@01A #, ,BAM PO LNGA BCU LNGA PA, GNAS MA'I BU'I SDE PA DAG GIS SMRAS PA, GANG ZAG NI PHUNG PO DANG SKYE MCHED DANG KHAMS RNAMS LAS DE NYID DAM GZHAN NYID DU BRJOD PAR BYA BA NYID MA YIN PA DE BZHIN DU RTAG PA DANG MI RTAG PA NYID DU YANG BRJOD PAR BYA BA NYID MA YIN PA'I PHYIR PHYOGS GNYI GAR BSTAN PA'I SKYON DE DAG KHO BO CAG LA MI GNOD DE GANG ZAG DE LTA BU DE 'KHOR RO ZHES BYA BA NI NYAN THOS GNAS MA'I BU'I SDE PA DAG GI GZHUNG LAS, GANG ZAG NI PHUNG PO LA SOGS PA DANG GCIG PA NYID DANG GZHAN NYID DU BRJOD PAR BYA BA NYID MA YIN PA DE BZHIN DU RTAG PA DANG MI RTAG PA NYID DU YANG BRJOD PAR BYA BA NYID MA YIN PAR 'BYUNG BAS DE'I PHYIR 'DIR DE DAG NA RE KHO BO CAG GI PHYOGS LA GANG ZAG NI RTAG PA DANG MI RTAG PA NYID GNYI GAR YANG BRJOD PAR BYA BA MA YIN PA'I PHYIR KHYED KYIS SNGAR RTAG PA DANG MI RTAG PA'I PHYOGS GNYI GAR BSTAN PA'I SKYON DE DAG KHO BO CAG LA MI GNOD DE, DE LTAR RTAG PA DANG MI RTAG PA'I MTHA' GNYI GAR YANG BRJOD PAR BYA BA MA YIN PA'I GANG ZAG RNAM PA DE LTA BU DE 'GRO BA LNGAR 'KHOR RO ZHES ZER @02A *, ,BA'I GZHUNG YIN NO DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE GANG ZAG 'KHOR ZHE NA, ,PHUNG PO SKYE MCHED KHAMS RNAMS LA, ,DE NI RNAM PA LNGAS BTZAL NA, ,MED NA GANG ZHIG 'KHOR BAR 'GYUR, ,'KHOR BAR MI 'GYUR BA KHO NA STE, ,MED PA'I PHYIR RO ZHES BYA BAR DGONGS SO ZHES BYA BA SMRAS TE, GNAS MA'I BU'I SDE PA DAG GIS BTAGS PA'I GANG ZAG RNAM PA DE LTA BU DE 'GRO BA LNGAR 'KHOR RO ZHES BYA BAR PHUNG PO DANG KHAMS DANG SKYE MCHED RNAMS LA GANG ZAG DE RNAM PA LNGAS BTZAL NA MED PA'I PHYIR GANG ZHIG 'KHOR BAR 'GYUR TE MI 'GYUR RO ZHES BYA BAR DGONGS SO, ,RNAM PA LNGA NI DE BZHIN GSHEGS PA BRTAG PA'I SKABS NAS, SKU MIN SKU LAS GZHAN MA YIN, ,DE LA SKU MED DER DE MED, ,DE BZHIN GSHEGS PA SKU LDAN MIN, ,DE BZHIN GSHEGS PA GANG ZHIG YIN, ,ZHES 'OG GNAS 'BYUNG BAS 'DIR 'GREL PA MA BYAS SO, ,DE LTAR DE NI BSGRUB PAR BYA BA DANG, SGRUB PA'I CHOS NYE BAR GZHAG PA'I TSIG YIN NO, , ZHES BYA BA NI 'KHOR BAR MI 'GYUR BA KHO NA STE, MED PA'I PHYIR RO ZHES BYA BAR DGONGS SO, ,ZHES BYA BA DANG GO RIMS BZHIN DU SBYAR RO, ,DE NYID KYI TSAD MA BSTAN PA'I PHYIR 'DIR SBYOR BA'I TSIG NI, DON DAM PAR GANG ZAG YOD PA MA YIN TE, GZUGS SU @02B RUNG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA LA MA GTOGS PA'I MTSAN NYID DMIGS SU MED PA'I PHYIR, DPER NA BONG BU'I RVA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BONG BU'I RVA NI PHUNG PO LNGA LA MA GTOGS PA'I MTSAN NYID DMIGS SU MED PA'I PHYIR YOD PA MA YIN PA DE BZHIN DU, GANG ZAG KYANG PHUNG PO LNGA LA MA GTOGS PA'I MTSAN NYID DMIGS SU MED PA'I PHYIR YOD PA MA YIN PAR 'KHOR BAR MI 'GYUR RO, ,CI STE MED BZHIN DU YANG DE LA MNGON PAR ZHEN PA'I BAG CHAGS KYI BLO GROS NYAMS PAS RAB RIB CAN GYI SKRA SHAD DANG, SBRANG BU LA SOGS PA YOD PAR MTHONG BA BZHIN DU DE YOD PAR RNAM PAR RTOG NA ZHES BYA BA NI JI STE RJES SU DPAG PA SNGA MAS GANG ZAG MED PAR GRUB BZHIN DU YANG GNAS MA'I BU'I SDE PA LA SOGS PA DAG GANG ZAG LA MNGON PAR ZHEN PA'I BAG CHAGS KYIS BDAG MED PAR LTA BA'I BLO GROS NYAMS PAS DPER NA, RAB RIB CAN GYI SKRA SHAD DANG, SBRANG BU LA SOGS PA MED BZHIN DU, YOD PAR MTHONG BA BZHIN DU GANG ZAG DE YOD PAR RNAM PAR RTOG NA'O, ,DE YANG MI 'BAD PAR BSTAN PA'I PHYIR, DE LTA NA YANG, NYE BAR LEN NAS NYER LEN BAR, ,'KHOR NA SRID PA MED PAR 'GYUR, NYE BAR LEN PA NAS, NYE BAR LEN PAR 'KHOR NA, NYE BAR LEN PA'I BAR DU NYE BAR LEN PA MED CING, NYE BAR LEN PA DANG BRAL BAR 'GYUR RO, ,ZHES BYA BA SMRAS TE, NYE BAR LEN PA DANG, SRID PA DANG, PHUNG PO DANG, 'GRO BA ZHES BYA BA DAG NI RNAM GRANGS TE, GAL TE GANG ZAG DE 'GRO BA LNGA PO DE DAG GI NYE BAR LEN PA SNGA MA GZHAN NAS, PHYI MA GZHAN DU 'KHOR BAR BRTAGS NA NYE BAR LEN PA SNGA PHYI GNYIS KYI BAR DU DE LA NYE BAR LEN PA MED PAR 'GYUR TE, NYE BAR LEN PA MED NA GANG GIS DE 'KHOR BAR MNGON PA'I GSAL BAR BYED PA MED PAS, DE 'KHOR BAR MI 'GRUB PO ZHES BYA BAR SBYAR RO, ,DE NYID BSTAN PA'I PHYIR NYE BAR LEN PA NI SRID PA ZHES GDAGS PAS, NYE BAR LEN PA MED NA SRED PA DE YANG MED PA'I PHYIR, SRID MED NYE BAR LEN MED NA, ,DE GANG CI ZHIG 'KHOR @03A *, ,BAR 'GYUR, ,SRID PA MED DANG NYE BAR LEN PA MED PA NI, GSAL BAR BYED PA MED PA'I PHYIR RO, ,ZHES BYA BA SMRAS SO, ,GAL TE BAR MDO'I SRID PA'I PHUNG PO NYE BAR LEN PAS, NYE BAR LEN PA DANG BCAS PA NYID DU 'GRUB PA'I PHYIR, SKYON MED DO ZHE NA, ZHES BYA BA NI GAL TE PHA ROL PO DAG ,'DI SKAD CES BAR MDO'I SRID PA'I PHUNG PO RNAMS KYIS, NYE BAR LEN PA DANG BCAS PA NYID DU GYUR NAS, PHYIS 'BYUNG BAR 'DOD PA'I SRID PA NYE BAR LEN PAR BYED PAS, DBU MA PA NA RE SRID PA MED PA DANG, NYE BAR LEN PA MED PA NI, GSAL BAR BYED PA MED PA'I PHYIR RO, ,ZHES ZER BA'I SKYON MED DO ZHES ZER NA'O, ,DE'I LEN DU GNAS BRTAN BUDDHA P'A LI TA LA SOGS PA KHA CIG NA RE, DE YONGS SU GTONG BA NI, JI SKAD SMOS PA'I SKYON RJES SU 'BRANG BA'I PHYIR, DE NI LAN DU MI RUNG NGO ZHES BYA BA SMRAS TE, GANG GI PHYIR BAR MDO'I SRID PA'I PHUNG PO GTONG BA NAS, PHUNG PO PHYI MAR 'PHO BA'I DUS NA, NYE BAR LEN PA MED PA KHO NA YIN PA DE'I PHYIR, GSAL BAR BYED PA MED PA LA SOGS PA'I SKYON DE BZHIN DU RJES SU 'BRANG BA'I PHYIR, PHA ROL PO'I TSIG DE NI LAN DU MI RUNG NGO ZHES GNAS BRTAN BUDDHA P'A LI TA LA SOGS PA DAG DE SKAD ZER RO, ,DE NI RIGS PA MA YIN TE; SKAD CIG MA GCIG KHO NA LA SRID PA SNGA MA DANG PHYI MA GTONG ZHING, LEN PA'I PHYIR RO ZHES BYA BA NI, 'GREL PA BYED PA NYID KYIS GNAS BRTAN BUDDHA P'A LI TA LA SOGS PA'I RNAM PAR BSHAD PA DE RIGS PA MA YIN PAR SUN 'BYIN PA'I TSIG YIN TE, CI'I PHYIR RIGS PA MA YIN ZHE NA, 'DI LTAR GSAL BAR BYED PA MED PAS, GANG ZAG NYID MED PA'I PHYIR, DE 'KHOR BAR MI 'GYUR RO ZHES BSGRUB PAR BYA BA'I RIGS PA LAS, DE LTAR MA BSGRUB PAR GANG ZAG DE BAR MDO'I GNAS PA'I GNAS SKABS NAS, SRID PA PHYI MAR 'PHO BA'I GNAS SKABS NA NYE BAR LEN PA MED PA'I SKYON DU 'GYUR RO; ,ZHES BSHAD PA DE NI GAL TE GANG ZAG GCIG YOD PAR GYUR NA, DE SKAD CIG MA GCIG KHO NA LA SRANG MDA'I MTHO DMAN BZHIN DU BAR MDO'I SRID PA GTONG SRID PA PHYI MA LEN PAR YANG RUNG BAS, GNAS BRTAN BUDDHA P'A LI TA LA SOGS PA'I RNAM PAR BSHAD PA DES, PHA ROL PO'I GZHUNG SUN @03B MI PHYIN PA'I PHYIR DE NI RIGS PA MA YIN NO, ,'O NA JI LTAR RIGS SHE NA 'GREL PA BYED PA NYID KYIS 'DI LTAR RNAM PA LNGAS BTZAL NA MED PA'I PHYIR RO ZHES BYA BA DE LTAR RIGS SO ZHES BYA BA SMRAS TE, GANG ZAG DE PHUNG PO RNAMS LA RNAM PA LNGAS BTZAL NA MED PA'I PHYIR, 'KHOR BAR MI 'GYUR BA KHO NA'O ZHES BYA BA DE LTAR RNAM PAR BSHAD NA RIGS, PHA ROL POS SMRAS PA, GANG ZAG NI YOD PA KHO NA YIN TE, NYE BAR LEN PA GZHAN DU 'PHO BAS GNAS PA'I PHYIR RO, ,'DI NA GANG MED PA DE NI NYE BAR LEN PA GZHAN DU 'PHO BAS MI GNAS TE, DPER NA MO GSHAM GYI BU BZHIN NO, ,GANG ZAG LA NI NYE BAR LEN PA GZHAN DU 'PHO BAS GNAS PA 'DI LTA BU YOD DE, BCOM LDAN 'DAS KYIS DE'I TSE DE'I DUS NANG NYID NGA LAS NUR GYUR TO, ,NGA NYID LEGS MTHONG DU GYUR TO ZHES JI SKAD GSUNGS PA LTA BU'O, ,DE'I PHYIR GTAN TSIGS JI SKAD SMOS PA'I MTHUS, GANG ZAG NI YOD PA KHO NA YIN NO, ,ZHES BYA BA NI, DE LTAR GANG ZAG MED PAS 'KHOR BA MED DO, ,ZHES BSTAN PA DANG, 'DIR YANG PHA ROL PO DAG GANG ZAG YOD PAR BSGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA MO GSHAM GYI BU LA SOGS PA LTA BU GANG DAG NYE BAR LEN PA GZHAN DU 'PHO BAS MI GNAS PA DE DAG NI MED PA YIN GYI, GANG ZAG GANG 'KHOR LOS SGYUR BA'I RGYAL PO NGA LAS NU DANG LEGS MTHONG LA SOGS PA LTA BU DAG TU NYE BAR LEN PA GZHAN DU 'PHO BAS GNAS PA DE NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'DIR SLOB DPON GYIS BSHAD PA, NYE BAR LEN PA NAS NYE BAR LEN PAR 'KHOR NA DE SRID PA SNGA PHYIR GDAGS PA'I GNAS NYE BAR LEN PA DANG LDAN PA MA YIN PAR 'GYUR TE, LHAS BYIN GYI KHYIM NAS KHYIM GZHAN DU RGYU BA BZHIN PAS SRID PA'I NGO BO NYID DANG BRAL ZHING SRID PA MED PAR 'GYUR RO, ,DE'I NGO BO NYID MA YIN PA'I PHYIR DE'I NYE BAR LEN PA MA YIN PAS NYE BAR LEN PA MED PAR YANG 'GYUR RO ZHES BYA BA YANG SMRAS SO, ,DES NA SNGAR TSIG LE'UR BYAS PA LAS, ,SRID MED NYE BAR LEN MED NA, ,DE GANG CI ZHIG 'KHOR BAR @04A *, ,'GYUR, ,ZHES SMOS PA DE BYE BRAG TU BSHAD DO, ,JI LTAR SRID PA MED PA DANG NYE BAR LEN PA MED PAR 'GYUR ZHE NA, GANG GI PHYIR NGA LAS NU'I NYE BAR LEN PA NAS LEGS MTHONG GI NYE BAR LEN PAR 'KHOR NA GANG ZAG DE DE'I BAR SKABS NA SRID PA SNGA PHYIR GDAGS PA'I GNAS NYE BAR LEN PA DANG LDAN PA MA YIN PAR 'GYUR TE, DPER NA LHAS BYIN KHYIM SNGA MA NAS KHYIM PHYI MA GZHAN DU RGYU BA'I BAR SKABS NA DE KHYIM SNGA MA BTANG BA'I GNAS DANG LDAN PA YANG MA YIN LA, KHYIM PHYI MA MA BLANGS PA'I GNAS DANG LDAN PA YANG MA YIN PAS KHYIM SNGA PHYIR GDAGS PA'I GNAS NYE BAR LEN PA DANG LDAN PA MA YIN PA DE BZHIN DU, GANG ZAG DE YANG NYE BAR LEN PA SNGA MA BTANG BA'I GNAS DANG LDAN PA YANG MA YIN LA NYE BAR LEN PA PHYI MA MA BLANGS PA'I GNAS DANG LDAN PA YANG MA YIN PAS SRID PA SNGA PHYIR GDAGS PA'I GNAS NYE BAR LEN PA DANG LDAN PA MA YIN PA'I PHYIR SRID PA'I NGO BO NYID DANG BRAL ZHING SRID PA MED PAR 'GYUR RO, SRID PA DE'I NGO BO NYID MA YIN PA'I PHYIR SRID PA DE GANG ZAG DE'I NYE BAR LEN PA MA YIN PAS NYE BAR LEN PA MED PAR YANG 'GYUR RO, ,DE LTAR SRID PA MED PA DER NYE BAR LEN PA MED PA NI GSAL BAR BYED PA'I PHYIR DE'I GANG ZHIG YIN ZHING CI ZHIG 'KHOR BAR 'GYUR TE, NAM MKHA'I ME TOG BZHIN DU MED PA'I PHYIR 'KHOR BAR MI 'GYUR BA KHO NA STE, DES NI NYE BAR LEN PA PO GANG ZAG DGAG PA BSTAN TO, ,GAL TE PHA ROL PO DAG 'DI SKAD CES DE LTAR SNGA PHYI'I BAR SKABS NA GANG ZAG LA SRID PA DANG NYE BAR LEN PA MED DU ZIN KYANG, GANG ZAG DES MA 'ONGS PA'I SRID PA PHYI MA DAG NYE BAR LEN PAR BYED PAS DES NA NYE BAR LEN PA DANG BCAS PA YANG YIN LA 'KHOR BA YANG 'GRUB PAR 'GYUR RO ZHES ZER BA'I PHYOGS SNGA MA KHO NAS DBYANG BA DE'I LAN DU, 'DIR 'GREL PA BYED PA NYID KYIS, KHYED NYE BAR LEN PA GANG DAG NYE BAR LEN PAR 'DOD PA DE DAG KYANG DES NYE BAR LEN PAR MI BYED DE, NYE BAR LEN PA YIN PA'I PHYIR, DPER NA DE LAS GZHAN PA'I NYE BAR LEN PA BZHIN PAS RJES SU DPAG PA LAS DE LTAR, SRID MED NYE BAR LEN MED NA, ,DE GANG CI ZHIG 'KHOR BAR 'GYUR, ,ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO @04B RIMS BZHIN DU SBYAR TE, DPER NA LHAS BYIN LAS GZHAN PA MCHOD SBYIN GYI NYE BAR LEN PA NI KUN RDZOB TU NYE BAR LEN PA YIN PA'I PHYIR DON DAM PAR LHAS BYIN GYIS NYE BAR LEN PAR MI BYED PA DE BZHIN DU, LHAS BYIN GYI NYE BAR LEN PA DAG KYANG KUN RDZOB TU NYE BAR LEN PA YIN PA'I PHYIR DON DAM PAR LHAS BYIN GYIS NYE BAR LEN PAR MI BYED PAS, DE LTAR SRID PA DANG NYE BAR LEN PA MED NA GANG ZAG DE GANG ZHIG YIN ZHING CI ZHIG 'KHOR BAR 'GYUR TE, DES NI NYE BAR BLANG BA PHUNG PO DAG DGAG PA BSTAN TO, ,DE LTAR RE ZHIG DON DAM PAR 'DU BYED RNAMS DANG SEMS CAN DANG GANG ZAG 'KHOR BAR MI 'THAD DO ZHES BYA BA NI SNGAR, GAL TE 'DU BYED 'KHOR ZHE NA, ,DE DAG RTAG NA MI 'KHOR TE, ,MI RTAG NA YANG 'KHOR MI 'GYUR, ,SEMS CAN LA YANG RIM 'DI MTSUNGS, ,ZHES SMOS PA'I MJUG BSDUS PA YIN TE, DE LTAR RE ZHIG 'THAD PA JI SKAD BSTAN PA'I TSUL GYIS BRTAGS NA DON DAM PAR NYAN THOS KYIS BRTAGS PA'I 'DU BYED RNAMS DANG, MU STEGS KYIS BRTAGS PA'I SEMS CAN DANG, GNAS MA BU'I SDE PA DAG GIS BRTAGS PA'I GANG ZAG 'KHOR BAR MI 'THAD PAS RAB TU BYED PA'I DANG POR PHA ROL PO DAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA YOD PA'I PHYIR RO ZHES SMRAS PA'I GTAN TSIGS KYI DON MA GRUB PAR DON DAM PAR NANG GI DNGOS PO RNAMS LA NGO BO NYID YOD PA MA YIN PAR GRUB BO, ,DA NI SNGAR PHA ROL PO DAG NA RE DON DAM PAR NANG GI DNGOS PO RNAMS LA NGO BO NYID YOD PA KHO NA STE, DE DAG LA THAR PA YOD PA'I PHYIR RO ZHES ZER BA'I GTAN TSIGS DE MI GRUB PAR BSTAN PA'I PHYIR, DA NI MYA NGAN LAS 'DAS PA ZHIG YOD PAR GYUR NA YANG DE DAG LAS GANG YANG RUNG BA ZHIG MYA NGAN LAS 'DAS PAR 'GYUR GRANG NA ZHES BYA BA SMRAS TE PHA ROL PO DAG 'DOD PA LTAR THAR PA DANG MYA NGAN LAS 'DAS PA ZHIG YOD PAR GYUR NA YANG 'DU BYED RNAMS DANG, SEMS CAN DANG GANG ZAG DE DAG LAS GANG YANG RUNG BA ZHIG MYA NGAN LAS 'DAS PAR 'GYUR GRANG NA, THAMS CAD KYANG MI 'THAD PAR STON TO, ,DE LA GAL TE DON DAM PAR 'DU BYED RNAMS MYA NGAN LAS 'DA' BAR 'DOD NA, 'DU BYED MYA NGAN @05A *, ,'DA' BAR NI, ,JI LTA BUR YANG MI 'THAD DO, ,ZHES BYA BA LA, CI'I PHYIR 'DU BYED RNAMS MYA NGAN LAS 'DA' BAR MI 'THAD CE NA, DON DAM PAR MA BSKYED PA'I PHYIR DANG ZHES BYA BA SMRAS SO, ,'DIR YANG GAL TE 'DU BYED RNAMS RTAG PA 'AM MI RTAG PA ZHIG MYA NGAN LAS 'DA' GRANG NA, DE LA RE ZHIG RTAG PA NI MI 'DA' STE, THA SNYAD DU YANG RTAG PA DAG MA GRUB PA'I PHYIR RO, ,MI RTAG PA YANG MI 'DA' BAR BSTAN PA'I PHYIR, DON DAM PAR MI RTAG PA RNAMS NI MYA NGAN LAS 'DA' BAR MI 'THAD DE, MI RTAG PA'I PHYIR, DPER NA PHYI ROL GYIS LA SOGS PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHYI ROL GYI SA LA SOGS PA NI MI RTAG PA'I PHYIR MYA NGAN LAS 'DA' BAR MI 'THAD PA DE BZHIN DU, 'DU BYED MI RTAG PA RNAMS KYANG MI RTAG PA'I PHYIR MYA NGAN LAS 'DA' BAR MI 'THAD DO, ,CI STE SEMS CAN MYA NGAN LAS 'DA'O ZHE NA YANG, ,SEMS CAN MYA NGAN 'DA' BAR YANG, ,JI LTA BUR YANG 'THAD MI 'GYUR, ,RTAG PA'AM MI RTAG PAR YONGS SU BRTAGS PA'O ZHES BYA BAS NI, SEMS CAN RTAG PA DANG MI RTAG PAR YONGS SU BRTAGS PA YANG MYA NGAN LAS 'DA' BAR MI 'THAD PAR STON TO, ,DE LA RTAG PA YANG MYA NGAN LAS 'DA' BAR MI 'THAD PAR BSTAN PA'I PHYIR, DE LA RE ZHIG RTAG PA NI, MYA NGAN LAS MI 'DA' STE, RGYU MED PA'I PHYIR DPER NA NAM MKHA' BZHIN NO ZHES BYA BA SMRAS TE DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA' NI RGYU MED PA'I PHYIR MYA NGAN LAS MI 'DA' BA DE BZHIN DU, SEMS CAN RTAG PA YANG RGYU MED PA'I PHYIR MYA NGAN LAS MI 'DA'O, ,DE NYID KYI 'THAD PA GZHAN BSTAN PA'I PHYIR, RGYU MED PA NI YOD PA NYID DU MA GRAGS PA'I PHYIR DPER NA MO GSHAM GYI BU BZHIN PAS RTAG PA NYID DANG RGYU MED PA NYID DU RJES SU DPOG PAS THAR PA MI 'THOB PAS DE BSAL BA'I PHYIR RTAG PA NYID DU SMRA BA'I DAM BCAS PA LA CHOS CAN GYI KHYAD PAR BSAL BA'I SKYON YOD DO ZHES BYA BA SMRAS SO, ,SEMS CAN MI RTAG PA YANG MYA NGAN LAS MI 'DA' BAR BSTAN PA'I @05B PHYIR MI RTAG PA YANG MYA NGAN LAS MI 'DA' STE, DON DAM PAR GANG MI RTAG PA DE NI MYA NGAN LAS MI 'DA' STE, MI RTAG PA'I PHYIR, DPER NA PHYI ROL GYIS LA SOGS PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHYI ROL GYI SA LA SOGS PA NI MI RTAG PA'I PHYIR MYA NGAN LAS MI 'DA' BA DE BZHIN DU, SEMS CAN MI RTAG PA YANG MI RTAG PA'I PHYIR MYA NGAN LAS MI 'DA'O, ,DE NYID KYI 'THAD PA GZHAN BSTAN PA'I PHYIR, 'DIR YANG MI RTAG PA NYID DU RJES SU DPOG PAS THAR PA MI 'THOB PAS DE BSAL BA'I PHYIR SEMS CAN MI RTAG PA NYID DU SMRAS PA'I DAM BCAS PA LA CHOS CAN GYI KHYAD PAR BSAL BA'I SKYON YOD DO ZHES BYA BA SMRAS SO, ,GNAS MA'I BU'I SDE BA DAG GANG ZAG NI RTAG PA DANG MI RTAG PA NYID DU BRJOD PAR BYA BA MA YIN PAS JI SKAD SMOS PA'I SKYON MED PA'I PHYIR MYA NGAN LAS 'DAS PA 'GRUB PO ZHES ZER NA ZHES BYA BA NI NYAN THOS GNAS MA'I BU'I SDE PA DAG NA RE GANG ZAG NI PHUNG PO DANG SKYE MCHED DANG KHAMS RNAMS LAS DE NYID DANG GZHAN NYID DU BRJOD PAR BYA BA NYID MA YIN PA DE BZHIN DU RTAG PA DANG MI RTAG PA NYID DU BRJOD PAR BYA BA NYID MA YIN PA'I PHYIR PHYOGS GNYI GAR BSTAN PA'I SKYON DE DAG KHO BO CAG LA MI GNOD DE, GANG ZAG DE LTA BU DE MYA NGAN LAS 'DA'O ZHES ZER BA YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI BZANG PO MA YIN TE, GANG ZAG RTAG PA DANG MI RTAG PA NYID DU BRJOD PAR BYA BA MA YIN PA ZHIG RDZAS SU YOD PA NYID DU GRUB TU ZIN NA YANG, DON DAM PAR THAR PA MI 'THAD DE, BRTEN TE GDAGS PA'I PHYIR, DPER NA BUM PA BZHIN PAS RJES SU DPAG PAS GNOD PAR 'GYUR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA BUM PA NI BRTEN TE GDAGS PA'I PHYIR THAR PA MI 'THAD PA DE BZHIN DU, GANG ZAG RTAG PA DANG, MI RTAG PA NYID DU BRJOD PAR BYA BA MA YIN PA NI RDZAS SU YOD PA NYID MA YIN MOD KYIS, RE ZHIG PHA ROL PO DAG 'DOD PA LTAR RDZAS SU YOD PA NYID DU GRUB TU ZIN NA YANG DE NI BRTEN TE GDAGS PA'I PHYIR DON DAM PAR THAR PA MI @06A *, ,'THAD DE, RDZAS SU YOD PA NYID DU RJES SU DPOG PAS MYA NGAN LAS 'DAS PA YOD PAR SGRUB PA LA GNOD PAR 'GYUR RO, ,DE NYID KYI 'THAD PA GZHAN BSTAN PA'I PHYIR, GANG RDZAS YIN PA DE NI MI RTAG STE, DPER NA GZUGS LA SOGS PA BZHIN PAS RDZAS NYID DU RJES SU DPAG PAS MI RTAG PA NYID DANG, BRJOD PAR BYA BA NYID GYIS DE DAG TU BRJOD PAR BYA BA NYID MA YIN PA BSAL BA'I PHYIR RDZAS SU YOD PA NYID DU SMRA BA'I DAM BCAS PA LA CHOS CAN GYI KHYAD PAR BSAL BA'I SKYON YOD DO ZHES BYA BA SMRAS SO, ,GZHAN YANG PHUNG PO'I LHAG MA MED PA'I MYA NGAN LAS 'DAS PA'I DBYINGS KYI SKAD CIG MA LA GAL TE GANG ZAG YOD NA NI RTAG PA NYID KYI SKYON DU 'GYUR PA, GAL TE MED NA NI CHAD PA NYID KYI SKYON DU 'GYUR RO ZHES BYA BAS NI, GNAS MA'I BU'I SDE PA DAG GANG ZAG RTAG PA DANG MI RTAG PA NYID DU BRJOD PAR BYA BA MA YIN PA MYA NGAN LAS 'DA' BAR 'DOD PA DAG GI PHYOGS LA, GAL TE PHUNG PO'I LHAG MA MED PA'I MYA NGAN LAS 'DAS PA'I DBYINGS KYI SKAD CIG MA LA GANG ZAG YOD NA NI RTAG PA NYID KYI SKYON DU 'GYUR BAS RTAG PA NYID DU BRJOD PAR BYA BA MA YIN NO ZHES ZER BA'I GZHUNG NYAMS PAR 'GYUR LA, GAL TE MED NA NI CHAD PA NYID KYI SKYON DU 'GYUR BAS MI RTAG PA NYID DU BRJOD PAR BYA BA MA YIN NO ZHES ZER BA'I GZHUNG NYAMS PAR 'GYUR BAS MI RUNG STE, DE NI SNGAR YANG, YOD CES BYA BA RTAG PAR 'DZIN, ,MED CES BYA BA CHAD BAR LTA, ,ZHES BSTAN ZIN PAS MI RUNG NGO, ,YOD PA DANG MED PA NYID DU BRJOD PAR BYA BA NYID MA YIN NA NI, DBU MA PA SMRA BA DANG MTHUN PAR SMRA BA YIN NO ZHES BYA BA DE NI DE LTAR NA SNGAR DBU MA PAS, DE'I PHYIR YOD DANG MED PA LA, ,MKHAS PAS GNAS PAR MI BYA'O, ,ZHES BSHAD PA'I GZHUNG DANG MTHUN PAS, DE LTA NA PHA ROL PO DAG 'DOD PA'I GANG ZAG RTAG PA DANG MI RTAG PA NYID DU BRJOD PAR BYA BA MA YIN PA MYA NGAN LAS 'DA'O ZHES ZER BA'I GZHUNG NYAMS SO, ,GAL TE RNAM PAR SHES PA RNAM PAR RTOG PA MED PA'I SPYOD YUL GYI GZUGS LA SOGS PA DAG YOD PA DAG GI YOD PA DANG MED PA NYID DU THA SNYAD GDAGS PAR BYA BA MA YIN YANG DNGOS PO YOD PA NYID YIN PA BZHIN TE ZHES BYA BA NI GNAS MA'I BU'I SDE PA DAG 'DI SKAD CES ZER, DPER NA NYE @06B BAR GNAS PA LAS BYUNG BA'I RNAM PAR SHES PA RNAM PAR RTOG PA MED PA'I SPYOD YUL GYI GZUGS LA SOGS PA DANG, RNAL 'BYOR BA RAB KYI MTHAR PHYIN PA'I RNAM PAR SHES PA RNAM PAR RTOG PA MED PA'I SPYOD YUL GYI CHOS KYI DBYINGS DAG YOD PA DANG MED PA NYID DU BA SNYAD GDAGS PAR BYA BA MA YIN YANG DNGOS PO YOD PA NYID YIN PA DE BZHIN DU, KHO BO CAG GI GANG ZAG KYANG YOD PA DANG MED PA NYID DU THA SNYAD GDAGS PAR BYA BA MA YIN YANG DNGOS PO YOD PA NYID YIN PAS DE THAR PAR YANG 'THAD DO ZHES ZER BA'I GZHUNG YIN NO, ,DE JI LTAR SHES SHE NA, BDAG TU SMRA BA DAG GIS RANG GI GRUB PA'I MTHA' LAS 'BYUNG BA'I KHUNGS BSTAN PA'I PHYIR, DE LTAR YANG, THAR LA GAL TE BDAG YOD RTAG, ,GAL TE MED NA MI RTAG 'GYUR, ,SKYES BU BRJOD PAR BYA MIN YANG, ,MKHAS PAS SHES PAR BYA MIN MIN, ,ZHES SMRAS PA LTA BU'O ZHE NA ZHES BYA BA SMRAS TE, PHUNG PO LHAG MA MED PA'I MYA NGAN LAS 'DAS PA'I DBYINGS KYI SKAD CIG MA LA GAL TE GANG ZAG YOD NA NI RTAG PA NYID KYI SKYON DU 'GYUR LA, GAL TE MED NA NI CHAD PA NYID KYI SKYON DU 'GYUR BAS KHO BO CAG GI GRUB PA'I MTHA' LAS SKYES BU GANG ZAG NI JI LTAR PHUNG PO DANG SKYE MCHED DANG KHAMS RNAMS LAS DE NYID DANG GZHAN NYID DU BRJOD PAR BYA BA MA YIN PA DE BZHIN DU RTAG PA DANG MI RTAG PA NYID DU YANG BRJOD PAR BYA BA MA YIN LA, DE LTAR BRJOD PAR BYA BA MA YIN YANG MKHAS PA RNAMS KYIS SHES PAR BYA BA MA YIN PA MA YIN TE, SHES BYA'I YUL NYID DU YOD PA KHO NA YIN NO ZHES 'BYUNG BA'I GANG ZAG RNAM PA DE LTA BU DA MYA NGAN LAS 'DA' BAR 'GYUR BAS THAR PA 'THAD DO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS DE NI RIGS PA YIN TE, DNGOS PO YOD PA NYID YIN NA DE NYID DANG GZHAN NYID DU BRJOD PAR BYA BA NYID DU THAL BAR 'GYUR BAS GRUB PA'I MTHA' DANG 'GAL BA'I PHYIR RO ZHES BYA BA SMRAS TE, DPER NA RNAM PAR SHES PA RNAM PAR RTOG PA MED PA'I SPYOD YUL GYI GZUGS LA SOGS PA DAG KYANG DNGOS PO YOD PA NYID YIN NA SPYI'I MTSAN NYID LA LTOS NAS DE NYID DU BRJOD PAR BYA BA NYID DANG, RANG GI MTSAN NYID LA LTOS NAS GZHAN NYID DU BRJOD PAR BYA BA NYID DU YANG THAL BAR 'GYUR LA, CHOS KYI DBYINGS KYANG RO GCIG PA NYID LA @07A *, ,LTOS NAS DE NYID DU BRJOD PAR BYA BA NYID DANG, KUN BRTAGS PA'I NGO BO NYID DANG, MTSAN NYID MI 'DRA BA LA LTOS NAS GZHAN NYID DU BRJOD PAR BYA BA NYID DU YANG THAL BAR 'GYUR BAS KHYED KYI GRUB PA'I MTHA' DANG 'GAL BA DE BZHIN DU, GANG ZAG DE YANG DNGOS PO YOD PA NYID YIN NA DNGOS PO YOD PA NYID DU RJES SU DPOG PAS, DE NYID DANG GZHAN NYID DU BRJOD PAR BYA BA NYID DU THAL BAR 'GYUR BAS DE DAG TU BRJOD PAR BYA BA NYID MA YIN PA BSAL BAS RANG GI DAM BCAS PA LA CHOS CAN GYI NGO BO NYID BSAL BA'I SKYON YOD PA'I PHYIR GRUB PA'I MTHA' DANG 'GAL BAS DE NI RIGS PA MA YIN NO, ,DE NYID KYI RJES SU DPAG PA RNAM PA GZHAN BSTAN PA'I PHYIR, DON DAM PAR GANG ZAG GI BLO 'DI NI, DNGOS PO YOD PA'I YUL CAN MA YIN TE, BLO YIN PA'I PHYIR, DPER NA BUM PA LA SOGS PA'I BLO BZHIN PAS, GANG ZAG DNGOS PO NYID DU MA GRUB PA'I PHYIR DON DAM PAR DE LA THAR PA MED DO, ,ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA BUM PA LA SOGS PA'I BLO NI BLO YIN PA'I PHYIR DNGOS PO YOD PA'I YUL CAN MA YIN PAS DE DAG GI YUL BUM PA LA SOGS PA DAG DNGOS PO NYID DU MA GRUB PA DE BZHIN DU, GANG ZAG GI BLO 'DI YANG BLO YIN PA'I PHYIR DNGOS PO YOD PA'I YUL CAN MA YIN PAS, DE'I YUL GANG ZAG KYANG DNGOS PO NYID DU MA GRUB PA'I PHYIR DON DAM PAR DE LA THAR BA MED DO, ,DE LTAR JI SKAD BSTAN PA'I RNAM PA DE DAG GIS NI GANG ZAG DNGOS PO NYID DU MA GRUB PAR DGAG PA DANG, PHA ROL PO'I GRUB PA'I MTHA' NYE BAR SMRAS PA YIN PAR BSTAN TE, 'DI LTAR BDAG TU SMRA BA DAG GANG ZAG GI DPES NI BDAG SGRUB PAR BYED LA, CHOS KYI DPES NI DNGOS PO SGRUB PAR BYED PA DE DAG GI GANG ZAG DANG, CHOS MA SKYES PA'I PHYIR YOD PA NYID DU MA GRUB PAS DPE MED PA'I PHYIR, DE DAG GIS DBU MA PA LA DON DAM PAR BDAG DANG DNGOS PO YOD PA NYID DU SGRUB PAR MI NUS LA, KUN RDZOB TU BSGRUBS NA NI DON 'GAL BA NYID YIN PA'I PHYIR RO, ,GAL TE GANG ZAG NI RDZAS SU YOD PA YIN TE, RNAM PAR SHES PAR BYA BA YIN @07B PA'I PHYIR, DPER NA GZUGS BZHIN NO ZHE NA ZHES BYA BA NI PHA ROL PO DAG SHES BYA YIN PA'I GTAN TSIGS KYIS GANG ZAG GI RDZAS SU YOD PAR SGRUB PA GZHUNG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NI RNAM PAR SHES PAR BYA BA YIN PA'I PHYIR RDZAS SU YOD PA YIN PA DE BZHIN DU, GANG ZAG KYANG RNAM PAR SHES PAR BYA BA YIN PA'I PHYIR RDZAS SU YOD PA YIN NO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS DES NI RI BONG GI RVA LA SOGS PA DAG GIS MA NGES PA NYID YIN NO ZHES BYA BA SMRAS TE, 'DI NI RI BONG GI RVA LA SOGS PA RDZAS SU MED PA DAG KYANG RNAM PAR SHES PAR BYA BA YIN PAR MTHONG BAS DES NI CI RE ZHIG GANG ZAG RNAM PAR SHES PAR BYA BA YIN PA'I PHYIR, DPER NA GZUGS BZHIN DU RDZAS SU YOD PA YIN NAM, 'ON TE RNAM PAR SHES PAR BYA BA YIN PA'I PHYIR, DPER NA RI BONG GI RVA LA SOGS PA BZHIN RDZAS SU YOD PA MA YIN PAR 'GYUR BA MA NGES PA NYID YIN PAS GTAN TSIGS KYI DON MA GRUB PA NYID DO, ,MA NGES PA NYID 'BA' ZHIG TU MA ZAD DE DON 'GAL BA NYID KYANG YIN PAR BSTAN PA'I PHYIR, RNAM PAR SHES PAR BYA BA NYID KYANG MI RTAG PA NYID LA SOGS PA DAG MED NA MI 'BYUNG BA'I PHYIR RTAG PA DE DANG MI MTHUN PA'I CHOS BSGRUBS PAS DON 'GAL BA NYID KYANG YIN NO ZHES BYA BA SMRAS TE, BUM PA LA SOGS PA RNAM PAR SHES PAR BYA BA NYID KYANG MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PA DAG DANG 'BREL PA YIN PA'I PHYIR, KHYED KYI GTAN TSIGS RNAM PAR SHES PAR BYA BA YIN PA'I PHYIR ZHES BYA BA DES RTAG PA LA SOGS PA DE DANG MI MTHUN PA'I CHOS MI RTAG PA LA SOGS PA BSGRUBS PAS KHYED GANG ZAG RDZAS SU YOD PA RTAG PA NYID SGRUB PA DANG DON 'GAL BA NYID KYANG YIN PAS MA GRUB PO, ,RANG GI SDE PA DE DAG LAS KHA CIG GIS SMRAS PA, 'DU BYED RGYU DANG RKYEN GCIG NAS GCIG TU RGYUN CHAGS SU 'CHUGS PA 'DOD CHAGS LA SOGS PA DANG LHAN CIG SKYES PA RNAMS THAR PA DANG BDE 'GROR 'GRO BA LA GEGS BYED PA'I 'DOD CHAGS LA SOGS PAS BCINGS PA'I @08A *, ,PHYIR BCINGS PA YANG 'GRUB LA, BCINGS PA RNAMS DAM PA'I CHOS MA NYAN PA DANG, TSUL BZHIN YID LA BYED PA LA SOGS PA LAS BYUNG BA YANG DAG PA'I YE SHES KYI SNANG BA SHAR BAS MI SHES PA'I MUN PA BSAL BA NI 'DOD CHAGS LA SOGS PA'I BCING BA LAS NGES PAR 'GROL BA'I PHYIR THAR BA YANG 'GRUB PO, DE DAG KYANG 'BRAS BU'I SKAD CIG MA SKYE BA'I DUS NA RGYU'I SKAD CIG MA 'JIG PA'I PHYIR RTAG PA LA YANG MA YIN LA, RGYUN RTAG PA'I PHYIR MI RTAG PA YANG MA YIN PAS PHYOGS GNYIS KAR BSTAN PA'I SKYON MED DO ZHES BYA BA NI 'DIR NYAN THOS MDO SDE PA DAG 'DU BYED SKYE ZHING 'JIG PA'I CHOS CAN RTAG CHAD KYI SKYON DANG BRAL BA RNAMS LA 'DOD CHAGS LA SOGS PAS BCINGS BA'I 'KHOR BA DANG, DE LAS THAR BA'I MYA NGAN LAS 'DAS PA YOD PAR RTOG PA'I GZHUNG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, SKYE 'JIG CHOS CAN 'DU BYED RNAMS, ,MI 'CHING GROL BAR MI 'GYUR TE, ,SNGA MA BZHIN DU ZHES BYA BA SMRAS TE, JI LTAR SNGAR 'DU BYED MI RTAG PA RNAMS LA 'KHOR BA DANG MYA NGAN LAS 'DAS PA MI 'THAD PAR BSTAN PA DE BZHIN DU 'DIR NYAN THOS MDO SDE PA DAG GI GZHUNG DGAG PA'I SKABS SU YANG 'DU BYED SKYE BA DANG 'JIG PA'I CHOS CAN MI RTAG PA RNAMS LA 'KHOR BA DANG MYA NGAN LAS 'DAS PA MI 'THAD PA STON TO, ,DE'I PHYIR SNGA MA BZHIN DU ZHES BYA BA NI SNGA MA DANG MTSUNGS TE, 'DU BYED MI RTAG PA RNAMS LA 'KHOR BA DANG MYA NGAN LAS 'DAS PA MI 'THAD PAR SNGAR BSTAN PA BZHIN DU ZHES BYA BA'I THA TSIG GO, , ZHES BYA BA SMRAS SO, ,DE NYID BSTAN PA'I PHYIR, JI LTAR DER DON DAM PAR NANG GI 'DU BYED RNAMS 'KHOR BAR MI 'THAD DE, MI RTAG PA'I PHYIR, DPER NA PHYI ROL GYI BUM PA LA SOGS PA BZHIN NO ZHES BYA BA DANG, DON DAM PAR MI RTAG PA MYA NGAN LAS 'DAS PAR MI 'THAD DE, MI RTAG PA'I PHYIR DPER NA PHYI ROL GYI SA LA SOGS PA BZHIN NO ZHES BSTAN PA DE BZHIN DU, 'DIR YANG 'DU BYED SKYE BA DANG 'JIG PA'I CHOS CAN RNAMS LA BCINGS PA DANG THAR PA MI 'THAD DO ZHES BYA BA SMRAS TE, JI LTAR SNGAR, GAL TE 'DU BYED 'KHOR ZHE NA, ,MI RTAG NA YANG 'KHOR MI 'GYUR, ZHES BYA BA'I SKABS @08B SU DANG, 'DU BYAD MYA NGAN 'DA' BAR NI, ,JI LTA BUR YANG MI 'THAD DO, ,ZHES BYA BA'I SKABS SU 'DU BYED MI RTAG PA RNAMS LA BCINGS PA DANG THAR PA MI 'THAD PAR BSTAN PA DE BZHIN DU, 'DIR MDO SDE PAS 'DU BYED SKYE BA DANG 'JIG PA'I CHOS CAN MI RTAG PAR DAM BCAS PA RNAMS LA YANG BCINGS PA DANG THAR PA MI 'THAD PAR SNGA MA BZHIN DU SBYAR RO, ,DE'I PHYIR SDE BA GZHAN DAG GIS YONGS SU BRTAGS PA'I 'DU BYED RNAMS LA YANG DON DAM PAR 'KHOR BA DANG MYA NGAN LAS 'DAS PA RNAM PA THAMS CAD DU MI 'THAD DE, 'DU BYED SKAD CIG MA RE RE LA 'JIG PA'AM DUS GZHAN DU GNAS PA 'AM RTAG PA DANG, MI RTAG PA NYID DU BRJOD PAR BYA BA MA YIN PAR BRTAGS PA RNAMS NI SKYE BA DANG 'JIG PA'I CHOS CAN YIN PA'I PHYIR RO, ,ZHES BYA BA NI SNGA MA'I MJUG BSDU BA DANG GTAN TSIGS KYI SKYON YIN NO, ,YANG NA, SKYE 'JIG CHOS CAN 'DU BYED RNAMS, ,MI 'CHING GROL BAR MI 'GYUR TE, ,ZHES BYA BA NI 'DU BYED NGES PAR MI GNAS PA RNAMS LA BCINGS PA DANG THAR PA'I MTSAN NYID DUS THA DAD PAR MYONG BAR 'GYUR BA'I GNAS SKABS GZHAN MI SRID PA'I PHYIR RO ZHES BYA BAR DGONGS SO ZHES BYA BAS NI TSIG LE'UR BYAS PA DE'I DON NI RNAM PA GCIG TU NA 'DU BYED NGES PAR MI GNAS PA SKAD CIG MA GCIG LA 'JIG PA'I NGANG CAN RNAMS LA BCINGS PA DANG THAR PA'I MTSAN NYID SKAD CIG MA SNGA PHYI LA DUS THA DAD PAR MYONG BAR 'GYUR BA'I GNAS SKABS GZHAN MI SRID PA'I PHYIR 'DU BYED RNAMS LA BCINGS PA DANG THAR PA MI 'THAD PAR BSTAN TO, ,YANG NA, ,SKYES 'JIG CHOS CAN 'DU BYED RNAMS, ,MI 'CHING GROL BAR MI 'GYUR TE, ,ZHES BYA BA NI 'DU BYED 'DOD CHAGS LA SOGS PA DANG LHAN CIG SKYES PA RNAMS NI ZHIG PA'I PHYIR DANG, MA BCINGS PA RNAMS LA NI THAR PA SKAD CIG MA PHYI MA LA 'BYUNG BAR 'GYUR BA MI 'THAD PA'I PHYIR RAM 'GAL BA'I PHYIR RO ZHES BYA BAS NI, YANG RNAM PA GCIG TU NI TSIG LE'UR BYAS PA DE'I DON NI 'DU BYED SKAD CIG MA GANG LA 'DOD CHAGS LA SOGS PA DANG LHAN CIG SKYES PA RNAMS NI DE DAG NYID DANG LHAN CIG TU 'GAGS PA'I PHYIR BCING DU MED PAS BCINGS PA MI 'THAD LA, MA BCINGS PA RNAMS LA @09A *, ,NI THAR PA'I MTSAN NYID SKAD CIG MA PHYI MA LA 'BYUNG BAR 'GYUR BA DE'I DUS NA YOD PAR MI 'THAD PA'I PHYIR, THAR PA MI 'THAD PA'AM, SKAD CIG MA GCIG LA BCINGS PA DANG THAR PA YOD CES BYAR NI 'GAL BA'I PHYIR MI RUNG NGO ZHES BSTAN TO, ,SMRAS PA, MTSAN NYID LAS; ,MI SLOB SEMS NI SKYE BZHIN PA, ,SGRIB PA LAS NI RNAM PAR GROL, ,ZHES 'BYUNG NGO ZHES BYA BA NI CHOS MNGON PA PA DAG NA RE, DBU MA PAS, SKYE 'JIG CHOS CAN 'DU BYED RNAMS, ,MI 'CHING GROL BAR MI 'GYUR TE, ZHES BYA BAS 'DU BYED SKYE BA DANG 'JIG PA'I CHOS CAN RNAMS LA BCINGS PA DANG THAR PA'I MTSAN NYID MI 'THAD DO ZHES BSHAD PA DE MI RUNG STE, 'DI LTAR CHOS MNGON PA'I MTSAN NYID LAS MI SLOB PA'I SEMS SKYE BZHIN PA'I TSE NA BAR CHAD MED PA'I LAM GYIS NI NYON MONGS PA'I THOB PA SPONG LA, RNAM PAR GROL BA'I LAM GYIS NI MYA NGAN LAS 'DAS PA'I 'THOB PA BSKYED DE, DPER NA RKUN PO PHYIR PHYUNG NAS SGO GCOD PA'I TSUL BZHIN PAS, DES NA SEMS 'GAG PA DANG MA SKYES PA DAG LA BCINGS PA DANG THAR PA MED KYANG SKYE BZHIN PA SGRUB PA LAS RNAM PAR GROL BA LA THAR PA 'GRUB PO ZHES ZER BA'I GZHUNG YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, SKYE BZHIN PA YANG NYON MONGS PA CAN NAM NYON MONGS PA CAN MA YIN PA NYID LA SKYON DE NYID DU 'GYUR RO, ,ZHES BYA BA SMRAS TE, GAL TE SEMS SKYE BZHIN PA DE NYON MONGS PA CAN YIN NA NI NYON MONGS PA CAN DE LA DE DANG MI MTHUN PA'I THAR PA MI 'THAD LA, NYON MONGS PA CAN MA YIN NA YANG MA BCINGS PA'I PHYIR DE LA THAR PA MI 'THAD DO, ,GAL TE PHA ROL PO DAG 'DI SKAD CES SEMS SKYE BZHIN PA NI NYON MONGS PA CAN DANG NYON MONGS PA CAN MA YIN PA NYID DU BRJOD PAR BYA BA NYID MA YIN PAS DE'I PHYIR JI SKAD SMOS PA'I SKYON MED DO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS BRJOD PAR BYA BA NYID MA YIN PA LAS YANG NYON MONGS PAR 'GYUR BZHIN PA NYON MONGS PA CAN DANG NYON MONGS PA CAN MA YIN PA NYID DU BRJOD PAR BYA BA NYID MA YIN PA DE BZHIN DU SKYE BZHIN PA YANG BRJOD PAR BYA BA NYID MA YIN PA'I PHYIR THAR PA MED DO @09B ZHES BYA BA SMRAS SO, ,GAL TE RGYUN LA BCINGS PA DANG THAR PA YOD PAS SKYON MED DO ZHEN ZHES BYA BA NI PHA ROL PO DAG RTAG PA DANG MI RTAG PA'I PHYOGS LA SKYON JI SKAD BSTAN PA DAG YONGS SU SPANG BAR 'DOD PAR SKAD CIG MA'I RGYUD THA DAD PA'I PHYIR SEMS KYI SKAD CIG MA SNGA MA LA BCINGS PA 'GRUB LA, SKAD CIG MA PHYI MA LA THAR PA YANG 'GRUB PAR SKYON MED DO ZHES ZER BA'I GZHUNG YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS DE NI RIGS PA MA YIN TE, RGYUN RDZAS SU MED PA'I PHYIR DANG, RGYUN NYON MONGS PA CAN DANG, NYON MONGS PA CAN MA YIN PA DANG, BRJOD PAR BYA BA NYID MA YIN PA DAG LA SNGA MA BZHIN DU THAR PA MI 'GRUB PA'I PHYIR DANG, BCINGS PA DANG, THAR PA DAG LA THA SNYAD PAR 'DOD NA NI DAM BCAS PA NYAMS PA'I PHYIR RO ZHES BYA BA SMRAS TE, RE ZHIG DE DAG GIS NI RANG GI SDE PA DAG 'DU BYED SKYE BA DANG, 'JIG PA'I CHOS CAN RNAMS LA BCINGS PA DANG THAR PA YOD PAR 'DOD PA'I GZHUNG DGAG PA BSTAN TO, ,DA NI DE DAG