG, CHOS DANG, CHOS MA YIN PA DANG, LHAS BYIN GYIS BRLABS PA'I RGYU CAN YUL 'DOD PA DANG, MI 'DOD PA DAG DANG PHRAD PA NYE BAR DMIGS PA'I 'BRAS BU DANG LDAN PA BRTAGS NA NGO BO NYID MED KYANG THA SNYAD DU YOD PA LA SOGS PA'I BLO'I RGYU NYID KYIS YUL NYID DU 'GYUR BA DANG ZHES BYA BA SMRAS TE, DES NI RMI LAM GYI RGYU DANG 'BRAS BU DANG NGO BO NYID BSTAN TO, ,DE LA RMI LAM GYI RGYU NI RNAM PA BZHI STE, RNAM PAR BRTAGS PA NYAMS SU MYONG BA DRAN PA DANG, CHOS DANG, CHOS MA YIN PA DANG, LHAS BYIN GYIS BRLABS PA'O, ,DE LA YANG RNAM PAR BRTAGS PA NYAMS SU MYONG BA DRAN PA NI SNGON GNYID MA LOG PA'I GNAS SKABS NA YUL GYI MTSAN MA PHYI ROL NA MED BZHIN DU SEMS KYIS RNAM PAR BRTAGS PA NYAMS SU MYONG BA GNYID LOG PA'I TSE DRAN PA NA RGYU DES RMI LAM RMI BAR 'GYUR BA'O, ,CHOS NI SNGON GNYID MA LOG PA'I GNAS SKABS NA DGE BA'I CHOS RGYA CHEN PO SPYAD PA'I RGYUS GNYID LOG PA'I TSE NA RMI LAM BZANG PO RMI BAR 'GYUR RO, ,CHOS MA YIN PA DE LAS BZLOG PA'O, ,LHAS BYIN GYIS BRLABS PA NI 'PHAGS PA K'A {TY'A} YA NA CHEN PO'I MTHUS SA RA NAS RMI LAM RMIS PA LTA BU STE, RMI LAM GANG LAS RGYU DE BZHI YOD PA NI DE DAG GI RGYU CAN ZHES BYA'O, , RMI LAM GYI 'BRAS BU NI GNYID LOG PA'I GNAS SKABS NA YUL 'DOD PA DANG MI 'DOD PA NYAMS SU MYONG BA STE, DE YANG RNAM PA GNYIS TE YUL 'DOD PA DANG PHRAD PA NYE BAR DMIGS PA DANG, YUL MI 'DOD PA DANG PHRAD PA NYE BAR DMIGS PA'O, ,RMI LAM GANG LA 'BRAS BU DE DAG YOD PA DE NI DE DAG DANG LDAN PA ZHES BYA'O, ,RMI LAM GYI NGO BO NYID NI BRTAGS NA NGO BO NYID MED KYANG THA SNYAD DU YOD PA DANG MED PA'I BLO'I RGYU NYID KYIS YUL NYID DU 'GYUR BA STE, ,NYID LOG PA'I GNAS SKABS NA YOD PA'I BLO'I RGYU NYID KYIS YUL NYID DU 'GYUR BA DANG, SAD PA'I GNAS SKABS NA MED PA'I BLO'I RGYU NYID KYIS YUL NYID DU @150A *, ,'GYUR BA'O, ,SGYU MA BZHIN ZHES BYA BA'I DPE BSTAN PA'I PHYIR, CI LTAR SGYU MA SGYU MA MKHAN DANG GSANG SNGAGS DANG SMAN GYI MTHU KHYAD PAR CAN LAS GLANG PO CHE DANG KHYU MCHOG DANG BUD MED DANG GNAS LA SOGS PA'I NGO BO NYID DU 'BYUNG BA DBANG PO'I SPYOD YUL DU GYUR PA DAG NGO BO NYID MED KYANG SHES PA 'KHRUL PA'I RGYU YIN PA'I PHYIR YOD DO ZHES BRJOD PA DANG ZHES BYA BA SMRAS TE, DES KYANG SGYU MA'I RGYU DANG 'BRAS BU DANG NGO BO NYID BSTAN TE GO RIMS BZHIN NO, ,DRI ZA'I GRONG KHYER CI BZHIN DU, ,ZHES BYA BA'I DPE BSTAN PA'I PHYIR, CI LTAR DRI ZA'I GRONG KHYER 'OBS RGYA CHEN PO DANG SGO DANG SGO KHANG DANG, YANG THOG DKAR PO DGA' BA 'TSER BAG CAN DANG KHYAMS ZLA BA CAN DANG SKAR KHUNG DANG, KHANG PA BRTZEGS MA DANG LDAN PA'I GRONG KHYER GYI BLO SKYE BA'I RGYU YIN PA ZHES BYA BA SMRAS TE, DES NI DRI ZA'I GRONG KHYER GYI NGO BO NYID BSTAN TO, ,DA NI DPE DE GSUM GYIS MTSON PA'I DON GYI DNGOS PO BSTAN PA'I PHYIR, DE BZHIN SKYE DANG DE BZHIN GNAS, ,DE BZHIN DU NI 'JIG PA GSUNGS, ,ZHES BYA BA SMRAS TE, BCOM LDAN 'DAS KYIS RMI LAM DANG SGYU MA DANG DRI ZA'I GRONG KHYER DAG CI LTA BA DE BZHIN DU KUN RDZOB TU SKYE BA DANG GNAS PA DANG 'JIG PA DAG GSUNGS SO ZHES BYA BAR SBYAR RO, ,GANG DAG LA CI'I PHYIR GSUNGS SHE NA, DE'I PHYIR DRANG SRONG DE KHO NA NYID MTHONG BA'I MIG YANG DAG PAR BYE BA RNAMS LA 'DUS BYAS KYI SKYE BA LA SOGS PA'I BLO SKYE BA'I RGYU NYID DU GSUNGS SO ZHES BYA BA SMRAS TE, RNAL 'BYOR PA CHOS THAMS CAD KYI DE KHO NA NYID MTHONG BA'I BLO GROS KYI MIG YANG DAG PAR BYE BA RNAMS LA KUN RDZOB KYI BDEN PA'I LUGS RNAM PAR GZHAG PA'I PHYIR 'DUS BYAS KYI MTSAN NYID DANG, MTSAN NYID KYI GZHI SHES PA'I BLO SKYED PA'I RGYU NYID DU GSUNGS SO, ,DE LA MI MKHAS PA DAG DNGOS POR MNGON PAR ZHEN PA'I TSUL BSTAN PA'I PHYIR, MI SHES PA BLO GROS KYI MIG ZUM PA RNAMS NI RMI LAM LA SOGS PA BZHIN DU DNGOS PO RNAMS SKYE'O GNAS SO 'GAG GO ZHES YANG DAG PA'I DON GYI MNGON PA'I NGA RGYAL SKYED PAR BYED DO ZHES BYA BA SMRAS TE, SO SO'I SKYE BO CHOS RNAMS KYI DE KHO NA NYID MI SHES PA BLO GROS KYI MIG ZUM PA RNAMS NI, BCOM LDAN 'DAS KYIS SKYE BA DANG GNAS PA DANG 'JIG PA BKA' STZAL PA DE DAG LA DPER NA GNYID LOG PA RMI LAM NA BDEN PAR 'DZIN PA DANG, SGYU MA DANG DRI @150B ZA'I GRONG KHYER GYI RGYUS MI SHES PA DAG DE DAG LA DNGOS POR MNGON PAR ZHEN PA DE BZHIN DU 'DU BYED RNAMS DON DAM PAR YANG SKYE'O GNAS SO 'GAG GO ZHES YANG DAG PA'I DON GYI MNGON PA'I NGA RGYAL SKYED PAR BYED DO, ,DE'I PHYIR DE LTAR MKHAS PA DANG MKHAS PA MA YIN PA DAG GI THA SNYAD KYI DBANG GIS SKYE BA LA SOGS PA DAG YOD PA NYID DU KHAS BLANGS PA'I PHYIR PHYOGS DANG GTAN TSIGS DANG DPE'I GZHI LA SOGS PA MA GRUB PA'I SKYON MED DO ZHES BYA BA NI MJUG BSDU BA YIN TE, CI LTAR RMI LAM MTHONG BA DANG, SGYU MA BYAS PA DANG, DRI ZA'I GRONG KHYER DAG SKYES PA DANG GNAS PA DANG ZHIG PAR BRJOD KYANG DE DAG LA SKYES PA DANG GNAS PA DANG ZHIG PA CI YANG MED PA DE BZHIN DU BCOM LDAN 'DAS KYIS 'DUS BYAS KYI SKYE BA DANG GNAS PA DANG 'JIG PA DAG BKA' STZAL MOD KYI 'ON KYANG DE DAG LA SKYED PAR BYED PA DANG, GNAS PAR BYED PA DANG, 'JIG PAR BYED PA CI YANG MED DO, ,'ON KYANG KUN RDZOB TU BDEN PA'I LUGS RNAM PAR BZHAG PA'I PHYIR MKHAS PA RNAMS LA THA SNYAD KYI DBANG GIS BKA' STZAL PAR YANG KHAS LEN LA, MI MKHAS PA DAG DE LA MNGON PA'I NGA RGYAL SKYOD PAR BYED PA'I RGYU NYID DU YANG KHAS LEN PA DE'I PHYIR KHO BO CAG DBU MA PA LA KUN RDZOB TU PHYOGS DANG GTAN TSIGS DANG DPE'I GZHI LA SOGS PA MA GRUB PA'I SKYON MED DO 'DI LA KHA CIG NA RE KUN NAS NYON MONGS PA 'JUG PA'I RGYU DE LAS GZHAN PA RNAM PAR RTOG PA GSUM PO DAG BSTAN PA'I PHYIR RMI LAM LA SOGS PA DPE GSUM BSTAN TO ZHES ZER RO ZHES BYA BA NI GSUNG RAB 'DI LA RMI LAM LA SOGS PA DPE GSUM GSUNGS PA DE CI'I PHYIR ZHE NA, ,'DIR RNAM PAR SHES PA TZAM DU SMRA BA KHA CIG NA RE KUN NAS NYON MONGS PA'I 'JUG PA'I RGYU YUL YOD PAR SMRA BA DAG GIS PHYI ROL GYI DON YIN PAR BRTAGS PA DE NI MA YIN TE, DE LAS GZHAN PA RNAM PAR RTOG PA GSUM PO KUN BRTAGS PA DANG GZHAN GYI DBANG DANG YONGS SU GRUB PA DAG YIN PAS RNAM PAR RTOG PA GSUM PO DE DAG BSTAN PA'I PHYIR RMI LAM DANG SGYU MA DANG DRI ZA'I GRONG KHYER ZHES BYA BA DPE GSUM PO DAG GO RIMS BZHIN DU BSTAN TO ZHES ZER TE, DE DAG NA RE CI LTAR RMI LAM RNAM PAR BRTAGS PA NYAMS SU MYONG BA DRAN PA DANG CHOS DANG CHOS MA YIN PA DANG LHAS BYIN GYIS BRLABS PA'I RGYU CAN YUL 'DOD PA DANG MI 'DOD PA DAG DANG PHRAD PA NYE BAR DMIGS PA'I @151A *, ,'BRAS BU DANG LDAN PA BRTAGS NA NGO BO NYID MED KYANG THA SNYAD DU YOD PA LA SOGS PA'I BLO'I RGYU NYID KYIS YUL NYID DU 'GYUR BA LA KUN BRTAGS PA'I DBANG GIS KUN NAS NYON MONGS PA'I 'JUG PA 'BYUNG BAR 'GYUR BA DE BZHIN DU PHYI ROL GYI DON MED PAR YANG KUN GZHI RNAM PAR SHES PA LA SPROS PA'I BAG CHAGS BSAGS PA'I RGYU LAS BYUNG BA'I RNAM PAR RTOG PAS GZUNG BA DANG 'DZIN PA'I RNAM PAR SGRO BTAGS SHING KUN BRTAGS PA RMI LAM LTA BU LA MNGON PAR ZHEN PA'I DBANG GIS KYANG KUN NAS NYON MONGS PA'I 'JUG PA 'BYUNG BAR 'GYUR RO, ,CI LTAR SGYU MA SGYU MA MKHAN DANG GSANG SNGAGS DANG SMAN GYI MTHU KHYAD PAR CAN LAS, GLANG PO CHE DANG KHYU MCHOG DANG BUD MED DANG GNAS LA SOGS PA'I NGO BO NYID DU BYUNG BA DBANG PO'I SPYOD YUL DU GYUR PA DAG NGO BO NYID MED KYANG SHES PA 'KHRUL PA'I RGYU YIN PA'I PHYIR YOD DO ZHES BRJOD PA SGYU MA'I RGYU GZHAN GYI DBANG GIS BYUNG BA LA MNGON PAR ZHEN PA'I DBANG GIS KUN NAS NYON MONGS PA'I 'JUG PA 'BYUNG BAR 'GYUR BA DE BZHIN DU MING DANG GZUGS LA SOGS PA 'DU BYED KYI MTSAN NYID GZUNG BA DANG 'DZIN PA'I RNAM PAR SNANG BRTEN CING 'BREL PAR 'BYUNG BA'I CHOS RGYU'I RKYEN KUN GZHI RNAM PAR SHES PA GZHAN GYI DBANG CAN SGYU MA LTA BU LA MNGON PAR ZHEN PA'I DBANG GIS KYANG KUN NAS NYON MONGS PA'I 'JUG PA 'BYUNG BAR 'GYUR RO, ,CI LTAR DRI ZA'I GRONG KHYER 'OBS RGYA CHEN PO DANG SGO DANG SGO KHANG DANG YANG THOG DKAR PO DGA' BA 'TSER BAG CAN DANG KHYAMS ZLA BA CAN DANG SKAR KHUNG DANG KHANG PA BRTZEGS MA DANG LDAN PA'I GRONG KHYER GYI BLO SKYE BA'I RGYU NAM MKHA' LA YONGS SU GRUB PA LA MNGON PAR ZHEN PA'I DBANG GIS KUN NAS NYON MONGS PA'I 'JUG PA 'BYUNG BAR 'GYUR BA DE BZHIN DU GZUNG BA DANG 'DZIN PA'I RNAM PAR RTOG PA SPANGS SHING KUN GZHI RNAM PAR SHES PA GNAS GYUR PA'I DUS NA, DE BZHIN GSHEGS PA'I SKU MTSAN DANG DPE BYAD KYIS BRGYAN PA YONGS SU GRUB PA'I NGO BO NYID DANG DRI ZA'I GRONG KHYER LTA BU LA MNGON PAR ZHEN PA'I DBANG GIS KYANG KUN NAS NYON MONGS PA'I 'JUG PA 'BYUNG BAR 'GYUR RO ZHES ZER RO, ,DE SKAD CES ZER BA DE DAG DGAG PA DANG DPE GSUM PO BSTAN PA'I TSIG LE'UR BYAS PA DE'I DON RNAM PA GZHAN DU BSHAD PA BSTAN PA'I PHYIR 'DIR 'GREL PA BYED PA NYID KYIS, GZHAN DAG NA RE PHA ROL POS SKYE @151B BA LA SOGS PA DAG YOD PA KHO NA YIN TE, MNGON SUM GYI BLO'I GZUNG BA YIN PA'I PHYIR DANG, BYED PA PO YOD PA'I PHYIR DANG, RGYUD THA MI DAD PAS 'DZIN PA'I PHYIR DPER NA GZUGS BZHIN NO ZHES SMRAS PA DE DAG MA NGES PA NYID DU BSTAN PA'I PHYIR RMI LAM LA SOGS PA DPE GSUM PO DAG GO RIMS BZHIN DU GSUNGS TE ZHES BYA BA LA SOGS PA SMRAS TE, GZHAN DAG NA RE ZHES BYA BA NI 'GREL PA BYED PA NYID YIN TE, DES NA SLOB DPON LEGS LDAN BYED NYID NA RE 'DI SKAD CES ZER RO ZHES BYA BAR SBYAR RO, ,'DI LA PHAS KYI RGOL BA THAMS CAD NI 'DUS BYAS KYI MTSAN NYID GSUM PO DAG LA MNGON PAR ZHEN PA YIN PAS PHA ROL PO 'DI DAG NA RE SKYE BA LA SOGS PA DAG YOD PA KHO NA YIN TE, MNGON SUM GYI BLO'I GZUNG BA YIN PA'I PHYIR DPER NA GZUGS BZHIN NO ZHES ZER BA NI RJES SU DPAG PA GCIG YIN NO, ,SKYE BA LA SOGS PA DAG YOD PA KHO NA YIN TE, BYED PA PO YOD PA'I PHYIR DPER NA GZUGS BZHIN NO ZHES ZER BA NI RJES SU DPAG PA GNYIS PA YIN NO, ,SKYE BA LA SOGS PA DAG YOD PA KHO NA YIN TE, RGYUD THA MI DAD PAS 'DZIN PA'I PHYIR DPER NA GZUGS BZHIN NO ZHES ZER BA NI RJES SU DPAG PA GSUM PA YIN TE, DE DAG GI RJES SU DPAG PA DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NI MIG LA SOGS PA MNGON SUM GYI BLO'I GZUNG BA YIN PA'I PHYIR DANG, BYED PA PO ZHES THA SNYAD GDAGS PA RGYU DANG RKYEN YOD PA'I PHYIR DANG, SEMS CAN RNAMS KYI RGYUD THA MI DAD PAS SPYI MTHUN DU 'DZIN PA YIN PA'I PHYIR YOD PA KHO NA YIN PA DE BZHIN DU SKYE BA LA SOGS PA DAG KYANG MIG LA SOGS PA MNGON SUM GYI BLO'I GZUNG BA YIN PA'I PHYIR DANG, BYED PA PO ZHES THA SNYAD GDAGS PA RGYU DANG RKYEN YOD PA'I PHYIR DANG, SEMS CAN RNAMS KYI RGYUD THA MI DAD PAS SPYI MTHUN DU 'DZIN PA YIN PA'I PHYIR YOD PA KHO NA YIN NO ZHES ZER RO, ,PHA ROL POS SMRAS PA'I RJES SU DPAG PA GSUM PO DE DAG GI GTAN TSIGS DE GSUM MA NGES PA NYID DU BSTAN PA'I PHYIR SLOB DPON GYIS RMI LAM LA SOGS PA DPE GSUM PO DAG GO RIMS BZHIN DU GSUNGS TE, 'JIG RTEN NA RMI LAM YANG YID LA SOGS PA'I MNGON SUM GYI BLO'I @152A *, ,GZUNG BA YIN PAR MTHONG BAS DES NA CI RE ZHIG MNGON SUM GYI BLO'I GZUNG BA YIN PA'I PHYIR DPER NA GZUGS BZHIN DU SKYE BA LA SOGS PA DAG YOD PA KHO NA YIN NAM, 'ON TE MNGON SUM GYI BLO'I GZUNG BA YIN PA'I PHYIR DPER NA RMI LAM BZHIN DU SKYE BA LA SOGS PA DAG YOD PA MA YIN PA KHO NAR 'GYUR BA MA NGES PAS PHA ROL POS SMRAS PA'I RJES SU DPAG PA DANG PO MA GRUB BO, ,DE BZHIN DU 'JIG RTEN NA SGYU MA LA YANG BYED PA PO SGYU MA MKHAN DANG RGYU RKYEN DAG YOD PAR MTHONG BAS DES NA CI RE ZHIG BYED PA PO YOD PA'I PHYIR DPER NA GZUGS BZHIN DU SKYE BA LA SOGS PA DAG YOD PA KHO NA YIN NAM, 'ON TE BYED PA PO YOD PA'I PHYIR DPER NA SGYU MA BZHIN DU SKYE BA LA SOGS PA DAG YOD PA MA YIN PA KHO NAR 'GYUR BA MA NGES PAS PHA ROL POS SMRAS PA'I RJES SU DPAG PA GNYIS PA MA GRUB BO, ,DE BZHIN DU 'JIG RTEN NA DRI ZA'I GRONG KHYER YANG RGYUD THA MI DAD PAS 'DZIN PAR MTHONG BAS DES NA CI RE ZHIG RGYUD THA MI DAD PAS 'DZIN PA'I PHYIR DPER NA GZUGS BZHIN DU SKYE BA LA SOGS PA DAG YOD PA KHO NA YIN NAM, 'ON TE RGYUD THA MI DAD PAS 'DZIN PA'I PHYIR DPER NA DRI ZA'I GRONG KHYER BZHIN DU SKYE BA LA SOGS PA DAG YOD PA MA YIN PA KHO NAR GYUR PA MA NGES PAS PHA ROL POS SMRAS PA'I RJES SU DPAG PA GSUM PA MA GRUB STE, RE ZHIG DE DAG NI RIG PAS PHA ROL PO'I SGRUB PA SUN BYUNG NAS DON DAM PAR SKYE BA LA SOGS PA DAG NGO BO NYID YOD PA MA YIN ZHING KUN RDZOB TU RMI LAM LA SOGS PA BZHIN DU YOD PAR KHAS BLANGS PAR BSTAN PA YIN NO, ,DA NI DE NYID THEG PA CHE CHUNG GI TSAD MAS BSGRUB PAR BYA STE, DE LA RE ZHIG THEG PA CHUNG NGU'I LUNG GI TSAD MAS BSGRUB PA BSTAN PA'I PHYIR, BCOM LDAN 'DAS KYIS KYANG NYAN THOS KYI THEG PA LA BDAG DANG BDAG GI NGO BO NYID MED PA NYID YIN YANG DE LTAR SNANG BA'I PHYIR NYON MONGS PA'I SGRIB PA'I GNYEN POR, GZUGS NI DBU BA RDOS PA 'DRA, ,TSOR BA CHU BUR DAG DANG MTSUNGS, ,'DU SHES SMIG RGYU 'DRA BA STE, ,'DU BYED RNAMS NI CHU SHING BZHIN, ,RNAM SHES SGYU MA LTA BU ZHES, ,DE NYID GZIGS PAS BKA' STZAL TO, ,ZHES GSUNGS LA ZHES BYA BA SMRAS TE, NYAN THOS KYI THEG PA LA DON DAM PAR CHOS THAMS CAD GANG ZAG BDAG DANG BDAG GI NGO BO NYID MED PA NYID YIN @152B YANG KUN RDZOB TU BDAG DANG BDAG GI NGO BO NYID KYI RNAM PA DA LTAR SNANG BA'I PHYIR DE LA MNGON PAR ZHEN PA NYON MONGS PA'I SGRIB PAR 'GYUR BAS DE'I GNYEN POR PHUNG PO DAG DBU BA RDOS PA LA SOGS PA DANG 'DRA'O ZHES GSUNGS PAS, DON DAM PAR GANG ZAG BDAG DANG BDAG GI NGO BO NYID MED PA NYID YIN LA KUN RDZOB TU DBU BA RDOS PA LA SOGS PA DANG 'DRA BA TZAM DU KHAS BLANG BAR BYA'O ZHES BSTAN TO, ,DE LA, GZUGS NI DBU BA RDOS PA 'DRA, ,ZHES BYA BA NI BRTAG MI BZOD PA'I PHYIR RO, ,TSOR BA CHU BUR DAG DANG MTSUNGS, ,ZHES BYA BA NI BYUNG NAS 'JIG CING MED PA'I PHYIR RO, ,'DU SHES SMIG RGYU 'DRA BA STE, ,ZHES BYA BA NI YANG DAG PA MA YIN PAR SGRO GTAGS PA'I PHYIR RO, ,'DU BYED RNAMS NI CHU SHING BZHIN, ,ZHES BYA BA NI SNYING PO DMIGS SU MED PA'I PHYIR RO, ,RNAM SHES SGYU MA LTA BU ZHES, ,ZHES BYA BA NI NGO BO NYID DMIGS SU MED PA'I PHYIR RO, ,DE NYID GZIGS PAS BKA' STZAL TO, ,ZHES BYA BA NI SANGS RGYAS BCOM LDAN 'DAS KYIS BKA' STZAL TO ZHES BYA BA'I THA TSIG STE, KHA CIG LAS NI NYI MA'I GNYEN KYIS BKA' STZAL TO ZHES KYANG 'BYUNG NGO, ,THEG PA CHEN PO'I LUNG GI TSAD MAS BSGRUB PA BSTAN PA'I PHYIR, THEG PA CHEN PO LA YANG 'DUS BYAS RNAMS NGO BO NYID MED PA NYID YIN YANG DE LTAR SNANG ZHING DE LTAR BSTAN PA'I PHYIR NYON MONGS PA DANG SHES BYA'I SGRIB PA'I GNYEN POR, SKAR MA RAB RIB MAR ME DANG, ,SGYU MA ZIL PA CHU BUR DANG, ,RMI LAM GLOG DANG SPRIN LTA BUR, ,'DUS BYAS DE LTAR BLTA BAR BYA, ,ZHES GSUNGS PAS ZHES BYA BA SMRAS TE, THEG PA CHEN PO LA DON DAM PAR CHOS THAMS CAD NGO BO NYID MED PA YIN YANG KUN RDZOB TU SGYU MA LA SOGS PA'I NGO BO NYID KYI RNAM PA DE LTAR SNANG ZHING DON DAM PAR NGO BO NYID MED KYANG KUN RDZOB TU SGYU MA LA SOGS PA'I NGO BO NYID TZAM DU SNANG BA DE LTAR BSTAN PA'I PHYIR DE LA MNGON PAR ZHEN PA NYON MONGS PA DANG SHES BYA'I SGRIB PAR 'GYUR BAS DE'I GNYEN POR 'DUS BYAS THAMS CAD SKAR MA LA SOGS PA DANG 'DRA'O ZHES GSUNGS PAS DON DAM PAR NGO BO NYID MED PA NYID YIN LA KUN RDZOB TU SKAR MA LA SOGS PA DANG 'DRA BA TZAM DU KHAS BLANG BAR BYA'O ZHES BSTAN TO, ,DE LA, SKAR MA RAB RIB MAR ME DANG, ,ZHES BYA BA LA SOGS PA TSIGS SU BCAD PA 'DIS NI 'DUS BYAS KYI MTSAN NYID RNAM PA BZHI BSTAN TE, RANG BZHIN GYI MTSAN NYID DANG, @153A *, ,RO MYONG BA'I YUL GYI MTSAN NYID DANG, NYES DMIGS RJES SU RTOGS PA'I MTSAN NYID DANG, NGES PAR 'BYUNG BA RJES SU RTOGS PA'I MTSAN NYID DO, ,DE LA PHUNG PO LNGA'I BDAG NYID DNGOS PO CI LTAR SNANG BA RTEN CING 'BREL PAR 'BYUNG BA NI RGYU DANG RKYEN RNAMS TSOGS PAS BYAS PA'I PHYIR 'DUS BYAS ZHES BYA'O, ,DE DAG THAMS CAD KYI RANG BZHIN GYI MTSAN NYID NI, SKAR MA RAB RIB MAR ME DANG, ,ZHES BYA BA DPE GSUM GYIS BSTAN TE, SKAR MA ZHES BYA BAS NI CI LTAR SKAR MA RNAMS MTSAN MO SNANG BAR 'GYUR GYI NYIN MO MI SNANG BAR DE BZHIN DU 'DUS BYAS 'DI YANG MA RIG PA'I NYES PA'I MUN PA YOD NA SNANG GI YE SHES KYI NYI MA'I SNANG BA 'BYUNG BA NA MI SNANG BAS SKAR MA LTA BU'I RANG BZHIN DU BLTA BAR BYA'O, ,RAB RIB CES BYA BAS NI GANG ZAG DANG CHOS SU LTA BA LA MNGON PAR ZHEN PA'I RANG BZHIN GYI 'DUS BYAS NI DON MED PAR SNANG BA'I RGYUS RAB RIB LTA BUR BLTA BAR BYA'O, ,MAR ME ZHES BYA BAS NI RNAM PAR SHES PA'I MTSAN NYID NI LAS KYI RAS DANG SRED PA'I SNUM LA BRTEN TE SKYE ZHING 'BAR BAS MAR ME LTA BUR BLTA BAR BYA'O, ,RO MYONG BA'I YUL KYI MTSAN NYID NI SGYU MA'I DPES BSTAN TE, NOR BA'I RNAM PAR SNANG BA'I PHYIR RO, ,NYES DMIGS RJES SU RTOGS PA'I MTSAN NYID NI RNAM PA GNYIS TE, MI RTAG PAR RJES SU RTOGS PA DANG, SDUG BSNGAL BAR RJES SU RTOGS PA'O, ,DE LA ZIL PA'I DPES NI MI RTAG PAR RJES SU RTOGS PA BSTAN TE, YUN RING DU MI GNAS PA'I PHYIR RO, ,CHU BUR GYI DPES NI SDUG BSNGAL BAR RJES SU RTOGS PA BSTAN TE, TSOR BA NI CHU'I CHU BUR LTA BU YIN LA TSOR BA GANG CI YANG RUNG BA DE NI 'DIR SDUG BSNGAL LO ZHES GSUNGS PA'I PHYIR RO, ,TSOR BA THAMS CAD NI SDUG BSNGAL RNAM PA GSUM GYI SDUG BSNGAL DU RIG PAR BYA STE, DE LA SDUG BSNGAL GYI TSOR BA DANG, GANG DAG DE DANG MTHUN PA'I 'DU BYED DE DAG NI SDUG BSNGAL GYIS SDUG BSNGAL LO, ,BDE BA'I TSOR BA DANG, GANG DAG DE DANG MTHUN PA'I 'DU BYED DE DAG NI 'GYUR BA'I SDUG BSNGAL GYIS SDUG BSNGAL LO, ,SDUG BSNGAL YANG MA YIN BDE BA YANG MA YIN PA'I TSOR BA DANG, GANG DAG DE DANG MTHUN PA'I 'DU BYED DE DAG NI 'DU BYED KYI SDUG BSNGAL GYIS SDUG BSNGAL LO, ,NGES PAR 'BYUNG BA RJES SU RTOGS @153B PA'I MTSAN NYID NI GANG ZAG DANG CHOS STONG PAR RJES SU RTOGS PA'I DMIGS PA DES NGES PAR 'BYUNG BA STE, RMI LAM GLOG DANG SPRIN LTA BUR, ,ZHES BYA BA'I DPE GSUM GYIS BSTAN TO, ,DE LA RMI LAM GYI DPES NI 'DAS PA'I 'DUS BYAS DE DAG BDAG MED PA RNAM PA GNYIS SU RJES SU RTOGS PA BSTAN TO, , GLOG GI DPES NI DA LTAR BYUNG BA RNAMS GCIG DANG DU MA'I RANG BZHIN DANG MI LDAN PAS RANG BZHIN GZUNG DU MED PA'I PHYIR BDAG MED PA GNYIS PO DE RJES SU RTOGS PA BSTAN TO, ,SPRIN GYI DPES NI DE'I SA BON GNAS NGAN LEN MA 'ONGS PA'I BDAG NYID SPRIN LTA BUS SEMS NAM MKHA' LTA BU LA 'BRAS BU SKYED PA RNAMS GCIG DANG DU MA'I RANG BZHIN DANG MI LDAN PAS RANG BZHIN GZUNG DU MED PA'I PHYIR BDAG MED PA GNYIS PO DE RJES SU RTOGS PA BSTAN TO, ,'DUS BYAS DE LTAR BLTA BAR BYA, ,ZHES BYA BAS NI DPE RNAM PA DGU PO DE DAG GIS MTSON PA'I DON GYI DNGOS PO BSTAN TE, PHUNG PO LNGA'I BDAG NYID DNGOS PO CI LTAR SNANG BA RTEN CING 'BREL PAR 'BYUNG BA NI RGYU DANG RKYEN RNAMS TSOGS PAS BYAS PA'I PHYIR 'DUS BYAS ZHES BYA STE, 'DUS BYAS THAMS CAD KYI MTSAN NYID RNAM PA DE LTAR BLTA BAR BYA'O ZHES GSUNGS SO, ,DE DAG GIS NI 'DI LA BYANG CHUB SEMS DPAS RTAG TU 'DUS BYAS THAMS CAD RANG BZHIN DE LTAR BRTAG PA LA 'DUN PA DANG, SMON LAM GYIS GNAS PAR BYA BA DANG, RNAL 'BYOR LA SNYOMS PAR 'JUG PAS BSGRUB PAR BYA BA DANG, G-YENG BA TSAR GCAD NAS SEMS RAB TU GZUNG BAR BYA BA DANG, SHES RAB KYI PHA ROL TU PHYIN PA'I LUS MTHA' DAG RNAM PAR 'JOG PAS ZAB PA DANG RGYA CHE BA YANG BSTAN TO, ,DE'I PHYIR 'DI LA SKRAG PA'I GNAS MED DE, BLO GROS DANG LDAN PA RNAMS KYIS YONGS SU BRTAGS NAS BZOD PA BSKYED PAR BYA'O ZHES ZER RO ZHES BYA BA NI MJUG BSDU BA DANG YANG DAG PAR 'DZIN DU GZHUG PA YIN TE, DE LTAR RIGS PA DANG LUNG GI TSAD MAS CI SKAD BSTAN PA DE'I PHYIR DE BZHIN GSHEGS PA DE'I GSUNG RAB DANG DBU MA'I BSTAN BCOS 'DI LA KUN RDZOB TU YANG BDAG DANG CHOS SU NYE BAR GDAGS PA'I DNGOS PO THAMS CAD MED DO SNYAM DU SEMS PA'I SKRAG PA'I GNAS MED DO, ,BLO GROS DANG LDAN PA RNAMS KYIS KUN RDZOB TU BDAG DANG CHOS SU NYE BAR GDAGS PA'I GZHI 'DUS BYAS KYI SKYE BA LA @154A *, ,SOGS PA DAG RMI LAM LA SOGS PA BZHIN DU THA SNYAD GDAGS SU YOD PA DANG, DON DAM PAR NGO BO NYID MED PA NYID DU YONGS SU BRTAGS NAS DE BZHIN GSHEGS PA'I GSUNG RAB DANG DBU MA'I BSTAN BCOS 'DI LA BZOD PA BSKYED PAR BYA'O ZHES SLOB DPON LEGS LDAN BYED NYID DE SKAD CES ZER RO, ,GZHAN DAG NA RE BCOM LDAN 'DAS KYIS 'DU BYED RNAMS BDAG MED PA'I DPER SGYU MA DANG BRAG CA DANG GZUGS BRNYAN DANG SMIG RGYU DANG RMI LAM DANG DBU BRDOS PA DANG CHU'I CHU BUR DANG CHU SHING GI PHUNG PO DAG BSTAN TE, 'DI LA DE BZHIN NYID DAM MA NOR BA DE BZHIN NYID NI 'GA' YANG MED KYI 'DI DAG NI SPROS PA YANG YIN LA 'DI DAG NI BRDZUN PA YANG YIN NO ZHES KYANG GSUNGS SO, ,CHOS THAMS CAD BDAG MED DO ZHES BYA BA LA BDAG MED BZHES BYA BA NI NGO BO NYID MED PA'I DON TE, BDAG CES BYA BA'I SGRA NI NGO BO NYID KYI TSIG YIN PA'I PHYIR RO ZHES ZER RO ZHES BYA BA NI SKYE BA LA SOGS PA MTSAN NYID GSUM PO DAG RMI LAM LA SOGS PA DPE GSUM PO DAG DANG 'DRA BAR GSUNGS PA'I TSIG LE'UR BYAS PA DE BSHAD PA'I SKABS 'DI LA 'GREL BA BYED PA GNAS BRTAN BUD DHA P'A LI TA NI DE SKAD CES ZER RO ZHES BYA BAR SBYAR RO, ,GZHAN MA YIN PA NA RE DE LA 'DIR BDAG TU SNANG BA NI NOR BA'I DE BZHIN NYID YIN PA'I PHYIR DANG, BDAG CES BYA BA'I SGRA YANG BDAG GI TSIG YIN PA'I PHYIR DE DAG LA BDAG GZHAN YANG MED LA RANG NYID KYANG MA YIN TE, DBANG PHYUG MA YIN PA BZHIN PAS KHUNGS DES NI NYAN THOS KYI THEG PA LA GANG ZAG BDAG MED PA'I SGRA'I DON BYE BRAG TU RTOGS PAR BYA BA YIN PA'I PHYIR CHOS BDAG MED PA NYID BSTAN PAR MI NUS SO, ,NUS PAR GYUR NA NI THEG PA GZHAN YONGS SU GZUNG BA DON MED PA NYID DU 'GYUR RO ZHES ZER RO ZHES BYA BAS NI 'GREL PA BYED PA NYID KYIS GNAS BRTAN BUD DHA P'A LI TA'I RNAM PAR BSHAD PA DE MI RIGS PAR SUN 'BYIN PA'I TSIG YIN NO, ,GZHAN MA YIN PA NA RE ZHES BYA BA LA GZHAN MA YIN PA NI RANG NYID YIN PAS SLOB DPON LEGS LDAN BYED NYID NA RE 'DI SKAD CES ZER TE, GNAS BRTAN BUD DHA P'A LI TAS BCOM LDAN 'DAS KYIS CHOS BDAG MED PA'I DPER SGYU MA DANG BRAG CA LA SOGS PA DAG BSTAN TE ZHES BSHAD @154B PA DANG, BDAG MED PA ZHES BYA BA NI NGO BO NYID MED PA'I DON TE, BDAG CES BYA BA'I SGRA NI NGO BO NYID KYI TSIG YIN PA'I PHYIR RO ZHES BSHAD PA DE MI RIGS TE, CI'I PHYIR ZHE NA, BCOM LDAN 'DAS KYIS BKA' STZAL PA'I KHUNGS DE NI NYAN THOS KYI THEG PA LA GANG ZAG BDAG MED PA'I DON BYE BRAG TU RTOGS PAR BYA BA'I DPE DANG DON DANG SGRAR GSUNGS PA YIN PA LAS GNAS BRTAN BUD DHA P'A LI TAS DE DAG CHOS BDAG MED PA'I DON BYE BRAG TU RTOGS PAR BYA BA'I DPE DANG DON DANG SGRA YIN PAR GSUNGS SO ZHES BSHAD PA'I PHYIR RO, ,'DI SKAD BSTAN TE, NYAN THOS KYI THEG PA LA DON DAM PAR GANG ZAG BDAG DANG BDAG GI NGO BO NYID MED PA NYID YIN PA LAS KUN RDZOB TU BDAG TU SNANG BA NI NOR BA'I DE BZHIN NYID YIN PA'I PHYIR, BCOM LDAN 'DAS KYIS DE DAG LA GANG ZAG BDAG MED PA NYID BSTAN PA'I PHYIR BDAG MED DO ZHES GSUNGS PA'I BDAG GI SGRA NI CHOS KYI TSIG MA YIN GYI BDAG GI TSIG YIN PA'I PHYIR PHUNG PO LNGA PO DE DAG LA GANG ZAG BDAG GZHAN YANG MED LA, PHUNG PO LNGA PO DE DAG RANG NYID KYANG BDAG MA YIN TE DPER NA DBANG PHYUG MA YIN NO ZHES BYA BAS DE LA DBANG PHYUG GZHAN YANG MED LA DE NYID KYANG DBANG PHYUG MA YIN PAR BSTAN PA BZHIN PAS, BCOM LDAN 'DAS KYIS GSUNGS PA'I KHUNGS DES NI NYAN THOS KYI THEG PA LA GANG ZAG BDAG MED PA'I SGRA'I DON BYE BRAG TU RTOGS PAR BYA BA YIN PA'I PHYIR CHOS BDAG MED PA NYID BSTAN PAR MI NUS SO, ,GAL TE NUS PAR GYUR NA NI THEG PA CHEN PO GZHAN YONGS SU GZUNG BA DON MED PA NYID DU 'GYUR BA ZHIG NA MI 'GYUR BAS DE'I PHYIR, BCOM LDAN 'DAS KYIS 'DU BYED RNAMS BDAG MED PA'I DPER SGYU MA DANG BRAG CA LA SOGS PA DAG BKA' STZAL PA YANG GANG ZAG BDAG MED PA'I DPER BKA' STZAL PA YIN LA, CHOS THAMS CAD BDAG MED DO ZHES GSUNGS PA YANG GANG ZAG BDAG MED PA'I DON DU GSUNGS PA YIN GYI CHOS NGO BO NYID MED PA'I DON DU GSUNGS PA MA YIN LA, BDAG CES BYA BA'I SGRA YANG GANG ZAG CES BYA BA'I TSIG YIN GYI CHOS KYI NGO BO NYID KYI TSIG MA YIN PA LAS GNAS BRTAN BUD DHA P'A LI TAS DE DAG CHOS BDAG MED PA'I DPE DANG DON DANG SGRA GSUNGS SO ZHES BSHAD PA DE RIGS PA MA YIN NO, ,DE LA 'DIR RAB TU BYED PA'I DON NI PHA ROL POS @155A *, ,RAB TU BYED PA'I DANG POR BSGRUB PA SMRAS PA'I SKYON BRJOD PAS 'DUS BYAS RNAMS NGO BO NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, SKYE BA DANG GNAS PA DANG 'JIG PA BRTAG PA'I RAB TU BYED PA BDUN PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS SNGAR PHUNG PO DANG KHAMS DANG SKYE MCHED DAG LA 'DUS KYI NGO BO NYID YOD PAR BSGRUB PA'I PHYOGS SNGA MA DON DAM PAR 'DUS BYAS PHUNG PO DANG KHAMS DANG SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BA LA SOGS PA SMRAS PA DE DAG GI SGRUB PA'I SKYON BRJOD PAS 'DUS BYAS RNAMS NGO BO NYID MED PA NYID DU BSTAN PA YIN NO, ,'DUS BYAS RNAMS NGO BO NYID MED PA NYID DU BSTAN PA LA YON TAN YOD PA BSTAN PA'I PHYIR DANG, ,'DUS BYAS RNAMS NGO BO NYID MED PA NYID DU BSTAN PA 'DI LA GZHAN DAG NA RE RTAG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE DE'I PHYIR BCOM LDAN 'DAS MA SHES RAB KYI PHA ROL TU PHYIN PA'I MDO LAS, RAB 'BYOR CI TZAM DU 'DUS BYAS YIN PA TZAM DU BRDZUN NO ZHES BYA BA GSUNGS PA DANG, DE BZHIN DU SHES RAB KYI PHA ROL TU PHYIN PA NYID LAS GANG 'DUS BYAS LA MI SPYOD PA DANG 'DUS MA BYAS LA MI SPYOD PA DE NI SHES RAB KYI PHA ROL TU PHYIN PA LA SPYOD PA YIN NO ZHES BYA BA GSUNGS PA DANG, DE BZHIN DU THEG PA CHEN PO'I MDO SDE'I MTHA' GZHAN DAG LAS CHOS THAMS CAD NI DE BZHIN NYID LA GNAS PA STE, DE BZHIN NYID GANG YIN PA DE LA NI 'DUS BYAS KYANG MED 'DUS MA BYAS KYANG MED DO, ,GANG LA 'DUS BYAS KYANG MED 'DUS MA BYAS KYANG MED PA DE LA NI GNYIS SU 'JUG PA MED DO, ,GANG LA GNYIS SU 'JUG PA MED PA DE NI DE BZHIN NYID DO ZHES BYA BA GSUNGS PA DANG, DE BZHIN DU 'PHAGS PA TSANGS PA KHYAD PAR SEMS KYIS ZHUS PA'I MDO LAS, TSANGS PA 'DUS BYAS DANG, 'DUS MA BYAS KYI CHOS RNAMS LA THA DAD DU BYA BA CI YOD, SMRAS PA, 'JAM DPAL 'DUS BYAS DANG 'DUS MA BYAS KYI CHOS RNAMS LA THA @155B SNYAD TZAM DU THA DAD PAR BYA BA YIN TE, BYANG CHUB SEMS DPA' GZUNGS 'DI 'DZIN PA NI 'DUS BYAS DANG 'DUS MA BYAS KYI CHOS RNAMS LA RLOM SEMS SU MI BYED DMIGS PAR MI BYED DO ZHES BYA BA LA SOGS PA GSUNGS PA DANG, DE BZHIN DU BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA, GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA NI 'DUS BYAS KYANG MA YIN 'DUS MA BYAS KYANG MA YIN NO, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA 'DUS BYAS KYANG MA YIN 'DUS MA BYAS KYANG MA YIN PA GANG YIN PA DE NI SHES RAB KYI PHA ROL TU PHYIN PA'O, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA NI SKYE BA'I CHOS CAN YANG MA YIN, 'GAG PA'I CHOS CAN YANG MA YIN NO, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA SKYE BA'I CHOS CAN YANG MA YIN 'GAG PA'I CHOS CAN YANG MA YIN PA GANG YIN PA DE NI SHES RAB KYI PHA ROL TU PHYIN PA'O, ,RNAM PAR RTOG PA MA GTOGS PAR 'DUS BYAS DANG 'DUS MA BYAS MED DE BYIS PA RMONGS PA RNAMS NI MO GSHAM GYIS RMI LAM NA BU MTHONG BA DE BZHIN DU 'DUS BYAS DANG 'DUS MA BYAS ZHES 'DZIN PAR BYED DO ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI 'DUS BYAS RNAMS NGO BO NYID MED PA NYID DU BSTAN PA'I YON TAN YIN TE, DE'I PHYIR KHO BO RANG GI BSAM PAS RTOG GE SKAM PO TZAM GYI 'DUS BYAS RNAMS NGO BO NYID MED PA NYID DU BSTAN PA MA YIN TE, 'DI LTAR LUNG DE DAG KYANG YOD DO, ,GANG GI PHYIR THEG PA CHEN PO'I MDO SDE MTHA' YAS PA DAG LAS 'DUS BYAS RNAMS NGO BO NYID MED PA NYID DU BSTAN PA DE DAG 'DIR BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA NI SLOB DPON GYI ZHAL SNGA NAS KYIS MKHYEN RLABS YIN NO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA LAS SKYE BA DANG GNAS PA DANG 'JIG PA BRTAG PA ZHES BYA BA STE, RAB TU BYED PA BDUN PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE @156A *, ,BAR SBYAR BA RDZOGS SO,, ,,BAM PO BZHI BCU GCIG PA, DE NI STONG PA NYID KYI MI MTHUN PA'I PHYOGS KYI KHYAD PAR DGAG PAS PHUNG PO LA SOGS PA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA BRGYAD PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS 'DIR YANG BSTAN BCOS MDZAD PAS CI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE, PHUNG PO DANG KHAMS DANG SKYE MCHED DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS PHUNG PO DANG KHAMS DANG SKYE MCHED DAG YOD PA NYID DU STON PA'I PHYOGS SNGA MA NYE BAR GZHAG PA 'OG NAS DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS, BYED PA PO DANG LAS BSTAN PA'I PHYIR RO ZHES BYA BA LA SOGS PA 'BYUNG BA DAG YIN NO DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA BRGYAD PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS PHUNG PO LA SOGS PA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA BRGYAD PA BRTZAM MO ZHES BYA BA SMRAS TE, BYED PA PO DANG LAS BRTAG PA'I RAB TU BYED PA BRGYAD PA'I GZHUNG 'OG NAS 'BYUNG BA 'DI'I DON NI PHUNG PO LA SOGS PA DAG NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD CES SMRAS SO, ,RAB TU BYED PA 'DI'I 'BRAS BU NI GANG YIN RNAM PA GANG GIS NI 'BRAS BU DE THOB CE NA, PHUNG PO LA SOGS PA DAG NGO BO NYID MED @156B PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS, DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, , STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, PHUNG PO DANG KHAMS DANG SKYE MCHED DAG DE LTAR BKAG TU ZIN KYANG DE DAG LA MNGON PAR ZHEN PA RANG GI SDE PA DAG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA'I PHYIR RO ZHES BYA BA LA SOGS PA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR TE, 'DI NA GANG MED PA LA NI BCOM LDAN 'DAS KYIS DE LA BRTEN NAS BYED PA PO DANG LAS MA BSTAN TE, DPER NA BONG BU DANG RNGA MO'I RVA DAG BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,PHUNG PO LA SOGS PA DAG LA NI BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA 'DI YOD DE, LEGS PAR SPYAD PA'I CHOS SPYAD BYA, ,NYES PAR SPYAD PA DE MI SPYAD, ,CHOS SPYOD 'JIG RTEN 'DI DANG NI, ,PHA ROL DU YANG BDE BAR GNAS, ,ZHES BYED PA PO DANG LAS KYANG BSTAN TO ZHES BYA BA NI NYE BAR SBYAR BA'I SBYOR BA YIN TE, TSIGS SU BCAD PA'I PHYED 'OG MAS NI BYED PA PO BSTAN LA, PHYED GONG MAS NI LAS BSTAN TO, ,LAS BSTAN PA DE NYID KYI MTSAN NYID BYE BRAG TU BSHAD PA'I PHYIR DE LA CHOS MNGON PA LAS, LAS NI DGE BA DANG MI DGE BA DANG LUNG DU MA BSTAN PA'I BYE BRAG GIS RNAM PA GSUM MO ZHES BYA BA LA SOGS PA SMRAS SO, ,DE LA DGE BA YANG NGO BO NYID DANG MTSUNGS PAR LDAN PA DANG KUN NAS BLANG BA DANG DON DAM PA BA'I BYE BRAG GIS RNAM PA BZHI'O NYES BYA BA NI CHOS MNGON PA LAS, DON DAM DGE BA THAR BA STE, ,NGO BO RTZA BA NGO TSA KHREL, ,MTSUNGS LDAN DE DANG LDAN PA STE, ,KUN NAS BSLANG BA BYA LA SOGS, ,ZHES BYA BAS NGO BO NYID KYIS @157A *, ,'PHROD PA'I SMAN DANG, DE DANG LDAN PA'I SMAN KHU DANG, DES KUN NAS BSLANG BA'I SMAN MAR LA SOGS PA'I DPES NGO BO NYID KYI DGE BA NI MA CHAGS PA'I DGE BA'I RTZA BA LA SAGS PA GSUM PA DANG, NGO TSA SHES PA DANG KHREL YOD PA'O, ,MTSUNGS PAR LDAN PA'I DGE BA NI DE DAG DANG MTSUNGS PAR LDAN PA'I SEMS LAS BYUNG BA'I CHOS RNAMS SO, ,KUN NAS BSLANG BA'I DGE BA NI DE DAG GIS KUN NAS BSLANG BA'I LUS DANG NGAG DANG YID KYI LAS RNAMS SO, ,DON DAM PA PA'I DGE BA NI THAR PA'O ZHES BSHAD PA YIN NO, ,MI DGE BA YANG DE BZHIN NO ZHES BYA BA NI NGO BO NYID DANG MTSUNGS PAR LDAN PA DANG KUN NAS BSLANG BA DANG, 'KHOR BA'I BYE BRAG GIS RNAM PA BZHI STE, 'KHOR BA'I MI DGE BA NI 'KHOR BAR GTOGS PA THAMS CAD DE LOG PAR LTA BA LA SOGS PA 'KHOR BA PA'I MI DGE BA RNAMS SO, ,LUNG DU MA BSTAN PA YANG RNAM PAR SMIN PA LAS SKYES PA DANG SPYOD LAM LAS BYUNG BA DANG BZO'I GNAS LAS BYUNG BA DANG SPRUL PA LAS BYUNG BA'I BYE BRAG GIS RNAM PA BZHI'O ZHES 'BYUNG BAS ZHES BYA BA NI DGE BA DANG MI DGE BA'I LAS RNAM PAR SMIN PAR 'GYUR BA LAS SKYES PA'I 'BRAS BU DANG, SPYOD LAM BYED PA LAS BYUNG BA'I SEMS DANG, BZO'I GNAS BYED PA LAS BYUNG BA'I SEMS DANG, SPRUL PA BYED PA LAS BYUNG BA'I SEMS DAG NI LUNG DU MA BSTAN PA'O ZHES 'BYUNG NGO, ,DE'I PHYIR GTAN TSIGS CI SKAD SMOS PA'I MTHUS DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NA BCOM LDAN 'DAS KYIS BONG BU'I RVA LA SOGS PA MED PA GANG DAG LA BRTEN NAS BYED PA PO DANG LAS MA BSTAN PA DE DAG NI DON DAM PAR YOD PA MA YIN GYI PHUNG PO DANG KHAMS DANG SKYE MCHED LA SOGS PA GANG DAG LA BRTEN NAS BYED PA PO DANG LAS BSTAN PA DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN LA 'DIR 'GREL PA BYED PA NYID KYIS, DE LA 'DIR GAL TE DON DAM PAR DE DAG LA BRTEN NAS BYED PA PO DANG LAS BSTAN PA'I PHYIR RO ZHES BYA BA'I GTAN TSIGS 'DOD NA NI DON MA GRUB PA NYID DO, ,'ON TE DBYUG PAS MA BZLOG PA'I PHYIR THA SNYAD DU 'DOR NA NI DON 'GAL BA NYID DANG GRUB PA LA SGRUB PA NYID YIN NO, , @157B BCOM LDAN 'DAS KYIS DON DAM PAR DE DAG LA BRTEN NAS BYED PA PO DANG LAS BSTAN TO ZHES BYAR YANG DPE MED DE, 'DI LTAR DON DAM PAR DNGOS PO MED PA'I PHYIR RO ZHES BYA BA SMRAS SO, ,DE'I PHYIR CI LTAR DE DAG MI 'THAD PA DE LTAR BRTAG PAR BYA STE 'DI LA BYED PA PO DE YANG YIN PAR GYUR PA'AM, MA YIN PAR GYUR PA'AM, YIN PA DANG MA YIN PAR GYUR PA ZHIG LAS BYED PAR 'GYUR ZHING LAS KYANG YIN PAR GYUR PA'AM MA YIN PAR GYUR PA'AM, YIN PA DANG MA YIN PAR GYUR BA ZHIG BYED PA PO'I BYA BAR 'GYUR GRANG NA, DE DAG RNAM PA THAMS CAD DU MI 'THAD PAS DE'I PHYIR BSHAD PA ZHES BYA BAS NI PHA ROL PO DAG PHUNG PO LA SOGS PA DAG LA BRTEN NAS BYED PA PO DANG LAS BSTAN PA'I PHYIR RO ZHES BYA BA'I GTAN TSIGS KYIS DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE ZHES SGRUB PA'I GTAN TSIGS KYI DON MI 'GRUB PAS BSGRUB PAR BYA BA YANG MI 'GRUB PAR BSTAN TO, ,DE LA 'DIR 'GREL PA BYED PAS BYED PA PO DANG LAS BRTAG PA'I MU RNAM PA DRUG NYE BAR GZHAG STE, DE LA YANG MU DANG PO GSUM NI BYED PA PO BRTAG PA YIN LA, MU THA MA GSUM NI LAS BRTAG PA YIN NO, ,DE LA BYED PA PO BRTAG PA'I MU GSUM NI BYED PA PO YIN PAR GYUR PA LAS MI BYED PA DANG, BYED PA PO MA YIN PAR GYUR PA LAS MI BYED PA DANG, BYED PA PO YIN PA DANG MA YIN PAR GYUR PA LAS MI BYED PA'O, ,LAS BRTAG PA'I MU GSUM NI LAS YIN PAR GYUR PA BYED PA PO'I BYA BA YIN PA DANG, LAS MA YIN PAR GYUR PA BYED PA PO'I BYA BA MA YIN PA DANG, LAS YIN PA DANG MA YIN PAR GYUR PA BYED PA PO'I BYA BA MA YIN PA'O, ,DE DAG KYANG BYED PA PO YIN PAR GYUR PA LAS YIN PAR GYUR PA MI BYED PA DANG, LAS YIN PAR 'GYUR BA BYED PA PO YIN PAR GYUR PA'I BYA BA MA YIN PA DANG, BYED PA PO MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PA DANG, BYED PA PO YIN PA DANG MA YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PA DANG, BYED PA PO YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO YIN @158A *, ,PAR GYUR PA'I BYA BA MA YIN PA DANG, BYED PA PO MA YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO MA YIN PAR GYUR PA'I BYA BA MA YIN PA DANG, BYED PA PO YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO YIN PAR GYUR PA'I BYA BA MA YIN PA DANG, BYED PA PO MA YIN PAR GYUR PA LAS YIN PA DANG, MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO MA YIN PAR GYUR PA'I BYA BA MA YIN PA DANG, BYED PA PO YIN PA DANG MA YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA DANG, LAS YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PA DANG, BYED PA PO YIN PA DANG MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PAR BRTAG PA RNAM PA DE GUS DE DAG RNAM PA THAMS CAD DU MI 'THAD PAR STON TO, ,DE LA RE ZHIG BYED PA PO YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA DANG PO'I PHYOGS BSTAN PA'I PHYIR, BYED PO YIN PAR GYUR PA DE, , LAS SU GYUR PA MI BYED DO, ,'DI NI DAM BCA' BA NYE BAR GZHAG PA'O ZHES BYA BA SMRAS TE, DE NI PHYOGS YIN NO, ,BYED PA PO YIN PAR GYUR PA DANG LAS YIN PAR GYUR PA'I MTSAN NYID BSTAN PA'I PHYIR DE LA BYED PA PO YIN PAR GYUR PA NI BYA BA DANG LDAN PA'O, ,LAS YIN PAR GYUR PA YANG BYA BA DANG LDAN PA'O ZHES BYA BA SMRAS SO, ,DES DE MI BYED PA DANG, DE DE'I BYA BA MA YIN PAR SGRUB PA NI 'OG NAS STON TO, ,BYED PA PO MA YIN PAR GYUR PA, LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BRTAG PA GNYIS PA'I PHYOGS BSTAN PA'I PHYIR, BYED PO MA YIN GYUR PA YANG, ,LAS SU MA GYUR MI BYED DO, ,'DI YANG DAM BCA' BA NYE BAR GZHAG PA'O ZHES BYA BA SMRAS TE, DE YANG PHYOGS YIN NO, ,BYED PA PO MA YIN PAR GYUR PA DANG, LAS MA YIN PAR GYUR PA'I MTSAN NYID BSTAN PA'I PHYIR, DE LA YANG BYED PA PO MA YIN PAR GYUR PA DANG, LAS MA YIN PAR @158B GYUR PA NI DE LAS BZLOG PA'O ZHES BYA BA SMRAS TE, DAM BCA' BA NYE BAR GZHAG PAR SNGA MA'I SKABS SU BSTAN PA LAS BZLOG PA YIN NO, ,BYED PA PO DANG LAS DANG MI BYED PA'I MTSAN NYID BSTAN PA'I PHYIR BYED PA PO ZHES BYA BA NI BYA BA BYED PA'O, ,LAS ZHES BYA BA NI BYA BA'O, ,MI BYED DO ZHES BYA BA NI BYA BA MI BYED PA'O ZHES BYA BA SMRAS SO, ,DES DE MI BYED PA DANG DE DE'I BYA BA MA YIN PAR SGRUB PA YANG 'OG NAS STON TO, ,DE LA RE ZHIG DAM BCAS PA'I DON NYE BAR GZHAG PA SNGA MA BSGRUB PA'I PHYIR BSHAD PA ZHES BYA BAS NI BYED PA PO YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA DANG PO STON TO, ,YIN PAR GYUR LA BYA BA MED, ,CES BYA BAS NI BYED PA PO DGAG PA'I SGRUB PA'I CHOS BSTAN TO, ,DE NYID BSTAN PA'I PHYIR, BYED PA PO GANG BYA BA LA MI LTOS PA ZHIG BYED PA PO'I NGO BO NYID DU 'DOD NA DE LA BYA BA DANG LAS MED DE BYA BA MED PAR YANG DE GRUB PA'I PHYIR RO ZHES BYA BA SMRAS TE, BYED PA PO YIN PAR GYUR PA NI SNGA NAS BYA BA DANG LDAN PA YIN PAS DE LA DA ? LAS BYED PA'I BYA BA GNYIS PA MED PAS BYED PA PO YIN PAR GYUR PA NI LAS MI BYED PA'I SGRUB PA'I CHOS YIN NO, ,DE'I PHYIR BYA BA DANG LDAN PA LAS KHYAD PAR YOD PAR YANG MI RIGS PAS BYED PA PO LAS BYED DO ZHES BYA BA DE MI 'THAD DO ZHES BYA BAR DGONGS SO ZHES BYA BA SMRAS TE, GAL TE BYED PA PO SNGA NAS BYED PA DANG LDAN PA DE LA DA LAS BYED PA'I BYA BA GNYIS PA MED PA YANG LAS BYED DO ZHES BRTAG NA, BYA BA DANG LDAN PA LAS BYED PA LAS KHYAD PAR YOD PAR YANG MI RIGS PAS BYED PA PO YIN PAR GYUR PA LAS BYED DO ZHES BYA BA DE MI 'THAD DO ZHES BYA BAR MDO MDZAD PAS DGONGS SO, ,YANG NA, YIN PAR GYUR LA BYA BA MED, ,CES BYA BA NI CHOS MTHUN PA'I DPE'I TSIG YIN NO ZHES BYA BA NI YANG NA RTZA BA DES NI, BYED PA PO YIN PAR GYUR PA LAS YIN PAR GYUR PA MI BYED PA'I CHOS MTHUN PA'I DPE BSTAN TA, MCHOD SBYIN BYED PA PO YIN PAR GYUR PA GANG LA BSGRUB PAR BYA BA CHOS LAS YIN PAR GYUR PA MI BYED PA DANG, SGRUB PA'I CHOS BYED PA PO YIN PA'I PHYIR ZHES BYA BA DAG YOD PA DE 'DIR DPE NYID DU BYA'O, ,DA NI DE'I TSAD MA BSTAN PA'I PHYIR 'DIR RJES SU DPAG PA NI ZHES BYA BA LA SOGS PA SMRAS SO, ,DON DAM PAR BYED PA PO YIN PAR GYUR @159A *, ,PA LHAS BYIN ZHES BYA BA BRTEN TE BTAGS PA DANG, MU STEGS BYED GYIS YONGS SU BRTAGS PA NI LHAS BYIN GYI RGYUD LA LAS DGE BA DANG MI DGE BA MI BYED DE, BYED PA PO YIN PA'I PHYIR DPER NA MCHOD SBYIN BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG; DPE YIN PAR GO RIMS BZHIN DU SBYAR TE, DPER NA BYED PA PO YIN PAR GYUR PA MCHOD SBYIN NI BYED PA PO YIN PA'I PHYIR LHAS BYIN GYI RGYUD LA LAS YIN PAR GYUR PA DGE BA DANG MI DGE BA MI BYED PA DE BZHIN DU, BYED PA PO YIN PAR GYUR PA LHAS BYIN ZHES BYA BA CHOS 'DI PA DAG GIS PHUNG PO LNGA LA BRTEN TE GANG ZAG CES BRTAGS PA DANG GZHAN MU STEGS BYED PA DAG GIS NANG GI BYED PA'I SKYES BU ZHES BYA BAR YONGS SU BRTAGS PA YANG, BYED PA PO YIN PA'I PHYIR LHAS BYIN GYI RGYUD LA LAS YIN PAR GYUR PA DGE BA DANG MI DGE BA MI BYED DO, ,YANG NA BYED PA PO YIN PAR GYUR PA NYE BAR BTAGS PA MA YIN PA CI LTAR GZEGS ZAN PA DAG GIS BDAG BYED PA PO NYID DU BRTAGS PA LTA BU DE DAG GI PHYIR RJES SU DPAG PA NI ZHES BYA BA NI RJES SU DPAG PA SNGA MAS NI BYED PA PO YIN PAR GYUR PA LHAS BYIN ZHES BYA BA CHOS 'DI PA DANG, GZHAN MA STEGS BYED DAG GIS GANG ZAG DANG SKYES BU ZHES NYE BAR BTAGS PA DE LAS YIN PAR GYUR PA MI BYED PAR DGAG PA BSTAN TO, ,'DIR NI BYED PA PO YIN PAR GYUR PA NYE BAR BTAGS PA MA YIN PA CI LTAR GZEGS ZAN PA DAG GIS BDAG BYED PA PO NYID DU BRTAGS PA LTA BU DE, LAS YIN PAR GYUR PA MI BYED PAR DGAG PA STON TO, ,DON DAM PAR BDAG LHAS BYIN NI LHAS BYIN GYA RGYUD LA LAS MI BYED DE DNGOS PO YIN PA'I PHYIR DPER NA LAS BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LAS YIN PAR GYUR PA DGE BA DANG MI DGE BA DAG NI DNGOS PO YIN PA'I PHYIR DON DAM PAR LHAS BYIN GYI RGYUD LA LAS MI BYED PA DE BZHIN DU BYED PA PO YIN PAR GYUR PA BDAG LHAS BYIN ZHES BYA BA DNGOS PO YIN PA'I PHYIR DON DAM PAR LHAS BYIN GYI RGYUD LA LAS MI BYED DE, RE ZHIG RJES SU DPAG PA DE GNYIS KYIS NI BYED PA PO YIN PAR GYUR PA LAS YIN PAR GYUR PA MI BYED PAR BRTAG PA BSTAN TO, ,DA NI DE'I ZHAR LA LAS YIN PAR GYUR PA BYED PA PO @159B YIN PAR GYUR PA'I BYA BA MA YIN PAR GRUB PA PHYOGS SU BYAS TE RJES SU DPAG PA BSTAN PA'I PHYIR DON DAM PAR LHAS BYIN GYI RGYUD KYI LAS NI BYED PA PO BDAG LHAS BYIN GYI BYA BA MA YIN TE, LAS YIN PA'I PHYIR DPER NA DE LAS GZHAN PA BZHIN PAS ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN LAS GZHAN PA MCHOD SBYIN GYI RGYUD KYI LAS YIN PAR GYUR PA NI LAS YIN PA'I PHYIR DON DAM PAR BYED PA PO BDAG LHAS BYIN GYI BYA BA MA YIN PA DE BZHIN DU, LHAS BYIN GYI RGYUD KYI LAS YIN PAR GYUR PA YANG LAS YIN PA'I PHYIR DON DAM PAR BYED PA PO BDAG LHAS BYIN GYI BYA BA MA YIN NO, ,DE'I PHYIR RJES SU DPAG PAS GNOD PAR 'GYUR RO ZHES BYA BA NI MJUG BSDU BA DANG TSAD MA'I 'BRAS BU YIN TE, GANG DAG GI PHYOGS LA BYED PA PO YIN PAR GYUR PA LAS YIN PAR GYUR PA BYED PA DANG, LAS YIN PAR GYUR PA BYED PA PO YIN PAR GYUR PA'I BYA BA YIN PAR 'DOD PA DAG GI PHYOGS MA GRUB PO ZHES BYA BA'I THA TSIG GO, ,CI STE DAM BCAS PA DE'I DON GANG YIN, ,CI LHAS BYIN GYI RGYUD KYIS LAS LA BYED PA PO GZHAN YOD PA YIN NAM, 'ON TE BYED PA PO MED PA YIN ZHES BYA BA NI PHA ROL PO DAG DBU MA PA'I RJES SU DPAG PA SNGA MA GSUM GYIS BYED PA PO YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BSTAN PA'I GTAN TSIGS KYI DON LHAS BYIN NYID RANG GI RGYUD LA LAS MI BYED PA DANG LHAS BYIN GYI RGYUD KYI LAS RANG GI BYA BA MA YIN PAR BSTAN PA DES, CI LHAS BYIN GYI RGYUD KYI LAS KYI BYED PA PO RANG NYID MA YIN NA DE LA BYED PA PO GZHAN ZHIG YOD PA YIN NAM, 'ON TE BYED PA PO YO ? MED PA YIN ZHES GA LA GNYIS SU RTOG PA YIN NO, ,DES CIR 'GYUR ZHES BYA BA NI TSUL DRI BA YIN NO, ,DE'I LAN DU GAL TE BYED PA PO GZHAN YOD PA YIN NA NI DAM BCAS PA NYAMS SO ZHES BYA BA NI DE LTA NA SNGAR DBU MA PAS BYED PA PO DANG LAS DGAG PAR DAM BCAS LA, DE 'DIR BYED PA PO GZHAN YOD PAR KHAS BLANGS PAS DAM BCAS PA NYAMS SO, ,CI STE BYED PA PO MED PA YIN NA ? NI DPE MED DO ZHE NA ZHES BYA BA NI GAL TE DE LTA NA 'DIR BYED PA PO MED PAR SGRUB PAS, SNGAR DPER NA MCHOD SBYIN PA ZHIN NO @160A *, ,ZHES BYA BA DANG LAS BZHIN NO ZHES BYA BA DANG DE LAS GZHAN BZHIN NO ZHES DPE BSTAN PA DAG BSAL BAS DES NA DPE SNGA MA DAG BSGRUB PAR BYA BAS STONG PAS MI RUNG NGO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS NGA MA YIN NO, , BDAG MCHOD SBYIN ZHES BYA BA LHAS BYIN GYI RGYUD KYI BYED PA PO NYID DU MA GRUB PA NYID DPE NYID DU NYE BAR GZHAG PA'I PHYIR RO ZHES BYA BA SMRAS TE, KHO BOS KHYED PA PO YIN PAR GYUR PA BDAG MCHOD SBYIN ZHES BYA BA LHAS BYIN GYI RGYUD KYI BYED PA PO NYID DU MA GRUB PA NYID DPE NYID DU NYE BAR GZHAG PA'I PHYIR DES NA BYED PA PO GZHAN YOD PA MA YIN PA'I PHYIR DAM BCAS PA NYAMS PA YANG MA YIN LA, BYED PA PO MA YIN PA NYID DPE NYID DU NYE BAR GZHAG PAS DPE MED PA YANG MA YIN NO, ,DE'I PHYIR DE LTAR BYED PA PO YIN PAR GYUR PA BYA BA LA MI LTOS PA LA BYED PA PO NYID DU RTOG PA LA BYA BA DANG LAS MI 'THAD DO ZHES BYA BA NI MJUG BSDU BA YIN TE, DE LTAR RE ZHIG RTZA BA DANG PO'I BSHAD PA DE DAG GIS NI BYED PA PO YIN PAR GYUR PA LAS YIN PAR GYUR PA MI BYED PAR BRTAG PA BSTAN NAS, DE'I ZHAR LA LAS YIN PAR GYUR PA BYED PA PO YIN PAR GYUR PA'I BYA BA MA YIN PAR GRUB PA YANG BSTAN TO, ,DA NI RTZA BA GNYIS PA'I BSHAD PA LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA BSTAN PA'I PHYIR, LAS KYANG BYED PO MED PAR 'GYUR, ,BYED PA PO DES DE MA BYAS PA'I PHYIR RO ZHES BYA BA SMRAS TE, GANG GI TSE BYED PA PO YIN PAR GYUR PA DE LAS MI BYED PA DE'I TSE, GAL TE MI BYED PA'I LAS YIN PAR RTOG NA LAS DE LA YANG BYED PA PO MED PAR 'GYUR TE, BYED PA PO DES LAS DE MA BYAS PA'I PHYIR RO, ,DES NA LAS YIN PAR GYUR PA BYED PA PO YIN PAR GYUR PA'I BYA BA MA YIN NO, ,YANG NA, LAS KYANG BYED PO MED PAR 'GYUR, ,ZHES BYA BA NI LAS YIN PAR GYUR PAR RTOG PA LA LAS KYANG LAS KYI NGO BO NYID YIN PA'I PHYIR BYED PA PO LA MI LTOS PA YIN TE, NGO BO NYID NI LTOS PA MED PA'I PHYIR RO ZHES BYA BA NI YANG NA RTZA BA DES NI JI LTAR SNGAR BYED PA PO YIN PAR GYUR PA LAS YIN PAR GYUR PA MI BYED PAR BRTAG PA'I SKABS SU, YIN PAR GYUR LA BYA BA MED, ,CES BYA BAS BYED PA PO GANG BYA BA LA MI LTOS PA ZHIG BYED PA PO'I NGO BO NYID @160B DU 'DOD NA DE LA BYA BA DANG LAS MED DE BYA BA MED PAR YANG DE GRUB PA'I PHYIR RO ZHES BSTAN PA DE BZHIN DU 'DIR YANG LAS YIN PAR GYUR PAR RTOG PA LA LAS KYANG LAS KYI NGO BO NYID YIN PA'I PHYIR BYED PA PO LAM LTOS PAR YANG LAS KYI NGO BO NYID YIN PAR 'GYUR BAS BYED PA PO'I BYA BA MA YIN PAR 'GYUR RO, ,DES NA BYED PA POS MA BYAS PA NYID KYI LAS SU 'GYUR TE ZHES BYA BA NI BYED PA PO DES DE MA BYAS PA'I PHYIR DANG, LAS YIN PAR GYUR PAR RTOG PA DES NA BYED PA POS MA BYAS PA NYID KYI LAS SU 'GYUR BAS, LAS YIN PAR GYUR PA BYED PA PO YIN PAR GYUR PA'I BYA BA MA YIN NO, ,'DIR YANG RJES SU DPAG PA NI SNGA MA BZHIN NO ZHES BYA BA NI CI LTAR SNGAR BYED PA PO YIN PAR GYUR PA LAS YIN PAR GYUR PA MI BYED PAR RJES SU DPAG PA'I PHYOGS LA, YIN PAR GYUR LA BYA BA MED, ,CES BYA BA RTZA BA DANG PO GTAN TSIGS DANG DPE'I TSIG TU BSGRUBS TE, BYED PA PO YIN PAR GYUR PA LAS YIN PAR GYUR PA MI BYED PAR BRTAG PA'I RJES SU DPAG PA DANG, BRGAL BA DANG LDAN DAG BSTAN PA DE LAS BZLOG STE, 'DIR LAS YIN PAR GYUR PA, BYED PA PO YIN PAR GYUR PA'I BYA BA MA YIN PAR RJES SU DPAG PA'I PHYOGS LA, LAS KYANG BYED PO MED PAR 'GYUR, ,ZHES BYA BA RTZA BA GNYIS PA 'DI GTAN TSIGS DANG DPE'I TSIG TU SDU BCING, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA'I RJES SU DPAG PA DANG, BRGAL BA DANG, LAN DAG KYANG BSTAN PAR BYA'O, ,'DI SKAD BSTAN TE, 'DIR RJES SU DPAG PA NI DON DAM PAR LHAS BYIN GYI RGYUD KYI LAS DGE BA DANG MI DGE BA NI BYED PA PO YIN PAR GYUR PA LHAS BYIN ZHES BYA BA BRTEN TE BRTAGS PA DANG, MU STEGS BYED KYIS YONGS SU BRTAG PA'I BYA BA MA YIN TE, LAS YIN PA'I PHYIR DPER NA MCHOD SBYIN GYI LAS BZHIN NO, ,YANG NA DON DAM PAR LHAS BYIN GYI RGYUD KYI LAS NI BDAG LHAS BYIN GYI BYA BA MA YIN TE, DNGOS PO YIN PA'I PHYIR DPER NA BYED PA PO BZHIN NO, ,CI STE DAM BCAS PA DE'I DON GANG YIN CI LHAS BYIN GYI RGYUD KYI LAS BYED PA PO GZHAN GYI BYA BA YIN NAM 'ON TE BYA BA MA YIN, DES CIR 'GYUR GAL TE BYED PA PO GZHAN GYI BYA BA YIN NA NI DAM BCAS PA NYAMS SO, ,CI STE BYA BA MA YIN NA NI DPE MED DO ZHE NA, DE NI RIGS PA MA YIN TE, MCHOD SBYIN GYI RGYUD @161A *, ,KYI LAS BDAG LHAS BYIN GYI BYA BA NYID DU MA GRUB PA DPE NYID DU NYE BAR GZHAG PA'I PHYIR RO ZHES BYA BA RJES SU DPAG PA DANG, BRGAL BA DANG LAN DE DAG SNGAR BYED PA PO PHYOGS SU BYAS PA LAS BZLOG STE, 'DIR LAS PHYOGS SU BYAS PA LA SBYAR BAR BYA'O, ,YIN PAR GYUR LA BYA BA MED, ,BYED PA PO YANG LAS MED 'GYUR, ,ZHES BYA BA NI PHYED GONG MA SHOS KYI RJES SU 'BRANG BAS RNAM PAR BSHAD ZIN PA'I PHYIR BSHAD MI DGOS SO ZHES BYA BA NI, YIN PAR GYUR LA BYA BA MED, ,CES BYA BA 'DIR SNGAR RTZA BA DANG PO'I SKABS SU NI BYED PA PO YIN PAR GYUR PA LAS YIN PAR GYUR PA MI BYED PA RJES SU DPAG PA'I PHYOGS LA GTAN TSIGS DANG DPE'I TSIG TU BSGRUBS TE, BYED PA PO YIN PAR GYUR PA LAS YIN PAR GYUR PA MI BYED PAR BRTAG PA'I RJES SU DPAG PA DAG BRGAL BA DANG LAN DAG BSTAN TO, ,DA 'DIR NI, YIN PAR GYUR LA BYA BA MED, ,CES BYA BA RTZA BA GSUM PA 'DI LAS YIN PAR GYUR PA BYED PA PO YIN PAR GYUR PA'I BYA BA MA YIN PAR RJES SU DPAG PA'I PHYOGS LA GTAN TSIGS DANG DPE'I TSIG TU SGRUB CING LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA'I RJES SU DPAG PA DANG BRGAL BA DANG LAN DAG STON TO, ,DE YANG SNGAR, LAS KYANG BYED PA PO MED PAR 'GYUR, ,ZHES BYA BA'I SKABS SU BSTAN PA BZHIN DU SBYAR BAR BYA'O, ,BYED PA PO YANG LAS MED 'GYUR, ,ZHES BYA BA RTZA BA BZHI PA 'DI NI SNGAR CI LTAR LAS YIN PAR GYUR PA BYED PA PO YIN PAR GYUR PA'I BYA BA MA YIN PAR RJES SU DPAG PA'I PHYOGS LA, LAS KYANG BYED PA PO MED PAR 'GYUR, ,ZHES BYA BA RTZA BA GNYIS PA GTAN TSIGS DANG DPE'I TSIG TU BSGRUBS TE, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA'I RJES SU DPAG PA DANG, BRGAL BA DANG LAN DAG BSTAN PA LAS BZLOG STE, 'DIR NI BYED PA PO YIN PAR GYUR PA LAS YIN PAR GYUR PA MI BYED PA RJES SU DPAG PA'I PHYOGS LA GTAN TSIGS DANG DPE'I TSIG TU SGRUB CING, BYED PA PO YIN PAR GYUR PA LAS YIN PAR GYUR PA MI BYED PAR BRTAG PA'I RJES SU DPAG PA DANG BRGAL BA DANG LAN DAG STON TE, DE YANG SNGAR, YIN PAR GYUR LA BYA BA MED, ,CES BYA BAS BYED PA PO YIN PAR GYUR PA LAS YIN PAR GYUR PA MI BYED PAR RJES SU DPAG PA'I SKABS SU BSTAN PA BZHIN DU @161B SBYAR BAR BYA'O, ,DE LTAR NA DAM 'CHA' BAR BYED PA'I DAM BCAS PA LA RJES SU DPAG PAS GNOD PAR 'GYUR BAS, BYED PA PO DANG LAS DAG LTOS PA MED PAR YOD PA DE NI MI 'DOD DE, DE'I PHYIR BYED PA PO DAG LAS DAG LTOS PA DANG BCAS PA NYID DU 'DOD PA KHO NAR BYA'O ZHES BYA BA NI MJUG BSDU BA YIN TE, DE LTAR PHA ROL PO'I DAM BCAS PA DE LA DBU MA PA'I RJES SU DPAG PAS GNOD PAR 'GYUR BAS BYED PA PO DANG LAS BYA BA DANG LDAN PA PHAN TSUN LTOS PA MED PA DAG MI SRID PA'I PHYIR MI 'DOD DE, BYED PA PO DANG LAS BYA BA DANG MI LDAN PA PHAN TSUN LTOS PA DANG BCAS PA NYID DU 'DOD PA KHO NAR BYA'O, ,DES NA DON DAM PAR BYED PA PO LHAS BYIN ZHES BYA BA NI LHAS BYIN GYI RGYUD LA LAS BYED PA PO'I RGYUD LA GDON MI ZA BAR RNAM PAR SMIN PAR 'GYUR BA MI BYED PAR SHES PAR BYAR NUS TE, LTOS PA DANG BCAS PA'I PHYIR DPER NA MCHOD SBYIN BZHIN NO ZHES BYA BA NI BYED PA PO YIN PAR GYUR PA LAS YIN PAR GYUR PA MI BYED PAR BSGRUBS PA'I TSAD MA'I 'BRAS BU RJES SU DPAG PA GZHAN GYIS BSTAN PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BYED PA PO YIN PAR GYUR PA MCHOD SBYIN ZHES BYA BA NI LAS LA LTOS PA DANG BCAS PA'I PHYIR DON DAM PAR LHAS BYIN GYI RGYUD LA LAS YIN PAR GYUR PA BYED PA PO'I RGYUD LA GDON MI ZA BAR RNAM PAR SMIN PAR 'GYUR BA MI BYED PAR SHES PAR BYAR NUS PA DE BZHIN DU BYED PA PO YIN PAR GYUR PA LHAS BYIN ZHES BYA BA YANG LAS LA LTOS PA DANG BCAS PA'I PHYIR DON DAM PAR LHAS BYIN GYI RGYUD LA LAS YIN PAR GYUR PA BYED PA PO'I RGYUD LAS DON MI ZA BAR RNAM PAR SMIN PAR 'GYUR BA MI BYED PAR SHES PAR BYAR NUS SO, ,DE BZHIN DU DON DAM PAR LHAS BYIN GYI RGYUD KYI LAS BYED PA PO LA GDON MI ZA BAR RNAM PAR SMIN PAR 'GYUR BA NI BYED PA PO LHAS BYIN GYI BYA BA MA YIN TE, BYED PA PO LA LTOS PA'I PHYIR DPER NA MCHOD SBYIN GYI RGYUD KYI LAS BZHIN NO ZHES BYA BA NA LAS YIN PAR 'GYUR BA BYED PA PO YIN PAR GYUR PA'I BYA BA MA YIN PAR BSGRUBS PA'I TSAD MA'I 'BRAS BU RJES SU DPAG PA GZHAN GYIS BSTAN PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER @162A *, ,NA MCHOD SBYIN GYI RGYUD KYI LAS YIN PAR GYUR PA NI BYED PA PO LA LTOS PA DANG BCAS PA'I PHYIR DON DAM PAR BYED PA PO YIN PAR GYUR PA LHAS BYIN GYI BYA BA MA YIN PA DE BZHIN DU, LHAS BYIN GYI RGYUD KYI LAS YIN PAR GYUR PA BYED PA PO LA GDON MI ZA BAR RNAM PAR SMIN PAR 'GYUR BA YANG BYED PA PO LA LTOS PA DANG BCAS PA'I PHYIR DON DAM PAR BYED PA PO YIN PAR GYUR PA LHAS BYIN GYI BYA BA MA YIN NO, ,DE LTAR RE ZHIG DAM BCAS PA'I DON NYE BAR GZHAG PA SNGA MA BSGRUBS ZIN TE BYED PA PO YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA DANG PO BSTAN ZIN TO, ,DA NI DAM BCAS PA'I DON NYE BAR GZHAG PA GNYIS PA BSGRUB PA'I PHYIR BSHAD PA ZHES BYA BAS NI BYED PA PO MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BRTAG PA GNYIS BSTON TO, ,GAL TE BYED POR MA GYUR PA, ,LAS SU MA GYUR BYED NA NI, ,ZHES BYA BA NI PHYOGS BSNAN PA YIN NO, ,DES CIR 'GYUR ZHES BYA BA NI PHA ROL PO'I 'DRI BA'I TSIG YIN NO, ,DE'I LAN DU, LAS LA RGYU NI MED PAR 'GYUR, ,BYED PA PO MED PAR YANG GRUB PA'I PHYIR RO ZHES BYA BA NI BYED PA PO MA YIN PAR GYUR PAR RTOG NA DE BYA BA DANG MI LDAN PAS LAS MI BYED LA, DES MA BYAS PAR YANG LAS GRUB PA'I PHYIR LAS LA RGYU MED PAR 'GYUR TE, LAS KYI RGYU NI BYED PA PO YIN PA'I PHYIR RO, ,BYED PA PO YANG RGYU MED 'GYUR, ,BYED PA PO LAS MI BYED PA DANG LAS LA MI LTOS PA YIN PA'I PHYIR RO ZHES BYA BA NI LAS MA YIN PAR GYUR PAR RTOG NA DE BYA BA DANG MI LDAN PAS BYED PA PO'I BYA BA MA YIN PAS BYED PA PO LAS MI BYED CING LAS LA MI LTOS PA'I PHYIR BYED PA PO RGYU MED PAR 'GYUR TE, BYED PA PO'I RGYU NI LAS YIN PA'I PHYIR RO, ,TSIG LE'UR BYAS PA'I PHYED 'DIS KYANG BYED PA PO DANG LAS KYI CHOS BYED PA DANG, LAS DAG PHAN TSUN LTOS PA DANG BCAS PA NYID BSTAN TO ZHES BYA BA NI BYED PA PO MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BSGRUB PA'I CHOS GTAN TSIGS NI DE DAG PHAN TSUN LTOS PA DANG BCAS PA NYID YIN TE, BYED PA PO YANG LAS LA LTOS PA DANG BCAS PA NYID YIN PA'I PHYIR BYED PA PO MA YIN PAR GYUR PA MI SRID PAR DE @162B LAS MA YIN PAR GYUR PA MI BYED LA, LAS KYANG BYED PA PO LA LTOS PA DANG BCAS PA NYID YIN PA'I PHYIR, LAS MA YIN PAR GYUR PA MI SRID PAS DE BYED PA PO MA YIN PAR GYUR PA'I BYA BA MA YIN NO ZHES STON TO, ,'DIR CHOS MTHUN PA'I DPE YANG MCHOD SBYIN BYED PA PO MA YIN PAR GYUR PA DANG, MCHOD SBYIN GYI LAS MA YIN PAR GYUR PA GANG DAG LA, BSGRUB PAR BYA BA CHOS DES DE MI BYED PA DANG, DE DE'I BYA BA MA YIN PA DANG, BSGRUB PA'I CHOS PHAN TSUN LTOS PA DANG BCAS PA NYID YOD PA DAG YIN PAR SBYAR RO, ,'DIR RJES SU DPAG PA NI BYED PA PO DANG LAS PHYOGS SU BYAS PA LA YANG SNGA MA BZHIN TE, KHYAD PAR NI BYED PA PO DANG LAS MA YIN PAR GYUR PA DAG PHYOGS SU BYA BA YIN NO ZHES BYA BA NI SNGAR BYED PA PO YIN PAR GYUR PA LAS YIN PAR GYUR PA MI BYED PAR BSGRUB PA'I PHYOGS KYI RJES SU DPAG PA DANG, BRGAL BA DANG LAN CI SKAD BSTAN PA DE LAS BZLOG STE, 'DIR BYED PA PO MA YIN PAR GYUR PA LAS MA YIN PAR GYUR PA MI BYED PAR BSGRUB PA'I PHYOGS LA NI DON DAM PAR BYED PA PO MA YIN PAR GYUR PA LHAS BYIN NI LHAS BYIN GYI RGYUD LA LAS MA YIN PAR GYUR PA MI BYED DE LTOS PA DANG BCAS PA'I PHYIR DPE NA MCHOD SBYIN BYED PA PO MA YIN PAR GYUR PA BZHIN ZHES BYA BAR SBYAR RO, ,DE BZHIN DU SNGAR LAS MA YIN PAR GYUR PA BYED PA PO YIN PAR GYUR PA'I BYA BA MA YIN PAR BSGRUB PA'I PHYOGS KYI RJES SU DPAG PA DANG, ,BRGAL BA DANG LAN JI SKAD BSTAN PA DE LAS BZLOG STE, 'DIR LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BSGRUB PA'I PHYOGS LA NI DON DAM PAR LHAS BYIN GYI RGYUD KYI LAS MA YIN PAR GYUR PA NI BYED PA PO BDAG LHAS BYIN MA YIN PAR GYUR PA'I BYA BA MA YIN TE, LTOS PA DANG BCAS PA'I PHYIR DPER NA MCHOD SBYIN GYI RGYUD KYI LAS MA YIN PAR GYUR PA BZHIN NO ZHES BYA BAR SBYAR RO, ,CI STE YANG 'GA' ZHIG KHO BO CAG LA BYED PA PO DANG LAS DAG NI 'DI LTA STE RANG DBANG NI BYED PA PO'O, ,BYED PA PO'I 'DOD PA MCHOG NI LAS SO ZHES BYA BAS RANG GI MTSAN NYID KYIS GRUB PA'I PHYIR PHAN TSUN LTOS PA MED PA NYID YIN PAS DES NA LTOS PA DANG BCAS PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES ZER NA ZHES BYA BA NI 'DIR BRDA SPROD PA DAG DBU MA PA'I GTAN TSIGS LTOS PA DANG BCAS @163A *, ,PA'I PHYIR ZHES BYA BA DE'I DON MA GRUB PA NYID DO ZHES SUN 'BYIN PA'I TSIG YIN TE, DE DAG NA RE KHO BO CAG GI BRDA SPROD PA'I BYED PA PO'I SDE TSAN LAS RANG DBANG NI BYED PA PO'O, ,BSGRUB PA'I MCHOG NI BYED PA PO'O, ,BYED PA PO'I 'DOD PA MCHOG NI LAS SO, ,LAS KYIS MNGON PAR 'DOD PA GANG YIN PA DE NI YANG DAG PAR SBYIN PA'O, ,GNAS PA LAS DGAR BA NI DBRAL BA'O, ,KUN 'DZIN PA NI GZHI'O ZHES 'BYUNG BAS DE DAG RANG GI MTSAN NYID KYIS GRUB PA'I PHYIR PHAN TSUN LTOS PA MED PA NYID YIN PAS KHYED KYI GTAN TSIGS KYI DON MA GRUB PA NYID DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, SUN 'BYIN PAR BYED PA LA BRKAM PA NYID KYIS DE LA GNOD PA CHEN PO 'BYUNG BAR 'GYUR TE ZHES BYA BA LA SOGS PA SMRAS TE, KHO BO'I GTAN TSIGS LTOS PA DANG BCAS PA'I PHYIR ZHES BYA BAS BYED PA PO DANG LAS DAG GI BYED PA DANG LAS ZHES THA SNYAD GDAGS PA NYID LA PHAN TSUN RGYU'I DNGOS POR NYE PAR 'GRO BA YOD PA YIN PAR BSGRUBS PA DES SUN 'BYIN PA LA BRKAM PA NYID KYIS BRDA SPROD PA BDE ? LA RGYU MED PA DANG, 'BRAS BU DANG RGYU THA MI DAD PA DANG, BYA BA DANG BYED PA PO DANG BYED PA MI RIGS PA DANG, CHOS DANG CHOS MA YIN PA YOD PA MA YIN PA DANG, DE'I 'BRAS BU MED PA DANG, THAR PA DANG MTHO RIS KYI LAM MI 'THAD PA DANG, BYA BA THAMS CAD DON MED PA NYID DU THAL BAR 'GYUR BA'I GNOD PA CHEN PO 'BYUNG BAR 'GYUR BAS KLAN KA DE MI RUNG NGO ZHES STON TO, ,CI LTAR ZHE NA ZHES BYA BAS NI CI LTAR DE LA GNOD PA CHEN PO 'BYUNG BAR 'GYUR BAR STON TO, ,DE LA RE ZHIG CI LTAR RGYU MED PA'I GNOD PA CHEN PO 'BYUNG BAR 'GYUR BA BSTAN PA'I PHYIR, 'DI LA RANG DBANG NI BYED PA PO'I ZHES BYA BA GANG YIN PA DE YANG LAS SGRUB PA'I THABS MKHAS PA LA RANG DBANG YOD PA'I PHYIR LAS LA LTOS PA NYID YIN LA, BYED PA PO'I 'DOD PA MCHOG NI LAS SO ZHES BYA BA GANG YIN PA DE YANG BYED PA PO LA LTOS PA NYID YIN PA'I PHYIR BYED PA PO DANG LAS DAG GI BYED PA PO DANG LAS ZHES THA SNYAD GDAGS PA NYID LA NI PHAN TSUN RGYU'I DNGOS POR NYE BAR 'GRO BA YOD PA YIN NA DE YANG BYED PA PO DANG LAS DAG LTOS PA MED PAR SMRA BA LA MI 'THAD PAS, DE'I PHYIR BYED PA PO DANG LAS DAG LA RGYU MED PAR GYUR TO ZHES BYA BA SMRAS SO, ,CI LTAR 'BRAS BU DANG RGYU MI @163B 'THAD PA'I GNOD PA CHEN PO 'BYUNG BAR 'GYUR BA BSTAN PA'I PHYIR DE LTAR, RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,RGYU DANG RKYEN SO SOR NGES PA'I MTHUS BYA BA NYID KYIS 'BRAS BU ZHES BYA ZHING LHAN CIG BYED PA'I RGYU TSOGS SU ZIN KYANG DE YOD NA 'BYUNG BA NYID KYI 'BRAS BU'I RGYU ZHES BYA NA LTOS PA MED PA LA NI RGYU MED PA YANG RGYUR MI RUNG LA, DE'I 'BRAS BU MED PA YANG 'BRAS BUR MI RUNG NGO ZHES BYA BAR DGONGS SO ZHES BYA BA SMRAS SO, ,JI LTAR BYA BA DANG, BYED PA PO DANG, BYED PA DAG MI RIGS PA'I GNOD PA CHEN PO 'BYUNG BAR 'GYUR PA BSTAN PA'I PHYIR, YANG GZHAN YANG, DE MED NA NI BYA BA DANG BYED PA PO DANG BYED MI RIGS, ,'BRAS BU DE MED NA BYA BA DANG BYED PA PO DANG BYED PA DAG MI RIGS TE, 'JIG RTEN PA'I BUM PA LA SOGS PA'I YUL GYI BYA BA DE YANG BYED PA PO'I 'DOD PA MCHOG NI LAS SO ZHES BYA BAS BYED PA PO LA LTOS PA YIN LA, BUM PA SGRUB NUS PA'I RTZOL BA LA THABS SHES PA MA BRJED PA'I MKHAS PA LA RANG DBANG NI BYED PA PO'I ZHES BYA BA DE YANG BYED PA PO GZHAN LA MI LTOS SHING, LAS LA LTOS PA YIN, BUM PA SGRUB PA'I YAN LAG DU MAS BSGRUB PAR BYA BA DE NYID KYI SGRUB PA'I YAN LAG LAS SGRUB PA'I MCHOG NI BYED PA PO'O ZHES BYA BA DE YANG BYED PA PO DANG LAS DAG LA LTOS PA YIN NA LTOS PA MED PA LA NI DE DAG MED DE, GCAD PAR BYA BA'I SHING MED NA BCAD PA DANG GCOD PA PO DANG GCOD PA DAG MED PA BZHIN NO ZHES BYA BA SMRAS SO, ,CI LTAR CHOS DANG CHOS MA YIN PA DAG YOD PA MA YIN PA'I GNOD PA CHEN PO 'BYUNG BAR 'GYUR BA BSTAN PA'I PHYIR, YANG GZHAN YANG, BYA BA LA SOGS MI RIGS NA, ,CHOS DANG CHOS MIN YOD MA YIN, ,BYA BA DANG BYED PA PO DANG BYED PA DAG MI RIGS NA CHOS DANG CHOS MA YIN PA DAG YOD PA MA YIN TE, PHA ROL PO'I TSUL LAS CHOS DANG CHOS MA YIN PA DAG NI BYA BA DANG BYED PA PO DANG BYED PA DAG GIS BSGRUB PAR BYA BA YIN PA'I PHYIR DANG, DE DAG GIS GSAL BAR BYA BA YIN PA'I PHYIR RO ZHES BYA BAR DGONGS SO ZHES BYA BA SMRAS SO, ,CI STE YANG RANG GI SDE PA LA 'DI SKAD CES 'DU BYED RNAMS LA BYED PA PO DANG TSOR BA PO MED PA'I PHYIR BYED PA PO MED PA'I SKYON GYIS MI GNOD DE CHOS DANG CHOS MA YIN PA DAG LUS DANG NGAG DANG YID KYI BYA BA'I KHYAD PAR GYI BDAG NYID DU @164A *, ,KHAS BLANGS PA'I PHYIR RO ZHE NA ZHES BYA BA NI MDO SDE PA DAG SNGAR DBU MA PAS BRDA SPROD PA DAG LA, DE MED NA NI BYA BA DANG, ,BYED PA PO DANG BYED MI RIGS, ,ZHES BYA BAS LTOS PA MED PA LA NI BYA BA DANG BYED PA PO LA BYED PA DE DAG MED DE, GCAD PAR BYA BA'I SHING MED NA GCAD PA DANG, GCOD PA PO DANG GCOD PA DAG MED PA BZHIN NO ZHES SMRAS PAS LTOS PA MED PA LA BYED PA PO MED PA'I SKYON GYI GNOD PA YOD DO ZHES BSHAD PA DE KHO BO CAG MDO SDE PA'I PHYOGS LA MI GNOD DE, CI'I PHYIR ZHE NA, KHO BO CAG MDO SDE PA'I PHYOGS LA 'DU BYED RNAMS LA BRDA SPROD PA PO DAG GIS BRTAGS PA'I RANG DBANG NI BYED PA PO'O ZHES BYA BA LTA BU'I BYED PA PO DANG TSOR BA PO MED PA'I PHYIR LTOS PA MED PA LA BYED PA PO MED PA'I SKYON DU 'GYUR RO ZHES BYA BA DES MI GNOD DE KHO BO CAG GI PHYOGS LA RGYU DANG RKYEN TSOGS PA NI KUN RDZOB TU BYED PA POR KHAS BLANGS LA, DES BYA BA'I CHOS DANG CHOS MA YIN PA LUS DANG NGAG DANG YID KYI BYA BA'I KHYAD PAR CAN DAG NI LAS NYID DU KHAS BLANGS PA'I PHYIR BRDA SPROD PA BDAG GIS BRTAGS PA'I BYA BA DANG BYED PA PO DANG BYED PA DAG MED PAS, KHYED DBU MA PAS LTOS PA MED PA LA BYED PA PO MED PA'I SKYON DU 'GYUR RO ZHES BSHAD PA DE KHO BO CAG LA MI GNOD DO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, ,RGYU PHAN 'DOGS PA TSOGS PA TZAM THA SNYAD DU BYED PA PO NYID DU KHAS BLANGS PAS DE LA LTOS PAS NYID KYI CHOS DANG CHOS MA YIN PA DAG LAS KYI SGRAR BRJOD PA'I PHYIR BYED PA PO MED NA DE LA LTOS PA'I LAS MI 'GRUB PA'I PHYIR CHOS DANG CHOS MA YIN PA LA SOGS PA DAG MED PA'I SKYON GYIS MI GNOD PA MA YIN TE, LTOS PA'I RIGS PA MED PA'I PHYIR RO ZHES BYA BA SMRAS TE, KHYED MDO SDE PA DAG LA BRDA SPROD PA BA DAG GIS BRTAGS PA'I RANG DBANG NI BYED PA PO ZHES BYA BA DE LTA BU MED DU ZIN KYANG DNGOS PO RGYU RKYEN LAS 'BYUNG BA RNAMS LA RGYU RKYEN GANG DAG GIS PHAN 'DOGS PA TSOGS PA TZAM DAG THA SNYAD DU BYED PA PO NYID DU KHAS BLANGS PAS BYED PA PO DE LA LTOS PA NYID KYIS CHOS DANG CHOS MA YIN PA DAG LAS KYI SGRAR BRJOD PA'I PHYIR KHYED LA YANG KHYED RANG GIS BRTAGS PA'I BYED PA PO MED NA DE LA LTOS PA'I LAS MI 'GRUB PA'I PHYIR CHOS DANG CHOS MA YIN PA LA SOGS PA DAG MED PA'I @164B SKYON GYIS MI GNOD PA MA YIN TE, GNOD PA KHO NAR 'GYUR RO, ,GNOD PA'I RGYU BSTAN PA'I PHYIR LTOS PA'I RIGS PA MED PA'I PHYIR RO ZHES BYA BA SMRAS TE, RGYU PHAN 'DOGS PA TSOGS PA TZAM THA SNYAD DU BYED PA PO NYID DU KHAS BLANGS PA DE MED NA GANG LA LTOS NAS LAS 'GRUB PAR 'GYUR TE MI 'GYUR RO, ,LAS MI 'GRUB NA CHOS DANG CHOS MA YIN PA LA SOGS PA DAG MED PA'I SKYON GYIS MI GNOD PA MA YIN TE, GNOD PA KHO NAR 'GYUR BAS DE'I PHYIR KHYED KYIS KYANG LTOS PA DANG BCAS PA NYID CES BYA BA'I GTAN TSIGS KYI DON DE KHAS BLANG BAR BYA DGOS SO ZHES BYA BA'I THA TSIG GO, ,LTOS PA MED PAR SMRA BA RNAMS LA CHOS DANG CHOS MA YIN PA MED PAS CI LTAR DE'I 'BRAS BU MED PA'I GNOD PA CHEN PO 'BYUNG BAR 'GYUR BA BSTAN PA'I PHYIR DE LTAR CI SKAD BSTAN PA'I TSUL GYIS, CHOS DANG CHOS MIN MED NA NI, ,DE LAS BYUNG BA'I 'BRAS BU MED, ,CHOS DANG CHOS MA YIN PA DAG MED NA DE DAG LAS BYUNG BA'I 'BRAS BU LHA DANG MI DANG SEMS CAN DMYAL BA DANG DUD 'GRO DANG YI DVAGS KYI 'GRO BA DAG TU, LUS DANG DBANG PO DANG LONGS SPYOD 'DOD PA DANG, MI 'DOD PA'I BDAG NYID 'GRUB PA DAG MED PAR 'GYUR RO ZHES BYA BA SMRAS SO, ,CI LTAR THAR PA DANG MTHO RIS KYI LAM MI 'THAD PA DANG BYA BA THAMS CAD DE NA MED PA NYID DU THAL BAR 'GYUR BA'I GNOD PA CHEN PO 'BYUNG BAR 'GYUR BA BSTAN PA'I PHYIR DE LTAR, 'BRAS BU MED NA THAR PA DANG, ,MTHO RIS 'GYUR BA'I LAM MI 'THAD, ,BYA BA DAG NI THAMS CAD KYANG, ,DON MED NYID DU THAL BAR 'GYUR, ,'BRAS BU MED NA THAL BAR 'GYUR BA'I LAM RNAL 'BYOR PA DAG MYA NGAN LAS 'DAS PA'I DON DU YANG DAG PA'I LTA BA SNGON DU BTANG BA'I 'PHAGS PA'I LAM YAN LAG BRGYAD PA SGOM PA YANG MI 'THAD PAR 'GYUR LA, MTHO RIS SU 'GYUR BA'I LAM TSUL KHRIMS YANG DAG PAR LEN PA DANG, BSAM GTAN DANG SNYOMS PAR 'JUG PA LA MNGON PAR BRTZON PA YANG MI 'THAD PAR 'GYUR ZHING, 'JIG RTEN DANG 'JIG RTEN LAS 'DAS PA'I BYA BA THAMS CAD DON MED PA NYID DU THAL BAR 'GYUR RO ZHES BYA BA SMRAS SO, ,DE'I PHYIR DE LTAR BYED PA PO MA YIN PAR GYUR PA LAS MA YIN PAR GYUR PA BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA YIN PAR RTOG PA LA GNOD SPA CHEN PO DE DAG 'BYUNG BAR 'GYUR BA BZLOG @165A *, ,DKA' BAR RIG NAS BYED PA PO DANG LAS DAG LTOS PA DANG BCAS PA NYID DU 'DOD PAR BYA'O ZHES BYA BA NI PHYOGS SNGA MA'I NYES DMIGS BSTAN NAS PHYOGS PHYI MA YANG DAG PAR 'DZIN DU GZHUG PA'I TSIG YIN NO, ,DE LTAR GTAN TSIGS KHA NA MA THO BA MED PA CI SKAD BSTAN PA DE YOD PA'I PHYIR BYED PA PO MA YIN PAR GYUR PA LAS MA YIN PAR GYUR PA BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA YIN PAR SGRUB PA'I PHYOGS DE MI 'THAD PAR BSTAN TO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR DAM BCAS PA'I DON NYE BAR GZHAG PA GNYIS PA YANG BSGRUBS ZIN TE, BYED PA PO MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BRTAG PA GNYIS PA BSTAN ZIN TO, ,DA NI BYED PA PO YIN PA DANG MA YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PAR BRTAG PA GSUM PA BSTAN PAR BYA STE, DE'I PHYOGS SNGA MA BSTAN PA'I PHYIR RNAM GRANGS KYI TSUL SMRA BA DAG NA RE RNAM GRANGS LAS BYED PA PO YIN PA DANG MA YIN PAR GYUR PA LAS YIN PA DANG MA YIN PAR GYUR PA BYED PA'I PHYIR SKYON MED DO ZHE NA ZHES BYA BA SMRAS TE, 'DIR RNAM GRANGS KYI TSUL SMRA BAR 'OS PA PA DAG NA RE KHO BO CAG GI PHYOGS LA BYED PA PO NI SROG GI RDZAS KYI RNAM GRANGS LA LTOS NA YIN PAR GYUR PA YANG YIN LA, LUS KYI RDZAS KYI RNAM GRANGS LA LTOS NA MA YIN PAR GYUR PA YANG YIN NO, ,LAS KYANG 'JIM PA DANG RGYU SPUN LA SOGS PA RGYU'I RNAM GRANGS LA LTOS NA YIN PAR GYUR PA YANG YIN LA, BUM PA DANG SNAM BU LA SOGS PA 'BRAS BU'I RNAM GRANGS LA LTOS NA MA YIN PAR GYUR PA YANG MA YIN PAS DE'I PHYIR BYED PA PO DE LAS DE BYED CING LAS DE YANG BYED PA PO DE'I BYA BA YIN PA'I PHYIR KHYED KYI SGRUB PA SNGA MA GNYIS KYI SKYON KHO BO CAG GI PHYOGS LA MED DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, BYED PA POR GYUR MA GYUR PA, ,GYUR MA GYUR TE MI BYED DO, ,ZHES BYA BA SMRAS TE, BYED PA PO YIN PA DANG MA YIN PAR GYUR PA NI BYA BA DANG LDAN PA DANG BYA BA DANG MI LDAN PA'O, , @165B LAS YIN PA DANG MA YIN PAR GYUR PA YANG BYA BA DANG LDAN PA DANG BYA BA DANG MI LDAN PA'O, ,DES DE MI BYED CING, DE DE'I BYA BA MA YIN TE, CI'I PHYIR ZHE NA, YIN DANG MA YIN GYUR PA NI, PHAN TSUN 'GAL BAS GA LA GCIG ,'DI LTAR YIN PA DANG MA YIN PAR GYUR PA NI PHAN TSUN 'GAL BAS GCIG LA DUS GCIG TU MI 'THAD DO, ,GAL TE YIN NA NI CI LTAR MA YIN PAR 'GYUR CI STE MA YIN NA NI CI LTAR YIN PAR 'GYUR TE, 'DI LTAR 'JIG RTEN NA ME LA TSA BA'I NGO BO NYID DANG GRANG BA'I NGO BO NYID DMIGS SU MED PA BZHIN NO ZHES BYA BA SMRAS TE, GNAS GCIG PA'I 'GAL BA DANG GCIG GIS GCIG BSAL BA'I 'GAL BA DANG 'JIG RTEN LA GRAGS PA'I 'GAL BA DE DAG YOD PA'I PHYIR DES DE MI BYED CING DE DE'I BYA BA MA YIN NO, ,CI STE RDZAS KYI NGO BO NYID DU YOD PA'I PHYIR YIN PAR GYUR PA YANG YIN LA BYA BA DANG BYED PA'I SNGON ROL NA BYED PA PO NYID DU MED PA'I PHYIR MA YIN PAR GYUR PA YANG YIN PAS, DE LTAR LTOS PA'I DBANG GIS GCIG LA YANG DUS GCIG NA GNYI GA'I BDAG NYID YOD PA'I PHYIR SKYON MED DO ZHE NA ZHES BYA BA NI 'DIR PHA ROL PO DAG NA RE BYED PA PO SROG GI RDZAS KYI NGO BO NYID DU YOD PA'I PHYIR YIN PAR GYUR PA YANG YIN LA, GCAD PA'I BYA BA DANG, BYED PA SHING DANG STA RE LA SOGS PA'I SNGON ROL NA BYED PA PO GCOD PA PO NYID DU MED PA'I PHYIR MA YIN PAR GYUR BA YANG MA YIN PAS DE LTAR RDZAS KYI GNAS SKABS LA LTOS NAS SPYOD PA'I GNAS SKABS MA YIN PAR GYUR BA DANG, SPYOD PA'I GNAS SKABS LA LTOS NAS RDZAS KYI GNAS SKABS YIN PAR GYUR PA'I DBANG GIS DNGOS PO GCIG LA YANG DUS GCIG NA GNYI GA'I BDAG NYID YOD PA'I PHYIR DES DE BYED CING DE DE'I BYA BA YIN PAS DBU MA PAS CI SKAD SMRAS PA'I SKYON MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, LTOS PA'I NGES PA 'GOG PAR 'GYUR BA'I PHYIR DANG PHYOGS GNYI GAR BSTAN PA'I RJES SU DPAG PAS BKAG PA'I PHYIR SKYON MED PA MA YIN NO ZHES BYA BA SMRAS TE, LTOS PA'I NGES PA YANG ME DANG BUD SHING BRTAG PA'I RAB TU BYED PA LAS, GAL TE ME LTOS SHING YIN LA, ,GAL TE SHING LTOS ME YIN NA, ,GANG LA LTOS PA'I ME DANG SHING, ,DANG POR GRUB PA GANG ZHIG YIN, ,ZHES BYA BA LA SOGS PAS 'OG NAS 'GOG PAR 'GYUR BA'I PHYIR DANG, GNYI GA'I BDAG NYID @166A *, ,YOD PAR 'DOD PA YANG SNGAR YIN PAR GYUR PA DANG MA YIN PAR GYUR PA'I PHYOGS GNYIS SU BSTAN PA'I RJES SU DPAG PAS BKAG ZIN PA'I PHYIR RNAM PA GNYIS SU SMRA BA DAG LA CI SKAD BSTAN PA'I SKYON MED PA MA YIN NO, ,GAL TE MCHOD SBYIN NI BYED PA PO NYID KYANG YIN LA BYED PA PO MA YIN PA NYID KYANG YIN PAS DPE MED PA'I PHYIR RJES SU DPAG PAS GNOD PAR MI 'GYUR RO ZHE NA ZHES BYA BA NI 'DIR PHA ROL PO DAG SNGAR DBU MA PAS YIN PAR GYUR PA DANG MA YIN PAR GYUR PA DGAG PA'I PHYOGS GNYIS SU RJES SU DPAG PA'I DPE BSTAN PA MA GRUB PA'I PHYIR DBU MA PA'I RJES SU DPAG PAS KHO BO CAG LA GNOD PAR MI 'GYUR RO ZHES ZER BA YIN TE, DE DAG NA RE KHYED DBU MA PAS SNGAR BYED PA PO YIN PAR GYUR PA LAS YIN PAR GYUR PA MI BYED PAR RJES SU DPAG PA'I PHYOGS LA DON DAM PAR BYED PA PO YIN PAR GYUR PA, LHAS BYIN ZHES BYA BA BRTEN TE BRTAGS PA DANG, MU STEGS BYED KYIS YONGS SU BRTAGS PA NI LHAS BYIN GYI RGYUD LA LAS DGE BA DANG MI DGE BA MI BYED DE, BYED PA PO YIN PA'I PHYIR DPER NA MCHOD SBYIN BZHIN NO ZHES BYA BA DANG, LAS YIN PAR GYUR PA BYED PA PO YIN PAR GYUR PA'I BYA BA MA YIN PAR RJES SU DPAG PA'I PHYOGS LA DON DAM PAR LHAS BYIN GYI RGYUD KYI LAS DGE BA DANG MI DGE BA NI BYED PA PO YIN PAR GYUR PA LHAS BYIN ZHES BYA BA BSTAN TE BRTAG PA DANG, MU STEGS BYED KYIS YONGS SU BRTAGS PA'I BYA BA MA YIN TE, LAS YIN PA'I PHYIR DPER NA MCHOD SBYIN GYI LAS BZHIN NO ZHES BYA BA DANG, BYED PA PO MA YIN PAR GYUR PA LAS MA YIN PAR GYUR PA MI BYED PAR RJES SU DPAG PA'I PHYOGS LA DON DAM PAR BYED PA PO MA YIN PAR GYUR PA LHAS BYIN NI LHAS BYIN GYI RGYUD LA LAS MA YIN PAR GYUR PA MI BYED DE LTOS PA DANG BCAS PA'I PHYIR DPER NA MCHOD SBYIN BYED PA PO MA YIN PA BZHIN NO ZHES BYA BA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR RJES SU DPAG PA'I PHYOGS LA DON DAM PAR LHAS BYIN GYI RGYUD KYI LAS MA YIN PAR GYUR PA NI BYED PA PO BDAG LHAS BYIN MA YIN PAR GYUR PA'I BYA BA MA YIN TE, LTOS PA DANG BCAS PA'I PHYIR DPER NA MCHOD SBYIN GYI RGYUD KYI LAS MA YIN PAR GYUR PA BZHIN NO ZHES SMRAS PA'I DPE DE DAG MI 'GRUB STE, CI'I PHYIR ZHE NA, GANG GI TSE MCHOD SBYIN BYED PA PO YIN PAR GYUR PA LHAS BYIN GYI LAS YIN PAR GYUR @166B PA'I GROGS BYED PA DE'I TSE NA MCHOD SBYIN BYED PA PO YIN PAR GYUR PA LHAS BYIN GYI LAS YIN PAR GYUR PA BYED PA YANG YIN LA, DE'I TSE NA LHAS BYIN GYI LAS YIN PAR GYUR PA DE MCHOD SBYIN BYED PA PO YIN PAR GYUR PA'I BYA BA YANG YIN NO, ,GANG GI TSE MCHOD SBYIN BYED PA PO MA YIN PAR GYUR PA LHAS BYIN GYI LAS MA YIN PAR GYUR PA'I GROGS BYED PA DE'I TSE NA MCHOD SBYIN BYED PA PO MA YIN PAR GYUR PA LHAS BYIN GYI LAS MA YIN PAR GYUR PA BYED PA YANG YIN LA, DE'I TSE NA LHAS BYIN GYI LAS MA YIN PAR GYUR PA DE MCHOD SBYIN BYED PA PO MA YIN PAR GYUR PA'I BYA BA YANG YIN NO, ,DES NA KHYED KYI DPE MCHOD SBYIN BZHIN ZHES BYA BA DANG MCHOD SBYIN GYI LAS BZHIN NO ZHES BYA BA DANG, MCHOD SBYIN BYED PA PO MA YIN PA BZHIN NO ZHES BYA BA DANG, MCHOD SBYIN GYI RGYUD KYI LAS MA YIN PA BZHIN NO ZHES BYA BA DE DAG MED PA'I PHYIR KHYED KYI RJES SU DPAG PA SNGA MA DE DAG GIS KHO BO CAG LA GNOD PAR MI 'GYUR RO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, LHAS BYIN GYI RGYUD LA MCHOD SBYIN BYED PA PO MA YIN PAR GYUR PA'I CHA DANG, MCHOD SBYIN GYI BYA BA MA YIN PAR GYUR PA'I CHAR GRUB PA NYID DPE NYID DU 'DOD PA'I PHYIR SKYON MED DO ZHES BYA BA SMRAS TE, LHAS BYIN GYI RGYUD KYI LAS LA MCHOD SBYIN BYED PA PO YIN PAR GYUR PA'I CHA DANG, BYED PA PO MA YIN PAR GYUR PA'I CHA GNYIS YOD PA DANG, LHAS BYIN GYI RGYUD KYI LAS MCHOD SBYIN GYI BYA BA YIN PAR GYUR PA'I CHA DANG, BYA BA MA YIN PAR GYUR PA'I CHA GNYIS YOD PA LAS MCHOD SBYIN BYED PA PO MA YIN PAR GYUR PA'I CHA DANG, MCHOD SBYIN GYI BYA BA MA YIN PAR GYUR PA'I CHAR GRUB PA NYID KHO BO DPE NYID DU 'DOD PA'I PHYIR, KHO BO LA DPE MA GRUB PA'I SKYON MED DO, ,RGYAS PAR NI SNGA MA BZHIN NO ZHES BYA BA NI CI STE RNAM PA GNYIS SU SMRA BA DAG DBU MA PA'I BYED PA PO YIN PA DANG MA YIN PAR GYUR PA LAS YIN PA DANG MA YIN PAR GYUR PA MI BYED PA DANG RJES SU DPAG PA'I PHYOGS LA 'DI SKAD CES DAM BCAS PA DE'I DON GANG YIN, CI LHAS BYIN GYI RGYUD KYI LAS YIN PA DANG MA YIN PAR GYUR PA LA BYED PA PO YIN PA DANG MA YIN PAR GYUR PA GZHAN YOD PA YIN NAM, 'ON TE BYED PA PO MED PA YIN, DES CIR 'GYUR, GAL TE BYED PA PO GZHAN YOD PA YIN NA NI DAM BCAS PA NYAMS SO, ,CI STE BYED PA PO MED PA YIN NA NI DPE MED DO ZHE NA, DE NI RIGS @167A *, ,PA MA YIN TO, BDAG MCHOD SBYIN ZHES BYA BA BYED PA PO YIN PA DANG MA YIN PAR GYUR PA LHAS BYIN GYI RGYUD KYI BYED PA PO NYID DU MA GRUB PA NYID DPE NYID DU NYE BAR GZHAG PA'I PHYIR RO ZHES BYA BA DANG, LAS YIN PA DANG MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PAR RJES SU DPAG PA'I PHYOGS LA 'DI SKAD CES DAM BCAS PA DE'I DON GANG YIN CI LHAS BYIN GYI RGYUD KYI LAS YIN PA DANG, MA YIN PAR GYUR PA BYED PA PO YIN PA DANG MA YIN PAR GYUR PA GZHAN GYI BYA BA YIN NAM 'ON TE BYA BA MA YIN, DES CIR 'GYUR GAL TE BYED PA PO GZHAN GYI BYA BA YIN NA NI DAM BCAS PA NYAMS SO, ,CI STE BYA BA MA YIN NA NI DPE MED DO ZHE NA, DE NI RIGS PA MA YIN TE MCHOD SBYIN GYI RGYUD KYI LAS YIN PA DANG MA YIN PAR GYUR PA BDAG LHAS BYIN GYI BYA BA NYID DU MA GRUB PA DE NYID DPE NYID DU NYE BAR GZHAG PA'I PHYIR RO ZHES BYA BA BRGAL BA DANG LAN DE DAG SNGAR BRTAG PA DANG PO'I BYED PA PO DANG LAS LA SO SOR SBYAR BA DAG 'DIR BRTAG PA GSUM PA'I BYED PA PO DANG LAS LA GCIG TU BSDUS TE RGYAS PAR SBYAR BAR BYA BA YIN NO, ,BRTAG PA GSUM PA BSTAN TO, ,DE'I PHYIR DE LTAR RE ZHIG PHYOGS MTHUN PA LA BRTEN PA'I BYED PA PO DANG LAS RNAM PAR BZHAG PA DAG DON DAM PA PO MA YIN PAS RAB TU BYED PA'I DANG POR SMRAS PA'I GTAN TSIGS KYI DON MA GRUB PA NYID DO ZHES BYA BA NI DE YAN CHAD DU PHYOGS MTHUN PA GSUM LA BRTEN PA'I BYED PA PO DANG LAS RNAM PAR GZHAG PA DAG MI 'THAD PAR BRTAG PA BSTAN PA'I MJUG BSDU BA DANG TSAD MA'I 'BRAS BU YIN TE, PHYOGS MTHUN PA GSUM NI BYED PA PO YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PAR GYUR PA'I BYA BA MA YIN PA DANG BYED PA PO MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PA DANG, BYED PA PO YIN PA DANG MA YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PAR BRTAG PA DAG STE, DE DAG DON DAM PAR RNAM PA THAMS CAD DU MI 'THAD PAS SNGAR RAB TU BYED PA'I DANG POR PHA ROL POS DON DAM PAR PHUNG PO DANG KHAMS DANG SKYE MCHED @167B DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA'I PHYIR RO ZHES SMRAS PA'I GTAN TSIGS KYI DON MA GRUB PA NYID DO,, ,,BAM PO BZHI BCU GNYIS PA, DE LTAR PHYOGS MTHUN PA GSUM MI 'THAD PAR BRTAG PA BSTAN NAS, DA NI PHYOGS MI MTHUN PA DRUG PO DAG MI 'THAD PAR RIM BZHIN DU BSTAN PAR BYA STE, DE LA RE ZHIG BYED PA PO YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO YIN PAR GYUR PA'I BYA BA MA YIN PA DANG, BYED PA PO MA YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO MA YIN PAR GYUR PA'I BYA BA MA YIN PAR BRTAG PA GNYIS PA BSTAN PAR BYA STE, DE'I PHYOGS SNGA MA BSTAN PA'I PHYIR GAL TE BYED PA PO YIN PAR GYUR PA LAS MA YIN PAR GYUR PA BYED CING, BYED PA PO MA YIN PAR GYUR PA YANG LAS YIN PAR GYUR PA BYED PAS SKYON MED DO ZHE NA ZHES BYA BA SMRAS TE, 'DI NA SMRA BA SUM BRGYA DRUG CU RTZA GSUM YOD PAS DE DAG LAS KHA CIG NA RE BYED PA PO YIN PAR GYUR PA LAS MA YIN PAR GYUR PA BYED DE, DPER NA BUM PA DANG SNAM BU BYED PA'I BYED PA PO YIN PAR GYUR PA YOD PAS BUM PA DANG SNAM BU'I LAS MA YIN PAR GYUR CING MED PA BYED PA LTA BU'O ZHES ZER RO, ,KHA CIG NA RE BYED PA PO MA YIN PAR GYUR PA LAS YIN PAR GYUR PA BYED DE, DPER NA BUM PA DANG SNAM BU'I BYA BA DANG BYED PA'I SNGA ROL NA BYED PA PO MA YIN PAR GYUR CING MED PAS 'JIM PA DANG RGYU SPUN GYI LAS YIN PAR GYUR CING YOD PA YOD PA LTA BU YIN PAS, DES NA KHYED KYI SGRUB PA SNGA MA GSUM GYI SKYON KHO BO CAG GI PHYOGS LA MED DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, BYED PA PO DANG LAS DAG NI, ,GYUR PA MA GYUR MI BYED DE, ,MA GYUR PA YANG GYUR MI BYED, ,CES BYA BA SMRAS SO, ,GANG GIS CI ZHIG MI BYED CE NA ZHES BYA BA NI PHA ROL PO 'DRI BA'I TSIG YIN NO, ,DE'I LAN DU, BYED PA PO YIN PAR GYUR PA LAS MA YIN PAR GYUR PA MI BYED LA BYED PA PO MA YIN PAR GYUR PA YANG LAS YIN PAR GYUR PA MI BYED DO ZHES BYA BA SMRAS TE, DE GNYIS NI DAM BCA' BA NYE BAR GZHAG PA STE PHYOGS YIN NO, ,DE GNYIS KYI SGRUB PA'I CHOS BSTAN PA'I PHYIR, CI'I PHYIR ZHE NA, 'DI LTAR, 'DIR YANG SKYON DER THAL BAR 'GYUR, @168A *, ,YIN PAR GYUR PA DANG MA YIN PAR GYUR PA'I PHYOGS SU BSTAN PA'I SKYON DE DAG NYID DU THAL BAR 'GYUR BA'I PHYIR RO ZHES BYA BA SMRAS TE, ,BYED PA PO DANG LAS RNAM PA DE LTA BU DAG TU YONGS SU RTOG NA 'DIR YANG GANG GI PHYIR SNGAR BSTAN PA'I SKYON BYED PA PO YIN PAR GYUR PA LA BYA BA MED PA DANG, LAS LA BYED PA PO MED PA DANG, LAS YIN PAR GYUR PA LA BYA BA MED PA DANG, BYED PA PO LA LAS MED PA DANG, BYED PA PO DANG LAS MA YIN PAR GYUR PA DAG LA RGYU MED PAR 'GYUR BA DE'I PHYIR BYED PA PO YIN PAR GYUR PA LAS MA YIN PAR GYUR PA MI BYED LA, LAS MA YIN PAR GYUR PA YANG BYED PA PO YIN PAR GYUR PA'I BYA BA MA YIN NO, ,BYED PA PO MA YIN PAR GYUR PA LAS YIN PAR GYUR PA MI BYED LA LAS YIN PAR GYUR PA YANG BYED PA PO MA YIN PAR GYUR PA'I BYA BA MA YIN NO, ,DE DAG GI RJES SU DPAG PA BSTAN PA'I PHYIR DON DAM PAR BYED PA PO YIN PAR GYUR PA LAS MA YIN PAR GYUR PA MI BYED LA, BYED PA PO MA YIN PAR GYUR PA LAS YIN PAR GYUR PA MI BYED DE ZHES DAM BCAS PA LA KHYAD PAR YOD PAR ZAD KYI, SBYOR BA'I YAN LAG LHAG MA DAG NI RGYAS PAR SNGA MA BZHIN NO ZHES BYA BA SMRAS SO, ,'DI LTAR SBYAR TE DON DAM PAR BYED PA PO YIN PAR GYUR PA LHAS BYIN NI LHAS BYIN GYI RGYUD LA LAS MA YIN PAR GYUR PA MI BYED DE, BYED PA PO YIN PAR GYUR PA'I PHYIR DPER NA MCHOD SBYIN BYED PA PO YIN PAR GYUR PA BZHIN NO, ,DON DAM PAR LHAS BYIN GYI RGYUD KYI LAS MA YIN PAR GYUR PA NI BYED PA PO YIN PAR GYUR PA LHAS BYIN GYI BYA BA MA YIN TE, LAS MA YIN PAR GYUR PA'I PHYIR DPER NA MCHOD SBYIN GYI RGYUD KYI LAS MA YIN PAR GYUR PA BZHIN NO, ,DE BZHIN DU DON DAM PAR BYED PA PO MA YIN PAR GYUR PA LHAS BYIN NI LHAS BYIN GYI RGYUD LA LAS YIN PAR GYUR PA MI BYED DE BYED PA PO MA YIN PAR GYUR PA'I PHYIR DPER NA MCHOD SBYIN BYED PA PO MA YIN PAR GYUR PA BZHIN NO, ,DON DAM PAR LHAS BYIN GYI RGYUD KYI LAS YIN PAR GYUR PA NI BYED PA PO MA YIN PAR GYUR PA LHAS BYIN GYI BYA BA MA YIN TE, LAS YIN PAR GYUR PA'I PHYIR DPER NA MCHOD SBYIN GYI RGYUD KYI LAS YIN PAR GYUR PA BZHIN NO, ,BRGAL BA DANG LAN DAG KYANG SNGA MA BZHIN DU CI RIGS PAR SBYAR BAR BYA'O, ,DA NI BYED PA PO YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO YIN PAR GYUR PA'I BYA BA MA YIN PAR BRTAG PA @168B BSTAN PA'I PHYIR, DE BZHIN DU, BYED PA PO DANG LAS DAG NI, ,GYUR DANG BCAS PA MA GYUR DANG, ,GYUR MA GYUR PA MI BYED DE, ,ZHES BYA BA SMRAS TE, BYED PA PO YIN PAR GYUR PA LAS MA YIN PAR GYUR PA DANG YIN PA DANG MA YIN PAR GYUR PA MI BYED LA LAS MA YIN PAR GYUR PA DANG YIN PA DANG MA YIN PAR GYUR PA YANG BYED PA PO YIN PAR GYUR PA'I BYA BA MA YIN TE, 'DIR LAS MA YIN PAR GYUR PA SMOS PA NI SNGA MA BRNAN PA'I PHYIR RO, ,DE DAG NI DAM BCA' BA NYE BAR GZHAG PA STE PHYOGS YIN NO, ,DE DAG GI SGRUB PA'I CHOS BSTAN PA'I PHYIR, GTAN TSIGS GONG DU BSTAN PHYIR RO, ,ZHES BYA BA SMRAS TE, BYED PA PO YIN PAR GYUR PA LAS BYA BA MED PA DANG, LAS MA YIN PAR GYUR PA LA RGYU MED PA DANG, LAS YIN PA DANG MA YIN PA DANG MA YIN PAR GYUR PA PHAN TSUN 'GAL BAS GA LA GCIG CES BSTAN PA'I PHYIR RO, ,'DIR DE DAG GI RJES SU DPAG PA YANG 'DI LTAR SBYAR TE, DON DAM PAR BYED PA PO YIN PAR GYUR PA LHAS BYIN NI LHAS BYIN GYI RGYUD LA LAS MA YIN PAR GYUR PA MI BYED DE, BYED PA PO YIN PAR GYUR PA'I PHYIR DPER NA MCHOD SBYIN BYED PA PO YIN PAR GYUR PA BZHIN NO, ,DON DAM PAR BYED PA PO YIN PAR GYUR PA LHAS BYIN NI LHAS BYIN GYI RGYUD LA LAS YIN PA DANG MA YIN PAR GYUR PA MI BYED DE, BYED PA PO YIN PAR GYUR PA'I PHYIR DPER NA MCHOD SBYIN BYED PA PO YIN PAR GYUR PA BZHIN NO, ,DE BZHIN DU DON DAM PAR LHAS BYIN GYI RGYUD KYI LAS MA YIN PAR GYUR PA BYED PA YIN PAR GYUR PA LHAS BYIN GYI BYA BA MA YIN TE, LAS MA YIN PAR GYUR PA'I PHYIR DPER NA MCHOD SBYIN GYI RGYU KYI LAS MA YIN PAR GYUR PA BZHIN NO, ,DON DAM PAR LHAS BYIN GYI RGYUD KYI LAS YIN PA DANG MA YIN PAR GYUR PA NI BYED PA PO YIN PAR GYUR BA LHAS BYIN GYI BYA BA MA YIN TE, LAS YIN PA DANG MA YIN PAR GYUR PA'I PHYIR DPER NA MCHOD SBYIN GYI RGYUD KYI LAS YIN PA DANG MA YIN PAR GYUR PA BZHIN NO, ,BRGAL BA DANG LAN DAG KYANG SNGA MA BZHIN DU CI RIGS PAR SBYAR BAR BYA'O, ,DA NI BYED PA PO MA YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BRTAG PA BSTAN PA'I PHYIR DE BZHIN DU, BYED PA PO DANG LAS DAG NI, ,MA GYUR PA NI GYUR BCAS DANG, ,GYUR MA GYUR PA MI BYED DE, ,ZHES BYA BA SMRAS TE, BYED PA @169A *, ,PO MA YIN PAR GYUR PA LAS YIN PAR GYUR PA DANG YIN PA DANG MA YIN PAR GYUR PA MI BYED LA, LAS YIN PAR GYUR PA DANG YIN PA DANG MA YIN PAR GYUR PA YANG BYED PA PO MA YIN PAR GYUR PA'I BYA BA MA YIN TE, 'DIR YANG LAS YIN PAR GYUR PA SMOS PA NI SNGA MA BRNAN PA'I PHYIR RO, ,DE DAG NI DAM BCA' BA NYE BAR GZHAG PA STE PHYOGS YIN NO, ,DE DAG GI SGRUB PA'I CHOS BSTAN PA'I PHYIR, GTAN TSIGS GONG DU BSTAN PHYIR RO, ,ZHES BYA BA SMRAS TE, BYED PA PO MA YIN PAR GYUR PA LA RGYU MED PA DANG, LAS YIN PAR GYUR PA LA BYA BA MED PA DANG, LAS YIN PA DANG MA YIN PAR GYUR PA PHAN TSUN 'GAL BAS GA LA GCIG CES BSTAN PA'I PHYIR RO, ,'DIR DE DAG GI RJES SU DPAG PA YANG 'DI LTAR SBYAR TE DON DAM PAR BYED PA PO MA YIN PAR GYUR PA NI LHAS BYIN NI LHAS BYIN GYI RGYUD LA LAS YIN PAR GYUR PA MI BYED DE, BYED PA PO MA YIN PAR GYUR PA'I PHYIR DPER NA MCHOD SBYIN BYED PA PO MA YIN PAR GYUR PA BZHIN NO, , DON DAM PAR LHAS BYIN GYI RGYUD KYI LAS YIN PAR GYUR PA NI BYED PA PO MA YIN PAR GYUR PA LHAS BYIN GYI BYA BA MA YIN TE, LAS YIN PAR GYUR PA'I PHYIR DPER NA MCHOD SBYIN GYI RGYUD KYI LAS YIN PAR GYUR PA BZHIN NO, ,DON DAM PAR LHAS BYIN GYI RGYUD KYI LAS YIN PA DANG MA YIN PAR GYUR PA NI BYED PA PO MA YIN PAR GYUR PA LHAS BYIN GYI BYA BA MA YIN TE, LAS YIN PA DANG MA YIN PAR GYUR PA'I PHYIR DPER NA MCHOD SBYIN GYI RGYUD KYI LAS YIN PA DANG MA YIN PA BZHIN NO, ,BRGAL BA DANG LAN DAG KYANG SNGA MA BZHIN DU CI RIGS PAR SBYAR BAR BYA'O, ,DA NI BYED PA PO YIN PA DANG MA YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PA DANG, BYED PA PO YIN PA DANG MA YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PAR BRTAG PA GNYIS PA BSTAN PA'I PHYIR, DE BZHIN DU, BYED PA POR GYUR MA GYUR NI, ,LAS SU GYUR DANG MA GYUR PA, ,MI BYED CES BYA BA SMRAS TE, BYED PA PO YIN PA DANG MA YIN PAR GYUR PA LAS YIN PAR GYUR PA MI BYED PA DANG, LAS YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PA DANG, BYED PA PO YIN PA DANG MA YIN PAR GYUR PA LAS MA YIN PAR GYUR PA MI BYED @169B PA DANG, LAS MA YIN PAR GYUR PA BYED PA PO YIN PA DANG MA YIN PAR GYUR PA'I PHYIR MA YIN TE, DE DAG NI DAM BCA' BA NYE BAR GZHAG PA STE PHYOGS YIN NO, ,DE DAG GI SGRUB PA'I CHOS BSTAN PA'I PHYIR 'DIR YANG GTAN TSIGS NI GONG DU BSTAN PAS SHES PAR BYA, 'DIR YANG DAM BCAS PA LA KHYAD PAR YOD PA 'BA' ZHIG TU ZAD KYI SBYOR BA'I YAN LAG LHAG MA DAG NI RGYAS PAR SNGA MA BZHIN NO ZHES BYA BA SMRAS TE, BYED PA PO YIN PA DANG MA YIN PAR GYUR PA PHAN TSUN 'GAL BAS GA LA GCIG CES BYA BA DANG, LAS YIN PAR GYUR PA LA BYA BA MED PA DANG, LAS MA YIN PAR GYUR PA LA RGYU MED PAR 'GYUR RO ZHES BSTAN PA DAG GIS SHES PAR BYA'O, ,'DIR DE DAG GI RJES SU DPAG PA YANG 'DI LTAR SBYAR TE, DON DAM PAR BYED PA PO YIN PA DANG MA YIN PAR GYUR PA LHAS BYIN NI LHAS BYIN GYI RGYUD LA LAS YIN PAR GYUR PA MI BYED DE, BYED PA PO YIN PA DANG MA YIN PAR GYUR PA'I PHYIR DPER NA MCHOD SBYIN BYED PA PO YIN PA DANG MA YIN PAR GYUR PA BZHIN NO, ,DON DAM PAR LHAS BYIN GYI RGYUD KYI LAS YIN PAR GYUR PA NI BYED PA PO YIN PA DANG MA YIN PAR GYUR PA LHAS BYIN GYI BYA BA MA YIN TE, LAS YIN PAR GYUR PA'I PHYIR DPER NA MCHOD SBYIN GYI RGYUD KYI LAS YIN PAR GYUR PA BZHIN NO, ,DE BZHIN DU DON DAM PAR BYED PA PO YIN PA DANG MA YIN PAR GYUR PA LHAS BYIN GYI LAS MA YIN PAR GYUR PA MI BYED DE, ,BYED PA PO YIN PA DANG MA YIN PAR GYUR PA'I PHYIR DPER NA MCHOD SBYIN BYED PA PO YIN PA DANG MA YIN PAR GYUR PA BZHIN NO, ,DON DAM PAR LHAS BYIN GYI RGYUD KYI LAS MA YIN PAR GYUR PA NI BYED PA PO YIN PA DANG MA YIN PAR GYUR PA LHAS BYIN GYI BYA BA MA YIN TE; LAS MA YIN PAR GYUR PA'I PHYIR DPER NA MCHOD SBYIN GYI RGYUD KYI LAS MA YIN PAR GYUR PA BZHIN NO, ,BRGAL BA DANG LAN DAG KYANG SNGA MA BZHIN DU CI RIGS PAR SBYAR BAR BYA'O, ,DE LTAR BYED PA PO DANG LAS BRTAG PA'I PHYOGS LA PHYOGS MTHUN PA GSUM DANG PHYOGS MI MTHUN PA DRUG STE SPYIR DGUR SHES PAR BYA'O, ,GAL TE 'DIR PHA ROL PO DAG NA RE DE LTAR BYED PA PO YANG MED LA LAS KYANG MED NA KHYOD KYIS RGYU MED PA'I SKYON DU THAL BAR 'GYUR RO ZHES GANG DAG BSTAN PA DE DAG THAMS CAD KHYOD LA RJES SU 'BREL PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU, GANG GI PHYIR DE LTAR @170A *, ,BRTAGS NA, BYED PO LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA, DE'I PHYIR BYED PA PO DANG LAS NYID LA BYED PA PO DANG LAS KYI RGYU YOD PA NI THA SNYAD PAR PHAN TSUN LTOS PA NYID YIN GYI DE MA GTOGS PAR DE LAS GZHAN PA, GRUB PA'I RGYU NI MA MTHONG NGO, ZHES BYA BA SMRAS TE, BYED PA PO NI, LAS LA BRTEN CING LAS LA GNAS, ,LAS LA LTOS NAS BYED PA PO, ,ZHES GDAGS SHING BRJOD DO, ,DE'I LAS KYANG BYED PA PO DE NYID LA BRTEN NAS 'BYUNG ZHING DE'I LAS ZHES GDAGS SHING BRJOD DO, ,DE'I PHYIR DE GNYIS NI LTOS PA CAN DU GDAGS PA YIN GYI NGO BO NYID DU GRUB PA DANG MA GRUB PA MED DO, ,DE'I PHYIR DE LTAR DE GNYIS YOD PA NYID DANG MED PA NYID DU KHAS MA BLANGS PAS DBU MA'I LAM DU GDAGS PA YIN NO, ,GDAGS PA DE MA GTOGS PAR DE NYID 'GRUB PA'I MTSAN NYID GZHAN MA MTHONG NGO, ,DE LTA BAS NA RAB TU BYED PA'I DANG POR SMRAS PA'I GTAN TSIGS KYI DON MA GRUB PA NYID KYI LAN GDAB DKA' BA DANG, DPE'I SKYON YOD PA DANG, GTAN TSIGS GZHAN DU RTOG NA YANG DON 'GAL BA NYID DU 'GYUR RO ZHES BYA BA NI MJUG BSDU BA DANG TSAD MA'I 'BRAS BU YIN TE, SNGAR PHA ROL PO DAG GIS DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA'I PHYIR RO, ,'DI NA GANG MED PA LA NI BCOM LDAN 'DAS KYIS DE LA BRTEN NAS BYED PA PO DANG LAS MA BSTAN TE, DPER NA BONG BU DANG RNGA MO'I RVA DAG BZHIN NO ZHES SMRAS PA'I GTAN TSIGS DON DAM PAR SGRUB NA NI DON MA GRUB PA NYID YIN LA KUN RDZOB TU SGRUB NA NI DON 'GAL BA NYID YIN ZHING DPE YANG MED PAS PHA ROL PO DAG GI PHYOGS MA GRUB PO, ,GANG DAG DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS NYE BAR LEN PA PO DANG NYE BAR BLANG BA NYID GSUNGS PA'I PHYIR RO ZHES ZER BA DE DAG DGAG PA'I PHYIR RO, ,DE BZHIN NYER LEN SHES PAR BYA, ,ZHES BYA BA LA SOGS PAS 'DRA BAR BSTAN PAR BYA STE ZHES BYA BA NI GANG ZAG TU SMRA BA DAG PHUNG PO NI NYE BAR BLANG BA YIN LA GANG ZAG NI NYE BAR LEN PA PO YIN NO ZHES ZER BA DGAG PA'I PHYIR TSIG LE'UR BYAS PA'I PHYED GONG MA 'DI BSHAD DO ZHES BYA BAR SBYAR RO, ,DE BZHIN ZHES BYA BA NI CI @170B SKAD BSTAN PA'I 'BAD PA NYE BAR BSTAN PA BZHIN DU'O ZHES BYA BA NI BYED PA PO DANG LAS DAG BSAL BA BZHIN DU'O, ,NYER LEN ZHES BYA BA NI NYE BAR LEN PA STE, DNGOS PO'I RKYEN DU BLTA BAR BYA'O ZHES BYA BA BSTAN PA'I PHYIR NYE BAR LEN PA PO DANG NYE BAR BLANG BA DAG YONGS SU GZUNG BA'I PHYIR TE, GANG LA DNGOS PO YOD PA DE LA BYED PA PO DU MA YOD PA'I PHYIR RO ZHES BYA BA SMRAS TE, NYE BAR LEN PA ZHES BYA BA'I SGRA NI DNGOS PO STE NYE BAR LEN PA PO GANG ZAG DANG NYE BAR BLANG BA PHUNG PO GNYI GA LA SPYIR SNYEGS SO, ,GANG LA DNGOS PO YOD PA DE LA BYED PA PO'I SDE TSAN DU GTOGS PA BYED PA PO DANG LAS DANG BYED PA DANG YANG DAG PAR SBYIN PA DANG, BLANG BA LA SOGS PA DAG YOD PA'I PHYIR RO, ,CI SKAD BSTAN PA'I 'BAD PA NI CI LTAR BYED PA PO LAS LA BRTEN CING LAS KYANG BYED PA PO LA BRTEN NAS 'BYUNG BA DE BZHIN DU, NYE BAR LEN PA PO YANG NYE BAR BLANG BA LA BRTEN CING NYE BAR BLANG BA YANG NYE BAR LEN PA PO LA BRTEN NAS 'BYUNG BAR 'GYUR BAS NYE BAR LEN PA PO DANG NYE BAR BLANG BA DAG GI NYE BAR LEN PA PO DANG NYE BAR BLANG BA NYID NI DON DAM PA PA NI MA YIN NO ZHES BYA BA NI, DE BZHIN NYER LEN SHES PAR BYA, ,ZHES BYA BA'I BSHAD PA YIN TE DE NI DAM BCA' BA NYE BAR GZHAG PA STE PHYOGS YIN NO, ,DE'I SGRUB PA'I CHOS BSTAN PA'I PHYIR CI LTAR ZHE NA, LAS DANG BYED PO BSAL PHYIR RO, ,BSAL BA ZHES BYA BA NI BKAG PA'O, ,PHYIR RO ZHES BYA BA NI GTAN TSIGS KYI DON TE GANG GI PHYIR DE LTAR BYED PA PO DANG LAS DAG BSAL BA BSTAN PA DE NYID KYIS NYE BAR LEN PA PO DANG NYE BAR BLANG BA DAG KYANG BSAL BAR SHES PAR BYA'O ZHES BYA BA SMRAS TE, CI LTAR BYED PA PO DANG LAS BRTAG PA'I SKABS SU BYED PO YIN PAR GYUR PA DE LAS SU GYUR PA MI BYED DO, ,BYED PO MA YIN GYUR PA YANG, ,LAS SU MA GYUR MI BYED DO, ,ZHES BYA BA LA SOGS PA CI SKAD BSTAN PA THAMS CAD KYIS 'DIR YANG CI RIGS PAR SHES PAR BYA'O, ,DE DAG GI RJES SU DPAG PA BSTAN PA'I PHYIR DE LA PHYOGS TZAM ZHIG BSTAN PAR BYA STE, DON DAM PAR LEN PA PO YIN PAR GYUR PA LHAS BYIN ZHES BYA BA NYE BAR BLANG BA YIN PA GYUR PA PHUNG PO ZHES BYA BA, DE'I SGRAR BRJOD PA DAG LEN PAR MI BYED PAR GZUNG BAR BYA STE, NYE BAR BLANG BA LA LTOS PA'I PHYIR DPER NA MCHOD SBYIN BZHIN NO, ,DON DAM PAR NYE BAR LEN PA PO MA YIN PAR GYUR PA LHAS BYIN ZHES BYA BA NYE BAR @171A *, ,BLANG BA MA YIN PAR GYUR PA NYE BAR LEN PAR MI BYED PA DANG, NYE BAR LEN PA PO YIN PA DANG, MA YIN PAR GYUR PA LHAS BYIN ZHES BYA BA NYE BAR BLANG BA YIN PA DANG MA YIN PAR GYUR PA NYE BAR LEN PAR MI BYED DE ZHES BYA BA DAG LA YANG DAM BCAS PA LA KHYAD PAR YOD PAR ZAS KYI SBYOR BA'I YAN LAG LA LHAG MA DAG NI RGYAS PAR SNGA MA BZHIN NO ZHES BYA BA SMRAS TE, DE DAG NI NYE BAR LEN PA PO BRTAG PA'I PHYOGS MTHUN PA GSUM YIN NO, ,DE BZHIN DU DON DAM PAR NYE BAR BLANG BA YIN PAR GYUR PA YANG NYE BAR LEN PA PO YIN PAR GYUR PA LHAS BYIN ZHES BYA BA'I NYE BAR BLANG BA MA YIN TE, NYE BAR LEN PA PO LA LTOS PA'I PHYIR DPER NA MCHOD SBYIN GYI RGYUD KYI NYE BAR BLANG BA MA YIN PAR GYUR PA BZHIN NO, ,DON DAM PAR NYE BAR BLANG BA MA YIN PAR GYUR PA NYE BAR LEN PA PO MA YIN PAR GYUR PA LHAS BYIN ZHES BYA BA NI NYE BAR BLANG BA MA YIN PA DANG NYE BAR BLANG BA YIN PA DANG MA YIN PAR GYUR PA NYE BAR LEN PA PO YIN PA DANG MA YIN PAR GYUR PA LHAS BYIN ZHES BYA BA'I NYE BAR BLANG BA MA YIN TE ZHES BYA BA DAG LA YANG DAM BCAS PA LA KHYAD PAR YOD PAR ZAD KYI SBYOR BA'I YAN LAG LHAG MA DAG NI RGYAS PAR SNGA MA BZHIN NO ZHES BYA BA DAG NI NYE BAR BLANG BA BRTAG PA'I PHYOGS MTHUN PA GSUM YIN NO, ,DE BZHIN DU PHYOGS MI MTHUN PA DAG LA YANG BRJOD PAR BYA'O ZHES BYA BA NI PHYOGS MI MTHUN PA DRUG PO DAG KYANG BYED PA PO DANG LAS KYI SKABS SU BSTAN PA BZHIN DU CI RIGS PAR SBYAR BAR BYA'O, ,NYE BAR LEN PA PO DANG NYE BAR BLANG BA YIN PAR 'GYUR BA LA SOGS PA DAG DON DAM PAR MA GRUB PA'I PHYIR RO ZHES BYA BAS NI BRTAG PA DGU PO DAG MI 'THAD PA'I RIGS PA BSTAN TO, 'DIR YANG GTAN TSIGS KYI DON MA GRUB PA NYID DANG, DPE BSGRUB PAR BYA BA DANG, SGRUB PA'I CHOS DANG MI LDAN PAS MED PA DANG, GTAN TSIGS GZHAN DU RTOG NA YANG DON 'GAL BA NYID DU 'GYUR RO ZHES BYA BA NI MJUG BSDU BA DANG TSAD MA'I 'BRAS BU YIN NA, ,CI LTAR DON DAM PAR BYED PA PO DANG LAS DANG NYE BAR LEN PA PO DANG NYE BAR BLANG BA DAG MI 'THAD PA DE BZHIN DU DNGOS PO THAMS CAD KYANG MI 'THAD PAR 'DRA BAR BSTAN PA'I PHYIR, CI LTAR DON DAM PAR BYED PA PO DANG LAS DAG GI NYE BAR LEN PA PO DANG NYE BAR BLANG BA DAG BSAL BA DE BZHIN DU, BYED PA PO DANG LAS DAG GIS, ,DNGOS PO LHAG MA 'ANG SHES PAR BYA, ,RANG DANG @171B GZHAN LA GRAGS PA'I RGYU DANG 'BRAS BU DANG, YON TAN DANG YON TAN CAN DANG, MTSAN NYID DANG MTSAN NYID KYI GZHI DANG, YAN LAG DANG YAN LAG CAN LA SOGS PA DNGOS PO LHAG MA RNAMS KYANG SHES PAR BYA STE, RGYU DANG 'BRAS BU LA BRTEN CING 'BRAS BU YANG RGYU LA BRTEN NAS 'GRUB PA LA SOGS PA DAG THA SNYAD PA YIN GYI DON DAM PA PA NI MA YIN NO ZHES BYA BA SMRAS TE, RGYU YANG 'BRAS BU SKYED PAR BYED PA NA YIN PAR GYUR PA ZHES BYA'O, ,DE LAS GZHAN PA NI MA YIN PAR GYUR PA'O, ,'BRAS BU YANG YANG BSKYED PAR BYA BA NA YIN PAR GYUR PA ZHES BYA'O, ,DE LAS GZHAN PA NI MA YIN PAR GYUR PA'O, ,DE BZHIN DU YON TAN DANG YON TAN CAN LA SOGS PA LHAG MA RNAMS LA YANG SBYAR TE, BRTAG PA'I PHYOGS DGU DGUR DBYE ZHING MI 'THAD PA DANG DE DAG LTOS TE GDAGS PA MA GTOGS PAR RNAM PA GZHAN GANG GIS KYANG DE DAG 'GRUB PAR 'GYUR BA'I MTSAN NYID MI 'THAD PAR BSTAN PAR BYA'O, ,DA NI BYED PA PO DANG LAS DANG NYE BAR LEN PA PO DANG NYE BAR BLANG BA DANG RGYU DANG 'BRAS BU DANG YON TAN DANG YON TAN CAN DANG MTSAN NYID DANG MTSAN NYID KYI GZHI DANG, YAN LAG DANG YAN LAG CAN LA SOGS PA DNGOS PO BRTEN NAS 'GRUB PA CI SKAD BSTAN PA DE DAG THA SNYAD PA YIN GYI DON DAM PA PA MA YIN PAR SLOB DPON GYI ZHAL SNGA NAS TSIG LE'UR BYAS PA DAG GIS BSGRUBS TE, MDOR BKA' STZAL PA, DE NYID LA BRTEN NAS 'DIR 'GREL PA BYED PA NYID KYIS, DE DAG BYE BRAG TU BSHAD PA RGYA CHER STON TO, ,DE LA 'GREL PA BYED PAS CI'I PHYIR DE DAG BYE BRAG TU BSHAD PA'I DGOS PA DANG BSAM PA BSTAN PA'I PHYIR, GANG DAG RGYU DANG 'BRAS BU LA SOGS PA DAG GI DON DAM PA PA'I RGYU DANG 'BRAS BU LA SOGS PA'I NGO BO NYID LA MNGON PAR ZHEN PA DE DAG GI MNGON PAR ZHEN PA'I ZUG RNGU DE BSAL BAR 'DOD PAS SLOB DPON GYIS BKA' STZAL PA'I LUNG KHAS BLANGS NAS CUNG ZAD DPYAD PAR BYA'O ZHES BYA BA SMRAS SO, ,DON DAM PAR 'O MA YIN PAR GYUR PA NI ZHO YIN PAR GYUR PA MI BYED DE, 'BRAS BU LA LTOS PA'I PHYIR DPER NA RGYU SPUN DAG BZHIN NO ZHES BYA BAS NI RGYU'I NGO BO NYID KYIS 'BRAS BU'I NGO BO NYID MI BYED PAR RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYU SPUN @172A *, ,GYI NGO BO NYID NI 'BRAS BU SNAM BU'I NGO BO NYID LA LTOS PA'I PHYIR ZHO'I NGO BO NYID MI BYED PA DE BZHIN DU 'O MA'I NGO BO NYID KYANG 'BRAS BU ZHO'I NGO BO NYID LA LTOS PA'I PHYIR ZHO'I NGO BO NYID MI BYED DO, ,DNGOS PO LHAG MA GZHAN DAG LA YANG DE BZHIN DU SBYAR RO, ,GAL TE MTHONG BA DANG GRAGS PA'I GNOD PAS GNOD PAR 'GYUR RO ZHE NA ZHES BYA BA NI PHA ROL PO DAG DBU MA PA'I RJES SU DPAG PA SNGA MA DE LA MNGON SUM DANG 'GAL BA DANG GRAGS PA DANG 'GAL BA'I GNOD PAR 'GYUR RO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DAM BCAS PA KHYAD PAR CAN BYAS PA'I PHYIR SKYON MED DO ZHES BYA BA SMRAS TE, MNGON SUM DANG GRAGS PA NI KUN RDZOB YIN GYI KHO BOS NI DON DAM PAR DGAG PA BYAS PA'I PHYIR DE DAG DANG 'GAL BA'I SKYON MED DO, ,YANG NA DON DAM PAR SMRA BA RNAMS 'DOD PA'I 'O MA NI BSAMS PA'I ZHO'I RGYU MA YIN TE 'O MA YIN PA'I DPER NA DE LAS GZHAN PA'I 'O MA BZHIN NO ZHES BYA BAS NI RGYU'I NGO BO NYID DGAG PA'I RJES SU DPAG PA STON TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA THA SNYAD PA'I RGYU 'O MA NI 'O MA YIN PA'I PHYIR PHA ROL PO DAG GIS BSAMS PA'I DON DAM PA PA'I ZHO'I RGYU MA YIN PA DE BZHIN DU PHA ROL PO DAG SMRA BAR 'DOD PA DON DAM PA PA'I 'O MA YANG 'O MA YIN PA'I PHYIR, ,PHA ROL PO DAG GIS BSAMS PA'I DON DAM PA PA'I ZHO'I RGYU MA YIN TE, LHAG MA RNAMS LA YANG DE BZHIN DU CI RIGS PAR SBYAR RO, ,DE BZHIN DU DON DAM PA SMRA BAR 'DOD PA'I ZHO NI 'O MA'I RGYU CAN MA YIN TE, 'O MA LA LTOS PA'I PHYIR DPER NA DE LAS GZHAN PA'I ZHO BZHIN NO ZHES BYA BAS NI 'BRAS BU'I NGO BO NYID DGAG PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA THA SNYAD PA'I 'BRAS BU ZHO NI 'O MA LA LTOS PA'I PHYIR PHA ROL PO DAG SMRA BAR 'DOD PA DON DAM PA PA'I 'O MA'I RGYU CAN MA YIN PA BZHIN DU PHA ROL PO DAG SMRA BAR 'DOD PA DON DAM PA PA'I ZHO YANG 'O MA LA LTOS PA'I PHYIR PHA ROL PO DAG SMRA BAR 'DOD PA DON DAM PA PA'I 'O MA'I RGYU CAN MA YIN TE, LHAG MA RNAMS @172B LA YANG DE BZHIN DU CI RIGS PAR SBYAR RO, ,YANG NA DON DAM PAR ZHO NI 'O MA'I RGYU CAN MA YIN PAR SHES PAR BYA STE, RGYU LA LTOS PA'I PHYIR DPER NA SNAM BU BZHIN NO ZHES BYA BAS NI 'BRAS BU'I NGO BO NYID DGAG PA GTAN TSIGS DANG DPE RIGS MI MTHUN PAS RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNAM BU NI RGYU SPUN LA LTOS PA'I PHYIR 'O MA'I RGYU CAN MA YIN PA DE BZHIN DU DON DAM PA PA'I ZHO YANG RGYU 'O MA LA LTOS PA'I PHYIR DON DAM PA PA'I 'O MA'I RGYU CAN MA YIN TE, LHAG MA RNAMS LA YANG DE BZHIN DU CI RIGS PAR SBYAR RO, ,'DIR KHA CIG NA RE DON DAM PAR 'O MA NI ZHO MI BYED DE ZHES DAM BCAS PA DE'I DON GAL TE THA SNYAD DU BYED PA YIN NA NI DPE MED PA DANG PHYOGS SNGA MA LA GNOD DO, ,CI STE RANG GI BYA BA MI BYED PA NYID YIN NA NI DE LTA NA YANG DPE MED PA DANG MA NGES PA NYID DE THAMS CAD KYANG BYA BA SO SOR NGES PA BYED PA'I PHYIR RO ZHES ZER RO ZHES BYA BA NI 'GREL PA BYED PAS SNGAR DON DAM PAR 'O MA YIN PAR GYUR PA NI ZHO YIN PAR GYUR PA MI BYED DE, 'BRAS BU LA LTOS PA'I PHYIR DPER NA RGYU SPUN DAG BZHIN NO ZHES BSGRUBS PA DE LA 'DIR SLOB DPON BLO BRTAN NA RE DAM BCAS PA DE'I DON GANG YIN, GAL TE DON DAM PAR NI MI BYED PA LA THA SNYAD DU NI BYED DO ZHES DAM 'CHA' BA YIN NA NI DES NA KHYOD KYI DPE MED PA DANG, PHYOGS SNGA MA LA GNOD PAS MI RUNG STE CI'I PHYIR ZHE NA, 'O MAS DON DAM PAR ZHO MA BYED LA THA SNYAD DU NI BYED PA'I DPE YANG DE DANG MTHUN PA LAS BLANG DGOS NA KHYOD KYI DPE RGYU SPUN DAG GIS NI DON DAM PAR YANG ZHO MI BYED LA THA SNYAD DU YANG ZHO MI BYED PA YIN PAS 'O MA'I DPER MI RUNG NGO, ,GZHAN YANG KHYOD KYIS SNGAR NI DON DAM PAR 'O MAS ZHO MI BYED DO ZHES DAM BCAS LA DE 'DIR NI DON DAM PAR NI MI BYED LA THA SNYAD DU NI BYED PAR DAM BCAS PAS, DES NA SNGAR DAM BCAS PA'I PHYOGS LA YANG GNOD PAS MI RUNG NGO, ,CI STE KHYOD KYIS DAM BCAS PA DE'I DON 'O MAS RANG GI BYA BA ZHO MI BYED PA NYID YIN NA NI DE LTA NA YANG DPE MED PA DANG GTAN TSIGS MA NGES PA NYID YIN PAS MI RUNG STE, CI'I PHYIR ZHE NA, 'O MAS RANG GI BYA BA MI BYED PA NYID KYI DPE YANG DE DANG MTHUN PA LAS BLANG DGOS NA KHYOD KYI DPE RGYU SPUN DAG GI RANG GI BYA BA SNAM BU @173a *, ,byed pa yin pas 'o ma'i dper mi rung ngo, ,gzhan yang KHYOD KYI GTAN TSIGS 'BRAS BU LA LTOS PA'I PHYIR ZHES BYA BA DE DON DAM PAR 'O MA DANG RGYU SPUN DAG GIS ZHO MI BYED PA'I GTAN TSIGS YIN NAM, 'ON TE KUN RDZOB TU RGYU SPUN DAG GIS ZHO MI BYED PA'I GTAN TSIGS YIN PA MA NGES PA NYID YIN PAS MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE BRTAG PA SNGA MA NI KHAS MA BLANGS PA'I PHYIR RO, ,BRTAG PA PHYI MA LA YANG RGYU SPUN LA SOGS PA ZHO'I RGYU MA YIN PA NYID DANG SNAM BU LA SOGS PA 'O MA'I 'BRAS BU MA YIN PA NYID DU GRUB PA DAG DPE NYID DU 'DOD PA'I PHYIR DPE MED PA MA YIN LA, DAM BCAS PA KHYAD PAR CAN YIN PA'I PHYIR MA NGES PA NYID KYANG MA YIN NO ZHES BYA BA SMRAS TE, KHYOD KYI BRTAG PA SNGA MA LTAR DON DAM PAR 'O MAS ZHO MI BYED LA, THA SNYAD DU BYED PAR KHO BOS KHAS MA BLANGS KYI DON DAM PA KHO NAR MI BYED PA NYID DU KHAS BLANGS PA'I PHYIR KHO BO LA DPE MED PA DANG PHYOGS SNGA MA LA GNOD PA'I SKYON MED DO, ,BRTAG PA PHYI MA LTAR 'O MAS DON DAM PAR RANG GI BYA BA ZHO MI BYED PA NYID KHAS BLANGS PA LA NI RGYU SPUN LA SOGS PA ZHO'I RGYU MA YIN PA NYID DANG, SNAM BU LA SOGS PA'O MA'I 'BRAS BU MA YIN PA NYID DU GRUB PA DAG DPE NYID DU 'DOD PA'I PHYIR DPE MED PA MA YIN LA, KHO BOS DON DAM PAR 'O MAS ZHO MI BYED DE ZHES DAM BCAS PA KHYAD PAR CAN BYAS PA'I PHYIR KHO BO'I GTAN TSIGS 'BRAS BU LA LTOS PA'I PHYIR ZHES BYA BAS DON DAM PAR 'O MA DANG RGYU SPUN DAG GIS ZHO MI BYED PAR 'GRUB PA'I PHYIR MA NGES PA NYID KYANG MA YIN PAS, SLOB DPON BLO BRTAN GYI KLAN KA DE NI BZANG PO MA YIN NO, ,'DIR GRANGS CAN DAG GIS SMRAS PA ZHES BYA BA LA SOGS PAS NI GRANGS CAN DAG GI GZHUNG LAS RGYU LA 'BRAS BU SNGA NA NUS PA'I TSUL GYIS YOD PA PHYIS RKYEN RNAMS KYIS BSAL BAR BYED CING 'BYUNG BAS RGYU 'O MA LA YANG 'BRAS BU ZHO SNGA NA YOD LA, SA BON LA YANG MYU GU SNGA NA YOD, 'JIM PA LA YANG BUM PA SNGA NA YOD RGYU SPUN LA YANG SNAM BU SNGA NA YOD, ,RTZI KYANG LA YANG SAB MA SNGA NA YOD, MER MER PO LA SOGS PA DAG LA YANG MIG LA SOGS PA DAG SNGA NA YOD DO ZHES ZER BA'I GZHUNG STON TE, 'BRAS BU SNGA NA YOD PAR SMRA BA DE DAG GI GZHUNG GZUGS PA'I GTAN TSIGS NI RNAM PA LNGA STE, MED MI BYED @173B PHYIR RGYU LEN PHYIR, ,THAMS CAD 'BYUNG BA MED PHYIR DANG, ,NUS PAS NUS CAN BYED PHYIR DANG, ,RGYU YOD PHYIR NI 'BRAS BU YOD, ,CES BYA BAS MED PA LA MI BYED PA'I PHYIR 'BRAS BU SNGA NA YOD PA DANG, ,RGYU LEN PA'I PHYIR 'BRAS BU SNGA NA YOD PA DANG THAMS CAD 'BYUNG BA MED PA'I PHYIR 'BRAS BU SNGA NA YOD PA DANG, NUS PAS NUS PA CAN BYED PA'I PHYIR 'BRAS BU SNGA NA YOD PA DANG, RGYU YOD PA'I PHYIR 'BRAS BU SNGA NA YOD PAR GZHUNG GZUGS PA DAG GO RIMS BZHIN DU STON TO, ,DE LA RE ZHIG MED PA LA MI BYED PA'I PHYIR 'BRAS BU SNGA NA YOD PAR GZHUNG GZUGS PA BSTAN PA'I PHYIR, 'BRAS BU SNGA NA YOD PA RGYU YOD PA NYID KYIS BYED DE, MED PA LA MI BYED PA'I PHYIR RO, ,'DI NA GANG MED PA DE LA NI BYED PA MED DE DPER NA RUS SBAL GYI SPU LA GOS BYED PA MED PA BZHIN NO, ,ZHO LA NI BYED PA YOD PAS DE'I PHYIR 'BRAS BU SNGA NA YOD PA KHO NA YIN NO ZHES BYA BA SMRAS TE, 'DI NA RGYU 'O MA LTA BU GANG LA 'BRAS BU ZHO SNGA NA YOD PA DE LA NI RKYEN GYIS GSAL BAR BYED KYI, RGYU RUS SBAL GYI SPU LTA BU GANG LA 'BRAS BU GOS SNGA NA MED PA DE LA NI RKYEN GYIS GSAL BAR MI BYED PA'I PHYIR 'BRAS BU SNGA NA YOD PA KHO NA YIN NO ZHES ZER RO, ,RGYU LEN PA'I PHYIR 'BRAS BU SNGA NA YOD PAR GZHUNG GZUGS PA BSTAN PA'I PHYIR, GAL TE 'BRAS BU SNGA NA MED PAR GYUR NA, DPER NA 'O MA LA ZHO SNGA NA MED PA BZHIN DU RTZI KYANG LA SOGS PA DAG KYANG MED PAR 'DRA BAS, ZHO'I DON DU DE'I RGYU 'O MA LEN PAR MI BYED PA ZHIG NA LEN PAR YANG BYED PAS DE LTAR RGYU YIN PA'I PHYIR 'BRAS BU SNGA NA YOD PA KHO NA YIN NO ZHES BYA BA SMRAS TE, GAL TE 'BRAS BU SNGA NA MED PAR GYUR NA DPER NA RGYU 'O MA LA 'BRAS BU ZHO SNGA NA MED PA BZHIN DU 'BRAS BU RTZI KYANG LA SOGS PA DAG KYANG SNGA NA MED PAR 'DRA BAS CI LTAR RTZI KYANG LA SOGS PA'I DON DU DE'I RGYU 'O MA LEN PAR MI BYED PA DE BZHIN DU ZHO'I DON DU YANG DE'I RGYU 'O MA LEN PAR MI BYED PA ZHIG NA, DE LTA MA YIN TE RTZI KYANG LA SOGS PA'I DON DU NI DE'I RGYU 'O MA LEN PAR MI BYED LA, ZHO'I DON DU NI DE'I RGYU 'O MA LEN PAR BYED PAS DE LTAR RGYU LEN PA'I PHYIR 'BRAS BU SNGA NA YOD PA KHO NA YIN NO ZHES ZER RO, ,THAMS CAD 'BYUNG BA MED PA'I PHYIR 'BRAS BU SNGA NA YOD PAR GZHUNG GZUGS PA BSTAN PA'I PHYIR GAL TE 'BRAS BU SNGA NA MED PAR GYUR NA, DPER NA 'O MA LA ZHO SNGA NA MED PA BZHIN DU 'JIG RTEN @174A *, ,GSUM PO DAG KYANG MED PAR 'DRA BAS ZHO BZHIN DU 'JIG RTEN GSUM PO DAG KYANG 'BYUNG BAR 'GYUR BA'I RIGS NA, DE DAG MI 'BYUNG BAS, DE LTAR THAMS CAD 'BYUNG BA MED PA'I PHYIR 'BRAS BU SNGA NA YOD PA KHO NA YIN NO ZHES BYA BA SMRAS TE, GAL TE 'BRAS BU SNGA NA MED PAR GYUR NA DPER NA RGYU 'O MA LA 'BRAS BU ZHO SNGA NA MED PA BZHIN DU 'BRAS BU 'JIG RTEN GSUM PO DAG KYANG SNGA NA MED PAR 'DRA BAS CI LTAR RGYU 'O MA LAS 'BRAS BU ZHO 'BYUNG BA BZHIN DU RGYU 'O MA LA 'BRAS BU 'JIG RTEN GSUM PO DAG KYANG 'BYUNG BAR 'GYUR BA'I RIGS NA, DE LTAR MA YIN TE RGYU 'O MA LAS 'BRAS BU ZHO NI 'BYUNG GI, 'BRAS BU 'JIG RTEN GSUM PO DAG NI MI 'BYUNG BAS, DE LTAR THAMS CAD 'BYUNG BA MED PA'I PHYIR 'BRAS BU SNGA NA YOD PA KHO NA YIN NO ZHES ZER RO, ,NUS PAS NUS PA CAN BYED PA'I PHYIR 'BRAS BU SNGA NA YOD PAR GZHUNG GZUGS PA BSTAN PA'I PHYIR, GAL TE 'BRAS BU SNGA NA MED PAR GYUR NA, CI'I PHYIR RDZA MKHAN NUS PAS 'JIM PA NUS PA CAN DAG KHO NA LAS BUM PA SGRUB PAR BYED CING THAMS CAD LAS MI BYED PAR NGES PA 'DI 'BYUNG BAR 'GYUR, DE LTAR NUS PAS NUS PA CAN BYED PA'I PHYIR 'BRAS BU SNGA NA YOD PA KHO NA YIN PAR SEMS SO ZHES BYA BA SMRAS TE, GAL TE 'BRAS BU SNGA NA MED PAR GYUR NA DPER NA RGYU NUS PA CAN 'JIM PA LA 'BRAS BU BUM PA SNGA NA MED PA BZHIN DU RGYU 'O MA LA SOGS PA DAG LA YANG 'BRAS BU BUM PA SNGA NA MED PAR 'DRA BAS CI LTAR RDZAS MKHAN MI NUS PAS, RGYU 'O MA LA SOGS PA NUS PA CAN MA YIN PA DAG LAS 'BRAS BU BUM PA SGRUB PAR MI BYED PA DE BZHIN DU RDZA MKHAN NUS PAS RGYU 'JIM PA NUS PA CAN DAG LAS KYANG 'BRAS BU BUM PA SGRUB PAR MI BYED PA ZHIG NA, DE LTA MA YIN TE RDZA MKHAN NUS PAS RGYU 'JIM PA NUS PA CAN DAG KHO NA LAS 'BRAS BU BUM PA SGRUB PAR BYED CING RDZA MKHAN MI NUS PAS RGYU 'O MA LA SOGS PA NUS PA CAN MA YIN PA THAMS CAD LAS 'BRAS BU BUM PA SGRUB PAR MI BYED PAR NGES PAR 'DI 'BYUNG BAR 'GYUR BAS DE LTAR NUS PAS NUS PA CAN BYED PA'I PHYIR 'BRAS BU SNGA NA YOD PA KHO NA YIN PAR SEMS SO ZHES ZER RO, ,RGYU YOD PA'I PHYIR 'BRAS BU SNGA NA YOD PAR GZHUNG GZUGS PA BSTAN PA'I PHYIR, 'DIS KYANG 'BRAS BU SNGA NA YOD PA KHO NAR MNGON TE, GANG MED PA LA NI RGYU'I DNGOS PO YOD PA MA YIN PAS GAL TE 'BRAS BU SNGA NA MED PAR @174B GYUR NA DE LA YANG RGYU'I DNGOS PO MED PAR 'GYUR BA ZHIG NA DE LTA MA YIN PAS DE LTAR RGYU YOD PA'I PHYIR YANG 'BRAS BU SNGA NA YOD PA KHO NA YIN NO ZHES BYA BA SMRAS TE, 'DI LTAR 'BRAS BU GANG MED PA DE LA NI RGYU'I DNGOS PO YOD PA MA YIN PAS GAL TE 'BRAS BU SNGA NA MED PAR GYUR NA DPER NA 'BRAS BU ZHO LA SOGS PA GANG DAG PHYIS RKYEN GYIS GSAL BAR BYA STE, 'BYUNG BAR 'GYUR BA DE DAG LA YANG RGYU'I DNGOS PO 'O MA LA SOGS PA DAG MED PAR 'GYUR BA ZHIG NA DE LTA MA YIN TE, DE DAG LA RGYU'I DNGOS PO YOD PAS DE LTAR RGYU YOD PA'I PHYIR YANG 'BRAS BU SNGA NA YOD PA KHO NA YIN NO ZHES ZER RO, ,DE LTAR 'BRAS BU SNGA NA YOD PAR GZHUNG GZUGS BA LNGA PO DE DAG GI SPYI'I RJES SU DPAG PA BSTAN PA'I PHYIR 'O MA LA NI ZHO SNGA NA YOD PA KHO NA YIN TE DE YOD NA 'BYUNG BA'I PHYIR RO, ,GANG LA GANG SNGA NA MED PA DE NI DE YOD KYANG 'BYUNG BAR MI 'GYUR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS KYI RJES SU 'GRO BA BSTAN PA DANG, MI MTHUN PA'I PHYOGS KYI DPES LDOG PA BSTAN PA YIN TE, 'DI NA RGYU GANG LA 'BRAS BU GANG SNGA NA MED PA DPER NA BYE MA LA 'BRU MAR SNGA NA MED PA DE NI BYE MA DE YOD KYANG 'BRU MAR 'BYUNG BAR MI 'GYUR GYI, RGYU 'O MA LA 'BRAS BU ZHO SNGA NA YOD PA DE NI 'O MA DE YOD NA ZHO 'BYUNG BAR 'GYUR BA'I PHYIR 'BRAS BU SNGA NA YOD PA KHO NA YIN NO ZHES ZER RO, ,'DI SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR MED PA LA MI BYED PA'I PHYIR ZHES BYA BA DE NI PHYOGS KYI CHOS MA YIN PA'I PHYIR GTAN TSIGS KYI DON MA GRUB PA NYID DO ZHES BYA BA LA SOGS PA SMRAS TE, GRANGS CAN DAG GI MED PA LA MI BYED PA'I PHYIR ZHES BYA BA'I PHYOGS KYI CHOS KYIS RGYU LA 'BRAS BU SNGA NA YOD PAR GZHUNG GZUGS BA DE NI PHYOGS KYI CHOS MA YIN PA'I GTAN TSIGS KYI DON MA GRUB PA NYID DO ZHES STON TO, ,CI LTAR ZHE NA, GRANGS CAN DAG GIS PHYOGS NI CHOS CAN RGYU LA BSGRUB PA'I BYA BA CHOS 'BRAS BU SNGA NA YOD PA ZHES BYA BA SGRUB PA YIN PAS, DE'I PHYOGS KYI CHOS GTAN TSIGS NI MED PA LA MI BYED PA'I PHYIR ZHES BYA BA DE MA YIN TE, 'DI LTAR YANG NI KHYED KYI PHYOGS RGYU LA 'BRAS BU SNGA NA YOD PA ZHES BYA BA DE DE LTAR MA YIN PAS GZHI MA GRUB PA'I PHYIR PHYOGS KYI CHOS CI SKAD BRJOD DU ZIN KYANG KHYED KYI PHYOGS MI 'GRUB MOD KYI, 'ON KYANG RE ZHIG RIGS @175A *, ,PA'I RGYU THABS TZAM GYIS BRGYUD NA RGYU LA 'BRAS BU SNGA NA YOD PAR BSGRUB PA'I PHYOGS KYI CHOS NI YOD PA LA BYED PA'I PHYIR RO ZHES BRJOD NA THA SNYAD TZAM DU YANG RUNG BA ZHIG NA, KHYED KYIS MED PA LA MI BYED PA'I PHYIR ZHES BRJOD PA NI DPER NA 'GA' ZHIG SGRA RTAG PAR BSGRUB PA'I PHYOGS KYI CHOS THAMS CAD MI RTAG PA'I PHYIR RO ZHES ZER BA DE 'BREL PA MED PA'I PHYIR PHYOGS KYI CHOS MA YIN PA DE BZHIN DU, KHYED KYI RGYU LA 'BRAS BU SNGA NA YOD PAR BSGRUB PA'I PHYOGS KYI CHOS MED PA LA MI BYED PA'I PHYIR ZHES BYA BA DE YANG 'BREL PA MED PAS PHYOGS KYI CHOS MA YIN PA'I PHYIR GTAN TSIGS KYI DON MA GRUB PA NYID DO, ,'DIR GAL TE GRANGS CAN DAG NA RE KHO BO CAG GIS MED PA LA MI BYED PA'I PHYIR ZHES GANG SMRAS PA DE NI GTAN TSIGS SU GZHAG PA MA YIN GYI, CHOS MI MTHUN PA'I PHYOGS KYI DPER GZHAG PA YIN TE, DES NA CI LTAR NAM MKHA'I ME TOG LTA BU SNGA NA MED PA LA NI RKYEN GYIS GSAL BAR MI BYED KYI, RGYU 'O MA LTA BU GANG LA 'BRAS BU ZHO SNGA NA YOD PA DE RKYEN GYIS GSAL BAR BYED PAS, DE'I PHYIR MED PA LA MI BYED PA'I PHYOGS LAS BZLOG NA YOD PA LA BYED PAR 'GYUR BAS, DES KYANG 'BRAS BU SNGA NA YOD PA KHO NAR 'GRUB PO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, CHOS MI MTHUN PA'I DPER RTAG TU YANG BYED PA'I PHYIR ZHES NYE BAR SBYOR BAS, GTAN TSIGS MNGON PA'I PHYIR THA SNYAD KYI PHYOGS LA NI DON MA GRUB PA NYID DANG DON 'GAL BA NYID DE, YOD PA LA BYED PA MI SRID PA'I PHYIR DANG MED PA LA DE SRID PA'I PHYIR RO ZHES BYA BA SMRAS TE, GRANGS CAN DAG GIS MED PA LA MI BYED PA'I PHYIR ZHES GANG SMRAS PA DE CHOS MI MTHUN PA'I PHYOGS KYI DPER BRTAG NA, DES NA CI LTAR NAM MKHA'I ME TOG LTA BU SNGA NA MED PA LA RKYEN GYIS GSAL BAR MI BYED PA'I PHYOGS LAS BZLOG NA, 'O MA LA ZHO SNGA NA YOD PA LA RKYEN GYIS GSAL BAR BYED PA'I PHYIR ZHES NYE BAR SBYAR BA'I SBYOR BA BYA DGOS PAS DE LTAR MED PA LA MI BYED PA'I PHYIR ZHES BYA BA LAS BZLOG NA YOD PA LA BYED PA'I PHYIR ZHES BYA BA DE GTAN TSIGS YIN PAR MNGON NO, DE LTAR MNGON NA SKYON CIR 'GYUR ZHE NA, DE'I PHYIR RE ZHIG THA SNYAD KYI PHYOGS LA GTAN TSIGS DE'I DON MA GRUB PA NYID DANG, DON 'GAL BA NYID KYI SKYON DU 'GYUR TE, CI'I PHYIR ZHE NA 'DI LTAR @175B THA SNYAD RGYU LA 'BRAS BU YOD PAR GYUR NA YOD PA LA NI RGYUS BYED PA MI SRID PA'I PHYIR DPER NA SGRA LA MIG GIS GZUNG BA NYID MI SRID PA BZHIN DU GTAN TSIGS KYI DON MA GRUB PA NYID DO, ,THA SNYAD DU RGYU LA 'BRAS BU MED PAR GYUR NA NI MED PA LA NI RGYUS BYED PA MI SRID PA'I PHYIR DPER NA BUM PA'I RGYU 'JIM PA LA 'BRAS BU BUM PA MED PA RKYEN RNAMS KYIS BYED PA'I PHYIR, KHYED KYI RGYU LA 'BRAS BU SNGA NA YOD PA LA BYED DO ZHES DAM BCAS PA DON 'GAL BA NYID DO, ,DE LTAR RE ZHIG GRANGS CAN DAG GIS MED PA LA MI BYED PA'I PHYIR ZHES BYA BAS 'BRAS BU SNGA NA YOD PAR GZHUNG GZUGS PA DE NI THA SNYAD KYI PHYOGS LA YANG MA GRUB PO, , DON DAM PAR NI GTAN TSIGS DANG DPE MED DO ZHES BYA BA NI GAL TE DE DON DAM PAR SGRUB NA NI KHO BO CAG GI PHYOGS LA DON DAM PAR CHOS THAMS CAD MA SKYES PA'I PHYIR KHYOD KYI GTAN TSIGS DANG DPE MED PAS SHIN TU YANG MI 'GRUB PO, ,GANG LA GANG SNGA NA YOD PA DE NI DE LAS MI 'BYUNG STE, DPER NA RGYU'I RANG GI BDAG NYID BZHIN PAS DAM BCAS PA LA CHOS CAN GYI KHYAD PAR BSAL BA'I SKYON YOD DO ZHES BYA BA NI GRANGS CAN DAG GIS 'BRAS BU SNGA NA YOD PAR GZHUNG GZUGS PA RNAM PA LNGA PO, ,MED MI BYED PHYIR RGYU LEN PHYIR, ,THAMS CAD 'BYUNG BA MED PHYIR DANG, ,NUS PAS NUS CAN BYED PHYIR DANG, ,RGYU YOD PHYIR NA 'BRAS BU YOD, ,CES BYA BA DE DAG THAMS CAD SPYIR SUN DBYUNG BA'I RIGS PA STON TE, DPER NA RGYU'I BDAG NYID GANG LA RGYU'I RANG GI BDAG NYID GANG SNGA NA YOD PA DE NI RGYU'I RANG GI BDAG NYID DE LA MI 'BYUNG BA DE BZHIN DU GRANGS CAN DAG GIS BRTAGS PA LTAR RGYU LA 'BRAS BU SNGA NA YOD PAR GYUR NA DE YANG DE LAS MI 'BYUNG BAR NGES PAS DES NA GRANGS CAN DAG GIS RGYU LA 'BRAS BU SNGA NA YOD PAR DAM BCAS PA DE LA RGYU CHOS CAN GYI KHYAD PAR 'BRAS BU 'BYUNG BA DE DAG BSAL CING, RGYU CHOS CAN LAS 'BRAS BU MI 'BYUNG BAR BSGRUB PA'I SKYON YOD PAS DE'I PHYIR RGYU LA 'BRAS BU SNGA NA YOD PA YIN NO ZHES BYA BA'I THA TSIG GO, ,CI STE YANG 'DI SKAD CES 'BRAS BU SNGA NA MED PAR SMRA BA RNAMS KYIS DAM BCAS PA LA CHOS CAN GYI KHYAD PAR BSAL BA'I SKYON GDAGS PAR 'DOD PAS MED PA LA MI BYED PA'I PHYIR ZHES BYA BA LA SOGS PA DAG NYE BAR BZHAG STE, GANG LA GANG SNGA NA MED PA DE LA NI BYED PA LA SOGS PA MED DE DPER NA RI BONG GI RVA BZHIN @176A *, ,PAS DE'I PHYIR 'BRAS BU SNGA NA MED PAR SMRA BA RNAMS KYIS 'BRAS BU SNGA NA MED PA NYID DU DAM BCAS PA LA YANG BYED PA LA SOGS PA BSAL BA'I SKYON YOD DO ZHES ZER NA ZHES BYA BAS NI 'DI SKAD STON TO, ,GRANGS CAN DAG GI GZHUNG LAS, MED MI BYED PHYIR RGYU LEN PHYIR, ,THAMS CAD 'BYUNG BA MED PHYIR DANG, ,NUS PAS NUS CAN BYED PHYIR DANG, ,RGYU YOD PHYIR NI 'BRAS BU YOD, ,CES BYA BA LNGA PO DE DAG GZHUNG GZUGS PA RNAM PA LNGA ZHES BYA BAR YANG SGRUB LA, GZHUNG GZUGS PA MA YIN PA RNAM PA LNGA ZHES BYA BAR YANG SGRUB STE, DE'I GZHUNG GZUGS PA RNAM PA LNGA ZHES BYA BAR SGRUB PA NI GRANGS CAN DAG GIS GRUB PA'I MTHA' LAS RGYU LA 'BRAS BU SNGA NA YOD PAR GZHUNG GZUGS PA'I GTAN TSIGS SU, MED PA LA MI BYED PA'I PHYIR 'BRAS BU SNGA NA YOD PA DANG, RGYU LEN PA'I PHYIR 'BRAS BU SNGA NA YOD PA DANG, THAMS CAD 'BYUNG BA MED PA'I PHYIR 'BRAS BU SNGA NA YOD PA DANG, NUS PAS NUS PA CAN BYED PA'I PHYIR 'BRAS BU SNGA NA YOD PA DANG, RGYU YOD PA'I PHYIR 'BRAS BU SNGA NA YOD PAR GZHUNG GZUGS PA RNAM PA LNGA CI SKAD SNGAR BSTAN PA DAG NYID YIN NO, ,GZHUNG GZUGS PA MA YIN PA RNAM PA LNGA ZHES BYA BAR SGRUB PA NI GRANGS CAN DAG GIS SANGS RGYAS LA SOGS PA RGYU LA 'BRAS BU SNGA NA MED PAR SMRA BA RNAMS KYIS DAM BCAS PA LA CHOS CAN GYI KHYAD PAR BSAL BA'I SKYON GDAGS PA'I GTAN TSIGS SU MED PA LA BYED PA MED PA'I PHYIR CHOS CAN GYI KHYAD PAR BSAL BA DANG, RGYU LEN PA MED PA'I PHYIR CHOS CAN GYI KHYAD PAR BSAL BA DANG, THAMS CAD 'BYUNG BA MED PA'I PHYIR CHOS CAN GYI KHYAD PAR BSAL BA DANG, NUS PAS NUS PA CAN BYED PA MED PA'I PHYIR CHOS CAN GYI KHYAD PAR BSAL BA DANG, RGYU MED PA'I PHYIR CHOS CAN GYI KHYAD PAR BSAL BA'I SKYON YOD DO ZHES SGRUB PA YIN PAS, DE'I PHYIR 'DIR DE DAG NA RE 'DI SKAD CES KHO BO CAG GI GZHUNG GZUGS PA RNAM PA LNGA PO DE DAG NI RGYU LA 'BRAS BU SNGA NA YOD PA RANG GI GZHUNG GZUGS PA'I GTAN TSIGS MA YIN GYI, SANGS RGYAS PA LA SOGS PA RGYU LA 'BRAS BU SNGA NA MED PAR SMRA BA RNAMS KYIS DAM BCAS PA LA CHOS CAN GYI KHYAD PAR BSAL BA'I SKYON GDAGS PA'I GTAN TSIGS YIN TE, CI'I PHYIR ZHE NA, 'DI NA RGYU GANG LA 'BRAS BU GANG SNGA NA MED PA DPER NA RI BONG @176B RVA LA RNO BA NYID SNGA NA MED PA LTA BU DE LA NI DE BSAL BAR BYA BA'I BYED PA YANG MED LA, DE'I DON DU RGYU LEN PA YANG MED, RGYU DE LAS 'BRAS BU THAMS CAD 'BYUNG BA YANG MED, DE NUS PAS NUS PA CAN BYED PA YANG MED, DE LA RGYU YANG MED PA DE BZHIN DU, KHYED SANGS RGYAS PA LA SOGS PA RGYU LA 'BRAS BU SNGA NA MED PAR SMRA BA RNAMS KYIS DAM BCAS PA LA YANG 'BRAS BU SNGA NA MED PA DE BSAL BAR BYA BA'I BYED PA YANG MED LA, DE'I DON DU RGYU LEN PA YANG, RGYU DE LA 'BRAS BU THAMS CAD 'BYUNG BA YANG MED, DE NUS PAS NUS PA CAN BYED PA YANG MED, DE LA RGYU YANG MED PAR 'GYUR TE, DE LTA NA KHYED KYI DAM BCAS PA DE LA CHOS CAN RGYU'I KHYAD PAR 'BRAS BU RKYEN GYIS BYED PA BSAL BA DANG, DE'I DON DU RGYU LEN PA BSAL BA DANG, RGYU DE LAS 'BRAS BU 'BYUNG BA BSAL BA DANG, DE NUS PAS NUS PA CAN BYED PA BSAL BA DANG, DE LA RGYU YOD PA BSAL BA'I SKYON YOD PAS KHYED RGYU LA 'BRAS BU SNGA NA MED PAR SMRA BA RNAMS KYIS DAM BCAS PA DE YANG MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI MI GNOD DE, LEGS PAR ZIN PA MA YIN PA DE GNYIS KA YANG BSAL BAR 'DOD PA'I PHYIR RO ZHES BYA BA SMRAS TE, KHYED KYI RGYU LA 'BRAS BU SNGA NA MED PAR SMRA BA RNAMS KYIS DAM BCAS PA LA CHOS CAN GYI KHYAD PAR BSAL BA'I PHYIR YOD PAR SMRA BA DE NI KHO BO CAG DBU MA PA'I PHYOGS LA MI GNOD DE, CI'I PHYIR ZHE NA, KHO BO CAG NI KHYED GRANGS CAN DAG GI RGYU LA 'BRAS BU SNGA NA YOD PAR BRTAG PA LEGS PAR ZIN PA MA YIN PA'I MTHA' DE DANG, MDO SDE PA LA SOGS PAS RGYU LA 'BRAS BU SNGA NA MED PAR BRTAG PA LEGS PAR ZIN PA MA YIN PA'I MTHA' DE GNYI GA YANG BSAL BAR 'DOD PA'I PHYIR TE, DES NA KHO BOS NI KHYED KYIS LEGS PAR ZIN PA MA YIN PA'I MTHA' BSAL BA, KHYOD KYIS NI MDO SDE PA LA SOGS PA'I LEGS PAR ZIN PA MA YIN PA'I MTHA' BSAL BA NI KHO BO'I GROGS BYAS TE, DE LTAR YANG 'PHAGS PA LANG KAR GSHEGS PA'I MDO LAS, NGA YI BSTAN PA SUN 'BYIN PA, ,NGUR SMRIG GOS DAG GYON BYED CING, ,'BRAS BU YOD DANG MED SMRA BA, ,MA 'ONGS DUS NA 'BYUNG BAR 'GYUR, ,ZHES GSUNGS PA'I PHYIR RO, ,'DIR PHA ROL PO DAG NA RE 'BRAS BU YOD PA @177A *, ,DANG MED PA SKYE BA MED DO ZHES BRJOD NA GRAGS PA'I GNOD PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, SGYU MA'I SKYES BU BZHIN DU YOD PA DANG MED PA NYID DU BRJOD PAR BYA BA MA YIN PA'I BYA BA BYED PA LA SOGS PA DAG THA SNYAD BAS KHAS BLANGS PA'I PHYIR DANG, DON DAM PAR RGYUS 'BRAS BU YOD PA DANG MED PA BYED PA BSAL BA'I PHYIR SKYON MED DO ZHES BYA BA SMRAS TE, BDEN PA GNYI GAR MI 'GAL BAS SKYON MED DO, ,THAMS CAD 'BYUNG BA MED PA'I PHYIR ZHES BYA BA DE YANG 'DIR GLAGS YOD PA'I TSIG YIN PA'I RGYU LA 'BRAS BU SNGA NA YOD PA KHO NA YIN TE, 'GA' ZHIG 'BYUNG BA'I PHYIR RO ZHES NYE BAR SBYOR BSAm GTAN TSIGS MNGON PA'I PHYIR THA SNYAD DU YANG DPE MED DO ZHES BYA BA NI 'GREL PA BYED PA NYID KYIS SNGAR GRANGS CAN DAG GI THAMS CAD 'BYUNG BA MED PA'I PHYIR 'BRAS BU SNGA NA YOD PA KHO NA YIN NO ZHES GZHUNG GZUGS PA DE GLAGS YOD PA'I TSIG YIN PAS MI RUNG BAR SUN DBYUNG BA YIN TE, DE CI LTAR GLAGS YOD PA'I TSIG YIN ZHE NA, GRANGS CAN DAG GI RGYU LA 'BRAS BU SNGA NA YOD PA KHO NA YIN TE, THAMS CAD 'BYUNG BA MED PA'I PHYIR RO ZHES BYA BA DE LAS BZLOG NA RGYU LA 'BRAS BU SNGA NA YOD PA KHO NA YIN TE, 'GA' ZHIG 'BYUNG BA'I PHYIR RO ZHES NYE BAR SBYAR BA'I SBYOR BA BYA DGOS PAS DE LTAR THAMS CAD 'BYUNG BA MED PA'I PHYIR ZHES BYA BA LAS BZLOG NA 'GA' ZHIG 'BYUNG BA'I PHYIR ZHES BYA BA DE GTAN TSIGS YIN PAR MNGON NO, ,DE LTAR MNGON NA SKYON CIR 'GYUR ZHE NA, DE'I PHYIR DON DAM PAR RGYU'I 'BRAS BU YOD PA DANG GTAN TSIGS DE'I DON MA GRUB PA NYID KYI SKYON DU 'GYUR BA LTA PHAR ZHOG GI RE ZHIG THA SNYAD DU YANG DE LA DPE MED PA NYID KYI SKYON DU YANG 'GYUR TE, RGYU LA 'BRAS BU SNGA NA YOD PA KHO NA YIN TE, 'GA' ZHIG 'BYUNG BA'I PHYIR DPER NA CHE GE MO ZHIG BZHIN NO ZHES BYA BA MED PA'I PHYIR RO, ,'DIR PHA ROL PO DAG NA RE DE LTAR KHO BO CAG RGYU LA 'BRAS BU SNGA NA YOD PAR SMRA BA'I GTAN TSIGS THAMS CAD 'BYUNG BA MED PA'I PHYIR ZHES BYA BA DE GLAGS YOD PA'I TSIG YIN PA'I PHYIR MI RUNG NA KHYED RGYU LA 'BRAS BU SNGA NA MED PAR SMRA BA RNAMS KYIS DAM BCAS PA LA YANG DE MI RUNG BA'I SKYON YOD PA YIN TE, MED PA LA 'GA' YANG 'BYUNG BA MED PA'I PHYIR RO ZHES ZER BA'I PHYOGS SNGA MA @177B KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DAM BCAS PA LA SKYON YOD PA YANG MA YIN TE, RJES SU 'GRO BA MED PA'I PHYIR RO ZHES BYA BA SMRAS TE, KHO BOS SNGAR DON DAM PAR RGYUS 'BRAS BU YOD PA DANG MED PA BYED PA BSAL BA'I PHYIR SKYON MED DO ZHES BSHAD ZIN PAS DE LA DON DAM PAR RGYUS 'DRAS BU SNGA NA YOD PA BSAL BAR BYED DO ZHES BYA BAR RJES SU 'GRO BA'I DPE KHYOD LA MED PA'I PHYIR KHO BO CAG GI DAM BCAS PA LA SKYON MED DO, ,'DIS RGYU LEN PA'I PHYIR ZHES BYA BA LA SOGS PA'I GTAN TSIGS DAG GI LAN DAG KYANG BTAB PA YIN NO ZHES BYA BA NI THAMS CAD 'BYUNG BA MED PA'I PHYIR ZHES BYA BA'I GTAN TSIGS MI 'THAD PAR BSAL BA 'DIS RGYU LEN PA'I PHYIR ZHES BYA BA DANG, NUS PAS NUS PA CAN BYED PA'I PHYIR ZHES BYA BA DANG, RGYU YOD PA'I PHYIR ZHES BYA BA'I GTAN TSIGS DAG GI LAN KYANG CI RIGS PAR BTAB PA YIN NO, ,MAR ME BUM PA DMIGS PAR BYA BA'I PHYIR LEN PA DE LA YANG DE'I BSAL BA DMIGS SU MED PAS RANG GI GTAN TSIGS RGYU LEN PA'I PHYIR ZHES BYA BA MA NGES PA NYID DO ZHES BYA BAS NI, SNGAR GRANGS CAN DAG GI RGYU LA 'BRAS BU SNGA NA YOD PAR GZHUNG GZUGS PA'I GTAN TSIGS RGYU LEN PA'I PHYIR ZHES BYA BA DE MA NGES PA NYID DU STON TE, CI LTAR ZHE NA, DPER NA MAR ME BUM PA MUN KHROD NA 'DUG PA DMIGS PAR BYA BA'I RGYUR LAN KYANG, MAR ME DE LA BUM PA DE'I BSAL BA DMIGS PA SNGA NA MED PAS, DES NA CI RE ZHIG BUM PA DMIGS PAR BYA BA'I RGYU MAR ME LEN PA DE LA BUM PA'I BSAL BA DMIGS PA SNGA NA MED PA BZHIN DU RGYU LA 'BRAS BU SNGA NA MED PAR 'GYUR RAM, 'ON TE BUM PA DMIGS PAR BYA BA'I RGYUR 'JIM PA LEN PA DE LA BUM PA'I BSAL BA DMIGS PA YOD PAR 'GYUR BA MA NGES PAS, DE'I PHYIR GRANGS CAN DAG RANG GIS GTAN TSIGS RGYU LEN PA'I PHYIR ZHES BYA BA DAM NGES PA NYID YIN PAS MI RUNG NGO, ,GRANGS CAN DAG LAS GANG DAG RGYU LA 'BRAS BU SNGA NA YOD PA MA YIN MONG KYI CHA PHRA BA'I PHYIR RAM, ZIN GYIS NON PA'I PHYIR MI DMIGS SO ZHES ZER BA DE DAG LA YANG RAGS PA NYID DANG, ZIL GYIS MA NON PA NYID SNGA NA MED PA LAS PHYIS YOD PA'I PHYIR 'BRAS BU SNGA NA YOD PA MA YIN PAS PHYOGS SNGA MA LA GNOD DE ZHES BYA BAS NI, GRANGS CAN DAG NA RE RGYU LA 'BRAS BU SNGA NA YOD PA YIN MOD KYI 'BRAS BU CHA PHRA BA'I PHYIR DPER NA DU BA DANG RDUL DANG, KHUG RNA LA SOGS @178A *, ,PA BAR SNANG LA YIN PA DE NA YOD KYANG CHA PHRA BA'I PHYIR MI DMIGS PA DANG, 'BRAS BU ZIL GYIS NON PA'I PHYIR DPER NA SKAR MA DANG ZLA BA'I 'OD LA SOGS PA NYI MAS ZIL GYIS NON PA DE NA YOD KYANG ZIL GYIS NON PA'I PHYIR MI DMIGS PA BZHIN NO ZHES ZER BA DE DAG LA YANG CHA PHRA BA DANG ZIL GYIS NON PA'I GNAS SKABS NA, RAGS PA NYID DANG ZIL GYIS MA NON BA NYID SNGA NA MED PA LAS PHYIS YOD PAR GYUR PA'I PHYIR 'BRAS BU RAGS PA NYID DANG, ZIL GYIS MA NON PA NYID SNGA NA YOD PA MA YIN PAS DES NA GRANGS CAN DAG GIS PHYOGS SNGA MA LAS RGYU LA 'BRAS BU SNGA NA YOD DO ZHES DAM BCAS PA LA GNOD PAS MI RUNG NGO, ,RGYU LA 'BRAS BU SNGA NA YOD PA YIN MOD KYI ME DMIGS PA'I GTAN TSIGS NI GRANGS CAN DAG GI GZHUNG LAS, HA CANG RING PHYIR NYE PHYIR DANG, ,DBANG PO NYAMS PHYIR YID MED PHYIR, ,CHA PHRA PHYIR DANG BSGRIBS PHYIR DANG, ,ZIL GNON PHYIR DANG 'DRES PHYIR RO, ,ZHES 'BYUNG ZHES KYANG GRAG GO, ,CHA PHRA BA YOD PAR BSAMS PA GANG YIN PA DI RAGS PAR MTHONG NGO ZHES ZER BA DAG GI DAM BCAS PA LA YANG RAGS PA NYID DU YOD PAR RJES SU DPOG PAS CHA PHRA BAR YOD PA NYID BSAL BA'I PHYIR CHOS KYI NGO BO NYID LAS LOG PA'I SKYON YOD DO ZHES BYA BAS NI GRANGS CAN DAG NA RE 'BRAS BU RGYU'I GNAS SKABS NA CHA PHRA BA NYID DU YOD PA GANG YIN PA DE PHYIS 'BRAS BU'I GNAS SKABS SU, RAGS PA NYID DU MTHONG BAR 'GYUR TE, CHA PHRA PHYIR NI DE MI DMIGS, ,MED PHYIR MA YIN 'BRAS LAS DMIGS, ,ZHES ZER BA DE DAG GI DAM BCAS PA DE LA YANG PHYIS 'BRAS BU'I GNAS SKABS SU RAGS PA NYID DU YOD PAR RJES SU DPOG PAS RGYU'I GNAS SKABS NA CHA PHRA BA NYID DU YOD PAR 'DOD PA NYID BSAL BA'I PHYIR RGYU'I GNAS SKABS NA 'BRAS BU'I CHOS KYI NGO BO NYID CHA PHRA BA NYID DU YOD PAR 'DOD PA LAS LOG PA'I SKYON YOD PAS MI RUNG STE, DE YANG 'DI LTAR RJES SU DPAG STE, DPER NA 'BRAS BU 'BRAS BU'I GNAS SKABS NA RAGS PA NYID DU YOD PA DE YOD PA NYID YIN PA'I PHYIR CHA PHRA BA NYID DU YOD PA MA YIN PA DE BZHIN DU 'BRAS BU RGYU'I GNAS SKABS NA CHA PHRA BA NYID DU YOD PA DE YANG YOD PA NYID YIN PA'I PHYIR CHA PHRA BA NYID DU YOD PA MA YIN PAS, DES NA RGYU LA 'BRAS BU CHA PHRA BA NYID DU YOD PAR BSAMS PA GANG YIN PA DE YOD PAR MA GRUB PO, ,BYE BRAG TU SMRA BA DAG GI DAM BCAS PA'I PHYOGS @178B LA YANG YOD PA GANG YIN PA DE NI DA LTAR YIN PAS DA LTAR NYID YOD PAR RJES SU DPOG PAS 'BRAS BU 'DAS PA DANG MA 'ONGS PA NYID KYI KHYAD PAR BSAL BA'I PHYIR CHOS CAN GYI KHYAD PAR BSAL BA'I SKYON YOD DO ZHES BYA BAS NI NYAN THOS BYE BRAG TU SMRA BA DAG GIS 'DAS PA DANG MA 'ONGS PA'I DUS GNYIS KYANG DA LTAR BZHIN DU YOD PAR DAM BCAS PA'I PHYOGS LA YANG YOD PA GANG YIN PA DE NI DA LTAR NYID YIN PAS DES 'BRAS BU 'DAS PA DANG MA 'ONGS PA ZHIG NAS MED PA DANG, SNGA NA MED PA DE GNYIS DA LTAR BZHIN DU YOD PA NYID DU KHAS BLANGS PA'I KHYAD PAR BSAL BA'I PHYIR DE GNYIS DA LTAR NYID BZHIN DU YOD PAR DAM BCAS PA'I CHOS CAN GYI KHYAD PAR BSAL BA'I SKYON YOD PAS MI RUNG STE, DES NA 'DAS PA DANG MA 'ONGS PA GNYIS DA LTAR BZHIN DU YOD PAR MA GRUB PO, ,GANG DAG RGYU NI 'BRAS BU BYED PA NYID MA YIN GYI 'DI LTAR BSAL BAR BYED DO ZHES ZER BA DE DAG LA YANG 'DI SKAD CES GANG GIS CI ZHIG BZHIN DU BSAL BAR BYED CES BRGAL ZHING BRTAG PA'O ZHES BYA BAS NI GRANGS CAN DAG LAS GANG DAG RGYU NI 'BRAS BU SDON MA BYUNG BA BYED PA MA YIN GYI, 'BRAS BU RGYU LA NUS PA'I TSUL DU SNGA NA YOD PA BSAL BAR BYED PA YIN NO ZHES ZER BA DE DAG LA RGYUS 'BRAS BU BSAL BAR BYED PA DE RKYEN GANG GI DNGOS PO CI ZHIG BSAL BAR BYED PA BZHIN DU BSAL BAR BYED CES BRGAL ZHING BRTAG PA STON TO, ,GAL TE MAR MES BUM PA YOD PAR GYUR BA BSAL BAR BYED PA BZHIN DU'O ZHE NA ZHES BYA BAS NI GAL TE DE SKAD CES ZER NA'O, ,PHYOGS DE'I LAN NI SKYE BA MED PA'I RAB TU BYED PAR DON DAM PAR MAR ME NI BUM PA BSAL BAR BYED PA MA YIN TE, MIG GI YUL YIN PA'I PHYIR DANG, THOGS PA DANG BCAS PA'I PHYIR DANG, GZUGS CAN YIN PA'I PHYIR DANG, REG PA YIN PA'I PHYIR DANG BRJOD PAR BYA BA YIN PA'I PHYIR ZHES BYA BA LA SOGS PA GTAN TSIGS DAG GI PHYIR DPER NA BONG BA BZHIN NO ZHES RJES SU DPAG PA DAG GIS LAN BTAB ZIN TO ZHES BYA BA NI, SNGAR RKYEN BRTAG PA'I SKABS LTAG 'OG DAG TU RJES SU DPAG PA DAG GIS DE SKAD BSTAN ZIN TO,, ,,BAM PO BZHI BCU GSUM PA, GRANGS CAN DAG LAS GANG DAG MKHAS PAR RLOM PA DAG 'DI SKAD CES ZER TE, 'BRAS BU MA SKYES PA DANG ZHIG PA DAG KYANG NUS PA'I BDAG NYID DU YOD PAS DE'I PHYIR 'BRAS BU SNGA NA YOD PA ZHES @179A *, ,BYA'I, GSAL BA'I BDAG NYID DU YOD PA NI MA YIN NO ZHES BYA BA LA SOGS PAS NI GRANGS CAN DAG RGYU LA 'BRAS BU SNGA NA YOD PAR GZHUNG 'DZUGS PA'I SKABS STON TE, 'DIR DE DAG NA RE 'BRAS BU MA 'ONGS PA MA SKYES PA DANG 'DAS PA ZHIG PA DAG KYANG NUS PA'I BDAG NYID DU YOD PAS DE'I PHYIR 'BRAS BU SNGA NA YOD PA ZHES BYA'I, GSAL BA'I BDAG NYID DU YOD PA NI MA YIN NO ZHES ZER RO, ,RGYUS 'BRAS BU BYED DO ZHES BYA BA YANG BYED DO ZHES BYA BA LA DON DU MA YOD PA'I PHYIR SGRA DE'I DON NI RGYU 'BRAS BU'I NGO BO NYID DU 'GYUR BA YIN PAR RNAM PAR BSHAD DO ZHES BYA BAS NI GRANGS CAN DAG NA RE RGYUS 'BRAS BU SKYED PAR BYED DO ZHES BYA BA YANG BYED DO ZHES BYA BA'I SGRA NI MED PA GDONG BYED PA DANG, YOD PA YANG KHYAD PAR DU BYED PA DANG, RGYU'I DNGOS PO DE NYID KYIS RANG GI NGO BO NYID SPANGS NAS 'BRAS BU'I NGO BO NYID DU GZHAN DU 'GYUR BAR BYED PA LA SOGS PA DON DU MA DAG LA 'JUG STE, SKABS 'DIR NI RGYU'I DNGOS PO DE NYID KYIS RANG GI NGO BO NYID SPANGS NAS 'BRAS BU'I NGO BO NYID DU GZHAN DU 'GYUR BAR BYED PA YIN PAS, SGRA DE'I DON NI RGYU 'BRAS BU'I NGO BO NYID DU 'GYUR BA YIN PAR RNAM PAR BSHAD DO ZHES ZER RO, ,CI STE 'BRAS BU MA SKYES PA DANG, ZHIG PA DAG YOD PAR CI LTAR SHES PAR BYA ZHE NA ZHES BYA BA NI GRANGS CAN DAG GIS, SANGS RGYAS PA DAG GI DOGS PA BSU BA'I TSIG YIN TE, CI STE KHYED SANGS RGYAS PA DAG NA RE 'BRAS BU MA 'ONGS PA MA SKYES PA DANG 'DAS PA ZHIG PA DAG YOD PAR CI LTAR SHES PAR BYA ZHES ZER NA'O, ,DE'I LAN DU KHO BO CAG GIS KYANG TSIG TZAM GYIS 'DAS PA DANG MA 'ONGS PA DAG YOD PAR MI 'GRUB KYI TSAD MAS BSGRUB DGOS PAS DE'I PHYIR, 'BRAS BU SNGA NA MED PA DANG BZHIG NAS MED PA DAG NI YOD PA KHO NAR SHES PAR BYA STE DUS KYIS BSDUS PA'I PHYIR DANG ZHES BSTAN PA'I PHYIR, DPER NA DA LTAR GYI 'BRAS BU BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR GYI 'BRAS BU NI DA LTAR GYI DUS KYIS BSDUS PA'I PHYIR DANG, DA LTAR GYI ZHES BSTAN PA'I PHYIR YOD PA KHO NAR SHES PAR BYA BA DE BZHIN DU 'BRAS BU SNGA NA MED PA MA 'ONGS PA ZHES BYA BA DANG ZHIG NAS MED PA 'DAS PA ZHES BYA BA DAG KYANG 'DAS PA'I DUS KYIS BSDUS PA DANG, @179B MA 'ONGS PA'I DUS KYIS BSDUS PA'I PHYIR DANG, 'DAS PA'I ZHES BSTAN PA DANG, MA 'ONGS PA'I ZHES BSTAN PA'I PHYIR YOD PA KHO NAR SHES PAR BYA'O, ,GAL TE 'BRAS BU SKYES PA'I DUS NA RGYU CI LTAR MA ZHIG CAN ZHES BYA BA YANG GRANGS CAN DAG GIS, SANGS RGYAS PA DAG GI DOGS PA BSU BA'I TSIG YIN TE, KHO BO CAG GI RGYU 'BRAS BU'I NGO BO NYID DU 'GYUR PA YIN PAR RNAM PAR BSHAD PA DE LA GAL TE, KHYED SANGS RGYAS PA DAG NA RE 'BRAS BU SKYE BA'I DUS NA RGYU CI LTAR MA ZHIG PAR YOD CES ZER NA'O, ,DE'I LAN DU KHO BO CAG GIS KYANG TSIG TZAM GYIS DE MI 'GRUB KYI TSAD MAS BSGRUB DGOS PAS DE'I PHYIR RGYU NI 'BRAS BU SKYE BA'I DUS NA MA ZHIG PA KHO NA YIN TE, NGES PAR SKYE BA'I PHYIR 'BRAS BU'I BDAG NYID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS BU'I BDAG NYID NI RGYU LAS NGES PAR GDON MI ZA BA KHO NAR SKYE BA'I PHYIR 'BRAS BU NYID SKYE BA'I DUS NA 'BRAS BU NYID MA ZHIG PA KHO NA YIN PA DE BZHIN DU RGYU'I BDAG NYID KYANG 'BRAS BU'I NGO BO NYID DU NGES PAR GDON MI ZA BA KHO NAR SKYE BA'I PHYIR 'BRAS BU SKYE BA'I DUS NA RGYU MA ZHIG PA KHO NA YIN NO, ,DE BZHIN DU SHES PA LA LOG PA DANG MA LOG PA DANG THE TSOM CAN GYI RGYU YIN PA'I PHYIR DANG, GZHAN GYI DON NYID YIN PA'I PHYIR DANG, SHES PA YOD PA NYID MA YIN PA'I PHYIR ZHES BYA BA LA SOGS PA'I GTAN TSIGS DAG GIS KYANG SHES PAR BYA'O ZHES BYA BA NI GRANGS CAN DAG NA RE 'BRAS BU SKYE BA'I DUS NA RGYU MA ZHIG PA KHO NA YIN PA'I GTAN TSIGS NGES PAR SKYE BA'I PHYIR ZHES BYA BA NI MTSAN NYID KYI SGRA'I TSUL NYE BAR BZUNG BA'I PHYIR MTSON PA TZAM DU ZAD KYI, DE BZHIN DU RGYU NI 'BRAS BU SKYE BA'I DUS NA MA ZHIG PA KHO NA YIN TE, SHES PA LOG PA'I RGYU YIN PA'I PHYIR DANG SHES PA MA LOG PA'I RGYU YIN PA'I PHYIR DANG, SHES PA THE TSOM CAN GYI RGYU YIN PA'I PHYIR DANG, GZHAN GYI DON NYID YIN PA'I PHYIR DANG, SHES PA YOD PA NYID MA YIN PA'I PHYIR 'BRAS BU'I BDAG NYID BZHIN NO ZHES KYANG BRJOD PAR BYA'O ZHES ZER RO, YANG NA RGYU 'O MA ZHES BYA BA'I SKAD CIG MA LAS 'BRAS BU ZHO ZHES BYA BA'I SKAD CIG MA GZHAN NYID MA YIN TE, BA LAS BYUNG BA'I PHYIR DPER NA ZHO'I BDAG NYID GZHIN ZHES BYA BA NI GRANGS CAN DAG RGYU LAS @180A *, ,'BRAS BU GZHAN NYID MA YIN PAR SGRUB PA'I TSAD MA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS BU ZHO'I BDAG NYID NI PA LAS BYUNG BA'I PHYIR ZHO'I BDAG NYID LAS GZHAN NYID MA YIN PA DE BZHIN DU RGYU 'O MA ZHES BYA'I SKAD CIG MA YANG PA LAS BYUNG BA'I PHYIR DE LAS 'BRAS BU ZHO ZHES BYA BA'I SKAD CIG MA GZHAN NYID MA YIN NO, ,YANG NA 'DAS PA'I MIG GI RNAM PAR SHES PA'I SKAD CIG MA LAS DA LTAR GYI MIG GI RNAM PAR SHES PA'I SKAD CIG MA GZHAN NYID MA YIN TE, MIG GI RNAM PAR SHES PA YIN PA'I PHYIR DA LTAR GYI MIG GI RNAM PAR SHES PA'I SKAD CIG MA BZHIN NO ZHES BYA BA NI SNGAR 'O MA DANG ZHO PHYOGS SU BYAS PAS PHYI ROL GYI DNGOS PO'I RGYU LAS 'BRAS BU GZHAN NYID MA YIN PAR BSGRUBS PA BRNAN PA'I PHYIR 'DIR 'DAS PA DANG DA LTAR GYI RNAM PAR SHES PA PHYOGS SU BYAS TE, NANG GI DNGOS PO'I RGYU LAS 'BRAS BU GZHAN NYID MA YIN PAR BSGRUB PA'I TSAD MA BSTAN PA YIN TE, TSIG GI DON NI SNGA MA BZHIN NO, ,GAL TE RGYU THA DAD PA'I MIG GI RNAM PAR SHES PA LA SOGS PA DAG GIS MA NGES PA NYID DO ZHE NA ZHES BYA BA NI GRANGS CAN DAG GIS, SANGS RGYAS PA'I DOGS PA BSU BA'I TSIG YIN TE, GAL TE KHYED SANGS RGYAS PA DAG NA RE CI RE ZHIG MIG GI RNAM PAR SHES PA YIN PA'I PHYIR RGYUD THA MI DAD PA'I 'DAS PA'I MIG GI RNAM PAR SHES PA'I SKAD CIG MA LAS DA LTAR GYI MIG GI RNAM PAR SHES PA'I SKAD CIG MA GZHAN NYID MA YIN PAR LTA BUR 'GYUR RAM, 'ON TE MIG GI RNAM PAR SHES PA YIN PA'I PHYIR RGYUD THA DAD PA'I 'DAS PA'I TSIG GI RNAM PAR SHES PA'I SKAD CIG MA LAS DA LTAR GYI MIG GI RNAM PAR SHES PA'I SKAD CIG MA GZHAN NYID YIN PA LTA BUR 'GYUR BA MA NGES PAS, DES NA GRANGS CAN DAG GI GTAN TSIGS MIG GI RNAM PAR SHES PA YIN PA'I PHYIR ZHES BYA BA DE'I DON MA NGES PA NYID DO ZHES ZER NA'O, ,DE SKAD CES ZER NA DE'I LAN DU KHO BO CAG GRANGS CAN DAG KYANG 'DI SKAD CES, DE DAG KYANG PHYOGS KYI KHONGS SU GTOGS PA NYID YIN PA'I PHYIR SKYON MED DO ZHES BYA BA SMRAS TE, RGYUD THA DAD PA'I MIG GI RNAM PAR SHES PA LA SOGS PA DE DAG KYANG KHO BO CAG GI PHYOGS GZHAN NYI MA YIN PA ZHES BYA BA'I KHONGS SU GTOGS PA NYID YIN PA'I PHYIR KHO BO CAG GI GTAN @180B TSIGS MA NGES PA NYID KYI SKYON MED DO, 'DI LTAR SNYING STOBS DANG RNGUL DANG MUN PA DAG NI BRTAG PA DANG THAMS CAD DU SONG BA'I PHYIR THAMS CAD KYANG THAMS CAD KYI BDAG NYID YIN PAS RGYUD THA DAD PA MED PA'I PHYIR RO, ,DE SKAD CES ZER BA DE'I LAN DU 'DI MAN CHAD 'GREL PA BYED PA NYID KYIS PHYOGS SNGA MA'I GZHUNG SUN 'BYIN BSTON TE, DE LA RE ZHIG SNGAR GRANGS CAN DAG GIS RGYU NI 'BRAS BU SKYE BA'I DUS NA MA ZHIG PA KHO NA YIN TE, DES PAR SKYE BA'I PHYIR 'BRAS BU'I BDAG NYID BZHIN NO ZHES GANG SMRAS PA DE SUN DBYUNG BA'I PHYIR 'DIR YANG 'DAS PA'I RGYU PHYOGS SU BYED NA NI GZHI MA GRUB PA LA SOGS PA'I SKYON YOD DO ZHES BYA BA SMRAS TE, 'DI NA 'BRAS BU SKYES PAS RGYU ZHES THA SNYAD GDAGS PA YIN LA, 'BRAS BU SKYES PA DE'I TSE NA RGYU 'DAS PA YIN PAS 'DAS PA'I RGYUS TE, 'BRAS BU SKYE BA'I DUS NA MA ZHIG PA KHO NA YIN TE ZHES PHYOGS SU BYED NA NI GTAN TSIGS KYI GZHI MA GRUB PA'I SKYON YOD DE, RGYU 'DAS PA DE NI ZHIG NAS MED PA YIN PAS KHYOD KYIS DE MA ZHIG PAR BSGRUB PA'I GTAN TSIGS NGES PAR SKYE BA'I PHYIR ZHES GANG SMRAS PA DE'I MA GRUB PA'I SKYON YOD PAS MI RUNG NGO, ,DA LTAR GYI RGYU PHYOGS SU BYED NA NI DPE MED DE, DE'I 'BRAS BU MA GRUB PA'I PHYIR RO ZHES BYA BA NI CI STE 'BRAS BU MA SKYES BA'I TSE NA RGYU MA 'DAS PA DA LTAR YOD PA DE 'BRAS BU SKYE BA'I DUS NA MA ZHIG PA KHO NA YIN TE ZHES PHYOGS SU BYED NA NI DPE MA GRUB PA'I SKYON YOD DE, DA LTAR GYI RGYU DE YOD PA'I DUS NA DE'I 'BRAS BU MA GRUB PA'I PHYIR KHYOD KYI DE MA ZHIG PAR BSGRUB PA'I DPE 'BRAS BU'I BDAG NYID BZHIN NO ZHES GANG SMRAS PA DE MA GRUB PA'I SKYON YOD PAS MI RUNG NGO, ,'BRAS BU GZHAN MA YIN PA GANG YIN PA DE YANG DE'I RGYU MA YIN TE, GZHAN MA YIN PA'I PHYIR RANG GI BDAG NYID BZHIN PAS GZHAN MA YIN PA NYID DU RJES SU DPOG PA'I DAM BCAS PA LA RGYU RGYU MA YIN PA NYID KYIS DE'I RGYU NYID BSAL BA'I PHYIR CHOS CAN GYI NGO BO NYID BSAL BA'I SKYON YOD DO ZHES BYA BAS NI SNGAR GRANGS CAN DAG GIS, YANG NA RGYU 'O MA ZHES BYA BA'I SKAD CIG MA LAS 'BRAS BU ZHO ZHES BYA BA'I SKAD CIG MA GZHAN NYID MA YIN TE, BA LAS BYUNG BA'I PHYIR DPER NA ZHO'I BDAG NYID BZHIN NO, ,YAN NA 'DAS PA'I MIG GI RNAM PAR SHES PA'I SKAD CIG MA LAS DA LTAR GYI MIG GI RNAM PAR SHES PA'I SKAD CIG MA GZHAN NYID MA YIN @181A *, ,TE, MIG GI RNAM PAR SHES PA YIN PA'I PHYIR DA LTAR GYI MIG GI RNAM PAR SHES PA'I SKAD CIG MA BZHIN NO ZHES GANG SMRAS PA DE SUN 'BYIN PAR BYED DE, KHYED RGYU LAS 'BRAS BU GZHAN NYID MA YIN PAR 'DOD PA DES NA SA BON DE YANG MYU GU DE'I RGYU MA YIN TE, GZHAN MA YIN PA'I DPER NA MYU GU'I RANG GI BDAG NYID BZHIN DU 'GYUR BAS, DES NA KHYED RGYU LAS 'BRAS BU GZHAN MA YIN PA NYID RJES SU DPOG PA'I DAM BCAS PA LA RGYU DANG 'BRAS BU GZHAN MA YIN PAR GYUR PAS, RGYU GANG YIN PA DE 'BRAS BU'I RGYU MA YIN PA NYID KYIS DE'I RGYU NYID BSAL BA'I PHYIR GZHAN NYID MA YIN PAR BSGRUB PA'I CHOS CAN RGYU DANG 'BRAS BU ZHES BYA BA'I NGO BO NYID BSAL BA'I SKYON YOD PAS MI RUNG NGO, ,MA ZHIG PA ZHES BYA BA'I DON KYANG GANG YIN ZHES BYA BA NI KHYED GRANGS CAN DAG GI RGYU NI 'BRAS BU SKYE BA'I DUS NA MA ZHIG PA KHO NA YIN TE ZHES GANG SMRAS PA DE'I DON KYANG GANG YIN ZHES DRI BA'I TSIG YIN NO, ,GAL TE RANG BZHIN GYIS BAG LA ZHA PA'O ZHE NA NI DPE MED DO ZHES BYA BA NI GAL TE GRANGS CAN DAG NA RE, 'BRAS BU SKYE BA'I DUS NA RGYU MA ZHIG PA ZHES BYA BA NI DE'I DUS NA RGYU DE SNYING STOBS DANG RDUL DANG MUN PA ZHES BYA BA'I YON TAN CHA MNYAM PA'I RANG BZHIN GYIS BAG LA ZHA ZHING 'DUG GI MED PAR GYUR PA MA YIN PAS MA ZHIG PA YIN NO ZHE NA, DA LTA NA RGYU DE 'BRAS BU SKYE BA'I DUS NA RANG BZHIN GYIS BAG LA ZHA ZHING 'DUG GI ZHIG PA MA YIN TE, DPER NA CHE GE MO ZHIG BZHIN NO ZHES BYA BA'I DPE MED PAS MI RUNG NGO, ,GAL TE MI GSAL BA'O ZHE NA YANG SKYON DE NYID DO ZHES BYA BA NI GAL TE GRANGS CAN DAG NA RE 'BRAS BU SKYE BA'I DUS NA RGYU MA ZHIG PA ZHES BYA BA DE MI GSAL BA YIN NO ZHE NA YANG DPE MED PA'I SKYON DE NYID DU 'GYUR TE, MI GSAL BA NI BAG LA ZHA BA YIN LA, GSAL BA NI BAG LA MA ZHA BA YIN TE, DPER NA CHE GE MO ZHIG BZHIN NO ZHES BYA BA'I DPE MED PA'I PHYIR DE YANG MI RUNG NGO, ,ZHIG PA DANG SNGA NA MED PA DAG YOD PAR RTOG PA LA NI DPE MED PA DANG KHAS BLANGS PA LA GNOD PAR 'GYUR RO ZHES BYA BAS NI SNGAR GRANGS CAN DAG GIS 'BRAS BU SNGA NA MED PA DANG ZHIG NAS MED PA DAG NI YOD PA KHO NAR SHES PAR BYA STE, DUS KYIS BSDUS PA'I PHYIR DANG, 'I ZHES BSTAN PA'I PHYIR DPER NA DA LTAR GYI 'BRAS BU BZHIN NO ZHES GANG SMRAS PA DE SUN 'BYIN PAR BYED DE, ZHIG NAS MED PA DANG SNGA NA MED PA YIN NA DE GNYIS DA LTAR GYI @181B 'BRAS BU MA YIN PAS, KHYED KYI DPE DA LTAR GYI 'BRAS BU BZHIN NO ZHES BYA BA MED PAS MI RUNG BA DANG GZHAN YANG ZHIG NAS MED PA DANG SNGA NA MED PA ZHES SNGAR KHAS BLANGS LA DA NI DE GNYIS YOD PA KHO NAR SHES PAR BYA STE ZHES ZER BA NI RANG GI KHAS BLANGS PAS GNOD PAS MI RUNG NGO, ,GAL TE DA LTAR YIN NO ZHES, DA LTAR NYID DU RJES SU DPOG PA'I DAM BCAS PA LA RGYU MA YIN PA NYID KYIS RGYU NYID BSAL BA'I PHYIR CHOS CAN GYI NGO BO NYID BSAL BA'I SKYON YOD DO ZHES BYA BA NI GAL TE GRANGS CAN DAG NA RE 'BRAS BU SKYE BA'I DUS NA RGYU MA ZHIG PA'I DPE NI DA LTAR YIN TE, DPER NA DA LTAR GYI 'BRAS BU MA ZHIG PAR YOD PA DE BZHIN DU 'BRAS BU SKYE BA'I DUS NA RGYU MA ZHIG PA KHO NAR YOD DO ZHES ZER NA, DE LTA NA GRANGS CAN DAG RGYU DANG 'BRAS BU GZHAN MA YIN PA NYID DU SMRA BA RGYU MA ZHIG PA DA LTAR NYID YIN PAR RJES SU DPOG PA'I DAM BCAS PA LA DA LTAR NI 'BRAS BU'I BDAG NYID YIN PAS RGYU MA YIN PA NYID KYIS RGYU NYID RGYU MA YIN PAR BSAL BA'I PHYIR 'BRAS BU SKYE BA'I DUS NA RGYU MA ZHIG PA KHO NA YIN TE ZHES SGRUB PA'I CHOS CAN RGYU ZHES BYA BA'I NGO BO NYID BSAL BA'I SKYON YOD PAS MI RUNG NGO, ,DA LTAR GYI 'BRAS BU YANG RDZAS SU YOD PA NYID DU MI 'GRUB STE MA SKYES PA'I PHYIR RO, ,DE YOD PA NYID DU MA GRUB PA'I PHYIR DPE MED DO ZHES BYA BAS NI SNGAR GRANGS CAN DAG GIS 'BRAS BU SNGA NA MED PA DANG ZHIG NAS MED PA DAG NI YOD PA KHO NAR SHES PAR BYA STE, DUS KYIS BSDUS PA'I PHYIR DANG, 'I ZHES BSTAN PA'I PHYIR DPER NA DA LTAR GYI 'BRAS BU BZHIN NO ZHES GANG SMRAS PA'I DPE DA LTAR GYI 'BRAS BU BZHIN NO ZHES BYA BA DE RDZAS SU YOD PAR MI 'GRUB PAR, ,SUN 'BYIN PAR STON TE DA LTAR GYI 'BRAS BU YANG MA SKYES PA'I PHYIR RDZAS SU YOD PA NYID DU MI 'GRUB PA'I PHYIR PHA ROL PO DAG GI DPE DA LTAR GYI 'BRAS BU BZHIN NO ZHES BYA BA DE MED PAS MI RUNG NGO, ,'DIS DUS KYIS BSDUS PA'I PHYIR ZHES BYA BA LA SOGS PA GTAN TSIGS GNYIS LA YANG SKYON GYIS LEN BTAB PA YIN NO ZHES BYA BA NI DA LTAR GYI 'BRAS BU RDZAS SU YOD PA NYID DU MA GRUB PA 'DIS, SNGAR GRANGS CAN DAG GIS 'BRAS BU SNGA NA MED PA DANG ZHIG NAS MED PA DAG NI YOD PA KHO NAR SHES PAR BYA STE, DUS KYIS BSDUS PA'I PHYIR DANG, 'I ZHES BSTAN PA'I PHYIR ZHES GANG SMRAS PA'I GTAN TSIGS DE GNYIS LA YANG DA LTAR GYI 'BRAS BU RDZAS SU YOD @182A *, ,PAR MA GRUB PAS DA LTAR GYI DUS KYIS BSDUS PA'I PHYIR ZHES BYA BA YANG MI 'GRUB LA DA LTAR GYI ZHES BSTAN PA'I PHYIR ZHES BYA BA YANG MI 'GRUB PAR GTAN TSIGS KYI SKYON GYIS LAN BTAB PA YIN NO, ,DE BZHIN DU GZHAN NYID KYI PHYOGS LA YANG CI RIGS PAR BRJOD PAR BYA'O ZHES BYA BA NI SNGAR GRANGS CAN DAG GIS RGYU 'O MA ZHES BYA BA'I SKAD CIG MA LAS 'BRAS BU ZHO ZHES BYA BA'I SKAD CIG MA GZHAN NYID MA YIN TE, BA LAS BYUNG BA'I PHYIR DPER NA ZHO'I BDAG NYID BZHIN NO, ,YANG NA 'DAS PA'I MIG GI RNAM PAR SHES PA'I SKAD CIG MA LAS DA LTAR GYI MIG GI RNAM PAR SHES PA'I SKAD CIG MA GZHAN PA NYID MA YIN TE, MIG GI RNAM PAR SHES PA YIN PA'I PHYIR DA LTAR GYI MIG GI RNAM PAR SHES PA'I SKAD CIG MA BZHIN NO ZHES GANG SMRAS PA DE SUN DBYUNG BA'I LAN DU, DBU MA PAS 'BRAS BU GZHAN MA YIN PA GANG YIN PA DE YANG DE'I RGYU MA YIN TE, GZHAN MA YIN PA'I PHYIR RANG GI BDAG NYID BZHIN PAS GZHAN MA YIN PA NYID DU RJES SU DPOG PA'I DAM BCAS PA LA RGYU RGYU MA YIN PA NYID KYIS DE'I RGYU NYID BSAL BA'I PHYIR CHOS CAN GYI NGO BO NYID BSAL BA'I SKYON YOD DO ZHES BSHAD PA DE BZHIN DU, 'DIR BYE BRAG PA LA SOGS PA DAG RGYU DANG 'BRAS BU GZHAN NYID DU 'DOD PA'I PHYOGS LA YANG SUN DBYUNG BA'I LAN 'DIR YANG 'DAS PA'I RGYU PHYOGS SU BYED NA NI GZHI MA GRUB PA LA SOGS PA'I SKYON YOD DO, ,DA LTAR GYI RGYU PHYOGS SU BYED NA NI DPE MED DE, DE'I 'BRAS BU MA GRUB PA'I PHYIR RO ZHES CI RIGS PAR BRJOD PAR BYA BA YIN NO, ,DE LTAR RE ZHIG RGYU YIN PAR GYUR PA 'BRAS BU YIN PAR GYUR PA MI BYED PAR BSTAN TO ZHES BYA BA CI LTAR SNGAR BYED PA PO YIN PAR GYUR PA LAS YIN PAR GYUR PA MI BYED PAR BSTAN PA DE BZHIN DU 'DIR YANG RGYU YIN PAR 'BRAS BU YIN PAR GYUR PA MI BYED PAR BSTAN TO, ,DA NI THA SNYAD DU YANG RGYU MA YIN PAR GYUR PA 'BRAS BU MA YIN PAR GYUR PA MI BYED DO, MED PA'I PHYIR DPER NA RUS SBAL GYI SPU DAG DE'I GOS MI BYED PA BZHIN NO ZHES BYA BA YANG CI LTAR SNGAR BYED PA PO MA YIN PAR GYUR PA LAS MA YIN PAR GYUR PA MI BYED PAR BSTAN PA DE BZHIN DU 'DIR YANG RGYU MA YIN PAR GYUR PA 'BRAS BU MA YIN PAR GYUR PA MI BYED PAR BSTAN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER @182B NA RUS SBAL GYI SBU DAG NI MED PA'I PHYIR DE'I GOS MI BYED PA DE BZHIN DU RGYU MA YIN PAR GYUR PA YANG MED PA'I PHYIR 'BRAS BU MA YIN PAR GYUR PA MI BYED DO, ,DE BZHIN DU 'BRAS BU LA YANG RGYU YIN PAR GYUR PA'I BYA BA MA YIN NO ZHES DAM BCAS PA LA KHYAD PAR YOD PAR ZAD KYI SBYOR BA'I YAN LAG LHAG MA DAG NI SNGA MA BZHIN NO ZHES BYA BA YANG, CI LTAR SNGAR LAS YIN PAR GYUR PA BYED PA PO YIN PAR GYUR PA'I BYA BA MA YIN PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA MA YIN PAR BSTAN PA DE BZHIN DU, 'DIR YANG 'BRAS BU YIN PAR GYUR PA RGYU YIN PAR GYUR PA'I BYA BA MA YIN PA DANG, 'BRAS BU MA YIN PAR GYUR PA RGYU MA YIN PAR GYUR PA'I BYA BA MA YIN PAR BSTAN TO, ,RNAM PA GNYIS SU SMRA BA DAG GI PHYOGS LA YANG GNYI GA'I SKYON DU 'GYUR RO ZHES BYA BA YANG SNGAR CI LTAR BYED PA PO YIN PA DANG, MA YIN PAR GYUR PA LAS YIN PA DANG MA YIN PAR GYUR PA MI BYED PA DANG, LAS YIN PA DANG MA YIN PAR GYUR PA BYED PA PO YIN PA DANG MA YIN PAR GYUR PA'I BYA BA MA YIN PAR BSTAN PA DE BZHIN DU 'DIR YANG RGYU YIN PA DANG MA YIN PAR GYUR PA, 'BRAS BU YIN PA DANG MA YIN PAR GYUR PA MI BYED PA DANG, 'BRAS BU YIN PA DANG MA YIN PAR GYUR PA, RGYU YIN PA DANG MA YIN PAR GYUR PA'I BYA BA MA YIN PA BSTAN TE, DE YANG RNAM PA GNYIS SU SMRA BA PHYOGS KYI GOS CAN DAG NA RE RGYU YANG GSER GYI BDAG NYID DU NI YIN PAR GYUR PA YIN LA, SOL BA LA SOGS PA'I BDAG NYID DU NI MA YIN PAR GYUR PA YIN, 'BRAS BU YANG GSER GYI BDAG NYID DU NI YIN PAR GYUR PA YIN SOR GDU BA LA SOGS PA DBYIBS KYI BDAG NYID DU NI MA YIN PAR GYUR PA BZHIN NO ZHES ZER BAS, DE LA YANG GSER GYI RGYU YIN PAR GYUR PA NI GSER GYI 'BRAS BU YIN PAR GYUR PA MI BYED DE RGYU YIN PA'I PHYIR DPER NA RGYU SPUN BZHIN NO, ,RGYU MA YIN PAR GYUR PA YANG 'BRAS BU MA YIN PAR GYUR PA MI BYED DE LTOS PA DANG BCAS PA'I PHYIR DPER NA 'JIM PA BZHIN NO, ,DE BZHIN DU 'BRAS BU YIN PAR GYUR PA YANG RGYU YIN PAR GYUR PA'I BYA BA MA YIN TE, 'BRAS BU YIN PA'I PHYIR DPER NA SNAM BU BZHIN NO, ,'BRAS BU MA YIN PAR GYUR PA YANG RGYU MA YIN PAR GYUR PA'I BYA BA MA YIN TE, LTOS PA DANG BCAS PA'I PHYIR DPER NA BUM PA BZHIN NO ZHES GNYI GA'I SKYON DU 'GYUR BAR BRJOD PAR BYA'O, ,DE LTAR RE ZHIG PHYOGS MTHUN PA GSUM LA BRTEN PA'I @183A *, ,RGYU DANG 'BRAS BU DGAG PA BSTAN TO, ,DA NI CI LTAR SNGAR BYED PA PO YIN PAR GYUR PA LAS MA YIN PAR GYUR PA MI BYED PA DANG, LAS MA YIN PAR GYUR PA BYED PA PO YIN PAR GYUR PA'I BYA BA MA YIN PAR BSTAN PA DE BZHIN DU 'DIR YANG RGYU YIN PAR GYUR PA 'BRAS BU MA YIN PAR GYUR PA MI BYED PA DANG, 'BRAS BU MA YIN PAR GYUR PA RGYU YIN PAR GYUR PA'I BYA BA MA YIN PAR BSTAN PA DAG GI PHYOGS SNGA MA NYE BAR GZHAG PA BSTAN PA'I PHYIR, RANG GI SDE PA BYE BRAG TU SMRA BA DAG NA RE RGYU YIN PAR GYUR PA 'BRAS BU MA YIN PAR GYUR PA DE BYED DO ZHES BYA BA LA SOGS PA SMRAS SO, ,BYE BRAG TU SMRA BA DAG GI RJES SU DPAG PA BSTAN PA'I PHYIR 'BRAS BU MA SKYES PA NI MA YIN PAR GYUR PA STE, GZUNG DU MED PA'I PHYIR NAM MKHA'I ME TOG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI GZUNG DU MED PA'I PHYIR MA YIN PAR GYUR PA YIN PA DE BZHIN DU 'BRAS BU MA SKYES PA YANG GZUNG DU MED PA'I PHYIR MA YIN PAR GYUR PA STE, DE RGYU YIN PAR GYUR PAS BYED DO ZHES ZER NA SKYES PA LA NI RGYU'I NUS PA NYID MED KYI MA SKYES PA LA DE YOD PAS 'BRAS BU MA YIN PAR GYUR PA NYID DO ZHES BYA BAS NI 'BRAS BU MA YIN PAR GYUR PA ZHES BYA BA NI 'BRAS BU SNGA NA MED PA DA DUNG MA SKYES PA YIN PAR STON TE, 'BRAS BU SNGA NA YOD PA SKYES ZIN PA YIN NA NI DE LA RGYU'I BYA BA NYID MED PA ZHIG NA RGYU'I BYA BA YOD PA LAS NA 'BRAS BU NI SNGA NA MED CING MA SKYES PA YIN PAR MNGON PAS, DE NI 'BRAS BU MA YIN PAR GYUR PA NYID CES BYA STE, DE RGYU YIN PAR GYUR PAS SKYED PAR BYED DO ZHES ZER RO, ,CI STE MED PAR 'DRA BA LA RI BONG GI RVA NI MI SKYE LA 'BRAS BU SKYE BAR 'GYUR BA LA KHYAD PAR CI YOD CE NA ZHES BYA BA NI BYE BRAG TU SMRA BA PA DAG GIS DBU MA PA'I DOGS PA BSU PA'I TSIG YIN TE, CI STE DBU MA PA DAG 'DI SKAD CES RI BONG GI RVA DANG 'BRAS BU SNGA NA MED PA GNYI GA YANG MED PAR 'DRA BA LAS RI BONG GI RVA NI RGYU YIN PAR GYUR PAS MI BYED LA 'BRAS BU SNGA NA MED PA NI RGYU YIN PAR GYUR BAS BYED PA LA KHYAD PAR CI YOD CES ZER NA'O, ,DE'I LAN DU BYE BRAG TU SMRA BA DAG GIS RI BONG GI RVA NI RGYU MED PA'I PHYIR MI SKYE LA 'BRAS BU NI DE LTA MA YIN PAS DE LTAR RGYU YOD PA'I PHYIR 'BRAS BU MED PA SKYE'O ZHES BYA BA SMRAS TE, DE GNYIS SNGA NA @183B MED PAR 'DRA MOD KYI RI BONG GI RVA LA NI RGYU MED PA'I PHYIR MI SKYE LA 'BRAS BU LA NI RGYU YOD PAS SKYE BA'I PHYIR 'BRAS BU SNGA NA MED PA RGYUS SKYED PAR BYED DO, ,YANG NA 'BRAS BU MED PA NYID NI SKYE'I 'BRAS BU MA YIN PA NI MI SKYE BAS GANG SKYE BA DE NI MED PA NYID DO ZHES NGES PAR GZUNG BAR BYA'O ZHES BYA BA NI BYE BRAG TU SMRA BA DAG 'BRAS BU SNGA NA MED PA NI RGYUS SKYED PAR BYED KYI, RI BONG GI RVA LTA BU 'BRAS BU MA YIN PA GTAN MED PA NI RGYUS SKYED PAR MI BYED PAS, DE'I PHYIR 'BRAS BU GANG SKYE BA DE NI SNGA NA MED PA NYID YIN LA DE RGYUS SKYES PA NI RGYU YIN PAR GYUR PA 'BRAS BU MA YIN PAR GYUR PA BYED PA YIN NO ZHES NGES PAR GZUNG BAR BYA'O ZHES ZER BA YIN NO, ,DE'I PHYIR GANG DAG NA RE MED PA NI MI SKYE STE MED PA'I PHYIR DPER NA RI BONG GI RVA BZHIN NO ZHES ZER BA DE NI GRUB PA LA SGRUB PA YIN NO ZHES BYA BA NI DA LTAR 'BRAS BU NI SNGA NA MED KYANG SKYE'I, 'BRAS BU MA YIN PA RI BONG GI RVA LTA BU GTAN MED PA NI MI SKYE BA DE'I PHYIR DBU MA PA DAG NA RE MED PA NI MI SKYE STE, MED PA'I PHYIR DPER NA RI BONG GI RVA BZHIN NO ZHES ZER BA DE NI GRUB PA LA SGRUB PA YIN PAS MI RUNG STE, KHO BO CAG GI PHYOGS LA YANG RI BONG GI RVA LTA BU GTAN MED PA NI MI SKYE BAR GRUB PA'I PHYIR RO, ,DPE YANG MED DO, 'BRAS BU NYID YIN NA MED PA'I PHYIR RO ZHES BYA BA'I GTAN TSIGS NAM MKHA'I ME TOG LA RJES SU 'GRO BA MED PA'I PHYIR RO ZHES BYA BAS NI DBU MA PAS MED PA'I PHYIR RO ZHES BYA BA'I GTAN TSIGS DE 'BRAS BU RGYU LA SNGA NA MED PA MI SKYE BA'I GTAN TSIGS YIN PAR SGRUB NA NI DE'I DPE NAM MKHA'I ME TOG LAS BLANGS PA DE MI RUNG STE, NAM MKHA'I ME TOG NI 'BRAS BU MA YIN PAS GTAN TSIGS MI SKYE BA'I PHYIR DE LA 'BRAS BU SNGA NA MED PA MI SKYE BA ZHES BYA BA'I CHOS KYIS STONG PA'I PHYIR RO, ,YANG NA SKYE BA'I SNGON ROL NA MED PA'I PHYIR RO ZHES BYA BA'I GTAN TSIGS YONGS SU 'DZIN NA NI DPE MED DE RI BONG GI RVA LA DE MED PA'I PHYIR RO ZHES BYA BA NI YANG NA DBU MA PAS MED PA NI MI SKYE STE, MED PA'I PHYIR DPER NA RI BONG GI RVA BZHIN NO ZHES SMRAS PA'I GTAN TSIGS MED PA'I PHYIR ZHES BYA BA DE 'BRAS BU SKYE BA'I SNGA ROL NA MED PA'I PHYIR ZHES BYA BAR SGRUB NA NI DPE MED DE, RI BONG GI RVA LA SKYE BA'I SNGA ROL NA MED CING PHYIS SKYE BAR 'GYUR BA DE MED PA'I PHYIR RO, ,GTAN MED PA GTAN TSIGS NYID DU BRJOD NA NI GTAN TSIGS KYI DON MA GRUB PA NYID DO ZHES BYA BA NI GAL TE @184A *, ,DBU MA PA'I GTAN TSIGS MED PA'I PHYIR ZHES BYA BA DE GTAN MED PA'I PHYIR ZHES BYA BAR SGRUB NA NI GTAN TSIGS KYI DON MA GRUB PA NYID DE, RGYU LA 'BRAS BU SNGA NA MED PA DE RI BONG GI RVA BZHIN DU GTAN MED PA MA YIN PA'I PHYIR RO, ,SNAM BU SNGA NA MED PA NYID SKYE BAR MTHONG STE, MTHONG BA LAS LHAG PA'I TSAD MA GZHAN MED PAS DES NA 'BRAS BU SNGA NA MED PA YIN NO ZHES ZER RO ZHES BYA BA NI BYE BRAG TU SMRA BA DAG NA RE DA LTAR 'JIG RTEN NA SNAM BU SNGA NA MED PA NYID RGYU SPUN LAS PHYIS 'BYUNG BAR MTHONG STE, MTHONG BA NI MNGON SUM GYI TSAD MA YIN PA DES NA 'BRAS BU SNGA NA MED PA RGYUS SKYED PAS RGYU YIN PAR GYUR PA 'BRAS BU MA YIN PAR GYUR PA BYED PA DANG, 'BRAS BU MA YIN PAR GYUR PA RGYU YIN PAR GYUR PA'I BYA BA YIN NO ZHES ZER RO, ,DE SKAD CES ZER BA DE'I LAN DU 'GREL BA BYED PA NYID KYIS PHYOGS SNGA MA DE DAG SUN DBYUNG ZHING RGYU YIN PAR GYUR PA 'BRAS BU MA YIN PAR GYUR PA MI BYED PA DANG, 'BRAS BU MA YIN PAR GYUR PA RGYU YIN PAR GYUR PA'I BYA BA MA YIN PAR BSTAN PA'I PHYIR, 'DIR BSHAD PA ZHES BYA BA LA SOGS PA SMRAS SO, ,DE LA RE ZHIG SNGAR BYE BRAG TU SMRA BA DAG GIS 'BRAS BU MA SKYES PA NI MA YIN PAR GYUR PA STE, GZUNG DU MED PA'I PHYIR NAM MKHA'I ME TOG BZHIN NO ZHES GANG SMRAS PA'I GTAN TSIGS GZUNG DU MED PA'I PHYIR ZHES BYA BA DE'I DON MA GRUB PA NYID DANG, MA NGES PA NYID KYI SKYON YOD PAR BSTAN PA'I PHYIR, KHYED CAG GTAN TSIGS NYID DU 'DOD PA GZUNG DU MED PA'I PHYIR ZHES BYA BA DE'I DON GANG YIN, MNGON SUM DANG RJES SU DPAG PA DANG, TSAD MA THAMS CAD KYIS GZUNG DU MED PA'I PHYIR ZHES BYA BAR RTOG NA NI RNAM PA THAMS CAD DU GTAN TSIGS KYI DON MA GRUB PA NYID DANG, GTAN TSIGS KYI DON MA NGES PA NYID KYI SKYON YOD PAS RJES SU DPAG PA DES 'BRAS BU MA SKYES PA NI MA YIN PAR GYUR PA STE ZHES BSTAN PAR MI NUS SO ZHES BYA BA SMRAS TE, MNGON SUM GYIS GZUNG DU MED PA'I PHYIR ZHES BYA BAR SGRUB NA NI DON MA GRUB PA NYID DE MIG GI DBANG PO DANG YUL DANG DUS DANG RANG BZHIN GYIS BSKAL PA LA SOGS PA'I DNGOS PO MNGON SUM GYIS GZUNG DU MED PA DAG KYANG MED PA MA YIN PA'I PHYIR RO, ,RJES SU DPAG PAS GZUNG DU MED PA'I PHYIR ZHES BYA BAR SGRUB NA NI DON MA NGES PA NYID DE, SPRIN CHAGS PA LAS CHAR 'BAB PAR RJES SU DPAG PA LA CHAR PA GZUNG DU MED KYANG MED PA MA @184B YIN PA LTA BUR 'GYUR RAM, 'ON TE RI BONG GI RVA GTAN MED PAR RJAS SU DPAG PA LA GZUNG DU MED PA'I PHYIR GTAN MED PA LTA BUR GYUR PA MA NGES PA NYID YIN PA'I PHYIR RO, ,DE LTA BAS NA GZUNG DU MED PA'I PHYIR ZHES BYA BA'I RJES SU DPAG PA DES 'BRAS BU MA SKYES PA SNGA NA MED PA RGYU YOD PAS BYED DO ZHES BSTAN PAR MI NUS SO, ,'BRAS BU MED PA NYID NI SKYE'I, 'BRAS BU MA YIN PA NI MI SKYE BAS GANG SKYE BA DE NI MED PA NYID DO ZHES NGES PAR GZUNG BAR BYA'O ZHES SMRAS PA DE LA YANG 'BRAS BU MED PA MI SKYE BAR BSTAN ZIN PA'I PHYIR DANG, MED PA'I PHYIR ZHES BYA BA'I GTAN TSIGS SPYIR SBYAR BA'I PHYIR DANG DE'I DPE YANG DE BZHIN DU GRUB PA'I PHYIR GRUB PA LA SGRUB PA YANG MA YIN LA, DPE MED PA DANG GTAN TSIGS MED PA YANG MA YIN NO ZHES BYA BAS NI SNGAR BYE BRAG TU SMRA BA DAG GIS, YANG NA 'BRAS BU MED PA NYID NI SKYE BA'I 'BRAS BU MA YIN PA NI MI SKYE BAS GANG SKYE BA DE NI MED PA NYID DO ZHES NGES PAR GZUNGS BAR BYA'O, ,DE'I PHYIR GANG DAG NA RE MED PA NI MI SKYE STE, MED PA'I PHYIR DPER NA RI BONG GI RVA BZHIN NO ZHES ZER BA DE NI GRUB PA LA SGRUB PA YIN NO, ,DPE YANG MED DE, 'BRAS BU NYID YIN NA MED PA'I PHYIR RO ZHES BYA BA'I GTAN TSIGS NAM MKHA'I ME TOG LA RJES SU 'GRO BA MED PA'I PHYIR RO ZHES GANG SMRAS PA DE DAG SUN 'BYIN PAR BYED DE, BYE BRAG TU SMRA BA DAG NA RE 'BRAS BU SNGA NA MED PA NYID NI SKYE BA'I 'BRAS BU MA YIN RI BONG GI RVA LTA BU GTAN MED PA NI MI SKYE 'O ZHES ZER BA'I 'BRAS BU SNGA NA MED PA DE YANG MI SKYE BAR KHO BOS SNGAR RKYEN BRTAG PA'I SKABS SU BKAG ZIN PA'I PHYIR DANG, KHO BO'I GTAN TSIGS MED PA'I PHYIR ZHES BYA BA DE YANG SNGA NA MED PA'I PHYIR RAM, GTAN MED PA'I PHYIR MI SKYE'O ZHES BYE BRAG TU MA PHYE BAR MED PA'I PHYIR ZHES SPYIR SBYAR BA'I PHYIR DANG, KHO BO'I DPE RI BONG GI RVA BZHIN NO ZHES BYA BA DE YANG MED PA THAMS CAD MI SKYE BA'I DPER SPYIR 'GRUB PA'I PHYIR DE DAG KHYED LA MA GRUB PAS KHO BO GRUB PA LA SGRUB PA YANG MA YIN LA, KHO BO'I DPE DANG GTAN TSIGS MED PA YANG MA YIN NO, ,GZHAN YANG DON DAM PAR 'BRAS BU ZHO ZHES BYA BA NI 'O MA LAS MI 'BYUNG BAR SHES PAR BYA STE, RGYU LA LTOS PA'I PHYIR DPER NA BUM PA SKYE BAR MI RIGS PA BZHIN NO ZHES BYA BA LA SOGS PAS NI 'BRAS BU SNGA NA MED PA RGYUS MI BYED PA TSAD MA GZHAN GYIS BSGRUB PA STON TE, DE DAG KYANG CHOS CAN DANG, BSGRUB PAR @185A *, ,BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI RGYU 'JIM PA LA LTOS PA'I PHYIR 'O MA LAS MI 'BYUNG BA DE BZHIN DU ZHO YANG RGYU 'O MA LA LTOS PA'I PHYIR 'O MA LAS MI 'BYUNG NGO, ,'DIR GZHAN DAG NA RE BYED PA'I RGYUS 'O MA YANG BUM PA SKYE BA LA GEGS MI BYED PA'I PHYIR BUM PA'I RGYU YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DE SKYE BA NI DON MED PA NYID DU 'GYUR BA'I PHYIR RO ZHES BYA BA SMRAS TE, 'O MA LAS BUM PA SKYE BA NI 'JIG RTEN GYI MNGON SUM DANG 'GAL BAS DE LTAR RTOG PA NI DON MED PA NYID DU 'GYUR BA'I PHYIR MI RUNG NGO, ,YANG NA DON DAM PAR SMRA BAR 'DOD PA'I ZHO NI SMRA BAR 'DOD PA'I 'O MA'I RGYU CAN MA YIN PAR SHES PAR BYA STE, ZHO YIN PA'I PHYIR DPER NA DE LAS GZHAN PA BZHIN ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNOD CHEN PO NA 'DUG PA'I ZHO NI ZHO YIN PA'I PHYIR SNOD CHUNG DU NA 'DUG PA'I 'O MA'I RGYU CAN MA YIN PA DE BZHIN DU 'BRAS BU SNGA NA MED PA'I ZHO YANG 'BRAS BU SNGA NA MED PA'I ZHO YIN PA'I PHYIR 'O MA'I RGYU CAN MA YIN NO, ,DE BZHIN DU BYAS PA NYID DANG, CHUD ZA BA NYID DANG, RKYEN GYI DBYE BAS THA DAD PA NYID DANG, RGYU DANG LDAN PA NYID CES BYA BA LA SOGS PA'I GTAN TSIGS DAG KYANG RGYAS PAR BRJOD PAR BYA'O ZHES BYA BA NI 'BRAS BU SNGA NA MED PA RGYUS MI BYED PA'I GTAN TSIGS RGYU LA LTOS PA'I PHYIR DANG, ZHO YIN PA'I PHYIR ZHES BYA BA GNYIS NI MTSAN NYID KYI SGRA'I TSUL NYE BAR GZUNG BA'I PHYIR MTSON PA TZAM DU ZAD KYI, 'DIR ZHO NI 'O MA'I RGYU CAN MA YIN TE, BYAS PA NYID DANG, CHUD ZA BA NYID DANG, RKYEN GYI DBYE BAS THA DAD PA NYID DANG, RGYU DANG LDAN PA NYID LA SOGS PA DAG GI PHYIR DPER NA DE LAS GZHAN PA BZHIN NO ZHES RJES SU DPAG PA RGYAS PAR BRJOD PAR BYA BA YIN NO, ,MED PAR 'DRA BA LAS 'BRAS BU NI RGYU YOD PA'I PHYIR SKYE LA, RI BONG GI RVA NI RGYU MED PA'I PHYIR MI SKYE'O ZHES GANG SMRAS PA DE YANG BZANG PO MA YIN TE ZHES BYA BAS NI SNGAR BYE BRAG TU SMRA BA DAG GIS RI BONG GI RVA NI RGYU MED PA'I PHYIR MI SKYE LA 'BRAS BU NI DE LTA MA YIN PAS DE LTAR RGYU YOD PA'I PHYIR 'BRAS BU MED PA SKYE'O ZHES GANG SMRAS PA DE RIGS PA MA YIN PAR STON TO, ,DE'I TSAD MA BSTAN PA'I PHYIR DON DAM PAR GANG GI RGYUR GANG 'DOD PA DE NI DE'I RGYU MA @185B YIN PAR SHES PAR BYAR NUS TE SKYE BA'I SNGA ROL NA MED PA'I PHYIR DPER NA RI BONG GI RVA'AM DE LAS GZHAN PA BZHIN ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA GTAN MED PA'AM, DE LAS GZHAN PA 'BRAS BU SNGA NA MED PA'I RGYU DAG NI 'BRAS BU SKYE BA'I SNGA ROL NA MED PA'I PHYIR PHYI NANG GI DNGOS PO GANG GI RGYU YANG MA YIN PA DE BZHIN DU 'BRAS BU SNGA NA MED PA GANG GI RGYUR GANG 'DOD PA DE YANG 'BRAS BU SKYE BA'I SNGA ROL NA MED PA'I PHYIR DE'I RGYU MA YIN PAR SHES PAR BYA'O, ,GZHAN YANG GANG GI TSE 'DI SKAD CES SKYE BA'I SNGA ROL NA MED PA GANG YIN PA DE NI SKYE BAR 'GYUR RO ZHES DAM BCAS PA KHYAD PAR CAN BYAS PA'I PHYIR 'BRAS BU NI RI BONG GI RVA LA SOGS PA BZHIN DU SKYE BAR MI 'THAD PA DANG LDAN PA MA YIN NO ZHES DAM 'CHA' BAR BYED PA DE'I TSE NA YANG RJES SU DPAG PA CI SKAD BSTAN PA NYID KYIS DE BSAL BA'I PHYIR, DE NI GYI NA ZER BA YIN NO ZHES BYA BA NI DBU MA PAS BYE BRAG TU SMRA BA DAG GI GZHUNG NYAMS PAR BYA BA'I TSIG YIN TE, BYE BRAG TU SMRA BA DAG 'DI SKAD CES, KHO BO CAG GIS MED PA SKYE'O ZHES KHYAD PAR MED PAR DAM BCAS KYI SKYE BA'I SNGA ROL NA MED PA GANG YIN PA DE NI SKYE BAR 'GYUR RO ZHES DAM BCAS PA KHYAD PAR CAN BYAS BA'I PHYIR RI BONG GI RVA LTA BU GTAN MED PA NI SKYE BAR MI 'THAD KYI 'BRAS BU SKYE BA'I SNGA ROL NA MED PA NI SKYE BAR 'GYUR RO ZHES DAM 'CHA' BAR BYED DO ZHE NA, DE YANG SNGAR DON DAM PAR GANG GI RGYU'ANG 'DOD PA DE NI DE'I RGYU MA YIN PAR SHES PAR BYAR NUS TE SKYE BA'I SNGON ROL NA MED PA'I PHYIR DPER NA RI BONG GI RVA'AM DE LAS GZHAN PA BZHIN NO ZHES RJES SU DPAG PA CI SKAD BSTAN PA NYID KYIS DE BSAL ZIN PA'I PHYIR DE NI GYI NA ZER BA YIN NO, ,DON DAM PAR ZHO NI 'O MA LAS MI 'BYUNG BAR SHES PAR BYA STE, SKYE BA'I SNGA ROL NA MED PA'I PHYIR DPER NA DE LAS GZHAN PA BZHIN PAS DE'I PHYIR DE NI BDAG NYID DBUGS 'BYIN PAR BYED PA TZAM DU ZAD DO ZHES BYA BAS NI 'BRAS BU SNGA NA MED PA RGYUS MI BYED PAR TSAD MAS BSGRUB PA'I MJUG BSDU BA DANG, PHA ROL PO'I DAM BCAS PA DE SNYING DGA' BA TZAM DU ZAD DO ZHES BSTAN TO, ,DE SKAD CES SNGA NA MED PA NYID SKYE BAR MTHONG STE ZHES GANG SMRAS PA DE NYID KYANG CI YANG DAG PAR YOD PA'AM, MED PA'AM, YOD @186A *, ,MED CIG SKYE BAR 'GYUR ZHES BRTAGS NA, DE DAG NI RNAM PA THAMS CAD DU MI MTHONG NGO ZHES BYA BA NI SNGAR BYE BRAG TU SMRA BA DAG GIS SNAM BU SNGA NA MED PA NYID SKYE BAR MTHONG STE, MTHONG BA LAS LHAG PA'I TSAD MA GZHAN MED PA DES NA 'BRAS BU SNGA NA MED PA YIN NO ZHES GANG SMRAS PA DE SUN DBYUNG BA'I LAN YIN NO, ,DE LTA BAS NA MKHAS PA RNAMS KYIS NI BUM PA LA SOGS PA DAG GI SKYE BA NI SGYU MA'I SKYES BU'I SKYE BA BZHIN DU THA SNYAD PA YIN GYI DON DAM PA MA YIN PAR NGES PAR SHES TE, MTHA' GNYIS LA MI GNAS PA'I BLO GROS DANG LDAN PA'I PHYIR RO ZHES BYA BAS NI DBU MA PAS 'BRAS BU SNGA NA MED PA RGYUS BYED PAR MI 'DOD PA'I TSUL BSTAN TO, ,ZHAR LA BSHAD PAS CHOG GI SKABS NYID DPYAD PAR BYA'O ZHES BYA BAS NI BYE BRAG TU SMRA BA RGYU YIN PAR GYUR BA 'BRAS BU MA YIN PAR GYUR PA BYED PA 'BRAS BU MA YIN PAR GYUR PA RGYU YIN PAR GYUR PA'I BYA BA YIN PAR 'DOD PA MI 'THAD PAR BSGRUB PA'I MJUG BSDU BA BSTAN TO, , DE BZHIN DU DE LAS GZHAN PA PHYOGS MTHUN PA DAG LA YANG CI RIGS PAR BRJOD PAR BYA'O ZHES BYA BAS NI RGYU MA YIN PAR GYUR PA 'BRAS BU YIN PAR GYUR PA MI BYED PA DANG, 'BRAS BU YIN PAR GYUR PA RGYU MA YIN PAR GYUR BA'I BYA BA MA YIN PA DANG, RGYU YIN PAR GYUR PA 'BRAS BU YIN PA DANG MA YIN PAR GYUR PA MI BYED PA DANG, 'BRAS BU YIN PA DANG MA YIN PAR GYUR PA RGYU YIN PAR GYUR PA'I BYA BA MA YIN PA DANG, RGYU MA YIN PAR GYUR PA 'BRAS BU MA YIN PA DANG MA YIN PAR GYUR PA MI BYED PA DANG, 'BRAS BU YIN PA DANG MA YIN PAR GYUR PA RGYU MA YIN PAR GYUR PA'I BYA BA MA YIN PA DANG, RGYU YIN PA DANG MA YIN PAR GYUR PA 'BRAS BU YIN PAR GYUR PA MI BYED PA DANG, 'BRAS BU YIN PAR GYUR PA RGYU YIN PA DANG MA YIN PAR GYUR PA'I BYA BA MA YIN PA DANG, RGYU YIN PA DANG MA YIN PAR GYUR PA 'BRAS BU MA YIN PAR GYUR PA MI BYED PA DANG, 'BRAS BU MA YIN PAR GYUR PA RGYU YIN PA DANG MA YIN PAR GYUR PA'I BYA BA MA YIN PA ZHES BYA BA PHYOG MI MTHUN PA LHAG MA LNGA PO DAG LA YANG BYED PA PO DANG LAS KYI SKABS SU BSTAN PA BZHIN CI RIGS PAR BRJOD PAR BYA'O, ,DE NI BYE BRAG PA DAG 'DOD PA'I YON TAN DANG, YON TAN CAN DGAG PA'I PHYIR DE BZHIN DU DON DAM PAR SMRA BAR 'DOD PA'I YON TAN YIN PAR GYUR PA DAG KYANG BUM PA ZHES BYA BA DE'I YON TAN CAN @186B YIN PAR GYUR PA RTZOM PAR MI BYED DE, YON TAN CAN LA LTOS PA'I PHYIR DANG, THA SNYAD GDAGS PA'I PHYIR DPER NA DE LAS GZHAN PA BZHIN NO ZHES BYA BA LA SOGS PA SMRAS TE, DES NI YON TAN YIN PAR GYUR PA YON TAN CAN YIN PAR GYUR PA MI BYED PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SMRA BAR 'DOD PA'I YON TAN GZUGS DANG DRI DANG RO DANG REG PA DE LAS GZHAN PA RGYU SPUN LA SOGS PA NI YON TAN CAN SNAM BU LA LTOS PA'I PHYIR DANG, RGYU SPUN ZHES THA SNYAD GDAGS PA'I PHYIR, BUM PA ZHES BYA BA DE'I YON TAN CAN RTZOM PAR MI BYED PA DE BZHIN DU, SMRA BAR 'DOD PA'I YON TAN GZUGS DANG DRI DANG RO DANG REG PA YIN PAR GYUR PA DAG KYANG, YON TAN CAN BUM PA LA LTOS PA'I PHYIR DANG YON TAN ZHES THA SNYAD GDAGS PA'I PHYIR BUM PA ZHES BYA BA DE'I YON TAN CAN RTZOM PAR MI BYED DO, ,DE BZHIN DU DON DAM PAR SMRA BAR 'DOD PA'I YON TAN CAN YIN PAR GYUR PA SNAM BU ZHES BYA BA'I GZUGS GZHAN YANG YON TAN YIN PAR GYUR PA RGYU SPUN GYI GZUGS LA SOGS PAS BRTZAMS PA MA YIN TE, YON TAN LA LTOS PA'I PHYIR DANG THA SNYAD GDAGS PA'I PHYIR DPER NA DE LAS GZHAN PA BZHIN NO ZHES BYA BAS NI YON TAN CAN YIN PAR GYUR PA YON TAN YIN PAR GYUR PA'I BYA BA MA YIN PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SMRA BAR 'DOD PA'I YON TAN CAN YIN PAR GYUR PA SNAM BU DE LAS GZHAN PA BUM PA NI YON TAN 'JIM PA LA LTOS PA'I PHYIR DANG, BUM PA ZHES THA SNYAD GDAGS PA'I PHYIR SMRA BAR 'DOD PA'I YON TAN YIN PAR GYUR PA RGYU SPUN GYI GZUGS DANG DRI DANG RO DANG REG PAS BRTZAMS PA MA YIN PA DE BZHIN DU SMRA BAR 'DOD PA'I YON TAN CAN YIN PAR GYUR PA SNAM BU ZHES BYA BA'I GZUGS GZHAN YANG YON TAN RGYU SPUN LA LTOS PA'I PHYIR DANG, SNAM BU ZHES THA SNYAD GDAGS PA'I PHYIR SMRA BAR 'DOD PA'I YON TAN YIN PAR GYUR PA RGYU SPUN GYI GZUGS DANG DRI DANG RO DANG REG PAS BRTZAMS PA MA YIN NO, ,DE BZHIN DU SMRA BAR 'DOD PA'I BUM PA YANG GZUGS LA SOGS PA 'DU BA'I RGYU CAN MA YIN PAR NGES TE, RGYU LA LTOS PA'I PHYIR DPER NA SNAM BU LA SOGS PA BZHIN NO ZHES BYA BAS NI BYE @187A *, ,BRAG PA'I GZHUNG LAS 'DU BA CAN 'DU BA'I BYA BA YIN PAR 'DOD PA DGAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNAM BU LA SOGS PA 'DU BA CAN DAG NI RANG GI RGYU RGYU SPUN LA SOGS PA LA LTOS PA'I PHYIR GZUGS DANG DRI DANG RO DANG REG PA ZHES BYA BA 'DU BA DAG GI RGYU CAN MA YIN PA NGES PA DE BZHIN DU SMRA BAR 'DOD PA'I 'DU BA CAN BUM PA YANG RANG GI RGYU 'JIM PA LA LTOS PA'I PHYIR GZUGS DANG DRI DANG RO DANG REG PA ZHES BYA BA 'DU BA DAG GI RGYU CAN MA YIN PAR NGES SO, ,YANG NA SMRA BAR 'DOD PA'I GZUGS LA SOGS PA NI BSAMS PA'I BUM PAR 'DU BA MA YIN TE, YON TAN CAN LA LTOS PA'I PHYIR DPER NA DE LAS GZHAN PA BZHIN NO ZHES BYA BA NI BYE BRAG PA'I GZHUNG LAS 'DU BA CAN BYED PAR 'DOD PA DGAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SMRA BAR 'DOD PA'I 'DU BA GZUGS LA SOGS PA DE LAS GZHAN PA RGYU SPUN LA SOGS PA NI YON TAN CAN SNAM BU LA SOGS PA LA LTOS PA'I PHYIR 'DU BA CAN YIN PAR BSAMS PA'I BUM PAR 'DU BA MA YIN PA DE BZHIN DU SMRA BAR 'DOD PA'I 'DU BA GZUGS DANG DRI DANG RO DANG REG PA ZHES BYA BA DAG KYANG, YON TAN CAN SNAM BU LA SOGS PA LA LTOS PA'I PHYIR 'DU BA CAN YIN PAR BSAMS PA'I BUM PAR 'DU BA MA YIN NO, ,DE BZHIN DU RDZAS NYID DANG, RGYU CAN NYID DANG, 'BRAS BU NYID DANG, BRJOD PAR BYA BA NYID DANG, SHES BYA NYID LA SOGS PA'I GTAN TSIGS DAG GI PHYIR RO ZHES KYANG BRJOD PAR BYA'O ZHES BYA BA NI YON TAN YIN PAR GYUR PA YON TAN CAN YIN PAR GYUR PA MI BYED PA DANG, YON TAN CAN YIN PAR GYUR PA YON TAN YIN PAR GYUR PA'I BYA BA MA YIN PA DANG, 'DU BA YIN PAR GYUR PA 'DU BA CAN YIN PAR GYUR PA MI BYED PA DANG, 'DU BA CAN YIN PAR GYUR PA 'DU BA YIN PAR GYUR PA'I BYA BA MA YIN PAR BSGRUB PA'I GTAN TSIGS LTOS PA'I PHYIR ZHES BYA BA LA SOG PA SNGAR SMOS PA DAG NI MTSAN NYID KYI SGRA'I TSUL NYE BAR GZUNG BA'I PHYIR MTSON PA TZAM DU ZAD KYI, GTAN TSIGS 'DI DAG GI PHYIR YANG DE DAG GIS DE DAG MI BYED PA DANG, DE DAG GI BYA BA MA YIN PAR CI RIGS PAR BRJOD PAR BYA'O, ,YON TAN DANG YON TAN CAN MA YIN PAR GYUR PA LA SOGS PA DAG GI PHYOGS LA @187B YANG DAM BCAS PA LA KHYAD PAR YOD PAR ZAD KYI SBYOR BA'I YAN LAG LHAG MA DAG NI SNGA MA BZHIN NO ZHES BYA BA NI PHYOGS MTHUN PA GSUM DANG MI MTHUN PA DRUG STE DGU LAS DE YAN CHAD DU PHYOGS MTHUN PA DANG PO BSTAN PA'I LHAG MA BRGYAD PO DAG KYANG SNGA MA BZHIN DU CI RIGS PAR SBYAR BA YIN NO, ,'DI LTAR SBYAR TE, YON TAN MA YIN PAR GYUR BA YON TAN CAN MA YIN PAR GYUR PA MI BYED PA DANG, YON TAN CAN MA YIN PAR GYUR PA YON TAN MA YIN PAR GYUR PA'I BYA BA MA YIN PA DANG, YON TAN YIN PA DANG MA YIN PAR GYUR PA YON TAN CAN YIN PA DANG MA YIN PAR GYUR PA MI BYED PA DANG, YON TAN CAN YIN PA DANG MA YIN PAR GYUR PA YON TAN YIN PA DANG MA YIN PAR GYUR PA'I BYA BA MA YIN PA DANG, YON TAN YIN PAR GYUR PA YON TAN CAN MA YIN PAR GYUR PA MI BYED PA DANG, YON TAN CAN MA YIN PAR GYUR PA YON TAN YIN PAR GYUR PA'I BYA BA MA YIN PA DANG, YON TAN MA YIN PAR GYUR PA YON TAN CAN YIN PAR GYUR PA MI BYED PA DANG, YON TAN CAN YIN PAR GYUR PA YON TAN MA YIN PAR GYUR PA'I BYA BA MA YIN PA DANG, YON TAN YIN PAR GYUR PA YON TAN CAN YIN PA DANG MA YIN PAR GYUR PA MI BYED PA DANG, YON TAN CAN YIN PA DANG MA YIN PAR GYUR PA YON TAN YIN PAR GYUR PA'I BYA BA MA YIN PA DANG, YON TAN MA YIN PAR GYUR PA YON TAN CAN YIN PA DANG MA YIN PAR GYUR PA MI BYED PA DANG, YON TAN CAN YIN PA DANG MA YIN PAR GYUR PA YON TAN MA YIN PAR GYUR PA'I BYA BA MA YIN PA DANG, YON TAN YIN PA DANG MA YIN PAR GYUR PA YON TAN CAN YIN PAR GYUR PA MI BYED PA DANG, YON TAN CAN YIN PAR GYUR PA YON TAN YIN PA DANG MA YIN PAR GYUR PA'I BYA BA MA YIN PA DANG, YON TAN YIN PA DANG MA YIN PAR GYUR PA YON TAN CAN YIN PAR GYUR PA MI BYED PA DANG, YON TAN MA YIN PAR GYUR PA YON TAN YIN PA DANG MA YIN PAR GYUR PA'I BYA BA MA YIN PA DANG, 'DU BA DANG 'DU BA CAN GYI PHYOGS LA YANG DE BZHIN DU CI RIGS PAR SBYAR BAR BYA'O, ,DE BZHIN DU DON DAM PAR LKOG SHAL SOGS PA MTSAN NYID YIN PAR GYUR PA YANG BA LANG ZHES BYA BA MTSAN NYID KYI GZHI YIN PAR GYUR PA MTSON PAR MI BYED PAR SHES PAR BYA STE, MTSAN NYID KYI GZHI LA LTOS PA'I PHYIR DPER NA RTA'I MTSAN NYID BZHIN NO ZHES BYA BAS NI MTSAN NYID YIN PAR GYUR PA MTSAN NYID KYI GZHI YIN PAR GYUR PA MTSON @188A *, ,PAR MI BYED PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RTA'I MTSAN NYID NI MTSAN NYID KYI GZHI RTA LA LTOS PA'I PHYIR MTSAN NYID KYI GZHI BA LANG MTSON PAR MI BYED PA DE BZHIN DU BA LANG GI MTSAN NYID KYANG MTSAN NYID KYI GZHI BA LANG LA LTOS PA'I PHYIR BA LANG LA MTSON PAR MI BYED DO, ,DE BZHIN DU DON DAM PAR BA LANG GI RDZAS KYANG LKOG SHA LA SOGS PA MTSAN NYID KYI GZHI MA YIN TE, MTSAN NYID LA LTOS PA'I PHYIR DPER NA DE LAS GZHAN PA BZHIN NO ZHES BYA BAS NI MTSAN NYID KYI GZHI YIN PAR GYUR PA MTSAN NYID YIN PAR GYUR PA'I GZHI MA YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BA LANG GI RDZAS LAS GZHAN PA RTA'I RDZAS NI RTA'I MTSAN NYID LA LTOS PA'I PHYIR LKOG SHAL LA SOGS PA'I MTSAN NYID KYI GZHI MA YIN PA DE BZHIN DU BA LANG GI RDZAS KYANG BA LANG GI MTSAN NYID LA LTOS PA'I PHYIR LKOG SHAL LA SOGS PA'I MTSAN NYID KYI GZHI MA YIN NO, ,DE BZHIN DU LKOG SHAL LA SOGS PA DAG BA LANG GI RDZAS RTZOM PAR BYED PA MA YIN PA DANG, BA LANG GI RDZAS KYANG LKOG SHAL LA SOGS PA DAG GIS BRTZAMS PA MA YIN PAR YANG BRJOD PAR BYA'O ZHES BYA BAS NI DES DE MI BYED PA DANG, DE DE'I BYA BA MA YIN PAR BYED PA PO DANG, LAS KYI MU DGU'I TSUL BZHIN DU CI RIGS PAR SBYAR RO, ,DE BZHIN DU PHYOGS MTHUN PA DANG MI MTHUN PA THAMS CAD LA YANG SBYAR BAR BYA'O ZHES BYA BA NI 'DIR YANG PHYOGS MTHUN PA GSUM DANG, MI MTHUN PA DRUG STE DGU LAS DE YAN TSAD DU PHYOGS MTHUN PA DANG PO BSTAN PA'I LHAG MA BRGYAD PO DAG KYANG SNGA MA BZHIN DU CI RIGS PAR SBYAR BA YIN NO, ,'DI LTAR SBYAR TE MTSAN NYID MA YIN PAR GYUR PA MTSAN NYID KYI GZHI MA YIN PAR GYUR PA MTSON PAR MI BYED PA DANG, MTSAN NYID KYI GZHI MA YIN PAR GYUR PA MTSAN NYID MA YIN PAR GYUR PA'I MTSON PAR BYA BA MA YIN PA DANG, MTSAN NYID YIN PA DANG MA YIN PAR GYUR PA'I MTSAN NYID KYI GZHI YIN PA DANG MA YIN PAR GYUR PA MTSON PAR MI BYED PA DANG, MTSAN NYID KYI GZHI YIN PA DANG MA YIN PAR GYUR PA MTSAN NYID YIN PA DANG MA YIN PAR GYUR PA'I MTSON PAR BYA BA MA YIN PA DANG, MTSAN NYID YIN PAR GYUR PA MTSAN NYID KYI GZHI MA YIN PAR @188B GYUR BA MTSON PAR MI BYED PA DANG, MTSAN NYID KYI GZHI MA YIN PAR GYUR PA MTSAN NYID YIN PAR GYUR PA'I MTSON PAR BYA BA MA YIN PA DANG, MTSAN NYID MA YIN PAR GYUR PA'I MTSAN NYID KYI GZHI YIN PAR GYUR PA MTSON PAR MI BYED PA DANG, MTSAN NYID KYI GZHI YIN PAR GYUR PA MTSAN NYID MA YIN PAR GYUR PA'I MTSON PAR BYA BA MA YIN PA DANG, MTSAN NYID YIN PAR GYUR PA MTSAN NYID KYI GZHI YIN PA DANG MA YIN PAR GYUR PA MTSON PAR MI BYED PA DANG, MTSAN NYID KYI GZHI YIN PA DANG MA YIN PAR GYUR PA MTSAN NYID YIN PAR GYUR PA'I MTSON PAR BYA BA MA YIN PA DANG, MTSAN NYID MA YIN BAR GYUR PA MTSAN NYID KYI GZHI YIN PA DANG MA YIN PAR GYUR PA MTSON PAR MI BYED PA DANG, MTSAN NYID KYI GZHI YIN PA DANG MA YIN PAR GYUR PA MTSAN NYID MA YIN PAR GYUR PA'I MTSON PAR BYA BA MA YIN PA DANG, MTSAN NYID YIN PA DANG MA YIN PAR GYUR PA MTSAN NYID KYI GZHI YIN PAR GYUR PA MTSON PAR MI BYED PA DANG, MTSAN NYID KYI GZHI YIN PAR GYUR PA MTSAN NYID YIN PA DANG MA YIN PAR GYUR PA'I MTSON PAR BYA BA MA YIN PA DANG, MTSAN NYID YIN PA DANG MA YIN PAR GYUR PA MTSAN NYID KYI GZHI MA YIN PAR GYUR PA MTSON PAR MI BYED PA DANG, MTSAN NYID KYI GZHI MA YIN PAR GYUR PA MTSAN NYID YIN PA DANG MA YIN PAR GYUR PA'I MTSON PAR BYA BA MA YIN NO ZHES BYA BAR SBYAR BAR BYA'O, ,DE BZHIN DU DON DAM PAR LAG PA LA SOGS PA YAN LAG YIN PAR GYUR PA DAG KYANG LHAS BYIN ZHES BYA BA YAN LAG CAN YIN PAR GYUR PA RTZOM PAR BYED PA MA YIN TE, YAN LAG CAN LA LTOS PA'I PHYIR DPER NA RTZA BA DANG SDONG PO LA SOGS PA DAG BZHIN NO ZHES BYA BAS NI YAN LAG YIN PAR GYUR PA YAN LAG CAN YIN PAR GYUR PA RTZOM PAR MI BYED PA STON TE, DE DAG NYID KYI GZHI MA YIN PAR GYUR PA MTSAN NYID YIN PA DANG MA YIN CHOS DANG, DPE YIN PAR GO RIMS BZHIN DU SBYAR TE, DPER NA RTZA BA DANG SDONG PO LA SOGS PA YAN LAG DAG NI YAN LAG CAN SHING LJON PA LA LTOS PA'I PHYIR LHAS BYIN ZHES BYA BA YAN LAG CAN YIN PAR GYUR PA RTZOM PAR BYED PA MA YIN PA DE BZHIN DU LAG PA LA SOGS PA YAN LAG YIN PAR GYUR PA DAG KYANG YAN LAG CAN LUS LA LTOS PA'I PHYIR LHAS BYIN ZHES BYA BA YAN LAG CAN YIN PAR GYUR PA RTZOM PAR BYED PA MA YIN NO,, ,,BAM PO BZHI BCU BZHI PA, DE BZHIN DU DON DAM @189A *, ,PAR LHAS BYIN ZHES BYA BA YAN LAG CAN YIN PAR GYUR PA YANG LAG PA LA SOGS PA YAN LAG YIN PAR GYUR PA DAG GIS BRTZAMS PA MA YIN TE, YAN LAG LA LTOS PA'I PHYIR DPER NA SHING LJON PA BZHIN NO ZHES BYA BA NI YAN LAG CAN YIN PAR GYUR PA YAN LAG YIN PAR GYUR PA'I BYA BA MA YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YAN LAG CAN SHING LJON PA NI YAN LAG RTZA BA DANG SDONG PO LA SOGS PA LA LTOS PA'I PHYIR LAG PA LA SOGS PA YAN LAG YIN PAR GYUR PA DAG GIS BRTZAMS PA MA YIN PA DE BZHIN DU LHAS BYIN ZHES BYA BA YAN LAG CAN YIN PAR GYUR PA YANG YAN LAG RKANG PA LA SOGS PA LA LTOS PA'I PHYIR, LAG PA LA SOGS PA'I YAN LAG YIN PAR GYUR PA DAG GIS BRTZAMS PA MA YIN NO, ,YANG NA SMRA BAR 'DOD PA'I SO MA SHAR MA ZHES BYA BA NI LAG PA LA SOGS PA YAN LAG DAG GIS BRTZAMS PA MA YIN PAR GZUNG BAR BYA STE, YAN LAG LA LTOS PA'I PHYIR DANG, YAN LAG CAN YIN PA'I PHYIR DPER NA BHA BA SHAR MA BZHIN NO ZHES BYA BAS NI RGYUD THA DAD PA'I YAN LAG CAN RGYUD THA DAD PA'I YAN LAG GI BYA BA MA YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YAN LAG CAN RGYUD THA DAD PA BHA BA SHAR MA NI YAN LAG LA LTOS PA'I PHYIR DANG YAN LAG CAN YIN PA'I PHYIR RGYUD THA DAD PA'I YAN LAG LA SOGS PA YAN LAG GIS BRTZAMS PA MA YIN PA DE BZHIN DU YAN LAG CAN RGYUD THA DAD PA SOM SHAR MA YANG YAN LAG LA LTOS PA'I PHYIR DANG YAN LAG CAN YIN PA'I PHYIR RGYUD THA DAD PA'I LAG PA LA SOGS PA YAN LAG DAG GIS BRTZAMS PA MA YIN NO, ,YANG NA DON DAM PAR SMRA BAR 'DOD PA'I LAG PA LA SOGS PA YAN LAG NI SO MA SHAR MA ZHES BYA BA YAN LAG CAN RTZOM PAR BYED PA MA YIN PAR SHES PAR BYA STE, YAN LAG CAN LA LTOS PA'I PHYIR DPER NA DE LAS GZHAN PA BZHIN NO ZHES BYA BAS NI RGYUD THA DAD PA'I YAN LAG CAN BYED PA MA YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYUD THA DAD PA BHA BA SHAR MA'I YAN LAG DAG NI YAN LAG CAN LA LTOS PA'I PHYIR RGYUD THA DAD @189B PAS SO MA SHAR MA ZHES BYA BA YAN LAG CAN RTZOM PAR BYED PA MA YIN PA DE BZHIN DU RGYUD THA DAD PA SO MA SHAR MA'I YAN LAG CAN DAG KYANG YAN LAG CAN LA LTOS PA'I PHYIR RGYUD THA DAD PA BHA BA SHAR MA ZHES BYA BA YAN LAG CAN RTZOM PAR BYED PA MA YIN NO, ,'DIR YANG DAM BCAS PA'I DON LA SOGS PA RNAM PAR BRTAG PA RGYAS PAR NI SNGA MA BZHIN NO ZHES BYA BA NI 'DIR YANG PHYOGS MTHUN PA GSUM DANG, MI MTHUN PA DRUG STE DGU LAS DE YAN CHAD DU PHYOGS MTHUN PA DANG PO BSTAN PA'I LHAG MA BRGYAD PO DAG KYANG SNGA MA BZHIN DU CI RIGS PAR SBYAR BA YIN NO, ,'DI LTAR SBYAR TE, YAN LAG MA YIN PAR GYUR PA YAN LAG CAN MA YIN PAR GYUR PA RTZOM PAR MI BYED PA DANG, YAN LAG CAN MA YIN PAR GYUR PA YAN LAG MA YIN PAR GYUR PA'I BRTZAM PAR BYA BA MA YIN PA DANG, YAN LAG YIN PA DANG MA YIN PAR GYUR PA YAN LAG CAN YIN PA DANG MA YIN PAR GYUR PA RTZOM PAR MI BYED PA DANG, YAN LAG CAN YIN PA DANG MA YIN PAR GYUR BA YAN LAG YIN PA DANG MA YIN PAR GYUR PA'I BRTZAM PAR BYA BA MA YIN PA DANG, YAN LAG YIN PAR GYUR PA YAN LAG CAN MA YIN PAR GYUR PA RTZOM PAR MI BYED PA DANG, YAN LAG CAN MA YIN PAR GYUR PA YAN LAG YIN PAR GYUR PA'I BRTZAM PAR BYA BA MA YIN PA DANG, YAN LAG MA YIN PAR GYUR PA YAN LAG YIN PAR GYUR PA RTZOM PAR MI BYED PA DANG, YAN LAG CAN YIN PAR GYUR PA YAN LAG MA YIN PAR GYUR PA'I BRTZAM PAR BYA BA MA YIN PA DANG, YAN LAG YIN PAR GYUR PA YAN LAG CAN YIN PA DANG MA YIN PAR GYUR PA RTZOM PAR MI BYED PA DANG, YAN LAG CAN YIN PA DANG MA YIN PAR GYUR PA YAN LAG YIN PAR GYUR PA'I BRTZAM PAR BYA BA MA YIN PA DANG, YAN LAG MA YIN PAR GYUR PA YAN LAG CAN YIN PA DANG MA YIN PAR GYUR PA RTZOM PAR MI BYED PA DANG, YAN LAG CAN YIN PA DANG MA YIN PAR GYUR PA YAN LAG MA YIN PAR GYUR PA'I BRTZAM PAR BYA BA MA YIN PA DANG, YAN LAG YIN PA DANG MA YIN PAR GYUR PA YAN LAG CAN YIN PAR GYUR PA RTZOM PAR MI BYED PA DANG, YAN LAG CAN YIN PAR GYUR PA YAN LAG YIN PA DANG MA YIN PAR GYUR PA'I BRTZAM PAR BYA BA MA YIN PA DANG, YAN LAG YIN PA DANG MA YIN PAR GYUR PA YAN LAG CAN MA YIN PAR GYUR PA RTZOM PAR MI BYED PA DANG, YAN LAG CAN MA YIN PAR GYUR PA YAN LAG YIN @190A *, ,PA DANG MA YIN PAR GYUR PA'I BRTZAM PAR BYA BA MA YIN NO ZHES SBYAR BAR BYA'O, ,YANG GZHAN YANG 'DI LA YAN LAG CAN DE YAN LAG DAG LA CHA SHAS KYIS 'JUG PAR 'DOD DAM, BDAG NYID THAMS CAD KYIS 'JUG PAR 'DOD CES BYA BAS NI YAN LAG CAN LHAS BYIN ZHES BYA BA DE LAG PA LA SOGS PA YAN LAG RE RE DAG LA CHA SHAS RE RES 'JUG PAR 'DOD DAM, LAG PA LA SOGS PA YAN LAG RE RE LA BDAG NYID THAMS CAD RDZOGS PA RE RES 'JUG PAR 'DOD CES BRTAG PA RNAM PAR STON TO, ,DE LA BRTAG PA SNGA MA LTAR MI 'THAD PAR BSTAN PA'I PHYIR DE LA GAL TE BRTAG PA SNGA MA LTAR 'DOD NA NI LHAS BYIN ZHES BYA BA YAN LAG CAN GYI RKANG PA LA SOGS PA DAG DE'I CHA SHAS LAG PA'I PHYOGS NA 'DUG PA GANG YIN PA DE RTZOM PAR BYED PA MA YIN TE, DE DAG TU MA ZHUGS PA'I PHYIR DPER NA RGYU SPUN LA SOGS PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN ZHES BYA BA YAN LAG CAN DE'I CHA SHAS YAN LAG LAG PA'I PHYOGS NA 'DUG PA GANG YIN PA DE NI, SNAM BU'I YAN LAG RGYU SPUN LA SOGS PA DE DAG TU MA ZHUGS PA'I PHYIR YAN LAG RGYU SPUN LA SOGS PA DE DAG LHAS BYIN ZHES BYA BA YAN LAG CAN DE'I CHA SHAS YAN LAG LAG PA'I PHYOGS NA 'DUG PA GANG YIN PA DE RTZOM PAR BYED PA MA YIN PA DE BZHIN DU LHAS BYIN ZHES BYA BA YAN LAG CAN DE'I CHA SHAS YAN LAG LAG PA'I PHYOGS NA 'DUG PA GANG YIN PA DE, DE'I YAN LAG RKANG PA LA SOGS PA DE DAG TU YANG MA ZHUGS PA'I PHYIR YAN LAG RKANG PA LA SOGS PA DE DAG KYANG LHAS BYIN ZHES BYA BA YAN LAG CAN DE'I CHA SHAS YAN LAG LAG PA'I PHYOGS NA 'DUG PA GANG YIN PA DE RTZOM PAR BYED PA MA YIN NO, ,BRTAG PA PHYI MA LTAR 'THAD MI 'THAD PAR BSTAN PA'I PHYIR CI STE BRTAG PA PHYI MA LTAR 'DOD NA NI LHAS BYIN ZHES BYA BA YAN LAG CAN GYI BDAG NYID LAG PA'I PHYOGS NA 'DUG PA GANG YIN PA DE DE'I RKANG PA LA SOGS PAS BRTZAMS PA MA YIN TE, DE DAG TU MA ZHUGS PA'I PHYIR DPER NA BA LANG LA SOGS PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BA LANG LA SOGS PA YAN LAG CAN GYI ? @190B BDAG NYID GANG YIN PA DE NI LHAS BYIN ZHES BYA BA YAN LAG CAN DE'I YAN LAG RKANG PA LA SOGS PA DE DAG TU MA ZHUGS PA'I PHYIR BA LANG LA SOGS PA YAN LAG CAN GYI BDAG NYID GANG YIN PA DE LHAS BYIN ZHES BYA BA YAN LAG CAN DE'I YAN LAG RKANG PA LA SOGS PAS BRTZAMS PA MA YIN PA DE BZHIN DU, LHAS BYIN ZHES BYA BA YAN LAG CAN GYI BDAG NYID YAN LAG LAG PA'I PHYOGS NA 'DUG PA GANG YIN PA DE YANG LHAS BYIN ZHES BYA BA YAN LAG CAN DE'I YAN LAG RKANG PA LA SOGS PA DE DAG TU MA ZHUGS PA'I PHYIR LHAS BYIN ZHES BYA BA YAN LAG CAN GYI BDAG NYID YAN LAG LAG PA'I PHYOGS NA 'DUG PA GANG YIN PA DE LHAS BYIN ZHES BYA BA YAN LAG CAN DE'I YAN LAG RKANG PA LA SOGS PAS BRTZAMS PA MA YIN NO, ,DE LA BRTAG PA SNGA MA LA NI YAN LAG CAN CHA SHAS DANG BCAS PA NYID DU GYUR LA, BRTAG PA PHYI MA LA NI YAN LAG CAN MANG PO NYID DU 'GYUR BAS DE'I PHYIR DE LA MNGON PAR ZHEN PAR MI BYA'O ZHES BYA BA NI MJUG BSDU BA DANG TSAD MA'I 'BRAS BU YIN TE, YAN LAG CAN DE YAN LAG DAG LA CHA SHAS KYIS 'JUG PA ZHES BYA BA BRTAG PA SNGA MA LA NI YAN LAG CAN CHA SHAS DANG BCAS PA NYID DU GYUR PAS, BYE BRAG PA DAG NYID YAN LAG CAN CHA SHAS MED PA NYID DU 'DOD PA DANG 'GAL LA, YAN LAG CAN DE YAN LAG DAG LA BDAG NYID THAMS CAD KYIS 'JUG PA ZHES BYA BA BRTAG PA PHYI MA LA NI YAN LAG CAN MANG PO NYID DU 'GYUR BAS BYE BRAG PA DAG NYID YAN LAG CAN GCIG NYID DU 'DOD PA DANG 'GAL BA'I PHYIR BYE BRAG PA DAG GIS YAN LAG DANG YAN LAG CAN DE LA MNGON PAR ZHEN PAR MI BYA'O, ,DE LA 'DIR RAB TU BYED PA'I DON NI PHA ROL POS PHUNG PO LA SOGS PA DAG YOD PA NYID DU BSGRUB PA'I PHYIR RAB TU BYED PA'I DANG POR GTAN TSIGS SMRAS PA'I DON MA GRUB PA NYID DU BRJOD PAS BYED PA PO DANG LAS DAG NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, BYED PA PO DANG LAS BRTAG PA'I RAB TU BYED PA BRGYAD PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS PHUNG PO LA SOGS PA DAG NGO BO NYID YOD PA NYID DU BSGRUB PA'I PHYIR RAB TU BYED PA 'DI'I DANG POR DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA'I PHYIR RO ZHES BYA BA LA SOGS PA SMRAS PA'I GTAN @191A *, ,TSIGS KYI DON MA GRUB PA NYID DU BRJOD PAS BYED PA PO DANG LAS DAG NGO BO NYID MED PA NYID DU BSTAN PA YIN NO, ,BYED PA PO DANG LAS DAG NGO BO NYID MED PA NYID DU BSTAN PA LA YON TAN CI YOD PA BSTAN PA'I PHYIR DANG, BYED PA PO DANG LAS DAG NGO BO NYID MED PA NYID DU BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES BYA BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR THEG PA CHEN PO'I MDO SDE MTHA' DAG LAS, LUS DANG NGAG DANG YID DAG GIS MNGON PAR 'DUS BYED PA MED PA NI YANG DAG PA'I LAS KYI MTHA' 'O ZHES BYA BA LA SOGS PA GSUNGS PA DAG GRUB PA YIN TE, DES NI BYED PA PO DANG LAS GNYI GA NGO BO NYID MED PA NYID DU BSGRUBS PA'I KHUNGS BSTAN TO, ,DE BZHIN DU BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS LA BYED PA PO'AM BYED DU 'JUG PA PO MED DO, ,TSOR BA DANG 'DU SHES DANG 'DU BYED RNAMS DANG RNAM PAR SHES PA LA BYED PA PO'AM BYED DU 'JUG PA PO MED DO, ,GZUGS LA BYED PA PO'AM BYED DU 'JUG PA PO MED PA DANG, TSOR BA DANG 'DU SHES DANG 'DU BYED RNAMS DANG RNAM PAR SHES PA LA BYED PA PO'AM, BYED DU 'JUG PA PO MED PA GANG YIN PA DE NI SHES RAB KYI PHA ROL TU PHYIN PA'O ZHES GSUNGS PA DANG, DE BZHIN DU BCOM LDAN 'DAS MA SHES RAB KYI PHA ROL TU PHYIN PA 'BUM LAS, BCOM LDAN 'DAS SHES RAB KYI PHA ROL TU PHYIN PA 'DI NI MA BGYIS PA'O, ,BKA' STZAL PA, SHAR DVA TI'I BU BYED PA PO DE DMIGS SU MED PA'I PHYIR RO ZHES BYA BA GSUNGS PA DAG GRUB PA YIN TE, DE DAG GIS NI BYED PA PO NGO BO NYID MED PA NYID DU BSGRUBS PA'I KHUNGS BSTAN TO, ,DE BZHIN DU BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS NI DGE BA'AM MI DGE BA MA YIN NO, ,TSOR BA DANG 'DU SHES DANG 'DU BYED RNAMS DANG RNAM PAR SHES PA YANG DGE BA'AM MI DGE BA MA YIN NO, ,GZUGS DGE BA'AM MI DGE BA MA YIN PA GANG YIN PA DANG, TSOR BA DANG 'DU SHES DANG 'DU BYED RNAMS DANG RNAM PAR SHES PA DGE BA'AM MI DGE BA MA YIN PA GANG YIN @191B PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BAS NI LAS NGO BO NYID MED PA NYID DU BSGRUBS PA'I KHUNGS BSTAN TO, ,DE LTAR YID CHES PA'I LUNG DE DAG GRUB PA NI BYED PA PO DANG LAS DAG NGO BO NYID MED PA NYID DU BSTAN PA'I YON TAN YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS BYED PA PO DANG LAS DAG NGO BO NYID MED PA NYID DU BSTAN PA MA YIN TE, 'DI LTAR LUNG DE DAG KYANG YOD DO, ,GANG GI PHYIR DE LTAR THEG PA CHEN PO'I MDO SDE MTHA' YAS PA DAG LAS BYED PA PO DANG LAS LA SOGS PA DAG NGO BO NYID MED PA NYID DU GSUNGS PA DE DAG 'DIR BSTAN BCOS 'DIS RAB TU GRUB PAR BSGRUBS PA NI SLOB DPON GYI ZHAL SNGA NAS KYIS MKHYEN RLABS YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS, BYED PA PO DANG LAS BRTAG PA ZHES BYA BA STE RAB TU BYED PA BRGYAD PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS NYE BAR LEN PA PO DANG NYE BAR BLANG BA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA DGU PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS 'DIR YANG SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE PHUNG PO DANG KHAMS DANG SKYE MCHED DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS PHUNG PO DANG KHAMS DANG SKYE MCHED DAG YOD PA NYID DU BSGRUB PA'I PHYOGS SNGA MA NYE BAR GZHAG PA 'OG NAS, LTA DANG NYAN LA SOGS PA DANG, ,TSOR SOGS DANG @192A *, ,YANG DBANG BYAS PA, ,GANG GI YIN PA DE DAG GI ,SNGA ROL DE YOD KHA CIG SMRA, ,DNGOS PO YOD PA MA YIN NA, ,LTA LA SOGS PA CI LTAR 'GYUR, ,DE PHYIR DE DAG SNGA ROL NA, ,DNGOS PO GNAS PA DE YOD DO, ,ZHES BYA BA LA SOGS PA GANG ZAG YOD PA NYID DU SGRUB PA'I GTAN TSIGS NYE BAR LEN PA PO DANG NYE BAR BLANG BA DAG NGO BO NYID YOD PA NYID DU SMRA BA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA DGU PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS NYE BAR LEN PA PO DANG NYE BAR BLANG BA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA DGU PA RTZOM ZHES BYA BA SMRAS TE, NYE BAR LEN PA PO DANG NYE BAR BLANG BA BRTAG PA'I RAB TU BYED PA DGU PA'I GZHUNG 'OG NAS 'BYUNG BA 'DI'I DON NI NYE BAR LEN PA PO DANG NYE BAR BLANG BA DAG NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, ,RNAM PA GANG GIS NI 'BRAS BU DE 'THOB CE NA, NYE BAR LEN PA PO DANG NYE BAR BLANG BA DAG NGO BO NYID MED PA NYID DU BSTAN PA NI DE'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, RAB TU BYED PA 'DAS MA THAG PAR, DE BZHIN NYER LEN SHES PAR BYA, ,ZHES SMOS PA DER, NYE BAR LEN PA PO YIN PAR GYUR PA DANG, MA YIN PAR GYUR PA DANG, YIN PA DANG MA YIN PAR GYUR PA NYE BAR BLANG BA YIN PAR GYUR PA DANG MA YIN PAR GYUR PA DANG YIN PA DANG MA YIN PAR GYUR PA NYE BAR LEN PAR MI BYED DO ZHES BSHAD PA'I PHYIR 'DIR SMRAS PA ZHES BYA BA LA SOGS PA SMRAS TE, RANG GI SDE PA DAG DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS BYED PA PO DANG LAS DAG BSTAN PA'I PHYIR RO ZHES ZER BA'I GTAN TSIGS SUN DBYUNG BA'I ZHAR LA BYED PA DANG LAS BRTAG PA'I RAB TU BYED PA 'DAS MA THAG PAR, DE BZHIN NYER LEN SHES PAR BYA, ,ZHES SMOS PAS NYE BAR LEN PA PO DANG NYE BAR BLANG BA DAG DGAG PA'I PHYOGS RNAM PA DGUS DE DAG @192B BKAG TU ZIN KYANG DE DAG LA MNGON PAR ZHEN PA RANG GI SDE PA DAG LAS, GNAS MA'I BU'I SDE PA DAG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR, LTA DANG NYAN LA SOGS PA DANG, ,TSOR SOGS DANG YANG DBANG BYAS PA, ,GANG GI YIN PA DE DAG GI ,SNGA ROL DE YOD KHA CIG SMRA, ,ZHES BYA BA LA SOGS PA SMRAS SO, ,DE LA LTA ZHES BYA BA NI 'DIS LTA BAR BYED PA'I PHYIR RO ZHES BYA BA NI BYED PA BSTAN PA YIN TE, BYED PA PO BDAG SNGA NA GNAS PA DE BYED PA MIG 'DIS LTA BAR BYED PA'I PHYIR MIG NI LTA BA'O ZHES ZER RO, ,NYAN ZHES BYA BA LA SOGS PA DAG LA YANG DE BZHIN NO ZHES BYA BA NI NYAN PA DANG SNOM PA DANG MYONG BAR BYED PA DANG REG PAR BYED PA DANG YID CHES BYA BA DAG LA YANG DE BZHIN DU SBYAR RO, ,SOGS PA ZHES BYA BA NI GANG DAG GI DANG POR LTA BA DANG NYAN PA BSTAN PA DAG GO ZHES TSIG RNAM PAR SBYAR RO ZHES BYA BA NI SNOM PA DANG MYONG BAR BYED PA DANG REG PAR BYED ? PA DANG YID CES BYA BA GANG DAG GI DANG PO LTA BA DANG NYAN PA BSTAN PA DE DAG NI, LTA DANG NYAN LA SOGS PA DANG, ,ZHES BYA BA YIN NO ZHES TSIG RNAM PAR SBYAR TE, DES DBANG PO DRUG CAR BSDUS SO ZHES BYA BA'I THA TSIG GO, ,TSOR ZHES BYA BA NI TSOR BA'O ZHES BYA BA NI REG PA'I RKYEN GYIS TSOR BA ZHES BYA BA YIN NO, ,SOGS ZHES BYA BA NI RNAM PAR SHES PA DANG REG PA DANG YID LA BYED PA DANG SEMS PA LA SOGS PA GANG DAG GI DANG POR TSOR BA BSTAN PA DAG GO ZHES BYA BA NI SEMS DANG SEMS LAS BYUNG BA'I TSOGS GANG DAG GI DANG POR TSOR BA BSTAN PA DE DAG NI TSOR SOGS ZHES BYA BA YIN NO ZHES TSIG RNAM PAR SBYAR TE DES NI SEMS DANG SEMS LAS BYUNG BA'I CHOS THAMS CAD BSDUS SO ZHES BYA BA'I THA TSIG GO, ,DANG ZHES BYA BA'I SGRA NI KUN BSDU BA'I DON TO ZHES BYA BA NI SMRAS PA DANG MA SMRAS PA KUN BSDU BA'I DON TE, SMRAS PA NI LTA BA DANG NYAN PA DANG TSOR BA'O, ,MA SMRAS PA NI DBANG PO DANG SEMS DANG SEMS LAS BYUNG BA LHAG MA RNAMS TE, DE DAG KUN 'DIR BSDU BA'I DON TO, ,YANG ZHES BYA BA'I SGRA NI YID CHES PA'I DON TO ZHES BYA BA NI DBANG PO DANG SEMS DANG SEMS LAS BYUNG BA LHAG MA 'DIR BSDU BA DAG KYANG 'DI'I KHONGS SU GTOGS PA YIN PAR YID CHES PA'I DON TO, ,DBANG BYAS PA ZHES BYA BA'I SGRA NI DBANG DU BYAS PA LA 'JUG PA'I DON TO ZHES BYA BA NI TSIG LE'UR BYAS PA'I PHYED GONG MA 'DI NI DBANG @193A *, ,PO DANG SEMS DANG SEMS LAS BYUNG BA THAMS CAD BSDU BA'I DBANG DU BYAS PA YIN PAS DE LA 'JUG PA'I DON TE, DES NA TSIG LE'UR BYAS PA'I PHYED GONG MA 'DIS DBANG PO DRUG DANG RNAM PAR SHES PA DRUG DANG SEMS DANG SEMS LAS BYUNG BA MANG PO PA THAMS CAD BSDUS SO ZHES BYA BA'I THA TSIG GO, , DE'I PHYIR LTA BA LA SOGS PA DE DAG NYE BAR LEN PA PO GANG GI YIN PA'I LTA BA LA SOGS PA DANG, TSOR BA LA SOGS PA DE DAG GI SNGA ROL NA NYE BAR LON PA PO DE YOD DO ZHES KHA CIG SMRA STE ZHES BYA BA NI LTA BA LA SOGS PA DBANG PO DRUG DANG, RNAM PAR SHES PA DRUG DANG, SEMS LAS BYUNG BA SA MANG PO PA THAMS CAD NI NYE BAR BLANG BA YIN LA, BDAG SNGA NA GNAS PA ZHES BYA BA GANG ZAG NI NYE BAR LEN PA PO YIN PAS DE'I PHYIR LTA BA LA SOGS PA NYE BAR BLANG BA DE DAG GANG ZAG NYE BAR LEN PA PO GANG GI NYE BAR BLANG BA YIN PA'I LTA BA LA SOGS PA NYE BAR BLANG BA DE DAG GI SNGA ROL NA GANG ZAG NYE BAR LEN PA PO DE YOD DO ZHES KHA CIG SMRA STE ZHES BYA BAR SBYAR RO, ,KHA CIG CES BYA BA NI RANG GI SDE PA THAMS CAD KYIS DE LTAR KHAS MA BLANGS PA'I PHYIR GNAS MA'I BU'I SDE BA DAG STE, DE DAG 'DI SKAD CES ZER RO ZHES BYA BAR STON TO ZHES BYA BAS NI NYE BAR BLANG BA'I SNGA ROL NA NYE BAR LEN PA PO YOD DO ZHES KHA CIG SMRA BA NI RANG GI SDE PA THAMS CAD MA YIN GYI, NYAN THOS GNAS MA'I BU'I SDE PA DAG DE SKAD CES ZER RO ZHES BYA BAR BSTAN TO, ,DE NI PHA ROL POS DAM BCAS PA NYE BAR GZHAG PA YIN NO ZHES BYA BAR NYE ? BAR LEN PA PO NYE BAR BLANG BA'I SNGA ROL NA YOD DO ZHES ZER BA DE NI PHYOGS SNGA MA SMRA BA DAG GI DAM BCAS PA NYE BAR GZHAG PA STE PHYOGS YIN NO, ,SGRUB PA'I CHOS DANG, DPES RJES SU DPAG PA NI 'OG NAS STON TO, ,DE DAG 'DI SKAD CES ZER TE, 'DI LTAR NYE BAR LEN PA PO GNAS NA NYE BAR BLANG BA DE DAG SHES PAR BYED ? RUNG STE, DE LA LTOS NAS DE DAG 'BYUNG BA'I PHYIR RO ZHES BYA BAS NI RJES SU 'GRO BA'I SGO NAS NYE BAR SBYAR BA'I SBYOR BA BSTAN TE, DES NI SGRUB PA'I CHOS STON TO, ,GZHAN DU DAM BCAS NA, DNGOS PO YOD PA MA YIN NA, ,LTA LA SOGS PA CI LTAR 'GYUR, ,ZHES BYA BAS NI LDOG PA'I SGO NAS NYE BAR SBYAR BA'I SBYOR BA BSTAN TE, DES NI CHOS MTHUN PA'I DPE STON TO, ,DES NA, DE PHYIR DE DAG SNGA ROL NA, ,DNGOS PO GNAS PA DE YOD DO, ,ZHES BYA BA NI MJUG BSDU BA'I TSIG YIN NO ZHES BYA BA NI DAM BCAS PA NYE BAR GZHAG PA'I @193B MJUG BSDU BA DANG TSAD MA'I 'BRAS BU YIN NO, ,DE LTA BAS NA SNGA MA BZHIN DU GTAN TSIGS DANG DPE MNGON PAS RJES SU DPAG PA CI ZHES BYA BA NI CI LTAR SNGAR DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE ZHES DAM BCAS PA LA GTAN TSIGS DANG DPE DAG YOD PA DE BZHIN DU 'DIR NYE BAR LEN PA PO NYE BAR BLANG BA'I SNGA ROL NA YOD PAR DAM BCAS PA LA YANG RJES SU 'GRO BA'I SGO NAS NYE BAR SBYAR BA'I SBYOR BA BSTAN PAS NI NYE BAR LEN PA PO YIN PA'I PHYIR RO ZHES BYA BA'I GTAN TSIGS MNGON LA LDOG PA'I SGO NAS NYE BAR SBYAR BA'I SBYOR BA BSTAN PAS NI DPER NA SAB MA MKHAN RTZI RKYANG LA SOGS PA DAG GI SNGA ROL NA GNAS PA YOD PA BZHIN NO ZHES BYA BA'I DPE MNGON PAS 'DIR RJES SU DPAG PA NI 'DI LTAR BYA STE ZHES BYA BAR SBYAR RO, ,NYE BAR LEN PA PO DE LTA BA LA SOGS PA'I PHA ROL NA GNAS PA YOD DE NYE BAR LEN PA PO YIN PA'I PHYIR RO, ,'DI NA GANG NYE BAR LEN PA PO YIN PA DE NI NYE BAR BLANG BA DAG GI SNGA ROL NA GNAS PA KHO NA YIN TE, DPER NA SAB MA MKHAN RTZI RKYANG LA SOGS PA DAG GI SNGA ROL NA GNAS PA YOD PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, NYE BAR SBYAR BA'I SBYOR BA DANG, CHOS MTHUN PA'I PHYOGS KYI DPE YIN PAR GO RIMS BZHIN DU SBYAR TE, 'DI NA GANG NYE BAR LEN PA PO YIN PA DE NI NYE BAR BLANG BA DAG GI SNGA ROL NA GNAS PA KHO NA YIN PAS, DPER NA SAB MA MKHAN NI NYE BAR LEN PA PO YIN PA'I PHYIR RTZI RKYANG LA SOGS PA NYE BAR BLANG BA DAG PA'I SNGA ROL NA GNAS PA YIN PA DE BZHIN DU GANG ZAG NYE BAR LEN PA PO DE YANG NYE BAR LEN PA PO YIN PA'I PHYIR LTA BA LA SOGS PA NYE BAR BLANG BA DAG GI SNGA ROL NA GNAS PA KHO NA YIN NO 'DIR GAL TE DBU MA DAG NA RE KHYOD KYIS GANG ZAG NYE BAR LAN PA PO PHYOGS SU BYAS PAS DE KHO BO CAG LA MA GRUB PA'I PHYIR KHYED KYI GTAN TSIGS GANG YANG RUNG BA LA MA GRUB PA DANG, GZHI MA GRUB PA'I SKYON DU 'GYUR RO ZHES ZER BA BSAL BA'I PHYIR, YANG NA LTA BA DANG NYAN PA LA SOGS PA NYE BAR BLANG BA DAG NI NYE BAR LEN PA PO SNGA NA GNAS PA DANG LDAN PAR SHES PAR BYA STE, NYE BAR BLANG BA YIN PA'I PHYIR DPER NA RTZI RKYANG LA SOGS PA BZHIN NO ZHES BYA BAS NYE BAR BLANG BA PHYOGS SU BYAS PA'I RJES SU DPAG PA GZHAN BSTAN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, @194A *, ,DPER NA RTZI KYANG LA SOGS PA DAG NI NYE BAR BLANG BA YIN PA'I PHYIR NYE BAR LEN PA PO SAB MA MKHAN SDAN GNAS PA DANG LDAN PAR SHES PAR BYA BA DE BZHIN DU, LTA BA DANG NYAN PA LA SOGS PA DAG KYANG NYE BAR BLANG BA YIN PA'I PHYIR NYE BAR LEN PA PO GANG ZAG SDAN NA GNAS PA DANG LDAN PAR SHES PAR BYA STE, DE'I PHYIR NYE BAR BLANG BA NYE BAR LEN PAR BYED PA NYID KYIS NYE BAR LEN PA PO NYE BAR LEN PA PO ZHES GRAGS PAR 'GYUR ZHING NYE BAR LEN PA POS NYE BAR BLANG BA NYID KYIS KYANG NYE BAR BLANG BA NYE BAR BLANG BA ZHES GRAGS PAR 'GYUR BAS GNYI GA 'GRUB BO ZHES BYA BA DAG NI RJES SU DPAG PA SNGA MA GNYIS KYI MJUG BSDU BA YIN TE, GO RIMS BZHIN DU SBYAR RO, ,DES NA KHO BO CAG GIS DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS NYE BAR LEN PA PO DANG, NYE BAR BLANG BA BSTAN PA'I PHYIR RO ZHES GANG SMRAS PA DE NYAMS PA MED DO ZHES BYA BA NI TSAD MA'I 'BRAS BU YIN TE, DE LTAR NYE BAR LEN PA PO DANG NYE BAR BLANG BA YOD PAS GRUB PA DES NA KHO BO CAG GIS SNGAR BYED PA PO DANG LAS BRTAG PA'I RAB TU BYED PA'I DANG POR DE SKAD CES DAM BCAS PA DE NYAMS PA MED DO ZHES ZER TE, DE NI PHYOGS SNGA MA NYE BAR GZHAG PA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, LTA DANG NYAN LA SOGS PA DANG, ,TSOR LA SOGS PA NYID KYI NI, ,SNGA ROL DNGOS PO GANG GNAS PA, ,DE NI GANG GIS GDAGS PAR BYA, ,ZHES BYA BA LA SOGS PA SMRAS SO, ,DE NYID BSTAN PA'I PHYIR LTA BA LA SOGS PA DANG TSOR BA LA SOGS PA DANG MED NA GANG DAG LA BRTEN NAS 'DI NYE BAR LEN PA PO'O ZHES NYE BAR 'DOGS PAR BYED PA'I NYE BAR BLANG BA GZHAN 'GA' YANG MED DO ZHES BYA BA SMRAS TE, LTA BA LA SOGS PA NYE BAR BLANG BA DAG LA BRTEN NAS BDAG SNGA NA GNAS PA DE NYE BAR LEN PA PO YIN NO ZHES NYE BAR GDAGS PA YIN NA, LTA BA LA SOGS PA DAG MED PA'I SNGA ROL NA GANG DAG LA BRTEN NAS 'DI NYE BAR LEN PA'O ZHES BYA BAR 'DOGS PAR BYED PA'I NYE BAR BLANG BA GZHAN 'GA' YANG MED DO, ,DE NYID BYE BRAG TU BSTAN PA'I PHYIR THA SNYAD KYI DUS SU LTA BA LA SOGS PA DAG NYID KYIS DE GDAGS PAR BYA BA YIN NA LTA BA LA SOGS PA DE DAG KYANG SKYE BA'I SNGA ROL NA MED DE DE DAG MED NA DE DAG GIS GDAGS PAR BYA ZHES BYA BA SMRAS SO, ,'DOGS PA MED NA GDAGS @194B PA YANG MED PA'I DPE BSTAN PA'I PHYIR DE'I TSE NYE BAR BLANG BA DAG MED NA DE YANG MED DE, SHING DA BA LA SOGS PA DAG MED NA NAGS TSAL YANG MED PA BZHIN NO ZHES BYA BAR DGONGS SO ZHES BYA BA SMRAS SO, ,YANG NA, LTA DANG NYAN LA SOGS PA DANG, ,TSOR BA LA SOGS NYID KYI NI, ,SNGA ROL DNGOS PO GANG GNAS PA, ,DE NI GANG GIS GDAGS PAR BYA, ,NYE BAR BLANG BA LA BRTEN NAS NYE BAR LEN PA PO GDAGS PAR BYA BA NYID DO ZHES BYA BAR DGONGS SO ZHES BYA BA'I TSIG LE'UR BYAS PA'I RNAM PAR BSHAD PA GNYIS PA 'DIS NI LTA BA LA SOGS PA NYE BAR BLANG BA DAG LA BRTEN NAS NYE BAR LEN PA PO DE GDAGS PAR BYA BA NYID YIN PAS GANG THA SNYAD DU BRTEN NAS GDAGS PA DE NI DON DAM PAR NGO BO NYID MED PA NYID YIN NO ZHES BYA BAR DGONGS PA STON TO, ,DE LTAR NA 'DIS NI NYE BAR LEN PA PO'I CHOS BRTEN NAS GDAGS PAR BYA BA NYID BSTAN TO ZHES BYA BAS NI CHOS CAN NYE BAR LEN PA PO DE LTA BA LA SOGS PA NYE BAR BLANG BA DAG GI SNGA ROL NA MED PAR BSGRUBS PA'I PHYOGS KYI CHOS NI BRTEN NAS GDAGS PAR BYA BA NYID YIN PAR BSTAN TO, ,DE'I PHYIR, SNGA MA BZHIN DU YAN LAG LHAG MA MNGON PAS 'DIR RJES SU DPAG PA NI 'DI LTAR BYA STE ZHES BYA BAR SBYAR TE, SGRUB PA'I CHOS DANG DPE MNGON PAS SO, ,NYE BAR LEN PA PO DE LTA BA LA SOGS PA NYE BAR BLANG BA DAG GI SNGA ROL NA MED DE, GDAGS PAR BYA BA YIN PA'I PHYIR DPER NA SNAM BU RGYU SPUN DAG GI SNGA ROL NA MED PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNAM BU NI RGYU SPUN DAG LA BRTEN NAS GDAGS PAR BYA BA YIN PA'I PHYIR RGYU SPUN DAG GI SNGA ROL NA MED PA DE BZHIN DU NYE BAR LEN PA PO DE NYE BAR BLANG BA DAG LA BRTEN NAS GDAGS PAR BYA BA YIN PA'I PHYIR NYE BAR BLANG BA DAG GI SNGA ROL NA MED DO, ,DES NA NYE BAR LEN PA PO MA GRUB PA'I PHYIR GTAN TSIGS DE NYID KYI DON MA GRUB PA NYID KYI SKYON NAM, DON 'GAL BA NYID KYI SKYON YOD DO ZHES BYA BA LA SOGS PA NI 'JUG BSDU BA DANG TSAD MA'I 'BRAS BU YIN TE, DE LTAR NYE BAR LEN PA PO MA GRUB PA'I PHYIR GNAS MA'I BU'I SDE PA DAG GI RJES SU DPAG PA RNAM GNYIS CI SKAD SMRAS PA'I GTAN TSIGS KYI DON DE DAG DON DAM PAR SGRUB NA NI MA GRUB PA'I SKYON CHAGS PA NYID YIN LA, KUN RDZOB TU SGRUB NA NI DON 'GAL BA NYID KYI SKYON CHAGS PA YIN NO, ,DON DAM PAR SAB MA MKHAN DANG RTZI RKYANG LA SOGS PA DAG KYANG NYE BAR LEN PA PO DANG NYE BAR BLANG BA NYID DU @195A *, ,MA GRUB PA'I PHYIR DPE YANG MED DO ZHES BYA BAS NI GNAS MA'I BU'I SDE PA DAG GI DPES PA MA MKHAN DANG RTZI RKYANG LA SOGS PA DAG BZHIN NO ZHES BYA BA MA GRUB PAR BSTAN TO, ,YANG GNAS MA'I BU'I SDE PA DAG LAS KHA CIG PHYIR ZLOG PAR BYED DE ZHES BYA BA NI DE DAG LAS GANG DAG RJES SU DPAG PA MED