SEMS CAN LA BCINGS PA DANG THAR PA YOD PAR 'DOD PA'I GZHUNG DGAG PA'I PHYIR, SEMS CAN BCINGS PA DANG, THAR PA SMRAS PA LA YANG BSHAD PAR BYA STE, SNGA MA BZHIN DU SEMS CAN YANG, ,MI 'CHING GROL BAR MI 'GYUR RO, ,ZHES BYA BA SMRAS TE, SNGA MA BZHIN DU ZHES BYA BA'I SGRA 'DI SNGAR NI 'DU BYED MI RTAG PA RNAMS LA BCINGS PA DANG, THAR PA MI 'THAD PA SNGA MA BZHIN DU SBYAR RO ZHES BSTAN TO, ,'DIR NI SEMS CAN RTAG PA DANG, MI RTAG PA LA BCINGS PA DANG, THAR PA MI 'THAD PA SNGA MA BZHIN DU SBYOR RO ZHES BYA BAR STON TE, DE'I PHYIR SNGA MA BZHIN DU SEMS CAN YANG MI 'CHING STE, RTAG PA DANG MI RTAG PA'I PHYOGS LA SKYON SMOS PA'I PHYIR RO, ,GROL BAR YANG MI 'GYUR TE, 'DU BYED RTAG PA DANG MI RTAG PA RNAMS LA THAR PA MI 'THAD BAR BSTAN PA BZHIN NO ZHES BYA BAR DGONGS SO ZHES BYA BA SMRAS SO, ,'DIR GAL TE PHA ROL PO DAG NA RE SNGAR YANG, SEMS CAN LA YANG RIM 'DI MTSUNGS, ,ZHES BYA BAS SEMS CAN RTAG PA DANG, MI RTAG PA LA BCINGS PA MI 'THAD PAR BSTAN ZIN NA YANG 'DIR YANG @10A *, ,BSTAN CI DGOS ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, SEMS CAN BCINGS PA DGAG PA SNGAR BSTAN PA DANG KHYAD PAR MED DU ZIN KYANG RGOL BA THA DAD DE, SNGAR NI SEMS CAN BCINGS PA 'BA' ZHIG TU DAM BCAS BA BSAL BAR 'DOD PA'I PHYIR RO, ,'DIR NI SEMS CAN BCINGS PA DANG THAR PA GNYI GAR DAM BCAS PA DE DAG DGAG PA 'DRA BAR BSTAN PA'I PHYIR RO ZHES BYA BA SMRAS SO, ,GZHAN DAG GIS SMRAS PA, SEMS CAN GYI NYE BAR LEN PA NI 'CHING BA YIN PA'I PHYIR NYE BAR LEN PA NI 'CHING BA YIN LA, DE GTAN DU NYE BAR ZHI BA NI THAR BA YIN ZHING RTAG PA DANG MI RTAG PA NYID DU YANG BRJOD PAR BYA BA NYID MA YIN PA'I PHYIR, 'DU BYED RNAMS DANG, SEMS CAN RTAG PA DANG, MI RTAG PA'I PHYOGS SU BSTAN PA'I SKYON MI 'THAD PAS JI SKAD SMOS PA'I SKYON MED DO ZHES BYA BA NI 'DIR GNAS MA'I BU'I SDE PA LA SOGS PA GANG ZAG TU SMRA BA DAG NA RE, 'DI LA BCOM LDAN 'DAS KYIS SEMS CAN GYI NYE BAR LEN PA NI 'CHING BA YIN LA, DE GTAN DU NYE BAR ZHI BA NI THAR PA YIN PAR GSUNGS PAS GANG ZAG LA BCINGS PA DANG THAR PA YANG YOD LA, DE RTAG PA DANG, MI RTAG PA NYID DU YANG BRJOD PAR BYA BA MA YIN PA'I PHYIR JI SKAD SMOS PA'I SKYON MED DO ZHES ZER BA'I GZHUNG YIN NO, ,DE SKAD CES ZER BA DE'I LAN DU, 'GRIL PA BYED PA NYID KYIS 'DIR BSHAD PA, GAL TE NYE BAR LEN 'CHING NA, ,NYE BAR LEN BCAS 'CHING MI 'GYUR, ,GAL TE DON DAM PAR NYE BAR LEN PA 'CHING BA YIN NA NYE BAR LEN PA DANG BCAS PA'I NYE BAR LEN PA PO LHAS BYIN NYE BAR LEN PA GANG GIS NYE BAR LEN PA DANG BCAS PAR BRJOD PA DE NI 'CHING BAR MI 'GYUR RO ZHES BYA BA SMRAS TE, GAL TE NYE BAR LEN PA 'CHING BA YIN NA NYE BAR LEN PA DANG BCAS PA'I GANG ZAG DE 'CHING BAR MI 'GYUR TE, BCINGS ZIN PA'I PHYIR RO, ,YANG NA, GAL TE NYE BAR LEN 'CHING NA, ,NYE BAR LEN BCAS GROL MI 'GYUR, ,ZHES BYA BAR YANG SBYAR TE, DE DANG LDAN PA DE GOL BAR MI 'DOD DE DGAG PA MI MTHUN PA'I PHYIR RO ZHES BYA BAS NI YANG NA TSIG LE'UR BYAS PA DES, GAL TE NYE BAR LEN PA 'CHING BA @10B YIN NA NYE BAR LEN PA DANG BCAS PA'I GANG ZAG DE 'CHING BAR MI 'GYUR TE, BCINGS ZIN PA'I PHYIR RO ZHES BYA BAR GZUNG BA'I TSIG GI SKABS NYID KYIS, 'DIR GAL TE NYE BAR LEN PA 'CHING BA YIN NA NYE BAR LEN PA DANG BCAS PA'I GANG ZAG DE GROL BAR MI 'GYUR TE, DGAG PA MI MTHUN BA'I PHYIR RO ZHES BYA BAR YANG SBYAR RO ZHES BSTAN TO, ,YANG NA DON DAM PAR LHAS BYIN GYI NYE BAR LEN PA DE NYE BAR MI LEN TE, NYE BAR LEN PA YIN PA'I PHYIR, DPER NA MCHOD SBYIN GYI NYE BAR LEN PA BZHIN NO ZHES BYA BAS NI NYE BAR LEN PA BCINGS PA MA YIN PAR BSGRUB PA'I RJES SU DPOG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI NYE BAR LEN PA NI KUN RDZOB TU NYE BAR LEN PA YIN PA'I PHYIR, DON DAM PAR LHAS BYIN GYI 'CHING BA MA YIN PA DE BZHIN DU LHAS BYIN GYI NYE BAR LEN PA YANG KUN RDZOB TU NYE BAR LEN PA YIN PA'I PHYIR DON DAM PAR LHAS BYIN GYI 'CHING BA MA YIN NO, ,DE CI STE DAM BCAS PA DE'I DON GANG YIN, GAL TE NYE BAR LEN PAR BYED PA'I NYE BAR LEN PA GANG YIN PA DE'I 'CHING BA MA YIN NO ZHE NA NI DPE MED DO, ,MCHOD SBYIN GYI NYE BAR LEN PA 'CHING BA YIN PA'I PHYIR RO, ,JI STE 'CHING BA GZHAN ZHIG YOD DO ZHE NA NI PHYOGS SNGA MA LA GNOD DO ZHES BYA BA NI PHA ROL PO DAG DBU MA PA'I DAM BCAS PA SNGA MA DE'I DON LA DPE MED PA DANG RANG GIS KHAS BLANGS PA LA GNOD PA'I SKYON YOD DO ZHES ZER BA'I TSIG YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS DE YANG RIGS PA MA YIN TE, MCHOD SBYIN GYI NYE BAR LEN PA LHAS BYIN GYI 'CHING BA NYID DU MA GRUB PA NYID DPE NYID DU 'DOD PA'I PHYIR DPE MED PA YANG MA YIN LA, DE LAS GZHAN PA'I 'CHING BA KHAS MA BLANGS PA'I PHYIR PHYOGS SNGA MA LA GNOD PA YANG MED DO ZHES BYA BA SMRAS TE, DE DAG GI GO RIMS BZHIN DU DPE MED PA MA YIN PA DANG PHYOGS SNGA MA LA GNOD PA MED PAR LAN BTAB PO, ,DE NYID KYI RJES SU DPAG PA BSTAN PA'I PHYIR DON DAM PAR LHAS BYIN GYI RANG GI NYE BAR LEN PA 'DI NI NYE BAR LEN PA MA YIN TE, BRJOD PA KHYAD PAR CAN @11A *, ,BSTAN PA LA LTOS PA DANG BCAS PA NYID YIN PA'I PHYIR DPER NA MCHOD SBYIN GYI NYE BAR LEN PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI NYE BAR LEN PA NI BRJOD PAR KHYAD PAR CAN RTEN PA LA LTOS PA DANG BCAS PA NYID YIN PA'I PHYIR LHAS BYIN GYI NYE BAR LEN PA MA YIN PA DE BZHIN DU ZHES BYA BA SMRAS TE, LHAS BYIN GYI RANG GI NYE BAR LEN PA 'DI YANG BRJOD PA KHYAD PAR CAN RTEN PA LA LTOS PA DANG BCAS PA NYID YIN PA'I PHYIR LHAS BYIN GYI NYE BAR LEN PA MA YIN PAS, DBU MA PA'I DPE MED PA YANG YIN LA, PHYOGS SNGA MA LA GNOD PA YANG MED DE, RE ZHIG DES NI NYE BAR LEN PA DANG BCAS PA LA BCINGS PA DANG THAR PA MI 'THAD PAR BSTAN TO, ,DA NI NYE BAR LEN PA MED PA LA BCINGS PA DANG THAR PA MI 'THAD PAR BSTAN PA'I PHYIR, 'DI LTAR NYE BAR LEN PA MED PA YANG, ,YOD PA NYID DU MA GRUB PAS, ,NYE BAR LEN MED MI 'CHING STE, ,NYE BAR LEN PA MED PA YANG 'CHING BAR MI 'GYUR RO ZHES BYA BA SMRAS TE, NYE BAR LEN PA MED NA GZHI MED PA'I GANG ZAG YOD PAR MI 'GRUB PAS DE LA BCINGS PA DANG THAR PA YANG MI 'THAD DO, , NYE BAR LEN PA DANG BCAS PA DANG NYE BAR LEN PA MED PA'I MTSAN NYID KYI GNAS SKABS MA GTOGS PAR GNAS SKABS GZHAN MED PAS DE'I PHYIR, GNAS SKABS GANG ZHIG 'CHING BAR 'GYUR, ,ZHES BYA BA SMRAS TE, 'CHING BA MED PA NYID DO ZHES BYA BA'I TSIG GI DON TO ZHES BYA BA NI MJUG BSDU BA YIN TE, GNAS SKABS GSUM PA GZHAN MED PAS DE LA YANG BCINGS PA DANG THAR PA MI 'THAD DO ZHES BYA BA'I THA TSIG GO, ,GZHAN DAG GIS SMRAS PA, SEMS CAN BCINGS PA NI YOD PA KHO NA YIN TE, DE'I 'CHING BA YOD PA'I PHYIR, DPER NA LCAGS SGROG LA SOGS PA 'CHING BA YOD NA DES BCING BAR BYA BA YANG YOD PA BZHIN PAS, 'CHING BA NYE BAR LEN PA 'DI YOD PAS, DE'I PHYIR SEMS CAN BCINGS PA YOD PA KHO NA YIN NO ZHES BYA BA NI 'DIR PHA ROL PO DAG 'CHING BA YOD PA'I GTAN TSIGS KYIS BCINGS PA YANG YOD PAR BSGRUB @11B PA'I RJES SU DPAG PA YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA LCAGS SGROG LA SOGS PA 'CHING BA YOD NA DES BCING BAR BYA BA RTA LA SOGS PA YANG YOD PA KHO NA YIN PA DE BZHIN DU 'DOD CHAGS LA SOGS PA NYE BAR LEN PA 'CHING BA YOD NA DES BCING BAR BYA BA SEMS CAN YANG YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, KHYOD 'DOD PA LTAR, GAL TE BCINGS PA'I SNGA ROL NA, ,'CHING BA YOD NA 'CHING LA RAG ,DE YANG MED DE BCINGS PA'I SNGA ROL NA, ,'CHING BA DE YANG MED DE ZHES BYA BA SMRAS TE, GAL TE KHYOD 'DOD PA LTAR SEMS CAN BCINGS PA'I SNGA ROL NA 'DOD CHAGS LA SOGS PA 'CHING BA YOD NA NI DES 'CHING BAR YANG 'DOD LA RAG NA, BCINGS PA'I SNGA ROL NA 'CHING BA DE YANG MED DE 'CHING BAR MI BYED DE, DE NI SNGAR, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,DE LA BRTEN NAS CHAGS PA YOD, ,'DOD CHAGS YOD NA CHAGS YOD 'GYUR, ,ZHES BSTAN PA'I TSUL GYIS DGAG PAR BYA'O,, 'DIS NI NYE BAR LEN PA'I CHOS DUS THA DAD PA MA YIN PA NYID BSTAN TO ZHES BYA BA NI, TSIG LE'UR BYAS PA'I SKABS 'DIS NI 'CHING BA NYE BAR LEN PA MED PAR SGRUB PA'I CHOS GTAN TSIGS NI BCINGS PA DANG 'CHING BA GNYIS DUS THA DAD PA MA YIN PA NYID YIN PAR BSTAN TO, ,DE'I PHYIR RJES SU DPAG PA NI DON DAM PAR LHAS BYIN GYI NYE BAR LDAN PA NI LHAS BYIN GYI 'CHING BA MA YIN TE, DUS MNYAM PA'I PHYIR DPER NA LHAS BYIN GYI RANG GI BDAG NYID BZHIN NO ZHES BYA BA DAG NI CHOS CAN DANG BSGRUB PAR BYA BA'I CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE DPER NA LHAS BYIN GYI RANG GI BDAG NYID NI RANG GI BDAG NYID DANG DUS MNYAM PA'I PHYIR DE DE'I 'CHING BA MA YIN PA DE BZHIN DU, LHAS BYIN GYI NYE BAR LEN PA YANG LHAS BYIN DANG DUS MNYAM PA'I PHYIR DE DE'I 'CHING BA MA YIN NO, ,YANG NA, GAL TE BCINGS PA'I SNGA ROL NA, ,'CHING BA YOD NA @12A *, ,'CHING LA RAG ,DE YANG MED DE, BCINGS PA'I SNGA ROL NA 'CHING BA DE YANG MED DE, 'DIS NI NYE BAR LEN PA'I CHOS SNGA NA MED PA NYID BSTAN TE ZHES BYA BA NI YANG RNAM PA GCIG TU NA TSIG LE'UR BYAS PA'I SKABS 'DIS NI 'CHING BA NYE BAR LEN PA MED PAR SGRUB PA'I CHOS GTAN TSIGS NI BCINGS PA'I SNGA ROL NA 'CHING BA MED PA NYID YIN PAR BSTAN TO, ,DE'I RJES SU DPAG PA NI DON DAM PAR LHAS BYIN GYI NYE BAR LEN PA NI LHAS BYIN GYI 'CHING BA MA YIN TE, SNGA NA MED PA'I PHYIR, DPER NA MCHOD SBYIN GYI NYE BAR LEN PA BZHIN NO ZHES BYA BA DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI NYE BAR LEN PA NI LHAS BYIN GYI SNGA NA MED PA'I PHYIR DE DE'I 'CHING BA MA YIN PA DE BZHIN DU, LHAS BYIN GYI NYE BAR LEN PA YANG LHAS BYIN GYI SNGA NA MED PA'I PHYIR DE DE'I 'CHING BA MA YIN NO; ,DA NI BCINGS PA DANG MA BCINGS PA DANG, 'CHING BZHIN PA DAG LA 'CHING BA DANG 'CHING BA'I RTZOM PA MI 'THAD PA LHAG MA DAG SONG BA DANG, MA SONG BA DANG, BGOM PA DAG LA 'GRO BA DANG 'GRO BA'I RTZOM PA MI 'THAD PAR JI SKAD BSTAN PA BZHIN 'DRA BAR SBYAR BA'I PHYIR, LHAG MA NI; ,SONG DANG MA SONG BGOM PAS BSTAN, ,CI ZHIG BSTAN ZHE NA, BCINGS PA MI 'THAD PAR BSGRUB PA LHAG MA DAG STE, JI LTAR DER SONG BA DANG MA SONG BA DANG, BGOM PA DAG LA 'GRO BA MI 'THAD PAR BSTAN PA DE BZHIN DU, 'DIR YANG BCINGS PA YANG MI 'CHING STE BCINGS ZIN PA'I PHYIR, DPER NA, BCINGS PA LA YANG 'CHING BA DON MED PA'AM, BCINGS ZIN PAR THE TSOM MED PA BZHIN NO, ,MA BCINGS PA YANG MI 'CHING STE, BCINGS PA BSAL BA'I PHYIR, DPER NA THAR PA BZHIN NO, ,'CHING BZHIN PA DANG, BRJOD PAR BYA BA MA YIN PA YANG MI 'CHING STE, SKYON GNYI GAR 'GYUR BA'I PHYIR DANG, BRJOD PAR BYA BA MA YIN PA'I PHYIR, DPER NA THAR BZHIN PA LA 'CHING BA MI 'THAD PA BZHIN NO, ,JI LTAR DER SONG BA DANG MA SONG BA DANG, BGOM PA DAG LA 'GRO BA'I RTZOM PA MED PAR BSTAN PA DE BZHIN DU 'DIR YANG BCINGS @12B PA DANG, MA BCINGS PA DANG, 'CHING BZHIN PA DAG LA 'CHING BA'I RTZOM PA MED DE, BCINGS PA LA NI 'CHING BA'I RTZOM PA MED DO, ,BCINGS ZIN PA'I PHYIR, DPER NA BCINGS NAS YUN RING DU LON PA BZHIN NO, ,MA BCINGS PA LA YANG 'CHING BA'I RTZOM PA MED DE MA BCINGS PA'I PHYIR, DPER NA THAR PA BZHIN NO, ,'CHING BZHIN PA DANG BRJOD PAR BYA BA MA YIN PA LA YANG 'CHING BA'I RTZOM PA MED DE, SKYON GNYI GAR 'GYUR BA'I PHYIR DANG BRJOD PAR BYA BA MA YIN PA'I PHYIR, DPER NA THAR BZHIN PA LA YANG 'CHING BA'I RTZOM PA MED PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG DPE YIN PAR CI RIGS PAR GO RIMS BZHIN DU SBYAR TE, DE DAG LA 'CHING BA DANG 'CHING BA'I RTZOM PA DANG THAR PA DANG THAR PA'I RTZOM PA MED PAR BRJOD PAR BYA'O, ,'DIR SMRAS PA, BCINGS PA NI YOD PA KHO NA YIN TE, DE'I GNYEN PO YOD PA'I PHYIR RO,, SHES PA'I GNYEN PO MI SHES PA BZHIN DU, BCINGS PA'I GNYEN POR THAR PA YOD PAS DE'I PHYIR BCINGS PA NI YOD PA KHO NA YIN NO ZHES BYA BA NI PHA ROL PO DAG BCINGS PA'I GNYEN PO THAR PA YOD PA'I GTAN TSIGS KYI BCINGS PA YOD PAR BSGRUB PA'I TSIG YIN TE, DE DAG NI CHOS CAN DANG; BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA SHES PA'I GNYEN PO MI SHES PA YOD PA'I PHYIR SHES PA YANG YOD PA KHO NA YIN PA DE BZHIN DU, BCINGS PA'I GNYEN PO THAR PA YOD PA'I PHYIR, BCINGS PA YANG YOD PA KHO NA YIN NO, ,ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DON DAM PAR THAR PA YANG YOD PAR GYUR NA BCINGS PA'AM, MA BCINGS PA'AM GROL BZHIN PA ZHIG THAR BAR 'GYUR GRANG NA ZHES BYA BA SMRAS TE, BRTAG PA RNAM PA GSUM GYIS THAR PA MI 'THAD PAS BCINGS PA YANG MED PAR STON TO, ,DE LA BRTAG PA DANG PO BSTAN PA'I PHYIR DE LA RE ZHIG BCINGS PA MI 'GROL TE, 'DI LTAR BCINGS PA ZHES BYA BA NI 'CHING BA'I GNYEN PO MA SKYES PA STE, DE YANG 'CHING BA'I GNYEN PO MA SKYES PA'I PHYIR MI 'GROL TE, @13A *, ,DPER NA NYON MONGS PA'I 'CHING BA MTHA' DAG DANG LDAN PA BZHIN NO ZHES BYA BA SMRAS SO, ,BRTAG PA GNYIS PA BSTAN PA'I PHYIR, ,MA BCINGS PA YANG GROL MI 'GYUR, BCINGS PA DANG BRAL BA'I GROL BA NYID LA NI THA SNYAD DU YANG DE MED PA'I PHYIR RO ZHES BYA BA SMRAS SO, ,BRTAG PA GSUM PA BSTAN PA'I PHYIR JI STE, MTSAN NYID LAS, MI SLOB SEMS NI SKYE BZHIN PA, ,SGRIB PA LAS NI RNAM PAR GROL, ,ZHES 'BYUNG BAS GROL BZHIN PA THAR PAR 'GYUR RO SNYAM NA ZHES BYA BA SMRAS TE, DE NI PHA ROL PO DAG NA RE MI SLOB PA'I SEMS SKYE BZHIN PA NA BAR CHAD MED PA'I LAM DANG RNAM PAR GROL BA'I LAM DUS GCIG TU SKYE'O ZHES MNGON PA'I MTSAN NYID LAS 'BYUNG BAS GROL BZHIN PA THAR PAR 'GYUR RO ZHES ZER BA'I PHYOGS SNGA MA YIN NO, ,DE MI 'THAD PAR BSTAN PA'I PHYIR, GROL BZHIN PA ZHES BYA BA DE GANG YIN ZHES BRJOD PAR BYA'O, ,GAL TE BCINGS PA YIN NO ZHE NA; BCINGS PA GROL BZHIN YIN GYUR NA, ,BCINGS DANG GROL BA DUS GCIG 'GYUR, ,'CHING BA DAG GIS BCINGS PA ZHES BYA BA DANG, THAR PA GANG GIS GROL BA ZHES BYA BA DE GNYIS DUS GCIG TU 'GYUR BAS DE NI MI 'DOD DO, ,DE'I PHYIR DE NI BCINGS PA NYID DAM THAR PA NYID GCIG YIN PAR GDON MI ZA BAR BSGRUB PAR BYA DGOS SO, ,DE LTA YIN NA RJES SU DPAG PA JI SKAD BSTAN PA DAG GIS GNOD PAR 'GYUR BA'I PHYIR LAN CUNG ZAD KYANG MA THEBS SO ZHES BYA BA SMRAS TE, BCINGS PA DANG MA BCINGS PA'I PHYOGS SU SNGAR BSTAN PA'I RJES SU DPAG PA DAG GIS GNOD PAR 'GYUR BA'I PHYIR RO, , SKYE BZHIN PA YANG SKYES PA DANG MA SKYES PA'AM, BCINGS PA DANG MA BCINGS PA NYID YIN PAS JI SKAD SMOS PA'I SKYON MED PA MA YIN NO ZHES BYA BAS NI SNGAR PHA ROL PO DAG NA RE, MI SLOB SEMS NI SKYE BZHIN PA, ,SGRIB PA LAS NI RNAM PAR GROL, ,ZHES ZER BA'I GZHUNG MI 'THAD PAR STON TO, ,GAL TE SKYE BZHIN PA NI SKYE BA LA MNGON PAR PHYOGS PA YIN NO ZHE NA YANG, RTA BCING BA LTA BU YIN PA'I PHYIR DANG BRGAL ZHING BRTAGS PA MTSUNGS PA'I PHYIR JI SKAD SMOS PA'I SKYON LDOG PA MED DO ZHES BYA BA NI DPER NA RTA BCINGS PA 'DI SU'I YIN ZHES DRIS PA NA, RTA 'DI SU'I YIN PA'I 'O ZHES ZER BA DANG, RTA 'DI SU'I @13B YIN ZHES DRIS PA NA RTA BCINGS PA 'DI SU'I YIN PA'I 'O ZHES ZER BA DES GANG YANG RUNG BA DMIGS KYIS MA BSAL BAS DON BRDA MI PHRAD PA DE BZHIN DU, 'DIR YANG SKYE BZHIN PA GANG YIN ZHES DRIS PA NA SKYE BA LA MNGON PAR PHYOGS PA'O ZHES ZER BA DANG SKYE BA LA MNGON PAR PHYOGS PA GANG YIN ZHES DRIS PA NA SKYE BZHIN PA'O ZHES ZER BAS KYANG GANG YANG RUNG BA DMIGS KYIS MA BSAL BAS DON BRDA MI PHRAD PA'I PHYIR DANG, GZHAN YANG SKYE BA LA MNGON PAR PHYOGS PA ZHES BYA BA DE YANG SKYES PA'AM MA SKYES PA'AM BCINGS PA'AM MA BCINGS PA ZHIG YIN GRANG ZHES BRGAL ZHING BRTAG PA SNGA MA DANG MTSUNGS PA'I PHYIR PHA ROL PO'I GTAN TSIGS MA GRUB PA'I SKYON SNGA MA NYID LDOG PA MED DO, ,GAL TE SEMS KYI SKAD CIG MA SNGA MA LA LTOS NAS MI SLOB PA'I SEMS RNAM PAR GROL BAR RTOGS NA ZHES BYA BA NI GAL TE PHA ROL PO DAG NA RE RGYUD THA MI DAD PA'I PHYIR SEMS KYI SKAD CIG MA SNGA MA NYON MONGS PA CAN DU 'GYUR BA LA LTOS NAS MI SLOB PA'I SEMS KYI SKAD CIG MA PHYI MA RNAM PAR GROL BAS THAR PA 'THAD DO ZHES ZER BA'I GZHUNG YIN NO, ,DE'I LAN DU, DE YANG RIGS PA MA YIN TE, BCINGS PA DANG THAR PA DAG THA SNYAD PA NYID DU GRUB PAS 'DOD PA'I DON NYAMS PA'I PHYIR RO ZHES BYA BA SMRAS TE, KUN RDZOB TU LTOS TE GDAGS PA NI THA SNYAD PA NYID DU GRUB PAS KHYOD DON DAM PAR THAR BA YOD PAR 'DOD PA'I DON NYAMS PA'I PHYIR DE NI RIGS PA MA YIN NO, ,DE'I PHYIR DE LTAR DON DAM PAR THAR PA MI 'THAD PA'I PHYIR GNYEN PO YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DANG THAR PA BZHIN DU SHES PA'I GNYEN PO MI SHES PA MA GRUB PAS DPE MED PA'I PHYIR SGRUB PA DPE MA TSANG BA'I SKYON YANG YOD DO ZHES BYA BA NI MJUG BSDU BA YIN NO, ,'DIR SMRAS PA, DON DAM PAR THAR PA NI YOD PA KHO NA YIN TE, DE 'DOD PA RNAMS LA SMON PA YOD PA'I PHYIR RO, ,'DI NA GANG DON DAM PAR MED PA DE LA NI DE 'DOD PA RNAMS LA SMON PA MED DE, DPER NA CHU SPRUL GYI MGO'I NOR BU BZHIN NO, ,THAR PA 'DOD PA RNAMS LA NI BDAG BUD SHING ZAD PA'I ME BZHIN DU NYE BAR LEN PA MED PAR MYA NGAN LAS 'DAS PAR GYUR NA CI MA RUNG, MYA NGAN LAS 'DAS PA BDAG GIR GYUR NA JI MA RUNG @14A *, ,SNYAM DU SMON PA YOD PA DE'I PHYIR DON DAM PAR THAR PA NI YOD PA KHO NA YIN NO ZHES BYA BA NI, PHA ROL PO DAG BDAG DANG BDAG GIR 'DZIN PA'I SMON PA YOD PA'I GTAN TSIGS KYIS THAR PA YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG MJUG BSDU BA YIN PAR GO RIMS BZHIN DU SBYAR TE, 'DI NA CHU SBRUL GYI MGO'I NOR BU LTA BU MED PA GANG YIN PA DE LA NI DE 'DOD PA RNAMS LA BDAG DANG BDAG GIR 'DZIN PA'I SMON PA MED PAS DE YOD PA MA YIN GYI, THAR PA YOD PA LA NI 'DOD PA RNAMS LA BDAG MYA NGAN LAS 'DAS PAR GYUR CIG ,MYA NGAN LAS 'DAS PA BDAG GIR GYUR CIG SNYAM DU BDAG DANG BDAG GIR 'DZIN PA'I SMON PA YOD PA DE'I PHYIR DON DAM PAR THAR PA NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'GREL PA BYED PA NYID KYIS 'DIR BSHAD PA, ,BDAG NI LEN MED MYA NGAN 'DA', ,MYA 'DAS BDAG GIR GYUR CIG CES, ,GANG DAG 'DZIN PA DE DAG GI ,NYER LEN LEGS PAR ZIN MA YIN, ,THAR PA 'DOD PA GANG DAG BDAG DANG BDAG GIR DMIGS PA LEGS PAR ZIN PA MA YIN PA LA 'JUG PA DE DAG GI NYE BAR LEN PA NI LEGS PAR ZIN PA MA YIN TE, BDAG DANG BDAG GIR 'DZIN PA'I TSUL GYIS MCHOG TU BZUNG ZHING GNAS PA 'DI THAR PA'I GEGS YIN PA'I PHYIR RO ZHES BYA BAR DGONGS SO ZHES BYA BA SMRAS TE, DE LTAR DE DAG GI BDAG DANG BDAG GIR 'DZIN PA'I TSUL GYIS SMON PA DE NI NYE BAR LEN PA YIN PAS LEGS PAR ZIN PA MA YIN PA'I PHYIR DE DAG LA THAR PA MED DO ZHES BYA BAR DGONGS SO, ,YANG NA NYE BAR LEN PA MED PA'I NGO BO NYID LA NYE BAR LEN PA SNYAM DU 'DZIN PA NI YUL DE LA LOG PA'I SHES PA SKYE BA'I PHYIR NYE BAR LEN PA NI LEGS PAR ZIN PA MA YIN NO ZHES BYA BAS NI, MYA NGAN LAS 'DAS PA NI NYE BAR LEN PA MED PA'I NGO BO NYID YIN PA LA, DE 'DOD PA'I GANG ZAG NYE BAR LEN PA PO DAG BDAG DANG BDAG GIR 'DZIN PA NI MYA NGAN LAS 'DAS PA'I YUL DE LA LOG PA'I SHES PA SKYE BA'I PHYIR DE DAG GI NYE BAR LEN PA DE NI LEGS PAR ZIN PA MA YIN NO ZHES BSTAN TO, ,YANG NA NYE BAR LEN @14B NYE BAR ZHI BA NYID THAR PA YIN PAS DE GANG GI YANG MA YIN PA LA GANG NYE BAR LEN PA MED PAR GYUR NA CI MA RUNG SNYAM PA DE'I NYE BAR LEN PA 'DI NI LEGS PAR ZIN PA MA YIN PAS DE'I PHYIR DE 'DOD PA RNAMS LA SMON PA YOD PA'I PHYIR RO ZHES BYA BA'I GTAN TSIGS DE'I DON MA GRUB PA NYID DAM, DON 'GAL BA NYID YIN NO ZHES BYA BAS NI BDAG DANG BDAG GIR 'DZIN PA'I NYE BAR LEN PA NYE BAR ZHI BA NYID THAR PA YIN PAS DE NI BDAG GANG GI YANG BDAG GIR BZUNG BA MA YIN PA LA GANG BDAG DANG BDAG GIR 'DZIN PA DE'I NYE BAR LEN PA DE NI LEGS PAR ZIN PA MA YIN TE, 'PHAGS PA TING NGE 'DZIN GYI RGYAL PO'I MDO LAS; ,'JIG RTEN DAG NA BDAG NI 'TSANG RGYA ZHES, ,GANG DAG DE LTA BU YI BLOR GYUR PA, ,DE NI SRID PA'I SRED LAS NAM DU YANG, ,BYANG CHUB THOB PAR MI 'GYUR MKHAS RTOGS BYA, ,ZHES JI SKAD GSUNGS PA LTA BU STE, ,DE'I PHYIR PHA ROL PO DAG GI GTAN TSIGS DE 'DOD PA RNAMS LA SMON PA YOD PA'I PHYIR RO ZHES BYA BA DE'I DON DAM PAR NI MA GRUB PA YIN LA KUN RDZOB TU NI 'GAL BA NYID DO ZHES BSTAN TO, ,DA NI MJUG BSDU BA BSTAN PA'I PHYIR, DE'I PHYIR DE LTAR BRTAGS NA DON DAM PAR 'DU BYED RNAMS DANG SEMS CAN DANG GANG ZAG LA BCINGS PA DANG THAR PA MI 'THAD PAR SGRUB PA BSTAN PA'I DBANG GIS MJUG BSDU BAR BYA STE, ,GANG LA MYA NGAN 'DAS SKYED MED, ,'KHOR BA BSAL BA 'ANG YOD MIN PA, ,DE LAS 'KHOR BA CI ZHIG YIN, ,MYA NGAN 'DAS PA 'ANG CI ZHIG BRTAG ,'DI LA DON DAM PAR 'KHOR BA DANG MYA NGAN LAS 'DAS PA'I CHOS NYID NAM MKHA' BZHIN DU MTSAN NYID GCIG PA NYID KYIS KHYAD PAR MED PA DAG NI RNAM PAR MI RTOG PA'I YE SHES KYI SPYOD YUL YIN PA'I PHYIR DANG, SKYED PA MED PA DANG, DBRI ? BA MED PA'I CHOS NYID YIN PA'I PHYIR MYA NGAN LAS 'DAS PA PHAN 'DOGS PAR BYED PA NYID YIN YANG RDZAS NYID DANG RTAG PA NYID LA SOGS PA'I RNAM PAS MYA NGAN LAS 'DAS PA SGRO GDAGS SU YANG MED LA 'KHOR BA GNOD PA BYED PA YIN YANG GSAL BAR BYAR MED PAS DE'I PHYIR 'KHOR BA DANG MYA NGAN LAS 'DAS PAR RNAM PAR RTOG PA NI RIGS PA MA YIN NO ZHES BYA BA'I THA TSIG STE, SGRO 'DOGS PA DANG SKUR PA 'DEBS PA NI SHES PA RNAM PAR RTOG PA'I DBANG GIS @15A *, ,DMIGS PAR BYA BA'I YUL GYI DNGOS PO YIN PA'I PHYIR DANG, ,DMIGS PAR BYA BA'I YUL GYI DNGOS PO NI SKYED PA DANG DBRI ? BA'I CHOS CAN YIN PA'I PHYIR RO ZHES BYA BAR DGONGS SO, ,ZHES BYA BA SMRAS TE, DON DAM PAR 'KHOR BA DANG MYA NGAN LAS 'DAS PA'I CHOS NYID NAM MKHA' BZHIN DU RO GCIG PAS DBYER MED PA'I PHYIR 'KHOR BA DANG MYA NGAN LAS 'DAS PA ZHES BTAGS SU MED DE, JI SKAD DU, 'DI LA BSAL BA CI YANG MED, ,BSNAN PAR BYA BA CHUNG ZAD MED, ,YANG DAG NYID DU YANG DAG LTA, ,YANG DAG MTHONG NAS RNAM PAR GROL, ,ZHES GSUNGS PA LTA BU'O ZHES BSTAN TO, , YANG NA KUN RDZOB KYI PHYOGS LA GDUL BA'I SKYE BO RNAMS MYA NGAN LAS 'DAS PA LA NYE BAR 'DUN PAR BYA BA'I PHYIR MYA NGAN LAS 'DAS PA NYON MONGS PA NYE BAR ZHI BA'I MTSAN NYID ZHI BA YOD DO ZHES MA 'ONGS PA'I 'DU BYED SKYE BA MED PA TZAM LA RTOGS PAS SGRO 'DOGS PAR BYED CING, 'KHOR BA LA SKYO BA SKYED PA'I PHYIR 'KHOR BA SDUG BSNGAL MANG PO DANG LDAN PA RMI LAM DANG MIG 'PHRUL DANG CHU ZLA DANG, SMIG RGYU LTA BU'I NGO BO NYID THOG MA MED PA NAS RKYEN BRGYUD PAS BSKYED PA'I BDAG NYID KYI DNGOS PO 'DU BYED KYI SGRAR BRJOD PA RNAMS SPANG BAR BYA'O ZHES GSAL BAR BSTAN PAR ZAD KYI, DON DAM PAR NI 'DU BYED MA GRUB PA'I PHYIR GANG GI SKYE BA MED PA MYA NGAN LAS 'DAS PA YIN NO ZHES BYA BA DE NYID MED PAS MYA NGAN LAS 'DAS PA BSKYED DU YANG MED LA, 'DU BYED NGO BO NYID KYIS MA SKYES PA RNAMS MYA NGAN LAS 'DAS PA BZHIN DU ZHI BA NYID YIN PA LA BSAL BA MI 'THAD PAS 'KHOR BA BSAL BA YANG YOD PA MA YIN NO, ,DE LTAR DON DAM PAR CHOS THAMS CAD SKYE BA MED PA'I MTSAN NYID GNYIS SU MED PA RAB TU DBEN PA RO GCIG PA, GANG LA MYA NGAN 'DAS SKYED MED, ,'KHOR BA BSAL BA 'ANG YOD MIN PA, ,DE LA 'KHOR BA CI ZHIG YIN, ,MYA NGAN 'DAS PA 'ANG CI ZHIG BRTAG ,DE RTOGS PAR BYA BA LA THA DAD PA MED PAS BLO LA THA DAD PA MED PA'I PHYIR YUL DE LA THA DAD PAR RTOG PA MI 'THAD PA'I PHYIR RO ZHES BYA BAR DGONGS SO ZHES BYA BAS NI KUN RDZOB KYI THA SNYAD DU 'KHOR BA DANG MYA NGAN LAS 'DAS PA'I NYES DMIGS DANG PHAN YON SGYU MA TZAM DU BSTAN PAR ZAD @15B KYI, DON DAM PAR NGO BO NYID MED PA THA DAD PA MED PA'I PHYIR SKYED PA DANG DBRI ? BAR BRTAG PA MI 'THAD DO ZHES BSTAN TO, ,DE'I PHYIR PHA ROL POS RAB TU BYED PA'I DANG POR DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO ZHES GANG SMRAS PA DE'I GTAN TSIGS KYI DON MA GRUB PA NYID DO ZHES BYA BA NI PHA ROL PO'I SGRUB PA SUN DBYUNG BA'I MJUG BSDU BA YIN NO, ,DE LA 'DIR RAB TU BYED PA'I DON NI PHA ROL POS SGRUB PA SMRA BA'I SKYON BRJOD PAS 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA YIN NO, , ZHES BYA BA NI MJUG BSDU BA DANG TSAD MA'I 'BRAS BU YIN TE, BCINGS PA DANG THAR PA BRTAG PA'I RAB TU BYED PA BCU DRUG PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS SNGAR RAB TU BYED PA 'DI'I DANG POR DNGOS PO RNAMS NGO BO NYID YOD PAR SGRUB PA'I PHYOGS SNGA MA DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR BA YOD PA'I PHYIR RO ZHES BYA BA LA SOGS PA'I SGRUB PA SMRAS PA'I SKYON BRJOD PAS 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA YIN NO, ,'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI CHOS BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA STE, ,DE'I PHYIR THEG PA CHEN PO'I MDO SDE MTHA' DAG LAS, RIGS KYI BU DE LTA BAS NA BCOM LDAN 'DAS NI 'KHOR BA SPONG BAR YANG MI MDZAD LA, MYA NGAN LAS 'DAS PA THOB PAR YANG MI MDZAD MOD KYI, 'ON KYANG 'KHOR BA LAS YANG DAG PAR 'DA' BA GSUNGS TE, 'DI LA 'GA' YANG 'KHOR BA LAS YANG DAG PAR 'DAS ? BA YANG MED LA, MYA NGAN LAS 'DAS PA RJES SU THOB PA YANG MED DO, ,DE CI'I PHYIR ZHE NA, 'DI LTAR MNYAM PA NYID LA 'KHOR BA YANG MED, MYA NGAN LAS 'DAS PA YANG MED, KUN NAS NYON MONGS PA YANG MED, RNAM PAR BYANG BA YANG MED PA'I PHYIR ZHES BYA BA LA SOGS PA @16A *, ,GSUNGS PA DANG, DE BZHIN DU BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA'I MDO LAS, RAB KYI RTZAL GYIS RNAM PAR GNON PA GZUGS LA 'KHOR BA 'AM 'KHOR BA'I CHOS CAN MED DO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA 'KHOR BA 'AM 'KHOR BA'I CHOS CAN MED DO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA 'KHOR BA 'AM 'KHOR BA'I CHOS CAN MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DANG, DE BZHIN DU 'PHAGS PA TSANGS PAS ZHUS PA'I MDO LAS, TSANGS PA NGAS 'KHOR BA YANG MA DMIGS SO, ,MYA NGAN LAS 'DAS PA YANG MA DMIGS SO, ,DE CI'I PHYIR ZHE NA, DE BZHIN GSHEGS PAS 'KHOR BAR 'DOGS PAR MDZAD KYANG DER 'GA' YANG 'KHOR BAR MI 'GYUR LA, DE BZHIN GSHEGS PAS MYA NGAN LAS 'DAS PAR 'DOGS PAR MDZAD KYANG DER 'GA' YANG MYA NGAN LAS 'DA' BAR MI 'GYUR BA'I PHYIR RO ZHES BYA BA LA SOGS PA GSUNGS PAS DE DAG 'GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI 'KHOR BA DANG MYA NGAN LAS 'DAS PA NGO BO NYID MED PA NYID DU BSTAN PA'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I SHES RGYA YIN NO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA LAS, BCINGS PA DANG THAR PA BRTAG PA ZHES BYA BA STE RAB TU BYED PA BCU DRUG PA'I RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,, BAM PO LNGA BCU DRUG PA, ,DE NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS LAS DANG 'BRAS BU NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU BDUN PA BRTZAM MO ZHES BYA BA LA, DBANG GI ZHES BYA BA'I SGRA SKABS 'DIR YANG DAM BCAS @16B PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO RTZOM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD DE, 'DIR YANG BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS, DE SKAD SMRAS TE, DE BZHIN DU ZHES BYA BA NI RAB TU BYED PA SNGA MA'I SKABS SU BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE, DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU SGRUB PA'I PHYOGS SNGA MA NYE BAR BZHAG PA 'OG NAS RAB TU BYED PA 'DAS MA THAG PAR 'DU BYED RNAMS DANG SEMS CAN DANG GANG ZAG 'KHOR BAR MI 'THAD DO ZHES BSTAN PA'I PHYIR, 'DIR PHA ROL PO DAG GIS BSTAN BCOS MDZAD PAR DAM BCAS PA'I DON SGRO BTAGS NAS SMRAS PA ZHES BYA BA LA SOGS PA TSIG LE'UR BYAS PA LNGA 'GREL PA DANG BCAS PAS DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE, LAS DANG 'BRAS BUR 'BREL BA'I PHYIR RO ZHES BYA BA LA SOGS PA GTAN TSIGS BSTAN PA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA BCU BDUN PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS LAS DANG 'BRAS BU NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU BDUN PA BRTZAM MO ZHES BYA BA SMRAS TE, LAS DANG 'BRAS BU BRTAG PA'I RAB TU BYED PA BCU BDUN PA'I GZHUNG 'OG NAS 'BYUNG BA 'DI'I DON NI LAS DANG 'BRAS BU NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NA 'BRAS BU DE 'THOB CE NA, @17A *, ,LAS DANG 'BRAS BU NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS, RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, RAB TU BYED PA 'DAS MA THAG PAR 'DU BYED RNAMS DANG SEMS CAN DANG GANG ZAG 'KHOR BAR MI 'THAD DO ZHES BSTAN PA'I PHYIR 'DIR PHA ROL PO DAG GIS BSTAN BCOS MDZAD PAS DAM BCAS PA'I DON SGRO BTAGS NAS SMRAS PA ZHES BYA BA LA SOGS PA SMRAS TE, BCINGS PA DANG THAR PA BRTAG PA'I RAB TU BYED PA 'DAS MA THAG PA'I SKABS SU, GAL TE 'DU BYED 'KHOR ZHE NA, ,DE DAG RTAG NA MI 'KHOR TE, ,MI RTAG NA YANG 'KHOR MI 'GYUR, SEMS CAN LA YANG RIM 'DI MTSUNGS, ,GAL TE GANG ZAG 'KHOR ZHE NA, ,PHUNG PO SKYE MCHED KHAMS RNAMS LA, ,DE NI RNAM PA LNGAS BTZAL NA, ,MED NA GANG ZHIG 'KHOR BAR 'GYUR, ,ZHES BYA BAS 'DU BYED RNAMS DANG SEMS CAN DANG GANG ZAG 'KHOR BAR MI 'THAD DO ZHES BSTAN PA'I PHYIR, 'DIR PHA ROL PO DAG GIS SNGAR BSTAN BCOS MDZAD PAS 'DU BYED RNAMS DANG, SEMS CAN DANG, GANG ZAG 'KHOR BAR YANG MI 'THAD LA, MYA NGAN LAS 'DAS PAR YANG MI 'THAD DO ZHES DAM BCAS PA'I DON DE LA RANG GI RTOG PAS 'DU BYED LA SOGS PA MYA NGAN LAS 'DA' BAR MI 'THAD PA NI BDEN GYI, 'KHOR BAR MI 'THAD PA NI MI RUNG NGO ZHES RANG BZOR SGRO BTAGS NAS YANG DE DAG 'DI SKAD CES ZER RO ZHES BYA BAR SBYAR RO, ,DE'I PHYIR KHYED KYIS 'DU BYED RTAG PA DANG, MI RTAG PA RNAMS LA 'KHOR BA MI 'THAD DE RTAG PA DANG CHAD PA'I SKYON DU 'GYUR BA'I PHYIR RO ZHES SMRAS PA NI, 'DU BYED MYA NGAN 'DA' BA NI, ,JI LTA BUR YANG MI 'THAD DO, ,ZHES BSTAN PA YIN PAS DE'I PHYIR, 'DIR JI LTAR RTAG PA DANG CHAD PA'I SKYON DU YANG MI 'GYUR LA, 'DU BYED RNAMS LA 'KHOR BA YANG YOD PA DE LTAR BSGRUB PAR BYA STE @17B ZHES BYA BA SMRAS TE KHYED DBU MA PAS, GAL TE 'DU BYED 'KHOR ZHE NA, ,DE DAG RTAG NA MI 'KHOR TE, ,MI RTAG NA YANG 'KHOR MI 'GYUR, ,ZHES BYA BAS 'DU BYED RTAG PA DANG MI RTAG PA RNAMS LA 'KHOR BA MI 'THAD DE, RTAG PA DANG CHAD PA'I SKYON DU 'GYUR BA'I PHYIR RO ZHES SMRAS PAS NI DAM BCAS PA DE NYID KYI DON MA GRUB KYI 'DI LTAR, ,'DU BYED MYA NGAN 'DA' BAR NI, ,JI LTA BUR YANG MI 'THAD DO, ,ZHES SMRAS PA NI, DAM BCAS PA DE NYID KYI DON GRUB PAR BSTAN PA YIN PAS DE'I PHYIR, RAB TU BYED PA 'DI'I SKABS SU KHO BOS JI LTAR RTAG PA DANG CHAD PA'I SKYON DU YANG MI 'GYUR LA, 'DU BYED RNAMS LA 'KHOR BA YANG YOD PAR DE LTAR BSGRUB PAR BYA STE, 'DI LTAR RIGS PA'I BSTAN BCOS LAS KYANG BSGRUB PA GANG YANG RUNG BA LA MA GRUB PA 'AM THE TSOM ZA BA NI YANG BSGRUB PA GZHAN LA LTOS PAR BYA'O ZHES 'BYUNG BA'I PHYIR RO ZHES ZER RO, ,DE NYID KYI RJES SU DPAG PA BSTAN PA'I PHYIR RO, ,DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE, LAS DANG 'BRAS BUR 'BREL BA'I PHYIR RO, ,'DI NA GANG MED PA DE LA NI LAS DANG 'BRAS BUR 'BREL PA MA MTHONG STE, DPER NA MO GSHAM GYI BU ZHES BYA BA'I 'DU BYED RNAMS BZHIN NO, ,NANG GI 'DU BYED RNAMS LA NI LAS DANG 'BRAS BUR 'BREL PA DE'I PHYIR, GTAN TSIGS JI SKAD SMOS PA'I MTHUS DON DAM PAR NANG GI 'DU BYED RNAMS LA 'KHOR BA YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG; NYE BAR SBYAR BA'I SBYOR BA DANG, MJUG BSDU BA YIN PAS GO RIMS BZHIN DU SBYAR TE, 'DI NA MO GSHAM GYI BU ZHES BYA BA'I 'DU BYED LTA BU GANG DAG MED PA DE DAG LA NI LAS DANG 'BRAS BUR 'BREL PA MED PAS DE DAG LA NI 'KHOR BA MED KYI, NANG GI 'DU BYED RNAMS LA NI LAS DANG 'BRAS BUR 'BREL PA YOD PAS 'KHOR BA YOD NA MYA NGAN LAS 'DAS PA YANG YOD PAS BCINGS PA DANG THAR PA YOD PA'I PHYIR, DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES ZER RO, ,PHA ROL PO DAG GI GTAN TSIGS LAS DANG 'BRAS BUR 'BREL PA'I PHYIR RO ZHES BYA BA DE LA @18A *, ,RE ZHIG LAS KYI MTSAN NYID BSTAN PA'I PHYIR DE LA RE ZHIG LAS NI, BDAG NYID LEGS PAR SDOM PA DANG, ,GZHAN LA PHAN 'DOGS BYANG SEMS GANG, ,DE CHOS DE NI 'DI GZHAN DU, ,'BRAS BU DAG GI SA BON YIN, ,ZHES BYA BA SMRAS TE, 'DI'I BSDUS PA'I DON NI LUS DANG NGAG DANG YID KYI LAS DGE BA DANG, MI DGE BA DANG, LUNG DU MA BSTAN PA TSE 'DI DANG TSE GZHAN DAG TU 