PAR LUNG TZAM GYIS GANG ZAG YOD PA NYID DU ZHUGS PA DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DE DAG NA RE, LUNG LAS NYE BAR LEN PA PO LHAR GYUR PA SNGA NA GNAS PA YOD PA LHAR 'GYUR PA'I LAS YONGS SU ZAD PAS MI LA SOGS PA'I PHUNG PO NYE BAR BLANG BA'I NYE BAR LEN PA PO NYID DU 'GYUR BAR GRAGS PAS RJES SU DPAG PAS NYE BAR LEN PA PO MED PA NYID DU BSTAN PA KHO BO CAG MI 'DOD DE ZHES ZER TE, DE DAG NA RE LUNG LAS NYE BAR LEN PA PO SNGON LHAR GYUR PA SNGA NA GNAS PA YOD PA LHAR GYUR PA'I LAS YONGS SU ZAD PAS MI DANG DUD 'GRO DANG YI DAGS DANG SEMS CAN DMYAL BA'I PHUNG PO NYE BAR BLANG BA'I NYE BAR LEN PA PO NYID DU 'GYUR BAR GRAGS TE, DE LTAR YANG LUNG LAS DE NYID DE'I TSE DE'I DUS NA LHA'I DBANG PO BRGYA BYIN DU GYUR TO ZHES GSUNGS PAS KHYED DBU MA PAS NYE BAR LEN PA PO SNGA NA GNAS PA MED PAR BSTAN PA DE KHO BO CAG MI 'DOD DO ZHES ZER RO, ,DON DE NYID BSAL BAR BYA BA'I PHYIR SLOB DPON BHATTRI HA RIS RJES SU} DPAG PA SUN PHYUNG BA'I KHUNGS BSTAN PA'I PHYIR, LONG BA RKANG PA'I TSOD DPAG GIS, ,NYAM DA'I LAM DU RGYUG PA LTAR, ,RJES SU DPAG PA GTZOR 'DZIN PA, ,RNAM PAR LHUNG BA MI DKA'O, ,ZHES BYA BA LTA BUR 'GYUR RO ZHE NA ZHES BYA BA SMRAS TE, DPER NA LONG BA RKANG BA'I TSOD DPAG GIS LAM BDE BA SPANGS TE NYAM NGA'I LAM DU RGYUG PA SHING LA SOGS PA DAG GIS BRDOS PA LA RDEG 'CHA' ZHING RNAM PAR LTUNG BA MI DKAR BA DE BZHIN DU, YID CHES PA'I LUNG SPANGS PA RJES SU DPAG PA'I TSED DPAG GIS RTOG GE SKAM PO'I LAM DU RGYUG PA DAG KYANG TSE 'DI LA YANG 'KHRUL PA'I GNOD PAR 'GYUR LA, TSE PHYI MA LA YANG 'BRAS BU MI 'DOD PAR RNAM PAR LTUNG BAR 'GYUR RO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE ZHES BYA BA LA SOGS PA SMRAS TE, SGRUB PA DE NI GANG ZAG YOD PA NYID DU SGRUB PA MA YIN NO, ,CI'I PHYIR ZHE NA, LHA YAB LHA'I NYE BAR BLANG BA DAG NYID LA BRTEN NAS LHA NYID DU GDAGS BAR BYA BA @195B YIN PA'I PHYIR DANG ZHES BYA BA SMRAS TE, KHYED NYE BAR LEN PA PO LHAR GYUR PA SNGA NA GNAS PA YOD PA LHAR GYUR PA'I LAS YONGS SU ZAD PAS MI LA SOGS PA'I PHUNG PO NYE BAR BLANG BA'I NYE BAR LEN PA PO NYID DU 'GYUR BAR 'DOD PA DE NI LHA NYID KYI LTA BA LA SOGS PA NYE BAR BLANG BA DAG GI NYE BAR LEN PA PO NYID YIN GYI, MI LA SOGS PA'I LTA BA LA SOGS PA NYE BAR BLANG BA DAG GI NYE BAR LEN PA PO NYID MA YIN TE, RGYUD THA DAD PA DANG DUS THA DAD PA'I PHYIR RO, ,DES NA NYE BAR BLANG BA DAG GI SNGA ROL NA NYE BAR LEN PA PO MED DO, ,GZHAN YANG RKANG PA'I TSOD DPAG NI MI MTHUN PA'I PHYOGS LA YANG YOD PAS RJES SU DPAG PA NYID DU MA GRUB PA'I PHYIR YANG DE NI RIGS PA MA YIN TE, KHYED NA RE, LONG BA RKANG PA'I TSOD DPAG GIS, ,NYAM DA'I LAM DU RGYUG PA LTAR, ,RJES SU DPAG PA GTZOR 'DZIN PA, ,RNAM PAR LTUNG BA MI DKA'O, ,ZHES ZER BA'I RKANG PA'I TSOD DPAG NI MI MTHUN PA'I PHYOGS LAM NYAM NGA BAR 'GRO BA YANG YOD KYI, KHO BO'I RJES SU DPAG PA NI MI MTHUN PA'I PHYOGS NOR BA DAG TU 'GRO BA MED PAS DES NA RE ZHIG RKANG BA'I TSOD DPAG MI MTHUN PA'I PHYOGS LAM NYAM NGA BA DAG TU 'GRO BA LTA BUR 'GYUR RAM, 'ON TE LUNG SGRUB PA'I RJES SU DPAG PA MI MTHUN PA'I PHYOGS NOR BA DAG TU MI 'GRO BA LTA BUR 'GYUR BA MA NGES PAS KHYOD KYI DPE DE MA NGES PAS DES NA RKANG BA'I TSOD DPAG PA LTA BU GANG MI MTHUN PA'I PHYOGS LA YOD PA DE NI RJES SU DPAG PA NYID YIN PAR MA GRUB PA LA LUNG SGRUB PA'I RJES SU DPAG PA LTA BU GANG MI MTHUN PA'I PHYOGS LA MED PA DE YANG RKANG PA'I TSOD DPAG PA LTA BU NYID YIN PAR MA GRUB PAS DE NI RIGS PA MA YIN NO, ,GZHAN YANG, RJES SU DPAG PA LTAR SNANG BA GTZOR 'DZIN PA NI LTUNG BAR 'GYUR BA'I PHYIR YANG DE NI RIGS PA MA YIN TE, SLOB DPON GYI ZHAL SNGA NAS KYIS RJES SU DPAG PA'I GSAL BA DANG DE KHO NA DAG BSTAN PA'I 'DI NI NOR BA MED PA'I PHYIR DE DAG GTZOR 'DZIN PA DAG LTUNG BAR MI 'GYUR GYI, GZHAN DAG GI RJES SU DPAG PA LTAR SNANG BA BSTAN PA GTZOR 'DZIN BDAG NI LTUNG BAR 'GYUR BA'I PHYIR YANG KHYED KYI SGRUB PA DE RIGS PA MA YIN NO, ,GZHAN YANG, LUNG SPYI YIN PAS THE TSOM SKYE BA'I PHYIR YANG DE NYID LAS NGES PAR GZUNG BA MI RIGS TE ZHES BYA BAS NI BCOM LDAN 'DAS DE KHO NA NYID THUGS SU CHUD PA'I DPAL GYI MGUR NAS GSUNGS PA'I LUNG NI SPYI YIN PAS DES NA KHYED PA GANG ZAG YOD DO ZHES GSUNGS PA YANG LUNG @196A *, ,GCIG YIN LA, DENG LA GANG ZAG MED DO ZHES GSUNGS PA YANG LUNG GNYIS PA YIN PAS DE LA THE TSOM SKYE BA'I PHYIR LUNG DE NYID LAS GANG ZAG YOD PA 'AM MED PA NGES PAR GZUNG BA MI RIGS TE, LUNG DE SGRUB PA'I RJES SU DPAG PA LAS NGES PAR GZUNG BAR RIGS SO ZHES STON TO, ,DE'I PHYIR LUNG DANG RJES SU DPAG PA GNYIS DON THA DAD PA MA YIN LA, RJES SU DPAG PAS GANG ZAG MED PAR BSTAN PA'I PHYIR, LUNG NI RJES SU DPAG PA LAS DON THA DAD PA MA YIN PAR GZUNG BAR BYA STE, MNGON SUM MA YIN PA'I DON RTOGS PA'I RGYU YIN PA'I PHYIR DPER NA RJES SU DPAG PA'I RANG GI BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RJES SU DPAG PA'I RANG GI BDAG NYID NI MNGON SUM MA YIN PA'I DON RTOGS PA'I RGYU YIN PA'I PHYIR RJES SU DPAG PA LAS DON THA DAD PA MA YIN PA DE BZHIN DU LUNG YANG MNGON SUM MA YIN PA'I DON RTOGS PA'I RGYU YIN PA'I PHYIR RJES SU DPAG PA LAS DON THA DAD PA MA YIN NO, ,DES NA SNGAR KHO BOS NYE BAR LEN PA PO DE LTA BA LA SOGS PA NYE BAR BLANG BA DAG GI SNGA ROL NA MED DE, GDAGS PAR BYA BA YIN PA'I PHYIR DPER NA SNAM BU RGYU SPUN DAG GI SNGA ROL NA MED PA BZHIN NO ZHES RJES SU DPAG PA BSTAN PA DE'I DON GRUB PAR SHES PAR BYA'O, ,KHA CIG NA RE ZHES BYA BA LA SOGS PAS NI GNAS MA'I BU'I SDE PA DAG LAS KHA CIG RJES SU DPAG PA LA ZHE SNGAD PA DAG DBU MA PAS LUNG DANG, RJES SU DPAG PA DON THA DAD PA MA YIN PAR BSTAN PA DE LA 'GAL BA 'KHRUL PA MED PA'I GNOD PA YOD PAR SGRUB PA'I RJES SU DPAG PA STON TO,, DE'I PHYIR DE DAG NA RE LUNG GI RJES SU DPAG PA LAS DON THA DAD PA KHO NA YIN TE, DE LAS YUL THA DAD PA'I PHYIR DPER NA MNGON SUM BZHIN NO ZHES ZER TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MNGON SUM NI RJES SU DPAG PA DE LAS YUL THA DAD PA'I PHYIR RJES SU DPAG PA LAS DON THA DAD PA KHO NA YIN PA DE BZHIN DU LUNG YANG RJES SU DPAG PA DE LAS YUL THA DAD PA'I PHYIR RJES SU DPAG LA LAS DON THA DAD PA KHO NA YIN NO, ,DE NYID BRNAN BSTAN ? TSAD MA'I 'BRAS BU BSTAN PA'I PHYIR, DE LTAR YANG RJES SU DPAG PA NI DBANG POS GZUNG BA'I DON @196B GYI YUL CAN YIN LA SGRA'I MTSAN NYID KYI TSAD MA'I DBANG PO LAS 'DAS PA MTHO RIS DANG BYANG GROL GYI YUL CAN YIN PAS DE'I PHYIR LUNG NI RJES SU DPAG PA LAS DON THA DAD PA KHO NA YIN NO ZHE NA ZHES BYA BA SMRAS TE, LUNG DANG RJES SU DPAG PA GNYIS DON THA DAD PA KHO NA YIN PAR CI MNGON ZHE NA, RJES SU DPAG PA NI DBANG POS GZUNG BA'I RTAGS DU BA'I DON GYI RTAGS CAN ME RJES SU DPOG PA LA SOGS PA'I YUL CAN YIN LA, SGRA'I MTSAN NYID KYI TSAD MA ZHES BYA BA LUNG GI DBANG PO'I SPYOD YUL LAS 'DAS PA'I MTHO RIS DANG MYA NGAN LAS 'DAS PA BYE BRAG TU RTOGS PA'I YUL CAN YIN PAS DE GNYIS DON THA DAD PA KHO NA YIN PA LAS KHYED DBU MA PAS DE GNYIS DE NA THA DAD PA MA YIN PAR BSTAN PA LA 'GAL BA 'KHRUL PA MED PA'I GNOD PA YOD DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, LUNG NI RJES SU DPAG PA LAS YUL THA DAD PA NYID MA YIN TE, RGYU'I KHYAD PAR LAS 'BRAS BU'I KHYAD PAR MTHO RIS RJES SU DPAG PAR BYA BA'I PHYIR DANG, RGYU BCAD PA LAS SKYE BA MED PA'I MTSAN NYID BYANG GROL RJES SU DPAG PAR BYA BA'I PHYIR GTAN TSIGS KYI DON MA GRUB PA NYID DO ZHES BYA BA SMRAS TE, KHYED NA RE SGRA'I MTSAN NYID KYI TSAD MA NI DBANG PO LAS 'DAS PA MTHO RIS DANG BYANG GROL GYI YUL CAN YIN PAS ZHES ZER BA DE NI RJES SU DPAG PA'I YUL YANG YIN PAS DON THA DAD PA MA YIN TE, 'DI LTAR LUNG LAS RGYU'I KHYAD PAR DGE BA BCU'I LAS KYI LAM YANG DAG PAR BLANGS TE 'JUG PA LAS 'BRAS BU'I KHYAD PAR 'DOD PA NA SPYOD PA'I MTHO RIS 'THOB PA DANG, RGYU'I KHYAD PAR BSAM GTAN BZHI SKYED PAR BYED PA LAS 'BRAS BU'I KHYAD PAR GZUGS NA SPYOD PA'I MTHO RIS 'THOB PA DANG, RGYU'I KHYAD PAR GZUGS MED PA'I SNYOMS PAR 'JUG PA BZHI SKYED PAR BYED PA LAS 'BRAS BU'I KHYAD PAR GZUGS MED PA NA SPYOD PA'I MTHO RIS 'THOB PAR GSUNGS PA DE DAG KYANG RGYU'I KHYAD PAR DE DAG GIS 'BRAS BU'I KHYAD PAR DE DAG 'THOB PAR RJES SU DPAG PAR BYA BA YIN LA, LUNG LAS RGYU LAS DANG NYON MONGS PA BCAD PA LAS 'BRAS BU SKYE BA MED PA'I MTSAN NYID KYI MYA NGAN LAS 'DAS PA 'THOB PAR GSUNGS PA DE YANG RGYU'I PAR DA 'BRAS BU'I KHYAD PAR DE 'THOB PAR RJES SU DPAG PAR BYA BA YIN PA'I PHYIR KHYED KYI GTAN TSIGS DE LAS YUL THA DAD PA'I PHYIR ZHES BYA BA DE'I DON MA GRUB PA NYID YIN PAS, KHO BOS LUNG DANG RJES SU DPAG PA GNYIS YUL THA @197A *, ,DAD PA NYID MA YIN PAR BSTAN PA LA 'GAL BA 'KHRUL PA MED PA'I GNOD PA MED DO, ,YANG NA MTHO RIS DANG THAR PA YOD DO ZHES BYA BA DE BZHIN GSHEGS PA'I LUNG GANG YIN PA DE NI DON CI LTA BA BZHIN TE, DE BRJOD PA'I PHYIR DE'I TSIG BZHIN PAS RJES SU DPAG PA KHO NAS MTHO RIS LA SOGS PA RTOGS PA'I PHYIR GTAN TSIGS KYI DON MA GRUB PA NYID SKYON DE NYID DU 'GYUR BAS ZHES BYA BAS NI DE BZHIN GSHEGS PAS MTHO RIS DANG THAR PA YOD DO ZHES GSUNGS PA'I LUNG GANG YIN PA DE YANG RJES SU DPAG PA'I SGO NAS GZHAN DAG GIS DE DON CI LTA BA BZHIN YIN PAR RTOGS PA'I PHYIR LUNG DANG RJES SU DPAG PA DON THA DAD PA MA YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA DE BZHIN GSHEGS PAS MTHO RIS DANG THAR PA YOD DO ZHES GSUNGS PA DE'I TSIG NI MTHO RIS DANG THAR PA ZHES BYA BA'I DON DE BRJOD PA YIN PA'I PHYIR DON CI LTA BA BZHIN YIN PAR RJES SU DPAG PAR BYA BA DE BZHIN DU DE BZHIN GSHEGS PAS MTHO RIS DANG THAR PA YOD DO ZHES GSUNGS PA'I LUNG GANG YIN PA DE YANG MTHO RIS DANG THAR PA ZHES BYA BA'I DON DE BRJOD PA YIN PA'I PHYIR DON CI LTA BA BZHIN YIN PAR RJES SU DPAG PAR BYA BA YIN PAS, RJES SU DPAG PA KHO NAS MTHO RIS DANG BYANG GROL LA SOGS PA GZHAN GYIS RTOGS PA'I PHYIR LUNG DANG RJES SU DPAG PA GNYIS DANG THA DAD PA MA YIN PAS KHYOD KYI GTAN TSIGS DE LAS YUL THA DAD PA'I PHYIR ZHES BYA BA DE'I DON MA GRUB PA NYID KYI SKYON NYID DU 'GYUR RO, ,DE'I PHYIR DE NI RJES SU DPAG PA LA SDANG BAR STON PA YIN NO ZHES BYA BA NI MJUG BSDU BA YIN TE, DE LTAR LUNG DANG RJES SU DPAG PA GNYIS DON THA DAD PA MA YIN PAS GNAS MA'I BU'I SDE PA DAG NA RE, ,LUNG LAS NYE BAR LEN PA PO LHAR GYUR PA SNGA NA GNAS PA YOD PA LHAR 'GYUR BA'I LAS YONGS SU ZAD PAS MI LA SOGS PA'I PHUNG PO NYE BAR BLANG BA'I NYE BAR LEN PA PO NYID DU 'GYUR BA GRAGS PAS RJES SU DPAG PAS NYE BAR LEN PA PO MED PA NYID DU BSTAN PA KHO BO CAG MI 'DOD DE, LONG BA RKANG PA'I TSOD DPAG GIS, ,NYAM NGA'I LAM DU RGYUG PA LTAR, ,RJES SU DPAG PA GTZOR 'DZIN PA, ,RNAM PAR LTUNG BA MI DKA' 'O, ,ZHES BYA BA LTA BUR 'GYUR RO ZHES ZER BA DE NI RJES SU DPAG PA LA SDANG BAR STON PA'I TSIG TZAM DU ZAD KYI, DES RJES SU DPAG PA SUN 'BYIN PA NI MA YIN NO ZHES @197B BYA BA'I THA TSIG GO, ,YANG GZHAN YANG KHYOD 'DOD PA LTAR, ,LTA LA SOGS PA MED PAR YANG, ,GAL TE DE NI GNAS GYUR NA, ,DE MED PAR YANG DE DAG NI, ,YOD PAR 'GYUR BAR THE TSOM MED, ,LTA BA LA SOGS PA DAG STE, LTA BA LA SOGS PA DAG NYE BAR LEN PA PO LA MI LTOS PA NYE BAR BLANG BA NYID DU SGRUB PA'I PHYIR RO ZHES BYA BAR DGONGS SO ZHES BYA BAS NI SNGAR DBU MA PAS, LTA DANG NYAN LA SOGS PA DANG, ,TSOR BA LA SOGS NYID KYI NI, ,SNGA ROL DNGOS PO GANG GNAS PA, ,DE NI GANG GIS GDAGS PAR BYA, ,ZHES BSHAD PAS BRGAL ZHING BRTAG PAR BYAS PA YANG PHA ROL POS DE'I GA LA MI BZOD PAS SKABS 'DIR GAL TE 'DI SKAD CES DNGOS PO DE NI LTA BA LA SOGS PA DAG MED PA YANG RANG NYID KYIS RAB TU GRUB PAR YOD DO ZHES ZER NA, DE'I LAN DU TSIG LE'UR BYAS PA 'DI BSHAD DO ZHES BYA BAR SBYAR TE, LTA BA LA SOGS PA DAG MED PAR YANG GAL TE DNGOS PO DE RANG NYID KYIS RAB TU GRUB CING GNAS PA YOD DO ZHES BRJOD NA, DNGOS PO DE MED PAR YANG LTA BA LA SOGS PA DE DAG RANG NYID KYIS RAB TU GRUB CING GNAS PA YOD PAR 'GYUR BAR THE TSOM MED DE, KHYOD LTA BA LA SOGS PA DAG MED PAR YANG DNGOS PO DE SNGA NA GNAS PA YOD PAR 'DOD PAS, DE LTA NA DNGOS PO DE SNGA NA GNAS PA MED PAR LTA BA LA SOGS PA DE DAG YOD PAR 'GYUR BA'I PHYIR RO ZHES BYA BAR DGONGS SO DE DAG GCIG MED PAR GCIG 'BYUNG NA NI 'DI LTA STE LTA BA LA SOGS PA NYE BAR BLANG BA'I CHOS 'DI DAG NI NYE BAR LEN PA PO LHAS BYIN ZHES BYA BA 'DI'O, ,NYE BAR LEN PA PO LHAS BYIN ZHES BYA BA 'DI YANG NYE BAR BLANG BA 'DI DAG GI'O ZHES BYA BA'I RIM PA DE MI SRID PAR 'GYUR BA ZHIG NA, RIM PA DE NI GDON MI ZA BA KHO NAR 'DOD PAR BYA DGOS SO ZHES BYA BAS NI DE GNYIS GCIG LA GCIG LTOS TE GDAGS PA YIN PAS THA SNYAD PA YIN GYI DON DAM PA PA MA YIN PAR BSTAN TO, ,CI'I PHYIR LTOS TE GDAGS PA'I RIM PA DE LAS BLANG BAR BYA BA BSTAN PA'I PHYIR, CI'I PHYIR ZHE NA, 'DI LTAR, CI YIS GANG ZHIG GSAL BAR BYED, ,GANG GIS CI ZHIG GSAL BAR BYED, , CES BYA BA LA SOGS PA'I PHYIR TE ZHES BYA BA SMRAS SO, ,DE DAG GI TSIG GI DON BSTAN PA'I PHYIR CI YIS ZHES BYA BA NI LTA BA LA SOGS PA DAG LA GANG YANG RUNG BAS SO, ,GANG ZHIG CES BYA BA NI LTA BA PO DANG NYAN PA PO LA SOGS PA'O, ,GSAL BAR BYED CES BYA BA NI MNGON PAR BYED PA'O, ,GANG GIS ZHES BYA BA NI LTA BA PO DANG NYAN PA PO LA @198A *, ,SOGS PAS SO, ,CI ZHIG CES BYA BA NI, LTA BA LA SOGS PA DAG LAS GANG YANG RUNG BA'O, ,GSAL BAR BYED CES BYA BA NI LTA BA PO DANG NYAN PA PO LA SOGS PA 'DI'I LTA BA DANG NYAN PA LA SOGS PA NI 'DI'O ZHES MNGON PAR BYED PA'O ZHES BYA BA SMRAS TE, DE DAG GIS NI DE DAG GCIG LA GCIG LTOS TE GDAGS PA BSTAN TO, ,DE LTAR GCIG LA GCIG LTOS PAS NYE BAR BLANG BA DANG LEN PA PO DAG THA SNYAD PAR GRUB PA YIN GYI DON DAM PA PA NI MA YIN NO ZHES BYA BAS NI DE DAG KUN RDZOB TU THA SNYAD GDAGS PA TZAM DU ZAD KYI DON DAM PAR YOD PA MA YIN PAR BSTAN TO, ,GAL TE LTOS PA CAN YIN YANG LTOS PA NGES PAS DON DAM PA PA YIN NO ZHE NA ZHES BYA BA NI PHA ROL PHO DAG NA RE DE LTAR KHYED DBU MA PAS LTOS PA CAN YIN PAR KHAS BLANGS PAS, DES NA NYE BAR LEN PA PO DANG NYE BAR BLANG BA DAG PHAN TSUN LTOS PA DES PAS GRUB PA DE NYID DON DAM PAR YANG YOD PA YIN NO ZHES ZER BA'I TSIG YIN NO, ,DE'I LAN DU LTOS PA NGES PA MI SRID PAR BSTAN PA'I PHYIR 'DIR 'GREL BA BYED PA NYID KYIS, GANG LA LTOS NAS NYE BAR BLANG BA 'GRUB PAR 'GYUR BA'I DNGOS PO NYE BAR BLANG BA LA MI LTOS PAR SNGA NAS NYE BAR LEN PA PO NYID DU GRUB PA CUNG ZAD KYANG MED LA, GANG LA LTOS NAS NYE BAR LEN PA PO 'GRUB PAR 'GYUR BA'I NYE BAR BLANG BA YANG NYE BAR LEN PA PO LA MI LTOS PAR SNGA NAS NYE BAR BLANG BA'I BDAG NYID DU GRUB PA MED DO, DE MED NA GANG LA LTOS NAS NYE BAR BLANG BAR 'GYUR BA'I NYE BAR BLANG BA NI NAM YANG, DE LA LTOS NAS NYE BAR BLANG BAR MI 'GYUR ZHING NYE BAR BLANG BA MA YIN PA GANG LA LTOS NAS NYE BAR LEN PA PO 'GYUR BA'I NYE BAR LEN PA PO YANG NAM YANG DE LA LTOS NAS NYE BAR LEN PA PO MA YIN PA LTOS PAS DES PA YANG SRID PAR DKA'O ZHES BYA BA SMRAS TE, LTOS PA NGES PA ZHES BYA BA NI NYE BAR LEN PA PO LA MA LTOS PA'I SNGA ROL NA, NYE BAR BLANG BA ZHES BYA BA RANG NYID KYIS GRUB PA DANG, NYE BAR BLANG BA LA MA LTOS PA'I SNGA ROL NA NYE BAR LEN PA PO ZHES BYA BA RANG NYID KYIS GRUB PA DUS GCIG NA BA LANG GI RVA BZHIN DU YOD PA LA BYA GRANG NA, 'DIR NYE BAR BLANG BA DANG NYE BAR LEN PA PO DAG NI GCIG GI SNGA ROL NA GCIG MED PAS NGO BO NYID KYIS GRUB PAS MED PA'I PHYIR THA SNYAD PA YIN GYI DON DAM PA PA MA YIN NO, , @198B DE NYID BSTAN PA'I PHYIR, CI MED GANG ZHIG GA LA YOD, ,GANG MED CI ZHIG GA LA YOD, ,NYE BAR BLANG BA CI ZHIG PO, ,MED NA NYE BAR LEN PA PO, ,GANG ZHIG YOD PO GA LA YOD, ,NYE BAR LEN PA PO GANG ZHIG PO MED NA NYE BAR BLANG BA CI ZHIG PO YANG GA LA YOD DE, DE LTAR DE MED PA'I PHYIR GTAN TSIGS KYI SKYON DE NYID MA NYAMS SO ZHES BYA BA SMRAS TE, NYE BAR BLANG BA SNGA MA MED NA GANG LA LTOS NAS NYE BAR LEN PA POR 'GYUR, NYE BAR LEN PA PO SNGA NA MED NA YANG GANG LA LTOS NAS NYE BAR BLANG BAR 'GYUR TE, LTOS PA DE MED PA'I PHYIR SNGAR GNAS MA'I BU'I SDE PA DAG GI NYE BAR LEN PA PO DE LTA BA LA SOGS PA'I SNGA ROL NA GNAS PA YOD DE, NYE BAR LEN PA PO YIN PA'I PHYIR DPER NAS BAM MKHAN RTZI RKYANG LA SOGS PA DAG GI SNGA ROL NA GNAS PA YOD PA BZHIN NO ZHES BYA BA DANG, YANG NA LTA BA DANG NYAN PA LA SOGS PA NYE BAR BLANG BA DAG NI NYE BAR LEN PA PO SNGA NA GNAS PA DANG LDAN PAR SHES PAR BYA STE, NYE BAR BLANG BA YIN PA'I PHYIR DPER NA RTZI RKYANG LA SOGS PA BZHIN NO ZHES RJES SU DPAG PA RNAM GNYIS SMRAS PA'I GTAN TSIGS KYI DON MA GRUB PAR BSTAN PA'I SKYON DE NYID MA NYAMS PAR SO NA GNAS SO, ,YANG GNAS MA'I BU'I SDE PA DAG PHYIR GLOG PAR BYED DE ZHES BYA BA LA SOGS PAS NI PHA ROL PO DAG LTA BA LA SOGS PA CI ZHIG PO THAMS CAD KYI SNGA ROL NA DNGOS PO GANG ZHIG PO YOD PAR MI 'DOD KYI, LTA BA LA SOGS PA NYE BAR BLANG BA RE RE'I SNGA ROL NA DNGOS PO NYE BAR LEN PA PO DE YOD CING, LTA BA LA SOGS PA GZHAN DANG GZHAN GYI DUS GZHAN DANG GZHAN GYI TSE NA GSAL BAR BYED DO ZHES ZER BA'I GZHUNG STON TO, ,DE'I PHYIR DE DAG NA RE, KHYOD LTA BA LA SOGS PA THAMS CAD KYI SNGA ROL NA GANG ZHIG GNAS PA YOD DO ZHES RNAM PAR BRTAGS NAS RANG GI RNAM PAR RTOG PA'I RANG BZOS NYE BAR SBYAR BA'I TSIG GI DON LA SKYON 'DOGS PA DES CI BYA ZHES ZER TE, GAL TE KHO BO CAG GI LTA BA LA SOGS PA THAMS CAD KYI SNGA ROL NA GANG ZAG DE YOD PAR KHAS BLANGS NA NI DE'I TSE KHYOD KYIS NYE BAR BLANG BA MED PAR NYE BAR LEN PA POS NA GNAS PA PO YOD PAR MI 'THAD LA, NYE BAR LEN PA PO MED PAR YANG NYE BAR BLANG BA YOD PAR MI 'THAD DO ZHES SMRA BAR RIGS NA, KHO BO CAG DE SKAD MI ZER BA LA KHYOD DE SKAD SMRA BAR MI RIGS SO ZHES BYA BA'I THA @199A *, ,TSIG GO, ,'ON CI LTAR 'DOD CE NA, DE'I PHYIR KHO BO CAG NI, LTA LA SOGS PA THAMS CAD KYI, ,SNGA ROL GANG ZHIG YOD PA MIN, ,ZHES SMRA RO ZHES BYA BA SMRAS TE, LTA BA LA SOGS PA RE RE'I SNGA ROL NA DE YOD PAR 'DOD DO, ,DE NYID BSTAN PA'I PHYIR 'ON CI LTA BU ZHE NA, LTA BA LA SOGS PA RE RE'I SNGA ROL NA YOD DE, LTA BA LA SOGS PA GZHAN DAG GIS, GZHAN GYI TSE NA GSAL BAR BYED DE, LTA BA DANG NYAN PA DANG SNYOM PA DANG MYONG BAR BYED PA DANG LUS DANG TSOR BA LA SOGS PA DAG LAS LTA BA'I MA NYAN PA'I MA SNYOM PA LA SOGS PA GZHAN DAG GIS GZHAN GYI TSE NA 'DI NI LTA BA PO'O, ,'DI NI NYAN PA PO'O 'DI SNOM PA PO'O ZHES BYA BA LA SOGS PA GSAL BAR BYED DO ZHES BYA BA SMRAS TE, GANG GI TSE GANG ZAG DE LTA BA DANG LDAN PA DE'I TSE NA LTA BA PO ZHES BYA ZHING, LTA BA YANG DE'I NYE BAR BLANG BA ZHES BYA BA LA, DE'I TSE NA GANG ZAG DE NYAN PA LA SOGS PA LHAG MA GZHAN DAG GI SNGA ROL NA GNAS PA YANG YIN PAS, DES PHYIS NYAN PA LA SOGS PA DAG NYE BAR LEN PAR YANG BYED DO, ,DE BZHIN DU GANG GI TSE GANG ZAG DE NYAN PA DANG LDAN PA DE'I TSE NA NYAN PA PO ZHES BYA ZHING NYAN PA YANG DE'I NYE BAR BLANG BA ZHES BYA LA, DE'I TSE NA GANG ZAG DE LTA BA LA SOGS PA LHAG MA GZHAN DAG GI SNGA ROL NA GNAS PA GANG YIN PAS, DES PHYIS LTA BA LA SOGS PA DAG NYE BAR LEN PAR YANG BYED DO, ,LHAG MA RNAMS LA YANG TSUL DE BZHIN DU CI RIGS PAR SBYAR TE, LTA BA LA SOGS PAR RE'I SNGA ROL NA GANG ZAG GNAS PA DE LTA BA LA SOGS PA GZHAN DANG GZHAN GYIS DUS GZHAN GYI TSE NA 'DI LTA BA PO NYAN PA PO DANG, TSOR BA PO ZHES GSAL BAR BYED PAS, DE NI LTA BA LA SOGS PA DAG GI SNGA ROL NA MED PA YANG MA YIN LA GSAL BAR BYED PA MED PA YANG MA YIN NO, ,DE'I PHYIR DE LTAR LTA BA'AM NYAN PA LA SOGS PA DAG GI SNGA ROL NA GNAS PA DE DE LAS GZHAN PA'I NYE BAR BLANG BA LA LTOS PAS NYE BAR LEN PA PO NYID DU 'GRUB PA'I PHYIR GTAN TSIGS KYI DON MA GRUB PA NYID MED DO ZHES BYA BA NI MJUG BSDU BA YIN TE, RE ZHIG DE NI PHYOGS SNGA MA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, LTA LA SOGS PA THAMS CAD KYI, ,SNGA ROL GAL TE YOD MIN NA, ,LTA LA SOGS PA RE RE YI, ,SNGA ROL DE NI CI LTAR @199B YOD, ,GANG GI PHYIR DE LTA BA'AM NYAN PA LA SOGS PA DAG GI SNGA ROL NA YOD PAR 'DOD NA DE LA MI LTOS PA'I NYE BAR BLANG BA DE YANG NYE BAR BLANG BA NYID DU MI 'GRUB LA, DE LA MA LTOS PA'I NYE BAR LEN PA PO DE YANG NYE BAR LEN PA PO NYID DU MI 'GRUB PO ZHES BYA BAR DGONGS SO ZHES BYA BA SMRAS TE, GANG GI TSE DE LTA BA DANG LDAN PA DE'I TSE NA NYAN PA LA SOGS PA LHAG MA RNAMS KYI NYE BAR LEN PA PO YANG MA YIN LA, NYAN PA LA SOGS PA LHAG MA RNAMS KYANG DE'I NYE BAR BLANG BA MA YIN PAS DE'I PHYIR NYE BAR BLANG BA DAG GI SNGA ROL NA NYE BAR LEN PA PO MED DO, ,LHAG MA RNAMS LA YANG DE BZHIN DU CI RIGS PAR SBYAR RO, ,DE LTA BAS NA RJES SU DPAG PA LAS NYE BAR BLANG BA RE RE'I SNGA ROL NA YANG NYE BAR LEN PA PO YOD PAR SNGA MA BZHIN DU MI 'GRUB PO ZHES BYA BA NI MJUG BSDU BA YIN NO,, ,,BAM PO BZHI BCU LNGA PA, YANG GZHAN YANG 'DI LA NYE BAR LEN PA PO YOD PAR SMRA BA RNAMS LTA BA PO GANG KHO NA YIN PA DE NYID NYAN PA PO DANG TSOR BA PO YANG YIN NO ZHE 'AM, GZHAN YIN NO ZHES KHAS LEN PAR 'GYUR GRANG NA ZHES BYA BA LA SOGS PAS NI GAL TE GNYIS SU BRTAG PA GNYI GAR YANG MI 'THAD PAR STON TO, ,DE LA BRTAG PA DANG PO MI 'THAD PAR BSTAN PA'I PHYIR, GAL TE RE RE'I SNGA ROL NA, ,LTA PO DE NYID NYAN PO DE, ,TSOR BA PO YANG DE NYID 'GYUR, ,ZHES BYA BA SMRAS TE, GAL TE LTA BA LA SOGS PA RE RE'I SNGA ROL NA NYE BAR LEN PA PO GCIG PU ZHIG YOD PAR GYUR NA GANG GI TSE DE LTA BA DANG LDAN PA DE'I TSE NA NI LTA BA PO ZHES BYA, GANG GI TSE DE NYAN PA DANG LDAN PA DE'I TSE NA YANG NYAN PA PO ZHES BYA, GANG GI TSE DE TSOR BA DANG LDAN PA DE'I TSE NA YANG TSOR BA PO ZHES BYA ZHING, YUL RE RE 'DZIN PA'I DUS NA DBANG PO GANG DANG GANG NAS SBYOR BAR BYED PA DE DANG DE NYE BAR LEN PAS DE'I PHYIR LTA BA PO GANG KHO NA YIN PA DE NYID NYAN PA PO DANG TSOR BA PO YANG YIN NO ZHES ZER RO, , DE NYID KYI TSUL BSTAN PA'I PHYIR CI LTAR MU STEGS CAN DAG NA RE DE'I LTA BA PO DE'I LUS DANG DBANG PO'I GNAS PA DANG 'JIM PA LTA BU DAG NI 'PHEL BA DANG 'GRIB PA'I CHOS CAN YIN NO ZHES ZER BA LTAR 'DOD NA ZHES BYA BA SMRAS TE, DE NI MU STEGS CAN DAG NA RE BDAG NI BRTAG PA @200A *, ,GCIG PU KHYAB PA YIN LA, DE'I LUS DANG DBANG PO'I GNAS SHES PA MED PA RTZVA DANG 'JIM PA LTA BU DAG NI 'PHEL BA DANG 'GRIB PA'I CHOS CAN YIN TE, 'GRO BA NI 'GRO BA GZHAN DU 'PHO BA'I DUS NA LUS DANG DBANG PO RNAMS NI KHA CIG NI SKYE KHA CIG NI 'JIG GANG ZAG NI BDAG GI DNGOS PO YIN PAS DANG PO SKYE BA YANG MED LA, THA MA 'JIG PA YANG MED DO ZHES ZER BA LTA BUR KHYED GNAS MA'I BU'I SDE PA PA DAG KYANG DE LTAR 'DOD MOD CES PHA ROL POS GZHUNG BSNAN PA YIN NO, ,DE MI 'THAD PAR BSTAN PA'I PHYIR DE YANG RNAM PA DE LTA BUR MA GRAGS PAS DA NI DE LTAR MI RIGS SO ZHES BYA BA SMRAS TE, MU STEGS CAN NYID DU THAL BAR 'GYUR BA'I PHYIR ZHES BYA BAR DGONGS SO, ,YANG NA, GAL TE RE RE'I SNGA ROL NA, ,LTA PO DE NYID NYAN PO DE, ,TSOR BA PO YANG DE NYID 'GYUR, ,ZHES BYA BA LA SOGS PAS NI LTA BA PO GANG KHO NA YIN PA DE NYID NYAN PA PO DANG TSOR BA PO YANG YIN PAR RTOG PA LA, GANG GI TSE DE LTA BA DANG LDAN PA DE'I TSE NA NYAN PA LA SOGS PA DAG GI SNGA NA YOD PA YIN LA, GANG GI TSE DE NYAN PA DANG LDAN PA DE'I TSE NA LTA BA LA SOGS PA DAG NI SNGA ROL NA YOD PA YIN ZHING, LHAG MA RNAMS LA YANG DE BZHIN PAS SNGA NA YOD DO ZHES THA SNYAD GDAGS SU RUNG BA YANG DE NYID LTA BA PO YANG YIN NYAN PA PO DANG TSOR BA PO YANG YIN NO ZHES BYAR MI RUNG BAR STON TO, ,CI LTAR MI RUNG ZHE NA, DE'I PHYIR GCIG PU RDZAS SU YOD DU ZIN KYANG SKAD CIG LAS LHAG PAR MI GNAS PA'I PHYIR THA SNYAD DU YANG LTA BA PO DANG NYAN PA PO DANG TSOR BA PO NYID YIN PAR MI SRID DE, GCIG PU 'THAD PA MED PA RE RE'I SNGA ROL NA YOD PAR GA LA RIGS TE ZHES BYA BA SMRAS TE, GAL TE GANG ZAG DE GCIG PU RTAG PA ZHIG YIN NA NI DE NYID LTA BA PO DANG NYAN PA PO DANG TSOR BA PO YANG YIN NO ZHES BYAR RUNG GRANG NA, 'U BU CAG SANGS RGYAS PA CHOS THAMS CAD SKAD CIG MAR SMRA BA LA GANG ZAG DE RTAG PAR MA GRUB PAS DE SKAD BYAR MI RUNG NGO, ,DE NYID BRNAN PA'I PHYIR, DE'I PHYIR DE NI DE LTAR MI RIGS SO ZHES GSUNGS SO ZHES BYA BA LA SOGS PA SMRAS SO, ,CI ZHIG CE NA ZHES BYA BA NI DE NI DE @200B LTAR MI RIGS SO ZHES BYA BA DE CI ZHIG DE LTAR MI RIGS ZHES 'DRI BA'I TSIG YIN NO, ,DE'I LAN DU, DE GCIG NYID DU STE ZHES BYA BA SMRAS TE, BDAG DE GCIG NYID DU MI RIGS SO, ,CI'I PHYIR MI RIGS SHE NA, DE'I PHYIR DAM BCAS PA'I SKYON GYIS SKYON CHAGS PA'I PHYIR RO ZHES BYA BAR DGONGS SO ZHES BYA BA SMRAS TE, KHYED KYIS, LTA BA PO YANG DE NYID YIN, ,NYAN PA PO DANG TSOR BA PO YANG DE NYID YIN NO ZHES DAM BCAS PA'I SKYON GYIS NA LTA BA DANG NYAN PA LA SOGS PA MTSAN NYID MI 'DRA BA DANG, GNAS SKABS THA DAD PAS DE DAG GCIG PA NYID DU MI 'GRUB PA'I SKYON CHAGS PA'I PHYIR RO ZHES BYA BAR DGONGS SO, ,GCIG PA NYID MA YIN PAR BSGRUB PA'I TSAD MA BSTAN PA'I PHYIR DON DAM PAR NYAN PA PO NI LTA BA PO LAS GZHAN MA YIN PA MA YIN TE, NYAN PA PO YIN PA'I PHYIR DPER NA RGYUD THA DAD PA'I NYAN PA PO BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI RGYUD KYI NYAN PA PO NI NYAN PA PO YIN PA'I PHYIR LHAS BYIN GYI RGYUD KYI LTA BA PO LAS GZHAN YIN PA DE BZHIN DU LHAS BYIN GYI RGYUD KYI NYAN PA PO YANG NYAN PA PO YIN PA'I PHYIR LHAS BYIN GYI RGYUD KYI LTA BA PO LAS GZHAN YIN NO, ,NYAN PA PO NYID LA SOGS PA GZHAN NYID DU RJES SU DPAG PAS GZHAN MA YIN PA NYID BSAL BA'I PHYIR DAM BCAS PA LA CHOS CAN GYI RANG GI NGO BO BSAL BA'I SKYON YOD DO ZHES BYA BA NI SNGA MA BRNAN PA'I TSIG YIN TE, PHA ROL PO DAG NYE BAR LEN PA PO DE LTA BA LA SOGS PA RE RE'I SNGA ROL NA YOD PAR 'DOD PA NI LTA BA DANG NYAN PA LA SOGS PA MTSAN NYID MI 'DRA BA DANG GNAS SKABS THA DAD PAS DE NI DON GYIS NA NYAN PA PO NYID LA SOGS PA GZHAN NYID DU RJES SU DPOG PA YIN PAS DES LTA BA PO DANG NYAN PA PO DANG, TSOR BA PO DAG GZHAN MA YIN ZHING GCIG PA NYID DU 'DOD PA BSAL BA'I PHYIR PHA ROL PO DAG GI DAM BCAS PA DE LA CHOS CAN NYE BAR LEN PA PO DE'I RANG GI NGO BO GCIG PA NYID BSAL ZHING THA DANG PAR GYUR PA'I SKYON YOD PAS LTA BA PO GANG KHO NA YIN PA DE NYID NYAN PA PO DANG, TSOR BA PO YANG YIN NO ZHES BYA @201A *, ,PAR RTOG PA DE MI 'THAD DO, ,DA NI GCIG PA NYID DU RJES SU DPOG PA LA LTA BA PO YANG MIG LA MI LTOS PA'I SKYON YOD PAR BSTAN PA'I PHYIR LTA BA PO YANG GZUGS DMIGS PAR BYA BA'I PHYIR MIG LA LTOS PAR MI BYED DE, NYAN PA PO LAS GZHAN MA YIN PA'I PHYIR DPER NA NYAN PA PO YIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYAN PA PO NI NYAN PA PO LAS GZHAN MA YIN PA'I PHYIR GZUGS DMIGS PAR BYA BA'I PHYIR MIG LA LTOS PAR MI BYED PA DE BZHIN DU LTA BA PO DANG NYAN PA PO LAS GZHAN MA YIN PA'I PHYIR GZUGS DMIGS PAR BYA BA'I PHYIR MIG LA LTOS PAR MI BYED DO, ,LTA BA PO NYAN PA PO LAS GZHAN MA YIN PA NYID DU RJES SU DPOG PAS GZUGS DMIGS PAR BYA BA'I PHYIR MIG LA LTOS PAR MI BYED PA NYID KYIS DE BSAL BA'I PHYIR DAM BCAS PA LA CHOS CAN GYI KHYAD PAR BSAL BA'I SKYON YOD DO ZHES BYA BA YANG SNGA MA BSNAN PA'I TSIG YIN TE, PHA ROL PO DAG LTA BA PO DANG NYAN PA PO DANG TSOR BA PO DAG GCIG PA NYID DU 'DOD PA NI GZHAN MA YIN PA NYID DU RJES SU DPOG PA YIN PAS DES NA LTA BA PO YANG NYAN PA PO LAS GZHAN MA YIN PAS, CI LTAR NYAN PA PO GZUGS DMIGS PAR BYA BA'I PHYIR MIG LA LTOS PAR MI BYED PA DE BZHIN DU LTA BA PO YANG GZUGS DMIGS PAR BYA BA'I PHYIR MIG LA LTOS PAR MI BYED PA NYID KYIS MIG LA LTOS PA DE BSAL BA'I PHYIR PHA ROL PO DAG GIS DAM BCAS PA DE LA, CHOS CAN LTA BA PO DE'I KHYAD PAR GZUGS DMIGS PAR BYA BA'I PHYIR MIG LA LTOS PA BSAL ZHING MIG LA MI LTOS PA'I SKYON YOD PAS RJES SU DPAG PA GNYIS PA DE'I PHYIR YANG LTA BA PO GANG KHO NA YIN PA DE NYID NYAN PA PO DANG TSOR BA PO YANG YIN NO ZHES BYA BAR RTOG PA DE MI 'THAD DO, ,DE NI DE LTAR MI RIGS SO ZHES BYA BA 'DI LA GZHAN DAG NI 'DI SKAD CES GAL TE DE LTA BA LA SOGS PA RE RE'I SNGA ROL NA YOD PAR 'GYUR NA DE LTA NA LTA BA PO YANG DE NYID YIN LA, NYAN PA PO YANG DE NYID YIN TSOR BA PO YANG DE NYID YIN PAR 'GYUR TE, DE DE LTAR MI @201B RIGS SO, ,CI'I PHYIR ZHE NA, SKYES BU SKAR KHUNG THA DAD PAR 'GRO BA BZHIN DU BDAG DBANG PO GZHAN DU 'GRO BAR THAL BAR 'GYUR BA'I PHYIR TE, BDAG NI DBANG PO GZHAN GANG DU YANG 'GRO BAR MI 'DOD DO ZHES ZER RO ZHES BYA BA NI, GAL TE RE RE'I SNGA ROL NA, ,LTA BA PO DE NYID NYAN PO DE, , TSOR BA PO YANG DE NYID 'GYUR, ,DE NI DE LTAR MI RIGS SO, ,ZHES BYA BA'I SKABS 'DI LA 'GREL PA BYED PA GNAS BRTAN BUD DHA P'A LI TA NI DE SKAD CES RNAM PAR BSHAD PA BYED DO ZHES BYA BAR SBYAR RO, ,KHA CIG NA RE DE NI THAL BA'I SKYON DU 'GYUR BAR MI RIGS TE ZHES BYA BA LA SOGS PAS NI 'GREL PA BYED PA NYID KYIS GNAS BRTAN BUD DHA P'A LI TA'I RNAM PAR BSHAD PA DE MI RIGS PAR SUN 'BYIN PA STON TE, SKYES BU SKAR KHUNG THA DAD PAR 'GRO BA BZHIN DU BDAG DBANG PO GZHAN DU 'GRO BAR THAL BAR 'GYUR BA'I PHYIR TE ZHES BYA BA DE PHA ROL PO LA SKYON DER THAL BAR MI 'GYUR RO ZHES STON TO, , CI'I PHYIR ZHE NA, PHA ROL PO DAG GI GZHUNG LAS MIG LA SOGS PA BYED PA DE DANG DE NAS SKYES PA GZUGS LA SOGS PA DMIGS PA'I BLO DAG BDAG THAMS CAD DU SONG BA'I PHYOGS SU 'DU BAS LTA BA PO LA SOGS PA DBANG PO GZHAN DU 'GRO BA MED PAR YANG GRUB PA'I PHYIR SKYON DER THAL BAR MI 'GYUR TE, GNAS MA'I BU'I SDE PA DAG GI GZHUNG LAS MIG LA SOGS PA DBANG PO GANG DANG GANG NAS GZUGS DMIGS PA'I MIG GI RNAM PAR SHES PA LA SOGS PA SKYES PA DE DANG DE DAG NYE BAR LEN PA PO'I BDAG THAMS CAD DU SONG BA SNGA NA GNAS PA'I PHYOGS SU 'DU ZHING DRES YUL NYAMS SU MYONG BAR 'DOD PAS, LTA BA PO LNGA SOGS PA DBANG PO GZHAN DU 'GRO BA MED PAR YANG 'GRUB PA'I PHYIR GNAS BRTAN BUD DHA P'A LI TAS SKYES BU SKAR KHUNG THA DAD PAR 'GRO BA BZHIN DU, BDAG DBANG PO GZHAN DU 'GRO BAR THAL BAR 'GYUR BA'I PHYIR TE ZHES BSHAD PA DER MI 'GYUR RO, , GZHAN YANG GRANGS CAN DAG GI GZHUNG LAS KYANG RNA BA LA SOGS PA'I 'JUG PA SGRA LA SOGS PAR SNANG BA DAG YOD NA RNA BA LA SOGS PA SNANG BA'I NANG GI BYED PA YOD CING SHES PA YOD PAR SNANG BA'I GZUGS BRNYAN 'CHAR BAS PHAN 'DOGS PAR BYED PA'I PHYIR LTA BA LA SOGS PA DBANG @202A *, ,PO GZHAN DU 'GRO BA MED PAR YANG 'GRUB PA ZHES 'BYUNG BA'I PHYIR DE DAG LA YANG SKYON DER THAL BAR MI 'GYUR TE, GRANGS CAN DAG GI GZHUNG LAS SGRA THOS PA LA SOGS PA NA RNA BA LA SOGS PA'I 'JUG PA ZHES BYA BA RNA BA LA SOGS PA'I RNAM PAR SHES PA SGRA LA SOGS PA'I RNAM PAR SNANG BA DAG SKYE'O, ,DE'I 'OG TU RNA BA LA SOGS PA'I 'JUG PA'I RNAM PAR SNANG BA NANG GI BYED PA ZHES BYA BA BLO SKYE'O, ,DE'I 'OG TU DPER NA GZUGS LA BRTEN NAS GZUGS BRNYAN 'BYUNG BA DANG 'DRA BAR NANG GI BYE BRAG GI NGO BO NYID CI 'DRA BA DE KHO NA 'DRA BAR SHES PA YOD PA ZHES BYA BA SKYES BU SKYE ZHING DES YUL GYI LONGS SPYOD NYAMS SU MYONG BAR BYED PAS, LTA BA PO LA SOGS PA DBANG PO GZHAN DU 'GRO BA MED PAR YANG 'GRUB PA'I PHYIR GNAS BRTAN BUD DHA P'A LI TAS BSHAD PA'I SKYON DER THAL BAR MI 'GYUR RO, ,GZHAN YANG GRANGS CAN DAG LAS KHA CIG GI GZHUNG LAS, 'GYUR BAS LTA BA PO DANG NYAN PA PO NYID LA SOGS PA DAG 'GRUB PAS BDAG THAMS CAD DU SONG BA LA DBANG PO GZHAN GYI PHYOGS SU 'GRO BA MED PA'I PHYIR LTA BA LA SOGS PA DBANG PO GZHAN DU 'GRO BA MED PAR YANG 'GRUB PO ZHES 'BYUNG BA'I PHYIR YANG DE DAG LA SKYON DER THAL BAR MI 'GYUR TE, DE DAG GI GZHUNG LAS YUL DMIGS NAS DBANG PO'I 'JUG PA YUL GYI RNAM PAR 'GYUR RO, ,'JUG PA DMIGS NAS NANG GI BYED PA DE'I RNAM PAR 'GYUR ZHING SKYES BU YANG NANG GI BYED PA'I RNAM PAR 'GYUR BAS BDAG THAMS CAD DU SONG BA DE LA DBANG PO GZHAN GYI PHYOGS SU 'GRO BA MED PA'I PHYIR GNAS BRTAN BUD DHA P'A LI TAS BSHAD PA DE RIGS PA MA YIN NO ZHES 'GREL PA BYED PA NYID ZER RO, ,DE'I PHYIR DE LNGAR RE RE'I SNGA ROL NA YOD PA NYID MI 'THAD PAS GTAN TSIGS KYI SKYON DE NYID MA NYAMS SO ZHES BYA BA NI MJUG BSDU BA YIN TE, LTA BA LA SOGS PA RE RE'I SNGA ROL NA NYE BAR LEN PA PO YOD PA NYID MI 'THAD PAS NYE BAR LEN PA PO YOD PAR SMRA BA'I GTAN TSIGS MA GRUB PA'I SKYON DE NYID MA NYAMS SO, ,SKYES BUR SMRA BA GANG DAG PHUNG PO DANG KHAMS DANG SKYE MCHED DAG LAS GZHAN PA'I SKYES BU DE NYID LTA BA PO DANG NYAN PA PO DANG SEMS PA PO YIN PAR SMRA @202B BA DE DAG KYANG DE BZHIN DU DGAG PAR BYA'O ZHES BYA BAS NI SKYES BUR SMRA BA DE DAG GI GZHUNG DGAG PA YANG SNGAR, DON DAM PAR NYAN PA PO NI LTA BA PO LAS GZHAN MA YIN PA MA YIN TE, NYAN PA PO YIN PA'I PHYIR DPER NA RGYUD THA DAD PA'I NYAN PA PO BZHIN NO, ,NYAN PA PO NYID LA SOGS PA GZHAN NYID DU RJES SU DPOG PA LAS GZHAN MA YIN PA NYID BSAL BA'I PHYIR DAM BCAS PA LA CHOS CAN GYI RANG GI NGO BO BSAL BA'I SKYON YOD DO, ,LTA BA PO YANG GZUGS DMIGS PAR BYA BA'I PHYIR MIG LA LTOS PAR MI BYED DE, NYAN PA PO LAS GZHAN MA YIN PA'I PHYIR DPER NA NYAN PA PO BZHIN NO, ,LTA BA PO NYAN PA PO LAS GZHAN MA YIN PA NYID DU RJES SU DPOG PAS GZUGS DMIGS PAR BYA BA'I PHYIR MIG LA LTOS PAR MI BYED PA NYID KYIS DE BSAL BA'I PHYIR DAM BCAS PA CHOS CAN GYI KHYAD PAR BSAL BA'I SKYON YOD DO ZHES CI SKAD BSTAN PA DE BZHIN DU DGAG PAR BYA'O, ,YANG NA LTA BA PO NYID LA SOGS PA DAG MI 'THAD PAR NI SKYE MCHED BRTAG PAR BSTAN ZIN PAS YANG BSTAN MI DGOS SO ZHES BYA BAS NI DE DGAG PA DER BSTAN ZIN PAS YANG BZLAS MI DGOS SO ZHES BSTAN TO, ,GAL TE BDAG KHAS MA BLANGS PA'I PHYIR DE'I KHYAD PAR BSAL BA'I PHYIR DE PHYOGS SU BYED PA MI RIGS SO ZHE NA ZHES BYA BA NI PHA ROL PO DAG NA RE RIGS PA'I MTSAN NYID LAS RGOL BA DANG PHYIR RGOL BA GNYI GA LA GRAGS PA'I CHOS CAN KHAS BLANGS NAS DE LA BSGRUB PAR BYA BA CHOS BSGRUB PAR BYA'O ZHES 'BYUNG BAS, KHYED DBU MA PAS BDAG YOD PAR KHAS MA BLANGS PA'I PHYIR DE'I KHYAD PAR GCIG PA NYID LA SOGS PA DAG BSAL BA'I PHYIR BDAG DE PHYOGS SU BYED PA CI LTAR RIGS ZHES ZER BA YIN NO, ,DE'I LAN DU, SPYI DANG DMIGS KYIS MA BSAL BA MDZAD PA'I MTHA' GZHAN LAS YONGS SU BZUNG BA THA SNYAD DU KHAS BLANGS PA PHYOGS SU BYAS TE, DE'I KHYAD PAR MA GRAGS PA SEL BAS SKYON MED DO ZHES BYA BA SMRAS TE, KHO BOS PHUNG PO LNGA DAG LA KHO BO CAG LA RNAM PAR SHES PA ZHES GRAGS PA DANG KHYED LA BDAG CES GRAGS PA SPYI THA SNYAD DU KHAS BLANGS PA PHYOGS SU BYAS TE DE'I @203A *, ,KHYAD PAR KHO BO CAG LA MA GRAGS PA BDAG CE 'AM GCIG PA NYID CES BYA BA LA SOGS PA SEL BAS SKYON MED DO, ,GZHAN YANG RGOL BA DANG PHYIR RGOL BA'I PHYOGS DMIGS KYIS MA BSAL BA GRUB PA'I MTHA'I LO RGYUS GZHAN LAS YONGS SU BZUNG BA'I BDAG DANG NYE BAR LEN PA PO ZHES BYA BAR GRAGS PA THA SNYAD DU KHAS BLANGS PA PHYOGS SU BYAS TE, BDAG DE'I KHYAD PAR GCIG PA NYID LA SOGS PA SEL BAS KHO BO'I PHYOGS LA SKYON MED DO, ,DE LTAR RE ZHIG LTA BA PO GANG KHO NA YIN PA DE NYID NYAN PA PO DANG TSOR BA PO YANG YIN PAR MI 'THAD PAR BRTAG PA DANG POR BSTAN ZIN TO, ,DA NI LTA BA PO DANG NYAN PA PO DANG TSOR BA PO DAG GZHAN YIN PAR RTOG PA MI 'THAD PAR BRTAG PA GNYIS PAR BSTAN PA'I PHYIR, CI STE NYE BAR LEN PA PO YOD PAR SMRA BA DAG JI SKAD BSTAN PA'I SKYON YONGS SU SPANG BAR 'DOD LAS LTA BA PO YANG GZHAN NYAN PA PO YANG GZHAN, TSOR BA PO YANG GZHAN YIN PAR RTOG NA DE LTA NA YANG, GAL TE LTA PO GZHAN NYID LA, ,NYAN PA PO GZHAN TSOR GZHAN NA, ,ZHES BYA BAR YONGS SU RTOGS PAS CIR 'GYUR ZHE NA, LTA PO'I TSE NA NYAN PO YOD, ,CES BYA BAR 'GYUR RO ZHES SMRAS SO, ,LAN 'GA' STE ZHES BYA BA NI GANG GI TSE YUL NYE BAR GYUR PA'I TSE NA'O, ,CI'I PHYIR LTA BA PO YOD PA'I TSE NA NYAN PA PO YANG YOD PAR 'GYUR RO ZHE NA, DE'I PHYIR GZHAN YIN PA'I PHYIR RO ZHES BYA BA'I TSIG GI LHAG MA'O ZHES BYA BA SMRAS SO, ,GZHAN YIN NA GANG GI TSE YUL NYE BAR GYUR PA DE'I TSE NA LTA BA PO YOD PA'I TSE NYAN PA PO YANG YOD PAR 'GYUR BA'I 'THAD PA BSTAN PA'I PHYIR, 'DI NA GANG ZHIG GANG LAS GZHAN YIN PAR SHES PA DE NI LAN 'GA' DE YOD NA YOD PAR 'GYUR TE, DPER NA BUM PA YOD NA KHAM PHOR YOD PA BZHIN NO, ,DE BZHIN DU NYAN PA PO YANG LTA BA PO LAS GZHAN YIN NA LTA BA PO YOD PA'I TSE NA NYAN PA PO YANG YOD PAR 'GYUR ZHING, NYAN PA PO CI LTA BA BZHIN DU SNOM PA PO DANG MYONG BA PO DANG REG PA PO DANG SEMS PA PO DAG KYANG DE BZHIN NO ZHES BYA BA SMRAS SO, ,DE LTAR GYUR NA SKYON CI YOD CE NA, DE'I PHYIR DES NA, BDAG KYANG MANG @203B PO NYID DU 'GYUR, ,ZHES BYA BA SMRAS SO, ,RGYUD SO SO LA'O ZHES BYA BA NI SEMS CAN SPYI'I RGYUD LA BDAG MANG POR 'GYUR BA LA SKYON MED PAR BSTAN PA'I PHYIR TE, GCIG GI RGYUD LA BDAG MANG POR 'GYUR BA'I SKYON DU 'GYUR BA'O, ,DE LTAR NI MI 'DOD PAS DE'I PHYIR DON DAM PAR RGYUD THA DAD PA DAG GI LTA BA PO DANG NYAN PA PO DANG SNOM PA PO LA SOGS PA DAG GZHAN NYID YIN PAR MI 'THAD DO ZHES BYA BA NI DAM BCA' BA NYE BAR GZHAG PA'O, ,DE NYID KYI RJES SU DPAG PAR BSTAN PA'I PHYIR 'DIR YANG SKABS KYI DON LA PHAN PA NYID KYI RJES SU DPAG PA MTSON PAR BYA STE ZHES BYA BA LA SOGS PA SMRAS TE, SKABS KYI DON NI LTA BA PO DANG NYAN PA PO LA SOGS PA DAG GIS GZHAN NYID DGAG PA'O, ,DE LA PHAN PA NYID NI RJES SU DPAG PA STE NGES SO, ,NYE BAR LEN PA PO LHAS BYIN GYI NYAN PA PO NI LTA BA PO LAS GZHAN MA YIN TE, RGYU DANG 'BRAS BUR 'GREL PA'I NYE BAR LEN PA PO YIN PA'I PHYIR DPER NA LTA BA PO'I RANG GI BDAG NYID BZHIN PAS GZHAN NYID DU SMRA BA RNAMS LA RJES SU DPAG PAS GNOD DO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA LTA BA PO'I RANG GI BDAG NYID NI SKAD CIG MA SNGA MA DANG PHYI MA RGYU DANG 'BRAS BUR 'BREL PA'I NYE BAR LEN PA PO YIN PA'I PHYIR LTA BA PO'I RANG GI BDAG NYID LAS GZHAN MA YIN PA DE BZHIN DU NYE BAR LEN PA PO LHAS BYIN GYI NYAN PA PO YANG SKAD CIG MA SNGA MA DANG PHYI MA RGYU DANG 'BRAS BUR 'BREL PA'I NYE BAR LEN PA PO YIN PA'I PHYIR LTA BA PO LAS GZHAN MA YIN NO, ,'DIR CI'I PHYIR RGYU DANG 'BRAS BUR 'BREL PA ZHES BYA BA DANG, NYE BAR LEN PA PO YIN PA'I PHYIR ZHES BYA BA GTAN TSIGS KYI KHYAD PAR GNYIS SMOS SHE NA, GAL TE NYE BAR LEN PA PO YIN PA'I PHYIR ZHES BYA BA 'BA' ZHIG SMOS NA, RGYUD THA DAD PA'I NYE BAR LEN PA PO BZHIN NO ZHES BYA BAR YANG 'GYUR BAS, DES NA CI RE ZHIG RGYUD THA DAD PA'I NYE BAR LEN PA PO BZHIN DU GZHAN NYID YIN PAR 'GYUR RAM, 'ON TE LTA BA PO'I RANG GI BDAG @204A *, ,NYID BZHIN DU GZHAN NYID MA YIN PAR 'GYUR BA MA NGES PAR 'GYUR BAS DE'I PHYIR RGYU DANG 'BRAS BUR 'BREL BA'I PHYIR KHYAD PAR SMOS TE, DES NA RGYUD THA DAD PA'I NYE BAR LEN PA PO NYID 'DIR GTAN TSIGS SU BZUNG NGO, ,RJES SU DPAG PA DES NA GZHAN NYID DU SMRA BA RNAMS LA DAM BCAS PA NYAMS PA'I GNOD PAR 'GYUR BAS LTA BA PO DANG NYAN PA PO LA SOGS PA BDAG GZHAN NYID MA YIN NO, ,YANG NA, LTA PO'I TSE NA NYAN PO YOD, ,CES BYA BA NI LTA BA PO LA BRTEN NAS NYAN PA PO 'BYUNG BAR 'GYUR RO ZHES PA'I DON TO ZHES BYA BA LA SOGS PAS NI TSIG LE'UR BYAS PA'I PHYED 'OG MA 'DI RNAM PA GZHAN DU BSHAD PA STON TE, DPER NA SA BON LA BRTEN NAS MYU GU 'BYUNG BAR 'GYUR BA DE BZHIN DU LTA BA PO LA BRTEN NAS NYAN PA PO 'BYUNG BAR 'GYUR RO ZHES BYA BA'I DON DU DGONGS PA YIN NO, ,DE LTAR GYUR NA SKYON CI YOD CE NA, DE'I PHYIR DE LTAR NA, BDAG KYANG MANG PO NYID DU 'GYUR, ,'DAS PA LA SOGS PA'I DUS THA DAD PA'I PHYIR RO ZHES BYA BA SMRAS TE, DPER NA RGYU SA BON ZHES BYA BA NI 'DAS PA'I DUS SU 'BYUNG LA, 'BRAS BU MYU GU ZHES BYA BA NI DA LTAR GYI DUS SU 'BYUNG BAS RGYU DANG 'BRAS BU'I DUS THA DAD PA'I PHYIR BDAG NYID MANG PO NYID DU 'GYUR BA DE BZHIN DU LTA BA PO NI 'DAS PA'I DUS SU 'BYUNG LA, NYAN PA PO NI DA LTAR GYI DUS SU 'BYUNG BAS DUS THA DAD PA'I PHYIR BDAG MANG PO NYID DU THAL BA'I SKYON DU 'GYUR RO, ,DE LTAR GYUR NA 'DIR YANG PHYIR SMRA BAR NUS TE ZHES BYA BAS NI DE LTAR BRTEN NAS 'BYUNG ZHING BDAG MANG PO NYID DU GYUR NA, 'DIR YANG NYE BAR LEN PA PO DANG NYE BAR BLANG BA DAG DGAG PA'I RJES SU DPAG PA SMRA BAR NUS TE ZHES STON TO, ,DE NYID KYI TSAD MA BSTAN PA'I PHYIR DON DAM PAR NYE BAR LEN PA PO NI NYE BAR LEN PA PO'I NGO BO NYID MA YIN TE, BRTEN NAS 'BYUNG BA'I PHYIR DPER NA NYE BAR LEN PA PO'I BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LTA BA LA SOGS PA NYE BAR BLANG BA'I BDAG NYID DAG NI BRTEN NAS 'BYUNG BA'I PHYIR NYE BAR LEN PA @204B PO'I NGO BO NYID MA YIN PA DE BZHIN DU, LTA BA PO LA SOGS PA NYE BAR LEN PA PO DAG KYANG BRTEN NAS 'BYUNG BA'I PHYIR NYE BAR LEN PA PO'I NGO BO NYID MA YIN TE, DES NI NYE BAR LEN PA PO'I DGAG PA BSTAN TO, ,DON DAM PAR LHAS BYIN GYI LTA BA LA SOGS PA NI NYE BAR LEN PA PO LHAS BYIN ZHES BYA BA'I NYE BAR BLANG BA MA YIN TE, LTA BA LA SOGS PA YIN PA'I PHYIR DPER NA MCHOD SBYIN GYI LTA BA LA SOGS PA'I BDAG NYID BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI LTA BA LA SOGS PA'I BDAG NYID NI LTA BA LA SOGS PA YIN PA'I PHYIR NYE BAR LEN PA PO LHAS BYIN ZHES BYA BA NYE BAR BLANG BA MA YIN PA DE BZHIN DU, LHAS BYIN GYI LTA BA LA SOGS PA YANG LTA BA LA SOGS PA YIN PA'I PHYIR NYE BAR LEN PA PO LHAS BYIN ZHES BYA BA'I NYE BAR BLANG BA MA YIN TE, DES NI NYE BAR BLANG BA DGAG PA BSTAN TO, ,DE LTAR NYE BAR LEN PA PO NYID DANG NYE BAR BLANG BA NYID MA GRUB PA'I PHYIR YANG CI SKAD SMRAS PA'I SKYON DANG MA BRAL LO ZHES BYA BA NI MJUG BSDU BA DANG TSAD MA'I 'BRAS BU YIN TE, NYE BAR LEN PA PO YOD PAR SMRA BA DAG GI GTAN TSIGS MA GRUB PA'I SKYON CI SKAD SMRAS PA DE NYID SO NA GNAS SO, ,GAL TE NYE BAR LEN PA PO NI DE NYID DANG GZHAN NYID DU BRJOD PAR BYA BA MA YIN PA'I PHYIR SKYON MED DO ZHE NA ZHES BYA BA NI PHA ROL PO DAG NA RE, KHO BO CAG GI GZHUNG LAS NYE BAR LEN PA PO BDAG SNGA NA GNAS PA NI PHUNG PO DANG GCIG PA NYID DANG, THA DAD PA NYID DU BRJOD PAR BYA BA MA YIN PA'I PHYIR KHYED KYI GCIG PA NYID DANG THA DAD PA NYID KYI PHYOGS SUN PHYUNG BA'I SKYON DE DAG KHO BO CAG GI PHYOGS LA MED DO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, BDAG GI YIN PAR BRJOD PA'I PHYIR SKYON MED PA MA YIN NO ZHES BYA BA SMRAS TE, KHYED KYI GZHUNG LAS RNAM PAR SHES PA BDAG GI YIN TE BRAN DANG 'DRA'O ZHES BYA BA LA SOGS PAS GZHAN NYID LA PHYOGS PAR BRJOD PA'I PHYIR SKYON MED PA MA YIN NO, ,YANG NA GANG DAG BDAG LTA BA PO LA SOGS PAR BRJOD PA DAG PHUNG PO LAS GZHAN PA NYID DU STON PA DE DAG GI PHYOGS LA @205A *, ,LTA PO'I TSE NA NYAN PO YOD, ,CES BYA BA'I TSIG GI LHAG MA STE ZHES BYA BA LA SOGS PAS NI GANG DAG NYE BAR LEN PA PO BDAG DE PHUNG PO LAS GZHAN PA NYID DU STON PA DE DAG GI PHYOGS LA YANG LTA BA PO YOD PA'I TSE NA NYAN PA PO YANG YOD PAR 'GYUR BAS, DES NA BDAG MANG PO NYID DU THAL BAR 'GYUR BA'I SKYON YOD PAS MI RUNG BAR STON TO, ,DE NYID BSTAN PA'I PHYIR 'DI LA LTA BAR BYED PAS LTA BA PO DE GZUGS DMIGS PA DANG LDAN PA YIN PA LA, DE NI SGRA DMIGS PA DANG MI LDAN TE, GCIG LA NGO BO NYID GNYIS MI SRID PA'I PHYIR RO ZHES BYA BA SMRAS TE, DES NI LTA BA PO GANG KHO NA YIN PA NYID NYAN PA PO DANG TSOR BA PO MA YIN PAR STON TO, ,DE LTA NA LTA BA PO DANG NYAN PA PO DAG GZHAN NYID DU 'GYUR BAS LTA BA PO YOD PA'I TSE NA NYAN PA PO YANG YOD PA'I SKYON DU 'GYUR BAS BDAG MANG PO NYID DU THAL BAR 'GYUR BAR BSTAN PA'I PHYIR, LTA PO'I TSE NA NYAN PO YOD, ,CES BYA BA DE BZHIN DU SNOM PA PO DANG MYONG BA PO DANG REG PA PO DANG SEMS PA PO DAG KYANG YOD PAR GYUR NA CIR 'GYUR ZHE NA, BDAG KYANG MANG PO NYID DU 'GYUR, ,LUS DANG DBANG PO'I TSOGS GCIG LA'AM, RGYU DANG 'BRAS BU'I TSOGS GCIG LA ZA BA PO ZHES BYA BA'I BDAG MANG PO NYID DU 'GYUR TE ZHES BYA BA SMRAS SO, ,DE YANG MI 'DOD PAS ZHES BYA BAS NI RGYUD GCIG LA BDAG MANG PO NYID DU 'GYUR BA DE YANG MI 'DOD PAS DE'I PHYIR GANG DAG BDAG LTA BA PO LA SOGS PAR BRJOD PA DAG PHUNG PO LAS GZHAN PA NYID DU STON PA DE DAG GIS BDAG GCIG PU RTAG PA KHYAB PAR 'DOD PA DE MI 'GRUB PO ZHES STON TO, ,DE NYID KYI TSAD MA BSTAN PA'I PHYIR DE'I PHYIR BDAG NI GCIG PA NYID DU MI 'GRUB STE, DMIGS PA THA DAD PA'I PHYIR RGYUD DU MA'I LTA BA PO BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN 'GYUR TE, DPER NA RGYUD DU MA'I LTA BA PO DAG NI DMIGS PA THA DAD PA'I PHYIR GCIG PA NYID DU MI 'GRUB PA DE BZHIN DU PHUNG PO LAS GZHAN PA'I BDAG DE YOD LTA BA LA SOGS PA'I DMIGS PA THA DAD PA'I PHYIR GCIG PA NYID DU MI 'GRUB STE, PHUNG PO LAS GZHAN PA'I BDAG MED DO, ,DES NA @205B LTA BA LA SOGS PA'I NYE BAR LEN PA PO GZHAN NYID DU RTOG PA YANG MI 'THAD DE GZHI MA GRUB PA'I PHYIR RO, ,NYE BAR LEN PA PO YOD PAR SMRA BA GZHAN DAG 'DI SKAD CES ZER TE, 'DI LA BCOM LDAN 'DAS KYIS MING DANG GZUGS KYI RKYEN GYIS SKYE MCHED DRUG CES GSUNGS PA DE LA GZUGS NI 'BYUNG BA CHEN PO BZHI PO DAG YIN PAS DE'I PHYIR 'BYUNG BA CHEN PO'I RKYEN GYIS SKYE MCHED DRUG 'BYUNG LA, 'BYUNG BA DE DAG KYANG NYE BAR LEN PA PO'I NYE BAR BLANG BA YIN PAS DE'I PHYIR NYE BAR LEN PA PO YIN PAR GYUR PA LTA BA LA SOGS PA SKYE MCHED DRUG DANG LDAN PA SNGA NA GNAS PA'I RIM GYIS TSOR BA LA SOGS PA DAG 'BYUNG BA NI DE BZHIN GSHEGS PA'I TSUL YIN NA, KHYED KYIS NYE BAR LEN PA PO DE LTA BA LA SOGS PA NYE BAR BLANG BA DAG GI SNGA ROL NA MED DE, GDAGS PAR BYA BA YIN PA'I PHYIR DPER NA SNAM BU RGYU SPUN DAG GI SNGA ROL NA MED PA BZHIN NO ZHES BRJOD PAS TSUL DE DANG 'GAL BAR BYED PAS DE'I PHYIR PHYOGS SNGA MA LA GNOD PAS GNOD PAR GYUR PA'I PHYIR DE NI LEGS PA MA YIN NO ZHES BYA BA NI DE LTAR NYE BAR LEN PA PO YOD PAR SMRA BA DAG LTA BA LA SOGS PA SKYE MCHED RNAMS KYI SNGA ROL NA NYE BAR LEN PA PO YOD PAR MA GRUB PA DANG, 'DIR LUNG LAS MING DANG GZUGS KYI RKYEN GYIS SKYE MCHED DRUG CES GSUNGS LA, GZUGS NI 'BYUNG BA CHEN PO BZHI PO DAG YIN PAS SKYE MCHED RNAMS KYI SNGA ROL NA 'BYUNG BA RNAMS YOD LA, 'BYUNG BA RNAMS KYI SNGA ROL NA 'BYUNG BA NYE BAR LEN PA PO BDAG CES BYA BA YOD CES PA NI DE BZHIN GSHEGS PA'I GSUNG RAB KYI TSUL YIN NA, KHYED KYIS SNGAR RJES SU DPAG PA CI SKAD BSTAN PA DAG GI NYE BAR LEN PA PO SNGA NA MED PAR BSGRUBS PA NI, GSUNG RAB KYI TSUL DANG 'GAL BAS LEGS PA MA YIN NO ZHES ZER BA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG LAS 'GYUR BA'I 'BYUNG DE LA'ANG, ,DE NI YOD PA MA YIN NO, ,RDZAS SU YOD PA NYE BAR LEN PA PO NYID DU MA GRUB PA'I PHYIR RO ZHES BYA BA SMRAS TE, LTA BA LA SOGS PA SKYE MCHED RNAMS RKYEN GANG DAG LAS 'BYUNG BAR 'GYUR BA'I 'BYUNG BA CHEN PO DE DAG LA YANG NYE BAR LEN PA PO SNGA NA GNAS PA DE YOD PA MA YIN TE, NYE BAR LEN PA PO RDZAS SU YOD PAR 'DOD PA DE NYE BAR @206A *, ,LEN PA PO NYID DU MA GRUB PA'I PHYIR RO ZHES BYA BAR DGONGS SO, ,'O NA CI LTA BU YIN ZHE NA ZHES BYA BA NI, 'O NA LUNG LAS MING DANG GZUGS KYI RKYEN GYIS SKYE MCHED DRUG CES GSUNGS PA DE'I TSUL CI LTA BU YIN ZHE NA ZHES 'DRI BA'I TSIG YIN NO, ,DE'I LAN DU, THA SNYAD DU MING DANG GZUGS DANG DE LA BRTEN NAS NYE BAR LEN PA PO NYID DU GDAGS PAR ZAD KYI, DON DAM PAR NYE BAR LEN PA PO RDZAS SU YOD PA'I MING DANG GZUGS KYI GNAS SKABS KHAS MA BLANGS PA'I PHYIR PHYOGS SNGA MA LA GNOD PA MED DO ZHES BYA BA SMRAS TE, NGED DBU MA PAS KUN RDZOB KYI THA SNYAD DU MING DANG GZUGS SU GDAGS PA DANG, MING DANG GZUGS DE LA BRTEN NAS DE'I NYE BAR LEN PA PO NYID DU GDAGS PAR KHAS BLANGS PAR ZAD KYI, DON DAM PAR NYE BAR LEN PA PO RDZAS SU YOD PA SNGA NA GNAS PA'I NYE BAR BLANG BA MING DANG GZUGS KYI GNAS SKABS KYI 'BYUNG BA CHEN PO RNAMS YIN PAR KHAS MA BLANGS PA'I PHYIR KHO BO CAG LA PHYOGS SNGA MA DANG 'GAL BA'I GNOD PA MED DO, ,DES NI NYE BAR LEN PA PO RDZAS SU YOD PA NYID DU 'DOD PA MA GRUB PA'I PHYIR 'BYUNG BA DAG LA YANG DE YOD PA MA YIN PAR BSTAN TO, ,YANG NA, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG LAS 'GYUR BA'I 'BYUNG DE LA'ANG, ,DE NI YOD PA MA YIN NO, ,ZHES BYA BA NI DE DAG GI NYE BAR LEN PA PO NYID DU GRUB PA ZHES BYA BA'I TSIG GI LHAG MA'O ZHES BYA BA NI LTA BA LA SOGS PA SKYE MCHED RNAMS RKYEN GANG DAG LAS 'BYUNG BAR 'GYUR BA'I 'BYUNG BA CHEN PO DE DAG LA YANG DE NI YOD PA MA YIN NO ZHES GSUNGS NA DE DAG LA CI ZHIG YOD PA MA YIN ZHE NA, 'BYUNG BA DE DAG LA DE DAG GI NYE BAR LEN PA PO NYID DU GRUB PA'I BDAG SNGA NA GNAS PA YOD PA MA YIN NO ZHES BYA BAR SBYAR TE, DES NI 'BYUNG BA DAG GI SNGA ROL NA DE DAG NYE BAR LEN PA PO'I BDAG MED DO ZHES BSTAN TO, ,GAL TE 'BYUNG BA NYE BAR BLANG BA'I NYE BAR LEN PA PO DE CI LTAR LTA BA LA SOGS PA'I NYE BAR LEN PA PO NYID DU MI 'GRUB CE NA ZHES BYA BA NI PHA ROL PO DAG NA RE MING DANG GZUGS KYI RKYEN GYIS SKYE MCHED DRUG CES GSUNGS PAS GZUGS NI 'BYUNG BA CHEN PO BZHI PO DAG YIN LA, DE DAG NYE BAR LEN PA'I @206B BDAG SNGA NA GNAS PA YANG YOD PAS 'BYUNG BA NYE BAR BLANG BA'I NYE BAR LEN PA PO DE CI LTAR LTA BA LA SOGS PA SKYE MCHED RNAMS KYI NYE BAR LEN PA PO NYID DU MI 'GRUB CES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, 'BYUNG BA NYE BAR BLANG BA NYE BAR LEN PA'I NYE BAR LEN PA PO NI LTA BA LA SOGS PA NYE BAR BLANG BA DAG NYE BAR LEN PAR BYED PAR MI RIGS TE, DE DAG LAS GZHAN NYE BAR LEN PA YIN PA'I PHYIR RGYUD THA DAD PA'I 'BYUNG BA NYE BAR BLANG BA'I NYE BAR LEN PA PO BZHIN NO ZHES RJES SU DPAG PA'I PHYIR DANG ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI 'BYUNG BA NYE BAR BLANG BA'I NYE BAR LEN PA PO NI LTA BA LA SOGS PA DE DAG LAS GZHAN PA'I 'BYUNG BA NYE BAR LEN PA YIN PA'I PHYIR LHAS BYIN GYI LTA BA LA SOGS PA NYE BAR BLANG BA DAG NYE BAR LEN PAR BYED PAR MI RIGS PA DE BZHIN DU LHAS BYIN GYI 'BYUNG BA NYE BAR BLANG BA NYE BAR LEN PA'I NYE BAR LEN PA PO YANG, LTA BA LA SOGS PA DE DAG LAS GZHAN PA'I 'BYUNG BA NYE BAR LEN PA YIN PA'I PHYIR LTA BA LA SOGS PA NYE BAR BLANG BA DAG NYE BAR LEN PAR BYED PAR MI RIGS SO, ,'BYUNG BA NYE BAR BLANG BA'I DUS NA LTA BA LA SOGS PA DAG NYE BAR BLANG BA MA YIN PA'I PHYIR DANG, LTA BA LA SOGS PA DAG NYE BAR BLANG BA'I DUS NA YANG 'BYUNG BA NYE BAR BLANG BA DAG NYE BAR BLANG BA MA YIN PA'I PHYIR RO ZHES BYA BA NI RJES SU DPAG PA BSTAN MA THAG PA'I GTAN TSIGS KYI DON GZHAN MA YIN TE, DE'I PHYIR YANG 'BYUNG BA NYE BAR BLANG BA'I NYE BAR LEN PA PO DE LTA BA LA SOGS PA'I NYE BAR LEN PA PO NYID DU MI 'GRUB PO, ,GAL TE GANG GI TSE, LTA DANG NYAN LA SOGS PA DANG, ,TSOR BA DAG LA SOGS PA YANG, ,NYE BAR BLANG BA DAG YIN PA DE'I TSE NA NYE BAR LEN PA PO ZHES SMRA'O ZHE NA ZHES BYA BA NI, PHA ROL PO DAG NA RE GANG GI TSE LTA BA LA SOGS PA SKYE MCHED RNAMS NYE BAR BLANG BA YIN PA DE'I TSE NA DE DAG NYE BAR LEN PA'I BDAG DE NYE BAR LEN PA PO YIN NO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, LTA BA LA SOGS PA DAG NYE BAR BLANG BA YIN PA'I TSE NA YANG LTA BA LA SOGS PA DAG 'DUS PA TZAM DU ZAD PA'I PHYIR RDZAS SU YOD PA MA YIN @207A *, ,NO ZHES BYA BA SMRAS TE, LTA BA LA SOGS PA NYE BAR BLANG BA YIN PAR LUNG LAS GSUNGS PA NI 'BYUNG BA CHEN PO LA SOGS PA 'DUS PA TZAM DU ZAD PA'I PHYIR RDZAS SU YOD PA MA YIN PAS DE DAG NYE BAR LEN PA'I BDAG SNGA NA GNAS PA YANG YOD PA MA YIN TE, SNGAR, CI MED GANG ZHIG GA LA YOD, ,GANG MED CI ZHIG GA LA YOD, ,CES BSHAD PA NYID KYIS DE'I LAN BTAB PA YIN NO, ,GAL TE CI LTAR 'DOD PA DE BZHIN NO ZHE NA ZHES BYA BA NI PHA ROL PO DAG NA RE LTA BA LA SOGS PA NYE BAR LEN PA'I BDAG SNGA NA MED KYANG LTA BA LA SOGS PA NYE BAR BLANG BA DAG NI RDZAS SU YOD PA NYID YIN NO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE'I PHYIR, GANG GI YIN PA GAL TE MED, ,DE DAG KYANG NI YOD PA MIN, ,ZHES GSUNGS TE, LTA BA LA SOGS PA DAG NYE BAR LEN PA NYID DANG RDZAS NYID DU YOD PA MA YIN NA NYE BAR LEN PA PO NYID KYI GTAN TSIGS KYI DON MA GRUB PA NYID LA SOGS PA'I SKYON DE NYID KYI LAN GDAB PAR DKA'O ZHES BYA BA SMRAS TE, LTA BA LA SOGS PA DAG GANG GI YIN PA'I BDAG DE GAL TE MED NA LTA BA LA SOGS PA DE DAG KYANG YOD PA MA YIN PAS NYE BAR LEN PA PO'I BDAG SNGA NA YOD PA'I GTAN TSIGS KYI DON MA GRUB PA DANG 'GAL BA'I SKYON MA SPANGS SO ZHES BYA BA'I THA TSIG GO, ,DE'I PHYIR DE LTAR CI SKAD BSTAN PA'I SGRUB PAS BRTAGS NA, GANG ZHIG LTA LA SOGS PA YI, ,SNGA ROL DA LTA PHYIN MED, ,DE LA YOD DO MED DO ZHES, ,RTOG PA DAG NI LDOG PAR 'GYUR, ,NYE BAR LEN PA PO GANG ZHIG LTA BA LA SOGS PA DAG GI SNGA ROL DANG DA LTAR DANG PHYI NA RDZAS SU YOD PA NYID DU MA GRUB CING 'BYUNG BA'I RDZAS BZHIN DU MED PA DE LTA BU'I DE LA DON DAM PAR GCIG PA NYID DANG GZHAN NYID DU YOD DO MED DO ZHES BYA BAR RTOG PA DAG LDOG PAR 'GYUR RO ZHES BYA BA NI RAB TU BYED PA'I MJUG BSDU BA YIN TE, SNGAR PHUNG PO BRTAG PA'I SKABS SU, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BAS 'BYUNG BA DANG 'BYUNG BA LAS GYUR PA'I GZUGS GCIG GIS GCIG BSAL TE RDZAS SU MED PA LA YOD PA DANG MED PAR RNAM PAR RTOG PA DAG LDOG PA DE BZHIN DU NYE BAR LEN PA PO DANG NYE BAR BLANG BA GCIG GIS GCIG BSAL @207B TE, RDZAS SU MED PA GANG DAG LA YANG YOD PA DANG MED PA NYID DU RNAM PAR RTOG PA DAG LDOG PAR 'GYUR RO, ,DE NYID BYE BRAG TU BSHAD PA'I PHYIR DE LA RE ZHIG YOD DO ZHES BYA BAR RTOG PA LDOG PA NI RDZAS SU MED PA'I PHYIR RO, ,MED DO ZHES RTOG PA LDOG PA NI BRTEN NAS GDAGS PAR BYA BA YIN PA'I PHYIR RO; ,YANG NA YOD DO ZHES BYA BAR RTOG PA LDOG PA NI DON DAM PAR YOD PA NYID DU STON PA'I RJES SU DPAG PA MED PA'I PHYIR RO, ,MED DO ZHES BYA BAR RTOG PA LDOG PA NI YOD PA BSAL BAS MED PAR RNAM PAR RTOG PA 'BYUNG BA DE MED PAS MED PAR RNAM PAR RTOG PA YANG MED PA'I PHYIR RO ZHES BYA BA SMRAS SO, ,DE'I KHUNGS BSTAN PA'I PHYIR, BCOM LDAN 'DAS KYIS 'PHAGS PA LANG KAR GSHEGS PA'I MDO LAS, BLO YIS RNAM PAR GZHIG NA NI, ,NGO BO NYID NI GZUNG DU MED, ,DE PHYIR DE DAG BRJOD MED DANG, ,NGO BO NYID NI MED PAR BSTAN, , ZHES CI SKAD GSUNGS PA LTA BU'O ZHES BYA BA SMRAS SO, ,DE LA NYE BAR LEN PA PO YOD PAR SMRA BA DAG GI RJES SU DPAG PA LAS NYE BAR LEN PA PO YOD DE, DE YANG NYE BAR LEN PAR BYED PAS NYE BAR LEN PA PO ZHES BYA ZHING, DES NYE BAR BLANG BA YIN PAS NYE BAR BLANG BA ZHES BYA STE, DE GNYI GA GRUB PA'I PHYIR GTAN TSIGS SNGAR SMRAS PA GRUB PA ZHES GANG SMRAS PA DE RIGS PA MA YIN NO ZHES BYA BA NI GZHUNG BSNAN PA YIN NO, ,DE LA 'DIR RAB TU BYED PA'I DON NI NYE BAR LEN PA PO YOD PA'I GTAN TSIGS SUN PHYUNG BA BRJOD PA DANG, RANG DBANG DU RJES SU DPAG PA BRJOD PAS NYE BAR LEN PA PO NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, NYE BAR LEN PA PO DANG NYE BAR BLANG BA BRTAG PA'I RAB TU BYED PA DGU PA'I SKABS 'DIR RAB TU BYED PA'I DON TSAD MA'I 'BRAS BUR LTA BA DE, PHA ROL POS SNGAR NYE BAR LEN PA PO YOD PAR BSGRUB PA'I PHYOGS SNGA MA NYE BAR LEN PA PO DE LTA BA LA SOGS PA'I SNGA ROL NA GNAS PA YOD DE, NYE BAR LEN PA PO YIN PA'I PHYIR RO ZHES BYA BA LA SOGS PA SMRAS PA DE DAG GI GTAN TSIGS SUN PHYUNG BA BRJOD PA DANG, BSTAN BCOS MDZAD @208A *, ,PA RANG GI RJES SU DPAG PA BRJOD PAS NYE BAR LEN PA PO NGO BO NYID MED PA NYID DU BSTAN PA NYID YIN NO, ,NYE BAR LEN PA PO NGO BO NYID MED PA NYID DU BSTAN PA LA YON TAN CI YOD PA BSTAN PA'I PHYIR DANG, NYE BAR LEN PA PO NGO BO NYID MED PA NYID DU BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG, BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS LA SHES PA PO'AM SHES PAR BYED PA PO MED DO, ,TSOR BA DANG 'DU SHES DANG 'DU BYED RNAMS DANG RNAM PAR SHES PA LA, SHES PA PO'AM SHES PAR BYED PA PO MED DO, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA LA SHES PA PO'AM SHES PAR BYED PA PO MED PA GANG YIN PA DE NI SHES RAB KYI PHA ROL TU PHYIN PA'O, ,GZUGS LA SHES PA PO'AM MTHONG BA PO MED DO, ,TSOR BA DANG 'DU SHES DANG 'DU BYED RNAMS DANG RNAM PAR SHES PA LA SHES PA PO'AM MTHONG BA PO MED DO, ,GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PA LA SHES PA PO'AM MTHONG BA PO MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI NYE BAR LEN PA PO NGO BO NYID MED PA NYID DU BSTAN PA'I YON TAN YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS NYE BAR LEN PA PO NGO BO NYID MED PA NYID DU BSTAN PA MA YIN TE, 'DI LTAR LUNG DE DAG KYANG YOD DO, ,GANG GI PHYIR THEG PA CHEN PO'I MDO SDE MTHA' YAS PA DAG LAS NYE BAR LEN PA PO NGO BO NYID MED PA NYID DU BSTAN PA DE DAG 'DIR BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA NI SLOB DPON GYI ZHAL SNGA NAS KYIS MKHYEN RLABS YIN NO, , SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS, NYE BAR LEN PA PO DANG NYE BAR BLANG BA BRTAG PA ZHES BYA BA STE, RAB TU BYED PA DGU PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DE NI NYE BAR LEN PA PO DANG NYE BAR @208B BLANG BA DAG NGO BO NYID MED PA'I MI MTHUN PA'I PHYOGS KYI KHYAD PAR DGAG PAS RTEN CING 'BREL PAR 'BYUNG BA DON GCIG PA MA YIN PA DANG, DON THA DAD PA MA YIN PA'I KHYAD PAR DANG LDAN PA BSTAN PA'I DON GYI DBANG GIS RAB TU BYED PA BCU PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DE NI NYE BAR LEN PA PO DANG NYE BAR BLANG BA DAG NGO BO NYID MED PA'I MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAS DAM BCA' BA MDZAD PAS 'DIR YANG SNGAR BSTAN BCOS MDZAD PAS CI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, NYE BAR LEN PA PO DANG NYE BAR BLANG BA DAG NGO BO NYID MED PA NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE PHUNG PO DANG KHAMS DANG SKYE MCHED DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS PHUNG PO DANG KHAMS DANG SKYE MCHED DAG YOD PA NYID DU STON PA'I PHYOGS SNGA MA NYE BAR GZHAG PA 'OG NAS DON DAM PAR NYE BAR LEN PA PO DANG NYE BAR BLANG BA DAG YOD PA KHO NA YIN TE, PHAN TSUN LTOS PA'I PHYIR DPER NA ME DANG BUD SHING BZHIN NO ZHES BYA BA LA SOGS PA 'BYUNG BA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA BCU PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS RTEN CING 'BREL PAR 'BYUNG BA DON GCIG PA MA YIN PA DANG, DON THA DAD PA MA YIN PA'I KHYAD PAR DANG LDAN PA BSTAN PA'I DON GYI DBANG GIS RAB TU BYED PA BCU PA BRTZAM MO ZHES BYA BA SMRAS TE, ME DANG BUD SHING BRTAG PA'I RAB TU BYED PA BCU PA'I GZHUNG 'OG NAS 'BYUNG BA 'DI'I DON NI RTON CING 'BREL PAR 'BYUNG BA DON GCIG PA MA YIN PA DANG, DON THA DAD PA MA YIN PA'I KHYAD PAR DANG LDAN PA BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN RNAM PA @209A *, ,GANG GIS NI 'BRAS BU DE 'THOB CE NA, RTEN CING 'BREL PAR 'BYUNG BA DON GCIG PA MA YIN PA DANG, DON THA DAD PA MA YIN PA'I KHYAD PAR DANG LDAN PA BSTAN PA NI 'DI'I 'BRAS BU YIN LA, NYE BAR LEN PA PO DANG NYE BAR BLANG BA DAG NGO BO NYID MED PA'I MI MTHUN PA'I PHYOGS KYI KHYAD PAR DGAG PA'I RNAM PAS, NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,NYE BAR LEN PA PO DANG NYE BAR BLANG BA DAG NGO BO NYID MED PA'I MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, PHUNG PO DANG KHAMS DANG SKYE MCHED DAG DE LTAR BKAG TU ZIN KYANG DE DAG LA MNGON PAR ZHEN PA RANG GI SDE PA DAG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR, 'DI LA KHYED KYIS NYE BAR LEN PA PO DANG NYE BAR BLANG BA DAG PHAN TSUN LTOS NAS RAB TU 'GRUB PAR SMRAS PAS, DE'I PHYIR GTAN TSIGS RAB TU GRUB PA'I DBANG GIS NYE BAR LEN PA PO DANG NYE BAR BLANG BA NYID DAG BSGRUB PA'I PHYIR SGRUB PA SMRA BAR BYA STE ZHES BYA BA LA SOGS PA SMRAS SO, ,DON DAM PAR NYE BAR LEN PA PO DANG NYE BAR BLANG BA ? YOD PA KHO NA YIN TE, PHAN TSUN LTOS PA'I PHYIR DPER NA ME DANG BUD SHING BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME DANG BUD SHING DAG NI PHAN TSUN LTOS PA'I PHYIR YOD PA KHO NA YIN PA DE BZHIN DU, NYE BAR LEN PA PO DANG NYE BAR BLANG BA DAG KYANG PHAN TSUN LTOS PA'I PHYIR YOD PA KHO NA YIN NO, ,DE'I PHYIR DE GRUB PAS DON DAM PAR PHUNG PO LA SOGS PA DAG YOD PA KHO NA YIN TE BCOM LDAN 'DAS KYIS DE DAG LA BRTEN NAS NYE BAR LEN PA PO DANG NYE BAR BLANG BDAG BSTAN PA'I PHYIR RO ZHES BYA BA NI NYE BAR SBYAR BA'I SBYOR BA YIN TE, DE'I PHYIR NYE BAR LEN PA PO DANG NYE BAR BLANG BA DE GRUB PAS DON DAM PAR PHUNG PO LA SOGS PA DAG YOD PA KHO NA YIN TE, CI'I PHYIR ZHE NA, BCOM LDAN 'DAS KYIS PHUNG PO LA SOGS PA DE DAG LA BRTEN NAS NYE BAR LEN PA PO DANG NYE BAR BLANG BDAG BSTAN PA'I PHYIR RO, ,DE LTAR GTAN TSIGS GRUB PAS 'DOD PA GRUB PO ZHES BYA BA NI MJUG BSDU @209B BA DANG TSAD MA'I 'BRAS BU YIN TE, DE LTAR NYE BAR LEN PA PO DANG NYE BAR BLANG BA DAG YOD PAR GRUB PAS PHUNG PO LA SOGS PA DAG DON DAM PAR YOD PAR 'DOD PA 'GRUB PO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, SKYE BA SPYIR BKAG PA NYID DANG, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BA DER RDZAS SU YOD PA NYID BKAG PAS, ME DANG BUD SHING DAG GI YOD PA NYID DGAG PA YANG 'GRUB MOD KYI, YANG DE MED PA NYID DU BSTAN PA'I PHYIR SGRUB PA GZHAN SEMS GTOD LA NYON CIG CES BYA BA LA SOGS PA SMRAS TE, SNGAR RKYEN BRTAG PA'I SKABS LA SOGS PA'I GNAS SKABS THAMS CAD DU SKYE BA SPYIR BKAG PA NYID DANG, PHUNG PO BRTAG PA'I RAB TU BYED PA'I SKABS SU, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BYA BA LA SOGS PA BSTAN PA DER GZUGS RDZAS SU YOD PA DE NYID BKAG PAS ME DANG BUD SHING DAG GI YOD PA NYID DGAG PA YANG GRUB MOD KYI YANG ME DANG BUD SHING DE MED PA NYID DU BSTAN PA'I PHYIR SGRUB PA GZHAN SEMS GTOD LA NYON CIG CES BYA BAR SBYAR RO, ,'DI LA ME DANG BUD SHING DAG YOD PA NYID DU 'DOD NA GCIG PA NYID DAM GZHAN NYID DU KHAS BLANG BAR BYA GRANG NA ZHES BYA BAS NI BRTAGS PA'I GAL TE DE GNYIS GNYI GAR YANG MI 'THAD PAS PHA ROL PO DAG DPE MED PAS SGRUB PA YANG MI 'GRUB PAR STON TO, ,DES CIR 'GYUR ZHE NA ZHES BYA BA NI, PHA ROL PO DAG 'DRI BA'I TSIG YIN NO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR ZHES BYA BA LA SOGS PA SMRAS SO, ,DE LA RE ZHIG BUD SHING DANG ME'I MTSAN NYID BSTAN PA'I PHYIR DE LA BUD SHING NI SA LA SOGS PA 'BYUNG BA GSUM PO DAG YIN LA, ME NI ME'I KHAMS SO, ,KHA CIG NA RE ME NI 'BYUNG BA BZHI PO DAG LAS ME SHAS TSOR BAR GYUR PA'O ZHE'O ZHES BYA BA SMRAS TE, BUD SHING GI MTSAN NYID NI 'BYUNG BA CHEN PO GSUM 'DUS PA DAG YIN LA, ME'I MTSAN NYID NI ME'I KHAMS 'BA' ZHIG GO, ,KHA CIG NA RE BUD SHING GI MTSAN NYID NI 'BYUNG BA CHEN PO BZHI PO 'DUS PA CHA MNYAM PA DAG YIN LA, ME'I MTSAN NYID NI 'BYUNG BA CHEN PO BZHI PO DAG LAS ME SHAS CHE BAR GYUR PA STE, 'DI SKAD DU GZUGS GANG YIN PA CI YANG RUNG STE, DE @210A *, ,THAMS CAD 'BYUNG BA CHEN PO BZHI PO DAG DANG, 'BYUNG BA CHEN PO BZHI DAG RGYUR BYAS PA'O ZHES GSUNGS PA'I PHYIR RO ZHES ZER RO, ,DE LA 'DIR GLAGS YOD PA'I TSIG YIN PA'I PHYIR PHA ROL POS SMRAS PA'I BSGRUB PA LAS BZLOG PA RJES SU DPAG PA MNGON TE ZHES BYA BA NI, GAL TE SHING DE ME YIN NA, BYED PA PO DANG LAS GCIG 'GYUR, ,ZHES BYA BA'I TSIG LE'UR BYAS PA'I PHYED GONG MA DE LA 'DIR BYED PA PO DANG LAS GCIG PA NYID DU 'GYUR BA'I SKYON GYI GLAGS YOD PA'I TSIG YIN PA'I PHYIR PHA ROL POS ME DANG BUD SHING DAG GCIG PA NYID DU SMRAS PA'I BSGRUB PA LAS BZLOG PAS ME DANG BUD SHING DAG GCIG PA NYID MA YIN PAR RJES SU DPAG PA MNGON NO, ,DE NYID KYI TSUL BSTAN PA'I PHYIR, DPER NA GAL TE SGRA RTAG NA BUM PA YANG RTAG PAR THAL BAR 'GYUR BAS DE NI MI 'DOD DE BYAS PA NYID LA MI RTAG PA NYID MED NA MI 'BYUNG BA YIN PAS DE LA YANG YOD PA'I PHYIR RO ZHES BYA BA SMRAS TE, DPER NA LA LA ZHIG GIS SGRA RTAG GO ZHES SMRAS PA NA 'GA' ZHIG NA RE GAL TE SGRA RTAG NA BUM PA YANG RTAG PAR THAL BAR 'GYUR BAS DE NI MI 'DOD DE CI'I PHYIR ZHE NA, BYAS PA NYID LA MI RTAG PA NYID MED NA MI 'BYUNG BA YIN PAS BUM PA DE LA YANG MI RTAG PA YOD PA'I PHYIR RO ZHES ZER BA DES SGRA RTAG GO ZHES BYA BA'I TSIG DE LA SGRA RTAG NA BUM PA YANG RTAG PAR THAL BAR 'GYUR BA'I GLAGS YOD PA'I TSIG YIN PA'I PHYIR SGRA RTAG PA'I SMRA BAS SMRA BA'I BSGRUB PA LAS BZLOG PAS SGRA MI RTAG PAR RJES SU DPAG PA MNGON PA DE BZHIN DU 'DIR YANG ME DANG BUD SHING DAG GCIG PA NYID YIN NO ZHES ZER BA DE'I BYED PA PO DANG LAS GCIG PA NYID DU THAL BAR 'GYUR BA'I GLAGS YOD PA'I TSIG YIN PA'I PHYIR PHA ROL POS ME DANG BUD SHING DAG GCIG PA NYID DU SMRAS PA'I BSGRUB PA LAS BZLOG PAS ME DANG BUD SHING DAG GCIG PA NYID MA YIN PAR RJES SU DPAG PA MNGON NO ZHES BYA BA'I THA TSIG GO, ,DPE'I MJUG BSDU BA'I PHYIR SGRA DE YANG BYAS PA YIN PAS DE'I PHYIR SGRA NI MI RTAG STE BYAS PA'I PHYIR DPER NA BUM PA BZHIN NO ZHES BYA BA LTA BU'O ZHES BYA BA SMRAS TE, CI LTAR SGRA RTAG PAR SMRA BA DE BUM PA YANG RTAG PAR THAL BAR GYUR PA'I GLAGS YOD PA'I TSIG YIN PA'I PHYIR DE LAS BZLOG PAS SGRA MI RTAG STE BYAS PA'I PHYIR DPER NA BUM PA BZHIN NO ZHES BYA BAR RJES SU DPAG PA MNGON PA DE BZHIN DU ME DANG BUD SHING @210B DAG GCIG PA NYID DU SMRA BA YANG BYED PA PO DANG LAS GCIG PA NYID DU THAL BAR 'GYUR BA'I GLAGS YOD PA'I TSIG YIN PA'I PHYIR DE LAS BZLOG PAS CHE DANG BUD SHING DAG GCIG PA NYID MA YIN TE, BYED PA PO DANG LAS YIN PA'I PHYIR DPER NA GCOD PA PO DANG GCAD PA DAG BZHIN NO ZHES BYA BAR RJES SU DPAG PA MNGON NO ZHES BYA BAR SBYAR RO, ,DE NYID KYI RJES SU DPAG PA BSTAN PA'I PHYIR 'DIR SBYOR BA'I TSIG NI DON DAM PAR ME DANG BUD SHING DAG GCIG PA NYID MA YIN TE, BYED PA PO DANG LAS YIN PA'I PHYIR DPER NA GCOD PA PO DANG GCAD PA DAG BZHIN NO ZHES BYA BA SMRAS TE, DPER NA GCOD PA PO DANG GCAD PA DAG NI BYED PA PO DANG LAS YIN PA'I PHYIR GCIG PA NYID MA YIN PA DE BZHIN DU ME DANG BUD SHING DAG KYANG BYED PA PO DANG LAS YIN PA'I PHYIR GCIG PA NYID MA YIN NO, ,ME DANG BUD SHING DAG BYED PA PO DANG LAS KYI NGO BO NYID YIN PAR SGRUB PA DANG DE DAG GCIG PA NYID MA YIN PAR SGRUB PA'I MJUG BSDU BA DANG TSAD MA'I 'BRAS BU BSTAN PA'I PHYIR ME YANG BUD SHING SREG PA NI ? SREG PA'I BYED PA PO YIN LA, BUD SHING YANG SREG PA NA LAS YIN PAS ME DANG BUD SHING DAG LA YANG BYED PA PO DANG LAS NYID YOD PAS DE'I PHYIR DE GNYIS GCIG PA NYID MA YIN NO ZHES BYA BA SMRAS SO, ,YANG NA, GAL TE SHING DE ME YIN NA, ,BYED PA PO DANG LAS GCIG 'GYUR, ,DE'I PHYIR BUD SHING LAS ME GZHAN MA YIN PAR DAM BCA' BA'I DAM BCAS PA LA GCIG PA NYID DU RJES SU DPOG PAS MI TSA BA DANG MI SREG PA NYID KYIS ME'I DE DAG BSAL BA'I PHYIR CHOS CAN GYI KHYAD PAR BSAL BA'I SKYON YOD DO ZHES BYA BAS NI YANG RNAM PA GZHAN DU ME DANG BUD SHING DAG GCIG PA NYID YIN ZHING BYED PA PO DANG LAS DAG GCIG PA NYID DU DAM 'CHA' BA LA ME DANG BUD SHING DAG GCIG PA NYID DU RJES SU DPOG PAS CI LTAR BUD SHING GI NGO BO NYID MI TSA BA DANG MI SREG PA NYID YIN PA DE BZHIN DU ME'I NGO BO NYID KYANG MI TSA BA DANG MI SREG PA NYID YIN PAR 'GYUR BAS ? CHOS CAN ME'I KHYAD PAR TSA BA NYID DANG SREG PA NYID DAG BSAL BA'I SKYON YOD PAS MI RUNG NGO ZHES BSTAN TO, , GAL TE MTHONG BAS GNOD PA'I PHYIR SKYON MED DO ZHE NA ZHES BYA BA NI PHA ROL PO DAG NA RE RIGS PA'I MTSAN NYID LAS, GNOD PA MED NA 'GAL BAR 'GYUR, ,ZHES 'BYUNG BAS KHYED KYIS KHO BO CAG GI DAM BCAS PA LA CHOS CAN GYI KHYAD PAR BSAL BA'I SKYON YOD PAR BRJOD PA 'DI LA YANG GAL TE GNOD @211A *, ,PA MED NA NI SKYON YOD PAR YANG 'GYUR BA ZHIG NA, 'JIG RTEN NA ME LA TSA BA NYID DANG SREG PA NYID YOD PAR MTHONG BA'I MNGON SUM GYI TSAD MAS KHYED KYI SGRUB PA LA GNOD PA'I PHYIR KHO BO CAG GI DAM BCAS PA LA CHOS CAN GYI KHYAD PAR BSAL BA'I SKYON MED DO ZHES ZER BA YIN NO, ,DE SKAD CES ZER BA DE'I LAN DU 'DIR 'GRAL PA BYED PA NYID KYIS, GCIG PA NYID LA YANG MTHONG BAS GNOD PAR 'GYUR RO ZHES BYA BA SMRAS TE, KHYED ME DANG BUD SHING DAG GCIG PA NYID DU 'DOD PA LA YANG 'JIG RTEN NA ME DANG BUD SHING DAG THA DAD PAR MTHONG BAS GNOD PAR 'GYUR BA'I PHYIR DE GNYIS GCIG PA NYID YIN PAR MI 'THAD DE, ,CI STE MTHONG BAS GNOD PAR 'GYUR BA'I 'JIGS PA YOD PAS ME DANG BUD SHING DAG GCIG PA NYID DU MI 'DOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS DE YONGS SU SPANGS PA'I PHYIR GRUB PA'I MTHA' DANG 'GAL LO ZHES BYA BA SMRAS TE, KHYED KYIS ME DANG BUD SHING DAG GCIG PA NYID CES BYA BA DE 'DIR YONGS SU SPANGS PA'I PHYIR SNGAR DE GNYIS GCIG PA NYID DU DAM BCAS PA'I RANG GI GRUB PA'I MTHA' DANG 'GAL LO, ,CI STE PHA ROL PO DAG RANG GI GRUB PA'I MTHA' DANG 'GAL BA'I SKYON DE DAG LA SOGS PA NI GCIG PA NYID DU KHAS BLANGS PA LAS GYUR PAS DE KHO BO CAG GCIG PA NYID DU KHAS MI LEN TO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DE LTAR KHAS MA BLANGS PA'I PHYIR KHAS BLANGS PA LA GNOD PA MED DO ZHES BYA BA SMRAS TE, ME DANG BUD SHING DAG GCIG PA NYID DU KHAS MA BLANGS PA'I PHYIR, GZHAN PA NYID DU SMRAS KYANG KHAS BLANGS PA LA GNOD PA NI MED MOD KYI DES NA ME DANG BUD SHING DAG GCIG PA NYID DU MA GRUB PO ZHES BYA BA'I THA TSIG GO, ,DE LTAR RE ZHIG ME DANG BUD SHING DAG GCIG PA NYID DU MI 'THAD DO ZHES BYA BA NI, MJUG BSDU BA DANG TSAD MA'I 'BRAS BU YIN NO, ,BRTAG PA GNYIS PA MI 'THAD PAR BSTAN PA'I PHYIR CI STE GZHAN NYID DU 'DOD NA DE'I PHYIR BSHAD PA, GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,GZHAN YIN PA'I PHYIR DE LAS GZHAN PA BZHIN NO ZHES BYA BAR DGONGS SO ZHES BYA BA SMRAS TE, DPER NA CHU LAS GZHAN PA'I ME NI DE LAS GZHAN YIN PA'I PHYIR CHU MED PAR YANG ME 'BYUNG BA DE BZHIN DU BUD @211B SHING LAS GZHAN PA'I ME YANG DE LAS GZHAN YIN PA'I PHYIR BUD SHING MED PAR YANG ME 'BYUNG BA'I SKYON DU 'GYUR RO ZHES BYA BA'I THA TSIG GO, ,BUD SHING MED PAR ME 'BYUNG BA DE MI 'THAD PAR BSTAN PA'I PHYIR, 'DI LTA STE BUD SHING LA MI LTOS PAR ME YOD DO ZHES BYA BA DE MNGON PAR ZHEN PA'I BLO CAN DAG KYANG MI 'DOD DO ZHES BYA BA SMRAS TE, 'DIS KYANG, GAL TE SHING LAS ME GZHAN LA, ,SHING MED PAR YANG 'BYUNG BAR 'GYUR, ,ZHES BYA BA'I TSIG LE'UR BYAS PA'I PHYED 'OG MA SHOS 'DI YANG GAL TE ME DANG BUD SHING DAG GZHAN YIN PAR GYUR NA, BUD SHING MED PAR ME 'BYUNG BA THAL BAR 'GYUR BA'I GLAGS YOD PA'I TSIG YIN PA'I PHYIR PHA ROL POS ME DANG BUD SHING DAG GZHAN NYID YIN PAR SMRAS PA'I SGRUB PA LAS BZLOG PAS ME DANG BUD SHING DAG GZHAN NYID MA YIN PAR RJES SU DPAG PA MNGON NO ZHES BYA BAR STON TO, ,'DIS NI ME DANG BUD SHING DAG GI CHOS LTOS PA DANG BCAS PA NYID BSTAN TO ZHES BYA BA NI GZHUNG GONG MA 'DIS NI ME DANG BUD SHING DAG GZHAN NYID MA YIN PAR BSGRUB PA'I CHOS GTAN TSIGS NI DE DAG PHAN TSUN LTOS PA DANG BCAS PA NYID YIN PAR BSTAN TO, ,DE'I PHYIR 'DIR BSTAN PAR BYA BA'I DON GYI DBANG GIS RJES SU DPAG PAR 'DOD PA NI ZHES BYA BA LA SOGS PAS NI ME DANG BUD SHING DAG GZHAN NYID MA YIN PAR RJES SU DPAG PA STON TO, , DON DAM PAR ME NA BUD SHING LAS GZHAN MA YIN TE LTOS PA DANG BCAS PA'I PHYIR DPER NA BUD SHING GI RANG GI BDAG NYID BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUD SHING GI RANG GI BDAG NYID NI RANG GI BDAG NYID LA LTOS PA DANG BCAS PA'I PHYIR BUD SHING LAS GZHAN MA YIN PA DE BZHIN DU ME YANG BUD SHING LA LTOS PA DANG BCAS PA'I PHYIR BUD SHING LAS GZHAN MA YIN TE, DES NI ME PHYOGS SU BYAS TE BUD SHING LAS GZHAN MA YIN PAR BSTAN TO, ,DE BZHIN DU DON DAM PAR BUD SHING YANG ME LAS GZHAN MA YIN TE, LTOS PA DANG BCAS PA'I PHYIR DPER NA ME'I RANG GI BDAG NYID BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME'I RANG GI BDAG NYID DAG GI RANG GI BDAG NYID LA LTOS PA DANG BCAS PA'I PHYIR MA LAS ? @212A *, ,GZHAN MA YIN PA DE BZHIN DU BUD SHING YANG ME LA LTOS PA DANG BCAS PA'I PHYIR ME LAS GZHAN MA YIN TE, DES NI BUD SHING PHYOGS SU BYAS TE ME LAS GZHAN MA YIN PA BSTAN TO, ,GAL TE ME DANG BUD SHING DAG THA DAD PA NYID KYIS THAMS CAD LTOS PA DANG BCAS PA DAG GIS MA NGES PA NYID DO ZHE NA ZHES BYA BA NI PHA ROL PO DAG NA RE DBU MA PA'I GTAN TSIGS LTOS PA DANG BCAS PA'I PHYIR ZHE3S BYA BA DE MA NGES PA NYID YIN NO ZHES ZER BA YIN TE, 'JIG RTEN NA BUM PA DANG SNAM BU LA SOGS PA THAMS CAD LTOS PA DANG BCAS PA YANG YIN LA, GZHAN NYID KYANG YIN PAR MTHONG BAS DES NA CI RE ZHIG BUM PA DANG SNAM BU LA SOGS PA DAG BZHIN DU LTOS PA DANG BCAS PA'I PHYIR GZHAN NYID YIN PA LTA BUR 'GYUR RAM, 'ON TE ME DANG BUD SHING DAG BZHIN DU LTOS PA DANG BCAS PA'I PHYIR GZHAN NYID MA YIN PA BZHIN DU 'GYUR BA MA NGES PA NYID YIN PAS GTAN TSIGS SU MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE DAG KYANG BSGRUB PAR BYA BA DANG RIGS MTHUN PA NYID KYIS MTSUNGS PAR BKAG PA'I PHYIR SKYON MED DO ZHES BYA BA SMRAS TE, CI LTAR DON DAM PAR ME DANG BUD SHING DAG LTOS PA DANG BCAS PA'I PHYIR GZHAN NYID MA YIN PAR BSGRUB PA DE BZHIN DU BUM PA DANG SNAM BU LA SOGS PA DE DAG KYANG MTSUNGS PAR BKAG PA'I PHYIR MI MTHUN PA'I PHYOGS MED PAS GTAN TSIGS MA NGAS PA NYID KYI SKYON MED DO,, ,,BAM PO BZHI BCU DRUG PA, ME DANG BUD SHING DAG GZHAN NYID DU KHAS LEN PA LA SKYON GZHAN 'DI YANG YOD DE ZHES BYA BA LA SOGS PAS NI DAG GZHAN NYID DU KHAS LAN PA LA RGYU MED PA DANG, RTZOM PA DON MED PA DANG, LAS MED PA'I SKYON GZHAN RNAM PA GSUM YANG YOD DO ZHES STON TO, ,DE LA RE ZHIG RGYU MED PA'I SKYON DU 'GYUR BA BSTAN PA'I PHYIR 'DI LTA STE, RTAG TU 'BAR BA NYID 'GYUR, ,'BAR BYED MED PA'I RGYU LAS BYUNG, ,GAL TE BUD SHING LAS ME GZHAN NYID YIN PAR GYUR NA BUD SHING LA MI LTOS PAR RTAG TU 'BAR BAR 'GYUR TE, DE LA BUD SHING DE MED KYANG 'CHI BAR MI 'THAD CING RTAG PAR 'GYUR RO, ,CI'I PHYIR ZHE NA, 'BAR BYED MED PA'I RGYU LAS BYUNG BA'I PHYIR TE, 'BAR BYED CES BYA BA NI BUD SHING NGO, ,GANG LA RGYUD YOD PA DE NI 'BAR BYED KYI RGYU LAS BYUNG BA'O,, @212B 'BAR BYED MED PA'I RGYU LAS BYUNG BA NI 'BAR BAR BYED PA'I RGYU MED PA LAS BYUNG PA'O ZHES BYA BA SMRAS TE, 'BAR BYED MED PA'I RGYU LAS BYUNG BAR 'GYUR NA RTAG TU 'BAR BA NYID DU THAL BAR 'GYUR TE, 'DI LTAR 'BAR BYED LA LTOS NA NI 'BAR BYED MED NI DE 'CHI BAR YANG 'GYUR BA ZHIG NA, ME DANG BUD SHING DAG GZHAN YIN PAR GYUR NA ME DE BUD SHING LA LTOS PA MED PA'I PHYIR DE LA 'BAR BYED MED PAR RTAG TU 'BAR BA NYID DU YANG THAL BAR 'GYUR TE, ,DES NI ME DANG BUD SHING DAG GZHAN NYID YIN PAR GYUR NA ME LA RGYU MED PA'I SKYON DU 'GYUR BA BSTAN TE, ,RTZOM PA DON MED PA NYID KYI SKYON DU 'GYUR BA BSTAN PA'I PHYIR GZHAN YANG 'CHI BA YONGS SU SPANG BA'I PHYIR BUD SHING SKAM PO GZHUG PA DANG SBAR ? BA'I MTSAN NYID KYI RTZOM PA DAG KYANG MI 'THAD PAS, RTZOM PA DON MED NYID DU 'GYUR, ,DON MED PA NI DON DANG BRAL PA'O, ,DE'I DNGOS PO NI DON MED PA NYID DE 'BRAS BU NYID CES BYA BA'I THA TSIG GO ZHIG GO ZHES BYA BA SMRAS TE, ME RTAG TU 'BAR BA NYID YIN PAR GYUR NA DBYUNG BA DANG SBAR ? BA LA SOGS PA RTZOM PA DAG DON MED PA NYID DU YANG 'GYUR RO, ,MA DANG BUD SHING DAG GZHAN YIN PAR GYUR NA ME LA LAS MED PA'I SKYON DU 'GYUR BAR BSTAN PA'I PHYIR, DE LTA YIN NA LAS KYANG MED, ,LAS MED PA NI LAS YONG BA MA YIN TE, BUD SHING LA MI LTOS PA DE 'BYUNG ZHING GNAS PAS BSREG PAR BYA BA SREG PA'I MTSAN NYID KYI LAS MED PA'I PHYIR DE NI MI 'DOD DO ZHES BYA BA SMRAS TE, RTZOM PA DAG DON MED PA NYID DU 'GYUR BA DE LTA NA ME LA LAS MED PAR YANG THAL BAR 'GYUR ZHING, RNAM PA DE LTA BU NI MER MI 'THAD PAS ME NYID MED PA NYID DU YANG THAL BAR 'GYUR BAS DE NI MI 'DOD DO, ,GRONG MI'I BUD MED YAN CHAD LA YANG ME NI RGYU DANG LDAN PA NYID DANG, RTZOM PA DANG BCAS PA NYID DANG LAS DANG BCAS PA NYID DU GRAGS PAR 'DOD PAS DE'I PHYIR RJES SU DPAG PA SMRA BAR NUS TE ZHES BYA BA NI CI SKAD BSTAN PA'I SKYON RNAM PA GSUM PO DE DAG YONGS SU SPANG BAR 'DOD PAS ME DANG BUD SHING DAG GZHAN MA YIN PA NYID DU RJES SU DPAG PA SMRA BAR NUS SO ZHES STON TO, ,DON DAM PAR ME NI BUD SHING LAS GZHAN MA YIN TE, RGYU DANG LDAN PA'I PHYIR DANG RTZOM PA DANG BCAS PA'I PHYIR DANG LAS DANG BCAS PA'I PHYIR DPER NA BUD SHING GI RANG GI BDAG NYID PA NI NA TE ZHES BYA BA DANG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN @213A *, ,PAR GO RIMS BZHIN DU SBYAR TE, DPER NA BUD SHING GI RANG GI BDAG NYID NI RGYU DANG LDAN PA'I PHYIR DANG, RTZOM PA DANG BCAS PA'I PHYIR DANG, LAS DANG BCAS PA'I PHYIR RANG GI BDAG NYID LAS GZHAN MA YIN PA DE BZHIN DU ME YANG RGYU DANG LDAN PA'I PHYIR DANG, RTZOM PA DANG BCAS PA'I PHYIR DANG, LAS DANG BCAS PA'I PHYIR BUD SHING LAS GZHAN MA YIN NO, ,RGYAS PAR NI SNGA MA BZHIN NO ZHES BYA BA NI, CI LTAR SNGAR ME DANG BUD SHING DAG GCIG PA NYID MA YIN PAR BRTAG PA'I SKABS SU PHA ROL PO DAG NA RE MTHONG BAS GNOD PA'I PHYIR SKYON MED DO ZHES ZER BA'I LAN DU GCIG PA NYID LA YANG MTHONG BAS GNOD PAR 'GYUR RO, ,DE YONGS SU SPANGS PA'I PHYIR GRUB PA'I MTHA' DANG 'GAL LO, ,DE LTAR KHAS MA BLANGS PA'I PHYIR KHAS BLANGS PA LA GNOD PA MED DE, DE LTAR RE ZHIG ME DANG BUD SHING DAG GCIG PA NYID DU MI 'THAD DO ZHES BSTAN PA DE BZHIN DU 'DIR YANG, GAL TE PHA ROL PO DAG NA RE KUN SBYIN PA LA SOGS PA'I ME DAG LA RGYU MED PAR YANG ME NYID YOD PAR MTHONG BA'I PHYIR ME DE BUD SHING LAS GZHAN YIN PAR MTHONG BAS GNOD PA'I PHYIR SKYON MED DO ZHE NA, DE'I LAN DU GZHAN NYID LA YANG MTHONG BAS GNOD PAR 'GYUR RO, ,DE YONGS SU SPANG BA'I PHYIR GRUB PA'I MTHA' DANG 'GAL LO, ,DE LTAR KHAS MA BLANGS PA'I PHYIR KHAS BLANGS PA LA GNOD PA MED DE, DE LTAR RE ZHIG ME DANG BUD SHING DAG GZHAN NYID DU MI 'THAD DO ZHES RGYAS PAR SNGA MA BZHIN DU SBYAR BA YIN TE, DES NI ME PHYOGS SU BYAS TE GZHAN NYID DGAG PA BSTAN TO, ,DE BZHIN DU BUD SHING GI PHYOGS LA YANG BRJOD PAR BYA STE ZHES BYA BA NI DE BZHIN DU DON DAM PAR BUD SHING YANG ME LAS GZHAN MA YIN TE, RGYU DANG LDAN PA'I PHYIR DANG RTZOM PA DANG BCAS PA'I PHYIR DANG, LAS DANG BCAS PA'I PHYIR DPER NA ME'I RANG GI BDAG NYID BZHIN NO ZHES BUD SHING PHYOGS SU BYAS TE, RJES SU DPAG PA DANG BRGAL BA DANG LAN DAG GIS BUD SHING LAS ME GZHAN NYID MA YIN PAR DGAG PA BRJOD PAR BYA BA YIN NO, ,BUD SHING GI PHYOGS LA LAS DANG BCAS PA'I PHYIR ZHES BYA BA'I GTAN TSIGS DANG DPE CI LTAR 'GRUB CE NA, DE'I PHYIR BUD SHING LA YANG GZUGS PAR BYA BA LA SOGS PA'I LAS YOD PA'I PHYIR LAS DANG BCAS PA NYID DU GRUB PAS BUD SHING GI GTAN TSIGS DANG DPE @213B NYID MA GRUB PA NYID MA YIN NO ZHES BYA BA SMRAS TE, BUD SHING GIS GZHAN LA GZUGS PAR BYA BA LA SOGS PA NI BUD SHING GI LAS YIN PAS DE NA BUD SHING GI GTAN TSIGS LAS DANG BCAS PA'I PHYIR ZHES BYA BA DAG DANG, DPER NA ME'I RANG GI BDAG NYID BZHIN TE ZHES BYA BA'I DPE NYID KYANG GRUB STE, DES NI BUD SHING PHYOGS SU BYAS TE, BUD SHING LAS ME GZHAN NYID MA YIN PAR DGAG PA BSTAN TO, ,DE LA 'DI SNYAM DU CI'I PHYIR 'BAR BYED MED PA'I RGYU LAS BYUNG BA DANG RTZOM PA DON MED PA NYID DU THAL BAR 'GYUR SNYAM DU SEMS NA DE LA BSHAD PAR BYA STE, GZHAN LA LTOS PA MED PA'I PHYIR, ,'BAR BYED MED PA'I RGYU LAS BYUNG, ,RTAG TU 'BAR BA NYID YIN NA, ,RTZOM PA DON MED NYID DU 'GYUR, ,GZHAN LA LTOS PA MED PA'I PHYIR 'BAR BYED MED PA'I RGYU LAS BYUNG BAR 'GYUR LA RTAG TU 'BAR BA NYID YIN NA RTZOM PA DON MED PA NYID DU THAL BAR 'GYUR RO ZHES BYA BAS NI SNGA MA'I 'THAD PA GZHAN BSTAN TO, ,CI STE PHA ROL PO DAG SLOB DPON GYIS ME DANG BUD SHING DAG GZHAN NYID YIN PA'I SKYON BRJOD PA, RTAG TU 'BAR BA NYID DU 'GYUR, ,ZHES BYA BA LA SOGS PAS GANG DAG GSUNGS PA JI SKAD BSTAN PAR THAL BAR 'GYUR BA DAG YONGS SU SPANG BAR 'DOD PAS DE LA GAL TE 'DI SNYAM DU, SREG BZHIN BUD SHING YIN SEMS NA, ,MES KHYAB CING SREG BZHIN PA NYID NA BUD SHING ZHES BYA ZHING ME LA LTOS PA DANG BCAS PA'I BUD SHING NI BUD SHING NYID DU GRUB PA'I PHYIR THAL BAR 'GYUR BA'I SKYON MED DO SNYAM DU SEMS NA ZHES BYA BA NI CI STE PHA ROL PO DAG SLOB DPON KLU SGRUB KYI ZHAL SNGA NAS KYIS ME DANG BUD SHING DAG GZHAN NYID YIN PA'I SKYON BRJOD PA, RTAG TU 'BAR BA NYID DU 'GYUR, 'BAR BYED MED PA'I RGYU LAS BYUNG, ,RTZOM PA DON MED NYID DU 'GYUR, ,DE LTA YIN NA LAS KYANG MED, ,CES BYA BA LA SOGS PA GANG DAG GSUNGS PA 'GREL PA BYED PAS CI SKAD BSTAN PA DE LTA BU RANG GI PHYOGS LA THAL BAR 'GYUR BA DAG YONGS SU SPANG BAR 'DOD PAS DE DAG GAL TE 'DI SNYAM DU GANG GI PHYIR MES KHYAB CING SREG BZHIN PA DE BUD SHING YIN PA DE'I PHYIR ME DANG BUD SHING DAG GZHAN NYID YIN YANG ME LA BUD SHING MED PA MA YIN GYI BUD SHING DANG BCAS PA NYID YIN PAS DE LA BUD SHING MED PAR THAL BAR GYUR NA SKYON GANG DAG BSTAN PA DE DAG TU MI 'GYUR BAR SEMS NA DE YANG MI RUNG BAR STON PA'I PHYOGS SNGA MA YIN NO, ,DE SKAD CES ZER BA DE'I LAN DU 'DIR @214A *, ,'GREL PA BYED PA NYID KYIS, DE NI BZANG PO MA YIN TE ZHES BYA BA LA SOGS PA SMRAS TE, ME DANG BUD SHING DAG GZHAN NYID DU KHAS BLANGS NA RGYU MED PA LA SOGS PAR THAL BAR 'GYUR BA'I SKYON YOD PAR MI 'DOD PAS SREG BZHIN PA NYID NA BUD SHING YIN PAS ME DANG BUD SHING DAG GZHAN NYID YIN YANG RGYU MED PA LA SOGS PA'I SKYON DU THAL BAR MI 'GYUR RO ZHES ZER BA DE MI RUNG NGO ZHES STON TO, ,CI'I PHYIR ZHE NA GLAGS YOD PA'I TSIG NYE BAR GZHAG PA BRJOD PAS RJES SU DPAG PA RNAM PA BZHI BSTAN PAS GLAGS YOD PA'I SKYON GYI BZHI PO GZHAN NYID MI 'DOD NA DAM BCAS PA NYAMS PA'I PHYIR RO ZHES BYA BA SMRAS TE, SLOB DPON GYI ZHAL SNGA NAS KYIS ME DANG BUD SHING DAG GZHAN NYID DU KHAS LEN PA LA GLAGS YOD PA'I TSIG NYE BAR BZHAG LA, GAL TE SHING LAS MI GZHAN NA, ,SHING MED PAR YANG 'BYUNG BAR 'GYUR, ,RTAG TU 'BAR BA NYID DU 'GYUR, ,'BAR BYED MED PA'I RGYU LAS BYUNG, ,RTZOM PA DON MED NYID DU 'GYUR, ,DE LTA YIN NA LAS KYANG MED, ,CES BYA BA DAG BRJOD PAS ME DANG BUD SHING DAG GZHAN MA YIN PAR RJES SU DPAG PA RNAM PA BZHI PO DON DAM PAR ME NI BUD SHING LAS GZHAN MA YIN TE, LTOS PA DANG BCAS PA'I PHYIR DPER NA BUD SHING GI RANG GI BDAG NYID BZHIN NO ZHES BYA BA DANG, DE BZHIN DU DON DAM PAR BUD SHING YANG ME LAS GZHAN MA YIN TE, LTOS PA DANG BCAS PA'I PHYIR DPER NA ME'I RANG GI BDAG NYID BZHIN NO ZHES BYA BA DANG, DON DAM PAR ME NI BUD SHING LAS GZHAN MA YIN TE, RGYU DANG LDAN PA'I PHYIR DANG RTZOM PA DANG BCAS PA'I PHYIR DANG LAS DANG BCAS PA'I PHYIR DPER NA BUD SHING GI RANG GI BDAG NYID BZHIN NO ZHES BYA BA DANG, DE BZHIN DU DON DAM PAR BUD SHING YANG ME LAS GZHAN MA YIN TE RGYU DANG LDAN PA'I PHYIR DANG RTZOM PA DANG BCAS PA'I PHYIR DANG, LAS DANG BCAS PA'I PHYIR DPER NA ME'I RANG GI BDAG NYID BZHIN NO ZHES BYA BA DAG BSTAN PAS PHA ROL PO DAG 'JIGS NAS GLAGS YOD PA'I SKYON BZHI PO ME DANG BUD SHING DAG GZHAN NYID DU SNGAR KHAS BLANGS PA DE DA 'DIR MI 'DOD NA DE LTA NA PHA ROL PO DAG GIS DAM BCAS PA NYAMS PA'I PHYIR DE NI BZANG PO MA YIN NO ZHES BYA BAR SBYAR RO, ,GZHAN YANG NYON CIG CES BYA BA LA SOGS PAS KYANG GAL TE PHA ROL PO DAG NA RE GANG GI TSE MOS KHYAB CING SREG BZHIN PA DE TZAM BUD SHING ZHES BYA'I ME MED @214B CING MI SREG PA'I TSE BUD SHING ZHES MI BYA BAS DES NA ME DANG BUD SHING DAG GZHAN NYID YIN YANG RGYU MED PA LA SOGS PA'I SKYON GANG DAG BSTAN PA DE DAG TU MI 'GYUR RO ZHES ZER NA DE LA YANG SKYON GZHAN DAG YOD KYIS NYON CIG CES STON TO, GANG TSE DE TZAM DE YIN NA, ,GANG GIS BUD SHING DE SREG BYED, ,GANG GI TSE ME'I RKYEN GYIS 'BAR BA DANG BCAS PA DE TZAM BUD SHING DE YIN PAR BRJOD NA, GANG GIS BUD SHING DE SREG PAR BYED CES BYA BA NI GAL TE PHA ROL PO DAG 'DOD PA LTAR GANG GI TSE MES KHYAB CING SREG BZHIN PA DE TZAM BUD SHING ZHES BYA BA NA DE NYID ME YIN PAR GYUR BAS DE LAS LOGS SHIG NA ME ZHES BYA BA GZHAN MED PA'I PHYIR ME GANG GIS BUD SHING DE SREG PAR BYED DE MI BYED DO, ,ME GANG GIS KHYAB CING SREG BZHIN PA DE NYID ME YIN PA DE LAS LOGS SHIG NA BUD SHING YIN PAS BRTAG PA'I SREG BZHIN PA GZHAN YANG MED PAS DE'I PHYIR GANG GI TSE MES KHYAB CING SREG BZHIN PA DE TZAM DU BUD SHING ZHES BYA'O ZHES ZER BA DE MI RUNG NGO, ,SREG BZHIN PA BUD SHING YIN PAR MI RUNG BA'I KHUNGS BSTAN PA'I PHYIR THA SNYAD DU YANG 'BA' ZHIG BYUNG BA LA NI BUD SHING ZHES BRJOD CING 'BAR BA DANG BCAS PA LA NI ME ZHES BYA'O ZHES BYA BA SMRAS TE, KUN RDZOB KYI THA SNYAD DU YANG DE SKAD BRJOD PA'I PHYIR SREG BZHIN PA BUD SHING YIN PAR MI 'THAD DO, ,DON DAM PAR NI SKYE BA BKAG PA'I PHYIR RO ZHES BYA BAS NI DON DAM PAR NI DNGOS PO THAMS CAD KYI SKYE BA BKAG PA'I PHYIR ME DANG BUD SHING DAG GI THA SNYAD KYANG MED PAS DES DE SREG BZHIN PA ZHES BYA BA'I THA SNYAD MED DO, ,SKYES BU ZIN NA YANG DE TZAM DE YIN PA'I PHYIR GANG GIS GANG LA KHYAB PAR BYED PAR 'THAD DE, DE'I PHYIR TSIG DE NI RANG GI BLO GROS YANGS PAR STON PA TZAM DU ZAD DO ZHES BYA BA NI KUN RDZOB KYI THA SNYAD DU ME DANG BUD SHING DAG SKYES PAR KHAS BLANGS PA'I PHYOGS LA YANG ME'I RKYEN GYIS 'BAR BA DANG BCAS PA DE TZAM BUD SHING DE YIN PA'I PHYIR ME DANG BUD SHING ZHES DBYER MED PAS ME GANG GIS BUD SHING GANG LA KHYAB PAR BYED PAR 'THAD DE MI 'THAD PAS DE'I PHYIR PHA ROL PO DAG SREG BZHIN PA BUD SHING YIN NO ZHES ZER BA'I TSIG DE NI RANG GI BLO GROS YANGS PAR STON PA TZAM DU ZAD DO, ,YANG NA 'DI NI RNAM PAR BSHAD PA'I BRNAG PA GZHAN YIN TE ZHES BYA BA LA SOGS PAS NI TSIG LE'UR BYAS PA'I PHYED 'OG MA SHOS DE'I RNAM PAR @215A *, ,BSHAD PA GZHAN STON TO, ,DE'I PHYIR 'DI LA BYED PA PO ME'I MTSAN NYID 'GA' ZHIG GIS SREG BZHIN PA NA BUD SHING ZHES BYA GRANG NA, DE YANG SGRUB PA SNGAR BSTAN PAS RDZAS SU YOD PA NYID BSAL BA'I PHYIR MED PAS, GANG TSE DE TZAM DE YIN NA, ,GANG GIS BUD SHING DE SREG BYED, ,GANG GI TSE GZUGS LA SOGS PA 'DUS PA TZAM DRO BA'I MTSAN NYID KYI REG PA'I KHYAD PAR DANG LDAN PA DE TZAM SREG PA DANG TSOS PA DANG SNANG BA LA SOGS PA'I 'BRAS BU'I RGYU YIN PA'I PHYIR DE NI YIN PA'I TSE NA'O ZHES BYA BA SMRAS TE, DES NI PHA ROL PO DAG 'DOD PA LTAR SREG BZHIN PA BUD SHING YIN PAR BRTAG NA BYED PA PO ME'I MTSAN NYID 'GA' ZHIG GIS LAS BUD SHING GZHAN ZHIG SREG BZHIN PA NA BUD SHING ZHES BYA GRANG NA, DE YANG SNGAR PHUNG PO BRTAG PA'I RAB TU BYED PA'I SKABS SU, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES SGRUB PA SNGAR BSTAN PAS GZUGS RDZAS SU YOD PA NYID BSAL BA'I PHYIR ME YANG RDZAS SU MED PAS GANG GI TSE GZUGS LA SOGS PA 'DUS PA TZAM GANG LA DRO BA'I MTSAN NYID KYI REG PA'I KHYAD PAR YOD PA DE TZAM SREG PA DANG TSOS PA DANG SNANG BA LA SOGS PA'I 'BRAS BU'I RGYU YIN PA'I PHYIR DE ME YIN PA'I TSE NA BYED PA PO ME'I MTSAN NYID 'GA' YANG RDZAS SU MED PAS GANG GIS BUD SHING DE SREG PAR BYED DE, MI BYED DO ZHES BSTAN TO, ,YANG NA BUD SHING NI 'BYUNG BA CHEN PO BZHI PO DAG LAS ME SHAS CHE BAR MA GYUR PA'AM GSUM PO DAG YIN PAR BRJOD LA, 'BYUNG BA CHEN PO BZHI 'AM, GSUM PO DE DAG KYANG BSREG PAR BYA BA DAG YIN GYI, SREG PAR BYED PA DAG MA YIN LA, ME YANG BYUNG BA'AM 'BYUNG BA 'DUS PA YIN PAR PHA ROL PO DAG GIS KYANG SHES PAS DE'I PHYIR NGES PAR BYAR NUS TE ZHES BYA BAS NI BUD SHING CI 'BYUNG BA CHEN PO BZHI PO DAG CHA MNYAM PA 'AM, YANG NA ME'I KHAMS MA GTOGS PA GSUM PO DAG YIN PAR BRJOD LA DE DAG KYANG BSREG PAR BYA BA DAG YIN GYI, SREG PAR BYED PA DAG MA YIN LA ME YANG ME'I KHAMS KYI 'BYUNG BA 'BA' ZHIG GAM 'BYUNG BA BZHI CAR 'DUS PA YIN PAR PHA ROL PO DAG GIS KYANG SHES PAS DE'I PHYIR ME DANG BUD SHING ZHES THA SNYAD GDAGS PA GNYI GA YANG 'BYUNG BA'I NGO BO NYID YIN PAS SREG PA'I BYED @215B PA PO MA YIN PA'I PHYIR MES BUD SHING SREG PAR MI BYED PAR STON TO, ,DE'I PHYIR DON DAM PAR ME NI BUD SHING SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA CHU LA SOGS PA GSUM NI 'BYUNG BA YIN PA'I PHYIR BUD SHING SREG PAR BYED PA MA YIN PA DE BZHIN DU ME YANG 'BYUNG BA YIN PA'I PHYIR BUD SHING SREG PAR BYED PA MA YIN NO, ,DE BZHIN DU GZUGS LA SOGS PA DANG LDAN PA NYID DANG RAGS PA NYID DANG GZUGS KYI PHUNG POS BSDUS PA NYID DANG PHYI ROL PA NYID DANG SKYE BA CAN NYID DANG RGYU CAN NYID YIN PA'I PHYIR RO ZHES BYA BA LA SOGS PA'I GTAN TSIGS DAG KYANG BRJOD PAR BYA'O ZHES BYA BA NI RJES SU DPAG PA SNGA MA'I SGRUB PA'I CHOS NI 'DI DAG KYANG YIN PAR SBYAR TE, DON DAM PAR ME NI BUD SHING SREG PAR BYED PA MA YIN TE, GZUGS LA SOGS PA DANG LDAN PA NYID YIN PA'I PHYIR DANG, RAGS PA NYID YIN PA'I PHYIR DANG, GZUGS KYI PHUNG POS BSDUS PA NYID YIN PA'I PHYIR DANG PHYI ROL PA NYID YIN PA'I PHYIR DANG SKYE BA CAN NYID YIN PA'I PHYIR DANG, RGYU CAN NYID YIN PA'I PHYIR DPER NA CHU LA SOGS PA BZHIN NO ZHES BYA BA LTA BUR SBYAR BAR BYA'O, ,DE'I PHYIR DE LTAR DON DAM PAR ME NI SREG PAR BYED PA NYID YIN PAR MI 'THAD PAS, GANG TSE DE TZAM DE YIN NA, ,GANG GIS BUD SHING DE SREG BYED, ,GANG GI TSE SKYE BA'I KHYAD PAR LA LTOS NAS THA SNYAD DU ME 'AM BUD SHING ZHES BRJOD PA'I TSE 'BYUNG BA 'DUS PA DE TZAM ME 'AM BUD SHING DE YIN NA GANG GIS BUD SHING DE SREG PAR BYED CES BYA BA NI RJES SU DPAG PA SNGA MA DE'I DON TSIG LE'UR BYAS PA DANG SBYAR BA YIN TE, GANG GI TSE 'BYUNG BA CHEN PO BZHI PO CHA MNYAM PA'AM ME MA GTOGS PA GSUM PO DAG SKYE BA'I KHYAD PAR LA LTOS NAS THA SNYAD DU BUD SHING ZHES BRJOD LA, ME 'BA' ZHIG GAM BZHI CHAR LAS ME SHAS CHE BAR GYUR PA SKYE BA'I KHYAD PAR LA LTOS NAS THA SNYAD DU ME ZHES BRJOD PA'I TSE 'BYUNG BA 'DUS PA DE TZAM ME 'AM BUD SHING DE YIN NA BSREG PAR BYA BA DANG SREG PAR BYED PA DBYER MED PAS ME GANG GIS BUD SHING DE SREG PAR BYED DE MI BYED DO, ,DE LTA BAS NA SREG BZHIN PA NA BUD SHING YIN PAR 'GYUR RO ZHES BYA BA LA SOGS PA DE RIGS PA MA YIN NO ZHES BYA @216A *, ,BA NI, ,MJUG BSDU BA DANG TSAD MA'I 'BRAS BU YIN TE, PHA ROL PO DAG NA RE SREG BZHIN PA BUD SHING YIN PAS ME DANG BUD SHING DAG GZHAN NYID YIN YANG RGYU MED PA LA SOGS PA'I SKYON DU MI 'GYUR RO ZHES ZER BA DE RIGS PA MA YIN NO, ,GAL TE SA LA SOGS PA DAG DBYER MED PAR GNAS PA LA SREG PAR BYED PA ME'I KHAMS YOD PA'I PHYIR DPE BSGRUB PAR BYA BA DANG MI LDAN NO ZHE NA ZHES BYA BA NI PHA ROL PO DAG NA RE DBU MA PAS SNGAR DON DAM PAR ME NI BUD SHING SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO ZHES RJES SU DPAG PA BSTAN PA'I DPE DE MI RUNG STE, SA DANG CHU DANG RLUNG GI KHAMS DBYER MED PAR GCIG TU GNAS PA LA SREG PAR BYED PA ME'I KHAMS YOD DE, 'DI LTAR SA'I DONG DU SHING TOG BTZUG PA DAG SMIN PAR 'GYUR BAS SA'I KHAMS LA YANG ME YOD LA CHUS PHOG NA RTZVA SHA NA DANG DAR BHA DAG TSOS PAR 'GYUR BA'I CHU'I KHAMS LA YANG ME YOD CING, RLUNG GIS PHOG PA'I 'BRU DAG SMIN PAR 'GYUR BAS RLUNG GI KHAMS LA YANG ME YOD PAS KHYED KYI DPE CHU LA SOGS PA DAG LA ME YOD PA'I PHYIR BUD SHING SREG PAR BYED PA MA YIN TE ZHES BSGRUB PAR BYA BA CHOS DE DE DAG LA MED PAS DPE BSGRUB PAR BYA BA DANG MI LDAN PAS DPER MI RUNG NGO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG BSGRUB PAR BYA BA RIGS MTHUN PA NYID KYIS BSGRUB PAR BYA BA'I KHONGS SU GTOGS PA'I PHYIR RAM, SA LA SOGS PA DAG RANG GI MTSAN NYID KYIS DPE NYID DU GRUB PA'I PHYIR SKYON MED DO ZHES BYA BA SMRAS TE, SA LA SOGS PA DAG LA ME YOD PA DE YANG DON DAM PAR MES BUD SHIG SREG PAR BYED PA MA YIN PA BSGRUB PAR BYA BA DANG RIGS MTHUN PA NYID KYIS DE'I KHONGS SU GTOGS PA'I PHYIR DE DAG KYANG BUD SHING SREG PAR BYED PA MA YIN PAS DPE'I SKYON MED DO, ,YANG NA SA'I RANG GI MTSAN NYID NI SRA BA NYID YIN, CHU'I NI GSHER BA NYID, RLUNG GI NI YANG ZHING G-YO BA NYID YIN PAS DE DAG SREG PAR BYED PA MA YIN PA NYID KYIS DON DAM PAR MES BUD SHING SREG PAR BYED PA MA YIN PA'I DPE NYID DU GRUB PA'I PHYIR YANG DPE'I SKYON MED DO, ,GAL TE 'DI SKAD CES MES BUD SHING SREG PAR 'JIG RTEN LA GRAGS PA DANG, LUNG LAS GSUNGS PA DANG, ,MNGON SUM DU MTHONG BZHIN PA LAS KHYED DBU MA PA ME NI BUD SHING SREG PAR BYED @216B PA MA YIN TE ZHES SGRUB PAR BYED PA LA GRAGS PA'I GNOD PA LA SOGS PA'I SKYON YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, GRAGS PA'I GNOD PA LA SOGS PA DAG GI SKYON YANG MED DE SNGAR LAN BTAB ZIN PA'I PHYIR RO ZHES BYA BA SMRAS TE, DON DAM PAR ME NI BUD SHING SREG PAR BYED PA MA YIN TE ZHES DAM BCAS PA KHYAD PAR CAN BYAS PAS GRAGS PA'I GNOD PA DANG LUNG GI GNOD PA DANG MNGON SUM GYI GNOD PA MED DO ZHES SNGAR LAN BTAB ZIN PA'I PHYIR RO, ,BYE BRAG PA DAG NA RE RDUL PHRAN BDAG GI PHYOGS DANG PHRAD PA LA BDAG DANG LDAN PA'I MA MTHONG BAS BSKYED PA'I LAS KYIS RDUL PHRAN DE BDAG GI PHYOGS DANG PHRAL NAS, RDUL PHRAN GZHAN DANG PHRAD PAR BYAS TE, PHRAD PA RDUL PHRAN GNYIS KYI GNAS SU BYED DO, ,RDUL PHRAN PHRAD PA DANG BCAS PA DE GNYIS KYIS RDUL PHRAN GNYIS PA ZHES BYA BA'I RDZAS RTZOM PAR BYED DO, ,RDUL PHRAN GNYIS PAS KYANG CI SKAD BSTAN PA'I RNAM PAS RDUL PHRAN DANG PHRAD PAS RDUL PHRAN GNYIS PA'I RDUL PHRAN ZHES BYA BA'I RDZAS RTZOM PAR BYED PA LA SOGS PA'I RIM GYIS SNANG BYED KYI RDZAS BRTZAMS PA ME NYID DANG 'BREL BA'I PHYIR ME YIN LA DE BZHIN DU BSREG BYA YANG BUD SHING DANG 'BREL PA'I PHYIR BUD SHING YIN TE DE GNYIS NI RGYU DANG RGYU CAN YIN PA'I PHYIR PHAN TSUN LTOS PA YIN NO ZHES ZER RO ZHES BYA BA NI, BYE BRAG PA DAG ME DANG BUD SHING DAG GZHAN NYID KYANG YIN LA PHAN TSUN LTOS PA DANG BCAS PA YIN PAS LTOS PA MED PA LA SOGS PA'I SKYON SNGAR BSTAN PA DE DAG KHO BO CAG GI PHYOGS LA MED DO ZHES ZER BA'I GZHUNG YIN TE, DE DAG GI GZHUNG LAS 'JIG RTEN 'JIG PA'I DUS NA SA LA SOGS PA 'BYUNG BA CHEN PO DAG ZHIG CING RDUL PHRAN DU GNAS PA DAG 'CHAGS PA'I DUS NA RDUL PHRAN GANG BDAG GI PHYOGS DANG PHRAD PA DE LA BDAG DE DANG LDAN PA'I MA MTHONG BA ZHES BYA BA CHOS DANG CHOS MA YIN PAS BSKYED PA SPYI MTHUN GYI LAS KYI RDUL PHRAN BDAG GI PHYOGS DANG PHRAD PA DE BDAG GI PHYOGS DANG PHRAD NAS RDUL PHRAN GZHAN DANG PHRAD PAR BYAS TE, PHRAD PA ZHES BYA BA'I TSIG GI DON DE RDUL PHRAN PA DAG GI PHYOGS DANG BRAL BA DE DANG GZHAN DANG PHRAD PAR BYAS PA DE GNYIS KYI GNAS SU BYED DO, ,RDUL PHRAN PHRAD PA DANG BCAS PA DE GNYIS KYI RDUL PHRAN GNYIS PA ZHES BYA BA'I RDZAS RTZOM PAR BYED DO, ,RDUL PHRAN GNYIS PA DES KYANG RDUL PHRAN GNYIS PA'I RDUL PHRAN ZHES BYA BA @217A *, ,RDUL PHRAN GSUM PA'I RDZAS RTZOM PAR BYED PA LA SOGS PA'I RIM GYIS SNANG BYED KYI RDZAS ZHES BYA BA ME RTZOM PA'I RGYU'I RDUL PHRAN DAG BRTZAMS PA DE DAG ME NYID DANG 'BREL CING MER GYUR PA NI ME YIN LA, RDUL PHRAN GNYIS PA DES RDUL PHRAN GSUM PA'I RDZAS RTZOM PAR BYED PA LA SOGS PA'I RIM GYIS BSREG BYA'I RDZAS ZHES BYA BA BUD SHING RTZOM PA'I RGYU'I RDUL PHRAN DAG BRTZAMS PA DE DAG KYANG BUD SHING NYID DANG 'BREL CING BUD SHING DU GYUR PA NI BUD SHING YIN TE, ME DANG BUD SHING DE GNYIS NI BUD SHING NI RGYU YIN LA ME NI RGYU CAN YIN PA'I PHYIR PHAN TSUN LTOS PA YIN NO ZHES GRAGS PAS DES NA DE DAG NA RE ME DANG BUD SHING DAG GZHAN NYID YIN YANG PHAN TSUN LTOS PA DANG BCAS PA'I PHYIR DBU MA PAS SNGAR ME DANG BUD SHING DAG GZHAN NYID YIN NA LTOS PA MED PA'I PHYIR RTAG TU 'BAR BA DANG 'BAR BYED MED PA DANG, RTZOM PA DON MED PA DANG LAS MED PA LA SOGS PA'I SKYON DU 'GYUR RO ZHES CI SKAD BSTAN PA DE DAG KHO BO CAG BYE BRAG PA'I PHYOGS LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE DAG KYANG, GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES BYA BA LA SOGS PA RGYAS PAR CI SKAD BSTAN PA DAG GIS DGAG PA BRJOD PAR BYA'O ZHES BYA BA LA SOGS PA SMRAS TE, SOGS PA'I SGRAS NI, RTAG TU 'BAR BA NYID DU 'GYUR, ,'BAR BYED MED PA'I RGYU LAS 'BYUNG, ,RTZOM PA DON MED NYID DU 'GYUR, DE LTA YIN NA LAS KYANG MED, ,CES BYA BA DAG GIS ME DANG BUD SHING GZHAN NYID YIN PA'I SKYON CI SKAD BSTAN PA DAG KYANG BSDUS TE, GZHAN NYID DGAG PA BRJOD PAR BYA'O, ,DON DAM PAR SNANG BYED NI ME MA YIN PAR GZUNG BAR BYA STE 'BYUNG BA YIN PA'I PHYIR DPER NA DE LAS GZHAN PA'I 'BYUNG BA DAG BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNANG BYED LAS GZHAN PA'I 'BYUNG BA CHU LA SOGS PA DAG NI 'BYUNG BA YIN PA'I PHYIR ME MA YIN PAR GZUNG BAR BYA BA DE BZHIN DU SNANG BYED KYANG 'BYUNG BA YIN PA'I PHYIR ME MA YIN PAR GZUNG BAR BYA STE, DE NI BYE BRAG BDAG NA RE RIM GYIS SNANG BYED KYI RDZAS BRTZAMS PA ME NYID DANG 'BREL PA'I PHYIR ME YIN LA ZHES ZER BA DE MI RUNG STE, SNANG BYED ME'I NGO BO NYID MA YIN PAS ME'I RDZAS MA GRUB PA'I PHYIR SNGAR ME NI BUD SHING @217B SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO ZHES SMOS PA DE GRUB PAR BSTAN TO, ,RTZOM PA DGAG PA YANG DON DAM PAR ME'I RDUL PHRA RAB DAG NI ME ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR DPER NA DE LAS GZHAN PA'I RDUL PHRA RAB DAG BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME LAS GZHAN PA CHU'I RDUL PHRA RAB DAG NI RDUL PHRA RAB YIN PA'I PHYIR ME ZHES BYA BA'I RDZAS RTZOM PAR BYED PA MA YIN PA DE BZHIN DU ME'I RDUL PHRA RAB DAG KYANG RDUL PHRA RAB YIN PA'I PHYIR ME ZHES BYA BA'I RDZAS RTZOM PAR BYED PA MA YIN TE, DES NA ME'I RDUL PHRA RAB DAG ME'I RDZAS RTZOM PAR BYED PA MA YIN PAS, ME'I RDZAS MA GRUB PA'I PHYIR SNGAR ME NI BUD SHING SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO ZHES SMOS PA DE GRUB PAR BSTAN TO, ,CI STE DAM BCAS PA DE'I DON GANG YIN CI GZHAN DAG RTZOM PAR BYED PA YIN NAM, RTZOM PAR MI BYED PA YIN ZHES BYA BA NI PHA ROL PO DAG DBU MA PA'I RJES SU DPAG PA SNGA MAS ME'I RDUL PHRA RAB DAG ME ZHES BYA BA'I RDZAS RTZOM PAR BYED PA MA YIN PAR BSTAN PA'I GTAN TSIGS KYI DON DES CI ME'I RDUL PHRA RAB DAG ME ZHES BYA BA'I RDZAS RTZOM PAR BYED PA MA YIN NA DE DAG CHU LA SOGS PA'I RDZAS GZHAN DAG RTZOM PAR BYED PA YIN NAM, 'ON TE CI YANG RTZOM PAR MI BYED PA YIN ZHES GAL TE GNYIS SU RTOG PA YIN NO, ,DES CIR 'GYUR ZHES BYA BA NI TSUR DRI BA YIN NO, ,DE'I LAN DU GAL TE BRTAG PA SNGA MA LTAR NA NI DAM BCAS PA NYAMS SO ZHES BYA BA NI DE LTAR NA SNGAR DBU MA PAS RDUL PHRAN THAMS CAD SO SOR NGES PA'I RDZAS RTZOM PAR BYED PA MA YIN PAR DAM BCAS LA, DA 'DIR GZHAN DAG RTZOM PAR BYED PA YIN PAR KHAS BLANGS PAS DAM BCAS PA NYAMS SO, ,CI STE BRTAG PA PHYI MA LTAR NA NI DPE MED DO ZHE NA ZHES BYA BA NI GAL TE DE LTA NA 'DIR RTZOM PAR MI BYED PAR SGRUB PAS SNGAR, DPER NA DE LAS GZHAN PA'I RDUL PHRA RAB DAG BZHIN NO ZHES DPE BSTAN PA BSAL BAS DES NA DPE SNGA MA DAG BSGRUB PAR BYA BAS STONG PAS MI RUNG NGO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, BRTAG PA SNGA MA LTAR KHAS MA BLANGS @218A *, ,PA'I PHYIR DANG BRTAG PA PHYI MA LA YANG SA LA SOGS PA ME RTZOM PAR BYED PA MA YIN PAR GRUB PA DAG LAS GANG YANG RUNG BA DPE NYID YIN PA'I PHYIR RO ZHES BYA BA SMRAS TE, GZHAN DAG RTZOM PAR BYED PA YIN PAR KHAS MA BLANGS PA'I PHYIR DAM BCAS PA NYAMS PA YANG MA YIN PA LA SA LA SOGS PA ME RTZOM PAR BYED PA MA YIN PAR GRUB PA DAG DPE NYID DU NYE BAR GZHAG PAS DPE MED PA YANG MA YIN NO, ,YANG NA DON DAM PAR ME NI ME'I RDUL PHRA RAB DAG GIS BRTZAMS PA MA YIN PAR GZUNG BAR BYA STE, 'BRAS BU YIN PA'I PHYIR DPER NA CHU BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA CHU NI 'BRAS BU YIN PA'I PHYIR ME'I RDUL PHRA RAB DAG GIS BRTZAMS PA MA YIN PAR GZUNG BAR BYA BA DE BZHIN DU ME YANG 'BRAS BU YIN PA'I PHYIR ME'I RDUL PHRA RAB DAG GIS BRTZAMS PA MA YIN PAR GZUNG BAR BYA'O, ,DE BZHIN DU BYAS PA NYID DANG CHUD ZA BA NYID KYANG SKYE BA CAN NYID YIN PA'I PHYIR RO ZHES BYA BA LA SOGS PA'I GTAN TSIGS DAG KYANG BRJOD PAR BYA'O ZHES BYA BA NI RJES SU DPAG PA SNGA MA'I SGRUB PA'I CHOS NI 'DI DAG KYANG YIN PAR SBYAR TE, DON DAM PAR ME NI RDUL PHRA RAB DAG GIS BRTZAMS PA MA YIN PAR GZUNG BAR BYA STE, BYAS PA NYID YIN PA'I PHYIR DANG CHUD ZA BA NYID YIN PA'I PHYIR DANG, SKYE BA CAN NYID YIN PA'I PHYIR DPER NA CHU BZHIN NO ZHES BYA BA LTA BUR SBYAR BAR BYA STE, DES NI ME NI ME'I RDUL PHRA RAB DAG GIS BRTZAMS PA MA YIN PAS ME'I RDZAS MA GRUB PA'I PHYIR SNGAR ME NI BUD SHING SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO ZHES SMOS PA DE MA GRUB PAR BSTAN TO, ,GRANGS CAN DAG GIS SNYING STOBS DANG RDUL SHAS CHE BA'I SGRA DANG REG PA DANG GZUGS DAG NI ME YIN LA, MUN PA SHAS CHE BA NI BUD SHING YIN PAR SMRA ZHING DES DE LA KHYAB PAR 'DOD PAS BUD SHING GI RGYUS ME 'BYUNG BAS BUD SHING NI RGYU YIN PA'I PHYIR ME NI BUD SHING LA LTOS PA NYID YIN PAS, THAL BAR 'GYUR BA'I SKYON YONGS SU SPANGS SO ZHES ZER NA ZHES BYA BA NI GRANGS CAN DAG ME DANG BUD SHING DAG RANG BZHIN GCIG PAS GZHAN NYID KYANG MA YIN LA, SNYING STOBS DANG RDUL DANG MUN PA'I SHAS CHE CHUNG LAS ME DANG BUD SHING ZHES KYANG BYA ZHING PHAN TSUN LTOS PA DANG, @218B BCAS PA YANG YIN PAS GZHAN NYID KYI PHYOGS LA SKYON GANG DAG BSTAN PA DE DAG KHO BO CAG GI PHYOGS LA MED DO ZHES ZER BA'I GZHUNG YIN TE, DE DAG GI GZHUNG LAS SA LA SOGS PA 'BYUNG BA THAMS CAD LA SNYING STOBS DANG RDUL DANG MUN PA ZHES BYA BA YON TAN GSUM YOD DE, DA LA SNYING STOBS NI YANG BA DAG GSAL BA'I BDAG NYID YIN LA, RDUL NI G-YO BA DANG 'JUG PAR BYED PA'I BDAG NYID YIN PAS DE'I PHYIR GZUGS DANG SGRA DANG REG PA DE TZAM GANG LA SNYING STOBS DANG RDUL SHAS CHE BA NI ME YIN TE, ME NI GZUGS DANG SGRA DANG REG PA'I SKYE MCHED DANG LDAN PAR 'DOD DO, ,MUN PA NI LCI BA DANG GNAS PA'I BDAG NYID YIN PAS GZUGS DANG RO DANG DRI DANG REG PA DE TZAM GANG LA MUN PA SHAS CHE BA NI BUD SHING YIN TE, SA NI GZUGS DANG RO DANG DRI DANG REG PA'I SKYE MCHED DANG LDAN PAR 'DOD DO, ,DE BAS NA ME DES BUD SHING DE KHYAB CING SREG PA NI YON TAN GSUM PO DAG GI RANG BZHIN GCIG PAS GZHAN NYID KYANG MA YIN LA BYED PA PO DANG LAS KYI TSUL DU LTOS PA DANG BCAS PA YANG YIN PAR 'DOD DO ZHES GRAGS TE, DES NA DBU MA PAS SNGAR GZHAN NYID KYI PHYOGS LA RTAG TU 'BAR BA DANG 'BAR BYED MED PA DANG RTZOM PA DON MED PA DANG LAS MED PA LA SOGS PA'I SKYON DU THAL BAR 'GYUR RO ZHES GANG DAG BSTAN PA DE DAG GRANGS CAN DAG GI PHYOGS LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE DAG KYANG DON DAM PAR ME NI BUD SHING SREG PAR BYED PA MA YIN TE 'BYUNG BA YIN PA'I PHYIR DPER NA CHU LA SOGS PA BZHIN NO ZHES SNGA MA BZHIN DU DGAG PAR BYA'O ZHES BYA BA SMRAS TE, GRANGS CAN DAG GIS YONGS SU BRTAGS PA'I ME NI 'BYUNG BA YIN PA'I PHYIR DON DAM PAR SREG PA'I NGO BO NYID MA YIN TE, DPER NA CHU LA SOGS PA BZHIN NO ZHES BYA BAR BSTAN TO, ,CI STE DAM BCAS PA'I DON RNAM PAR BRTAGS NAS DE LAS GZHAN PA'I NGO BO NYID DAM NGO BO NYID MED PAR RTOG NA PHYOGS SNGA MA LA GNOD PA DPE MED DO ZHES RGOL BAR BYED NA ZHES BYA BA NI PHA ROL PO DAG DBU MA PA'I RJES SU DPAG PA SNGA MA ME NI BUD SHING SREG PAR BYED PA MA YIN TE ZHES BSTAN PA'I GTAN TSIGS DE LA DAM BCAS PA DE'I DON GANG YIN, ME SREG PAR BYED PA'I NGO BO NYID MA YIN PA DE LAS GZHAN PA GSHER BA LA SOGS @219A *, ,PA'I NGO BO NYID YIN NAM 'ON TE GANG GI NGO BO NYID KYANG MA YIN, DES CIR 'GYUR GAL TE BRTAG PA SNGA MA LTAR NA NI DAM BCAS PA NYAMS SO, ,CI STE BRTAG PA PHYI MA LTAR NA NI DPE MED DO ZHES RGOL BAR BYED NA'O, ,DE'I LAN DU 'DIR 'GREL BA BYED PA NYID KYIS, DE LA 'DIR DGAG PA DE NI SREG PA NYID DGAG PA KHO NAS MTHU ZAD PA YIN PA'I PHYIR DANG, SREG PA MA YIN PA'I NGO BO NYID YIN PA'I SGRA'I DON NI SGRA GZHAN GYIS BSTAN PAR BYA BA YIN PA'I PHYIR PHYOGS SNGA MA LA GNOD PA YANG MED LA SA LA SOGS PA SREG PA'I NGO BO NYID MA YIN PAR GRUB PA DAG NYID DPE YIN PA'I PHYIR DPE MED PA YANG MA YIN NO ZHES BYA BA SMRAS TE, ME NI SREG BA'I NGO BO NYID MA YIN NO ZHES BYA BA'I DGAG PA DE NI DPE MED PAR DGAG PA'I DON YIN GYI MA YIN PAR DGAG PA'I DON MA YIN PAS DES NA ME DE CHU LA SOGS PA GZHAN GYI NGO BO NYID YIN PAR KHAS MA BLANGS PA'I PHYIR DAM BCAS PA NYAMS PA YANG MA YIN LA, SA LA SOGS PA SREG PA'I NGO BO NYID MA YIN PAR GRUB PA DAG DPE NYID DU NYE BAR GZHAG PAS DPE MED PA YANG MA YIN NO, ,DPYAD PA RGYAS PAS CHOG GO ZHES BYA BA NI ME DANG BUD SHING DAG GZHAN NYID MA YIN PAR BSTAN PA'I TSIG LE'UR BYAS PA SNGA MA DAG GI DON DPYAD PA RGYAS PAR BSTAN PAS CHOG GIS, DA NI TSIG LE'UR BYAS PA 'OG MA DAG GI SKABS NYID BSHAD PAR BYA'O ZHES BYA BA'I THA TSIG GO, ,YANG GZHAN YANG ZHES BYA BA LA SOGS PAS KYANG ME DANG BUD SHING DAG GZHAN NYID DU KHAS LEN PA'I PHYOGS LA GLAGS YOD PA'I TSIG 'DI DAG TU YANG 'GYUR RO ZHES STON TO, ,DE NYID BSTAN PA'I PHYIR, GZHAN NA MI PHRAD PHRAD MED NA, ,SREG PAR MI 'GYUR MI SREG NA, ,'CHI BAR MI 'GYUR MI 'CHI NA, ,RANG GI RTAGS DANG LDAN PAR GNAS, ,ZHES BYA BA SMRAS SO, ,GZHAN NA MI PHRAD CES BYA BA BSTAN PA'I PHYIR ME GZHAN YIN NA BUD SHING DANG MI PHRAD DE GZHAN YIN PA'I PHYIR DPER NA DE NYID BUD SHING DANG MA PHRAD PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, BSGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME DE NYID BUD SHING THAG RING PO NA 'DUG PA DANG MA PHRAD PA NI BUD SHING DE LAS GZHAN YIN PA'I PHYIR BUD SHING DE DANG MI PHRAD PA DE BZHIN DU ME GZHAN YIN PA DE YANG BUD SHING LAS GZHAN YIN PA'I PHYIR @219B BUD SHING DANG MI PHRAD DO, ,PHRAD PA MED NA SREG PAR MI 'GYUR ZHES BYA BA BSTAN PA'I PHYIR PHRAD PA MED NA SREG PAR MI 'GYUR TE, 'DIR ME DANG BUD SHING DAG KYANG BYED PA PO DANG LAS KYI MTSAN NYID KYIS 'BREL CING PHRAD PAR 'DOD PA'I PHYIR RO ZHES BYA BA SMRAS TE, CI LTAR ME BUD SHING DANG MA PHRAD PA LA BYED PA PO NYID MED CING BUD SHING ME DANG MA PHRAD PA LA YANG LAS NYID MED PA DE BZHIN DU 'DIR YANG ME DANG BUD SHING PHRAD PA MED PA LA SREG PAR BYED PA DANG BSREG PAR BYA BA'I MTSAN NYID DU 'BREL PA MED PAS PHRAD PA MED NA SREG PAR MI 'GYUR RO, ,CI STE PHRAD PA MED KYANG SREG PAR 'GYUR NA NI PHYOGS GCIG NA 'DUG PAS 'GRO BA MTHA' DAG SREG PAR 'GYUR BAS DE'I PHYIR PHRAD PA DE MI 'THAD PAS GZHAN NYID YIN YANG SREG BZHIN PA NA BUD SHING YIN NO ZHES GANG SMRAS PA DE NI MI 'THAD DO, ,MI SREG NA 'CHI BAR MI 'GYUR ZHES BYA BA BSTAN PA'I PHYIR MI SREG NA 'CHI BAR MI 'GYUR TE, BUD SHING MED PA YANG GRUB PA'I PHYIR RO ZHES BYA BA SMRAS TE, 'DI LTAR MES BUD SHING SREG NA NI BUD SHING ZAD PAS 'CHI BAR YANG 'GYUR BA ZHIG NA, MI SREG PA LA 'CHI BA RGYU MED PA LAS 'BYUNG BAR MI 'GYUR TE, BUD SHING MED PAR YANG ME GRUB NA BUD SHING MI SREG KYANG 'CHI BAR MI 'GYUR RO, ,MI 'CHI NA RANG GI RTAGS DANG LDAN PAR GNAS PA ZHES BYA BA BSTAN PA'I PHYIR, MI 'CHI NA RANG GI RTAGS DANG LDAN PAR GNAS PAR 'GYUR TE, RANG GI RGYU MED PAR THER ZUG TU GNAS PAR 'GYUR RO ZHES BYA BA SMRAS TE, MI 'CHI NA ME'I RANG GI RGYU BUD SHING MED PAR RANG GI RTAGS 'BAR BA DANG SNANG BA DANG SREG PA LA SOGS PA DANG LDAN ZHING THEG ZUG TU GNAS PAR 'GYUR RO; ,CI STE ME DE BUD SHING LAS GZHAN NAM 'ON TE GZHAN MA YIN TE DE LAS GZHAN NYID YIN PAR DAM 'CHA' BA LA NI CI SKAD BSTAN PA'I SKYON DU 'GYUR BAR DGONGS SO ZHES BYA BAS NI DE LTAR GZHAN NYID DU KHAS LEN PA'I PHYOGS LA GLAGS YOD PA'I TSIG DE DAG TU 'GYUR BAR BSTAN NAS 'DIR PHA ROL PO DAG GZHAN NYID DU KHAS LAN TAM MI LEN CES BRNAN TE DRI BA DANG, GAL TE GZHAN NYID DU KHAS LEN NA MI PHRAD PA DANG SREG PAR MI 'GYUR BA DANG 'CHI BAR MI 'GYUR BA DANG RANG GI RTAGS DANG LDAN PAR GNAS PA'I SKYON DU 'GYUR BAR MDO MDZAD PAS DGONGS SO ZHES BSTAN TO, ,DE LA 'DIR GLAGS YOD PA'I TSIG @220A *, ,YIN PA'I PHYIR MI PHRAD PA LA SOGS PA'I CHOS RNAMS KYI SKABS KYI DON BSGRUB PAR NUS PAS DE'I DBANG GIS RJES SU DPAG PA BRJOD PAR MI BYA STE ZHES BYA BA NI GZHAN NYID YIN PAR SMRA BA'I PHYOGS DE LA TSIG LE'UR BYAS PA GONG MA'I SKABS 'DIR GZHAN YIN NA MI PHRAD DO, ,PHRAD PA MED NA SREG PAR MI 'GYUR RO, ,MI SREG NA 'CHI BAR MI 'GYUR RO, ,MI 'CHI NA RANG GI RTAGS DANG LDAN PAR GNAS PAR 'GYUR RO ZHES BYA BA LTA BU'I GLAGS YOD PA'I TSIG YIN PA'I PHYIR MI PHRAD PA DANG SREG PAR MI 'GYUR BA DANG 'CHI BAR MI 'GYUR BA DANG, RANG GI RTAGS DANG LDAN PAR GNAS PAR 'GYUR BA'I CHOS RNAMS KYI SKABS KYI DON PHRAD PA DANG SREG PAR 'GYUR BA DANG 'CHI BAR 'GYUR BA DANG RANG GI RTAGS DANG LDAN PAR GNAS PAR MI 'GYUR BA DAG SGRUB NUS PAS GLAGS YOD PA'I TSIG DE'I DBANG GIS GZHAN YIN PA DANG MI PHRAD PA DANG SREG PAR MI 'GYUR BA DANG 'CHI BAR MI 'GYUR BA DANG RANG GI RTAGS DANG LDAN PAR GNAS PAR 'GYUR BA'I RJES SU DPAG PA NI BRJOD PAR MI BYA'I ZHES BYA BAR SBYAR RO, ,CI'I PHYIR DE LTAR RJES SU DPAG PA BRJOD PAR MI BYA ZHE NA, DE'I PHYIR GZHAN NYID RANG LA MA GRUB PA'I PHYIR DANG, MI PHRAD PAR BSTAN PAR MI BYA BA'I PHYIR RO ZHES BYA BA SMRAS TE, ME DANG BUD SHING DAG GZHAN NYID YIN PAR NGED DBU MA PA RANG LA MA GRUB PA'I PHYIR GZHAN NYID YIN PAR RJES SU DPAG PA BRJOD PAR MI BYA ZHING, NGED DBU MA PAS MI PHRAD PA DANG SREG PAR MI 'GYUR BA DANG 'CHI BAR MI 'GYUR BA DANG, RANG GI RTAGS DANG LDAN PAR GNAS PAR YANG BSTAN PAR MI BYA BA'I PHYIR MI PHRAD PA LA SOGS PAR RJES SU DPAG PA BRJOD PAR MI BYA'O, ,GAL TE GZHAN DAG 'DI SKAD CES TSIG LE'UR BYAS PA DE'I DON GZHAN YIN NO ZHES BYA BA DANG MI PHRAD DO ZHES BYA BA DANG SREG PAR MI 'GYUR RO ZHES BYA BA DANG 'CHI BAR MI 'GYUR RO ZHES BYA BA DANG, RANG GI RTAGS DANG LDAN PAR GNAS PAR 'GYUR RO ZHES BYA BA DE DAG SGRA CI BZHIN KHO NAR GZUNG BAR BYA BA MA YIN NAM ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, SGRA CI BZHIN YANG MA YIN TE, ,ZHES BYA BA SMRAS SO, ,'O NA CI LTA BU YIN ZHE NA, DE'I PHYIR 'DI LTAR GZHAN NYID DGAG PA BSTAN PA'I TSIG GI DON YIN NO ZHES BYA BA SMRAS TE, GLAGS YOD @220B PA'I TSIG DE DAG NI SGRA CI BZHIN MA YIN TE DE DAG LAS BZLOG PAS ME DANG BUD SHING DAG GI GZHAN NYID DGAG PA BSTAN PA'I TSIG GI DON YIN NO, ,GZHAN NYID DGAG PA DE YANG BSDIGS PAS BSTAN PAR BYA BA MA YIN GYI 'DI LTAR BYED PA PO DANG LAS DAG GI GZHAN NYID DGAG PA BZHIN DU GRAGS PA YIN NO ZHES BYA BA NI ME DANG BUD SHING DAG GI GZHAN NYID DGAG PA DE YANG GLAGS YOD PA'I TSIG TZAM GYIS BSDIGS PAS GZHAN NYID MA YIN PAR MI 'GRUB KYI, RJES SU DPAG PA'I TSAD MAS BSGRUB DGOS PAS 'DIR DE DAG GZHAN NYID MA YIN PAR BSGRUB PA'I RJES SU DPAG PA NI SNGAR BYED PA PO DANG LAS BRTAG PA'I SKABS SU, BYED PA PO LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA MA GTOGS PAR, ,'GRUB PA'I RGYU NI MA MTHONG NGO, ,ZHES BSTAN PA BZHIN DU GRAGS PA YIN PAS DE BZHIN DU CI RIGS PAR SBYAR RO, ,YANG NA, GANG ZHIG GANG DANG LHAN CIG PA, ,GZHAN NYID DU MI 'THAD DO ZHES 'OG NAS STON PAR 'GYUR BAS 'DIR BSTAN PAR MI BYA'O ZHES BYA BA NI YANG NA GZHAN NYID DGAG PA'I RJES SU DPAG PA NI 'OG NAS PHRAD PA BRTAG PA'I RAB TU BYED PA LAS DE SKAD DU STON PAR 'GYUR BAS DA 'DIR BSTAN PAR MI BYA'O ZHES BYA BA YIN NO, ,'DIR SMRAS PA, GAL TE KHYED SKYES PA DANG BUD MED DAG GZHAN NYID YIN YANG PHRAD PA KHAS MI LEN NA NI DES NA ME DANG BUD SHING DAG KYANG PHRAD PA MED PAS 'DI LTA STE, GZHAN NA MI PHRAD PHRAD MED NA, ,SREG PAR MI 'GYUR MI SREG NA, ,'CHI BAR MI 'GYUR MI 'CHI NA, ,RANG GI RTAGS DANG LDAN PAR GNAS, ,ZHES BYA BA LA SOGS PA'I SKYON DE DAG TU 'ANG 'GYUR GRANG NA, ,'JIG RTEN THAMS CAD LA SKYES BA DANG BUD MED DAG GZHAN NYID YIN YANG PHRAD PAR GRAGS PA BSNYON PAR MI NUS PAS DE'I PHYIR, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,GAL TE SHING LAS ME GZHAN YANG, ,SHING DANG PHRAD DU RUNG BAR 'GYUR, ,ZHES SMRA BAR NUS SO ZHES BYA BA LA 'DIR PHA ROL PO DAG GI BSAM PA NI 'DI YIN TE, GAL TE SKYES PA DANG BUD MED DAG GZHAN NYID YIN YANG PHRAD PAR MI 'GYUR NA NI DE LAS ME DANG BUD SHING DAG GZHAN YIN PA LA'ANG PHRAD PA LA PHRAD PA MED PAS, GZHAN NA MI PHRAD PHRAD MED NA, ,SREG PAR MI 'GYUR MI SREG NA, ,ZHES BYA BA LA SOGS PA'I DE SKYON DAG TU'ANG 'GYUR @221A *, ,GRANG NA, 'JIG RTEN THAMS CAD LA SKYES PA DANG BUD MED DAG GZHAN NYID YIN YANG PHRAD PAR GRAGS PA KHYOD KYIS BSNYON PAR MI NUS PAS DE'I PHYIR, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES BYA BA LA SOGS PA SMRA BAR NUS TE, DES NA GZHAN NYID YIN YANG PHRAD PAR RUNG BAS KHYOD KYIS, GZHAN NI MI PHRAD CES BYA BA LA SOGS PA SMRAS PA'I SKYON DU MI 'GYUR RO ZHES ZER BA YIN NO, ,BZHIN ZHES BYA BA'I SGRA MA GSUNGS KYANG CI LTAR ZHES BYA BA'I SGRA'I RJES SU DPAG NA ZLA YIN PA'I PHYIR YOD PAR BLTA BAR BYA'O ZHES BYA BA NI, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES BYA BA'I SKABS KYI BZHIN ZHES BYA BA'I SGRA MDO MDZAD PAS DNGOS SU MA GSUNGS KYANG, CI LTAR BUD MED SKYES PA DANG, ,ZHES BYA BA'I SKABS KYI CI LTAR ZHES BYA BA'I SGRA'I RJES SU DPAG NA CI LTAR ZHES BYA BA'I SGRA'I ZLA DE LTAR ZHES BYA BA YIN LA, DE LTAR ZHES BYA BA DANG DE BZHIN ZHES BYA BA NI DON GCIG PAS 'DIR YANG DE YOD PAR BLTA BAR BYA'O ZHES BYA BA SGRA BSDEB PA'I TSIG YIN NO, ,PHYED GONG MA SHOS BSNOR NAS RNAM PAR BSHAD PAR BYA STE ZHES BYA BA NI TSIG LE'UR BYAS PA 'DI MDO MDZAD PAS NI, GAL TE SHING LAS ME GZHAN YANG, ,SHING DANG PHRAD DU RUNG BAR 'GYUR, ,CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES GO RIMS DE LTAR GSUNGS MOD KYI 'DIR 'GREL PA BYED PAS PHYED GONG MA DANG 'OG MA BSNOR TE DE RNAM PAR BSHAD PAR BYA'O, ,CI'I PHYIR BSNOR ZHE NA, DE'I PHYIR SMRA BAR 'DOD PA'I DON BSTAN SLA BA'I PHYIR RO ZHES BYA BA SMRAS TE, DPE SNGAR SMOS NA DNGOS KYI DON BSTAN SLA BA'I PHYIR RO, ,DE LA 'DIR TSIG GI DON NI MI MTHUN PA'I PHYOGS LA YANG SGRUB PA'I CHOS BSTAN PA'I PHYIR MA NGES PA NYID DU BSTAN PA YIN TE ZHES BYA BA NI TSIG LE'UR BYAS PA 'DI'I DON NI, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES BYA BAS GZHAN NYID MA YIN PA'I MI MTHUN PA'I PHYOGS GZHAN NYID LA YANG SGRUB PA'I CHOS PHRAD PA'I MTSAN NYID YOD PAR BSTAN PA'I PHYIR SNGAR DBU MA PAS, GZHAN NA MI PHRAD CES GANG SMRAS PA DE MA NGES PA NYID BSTAN PA YIN NO, ,MA NGES PA DE NYID KYI DPE BSTAN PA'I PHYIR DPER NA 'GA' ZHIG GIS SGRA @221B RTAG STE GZUGS CAN YIN PA'I PHYIR RO ZHES SMRAS PA LA, LA LA NA RE CI LTAR LAS GZUGS CAN MI RTAG PA LTAR SGRA YANG DE BZHIN NO ZHES ZER BAS DES DE SKAD SMRAS PA MA NGES PA NYID DU BSTAN PAR SHES PA BZHIN NO ZHES BYA BA SMRAS TE, DPER NA BRDA SPROD PA 'GA' ZHIG GIS PHYOGS SNGA MA DE SKAD SMRAS PA LA, RIGS PA CAN LA SOGS PA LA LA PHYOGS PHYI MA DE SKAD SMRAS PAS PHYOGS SNGA MA SMRA BA'I TSIG DE MA NGES PA NYID DU BSTAN PAR SHES PA DE BZHIN DU 'DIR YANG KHYED DBU MA PAS, GZHAN NA MI PHRAD CES BYA BAS ME DANG BUD SHING DAG GZHAN NYID YIN NA MI PHRAD DO ZHES SMRAS PA DE LA, 'DIR KHO BO CAG GIS, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES BYA BAS SKYES PA DANG BUD MED DAG GZHAN NYID YIN YANG PHRAD DU RUNG BAR SMRAS PAS KHYED DBU MA PA'I TSIG DE MA NGES PA NYID DU BSTAN PAR SHES PAR BYA'O ZHES ZER RO, ,DE SKAD CES ZER BA DE'I LEN DU 'GREL PA BYED PA NYID KYIS 'DIR BSHAD PA, GAL TE ME DANG SHING DAG NI, ,GCIG GIS GCIG NI BSAL GYUR NA, ,SHING LAS ME GZHAN NYID YIN YANG, ,SHING DANG PHRAD PAR 'DOD LA RAG ,CES BYA BA SMRAS TE, TSIG LE'UR BYAS PA 'DI'I BSDUS PA'I DON NI GAL TE ME DANG BUD SHING DAG GCIG GIS GCIG BSAL TE, PHAN TSUN GZHAN NYID YIN PAR GYUR NA NI NGES PHA ROL PO DAG ZER BA LTAR SHING LAS ME GZHAN NYID YIN YANG CI LTAR BUD MED DANG, SKYES BA DAG PHRAD PA BZHIN DU PHRAD PAR YANG 'DOD LA RAG STE, DE LTA NA GCIG PA NYID KYI MI MTHUN PA'I PHYOGS GZHAN NYID YOD CING DE LA SGRUB PA'I CHOS PHRAD PA'I MTSAN NYID KYANG YOD PAS DBU MA PAS SNGAR GZHAN NA MI PHRAD CES GANG SMRAS PA DE MA NGES PA NYID DU 'ANG 'GYUR BA ZHIG NA, DBU MA PAS SNGAR RKYEN BRTAG PA LA SOGS PA'I SKABS MAN CHAD DU DON DAM PAR DNGOS PO RNAMS KYI SKYE BA DANG GZHAN NYID BKAG ZIN PAS DES NA ME DANG BUD SHING DAG GCIG GI GCIG BSAL ZHING GZHAN NYID DU MA GRUB PA BZHIN DU SKYES PA DANG BUD MED DAG KYANG GCIG GIS GCIG BSAL ZHING GZHAN NYID DU MA GRUB PAS, ME DANG BUD SHING DAG GZHAN NYID DU MA GRUB PA'I MI MTHUN PA'I PHYOGS SKYES PA DANG BUD MED DAG GZHAN NYID DU GRUB PA YANG MED LA GZHAN NYID MA GRUB NA GZHAN GNYIS YUL THA MI @222A *, ,DAD PAR 'BYUNG BA'I MTSAN NYID KYI PHRAD PA YANG MED PAS DBU MA PA'I SGRUB PA SNGA MA GZHAN NA MI PHRAD CES BYA BA DE MA NGES PA NYID MA YIN NO ZHES STON TO, ,GAL TE ME DANG SHING DAG GCIG GIS GCIG BSAL BAR GYUR NA ZHES BYA BA NI BYED PA PO DANG LAS SU 'BREL PA'I MTSAN NYID MED PAR GYUR NA ZHES BYA BA'I THA TSIG GO ZHES BYA BA NI, GAL TE ME DANG BUD SHING DAG GZHAN NYID YIN ZHING BYED PA PO DANG LAS SU 'BREL PA'I MTSAN NYID KYI PHRAD PA MED PAR GYUR NA ZHES BYA BA'I THA TSIG GO, ,SHING LAS ME GZHAN NYID YIN YANG, ,SHING DANG PHRAD BAR 'DOD LA RAG ,CES BYA BA NI KHYOD 'DOD PA DAG BUD MED DANG SKYES PA DAG BZHIN DU PHRAD PAR 'DOD LA RAG NA ZHES GLAGS YOD PA'I SGO NAS KHAS BLANGS NA LAN 'DEBS PAR 'DOD PA YIN NO ZHES BYA BA NI DBU MA PA'I PHYOGS LA DON DAM PAR ME DANG BUD SHING DAG GZHAN NYID DU MA GRUB PAS PHRAD PA YANG MED MOD KYI, GZHAN NYID MA GRUB NA PHRAD PA YANG MI 'GRUB PA'I GLAGS YOD PA'I SGO NAS PHA ROL PO DAG ZER BA LTAR BUD MED DANG SKYES PA DAG BZHIN DU, ME DANG BUD SHING DAG KYANG PHRAD PAR DBU MA PAS KHAS BLANGS NAS PHRAD PA MED PAR LAN 'DEBS PAR 'DOD PA YIN NA, ,GLAGS YOD PA'I SGO NAS KHAS BLANGS PA NYID BSTAN PA'I PHYIR 'DI LTAR KHO BOS GAL TE PHAN TSUN LTOS PA MED PA DAG GZHAN YIN PA'I PHYIR YUL THA MI DAD PAR 'BYUNG BA'I MTSAN NYID KYI PHRAD PA BSAL BAR GYUR NA NI GTAN TSIGS MA NGES PA NYID DU 'GYUR ZHING DAM BCAS PA'I DON DE YANG 'THAD PAR 'GYUR BA ZHIG NA ZHES BYA BA SMRAS TE, DBU MA PAS ME DANG BUD SHING DAG PHRAD PA MED PAR BSAL BA DE, GAL TE DE DAG PHAN TSUN LTOS PA MED CING GZHAN NYID YIN PA'I PHYIR ZHES BYA BA'I GTAN TSIGS KYIS YUL THA MI DAD PAR 'BYUNG BA'I MTSAN NYID KYI PHRAD PA MED PAR BSAL BAR GYUR NA NI DES NA DBU MA PA'I GTAN TSIGS GZHAN NA MI PHRAD CES BYA BA DE MA NGES PA NYID DU 'GYUR ZHING PHA ROL PO DAG GIS DAM BCAS PA'I DON, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES BYA BA DE YANG 'THAD PAR 'GYUR BA ZHIG NA ZHES GLAGS YOD PA'I SGO NAS KHAS BLANGS PA YIN NO, ,GLAGS YOD PA'I SGO NAS KHAS BLANGS NAS DE LAS BZLOG STE SKABS KYI DON NYID KYIS PHRAD PA MED PAR LAN GDAB PA BSTAN PA'I PHYIR ME DANG @222B BUD SHING DAG NI RNAM PA DE LTAR MI 'DOD DE DE DAG LA BYED PA PO DANG LAS SU 'BREL PA'I MTSAN NYID KYI PHRAD PA GZHAN MED NA MI 'BYUNG BA MED PAS ZHES BYA BA SMRAS TE, ME DANG BUD SHING DAG NI PHAN TSUN LTOS PA MED PA DANG, GZHAN NYID YIN PA ZHES BYA BA'I RNAM PA DE LTAR DBU MA PA MI 'DOD DE, DE DAG PHAN TSUN LTOS TE GDAGS PA DANG GZHAN NYID MA YIN PAR 'DOD DE, DE LTAR GZHAN NYID MA YIN PAS ME DANG BUD SHING DE DAG LA PHRAD PA MED DO, ,PHRAD PA'I MTSAN NYID BSTAN PA'I PHYIR BYED PA PO DANG LAS SU 'BREL PA'I MTSAN NYID KYI PHRAD PA GZHAN MED NA MI 'BYUNG BA ZHES SMOS TE, BYED PA PO DANG LAS SU 'BREL BA'I MTSAN NYID NI PHRAD PA YIN LA, PHRAD PA DE NI GZHAN MED NA MI 'BYUNG GI GZHAN YOD NA 'BYUNG BA YIN NO, ,DE LTA BU'I PHRAD PA DE DAG LA MED DE DE DAG GZHAN PA NYID DU MA GRUB PA'I PHYIR RO, ,DE LTAR ME DANG BUD SHING DAG GZHAN NYID DU MA GRUB PA'I PHYIR PHRAD PA MED PA YIN PA LAS, SHING LAS ME GZHAN NYID YIN YANG,, SHING DANG PHRAD PAR 'DOD LA RAG ,CES GLAGS YOD PA'I SGO NAS KHAS BLANGS PA BSTAN PA'I DGOS PA GANG YIN ZHE NA, DE'I PHYIR GZHAN NYID DU SMRA BA RNAMS KYI DAM BCAS PA LA GLAGS YOD PA'I SGO NAS YANG DAG PAR CHOS KYI KHYAD PAR BSAL BA'I SKYON YOD PAR BSTAN PA YIN GYI, RANG DBANG RJES SU DPAG PA BSTAN PA NI MA YIN NO ZHES BYA BA SMRAS TE, SHING LAS ME GZHAN NYID YIN YANG, ,SHING DANG PHRAD PAR 'DOD LA RAG ,CES SMOS PA'I DGOS PA NI GANG LA GZHAN NYID YOD PA DE LA PHRAD PA MED DE, DPER NA SNANG BA DANG MUN PA LTA BU YIN PAS PHA ROL PO DAG ME DANG BUD SHING DAG GZHAN NYID YIN PAR 'DOD PA DE DAG GI DAM BCAS PA LA GZHAN NYID YIN NA MI PHRAD PA'I GLAGS YOD PA'I SGO NAS, DON DAM PAR SGRUB PA'I CHOS PHRAD PA ZHES BYA BA'I KHYAD PAR BSAL BA'I SKYON YOD PAR BSTAN PA YIN GYI PHRAD PAR 'DOD LA RAG CES BYA BA'I TSIG RANG DBANG DU PHRAD BA YOD PA'I RJES SU DPAG PA BSTAN PA NI MA YIN NO; ,SKABS KYI DON GYIS PHRAD PA MED PAR LAN GDAB PA'I MJUG BSDU BA BSTAN PA'I PHYIR, DES NA SKYES PA DANG BUD MED DANG SKYES PA DAG PHRAD PA CI SKAD SMRAS PA DAG MI SRID PAS MI MTHUN PA'I PHYOGS MED PA'I PHYIR MA NGES PA NYID MA YIN PAS PHA ROL PO'I TSIG DE NI 'KHRUL BA TZAM STE RANG GI BLO GROS @223A *, ,YANGS PAR STON PA YIN NO ZHES BYA BA SMRAS TE, SNGAR PHA ROL PO DAG GIS, CI LTAR BUD MED SKYES PA DANG, ,SKYES PA'ANG BUD MED PHRAD PA BZHIN, ,ZHES GANG SMRAS PA DE GRUB NA NI DES NA DBU MA PAS GZHAN NA ME PHRAD CES BSHAD PA'I GTAN TSIGS DE'I MI MTHUN PA'I PHYOGS YOD PAS DBU MA PA'I GTAN TSIG DE MA NGES PA NYID YIN PA ZHIG NA, SKYES PA DANG BUD MED DAG GZHAN NYID KYANG YIN LA PHRAD PA YANG 'DOD PA DE NI CI LTAR ME DANG BUD SHING DAG GZHAN NYID MA YIN PAS PHRAD PA MED PAR BSGRUB PAR BYA BA DE DANG RIGS MTHUN PA NYID KYIS BSGRUB PAR BYA BA'I KHONGS SU GTOGS PAS MI MTHUN PA'I PHYOGS MED PA'I PHYIR DBU MA PA'I GTAN TSIGS MA NGES PA NYID MA YIN PAS PHA ROL PO'I TSIG ,CI LTAR BUD MED SKYES BA DANG, ,SKYES PA'ANG BUD MED PHRAD PA BZHIN, ,GAL TE SHING LAS ME GZHAN YANG, ,SHING DANG PHRAD DU RUNG BAR 'GYUR, ,ZHES BYA BA DE NI KHAMS 'KHRUGS PA'AM, GDON GYIS BRLABS PA 'KHRUL PA'I TSIG DANG 'DRA STE, DON 'GRUB PA'I 'BRAS BU MED PAS RANG GI BLO GROS YANGS PAR STON PA YIN NO, ,'DI SKAD BSTAN TE, PHA ROL PO DAG 'DOD PA LTA BU'I DNGOS PO PHAN TSUN LTOS PA MED PA YUL THA DAD PAR BYUNG BA GZHAN NYID YIN PA DAG LA NI PHRAD PA MED DE; 'DI LTAR GZHAN NYID YIN PA LA PHRAD PA MED DE MI MTHUN PA'I PHYIR DPER NA SNANG BA DANG MUN PA BZHIN NO, ,GAL TE GZHAN NYID DANG MTSAN NYID THA DAD PA NYID YIN NA NI CI LTAR PHRAD CI STE PHRAD NA NI, CI LTAR GZHAN NYID DANG MTSAN NYID THA DAD PA YIN, 'ON TE DUS GCIG TU PHRAD NA NI GZHAN NYID CES KYANG BYAR MI RUNG NGO, ,GANG DAG GZHAN NYID DU MA GRUB PA DE DAG LA PHRAD PA YANG MI 'GRUB PAS DES NA DBU MA PAS, GZHAN NA MI PHRAD CES GANG SMRAS PA DE GRUB PO, ,GAL TE PHA ROL PO DAG 'DI SKAD CES PHRAD DU ZIN KYANG SKYES PA'ANG BUD MED NYID DU MI 'GYUR LA, BUD MED KYANG SKYES PA NYID DU MI 'GYUR BAS DES NA KHYOD KYI GTAN TSIGS MI MTHUN PA'I PHYIR ZHES BYA BA DE MA GRUB PO ZHE NA, DE NI BZANG PO MA YIN TE, DON DAM PA DPYAD PA LA NGO BO NYID DANG YANG DAG PA NYID DANG DNGOS PO NYID GZUNG PAR BYA BA YIN GYI, SKYES PA DANG BUD MED DAG GI RDUL PHRA RAB DPER NA CHU DANG 'O MA DAG GAM GDON DANG RIMS NAD LUS LA ZHEN PA LTAR @223B YAN LAG DANG YAN LAG CAN GYI BDAG NYID THAMS CAD KYIS PHRAD PA MA YIN PA DAG PHRAD PA'I NGO BO NYID DANG YANG DAG PA NYID DANG DNGOS PO NYID YIN PAR GZUNG BAR MI BYA'O, ,SKYES PA DANG BUD MED DAG GI PAGS PA'I PHYI ROL GYI RDUL PHRA RAB DAG PHRAD BA NI PHYOGS GCIG PHRAD BA YIN GYI BDAG NYID THAMS CAD KYIS PHRAD PA MA YIN NO, ,GAL TE PHYOGS GCIG PHRAD PA DE LA PHRAD PA ZHES BRJOD NA NI DE LTA NA PHRAD PA ZHES BYA BA THA SNYAD PA YIN GYI DNGOS NYID MA YIN TE, BDAG NYID THAMS CAD KYI PHRAD PA DE LA MED PA'I PHYIR RO, ,CI STE YANG PHA ROL PO DAG 'DI SKAD CES GAL TE SKYES PA DANG BUD MED DAG LA BDAG NYID THAMS CAD KYIS PHRAD PA MED PAS KHO BO CAG GI DPE MA GRUB KYANG, CI LTAR KHYOD ZER BA LTAR DPER NA CHU DANG 'O MA DAG GAM GDON DANG RIMS NAD LUS LA ZHEN PA DAG YANG LAG DANG YAN LAG CAN GYI BDAG NYID THAMS CAD KYIS PHRAD PA BZHIN DU ME DANG BUD SHING DAG KYANG BDAG NYID THAMS CAD KYIS PHRAD PAR 'GYUR BAS, DES NA KHO BO CIG GI DPE 'GRUB PAS KHYED KYI BSGRUB PAR BYA BA'I MI MTHUN PA'I PHYOGS YOD PA'I PHYIR KHYED KYI GTAN TSIGS GZHAN NA MI PHRAD CES BYA BA DE MA NGES PA NYID DO ZHE NA, DE YANG BZANG PO MA YIN TE, KHO BOS SKYES PA NYID DANG GZHAN NYID BKAG ZIN PAS DNGOS PO RNAMS LA GZHAN NYID MED DO, , GZHAN NYID MED PAS KHO BO GANG GIS MA NGES PA NYID DU 'GYUR BA'I GZHAN NYID YIN PA'I PHYIR PHRAD PA MED DO ZHES PHRAD PA SEL BAR MI BYED KYI GZHAN NYID MA GRUB PA'I PHYIR PHRAD PA MED DO ZHES PHRAD PA SEL BAR BYED BAS CHU DANG 'O MA DAG DANG GDON DANG RIMS NAD DANG LUS DAG PA LA YANG DON DAM PAR GZHAN NYID MED PAS DE DAG LA PHRAD PA YANG MED PA'I PHYIR KHYED KYI DPE DE DAG KYANG BSGRUB PAR BYA BA DANG RIGS MTHUN PA NYID KYIS BSGRUB PAR BYA BA'I KHONGS SU GTOGS PAS MI MTHUN PA'I PHYOGS MED PA'I PHYIR KHO BO'I GTAN TSIGS MA NGES PA NYID MA YIN LA, KHYED KYIS DAM BCAS PA NYID MA 'THAD PA NYID SO NA GNAS SO, ,DE'I PHYIR DE LTAR ME DANG BUD SHING DAG GCIG PA NYID DANG GZHAN NYID DU MA GRUB PA'I PHYIR RAB TU BYED PA'I DANG POR SMRAS PA'I SGRUB PA'I DPE MA TSANG BA NYID DO ZHES BYA BA NI DE YANG CHAD DU ME DANG BUD SHING DAG GCIG PA NYID DANG GZHAN NYID DU BRTAG PA GNYI GA'I MJUG BSDU BA DANG TSAD MA'I @224A *, ,'BRAS BU YIN TE, DE LTAR ME DANG BUD SHING DAG GCIG PA NYID DANG GZHAN NYID DU MA GRUB PA'I PHYIR PHA ROL POS RAB TU BYED PA 'DI'I DANG POR DON DAM PAR NYE BAR LEN PA PO DANG NYE BAR BLANG BA DAG YOD PA KHO NA YIN TE, PHAN TSUN LTOS PA'I PHYIR DPER NA ME DANG BUD SHING BZHIN NO ZHES SMRAS PA'I SGRUB PA DE'I DPE MA GRUB BO, ,'DIR SMRAS PA, ,DON DAM PAR ME DANG BUD SHING DAG NI YOD PA KHO NA YIN TE, PHAN TSUN LTOS PA'I PHYIR RO, ,'DI NA GANG DAG MED PA DE DAG LA NI PHAN TSUN LTOS PA MED PA NYID DE, DPER NA RI BONG GI RVA DAG BZHIN NO, ,ME DANG BUD SHING DAG LA NI ME 'DI'I BUD SHING NI 'DI'O, ,BUD SHING 'DI'I SREG PA NI 'DI'O ZHES PHAN TSUN LTOS PA NYID YIN PAS DE'I PHYIR ME DANG BUD SHING DAG NI YOD PA KHO NA YIN TE, DE DAG YOD PA'I PHYIR, DNGOS KYI DON 'GRUB PO ZHES BYA BA NI YANG PHA ROL PO DAG DPE SGRUB PA'I PHYIR RJES SU DPAG PA GZHAN STON PA YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RI BONG GI RVA LA SOGS PA GANG DAG MED PA DE DAG LA PHAN TSUN LTOS PA MED KYI, ME DANG BUD SHING LA SOGS PA GANG DAG YOD PA DE DAG LA NI PHAN TSUN LTOS PA YOD PA'I PHYIR DE DAG DON DAM PAR YOD PA KHO NA YIN TE, DPER NA ME DANG BUD SHING DE DAG YOD PA'I PHYIR DNGOS KYI DON DAM PAR NYE BAR LEN PA PO DANG NYE BAR BLANG BA DAG YOD PA KHO NA YIN TE ZHES BYA BA DE 'GRUB PO, ,DE'I PHYIR DE GRUB PAS DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS NYE BAR LEN PA PO DANG NYE BAR BLANG BA DAG BSTAN PA'I PHYIR RO, ,DE LTAR GTAN TSIGS GRUB PAS 'DOD PA 'GRUB PO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GAL TE SHING LTOS ME YIN NA, ,GAL TE ME LTOS SHING YIN NA, ,GAL TE LTOS PA'I ME DANG SHING, ,DANG POR GRUB PA GANG ZHIG YIN, ,ZHES BYA BA SMRAS TE, PHYED GONG MAS NI PHA ROL PO'I GZHUNG BSNAN PA BSTAN LA PHYOD 'OG MAS NI TSU ROL GYI PHYOGS BSTAN TO, ,DE NYID BSTAN PA'I PHYIR CI BUD SHING GANG @224B LA LTOS NAS ME GRUB BA 'AM, 'ON TE ME GANG LA LTOS NAS BUD SHING 'GRUB PA'I ME DANG BUD SHING DAG LAS DANG POR GRUB PA GANG ZHIG YIN TE DE DAG LA GANG LA LTOS NAS GANG YANG RUNG BA 'GRUB PAR 'GYUR BA'I DANG POR GRUB PA GCIG KYANG MED DO ZHES BYA BAR DGONGS SO ZHES SMRAS SO, ,DE NYID KYI MJUG BSDU BA DANG TSAD MA'I 'BRAS BU BSTAN PA'I PHYIR, DE LTAR DON DAM PAR LTOS PA MI 'THAD PA'I PHYIR GTAN TSIGS KYI DON MA GRUB PA NYID DANG DPE'I SKYON DE NYID YOD DO, ,KUN RDZOB PA'I GTAN TSIGS YIN PAR RTOG NA NI DON 'GAL BA NYID DANG SGRUB PA'I DPE MA TSANG BA NYID KYI SKYON DE NYID YOD DO ZHES BYA BA SMRAS SO, ,CI STE YANG BUD SHING DANG POR GRUB PA'I PHYIR SKYON MED DO SNYAM NA ZHES BYA BA NI PHA ROL PO DAG NA RE 'DI NI 'JIG RTEN THAMS CAD DGU NA MA BYUNG BA'I SNGA ROL DU BUD SHING SDUD PAR BYED PAS DE LTAR BUD SHING SNGAR GRUB PA LA LTOS NAS PHYIS ME YOD PAR 'GYUR BAS, DE'I PHYIR LTOS PA YOD PA'I PHYIR GTAN TSIGS GRUB PAS DPE 'GRUB PO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE'I PHYIR BSHAD PA, GAL TE SHING LTOS ME YIN NA, ,ME GRUB PA LA SGRUB PAR 'GYUR, ,ZHES BYA BA SMRAS TE, GAL TE BUD SHING DANG POR GRUB LA DE LA LTOS NAS ME YIN PAR 'GYUR NA DE LTA NA ME GRUB ZIN PA LA YANG SGRUB PAR 'GYUR BA YIN NO, ,CI'I PHYIR ZHE NA, 'DI LTAR ME GRUB NA BUD SHING LA LTOS PAR 'THAD KYI ME MA GRUB CING MED NA CI LTAR BUD SHING LA LTOS PAR BYED DE DE'I PHYIR BUD SHING MED PAR YANG ME RANG GI GRUB PAR LTOS PAR NUS PA LA KHYOD YANG BUD SHING LA LTOS NAS SGRUB PA'I SKYON DU 'GYUR BAS DE MI RUNG NGO, ,DE NYID BSTAN PA'I PHYIR, ME GRUB PA LA BRJOD PA KHYAD PAR CAN BSNYAD PA NYID KYI PHYIR BUD SHING LA LTOS PA'I PHYIR RO ZHES BYA BAR DGONGS SO ZHES BYA BA SMRAS TE, GAL TE BUD SHING LA LTOS NAS ME YIN PAR RTOG NA ME SNGAR MA GRUB NA BUD SHING LA LTOS PAR MI NUS PAS ME SNGAR GRUB ZIN PA BUD SHING LA LTOS NUS PA'I NGO BO NYID DU YOD PA LA SGRUB PA'I SKYON DU 'GYUR BAS, TSIG DE NI ME GRUB ZIN PA LA ME 'DI'I BUD SHING NI 'DI'O, ,BUD SHING 'DI'I SREG PA NI 'DI'O ZHES BRJOD PA KHYAD PAR CAN BSNYAD PA NYID KYI PHYIR BUD SHING LA LTOS PA YIN PA'I @225A *, ,PHYIR ME SNGAR GRUB ZIN PA LA KHYAD PAR DE TZAM ZHIG SGRUB PA YIN GYI DES ME SNGA NA MED PA BSGRUB PAR MI NUS PAS DE NI MI RUNG NGO ZHES BYA BAR MDO MDZAD PAS DGONGS SO, ,DE LTAR RTOG PA LA SKYON DE 'BA' ZHIG TU 'GYUR BAR YANG MA ZAD DE, SKYON GZHAN YANG BSTAN PA'I PHYIR, BUD PAR BYA BA'I SHING LA YANG, ,ME MED PAR YANG 'GYUR BA YIN, ,ZHES BYA BA SMRAS TE, DE LTA NA BUD SHING LA'ANG ME MED PAR 'GYUR BA YIN NO, ,CI'I PHYIR ZHE NA, 'DI LTAR BUD SHING YANG GRUB NA ME LA LTOS PAR 'THAD KYI BUD SHING MA GRUB CING MED NA CI LTAR ME LA LTOS PAR BYED DE, DE'I PHYIR BUD SHING DE NYID KYANG ME MED PAR RANG GIS RAB TU GRUB PAR THAL BAR 'GYUR RO, ,DE NYID BSTAN PA'I PHYIR, BUD SHING DE SNGAR ME LA MA LTOS PAR YANG BUD SHING NYID DU GRUB PA'I PHYIR RO ZHES BYA BAR DGONGS SO ZHES BYA BA SMRAS TE, MI SREG PA'I TSE ME LA MA LTOS PAR YANG BUD SHING NYID DU KHAS LEN PA'I PHYIR RO, ,DE NI MI 'DOD PAS ZHES BYA BA NI SNGAR ME LA MA LTOS PAR BUD SHING NYID DU GRUB PA DE NI KHYED KYANG MI 'DOD PAS SO, ,'DIR GLAGS YOD PA'I TSIG YIN PA'I PHYIR RJES SU DPAG PA MNGON TE ZHES BYA BA NI, BUD PAR BYA BA'I SHING LA YANG, ,ME MED PAR NI 'GYUR BA YIN, ,ZHES BYA BA NI BUD SHING DE SNGAR ME LA MA LTOS PAR YANG BUD SHING NYID DU 'GRUB PAR THAL BAR 'GYUR BA'I GLAGS YOD PA'I TSIG YIN PA'I PHYIR DE LAS BZLOG PA SKABS KYI DON GYI SGO NAS RJES SU DPAG PA MNGON TE ZHES BYA BAR SBYAR RO, ,DE'I PHYIR DON DAM PAR BUD SHING NI ME'I SNGA ROL NA GRUB PA MED DE LTOS PA DANG BCAS PA'I PHYIR DPER NA ME'I RANG GI BDAG NYID BZHIN TE ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME'I RANG GI BDAG NYID NI BUD SHING LA LTOS PA DANG BCAS PA'I PHYIR BUD SHING GI SNGA ROL NA GRUB PA MED PA DE BZHIN DU BUD SHING YANG ME LA LTOS PA DANG BCAS PA'I PHYIR ME'I SNGA ROL NA MED DO, ,RGYAS PAR NI SNGA MA BZHIN NO ZHES BYA BA NI GAL TE PHA ROL PO DAG 'DI SKAD CES DBU MA PA'I GTAN TSIGS LTOS PA DANG BCAS PA'I PHYIR ZHES BYA BA DE MA NGES PA YIN TE, 'DI LTAR RDZA MKHAN DANG THA GA PA DAG LTOS PA DANG BCAS PA YIN YANG @225B RDZA MKHAN GYI SNGA ROL NA THAG PA GRUB PA YOD PAR MTHONG BAS, DES NA CI RE ZHIG LTOS PA DANG BCAS PA'I PHYIR DPER NA ME'I RANG GI BDAG NYID BZHIN DU BUD SHING ME'I SNGA ROL NA GRUB PA MED PAR 'GYUR RAM 'ON TE LTOS PA DANG BCAS PA'I PHYIR DPER NA RDZA MKHAN DANG THAG PA BZHIN DU BUD SHING ME'I SNGA ROL NA GRUB PA YOD PAR 'GYUR BA MA NGES PAS DBU MA PA'I GTAN TSIGS DE MI RUNG NGO ZHES ZER NA, DE'I LAN DU RDZA MKHAN DANG THAG PA DAG KYANG CI LTAR DON DAM PAR ME DANG BUD SHING DAG GZHAN NYID DU MA GRUB PAS BUD SHING ME'I SNGA ROL NA GRUB PA MED PAR BSGRUB PAR BYA BA DANG RIGS MTHUN PA NYID KYIS BSGRUB PAR BYA BA'I KHONGS SU GTOGS PAS MI MTHUN PA'I PHYOGS MED PA'I PHYIR DBU MA PA'I GTAN TSIGS MA NGES PA NYID MA YIN NO ZHES SNGA MA BZHIN DU LAN GDAB PA YIN NO, ,DE LTAR ME DANG BUD SHING DAG PHAN TSUN LTOS TE 'GRUB PAR MI 'THAD PAS PHA ROL PO'I GTAN TSIGS KYI DON MA GRUB PA DE NYID SON GNAS SO,, ,, BAM PO BZHI BCU BDUN PA, 'DIR SMRAS PA, DE DAG LAS GANG YANG RUNG BA DANG POR GRUB PA MA YIN MOD KYI 'ON KYANG ZHES BYA BA LA SOGS PAS NI, YANG PHA ROL PO DAG GTAN TSIGS DANG DPE BSGRUB PA'I PHYIR ME DANG BUD SHING DAG LAS GANG YANG RUNG BA DANG POR GRUB PA MA YIN MOD KYI 'ON KYANG DE DAG DUS MNYAM DU LTOS TE 'GRUB PAS GTAN TSIGS DPE GRUB PO ZHES ZER BA'I PHYOGS SNGA MA STON TO, ,DE'I PHYIR ME DANG BUD SHING DAG NI DUS MNYAM DU 'GRUB PAR 'GYUR TE LTOS PA CAN YIN PA'I PHYIR DPER NA BA LANG GI RVA DUS GCIG TU SKYES PA DAG LA G-YAS PA DANG G-YON PA NYID DU 'GRUB PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BA LANG GI RVA G-YAS PA DANG G-YON PA DAG NI LTOS PA CAN YIN PA'I PHYIR DUS MNYAM DU GRUB PA DE BZHIN DU ME DANG BUD SHING DAG KYANG LTOS PA CAN YIN PA'I PHYIR DUS MNYAM DU 'GRUB PAR 'GYUR TE, DES NA KHO BO CAG GI GTAN TSIGS DANG DPE 'GRUB BO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE DNGOS PO GANG LTOS 'GRUB, ,DE NYID LA YANG LTOS NAS NI, ,LTOS BYA GANG YIN DE 'GRUB NA, ,GANG @226A *, ,LA LTOS NAS GANG ZHIG 'GRUB, ,CES BYA BA SMRAS TE, GAL TE KHYOD 'DOD PA LTAR BSGRUB PAR BYA BA'I DNGOS PO ME'I MTSAN NYID GANG YIN PA DE NI BUD SHING GI DNGOS PO GZHAN LA LTOS NAS 'GRUB CING, BSGRUB PAR BYA BA'I DNGOS PO ME'I MTSAN NYID DE NYID LA YANG LTOS NAS BSGRUB PAR BYA BA'I DNGOS PO ME'I MTSAN NYID GRUB PAR BYA BA'I PHYIR LTOS PAR BYA BA'I DNGOS PO BUD SHING GANG YIN PA DE 'GRUB NA, GANG LA LTOS NAS GANG ZHIG 'GRUB STE GANG YANG MI 'GRUB PO ZHES STON TO, ,DANG POR ZHES BYA BA'I TSIG GI LHAG MA'O ZHES BYA BA NI TSIG LE'UR BYAS PA'I RTZA BA BZHI PA'I MJUG NAS GANG ZHIG 'GRUB CES 'BYUNG BA NI DANG POR ZHES BYA BA'I TSIG GI LHAG MA STE, GAL TE KHYOD 'DOD PA LTAR DUS MNYAM DU PHAN TSUN LTOS TE 'GRUB PAR BRTAGS NA, GAL TE ME RANG GI NGO BOR GRUB PAR GYUR NA DE LA LTOS NAS BUD SHING 'GRUB PAR 'GYUR BA'AM, BUD SHING RANG GI NGO BOR GRUB PAR GYUR NA DE LA LTOS NAS ME 'GRUB PAR 'GYUR GRANG NA, DE LTA NA GANG LA LTOS NAS DANG POR GANG ZHIG 'GRUB CES BRTAG PA YIN NO, ,DE NYID BSTAN PA'I PHYIR GAL TE KHYOD 'DOD PA LTAR ME'I MTSAN NYID KYI DNGOS PO GANG YIN PA NI BUD SHING LA LTOS NAS 'GRUB CING, ME DE NYID LA YANG LTOS NAS ME GRUB PAR BYA BA'I PHYIR LTOS PAR BYA BA BUD SHING GI MTSAN NYID KYI DNGOS PO GANG YIN PA DE GRUB NA GANG LA LTOS NAS GANG ZHIG 'GRUB PAR 'GYUR TE, GANG YANG RUNG BA ME NYID DAM BUD SHING NYID DU MI 'GRUB STE ZHES BYA BA SMRAS TE, CI ME LA LTOS NAS BUD SHING 'GRUB PAR BRTAG GAM 'ON TE BUD SHING LA LTOS NAS ME 'GRUB PAR BRTAG STE GNYI GA MI 'GRUB PO ZHES BYA BA'I THA TSIG GO, ,DE'I PHYIR RANG GI RGYU LAS SKYE BA NI PHAN TSUN LTOS PA MED PAR MI 'GRUB PA'I PHYIR RO ZHES BYA BA'I TSIG GI DON TO ZHES BYA BA SMRAS TE, ME'I ME NYID KYI RGYU NI BUD SHING YIN LA BUD SHING GI BUD SHING NYID KYI RGYU YANG ME YIN PAS, DNGOS PO RANG GI RGYU LAS SKYE BA NI RGYU NI SNGAL 'BRAS BU NI 'PHYI BA'I TSUL GYIS RGYU LA LTOS TE 'BRAS BU 'GRUB PA YIN NA KHYOD 'DOD PA LTAR DUS MNYAM PAR GYUR NA, PHAN TSUN LTOS PA MED PAS DES NA DE DAG NI GANG GI PHYIR ME YANG BUD SHING MED NA MI 'GRUB LA, BUD SHING YANG ME MED NA MI 'GRUB PA DE'I PHYIR ME DANG BUD SHING DE DAG GANG LA LTOS NAS DANG POR GANG ZHIG 'GRUB @226B STE, GNYI GA MI 'GRUB PAS KHYOD KYIS DAM BCAS PA MI 'GRUB PO ZHES BYA BA'I DON TO, ,DES NA BA LANG RVA'I DPE NYID LA YANG GTAM DE NYID DU 'GYUR TE, DE GNYIS LA YANG GANG LA LTOS NAS GZHAN GANG YANG RUNG BA 'GRUB PAR 'GYUR BA'I G-YAS PA'AM, G-YON PAR GRAGS PA GANG YIN ZHES BYA BA NI, DE LTAR ME DANG BUD SHING DAG DUS MNYAM DU LTOS TE MI 'GRUB PA DES NA PHA ROL PO'I DPE BA YANG GI RVA DUS GCIG TU SKYES BA DAG LA G-YAS PA DANG G-YON PA NYID DU GRUB PA BZHIN NO ZHES BYA BA DE YANG DE BZHIN DU MI 'GRUB PO ZHES BYA BA'I THA TSIG GO, ,YANG GZHAN YANG, DNGOS PO LTOS 'GRUB GANG YIN PA, ,DE MA GRUB NA CI LTAR LTOS, ,MA GRUB PA NI LTOS PAR NI BYED PA NYID DO ZHES BYA BA'I TSIG GI DON TE, DE NI DAM BCA' BA NYE BAR GZHAG PA'O ZHES BYA BAS NI TSIG LE'UR BYAS PA SNGA MA, GANG LA LTOS NAS GANG ZHIG 'GRUB, ,CES BYA BAS ME DANG BUD SHING DAG DUS MNYAM DU LTOS TE, 'GRUB PAR RTOG PA'I PHYOGS LA GNYI GA MI 'GRUB PAR BSTAN NAS 'DIR DNGOS PO GANG DNGOS PO GZHAN LA LTOS TE 'GRUB PO ZHES BRJOD PA'I DNGOS PO DE MA GRUB CING MED NA CI LTAR LTOS PAR BYED DE, MA GRUB PA LA LTOS PA MED DO ZHES DAM BCA' BA NYE BAR GZHAG PA STON TO, ,DE'I RJES SU DPAG PA BSTAN PA'I PHYIR 'DIR RJES SU DPAG PA NI DON DAM PAR ME MA GRUB PA BUD SHING LA LTOS PAR MI BYED DE ME NYID DU MA GRUB PA'I PHYIR DPER NA DE LAS GZHAN PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME MA GRUB PA DE LAS GZHAN PA LHAS BYIN MA GRUB PA NI RANG NYID MA GRUB PA'I PHYIR BUD SHING LA LTOS PAR MI BYED PA DE BZHIN DU ME MA GRUB PA YANG RANG NYID MA GRUB PA'I PHYIR BUD SHING LA LTOS PAR MI BYED DO, ,PHA ROL PO DAG RANG GI TSUL LA GNOD PA BCAB PA'I PHYIR CI STE GRUB PA LTOS SHEN ZHES BYA BA NI PHA ROL PO DAG DNGOS PO MA GRUB PA LTOS PAR 'DOD PA'I PHYOGS LA DBU MA PAS, DNGOS PO LTOS 'GRUB GANG YIN PA, ,DE MA GRUB NA CI LTAR LTOS, ,ZHES BYA BAS MA GRUB PA LTOS PAR MI 'THAD PAR SUN PHYUNG BA DANG, DA 'DIR PHA ROL PO DAG RANG GI TSUL LA GNOD PA DE BCAS PA'I PHYIR CI STE DNGOS PO GRUB PA NYID GZHAN LA LTOS KYI MA GRUB NA NI MI LTOS LA, GRUB PA @227A *, ,LA YANG GZHAN DAG LTOS SO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE SKAD CES ZER NA DE LTA NA YANG, DE NI LTOS PAR MI RIGS SO, ,ZHES BYA BA SMRAS SO, ,CI'I PHYIR GRUB PA LTOS PAR MI RIGS SHE NA, DE'I PHYIR LTOS PA DANG BCAS PA NYID DU RJES SU DPOG PAS YOD PA NYID KYIS MED PA NYID BSAL BA'I PHYIR DES NA MED PAR SMRA BA RNAMS KYIS DAM BCAS PA LA CHOS CAN GYI RANG GI NGO BO BSAL BA'I SKYON YOD DO ZHES BYA BAR DGONGS SO ZHES BYA BA SMRAS TE, KHYED NI ME'I DNGOS PO DA DUNG MA GRUB CING ME DANG BUD SHING LA LTOS TE 'GRUB LA, ME GRUB PA DE NYID LA LTOS NAS BUD SHING YOD PAR SGRUB PAS, DE LTAR LTOS PA DANG BCAS PA NYID DU RJES SU DPOG NA LTOS PA DANG BCAS PA NI YOD PA YIN PAS, YOD PA NYID KYIS MED PA NYID BSAL TE, DPER NA BYIS PA NU MA LA LTOS PA DANG BCAS PA'I PHYIR YOD PA NYID YIN PAS YOD PA NYID KYIS MED PA NYID BSAL BA BZHIN DU ME BUD SHING LA LTOS PA YANG LTOS PA DANG BCAS PA'I PHYIR YOD PA NYID YIN PAS, YOD PA NYID KYIS MED PA NYID BSAL BA'I PHYIR DES NA KHYED ME'I DNGOS PO DA DUNG MA GRUB CING MED PA BUD SHING LA LTOS TE 'GRUB PAR SMRA BA RNAMS KYIS DAM BCAS PA LA CHOS CAN ME'I DNGOS PO MA GRUB CING MED PA ZHES BYA BA'I RANG GI NGO BO LTOS PA DANG BCAS PA NYID DU RJES SU DPOG PA BSAL BA'I SKYON YOD PAS, ME'I DNGOS PO GRUB CING YOD PAR GYUR NA, DNGOS PO GRUB CING YOD PA YANG GRUB PAR BYA BA'I PHYIR GZHAN LA LTOS PA NI DON MED PA'I PHYIR MI RIGS SO ZHES BYA BAR MDO MDZAD PAS DGONGS SO, , KHA CIG NA RE PHYOGS SNGA MA'I TSIG LE'UR BYAS PA DE'I SGRA DANG DON 'DI LTAR YANG SBYAR TE, PHA ROL PO DAG RANG GI TSUL LA GNOD PA BCAB PA'I PHYIR, CI STE MA GRUB LTOS SHE NA, ,ZHES ZER BAR SBYAR TE, DPE NI 'DI SKAD BSTAN TE, PHA ROL PO DAG DNGOS PO MA GRUB PA LA LTOS PAR 'DOD PA'I PHYOGS LA DBU MA PAS, DNGOS PO LTOS 'GRUB BA GANG YIN PA, ,DE MA GRUB NA CI LTAR LTOS, ,ZHES BYA BAS MA GRUB PA LTOS PAR MI 'THAD PAR SUN PHYUNG BA DANG, DA 'DIR PHA ROL PO DAG RANG GI TSUL LA GNOD PA DE BCAS PA'I PHYIR YANG TSIG TZAM GYIS SPOGS TE, DNGOS PO MA GRUB PA @227B NYID GZHAN LA LTOS SO ZHES ZER BAR SBYAR RO, ,DE'I LAN NI DE SKAD ZER NA DE LTA NA YANG, DE NI LTOS PAR MI RIGS SO, ,ZHES BYA BA DE NYID YIN NO, ,CI'I PHYIR MA GRUB PA LTOS PAR MI RIGS SHE NA, DE'I 'THAD PA YANG LTOS PA DANG BCAS PA NYID DU RJES SU DPOG PAS YOD PA NYID KYIS MED PA NYID BSAL BA'I PHYIR DES NA MED PAR SMRA BA RNAMS KYIS DAM BCAS PA LA CHOS CAN GYI RANG GI NGO BO BSAL BA'I SKYON YOD DO CES BYA BAR DGONGS SO ZHES BYA BA DE NYID YIN TE, PHA ROL PO DAG MA GRUB PA LTOS BAR 'DOD NA MA GRUB PA NI MED PA YIN LA, LTOS PA NI YOD PA YIN PAS LTOS PA DANG BCAS PA NYID DU RJES SU DPOG PAS YOD PA NYID KYIS MED PA NYID BSAL BA'I PHYIR DES NA, PHA ROL PO DNGOS PO MA GRUB CING MED PAR SMRA BA RNAMS KYIS DAM BCAS PA LA CHOS CAN ME'I DNGOS PO MA GRUB CING MED PA ZHES BYA BA'I RANG GI NGO BO LTOS PA DANG BCAS PA NYID DU RJES SU DPOG PAS BSAL BA'I SKYON YOD PAS ME'I DNGOS PO GRUB CING YOD PAR GYUR NA, DE MA GRUB PA MA YIN PAS PHA ROL PO DAG NA RE MA GRUB PA LTOS SO ZHES ZER BA DE MI RIGS SO ZHES BYA BAR MDO MDZAD PAS DGONGS SO ZHES BYA BAR YANG SBYAR DU RUNG ZHES SO, ,YANG NA, DE NI LTOS PAR MI RIGS SO, ,MED PA'I PHYIR NAS MKHA'I ME TOG BZHIN NO ZHES BYA BA NI, CI STE GRUB PAR LTOS SHE NA, ,DE NI LTOS PAR MI RIGS SO, ,ZHES BYA BA'I SGANGS YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA, NAM MKHA'I ME TOG NI MED PA'I PHYIR BUD SHING LA LTOS PAR MI 'THAD PA DE BZHIN DU PHA ROL PO DAG 'DOD PA'I ME'I DNGOS PO GRUB PA DE YANG DON DAM PAR MED PA'I PHYIR BUD SHING LA LTOS PAR MI RIGS SO, ,'DIR YANG, CI STE MA GRUB LTOS SHE NA, ,DE NI LTOS PAR MI 'THAD DO, ,ZHES BYA BA LTAR SBYAR NA NI CHOS CAN PHA ROL PO DAG 'DOD PA ME'I DNGOS PO GRUB PA DE LAS BZLOG STE MA GRUB PA DE DANG SBYAR RO, ,YANG NA, DE NI LTOS PAR MI RIGS SO, ,BUD SHING DE NI ME LA LTOS PAR MI RIGS TE ME BZHIN DU MED PA'I PHYIR DPER NA DE LAS GZHAN BZHIN NO ZHES BYA BA NI, CI STE GRUB PA LTOS SHE NA, ,DE NI LTOS PAR MI RIGS SO, ,ZHES BYA BA'I @228A *, ,SKABS DES BUD SHING PHYOGS SU BYA BA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHA ROL PO DAG 'DOD PA'I BUD SHING GRUB PA DE LAS GZHAN PA BUM PA GRUB PA NI DON DAM PAR ME BZHIN DU MED PA'I PHYIR ME LA LTOS PAR MI RIGS PA DE BZHIN DU PHA ROL PO DAG 'DOD PA'I BUD SHING GRUB PA DE YANG DON DAM PAR ME BZHIN DU MED PA'I PHYIR ME LA LTOS PAR MI RIGS SO, ,'DIR YANG, CI STE MA GRUB LTOS SHE NA, ,DE NI LTOS PAR MI RIGS SO, ,ZHES BYA BA LTAR SBYAR NA NI CHOS CAN PHA ROL PO DAG 'DOD PA'I BUD SHING GI DNGOS PO GRUB PA DE LAS BZLOG STE MA GRUB PA DE DANG SBYAR RO, ,DE BZHIN DU ME'I PHYOGS LA YANG BRJOD PAR BYA'O ZHES BYA BA NI, CI STE GRUB PA LTOS SHE NA, ,DE NI LTOS PAR MI RIGS SO, ,ZHES BYA BA'I SKABS DES ME PHYOGS SU BYA BA YIN TE, ME NI BUD SHING LA LTOS PAR MI RIGS TE, BUD SHING BZHIN DU MED PA'I PHYIR DPER NA DE LAS GZHAN BZHIN NO ZHES BYA BAR SBYAR TE, DPER NA PHA ROL PO DAG 'DOD PA'I ME GRUB PA DE LAS GZHAN PA BUM PA GRUB PA NI DON DAM PAR BUD SHING BZHIN DU MED PA'I PHYIR BUD SHING LA LTOS PAR MI RIGS PA DE BZHIN DU PHA ROL PO DAG 'DOD PA'I ME GRUB PA DE YANG DON DAM PAR BUD SHING BZHIN DU MED PA'I PHYIR BUD SHING LA LTOS PAR MI RIGS SO, ,'DIR YANG, CI STE MA GRUB LTOS SHE NA, ,DE NI LTOS PAR MI RIGS SO, ,ZHES BYA BA LTAR SBYAR NA NI CHOS CAN PHA ROL PO DAG 'DOD PA'I ME'I DNGOS PO GRUB PA DE LAS BZLOG STE MA GRUB PA DE DANG SBYAR RO, ,DE'I PHYIR DE LTAR BRTAGS NA ZHES BYA BA LA SOGS PAS NI ME DANG BUD SHING DAG GRUB PA DANG MA GRUB PA LTOS PAR MI 'THAD PA'I SKABS KYI MJUG BSDU BA DANG TSAD MA'I 'BRAS BU STON TE, SHING LA LTOS PA'I ME MED DE, ,SNGAR BSTAN PA'I TSUL GYIS BUD SHING ME LA MI LTOS PA BUD SHING NYID DU MA GRUB PA'I PHYIR RO ZHES BYA BA NI ME DANG BUD SHING GRUB PA DANG MA GRUB PA DAG LTOS PAR MI 'THAD PA'I PHYIR RO, ,SHING LA MA LTOS ME YANG MED, ,RGYUD THA DAD PA DAG GZHAN NYID DU MA GRUB PA'I PHYIR DANG GZHAN NYID BKAG PA'I PHYIR RO ZHES BYA BA @228B NI GZHAN LA LTOS PA MED PA DANG 'BAR BYED MED PA'I RGYU LAS BYUNG BA DANG RTAG TU 'BAR BAR THAL BAR 'GYUR BA'I PHYIR RO, ,DE BZHIN DU, ME LA LTOS PA'I SHING MED DE, ,ME LA MA LTOS SHING YANG MED, ,LTOS PA BKAG PA'I PHYIR DANG GZHAN NYID BKAG PA'I PHYIR RO ZHES BYA BA NI ME DANG BUD SHING GRUB PA DANG MA GRUB PA DAG LTOS PAR MI 'THAD PA'I PHYIR DANG, ME MED CING SREG BZHIN MA YIN NA BUD SHING NYID DU MI 'THAD PA'I PHYIR RO, ,YANG GZHAN YANG ZHES BYA BA LA SOGS PAS NI ME GZHAN LAS KYANG MI 'ONG LA, BUD SHING LA YANG MED PAR STON TO, ,DE LA RE ZHIG GZHAN LAS MI 'ONG BA BSTAN PA'I PHYIR, ME NI GZHAN LAS MI 'ONG STE, ,GZHAN NYID BKAG PA'I PHYIR DANG RDZAS SU YOD PA NYID BKAG PA'I PHYIR RO ZHES BYA BA LA SOGS PA SMRAS SO, ,BUD SHING DANG BCAS PAR RAM BUD SHING MED PAR 'ONG BAR BRTAGS NA GNYI GA LA YID 'ONG BA MI 'GRUB STE ZHES BYA BA NI 'DI LTAR ME DE GZHAN LAS 'ONG BAR BRTAGS NA DE BUD SHING DANG BCAS PAR 'ONG NGA MA BUD SHING MED PAR 'ONG GRANG NA, GNYI GA LA YANG 'ONG BA MI 'GRUB PO, ,CI'I PHYIR ZHE NA, LTOS PA DANG BCAS PA MA GRUB PA'I PHYIR DANG, LTOS PA MED NA BUD SHING MED PAS GZHI MED PA'I PHYIR RO ZHES BYA BA SMRAS TE, GANG GI PHYIR ME DANG BUD SHING GRUB PA DANG MA GRUB PA DAG LTOS PAR MI 'THAD PA DE'I PHYIR ME DANG BUD SHING DAG MED PAS BUD SHING DANG BCAS PAR 'ONG BAR MI 'GRUB PO, ,GANG GI PHYIR ME DANG BUD SHING DAG LTOS PA MED NA BUD SHING MED PA DE'I PHYIR ME'I GZHI MED PAS BUD SHING ME'I GZHI 'ONG BA MI 'GRUB PO, ,DA NI ME BUD SHING LA YANG MED PAR BSTAN PA'I PHYIR, SHING LA'ANG ME NI YOD MA YIN, ,GZHAN NYID BKAG PA'I PHYIR RO ZHES BYA BA SMRAS TE, SHING LA'ANG ME NI YOD MA YIN, ,ZHES BYA BA NI DAM BCA' BA YIN LA, GZHAN NYID BKAG PA'I PHYIR RO ZHES BYA BA NI DE SGRUB PA YIN TE, ME LAS GZHAN PA'I SHING MED PA'I PHYIR GZHI BUD SHING DES ME GZHAG PA YOD PAR BRTAG TU MI RUNG NGO, ,YANG NA BUD SHING ME MED PA NYID PHYOGS SU BYAS TE BSHAD PA ZHES BYA BAS NI YANG NA KUN RDZOB TU 'BAR BA DANG BCAS PA NI ME ZHES BYA LA, 'BAR BA LA SOGS PA TSA BA MED PA'I SHING NI BUD SHING ZHES BYA BAS DE PHYOGS SU BYAS TE, TSIG LE'UR BYAS PA'I RTZA @229A *, ,BA DE RNAM PA GZHAN DU BSHAD PA STON TO, ,DE'I PHYIR, SHING LA'ANG ME NI YOD PA YIN, ,SKYE BA CAN YIN PA'I PHYIR DPER NA RNAM PAR SHES PA BZHIN NO ZHES BYA BAR DGONGS SO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RNAM PAR SHES PA NI SKYE BA CAN YIN PA'I PHYIR DE LA ME YOD PA MA YIN PA DE BZHIN DU BUD SHING YANG SKYE BA CAN YIN PA'I PHYIR DE LA YANG ME YOD PA MA YIN NO, ,GANG DAG ME NI SNYING STOBS DANG RDUL DANG MUN PA'I MTSAN NYID YIN PA'I PHYIR DPE LA YANG DE YOD PAR SMRA BA DE DAG LA YANG ZHES BYA BA NI GRANGS CAN DAG DBU MA PA'I DPE RNAM PAR SHES PA BZHIN NO ZHES BYA BA DE SGRUB PAR BYA BA CHOS KYIS STONG PAS MI RUNG NGO ZHES ZER BA'I PHYOGS YIN TE, DE DAG NA RE SNYING STOBS LA SOGS PA YON TAN GSUM NI RTAG PA DANG THAMS CAD DU SONG BA YIN PA'I PHYIR ME NI YON TAN GSUM LAS SNYING STOBS DANG RDUL GYI SHAS CHE BA YIN PAS KHYED KYI DPE RNAM PAR SHES PA LA YANG ME DE YOD PA'I PHYIR BUD SHING LA ME YOD PA MA YIN PAR SGRUB PA'I ? RNAM PAR SHES PA MI RUNG NGO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA BSAL BA'I KHYAD PAR CAN GYI DNGOS PO MED PA'I PHYIR DPE MED PA MA YIN NO ZHES BYA BA SMRAS TE, RNAM PAR SHES PA DE LA 'BAR BA DANG TSA BA LA SOGS PA BSAL BA'I KHYAD PAR CAN GYI ME'I DNGOS PO MED PA'I PHYIR BUD SHING LA ME BSAL BA'I KHYAD PAR CAN GYI DNGOS PO MED PA DANG CHOS MTHUN PAS RNAM PAR SHES PA DPER RUNG STE, 'DI LTAR RNAM PAR SHES PA LA 'BAR BA DANG TSA BA LA SOGS PA'I MTSAN NYID DANG LDAN PA'I ME DMIGS SU MED PA'I PHYIR RO, ,GAL TE DE'I NUS PA YOD PA'I PHYIR SKYON MED DO ZHE NA ZHES BYA BA NI GAL TE GRANGS CAN DAG 'DI SKAD CES RNAM PAR SHES PA LA ME BSAL BA'I NGO BO NYID DU ME MOD KYI 'ON KYANG ME DE'I NUS PA RNAM PAR SHES PA LA YOD PA'I PHYIR KHYED KYI DPER MI RUNG BAS KHO BO CAG GI SGRUB PA LA SKYON MED DO ZHES ZER NA'O, ,DE SKAD CES ZER NA DE'I LAN DU 'DIR 'GREL PA BYED PA NYID KYIS, LAN DE NI RTOG GE BA SGRA'I MTSAN NYID MNGON PAR MI SHES PA LA @229B DE MNGON PAR MI SHES PA NYID DU BSTAN PA NI RTOG GE'I BSTAN BCOS SHES PA NYID KYIS SGRA'I MTSAN NYID LA MKHAS SO ZHES PHYIR ZLOG PAR BYED PA BZHIN NO ZHES BYA BA BZHAD GANG DU 'GYUR BA'I DPE DANG BCAS PA 'DI SMRAS TE, RTOG GE BA SGRA'I MTSAN NYID LA MI MKHAS PA LA LA ZHIG LA, SMRA BA PO 'GA' ZHIG GIS KHYOD SGRA'I MTSAN NYID LA MI MKHAS PA YIN NO ZHES BSTAN PA DE NA RE KHO BO RTOG GE'I BSTAN BCOS LA MKHAS PA NYID YIN NA CI'I PHYIR SGRA'I MTSAN NYID LA MI MKHAS PA YIN ZHES LAN 'DEBS PA DE NI, KUN GYI BZHAD GAD DU 'GYUR BA DANG 'DRA BAR 'DIR KHO BOS BUD SHING ME MED PA NYID PHYOGS SU BYAS TE, DE'I DPER RNAM PAR SHES PA LA ME'I BSAL BA MED PA NYE BAR BZHAG PA NA DE LA KHYOD NA RE ME'I BSAL BA MED KYANG NUS PA YOD PAS DPER MI RUNG NGO ZHES ZER BA DE YANG KUN GYI BZHAD GANG DU 'GYUR BAS LAN DE NI LAN DU MI RUNG NGO ZHES BYA BA'I THA TSIG GO, GZHAN DAG NI, SHING LA'ANG ME NI YOD MA YIN, ,ZHES BYA BA 'DI LA MI DMIGS PA'I PHYIR DANG RTZOM PA DON MED PA NYID DU 'GYUR BA'I PHYIR RO ZHES RNAM PAR BSHAD PA BYED DO ZHES BYA BA NI TSIG LE'UR BYAS PA'I RTZA BA 'DI LA 'GREL PA BYED PA GNAS BRTAN BUD DHA P'A LI TA NI 'DI SKAD CES RNAM PAR BSHAD PA BYED DE, BUD SHING LA YANG ME YOD PA MA YIN TE, CI'I PHYIR ZHE NA, MI DMIGS PA'I PHYIR DANG RTZOM PA DON MED PA NYID DU 'GYUR BA'I PHYIR RO, ,GAL TE BUD SHING LA ME YOD PAR GYUR NA DE LA DMIGS PAR 'GYUR BA ZHIG NA GANG GI PHYIR MI DMIGS PA DE'I PHYIR BUD SHING LA ME YOD PA MA YIN NO, ,GZHAN YANG GAL TE BUD SHING LA ME YOD PAR GYUR NA BUD SHING GZHUG PA DANG SPAR BA DANG BSGUL BA LA SOGS PA'I RTZOM PA DON MED PAR 'GYUR BA'I PHYIR BUD SHING LA ME YOD PA MA YIN NO ZHES RNAM PAR BSHAD PA BYED DO, ,GZHAN MA YIN PA NA RE DE NI RIGS PA MA YIN TE, MI DMIGS PA GTAN TSIGS NYID DU MI 'GRUB PA'I PHYIR DANG, RTZOM PA DON YOD PA'I GTAN TSIGS KYI DON YOD PA NYID DU STON PA MDZAD PA'I MTHA' DANG 'GAL BAR 'GYUR BA'I PHYIR RO ZHES BYA BAS NI GZHAN MA YIN PA NI RANG NYID DE, 'GREL PA BYED PA RANG NYID KYIS GNAS BRTAN BUD DHA P'A LI TA'I RNAM PAR BSHAD PA DE RIGS PA MA YIN PAR @230A *, ,SUN 'BYIN PA STON TO, ,CI'I PHYIR DE RIGS PA MA YIN ZHE NA, MI DMIGS PA GTAN TSIGS NYID DU MI 'GRUB PA'I PHYIR TE, GANG GI PHYIR SREG BZHIN PA BUD SHING ZHES BYA BA DE'I PHYIR DE LA YANG ME NYID DMIGS BZHIN PA'I PHYIR RO, ,GZHAN YANG RTZOM PA DON MED PA NYID DU 'GYUR BA'I PHYIR RO ZHES BYA BA DE YANG GLAGS YOD PA'I TSIG YIN PAS RTZOM PA NI DON MED PA NYID MA YIN TE DON YOD PA NYID DU 'GYUR RO, ,DES NA RTZOM PA DON MED PA NYID DU 'GYUR RO ZHES BYA BA GLAGS YOD PA'I TSIG DE LAS BZLOG NA SKABS KYI DON RTZOM PA DON YOD PA NYID CES BYA BA DE GTAN TSIGS YIN PAR MNGON NO,, RTZOM PA DON YOD PA NYID GTAN TSIGS YIN NA DES BSGRUB PAR BYA BA YANG BUD SHING LA ME YOD PA MA YIN ZHES BYA BA LAS BZLOG PA BUD SHING LA ME YOD PA ZHES BYA BAR 'GRUB PAS, DE LTA NA KHYOD KYIS SNGAR MDO MDZAD PA'I LUNG LAS BUD SHING LAS ME YOD PA MA YIN NO ZHES GSUNGS PA DE KHAS BLANGS LA, DA 'DIR BUD SHING LA ME YOD PAR BSGRUBS PAS MDZAD PA'I MTHA' DANG 'GAL BAR 'GYUR BA'I PHYIR GNAS BRTAN BUD DHA P'A LI TA'I RNAM PAR BSHAD PA DE RIGS PA MA YIN NO, ,ME DANG BUD SHING DAG CI SKAD BSTAN PA'I DGAG PA DAG 'BA' ZHIG GIS DGAG PAR BYA BA YIN PAR MA BSAMS KYI, 'DI LTAR DGAG PA GZHAN DAG GIS KYANG DGAG PAR BYA BA YIN PAS, DE'I PHYIR DGAG PA LHAG MA DAG KYANG 'DRA BAR BSTAN PAR BYA STE ZHES BYA BA NI ME DANG BUD SHING DAG DGAG PA NI GCIG PA NYID DANG GZHAN NYID DANG LTOS PA DANG LTOS PA MED PA DANG GZHAN LAS MI 'ONG BA DANG BUD SHING LA MED PAR DGAG PA'I RNAM PA CI SKAD BSTAN PA DE DAG 'BA' ZHIG GIS DGAG PAR BYA BA MA YIN GYI, DGAG PA'I RNAM PA GZHAN DAG GIS KYANG 'DRA BAR DGAG PAR BYA'O ZHES STON TO, ,DGAG PA'I RNAM PA GZHAN DE DAG KYANG GANG ZHE NA DE'I PHYIR, SONG DANG MA SONG BGOM PA YIS, ,DE BZHIN SHING LA LHAG MA BSTAN, ,ZHES BYA BA SMRAS TE RNAM PA DE DAG GIS DE BZHIN DU BUD SHING LA YANG BRJOD PA LHAG MA DAG BSTAN PAR KHONG DU CHUD PAR BYA'O, ,RNAM PA GANG DAG GIS SHE NA, ,SONG BA DANG MA SONG BA DANG BGOM PA'I RNAM PAR DAG GIS SO, ,DE NYID BSTAN PA'I PHYIR CI LTAR RJES SU DPAG PA LAS SONG BA @230B DANG MA SONG BA DANG BGOM PA LA 'GRO BA MED PA DE BZHIN DU BSREGS PA DANG MA BSREGS PA DANG SREG BZHIN PA LA YANG SREG PA MED DE, BSREG PAR BYA BA YIN PA'I PHYIR BSREGS PA BZHIN NO ZHES BYA BA LA SOGS PAR BRJOD PAR BYA'O ZHES BYA BA LA SOGS PA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, CI LTAR DPER NA DON DAM PAR SONG BA DANG MA SONG BA DANG BGOM PA'I LAM DAG NI 'GROD PAR BYA BA YIN PA'I PHYIR DE DAG LA 'GRO BA'I BYA BA MED PA DE BZHIN DU DON DAM PAR BSREGS PA DANG MA BSREGS PA DANG SREG BZHIN PA'I LAS DAG KYANG BSREG PAR BYA BA YIN PA'I PHYIR BSREGS ZIN PA'I LAS LA YANG SREG PA'I BYA BA MED PA BZHIN DU DE DAG LA YANG SREG PA'I BYA BA MED PAR BRJOD PAR BYA'O, ,CI LTAR RJES SU DPAG PA LAS 'GRO BA PO DANG 'GRO BA PO MA YIN PA DANG DE DAG LAS GZHAN PA 'GRO BAR MI BYED PAR BSTAN PA DE BZHIN DU DON DAM PAR SREG PA PO DANG SREG PA MA YIN PA DANG DE DAG LAS GZHAN PA YANG SREG PAR MI BYED PAR BSTAN PAR BYA STE, BYA BA GNYIS DANG MI LDAN PA'I PHYIR DANG SREG PA PO MA YIN PA'I PHYIR DANG, GNYI GA'I SKYON DU 'GYUR BA'I PHYIR BONG PA BZHIN NO ZHES BRJOD PAR BYA'O ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, CI LTAR DPER NA DON DAM PAR BONG PA NI BYA BA GNYIS DANG MI LDAN PA'I PHYIR 'GRO BAR MI BYED PA DE BZHIN DU 'GRO BA PO YANG BYA BA GNYIS DANG MI LDAN PA'I PHYIR 'GRO BAR MI BYED PA DANG, BONG PA NI 'GRO BA PO MA YIN PA'I PHYIR 'GRO BAR MI BYED PA DE BZHIN DU 'GRO BA PO MA YIN PA YANG 'GRO BA PO MA YIN PA'I PHYIR 'GRO BAR MI BYED PA DANG, BONG PA NI GNYI GA'I SKYON DU 'GYUR PA'I PHYIR 'GRO BAR MI BYED PA DE BZHIN DU 'GRO BA PO YIN PA DANG MA YIN PA YANG GNYI GA'I SKYON DU 'GYUR BA'I PHYIR 'GRO BAR MI BYED PAR BSTAN PA DE BZHIN DU 'DIR YANG DPER NA DON DAM PAR BONG PA NI BYA BA GNYIS DANG MI LDAN PA'I PHYIR SREG PAR MI BYED PA DE BZHIN DU SREG PA PO YANG BYA BA GNYIS DANG MI LDAN PA'I PHYIR SREG PAR MI BYED LA, BONG PA NI SREG PA PO MA YIN PA'I PHYIR SREG PAR @231A *, ,MI BYED PA DE BZHIN DU SREG PA PO MA YIN PA YANG SREG PA PO MA YIN PA'I PHYIR SREG PAR MI BYED CING, BONG PA NI GNYI GA'I SKYON DU 'GYUR BA'I PHYIR SREG PAR MI BYED PA DE BZHIN DU SREG PA PO YIN PA DANG MA YIN PA GNYI GA'I SKYON DU 'GYUR BA'I PHYIR SREG PAR MI BYED DO ZHES BRJOD PAR BYA'O, , DE BZHIN DU RTZOM PA DGAG PA LA SOGS PA LHAG MA RNAMS KYANG DRANG BAR BYA'O, ,DA NI BUD SHING NYID ME MA YIN PA DANG, BUD SHING LAS GZHAN LA ME MED PA DANG, ME DANG BUD SHING DANG LDAN PA MA YIN PA DANG, ME LA BUD SHING MED PA DANG, BUD SHING LA ME MED PAR DGAG PA RNAM PA LNGA STON TE, DE LA GCIG PA NYID DGAG PA SNGAR BSTAN PA'I PHYIR RO ZHES BYA BA NI BYED PA PO DANG LAS DAG GCIG PA NYID KYI SKYON DU THAL BAR 'GYUR BA'I PHYIR RO, ,SHING LAS GZHAN LA ME YANG MED, ,GZHAN NYID DGAG PA SNGAR BSTAN PA'I PHYIR RO ZHES BYA BA NI GZHAN LA MI LTOS PA NYID LA SOGS PA'I SKYON DU THAL BAR 'GYUR BA'I PHYIR RO, ,ME NI SHING DANG LDAN PA YIN, ,CI LTAR TZE TRA BA LANG DANG LDAN PA LTAR RO ZHES BYA BA DANG, MI LA SHING MED, CI LTAR ? BO NA RGYA SHUG DAG LTAR RO ZHES BYA BA DANG, DER DE MED, CI LTAR CHU NA PADMA DAG LTAR TE ZHES BYA BA DE GSUM GYI SGRUB PA'I CHOS NI GZHAN NYID DGAG PA SNGAR BSTAN PA KHO NA'I PHYIR ZHES BYA BA YIN TE, GZHAN LA MI LTOS PA NYID LA SOGS PA'I SKYON DU THAL BAR 'GYUR BA'I PHYIR RO ZHES BSTAN PA'I SKABS KYIS BSTAN TO, ,DE'I PHYIR DE LTAR ME DANG BUD SHING DAG MA GRUB PAS DPE MED PA'I PHYIR RAB TU BYED PA'I DANG POR DON DAM PAR NYE BAR LEN PA PO DANG NYE BAR BLANG BA DAG YOD PA KHO NA YIN TE, PHAN TSUN LTOS PA'I PHYIR DPER NA ME DANG BUD SHING BZHIN NO ZHES GANG SMRAS PA DE'I DPE MA TSANG BA NYID KYI LAN GDAB DKA'O ZHES BYA BA NI SKABS KYI MJUG BSDU BA YIN NO, ,DES NA DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS NYE BAR LEN PA PO DANG NYE BAR BLANG BA BSTAN PA'I PHYIR RO ZHES BYA BA SGRUB PA'I RTZA BA MA GRUB PO ZHES BYA BA NI SPYI'I TSAD MA'I 'BRAS BU YIN TE, SNGAR NYE BAR LEN PA PO DANG, NYE BAR BLANG BA BRTAG PA'I RAB TU BYED PA'I DANG POR PHA ROL POS DE SKAD SMRAS PA'I SGRUB PA'I RTZA BA MA GRUB PAS, DBU MA PAS DON DAM PAR PHUNG PO LA SOGS PA DAG @231B NGO BO NYID MED PA NYID DU DAM BCAS PA GRUB PA'O, ,DA NI ME DANG BUD SHING DAG GI GCIG PA NYID DANG GZHAN NYID LA SOGS PA DAG CI LTAR BKAG PA'I RIM PA DE DAG NYID KYIS BDAG DANG NYE BAR BLANG BA DAG GI DGAG PA RIM PA THAMS CAD KYANG BUM PA DANG SNAM BU LA SOGS PA DAG DANG LHAN CIG TU MA LUS PAR RNAM PAR BSHAD PAR KHONG DU CHUD PAR BYA'O ZHES THAMS CAD 'DRA BAR BSTAN PA'I PHYIR, CI LTAR ME DANG BUD SHING DAG GI DE NYID DANG GZHAN NYID BKAG PA DE BZHIN DU, ME DANG SHING GIS BDAG DANG NI, ,NYE BAR BLANG BA'I RIM PA KUN, ,BUM SNAM LA SOGS LHAN CIG TU, ,MA LUS PAR NI RNAM PAR BSHAD, ,CES BYA BA SMRAS TE, ME DANG BUD SHING DAG GIS BDAG DANG NYE BAR BLANG BA DAG GI GCIG PA NYID DANG GZHAN PA NYID DANG, PHAN TSUN LTOS PAR MI 'THAD PA'I RIM PA THAMS CAD BUM PA DANG SNAM BU LA SOGS PA DAG DANG LHAN CIG TU MA LUS PAR RNAM PAR BSHAD PAR KHONG DU CHUD PAR BYA STE, BUM SNAM LA SOGS LHAN CIG TU, ,ZHES BYA BA NI ME DANG BUD SHING DAG GIS BDAG DANG NYE BAR BLANG BA DAG DGAG PA'I RIM PA GANG DAG RNAM PAR BSHAD PA DE DAG BUM PA DANG SNAM BU LA SOGS PA DAG DANG YANG LHAN CIG TU RNAM PAR BSHAD DE, BDAG DANG NYE BAR BLANG BA DAG DANG BUM PA DANG SNAM BU LA SOGS PA DAG GI DGAG PA'I RIM PA THAMS CAD MA LUS PAR RNAM PAR BSHAD DO ZHES BYA BA'I THA TSIG GO, ,DE LA RE ZHIG ME DANG BUD SHING DAG GIS BDAG DANG NYE BAR BLANG BA DAG GI DGAG PA'I RIM PA THAMS CAD MA LUS PAR RNAM PAR BSHAD PAR KHONG DU CHUD PAR BYA BA BSTAN PA'I PHYIR, RIM PA ZHES BYA BA NI DGAG PA'I RNAM PA ZHES BYA BA'I THA TSIG STE, THAMS CAD MA LUS PAR RNAM PAR BSHAD DO ZHES BYA BA LA SOGS PA SMRAS TE, ME DANG SHING GIS BDAG DANG NI, ,NYE BAR BLANG BA'I RIM PA KUN, ,MA LUS PAR NI RNAM PAR BSHAD, ,CES BYA BA LA RIM PA ZHES BYA BA NI DGAG PA'I RNAM PA STE, DE DAG THAMS CAD MA LUS PAR RNAM PAR BSHAD DO ZHES BYA BAR SBYAR RO, ,DE LA RE ZHIG BDAG PHYOGS SU BYAS NAS BDAG DANG NYE BAR BLANG BA DAG GCIG PA NYID DGAG PA'I RIM PA BSTAN PA'I PHYIR, DON DAM PAR BDAG NI NYE BAR BLANG BA DANG GCIG PA NYID MA YIN TE, BYED PA @232A *, ,PO DANG LAS YIN PA'I PHYIR DPER NA GCOD PA PO DANG GCAD PA DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GCOD PA PO DANG GCAD PA DAG NI BYED PO DANG LAS YIN PA'I PHYIR DON DAM PAR GCIG PA NYID MA YIN PA DE BZHIN DU BDAG DANG NYE BAR BLANG BA DAG KYANG BYED PA PO DANG LAS YIN PA'I PHYIR DON DAM PAR GCIG PA NYID MA YIN NO, ,DA NI BDAG PHYOGS SU BYAS NAS BDAG DANG NYE BAR BLANG BA DAG GZHAN NYID DGAG PA'I RIM PA BSTAN PA'I PHYIR, DON DAM PAR BDAG NI NYE BAR BLANG BA LAS GZHAN NYID MA YIN TE, LTOS PA DANG BCAS PA'I PHYIR DANG DNGOS PO YIN PA'I PHYIR DPER NA NYE BAR BLANG BA'I RANG GI BDAG NYID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYE BAR BLANG BA RANG GI BDAG NYID NI LTOS PA DANG BCAS PA'I PHYIR DANG, DNGOS PO YIN PA'I PHYIR DON DAM PAR RANG GI BDAG NYID LAS GZHAN NYID MA YIN PA DE BZHIN DU BDAG KYANG LTOS PA DANG BCAS PA'I PHYIR DANG DNGOS PO YIN PA'I PHYIR DON DAM PAR NYE BAR BLANG BA LAS GZHAN NYID MA YIN NO, ,DA NI NYE BAR BLANG BA PHYOGS SU BYAS NAS GCIG PA NYID DANG GZHAN NYID DGAG PA'I RIM PA BSTAN PA'I PHYIR, DE BZHIN DU DON DAM PAR NYE BAR BLANG BA NI BDAG DANG GCIG PA NYID MA YIN TE, LAS DANG BYED PA PO YIN PA'I PHYIR DPER NA GCAD PA DANG GCOD PA PO DAG BZHIN NO, , DON DAM PAR NYE BAR BLANG BA NI BDAG LAS GZHAN NYID MA YIN TE, LTOS PA DANG BCAS PA'I PHYIR DANG DNGOS PO MA YIN PA'I PHYIR DPER NA BDAG GI RANG GI BDAG NYID BZHIN NO ZHES BYA BA DAG SMRAS TE, DE DAG NI NYE BAR BLANG BA PHYOGS SU BYAS NAS GCIG PA NYID DGAG PA'I RIM PA LA DAM BCAS PA'I KHYAD PAR YOD PAR ZAD KYI, SBYOR BA'I YAN LAG LHAG MA DAG NI SNGA MA BZHIN NO, ,DA NI BDAG PHYOGS SU BYAS NAS NYE BAR LEN PA PO DGAG PA'I RIM PA BSTAN PA'I PHYIR DE BZHIN DU DON DAM PAR LHAS BYIN GYI BDAG NI, LHAS BYIN GYI NYE BAR BLANG BA NYE BAR LEN PAR MI BYED DE, LTOS PA DANG BCAS PA'I @232B PHYIR DPER NA DE LAS GZHAN PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN LAS GZHAN PA MCHOD SBYIN GYI BDAG NI LTOS PA DANG BCAS PA'I PHYIR DON DAM PAR LHAS BYIN GYI NYE BAR BLANG BA NYE BAR LEN PAR MI BYED PA DE BZHIN DU, LHAS BYIN GYI BDAG KYANG LTOS PA DANG BCAS PA'I PHYIR DON DAM PAR LHAS BYIN GYI NYE BAR BLANG BA NYE BAR LEN PAR MI BYED DO, ,DA NI NYE BAR BLANG BA PHYOGS SU BYAS NAS NYE BAR BLANG BA DGAG PA'I RIM PA BSTAN PA'I PHYIR, DON DAM PAR LHAS BYIN GYI NYE BAR BLANG BA NI LHAS BYIN GYI BDAG GI NYE BAR BLANG BA MA YIN TE, NYE BAR BLANG BA YIN PA'I PHYIR DPER NA MCHOD SBYIN GYI NYE BAR BLANG BA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI NYE BAR BLANG BA NI NYE BAR BLANG BA YIN PA'I PHYIR DON DAM PAR LHAS BYIN GYI NYE BAR BLANG BA MA YIN PA DE BZHIN DU LHAS BYIN GYI NYE BAR BLANG BA YANG NYE BAR BLANG BA YIN PA'I PHYIR DON DAM PAR LHAS BYIN GYI NYE BAR BLANG BA MA YIN NO, ,DA NI BDAG PHYOGS SU BYAS NAS LTOS PA DGAG PA'I RIM PA BSTAN PA'I PHYIR, DE BZHIN DU DON DAM PAR LHAS BYIN GYI BDAG GRUB PA DANG MA GRUB PA NI LHAS BYIN GYI NYE BAR BLANG BA LA LTOS PAR MI BYED DE, BDAG YIN PA'I PHYIR DPER NA MCHOD SBYIN GYI BDAG BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN BAR GO RIMS BZHIN DU SBYAR TE, DPER NA MCHOD SBYIN GYI BDAG GRUB PA DANG MA GRUB PA NI BDAG YIN PA'I PHYIR DON DAM PAR LHAS BYIN GYI NYE BAR BLANG BA LA LTOS PAR MI BYED PA DE BZHIN DU LHAS BYIN GYI BDAG GRUB PA DANG MA GRUB PA YANG BDAG YIN PA'I PHYIR DON DAM PAR LHAS BYIN GYI NYE BAR BLANG BA LA LTOS PAR MI BYED DO, ,DA NI NYE BAR BLANG BA PHYOGS SU BYAS NA LTOS PA ,DGAG PA'I RIM PA BSTAN PA'I PHYIR, DON DAM PAR LHAS BYIN GYI NYE BAR BLANG BA NI LHAS BYIN GYI BDAG GRUB PA DANG MA GRUB PA'I LTOS PAR BYA BA MA YIN TE NYE BAR BLANG BA YIN PA'I PHYIR DPER NA MCHOD SBYIN GYI NYE BAR BLANG BA BZHIN NO ZHES BYA BA SMRAS TE, DE DAG KYANG @233A *, ,CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI NYE BAR BLANG BA NI NYE BAR BLANG BA YIN PA'I PHYIR DON DAM PAR LHAS BYIN GYI BDAG GRUB PA DANG MA GRUB PA'I LTOS PAR BYA BA MA YIN PA DE BZHIN DU LHAS BYIN GYI NYE BAR BLANG BA YANG NYE BAR BLANG BA YIN PA'I PHYIR DON DAM PAR LHAS BYIN GYI BDAG GRUB PA DANG MA GRUB PA'I LTOS PAR BYA BA MA YIN NO, ,'DIR KHA CIG GIS SMRAS PA LHAS BYIN GYI BDAG LHAS BYIN GYI NYE BAR BLANG BA NYE BAR LEN PAR MI BYED DE ZHES BYA BA DE'I DON GANG YIN, CI GZHAN NYE BAR LEN PAR BYED PA YIN NAM, 'ON TE CI YANG NYE BAR LEN PAR MI BYED PA YIN ZHES BYA BA NI PHA ROL PO DAG DBU MA PA'I RJES SU DPAG PA SNGA MAS, DON DAM PAR LHAS BYIN GYI BDAG GRUB PA DANG MA GRUB PA NI LHAS BYIN GYI NYE BAR BLANG BA NYE BAR LEN PAR MI BYED DO ZHES BYA BA DE'I DON, CI LHAS BYIN GYI BDAG LHAS BYIN NYID KYI NYE BAR BLANG BA NYE BAR LEN PAR MI BYED NA DE LA GZHAN GYI NYE BAR BLANG BA NYE BAR LEN PAR MI BYED PA YIN NAM, 'ON TE CI YANG NYE BAR LEN PAR MI BYED PA YIN ZHES GAL GNYIS SU RTOG PA YIN NO, ,DES CIR 'GYUR ZHES BYA BA NI TSUL DRI BA YIN NO, ,DE'I LAN DU, GAL TE GZHAN NYE BAR LEN PAR BYED PA YIN NA NI PHYOGS SNGA MA LA GNOD DO ZHES BYA BA NI, DE LTA NA SNGAR DBU MA PAS NYE BAR LEN PA PO DANG NYE BAR BLANG BA DAG DGAG PAR DAM BCAS LA, DA 'DIR LHAS BYIN GYI NYE BAR LEN PA POS GZHAN GYI NYE BAR BLANG BA NYE BAR LEN PAR BYED PAR KHAS BLANGS PAS SNGAR RANG GI DAM BCAS PA'I PHYOGS SNGA MA LA GNOD DO, ,CI STE CI YANG NYE BAR LEN PAR MI BYED PA YIN NA NI DPE MED DO, MCHOD SBYIN GYI BDAG NI RANG GI NYE BAR BLANG BA NYE BAR LEN PAR BYED PA'I PHYIR RO ZHES BYA BA NI GAL TE DE LTA NA NYE BAR LEN PA POS CI YANG NYE BAR LEN PAR MI BYED PA'I DPE SNGAR MCHOD SBYIN LAS BLANGS PA DE MI RUNG STE, MCHOD SBYIN GZHAN GYI NYE BAR BLANG BA NYE BAR LEN PAR MI BYED KYANG RANG GI NYE BAR BLANG BA NYE BAR LEN PAR MI BYED PAS CI YANG NYE BAR LEN PAR MI BYED PA MA YIN PA'I PHYIR RO, ,DES NA DBU MA PA'I DPE SNGA MA DAG BSGRUB PAR BYA BAS STONG PAS MI RUNG NGO ZHES @233B ZER BA YIN NA, ,DE SKAD CES ZER BA DE'I LAN DU 'DIR 'GRAL PA BYED PA NYID KYIS, DE NI RIGS PA MA YIN TE, LAN BTAB ZIN PA'I PHYIR RO ZHES BYA BA SMRAS TE, BRTAG PA SNGA MA LTAR KHAS MA BLANGS PA'I PHYIR PHYOGS SNGA MA LA GNOD PA MED LA BRTAG PA PHYI MA LA YANG BDAG MCHOD SBYIN ZHES BYA BA LHAS BYIN GYI RGYUD KYI NYE BAR BLANG BA NYE BAR LEN PAR MI BYED PA NYID DU GRUB PA NYID DPE NYID DU NYE BAR GZHAG PA'I PHYIR DPE MED PA MA YIN NO ZHES SNGAR LAN BTAB ZIN PA'I PHYIR KLAN KA DE NI RIGS PA MA YIN NO, ,DE LTAR DE DAG GIS NI ME DANG BUD SHING DAG GIS BDAG DANG NYE BAR BLANG BA DAG GI GCIG PA NYID DANG GZHAN NYID DANG LTOS PA DGAG PA'I RIM PA BRGAL BA'I LAN DANG BCAS PAR BSTAN TO, ,CI LTAR ME DANG BUD SHING DAG GI SKABS SU, ME NI GZHAN LAS MI 'ONG STE, ,SHING LA'ANG ME NI YOD MA YIN, ,SONG DANG MA SONG BA GOM PA YIS, ,DE BZHIN SHING LA LHAG MA BSTAN, ,SHING NYID ME NI MA YIN TE, ,SHING LAS GZHAN LA ME YANG MED, ,ME NI SHING DANG LDAN MA YIN, ,ME LA SHING MED DER DE MED, ,CES BSTAN PA DE DAG THAMS CAD 'DIR BDAG DANG NYE BAR BLANG BA DGAG PA'I SKABS SU YANG CI RIGS PAR SBYAR TE BRJOD PAR BYA'O, ,RE ZHIG DE DAG NI, ,ME DANG SHING GIS BDAG DANG NI,, NYE BAR BLANG BA'I RIM PA KUN, ,MA LUS PAR NI RNAM PAR BSHAD, ,CES BYA BA'I TSUL BSTAN PA YIN NO, ,DA NI, BUM SNAM LA SOGS LHAN CIG TU, MA LUS PA NI RNAM PAR BSHAD, ,CES BYA BA'I TSIG GI DON DANG SBYAR TE DGAG PA'I RIM PA BSTAN PA'I PHYIR ME DANG BUD SHING DE DAG GIS BDAG DANG NYE BAR BLANG BA DAG GI RIM PA GANG DAG RNAM PAR BSHAD PA DE DAG BUM PA DANG SNAM BU LA SOGS PA DAG DANG YANG LHAN CIG TU RNAM PAR BSHAD DE ZHES BYA BA LA SOGS PA SMRAS TE, ME DANG BUD SHING DAG GIS BDAG DANG NYE BAR BLANG BA DAG GI RIM PA GANG DAG RNAM PAR BSHAD PA DE DAG BUM PA DANG SNAM BU LA SOGS PA DAG DANG YANG LHAN CIG TU RNAM PAR BSHAD DE, BDAG DANG NYE BAR BLANG BA DAG DANG BUM PA DANG SNAM BU LA SOGS PA DAG DGAG PA'I RIM PA THAMS CAD MA LUS PAR RNAM PAR BSHAD DO ZHES BYA BA'I THA TSIG GO, ,DE LA BUM PA DANG SNAM BU LA @234A *, ,SOGS PA DAG NI RGYU DANG 'BRAS BUR GYUR PA DANG, YAN LAG DANG YAN LAG CAN DU GYUR PA DANG, YON TAN DANG YON TAN CAN DU GYUR PA DANG, MTSAN NYID DANG MTSAN NYID KYI GZHIR GYUR PA RNAM PA DE LNGA BU DAG TU SHES PAR BYA'O ZHES BYA BA NI BUM PA DANG SNAM BU LA SOGS PA'I DNGOS PO RNAMS LA 'JIG RTEN NA SMRA BA SUM BRGYA DRUG CU RTZA GSUM YOD PA DAG LAS, KHA CIG NI DE DAG RGYU DANG 'BRAS BUR GYUR PA'O ZHES SMRA, KHA CIG NI YAN LAG DANG YAN LAG CAN DU GYUR PA'O ZHES SMRA, KHA CIG NI YON TAN DANG YON TAN CAN DU GYUR PA'O ZHES SMRA, KHA CIG NI MTSAN NYID DANG MTSAN NYID KYI GZHIR GYUR PA'O ZHES SMRA ZHING DE DAG LA YANG LA LA NI GCIG PA NYID CES ZER, LA LA NI GZHAN NYID CES ZER, LA LA NI PHAN TSUN LTOS SO ZHES ZER BAS, DA 'DI MAN CHAD ME DANG BUD SHING DAG GIS DE DAG DGAG PA'I RIM PA THAMS CAD MA LUS PAR RNAM PAR BSHAD PA'I TSUL BSTAN PAR BYA'O, ,DE LA DANG POR ME DANG BUD SHING DAG GIS RGYU DANG 'BRAS BUR GYUR PA DAG GI DGAG PA'I RIM PA THAMS CAD MA LUS PAR RNAM PAR BSHAD PA'I TSUL BSTAN PAR BYA STE, DE LA RE ZHIG 'BRAS BU PHYOGS SU BYAS NAS GCIG PA NYID DGAG PA'I RNAM PA BSTAN PA'I PHYIR, DE LA RE ZHIG DON DAM PAR BUM PA NI 'JIM PA DANG GCIG PA NYID MA YIN TE, LAS DANG BYED PA PO YIN PA'I PHYIR GCAD PA DANG GCOD PA PO BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GCAD PA DANG, GCOD PA PO DAG NI LAS DANG BYED PA PO YIN PA'I PHYIR DON DAM PAR GCIG PA NYID MA YIN PA DE BZHIN DU BUM PA DANG 'JIM PA DAG KYANG, 'BRAS BU DANG RGYU'I SGO NAS LAS DANG BYED PA PO YIN PA'I PHYIR DON DAM PAR GCIG PA NYID MA YIN NO, ,DA NI 'BRAS BU PHYOGS SU BYAS NAS GZHAN NYID DGAG PA'I RIM PA BSTAN PA'I PHYIR, DON DAM PAR BUM PA NI 'JIM PA LAS GZHAN NYID MA YIN TE, ,LTOS PA DANG BCAS PA'I PHYIR DANG, 'BRAS BU LA SOGS PA YIN PA'I GTAN TSIGS DAG GI PHYIR DPER NA 'JIM PA'I RANG GI BDAG NYID BZHIN NO ZHES BYA BA SMRAS TE, @234B DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'JIM PA'I RANG GI BDAG NYID MI LTOS PA DANG BCAS PA'I PHYIR DANG 'BRAS BU YIN PA'I PHYIR DANG GZUGS CAN YIN PA'I PHYIR DANG THOGS PA DANG BCAS PA YIN PA'I PHYIR DANG, 'BYUNG BA LAS GYUR PA YIN PA'I PHYIR DANG GZUGS KYI PHUNG POS BSDUS PA LA SOGS PA DAG YIN PA'I PHYIR DON DAM PAR RANG GI BDAG NYID LAS GZHAN NYID MA YIN PA DE BZHIN DU BUM PA YANG LTOS PA DANG BCAS PA'I PHYIR DANG GZUGS CAN YIN PA'I PHYIR DANG 'BRAS BU YIN PA'I PHYIR DANG, THOGS PA DANG BCAS PA YIN PA'I PHYIR DANG, 'BYUNG BA LAS GYUR PA YIN PA'I PHYIR DANG GZUGS KYI PHUNG POS BSDUS PA LA SOGS PA DAG YIN PA'I PHYIR DON DAM PAR 'JIM PA LAS GZHAN NYID MA YIN NO, ,DE BZHIN DU 'JIM PA'I PHYOGS LA SOGS PA LA YANG BRJOD PAR BYA'O ZHES BYA BAS NI RGYU PHYOGS SU BYAS NAS GCIG PA NYID DANG GZHAN NYID DGAG PA'I RNAM PAS SBYOR BA'I TSIG GNYIS BRJOD PAR BYA STE, DON DAM PAR 'JIM PA NI BUM PA DANG GCIG PA NYID MA YIN TE BYED PA PO DANG LAS YIN PA'I PHYIR DPER NA GCOD PA PO DANG GCAD PA DAG BZHIN NO, ,DON DAM PAR 'JIM PA NI BUM PA LAS GZHAN NYID MA YIN TE, LTOS PA DANG BCAS PA'I PHYIR 'BRAS BU LA SOGS PA YIN PA'I GTAN TSIGS DAG GI PHYIR DPER NA BUM PA'I RANG GI BDAG NYID BZHIN NO ZHES BYA BAR SBYAR TE, DE DAG KYANG DAM BCAS PA'I KHYAD PAR YOD PAR ZAD KYI SBYOR BA'I YAN LAG LHAG MA DAG NI SNGA MA BZHIN NO, ,SOGS PA ZHES BYA BA'I SGRAS NI RGYU PHYOGS SU BYAS NAS RGYU DGAG PA'I RIM PA DON DAM PAR RGYU 'JIM PA NI 'BRAS BU BUM PA SKYED PAR BYED PA MA YIN TE, LTOS PA DANG BCAS PA'I PHYIR DPER NA DE LAS GZHAN BZHIN NO ZHES BYA BA DANG, 'BRAS BU PHYOGS SU BYAS NAS 'BRAS BU DGAG PA'I RIM PA DON DAM PAR 'BRAS BU BUM PA NI RGYU 'JIM PAS BSKYED PAR BYA BA MA YIN TE, 'BRAS BU YIN PA'I PHYIR DPER NA SNAM BU BZHIN NO ZHES BYA BA DANG, 'BRAS BU PHYOGS SU BYAS NAS LTOS PA DGAG PA'I RIM PA DON DAM PAR 'BRAS BU BUM PA GRUB PA DANG MA GRUB PA NI RGYU 'JIM PA LA LTOS PAR MI BYED DE, 'BRAS BU YIN PA'I PHYIR DPER NA SNAM BU BZHIN NO ZHES BYA @235A *, ,BA DANG, RGYU PHYOGS SU BYAS NAS LTOS PA DGAG PA'I RIM PA DON DAM PAR RGYU 'JIM PA NI 'BRAS BU BUM PA GRUB PA DANG MA GRUB PA'I LTOS PAR BYA BA MA YIN TE, RGYU YIN PA'I PHYIR DPER NA RGYU SPUN DAG BZHIN NO ZHES BYA BA DANG, CI STE DAM BCAS PA DE'I DON GANG YIN, CI RGYU 'JIM PAS 'BRAS BU GZHAN SKYED PAR BYED PA YIN NAM, 'ON TE CI YANG SKYED PAR MI BYED PA YIN GAL TE GZHAN SKYED PAR BYED PA YIN NA NI PHYOGS SNGA MA LA GNOD DO, ,CI STE CI YANG SKYED PAR MI BYED PA YIN NA NI DPE MED DO ZHES RGOL BA LA, DE'I LAN DU DE NI RIGS PA MA YIN TE, BRTAG PA SNGA MA LTAR KHAS MA BLANGS PA'I PHYIR PHYOGS SNGA MA LA GNOD PA MED LA, BRTAG PA PHYI MA LA NI RGYU SPUN LA SOGS PA RGYU GANG DAG 'BRAS BU BUM PA SKYED PAR BYED PA MA YIN PAR GRUB PA DAG DPE NYID DU NYE BAR GZHAG PA'I PHYIR DPE MED PA MA YIN NO ZHES BYA BAS LAN GDAB PA DAG BSDU BAR BYA'O, ,GRANGS CAN DAG NI SGRUB PA'I TSUL GYIS BUM PA NI 'JIM PA LAS GZHAN NYID MA YIN TE, 'JIM PA'I BDAG NYID DANG YOD PA NYID DU RGYU DANG 'BRAS BU NYID DANG SPYI DANG KHYAD PAR DANG LDAN PA NYID DANG YUL LA SOGS PA GCIG PA NYID KYI PHYIR DPER NA 'JIM PA'I RANG GI BDAG NYID BZHIN NO ZHES ZER RO ZHES BYA BAS NI SNGAR DBU MA PAS RGYU DANG 'BRAS BU DAG GCIG NYID MA YIN PAR BKAG PA DE LA, 'DIR GRANGS CAN DAG DANG DNGOS PO THAMS CAD RANG BZHIN GCIG PAR SGRUB PA'I TSUL GYIS RGYU DANG 'BRAS BU DAG GZHAN NYID MA YIN ZHING RANG BZHIN GCIG PA NYID DU SGRUB PA'I GZHUNG STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'JIM PA'I RANG GI BDAG NYID NI 'JIM PA'I BDAG NYID YIN PA'I PHYIR DANG, YOD PA NYID YIN PA'I PHYIR DANG RGYU DANG 'BRAS BU NYID YIN PA'I PHYIR DANG, 'JIM PA'I RDZAS SPYI DANG KHA DOG DANG DBYIBS LA SOGS PA KHYAD PAR DANG LDAN PA NYID KYI PHYIR DANG, YUL DANG DUS DANG RANG BZHIN GCIG PA NYID KYI PHYIR RANG GI BDAG NYID LAS GZHAN NYID MA YIN PA DE BZHIN DU BUM PA YANG 'JIM PA'I BDAG NYID YIN PA'I PHYIR YOD PA NYID YIN PA'I PHYIR DANG RGYU DANG 'BRAS BU NYID YIN PA'I PHYIR DANG, 'JIM PA'I RDZAS SPYI DANG KHA DOG DANG DBYIBS LA @235B SOGS PA'I KHYAD PAR DANG LDAN PA NYID KYI PHYIR DANG, YUL DANG DUS DANG RANG BZHIN GCIG PA NYID KYI PHYIR 'JIM PA LAS GZHAN NYID MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE DAG GI 'JIM PA'I BDAG NYID DANG BUM PA'I BDAG NYID RANG GI BDAG NYID GCIG PA NYID DU DBU MA SMRA BA RNAMS LA MA GRUB PA'I PHYIR DPE MED DO ZHES BYA BA SMRAS TE, GRANGS CAN DE DAG GI 'JIM PA'I BDAG NYID RANG GI BDAG NYID LAS GZHAN NYID MA YIN PAR DBU MA PA LA MA GRUB PA'I PHYIR DPE MED LA, 'JIM PA DANG BUM PA DAG GNYI GA DON DAM PAR MA GRUB PA'I PHYIR CHOS CAN YANG MA GRUB PAS RGYU DANG 'BRAS BU RANG BZHIN GCIG PAR SGRUB PA DE MA GRUB BO, ,DAM BCAS PA'I DON KYANG RNAM PAR BRTAG PAR BYA STE ZHES BYA BA LA SOGS PAS NI SNGAR GRANGS CAN DAG GIS RGYU DANG 'BRAS BU DAG GCIG PA NYID DU DAM BCAS PA DE'I DON GANG YIN ZHES BRTAG PA STON TO, ,GAL TE RGYU DANG 'BRAS BU DAG GCIG PA NYID CES BYA BA DUS GCIG NA'O ZHE NA NI PHYOGS SNGA MA LA GNOD DO ZHES BYA BA NI CI GRANGS CAN DAG GIS RGYU DANG 'BRAS BU DAG GCIG PA NYID DU DAM BCAS PA DE DUS GCIG NA GCIG PA NYID DU 'DOD DE, GAL TE GANG KHO NA'I DUS NA RGYU YIN PA DE KHO NA'I DUS NA 'BRAS BU YANG YIN PAR DAM 'CHA' NA NI DES NA PHYOGS SNGA MA LA GNOD PAR 'GYUR TE, 'DI LTAR KHYED KYI GRUB PA'I MTHA' LAS KYANG RGYU DANG 'BRAS BU DAG DUS THA DAD PA NYID DU 'DOD PA'I PHYIR RO, ,CI STE RGYU'I GSAL BA 'BRAS BU LA YOD DO ZHE NA NI GRAGS PA'I GNOD PAR 'GYUR TE, ZHO LA 'O MA MED PA'I PHYIR RO ZHES BYA BA NI CI STE GRANGS CAN DAG GIS RGYU DANG 'BRAS BU DAG GCIG PA NYID DU DAM BCAS PA DE SNYING STOBS LA SOGS PA'I RANG BZHIN GYIS RGYU DANG 'BRAS BU DAG LA 'DRA BAR KHYAB PAS, RGYU'I BSAL BA NYID 'BRAS BU LA YANG YOD PA'I PHYIR, RGYU DANG 'BRAS BU DAG GCIG PA NYID DU 'DOD NA NI DES NA GRAGS PA'I GNOD PAR 'GYUR TE, ,'DI LTAR 'JIG RTEN NA ZHO LA 'O MA MED PAR GRAGS PA'I PHYIR RO, ,GAL TE ZHO'I GNAS SKABS NA YANG DRUG LDAN LA SOGS PA'I KHYAD PAR DANG BRAL BA'I SGRA LA SOGS PA YOD PA'I PHYIR GRAGS PA'I GNOD PAR YANG MI 'GYUR LA KHAS BLANGS PA LA GNOD PA YANG MED DO ZHE NA ZHES BYA BA NI GRANGS CAN DAG RGYU @236A *, ,DANG 'BRAS BU DAG RANG BZHIN GCIG PA NYID YIN YANG, GRAGS PA'I GNOD PA DANG KHAS BLANGS PA LA GNOD PA'I SKYON DU MI 'GYUR BAR SGRUB PA'I GTAN TSIGS STON TE, DE DAG NA RE RGYU'I RANG BZHIN 'BRAS BU LA YANG YOD DE, 'DI LTAR 'BRAS BU ZHO'I GNAS SKABS NA GZUGS DANG DRI DANG RO DANG REG DE TZAM DAG GI SPYI KHYAD PAR DANG BRAL BA YOD LA, RGYU 'O MA LA YANG DE DAG YOD PAR 'DRA BA'I PHYIR RO ZHES ZER RO, ,DE YANG CI LTA BU ZHE NA, ME'I SGRA DANG RNGA'I SGRA ZHES BYA BA NI SGRA'I SPYI YIN LA, SGRA LAS GLU DBYANGS KYI SNA GRANGS DRUG LDAN DANG, DRANG SRONG BA DANG, SA 'DZIN PA DANG, BAR MA PA DANG, LNGA BA DANG, BLO GSAL DANG, 'KHOR NYAN ZHES BYA BA DAG NI SGRA'I KHYAD PAR YIN PAS 'BRAS BU ZHO'I GNAS SKABS NA SGRA'I SPYI KHYAD PAR DANG BRAL BA DANG GZUGS DANG DRI DANG RO DANG REG PA'I SPYI KHYAD PAR DANG BRAL BA'I SGRA DE TZAM DANG GZUGS DANG DRI DANG RO DANG REG DE TZAM DAG YOD LA, RGYU 'O MA LA YANG DE DAG YOD PAR 'DRA BAS DES NA ZHO'I GNAS SKABS NA YANG 'O MA'I DE TZAM DAG YOD LA, 'O MA'I GNAS SKABS NA YANG ZHO'I DE TZAM DAG YOD PAS DE'I PHYIR GRAGS PA'I GNOD PAR YANG MI 'GYUR LA, GANG GI PHYIR ZHO'I GNAS SKABS KHO NA NA 'O MA'I BSAL BA NYID MED PA DE'I PHYIR RGYU DANG 'BRAS BU DUS GCIG NA YOD PAR MI SMRA BAS KHAS BLANGS PA'I PHYOGS SNGA MA LA GNOD PA YANG MED DO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE DAG LA 'O MA NYID MI 'THAD PA'I PHYIR DE NI LAN MA YIN NO ZHES BYA BA SMRAS TE, SGRA DE TZAM LA SOGS PA DE DAG LA 'O MA NYID YOD PAR MI 'THAD PA'I PHYIR DE NI LAN MA YIN TE, KHYED KYI ZHO DANG 'O MA DAG GCIG PA NYID DU SMRAS PAS ZHO'I GNAS SKABS KYI DE TZAM DE DAG LA 'O MA MED PA'I PHYIR RO, ,GAL TE ZHO LA SGRA DE TZAM LA SOGS PA DAG YOD PA'I PHYIR DE LA 'O MA YOD PA NYID DU 'DOD NA NI DE LTA NA BUM PA DANG SNAM BU LA SOGS PA DAG LA YANG SGRA DE TZAM LA SOGS PA DAG YOD PAS BUM PA DANG SNAM BU LA SOGS PA DAG KYANG, 'O MA'I BYA BA BYED PAR 'GYUR BA ZHIG NA MI BYED PAS DE'I PHYIR GRAGS PA'I GNOD PA DANG KHAS BLANGS PA LA GNOD PA DAG SO NA GNAS SO, ,GZHAN MA YIN PA NYID DU RJES SU DPOG PAS @236B RGYU MA YIN PA NYID LA SOGS PAS DE DAG RGYU YIN PA NYID LA SOGS PA BSAL BA'I PHYIR, DAM BCAS PA LA CHOS CAN GYI NGO BO NYID DANG KHYAD PAR BSAL BA'I SKYON YOD DO ZHES BYA BAS NI GRANGS CAN DAG RGYU DANG 'BRAS BU GZHAN MA YIN PA NYID DU RJES SU DPOG PAS RGYU DANG 'BRAS BU MA YIN PAS DE DAG RGYU DANG 'BRAS BU YIN PA NYID BSAL BA'I PHYIR DE DAG NI DAM BCAS PA LA CHOS CAN RGYU DANG 'BRAS BU'I NGO BO NYID DANG KHYAD PAR BSAL BA'I SKYON YOD PAR STON TO, ,'DI SKAD BSTAN TE GZHAN NYID MA YIN PAR RJES SU DPOG PAS CI LTAR ZHO NYID ZHO LAS GZHAN MA YIN PA'I PHYIR ZHO NYID ZHO'I RGYU MA YIN PAS ZHO DE RGYU YIN PA NYID BSAL BA DE BZHIN DU 'O MA YANG ZHO LAS GZHAN MA YIN PA'I PHYIR 'O MA ZHING KYANG ZHO'I RGYU MA YIN PAS 'O MA DE RGYU YIN PA NYID BSAL BA'I PHYIR GRANGS CAN DAG GI GZHAN NYID MA YIN PAR DAM BCAS PA LA CHOS CAN 'O MA'I NGO BO NYID BSAL BA'I SKYON YOD DO, ,DE BZHIN DU CHOS CAN 'O MA'I KHYAD PAR BSAL BA'I SKYON YANG YOD DE, 'O MA'I KHYAD PAR NI SLA BA DANG MNGAR BA LA SOGS PA DAG YIN NA DE DAG KYANG 'O MA ZHO'I RANG GI BDAG NYID BZHIN DU ZHI LAS GZHAN NYID MA YIN PA'I PHYIR 'O MA LA MED PAS DE LTAR 'O MA'I KHYAD PAR SLA BA DANG MNGAR BA LA SOGS PA DAG BSAL BA'I PHYIR CHOS CAN 'O MA'I KHYAD PAR BSAL BA'I SKYON YOD PA YIN NO, ,SOGS PA ZHES BYA BA'I SGRAS NI CHOS CAN RGYU'I NGO BO NYID DANG KHYAD PAR BSAL BA'I SKYON YOD PA 'BA' ZHIG TU MA ZAD KYI, CHOS CAN 'BRAS BU'I NGO BO NYID DANG KHYAD PAR BSAL BA'I SKYON YOD PA YANG BSDU STE, ZHO YANG 'O MA'I RANG GI BDAG NYID BZHIN DU 'O MA LAS GZHAN NYID MA YIN PA'I PHYIR, ZHO 'BRAS BU MA YIN PA NYID KYIS ZHO DE 'BRAS BU YIN PA NYID BSAL BA'I PHYIR CHOS CAN ZHO'I NGO BO NYID BSAL BA'I SKYON YOD DO, ,DE BZHIN CHOS CAN ZHO'I KHYAD PAR BSAL BA'I SKYON YANG YOD DE ZHO'I KHYAD PAR NI SKAB DANG SKYUR BA LA SOGS PA DAG YIN NA DE DAG KYANG ZHO 'O MA'I RANG GI BDAG NYID BZHIN DU 'O MA LAS GZHAN NYID MA YIN PA'I PHYIR ZHO LA MED PAS DE LTAR ZHO'I KHYAD PAR SKAB DANG SKYUR BA LA SOGS PA DAG GSAL BA'I PHYIR CHOS CAN ZHO'I KHYAD PAR BSAL BA'I SKYON YOD PA YANG YIN NO, ,DA LTAR DANG 'DAS PA'I RGYU PHYOGS SU BYED NA YANG SKYON SNGA MA @237A *, ,BZHIN NO ZHES BYA BAS NI SNGAR GRANGS CAN DAG GIS SGRUB PA'I TSUL GYIS BUM PA NI 'JIM PA LAS GZHAN NYID MA YIN TE ZHES DAM BCAS PA DE'I PHYOGS SUN DBYUNG BA STON TE, SNGAR GRANGS CAN DAG GIS 'BRAS BU BUM PA PHYOGS SU BYAS TE, BUM PA LAS 'JIM PA GZHAN NYID MA YIN PAR DAM BCAS PA MA GRUB PAS DA 'DIR GAL TE RGYU 'JIM PA PHYOGS SU BYED CING, 'JIM PA LAS BUM PA GZHAN NYID MA YIN PAR DAM 'CHA' STE, DE LA 'BRAS BU MA SKYES PA'I TSE NA RGYU MA 'DAS PA DA LTAR YOD PA DE PHYOGS SU BYED CING 'DI SKAD CES RGYU 'JIM PA DA LTAR YOD PA NI 'BRAS BU BUM PA LAS GZHAN NYID MA YIN TE, 'JIM PA'I BDAG NYID YIN PA'I PHYIR DPER NA 'BRAS BU'I BDAG NYID BZHIN NO ZHES SGRUB PAR BYED NA NI CI LTAR SNGAR BYED PA PO DANG LAS BRTAG PA'I RAB TU BYED PA'I SKABS SU, DA LTAR GYI RGYU PHYOGS SU BYED NA NI DPE MED DE DE'I 'BRAS BU MA GRUB PA'I PHYIR ZHES BSTAN PA'I SKYON SNGA MA DE NYID DU 'GYUR TE CI STE 'BRAS BU MA SKYES PA'I TSE NA RGYU MA 'DAS PA DA LTAR YOD PA DE 'BRAS BU LAS GZHAN NYID MA YIN TE ZHES PHYOGS SU BYED NA DPE MA GRUB PA'I SKYON YOD DE, DA LTAR GYI RGYU DE YOD PA'I DUS NA DE'I 'BRAS BU MA GRUB PA'I PHYIR KHYOD KYI DE GZHAN NYID MA YIN PAR SGRUB PA'I DPE 'BRAS BU'I BDAG NYID BZHIN NO ZHES GANG SMRAS PA DE MA GRUB PA'I SKYON YOD PAS MI RUNG NGO, ,CI STE 'BRAS BU SKYES PAS RGYU ZHES THA SNYAD GDAGS PA YIN LA, 'BRAS BU SKYES BA DE'I TSE RGYU 'DAS PA YIN PAS 'DAS PA'I RGYU DE PHYOGS SU BYED CING 'DI SKAD CES, RGYU 'JIM PA 'DAS PA NI 'BRAS BU BUM PA LAS GZHAN NYID MA YIN TE, 'JIM PA'I BDAG NYID YIN PA'I PHYIR DPER NA 'BRAS BU'I BDAG NYID BZHIN NO ZHES SGRUB PAR BYED NA YANG, CI LTAR SNGAR BYED PA PO DANG LAS BYA ? RTAG PA'I RAB TU BYED PA'I SKABS SU, 'DIR YANG 'DAS PA'I RGYU PHYOGS SU BYED NA NI GZHI MA GRUB PA LA SOGS PA'I SKYON YOD DO ZHES BSTAN PA'I SKYON SNGA MA DE NYID DU 'GYUR TE, 'DI LA 'BRAS BU SKYES PAS RGYU ZHES THA SNYAD GDAGS PA YIN LA, 'BRAS BU SKYES PA DE'I TSE NA RGYU 'DAS PA YIN PAS 'DAS PA'I RGYU DE 'BRAS BU LAS GZHAN NYID MA YIN TE ZHES PHYOGS SU BYED NA GTAN TSIGS KYI GZHI MA GRUB PA'I SKYON YOD DE, RGYU 'DAS PA NI ZHIG NAS MED PAS KHYOD KYI DE 'BRAS BU LAS @237B GZHAN NYID MA YIN PAR SGRUB PA'I GTAN TSIGS 'JIM PA'I BDAG NYID YIN PA'I PHYIR ZHES GANG SMRAS PA DE'I GZHI MA GRUB PA DANG, DPER NA 'BRAS BU'I BDAG NYID BZHIN NO ZHES BYA BA DAG KYANG MA GRUB PA'I SKYON YOD PAS MI RUNG NGO, ,RIGS MTHUN PA DANG RIGS MI MTHUN PA MA SKYES BA DANG ZHIG PA DAG GIS MA NGES PA DANG GRAGS PA'I GNOD PAR 'GYUR TE ZHES BYA BAS NI, SNGAR GRANGS CAN DAG GIS SGRUB PA'I TSUL GYIS BUM PA NI 'JIM PA LAS GZHAN MA YIN TE, RGYU DANG 'BRAS BU'I BDAG NYID YIN PA'I PHYIR DPER NA 'JIM PA'I RANG GI BDAG NYID BZHIN NO ZHES SMRAS PA'I GTAN TSIGS DE MA NGES PA NYID DANG GRAGS PA'I GNOD PAR 'GYUR BAR STON TE, RIGS MTHUN PA ZHES BYA BA NI 'JIM PA DANG BUM PA LTA BU RGYU DANG 'BRAS BU RIGS MTHUN PA'O, ,RIGS MI MTHUN PA ZHES BYA BA NI 'JIM PA DANG SNAM BU LTA BU RGYU DANG 'BRAS BU RIGS MI MTHUN PA'O, ,MA SKYES PA ZHES BYA BA NI RGYU GANG GIS 'BRAS BU MA SKYES PA'O, , ZHIG PA ZHES BYA BA NI 'BRAS BU GANG GIS RGYU ZHIG PA STE, DE LTA BU'I RGYU DANG 'BRAS BU DE DAG GZHAN NYID MA YIN TE RGYU DANG 'BRAS BU NYID YIN PA'I PHYIR RO ZHES BYA BA'I KHYED GRANGS CAN DAG SGRUB PAR BYED NA KHYED NYID KYI GZHUNG LAS RANG BZHIN DANG SKYES BU DAG RGYU DANG 'BRAS BU YIN YANG GZHAN NYID YIN PAR 'DOD PAS DES NA CI RE ZHIG BUM PA DANG 'JIM PA DAG RGYU DANG 'BRAS BU NYID YIN PA'I PHYIR DPER NA 'JIM PA'I RANG GI BDAG NYID BZHIN DU GZHAN NYID MA YIN PAR 'GYUR RAM, 'ON TE RGYU DANG 'BRAS BU NYID YIN PA'I PHYIR DPER NA RANG BZHIN DANG SKYES BU DAG BZHIN DU GZHAN NYID YIN PAR 'GYUR BA MA NGES PAS KHYED KYI GTAN TSIGS RGYU DANG 'BRAS BU NYID YIN PA'I PHYIR ZHES BYA BA DE MI RUNG NGO, ,GRANGS CAN DAG NYID KYI GZHUNG LAS RANG BZHIN DANG SKYES BU DAG CI LTAR RGYU DANG 'BRAS BU NYID YIN PA'I KHUNGS BSTAN PA'I PHYIR, SKYES BU NI SGRA LA SOGS PA DMIGS PAR BYED PA NA PHAN GDAGS PAR BYA BA YIN PA'I PHYIR DANG, RANG BZHIN NI SHES PA YOD PA NYID NANG GI BYED PAR SNANG BA'I RGYU YIN PAS PHAN 'DOGS PAR BYED PA NYID YIN PA'I PHYIR RO ZHES BYA BA SMRAS TE, GRANGS CAN DAG NYID KYI GZHUNG LAS RANG BZHIN NI BYED PA PO YIN LA SKYES BU NI ZAB PO YIN PA'I SGO NAS RANG BZHIN NI RGYU YIN, SKYES @238A *, ,BU NI 'BRAS BU YIN TE, LONG BA DANG GRUM PO BZHIN NO ZHES 'BYUNG STE, DPER NA LONG BA'I KHUR DU GRUM PO KHYER NA 'GRO BA'I LAS NI LONG BAS BYED LA MTHONG BA'I LAS NI GRUM POS BYED PAS BGROD PA DANG MTHONG BAR BYA BA GNYI GA 'GRUB PA DE BZHIN DU GANG GI TSE SKYES BU ZHES BYA BA SHES PA YOD PA DE YUL LA LONGS SPYOD PAR 'DOD PA'I TSE NA, RANG BZHIN ZHES BYA BA YON TAN GSUM CHA MNYAM PA DES NANG GI BYED PA ZHES BYA BA BLO RNAMS PHYI ROL GYI BYED PA ZHES BYA BA DBANG PO RNAMS DANG PHRAD PAR BYED PA DBANG PO RNAMS KYI GZUGS LA SOGS PA DE TZAM LNGA PO DAG DMIGS PA NA SKYES BU'I RANG BZHIN SHES PA YOD PA DE NANG GI BYED PA DAG GI RNAM PAR SKYES PAS YUL RNAMS NYAMS SU MYONG BAR BYED PAS SKYES BU NI SGRA LA SOGS PA DE TZAM LNGA PO DAG DMIGS PAR BYED PA NA RANG BZHIN GYIS PHAN GDAGS SHING BSKYED PAR BYA BA YIN PA'I PHYIR ZAB PO YIN PAS 'BRAS BU STE GRUM PO DANG 'DRA'O, , RANG BZHIN NI SHES PA YOD PA NYID NAR GI BYED PA'I RNAM PAR SNANG BA SKYE BA'I RGYU YIN PAS PHAN 'DOGS PAR BYED PA YIN PA'I PHYIR BYED PA PO YIN PAS RGYU DE LONG BA DANG 'DRA'O, ,DE LTAR RANG BZHIN DANG SKYES BU RGYU DANG 'BRAS BU NYID YIN PA'I PHYIR GZHAN NYID YIN PAR 'DOD PAS BUM PA DANG 'JIM PA RGYU DANG 'BRAS BU NYID YIN PA'I PHYIR GZHAN NYID MA YIN PAR 'DOD PA DE'I GTAN TSIGS MA NGES PA NYID DO, ,GZHAN YANG RGYU DANG 'BRAS BU NYID YIN LA GZHAN NYID MA YIN PAR DAM 'CHA' BA NI 'JIG RTEN LA GRAGS PA DANG 'GAL BA'I GNOD PAR 'GYUR BAS DE NI MI RUNG NGO, ,SKYES BU DAG SPYI DANG KHYAD PAR DANG LDAN PA NYID YIN PA'I PHYIR DE DAG GIS MA NGES PA NYID DE ZHES BYA BAS NI SNGAR GRANGS CAN DAG GIS SGRUB PA'I TSUL GYIS BUM PA NI 'JIM PA LAS GZHAN NYID MA YIN TE, SPYI DANG KHYAD PAR DANG LDAN PA NYID YIN PA'I PHYIR DPER NA 'JIM PA'I RANG GI BDAG NYID BZHIN NO ZHES SMRAS PA'I GTAN TSIGS DE MA NGES PA NYID YIN PAR STON TE, SKYES BU ZHES BYA BA DAG LA YANG SPYI DANG KHYAD PAR DANG LDAN PA'I PHYIR GZHAN NYID YIN PAR MTHONG BAS DES NA CI RE ZHIG BUM PA DANG 'JIM PA DANG SPYI DANG KHYAD PAR DANG LDAN PA NYID YIN PA'I PHYIR DPER NA 'JIM PA'I RANG GI BDAG NYID BZHIN DU @238B GZHAN NYID MA YIN PAR 'GYUR RAM, 'ON TE SPYI DANG KHYAD PAR DANG LDAN PA NYID YIN PA'I PHYIR DPER NA SKYES BU DAG BZHIN DU GZHAN NYID YIN PAR 'GYUR BA MA NGES SO, ,SKYES BU DAG SPYI DANG KHYAD PAR DANG LDAN PA NYID YIN PA'I PHYIR GZHAN NYID YIN PA'I KHUNGS BSTAN PA'I PHYIR SKYES BU SKYES BU ZHES BYA BA NI SPYI YIN LA, LHAS BYIN GYI BDAG DANG MCHOD SBYIN GYI BDAG CES BYA BA DAG NI KHYAD PAR YIN PA'I PHYIR RO ZHES BYA BA SMRAS TE, LHAS BYIN DANG MCHOD SBYIN DAG SPYI DANG KHYAD PAR LDAN PA NYID YIN PA'I PHYIR GZHAN NYID YIN PAR MTHONG BAS BUM PA DANG 'JIM PA DAG GZHAN NYID MA YIN TE, SPYI DANG KHYAD PAR DANG LDAN PA NYID YIN PA'I PHYIR ZHES BYA BA'I GTAN TSIGS DE MA NGES PA NYID YIN PAS MI RUNG NGO, ,'JIM PA'I BDAG NYID CES BYA BA'I GTAN TSIGS KYI DON KYANG ZHES BYA BA LA SOGS PAS NI SNGAR GRANGS CAN DAG GIS BSGRUB PA'I TSUL GYIS BUM PA NI 'JIM PA LAS GZHAN NYID MA YIN TE, 'JIM PA'I BDAG NYID YIN PA'I PHYIR DPER NA 'JIM PA'I RANG GI BDAG NYID BZHIN NO ZHES SMRAS PA'I GTAN TSIGS DE'I DON GANG YIN ZHES BRTAG PA STON TO, ,'JIM PA LAS GYUR PA YIN PAR RTOG NA NI DPE SGRUB PA'I CHOS DANG MI LDAN NO ZHES BYA BA NI 'JIM PA'I BDAG NYID YIN PA'I PHYIR ZHES BYA BA'I GTAN TSIGS DE'I DON GAL TE 'JIM PA'I NGO BO NYID LA MI BYA'I 'JIM PA LAS GYUR PA YIN PAR RTOG NA NI DE LTA NA DPE 'JIM PA'I RANG GI BDAG NYID BZHIN NO ZHES BYA BA DE 'JIM PA LAS GYUR PA NYID YIN PA'I PHYIR ZHES BYA BA SGRUB PA'I CHOS DE DANG MI LDAN PAS DPE MED DE 'DI LTAR DPE 'JIM PA'I RANG GI BDAG NYID CES BYA BA DE NI 'JIM PA'I NGO BO NYID YIN GYI, 'JIM PA LAS GYUR PA MA YIN PA'I PHYIR RO, ,'JIM PA'I NGO BO NYID YIN PAR RTOG NA NI GTAN TSIGS KYI DON MA GRUB PA NYID DO ZHES BYA BA NI 'JIM PA'I BDAG NYID YIN PA'I PHYIR ZHES BYA BA'I GTAN TSIGS DE'I DON GAL TE 'JIM PA'I NGO BO NYID YIN PAR RTOG NA NI DE LTA NA GTAN TSIGS DE'I DON MA GRUB PA NYID DE, 'DI LTAR BUM PA LA 'JIM PA'I NGO BO NYID MED LA, 'JIM PA LAS GYUR PA YIN PA'I PHYIR RO, ,'BRAS BU RGYU LAS GZHAN NYID MA YIN TE, ,ZHES BYA BA DE'I DON GANG YIN, CI RANG GI RGYU LAS SAM 'ON TE GZHAN GYI RGYU LAS ZHES BYA BA NI SNGAR GRANGS CAN @239A *, ,DAG GIS BSGRUB PA'I TSUL GYIS BUM PA NI 'JIM PA LAS GZHAN NYID MA YIN TE, DPER NA 'JIM PA'I RANG GI BDAG NYID BZHIN NO ZHES SMRAS PA'I DAM BCAS PA DE'I DON GANG YIN, CI 'BRAS BU BUM PA RANG GI RGYU 'JIM PA LAS GZHAN NYID MA YIN NAM 'ON TE 'BRAS BU GZHAN SNAM BU'I RGYU RGYU SPUN DAG LAS GZHAN NYID MA YIN ZHES GAL GNYIS SU BRTAG PA STON TO, ,DES CIR 'GYUR ZHES BYA BA NI 'DRI BA'I TSIG GO, ,DE'I LAN DU GAL TE RANG GI RGYU LAS NA NI DPE MED DO ZHES BYA BA NI GAL TE, DAM BCAS PA DE'I DON BUM PA 'JIM PA NYID LAS GZHAN NYID MA YIN PAR SGRUB PA YIN NA NI DES NA DPE 'JIM PA'I RANG GI BDAG NYID BZHIN NO ZHES BYA BA DE MI RUNG STE, 'DI LTAR 'JIM PA'I BDAG NYID GANG KHO NA YIN PA DE NYID DU BUM PA YIN PAS 'JIM PA NYID PHYOGS SU BYAS PAS DE LA 'JIM PA NYID DPER MI RUNG BA'I PHYIR RO, CI STE GZHAN GYI RGYU LAS NA NI PHYOGS SNGA MA LA GNOD PA DANG GRAGS PA'I GNOD PAR 'GYUR RO ZHES BYA BA NI GAL TE DAM BCAS PA DE'I DON BUM PA RGYU SPUN DAG LAS GZHAN NYID MA YIN PA SGRUB PA YIN NA NI DES NA RANG GIS KHAS BLANGS PA'I PHYOGS SNGA MA LA GNOD PA DANG, 'JIG RTEN LA GRAGS PA DANG 'GAL BA'I GNOD PAR 'GYUR TE, 'DI LTAR KHYOD KYI GRUB BA'I MTHA' LAS GZHAN NYID MED PAR DAM BCAS LA DA 'DIR GZHAN GYI RGYU ZHES BRJOD PA'I PHYIR DANG, BUM PA RGYU SPUN DAG LAS GZHAN NYID YIN PAR 'JIG RTEN LA GRAGS PA'I PHYIR RO, ,GAL TE GZHAN NYID MA YIN PA NI DE'I NUS PAS MI STONG PA'O ZHE NA YANG DPE MED DO ZHES BYA BA NI GAL TE DAM BCAS PA DE'I DON 'BRAS BU BUM PA LA RGYU 'JIM PA'I NUS PA YOD PA NYID YIN PA LAS BUM PA DANG 'JIM PA LAS GZHAN NYID MA YIN NO ZHE NA, DE LTA NA YANG DPER NA 'JIM PA'I RANG GI BDAG NYID BZHIN NO ZHES BYA BA DE DPER MI RUNG STE, 'DI LTAR 'BRAS BU BUM PA LA RGYU 'JIM PA'I NUS PA YOD PA LTAR RGYU 'JIM PA LA YANG 'JIM PA NYID KYI NUS PA YOD DO ZHES BYAR MI RUNG BA'I PHYIR RO, ,RGYU PHYOGS SU BYA BA'I DUS LA YANG DE BZHIN NO ZHES BYA BA NI GAL TE DAM BCAS PA DE'I DON RGYU 'JIM PA LA 'BRAS BU BUM PA'I NUS PA YOD PA NYID YIN PAS BUM PA 'JIM PA LAS GZHAN NYID MA YIN NO ZHE NA, @239B DE LTA NA YANG DPER NA 'JIM PA'I RANG GI BDAG NYID BZHIN NO ZHES BYA BA DE DPER MI RUNG STE, 'DI LTAR RGYU 'JIM PA LA 'BRAS BU BUM PA'I NUS PA YOD PA LTAR RGYU 'JIM PA LA 'JIM PA NYID KYI NUS PA YOD DO ZHES BYAR MI RUNG BA'I PHYIR RO, ,DE LTAR DE DAG GIS NI ME DANG BUD SHING DAG GIS RGYU DANG 'BRAS BU DAG GI GCIG PA NYID DANG GZHAN PA NYID DANG LTOS PA DGAG PA'I RIM PA 'GAL BA'I LAN DANG BCAS PAR BSTAN TO, ,CI LTAR ME DANG BUD SHING DAG GI SKABS SU, ME NI GZHAN LAS MI 'ONG STE, ,SHING LA'ANG ME NI YOD MA YIN, ,SONG DANG MA SONG BA GOM PA YIS, ,DE BZHIN SHING LAS LHAG MA BSTAN, , SHING NYID ME NI MA YIN TE, ,SHING LAS GZHAN LA ME YANG MED, ,ME NI SHING DANG LDAN PA YIN, ,ME LA SHING MED DER DE MED, ,CES BSTAN PA DE DAG THAMS CAD 'DIR RGYU DANG 'BRAS BU DGAG PA'I SKABS SU YANG CI RIGS PAR SBYAR TE BRJOD PAR BYA'O, ,DE DAG NI PHYOGS TZAM ZHIG BSTAN PA YIN TE ZHES BYA BA NI DE LTAR BUM PA DANG SNAM BU LA SOGS PA DAG NI RGYU DANG 'BRAS BUR GYUR PA DAG YIN LA, DE DAG KYANG GCIG PA NYID DANG, GZHAN PA NYID DANG, LTOS PAR MI 'THAD PAR DGAG PA'I RIM PA MED CING BSTAN PA DE DAG NI PHYOGS TZAM ZHIG BSTAN PA YIN NO, ,PHYOGS DES DGAG PA'I RIM PA GZHAN GANG DAG MA LUS PAR RNAM PAR BSHAD PA SHES PAR BYA ZHE NA, DE'I PHYIR PHYOGS 'DIS GZUGS CAN DANG GZUGS CAN MA YIN PA'I CHOS RNAMS KYI SKAD MA NYID LA GNOD PA'I PHYIR GRANGS CAN DAG GI RJES SU DPAG PA SMRAS PA RNAMS SUN DBYUNG BA BRJOD PAR BYA'O ZHES BYA BA SMRAS TE, CHOS GZUGS CAN NI YUL DANG DBANG PO RNAMS SO, ,GZUGS CAN MA YIN PA NI SEMS DANG SEMS LAS BYUNG BA RNAMS SO, ,DE RNAMS KYI SKAD CIG MA GANG DAG SANGS RGYAS PAS KHAS BLANG BA DAG LA GNOD PA BYA BA'I PHYIR GRANGS CAN DAG GI RJES SU DPAG PA DE DAG DANG MTHUN PA GZHAN GANG DAG SMRAS PA DE DAG THAMS CAD KYANG PHYOGS 'DIS 'DRA BAR DGAG CING SUN DBYUNG BA BRJOD PAR BYA'O, ,DE LTAR DE DAG NI ME DANG BUD SHING DAG GIS RGYU DANG 'BRAS BUR GYUR PA DAG GI DGAG PA'I RIM PA THAMS CAD MA LUS PAR RNAM PAR BSHAD PA'I TSUL BSTAN PA YIN NO,, ,,BAM PO BZHI BCU BRGYAD PA, DA @240A *, ,NI ME DANG BUD SHING DAG GIS YAN LAG DANG YAN LAG CAN DU GYUR PA DAG GI DGAG PA'I RIM PA THAMS CAD MA LUS PAR RNAM PAR BSHAD PA'I TSUL BSTAN PAR BYA STE, DE LA RE ZHIG YAN LAG CAN PHYOGS SU BYAS NAS GCIG PA NYID DANG GZHAN PA NYID DGAG PA'I RIM PA BSTAN PA'I PHYIR DE BZHIN DU DON DAM PAR YAN LAG CAN SENG LDENG NI YAN LAG SENG LDENG GI RTZA BA DANG SDONG PO DANG YAL GA DANG LO MA LA SOGS PA DAG DANG GCIG PA NYID MA YIN TE, DE DAG GI PHYOGS GCIG CHAD KYANG DE MI CHAD PA'I PHYIR DPER NA RGYA SHUG BZHIN NO, ,DON DAM PAR YAN LAG CAN SENG LDENG NI YAN LAG SENG LDENG GI RTZA BA DANG SDONG PO DANG YAL GA DANG LO MA LA SOGS PA DAG LAS GZHAN NYID MA YIN TE LTOS PA DANG BCAS PA'I PHYIR DPER NA SENG LDENG GI YAN LAG DAG GIS RANG GI BDAG NYID BZHIN NO ZHES BYA BAR SBYOR BA GNYIS SGRAS TE, YAN LAG DAG NI SNGA MA BZHIN NO, ,DA NI YAN LAG PHYOGS SU BYAS NAS GCIG PA NYID DANG GZHAN NYID DGAG PA'I RIM PA BSTAN PA'I PHYIR, DE BZHIN DU DON DAM PAR SENG LDENG GI YAN LAG DAG NI YAN LAG CAN DANG GCIG PA NYID MA YIN TE, DE'I PHYOGS GCIG CHAD KYANG DE DAG MI CHAD PA'I PHYIR DPER NA RGYA SHUG GI YAN LAG DAG BZHIN NO, ,DON DAM PAR SENG LDENG GI YAN LAG DAG NI YAN LAG CAN LAS GZHAN NYID MA YIN TE, LTOS PA DANG BCAS PA'I PHYIR DPER NA YAN LAG CAN SENG LDENG GI RANG GI BDAG NYID BZHIN NO ZHES BYA BA SBYOR BA GNYIS SMRAS TE, YAN LAG DAG NI SNGA MA BZHIN NO, ,LHAG MA NI SNGA MA BZHIN NO ZHES BYA BAS NI YAN LAG PHYOGS SU BYAS NAS YAN LAG DGAG PA'I RIM PA DON DAM PAR SENG LDENG GI YAN LAG NI YAN LAG CAN SENG LDENG RTZOM PAR BYED PA MA YIN TE, LTOS PA DANG BCAS PA'I PHYIR DPER NA DE LAS GZHAN BZHIN NO ZHES BYA BA DANG, YAN LAG CAN PHYOGS SU BYAS NAS YAN LAG DGAG PA'I RIM PA, DON DAM PAR YAN LAG CAN SENG LDENG NI SENG LDENG GI YAN LAG GIS BRTZAM PAR BYA BA MA YIN TE, YAN LAG CAN YIN PA'I PHYIR DPER NA RGYA SHUG BZHIN NO ZHES BYA BA DANG, YAN LAG CAN PHYOGS SU BYAS NAS LTOS PA DGAG PA'I RIM PA DON DAM PAR YAN LAG CAN SENG LDENG GRUB PA DANG MA GRUB PA NI @240B SENG LDENG GI YAN LAG LA LTOS PAR MI BYED DE, YAN LAG CAN YIN PA'I PHYIR DPER NA SNAM BU BZHIN NO ZHES BYA BA DANG, YAN LAG PHYOGS SU BYAS NAS LTOS PA DGAG PA'I RIM PA DON DAM PAR SENG LDENG GI YAN LAG NI YAN LAG CAN SENG LDENG GRUB PA DANG MA GRUB PA'I LTOS PAR BYA BA MA YIN TE, YAN LAG YIN PA'I PHYIR DPER NA RGYU SPUN DAG BZHIN NO ZHES BYA BA DANG, BRGAL BA DANG LAN LA SOGS PA LHAG MA RNAMS BRJOD PAR BYA BA BSTAN TO, ,DA NI ME DANG BUD SHING DAG GI YON TAN CAN DANG YON TAN CAN DU GYUR PA DAG GI DGAG PA'I RIM PA THAMS CAD MA LUS PAR RNAM PAR BSHAD PA'I TSUL BSTAN PAR BYA STE, DE LA RE ZHIG YON TAN CAN PHYOGS SU BYAS NAS GCIG PA NYID DANG, GZHAN NYID DGAG PA'I RIM PA BSTAN PA'I PHYIR DE BZHIN DU DON DAM PAR SNAM BU NI RGYU SPUN GYI BDAG NYID KYI GZUGS DAG DANG GCIG PA NYID MA YIN TE, LTOS PA DANG BCAS PA'I PHYIR DAD RDZAS YIN PA'I PHYIR DPER NA SAB MA BZHIN NO, ,DON DAM PAR SNAM BU NI RGYU SPUN GYI BDAG NYID KYI GZUGS DAG LAS GZHAN NYID MA YIN TE, LTOS PA DANG BCAS PA'I PHYIR DANG DE ZHIG NA DE DAG KYANG 'JIG PA'I PHYIR DPER NA RGYU SPUN DAG GI RANG GI BDAG NYID BZHIN NA ZHES BYA BA SBYOR BA GNYIS SMRAS TE, YAN LAG DAG NI SNGA MA BZHIN NO, ,DA NI YON TAN PHYOGS SU BYAS NAS GCIG PA NYID DANG GZHAN NYID DGAG PA'I RIM PA BSTAN PA'I PHYIR DE BZHIN DU DON DAM PAR RGYU SPUN GYI BDAG NYID KYI GZUGS DAG NI SNAM BU DANG GCIG PA NYID MA YIN TE, LTOS PA DANG BCAS PA'I PHYIR DANG RDZAS YIN PA'I PHYIR DPER NA RTZI RKYANG BZHIN NO, DON DAM PAR RGYU SPUN GYI BDAG NYID KYI GZUGS DAG NI SNAM BU LAS GZHAN NYID MA YIN TE, LTOS PA DANG BCAS PA'I PHYIR DANG, DE ZHIG NA DE DAG KYANG 'JIG PA'I PHYIR DPER NA SNAM BU'I RANG GI BDAG NYID BZHIN NO ZHES BYA BA SBYOR BA GNYIS SMRAS TE, YAN LAG NI SNGA MA BZHIN NO, ,LHAG MA NI SNGA MA BZHIN NO ZHES BYA BA NI YON TAN PHYOGS SU BYAS NAS YON TAN DGAG PA'I RIM PA DON DAM PAR YON TAN RGYU SPUN NI YON TAN RGYU SPUN NI YON TAN CAN SNAM BU RTZOM PAR BYED PA MA YIN TE, LTOS PA DANG BCAS PA'I PHYIR DPER NA DE LAS GZHAN BZHIN NO ZHES BYA BA DANG, YON TAN CAN PHYOGS SU BYAS NA YON TAN CAN DGAG PA'I @241A *, ,RIM PA, DON DAM PAR YON TAN CAN SNAM BU NI YON TAN CAN RGYU SPUN GYIS BRTZAM PAR BYA BA MA YIN TE, YON TAN CAN YIN PA'I PHYIR DPER NA BUM PA BZHIN NO ZHES BYA BA DANG, YON TAN CAN PHYOGS SU BYAS NAS LTOS PA DGAG PA'I RIM PA, DON DAM PAR YON TAN CAN SNAM BU GRUB PA DANG MA GRUB PA NI YON TAN RGYU SPUN LA LTOS PAR MI BYED DE, YON TAN CAN YIN PA'I PHYIR DPER NA SAB MA BZHIN NO ZHES BYA BA DANG, YON TAN PHYOGS SU BYAS NAS LTOS PA DGAG PA'I RIM PA, DON DAM PAR YON TAN RGYU SPUN NI YON TAN CAN SNAM BU GRUB PA DANG MA GRUB PA'I LTOS PAR BYA BA MA YIN TE, YON TAN YIN PA'I PHYIR DPER NA RTZI RKYANG BZHIN NO ZHES BYA BA DANG, BRGAL BA DANG LAN LA SOGS PA LHAG MA RNAMS BRJOD PAR BYA BA BSTAN TO, ,DA NI ME DANG BUD SHING DAG GI MTSAN NYID DANG MTSAN NYID