'BRAS BU DAG GI SA BON DU 'GYUR BA DE DAG LA NI LAS KYI MTSAN NYID YIN PAR STON TE, DE LA BDAG NYID LEGS PAR SDOM PAR BYED PA'I SEMS PA DANG, DES KUN NAS BSLANG BA'I LUS DANG NGAG GI LAS DANG, GZHAN LA PHAN 'DOGS PAR BYED PA'I SEMS PA DANG, DES KUN NAS BSLANG BA'I LUS DANG, NGAG GI LAS DANG, BYAMS PA'I SEMS PA DANG, DES KUN NAS BSLANG BA'I LUS DANG NGAG GI LAS DE DAG NI DGE BA YIN NO, ,DE LAS BZLOG PA BDAG NYID LEGS PAR SDOM PAR BYED PA MA YIN PA'I SEMS PA DANG, DES KUN NAS BSLANG BA'I LUS DANG NGAG GI LAS DANG, GZHAN LA PHAN 'DOGS PAR BYED PA MA YIN PA'I SEMS PA DANG, DES KUN NAS BSLANG BA'I LUS DANG NGAG GI LAS DANG, GNOD SEMS KYI SEMS PA DANG, DES KUN NAS BSLANG BA'I LUS DANG NGAG GI LAS DAG NI MI DGE BA YIN NO, ,DGE BA DANG MI DGE BA'I MTSAN NYID DE DAG LAS BZLOG PA RNAM PAR SMIN PA LAS SKYES PA LA SOGS PA'I SEMS PA DANG, DES KUN NAS BSLANG BA'I LUS DANG NGAG GI LAS DAG NI LUNG DU MA BSTAN PA YIN NO, ,DE LA NI TSIG LE'UR BYAS PA'I TSIG GI DON NI 'DI LTAR SBYAR TE, BDAG NYID LEGS PAR SDOM PAR BYED PA'I SEMS PA DANG, GZHAN LA PHAN 'DOGS PAR BYED PA'I SEMS PA DANG, BYAMS PA'I SEMS PA GANG YIN PA DE NI CHOS TE, YID KYI LAS DGE BA YIN NO, ,CHOS MA YIN PA DE NI TSE 'DI DANG GZHAN DAG TU RNAM PAR SMIN PA DANG, RGYU MTHUN PA'I 'BRAS BU SDUG PA DANG, 'DOD PA DANG, YID DU 'ONG BA DAG DANG, LUS DANG NGAG GI LAS DGE BA DAG KUN NAS BSLANG BA'I SA BON YIN TE, RE ZHIG DE NI YID KYI LAS DGE BA'I 'BRAS BU DANG 'BREL BA'I MTSAN @18B NYID YIN NO, ,'DIR TSIG LE'UR BYAS PA LAS SEMS PA ZHES BYA BAS YID KYI LAS 'BA' ZHIG BSTAN PA NI MTSON PA TZAM DU ZAD KYI, DES KUN NAS BSLANG BA'I LUS DANG NGAG GI LAS DAG KYANG DE BZHIN DU SBYAR TE, DE LA BDAG NYID LEGS PAR SDOM PAR BYED PA'I SEMS PA DANG, GZHAN LA PHAN 'DOGS PAR BYED PA'I SEMS PA DANG, BYAMS PA'I SEMS PA GANG YIN PAS KUN NAS BSLANG BA DE DAG KYANG CHOS TE, LUS KYI LAS DANG, NGAG GI LAS DGE BA DAG YIN NO, ,CHOS DE DAG KYANG TSE 'DI DANG GZHAN DAG TU RNAM PAR SMIN PA DANG, RGYU MTHUN PA'I 'BRAS BU SDUG PA DANG, 'DOD PA DANG, YID DU 'ONG BA DAG GI SA BON TE, DE DAG NI LUS DANG NGAG GI LAS DGE BA'I 'BRAS BU DANG 'BREL BA'I MTSAN NYID YIN NO, ,DE LAS BZLOG PA BDAG NYID LEGS PAR SDOM PAR BYED PA MA YIN PA'I SEMS PA DANG, GZHAN LA PHAN 'DOGS PAR BYED PA MA YIN PA'I SEMS PA DANG; GNOD SEMS KYI SEMS PA GANG YIN PA DE NI CHOS MA YIN TE, YID KYI LAS MI DGE BA YIN NO, ,CHOS MA YIN PA DE NI TSE 'DI DANG GZHAN DAG TU RNAM PAR SMIN PA DANG RGYU MTHUN PA'I 'BRAS BU NI SDUG PA DANG, MI 'DOD PA DANG, YID DU MI 'ONG BA DAG DANG, LUS DANG NGAG GI LAS MI DGE BA DAG KUN NAS BSLANG BA'I SA BON YIN TE, RE ZHIG DE NI YID KYI LAS MI DGE BA 'BRAS BU DANG 'BREL PA'I MTSAN NYID YIN NO, ,DE BZHIN DU BDAG NYID LEGS PAR SDOM PAR BYED PA MA YIN PAS SEMS PA DANG, GZHAN LA PHAN 'DOGS PAR BYED PA MA YIN PA'I SEMS PA DANG, GNOD SEMS KYI SEMS PA GANG YIN PAS KUN NAS BSLANG BA DE DAG KYANG CHOS MA YIN TE, LUS KYI LAS DANG NGAG GI LAS MI DGE BA DAG YIN NO, ,CHOS MA YIN PA DE DAG KYANG TSE 'DI DANG GZHAN DAG TU RNAM PAR SMIN PA DANG, RGYU MTHUN PA'I 'BRAS BU MI SDUG PA DANG, MI 'DOD PA DANG, YID DU MI 'ONG BA DAG GI SA BON YIN TE, DE DAG NI LUS DANG NGAG GI LAS MI DGE BA 'BRAS BU DANG 'BREL PA'I MTSAN NYID YIN NO, ,CHOS DANG CHOS MA YIN PA'I MTSAN NYID JI SKAD SMOS PA DE DAG LAS BZLOG PA RNAM PAR SMIN PA LAS SKYES PA DANG, SPYOD LAM LAS BYUNG BA DANG, BZO'I @19A *, ,GNAS LAS BYUNG BA DANG, SPRUL PA BYED PA LAS BYUNG BA'I SEMS PA GANG YIN PA DE NI LUNG DU MA BSTAN PA STE, DGE BA'I SEMS PA YANG MA YIN, MI DGE BA'I SEMS PA YANG MA YIN PA'I YID KYI LAS LUNG DU MA BSTAN PA YIN NO, ,LUNG DU MA BSTAN PA DE NI TSE 'DI DANG GZHAN DAG TU RGYU MTHUN PA'I 'BRAS BU LUNG DU MA BSTAN PA DANG, LUS DANG NGAG GI LAS LUNG DU MA BSTAN PA DAG KUN NAS SLONG BA'I SA BON YIN TE, RE ZHIG DE NI YID KYI LAS LUNG DU MA BSTAN PA 'BRAS BU DANG 'BREL BA'I MTSAN NYID YIN NO, ,DE BZHIN DU CHOS DANG CHOS MA YIN PA'I MTSAN NYID JI SKAD SMOS PA DE DAG LAS BZLOG PA RNAM PAR SMIN PA LAS SKYES PA DANG, SPYOD LAM LAS BYUNG BA DANG, BZO'I GNAS LAS BYUNG BA DANG, SPRUL PA BYED PA LAS BYUNG BA'I SEMS PA GANG YIN PAS KUN NAS BSLANG BA DE DAG KYANG LUNG DU MA BSTAN PA STE, DGE BA'I SEMS PA YANG MA YIN MI DGE BA'I SEMS PA YANG MA YIN PAS, KUN NAS BSLANG BA'I LUS KYI LAS DANG NGAG GI LAS LUNG DU MA BSTAN PA DAG YIN NO, ,LUNG DU MA BSTAN PA DE DAG KYANG TSE 'DI DANG GZHAN DAG TU RGYU MTHUN PA'I 'BRAS BU LUNG DU MA BSTAN PA DAG GI SA BON YIN TE, DE DAG NI LUS DANG NGAG GI LAS LUNG DU MA BSTAN PA 'BRAS BU DANG 'BREL BA'I MTSAN NYID YIN NO, ,DE LTAR LUS DANG NGAG DANG YID KYI LAS DGE BA DANG MI DGE BA DANG LUNG DU MA BSTAN PA TSE 'DI DANG GZHAN DAG TU 'BRAS BU DAG GI SA BON DU 'GYUR BA DE DAG NI LAS KYI MTSAN NYID YIN NO ZHES ZER RO, , DA NI TSIG LE'UR BYAS PA DE'I YAN LAG GI DON BSHAD PAR BYA STE, BDAG NYID LEGS PAR SDOM PA ZHES BYA BA NI BDAG NYID YANG DAG PAR SDOM PAR BYED CING, MI DGE BA LAS LDOG PAR BYED PA STE, MI DGE BA SPONG BA'I SEMS PA DANG MTSUNGS PAR LDAN PA'I SEMS ZHES BYA BA'I THA TSIG GO ZHES BYA BA NI BDAG NYID LEGS PAR SDOM PAR BYED PA'I SEMS PA GANG YIN PA ZHES BYA BAR SBYAR TE, DES NI YID KYI LAS DGE BA NYID BSTAN TO, ,GZHAN LA PHAN 'DOGS PA ZHES BYA BA NI SBYIN PA DANG, SNYAN PAR SMRA BA DANG, 'JIGS PA LAS YONGS SU SKYOB PA LA SOGS PA @19B GZHAN DAG LA PHAN 'DOGS PAR BYED PA'O ZHES BYA BA NI, GZHAN LA PHAN 'DOGS PAR BYED PA'I SEMS PA GANG YIN PA ZHES BYA BAR SBYAR TE, DES NI YID KYI LAS DGE BA NYID DANG, DES KUN NAS BSLANG BA'I LUS DANG, NGAG GI LAS DGE BA DAG KYANG BSTAN TO, ,BYAMS PA ZHES BYA BA NI MDZA' BSHES LAS BYUNG BAS BYAMS PA'O, ,YANG NA BYAMS PA NYID BYAMS PA STE, BDAG GI DON LA DE DANG MTHUN PA'I RKYEN BRJOD PAR BYA BA'I PHYIR RO ZHES BYA BA NI, BYAMS PA'I SEMS PA GANG YIN PA ZHES BYA BAR SBYAR TE, BYAMS PA ZHES BYA BA'I SGRA NI RANG GI RGYUD LA YOD PA'I BYAMS PA'I SEMS MDZA' BSHES GZHAN GYI YUL LA 'BYUNG BAS BYAMS PA STE, GZHAN GYI DON LA GZHAN DANG MTHUN PA'I TSIG GI RKYEN BRJOD PA'I PHYIR RAM, YANG NA RANG GI RGYUD LA YOD PA'I BYAMS PA'I SEMS DE NYID BYAMS PA YIN PAS BYAMS PA STE, BDAG GI DON LA BDAG DANG MTHUN PA'I TSIG GI RKYEN BRJOD PA'I PHYIR RO, ,DE LTA BU'I SEMS PA GANG YIN PA DE CHOS NYID YIN NO ZHES BYA BA NI, BDAG NYID LEGS PAR SDOM PAR BYED PA'I SEMS PA DANG, GZHAN LA PHAN 'DOGS PAR BYED PA'I SEMS PA DANG, BYAMS PA'I SEMS PA GANG YIN PA DE NI CHOS YIN TE, YID KYI LAS DGE BA YIN NO ZHES BYA BAR SBYAR RO, ,DE NI SA BON YIN TE RGYU DANG RKYEN ZHES BYA BA'I THA TSIG GO ZHES BYA BA NI, CHOS DE NI TSE 'DI DANG GZHAN DAG TU RNAM PAR SMIN PA DANG RGYU MTHUN PA'I 'BRAS BU SDUG PA DANG, 'DOD PA DANG, YID DU 'ONG BA DAG DANG LUS DANG NGAG GI LAS DGE BA DAG KUN NAS BSLANG BA'I SA BON YIN NO ZHES BYA BAR SBYAR TE, SA BON ZHES BYA BA'I SGRA NI RGYU DANG RKYEN ZHES BYA BA'I THA TSIG GO, ,GANG DAG GI ZHE NA, 'BRAS BU DAG GI'O ZHES BYA BAS NI SA BON YIN TE, RGYU DANG RKYEN ZHES BYA BA'I THA TSIG GO ZHES BSTAN PA GANG GI ZHE NA, RNAM PAR SMIN PA DANG, RGYU MTHUN PA'I 'BRAS BU SDUG PA DANG 'DOD PA DANG YID DU 'ONG BA DANG LUS DANG NGAG GI LAS DGE BA DAG KUN NAS BSLANG BA'I RGYU DANG RKYEN YIN TE, DE LA RNAM PAR SMIN PA DANG RGYU MTHUN PA'I 'BRAS BU NGAG GI NI RGYU YIN LA, LUS DANG NGAG GI LAS DGE BA DAG NI RKYEN YIN NO ZHES BYA BAR SBYAR RO, ,GANG DU @20A *, ,ZHE NA; 'DI DANG GZHAN DU STE ZHES BYA BA NI GANG DAG GI ZHE NA, 'BRAS BU DAG GI'O ZHES BSTAN PA DE GNAS SKABS GANG DU DE DAG GI RGYU DANG RKYEN YIN ZHE NA TSE 'DI DANG GZHAN DAG TU'O ZHES BYA BAR SBYAR RO, ,TSE 'DI DANG GZHAN DAG TU MYONG BAR 'GYUR BA'I DBANG GIS SO ZHES BYA BAS NI CHOS DE NI TSE 'DI DANG GZHAN DAG TU RNAM PAR SMIN PA DANG RGYU MTHUN PA'I 'BRAS BU SDUG PA DANG, 'DOD PA DANG, YID DU 'ONG BA DAG MYONG BAR 'GYUR BA'I DBANG GI RGYU YIN NO ZHES BSTAN TO, ,SEMS PA NI SA BON NYID DU GSUNGS TE, LUS DANG NGAG GI LAS DAG KUN NAS BSLANG BA'I PHYIR RO ZHES BYA BAS NI, BDAG NYID LEGS PAR SDOM PA DANG, GZHAN LA PHAN 'DOGS PA DANG, BYAMS PA ZHES BYA BA GSUM NI 'BRAS BU DAG GI SEMS PA NI LUS DANG NGAG GI LAS DAG KYANG KUN NAS BSLANG BA'I PHYIR RKYEN KYANG YIN NO ZHES BYA BA BSTAN TE, RE ZHIG DE NI TSIG LE'UR BYAS PA'I YAN LAG GI DON BSHAD PAS BDAG NYID LEGS PAR SDOM PA DANG, GZHAN LA PHAN 'DOGS PA DANG, BYAMS PA ZHES BYA BA YID KYI LAS DGE BA 'BRAS BU DANG 'BREL PA'I MTSAN NYID BSTAN PA YIN NO, ,'DIR YID KYI LAS NI MTSON PA TZAM STE, DES KUN NAS BSLANG BA'I LUS DANG NGAG GI LAS DGE BA 'BRAS BU DANG 'BREL BA'I MTSAN NYID DAG KYANG SNGA MA BZHIN DU CI RIGS PAR SBYAR ZHING BRJOD PAR BYA STE, DE DAG NI LUS DANG NGAG DANG, YID KYI LAS DGE BA TSE 'DI DANG GZHAN DAG TU 'BRAS BU DAG GI SA BON DU 'GYUR BAS, LAS KYI MTSAN NYID BSTAN PA YIN NO, ,CHOS LAS BZLOG PAS CHOS MA YIN PA STE ZHES BYA BAS NI BDAG NYID LEGS PAR SDOM PA DANG, GZHAN LA PHAN 'DOGS PA DANG, BYAMS PA'I SEMS PA ZHES BYA BA YID KYI LAS DGE BA 'BRAS BU DANG 'BREL BA'I MTSAN NYID DANG, DES KUN NAS BSLANG BA'I LUS DANG NGAG GI LAS DGE BA 'BRAS BU DANG 'BREL PA'I MTSAN NYID KYI CHOS JI SKAD BSTAN PA DE DAG LAS BZLOG PAS BDAG NYID LEGS PAR SDOM PA MA YIN PA DANG, GZHAN LA PHAN 'DOGS PA MA YIN PA DANG, GNOD SEMS KYI SEMS PA ZHES BYA BA YID KYI LAS MI DGE BA @20B 'BRAS BU DANG 'BREL PA'I MTSAN NYID DANG, DES KUN NAS BSLANG BA'I LUS DANG, NGAG GI LAS 'BRAS BU DANG 'BREL PA'I MTSAN NYID CHOS MA YIN PA DAG KYANG SNGA MA BZHIN DU RIG PAR SHES PAR BYA STE, DE DAG NI LUS DANG, NGAG DANG, YID KYI LAS MI DGE BA TSE 'DI DANG GZHAN DAG TU 'BRAS BU DAG GI SA BON DU 'GYUR BAS LAS KYI MTSAN NYID BSTAN PA YIN NO, ,CHOS MA YIN PA DANG, SDIG PA DANG, MI DGE BA ZHES BYA BA DAG NI RNAM GRANGS SO ZHES BYA BAS NI, CHOS MA YIN PA ZHES BYA BA'I TSIG GI DON BSTAN TO, ,CHOS MA YIN PA LAS BZLOG PAS CHOS KYI RNAM GRANGS DAG GO ZHES BYA BAS NI CHOS ZHES BYA BA'I TSIG GI DON BSTAN TE, CHOS DANG SDIG PA MA YIN PA DANG, DGE BA ZHES BYA BA DAG NI RNAM GRANGS SO ZHES BYA BAR SBYAR RO, ,LUNG DU MA BSTAN PA NI RNAM PAR SMIN PA LAS SKYES PA DANG, SPYOD PA LAS BYUNG PA DANG; BZO'I GNAS LAS BYUNG BA DANG, SPRUL PA BYED PA LAS BYUNG BA'I BYE BRAG GI RNAM PA BZHI STE, ZHES BYA BAS NI CHOS DANG CHOS MA YIN PA'I MTSAN NYID JI SKAD SMOS PA DE DAG LAS BZLOG PA RNAM PAR SMIN PA LAS SKYES PA LA SOGS PA'I SEMS PA DGE BA YANG MA YIN, MI DGE BA YANG MA YIN PA'I YID KYI LAS LUNG DU MA BSTAN PA 'BRAS BU DANG 'BREL BA'I MTSAN NYID DANG, DES KUN NAS BSLANG BA'I LUS DANG, NGAG GI LAS LUNG DU MA BSTAN PA 'BRAS BU DANG 'BREL BA'I MTSAN NYID DAG KYANG SNGA MA BZHIN DU CI RIGS PAR SHES PAR BYA STE, DE DAG NI LUS DANG NGAG DANG YID KYI LAS LUNG DU MA BSTAN PA TSE 'DI DANG GZHAN DAG TU 'BRAS BU DAG GI SA BON DU 'GYUR BAS LAS KYI MTSAN NYID BSTAN PA YIN NO, ,RNAM PAR SMIN PA 'DOD PA DANG MI 'DOD PA MI SKYED PA'I PHYIR DANG, DGE BA DANG MI DGE BA NYID DU BRDA MI SPROD PA'I PHYIR LUNG DU MA BSTAN PA'O ZHES BYA BAS NI, LUNG DU MA BSTAN PA ZHES BYA BA'I TSIG GI DON BSTAN TE, RNAM PAR SMIN PA LAS SKYES PA LA SOGS PA BZHI PO DE DAG NI RNAM PAR SMIN PA'I 'BRAS BU MI SKYED PA'I PHYIR DANG RANG BZHIN DGE BA DANG, MI DGE BA NYID DU BRDA MI SPROD PA'I PHYIR, LUNG DU MA BSTAN PA ZHES BYA STE, DES RGYU MTHUN PA'I 'BRAS BU NI @21A *, ,BSKYED PAR SHES PAR BYA'O, ,RE ZHIG DE DAG GI NI LUS DANG RAG DANG YID KYI LAS DGE BA DANG MI DGE BA DANG, LUNG DU MA BSTAN PA TSE 'DI DANG GZHAN DAG TU 'BRAS BU DAG GI SA BON DU 'GYUR BA DE DAG NI LAS KYI MTSAN NYID YIN NO ZHES ZER BA'I GZHUNG BSTAN TO, ,DA NI LUS DANG NGAG DANG YID KYI LAS DGE BA DANG MI DGE BA DANG LUNG DU MA BSTAN PA DE DAG KYANG RNAM PA GNYIS TE, SEMS PA'I LAS DANG, BSAM PA'I LAS SO ZHES GSUNGS PAS LAS KYI MTSAN NYID BSTAN PA'I PHYIR, DE LTAR CHOS LA SOGS PA'I DBYE BAS THA DAD PA DE DAG KYANG RNAM PA GNYIS TE, DRANG SRONG MCHOG GI LAS RNAMS NI, ,SEMS PA DANG NI BSAM PAR GSUNGS, ,ZHES BYA BA SMRAS SO, ,DRANG SRONG MCHOG CES BYA BA DE GANG DANG GANG YIN PA DE DANG DE'I TSIG GI DON BSTAN PA'I PHYIR, DRANG SRONG MCHOG NI BCOM LDAN 'DAS TE, DE NI DRANG SRONG YANG YIN LA MCHOG KYANG YIN TE, BGROD PAR BYA BA MA LUS PAR BGROD ZIN PA'I PHYIR DANG, NYAN THOS DANG RANG SANGS RGYAS DANG, BYANG CHUB SEMS DPA' ZHES BYA BA'I DRANG SRONG RNAMS LAS MCHOG TU GYUR PA'I PHYIR RO ZHES BYA BA SMRAS TE, GO RIMS BZHIN DU SBYAR RO, ,DE LAS CHOS DANG CHOS MA YIN PA DANG LUNG DU MA BSTAN PA'I DBYE BAS THA DAD PA RNAMS NI RNAM PA GNYIS TE, SEMS PA DANG, BSAM PA'O, ,ZHES GSUNGS SO ZHES BYA BA NI, SEMS PA'I LAS NI YID KYI LAS YIN LA, BSAM PA'I LAS NI LUS DANG NGAG GI LAS YIN NO ZHES 'OG NAS 'BYUNG BAS 'DIR 'GREL PAR SHES PAR BYA'O, ,LAS DE NYID KYI BYE BRAG MDOR BSTAN PA DANG, RGYAS PAR BSHAD PA BSTAN PA'I PHYIR LAS DE DAG GI BYE BRAG NI, RNAM PA DU MAR YONGS SU BSGRAGS, ,ZHES BYA BA NI MDOR BSTAN PA'O, ,DE RGYAS PAR BSHAD PA NI, DE LA LAS GANG SEMS PA ZHES, ,GSUNGS PA DE NI YID KYIR 'DOD, ,CES BYA BA LA SOGS PA SMRAS SO, ,DE LA ZHES BYA BA'I SGRA NI DMIGS KYIS BSAL BA'I DON TO ZHES BYA BA NI, SEMS PA DANG BSAM PA GNYIS LAS SEMS PA DMIGS KYIS BSAL TE, SNGAR BSTAN PA'I DON TO, ,LAS GANG SEMS PA ZHES GSUNGS PA DE NI YID KYIR 'DOD DE ZHES BYA BA LA, 'DU BYED @21B SEMS PA NI KHA BA LEN GYIS LCAGS G-YO BAR BYED PA BZHIN DU, ,YID G-YO BAR BYED PA MA YIN PAS YID KYI LAS SU 'DOD DE, DE YANG DGE BA DANG, MI DGE BA DANG LUNG DU MA BSTAN PA'I SEMS PAS BSDUS PA YID KYI LAS GSUM PO DAG GO, ,YID KYI ZHES BYA BA NI YID LAS 'BYUNG BA STE, YID KYI SGO KHO NA NAS DE MTHAR THUG PAR 'GYUR BA'I PHYIR RO ZHES BYA BA NI, YID KYI ZHES BYA BA'I SGRA BYE BRAG TU BSHAD PA STE, 'DU BYED SEMS PA NI SEMS LAS BYUNG BA'I CHOS SA MANG PO PA YIN PAS GNAS DANG, DMIGS PA DANG, RNAM PA DANG, RDZAS DANG, DUS MTSUNGS PA'I SGO NAS YID KYI SKYE MCHED GNYIS DANG, THA MI DAD PA'I TSUL DU YID LA BYUNG ZHING YOD PAS YID KYI ZHES BYA BA STE, YID KYI SKYE MCHED KYI SGO KHO NA NAS 'DU BYED SEMS PA BRNAB SEMS DANG, GNOD SEMS DANG, LOG PAR LTA BA'I RANG BZHIN NAM, DE DAG LAS LDOG PA'I RANG BZHIN NAM, LUNG DU MA BSTAN PA'I RANG BZHIN DU SKYE BA DE MTHAR THUG CING YONGS SU RDZOGS PAR 'GYUR BA'I PHYIR RO, ,'O NA LUS DANG NGAG GI LAS DAG SEMS PA ZHES BYA BA CI'I PHYIR MI BRJOD CE NA, DE'I PHYIR LUS KYI DANG NGAG GI DAG NI SEMS PA ZHES MI BRJOD DE, DE DAG SEMS PAS KUN NAS BSLANG BA YIN YANG LUS DANG NGAG GI SGO NAS YONGS SU RDZOGS PA'I PHYIR RO ZHES BYA BA SMRAS TE, LUS KYI LAS GSUM DANG, NGAG GI LAS BZHI STE, CHOS BDUN PO DE DAG NI SEMS PAS KUN NAS BSLANG BA YIN YANG SEMS LAS BYUNG BA'I CHOS MA YIN TE, NGAG DANG BSKYOD PA'I RANG BZHIN GZUGS KYI PHUNG POR GTOGS PA YIN PAS LUS DANG NGAG GI SGO NAS SPONG BA DANG, SPONG BA MA YIN PA DANG, DE GNYIS LAS BZLOG PA'I NGO BO NYID DU YONGS SU RDZOGS PAR 'GYUR BA'I PHYIR SEMS PA ZHES BYA BAR MI BRJOD DO, ,BSAM PA ZHES NI GANG GSUNGS PA, ,DE NI LUS DANG NGAG GI YIN, ,ZHES BYA BA LA, BSAM PA ZHES BYA BA'I MTSAN NYID BSTAN PA'I PHYIR, BSAM PA ZHES BYA BA NI BLOS BSAMS NAS BYED PA GANG YIN PA STE ZHES BYA BA SMRAS TE, 'DU BYED SEMS PA ZHES BYA BA'I BLOS BSAMS NAS DES KUN NAS BSLANG STE, LUS DANG NGAG GI @22A *, ,LAS BYED PA GANG YIN PA DE DAG NI BSAM PA'I LAS ZHES BYA STE, MA BRTAGS MA DPYAD PAR LAS MNGON PAR 'DU MI BYED DO ZHES 'BYUNG BA'I PHYIR RO, ,DE NYID BSTAN PA'I PHYIR, DE LTAR LAS GANG BSAM PA ZHES GSUNGS PA DE NI LUS DANG NGAG GI YIN TE ZHES BYA BA SMRAS SO, ,LUS DANG NGAG LAS BYUNG BA'I PHYIR DANG, DE DAG GI SGO NYID NAS MTHAR THUG PAR 'GYUR BA'I PHYIR RO ZHES BYA BA NI, LUS KYI DANG NGAG GI ZHES BYA BA'I SGRA BYE BRAG TU BSHAD PA STE, LUS KYI LAS GSUM DANG NGAG GI LAS BZHI PO DGE BA DANG MI DGE BA DANG LUNG DU MI BSTAN PA'I SEMS PAS KUN NAS BSLANG BA DAG NI GZUGS KYI PHUNG POR GTOGS PA'I LUS DANG NGAG LAS BYUNG BA'I PHYIR DANG LUS DANG NGAG GI SGO NYID NAS DGE BA'AM MI DGE BA'AM LUNG DU MA BSTAN PA'I NGO BO NYID DU MTHAR THUG PAR 'GYUR BA'I PHYIR LUS KYI LAS DANG NGAG GI LAS ZHES BYA'O,, DE LTAR RE ZHIG LAS RNAM PA GNYIS BSTAN TO ZHES BYA BA NI MJUG BSDU BA YIN TE, DE DAG GI NI LUS DANG NGAG DANG YID KYI LAS DGE BA DANG, MI DGE BA DANG, LUNG DU MA BSTAN PA'I DBYE BAS THA DAD PA DE DAG KYANG RNAM PA GNYIS TE, SEMS PA'I LAS DANG, BSAM PA'I LAS SO ZHES GSUNGS PA DE DAG KYANG LAS KYI MTSAN NYID YIN NO, ,ZHES ZER BA'I GZHUNG BSTAN TO, ,DA NI SEMS PA'I LAS DANG BSAM PA'I LAS RNAM PA GNYIS PO DE DAG KYANG BYE BRAG TU DBYE BA RNAM PA DU MA YOD CES GSUNGS PAS LAS KYI MTSAN NYID BSTAN PA'I PHYIR, JI LTAR RNAM PA DU MA ZHE NA; NGAG DANG BSKYOD DANG MI SPONG BA'I, ,RNAM RIG BYED MIN ZHES BYA GANG, ,SPONG BA'I RNAM RIG BYED MIN PA, ,GZHAN DAG KYANG NI DE BZHIN 'DOD, ,LONGS SPYOD LAS BYUNG BSOD NAMS DANG, ,BSOD NAMS MA YIN TSUL DE BZHIN, ,SEMS PA DANG NI CHOS DE BDUN, ,LAS SU MNGON PAR 'DOD PA YIN, ,ZHES BYA BA SMRAS TE, 'DI BSDUS PA'I DON NI NGAG GI LAS DANG, BSKYOD PA'I LAS DANG, MI SPONG BA'I RNAM PAR RIG BYED MA YIN PA'I LAS DANG, SPONG BA'I RNAM PAR RIG BYED MA YIN PA'I LAS DANG, LONGS SPYAD PA LAS BYUNG BA'I BSOD NAMS KYI LAS DANG, @22B LONGS SPYAD PA LAS BYUNG BA'I LAS DANG, BSOD NAMS MA YIN PA LAS BYUNG BA'I LAS DANG, SEMS PA'I LAS ZHES BYA BA LAS BDUN PO DE DAG NI LAS KYI MTSAN NYID YIN PAR 'DOD DE, DE DAG KYANG LAS KYI MTSAN NYID YIN NO ZHES ZER BA YIN NO, ,DA NI TSIG LE'UR BYAS PA DE DAG GI YAN LAG GI DON GYI LAS BDUN PO DE DAG GO RIMS BZHIN DU BSHAD PAR BYA STE, DE LA NGAG GI LAS BSTAN PA'I PHYIR, DE LA NGAG GI NI YI GE GSAL BAR BRJOD PA'O ZHES BYA BA SMRAS TE, DES NI NGAG GI LAS BZHI PO DGE BA DANG MI DGE BA DANG LUNG DU MA BSTAN PAS BSDUS PA DAG GI DNGOS PO BSTAN TO, ,BSKYOD PA'I LAS BSTAN PA'I PHYIR, BSKYOD PA NI LUS G-YO BA 'O ZHES BYA BA SMRAS TE, DES NI LUS KYI LAS GSUM PO DGE BA DANG MI DGE BA DANG, LUNG DU MA BSTAN PAS BSDUS PA DAG GI DNGOS PO BSTAN TO, ,MI SPONG BA'I RNAM PAR RIG BYED MA YIN PA'I LAS BSTAN PA'I PHYIR, MI SPONG BA'I RNAM PAR RIG BYED MA YIN PA ZHES BYA BA NI BDAG GI LUS SAM NGAG GAM YID KYIS MI DGE BA 'DI LTA BU ZHIG BYA'O SNYAM DU YI DAM BCAS PA'I SKAD CIG MA TSUN CHAD NAS BYED PA PO LAS DE MI BYED DU ZAD KYANG, MI DGE BA YANG DAG PAR BLANGS PA'I RGYU LAS BYUNG BA MI SPONG PA'I MTSAN NYID KYI RNAM PAR RIG BYED MA YIN PA GANG DAG YIN PA'O ZHES BYA BA SMRAS TE, DES NI SDOM PA MA YIN PAR GTOGS PA'I RNAM PAR RIG BYED MA YIN PA'I LAS BSTAN TE, DE'I MTSAN NYID NI LUS DANG NGAG GI RNAM PAR RIG BYED LA BRTEN TE, SKYES PA SROG GCOD PA LA SOGS PA MI SPONG BA'I MTSAN NYID KYI RNAM PAR RIG BYED MA YIN PA'I GZUGS BSTAN DU MED LA THOGS PA MED PA YIN TE, DE SKYES PA'I TSUL NI 'DOD PA'I KHAMS SU RNGON PA DANG, SHAN PA DANG, BYA BA DANG, NYA PA LA SOGS PA'I RIGS SAM DE DAG GI RIGS MA YIN PA GZHAN GYIS KYANG RUNG STE; DES BDAG GIS DENG PHYIN CHAD LUS SAM, NGAG GAM YID KYIS SROG GCOD PA MI SPONG BA LA SOGS PA MI DGE BA'I LAS 'DI LTA BU ZHIG BYA'O SNYAM DU YI DAM BCAS NA, YI DAM BCAS PA'I SKAD CIG MA TSUN CHAD NAS JI SRID DU YI DAM BCAS PA'I RGYUN DE MA SPANGS KYI BAR DU BYED @23A *, ,PA PO DES SEMS G-YENGS PA DANG, SEMS MED PA DANG, SEMS MA G-YENGS PA'I GNAS SKABS DAG NA LAS DE MI BYED DU ZIN KYANG MI DGE BA YANG DAG PAR BLANGS PA'I RGYU LAS BYUNG BA SDOM PA MA YIN PA MI SPONG BA'I MTSAN NYID KYI RNAM PAR RIG BYED MA YIN PA'I GZUGS SEMS KYI RGYUD LA SKYE BAR 'GYUR RO, ,SPONG BA'I RNAM PAR RIG BYED MA YIN PA'I LAS BSTAN PA'I PHYIR, SPONG BA'I RNAM PAR RIG BYED MA YIN PA GZHAN DAG KYANG DE BZHIN DU 'DOD DE, BDAG GIS LUS SAM NGAG GAM YID KYIS DGE BA'I LAS 'DI LTA BU ZHIG BYA'O SNYAM DU YI DAM BCAS PA'I SEMS PA TSUN CHAD NAS BYED PA POS LAS DE MI BYED DU MI ZIN KYANG DGE BA BYED PA YANG DAG PAR BLANGS PA'I SEMS PAS BSKYED PA SPONG BA'I MTSAN NYID KYI RNAM PAR RIG BYED MA YIN PA GANG DAG YIN PA'O ZHES BYA BA SMRAS TE, DES NI SDOM PAR GTOGS PA'I RNAM PAR RIG BYED MA YIN PA LAS BSTAN TE, DE NI RNAM PA GSUM STE, SO SOR THAR PA'I SDOM PAR GTOGS PA DANG, BSAM GTAN GYI SDOM PAR GTOGS PA DANG, ZAG PA MED PA'I SDOM PAR GTOGS PA'O, ,DE LA SO SOR THAR PA'I SDOM PAR GTOGS PA'I MTSAN NYID NI LUS DANG NGAG GI RNAM PAR RIG BYED LA BRTEN TE SKYES PA'I RIGS BDUN PO DGE SLONG DANG, DGE SLONG MA DANG, DGE SLOB MA DANG, DGE TSUL DANG, DGE TSUL MA DANG, DGE BSNYEN DANG, DGE BSNYEN MA'I SDOM PA'I MTSAN NYID KYI RNAM PAR RIG BYED MA YIN PA'I GZUGS BSTAN DU MED PA THOGS PA MED PA YIN TE, DE SKYE BA'I TSUL NI MI RNAMS KYI NANG NAS SDOM PA MI 'CHAGS PA MA GTOGS PA GZHAN GANG YANG RUNG STE, DES LUS KYIS PHYAG 'TSAL BA DANG, THAL MO SBYAR BA LA SOGS PA DANG, NGAG GIS GSUM LA SKYABS SU 'GRO BA DANG, BSLAB PA'I GZHI YANG DAG PAR BLANG BA LA SOGS PA'I RNAM PAR RIG BYED LA BRTEN NAS, BDAG GIS DENG PHYIN CHAD LUS SAM NGAG GAM YID KYIS SROG GCOD PA SPONG BA LA SOGS PA DGE BA'I LAS 'DI LTA BU ZHIG BYA ZHING DGE BSNYEN LA SOGS PA'I SDOM PAR YANG DAG PAR BLANG NGO SNYAM PA'I YI DAM BCAS NA, YI DAM BCAS @23B PA'I SEMS TSUN CHAD NAS JI SRID DU YI DAM BCAS PA'I RGYUN DE MA SPANGS KYI BAR DU BYED PA PO DES SEMS G-YENGS PA DANG, SEMS MED PA DANG SEMS MA G-YENGS PA'I GNAS SKABS DAG NA, LAS DE MI BYED DU ZIN KYANG SDOM PA YANG DAG PAR BLANGS PA'I RGYU LAS BYUNG BA SDOM PA MA YIN PA SPONG BA'I MTSAN NYID SO SOR THAR PA'I SDOM PAR GTOGS PA'I RNAM PAR RIG BYED MA YIN PA'I GZUGS SEMS KYI RGYUD LA SKYE BAR 'GYUR RO, ,BSAM GTAN GYI SDOM PAR GTOGS PA'I MTSAN NYID NI TING NGE 'DZIN LA BRTEN TE, SKYES PA RNAL 'BYOR PA 'DOD PA'I KHAMS SU SNYOMS PAR ZHUGS PA 'AM; GZUGS DANG GZUGS MED PA'I KHAMS SU SKYES PA'I BSAM GTAN DANG, SNYOMS PAR 'JUG PA'I SDOM PA'I MTSAN NYID KYI RNAM PAR RIG BYED MA YIN PA'I GZUGS BSTAN DU MED LA, THOGS PA MED PA YIN TE, DE SKYE BA'I TSUL NI KHAMS SU GTOGS PA'I NANG NAS, MI KHOM PA BRGYAD LA SOGS PAS BSKAL PA MA GTOGS PA GZHAN GANG YANG RUNG STE, DES TSOGS KYI LAM SNGON DU BTANG BA'I TING NGE 'DZIN MI LCOGS PA MED PA 'AM, DNGOS GZHI 'AM, NYER BSDOGS GANG YANG RUNG BA DAG LA BRTEN NAS, MI LCOGS PA MED PA 'AM, DNGOS GZHI DANG, NYER BSDOGS KYI SEMS MNYAM PAR GZHAG PA'I SA PA MNGON DU GYUR NA, DE TSUN CHAD NAS JI SRID DU MNYAM PAR GZHAG PA'I SA PA'I SEMS KYI RGYUN DE MA SPANGS KYI BAR DU, RNAL 'BYOR PA DES SEMS G-YENGS PA DANG, SEMS MA G-YENGS PA'I GNAS SKABS DAG NA MNYAM PAR GZHAG PA'I SA PA'I SEMS DE MNGON SUM DU MI BYED DU ZIN KYANG BSAM GTAN NAM, SNYOMS PAR 'JUG PA THOB PA'I RGYU LAS BYUNG BA SDOM PA MA YIN PA SPONG BA'I MTSAN NYID KYI BSAM GTAN GYI SDOM PAR GTOGS PA'I RNAM PAR RIG BYED MA YIN PA'I GZUGS SEMS KYI RGYUD LA SKYE PAR 'GYUR RO, ,ZAG PA MED PA'I SDOM PAR GTOGS PA'I MTSAN NYID KYANG TING NGE 'DZIN LA BRTEN TE SKYES PA RNAL 'BYOR PA ZAG PA MED PA'I LAM THOB PA'I SDOM PA'I MTSAN NYID KYI RNAM PAR RIG BYED MA YIN PA'I GZUGS BSTAN DU MED PA THOGS PA MED PA YIN TE, DE SKYE BA'I TSUL YANG @24A *, ,KHAMS SU GTOGS PA'I NANG NAS MI KHOM PA BRGYAD LA SOGS PAS BSKAL PA MA GTOGS PA GZHAN GANG YANG RUNG STE, DES CHOGS KYI LAM SNGON DU BTANG BA'I TING NGE 'DZIN MI LCOGS PA MED PA LA SOGS PA LA BRTEN NAS, SBYOR BA'I LAM MTHAR THUG PAR BYAS TE, MTHONG BA'I LAM MA MA BSGOM PA'I LAM MA MA MI SLOB PA'I LAM GYIS BSDUS PA'I ZAG PA MED PA'I SEMS MNGON DU GYUR NA, DE TSUN CHAD NAS JI SRID DU ZAG PA MED PA'I SEMS KYI RGYUN MA SPANGS KYI BAR DU RNAL 'BYOR PA DES SEMS G-YENGS PA DANG, SEMS MED PA DANG SEMS MA G-YENGS PA'I GNAS SKABS DAG NA ZAG PA MED PA'I SEMS DE MNGON SUM DU MI BYED DU ZIN KYANG ZAG PA MED PA'I SEMS THOB PA'I RGYU LAS BYUNG BA, SDOM PA MA YIN PA SPONG BA'I MTSAN NYID ZAG PA MED PA'I SDOM PAR GTOGS PA'I RNAM PAR RIG BYED MA YIN PA'I GZUGS SEMS KYI RGYUD LA SKYE BAR 'GYUR RO, ,RNAM PAR RIG BYED MA YIN PA ZHES BYA BA NI, GZUGS DANG BYA BA'I NGO BO NYID YIN DU ZIN KYANG RNAM PAR RIG BYED GZHAN LA RNAM PAR RIG PAR MI BYED PA'I PHYIR RO ZHES BYA BA NI, RNAM PAR RIG BYED MA YIN PA ZHES BYA BA'I TSIG GI DON BSTAN TO, ,LONGS SPYAD PA LAS BYUNG BA'I BSOD NAMS KYI LAS BSTAN PA'I PHYIR, LONGS SPYAD PA LAS BYUNG BA'I BSOD NAMS KYI LAS ZHES BYA BA NI YONGS SU LONGS SPYAD PA'I RGYU LAS BSOD NAMS DE BYUNG NGO ZHES BYA BAR TSIG RNAM PAR SBYAR TE, YONGS SU LONGS SPYAD PA ZHES BYA BA NI DKON MCHOG GSUM GYI YUL LA YONGS SU BTANG BA NYE BAR SPYAD PA'O, ,DE'I RGYU LAS BYUNG BA ZHES BYA BA NI DE'I RJES LAS BYUNG BA STE, 'BROL PA ZHES BYA BA DANG 'PHEL BA ZHES BYA BA DAG GI RNAM GRANGS SO, ,BSOD NAMS ZHES BYA BA NI DAG PAR BYED PAS BSOD NAMS TE DGE BA ZHES BYA BA DAG GI RNAM GRANGS SO ZHES BYA BA SMRAS TE, DES NI SDOM PA YANG MA YIN PA SDOM PA MA YIN PA YANG MA YIN PAR GTOGS PA'I DGE BA'I RNAM PAR RIG BYED MA YIN PA'I LAS BSTAN TE, DE'I MTSAN NYID NI LUS DANG NGAG GI RNAM PAR RIG BYED LA BRTEN TE, SKYES BA SDOM PA DANG SDOM PA MA YIN PAR MA GTOGS PA DGE BA'I BSAM PA DANG @24B ZHING DANG, DNGOS PO'I KHYAD PAR LAS BSOD NAMS 'PHEL BA'I MTSAN NYID RNAM PAR RIG BYED MA YIN PA'I GZUGS BSTAN DU MED PA THOGS PA MED PA YIN TE, DE SKYE BA'I TSUL NI GZUGS CAN GYI KHAMS SU SBYIN PA GTONG PHOD PA BYAMS PA'I SEMS DANG LDAN PAS DKON MCHOG GSUM LA RDZAS LAS BYUNG BA'I BSOD NAMS BYAS PA'I DNGOS PO BDUN LA SOGS PA YONGS SU GTONG BA, DKON MCHOG GSUM GYIS YONGS SU LONGS SPYOD PA'I RGYU LAS SBYIN BDAG DE'I RGYUD LA BSOD NAMS RGYA CHEN PO SKYES PAR GYUR NA, DE TSUN CHAD NAS JI SRID DU BSOD NAMS DE'I RGYUN MA SPANGS SHING, TSE DE LA 'BRAS BU MA SPYAD KYI BAR DU SBYIN BDAG DES SEMS G-YENGS PA DANG, SEMS MED PA DANG, SEMS MA G-YENGS PA'I GNAS SKABS DAG NA, BSOD NAMS KYI SEMS DE MNGON SUM DU MI BYED DU ZIN KYANG, SBYIN PA LAS BYUNG BA'I BSOD NAMS BYA BA'I DNGOS PO'I MTSAN NYID DGE BAR GTOGS PA'I RNAM PAR RIG BYED MA YIN PAR GTOGS PA'I GZUGS SEMS KYI RGYUD LAS SKYE BAR 'GYUR RO, ,DE BZHIN DU TSUL KHRIMS LAS BYUNG BA DANG THOS PA LAS BYUNG BA DANG, BSGOMS PA LAS BYUNG BA'I BSOD NAMS BYA BA'I DNGOS PO DAG LA YANG CI RIGS PAR SBYAR RO, ,LONGS SPYAD PA LAS BYUNG BA'I BSOD NAMS MA YIN PA'I LAS BSTAN PA'I PHYIR, LONGS SPYAD PA LAS BYUNG BA'I BSOD NAMS MA YIN PA YANG TSUL DE BZHIN TE, ,YONGS SU LONGS SPYAD PA'I RGYU LAS BYUNG BA ZHES BYA BA'I THA TSIG GO, ,BSOD NAMS MA YIN PA NI BSOD NAMS LAS BZLOG PA LAS KHONG DU CHUD PAR BYA'O ZHES BYA BA SMRAS TE, DES NI SDOM PA YANG MA YIN, SDOM PA MA YIN PA YANG MA YIN PAR GTOGS PA MI DGE BA'I RNAM PAR RIG BYED MA YIN PA'I LAS BSTAN TE, DE'I MTSAN NYID NI SNGA MA LAS BZLOG PA STE, LUS DANG NGAG GI RNAM PAR RIG BYED LA BSTAN TE, SKYES PA SDOM PA DANG SDOM PA MA YIN PA MA GTOGS PA MI DGE BA'I BSAM PA DANG ZHING DANG DNGOS PO'I KHYAD PAR LAS BSOD NAMS MA YIN PA 'PHEL BA'I MTSAN NYID KYI RNAM PAR RIG BYED MA YIN PA'I GZUGS BSTAN DU MED PA THOGS PA MED @25A *, ,PA YIN TE; DE SKYES PA'I TSUL NI GZUGS CAN GYI KHAMS DAG TU SER SNA CAN GNOD SEMS KYI SEMS DANG LDAN PAS, DKON MCHOG GSUM LA RDZAS LAS BYUNG BA'I BSOD NAMS BYA BA'I DNGOS PO MA YIN PA BDUN LA SOGS PA YONGS SU BTANG BA DKON MCHOG GSUM GYIS YONGS SU LONGS SPYAD PA'I RGYU LAS GANG ZAG DE'I RGYUD LA BSOD NAMS MA YIN PA RGYA CHEN PO SKYES PAR GYUR NA, DE TSUN CHAD JI SRID BSOD NAMS MA YIN PA DE'I RGYUN MA SPANGS SHING TSE LA 'BRAS BU MA SPYAD KYI BAR DU GANG ZAG DES SEMS G-YENGS PA DANG, SEMS MED PA DANG, SEMS MA G-YENGS PA'I GNAS SKABS DAG NA, BSOD NAMS MA YIN PA'I SEMS DE MNGON SUM DU MI BYED DU ZIN KYANG SBYIN PA LAS BYUNG BA'I BSOD NAMS BYA BA'I DNGOS PO MA YIN PA'I MTSAN NYID MI DGE BAR GTOGS PA'I RNAM PAR RIG BYED MA YIN PA'I GZUGS SEMS KYI RGYUD LA SKYE BAR 'GYUR RO, ,DE BZHIN DU BSOD NAMS BYA BA'I DNGOS PO MA YIN PA GZHAN DAG LA YANG CI RIGS PAR SBYAR RO, ,SEMS PA'I LAS BSTAN PA'I PHYIR, SEMS PA ZHES BYA BAR NI YID KYI LAS BSTAN TE, 'O NA SEMS PA ZHES BYA BA DE GANG YIN ZHE NA, YON TAN DANG SKYON LA SEMS MNGON PAR 'DU BYED PA DE YID KYI LAS SO ZHES BYA BA SMRAS TE, DES NI YID KYI LAS BSTAN TE, 'DU BYED SEMS PA NI YID KYI MI G-YO BA G-YO BAR BYED CING, YON TAN GYI SGO NAS BRNAB SEMS MED PA DANG, GNOD SEMS MED PA DANG, YANG DAG PA'I LTA BA'I RANG BZHIN NAM, SKYON GYI SGO NAS BRNAB SEMS DANG, GNOD SEMS DANG, LOG PAR LTA BA'I RANG BZHIN DU SEMS MNGON PAR 'DU BYED PAS, YID KYI LAS TE, DE NI SEMS KYI NGO BO NYID YIN PAS GZUGS CAN MA YIN NO, ,LUS DANG NGAG GI LAS DAG NI GZUGS CAN YIN NO, ,LAS BDUN PO DE DAG GI MJUG BSDU BA BSTAN PA'I PHYIR, DE LTAR DE DAG LA SOGS PA BDUN PO DE DAG NI CHOS DE RANG GI MTSAN NYID 'DZIN PA'I DON GYI CHOS YIN NO ZHES BYA BA SMRAS SO, ,LAS SU MNGON PAR 'DOD PA YIN NO ZHES BYA BA NI LAS KYI MTSAN NYID DAG TU 'DOD PA YIN NO ZHES BYA BA NI, CHOS BDUN @25B PO JI SKAD DU BSTAN PA DE DAG NI LAS SU MNGON PA DANG LAS SU MTSON PAR BYED PA STE, LAS KYI MTSAN NYID DAG TU 'DOD PA YIN NO ZHES BYA BA'I THA TSIG GO, ,'DIR GZHAN DAG 'DI SKAD CES BSAM GTAN DANG, KLOG PA LA SOGS PA'I LAS DAG KYANG YOD NA CI'I PHYIR DE DAG MA SMOS PAR NGAG LA SOGS PA BDUN PO DAG KHO NA SMOS ZHES ZER BA'I DOGS PA BSAL BA'I PHYIR, BSAM GTAN DANG KLOG PA LA SOGS PA'I LAS DAG KYANG YOD MOD KYI, 'DI DAG NYID KYI KHONGS SU 'DUS PA'I PHYIR BDUN KHO NAR NGES PAR BZUNG NGO ZHES BYA BA SMRAS TE, RE ZHIG DE DAG NI LAS KYI MTSAN NYID YIN NO, ,LAS DANG 'BRAS BUR 'BREL BA'I MTSAN NYID GANG ZHE NA, DE'I PHYIR, LAS DE DANG DE 'BRAS BUR 'BREL BAR MTHONG BA NI, 'GRO BA LNGAR PHUNG PO LNGA SKYE BA'I MTSAN NYID YIN NO ZHES BYA BA SMRAS SO, ,DE LTAR LAS DANG 'BRAS BUR 'BREL BA'I MTSAN NYID KYI GTAN TSIGS KYIS DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE, DES NA BCINGS PA DANG THAR PA YOD PA'I PHYIR, DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES BYA BA NI, PHA ROL PO'I GTAN TSIGS KYI MJUG BSDU BA DANG, TSAD MA'I 'BRAS BU YIN TE, DE LTAR RAB TU BYED PA 'DAS MA THAG PAR 'DU BYED RNAMS DANG, SEMS CAN DANG GANG ZAG 'KHOR BAR MI 'THAD DO ZHES BSTAN PA'I PHYIR, 'DIR PHA ROL PO DAG GIS BSTAN BCOS MDZAD PAS, DAM BCAS PA'I DON SGRO BTAGS NAS BLAS ? PA ZHES BYA BA LA SOGS PA TSIG LE'UR BYAS PA LNGA 'GREL PA DANG BCAS PA 'DI YAN CHAD DU GTAN TSIGS KYI MJUG BSDU BA DANG, TSAD MA'I 'BRAS BU BSTAN PA DE DAG NI STONG PA NYID KYI MI MTHUN PA'I PHYOGS KYI KHYAD PAR YIN TE, PHYOGS SNGA MA SMRA BA'I GZHUNG YIN PAR SBYAR RO, ,DA NI STONG PA NYID KYI MI MTHUN PA'I PHYOGS KYI KHYAD PAR DE DGAG PAS LAS DANG 'BRAS BU NGO BO NYID MED PA NYID DU BSTAN PA'I PHYIR, DE SKAD CES ZER BA DE'I LAN DU, 'GREL PA BYED PA NYID KYIS 'DIR BSHAD PA 'DI LA LAS DE SKYES NAS SMIN PA'I DUS KYI BAR DU @26A *, ,GNAS PA 'AM, SKYES NAS 'JIG PAR 'GYUR BA ZHIG YIN GRANG NA ZHES BRTAG PA RNAM PA GNYIS SMRAS TE, LAS KYANG SKYES NAS SMRAS PA'I DUS KYI BAR DU GNAS PA YIN NA NI RTAG PAR 'GYUR LA, SKYAS NAS 'JIG PAR 'GYUR BA YIN NA NI CHAD PAR 'GYUR BAS, DE LTAR RTAG PA DANG CHAD PA'I SKYON DU 'GYUR NA 'BRAS BU DANG 'BREL BAR MI 'THAD PAS PHA ROL PO'I GTAN TSIGS LAS DANG 'BRAS BUR 'BREL PA'I PHYIR RO ZHES BYA BA DE MA GRUB PAS, DES BSGRUB PAR BYA BA DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE ZHES BYA BA MA GRUB PO, ,'KHOR BA YOD PAR MA GRUB NA BCINGS PA MED PAS THAR PA YANG MED PA'I PHYIR, SNGAR RAB TU BYED PA 'DAS MA THAG PA'I SKABS SU PHA ROL PO DAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG; THAR PA YOD PA'I PHYIR RO ZHES SMRAS PA'I GTAN TSIGS KYI RTZA BA MA GRUB PAS BSTAN BCOS MDZAD PAS DON DAM PAR NANG GI DNGOS PO RNAMS LA NGO BO NYID MED PAS KHO NA YIN NO ZHES DAM BCAS PA'I DGOS PA GRUB PO ZHES BSTAN TO, ,DE LA BRTAG PA DANG PO MI 'THAD PAR BSTAN PA'I PHYIR DE LA RE ZHIG, GAL TE SMIN PA'I DUS KYI BAR DU, GNAS NA LAS DE RTAG PAR 'GYUR, ,SKYES MA THAG TU MI 'JIG PA, ,'JIG PA DE'I BDAG NYID MA YIN PA NI PHYIS KYANG 'JIG PAR MI RIGS PA'I PHYIR, RTAG PA NYID DU THAL BAR 'GYUR RO ZHES BYA BA'I THA TSIG GO ZHES BYA BA SMRAS TE, GAL TE LAS DE SKYES NAS SMIN PA'I DUS KYI BAR DU GNAS PAR GYUR NA, SKYES MA THAG TU MI 'JIG PA 'JIG PA DE'I BDAG NYID MA YIN PA NI PHYIS KYANG 'JIG PAR MI RIGS PA'I PHYIR RTAG PA NYID DU THAL BAR 'GYUR TE, DE LTAR RTAG PA NYID DU GYUR NA 'BRAS BU DANG 'BREL PAR MI 'THAD PAS PHA ROL PO'I GTAN TSIGS LAS DANG 'BRAS BUR 'BREL BA'I PHYIR RO ZHES BYA BA'I GTAN TSIGS DE MA GRUB PO ZHES BYA BA'I THA TSIG GO, ,GAL TE CHU SHING DANG, 'DAM BU DANG, SMYIG MA BZHIN DU 'BRAS BU SMIN PA'I 'OG TU DE 'JIG PAS SKYON MED DO ZHE @26B NA ZHES BYA BA NI, PHA ROL PO DAG NA RE DPER NA CHU SHING DANG, 'DAM BU DANG, SMYIG MA DAG 'BRAS BU SMIN BA'I DUS KYI BAR DU GNAS MOD KYI, 'BRAS BU SMIN PA'I 'OG TU DRUNGS PHYUNG STE, 'JIG PAS DE DAG RTAG PA NYID DU THAL BAR MI 'GYUR BA BZHIN DU, LAS KYANG 'BRAS BU SMIN PA'I DUS KYI BAR DU GNAS MOD KYI, 'BRAS BU SMIN PA'I 'OG TU LAS DE GTAN 'JIG PAS RTAG PA NYID DU THAL BAR MI 'GYUR BA'I PHYIR, 'BRAS BU DANG 'BREL BAR 'THAD PAS KHO BO CAG GIS GTAN TSIGS LAS DANG 'BRAS BUR 'BREL BA'I PHYIR RO ZHES BYA BA DE MA GRUB PA'I SKYON MED DO ZHES ZER BA'I TSIG YIN NO, ,DE'I LAN DU, SKYON MED PA MA YIN TE, CHU SHING LA SOGS PA DAG SKAD CIG MA RE RE LA 'JIG PA NYID DANG ZHES BYA BA SMRAS TE, CHU SHING LA SOGS PA DANG SKAD CIG MA RE RE LA 'JIG PA NYID YIN PA'I PHYIR KHYED NA RE CHU SHING DANG, 'DAM BU DANG, SMYIG MA DANG, 'BRAS BU DAG SMIN PA'I DUS KYI BAR DU GNAS SO ZHES ZER BA MA GRUB PAS, KHYOD KYI TSIG LA SKYON MED PA MA YIN NO, ,GAL TE 'DIR PHA ROL PO DAG 'DI SKAD CES GAL TE CHU SHING LA SOGS PA DAG 'BRAS BU SMIN PA'I DUS KYI BAR DU SKAD CIG MA'I RGYUN GYI GNAS PA YIN NA, 'BRAS BU SMIN PA'I 'OG TU YANG DE BZHIN DU RGYUN MI CHAD PAR GNAS PA'I RIGS NA, DE LTA MA YIN PAS DE'I PHYIR DE DAG 'BRAS BU SMIN PA'I DUS KYI BAR DU NI MI 'JIG PAR GNAS LA, 'BRAS BU SMIN PA'I 'OG TU NI 'JIG PAS KHO BO CAG GI TSIG LA SKYON MED DO ZHES ZER BA'I PHYOGS SNGA MA KHONG NAS DBYUNG BA DE'I LAN DU DE DANG RIGS MTHUN PA'I RGYUN CHAD PAS 'JIG PA NYID THA SNYAD PAR KHAS BLANGS PA'I PHYIR DANG ZHES BYA BA SMRAS TE, CHU SHING LA SOGS PA DAG 'BRAS BU SMIN PA'I 'OG TU DRUNGS PHYUNG STE, 'JIG PA NI 'BRAS BU MA SMIN PA'I SNGON ROL GYI SKAD CIG MA DE DANG RIGS MTHUN PA'I RGYUN CHED PAS 'JIG PA NYID DU KUN RDZOB KYI THA SNYAD DU KHAS BLANGS PA'I PHYIR, 'BRAS BU SMIN PA'I 'OG TU YANG DE BZHIN DU RGYUN MI CHAD PAR GNAS PAR MI 'GYUR BAS DE'I PHYIR, KHYED NA RE GAL TE CHU SHING LA SOGS PA DAG ,'BRAS BU SMIN PA'I DUS KYI BAR DU SKAD CIG MA'I RGYUN GYIS GNAS PA YIN @27A *, ,NA; 'BRAS BU SMIN PA'I 'OG TU YANG DE BZHIN DU RGYUN MI 'CHAD PAR GNAS PA'I RIGS SO ZHES ZER BA'I TSIG LA SKYON MED PA MA YIN NO, ,DON DAM PAR NI LAS BZHIN DU SMYIG MA LA SOGS PA DAG KYANG 'BRAS BU DANG 'BREL BAR MI 'THAD PA'I PHYIR DANG ZHES BYA BA NI; DON DAM PAR DNGOS PO THAMS CAD MA SKYES PA'I PHYIR, JI LTAR LAS DANG BRAS BUR 'BREL PA MI 'THAD PA DE BZHIN DU SMYIG MA LA SOGS PA DAG KYANG 'BRAS BU DANG 'BREL BAR MI 'THAD PAS PHA ROL PO DAG GI GTAN TSIGS DANG, DPE MA GRUB PA'I SKYON MED PA MA YIN NO ZHES BSTAN TO; ,SNGAR MA ZHIG PAS PHYIS DE'I BDAG NYID DU 'GYUR BA YANG BSTAN DKA' BA'I PHYIR RO ZHES BYA BA NI, PHA ROL PO DAG ZER BA LTAR LAS DANG, CHU SHING DAG 'BRAS BU SMIN PA'I DUS KYI BAR DU NI MI 'JIG PAR GNAS LA, 'BRAS BU SMIN PA'I 'OG TU 'JIG PAR 'GYUR ZHES BYA BA NI, SNGAR MI 'JIG PAR RTAG PAR GNAS PA STE, PHYIS 'JIG PA MI RTAG PA DE'I BDAG NYID DU 'GYUR BA YANG RIGS PA DANG LUNG GANG GIS KYANG BSTAN DKA' BA'I PHYIR, GAL TE LAS DANG CHU SHING LA SOGS PA DAG SKYES NAS SMIN PA'I DUS KYI BAR DU GNAS PAR GYUR NA RTAG PA NYID DU THAL BAR 'GYUR TE, 'BRAS BU DANG 'BREL BAR MI 'THAD PAS PHA ROL PO'I GTAN TSIGS LAS DANG 'BRAS BUR 'BREL BA'I PHYIR RO ZHES BYA BA DE MA GRUB PA'I SKYON MED PA MA YIN NO ZHES BSTAN TO, ,GAL TE 'JIG PA'I RGYU'I SNGON ROL NA 'JIG PA MED DU ZIN KYANG PHYIS YOD PAR 'GYUR BAS SNGON MA ZHIG PA YANG PHYIS 'JIG PA NYID DU 'GYUR RO ZHE NA ZHES BYA BA NI, PHA ROL PO DAG DBU MA PAS SNGAR MA ZHIG PA PHYIS DE'I BDAG NYID DU 'GYUR BA YANG BSTAN DKA' BA'I PHYIR RO ZHES BSHAD PA MI RUNG BAR BSGRUB PA'I TSIG YIN TE, DE DAG NA RE DPER NA BUM PA 'JIG PA'I RGYU THO BA MA BYUNG BA'I SNGON ROL NA BUM PA 'JIG PA MED DU ZIN KYANG PHYIS THO BA DANG PHRAD PA NA BUM PA 'JIG PA YOD PAR 'GYUR BA DE BZHIN DU LAS DANG CHU SHING LA SOGS PA DAG KYANG 'JIG PA'I RGYU 'BRAS BU SMIN PA MA BYUNG BA'I SNGON ROL NA 'JIG PA MED DU ZIN KYANG PHYIS 'BRAS BU SMIN PA'I 'OG TU 'JIG PA YOD PAR 'GYUR @27B BAS; DES NA SNGON MA ZHIG PA YANG PHYIS 'JIG PA YOD PAR 'GYUR BAS DES NA SNGON MA ZHIG PA YANG PHYIS 'JIG PA NYID DU 'GYUR BA'I PHYIR, SNGAR MA ZHIG PA PHYIS DE'I BDAG NYID DU 'GYUR BA YANG BSTAN MI DKA' BAS, KHO BO CAG GI GTAN TSIGS DANG DPE MA GRUB PA'I SKYON MED DO ZHES ZER RO, ,DE'I LAN DU 'DIR 'GREL PA BYED PA NYID KYIS, DE YANG RIGS PA MA YIN TE ZHES BYA BA SMRAS TE, RIGS PA DANG LUNG GIS DE MI 'THAD PAR BSTAN TO, ,DE LA RIGS PAS DE MI 'THAD PAR BSTAN PA'I PHYIR, 'DI LTAR GANG ZHIG GANG GI 'JIG PA'I RGYUR BRJOD PA DE NI DE'I 'JIG PA'I RGYU MA YIN TE, DE LAS DE GZHAN YIN PA'I PHYIR RAM RGYU CAN YIN PA'I PHYIR, DPER NA DE LAS GZHAN PA BZHIN PAR RJES SU DPAG PAS GNOD PA'I PHYIR DANG ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA ME TOG 'JIG PA'I RGYU KHA BA DANG TSA BA DE LAS GZHAN PA MUN PA 'JIG PA'I RGYU NYI MA DANG, MAR ME DAG NI ME TOG DE LAS GZHAN PA YIN PA'I PHYIR RAM, RGYU CAN YIN PA'I PHYIR ME TOG DE'I 'JIG PA'I RGYU MA YIN PA DE BZHIN DU LAS DANG CHU SHING LA SOGS PA 'JIG PA'I RGYU 'BRAS BU SMIN PA DE YANG LAS DANG CHU SHING LA SOGS PA DAG LAS GZHAN YIN PA'I PHYIR RAM, RGYU CAN YIN PA'I PHYIR LAS DANG CHU SHING LA SOGS PA DAG GI 'JIG PA'I RGYU MA YIN PAS RJES SU DPAG PA DES GNOD PA'I PHYIR, PHA ROL PO DAG NA RE; 'JIG PA'I RGYU'I SNGON ROL NA 'JIG PA MED DU ZIN KYANG, PHYIS 'JIG PA'I RGYU DANG PHRAD PA NA 'JIG PA YOD PAR 'GYUR RO ZHES ZER BA DE RIGS PA MA YIN NO, ,DE NI LUNG GIS DE MI 'THAD PAR BSTAN PA'I PHYIR, LUNG LAS, LUS DANG DBANG PO BLO RNAMS NI, ,SKAD CIG LAS NI RING MI GNAS, ,ZHES GSUNGS PAS KHAS BLANGS PA LA GNOD PAR 'GYUR BA'I PHYIR RO ZHES BYA BA SMRAS TE, LUNG LAS DE SKAD GSUNGS PAS, PHA ROL PO DAG NA RE 'JIG PA'I RGYU'I SNGON ROL NA 'JIG PA MED DO ZHES ZER BA DE NI KHAS BLANGS PA LA GNOD PAR 'GYUR BA'I @28A *, ,PHYIR RIGS PA MA YIN NO, ,RE ZHIG DE DAG GI NI LAS DE SKYES NAS SMIN PA'I DUS KYI BAR DU GNAS PAR GYUR NA, RTAG PA NYID DU THAL BAR 'GYUR BA'I PHYIR 'BRAS BU DANG 'BREL PAR MI 'THAD PA'I PHYIR, PHA ROL PO'I GTAN TSIGS LAS DANG 'BRAS BU 'BREL BA'I PHYIR RO ZHES BYA BA DE MA GRUB PAR BSTAN TO, ,DA NI BRTAG PA GNYIS PA MI 'THAD PAR BSTAN PA'I PHYIR, CI STE SKYON DER GYUR NA MI RUNG NGO SNYAM NAS SKYES MA THAG TU 'JIG PAR DAM 'CHA' NA DE LTA NA YANG, GAL TE 'GAGS NA 'GAGS GYUR PA, ,JI LTAR 'BRAS BU BSKYED PAR 'GYUR, ,'GAGS PA NI RANG GI BDAG NYID MED PA KHO NA'I PHYIR RO ZHES BYA BAR DGONGS SO ZHES BYA BA SMRAS TE, GAL TE LAS DE SKYES MA THAG TU 'JIG PAR 'GYUR NA ZHIG CING 'GAGS PAR GYUR PA NI RANG GI BDAG NYID MED PA KHO NA YIN PA'I PHYIR DES JI LTAR 'BRAS BU BSKYED PAR 'GYUR TE, 'BRAS BU DANG 'BREL BAR MI 'THAD PAS, PHA ROL PO'I GTAN TSIGS LAS DANG 'BRAS BUR 'BREL BA'I PHYIR RO ZHES BYA BA DE MA GRUB PO ZHES BYA BAR DGONGS SO, ,'DIR GZHAN DAG 'DI SKAD CES 'GAGS PA NI RANG GI BDAG NYID MED PA KHO NA'I PHYIR, 'BRAS BU SKYED PAR MI BYED PA BDEN MOD KYI, 'ON KYANG 'GAG BZHIN PA 'BRAS BU SKYED PAR BYED PAS KHO BO CAG GI GTAN TSIGS LAS DANG 'BRAS BUR 'BREL PA'I PHYIR RO ZHES BYA BA DE 'GRUB PO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, 'GAG BZHIN PA 'BRAS BU BSKYED PA NYID DU RTOG NA YANG 'GAG BZHIN PA 'GAGS PA 'AM MA 'GAGS PA NYID LA DE MI 'THAD PA'I PHYIR DANG BRGAL ZHING BRTAGS PA DANG LAN MTSUNGS PA'I PHYIR RO ZHES BYA BA SMRAS TE, 'GAG BZHIN PA ZHES BYA BA'I NGO BO NYID KYANG GANG YIN TE, 'GAGS PA'AM MA 'GAGS PA ZHIG YIN PAS DE LA 'GAG BZHIN PA ZHES BYA BA DE MI 'THAD PA'I PHYIR RO, ,GAL TE 'GAGS PA YIN NA NI RANG GI BDAG NYID MED PA'I PHYIR, 'BRAS BU SKYED PAR MI BYED PA DANG, GAL TE MA 'GAGS PA YIN NA YANG RTAG PA YIN PA'I PHYIR, DES KYANG 'BRAS BU SKYED PAR MI BYED DO ZHES BRGAL ZHING BRTAG PA DANG @28B LAN MTSUNGS PA'I PHYIR, 'GAG BZHIN PA 'BRAS BU SKYED PA NYID DU BRTAG PA DE YANG RIGS PA MA YIN NO, ,'GAG BZHIN PA NI 'GAG PA LA MNGON PAR PHYOGS PA LO ZHES BYA BAR RTOG NA YANG SKYON JI SKAD BSTAN PA NYID DU 'GYUR BA'I PHYIR RO ZHES BYA BA NI, GAL TE PHA ROL PO DAG 'GAG BZHIN PA NI 'GAGS PA DANG MA 'GAGS PA MA YIN GYI 'GAG PA LA MNGON PAR PHYOGS PA YIN PAS, JI SKAD BSTAN PA'I SKYON DU MI 'GYUR BAR RTOG NA YANG, 'GAG PA LA MNGON PAR PHYOGS PA ZHES BYA BA'I NGO BO NYID KYANG GANG YIN TE, 'GAGS PA 'AM MA 'GAGS PA ZHIG YIN PAS DE LA 'GAG PA LA MNGON PAR PHYOGS PA ZHES BYA BA NI MI 'THAD PA'I PHYIR DANG, GAL TE 'GAGS PA YIN NA NI RANG GI BDAG NYID MED PA'I PHYIR, 'BRAS BU SKYED PAR MI BYED PA DANG, GAL TE MA 'GAGS PA YIN NA YANG RTAG PA YIN PA'I PHYIR, DES KYANG 'BRAS BU SKYED PAR MI BYED DO ZHES BRGAL ZHING BRTAG PA DANG, LAN MTSUNGS PA'I SKYON JI SKAD BSTAN PA NYID DU 'GYUR BA'I PHYIR 'GAG BZHIN PA NI 'GAG PA LA MNGON PAR PHYOGS PA'O ZHES BYA BAR RTOG PA DE YANG RIGS PA MA YIN NO, ,BRJOD PAR BYA BA MA YIN PA NYID DU RTOG NA YANG ZHES BYA BA NI, GAL TE PHA ROL PO DAG 'GAG PA LA MNGON PAR PHYOGS PA ZHES BYA BA NI, 'GAGS PA DANG MA 'GAGS PA NYID DU BRJOD PAR BYA BA MA YIN PA YIN PAS DES 'BRAS BU SKYED PA'I PHYIR, KHO BO CAG GIS GTAN TSIGS LAS DANG 'BRAS BUR 'BREL PA'I PHYIR RO ZHES BYA BA DE 'GRUB PO SNYAM DU RTOG NA'O, ,DE YANG MI RUNG BAR BSTAN PA'I PHYIR, DON DAM PAR BRJOD PAR BYA BA MA YIN PA NI 'BRAS BU BSKYED PA NYID DU MI 'THAD DE BRJOD PAR BYA BA MA YIN PA'I PHYIR, DPER NA SKYE BZHIN PAS RJES SU DPAG PAS GNOD PA'I PHYIR, DE YANG SNYING PO MA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA SKYE BZHIN PA NI 'GAGS PA DANG MA 'GAGS PA NYID DU BRJOD PAR BYA BA MA YIN PA'I PHYIR, 'BRAS BU BSKYED PA NYID DU MI 'THAD PA DE BZHIN DU BRJOD PAR BYA BA MA YIN PA @29A *, ,YANG 'GAGS PA DANG MA 'GAGS PA NYID DU BRJOD PAR BYA BA MA YIN PA'I PHYIR, 'BRAS BU BSKYED PA NYID DU MI 'THAD PAS RJES SU DPAG PAS GNOD PA'I PHYIR, DE YANG SNYING PO MA YIN NO, ,DE'I PHYIR DE'I GTAN TSIGS KYI DON MA GRUB PA NYID KYI SKYON DANG, DON 'GAL BA NYID KYI SKYON DE NYID YOD DO ZHES BYA BA NI, MJUG BSDU BA DANG, TSAD MA'I 'BRAS BU YIN TE, JI LTAR LAS RTAG PA NYID DU RJES SU DPOG PA LA 'BRAS BU BSKYED PA NYID MI 'THAD PA PHA ROL PO'I GTAN TSIGS LAS DANG 'BRAS BUR 'BREL BA'I PHYIR RO ZHES BYA BA DON DAM PAR MA GRUB PA NYID KYI SKYON DANG, KUN RDZOB TU 'GAL BA NYID KYI SKYON YOD PA DE BZHIN DU LAS MI RTAG PA NYID DU RJES SU DPOG PA LA 'BRAS BU BSKYED PA NYID DU MI 'THAD PAS PHA ROL PO'I GTAN TSIGS LAS DANG 'BRAS BUR 'BREL BA'I PHYIR RO ZHES BYA BA DE DON DAM PAR NI MA GRUB PA NYID KYI SKYON DANG KUN RDZOB TU NI 'GAL BA NYID KYI SKYON DE NYID YOD DO, ,DE LTAR LAS KYANG SKYES NAS SMIN PA'I DUS KYI BAR DU GNAS PA YIN NA NI RTAG PAR 'GYUR LA, SKYES NAS 'JIG PAR 'GYUR BA YIN NA NI CHAD PAR 'GYUR BAS, DE LTAR RTAG PA DANG CHAD PA'I SKYON DU GYUR NA 'BRAS BU DANG 'BREL BAR MI 'THAD PAS PHA ROL PO'I GTAN TSIGS LAS 'BRAS BUR 'BREL BA'I PHYIR RO ZHES BYA BA DE MA GRUB PAS, DES GRUB PAR BYA BA DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE ZHES BYA BA MA GRUB PO, ,'KHOR BA YOD PAR MA GRUB NA BCINGS PA MED PAS THAR PA MED PA'I PHYIR, SNGAR RAB TU BYED PA 'DAS MA THAG PA'I SKABS SU PHA ROL PO DAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO ZHES SMRAS PA'I GTAN TSIGS KYI RTZA BA MA GRUB PAS BSTAN BCOS MDZAD PAS DON DAM PAR NANG GI DNGOS PO RNAMS LA NGO BO NYID MED PA KHO NA YIN NO ZHES DAM BCAS PA'I DGONGS PA GRUB PA NI TSAD MA'I 'BRAS BU YIN PAR BSTAN TO, ,'DIR SMRAS PA, LAS DANG 'BRAS BUR 'BREL PA NI 'THAD PA KHO NA YIN TE, CI'I PHYIR ZHE NA, RGYUD KYI RGYUN LAS 'BRAS BU 'GRUB PA'I PHYIR TE ZHES BYA BA LA SOGS PAS @29B NI; DE LTAR DBU MA PAS NYAN THOS BYE BRAG TU SMRA BA DAG GI GTAN TSIGS LAS DANG 'BRAS BUR 'BREL BA'I PHYIR RO ZHES BYA BA DE SUN DBYUNG BA DANG, 'DIR SDE PA GZHAN DAG RNAM PA GZHAN GYI LAS DANG 'BRAS BUR 'BREL PA 'THAD PAR BSGRUB PA'I GZHUNG STON TE, 'DI'I BSDUS PA'I DON NI DPER NA PHYI ROL GYI MYU GU LA SOGS PA'I RGYUN GANG YIN PA NI DANG PO'I SA BON LAS MYU GU 'BYUNG ZHING, RGYUN DE LAS THA MA'I 'BRAS BU 'BYUNG BAS RJES SU 'GRO BA YANG YOD LA, DANG PO'I SA BON MED NA MYU GU LA SOGS PA'I RGYUN DE YANG MI 'BYUNG ZHING THA MA 'BRAS BU'I BAR DU MI 'BYUNG BAS LDOG PA YOD DO, ,DE LTAR GANG GI PHYIR DANG PO'I SA BON LAS MYU GU LA SOGS PA'I RGYUN 'BYUNG BA LA RGYUN LAS 'BRAS BU 'BYUNG BAR 'GYUR ZHING SA BON 'BRAS BU'I SNGON DU 'GRO BA DE'I PHYIR, SA BON GYI RGYUN GYIS MYU GU LA SOGS PA NGES PAR GNAS PAS CHAD PA YANG MA YIN LA MYU GU BYUNG NAS SA BON 'GAGS PAS RTAG PA YANG MA YIN TE, DE LTAR RTAG PA DANG, CHAD PA'I SKYON DU YANG MI 'GYUR LA, SA BON DANG 'BRAS BUR 'BREL PA YANG YOD PA DE BZHIN DU NANG GI SEMS KYI RGYUN 'BREL BAR 'JUG PA'I MTSAN NYID GANG YIN PA YANG DANG PO'I SEMS PA DGE BA DANG MI DGE BA LAS 'BYUNG ZHING, RGYUN LAS THA MA'I 'BRAS BU YID DU 'ONG BA DANG MI 'ONG BA 'BYUNG BAS RJES SU 'GRO BA YANG YOD LA, DANG PO'I SEMS PA MED NA SEMS KYI 'BREL PAR 'JUG PA'I MTSAN NYID KYI RGYUN DE YANG MI 'BYUNG ZHING, THA MA'I 'BRAS BU BAR DU YANG MI 'BYUNG BAS LDOG PA YANG YOD DO, , DE LTAR GANG GI PHYIR DANG PO'I SEMS PA LA SEMS KYI RGYUN 'BREL BAR 'JUG PA'I MTSAN NYID KYI RGYUN 'BYUNG LA, RGYUN LAS 'BRAS BU 'BYUNG BAR 'GYUR ZHING, SEMS PA 'BRAS BU'I SNGON DU 'GRO BA DE'I PHYIR, SEMS PA'I RGYUN GYIS SEMS KYI RGYUN GYI BAR 'JUG PA'I MTSAN NYID NGES PAR GNAS PA NA, CHAD PA YANG MA YIN LA, SEMS KYI RGYUN BYUNG BA NA SEMS PA 'GAGS PAS RTAG PA YANG MA YIN TE, DE LTAR RTAG PA DANG, CHAD PA'I SKYON DU YANG MI 'GYUR LA, LAS DANG 'BRAS BUR 'BREL BA YANG YOD PAS, KHO BO CAG GI GTAN TSIGS LAS DANG @30A *, ,'BRAS BUR 'BREL BA'I PHYIR RO ZHES BYA BA GRUB PAS, DES BSGRUB PAR BYA BA DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE ZHES BYA BA GRUB PO, ,'KHOR BA YOD PAR GRUB NA BCINGS PA YOD PAS THAR PA YANG YOD PA'I PHYIR SNGAR RAB TU BYED PA 'DAS MA THAG PA'I SKABS SU KHO BO CAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO ZHES SMRAS PA'I GTAN TSIGS KYI RTZA BA GRUB PAS, DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES ZER RO; ,DE'I CHOS MTHUN PA'I DPE NYID BSTAN PA'I PHYIR, 'DI LTA STE DPER NA, MYU GU LA SOGS RGYUN GANG YIN, ,SA BON LAS NI MNGON PAR 'BYUNG, ,DE LAS 'BRAS BU SA BON NI, ,MED NA DE YANG 'BYUNG MI 'GYUR, ,GANG PHYIR SA BON LAS RGYUN DANG, ,RGYUN LAS 'BRAS BU 'BYUNG 'GYUR ZHING, ,SA BON 'BRAS BU'I SNGON 'GRO BA, ,DE'I PHYIR CHAD MIN RTAG MA YIN, ,ZHES BYA BA SMRAS SO, ,DE NYID BYE BRAG TU BSHAD PA BSTAN PA'I PHYIR, MYU GU DANG, 'DAB MA DANG, SDONG BU DANG, SPU GU DANG, SNYE MA DANG, SPUN PA DANG, GRA MA DANG, SRUS DANG, 'BRAS THUG PO CHE LA SOGS PA'I MTSAN NYID KYI RGYUN GANG YIN PA DE NI, SA BON 'GAGS PA LAS MNGON PAR 'BYUNG ZHING, RGYUN DE LAS 'BRAS BU MNGON PAR 'BYUNG NGO ZHES BYA BA SMRAS TE, DES NI RJES SU 'GRO BA BSTAN TO, ,SA BON MED NA MYU GU SNGON DU BTANG BA'I RGYUN DE YANG MNGON PAR 'BYUNG BAR MI 'GYUR RO ZHES BYA BAS NI LDOG PA BSTAN TO, ,GANG GI PHYIR SA BON LAS RGYUN MNGON PAR 'BYUNG LA, RGYUN LAS 'BRAS BU MNGON PAR 'BYUNG BAR 'GYUR ZHING, SA BON 'BRAS BU'I SNGON DU 'GRO BA DE'I PHYIR, CHAD PA MA YIN TE SA BON GYI RGYUN GYIS NGES PAR GNAS PA'I PHYIR RO, ,RTAG PA YANG MA YIN TE, MYU GU 'BYUNG BA NA SA BON DE 'GAG PA'I PHYIR RO ZHES BYA BAS NI, DE LTAR RTAG PA DANG, CHAD PA'I SKYON DU YANG MI 'GYUR LA, SA BON DANG 'BRAS BUR 'BREL PA YANG YOD PAR BSTAN TO, ,DE LTAR NA DE NI CHOS MTHUN PA'I DPE'I TSIG YIN NO ZHES BYA BA NI DE @30B LTAR PHYI ROL GYI 'DU BYED RNAMS LAS SA BON DANG 'BRAS BUR 'BREL BA'I TSUL BSTAN PA DE NI NANG GI 'DU BYED RNAMS LA LAS DANG 'BRAS BUR 'BREL PA YOD PAR SGRUB PA'I CHOS MTHUN PA'I DPE'I TSIG YIN TE, 'DIS MTSON PA'I DON GYI DNGOS PO NI 'OG NAS, ,CHOS SGRUB PA YI THABS RNAMS NI, , DKAR PO'I LAS KYI LAM BCU STE, ,CHOS KYI 'BRAS BU 'DI GZHAN DU, ,'DOD PA'I YON TAN RNAM LNGA'O, ,ZHES 'BYUNG BA YIN PAR SBYAR RO, ,DA NI DAM BCAS PA'I DON NYID KYI PHYOGS DANG, SGRUB PA'I CHOS DANG, MJUG BSDU BA BSTAN PA'I PHYIR DE BZHIN DU, ,SEMS KYI RGYUN NI GANG YIN PA; ,SEMS PA LAS NI MNGON PAR 'BYUNG, ,DE LAS 'BRAS BU SEMS PA NI, ,MED NA DE YANG 'BYUNG MI 'GYUR, ,GANG PHYIR SEMS PA LAS RGYUN DANG, ,RGYUN LAS 'BRAS BU 'BYUNG 'GYUR ZHING, ,LAS NI 'BRAS BU'I SNGON 'GRO BA, ,DE PHYIR CHAD MIN RTAG MA YIN, ,ZHES BYA BA SMRAS SO; ,DE NYID BYE BRAG TU BSHAD PA BSTAN PA'I PHYIR SEMS KYI RGYUN 'BREL BAR 'JUG PA'I MTSAN NYID GANG YIN PA NI BYAMS PA DANG, BYAMS PA MA YIN PA'I SEMS PA LAS SU BRJOD PA GANG YIN PA'I SEMS PA 'GAGS PA DE LAS MNGON PAR 'BYUNG ZHING, RGYUN LAS 'BRAS BU 'DOD PA DANG MI 'DOD PA NYAMS SU MYONG BA'I MTSAN NYID MNGON PAR 'BYUNG NGO ZHES BYA BA SMRAS TE, DES NI RJES SU 'GRO BA BSTAN TO, ,SEMS PA MED NA SEMS KYI RGYUN DE YANG MNGON PAR 'BYUNG BAR MI 'GYUR TE ZHES BYA BA NI LDOG PAR BSTAN TO, ,DE LTAR DES NI LAS KYI RGYUN RJES SU 'JUG PA NYID BSTAN TO ZHES BYA BA NI, DE LTAR RJES SU 'GRO BA DANG LDOG PA BSTAN PA'I SKABS DES NI NANG GI 'DU BYED RNAMS LA LAS DANG 'BRAS BUR 'BREL PA YOD PAR SGRUB PA'I CHOS GTAN TSIGS NI LAS DANG 'BRAS BUR 'BREL PA'I RGYUN RJES SU 'JUG PA NYID YIN PAR BSTAN TO, 'OG NAS BCOM LDAN 'DAS KYIS 'BRAS BU KHYAD PAR CAN THOB PAR 'DOD PA RNAMS LA DE DANG 'BREL PA THOB PAR BYA BA'I PHYIR, THABS BSTAN PA YOD PA'I PHYIR RO ZHES 'BYUNG BA DANG SBYAR RO, ,GANG PHYIR SEMS PA LAS RGYUN ZHES BYA BA RGYU DANG 'BRAS BU'I DNGOS POR 'BREL ZHING RGYAS PAR GYUR PA'I RGYUN 'BREL PA @31A *, ,ZHES BYA BA'I DON MNGON PAR 'BYUNG LA, RGYUN LAS 'BRAS BU MNGON PAR 'BYUNG BAR 'GYUR ZHING, LAS 'BRAS BU'I SNGON DU 'GRO BA DE'I PHYIR CHAD PA YANG MA YIN LA, RTAG PA YANG MA YIN TE, SGRUB PA JI SKAD BSTAN PAS 'DU BYED RNAMS KYI RGYUN GYIS 'BRAS BU BSKYED PA'I PHYIR DANG, SKAD CIG MA GNYIS PAR NGES PAR MI GNAS PA YIN PA'I PHYIR RO ZHES BYA BAR DGONGS TE ZHES BYA BAS NI, DE LTAR RTAG PA DANG, CHAD PA'I SKYON DU YANG MI 'GYUR LA, LAS DANG 'BRAS BUR 'BREL BA YANG YOD PAR BSTAN TO, ,DE LTAR NA DE NI MJUG BSDU BA'I TSIG YIN NO ZHES BYA BA NI DE LTAR RTAG PA DANG CHAD PA'I SKYON DU YANG MI 'GYUR LA, LAS DANG 'BRAS BUR 'BREL PA YANG YOD PAR BSTAN PA'I SKABS DE NI, NANG GI 'DU BYED RNAMS LA LAS DANG 'BRAS BUR 'BREL PA YOD PAR BSGRUB PA'I MJUG BSDU BA'I TSIG YIN TE, 'OG NAS DE'I PHYIR GTAN TSIGS JI SKAD SMOS PA'I MTHUS JI SKAD SMRAS PA'I DON GRUB PO ZHES BYA BA DANG SBYAR RO, ,DA NI DE NYID KYI RJES SU DPAG PA'I TSAD MA BSTAN PAR BYA STE, DE'I PHYIR 'DIR RJES SU DPAG PA NI, DON DAM PAR SEMS CAN GYI SGRAR BRJOD PA'I 'DU BYED RNAMS LA, LAS DANG 'BRAS BUR 'BREL PA YOD PA KHO NA YIN TE, BCOM LDAN 'DAS KYIS 'BRAS BU KHYAD PAR CAN THOB 'DOD PA RNAMS LA DE DANG 'BREL PA THOB PAR BYA BA'I PHYIR, THABS BSTAN PA YOD PA'I PHYIR DPER NA SA BON DANG 'BRAS BUR 'BREL PA BZHIN NO, ,'DI NA GANG YOD PA MA YIN PA DE LA NI, BCOM LDAN 'DAS KYIS DE DANG 'BREL PA THOB PAR BYA BA'I PHYIR THABS MA BSTAN TE, DPER NA NAM MKHA'I ME TOG GI PHRENG BA BZHIN NO ZHES BYA BA DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG CHOS MI MTHUN PA'I PHYOGS KYI DPE YIN PAR GO RIMS BZHIN DU SBYAR TE, 'DI LA NI, CHOS SGRUB PA YI THABS RNAMS NI, ,DKAR PO'I LAS KYI LAM BCU STE, ,CHOS KYI 'BRAS BU 'DI GZHAN DU, ,'DOD PA'I YON TAN RNAM LNGA'O, ,RNAM PAR SMIN PA DANG RGYU MTHUN PA'I 'BRAS BU'I BYE BRAG LAS SO ZHES, BCOM LDAN 'DAS KYIS @31B 'BRAS BU KHYAD PAR CAN 'DOD PA RNAMS LA DE DANG 'BREL PA THOB PAR BYA BA'I PHYIR, THABS BSTAN PA YOD PAS ZHES BYA BAS NI, NYE BAR SBYAR BA'I SBYOR BA YIN TE, JI LTAR PHYI ROL GYI 'DU BYED RNAMS LA SA BON DANG 'BRAS BUR 'BREL PA'I TSUL BSTAN PA DE BZHIN DU NANG GI 'DU BYED 'DI LA YANG, LUS DANG NGAG DANG YID KYI LAS DGE BA'I CHOS SGRUB PA'I THABS NI, DGE BA BCU'I LAS KYI LAM RNAMS YIN LA CHOS DE'I 'BRAS BU NI TSE 'DI DANG, GZHAN DAG TU RNAM PAR SMIN PA DANG RGYU MTHUN PA'I 'BRAS BU'I BYE BRAG LAS 'DOD PA'I YON TAN RNAM PA LNGA YIN NO ZHES, BCOM LDAN 'DAS KYIS 'BRAS BU KHYAD PAR CAN 'DOD PA'I SKYE BO RNAMS LA 'BRAS BU DE DANG 'BREL PA'I LUS DANG NGAG DANG YID KYI LAS DGE BA'I CHOS THOB PAR BYA BA'I THABS DGE BA BCU'I LAS KYI LAM BSTAN PA YOD PAS SO, ,DE'I PHYIR GTAN TSIGS JI SKAD SMOS PA'I MTHUS JI SKAD SMRAS PA'I DON GRUB PO ZHES BYA BA NI MJUG BSDU BA YIN TE, 'DI NA NAM MKHA'I ME TOG LTA BU GANG YOD PA MA YIN PA LA, BCOM LDAN 'DAS KYIS DE DANG 'BREL PA THOB PAR BYA BA'I PHYIR, THABS MA BSTAN PA DE LA NI LAS DANG 'BRAS BUR 'BREL PA MED PA KHO NA YIN GYI, SA BON DANG 'BRAS BU LTA BUR YOD PA GANG LA, BCOM LDAN 'DAS KYIS 'BRAS BU DE DANG 'BREL BA'I SA BON THOB PAR BYA BA'I THABS ZHING LAS LA SOGS PA BSTAN PA DE LA NI, SA BON DANG 'BRAS BUR 'BREL PA YOD PA KHO NA YIN PA DE BZHIN DU, SEMS CAN GYI SGRAR BRJOD PA'I 'DU BYED RNAMS KYI LAS DANG 'BRAS BUR 'BREL PA YOD PA GANG DAG LA BCOM LDAN 'DAS KYIS 'BRAS BU DE DANG 'BREL PA'I LUS DANG NGAG DANG YID KYI LAS DGE BA'I CHOS THOB PAR BYA BA'I THABS, DGE BA BCU'I LAS KYI LAM BSTAN PA DE DAG LA YANG LAS DANG 'BRAS BUR 'BREL PA YOD PA KHO NA YIN PAS, DE'I PHYIR GTAN TSIGS JI SKAD SMOS PA 'DI'I MTHUS KHO BO CAG GI GTAN TSIGS SNGA MA LAS DANG 'BRAS BUR 'BREL PA'I PHYIR RO ZHES BYA BA DE GRUB PAS, DES BSGRUB PAR BYA BA DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE ZHES BYA BA GRUB PO, 'KHOR BAR YOD PAR GRUB NA BCINGS PA YOD PAS THAR PA YANG YOD @32A *, ,PA'I PHYIR; SNGAR RAB TU BYED PA 'DAS MA THAG PA'I SKABS SU KHO BO CAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO ZHES SMRAS PA'I GTAN TSIGS KYI RTZA BA GRUB PAS, KHO BO CAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES JI SKAD SMRAS PA'I DON GRUB PO ZHES ZER RO,, ,,BAM PO LNGA BCU BDUN PA, GZHAN DAG GIS SMRAS PA, GAL TE RTAG PA DER GYUR NA, ,NYES PA CHEN PO MANG PO 'GYUR, ,DE LTA PAS NA RTAG PA DES, ,'DIR NI 'THAD PA MA YIN NO, ,ZHES BYA BA NI 'DIR NYAN THOS BYE BRAG TU SMRA BA DAG GIS SNGAR SDE PA GZHAN DAG GIS SA BON DANG MYU GU'I RGYUN 'BREL PA BZHIN DU LAS DANG 'BRAS BUR 'BREL BAR GYUR PAS, 'KHOR BA YOD DO ZHES SMRAS PA'I GZHUNG MI 'THAD PAR SUN 'BYIN ZHING; RANG GI GRUB PA'I MTHA' LAS NI SKAD CIG MA STE BYAS MA THAG TU 'GAG LA SKAD CIG MA DE'I CHUD MI ZA BA ZHES BYA BA SKAD CIG MA MA YIN PA'I CHOS LAS KYI RGYU LAS BYUNG BA LUNG DU MA BSTAN PA SEMS DANG LDAN PA'I 'DU BYED DU GTOGS PA SEMS KYI RGYU LA SKYE BA NGES PAR GNAS PA BU LON GYI DBANG RGYA LTA BU ZHIG YOD PA DES LAS DANG 'GAGS PA BU LON GYI NOR GZHAN LA BTANG BA LTA BU DE'I RNAM PAR SMIN PA CHUD MI ZA BAR 'DZIN CING GNAS PAS, DES GANG ZAG BYED PA PO LA TSE 'DI 'AM, PHYI MA 'AM LAN GRANGS GZHAN LA RNAM PAR SMIN PA DANG, RGYU MTHUN PA'I 'BRAS BU CHUD MI ZA BAR 'BUL ZHING BYED PA POS 'BRAS BU MYONG BAR 'GYUR BAS, LAS DANG 'BRAS BUR 'BREL PA YOD PA'I PHYIR, LUNG LAS KYANG, LAS RNAMS BSKAL PA BRGYAR YANG NI, ,CHUD MI ZA BA'ANG TSOGS DANG DUS, ,RNYED NA LUS CAN RNAMS LA NI, ,'BRAS BU DAG TU 'GYUR BA NYID,, CES GSUNGS PAS DE'I PHYIR KHO BO CAG GIS GTAN TSIGS LAS DANG 'BRAS BUR 'BREL PA YOD PA'I PHYIR RO ZHES BYA BA GRUB PAS, DES BSGRUB PAR BYA BA DON DAM PAR NANG GI 'DU BYED RNAMS LA 'KHOR BA YOD PA KHO NA YIN TE ZHES BYA BA GRUB BO, ,'KHOR BA YOD PAR GRUB NA BCINGS PA YOD @32B PAS, THAR PA YANG YOD PA'I PHYIR, SNGAR RAB TU BYED PA 'DAS MA THAG PA'I SKABS SU DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DANG LA BCINGS PA DANG THAR PA YOD PA'I PHYIR RO ZHES BYA BA'I GTAN TSIGS KYI RTZA BA GRUB PAS, SNGAR KHO BO CAG GIS DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES JI SKAD SMRAS PA'I DON GRUB PO ZHES BYA BA'I GZHUNG STON TO, ,DE LA RE ZHIG SNGAR SDE PA GZHAN DAG GIS SMRAS PA'I GZHUNG MI 'THAD PAR SUN DBYUNG BAR BSTAN PA'I PHYIR, GAL TE KHYOD KYI SA BON GYI RGYUN DANG CHOS MTHUN PA'I MTSAN NYID KYI RTAG PA DE LTA BUR GYUR NA, NYES PA'I SKYON CHEN PO MANG DU 'BYUNG BAR 'GYUR TE ZHES BYA BA SMRAS TE, DE LA NYES PA'I SKYON CHEN PO MANG DU 'BYUNG BAR 'GYUR BA JI SNYED CIG KYANG SMRA BAR NUS MOD KYI, DPE TZAM ZHIG BRJOD PAR BYA STE, 'DI LA SA BON LAS SA BON DANG RIGS MTHUN PA'I MYU GU'I RGYUN 'BYUNG BAR 'GYUR BAS, DE LTA NA SHING AA MRA'I SA BON LAS AA MRA NYID SKYE'I, SHING NIM PA MI SKYE LA, SHING NIM PA'I SA BON LAS KYANG NIM PA NYID SKYE'I, SHING AA MRA MI SKYE STE, DE'I PHYIR SHING AA MRA LAS KYANG AA MRA'I 'BRAS BU NYID SKYE SHING NIM PA'I 'BRAS BU MI SKYE LA, SHING NIM PA LAS KYANG NIM PA'I 'BRAS BU NYID SKYE ZHING, SHING AA MRA'I 'BRAS BU MI SKYE BAS, DE LTA NA SA BON DANG 'DRA BA'I RGYUN 'BYUNG GI MI 'DRA BA MI 'BYUNG NGO, ,GAL TE SEMS KYI RGYUN 'BREL PA LAS 'BRAS BU 'BYUNG BA YANG DE DANG 'DRA BAR GYUR NA YANG, MI'I SEMS LAS KYANG MI'I RGYUN KHO NA 'BYUNG LA, LHA'I SEMS LAS KYANG LHA'I RGYUN KHO NA 'BYUNG, DUD 'GRO'I SEMS LAS KYANG DUD 'GRO'I RGYUN KHO NA 'BYUNG, YI DAGS KYI SEMS LAS KYANG YI DAGS KYI RGYUN KHO NA 'BYUNG, SEMS CAN DMYAL BA'I SEMS LAS KYANG SEMS DMYAL BA'I RGYUN KHO NA 'BYUNG BAR 'GYUR RO, ,DE LTAR GYUR NA 'GRO BA 'KHRUL PA MED PAS RTZOM PA THAMS CAD DON MED PA NYID DU 'GYUR TE, DE LA NYES PA'I SKYON CHEN PO DE DAG LA SOGS PA MANG DU 'BYUNG BAR 'GYUR RO, ,DE NYID KYI RJES SU DPAG PA BSTAN PA'I PHYIR, MI'I RGYUD LAS LHA LA SOGS PA'I RGYUD DU SKYE BAR MI 'GYUR TE, RIGS THA DAD PA'I PHYIR, DPER NA SHING NIM PA'I SA BON LAS AA MRA LA SOGS PA'I @33A *, ,'BRAS BU SKYE BAR MI 'GYUR BA BZHIN PAS RJES SU DPAG PAS GNOD PA'I PHYIR RO ZHES BYA BA SMRAS TE, DES NI GAL TE SDE PA GZHAN DAG GI SA BON GYI RGYUN DANG CHOS MTHUN PA'I MTSAN NYID BRTAG PA DE LTAR GYUR NA 'GRO BA 'KHRUL PA MED PAS RTZOM PA THAMS CAD DON MED PA NYID DU 'GYUR BA'I NYES PA'I SKYON CHEN PO MANG DU 'BYUNG BAR 'GYUR BA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG MJUG BSDU BA YIN PAR GO RIMS BZHIN DU SBYAR TE, DPER NA SHING NIM PA'I SA BON DANG AA MRA LA SOGS PA'I 'BRAS BU NI RIGS THA DAD PA'I PHYIR, SHING NIM PA'I SA BON LAS AA MRA LA SOGS PA'I 'BRAS BU SKYE BAR MI 'GYUR BA DE BZHIN DU, MI'I RGYUD DANG LHA LA SOGS PA'I RGYUD KYANG RIGS THA DAD PA'I PHYIR, MI'I RGYUD LAS LHA LA SOGS PA'I RGYUD DU SKYE BAR MI 'GYUR BAS, RJES SU DPAG PA DES GNOD PA'I PHYIR; GAL TE SDE PA GZHAN DAG GI SA BON GYI RGYUN DANG CHOS MTHUN PA'I MTSAN NYID KYI BRTAG PA DE LTAR GYUR NA, NYES PA'I SKYON CHEN PO MANG DU 'BYUNG BAR 'GYUR BAS, DE NI MI 'DOD DO, ,DE BZHIN DU DGE BA'I SEMS LAS MI DGE BA DANG, LUNG DU MA BSTAN PA'I SEMS DANG, MI DGE BA'I SEMS LAS DGE BA DANG LUNG DU MA BSTAN PA'I SEMS DANG, LUNG DU MA BSTAN PA'I SEMS LAS DGE BA DANG MI DGE BA'I SEMS DANG, 'DOD PA NA SPYOD PA'I SEMS LAS GZUGS DANG GZUGS MED PA NA SPYOD PA DANG, 'JIG RTEN LAS 'DAS PA'I SEMS DANG, GZUGS NA SPYOD PA'I SEMS LAS 'DOD PA DANG, GZUGS MED PA NA SPYOD PA DANG, 'JIG RTEN LAS 'DAS PA'I SEMS DANG, GZUGS MED PA NA SPYOD PA'I SEMS LAS 'DOD PA DANG GZUGS NA SPYOD PA DANG, 'JIG RTEN LAS 'DAS PA'I SEMS SKYE BAR MI 'GYUR TE, RJES SU DPAG PA JI SKAD BSTAN PAS GNOD PAR 'GYUR BA'I PHYIR TE ZHES BYA BAS GTAN TSIGS DANG DPE SNGA MA BZHIN DU SBYAR TE, DES NI GAL TE SDE PA GZHAN DAG GI SA BON GYI RGYUN DANG CHOS MTHUN PA'I MTSAN NYID KYI BRTAG PA DE LTAR GYUR NA, DGE BA DANG MI DGE BA DANG LUNG DU MA BSTAN PA ZAG PA MED PA'I SEMS SNA TSOGS MJUG THOGS SU MI SKYE ZHING KHAMS @33B 'KHRUL PA MED PAS RTZOM PA THAMS CAD DON MED PA NYID DU 'GYUR BA'I NYES PA'I SKYON CHEN PO MANG DU 'BYUNG BAR 'GYUR BA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA SHING NI MA PA'I SA BON DANG AA MRA LA SOGS PA'I 'BRAS BU NI RIGS THA DAD PA'I PHYIR SHING NIM PA'I SA BON LAS AA MRA LA SOGS PA'I 'BRAS BU SKYE BAR MI 'GYUR BA BZHIN DU, DGE BA'I SEMS DANG MI DGE BA'I SEMS LA SOGS PA DANG 'DOD PA NA SPYOD PA'I SEMS DANG, GZUGS NA SPYOD PA'I SEMS LA SOGS PA DAG KYANG RIGS THA DAD PA'I PHYIR, DGE BA'I SEMS LAS MI DGE BA'I SEMS LA SOGS PA DANG, 'DOD PA NA SPYOD PA'I SEMS LAS GZUGS NA SPYOD PA'I SEMS LA SOGS PA SKYE BAR MI 'GYUR BAS RJES SU DPAG PA DES GNOD PA'I PHYIR, GAL TE SDE PA GZHAN DAG GI SA BON GYI RGYUN DANG, CHOS MTHUN PA'I MTSAN NYID KYI BRTAG PA DE LTAR GYUR NA NYES PA'I SKYON CHEN PO MANG DU 'BYUNG BAR 'GYUR BAS, DE YANG MI 'DOD DO, ,DE LTAR NA DGE BA DANG, MI DGE BA DAG BYA BA DANG SPANG BAR MI 'THAD PAS DE'I PHYIR BRTAG PA DE NI 'DIR 'THAD PA MA YIN NO ZHES BYA BA NI MJUG BSDU BA DANG, TSAD MA'I 'BRAS BU YIN TE, DGE BA DANG MI DGE BA DANG BSGRIBS PA DANG MA BSGRIBS PA'I LUNG DU MA BSTAN PA'I BYE BRAG LAS SEMS SNA TSOGS PA NYID DU 'GYUR ZHING, SEMS SNA TSOGS PA NYID LAS RGYUN SNA TSOGS NYID DU 'GYUR, RGYUN SNA TSOGS NYID LAS LAS SNA TSOGS NYID DANG LAS SNA TSOGS NYID LAS 'GRO BA DANG, RIGS DANG, RUS DANG, YUL DANG, DUS DANG, DBANG PO DANG, KHA DOG DANG, DBYIBS DANG, STOBS DANG, BLO LA SOGS PA THA DAD PAR 'GYUR BA YIN NA, DE YANG BRTAG PA 'DIS MI 'THAD PAS DE'I PHYIR, SKYON CHEN PO MANG PO DU MAR 'GYUR BAS BRTAG PA DE NI 'DIR 'THAD PA MA YIN NO, ,DE LTAR SDE PA GZHAN DAG GIS SMRAS PA'I GZHUNG MI 'THAD PAR SUN PHYUNG NAS, DA NI RANG GI GRUB PA'I MTHA' BSTAN PA'I PHYIR, 'O NA JI LTA BUR 'THAD CE NA, SMOS PA'I SKYON GYI DRI MAS MA GOS PA, ,SANGS RGYAS RNAMS DANG RANG RGYAL DANG, ,NYAN THOS RNAMS KYIS GSUNGS PA YI, ,BRTAG PA GANG ZHIG @34A *, ,'DIR 'THAD PA, ,DE NI RAB TU BRJOD PAR BYA, ,ZHES BYA BA SMRAS SO, ,DE NYID BSTAN PA'I PHYIR, DE YANG GANG ZHE NA, JI LTAR BU LON DPANG RGYA LTAR, ,DE LTAR LAS KYANG CHUD MI ZA, ,ZHES BYA BA LA SOGS PA STE, CHUD MI ZA BA ZHES BYA BA'I CHOS DE'I MTSAN NYID KYI BYE BRAG TU SMRA BA RNAMS KYI GRUB PA'I MTHA' LAS BU LON JI LTA BA DE LTAR NI LAS BLTA BAR BYA LA, DPANG RGYA JI LTA BA DE LTAR NI CHUD MI ZA BA DE BLTA BAR BYA STE, DE LTA BAS NA LAS KYI SKAD CIG MA DE BYAS MA THAG TU 'GAG LA, LAS SKAD CIG MA DE'I CHUD MI ZA BA ZHES BYA BA SKAD CIG MA MA YIN PA'I CHOS LAS KYI RGYU LAS BYUNG BA LUNG DU MA BSTAN PA SEMS DANG MI LDAN PA'I 'DU BYED DU GTOGS PA SEMS KYI RGYUD LA SKYE BA NGES PAR GNAS