KYI GZHIR GYUR PA DAG GI DGAG PA'I RIM PA THAMS CAD MA LUS PAR RNAM PAR BSHAD PA'I TSUL BSTAN PA'I PHYIR, MTSAN NYID DANG MTSAN NYID KYI GZHI DAG LA YANG DE BZHIN DU BRJOD PAR BYA'O ZHES BYA BA SMRAS TE, 'DIR MTSAN NYID NI LKOG SHAL LA SOGS PA'O, ,MTSAN NYID KYI GZHI NI BA LANG LA SOGS PA YIN NO, ,DE DAG LA YANG MTSAN NYID KYI GZHI PHYOGS SU BYAS NAS GCIG PA NYID DANG GZHAN NYID DGAG PA'I RIM PA, DON DAM PAR MTSAN NYID KYI GZHI BA LANG NI MTSAN NYID LKOG SHAL LA SOGS PA DANG GCIG PA NYID MA YIN TE, LTOG PA DANG BCAS PA'I PHYIR DPER NA RTA'I MTSAN NYID BZHIN NO, ,DON DAM PAR MTSAN NYID KYI GZHI BA LANG NI MTSAN NYID LKOG SHAL LA SOGS PA LAS GZHAN NYID MA YIN TE, LTOS PA DANG BCAS PA'I PHYIR DPER NA MTSAN NYID KYI RANG GI BDAG NYID BZHIN NO ZHES BYA BA DAG DANG, MTSAN NYID PHYOGS SU BYAS NAS GCIG PA NYID DANG GZHAN NYID DGAG PA'I RIM PA, DON DAM PAR MTSAN NYID LKOG SHAL LA SOGS PA DAG NI MTSAN NYID KYI GZHI BA LANG DANG GCIG PA NYID MA YIN TE, LTOS PA DANG BCAS PA'I PHYIR DANG, RDZAS YIN PA'I PHYIR DPER NA RTZI RKYANG BZHIN NO, ,DON DAM PAR MTSAN NYID LKOG SHAL LA SOGS PA DAG NI MTSAN NYID KYI GZHI BA LANG LAS GZHAN NYID MA YIN TE, LTOS PA DANG BCAS PA'I PHYIR DANG, DE ZHIG NA DE DAG KYANG 'JIG PA'I PHYIR @241B DPER NA SNAM BU'I RANG GI BDAG NYID BZHIN NO ZHES BYA BA DAG DANG, MTSAN NYID PHYOGS SU BYAS NAS MTSAN NYID KYI GZHI DGAG PA'I RIM PA, DON DAM PAR MTSAN NYID LKOG SHAL LA SOGS PA DAG NI MTSAN NYID KYI GZHI BA LANG MTSON PAR BYED PA MA YIN TE, LTOS PA DANG BCAS PA'I PHYIR DPER NA DE LAS GZHAN BZHIN NO ZHES BYA BA DANG MTSAN NYID KYI GZHI PHYOGS SU BYAS NAS MTSAN NYID KYI GZHI DGAG PA'I RIM PA, DON DAM PAR MTSAN NYID KYI GZHI BA LANG NI MTSAN NYID LKOG SHAL LA SOGS PA DAG GIS MTSON PAR BYA BA MA YIN TE, MTSAN NYID KYI GZHI YIN PA'I PHYIR DPER NA BUM PA BZHIN NO ZHES BYA BA DANG MTSAN NYID KYI GZHI PHYOGS SU BYAS NAS LTOS PA DGAG PA'I RIM PA, DON DAM PAR MTSAN NYID KYI GZHI BA LANG GRUB PA DANG MA GRUB PA NI MTSAN NYID LKOG SHAL LA SOGS PA DAG LA LTOS PAR MI BYED DE, MTSAN NYID KYI GZHI YIN PA'I PHYIR DPER NA SAB MA BZHIN NO ZHES BYA BA DANG, MTSAN NYID PHYOGS SU BYAS NAS LTOS PA DGAG PA'I RIM PA, DON DAM PAR MTSAN NYID LKOG SHAL LA SOGS PA DAG NI MTSAN NYID KYI GZHI BA LANG GRUB PA DANG MA GRUB PA'I LTOS PAR BYA BA MA YIN TE, MTSAN NYID YIN PA'I PHYIR DPER NA RTZI RKYANG BZHIN NO ZHES BYA BA DANG, BRGAL BA DANG LAN LA SOGS PA LHAG MA RNAMS KYANG BRJOD PAR BYA BA BSTAN TO, ,DE LTAR NA ME DANG BUD SHING DAG GIS BDAG DANG NYE BAR BLANG BA DAG GI DGAG PA'I RIM PA THAMS CAD BUM PA DANG SNAM BU LA SOGS PA DAG DANG LHAN CIG TU MA LUS PAR RNAM PAR BSHAD PA YIN NO, ,GAL TE GCIG PA NYID DGAG PA'I RJES SU DPAG PAS NI GZHAN NYID DGAG PA'I RJES SU DPAG PA LA GNOD LA, GZHAN NYID DGAG PA'I RJES SU DGAG PAS KYANG GCIG PU NYID DGAG PA'I RJES SU DPAG PA BSAL BA'I PHYIR GANG YANG RUNG BA MI 'GRUB BO ZHE NA ZHES BYA BA NI, PHA ROL PO DAG NA RE DBU MA PA'I RJES SU DPAG PA DE GNYIS KYIS GCIG GIS GCIG BSAL BAS GNYI GA MI 'GRUB BO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, GNYI GA BKAG PAS 'DOD PA 'GRUB PA'I PHYIR SKYON MED DO ZHES BYA BA SMRAS TE, 'DI LTAR DBU MA PA NI PHYOGS DE @242A *, ,DAG GNYI GA DGAG PAR 'DOD PA'I PHYIR RO, ,DA NI DE LTAR ME DANG BUD SHING DAG GIS BDAG DANG NYE BAR BLANG BA DANG, BUM PA DANG SNAM BU LA SOGS PA DNGOS PO RNAMS RNAM PA DU MAR GCIG PA NYID DANG GZHAN NYID DU MI 'THAD PA NA SMRA BA PO RTOG PA'I RANG BZHIN CAN MA YIN PA MI MKHAS PA BZHIN DU MKHAS PAR RLOM PA'I NGA RGYAL CAN GANG DAG BDAG KYANG NYE BAR BLANG BA DE DANG BCAS PA NYID NA BDAG YIN NO ZHE'AM, NYE BAR BLANG BA DE LAS THA DAD PA NYID YIN NO ZHE'AM, DNGOS PO RNAMS KYANG GANG GIS DGAG PA'I RGYU DE DANG BCAS PA NYID YIN NO, DNGOS PO YIN NO ZHE'AM DE LAS THA DAD PA NYID DO ZHES GCIG PA NYID DANG GZHAN NYID DU STON PA DE DAG NI, BDE BAR GSHEGS PA'I BSTAN PA'I DON LA MKHAS PA YIN PAR SLOB DPON GYI ZHAL SNGA NAS MI DGONGS SO ZHES BSTAN PA'I PHYIR DE'I PHYIR DE LTAR DPYAD NA DON DAM PAR GCIG PA NYID DANG GZHAN NYID MI 'THAD DE, MI 'THAD DU ZIN KYANG BCOM LDAN 'DAS KYIS THA SNYAD KYI DBANG GIS 'DUL BA'I SEMS CAN RNAMS KYI TSUL KHRIMS DANG, TING NGE 'DZIN DANG SHES RAB LA SOGS PA YON TAN GYI TSOGS YANG DAG PAR SGRUB PA'I PHYIR DE DAG 'JIG RTEN LA GRAGS PA DAG GIS BKA' STZAL PA LA, KHA CIG GIS DE DAG NI DON DAM PA'O SNYAM DU RIG NAS CHOS RNAMS DE LTAR SPROS PA MED KYANG SPROS PAR BYED PA DE NI RIGS PA MA YIN PAR SLOB DPON GYIS DGONGS PA NA, GANG DAG BDAG DANG DNGOS PO RNAMS, ,DE BCAS NYID DANG THA DAD PAR, ,STON PA DE DAG BSTAN DON LA, ,MKHAS SO SNYAM DU MI SEMS SO, ,ZHES BYA BA GSUNGS TE ZHES BYA BA SMRAS TE, DE'I PHYIR DE LTAR ME DANG BUD SHING DAG GIS DPYAD NA DON DAM PAR BDAG DANG NYE BAR BLANG BA DANG, BUM PA DANG SNAM BU LA SOGS PA DNGOS PO RNAMS GCIG PA NYID DANG GZHAN NYID DU MI 'THAD DO, ,DE LTAR DON DAM PAR MI 'THAD DU ZIN KYANG THA SNYAD KYI DBANG GIS DGOS PA'I DON GYI PHYIR 'JIG RTEN LA GRAGS PA'I BRJOD PA DAG GIS BKA' STZAL TO ZHES BYA BAR SBYAR RO, ,SUS BKA' STZAL ZHE NA, BCOM LDAN 'DAS KYIS TE STON PA THUGS RJE CAN GYIS SO, ,GANG GI DBANG GIS BKA' STZAL ZHE NA, THA SNYAD KYI DBANG GIS TE KUN RDZOB KYI BDEN PA'I LUGS RNAM PAR GZHAG PA'I DBANG GIS SO, , @242B DGOS PA'I DON CI'I PHYIR BKA' STZAL ZHE NA, 'DUL BA'I SEMS CAN RNAMS KYI TSUL KHRIMS DANG TING NGE 'DZIN DANG SHES RAB LA SOGS PA YON TAN GYI TSOGS YANG DAG PAR SGRUB PA'I PHYIR TE, LHAG PA'I TSUL KHRIMS LA BRTEN NAS LHAG PA'I SEMS SKYE ZHING LHAG PA'I SEMS LA BRTEN NAS LHAG PA'I SHES RAB SKYE BA LA SOGS PA'I RIM GYIS TSOGS KYI LAM DANG, SBYOR BA'I LAM DANG RNAM PAR DAG PA'I LAM RNAMS KYIS BSDUS PA'I YON TAN GYI TSOGS THAMS CAD YANG DAG PAR SGRUB PA'I PHYIR RO, ,GANG DAG BKA' STZAL ZHE NA, BDAG DANG NYE BAR BLANG BA DANG BUM PA DANG SNAM BU LA SOGS PA DNGOS PO RNAMS GCIG PA NYID DANG GZHAN NYID CES THA SNYAD GDAGS PA DE DAG GO, ,BRJOD PA GANG DAG GIS BKA' STZAL ZHE NA, 'JIG RTEN LA GRAGS PA DAG GIS BKA' STZAL TO, ,DE LTAR BKA' STZAL PA LA KHA CIG GIS DE DAG NI DON DAM PA'O SNYAM DU RIG NAS CHOS RNAMS DE LTAR DON DAM PAR GCIG PA NYID DANG GZHAN NYID CES BYA BA LA SOGS PA'I SPROS PA MED KYANG SPROS PAR BYED PA DE NI RIGS PA MA YIN PAR SLOB DPON KLU SGRUB KYI ZHAL SNGA NAS KYIS DGONGS PA NA TSIG LE'UR BYAS PA 'DI GSUNGS SO ZHES BYA BAR SBYAR RO, ,TSIG LE'UR BYAS PA 'DI'I BSDUS PA'I DON NI SMRA BA PO RTOG PA'I RANG BZHIN CAN MA YIN PA MI MKHAS BZHIN DU MKHAS PAR RLOM PA'I NGA RGYAL CAN GANG DAG ,BDAG DANG NYE BAR BLANG BA DE DANG BCAS PA NYID NA BDAG YIN GYI 'BA' ZHIG NI MA YIN NO ZHES BDAG DANG NYE BAR BLANG BA DAG GCIG PA NYID DU STON PAR BYED PA DANG BDAG LAS NYE BAR BLANG BA THA DAD DE ZHES BDAG DANG NYE BAR BLANG BA DAG GZHAN NYID DU STON PAR BYED PA DANG, ME DANG BUD SHING DANG, RGYU DANG 'BRAS BU DANG, YAN LAG DANG YAN LAG CAN DANG, YON TAN DANG YON TAN CAN DANG, MTSAN NYID DANG MTSAN NYID KYI GZHIR GYUR PA'I DNGOS PO RNAMS KYANG BUD SHING GANG GIS MER GDAGS PA'I BUD SHING DE DANG BCAS PA NYID NA ME YIN GYI 'BA' ZHIG NI MA YIN NO ZHES ME DANG BUD SHING DAG GCIG PA NYID DU STON PAR BYED PA DANG, ME LAS BUD SHING DAG THA DAD DO ZHES ME DANG BUD SHING DAG GZHAN NYID DU STON PAR BYED PA DANG, RGYU GANG GIS 'BRAS BUR GDAGS PA'I RGYU DE DANG @243A *, ,BCAS PA NYID NA 'BRAS BU YIN GYI 'BA' ZHIG NI MA YIN NO ZHES RGYU DANG 'BRAS BU GCIG PA NYID DU STON PAR BYED PA DANG, 'BRAS BU LAS RGYU THA DAD DO ZHES RGYU DANG 'BRAS BU DAG GZHAN NYID DU STON PAR BYED PA DANG, YAN LAG GANG GIS YAN LAG CAN DU GDAGS PA'I YAN LAG DE DANG BCAS PA NYID NA YAN LAG CAN YIN GYI, 'BA' ZHIG NI MA YIN NO ZHES YAN LAG DANG YAN LAG CAN DAG GCIG PA NYID DU STON PAR BYED PA DANG, YAN LAG CAN LAS YAN LAG THA DAD DO ZHES YAN LAG DANG YAN LAG CAN DAG GZHAN NYID DU STON PAR BYED PA DANG, YON TAN GANG GIS YON TAN CAN DU GDAGS PA'I YON TAN DE DANG BCAS PA NYID NI YON TAN CAN YIN GYI 'BA' ZHIG NI MA YIN NO ZHES YON TAN DANG YON TAN CAN DAG GCIG PA NYID GDON PAR BYED PA DANG, YON TAN CAN LAS YON TAN THA DAD DO ZHES YON TAN DANG YON TAN CAN GZHAN NYID DU STON PAR BYED PA DANG, MTSAN NYID GANG GIS MTSAN NYID KYI GZHIR GDAGS PA'I MTSAN NYID DE DANG BCAS PA NYID NI MTSAN NYID KYI GZHI YIN GYI, 'BA' ZHIG NI MA YIN NO ZHES MTSAN NYID DANG MTSAN NYID KYI GZHI DAG GCIG PA NYID DU STON PAR BYED PA DANG, MTSAN NYID KYI GZHI LAS MTSAN NYID THA DAD DO ZHES MTSAN NYID DANG MTSAN NYID KYI GZHI DAG GZHAN NYID DU STON PAR BYED PA DE DAG NI, BDE BAR GSHEGS PA'I BSTAN PA'I DON LA MKHAS PA YIN PAR KHO BO MI SEMS SO ZHES BSTAN PA YIN NO, ,CI'I PHYIR ZHE NA, TSAD MA DANG 'GAL BA'I CHOS GZHAN DAG KHAS LEN PA'I PHYIR RO ZHES BYA BAR DGONGS SO ZHES BYA BA SMRAS TE, BDE BAR GSHEGS PA'I BSTAN PA'I DON NI GCIG PA NYID DANG GZHAN NYID DU RNAM PAR RTOG PA MANG PO'I LING TOG DANG BRAL BA SKYE BA MED PA LA SOGS PA'I KHYAD PAR DANG LDAN PA DMIGS SU MED PA YIN NA RANG DANG GZHAN GYI SDE PA GANG DAG DBU MA PAS GCIG PA NYID DANG, GZHAN NYID MA YIN PAR 'THAD PAS SGRUB PA'I TSAD MA DANG 'GAL BA'I CHOS GCIG PA NYID DANG GZHAN NYID CES BYA BA DAG KHAS LEN PA'I PHYIR DE DAG SHES RAB DANG LDAN PA MA YIN NO ZHES BYA BAR SLOB DPON GYI ZHAL SNGA NAS KYIS DGONGS SO, ,DE LA 'DIR RAB TU BYED PA'I DON NI PHA ROL POS RAB TU BYED @243B PA'I DANG POR SMRAS PA'I SGRUB PA DANG, DPE MED PAR BSTAN PAS RTEN CING 'BREL PAR 'BYUNG BA DON GCIG PA MA YIN PA DANG DON THA DAD PA MA YIN PA'I KHYAD PAR DANG LDAN PA BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, ME DANG BUD SHING BRTAG PA'I RAB TU BYED PA BCU PA'I SKABS 'DIR RAB TU BYED PA'I DON TSAD MA'I 'BRAS BUR BLTA BA NI PHA ROL POS SNGAR PHUNG PO DANG KHAMS DANG SKYE MCHED DAG DON DAM PAR YOD PAR BSGRUB PA'I PHYOGS SNGA MA DON DAM PAR PHUNG PO LA SOGS PA DAG YOD PA KHO NA YIN TE, PHAN TSUN LTOS PA DANG BCAS PA'I PHYIR DPER NA ME DANG BUD SHING BZHIN NO ZHES SMRAS PA'I SGRUB PA DANG, DPE MED PAR BSTAN PAS SHES RAB KYI PHA ROL TU PHYIN PA LAS GSUNGS PA'I RTEN CING 'BREL PAR 'BYUNG BA DON GCIG PA MA YIN PA DANG DON THA DAD PA MA YIN PA'I KHYAD PAR DANG LDAN PA BSTAN PA YIN NO, ,RTEN CING 'BREL PAR 'BYUNG BA DE BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO, ZHES ZER BA BSAL BA'I PHYIR, 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR 'PHAGS PA TSANGS PAS ZHUS PA'I MDO LAS, LUS LAS GZHAN PA'I CHOS MI MTHONG LA CHOS LAS GZHAN PA'I LUS MI MTHONG STE, CI LTAR GNYIS MA YIN PA DANG GNYIS MA YIN PA MA YIN PA DE LTAR MTHONG NGO ?, ,DE LTAR MTHONG BAS MNGON SUM NYID DU MTHONG BA YANG MI MTHONG NGO ZHES BYA BA GSUNGS BA DE DAG GRUB PA NI 'DI'I YON TAN DANG KHUNGS YIN TE, GNYIS MA YIN PAR MTHONG BA NI GZHAN NYID MA YIN NO, GNYIS MA YIN PA MA YIN PAR MTHONG BA NI GCIG PA NYID MA YIN PA'O, ,DE SKAD BKA' STZAL PA NA, TSANGS PAS BCOM LDAN 'DAS BYANG CHUB SEMS DPA' DE LTAR MTHONG BAS CI ZHIG MNGON SUM NYID DU MTHONG ZHES ZHUS PA DANG, BCOM LDAN 'DAS KYIS BKA' STZAL PA, DE LTAR MTHONG BAS MNGON SUM NYID DU MTHONG BA YANG MI MTHONG DE ZHES GSUNGS PA DE DAG GRUB PA YIN NO, ,DE DAG LA SOGS PA THEG PA CHEN PO'I MDO SDE MTHA' YAS PA DAG LAS RTEN CING 'BREL PAR 'BYUNG BA DON GCIG PA MA YIN PA DANG, DON THA @244A *, ,DAD PA MA YIN PA'I KHYAD PAR DANG LDAN PA GSUNGS PA DE DAG GRUB PA YIN NO ZHES BYA BA NI, GANG GI PHYIR DE LTAR YID CHES PA'I LUNG DE DAG GRUB PA NI RTEN CING 'BREL PAR 'BYUNG BA 'DI BSTAN PA'I YON TAN DANG KHUNGS YIN TE DE'I PHYIR KHO BO RANG GI BSAM PAS RTOG GE SKOM PO TZAM GYIS BSGRUBS PA MA YIN TE, LUNG DE DAG KYANG YOD DO, ,GANG GI PHYIR DE LTAR THEG PA CHEN PO'I MDO SDE MTHA' YAS PA DAG LAS RTEN CING 'BREL PAR 'BYUNG BA DON GCIG PA MA YIN PA DANG, DON THA DAD PA MA YIN PA'I KHYAD PAR DANG LDAN PA BSTAN PA DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS 'GREL PA BYED PA'I MKHYEN RLABS DANG MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS, ME DANG BUD SHING BRTAG PA ZHES BYA BA STE RAB TU BYED PA BCU PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI DNGOS PO NGO BO NYID MED PA'I MI MTHUN PA'I PHYOGS KYI KHYAD PAR DGAG PAS 'KHOR BA NYID MED PA NYID DU BSTAN PA'I DON GYI DBANG GIS RAB TU BYED PA BCU GCIG PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG GZHUNG 'OG NAS 'BYUNG BA DANG SBYAR BA'I DON DU LTA STE TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS DA NI DNGOS PO NGO BO NYID MED PA'I MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD BYA BA MED PAR DAM BCAS PA MDZAD PAS 'DIR YANG BSTAN BCOS MDZAD PAS CI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DNGOS PO NGO BO NYID MED PA NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE PHUNG PO DANG KHAMS DANG SKYE MCHED DAG NGO BO NYID YOD PA NYID @244B DU SMRA BA YIN NO, ,DE'I KHYAD PAR ZHES BYA BA NI PHA ROL POS PHUNG PO DANG KHAMS DANG SKYE MCHED DAG YOD PA NYID DU BSGRUB PA'I PHYOGS SNGA MA NYE BAR GZHAG PA 'OG NAS DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA'I PHYIR RO ZHES BYA BA LA SOGS PA PHUNG PO LA SOGS PA YOD PA NYID DU BSGRUB PA'I GTAN TSIGS 'KHOR BA NGO BO NYID YOD PA NYID DU SMRA BA DAG YIN NO, ,DE DGAG PAS ZHES BYA BA NI DE DGAG PA'I DON GYI DBANG DU BYAS NAS RAB TU BYED PA BCU GCIG PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, 'KHOR BA NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU GCIG PA BRTZAM MO ZHES BYA BA SMRAS TE, 'KHOR BA BRTAG PA'I RAB TU BYED PA BCU GCIG PA'I GZHUNG 'OG NAS 'BYUNG BA 'DI'I DON NI 'KHOR BA DANG 'KHOR BA PO DAG NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN RNAM PA GANG GIS NI 'BRAS BU DE 'THOB CE NA, 'KHOR BA NGO BO NYID MED PA NYID DU BSTAN PA NI 'DI'I 'BRAS BU YIN LA, DNGOS PO NGO BO NYID MED PA'I MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS, RAB TU BYED PA'I MTSAMS SBYAR BA'I SKABS 'DIR THABS DANG, THABS LAS BYUNG BA'I 'BRAS BU DANG PO KHO NAR BSTAN TO, ,DNGOS PO NGO BO NYID MED PA'I MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, RANG GI SDE BA DAG DON DAM PAR PHUNG PO LA SOGS PA DAG YOD PA KHO NA YIN TE, PHAN TSUN LTOS PA DANG BCAS PA'I PHYIR DPER NA ME DANG BUD SHING BZHIN NO ZHES ZER BA'I SGRUB PA DANG DPE SUN DBYUNG BA'I ZHAR LA ME DANG BUD SHING BRTAG PA'I RAB TU BYED PA'I SKABS SU, ME DANG SHING GIS BDAG DANG NI, ,NYE BAR BLANG BA'I RIM PA KUN, ,BUM SNAM LA SOGS LHAN CIG TU, ,MA LUS PAR NI RNAM PAR BSHAD, ,CES @245A *, ,SMRAS PAS, PHUNG PO LA SOGS PA DNGOS PO THAMS CAD BKAG TU ZIN KYANG DE DAG LA MNGON PAR ZHEN PA RANG GI SDE PA DAG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA'I PHYIR RO ZHES BYA BA LA SOGS PA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, 'DI NA GANG MED PA DE LA NI MING DANG KHYAD PAR BSTAN PA DANG, DE ZAD PAR BYA BA'I PHYIR MAN NGA BSTAN PAR YANG MI RIGS TE, DPER NA MGO GNYIS PA'I MIG GI NAD MED PAR BYA BA BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,DE DAG LA NI MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA 'DI LTA STE, DGE SLONG DAG 'KHOR BA THOG MA DANG THA MA MED DE, DAM CHOS RNAM PAR MI SHES PA'I, ,BYIS PA LA NI 'KHOR BA RING, ,ZHES BYA BA DANG, DE BZHIN DU DGE SLONG DAG DE LTA BAS NA KHYED KYIS 'KHOR BA ZAD PAR BYA BA'I PHYIR NAN TAN BYA'O ZHES DE LTAR BSLAB PAR BYA'O ZHES GSUNGS PA DE DAG YOD PAS ZHES BYA BA NI NYE BAR SBYAR BA'I SBYOR BA YIN TE, 'KHOR BA ZHES BYA BAS NI PHUNG PO LA SOGS PA DE DAG GI MING BSTAN TE, 'KHOR BA NI PHUNG PO LNGA'I BDAG NYID DANG, 'GRO BA LNGA'I BDAG NYID LAS DANG NYON MONGS PA DANG BCAS PA YIN PA'I PHYIR RO, ,THOG MA DANG THA MA MED DE, DAM CHOS RNAM PAR MI SHES PA'I, ,BYIS PA LA NI 'KHOR BA RING, ,ZHES BYA BA NI KHYAD PAR BSTAN PA YIN TE, 'KHOR BA NI THOG MA DANG THA MA MED PA'I KHYAD PAR DANG LDAN PA YIN PA'I PHYIR DANG, SKYES BU DAM PA RNAMS KYI MA THONG BA'I CHOS 'PHAGS PA'I LAM RNAM PAR MI SHES PA'I BYIS PA RNAMS LA 'KHOR BA RING BA'I KHYAD PAR DANG LDAN PA YIN PA'I PHYIR RO, ,DE LTAR MING DANG KHYAD PAR BSTAN NAS DGE SLONG DAG DE LTA BAS NA KHYED KYIS 'KHOR BA ZAD PAR BYA BA'I PHYIR NAN TAN BYA'O ZHES DE LTAR BSLAB PAR BYA'O ZHES GSUNGS PA NI ZAD PAR BYA BA'I PHYIR MAN NGAG BSTAN PA @245B YIN TE, 'KHOR BA ZAD PAR BYA BA'I PHYIR TSOGS KYI LAM LA NAN TAN BYA ZHING, SBYOR BA'I LAM DANG RNAM PAR DAG PA'I LAM RNAMS LA BSLAB PAR BYA'O ZHES GDAMS NGAG DANG RJES SU BSTAN PA MDZAD PA'I PHYIR RO, ,DE'I PHYIR GTAN TSIGS CI SKAD SMOS PA'I MTHUS PHUNG PO LA SOGS PA DAG YOD PA KHO NA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NA BCOM LDAN 'DAS KYIS MGO GNYIS PA'I MIG LA SOGS PA MED PA GANG DAG GI MING DANG, KHYAD PAR DANG, DE ZAD PAR BYA BA'I PHYIR MAN NGAG MA BSTAN PA DE DAG NI DON DAM PAR YOD PA MA YIN GYI, PHUNG PO LA SOGS PA GANG DAG GI MING DANG KHYAD PAR DANG, DE ZAD PAR BYA BA'I PHYIR MAN NGAG BSTAN PA DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'JIG RTEN GYI MGON POS SKYE BA'I RGYUN LAS DANG NYON MONGS PAS BSKYED PA SGYU MA DANG SMIG RGYU LTA BU SKYE BA'I GNYEN PO MA SKYES PA RGYUN MA CHAD PA LA GZIGS NAS BYIS PA RNAMS KYI 'KHOR BA'I RING NGO ZHES GSUNGS SHING, SKYE BA NI SDUG BSNGAL RNAM PA DU MA'I GLENG GZHIR GYUR PA YIN PAS 'KHOR BA ZAD PAR BYA BA'I PHYIR GUS PAR BYA BA NYID LA SBYAR BAR BZHED PA NI DE SKAD GSUNGS PAR ZAD KYI ZHES BYA BA LA SOGS PA SMRAS TE, KUN RDZOB KYI THA SNYAD DU DE DAG GI MING DANG, KHYAD PAR DANG, DE ZAD PAR BYA BA'I PHYIR MAN NGAG BSTAN PAR ZAD KYI DON DAM PAR BSTAN PA NI MA YIN NO ZHES BYA BAR SBYAR RO, ,KUN RDZOB KYI THA SNYAD DU DE DAG SUS BSTAN ZHE NA, 'JIG RTEN GYI MGON POS TE SANGS RGYAS BCOM LDAN 'DAS KYIS SO, ,DE DAG GI MING CI SKAD BSTAN ZHE NA, SKYE BA'I RGYUN ZHES BSTAN TE, DES NI SKYE BA'I KUN NAS NYON MONGS PA'I MTSAN NYID BSTAN TO, ,DE BYE BRAG TU BSHAD PA'I PHYIR LAS DANG NYON MONGS PAS BSKYED PA ZHES BSTAN TE, DES NI LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA'I RGYU LAS BYUNG BAR BSTAN TO, ,DE'I NGO BO NYID BSTAN PA'I PHYIR SGYU MA DANG SMIG RGYU LTA BU ZHES BSTAN TE, DES NI MA BRTAGS NA DGA' BA TZAM DU BSTAN TO, ,DE'I MTHA' BSTAN PA'I PHYIR, SKYE BA'I @246A *, ,GNYEN PO MA SKYES PA, ,ZHES BSTAN TE, DES NI 'PHAGS PA'I LAM MA THOB PA BSTAN TO, ,DE NI RGYUN BSTAN PA'I PHYIR RGYUN MA CHAD PA ZHES BSTAN TE, DES NI NYON MONGS PA'I THOB PA MA SPANGS PA BSTAN TE, ,DE DAG GI KHYAD PAR CI SKAD BSTAN ZHE NA, BYIS PA RNAMS KYI 'KHOR BA RING, ,ZHES GSUNGS TE 'PHAGS PA'I LAM MA THOB PA RNAMS KYI'O, ,DE ZAD PAR BYA BA'I PHYIR MAN NGAG CI SKAD BSTAN ZHE NA, SKYE BA NI SDUG BSNGAL RNAM PA DU MA'I GLENG GZHIR GYUR PA YIN PAS 'KHOR BA ZAD PAR BYA BA'I PHYIR GUS PAR BYA BA NYID LA SBYAR BAR BZHED PA NA DE SKAD GSUNGS PAR ZAD KYI ZHES BYA BA SMRAS TE, SKYE 'DI'I DON MED GANG PHYIR SKYE BA YOD NA RGA SHI DANG, ,NAD DANG SDUG BSNGAL BSAD DANG BCING LA SOGS PA'I SGRA DAG YOD, ,GAL TE 'JIGS MANG SKYE BA MED NA DON MED DE MI 'BYUNG, ,SHING SKYES MED NA NAGS MED RLUNG GIS SGYEL BAR MI 'GYUR BZHIN, ,ZHES BYA BA'I TSUL GYIS SKYE BA NI SDUG BSNGAL RNAM PA DU MA'I GLENG GZHIR GYUR PA YIN LA, DE ZAD PA NI NYE BAR ZHI BA'I BDE BA YIN PAS DE ZAD PAR BYA BA'I PHYIR GUS BAR BYA BA NYID LA NYAN THOS RNAMS SBYAR BAR BZHED PA NA DGE SLONG DAG DE LTA BAS NA KHYED KYIS 'KHOR BA ZAD PAR BYA BA'I PHYIR NAN TAN BYA'O ZHES DE LTAR BSLAB PAR BYA'O ZHES GSUNGS SO, ,CI'I PHYIR DE DON DAM PAR GSUNGS PA MA YIN ZHE NA, DE'I PHYIR RTOG PA'I RANG BZHIN CAN RNAMS KYIS YONGS SU BRTAGS NA DON DAM PAR 'KHOR BA DANG MYA NGAN LAS 'DAS PA DAG GI KHYAD PAR 'GA' YANG DMIGS SU MED PAS, BCOM LDAN 'DAS KYIS DON DAM PAR GSUNGS PA YIN NO ZHES BYA BA SMRAS SO, ,DE'I PHYIR GAL TE MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA DE DON DAM PAS YIN PAR 'DON NA GTAN TSIGS KYI DON MA GRUB PA NYID DO, ,KUN RDZOB PA'I GTAN TSIGS YIN PAR RTOG NA NI DON 'GAL BA NYID DANG DPE MED DO ZHES BYA BA NI MJUG BSDU BA DANG TSAD MA'I 'BRAS BU YIN TE, DON DAM PAR NI BCOM LDAN 'DAS KYIS GSUNGS PA MA YIN PAS GTAN TSIGS KYI DON MA GRUB PA NYID DO, ,KUN RDZOB TU SGRUB NA NI KHYED DON DAM PAR 'DOD PA DANG 'GA' ZHID PHUNG @246B POS BSDUS PA THAMS CAD PHYOGS SU BYAS PAS CHOS MTHUN PA'I DPE MED PA'I SKYON YOD DO, ,DA NI BCOM LDAN 'DAS KYIS 'KHOR BA THOG MA DANG THA MA MED DO ZHES GSUNGS PA DE GANG GI PHYIR BKA' STZAL PA DANG, DE KUN RDZOB KYI THA SNYAD DU GSUNGS PA YIN GYI DON DAM PAR GSUNGS PA MA YIN PAR SLOB DPON GYIS TSIG LE'UR BYAS PAS BSHAD PAR BSTAN PA'I PHYIR, 'KHOR BA THOG MA DANG THA MA MED DO ZHES GANG GSUNGS PA NI 'DI NA RGYU MED PAR SMRA BA BSAL BA'I PHYIR DNGOS PO RGYU LAS SKYE'O ZHES BCOM LDAN 'DAS KYIS GSUNG RAB SKYE BA BSTAN PA'I PHYOGS SU BKA' STZAL PA DE SUN DBYUNG BAR 'DOD PA'I MU STEGS CAN DAG GIS BCOM LDAN 'DAS LA CI LTAR 'KHOR BA'I SNGON MTHA' MNGON NAM ZHES ZHUS TSE, THUB PA CHEN POS MIN ZHES GSUNGS, 'KHOR BA THOG MA THA MA MED, ,DE LA SNGON DANG PHYI MA MED, ,CES BYA BA LA SOGS PA SMRAS TE, BCOM LDAN 'DAS KYIS 'KHOR BA THOG MA DANG THA MA MED DO ZHES GANG GSUNGS PA NI BCOM LDAN 'DAS KYIS 'JIG RTEN 'DI NA RGYU MED PAR SMRA BA BSAL BA'I PHYIR DNGOS PO RGYU LAS SKYE'O ZHES BCOM LDAN 'DAS KYIS GSUNG RAB SKYE BA BSTAN PA KUN RDZOB KYI PHYOGS SU BKA' STZAL PA DES, RGYU GCIG NAS GCIG TU BRGYUD PA DAG LA RTZOM PA'I DUS DES PA MED PA'I PHYIR 'KHOR BA LA THOG MA MED LA, SKYE BA'I GNYEN PO 'PHAGS PA'I LAM MA SHAR BA DAG LA THA MA GRUB PA'I PHYIR 'KHOR BA LA THA MA MED PAR BSTAN PAS 'JIG RTEN GSUM PO DAG LAS DANG NYON MONGS PA LA SOGS PA'I SKYON MED PAR GLO BUR DU MI SKYE BA DANG, BYED PA PO DANG, 'BYIN PA PO TSANGS PA LA SOGS PA DAG KYANG MED PAR BKA' STZAL PA DE SUN DBYUNG BAR 'DOD PA'I MU STEGS CAN DAG GIS BCOM LDAN 'DAS LA 'KHOR BA'I SNGON GYI MTHA' MNGON NAM ZHES ZHUS PA DANG, BCOM LDAN 'DAS THU PA CHEN POS SNGON GYI MTHA' MI MNGON NO ZHES GSUNGS PAS 'KHOR BA THOG MA DANG THA MA MED DO, DE LA SNGON DANG PHYI MA MED DO ZHES BKA' STZAL TO, ,'DI SKAD BSTAN TE, RDZOGS BYED LA SOGS PA MU STEGS CAN RNAMS RTOG KHANG DU 'KHOD CING MTHUN PAR GYUR PA NA 'DI SNYAM DU SEMS @247A *, ,TE, BDAG CAG SNGON GYI RGYAL PO RNAMS DANG, GRONG RDAL ? GYI MI RNAMS DANG, LDONGS KYI MI RNAMS KYI BAR GYIS MCHOD PAR GYUR CING CHOS GOS DANG, BSOD SNYOMS LA SOGS PA DAG KYANG RNYED PAR GYUR NA GANG TSUN CHAD NAS DGE SBYONG GOO TAM 'DI BYUNG BA DE TSUN CHAD NAS BDAG CAG RGYAL PO RNAMS DANG GRONG RDAL GYI MI RNAMS DANG LJONGS KYI MI RNAMS KYI BAR GYIS MCHOD PAR MA GYUR CING CHOS GOS DANG, BSOD SNYOMS LA SOGS PA DAG KYANG RNYED PAR MA GYUR GYIS, DE'I PHYIR BDAG CAG DONG LA DE 'DI LTAR SUN DBYUNG BAR BYA STE, BDAG CAG GIS DE LA 'DI SKAD CES, KYE GOO TAM CI 'KHOR BA 'DI LA SNGON GYI MTHA' MNGON NAM ZHES DRI BAR BYA'O, ,DE SKAD DRIS PA NA ? GAL TE SNGON GYI MTHA' MNGON NO ZHES ZER NA DE LTA NA 'KHOR BA LA BYED PA PO DANG 'BYIN PA PO YOD PAR 'GYUR ZHING 'JIG RTEN GSUM RGYU MED PA LAS BYUNG BAR YANG GYUR PAS DES NA DGE SBYONG GOO TAM 'KHOR BA LA BYED PA PO DANG 'BYIN PA PO MED PA NYID DU SMRA BA DANG, 'JIG RTEN GSUM RGYU DANG RKYEN LAS BYUNG BAR SMRA BA SUN PHYIN PAR 'GYUR RO, ,CI STE SNGON GYI MTHA' MI MNGON NO ZHES ZER NA YANG DE LTA NA YANG DE THAMS CAD MKHYEN PA MA YIN PA NYID KYIS SUN PHYIN PAR 'GYUR RO SNYAM NAS DE LTAR BSAMS TE DONG NAS, BCOM LDAN 'DAS LA KYE GOO TAM CI LTAR 'KHOR BA'I SNGON GYI MTHA' MNGON NAM ZHES ZHUS PA'I TSE, THUB PA CHEN POS MI MNGON NO ZHES GSUNGS PAS 'KHOR BA LA THOG MA DANG THA MA MED DO, ,DE LA SNGON DANG PHYI MA MED DO ZHES BSTAN TE, DE'I DON NI THOG MA MED PA DANG LDAN PA LA, GZHAN GYIS THOG MA DANG LDAN PAR YONGS SU BRTAGS PA BSAL BA YIN TE, 'DI LTAR SMRA BA PO GZHAN DAG 'KHOR BA NI LAS DANG NYON MONGS PA'I RGYU MED PAR GLO BUR DU LTUNG BA DANG, BYED PA PO DANG, 'BYIN PA PO TSANGS PA LA SOGS PA YOD PAR 'DOD PA DE GNYI GA BCOM LDAN 'DAS KYIS SNGON GYI MTHA' MI MNGON PAR BKA' STZAL PAS BSAL BA'I PHYIR SUN DBYUNG BA'I SKABS MI RNYED DE GANG LA SNGON GYI MTHA' MI MNGON PA DE LA PHYI MA'I MTHA' MI MNGON PAS 'KHOR BA LA THOG MA DANG THA MA MED DO ZHES BKA' STZAL TO, ,DE LA 'KHOR BA NI KUN TU 'GRO BA STE SKYE BA DANG RGA SHI'I DPYAD THAG @247B GI RGYUN MA CHAD PA'O ZHES BYA BAS NI, 'KHOR BA ZHES BYA BA'I TSIG GI DON BSTAN TO, ,THOG MA DANG THA MA MED DE, THOG MA DANG THA MA NI THOG MA DANG THA MA DAG STE, DE LA THOG MA DANG THA MA DAG MED PA'I PHYIR SNGON DANG PHYI MA MED PAR GSUNGS TE ZHES PAS NI THOG MA DANG THA MA ZHES BYA BA DANG, DE LA THOG MA DANG THA MA MED PA ZHES BYA BA'I TSIG GI DON BSTAN TO, ,CI'I PHYIR BCOM LDAN 'DAS KYIS 'KHOR BA NA THOG MA DANG THA MA MED PAR GSUNGS SHE NA, RGYU GCIG NAS GCIG TU BRGYUD PA DAG LAS RTZOM PA'I DUS DES PA MED PA'I PHYIR DANG, GNYEN PO MA SHAR BA DAG LA THA MA MA GRUB PA'I PHYIR ZHES BYA BA SMRAS TE GO RIMS BZHIN NO, ,DE LTAR 'KHOR BA ZHES BYA BA'I MING DANG KHYAD PAR BSTAN PA DE YANG THA SNYAD DU YIN GYI DON DAM PAR NI MA YIN GYI, DE'I PHYIR PHA ROL PO DAG GI GTAN TSIGS KYI DON MA GRUB PA NYID DO, ,DE'I PHYIR DE NI LAN GDAB PA'I TSIG YIN NO ZHES BYA BA NI 'KHOR BA THOG MA DANG THA MA MED DE, DE LA SNGON DANG PHYI MA MED DO ZHES BYA BA DE NI RDZOGS BYED LA SOGS PAS DRIS PA LA LAN GDAB PA'I TSIG YIN GYI, PHUNG PO LA SOGS PA DAG RDZAS SU YOD PA NYID DU STON PA'I TSIG NI MA YIN NO ZHES BYA BA'I THA TSIG GO, ,DE LTA BAS NA BCOM LDAN 'DAS LA LOG PA MI GSUNG BA NYID DU YID CHES PA YANG DAG PAR SKYES PA RNAMS LA NI DE LA YID CHES PAR 'GYUR GYI TSAD MA LTAR SNANG BAS SEMS PHYIN CI LOG TU GYUR PA GZHAN DAG NI YID CHES PAR MI 'GYUR LA, THUB PA'I DBANG PO'I GSUNG RAB 'DI YANG SLOB DPON GYI DPE MA KHYUD DANG BRAL BA YIN PAS DE'I PHYIR DON 'DI GZHAN LA BSTAN PAR NUS PA'I RJES SU DPAG PA BRJOD PAR BYA STE ZHES BYA BAS NI DE LTAR BCOM LDAN 'DAS KYIS 'KHOR BA'I MID DANG, KHYAD PAR DANG, DE ZAD PAR BYA BA'I PHYIR MAN NGAG BSTAN PA DAG THA SNYAD DU YIN GYI DON DAM PAR MA YIN PAS PHA ROL PO'I GTAN TSIGS KYI DON MA GRUB PA NYID LA SOGS PA DAG NYAN PA'I SKYE BO GANG DAG BCOM LDAN 'DAS NI LOG PA MI GSUNG BA YANG DAG PA NYID DU GSUNG BA'O ZHES BCOM LDAN 'DAS LA YID CHES PA YANG DAG PAR SKYES PA RNAMS NI BCOM LDAN 'DAS KYI LUNG DE LA YID CHES PAR 'GYUR BAS DE DAG LA NI @248A *, ,YID CHES PA'I LUNG GI TSAD MAS BSGRUBS PAS CHOG PA'I PHYIR RJES SU DPAG PA'I CHOD MAS SGRUB MI DGOS SO, ,NYAN PA'I SKYE BO GANG DAG LHA CHEN PO DANG, KHYAB 'JUG DANG, DBYIG GI SNYING PO DANG, SER SKYA DANG, GZEGS ZAN DANG, RKANG MIG DANG, 'PHEL BA LA SOGS PAS SMRAS PA, TSAD MA MA YIN PAR TSAD MA LTAR SNANG BAS SEMS PHYIN CI LOG TU GYUR PA GZHAN DAG NI BCOM LDAN 'DAS KYIS LUNG DE LA YID CHES PAR MI 'GYUR BAS DE DAG LA NI RJES SU DPAG PA'I TSAD MAS KYANG BSGRUB DGOS LA, THUB PA'I DBANG PO SANGS RGYAS BCOM LDAN 'DAS KYI GSUNG RAB 'DI YANG SLOB DPON GYI DPE MKHYUD DANG BRAL BA YIN PAS 'GREL PA BYED PA YANG GZHAN LA DON 'DI BSTAN PA LA DBRI BKOL MI BYED PAS DE'I PHYIR BCOM LDAN 'DAS KYIS 'KHOR BA'I MING DANG, KHYAD PAR BSTAN PA DANG, DE ZAD PAR BYA BA'I PHYIR MAN NGAG BSTAN PA DE DAG THA SNYAD DU YIN GYI DON DAM PAR MA YIN PAS PHA ROL PO'I GTAN TSIGS KYI DON MA GRUB PA LA SOGS PA'I DON 'DI GZHAN LA BSTAN PAR NUS PA'I RJES SU DPAG PA BRJOD PAR BYA'O ZHES BSTAN TO, ,DE'I BSKAL PA DANG PO'I LUS CAN RNAMS KYI LUS DANG, DBANG PO DANG, BLO'I TSOGS GANG YIN PA DE NI TSE RABS GZHAN DAG TU NYE BAR BSAGS PA'I LAS DGE BA DANG MI DGE BA'I RGYU CAN YIN PAR SHES PAR BYA STE, BDE BA DANG, SDUG BSNGAL BA DANG, CHOS DANG, CHOS MA YIN PA LA SOGS PA SKYE BA'I RGYU YIN PA'I PHYIR DPER NA DENG SANG GI LUS DANG, DBANG PO DANG, BLO'I TSOGS BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DENG SANG GI LUS CAN RNAMS KYI LUS DANG, DBANG PO DANG, BLO'I TSOGS GANG YIN PA DE NI BDE BA DANG SDUG BSNGAL DANG, CHOS DANG CHOS MA YIN PA LA SOGS PA SKYE BA'I RGYU YIN PA'I PHYIR TSE RABS SNGA MA GZHAN DAG TU NYE BAR BSAGS PA'I LAS DGE BA DANG, MI DGE BA'I RGYU CAN YIN PAR SHES PAR BYA BA DE BZHIN DU BSKAL PA DANG PO'I LUS CAN RNAMS KYI LUS DANG DBANG PO DANG, BLO'I TSOGS GANG @248B YIN PA DE YANG BDE BA DANG SDUG BSNGAL BA DANG, CHOS DANG CHOS MA YIN PA LA SOGS PA SKYE BA'I RGYU YIN PA'I PHYIR TSE RABS SNGA MA GZHAN DAG TU NYE BAR BSAGS PA'I LAS DGE BA DANG, MI DGE BA'I RGYU CAN YIN PAR SHES PAR BYA STE, DES NI 'KHOR BA'I RGYU GCIG NAS GCIG TU BRGYUD PA DAG LA RTZOM PA'I DUS NGES PA MED PA'I PHYIR THOG MA MED PA DANG, GNYEN PO MA SHAR PA DAG LA THA MA MA GRUB PA'I PHYIR THA MA MED PAR SHES PAR BYA'O, ,DE BZHIN DU THUN MONG MA YIN PAR DMIGS PA'I RGYU NYID DANG, PHAN GDAGS PAR BYA BA NYID DANG, PHAN 'DOGS PAR BYED PA NYID DANG, DGA' BA DANG YONGS SU GDUNG BA'I RGYU NYID DANG, RNAM PAR 'JIG PA'I CHOS CAN NYID LA SOGS PA'I GTAN TSIGS DAG DANG, DAM BCAS PA DANG, DPE CI SKAD BSTAN PA DAG GI RJES SU DPAG PAR RGYAS PAR BRJOD PAR BYA'O ZHES BYA BA NI 'KHOR BA LA THOG MA DANG THA MA MED PAR SGRUB PA'I GTAN TSIGS BDE BA DANG SDUG BSNGAL DANG, CHOS DANG CHOS MA YIN PA LA SOGS PA SKYE BA'I RGYU YIN PA'I PHYIR ZHES BYA BA NI MTSAN NYID KYI SGRA'I TSUL NYE BAR GZUNG BA'I PHYIR MTSON PA TZAM DU ZAD KYI DAM BCAS PA DANG, DPE SNGA MA'I GTAN TSIGS NI 'DI DAG KYANG YIN PAR SBYAR RO, , LHAG MA NI SNGA MA BZHIN NO ZHES BYA BA NI DAM BCAS PA DANG DPE NI SNGA MA BZHIN NO ZHES BYA BAR SBYAR RO, ,'DIR MU STEGS CAN DAG GIS SMRAS PA ZHES BYA BA LA SOGS PAS NI 'DIR PHA ROL PO DAG 'KHOR BA LA THA MA YOD PA'I GTAN TSIGS KYIS THOG MA YANG YOD PAR SGRUB PA'I LTAG CHOD CUNG ZHIG STON TO, ,DE'I PHYIR 'KHOR BA NI THOG MA YOD PAR GZUNG BAR BYA STE, THA MA YOD PA'I PHYIR RO, ,GANG LA THA MA YOD PA DE LA NI THOG MA YANG YOD PAR MTHONG STE DPER NA BUM PA BZHIN NO, ,DE BZHIN DU YANG DAG PA'I SHES PA SKYES PA'I 'KHOR BA LA YANG THA MA YOD PAS DE'I PHYIR GTAN TSIGS CI SKAD SMROS PA'I MTHUS 'KHOR BA NI THOG MA YOD PAR GZUNG BAR BYA'O ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER @249A *, ,NA BUM PA GANG LA THA MA GYO MO YOD PA DE LA THOG MA 'JIM PA YANG YOD PA DE BZHIN DU RNAL 'BYOR PA YANG DAG PA'I SHES PA SKYES PA'I 'KHOR BA GANG LA THA MA RNAM PAR GROL BA DANG MYA NGAN LAS 'DAS PA YOD PA DE LA YANG THOG MA RTZOM PA YOD PAR GZUNG BAR BYA'I ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LA 'DIR, 'KHOR BA 'BA' ZHIG SNGON GYI MTHA', ,YOD MA YIN PA MA YIN GYI, ,DNGOS RNAMS THAMS CAD NYID LA YANG, ,SNGON GYI MTHA' NI YOD MA YIN, ,ZHES 'OG NAS STON PAR 'GYUR BA'I PHYIR BUM PA LA SOGS PA THOG MA MED PA'I RGYU GCIG NAS GCIG TU BRGYUD PA LAS BYUNG BA DAG LA YANG, THOG MA YOD PA NYID DU MA GRUB PA'I PHYIR SGRUB PA DPE MA TSANG BA'I SKYON YOD DO ZHES BYA BA SMRAS TE, PHA ROL PO'I TSIG DE NI LHAG CHOD PA YIN GYI SUN 'BYIN PA MA YIN NO ZHES BAG TSA BA MED PAR LAN GDAB PAR BYA'O, ,'DI SKAD BSTAN TE RAB TU BYED PA 'DI NYID KYI MJUG NAS, 'KHOR BA 'BA' ZHIG SNGON GYI MTHA', ,YOD MA YIN PA MA YIN GYI, ,DNGOS RNAMS THAMS CAD NYID LA YANG, ,SNGON GYI MTHA' NI YOD MA YIN, ,ZHES 'BYUNG BAS GANG GI PHYIR DE LTAR YANG DAG PA CI LTA BA BZHIN DU BRTAGS NAS DNGOS PO THAMS CAD LA SNGA PHYI DANG LHAN CIG GI RIM PA DAG MI 'THAD PA DE'I PHYIR 'KHOR BA 'BA' ZHIG LA SNGON GYI MTHA' YOD PA MA YIN PAR MA ZAD KYI, DNGOS POR 'DOD PA THAMS CAD LA YANG SNGON GYI MTHA' YOD PA MA YIN PAS BUM PA LA SOGS PA THOG MA MED PA'I RGYU GCIG NAS GCIG TU BRGYUD PA LAS THOG MA YOD PA NYID DU MA GRUB STE, SLOB DPON 'PHAGS PA LHAS KYANG, BUM PA RGYU LAS GRUB YIN NA, ,RGYU YANG GZHAN LAS GRUB PA YIN, ,GANG LA RANG LAS GRUB MED PA, ,DE YIS GZHAN NI CI LTAR SKYED, ,CES CI SKAD GSUNGS PA LTA BU STE, DE'I PHYIR PHA ROL PO DAG 'KHOR BA THOG MA YOD PAR BSGRUB PA'I DPE BUM PA BZHIN NO ZHES BYA BA DE BSGRUB PAR BYA BA CHOS DANG MI LDAN PAS DPE MA TSANG BA'I SKYON YOD DO, ,THA MA YOD PA'I PHYIR RO ZHES BYA BA'I GTAN TSIGS KYI DON KYANG MA GRUB PA NYID DE, 'KHOR BA NI MTHA' DANG LDAN PA NYID LA SOGS PA'I DBYE BAS LUNG DU MA @249B BSTAN PA YIN PA'I PHYIR RO ZHES BYA BAS NI PHA ROL PO 'KHOR BA THOG MA YOD PAR SGRUB PA'I GTAN TSIGS THA MA YOD PA'I PHYIR RO ZHES BYA BA'I DON MA GRUB PA NYID DU STON TE, CI'I PHYIR MA GRUB CE NA, BCOM LDAN 'DAS KYIS LUNG DU MA BSTAN PA'I DNGOS PO BCU BZHI BKA' STZAL PA LAS, 'JIG RTEN RTAG PA DANG 'JIG RTEN MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA YANG MA YIN MI RTAG PA YANG MA YIN PA DANG, 'JIG RTEN MTHA' YOD PA DANG, 'JIG RTEN MTHA' YOD PA MA YIN PA DANG, MTHA' YOD KYANG YOD LA, MTHA' MED KYANG MED PA DANG, MTHA' YOD PA YANG MA YIN, MTHA' MED PA YANG MA YIN PA DANG, BDAG SHI NAS YOD PA DANG, BDAG SHI NAS MED PA DANG, BDAG SHI NAS YOD KYANG YOD LA, MED KYANG MED PA DANG, BDAG SHI NAS YOD PA YANG MA YIN, MED PA YANG MA YIN PA DANG, SROG DE LUS YIN ZHES BYA BA DANG, SROG KYANG GZHAN LA LUS KYANG GZHAN ZHES LUNG DU BSTAN PAR MI BYA'O ZHES GSUNGS PAS 'KHOR BA YANG LUNG DU MA BSTAN PA YIN PA'I PHYIR, PHA ROL PO'I GTAN TSIGS DE'I DON SGRA LA MIG GI GZUNG BA YOD PA'I PHYIR ZHES BYA BA BZHIN DU MA GRUB PA NYID DO, ,GZHAN DAG NA RE GAL TE 'KHOR BA THOG MA MED PAR 'DOD NA 'O NA DE LTA NA ZHES BYA BA LA SOGS PAS NI, PHA ROL PO DAG GAL TE 'KHOR BA LA THOG MA MED NA THA MA YANG MED PAR 'GYUR BAS DE LTA NA RNAL 'BYOR PA YANG DAG PA'I SHES PA SKYES PA DAG LA YANG 'KHOR BA ZAD PA'I MTHA' MED PAR 'GYUR RO ZHES ZER BA'I GZHUNG STON TO, ,DE'I PHYIR DE LA ZAD PA MED PAR YANG SHES PAR BYA STE, THOG MA MED PA DANG LDAN PA'I PHYIR DPER NA SKYES BU'AM, NAM MKHA' BZHIN NO ZHES ZER RO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SKYES BU DANG, NAM MKHA' NI THOG MA MED PA DANG LDAN PA'I PHYIR DE DAG ZAD PA'I MTHA' YANG MED PA DE BZHIN DU, 'KHOR BA YANG THOG MA MED PA DANG LDAN PA'I PHYIR DE LA ZAD PA'I MTHA' YANG MED PAR SHES PAR BYA'O ZHES ZER RO, , @250A *, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, SKYES BU'AM GZHAN YANG RUNG STE, MA SKYES PA NI THA SNYAD DU YANG KHAS MA BLANGS PA'I PHYIR DPE'I CHOS CAN MA GRUB PA'I SKYON YOD DO ZHES BYA BA SMRAS TE, PHA ROL PO DAG GIS BRTAGS PA'I SKYES BU DANG NAM MKHA' RDZAS SU 'DOD PA DAG KHO BO CAG DBU MA PA LA KUN RDZOB TU YANG RDZAS SU YOD PAR MA SKYES PAS THA SNYAD DU YANG KHAS MA BLANGS NA DON DAM PAR LTA SMOS KYANG CI DGOS TE, DES NA KHYED KYI DPE SKYES BU'AM NAM MKHA' BZHIN NO ZHES BYA BA'I CHOS CAN MA GRUB PA'I SKYON YOD DO, ,KUN RDZOB KYI PHYOGS LA YANG 'BRU LA SOGS PA THOG MA MED PA DAG LA GNYEN PO BYUNG BAS MTHA' MTHONG BA'I PHYIR DON 'GAL BA NYID DO ZHES BYA BAS NI PHA ROL POS 'KHOR BA THOG MA MED PA DE LA ZAD PA'I MTHA' MED PAR YANG SHES PAR BYA STE ZHES DAM BCAS PA DE KUN RDZOB KYI PHYOGS LA YANG DON 'GAL BA NYID DU STON TE, 'BRU LA SOGS PA THOG MA MED PA DAG LA ME LA SOGS PA GNYEN PO BYUNG BAS TSIG PA LA SOGS PA'I MTHA' YOD PAR MTHONG BA'I PHYIR DES NA CI RE ZHIG 'KHOR BA THOG MA MED PA DANG LDAN PA'I PHYIR DPER NA SKYES BU'AM, NAM MKHA' BZHIN DU ZAD PA MED PAR 'GYUR RAM, 'ON TE 'BRU LA SOGS PA THOG MA MED PA DAG LA GNYEN PO BYUNG BAS MTHA' MTHONG BA BZHIN DU ZAD PAR 'GYUR BA MA NGES PAS DON 'GAL BA NYID DO, ,MKHAS PA'I NGA RGYAL CAN NYE BAR 'KHRUL PA GZHAN DAG NA RE ZHES BYA BA LA SOGS PAS NI PHA ROL PO BDAG NYID THAMS CAD SHES PA MA YIN PAR THAMS CAD SHES PAR BSNYEMS PA'I NGA RGYAL CAN THAMS CAD MKHYEN PA SUN 'BYIN PA'I NYE BAR 'KHRUL PA DANG LDAN PA GZHAN DAG BCOM LDAN 'DAS THAMS CAD MKHYEN PA MA YIN PAR BSGRUB PA'I SGO NAS 'KHOR BA LA THOG MA YOD PAR SMRA BA STON TO, ,DE'I PHYIR, BCOM LDAN 'DAS NI THAMS CAD MKHYEN PA MA YIN TE 'KHOR BA'I SNGON GYI MTHA' MI MNGON NO ZHES ZER BAS RANG NYID MI SHES PAR KHAS BLANGS PA'I PHYIR DPER NA MI PHAL PA SROG CHAGS SHI BA GAR SONG MI SHES SO ZHES ZER BA BZHIN NO ZHES ZER RO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN @250B PAR GO RIMS BZHIN DU SBYAR TE, DPER NA MI PHAL PA BLUN PO DAG NA RE SROG CHAGS SHI BA GAR SONG MI SHES SO ZHES ZER BAS RANG NYID MI SHES PAR KHAS BLANGS PA'I PHYIR DE DAG THAMS CAD MKHYEN PA MA YIN PA DE BZHIN DU BCOM LDAN 'DAS KYANG 'KHOR BA'I SNGON GYI MTHA' MI MNGON NO ZHES ZER BAS, RANG NYID MI SHES PAR KHAS BLANGS PA'I PHYIR THAMS CAD MKHYEN PA MA YIN NO, ,CI STE THAMS CAD MKHYEN PA NYID YIN NA NI 'KHOR BA'I SNGON GYI MTHA' YANG MKHYEN PAS DES NA 'KHOR BA LA YANG SNGON GYI MTHA' YOD PAR GRUB PO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, GZHAN GYI 'KHOR BA THOG MA YOD PA NYID DU YONGS SU BRTAGS PA BSAL BA'I PHYIR SNGON GYI MTHA' MI MNGON NO ZHES GSUNGS PA DE NI 'KHOR BA THOG MA MED PA NYID DU BSTAN PA'I TSIG GI DON YIN PA'I PHYIR 'KHOR BA LA THOG MA MED PA NYID YIN PAS MI MNGON PA NYID DU MKHYEN PA'I PHYIR DANG, 'KHOR BA THOG MA MED PA NYID DU BSTAN PAS BCOM LDAN 'DAS NI DE LA THOGS PA MI MNGA' BA'I PHYIR DE NI MA BRTAGS PAR SMRA BA GZHAN GYI 'BYOR PA CHEN PO LA PHRAG DOG BYED PA RNAMS KYI RGYU MTHUN PA YIN NO ZHES BYA BA SMRAS TE, BCOM LDAN 'DAS KYIS 'KHOR BA'I SPON GYI MTHA' MI MNGON NO ZHES BKA' STZAL PA NI GZHAN GYIS 'KHOR BA THOG MA YOD PA NYID DU YONGS SU BRTAGS PA BSAL BA'I PHYIR GSUNGS PA YIN TE, DE NI 'KHOR BA THOG MA YOD PA LAS MI MKHYEN TE, SNGON GYI MTHA' MI MNGON NO ZHES GSUNGS PA MA YIN GYI 'KHOR BA LA THOG MA MED PA NYID DU BSTAN PA'I TSIG GI DON YIN PA'I PHYIR 'KHOR BA LA THOG MA MED PA NYID YIN PAS, BCOM LDAN 'DAS KYIS KYANG 'KHOR BA'I SNGON GYI MTHA' MI MNGON PA NYID DU MKHYEN PA'I PHYIR RANG NYID MI MKHYEN PAR ZHAL GYIS BZHES PA MA YIN LA, 'KHOR BA THOG MA MED PA NYID KYI CHOS DANG LDAN PA DE NYID DE BZHIN DU MKHYEN TE BCOM LDAN 'DAS NI 'KHOR BA'I SNGON GYI MTHA' MED PA DE LA MKHYEN PA THOGS PA MI MNGA' BA'I PHYIR BCOM LDAN 'DAS THAMS CAD MKHYEN PA MA YIN TE ZHES ZER BA'I SGRUB PA DE NI SKYE BO NGAN PA MA BRTAGS PAR SMRA BA GZHAN GYI @251A *, ,'BYOR BA CHEN PO LA PHRAG DOG BYED PA RNAMS KYI RGYU MTHUN PA'I TSIG YIN PAS RIGS PA MA YIN NO, ,DES NA BCOM LDAN 'DAS KYANG THAMS CAD MKHYEN PA NYID DU GRUB LA, 'KHOR BA LA YANG THOG MA MED PAR SHES PAR BYA'O, ,DAM BCAS PA'I DON RGYAS PAR NI DE BZHIN GSHEGS PA BRTAG PA'I RAB TU BYED PA LAS RTOG PAR 'GYUR RO ZHES BYA BA NI 'KHOR BA LA SOGS PA DNGOS PO THAMS CAD LA SNGA PHYI DANG LHAN CIG GI RIM PA DAG MI 'THAD PAS DNGOS POR SNANG BA SGYU MA LTA BUR SGRUB PA'I DAM BCAS PA'I DON RGYAS PAR NI DE BZHIN GSHEGS PA BRTAG PA'I SKABS NAS STON TO, ,DPYAD PA 'PHROS PAS CHOG GIS SKABS GNYIS BRJOD PAR BYA'O ZHES BYA BA NI TSIG LE'UR BYAS PA DANG PO'I SKABS 'DI'O, ,'DIR TSIGS SU BCAD PA 'DIS 'KHOR BA'I CHOS NI THOG MA DANG THA MA MED PA NYID YIN PAR BSTAN TE ZHES BYA BA NI, 'DIR, SNGON MTHA' MNGON NAM ZHES ZHUS TSE, ,THUB PA CHEN POS MIN ZHES GSUNGS, ,'KHOR BA THOG MA THA MED DE, ,DE LA SNGON DANG PHYI MA MED, ,CES BYA BA'I TSIG LE'UR BYAS PA 'DIS 'KHOR BA'I SNGON DANG PHYI MA'I MTHA' MI MNGON PAR DAM BCAS PA'I SGRUB PA'I CHOS GTAN TSIGS NI THOG MA DANG THA MA MED PA NYID YIN PAR BSTAN TO, DE'I PHYIR RJES SU DPAG PA NI DON DAM PAR PHUNG PO RNAMS CI LTAR SNANG BA DE LTAR YOD PA MA YIN TE THOG MA DANG THA MA MED PA'I PHYIR DPER NA SGYU MA MKHAN GYIS SPRUL PA'I SKYES BU BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SGYU MA MKHAN GYIS SPRUL PA'I SKYES BU LA NI THOG MA DANG THA MA MED PA'I PHYIR CI LTAR SNANG BA DE LTAR YOD PA MA YIN PA DE BZHIN DU PHUNG PO RNAMS KYANG THOG MA DANG THA MA MED PA'I PHYIR CI LTAR SNANG BA DE LTAR YOD PA MA YIN TE, DES NA DNGOS PO 'DOD PA THAMS CAD LA SNGA PHYI DANG, LHAN CIG GI RIM PA DAG MI 'THAD PAS DNGOS POR SNANG BA NI SGYU MA LA SOGS PA BZHIN DU GRUB PAR STON TO, ,'DIR MKHAS SU RE BA'I BLO CAN KHA CIG NA RE SGYU MA MKHAN GYIS SPRUL PA'I SKYES BU LA YANG SHES PAR RNAM PAR RTOG PA MED @251B PA'I YUL GZUGS LA SOGS PA GANG DAG YOD PA DE DAG DUS PHYI MAR YANG DE BZHIN DU YOD PA'I PHYIR DPER BSGRUB PAR BYA BA CHOS DANG MI LDAN PAS MED DO ZHES ZER RO ZHES BYA BA NI PHA ROL PO DAG DBU MA PA'I DPE SGYU MA MKHAN GYIS SPRUL PA'I SKYES BU BZHIN NO ZHES BYA BA DE BSGRUB PAR BYA BA CHOS DANG, MI LDAN PAS MI RUNG NGO ZHES ZER BA'I TSIG YIN TE, DE DAG NA RE RTZVA DANG LO MA LA SOGS PA GANG DAG GIS SGYU MA'I SKYES BU BSKYED PA'I RTZVA DANG LO MA LA SOGS PA DE DAG LA GZUGS DANG, RO DANG DRI DANG REG PA GANG DAG YOD PA DE DAG SKYES BUR SNANG BA'I SPRUL PA'I DUS NA YANG MIG LA SOGS PA'I SHES PA NYE BAR GNAS PA LAS BYUNG BA SHES PA RNAM PAR RTOG PA MED PA DAG GI MNGON SUM GYIS GZUNG BAR YOD PA YIN LA, SKYES BUR SNANG BA'I SPRUL PA BSDUS PA'I DUS PHYI MA'I TSE YANG RTZVA DANG LO MA LA SOGS PA DE DAG GZUGS LA SOGS PAR GANG DAG YOD PA DE DAG MIG LA SOGS PA'I SHES PA RNAM PAR RTOG PA MED PA DE DAG GI MNGON SUM GYIS GZUNG BA DE BZHIN DU YOD PA'I PHYIR, DES NA DBU MA PAS PHUNG PO RNAMS CI LTAR SNANG BA DE LTAR YOD PA MA YIN TE ZHES GANG SMRAS PA'I BSGRUB PAR BYA BA DE DPE SGYU MA MKHAN GYIS SPRUL PA'I SKYES BU ZHES BYA BA DE LA MED PAS DPE BSGRUB PAR BYA BA CHOS DANG MI LDAN PAS MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE SGYU MA MKHAN GYIS SPRUL PA'I SKYES BU LOG PAR SNANG BA NYID DPE NYID DU 'DOD PA'I PHYIR DANG SHES PA RNAM PAR RTOG PA MED PA'I SPYOD YUL GYI GZUGS LA SOGS PA DAG LA YANG SKYES BU'I NGO BO NYID KYIS STONG PA'I PHYIR DPE GRUB PAS SKYON MED DO ZHES BYA BA SMRAS TE, KHO BOS RTZVA DANG LO MA LA SOGS PA GANG DAG GIS SGYU MA'I SKYES BU BSKYED PA DE DAG LA SHES PA RNAM PAR RTOG PA MED PA'I SPYOD YUL GZUGS LA SOGS PA GANG DAG YOD PA DE DAG PHYIS SGYU MA BSDUS PA'I DUS NA YANG DE BZHIN DU YOD PA DE DAG DGAG PA'I DPER SGYU MA'I SKYES BU NYE BAR MA BZHAG GI ,SGYU MA MKHAN GYIS SPRUL PA'I SKYES BUR SNANG BA DE LOG PAR SNANG BAS DE LA SKYES BU'I NGO BO NYID MED PAR GRUB PA DE PHUNG PO RNAMS KUN RDZOB TU JI LTAR SNANG @252A *, ,BA DE LTAR DON DAM PAR YOD PA MA YIN PA'I DPE NYID DU 'DOD PA'I PHYIR DANG, RTZVA DANG LO MA LA SOGS PA GANG DAG GIS SGYU MA'I SKYES BU BSKYED PA DE DAG LA SHES PA RNAM PAR RTOG PA MED PA'I SPYOD YUL GZUGS LA SOGS PA GANG DAG YOD PA DE DAG LA YANG SKYES BU'I NGO BO NYID KYIS STONG PA'I PHYIR DE PHUNG PO RNAMS KUN RDZOB TU CI LTAR SNANG BA DE LTAR DON DAM PAR YOD PA MA YIN PA'I DPE NYID DU GRUB PA'I PHYIR KHO BOS SGRUB PA LA DPE MA TSANG BA'I SKYON MED DO, ,DE LTA BAS NA 'KHOR BA YOD PA NYID DU MA GRUB PA'I PHYIR MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA'I PHYIR RO ZHES BYA BA'I GTAN TSIGS KYI DON MA GRUB PA NYID DO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR PHA ROL PO'I GTAN TSIGS KYI DON MA GRUB PA'I PHYIR DBU MA PAS DNGOS PO NGO BO NYID MED PA'I MI MTHUN PA'I PHYOGS KYI KHYAD PAR DGAG PAS 'KHOR BA NGO BO NYID MED PA NYID DU BSTAN PAR DAM BCAS PA GRUB BO, ,'DIR SMRAS PA, DON DAM PAR PHUNG PO'I RGYUD CES BYA BA'I 'KHOR BA YOD PA KHO NA YIN TE, DE'I DBUS YOD PA'I PHYIR RO, ,'DI LA GANG MED PA DE LA NI DBUS DMIGS SU MED DE, DPER NA RI BONG GI RVA BZHIN NO, ,'KHOR BA LA NI GANG NA KUN NAS NYON MONGS PA DANG, RNAM PAR BYANG BA DAG YOD PA'I DBUS YOD PAS DE'I PHYIR 'KHOR BA YOD PA KHO NA YIN NO, ,DES NA GTAN TSIGS KYI DON MA GRUB PA NYID DANG 'GAL BA NYID MED PAS 'DOD PA'I DON 'GRUB PO ZHES BYA BA NI PHA ROL PO DAG 'KHOR BA LA DBUS YOD PA'I GTAN TSIGS KYIS 'KHOR BA YOD PAR BSGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA DANG TSAD MA'I 'BRAS BU YIN PAR GO RIMS BZHIN DU SBYAR TE, 'DIR NA RI BONG GI RVA LTA BU GANG MED PA DE LA NI DBUS DMIGS SU MED KYI 'KHOR BA LA NI GANG NA KUN NAS NYON MONGS PA DANG, RNAM PAR BYANG BA DAG YOD PA'I DBUS YOD PAS DE'I PHYIR PHUNG PO'I RGYUD CES BYA BA'I 'KHOR BA YOD DE, @252B DES NA KHO BO CAG GI GTAN TSIGS KYI DON MA GRUB PA NYID DANG, 'GAL BA NYID MED PAS DON DAM PAR PHUNG PO LA SOGS PA DAG YOD PA KHO NA YIN TE ZHES DAM BCAS PA'I 'DOD PA'I DON 'GRUB PO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, 'DIR BSHAD PA, GANG LA THOG MA THA MED PA, ,DE LA DBUS NI GA LA YOD, ,DE LA DBUS YOD PA NYID MA YIN NO ZHES ZER BA'I TSIG GI DON TE, SGYU MA BYAS PA'I SKYES BU'I RGYUD LA DBUS MED PA BZHIN NO ZHES BYA BAR DGONGS SO ZHES BYA BA LA SOGS PA SMRAS TE, DPER NA SGYU MA BYAS PA'I SKYES BU'I RGYUD GANG LA THOG MA DANG THA MA MED PA DE LA DBUS MED PA DE BZHIN DU PHUNG PO'I RGYUD CES BYA BA'I 'KHOR BA GANG LA THOG MA DANG THA MA MED PA DE LA YANG DBUS MED DE, 'DI LTAR THOG MA DANG THA MA LA LTOS NAS DBUS 'GRUB PAR 'GYUR BA YIN NA DE LA THOG MA DANG THA MA DE YANG MED DE, DE MED PA'I PHYIR DE'I DBUS YOD PAR GA LA 'GYUR ZHES BYA BAR DGONGS SO, ,SLOB DPON 'PHAGS PA LHAS KYANG, THOG MA DBUS DANG THA MA RNAMS, ,SKYE BA'I SNGA ROL MI SRID DE, ,GNYIS GNYIS DAG NI MA GTOGS PAR, ,RE RES RTZOM PAR CI LTAR 'GYUR, ,ZHES GSUNGS SO, ,DE LTAR THOG MA DANG THA MA MA GRUB PA'I PHYIR DANG, DPE MED PA'I PHYIR CI SKAD BSTAN PA'I SKYON LDOG PAR MI 'THAD DO ZHES BYA BA NI MJUG BSDU BA STE, THOG MA DANG THA MA MED PA'I PHYIR ZHES BYA BA NI DBU MA PA'I GTAN TSIGS YIN NO, ,DPE MED PA'I PHYIR ZHES BYA BA NI PHA ROL PO'I SGRUB PA LA DPER NA MGO GNYIS PA'I MIG GI NAD MED PAR BYA BA BZHIN NO ZHES BYA BA DANG DPER NA RI BONG GI RVA BZHIN NO ZHES BYA BA CHOS MI MTHUN PA'I PHYOGS KYI DPE DE DAG LAS BZLOG PA CHOS DBEN PA'I DPE CHE GE MO ZHIG BZHIN NO ZHES BYA BA MED DE, DE'I PHYIR CI SKAD BSTAN PA'I SKYON LOG PAR MI 'THAD DO, ,DE'I PHYIR DE LTAR BRTAGS NA 'KHOR BA NGO BO NYID MED PA DE'I PHYIR DE LA SNGA PHYI DANG LHAN CIG GI RIM PA MI 'THAD DO, ,SKYE BA DANG RGA SHI DAG GI'O ZHES BYA BA NI DE LTAR GANG GI PHYIR 'KHOR BA LA THOG MA DANG DBUS DANG THA MA DAG MED PA DE'I PHYIR 'KHOR BA MED PAS 'KHOR BA DE LA 'KHOR BA PO'I SKYE BA @253A *, ,DANG RGA SHI DAG GI SNGA PHYI DANG, LHAN CIG DAG GI RIM PA DAG MI 'THAD PAR DAM BCA' BA YIN NO, ,DE LA SMRA BA GANG DAG NA RE 'KHOR BA NI NGO BO NYID YOD DE SKYE BA DANG RGA SHI DANG LDAN PA'I PHYIR RO, ,MO GSHAM GYI BU MED PA NI SKYE BA DANG RGA SHI DANG LDAN PAR MI RIGS SO ZHES ZER BA DE DAG LA YANG SKYE BA DANG RGA SHI DAG GI SNGA PHYI DANG LHAN CIG GI RIM PA DAG MA GRUB PA'I PHYIR GTAN TSIGS KYI DON MA GRUB PA NYID DANG, DON DAM PAR SKYE BA LA SOGS PA DANG LDAN PA GANG YANG NGO BO NYID YOD PA NYID DU MA GRUB PA'I PHYIR DPE MED PA DANG, DON 'GAL BA NYID DU YANG 'GYUR RO ZHES BYA BA NI DE LTAR 'KHOR BA LA THOG MA DANG DBUS DANG THA MA MED PAS 'KHOR BA MED PA'I PHYIR 'KHOR BA PO'I SKYE BA DANG, RGA SHI DAG GI SNGA PHYI DANG LHAN CIG GI RIM PA DAG MI 'THAD PAS DE LA CHOS 'DI PA LA SOGS PAS SMRA BA GANG DAG 'KHOR BA NGO BO NYID YOD PAR DAM 'CHA' BA'I GTAN TSIGS SKYE BA DANG RGA SHI DANG LDAN PA'I PHYIR RO ZHES ZER BA DE DAG GI GTAN TSIGS DE DON DAM PAR BSGRUB NA NI DON MA GRUB PA NYID DANG, DPE MED PA NYID YIN LA, KUN RDZOB TU BSGRUB NA NI DON 'GAL BA NYID DU YANG 'GYUR BAS MI RUNG BAR BSTAN TO, ,CI LTAR SKYE BA LA SOGS PA DAG GI SNGA PHYI DANG LHAN CIG GI RIM PA DAG MI 'GRUB PA DE LTAR, 'DI BRTAG PAR BYA STE ZHES BYA BA NI DE LTAR BRTAG PA RNAM PA GSUM GYI DAM BCA' BA'I SPYI BSTAN TO DE LA RE ZHIG BRTAG PA DNGO PO BSTAN PA'I PHYIR, GAL TE SKYE BA SNGA GYUR LA, ,RGA SHI'I PHYI BA YIN NA NI, ,GAL TE PHA ROL PO DAG 'DOD PA LTAR RO ZHES BYA BA LA SOGS PA SMRAS SO, ,DE LTA NA GLAGS YOD PA'I TSIG CIR 'GYUR ZHE NA, DE'I PHYIR DE LTA NA, SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES BYA BA SMRAS SO, ,DE LA RE ZHIG SKYE BA RGA SHI MED PAR 'GYUR BA BSTAN PA'I PHYIR DE LTA NA SKYE BA LA RGA SHI'I NGO BO NYID MED PAR 'GYUR TE, RGA SHI MED PAR YANG SKYES PA'I PHYIR RO ZHES BYA BA SMRAS SO, ,DE NYID KYI 'THAD PA BSTAN PA'I PHYIR GANG ZHIG GANG MED PAR SKYES PA DE LA DE'I NGO BO NYID MED DE DPER NA BA LANG RTA MED PAR SKYES PA DE LA DE'I NGO BO NYID MED PA BZHIN NO ZHES BYA BAR DGONGS SO ZHES BYA BA SMRAS TE, GAL TE SKYE BA SNGA BAR @253B GYUR LA RGA SHI 'PHYI BAR GYUR NA SKYE BA DE LA RGA SHI'I NGO BO NYID MED PAR 'GYUR TE, SKYE BA LA RGA SHI MED NA DE LA PHYIS KYANG RGA SHI 'ONG BAR MI 'GYUR RO, ,CI STE 'ONG NA NI RGA SHI GZHI MED PAR 'GYUR RO, ,CI STE 'ONGS SU ZIN NA YANG SKYE BA DE LA RGA SHI CI YANG BYAR MED DE, DI LA NGO BO NYID KYIS RGA SHI MED PA'I PHYIR RO, ,DA NI MA SHI BAR YANG SKYE BAR 'GYUR BA BSTAN PA'I PHYIR YANG GZHAN YANG MA SHI BAR YANG SKYE BAR 'GYUR TE, SNGAR GZHAN DU MA SHI BA KHO NAR SKYES PA'I PHYIR RO ZHES BYA BA SMRAS TE, 'DI LTAR SKYE BA SNGA BAR BRTAGS NA SKYE BA DER SNGAR GZHAN DU MA SHI BAR SKYES BAR THAL BAR 'GYUR RO, ,DE LTA NA 'KHOR BA THOG MA DANG LDAN PAR 'GYUR BAS DE YANG MI 'THAD DO, ,DE DAG NI MI 'DOD DO ZHES BYA BA NI, SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES BYA BA NI DE DAG GLAGS YOD PA'I TSIG YIN PA'I PHYIR MI 'DOD DO, ,SKYE BA DANG RGA BA DANG 'CHI BA ZHES BYA BA DAG GI MTSAN NYID BSTAN PA'I PHYIR, DE LA SKYE BA NI BSKYED PA DE MA BYUNG BA LAS 'BYUNG BA'O, ,RGA BA NI LUS YONGS SU GYUR PA'O, ,'CHI BA NI SROG GI DBANG PO 'GAG PA'O ZHES BYA BA SMRAS SO, ,DE LA 'DIR GLAGS YOD PA'I TSIG YIN PA'I PHYIR GLAGS YOD PA LAS BZLOG PAS RJES SU DPAG PA MNGON TE ZHES BYA BA NI, SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES BYA BA DE GLAGS YOD PA'I TSIG YIN PA'I PHYIR DE LAS BZLOG PAS SKABS KYI DON BSTAN PA'I RJES SU DPAG PA NI 'DI LTAR BYA'O ZHES BYA BA'I THA TSIG GO, ,DE'I PHYIR, SKYE BA NI RGA SHI BAS SNGA BA MA YIN TE DE'I BDAG NYID YIN PA'I PHYIR DPER NA ME TSA BA BAS SNGA BA MA YIN PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME NI TSA BA DE'I BDAG NYID YIN PA'I PHYIR TSAB BAS SNGA MA YIN PA DE BZHIN DU SKYE BA YANG RGA SHI DE'I BDAG NYID YIN PA'I PHYIR RGA SHI BAS SNGA BA MA YIN NO, ,BRTAG PA GNYIS PA BSTAN PA'I PHYIR CI STE SKYON DER GYUR NA MI RUNG NGO SNYAM PAS RGA SHI SNGA BAR 'DOD NA DE LTA NA YANG, GAL TE SKYE BA 'PHYI GYUR LA, RGA SHI SNGA BA YIN NA NI, ,ZHES BYA BA LA SOGS PA SMRAS SO, ,DE LTA NA SKYON @254A *, ,CIR 'GYUR ZHE NA, DE'I PHYIR DE LTA NA, SKYE BA MED PA'I RGA SHI NI, ,RGYU MED PAR NI CI LTAR 'GYUR, ,SMRA BA GZHAN DAG KYANG SKYE BA'I RKYEN GYIS RGA SHI ZHES BYA BAR 'DOD PAS DE MED NA SKYE BA MED PA'I RGA SHI RKYEN MED PAR CI LTAR 'BYUNG BAR 'GYUR TE, SKYE BA MED PA'I RGA SHI NI YOD PA MA YIN PA KHO NA STE, MA SKYES PAS GZHI MED PA'I PHYIR RO ZHES BYA BAR DGONGS SO ZHES BYA BA SMRAS SO, ,DE'I TSAD MA BSTAN PA'I PHYIR 'DIR RJES SU DPAG PA NI RGA SHI NI SKYE BA BAS SNGA BAR MI RIGS TE, DE YOD NA 'BYUNG BA'I PHYIR DPER NA GNAS PA BZHIN NO ZHES BYA BAR SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GNAS PA NI SKYE BA DE YOD NA 'BYUNG BA'I PHYIR SKYE BA BAS SNGA BAR MI RIGS PA DE BZHIN DU RGA SHI YANG SKYE BA DE YOD NA 'BYUNG BA'I PHYIR SKYE BA BAS SNGA BAR MI RIGS SO,, BRTAG PA GSUM PA BSTAN PA'I PHYIR, GAL TE SKYE BA NI RGA SHI DANG RJES SU 'BREL BZHIN KHO NAR YOD PA'I PHYIR SKYON MED DO ZHE NA, SKYE BA DANG NI RGA SHI DAG ,LHAN CIG RUNG BA MA YIN NO, ,ZHES BYA BA LA SOGS PA SMRAS SO, ,DE LTA NA SKYON CI 'GYUR ZHE NA, DE'I PHYIR, GANG GI PHYIR DE LTAR RTOG NA, ,SKYE BZHIN PA NA 'CHI 'GYUR ZHING, ,GNYI GA RGYU MED CAN DU 'GYUR, ,DE GNYIS NI DGAG PA MI MTHUN PA YIN PAS SKYE BA ZHES BYA BA NYID DU YANG MI 'GYUR TE, SKYE BZHIN PA NYID NA 'CHI BA'I PHYIR RO, ,DE LTAR SKYE BA MED NA SNGA MA BZHIN DU SKYE BA DANG RGA SHI GNYI GA RGYU MED PA CAN DU 'GYUR TE, LHAN CIG TU 'BYUNG BA'I PHYIR DPER NA SKYE BA'I RGYU RGA SHI MA YIN PA DE BZHIN DU DE GNYIS KYI RGYU YANG SKYE BA MA YIN NO ZHES BYA BAR DGONGS SO ZHES BYA BA SMRAS TE, GAL TE SKYE BA DANG RGA SHI DAG LHAN CIG TU GYUR NA DE LTA NA DE SKYE BZHIN PA NYID NA 'CHI BAR 'GYUR BAS DE YANG MI 'THAD DE, 'DI LTAR SKYE BA DANG 'GAG PA MI MTHUN PA GNYIS GCIG LA DUS GCIG TU CI LTAR 'BYUNG BAR 'GYUR, YANG GZHAN YANG GNYI GA RGYU MED PA CAN DU 'GYUR TE, LHAN CIG TU 'GYUR BA'I PHYIR PHAN TSUN LTOS PA MED PAS GCIG GI RGYUR GCIG MI 'GYUR BAS DE DAG KYANG MI 'DOD @254B DE, SLOB DPON 'JIG BYED KYIS KYANG, GAL TE LAS LAS LUS SKYES LA, ,LUS MA GTOGS PAR LAS MED NA, ,SNGON LUS LAS LAS MA SKYES PA, ,GANG GI RGYUS NI SKYES PAR GYUR, ,ZHES GSUNGS SO, ,GAL TE LHAN CIG SKYES PA RNAMS KYANG RGYU NYID YIN TE, MTSAN DANG DPE BYED DANG SKYES BU CHEN PO BZHIN NO ZHE NA ZHES BYA BA NI PHA ROL PO DAG DBU MA PAS SKYE BA DANG RGA SHI DAG LHAN CIG NYID DU RTOG PA GNYI GA RGYU MED PA CAN DU 'GYUR RO ZHES BSHAD PA DE MA NGES PAR SUN 'BYIN PA'I TSIG YIN TE, DE DAG NA RE DPER NA MTSAN NYID MTSAN DANG DPE BYAD BZANG PO DAG DANG, MTSAN NYID KYI GZHI SKYES BU CHEN PO DAG LHAN CIG TU BYUNG BA YIN YANG MTSAN NYID DANG MTSAN NYID KYI GZHI'I TSUL GYIS PHAN TSUN RGYU NYID YIN PAR MTHONG BAS DES NA CIR ZHIG LHAN CIG TU 'BYUNG BA'I PHYIR SKYE BA DANG, RGA SHI GNYI GA RGYU MED PA CAN DU 'GYUR RAM, 'ON TE LHAN CIG TU BYUNG BA'I PHYIR DPER NA MTSAN NYID DANG, MTSAN NYID KYI GZHI DAG BZHIN DU PHAN TSUN RGYU NYID DU 'GYUR BA MA NGES PAS DBU MA PA'I SGRUB PA DE NI 'GRUB PO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI LAN MA YIN TE, DGAG PA SNGAR BSTAN ZIN PA'I PHYIR RO ZHES BYA BA SMRAS TE, SNGAR, 'DOD CHAGS DANG NI CHAGS PA DAG ,LHAN CIG NYID DU SKYE MI RIGS, ,'DI LTAR 'DOD CHAGS CHAGS PA DANG, ,PHAN TSUN LTOS PA MED PAR 'GYUR, ,ZHES BYA BA LA SOGS PA DAG GIS LHAN CIG 'BYUNG BA'I RGYU DGAG PA'I SKABS SU BSTAN ZIN TO, ,DE'I PHYIR YANG SKYE BA DANG RGA SHI DAG LA LHAN CIG NYID MI SRID DO ZHES BYA BA NI BRTAG PA GSUM PA'I MJUG BSDU BA'O, ,DE'I PHYIR DE LTAR BRTAG NA, GANG LA SNGA PHYI LHAN CIG GI ,RIM PA DE DAG MI SRID PA'I, ,SKYE BA DE DANG RGA SHI DE, ,CI YI PHYIR NA SPROS PAR BYED, ,DON DAM PAR DE DAG SPROS PAR BYA BA MI RIGS PA KHO NA STE, DE DAG MA SKYES PA'I PHYIR RO ZHES BYA BAR DGONGS SO ZHES BYA BA NI BRTAG PA GSUM CHAR GYI MJUG BSDU BA STE, 'DI LTAR RIGS PA SNGON DU BTANG STE BRTAGS NAS SKYE BA GANG DANG RGA SHI GANG LA SNGA PHYI DANG LHAN CIG GI RIM PA DAG MI SRID CING MED PA DE LA KHYOD SKYE BA NI DE YIN, RGA SHI NI DE YIN ZHES CI'I PHYIR SPROS PAR @255A *, ,BYED CING RJOD PAR BYED DE, DON DAM PAR DE DAG SPROS PAR BYA BAR MI RIGS PA KHO NA STE DE DAG MA SKYES PA'I PHYIR RO ZHES BYA BAR DGONGS SO, ,DE LTAR 'KHOR BA BSGRUB PA'I GTAN TSIGS SKYE BA DANG RGA SHI DANG LDAN PA NYID MA GRUB PA'I PHYIR PHA ROL POS RAB TU BYED PA'I DANG POR SMRAS PA'I GTAN TSIGS KYI DON MA GRUB PA NYID KYI SKYEN GYI LAN GDAB PAR DKA'O ZHES BYA BA NI SPYI'I TSAD MA'I 'BRAS BU YIN TE, DA NI SLOB DPON GYIS SKYE BA LA SOGS PA DAG GI SNGA PHYI DANG LHAN CIG GI RIM PA DAG YOD PAR MI 'THAD PA BZHIN DU DNGOS PO LHAG MA RNAMS LA YANG 'DRA BAR BSTAN PAR BZHED NAS BSHAD PA, RGYU DANG 'BRAS BU NYID DANG NI, ,MTSAN NYID DANG NI MTSAN GZHI NYID, ,TSOR DANG TSOR PO NYID DANG NI, ,DON YOD GANG DAG CI YANG RUNG, ,ZHES BYA BAS NI CI LTAR BRTAGS NA SKYE BA DANG RGA SHI DAG GI SNGA PHYI DANG LHAN CIG GI RIM PA DAG MI 'THAD PA DE BZHIN DU, RGYU DANG 'BRAS BU DANG, MTSAN NYID DANG MTSAN NYID KYI GZHI DANG, TSOR BA DANG TSOR BA PO DANG, PHA ROL PO DAG GIS DON GZHAN GANG DAG YOD PAR BRTAGS PA DE DAG THAMS CAD LA YANG SNGA PHYI DANG, LHAN CIG GI RIM PA DAG MI 'THAD PAR 'DRA BAR BSTAN PA YIN NO, ,DON YOD GANG DAG CI YANG RUNG, ,ZHES BYA BA BSTAN PA'I PHYIR, TSAD MA DANG, GZHAL BYA DANG, SHES PA DANG SHES BYA DANG, GROL BA DANG THAR PA'I MTSAN NYID DAG GO ZHES BYA BA SMRAS SO, ,DE DAG LA SNGA PHYI DANG LHAN CIG GI RIM PA DAG MI 'THAD PAR 'DRA BAR BSTAN PA'I PHYIR, 'KHOR BA 'BA' ZHIG SNGON GYI MTHA',, YOD MA YIN PA MA YIN GYI, ,DNGOS RNAMS THAMS CAD NYID LA YANG, SNGON GYI MTHA' NI YOD MA YIN, ,ZHES BYA BA SMRAS TE, GANG GI PHYIR DE LTAR YANG DAG PA CI LTA BA BZHIN DU BRTAGS NA DNGOS PO THAMS CAD LA SNGA PHYI DANG, LHAN CIG GI RIM PA DAG MI 'THAD PA DE'I PHYIR 'KHOR BA 'BA' ZHIG LA SNGON GYI MTHA' YOD PA MA YIN PAR MA ZAD KYI DNGOS POR 'DOD PA THAMS CAD LA SNGON GYI MTHA' YOD PA MA YIN PAS DNGOS POR SNANG BA NI SGYU MA DANG SMIG RGYU DANG, DRI ZA'I GRONG KHYER DANG, GZUGS BRNYAN BZHIN DU MA GRUB PAR BSTAN TO, ,DE LA RE ZHIG 'DIR RGYU DANG 'BRAS BU @255B DANG MTSAN NYID DANG MTSAN NYID KYI GZHI'I DBANG DU BYAS NAS PHYOGS TZAM ZHIG BSHAD PAR BYA STE ZHES BYA BAS NI DE DAG LA SNGA PHYI DANG, LHAN CIG GI RIM PA DAG MI 'THAD PAR STON TO, ,DON DAM PAR 'BRU NI MYU GU'I SNGA NA YOD PA MA YIN PAR SHES PAR BYA STE, 'BRAS BU YIN PA'I PHYIR DPER NA MYU GU'I RANG GI BDAG NYID BZHIN NO ZHES BYA BAS NI RGYU DANG 'BRAS BU'I SNGA ROL NA MED PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MYU GU NI 'BRAS BU YIN PA'I PHYIR RANG GI BDAG NYID KYI SNGA NA YOD PA MA YIN PA DE BZHIN DU SA BON 'BRU YANG SA LA SOGS PA RKYEN GZHAN GYI 'BRAS BU YIN PA'I PHYIR MYU GU'I SNGA NA YOD PA MA YIN PAR SHES PAR BYA'O, ,GAL TE RGYUD THA DAD PA'I 'BRAS BU DUS SNGAR BYUNG BA DAG GIS MA NGES PA NYID DO ZHE NA ZHES BYA BA NI PHA ROL PO DAG ,DBU MA PA'I GTAN TSIGS 'BRAS BU YIN PA'I PHYIR ZHES BYA BA DE MA NGES PA NYID DU SKYON 'DOGS PA'I TSIG YIN TE, DE DAG NAS 'JIG RTEN NA RGYU SE'U 'BRU LA SOGS PA'I SA BON RGYUD THA DAD PA DAG 'BRAS BU NAS KYI MYU GU'I SNGA ROL NA YOD PAR MTHONG BAS DES NA CI RE ZHIG 'BRAS BU YIN PA'I PHYIR DPER NA MYU GU'I RANG GI BDAG NYID BZHIN DU SA BON 'BRU MYU GU'I SNGA NA YOD PA MA YIN PAR 'GYUR RAM, 'ON TE 'BRAS BU YIN PA'I PHYIR DPER NA RGYUD THA DAD PA'I 'BRAS BU DUS SNGAR BYUNG BA DAG BZHIN DU 'BRAS BU SNGA NA YOD PAR 'GYUR BA MA NGES PAS DBU MA PA'I GTAN TSIGS DE MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE DAG KYANG DON DAM PAR DE BZHIN DU BKAG PA'I PHYIR MI MTHUN PA'I PHYOGS MED PAS MA NGES PA NYID MA YIN NO ZHES BYA BA SMRAS TE, RGYUD THA DAD PA'I RGYU DE DAG KYANG DON DAM PAR 'BRAS BU'I SNGA ROL DU MED PAR BKAG PA'I PHYIR MI MTHUN PA'I PHYOGS MED PAS MA NGES PA NYID MA YIN NO, ,CI STE 'BRAS BU RGYU BAS SNGA BAR 'DOD NA YANG DON DAM PAR 'BRAS BU RGYU BAS SNGA BAR 'DOD PAR MI BYA STE, RGYU MED PA'I SKYON DU 'GYUR BA'I PHYIR RO ZHES BYA BAS NI 'BRAS BU RGYU'I SNGA ROL NA MED PAR STON TE, ,GAL TE 'BRAS BU RGYU BAS SNGA BAR @256A *, ,GYUR NA 'BRAS BU RGYU MED PA CAN DU 'GYUR BA DANG, 'BRAS BU YOD NA YANG RGYUS CI BYA STE RGYUR BRTAGS PA DON MED PA NYID DU YANG THAL BAR 'GYUR RO, ,GANG DAG RGYU LA 'BRAS BU SNGA NA YOD PA NYID GSAL BAR BYED DO ZHES ZER BA DE DAG LA YANG ZHES BYA BA LA SOGS PAS NI GRANGS CAN DAG RGYU LA 'BRAS BU NUS PA'I TSUL DU SNGA NA YOD PA RKYEN RNAMS KYIS PHYIS GSAL BAR BYED DO ZHES ZER BA'I GZHUNG 'GOG PAR BYED DO, ,DE'I PHYIR 'BRAS BU RKYEN RNAMS KYIS GSAL BAR BYED PAR MI 'THAD DE DE DAG ZHIG PAS DE 'JIG PAR 'GYUR BA'I PHYIR DPER NA 'JIM PA LA SOGS PA ZHIG PAS BUM PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS BU BUM PA NI RKYEN 'JIM PA LA SOGS PA DAG ZHIG CING MED NA 'JIG CING MI 'BYUNG BA'I PHYIR RKYEN RNAMS KYIS GSAL BAR BYED PA MA YIN PA DE BZHIN DU 'BRAS BU MYU GU YANG RKYEN SA BON LA SOGS PA ZHIG CING MED NA 'JIG CING MI 'BYUNG BA'I PHYIR RKYEN RNAMS KYIS GSAL BAR BYED PAR MI 'THAD DO, ,GANG ZHIG GANG GIS GSAL BAR BYED PA DE NI DE ZHIG PAS 'JIG PAR MI 'GYUR TE, DPER NA NYI MA DANG, NOR BU DANG, MAR ME DANG, SMAN GYI 'OD ZHIG PAS GSAL BAR BYA BA KHRI'U DANG, GTAN PA DAG ZHIG PAR MI 'GYUR BA BZHIN NO ZHES BRJOD PAR BYA'O ZHES BYA BAS NI GSAL BAR BYED PA'I RKYEN NYI MA LA SOGS PA'I 'OD DAG ZHIG CING MED PAS NI GSAL BAR BYA BA'I 'BRAS BU KHRI'U DANG, GTAN PA LA SOGS PA DAG 'JIG CING MED PAR MI 'GYUR LA, RKYEN SA BON LA SOGS PA DAG ZHIG CING MED PAS NI 'BRAS BU MYU GU LA SOGS PA DAG 'JIG CING MED PAR 'GYUR BAS 'BRAS BU RKYEN RNAMS KYIS GSAL BAR MI BYED PAR MNGON PA'I DPE BSTAN TO, ,GSAL BA YANG SNGON MA BYUNG BA LAS 'BYUNG BA'I PHYIR 'BRAS BU SNGA NA MED PAR SMRA BA YIN NO ZHES BYA BA NI GRANGS CAN RGYU LA 'BRAS BU NUS PA'I TSUL DU SNGA NA YOD PA PHYIS RKYEN RNAMS KYIS GSAL BAR BYED PAS 'BRAS @256B BU SNGA NA YOD PA YIN NO ZHES ZER BA'I GZHUNG SUN DBYUNG BA STON TE, 'BRAS BU GSAL BA ZHES BYA BA'I NGO BO NYID RGYU LA SNGA NA MED PA LAS PHYIS RKYEN GYI MTHUS BYUNG BA'I PHYIR DES NA KHYED 'DOD PA LTAR 'BRAS BU SNGA NA YOD PA MA YIN GYI, SANGS RGYAS PA DAG 'DOD PA LTAR 'BRAS BU SNGON MA BYUNG BA LAS PHYIS ? RKYEN GYI MTHUS BYUNG BAR SMRA BA'I GZHUNG LTAR 'GYUR RO, ,RGYU DANG 'BRAS BU DAG DUS MNYAM PA NYID DO ZHE NA, DE YANG RIGS PA MA YIN NO ZHES BYA BA NI GAL TE GRANGS CAN DAG NA RE GANG GI DUS KHO NA'I TSE RGYU LA 'BRAS BU NUS PA'I TSUL DU YOD PA KHO NA'I DUS NA RKYEN RNAMS KYIS GSAL BAR BYED PA NGES NA RGYU LA 'BRAS BU SNGA NA YOD PA BZHIN NO ZHE NA, DE YANG RIGS PA MA YIN TE, RGYU DANG 'BRAS BU DUS MNYAM PA NYID MI 'THAD PA'I PHYIR RO, ,CI STE LHAN CIG TU'O ZHE NA, DE LTA NA YANG DON DAM PAR 'BRU DANG MYU GU LHAN CIG TU 'BYUNG BA DAG ,RGYU DANG 'BRAS BU'I DNGOS POR MI RUNG STE LHAN CIG TU BYUNG BA'I PHYIR DPER NA BA LANG GI RVA DAG BZHIN NO ZHES BYA BAS NI RGYU DANG 'BRAS BU LHAN CIG TU 'BYUNG BA DGAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BA LANG GI RVA DAG LHAN CIG TU BYUNG BA'I PHYIR RGYU DANG 'BRAS BU'I DNGOS POR MI RUNG BA DE BZHIN DU 'BRU DANG MYU GU DAG KYANG LHAN CIG TU BYUNG BA'I PHYIR RGYU DANG 'BRAS BU'I DNGOS POR MI RUNG STE, ,CI STE RGYU DANG 'BRAS BU DAG LHAN CIG TU 'GYUR NA GNYI GA RGYU MED PA CAN NYID DU 'GYUR BA DANG, RGYU 'BRAS BU LA MI LTOS PA KHO NAR RANG LAS RAB TU GRUB PAR 'GYUR BA DANG 'BRAS BU YANG RGYU LA MI LTOS PA KHO NAR RANG LAS RAB TU GRUB PAR 'GYUR BAS, DE YANG MI 'THAD DO, ,DE BZHIN DU LKOG SHAL LA SOGS PA'I MTSAN NYID KYANG MTSAN NYID KYI GZHI BAS SNGA BAR MI 'DOD DE GZHI MED PA'I PHYIR DPER NA RI MO RTZIG PA BAS SNGA BA MA YIN PA BZHIN NO ZHES BYA BAS NI MTSAN NYID SNGA BA MA YIN PAR STON TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI MO RTZIG PA BAS SNGA BAR GYUR NA GZHI MED PA'I PHYIR RTZIG PA BAS SNGA BA MA YIN PA DE BZHIN DU @257A *, ,LKOG SHAL LA SOGS PA MTSAN NYID KYANG MTSAN NYID KYI GZHI BAS SNGA BAR GYUR NA GZHI MED PA'I PHYIR MTSAN NYID KYI GZHI BAS SNGA BA MA YIN NO, ,DE BZHIN DU MTSAN NYID KYI GZHI YANG MTSAN NYID YIN PAS SNGA BAR MI RIGS TE, LKOG SHAL LA SOGS PA'I MTSAN NYID KYI GZHI YIN PA'I PHYIR DPER NA SKYES BU CHEN PO NYID SKYES BU CHEN PO'I MTSAN RNAMS PAS SNGA BAR MI RIGS PA DANG, SA NYID SRAB BAS SNGA BAR MI RIGS PA BZHIN NO ZHES BYA BAS NA MTSAN NYID KYI GZHI SNGA BA MA YIN PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SKYES BU CHEN PO NYID DANG, SA NYID NI MTSAN NYID KYI GZHI YIN PA'I PHYIR MTSAN NYID PAS SNGA BAR MI RIGS PA DE BZHIN DU, MTSAN NYID KYI GZHI BA LANG YANG, MTSAN NYID KYI GZHI YIN PA'I PHYIR MTSAN NYID LKOG SHAL LA SOGS PA DAG PAS SNGA BAR MI RIGS SO, ,MTSAN NYID DANG MTSAN NYID KYI GZHI LHAN CIG TU BYUNG BA DAG KYANG MTSAN NYID DANG MTSAN NYID KYI GZHI NYID DU MI 'DOD DE LHAN CIG TU BYUNG BA'I PHYIR DPER NA DRI DANG RO LHAN CIG TU BYUNG BA DAG BZHIN NO ZHES BYA BAS NI MTSAN NYID DANG MTSAN NYID KYI GZHI DAG LHAN CIG NYID DU MI 'THAD PAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DRI DANG RO LHAN CIG TU BYANG BA DAG NI LHAN CIG TU BYUNG BA'I PHYIR MTSAN NYID DANG MTSAN NYID KYI GZHI NYID DU MI 'DOD PA DE BZHIN DU MTSAN NYID DANG MTSAN NYID KYI GZHI LHAN CIG TU BYUNG BA DAG KYANG LHAN CIG TU 'BYUNG BA'I PHYIR, MTSAN NYID DANG MTSAN NYID KYI GZHI NYID DU MI 'DOD DE, MTSAN NYID DANG MTSAN NYID KYI GZHI DAG LHAN CIG TU GYUR NA GNYI GA RGYU MED PA CAN DU 'GYUR BA DANG, MTSAN NYID KYANG MTSAN NYID KYI GZHI LA MI LTOS PA KHO NAR RANG LAS RAB TU GRUB PAR 'GYUR BA DANG, MTSAN NYID KYI GZHI YANG MTSAN NYID LA MI LTOS PA KHO NAR RANG LAS RAB TU GRUB PAR 'GYUR BAS DE YANG MI 'THAD DO, ,RGYAS PAR NI SNGA MA BZHIN NO ZHES BYA BAS NI TSOR BA DANG TSOR BA PO DANG, TSAD MA DANG, @257B GZHAL BYA DANG, SHES PA DANG, SHES BYA DANG, GROL BA DANG, THAR BA DAG SNGA PHYI DANG LHAN CIG TU MI 'THAD PA YANG SNGA MA BZHIN DU SBYAR BAR BSTAN TO, ,DE LA 'DIR RAB TU BYED PA'I DON NI PHA ROL BOS RAB TU BYED PA'I DANG POR SMRAS PA'I SGRUB PA'I SKYON BRJOD PAS 'KHOR BA NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'KHOR BA BRTAG PA'I RAB TU BYED PA BCU GCIG PA'I SKABS 'DIR RAB TU BYED PA'I DON TSAD MA'I 'BRAS BUR BLTA BA NI PHA ROL POS PHUNG PO LA SOGS PA DAG YOD PA NYID DU SGRUB PA'I PHYIR RAB TU BYED PA 'DI'I DANG POR DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA'I PHYIR RO ZHES BYA BA LA SOGS PA SMRAS PA'I SGRUB PA'I SKYON BRJOD PAS 'KHOR BA NGO BO NYID MED PA NYID DU BSTAN PA YIN NO, ,'KHOR BA LA SOGS PA'I DNGOS PO THAMS CAD LA SNGA PHYI DANG LHAN CIG GI RIM PA DAG MI 'THAD PAR BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR, 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR THEG PA CHEN PO'I MDO SDE'I MTHA' GZHAN DAG LAS DE BZHIN DU 'DI LA 'GA' YANG 'KHOR BAR MI 'GYUR, MYA NGAN LAS 'DA' BAR MI 'GYUR, KUN NAS NYON MONGS PAR MI 'GYUR, RNAM PAR BYANG BAR MI 'GYUR RO ZHES BYA BA LA SOGS PA GSUNGS PA DANG, DE BZHIN DU 'PHAGS PA TSANGS PAS ZHUS PA'I MDO LAS, TSANGS PA DAS 'KHOR BA YANG MA DMIGS, MYA NGAN LAS 'DAS PA YANG MA DMIGS SO, ,DE CI'I PHYIR ZHE NA, DE BZHIN GSHEGS PAS 'KHOR BA 'DOGS PAR MDZAD KYANG DER 'GA' YANG 'KHOR BAR MI 'GYUR ZHING, DE BZHIN GSHEGS PAS MYA NGAN LAS 'DAS PA 'DOGS PAR MDZAD KYANG DER 'GA' YANG MYA NGAN LAS 'DA' BAR MI 'GYUR BA'I PHYIR RO ZHES BYA BA LA SOGS PA GSUNGS PA DANG, DE BZHIN DU BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL @258A *, ,GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS SKYE BA'AM 'CHI BAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SKYE BA'AM 'CHI BAR MI 'GYUR RO, ,RAB KYI RTZAL GYIS RNAM PAR GNON PA GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SKYE BA'AM 'CHI BAR MI 'GYUR BA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DANG, DE BZHIN DU DE NYID LAS RAB KYI RTZAL GYIS RNAM PAR GNON PA, SNGON DANG, PHYI MA DANG, DBUS KYI MTHA' MED PA NI MYA NGAN LAS 'DAS PA'I MTHA'O, ,JI LTAR BRJOD PA DE LTAR MA YIN TE, CHOS THAMS CAD MTHA' MED PA NI MYA NGAN LAS 'DAS PA'I MTHA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA NI DE LTAR YID CHES PA'I LUNG DE DAG GRUB PA NI 'KHOR BA LA SOGS PA DNGOS PO THAMS CAD LA SNGA PHYI DANG LHAN CIG GI RIM PA DAG MI 'THAD PAR BSTAN PA'I YON TAN DANG KHUNGS YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS BSGRUBS PA MA YIN TE, LUNG DE DAG KYANG YOD DO, ,GANG GI PHYIR DE LTAR THEG PA CHEN PO'I MDO SDE MTHA' YAS PA DAG LAS 'KHOR BA LA SOGS PA DNGOS PO THAMS CAD LA SNGA PHYI DANG, LHAN CIG GI RIM PA DAG MI 'THAD PAR BSTAN PA DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG, 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS 'KHOR BA BRTAG PA ZHES BYA BA STE RAB TU BYED PA BCU GCIG PA RGYA CHER 'GREL PA, SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,BAM PO BZHI BCU DGU PA, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS SDUG BSNGAL NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU GNYIS PA BRTZAM MO ZHES BYA BA LA, @258B DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS, 'DIR YANG SNGAR BSTAN BCOS MDZAD PAS CI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE, PHUNG PO DANG, KHAMS DANG, SKYE MCHED DAG NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS PHUNG PO DANG KHAMS DANG SKYE MCHED DAG YOD PA NYID DU SGRUB PA'I PHYOGS SNGA MA NYE BAR BZHAG PA 'OG NAS DON DAM PAR PHUNG PO RNAMS YOD PA KHO NA YIN TE, SDUG BSNGAL YIN PA'I PHYIR RO ZHES BYA BA LA SOGS PA PHUNG PO RNAMS YOD PA NYID DU BSGRUB PA'I GTAN TSIGS SDUG BSNGAL NGO BO NYID YOD PA NYID DU SMRA BA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA BCU GNYIS PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, SDUG BSNGAL NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU GNYIS PA BRTZAM MO ZHES BYA BA SMRAS TE, SDUG BSNGAL BRTAG PA'I RAB TU BYED PA BCU GNYIS PA'I GZHUNG 'OG NAS DBYUNG BA 'DI'I DON NI SDUG BSNGAL NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, SDUG BSNGAL NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU @259A *, ,BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, RANG GI SDE PA DAG DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS MING DANG KHYAD PAR BSTAN NAS DE ZAD PAR BYA BA'I PHYIR MAN NGAG BSTAN PA'I PHYIR RO ZHES ZER BA'I GTAN TSIGS SUN PHYUNG BAS PHUNG PO LA SOGS PA DAG BKAG TU ZIN KYANG, DE DAG LA MNGON PAR ZHEN PA RANG GI SDE PA DAG LAS KHA CIG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR PHUNG PO RNAMS YOD PA KHO NA YIN TE, SDUG BSNGAL YIN PA'I PHYIR RO ZHES BYA BA LA SOGS PA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR RO, ,'DI NA GANG MED PA DE NI SDUG BSNGAL BA MA YIN TE, DPER NA MGO GNYIS PA BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, ,PHUNG PO RNAMS NI SDUG BSNGAL YIN TE, MDO SDE LAS MDOR NA NYE BAR LEN PA'I PHUNG PO LNGA SDUG BSNGAL LO ZHES GSUNGS PA'I PHYIR DANG, CHOS MNGON PA LAS KYANG, SDUG BSNGAL KUN 'BYUNG 'JIG RTEN DANG, ,LTA BA'I GNAS DANG SRID PA YIN, ,ZHES 'BYUNG BAS ZHES BYA BA NI NYE BAR SBYAR BA'I SBYOR BA YIN TE, BCOM LDAN 'DAS KYIS MDO SDE LAS SDUG BSNGAL GSUM DANG BRGYAD BSTAN PA'I SKABS NAS MDOR NA NYE BAR LEN PA'I PHUNG PO LNGA SDUG BSNGAL LO ZHES GSUNGS PA'I PHYIR DANG, CHOS MNGON PA'I MDZOD LAS KYANG, PHUNG PO LNGA NI SDUG BSNGAL DANG, ,KUN 'BYUNG BA DANG 'JIG RTEN DANG, ,LTA BA'I GNAS DANG SRID PA YIN, , ZHES 'BYUNG BA'I PHYIR PHUNG PO RNAMS NI SDUG BSNGAL YIN PAS DON DAM PAR YOD PA KHO NA YIN NO ZHES NYE BAR SBYAR BAR BYA'O, ,DE'I PHYIR GTAN TSIGS CI SKAD SMOS PA'I MTHUS DON DAM PAR PHUNG PO RNAMS YOD PA KHO NA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, @259B 'DI NA BCOM LDAN 'DAS KYIS MGO GNYIS PA LA SOGS PA MED PA GANG DAG SDUG BSNGAL YIN PAR MA BSTAN PA DE DAG NI DON DAM PAR YOD PA MA YIN GYI, PHUNG PO LA SOGS PA GANG DAG SDUG BSNGAL YIN PAR BSTAN PA DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, SDUG BSNGAL DU RNAM PAR RTOG PA NYE BAR BZHAG NAS, ,KHA CIG SDUG BSNGAL BDAG GIS BYAS, ,GZHAN GYIS BYAS DANG GNYI GAS BYAS, ,RGYU MED PA LAS BYUNG BAR 'DOD, ,DE NI BYA BAR MI RUNG NGO, ,SMRA BA KHA CIG SDUG BSNGAL BDAG GIS BYAS PA DANG, GZHAN GYIS BYAS PA DANG, GNYI GAS BYAS PA DANG, RGYU MED PA LAS BYUNG BAR 'DOD DE, RNAM PA DU MAR RNAM PAR BRTAGS PA DE NI BYA BA'I 'BRAS BUR MI RUNG NGO ZHES BYA BA SMRAS TE, PHA ROL PO DAG SDUG BSNGAL YOD PAR RNAM PAR RTOG PA SLOB DPON GYIS PHYOGS SNGA MA NYE BAR BZHAG NAS TSIG LE'UR BYAS PA 'DI GSUNGS TE, 'DI NA SMRA BA KHA CIG NI SDUG BSNGAL BDAG GIS BYAS PAR 'DOD, KHA CIG NI GZHAN GYIS BYAS PAR 'DOD, KHA CIG NI BDAG DANG GZHAN GNYI GAS BYAS PAR 'DOD, KHA CIG NI RGYU MED PA LAS BYUNG BAR 'DOD DE RNAM PA DU MAR RNAM PAR BRTAGS PA'I SDUG BSNGAL DE NI BDAG DANG, GZHAN DANG, GNYIS DANG, RGYU MED PA DAG GIS LAS SU BYA BA'I 'BRAS BUR MI RUNG BAS YOD PA MA YIN PA'I PHYIR RO, ,PHA ROL PO'I GTAN TSIGS KYI DON MI 'GRUB PA NYID DU DAM BCA' BA RNAM PA BZHI STON TO, ,CI LTAR ZHE NA ZHES BYA BA NI BRTAG PA RNAM PA BZHI PO DE DAG JI LTAR MI 'THAD CES 'DRI BA'I TSIG YIN NO, ,DE LA RE ZHIG DAM BCA' BA DANG PO BSTAN PA'I PHYIR DE LA RE ZHIG CI LTAR DON DAM PAR SDUG BSNGAL BA DAG GIS BYAS PAR MI RUNG BA DE LTAR 'DI BSTAN PAR BYA STE, GAL TE BDAG GIS BYAS GYUR NA, ,DE'I PHYIR BRTEN NAS 'BYUNG MI 'GYUR, GANG GI PHYIR BDAG GIS BYAS PA NI RGYU DANG RKYEN GYIS BYAS PA MA YIN PA DE'I PHYIR DE LA BRTEN NAS BYUNG BA NYID KYI CHOS MED DO ZHES BYA BA'I THA TSIG STE, DE NI MI 'DOD DO ZHES BYA BA LA SOGS PA SMRAS SO, ,'O NA CI LTAR 'DOD CE NA, @260A *, ,BRTEN NAS BYUNG BA NYID DU 'DOD DE, 'DIS NI SDUG BSNGAL GYI CHOS BRTEN NAS BYUNG BA NYID YIN PAR BSTAN TO ZHES BYA BA NI, SDUG BSNGAL BDAG GIS BYAS PA MA YIN PAR BSGRUB PA'I CHOS NI BRTEN NAS BYUNG BA NYID YIN PAR BSTAN TO, ,GANG PHYIR PHUNG PO 'DI DAG LA, , BRTEN NAS PHUNG PO DE DAG 'BYUNG, ,GANG GI PHYIR DA LTAR GYI PHUNG PO 'DI DAG LA BRTEN NAS 'BYUNG BAR 'DOD PA'I PHUNG PO DE DAG 'BYUNG STE, GANG GE PHYIR ZHES BYA BA'I SGRA NI 'DI LTAR ZHES BYA BA'I DON DU BLTA BAR BYA'O, ,DE LTAR NA DE NI CHOS MTHUN PA'I DPE'I TSIG YIN TE ZHES BYA BAS NI, DA LTAR GYI SDUG BSNGAL 'DI SNGON GYI RGYU DANG RKYEN LA BRTEN NAS BYUNG BA NYID YIN PAS BDAG GIS BYAS PA MA YIN PAR SGRUB PA'I CHOS MTHUN PA'I PHYOGS KYI DPE NI DA LTAR GYI PHUNG PO 'DI DAG LA BRTEN NAS, DA LTAR GYI PHUNG PO'I RGYUN PHYI MA DAG 'BYUNG BA YIN PAR BSTAN TE, ,DE'I PHYIR 'DIR RJES SU DPAG PA NI DON DAM PAR LHAS BYIN ZHES BYA BA'I PHUNG PO LNGA NI BYED PA PO LHAS BYIN DANG LDAN PA MA YIN TE, BRTEN NAS 'BYUNG BA'I PHYIR DPER NA SRID PA GCIG TU GTOGS PA'I PHUNG PO LNGA PO PHYI MA DAG PHUNG PO LNGA PO SNGA MA'I RGYU LAS BYUNG BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR GYI SRID PA GCIG TU GTOGS PA'I PHUNG PO LNGA PO'I RGYUN PHYI MA DAG NI DA LTAR GYI PHUNG PO LNGA PO'I RGYU NA SNGA MA LA BRTEN NAS BYUNG BA'I PHYIR BYED PA PO BDAG NYID DANG LDAN PA MA YIN PA DE BZHIN DU LHAS BYIN ZHES BYA BA'I DA LTAR GYI PHUNG PO LNGA PO DAG KYANG TSE SNGA MA'I RGYU DANG RKYEN LA BRTEN NAS BYUNG BA'I PHYIR BYED PA PO LHAS BYIN NYID DANG LDAN PA MA YIN TE, DE'I PHYIR SDUG BSNGAL BDAG GIS BYAS PA MA YIN NO, ,YANG NA TSIG LE'UR BYAS PA SDA LA ? SHOS DE NYID MU STEGS BYE BRAG PA DAG GI GZHUNG DGAG PA'I DBANG DU BYAS TE, RNAM PA GZHAN DU RNAM PAR BSHAD PA'I PHYIR YANG NA BYE BRAG PA DAG NA RE LUS DANG, DBANG PO DANG, BLO'I TSOGS DAG ZHIG KYANG BDAG NI MI 'JIG LA DE YANG KHO BO CAG GI PHYOGS LA BYED PA PO DE DANG BCAS PA NYID DU GNAS PA GCIG PU @260B YIN PAS DE'I PHYIR DES BYAS PA'I SDUG BSNGAL NI BDAG GIS BYAS PA ZHES BYAR RUNG GI ,GANG LA 'DU BYED RNAMS SKAD CIG MA RE RE LA 'JIG PA'I DAD CAN YIN PA DE LA NI SEMS KYI SKAD CIG MA GANG LA SDUG BSNGAL SKYE BA DE, BYED PA PO DE DANG LDAN PA MA YIN PAS BDAG GIS BYAS PA MA YIN LA, GZHAN GYIS BYAS PA'I LAS KYI 'BRAS BU LA LONGS SPYOD PA MI SRID PAS GZHAN GYIS BYAS PA YANG MA YIN TE, MDZAD PA'I MTHA' DANG 'GAL LO ZHES ZER BAS ZHES BYA BA SMRAS TE, BYE BRAG PA DAG NA RE TSE SNGA MA'I LUS DANG DBANG PO DANG, BLO'I TSOGS DAG ZHIG KYANG BDAG NI MI 'JIG LA, BDAG DE YANG KHO BO CAG GI PHYOGS LA LAS DGE BA DANG MI DGE BA'I BYED PA PO YANG YIN ZHING, TSE SNGA MA'I BDAG DE TSE SNGA MA'I LAS DGE BA DANG MI DGE BA'I BYED PA PO YANG YIN LA, DA LTAR GYI LUS LA GNAS PA'I ZA BA PO YANG YIN PAS DA LTAR GYI LUS KYI BDAG NI TSE SNGA MA'I BDAG DE DANG BCAS PA NYID DU THA MI DAD PAR GNAS PA GCIG BU YIN PAS DE'I PHYIR BDAG DES BYAS PA'I SDUG BSNGAL NI BDAG GIS BYAS PA ZHES BYAR RUNG GI ,KHYED SANGS RGYAS PA GANG LA 'DU BYED RNAMS SKAD CIG MA RE RE LA 'JUG PA'I DAD CAN YIN PA DE LA NI SEMS KYI SKAD CIG MA GANG LA SDUG BSNGAL SKYE BA DE, DE NYID DU 'GAG PAS SKAD CIG MA PHYI MA LA BYED PA PO DE DANG LDAN PA MA YIN PAS SDUG BSNGAL BDAG GIS BYAS PA MA YIN NO, ,CI STE KHYED SANGS RGYAS PA DAG 'DI SKAD CES SKAD CIG MA SNGA MA LA LAS BYAS PA'I 'BRAS BU SKAD CIG MA PHYI MA LA MYONG BAR 'GYUR RO ZHES ZER NA DE YANG MI RUNG STE, SKAD CIG MA GZHAN LA SEMS GZHAN GYIS BYAS PA'I LAS KYI 'BRAS BU LA SKAD CIG MA PHYI MA'I SEMS KYIS LONGS SPYOD PA MI SRID PAS SDUG BSNGAL GZHAN GYIS BYAS PA YANG MA YIN TE, BDAG GIS BYAS PA NYID YIN NO, ,CI STE KHYED SANGS RGYAS PA DAG 'DI SKAD CES SKAD CIG MA'I RGYUN THA DAD DU ZIN KYANG SNGA MA LAS BYAS PA'I 'BRAS BU PHYI MA MYONG BAR 'GYUR RO ZHES ZER NA, DE YANG KHYED NYID KYIS MDZAD PA'I MTHA' DANG 'GAL BAS MI RUNG STE, 'DI LTAR KHYED KYI GRUB PA'I MTHA' LAS RANG GIS BYAS PAR MYONG BAR 'GYUR RO ZHES 'BYUNG LA, DA NI SKAD CIG MA SNGA MA LA GZHAN @261A *, ,GYIS BYAS PA'I SKAD CIG MA PHYI MA LA GZHAN GYIS MYONG BAR 'GYUR RO ZHES ZER BAS KHAS BLANGS PA LA GNOD PAR 'GYUR RO, ,DE'I PHYIR KHO BO CAG GI PHYOGS LA BYED PA PO BDAG BRTAG PA GCIG PU DES TSE SNGA MA'I LUS KYI GNAS SKABS SU LAS BYAS PA'I 'BRAS BU DA LTAR GYI LUS KYI GNAS SKABS SU MYONG PA NI SDUG BSNGAL BDAG GIS BYAS PA ZHES BYAR RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE DAG LA YANG DE NI BYA BAR MI RUNG NGO, ,SDUG BSNGAL DE NI BYA BAR MI RUNG STE BDAG DE DANG BCAS PA NYID DU GNAS PA LA RJES SU DPAG PAS GNOD PA'I PHYIR RO ZHES BYA BA SMRAS TE, BYE BRAG PA DAG GIS BRTAGS PA'I BYED PA PO BDAG BRTAG PA GCIG PU DE NYID BYED PA PO NYID DU MI RUNG BA'I PHYIR DES SDUG BSNGAL DE BYA BAR MI RUNG BAS SDUG BSNGAL BDAG GIS MA BYAS SO, ,DE LA 'DIR RJES SU DPAG PA NI SKYES BU NI BYED PA PO MA YIN TE, RTAG PA'I PHYIR DPER NA NAM MKHA' BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA' NI RTAG PA'I PHYIR BYED PA PO MA YIN PA DE BZHIN DU SKYES BU YANG RTAG PA'I PHYIR BYED PA PO MA YIN NO, ,DE NYID BRNAN PA'I PHYIR RTAG PA NYID DU RJES SU DPOG PAS BYED PA PO MA YIN PA NYID KYIS BYED PA PO NYID BSAL BA'I PHYIR, DAM BCAS PA LA CHOS CAN GYI NGO BO NYID BSAL BA'I SKYON YOD DO ZHES BYA BA SMRAS TE, BYE BRAG PA DAG BRTAG PA NYID DU RJES SU DPOG PAS RTAG PA NI NAM MKHA' BZHIN DU BYED PA PO MA YIN PA NYID KYIS BYED PA PO BSAL BA'I PHYIR, BYE BRAG PA DAG GIS BDAG BYED PA PO MA YIN PAR DAM BCAS PA LA CHOS CAN BDAG GI NGO BO NYID BYED PA PO YIN PAR 'DOD PA BYED PA PO MA YIN PAS BSAL BA'I SKYON YOD PAS DAM BCAS PA'I PHYOGS MA GRUB PO, ,GZHAN YANG, GAL TE BDAG GIS BYAS GYUR NA, ,DE'I PHYIR BRTEN NAS 'BYUNG MI 'GYUR, ,BDAG GI RKYEN LAS BYUNG BAR MI 'GYUR TE, BYED PA PO MA SKYES PA LA BYA BA MI 'THAD PA'I PHYIR RO ZHES BYA BAR DGONGS SO ZHES BYA BAS NI TSIG LE'UR BYAS PA'I PHYED GONG @261B MA SHOS 'DI RNAM PA GZHAN DU BSHAD PA STON TE, GAL TE BYE BRAG PA DAG 'DOD PA LTAR SDUG BSNGAL BDAG GIS BYAS PAR RTOG NA DE'I PHYIR SDUG BSNGAL BDAG GI RKYEN LAS 'BYUNG BAR MI 'GYUR TE, SANGS RGYAS PA DAG GI PHYOGS LA BYED PA PO BDAG CES BYA BA DE MA SKYES PA YIN PAS MA SKYES PA LA BYA BA MI 'THAD PAS SDUG BSNGAL BDAG GIS MA BYAS SO ZHES BYA BAR DGONGS SO, ,YANG NA GAL TE SDUG BSNGAL BYED PA PO BDAG DANG LDAN PAR 'DOD NA DE LTA NA YANG, DE PHYIR BRTEN NAS 'BYUNG MI 'GYUR, KHO BO CAG GI PHYOGS LA SDUG BSNGAL NYID BDAG GI SGRAR BRJOD PA'I PHYIR RO ZHES BYA BAR DGONGS SO ZHES BYA BAS NI TSIG LE'UR BYAS PA'I RTZA BA 'DI'I DON RNAM PA GZHAN DU BSHAD PA STON TE, PHA ROL PO DAG NA RE KHO BO CAG GI PHYOGS LA BDAG SKYES PAS SDUG BSNGAL BYED PAR 'DOD PAS SDUG BSNGAL NI BYED PA PO DAG DANG LDAN NO ZHE NA, DE LTA NA YANG BRTEN NAS 'BYUNG BAR MI 'GYUR TE, CI'I PHYIR ZHE NA, KHO BO CAG SANGS RGYAS PA'I PHYOGS LA SDUG BSNGAL NYID BDAG GI SGRAR BRJOD PA'I PHYIR DE NYID LAS DE NYID BRTEN NAS 'BYUNG BAR MI 'GYUR PA'I PHYIR, SDUG BSNGAL BDAG GIS BYAS PAR BRJOD PAR MI BYA'O ZHES BYA BAR DGONGS SO, ,YANG NA GAL TE SKYES BU RANG GIS LAS DE BYAS PAR GYUR NA, DE PHYIR BRTEN NAS 'BYUNG MI 'GYUR, ,LHAN CIG BYED PA'I RGYU GZHAN DAG LA ZHES BYA BA'I TSIG GI LHAG MA'O ZHES BYA BAS KYANG TSIG LE'UR BYAS PA'I RTZA BA DE NYID KYI DON RNAM PA GZHAN DU BSHAD PA STON TE, GAL TE PHA ROL PO DAG NA RE SKYES BU DE NYID BYED PA PO YIN PAS DES DGE BA DANG MI DGE BA'I LAS DE BYAS LA DE NYID KYI 'BRAS BU BDE BA DANG SDUG BSNGAL YANG ZAD PAR BYED PAS, DES NA SDUG BSNGAL BDAG GIS BYAS PA YIN NO ZHES ZER NA DE LTA NA YANG SKYES BU DE BYED PA PO YIN PAS SDUG BSNGAL DE LHAN CIG BYED PA'I RGYU GZHAN DAG LA BRTEN NAS 'BYUNG BA MA YIN PAR 'GYUR BAS DE YANG MI RUNG NGO ZHES STON TO, ,DE NYID BSTAN PA'I PHYIR, SDUG BSNGAL NI BYED PA PO BDAG DANG LDAN PAR 'DOD PAR MI BYA STE, RGYU DU MA DAG GIS BSGRUB PAR BYA BA YIN PA'I PHYIR, DPER NA RLUNG SHUGS DRAG BDAG GIS SHING SKAM PO'I YAN LAG DAG BSKYOD DO, ,DRUD PA LAS BYUNG BA'I NAGS KYI MES @262A *, ,NAGS TSAL SREG PA'I LAS BZHIN NO ZHES BYA BAR DGONGS SO ZHES BYA BA SMRAS SO, ,DE NYID KYI TSAD MA BSTAN PA'I PHYIR, 'DIR RJES SU DPAG PA NI DON DAM PAR LHAS BYIN GYI SDUG BSNGAL NI BYED PA PO LHAS BYIN GYI BDAG DANG LDAN PA MA YIN TE, SDUG BSNGAL YIN PA'I PHYIR DPER NA MCHOD SBYIN GYI SDUG BSNGAL BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI SDUG BSNGAL NI SDUG BSNGAL YIN PA'I PHYIR, BYED PA PO LHAS BYIN GYI BDAG DANG LDAN PA MA YIN PA DE BZHIN DU LHAS BYIN GYI SDUG BSNGAL YANG SDUG BSNGAL YIN PA'I PHYIR BYED PA PO LHAS BYIN GYI BDAG DANG LDAN PA MA YIN NO, ,GAL TE MCHOD SBYIN GYI SDUG BSNGAL SKYE BA LA YANG LAN 'GA' LHAS BYIN BYED PA PO NYID YIN PA'I PHYIR MA NGES PA NYID DO ZHE NA ZHES BYA BA NI PHA ROL PO DAG DBU MA PA'I DPE MCHOD SBYIN GYI SDUG BSNGAL BZHIN NO ZHES BYA BA DE MA NGES PA NYID YIN PAR BSGRUB PA'I TSIG YIN TE, DE DAG NA RE LAN 'GA' LHAS BYIN GYIS MCHOD SBYIN BRDEGS PA LA SOGS PA'I SGO NAS, MCHOD SBYIN LA SDUG BSNGAL SKYE BA'I BYED PA PO NYID LHAS BYIN YIN PA'I PHYIR DES NA KHYED NA RE DPER NA MCHOD SBYIN GYI SDUG BSNGAL NI SDUG BSNGAL YIN PA'I PHYIR DPER NA BYED PA PO LHAS BYIN GYI BDAG DANG LDAN PA MA YIN NO ZHES ZER BA DE MA NGES PA NYID DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, RANG GIS BYAS PA'I LAS KYI 'BRAS BU MYONG BA YIN PA'I PHYIR MA NGES PA NYID MA YIN NO ZHES BYA BA SMRAS TE, LAN 'GA' LHAS BYIN GYIS MCHOD SBYIN BRDEGS PA LA SOGS PA'I SGO NAS MCHOD SBYIN LA SDUG BSNGAL SKYE BA NI, MCHOD SBYIN RANG GIS BYAS PA'I LAS KYI 'BRAS BU MYONG BA YIN PA'I PHYIR, DE'I BYED PA PO NYID LHAS BYIN MA YIN PAS KHO BO'I DPE LA MA NGES PA NYID KYI SKYON MED DO, ,GAL TE PHA ROL PO DAG NA RE DE RANG GIS BYAS PA'I LAS KYI 'BRAS BUS MYONG BA YIN DU ZIN KYANG, DE LA SDUG BSNGAL SKYE BA DE LHAS BYIN GYIS BRDEGS PA LA SOGS PA'I RNAM PAR 'GYUR BA YIN PAS, DES NA LHAS BYIN DE'I BYED PA PO YIN NO ZHES ZER @262B BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DE'I RNAM PAR 'GYUR BA YIN YANG BYED PA PO'I NGO BO NYID MA YIN PA BONG BA LA SOGS PA DAG KYANG THA SNYAD DU LHAN CIG BYED PA'I RGYU'I DNGOS PO DE'I YAN LAG NYID DU 'GYUR BA'I PHYIR SKYON MED DO ZHES BYA BA SMRAS TE, MCHOD SBYIN RANG GIS BYAS PA'I LAS KYI 'BRAS BU MYONG BA'I RKYEN LHAS BYIN GYIS BRDEGS PA LA SOGS PA'I RNAM PAR 'GYUR BA YIN DU ZIN KYANG DE BYED PA PO NYID MA YIN TE, DPER NA BYED PA PO'I NGO BO NYID MA YIN PA BONG BA LA SOGS PA DAG KYANG THA SNYAD DU MCHOD SBYIN RANG GIS BYAS PA'I LAS KYI 'BRAS BU MYONG BA'I LHAN CIG BYED PA'I RGYU'I DNGOS PO DE'I RNAM PAR 'GYUR BA'I YAN LAG NYID DU 'GYUR MOD KYI DE DAG BYED PA PO NYID MA YIN PA BZHIN PAS KHO BO'I DPE LA MA NGES PA NYID KYI SKYON MED DO, ,GANG LA 'DU BYED RNAMS SKAD CIG MA RE RE LA 'JIG PA'I NGANG CAN YIN PA DE LA NI SEMS KYI SKAD CIG MA GANG LA SDUG BSNGAL SKYE BA DE BYED PA PO DE DANG LDAN PA MA YIN PAS BDAG GIS BYAS PA MA YIN PA ZHES BYA BA LA SOGS PA GANG SMRAS PA DE LA YANG NYON CIG CES BYA BAS NI SNGAR YANG NA BYE BRAG PA DAG NA RE LUS DANG, DBANG PO DANG, BLO'I TSOGS DAG ZHIG KYANG BDAG NI MI 'JIG LA DE YANG KHO BO CAG GI PHYOGS LA BYED PA PO DE DANG BCAS PA NYID DU GNAS PA GCIG PU YIN PAS DE'I PHYIR, DES BYAS PA'I SDUG BSNGAL NI BDAG GIS BYAS PA ZHES BYAR RUNG GI ,GANG LA 'DU BYED RNAMS SKAD CIG MA RE RE LA 'JIG PA'I NGANG CAN YIN PA DE LA NI SEMS KYI SKAD CIG MA GANG LA SDUG BSNGAL SKYE BA DE BYED PA PO DE DANG LDAN PA MA YIN PAS BDAG GIS BYAS PA MA YIN LA, GZHAN GYIS BYAS PA'I LAS KYI 'BRAS BU LA LONGS SPYOD PA MI SRID PAS GZHAN GYIS BYAS PA YANG MA YIN TE, MDZAD PA'I MTHA' DANG 'GAL LO ZHES ZER BA'I YAN SNGAR YANG BTAB ZIN MOD KYI, YANG 'DIR DE'I LAN RNAM PA GZHAN GYI SGO NAS GDAB KYIS NYON CIG CES BYA BAR SBYAR RO, ,DE'I PHYIR, DON DAM PAR NI SDUG BSNGAL BDAG GIS BYAS PA DANG, GZHAN GYIS BYAS PAR BRJOD PAR BYA BA MA YIN PA'I PHYIR, DE DAG MI SRID PAR BSTAN PA MI GNOD DO ZHES BYA BA SMRAS TE, DES @263A *, ,NI KHO BO CAG DBU MA PA'I PHYOGS LA DON DAM PAR NI DNGOS PO THAMS CAD LA BYED PA PO DANG LAS SU BRJOD PAR BYA BA MED PAS SDUG BSNGAL BDAG GIS BYAS PA DANG, GZHAN GYIS BYAS PAR BRJOD PAR BYA BA MA YIN PA'I PHYIR KHYED KYIS BDAG GIS BYAS PA DANG GZHAN GYIS BYAS PA DE DAG MI SRED PAR BSTAN PA KHO BO CAG GI PHYOGS LA MI GNOD DO, ,THA SNYAD DU NI 'JIG RTEN NA DE DANG RIGS MTHUN PA NYID KYIS RGYUD DANG 'BRAS BU'I RGYUD THA MI DAD PA LA THA SNYAD DE DAG MTHONG STE, DPER NA BDAG GIS BTZUGS PA'I MAR ME DE NYID 'DI YIN NO, ,BDAG GIS BSKYED PA'I SHING AA MRA DE NYID 'DI YIN NO ZHES BRJOD PA DE BZHIN DU 'DI LA YANG SEMS CAN GYI SKAD CIG MA SNGA MA SEMS CAN GYI SKAD CIG MA PHYI MA DANG, RGYU DANG 'BRAS BU'I 'BREL PA THA MI DAD PAS BYAS PA LA BDAG GIS BYAS PA ZHES BYA'O ZHES BYA BAS NI KHO BO CAG DBU MA PA YANG KUN RDZOB TU NI 'JIG RTEN LA JI LTAR GRAGS PA BZHIN DU RGYU DANG 'BRAS BU RIGS MTHUN PA'I 'BREL PA DE DAG KHAS LEN PAS RANG GIS BYAS PA'I LAS KYI 'BRAS BU DUS GZHAN NA RANG NYID KYIS MYONG BAR 'DOD PAS BDAG GIS BYAS PA'I THA SNYAD 'GOG PAR MI BYED PAS KHYED KYI KLAN KA'I SKABS MED DO, ,GAL TE PHA ROL PO DAG NA RE, DE LTA NA SEMS CAN GYI SKAD CIG MA SNGA MA DANG PHYI MA GZHAN NYID YIN PAS SNGA MAS BYAS PA PHYI MAS MYONG NA MA BYAS PA DANG PHRAD PA DANG, BYAS PA CHUD ZA BA'I SKYON DU 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, GZHAN NYID YIN DU ZIN KYANG RGYU DANG 'BRAS BUR 'BREL PA'I PHYIR SEMS CAN GYI SKAD CIG MA SNGA MAS DGE BA DANG, MI DGE BA NYE BAR BSAGS PA DAG GI RNAM PAR SMIN PA MI MYONG BA MA YIN TE, DPER NA DUG GI MTHU 'O MA'I SKAD CIG MAR BLUGS PA DE'I RNAM PAR 'GYUR BA ZHO'I SKAD CIG MAR MYONG BA BZHIN PAS MA BYAS PA DANG PHRAD PA DANG, BYAS PA CHUD ZA BAR YANG MI 'GYUR RO ZHES BYA BA SMRAS TE, DES NI KUN RDZOB TU SEMS CAN GYI SKAD CIG MA SNGA MA DANG, PHYI MA GZHAN NYID YIN DU ZIN KYANG RIGS MTHUN PA NYID KYIS RGYU DANG 'BRAS BU'I RGYUD THA MI DAD PA LA RNAM PAR SMIN PA MI MYONG BA MA @263B YIN PAS, MA BYAS PA DANG PHRAD PA DANG BYAS PA CHUD MI ZA BA'I SKYON DU YANG MI 'GYUR LA SEMS CAN RIGS MI MTHUN PA NYID KYIS RGYU DANG 'BRAS BU'I RGYUD THA DAD PA LA RNAM PAR SMIN PA MI MYONG BAS GZHAN GYIS BYAS PA GZHAN GYIS MYONG BA YANG MA YIN PAR BSTAN TO, ,CI STE SKAD CIG MA SNGA MA LA LAS NYE BAR BSAGS PA'I 'BRAS BU NI 'DU BYED KYI SKAD CIG MA PHYI MA LA MYONG BAR MI 'GYUR TE, GZHAN YIN PA'I PHYIR DPER NA RGYUD THA DAD PA BZHIN NO ZHE NA ZHES BYA BA NI PHA ROL PO DAG SEMS CAN RGYUD THA MI DAD PA'I SKAD CIG MA SNGA MA DANG, PHYI MA GZHAN NYID YIN PAS SNGA MAS BYAS PA'I 'BRAS BU PHYI MAS MI MYONG BA BSGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN DANG MCHOD SBYIN GYI RGYUD THA DAD PA NI GZHAN YIN PA'I PHYIR LHAS BYIN GYI RGYUD KYIS LAS NYE BAR BSAGS PA'I 'BRAS BU MCHOD SBYIN GYIS MYONG BAR MI 'GYUR BA DE BZHIN DU RGYUD THA MI DAD PA'I SKAD CIG MA SNGA MA DANG PHYI MA YANG GZHAN NYID YIN PA'I PHYIR SNGA MA LAS NYE BAR BSAGS PA'I 'BRAS BU PHYI MAS MYONG BAR MI 'GYUR TE, GAL TE MYONG BAR GYUR NA MA BYAS PA DANG PHRAD PA DANG BYAS PA CHUD ZA BA'I SKYON DU 'GYUR RO ZHES ZER RO DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG BZANG PO MA YIN TE, MDZAD PA'I MTHA' LAS, BRTEN NAS GANG DANG GANG 'BYUNG BA, ,RE ZHIG DE NI DE NYID MIN, ,DE LAS GZHAN PA'ANG MA YIN TE, ,DE PHYIR CHAD MIN RTAG MA YIN, ,ZHES 'BYUNG BA'I PHYIR GZHAN NYID KYI GTAN TSIGS KYI DON MA GRUB PA NYID DO ZHES BYA BA SMRAS TE, KHYED KYIS RJES SU DPAG PA'I GTAN TSIGS GZHAN YIN PA'I PHYIR, DPER NA RGYUD THA DAD PA BZHIN NO ZHES BYA BA DE NI KHO BO CAG GI LUNG LAS GCIG PA NYID DANG GZHAN NYID BKAG PAS MA GRUB PA NYID DO, ,LUNG GI DON DE NYID RJES SU DPAG PA'I TSAD MAS SGRUB PA'I PHYIR SEMS KYI SKAD CIG MA SNGA MA LA BSAGS PA'I MTHU'I KHYAD PAR NI SKYE BA'I GNYEN PO MA SKYES PA'I RGYUD LA 'BRAS BUR 'GYUR BAR GZUNG BAR BYA STE, MTHU'I KHYAD PAR YIN PA'I PHYIR, DPER NA MA TU LUNG GA'I ME TOG GI ZE BA DMAR BA BZHIN @264A *, ,PAS THA SNYAD KYI BDEN PA LA GNOD PA MED DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA MA TU LUNG GI'I SA BON RGYA SKYEGS KYIS BSKUS PA NI 'BRAS BU SKYED NUS PA'I MTHU'I KHYAD PAR YIN PA'I PHYIR MYU GU DANG, SDONG BU LA SOGS PA'I GNAS SKABS BAR MA DAG LA MI MNGON YANG ZE BA'I GNAS SKABS LA RGYA SKYEGS KYI KHA DOG DMAR BAR MNGON PAS SKAD CIG MA YIN YANG THA SNYAD KYI BDEN PAR RGYU DANG 'BRAS BUR 'BREL PA'I TSUL LA GNOD PA MED PA DE BZHIN DU SEMS KYI SKAD CIG MA SNGA MA LA LAS DGE BA DANG MI DGE BA BSAGS PA'I MTHU'I KHYAD PAR YANG 'BRAS BU SKYED NUS PA'I MTHU'I KHYAD PAR YIN PA'I PHYIR SKAD CIG MA GNYIS PA DANG GSUM PA LA SOGS PA'I GNAS SKABS BAR MA DAG LA MI MNGON YANG, SKYES PA DANG LAN GRANGS GZHAN GYI GNAS SKABS NA SKYE BA'I GNYEN PO 'PHAGS PA'I LAM MA SKYES PA'I GANG ZAG GI RGYUD LA 'BRAS BU BDE BA DANG SDUG BSNGAL MYONG BAR 'GYUR BAS SKAD CIG MA YIN YANG THA SNYAD KYI BDEN PAR RGYU DANG 'BRAS BUR 'BREL PA'I TSUL LA GNOD PA MED DE LUNG LAS, LAS RNAMS BSKAL PA BRGYAR YANG NI, ,CHUD MI ZA BA'ANG TSOGS DANG DUS, ,RNYED NA LUS CAN RNAMS LA NI, ,'BRAS BU DAG TU 'GYUR BA NYID, ,CES CI SKAD GSUNGS PA LTA BU'O, ,GAL TE PHYOGS GZHAN GYIS LAS BYAS PA'I 'BRAS BU PHYOGS GZHAN GYIS MYONG BAR 'GYUR BAS PHYOGS SNGA MA LA BYAS PA DANG PHRAD PA DANG, BYAS PA CHUD ZA BA'I SKYON DU 'GYUR TE, DE NYID KYIS LAN 'GA' YANG 'BRAS BU MYONG BAR MI 'GYUR BA'I PHYIR RO, ,PHYOGS 'BREL PAR BRTAG NA YANG DAM BCAS PA NYAMS PAR 'GYUR TE, PHRAD PA DANG 'DU BA DAG LA YANG 'BREL PA YOD PA'I PHYIR, DRAN PA DANG SHES PA LA SOGS PA SKYES PA DAG DNGOS MA YIN PAS MDZAD PA'I MTHA' DANG 'GAL LO, ,BDAG GCIG PA NYID KYI PHYIR SKYON MED DO ZHE NA ZHES BYA BA NI PHA ROL PO DAG ,SANGS RGYAS PA DAG 'DU BYED RNAMS SKAD CIG MA RE RE LA 'JIG PA'I NGANG CAN YIN PAR 'DOD PA DAG GI @264B PHYOGS NI MA BYAS PA DANG PHRAD PA DANG, BYAS PA CHUD ZA BA'I SKYON DU 'GYUR LA BYE BRAG PA LA SOGS PA BDAG BRTAG PA GCIG PU NYID DU 'DOD PA'I PHYOGS LA NI SKYON DE DAG MED DO ZHES BSGRUB PA'I TSIG YIN TE, DE DAG NA RE KHYED SANGS RGYAS PA DAG 'DOD PA LTAR SEMS KYI SKAD CIG MA SNGA MA LA BSAGS PA'I LAS KYI 'BRAS BU SKAD CIG MA PHYI MA LA MYONG BAR BRTAG NA, DE NI SEMS KYI SKAD CIG MA SNGA MA'I PHYOGS GZHAN GYIS LAS BYAS PA'I 'BRAS BU SEMS KYI SKAD CIG MA PHYI MA'I PHYOGS GZHAN GYIS MYONG BAR 'GYUR BAS DE LTA NA SEMS KYI SKAD CIG MA PHYI MA'I PHYOGS LA MA BYAS PA DANG PHRAD PA DANG, SEMS KYI SKAD CIG MA SNGA MA'I PHYOGS LA BYAS PA CHUD ZA BA'I SKYON DU 'GYUR TE, CI'I PHYIR ZHE NA, SEMS KYI SKAD CIG MA SNGA MA GANG GIS LAS BYAS PA DE NYID KYIS LAN 'GA' YANG 'BRAS BU MYONG BAR MI 'GYUR LA, SEMS KYI SKAD CIG MA PHYI MA LA GANG GIS LAS MA BYAS PA DE NYID KYIS RTAG TU 'BRAS BU MYONG BAR 'GYUR BA'I PHYIR RO, ,GAL TE KHYED SANGS RGYAS PA DAG 'DI SKAD CES RIGS MTHUN PA NYID KYI RGYU DANG, 'BRAS BU'I RGYUD THA MI DAD PA LA SEMS KYI SKAD CIG MA SNGA MA'I PHYOGS DANG, SEMS KYI SKAD CIG MA PHYI MA'I PHYOGS 'BREL PAS DES NA MA BYAS PA DANG PHRAD PA DANG BYAS PA CHUD ZA BA'I SKYON DU MI 'GYUR RO ZHES ZER NA, DE'I PHYIR PHYOGS 'BREL PAR BRTAGS NA YANG DAM BCAS PA NYAMS PAR 'GYUR TE, PHYOGS 'BREL PAR BRTAG PA NI NYE BAR BTAGS PA YIN GYI, DNGOS MA YIN LA, KHYED SANGS RGYAS PA'I RIGS MTHUN PA NYID KYI RGYU DANG 'BRAS BU'I RGYUD THA MI DAD PAR DAM BCAS PA NI DNGOS NYID YIN PAR 'DOD PAS GAL TE PHYOGS 'BREL PAR 'DOD NA KHYED RANG GIS DAM BCAS PA NYAMS PAR 'GYUR RO, ,'BREL PAR BRTAG PA CI LTAR NA NYE BAR BTAGS PA YIN GYI DNGOS MA YIN ZHE NA, PHRAD PA DANG 'DU BA DAG LA YANG 'BREL PA YOD PA'I PHYIR TE, KHO BO CAG BYE BRAG PA'I GRUB PA'I MTHA' LAS PHRAD PA ZHES BYA BA'I TSIG GI DON LA YANG 'BREL PA YOD DO, DPER NA LHAS BYIN DBYUG PA DANG 'BREL PA'I PHYIR DBYUG PA CAN ZHES BYA BA NI PHRAD PA'I TSIG GI DON YIN LA, DE NI DBYUG @265A *, ,PA DANG 'BREL PA ? TZAM LAS DBYUG PA CAN ZHES NYE BAR GDAGS PAR ZAD KYI, LHAS BYIN DNGOS NYID KYANG MA YIN LA DBYUG PA DNGOS NYID KYANG MA YIN NO, ,DE BZHIN DU 'DU BA ZHES BYA BA'I TSIG GI DON LA YANG 'BREL BA YOD DE, DPER NA BA LANG GI SPYI 'DUS PA RVA DANG 'BREL BA'I PHYIR RVA CAN ZHES BYA BA NI 'DU BA'I TSIG GI DON YIN LA DE NI RVA DANG 'BREL PA TZAM LAS RVA CAN ZHES NYE BAR GDAGS PAR ZAD KYI, BA LANG DNGOS NYID KYANG MA YIN LA RVA DNGOS NYID KYANG MA YIN NO, ,DE'I PHYIR KHYED SANGS RGYAS PA PHYOGS 'BREL PAR RTOG NA KHYED KYI DRAN PA DANG, SHES PA LA SOGS PA SKYES PA DAG DNGOS YIN PAS MDZAD PA'I MTHA' DANG 'GAL LO, ,CI'I PHYIR ZHE NA, KHYED SANGS RGYAS PAS BDAG GIS SNGON LAS DGE BA DANG MI DGE BA 'DI DANG 'DI LTA BU ZHIG BYAS SO SNYAM DU DRAN PA DANG DA LTAR SKYES PA DANG, BDAG GIS DA LTAR 'BRAS BU BDE BA DANG, SDUG BSNGAL 'DI DANG 'DI LTA BU ZHIG MYONG NGO SNYAM DU SHES PA DA LTAR SKYES PA DANG, SOGS PA'I SGRAS BDAG GIS SNGON 'DOD CHAGS KYIS BSKYED PA DANG, ZHE SDANG GIS BSKYED PA DANG GTI MUG GIS BSKYED PA'I LAS 'DI LTA BU ZHIG BYAS SO SNYAM DU DRAN PA DA LTAR SKYES PA DANG, BDAG GIS DE DAG GIS BSKYED PA'I 'BRAS BU DA LTAR 'DI DANG 'DI LTA BU ZHIG MYONG NGO SNYAM DU SHES PA DA LTAR SKYES PA DE DAG THAMS CAD KYANG PHRAD PA'I TSIG GI DON GYI MTSAN NYID KYIS 'BREL PA'AM 'DU BA'I TSIG GI DON GYI MTSAN NYID KYIS 'BREL PA YIN PA'I PHYIR DE DAG 'BREL PA TZAM LAS RGYU DANG 'BRAS BU ZHES NYE BAR GDAGS PAR ZAD KYI, SEMS KYI SKAD CIG MA SNGA MA'I BYED PA PO DNGOS NYID KYANG MA YIN LA, SEMS KYI SKAD CIG MA PHYI MA'I ZA BA PO DNGOS NYID KYANG MA YIN NO, DE LTA NA KHYED SANGS RGYAS PA NYID KYI MDZAD PA'I MTHA' DANG 'GAL BAR 'GYUR TE, 'DI LTAR KHYED KYI MDZAD PA'I MTHA' LAS BYED PA PO DANG, ZA BA PO LA SOGS PA DE DAG THAMS CAD DNGOS YIN PAR 'BYUNG LA, KHYOD KYIS 'DIR DE DAG NYE BAR BTAGS PA YIN PAR SMRAS PA'I PHYIR RO, ,GAL TE KHYED SANGS RGYAS PA DAG 'DI SKAD CES NGED SANGS RGYAS PA 'DU BYED RNAMS SKAD CIG MA RE RE LA 'JIG @265B PA'I NGANG CAN YIN PAR SMRA BA'I PHYOGS LA SKYON CI SKAD BSTAN PA DE DAG TU 'GYUR BAR KHYED SMRA NA, BYE BRAG PA LA SOGS PA KHYED BDAG BRTAG PA GCIG PU NYID DU SMRA BA'I PHYOGS LA SKYON DE DAG TU JI LTAR MI 'GYUR ZHES ZER NA, DE'I PHYIR BDAG GCIG PA NYID KYI PHYIR SKYON MED DO ZHES BYA BA SMRAS TE, KHO BO CAG GI PHYOGS LA DANG PO SPRUL PA PO NAS BZUNG STE, THA MA 'JIGS PA CHEN PO'I BAR DU BDAG BRTAG PA GCIG PA NYID YIN PA'I PHYIR MA BYAS PA DANG PHRAD PA DANG BYAS PA CHUD ZA BA'I SKYON MED DO, ,KHO BO CAG GI GRUB PA'I MTHA' LAS BYED PA PO YANG DE NYID YIN LA ZA BA PO YANG DE NYID YIN NO ZHES 'BYUNG BA'I PHYIR RO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE JI LTAR GCIG PA NYID YIN ZHES BYA BA LA SOGS PA SMRAS TE, DES NI KHYED KYIS BDAG GCIG PA NYID CES BYA BA DE CI LTAR GCIG PA NYID YIN ZHES DRI BA BSTAN TO, ,DE SKAD CES DRIS PA NI GAL TE PHA ROL PO DAG NA RE GCIG NYID KYI GRANGS DANG LDAN PA'I PHYIR RO ZHE NA NI ZHES BYA BAS NI PHA ROL PO'I GZHUNG NYID BRNAN PA STON TE, BYE BRAG PA DAG GI GZHUNG LAS BDAG LA SOGS PA DNGOS PO THAMS CAD NI GCIG PA NYID KYANG MA YIN LA, GZHAN NYID KYANG MA YIN TE TSIG GI DON DRUG PAS YON TAN GYI GRANGS GCIG CES BYA BA DANG LDAN NA GCIG NYID BYA ZHING GZHAN NYID DANG LDAN NA GZHAN ZHES BYA'O ZHES 'BYUNG BAS 'DIR BDAG DE YANG YON TAN GYI GRANGS GCIG CES BYA BA DNGOS DANG LDAN PA'I PHYIR GCIG PA NYID YIN PAR 'DOD DO ZHE'O, ,DA NI SUN DBYUNG BA'I RJES SU DPAG PA BSTAN PA'I PHYIR BDAG NI GCIG NYID KYI GRANGS DNGOS DANG LDAN PA MA YIN TE, YOD PA'I PHYIR GCIG NYID KYI GRANGS DNGOS BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GCIG NYID KYI GRANGS DNGOS NI YOD PA'I PHYIR GCIG NYID KYI GRANGS DNGOS DANG LDAN PA MA YIN TE, DE NYID DE NYID DANG LDAN PAR MI RUNG BA DE BZHIN DU BDAG KYANG YOD PA'I PHYIR GCIG NYID KYI GRANGS DNGOS DANG LDAN PA MA YIN TE, YOD PA NYID YOD PA NYID DANG LDAN PAR MI RUNG NGO, ,CI STE PHA ROL PO DAG @266A *, ,'DI SKAD CES KHYED SANGS RGYAS PA LA DON DAM PAR BDAG YOD PAR MA GRUB PAS YOD PA'I PHYIR ZHES BYA BA'I GTAN TSIGS KYI GZHI GANG YANG RUNG BA LA MA GRUB PA'I SKYON YOD DO ZHES ZER NA, DE'I LAN DU KHO BO CAG SANGS RGYAS PA LA YANG KUN RDZOB TU PHUNG PO'I MTSAN NYID KYI BDAG YOD PAR GRUB PAS DE'I PHYIR GZHI GRUB PAS GTAN TSIGS GANG YANG RUNG BA LA MA GRUB PA NYID KYI SKYON MED DO ZHES BRJOD PAR BYA'O, ,GCIG DANG GCIG MA YIN LA GCIG PA NYID DU BRTAG NA YANG ZHES BYA BAS NI PHA ROL PO DAG BDAG DE GCIG NYID KYI GRANGS DANG LDAN PA'I PHYIR GCIG PA NYID DO ZHES ZER BA'I GZHUNG DE RNAM PA GZHAN GYI SGO NAS SUN DBYUNG BA STON TE, GCIG NYID LA GCIG NYID KYI GRANGS DNGOS DANG LDAN PA'I PHYIR GCIG PA NYID DU BRTAG GAM 'ON TE GCIG MA YIN PA LA GCIG NYID KYI GRANGS