PA BU LON GYI DPANG RGYA LTA BU ZHIG YOD PA DES LAS 'GAGS PA BU LON GYI NOR GZHAN LA BTANG BA LTA BU DE'I RNAM PAR SMIN PA CHUD MI ZA BAR 'DZIN CING GNAS PAS, DES GANG ZAG BYED PA PO LA TSE 'DI 'AM, PHYI MA 'AM, LAN GRANGS GZHAN LA RNAM PAR SMIN PA DANG RGYU MTHUN PA'I 'BRAS BU CHUD MI ZA BAR 'BUL ZHING BYED PA POS 'BRAS BU MYONG BAR 'GYUR BAS, LAS DANG 'BRAS BUR 'BREL PA YOD PA'I PHYIR, LUNG LAS KYANG, LAS RNAMS BSKAL PA BRGYAR YANG NI, ,CHUD MI ZA BA'ANG TSIGS DANG DUS, ,RNYED NA LUS CAN RNAMS LA NI, ,'BRAS BU DAG TU 'GYUR BA NYID, ,CES GSUNGS PAS DE'I PHYIR, LAS DANG 'BRAS BUR 'BREL PA YANG YOD LA, RTAG PA DANG CHAD PA'I SKYON DU YANG MI 'GYUR BA YIN PAS, DES NA KHO BO CAG GI GTAN TSIGS LAS DANG 'BRAS BUR 'BREL PA YOD PA'I PHYIR RO ZHES BYA BA GRUB PAS BRTAG PA DE NYID 'DIR 'THAD PA YIN NO ZHES ZER RO, ,DE NYID BSTAN PA'I PHYIR, BU LON GYI DPANG RGYA JI LTA BA DE LTAR LAS KYI PHYAG RGYA CHUD MI ZA BA'I MTSAN NYID KYI CHOS NGES PAR GNAS TE, DPER NA BU LON GYI NOR DE SPYAD KYANG DPANG RGYA YOD PAS NOR BDAG GI NOR CHUD MI ZA ZHING NOR GYI PHUNG PO SKYED DANG BCAS PA 'ONG BAR 'GYUR BA DE BZHIN DU, LAS SKAD CIG MA 'GAGS SU ZIN KYANG DE'I RGYU LAS BYUNG BA CHUD MI ZA BA ZHES BYA BA'I CHOS YOD PAS BYED PA PO'I LAS KYI 'BRAS BU CHUD MI ZA ZHING 'BRAS BU KHYAD PAR CAN DANG BCAS PA 'ONG BAR @34B 'GYUR RO ZHES BYA BA SMRAS SO, ,JI LTAR NOR BDAG GI NOR PHYIR KHUGS NA BU LON GYI DPANG RGYA ROR 'GYUR BA DE LTAR BYED PA POS 'BRAS BU MYONG NA CHUD MI ZA BA YANG DE BZHIN DU 'GYUR RO ZHES BYA BA NI, 'OG NAS RNAM PAR SMIN KYANG GNAS PA YIN, ,ZHES 'BYUNG BAS, DE SHOG RO DANG 'DRA BAR GNAS SU ZIN KYANG YANG 'BRAS BU SKYED PAR NI MI NUS TE, 'BRAS BU SKYED ZIN PA'I PHYIR NGES PAR SPYAD ZIN PA'I DPANG RGYA BZHIN NO, ,CHUD MI ZA BA DE RNAM PA DU YOD CE NA, DE'I PHYIR, DE NI KHAMS LAS RNAM PA BZHI, ,CHUD MI ZA BA DE NI 'DOD PA DANG, GZUGS DANG GZUGS MED PAR GTOGS PA DANG ZAG PA MED PA'I KHAMS KYI BYE BRAG LAS RNAM PA BZHIR 'GYUR RO ZHES BYA BA SMRAS TE, KHAMS GSUM PA DANG ZAG PA MED PAR GTOGS PA ZHES BYA BA'I THA TSIG GO, ,CHUD MI ZA BA DE'I RANG BZHIN JI LTA BU ZHE NA, DE'I PHYIR, DE YANG RANG BZHIN LUNG MA BSTAN, ,DGE BA DANG MI DGE BA NYID BRDA MI SPROD PA'I PHYIR RO ZHES BYA BA SMRAS TE, KHAMS GSUM PA DANG ZAG PA MED PAR GTOGS PA'I LAS DAG NI DGE BA DANG MI DGE BA YIN MOD KYI, DE DAG GI RNAM PAR SMIN PA 'DZIN PA'I CHUD MI ZA BA DE NI DGE BA DANG MI DGE BA NYID DU BRDA MI SPROD PA'I PHYIR, RANG BZHIN GYIS LUNG DU MA BSTAN PA YIN NO, ,KHAMS GSUM PA DANG ZAG PA MED PAR GTOGS PA'I LAS DAG ZAG PA DANG BCAS PA DANG ZAG PA MED PA YIN PAS DE DAG GI RNAM PAR SMIN PA 'DZIN PA'I CHUD MI ZA BA DE YANG LAS KYI BYE BRAG GIS RNAM PAR DBYE NA ZAG PA DANG BCAS PA DANG ZAG PA MED PA RNAM PA GNYIS SU SHES PAR BYA BAR ZAD KYI, DE'I NGO BO NYID NI ZAG PA DANG BCAS PA DANG ZAG PA MED PA NYID DU BRDA MI SPROD PA'I PHYIR, YANG RANG BZHIN GYIS LUNG DU MA BSTAN PA YIN NO, ,CHUD MI ZA BA DE JI LTAR SPONG BAR 'GYUR ZHE NA, DE'I PHYIR, SPONG BAS SPANG BA MA YIN TE, SDUG BSNGAL DANG, KUN 'BYUNG BA DANG 'GOG PA DANG LAM MTHONG BAS SPANG PAR BYA BA SPONG BAS SPONG BAR BYA BA MA YIN PA'I PHYIR RO ZHES BYA BA SMRAS TE, CHUD MI ZA BA RNAM PHA BZHI PO RANG BZHIN GYIS LUNG DU MA BSTAN PA DE NI BDEN PA BZHI MTHONG BAS SPANG BAR BYA BA KHAMS GSUM GYI PHRA RGYAS BRGYAD CU RTZA BRGYAD SPONG BAS SPANG BA MA YIN TE, DE LTAR MTHONG @35A *, ,BA'I LAM GYIS NI MI DGE BA DANG ZAG PA DANG BCAS PA'I LAS DANG NYON MONGS PA RNAMS SPONG BA YIN GYI, DGE BA DANG ZAG PA MED PA DANG LUNG DU MA BSTAN PA SPONG BA MA YIN LA, CHUD MI ZA BA DE NI RANG BZHIN GYIS LUNG DU MA BSTAN PA YIN PAS MTHONG BA'I LAM GYIS SPANG BA MA YIN PA'I PHYIR RO; ,'O NA DE GANG GIS SPONG ZHE NA, DE'I PHYIR BSGOM PAS SPONG BA NYID KYANG YIN, 'BRAS BU 'PHO BA NA BSGOM PA'I LAM GYIS SPANG BA YIN PA'I PHYIR RO ZHES BYA BA SMRAS TE, CHUD MI ZA BA DE MTHONG BA'I LAM GYI SKAD CIG MA BCO LNGA'I BAR DU NI MI SPONG NGO, ,SKAD CIG MA BCO LNGA PA NAS SKAD CIG MA BCU DRUG PAR RGYUN TU ZHUGS PA'I 'BRAS BUR 'PHO BA NA BSGOM PA'I LAM GYIS SO SO'I SKYE BO'I LAS MI DGE BA DANG, ZAG PA DANG BCAS PA DANG, RGYUN DU 'JUG PA'I LAS KYI RNAM PAR SMIN PA 'DZIN PA'I CHUD MI ZA BA LUNG DU MA BSTAN PA DE SPANG BA YIN LA, DE BZHIN DU RGYUN DU ZHUGS PA'I 'BRAS BU NAS, LAN CIG PHYIR 'ONG BA'I 'BRAS BUR 'PHO BA NA BSGOM PA'I LAM GYIS RGYUN DU ZHUGS PA DANG, LAN CIG PHYIR 'ONG BAR 'JUG PA'I LAS DGE BA DANG, ZAG PA MED PA'I RNAM PAR SMIN PA 'DZIN PA'I CHUD MI ZA BA LUNG DU MA BSTAN PA DE SPANG BA DANG, LAN CIG PHYIR 'ONG BA'I 'BRAS BU NAS PHYIR MI 'ONG BA'I 'BRAS BUR 'PHO BA NA, BSGOM PA'I LAM GYIS LAN CIG PHYIR 'ONG BA DANG, PHYIR MI 'ONG BAR 'JUG PA'I CHUD MI ZA BA DE SPANG BA DANG, PHYIR MI 'ONG BA'I 'BRAS BU NAS DGRA BCOM PA NYID KYI 'BRAS BUR 'PHO BA NA BSGOM PA'I LAM GYIS PHYIR MI 'ONG BA DANG DGRA BCOM PAR 'JUG PA'I CHUD MI ZA BA DE SPANG BA DANG DGRA BCOM PA'I CHUD MI ZA BA NI PHUNG PO'I LHAG MA MED PA'I MYA NGAN LAS 'DAS PA'I DBYINGS SU SPANG BA YIN PA'I PHYIR, CHUD MI ZA BA DE NI BSGOM PAS SPANG BA NYID YIN NO, ,KYANG ZHES BYA BA'I SGRA NI 'BRAS BU SKYES PAS KYANG SPANG BA NYID YIN NO ZHES RNAM PAR BRTAG PA'I DON TO ZHES BYA BA NI KYANG GI SGRAS JI LTAR NOR BDAG GIS NOR PHYIR KHUGS NA BU LON GYI DPANG RGYA ROR 'BYUNG BA DE LTAR BYED PA POS 'BRAS BU MYONG BA NA CHUD MI ZA BA YANG DE BZHIN DU 'GYUR RO ZHES BYA BA YANG BSDU BA'I DON TE, DE'I 'OG NAS RNAM PAR SMIN KYANG GNAS PA YIN ZHES @35B 'BYUNG BAS CHUD MI ZA BA DES, TSE 'DI 'AM PHYI MA DANG LAN GRANGS GZHAN LA BYED PA PO LA LAS KYI 'BRAS BU PHUL TE BYED PA POS 'BRAS BU MYONG YANG CHUD MI ZA BA DE NI, LAS RNAM PAR SMIN NAS 'GAG PA DE LTAR NGES PAR 'GAG PA NYID MA YIN TE, JI SRID DU 'BRAS BU 'PHOS PA DANG SHI BAR MA GYUR GYI BAR DU GNAS PA YIN MOD KYI, DE GNAS SU ZIN KYANG YANG 'BRAS BU BSKYED PAR NI MI NUS TE, 'BRAS BU BSKYED ZIN PA'I PHYIR, NGES PAR SPYAD ZIN PA'I DPANG RGYA BZHIN DU 'GYUR BA LA DGONGS NAS, 'DIR KYANG GI SGRAS 'BRAS BU BSKYED PAS KYANG SPANG BA NYID YIN NO ZHES RNAM PAR BRTAG PA'I DON BSTAN TO, ,CHUD MI ZA BA DE MTHONG BA'I LAM GYIS MA SPANGS PA'I YON TAN BSTAN PA'I PHYIR, DE PHYIR CHUD MI ZA BA YI, ,LAS KYI 'BRAS BU BSKYED PAR 'GYUR, ,GANG PHYIR DE SDUG BSNGAL LA SOGS PA MTHONG BAS SPANG BAR BYA BA SPONG BAS SPANG BA MA YIN PA DE'I PHYIR, SDUG BSNGAL LA SOGS PA MTHONG BAS SPANG BAR BYA BA'I LAS MI DGE BA MTHONG BAS LAM GYIS SPANGS PA BZHIN DU BSGOM PA'I LAM GYI LAS DGE BA RANG 'GAGS TE, SPANGS SU ZIN KYANG CHUD MI ZA BAS BSGOM PA'I LAM GYI 'BRAS BU THOB PA RNAMS LA YANG LAS RNAMS KYI 'BRAS BU BSKYED PAR 'GYUR RO ZHES BYA BA SMRAS TE, GANG GI PHYIR CHUD MI ZA BA DE SPONG BAS SPANG BA MA YIN PA DE'I PHYIR JI LTAR MTHONG BA'I LAM GYI LAS NI MI DGE BA SPANGS PA BZHIN DU BSGOM PA'I LAM GYI LAS DGE BA RANG 'GAGS TE SPANGS SU ZIN KYANG CHUD MI ZA BA MTHONG BA'I LAM GYIS SPANGS PA BSGOM PA'I LAM GYI GNAS SKABS NA, YOD PA DES BSGOM PA'I LAM GYI 'BRAS BU THOB PA'I GANG ZAG RNAMS LA YANG LAS RNAMS KYI 'BRAS BU BSKYED PAR 'GYUR BA NI CHUD MI ZA BA DE MTHONG BA'I LAM GYIS MA SPANGS PA'I YON TAN YIN NO, ,CHUD MI ZA BA DE MTHONG BA'I LAM GYIS SPANG BA DANG, LAS 'GAG PA BZHIN DU SPONG ZHING 'GAG PAR GYUR NA MI RUNG BA'I NYES DMIGS BSTAN PA'I PHYIR, DE LA CHUD MI ZA BA DE, GAL TE SPONG BAS SPANGS BA DANG, ,LAS 'PHO BA DANG MTHUN 'GYUR NA, ,DE LA LAS 'JIG PA LA SOGS PA'I SKYON RNAMS SU NI THAL BAR 'GYUR, DE LA GAL TE CHUD MI ZA BA DE SDUG BSNGAL LA SOGS PA MTHONG BAS SPANG BAR BYA @36A *, ,BA'I NYON MONGS PA'I PHRA RGYAS SDUG BSNGAL LA SOGS PA MTHONG BAS SPANG BAR BYA BA DANG, RIGS MTHUN PA YIN PAR GYUR TAM, LAS BYAS MA THAG TU RANG 'GAG CING 'PHO BA DANG RIS MTHUN PAR YIN PAR GYUR NA, DE LAS KYI 'BRAS BU MED PAS, LAS 'JIG PA LA SOGS PA'I SKYON RNAMS SU THAL BAR 'GYUR RO ZHES BYA BA SMRAS TE, GAL TE CHUD MI ZA BA DE MTHONG BAS SPANG PA'I PHRA RGYAS DAG DANG RIS MTHUN ZHING MTHONG BAS SPONG BAR BYA BA YIN NAM, LAS BYAS MA THAG TU RANG 'GAG CING 'PHO BA DANG, RIS MTHUN ZHING 'GAG PA YIN PAR GYUR NA, DE LTA NA SDUG BSNGAL LA SOGS PA MTHONG ZHING SPANG BAR BYA BA SPANGS TE MED PA BZHIN NAM, LAS 'GAGS TE MED PA BZHIN DU, CHUD MI ZA BA DE YANG MED PAR 'GYUR BAS, DE LA LAS KYI 'BRAS BU MED PAS, LAS 'JIG PA DANG 'BRAS BU 'JIG PA LA SOGS PA'I SKYON RNAMS SU THAL BAR 'GYUR BAS, DE NI MI 'DOD DE, CHUD MI ZA BA DE MTHONG BA'I LAM GYIS SPANG BA MA YIN PA'I KHUNGS BSTAN PA'I PHYIR, LAS DGE BA NI MTHONG BA'I LAM GYIS SPANG BA YIN PAR BLTA BAR BYA STE, 'PHAGS PA YANG SO SO'I SKYE BO'I LAS DANG LDAN PAR GYUR NA MI RUNG BA'I PHYIR RO ZHES BYA BA SMRAS TE, LAS MI DGE BA NI MTHONG BA'I LAM GYIS SPONG BA YIN TE, DE LTA MA YIN DU ZIN KYANG MTHONG BA THOB PA'I 'PHAGS PA YANG SO SO'I SKYE BO'I LAS MI DGE BA DANG LDAN PAR 'GYUR BAS DE NI MI 'DOD DO, ,DE'I PHYIR MTHONG BA'I LAM GYIS NI LAS MI DGE BA 'BA' ZHIG SPONG BAR ZAD KYI DGE BA DANG LUNG DU MA BSTAN PA DAG MI SPANG LA, CHUD MI ZA BA DE NI LUNG DU MA BSTAN PA YIN PAS MTHONG BAS SPANG BAR BYA BA DANG RIS MTHUN PA MA YIN PA'I PHYIR MTHONG BAS SPANG BAR BYA BA MA YIN NO, ,DE LTA BAS NA MTHONG BAS SPANG BAR BYA BA DANG LAS BZHIN DU SPANG BAR BYA BA MA YIN TE ZHES BYA BA NI NYES DMIGS DE GNYIS BSAL BA'I MJUG BSDU BA YIN TE, CHUD MI ZA BA DE NI SPONG BAS SPANG BA DANG RIS MTHUN PA YIN LA, LAS 'PHO BA DANG RIS MTHUN PA YANG MA YIN PAS, MTHONG BAS SPANG BAR BYA BA DANG LAS BZHIN DU SPANG BAR BYA BA MA YIN NO, ,'O NA NAM SPONG ZHE NA, DE'I PHYIR, 'BRAS BU 'PHOS NA NI SPONG BAR 'GYUR RO ZHES BYA BA SMRAS TE, DE'I 'OG NAS, DE NI 'BRAS BU 'PHOS PA DANG, SHI BAR GYUR NA 'GAG PAR 'GYUR, ZHES 'BYUNG BA'I SKABS KYIS STON PAR 'GYUR RO, , @36B CHUD MI ZA BA DE KHAMS 'PHO BAS JI LTAR SPONG BAR 'GYUR ZHE NA, DE'I PHYIR 'DOD PAR GTOGS PA NI 'DOD PA'I KHAMS LAS YANG DAG PAR 'DAS PAS SPONG LA, GZUGS DANG GZUGS MED PAR GTOGS PA DAG KYANG GZUGS DANG GZUGS MED PA'I KHAMS DAG LAS YANG DAG PAR 'DAS PAS SPONG NGO ZHES BYA BA SMRAS TE, KHAMS GZHAN NAS SHI 'PHOS TE KHAMS GZHAN DU SKYE BA'I TSE NA KHAMS SNGA MA'I CHUD MI ZA BA KHAMS MTSUNGS PAR NYING MTSAMS SBYOR BA'I TSE GCIG PU KHO NAR SKYE BA DE YANG SPONG ZHING, KHAMS GZHAN GYI CHUD MI ZA BA GZHAN SKYE'O, ,CHUD MI ZA BA JI LTAR SKYE BAR 'GYUR ZHE NA, DE'I PHYIR, KHAMS MTSUNGS LAS NI CHA MTSUNGS DANG, ,CHA MI MTSUNGS PA THAMS CAD KYI, ,DE NI NYING MTSAMS SBYOR BA'I TSE, ,GCIG PU KHO NA SKYE BAR 'GYUR, ,KHAMS MTSUNGS PA'I ZHES BYA BA NI KHAMS 'DRA BA'I 'O, ,LAS CHA MTSUNGS PA NI RIGS MTHUN PA'O, ,CHA MI MTSUNGS PA NI RIGS MI MTHUN PA'O, ,DE DAG THAMS CAD KYI CHUD MI ZA BA DE TSE 'DI LA RE RE LAS SKYES PA DAG NI NYING MTSAMS SBYOR BA'I DUS KYI TSE DE DAG THAMS CAD 'GAG PA NA YANG GCIG KHO NA SKYE BAR 'GYUR RO ZHES BYA BA SMRAS TE, 'DOD PA DANG GZUGS DANG GZUGS MED PA DANG, ZAG PA MED PA'I KHAMS DAG LAS KHAMS MTSUNGS PA'I LAS DGE BA 'AM MI DGE BA'AM, LUNG DU MA BSTAN PA 'AM, ZAG PA MED PA SO SOR CHA MTSUNGS SHING RIGS MTHUN PA DANG, PHAN TSUN CHA MI MTSUNGS SHING RIGS MI MTHUN PA MANG PO DE DAG THAMS CAD KYI CHUD MI ZA BA DE TSE 'DI LA NI LAS RE RE LAS SKYE'O, ,NYING MTSAMS SBYOR BA'I DUS KYI TSE NA NI LAS RE RE LAS SKYES PA DE DAG THAMS CAD 'CHI BA'I CHAR GTOGS PA'I SEMS DANG LHAN CIG LA GNAS PA'I ? GCIG PU KHO NA ZHIG SKYE BA'I CHAR GTOGS PA'I SEMS DANG LHAN CIG TU SKYE BAR 'GYUR TE, DES NI NYING MTSAMS SBYOR BA'I TSE GCIG PU KHO NAR SKYE BAR 'GYUR BA'I TSUL BSTAN TO, ,DA NI 'DI LA KHAMS MTSUNGS PA'I LAS CHA MTSUNGS PA DANG, CHA MI MTSUNGS PA MANG PO DE DAG THAMS CAD KYI CHUD MI ZA BA DE DAG ? RE RE LAS THA DAD PAR SKYE BA DANG, RNAM PAR SMIN NA YANG GNAS PA'I TSUL BSTAN PA'I PHYIR, TSE 'DI LA NI LAS RANG LAS, ,RNAM PA GNYIS PO THAMS CAD KYI, ,DE NI THA DAD SKYE 'GYUR ZHING, ,RNAM PAR SMIN KYANG GNAS PA YIN, ,ZHES BYA BA SMRAS SO, ,DE DAG NYID BYE BRAG TU BSHAD PA BSTAN PA'I PHYIR, @37A *, ,TSE 'DI LA NI LAS DANG LAS SO SO BA SEMS PA DANG BSAMS PA'I BYE BRAG GAM DGE BA DANG MI DGE BA'I BYE BRAG GIS RNAM PA GNYIS PO THAMS CAD KYI CHUD MI ZA BA GANG YIN PA DE NI THA DAD PAR SKYE BAR 'GYUR RO ZHES BYA BA SMRAS TE, DES NI TSE 'DI LA KHAMS MTSUNGS PA'I LAS DANG LAS SO SO BA CHA MTSUNGS PA DANG, CHA MI MTSUNGS PA MANG PO DE DAG THAMS CAD KYI CHUD MI ZA BA DE LAS RE RE LAS THA DAD PAR SKYE BA'I TSUL BSTAN TO, ,RNAM PAR SMIN NA YANG GNAS PA YIN TE, DE NI LAS RNAM PAR SMIN PA'I RGYUS 'GAG PA LTAR NGES PA NYID MA YIN NO ZHES BYA BAS NI, RNAM PAR SMIN NA YANG GNAS PA'I TSUL BSTAN TE, CHUD MI ZA BA DES TSE 'DI 'AM PHYI MA 'AM LAN GRANGS GZHAN LA BYED PA PO LA LAS KYI 'BRAS BU PHUL TE BYED PA POS 'BRAS BU MYONG YANG CHUD MI ZA BA DE NI, LAS RNAM PAR SMIN NAS 'GAG PA LTAR NGES PAR 'GAG PA NYID MA YIN TE, JI SRID DU 'BRAS BU 'PHO BA DANG SHI BAR MA GYUR GYI BAR DU GNAS PA YIN NO, ,DE LTA NA SNGAR BSGOM PAS SPANG BA NYID KYANG YIN ZHES BSTAN PA'I SKABS SU KYANG ZHES BYA BA'I SGRAS NI 'BRAS BU BSKYED PAS KYANG SPANG BA YIN NO ZHES RNAM PAR BRTAG PA'I DON TO ZHES SMOS PA DE YANG 'GAG LA CHUD MI ZA BA GNAS PA DE YANG DANG YANG DU LAS KYI 'BRAS BU BSKYED PAR YANG 'GYUR RO SNYAM DU DOGS PA BSAL BA'I PHYIR, DE GNAS SU ZIN KYANG 'BRAS BU BSKYED PAR MI NUS TE, 'BRAS BU BSKYED ZIN PA'I PHYIR NGES PAR SPYAD ZIN PA'I DPANG RGYA BZHIN NO ZHES BYA BA SMRAS TE, DES JI LTAR NOR BDAG GIS NOR PHYIR KHUGS NA, BU LON GYI DPANG RGYA ROR 'BYUNG BA LTAR BYED PA POS 'BRAS BU MONG NA CHUD MI ZA BA YANG DE BZHIN DU 'GYUR RO ZHES BYA BA NYID BSTAN TE, DE SHOG RO DANG 'DRA BAR GNAS SU ZIN KYANG YANG 'BRAS BU BSKYED PAR MI NUS PAS SPANGS PA DANG 'DRA BA'I PHYIR, SNGAR BSGOMS PAS SPONG BA NYID KYANG MIN ZHES BSTAN PA'I SKABS SU KYANG ZHES BYA BA'I SGRA NI 'BRAS BU BSKYED PAS KYANG SPANG BA NYID YIN NO ZHES RNAM PAR BRTAG PA'I DON TE ZHES SMOS PA DE YANG MI 'GAL LA, CHUD MI ZA BA GNAS PA DES YANG DANG YANG DU LAS KYI 'BRAS BU BSKYED PAR YANG MI 'GYUR RO, ,CHUD MI ZA BA DE JI LTAR 'GAG PAR 'GYUR BA DANG DE'I RNAM PAR DBYE BA BSTAN PA'I PHYIR, DE NI 'BRAS BU 'PHOS PA DANG, SHI BAR GYUR NA 'GAG PAR 'GYUR, , @37B DE YI RNAM DBYE ZAG MED DANG, ,ZAG DANG BCAS PAR SHES PAR BYA, ,ZHES BYA BA SMRAS TE, DE DAG NYID BYE BRAG TU BSHAD PA BSTAN PA'I PHYIR, LAS DE'I CHUD MI ZA BA DE'I 'GAG PA NI RNAM PA GNYIS SU NGES PA YIN TE, 'BRAS BU 'PHOS PAR GYUR PA DANG, SHI BAR GYUR PA'O ZHES BYA BA NI MDOR BSTAN PA'O, DE LA 'BRAS BU 'PHOS PAR GYUR PA NI BSGOM PAS SPANG BA NYID YIN ZHES BSTAN PA YIN NO ZHES BYA BA NI CHUD MI ZA BA DE MTHONG BA'I LAM GYI SKAD CIG MA BCO LNGA'I BAR DU NI MI SPONG NGO, ,SKAD CIG MA BCO LNGA PA NAS SKAD CIG MA BCU DRUG PAR RGYUN DU ZHUGS PA'I 'BRAS BUR 'PHO BA NA BSGOM PA'I LAM GYI SO SO'I SKYE BO'I LAS MI DGE BA DANG, ZAG PA DANG BCAS PA DANG, RGYUN DU ZHUGS PA'I LAS KYI RNAM PAR SMIN PA 'DZIN PA'I CHUD MI ZA BA LUNG DU MA BSTAN PA DE SPONG LA, RGYUN TU ZHUGS PA'I 'BRAS BU NAS LAN CIG PHYIR 'ONG BA'I 'BRAS BUR 'PHO BA NA BSGOM PA'I LAM GYIS RGYUN DU ZHUGS PA DANG, LAN CIG PHYIR 'ONG BAR 'JUG PA'I LAS DGE BA DANG, ZAG PA MED PA'I RNAM PAR SMIN PA 'DZIN PA'I CHUD MI ZA BA LUNG DU MA BSTAN PA DE SPONG BA DANG, LAN CIG PHYIR 'ONG BA'I 'BRAS BU NAS PHYIR MI 'ONG BA'I 'BRAS BUR 'PHO BA NA BSGOM PA'I LAM GYIS LAN CIG PHYIR 'ONG BA DANG, PHYIR MI 'ONG BAR 'JUG PA'I CHUD MI ZA BA DE SPONG BA DANG, PHYIR MI 'ONG BA'I 'BRAS BU NAS DGRA BCOM PA NYID KYI 'BRAS BUR 'PHO BA NA BSGOM PA'I LAM GYIS PHYIR MI 'ONG BA DANG, DGRA BCOM PAR 'JUG PA'I CHUD MI ZA BA DE SPONG BA DANG, DGRA BCOM PA'I CHUD MI ZA BA NI PHUNG PO'I LHAG MA MED PA'I MYA NGAN LAS 'DAS PA'I DBYINGS SU SPONG BA NI 'BRAS BU 'PHOS PAR GYUR PAS 'GAG PA YIN TE, DE DAG GIS NI 'BRAS BU MA BSKYED PA'I CHUD MI ZA BA YANG SPONG BAR 'GYUR RO, ,SHI BAR GYUR PA NI, KHAMS MTSUNGS LAS NI CHA MTSUNGS DANG, ,CHA MI MTSUNGS PAR THAMS CAD KYI, ,DE NI NYID MTSAMS SBYOR BA'I TSE, ,GCIG PU KHO NA SKYE BAR 'GYUR, ,ZHES BYA BA BSTAN PA YIN NO ZHES BYA BA NI, KHAMS MTSUNGS PA'I LAS CHA MTSUNGS PA DANG CHA MI MTSUNGS PA MANG PO DE DAG THAMS CAD KYI CHUD MI ZA BA TSE 'DI LA LAS SKYES PA DAG NYID MTSAMS SBYOR BA'I DUS KYI TSE NA 'CHI BA'I CHAR GTOGS PA'I SEMS DANG LHAN CIG 'GAG PA NI SHI BAR 'GYUR BAS 'GAG PA YIN TE, DE DAG GIS NI 'BRAS BU BSKYED PA'I CHUD MI ZA @38A *, ,BA YANG SPONG BAR 'GYUR RO, ,DE'I DE YANG RNAM PAR DBYE NA RNAM PA GNYIS SU SHES PAR BYA BA STE ZAG PA MED PA DANG, ZAG PA DANG BCAS PA'I LAS KYI BYE BRAG GIS SO ZHES BYA BAS NI DE'I RNAM PAR DBYE BA BSTAN TE, KHAMS GSUM PA DANG, ZAG PA MED PAR GTOGS PA'I LAS DAG ZAG PA DANG BCAS PA DANG ZAG PA MED PA YIN PAS, DE DAG GI RNAM PAR SMIN PA 'DZIN PA'I CHUD MI ZA BA DE DAG KYANG LAS KYI BYE BRAG GIS RNAM PAR DBYE NA ZAG PA DANG BCAS PA DANG, ZAG PA MED PA RNAM PA GNYIS SU SHES PAR BYA BAR ZAD KYI, DE'I NGO BO NYID NI ZAG PA DANG BCAS PA DANG, ZAG PA MED PA NYID DU BRDA MI SPROD PA'I PHYIR RANG BZHIN GYIS LUNG DU MA BSTAN PA YIN PAR SHES PAR BYA'O, ,DE'I PHYIR DE LTAR CHUD MI ZA BA YOD NA SROG CHAGS LAS SNA TSOGS LAS SKYES PA 'GRO BA DANG, RIGS DANG, RUS DANG, YUL DANG, DUS THA DAD PA RNAMS KYI LUS DANG, DBANG PO DANG, KHA DOG DANG, DBYIBS DANG, STOBS DANG, BLO DANG, MOS PA DANG, NGANG TSUL DANG, LONGS SPYOD LA SOGS PA THA DAD PA DAG MNGON PAR 'GRUB PAR 'GYUR RO ZHES BYA BAS NI, DE LTAR CHUD MI ZA BA YOD NA LAS DANG 'BRAS BUR 'BREL PA YANG YOD PAR 'GYUR BA'I TSUL BSTAN PA YIN NO, ,DE'I PHYIR, STONG PA NYID DANG CHAD MIN DANG, ,'KHOR BA DANG NI RTAG PA MIN; ,LAS RNAMS CHUD MI ZA BA'I CHOS, ,SANGS RGYAS KYIS NI BSTAN PA YIN, ,ZHES BYA BA NI MJUG BSDU BA YIN TE, DE LTA NA STONG PA NYID KYANG 'THAD LA STONG PA NYID YIN YANG CHAD PAR MI 'GYUR BA DANG, 'KHOR BA YANG 'THAD PA 'KHOR BA YOD KYANG RTAG PAR MI 'GYUR BA DANG, LAS RNAMS KYANG NI CHUD MI ZA BA DANG CHUD MI ZA BA'I CHOS SANGS RGYAS KYIS GSUNGS PA DE YANG GRUB PA YIN NO ZHES ZER RO, ,DE NYID BSTAN PA'I PHYIR, DE LTAR GANG GI PHYIR LAS DANG 'BRAS BUR 'BREL BA DE'I PHYIR STONG PA NYID KYANG 'THAD PA YIN TE, 'DU BYED RNAMS MU STEGS BYED KYIS YONGS SU BTAGS PA'I BDAG GIS STONG PA'I PHYIR RO, , CHAD PA YANG MA YIN TE, CHUD MI ZA BA NGES PAR GNAS PA'I PHYIR RO, ,'KHOR BA YANG 'THAD DE, 'GRO BA THA DAD PAR 'DU BYED RNAMS MNGON PAR 'GRUB PA'I MTSAN NYID YOD PA'I PHYIR RO, ,RTAG PA YANG MA YIN TE, LAS RNAM PAR 'JIG PA'I PHYIR RO, ,LAS RNAMS KYANG CHUD MI ZA BA STE, CHUD MI ZA BA ZHES BYA BA'I @38B CHOS SANGS RGYAS KYIS BSTAN PA DE YANG GRUB PA'I PHYIR RO ZHES BYA BA SMRAS SO, ,DE LTA BAS NA RTAG PA DE NYID 'DIR 'THAD PA YIN NO ZHES BYA BA NI, RANG GI GRUB PA'I MTHA' BSTAN PA'I MJUG BSDU BA YIN NO, ,DE'I PHYIR SNGAR SMRAS PA'I GTAN TSIGS LAS DANG 'BRAS BUR 'BREL PA'I PHYIR RO ZHES BYA BA DE'I DON MA GRUB PA NYID KYANG MA YIN LA RTAG PA DANG CHAD PA'I SKYON DU YANG THAL BAR MI 'GYUR RO ZHES BYA BA NI, BYE BRAG TU SMRA BA DAG GIS SNGAR SDE PA GZHAN DAG GIS SMRAS PA'I GZHUNG MI 'THAD PAR SUN DBYUNG BA RANG GI GRUB PA'I MTHA' LAS LAS DANG 'BRAS BUR 'BREL BA YOD PAR BSTAN PA'I MJUG BSDU BA DANG, , TSAD MA'I 'BRAS BU YIN TE, DE LTAR CHUD MI ZA BA ZHES BYA BA'I CHOS YOD PA DE'I PHYIR, KHO BO CAG GIS SNGAR SMRAS PA'I GTAN TSIGS LAS DANG 'BRAS BUR 'BREL PA YOD PA'I PHYIR RO ZHES BYA BA GRUB PAS, DES BSGRUB PAR BYA BA DON DAM PAR NANG GI 'DU BYED LA 'KHOR BA YOD PA KHO NA YIN TE ZHES BYA BA GRUB PO, , 'KHOR BA YOD PAR GRUB NA BCINGS PA YOD PAS THAR PA YANG YOD PA'I PHYIR, SNGAR RAB TU BYED PA 'DAS MA THAG PA'I SKABS SU DON DAM PAR NANG GI DNGOS PO RNAMS LA NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO ZHES BYA BA'I GTAN TSIGS KYI RTZA BA GRUB PAS SNGAR KHO BO CAG GI DON DAM PAR NANG GI DNGOS PO RNAMS LA NGO BO NYID YOD PA KHO NA YIN NO ZHES JI SKAD SMRAS PA'I DON GRUB PO ZHES ZER RO, ,DA NI BSTAN BCOS MDZAD PA NYID KYIS SA BON GYI RGYUN LA RTOG PA'I PHYOGS DANG CHUD MI ZA BA LA RTOG PA'I PHYOGS DE GNYIS KA MI 'THAD PAR GO RIMS BZHIN DU SUN DBYUNG BA'I PHYIR, 'DIR BSHAD PA; KHO BO CAG GI PHYOGS LA, GANG PHYIR LAS NI SKYE MED PA, ,DE'I PHYIR LAS KHO NA BZHIN DU DON DAM PAR SA BON GYI RGYUN SKYE BA MED PAS DPE MED PA'I PHYIR, SGRUB PA MA TSANG BA'I SKYON YOD DO ZHES BYA BA SMRAS TE, DES NI SNGAR SDE PA GZHAN DAG GI LAS DANG 'BRAS BUR 'BREL PA NI 'THAD PA KHO NA YIN TE, CI'I PHYIR ZHE NA; RGYUN GYI RGYUN LAS 'BRAS BU 'GRUB PA'I PHYIR TE, 'DI LTA STE DPER NA, MYU GU LA SOGS RGYUN GANG NI, ,SA BON LAS NI MNGON PAR 'BYUNG, ,DE LAS 'BRAS BU SA BON NI, ,MED NA DE YANG 'BYUNG MI 'GYUR, ,GANG PHYIR SA BON LAS RGYUN DANG, ,RGYUN LAS 'BRAS BU 'BYUNG 'GYUR ZHING, ,SA BON 'BRAS BU'I SNGON 'GRO @39A *, ,BA; ,DE'I PHYIR CHAD MIN RTAG MA YIN, ,ZHES SMRAS PA'I DPE DE JI LTAR DON DAM PAR LAS SKYE BA MED PA DE BZHIN DU SKYE BA MED PAS PHA ROL PO'I SGRUB PA DPE MA TSANG BA'I SKYON YOD PAS MI RUNG BAR BSTAN TO, ,GAL TE LAS DE'I PHYIR SKYE BA MED CE NA ZHES BYA BA NI PHA ROL PO DAG DE SKAD CES 'DRI BA'I TSIG YIN NO, , DE'I LAN DU, GANG PHYIR DNGOS NYID MED DE'I PHYIR, ,GANG PHYIR LAS NGO BO NYID MED PA DE'I PHYIR SKYE BA MED DO ZHES BYA BA SMRAS TE, DES NA SNGAR SDE BA GZHAN DAG GIS DE LTAR DE BZHIN DU, SEMS KYI RGYUN NI GANG YIN PA, ,SEMS PA LAS NI MNGON PAR 'BYUNG, ,DE LAS 'BRAS BU SEMS PA NI, ,MED NA DE YANG 'BYUNG MI 'GYUR, ,GANG PHYIR SEMS PA LAS RGYUN DANG, ,RGYUN LAS 'BRAS BU 'BYUNG 'GYUR ZHING, ,LAS NI 'BRAS BU'I SNGON 'GRO BA, ,DE'I PHYIR CHAD MIN RTAG MA YIN, ,ZHES SMRAS PA'I BSGRUB PA MA GRUB PAR BSTAN TO, ,DE LTAR RE ZHIG PHYOGS DANG PO SHOS KYI PHYIR SKYON BSHAD DO ZHES BYA BA NI, ,MJUG BSDU BA DANG TSAD MA'I 'BRAS BU YIN TE, DES NI SNGAR SDE PA GZHAN DAG GIS DE'I PHYIR 'DIR RJES SU DPAG PA NI DON DAM PAR SEMS CAN GYI SGRAR BRJOD PA'I 'DU BYED RNAMS LA, LAS DANG 'BRAS BUR 'BREL PA YOD PA KHO NA YIN TE, BCOM LDAN 'DAS KYIS 'BRAS BU KHYAD PAR CAN THOB PAR 'DOD PA RNAMS LA DE DANG 'BREL PA THOB PAR BYA BA'I PHYIR, THABS BSTAN PA YOD PA'I PHYIR, DPER NA SA BON DANG 'BRAS BUR 'BREL PA BZHIN NO, ,'DI NA GANG YOD PA MA YIN PA DE LA NI BCOM LDAN 'DAS KYIS DE DANG 'BREL PA THOB PAR BYA BA'I PHYIR THABS MA BSTAN TE, DPER NA NAM MKHA'I ME TOG GI PHRENG BA BZHIN NO, , 'DI LA NI CHOS SGRUB PA'I THABS RNAMS NI, DKAR PO'I LAS KYI LAM BCU STE, ,CHOS KYI 'BRAS BU 'DI BZHIN DU, ,'DOD PA'I YON TAN RNAM LNGA'O, ,RNAM PAR SMIN PA DANG RGYU MTHUN PA'I 'BRAS BU'I BYE BRAG LAS SO ZHES BCOM LDAN 'DAS KYIS 'BRAS BU KHYAD PAR CAN 'DOD PA RNAMS LA DE DANG 'BREL PA THOB PAR BYA BA'I PHYIR, THABS BSTAN PA YOD PAS DE'I PHYIR GTAN TSIGS JI SKAD SMOS PA'I MTHUS JI SKAD SMOS PA'I DON GRUB PO ZHES SMRAS PA'I SGRUB PA NYAMS PAR BSTAN TO, ,PHYOGS GNYIS PA SHOS KYIS GANG SMRAS PA DE LA YANG GAL TE SGRUB PA'I SBYOR BA YIN TE, LAS DANG 'BRAS BUR 'BREL PA YANG YOD LA @39B RTAG PA DANG CHAD PA'I SKYON DU YANG MI 'GYUR TE, CHUD MI ZA BA YOD PA'I PHYIR RO ZHE NA ZHES BYA BA NI, SNGAR NYAN THOS BYE BRAG TU SMRA BA DAG GIS, ,JI LTAR BU LON DPANG RGYA LTAR, ,DE LTAR LAS KYANG CHUD MI ZA, ,ZHES BYA BA LA SOGS PAS CHUD MI ZA BA YOD PA'I PHYIR, LAS DANG 'BRAS BUR 'BREL PA YANG YOD LA; RTAG PA DANG CHAD PA'I SKYON DU MI 'GYUR RO ZHES SMRAS PA'I SGRUB PA MI 'THAD PAR STON TO, ,DE JI LTAR MI 'THAD CE NA, DE LTA NA YANG KHO BO CAG GI PHYOGS LA, ,GANG PHYIR LAS NI SKYE MED PA, ,DE'I PHYIR DON DAM PAR CHUD MI ZA BA YANG MA GRUB TE, ,'DI LTAR LAS DE SKYES NA NI LAS DE'I 'BRAS BU CHUD MI ZA BAR 'GYUR BA ZHIG NA, LAS DE YANG MA SKYES PAS LAS DE MED PA'I PHYIR, CHUD MI ZA BA DE YANG MED PAS DON DAM PAR GTAN TSIGS KYI DON MA GRUB PA NYID DO, ,KUN RDZOB TU LAS DANG 'BRAS BUR 'BREL PAR STON NA NI DON 'GAL BA NYID DO ZHES BYA BA SMRAS TE, DES NI NYAN THOS BYE BRAG TU SMRA BA DAG GI GTAN TSIGS CHUD MI ZA BA YOD PA'I PHYIR RO ZHES BYA BA DE'I DON MA GRUB PA NYID DANG 'GAL BA NYID DU BSTAN TO, ,PHYOGS DANG PO PA'I PHYOGS GNYIS PA PAS GAL TE KHYOD KYI SA BON GYI RGYUN DANG CHOS MTHUN PA'I MTSAN NYID KYI BRTAG PA DE LTAR GYUR NA NYES PA'I SKYON CHEN PO MANG DU 'BYUNG BAR 'GYUR TE ZHES GANG SMRAS PA DE YANG RIGS PA MA YIN TE ZHES BYA BA NI, SNGAR SDE PA GZHAN DAG GIS SMRAS PA'I PHYOGS LA BYE BRAG TU SMRA BA DAG GIS GAL TE BRTAG PA DER GYUR NA, ,NYES PA CHEN PO MANG POR 'GYUR, ,DE LTA BAS NA BRTAG PA DE, ,'DIR NI 'THAD PA MA YIN NO, ,ZHES BYA BAS GAL TE KHYOD KYI SA BON GYI RGYUN DANG CHOS MTHUN PA'I MTSAN NYID KYI BRTAG PA DE LTAR GYUR NA NYES PA'I SKYON CHEN PO MANG DU 'BYUNG BAR 'GYUR TE, MI'I RGYUD LAS LHA LA SOGS PA'I RGYUD DU SKYE BAR 'GYUR TE, RIGS THA DAD PA'I PHYIR, DPER NA SHING NI MA PA'I SA BON LAS AA MRA LA SOGS PA'I 'BRAS BU SKYE BAR MI 'GYUR BA BZHIN PAS, RJES SU DPAG PAS GNOD PA'I PHYIR RO, ,DE BZHIN DU DGE BA'I SEMS LAS MI DGE BA DANG, LUNG DU MA BSTAN PA'I SEMS DANG, MI DGE BA'I SEMS LAS DGE BA DANG LUNG DU MA BSTAN PA'I SEMS DANG, LUNG DU MA BSTAN PA'I SEMS LAS DGE BA DANG MI DGE BA'I SEMS DANG, 'DOD PA NA SPYOD PA'I SEMS LAS GZUGS DANG @40A *, ,GZUGS MED PA NA SPYOD PA DANG, 'JIG RTEN PA LAS 'DAS PA'I SEMS DANG, GZUGS NA SPYOD PA'I SEMS LAS 'DOD PA NA SPYOD PA DANG, GZUGS MED PA NA SPYOD PA DANG, 'JIG RTEN LAS 'DAS PA'I SEMS DANG, GZUGS MED PA NA SPYOD PA'I SEMS LAS 'DOD PA DANG, GZUGS NA SPYOD PA DANG, 'JIG RTEN LAS 'DAS PA'I SEMS SKYE BAR MI 'GYUR TE, RJES SU DPAG PA JI SKAD BSTAN PAS GNOD PAR 'GYUR BA'I PHYIR TE, DE LTA NA DGE BA DANG MI DGE BA DAG BYA BA DANG SPANG BAR MI 'THAD PAS DE'I PHYIR, BRTAG PA DE NI 'DIR 'THAD PA MA YIN NO ZHES SMRAS PA'I PHYOGS PHYI MA SHOS DE RIGS PA MA YIN PAR 'GREL PA BYED PA NYID KYIS SUN 'BYIN PA'I TSIG YIN NO, ,CI'I PHYIR DE RIGS PA MA YIN ZHE NA, DE'I PHYIR RGYU DANG 'BRAS BU'I RGYUN RJES SU 'JUG PA NYID KYIS 'BREL PA MED NA MI 'BYUNG BA NYID DANG, RTAG PA MA YIN PA DANG, CHAD PA MA YIN PA NYID MED NA MI 'BYUNG BA NYID KYI SA BON GYI RGYUN DPE NYID DU 'DOD PA'I PHYIR RO ZHES BYA BA SMRAS TE, SNGAR SDE PA GZHAN DAG GIS SA BON GYI RGYUN LAS MYU GU LA SOGS PA'I RGYUN 'BREL PAR 'BYUNG BAS DE LAS DANG 'BRAS BUR 'BREL PA'I CHOS MTHUN PA'I DPE NYID DU BZHAG PA NI, KUN RDZOB TU RJES SU 'GRO BA DANG LDOG PA'I TSUL GYIS MED NA MI 'BYUNG BA'I 'BREL PAS RGYUN DANG 'BRAS BU'I RGYUN RJES SU 'JUG PA DANG, RTAG PA DANG CHAD PA MA YIN PA'I 'BREL PA DANG LDAN PA DPE NYID DU 'DOD PAS DE LA NYES PA MED PA'I PHYIR RO, ,DE'I KHYAD PAR BSGRUB PAR BYA BA LA RNAM PAR RTOG PAR BYED PA YANG RNAM PAR RTOG PA 'DRA BA'I LTAG CHOD DU 'GYUR TE, SEMS DANG SEMS LAS BYUNG BA'I RGYUN LAS DE DAG GI RGYUN 'BYUNG BAS RIGS THA DAD PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES BYA BAS NI SNGAR SDE PA GZHAN DAG GIS SA BON GYI DPES MTSON PA'I DON SEMS PA'I RGYUN LAS SEMS KYI RGYUN 'BYUNG BA DE'I KHYAD PAR DAG NANG GI DNGOS POS BSGRUB PAR BYA BA LA BYE BRAG TU SMRA BA DAG SKYON 'DOGS SHING RNAM PAR RTOG PAR BYED PA DE RNAM PAR RTOG PA'I GSAL BA DANG DE KHO NA MA YIN GYI, DE LTAR SNANG BA'I LTAG CHOD YIN PAR STON TE, DE YANG DPER NA 'GA' ZHIG GIS BUM PA NI MI RTAG STE, BYAS PA'I PHYIR DPER NA SGRA BZHIN NO ZHES RJES SU DPAG @40B PA'I GSAL BA DANG, DE KHO NA SMRAS PA LA, RTOG GE PA NGAN PA KHA CIG NA RE, BUM PA MI RTAG PA BYAS PA'I PHYIR SGRA DANG 'DRA NA, 'O NA NI JI LTAR BUM PA LA SO BTANG BA NYID DANG, KHA DOG DANG DBYIBS KYI GZUGS NYID DANG, MIG GI GZUNG BA NYID YOD PA DE DAG SGRA LA YANG YOD PAR 'GYUR BA'I RIGS SO ZHES ZER BA'I RNAM PAR RTOG PA DE GSAL BA DANG, DE KHO NA MA YIN GYI RNAM PAR RTOG PA LTAR SNANG BA'I LTAG CHOD DU 'GYUR BA DE BZHIN DU, 'DIR YANG SDE PA GZHAN DAG GIS KHAMS GSUM PA'I SEMS DANG SEMS LAS BYUNG BA'I RGYUN LAS DE DAG GI RGYUN NYID 'BYUNG STE, DPER NA SA BON GYI RGYUN LAS MYU GU LA SOGS PA'I RGYUN 'BYUNG BA BZHIN NO ZHES BYA BA RJES SU DPAG PA'I GSAL BA DANG DE KHO NA NYID SMRAS PA LA, BYE BRAG TU SMRA BA DAG NA RE, DE LTAR NA MI'I RGYUD LAS LHA LA SOGS PA'I RGYUD DU SKYE BAR MI 'GYUR LA, DGE BA'I SEMS LAS KYANG MI DGE BA DANG LUNG DU MA BSTAN PA LA SOGS PA'I SEMS SKYE BAR MI 'GYUR ZHING 'DOD PA NA SPYOD PA'I SEMS LAS KYANG, GZUGS DANG GZUGS MED PA NA SPYOD PA DANG, 'JIG RTEN LAS 'DAS PA'I SEMS SKYE BAR MI 'GYUR TE, RIGS THA DAD PA'I PHYIR DPER NA SHING NI MA PA'I SA BON LAS AA MRA LA SOGS PA'I 'BRAS BU SKYE BAR MI 'GYUR BA BZHIN PAS RJES SU DPAG PAS GNOD PA'I PHYIR, BRTAG PA DE NI 'DIR 'THAD PA MA YIN NO ZHES ZER BA'I RNAM PAR RTOG PAR BYED PA DE YANG BSAL BA DANG DE KHO NA MA YIN TE, RNAM PAR RTOG PA LTAR SNANG BA'I LTAG CHOD TZAM DU ZAD PAS, BYE BRAG TU SMRA BA DAG GI GTAN TSIGS RIGS THA DAD PA'I PHYIR ZHES BYA BA DE'I DON MA GRUB PA NYID DO, ,GTAN TSIGS KYI DON MA NGES PA NYID KYI SKYON YANG YOD DE, DE DAG GI PHYOGS LA BA LANG GI SPU DANG LUG GI BAL DAG LAS RTZVA D'URA BA'I RGYUN 'BYUNG BA'I PHYIR DANG, RVA LAS SMYIG MA SKYE BA'I PHYIR RO ZHES BYA BAS NI, 'BREL PA BYED PAS BYE BRAG TU SMRA BA DAG GI GTAN TSIGS RIGS THA DAD PA'I PHYIR ZHES BYA BA DE'I DON MA NGES PA NYID DU SUN 'BYUNG BA'I TSIG YIN TE, 'JIG RTEN NA SLOB DPON GYIS GANG DAG GI PHYOGS LAS SA BON GYI RGYUN GYI DPE 'THAD PAR BSGRUBS PA DE DAG @41A *, ,GI PHYOGS LA BA LANG GI SPU DANG LUG GI BAL DAG LAS RTZA D'UR BA'I RGYUN 'BYUNG BA DANG, RVA LAS SMYIG MA SKYE BA DANG, JI KAG LAS SGYUR RTZIR 'GYUR BA DANG, CHAB BROM LAS ME 'BYUNG BAR MTHONG BAS, DE NI JE RE ZHIG RIGS THA DAD PA'I PHYIR, DPER NA SHING NIM PA'I SA BON LAS AA MRA LA SOGS PA'I 'BRAS BU SKYE BAR MI 'GYUR BA BZHIN DU, MI'I RGYUD LAS LHA LA SOGS PA'I RGYUD DU SKYE BAR MI 'GYUR BA YIN NAM, 'ON TE RIGS THA DAD PA'I PHYIR, DPER NA BA LANG GI SPU DANG LUG GI BAL DAG LAS RTZVA D'UR BA'I RGYUN 'BYUNG BA DANG, RVA LAS SMYIG MA SKYE BA LA SOGS PA BZHIN DU MI'I RGYUD LAS LHA LA SOGS PA'I RGYUD DU SKYE BAR 'GYUR BAS MA NGES PA NYID YIN PAS, BYE BRAG TU SMRA BA DAG GI GTAN TSIGS DE MA GRUB PO, ,'DIR SMRAS PA, LUNG LAS 'BYUNG BA YANG RTAGS YIN PAS CHUD MI ZAB YANG BCOM LDAN 'DAS KYIS GSUNGS LA, DE'I RTAGS RTAG PA MA YIN PA DANG, CHAD PA MA YIN PA NYID KYANG GRUB PA'I PHYIR, LAS BZHIN DU DON DAM PAR CHUD MI ZAB YANG MA GRUB PAS GTAN TSIGS KYI DON MA GRUB PA NYID DO ZHES GANG SMRAS PA DE RIGS PA MA YIN NO ZHES BYA BA NI, 'DIR CHUD MI ZAB YOD PAR SMRA BA DAG LUNG GI GTAN TSIGS KYI CHUD MI ZAB YOD PAR SGRUB PA'I TSIG YIN TE, DE DAG NA RE TSUL GSUM PA'I RTAGS LA TSUL GSUM NI RJES SU DPAG PAR BYA BA LA YOD PA NYID DANG, MTHUN PA'I PHYOGS LA YOD PA NYID DANG, MI MTHUN PA'I PHYOGS LA MED PA NYID DU NGES PA'I TSUL LO, ,TSUL GSUM PO DE DAG LA RTAGS KYANG GSUM STE, MI DMIGS PA DANG, NGO BO NYID DANG 'BRAS BU'O, ,DE LA MI DMIGS PA LAS NI DNGOS PO MED PAR RJES SU DPAG LA, NGO BO NYID LAS NI MI RTAG PAR RJES SU DPAG LA, 'BRAS BU LAS NI RGYU RJES SU DPAG PA YIN NO, ,TSAD MA YANG RNAM PA GSUM STE, MNGON SUM DANG, RJES SU DPAG PA DANG, YID CHES PA'I LUNG GI TSAD MA'O, ,DE DAG GI GZHAL BYA YANG RNAM PA GSUM STE, SO SO'I SHES PA'I DON DANG, SMRAS PA'I DON DANG, BSHAD PA'I DON TO, ,DE LA SO SO'I SHES PA'I DON NI RANG GI MTSAN NYID MNGON SUM GYI YUL YIN PAS DE LA RTAGS KYIS BRTAG MI DGOS SO, ,SMRAS PA'I DON NI SPYI'I MTSAN NYID LKOG TU GYUR PA STE, RJES SU DPAG PA'I YUL YIN PAS DE NI TSUL GSUM @41B PA'I RTAGS KYIS BRTAG PAR BYA'O, ,BSHAD PA'I DON NI RANG DANG SPYI'I MTSAN NYID SHIN TU LKOG TU GYUR PA STE, YID CHES PA'I LUNG GI YUL YIN PAS, DE YANG TSUL GSUM PA'I RTAGS KYIS BRTAG PAR BYA BA YIN PA'I PHYIR, LUNG LAS 'BYUNG BA YANG RTAGS YIN PAS CHUD MI ZAB YANG BCOM LDAN 'DAS KYIS GSUNGS PA, DE YOD PA'I RTAGS LAS DANG 'BRAS BUR 'BREL PA RTAG PA MA YIN PA DANG, CHAD PA MA YIN PA NYID KYANG GRUB PA'I PHYIR, KHYED DBU MA PAS SNGAR 'DI SKAD CES PHYOGS GNYIS PA SHOS KYIS GANG SMRAS PA DE LA YANG GAL TE SGRUB PA'I SBYOR BA YIN TE, LAS DANG 'BRAS BUR 'BREL PA YANG YOD LA RTAG PA DANG, CHAD PA'I SKYON DU YANG MI 'GYUR TE, CHUD MI ZA BA YOD PA'I PHYIR RO ZHE NA, DE LTA NA YANG KHO BO CAG GI PHYOGS LA, GANG PHYIR LAS NI SKYE MED PA, ,DE'I PHYIR DON DAM PAR CHUD MI ZAB YANG MA GRUB STE, 'DI LTAR DE SKYES NA NI DE'I CHUD MI ZA BAR YANG YOD PAR 'GYUR BA ZHIG NA, DE YANG MA SKYES PAS DE MED PA'I PHYIR DE YANG MED PAS GTAN TSIGS KYI DON MA GRUB PA NYID DO ZHES GANG SMRAS PA DE RIGS PA MA YIN NO ZHES ZER RO, ,DE SKAD CES ZER BA DE'I LAN DU, 'GREL PA BYED PA NYID KYIS 'DIR BSHAD PA, BCOM LDAN 'DAS KYIS, GANG PHYIR DE NI MA SKYES PA, ,DE PHYIR TSUD ZER BAR MI 'GYUR RO, ,ZHES GSUNGS PAS DE'I PHYIR SKYES PA LA CHUD ZA BAR MI 'GYUR RO ZHES GANG GSUNGS PA DE 'DOD LA, DE YANG PHA ROL PO'I PHYOGS LA MA GRUB PAS RANG LA DON MA GRUB PA NYID DO ZHES BYA BA SMRAS TE, LUNG LAS 'BYUNG BA YANG RTAGS YIN PAR KHO BO CAG KYANG KHAS LEN PAS, BCOM LDAN 'DAS KYIS GANG GI PHYIR LAS DE MA SKYES PA DE'I PHYIR CHUD ZA BAR MI 'GYUR RO ZHES GANG GSUNGS PA DE KHO BO CAG 'DOD LA, DE YANG KHYED PHA ROL PO'I PHYOGS LA MA GRUB PAS, KHYED KYI PHYOGS LA MA SKYES NA NI CHUD MI ZA BAR MI 'GYUR BAS CHUD MI ZA BA'I DON MA GRUB PA NYID YIN LA, MA SKYES PA LA CHUD THA BAR MI 'GYUR RO ZHES GANG GSUNGS PA KHO CAG 'DOD PA DE NI KHYED RANG LA MA GRUB PA NYID YIN PAS, KHYED KYI BSGRUB PAR BYA BA DANG GTAN TSIGS KYI DON RANG LA MA GRUB PA NYID YIN PAS MI RUNG NGO, ,NGO BO NYID YOD PAR SMRA BAS KYANG LAS LA NGO BO NYID MED DO ZHES NGES PAR KHONG DU CHUD PAR BYA DGOS SO ZHES BYA BA NI, KHYED NGO BO NYID YOD PAR SMRA BA DAG KYANG LUNG LA BRTEN CING @42A *, ,LAS KYANG CHUD MI ZA BAR 'DOD PA YIN NA, DE LTAR BCOM LDAN 'DAS KYIS LAS MA SKYES SHING NGO BO NYID MED PA'I PHYIR CHUD ZA BAR MI 'GYUR RO ZHES GSUNGS PAS, KHYED KYIS KYANG LAS LA NGO BO NYID MED DO ZHES NGES PAR KHONG DU CHUD PAR BYA DGOS SO, ,GZHAN DU DAM BCAS NA ZHES BYA BA LA SOGS PAS NI, LAS LA NGO BO NYID YOD PAR DAM BCAS NA MI RUNG BA'I NYES DMIGS MANG PO DAG STON TO, ,DE'I PHYIR GAL TE LAS LA NGO BO NYID YOD, RTAG PAR 'GYUR BAR THE TSOM MED, ,RANG BZHIN NI MI 'GYUR BA'I PHYIR RO ZHES BYA BAR DGONGS SO ZHES BYA BA SMRAS TE, GAL TE LAS LA RANG BZHIN GYIS NGO BO NYID YOD PAR GYUR NA RTAG PAR 'GYUR BAR THE TSOM MED DO, ,RANG BZHIN MI 'GYUR BA'I PHYIR RO ZHES BYA BAR DGONGS SO, ,DE LTAR LAS RTAG PAR GYUR PAR THE TSOM MED, RANG BZHIN NI MI 'GYUR BA'I PHYIR RO ZHES BYA BAR DGONGS SO ZHES BYA BA SMRAS TE, GAL TE LAS LA RANG BZHIN GYIS NGO BO NYID YOD PAR GYUR NA RTAG PAR 'GYUR BAR, DE LTAR LAS RTAG PAR GYUR NA DE LA NYES DMIGS CI YOD CE NA, DE'I PHYIR LAS NI BYAS PA MA YIN 'GYUR, ,RTAG LA BYA BA MED PHYIR RO, ,ZHES BYA BA SMRAS TE, DE LTAR LAS RTAG PAR GYUR NA LAS DE LUS DANG NGAG DANG YID KYIS BYAS PA MA YIN PAR 'GYUR TE, CI'I PHYIR ZHE NA, RTAG PA LAS BYA BA MED PA'I PHYIR RO, ,LAS MA BYAS PA LA 'BRAS BU CHUD MI ZA BAR YOD PAR 'DOD PA'I NYES DMIGS GZHAN BSTAN PA'I PHYIR, LAS MA BYAS PA LA 'BRAS BU MYONG BA YOD PAR RTOG NA, CI STE LAS NI MA BYAS NA, ,MA BYAS PA DANG 'PHRAD 'JIGS 'GYUR, ,ZHES BYA BA SMRAS TE, CI STE LAS LUS DANG NGAG DANG YID KYIS MA BYAS PA LA 'BRAS BU BDE BA DANG SDUG BSNGAL LA SOGS PA MYONG BA YOD PAR RTOG NA, MA BYAS PA DANG 'PHRAD PA'I 'JIGS PA YOD PAR 'GYUR BAS DE NI MI 'DOD DO, ,LAS MA BYAS PAS 'BRAS BU MYONG BA YOD PAR RTOG PA'I NYES DMIGS GZHAN BSTAN PA'I PHYIR GZHAN YANG, TSANGS SPYOD GNAS PA MA YIN PA'ANG, ,DE LA SKYON DU THAL BAR 'GYUR, ,ZHES BYA BA SMRAS TE, LAS MA BYAS PA LA 'BRAS BU MYONG BA YOD PAR RTOG NA DE LA MYA NGAN LAS 'DAS PA LA SPYOD PA'I DON DU GNAS PA MA YIN PA'ANG DE LA SPYOD PA'I DON DU GNAS PA YIN PA'I SKYON DU THAL BAR 'GYUR BAS DE YANG MI 'DOD DO, ,DE NYID BYE BRAG @42B TU BSHAD PAS BSTAN PA'I PHYIR, TSANGS PA NI MYA NGAN LAS 'DAS PA'O, ,TSANGS PAR SPYOD PA NI DE LA SPYOD PA'O, ,TSANGS PAR SPYOD PA LA GNAS PA NI DE'I DON DU GNAS PA'O, ,TSANGS PAR SPYOD PA LA GNAS PA MA YIN PA NI TSANGS PAR SPYOD PA LA MI GNAS PA'O, ,DE LA TSANGS PAR SPYOD PA LA GNAS PA MA YIN PA YANG, TSANGS PAR SPYOD PA LA GNAS PA'I SKYON DU THAL BAR 'GYUR TE, MYA NGAN LAS 'DAS PA THOB PAR BYED PA'I LAS MA BYAS PA NYID LA YANG DE YOD PAR 'GYUR BA'I PHYIR RO ZHES BYA BAR DGONGS SO ZHES BYA BA SMRAS SO, ,DE'I NYES DMIGS GZHAN DAG KYANG BSTAN PA'I PHYIR, DE BZHIN DU BUM PA DANG SNAM BU DAG GYIS SHIG CES BYA BA LA SOGS PA'I THA SNYAD THAMS CAD NYID DANG YANG, 'GAL BAR 'GYUR BAR THE TSOM MED, ,CES BYA BA SMRAS SO, ,DE'I NYES DMIGS GZHAN DAG KYANG BSTAN PA'I PHYIR, GZHAN YANG, BSOD NAMS DANG NI SDIG BYED PA'I, ,RNAM PAR DBYE BA'ANG 'THAD MI 'GYUR, ,'DI NI BSOD NAMS BYED PA'O, ,'DI NI SDIG PA BYED PA'O, ,ZHES BYA BA'I RNAM PAR DBYE BA DAG KYANG 'THAD PAR NYID DU MI 'GYUR RO ZHES BYA BA SMRAS SO, ,LAS RTAG PA MA BYAS PA 'BRAS BU MYONG BA YOD PAR RTOG PA'I NYES DMIGS RNAM PA GZHAN DAG KYANG BSTAN PA'I PHYIR, DE YI RNAM SMIN SMIN GYUR PA, ,YANG DANG YANG DU RNAM SMIN 'GYUR, DE YI RNAM SMIN SMIN 'GYUR BA, ,ZHES BYA BA NI, DE'I RNAM PAR SMIN PA SMIN ZIN PAR GYUR PA STE, LAS KYI 'BRAS BU BSKYED ZIN PA ZHES BYA BA'I THA TSIG GO ZHES BYA BA SMRAS TE, GAL TE LAS BRTAG PA MA BYAS PA LA 'BRAS BU MYONG BA YOD PAR RTOG NA LAS DE'I 'BRAS BU BSKYED ZIN NA, LAS PHYI MA GZHAN MA BYAS SU ZIN KYANG LAS DE LA YANG DANG YANG DU RNAM PAR SMIN PA'I 'BRAS BU GZHAN DAG SMIN PAR 'GYUR BA'I SKYON DU 'GYUR BAS DE YANG MI 'DOD DO, ,GAL TE CI'I PHYIR LAS KYI RNAM PAR SMIN PA SMIN ZIN KYANG YANG DANG YANG DU RNAM PAR 'GYUR BAR BSHAD CE NA ZHES BYA BA NI, GAL TE PHA ROL PO DAG DE SKAD CES 'DRI NA'O, ,DE'I LAN DU GAL TE GANG PHYIR LAS GNAS PA, ,DE PHYIR NGO BO NYID YOD PHYIR, ,GAL TE GANG GI PHYIR LAS NGO BO NYID KYIS NGES PAR GNAS PA DE'I PHYIR NGO BO NYID YOD PA'I PHYIR RO ZHES BYA BA SMRAS TE, GAL TE GANG GI PHYIR PHA ROL PO DAG 'DOD PA LTAR LAS LA NGO BO NYID YOD CING, RANG BZHIN MI 'GYUR BAR @43A *, ,NGO BO NYID RANG BZHIN GYI NGES PAR GNAS PA YIN PAR GYUR NA DE'I PHYIR, RGYU NGO BO NYID KYIS RTAG PAR YOD PA'I PHYIR, 'BRAS BU SMIN ZIN KYANG YANG DANG YANG DU RNAM PAR SMIN PA'I SKYON DU 'GYUR BAR BSHAD DE, RGYUN DAG NA 'BRAS BU YANG RTAG TU YOD PA'AM MED PA GCIG TU 'GYUR BA'I PHYIR RO, , GAL TE DE GNAS SU ZIN KYANG YANG 'BRAS BU BSKYED PAR NI MI NUS TE 'BRAS BU BSKYED ZIN PA'I PHYIR, NGES PAR DPYAD ZIN PA'I DPANG RGYA BZHIN NO ZHE NA ZHES BYA BA NI, GAL TE PHA ROL PO DAG DE SKAD CES ZER NA'O, ,DE'I LAN DU NGES PAR DPYAD PA'I ZIN PA'I DPANG RGYA YANG DON DAM PAR MA GRUB PA'I PHYIR DE NI LAN MA YIN NO ZHES BYA BA SMRAS TE, SGRUB PA'I DPE MA TSANG BA'I PHYIR RO, ,PHYIR RGOL BA DAG NA RE, DON DAM PAR LAS NI YOD PA KHO NA YIN TE, DE'I RGYU YOD PA'I PHYIR RO, ,'DI NA GANG MED PA DE NI RGYU MI 'THAD DE DPER NA RUS SBAL GYI SPU'I GOS BZHIN NO, ,LAS LA NI RGYU NYON MONGS PA DAG YOD PAS DE'I PHYIR, GTAN TSIGS JI SKAD SMOS PA'I MTHUS DON DAM PAR LAS YOD PA KHO NA YIN NO ZHES BYA BA NI, PHA ROL PO DAG LAS KYI RGYU NYON MONGS PA DAG YOD PA'I GTAN TSIGS KYIS DON DAM PAR LAS KYANG YOD PA KHO NA YIN NO ZHES BSGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RUS SBAL GYI SPU'I GOS LTA BU GANG RGYU MED PA DE DAG NI DON DAM PAR YOD PA MA YIN GYI, LAS LA NI RGYU NYON MONGS PA DAG YOD PAS, DE'I PHYIR GTAN TSIGS JI SKAD SMOS PA'I MTHUS DON DAM PAR LAS NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI BZANG PO MA YIN TE, ,LAS 'DI NYON MONGS BDAG NYID YIN, ,NYON MONGS DE DAG YANG DAG MIN, ,GAL TE NYON MONGS YANG DAG SMIN, ,LAS NI DE YIS JI LTAR BYAS, ,ZHES BYA BA SMRAS TE, PHA ROL PO DAG 'DOD PA LTAR, ,LAS 'DI NYON MONGS PA'I RGYU LAS BYUNG BA YIN NA NGO BO NYID MED DE, NYON MONGS PA'I RGYU LAS BYUNG BAS RANG GI NGO BO NYID DU MA GRUB PA'I PHYIR RO, ,NYON MONGS PA RNAMS KYANG NGO BO NYID YOD PA MA YIN NO, ,LAS DE NYON @43B MONGS PA DE DAG GIS JI LTAR BYA STE, NYON MONGS PA'I RGYU LAS BYUNG BA MA YIN PAS, PHA ROL PO'I GTAN TSIGS LAS LA RGYU YOD PA'I PHYIR RO ZHES BYA BA DE MA GRUB PAS DON DAM PAR LAS LA NGO BO NYID YOD PA MA YIN NO ZHES BYA BAR BSTAN TO, ,DE NYID BYE BRAG TU BSHAD PA BSTAN PA'I PHYIR, LAS 'DI NYON MONGS BDAG NYID NA, ,ZHES BYA BA NI, LAS 'DI NYON MONGS PA'I RGYU LAS BYUNG BA YIN NA ZHES BYA BA'I THA TSIG STE, DPER NA BUM PA 'JIM PA'I BDAG NYID YIN NA ZHES BYA BA LTA BU'O ZHES BYA BA SMRAS TE, DES NI DE LTA NA NGO BO NYID MED DO ZHES DGAG PA BSTAN TO, ,CI'I PHYIR DE LTA NA NGO BO NYID MED CE NA DE'I PHYIR, ,NYON MONGS DE DAG YANG DAG MIN, ,ZHES BYA BA NI NYON MONGS PA'I NGO BO NYID MED DO ZHES BYA BA'I THA TSIG STE, SKYE BA BKAG PA'I PHYIR DANG, 'DOD CHAGS DANG, CHAGS PA BRTAG PAR DE'I NGO BO NYID BKAG PA'I PHYIR RAM, YANG DAG SDUG DANG MI SDUG PA'I, ,PHYIN CI LOG LA RTEN 'BYUNG BA, ,DE DAG NGO BO NYID MED PAS, ,DE PHYIR NYON MONGS YANG DAG MIN, ,ZHES BYA BA 'GOG PAR 'GYUR BA'I PHYIR RO ZHES BYA BA SMRAS TE, NYON MONGS PA DAG NGO BO NYID MED PAS, NYON MONGS PA'I BDAG NYID LAS KYANG NGO BO NYID MED DO, ,DE NYID BSTAN PA'I PHYIR, DE'I PHYIR DE LTAR GAL TE NYON MONGS PA DE DAG YANG DAG PAR NGO BO NYID MED PA YIN NA, LAS DE DAG GIS BYAS PAR JI LTAR 'GYUR TE, LAS KYI RGYU NYON MONGS PA MA YIN NO ZHES BYA BA'I THA TSIG GO ZHES BYA BA SMRAS SO, ,DE'I PHYIR GTAN TSIGS KYI DON MA GRUB PA NYID DAM, DON 'GAL BA NYID DO ZHES BYA BA NI MJUG BSDU BA DANG, TSAD MA'I 'BRAS BU YIN TE, DE LTAR NYON MONGS PA DE DAG YANG DAG PA MA YIN PA DE'I PHYIR, PHA ROL PO DAG GI GTAN TSIGS LAS KYI RGYU YOD PA'I PHYIR RO ZHES BYA BA DE DON MA GRUB PA NYID DAM, 'GAL BA NYID YIN PAS, DON DAM PAR LAS LA NGO BO NYID YOD PAR MA GRUB PO,, ,,BAM PO LNGA BCU BRGYAD PA, ,'DIR SMRAS PA, DON DAM PAR NYON MONGS PA RNAMS NI YOD PA KHO NA YIN TE, DE DAG GI 'BRAS BU YOD PA'I PHYIR RO, ,'DI NA GANG MED PA DE LA NI 'BRAS BU GZUNG DU MED DE, DPER NA 'ON PA'I RNA BA'I DBANG PO'I 'BRAS BU RNA BA'I RNAM PAR SHES PA BZHIN NO, ,NYON MONGS PA RNAMS LA @44A *, ,NI 'BRAS BU LAS DANG LUS KYI MTSAN NYID YOD PAS DE'I PHYIR, DON DAM PAR NYON MONGS PA RNAMS NI YOD PA KHO NA YIN PAS GTAN TSIGS KYI DON MA GRUB PA NYID DANG, DON 'GAL BA NYID MA YIN PA'I PHYIR, 'DOD PA'I DON GRUB BO ZHES BYA BA NI 'DIR PHA ROL PO DAG NYON MONGS PA RNAMS KYI 'BRAS BU LAS DANG LUS KYI MTSAN NYID YOD PA'I GTAN TSIGS KYIS NYON MONGS PA RNAMS YOD PAR BSGRUB PA'I GZHUNG YIN TE, DE DAG GI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA DANG, TSAD MA'I 'BRAS BU YIN PAR GO RIMS BZHIN DU SBYAR TE, 'DI NA 'ON PA'I RNA BA'I DBANG PO LTA BU GANG LA 'BRAS BU RNA BA'I RNAM PAR SHES PA MED PA DE NI YOD PA MA YIN GYI, NYON MONGS PA RNAMS LA 'BRAS BU LAS DANG LUS KYI MTSAN NYID YOD PA DE DAG NI YOD PA KHO NA YIN PAS KHO BO CAG GIS SNGAR DON DAM PAR LAS NI YOD PA KHO NA YIN TE, DE'I RGYU NYON MONGS PA YOD PA'I PHYIR RO ZHES SMRAS PA'I GTAN TSIGS KYI DON MA GRUB PA NYID DANG, DON 'GAL BA NYID MA YIN PA'I PHYIR, KHO BO CAG 'DOD PA DON DAM PAR LAS YOD PA KHO NA YIN TE ZHES BYA BA'I DON GRUB PO ZHES ZER RO, ,YANG NA DON DAM PAR LAS NI YOD PA KHO NA YIN TE, DE'I 'BRAS BU YOD PA'I PHYIR RO, ,'DI NA GANG MED PA DE LA NI 'BRAS BU MED DO, ,DPER NA NAM MKHA'I ME TOG GI 'BRAS BU BZHIN NO, ,LAS LA NI 'BRAS BU LUS KYI MTSAN NYID YOD PAS DE'I PHYIR DON DAM PAR LAS NI YOD PA KHO NA YIN PAS LAS YOD PA MA YIN PAR BSGRUB PA'I RJES SU DPAG PA DAG LA RTOG GE PHYI MAS GNOD PAR 'GYUR RO ZHES BYA BA NI, 'DIR PHA ROL PO DAG LAS KYI 'BRAS BU LUS KYI MTSAN NYID YOD PA'I GTAN TSIGS KYIS YOD PAR BSGRUB PA'I GZHUNG RNAM PA GCIG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYAR BA DANG, MJUG BSDU BA DANG, TSAD MA'I 'BRAS BU YIN PAR GO RIMS BZHIN DU SBYAR TE, 'DI NA NAM MKHA'I ME TOG LTA BU GANG LA 'BRAS BU MED PA DE NI YOD PA MA YIN GYI, LAS LA 'BRAS BU LUS KYI MTSAN NYID @44B YOD PA DE NI YOD PA KHO NA YIN PAS, SNGAR KHO BO CAG GIS LAS YOD PAR BSGRUB PA LA, KHYED DBU MA PAS LAS YOD PA MA YIN PAR SGRUB PA'I RJES SU DPAG PA SMRAS PA DAG LA, KHO BO CAG GI RTOG GE PHYI MA 'DIS GNOD PAR 'GYUR BA'I PHYIR, KHYED DBU MA PA'I SGRUB PA SNGA MA DE MA GRUB PO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, LAS DANG NYON MONGS PA DAG NI, ,LUS RNAMS KYI NI RKYEN DU BSTAN, ,BSTAN BCOS LAS DE LTAR BSTAN PA NI THA SNYAD PA DAG YIN GYI DON DAM PA PA NI MA YIN NO ZHES BYA BA SMRAS TE, CHOS MNGON PA'I BSTAN BCOS LAS, LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA DANG, SKYE BA'I KUN NAS NYON MONGS PA RNAMS KYI RKYEN DU BSTAN PA NI, THA SNYAD PA DAG YIN GYI, DON DAM PA PA NI MA YIN PAS, KHYED DON DAM PAR LAS DANG, NYON MONGS PA DAG YOD PAR 'DOD PA'I SGRUB PA SNGAR SMRAS PA GNYI GA MI GRUB PO ZHES STON TO, ,DE DAG CI'I PHYIR DON DAM PA PA MA YIN ZHE NA DE'I PHYIR, DON DAM PAR NI KHO BO CAG GI PHYOGS LA SGRUB PA SNGAR BSTAN PA DAG GIS, GAL TE LAS DANG NYON MONGS PA, ,DE STONG LUS LA JI LTAR BRJOD, ,LAS DANG NYON MONGS PA DAG LA NGO BO NYID MED PA'I PHYIR, LAS DANG NYON MONGS PA DAG KHO NA BZHIN DU LUS KYANG MA GRUB PA'I PHYIR RO ZHES BYA BAR DGONGS SO ZHES BYA BA SMRAS SO, ,DE'I PHYIR DE DAG GI 'BRAS BU YOD PA'I PHYIR RO ZHES BYA BA'I GTAN TSIGS KYI DON MA GRUB PAS JI SKAD BSTAN PA'I SKYON YANG MA NYAMS LA, DPE MA GRUB PAR RTOG GE PHYI MAS GNOD PA YANG MED DO ZHES BYA BAS NI, PHA ROL PO DAG GIS SNGAR SMRAS PA'I SGRUB PA RNAM GNYIS KYI GTAN TSIGS KYI DON KYANG MA GRUB LA, DBU MA PA LA YANG RTOG GE PHYI MAS GNOD PA MED PAR BSTAN TO, ,SMRAS PA DON DAM PAR LAS NI YOD PA KHO NA YIN TE, DE'I 'BRAS BU LA LONGS SPYOD PA'I ZA BA PO YOD PA'I PHYIR RO, ,'DI NA GANG MED PA DE LA NI DE'I 'BRAS BU LA LONGS SPYOD PA'I ZAB PO MED DE, DPER NA NAM MKHA'I ME TOG GI PHRENG BA BZHIN NO ZHES BYA BA LA SOGS PA NI, 'DIR PHA ROL PA DAG LAS KYI 'BRAS BU LA LONGS SPYOD PA'I ZA BA PO YOD PA'I GTAN TSIGS KYIS DON DAM PAR LAS YOD PA KHO NAR SGRUB PA'I GZHUNG YIN TE, DE DAG NI CHOS @45A *, ,CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE YIN PAR GO RIMS BZHIN DU SBYAR RO, ,DE'I NYE BAR SBYAR BA'I SBYOR BA BSTAN PA'I PHYIR, LAS LA NI 'BRAS BU LA LONGS SPYOD PA'I ZA BA PO, MA RIG BSGRIBS PA'I SKYE BO GANG, ,SRED LDAN DE NI ZA BA PO, ,DE YANG BYED LAS GZHAN MIN ZHING, ,DE NYID DE YANG MA YIN NO, ,ZHES BYA BA YOD DE ZHES BYA BA SMRAS TE, LAS LA NI 'BRAS BU LA LONGS SPYOD PA'I ZA BA PO MA RIG PAS BSGRIBS PA'I SKYE BO SRED PA'I KUN TU SBYOR BA DANG LDAN PA DE YOD DE, ZA BA PO DE YANG BYED PA PO LAS GZHAN NYID KYANG MA YIN ZHING, DE NYID DE YANG MA YIN PA DE'I PHYIR, DE NI DON DAM PAR LAS NI YOD PA KHO NA YIN NO ZHES MJUG BSDU BA 'OG NAS 'BYUNG BA DANG SBYAR RO, ,NYE BAR SBYAR BA'I SBYOR BA BSTAN PA'I TSIG LE'UR BYAS PA DE'I TSIG GI DON BYE BRAG TU BSHAD PA BSTAN PA'I PHYIR, DE LA MA RIG PA NI RIG PA'I MI MTHUN PA'I PHYOGS SU GYUR PA'I CHOS SO; ,DES BSGRIBS PA NI G-YOGS PA'O, ,SKYE BO GANG ZHES BYA BA NI SKYE BA PO GANG YIN PA STE SROG CHAGS SO, ,SRED LDAN ZHES BYA BA LA SRED PA NI 'DOD PA'O, ,DE LA KUN TU SBYOR BA DE NYID YOD PAS SRED LDAN DE SRED PA'I KUN TU SBYOR BA DANG LDAN ZHES BYA BA'I THA TSIG GO, ,DE NI LAS KYI 'BRAS BU'I ZA BA PO STE, JI SKAD DU MDO SDE LAS, MA RIG BSGRIBS PA'I SEMS CAN DANG, ,SRED PA'I KUN TU SBYOR DANG LDAN, ,ZHES BYA BA DANG, DE BZHIN DU JI STE KHYOD RANG NYID KYIS SDIG PA'I LAS 'DI BYAS NA KHYOD RANG NYID KYIS DE'I RNAM PAR SMIN PA NYAMS SU MYONG BAR BYA DGOS SO ZHES GSUNGS PA'I PHYIR RO, ,DE YANG BYED PA PO LAS GZHAN MA YIN ZHING, DE NYID DE YANG MA YIN TE, DE NYID DANG GZHAN NYID DU BRJOD PAR BYA BA MA YIN PA'I PHYIR RO ZHES BYA BA SMRAS SO, ,DE DAG GI MJUG BSDU BA BSTAN PA'I PHYIR, DE'I PHYIR GTAN TSIGS JI SKAD SMOS PA'I MTHUS LAS KYI 'BRAS BU LA LONGS SPYOD PA'I ZA BA PO YOD PAS DON DAM PAR LAS NI YOD PA KHO NA YIN NO ZHES BYA BA SMRAS TE, 'DI NA NAM MKHA'I ME TOG GI 'BRAS BU PHRENG BA LTA BU GANG LA LONGS SPYOD PA'I ZA BA PO MED PA'I NAM MKHA' DE NI YOD PA MA YIN GYI, LAS KYI 'BRAS BU LA LONGS SPYOD PA'I ZA BA PO MA RIG PAS BSGRIBS PA'I SKYE BO SRED PA DANG LDAN PAS BYED PA PO DANG GZHAN NYID DU BRJOD PAR @45B BYA BA MA YIN PA YOD PA'I LAS DE NI DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DE NI BSTAN BCOS KYI DANG PO KHO NAR DNGOS PO SPYIR, DE PHYIR RKYEN LAS 'BYUNG MA YIN, ,RKYEN MIN LAS 'BYUNG 'BRAS BU NI, ,YOD MIN 'BRAS BU MED PAS NA, ,RKYEN MIN RKYEN DU GA LA 'GYUR, ,ZHES DPYAD ZIN PAS ZHES BYA BA SMRAS TE, DE NI SNGAR RKYEN BRTAG PA'I LE'UR DNGOS PO SPYIR RKYEN DANG RKYEN MA YIN PA LAS BYUNG BA MA YIN PAS DE LA BYED PA PO DANG ZA BA PO YANG MED PA'I TSUL NYID TSIG LE'UR BYAS PA 'DIS DPYAD ZIN PAS, PHA ROL PO SGRUB PA DE NI MI 'GRUB PO ZHES STON TO, ,DE NYID BSTAN PA'I PHYIR, GANG GI PHYIR NA LAS 'DI NI, ,RKYEN LAS BYUNG BA MA YIN ZHING, ,RKYEN MIN LAS NI YOD MIN PA, ,DE PHYIR BYED PA PO YANG MED, ,BYED PA PO DE YANG LAS DE BZHIN DU MA SKYES PA'I PHYIR DANG, BYED PA PO BKAG PA'I PHYIR DANG, RDZAS SU YOD PA MA YIN PA'I PHYIR RO ZHES BYA BAR DGONGS SO ZHES BYA BA SMRAS TE, GANG GI PHYIR RTEN CING 'BREL PAR 'BYUNG BA SMRA BA RNAMS LA, LAS 'DI ZHES BYA BA DE RKYEN LAS BYUNG NGO ZHES BYA BA MI SRID LA RGYU MED PA LAS 'BYUNG BAR SMRA BA RNAMS LA YANG LAS 'DI ZHES BYA BA DE RGYU MED PA LAS 'BYUNG NGO ZHES BYA BA MI SRID PA DE'I PHYIR, LAS NI RE ZHIG RKYEN LAS 'BYUNG BA YANG YOD PA MA YIN ZHING, RKYEN MA YIN PA LAS 'BYUNG BA YANG YOD PA MA YIN NO, ,GANG GI PHYIR LAS YOD PA MA YIN PA DE'I PHYIR, LAS MED PA'I BYED PA PO YANG MED DO ZHES BYA BAR DGONGS SO, ,DE'I PHYIR DE LTAR SGRUB PA JI SKAD BSTAN PAS, GAL TE LAS DANG BYED MED NA, ,LAS SKYES 'BRAS BU GA LA YOD; ,CES BYA BA NI DE'I PHYIR, DE LTAR BRTAGS NA GAL TE LAS KYANG MED LA BYED PA PO YANG MED NA LAS LAS SKYES PA'I 'BRAS BU LTA YOD PAR GA LA 'GYUR, CI STE 'GYUR NA NI LAS LAS SKYES PA'I 'BRAS BU MA YIN PA DANG, RGYU MED PA LAS 'BYUNG BA'I 'BRAS BUR 'GYUR BAS DE NI MI 'DOD DO, ,SKYON DU MAR THAL BAR 'GYUR BA'I PHYIR RO ZHES BSTAN TO, ,DES NA, CI STE 'BRAS BU YOD MIN NA, ,ZA BA PO LTA GA LA YOD, ,ZA BA PO'I SGRA BRJOD PA NYID KYI RGYU MED PA'I PHYIR RO ZHES BYA BAR DGONGS SO ZHES BYA BAS NI, CI STE 'BRAS BU YOD PA MA YIN NA ZA BA PO LTA YOD PAR GA LA 'GYUR TE, 'DI LTAR 'BRAS BU'I @46A *, ,ZA BA POR 'GYUR BA YIN NA 'BRAS BU DE YANG MI 'THAD DE DE MED NA DE GANG GI ZA BA POR 'GYUR, DE LTA BAS NA BYED PA PO DANG LAS DANG 'BRAS BU DANG ZA BA PO YOD DO ZHES BYA BA DE NI GLU'I TSIG TZAM DU ZAD DO, ,BYED PA PO DANG LAS DANG 'BRAS BU DANG ZA BA PO DAG GI 'THAD NA 'KHOR BA JI LTAR 'THAD PAR 'GYUR ZHES BYA BAR DGONGS SO, ,DE'I PHYIR DE'I 'BRAS BU LA LONGS SPYOD PA'I ZA BA PO YOD PA'I PHYIR RO ZHES BYA BA'I GTAN TSIGS DE'I DON MA GRUB PA NYID DO, ,LOG PAR STON NA NI DON 'GAL BA NYID DO ZHES BYA BA NI MJUG BSDU BA DANG, TSAD MA'I 'BRAS BU YIN TE, DE LTAR BYED PA PO DANG LAS DANG 'BRAS BU DANG ZA BA PO DAG MI 'THAD PA DE'I PHYIR, PHA ROL PO'I GTAN TSIGS DE'I 'BRAS BU LA LONGS SPYOD PA'I ZA BA PO YOD PA'I PHYIR RO ZHES BYA BA'I GTAN TSIGS DE DON DAM PAR NI MA GRUB PA NYID YIN LA KUN RDZOB TU NI 'GAL BA NYID YIN NO, ,'DIR KHA CIG GIS SMRAS PA, LAS DANG 'BRAS BU LA SKUR PA 'DEBS PA'I LTA BA NI, LOG PAR LTA BA YIN PAS, DBU MA SMRA BA PA'I SKYON GYI LING TOG GIS BLO GROS KYI MIG BSGRIBS PA RNAMS LA DE KHO NA MTHONG BA MI 'THAD DO ZHES BYA BA NI RANG GI SDE PA DAG DBU MA PA LA SKUR PA 'DEBS PA'I TSIG YIN TE, 'DI LTAR BCOM LDAN 'DAS KYIS LAS DANG 'BRAS BU LA SKUR PA 'DEBS PA'I LTA BA NI LOG PAR LTA BA YIN PAR GSUNGS PAS DE DAG THAMS CAD DBU MA PA NYID LA 'BYUNG BAR 'GYUR TE, CI'I PHYIR ZHE NA, 'DI LTAR DBU MA PA NI BYED PA PO DANG LAS DANG 'BRAS BU DANG ZA BA PO DAG MED CING 'KHOR BA DANG MYA NGAN LAS 'DAS PA'I LAM GYI TSOGS THAMS CAD DRUNGS 'BYIN PA YIN PAS DBU MA SMRA BA LTA BA'I SKYON GYI LING TOG GIS BLO GROS KYI MIG BSGRIBS PA RNAMS LA DE KHO NA MTHONG BA MI 'THAD DO ZHES ZER RO, ,DE SKAD CES ZER BA DE'I LAN DU, 'GREL PA BYED PA NYID KYIS 'DIR BSHAD PA, JI LTAR SPRUL PA STON BYED PA, ,RDZU 'PHRUL PHUN SUM TSOGS PA YIS, ,SPRUL ZHING SPRUL PA'ANG GZHAN SPRUL BYED, ,SPRUL PA DES KYANG GZHAN DAG LTAR; ,SPRUL PA BYED PA ZHES BYA BAR SBYAR RO ZHES BYA BA SMRAS TE, DES NI DNGOS PO YOD PAR 'DZIN PA BZLOG PA'I DPE BSTAN TE, JI LTAR SPRUL PA STON PAR BYED PA'I GANG ZAG RDZU 'PHRUL PHUN SUM TSOGS PAS SPRUL PA SPRUL ZHING SPRUL PA DE YANG GZHAN SPRUL PAR BYED LA, SPRUL PA GZHAN DES KYANG GZHAN DAG SPRUL PAR @46B BYED PA LTAR BYED PA POS LAS GANG BYAS PA DANG LAS DE'I 'BRAS BU LA GANG LONGS SPYOD PAR BYED PA'I ZA BA PO DAG KYANG TSUL DE BZHIN NO ZHES STON TO, ,DPE DES MTSON PA'I DNGOS PO BSTAN PA'I PHYIR, DE BZHIN BYED POS LAS GANG BYAS, ,DE YANG SPRUL PA'I RNAM PA BZHIN, ,DE BZHIN DU BYED PA POS LAS GANG BYAS PA'I BYED PA PO DE YANG SPRUL PA'I RNAM PA BZHIN TE, THOG MA MED PA NAS RKYEN BRGYUD PA LAS BYUNG BA'I BDAG NYID YIN PA'I PHYIR RO, ,LAS DE YANG SPRUL PA'I RNAM PA BZHIN TE, NGO BO NYID MED PA'I PHYIR RO ZHES BYA BA SMRAS SO, ,DE DAG NYID KYI DPE GZHAN BSTAN PA'I PHYIR, DPER NA SPRUL PAS SPRUL GZHAN ZHIG , SPRUL PA MDZAD PA DE BZHIN NO, ,DPER NA DE BZHIN GSHEGS PA'I SPRUL PAS SPRUL PA GZHAN ZHIG SPRUL PA MDZAD PA DE LA YANG NGO BO NYID MED PA DE BZHIN NO ZHES BYA BA SMRAS SO, ,DE NI DPE DANG DNGOS PO DE DAG GI MJUG BSDU BA'I DON BSTAN PA'I PHYIR, NYON MONGS LAS DANG LUS RNAMS DANG, ,BYED PA PO DANG 'BRAS BU DAG ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,'DOD CHAGS LA SOGS PA NYON MONGS PA DANG, SEMS PA LA SOGS PA LAS DANG PHUNG PO'I MTSAN NYID KYI LUS DANG, SEMS DANG SEMS LAS BYUNG BA ZHES BYA BA BYED PA PO DANG, 'GRO BA LNGAR BDE BA DANG SDUG BSNGAL MYONG BA'I MTSAN NYID KYI 'BRAS BU RGYU DANG RKYEN TSOGS PAS BSKYED PA THA SNYAD DU GRAGS PA MTHO RIS DANG BYANG GROL 'THOB PA'I CHOGS SU GYUR PA DAG THA SNYAD DU KHAS LEN PAS DE'I PHYIR, LAS DANG 'BRAS BU LA SKUR PA MI 'DEBS PAS JI SKAD SMRAS PA'I SKYON MED DO ZHES BYA BA SMRAS TE, DE'I PHYIR DBU MA SMRA BA RNAMS LA DE KHO NA MTHONG BA MI 'THAD PA'I SKYON MED DO, ,DE GAL TE DON DAM PAR DE DAG LA SKUR PA BTAB PAS DE NI LAN MA YIN NO ZHE NA ZHES BYA BA NI, GAL TE PHA ROL PO DAG 'DI SKAD CES DBU MA PAS KUN RDZOB TU DE DAG KHAS BLANGS KYANG DON DAM PAR DE DAG LA SKUR PA BTAB PAS TSIG SNGA MA DE NI LAN MA YIN NO ZHES ZER NA'O, ,DE'I LAN DU, DE NI SNGAR GAL TE DNGOS PO MA GRUB NA, ,DNGOS MED 'GRUB PAR MI 'GYUR RO, ,YOD CES BYA BAR RTAG PAR 'DZIN, ,MED CES BYA BA CHAD PAR LTA, ,DE PHYIR YOD DANG MED PA LA, ,MKHAS PAS GNAS PAR MI BYA'O, ,ZHES BSTAN PA DER SGRUB PA SMRAS PAS LAS @47A *, ,DANG 'BRAS BU MED PAR SMRA BA KHAS MA BLANGS BA'I PHYIR LAN MA YIN PA MA YIN NO ZHES BYA BA SMRAS TE, DE NI SNGAR DNGOS PO MED PA BRTAG PA'I RAB TU BYED PA'I SKABS SU DE SKAD BSTAN PA DER KHO BO CAG GIS MED PAR DGAG PA'I SGRUB PA SMRAS PAS MA YIN PAR DGAG PA KHAS MA BLANGS PA'I PHYIR; KHO BO CAG GI SGRUB PA SNGA MA DE LAN MA YIN PA MA YIN NO, ,TSIG LE 'UR BYAS PA 'DAS MA THAG PA GSUM PO DAG GIS DNGOS PO YOD PAR 'DZIN PA BZLOG PA'I DPE BSTAN PA DE DAG GI DON RNAM PA GZHAN DU BSHAD PA BSTAN PA'I PHYIR, YANG NA RNAM PAR RMONGS PA'I SEMS DANG LDAN PA DAG DON DAM PAR DNGOS PO RNAMS NGO BO NYID MED PA YIN NA LAS DANG 'BRAS BU DANG DE DAG 'BREL PA DANG BYED PA PO DANG ZA BA PO DAG MED PAS TSANGS PAR SPYOD PA LA GNAS PA DON MED PAR 'GYUR RO SNYAM DU SEMS PA RNAMS KYI RNAM PAR RMONGS PA'I YOL BA BSHU BA'I PHYIR, LAS LA SOGS PA KUN RDZOB TU SPRUL PA LA SOGS PA'I RNAM PA BZHIN DU YOD PAR BSTAN PA'I PHYIR, JI LTAR SPRUL PA STON BYED PA, ,RDZU 'PHRUL PHUN SUM TSOGS PA YIS, ,SPRUL ZHING SPRUL PA'ANG GZHAN SPRUL BYED, ,SPRUL PA DES KYANG GZHAN DAG LTAR, ,ZHES BYA BA LA SOGS PA RGYA CHER GSUNGS SO ZHES BYA BA SMRAS SO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR SMRAS PA'I GTAN TSIGS KYI SKYON BRJOD PAS LAS DANG 'BRAS BU NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN NO, ,LAS DANG 'BRAS BU BRTAG PA'I RAB TU BYED PA BCU BDUN PA'I SKABS 'DIR RAB TU BYED PA'I DON TSAD MA'I 'BRAS BUR BLTA BA NI PHA ROL POS RAB TU BYED PA 'DIS DANG POR DON DAM PAR NANG GI 'DU BYED RNAMS LA, 'KHOR PA YOD PA KHO NA YIN TE, LAS DANG 'BRAS BUR 'BREL PA'I PHYIR RO ZHES BYA BA LA SOGS PA SMRAS PA'I GTAN TSIGS KYI SKYON BRJOD PAS LAS DANG 'BRAS BU NGO BO NYID MED PA NYID DU BSTAN PA YIN NO, ,LAS DANG 'BRAS BU NGO BO NYID MED PA NYID DU BSTAN PA LA YON TAN CI YOD PA DANG DE BSTAN PA 'DI LA GZHAN DAG NI RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA, DE'I PHYIR, 'PHAGS PA DKON MCHOG BRTZEGS PA CHEN PO'I MDO @47B 'OD SRUNGS KYI LE'U LAS, GANG LA LAS KYANG MED LAS KYI 'BRAS BU YANG MED PA DE NI BYANG CHUB PO, ,BYANG CHUB JI LTA BA DE BZHIN DU 'THOB PA YANG DE BZHIN NO, ,'THOB PA JI LTA BA BZHIN DU LUNG BSTAN PA YANG DE BZHIN NO, ,DE BZHIN DU 'PHAGS PA RNAMS KYI RIGS GANG YIN PA DE LA LAS KYANG MED, ,LAS KYI RNAM PAR SMIN PA YANG MED DO, ,RIGS DE LA NI LUS KYIS KYANG LAS MI BYED, NGAG GIS KYANG MI BYED, YID KYIS KYANG MI BYED DO ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, 'PHAGS PA RNAMS KYI RIGS NI DON DAM PA THUGS SU CHUD PA LAS 'PHAGS PA RNAMS 'KHRUNG BAR 'GYUR BA STE, GAL TE DON DAM PAR YANG LAS DANG 'BRAS BUR 'BREL PA YOD PAR GYUR NA, 'KHOR BA DANG MYA NGAN LAS 'DAS PA GNYIS LAS KHYAD PAR MED PAR 'GYUR BAS DE'I PHYIR LAS DANG 'BRAS BU NGO BO NYID MED PA NYID DU GSAL BAR BYED PA'I LUNG NI DE YIN PAS DE'I PHYIR, DBU MA PA RNAMS LA LOG PAR LTA BA MED DO, ,DE LTAR YID CHES PA'I LUNG DE DAG GRUB PA NI LAS DANG 'BRAS BU NGO BO NYID MED PA NYID DU BSTAN PA'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PA BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS, LAS DANG 'BRAS BU BRTAG PA ZHES BYA BA STE, RAB TU BYED PA BCU BDUN PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,, DA NI GZHAN GYIS SMRAS PA'I SGRUB PA BSAL BA DANG BDAG NYID KYI SGRUB PA KHA NA MA THO BA MED PA BSTAN PAS 'DU BYED RNAMS BDAG DANG BDAG GIS STONG PA NYID DU BSTAN PA'I DON GYI DBANG GIS RAB TU BYED PA BCO BRGYAD PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA RGYU'I DON GYI DBANG DU BYAS NAS, DA NI GZHAN GYIS SMRAS PA'I SGRUB PA BSAL BA DANG BDAG NYID KYIS SGRUB PA KHA NA MA THO BA MED PA BSTAN PAS ZHES @48A *, ,BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCAS PA MDZAD PAS, 'DIR YANG BSTAN BCOS MDZAD PAS JI LTAR DAM BCAS PA DA LA 'JUG PA'I RGYU'I DON GYI DBANG DU BYAS NAS DE SKAD SMRAS TE, GZHAN GYIS SMRAS PA'I SGRUB PA BSAL BA NI RANG GI BDE BA DANG GZHAN DAG GIS CHOS DANG GANG ZAG BDAG YOD PAR SMRAS PA'I SGRUB PA 'OG NAS 'BYUNG BA BDAG PHUNG PO YIN NO ZHE 'AM BDAG PHUNG PO LAS GZHAN NO ZHES BYA BA LA SOGS PA DAG BSAL BA'O, ,BDAG NYID KYIS SGRUB PA KHA NA MA THO BA MED PA BSTAN PAS ZHES BYA BA NI BSTAN BCOS MDZAD PA NYID KYIS CHOS DANG GANG ZAG BDAG MED PAR SGRUB PA'I SGRUB PA KHA NA MA THO BA MED PA 'OG NAS 'BYUNG BA, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, , ZHES BYA BA LA SOGS PA DAG BSTAN PAS SO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS 'DU BYED RNAMS BDAG DANG BDAG GIS STONG PA NYID DU BSTAN PA'I DON GYI DBANG GIS RAB TU BYED PA BCO BRGYAD PA RTZOM MO ZHES BYA BA SMRAS TE, BDAG DANG CHOS BRTAG PA'I RAB TU BYED PA BCO BRGYAD PA'I GZHUNG 'OG NAS 'BYUNG BA 'DI'I KHYON NI CHOS DANG GANG ZAG BDAG MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS TE, DE LA CHOS BDAG MED PA DE NYID BSTAN PA'I DON GYI DBANG DU BYAS NAS 'DU BYED RNAMS BDAG DANG BDAG GIS STONG PA NYID DU BSTAN PA'I DON GYI DBANG GIS ZHES BYA BA SMRAS TE; DES NI THEG PA CHEN PO LAS CHOS BDAG MED PA BSTAN PA GANG YIN PA DE RAB TU BYED PA 'DIR STON TO ZHES BYA BAR SBYOR RO, ,GANG ZAG BDAG MED PA NYID BSTAN PA'I DON GYI DBANG DU BYAS NAS BDAG DANG BDAG GIS STONG PA NYID DU BSTAN PA'I DON GYI DBANG GIS ZHES BYA BA SMRAS TE, DE NI CHOS 'DI PA DANG GZHAN MU STEGS BYED DAG GIS BTAGS PA'I GANG ZAG BDAG MED PAR STON TO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NA 'BRAS BU DE 'THOB CE NA, 'DU BYED RNAMS BDAG DANG BDAG GIS STONG PA NYID DU BSTAN PA NI 'DI'I 'BRAS BU YIN LA, GZHAN GYIS SMRAS PA'I SGRUB PA BSAL BA @48B DANG BDAG NYID KYIS SGRUB PA KHA NA MA THO BA MED PA BSTAN PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,DE LA RE ZHIG DANG POR GANG ZAG BDAG MED PA NYID BSTAN CING PHYIS CHOS BDAG MED PA NYID BSTAN PAR BYA STE, GANG GI PHYIR GO RIMS 'DI LTAR BSTAN PA NI SLOB DPON 'PHAGS PA LHAS, DANG POR BSOD NAMS MIN LAS BZLOG ,BAR DU BDAG LAS BZLOG PAR BYA, ,THA MAR KUN LAS BZLOG BYA BA, ,GANG SHES DE NI RIGS PA LDAN, ,ZHES GSUNGS PAS RE ZHIG DANG POR SEMS CAN RNAMS BSOD NAMS MA YIN PA LAS BZLOG PA DANG, DE'I 'OG TU 'DZIN PA LAS BZLOG PA DANG, THA MAR 'DZIN PA THAMS CAD LAS BZLOG PAR BYA BA THABS GANG GIS SHES PA DE NI RIGS PA DANG LDAN PA YIN NO ZHES BSTAN PA LAS SHES PAR BYA'O, ,DE'I PHYIR DE LA BDAG TU LTA BA RNAM PA DU MA DAG GI YUL YANG PHUNG PO YIN PA'I PHYIR PHUNG PO RNAMS KHO NA LAS BRTZAMS NAS DPYAD PAR BYA STE ZHES BYA BA SMRAS TE, BDAG TU SMRA BA DAG BDAG TU RTOG PAR BYED PA 'DI LTA STE, KHA CIG NI BDAG CES BYA BA LUS TZAM DU RTOG ,KHA CIG NI MTHE BONG TZAM DU, KHA CIG NI NAS 'BRU TZAM DU, KHA CIG NI YUNGS 'BRU TZAM DU, KHA CIG NI SKRA'I RTZE MO BRGYAR GSHAGS PA'I CHA TZAM DU RTOG PAR BYED PA DE DAG THAMS CAD KYI YUL YANG PHUNG PO YIN TE, GANG GI PHYIR DE DAG THAMS CAD PHUNG PO RNAMS KHO NA LA RTOGS PAR BYED PA DE'I PHYIR 'DIR YANG PHUNG PO RNAMS KHO NA LAS BRTZAMS NAS BDAG MED PA NYID DPYAD PAR BYA'O, ,DE LTAR BDAG TU LTA BA DAG GIS YUL PHUNG PO RNAMS YIN NO ZHES BYA BA 'DI JI LTAR NGES PAR SHES SHE NA, DE'I KHUNGS BSTAN PA'I PHYIR, 'DI LTAR BCOM LDAN 'DAS KYIS KYANG DGE SPYOD NGAM BRAM ZE GANG DAG BDAG TU YANG DAG PAR RJES SU LTA BA DE DAG THAMS CAD NI NYE BAR LEN PA'I PHUNG PO LNGA PO 'DI DAG NYID LA YANG DAG PAR RJES SU LTA'O ZHES GSUNGS SO ZHES BYA BA SMRAS SO, ,GZHAN GYIS SMRAS PA'I SGRUB PA BSAL BA ZHES SMOS PA DE NYID BSTAN PA'I PHYIR, DE LA RE ZHIG GANG DAG 'BYUNG BA CHEN PO LUS KYI RNAM PAR 'JUG PA DAG GAM, 'BYUNG BA 'DUS PA'AM, DBANG PO RNAMS SAM, DBANG PO 'DUS@ @49A *, ,PA'AM; RNAM PAR SHES PA BDAG YIN NO ZHES SMRAS PA DE DAG LA 'DI SKAD CES BRJOD PAR BYA STE, 'BYUNG BA DANG, DBANG PO DANG, RNAM PAR SHES PA SO SO 'AM 'DUS PA