DNGOS DANG LDAN PA'I PHYIR GCIG PA NYID DU BRTAG GRANG NA, GNYI GA YANG MI 'THAD PAR STON TO, ,DE LA BRTAG PA DANG PO MI 'THAD PAR BSTAN PA'I PHYIR 'BREL PA DON MED PA NYID DU 'GYUR BA'I PHYIR DANG ZHES BYA BA SMRAS TE, 'DI LTAR GCIG YIN PA'I PHYIR GCIG GI NGO BO NYID YIN BZHIN DU YANG GCIG NYID DANG LDAN PAR 'DOD NA DES NA 'BREL BA ? DON MED PA NYID DU 'GYUR TE, SNGA NAS GCIG GI NGO BO NYID DU GRUB ZIN PA LA YANG GCIG NYID DANG SBYOR BA DON MED PA'I PHYIR RO, ,CI STE GCIG NYID DU GRUB KYANG GCIG NYID DANG LDAN PAR BYA DGOS NA NI THUG PA MED PA'I SKYON DU 'GYUR RO, ,BRTAG PA GNYIS PA MI 'THAD PAR BSTAN PA'I PHYIR MI SRID PA'I PHYIR ZHES BYA BA SMRAS TE, CI STE GCIG GI NGO BO NYID MA YIN NA CI LTAR GCIG NYID DANG LDAN PAR 'GYUR TE, MI MTHUN PA GNYIS GCIG LA DUS GCIG TU SBYOR BA MI SRID PA'I PHYIR RO, ,CI STE SNGAR GCIG NYID KYI KHYAD PAR DANG MI LDAN PA PHYIS GCIG NYID DANG LDAN PAS GCIG NYID DU 'GYUR NA NI DES NA SNGON GYI NGO BO NYID SPANGS PAS RJES SU DPAG PA LAS NGO BO NYID MED PA NYID DU GRUB PAR 'GYUR RO, ,BZANG PO MA YIN PA NYID DO ZHES BYA BA NI MJUG BSDU BA YIN TE, PHA ROL PO'I GZHUNG NI RANG GI 'DOD PA NYAMS PAS BZANG PO MA YIN PA NYID DO, ,ZHAR LA BSHAD PAS CHOG STE ZHES BYA BAS NI PHA ROL PO'I LO RGYUS NYES BAR SMRAS @266B PA DAG RNAM PAR DPYAD PAS CHOG GO ZHES BYA BA'I THA TSIG GO, ,PHA ROL POS SNGAR PHYOGS 'BREL PAR BRTAG NA YANG DAM BCAS PA NYAMS PAR 'GYUR TE, PHRAD PA DANG 'DU BA DAG LA YANG 'BREL PA YOD PA'I PHYIR DRAN PA DANG, SHES PA LA SOGS PA SKYES PA DAG DNGOS MA YIN PAS MDZAD PA'I MTHA' DANG 'GAL LO ZHES GANG SMRAS PA DE NI SANGS RGYAS PA'I GZHUNG GSAL BAR BYED PA YIN PAS LAN GDAB MI DGOS TE, 'DI LTAR KHO BO CAG CHOS THAMS CAD NYE BAR BTAGS PA TZAM DANG, THA SNYAD TZAM DU 'DOD PA NI MDZAD PA'I MTHA' DANG MI 'GAL BA'I PHYIR RO, ,DE'I PHYIR DE LTAR SDUG BSNGAL BDAG GIS BYAS PA MA YIN PAR 'DOD DO ZHES BYA BA NI SPYI'I MJUG BSDU BA DANG TSAD MA'I 'BRAS BU YIN TE DE LTAR RE ZHIG DAM BCAS PA DANG PO BSGRUBS ZIN TO, ,DA NI DAM BCAS PA GNYIS PA BSGRUB PAR BYA STE, DE'I PHYIR GZHAN GYIS BYAS PA YANG MA YIN TE, CI LTAR ZHE NA, GAL TE DE LAS 'DI GZHAN ZHING, ,GAL TE 'DI LAS DE GZHAN NA, ,GZHAN DE DAG GIS 'DI BYAS PA, ,SDUG BSNGAL GZHAN GYIS BYAS PAR 'GYUR, ,ZHES BYA BA LA SOGS PA SMRAS TE, GAL TE SNGON GYI PHUNG PO DE DAG LAS DA LTAR GYI PHUNG PO 'DI DAG GZHAN ZHING, DA LTAR GYI PHUNG PO 'DI DAG LAS KYANG SNGON GYI PHUNG PO DE DAG GZHAN PAR GYUR PA DE LTAR BRTAG NA NI, GZHAN DE DAG GIS 'DI DAG BYAS PAS SDUG BSNGAL GZHAN GYIS BYAS PAR YANG 'GYUR BA ZHIG NA DE DAG LAS 'DI DAG GZHAN MA YIN LA, 'DI DAG LAS KYANG DE DAG GZHAN MA YIN PAS GZHAN DE DAG GIS 'DI DAG MA BYAS PAS SDUG BSNGAL GZHAN GYIS MA BYAS SO ZHES STON TO, ,DE NYID BSTAN PA'I PHYIR GAL TE SNGON GYI TSE RABS SNGA MA'I PHUNG PO DE DAG LAS DA LTAR GZHAN DU NYID MTSAMS SBYOR BA'I PHUNG PO PHYI MA 'DI DAG GZHAN YIN PAR GYUR CING, GAL TE 'DI DAG LAS KYANG SNGON GYI PHUNG PO DE DAG GZHAN YIN PAR GYUR NA NI DE LTAR BRTAGS NA GZHAN DE DAG GIS 'DI DAG BYAS PAS SDUG BSNGAL GZHAN GYIS BYAS PAR YANG 'GYUR BA ZHIG NA DE LTAR NI MI 'DOD DE ZHES BYA BA SMRAS SO, ,CI'I PHYIR DE LTAR MI 'DOD CE NA, DE'I PHYIR GZHAN NYID DU RJES SU DPOG PAS DE'I BYED PA PO NYID MA YIN PAS DE BYED PA PO NYID YIN PA @267A *, ,BSAL BAS GANG GI PHYIR SDUG BSNGAL GZHAN GYIS BYAS PAR DAM BCAS PA'I DAM BCAS PA LA CHOS KYI NGO BO NYID BSAL BA'I SKYON YOD DO ZHES BYA BAR DGONGS SO ZHES BYA BA SMRAS TE, GANG GI PHYIR PHA ROL PO DAG SDUG BSNGAL GZHAN GYIS BYAS PAR 'DOD PA DE'I PHYIR LHAS BYIN GYI SNGON GYI PHUNG PO GZHAN DAG GIS DA LTAR GYI PHUNG PO DAG MA BYAS TE, GZHAN YIN PA'I PHYIR DPER NA MCHOD SBYIN GYI SNGON GYI PHUNG PO GZHAN DAG GIS LHAS BYIN GYIS DA LTAR GYI PHUNG PO DAG MA BYAS PA BZHIN TE, SNGON GYI PHUNG PO RNAMS GZHAN NYID DU RJES SU DPOG PAS DE DAG DA LTAR GYI PHUNG PO DAG GI BYED PA PO NYID MA YIN PAS DE DAG GI DAM BCAS PA LA SDUG BSNGAL GYI CHOS GZHAN GYIS BYAS PAR 'DOD PA'I NGO BO NYID BSAL BA'I SKYON YOD DE, GZHAN NYID YIN NA BYED PA PO DANG LAS KYI MTSAN NYID DU 'BREL PA MED PA'I PHYIR RO ZHES BYA BAR DGONGS SO, ,YANG NA, GZHAN DE DAG GIS 'DI BYAS PAS, ,SDUG BSNGAL GZHAN GYIS BYAS PAR 'GYUR, ,ZHES BYA BA NI, GAL TE DE LAS 'DI GZHAN ZHING, ,GAL TE 'DI LAS DE GZHAN NA, ,ZHES BYA BA'I TSIG GI LHAG MA STE, DE DAG LAS 'DI DAG GZHAN ZHING 'DI DAG LAS KYANG DE DAG GZHAN PAR GYUR NA NI GZHAN DE DAG GIS 'DI DAG BYAS PAS SDUG BSNGAL GZHAN GYIS BYAS PAR YANG 'GYUR BA ZHIG NA DE DAG GZHAN NYID DU MI 'THAD PAS SDUG BSNGAL GZHAN GYIS MA BYAS SO ZHES BYA BAR STON TE, DE DAG JI LTAR GZHAN NYID DU MI 'THAD CE NA, DE'I PHYIR 'THAD PA DE DAG LA GZHAN NYID DE YANG MI SRID PA KHO NA'I PHYIR RO ZHES BYA BA SMRAS TE, GANG GI PHYIR GNYI GA YOD NA NI PHAN TSUN LTOS PAS GZHAN ZHES THA SNYAD GDAGS SU RUNG GRANG NA, SNGON GYI PHUNG PO YOD PA'I DUS NA NI DA LTAR GYI MED LA, DA LTAR GYI PHUNG PO YOD PA'I DUS NA NI SNGON GYI MED PAS 'THAD PA DE'I SGO NAS DE DAG LA GZHAN NYID DE YANG MI SRID PA KHO NA'I PHYIR SDUG BSNGAL GZHAN GYIS MA BYAS SO, ,GZHAN NYID YIN DU ZIN KYANG SKYE BA MED PA'I RAB TU BYED PAR GZHAN LAS SKYE BA MED PAR BSTAN PA BZHIN DU DE LAS SKYE BA MED DO ZHES BYA BAR DGONGS SO ZHES BYA BAS NI KUN RDZOB KYI THA SNYAD DU GZHAN NYID YIN DU ZIN KYANG DON DAM PAR GZHAN LAS SKYE BA MED PAR BSTAN PA SNGA MA BZHIN NO ZHES @267B BSTAN TO, ,DE NYID KYI 'THAD PA BSTAN PA'I PHYIR CI LTAR GZHAN NYID MI SRID PAR DGONGS SHE NA, DON DAM PAR LHAS BYIN GYI SNGON GYI PHUNG PO RNAMS NI PHUNG PO PHYI MA RNAMS LAS GZHAN MA YIN TE, LHAS BYIN GYI PHUNG PO YIN PA'I PHYIR DPER NA PHUNG PO PHYI MA'I RANG GI BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN GYI PHUNG PO PHYI MA RNAMS NI LHAS BYIN GYI PHUNG PO YIN PA'I PHYIR RANG GI BDAG NYID LAS GZHAN MA YIN PA DE BZHIN DU LHAS BYIN GYI SNGON GYI PHUNG PO RNAMS KYANG LHAS BYIN GYI PHUNG PO YIN PA'I PHYIR PHUNG PO PHYI MA RNAMS LAS GZHAN MA YIN NO, ,YANG NA GTAN TSIGS NI RGYUD THA MI DAD PA'I SDUG BSNGAL YIN PA'I PHYIR TE, SBYOR BA'I YAN LAG LHAG MA RNAMS NI SNGA MA BZHIN NO ZHES BYA BA NI RJES SU DPAG PA SNGA MA DE NYID KYI SBYOR BA'I YAN LAG LHAG MA SNGA MA BZHIN DU SBYAR LA DE'I GTAN TSIGS NI PHYI MA 'DI DANG SBYAR DU YANG RUNG BA'O, ,'DI LTAR SBYAR TE, DON DAM PAR LHAS BYIN GYI SNGON GYI PHUNG PO RNAMS NI PHUNG PO PHYI MA RNAMS LAS GZHAN MA YIN TE RGYUD THA MI DAD PA'I SDUG BSNGAL YIN PA'I PHYIR DPER NA PHUNG PO PHYI MA'I RANG GI BDAG NYID BZHIN TE, DE LTAR DAM BCAS PA GNYIS PA YANG BSGRUBS ZIN TO, ,DA NI DAM BCAS PA GSUM PA BSGRUB PAR BYA STE, DE'I PHYOGS SNGA MA BSTAN PA'I PHYIR GZHAN DAG GIS SMRAS PA, GZHAN GYIS BYAS PA'I LAS KYI 'BRAS BU MI MYONG BA'I PHYIR DANG, GANG ZAG GNAS SKABS GZHAN THA DAD PAS BYAS PA'I PHYIR SDUG BSNGAL BDAG GIS BYAS PA YANG YIN LA, GZHAN GYIS BYAS PA YANG YIN PAS PHYOGS GNYI GAR BSTAN PA'I SKYON MED DO ZHES BYA BA SMRAS TE, PHA ROL PO DAG NA RE GZHAN GYIS BYAS PA'I LAS KYI 'BRAS BU MI MYONG BA'I PHYIR GZHAN GYIS BYAS PA MA YIN TE, BDAG GIS BYAS PA YANG YIN LA GANG ZAG SNGON GYI GNAS SKABS GZHAN THA DAD PAS BYAS PA'I PHYIR BDAG GIS BYAS PA MA YIN TE, GZHAN GYIS BYAS PA YANG YIN PAS SNGAR DBU MA PAS BDAG GIS MA BYAS PA DANG GZHAN GYIS MA BYAS PA'I PHYOGS GNYI GAR BSTAN PA'I SKYON KHO BO CAG GI PHYOGS LA MED DO ZHES ZER RO, ,DE SKAD CES ZER BA @268A *, ,DE'I LAN DU 'DIR 'GREL PA BYED PA NYID KYIS, 'DIR GANG ZAG BDAG GIS SDUG BSNGAL BYAS PA DANG, GANG ZAG GZHAN GYIS SDUG BSNGAL BYAS PAR 'DOD PA'I PHYOGS GNYI GA DGAG PA RIM BZHIN DU STON TE, DE LA RE ZHIG GANG ZAG BDAG GIS SDUG BSNGAL BYAS PAR 'DOD PA'I PHYOGS DGAG PA'I PHYIR 'DIR BSHAD PA, GAL TE GANG ZAG BDAG GIS NI, ,SDUG BSNGAL BYAS NA GANG BDAG GIS, ,SDUG BSNGAL BYAS PA'I GANG ZAG NI, ,SDUG BSNGAL MED PA DE GANG YIN, ,ZHES BYA BA LA SOGS PA SMRAS TE, GAL TE PHA ROL PO DAG 'DOD PA LTAR GANG ZAG BDAG NYID KYIS RANG GI SDUG BSNGAL BYAS PAR BRTAG NA GANG ZAG GANG GIS BDAG NYID KYI SDUG BSNGAL BYAS PA DE'I SNGON BDAG NYID KYI SDUG BSNGAL MA BYAS PA'I DUS NA DE LA SDUG BSNGAL MED PAR 'GYUR TE, SDUG BSNGAL MED PA'I GANG ZAG NI MI SRID DE MED NA GANG ZAG SDUG BSNGAL MED PA GANG GIS BDAG NYID KYI SDUG BSNGAL MA BYAS PA BYED PA DE GANG ZHIG YIN, DE NI MED PAS DES SDUG BSNGAL MA BYAS SO ZHES STON TO, ,DE NYID BSTAN PA'I PHYIR, RANG GI GRUB PA'I MTHA' LA GNOD PA BCAB PA'I PHYIR GAL TE GANG ZAG GANG GIS PHUNG PO LNGA'I MTSAN NYID KYI SDUG BSNGAL BYAS PAR RTOG NA ZHES BYA BA SMRAS TE, PHA ROL PO DAG SNGAR SDUG BSNGAL BDAG GIS BYAS PAR 'DOD PA MA GRUB PAR SUN BYUNG BAS RANG GI GRUB PA'I MTHA' LA GNOD PA DE BCAB PA'I PHYIR DA 'DIR GAL TE 'DI SKAD CES GANG ZAG BDAG NYID KYIS RANG GI PHUNG PO LNGA'I MTSAN NYID KYI SDUG BSNGAL BYAS PAR RTOG NA'O, ,DE LTA NA GANG GIS BDAG GIS SDUG BSNGAL BYAS PA'I GANG ZAG SDUG BSNGAL MED PA DE GANG ZHIG YIN TE, BDAG GIS DNGOS PO GANG GIS SDUG BSNGAL DE BYAS PA'I GANG ZAG CES BRJOD PA SDUG BSNGAL MED PA NI 'GA' YANG YOD PA MA YIN NO ZHES BYA BAR DGONGS SO ZHES BYA BA SMRAS TE, GANG ZAG GANG GIS BDAG NYID KYI SDUG BSNGAL BYAS PA DES DA DUNG MA BYAS PA'I SNGON ROL NA GANG ZAG SDUG BSNGAL MED PA YOD PAR MI SRID PAS DE SDUG BSNGAL MA BYAS SO ZHES BYA BAR DGONGS SO, ,CI STE YANG RANG GI LTA BA BSKYANG BAR 'DOD PAS GANG ZAG NI PHUNG PO RNAMS LAS DE NYID DANG GZHAN NYID DU BRJOD @268B PAR BYA BA MA YIN PA NYID DU BRJOD NA ZHES BYA BA NI DBU MA PAS PHA ROL PO DAG GI DOGS PA BSU BA'I TSIG YIN TE, CI STE YANG PHA ROL PO DAG RANG GI LTA BA GANG ZAG BDAG GI SDUG BSNGAL GYI BYED PA POR BSGRUB PA DE BSKYANG ZHING GZHUNG GZUGS PAR 'DOD PAS GANG ZAG PHUNG PO LAS GZHAN NYID DU BRJOD NA, DE BDAG GI SDUG BSNGAL GYI BYED PA PO MA YIN PAR SNGAR DBU MA PAS SUN PHYUNG BA'I SKYON DE BSUB PA'I PHYIR 'DIR KHO BO CAG GANG ZAG NI PHUNG PO RNAMS DANG GCIG PA NYID KYANG MA YIN LA, GZHAN NYID KYANG MA YIN PAR 'DOD PAS KHYED DBU MA PAS PHUNG PO'I SNGA ROL NA GANG ZAG SDUG BSNGAL MED PA YOD PAR MI SRID DO ZHES BSGRUB PA DE NI GRUB PA LA SGRUB PA YIN NO ZHES ZER NA'O, ,DE SKAD CES ZER NA DE LA YANG SKYON YOD DE, GAL TE GANG ZAG DE PHUNG PO RNAMS LAS DE NYID DANG GZHAN NYID DU BRJOD PAR BYA BA MA YIN DU ZIN KYANG, GANG ZAG NI PHUNG PO'I YUL LA YOD PAR BRTAG GRANG NA, PHUNG PO RNAMS LA NI GANG ZAG MED PAR BSTAN PA'I PHYIR 'DIR 'GREL PA BYED PA NYID KYIS, DE LTA NA YANG GANG ZAG NI LHAS BYIN ZHES BYA BA'I PHUNG PO LNGA PO 'DI DAG LA MED PAR SHES PAR BYA STE, BRTEN NAS BYUNG BA'I PHYIR DPER NA BUM PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI BRTEN NAS BYUNG BA'I PHYIR LHAS BYIN ZHES BYA BA'I PHUNG PO LNGA PO 'DI DAG LA MED PA DE BZHIN DU GANG ZAG KYANG BRTEN NAS 'BYUNG BA'I PHYIR LHAS BYIN ZHES BYA BA'I PHUNG PO LNGA PO 'DI DAG LA MED DO, ,GAL TE YOD PA NYID 'GOG PAR BYED PA'I PHYIR 'DI NI YOD DO ZHE NA ZHES BYA BA NI PHA ROL PO DAG NA RE 'JIG RTEN NA YOD PA NYID 'GOG PAR BYED KYI MED PA NYID 'GOG PAR MI BYED DE, DPER NA LHAS BYIN KHYIM NA MED DO ZHES BRJOD KYI NAM MKHA'I ME TOG KHYIM NA MED DO ZHES MI ZER BAS 'DIR KHYED KYI GANG ZAG PHUNG PO RNAMS LA MED DO ZHES BKAG PA LAS NA GANG ZAG DNGOS NI YOD DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE NI BZANG PO MA YIN TE, MU STEGS BYED KYIS YONGS SU BRTAGS PA'I GTZO BO DANG SKYES BU DANG DBANG PHYUG LA SOGS PA DAG @269A *, ,GIS MA NGES PA NYID YIN PA'I PHYIR DANG, DON DAM PAR DPE MED PA'I PHYIR DANG YOD PA NYID 'GA' YANG NI 'THAD PA'I PHYIR RO ZHES BYA BA SMRAS TE, 'JIG RTEN NA MU STEGS BYED DAG GIS YONGS SU BRTAG PA'I GTZO BO LA SOGS PA MED PA DAG 'GOG PAR BYED PA YANG MTHONG BAS DES NA CI RE ZHIG DGAG PA YOD PA'I PHYIR LHAS BYIN KHYIM NA MED KYANG DNGOS PO YOD PA BZHIN DU GANG ZAG PHUNG PO RNAMS LA MED KYANG DNGOS PO YOD PAR 'GYUR RAM, 'ON TE DGAG PA YOD PA'I PHYIR GTZO BO LA SOGS PA GTAN MED PA BZHIN DU GANG ZAG KYANG GTAN MED PAR 'GYUR BA MA NGES PA NYID YIN PA'I PHYIR DANG, DON DAM PAR GANG ZAG YOD PA'I DPE MED PA'I PHYIR DANG, DON DAM PAR YOD PA NYID 'GA' YANG MI 'THAD PA'I PHYIR KLAN KA DE NI BZANG PO MA YIN NO, ,GAL TE PHA ROL PO DAG 'DI SKAD CES KHYED KYI GTAN TSIGS BRTEN NAS BYUNG BA'I PHYIR ZHES BYA BA DE KHO BO CAG LA MA GRAGS PAS GTAN TSIGS SU MI RUNG NGO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, 'DIR YANG SNGAR SLOB DPON GYIS, GAL TE BDAG GIS BYAS GYUR NA, ,DE PHYIR BRTEN NAS 'BYUNG MI 'GYUR, ,ZHES BYA BA SDUG BSNGAL GYI CHOS BRTEN NAS BYUNG BA NYID YIN PAR BSTAN PA DE'I DBANG KHO NAS RJES SU DPAG PA BSTAN TO ZHES BYA BA SMRAS TE, GANG GI PHYIR PHA ROL PO DAG LA YANG GANG ZAG DANG PHUNG PO RNAMS BRTEN NAS BYUNG BAR GRAGS PA DE'I PHYIR GTAN TSIGS KYI DON MA GRUB PA NYID MA YIN NO, ,DE'I PHYIR DE LTAR DON DAM PAR GANG ZAG MA GRUB PA'I PHYIR SDUG BSNGAL GANG ZAG GANG GIS KYANG BDAG GIS MA BYAS PAR GRUB PO ZHES BYA BA NI MJUG BSDU BA YIN TE, DE LTAR NA RE ZHIG GANG ZAG BDAG GIS SDUG BSNGAL MA BYAS SO, ,DE NI GANG ZAG GZHAN GYIS SDUG BSNGAL BYAS PAR 'DOD PA'I PHYOGS DGAG PA'I PHYIR, DA NI CI LTAR GANG ZAG GZHAN DU GYUR PAS SDUG BSNGAL BYAS PAR MI 'THAD PAR DE LTAR BSHAD PA, GAL TE GANG ZAG GZHAN GYIS NI, ,SDUG BSNGAL BYAS NA GZHAN ZHIG GIS, ,SDUG BSNGAL DE BYAS GANG SBYIN TE, ,SDUG BSNGAL MED PAR CI LTAR RUNG, ,ZHES BYA BA LA SOGS PA @269B SMRAS TE, GAL TE PHA ROL PO DAG 'DOD PA LTAR SNGON GYI GANG ZAG GZHAN GYIS SDUG BSNGAL BYAS NAS DA LTAR GYI GANG ZAG LA SBYIN PAR BRTAG GRANG NA SNGON GYI GANG ZAG GANG GIS SDUG BSNGAL BYAS NAS DA LTAR GYI GANG ZAG LA SBYIN PAR BYED PA DES DA DUNG DE LA MA SBYIN PA'I DUS NA GANG LA SBYIN PAR BYA BA'I GANG ZAG DE SDUG BSNGAL MED PAR LEN PA PO'I BDAG NYID DU YOD PAR CI LTAR RUNG STE MI RUNG NGO ZHES STON TO, ,DE NYID BSTAN PA'I PHYIR GAL TE GANG ZAG GZHAN GYIS SDUG BSNGAL BYAS NA ZHES BYA BA SMRAS TE, GAL TE PHA ROL PO DAG 'DOD PA LTAR SNGON GYI GANG ZAG GZHAN GYIS SDUG BSNGAL BYAS NAS DA LTAR GYI GANG ZAG LA SBYIN PAR RTOG NA'O, ,DE LTA NA, GNAS SKABS GZHAN THA DAD PA'I GZHAN ZHIG GIS SDUG BSNGAL DE BYAS NAS GANG LA SBYIN PAR BYA BA DE SDUG BSNGAL MED PAR CI LTAR RUNG STE DE NI YOD PA MA YIN PA KHO NA STE, GANG ZAG SDUG BSNGAL MED PA BKAG PA'I PHYIR DANG, DE YOD PA NYID DU STON PA'I RJES SU DPAG PA MED PA'I PHYIR RO ZHES BYA BAR DGONGS SO ZHES BYA BA SMRAS TE, TSE SNGA MA'I GNAS SKABS GZHAN THA DAD PA'I GANG ZAG GZHAN ZHIG GIS SDUG BSNGAL DE BYAS NAS DA LTAR GYI GANG ZAG GANG LA SBYIN PAR BYA BA DE LA DA DUNG MA BYIN PA'I DUS NA DA LTAR GYI GANG ZAG DE SDUG BSNGAL MED PAR LEN PA PO'I DNGOS POR YOD PAR CI LTAR RUNG STE, DE NI YOD PA MA YIN PA KHO NA STE, GANG ZAG SDUG BSNGAL MED PAR SNGAR BKAG ZIN PA'I PHYIR DANG, DE YOD PA NYID DU STON PA'I RJES SU DPAG PA PHA ROL PO DAG LA MED PA'I PHYIR RO ZHES BYA BAR DGONGS SO; ;DE LTAR GYI GANG ZAG MED PA'I PHYIR GNAS SKABS GZHAN THA DAD PA'I GZHAN NYID YOD PA MA YIN NA GANG GI PHYIR DES BYAS PA GZHAN GYIS BYAS PAR ZHES BYA BAR 'GYUR ZHES BYA BAS NI GLAGS YOD PA'I TSIG SNGA MA LAS BZLOG NAS SKABS KYI DON NYID STON TE, GAL TE GANG LA SBYIN PA DA LTAR GYI GANG ZAG LEN PA PO ZHIG YOD NA NI DE LA LTOS NAS TSE SNGA MA'I GNAS SKABS GZHAN THA DAD PA'I GANG ZAG GZHAN NYID KYANG YOD PAR 'GYUR, ,DES SDUG BSNGAL BYAS PA NI GANG ZAG GZHAN GYIS BYAS PA ZHES BYA BAR YANG 'GYUR GRANG NA, GANG LA SBYIN PA DA LTAR GYI GANG ZAG @270A *, ,LEN PA PO MED PA'I PHYIR TSE SNGA MA'I GNAS SKABS GZHAN THA DAD PA'I GANG ZAG GZHAN NYID YOD PA MA YIN PAS GANG GI PHYIR DES SDUG BSNGAL BYAS PA GZHAN GYIS BYAS PA ZHES BYA BAR 'GYUR TE MI 'GYUR RO, ,GZHAN YANG SNGAR RJES SU DPAG PA LA SDUG BSNGAL BDAG GIS MA BYAS SO ZHES BYA BA DE BSTAN ZIN PAS DE'I PHYIR, BDAG GIS BYAS PA MA GRUB PAS, ,SDUG BSNGAL GZHAN GYIS GA LA BYAS, ,MA BYAS PA LA GZHAN GYI THA SNYAD MI SRID PA'I PHYIR RO ZHES BYA BAR DGONGS SO ZHES BYA BAS NI GANG ZAG GZHAN GYIS SDUG BSNGAL MA BYAS PA'I 'THAD PA GZHAN STON TO, ,SNGAR, GAL TE BDAG GIS BYAS GYUR NA, ,DE PHYIR BRTEN NAS 'BYUNG MI 'GYUR, ,GANG PHYIR PHUNG PO 'DI DAG LA, ,BRTEN NAS PHUNG PO DE DAG 'BYUNG, ,ZHES RJES SU DPAG PA LAS SDUG BSNGAL BDAG GIS MA BYAS SO ZHES BYA BA DE BSTAN ZIN PAS DE'I PHYIR CI LTAR RING PO LA LTOS PA MED NA THUNG DU YANG MED PA DE BZHIN DU BDAG GIS BYAS PA MED NA GZHAN GYIS BYAS PA YANG MED PAS DE'I PHYIR BDAG GIS MA BYAS SHING BDAG NYID MED PA LA GZHAN GYI THA SNYAD KYANG MI SRID PA'I PHYIR SDUG BSNGAL GANG ZAG GZHAN GYIS MA BYAS SO ZHES BYA BAR DGONGS SO, ,YANG NA RGYUD SO SOR NGES PA LA LAS RNAM PAR SMIN PA CAN GZHAN GYIS BYED PA MI SRID PA'I PHYIR, SDUG BSNGAL GZHAN GYIS GA LA BYAS, ,ZHES GSUNGS TE ZHES BYA BAS NI TSIG LE'UR BYAS PA'I RTZA BA 'DI'I DON RNAM PA GZHAN DU BSHAD PA STON TE, LHA DANG MI LA SOGS PA RGYUD SO SOR NGES PA LAS DGE BA DANG, MI DGE BA GANG LA RNAM PAR SMIN PA YID DU 'ONG BA DANG, MI 'ONG BA YOD PA DE NI RGYUD SO SOR NGES PA LA LAS RNAM PAR SMIN PA CAN ZHES BYA BA DE, LAS DE NI RGYUD SO SOR NGES PA RANG GIS BYED KYI GZHAN GYIS BYED PA MI SRID PA'I PHYIR SLOB DPON KLU SGRUB KYI ZHAL SNGA NAS KYIS, SDUG BSNGAL GZHAN GYIS GA LA BYAS, ,ZHES GSUNGS SO, ,DE'I PHYIR DE LTAR SDUG BSNGAL BDAG DANG GZHAN GYIS BYAS PA NYID DU MI 'THAD DO ZHES BYA BA NI SKABS GYI MJUG BSDU BA YIN TE, DE'I PHYIR DE LTAR DPYAD NA GANG GI TSE, GANG ZAG BDAG DANG GANG ZAG GZHAN BYED PA PO NYID MA YIN PA DE'I TSE SDUG BSNGAL BDAG DANG GZHAN GYIS BYAS PA NYID DU MI 'THAD @270B DO, ,YANG GZHAN YANG, GZHAN GYIS SDUG BSNGAL GANG BYED PA, ,DE NI DE YI BDAG BYAS 'GYUR, ,GNAS SKABS GZHAN THA DAD DU ZIN KYANG GANG ZAG THA DAD PA MED PA'I PHYIR RO ZHES BYA BAS KYANG SDUG BSNGAL GANG ZAG GZHAN GYIS BYAS PA MA YIN PA'I GZHUNG BSNAN PA RNAM PAR GZHAN STON TE, GANG ZAG GANG GIS SNGON GYI PHUNG PO LA BRTEN NAS SDUG BSNGAL GANG BYED PA DE NI GANG ZAG DE'I DA LTAR GYI PHUNG PO'I GNAS SKABS SU YANG BDAG GIS BYAS PA ZHES BYA BA DE DAG YIN PAR 'GYUR GYI, GZHAN GYIS BYAS PA YIN PAR MI 'GYUR TE, 'DI LTAR TSE SNGA MA'I PHUNG PO'I GNAS SKABS GZHAN DANG DA LTAR GYI PHUNG PO THA DAD DU ZIN KYANG GANG ZAG THA DAD PA MED PA'I PHYIR DE YANG GZHAN GYIS BYAS PAR MA GRUB PO, ,DE LTA BAS NA BDAG GIS BYAS PA DANG GZHAN GYIS BYAS PA ZHES BYA BA DE DAG NI GYI NA'O ZHES BYA BA NI SNGAR PHA ROL PO DAG NA RE GZHAN GYIS BYAS PA'I LAS KYI 'BRAS BU MI MYONG BA'I PHYIR DANG, GANG ZAG GNAS SKABS GZHAN THA DAD PAS BYAS PA'I PHYIR SDUG BSNGAL BDAG GIS BYAS PA YANG YIN LA, GZHAN GYIS BYAS PA YANG YIN PAS PHYOGS GNYI GAR BSTAN PA'I SKYON MED DO ZHES PHUNG PO'I MTSAN NYID PHYOGS SU BYAS NAS SDUG BSNGAL GNYI GAS BYAS SO ZHES ZER BA'I LAN GYI MJUG BSDU BA YIN NO, ,DA NI DAM BCAS PA GSUM PA DE NYID SGRUB PA'I PHYIR GANG ZAG GI MTSAN NYID PHYOGS SU BYAS NAS SDUG BSNGAL BDAG DANG GZHAN GNYI GAS BYAS PA DGAG PA'I RNAM PA GZHAN STON TE, DE'I PHYOGS SNGA MA BSTAN PA'I PHYIR GZHAN DAG GIS SMRAS PA, GANG ZAG GI BDAG GIS BYAS PA'I PHYIR SDUG BSNGAL BDAG GIS BYAS PA YANG YIN LA, SDUG BSNGAL GANG YIN PA DE NYID GANG ZAG MA YIN PA'I PHYIR SDUG BSNGAL GZHAN GYIS BYAS PA YANG YIN TE, DE LTAR RNAM GRANGS LAS BDAG DANG GZHAN GYIS BYAS PAR GRUB PA'I PHYIR SKYON MED DO ZHES BYA BA SMRAS TE, 'DIR RANG GI SDE PA DAG LAS RNAM PAR PHYE STE SMRA BA PA'I SDE DANG, CHOS SRUNG SDE DANG, GOS DMAR SDE DANG, GNAS MA'I BU'I SDE DANG, SA STON GYI SDE DANG, CHOS MCHOG SDE DANG, SAR SGROGS RIGS KYI SDE ZHES BYA BA SDE PA BDUN PO DE DAG NI PHAL CHER GANG ZAG TU SMRA BA YIN TE, DE DAG LAS KHA @271A *, ,CIG NI PHUNG PO DANG, GANG ZAG GCIG PAR 'DOD PAS GANG ZAG BDAG GIS BYAS PA'I PHYIR SDUG BSNGAL BDAG GIS BYAS PA YIN ZHES ZER, KHA CIG NI PHUNG PO DANG GANG ZAG THA DAD PAR 'DOD PAS SDUG BSNGAL GANG YIN PA DE NYID GANG ZAG MA YIN PA'I PHYIR SDUG BSNGAL GZHAN GYIS BYAS SO ZHES ZER TE, DE'I PHYIR SDE PA BDUN PO DE DAG NA RE DE LTAR GCIG PA DANG, THA DAD PA'I RNAM GRANGS LAS SDUG BSNGAL BDAG DANG GZHAN GYIS BYAS PAR GRUB PA'I PHYIR, KHYED DBU MA PAS GNYI GAS BYAS PA'I PHYOGS SUN DBYUNG BA'I SKYON SNGA MA DAG KHO BO CAG GI PHYOGS LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, 'DIR BSHAD PA, RE ZHIG SDUG BSNGAL BDAG BYAS MIN, ,GANG ZAG BDAG GIS MA BYAS SO, ,ZHES BYA BA'I THA TSIG STE, SDUG BSNGAL GYI NGO BO NYID MA YIN PA'I GANG ZAG MED PA'I PHYIR RO ZHES BYA BAR DGONGS SO ZHES BYA BA LA SOGS PA SMRAS TE, DES NI PHUNG PO'I MTSAN NYID LAS GZHAN PA'I GANG ZAG GIS SDUG BSNGAL BDAG GIS MA BYAS SO ZHES BSTAN TE, 'DI LTAR SDUG BSNGAL GYI NGO BO NYID MA YIN PA'I GANG ZAG NAM MKHA'I ME TOG LTA BU GZHAN MED PA'I PHYIR DES NA SDUG BSNGAL MA BYAS SO ZHES BYA BAR DGONGS SO, ,CI STE SDUG BSNGAL GYI NGO BO NYID MA YIN PA'I GANG ZAG MED PA'I PHYIR DES DE MA BYAS PA'I SKYON DU GYUR NA MI RUNG NGO SNYAM PAS GANG ZAG NI SDUG BSNGAL GYI NGO BO NYID YIN NO ZHE NA, DE'I PHYIR SDUG BSNGAL GYI NGO BO NYID YIN NA YANG, DE NYID KYIS NI DE MA BYAS, GAL TE BDAG GIS BYAS GYUR NA, ,DE PHYIR BRTEN NAS 'BYUNG MI 'GYUR, ,ZHES BYA BA DER BKAG ZIN PA'I PHYIR RO ZHES BYA BAR DGONGS SO ZHES BYA BA SMRAS TE, GANG ZAG GANG YIN PA DE NYID SDUG BSNGAL YIN LA, DES DE BYAS PAR GYUR NA GANG GI PHYIR BDAG GIS BYAS PA NI RGYU DANG RKYEN GYIS BYAS PA MA YIN PA DE'I PHYIR DE LA BRTEN NAS BYUNG BA NYID KYI CHOS MED PA'I PHYIR DE NI MI 'DOD DE SNGAR BKAG ZIN TO ZHES BYA BAR DGONGS SO, ,YANG NA, DE NYID KYIS NI DE MA BYAS, ,ZHES BYA BA NI, RANG LA BYA BA BYED PA MA MTHONG BA'I PHYIR DANG, BDAG LAS SKYE BA MI 'THAD PA BZHIN DU DES BYED PA MI 'THAD PA'I PHYIR RO ZHES BYA BAR DGONGS SO ZHES @271B BYA BAS NI TSIG LE'UR BYAS PA'I RTZA BA 'DI'I DON RNAM PA GZHAN DU BSHAD PA STON TO, ,GANG ZAG GANG YIN PA DE NYID SDUG BSNGAL YIN PAR GYUR NA DE NYID KYIS DE MI BYED DE RANG LA BYED PA 'GAL BA'I PHYIR DANG, BDAG LAS SKYE BA MI 'THAD PA BZHIN DU DES DE BYED PA MI 'THAD PA'I PHYIR SDUG BSNGAL BDAG GIS BYAS PA MA YIN NO ZHES BYA BAR DGONGS SO, ,SDUG BSNGAL GANG YIN PA DE NYID GANG ZAG MA YIN PA'I PHYIR DES BYAS PA NI GZHAN GYIS BYAS PA YANG YIN TE ZHES GANG SMRAS PA DE YANG BZANG PO MA YIN TE ZHES BYA BAS NI GANG ZAG PHUNG PO DANG GCIG PA MA YIN PAS DES BYAS PA NI SDUG BSNGAL GZHAN GYIS BYAS PA YIN PAR 'DOD PA'I PHYOGS SU DGAG PA STON TO, ,DE'I PHYIR, GAL TE GZHAN BDAG MA BYAS NA, ,SDUG BSNGAL GZHAN BYAS GA LA 'GYUR, ,ZHES BYA BA LA SOGS PA SMRAS TE, DES NI GAL TE PHA ROL PO DAG GIS PHUNG PO LAS GZHAN PA'I GANG ZAG YOD PAR BRTAGS PA DES BDAG NYID BYAS TE YOD PAR GYUR NA NI DE NYID GZHAN YIN PAS DES BYAS PA'I SDUG BSNGAL NI GZHAN GYIS BYAS PA ZHES BYA BAR YANG 'GYUR BA ZHIG NA, PHUNG PO LAS GZHAN PA'I GANG ZAG DES BDAG NYID MA BYAS TE, YOD PA MA YIN PAS GZHAN NYID MED NA DES SDUG BSNGAL BYAS PAR GA LA 'GYUR TE, MI 'GYUR RO ZHES STON TO, ,DE NYID BSTAN PA'I PHYIR PHA ROL PO DAG GIS GZHAN NYID DU BSAM PA GANG YIN PA DE GAL TE BDAG GIS MA BYAS SHING BDAG NYID MA SKYES KYANG YOD PAR GYUR NA NI DES NA DE GZHAN NYID DU GRUB PA'I PHYIR DES BYAS PA YANG GZHAN GYIS BYAS PAR 'GYUR GRANG NA, MKHAS PA RNAMS NI MA SKYES PA YOD PA NYID DU MI STON PAS DE'I PHYIR SDUG BSNGAL GZHAN GYIS BYAS PAR GA LA 'GYUR TE, DE NI YOD PA MA YIN PA NYID DO ZHES BYA BA'I TSIG GI DON TO ZHES BYA BA SMRAS SO, ,DE LTAR NA, SDUG BSNGAL BDAG GIS BYAS PA DANG, ,GZHAN GYIS BYAS PAR MI RIGS SO, ,ZHES BYA BA NI SNGAR PHA ROL PO DAG NA RE GANG ZAG BDAG GIS BYAS PA'I PHYIR SDUG BSNGAL BDAG GIS BYAS PA YANG YIN LA, SDUG BSNGAL GANG YIN PA DE NYID GNAG ZAG MA YIN PA'I PHYIR SDUG BSNGAL GZHAN GYIS BYAS PA YANG MA YIN TE, DE LTAR RNAM GRANGS LAS BDAG DANG GZHAN GYIS BYAS PAR GRUB PA'I PHYIR SKYON MED DO ZHES GANG ZAG GI MTSAN NYID PHYOGS @272A *, ,SU BYAS NAS SDUG BSNGAL GNYI GAS BYAS SO ZHES ZER BA'I LAN GYI MJUG BSDU BA YIN NO,, ,,BAM PO LNGA BCU PA, DA NI DAM BCAS PA GSUM PA DE NYID SGRUB PA'I PHYIR GRANGS CAN DAG GIS, RANG BZHIN DANG SKYES BU PHYOGS SU BYAS NAS SDUG BSNGAL BDAG DANG GZHAN GNYI GAS BYAS PA DGAG PA'I RNAM PA GZHAN STON TE, DE'I PHYIR PHYOGS SNGA MA BSTAN PA'I PHYIR GRANGS CAN DAG NI RDUL SHAS CHE BAS BYA BA BYED PA'I 'JUG PA DE DAG DMIGS PA NI SDUG BSNGAL YIN LA, DE YANG GANG GI PHYIR BDAG NYID KYI NANG GI BYED PA DAG BYED PA PO NYID YIN PA DE'I PHYIR BYED PA PO BDAG NYID DANG LDAN PA YIN PA LA, GANG GI PHYIR SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA DAG BYED PA PO NYID YIN PA DE'I PHYIR BYED PA PO GZHAN DANG LDAN PA YIN PA LAS DES BYAS PA'I SDUG BSNGAL NI BDAG DANG GZHAN GYIS BYAS PA YIN NO ZHES ZER ZHING ZHES BYA BA LA SOGS PA SMRAS TE, GRANGS CAN DAG NA RE SKYES BU MA GTOGS PA'I DNGOS PO THAMS CAN NI SNYING STOBS DANG RDUL DANG MUN PA'I RANG BZHIN YIN PA LAS GANG GI TSE RDUL SHAS CHE BAS LUS DANG, DBANG PO DANG, BLO'I TSOGS KYI BYA BA BYED PA'I 'JUG PA DE DAG DMIGS PA NI SDUG BSNGAL YIN LA, SDUG BSNGAL DE YANG RANG BZHIN LA LTOS NAS BYED PA PO BDAG NYID DANG LDAN PAS BYAS PA NI BDAG GIS BYAS PA YIN LA, SKYES BU LA LTOS NAS BYED PA PO GZHAN DANG LDAN PAS BYAS PA NI GZHAN GYIS BYAS PA YIN PAS DE'I PHYIR SDUG BSNGAL NI BDAG DANG GZHAN GYIS BYAS PA YIN NO ZHES ZER RO, ,DE LA RANG BZHIN LA LTOS NAS BYED PA PO BDAG NYID DANG LDAN PA CI LTA BU YIN ZHE NA, GANG GI PHYIR BDAG NYID KYI NANG GI BYED PA DAG BYED PA PO YIN PA DE'I PHYIR BYED PA PO BDAG NYID DANG LDAN PA YIN TE, RDUL SHAS CHE BA'I RANG BZHIN LAS NGA RGYAL BYUNG ZHING NGA RGYAL LAS DBANG PO RNAMS DANG DE TZAM RNAMS 'BYUNG BAS RDUL SHAS CHE BA LAS NGA RGYAL 'BYUNG BA NI RDUL GYI RANG BZHIN LAS BYUNG BA'I NANG GI BYED PA YIN PAS DE DAG NI BDAG NYID KYI NANG GI BYED PA DAG CES BYA'O, ,BDAG NYID KYI NANG GI BYED PA DE DAG LAS DBANG PO RNAMS DANG DE TZAM RNAMS BYUNG BA NI PHUNG PO'I NGO BO NYID YIN PAS SDUG BSNGAL ZHES BYA STE, SDUG BSNGAL DE BDAG NYID KYI NANG GI BYED PA DAG @272B GIS BSKYED PA NI BYED PA PO BDAG NYID DANG LDAN PA ZHES BYA'O, ,SKYES BU LA LTOS NAS BYED PA PO GZHAN DANG LDAN PA CI LTA BU YIN ZHE NA, GANG GI PHYIR SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA DAG BYED PA PO NYID YIN PA DE'I PHYIR BYED PA PO GZHAN DANG LDAN PA YIN TE, SKYES BU'I NGO BO NYID NI SNYING STOBS DANG RDUL DANG MUN PA'I RANG BZHIN MA YIN PAS RDUL SHAS CHE BA'I RANG BZHIN LAS NGA RGYAL 'BYUNG BA NI SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA DAG YIN PAS DE DAG NI SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA DAG CES BYA'O, ,SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA DE DAG LAS DBANG PO RNAMS DANG, DE TZAM RNAMS BYUNG BA YANG PHUNG PO'I NGO BO NYID YIN PAS SDUG BSNGAL ZHES BYA STE, SDUG BSNGAL DE SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA DAG GIS BSKYED PA NI BYED PA PO GZHAN DANG LDAN PA ZHES BYA'O, , DE LTAR BYED PA PO BDAG NYID DANG LDAN PA DANG, BYED PA PO GZHAN DANG LDAN PA DES BYAS PA'I SDUG BSNGAL NI BDAG DANG GZHAN GYIS BYAS PA YI NO ZHES ZER ZHES GRAG GO, ,DE DAG 'DI SKAD CES, PHUNG PO SKAD CIG SMRA BA YI, ,SH'AKYA PA DAG BDAG MED NA, ,MTHO RIS THAR LA DGOS PA YI, ,'BAD PA DON MED NYID DU 'GYUR, ,PHUNG PO SNGA MAR GTOGS PA YI, ,DGE BA DE 'BRAS SKYED PA LAS, ,PHUNG PO PHYI MA KHYAD PAR CAN, ,KUN DU 'BYUNG BAR 'DOD MOD KYI, ,'ON KYANG DE DAG GZHAN DON DU, ,'BAD PA 'THAD PAR MI 'GYUR TE, ,GZHAN LA PHAN PAR BYA BA NI, ,'GA' YANG 'JUG PAR MI BYED DO, ,ZHES BYA BA LA SOGS PA YANG BRJOD DO ZHES BYA BA NI GRANGS CAN RANG BZHIN DANG SKYES BU BRTAG PAR 'DOD PA DE DAG 'DI SKAD CES KYANG BRJOD CES GRAG STE PHUNG PO RNAMS SKAD CIG MA RE RE LA 'JIG PA'I NGANG CAN YIN PAR SMRA BA'I SH'A KYANG PA DAG LA NI GANG ZAG CES BYA BA'I BDAG BRTAG MED PAS DE DAG MTHO RIS LA DGOS PA'I 'BAD PA BRTUL ZHUGS DANG, NGES PA LA SOGS PA YANG DAG PAR LEN PA DANG, THAR PA LA DGOS PA'I 'BAD PA BSGOM PA LA SOGS PA NYAMS SU LEN PA DAG DON MED PA NYID DU 'GYUR TE, PHUNG PO RNAMS SKAD CIG MA'I RGYUD THA DAD PA YIN PA'I PHYIR LHAS BYIN MTHO RIS DANG THAR PA LA DGOS PA'I @273A *, ,'BAD PA RTZOM PA DAG MCHOD SBYIN GYI RGYUD LA DON MED PA NYID DU 'GYUR BA BZHIN NO ZHES ZER RO, ,CI'I PHYIR ZHE NA, SH'AKYA PA DAG PHUNG PO SNGA MA'I RGYUD DU GTOGS PA'I LAS DGE BA DE'I 'BRAS BU MTHO RIS SKYED PA LAS PHUNG PO PHYI MA LHA DANG MI'I LUS KHYAD PAR CAN DAG SA BLA DANG BAR SNANG YAN CHAD DU KUN DU 'BYUNG BAR 'DOD PAS LAS DGE BA DE DAG MNGON PAR 'DU BYED CING LAS MI DGE BA NGAN SONG GI 'BRAS BU SKYED PA DAG SPONG BAR BYED PA TZAM ZHIG DGE MOD KYI, 'ON KYANG DE DAG DA LTAR GYI PHUNG PO SKAD CIG MA 'DIS PHYI MA'I PHUNG PO SKAD CIG MA GZHAN GYI DON DU 'BAD PA 'THAD PAR MI 'GYUR TE, 'DI LTAR 'JIG RTEN NA MKHAS PA BDAG LA LEGS PAR 'DOD PA DAG LAS 'GA' YANG GZHAN LA PHAN GDAGS PA'I DON DU 'JUG PAR MI BYED PA'I PHYIR RO ZHES BYA BA LA SOGS PA YANG BRJOD CES GRAG GO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, SNGAR GANG ZAG GI MTSAN NYID PHYOGS SU BYAS PA SUN DBYUNG BA'I TSIG LE'UR BYAS PA DE NYID YANG BZLAS TE, 'DIR BSHAD PA, RE ZHIG SDUG BSNGAL BDAG BYAS MIN, ,SKYES BUS SO ZHES BYA BA SMRAS TE, RE ZHIG SDUG BSNGAL NI SKYES BU BDAG GIS MA BYAS TE, 'DI LTAR GRANGS CAN DAG GI GZHUNG LAS RANG BZHIN BYED PA PO YIN LA SKYES BU NI ZA BA PO YIN TE, DPER NA LONG BA DANG GRUM PO'I TSUL BZHIN NO ZHES 'BYUNG BAS SKYES BU BYED PA PO MA YIN PA'I PHYIR RO, ,GAL TE NANG GI BYED PAS BYAS SO ZHE NA ZHES BYA BA NI GAL TE GRANGS CAN DAG 'DI SKAD CES KHO BO CAG GI GZHUNG LAS BDAG NYID KYI NANG GI BYED PA SKYES BU'I NGO BO NYID LAS THA DAD PA GZHAN DU GYUR PA DAG SDUG BSNGAL GYI BYED PA PO NYID DU 'DOD PAS DES BYAS SO ZHES ZER NA'O, ,DE'I LAN DU, NANG GI BYED PA RDUL SHAS CHE BA DE NI SDUG BSNGAL YIN PAS SDUG BSNGAL DE NYID KYIS DE NYID BYED PAR MI 'THAD DE, DPER NA BUM PA DE NYID KYIS BUM PA DE NYID BYED PAR MI 'THAD PA BZHIN NO ZHES BYA BAR SLOB DPON GYIS DGONGS NAS, DE NYID KYIS NI DE MA BYAS, ,ZHES GSUNGS TE ZHES BYA BA SMRAS TE, BDAG NYID KYI NANG GI BYED PA ZHES BYA BA RDUL SHAS CHE BA LAS NGA RGYUL 'BYUNG BA DE NI DBANG PO RNAMS DANG DE TZAM RNAMS KYI NGO BO NYID YIN PAS DE NYID KYIS DE NYID BYED PAR MI 'THAD DE DPER NA BUM @273B PA BZHIN NO ZHES BYA BAR SLOB DPON KLU SGRUB KYI ZHAL SNGA NAS KYIS DGONGS NAS, DE NYID KYIS NI DE MA BYAS, ,ZHES GSUNGS SO, ,DE'I PHYIR SDUG BSNGAL BDAG GIS MA BYAS SO ZHES BYA BA NI GRANGS CAN DAG GI BYED PA PO BDAG NYID DANG LDAN PAS SDUG BSNGAL MA BYAS PAR DGAG PA'I MJUG BSDU BA YIN NO, ,DA NI GRANGS CAN DAG GI BYED PA PO GZHAN DANG LDAN PAS SDUG BSNGAL MA BYAS PAR DGAG PA'I PHYIR, ,GAL TE GZHAN BDAG MA BYAS NA, ,SDUG BSNGAL GZHAN BYAS GA LA 'GYUR, ,ZHES BYA BA LA SOGS PA SMRAS TE, DES NI GAL TE GRANGS CAN DAG GIS SKYES BU LAS GZHAN PA'I NANG GI BYED PA YOD PAR BRTAGS PA DE BDAG NYID GRUB PAR GYUR NA NI DE NYID GZHAN YIN PAS DES BYAS PA'I SDUG BSNGAL NI GZHAN GYIS BYAS PA ZHES BYA BAR YANG 'GYUR BA ZHIG NA, SKYES BU LAS GZHAN PA'I NANG GI BYED PA DE BDAG NYID MA GRUB PAS GZHAN NYID MED NA DES, SDUG BSNGAL BYAS PAR GA LA 'GYUR TE MI 'GYUR RO ZHES STON TO, ,DE NYID BSTAN PA'I PHYIR PHA ROL PO DAG GIS NANG GI BYED PA LAS GZHAN YIN PAR BSAMS PA GANG YIN PA'I GZHAN DE NI BDAG GIS MA BYAS TE, BDAG NYID MA GRUB PO ZHES BYA BA'I THA TSIG GO ZHES BYA BA SMRAS TE, GRANGS CAN DAG GI GZHUNG LAS SNYING STOBS LA SOGS PA YON TAN GSUM NI RTAG PA DANG, THAMS CAD DU SONG BAS DNGOS PO THAMS CAD KYANG THAMS CAD KYI BDAG NYID YIN PAR 'DOD PAS DES NA NANG GI BYED PA LAS GZHAN PA'I SKYES BU YANG GZHAN DU MA GRUB LA, SKYES BU GZHAN DU MA GRUB NA NANG GI BYED PA YANG DE LAS GZHAN DU GYUR PA MA YIN PAS GZHAN NYID MED NA SDUG BSNGAL GZHAN GYIS BYAS PAR GA LA 'GYUR TE MI 'GYUR RO, ,'DIR GAL TE SGRA'I MTSAN NYID LA 'CHEL BA DAG 'DI SKAD CES, GZHAN DE BDAG NYID MA GRUB PA'I DON YIN PA LAS TSIG LE'UR BYAS PA LAS BDAG MA BYAS ZHES SMOS PA NI TSIG ZUR CHAG YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, BDAG MA BYAS ZHES BYA BA'I SGRA NI DON DU MA LA 'JUG PA'I PHYIR DPER NA ZAN BYAS SO ZHES BYA BA BZHIN NO ZHES BYA BA SMRAS TE, DPER NA ZAS KYI G-YOS GRUB PA LA ZAN BYAS SO ZHES BRJOD PA LA TSIG ZUR CHAG MED PA DE BZHIN DU 'DIR YANG BDAG NYID MA GRUB PA LA BDAG MA BYAS ZHES BRJOD PA LA @274A *, ,TSIG ZUR CHAG MED DO, ,DE'I PHYIR DE NYID GZHAN ZHES BYA BA BDAG NYID MA GRUB PAS SDUG BSNGAL GZHAN GYIS BYAS PAR GA LA 'GYUR ZHES BYA BA NI SKYES BU'I NGO BO NYID LAS THA DAD PA'I NANG GI BYED PA GZHAN DU GYUR PA BDAG NYID MA GRUB PAS GZHAN NYID MED NA DES SDUG BSNGAL BYAS PAR GA LA 'GYUR ZHES BYA BAR SBYAR RO, ,YANG NA GZHAN NYID MA GRUB PA'I PHYIR TE SKYES BU NI NANG GI BYED PA LAS GZHAN MA YIN TE, DNGOS PO YIN PA'I PHYIR DPER NA NANG GI BYED PA'I RANG GI BDAG NYID BZHIN PAS RANG GI RJES SU DPAG PA LA GNOD DO ZHES BYA BAS NI RJES SU DPAG PA'I SGO NAS GZHAN NYID DGAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA NANG GI BYED PA NI DNGOS PO YIN PA'I PHYIR RANG GI BDAG NYID LAS GZHAN MA YIN PA DE BZHIN DU SKYES BU YANG DNGOS PO YIN PA'I PHYIR NANG GI BYED PA LAS GZHAN MA YIN PAS DE'I PHYIR DNGOS PO NYID DU RJES SU DPOG PAS GZHAN NYID MED PAS SKYES BU'I GZHAN NYID BSAL BAS GRANGS CAN DAG GI RANG GI RJES SU DPAG PA LA GNOD DO, ,GZHAN NYID DU RJES SU DPOG PAS SDUG BSNGAL DMIGS PA'I BYED PA PO MA YIN PA NYID KYIS DE BSAL BA'I PHYIR, DAM BCAS PA LA CHOS KYI NGO BO NYID BZLOG PA'I SKYON YANG YOD DO ZHES BYA BAS NI GRANGS CAN DAG SKYES BU'I NGO BO NYID LAS NANG GI BYED PA GZHAN NYID DU RJES SU DPOG PAS DES NA NANG GI BYED PA SDUG BSNGAL DMIGS PA'I BYED PA PO MA YIN PA NYID KYIS BYED PA PO YIN PA DE BSAL BA'I PHYIR GRANGS CAN DAG GIS DAM BCAS PA LA NANG GI BYED PA SDUG BSNGAL GYI BYED PA PO YIN PAR BSGRUB PAR BYA BA CHOS KYI NGO BO NYID BZLOG PA'I SKYON NANG GI BYED PA SDUG BSNGAL GYI BYED PA PO MA YIN PA NYID DU GRUB PA YANG YOD DO ZHES BSTAN TO, ,DE LTAR NA YANG SDUG BSNGAL BDAG GIS BYAS PA DANG GZHAN GYIS BYAS PAR MI RIGS SO ZHES BYA BA NI SNGAR GRANGS CAN DAG RANG BZHIN DANG SKYES BU PHYOGS SU BYAS NAS SDUG BSNGAL GNYI GAS BYAS SO ZHES ZER BA'I LAN GYI MJUG BSDU BA YIN NO, ,DA NI DAM BCAS PA GSUM PA DE NYID SGRUB PA'I PHYIR RNAM PA GNYIS SU SMRA BA DAG GI LUS DANG SROG GI RNAM GRANGS PHYOGS SU BYAS NAS SDUG BSNGAL BDAG DANG @274B GZHAN GNYI GAS BYAS PA'I DGAG PA'I RNAM PA GZHAN STON TE DE'I PHYOGS SNGA MA BSTAN PA'I PHYIR RNAM PA GNYIS SU SMRA BA DAG NA RE 'O NA RNAM GRANGS LAS SDUG BSNGAL NI GNYI GAS BYAS PA'I PHYIR SKYON MED DO ZHE NA ZHES BYA BA SMRAS TE, 'DIR RNAM GNYIS SU SMRA BA ZHES BYA BA MU STEGS 'OS PA BA NAM MKHA'I GOS CAN DAG NA RE, LUS KYI RNAM GRANGS NI SDUG BSNGAL NYID YIN PAS DES BYAS PA NI SDUG BSNGAL BDAG GIS BYAS PA YIN LA, SROG GI RNAM GRANGS NI SDUG BSNGAL LAS GZHAN YIN PAS DES BYAS PA NI SDUG BSNGAL GZHAN GYIS BYAS PA YIN PA'I PHYOGS SNGA MA DAG TU BSTAN PA'I SKYON KHO BO CAG GI PHYOGS LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE'I PHYIR DE DGAG PA'I PHYIR BSHAD PA, GAL TE RE RES BYAS GYUR NA, ,SDUG BSNGAL GNYI GAS BYAS PAR 'GYUR, ,GANG GI TSE CI SKAD BSTAN PA'I BSGRUBS PAS BDAG GIS BYAS PA DANG GZHAN GYIS BYAS PAR MI RIGS PA DE'I TSE GNYI GAS BYAS SO ZHES BYA BA'I SKABS MED DO ZHES BYA BAR DGONGS SO ZHES BYA BA SMRAS TE, GANG GI TSE SNGAR BDAG DANG GZHAN PHYOGS SU BYAS PA DANG PHUNG PO'I MTSAN NYID PHYOGS SU BYAS PA DANG GANG ZAG GI MTSAN NYID PHYOGS SU BYAS PA DANG RANG BZHIN DANG SKYES BU PHYOGS SU BYAS PA DAG DGAG PA'I SGRUB PA CI SKAD BSTAN PA DAG GIS BYAS PA DANG GZHAN GYIS BYAS PAR MI RIGS PA DE'I TSE, 'DIR LUS DANG SROG GI RNAM GRANGS GNYI GAS BYAS SO ZHES BYA BA'I PHYOGS KYANG DE DAG GI KHONGS SU 'DUS PA'I PHYIR BKAG ZIN TO ZHES BYA BAR DGONGS SO, ,DE LTAR DAM BCAS PA GSUM PA YANG BSGRUBS ZIN TO, ,DA NI DAM BCAS PA BZHI PA SGRUB PA'I PHYIR RGYU MED PA LAS BYUNG BA YANG MA YIN TE, SKYE BA MED PA'I RAB TU BYED PA RGYU MED PAR SMRA BA BSAL BAS DE'I PHYIR BSHAD PA, GZHAN GYIS MA BYAS BDAG MA BYAS, ,SDUG BSNGAL RGYU MED GA LA 'GYUR, ,ZHES BYA BA LA SOGS PA SMRAS TE, SNGAR RKYEN BRTAG PA'I RAB TU BYED PAR DNGOS PO RNAMS RGYU MED PA LAS SKYE BA MED DE, DE STON PA'I RJES SU DPAG PA MED PA'I PHYIR DANG, RJES SU DPAG PA DANG, GRAGS PA'I GNOD PAR 'GYUR BA'I SKYON YOD PA'I PHYIR YANG NGO ZHES BYA BAR DGONGS SO ZHES PA DANG, YANG NA RGYU MED CES BYA BA NI RGYU NGAN @275A *, ,PA STE, NGO BO NYID DANG, DBANG PHYUG DANG, SKYES BU DANG, GTZO BO DANG, DUS DANG, SRED MED KYI BU LA SOGS PA DAG LAS SKYE BA MED PAR BKAG PA BZHIN DU 'DIR YANG SBYAR BAR BYA'O ZHES BYA BAR DGONGS NAS DAM BCAS PA BZHI PA'I SKANGS 'DI BSGRUB PA MDZAD DO ZHES BYA BAR SBYAR RO, ,GZHAN GYIS MA BYAS BDAG MA BYAS, ,ZHES BYA BA'I TSIG GI DON BYE BRAG TU BSHAD PA BSTAN PA'I PHYIR, GZHAN GYIS BYAS PA NI GZHAN GYIS DE BYAS PA STE GZHAN GYIS DE BYED CES BYA BA'I THA TSIG GO, ,GZHAN GYIS MA BYAS PA NI GZHAN GYIS MI BYED PA'O, ,BDAG GIS BYAS PA YANG BDAG GIS DE BYAS PA STE BDAG GIS BYED CES BYA BA'I THA TSIG GO, ,BDAG GIS MA BYAS PA NI BDAG GIS MI BYED PA'O, ,GZHAN GYIS MA BYAS PA DANG, BDAG GIS MA BYAS PA NI GZHAN GYIS MI BYED PA DANG BDAG GIS MI BYED PA'O ZHES BYA BA SMRAS SO, ,GZHAN GYIS MA BYAS PA DANG, BDAG GIS MA BYAS PA'I PHYIR SDUG BSNGAL RGYU MED PA LAS BYUNG BA MA YIN PAR BSGRUB PA'I 'THAD PA BSTAN PA'I PHYIR, GANG GI TSE JI SKAD SMOS PA'I TSAD MAS GNOD PA'I PHYIR DON DAM PAR SDUG BSNGAL DMIGS SU MED PA DE'I TSE SDUG BSNGAL RGYU MED PA LAS BYUNG BAR GA LA 'GYUR TE, DE YOD PA MA YIN PA NYID DO ZHES BYA BA'I TSIG GI DON TE ZHES BYA BA SMRAS TE, SNGAR RKYEN BRTAG PA'I RAB TU BYED PA DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES SMOS PA'I TSAD MAS DON DAM PAR SDUG BSNGAL LA SOGS PA DNGOS PO THAMS CAD DMIGS SU MED PA DE'I TSE SDUG BSNGAL NGO BO NYID MED PA RGYU MED PA LAS BYUNG BAR GA LA 'GYUR TE, SDUG BSNGAL DE YOD PA MA YIN NA RGYU MED PA LAS BYUNG BA LTA YOD PAR GA LA 'GYUR ZHES BYA BA'I TSIG GI DON TO, ,DE'I PHYIR DE LTAR RNAM PA THAMS CAD DU SDUG BSNGAL MI SRID PAS PHA ROL POS RAB TU BYED PA'I DANG POR DON DAM PAR PHUNG PO RNAMS YOD PA KHO NA YIN TE, SDUG BSNGAL YIN PA'I PHYIR RO ZHES SMRAS PA'I GTAN TSIGS KYI DON MA GRUB PA NYID DO ZHES BYA BA NI MJUG BSDU BA DANG TSAD MA'I 'BRAS BU YIN TE, PHA ROL POS SMRAS PA'I GTAN TSIGS KYI DON MA GRUB PA NYID KYIS BSTAN BCOS MDZAD PA'I DAM BCAS PA @275B GRUB PO, ,DA NI SLOB DPON GYIS SDUG BSNGAL RNAM PA BZHI YOD PAR MI 'THAD PAR BSTAN PA BZHIN DU DNGOS PO LHAG MA RNAMS LA YANG 'DRA BAR BSTAN PAR BZHED NAS, SDUG BSNGAL 'BA' ZHIG RNAM PA BZHI, ,YOD MA YIN PA MA YIN GYI, ,PHYI ROL DNGOS PO RNAMS LA YANG, ,RNAM PA BZHI PO YOD MA YIN, ,JI SKAD BSTAN PA'I TSUL GYIS GZUGS LA SOGS PA PHYI ROL GYI DNGOS PO RNAMS LA YANG RNAM PA BZHI PO DE DAG YOD PA MA YIN NO ZHES BYA BA SMRAS TE, GANG GI PHYIR DE LTAR YANG DAG PA JI LTA BA BZHIN DU BRTAGS NA DNGOS PO THAMS CAD BDAG DANG, GZHAN DANG, GNYIS DANG, RGYU MED PAS BYAS PAR MI 'THAD PA DE'I PHYIR SDUG BSNGAL 'BA' ZHIG LA BDAG DANG, GZHAN DANG, GNYIS DANG, RGYU MED PAS BYAS PA YOD PA MA YIN PAR MA ZAD KYI GZUGS LA SOGS PA PHYI ROL GYI DNGOS POR 'DOD PA THAMS CAD LA YANG BDAG DANG, GZHAN DANG, GNYIS DANG, RGYU MED PAS BYAS PA YOD PA MA YIN PAR STON TO, ,DE LA RE ZHIG GZUGS KYI DBANG DU BYAS NAS BSHAD PAR BYA STE, GZUGS NI BDAG NYID KYIS MA BYAS TE, YOD PA DANG MED PA LA BYED PA MI 'THAD PA'I PHYIR TSUL SNGAR BSTAN PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DE LA RE ZHIG YOD PA BDAG NYID KYIS BYAS PA MI 'THAD PA'I DBANG DU BYAS NAS DPER NA BUM PA YOD PA NI YOD PA'I PHYIR BDAG NYID KYIS MA BYAS PA DE BZHIN DU GZUGS YOD PA YANG YOD PA'I PHYIR BDAG NYID KYIS MA BYAS SO, ,MED PA BDAG NYID KYIS BYAS PA MI 'THAD PA'I DBANG DU BYAS NAS DPER NA NAM MKHA'I ME TOG MED PA NI MED PA'I PHYIR, BDAG NYID KYIS MA BYAS PA DE BZHIN DU GZUGS MED PA YANG MED PA'I PHYIR BDAG NYID KYIS MA BYAS SO, ,YANG NA BRTEN NAS BYUNG BA'I PHYIR DPER NA MYU GU BZHIN NO ZHES BYA BA NI BDAG GIS MA BYAS PA'I RJES SU DPAG PA GZHAN YIN TE, GZUGS NI BDAG NYID KYIS MA BYAS TE BRTEN NAS 'BYUNG BA'I PHYIR DPER NA MYU GU BZHIN NO ZHES BYA BAR SBYAR RO, ,'BYUNG BA GZHAN DU GYUR PA DAG GIS KYANG MA BYAS TE DE DAG GZHAN NYID DU MI 'THAD PA'I PHYIR RO ZHES BYA BAS NI GZUGS GZHAN GYIS MA BYAS TE GZHAN MED PA'I PHYIR RO ZHES STON TO, ,DE'I PHYIR DE'I @276A *, ,LTAR MI 'THAD CE NA, 'BYUNG BA CHAN PO DE DAG NI GZUGS LAS GZHAN DU GYUR PA MA YIN TE, PHYI ROL PA YIN PA'I PHYIR DPER NA GZUGS KYI RANG GI BDAG NYID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NI PHYI ROL PA YIN PA'I PHYIR RANG GI BDAG NYID LAS GZHAN DU GYUR PA MA YIN PA DE BZHIN DU 'BYUNG BA CHEN PO DAG KYANG PHYI ROL PA YIN PA'I PHYIR GZUGS LAS GZHAN DU GYUR PA MA YIN NO, ,YANG NA RDZAS SU YOD PA NYID BKAG PA'I PHYIR TE, MED PA LA GZHAN NYID MI 'THAD PA'I PHYIR RO ZHES BYA BA NI 'BYUNG BA CHEN PO DAG GZUGS LAS GZHAN DU GYUR PA MA YIN PAR RJES SU DPAG PA GZHAN YIN TE, 'BYUNG BA CHEN PO DAG NI GZUGS LAS GZHAN DU GYUR PA MA YIN TE, RDZAS SU MED PA'I PHYIR DPER NA RI BONG GI RVA BZHIN NO ZHES BYA BAR SBYAR RO, ,GNYI GAS KYANG MA BYAS TE, RE RES BYED PA MI 'THAD PA'I PHYIR RO ZHES BYA BAS NI GZUGS BDAG DANG GZHAN GNYI GAS MA BYAS PAR BSTAN TO, ,RGYU MED PA LAS BYUNG BA YANG MA YIN TE RGYU MED PAR SMRA BA BKAG PA'I PHYIR RO ZHES BYA BAS NI GZUGS RGYU MED PA LAS BYUNG BA MA YIN PAR BSTAN TO, ,DE BZHIN DU SGRA LA SOGS PA DAG LA YANG BRJOD PAR BYA'O ZHES BYA BA NI SGRA DANG, DRI DANG RO DANG RIG PA DANG, CHOS RNAMS LA YANG BDAG DANG GZHAN DANG GNYIS DANG RGYU MED PAS BYAS PA RNAM PA BZHI PO DAG MI 'THAD PAR SNGA MA BZHIN DU SBYAR BA BSTAN TO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR SMRAS PA'I GTAN TSIGS KYI DON MA GRUB PA NYID DU BRJOD PAS SDUG BSNGAL NGO BO NYID MED PA NYID DU BSTAN PA BZHIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, SDUG BSNGAL BRTAG PA'I RAB TU BYED PA BCU GNYIS PA'I SKABS 'DIR RAB TU BYED PA'I DON TSAD MA'I 'BRAS BUR BLTA BA NI PHA ROL POS SNGAR PHUNG PO DANG KHAMS DANG SKYE MCHED DAG DON DAM PAR YOD BAR BSGRUB PA'I PHYOGS SNGA MA DON DAM PAR PHUNG PO RNAMS YOD PA KHO NA YIN TE, SDUG BSNGAL YIN PA'I PHYIR RO ZHES SMRAS PA'I GTAN TSIGS KYI DON MA GRUB PA NYID DU BRJOD PAS SDUG BSNGAL NGO BO NYID MED PA NYID DU BSTAN PA YIN NO, ,SDUG BSNGAL NGO BO NYID MED PA NYID DU BSTAN PA LA YON @276B TAN CI YOD PA DANG DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS NI BDE BA'AM SDUG BSNGAL BA MA YIN NO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG BDE BA'AM SDUG BSNGAL BA MA YIN NO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA BDE BA'AM SDUG BSNGAL BA MA YIN PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DANG, DE BZHIN DU 'PHAGS PA TSANGS PAS ZHUS PA'I MDO LAS TSANGS PA RNAM GRANGS DES KYANG KHYOD KYIS 'DI LTAR SHES PAR BYA STE, SDUG BSNGAL DANG, KUN 'BYUNG BA DANG, 'GOG PA DANG, LAM NI 'PHAGS PA RNAMS KYI BDEN PA MA YIN GYI, 'DI LTAR SDUG BSNGAL DANG, KUN 'BYUNG BA DANG, 'GOG PA DANG, LAM MA SKYES PA NI 'PHAGS PA RNAMS KYI LAM MO ZHES BYA BA LA SOGS PA THEG PA CHEN PO'I MDO MTHA' YAS PA DAG LAS SDUG BSNGAL NGO BO NYID MED PA NYID DU GSUNGS PA DANG, THEG PA CHEN PO'I LUNG 'BA' ZHIG LAS SDUG BSNGAL NGO BO NYID MED PA NYID DU GSUNGS PAR MA ZAD KYI, NYAN THOS KYI THEG PAR BCOM LDAN 'DAS KYIS BKA' STZAL TE, BCOM LDAN 'DAS LA BRAM ZE ZHIG GIS KYE GOO TA MA SDUG BSNGAL BDAG GIS BYAS SAM ZHES ZHUS PA DANG, BKA' STZAL PA TSE DANG LDAN PA MA YIN NO, ,GSOL PA, GZHAN GYIS BYAS SAM, BKA' STZAL PA, TSE DANG LDAN PA MA YIN NO, ,GSOL PA GNYI GAS BYAS SAM, BKA' STZAL PA, TSE DANG LDAN PA MA YIN NO, ,GSOL PA BDAG GIS KYANG MA BYAS, GZHAN GYIS KYANG MA BYAS SAM, BKA' STZAL PA, TSE DANG LDAN PA MA YIN NO ZHES BYA BA LA SOGS PA RGYA CHER GSUNGS PA DE DAG GRUB PA YIN NO, ,DE LTAR THEG PA CHE CHUNG GI YID CHES PA'I LUNG DE DAG GRUB PA NI SDUG BSNGAL NGO BO NYID MED PA NYID DU BSTAN PA'I YON TAN DANG KHUNGS YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS BSGRUBS PA MA YIN TE @277A *, ,LUNG DE DAG KYANG YOD DO, ,GANG GI PHYIR DE LTAR THEG PA CHE CHUNG GI MDO SDE MTHA' YAS PA DAG LAS SDUG BSNGAL NGO BO NYID MED PA NYID DU BSTAN PA DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG, SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA, SHES RAB SGRON MA LAS SDUG BSNGAL BRTAG PA ZHES BYA BA STE RAB TU BYED PA BCU GNYIS PA RGYA CHER 'GREL PA, SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI SUN 'BYIN PA'I LAN BTAB PA DANG RANG DBANG DU RJES SU DPAG PA'I MTHUS 'DU BYED RNAMS RNAM PA LAS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU GSUM PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS DA NI SUN 'BYIN PA'I LAN BTAB PA DANG RANG DBANG DU RJES SU DPAG PA'I MTHUS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCAS PA MDZAD PAS 'DIR YANG SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, SUN 'BYIN PA'I LAN BTAB PA'I MTHUS ZHES BYA BA NI DBU MA PAS DNGOS PO THAMS CAD NGO BO NYID MED PA NYID DU DAM BCAS PA LA PHA ROL PO DAG GIS SUN 'BYIN PA'I SGRUB PA GANG DAG SMRAS PA'I LAN DBU MA PAS BTAB PA LAS MTHU GANG SKYES SO, ,RANG DBANG DU RJES SU DPAG PA'I MTHUS ZHES BYA BA NI DBU MA PA NYID KYIS DNGOS PO THAMS CAD NGO BO NYID MED PA NYID DU SGRUB PA'I RJES SU DPAG PA RANG DBANG DU SMRAS PA LAS MTHU GANG SKYES PAS TE, DE LTAR NA BSTAN BCOS MDZAD PAS DNGOS PO THAMS CAD NGO BO NYID MED PA NYID DU DAM BCAS NAS BRGAL BA'I LAN BTAB PA DANG RANG GI DAM BCAS BSGRUB PA LAS DE KHO NA NYID RTOGS PAR 'GYUR BA'I MTHU GANG DAG SKYES PA DES SNGAR DAM BCAS PA LA 'JUG PA'I RGYU'I @277B DON GYI DBANG DU BYAS NAS RAB TU BYED PA BCU GSUM PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS 'DU BYED RNAMS RNAM PA LAS NGO BO NYID MED PA NYID DU BSTAN PA'I DON GYI DBANG DU BYAS NAS RAB TU BYED PA BCU GSUM PA BRTZAM MO ZHES BYA BA SMRAS TE, DE KHO NA BRTAG PA'I RAB TU BYED PA BCU GSUM PA'I GZHUNG 'OG NAS 'BYUNG BA 'DI'I DON NI 'DU BYED RNAMS SNGAR BSTAN PA'I RNAM PA LAS GZHAN PA'I SGO NAS NGO BO NYID MED PA NYID DU BSTAN PAS DE KHO NA'I DON BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN RNAM PA GANG GIS NI 'BRAS BU DE 'THOB CE NA, 'DU BYED RNAMS RNAM PA LAS NGO BO NYID MED PA NYID DU BSTAN PAS DE KHO NA'I DON BSTAN PA NI 'DI'I 'BRAS BU YIN LA, SUN 'BYIN PA'I LAN BTAB PA DANG, RANG DBANG DU RJES SU DPAG PA'I MTHU'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR YANG THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,RNAM PA GANG GIS 'BRAS BU DE 'THOB PA'I THABS NYID BSTAN PA'I PHYIR, CHOS GANG SLU BA DE BRDZUN ZHES, ,ZHES BYA BA LA SOGS PA DE LA ZHES BYA BA SMRAS TE, SLOB DPON GYIS 'DU BYED RNAMS RNAM PA LAS NGO BO NYID MED PA NYID DU BSTAN PA'I DON DE NYID SGRUB PA'I THABS SU, CHOS GANG SLU BA DE BRDZUN ZHES, ,BCOM LDAN 'DAS KYIS DE SKAD GSUNGS, ,'DU BYED THAMS CAD SLU BA'I CHOS, ,DES NA DE DAG BRDZUN PA YIN, ,ZHES BYA BA TSIG LE'UR BYAS PA 'DI GSUNGS SO ZHES BYA BAR SBYAR TE 'DUS BYAS SLU BA GANG YIN PA DE NI BRDZUN PA'O ZHES, BCOM LDAN 'DAS KYIS DE SKAD GSUNGS TE GANG GI PHYIR 'DU BYED RNAMS SLU BA'I CHOS YIN PA DE'I PHYIR DES NA 'DU BYED DE DAG BRDZUN PA YIN TE, NGO BO NYID MED PA NYID YIN NO, ,SNGAR BSTAN BCOS MDZAD PAS DNGOS PO THAMS CAD NGO BO NYID MED PA NYID DU DAM BCAS PA LA GZHAN DAG NA RE 'DU BYED RNAMS DON DAM PAR RDZAS SU YOD PA YIN TE, MI SRU BA'I PHYIR RO ZHES SUN 'BYIN PA DE'I LAN DU 'DIR 'DUS BYAS SLU BA GANG YIN PA DE NI BRDZUN PA'O ZHES, BCOM LDAN 'DAS KYIS DE SKAD GSUNGS SO ZHES BSHAD PA NI SUN 'BYIN PA'I LAN BTAB PA YIN LA, CI'I PHYIR RO 'DUS BYAS BRDZUN PA YIN ZHE NA, GANG GI @278A *, ,PHYIR 'DU BYED THAMS CAD SLU BA'I CHOS YIN PA DE'I PHYIR DES NA 'DU BYED DE DAG BRDZUN PA YIN NO ZHES RJES SU DPAG PA 'OG NAS STON PA DE DAG NI RANG DBANG DU RJES SU DPAG PA YIN TE, DE LTAR SUN 'BYIN PA'I LAN BTAB PA DANG, RANG DBANG DU RJES SU DPAG PA LAS MTHU GANG DAG SKYES PA'I RNAM PA DE DAG GIS 'DU BYED RNAMS RNAM PA LAS NGO BO NYID MED PA NYID DU BSTAN PA DE KHO NA'I DON DE RTOGS PAR 'GYUR BA NI THABS DANG THAMS LAS BYUNG BA'I 'BRAS BUR 'BREL PA YIN PAR STON TO, ,DE LA 'DIR 'DUS BYAS ZHES BYA BA NI CHOS CAN YIN, BRDZUN PA ZHES BYA BA NI BSGRUB PAR BYA BA CHOS YIN, SLU BA'I CHOS ZHES BYA BA NI SGRUB PA'I CHOS YIN, SGYU MA MKHAN GYIS SPRUL PA'I BUD MED KYI LUS LA SOGS PA DAG NI DPE YIN PAR STON TE, DE LA RE ZHIG BRDZUN PA ZHES BYA BA'I TSIG GI DON BSTAN PA'I PHYIR BRDZUN PA ZHES BYA BA NI LOG PA'I SHES PAS DMIGS PAR BYA BA YIN PA'I PHYIR DANG, BYIS PA'I SKYE BO DAG LA SOGS PA'I TSUL GYIS 'DRID PA'I PHYIR RO ZHES BYA BA SMRAS TE, GANG GI PHYIR 'DUS BYAS NI LOG PA BRDZUN PA'I SHES PAS DMIGS PAR BYA BA YIN GYI YANG DAG PA'I SHES PA DON DAM PA LAS DMIGS PAR BYA BA MA YIN PA'I PHYIR BRDZUN PA ZHES BYA'O, ,YANG NA 'DUS BYAS NI BYIS PA'I SKYE BO 'DRID PA'I PHYIR BRDZUN PA ZHES BYA'O, ,JI LTA 'DRID CE NA, BDAG LA SOGS PA'I TSUL GYIS 'DOD PA'I PHYIR TE, GANG GI PHYIR BYIS PA RNAMS KYIS BDAG DANG GTZANG BA DANG RTAG PA DANG BDE BAR DMIGS PA DE'I PHYIR BYIS PA'I SKYE BO 'DRID PAS BRDZUN PA ZHES BYA'O, ,SLU BA ZHES BYA BA NI DRAN PA LA SOGS PA DON DAM PA'I YUL CAN DAG RAB TU SLU BA'I RGYU YIN PA PHYIR RO ZHES BYA BA NI 'DUS BYAS NI DRAN PA DANG, SHES PA DANG, BSGOM PA DANG, TING NGE 'DZIN LA SOGS PA NYON MONGS PA SPONG BA GANG DAG LA DON DAM PA'I YUL YOD PA'I DRAN PA LA SOGS PA'I DON DAM PA'I YUL CAN DAG RAB TU SLU BA'I RGYU YIN PA'I PHYIR SLU BA'I CHOS ZHES BYA'O, ,DE LA BRDZUN PA ZHES BYA BA NI BSTAN PA'I TSIG YIN LA, SLU BA ZHES BYA BA NI BSHAD PA'I TSIG YIN NO ZHES BYA BA NI BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR RO, ,DE SKAD SUS GANG DU GSUNGS SHE NA, BCOM LDAN 'DAS KYIS DE SKAD GSUNGS ZHES BYA BA NI MDO SDE LAS SO ZHES BYA BA SMRAS SO, ,DE SKAD CES BYA BA'I SGRA NI NYE @278B BAR BSTAN PA'I DON TO ZHES BYA BA NI, BCOM LDAN 'DAS KYIS MDO SDE LAS 'DI SKAD GSUNGS PA DNGOS NYE BAR MTSON PA'I DON TO, ,DE NYID BSTAN PA'I PHYIR, BCOM LDAN 'DAS KYIS MDO SDE LAS JI SKAD GSUNGS SHE NA, NYAN THOS KYI THEG PA LAS KYANG 'DI LTA STE, 'DUS BYAS GANG YIN PA DE NI BRDZUN PA SLU BA'I CHOS SO; ,DGE SLONG DAG 'DI LTA STE MI SLU BA'I CHOS MYA NGAN LAS 'DAS PA DE NI BDEN PA'I MCHOG GO, ,'DUS BYAS DE NI SLU BA'I CHOS KYANG YIN DE NI RAB TU 'JIG PA'I CHOS KYANG YIN NO ZHES KYANG GSUNGS LA, THEG PA CHEN PO LAS, RAB 'BYOR JI TZAM DU 'DUS BYAS PA DE TZAM DU BRDZUN LA JI TZAM DU 'DUS MA BYAS PA DE TZAM DU MI BRDZUN NO ZHES GSUNGS SO ZHES BYA BA SMRAS TE, DE DAG GIS NI PHYOGS GNYI GA LA GRAGS PA'I LUNG GI KHUNGS KYIS 'DUS BYAS NI SLU BA'I CHOS CAN YIN PA'I PHYIR BRDZUN PA YIN LA, 'DUS MA BYAS NI MI SLU BA'I PHYIR BDEN PA'I MCHOG YIN PAR BSTAN TO, ,DE'I PHYIR DE LTAR PHYOGS GNYI GA LA GRAGS PA'I LUNG DAG YOD PA'I PHYIR, 'DU BYED THAMS CAD SLU BA'I CHOS, 'DIS NI 'DU BYED KYI CHOS NI SLU BA'I CHOS NYID YIN PAR BSTAN TO ZHES BYA BA NI TSIG LE'UR BYAS PA'I RTZA BA 'DIS NI 'DU BYED GANG YIN PA DE BRDZUN PA NYID DU BSGRUB PA'I CHOS GTAN TSIGS NI SLU BA'I CHOS NYID YIN PAR BSTAN TE, SLU BA'I CHOS YIN PA'I PHYIR BRDZUN PA YIN NO ZHES BYA BAR SBYAR RO, ,DES NA DE DAG BRDZUN PA YIN, ,ZHES BYA BA NI NGO BO NYID MED PA'I PHYIR TE, DE NI MJUG BSDU BA'I TSIG YIN NO ZHES BYA BAS NI SLU BA'I CHOS YIN PA'I GTAN TSIGS DES NA 'DU BYED DE DAG BRDZUN PA YIN TE, NGO BO NYID MED PA'I PHYIR RO ZHES NYE BAR SBYAR BA'I SBYOR BA DANG, MJUG BSDU BA BSTAN TO, ,'DIR SBYOR BA'I TSIG NI DON DAM PAR NANG GI DNGOS PO RNAMS NI NGO BO NYID STONG PA YIN TE, SLU BA'I CHOS YIN PA'I PHYIR DPER NA SGYU MA MKHAN GYIS SBRUL PA'I BUD MED KYI LUS BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SGYU MA MKHAN GYIS SPUL PA'I BUD MED KYI LUS NI SLU BA'I CHOS YIN PA'I PHYIR NGO BO NYID STONG PA DE BZHIN DU NANG GI DNGOS PO RNAMS KYANG SLU BA'I CHOS YIN PA'I PHYIR NGO BO NYID STONG PA YIN NO, ,'DIR KHA CIG GIS SMRAS PA, 'DI LTAR SANGS RGYAS PA DAG NI YAN LAG GSUM SMRA BA YIN PAS DE'I PHYIR NYE BAR SBYAR @279A *, ,BA DANG MJUG BSDU BA'I TSIG DAG MI RIGS SO ZHES BYA BA NI SANGS RGYAS PA DAG GIS RJES SU DPAG PA'I YAN LAG LNGA BO PHYOGS DANG, GTAN TSIGS DANG, DPE DANG, NYE BAR SBYAR BA DANG, MJUG BSDU BA DAG LAS NYE BAR SBYAR BA DANG, MJUG BSDU BA GNYIS SUN PHYUNG STE YAN LAG LHAG MA GSUM KHAS BLANGS PAS DE'I PHYIR YAN LAG LNGAR SMRA BA DAG GIS 'DIR, SANGS RGYAS PAS NYE BAR SBYAR BA DANG MJUG BSDU BA'I TSIG SMOS PA DE DAG MI BZOD PAS DE SKAD ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE 'DI LTAR NYE BAR SBYAR BA DANG, MJUG BSDU BA DAG YAN LAG GZHAN NYID DU MI 'DOD MED KYI, DE DAG SBYAR BAR MI BYA BA NI MA YIN NO ZHES BYA BA LA SOGS PA SMRAS TE, KHO BO CAG SANGS RGYAS PA DAG NYE BAR SBYAR BA DANG, MJUG BSDU BA DAG YAN LAG GSUM PO PHYOGS DANG, GTAN TSIGS DANG, DPE DE DAG LAS GZHAN NYID DU MI 'DOD PAS YAN LAG LNGAR NI MI SMYA MOD KYI 'ON KYANG NYE BAR SBYAR BA DANG, MJUG BSDU BA DAG SBYAR BAR MI BYA BA NI MA YIN PAS KHO BO CAG GIS NYE BAR SBYAR BA DANG MJUG BSDU BA'I TSIG DAG BYAS PA MI RIGS PA MA YIN NO, ,GZHAN DU NA ZHES BYA BAS NI GAL TE NYE BAR SBYAR BA DANG, MJUG BSDU BA DAG MA SMOS NA SBYOR BA GANG LA GTAN TSIGS MA SMOS PAR CHOS MTHUN PA'I DPE DANG CHOS MI MTHUN PA'I DPE NYI TSE YOD PA DE DAG LA DAM BCAS PA'I GTAN TSIGS GYI DON GSAL BAR MI 'GYUR BAS DE DAG LA NYE BAR SBYAR BA DANG MJUG BSDU BDAG SBYAR BAR BYA DGOS PAR STON TO, ,DE LA SBYOR BA GANG LA CHOS MTHUN PA'I DPE NYI TSE YOD PA LA NYE BAR SBYAR BA DANG, MJUG BSDU BA DAG MA SBYAR BA DAM BCAS PA'I GTAN TSIGS KYI DON GSAL BAR MI 'GYUR BAR BSTAN PA'I PHYIR, GANG LA CHOS MTHUN PA'I DPE NYI TSE YOD PA LA SGRA NI MI RTAG STE BYAS PA'I PHYIR RO, ,BYAS PA NI MI RTAG PAR MTHONG STE, DPER NA BUM PA BZHIN NO, SGRA YANG DE BZHIN PAS DE LTAR BYAS PA'I PHYIR MI RTAG GO ZHES BYA BA DAG LA DAM BCAS PA'I GTAN TSIGS KYI DON JI LTAR GSAL BAR 'GYUR ZHES BYA BA SMRAS TE, SBYOR BA GANG LA CHOS MTHUN PA'I DPE NYI TSE YOD PA 'DI LTA STE SGRA NI MI RTAG STE, DPER NA BUM PA BZHIN NO ZHES BYA BA LTA BU DE LA NI NYE BAR SBYAR BAS SGRA NI MI RTAG STE BYAS PA'I PHYIR RO, ,BYAS PA NI MI RTAG @279B PAR MTHONG STE, DPER NA BUM PA BZHIN NO, ,SGRA YANG DE BZHIN PAS ZHES NYE BAR SBYAR BA'I SBYOR BA YANG BYAS LA MJUG BSDU BAS DE LTAR BYAS PA'I PHYIR MI RTAG GO ZHES MJUG BSDUS NA DAM BCAS PA'I GTAN TSIGS KYI DON GSAL BAR 'GYUR GYI, DE LA NYE BAR SBYAR BA DANG, MJUG BSDU BA'I TSIG DAG MA SBYAR NA DAM BCAS PA'I GTAN TSIGS KYI DON JI LTAR GSAL BAR 'GYUR TE, DE BAS NA SBYOR BA GANG LA CHOS MTHUN PA'I DPE NYI TSE YOD PA LA NYE BAR SBYAR BA DANG, MJUG BSDU BA'I TSIG DAG SBYAR BAR BYA DGOS SO, ,DE BZHIN DU SBYOR BA GANG LA CHOS MI MTHUN PA'I DPE NYI TSE YOD PA LA YANG NYE BAR SBYAR BA DANG MJUG BSDU BA DAG MA SBYAR NA DAM BCAS PA'I GTAN TSIGS KYI DON GSAL BAR MI 'GYUR BAR BSTAN PA'I PHYIR DE BZHIN DU GANG LA CHOS MI MTHUN PA'I DPE NYI TSE YOD PA LA SGRA ME RTAG STE BYAS PA'I PHYIR RO, ,MA BYAS PA NI RTAG PAR MTHONG STE DPER NA NAM MKHA' BZHIN NO, ,SGRA NI DE LTAR MA BYAS PA MA YIN TE, DE LTAR BYAS PA'I PHYIR MI RTAG GO ZHES BYA BA DAG LA DAM BCAS PA'I GTAN TSIGS GYI DON JI LTAR GSAL BAR 'GYUR ZHES BYA BA SMRAS TE, SBYOR BA GANG LA CHOS MI MTHUN PA'I DPE NYI TSE YOD PA 'DI LTA STE SGRA NI MI RTAG STE DPER NA NAM MKHA' RTAG PA LTA BU MA YIN NO ZHES BYA BA LTA BU DE LA YANG NYE BAR SBYAR BAS SGRA NI MI RTAG STE BYAS PA'I PHYIR RO, ,MA BYAS PA NI RTAG PAR MTHONG STE, DPER NA NAM MKHA' BZHIN NO, ,SGRA NI DE LTAR MA BYAS PA MA YIN TE BYAS PA YIN PAS ZHES NYE BAR SBYAR BA'I SBYOR BA YANG BYAS LA, MJUG BSDU BAS DE LTAR BYAS PA'I PHYIR MI RTAG GO ZHES MJUG BSDUS NAS DAM BCAS PA'I GTAN TSIGS KYI DON GSAL BAR 'GYUR GYI, DE LA NYE BAR SBYAR BA DANG MJUG BSDU BA'I TSIG DAG MA SBYAR BA DAM BCAS PA'I GTAN TSIGS KYI DON JI LTAR GSAL BAR 'GYUR TE, DE BAS NA SBYOR BA GANG LA CHOS MI MTHUN PA'I DPE NYI TSE YOD PA LA YANG NYE BAR SBYAR BA DANG, MJUG BSDU BA'I TSIG DAG SBYAR BAR BYA DGOS SO, ,DE LTA BU DANG MTHUN PA'I DON GYI TSIG DAG LA DAM BCAS PA'I GTAN TSIGS KYI DON JI LTAR GSAL BAR 'GYUR ZHES BYA BA NI SBYOR BA GANG LA CHOS MTHUN PA'I DPE'AM, CHOS MI MTHUN PA'I DPE NYI TSE YOD PA DE LTA BU DANG MTHUN PA SBYOR BA GANG LA DAM BCAS PA'I DON GYI TSIG NYI TSE YOD PA LA GTAN TSIGS DNGOS SU MA SMOS PA @280A *, ,DAG LA GAL TE NYE BAR SBYAR BA DANG MJUG BSDU BA'I TSIG DAG MA SMOS NA DAM BCAS PA'I GTAN TSIGS KYI DON GSAL BAR MI 'GYUR BAS DE DAG LA NI NYE BAR SBYAR BA DANG, MJUG BSDU BA'I TSIG DAG SBYAR BAR BYA DGOS SO, ,SBYOR BA'I TSIG DAG LA NI DE DAG MI DGOS TE, DON MED PA'I PHYIR RO ZHES BYA BAS NI SBYOR BA'I TSIG GANG DAG LA YANG YAN LAG GSUM TSANG BAR YOD PA 'DI LTA STE SGRA NI MI RTAG STE, BYAS PA'I PHYIR DPER NA BUM PA BZHIN NO ZHES BYA BA LTA BU DAG LA NI NYE BAR SBYAR BA DANG, MJUG BSDU BA DE DAG MI DGOS TE, 'DI LTAR GTAN TSIGS NYID KYI NYE BAR SBYAR BA DANG, MJUG BSDU BA DAG SMOS ZIN PAS DE DAG SMOS PA DON MED PA'I PHYIR RO, ,YAN LAG LNGAR SMRA BA DAG NA RE YAN LAG GSUM NYID DU MI RIGS TE ZHES BYA BA LA SOGS PAS NI YAN LAG LNGAR SMRA BA DAG SANGS RGYAS PA YAN LAG GSUM DU SMRA BAR MI RIGS PAR SUN 'BYIN PA'I GZHUNG STON TE, DE DAG NA RE SBYOR BA GANG LA SGRA NI MI RTAG STE BYAS PA'I PHYIR DPER NA BUM PA BZHIN NO ZHES YAN LAG GSUM CHAR TSANG BA YOD DU ZIN KYANG DE LA NYE BAR SBYAR BA DANG, MJUG BSDU BA DAG MED NA DAM BCAS PA'I GTAN TSIGS KYI DON GSAL BAR MI 'GYUR RO ZHES ZER RO, ,DE'I PHYIR BSGRUB PAR BYA BA CHOS 'BA' ZHIG LA GTAN TSIGS BRJOD NA NI DPE LA DE MED PA'I PHYIR THUN MONG MA YIN PA NYID DO ZHES BYA BA SMRAS TE, BSGRUB PAR BYA BA TSES NI SGRA MI RTAG STE ZHES BYA BA'O, ,DE 'BA' ZHIG LA GTAN TSIGS BYAS PA'I PHYIR ZHES BYA BA DE BRJOD NA NI DPE BUM PA ZHES BYA BA LA SGRA'I BYAS PA RKAN DANG MCHU DANG LCE LA SOGS PAS BYAS PA DE MED PA'I PHYIR GTAN TSIGS DE BSGRUB PAR BYA BA CHOS DANG DPE GNYI GA'I THUN MONG MA YIN PA NYID YIN PAS DES DAM BCAS PA'I GTAN TSIGS KYI DON GSAL BAR MI 'GYUR RO, ,DE LA NYE BAR SBYAR BAS 'DI NA GANG BYAS PA NI MI RTAG PAR MTHONG STE, DPER NA BUM PA 'JIM PA DANG DBYU GU DANG 'KHOR LO LA SOGS PAS BYAS PA MI RTAG PA DE BZHIN DU SGRA YANG RKAN DANG MCHU DANG LCE LA SOGS PAS BYAS PA'I PHYIR MI RTAG PAS ZHES NYE BAR SBYAR BA'I SBYOR BA BYAS LA, MJUG BSDU BAS KYANG DE LTAR BYAS PA'I PHYIR MI RTAG GO ZHES BSNAN NA DAM BCAS PA'I GTAN TSIGS KYI DON GSAL BAR 'GYUR BAS DE'I PHYIR NYE BAR SBYAR BA DANG @280B MJUG BSDU BA GNYIS KYANG YAN LAG RE RER GZHAG DGOS SO ZHES ZER RO, ,DPE'I CHOS 'BA' ZHIG LA GTAN TSIGS BRJOD NA NI GTAN TSIGS KYI DON MA GRUB PA NYID DO ZHES BYA BAS NI GAL TE KHYED SANGS RGYAS PAS, DPE'I CHOS BUM PA 'BA' ZHIG LA BYAS PA'I PHYIR ZHES BYA BA'I GTAN TSIGS DE BRJOD NA NI SGRA MI RTAG BAR BSGRUB PA'I GTAN TSIGS KYI DON BYAS PA'I PHYIR ZHES BYA BA DE MA GRUB PA NYID DE, 'DI LTAR BUM PA LA 'JIM PA DANG DBYU GU DANG 'KHOR LO LA SOGS PAS BYAS PA YOD PA DE SGRA LA MED PAS BUM PA 'JIM PA DANG, DBYU GU DANG 'KHOR LO LA SOGS PAS BYAS PA'I GTAN TSIGS KYI SGRA MI RTAG PAR MI 'GYUR BA'I PHYIR RO, ,DE LA NYE BAR SBYAR BAS 'DI NA GANG BYAS PA NI MI RTAG PAR MTHONG STE, DPER NA BUM PA 'JIM PA DANG DBYU GU DANG 'KHOR LO LA SOGS PAS BYAS PA MI RTAG PA DE BZHIN DU SGRA YANG RKAN DANG MCHU DANG LCE LA SOGS PAS BYAS PA'I PHYIR MI RTAG PAS ZHES NYE BAR SBYAR BA'I SBYOR BA BYAS LA, MJUG BSDU BAS KYANG DE LTAR BYAS PA'I PHYIR MI RTAG GO ZHES BSNAN NA DAM BCAS PA'I GTAN TSIGS KYI DON GSAL BAR 'GYUR BAS DE'I PHYIR YANG NYE BAR SBYAR BA DANG MJUG BSDU BA GNYIS YAN LAG 'DIR GZHAG DGOS SO ZHES BSTAN TO, ,SPYI'I CHOS LA GTAN TSIGS BRJOD NA NI RJES SU 'GRO BA BSTAN PA DON MED DO, ,DPE'I CHOS LA YANG SPYIR BSTAN PA'I PHYIR RO ZHES BYA BAS NI GAL TE KHYED SANGS RGYAS PAS, BSGRUB PAR BYA BA'I CHOS SGRA DANG, DPE'I CHOS BUM PA GNYI GA LA SPYIR BYAS PA'I PHYIR ZHES BYA BA'I GTAN TSIGS DE BRJOD NA NI 'DI NA GANG BYAS PA NI MI RTAG PAR MTHONG STE, DPER NA BUM PA BZHIN NO, ,SGRA YANG DE BZHIN PAS ZHES RJES SU 'GRO BA BSTAN PA DE DON MED DE CI'I PHYIR ZHE NA, BYAS PA'I PHYIR ZHES BYA BA DE DPE'I CHOS BUM PA LA YANG SPYIR BSTAN PA'I PHYIR BSGRUB PAR BYA BA'I CHOS SGRA DANG, DPE'I CHOS BUM PA GNYI GA 'DRA BAS BUM PA'I DPES SGRA MTSON PA DON MED PAR 'GYUR RO, ,DE LA YANG BYAS PA SPYIR MA BRJOD PAR NYE BAR SBYAR BAS 'DI NA GANG BYAS PA NI MI RTAG PAR MTHONG STE, DPER NA BUM PA 'JIM PA DANG DBYU GU DANG 'KHOR LO LA SOGS PAS BYAS PA MI RTAG PA DE BZHIN DU SGRA YANG RKAN DANG MCHU DANG LCE LA SOGS PAS BYAS PA'I PHYIR MI RTAG PAS ZHES NYE BAR SBYAR BA'I SBYOR BA BYAS LA @281A *, ,MJUG BSDU BAS KYANG DE LTAR BYAS PA'I PHYIR MI RTAG GO ZHES BSNAN NA DAM BCAS PA'I GTAN TSIGS KYI DON GSAL BAR 'GYUR BAS DE'I PHYIR YANG NYE BAR SBYAR BA DANG, MJUG BSDU BA GNYIS YAN LAG RE RER GZHAG DGOS SO ZHES BSTAN TO, ,DPE LA GTAN TSIGS KYI RJES SU 'GRO BA YOD PA NYID DU STON NA NI BA SGRUB PAR BYA BA LA YANG DE DANG 'BREL PA BSTAN PA'I TSIG GZHAN BRJOD DGOS SO ZHES BYA BAS NI, GAL TE KHYED SANGS RGYAS PA DAG 'DI SKAD CES BSGRUB PAR BYA BA'I CHOS DANG, DPE'I CHOS GNYI GA LA YANG BYAS PA'I PHYIR ZHES BYA BA'I GTAN TSIGS SPYIR 'DRA BAR YOD MOD KYI, 'ON KYANG SBYOR BAR BYA BA'I DUS NA DPE LA GTAN TSIGS KYI RJES SU 'GRO BA YOD PA NYID DU BSTAN DGOS KYI, BSGRUB PAR BYA BA LA MI DGOS SO ZHES STON NA NI DE LTA NA JI LTAR DPE LA 'DI NA GANG BYAS PA NI MI RTAG PAR MTHONG STE, DPER NA BUM PA BZHIN NO ZHES RJES SU 'GRO BA BSTAN PA DE BZHIN DU BSGRUB PAR BYA BA LA YANG 'DI NA GANG BYAS PA NI MI RTAG PAR MTHONG STE, DPER NA SGRA BZHIN NO ZHES GTAN TSIGS DE DANG 'BREL PA BSTAN PA'I TSIG GZHAN BRJOD DGOS PA ZHIG NA, KHYED DE YANG NI BRJOD PAS DES NA BSGRUB PAR BYA BA'I GTAN TSIGS SMOS NAS DPES RJES SU 'GRO BA MJUG BSDU BA BSTAN DGOS PAS DE'I PHYIR YANG NYE BAR SBYAR BA DANG MJUG BSDU BA GNYIS YAN LAG RE RER GZHAG DGOS SO ZHES BSTAN TO, ,GAL TE DAM BCAS PA'I MJUG THOGS SU SMOS PAS BSGRUB PAR BYA BA DANG 'BREL PAR 'GRUB PO ZHE NA ZHES BYA BA NI PHA ROL PO DAG GIS SANGS RGYAS PA'I DOGS PA BSU BA'I TSIG YIN TE, GAL TE KHYED SANGS RGYAS PA DAG 'DI SKAD CES, SGRA MI RTAG STE ZHES DAM BCAS PA'I MJUG THOGS SU BYAS PA'I PHYIR RO ZHES BYA BA'I GTAN TSIGS SMOS PAS BSGRUB PAR BYA BA CHOS DANG 'BREL PAR 'GRUB PA'I PHYIR SBYOR BA GANG LA YAN LAG GSUM TSANG BAR BRJOD PA DE LA NYE BAR SBYAR BA DANG MJUG BSDU BA DAG SBYAR MI DGOS SO ZHES ZER NA'O, ,DE'I LAN DU DE LTA NA SGRA NI MI RTAG STE MIG GI GZUNG BA YIN PA'I PHYIR RO ZHES BYA BA YANG 'GRUB PAR 'GYUR RO ZHES BYA BA SMRAS TE, GAL TE DAM BCAS PA'I MJUG THOGS SU SMOS PA KUN BSGRUB PAR BYA BA DANG 'BREL PA 'GRUB NA NI DE LTA NA KHA CIG GIS SGRA MI RTAG STE ZHES DAM BCAS @281B PA'I MJUG THOGS SU DE'I GTAN TSIGS MIG GI GZUNG BA YIN PA'I PHYIR RO ZHES BYA BA YANG BSGRUB PAR BYA BA DANG 'BREL PAR GRUB PA ZHIG NA DE NI MI 'GRUB PAS DE'I PHYIR NYE BAR SBYAR BA DANG MJUG BSDU BA DAG SBYAR DGOS SO, ,GRAGS PA DE DANG 'BREL PAR 'GRUB PA NYID DU RTOG NA NI ZHES BYA BA YANG PHA ROL POS, SANGS RGYAS PA'I DOGS PA BSU BA YIN TE, GAL TE KHYED SANGS RGYAS PA DAG 'DI SNYAM DU SGRA NI MI RTAG STE BYAS PA'I PHYIR RO ZHES BYA BA LTA BU SGRA'I CHOS MI RTAG PA YIN PAR GRAGS PA NI DAM BCAS PA'I MJUG THOGS SU SMOS PAS BSGRUB PAR BYA BA DANG 'BREL BAR 'GRUB KYI, SGRA NI MI RTAG STE MIG GI GZUNG BA MA YIN PA'I PHYIR RO ZHES BYA BA LTA BU SGRA'I CHOS MIG GI GZUNG BA YIN PAR MA GRAGS PA NI MJUG THOGS SU SMOS SU ZIN KYANG BSGRUB PAR BYA BA DANG 'BREL PAR MI 'GRUB BO SNYAM DU RTOG NA'O, ,DE'I LAN DU, KHYED KYI DPE LA YANG DE BZHIN DU 'GYUR TE ZHES BYA BA SMRAS TE, BSGRUB PAR BYA BA CHOS LA GTAN TSIGS GRAGS PA DE DANG 'BREL PAR 'GRUB PA NYID DU RTOG NA DE LTA NA YANG KHYED SANGS RGYAS PA DAG GI DPE BUM PA LA YANG GTAN TSIGS BYAS PA'I PHYIR ZHES BYA BA GRAGS PA DE DANG 'BREL PAR 'GRUB PAR 'GYUR RO, ,DE LTA NA BUM PA LA SOGS PA DAG BYAS PA NYID DU RTOGS PAR 'GYUR GYI, SGRA NI BYAS PA NYID DU MI RTOGS SO ZHES BYA BA NI DE LTAR KHYED KYI DPE LA GRAGS PA DE DANG 'BREL PAR 'GRUB PA NYID DU RTOGS NA, BYAS PA'I PHYIR DPER NA BUM PA BZHIN NO ZHES BYA BA DES BUM PA LA SOGS PA DPE DAG BYAS PA NYID DU RTOGS PAR 'GYUR GYI, SGRA NI BYAS PA NYID DU RTOGS PAR MI 'GYUR BA'I SKYON DU 'GYUR BAS DE'I PHYIR YAN LAG LNGA CHAR SBYAR DGOS SO, ,NYE BAR SBYAR BA DANG MJUG BSDU BA DAG YAN LAG GZHAN MA YIN TE, DON LA KHYAD PAR MED PA'I PHYIR DPER NA GTAN TSIGS NYID BZHIN NO ZHE NA ZHES BYA BA YANG PHA ROL BOS SANGS RGYAS PA'I DOGS PA BSU BA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, GAL TE KHYED SANGS RGYAS PA DAG 'DI SKAD CES DPER NA GTAN TSIGS BYAS PA'I PHYIR ZHES BYA BA NI GTAN TSIGS NYID KYI DON LAS KHYAD PAR MED PA'I PHYIR GTAN TSIGS NYID LAS YAN @282A *, ,LAG GZHAN MA YIN PA DE BZHIN DU NYE BAR SBYAR BA DANG, MJUG BSDU BA DAG KYANG GTAN TSIGS KYI DON LAS KHYAD PAR MED PA'I PHYIR GTAN TSIGS LAS YAN LAG GZHAN MA YIN NO ZHES ZER NA'O, ,DE'I LAN DU, DE LA GTAN TSIGS KYI DON MA GRUB PA NYID DO ZHES BYA BA LA SOGS PA SMRAS TE, DE SKAD CES ZER NA KHYED SANGS RGYAS PA'I GTAN TSIGS KYI DON LAS KHYAD PAR MED PA'I PHYIR ZHES BYA BA DE MA GRUB PA NYID YIN PAS NYE BAR SBYAR BA DANG, MJUG BSDU BA DAG YAN LAG GZHAN MA YIN TE ZHES BSGRUB PAR BYA BA DE MI 'GRUB PO, ,CI'I PHYIR GTAN TSIGS KYI DON MA GRUB PA NYID CE NA, ,DE'I PHYIR NYE BAR SBYAR BAS BSGRUB PAR BYA BA DANG, SGRUB PA GTAN TSIGS MA BRJOD KYANG GCIG TU BYED PA'I PHYIR DANG, GTAN TSIGS GRUB NA YANG SMOS PAS MJUG BSDU BA BRJOD PA'I PHYIR RO ZHES ZER RO ZHES BYA BA SMRAS TE, NYE BAR SBYAR BA'I SBYOR BAS NI SGRA MI RTAG STE ZHES BSGRUB PAR BYA BA DANG, BYAS PA NYID CES BYA BA SGRUB PA'I CHOS DE NYID GTAN TSIGS BYAS PA'I PHYIR ZHES DNGOS SU MA BRJOD KYANG, GANG DANG GANG BYAS PA DE DANG DE NI MI RTAG STE DPER NA BUM PA BZHIN NO ZHES BYA BAS GCIG TU 'BREL PAR BYED PA'I PHYIR NYE BAR SBYAR BA DANG GTAN TSIGS DAG DON LA KHYAD PAR YOD LA, BYAS PA'I PHYIR ZHES BYA BA'I GTAN TSIGS BRJOD CING GRUB NA YANG MJUG BSDU BAS DE LTAR BYAS PA'I PHYIR MI RTAG GO ZHES SMOS PAS MJUG BSDU BA BRJOD PA'I PHYIR MJUG BSDU BA DANG GTAN TSIGS DAG KYANG DON LA KHYAD PAR YOD PA'I PHYIR KHYED SANGS RGYAS PA'I GTAN TSIGS DON LA KHYAD PAR MED PA'I PHYIR ZHES BYA BA MA GRUB PAS NYE BAR SBYAR BA DANG, MJUG BSDU BA DAG YAN LAG GZHAN MA YIN TE ZHES BYA BAR BSGRUB PA MA GRUB BO, ,DES NA SANGS RGYAS PA DAG YAN LAG GSUM DU SMRA BA NI RIGS PA MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR GTAN TSIGS SPYIR GRAGS PA NYID BRJOD PAS GTAN TSIGS PHYOGS DANG MTHUN PA'I PHYOGS GNYI GA DANG 'BREL PAR 'GRUB PO ZHES BYA BA LA SOGS PA SMRAS TE, DES NI SNGAR PHA ROL PO DAG NA RE BSGRUB PAR BYA BA CHOS 'BA' ZHIG LA GTAN TSIGS BRJOD NA NI DPE LA DE MED PA'I PHYIR THUN MONG MA YIN PA NYID DO ZHES ZER BA @282B DANG, DPE'I CHOS 'BA' ZHIG LA GTAN TSIGS BRJOD NA NI GTAN TSIGS KYI DON MA GRUB PA NYID DO ZHES ZER BA'I LAN BTAB STE, SGRA MI RTAG STE BYAS PA'I PHYIR DPER NA BUM PA BZHIN NO ZHES BYA BA'I GTAN TSIGS BYAS PA'I PHYIR ZHES BYA BA DE NI SGRA DANG BUM PA GNYI GA LA SBYIR GRAGS PA NYID YIN LA DE 'DIR GTAN TSIGS NYID DU BRJOD PAS DE NI SGRA MI RTAG STE ZHES BYA BA PHYOGS DANG, DPER NA BUM PA BZHIN NO ZHES BYA BA MTHUN PA'I PHYOGS GNYI GA DANG 'BREL PAR GRUB PAS THUN MONG BA NYID KYANG YIN LA DON MA GRUB PA NYID KYANG MA YIN NO, ,DPE BSTAN PA NI MTHUN PA'I PHYOGS BYE BRAG TU RTOGS PAR BYA BA'I PHYIR TE, PHYOGS BYE BRAG TU RTOGS PAR BYA BA'I PHYIR DAM BCAS PA BSTAN PA BZHIN PAS DE'I PHYIR GTAN TSIGS KYI DON NYID NYE BAR SBYAR BAR BRJOD DO ZHES BYA BAS NI SNGAR PHA ROL PO DAG NA RE SPYI'I CHOS LA GTAN TSIGS BRJOD NA NI RJES SU 'GRO BA DON MED DE, DPE'I CHOS LA YANG SPYIR BSTAN PA'I PHYIR RO ZHES ZER BA DE'I LAN BTAB STE, ,KHO BO CAG GIS DPE CI'I PHYIR BSTAN ZHE NA, DPER NA CHOS CAN DANG, BSGRUB PAR BYA BA CHOS KYI PHYOGS BYE BRAG TU RTOGS PAR BYA BA'I PHYIR SGRA NI MI RTAG STE ZHES DAM BCAS PA BSTAN PA DE BZHIN DU SGRA MI RTAG PA'I MTHUN PA'I PHYOGS BYE BRAG TU RTOGS PAR BYA BA'I PHYIR DPER NA BUM PA BZHIN NO ZHES BSTAN TE, GANG LA BSGRUB PAR BYA BA'I RJES SU 'GRO BA'I GTAN TSIGS KYIS KHYAD PAR BYED PA DE NI CHOS MTHUN PA'I DPE YIN PAS DE'I PHYIR CHOS MTHUN PA'I MTSAN NYID RNAM PAR GZHAG PA'I PHYIR DPE STON PAR BYED DE, GANG DANG GANG BYAS PA DE DANG DE NI MI RTAG STE, DPER NA BUM PA BZHIN NO ZHES BYA BA'I DPES PHYOGS KYI CHOS KYANG RTOGS PAS NYE BAR SBYAR BA'I SBYOR BAS NI GTAN TSIGS KYI DON NYID BRJOD PA'I PHYIR GTAN TSIGS SPYIR BRJOD KYANG RJES SU 'GRO BA BSTAN PA DON MED PA MA YIN NO, ,GTAN TSIGS SMOS NA YANG DAM BCAS PA'I YAN LAG GI DON THA MI DAD PA'I PHYIR DON DE NYID MJUG SDUD PAS BYED PA'I PHYIR GTAN TSIGS KYI DON MA GRUB PA NYID MA YIN NO ZHES BYA BAS NI SNGAR PHA ROL PO DAG NA RE NYE BAR SBYAR BA DANG MJUG BSDU BA DAG YAN LAG GZHAN MA YIN TE, DON LA KHYAD PAR MED PA'I PHYIR DPER NA GTAN TSIGS NYID BZHIN NO ZHE NA, @283A *, ,DE LA GTAN TSIGS KYI DON MA GRUB PA NYID DE NYE BAR SBYAR BAS BSGRUB PAR BYA BA DANG SGRUB PA GTAN TSIGS MA BRJOD KYANG GCIG TU BYED PA'I PHYIR DANG, GTAN TSIGS GRUB NA YANG SMOS PAS MJUG BSDU BA BRJOD PA'I PHYIR RO ZHES ZER BA'I LAN BTAB STE, BYAS PA'I PHYIR ZHES BYA BA'I GTAN TSIGS SMOS NA YANG CI LTAR SGRA MI RTAG PAR DAM BCAS PA DANG BUM PA MI RTAG PAR DAM BCAS PA'I YAN LAG GI DON BYAS PA'I PHYIR ZHES BYA BA'I GTAN TSIGS KYIS BSGRUB PAR BYA BA LA THA DAD PA MED PAS GTAN TSIGS KYI DON DE NYID MJUG BSDU BAS STON PA'I PHYIR GTAN TSIGS DANG NYE BAR SBYAR BA DANG MJUG BSDU BA DAG DON LA KHYAD PAR MED PA'I PHYIR KHO BO'I GTAN TSIGS KYI DON MA GRUB PA NYID MA YIN NO, ,YAN LAG GSUM GYIS BSGRUB PAR BYA BA GRUB NA YAN LAG BZHI 'AM LNGAR SBYOR BA DON MED PAS DE NI LAN MA YIN NO ZHES BYA BA NI MJUG BSDU BSTE, KHO BO CAG GIS BSGRUBS PA LTAR SGRA MI RTAG PAR BSGRUB PAR BYA BA YAN LAG GSUM GYIS NI KHYOD KYIS YAN LAG BZHI 'AM LNGAR BRTAG PA DON MED PAS KHYOD NA RE YAN LAG GSUM NYID DU MI RIGS TE ZHES ZER BA DE NI LAN MA YIN NO, ,GRANGS LA SOGS PA'I YAN LAG GI MTSAN NYID NI DPYAD PAR MI BYA STE, HA CANG THAL BAR 'GYUR BA'I PHYIR RO ZHES BYA BAS NI RIGS PA'I BSTAN BCOS LA YAN LAG JI SNYED KYIS BSGRUB PAR BYA BA 'GRUB PA DE TZAM ZHIG STON PAR ZAD KYI, YAN LAG GI GRANGS GSUM DANG BZHI DANG LNGA LA SOGS PA DAG GI MTSAN NYID MI DPYOD PAS 'DIR YANG YAN LAG GSUM GYIS BSGRUB PAR BYA BA 'GRUB PA DE TZAM ZHIG SMOS PAR ZAD KYI, GZHAN DU NA HA CANG THAL BAR 'GYUR BAS KHYED RANG GI GRUB PA'I MTHA' LAS YAN LAG DU 'DOD PA DAG KYANG KHO BO CAG 'GOG PAR MI BYED DO, ,'DI NA BSTAN BCOS BYED PA'I TSIG DAG NI PHAL CHER CHOS MTHUN PA'I MTSAN NYID DANG CHOS MI MTHUN PA'I MTSAN NYID DANG GTAN TSIGS KYI MTSAN NYID GSUM GYIS THA SNYAD BYED DE, PHYOGS KYI CHOS NYID DANG MTHUN PA'I PHYOGS LA RJES SU 'GRO BA DANG, MI MTHUN PA'I PHYOGS LA MED PA STE, DE'I PHYIR PHYOGS TZAM ZHIG BSTAN TO ZHES BYA BAS NI 'JIG RTEN 'DI NA BSTAN BCOS BYED PA'I TSIG DAG NI PHAL CHER @283B CHOS MTHUN PA'I MTSAN NYID CES BYA BA MTHUN PA'I PHYOGS LA YOD PA DANG, CHOS MI MTHUN PA'I MTSAN NYID CES BYA BA MI MTHUN PA'I PHYOGS LA MED PA DANG GTAN TSIGS KYI MTSAN NYID GSUM GYIS THA SNYAD BYED DE, GTAN TSIGS KYI MTSAN NYID GSUM NI PHYOGS KYI CHOS NYID DANG MTHUN PA'I PHYOGS LA RJES SU 'GRO BA DANG, MI MTHUN PA'I PHYOGS LA MED PA STE, DE LA PHYOGS KYI CHOS NYID KYIS NI BSGRUB PAR BYA BA CHOS NYID KYI GTAN TSIGS BSTAN PA, MTHUN PA'I PHYOGS LA RJES SU 'GRO BAS NI CHOS MTHUN PA'I MTSAN NYID KYI GTAN TSIGS BSTAN, MI MTHUN PA'I PHYOGS LA MED PAS NI CHOS MI MTHUN PA'I MTSAN NYID KYI GTAN TSIGS BSTAN TE, DE LTAR DE DAG GIS YAN LAG GSUM PHYOGS TZAM ZHIG BSTAN PAS PHA ROL PO DAG 'DOD PA NYE BAR SBYAR BA DANG MJUG BSDU BA ZHES BYA BA GNYIS YAN LAG GSUM LAS DON GZHAN MA YIN NO, ,ZHAR LA BSHAD PAS CHOG GI SKABS NYID DPYAD PAR BYA'O ZHES BYA BA NI NYE BAR SBYAR BA DANG MJUG BSDU BA GNYIS YAN LAG GSUM LAS DON GZHAN MA YIN YANG BRJOD PAR BYA DGOS PA DANG, DE GNYIS YAN LAG GSUM LAS GZHAN MA YIN PAS YAN LAG LNGAR MI GZHAG PA DPYAD PA ZHAR LA BSHAD PAS CHOG GI 'DU BYED RNAMS NGO BO NYID MED PAR BSGRUB PA'I SKABS NYID DE PHYAD PAR BYA'O ZHES BYA BAR SBYAR RO, ,DE LTAR NGO BO NYID MED PA NYID STON PA'I RJES SU DPAG PA BSTAN PA LA, KHA CIG NA RE NGO BO NYID STONG PA NI MED PA'I DON YIN LA SLU BA'I CHOS YIN PA'I PHYIR ZHES BYA BA YANG MED PA'I PHYIR DON DE NYID YIN PAS DAM BCAS PA'I DON GYI PHYOGS GCIG YIN PA'I PHYIR BSGRUB PA GTAN TSIGS MA TSANG BA NYID KYI SKYON YOD PAS 'DOD PA'I DON MI 'GYUR BO ZHES ZER RO ZHES BYA BA NI SNGAR DBU MA PAS DON DAM PAR NANG GI DNGOS PO RNAMS NI NGO BO NYID STONG PA YIN TE, SLU BA'I CHOS YIN PA'I PHYIR DPER NA SGYU MA MKHAN GYIS SPRUL PA'I BUD MED KYI LUS BZHIN NO ZHES SBYOR BA'I TSIG BYAS PA DE LA PHA ROL PO DAG NA RE KHYED KYIS NGO BO NYID STONG PA YIN TE ZHES DAM BCAS PA DE NI MED PA'I DON YIN LA DE BSGRUB PA'I GTAN TSIGS SLU BA'I CHOS YIN PA'I PHYIR ZHES BYA BA DE YANG MED PA'I PHYIR DON DE NYID YIN PAS DAM BCAS PA'I DON GYI PHYOGS GCIG YIN PA'I PHYIR SGRUB @284A *, ,PA GTAN TSIGS MA TSANG BA NYID KYI SKYON YOD PAS KHYOD DBU MA PA'I 'DOD PA'I DON NANG GI DNGOS PO RNAMS NGO BO NYID STONG BA YIN TE ZHES DAM BCAS PA DE MI 'GRUB PO ZHES ZER BA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE SLU CHOS GANG YIN PA, ,DE BRDZUN DE LA CI ZHIG SLU, ,ZHES BYA BA SMRAS TE, SNGAR KHO BOS 'DUS BYAS GANG YIN PA DE NI BRDZUN PA STE, SLU BA'I CHOS YIN PA'I PHYIR RO ZHES BYA BAS 'DUS BYAS ZHES BYA BA NI NANG GI DNGOS PO RNAMS SO, ,BRDZUN PA ZHES BYA BA NI NGO BO NYID STONG PA STE, RNAM PAR BRTAG PA'I NGO BO NYID STONG PA NYID DO, ,SLU BA'I CHOS YIN PA'I PHYIR ZHES BYA BA NI LOG PAR SNANG BA'I PHYIR DPER NA SGYU MA MKHAN GYIS SPRUL PA'I BUD MED KYI LUS BZHIN NO ZHES 'DUS BYAS BRDZUN PAR DAM BCAS PA SGRUB PA'I GTAN TSIGS SLU BA'I CHOS YIN PA'I PHYIR RO ZHES BSHAD PA DE LA 'DIR KHYED NA RE BRDZUN PA ZHES BYA BA NI NGO BO NYID STONG PA STE, MED PA'I DON YIN LA, SLU BA'I CHOS YIN PA'I PHYIR ZHES BYA BA YANG BRDZUN PA DANG MED PA'I DON YIN PAS DAM BCAS PA'I DON GYI PHYOGS GCIG YIN PA'I PHYIR BSGRUB PA GTAN TSIGS MA TSANG BA NYID KYI SKYON YOD PAS 'DOD PA'I DON MI 'GRUB PO ZHES ZER BA NI DE LTA MA YIN TE, GAL TE KHO BO'I GTAN TSIGS SLU BA'I CHOS ZHES SMOS PA GANG YIN PA DE BRDZUN PA DANG MED PA'I DON YIN NA NI BRDZUN PA MED PA DE LA CI ZHIG SLU BAR 'GYUR TE, SLU BA'I CHOS ZHES BYA BA'I THA SNYAD KYANG MED PA ZHIG NA KHO BO'I GTAN TSIGS SLU BA'I CHOS ZHES SMOS PA GANG YIN PA DE NI BRDZUN PA DANG MED PA'I DON MA YIN TE, LOG PAR SNANG BA'I DON YIN PAS DES NA 'DUS BYAS RNAMS NI RNAM PAR BRTAG PA'I NGO BO NYID STONG PA STE, LOG PAR SNANG BA'I PHYIR DPER NA SGYU MA MKHAN GYIS SPRUL BA'I BUD MED KYI LUS BZHIN NO ZHES BSTAN PA'I GTAN TSIGS DE DAM BCAS PA'I DON GYI PHYOGS GCIG MA YIN PA'I PHYIR SGRUB PA GTAN TSIGS MA TSANG BA NYID KYI SKYON MED PAS 'DOD PA'I DON 'GRUB BO ZHES STON TO, ,DE NYID BSTAN PA'I PHYIR GAL TE DAM BCAS PA'I GTAN TSIGS DE'I DON MED PA NYID YIN NA DE LA CI ZHIG SLU BAR 'GYUR, CUNG ZAD KYANG SLU BAR MI 'GYUR TE MED PA'I PHYIR DPER NA RI BONG GI RVA @284B BZHIN PAS 'DUS BYAS PA RDZUN PA ZHES GSUNGS PA'I TSIG NYID KYANG MED DO ZHES BYA BAR DGONGS SO ZHES BYA BA SMRAS TE, GAL TE KHO BOS DON DAM PAR NANG GI DNGOS PO RNAMS NI NGO BO NYID STONG BA YIN TE ZHES DAM BCAS PA'I GTAN TSIGS SLU BA'I CHOS YIN PA'I PHYIR ZHES BYA BA DE'I DON KHYED ZER BA LTAR BRDZUN PA DANG MED PA NYID YIN NA DE LA CI ZHIG SLU BAR 'GYUR, CUNG ZAD KYANG SLU BAR MI 'GYUR TE MED PA'I PHYIR DPER NA RI BONG GI RVA BZHIN PAS DE LTA NA, BCOM LDAN 'DAS KYIS 'DUS BYAS BRDZUN PA ZHES GSUNGS PA'I TSIG NYID KYANG MED DO ZHES BYA BAR MDO MDZAD PAS DGONGS SO ZHES BYA BAR SBYAR TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BAS GLAGS YOD PA'I TSIG YIN PAR GO RIMS BZHIN DU SBYAR TE, DPER NA RI BONG GI RVA NI MED PA'I PHYIR DE LA CUNG ZAD KYANG SLU BA YOD PAR MI 'GYUR BAS RI BONG GI RVA LOG PAR SNANG NGO ZHES BYA BA'I TSIG NYID KYANG MED PA DE BZHIN DU GAL TE KHO BO'I DAM BCAS PA'I GTAN TSIGS DE'I DON KYANG KHYED ZER BA LTAR MED PA NYID YIN NA MED PA'I PHYIR DE LA CUNG ZAD KYANG SLU BA YOD PAR MI 'GYUR BAS 'DUS BYAS BRDZUN PA ZHES GSUNGS PA'I TSIGS NYID KYANG MED PA ZHIG NA DE LTA MA YIN PAS GLAGS YOD PA'I TSIG DE DAG LAS BZLOG PA SKABS KYI DON NYID BSTAN PAR BYA'O, ,DE LTAR GLAGS YOD PA'I TSIG DE DAG LAS BZLOG PAS SKABS KYI DON NYID BSTAN PA'I PHYIR, DE LTA BAS NA BRDZUN PA DANG SLU BA'I CHOS ZHES GSUNGS PA'I DON NI MED PA NYID MA YIN TE, 'O NA CI ZHE NA, DE GNYIS KYI DON NI RNAM PAR BRTAGS PA'I NGO BO NYID STONG PA NYID DANG, LOG PAR SNANG BA YIN PAS DAM BCAS PA'I DON NI PHYOGS GCIG PA NYID MA YIN NO ZHES BYA BA SMRAS TE, BCOM LDAN 'DAS KYIS 'DUS BYAS RNAMS BRDZUN PA DANG SLU BA'I CHOS YIN NO ZHES GSUNGS PA'I DON NI PHA ROL PO DAG ZER BA LTAR GTAN MED PA NYID MA YIN TE, BRDZUN PA ZHES BYA BA'I DON NI NGO BO NYID STONG PA STE, RNAM PAR BRTAGS PA'I NGO BO NYID STONG PA NYID DPER NA SGYU MA MKHAN GYIS SPRUL PA'I BUD MED KYI LUS LTA BU YIN LA SLU BA ZHES BYA BA'I DON NI LOG PAR SNANG BA STE SGYU MA MKHAN GYIS SPRUL PA'I BUD MED @285A *, ,KYI LUS LOG PAR SNANG BA LTA BU YIN PAS KHO BOS DON DAM PAR NANG GI DNGOS PO RNAMS NI NGO BO NYID STONG PA YIN TE ZHES DAM BCAS PA'I GTAN TSIGS SU SLU BA'I CHOS YIN PA'I PHYIR ZHES SMOS PA DE DAM BCAS PA'I DON GYI PHYOGS GCIG NYID MA YIN NO, ,DAM BCAS PA'I DON GYI PHYOGS GCIG NYID ME YIN PA'I GTAN TSIGS DE YANG RGOL BA DANG, PHYIR RGOL BA'I PHYOGS GNYI GA LA GRAGS PAS GTAN TSIGS NYID DU GRUB PAS DBU MA PA'I 'DOD PA'I DON 'GRUB PAR BSTAN PA'I PHYIR, LOG PAR SNANG BA YANG PHYOGS GNYI GA LA GRAGS PA'I PHYIR DES NA GTAN TSIGS MA TSANG BA NYID MED PA'I PHYIR 'DOD PA'I DON GRUB PO ZHES BYA BA SMRAS SO, ,GZHAN YANG, BCOM LDAN 'DAS KYIS DE GSUNGS PA, ,STONG NYID YONGS SU STON PA YIN, ,ZHES BYA BA LA SOGS PAS NI BCOM LDAN 'DAS KYIS SLU BA'I CHOS ZHES BYA BA DE GSUNGS PA NA STONG PA NYID KYI DON STEN PAR BYED PA YIN GYI, DNGOS SU STONG PA NYID BSTAN PA MA YIN PAS DE'I PHYIR YANG KHO BOS DON DAM PAR NANG GI DNGOS PO RNAMS NI NGO BO NYID STONG PA YIN TE ZHES DAM BCAS PA DE'I GTAN TSIGS SU SLU BA'I CHOS YIN PA'I PHYIR ZHES SMOS PAS DE DAM BCAS PA'I DON GYI PHYOGS GCIG MA YIN NO ZHES STON TO,, DE NYID KYI TSAD MA BSTAN PA'I PHYIR, BCOM LDAN 'DAS NYON MONGS PA DANG SHES BYA'I SGRIB PA RTZA BA DANG BCAS PA MA LUS PAR DRUNGS PHYUNG BAS SLU BA'I CHOS ZHES BYA BA DE GSUNGS PA NI STONG PA NYID YONGS SU STON PAR BYED PA YIN TE, SLU BA'I CHOS ZHES GSUNGS PA NI DE MED NA MI 'BYUNG BA'I PHYIR DPER NA SMRA BA POS PHYOGS 'DI DU BA DANG BCAS PA YIN NO ZHES SMRAS PAS DE ME DANG BCAS PA NYID YIN PAR STON PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SMRA BA PO 'BA' ZHIG GIS SA PHYOGS 'DI DU BA DANG BCAS PA YIN NO ZHES SMRAS PA NA, DU BA NI ME DE MED NA MI 'BYUNG BA YIN PA'I PHYIR TSIG DES PHYOGS DE ME DANG BCAS PA NYID YIN PAR STON PA YIN PA, DE BZHIN DU BCOM LDAN 'DAS SGRIB PA GNYIS BAG CHAGS DANG BCAS PA MA LUS PAR SPANGS PAS 'DU @285B BYED RNAMS SLU BA'I CHOS YIN NO ZHES GSUNGS PA YANG SLU BA'I CHOS ZHES BYA BA NI NGO BO NYID STONG PA NYID DE MED NA MI 'BYUNG BA YIN PA'I PHYIR SLU BA'I CHOS ZHES GSUNGS PA DE STONG PA NYID YONGS SU STON PAR BYED PA YIN PAS DES NA KHO BO DON DAM PAR NANG GI DNGOS PO RNAMS NI NGO BO NYID STONG PA NYID YIN TE ZHES DAM BCAS PA DE'I GTAN TSIGS SU SLU BA'I CHOS YIN PA'I PHYIR ZHES SMOS PA DAM BCAS PA'I DON GYI PHYOGS GCIG MA YIN PA'I PHYIR SGRUB PA GTAN TSIGS MA TSANG BA NYID KYI SKYON MED PAS KHO BO'I 'DOD PA'I DON GRUB PO, ,'DIR SMRAS PA, BRDZUN PA ZHES GSUNGS PA DE NI YOD MOD KYI 'ON KYANG MED PA'I DON KYANG MA YIN LA CHOS BDAG MED PA YONGS SU STON PAR BYED PA YANG MA YIN TE ZHES BYA BA LA SOGS PAS NI, PHA ROL PO DAG NA RE BCOM LDAN 'DAS KYIS 'DU BYED RNAMS BRDZUN PA ZHES GSUNGS PA'I LUNG DE NI YOD MOD KYI, 'ON KYANG DE'I DON NI MED PA NYID KYANG MA YIN LA DES CHOS BDAG MED PA YONGS SU STON PAR BYED PA YANG MA YIN TE, DES NI DNGOS PO RNAMS LA GANG ZAG NGO BO NYID MED DE, SKAD CIG MA RE RE LA GNAS SKABS GZHAN DU 'GYUR BAR SNANG BA'I PHYIR RO, ,DE LTA BAS NA CHOS BDAG MED PA'I DNGOS PO NI MI SRID PAS KHYED DBU MA PAS DON DAM PAR NANG GI DNGOS PO RNAMS NI NGO BO NYID STONG PA YIN TE SLU BA'I CHOS YIN PA'I PHYIR DPER NA SGYU MA MKHAN GYIS SPRUL PA'I BUD MED KYI LUS BZHIN NO ZHES BYA BAS 'DU BYED RNAMS RNAM PA LAS NGO BO NYID MED PA NYID DU BSTAN PA'I DON GYI DBANG GIS DE KHO NA'I DON BSTAN PA MI RUNG NGO ZHES ZER BA'I GZHUNG STON TO, DE NYID BSTAN PA'I PHYIR 'DI LTAR BCOM LDAN 'DAS KYIS BRDZUN PA ZHES GSUNGS PAS NI, DNGOS RNAMS NGO BO NYID MED DE, ,GZHAN DU 'GYUR BA SNANG PHYIR RO, ,ZHES BSTAN TE GZHAN DU 'GYUR BA NYID SNANG BA'I PHYIR RO ZHES BYA BA'I THA TSIG GO ZHES BYA BA SMRAS TE, BCOM LDAN 'DAS KYIS BRDZUN PA ZHES GSUNGS PAS NI DNGOS PO RNAMS LA GANG ZAG NGO BO NYID MED DO, ,'DI LTAR DNGOS PO RNAMS SKAD CIG MA RE RE LA GNAS SKABS GZHAN DU 'GYUR BA SNANG BA'I PHYIR RO ZHES BSTAN PA YIN NO, ,DE NYID BSNAN PA'I PHYIR, BCOM LDAN 'DAS KYIS BRDZUN PA ZHES GSUNGS PAS DNGOS PO RNAMS NGO BO NYID MED PA NYID NI @286A *, ,NGES PAR MI GNAS PA'I NGO BO NYID YIN PAR BSTAN TO ZHES BYA BA SMRAS TE, BRDZUN PA ZHES GSUNGS PA'I DON NI DNGOS PO RNAMS LA GANG ZAG NGO BO NYID MED PA NYID DE, DE YANG SKAD CIG MA RE RE LA GNAS SKABS GZHAN DU 'GYUR ZHING NGES PAR MI GNAS PA'I NGO BO NYID YIN PAR BSTAN TO,, 'DI LTAR BRTAG PAR RIGS TE, NGO BO NYID MED DNGOS MED DE, ,ZHES BYA BAS NI CHOS KYI NGO BO NYID MED PA'I DNGOS PO NI MI SRID PAS GANG ZAG NGO BO NYID MED PA NYID DU BRTAG PAR RIGS SO ZHES BSTAN TO, ,DE NYID BSTAN PA'I PHYIR 'O NA JI LTA BU ZHE NA, NGO BO NYID DAM BCAS PA NYID DO ZHES BYA BA SMRAS TE, CHOS KYI NGO BO NYID NI YOD PA NYID DO ZHES BYA BA'I THA TSIG GO, ,KHYED KYI LUGS LTAR NA DNGOS PO RNAMS NGO BO NYID MED PA NYID DU 'GYUR BAS DE NI MI RIGS TE ZHES BYA BAS NI KHYED DBU MA PAS CHOS RNAMS NGO BO NYID MED PA NYID DU BSTAN PA DE NI CHAD PA'I MTHAR 'GYUR BAS MI RIGS SO ZHES ZER BA'I GZHUNG BSTAN TO, ,CI'I PHYIR DE MI RIGS SHE NA, GANG PHYIR DNGOS RNAMS STONG PA NYID, ,GANG GI PHYIR DNGOS PO RNAMS BDAG DANG BDAG GI NYID DANG BRAL BA DE'I PHYIR STOD PA NYID CES BYA'I, DNGOS PO MED PA NI MA YIN PAS DE'I PHYIR DNGOS PO YOD PAR SHES PAR BYA'O ZHES BYA BA SMRAS SO, ,CI STE DE LTAR MI 'DOD NA, GAL TE NGO BO NYID MED NA, ,GZHAN DU 'GYUR BA GANG GI YIN, ,ZHES BYA BA NI CI STE CHOS KYI NGO BO NYID YOD PAR MI 'DOD DE CHOS KYI NGO BO NYID MED NA BYIS PA DANG, GZHON NU DANG, LOD ? TSO DANG, BAR MA DANG, GNAS BRTAN LA SOGS PA'I GNAS SKABS GZHAN DU 'GYUR BAR MTHONG BA DAG DNGOS PO GANG GI YIN PAR BRTAG STE, GZHAN DU 'GYUR BA DE DAG KYANG MED PA'I SKYON DU 'GYUR RO, ,DE YANG MTHONG BAS ZHES BYA BAS NI GZHAN DU 'GYUR BA DE YANG MTHONG BAS SO, ,DE'I PHYIR DNGOS PO RNAMS LA GZHAN DU 'GYUR BA YOD PA NI SGRUB PA'I CHOS YIN PAS RJES SU DPAG PAR NUS TE ZHES BYA BAS NI GZHAN DU 'GYUR BA NI, GANG ZAG BDAG MED PA DANG CHOS BDAG YOD PAR BSGRUB PA'I GTAN TSIGS YIN PAS 'DIR DE'I RJES SU DPAG PA 'DI LTAR BYA'O ZHES STON TO, ,DON DAM PAR DNGOS PO RNAMS NGO BO NYID YOD DE GZHAN DU 'GYUR BA'I PHYIR RO, ,'DI NA GANG MED PA DE LA NI GNAN @286B DU 'GYUR BA MED DE DPER NA MO GSHAM GYI BU BZHIN NO, ,NANG GI DNGOS PO RNAMS LA NI GZHAN DU 'GYUR BA YOD PAS DE'I PHYIR DON DAM PAR DNGOS PO RNAMS NGO BO NYID YOD DO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA MO GSHAM GYI BU LTA BU GANG DAG MED PA DE DAG LA NI GZHAN DU 'GYUR BA MED KYI, NANG GI DNGOS PO RNAMS LA NI GZHAN DU 'GYUR BA YOD PAS DE'I PHYIR NANG GI DNGOS PO RNAMS DON DAM PAR NGO BO NYID YOD DO, ,DES NA CHOS BDAG MED PA'I DNGOS PO MI SRID PAS KHYED DBU MA PAS SNGAR RJES SU DPAG PAS 'DU BYED RNAMS RNAM PA LAS NGO BO NYID MED PA NYID DU BSTAN PA'I DON GYI DBANG GIS DE KHO NA'I DON BSTAN PA DE MI RUNG NGO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GAL TE NGO BO NYID YOD NA, JI LTA BUR NA GZHAN DU 'GYUR, ,NGO BO NYID YOD PA LA GZHAN DU 'GYUR BA NYID MI RIGS TE, NGO BO NYID NI NYAMS PAR MI 'GYUR BA'I PHYIR RO ZHES BYA BA SMRAS TE, DES NI PHA ROL PO DAG GI LUGS LA GLAGS YOD PA'I TSIG GIS BSTAN TO, ,GLAGS YOD PA'I TSIG DE LAS BZLOG PAS SKABS KYI DON NYID BSTAN PA'I PHYIR GZHAN DU 'GYUR BA NI MTHONG STE, DE YANG NGO BO NYID MED PA NYID MED NA MI 'BYUNG BAS GTAN TSIGS KYI DON 'GAL BA NYID DO ZHES BYA BA SMRAS TE, DNGOS PO RNAMS GZHAN DU 'GYUR BA NYID MTHONG STE, GZHAN DU 'GYUR BA DE YANG NGO BO NYID MED PA NYID MED NA MI 'BYUNG BAS DE'I PHYIR PHA ROL PO DAG NA RE DON DAM PAR DNGOS PO'I NGO BO NYID YOD DE GZHAN DU 'GYUR BA'I PHYIR RO ZHES ZER BA'I GTAN TSIGS DE'I DON 'GAL BA NYID YIN PAS, CHOS RNAMS NGO BO NYID MED PA NYID DU GRUB PO,, ,,BAM PO LNGA BCU GCIG PA, GZHAN DAG GIS SMRAS PA, SLU BA'I CHOS ZHES BYA BA'I DON NI LOG PAR SNANG BA'I DON YIN MOD KYI DNGOS PO MED PA'I DON MA YIN NO ZHES BYA BA LA SOGS PAS NI SNGAR DBU MA PAS BRDZUN PA ZHES BYA BA NI RNAM PAR BRTAGS PA'I NGO BO NYID STONG PA NYID YIN LA, DE NI LOG PAR SNANG BA YIN PAS SLU BA'I CHOS YIN @287A *, ,PA'I PHYIR NGO BO NYID STONG PA YIN TE, DPER NA SGYU MA MKHAN GYIS SPRUL PA'I BUD MED KYI LUS BZHIN NO ZHES BYA BAR DON DAM PAR DNGOS PO RNAMS NGO BO NYID STONG PAS CHOS RNAMS BDAG MED PA'I DE KHO NA BSTAN PA DE LA, 'DIR SDE PA GZHAN DAG NA RE KHYED DBU MA PAS 'DUS BYAS RNAMS RNAM PAR BRTAGS PA'I NGO BO NYID STONG PA NYID YIN PAS BRDZUN PA'I PHYIR NGO BO NYID STONG PA YIN TE ZHES DAM BCAS PA DE'I GTAN TSIGS SU DE LOG PAR SNANG BA YIN PAS SLU BA'I PHYIR NGO BO NYID STONG PA YIN NO ZHES SMOS PA LA SLU BA'I CHOS ZHES BYA BA'I DON NI LOG PAR SNANG BA'I DON YIN MOD KYI, DNGOS PO MED PA'I DON MA YIN TE 'DI LTAR GANG ZAG BDAG DANG BDAG GI MED PA NYID LAS BDAG DANG BDAG GIR LOG PAR SNANG BAS SLU BA'I CHOS YIN PA DE NI BDEN NO, ,KHYOD KYIS CHOS RNAMS NGO BO NYID MED PAS DNGOS PO MED PAR BSHAD PA NI RI BONG GI RVA BZHIN DU MED PA NYID YIN PAS DE'I PHYIR SLU BA'I CHOS ZHES BYA BA'I DON DNGOS PO MED PA'I DON NI MA YIN NO ZHES ZER BA'I GZHUNG STON TO, ,CI'I PHYIR SLU BA'I CHOS ZHES BYA BA'I DON LOG PAR SNANG BA'I DON YIN GYI DNGOS PO MED PA'I DON MA YIN ZHE NA, DE'I PHYIR BRDZUN PA ZHES GSUNGS PA DES NI DNGOS PO RNAMS NGO BO NYID MED PA NYID CES BYA BA BDAG MED PA NYID BSTAN TE, NGO BO NYID CES BYA BA'I SGRA NI BDAG GI TSIG YIN PA'I PHYIR RO ZHES BYA BA SMRAS TE, SLU BA'I CHOS YIN PA'I PHYIR ZHES BYA BA'I GTAN TSIGS DES BSGRUB PAR BYA BA CHOS NI 'DUS BYAS GANG YIN PA DE NI BRDZUN PA STE ZHES BYA BA YIN LA, BRDZUN PA ZHES GSUNGS PA DES NI DNGOS PO RNAMS NGO BO NYID MED PA NYID DU BSTAN LA, NGO BO NYID MED PA NYID CES BYA BA NI BDAG MED PA NYID YIN TE, NGO BO NYID CES BYA BA'I SGRA NI BDAG GI TSIG YIN PA'I PHYIR RO, ,CI'I PHYIR ZHE NA ZHES BYA BA NI DBU MA PAS CI'I PHYIR DNGOS PO RNAMS LA GANG ZAG BDAG MED CES DRI BA'I TSIG YIN NO, ,DE'I LAN DU PHA ROL PO DAG NYID KYIS SNGAR SMRAS PA'I TSIG LE'UR BYAS PA'I RTZA BA, GZHAN DU 'GYUR BA SNANG PHYIR RO, ,ZHES BYA BA 'DI SMRAS SO, ,DE NYID BSTAN PA'I PHYIR, GZHAN DU 'GYUR BA NYID SNANG BA'I PHYIR RO ZHES BYA BA'I THA TSIG GO ZHES BYA BA @287B SMRAS TE, DNGOS PO RNAMS GZHAN DU 'GYUR BA NYID SNANG BA'I PHYIR GANG ZAG BDAG MED PA YIN NO ZHES BYA BA'I THA TSIG GO, ,DE NYID BYE BRAG TU BSHAD PA BSTAN PA'I PHYIR DE LTA BAS NA BRDZUN PA ZHES GSUNGS PA NI BDAG MED PA NYID MED NA MI 'BYUNG BA'I PHYIR BDAG MED PA NYID STON PA YIN GYI STONG PA NYID STON PA NI MA YIN NO ZHES BYA BA SMRAS TE, ,GANG ZAG BDAG MED PA NYID STON PA YIN GYI CHOS BDAG MED PA NYID BSTAN PA MA YIN NO ZHES BYE BRAG TU BSHAD PA STON TO, ,DE LTAR GANG ZAG BDAG MED PA'I DON DE LA CI'I PHYIR BRDZUN PA ZHES BYA BA'I SGRAR GSUNGS SHE NA, DE'I PHYIR 'DI LTAR 'PHAGS PA'I LAM MA SKYES PAS 'JIG TSOGS LA LTA BA'I RI'I DRUNGS MA PHYUNG BA DAG LA NI NANG DANG PHYI ROL GYI DNGOS PO RNAMS BDAG DANG BDAG GIR RNAM PAR SNANG LA, 'PHAGS PA'I LAM YANG DAG PAR SKYES PA RNAMS LA NI DE LTAR YUL GYI DNGOS POR MI 'GYUR BAS DE LTAR BDAG DANG BDAG GIR LOG PAR SNANG BA'I PHYIR BCOM LDAN 'DAS KYIS BRDZUN PA ZHES GSUNGS SO ZHES BYA BA SMRAS SO, ,DE LA GAL TE NGO BO NYID MED PA DAG MU STEGS BYED KYIS YONGS SU BRTAGS PA'I BDAG GIS BDAG MED DE ZHES BYA BAR SGRUB NA NI GRUB PA LA SGRUB PA YIN NO ZHES BYA BAS NI DE LTAR NA NGO BO NYID MED PA ZHES BYA BAS NI GANG ZAG BDAG DANG BDAG GI NGO BO NYID MED PA DAG YIN PAS DE LA GAL TE KHYED DBU MA PAS NGO BO NYID MED PA DE DAG GZHAN DU MU STEGS BYED KYIS YONGS SU BRTAGS PA'I BDAG MED PAS BDAG DANG BDAG GI MED DO ZHES BYA BAR SGRUB NA NI GRUB PA LA SGRUB PA'I SKYON CHAGS PA YIN TE, KHO BO CAG GI PHYOGS LA YANG DE MED PAR GRUB PA'I PHYIR RO, ,CI STE NGO BO NYID STONG PA NYID CES BYA BAR SGRUB NA NI SGYU MA MKHAN GYIS SPRUL PA'I BUD MED KYI LUS BZHIN NO ZHES BYA BA LA, NGO BO NYID STONG PA NYID CES BYA BA DNGOS PO MED PA'I MTSAN NYID MED PAS DES NA GTAN TSIGS MI MTHUN PA'I PHYOGS 'BA' ZHIG LA YOD PA'I PHYIR DON 'GAL BA NYID DO ZHES BYA BAS NI CI STE KHYED DBU MA PAS NGO BO NYID MED PA DE DAG GIS THEG PA CHEN PO PAS CHOS RNAMS NGO BO NYID STONG PA NYID CES DAM BCAS PA DE SGRUB PA YIN NA NI KHYED KYI DPE SGYU MA MKHAN GYIS SPRUL PA'I BUD MED KYI LUS BZHIN @288A *, ,NO ZHES BYA BA DE LA KHYOD KYI BSGRUB PAR BYA BA CHOS NGO BO NYID STONG PA NYID CES BYA BA DNGOS PO MED PA'I MTSAN NYID DE MED DE, 'DI LTAR SGYU MA MKHAN GYIS SPRUL PA'I BUD MED KYI LUS LA BUD MED KYI DNGOS PO MED KYANG, RTZVA DANG SHING LA SOGS PA SGYU MA'I YO BYAD RNAMS KYI DNGOS PO MED PA NYID MA YIN PA'I PHYIR RO, ,DES NA KHYED KYI CHOS RNAMS NGO BO NYID STONG PA NYID DU SGRUB PA'I GTAN TSIGS SLU BA'I CHOS YIN PA'I PHYIR ZHES SMOS PA DE KHYED KYI MI MTHUN PA'I PHYOGS SU GYUR PA KHO BO CAG GI PHYOGS 'BA' ZHIG LA YOD PA'I PHYIR, KHYED CHOS RNAMS NGO BO NYID STONG PAR BSGRUB PA DANG DON 'GAL BA NYID YIN PAS MA GRUB PO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, KHYED NGO BO NYID MED PA DAG GI RI BONG GI RVA BZHIN DU NGO BO NYID MED PA NYID DU SGRO BTAGS NAS KUN DU SKRAG PAR GYUR PA NI DPER NA BYIS PA DAG MTSAN MO RANG GI GRIB MA LA 'DRI NYID DU SGRO BTAGS NAS SKRAG PA'I SKAD 'BYIN PA DANG 'DRA'O ZHES BYA BA LA SOGS PA SMRAS TE, KHYED SDE PA GZHAN DAG KHO BOS CHOS BDAG MED PA BSTAN PA DE'I PHYIR RI BONG GI RVA BZHIN DU GTAN MED PAR SEMS SHING STONG PA NYID KYIS SKRAG STE, GYA TSOM DU DE SKAD RGOL BA NI DPE DE DANG 'DRA'O, ,DE LA GAL TE NGO BO NYID MED PA DAG MU STEGS BYED KYIS YONGS SU BRTAGS PA'I BDAG GIS BDAG MED DO ZHES BYA BAR SGRUB NA NI GRUB PA LA SGRUB PA YIN NO ZHES BYA BA LA SOGS PA'I SGRAS BSDU BA CI STE NGO BO NYID STONG PA NYID CES BYA BAR SGRUB NA NI SGYU MA MKHAN GYIS SPRUL PA'I BUD MED KYI LUS BZHIN NO ZHES BYA BA LA, NGO BO NYID STONG PA NYID CES BYA BA DNGOS PO MED PA'I MTSAN NYID MED PAS DES NA GTAN TSIGS MI MTHUN PA'I PHYOGS 'BA' ZHIG LA YOD PA'I PHYIR DON 'GAL BA NYID DO ZHES KHYED KHO BO LA GAL GNYIS PO DE DAG BRJOD MOD KYI, 'ON KYANG DE DAG KHO BO'I PHYOGS LA MI GNOD KYI RIGS PA NYON CIG CES BYA BAR SBYAR RO, ,DE LA KHYED GAL TE MU STEGS BYED KYIS YONGS SU BRTAGS PA'I BDAG NI PHUNG PO LA SOGS PA DE DAG LAS GZHAN NA YANG MED LA RANG NYID KYANG MA YIN PAS PHUNG PO LA SOGS PA DE DAG @288B LA BDAG MED PA'I DNGOS PO BDAG MED PA NYID CES BYA BA DE BRDZUN PA ZHES GSUNGS PA NYID KYIS BSTAN PAR BYA BA YIN NO ZHES ZER NA DE LTAR GYUR KYANG BLA STE ZHES DBU MA PAS KHAS BLANG BAR BYA'O, ,CI LTAR BLANG ZHE NA, DE'I PHYIR GAL TE DNGOS PO RNAMS NGO BO NYID STONG PA NYID DU BSTAN PA'I PHYIR SLU BA'I CHOS YIN PA'I PHYIR ZHES KHO BOS GTAN TSIGS SBYAR BAS GANG ZAG BDAG MED PA NYID KYANG GTAN TSIGS DE MED NA MI 'BYUNG BA'I PHYIR GTAN TSIGS DES GANG ZAG BDAG MED PA NYID STON PAR BYED NA YANG GRUB PA LA SGRUB PA'I SKYON DU MI 'GYUR TE, DPER NA MI RTAG PA NYID BSTAN PA'I PHYIR BYAS PA NYID CES BYA BA'I GTAN TSIGS SBYAR BAS SDUG BSNGAL LA SOGS PA DAG KYANG GTAN TSIGS DE MED NA MI 'BYUNG BA'I PHYIR, GTAN TSIGS DES SDUG BSNGAL LA SOGS PA STON PAR BYED PA LA GRUB PA LA SGRUB PA'I SKYON MED PA DANG 'DRA LA SLU BA'I CHOS YIN PA'I PHYIR ZHES BYA BA'I GTAN TSIGS DES, CHOS BDAG MED PA NGO BO NYID STONG PA NYID KYANG STON PAR BYED PA NYID YIN PAS KHO BO CAG LA CI GNOD CES BYA BAR SBYAR TE RE ZHIG DE DAG GIS NI SNGAR PHA ROL PO DAG NA RE DE LA GAL TE NGO BO NYID MED PA DAG MU STEGS BYED KYIS YONGS SU BRTAGS PA'I BDAG GIS BDAG MED DO ZHES BYA BAR SGRUB NA NI GRUB PA LA SGRUB PA YIN NO ZHES ZER BA'I LAN BTAB PO, SLU BA'I CHOS NYID KYANG NGO BO NYID STONG PA NYID CES BYA BA DE MED NA MI 'BYUNG BA'I PHYIR KHO BO'I DPE SGYU MA MKHAN GYIS SPRUL PA'I BUD MED KYI LUS BZHIN NO ZHES BYA BA DE YANG NGO BO NYID STONG PA NYID YIN PAS DES NA KHO BO'I GTAN TSIGS SLU BA'I CHOS YIN PA'I PHYIR ZHES BYA BA DE PHYOGS GNYI GA LA YOD PA'I PHYIR DON 'GAL BA NYID MA YIN TE, 'GAL BA LTAR SNANG BA YIN NO ZHES BYA BAR SBYAR TE, DES NI SNGAR PHA ROL PO DAG NA RE CI STE NGO BO NYID STONG PA NYID CES BYA BAR SGRUB NA NI SGYU MA MKHAN GYIS SPRUL PA'I BUD MED KYI LUS BZHIN NO ZHES BYA BA LA, NGO BO NYID STONG PA NYID CES BYA BA DNGOS PO MED PA'I MTSAN NYID MED PA DES NA GTAN TSIGS MI MTHUN PA'I PHYOGS 'BA' ZHIG LA YOD PA'I PHYIR DON 'GAL BA NYID DO ZHES ZER BA'I LAN BTAB PO, ,DE NI SNGAR PHA ROL PO DAG NA RE BRDZUN @289A *, ,PA ZHES GSUNGS PA DES NI DNGOS PO RNAMS NGO BO NYID MED PA NYID CES BYA BA BDAG MED PA NYID BSTAN TE, NGO BO NYID CES BYA BA'I SGRA NI BDAG GI TSIG YIN PA'I PHYIR RO, ,CI'I PHYIR ZHE NA, GZHAN DU 'GYUR BA SNANG PHYIR RO, ,ZHES ZER BA'I GTAN TSIGS DE MA GRUB PAR STON PA'I RJES SU DPAG PAR BSTAN PAR BYA STE, DE'I PHYIR 'DU BYED RNAMS LA GZHAN DU 'GYUR BA NYID MED DE, LTA BA PO'I YANG DAG PA DANG LOG PA'I SHES PA SKYE BA'I DUS NA SHES BYA'I NGO BO NYID YONGS SU MA SPANGS BA'I PHYIR DPER NA THAG PA LA LTA BA POS THAG PA'AM SPRUL DU MTHONG BA NA THAG PA'I NGO BO NYID YONGS SU MA SPANGS PA BZHIN PAS BDAG DANG BDAG GIR SNANG BA'I 'DU BYED RNAMS LA GZHAN DU 'GYUR BA MED DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA YIN PAR GO RIMS BZHIN DU SBYAR TE, DPER NA THAG PA LAS LTA BA POS THAG PA'AM, SPRUL DU MTHONG BA NA SEMS G-YENGS PA'AM, MIG YOR RAM, NAM MKHA' MI GSAL BA LA SOGS PA'I RKYEN GZHAN GYIS THAG PA'AM SPRUL DU SNANG BA'I SHES PA SKYE BAR ZAD KYI, THAG PA'I NGO BO NYID YONGS SU MA SPANGS SHING GZHAN DU 'GYUR BA NYID MED PA DE BZHIN DU, 'DU BYED RNAMS LTA BA POS BDAG DANG BDAG MED PAR MTHONG NA YANG SKYES BU DAM PA MA YIN PA LA BRTEN PA DANG, DAM PA MA YIN PA'I CHOS THOS PA DANG, TSUL BZHIN MA YIN PA YID LA BYED PA LA SOGS PA'I RKYEN GZHAN GYIS BDAG DANG BDAG MED PAR SNANG BA YANG DAG PA DANG LOG PA'I SHES PA SKYE BAR ZAD KYI, SHES BYA'I NGO BO NYID YONGS SU MA SPANGS SHING GZHAN DU 'GYUR BA NYID MED PAS DE'I PHYIR BDAG DANG BDAG GIR SNANG BA'I 'DU BYED RNAMS LA GZHAN DU 'GYUR BA NYID MED DE, PHYI NANG GI DNGOS PO RNAMS KUN RDZOB TU RTEN CING 'BREL PAR 'BYUNG BA SGYU MA DANG, RMI LAM DANG, DRI ZA'I GRONG KHYER BZHIN DU GNAS PAS SHES PA'I DBANG GIS SHES BYA GZHAN DU 'GYUR BA MA YIN PA'I PHYIR PHA ROL PO DAG GI GTAN TSIGS, GZHAN DU 'GYUR BA SNANG PHYIR RO, ,ZHES BYA BA DE MA GRUB PO, ,DE LTAR @289B BDAG DANG BDAG GIR SNANG BA'I 'DU BYED RNAMS LA GZHAN DU 'GYUR BA NYID MED PAS SHES PA'I DBANG GIS SHES BYA GZHAN DU 'GYUR BA MA YIN MOD KYI GLO BUR GYI RKYEN GYIS SHES PA 'KHRUL PA'I DBANG GIS SHES BYA GZHAN DU SNANG BA NA 'DU BYED RNAMS 'KHRUL PA YIN NO ZHES NYE BAR GDAGS PA'I THA SNYAD YOD PAR BSTAN PA'I PHYIR, 'ON KYANG RAB RIB CAN RNAMS LA DBANG PO NYAMS PAS 'KHRUL PA'I BLO SKYE BA BZHIN DU YANG DAG PA MA YIN PA'I BDAG DANG BDAG GI BLO SKYE BA'I PHYIR 'KHRUL PA ZHES BYA BA NYE BAR GDAGS PAR NI YOD DE ZHES BYA BA LA SOGS PA SMRAS SO, ,DE NYID KYI RJES SU DPAG PA BSTAN PA'I PHYIR 'DUS BYAS NI BRDZUN