DAG PHUNG PO'I MTSAN NYID YIN PA'I PHYIR, DE DAG BDAG YIN PAR RTOG NA, GAL TE PHUNG PO BDAG YIN NA JI LTAR KHO BO CAG GIS THA SNYAD KYI DON DU PHUNG PO'I YUL LA BDAG CES STON PAR BYED PA LTA BU YIN NAM, 'ON TE GZHAN ZHIG YIN ZHES BYA BA NA BDAG TU SMRA BA GANG DAGS LA SOGS PA 'BYUNG BA CHEN PO LUS KYI RNAM PA 'DRA BAR 'JUG PA SO SOR BDAG TU RTOG PA DANG, GANG DAG 'BYUNG BA CHEN PO SPYIR 'DUS PA TZAM LA BDAG TU RTOG PA DANG, GANG DAG MIG LA SOGS PA DBANG PO RNAMS SO SO LA BDAG TU RTOG PA DANG, GANG DAG DBANG PO SPYIR 'DUS PA TZAM LA BDAG TU RTOG PA DANG, GANG DAG RNAM PAR SHES PA LA BDAG TU RTOG PA DE DAG LA 'DI SKAD CES DRI BAR BYA STE, KHYED 'BYUNG BA SO SO 'AM, 'DUS PA DANG, DBANG PO SO SO 'AM, 'DUS PA DANG, RNAM PAR SHES PA SO SO 'AM, 'DUS PA DAG PHUNG PO'I MTSAN NYID YIN PA'I PHYIR, DE DAG BDAG YIN PAR RTOG NA, JI LTAR KHO BO CAG SANGS RGYAS PAS KUN RDZOB KYI THA SNYAD RNAM PAR GZHAG PA'I DON DU PHUNG PO'I YUL LA BDAG CES STON PAR BYED PA LTA BU YIN NAM, 'ON TE BDAG CES BYA BA DON DAM PAR SGRUB PA ZHIG YOD PAR 'DOD CES DRI BAR BYA'O, ,GAL TE JI LTAR YANG RUNG STE BDAG SGRUB PA'I PHYIR 'DOD PA'I DON GRUB PO ZHE NA ZHES BYA BA NI, DE SKAD CES DRIS PA NA PHA ROL PO DAG NA RE KHYED 'DOD PA LTAR YANG RUNG GZHAN 'DOD PA LTAR YANG RUNG STE, YONG SPYIR BDAG YOD PAR 'GRUB PA'I PHYIR KHO BO CAG GI 'DOD PA'I DON 'GRUB PO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE'I PHYIR DA DE DPYAD PAR BYA STE, KHYOD 'DOD PA LTAR, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,PHUNG PO RNAMS SKYE BA DANG 'JIG PA'I CHOS CAN YIN PA'I PHYIR RO ZHES BYA BA SMRAS TE, RE ZHIG GAL TE PHUNG PO RNAMS NYID BDAG YIN PAR GYUR NA DE LTA NA SKYE BA DANG 'JIG PA'I CHOS CAN DU 'GYUR TE, PHUNG PO RNAMS SKYE BA DANG 'JIG PA'I CHOS CAN YIN PA'I PHYIR RO, ,DE LTAR @49B NA 'DES NI PHUNG PO'I CHOS NI SKYE BA DANG 'JIG PA'I CHOS CAN NYID YIN PAR BSTAN TO ZHES BYA BA NI DE LTAR NA TSIG LE'UR BYAS PA'I PHYED GONG MA 'DIS NI PHUNG PO RNAMS BDAG MA YIN PAR SGRUB PA'I CHOS GTAN TSIGS NI SKYE BA DANG 'JIG PA'I CHOS CAN NYID YIN PAR BSTAN TO, ,DPE NI DE'I DBANG GIS BSGRUB PAR BYA BA DANG, SGRUB PA'I CHOS GNYI GA LA GRAGS PA'I CHOS CAN PHYI ROL GYI 'BYUNG BA DAG YIN PAR SBYAR RO, ,'DIR SKYE BA DANG 'JIG PA'I CHOS CAN NYID KYANG MTSAN NYID KYI SGRA'I TSUL GYIS GZUNG BAR ZAD KYI, JI LTAR PHUNG PO'I CHOS SKYE BA DANG 'JIG PA'I CHOS CAN NYID YIN PA DE BZHIN DU PHUNG PO'I CHOS 'BRAS BU NYID DANG, RGYU NYID DANG, RTOGS PAR BYA BA NYID DANG, RNAM PAR SMIN PAR BYA BA NYID LA SOGS PA GZHAN DAG KYANG YIN PAR SHES PAR BYA'O ZHES BYA BA NI 'DIR PHUNG PO RNAMS NYID BDAG MA YIN PAR SGRUB PA'I CHOS GTAN TSIGS SKYE BA DANG 'JIG PA'I CHOS CAN NYID YIN PAR BSTAN PA NI MTSAN NYID KYI SGRA'I TSUL NYE BAR BZUNG BAS MTSON BA TZAM DU ZAD KYI, PHUNG PO RNAMS NYID BDAG YIN PAR SGRUB PA'I CHOS GTAN TSIGS NI 'BRAS BU NYID DANG, RGYU NYID DANG, RTOGS PAR BYA BA NYID DANG, RNAM PAR SMIN PA NYID LA SOGS PA GZHAN DAG KYANG YIN PAR SHES PAR BYA'O, ,DE NYID KYI TSAD MA BSTAN PA'I PHYIR, 'DIR SBYOR BA'I TSIG NI DON DAM PAR 'BYUNG BA DANG 'BYUNG BA 'DUS PA DANG DBANG PO DANG DBANG PO'I 'DUS PA DANG, RNAM PAR SHES PA DANG, DBANG PO DANG BCAS PA'I LUS DANG, RNAM PAR SHES PA DANG BCAS PA'I LUS NI BDAG MA YIN TE, SKYE BA DANG 'JIG PA'I CHOS CAN NYID YIN PA'I PHYIR, DPER NA PHYI ROL GYI 'BYUNG BA DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DE DPER NA PHYI ROL GYI 'BYUNG BA DAG NI SKYE BA DANG 'JIG PA'I CHOS CAN NYID YIN PA'I PHYIR, BDAG MA YIN PA DE BZHIN DU NAD GI 'BYUNG BA SA LA SOGS PA SO SO DANG, 'BYUNG BA 'DUS PA DANG, MIG LA SOGS PA DBANG PO SO SO DANG, DBANG PO 'DUS PA DANG, RNAM PAR SHES PA DANG, DBANG PO DANG BCAS PA'I LUS DANG, RNAM PAR SHES PA DANG BCAS PA'I LUS DAG KYANG SKYE BA DANG 'JIG PA'I CHOS CAN NYID YIN PA'I PHYIR BDAG @50A *, ,MA YIN NO, ,DE BZHIN DU 'BRAS BU NYID YIN PA'I PHYIR ZHES BYA BA LA SOGS PA'I GTAN TSIGS RE RES KYANG RJES SU DPAG PA RGYAS PAR BRJOD PAR BYA'O ZHES BYA BA NI 'DI LTAR SBYAR TE, DON DAM PAR 'BYUNG BA DANG, 'BYUNG BA 'DUS PA DANG, DBANG PO DANG, DBANG PO 'DUS PA DANG, RNAM PAR SHES PA DANG; DBANG PO DANG BCAS PA'I LUS DANG, RNAM PAR SHES PA DANG BCAS PA'I LUS NI BDAG MA YIN TE, 'BRAS BU NYID YIN PA'I PHYIR DANG, RGYU NYID YIN PA'I PHYIR DANG, RTOGS PAR BYA BA NYID YIN PA'I PHYIR DANG, RNAM PAR SMIN PA NYID YIN PA'I PHYIR DANG, SOGS PA'I SGRAS BSDU BA BRJOD PAR BYA BA ? NYID DANG, RNAM PAR SHES PAR BYA BA NYID LA SOGS PA YIN PA'I PHYIR DPER NA PHYI ROL GYI 'BYUNG BA DAG BZHIN NO ZHES BYA BAR SBYAR RO, ,GAL TE 'DIR MU STEGS GRANGS CAN GSAL BAR SMRA BA DAG 'DI SKAD CES LUS NI BDAG DANG BCAS PA YIN TE, CI'I PHYIR ZHE NA, GSAL BA'I PHYIR TE, 'DI LTAR LUS NYID BDAG GIS GSAL BAR BYED DE, BDAG YOD PAS 'DI NI ZIN PA'I 'BYUNG BA DAG YIN NO ZHES BYA BAR GZUNG DU RUNG GI ,BDAG MED PA GSAL BAR BYED PA MED PA'I PHYI ROL GYI 'BYUNG BA DAG NI LTAR GZUNG DU MI RUNG BA'I PHYIR RO ZHES ZER BA'I PHYOGS SNGA MA KHONG NAS 'BYUNG BA DE'I LAN DU 'DIR 'GREL BA BYED PA NYID KYIS; GSAL BA SMRA BA DAG LA YANG GSAL BA'I PHYIR BUM PA LA SOGS PA DAG LA BDAG MED PA NYID MED NA MI 'BYUNG BA'I PHYIR LUS BDAG DANG BCAS PAR SMRA BA RNAMS LA RANG GI RJES SU DPAG PAS GNOD DO ZHES BYA BA SMRAS TE, DE SKAD CES ZER BA DE DAG GI LUS BDAG DANG BCAS PA'I PHYOGS LA GSAL BA'I PHYIR DPER NA BUM PA BZHIN NO ZHES SGRUB PAR BYED PA'I GTAN TSIGS DE BUM PA LA SOGS PA GSAL BAR BYED PA YOD KYANG BDAG MED PA NYID KYIS MI MTHUN PA'I PHYOGS YOD PA'I PHYIR MA NGES PA NYID YIN TE, 'DI NA BUM PA LA SOGS PA DAG LA GSAL BAR BYED PA MAR ME LA, SOGS PA YOD KYANG DE DAG LA BDAG MED PA NYID DU MTHONG BAS DES NA JI RE ZHIG GSAL BA'I PHYIR LUS LA BDAG YOD PAR 'GYUR RAM, 'ON TE GSAL BA'I PHYIR DPER NA BUM PA LA SOGS PA BZHIN DU BDAG MED PA NYID DU 'GYUR BA MA NGES PA'I PHYIR LUS BDAG DANG BCAS PAR SMRA BA RNAMS LA RANG @50B GI RJES SU DPAG PA GSAL BA'I PHYIR ZHES BYA BAS GNOD DO, ,YANG NA GAL TE PHUNG PO BDAG YIN NA ZHES BYA BA NI LUS LA BDAG MANG PO NYID DU 'GYUR TE, PHUNG PO MANG BA NYID YIN PA'I PHYIR RO ZHES BYA BA'I TSIG GI LHAG MA'O ZHES BYA BAS NI YANG RNAM PA GCIG TU NA PHUNG PO RNAMS NYID BDAG YIN PAR SMRA BA'I PHYOGS DE LA BDAG MANG PO NYID DU THAL BAR 'GYUR BA'I SKYON YOD PAS MI RUNG BAR BSTAN TO, ,YANG NA, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES BYA BA NI DES NA PHUNG POR RJES SU DPOG PAS SKYE BA DANG 'JIG PA'I CHOS CAN NYID KYIS BDAG GI CHOS CAN GYI KHYAD PAR SKYE BA DANG 'JIG PA'I CHOS CAN NYID MA YIN PA GSAL BA'I PHYIR DAM BCAS PA LA CHOS CAN GYI KHYAD PAR GSAL BA'I SKYON YOD DO ZHES BYA BAS NI YANG RNAMS PA GCIG TU NA PHUNG PO RNAMS NYID BDAG MA YIN PAR SMRA BA'I PHYOGS LA CHOS CAN BDAG GI KHYAD PAR SKYE BA DANG 'JIG PA'I CHOS CAN NYID MA YIN PA GSAL BA'I SKYON YOD PAS MI RUNG BAR BSTAN TO, ,YANG NA, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES BYA BA NI DES NA SKYE BA DANG 'JIG PA'I CHOS CAN NYID DU RJES SU DPOG PAS BDAG MA YIN PA NYID KYIS BDAG GI DE'I BDAG NYID GSAL BA'I PHYIR DAM BCAS PA LA CHOS CAN GYI NGO BO NYID GSAL BA'I SKYON YOD DO ZHES BYA BAS NI YANG RNAM PA GCIG TU NA PHUNG PO RNAMS NYID BDAG YIN PAR SMRA BA'I PHYOGS DE LA CHOS CAN BDAG GI NGO BO NYID BDAG MA YIN PAR GSAL BA'I SKYON YOD PAS MI RUNG BA BSTAN TO, ,YANG NA, GAL TE PHUNG PO BDAG YIN NA, SKYE DANG 'JIG PA CAN DU 'GYUR, ,ZHES BYA BA NI BDAG NI SKYE DANG 'JIG PA CAN DU MI 'DOD PAS DE'I MTSAN NYID MA YIN PA YOD PA NYID DU BSTAN DKA' BA DANG, DON DAM PAR BDAG MED PA NI SMRA BAR NUS TE, SKYE BA DANG 'JIG PA'I CHOS CAN NYID MA YIN PA'I PHYIR DPER NA RI BONG GI RVA BZHIN NO ZHES BYA BAS NI, YANG RNAM PA GCIG TU NA PHUNG PO RNAMS NYID BDAG YIN PAR SMRA PA'I PHYOGS DE LA BDAG NI SKYE BA DANG 'JIG PA CAN DU MI 'DOD PAS PHA ROL POS DE YOD PA NYID DU BSTAN DKA' BA DANG, DBU MA PAS DE MED PAR SMRA BAR NUS PA'I 'THAD PA BSTAN TO, ,YANG NA, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES BYA BA NI PHUNG PO RNAMS SKYE BA DANG, @51A *, ,'JIG PA'I CHOS CAN NYID YIN PA'I PHYIR DES NA DON DAM PAR GZUGS SU RUNG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA'I MTSAN NYID KYI PHUNG PO LNGA PO DAG NI BDAG MA YIN PAR SHES PAR BYAR NUS TE, SKYE BA DANG 'JIG PA'I CHOS CAN NYID YIN PA'I PHYIR DPER NA BUM PA BZHIN NO ZHES BYA BAS NI YANG RNAM PA GCIG TU NA PHUNG PO RNAMS NYID BDAG YIN PAR SMRA BA'I PHYOGS DE LA PHUNG PO RNAMS SKYE BA DANG 'JIG PA'I CHOS CAN NYID YIN PA'I PHYIR DES NA DON DAM PAR PHUNG PO RNAMS BDAG MA YIN PAR SHES PAR BYAR NUS PA'I PHYOGS GTAN TSIGS DANG DPE ? DANG BCAS PA BSTAN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI SKYE BA DANG 'JIG PA'I CHOS CAN NYID YIN PA'I PHYIR BDAG MA YIN PAR SHES PAR BYAR NUS PA DE BZHIN DU, PHUNG PO DAG KYANG SKYE BA DANG 'JIG PA'I CHOS CAN NYID YIN PA'I PHYIR BDAG MA YIN PAR SHES PAR BYAR NUS SO, ,DE BZHIN DU 'BRAS BU NYID DANG, RGYU NYID DANG, LAN 'GA' DGA' BA DANG, YONGS SU GDUNG BA'I RGYU NYID DANG, THE TSOM CAN GYI SHES PA DANG, LOG PA'I SHES PA'I RGYU NYID YIN PA LA SOGS PA'I GTAN TSIGS DAG GIS KYANG RJES SU DPAG PA RGYAS PAR BYA'O ZHES BYA BA NI 'DI LTAR SBYAR TE, DON DAM PAR GZUGS SU RUNG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA'I MTSAN NYID KYI PHUNG PO LNGA PO DAG NI BDAG MA YIN PAR SHES PAR BYAR NUS TE, 'BRAS BU NYID YIN PA'I PHYIR DANG, RGYU NYID YIN PA'I PHYIR DANG, LAN 'GA' DGA' BA'I RGYU NYID YIN PA'I PHYIR DANG, LAN 'GA' YONGS SU GDUNG BA'I RGYU NYID YIN PA'I PHYIR DANG, THE TSOM CAN GYI SHES PA'I RGYU NYID YIN PA'I PHYIR DANG, LOG PA'I SHES PA'I RGYU NYID YIN PA LA SOGS PA'I PHYIR DPER NA BUM PA BZHIN NO ZHES BYA BAR SBYAR RO, ,DE LTA BAS NA RE ZHIG PHUNG PO RNAMS NYID BDAG YIN NO ZHES BYA BA MI 'THAD DO, ,DA NI BDAG PHUNG PO RNAMS LAS GZHAN YIN PA YANG MED PAR BSGRUB PAR BYA STE, DE LA RE ZHIG MU STEGS BYE BRAG PA DANG, GRANGS CAN DANG, SKYES BU RGYUR 'DOD PA DAG BDAG PHUNG PO RNAMS LAS GZHAN YIN PAR SMRA @51B BA'I GZHUNG BSTAN PA'I PHYIR, BYE BRAG PA DAG NI BDAG LUS DANG DBANG PO DANG BLO LAS GZHAN PA, BDE BA LA SOGS PA'I GZHIR GYUR PA DANG, BYED PA PO DANG, SEMS PA MED PA DANG, RTAG PA THAMS CAD DU SONG BA YIN PAR BRJOD LA, GRANGS CAN DAG NI BDAG 'BRAS BU DANG RGYU LAS GZHAN PA BYED PA PO MA YIN PA DANG, ZAB PO DANG, DAG PA DANG, THAMS CAD DU SONG BA DANG, MI 'GYUR BA DANG, SEMS PA YOD PA YIN PAR BRJOD CING, SKYES BU RGYUR 'DOD PAS KYANG DE BZHIN BAS DE DAG LA SGRUB PA 'DI MI GNOD DO ZHE NA ZHES BYA BA SMRAS SO, ,DA NI DE DAG GSAL BA BSTAN PAR BYA STE, DE'I PHYIR SLOB DPON GYI PHUNG PO LAS GZHAN PA'I BDAG BSTAN DKA' BA DES PAR MDZAD NAS DE DAG GI PHYIR BSHAD PA, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,PHUNG PO'I MTSAN NYID MED PA NI, ,PHUNG PO'I MTSAN NYID MA YIN PA STE, GZUGS SU RUNG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA'I MTSAN NYID MA YIN PAR 'GYUR RO ZHES BYA BA'I THA TSIG GO ZHES BYA BA SMRAS TE, CI STE BDAG PHUNG PO RNAMS LAS GZHAN YIN PAR GYUR NA, DE LTAR NA PHUNG PO'I MTSAN NYID MA YIN PAR 'GYUR TE, PHUNG PO RNAMS KYI SKYE BA DANG 'JIG PA'I MTSAN NYID YIN PAS DES NA BDAG PHUNG PO RNAMS LAS GZHAN YIN PA'I PHYIR SKYE BA DANG 'JIG PA'I MTSAN NYID MA YIN PAR 'GYUR RO, ,DE LTA NA RTAG PAR 'GYUR TE, BDAG BRTAGS PA YIN NA RTZOM PA THAMS CAD DON MED PA NYID DU 'GYUR TE, 'DI LTAR RTAG PA MI 'GYUR BA LA CI ZHIG BYAR YOD; DE LTA NA YANG BDAG YOD PAR RTOG PA DON MED PA NYID DU 'GYUR TE, DE LA CUNG ZAD KYANG 'JUG PA'AM, LDOG PAR MI 'GYUR RO, ,DE LTA BAS NA BDAG PHUNG PO RNAMS LAS GZHAN PAR YANG MI 'THAD DO ZHES STON TO, ,DE LTAR NA 'DIS NI BRTAGS PA'I BDAG GI CHOS NI PHUNG PO'I MTSAN NYID MA YIN PA NYID YIN PAR BSTAN TO ZHES BYA BA NI DE LTAR NA TSIG LE'UR BYAS PA'I PHYED 'OG MA 'DIS NI PHUNG PO RNAMS LAS GZHAN PA'I BDAG PHA ROL PO DAG GIS BRTAGS PA MED PAR SGRUB PA'I CHOS GTAN TSIGS NI PHUNG PO'I MTSAN NYID MA YIN PA NYID YIN PAR BSTAN TO, ,DPE NI DBANG GIS BSGRUB PAR BYA BA DANG SGRUB @52A *, ,PA'I CHOS GNYI GA LA GRAGS PA'I CHOS CAN MO GSHAM GYI BU LA SOGS PA DAG YIN NO ZHES BYA BAS NI DE'I CHOS MTHUN PA'I DPE NI SGRUB PA'I CHOS DE'I DBANG GIS BSGRUB PAR BYA BA PHUNG PO LAS GZHAN PA'I BDAG MED PA DANG, SGRUB PA'I CHOS PHUNG PO'I MTSAN NYID MA YIN PA ZHES BYA BA DAG DANG CHOS MTHUN PA RGOL BA DANG PHYIR RGOL BA GNYI GA LA GRAGS PA'I CHOS CAN MO GSHAM GYI BU LA SOGS PA DAG YIN PAR SBYAR RO ZHES BSTAN TO, ,DE NYID KYI TSAD MA BSTAN PA'I PHYIR 'DIR RJES SU DPAG PA NI DON DAM PAR BDAG GZUGS LA SOGS PA'I PHUNG PO LAS GZHAN PA MED DE, PHUNG PO'I MTSAN NYID MA YIN PA'I PHYIR, DPER NA MO GSHAM GYI BU BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MO GSHAM GYI BU NI, PHUNG PO'I MTSAN NYID MA YIN PA'I PHYIR PHUNG PO LAS LOGS SHIG NA MED PA DE BZHIN DU BDAG KYANG PHUNG PO'I MTSAN NYID MA YIN PA'I PHYIR PHUNG PO LAS LOGS SHIG NA MED DO, ,GAL TE MYA NGAN LAS 'DAS PA, ,PHUNG PO'I MTSAN NYID MA YIN PAS MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS PHUNG PO'I MTSAN NYID MA YIN PA'I PHYIR ZHES BYA BA DE MA NGES PA NYID DU SKYON 'DOGS PA'I TSIG YIN TE, DE DAG NA RE 'DI NA MYA NGAN LAS 'DAS PA PHUNG PO'I MTSAN NYID MA YIN YANG PHUNG PO LAS LOGS SHIG NA YOD PAR 'DOD PAS DES NA JI RE ZHIG PHUNG PO'I MTSAN NYID MA YIN PA'I PHYIR, DPER NA MO GSHAM GYI BU BZHIN DU BDAG PHUNG PO LAS LOGS SHIG NA MED DAM, 'ON TE PHUNG PO'I MTSAN NYID MA YIN PA'I PHYIR, DPER NA MYA NGAN LAS 'DAS PA BZHIN DU BDAG PHUNG PO LAS LOGS SHIG NA YOD PAR 'GYUR BA MA NGES PA NYID YIN PAS DBU MA PA'I GTAN TSIGS DE MA GRUB BO ZHES ZER RO, ,DE'I LAN DU, DE NI, ,MTSAN NYID MED PA'I DNGOS PO NI; ,'GA' YANG GANG NA'ANG YOD MA YIN, ,ZHES BYA BA DER MYA NGAN LAS 'DAS PA LA SOGS PA 'DUS MA BYAS KYI DNGOS PO BSAL BA'I PHYIR MI MTHUN PA'I PHYOGS MED PAS MA NGES PA NYID MA YIN NO ZHES BYA BA SMRAS TE, DE NI SNGAR KHAMS BRTAG PA'I SKABS SU TSIG LE'UR BYAS PA'I PHYED 'DIS MTSAN @52B NYID MED PA'I DNGOS PO MYA NGAN LAS 'DAS PA BSAL BA'I PHYIR MI MTHUN PA'I PHYOGS MED PAS MA NGES PA NYID MA YIN NO, ,GAL TE BSTAN BCOS MDZAD PAS DAM BCAS PA LA SOGS PA'I YAN LAG MA BRJOD PA'I PHYIR SGRUB PA MA TSANG BA'I SKYON YOD DO ZHE NA ZHES BYA BA NI PHA ROL PO DAG NA RE SLOB DPON KLU SGRUB KYIS, GAL TE PHUNG PO RNAMS LAS GZHAN, ,PHUNG PO'I MTSAN NYID ME PAR 'GYUR, ,ZHES SMOS PA DES PHUNG PO'I MTSAN NYID MA YIN PAR 'GYUR RO ZHES BYA BA PHYOGS KYI CHOS NYI TSE ZHIG BSTAN PAR MDZAD KYI, DAM BCAS PA DANG DPE DAG MA BSTAN PAS YAN LAG MA RDZOGS PA'I PHYIR DE NI BSGRUB PAR MI RUNG NGO ZHES SKYON 'DOGS PA'I TSIG YIN NO, ,DE'I LAN DU, DON GYI TSIG YIN PA'I PHYIR SKYON MED DE, DE LTAR SLOB DPON GYI TSIG DAG YIN TE, YI GE MDOR BSDUS PA DANG, DON RGYA CHE BA DAG YIN PAS DON GYI DBANG GIS SBYOR BA'I TSIG DU MA DAG GI GZHI YIN PAR BZHED PA'I PHYIR RO ZHES BYA BA SMRAS TE, DE'I PHYIR SLOB DPON GYI ZHAL SNGA NAS KYIS TSIG LE'UR BYAS PA MDZAD PA DAG LA SKYON MED DO, ,SBYOR BA'I TSIG LA NI DE SKYON DU 'GYUR RO ZHES BYA BA NI 'GREL PA BYED PA SBYOR BA'I TSIG RTZOM PA DAG LA NI SGRUB PA MA TSANG BA DE SKYON DU YANG 'GYUR BA BDEN NO ZHES KHAS BLANG BA'I TSIG YIN NO, ,'O NA KHYOD LA SKYON DU MI 'GYUR RAM ZHE NA, KHO BOS DON DAM PAR BDAG GZUGS LA SOGS PA'I PHUNG PO LAS GZHAN PA MED DE, PHUNG PO'I MTSAN NYID MA YIN PA'I PHYIR DPER NA MO GSHAM GYI BU BZHIN NO ZHES YAN LAG TSANG BAR BRJOD PA'I PHYIR SKYON MED DO, ,YANG NA DE LA DE YANG MI 'GYUR TE, RAB TU BYED PA'AM LUNG LAS LA LA LA YAN LAG 'GA' ZHIG GRAGS PA YIN NA'O ZHES BYA BA NI YANG NA SBYOR BA'I TSIG DE LA YAN LAG RDZOGS PAR MA BRJOD DU ZIN KYANG DE LA SKYON DU MI 'GYUR BAR GZHUNG 'DZUGS PA'I TSIG YIN TE, DE YANG GANG GI TSE RAB TU BYED PA'I SKABS SAM, LUNG LAS GANG ZAG LA LA SGRUB PA'I YAN LAG 'GA' ZHIG GRAGS PA YIN NA DE MA BRJOD KYANG SKYON DU MA'I 'GYUR TE, JI SKAD DU GANG YANG RUNG BA BRJOD NA YANG SGRUB PA YIN NO ZHES BSHAD PA'I PHYIR RO, ,KHA CIG NA RE PHYOGS LA SOGS PA DAG GIS GTAN TSIGS SNGA MA MA NGES PA NYID DO ZHE'O ZHES BYA BA NI SA LA SOGS PA RDZAS DGU RTAG PAR 'DOD PA DAG DBU MA PAS SNGAR PHUNG PO @53A *, ,RNAMS NYID BDAG MA YIN PAR BSGRUB PA'I SKABS SU DON DAM PAR 'BYUNG BA DANG, 'BYUNG BA 'DUS PA DANG, DBANG PO DANG, DBANG PO 'DUS PA DANG, RNAM PAR SHES PA DANG, DBANG PO DANG BCAS PA'I LUS DANG, RNAM PAR SHES PA DANG BCAS PA'I LUS NI BDAG MA YIN TE, SKYE BA DANG 'JIG PA'I CHOS CAN NYID YIN PA'I PHYIR, DPER NA PHYI ROL GYI 'BYUNG BA DAG BZHIN NO ZHES SMRAS PA'I GTAN TSIGS DE MA NGES PA NYID DU SKYON 'DOGS PA'I TSIG YIN TE, DE DAG NA RE 'DI NA PHYOGS DANG, DUS DANG, NAM MKHA' DANG, BDAG DANG, YID CES BYA BA RDZAS LNGA PO DAG SKYE BA DANG 'JIG PA'I CHOS CAN NYID KYANG YIN LA, DE DAG RANG BZHIN RTAG PAS BDAG KYANG YIN PAR MTHONG BAS DES NA CI RE ZHIG SKYE BA DANG 'JIG PA'I CHOS CAN NYID YIN PA'I PHYIR, DPER NA PHYI ROL GYI 'BYUNG BA DAG BZHIN DU PHUNG PO RNAMS BDAG MA YIN PAR 'GYUR RAM, 'ON TE SKYE BA DANG 'JIG PA'I CHOS CAN NYID YIN PA'I PHYIR, DPER NA PHYOGS DANG, DUS DANG, NAM MKHA' DANG, BDAG DANG, YID BZHIN DU PHUNG PO RNAMS BDAG YIN PAR 'GYUR BA MA NGES PA NYID YIN PAS, DBU MA PA'I GTAN TSIGS DE MA GRUB PO ZHES ZER RO, ,DE DAG GI GZHUNG LAS PHYOGS LA SOGS PA SNANG BA DANG MI SNANG BA'I TSUL GYIS NI SKYE BA DANG 'JIG PA'I CHOS CAN NYID KYANG YIN LA RANG BZHIN BRTAGS PAS BDAG TU YANG 'DOD DE, 'DI LTAR PHYOGS KYANG LEN 'GA' MA BSLAD PA'I TSE NI, GSAL BA'I BDAG NYID DU SKYE LA BSLAD PA'I TSE NA NI MI GSAL BA'I BDAG NYID KYIS 'JIG PA DANG, DUS KYANG DA LTAR DANG MA 'ONGS PA 'JUG PA'I TSUL GYIS NI SKYE LA 'DAS PA LDOG PA'I TSUL GYIS NI 'JIG PA DANG NAM MKHA' YANG DNGOS PO GZHAN GYIS GO PHYI BA'I TSUL GYIS NI SKYE LA DNGOS PO GZHAN GYIS GO BKAG PA'I TSUL GYIS NI 'JIG PA DANG, BDAG KYANG MTHE BONG TZAM LA SOGS PAR MTHONG BA'I TSUL GYIS NI SKYE LA DE LTAR MA MTHONG BA'I TSUL GYIS NI 'JIG PA DANG, YID KYANG DRAN PA'I TSE NA SKYE LA MI DRAN PA'I TSE NI 'JIG PA'I CHOS CAN NYID KYANG YIN LA, DE DAG RANG BZHIN RTAG PAS BDAG YIN PAR YANG 'DOD CES GRAG GO, ,DE'I LAN DU, DE NI BZANG PO MA YIN TE, ,MTSAN NYID MED PA'I @53B DNGOS PO NI, ,'GA' YANG GANG NA'ANG YOD MA YIN, ,ZHES BYA BAS LAN BTAB ZIN PA'I PHYIR RO ZHES BYA BA SMRAS TE, SNGAR KHAMS BRTAG PA'I SKABS SU TSIG LE'UR BYAS PA 'DIS NAM MKHA' LA SOGS PA 'DUS MA BYAS KYI DNGOS PO GSAL BA BZHIN DU PHYOGS LA SOGS PA YANG GSAL BA'I PHYIR MI MTHUN PA'I PHYOGS MED PAS MA NGES PA NYID MA YIN NO, ,BRTAG PA DANG THAMS CAD DU SONG BA'I TSIG GI DON NI BDE BA DANG SDUG BSNGAL LA SOGS PA'I GZHI MA YIN TE, SKYE BA CAN YIN PA LA SOGS PA'I GTAN TSIGS DAG GI PHYIR, DPER NA GZUGS LA SOGS PA BZHIN NO ZHES BYA BAS NI SNGAR BYE BRAG PA DAG NI BDAG LUS DANG DBANG PO DANG BLO LAS GZHAN PA BDE BA LA SOGS PA'I GZHIR GYUR PA YIN PAR BRJOD LA ZHES BYA BA DE SUN 'BYIN PA'I TSAD MA STON TE, BYE BRAG PA DAG GI GZHUNG LAS BDAG LUS DANG DBANG PO DANG BLO LAS GZHAN BRTAG PA DANG, THAMS CAD DU SONG BA'I TSIG GI DON DE NI BDE BA DANG SDUG BSNGAL DANG, BLO DANG; 'DOD PA DANG, SDANG BA DANG, 'BAD PA DANG, CHOS DANG, CHOS MA YIN PA DANG, SHES PA DAG GI GZHIR 'GYUR BA YIN PAR 'DOD PA DE SKABS 'DIS SUN 'BYIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS LA SOGS PA NI SKYE BA CAN YIN PA'I PHYIR DANG, BYAS PA NYID LA SOGS PA YIN PA'I PHYIR BDE BA DANG SDUG BSNGAL LA SOGS PA'I GZHI MA YIN PA DE BZHIN DU DBANG PO DANG, BLO LAS GZHAN PA RTAG PA DANG THAMS CAD DU SONG BA'I TSIG GI DON DE YANG SKYE BA CAN YIN PA'I PHYIR DANG, BYAS PA NYID LA SOGS PA YIN PA'I PHYIR BDE BA DANG SDUG BSNGAL LA SOGS PA'I GZHI MA YIN NO, ,RGYAS PAR NI SNGA MA BZHIN NO ZHES BYA BA NI RJES SU DPAG PA SNGA MA'I GTAN TSIGS SKYE BA CAN YIN PA LA SOGS PA'I GTAN TSIGS DAG GI PHYIR ZHES BYA BA DE NI MTSON PA TZAM DU ZAD KYI, DE'I GTAN TSIGS DE NI SNGA MA BZHIN DU 'BRAS BU NYID DANG, RGYU NYID DANG, LAN 'GA' DGA' BA DANG, YONGS SU GDUNG BA'I RGYU NYID DANG, THE TSOM CAN GYI SHES PA DANG, LOG PA'I SHES PA'I RGYU NYID YIN PA LA SOGS PA'I GTAN TSIGS DAG GIS KYANG RJES SU DPAG PA RGYAS PAR BYA BA YIN NO, ,BDAG NI KHYAB BDAG MA YIN TE, ,RDZAS @54A *, ,YIN PA'I PHYIR DPER NA BUM PA BZHIN NO ZHES BYA BAS NI SNGAR BYE BRAG PA DAG NI BDAG LUS DANG DBANG PO DANG, BLO LAS GZHAN PA THAMS CAD DU SONG BA YIN PAR BRJOD LA ZHES BYA BA DE SUN 'BYIN PA'I TSAD MA STON TE, BYE BRAG PA DAG GI GZHUNG LAS BDAG THAMS CAD DU SONG BA NI KHYAB BDAG YIN PAR 'DOD PA DE SKABS 'DIS SUN 'BYIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI RDZAS YIN PA'I PHYIR, KHYAB BDAG MA YIN PA DE BZHIN DU BDAG KYANG RDZAS YIN PA'I PHYIR KHYAB BDAG MA YIN NO, ,GAL TE NAM MKHA' MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS RDZAS YIN PA'I PHYIR ZHES BYA BA DE MA NGES PA NYID DU SKYON 'DOGS PA'I TSIG YIN TE, DE DAG NA RE 'DI NA NAM MKHA' RDZAS YIN YANG KHYAB BDAG MA YIN PAR MTHONG BAS DES NA CI RE ZHIG RDZAS YIN PA'I PHYIR DPER NA BUM PA BZHIN DU BDAG KHYAB BDAG MA YIN PAR 'GYUR RAM, 'ON TE RDZAS YIN PA'I PHYIR DPER NA NAM MKHA' BZHIN DU BDAG KHYAB BDAG YIN PAR 'GYUR BA MA NGES PA NYID YIN PAS DBU MA PA'I GTAN TSIGS DE MA GRUB PO ZHES ZER RO, ,DE'I LAN DU, NAM MKHA' RDZAS SU YOD PA NYID BKAG PA'I PHYIR DANG, DE'I KHYAB BDAG NYID KYANG BDAG GI KHYAB BDAG NYID BZHIN DU BKAG PA'I PHYIR MA NGES PA NYID MA YIN NO ZHES BYA BA SMRAS TE, DON DAM PAR NAM MKHA' MA SKYES PAS RDZAS SU YOD PA NYID BKAG PA'I PHYIR KHYAB BDAG MA YIN PA'I PHYIR DANG, NAM MKHA'I KHYAB BDAG NYID KYANG BDAG GI KHYAB BDAG NYID BZHIN DU BKAG PA'I PHYIR TE, JI LTAR BDAG NI KHYAB BDAG MA YIN TE, MA SKYES PA'I PHYIR NAM MKHA'I ME TOG BZHIN DU ZHES BYA BA DE BZHIN DU, NAM MKHA' YANG KHYAB BDAG MA YIN TE, MA SKYES PA'I PHYIR NAM MKHA'I ME TOG BZHIN NO ZHES BKAG PA'I PHYIR MI MTHUN PA'I PHYOGS MED PAS MA NGES BA NYID MA YIN NO, ,DE BZHIN DU BDAG NI BYED PA PO MA YIN TE, LUS CAN YIN PA'I PHYIR DPER NA LAS BZHIN NO ZHES BYA BAS NI SNGAR BYE BRAG PA DAG NI BDAG LUS DANG, DBANG PO DANG, BLO LAS GZHAN PA BYED PA PO YIN PAR BRJOD LA ZHES BYA BA SUN 'BYIN PA'I TSAD MA @54B STON TE, BYE BRAG PA DAG GI GZHUNG LAS BDAG BYED PA PO YIN PAR 'DOD PA DE SKABS 'DIS SUN 'BYIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BSAMS PA'I LAS NI LUS CAN YIN PA'I PHYIR BYED PA PO MA YIN PA DE BZHIN DU BDAG KYANG MTHE BONG TZAM LA SOGS PA'I LUS YIN PA'I PHYIR BYED PA PO MA YIN NO, ,BDAG NI RTAG PA YANG MA YIN TE, RDZAS YIN PA'I PHYIR DPER NA BUM PA BZHIN NO ZHES BYA BAS NI SNGAR BYE BRAG PA DAG NI BDAG LUS DANG, DBANG PO DANG, BLO LAS GZHAN PA RTAG PA YIN PAR BRJOD LA ZHES BYA BA DE SUN 'BYIN PA'I TSAD MA STON TE, BYE BRAG PA DAG GI GZHUNG LAS BDAG RTAG PA YIN PAR 'DOD PA DE SKABS 'DIS SUN 'BYIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI RDZAS YIN PA'I PHYIR RTAG PA MA YIN PA DE BZHIN DU BDAG KYANG RDZAS YIN PA'I PHYIR RTAG PA MA YIN NO, ,DE BZHIN DU SHES BYA NYID DANG BRJOD PAR BYA BA NYID DANG DNGOS PO NYID LA SOGS PA'I GTAN TSIGS DAG GI PHYIR RO ZHES KYANG BRJOD PAR BYA'O ZHES BYA BA NI RJES SU DPAG PA SNGA MA'I GTAN TSIGS NI 'DI DAG KYANG YIN PAR SBYAR RO, ,BDAG NI RGYU MED PA YANG MA YIN TE, DNGOS PO YIN PA'I PHYIR, DPER NA BUM PA BZHIN NO ZHES BYA BAS NI SNGAR BYE BRAG PA DAG NI BDAG LUS DANG, DBANG PO DANG, BLO LAS GZHAN PA YIN PAR BRJOD LA ZHES BYA BA DE SUN 'BYIN PA'I TSAD MA STON TE, BYE BRAG PA DAG GI GZHUNG LAS BDAG LUS DANG, DBANG PO DANG, BLO LAS GZHAN PA ZHES BYA BA NI RGYU MED PA YIN PAR 'DOD PA DE SKABS 'DIS SUN 'BYIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI DNGOS PO YIN PA'I PHYIR RGYU MED PA MA YIN PA DE BZHIN DU BDAG KYANG DNGOS PO YIN PA'I PHYIR RGYU MED PA MA YIN NO, ,DE BZHIN DU TSIG GI DON NYID YIN PA LA SOGS PA'I GTAN TSIGS DAG GI PHYIR RO ZHES KYANG BRJOD PAR BYA'O ZHES BYA BA NI RJES SU DPAG PA SNGA MA'I GTAN TSIGS NI 'DI DAG KYANG YIN PAR SBYAR RO, ,RE ZHIG @55A *, ,DE DAG NI BYE BRAG PA DAG GIS BDAG PHUNG PO RNAMS LAS GZHAN PAR BRTAGS PA'I GZHUNG MI 'THAD PAR SUN 'BYIN PA YIN NO, ,DA NI GRANGS CAN DAG GIS BDAG PHUNG PO RNAMS LAS GZHAN PAR BRTAGS PA'I GZHUNG MI 'THAD PAR BSTAN PA'I PHYIR, DE BZHIN DU DON DAM PAR BDAG NI SEMS PA YOD PA YANG MA YIN, RTAG PA YANG MA YIN, THAMS CAD DU SONG BA YANG MA YIN, RGYU MED PA YANG MA YIN TE, DNGOS PO YIN PA'I PHYIR DANG, LAN 'GA' YANG DAG PA'I SHES PA DANG, LOG PA'I SHES PA DANG, THE TSOM CAN GYI SHES PA'I RGYU NYID YIN PA'I PHYIR DANG, LAN 'GA' DGA' BA DANG, YONGS SU GDUNG BA'I RGYU NYID YIN PA LA SOGS PA'I GTAN TSIGS DAG GI PHYIR, DPER NA KA BA BZHIN NO ZHES BRJOD PAR BYA'O ZHES BYA BA SMRAS TE, DES NI SNGAR GRANGS CAN DAG NI BDAG 'BRAS BU DANG RGYU LAS GZHAN PA SEMS PA YOD PA DANG, MI 'GYUR BA DANG, THAMS CAD DU SONG BA DANG, RGYU LAS GZHAN PA YIN PAR BRJOD CING ZHES BYA BA DE DAG SUN 'BYIN PA'I TSAD MA STON TE, GRANGS CAN DAG GI GZHUNG LAS BDAG SEMS PA YOD PA DANG, RTAG PA DANG, THAMS CAD DU SONG BA DANG, RGYU MED PA YIN PAR 'DOD PA DE DAG SKABS 'DIS SUN 'BYIN TE, DE DAG NI CHOS CAN DANG, BSGRUB PAR BYA BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA KA BA NI DNGOS PO YIN PA'I PHYIR DANG, LAN 'GA' YANG DAG PA'I SHES PA DANG, LOG PA'I SHES PA DANG, THE TSOM CAN GYI SHES PA'I RGYU NYID YIN PA'I PHYIR DANG, LAN 'GA' DGA' BA DANG, YONGS SU GDUNG BA'I RGYU NYID LA SOGS PA YIN PA'I PHYIR SEMS PA YOD PA YANG MA YIN, RTAG PA YANG MA YIN, THAMS CAD DU SONG BA YANG MA YIN, RGYU MED PA YANG MA YIN PA DE BZHIN DU BDAG KYANG DNGOS PO YIN PA'I PHYIR DANG, LAN 'GA' YANG DAG PA'I SHES PA DANG, LOG PA'I SHES PA BA DANG; THE TSOM CAN GYI SHES PA'I RGYU NYID YIN PA'I PHYIR DANG, LAN 'GA' DGA' BA DANG, YONGS SU GDUNG BA'I RGYU NYID LA SOGS PA YIN PA'I PHYIR SEMS PA YOD PA YANG MA YIN, RTAG PA YANG MA YIN, THAMS CAD DU SONG BA YANG MA YIN, RGYU MED PA YANG MA YIN NO, ,YANG GRANGS @55B CAN GYI PHYOGS LA BRJOD PAR BYA STE, DON DAM PAR BDAG NI ZA BA PO MA YIN TE, THE TSOM GYI SHES PA LA SOGS PA'I RGYU YIN PA'I PHYIR, DPER NA SDONG DU MA DANG BUM PA BZHIN NO ZHES BRJOD PAR BYA'O ZHES BYA BAS NI SNGAR GRANGS CAN DAG NI BDAG 'BRAS BU DANG RGYU LAS GZHAN PA ZA BA PO YIN PAR BRJOD CING ZHES BYA BA DE SUN 'BYIN PA'I TSAD MA STON TE, GRANGS CAN DAG GI GZHUNG LAS BDAG ZA BA PO YIN PAR 'DOD PA DE SKABS 'DIS SUN 'BYIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SDONG DU MA DANG BUM PA NI THE TSOM CAN GYI SHES PA LA SOGS PA'I RGYU YIN PA'I PHYIR ZA BA PO MA YIN PA DE BZHIN DU BDAG KYANG THE TSOM CAN GYI SHES PA LA SOGS PA'I RGYU YIN PA'I PHYIR ZA BA PO MA YIN NO, ,CI STE YANG LA LA 'DI SNYAM DU DBU MA PAS BDAG TSIG GI DON NYID DU KHAS MA BLANGS PA'I PHYIR DE'I KHYAD PAR BSTAN PA MI RIGS TE, DPER NA MO GSHAM GYI BU'I SNGO BSANGS DANG DKAR SHAM NYID DAG STON PA BZHIN NO SNYAM DU SEMS NA ZHES BYA BA NI PHAS KYI RGOL BA LA LA DAG 'DI SNYAM DU DBU MA PAS DON DAM PAR BDAG CES BYA BA TSIG GI DON NYID DU YOD PAR KHAS MA BLANGS PA'I PHYIR DE'I KHYAD PAR BDE BA LA SOGS PA'I GZHIR GYUR BA DANG, BYED PA PO DANG, SEMS PA MED PA DANG, RTAG PA DANG, THAMS CAD DU SONG BA LA SOGS PA PHYOGS SU BYAS TE, DE DAG MED PAR STON PA NI GZHI MA GRUB PA'I PHYIR MI RIGS TE, DPER NA MO GSHAM GYI BU MED PA'I KHYAD PAR SNGO BSANGS DANG DKAR SHAM NYID DAG STON PA MI RIGS PA BZHIN NO SNYAM DU SEMS PA'I RNAM PAR RTOG PA YIN NO, ,DE'I LAN DU, DE NI BZANG PO MA YIN TE, YANG 'BYUNG BA'I SRID PA LEN PA'I PHYIR BDAG CES BYA BA NI RNAM PAR SHES PA'I YUL LA BDAG TU THA SNYAD GDAGS PA'I PHYIR RNAM PAR SHES PA LA BDAG TU BRJOD DE, DE LTAR YANG BCOM LDAN 'DAS KYIS SEMS DUL BA NI DGE BA STE, ,DUL BA'I SEMS KYIS BDE BA 'THOB, ,CES GSUNGS NAS, YANG MDO SDE GZHAN LAS, BDAG GI MGON NI BDAG NYID YIN, ,GZHAN NI MGON DU SU ZHIG 'GYUR, ,MKHAS PA BDAG NYID LEGS DUL BAS, ,MTHO RIS DAG KYANG THOB PAR 'GYUR, ,ZHES @56A *, ,GSUNGS PAS DE'I PHYIR THA SNYAD DU BDAG SPYIR KHAS BLANGS PA'I PHYIR KHYAD PAR MA GRAGS PA SEL BA'I PHYIR SKYON MED DO ZHES BYA BA SMRAS TE, DBU MA PA YANG THA SNYAD DU RNAM PAR SHES PA LA BDAG TU GDAGS PA KHAS LEN PAS THA SNYAD DU GZHI MA GRUB PA YANG MA YIN LA, DE'I KHYAD PAR PHA ROL BOS BRTAGS PA BDE BA LA SOGS PA'I GZHIR GYUR PA DANG, BYED PA PO DANG, SEMS PA MED PA DANG, RTAG PA DANG, THAMS CAD DU SONG BA LA SOGS PA MA GRAGS PA DAG DON DAM PAR SEL BA'I PHYIR SKYON MED DO, ,YANG NA SBYOR BA'I LAM GZHAN BYA STE, DBANG PO DANG BCAS PA'I LUS NI RTAG PA DANG THAMS CAD DU SONG BA'I TSIG GI DON GYI DMIGS PA'I RGYU THUN MONG MA YIN PA NYID KYANG MA YIN TE, DMIGS PAR BYA BA YIN PA'I PHYIR DPER NA KA BA BZHIN NO ZHES BYA BAS NI BDAG TU SMRA BA DAG DBANG PO DANG BCAS PA'I LUS LA BRTEN NAS BDAG GI PHYI ROL GYI YUL DMIGS PAR BYED PAS DBANG PO DANG BCAS PA'I LUS NI BDAG GI YUL DMIGS PA'I RGYU THUN MONG MA YIN PAR 'DOD PA DGAG PA'I TSAD MA GZHAN STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA KA BA NI DMIGS PAR BYA BA YIN PA'I PHYIR BDAG RTAG PA DANG, THAMS CAD DU SONG BA'I TSIG GI DON GYI DMIGS PA'I RGYU THUN MONG MA YIN PA DE BZHIN DU, DBANG PO DANG BCAS PA'I LUS KYANG DMIGS PAR BYA BA YIN PA'I PHYIR BDAG RTAG PA DANG THAMS CAD DU SONG BA'I TSIG GI DON GYI DMIGS PA'I RGYU THUN MONG MA YIN PA MA YIN NO, ,DE BZHIN DU GZHAL BYA MA YIN PA'I PHYIR ZHES BYA BA LA SOGS PA'I GTAN TSIGS DAG KYANG BRJOD PAR BYA'O ZHES BYA BA NI BSGRUB PA SNGA MA'I GTAN TSIGS NI 'DI DAG KYANG YIN ZHES BYA BAR SBYAR RO, ,'DIR BDAG TU SMRA BDAG PHYIR ZLOG PAR BYED DE PHUNG PO LNGA DANG LUS LA BDAG MED DO ZHES BYA BA DE'I DON GANG YIN ZHES BYA BA NI SNGAR DBU MA PAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES BYA BA SGRUB PA'I SKABS SU DON DAM PAR GZUGS SU RUNG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA'I MTSAN NYID KYI PHUNG PO LNGA PO DAG NI BDAG MA YIN PAR SHES PAR BYAR @56B NUS TE, SKYE BA DANG 'JIG PA'I CHOS CAN NYID YIN PA'I PHYIR, DPER NA BUM PA BZHIN NO ZHES BSHAD PA DE LA 'DIR BDAG TU SMRA BA DAG NA RE DAM BCAS PA DE'I DON GANG YIN ZHES RTOG CING DE'I DPE BUM PA BZHIN NO ZHES BYA BA DE MI 'GYUR BAR GLAN KA TSOL BA'I TSIG YIN NO, ,DE'I PHYIR GAL TE DE DAG LA BDAG MED DO ZHE NA NI DPE MED DE BUM PA LA SOGS PA DAG LA YANG DE YOD PA'I PHYIR RO ZHES BYA BA SMRAS TE, GAL TE DBU MA PA'I DAM BCAS PA DE'I DON PHUNG PO DE DAG LA BDAG MED PAS PHUNG PO LNGA PO DE DAG BDAG MA YIN PAR SHES PAR BYAR NUS TE ZHES BYA BA YIN NA NI, DPER NA BUM PA BZHIN NO ZHES BYA BA'I DPE DE MI RUNG STE, KHO BO CAG GI PHYOGS LA BUM PA LA SOGS PA DAG LA YANG BDAG YOD PAR 'DOD PA'I PHYIR RO, ,GAL TE DE LA DMIGS PAR MI BYED DO ZHE NA NI, DE LTA NA YANG DPE MED DE BUM PA LA SOGS PA NI YUL DMIGS PA'I RGYU YIN PA'I PHYIR RO ZHES BYA BA NI, GAL TE DBU MA PA'I DAM BCAS PA DE'I DON PHUNG PO LNGA DANG GZUGS KYI LUS DE DAG BDAG DE YUL DE LA DMIGS PAR BYED PA'I RGYU MA YIN PAS PHUNG PO RNAMS KYIS BDAG DE YUL DE LA DMIGS PAR MI BYED PAS PHUNG PO LNGA PO DAG BDAG MA YIN PAR SHES PAR BYAR NUS TE ZHES BYA BA YIN NA NI, DE LTA NA YANG DPER NA BUM PA BZHIN NO ZHES BYA BA DE'I DPE