PA NYID YIN TE, SHES PA BRDZUN PA'I YUL YIN PA'I PHYIR DPER NA MNGON SUM GYI SHES PA'I YUL GYI DON LA MNGON SUM ZHES BYA BA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DBANG PO'I MNGON SUM DANG, YID KYI MNGON SUM DANG, RANG RIG PA'I MNGON SUM DANG, RNAL 'BYOR PA'I MNGON SUM GYI SHES PA DAG MNGON SUM YIN GYI, DE DAG GI YUL MNGON SUM MA YIN KYANG SHES PA'I YUL YIN PA'I PHYIR YUL GYI DON LA YANG MNGON SUM ZHES BYA BA DE BZHIN DU 'DUS BYAS RNAMS KYANG GZHAN DU 'GYUR BA MED PAS BRDZUN PA NYID MA YIN YANG SHES PA BRDZUN PA'I YUL YIN PA'I PHYIR BRDZUN PA NYID CES BYA'O, ,DES NA TSUL BZHIN YID LA BYED PA DANG TSUL BZHIN MA YIN PA YID LA BYED PA'I DBANG GIS LTA BA PO'I YANG DAG PA DANG LOG PA'I SHES PA SKYE BAS SHES BYA YANG DAG PA DANG, LOG PAR MTHONG BAR ZAD KYI, SHES PAS SHES BYA SKYED PA NI MA YIN PAS SHES BYA'I NGO BO NYID LA GZHAN DU 'GYUR BA NYID MED PAS, 'DI LA BSAL BA GANG YANG MED, ,BSNAN PAR BYA BA'ANG CUNG ZAD MED, ,YANG DAG NYID DU YANG DAG LHA, ,YANG DAG MTHONG BA RNAM PAR GROL, ,ZHES GSUNGS PA GRUB PO, ,GANG DAG GIS BRDZUN PA ZHES BYA BA NI DNGOS PO RNAMS NGES PAR MI GNAS PA'I NGO BO NYID STONG PA YIN NO ZHES SMRAS @290A *, ,PA DE DAG GI PHYIR 'DI BSHAD DE ZHES BYA BA LA SOGS LAS NI, SNGAR NI PHA ROL PO DAG NA RE BRDZUN PA ZHES GSUNGS PA DE NI YOD MOD KYI 'ON KYANG MED PA'I DON KYANG MA YIN LA, CHOS BDAG MED PA YONGS SU STON PAR BYED PA YANG MA YIN TE, 'DI LTAR BCOM LDAN 'DAS KYIS BRDZUN PA ZHES GSUNGS PAS NI, DNGOS RNAMS NGO BO NYID MED DE, ,GZHAN DU 'GYUR BA SNANG PHYIR RO, ,ZHES BSTAN TE, BRDZUN PA ZHES GSUNGS PA NI CHOS BDAG MED PA STON PA MA YIN GYI, DNGOS PO GZHAN DU 'GYUR BA SNANG BA'I PHYIR GANG ZAG BDAG MED PA STON PA YIN NO ZHES ZER BA'I PHYOGS SUN DBYUNG BA'I PHYIR TSIG LE'UR BYAS PA 'OG MA 'DI BSHAD DE ZHES BYA BAR SBYAR RO, ,DE NYID LA NI GZHAN 'GYUR MED, ,GZHAN NYID LA YANG YOD MA YIN, ,DNGOS PO GANG RANG BZHIN GANG GIS GZUNG BA'I YUL DU 'GYUR BA DE NYID LA NI RGA SHI'I MTSAN NYID DU 'GYUR BA MED LA, GZHAN NYID LA YANG YOD PA MA YIN TE, ,DE DAG NI DAM BCA' BA GNYIS NYE BAR GZHAG PA YIN NO ZHES BYA BAS NI DNGOS PO GANG GZHON NU'I RANG BZHIN GANG GIS DBANG PO'I GZUNG BA'I YUL DU 'GYUR BA DE NYID LA YANG RGA SHI'I MTSAN NYID GZHAN DU 'GYUR BA MED LA, GZHON NU LAS GZHAN PA RGAS PAR GYUR PA NYID LA YANG RGA SHI'I MTSAN NYID DU GZHAN DU 'GYUR BA YOD PA MA YIN TE ZHES DAM BCAS PA GNYIS NYE BAR GZHAG PA BSTAN TO, ,GANG PHYIR GZHON NU MI RGA STE, ,GANG PHYIR RGA BA'ANG MI RGA'O, ,ZHES BYA BA DAG NI GO RIMS BZHIN DU CHOS MI MTHUN PA'I DPE'I TSIG GNYIS YIN NO ZHES BYA BAS NI, DE NYID LA NI GZHAN 'GYUR MED, ,GZHAN NYID LA YANG YOD MA YIN, ,ZHES DAM BCAS PA GNYIS NYE BAR GZHAG PA'I CHOS MTHUN PA'I DPE'I TSIG GNYIS GO RIMS BZHIN DU BSTAN TO, ,'DIR SBYOR BA'I TSIG DAG NI RE ZHIG BDAG NYID DE NYID KYIS GNAS PA LA NI GZHAN DU 'GYUR BA MI 'THAD PA NYID DE SNGON GYI RANG BZHIN YONGS SU MA SPANGS PA'I PHYIR DPER NA GZHON NU RGAN PO NYID DU MI 'GYUR BA BZHIN NO ZHES BYA BAS NI DAM BCAS PA SNGA MA SHOS BSGRUB PA'I TSAD MA BSTAN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER @290B NA GZHON NU NI SNGON GYI RANG BZHIN MA SPANGS PA'I PHYIR RGAN PO NYID DU MI 'GYUR BA DE BZHIN DU 'O MA LA SOGS PA BDAG NYID DE NYID KYIS GNAS PA YANG SNGON GYI RANG BZHIN YONGS SU MA SPANGS PA'I PHYIR ZHO LA SOGS PA'I BDAG NYID GZHAN DU 'GYUR BAR MI 'THAD PA NYID DO, ,SNGON GYI MTSAN NYID LAS MTSAN NYID MI 'DRA BA RGAN PO'I BDAG NYID DU GNAS PA LA YANG GZHAN DU 'GYUR BA MED DE, MTSAN NYID MI 'DRA BA'I GNAS SKABS THOB PA'I PHYIR DPER NA RGAS PO BZHIN PAS ZHES BYA BA NI DU MA BCAS PA GNYIS PA SGRUB PA'I TSAD MA BSTAN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGAS PA NI GZHON NU LAS MTSAN NYID MI 'DRA BA'I GNAS SKABS 'THOB PA'I PHYIR RGAN PO'I MTSAN NYID DU GZHAN DU 'GYUR BA MED PA DE BZHIN DU ZHO LA SOGS PA 'O MA LA SOGS PA'I SNGON GYI MTSAN NYID LAS MTSAN NYID MI 'DRA BA'I BDAG NYID DU GNAS PA YANG MTSAN NYID MI 'DRA BA'I GNAS SKABS THOB PA'I PHYIR GZHAN DU 'GYUR BA MED DO, ,RGOL BA RANG GI RJES SU DPAG PA LA GNOD DO ZHES BYA BA NI MJUG BSDU BA DANG TSAD MA'I 'BRAS BU YIN NO, ,'DIR KHA CIG GIS SMRAS PA, 'O MA LA SOGS PA'I NGO BO NYID YONGS SU MA SPANGS PA DAG KYANG ZHO LA SOGS PA'I DNGOS POR 'GYUR BA'I PHYIR GTAN TSIGS MA NGES PA NYID DO ZHES BYA BA NI 'DIR GRANGS CAN DAG NA RE DBU MA PA'I GTAN TSIGS SNGON GYI RANG BZHIN YONGS SU MA SPANGS PA'I PHYIR ZHES BYA BA DE MA NGES PA NYID YIN NO ZHES ZER BA YIN TE, ,'O MA LA SOGS PA GANG DAG SNYING STOBS LA SOGS PA RANG BZHIN GYI NGO BO NYID YONGS SU MA SPANGS PA DAG KYANG ZHO LA SOGS PA'I DNGOS POR 'GYUR BA'I PHYIR, DES NA CI RE ZHIG SNGON GYI RANG BZHIN YONGS SU MA SPANGS PA'I PHYIR DPER NA GZHON NU RGAN PO NYID DU MI 'GYUR BA BZHIN DU 'O MA LA SOGS PA BDAG NYID DE NYID KYIS GNAS YANG ZHO LA SOGS PA'I DNGOS PO GZHAN DU MI 'GYUR BA YIN NAM, 'ON TE SNGON GYI RANG BZHIN YONGS SU MA SPANGS PA'I PHYIR 'O MA ZHOR 'GYUR BA DANG, GSER GYI SOR GDUB DANG DPUNG RGYAN LA SOGS PA'I DNGOS PO GZHAN DU 'GYUR BA BZHIN DU, 'O MA LA SOGS @291A *, ,PA'I DNGOS PO SNYING STOBS LA SOGS PA RANG BZHIN GYI BDAG NYID DE NYID KYIS GNAS PA DAG KYANG ZHO LA SOGS PA'I DNGOS PO GZHAN DU 'GYUR BA MA NGES PA NYID YIN PAS DBU MA PA'I GTAN TSIGS DE MI RUNG NGO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GANG GI DNGOS PO DE ZHO YIN, ,GAL TE 'O MA'I ZHO ZHE NA, ,DE LTA NA YANG 'O MAS 'O MA'I NGO BO NYID YONGS SU MA SPANGS PAS SGRA TZAM GYIS ZHO'I DNGOS POR BRTAG PAR MI NUS TE GANG GI PHYIR DE LTAR RNAM PAR RTOG PA LA YANG, GAL TE DE NYID GZHAN GYUR NA, ,'O MA NYID NI ZHOR 'GYUR RO, ,'O MA RO DANG MTHU DANG SMIN PA DANG MTHU STOBS YONGS SU MA SPANGS PA ZHO'I DNGOS POR MI 'GYUR TE, GRAGS PA'I GNOD PAR 'GYUR BA'I PHYIR RO ZHES BYA BA SMRAS TE, GAL TE 'O MA'I DNGOS PO ZHO YIN LA 'O MAS 'O MA'I NGO BO NYID YONGS SU MA SPANGS PAR ZHOR 'GYUR NA 'JIG RTEN LA GRAGS PA'I GNOD PAR 'GYUR BA'I PHYIR DE NI MI RUNG NGO, ,GAL TE DE BZHIN TE 'O MA ZHO'I DNGOS POR MI 'GYUR RO ZHE NA ZHES BYA BA NI, GAL TE PHA ROL PO DAG NA RE DE NYID GZHAN DU MI 'GYUR RO ZHE NA'O, ,DE'I LAN DU, 'O MA LAS GZHAN GANG GI NI, ,DNGOS PO ZHO NI YIN PAR 'GYUR, , MI 'GYUR BA NYID DE ZHO 'AM, DE LAS GZHAN PA DAG DER MI 'GYUR RO ZHES BYA BA DGONGS SO ZHES BYA BA SMRAS TE, 'O MA NYID ZHOR MI 'GYUR NA 'O MA LAS GZHAN PA CHU LA SOGS PA'AM, ZHO NYID ZHO MI 'GYUR BAS GZHAN NYID LA YANG GZHAN DU 'GYUR BA YOD PA MA YIN NO, ,DE'I PHYIR DE LTAR 'O MA DANG DE LAS GZHAN PA DAG DNGOS PO GZHAN DU MI 'THAD PA'I PHYIR GTAN TSIGS MA NGES PA NYID MA YIN NO ZHES BYA BA NI MJUG BSDU BA DANG TSAD MA'I 'BRAS BU YIN NO, ,GZHAN DAG GIS SMRAS PA, 'O MA ZHO'I MTSAN NYID KYI CHOS GZHAN DU 'GYUR BAS 'O MA'I DNGOS PO ZHO YIN NO ZHES NI MI SMRA'I, 'ON KYANG TSOGS PA'I DBANG GIS 'O MA ZHO'I DNGOS POR 'GYUR RO ZHES BYA BAS NI SNGAR PHA ROL PO DAG NA RE 'O MA YANG GZHAN LA ZHO YANG GZHAN PAS 'O MA'I DNGOS PO ZHO MA YIN YANG TSOGS PA'I DBANG GIS 'O MA ZHO'I DNGOS POR 'GYUR RO ZHES ZER BA BSTAN TO, ,DE SKAD CES ZER BA DE'I LAN DU @291B 'DIR 'GREL PA BYED PA NYID KYIS, 'DIR YANG 'O MAS 'O MA'I DNGOS PO SPANGS NAS ZHO'I DNGOS POR 'GYUR RAM, MA SPANGS PAR 'GYUR GRANG ZHES BYA BA GAL GNYIS SMRAS SO, ,DES CIR 'GYUR ZHES BYA BA NI DRI BA'I TSIG YIN NO, ,DE'I LAN DU GAL TE BRTAG PA SNGA MA LTAR 'DOD NA NI 'O MA ZHO'I DNGOS POR 'GYUR BA MA YIN NO, ,CI STE BRTAG PA PHYI MA LTAR 'DOD NA NI DGAG PA MI MTHUN PA'I SKYON DU 'GYUR TE, GAL TE 'O MA YIN NA NI JI LTAR ZHO YIN, CI STE ZHO YIN NA NI JI LTAR 'O MA YIN, ,'O MA ZHO YIN NO ZHES SMRA NA NI GRAGS PA'I GNOD PAR YANG 'GYUR RO ZHES BYA BA YANG SMRAS TE, BRTAG PA GNYI GA LTAR YANG MI 'THAD PAR BSTAN TO, ,'DIS GANG DAG 'O MA'I DNGOS PO ZHO YIN PAR MI 'DOD KYI 'O MA ZHO'I DNGOS POR 'GYUR BAR 'DOD DO ZHES ZER BA DE DAG GI LAN KYANG BTAB PA YIN NO ZHES BYA BA NI, BRTAG PA RNAM PA GNYIS MI 'THAD PAR BSTAN PA'I TSUL 'DIS GRANGS CAN DAG RANG BZHIN NI GZHAN DU MI 'GYUR GYI, RKYEN GYI DBANG GIS GNAS SKABS GZHAN DU 'GYUR BAR 'DOD PA'I LAN KYANG BTAB PA YIN NO, ,DE'I PHYIR DE LTAR DPYAD NA DON DAM PAR DNGOS PO RNAMS GZHAN DU 'GYUR BA NYID MA GRUB PAS PHA ROL POS DNGOS PO RNAMS NGO BO NYID YOD PA NYID DU BSTAN PA'I PHYIR GTAN TSIGS SMRAS PA'I DON MA GRUB PA NYID DAM DON 'GAL BA NYID DO ZHES BYA BA NI SPYI'I MJUG BSDU BA DANG TSAD MA'I 'BRAS BU YIN TE, PHA ROL PO DAG BRDZUN PA ZHES GSUNGS PA CHOS BDAG MED PA STON PA MA YIN GYI GANG ZAG BDAG MED PA STON PA YIN PAR BSGRUB PA'I GTAN TSIGS GZHAN DU 'GYUR BA SNANG PHYIR RO ZHES BYA BA DE DON DAM PAR NI MA GRUB PA NYID YIN LA, KUN RDZOB TU NI 'GAL BA NYID YIN NO, ,SLU BA'I CHOS ZHES GSUNGS PA YANG DNGOS PO RNAMS NGES PAR MI GNAS PA'I NGO BO NYID STONG PA NYID MA YIN TE, DON DAM PAR 'GA' YANG GZHAN DU 'GYUR BA NYID MI SRID PA'I PHYIR RO ZHES BYA BAS NI JI LTAR BRDZUN PA ZHES GSUNGS PA DE CHOS BDAG MED PA STON PA'I DON YIN PA DE BZHIN DU SLU BA'I CHOS ZHES GSUNGS PA YANG, GANG ZAG BDAG MED PA 'BA' ZHIG STON PA MA YIN GYI, BDAG MED PA GNYI GA STON PA'I DON YIN PAR BSTAN TO, ,'DIR SMRAS PA, @292A *, ,DON DAM PAR DNGOS PO RNAMS STONG PA NYID MA YIN TE, DPE'I GNYEN PO YOD PA'I PHYIR DPER NA LOG PA'I SHES PA'I GNYEN POR YANG DAG PA'I SHES PA YOD PA BZHIN NO, ,'DI NA GANG MED PA DE LA NI GNYEN PO MED DE DPER NA NAM MKHA'I ME TOG BZHIN NO, ,STONG PA NYID MA YIN PA LA NI GNYEN PO STONG PA NYID YIN PAS DE'I PHYIR GTAN TSIGS JI SKAD SMOS PA'I MTHUS STONG PA NYID MA YIN PA YOD PA NYID DO ZHES BYA BA NI PHA ROL PO DAG RIGS PA CAN GYI SGYU THABS KYIS, GNYEN PO STONG PA NYID YOD PA'I SGO NAS MI MTHUN PA'I PHYOGS STONG PA NYID MA YIN PA YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I DPE DANG, CHOS MI MTHUN PA'I DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NI NAM MKHA'I ME TOG LTA BU GANG MED PA DE LA NI GNYEN PO MED KYI LOG PA'I SHES PA LTA BU GANG YOD PA DE LA NI GNYEN PO YOD PA DE BZHIN DU DNGOS PO STONG PA NYID MA YIN PA RNAMS LA YANG GNYEN PO STONG PA NYID YOD PAS DE'I PHYIR DNGOS PO RNAMS CHOS BDAG MED PA STONG PA NYID MA YIN GYI GANG ZAG BDAG MED PAS NGES PAR MI GNAS PA'I NGO BO NYID YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GAL TE STONG MIN CUNG ZAD YOD, ,STONG PA'ANG CUNG ZAD YOD PAR 'GYUR, ,'DI LA GAL TE DON DAM PAR PHUNG PO DANG KHAMS DANG SKYE MCHED LA SOGS PA DNGOS PO RANG BZHIN GYIS MI STONG PA CUNG ZAD CIG YOD PAR GYUR NA NI DE LA LTOS PA'AM MI STONG PA DE BSAL BAS STONG PA ZHES BRJOD PA 'BYUNG BA'I PHYIR STONG PA YANG CUNG ZAD YOD PAR 'GYUR BA ZHIG NA MI STONG PA DE YANG MI 'THAD PAR BSTAN ZHING STON PAR 'GYUR BAS DE'I PHYIR DE LTAR DON DAM PAR, MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,STONG PA NYID DU 'THAD PA MED PA'I PHYIR RO ZHES BYA BAR DGONGS SO ZHES BYA BA SMRAS TE, DES NI DON DAM PAR GNYEN PO DANG MI MTHUN PA'I PHYOGS KYI MTHA' GNYI GA SPANGS PA BSTAN TO, ,'ANG ZHES BYA BA'I SGRA NI MI STONG PA DANG STONG PA CUNG ZAD @292B KYANG MED DO ZHES GNYI GA BSDU BA'I PHYIR RO ZHES BYA BAS NI SGRA BSDEB PA'I SGO NAS DON GNYI GA BSDU BA BSTAN TO, ,YANG NA STONG PA DANG MI STONG PA ZHES BYA BAR RNAM PAR RTOG PA DE DAG NI GNYI LA BRTEN PAS THA SNYAD PA YIN TE, DPER NA GTZUG LAG KHANG SKU GZUGS KYIS MI STONG LA, DGE SLONG DAG GIS STONG PA YOD PA NYID DO ZHES BYA BA BZHIN NO, ,DON DAM PAR NI MI STONG CUNG ZAD YOD MIN NA, GNYEN POR BRTAG PA GANG YIN PA'I, ,STONG PA'ANG YOD PAR GA LA 'GYUR, ,ZHES BYA BAS NI GNYEN PO DANG MI MTHUN PA'I PHYOGS KYI STONG PA DANG MI STONG PA ZHES BYA BAR RNAM PAR RTOG PA NI KUN RDZOB TU GZHI LA BRTEN PAS THA SNYAD PA YIN GYI DON DAM PAR GZHI MED PAS THA SNYAD GDAGS SU MED PAR BSTAN TO, ,GANG GI PHYIR 'DZIN PA SPANG BA TZAM NYID STONG PA NYID DO ZHES BYA BAR DGONGS PA DE'I PHYIR GNYEN PO YOD PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES BYA BA NI MJUG BSDU BA YIN TE, GANG GI PHYIR YOD PA DANG MED PAR 'DZIN PA'I RNAM PAR RTOG PA SPANG BA'I PHYIR STONG PA NYID DO ZHES GSUNGS PAR ZAD KYI, GNYEN PO DANG MI MTHUN PA'I PHYOGS KYI TSUL DU STONG PA DANG MI STONG PA ZHES BYA BA DNGOS POR YOD PA MA YIN PA DE'I PHYIR PHA ROL PO DAG GI GTAN TSIGS GNYEN PO YOD PA'I PHYIR ZHES BYA BA DE'I DON MA GRUB PAS BSTAN BCOS MDZAD PAS BRDZUN PA DANG, SLU BA'I CHOS ZHES BYA BA CHOS BDAG MED PA STON PA'I DON DU BSHAD PA'I 'DOD PA GRUB PO, ,YANG NA RNAL 'BYOR PA DNGOS PO THAMS CAD KYI NGO BO NYID DGAG PA LHUR LEN PA'I THOS PA DANG BSAMS PA DANG BSGOMS PA LAS BYUNG BA'I SHES PA GOMS PAR BYED PA, LA LA 'DI SNYAM DU SEMS TE ZHES BYA BA LA SOGS PAS NI THEG PA CHEN PO'I RNAL 'BYOR SPYOD PA PA, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI 'DI LA YOD, ,DE LA YANG NI DE YOD DO, ,ZHES BYA BA'I GZHUNG 'DZIN PA DAG KUN BRTAGS KYI NGO BO NYID MED KYANG KUN BRTAGS DANG BRAL BA'I STONG PA NYID DON DAM PAR YOD PAR SEMS PA DAG GI GZHUNG DGAG PA'I PHYIR, GAL TE STONG MIN CUNG ZAD YOD, ,STONG PA'ANG CUNG ZAD YOD PAR 'GYUR, ,MI STONG CUNG ZAD @293A *, ,YOD MIN NA, ,STONG PA'ANG YOD PAR GA LA 'GYUR, ,ZHES BYA BA TSIG LE'UR BYAS PA 'DI RNAM PA GZHAN DU RNAM PAR BSHAD DO ZHES BYA BAR SBYAR RO, ,DE DAG GI GZHUNG BSTAN PA'I PHYIR GAL TE KUN BRTAGS PA NYID KYIS BDAG NYID STONG PA'I PHYIR DNGOS PO DE DAG LAS KUN BRTAGS PA'I BDAG NYID MED DU ZIN KYANG DE DAG GI STONG PA NYID NI MA BYAS PA'I PHYIR DANG, LTOS PA MED PA'I PHYIR DE KHO NA YIN NO SNYAM NA ZHES BYA BA SMRAS SO, ,DE YANG BZANG PO MA YIN PAR BSTAN PA'I PHYIR, DE YANG LEGS PAR ZIN PA MA YIN TE, CI'I PHYIR ZHE NA, GANG GI PHYIR DNGOS PO THAMS CAD KYI NGO BO NYID MED PA NI STONG PA NYID YIN LA DE NI RDZAS SU YOD PA MA YIN PAS DE LA NGO BO NYID DU MNGON PAR ZHEN PA MI RIGS PAS DE DGAG PA'I PHYIR, GAL TE STONG MIN CUNG ZAD YOD, ,STONG PA'ANG CUNG ZAD YOD PAR 'GYUR, ,ZHES BYA BA SMRAS TE STONG PA MA YIN PA'I SHES PA RTOG PA CAN NAM RTOG PA CAN MA YIN PA'I SPYOD YUL GYI DNGOS PO CUNG ZAD CIG YOD PAR GYUR NA DE LA LTOS PAS SAM, BLO'I BYE BRAG GIS STONG PA NYID KYI SHES PA'I SPYOD YUL DNGOS PO'I DE KHO NA STONG PA'ANG CUNG ZAD CIG YOD PAR 'GYUR GRANG NA, MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,ZHES BYA BA SMRAS SO, ,DE NYID KYI RJES SU DPAG PA BSTAN PA'I PHYIR, 'O NA CI ZHE NA, GANG YOD PA DE NI STONG PA NYID YIN PAS DE'I PHYIR DPE 'DI LAS RJES SU DPAG PA BYA STE ZHES BYA BA LA SOGS PA SMRAS SO, ,STONG PA NYID KYI SHES PA RNAM PAR RTOG PA DANG BCAS PA'AM, RNAM PAR RTOG PA MED PA'I SPYOD YUL DNGOS PO'I BDAG NYID GANG YIN PA DE NI YANG DAG PA MA YIN TE, SHES PA'I SPYOD YUL YIN PA'I PHYIR DPER NA STONG PA MA YIN PA'I SHES PA'I SPYOD YUL BZHIN PAS DNGOS PO'I DE KHO NA STONG PA'ANG YOD PAR GA LA 'GYUR TE, RJES SU DPAG PAS GNOD PA'I PHYIR DANG, MA BYAS PA DANG LTOS PA MED PA'I NGO BO NYID MED PA'I PHYIR DPE MA GRUB PO ZHES BYA BAR DGONGS SO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA DANG, TSAD MA'I 'BRAS BU YIN PAR GO RIMS BZHIN DU SBYAR TE, DPER NA STONG @293B PA MA YIN PA'I SHES PA'I SPYOD YUL KUN BRTAGS PA'I RNAM PA GANG YIN PA DE NI SHES PA'I SPYOD YUL YIN PA'I PHYIR YANG DAG PA MA YIN PA DE BZHIN DU STONG PA NYID KYIS SHES PA RNAM PAR RTOG PA DANG BCAS PA'AM, RNAM PAR RTOG PA MED PA'I SPYOD YUL DNGOS PO'I DE KHO NA GANG YIN PA DE YANG SHES PA'I SPYOD YUL YIN PA'I PHYIR YANG DAG PA MA YIN PAS DNGOS PO'I DE KHO NA STONG PA'ANG YOD PAR GA LA 'GYUR TE, RJES SU DPAG PAS GNOD PA'I PHYIR DANG, MA BYAS PA DANG LTOS PA MED PA'I NGO BO NYID MED PA'I PHYIR PHA ROL PO'I DPE LOG PA'I SHES PA'I GNYEN PO YANG DAG PA'I SHES PA YOD PA BZHIN NO ZHES BYA BA DE MA GRUB PO ZHES BYA BAR DGONGS SO, ,YANG NA, MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,JI LTAR STONG PA NYID MA YIN PAR RNAM PAR RTOG PA'I DRA BA STONG PA NYID MTHONG BA'I MES BSREGS PA'I PHYIR MI STONG PA CUNG ZAD KYANG YOD PA MA YIN PA DE BZHIN DU STONG PA NYID DU RNAM PAR RTOG PA'I DRA BA YANG DE NYID KYIS BSREGS PA'I PHYIR ZHES BYA BA LA SOGS PAS NI STONG PA NYID MA YIN PA DANG STONG PA NYID CES BYA BAR THA SNYAD GDAGS PA NI RNAM PAR RTOG PA'I DBANG GIS SGRO BTAGS PA YIN PAS SHES RAB KYI PHA ROL TU PHYIN PA BSGOM PA'I GGAS YIN PA'I PHYIR STONG PA NYID MTHONG BA'I MES GNYI GA BSREGS PA'I DUS NA MI STONG PAR RNAM PAR RTOG PA CUNG ZAD KYANG MED PAS STONG PAR RNAM PAR RTOG PA YANG YOD PAR GA LA 'GYUR ZHES STON TO, ,DE NYID KYI RJES SU DPAG PA BSTAN PA'I PHYIR STONG PA NYID DU RNAM PAR RTOG PA YANG DON JI LTA BA BZHIN MA YIN TE, RNAM PAR RTOG PA YIN PA'I PHYIR DNGOS POR RNAM PAR RTOG PA BZHIN PAS, STONG PA'ANG YOD PAR GA LA 'GYUR TE, RNAM PAR RTOG PA'I DBANG GIS DE LTAR 'KHRUL LO ZHES BU BAR DGONGS SO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA DANG TSAD MA'I 'BRAS BU YIN PAR GO RIMS BZHIN DU SBYAR TE, DPER NA DNGOS PO RNAM PAR RTOG PA NI RNAM PAR RTOG PA YIN PA'I PHYIR DON JI LTA BA BZHIN MA YIN PA DE BZHIN DU STONG PA NYID DU RNAM PAR RTOG PA YANG RNAM PAR RTOG PA YIN PA'I PHYIR DON @294A *, ,JI LTA BA BZHIN MA YIN PAS STONG PA'ANG YOD PAR GA LA 'GYUR TE, RNAM PAR RTOG PA'I DBANG GIS DE LTAR 'KHRUL TO ZHES BYA BA DE LTAR DGONGS SO, ,YANG NA, MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,GNYIS SU SPYOD PA LA NI DNGOS PO'I NGO BO NYID KYI YUL CAN GYI BLO'I BYE BRAG LAS SGYU MAR BYAS PA 'DI NI RTA LA SOGS PA'I BDAG NYID KYIS STONG NGO, ,YANG DAG PA 'DI NI RTA LA SOGS PA'I BDAG NYID KYIS MI STONG NGO ZHES BYA BAR RNAM PAR RTOG PA 'BYUNG BAR 'GYUR RO, ,GANG GI TSE RNAL 'BYOR PA DE RNAM PAR MI RTOG PA'I SHES RAB KYI SPYOD PA LA GNAS SHING GNYIS SU MED PA LA SPYOD PA DE'I TSE NA DE LA DON DAM PAR SHES BYA'I DE KHO NA THAMS CAD 'DI LTA STE, NAM MKHA' BZHIN DU MTSAN NYID GCIG PA DANG MTSAN NYID MED PAR SNANG BA MED PA'I TSUL GYIS SNANG BAR 'GYUR BAS MI STONG PA CUNG ZAD KYANG YOD PA MA YIN NA, STONG PA'ANG YOD PAR GA LA 'GYUR TE, BLO'I BYE BRAG MED PAS PHAN TSUN LTOS PAR RTOG PA'I MNGON PAR ZHEN PA MED PA'I PHYIR RO ZHES BYA BAR DGONGS SO ZHES BYA BAS NI RNAL 'BYOR BA LAS DANG PO PA MOS PA YID LA BYED PA STONG PA DANG STONG PA MA YIN PA GNYIS SU SPYOD PA LA NI DNGOS PO'I NGO BO NYID KYI YUL CAN GYI BLO'I BYE BRAG LAS STONG PA DANG MI STONG PAR RNAM PAR MI RTOG PA GNYIS 'BYUNG BAR 'GYUR GYI, RNAL 'BYOR PA RAB KYI MTHAR PHYIN PA DE KHO NA NYID YID LA BYED PA GNYIS SU MED PAR SPYOD PA LA NI BLO'I BYE BRAG MED PAR PHAN TSUN LTOS PAR RTOG PA'I MNGON PAR ZHEN PA MED PA'I PHYIR MI STONG PAR RTOG PA CUNG ZAD KYANG YOD PA MA YIN PAS DE LA LTOS PAS SAM, DE BSAL BAS STONG PAR RNAM PAR RTOG PA YANG MED DO ZHES BYA BAR DGONGS PA BSTAN TE, 'PHAGS PA DKON MCHOG BRTZEGS PA'I MDO LAS, 'OD SRUNGS STONG PA NYID NI GANG ZAG RNAM PAR GZHIG PA'I PHYIR MA YIN ZHING, GANG ZAG DNGOS PO YOD PA BSHIG NAS STONG PA NYID DU BYED PA YANG MA YIN TE, 'OD SRUNGS SNGON GYI MTHA' STONG PA NYID DANG, PHYI MA'I MTHA' STONG BA NYID DANG, DA LTAR BYUNG BA STONG PA NYID LA RTON PAR BYA'I GANG ZAG STONG PA NYID LA RTON PAR MI BYA'O, ,'OD @294B SRUNGS GANG DAG STONG PA NYID DU DMIGS PAS STONG PA NYID LA RTON CING, DNGOS POR 'DZIN PA DE DAG NI CHOS 'DUL BA 'DI NYID LAS NYAMS PA DANG, RAB TU NYAMS PAR NGA SMRA'O ZHES JI SKAD GSUNGS PA DANG, DE BZHIN DU 'PHAGS PA STUG PO BKOD PA'I MDO LAS KYANG, GAL TE DNGOS PO STONG GYUR NA, ,GZHIG BYAR 'GYUR ZHING 'JIG PA MIN, ,GANG ZAG LHUN PO TZAM DAG GIS, ,BDAG TU LTA BA MI GNOD DO, ,ZHES CI SKAD GSUNGS PA LTA BU STE, DE'I PHYIR GANG ZAG TU LTA BA BSAL NAS STONG PA NYID YIN PAR BLTA BAR MI BYA'O, ,DE PHYIR RNAM PAR BSHAD PA'I BRNAG PA SNGA MA THA DAD PA DAG GIS GTAN TSIGS KYI DON MA GRUB PA NYID DO ZHES BYA BA NI TSIG LE'UR BYAS PA SNGA MA 'DI'I SKABS KYI MJUG BSDU BA YIN TE, GAL TE STONG MIN CUNG ZAD YOD, ,STONG PA'ANG CUNG ZAD YOD PAR 'GYUR, ,MI STONG CUNG ZAD YOD MIN NA, ,STONG PA'ANG YOD PAR GAL 'GYUR, , ZHES BYA BA TSIG LE'UR BYAS PA 'DI RNAM PAR BSHAD PA'I BRNAG PA SNGA MA THA DAD PA RNAM PA LNGA PO DAG GIS PHA ROL POS DON DAM PAR DNGOS PO RNAMS STONG PA NYID MA YIN TE, DE'I GNYEN PO YOD PA'I PHYIR ZHES SMRAS PA'I GTAN TSIGS KYI DON DE DON DAM PAR NI MA GRUB PA YIN LA, KUN RDZOB TU NI 'GAL BA NYID YIN PAR BSTAN TO, ,'DIR SMRAS PA, GTAN TSIGS KYI DON MA GRUB PA NYID DANG, DON 'GAL BA NYID DU GYUR KYANG SLA STE YANG KHO BO CAG GI SNYING NI STONG PA NYID DGAG PA'I PHYIR SGRUB PA SMRA BAR 'DOD PAS KHYAB PA YIN LA DE YANG KHYED KYIS DGAG PAS 'DOD PA'I DON GRUB PO ZHES BYA BAS NI DE LTAR DBU MA PAS STONG PA NYID DU RNAM PAR RTOG PA'I MTHA' DGAG PA BSTAN PA DANG, 'DIR DNGOS POR SMRA BA DAG DGA' BAR GYUR NAS DE DAG 'DI SKAD CES KHO BO CAG GI STONG PA NYID DGAG PA'I GTAN TSIGS JI SKAD SMRAS PA DE DAG MA GRUB PA DANG, 'GAL BA NYID DU GYUR KYANG SLA STE, YANG KHO BO CAG NI STONG PA NYID DGAG PA'I SGRUB PA SMRA BAR 'DOD PA YIN LA, DE YANG KHYED DBU MA PA NYID KYIS BKAG PAS KHO BO CAG GI 'DOD PA'I DON GRUB BO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, STONG @295A *, ,PA NYID SHES PA DNGOS PO RNAMS STONG PA NYID DU BYED PA MA YIN GYI, 'DI LTAR DNGOS PO RNAMS KYI DE'I NGO BO NYID MA YIN PA NYID DE'I NGO BO NYID MA YIN PA NYID DU GSAL BAR BYED DE, DPER NA MAR ME'I SNANG BAS KHANG KHYIM NA BUM PA MED PA NYID DU GSAL BAR BYED KYI MED PAR BYED PA MA YIN PA BZHIN PAS DE MED NA DE YOD PAR 'GYUR BA MA YIN PA'I PHYIR DE NI MA BRTAGS PAR SMRA BA YIN NO ZHES BYA BA SMRAS TE, STONG PA NYID KYIS DNGOS PO YOD PA ZHIG STONG PA NYID SHES PAS MED PAR BYAS SHING STONG PA NYID DE MED NA DNGOS PO DE YOD PAR 'GYUR BA MA YIN GYI, STONG PA NYID KYI DNGOS PO MED PA NYID SHES PAS RTOGS PAR ZAD PAS STONG PA NYID KYI DNGOS PO MED PAR RTOG PAS DNGOS PO'I NGO BO NYID YOD PAR MA BSTAN PA'I PHYIR PHA ROL PO'I TSIG DE NI MA BRTAGS PAR GYA TSOM DU SMRA BA YIN NO, ,GZHAN DAG GIS SMRAS PA, STONG PA NYID DU SMRA BA DAG NI PHA ROL PO'I TSIG SUN DBYUNG BAR 'DOD PAS STONG PA NYID DU SMRA BA LA BRTEN ZHING DE YANG GZHUNG MI GZUGS PAR SEMS PA NA STONG PA NYID KYANG YOD PA MA YIN NO ZHES LOG PAR SGRUB PAR BYED PAS DE'I PHYIR DE DAG GIS KHAS BLANGS PA LA GNOD PAR 'GYUR TE, LUNG LAS, GANG DAG STONG NYID RAB SHES PA, ,DE DAG CHOS NYID RNAM PAR MTHONG, ,ZHES BYA BA LA SOGS PA DANG, ,'DU BA DAG NI MA RTOGS PA'I, ,DNGOS PO YOD PA MA YIN TE, ,DE PHYIR STONG DANG MA SKYES DANG, ,DNGOS NYID MED PAR NGA SMRA'O, ,ZHES BYA BA LA SOGS PA GSUNGS PA'I PHYIR RO ZHES BYA BA NI PHA ROL PO DAG NA RE DBU MA PA STONG PA NYID DU SMRA BA DAG NI PHA ROL PO DNGOS POR SMRA BA'I TSIG SUN DBYUNG BAR 'DOD PAS STONG PA NYID DU SMRA BA LA BRTEN ZHING DE YANG GZHUNG MI GZUGS PAR SEMS PA NA STONG PA NYID KYANG YOD PA MA YIN NO ZHES LOG PAR SGRUB PAR BYED PAS DE'I PHYIR DE DAG GIS LUNG LAS DNGOS PO THAMS CAD STONG PA NYID DU GSUNGS PA KHAS BLANGS PA LA GNOD PAR 'GYUR TE, 'JIG RTEN THAMS CAD NI 'BRAS BU'I DON DU 'JUG PA YIN NA DBU MA PA NI RANG GI 'BRAS BU LUNG LAS STONG PA NYID CES GSUNGS PA YANG SUN 'BYIN PAR BYED PAS RANG GI LAS BLANGS PA LA GNOD PAR @295B 'GYUR RO ZHES ZER BA YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, LUNG LAS CHOS KYI RNAM GRANGS GZINGS LTA BUR SHES PA RNAMS KYIS CHOS RNAMS NYID KYANG SPANG BAR BYA NA CHOS MA YIN PA RNAMS LTA CI SMOS ZHES BYA BA DANG, DE BZHIN DU GZUGS STONG ZHES BYA BAR MI BRTAG MI STONG ZHES BYA BAR YANG MI BRTAG GO ZHES GSUNGS PAS STONG PA NYID DU LTA BA 'DZIN PA GZHAN BSAL BA LA DGONGS PAS YONGS SU GZUNG BA YANG DON SPYAD ZIN NA YONGS SU SPANG BAR BYA BA YIN PA'I PHYIR DANG, STONG PA MA YIN PAR RNAM PAR RTOG PA BZHIN DU RNAM PAR RTOG PA DE YANG RNAM PAR MI RTOG PA'I SHES PA'I GEGS YIN PAS SPANG BAR 'DOD PA'I PHYIR DANG, DE LA MNGON PAR ZHEN PA YANG SKYON CHEN POR 'GYUR BA'I PHYIR DE YONGS SU SPANGS PA LA SKYON MED DO ZHES BYA BA SMRAS TE, LUNG LAS CHOS KYI RNAMS GRANGS GZINGS LTA BUR SHES PA RNAMS KYIS CHOS RNAMS NYID KYANG SPANG BAR BYA NA CHOS MA YIN PA RNAMS LTA CI SMOS ZHES GSUNGS PAS, DPER NA 'GRON PA CHU KLUNG RGAL BAR 'DOD PAS GZINGS LA BRTEN TE, CHU KLUNG RGAL NAS GZINGS SPANGS TE 'GRO BA DE BZHIN DU RNAL 'BYOR BA DNGOS POR LTA BA'I CHU KLUNG RGAL BAR 'DOD PAS KYANG STONG PA NYID DU LTA BA GZINGS LTA BU LA BRTEN TE, DNGOS POR LTA BA'I CHU KLUNG LAS RGAL NAS STONG PA NYID DU LTA BA GZINGS LTA BU DE SPANGS TE, MI GNAS PA'I MYA NGAN LAS 'DAS PA'I LAM DU 'GRO BAR BYA BA YIN PA'I PHYIR DANG, LUNG LAS GZUGS STONG ZHES BYA BAR MI BRTAG ,MI STONG ZHES BYA BAR YANG MI BRTAG GO ZHES GSUNGS PAS RNAL 'BYOR PA RNAM PAR MI RTOG PA'I SHES RAB KYI SPYOD PA LA GNAS SHING GNYIS SU MED PA LA SPYOD PA'I TSE NA STONG BA MA YIN PAR RNAM PAR RTOG PA DANG STONG PAR RNAM PAR RTOG PA'I MTHA' GNYI GA YANG SHES RAB KYI PHA ROL TU PHYIN PA BSGOM PA'I GEGS YIN PAS SPANG BAR 'DOD PA'I PHYIR DANG, STONG PA NYID LA MNGON PAR ZHEN PA YANG SKYON CHEN POR 'GYUR BA YIN PA'I PHYIR DBU MA PAS STONG PA NYID DU YANG GZHUNG MI GZUGS PAR SEMS PA NA STONG PA @296A *, ,NYID KYANG MA YIN NO ZHES DE YONGS SU SPANGS PA LA SKYON MED DO, ,DA NI DNGOS POR LTA BA SPANG BA'I PHYIR STONG PA NYID CES GSUNGS LA, STONG PA NYID DU LTA BA YANG GSOR MI RUNG BAS SPANG BAR BYA BA YIN PA'I PHYIR MTHA' GNYIS RNAM PAR SPANGS PA'I TSUL GYIS DBU MA'I DON BSTAN PA'I 'JUG BSDU BA'I PHYIR, 'DI LTAR LHA DANG MI'I BLA MA RNAMS KYIS, SROG CHAGS LTA BA SNA TSOGS KYI SKYON GYI DUG GIS SEMS KHYAB PAR GYUR PA SDUG BSNGAL MI BZAD PA'I NAD RGYUN MI 'CHAD PA RNAMS LA THUGS RJE BA NA, RGYAL BA RNAMS KYIS STONG NYID NI, ,LTA KUN DES PAR 'BYIN PAR GSUNGS,, ZHES BYA BA LA SOGS PA SMRAS SO, ,LTA KUN ZHES BYA BA'I TSIG GI DON BSTAN PA'I PHYIR SDUG BSNGAL SNA TSOGS KYI SA BON GYI LTA BA THAMS CAD DO ZHES BYA BA SMRAS SO, ,DE NYID BYE BRAG TU BSHAD PA BSTAN PA'I PHYIR LTA BA NI MNGON PAR ZHEN PA DANG 'DZIN PA STE, DE DAG GI RAB TU DBYE BA NI 'JIG TSOGS LA LTA BA LA SOGS PA'O ZHES BYA BA SMRAS SO, ,STONG PA NYID KYIS LTA BA KUN LAS NGES PAR 'BYIN PAR GSUNGS PA BSTAN PA'I PHYIR, DE DAG GI GNYEN PO NI NANG STONG PA NYID LA SOGS PA'O ZHES BYA BA SMRAS TE, RE ZHIG DE DAG GIS NI DNGOS POR LTA BA SPANG BA'I PHYIR STONG PA NYID CAS GSUNGS PA'I TSUL BSTAN TO, , DA NI STONG PA NYID DU LTA BA YANG GSOR MI RUNG BAS SPANG BAR BYA BA'I TSUL BSTAN PA'I PHYIR DGE BA'I RTZA BA RGYA CHEN PO NYE BAR MA BSAGS PA BSAM YONGS SU MA SMIN PA CHOS ZAB MO LA BZOD PA MA SKYES PA LAM LA MI MKHAS PA, GANG DAG STONG PA NYID LTA BA, ,DE DAG BSGRUB TU MED PAR GSUNGS, , ZHES BYA BA LA SOGS PA SMRAS SO, ,DE NYID BYE BRAG TU BSHAD PA BSTAN PA'I PHYIR 'DI NYID YOD DO ZHES STONG PA NYID DU 'DZIN PA GANG DAG ,BKRU SMAN BTANG BA KHONG DU 'KHYIL PA'I NAD PA BZHIN DU LTA BA SNA TSOGS KYI SKYON GYIS SEMS MA RUNG BAR GYUR PA RNAMS LA DE ZHI BAR NUS PA STONG PA NYID KYI SMAN BYIN PA LAS SKYON CHEN POS 'KHRUGS PAR GYUR PA NAD PA LTA BU DE DAG NI DE BZHIN GSHEGS PA SMAN PA MCHOG LTA BUS BSGRUB TU MED PAR GSUNGS PAS DE'I PHYIR DE SPANGS PA LA SKYON MED DO ZHES BYA BA SMRAS SO, ,DA NI MTHA' GNYIS RNAM PAR SPANGS PA'I TSUL GYIS DBU MA'I DON BSTAN PA'I @296B MJUG BSDU BA'I PHYIR 'GRON PO PHAL PA SHING RTA BYING PA 'BYIN PA'I RNGAN PA CI YANG MED DO ZHES BYA BA GANG YIN PA DE BYIN CIG CES ZER BA SGRA'I DON MNGON PAR MI SHES PA LTA BUR MKHAS PA RNAMS KYIS SMAD PAR GYUR NA MI RUNG BAS KHO BO STONG PA NYID LA DNGOS POR MNGON PAR ZHEN PA MI BYED DO ZHES BYA BA SMRAS TE, DPER NA 'GRON PO SHING RTA LAM DU ZHUGS PA'I SHING RTA RDZAB TU BYING BA'I TSE 'GRON PO PHAL PA SGRA'I DON LA MI MKHAS PA ZHIG 'ONGS PA LA SHING RTA PAS, KHO BO'I SHING RTA BYING PA 'DI PHYUNG SHIG CES BYAS PA DANG, 'GRON PO PHAL PA DE NA RE RNGAN PA CI YOD CES ZER BA NA SHING RTA BAS RNGAN PA CI YANG MED DO ZHES BYAS PA DANG, 'GRON PO PHAL PA DES SHING RTA BYING PA DE PHYUNG NAS DE'I 'OG TU 'DI SKAD CES RNGAN PA CI YANG MED DO ZHES BYA BA GANG YIN PA DE DA BYIN CIG CES ZER BA DE SGRA'I DON LA MI MKHAS PA YIN PAR MKHAS PA RNAMS KYIS SMAD PAR GYUR NA MI RUNG BA DE BZHIN DU 'DIR YANG DNGOS POR LTA BA BSAL BA'I GNYEN POR STONG PA NYID BSTAN PA NA STONG PA NYID YOD PAR LTA BA NI MTHA' GNYIS RNAM PAR SPANGS PA'I DON LA MKHAS PA MA YIN PAR MKHAS PA RNAMS KYIS SMAD PAR GYUR NA MI RUNG BAS KHO BO STONG PA NYID LA YANG DNGOS POR MNGON PAR ZHEN PAR MI BYED DO, ,DE'I PHYIR YANG GTAN TSIGS KYI DON MA GRUB PA NYID KYI LAN MED DO ZHES BYA BA NI TSIG LE'UR BYAS PA GONG MA DE NYID KYI SKABS KYI MJUG BSDU BA YIN NO, ,DE LA 'DIR RAB TU BYED PA'I DON NI PHA ROL POS SMRAS PA'I SUN 'BYIN PA'I LAN BTAB PA DANG, RANG DBANG RJES SU DPAG PA KHA NA MA THO BA MED PA BSTAN PA'I MTHUS 'DU BYED RNAMS RNAM PA LAS NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG, TSAD MA'I 'BRAS BU YIN TE, DE KHO NA BRTAG PA'I RAB TU BYED PA BCU GSUM PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS 'DU BYED RNAMS NGO BO NYID MED PA NYID DGAG PA'I PHYIR GZHAN DU 'GYUR BA SNANG BA'I GTAN TSIGS KYIS NGO BO NYID NGES PAR MI GNAS PA'I SGO NAS GANG ZAG BDAG MED PA TZAM DU SMRA BA'I LAN BTAB BA DANG, BSTAN BCOS MDZAD PAS, CHOS GANG SLU BA DE BRDZUN ZHES, ,BCOM LDAN 'DAS KYIS DE SKAD @297A *, ,GSUNGS, ,'DU BYED THAMS CAD SLU BA'I CHOS, ,DES NA DE DAG BRDZUN PA YIN, ,ZHES BYA BA LA SOGS PA RANG DBANG DU RJES SU DPAG PA KHA NA MA THO BA MED PA BSTAN PA'I MTHUS 'DU BYED RNAMS GANG ZAG BDAG MED PA'I RNAM PA LAS KHYAD PAR DU 'PHAGS PA CHOS BDAG MED PA NGO BO NYID MED PA NYID DU BSTAN PA YIN NO, ,'DU BYED RNAMS RNAM PA LAS NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA CHOS THAMS CAD NI PHYIN CI LOG GIS KUN NAS BSLANG BA YANG DAG PA MA YIN PA YOD PA MA YIN PA LOG PA BRDZUN PA STE, RAB KYI RTZAL GYIS RNAM PAR GNON PA DE'I PHYIR GANG CHOS 'GA' ZHIG LA SPYOD PA DE NI PHYIN CI LOG LA SPYOD PA DANG YANG DAG PA MA YIN PA LA SPYOD PA'O ZHES BYA BA LA SOGS PA CHOS GANG DAG BRDZUN PA DANG SLU BA DE DAG THAMS CAD NI NGO BO NYID MED PA NYID YIN NO ZHES GSUNGS PA DANG, DE BZHIN DU 'PHAGS PA TSANGS PAS ZHUS PA'I MDO LAS KYANG, 'JIG RTEN NI BDEN PA LA MNGON PAR ZHEN PA YIN GYI CHOS 'DI NI BDEN PA YANG MA YIN BRDZUN PA YANG MA YIN NO ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA NI DE LTAR YID CHES PA'I LUNG DE DAG GRUB PA NI 'DU BYED RNAMS GANG ZAG BDAG MED PA'I RNAM PA LAS KHYAD PAR DU 'PHAGS PA CHOS BDAG MED PA NGO BO NYID MED PA NYID DU BSTAN PA'I YON TAN DANG KHUNGS YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS BSGRUBS PA MA YIN TE, LUNG DE DAG KYANG YOD DO, ,GANG GI PHYIR DE LTAR THEG PA CHEN PO'I MDO SDE MTHA' YAS PA DAG LAS 'DU BYED RNAMS GANG ZAG BDAG MED PA'I RNAM PA LAS KHYAD PAR DU 'PHAGS PA CHOS BDAG MED PA NGO BO NYID MED PA NYID DU BSTAN PA DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB @297B DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS DE KHO NA BRTAG PA ZHES BYA BA STE, RAB TU BYED PA BCU GSUM PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR BSAL BAS PHRAD PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU BZHI PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR BSAL BAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCAS PA MDZAD PAS 'DIR YANG BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI RAB TU BYED PA SNGA MA'I SKABS SU BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BA'I PHYOGS YIN TE, 'DI LTA STE DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID DU BSGRUB PA'I PHYOGS SNGA MA NYE BAR GZHAG PA 'OG NAS KHYED PHUNG PO LA SOGS PA DAG NGO BO NYID MED PA NYID DU SMRA BA NI BCOM LDAN 'DAS KYI GSUNG RAB KYI TSUL DANG 'GAL TE ZHES BYA BA LA SOGS PA SUN 'BYIN PA DANG RANG DBANG DU RJES SU DPAG PA SMRA BA DAG YIN NO, ,DE BSAL BA ZHES BYA BA NI DE BSAL BA'I DBANG DU BYAS NAS RAB TU BYED PA BCU BZHI PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, PHRAD PA NGO BO NYID MED PA NYID DU BSTAN PA'I DON GYI DBANG GIS RAB TU PHYED PA BCU BZHI PA BRTZAM MO ZHES BYA BA SMRAS TE, PHRAD PA @298A *, ,BRTAG PA'I RAB TU BYED PA BCU BZHI PA'I GZHUNG 'OG NAS 'BYUNG BA 'DI'I DON NI PHRAD PA NGO BO NYID MED PA NYID DU BSTAN PAS RTEN CING 'BREL PAR 'BYUNG BA DON THA DAD PA MA YIN PA LA SOGS PA'I KHYAD PAR DANG LDAN PA BSTAN PA YIN PAS DE'I DBANG DU BYAS NAS DE SKAD SMRAS SO, , RAB TU BYED PA 'DI'I 'BRAS BU NI GANG YIN RNAM PA GANG GIS NI 'BRAS BU DE 'THOB CE NA, PHRAD PA NGO BO NYID MED PA NYID DU BSTAN PAS RTEN CING 'BREL PAR 'BYUNG BA DON THA DAD PA NYID MA YIN PA LA SOGS PA'I KHYAD PAR DANG LDAN PA BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KHYAD PAR BSAL BA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, 'DIR SMRAS PA ZHES BYA BA LA SOGS PA SMRAS TE, PHAS KYI RGOL BA DAG DON DAM PAR DNGOS PO RNAMS NGO BO NYID YOD PAR SMRA BA'I GZHUNG SNGAR BKAG TU ZIN KYANG DE DAG LA MNGON PAR ZHEN PA KHA CIG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR KHYED PHUNG PO LA SOGS PA DAG NGO BO NYID MED PA NYID DU SMRA BA NI BCOM LDAN 'DAS KYI GSUNG RAB KYI TSUL DANG 'GAL TE, GZUGS DANG RNAM PAR SHES PA DANG MIG GSUM PHRAD PA NI REG PA'O ZHES 'BYUNG BAS DE'I PHYIR KHYED KYIS KHAS BLANGS PA LA GNOD PAR 'GYUR RO ZHES BYA BA LA SOGS PA SMRAS TE, DE NI SUN 'BYIN PA'I SGO NAS KHAS BLANGS PA LA GNOD PAR 'GYUR BA'I SKYON 'DOGS PA YIN NO, ,DON DAM PAR DNGOS PO RNAMS NGO BO NYID YOD PAR SHES PAR BYA STE, DE DAG LA BRTEN NAS PHRAD PA BSTAN PA'I PHYIR RO ZHES BYA BA LA SOGS PAS NI RANG DBANG DU RJES SU DPAG PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS YIN PAR GO RIMS BZHIN DU SBYAR TE, 'DI NA GANG MED PA DE LA NI STON PAS DE LA BRTEN NAS PHRAD PA NYID MA BSTAN TE, DPER NA RUS SBAL GYI SPU DAG BZHIN NO ZHES BYA BA NI CHOS MI MTHUN PA'I PHYOGS KYI DPE YIN NO, @298B BCOM LDAN 'DAS KYI GSUNG RAB LA 'DOD CHAGS DANG KHONG KHRO BA DANG MA RIG PA'I KUN DU SBYOR BA DAG GIS KUN DU SBYAR TO ZHES BYA BA DE YOD PAS ZHES BYA BA NI NYE BAR SBYAR BA'I SBYOR BA YIN NO, ,DE'I PHYIR GTAN TSIGS JI SKAD SMRAS PA'I MTHUS DNGOS PO RNAMS NGO BO NYID YOD PA KHO NA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'DI NA BCOM LDAN 'DAS KYIS RUS SBAL GYI SPU LA SOGS PA MED PA GANG DAG LA BRTEN NAS PHRAD PA MA BSTAN PA DE DAG NI DON DAM BAR YOD PA MA YIN GYI, DNGOS PO GANG DAG LA BRTEN NAS PHRAD PA BSTAN PA DE DAG NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, BLTA BYA LTA BA LTA BA PO, ,GSUM PO DE DAG GNYIS GNYIS DANG, ,THAMS CAD KYANG NI PHAN TSUN DU, ,PHRAD PAR GYUR PA YOD MA YIN, ,BLTA BAR BYA BA DANG LTA BA DANG LTA BA PO DE DAG GNYIS GNYIS DANG THAMS CAD KYANG PHAN TSUN DU PHRAD PAR GYUR PA MED DO ZHES BYA BA'I THA TSIG GO ZHES BYA BA SMRAS TE, LTA BA PO BLTA BAR BYA BA DANG LTA BA DANG MI PHRAD DO ZHES DAM BCA' BA NYE BAR GZHAG PA YIN NO, ,DE BZHIN 'DOD CHAGS CHAGS PA DANG, ,CHAGS PAR 'GYUR DANG NYON MONGS PA, ,LHAG MA RNAMS DANG SKYE MCHED KYI, ,LHAG MA 'ANG RNAM PA GSUM GYIS BLTA, ,ZHES BYA BAS NI JI LTAR LTA BAR BYA BA DANG LTA BA DANG LTA BA PO GSUM PO DE DAG GNYIS GNYIS DANG THAMS CAD KYANG PHAN TSUN DU PHRAD PAR 'GYUR BA MED PA DE BZHIN DU 'DOD CHAGS DANG, CHAGS PA DANG, CHAGS PAR GYUR PA DANG, NYON MONGS PA LHAG MA RNAMS DANG SKYE MCHED KYI LHAG MA RNAMS KYANG GNYIS GNYIS DANG THAMS CAD KYI RNAM PA GSUM GYIS PHAN TSUN DU PHRAD PA MED PAR BLTA BAR BYA'O ZHES STON TO, ,DE NYID BSTAN PA'I PHYIR, DE BZHIN DU 'DOD CHAGS DANG, CHAGS PA DANG CHAGS PAR 'GYUR BA DANG, 'DOD CHAGS BSTAN PA LAS GZHAN PA NYON MONGS PA LHAG MA ZHE SDANG LA SOGS PA DE DAG KYANG ZHE SDANG DANG ZHE SDANG CAN DANG, ZHE SDANG BAR BYA BA LA SOGS PAR RNAM PAR BZHAG NAS GNYIS GNYIS DANG THAMS CAD KYI RNAM PA GSUM GYIS PHAN TSUN DU PHRAD PAR 'GYUR BA MED PAR @299A *, ,DGAG PA BRJOD PAR BYA'O ZHES BYA BA LA SOGS PA SMRAS TE, NYON MONGS PA THAMS CAD DANG CI RIGS PAR SBYAR BAR BYA'O, ,DE LA 'DOD CHAGS NI LHAG PAR CHAGS PA'I MTSAN NYID DO, ,NYON MONGS PA NI SEMS CAN RNAMS KYI RGYUD NYON MONGS PAR BYED PA'O ZHES BYA BAS NI 'DOD CHAGS LA SOGS PA NYON MONGS PA RNAMS KYI MTSAN NYID BSTAN TO, ,SKYE MCHED BSTAN PA LA LTOS NAS MA BSTAN PA LHAG MA NYAN PA DANG SNOM PA DANG LCE DANG LUS DANG YID CES BYA BA DE DAG LA YANG MNYAN PAR BYA BA DANG NYAN PA DANG NYAN PA PO DANG DE BZHIN DU BSNAM PAR BYA BA DANG, SNOM PA DANG, SNOM PA PO LA SOGS PA DAG KYANG GNYIS GNYIS DANG THAMS CAD KYI RNAM PA GSUM GYIS PHAN TSUN DU PHRAD PAR 'GYUR BA MED PAR DGAG PA YANG BRJOD PAR BYA'O ZHES BYA BA YANG SKYE MCHED THAMS CAD DANG CI RIGS PAR SBYAR BAR BYA'O, ,DE LA SKYE MCHED KYI DON NI SEMS DANG SEMS LAS BYUNG BA RNAMS SKYE BA'I SGO'I DON TO ZHES BYA BAS NI SKYE MCHED KYI MTSAN NYID BSTAN TO, ,BLTA BAR BYA BA LA SOGS PA DANG 'DOD CHAGS PA LA SOGS PA DAG GNYIS GNYIS DANG THAMS CAD KYANG PHAN TSUN DU PHRAD PA MED PA DE NI DAM BCA' BA NYE BAR GZHAG PA YIN NO ZHES BYA BA NI PHRAD PA MED PAR BSGRUB PA'I PHYOGS YIN NO, ,DA NI PHRAD PA MED PA BSTAN PA'I PHYIR 'THAD PA BSHAD PAR BYA STE, GZHAN NA GZHAN DU PHRAD GYUR NA, ,GANG PHYIR BLTA BYA LA SOGS LA, ,GZHAN DE YOD PA MA YIN PA, ,DE PHYIR PHRAD PA MI 'GYUR RO, ,PHRAD PA NI SBYOR BA'I RNAM GRANGS TE, DE YANG GZHAN YOD NA GZHAN DANG PHRAD PAR 'GYUR BA YIN NA GANG GI PHYIR BLTA BAR BYA BA DANG LTA BA DANG LTA BA PO DANG 'DOD CHAGS DANG CHAGS PA DANG CHAGS PAR 'GYUR BA LA SOGS PA DAG LA GZHAN DE YANG YOD PA MA YIN PA DE'I PHYIR PHRAD PAR MI 'GYUR RO ZHES MJUG BSDU BA'I TSIG YIN NO ZHES BYA BAS NI PHRAD PA MED PAR RJES SU DPAG PA STON TO, ,'DIS NI MI MTHUN PA'I PHYOGS LAS LDOG PAS PHYOGS KYI CHOS STON TO, ,DPER NA RTAG PA DANG MA BYAS PA NYID DU 'BREL PA DE YANG SGRA LA MED LA BYAS PA NYID NI YOD PA LTA BU'O ZHES BYA BAS NI PHRAD PA MED PAR SGRUB PA'I CHOS NI GZHAN MA YIN PA NYID @299B YIN PAR STON TE, DPER NA MI RTAG PAR SGRUB PA'I CHOS NI BYAS PA NYID YIN PA LTA BU'O, ,'DIR SBYOR BA'I TSIG NI DON DAM PAR LTA BA PO NI BLTA BAR BYA BA 'AM LTA BA DANG MI PHRAD DE, DE LAS GZHAN MA YIN PA'I PHYIR RO, ,GANG ZHIG GANG LAS GZHAN MA YIN PA DE NI DE DANG MI PHRAD DE, DPER NA RANG GI BDAG NYID BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, NYE BAR SBYAR BA'I SBYOR BA DANG, DPE YIN PAR GO RIMS BZHIN DU SBYAR TE, DPER NA LTA BA PO'I RANG GI BDAG NYID NI RANG GI BDAG NYID LAS GZHAN MA YIN PA'I PHYIR RANG GI BDAG NYID DANG MI PHRAD PA DE BZHIN DU LTA BA PO DANG, DA LTA BAR BYA BA DANG, LTA BA DAG KYANG DON DAM PAR GZHAN MA YIN PA'I PHYIR PHRAD PA MED DO,, ,,BAM PO LNGA BCU GNYIS PA, GZHAN NA GZHAN DANG PHRAD 'GYUR NA, ,ZHES BYA BA 'DI NA GZHAN DAG NA RE 'DOD CHAGS LA SOGS PA LA PHRAD PA MED DE, YUL DANG RGYUD THA DAD PA'I RJES SU 'JUG PA'I PHYIR RO, ,PHRAD PA NI YUL THA DAD PA MA YIN PA DANG RGYUD THA DAD PA MA YIN PA DAG BAR DU MCHOD PAR 'JUG PA NYID YIN NO ZHES ZER RO ZHES BYA BA NI, GZHAN NA GZHAN DANG PHRAD 'GYUR NA, ,GANG PHYIR BLTA BYA LA SOGS PA, ,GZHAN DE YOD PA MA YIN PA, ,DE PHYIR PHRAD PAR MI 'GYUR RO, ,ZHES BYA BA TSIG LE'UR BYAS PA 'DIS 'DOD CHAGS LA SOGS PA PHRAD PA MED PAR SGRUB PA'I GTAN TSIGS DE LAS GZHAN MA YIN PA'I PHYIR RO ZHES BYA BA DE LA 'GREL PA BYED PA GZHAN DAG NA RE 'DOD CHAGS LA SOGS PA LA PHRAD PA MED DE YUL DANG RGYUD THA DAD PA'I RJES SU 'JUG PA'I PHYIR RO ZHES ZER TE, DE DAG NA RE BLTA BAR BYA BA DANG LTA BA DANG LTA BA PO DAG LA PHRAD PA MED DO, CI'I PHYIR ZHE NA, BLTA BAR BYA BA NI PHYI ROL GYI YUL GZUGS LA GNAS PA YIN LA, LTA BA NI NANG GI YUL DBANG PO LA GNAS PA YIN LTA BA PO NI SEMS KYI RGYUD LA GNAS PA YIN PA'I PHYIR RO, ,PHRAD PA ZHES BYA BA NI YUL DANG RGYUD THA DAD PA MA YIN PA DAG BAR DU MCHOD PAR 'JUG PA NYID YIN NA, BLTA BAR BYA BA LA SOGS PA DAG NI YUL DANG RGYUD THA DAD PAR 'JUG PA NYID YIN PA'I PHYIR PHRAD PA MED DO ZHES ZER RO, ,DE LA 'DIR KHA CIG NA RE @300A *, ,BLTA BAR BYA BA LA SOGS PA DAG YUL THA DAD PA MA YIN PA'I PHYIR DANG, 'DOD CHAGS LA SOGS PA DAG KYANG YUL NA MI GNAS PA'I PHYIR YUL DANG RGYUD THA DAD PA'I RJES SU 'JUG PA'I PHYIR RO ZHES BYA BA'I GTAN TSIGS KYI DON MA GRUB PA NYID DANG RJES SU 'GRO BA MED PA'I PHYIR DE NI LEGS PA MA YIN PA 'DRA'O ZHES BYA BA NI, 'GREL PA BYED PA NYID KYIS 'GREL PA BYED PA SNGA MA DAG GI RNAM PAR BSHAD PA DE'I GTAN TSIGS YUL DANG RGYUD THA DAD PA'I RJES SU 'JUG PA'I PHYIR RO ZHES BYA BA DE'I DON MA GRUB PA NYID KYI PHYIR DANG, DPE MED PA'I PHYIR MI RUNG NGO ZHES SUN 'BYIN PA'I TSIG YIN TE, 'DI LTAR GANG GI TSE LTA BA PO DANG LTA BA DANG BLTA BAR BYA BA DANG LDAN PA DE'I TSE NA GANG ZAG KYANG LTA BA PO ZHES BYA BA MIG DANG GZUGS KYANG LTA BA DANG BLTA BAR BYA BA ZHES BYA BA YIN PAS DE'I DUS NA YUL THA DAD PA MA YIN PA'I PHYIR DANG, 'DOD CHAGS LA SOGS PA DAG KYANG GZUGS CAN MA YIN PAS YUL NA MI GNAS PA'I PHYIR, SNGA MA DAG GIS GTAN TSIGS YUL DANG RGYUD THA DAD PA'I RJES SU 'JUG PA'I PHYIR RO ZHES BYA BA DE'I DON MA GRUB PA NYID DO, ,GZHAN YANG DE DAG GI GTAN TSIGS LA 'DOD CHAGS LA SOGS PA LA PHRAD PA MED DE YUL DANG RGYUD THA DAD PA'I RJES SU 'JUG PA'I PHYIR DPER NA CHE GE MO ZHIG BZHIN NO ZHES BYA BA'I DPE MED PA'I PHYIR YANG DE NI LEGS PA MA YIN PA 'DRA'O ZHES 'GREL PA BYED PA NYID ZER RO, ,DA NI SKYE MCHED LHAG MA RNAMS DANG, NYON MONGS PA LHAG MA RNAMS LA YANG PHRAD PA MED PAR 'DRA BA NYID DU BSTAN PA'I PHYIR 'OG NAS 'BYUNG BA'I TSUL GYIS, BLTA BYA LA SOGS 'BA' ZHIG LA, ,GZHAN NYID MED PAR MA ZAD KYI, ,GANG YANG GANG DANG LHAN CIG TU, ,GZHAN PA NYID DU MI 'THAD DO, ,MNYAN PAR BYA BA DANG, NYAN PA DANG, NYAN PA PO LA SOGS PA DANG, ZHE SDANG DANG, ZHE SDANG CAN DANG, ZHE SDANG BAR BYA BA LA SOGS PA'I ZHES BYA BA'I THA TSIG STE, DE'I PHYIR DE DAG LA PHRAD PA MED DO ZHES BYA BA SMRAS SO, ,'DIR SMRAS PA, BLTA BAR BYA BA DANG, LTA BA DANG, LTA BA PO LA SOGS PA DAG GZHAN MA YIN PA NYID DU MA GRUB PA'I PHYIR GTAN TSIGS KYI DON MA GRUB PA NYID KYI SKYON DU 'GYUR BA MA YIN NAM ZHES @300B BYA BA NI PHA ROL PO DAG SNGAR DBU MA PAS DON DAM PAR LTA BA PO NI BLTA BAR BYA BA 'AM, LTA BA DANG MI PHRAD DE, DE LAS GZHAN MA YIN PA'I PHYIR RO ZHES RJES SU DPAG PA BSTAN PA DE'I GTAN TSIGS KYI DON MA GRUB PA NYID DU SUN 'BYIN PA'I TSIG YIN TE, DE DAG NA RE BLTA BAR BYA BA DANG, LTA BA DANG, LTA BA PO LA SOGS PA DAG MTSAN NYID THA DAD PA'I PHYIR GZHAN MA YIN PA NYID DU MA GRUB PA'I PHYIR GTAN TSIGS KYI DON MA GRUB PA NYID KYI SKYON YOD DE ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS BSHAD PA MA YIN TE, JI LTAR ZHE NA, GZHAN NI GZHAN LA BRTEN TE GZHAN, ,GZHAN MED GZHAN LAS GZHAN MI 'GYUR, ,GZHAN NI GZHAN LA LTOS NAS GZHAN, ,ZHES BYA NA GZHAN MED PAS DE'I PHYIR GZHAN LA BRTEN TE GZHAN ZHES BYA BA YANG MI 'THAD DO ZHES BYA BA SMRAS TE, RIGS PA'I BSTAN BCOS LAS GTAN TSIGS GANG YANG RUNG BA LA MA GRUB PA DANG, THE TSOM YOD PA NI GANG BSGRUB PA LA LTOS PAR BYA'O ZHES 'BYUNG BAS 'DIR YANG DE LAS GZHAN MA YIN PA'I PHYIR RO ZHES BYA BA'I GTAN TSIGS DE PHA ROL PO LA MA GRUB PA'AM, THE TSOM ZA BA BSAL BA'I PHYIR YANG RNAM PA GZHAN GYIS BSNAN TE BSGRUB PAR BYA'O, ,GZHAN MED GZHAN LAS GZHAN MI 'GYUR, ,ZHES SMOS NA 'O NA CI ZHE NA, GZHAN NI GZHAN LA BRTEN TE GZHAN, ,ZHES THA SNYAD GDAGS PA YIN NO ZHES BYA BA'I THA TSIG GO ZHES BYA BAS NI GZHAN ZHES BYA BA NI DNGOS PO GZHAN 'BA' ZHIG LA BRTEN NAS GZHAN ZHES THA SNYAD GDAGS PAR ZAD KYI DNGOS PO GZHAN DE DON DAM PAR MI 'THAD PAS GZHAN SPANGS NAS GZHAN LA BRTEN TE, GZHAN ZHES THA SNYAD GDAGS PAR YANG MI 'THAD DO ZHES STON TO, ,'DIS NI BSGRUB PAR BYA BA CHOS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PAR BSTAN TO ZHES BYA BA NI TSIG LE'UR BYAS PA'I PHYED GONG MA SHOS 'DIS NI BLTA BAR BYA BA DANG, LTA BA DANG, LTA BA PO LA SOGS PA DAG GZHAN MA YIN PA NYID DU BSGRUB PAR BYA BA SGRUB PA'I CHOS GTAN TSIGS NI BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PAR BSTAN TO, ,GANG LA BRTEN TE GANG YIN PA, ,DE NI DE LAS GZHAN MI 'THAD,, @301A *, ,CES BYA BA NI DAM BCA' BNYE BAR GZHAG PA YIN NO ZHES BYA BA NI DE LAS GZHAN MA YIN PA'I PHYIR RO ZHES BYA BA'I GTAN TSIGS DES BSGRUB PA'I PHYOGS YIN NO, ,'DIR RJES SU DPAG PA NI DON DAM PAR LTA BA NI BLTA BAR BYA BA LAS GZHAN MA YIN TE, BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR BLTA BAR BYA BA'I RANG GI BDAG NYID BZHIN PAS ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BLTA BAR BYA BA'I RANG GI BDAG NYID NI BLTA BAR BYA BA ZHES BRJOD PA KHYAD PAR CAN STON PA NYID LA LTOS PA DANG BCAS PA NYID YIN PA'I PHYIR RANG GI BDAG NYID LAS GZHAN MA YIN PA DE BZHIN DU LTA BA YANG LTA BA ZHAS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR BLTA BAR BYA BA LAS GZHAN NYID MA YIN NO, ,DE'I PHYIR BSGRUBS PA SGRUB PA'I GTAN TSIGS YIN PA'I PHYIR DON MA GRUB PA NYID MA YIN LA, BRJOD PA KHYAD PAR CAN STEN PA NYID LA LTOS PA DANG BCAS PA NYID KYIS GTAN TSIGS KYI DON KYANG MA GRUB PA NYID YIN TE, LTOS PA MED PA NYID MA GRUB PA'I PHYIR RO ZHES BYA BA NI MJUG BSDU BA DANG TSAD MA'I 'BRAS BU YIN TE, RJES SU DPAG PA JI SKAD BSTAN PA 'DIS NA SNGAR DON DAM PAR LTA BA PO NI BLTA BAR BYA BA'AM LTA BA DANG MI PHRAD DE ZHES BSGRUBS PA DE SGRUB PA'I GTAN TSIGS DE LAS GZHAN MA YIN PA'I PHYIR RO ZHES BYA BA YANG GTAN TSIGS YIN PA'I PHYIR DON MA GRUB PA NYID MA YIN LA, 'DIR DON DAM PAR LTA BA NI BLTA BAR BYA BA LAS GZHAN MA YIN TE ZHES BYA BA BSGRUB PA'I GTAN TSIGS BRJOD PA KHYAD PAR CAN STEN PA NYID YIN PA'I PHYIR ZHES BYA BA'I DON KYANG MA GRUB PA NYID MA YIN TE LTOS PA MED PA NYID MA GRUB PA'I PHYIR RO, ,CI LTA ZHE NA ZHES BYA BA NI PHA ROL PO DAG NA RE JI LTAR LTOS PA MED PA NYID MA GRUB CES 'DRI BA'I TSIG YIN NO, ,DE'I LAN DU, GAL TE GZHAN NI GZHAN LAS GZHAN, ,GZHAN MED PAR YANG RUNG BAR 'GYUR, ,ZHES BYA BA LA SOGS PA SMAS TE, DES NI DE GZHAN ZHES BYA BA DNGOS PO GZHAN LA MA LTOS PAR NGO BO NYID KYIS GZHAN PAR GYUR NA, DE LTA NA DNGOS PO GZHAN MED PAR YANG GZHAN DU 'GYUR @301B RO ZHES GLAGS YOD PA'I TSIG STON TO, DE NYID KYI RJES SU DPAG PA BSTAN PA'I PHYIR GAL TE GZHAN ZHES BYA BA NGO BO NYID KYIS GZHAN LAS GZHAN YIN PAR GYUR NA, DE LTA NA GZHAN MED PAR YANG GZHAN DU RUNG BAR 'GYUR TE DE'I NGO BO NYID YIN PA'I PHYIR DPER NA, THA SNYAD KYI BDEN PAR GRAGS PA'I MI DNGOS PO GZHAN LA MI LTOS PAR YANG TSA BA'I NGO BO NYID DU 'GYUR BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA THA SNYAD KYI BDEN PAR GRAGS PA'I MI NGO BO NYID KYIS TSA BA YIN PA NI NGO BO NYID YIN PA'I PHYIR DNGOS PO GZHAN LA MA LTOS PAR YANG ME'I NGO BO NYID DU 'GYUR BA DE BZHIN DU GAL TE GZHAN ZHES BYA BA YANG NGO BO NYID KYIS GZHAN LAS GZHAN YIN PAR GYUR NA DE'I NGO BO NYID YIN PA'I PHYIR DNGOS PO GZHAN LA MA LTOS PA YANG GZHAN YIN PA'I SKYON DU 'GYUR BAS DE NI MI 'DOD DO, ,GZHAN LAS GZHAN PA'I GZHAN MED DE, MED NA MED PAS DE PHYIR MED, ,GZHAN NYID CES BYA BA DE'O, ,ZHES BYA BAS NI GLAGS YOD PA'I TSIG SNGA MA LAS BZLOG PAS SKABS KYI DON NYID STON TO, ,GZHAN ZHES BYA BA NGO BO NYID KYIS GZHAN LAS GZHAN YIN PAR GYUR PA DE MED NA, GZHAN MED PAS DE'I PHYIR GZHAN ZHES BYA BA NGO BO NYID KYIS GZHAN NYID CES BYA BA DE MED DO ZHES BYA BA'I THA TSIG GO, DE NI MI 'DOD DE, LTA BA PO DANG NYAN PA PO LA SOGS PA DAG BLTA BAR BYA BA DANG MNYAN PAR BYA BA LA SOGS PA LA MI LTOS PAR GZHAN NYID DU 'GYUR BA MED LA, CHAGS PA LA SOGS PA DAG KYANG 'DOD CHAGS LA SOGS PA LA MI LTOS PAR GZHAN NYID DU 'GYUR BA MED DE, DPER NA THA SNYAD DU YANG ME GRANG BA LA MI LTOS PAR RANG GI NGO BO NYID KYIS TSA BA NYID MED PA BZHIN NO ZHES BYA BAS NI GLAGS YOD PA'I TSIG SNGA MA DE MI 'DOD DE GLAGS YOD PA'I TSIG DE LAS BZLOG PA SKABS KYI DON PHYI MA SHOS LTAR BSGRUB PA DPER DANG BCAS PA BSTAN TE, DES NA SNGAR, GANG LA BRTEN TE GANG YIN PA, ,DE NI DE LAS GZHAN MI 'THAD, ,CES DAM BCA' BA NYE BAR GZHAG PA DE LEGS PAR GSUNGS PA YIN PAS LTOS PA MED PA NYID MA GRUB CING, LTOS PA DANG BCAS PA NYID DU GRUB PAR BSTAN TO, ,CI STE LTA BA @302A *, ,PO NI LTA BA LA SOGS PA LA LTOS PA MED PAR YANG GZHAN NYID YIN TE, MTSAN NYID THA DAD PA'I PHYIR BA LANG DANG RTA BZHIN NO ZHES BYA BA NI PHA ROL PO DAG LTOS PA MED KYANG MTSAN NYID THA DAD PA'I PHYIR GZHAN NYID YOD PAR BSGRUB PA'I TSIG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BA LANG DANG RTA NI PHAN TSUN LTOS PA MED DU ZIN KYANG MTSAN NYID THA DAD PA'I PHYIR GZHAN NYID YIN PA DE BZHIN DU LTA BA PO DANG LTA BA LA SOGS PA DAG KYANG PHAN TSUN LTOS PA MED DU ZIN KYANG MTSAN NYID THA DAD PA'I PHYIR GZHAN NYID YIN NO, ,DE DAG GI MTSAN NYID THA DAD PA BSTAN PA'I PHYIR MTSAN NYID THA DAD PA 'DI LTA BU YANG YOD DE, LTA BA PO NI YUL DU SNANG BA'I RNAM PAR SHES PA'I MTSAN NYID DAM, DE DANG LDAN PA'I 'DU BYED KYI TSOGS YIN NO, ,LTA BA NI YUL KHA DOG GZUGS DANG BA MIG GI RNAM PAR SHES PA'I GNAS YIN NO, ,GZUGS NI GZUGS SU RUNG BA'I MTSAN NYID KHA DOG DANG DBYIBS KYI BDAG NYID YIN NO ZHES BYA BA SMRAS TE, DA NI NYE BAR SBYAR BA'I SBYOR BA YIN NO, ,DE'I PHYIR GTAN TSIGS JI SKAD SMOS PA'I MTHUS LTA BA PO NI LTA BA LA SOGS PA DAG LAS GZHAN NYID YIN PAS RTOG GE PHYI MA DANG RANG DBANG DU RJES SU DPAG PAS GNOD DO ZHE NA ZHES BYA BA NI MJUG BSDU BA DANG TSAD MA'I 'BRAS BU YIN PAR GO RIMS BZHIN DU SBYAR TE, KHO BO CAG RTOG GE BAS MTSAN NYID THA DAD PA'I PHYIR LTOS PA MED DU ZIN KYANG GZHAN NYID YOD PAR BSGRUBS PA'I RTOG GE PHYI MA 'DI DANG KHYED DBU MA PA LA GZHAN NYID MED PAR SGRUB PA'I RJES SU DPAG PA GZHAN MED PAS KHO BO CAG GI RANG DBANG DU RJES SU DPAG PA 'DIS KHYED DBU MA PA LA GNOD DO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS DE NI RIGS PA MA YIN TE, DE NYID KYI PHYIR BA LANG DANG RTA DAG GZHAN NYID DU MA GRUB PA'I PHYIR RO ZHES BYA BA SMRAS TE, DES NI PHA ROL PO'I DPE BA LANG DANG RTA BZHIN NO ZHES BYA BA DE MA GRUB PAR STON TE, GANG GI PHYIR BA LANG GI MTSAN NYID LKOG SHAL LA SOGS PA DAG KYANG RTA'I MTSAN NYID LA LTOS NAS GZHAN NYID YIN LA, RTA'I MTSAN @302B NYID RNGOG MJUG LA SOGS PA DAG KYANG BA LANG GI MTSAN NYID LA LTOS NAS GZHAN NYID YIN GYI DE DAG PHAN TSUN LTOS PA MED NA GZHAN NYID DU MI 'GRUB PAS KUN RDZOB TU YANG LTOS PA MED NA MTSAN NYID DU GRUB PA'I PHYIR PHA ROL PO DAG GIS BSGRUB PA'I DPE MTSANG BA'I SKYON YOD LA, DON DAM PAR NI BA LANG DANG RTA DAG MA SKYES PA'I PHYIR DPE'I CHOS CAN YANG MA GRUB PAS, PHA ROL PO DAG GI SGRUB PA LTA BA PO NI LTA BA LA SOGS PA LA LTOS PA MED PAR YANG GZHAN NYID YIN TE, MTSAN NYID THA DAD PA'I PHYIR BA LANG DANG RTA BZHIN NO ZHES BYA BA DE MA GRUB BO, ,'DIS MING THA DAD PA'I PHYIR DANG RGYU DANG 'BRAS BU THA DAD PA'I PHYIR ZHES BYA BA LA SOGS PA'I GTAN TSIGS DAG GIS LAN KYANG BTAB PA YIN NO ZHES BYA BA NI LTOS PA MED NA MTSAN NYID THA DAD PAR MI 'GRUB PAR SUN PHYUNG BA'I RIGS PA 'DIS GAL TE PHA ROL PO DAG 'DI SKAD CES, LTA BA PO NI LTA BA LA SOGS PA LA LTOS PA MED PAR YANG GZHAN NYID YIN TE, MING THA DAD PA'I PHYIR BA LANG DANG RTA BZHIN NO ZHE'AM, RGYU THA DAD PA'I PHYIR BA LANG DANG RTA BZHIN NO ZHE'AM, 'BRAS BU THA DAD PA'I PHYIR BA LANG DANG RTA BZHIN NO ZHE'AM, SOGS PA'I SGRAS NGO BO NYID THA DAD PA'I PHYIR BA LANG DANG RTA BZHIN NO ZHES ZER BA'I GTAN TSIGS DAG GI LAN KYANG BTAB PA YIN TE, GANG GI PHYIR MING DANG RGYU DANG 'BRAS BU DANG NGO BO NYID THA DAD PA DAG KYANG PHAN TSUN LTOS PA LAS GZHAN NYID CES THA SNYAD GDAGS PAR ZAD KYI, PHAN TSUN LTOS PA MED NA GZHAN NYID DU MI 'THAD PAS DE'I PHYIR PHA ROL PO DAG GI SGRUB PA'I GTAN TSIGS DANG DPE MA GRUB PA NYID YIN NO; ,GZEGS ZAN PA DAG GIS SMRAS PA, BLTA BAR BYA BA LA GZHAN NYID NGES PAR GNAS PA KHO NA YIN PAS DE'I PHYIR GZHAN NYID GRUB PAS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES BYA BA NI MU STEGS GZEGS ZAN GYI SLOB MA BYE BRAG PA DAG NA RE, GANG GI PHYIR TSIG GI DON DRUG PO DAG NI NGO BO NYID KYIS YONGS SU GRUB PA YIN PA DE'I PHYIR BLTA BAR BYA BA DANG, LTA BA DANG, LTA BA PO LA SOGS PA'I DNGOS PO DAG NI GZHAN DANG GZHAN MA YIN PA NYID DU BRJOD PAR BYA BA MA YIN MOD KYI, DE DAG LA @303A *, ,TSIG GI DON DRUG GI NANG NAS GZHAN NYID CES BYA BA DE NGES PAR GNAS PA KHO NA YIN PAS DE'I PHYIR GZHAN NYID DANG LDAN NA DNGOS PO RNAMS KYANG GZHAN NYID DU GRUB PAS DES NA KHYED DBU MA PAS SNGAR 'DI SKAD CES, DON DAM PAR LTA BA NI BLTA BAR BYA BA LAS GZHAN MA YIN TE, BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR BLTA BAR BYA BA'I RANG GI BDAG NYID BZHIN PAS ZHES GANG SMRAS PA'I GTAN TSIGS DE'I DON GANG YANG RUNG BA LA MA GRUB PA NYID YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LTA NA YANG GZHAN NYID CES BYA BAR BRJOD PA'I CHOS CAN GZHAN NYID LA LTOS PA DANG BCAS PA'I PHYIR DANG, PHYOGS KYI CHOS SPYIR BRJOD PA'I PHYIR GTAN TSIGS KYI DON MA GRUB PA NYID MA YIN NO ZHES BYA BA SMRAS TE, BYE BRAG PA DAG GI GZHUNG LTAR GZHAN NYID CES BYA BA'I TSIG GI DON DANG LDAN PAS BLTA BAR BYA BA LA SOGS PA DAG GZHAN NYID CES BYA BAR BRJOD PA DE LTA NA YANG GZHAN NYID CES BYA BAR BRJOD PA'I CHOS CAN BLTA BAR BYA BA LA SOGS PA DAG GZHAN NYID CES BYA BA'I TSIG GI DON LA LTOS PA DANG BCAS PA'I PHYIR DANG, KHO BOS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR ZHES BYA BA'I PHYOGS KYI CHOS KYANG BA LANG DANG, RTA DANG, LHAS BYIN DANG, MCHOD SBYIN DANG, BLTA BAR BYA BA DANG, LTA BA DANG, BYE BRAG BA'I GZHAN NYID LA SOGS PA SPYIR BRJOD PA'I PHYIR DES NA CI TZAM DU LTOS PA DANG BCAS PA DAG LA NI GZHAN ZHES THA SNYAD GDAGS KYI LTOS PA MED PA DAG NI GZHAN NYID DU MI 'THAD PAS DE DAG LA PHRAD PA YANG MED PA'I PHYIR KHO BO'I GTAN TSIGS KYI DON MA GRUB PA NYID MA YIN NO, ,GZHAN YANG GZHAN NYID DANG LDAN PAS GZHAN NYID DU 'DOD NA ZHES BYA BA LA SOGS PAS NI BYE BRAG PA DAG GI GZHUNG LTAR GZHAN NYID CES BYA BA'I TSIG GI DON DANG LDAN PAS BLTA BAR BYA BA LA SOGS PA'I DNGOS PO GZHAN NYID DU 'DOD NA, DE LTA NA BLTA BAR BYA BA'I DNGOS PO YANG LTA BA LA SOGS PA'I DNGOS PO GNYIS PA MED PAR YANG GZHAN NYID DU THAL BA'I SKYON DU 'GYUR BAS MI RUNG BAR STON TO, ,DE NYID RJES @303B SU DPAG PA BSTAN PA'I PHYIR GNYIS PA MED PAR YANG RANG LAS GZHAN NYID DU 'GYUR TE, DE'I BDAG NYID YIN PA'I PHYIR DPER NA ME GRANG BA LA SOGS PA LA MA LTOS PAR YANG RANG GI BDAG NYID KYIS TSA BA NYID DU 'GYUR BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME NI TSA BA'I BDAG NYID YIN PA'I PHYIR RANG GIS TSA BA NYID DU 'GYUR BA DE BZHIN DU, DNGOS PO GNYIS PA MED PA GZHAN NYID CES BYA BA'I TSIG GI DON DANG LDAN PAS GZHAN NYID DU 'DOD PA YANG GZHAN NYID KYI BDAG NYID YIN PA'I PHYIR RANG LAS GZHAN NYID DU THAL BAR 'GYUR BAS MI 'DOD DO, ,GNYIS PA MED PAS DNGOS PO GZHAN LA MI LTOS PA'I CHOS CAN LA GZHAN NYID DU RTOG NA YANG RTOG PA TZAM DU ZAD DE, DNGOS PO GZHAN LA LTOS PA NYID GZHAN NYID KYI BLO'I RGYU MA YIN LA GZHAN NYID NI BLO DE'I RGYU YIN PA'I PHYIR RO ZHES BYA BAS NI CI STE BYE BRAG PA DAG 'DOD PA LTAR BLTA BAR BYA BA'I DNGOS PO LTA BA LA SOGS PA GNYIS PA MED PA, DNGOS PO GZHAN LA MI LTOS PA'I CHOS CAN LA GZHAN NYID CES BYA BA'I TSIG GI DON DANG LDAN PAS GZHAN NYID DU RTOG NA, DE LTA NA YANG DE NI GYI NA RTOG PA TZAM DU ZAD KYI DNGOS SU GZHAN NYID YIN PAR MI 'GRUB STE, 'DI LTAR 'JIG RTEN NA GZHAN NYID KYI BLO SKYE BA'I RGYU NI DNGOS PO GZHAN LA LTOS PA NYID YIN TE, DPER NA BUM PA LA LTOS NAS SNAM BU GZHAN ZHES BYA BA LA SOGS PA DAG NI GZHAN NYID KYI BLO SKYE BA'I RGYU MA YIN PAR GRAGS PA DE DAG BYE BRAG PA DAG GI GZHAN NYID KYI BLO SKYE BA'I RGYU MA YIN PAR GSAL LA, GZHAN NYID CES BYA BA'I TSIG GI DON NI GZHAN NYID KYI BLO DE'I RGYU YIN PAR KHAS BLANGS PA'I PHYIR, DES NA BYE BRAG PA DAG GIS GNYIS PA MED PA DNGOS PO GZHAN LA MI LTOS PA'I CHOS CAN LA GZHAN NYID DU BRTAGS PA DE NI 'JIG RTEN LA GRAGS PA DANG 'GAL BA'I PHYIR GYI NA LA ? RTOG PA TZAM DU ZAD DO, ,GZHAN DANG GZHAN MA YIN PA NYID GZHAN NYID DANG LDAN PAR RTOG NA YANG, DON MED PA NYID DANG DGAG PA MI MTHUN PA NYID DU 'GYUR RO ZHES BYA BA NI BYE BRAG PA DAG 'DOD PA'I GZHAN NYID CES BYA BA'I TSIG GI DON DANG LDAN @304A *, ,PAS GZHAN NYID DU 'GYUR RO ZHES BYA BA DE YANG, DNGOS PO SNGA NAS GZHAN NYID YIN PA ZHIG GZHAN NYID CES BYA BA'I TSIG GI DON DANG LDAN PAR RTOG GAM, GZHAN MA YIN PA NYID GCIG GZHAN NYID CES BYA BA'I TSIG GI DON DANG LDAN PAR RTOG GRANG NA, BRTAG PA SNGA MA NI DON MED PA NYID DU 'GYUR TE DNGOS PO SNGA NAS GZHAN NYID YIN PA LA YANG GZHAN NYID DANG LDAN PAR RTOG PA DON MED PA NYID YIN PA'I PHYIR RO, ,BRTAG PA PHYI MA NI DGAG PA MI MTHUN PA NYID DU 'GYUR TE, DNGOS PO SNGA NA GZHAN NYID MA YIN PA PHYIS GZHAN NYID DANG LDAN PAR RTOG PA MI MTHUN PA NYID YIN PA'I PHYIR RO, , DNGOS PO BRJOD PAR BYA BA MA YIN PA DUS PHYIS GZHAN NYID DANG LDAN PAR RTOG NA YANG ZHES BYA BA LA SOGS PAS NI, BYE BRAG PA DAG 'DOD PA LTAR BLTA BAR BYA BA LA SOGS PA'I DNGOS PO SNGA NA GCIG PA NYID DANG GZHAN NYID DU BRJOD PAR BYA BA MA YIN PA DUS PHYIS GZHAN NYID CES BYA BA'I TSIG GI DON DANG LDAN PAS GZHAN NYID YIN PAR RTOG NA YANG DNGOS PO NI GZHAN NYID CES BYA BA'I TSIG GI DON DANG LDAN PAR MI 'GYUR BAS DE YANG MI RUNG BAR STON TO, ,DE NYID KYI RJES SU DPAG PA BSTAN PA'I PHYIR DNGOS PO NI GZHAN NYID DANG LDAN PA MA YIN TE, DNGOS PO YIN PA'I PHYIR DPER NA BRJOD PAR BYA BA MA YIN PA DE NYID KYI SKAD CIG MA BZHIN PAS RANG GI RJES SU DPAG PA LA GNOD DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA DNGOS PO GCIG PA NYID DANG, GZHAN NYID DU BRJOD PAR BYA BA MA YIN PA DE NYID KYI SKAD CIG MA NI DNGOS PO YIN PA'I PHYIR GZHAN NYID CES BYA BA'I TSIG GI DON DANG LDAN PA MA YIN PA DE BZHIN DU, BLTA BAR BYA BA LA SOGS PA'I DNGOS PO DANG, YANG DNGOS PO YIN PA'I PHYIR GZHAN NYID CES BYA BA'I TSIG GI DON DANG LDAN PA MA YIN PAS, DES NA BYE BRAG PA DAG RANG GI DNGOS PO NYID DU RJES SU DPAG PAS GZHAN NYID DANG LDAN PA MA YIN PAS GZHAN NYID DANG LDAN PA BSAL BA'I PHYIR RANG GI RJES SU DPAG PA LA GNOD DO ZHES BYA BA'I THA TSIG GO, ,BYE BRAG PA GZHAN DAG GIS SMRAS PA, DON DAM PAR LTA BA NI BLTA BAR BYA BA LAS @304B GZHAN MA YIN TE ZHES DAM BCAS PA DE'I DON GANG YIN ZHES BYA BA LA SOGS PAS NI, SNGAR DBU MA PAS DON DAM PAR LTA BA NI BLTA BAR BYA BA LAS GZHAN MA YIN TE, BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR BLTA BAR BYA BA'I RANG GI BDAG NYID BZHIN PAS ZHES DAM BCAS PA DE LA, 'DIR BYE BRAG PA DAG LAS GZHAN KHA CIG NA RE DBU MA PAS DAM BCAS PA DE'I DON GANG YIN ZHES GAL RNAM PA GNYIS SU RTOG BSTON TO, ,DE LA GAL DANG PO BSTAN PA'I PHYIR GAL TE GZHAN NYID DE LA MI 'JUG GO ZHE NA NI GTAN TSIGS MA NGES PA NYID DE MI MTHUN PA'I PHYOGS LA YANG LTOS PA DANG BCAS PA NYID DU 'JUG PA'I PHYIR RO ZHES BYA BA SMRAS TE, DBU MA PAS DON DAM PAR LTA BA NI BLTA BAR BYA BA LAS GZHAN MA YIN TE ZHES DAM BCAS PA DE'I DON GAL TE KHO BO CAG BYE BRAG PA'I GZHAN NYID CES BYA BA'I TSIG GI DON DE LTA BA DE LA MI 'JUG GO ZHES BYA BA YIN NA NI, DES NA DBU MA PA'I GTAN TSIGS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR ZHES BYA BA DE MA NGES PA NYID DE, CI'I PHYIR ZHE NA, KHYED KYIS GZHAN MA YIN PAR DAM BCAS PA'I MI MTHUN PA'I PHYOGS GZHAN YIN PA'I DNGOS PO LA YANG LTOS PA DANG BCAS PA NYID CES BYA BA DE 'JUG STE, 'DI LTAR GZHAN NYID CES BYA BA'I TSIG GI DON LA LTOS NAS DNGOS PO DE YANG GZHAN ZHES BRJOD PA'I PHYIR, DES NA CI RE ZHIG BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR BLTA BAR BYA BA'I RANG GI BDAG NYID BZHIN DU LTA BA DE LA GZHAN NYID CES BYA BA'I TSIG GI DON DE 'JUG PAR MI 'GYUR BA YIN NAM, 'ON TE BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR MI MTHUN PA'I PHYOGS GZHAN NYID DU LTA BA DE LA YANG GZHAN NYID CES BYA BA'I TSIG GI DON DE 'JUG PAR 'GYUR BA MA NGES PA'I PHYIR RO; ,GAL GNYIS PA BSTAN PA'I PHYIR CI STE GZHAN NYID RDZAS KYI NGO BO NYID MA YIN NO ZHE NA NI GRUB PA LA SGRUB PA YIN TE, GZHAN NYID NI DE'I NGO BO NYID YIN PA'I PHYIR RO ZHES BYA BA SMRAS TE, DBU MA PAS DON DAM PAR LTA BA NI BLTA BAR BYA BA LAS GZHAN MA YIN TE ZHES DAM BCAS PA DE'I DON CI STE KHO BO @305A *, ,CAG BYE BRAG PA'I GZHAN NYID CES BYA BA'I TSIG GI DON DE LTA BA LA SOGS PA RDZAS KYI NGO BO NYID MA YIN NO ZHES BYA BA YIN NA NI DES NA DBU MA PA'I GTAN TSIGS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR ZHES BYA BA DE GRUB PA LA SGRUB PA YIN TE, CI'I PHYIR ZHE NA, KHO BO CAG BYE BRAG PA'I GZHAN NYID CES BYA BA'I TSIG GI DON DE NI GZHAN NYID CES BYA BA'I TSIG GI DON DE'I NGO BO NYID YIN GYI, LTA BA LA SOGS PA RDZAS KYI NGO BO NYID MA YIN PAR KHO BO CAG GI PHYOGS LA YANG GRUB PA'I PHYIR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR ZHES BYA BA LA SOGS PAS GTAN TSIGS MA NGES PA NYID DANG, GRUB PA LA SGRUB PA NYID BSAL BA'I LAN GO RIMS BZHIN DU STON TO, ,DE LA RE ZHIG GTAN TSIGS MA NGES PA NYID BSAL BA'I PHYIR BRTAG PA SNGA MA LA YANG JI SKAD BSTAN PA'I TSUL GYIS GZHAN NYID BKAG PA'I PHYIR MI MTHUN PA'I PHYOGS MED PAS MA NGES PA NYID MA YIN NO ZHES BYA BA SMRAS TE GAL TE GZHAN NYID YOD NA NI NGES GZHAN DE LA LTOS PA DANG BCAS PA NYID DU 'JUG PA'I PHYIR MI MTHUN PA'I PHYOGS YOD PAS MA NGES PA NYID DU YANG 'GYUR BA ZHIG NA, GANG LA BRTEN TE GANG YIN PA, ,DE NI DE LAS GZHAN MI 'THAD, ,CES BYA BA LA SOGS PA'I 'THAD PA CI SKAD BSTAN PA'I TSUL GYIS GZHAN NYID BKAG PA'I PHYIR MI MTHUN PA'I PHYOGS MED PAS DE'I PHYIR MA NGES PA NYID MA YIN NO, ,GRUB PA LA SGRUB PA NYID BSAL BA'I PHYIR, BRTAG PA GNYIS PA LA YANG DON DAM PAR LTA BA NI BLTA BAR BYA BA LAS GZHAN MA YIN NO ZHES BYA BA LA, KHO BO CAG GI DE LA GZHAN NYID KYI BLO DANG SGRA'I SPYOD YUL NYID KYI CHOS MED DO ZHES BSTAN PA'I PHYIR PHA ROL PO LA SGRUB PA DE LTA BU MED PAS GRUB PA LA SGRUB PA YANG MA YIN TE ZHES BYA BA SMRAS TE, KHO BO CAG GI SNGAR DON DAM PAR LTA BA NI BLTA BAR BYA BA LAS GZHAN MA YIN TE ZHES DAM BCAS PA DE'I DON NI KHYED KYI GZHAN NYID CES BYA BA'I TSIG GI DON DE LTA BA LA SOGS PA RDZAS KYI NGO BO NYID MA YIN NO ZHES BYA BAR DAM BCAS PA MA YIN GYI, LTA BA DE LA KHYED BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON GZHAN NYID KYI BLO DANG SGRA'I SPYOD YUL NYID KYI CHOS MED DO ZHES DAM BCAS PA @305B BSTAN PA'I PHYIR KHYED PHA ROL PO DAG LA SGRUB PA DE LTA BU MED PAS KHYED KYIS LTA BA LA SOGS PA DNGOS PO GANG LA YANG GZHAN NYID CES BYA BA'I TSIG GI DON GZHAN NYID KYI BLO DANG SGRA'I SPYOD YUL NYID KYI CHOS MED DO ZHES STON PAR MI NUS PA'I PHYIR KHO BO CAG GI GTAN TSIGS DE GRUB PA LA SGRUB PA YANG MA YIN NO, , DE NYID KYI RJES SU DPAG PA BSTAN PA'I PHYIR DON DAM PAR GZHAN NYID LA GZHAN NYID KYI NGO BO NYID MED DE, SPYI DANG KHYAD PAR DANG LDAN PA'I PHYIR DPER NA GZUGS NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NYID NI GZUGS ZHES BYA BA NYI TSE'I SPYI DANG SPYI CHEN PO DANG BUM PA'I GZUGS DANG SNAM BU'I GZUGS ZHES BYA BA'I KHYAD PAR DANG LDAN PA'I PHYIR, DE LA GZHAN NYID CES BYA BA'I TSIG GI DON GYI NGO BO NYID MED PA DE BZHIN DU, BYE BRAG PAS BRTAGS PA'I GZHAN NYID CES BYA BA'I TSIG GI DON DE YANG GZHAN MA YIN PA LAS LOG CING GZHAN ZHES BYA BA'I SPYI DANG BUM PA DANG LDAN PA'I GZHAN DANG, SNAM BU DANG LDAN PA'I GZHAN ZHES BYA BA'I KHYAD PAR DANG LDAN PA'I PHYIR DE LA YANG GZHAN NYID KYI NGO BO NYID MED DE, DES NI GZHAN NYID CES BYA BA'I TSIG GI DON GYI NGO BO NYID KYI DGAG PA BSTAN TO, ,YANG NA DON DAM PAR GZHAN NYID NI GZHAN NYID KYI BLO DANG SGRA SKYE BA'I RGYU NYID MA YIN TE, BLO DANG SGRA KHYAD PAR CAN GYI RGYU YIN PA'I PHYIR DPER NA GZUGS NYID BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NYID NI GZUGS MTHONG NA GZUGS KYI BLO DANG SGRA KHYAD PAR CAN SKYE BA'I RGYU YIN PA'I PHYIR BYE BRAG PA DAG GIS YONGS SU BRTAGS PA'I GZHAN NYID KYI BLO DANG SGRA SKYE BA'I RGYU NYID MA YIN PA DE BZHIN DU BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON KYANG GZHAN NYID KYI BLO DANG SGRA KHYAD PAR CAN SKYE BA'I RGYU YIN PA'I PHYIR GZHAN NYID KYI BLO DANG SGRA SKYE BA'I RGYU NYID MA YIN TE, DES NI BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON DE GZHAN NYID KYI BLO DANG SGRA SKYE BA'I RGYU NYID MA YIN PAR BSTAN TO, ,YANG NA @306A *, ,DON DAM PAR GZHAN NYID KYI BLO NI GZHAN NYID DANG LDAN PA'I BLTA BAR BYA BA LA SOGS PA'I YUL DNGOS DANG LDAN PA MA YIN TE, GZHAN NYID KYI BLO YIN PA'I PHYIR DPER NA GZHAN NYID BLO GZHAN NYID KYI YUL CAN MA YIN PA BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON GYI BLO NI GZHAN NYID KYI BLO YIN PA'I PHYIR GZHAN NYID CES BYA BA'I TSIG GI DON DE NYID KYI YUL CAN MA YIN TE, YON TAN NI YON TAN DANG LDAN PA MA YIN LA, SPYI YANG SPYI DANG LDAN PA MA YIN NO ZHES BRJOD PA DE BZHIN DU, LTA BA BLTA BAR BYA BA LAS GZHAN YIN NO SNYAM PA'I BLO YANG GZHAN NYID KYI BLO YIN PA'I PHYIR BYE BRAG PA DAG GIS YONGS SU BRTAGS PA'I GZHAN NYID CES BYA BA DANG LDAN PAS BLTA BAR BYA BA LA SOGS PA'I YUL DNGOS DANG LDAN PA MA YIN TE, DES NI GZHAN NO SNYAM PA'I BLO NI BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON DANG LDAN PA'I YUL CAN MA YIN PAR BSTAN TO, ,RGYAS PAR NI SNGA MA BZHIN NO ZHES BYA BA NI SNGAR GZHAN YANG GZHAN NYID DANG LDAN PAS GZHAN NYID DU 'DOD NA, GNYIS PA MED PAR YANG RANG LAS GZHAN NYID DU 'GYUR TE, DE'I BDAG NYID YIN PA'I PHYIR DPER NA ME GRANG BA LA SOGS PA LA MA LTOS PAR RANG GI BDAG NYID KYIS TSA BA NYID DU 'GYUR BA BZHIN NO, ,GNYIS PA MED PAR DNGOS PO GZHAN LA MI LTOS PA'I CHOS CAN LA GZHAN NYID DU RTOG NA YANG RTOG PA TZAM DU ZAD DE, DNGOS PO GZHAN LA LTOS PA NYID GZHAN NYID KYI BLO'I RGYU MA YIN LA, GZHAN NYID KYI BLO DE'I RGYU YIN PA'I PHYIR RO, ,GZHAN DANG GZHAN MA YIN PA NYID GZHAN NYID DANG LDAN PAR RTOG NA YANG DON MED PA NYID DANG DGAG PA MI MTHUN PA NYID DU 'GYUR RO, ,DNGOS PO BRJOD PAR BYA BA MA YIN PA DUS PHYIS GZHAN NYID DANG LDAN PAR RTOG NA YANG, DNGOS PO NI GZHAN NYID DANG LDAN PA YANG MA YIN TE DNGOS PO YIN PA'I PHYIR DPER NA BRJOD PAR BYA BA MA YIN PA DE NYID KYI SKAD CIG MA BZHIN PAS RANG GI RJES SU DPAG PA LA GNOD DO ZHES BSTAN PA DE DAG THAMS CAD RGYAS PAR 'DIR YANG SBYAR BAR BYA BA YIN NO, ,YANG GZHAN YANG 'DI LA GZHAN NYID @306B CES BYA BA DE GZHAN LA YOD DAM, ,GZHAN MA YIN PA LA YOD GRANG NA ZHES BYA BA LA SOGS PAS NI, BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON DE GZHAN NYID KYI DNGOS PO LA YOD DAM, GZHAN MA YIN PA LA YOD GRANG NA, BRTAG PA DE GNYI GA YANG MI 'THAD PAR STON TO, ,DES CIR 'GYUR ZHES BYA BA NI DE GNYIS LA SKYON CI YOD CES PHA ROL PO 'DRI BA'I TSIG YIN NO, ,DE LA RE ZHIG BRTAG PA SNGA MA MI 'THAD PAR BSTAN PA'I PHYIR, GAL TE GZHAN LA YOD DO ZHE NA, GZHAN NYID GZHAN LA YOD MA YIN, ,DE 'JUG PA DON MED PA NYID DU 'GYUR BA'I PHYIR DANG, GZHAN NI GZHAN NYID DANG BRAL BAR PHA ROL PO'I PHYOGS LA YANG GRUB PA'I PHYIR RO ZHES BYA BA SMRAS TE, BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON DE NI GZHAN NYID KYI DNGOS PO LA YOD PA MA YIN TE, CI'I PHYIR ZHE NA, GZHAN NYID KYI DNGOS PO LA GZHAN NYID CES BYA BA DE 'JUG PA DON MED PA NYID DU 'GYUR BA'I PHYIR DANG, BYE BRAG PA NYID KYI PHYOGS LA YANG YON TAN NI RDZAS LA 'JUG GI YON TAN NYID LA MI 'JUG PAS, GZHAN ZHES BYA BA'I YON TAN NI GZHAN NYID DANG BRAL BAR GRAGS PA'I PHYIR RO, ,BRTAG PA GNYIS PA MI 'THAD PAR BSTAN PA'I PHYIR CI STE GZHAN MA YIN PA LA YOD DO ZHE NA, DE LTA NA YANG, GZHAN MA YIN LA'ANG YOD MA YIN, ,RANG LAS KYANG GZHAN NYID YIN PAR GYUR NA MI RUNG BA'I PHYIR RO ZHES BYA BA SMRAS TE, BYE BRAG PA DAG GIS YONGS SU BRTAGS PA GZHAN NYID CES BYA BA'I TSIG GI DON DE NI GZHAN MA YIN PA'I DNGOS PO LA YANG YOD PA MA YIN TE, CI'I PHYIR ZHE NA, GZHAN MA YIN PA'I DNGOS PO GNYIS PA MED PA DE GZHAN NYID CES BYA BA'I TSIG GI DON DANG LDAN PAS GZHAN NYID DU BRTAG NA GNYIS PA MED PA GCIG PU DE RANG LAS GZHAN NYID YIN PAR GYUR NA MI RUNG BA'I PHYIR RO, ,YANG GZHAN YANG GZHAN NYID DANG LDAN PA NI DE DANG LDAN DU ZIN KYANG DE'I NGO BO NYID DU 'GYUR BAR MI 'THAD DE BA LANG DANG LDAN PA BA LANG DANG LDAN DU ZIN KYANG BA LANG NYID DU 'GYUR BAR MI 'THAD PA BZHIN NO ZHES BYA BAS NI, BYE BRAG PA DAG 'DOD PA LTAR DNGOS PO NI GZHAN NYID KYI NGO BO NYID MA YIN MOD KYI, GZHAN NYID CES BYA BA'I TSIG GI DON DANG LDAN NA DNGOS @307A *, ,PO YANG GZHAN NYID DU 'GYUR RO ZHES ZER BA DE MI 'THAD PAR STON TE, 'DIR DNGOS PO GZHAN NYID DANG LDAN DU ZIN KYANG GZHAN NYID DU MI 'GYUR TE, DE'I NGO BO NYID MA YIN PA'I PHYIR RO ZHES BYA BA NI PHYOGS YIN NO, ,DPER NA LHAS BYIN PA LANG GI NGO BO NYID MA YIN PA BA LANG DANG LDAN PA NI BA LANG DANG LDAN DU ZIN KYANG BA LANG NYID DU 'GYUR BAR MI 'THAD DE, LHAS BYIN BA LANG GI NGO BO NYID MA YIN PA'I PHYIR RO, ,DE BZHIN DU DNGOS PO GZHAN NYID KYI NGO BO NYID MA YIN PA GZHAN NYID DANG LDAN PA YANG GZHAN NYID DANG LDAN DU ZIN KYANG GZHAN NYID DU MI 'GYUR TE, DNGOS PO GZHAN NYID KYI NGO BO NYID MA YIN PA'I PHYIR RO ZHES BSTAN TO, ,GZHAN DAG GIS SMRAS PA, DE DANG LDAN PAS DE'I BDAG NYID DU 'GYUR BA MA YIN MOD KYI 'ON KYANG DE'I BLO DANG SGRA'I RGYU NYID YIN NO ZHES BYA BA NI BYE BRAG PA DAG NA RE DBU MA PAS GZHAN NYID DANG LDAN PA NI DE DANG LDAN DU ZIN KYANG DE'I NGO BO NYID DU 'GYUR BAR MI 'THAD DE ZHES BSHAD PA DE GRUB PA NYID SGRUB PA YIN TE, CI'I PHYIR ZHE NA, KHO BO CAG KYANG DNGOS PO GZHAN DE DANG LDAN PAS GZHAN DE'I BDAG NYID DU 'GYUR BAR MI 'DOD DE, DE'I NGO BO NYID MA YIN PA'I PHYIR RO, ,'ON KYANG DNGOS PO GZHAN NYID DE DANG LDAN NA GZHAN DE'I BLO DANG SGRA'I RGYU NYID YIN PAR 'DOD DO ZHES ZER BA'I TSIG YIN NO, ,'DI SKAD BSTAN TE, DNGOS PO GZHAN NYID KYI NGO BO NYID MA YIN PA DE GZHAN NYID CES BYA BA DE DANG LDAN PAS GZHAN NYID CES BYA BA DE'I BDAG NYID DU 'GYUR BA MA YIN GYI DNGOS PO GZHAN NYID KYI NGO BO NYID MA YIN PA DE GZHAN NYID CES BYA BA DE DANG LDAN NA GZHAN NYID CES BYA BA DE'I BLO DANG SGRA'I RGYU NYID DU 'GYUR RO ZHES BYA BA'I THA TSIG GO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI DGAG PA SMRAS ZIN PA'I PHYIR LAN DU MI RUNG NGO ZHES BYA BA SMRAS TE, DE NI SNGAR YANG DON DAM PAR GZHAN NYID NI GZHAN NYID KYI BLO DANG SGRA SKYE BA'I RGYU NYID MA YIN TE, BLO DANG SGRA KHYAD PAR CAN GYI RGYU YIN PA'I PHYIR DPER NA GZUGS NYID BZHIN NO ZHES BA SHAD PAS DGAG PA SMRAS ZIN PA'I PHYIR LAN DU MI RUNG NGO, ,GAL TE GZHAN NYID KYIS GZHAN 'DI NI GZHAN NO ZHES GSAL BAR BYED PA'I PHYIR, DE'I NGO BO NYID KYANG MA YIN LA DE DANG LDAN PA DON MED PA NYID DU YANG MI 'GYUR RO ZHE NA ZHES BYA BA NI BYE BRAG PA DAG GZHAN NYID CES BYA @307B BA'I TSIG GI DON DANG LDAN PAS DNGOS PO GZHAN NYID KYI NGO BO NYID MA YIN PA YANG GZHAN ZHES BYA BA'I BLO DANG SGRA'I RGYU NYID DU 'GYUR BAR 'DOD PA DBU MA PAS SUN PHYUNG BA DE'I LAN 'DEBS PA'I TSIG YIN TE, DE DAG NA RE DNGOS PO GZHAN YIN YANG 'DI NI GZHAN YIN NO ZHES BYA BAR MI GSAL BA GANG YIN PA DE GZHAN NYID CES BYA BA'I TSIG GI DON DANG LDAN PA NA, GZHAN NYID CES BYA BA'I TSIG GI DON DES DNGOS PO GZHAN 'DI NI GZHAN YIN NO ZHES GSAL BAR BYED PA'I PHYIR DNGOS PO NI GZHAN NYID CES BYA BA DE'I NGO BO NYID KYANG MA YIN LA GZHAN NYID CES BYA BA DE DANG LDAN PA DON MED PA NYID DU YANG MI 'GYUR BAS, KHYED DBU MA PA DAG GIS DNGOS PO GZHAN YIN PA GZHAN NYID CES BYA BA'I TSIG GI DON DANG LDAN PAR RTOG NA DON MED PA NYID DU 'GYUR RO ZHES GANG SMRAS PA DE MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, GSAL BAR BYED MAS GSAL BAR BYA BA'I DON GSAL BA'I NGO BO NYID DU GSAL BAR BYED PA'I PHYIR GZHAN NYID KYIS GZHAN NYID 'DI NI GZHAN YIN NO ZHES GSAL BAR BYED PAS GZHAN NYID KYIS DE GSAL BAR BYED PA DON MED PA NYID DU 'GYUR BA'I PHYIR DANG, GZHAN NYID MA YIN PAS NI 'DI GZHAN YIN NO ZHES GSAL BAR BYAR MI RUNG BA'I PHYIR RO ZHES BYA BA SMRAS TE, DPER NA GSAL BAR BYED PAS MAR ME LTA BUS GSAL BAR BYA BA BUM PA LTA BU YOD PA'I DON DBANG PO'I MNGON SUM LA SOGS PAR GSAL BA'I NGO BO NYID DU GSAL BAR BYED PA'I PHYIR 'DIR YANG GSAL BAR BYED PA MAR ME LTA BU NI GZHAN NYID ZHES BYA BA'I TSIG GI DON YIN LA, GSAL PAR BYED PA BUM PA LTA BU NI DNGOS PO GZHAN ZHES BYA BA YIN PAS GSAL BAR BYED PA GZHAN NYID KYIS GSAL BAR BYA BA DNGOS PO GZHAN 'DI NI GZHAN YIN NO ZHES BLO DANG SGRA'I SBYONG YUL NYID DU GSAL BAR BYED PAS, DE LTA NA GZHAN NYID CES BYA BA'I TSIG GI DON DES DNGOS PO GZHAN NI GZHAN YIN NO ZHES GSAL BAR BYED PA NI DON MED PA NYID DU 'GYUR BA'I PHYIR DANG, GZHAN NYID MA YIN PAS NI DNGOS PO 'DI GZHAN YIN NO ZHES GSAL BAR BYA BAR MI RUNG BA'I PHYIR BYE BRAG PA'I TSIG DE NI RIGS PA MA YIN NO, 'DI SKAD BSTAN TE, GZHAN NYID KYIS GSAL BAR BYA BA'I DNGOS PO GZHAN DE @308A *, ,GZHAN NYID DU GSAL BA ZHIG GZHAN NYID KYIS GSAL BAR BYED DAM, 'ON TE GZHAN NYID DU MI GSAL BA ZHIG GZHAN NYID KYIS GSAL BAR BYED GRANG NA, BRTAG PA SNGA MA NI DON MED PA NYID DU 'GYUR LA BRTAG PA PHYI NI DGAG PA MI MTHUN PA NYID DU 'GYUR RO, ,DE BZHIN DU DNGOS PO GZHAN GSAL BAR BYED PA'I TSIG GI DON GZHAN NYID CES BYA BA DE YANG GZHAN NYID DU GSAL BA ZHIG GIS DNGOS PO GZHAN GSAL BAR BYED DAM, 'ON TE GZHAN NYID DU MI GSAL BA ZHIG GIS DNGOS PO GZHAN GSAL BAR BYED GRANG NA, DE LA YANG BRTAG PA SNGA MA LA NI GSAL BAR BYED PA BDAG NYID DANG GANG DAG LA DE YOD PA NA MI GSAL BA MED PAS GSAL BAR BYA MI DGOS PA'I PHYIR DANG, BRTAG PA PHYI MA LA NI BDAG NYID MI GSAL BAS GZHAN GSAL BAR BYED MI NUS PA'I PHYIR BYE BRAG PA DAG GI TSIG DE RIGS PA MA YIN NO, ,'DI NI PHYOGS TZAM ZHIG BSTAN PA YIN TE ZHES BYA BA NI BYE BRAG PA DAG GIS BRTAGS PA'I GZHAN NYID MI 'THAD PAS, PHRAD PA MED PAR BSGRUBS PA CI SKAD SMOS PA 'DI NI PHYOGS TZAM ZHIG BSTAN PA YIN TE, PHYOGS 'DIS BYE BRAG PA DAG 'DOD PA'I TSIG GI DON LHAG MA RNAMS KYANG DE BZHIN DU DGAG PA STON TO, ,PHYOGS 'DIS DGAG PA LHAG MA DAG GANG ZHE NA, DE'I PHYIR 'DIS SPYI DANG KHYAD PAR DANG YOD PA NYID DANG TSAD MA LA SOGS PA DAG KYANG DGAG PAR BYA'O ZHES BYA BA SMRAS TE, BYE BRAG PA'I GZHUNG LAS DNGOS PO GANG LA SPYI DANG KHYAD PAR YOD PA DE NI SPYI DANG KHYAD PAR DANG LDAN PA YIN PAR 'DOD DE, DPER NA BA LANG ZHES BYA BA NI SPYI YIN LA BA LANG LA GZHAN LAS KHYAD PAR DU GYUR PA NI KHYAD PAR YIN TE, DE LA YANG BA LANG GI DNGOS PO NYID NI SPYI YANG MA YIN KHYAD PAR YANG MA YIN MOD KYI, SPYI DANG KHYAD PAR ZHES BYA BA'I TSIG GI DON DANG LDAN PAS BA LANG GI DNGOS PO NYID LA YANG SPYI DANG KHYAD PAR YOD PAR BRJOD DO ZHES ZER TE, DE DGAG PA YANG SPYI DANG, KHYAD PAR DANG LDAN PAS SPYI DANG KHYAD PAR NYID DU 'DOD NA SPYI DANG KHYAD PAR MED PA YANG RANG LAS SPYI DANG KHYAD PAR NYID DU 'GYUR TE, DE'I BDAG NYID YIN PA'I PHYIR DPER NA ME GRANG BA LA SOGS PA LA MA LTOS PAR YANG RANG GI BDAG NYID KYIS TSA BA NYID DU 'GYUR BA BZHIN NO, ,SPYI DANG KHYAD PAR MED PA @308B DNGOS PO GZHAN LA MI LTOS PA'I CHOS CAN LA SPYI DANG KHYAD PAR NYID DU RTOG NA YANG RTOG PA TZAM DU ZAD DE, DNGOS PO GZHAN LA LTOS PA NYID SPYI DANG KHYAD PAR NYID KYI BLO'I RGYU MA YIN LA SPYI DANG KHYAD PAR NYID NI BLO DE'I RGYU YIN PA'I PHYIR RO, ,SPYI DANG KHYAD PAR RAM SPYI DANG KHYAD PA MA YIN PA NYID SPYI DANG KHYAD PAR NYID DANG LDAN PAR RTOG NA YANG DON MED PA NYID DANG DGAG PA MI MTHUN PA NYID DU 'GYUR RO, ,DNGOS PO BRJOD PAR BYA BA MA YIN PA DUS PHYIS SPYI DANG KHYAD PAR NYID DANG LDAN PAR RTOG NA YANG, DNGOS PO NI SPYI DANG KHYAD PAR NYID DANG LDAN PA MA YIN TE, DNGOS PO YIN PA'I PHYIR DPER NA BRJOD PAR BYA BA MA YIN PA DE NYID KYI SKAD CIG MA BZHIN PAS, RANG GI RJES SU DPAG PA LA GNOD DO ZHES BYA BA LA SOGS PA SNGAR JI SKAD BSTAN PA'I LUGS BZHIN DU CI RIGS PAR DGAG PAR BYA'O, ,DE BZHIN DU YOD PA NYID CES BYA BA YANG RDZAS DANG YON TAN LA SOGS PA DNGOS PO RNAMS NI YOD PA ZHES MI BYA MOD KYI, YOD PA NYID CES BYA BA'I TSIG GI DON DANG LDAN PAS RDZAS DANG YON TAN DANG LAS LA SOGS PA'I DNGOS PO DAG LA YOD PA NYID KYI BLO SKYE BAS DE'I PHYIR YOD PA NYID DANG LDAN PAS, RDZAS DANG YON TAN DANG LAS LA SOGS PA'I DNGOS PO RNAMS KYANG YOD PA NYID CES BYA BAR 'DOD LA, TSAD CES BYA BA YANG DNGOS PO'I NGO BO NYID LA NI RING THUNG LA SOGS PA'I TSAD YOD PA MA YIN MOD KYI, TSAD CES BYA BA'I TSIG GI DON DANG LDAN PAS DNGOS PO RNAMS LA NI RING THUNG LA SOGS PA'I BLO SKYE BAS DE'I PHYIR TSAD DANG LDAN PAS DNGOS PO RNAMS LA RING THUNG LA SOGS PA'I BLO SKYE BAR 'DOD CES GRAG GO, ,DE DGAG PA YANG YOD PA NYID DANG TSAD DANG LDAN PAS YOD PA NYID DANG TSAD NYID DU 'DOD NA, YOD PA NYID DANG TSAD MED PA YANG RANG LAS YOD PA NYID DANG TSAD NYID DU 'GYUR TE, DE'I BDAG NYID YIN PA'I PHYIR DPER NA ME GRANG BA LA SOGS PA LA MA LTOS PAR YANG RANG GI BDAG NYID KYIS TSA BA NYID DU 'GYUR BA BZHIN NO, ,YOD PA NYID DANG TSAD MED PA DNGOS PO GZHAN LA MI LTOS PA'I CHOS CAN LA YOD PA NYID DANG TSAD NYID DU RTOG NA YANG RTOG PA TZAM DU ZAD DE, DNGOS PO GZHAN LA LTOS PA NYID DANG TSAD NYID KYI BLO'I RGYU MA YIN LA YOD PA NYID DANG TSAD NYID NI BLO DE'I RGYU YIN PA'I PHYIR RO, ,YOD PA NYID DANG TSAD DAM YOD PA NYID DANG TSAD MED PA NYID YOD PA @309A *, ,NYID TSAD NYID DANG LDAN PAR RTOG NA YANG DON MED PA NYID DANG, DGAG PA MI MTHUN PA NYID DU 'GYUR RO, DNGOS PO BRJOD PAR BYA BA MA YIN PA DUS PHYIS YOD PA NYID DANG TSAD NYID DANG LDAN PAR RTOG NA YANG DNGOS PO NI YOD PA NYID DANG TSAD DANG LDAN PA MA YIN TE, DNGOS PO YIN PA'I PHYIR DPER NA BRJOD PAR BYA BA MA YIN PA DE NYID KYI SKAD CIG MA BZHIN PAS RANG GI RJES SU DPAG PA LA GNOD DO ZHES BYA BA LA SOGS PA SNGAR JI SKAD BSTAN PA'I LUGS BZHIN DU CI RIGS PAR DGAG PAR BYA'O, SOGS PA'I SGRAS BSDUS PA BYE BRAG PA'I TSIG GI DON DRUG PO DAG GI YAN LAG GZHAN DAG DGAG PA'I RIM PA YANG DE BZHIN DU CI RIGS PAR SBYAR TE BRJOD PAR BYA'O, DE'I PHYIR DE LTAR GZHAN NYID MI 'THAD PAS GTAN TSIGS JI SKAD SMOS PA MA GRUB PA MED DO ZHES BYA BA NI SKABS KYI MJUG BSDU BA YIN TE, DE LTAR BYE BRAG PA DAG GI GZHAN NYID CES BYA BA LA SOGS PA'I TSIG GI DON MI 'THAD PAS DBU MA PA'I GTAN TSIGS BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR ZHES BYA BA'I GTAN TSIGS KYI DON GRUB PO, ,GZHAN DAG GIS SMRAS PA, GZHAN NYID KYI MTHA' DANG GZHAN MA YIN PA NYID KYI MTHA' GNYIS TE, DE LA GAL TE KHYED KYIS GZHAN NYID KYI MTHA' MED DO ZHES DE DGAG PA YIN PAS GZHAN MA YIN PA NYID KYI MTHA' YONGS SU GZUNG BA BYAS PA DES NA MDZAD PA'I MTHA' LA GNOD PAR 'GYUR RO ZHES BYA BA NI PHA ROL PO DAG RIGS PA CAN GYI SGYU THABS KYIS DBU MA PAS GZHAN NYID KYI MTHA' BKAG PAS GZHAN MA YIN PA NYID KYI MTHA' BZUNG BAS MTHA' GNYIS SPANG BA'I TSUL LA GNOD PAR 'GYUR RO ZHES ZER BA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, CI SKAD BSTAN PA'I TSUL GYIS RE ZHIG GZHAN NYID MED DO ZHES BYA BA DE BSTAN ZIN PAS, GZHAN NYID YOD PA MA YIN NA, GZHAN NAM DE NYID YOD MA YIN, ,GZHAN LA LTOS PAS SAM DE BKAG PAS GZHAN MA YIN PA NYID GRUB PAS THA SNYAD PA YIN PA'I PHYIR DANG, GZHAN NYID MA GRUB PAS GZHAN MA YIN PA NYID KYANG MED PA'I PHYIR RO ZHES BYA BAR DGONGS SO ZHES BYA BA SMRAS TE, KHO BOS MED PAR DGAG PA'I TSUL GYIS GZHAN @309B NYID BKAG PAS MA YIN PAR BKAG PA'I TSUL DU GZHAN MA YIN PA NYID YONGS SU MA BZUNG BA'I PHYIR GZHAN NYID YOD PA MA YIN NA GZHAN NAM GZHAN MA YIN PA DE NYID KYANG YOD PA MA YIN NO, ,CI LTAR ZHE NA, GZHAN LA LTOS PAS SAM GZHAN DE BKAG PAS GZHAN MA YIN PA NYID THA SNYAD DU GRUB PAS, DE NI DPER NA RING PO LA LTOS NAS THUNG NGUR GDAGS PA THA SNYAD PA YIN PA BZHIN DU THA SNYAD PA YIN PA'I PHYIR DON DAM PAR YOD PA MA YIN PA DANG, GZHAN NYID MA GRUB PAS GZHAN MA YIN PA NYID KYANG MED PA'I PHYIR DPER NA BRAM ZE MA GRUB PAS BRAM ZE LAS GZHAN PA NYID KYANG MA GRUB PA BZHIN NO ZHES BYA BAR DGONGS SO, ,CI LTAR DE DGAG CE NA ZHES BYA BA NI PHA ROL PO DAG GZHAN MA YIN PA NYID CI LTAR DGAG CES DRI BA'I TSIG YIN NO, ,DE'I LAN DU DON DAM PAR LTA BA PO NI BLTA BAR BYA BA DANG GZHAN MA YIN PA NYID MA YIN TE, BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR DPER NA BLTA BAR BYA BA'I RANG GI BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BLTA BAR BYA BA NI BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR RANG GI BDAG NYID DANG GZHAN MA YIN PA NYID MA YIN PA DE BZHIN DU LTA BA PO YANG BRJOD PA KHYAD PAR CAN STEN PA NYID LA LTOS PA DANG BCAS PA NYID YIN PA'I PHYIR BLTA BAR BYA BA DANG GZHAN MA YIN PA NYID MA YIN NO, ,DE BZHIN DU YOD PA NYID DANG, RGYU NYID DANG, 'BRAS BU NYID DANG, LAN 'GA' SHES PA LOG PA'AM, THE TSOM CAN GYI YUL NYID DANG, RKYEN GYI DBYE BAS THA DAD PA NYID KYI PHYIR RO ZHES BYA BA LA SOGS PA'I GTAN TSIGS DAG GIS KYANG RJES SU DPAG PA RGYAS PAR BSTAN PAR BYA'O ZHES BYA BAS NI DAM BCAS PA DANG, DPE SNGA MA'I GTAN TSIGS NI 'DI DAG KYANG YIN PAR SBYAR RO, ,DE'I PHYI DE LTAR GZHAN MA YIN PA NYID KYANG BKAG PA'I PHYIR MDZAD PA'I MTHA' LA GNOD PAR MI 'GYUR RO ZHES BYA BA NI RJES SU DPAG PA DE NYID KYI MJUG BSDU BA YIN NO, ,GANG GI PHYIR DE LTAR GCIG PA NYID LA SOGS PA DAG MA GRUB PA DE'I PHYIR, DE NI DE DANG PHRAD PA MED, ,GZHAN YANG GZHAN DANG PHRAD MI 'GYUR, @310A *, ,ZHES RAB TU BYED PA BSTAN PA'I NANG NAS 'BYUNG BA'I DBANG GIS MJUG BSDU'O ZHES BYA BA NI SPYI'I MJUG BSDU BA DANG TSAD MA'I 'BRAS BU YIN NO, ,DA NI RTOG GE BA KHA CIG DA LTAR PHRAD BZHIN PA DANG, SNGAR PHRAD ZIN PA DANG, PHRAD PA PO YOD PA'I SGO NAS PHRAD PA YOD PAR BSGRUB PA DGAG PAR BYA STE, DE LA RE ZHIG DE DAG GI PHYOGS SNGA MA BSTAN PA'I PHYIR GANG LA LA 'DI SKAD CES 'DOD CHAGS DANG CHAGS PA DAG PHRAD PA YOD PA NYID DE PHRAD BZHIN PA YOD PA'I PHYIR DPER NA 'O MA DANG CHU DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'O MA DANG CHU DAG LA NI DA LTAR PHRAD BZHIN PA YOD PA'I PHYIR, PHRAD PA YOD PA NYID YIN PA DE BZHIN DU 'DOD CHAGS DANG CHAGS PA DAG LA YANG DA LTAR PHRAD BZHIN PA YOD PA'I PHYIR PHRAD PA NYID DE DES NI DE LTAR PHRAD BZHIN PA YOD PA'I SGO NAS PHRAD PA YOD PAR SGRUB PO, , YANG NA PHRAD PA DE DANG LDAN PA'I PHRAD PA YOD PA NYID DE MTHAR THUG PA'I SGRAR BRJOD PA'I PHYIR DPER NA LCAGS SGROG LA SOGS PAS BCINGS PA BZHIN PAS PHRAD PA PHRAD PA DANG LDAN PA'I PHRAD PA MTHAR THUG PA'I SGRAR BRJOD PA DE YANG YOD DO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA LCAGS SGROG LA SOGS PAS BCINGS PA NI BCINGS ZIN TO ZHES MTHAR THUG PA'I SGRAR BRJOD PA'I PHYIR DE LA PHRAD PA YOD PA NYID YIN PA DE BZHIN DU PHRAD ZIN PA PHRAD PA DE DANG LDAN PA LA YANG PHRAD ZIN NO ZHES MTHAR THUG PA'I SGRAR BRJOD PA'I PHYIR PHRAD PA YOD PA NYID YIN PAS PHRAD ZIN PA PHRAD PA DANG LDAN PA'I PHRAD PA MTHAR THUG PA'I SGRAR BRJOD PA DE YANG YOD DE, DES NI PHRAD ZIN PA YOD PA'I SGO NAS PHRAD PA YOD PAR SGRUB PO, ,DE BZHIN DU DON DAM PAR PHRAD PA PO DE DANG LDAN PA'I PHRAD PA YOD PA NYID DE BRJOD PA KHYAD PAR CAN GYIS BRJOD PAR BYA BA YIN PA'I PHYIR DPER NA ZAS DANG 'BREL PAS BRJOD PA KHYAD PAR CAN GYI CHA LA BRTEN PA'I ZA BA PO BZHIN PAS PHRAD PA PO BRJOD PA KHYAD PAR CAN GYIS BRJOD PAR BYA BA'I PHRAD PA PO DE YANG YOD PAS ZHES BYA BA DAG KYANG CHOS CAN DANG, BSGRUB PAR BYA BA CHOS DANG, @310B SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA ZAS ZA BA'I ZA BA PO NI ZAS ZA BAS ZA BA PO YIN NO ZHES BRJOD PA KHYAD PAR CAN GYIS BRJOD PAR BYA BA YIN PA'I PHYIR DE LA ZAS DANG PHRAD PA YOD PA NYID YIN PA DE BZHIN DU PHRAD PA DE DANG LDAN PA'I PHRAD PA DE DANG LDAN PA'I PHRAD PA PO YANG PHRAD PA PO YIN NO ZHES BRJOD PA KHYAD PAR CAN GYIS BRJOD PAR BYA BA YIN PA'I PHYIR DE LA YANG PHRAD PA YOD PA NYID YIN PAS PHRAD PA PO BRJOD PA KHYAD PAR CAN GYIS BRJOD PAR BYA BA'I PHRAD PA PO DE YANG YOD DE DES NI PHRAD PA PO YOD PA'I SGO NAS PHRAD PA YOD PAR SGRUB PO, ,DE'I PHYIR PHRAD PA YOD PA NYID DO ZHES ZER RO ZHES BYA BA NI RJES SU DPAG PA GSUM CHAR GYI MJUG BSDU BA DANG TSAD MA'I 'BRAS BU YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE'I PHYIR BSHAD PA, PHRAD BZHIN PA DANG PHRAD PA DANG, ,PHRAD PA PO YANG YOD MA YIN, ,SGRUB PA CI SKAD BSTAN PAS GZHAN NYID MI SRID PA'I PHYIR RO ZHES BYA BAR DGONGS SO ZHES BYA BA SMRAS TE, 'DIR YANG SNGA MA BZHIN DU GZHAN NYID MI 'THAD PAS PHRAD PA BZHIN PA DANG PHRAD ZIN PA DANG PHRAD PA PO YOD PA MA YIN NO ZHES BYA BAR DGONGS SO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR SGRUB PA SMRAS PA'I SKYON BRJOD PAS PHRAD PA NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, PHRAD PA BRTAG PA'I RAB TU BYED PA BCU BZHI PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS SNGAR RAB TU BYED PA 'DI'I DANG POR DNGOS PO RNAMS DON DAM [*LINE BREAK] PAR YOD PAR SGRUB PA'I PHYOGS SNGA MA DON DAM PAR DNGOS PO RNAMS NGO BO NYID YOD PAR SHES PAR BYA STE, DE DAG LA BRTEN NAS PHRAD PA BSTAN PA'I PHYIR RO ZHES BYA BA LA SOGS PA'I SGRUB PA SMRAS PA'I SKYON BRJOD PAS PHRAD PA NGO BO NYID MED PA NYID DU BSTAN PA YIN NO, ,PHRAD PA NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYIS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB @311A *, ,KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS LA PHRAD PA'AM 'BRAL BA MED DO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA YANG PHRAD PA'AM 'BRAL BA MED DO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA YANG PHRAD PA'AM 'BRAL BA MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, 'DI LTAR YID CHES PA'I LUNG DE DAG LA SOGS PA GRUB PA NI PHRAD PA NGO BO NYID MED PA NYID DU BSTAN PA'I YON TAN DANG KHUNGS YIN TE, DE'I PHYIR KHO BOS RANG GI BSAM PAS RTOG GE SKAM PO TZAM GYIS BSGRUBS PA MA YIN TE, LUNG DE DAG KYANG YOD DO, ,GANG GI PHYIR DE LTAR THEG PA CHEN PO'I MDO SDE MTHA' YAS PA DAG LAS PHRAD PA NGO BO NYID MED PA NYID DU BSTAN PA DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG, 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS PHRAD PA BRTAG PA ZHES BYA BA STE RAB TU BYED PA BCU BZHI PA RGYA CHER 'GREL PA, SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,BAM PO LNGA BCU GSUM PA, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS RTEN CING 'BREL PAR 'BYUNG BA CHAD PA MED PA DANG RTAG PA MED PA BSTAN PA'I DON GYI DBANG GIS RAB TU BYED PA BCO LNGA PA BRTZAM MO ZHES BYA BA LA DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE TSIG GI DON NI SNGA MA BZHIN NO, , DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU, DNGOS PO THAMS CAD SKYE BA MED @311B PAR DAM BCAS PA MDZAD PAS, 'DIR YANG SNGAR BSTAN BCOS MDZAD PAS CI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI RAB TU BYED PA SNGA MA'I SKABS SU BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU SGRUB PA'I PHYOGS SNGA MA NYE BAR GZHAG PA 'OG NAS, KHYED DNGOS PO RNAMS NGO BO NYID MED DO ZHES SMRA BA'I DAM BCAS PA LA RANG GI TSIG DANG 'GAL BA'I SKYON YOD DO ZHES BYA BA LA SOGS PA DNGOS PO RNAMS NGO BO NYID YOD PA NYID DU SGRUB PA'I GTAN TSIGS BDAG GI DNGOS PO DANG, GZHAN GYI DNGOS PO DANG, DNGOS PO YOD PA DANG, DNGOS PO MED PA DAG YOD PAR GZHUNG 'DZUGS PA YIN NO, ,DE DGAG PAS ZHES BYA BA NI STONG PA NYID KYI MI MTHUN PA'I PHYOGS KYI KHYAD PAR DE DGAG PA'I DBANG DU BYAS NAS RAB TU BYED PA BCO LNGA PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS RTEN CING 'BREL BAR 'BYUNG BA CHAD PA MED PA DANG RTAG PA MED PA BSTAN PA'I DON GYI DBANG GIS RAB TU BYED PA BCO LNGA PA BRTZAM MO ZHES BYA BA SMRAS TE, DNGOS PO DANG DNGOS PO MED PA BRTAG PA'I RAB TU BYED PA BCO LNGA PA'I GZHUNG 'OG NAS 'BYUNG BA 'DI'I DON NI SHES RAB KYI PHA ROL TU PHYIN PA LAS, BDAG GI DNGOS PO STONG PA NYID DANG, GZHAN GYI [*LINE BREAK?] DNGOS PO STONG PA NYID DANG, DNGOS PO STONG PA NYID DANG, DNGOS PO MED PA STONG PA NYID CES GSUNGS PA'I DON RNAM PAR BSHAD PAS RTEN CING 'BREL PAR 'BYUNG BA CHAD PA MED PA DANG, RTAG PA MED PA'I KHYAD PAR DANG LDAN PA BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, RTEN CING 'BREL PAR 'BYUNG BA CHAD PA MED PA DANG, RTAG PA MED PA'I KHYAD PAR DANG LDAN PA BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I @312A *, ,MTSAMS SBYAR BA'I SKABS 'DIR YANG THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,GAL TE PHA ROL PO DAG 'DI SKAD CI LTAR BDAG GI DNGOS PO DANG, GZHAN GYI DNGOS PO DANG, DNGOS PO YOD PA DANG, DNGOS PO MED PA DGAG PAS RTEN CING 'BREL PAR 'BYUNG BA CHAD PA MED PA DANG, RTAG PA MED PA'I KHYAD PAR DANG LDAN PA NYID BSTAN PAR BYA ZHE NA, GANG GI PHYIR BDAG GI DNGOS PO DANG GZHAN GYI DNGOS PO DAG LA YOD PA NYID KYI MTSAN NYID PAS DNGOS PO DE DAG MA SKYES PA'I PHYIR RTAG PA MED LA, MA SKYES PA LA 'JIG PA MED PA'I PHYIR CHAD PA MED PAS DE'I PHYIR DE LTAR BDAG GI DNGOS PO DANG, GZHAN GYI DNGOS PO DANG, DNGOS PO YOD PA DANG, DNGOS PO MED PA DGAG PAS RTEN CING 'BREL PAR 'BYUNG BA CHAD PA MED PA DANG, RTAG PA MED PA'I KHYAD PAR DANG LDAN PA NYID GRUB PO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, RANG GI SDE PA LA SOGS PA DAG DE LTAR DON DAM PAR DNGOS PO RNAMS NGO BO NYID YOD PAR SHES PAR BYA STE, DE DAG LA BRTEN NAS PHRAD PA BSTAN PA'I PHYIR RO ZHES ZER BA'I GTAN TSIGS SUN PHYUNG BA DNGOS PO RNAMS NGO BO NYID MED PA NYID DU BSTAN KYANG DE DAG LA MNGON PAR ZHEN PA KHA CIG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR KHYED DNGOS PO RNAMS NGO BO NYID MED DO ZHES SMRA BA'I DAM BCAS PA LA RANG GI TSIG DANG 'GAL BA'I SKYON YOD DE, DE NYID KYIS DON DE LA SKUR PA BTAB PA'I PHYIR DPER NA SMRAS PA THAMS CAD BRDZUN NO ZHES BYA BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DRANG SRONG BHA RA TA SA RANG GI TSIG 'BA' ZHIG BDEN GYI GZHAN GYIS SMRAS PA THAMS CAD BRDZUN PAR SGRUB PA'I PHYIR SMRAS PA THAMS CAD BRDZUN NO ZHES SMRAS PA DE NYID KYI SA RANG GI TSIG BDEN PAR SGRUB PA'I DON DE LA SKUR PA BTAB PA'I PHYIR RANG GI TSIG DANG 'GAL BA'I SKYON YOD DO, ,SMRAS PA THAMS CAD CES BYA BA'I NANG DU RANG GIS SMRAS PA YANG 'DUS PAS DES NA RANG GI TSIG KYANG BRDZUN PAR 'GYUR PA DE BZHIN DU KHYED DBU @312B MA PAS DNGOS PO RNAMS NGO BO NYID MED DO ZHES SMRAS PA'I TSIG GIS KYANG, DNGOS PO RNAMS ZHES BYA BA DE NYID KYIS NGO BO NYID MED DO ZHES BYA BA'I DON DE LA SKUR PA BTAB PA'I PHYIR RANG GI TSIG DANG 'GAL BA'I SKYON YOD DO, ,'DIR YANG GAL TE NGO BO NYID MED PA YIN NA NI CI LTAR DNGOS PO YIN, CI STE DNGOS PO YIN NA NI NGO BO NYID MED PA MA YIN PAS ZHES BYA BA NI NYE BAR SBYAR BA'I SBYOR BA YIN TE, DNGOS PO ZHES BYA BA DANG NGO BO NYID MED PA ZHES BYA BA NI DGAG PA MI MTHUN PA YIN PAS KHYED KYIS DNGOS PO ZHES SMRAS PA DE NYID KYIS NGO BO NYID MED PA ZHES BYA BA'I DON DE LA SKUR BA BTAB PA YIN NO, ,DAM BCAS PA LA DE NYID KYIS DON DE LA SKUR PA BTAB PA'I SKYON YOD DO ZHES BYA BA NI MJUG BSDU BA YIN TE, DNGOS PO ZHES SMRAS PA DE NYID KYIS NGO BO NYID MED PA ZHES BYA BA'I DON DE LA SKUR PA BTAB PA'I PHYIR KHYED KYIS DAM BCAS PA LA RANG GI TSIG DANG 'GAL BA'I SKYON YOD DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA ZHES BYA BA LA SOGS PA SMRAS TE, PHA ROL PO LA DNGOS PO RNAMS NGO BO NYID YOD PA NYID DU SGRUB PA'I DPE MED PA'I PHYIR DANG, DBU MA PAS DAM BCAS PA LA SKUR BA MA BTAB PA'I PHYIR DANG, THA SNYAD KYI DNGOS PO MA BKAG PA'I PHYIR DANG, DNGOS PO NGO BO NYID MED PA'I LAN BTAB ZIN PA'I PHYIR KHO BO'I SGRUB PA 'DI LA SKYON MED DO ZHES STON TO, ,DE LA PHA ROL PO LA DNGOS PO RNAMS NGO BO NYID YOD PA NYID DU SGRUB PA'I DPE MED PAR BSTAN PA'I PHYIR DON DAM PAR DNGOS PO RNAMS NGO BO NYID YOD PA YIN TE, DPER NA CHE GE MO ZHIG BZHIN NO ZHES BYA BA'I RJES SU 'GRO BA MED PA'I PHYIR 'DI LA SKYON MED DO ZHES BYA BA SMRAS SO, ,DBU MA PAS DAM BCAS PA LA SKUR PA MA BTAB PAR BSTAN PA'I PHYIR, DON DAM PAR DNGOS PO RNAMS NGO BO NYID YOD PA NYID DU KHAS BLANGS NAS NGO BO NYID MED PA NYID DU DAM BCAS PA'I PHYIR DES NA DAM BCAS PA'I DON LA SKUR PA MA BTAB PAS GTAN TSIGS KYI DON MA GRUB PA NYID MA YIN PAS 'DI LA SKYON MED DO ZHES BYA BA SMRAS SO, ,DBU MA PAS THA SNYAD KYI DNGOS PO MA BKAG PAR BSTAN PA'I PHYIR, THA SNYAD DU YANG DNGOS PO RNAMS KYI NGO BO NYID SGYU MA'I NGO BO NYID BZHIN DU DAM BCAS PA LA DE BZHIN DU SKUR PA MA BTAB PA'I PHYIR 'DI LA SKYON MED @313A *, ,DO ZHES BYA BA SMRAS SO, ,DBU MA PAS DNGOS PO NGO BO NYID MED PA'I LAN BTAB ZIN PAR BSTAN PA'I PHYIR, RTEN CING 'BREL PAR 'BYUNG BA NI SKYE BA MED DO ZHES BYA BAS LAN BTAB ZIN PA'I PHYIR 'DI LA SKYON MED DO ZHES BYA BA SMRAS SO, ,MKHAS PAR RLOM PA GZHAN DAG GZHAN DU PHYIR ZLOG PAR BYED DE, ,DE DAG NGO BO NYID GANG GIS NGO BO NYID MED PA NYID DU 'DOD DE, GAL TE RANG GI RNAM PAR RTOG PA'I BZOS SBYAR BA'I NGO BO NYID SGRO BTAGS NAS MA GRUB PO ZHE NA NI GRUB PA LA SGRUB PA YIN NO, ,CI STE DE DAG RGYU DANG RKYEN LAS BYUNG BA'I NGO BO NYID GANG YIN PA DES NGO BO NYID MED PA NYID DO ZHE NA NI DE NI RIGS PA MA YIN TE, MNGON SUM DANG GRAGS PA'I GNOD PAS GNOD PAR 'GYUR BA'I PHYIR RO ZHES BYA BA NI 'DIR RANG GI SDE PA GANG ZAG BDAG MED PA'I TSUL TZAM LA MKHAS SU RE BA DAG 'DI SKAD CES KHYED DBU MA PAS DNGOS PO RNAMS NGO BO NYID MED PA NYID DU 'DOD PA DE GAL TE GZHAN MU STEGS CAN DAG GI RANG GI RNAM PAR RTOG PA'I BZOS SBYAR BA'I GANG ZAG NGO BO NYID SGRO BTAGS NAS MA GRUB PO ZHES BYA BAR SGRUB NA NI KHO BO CAG GI PHYOGS LA YANG GRUB PAS GRUB PA LA SGRUB PA YIN NO, ,CI STE CHOS KYI NGO BO NYID RGYU DANG RKYEN LAS BYUNG BA NGO BO NYID MED DO ZHES BYA BA BSGRUB NA NI MNGON SUM DANG GRAGS PA'I GNOD PAS GNOD PAR 'GYUR BA'I PHYIR DE NI RIGS PA MA YIN NO ZHES ZER BA YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DON MED PAR RNAM PAR SHES PA RNAM PAR BRTAGS PA'I DNGOS PO'I GZUGS LA DMIGS PA'I SKYE BA KHAS MA BLANGS PA'I PHYIR DANG, DNGOS PO YOD PA NYID BKAG PA'I PHYIR DANG, 'JIG RTEN GYI THA SNYAD MA SPANGS PA'I PHYIR MNGON SUM DANG GRAGS PA'I GNOD PA MED PAS KHO BO CAG GI PHYOGS LA, GANG GIS GANG LA GNOD PA YANG MED DO ZHES BYA BA SMRAS TE, GZHAN MU STEGS CAN DAG GI RNAM PAR RTOG PA'I BZOS SBYAR BA'I GANG ZAG NGO BO NYID SGRO BTAGS PA MA GRUB PO ZHES BYA BAR MI SGRUB PAS GRUB PA LA SGRUB PA'I SKYON GYI LAN NI GDAB MI DGOS SO, ,CHOS KYI NGO BO NYID RGYU DANG RKYEN LAS BYUNG BA NGO BO NYID MED DO ZHES BYA BAR SGRUB NA MNGON SUM DANG GRAGS PA'I GNOD PAS GNOD PAR 'GYUR RO ZHES ZER BA DE'I LAN DU DBU MA PAS DON DAM PAR RNAM PAR @313B SHES PA RNAM PAR BRTAGS PO'I DNGOS PO LA DMIGS PA'I SKYE BA YANG KHAS MA BLANGS LA, DNGOS PO THAMS CAD KYI YOD PA NYID KYANG BKAG PA'I PHYIR DANG, KUN RDZOB KYI THA SNYAD DU DNGOS PO BRJOD PA YANG MA SPANGS PA'I PHYIR GANG ? GIS GANG LA GNOD PA YANG MED DO ZHES BSTAN TO, ,MNGON SUM GYI GNOD PA YOD PAR RTOG PAR 'DOD NA DE YANG RIGS PA MA YIN TE, MNGON SUM DU DMIGS PA'I DNGOS PO MNGON SUM DU YOD PA NYID DU BSTAN PAR BYA DGOS NA DE YANG MA GRUB PA'I PHYIR RO ZHES BYA BA NI GAL TE PHA ROL PO DAG 'DI SKAD CES DBU MA PA CHOS KYI NGO BO NYID RGYU DANG RKYEN LAS BYUNG BA NGO BO NYID MED DO ZHES BYA BAR BSGRUBS PAS 'JIG RTEN GYI THA SNYAD MA SPANGS PA'I PHYIR GRAGS PA'I GNOD PA MED KYANG MNGON SUM GYI GNOD PAR 'GYUR RO ZHE NA, DE YANG RIGS PA MA YIN TE DON DAM PAR DNGOS PO MNGON SUM DU DMIGS PA ZHIG YOD NA NI DE SKAD BYAR YANG RUNG GRANG NA, DE YANG MA GRUB PA'I PHYIR MNGON SUM GYI GNOD PA YANG MED DO, ,'DIR GAL TE PHA ROL PO DAG 'DI SKAD CES DA LTAR DNGOS PO NGO BO NYID YOD PA RGYU DANG RKYEN LAS SKYE BA MNGON SUM DU SNANG BAS NGO BO NYID MED PA NYID MA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS GAL TE DON DAM PAR DNGOS PO 'GA' ZHIG RNAM PA 'GA' ZHIG GIS YOD PAR GYUR NA RANG GI BDAG NYID KYIS YOD PA DE'I SKYE BA DON MED PAR 'GYUR TE, NGO BO NYID NI RGYU RKYEN LAS, ,'BYUNG BAR RIGS PA MA YIN NO, ,NGO BO NYID MED PAR SMRA BA'I PHYOGS LA ZHES BYA BA'I TSIG GI LHAG MA'O ZHES BYA BA SMRAS TE, NGO BO NYID YOD PAR SMRA BA'I PHYOGS LA NGO BO NYID NI MI 'GYUR BA BCOS MA MA YIN PAS RGYU DANG RKYEN LAS 'BYUNG BAR MI RIGS SO ZHES GLAGS YOD PA'I TSIG TU BSTAN TO, ,NGO BO NYID DANG 'BYUNG BA'I TSIG GI DON BSTAN PA'I PHYIR NGO BO NYID NI RANG GI NGO BO STE, RANG GI BDAG NYID CES BYA BA'I THA TSIG GO, ,'BYUNG BA NI SKYE'O ZHES BYA BA SMRAS SO, ,CI STE 'BYUNG BAR MTHONG BAS BSNYON PAR MI NUS SO ZHE NA ZHES BYA BA NI, CI STE PHA ROL PO DAG NA RE DA LTAR PHYI NANG GI DNGOS PO THAMS CAD RGYU DANG RKYEN LAS 'BYUNG BAR MTHONG BAS, NGO BO NYID MED DO ZHES BSNYON PAR MI NUS SO ZHES ZER NA'O, ,DE'I @314A *, ,LAN DU DE YANG RGYU DANG RKYEN GZHAN LA RAG LAS PA YIN PAS ZHES BYA BA SMRAS TE, RGYU DANG RKYEN LAS BYUNG BA'I NGO BO NYID GANG YIN PA DE NI BCOS MA YIN PAS NGO BO NYID MA YIN NO ZHES SKABS KYI DON BSTAN TO, ,RGYU ZHES BYA BA'I MTSAN NYID BSTAN PA'I PHYIR, RGYU DANG RKYEN LAS BYUNG BA YI, ,NGO BO NYID NI BYAS PAR 'GYUR, ,DE LA RGYU NI THUN MONG MA YIN PA DANG, RANG GI DON DANG DE MA THAG PA DANG CHA MTHUN PA SKYED PA GCIG PU GANG YIN PA'O ZHES BYA BA SMRAS TE, GANG GIS 'BRAS BU DE NYID SKYED KYI GZHAN DANG THUN MONG MA YIN PA DANG, RDZAS KYI RGYUD DE NYID SKYED CING RANG GI BYED PA DANG, RANG GI NGO BO ZHI GOS MA THAG TU 'BRAS BU SKYED PAS DE MA THAG PA DANG 'BRAS BU CHA MTHUN PA SKYED PA KHAMS DRUG LTA BU MA YIN PA GCIG PU GANG YIN PA DE NI RGYU'I MTSAN NYID DO, ,RKYEN GYI MTSAN NYID BSTAN PA'I PHYIR, RKYEN NI DE LAS BZLOG PA STE, ,LHAN CIG BYED PA DAG GO ZHES BYA BA SMRAS TE, RGYU'I MTSAN NYID LAS BZLOG PA'O, ,BYAS PA NI BCOS MA ZHES BYA BA'I THA TSIG GO ZHES BYA BA NI NGO BO NYID MA YIN PA ZHES BYA BA'I DON TO, ,DE LA 'DIR MI MTHUN PA'I PHYOGS LAS BZLOG PAS PHYOGS KYI CHOS MNGON NO ZHES BYA BA'I TSIG GI DON TE ZHES BYA BA NI NGO BO NYID MED PA'I MI MTHUN PA'I PHYOGS NI NGO BO NYID YOD PA STE, DE LAS BZLOG PAS NGO BO NYID MED PA'I PHYOGS KYI CHOS GTAN TSIGS NI RGYU DANG RKYEN LAS BYUNG BA YIN PAR MNGON NO ZHES BYA BA'I TSIG GI DON TO, ,DE SHES PAR BYED PA'I DPE BSTAN PA'I PHYIR, DPER NA SGRA NI RTAG PA DANG LDAN PA YIN NO, ,RTAG PA NI BYAS PA MA YIN PA'I PHYIR RO, ,RTAG PA LA NI BYAS PA NYID MED LA SGRA LA NI BYAS PA NYID YOD PAS DE'I PHYIR SGRA NI MI RTAG STE BYAS PA'I PHYIR RO ZHES BYA BA DE BZHIN DU, 'DIR YANG NGO BO NYID NI RGYU DANG RKYEN RNAMS LAS 'BYUNG BAR MI RIGS TE, RGYU DANG RKYEN RNAMS LAS BYUNG BA'I NGO BO NYID NI BYAS PA YIN PAR 'GYUR LA, NGO BO NYID LA NI BYAS PA NYID YOD PA MA YIN TE, NGO BO NYID NI MA BYAS PA'I PHYIR RO ZHES BYA BA SMRAS TE, BRDA SPROD PA PA 'GA' ZHIG GIS SGRA NI RTAG GO ZHES SMRAS PA NA, LA LA ZHIG NA RE SGRA NI RTAG PA DANG LDAN PA MA YIN TE, CI'I PHYIR ZHE NA, RTAG PA NI BYAS PA MA YIN PA'I PHYIR TE, RTAG PA LA NI BYAS PA NYID MED LA, SGRA LA NI BYAS PA NYID YOD PAS DE'I PHYIR SGRA MI RTAG PA'I MI MTHUN PA'I PHYOGS RTAG PA LAS BZLOG @314B PAS SGRA MI ? RTAG PAR BSGRUB PA'I PHYOGS KYI CHOS BYAS PA NYID MNGON PA'I PHYIR SGRA NI MI RTAG STE BYAS PA'I PHYIR RO ZHES ZER BA DE BZHIN DU 'DIR YANG NGO BO NYID MED PA'I MI MTHUN PA'I PHYOGS NI NGO BO NYID YOD PA STE, NGO BO NYID YOD PA NI RGYU DANG RKYEN RNAMS LAS 'BYUNG BAR MI RIGS LA DNGOS PO 'DI LA NI RGYU DANG RKYEN RNAMS KYIS BYAS PA NYID YOD PAS NGO BO NYID MED PAR BSGRUB PA'I PHYOGS KYI CHOS NI RGYU DANG RKYEN GYIS BYAS PA YIN PAR ME DON NO ZHES STON TO, ,DE'I PHYIR 'DI LA NI BYAS PA NYID YOD PAS 'DIR RJES SU DPAG PA NI 'DI LTAR BYA STE ZHES BYA BAR SBYAR RO, ,DON DAM PAR NANG GI SKYE MCHED RNAMS NI NGO BO NYID YOD PA MA YIN TE, RGYU DANG RKYEN LAS BYUNG BA'I PHYIR DPER NA SGYU MAR BYAS PA'I MI DANG PHYUGS DANG RI DAGS DANG BYA LA SOGS PA'I RDZAS DAG BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SGYU MAR BYAS PA'I MI LA SOGS PA'I RDZAS NI RGYU DANG RKYEN LAS BYUNG BA'I PHYIR NGO BO NYID YOD PA MA YIN PA DE BZHIN DU NANG GI SKYE MCHED RNAMS KYANG RGYU DANG RKYEN LAS BYUNG BA'I PHYIR NGO BO NYID YOD PA MA YIN NO, ,GANG LA NGO BO NYID YOD PA DE NI 'BYUNG BAR MI 'GYUR BAS MI MTHUN PA'I PHYOGS LAS LDOG GO ZHES BYA BAS NI DAM BCAS PA DANG GTAN TSIGS SNGA MA DE MI MTHUN PA'I PHYOGS LAS LDOG PAS, RJES SU DPAG PAR BYA BA LA YOD PA DANG, MTHUN PA'I PHYOGS LA YOD PA DANG, MI MTHUN PA'I PHYOGS LA MED PA NYID DU NGES PA'I TSUL BSTAN TO, ,'DIR TSIG GI DON LA RTOGS PA SUN 'BYIN PAR 'DOD PA KHA CIG GIS SMRAS PA, SGYU MA NI GSANG SNGAGS DANG SMAN YONGS SU BZUNG BA'I DBANG GIS 'JIM ? PA DANG SA DANG RTZVA DANG 'BRAS BU DANG LO MA LA SOGS PA YOD PA NYID LAS GLANG PO CHE LA SOGS PA'I GZUGS SU SNANG BA'I PHYIR DPE BSGRUB PAR BYA BA CHOS DANG MI MTHUN PA'I SKYON YOD DO ZHES BYA BA NI PHA ROL PO DNGOS PO RGYU DANG RKYEN LAS BYUNG BA NGO BO NYID MED PAR BSGRUB PA'I TSIG GI DON MA RTOGS PA DBU MA PA SUN 'BYIN PAR 'DOD PA KHA CIG SNGAR DBU MA PAS DON DAM PAR NANG GI SKYE MCHED RNAMS NI NGO BO NYID YOD PA MA YIN TE, RGYU DANG RKYEN LAS BYUNG BA'I PHYIR DPER NA SGYU MAR BYAS PA'I MI DANG @315A *, ,PHYUGS DANG RI DAGS DANG BYA LA SOGS PA'I RDZAS DAG BZHIN NO ZHES SMRAS PA'I DPE SUN 'BYIN PA'I TSIG YIN TE, DE DAG NA RE SGYU MA NI GLANG PO CHE LA SOGS PA'I NGO BO NYID DU MED KYANG SGYU MA'I YO BYANG RTZVA LA SOGS PA DAG NGO BO NYID YOD PA'I PHYIR KHYED DBU MA PAS DNGOS PO RNAMS NGO BO NYID MED PAR SGRUB PA'I DPE SGYU MA LAS BLANGS PA DE BSGRUB PAR BYA BA CHOS DANG MI LDAN PA'I SKYON YOD DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, GLANG PO CHER SNANG BA LA GLANG PO CHE'I NGO BO NYID MED PA NYID DPE NYID DU 'DOD KYI, RTZVA LA SOGS PA DAG MI 'DOD PA'I PHYIR DANG, DE DAG NGO BO NYID KYANG YOD PA MA YIN TE, DE DAG GI SKYE BA BKAG PA'I PHYIR DANG SA LA SOGS PA DAG RDZAS SU YOD PA NYID BKAG PA'I PHYIR RO ZHES BYA BA SMRAS TE, KHO BO SGRUB PA'I GLANG PO CHER SNANG BA LA GLANG PO CHE'I NGO BO NYID MED PA NYID DPE NYID DU 'DOD KYI RTZVA LA SOGS PA DNGOS PO YOD PA DAG DPE NYID DU MI 'DOD PA'I PHYIR KHO BO'I DPE BSGRUB PAR BYA BA CHOS DANG MI LDAN PA MA YIN NO, ,SGYU MA'I YO BYAD RTZVA LA SOGS PA DE DAG GI NGO BO NYID KYANG YOD PA MA YIN TE, DE DAG GI SKYE BA BKAG PA'I PHYIR DANG SA LA SOGS PA DAG RDZAS SU YOD PA NYID BKAG PA'I PHYIR RO, ,GZHAN DAG GIS SMRAS PA ZHES BYA BAS NI PHA ROL PO GZHAN DAG SNGAR DBU MA PAS DON DAM PAR NANG GI SKYE MCHED RNAMS NGO BO NYID YOD PA MA YIN TE, RGYU DANG RKYEN RNAMS LAS BYUNG BA'I PHYIR DPER NA SGYU MAR BYAS PA'I MI DANG PHYUGS DANG RI DAGS DANG BYA LA SOGS PA'I RDZAS DAG BZHIN NO ZHES SMRAS PA'I GTAN TSIGS DE'I DON 'GAL BA NYID DANG MA NGES PA NYID DANG MA GRUB PA NYID DU SUN 'BYIN PA STON TO, ,DE LA GTAN TSIGS KYI DON 'GAL BA NYID DU SUN 'BYIN PA BSTAN PA'I PHYIR CI TZAM DU GANG DAG RGYU DANG RKYEN LAS BYUNG BA DAG THAMS CAD DNGOS PO'I NGO BO NYID YIN PAS GTAN TSIGS KYI DON 'GAL BA NYID YIN NO ZHES BYA BA SMRAS TE, 'JIG RTEN NA CI TZAM DU DNGOS PO GANG DAG RGYU DANG RKYEN LAS BYUNG BA DE DAG THAMS CAD NGO BO NYID YOD PAR MTHONG BAS DES NA KHYED DBU MA PAS NANG GI SKYE MCHED RNAMS NI NGO BO NYID YOD PA MA YIN TE, RGYU DANG RKYEN LAS BYUNG BA'I PHYIR RO ZHES SMRAS PA'I GTAN TSIGS DE'I DON 'GAL BA NYID YIN NO, ,GTAN @315B TSIGS KYI DON MA NGES PA NYID DU SUN 'BYIN PA BSTAN PA'I PHYIR MA NGES PA NYID KYANG YIN TE, SGYU MA LA SOGS PA KHA CIG MTHUN PA'I PHYOGS DANG MI MTHUN PA'I PHYOGS LA YANG YOD PA'I PHYIR RO ZHES BYA BA SMRAS TE, SGYU MA DANG SGYU MA'I YO BYAD DAG DANG RGYU RKYEN LAS BYUNG BAS 'DRA YANG SGYU MA NI NGO BO NYID MED PA'I MTHUN PA'I PHYOGS LA YOD LA SGYU MA'I YO BYAD DAG NI NGO BO NYID MED PA'I MI MTHUN PA'I PHYOGS LA YANG YOD PA'I PHYIR DES NA CI RE ZHIG RGYU DANG RKYEN LAS BYUNG BA'I PHYIR, SGYU MA BZHIN DU NGO BO NYID MED PAR 'GYUR RAM 'ON TE RGYU DANG RKYEN LAS BYUNG BA'I PHYIR SGYU MA'I YO BYAD DAG BZHIN DU NGO BO NYID YOD PAR 'GYUR BA MA NGES PA'I PHYIR RO, ,GTAN TSIGS KYI DON MA GRUB PA NYID DU SUN 'BYIN PA BSTAN PA'I PHYIR MTHUN PA'I PHYOGS THAMS CAD LA MA KHYAB PAS GTAN TSIGS KYI DON MA GRUB PA NYID KYANG YIN TE, NAM MKHA' LA SOGS PA 'DUS MA BYAS DAG RGYU DANG RKYEN LAS MA BYUNG BA'I PHYIR RO ZHES BYA BA SMRAS TE, KHYED DBU MA PAS NI NGO BO NYID MED PA'I MTHUN PA'I PHYOGS PHYI NANG GI SKYE MCHED LA SOGS PA 'DUS BYAS DANG, NAM MKHA' LA SOGS PA 'DUS MA BYAS THAMS CAD KYANG NGO BO NYID MED PA NYID DU DAM 'CHA' BA YIN PA LAS DE'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE PHYI NANG GI SKYE MCHED LA SOGS PA 'DUS BYAS RNAMS LA YOD KYANG, NAM MKHA' LA SOGS PA 'DUS MA BYAS PA DAG LA MED PA'I PHYIR MTHUN PA'I PHYOGS THAMS CAD LA MA KHYAB PAS GTAN TSIGS KYI DON MA GRUB PA NYID KYANG YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG BZANG PO MA YIN TE, DNGOS PO'I NGO BO NYID SGYU MA DANG, RMI LAM DANG, SMIG RGYU LTA BU DAG RGYU DANG RKYEN GYIS BYAS SU ZIN KYANG GZHAN LA MED PA'I PHYIR NGO BO NYID CES BRJOD DE, DPER NA ME'I TSA BA NYID BZHIN PAS DE'I PHYIR NGO BO NYID CES BYA BA DE NI THA SNYAD PA YIN GYI DON DAM PA MA YIN NO ZHES BYA BA SMRAS TE, NGES NI DBU MA PA'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE'I DON 'GAL BA NYID DANG MA NGES PA NYID DANG MA GRUB PA NYID MA YIN PAR STON TO, ,'DI SKAD BSTAN TE DNGOS PO'I NGO BO NYID SGYU MA LA SOGS PA LTA BU DAG RGYU DANG RKYEN LAS BYUNG BA NI NGO BO NYID YOD PA MA YIN MOD KYI, 'ON KYANG @316A *, ,THA SNYAD DU RIGS MI MTHUN PA'I RGYU DANG RKYEN LAS BYUNG BA'I DNGOS PO GZHAN LA DE'I NGO BO NYID MED KYI, RIGS MTHUN PA'I RGYU DANG RKYEN LAS BYUNG BA'I RANG GI DNGOS PO LA DE'I NGO BO NYID SGYU MA TZAM DU YOD PA'I PHYIR NGO BO NYID CES BRJOD DE, DPER NA ME RGYU DANG RKYEN LAS BYUNG BA LA NGO BO NYID YOD PA MA YIN MOD KYI, CHU LA SOGS PA RIGS MI MTHUN PA GZHAN LA ME'I NGO BO NYID MED KYI ME NYID KYI RANG GI DNGOS PO LA ME'I NGO BO NYID YOD PA'I PHYIR, ME'I NGO BO NYID CES BRJOD PA BZHIN PAS DE'I PHYIR DNGOS PO RGYU DANG RKYEN LAS BYUNG BA'I NGO BO NYID CES BYA BA DE NI THA SNYAD PA YIN GYI, DON DAM PA PA MA YIN PAS KHO BO CAG GI GTAN TSIGS KYI DON 'GAL BA NYID LA SOGS PA'I SKYON MED DO, ,DON DAM PAR NI, NGO BO NYID NI BYAS PA ZHES, ,CI LTA BUR NA RUNG BAR 'GYUR, ,BYAS PA NYID NI NGO BO NYID MED PA NYID MED NA MI 'BYUNG BA'I PHYIR RO ZHES BYA BAR DGONGS SO ZHES BYA BA NI GAL TE PHA ROL PO DAG NA RE NGO BO NYID NI BYAS PA KHO NA YIN TE, CI'I PHYIR ZHE NA, 'DI LTAR SNAM BU'I DNGOS PO SNGON MA BYUNG BA PHYIS BYED PA DANG 'DRA BA'I PHYIR RO ZHES ZER NA DON DAM PAR NGO BO NYID YOD PA YIN NA, DE RGYU DANG RKYEN GYIS BYAS PA ZHES BYA BAR CI LTAR RUNG BAR 'GYUR TE, BYAS PA NYID NI NGO BO NYID MED PA NYID MED NA MI 'BYUNG BA'I PHYIR RO ZHES BYA BAR MDO MDZAD PAS DGONGS PAS GANG GI TSE DON DE DAG DGAG PA MI MTHUN PA YIN TE, GAL TE NGO BO NYID YIN NA NI BYAS PA MA YIN LA, CI STE BYAS PA YIN NA NI NGO BO NYID MA YIN PA DE'I TSE NGO BO NYID KYANG YIN LA BYAS PA YANG YIN NO ZHES SEMS PA DANG BCAS PA SU ZHIG DE LTAR 'DZIN PAR 'GYUR TE, DE'I PHYIR DNGOS PO RGYU DANG RKYEN LAS BYUNG BA THAMS CAD NI NGO BO NYID MED PA YIN NO, ,DE LTA BAS MI MTHUN PA'I PHYOGS MED PA'I PHYIR GTAN TSIGS KYI DON 'GAL BA NYID DANG MA NGES PA NYID MA YIN NO ZHES BYA BA NI DE LTAR, DNGOS PO RGYU DANG RKYEN LAS BYUNG BA THAMS CAD DON DAM PAR NGO BO NYID MED PA YIN PAS MI MTHUN PA'I PHYOGS MED PA'I PHYIR DBU MA PA'I GTAN TSIGS RGYU DANG RKYEN LAS BYUNG BA'I PHYIR, NGO BO NYID YOD PA MA YIN TE ZHES BYA BA DE'I DON 'GAL BA NYID DANG MA NGES PA NYID MA YIN NO, ,MTHUN PA'I PHYOGS THAMS CAD LA MA KHYAB PA YANG MA YIN TE, THA SNYAD DU YANG NAM MKHA' LA SOGS PA MA SKYES PA DAG NI RI BONG GI RVA @316B BZHIN DU YOD PA NYID DU KHAS MA BLANGS PA'I PHYIR RO ZHES BYA BAS NI PHA ROL PO DAG NA RE MTHUN PA'I PHYOGS THAMS CAD LA MA KHYAB PAS GTAN TSIGS KYI DON MA GRUB PA NYID KYANG YIN TE, NAM MKHA' LA SOGS PA 'DUS MA BYAS DAG RGYU DANG RKYEN LAS MA BYUNG BA'I PHYIR RO ZHES ZER BA'I LAN STON TO, ,DBU MA PA'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE MTHUN PA'I PHYOGS THAMS CAD LA MA KHYAB PA YANG MA YIN TE, CI LTAR ZHE NA, NANG GI SKYE MCHED RGYU DANG RKYEN LAS BYUNG BA'I PHYIR NGO BO NYID YOD PA MA YIN PA DAG GI MTHUN PA'I PHYOGS PHYI ROL GYI SKYE MCHED LA SOGS PA DNGOS PO THA SNYAD DU SGYU MA'I RDZAS BZHIN DU YOD PA THAMS CAD NI RGYU DANG RKYEN LAS BYUNG BA'I PHYIR NGO BO NYID YOD PA MA YIN PAS DE DAG LA NI RGYU DANG RKYEN LAS BYUNG BA'I PHYIR ZHES BYA BA'I GTAN TSIGS KYIS KHYAB PA'I PHYIR DON MA GRUB PA MA YIN NO, ,NAM MKHA' LA SOGS PA 'DUS MA BYAS MA SKYES PA DAG NI THA SNYAD DU YANG RI BONG GI RVA BZHIN DU YOD PAR KHAS MA BLANGS PA'I PHYIR DE DAG LA NI RGYU DANG RKYEN LAS BYUNG BA'I PHYIR ZHES BYA BA'I GTAN TSIGS DE YANG SBYAR MI DGOS PAS, DE DAG LA GTAN TSIGS DES MA KHYAB TU ZIN KYANG NGO BO NYID MED PA NYID DU 'GRUB PAS DON MA GRUB PA NYID MA YIN NO, ,MTHUN PA'I PHYOGS THAMS CAD LA MA KHYAB TU ZIN KYANG BSGRUB PAR BYA BA LA 'KHRUL PA MED PAS BRTZAL MA THAG TU 'BYUNG BA BZHIN DU DE YANG GTAN TSIGS YIN PA'I PHYIR DANG DUS GCIG TU PHYOGS SU MA BYAS PA'I PHYIR DANG 'DUS MA BYAS KYI DNGOS PO PHYOGS SU MA BYAS PA'I PHYIR SKYON MED DO ZHES BYA BA NI DBU MA PA'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE, NAM MKHA' LA SOGS PA 'DUS MA BYAS PA DAG RGYU DANG RKYEN LAS MA BYUNG BA'I PHYIR MTHUN PA'I PHYOGS THAMS CAD LA MA KHYAB TU ZIN KYANG GTAN TSIGS KYI DON MA GRUB PA NYID MA YIN PAR STON TE, CI LTAR ZHE NA, DON DAM PAR NANG GI SKYE MCHED RNAMS NGO BO NYID YOD PA MA YIN PAR BSGRUB PA'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE, NAM MKHA' LA SOGS PA 'DUS MA BYAS DAG LA MA KHYAB TU ZIN KYANG NANG GI SKYE MCHED RNAMS NGO BO NYID YOD PA MA YIN PAS BSGRUB PAR BYA BA LA 'KHRUL PA MED PAS DE YANG GTAN TSIGS YIN TE DPER NA SGRA MI RTAG PAR BSGRUB PA'I GTAN @317A *, ,TSIGS BRTZAL MA THAG TU 'BYUNG BA'I PHYIR ZHES BYA BA DE GLOG DANG NAGS KYI ME TOG LA SOGS PA DAG LA MA KHYAB TU ZIN KYANG SGRA MI RTAG PAR BSGRUB PAR BYA BA LA 'KHRUL PA MED PAS DE YANG GTAN TSIGS YIN PA'I PHYIR SKYON MED PA BZHIN NO, ,GZHAN YANG KHO BOS NANG GI SKYE MCHED RNAMS DANG PHYI'I SKYE MCHED RNAMS DUS GCIG TU PHYOGS SU MA BYAS PA'I PHYIR KHO BOS DON DAM PAR NANG GI SKYE MCHED RNAMS NGO BO NYID YOD PA MA YIN PAR BSGRUB PA'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE'I PHYI ROL GYI SKYE MCHED LA SOGS PA MTHUN PA'I PHYOGS THAMS CAD LA MA KHYAB TU ZIN KYANG GTAN TSIGS SU RUNG BAS DON MA GRUB PA NYID MA YIN PA'I PHYIR SKYON MED DO, ,GZHAN YANG KHO BOS NAM MKHA' LA SOGS PA 'DUS MA BYAS KYI DNGOS PO PHYOGS SU MA BYAS PA'I PHYIR KHO BOS DON DAM PAR NANG GI SKYE MCHED RNAMS NGO BO NYID YOD PA MA YIN PAR BSGRUB PA'I GTAN TSIGS RGYU DANG RKYEN LAS BYUNG BA'I PHYIR ZHES BYA BA DE, NAM MKHA' LA SOGS PA 'DUS MA BYAS KYI DNGOS PO THAMS CAD LA MA KHYAB TU ZIN KYANG GTAN TSIGS SU RUNG BAS DON MA GRUB PA NYID MA YIN PA'I PHYIR SKYON MED DO, ,DA NI MI MTHUN PA'I PHYOGS BRTAGS NA YANG DE LAS BZLOG PAS PHYOGS KYI CHOS KYI DBANG GIS RJES SU DPAG PA SMRA BAR 'DOD NAS BSHAD PA ZHES BYA BAS NI 'DIR NGO BO NYID MED PA'I MI MTHUN PA'I PHYOGS NGO BO NYID GCIG YOD PAR BRTAGS NA YANG MI MTHUN PA'I PHYOGS DE LAS BZLOG PAS NGO BO NYID MED PAR SGRUB PA'I PHYOGS KYI CHOS BYAS PA NYID DANG, LTOS PA DANG BCAS PA NYID CES BYA BA'I DBANG GIS DNGOS PO RNAMS NGO BO NYID MED PA NYID DU RJES SU DPAG PA SMRA BAR 'DOD NAS TSIG LE'UR BYAS PA'I PHYED 'DI BSHAD DO ZHES BYA BAR SBYAR TE, NGO BO NYID MED PA'I MI MTHUN PA'I PHYOGS NGO BO NYID CES BYA BA DE RIGS PA DE GANG DANG LDAN ZHE NA, BCOS MA MA YIN PA DANG GZHAN LA LTOS PA MED PA NI NGO BO NYID KYI RIGS PA YIN NO ZHES BSTAN TO, ,DE NYID KYI MTSAN NYID BSTAN PA'I PHYIR, NGO BO NYID NI BCOS MIN DANG, ,GZHAN LA LTOS PA MED PA YIN, ,BCOS MA MA YIN PA NI RGYU DANG RKYEN RNAMS KYIS MA BYAS PA'I PHYIR RO, ,GZHAN LA LTOS PA MED PA NI BRJOD PA KHYAD PAR CAN STEN PA GZHAN LA @317B LTOS PA MED PA'I PHYIR RO ZHES BYA BA SMRAS TE, DES NI MI MTHUN PA'I PHYOGS KYI KHYAD PAR BSTAN TO, ,DA NI MI MTHUN PA'I PHYOGS DE LAS BZLOG PAS PHYOGS KYI CHOS BSTAN PA'I PHYIR NANG GI DNGOS PO RNAMS NI DE LTAR BCOS MA MA YIN PA DANG, GZHAN LA LTOS PA MED PA MA YIN TE, 'ON CI ZHE NA, BYAS PA NYID DANG LTOS PA DANG BCAS PA NYID YIN NO ZHES BYA BA SMRAS TE, DES NI MI MTHUN PA'I PHYOGS LAS BZLOG PAS PHYOGS KYI CHOS NYID BSTAN TO, ,'DIS NI DNGOS PO'I CHOS BYAS PA NYID DANG LTOS PA DANG BCAS PA YIN PAR BSTAN TO ZHES BYA BA NI, PHYOGS KYI CHOS BSTAN PA'I SKABS 'DIS NI DNGOS PO RNAMS NGO BO NYID MED PA NYID DU BSGRUB PA'I CHOS GTAN TSIGS NI MA BYAS PA NYID DANG LTOS PA DANG BCAS PA NYID YIN PAR BSTAN TO, ,DE'I PHYIR RJES SU DPAG PA NI DON DAM PAR NANG GI DNGOS PO RNAMS NGO BO NYID MED PA NYID DE, BYAS PA'I PHYIR DANG BRJOD PA KHYAD PAR CAN STEN PA NYID LA LTOS PA DANG BCAS PA'I PHYIR DPER NA SGYU MA MKHAN GYIS SPRUL PA'I MI LA SOGS PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SGYU MA MKHAN GYIS SPRUL PA'I MI LA SOGS PA NI BYAS PA'I PHYIR DANG BRJOD PA KHYAD PAR CAN STEN PA NYID LA LTOS PA DANG BCAS PA'I PHYIR NGO BO NYID MED PA DE BZHIN DU NANG GI DNGOS PO RNAMS KYANG BYAS PA'I PHYIR DANG BRJOD PA KHYAD PAR CAN STEN PA NYID LA LTOS PA DANG BCAS PA'I PHYIR NGO BO NYID MED PA NYID YIN NO, ,GANG NGO BO NYID YOD PA DE NI DE LAS BZLOG PAR 'GYUR RO ZHES BYA BAS NI MI MTHUN PA'I PHYOGS BSTAN TE, GTAN TSIGS 'DI NI MI MTHUN PA'I PHYOGS LAS BZLOG PA NYID DU NGES PAR 'GRUB PO ZHES BYA BAR SBYAR RO, ,RGYAS PAR NI SNGA MA BZHIN NO ZHES BYA BA NI 'DIR GAL TE PHA ROL PO DAG NA RE CI TZAM DU GANG DAG BYAS PA NYID DANG BRJOD PA KHYAD PAR CAN STEN PA NYID LA LTOS PA DANG BCAS PA DAG THAMS CAD DNGOS PO'I NGO BO NYID YIN PAS GTAN TSIGS KYI DON 'GAL BA NYID YIN NO, ,MA NGES PA NYID KYANG YIN TE SGYU MA LA SOGS PA KHA CIG MTHUN PA'I PHYOGS DANG MI MTHUN PA'I PHYOGS LA YANG YOD PA'I PHYIR RO, ,MTHUN PA'I PHYOGS THAMS CAD LA MA KHYAB PAS GTAN TSIGS KYI DON MA GRUB PA NYID KYANG YIN TE, NAM MKHA' LA SOGS PA 'DUS MA BYAS DAG BYAS PA NYID DANG @318A *, ,BRJOD PA KHYAD PAR CAN STEN PA NYID LA LTOS PA DANG BCAS PA MA YIN PA'I PHYIR RO ZHES ZER NA DE YANG BZANG PO MA YIN TE, DNGOS PO NGO BO NYID SGYU MA DANG, RMI LAM DANG, SMIG RGYU LTA BU DAG BYAS PA NYID DANG LTOS PA DANG BCAS PA NYID YIN DU ZIN KYANG GZHAN LA MED PA'I PHYIR NGO BO NYID CES BRJOD DE, DPER NA ME'I TSA BA NYID BZHIN PAS DE'I PHYIR NGO BO NYID CES BYA BA DE NI THA SNYAD PA YIN GYI DON DAM PA PA MA YIN NO ZHES RGYAS PAR SNGA MA BZHIN DU LAN BTAB PA YIN NO, ,DE LTAR DNGOS PO RNAMS NGO BO NYID MED PA NYID DU BSGRUBS PAS SHES RAB KYI PHA ROL TU PHYIN PA LAS BDAG GI DNGOS PO MED PA ZHES GSUNGS PA'I DON BSTAN PA YIN NO, ,DA NI GZHAN GYI DNGOS PO STONG PA NYID DU BSGRUB PAR BYA STE, DE'I PHYOGS SNGA MA NYE BAR GZHAG PA'I PHYIR 'DIR SMRAS PA, DON DAM PAR NANG GI SKYE MCHED KYI DNGOS PO RNAMS NGO BO NYID YOD PA YIN TE, RANG LAS GZHAN PA'I BRJOD PA DANG BRJOD PAR BYA BA KHYAD PAR CAN NYID KYI RGYU YIN PA'I PHYIR DPER NA RING PO THUNG NGU'I BRJOD PA DANG BRJOD PAR BYA BA KHYAD PAR CAN GYI RGYU YIN PA BZHIN NO, ,DE BZHIN DU RANG LAS GZHAN PA LA YANG 'DI NI GZHAN NO ZHES BRJOD PA DANG BRJOD PA KHYAD PAR CAN NYID KYI RGYU YOD DO ZHES BYA BA SMRAS TE, 'DIS NI PHA ROL PO DAG GZHAN GYI DNGOS PO YOD PA NYID KYI GTAN TSIGS KYIS BDAG GI DNGOS PO'I NGO BO NYID YOD PA NYID DU BSGRUB PA'I RJES SU DPAG PA STON TE, ,DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG NYE BAR SBYAR BA'I SBYOR BA YIN PAR GO RIMS BZHIN DU SBYAR TE, DPER NA RING PO NI RANG LAS GZHAN PA THUNG NGU'I BRJOD PA DANG, BRJOD PAR BYA BA KHYAD PAR CAN NYID KYI RGYU YIN PA'I PHYIR RING PO YOD PA LA LTOS NAS THUNG NGU YANG YOD PA DE BZHIN DU NANG GI SKYE MCHED KYI DNGOS PO RNAMS KYANG RANG LAS GZHAN PA GZHAN GYI DNGOS PO'I BRJOD PA DANG BRJOD PAR BYA BA KHYAD PAR CAN NYID KYI RGYU YIN PA'I PHYIR GZHAN GYI DNGOS PO LA LTOS NAS BDAG GI DNGOS PO'I NGO BO NYID KYANG YOD PA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'DI LA NGO BO NYID MED PA NYID STON PA'I RJES SU DPAG PA DU MA BRJOD PAS DNGOS PO'I NGO BO NYID MED DO ZHES BSTAN ZIN PAS, NGO BO NYID NI YOD MIN NA, ,GZHAN GYI DNGOS PO GA LA @318B YOD PA DE SMROS SHIG CES BYA BA SMRAS TE, GZHAN GYI DNGOS PO LA BRTEN NAS KYANG BDAG GI DNGOS PO'I NGO BO NYID YOD PAR MI 'THAD DE, CI'I PHYIR ZHE NA, BDAG GI DNGOS PO'I NGO BO NYID MI 'THAD PA NYID DU SNGAR BSTAN PAS GZHAN GYI DNGOS PO YANG MI 'THAD PA'I PHYIR RO, ,DE NYID BSTAN PA'I PHYIR NGO BO NYID NI DE LAS GZHAN PA'I DNGOS PO LA LTOS NAS GZHAN GYI DNGOS PO ZHES BRJOD PA'I PHYIR RO ZHES BYA BAR DGONGS SO ZHES BYA BA SMRAS TE, GAL TE BDAG GI DNGOS PO'I NGO BO NYID RAB TU GRUB PAR GYUR NA NI DES NA DE'I GNYEN PO GZHAN GYI DNGOS PO YANG YOD PAR 'GYUR BA ZHIG NA, BDAG GI DNGOS PO'I NGO BO NYID MI 'THAD DE NGO BO NYID YOD PA MA YIN NA GZHAN GYI DNGOS PO GA LA YOD, DE LTAR GZHAN GYI DNGOS PO MED NA DE'I GNYEN PO BDAG GI DNGOS PO'I NGO BO NYID 'THAD PAR MI 'GYUR RO, ,GZHAN YANG NGO BO NYID KYANG GZHAN LA GZHAN GYI DNGOS PO YANG GZHAN PA NI MA YIN TE, CI'I PHYIR ZHE NA, DE'I PHYIR GZHAN GYI DNGOS PO'I NGO BO NYID GZHAN GYI DNGOS PO YIN ZHES BRJOD CES BYA BA SMRAS TE, GZHAN GYI DNGOS PO'I RANG GI BDAG NYID KYI NGO BO NYID NI DNGOS PO GZHAN LA LTOS NAS GZHAN GYI DNGOS POR BRJOD PA YIN NA NGO BO NYID MED PA'I PHYIR GZHAN GYI DNGOS PO YANG MA GRUB PAS, DE'I PHYIR RANG LAS GZHAN PA'I BRJOD PA DANG BRJOD PAR BYA BA KHYAD PAR CAN NYID KYI RGYU YIN PA'I PHYIR ZHES BYA BA'I GTAN TSIGS DE'I DON MA GRUB PA NYID DAM DON 'GAL BA NYID KYANG YIN LA, DPE YANG MED DE RING PO DANG THUNG NGU DAG MA GRUB PA'I PHYIR RO ZHES BYA BA SMRAS TE, 'DI LTAR GZHAN GYI DNGOS PO'I NGO BO NYID GANG YIN PA DE NI GZHAN GYI DNGOS PO ZHES BRJOD PA YIN PAS DE'I PHYIR GAL TE GZHAN GYI DNGOS PO DE'I NGO BO NYID MED PA DE KHO NA YIN NA GANG GIS DE YOD PAR 'GYUR, DE'I PHYIR NGO BO NYID KYANG GZHAN LA GZHAN GYI DNGOS PO YANG GZHAN ZHES BYA BAR MI 'THAD DO, ,DE LTAR NA GNYEN PO NYID MED DE GCIG PA NYID YIN PA'I PHYIR RO, ,GNYEN PO MED NA CI LTAR GNYEN PO LA BRTEN NAS NGO BO NYID 'GRUB PAR 'GYUR TE, DES NA GTAN TSIGS DANG DPE MA GRUB PO, ,GZHAN DAG GIS SMRAS PA, MIG LA SOGS PA'I DNGOS PO DAG DON DAM PAR NGO BO NYID YOD PA YIN TE, DNGOS PO MA YIN PA'I PHYIR DPER NA ME'I TSA BA NYID BZHIN NO ZHES BYA @319A *, ,BA NI DE LTAR BDAG GE DNGOS PO DANG, GZHAN GYI DNGOS PO MA GRUB PA DANG, 'DIR PHA ROL PO DAG NA RE NGO BO NYID MED PAS GZHAN GYI DNGOS PO YANG MED LA, GZHAN GYI DNGOS PO MED PAS NGO BO NYID MED PA YANG BDEN MOD KYI, 'ON KYANG RE ZHIG YOD PA NYID GANG YIN PA'I DNGOS PO DE NYID YOD PAS DES NA DNGOS PO YOD DO ZHES BRJOD PAR NUS SO ZHES DNGOS PO YOD PAR BSGRUB PA'I TSIG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME'I TSA BA NYID NI DNGOS PO YIN PA'I PHYIR DON DAM PA PA'I NGO BO NYID YIN PA DE BZHIN DU, MIG LA SOGS PA'I DNGOS PO DAG KYANG DNGOS PO YIN PA'I PHYIR DON DAM PA BA'I NGO BO NYID YOD PA NYID DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, ME DANG BUD SHING BRTAG PA'I SKABS SU DON DAM PAR ME'U TSA BA NYID BSAL BA'I PHYIR DANG, DON DAM PAR YOD PA NYID BKAG PA'I PHYIR DANG, SKYE BA BKAG PA'I PHYIR ME MA GRUB PAS DPE'I CHOS CAN MA GRUB PA'I SKYON DANG, DPE BSGRUB PAR BYA BA CHOS DANG MI LDAN PA'I SKYON YOD DO ZHES BYA BA SMRAS TE, DON DAM PAR ME MA GRUB PAS DPE'I CHOS CAN MA GRUB PA'I SKYON DANG, KUN RDZOB TU YANG MIG LA SOGS PA YUL GZUGS LA SOGS PA 'DZIN NUS PAR BSGRUB PAR BYA BA CHOS DE ME'I DPE LA MED PAS DPE BSGRUB PAR BYA BA CHOS DANG MI LDAN PA'I SKYON YOD PAS DNGOS PO YOD PAR MA GRUB PO, YANG GZHAN YANG, NGO BO NYID DANG GZHAN DNGOS DAG ,MA GTOGS DNGOS PO GA LA YOD, ,DNGOS PO YOD PA MA YIN PA NYID DO ZHES BYA BA'I TSIG GI DON TO ZHES BYA BAS NI SNGA MA BRNAN PA STON TE, GAL TE DNGOS PO 'GA' ZHIG YOD PAR GYUR NA NGO BO NYID DAM GZHAN GYI DNGOS PO ZHIG YIN GRANG STE, DE'I PHYIR NGO BO NYID DANG GZHAN GYI DNGOS PO DAG YOD NA DNGOS PO 'GRUB PAR 'GYUR NA GANG GI TSE NGO BO NYID KYANG MED LA, GZHAN GYI DNGOS PO YANG MED PA DE'I TSE NGO BO NYID DANG GZHAN GYI DNGOS PO DAG MA GTOGS PA'I DNGOS PO BRJOD PAR BYA BA MA YIN PA RANG DANG GZHAN DU MA GYUR PA 'BA' ZHIG BA DE YOD PAR GA LA 'GYUR BAS PHA ROL PO'I GTAN TSIGS KYI DON MA GRUB PA NYID DO, ,DE NYID BYE BRAG TU BSHAD PA BSTAN PA'I PHYIR CI'I PHYIR ZHE NA, RGYU DANG RKYEN @319B RNAMS LA BRTEN TE BYUNG BA'I DNGOS PO'I BDAG NYID NI NGO BO NYID CES BYA, NGO BO NYID LAS GZHAN PA'I DNGOS PO RGYU LA SOGS PA DAG NI GZHAN GYI DNGOS PO ZHES BYA STE, DE LA, NGO BO NYID DANG GZHAN DNGOS DAG ,YOD NA DNGOS PO 'GRUB PAR 'GYUR, ,DE DAG KYANG CI LTAR MED PA DE LTAR SNGAR SPYI DANG KHYAD PAR BSAL BAS DE BSAL ZIN PAS DE'I PHYIR DNGOS PO YIN PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES BYA BA SMRAS SO, ,DA NI DNGOS PO MED PA STONG PA NYID DU BSTAN PAR BYA STE, DE'I PHYOGS SNGA MA BSTAN PA'I PHYIR 'DIR SMRAS PA, GANG DAG DNGOS NYID GZHAN DNGOS DANG, ,DNGOS DANG DNGOS MED NYID LTA BA, ,DE DAG SANGS RGYAS BSTAN PA LA, ,DE NYID MTHONG BA MA YIN NO, ,ZHES KHYOD KYIS 'OG NAS SMRAS PA DE LA DE LTAR KHYOD, NGO BO NYID DANG GZHAN DNGOS DAG ,MA GTOGS DNGOS PO GA LA YOD, ,CES SMRAS PA 'DIS GNOD PAR 'GYUR RO ZHES BYA BA SMRAS TE, KHYED DBU MA PAS 'OG NAS NGO BO NYID DANG, GZHAN GYI DNGOS PO DANG, DNGOS PO DANG, DNGOS PO MED PA NYID DU LTA BA 'GOG PA'I TSIG LE'UR BYAS PA DE SKAD SMRAS PA 'BYUNG BA DE LA, DA LTAR KHYOD NGO BO NYID DANG GZHAN GYI DNGOS PO DAG MA GTOGS PA'I DNGOS PO GA LA YOD CES DNGOS PO MED PA NYID YOD PAR SMRA BA 'DIS GNOD PAR 'GYUR BAS DE'I PHYIR DNGOS PO MED PA YOD DO ZHES ZER RO, ,YANG NA DNGOS PO NI YOD PA NYID DE MI MTHUN PA'I PHYOGS YOD PA'I PHYIR DPER NA BYA ROG YOD PAS 'UG PA YOD PA BZHIN NO ZHES BYA BA NI PHA ROL PO DAG DNGOS PO MED PA NYID YOD PAR BSGRUB PA'I TSAD MA GZHAN YIN TE, DE DAG NI CHOS CAN DANG BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BYA ROG NI 'UG PA'I MI MTHUN PA'I PHYOGS YIN PA'I PHYIR BYA ROG YOD PAS 'UG PA YOD PA DE BZHIN DU DNGOS PO MED PA'I MI MTHUN PA'I PHYOGS KYANG DNGOS PO YIN PAS DNGOS PO YOD PA'I PHYIR DNGOS PO MED PA YANG MED DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DON DAM PAR SKYE BA BKAG PAS, GAL TE DNGOS PO MA GRUB NA, ,DNGOS MED 'GRUB PAR MI 'GYUR RO, ,DNGOS PO BKAG PAS DNGOS PO MED PA ZHES BRJOD PA'I PHYIR RO ZHES BYA @320A *, ,BA SMRAS TE, DNGOS PO YOD PAR GYUR NA NI DE BKAG PAS DNGOS PO MED PA ZHES BRJOD PA'I PHYIR DNGOS PO MED PA YANG 'GRUB PAR 'GYUR BA ZHIG NA, DNGOS PO NYID 'GA' YANG RAB TU MA GRUB NA, DNGOS PO MED PAR 'GRUB PAR MI 'GYUR RO ZHES BSTAN TO, ,DNGOS PO MED PA YANG MI BRJOD PAS KHAS BLANGS PA LA GNOD PA YANG MED LA GTAN TSIGS KYI DON MA GRUB PA YANG MA YIN NO ZHES BYA BA NI DBU MA PA DNGOS PO MED PAR YANG MI BRJOD PAS 'OG NAS, GANG DAG DNGOS NYID GZHAN DNGOS DANG, ,DNGOS DANG DNGOS MED NYID LTA BA, ,DE DAG SANGS RGYAS BSTAN PA LA, ,DE NYID MTHONG BA MA YIN NO, ,ZHES KHAS BLANGS PA LA GNOD PA YANG MED LA 'DIR, NGO BO NYID DANG GZHAN DNGOS DAG ,MA GTOGS DNGOS PO GA LA YOD, ,CES SMRAS PAS DNGOS PO MA GRUB PAS DNGOS PO MED PA YANG 'GRUB PAR MI 'GYUR RO ZHES BSGRUB PA'I GTAN TSIGS KYI DON MA GRUB PA YANG MA YIN NO, ,YANG NA, DNGOS PO GZHAN DU 'GYUR BA NI, ,DNGOS MED YIN PAR SKYE BO SMRA, ,ZHES BYA BAS NI, GAL TE DNGOS PO MA GRUB NA, ,DNGOS MED 'GRUB PAR MI 'GYUR RO, ,ZHES BYA BA'I GTAN TSIGS KYI SMON PA BSTAN TO, 'DI LTAR DNGOS PO GZHAN DU 'GYUR BA GANG YIN PA DE NI DNGOS PO MED PA YIN NO ZHES SKYE BO DAG SMRA NA DNGOS PO DE YANG MED DE, DE MED NA DNGOS PO MED PA DE GANG GI YIN PAR 'GYUR, DE LTAR DNGOS PO MED PA MED NA KHYOD KYI DE'I MI MTHUN PA'I PHYOGS, DNGOS PO 'THAD PAR GA LA 'GYUR, ,DNGOS PO MED NA YANG DE'I MI MTHUN PA'I PHYOGS DNGOS PO MED PA 'THAD PAR MI 'GYUR RO, ,DE NYID BSTAN PA'I PHYIR DNGOS PO MED PA'I PHYIR DE YANG MED PAS GTAN TSIGS THUN MONG MA YIN PA NYID DAM DON 'GAL BA NYID DO, ,DPE YANG MED DE DON DAM PAR BYA ROG DANG 'UG PA DAG YOD PA NYID DU MA GRAGS PA'I PHYIR RO ZHES BYA BA SMRAS TE, DNGOS PO MED PA'I PHYIR DNGOS PO MED PA DE YANG MED PAS PHA ROL PO'I GTAN TSIGS MI MTHUN PA'I PHYOGS YOD PA'I PHYIR ZHES BYA BA DE DON DAM PAR SGRUB NA NI THUN MONG MA YIN PA NYID YIN PAS MA GRUB STE, DNGOS PO LA YANG MI MTHUN PA'I PHYOGS MED LA DNGOS PO MED PA YANG MI MTHUN PA'I PHYOGS MED PA'I PHYIR RO, ,KUN RDZOB TU SGRUB NA NI DON 'GAL BA NYID DE @320B KUN RDZOB TU MI MTHUN PA'I PHYOGS YOD PA'I GTAN TSIGS KYIS DON DAM PAR DE YOD PAR MI 'GRUB PA'I PHYIR RO, ,PHA ROL PO DAG GI DPE BYA ROG YOD PAS 'UG PA YOD PA BZHIN NO ZHES BYA BA DE YANG MA GRUB STE, DON DAM PAR DE DAG YOD PA NYID DU MA GRAGS PA'I PHYIR RO, ,DE LTAR RE ZHIG DE DAG GIS NI SHES RAB KYI PHA ROL TU PHYIN PA LAS GSUNGS PA'I RTEN CING 'BREL PAR 'BYUNG BA BDAG GI DNGOS PO DANG GZHAN GYI DNGOS PO DANG, DNGOS PO DANG, DNGOS PO MED PA STONG PA NYID KYI KHYAD PAR DANG LDAN PA GRUB PAR BSTAN TO, ,'DIR GAL TE PHA ROL PO DAG NA RE 'DI LA DE KHO NA MTHONG BAS THAR PAR 'GYUR RO ZHES BYA ZHING DE KHO NA ZHES BYA BA YANG DE'I DNGOS PO NI DE KHO NA STE, DNGOS PO'I NGO BO NYID CES BYA BA'I THA TSIG GO, ,DE LA GAL TE DNGOS PO'I NGO BO NYID MED PA YIN NA DE LTAR NA KHYOD LA, DE KHO NA MTHONG BA MI 'THAD PAR 'GYUR LA, DE KHO NA MTHONG BA MED NA THAR PA 'THAD PAR CI LTAR 'GYUR, DE LTA BAS NA DNGOS PO RNAMS NGO BO NYID MED PA ZHES BYA BAR LTA BA DE NI BZANG PO MA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL BA BYED PA NYID KYIS, KHO BO CAG NI RTEN CING 'BREL PAR 'BYUNG BA'I NYI MA SHAR BAS SNANG BAR GYUR BA'I DNGOS PO RNAMS KYI NGO BO NYID MED PA NYID YANG DAG PA CI LTA BA BZHIN DU MTHONG BAS DE'I PHYIR KHO BO CAG NYID LA DE KHO NA MTHONG BA YOD PAS, KHO BO CAG KHO NA LA THAR PA YANG 'THAD KYIS GANG ZAG DE LTAR NGO BO NYID DANG GZHAN GYI DNGOS PO DANG, DNGOS PO DANG, DNGOS PO MED PA NYID DU LTA BA DE DAG NI, 'DI LTAR SANGS RGYAS KYI BSTAN PA MCHOG TU ZA BA PA LA DE KHO NA MTHONG BA MA YIN PAS DE DAG LA THAR PA YANG MI 'THAD PAR BSTAN PA'I PHYIR, GANG GI PHYIR DE LTAR DE NYE BAR BTAGS NA NGO BO NYID DANG, GZHAN GYI DNGOS PO DANG, DNGOS PO DANG, DNGOS PO MED PA MA GRUB PA DE'I PHYIR BDE BAR GSHEGS PA'I SRAS GANG DAG CHAGS PA MED PA'I BLO YOD PA SHES BYA'I RGYA MTSO CHEN PO MTHA' DAG LA BLO GROS ? KYI 'OD ZER THOGS BA MED PA DANG LDAN PA, SA THAMS CAD LA PHAN GDAGS PA'I PHYIR DE BZHIN GSHEGS PA'I TSUL SBYAD DKA' BA SPYOD PAR BYED PA, RNAM PAR MI RTOG PA'I YE SHES KYI SHING RTA LA SPYOD PA DE DAG NI NGO BO NYID DANG, GZHAN GYI DNGOS PO DANG, DNGOS PO DANG, @321A *, ,DNGOS PO MED PAR MI LTA'O, ,DE LAS GZHAN PA'I SEMS CAN BSOD NAMS CHUNG NGU TSE RABS GZHAN DAG TU YANG CHOS ZAB CING RGYA CHE BA LA BZOD PA MA SKYES PA NGO BO NYID DANG, GZHAN GYI DNGOS PO DANG, DNGOS PO DANG, DNGOS PO MED PAR SMRA BA LA MNGON PAR ZHEN PA'I BAG CHAGS KYIS BLO NYAMS PAR GYUR PA, GANG DAG DNGOS NYID GZHAN DNGOS DANG, ,DNGOS DANG DNGOS MED NYID LTA BA, ,DE DAG SANGS RGYAS BSTAN PA LA, ,DE NYID MTHONG BA MA YIN NO, ,NGO BO NYID LA SOGS PAR LTA BA NI RIGS PA DANG LUNG DANG 'GAL BA'I PHYIR RO ZHES BYA BAR DGONGS SO ZHES BYA BA SMRAS SO, ,GAL TE CI'I PHYIR ZHE NA, 'DI LTAR, DE LA CI LTAR RIGS PA DANG 'GAL BA NYID YIN PA DE LTAR NI BSTAN ZIN TO, ,CI LTAR LUNG DANG 'GAL BA NYID YIN PA DE LTAR 'DIR BSHAD DO, ,BCOM LDAN DNGOS DANG DNGOS MED PA, ,STON PAS K'A TY'A YA NA YI, ,GDAMS DAG LAS NI YOD PA DANG, ,MED PA GNYI GA'ANG DGAG PA MDZAD, ,GAD GI PHYIR BCOM LDAN 'DAS DON DAM PA DE KHO NA LA MKHAS PA DNGOS PO DANG DNGOS PO MED PA RAB TU STON PAS, K'A TY'A YA NA'I GDAMS NGAG CES BYA BA'I MDO LAS, K'A TY'A YA NA 'JIG RTEN 'DI NI GNYIS LA GNAS TE PHAL CHER YOD PA NYID DANG MED PA NYID LA'O ZHES BYA BA LA SOGS PA DANG, DE BZHIN DU MDO GZHAN DAG LAS KYANG KUN DGA' BO YOD CES BYA BA NI RTAG PAR 'GYUR LA, MED CES BYA BA NI CHAD PAR 'GYUR RO ZHES KYANG GSUNGS PAS YOD PA ZHES BYA BA DANG, MED PA ZHES BYA BA GNYI GA YANG DGAG PA MDZAD PA DE'I PHYIR, GANG DAG DNGOS PO RNAMS LA YOD PA NYID DANG MED PA NYID DU RJES SU LTA BA DE DAG GIS DE KHO NA MI MTHONG BAS DE DAG NYID LA THAR PA YANG MI 'THAD DO, ,KHO BO CAG YOD PA NYID DANG MED PA NYID LA MNGON PAR ZHEN PA MED PAR THA SNYAD BYED PA DAG LA NI THAR PA MI 'THAD PA MED DO, ,YANG NA KHA CIG LA BLO 'DI LTA BU 'BYUNG STE, GAL TE DON DAM PAR DNGOS PO RNAMS MED PA YIN NA 'O NA GANG DAG GI DE KHO NA MTHONG BA LA DE KHO NA MTHONG BA ZHES BYA SNYAM NA ZHES BYA BA LA SOGS PAS NI TSIG LE'UR BYAS PA GONG MA GNYIS KYI DON RNAM PA GZHAN DU RNAM PAR BSHAD PA STON TE, BSTAN BCOS 'DI LAS DON DAM PAR DNGOS PO THAMS CAD SKYE BA MED PAR BSTAN @321B PAS DE'I PHYIR GANG ZAG LAS DANG PO PA KHA CIG LA BLO 'DI LTA BU 'BYUNG STE, GAL TE DON DAM PAR DNGOS PO RNAMS MED PA YIN NA, 'O NA GANG DAG GI DE KHO NA MTHONG BA LA DE KHO NA MTHONG BA ZHES BYA, 'DI LTAR RI BONG GI RVA LA SOGS PA LTA BU MED PA DAG GI DE KHO NA MTHONG BAR NI MI RUNG NGO SNYAM DU SEMS PA DE DAG GI THE TSOM BCAD PA'I PHYIR, THUB PA CHEN PO'I SRAS RTEN CING 'BREL PAR 'BYUNG BA SHES PA'I NYI MA'I 'OD ZER GYIS MI SHES PA'I MUN PA BSAL BA GANG DAG DNGOS PO RGYU DANG RKYEN LAS BYUNG BA THA SNYAD KYI YAN LAG TU GYUR PA DAG LA SHES RAB KYIS YONGS SU RTOG PA NI NGO BO NYID KYANG MED, GZHAN GYI DNGOS PO YANG MED, DNGOS PO YANG MED DNGOS PO MED PA YANG MED DO ZHES DGAG PA'I TSUL GYIS MTHONG BA DE DAG NI DE KHO NA MTHONG BA YIN TE, DE KHO NA MTHONG BA'I RGYU YIN PA'I PHYIR RO ZHES BYA BA SMRAS TE, GANG GI PHYIR NGO BO NYID LA SOGS PA DAG DGAG PA'I TSUL NI DE KHO NA MTHONG BA SKYE BA DE'I PHYIR NGO BO NYID LA SOGS PA DAG DGAG PA'I TSUL NI DE KHO NA MTHONG BA'I RGYU YIN NO ZHES NYE BAR GDAGS PA'I PHYIR RO, ,DE LAS BZLOG PA'I SEMS CAN DNGOS PO RNAMS NGO BO NYID MED PA NYID LA SOGS PAR LTA BAS 'JIGS SHING SKRAG PAR GYUR PA DAG DE KHO NA MTHONG BA MA YIN PAR BSTAN PA'I PHYIR, GZHAN STONG PA NYID DU LTA BAS 'JIGS SHING SKRAG PAR GYUR PA, NAM MKHA' 'JIGS SHING SKRAG PA THOGS PA DANG BCAS PA'I RDZAS KYI GNAS SU GYUR PA'I NAM MKHA' SEL BAR 'DOD PA LTA BU NGO BO NYID LA SOGS PAR LTA BA LA GNAS PA, GANG DAG DNGOS NYID GZHAN DNGOS DANG, ,DNGOS DANG DNGOS MED NYID LTA BA, DE DAG SANGS RGYAS BSTAN PA LA, ,DE NYID MTHONG BA MA YIN NO, ,DE DAG MTHONG BA NI LOG PA'I SHES PAS MTHONG BA YIN PA'I PHYIR ZHES BYA BAR DGONGS SO ZHES BYA BA SMRAS TE, NGO BO NYID LA SOGS PA DE DAG MTHONG BA NI LOG PA'I SHES PAS MTHONG BA YIN PA'I PHYIR DE KHO NA MTHONG BA MA YIN NO ZHES BYA BAR DGONGS SO, ,DE'I PHYIR NGO BO NYID LA SOGS PAR LTA BA NI LUNG DANG 'GAL BA NYID YIN PAS, NGO BO NYID LA SOGS PAR MI LTA BA NI DE KHO NA MTHONG BA YIN NO ZHES BYA BA DE LTAR KHONG DU CHUD PAR BYA BA NYID DU RIGS PAR BSTAN PA'I PHYIR RO, ,DE NYID KYI PHYIR, BCOM LDAN DNGOS DANG DNGOS MED PA, , @322A *, ,STON PAS K'A TY'A YA NA YI, ,GDAMS NGAG LAS NI YOD PA DANG, ,MED PA GNYI GA'ANG DGAG PA MDZAD, ,NGO BO NYID LA SOGS PAR MI LTA BA NI DE KHO NA MTHONG BA YIN NO ZHES BYA BA DE LTAR KHONG DU CHUD PAR BYA BA NYID DU RIGS SO ZHES BYA BA SMRAS TE, GAL TE DNGOS PO DANG, DNGOS PO MED PAR MTHONG BA DE KHO NA MTHONG BA YIN NA NI DE KHO NA MA MTHONG BA 'GA' YANG MED PAR 'GYUR BAS DE NI DE KHO NA MTHONG BA MA YIN NO, ,DE LTA BAS NA DNGOS PO RNAMS KYI NGO BO NYID MED PA NYID NI DE KHO NA YIN LA, DE MTHONG BA KHO NAS THAR PAR 'GYUR BAS NGO BO NYID LA SOGS PAR MI LTA BA NI DE KHO NA MTHONG BA YIN NO ZHES BYA BA DE LTAR KHONG DU CHUD PAR BYA BA NYID DU RIGS TE, SLOB DPON 'PHAGS PA LHAS KYANG, SRID PA'I SA BON RNAM SHES TO, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,ZHES GSUNGS SO, ,CI'I PHYIR ZHE NA ZHES BYA BA LA SOGS PAS NI NGO BO NYID LA SOGS PAR MI LTA BA NI DE KHO NA MTHONG BA YIN NO ZHES BYA BA DE LTAR KHONG DU CHUD PAR BYA BA NYID DU RIGS SO ZHES BSTAN PA'I 'THAD PA STON TE, DE NI DE LTAR NGES PA KHO NAR SHES PAR BYA'O, ,GZHAN DU NA, GAL TE RANG BZHIN YOD NYID NA, DE NI MED NYID MI 'GYUR RO, ,GAL TE DNGOS PO RNAMS RANG BZHIN GYIS YOD PA NYID YIN PAR GYUR NA, YOD PA NYID RANG BZHIN GYIS YOD PA DE NI PHYIS MED PA NYID DU MI 'GYUR BA ZHIG NA DNGOS PO RNAMS LA NI SNGA NA MED PA DANG ZHIG NAS MED PA NYID DAG KYANG YOD DO, ,DE BAS NA DNGOS PO RNAMS RANG BZHIN GYIS YOD PA NYID MA YIN PAS NGO BO NYID LA SOGS PAR MI LTA BA NI DE KHO NA MTHONG BA YIN NO ZHES BYA BA DE LTAR KHONG DU CHUD PAR BYA BA NYID DU RIGS SO ZHES BYA BAR SBYAR RO, ,'DIS NI DNGOS PO'I CHOS GZHAN DU 'GYUR BA NYID BSTAN TO ZHES BYA BA NI, TSIG LE'UR BYAS PA'I PHYED GONG MA 'DIS NI DNGOS PO RNAMS NGO BO NYID LA SOGS PA MED PAR BSGRUB PA'I CHOS GTAN TSIGS NI GZHAN DU 'GYUR BA NYID YIN PAR BSTAN TO, ,CI'I PHYIR DNGOS PO'I BDAG NYID RANG BZHIN GYI YOD PA NYID YIN NA GZHAN DU 'GYUR BA NYID DU MI 'DOD CE NA, DE'I PHYIR DNGOS PO'I MTSAN NYID KYI, ,RANG BZHIN GZHAN DU 'GYUR BA NI, ,NAM YANG 'THAD PAR MI 'GYUR RO, ,ZHES BYA BA SMRAS TE, ME'I TSA BA'I @322B MTSAN NYID KYI RANG BZHIN GRANG BA NYID DU MI 'GYUR BA BZHIN NO ZHES BYA BAR DGONGS SO ZHES BYA BA NI, 'DI LTAR GZHAN DU 'GYUR BA'I GNYEN PO NI RANG BZHIN YIN PAS DE'I PHYIR RANG BZHIN NI MI 'GYUR BA RTAG PA YIN PA'I RIGS NA DNGOS PO RNAMS LA NI GZHAN DU 'GYUR BA SNANG BAS DE'I PHYIR DE DAG LA RANG BZHIN GYIS YOD PA NYID MI 'THAD DO, ,RANG BZHIN NI ME'I TSA BA'I MTSAN NYID KYI RANG BZHIN GRANG BA NYID DU MI 'GYUR BA BZHIN DU GZHAN DU 'GYUR BAR MI 'THAD DO ZHES BYA BAR DGONGS SO, ,DE'I PHYIR DE NI CHOS MI MTHUN PA'I DPE'I TSIG YIN TE, DPER NA RTAG PA LA BYAS PA NYID YOD PAS MI RIGS PA BZHIN NO ZHES BYA BA NI, TSIG LE'UR BYAS PA'I PHYED 'OG MA SHOS DE NI DNGOS PO RNAMS NGO BO NYID LA SOGS PA MED PAR SGRUB PA'I CHOS MI MTHUN PA'I TSIG YIN TE, DPER NA SGRA MI RTAG STE BYAS PA'I PHYIR RO ZHES BYA BA'I CHOS MI MTHUN PA'I DPE NAM MKHA' RTAG STE, MA BYAS PA'I PHYIR RO ZHES BYA BA BZHIN NO; ,'DIR RJES SU DPAG PA NI DON DAM PAR NANG GI DNGOS PO RNAMS LA CI LTAR RTOGS PA'I NGO BO NYID YOD PA MA YIN TE, GZHAN DU 'GYUR BA'I PHYIR DPER NA CHU'I REG PA ME DANG PHRAD PAS TSA BA'I DNGOS POR GYUR PA LA DON DAM PA PA'I TSA BA'I NGO BO NYID MED PA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA CHU'I REG PA ME DANG PHRAD PAS TSA BA'I DNGOS POR GYUR NA NI GZHAN DU 'GYUR BA'I PHYIR, DE LA DON DAM PA PA'I TSA BA'I NGO BO NYID MED PA DE BZHIN DU MIG LA SOGS PA NANG GI DNGOS PO YUL 'DZIN PA RNAMS DANG, LUS KYI KHONGS SU GTOGS PA'I NANG GI DNGOS PO SRA BA LA SOGS PA RNAMS KYANG GZHAN DU 'GYUR BA'I PHYIR DE DAG LA YANG YUL 'DZIN PA YIN NO ZHE'AM SRA BA LA SOGS PA YIN NO ZHES CI LTAR RTOG PA'I NGO BO NYID YOD PA MA YIN NO, ,CI STE YANG LA LA 'DI SNYAM DU SEMS TE LUNG LAS, SHING SDONG PO 'DI LA KHAMS SNA TSOGS YOD DO ZHES GSUNGS PAS CHU LA YANG TSA BA NYID YOD PA'I PHYIR DPE MED DO SNYAM NA ZHES BYA BA NI RANG GI SDE PA DAG NA RE LUNG LAS, SHING SDONG PO 'DI LA 'BYUNG BA @323A *, ,CHEN PO THAMS CAD KYI KHAMS SNA TSOGS YOD DO ZHES GSUNGS PAS DES NA CHU LA YANG ME'I KHAMS YOD PA'I PHYIR, DBU MA PA'I DPE CHU'I REG PA ME DANG PHRAD BAS TSA BA'I DNGOS POR GYUR PA LA DON DAM PA BA'I TSA BA'I DNGOS PO NYID MED PA BZHIN NO ZHES BYA BA DE MI RUNG NGO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA RDZU 'PHRUL DANG LDAN PA'AM, SEMS LA DBANG THOB PAS RTZVA DANG PHUB MA DANG LCI BA LA SOGS PA GANG DANG GANG DAG LA NOR BU DANG GSER DANG DNGUL LA SOGS PAR GYUR CIG CES BYIN GYIS RLOB PAR BYED PA DE DANG DE DE BZHIN DU 'GYUR BA SHING LA YANG ZHAL GYIS BZHES NAS SHING SDONG PO 'DI LA KHAMS SNA TSOGS YOD DO ZHES GSUNGS PA YIN NO ZHES BYA BA SMRAS TE, DE NI SHING SDONG PO LA GZHAN GYI NGO BO NYID YOD PA MA YIN TE, DPER NA RNAL 'BYOR PA RDZU 'PHRUL DANG LDAN PA'AM, 'PHAGS PA SEMS LA DBANG THOB PA RIN CHEN LAG PA ZHES BYA BA LA SOGS PA'I TING NGE 'DZIN THOB PA DAG GIS RTZVA LA SOGS PA LA NOR BU LA SOGS PAR BYIN GYIS RLOB PAR BYED PA DE DE BZHIN DU 'GYUR BA LA NOR BU LA SOGS PA'I NGO BO NYID YOD PA MA YIN GYI, RDZU 'PHRUL LAM SEMS KYI DBANG GIS DE BZHIN DU 'GYUR BA DE BCOM LDAN 'DAS KYIS ZHAL GYIS BZHES NAS, SHING SDONG PO 'DI LA KHAMS SNA TSOGS YOD DO ZHES GSUNGS PA YIN GYI, DE LA ME LA SOGS PA'I NGO BO NYID YOD PA MA YIN PAS KHO BO'I DPE MED PA MA YIN NO, ,GAL TE KHAMS SNA TSOGS ZHES BYA BA NI NUS PA SNA TSOGS ZHES BYA BA'I DON YIN NO ZHE NA ZHES BYA BA NI GRANGS CAN DAG NA RE KHAMS SNA TSOGS ZHES BYA BA'I SGRA NI NUS PA SNA TSOGS ZHES BYA BA'I DON YIN PAS DES NA CHU LA SOGS PA LA YANG ME LA SOGS PA'I NUS PA SNA TSOGS KYI NGO BO NYID YOD PA'I PHYIR DBU MA PA'I DPE MI RUNG NGO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, GANG ZHIG GANG GI NUS PA DANG LDAN PA DE NI DE'I NGO BO NYID YIN PAR MI RIGS TE, SA'I SRA BA NYID DANG GSHER BA NYID DANG TSA BA NYID DANG G-YO BA NYID GYI NGO BO NYID DU @323B GYUR NA MI RUNG BA'I PHYIR RO ZHES BYA BA SMRAS TE, GAL TE NUS PA YOD PA'I PHYIR DE'I NGO BO NYID YIN PAR 'DOD NA DE LTA NA SA LA SOGS PA LA YANG KHAMS THAMS CAD KYI NGO BO NYID YOD PAR THAL BAR 'GYUR BAS DE NI MI RUNG BA'I PHYIR KHO BO'I DPE GRUB PO,, ,,BAM PO LNGA BCU BZHI PA, BYE BRAG TU SMRA BA DAG GIS SMRAS PA ZHES BYA BA LA SOGS PAS NI NYAN THOS BYE BRAG TU SMRA BA DAG ,'DAS PA DANG MA 'ONGS PA'I DNGOS PO DAG RDZAS SU YOD PA NYID DU SGRUB PA'I GZHUNG STON TE, DE'I PHYIR DNGOS PO GNAS SKABS DANG DUS GZHAN DU GYUR PA DAG KYANG YOD PA NYID DU SHES PAR BYA STE, RNAM PAR SHES PA'I YUL YIN PA'I PHYIR DPER NA DA LTAR BZHIN PAS ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR GYI DNGOS PO NI RNAM PAR SHES PA'I YUL YIN PA'I PHYIR YOD PA NYID DU SHES PAR BYA BA DE BZHIN DU 'DAS PA DANG MA 'ONGS PA'I DNGOS PO GNAS SKABS DANG DUS GZHAN DU GYUR PA DAG KYANG RNAM PAR SHES PA'I YUL YIN PA'I PHYIR YOD PA NYID DU SHES PAR BYA'O, ,DES NA GZHAN DU 'GYUR BA'I PHYIR ZHES BYA BA'I GTAN TSIGS DE'I DON GAL TE BYUNG NAS 'JIG PA YIN NA NI GZHAN LA GTAN TSIGS KYI DON MA GRUB PA NYID YIN LA, CI STE GZHAN DU 'GYUR BA YIN NA NI RANG LAS GTAN TSIGS KYI DON MA GRUB PA NYID DO ZHES BYA BA NI DE LTAR 'DAS PA DANG MA 'ONGS PA'I DNGOS PO GNAS SKABS DANG, DUS GZHAN DU GYUR PA DAG KYANG YOD PA NYID YIN PA DES NA SNGAR DBU MA PAS DON DAM PAR NANG GI DNGOS PO RNAMS LA CI LTAR RTOGS PA'I NGO BO NYID YOD PA MA YIN TE, GZHAN DU 'GYUR BA'I PHYIR DPER NA CHU'I REG PA ME DANG PHRAD PAS TSA BA'I DNGOS POR GYUR PA LA DON DAM PA'I TSA BA'I NGO BO NYID MED PA BZHIN NO ZHES SMRAS PA'I GTAN TSIGS DE'I DON GZHAN DU GYUR PA'I PHYIR ZHES BYA BA DE'I DON GAL TE BYUNG NAS 'JIG PA YIN NA NI GZHAN LA GTAN TSIGS KYI DON MA GRUB PA NYID YIN TE, 'DI LTAR KHO BO CAG DNGOS PO RNAMS BYUNG NAS 'JIG PAR MI 'DOD PAS GTAN TSIGS GANG YANG RUNG BA LA MA @324A *, ,GRUB PA'I PHYIR RO, ,CI STE GTAN TSIGS DE'I GZHAN DU 'GYUR BA YIN NA NI RANG LA GTAN TSIGS KYI DON MA GRUB PA NYID DE, KHYED DBU MA PAS DNGOS PO RNAMS GZHAN DU 'GYUR BA MI 'DOD PAS GTAN TSIGS RANG LA MA GRUB PA'I PHYIR RO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, DON DAM PAR DA LTAR BYUNG BA'I DNGOS PO YANG YOD PA NYID DU MA GRUB PAS DPE MA TSANG BA NYID KYI PHYIR DANG, GNAS SKABS DANG DUS GZHAN DU GYUR PA YANG MED DE SKYE BA BKAG PA BZHIN DU DE DAG KYANG BKAG PA'I PHYIR RO ZHES BYA BA LA SOGS PA SMRAS TE, 'DAS PA DANG MA 'ONGS PO'I DNGOS PO GNAS SKABS DANG DUS GZHAN DU GYUR BA DGA' BA'I ZHIG MA GRUB PAR MA ZAD KYI, 'DI LTAR DON DAM PAR DA LTAR BYUNG BA'I DNGOS PO YANG YOD PA NYID DU MA GRUB PAS KHYED KYI DPE DA LTAR BZHIN PAS ZHES BYA BA DE MED PA NYID KYI PHYIR DANG, GZHAN YANG BYE BRAG TU SMRA BA DAG GIS YONGS SU BRTAGS PA'I GNAS SKABS DANG DUS GZHAN DU GYUR BA ZHES BYA BA DAG KYANG MED DE, SKYE BA BKAG PA BZHIN DU DE DAG KYANG BKAG PA'I PHYIR DE NI RIGS PA MA YIN NO, ,'DAS PA DANG MA 'ONGS PA'I DNGOS PO RNAMS YOD PA NYID MA YIN PAR DGAG PA'I RJES SU DPAG PA BSTAN PA'I PHYIR 'DAS PA DANG MA 'ONGS PA'I DNGOS PO RNAMS KYANG YOD PA NYID MA YIN TE, DA LTAR MA YIN PA'I PHYIR DPER NA NAM MKHA'I ME TOG BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI DE LTAR MA YIN PA'I PHYIR YOD PA NYID MA YIN PA DE BZHIN DU 'DAS PA DANG MA 'ONGS PA'I DNGOS PO RNAMS KYANG DA LTAR MA YIN PA'I PHYIR YOD PA NYID MA YIN NO, ,'DIR GAL TE PHA ROL PO DAG NA RE DBU MA PA LA 'DAS PA DANG MA 'ONGS PA'I DNGOS PO RNAMS YOD PA NYID DU MA GRUB PA PHYOGS SU BYAS PAS PHYOGS KYI KHYAD PAR GYI GZHI MA GRUB PA DANG, GTAN TSIGS KYI GZHI MA GRUB PA'I SKYON YOD DO ZHES ZER NA DE'I LAN DU, 'DAS PA DANG MA 'ONGS PA ZHES BYA BA'I @324B SGRA'I YUL LA SGRA GANG GIS 'DAS PA DANG MA 'ONGS PA NYID DU RTOGS PAR 'GYUR BA'I SGRA DE LA 'DAS PA DANG MA 'ONGS PA'I YUL DU NYE BAR BTAGS NAS 'DAS PA DANG MA 'ONGS PA ZHES BYA BA'I SGRA YOD PA DE PHYOGS SU BYAS PAS PHYOGS KYI KHYAD PAR GYI GZHI MA GRUB PA DANG GTAN TSIGS KYI GZHI MA GRUB PA'I SKYON MED DO ZHES BRJOD PAR BYA'O, ,DON DAM PAR LTA BAR ZHIG GI THA SNYAD DU YANG 'DAS PA DANG MA 'ONGS PA'I DNGOS PO RNAMS YOD PA NYID DU MI 'GRUB STE, CI'I PHYIR ZHE NA, 'GAL BA 'KHRUL PA MED PA'I GNOD PA YOD PA'I PHYIR TE, 'DI LTAR KHYOD NA RE DNGOS PO'I GNAS SKABS DANG DUS GZHAN DU GYUR PA DANG KYANG YOD PA NYID DU SHES PAR BYA STE, RNAM PAR SHES PA'I YUL YIN PA'I PHYIR DPER NA DA LTAR BZHIN PAS ZHES ZER BA DE LA, KHO BOS 'DAS PA DANG MA 'ONGS PA'I DNGOS PO RNAMS KYANG YOD PA NYID MA YIN TE, DA LTAR MA YIN PA'I PHYIR DPER NA NAM MKHA'I ME TOG BZHIN NO ZHES SMRAS PAS 'GAL PA 'KHRUL PA MED PA'I GNOD PA YOD PA'I PHYIR RO, ,GZHAN YANG KHO BO NI DNGOS PO DANG DNGOS PO MED PA DAG MI SGRUB PA'I PHYIR KHO BOS NI DNGOS PO YOD PA BKAG PA LA, KHYOD KYIS NI DNGOS PO MED PA BKAG PAS KHO BO'I 'DOD PA'I DON GRUB PAS BYE BRAG TU SMRA BA DAG GI TSIG DE NI BZANG PO MA YIN NO, ,GRANGS CAN DAG LAS GANG DAG YOD PA NYID ZIL GYIS NON PA'I PHYIR RAM, BAG LA ZHA BA'I PHYIR GTAN TSIGS KYI DON MA GRUB PA NYID DO ZHES ZER BA DE DAG LA YANG, BSGRUB PA BRGAL ZHING BRTAG PAR BYA STE ZHES BYA BAS NI GRANGS CAN DAG RGYU 'BRU LA SOGS PA LA 'BRAS BU MYU GU LA SOGS PA NUS PA'I TSUL GYIS SNGA NA YOD MOD KYI, GSAL BA'I TSUL DU MI DMIGS PA NI, HA CING RID PHYIR NYE PHYIR DANG, ,DBANG PO NYAMS PHYIR YID MED PHYIR, ,CHA PHRA PHYIR DANG BSGRIBS PHYIR DANG, ,ZIL GNON PHYIR DANG 'DRES PHYIR RO, ,ZHES ZER BAS 'DIR YANG DNGOS PO 'GAGS PA DANG MA SKYES PA DAG YOD MOD KYI, DPER NA SKAR MA DANG ZLA BA'I 'OD LA SOGS PA NYI MAS ZIL GYIS NON PA DAG DE NI YOD KYANG ZIL GYIS NON PA'I PHYIR MI DMIGS PA DANG, DPER NA DU BA DANG, RDUL @325A *, ,DANG KHUG RNA LA SOGS PA BAR SNANG LA YAN PA DAG DE NA YOD KYANG BAG LA ZHA BA'I PHYIR MI DMIGS PA BZHIN PAS, SNGAR DBU MA PAS DON DAM PAR NANG GI DNGOS PO RNAMS LA CI LTAR RTOGS PA'I NGO BO NYID YOD PA MA YIN TE, GZHAN DU 'GYUR BA'I PHYIR DPER NA CHU'I REG PA ME DANG PHRAD PAS TSA BA'I DNGOS POR GYUR PA LA DON DAM PA PA'I TSA BA'I NGO BO NYID MED PA BZHIN NO ZHES SMRAS PA'I GTAN TSIGS GZHAN DU 'GYUR BA'I PHYIR ZHES BYA BA DE'I DON MA GRUB BA NYID DO ZHES ZER BA DE DAG LA YANG DBU MA PAS GTAN TSIGS GZHAN DU 'GYUR BA'I PHYIR ZHES BYA BA DE'I DON CI LTAR MA GRUB PA NYID YIN ZHES BRGAL ZHING BRTAG PAR BYA BA STON TO, ,DE SKAD CES BRGAL ZHING BRTAGS PA NA GRANGS CAN DAG NA RE DNGOS PO 'DAS PA DANG MA 'ONGS PA DAG NI YOD PA NYID YIN MOD KYI, ZIL GYIS NON PA'I PHYIR RAM BAG LA ZHA BA'I PHYIR MI DMIGS PAR ZAD KYI GANG GI TSE ZIL GYIS NON PA DANG BAG LA ZHA BA'I RKYEN DANG BRAL BA DE'I TSE NA GSAL BA'I NGO BO NYID DU DMIGS PAR 'GYUR BAS DE'I PHYIR DNGOS PO SNGA NA MED PA PHYIS GZHAN DU 'GYUR BA MA YIN PA'I PHYIR, DBU MA PA'I GTAN TSIGS GZHAN DU 'GYUR BA'I PHYIR ZHES BYA BA DE'I DON MA GRUB PA NYID DO ZHES ZER BAR SBYAR RO, ,DE LA GRANGS CAN DAG GI GTAN TSIGS ZIL GYIS NON PA'I PHYIR ZHES BYA BA DE YANG TSIG TZAM GYIS MI 'GRUB PAS RJES SU DPAG PA'I SBYAR BA BYA DGOS PAS DE'I PHYIR, GAL TE DE DAG NA RE DNGOS PO 'GAGS PA DANG MA SKYES PA NI YOD PA NYID DE ZIL GYIS NON PA'I PHYIR NYI MA'I 'OD ZER DAG GIS SKAR MA'I 'OD ZIL GYIS NON PA BZHIN NAM, RNAM PAR SHES PA'I YUL YIN PA'I PHYIR DAM, DUS SU BRJOD PA'I PHYIR RAM, LI ZHES BSTAN PA'I PHYIR DA LTAR GYI DNGOS PO BZHIN NO ZHES ZER NA ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYI MA'I 'OD ZER DAG GIS SKAR MA'I 'OD ZIL GYIS NON PA NI ZIL GYIS NON PA'I PHYIR YOD PA NYID YIN PA DE BZHIN DU 'DAS PA DANG MA 'ONGS PA'I @325B DNGOS PO 'GAGS PA DANG, MA SKYES PA YANG ZIL GYIS NON PA'I PHYIR YOD PA NYID DO, ,DE BZHIN DU DNGOS PO 'GAGS PA DANG MA SKYES PA NI YOD PA NYID DE, RNAM PAR SHES PA'I YUL YIN PA'I PHYIR DA LTAR GYI DNGOS PO BZHIN NO ZHES BYA BA DANG, DNGOS PO 'GAGS PA DANG MA SKYES PA NI YOD PA NYID NGE DUS SU BRJOD PA'I PHYIR DA LTAR GYI DNGOS PO BZHIN NO ZHES BYA BA DANG, DNGOS PO 'GAGS PA DANG MA SKYES PA NI YOD PA NYID DE, 'I ZHES BSTAN PA'I PHYIR DA LTAR GYI DNGOS PO BZHIN NO ZHES BYA BA'I GTAN TSIGS DANG, DPE DE DAG GI PHYIR YANG YOD PA NYID YIN PAS DES NA DBU MA PA'I GTAN TSIGS GZHAN DU 'GYUR BA'I PHYIR ZHES BYA BA DE'I DON MA GRUB PA NYID DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA YANG DGAG PA CI SKAD BSTAN PA NYID BRJOD PAR BYA'O ZHES BYA BA SMRAS TE, GRANGS CAN DAG GIS CI SKAD SMRAS PA DE LA YANG SNGAR BYE BRAG TU SMRA BA DAG GIS SMRAS PA'I DGAG PA CI SKAD BSTAN PA NYID BRJOD PAR BYA'O, ,'DI SKAD BSTAN TE GRANGS CAN DAG NA RE DNGOS PO 'GAGS PA DANG, MA SKYES PA NI YOD PA NYID DE ZHES ZER BA DE GAL TE KUN RDZOB TU 'DAS PA DANG, MA 'ONGS PA'I DNGOS PO PHYOGS SU BYED NA NI GTAN TSIGS GZHI MA GRUB PA NYID DANG, PHYOGS KYI KHYAD PAR GYI GZHI MA GRUB PA NYID YIN LA, DON DAM PAR NI SKYE BA BKAG PA'I PHYIR DA LTAR GYI DNGOS PO MED PAS DPE MED DO, ,CI STE GZHI MA GRUB PA LA SOGS PA'I SKYON BSAL BA'I PHYIR DA LTAR GYI DNGOS PO PHYOGS SU BYED NA NI DES KYANG DPE MED PAR 'GYUR TE, THAMS CAD KYANG PHYOGS NYID DU BYAS PA'I PHYIR RO, ,ZIL GYIS NON PA'I GTAN TSIGS KYI DON KYANG MA GRUB PA NYID DU BRJOD PAR BYA'O ZHES BYA BAS NI GANG GI PHYIR KHO BO CAG LA DNGOS PO THAMS CAD MA SKYES PA DE'I PHYIR KHYED KYI GTAN TSIGS ZIL GYIS NON PA'I PHYIR ZHES BYA BA DE'I DON MA GRUB PA NYID DANG, NYI MA'I 'OD ZER DAG KYANG MA GRUB PAS KHYED KYI DPE MA GRUB PA'I SKYON DU YANG 'GYUR RO ZHES BRJOD PAR BYA BA BSTAN TO, ,GRANGS CAN DAG NA RE YOD PA NYID ZIL GYIS NON PA'I PHYIR RAM, @326A *, ,BAG LA ZHA BA'I PHYIR ZHES ZER BA'I GTAN TSIGS DE NYID GUN DBYUNG BA'I TSAD MA BSTAN PA'I PHYIR, MI GSAL BA NI GSAL BAR BYAR MI RUNG STE MI GSAL BA'I PHYIR DPER NA NAM MKHA'I ME TOG BZHIN NO, ,DE BZHIN DU BAG LA MA ZHA BA YANG BAG LA ZHA BAR MI 'GYUR TE, BAG LA MA ZHA BA'I PHYIR DPER NA SHES PA YOD PA NYID BZHIN NAM GTZO BO BZHIN PAS GRUB PA'I MTHA' LA GNOD DO ZHES BYA BA RJES SU DPAG PA GNYIS GO RIMS BZHIN DU SMRAS TE, DPER NA NAM MKHA'I ME TOG NI DNGOS PO MED PAS MI GSAL BA'I PHYIR GSAL BAR BYAR MI RUNG BAS ZIL GYIS NON PA MA YIN PA DE BZHIN DU GRANGS CAN DAG GIS BRTAGS PA'I CHOS GZHAN YANG DNGOS PO MED PAS MI GSAL BA'I PHYIR GSAL BAR BYAR MI RUNG BAS ZIL GYIS NON PA MA YIN NO, ,GZHAN YANG DPER NA SHES PA YOD PA NYID DANG, GTZO BO DAG NI NAM YONG BAG LA MA ZHA PA'I PHYIR BAG LA ZHA BAR MI 'GYUR PA DE BZHIN DU DNGOS PO YANG BAG LA MA ZHA BA'I PHYIR BAG LA ZHA BAR MI 'GYUR RO, ,CI STE DNGOS PO BAG LA ZHA BAR 'GYUR NA NI SHES PA YOD PA NYID DANG GTZO BO DAG KYANG DNGOS PO YIN PAS BAG LA ZHA BAR 'DOD PAR BYA DGOS TE, DE LTA NA KHYED RANG GI GRUB PA'I MTHA' LAS DE BAG LA ZHA BAR MI 'DOD PAS GZHUNG LA GNOD DO, ,DNGOS PO YOD PA NYID 'DZIN PA LA SKYON GZHAN 'DI YANG YOD DE, GAL TE RANG BZHIN YOD NYID NA, ,DE NI MED NYID MI 'GYUR RO, ,RANG BZHIN GZHAN DU 'GYUR BA NI, ,NAM YANG 'THAD PAR MI 'GYUR RO, ,RANG BZHIN NI MI 'GYUR BA'I PHYIR DANG, DPE YANG MED PA'I PHYIR RO ZHES BYA BAR DGONGS SO ZHES BYA BAS NI RANG BZHIN GYIS DNGOS PO YOD PA NYID YIN NA GZHAN DU 'GYUR BA MI SRID PA'I SKYON GZHAN BSTAN TO, ,RANG BZHIN MED PA YANG GZHAN DU 'GYUR BA NYID DU BSTAN PAR MI NUS TE, MO GSHAM GYI BU'I NA TSOD GZHAN DU 'GYUR BA MED PA BZHIN PAS, RANG BZHIN YOD PA MA YIN NA, ,GZHAN DU 'GYUR BA GANG ZHIG YIN, ,ZHES BYA BAS NI RANG BZHIN GYIS DNGOS PO MED PA NYID YIN NA DE LA YANG GZHAN DU 'GYUR BA MI SRID PA'I SKYON GZHAN STON TO, ,DE LTA @326B BAS NA MTHA' DE GNYI GA YANG SKYON CHE BAS DAM PA RNAMS DE DAG YONGS SU 'DZIN PAR MI BYED DO ZHES BYA BAS NI MTHA' GNYIS SPANG BA'I TSUL SNGA MA GNYIS KYI MJUG BSDU BA BSTAN TO, ,'DIR SMRAS PA, KHYOD KYIS RANG BZHIN YOD PA MA YIN PA LA GZHAN DU 'GYUR BA MED DO ZHES SMRAS PA'I PHYIR DGAG PA GNYIS BRJOD PAS, DE'I SKABS STON PA'I PHYIR SGRA'I DON GYI MTHUS RANG BZHIN YOD NA GZHAN DU 'GYUR BA NYID DU KHAS BLANGS PA YIN TE, DES NA KHYOD KYI PHYOGS SNGA MA LA GNOD PA DANG GTAN TSIGS KYI DON MA GRUB PA NYID DO, ,RANG BZHIN YOD NA GZHAN DU 'GYUR BA SRID PA'I PHYIR RO ZHES BYA BA NI PHA ROL PO DAG SGRA'I SKYON GYIS RGOL BAR BYED PA STE, DE DAG NA RE DBU MA PAS RANG BZHIN MED PA LA GZHAN DU 'GYUR BA MED DO ZHES BYA BA LA GNOD PA DANG, KHYED KYI GTAN TSIGS GZHAN DU 'GYUR BA'I PHYIR ZHES BYA BA DE YANG MA GRUB PA NYID DO ZHES ZER RO, ,DE'I LAN DU 'DIR BSHAD PA, KHO BO MED PA'I NGO BO NYID MED PA STONG PA NYID DU SMRA BA'I NGO BO NYID YOD PAR MI SMRA STE, GANG GI PHYIR CHOS GANG LA YANG RANG BZHIN YOD PAR MI 'THAD PA'I PHYIR RO ZHES BYA BA SMRAS TE, DES NI PHYOGS SNGA MA LA GNOD PA DANG GTAN TSIGS KYI DON MA GRUB PA NYID KYI LAN 'DEBS SO, ,CI STE YANG MI 'THAD PA BZHIN DU YANG RTOG PA LA GOMS PA'I DBANG GIS RAB TU RTOGS PAR BYED NA RANG BZHIN YOD PA YIN NA YANG, GZHAN DU 'GYUR BAR CI LTAR RUNG, LAN BTAB ZIN PA'I PHYIR DANG GZHAN DU 'GYUR BA NI RANG BZHIN STONG PA NYID MED NA MI 'BYUNG BA'I PHYIR RO ZHES BYA BAR DGONGS SO ZHES BYA BAS NI RANG BZHIN YOD NA YANG GZHAN DU 'GYUR BA MI 'THAD PAR STON TE, GAL TE RANG BZHIN YOD NYID NA, ,DE NI MED NYID MI 'GYUR RO, ,ZHES SNGAR LAN BTAB ZIN PA'I PHYIR DANG GZHAN DU 'GYUR BA NYID NI RANG BZHIN STONG PA NYID DANG 'BREL BA YIN PA'I PHYIR RO, ,DGAG PA GNYIS KYANG THA SNYAD PA YIN TE THA SNYAD PA KHO NAR YOD PA NYID DU SGRUB PA YIN GYI DON DAM PA PA MA YIN BAS PHYOGS SNGA MA LA GNOD PAR YANG MI 'GYUR LA THA SNYAD DU GZHAN DU 'GYUR BA NYID KYANG 'GRUB PAS GTAN @327A *, ,TSIGS KYI DON MA GRUB PA NYID MA YIN NO ZHES BYA BAS NI PHYOGS SNGA MA LA GNOD PA DANG, GTAN TSIGS KYI DON MA GRUB PA NYID MA YIN PAR BSGRUB PA'I MJUG BSDU BA BSTAN TO, ,'DIR BYE BRAG TU SMRA BA DAG GIS SMRAS PA, DON DAM PAR MIG LA SOGS PA SKYE MCHED DRUG PO DAG NGO BO NYID YOD PA KHO NA YIN TE, YOD PA'I BLO'I RGYU YIN PA'I PHYIR DPER NA MYA NGAN LAS 'DAS PA BZHIN NO ZHES BYA BA NI BYE BRAG TU SMRA BA DAG YOD PA'I BLO'I RGYU YIN PA'I PHYIR ZHES BYA BA'I GTAN TSIGS KYIS SKYE MCHED RNAMS NGO BO NYID YOD PAR SGRUB PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MYA NGAN LAS 'DAS PA NI YOD PA'I BLO'I RGYU YIN PA'I PHYIR NGO BO NYID YOD PA KHO NA YIN PA DE BZHIN DU MIG LA SOGS PA SKYE MCHED DRUG PO DAG KYANG YOD PA'I BLO'I RGYU YIN PA'I PHYIR NGO BO NYID YOD PA KHO NA YIN NO ZHES ZER RO, ,DE'I LAN DU DE LA 'DIR SMIG RGYU'I CHU LA SOGS PA DAG KYANG YOD PA'I BLO'I RGYU YIN PA'I PHYIR GTAN TSIGS KYI DON MA NGES PA NYID DO ZHES BYA BA SMRAS TE, SMIG RGYU'I CHU LA SOGS PA NGO BO NYID YOD PA MA YIN PA DAG KYANG YOD PA'I BLO'I RGYU YIN PA'I PHYIR RO, ,YOD PA'I BLO NYID KYI RGYU YIN PA'I PHYIR ZHES NGES PAR GZUNG NAS GTAN TSIGS SBYOR BAR BYED NA YANG GTAN TSIGS KYI DON MA GRUB PA NYID DAM DON 'GAL BA NYID DO ZHES BYA BA NI GAL TE PHA ROL PO DAG NA RE SMIG RGYU'I CHU LA SOGS PA DAG PA'I BLO NYID KYI RGYU MA YIN PAS DE DAG 'DIR GTAN TSIGS SU MI SBYAR GYI, MIG LA SOGS PA SKYE MCHED DAG NI YOD PA'I BLO NYID KYI RGYU YIN PA'I PHYIR NYID CES BYA BA'I SGRA DES PAR GZUNG NAS GTAN TSIGS SBYOR BAR BYED PAS DES NA KHO BO CAG GI GTAN TSIGS MA NGES PA NYID MA YIN NO ZHES ZER NA DE LTA NA YANG MIG LA SOGS PA MA NYAMS PA DAG YOD PA'I BLO NYID KYI RGYU YIN YANG NYAMS PA DAG YOD PA'I BLO NYID KYI RGYU MA YIN PAS GTAN TSIGS KYI DON MA GRUB PA NYID DANG, GAL TE KUN RDZOB TU YOD PA'I BLO NYID KYI RGYU YIN PA'I PHYIR ZHES GTAN TSIGS SBYOR BAR BYED NA NI KHYED @327B DON DAM PAR SKYE MCHED RNAMS NGO BO NYID YOD PA KHO NA YIN TE ZHES SGRUB PA DANG DON 'GAL BA NYID DO, ,SKYON GZHAN 'DI YANG YOD DE, YOD CES BYA BA RTAG PAR 'DZIN, ,MED CES BYA BA CHAD PAR LTA, ,DE GNYI GA YANG LTA BA NGAN PA YIN TE MTHO RIS DANG BYANG GROL GYI GAGS SU GYUR BA'I PHYIR RO ZHES BYA BA NI YOD PA DANG MED PA'I MTHAR LTA BA'I SKYON GZHAN STON TO, ,DE GNYIS MTHO RIS DANG BYANG GROL GYI GAG SU GYUR PA NYID BSTAN PA'I PHYIR 'DI LTAR RTAG PA NYID YIN NA GANG BDE BAR GYUR PA DE YANG BDE BAR 'GYUR BA NYID YIN LA GANG SDUG BSNGAL BAR GYUR BA DE YANG SDUG BSNGAL BAR 'GYUR BA NYID YIN PAS BDE BA BSKYED PA'I PHYIR DANG, SDUG BSNGAL NYE BAR ZHI BAR BYA BA'I PHYIR SDUG BSNGAL 'GOG PAR 'GRO BA'I LAM KUN DU STEN PAR MI BYED DE YOD PA LA BYA BA MI 'THAD PA'I PHYIR RO, ,CHAD PA NYID YIN NA YANG MED PA LA KUN NAS NYON MONGS PA DANG RNAM PAR BYANG BA'I SDUG BSNGAL DANG BDE BA MI 'THAD PAS SU ZHIG TSUL KHRIMS YANG DAG PAR BLANGS TE 'JUG CING CI'I PHYIR 'JUG PAR 'GYUR TE MED PA LA 'JUG PA MI 'THAD PA'I PHYIR RO ZHES BYA BA SMRAS SO, DE LTAR MTHA' DE GNYI GA SKYON CHE BAS MKHAS PA RNAMS KYIS DE DAG LA GNAS PAR MI BYA BAR BSTAN PA'I PHYIR, DE PHYIR YOD DANG MED PA LA, ,MKHAS PAS GNAS PAR MI BYA'O, ,DE LTAR GANG GI PHYIR YOD PA DANG MED PAR LTA BA SKYON CHAGS PA YIN PA'I PHYIR MKHAS PA 'KHOR BA'I DGON PA LAS RGAL BAR 'DOD PA ZHES BYA BA 'KHOR BA LAS RGAL ZHING MYA NGAN LAS 'DAS PA 'THOB PAR 'DOD PA DANG, MTHO RIS KYI GNAS DANG SKYED MOS TSAL DAG TU LHA'I GRONG KHYER NA LHA MO'I LONGS SPYOD RNYED SLA BA'I BDE BA MYONG BAR 'DOD PA ZHES BYA BA MTHO RIS KYI BDE BA MYONG BAR 'DOD PA DANG, TSOR BA THAMS CAD RGYUN CHAD PA'I BDE PA MYONG BAR 'DOD PA ZHES BYA BA NYAN THOS DANG RANG SANGS RGYAS KYI RNAM PAR GROL BA'I BDE BA MYONG BAR 'DOD PA DANG, SMROS PA THAMS CAD MA LUS PAR NYE BAR ZHI BA'I BDE BA MYONG BAR 'DOD PA ZHES BYA BA SANGS RGYAS NYID RJES SU 'THOB PA'I BDE BA MYONG BAR 'DOD PA DANG, @328A *, ,BDAG NYID DANG LDAN PAS ZHES BYA BA BDAG NYID BDE BA LA RAB TU SBYOR ZHING BDAG NYID LA BDE BA DGOS PA'I BSAM PA DANG LDAN PAS, DNGOS PO RNAMS KYI YOD PA NYID DANG MED PA NYID LA GNAS PAR MI BYA STE, DE DAG LA GNAS PA NI RTAG PA DANG CHAD PA'I SKYON DU THAL BAR 'GYUR BA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID KYI 'THAD PA BSTAN PA'I PHYIR CI LTAR NA YOD PA DANG MED PAR LTA BA DAG RTAG PA DANG CHAD PAR LTA BAR THAL BAR 'GYUR ZHE NA, GANG ZHIG NGO BO NYID YOD PA, ,DE NI MED PA MIN PAS RTAG ,SNGON BYUNG DA LTAR MED CES PA, ,DES NA CHAD PAR THAL BAR 'GYUR, ,ZHES BYA BA SMRAS SO, ,GAL TE 'DIR PHA ROL PO DAG 'DI SKAD CES DBU MA PA YANG KUN RDZOB TU THAMS CAD YOD DO ZHES KHAS LEN PAS RTAG PAR SMRA BA'I SKYON DU 'GYUR LA, DON DAM PAR MED DO ZHES KHAS LEN PAS CHAD PAR SMRA BA'I SKYON DU 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DBU MAR SMRA BA THA SNYAD TZAM DU 'DOD PAS GZUGS LA SOGS PA SKYES PA 'DI DAG NI YOD PA'I BLO'I RGYU YIN PA'I PHYIR YOD PA YIN LA, MA SKYES PA DANG MA 'GAGS PA DAG NI MED DO ZHES SMRA BA RNAMS LA NI DE LTAR THAL BAR MI 'GYUR RO, ,DON DAM PAR YANG RTOGS PAR BYA BA'I NGO BO NYID STONG PA'I PHYIR DANG MA SKYES PA'I PHYIR YOD PA NYID DU LTA BA MED LA, DON DAM PAR DNGOS PO NGO BO NYID MED PA NYID MA YIN TE, RGYU DANG LDAN PA'I PHYIR DPER NA SGYU MAR BYAS PA BZHIN PAS MED PA NYID DU LTA BA YANG MED PA'AM YOD PA DANG MED PA'I BLO LA MNGON PAR ZHEN PA MED PA'I PHYIR YOD PA DANG MED PA'I MTHA' GNYIS SU LTUNG BA YANG MED DO ZHES BYA BA SMRAS SO, ,DE LA 'DIR RAB TU BYED PA'I DON NI STONG PA NYID KYI MI MTHUN PA'I PHYOGS KYI KHYAD PAR DGAG PAS RTEN CING 'BREL PAR 'BYUNG BA CHAD PA MED PA DANG RTAG PA MED PAR BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, DNGOS PO DANG DNGOS PO MED PA BRTAG PA'I RAB TU BYED PA BCO LNGA BA'I SKABS 'DIR @328B RAB TU BYED PA'I DON TSAD MA'I 'BRAS BUR BLTA BA NI PHA ROL POS STONG PA NYID KYI MI MTHUN PA'I PHYOGS KYI KHYAD PAR KHYED DNGOS PO RNAMS NGO BO NYID MED DO ZHES SMRA BA'I DAM BCAS PA LA RANG GI TSIG DANG 'GAL BA'I SKYON YOD DE, DE NYID KYIS DON DE LA SKUR BA BTAB PA'I PHYIR DPER NA SMRAS PA THAMS CAD BRDZUN NO ZHES BYA BA BZHIN NO ZHES BYA BA LA SOGS PA GANG SMRAS PA DAG BKAG PAS RTEN CING 'BREL BAR 'BYUNG BA CHAD PA MED PA DANG, RTAG PA MED PA BSTAN PA YIN NO, ,RTEN CING 'BREL PAR 'BYUNG BA CHAD PA MED PA DANG, RTAG PA MED PA BSTAN PA LA YON TAN CI YOD PA DANG DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHOS PA'I LUNG GI KHUNGS KYIS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS LA CHAD PA'I DNGOS PO 'AM RTAG PA'I DNGOS PO MED DO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA YANG CHAD PA'I DNGOS PO'AM RTAG PA'I DNGOS PO MED DO, , GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA CHAD PA'I DNGOS PO'AM, RTAG PA'I DNGOS PO MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DANG, DE BZHIN DU 'PHAGS PA TING NGE 'DZIN GYI RGYAL PO'I MDO LAS, YOD DANG MED PA GNYI GA MTHA', ,DAG DANG MA DAG GNYI GA MTHA', ,DE PHYIR MTHA' GNYIS RNAM SPANGS TE, ,MKHAS PA DBUS NA'ANG GNAS MI BYED, ,CES BYA BA LA SOGS PA GSUNGS PA DANG, DE BZHIN DU MDO SDE'I MTHA' GZHAN DAG LAS, CI LTAR BYIS PAS RNAM BRTAGS LTAR, ,DNGOS RNAMS THAMS CAD YOD PA NYID, ,GAL TE CI LTAR DE MTHONG YOD, ,THAMS CAD DE NYID MTHONG BAR 'GYUR, ,CHOS RNAMS THAMS CAD YOD MIN PAS, ,NYON MONGS MED CING RNAM DAG MED, ,DE LTAR CI LTAR MTHON @329A *, ,LTAR MED, ,DE DAG MED PA NYID KYANG MIN, ,ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI RTEN CING 'BREL PAR 'BYUNG BA CHAD PA MED PA DANG RTAG PA MED PA BSTAN PA'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG, 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS, DNGOS PO DANG DNGOS PO MED PA BRTAG PA ZHES BYA BA RAB TU BYED PA BCO LNGA PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DRUG PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAMS PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS CI LTAR DAM BCAS PA DE LA 'JUG PA'I DON GYI DBANG DU BYAS NAS DE SKAD CES SMRAS TE, DE BZHIN DU ZHES BYA BA NI RAB TU BYED PA SNGA MA'I SKABS SU BSTAN PA'I LUGS BZHIN NO, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BA'I PHYOGS YIN TE, 'DI LTA STE DNGOS PO RNAMS NGO BO NYID YOD PA NYID DU SMRA BA YIN NO, ,DE'I PHYIR KHYAD PAR ZHES BYA BA NI PHA ROL PO DNGOS PO RNAMS NGO BO NYID YOD @329B PA NYID DU BSGRUB PA'I PHYOGS SNGA MA NYE BAR GZHAG PA 'OG NAS, DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG, THAR PA YOD PA'I PHYIR RO ZHES BYA BA LA SOGS PA DAG 'BYUNG BA YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA BCU DRUG PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DRUG PA BRTZAM MO ZHES BYA BA SMRAS TE, BCINGS PA DANG THAR PA BRTAG PA'I RAB TU BYED PA BCU DRUG PA'I GZHUNG 'OG NAS 'BYUNG BA 'DI'I DON NI 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN RNAM PA GANG GIS NI 'BRAS BU DE 'THOB CE NA, 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, 'DIR SMRAS PA ZHES BYA BA LA SOGS PA SMRAS TE, PHAS KYI RGOL BA DAG DON DAM PAR DNGOS PO RNAMS NGO BO NYID YOD PAR SMRA BA'I GZHUNG SNGAR BKAG TU ZIN KYANG DE DAG LA MNGON PAR ZHEN PA KHA CIG GIS DE MI BZOD PAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO, ,'DI NA GANG YOD PA MA YIN PAR NGES PAR BZUNG BA DE LA NI BCINGS PA DANG THAR PA MI 'THAD DE, DPER NA MO GSHAM GYI BU BZHIN NO, ,NANG GI DNGOS PO RNAMS LA NI DE LTAR BCINGS PA DANG @330A *, ,THAR PA MED PA MA YIN PAS DE'I PHYIR DE DAG YOD PAS DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA MO GSHAM GYI BU LA SOGS PA MED PA GANG DAG LA BCINGS PA DANG THAR PA MED PA DE DAG LA NI DON DAM PAR NGO BO NYID YOD PA MA YIN GYI, NANG GI DNGOS PO GANG DAG LA BCINGS PA DANG THAR PA YOD PA DE LA DON DAM PAR NGO BO NYID YOD PA KHO NA YIN NO ZHES ZER RO, ,DE DGAG PAS 'KHOR BA DANG MYA NGAN LAS 'DAS PA'I NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DRUG PA BRTZAM PA'I PHYIR DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'DI LA 'DU BYED KYI RGYUN THOG MA MED PA'I DUS NAS RAB TU BSAGS PA'I MI SHES PA'I MUN PAS LDONGS PAR GYUR PA, BDAG DANG BDAG GIR 'DZIN PA'I CHU SRIN 'DZIN KHRIS ZIN PA, SGYU MA DANG, RMI LAM DANG, SMIG RGYU LTA BU 'KHOR BA'I BTZON RA NAS YANG DAG PAR 'DA' BA'I 'GRO BA NYAMS PA 'DOD CHAGS LA SOGS PA NYON MONGS PA'I LCAGS SGROG GIS GZHUS PA NI BCINGS PA'O, ,YANG DAG PA'I SHES PA SKYES PAS 'DOD CHAGS LA SOGS PA NYON MONGS PA'I LCAGS SGROG GIS GZHUS PA DANG BRAL ZHING DE LAS DES PAR GROL BA NI THAR PA'O ZHES THA SNYAD KYI BDEN PAR GTOGS PA'I SHES RAB KYIS GDAGS PAR ZAD KYI, DON DAM PA'I BDEN PAR GTOGS PAS NI MA YIN TE, DON DAM PAR BCINGS PA DANG THAR PA DAG MI 'THAD PA'I PHYIR RO ZHES BYA BA SMRAS TE, BCINGS PA DANG THAR PA ZHES BYA BA NI KUN RDZOB KYI BDEN PAR GTOGS PA'I SHES RAB KYIS GDAGS PA YIN GYI, DON DAM PAR BDEN PAR GTOGS PA MA YIN PAS DE DAG DON DAM PAR NGO BO NYID MED DO ZHES BSTAN TO, ,DE NYID KYI KHUNGS BSTAN PA'I PHYIR, DE LTAR BCOM LDAN @330B 'DAS KYIS KYANG 'PHAGS PA TSANGS PAS ZHUS BA'I MDO LAS DE BZHIN GSHEGS PAS KUN RDZOB TU 'KHOR BA 'DOGS PAR MDZAD KYANG DON DAM PAR DER 'GA' YANG 'KHOR BA MED LA, DE BZHIN GSHEGS PAS KUN RDZOB TU MYA NGAN LAS 'DAS PA 'DOGS PAR MDZAD KYANG DON DAM PAR DER 'GA' YANG MYA NGAN LAS 'DAS PA MED DO ZHES CI SKAD GSUNGS PA LTA BU'O ZHES BYA BA SMRAS SO, ,SLOB DPON GYIS KYANG DON DE NYID KYI DBANG DU MDZAD NAS BCINGS PAR RNAM PAR RTOG PA DAG RNAM PAR BRTAGS TE, 'DI LTAR BCINGS PA ZHIG YOD PAR GYUR NA 'DU BYED RNAMS SAM, SEMS CAN YIN GRANG ZHES BYA BA LA SOGS PAS NI NANG GI DNGOS PO RNAMS LA NGO BO NYID MED PA NYID KYI SKABS STON TE, SLOB DPON KLU SGRUB KYI ZHAL SNGA NAS KYIS KYANG DON DAM PAR 'KHOR BA DANG MYA NGAN LAS 'DAS PA DAG LA NGO BO NYID MED PA NYID KYI DON DE NYID KYI DBANG DU MDZAD NAS 'JIG RTEN 'DI NA SMRA BA PO DAG BCINGS PA YOD PAR RNAM PAR RTOG PA 'DI LTA STE, 'DU BYED RTAG PA DAG BCINGS SO ZHES ZER BA DANG, KHA CIG 'DU BYED MI RTAG PA DAG BCINGS SO ZHES ZER BA DANG, KHA CIG SEMS CAN RTAG PA BCINGS SO ZHES ZER BA DANG, KHA CIG SEMS CAN MI RTAG PA BCINGS SO ZHES ZER BA DE DAG RNAM PAR BRTAGS TE, RNAM PA THAMS CAD MI 'THAD PAR STON TO, ,DE LA RE ZHIG 'DU BYED RTAG PA DAG BCINGS PA MI 'THAD PAR BRTAG PA BSTAN PA'I PHYIR 'DU BYED RNAMS KYANG RTAG PA DAG GAM, MI RTAG PA DAG GCIG NYID YIN GRANG NA ZHES GA LA GNYIS SMRAS SO, ,DE LA GAL TE BRTAG PA SNGA MA LTAR 'DOD NA BSHAD PA, GAL TE 'DU BYED 'KHOR ZHE NA, ,DE DAG RTAG NA MI 'KHOR TE, ,ZHES BYA BA NI RE ZHIG 'DU BYED RNAMS RTAG NA MI 'KHOR TE, CI'I PHYIR ZHE NA, RTAG PA NI MI 'GYUR BA'I PHYIR RO ZHES STON TO, ,DE NYID KYI 'THAD PA BSTAN PA'I PHYIR 'DU BYED RTAG PA YOD PA NYID DU STON PA'I RJES SU DPAG PA MED PA'I PHYIR DANG ZHES BYA BA LA SOGS PA SMRAS TE, DES NI PHA ROL PO LA 'DU BYED RTAG PA YOD PA NYID DU STON PA'I RJES SU DPAG PA MED @331A *, ,PAS 'DU BYED RTAG PA MED PA'I PHYIR DE MI 'KHOR BAR BSTAN TO, ,RTAG PA NYID DU RJES SU DPOG PAS BCINGS PA DANG THAR PA MED PAS DE DAG BSAL BA'I PHYIR DAM BCAS PA LA CHOS KYI NGO BO NYID LAS ZLOG PA'I SKYON DU 'GYUR RO ZHES BYA BAR DGONGS SO ZHES BYA BAS NI PHA ROL POS 'DU BYED RNAMS RTAG PA NYID DU DPOG PAS RTAG PA LA BCINGS PA DANG THAR PA MED PAS DE DAG BSAL BA'I PHYIR PHA ROL PO'I DAM BCAS PA LA 'DU BYED RNAMS KYI CHOS BCINGS PA DANG THAR PA ZHES BYA BA'I NGO BO NYID LAS BZLOG PA DE, DE DAG MED PA'I SKYON DU 'GYUR BAS 'DU BYED RNAMS RTAG NA MI 'KHOR RO ZHES BYA BAR DGONGS PA BSTAN TO, ,YANG NA, DE DAG RTAG NA MI 'KHOR TE, ,ZHES BYA BA 'DI LA 'KHOR BA NI RGYUN CHAGS PAR RGYU ZHING 'BYUNG BA DANG 'GRO BA LNGAR 'KHOR BA YIN NA, DE YANG 'DU BYED RTAG PA SNGA PHYI'I KHYAD PAR MA SKYES PA RNAMS LA MI 'THAD DO ZHES BYA BAS NI 'DI LA GANG RGYUD KYI RGYUN GYIS DE DANG DER SKYE BA DANG 'GAG PA DE NI 'KHOR BA ZHES BYA NA, 'DU BYED RTAG PA MI 'GYUR BA RNAMS NI 'BYUNG BA DANG, 'JIG PA'I CHOS CAN NYID DU MI 'THAD PAS DE'I PHYIR 'DU BYED RNAMS RTAG NA MI 'KHOR RO, ,'DIR GRANGS CAN DAG GIS SMRAS PA ZHES BYA BAS NI GRANGS CAN DAG DBU MA PAS DON DAM PAR 'KHOR BA MED DO ZHES BSHAD PA'I LAN 'DEBS STON TO, ,DE'I PHYIR DE DAG NA RE, GAL TE THER THUG TU SMRA BA RNAMS LA DE SKAD SMRA BA DGAG PA'I PHYIR RTAG PA RNAMS MI 'KHOR RO ZHES ZER BA NI RIGS SO ZHES ZER TE, DES NI MU STEGS THER ZUG TU SMRA BA'I GZHUNG DGAG PA'I PHYIR DBU MA PAS DE SKAD BSHAD NA NI RIGS SO ZHES KHAS BLANG BA BSTAN TO, ,'ON TE 'DU BYED GNAS SKABS SNGA MA SNGA MA GZHAN BOR NAS GNAS SKABS PHYI MA PHYI MA GZHAN 'THOB PA MYONG BAR 'GYUR BA MI 'JIG PA KHO NA DAG MI 'KHOR RO ZHES ZER BA DE NI MI RIGS TE ZHES BYA BAS NI GRANGS CAN DAG GI GZHUNG LAS DBU MA PAS 'KHOR BA MED PAR BSHAD NA DE NI MI RIGS SO ZHES DGAG PA STON TE, GRANGS CAN DAG GI GZHUNG LAS SNYING STOBS DANG, RDUL DANG MUN PA'I YON TAN GSUM CHA MNYAM PA @331B NI GTZO BO ZHES BYA'O, ,GTZO BO RTAG PA MED PA MI GSAL BA DE LAS CHEN PO CUNG ZAD TZAM DANG 'GYUR BA TZAM SKYE'O, ,CHEN PO LAS NGA RGYAL SHIN TU GSAL BA SKYE'O, ,NGA RGYAL DE YANG RNAM PA GSUM STE, RNAM PAR 'GYUR BA LAS GYUR BA DANG, RDUL LAS GYUR BA DANG 'BYUNG BA LAS GYUR PA'O, ,DE LA RNAM PAR 'GYUR BA LAS GYUR PA'I NGA RGYAL SNYING STOBS SHAS CHE BA LAS NI DBANG PO BCU GCIG SKYE'O, ,'BYUNG BA LAS GYUR PA'I NGA RGYAL MUN PA SHAS CHE BA LAS NI DE TZAM LNGA SKYE'O, ,RDUL LAS GYUR PA'I NGA RGYAL G-YO BA SHAS CHE BA NI GNYI GA'I BDAG NYID YIN TE, DE LTAR 'DU BYED GTZO BO LA SOGS PA'I GNAS SKABS SNGA MA SNGA MA GZHAN BOR NAS CHEN PO LA SOGS PA'I GNAS SKABS PHYI MA PHYI MA GZHAN 'THOB PA MYONG BAR 'GYUR BA, RANG BZHIN MI 'JIG PA DPER NA GSER GYI GDU BU'I GNAS SKABS BOR NAS DPUNG RGYAN LA SOGS PA'I GNAS SKABS GZHAN 'THOB PA LTA BU DAG MI 'KHOR RO ZHES ZER NA DE NI MI RIGS SO ZHES ZER RO, ,DE NYID KYI RJES SU DPAG PA BSTAN PA'I PHYIR 'DI LTAR KHO BO CAG GI PHYOGS LA 'BRAS BU'I SKAD CIG MA SKYE BA'I DUS NA RGYU MA ZHIG BAR SHES PAR BYA STE, YUL DANG, TSAD DANG, GZUGS LA SOGS PA NYE BA'I PHYIR DPER NA 'BRAS BU'I BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS BU ZHO 'AM SOR GDUB NI RANG NYID KYI YUL DANG TSAD DANG GZUGS LA SOGS PA GANG YIN PA DE NYID DANG MA BRAL BAR NYE BA'I PHYIR RANG NYID SKYE BA'I DUS NA RANG NYID MA ZHIG PA DE BZHIN DU, RGYU 'O MA'AM, GSER YANG 'BRAS BU SKYE BA'I DUS NA YUL DANG, TSAD DANG, GZUGS LA SOGS PA DANG MA BRAL BAR NYE BA'I PHYIR 'BRAS BU ZHO'AM, SOR GDUB KYI SKAD CIG MA SKYES PA'I DUS NA RGYU 'O MA DANG GSER GYI RANG BZHIN MA ZHIG PAR SHES PAR BYA STE, DE LTAR 'DU BYED RANG BZHIN NI RTAG LA GNAS SKABS 'GYUR BA RNAMS LA 'KHOR BA YOD DO ZHES ZER RO, ,YANG NA 'JIG PA BKAG PA'I PHYIR LUS DANG DBANG PO DANG @332A *, ,BLO'I MTSAN NYID KYI 'DU BYED RNAMS NGES PAR GNAS PA KHO NA STE ZHES BYA BA LA SOGS PAS NI, GRANGS CAN DAG NA RE DNGOS PO RNAMS KYI RANG BZHIN RTAG PAR 'JIG PA BKAG PA'I PHYIR LUS DANG DBANG PO DANG BLO'I MTSAN NYID KYI 'DU BYED RANG BZHIN NGES PAR GNAS PA GNAS SKABS YONGS SU 'GYUR BA RNAMS LA 'KHOR BA YOD DO ZHES ZER BA'I GZHUNG STON TO, ,LUS DANG DBANG PO DANG BLO'I MTSAN NYID KYI 'DU BYED RNAMS RANG BZHIN NGES PAR GNAS PA KHO NA YIN NA CI'I PHYIR YONGS SU 'GYUR BAR SNANG ZHE NA, DE'I PHYIR SKYES BU'I DON BYA BA'I PHYIR SKYES BU'I DMIGS PA SGRUB NUS PA'I TSUL GYIS SNANG BA DANG MI SNANG BA CHOS GZHAN GYI MTSAN NYID DU YONGS SU GYUR PAS, YONGS SU 'GYUR BA NI 'KHOR BA NI 'KHOR BA ZHES BYA'O ZHES BYA BA SMRAS TE, GANG GI TSE SKYES BU YUL LA LONGS SPYOD PAR 'DOD PA'I TSE SKYES BUS DBANG PO RNAMS YUL DANG SPYOD PAR BYED LA, DBANG POS YUL RNAMS MYONG BAR BYED CING YUL GYI RNAM PAR BLO SKYES PA SKYES BUS LONGS SPYOD PAR BYED PA'I TSUL GYIS DBANG PO DANG, YUL DANG BLO RNAMS SNANG BA DANG, MI SNANG BA'I MTSAN NYID DU YONGS SU 'GYUR BAS YONGS SU 'GYUR BA DANG LDAN PA 'DI 'KHOR BA ZHES BYA'O, ,YONGS SU 'GYUR BA YANG NGES PAR GNAS PA RNAMS KYI YIN GYI DE'I DUS SU 'JIG PA RNAMS KYI YIN PAR NI MI 'DOD DO ZHES BYA BAS NI, DE LTAR GNAS SKABS 'GYUR BA LA 'KHOR BA ZHES BYA BA DE YANG KHO BO CAG GRANGS CAN GYI RANG BZHIN RTAG PAR GNAS PA LA YONG KYI; KHYED SANGS RGYAS PA DAG GI SKAD CIG MA RE RE LA 'JIG PA LA MED DO ZHES ZER BA'I GZHUNG BSTAN TO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR DE NI RIGS PA MA YIN TE ZHES BYA BA LA SOGS PA SMRAS TE, DES NI GRANGS CAN DAG GI GRUB PA'I MTHA' SUN 'BYIN PAR BYED DO, ,CI'I PHYIR DE RIGS PA MA YIN ZHE NA, SNANG BA DANG MI SNANG BA'I CHOS GZHAN GYI CHOS CAN YANG DE DANG LDAN PAR BSTAN PA'I PHYIR DANG ZHES BYA BA LA SOGS PA SMRAS TE, SOR GDUB SNANG BA'I TSE DPUNG RGYAN MI SNANG BA'I CHOS GZHAN GYI CHOS CAN GSER YANG SNANG BA DANG, MI SNANG BA @332B DE DANG LDAN PA'I PHYIR CHOS DANG, CHOS CAN THA MI DAD PAS CI LTAR SNANG BA DANG, MI SNANG BA'I CHOS YONGS SU 'GYUR BA BZHIN DU CHOS CAN GSER YANG YONGS SU 'GYUR BAS DES NA GSER GYI RANG BZHIN NGES PAR GNAS ZHES BYAR MI RUNG STE, SKAD CIG MA RE RE LA 'JIG PA YIN PA'AM, YANG NA CHOS CAN GSER GYI RANG BZHIN MI 'GYUR BA NGES PAR GNAS PAR 'DOD NA NI DE DANG LHAN PA'I GDU BU DANG DPUNG RGYAN SNANG BA'I CHOS GZHAN YANG YONGS SU 'GYUR BA MED PAR KHAS BLANGS DGOS PAS KHYOD KYI RANG BZHIN NI RTAG LA GNAS SKABS NI 'GYUR BA ZHES BYA BA DE MI RIGS PAS 'DU BYED RTAG PA RNAMS LA 'KHOR BA MI 'THAD DO, ,YUL LA SOGS PA NYE BA'I GTAN TSIGS DAG GI SKYON YANG SNGAR BSTAN ZIN PA'I PHYIR DANG ZHES BYA BAS NI, GRANGS CAN DAG NA RE 'BRAS BU'I SKAD CIG MA SKYE BA'I DUS NA RGYU MA ZHIG PAR SHES PAR BYA STE, YUL DANG, TSAD DANG, GZUGS LA SOGS PA NYE BA'I PHYIR DPER NA 'BRAS BU'I BDAG NYID BZHIN NO ZHES ZER BA'I GTAN TSIGS SUN 'BYIN TE, DES RGYU DANG 'BRAS BU RANG BZHIN GCIG PA NYID DU RJES SU DPOG PAS RGYU DANG 'BRAS BU MA YIN PAS RGYU DANG 'BRAS BU BSAL BAS DAM BCAS PA LA CHOS KYI NGO BO NYID LAS BZLOG PA'I SKYON YOD PA'I PHYIR SNGAR RTAG LA NYID DU RJES SU DPOG PAS BCINGS PA DANG THAR PA MED PAS DE DAG BSAL BA'I PHYIR DAM BCAS PA LA CHOS KYI NGO BO NYID LAS BZLOG PA'I SKYON DU 'GYUR RO ZHES BYA BAR DGONGS SO ZHES BSTAN PA BZHIN DU 'DIR YANG GCIG PA NYID DU RJES SU DPOG PAS RGYU DANG 'BRAS BU MA YIN PAS DE DAG BSAL BA'I PHYIR DAM BCAS PA LA RGYU DANG 'BRAS BU'I CHOS KYI NGO BO LAS BZLOG PA'I SKYON DU 'GYUR RO ZHES BYA BAR SBYAR RO, ,SKYE BA BKAG PA'I PHYIR DANG DNGOS PO'I NGO BO NYID BKAG PA'I PHYIR ZHES BYA BAS NI DE'I PHYIR YANG GRANGS CAN DAG GI 'KHOR BA YOD PA DANG RANG BZHIN RTAG PAR SMRA BA MI RIGS PAR BSTAN TO, ,PHA ROL POS SMRAS PA'I SGRUB PA MA GRUB PAS 'DU BYED MI 'JIG PA RNAMS 'KHOR RO ZHES BYA BA DE MI RIGS SO ZHES BYA BA NI GTAN TSIGS GONG MA DE DAG GI PHYIR NA GRANGS CAN DAG GIS SMRAS PA'I SGRUB PA DE MA GRUB PAR MJUG ? @333A *, ,BSDU BA YIN NO, ,GZEGS ZAN PA DANG RANG GI SDE PA DAG GIS SMRAS PA, 'DU BYED MI RTAG PA RNAMS 'KHOR BA NYID YIN GYI, RTAG PA SNGA PHYI'I KHYAD PAR MA SKYES PA RNAMS LA 'KHOR BA MED PA NI BDEN NO ZHES BYA BA NI MU STEGS GZEGS ZAN PA DAG DANG, NYAN THOS BYE BRAG TU SMRA BA DAG 'DU BYED SKAD CIG MA RE RE LA 'JIG PA'I NGANG CAN MI RTAG PA RNAMS 'KHOR BAR SGRUB PA'I GZHUNG YIN NO, ,DE'I LAN DU 'GREL PA BYED PAS, DE DAG GI PHYIR BSHAD PA, MI RTAG NA YANG 'KHOR MI 'GYUR, ,'DI LTAR MI RTAG PA RAB TU ZHIG PA RNAMS LA PHYIR SKYE BA MED PAS DE'I PHYIR DE DAG LA YANG RGYUN CHAGS PAR RGYU ZHING 'BYUNG BA DANG 'GRO BA LNGAR 'KHOR BA MI 'THAD DO ZHES BYA BA SMRAS TE, 'DU BYED MI RTAG PA SKAD CIG MA RE RE LA 'JIG PA'I DANG CAN DAG NI SKAD CIG MA SNGA MA LA KHYAD PAR GANG DANG LHAN CIG SKYES PA DE KHYAD PAR DE NYID DANG LHAN CIG 'GAGS PA NI SKAD CIG MA PHYI MAR SKYE ZHING 'KHOR BAR MI 'THAD PAS DE'I PHYIR MI RTAG PA LA 'KHOR BA MI 'THAD DO, ,YANG NA MI RTAG PA RNAMS LA MI RTAG PA'I CHOS SU RJES SU DPOG PAS 'KHOR BA MED PAS 'KHOR BA BSAL BA'I PHYIR DAM BCAS PA LA CHOS KYI NGO BO NYID BSAL BA'I SKYON YOD DE, DE'I PHYIR, MI RTAG NA YANG 'KHOR MI 'GYUR, ,ZHES BSHAD DE 'DU BYED RNAMS ZHES BYA BA'I SKABS YIN NO ZHES BYA BAS NI PHA ROL PO DAG 'DU BYED RNAMS MI RTAG PAR RJES SU DPOG PAS DES NA MI RTAG PA 'GAGS SHING ZHIG PA LA YANG PHYIR SKYE BA'I 'KHOR BA MED PAS 'KHOR BA BSAL BA'I PHYIR PHA ROL PO DAG GIS DAM BCAS PA LA MI RTAG PA'I CHOS KYI NGO BO 'KHOR BA BSAL BA'I SKYON YOD PAS DE'I PHYIR 'DU BYED RNAMS MI RTAG NA YANG 'KHOR BAR MI 'GYUR BA BSTAN TO, ,YANG NA, MI RTAG NA YANG 'KHOR MI 'GYUR, ,ZHES BYA BA NI PHA ROL KYI 'DU BYED RNAMS BZHIN NO ZHES BYA BA'I TSIG GI LHAG MA STE DE LTAR NA DE NI CHOS MTHUN PA'I DPE MI 'KHOR BA DANG MI RTAG PA NYID KYI CHOS KYI KHYAD PAR CAN DU BYAS PA'I TSIG YIN TE BYAS PA NI MI RTAG GO ZHES BYA BA BZHIN NO ZHES BYA BAS NI TSIG LE'UR BYAS PA'I RTZA BA 'DIS CHOS MTHUN PA'I DPE'I TSIG TU GZHAG PA STON TE, @333B DPER NA SGRA MI RTAG STE, BUM PA BYAS PA MI RTAG PA BZHIN NO ZHES BYA BA DE BZHIN DU 'DIR YANG NANG GI 'DU BYED MI RTAG PA RNAMS NI 'KHOR BAR MI 'GYUR TE, PHYI ROL GYI 'DU BYED MI RTAG PA RNAMS MI 'KHOR BA BZHIN NO ZHES BYA BAR SBYAR RO, ,DE NYID KYI TSAD MA BSTAN PA'I PHYIR, 'DI SBYOR BA'I TSIG NI DON DAM PAR NANG GI 'DU BYED RNAMS 'KHOR BAR MI 'THAD DO, MI RTAG PA'I PHYIR DPER NA PHYI ROL GYI BUM PA LA SOGS PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHYI ROL GYI 'DU BYED BUM PA LA SOGS PA DAG NI MI RTAG PA'I PHYIR 'KHOR BAR MI 'THAD PA DE BZHIN DU, NANG GI DNGOS PO MIG LA SOGS PA DAG KYANG MI RTAG PA'I PHYIR 'KHOR BAR MI 'THAD DO, ,DE LTAR RE ZHIG 'DU BYED RNAMS RTAG PA DANG MI RTAG PA GNYI GA YANG 'KHOR BAR MI 'THAD PAR BSTAN TO, ,DA NI SEMS CAN YANG RTAG PA DANG MI RTAG PA GNYI GA YANG 'KHOR BAR MI 'THAD PA BSTAN PA'I PHYIR, CI STE 'DU BYED RNAMS RTAG PA GNYI GA LTAR YANG 'KHOR BAR MI 'THAD PA'I PHYIR SEMS CAN 'KHOR RO ZHES RNAM PAR RTOG NA DE LA YANG BRGAL ZHING BRTAG PA DE NYID DE ZHES BYA BA LA SOGS PA SMRAS TE, CI STE BDAG TU SMRA BA DAG DE LTAR RTOG NA DE LA YANG DBU MA PAS BRGAL ZHING BRTAG PA SNGAR 'DU BYED RNAMS KYI SKABS SU BSTAN PA DE NYID YIN NO ZHES BYA BAR SBYAR RO, ,DE NYID BSTAN PA'I PHYIR CI SEMS CAN RTAG PA ZHIG GAM 'ON TE MI RTAG PA ZHIG 'KHOR ZHES GAL ? GNYIS SU BRTAG PA SMRAS SO, ,GNYI GA LTAR YANG DAM 'CHA' NA ZHES BYA BA NI PHA ROL PO DAG GO, ,LAN YANG DE NYID DE ZHES BYA BA NI RTAG PA DANG MI RTAG PA GNYI GA LA 'KHOR BAR MI 'THAD PAR SNGAR BSTAN PA'O, ,DE NYID BSTAN PA'I PHYIR RTAG PA [*LINE BREAK] NI MI 'GYUR BAS GNAS SKABS SNGA PHYI'I KHYAD PAR MA SKYES PA'I PHYIR DANG, MI RTAG PA YANG ZHIG NAS MI SKYE BA'I PHYIR MI 'KHOR BAR SEMS CAN LA YANG RIM 'DI MTSUNGS, DGAG PA'I TSUL GYIS ZHES BYA BA'I THA TSIG GO ZHES BYA BA SMRAS SO, ,DGAG PA'I TSUL GYI RIM PA DE BSTAN PA'I PHYIR DE BAS NA SEMS CAN @334A *, ,RTAG PA DANG MI RTAG PA 'KHOR BA'I PHYOGS LA YANG DAM BCAS PA'I SKYON DANG RJES SU DPAG PA'I GNOD PA SNGA MA BZHIN NO ZHES BYA BA SMRAS TE, SNGAR DAM BCAS PA LA CHOS KYI NGO BO NYID BSAL BA'I SKYON DANG RJES SU DPAG PA'I GNOD PA CI SKAD BSTAN PA DE DAG 'DIR YANG CI RIGS PAR SBYAR RO; ,CI LTAR DAM BCAS PA LA CHOS KYI NGO BO NYID BSAL BA'I SKYON YOD CE NA, SEMS CAN RTAG PA MI 'GYUR BA LA 'KHOR BA 'GYUR BA 'BYUNG BA 'GAL BAS DE BSAL BA'I PHYIR DAM BCAS PA LA SKYON YOD DO, ,CI LTAR RJES SU DPAG PA'I GNOD PAR 'GYUR ZHE NA, SEMS CAN RTAG PA LA 'KHOR BA MI 'THAD DE RTAG PA'I PHYIR DPER NA NAM MKHA' BZHIN NO, ,MI RTAG PA LA YANG DE LAS BZLOG STE CI RIGS PAR SBYAR RO, ,CI STE YANG 'DU BYED RNAMS DANG SEMS CAN MI RTAG PAR SMRA BA DAG PHYIR ZLOG PAR BYED DE, 'DU BYED RNAMS DANG SEMS CAN ZHIG PA'I RGYUN CAN GYI 'DU BYED RNAMS DANG SEMS CAN GYI RGYUD PHYI MA DE DAG GI RGYU LAS BYUNG BA DAG GNYEN PO MA SKYES PA'I PHYIR RGYUN CHAGS SU 'KHOR BAS 'KHOR BA 'GRUB PA'I PHYIR SKYON MED DO ZHE NA ZHES BYA BA NI DE LTAR 'DU BYED RNAMS DANG, SEMS CAN RTAG PA DANG, MI RTAG PA LA 'KHOR BA MI 'THAD PAR BSGRUBS PA DANG, 'DIR RANG GI SDE PA DANG PHYI ROL PA 'DU BYED RNAMS DANG SEMS CAN MI RTAG PAR SMRA BA RNAMS KYIS DE MI BZOD PAS DE DAG NA RE SKAD CIG MA SNGA MA 'GAGS KYANG DE'I RKYEN GYIS SKAD CIG MA PHYI MA SKYE BA'I RGYUN 'BREL PA YOD LA DE YANG GNYEN PO 'PHAGS PA'I LAM MA SKYES KYI BAR DU RGYUD KYI RGYUN GYIS 'BYUNG BAS DE NYID 'KHOR BA YIN PA'I PHYIR MI RTAG PAR SMRA BA RNAMS KYI PHYOGS LA 'KHOR BA GRUB PO ZHES PHYIR ZLOGS SHING RGOL BA'I TSIG YIN NO, ,DE'I LAN DU 'DIR 'GREL PA BYED PA NYID KYIS DE NI BZANG PO MA YIN TE, DE MA THAG PA'I RKYEN BZHIN DU 'DU BYED RNAMS DANG SEMS CAN ZHIG PA DAG SKAD CIG MA PHYI MA'I RKYEN NYID BSAL BA'I PHYIR DANG ZHES BYA BA LA SOGS PA SMRAS TE, DES NI JI LTAR SNGAR, 'GAGS NA RKYEN KYANG GANG ZHIG YIN, ,ZHES BYA BAS DE MA THAG PA'I RKYEN BKAG PA BZHIN DU 'DIR YANG 'DU BYED RNAMS DANG, SEMS CAN @334B ZHIG CING 'GAGS PA YANG GNYEN PO MA SKYES KYANG SO SOR MA BRTAGS PAR 'GOG PAS 'GAGS TE MED PA DAG 'DU BYED PHYI MA'I RKYEN NYID YIN PA BSAL BA'I PHYIR PHA ROL PO'I TSIG LA SKYON MED PA MA YIN NO ZHES BSTAN TO, DAM BCAS PA'I SKYON MA SPANGS PA'I PHYIR DANG ZHES BYA BAS NI SNGAR YANG NA MI RTAG PA RNAMS LA MI RTAG PA'I CHOS SU RJES SU DPOG PAS 'KHOR BA MED PAS 'KHOR BA BSAL BA'I PHYIR DAM BCAS PA LA CHOS KYI NGO BO NYID BSAL BA'I SKYON YOD DO ZHES BSHAD PA DE'I SKYON PHA ROL POS MA SPANGS PA'I PHYIR YANG PHA ROL PO'I TSIG LA SKYON MED PA MA YIN NO ZHES BSTAN TO, ,DE SKAD SMRA BA LA RJES SU DPAG PAS GNOD PA'I PHYIR SKYON MED PA MA YIN NO ZHES BYA BAS NI MI RTAG PAR SMRA BA LA DON DAM PAR NANG GI 'DU BYED RNAMS 'KHOR BAR MI 'THAD DE MI RTAG PA'I PHYIR DPER NA PHYI ROL GYI BUM PA LA SOGS PA BZHIN NO ZHES RJES SU DPAG PAS GNOD PA'I PHYIR PHA ROL PO DAG GI TSIG LA SKYON MED PA MA YIN NO, ,'DIR 'JIG RTEN RGYANG PAN PA DAG GIS SMRAS PA, 'DU BYED RNAMS DANG SEMS CAN RTAG PA DANG MI RTAG PA MI 'KHOR RO ZHES ZER BA NI GRUB PA LA SGRUB PA YIN TE ZHES BYA BA NI, DE LTAR DBU MA PAS 'DU BYED RNAMS DANG SEMS CAN RTAG PA DANG MI RTAG PA'I MU BZHI CHAR LA 'KHOR BA MI 'THAD DO ZHES BKAG PA DANG, 'DIR 'JIG RTEN RGYANG PAN PA DAG DGA' NAS DE DAG NA RE DBU MA PAS 'KHOR BA MED DO ZHES BSGRUBS PA NI GRUB PA LA SGRUB PA YIN TE, CI'I PHYIR ZHE NA, KHO BO CAG GI GZHUNG LAS KYANG 'KHOR BA MED PAR GRUB PA'I PHYIR RO ZHES ZER BA'I TSIG YIN NO, ,'JIG RTEN RGYANG PAN PA DAG GI GZHUNG LAS CI LTAR 'KHOR BA MED CE NA, KHO BO CAG GI MKHAN PO DRANG SRONG CHEN PO 'JIG RTEN MIG CES BYA BAS RANG GI CHUNG MA LA GTAMS PA'I LUNG LAS 'DI SKAD CES 'BYUNG STE, CI TZAM DBANG PO'I SPYOD YUL BA, ,SKYES BU DE TZAM NYID DU ZAD, ,CES BYA BA LA SOGS PA SMRAS TE, SKYES BU ZHES BYA BA NI JI SRID DU MA SHI ZHING MIG LA SOGS PA DBANG PO'I SPYOD YUL DU 'GYUR BA DE SRID DU YOD KYI, SHI ZHING LUS THAL BAR GYUR PHAN CHAD MED DE, MA SHI'I @335A *, ,BAR DU BDE BAR 'TSO, ,SHI ZIN PHAN CHAD SPYOD YUL MED, ,LUS NI THAL BAR GYUR PA LA, ,PHYIR YANG 'ONG BA GA LA YOD, ,CES BYA BA YIN NO, ,SNGO BSANGS MANG THOS GANG SMRA BA, ,DE DAG SPYANG KI'I RJES DANG 'DRA, ,ZHES BYA BA NI DRANG SRONG 'JIG RTEN MIG , ? CES BYA BAS RANG GI CHUNG MA LA, KYE SNGO BSANGS MA ZHES BOS NAS 'JIG RTEN NA DGE SBYONG DANG BRAM ZE MANG DU THOS PA DAG GIS 'JIG RTEN 'DI YOD DO, ,'JIG RTEN PHA ROL YOD DO, ,SBYIN PA YOD DO, ,MCHOD SBYIN YOD DO, ,PHA DANG MA YOD DO, ,SEMS CAN RDZUS TE SKYE BA YOD DO, , 'JIG RTEN NA DGRA BCOM PA YOD DO ZHES GANG DAG SMRAS PA DE DAG NI SPYANG KI'I RJES ZHES BYA BA'I BYUNG BA'I MTHA' DANG 'DRA STE, BRDZUN NO ZHES RJES SU BSTAN PA'I GZHUNG STE, DE'I BYUNG BA'I MTHA' NI SNGON GYI 'TSO BA MED PA G-YON CAN ZHIG GRONG KHYER 'BYOR PA RGYAS PA PHYUG BA LO LEGS PA SKYE BO DANG MI MANG POS GANG BA ZHIG TU SONG STE, DER PHYIN NAS BDAG NYID KYI RIG BYED DANG BRDA SPROD PA LA SOGS PA'I BSTAN BCOS CI SHES PA THAMS CAD GRONG KHYER BA'I MI RNAMS LA BSHAD DE, THAMS CAD YID CHES PAR BYAS NAS GANG GI TSE DE'I TSIG GIS GRONG KHYER BA THAMS CAD RGYU SKAR DANG, GZA' DANG, TSE GRANGS DANG, SKAR MA'I DUS DANG SBYAR TE, SO SO'I ZHING LAS DANG NYO TSONG LA SOGS PA SO NAM GYI BYA BA DAG LA SONG BA DE'I TSE NA G-YON CAN DES SHING LAS SPYANG KI'I RKANG PA 'DRA BA MANG PO DAG BYAS NAS MTSAN MO GRONG KHYER BA'I MI THAMS CAD GNYID LOG PA'I TSE SRANG DANG, LAM PO CHE DANG SUM MDO DANG BZHI MDO DAG TU SPYANG KI'I RKANG BA 'DRA BA DE DAG GIS GLAN TE SPYANG RJES CHEN PO PHAL MO CHES BKANG NGO, ,DE NAS NANG BAR NAM LANGS PA DANG, GRONG KHYER BA'I MI RNAMS KYIS SPYANG RJES CHEN PO PHAL PO CHE DAG MTHONG NAS, YA MTSAN SKYES SHING SKRAG STE MI G-YON CAN DE LA DRIS PA, MKHAN PO 'PHAGS PA SPYANG RJES CHEN PO PHAL MO CHE 'DI DAG SU'I LAGS, G-YON CAN DES SMRAS PA, KYI HUD 'O BU CAG LA 'DI LTAR LTAS NGAN 'DI LTA BU BYUNG BAS 'O BU CAG THAMS CAD MA RUNGS PAR 'GYUR TE, SRIN PO CHEN PO SPYANG KI ZHES BYA BA ZHIG YOD PA DE, @335B DANG NAS ZHAG BDUN NA 'DIR 'ONG ZHING DES GRONG KHYER BA 'DI DAG THAMS CAD ZA BAR 'GYUR RO, ,GRONG KHYER PA'I MI RNAMS KYIS SMRAS PA, 'ON BDAG CAG DE LAS BSRUNG BA'I THABS 'GA' STA MCHIS SAM, G-YON CAN DES SMRAS PA, THABS GCIG KHO NA ZHIG YOD DE, GAL TE GRONG KHYER BA'I MI KHYED KYIS DO MOD KHYED THAMS CAD PHYI ROL DU BZA' BA DANG BCA' BA MANG PO'I GTOR MA PHUL LA, SO SO'I KHYIM NA, GSER DANG, DNGUL DANG, NOR BU DANG, MU TIG LA SOGS PA NOR RDZAS KYI RNAM PA CI BDOG PA THAMS CAD DER BSKYUR TE BOR LA PHYIR MI LTA BAR THAL BYUNG BROS TE GRONG KHYER DU ZHUGS LA SGO BCAD DE, ZHAG BDUN GYI BAR DU GAB NA THABS DES KHYED THAMS CAD SRIN PO'I KHA NAS THAR RO, ,DE NAS GRONG KHYER BA'I MI DE DAG SKRAG PA'I DBANG GIS DE'I TSIG MNYAN TE DE LTAR BYAS PA DANG, MI G-YON CAN DES DE'I MTSAN MO MI RNAMS NYAL BA'I TSE KHA ZAS DANG NOR THAMS CAD BSDUS TE KHYER ZHES GRAGS TE, CI LTAR MI G-YON CAN 'TSO BA MED PA DES SPYANG RJES BSTAN PAS RANG GI DON BYAS PA DANG 'DRA BAS, 'DI NA DGE SBYONG DANG BRAM ZE MANG DU THOS PA DAG KYANG 'JIG RTEN PHA ROL YOD PAR STON PAS RANG GI DON BYED PAS 'JIG RTEN PHA ROL YOD KYI DGE SBYONG DANG BRAM ZE DAG LA YON PHUL CIG CES ZER BA YANG DE DANG 'DRA'O ZHES ZER RO, ,MDZES MA LEGS PAR SPYOD CING ZO, ,ZHES BYA BA YANG, DRANG SRONG DES RANG GI CHUNG MA LA KYI MDZES MA ZHES BOS NAS DE LTAR MANG DU THOS PA DAG SMRA BA DE DAG SPYANG KI'I RJES DANG 'DRA BAS KHYOD DGE SBYONG DANG BRAM ZE DAG LA YANG SBYIN PA MA BYED PAR RANG NYID LEGS PAR SPYOD CING ZO SHIG CES ZER BA'O, ,LUS MCHOG KHYOD 'DAS GANG DE MED, ,CES BYA BA YANG DRANG SRONG DES CHUNG MA LA KYE LUS MCHOG CES POS NAS KHYOD KYIS 'DAS PA'I DUS SU GANG BYAS PA DE LA PHYIS 'BRAS BU MED DO ZHES BSGO BA'O, ,'JIGS RUNG SONG BA PHYIR MI LDOG ,CES BYA BA YANG DRANG SRONG DES CHUNG MA LA KYE 'JIGS SU RUNG ZHES BOS NAS 'JIG RTEN 'DI NAS PHA ROL DU SONG BA LA PHYIR LDOG CING YANG DANG YANG DU SKYE BA MED DO ZHES GTAMS PA'O, ,LUS 'DI 'DUS PA TZAM DU ZAD, ,CES BYA BA NI DA LTAR GSON TSE GCIG GI LUS 'DI NI 'DUS PA TZAM ZHIG YOD KYI DE LA SNGA PHYI MED DO ZHES @336A *, ,BSTAN PA'O, ,DE LTAR DRANG SRONG GI LUNG BSGRUBS NAS DA NI RANG GI TSE SNGA PHYI MED PAR BSGRUB PA'I PHYIR 'JIG RTEN 'DI NAS 'JIG RTEN GZHAN DU CHOS 'GA' YANG MI 'GRO ZHING, MNGAL NA GNAS PA'I SNGON ROL GYI BLO GANG YIN PA DE NAS KYANG 'DIR 'GA' YANG MA 'ONGS TE ZHES BYA BA SMRAS SO; ,SANGS RGYAS PA DAG TSE SNGA MA YOD PAR SGRUB PA'I GZHUNG SUN PHYUNG BA'I PHYIR, GANG DAG MNGAL NA GNAS PA'I SNGA ROL NA 'JIG RTEN YOD DO ZHES BYA BA'I DON DE SGRUB PA'I PHYIR, MNGAL NA GNAS PA'I SNGON ROL GYI BLO GANG YIN PA DE NI DE MA THAG TU DGAG PA'I BLO SNGON DU 'GRO BA YIN TE BLO YIN PA'I PHYIR DPER NA DE'I 'OG ROL GYI BLO BZHIN NO ZHES SGRUB PA SMRA BA DE DAG LA NI DPE MED DE, 'DI LTAR MA SHI BA'I BAR DU GNAS PA RNAMS LA BLO GCIG KHO NAR ZAD PA'I PHYIR TE, DE LTAR RE ZHIG 'JIG RTEN SNGA MA MED DO ZHES BYA BA SMRAS TE, SANGS RGYAS PA DAG RJES SU DPAG PA DE SKAD SMRA NA DE LA YANG DPE MED PAS TSE SNGA MA MED DO, ,TSE PHYI MA YANG MED PA BSTAN PA'I PHYIR JI LTAR 'JIG RTEN PHYI MA MED PA DE LTAR 'DI BSHAD DE LHAS BYIN GYI 'CHI KHA'I SEMS NI SEMS GZHAN DANG NYID MTSAMS SBYOR BA MED DE 'CHI KHA'I SEMS YIN PA'I PHYIR DPER NA DGRA BCOM PA'I 'CHI KHA'I SEMS BZHIN NO ZHES BYA BA SMRAS TE, DE'I PHYIR DBU MA PAS 'KHOR BA MED PAR BSGRUBS PA NI KHO BO CAG GI PHYOGS LA YANG GRUB PAS GRUB PA LA SGRUB PA MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR 'DU BYED MI RTAG PA 'KHOR BA THA SNYAD DU MA BKAG PA'I PHYIR DANG, 'DU BYED RTAG PA NI 'KHOR BA GNYI GAR YANG BKAG PA'I PHYIR GRUB PA LA SGRUB PA MA YIN NO ZHES SMRAS TE, DE NI GRUB PA LA SGRUB PA YIN NO ZHES ZER BA'I LAN BTAB STE, 'DU BYED MI RTAG PA RNAMS THA SNYAD DU 'KHOR BA DANG, RTAG PA RNAMS BDE BA GNYI GAR YANG MI 'KHOR BAR DBU MA PAS BSGRUB PA DAG 'JIG RTEN RGYAD PAN PA LA MED PA'I PHYIR RO, ,LHAS BYIN GYI RGYUD KYI GZUGS KYI BLO NI SGRA'I BLO LAS GZHAN MA YIN PA MA YIN TE, YUL THA DAD PA'I PHYIR DPER NA RGYUD GZHAN GYI BLO BZHIN PAS RJES SU DPAG PA LAS DPE YOD PA'I PHYIR THA SNYAD DU 'JIG RTEN PHA ROL SNGA MA MA GRUB PA MA YIN NO ZHES BYA BAS NI SNGAR 'JIG RTEN @336B RGYANG PAN ? PA DAG NA RE GANG DAG MNGAL NA GNAS PA'I SNGON ROL NA 'JIG RTEN YOD DO ZHES BYA BA'I DON DE SGRUB PA'I PHYIR MNGAL NA GNAS PA'I SNGON ROL GYI BLO GANG YIN PA DE NI, DE MA THAG TU 'GAGS PA'I BLO SNGON DU 'GRO BA YIN TE, BLO YIN PA'I PHYIR DPER NA DE'I 'OG ROL GYI BLO BZHIN NO ZHES BSGRUB PA SMRA BA DE DAG LA NI DPE MED DO, 'DI LTAR MA SHI BA'I BAR DU GNAS PA RNAMS LA BLO GCIG KHO NAR ZAD PA'I PHYIR TE, DE LTAR RE ZHIG 'JIG RTEN SNGA MA MED DO ZHES BYA BA'I LAN BTAB STE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYUD THA DAD PA MCHOD SBYIN GYI BLO NI LHAS BYIN GYI BLO LAS YUL THA DAD PA'I PHYIR LHAS BYIN GYI BLO LAS GZHAN YIN PA DE BZHIN DU, RGYUD GCIG PA LHAS BYIN NYID KYI GZUGS KYI BLO YANG SGRA'I BLO LAS YUL THA DAD PA'I PHYIR, SGRA'I BLO LAS GZHAN YIN PAS RJES SU DPAG PA DE'I SGO NAS BRTAGS NA 'JIG RTEN RGYAD PAN PA DAG NA RE, 'DI LTAR MA SHI BA'I BAR DU GNAS PA RNAMS LA BLO GCIG KHO NAR ZAD PA'I PHYIR, SANGS RGYAS PA DAG GI DPE DE'I 'OG ROL GYI BLO BZHIN NO ZHES SGRUB PA SMRA BA DE DAG LA DPE MED DE ZHES ZER BA DE MED PA MA YIN TE, RGYUD GCIG GI BLO YUL THA DAD PA RNAMS KYANG THA DAD PA NYID YIN PAS DPER NA MNGAL NA GNAS PA'I 'OG ROL GYI BLO YANG DE MA THAG TU 'GAGS PA'I BLO SNGON DU 'GRO BA DE BZHIN DU MNGAL NA GNAS PA'I SNGON ROL GYI BLO GANG YIN PA DE YANG DE MA THAG TU 'GAGS PA'I BLO SNGON DU 'GRO BA YIN PAS DE LTAR DBU MA PA'I DPE GRUB PA'I PHYIR THA SNYAD DU 'JIG RTEN SNGA MA MED PA MA YIN NO, ,'JIG RTEN PHA ROL PHYI MA YANG MED PA MA YIN TE, ZAG PA DANG BCAS PA'I 'CHI KHA'I SEMS NI SEMS GZHAN DANG NYID MTSAMS SBYOR TE, ZAG PA DANG BCAS PA'I PHYIR DPER NA 'CHI BA'I RGYU'I SEMS BZHIN PAS, THA SNYAD KYI BDEN PA DANG 'GAL BA MED DO ZHES BYA BAS NI SNGAR 'JIG RTEN RGYANG PAN PA DAG NA RE 'DI LTAR 'JIG RTEN PHYI MA MED PA DE LTAR 'DIR BSHAD DE, LHAS BYIN GYI 'CHI KHA'I SEMS NI SEMS GZHAN DANG NYID MTSAMS SBYOR BA MED DE, 'CHI KHA'I SEMS YIN PA'I PHYIR DPER NA DGRA BCOM PA'I @337A *, ,'CHI KHA'I SEMS BZHIN NO ZHES ZER BA'I LAN BTAB STE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'CHI BA'I RGYU DANG PO NA BA LA SOGS PA'I SEMS NI ZAG PA DANG BCAS PA'I PHYIR 'CHI KHA'I SEMS GZHAN DANG NYING ? MTSAMS SBYOR BA DE BZHIN DU ZAG PA DANG BCAS PA'I 'CHI KHA'I SEMS KYANG ZAG PA DANG BCAS PA'I PHYIR 'JIG RTEN PHA ROL DU SKYE BA'I CHAR GTOGS PA'I SEMS GZHAN DANG NYING MTSAMS SBYOR TE, DES NA DBU MA PAS THA SNYAD DU ZAG PA DANG BCAS PA'I SEMS GZHAN LA NYING MTSAMS SBYOR BA YOD PAS 'JIG RTEN PHYI MA YOD PAR BSHAD PA DE LA THA SNYAD KYI BDEN PA DANG 'GAL BA MED DO, ,GAL TE DON DAM PAR LHAS BYIN GYI BLO YANG RGYUD GZHAN GYI BLO THAMS CAD LAS GZHAN NYID MA YIN TE, BLO YIN PA'I PHYIR DPER NA LHAS BYIN GYI BLO BZHIN NO ZHES BYA BA NI SNGAR DBU MA PAS, RGYUD GCIG PA'I BLO YANG RGYUD THA DAD PA'I PHYIR GZHAN NYID YIN PAS RJES SU DPAG PA LAS DPE YOD PA'I PHYIR THA SNYAD DU 'JIG RTEN PHA ROL SNGA MA MA GRUB PA MA YIN NO ZHES BSHAD PA DE LA, 'DIR 'JIG RTEN RGYANG PAN PA DAG YANG RGYUD THA DAD PA'I BLO THAMS CAD KYANG DON DAM PAR THA DAD PA MA YIN PAS GZHAN NYID DU MI 'GRUB PA'I PHYIR DBU MA PA'I DPE MA GRUB PO ZHES RGOL BA'I TSIG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN RANG GI BLO NI BLO YIN PA'I PHYIR DON DAM PAR RANG GI BLO LAS GZHAN NYID MA YIN PA DE BZHIN DU, LHAS BYIN GYI BLO YANG BLO YIN PA'I PHYIR DON DAM PAR RGYUD THA DAD PA GZHAN GYI BLO THAMS CAD LAS GZHAN NYID MA YIN PAS DBU MA PA'I DPE MA GRUB PO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, DON DAM PAR LHAS BYIN GYI BLO'I SKYE BA BKAG PA'I PHYIR DANG, DE LAS GZHAN NYID MA YIN PA MA GRUB PA'I PHYIR DANG ZHES BYA BA LA SOGS PA SMRAS TE, KHO BOS DON DAM PAR LHAS BYIN GYI @337B BLO'I SKYE BA BKAG PA'I PHYIR DANG, KHYOD KYI DPE DANG, DNGOS KYI CHOS CAN MA GRUB PA'I PHYIR DANG, DE MA GRUB PAS DE LAS RGYUD GZHAN GYI BLO THAMS CAD GZHAN NYID YIN PAR BSGRUB PAR BYA BA CHOS KYANG MA GRUB PA'I PHYIR, 'JIG RTEN RGYANG PAN PA DAG GI SGRUB PA DE NI BZAD PO MA YIN NO, ,THA SNYAD DU BLO RGYUD GZHAN GYI BLO THAMS CAD LAS, GZHAN NYID MA YIN PAR DAM 'CHA' BAS DES NA KHYED KYI DPE MA GRUB PO ZHES ZER NA, DE LTA NA THA SNYAD DU LHAS BYIN GYI BLO RGYUD GZHAN GYI BLO THAMS CAD LAS GZHAN NYID YIN PAR GRAGS PA'I GNOD PAS, KHYED LA GNOD PAR 'GYUR BA'I PHYIR DE YANG BZANG PO MA YIN PAR BSTAN TO, ,DGRA BCOM PA'I SEMS KYANG NYING MTSAMS SBYOR BA DANG, NYING MTSAMS SBYOR BA MED PAR MA GRUB PA'I PHYIR DANG ZHES BYA BAS NI, SNGAR 'JIG RTEN RGYANG PAN PA DAG NA RE CI LTAR 'JIG RTEN PHYI MA MED PA DA LTAR 'DI BSHAD DE, LHAS BYIN GYI 'CHI KHA'I SEMS NI SEMS GZHAN DANG NYING MTSAMS SBYOR BA MED DE, 'CHI KHA'I SEMS YIN PA'I PHYIR DPER NA DGRA BCOM PA'I 'CHI KHA'I SEMS BZHIN NO ZHES ZER BA'I DPE DE MA GRUB PAR STON TO, ,'DI LTAR LUNG LAS DE BZHIN GSHEGS PA MYA NGAN LAS 'DAS NAS YOD PA DANG, MYA NGAN LAS 'DAS NAS MED PA DANG, MYA NGAN LAS 'DAS NAS YOD KYANG YOD LA MED KYANG MED PA DANG, MYA NGAN LAS 'DAS NAS YOD PA YANG MA YIN MED PA YANG MA YIN PAR LUNG DU MA BSTAN PAS, ,DGRA BCOM PA'I 'CHI KHA'I SEMS KYANG NYING MTSAMS SBYOR BA DANG, NYING MTSAMS SBYOR BA MED PAR MA GRUB PA'I PHYIR PHA ROL PO'I DPE MA GRUB PAS, DE YANG BZANG PO MA YIN NO, ,DON DAM PAR SGRUB PA'I DPE MA TSANG BA'I SKYON YOD PA'I PHYIR RO ZHES BYA BAS NI, SNGAR PHA ROL PO DAG NA RE DON DAM PAR LHAS BYIN GYI BLO YANG RGYUD GZHAN GYI BLO THAMS CAD LAS GZHAN NYID MA YIN TE, BLO YIN PA'I PHYIR DPER NA LHAS BYIN GYI BLO BZHIN NO ZHES ZER BA'I DPE DE MA GRUB PAR STON TO, DON DAM PAR LHAS BYIN GYI BLO MA GRUB PAS PHA ROL PO'I SGRUB PA LA DPE MA TSANG BA'I SKYON YOD PA'I PHYIR DE YANG BZANG PO MA YIN NO, ,THA SNYAD DU ZAG PA MED PA'I SEMS PHYOGS BYED NA NI GRUB PAS SGRUB PA YIN NO @338A *, ,ZHES BYA BA NI, GAL TE PHA ROL PO DAG 'DI SKAD CES KHO BO CAG KUN RDZOB KYI THA SNYAD DU ZAG PA MED PA'I 'CHI KHA'I SEMS, SEMS GZHAN DANG NYING MTSAMS SBYOR BA MED PA PHYOGS SU BYED CING, GZHAN NYID MA YIN PAR DAM 'CHA'O ZHES ZER NA, DE NI DED SANGS RGYAS PA DAG GI PHYOGS LA YANG GRUB ZIN PAS GRUB PA LA SGRUB PA YIN PA'I PHYIR MI RUNG NGO ZHES STON TO, ,SRID PA SNGA MA'I 'CHI KHA'I SEMS GZHAN DANG NYING MTSAMS SBYOR BAS MA NGES PA NYID KYANG YIN NO ZHES BYA BAS NI, SNGAR PHA ROL PO DAG NA RE JI LTAR 'JIG RTEN PHYI MA MED PA DE LTAR 'DIR BSHAD DE, ,LHAS BYIN GYI 'CHI KHA'I SEMS NI SEMS GZHAN DANG NYING MTSAMS SBYOR BA MED DE, 'CHI KHA'I SEMS YIN PA'I PHYIR DPER NA DGRA BCOM PA'I 'CHI KHA'I SEMS BZHIN NO ZHES ZER BA'I GTAN TSIGS DE MA NGES PA NYID DU STON TE, 'DI NA SRID PA SNGA MA'I 'CHI KHA'I SEMS KYANG SRID PA 'DIR SKYE BA'I SEMS GZHAN DANG NYING MTSAMS SBYOR BA MTHONG BAS, DES NA RE ZHIG 'CHI KHA'I SEMS YIN PA'I PHYIR DPER NA DGRA BCOM PA'I 'CHI KHA'I SEMS BZHIN DU NYING MTSAMS SBYOR BA MED PA YIN NAM, 'ON TE 'CHI KHA'I SEMS YIN PA'I PHYIR SRID PA SNGA MA'I 'CHI KHA'I SEMS BZHIN DU NYING MTSAMS SBYOR BA YOD PAR 'GYUR BA MA NGES PA NYID YIN PAS PHA ROL PO'I GTAN TSIGS MA NGES PA NYID KYI SKYON YOD DO, ,GAL TE DE YANG PHYOGS SU BYAS PA'I PHYIR SKYON MED DO ZHE NA ZHES BYA BA NI, PHA ROL PO DAG NA RE KHO BO CAG 'JIG RTEN PHA ROL MED PAR SMRA BA DAG GIS, SRID PA SNGA MA'I 'CHI KHA'I SEMS DE SEMS GZHAN DANG NYING MTSAMS SBYOR BA MED PA DE YANG PHYOGS SU BYAS PA'I PHYIR, MI MTHUN PA'I PHYOGS MED PAS GTAN TSIGS MA NGES PA NYID KYI SKYON MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, 'JIG RTEN PHA ROL LA SKUR BA 'DEBS PA'I PHYOGS LA, SRID PA SNGA MA'I 'CHI KHA'I SEMS MA GRUB PAS DE'I PHYOGS SU BYA BA MI 'THAD DO ZHES BYA BA SMRAS TE; 'JIG RTEN RGYANG PAN PA'I PHYOGS LA SRID PA SNGA PHYI MED PA'I PHYIR, SRID PA SNGA MA'I 'CHI KHA'I SEMS MA GRUB PAS, DE'I PHYOGS SU BYA BA MI 'THAD DE, GZHI MA GRUB PA'I PHYIR RO, ,BRTAG PA 'PHROS PAS CHOG GO ZHES BYA BAS NI, SKABS GONG MA DAG GIS MJUG BSDU BA BSTAN TO,, ,,