DE MI RUNG STE, DMIGS PA'I BYA BA NI BYED PA PO LA YANG GNAS LA, YUL LA YANG GNAS PAS DES NA BUM PA LA SOGS PA YUL RNAMS KYANG DMIGS PA'I RGYU YIN PA'I PHYIR RO, ,GAL TE DMIGS PA'I RGYU THUN MONG MA YIN NO ZHE NA YANG DE LTA NA YANG DPE MED DE, BUM PA LA SOGS PA DAG NI DMIGS PA'I RGYU THUN MONG MA YIN PA NYID KYANG YIN PA'I PHYIR RO ZHES BYA BA NI, GAL TE DBU MA PA'I DAM BCAS PA DE'I DON PHUNG PO LNGA DANG GZUGS KYI LUS DE DAG BDAG YUL DE LA DMIGS PAR BYED PA'I RGYU THUN MONG MA YIN PA NYID KYANG MA YIN PAS PHUNG PO LNGA PO DAG BDAG MA YIN PAR SHES PAR BYAR NUS TE ZHES BYA BA YIN NA NI DE LTAN YANG DPER NA BUM PA BZHIN NO ZHES BYA BA'I DPE DE MI RUNG STE, BUM PA LA SOGS PA DAG NI SNAM BU LA SOGS PA GZHAN DMIGS PA'I RGYU THUN MONG MA YIN PA MA YIN GYI, RANG NYID DMIGS PA'I RGYU THUN MONG MA YIN PA NYID KYANG YIN PA'I PHYIR RO, ,DE'I LAN DU, DE LA 'DIR PHUNG PO LNGA DANG LUS NI BDAG GI DMIGS PA'I RGYU THUN MONG MA YIN PA NYID KYANG MA YIN NO ZHES DAM BCAS PA'I PHYIR, JI SKAD SMRAS PA'I SGRUB @57A *, ,BSUN DBYUNG BAR NUS PA'I LAN MA YIN NO ZHES BYA BA SMRAS TE, KHO BO CAG GIS PHUNG PO LNGA DANG, GZUGS KYI LUS KYI BDAG DE YUL LA DMIGS PAR MI BYED DO ZHES DAM BCAS PAS, PHUNG PO LNGA DANG LUS NI BDAG DE'I YUL LA DMIGS PA'I RGYU THUN MONG MA YIN PA NYID KYANG MA YIN PA'I PHYIR DON DE BUM PA LA YANG YOD DE, 'DI LTAR BUM PAS KYANG BDAG DE YUL LA DMIGS PAR MI BYED DE, BUM PA NI BDAG DA YUL LA DMIGS PA'I RGYU THUN MONG MA YIN PA NYID MA YIN PA'I PHYIR RO, ,DPE GRUB PAS KHYED KYI TSIG DE GSUM NI, KHO BOS JI SKAD SMRAS PA'I SGRUB PA SUN 'BYUNG BAR NUS PA'I LAN MA YIN NO,, ,, BAM PO ? LNGA BCU DGU PA, YANG NA RNAL 'BYOR BAS RANG NYID KYIS 'DI BRTAG PAR BYA STE ZHES BYA BA LA SOGS PAS NI BSTAN BCOS 'DI GANG ZAG BDAG MED PA NYID BSGOM PA'I THABS YIN PAR STON TE, DE'I PHYIR RNAL 'BYOR PA GANG ZAG BDAG MED PA RTOGS PAR 'DOD PAS RANG NYID KYIS DON 'DI BRTAG PAR BYA STE ZHES BYA BA SBYAR RO, ,DE'I PHYIR, 'DI LA BDAG CES BYA BA GANG YIN PA DE CI PHUNG PO RNAMS KYI MTSAN NYID DAM, 'ON TE PHUNG PO RNAMS LAS GZHAN ZHIG YIN ZHES BYA BA SMRAS TE, 'DI LA RNAL 'BYOR PA GANG ZAG BDAG MED PA'I DE KHO NA MTHONG BAR 'DOD PA YONGS SU RTOG PA DANG LDAN PAS 'DI LTAR SO SOR YANG DAG PAR BRTAG PAR BYA STE, 'DI LA BDAG CES BYA BA GANG YIN PA DE JI LTAR PHUNG PO RNAMS KYI MTSAN NYID DAM, 'ON TE PHUNG PO RNAMS LAS GZHAN ZHIG YIN, BDAG DE NI PHUNG PO RNAMS KYI MTSAN NYID DAM, PHUNG PO RNAMS LAS GZHAN ZHIG TU 'GYUR BA DE TZAM DU ZAD DE, 'DIR RNAM PA GZHAN DU SMRA BA GANG DAG YIN PA DE DAG THAMS CAD KYANG GZHAN DANG GZHAN MA YIN PA NYID DU SMRA BA DAG KHO NAR 'DUS TE, GNYIS KA YANG MI 'THAD DO ZHES DE LTAR SO SOR YANG DAG PAR BRTAG PAR BYA'O, ,CI'I PHYIR DE GNYIS KA LA YANG MI 'THAD CE NA, DE LA RE ZHIG, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES BYA BA SMRAS TE, RE ZHIG GAL TE PHUNG PO RNAMS NYID BDAG YIN PAR GYUR NA, DE LTA NA SKYE BA DANG 'JIG PA'I CHOS CAN DU 'GYUR TE, PHUNG PO RNAMS SKYE BA DANG 'JIG PA'I CHOS CAN NYID YIN PA'I PHYIR RO, ,DE LA BDAG MANG PO NYID DU YANG THAL BAR 'GYUR LA, BDAG TU SMRA BA @57B DON MED PA NYID DU YANG 'GYUR TE, BDAG CES BYA BA NI PHUNG PO'I RNAM GRANGS TZAM DU ZAD PA'I PHYIR RO, ,DE BAS NA RE ZHIG PHUNG PO RNAMS NYID BDAG YIN NO ZHES BYA BA MI 'THAD DO, ,DE NYID KYI TSAD MA BSTAN PA'I PHYIR, DES NA DE DAG BDAG MA YIN TE, SKYE BA DANG 'JIG PA'I CHOS CAN YIN PA'I PHYIR, DPER NA KA BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA KA BA NI SKYE BA DANG 'JIG PA CAN YIN PA'I PHYIR BDAG MA YIN PA DE BZHIN DU, PHUNG PO DE DAG KYANG SKYE BA DANG 'JIG PA CAN YIN PA'I PHYIR BDAG MA YIN NO, ,GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,CI STE YANG BDAG PHUNG PO RNAMS LAS GZHAN YIN PAR GYUR NA, DE LTA NA PHUNG PO'I MTSAN NYID MA YIN PAR GYUR TE, PHUNG PO RNAMS NI SKYE BA DANG 'JIG PA'I MTSAN NYID YIN PAS DES NA BDAG PHUNG PO RNAMS LAS GZHAN YIN PA'I PHYIR SKYE BA DANG 'JIG PA'I MTSAN NYID MA YIN PAR 'GYUR RO, ,DE LTA NA RTAG PAR 'GYUR TE, BDAG RTAG PA YIN NA RTZOM PA THAMS CAD DON MED PA NYID DU 'GYUR TE, 'DI LTAR RTAG PA MI 'GYUR BA LA CI ZHIG BYAR YOD, DE LTA NA YANG BDAG YOD PAR RTOG PA DON MED PA NYID DU 'GYUR TE, DE LA CUNG ZAD KYANG 'JUG PA'AM LDOG PAR MI 'GYUR RO, ,DE LTA BAS NA BDAG PHUNG PO RNAMS LAS GZHAN PA YANG MI 'THAD DO, ,DE NYID KYI TSAD MA BSTAN PA'I PHYIR, DES NA DE NI MED PA KHO NA YIN TE, PHUNG PO'I MTSAN NYID MA YIN PA'I PHYIR, DPER NA NAM MKHA'I ME TOG BZHIN NO, , ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI PHUNG PO'I MTSAN NYID MA YIN PA'I PHYIR MED PA KHO NA YIN PA DE BZHIN DU, BDAG DE YANG PHUNG PO'I MTSAN NYID MA YIN PA'I PHYI MED PA KHO NA YIN NO, ,DE BZHIN DU MA SKYES PA NYID DANG RGYU MED PA NYID LA SOGS PA'I GTAN TSIGS DAG GIS KYANG BDAG MED PAR KHONG DU CHUD PAR BYA'O ZHES BYA BA NI, SGRUB PA SNGA MA'I GTAN TSIGS NI 'DI DAG KYANG YIN PAR SBYAR RO, ,BDAG TU SMRA BA DAG NA RE BDAG NI YOD PA KHO NA YIN TE, DON MTHONG BA'I PHYIR RO,, @58A *, ,'DI LTAR LUS LA BDAG MED NA DBANG PO SEMS PA MED PA SKAR KHUNG DANG 'DRA BAS DON MTHONG BAR MI 'THAD KYI, BDAG DES NI DE DANG MTSAN NYID MI 'DRA BA GZHAN MTHONG BAR RIGS PAS GANG GIS MTHONG BA DE NI BDAG YIN TE, DE'I PHYIR BDAG NI YOD PA KHO NA YIN NO ZHES ZER RO ZHES BYA BA NI; 'DIR BDAG TU SMRA BA BDAG PHYIR ROL GYI YUL MTHONG BA'I GTAN TSIGS KYIS PHUNG PO LA BDAG YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA SKAR KHUNG LTA BU SEMS PA MED PA GANG GIS PHYI ROL GYI DON MI MTHONG BA DE LA NI BDAG MED KYI DBANG PO SEMS PA DANG BCAS PA RNAMS KYIS NI DE DANG MTSAN NYID MI 'DRA BA PHYI ROL GYI DON GZHAN MTHONG BAS GANG GIS MTHONG BA DE NI BDAG YIN TE, DE'I PHYIR LUS LA BDAG YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL BA BYED PA NYID KYIS, DE NI BZANG PO MA YIN TE, DON MTHONG BA NI BDAG GI CHOS NYID YIN PAR MA GRUB PA'I PHYIR DANG, RJES SU 'GRO BA MED PA'I PHYIR ZHES BYA BA SMRAS TE, KHO BO CAG GI PHYOGS LA PHYIR ROL GYI DON MTHONG BA NI DBANG PO'I CHOS NYID YIN PAR GRAGS PA'I PHYIR BDAG GI CHOS NYID YIN PAR MA GRUB PAS KHYOD KYI GTAN TSIGS DON MTHONG BA'I PHYIR RO ZHES BYA BA DE MA GRUB PA'I PHYIR DANG KHYED LA GTAN TSIGS KYI RJES SU 'GRO BA'I DPE YANG MED DE, BDAG NI YOD PA KHO NA YIN TE, DON MTHONG BA'I PHYIR DPER NA CHE GE MO ZHIG BZHIN NO ZHES BYA BA'I DPE MED PA'I PHYIR KHYED KYI SGRUB PA DE NI BZANG PO MA YIN NO, ,LUS NI BDAG DANG BCAS PA'O ZHES PHYOGS SU BYED NA YANG ZHES BYA BAS NI GAL TE BDAG TU SMRA BA DAG LUS NI BDAG DANG BCAS PA YIN TE, DON MTHONG BA'I PHYIR RO ZHES PHYOGS SU BYED NA YANG RJES SU 'GRO BA MED PA'I PHYIR DE YANG BZANG PO MA YIN NO ZHES STON TO, ,DE NYID BSTAN PA'I PHYIR, GTAN TSIGS THUN MONG MA YIN PA NYID DU 'GYUR RO ZHES BYA BA SMRAS TE, DE LTAR LUS NI BDAG DANG BCAS PA YIN TE ZHES LUS THAMS CAD PHYOGS SU BYAS PA'I PHYIR, DE LAS GZHAN PA'I DON MTHONG BA MED PAS GTAN TSIGS KYI RJES SU 'GRO @58B BA'I DPE MED PA NYID DU 'GYUR BAS MI RUNG STE, 'DI LTAR GTAN TSIGS NI RJES SU DPAG PAR BYA BA LA YOD PA NYID DANG MTHUN PA'I PHYOGS LA YOD PA NYID KYI TSUL GYIS PHYOGS DANG MTHUN PA'I PHYOGS GNYIS KA LA THUN MONG NYID DU KHYAB PAR BYA BA YIN NA, 'DIR KHYED KYIS DON MTHONG BA'I LUS THAMS CAD PHYOGS SU BYAS PAS DE LAS GZHAN PA PHYOGS DANG MTHUN PA'I DPE MED PA'I PHYIR, KHYED KYI GTAN TSIGS DON MTHONG BA'I PHYIR RO ZHES BYA BA DE PHYOGS DANG MTHUN PA'I PHYOGS GNYIS KA LA THUN MONG MA YIN PA NYID DU 'GYUR BAS RJES SU 'GRO BA MED PA'I PHYIR MI RUNG NGO, ,'DIS NI G-YAS PAS MTHONG BA G-YON PAS NGO SHES PA'I PHYIR DANG, NYAMS SU MYONG BA DRAN PA'I PHYIR DANG LAS DMIGS PA'I PHYIR RO ZHES BYA BA LA SOGS PA'I GTAN TSIGS DAG GI LAN KYANG BTAB PA YIN NO ZHES BYA BAS NI BDAG TU SMRA BA DAG GIS RANG GI SGRUB PA'I MTHA' DON GYI PHRENG BA ZHES BYA BA LA SOGS PA DAG LAS BDAG YOD PA DE NYID DU SGRUB PA'I GTAN TSIGS GANG SMRAS PA DE DAG KYANG DBU MA PA'I BSGRUB PA SNGA MA 'DIS SUN DBYUNG BAR BYA BA YIN NO ZHES BSTAN TO, ,DE DAG 'DI LTAR BDAG YOD PA NYID SGRUB STE, BDAG NI YOD PA KHO NA YIN TE ZHES BYA BA DE NI PHYOGS YIN NO, ,MIG G-YAS PAS MA THONG BA G-YON PAS NGO SHES PA'I PHYIR RO ZHES BYA BA 'DI NI PHYOGS KYI CHOS YIN TE, 'DI LTAR GAL TE BDAG MED PAR GYUR NA SNGON MIG G-YON PA NAD KYIS NYAMS PA'AM BTZUMS PA'I TSE DES MTHONG BA'I DNGOS PO MIG G-YAS PAS MTHONG BA GANG YIN PA PHYIS MIG G-YON PA NAD SOS SAM PHYE BAS MTHONG BA'I TSE NA BDAG GIS SNGON MTHONG BA DE 'DI YIN NO ZHES NGO ZHES PAR MI 'GYUR BA'I RIGS NA DE LTA MA YIN TE, SNGON MIG G-YAS PAS MTHONG BA GANG YIN PA DE PHYIS MIG G-YON PAS MTHONG BA'I TSE NA YANG NGO SHES PA'I PHYIR GANG GIS DE NGO SHES PA DE NI BDAG YIN PAS DE'I PHYIR BDAG NI YOD PA KHO NA YIN NO, ,DE BZHIN DU BDAG NI YOD PA KHO NA YIN TE ZHES BYA BA DE NI PHYOGS YIN NO, ,SNGON NYAMS SU MYONG BA DA LTAR DRAN PA'I PHYIR RO ZHES BYA BA 'DI NI PHYOGS KYI CHOS YIN TE, 'DI LTAR GAL TE BDAG MED PAR GYUR NA, SNGON NYAMS SU MYONG BA'I DON GANG YIN PA DE YANG DBANG POS MA MTHONG NA MI DRAN PA'I RIGS NA DE LTA MA YIN TE, SNGON @59A *, ,NYAMS SU MYONG BA'I DON DA LTAR DBANG POS MA MTHONG YANG DRAN PA'I PHYIR GANG GIS DE DRAN PA DE NI BDAG YIN PAS DE'I PHYIR BDAG NI YOD PA KHO NA YIN NO, ,DE BZHIN DU BDAG NI YOD PA KHO NA YIN TE ZHES BYA BA DE NI PHYOGS YIN NO, ,LAS DGE BA DANG MI DGE BA DMIGS PA'I PHYIR RO ZHES BYA BA 'DI NI PHYOGS KYI CHOS YIN TE, 'DI LTAR GAL TE BDAG MED PAR GYUR NA LAS 'DI NI DGE BA'O 'DI NI MI DGE BA'O ZHES BYA BA BDAG DMIGS PAR MI 'GYUR BA'I RIGS NA DE LTA MA YIN TE, 'DI NI LAS DGE BA'O 'DI NI LAS MI DGE BA'O ZHES BYA BA DMIGS PA'I PHYIR, GANG GIS DMIGS PA DE NI BDAG YIN PAS DE'I PHYIR BDAG NI YOD PA KHO NA YIN NO ZHES ZER RO, ,DE SKAD CES ZER BA DE DAG GI LAN KYANG DE NI BZANG PO MA YIN TE, DE DAG NI BDAG GI CHOS NYID YIN PAR MA GRUB PA'I PHYIR DANG, RJES SU 'GRO BA MED PA'I PHYIR RO, ,LUS NI BDAG DANG BCAS PA'O ZHES PHYOGS SU BYED NA YANG GTAN TSIGS THUN MONG MA YIN PA NYID DU 'GYUR RO ZHES BYA BA 'DI NYID YIN TE, KHO BO CAG GI PHYOGS LA MIG G-YAS PAS MTHONG BA G-YON PAS NGO SHES PA DANG NYAMS SU MYONG BA DRAN PA DANG, LAS DMIGS PA LA SOGS PA NI DBANG PO'I CHOS NYID YIN PAR GRAGS PA'I PHYIR BDAG GI CHOS NYID YIN PAR MA GRUB PAS KHYOD KYI GTAN TSIGS G-YAS PAS MTHONG BA G-YON PAS NGO SHES PA'I PHYIR DANG, NYAMS SU MYONG BA DRAN PA'I PHYIR DANG, LAS DMIGS PA'I PHYIR RO ZHES BYA BA DE DAG MA GRUB PA'I PHYIR DANG, KHYED LA GTAN TSIGS KYI RJES SU 'GRO BA'I DPE YANG MED DE, BDAG NI YOD PA KHO NA YIN TE, G-YAS PAS MTHONG BA G-YON PAS NGO SHES PA'I PHYIR DANG, NYAMS SU MYONG BA DRAN PA'I PHYIR DANG, LAS DMIGS PA'I PHYIR DPER NA NA CHE GE MO ZHIG BZHIN NO ZHES BYA BA'I DPE MED PA'I PHYIR KHYOD GYI SGRUB PA DE NI RUNG BA MA YIN NO, ,GAL TE BDAG TU SMRA BA DAG LUS NI BDAG DANG BCAS PA YIN TE, MIG G-YAS PAS MTHONG BA G-YON PAS NGO SHES PA'I PHYIR DANG, NYAMS SU MYONG BA DRAN PA'I PHYIR DANG, LAS DMIGS PA'I PHYIR RO ZHES PHYOGS SU BYED NA YANG, GTAN TSIGS THUN MONG MA YIN PA NYID DU 'GYUR BAS MI RUNG STE 'DI LTAR GTAN TSIGS NI RJES SU DPAG PAR BYA BA LA YOD PA NYID DANG, MTHUN PA'I PHYOGS LA YOD PA NYID KYI TSUL @59B GYIS PHYOGS DANG MTHUN PA'I PHYOGS GNYI GA LA THUN MONG NYID DU KHYAB PAR BYA BA YIN NA 'DIR KHYED KYIS LUS THAMS CAD PHYOGS SU BYAS PAS DE LAS GZHAN PA PHYOGS DANG MTHUN PA'I DPE MED PA'I PHYIR KHYOD KYI GTAN TSIGS G-YAS PAS MTHONG BA G-YON PAS NGO SHES PA'I PHYIR DANG, NYAMS SU MYONG PA DRAN PA'I PHYIR DANG, LAS DMIGS PA'I PHYIR RO ZHES BYA BA DE PHYOGS DANG MTHUN PA'I PHYOGS GNYI GA LA THUN MONG MA YIN PA NYID DU 'GYUR PAS, RJES SU 'GRO BA MED PA'I PHYIR MI RUNG NGO ZHES BYA BAR SBYAR RO, ,MKHAS PAR RLOM PA GZHAN DAG GIS SMRAS PA ZHES BYA BA NI BDAG TU SMRAS PA GZHAN GANG DAG 'DI SKAD SMRAS NA BDAG NYID GZHAN DAG LA MKHAS PAR GRAGS SU RE BA'I NGA RGYAL CAN DAG ,BDAG CES BYA BA'I SGRA DANG BLO YUL 'GA' ZHIG LA NYE BAR BTAGS PA DANG, LOG PAR SHES PA'I GTAN TSIGS KYIS BDAG CES BYA BA'I SGRA DANG BLO DE'I YUL BDAG LA DNGOS PO LOGS SHIG NA YOD PAR SGRUB PA'I RJES SU DPAG PA RNAM PA GNYIS STON TO, ,DE LA LUS LA BDAG CES BYA BA'I SGRA GANG YIN PA DE NI YUL GZHAN LA DNGOS SU YOD DE, 'GA' ZHIG LA NYE BAR BTAGS PA'I PHYIR, DPER NA BRAM ZE'I KHYE'U LA SENG GE'I SGRA NYE BAR BTAGS PA GANG YIN PA DE NI DE LAS GZHAN PA'I SENG GE'I RAL PA DANG ZE BA SPUNGS PA CAN LA DON JI LTA BA BZHIN NO, ,DE BZHIN DU BDAG CES BYA BA'I SGRA LUS DANG DBANG PO DANG BLO TZAM DAG LA NYE BAR BTAGS PA DE YANG 'GA' ZHIG LA NYE BAR BTAGS PA YIN PA'I PHYIR DE NI DE LAS GZHAN PA DE LA DNGOS SU YOD PAS DE NI BDAG YIN TE, DE'I PHYIR BDAG NI YOD PA KHO NA YIN NO ZHES BYA BA NI BDAG CES BYA BA'I SGRA YUL GZHAN 'GA' ZHIG LA NYE BAR BTAGS PA'I GTAN TSIGS KYIS BDAG CES BYA BA'I SGRA DE'I YUL BDAG DNGOS LOGS SHIG NA YOD PAR SGRUB PA'I RJES SU DPAG PA GCIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR PA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA SENG GE ZHES BYA BA'I SGRA BRAM ZE'I KHYE'U LA NYE BAR BTAGS PA GANG YIN PA DE'I YUL BRAM ZE'I KHYE'U DE LAS GZHAN PA SENG GE RAL PA DANG ZE BA SPUNGS PA CAN DNGOS LAGS SHIG NA YOD PAS SENG GE ZHES BYA BA'I SGRA DE BA MA ZE'I KHYE'U'I YUL LA NI NYE BAR BTAGS PA @60A *, ,TZAM DU ZAD DE SENG GE'I YUL LA NI DNGOS SU 'JUG PAS, SGRA DE'I YUL SENG GE DNGOS KYANG YOD PA KHO NA YIN PA DE BZHIN DU, BDAG CES BYA BA'I SGRA PHUNG PO LA NYE BAR BTAGS PA GANG YIN PA DE'I YUL PHUNG PO DE LAS GZHAN PA BDAG RTAG PA DANG THAMS CAD DU SONG BA LA SOGS PA'I KHYAD PAR CAN DNGOS KYANG LOGS SHIG NA YOD PAS, BDAG CES BYA BA'I SGRA DE PHUNG PO'I YUL LA NI NYE BAR BTAGS PA TZAM DU ZAD KYI BDAG GI YUL LA NI DNGOS SU 'JUG PAS, SGRA DE'I YUL BDAG DNGOS KYANG YOD PA KHO NA YIN NO ZHES ZER RO, ,YANG NA BDAG CES BYA BAR SHES PA'I BLO GANG YIN PA DE NI DON JI LTA BA BZHIN PA'I YUL CAN YIN PAR NGES PAR SHES TE, YUL GZHAN LA LOG PAR SHES PA'I PHYIR, DPER NA SDONG DUM LA MIR SHES PA BZHIN NO, ,DE BZHIN DU RGYU DANG 'BRAS BU'I YUL LA BDAG TU SHES PA DE YANG LOG PAR SHES PA YIN PAS, DE LTAR YUL GZHAN LA LOG PAR SHES PA'I PHYIR DE LAS GZHAN PA'I YUL GANG LA DON JI LTA BA BZHIN YIN PA DE NI BDAG YIN TE, DE'I PHYIR BDAG NI YOD PA KHO NA YIN NO ZHES BYA BA NI BDAG CES BYA BAR SHES PA'I BLO YUL GZHAN 'GA' ZHIG LA LOG PAR SHES PA'I GTAN TSIGS KYIS BDAG CES BYA BAR SHES PA'I BLO DE YUL BDAG DNGOS LOGS SHIG NA YOD PAR SGRUB PA'I RJES SU DPAG PA GNYIS PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG PA SDU BA YIN PAR GO RIMS BZHIN DU SBYAR TE, DPER NA MIR SHES PA'I BLOS SDONG DU MA LA LOG PAR SHES PA GANG YIN PA DE'I YUL SDONG DU MA DE LAS GZHAN PA MI SEMS PA DANG BCAS PA DNGOS LOGS SHIG NA YOD PAS MIR SHES PA'I BLO DE SDONG DU MA GYI YUL LA NI NYE BAR BTAGS PA TZAM DU ZAD KYI MI'I YUL LA NI DNGOS SU 'JUG PAS, BLO DE'I YUL DNGOS KYANG YOD PA KHO NA YIN PA DE BZHIN DU BDAG CES BYA BAR SHES PA'I BLO RGYU DANG 'BRAS BU LA NYE BAR BTAGS PA GANG YIN PA DE'I YUL RGYU DANG 'BRAS BU DE LAS GZHAN PA RGYU DANG 'BRAS BU MA YIN PA'I BDAG RTAG PA DANG THAMS CAD DU SONG BA LA SOGS PA'I KHYAD PAR CAN DNGOS KYANG LOGS SHIG NA YOD PAS, BDAG CES BYA BAR SHES PA'I BLO DE RGYU DANG 'BRAS BU'I YUL LA NI NYE BAR BTAGS PA TZAM DU ZAD @60B KYI BDAG GI YUL LA NI DNGOS SU 'JUG PAS, BLO DE'I YUL BDAG DNGOS KYANG YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'GREL BA BYED PA NYID KYIS 'DIR BSHAD PA, GAL TE RANG GI GRUB PA'I MTHA'I TSUL LAS BDAG GI NGO BO NYID NGES PAR MA BZUNG BAR THA SNYAD DU BDAG SPYIR DAM 'CHA' NA NI GRUB PA LA SGRUB PA YIN TE ZHES BYA BA SMRAS TE, GAL TE BDAG TU SMRA BA KHYED RANG GI GRUB PA'I MTHA'I TSUL LAS 'BYUNG BA'I BDAG GI NGO BO NYID RTAG PA DANG THAMS CAD DU SONG BA LA SOGS PA'I KHYAD PAR DANG LDAN PA DE LTA BU NGES PAR MA BZUNG BAR KUN RDZOB KYI THA SNYAD DU BDAG SPYIR GRAGS PA YOD PAR DAM 'CHA' NA NI, GRUB PA LA SGRUB PA YIN PAS, KHYED KYI SGRUB PA DE DAG DON MED PAR 'GYUR RO ZHES STON TO, ,DE LTA NA JI LTAR GRUB PA LA SGRUB PA YIN ZHE NA, DE'I PHYIR, 'DI LTAR KHO BO CAG GI LUNG LAS KYANG BDAG GI SGRA RNAM PAR SHES PA LA NI DON JI LTA BA BZHIN YIN LA SKYE BA LA SOGS PA DAG LA NI NYE BAR BRTAGS PA YIN TE, DPER NA SHING RTA'I YAN LAG DAG LA BRTEN NAS SHING RTAR GDAGS PAR 'DOD PA DE BZHIN DU PHUNG PO LA BRTEN NAS SEMS CAN DU GDAGS PAR 'DOD LA, RNAM PAR SHES PA NI YANG 'BYUNG BA'I SRID PA LEN PA'I PHYIR BDAG CES BRJOD PA'I PHYIR RO ZHES BYA BA SMRAS SO, ,CI STE SEMS NI BDAG GI SGRA'I SPYOD YUL DNGOS DANG BDAG CES BYA BAR SHES PA'I BLO'I SPYOD YUL DNGOS MA YIN PAR SHES PAR BYA STE, BYAS PA'I PHYIR DPER NA LUS BZHIN NO ZHE NA ZHES BYA BA NI GONG DU DBU MA PAS 'DI LTAR KHO BO CAG GI LUNG LAS KYANG BDAG GI SGRA RNAM PAR SHES PA LA NI DON JI LTA BA BZHIN YIN LA, SKYE BA LA SOGS PA DAG LA NI NYE BAR BRTAGS PA YIN TE ZHES BSHAD PA'I SKABS DE LA 'DIR BDAG TU SMRA BA DAG BDAG GI SGRA RNAM PAR SHES PA LA DON JI LTA BA BZHIN MA YIN GYI RNAM PAR SHES PA LAS GZHAN PA'I BDAG LOGS SHIG NA DNGOS SU YOD PA NYID YIN NO ZHES SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LUS NI BYAS PA'I PHYIR BDAG GI SGRA'I SPYOD YUL DNGOS DANG BDAG CES BYA BAR SHES PA'I BLO'I SPYOD YUL DNGOS MA YIN PAR SHES PAR BYA BA DE BZHIN DU @61A *, ,SEMS PA YANG BYAS PA'I PHYIR BDAG GI SGRA'I SPYOD YUL DNGOS DANG BDAG CES BYA BAR SHES PA'I BLO'I SPYOD YUL DNGOS MA YIN PAR SHES PAR BYA'O ZHES ZER RO, ,DE'I LAN DU, 'GREL PA BYED PA NYID KYIS, ,DE LA 'DIR GAL TE PHA ROL PO DAG DON DAM PAR SEMS PA NI BDAG GI SGRA'I SPYOD YUL DNGOS DANG BDAG CES BYA BAR SHES PA'I BLO'I DON JI LTA BA BZHIN MA YIN PA NYID DU STON PAR BYED NA NI GRUB PA LA SGRUB PA YIN TE, BDAG TU SMRA BA RNAM PA THAMS CAD KYANG THAMS CAD DU SPANG BAR 'DOD PA'I PHYIR RO ZHES BYA BA SMRAS TE, GAL TE PHA ROL PO DAG GI SEMS PA NI BDAG GI SGRA'I SPYOD YUL DNGOS DANG BDAG CES BYA BAR SHES PA'I BLO'I SPYOD YUL DNGOS MA YIN PAR SHES PAR BYA STE ZHES DAM BCAS PA DE DON DAM PAR DE LTAR STON PAR BYED NA NI GRUB PA LA SGRUB PA YIN PAS MI RUNG STE, JI LTAR ZHE NA, KHO BO CAG DBU MA PAS YANG BDAG TU LTA BA RTAG PA DANG MI RTAG PA RNAM PA THAMS CAD KYANG LUS SAM RNAM PAR SHES PA'I GNAS SKABS THAMS CAD DU SPANG BAR 'DOD PA'I PHYIR RO, ,'ON TE THA SNYAD DU NA NI DE RIGS PA MA YIN TE, SGRA DANG BLO'I BTAGS PA DANG DNGOS KYI NGES PA RANG GI GRUB PA'I MTHAR YANG GRUB PA DAG THA SNYAD DU 'DOD PAS 'DOD PA'I PHYIR RO ZHES BYA BAS NI, 'ON TE PHA ROL PO DAG GI SEMS PA NI BDAG GI SGRA'I SPYOD YUL DNGOS DANG BDAG CES BYA BAR SHES PA'I BLO DE'I SPYOD YUL DNGOS MA YIN PAR SHES PAR BYA STE ZHES DAM BCAS PA DE THA SNYAD DU DE LTAR STON PAR BYED NA NI DE RIGS PA MA YIN TE, CI'I PHYIR ZHE NA, SGRA'I BTAGS PA DANG DNGOS KYI NGES PA DANG BLO'I BTAGS PA DANG DNGOS KYI NGES PA RANG GI GRUB PA'I MTHAR YANG GRUB PA DANG, YANG GI SGRAS GZHAN GYI GRUB PA'I MTHAR YANG GRUB PA DAG THA SNYAD DU 'DOD PAS THA SNYAD GDAGS PA'I DON DU 'DOD PA'I PHYIR RO, ,DE LTA BAS NA KHO BO CAG GI LUNG LAS KYANG BDAG GI SGRA RNAM PAR SHES PA LA NI DON JI LTA BA BZHIN YIN LA, SKYE BA LA SOGS PA DAG LA NI NYE BAR BRTAGS PA YIN PAR GRUB PAS, KHYED GAL TE RANG GI GRUB PA'I MTHA'I TSUL LAS BDAG GI NGO BO NYID NGES PAR MA BZUNG BAR THA SNYAD DU BDAG SPYIR DAM 'CHA' NA NI GRUB PA LA SGRUB PA YIN PAS MI RUNG NGO, ,DON DAM PAR NA NI BDAG GI SGRA YANG BDAG LA DNGOS SU YOD PAR MI 'GRUB STE, SENG @61B GE'I SGRAR 'JUG PA'I DON KYANG BTAGS PAR YOD PA'I PHYIR YUL DE LA SENG GE'I SGRA YANG DON JI LTA BA BZHIN NYID MA YIN PA'I PHYIR RO ZHES BYA BA NI, SNGAR PHA ROL PO DAG NA RE BDAG GO ZHES BYA BA'I SGRA GANG YIN PA DE NI LUS DANG DBANG PO DANG BLO TZAM DAG LA NYE BAR BTAGS PA DE LAS GZHAN PA BDAG LA DNGOS SU YOD DE, DPER NA SENG GE'I SGRA BRAM ZE'I KHYE'U LA NYE BAR BTAGS PA YANG DE LAS GZHAN PA SENG GE'I RAL PA DANG ZE BA SPUNGS PA CAN LA DON JI LTA BA BZHIN DU MTHONG BA BZHIN NO ZHES ZER BA'I SGRUB PA DANG DPE DE DAG MI 'GRUB PAR STON TE, 'DI LTAR BDAG GO ZHES BYA BA'I SGRA GANG YIN PA DE LUS DANG DBANG PO DANG BLO TZAM DAG LA NYE BAR BTAGS PAS YUL DE LA DNGOS SU YOD PAR MA GRUB PA DE BZHIN DU DE LAS GZHAN BDAG LA YANG DNGOS SU YOD PAR MI 'GRUB STE, CI'I PHYIR ZHE NA, SENG GE'I SGRA BRAM ZE'I KHYE'U LA NYE BAR BTAGS PA DE LAS GZHAN PA SENG GE NYID LA YOD PAR BRJOD PA'I DON SENG GE NYID KYANG DON DAM PAR YOD PA MA YIN GYI GDAGS PAR YOD PA'I PHYIR SENG GE'I YUL DE LA SENG GE'I SGRA YANG DON JI LTA BA BZHIN NYID MA YIN PA'I PHYIR TE, DES NA JI LTAR SENG GE'I SGRAR BRJOD PA'I DON SENG GE NYID BTAGS PAR YOD PA'I PHYIR YUL DE LA SENG GE'I SGRA YANG DON JI LTA BA BZHIN NYID MA YIN PA DE BZHIN DU, BDAG CES BYA BA'I SGRAR BRJOD PA'I DON BDAG NYID KYANG BTAGS PAR YOD PA'I PHYIR YUL DE LA BDAG GI SGRA YANG DON JI LTA BA BZHIN NYID MA YIN NO, ,YANG NA SGRA GANG 'GA' ZHIG LA NYE BAR BTAGS PA DE NI 'DUS PA LA YOD PAR MTHONG STE SPYI LA NYE BAR BTAGS PA'I PHYIR, SENG GE LA SOGS PA'I SGRA BZHIN PAS, DES NA BDAG GI SGRA 'DUS PA MA YIN PA LA DNGOS SU YOD PA NYID SEL BAR BYED PAS DES NA DAM BCAS PA LA CHOS KYI KHYAD PAR BSAL BA'I SKYON YOD DO ZHES BYA BAS NI, SNGAR PHA ROL PO DAG GIS BDAG GO ZHES BYA BA'I SGRA GANG YIN PA DE NI YUL GZHAN LA DNGOS SU YOD DE ZHES BYA BA'I PHYOGS DE SGRUB PA'I CHOS 'GA' ZHIG LA NYE BAR BTAGS PA'I PHYIR ZHES BYA BA SMRAS PA'I DON 'GAL BA NYID DU STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA SENG GE LA SOGS PA'I SGRA @62A *, ,NI SPYI LA NYE BAR BTAGS PA'I PHYIR SENG GE SDER MO DANG MCHE BA RNAM PAR 'GYUR BA DANG DAM BSDUR RNGAM PA DANG RAL PA DANG ZE BA SPUNGS PA DANG MJUG MA LDANG DU GZAR BA DAG GIS 'JIGS SU RUNG BA 'DUS PA LA YOD PAR MTHONG BAS 'GA' ZHIG LA NYE BAR BTAGS PA MA YIN PA DE BZHIN DU, BDAG CES BYA BA'I SGRA DE YANG SPYI LA NYE BAR BTAGS PA'I PHYIR LUS DANG DBANG PO DANG BLO 'DUS PA LA YOD PAR MTHONG BAS 'GA' ZHIG LA NYE BAR BTAGS PA MA YIN PAR, DES PHA ROL PO DAG BDAG GI SGRA BDAG GCIG PU 'DUS PA MA YIN PA LA DNGOS SU YOD PAR 'DOD PA NYID SEL BAR BYED PAS DES NI PHA ROL PO DAG GIS DAM BCAS PA LA CHOS CAN BDAG GI SGRA'I CHOS KYI KHYAD PAR 'GA' ZHIG LA NYE BAR BTAGS PA ZHES BYA BA BSAL BA'I SKYON YOD PAS, PHA ROL PO DAG GI GTAN TSIGS 'GA' ZHIG LA NYE BAR BTAGS PA'I PHYIR ZHES BYA BA DE SENG GE LA SOGS PA'I SGRA SPYI LA NYE BAR BTAGS PA'I GTAN TSIGS DANG DPES 'GAL BA'I PHYIR, BDAG CES BYA BA'I SGRA GCIG PU 'GA' ZHIG LA DNGOS SU YOD PAR MI 'GRUB STE, LUS DANG DBANG PO DANG BLO'I TSOGS 'DUS PA SPYI LA NYE BAR GDAGS PA TZAM DU ZAD PAS LUS DANG DBANG PO DANG BLO 'DUS PA DAG LAS GZHAN PA BDAG GCIG PU'I YUL DNGOS LOGS SHIG NA MED DO ZHES BSTAN TO; ,DES BLO'I PHYOGS LA YANG SKYON GYIS LAN BTAB BO ZHES BYA BA NI, SGRA GANG 'GA' ZHIG LA NYE BAR BTAGS PA DE NI 'DUS PA LA YOD PAR MTHONG STE ZHES BYA BA LA SOGS PA'I SGRUB PA DES BLO'I PHYOGS LA YANG GZHAN 'GA' ZHIG LA LOG PAR SHES PA'I PHYIR ZHES BYA BA'I GTAN TSIGS DE'I DON 'GAL BA'I SKYON YOD PAR BSTAN TO, ,DE YANG BLO GANG YANG GZHAN 'GA' ZHIG LA LOG PAR SHES PA DE NI 'DUS PA LA YOD PAR MTHONG STE, SPYI LA LOG PAR SHES PA'I PHYIR, SDONG DUM LA SOGS PA LA LOG PAR SHES PA'I BLO BZHIN PAS, DES BDAG CES BYA BAR SHES PA'I BLO 'DUS PA MA YIN PA LA DNGOS SU YOD PA NYID SEL BAR BYED PAS, DES NA DAM BCAS PA LA CHOS KYI KHYAD PAR BSAL BA'I SKYON YOD DO ZHES BYA BAR SBYAR TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NI SDONG DUM @62B LA MIR SHES PA LA SOGS PA'I BLO NI SPYI LA LOG PAR SHES PA'I PHYIR, SDONG DUM KHA DOG DANG DBYIBS LA SOGS PA 'DUS PA LA YOD PAR MTHONG BAS 'GA' ZHIG LA LOG PAR SHES PA MA YIN PA DE BZHIN DU BDAG CES BYA BAR SHES PA'I BLO DE YANG SPYI LA LOG PAR SHES PA'I PHYIR RGYU DANG 'BRAS BU 'DUS PA LA YOD PAR MTHONG BAS 'GA' ZHIG LA LOG PAR SHES PA MA YIN PAS DES PHA ROL PO BDAG CES BYA BAR SHES PA'I BLO BDAG GCIG PU 'DUS PA MA YIN PA LA DNGOS SU YOD PAR 'DOD PA NYID SEL BAR BYED PAS, DES NA PHA ROL PO DAG GI DAM BCAS PA LA CHOS CAN BDAG CES BYA BAR SHES PA'I BLO'I CHOS KYI KHYAD PAR YUL 'GA' ZHIG LA LOG PAR SHES PA ZHES BYA BA BSAL BA'I SKYON YOD PAS, PHA ROL PO DAG GI GTAN TSIGS YUL 'GA' ZHIG LA LOG PAR SHES PA'I PHYIR ZHES BYA BA DE SDONG DUM LA MIR SHES PA'I BLO SPYI LA LOG PAR SHES PA'I GTAN TSIGS DANG DPE 'GAL BA'I PHYIR, BDAG CES BYA BAR SHES PA'I BLO BDAG GCIG PU 'GA' ZHIG LA DNGOS SU YOD PAR MI 'GRUB STE, RGYU DANG 'BRAS BU'I TSOGS 'DUS PA SPYI LA LOG PAR SHES PA TZAM DU ZAD PAS RGYU DANG 'BRAS BU 'DUS PA DAG LAS GZHAN PA BDAG GCIG PU'I YUL DNGOS LOGS SHIG NA MED DO ZHES BSTAN TO, ,GRANGS CAN DAG LAS KHA CIG GIS SMRAS PA, SHES PA YOD PA NYID NI SKYES BU'I NGO BO NYID YIN TE, DE YANG SMRA BA THAMS CAD KYIS KHAS BLANG BAR BYA BA YIN PAS KHO BO CAG GIS DE YOD PA NYID DU BSTAN PA'I PHYIR RJES SU DPAG PA SMRA BAR MI BYA STE, 'DI LTAR DE'I KHYAD PAR ZA BA PO NYID LA SOGS PA DAG BSTAN PAR BYA'O ZHES BYA BA NI, 'DIR GRANGS CAN DAG LAS, KHA CIG SHES PA YOD PA NYID, ,CES BYA BA NI SKYES BU'I NGO BO NYID YIN TE, DE NI BDAG YIN PAS BDAG NI YOD PA KHO NA YIN NO ZHES ZER BA'I GZHUNG YIN TE, DE DAG NA RE KHO BO CAG GI GZHUNG LAS SHES PA YOD PA NYID CES BYA BA NI SKYES BU'I NGO BO NYID YIN LA; SNYING STOBS DANG, RDUL DANG, MUN PA'I YON TAN GSUM CHA MNYAM PA NI RANG BZHIN YIN PAS RANG BZHIN NI BYED PA PO YIN LA SKYES BU NI ZA BA PO YIN TE, LONG BA DANG GRUM PO BZHIN NO ZHES 'BYUNG BAS SHES PA YOD PA NYID DE, YANG BDAG TU SMRA BA THAMS CAD KYIS KHAS BLANG BAR BYA BA YIN @63A *, ,PAS KHO BO CAG GIS, DE YOD PA NYID DU BSTAN PA'I RJES SU DPAG PA NI SMRA BAR MI BYA STE, GRUB PA LA SGRUB PA'I SKYON DU 'GYUR BA'I PHYIR RO, ,'DI LTAR SHES PA YOD PA NYID DE'I KHYAD PAR ZA BA PO NYID DANG RTAG PA DANG THAMS CAD DU SONG BA NYID DANG YAL BAR 'DOR BA NYID LA SOGS PA GANG DAG PHA ROL PO DAG LA MA GRAGS PA DE DAG 'DIR BSTAN PAR BYA'O ZHES ZER RO, ,DE'I PHYIR GAL TE GZHAN DAG 'DI SKAD CES SHES PA YOD PA NYID NI DON GCIG LA SHES PA NI BLO YIN PAS DE'I PHYIR SHES PA YOD PA NYID NI SKYES BU'I NGO BO NYID MA YIN NO ZHES ZER NA ZHES BYA BA SMRAS TE, DE NI GRANGS CAN DAG NA RE KHO BO CAG GI GZHUNG LAS SHES PA YOD PA NYID NI SKYES BU'I NGO BO NYID YIN TE, BLO MA YIN NO ZHES BYA BA DE SANGS RGYAS PA DAG LA SOGS PA'I GZHUNG LA MA GRAGS PAS, GAL TE SANGS RGYAS PA DAG LA SOGS PA GZHAN DAG SKYES BU ZHES BYA BA'I NGO BO NYID MED PAR SEMS SHING DE SKAD CES ZER NA, DE YANG RIGS PA MA YIN NO ZHES ZER BA'I TSIG YIN NO, ,DE JI LTAR RIGS PA MA YIN PA'I TSAD MA BSTAN PA'I PHYIR, DE YANG RIGS PA MA YIN TE, BLO NI SHES PA YOD PA NYID MA YIN TE, SKYE BA'I PHYIR, DPER NA BUM PA BZHIN NO ZHES BYA BA SMRAS TE, DES NI BLO NI SHES PA YOD PA NYID MA YIN PAR SGRUB PA'I TSAD MA STON TE; DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI SKYE BA'I PHYIR, SHES PA YOD PA NYID MA YIN PA DE BZHIN DU, BLO YANG SKYE BA'I PHYIR SHES PA YOD PA NYID MA YIN NO, ,DE BZHIN DU DAG PAR BYA BA NYID DANG, SPAG PAR BYA BA NYID DANG, PHAN GDAGS PAR BYA BA NYID LA SOGS PA DAG YIN PA'I PHYIR, DPER NA HVAGS LA SOGS PA BZHIN PAS, DE'I PHYIR BLO NI SHES PA YOD PA NYID MA YIN NO ZHES BYA BA NI, BSGRUB PA SNGA MA DE'I GTAN TSIGS DANG DPE NI 'DI DAG KYANG YIN PAR SBYAR TE, DPER NA HVAGS LA SOGS PA NI DRI MA DAG PAR BYA BA NYID DANG, DRI MAS SPAG PAR BYA BA NYID DANG, BYI DOR BYA BA LA SOGS PAS PHAN GDAGS PAR BYA BA NYID YIN PA'I PHYIR SHES PA YOD PA NYID MA YIN PA DE BZHIN DU, BLO YANG DRI MA DAG PAR BYA BA NYID DANG, DRI MAS SPAG PAR BYA BA NYID DANG, SBYANG BA LA SOGS PAS PHAN GDAGS PAR BYA BA @63B NYID YIN PA'I PHYIR SHES PA YOD PA NYID MA YIN PAS, DE'I PHYIR BLO NI SHES PA YOD PA NYID MA YIN NO, ,DE'I SHES PA NYID DE NI LONGS SPYAD PAR BYA BA'I KHONGS SU MA GTOGS PAS DES NI ZA BA PO NYID YIN PAR GRUB STE, BDAG DANG ZHING SHES PA ZHES BYA BA DAG GI RNAM GRANGS SO ZHES BYA BA NI DE LTAR SHES PA YOD PA NYID CES BYA BA DE SANGS RGYAS PA LA SOGS PA DAG 'DOD PA LTAR BLO'I NGO BO NYID MA YIN GYI, SKYES BU'I NGO BO NYID YIN PA DE'I PHYIR, DE NI SNYING STOBS DANG, RDUL DANG, MUN PA'I RANG BZHIN LONG BA LTAR LONGS SPYAD PAR BYA BA'I KHONGS SU MA GTOGS PAS DE NI GRUM PO LTAR ZA BA PO NYID YIN PAR GRUB TE, DE'I MING GI RNAM GRANGS NI SHES PA YOD PA NYID DANG SKYES BU DANG ZA BA PO DANG BDAG DANG ZHING SHES PA ZHES BYA BA YIN TE, SHES BYA'I ZHING THAMS CAD DU MNGON SUM DU SHES PAS ZHING SHES PA ZHES BYA'O, ,DE'I KHYAD PAR NI RTAG PA DANG, THAMS CAD DU SONG BA NYID DANG YAL BAR 'DOR BA NYID LA SOGS PA DAG YIN NO ZHES BYA BAS NI, SNGAR GRANGS CAN DAG GIS 'DI LTAR DE'I KHYAD PAR ZA BA PO NYID LA SOGS PA DAG BSTAN PAR BYA'O ZHES DAM BCAS PA'I SKABS NYID BSTAN TE, SHES PA YOD PA NYID DE NI MI 'GYUR BAS RTAG PA YANG YIN, KHYAB BDAG YIN PAS THAMS CAD DU SONG BA NYID KYANG YIN, BYED PA PO MA YIN PAS YAL BAR 'DOR BA NYID KYANG YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR BDAG GIS SHES PA YOD PA NYID DANG THAMS CAD DU SONG BA NYID DANG, ZA BA PO NYID LA SOGS PA DAG DGAG PA SMRAS ZIN PAS DE NI BZANG PO MA YIN NO ZHES BYA BAR SMRAS TE, DE NI SNGAR GRANGS CAN DAG NI BDAG 'BRAS BU DANG RGYU LAS GZHAN PA, BYED PA PO MA YIN PA DANG, ZA BA PO DANG, DAG PA DANG, THAMS CAD DU SONG BA DANG, MI 'GYUR BA DANG, SEMS PA YOD PA YIN PAR BRJOD CING ZHES BYA BA DE DGAG PA'I SKABS GONG DU RGYA CHER SMRAS ZIN PAS, SGRUB PA DE NI BZANG PO MA YIN NO, ,BLO NI SHES PA YOD PA NYID MA YIN TE ZHES BYA BA DE'I DAM BCAS PA'I DON GANG YIN ZHES BYA BAS NI SNGAR GRANGS CAN DAG GIS GAL TE GZHAN DAG 'DI SKAD CES SHES PA YOD PA NYID NI SHES PA DANG DON GCIG LA @64A *, ,SHES PA NI BLO YIN PAS DE'I PHYIR SHES PA YOD PA NYID NI SKYES BU'I NGO BO NYID MA YIN NO ZHES ZER NA, DE YANG RIGS PA MA YIN TE, BLO NI SHES PA YOD PA NYID MA YIN TE ZHES DAM BCAS PA DE'I DON GANG YIN ZHES BRTAG PA STON TO, ,GAL TE DAM BCAS PA DE'I DON SEMS PA MED PA'AM, SHES PA YOD PA NYID KYI NUS PA YIN NO ZHE NA NI, PHYOGS SNGA MA LA GNOD DO ZHES BYA BA NI GAL TE DAM BCAS PA DE'I DON BLO LA SEMS PA GTAN MED PAS SHES PA YOD PA NYID MA YIN NO ZHE'AM, BLO LA SHES PA YOD PA NYID GSAL BA'I DNGOS POR NI MED LA SHES PA YOD PA NYID KYI NUS PA YOD PA NYID MA YIN NO ZHE NA NI, PHYOGS SNGA MA LA GNOD PAS MI RUNG STE, 'DI LTAR KHYED NYID KYI GRUB PA'I MTHA' LAS BLO LA SEMS PA GTAN MED PAR YANG MI 'DOD LA, SHES PA YOD PA NYID KYI NUS PA BLO LA YOD PAR YANG MI 'DOD PA'I PHYIR RO, ,GAL TE SEMS PA LAS GZHAN ZHIG YIN NO ZHE NA YANG, GANG LAS GZHAN NYID DU 'GYUR BA DE GANG YIN TE DE YANG MED DO ZHES BYA BA NI, GAL TE DAM BCAS PA DE'I DON SEMS PA LAS BLO GZHAN ZHIG YIN PAS BLO NI SHES PA YOD PA NYID MA YIN NO ZHE NA YANG, GANG LAS BLO GZHAN NYID DU 'GYUR BA'I SEMS PA DE GANG YIN TE, SEMS PA DE YANG MED PAS DE LAS BLO GZHAN ZHIG YIN NO ZHES BYAR MI RUNG NGO, , DE LTAR DE MA GRUB PA'I PHYIR RAM, DAM BCAS PA LA BRTEN PA MA GRUB PA'I SKYON YOD DO ZHES BYA BA NI, DE LTAR SEMS PA DE MA GRUB PA'I PHYIR, KHYED KYIS DAM BCAS PA LA SEMS PA LAS BLO GZHAN YIN PAR BSGRUB PA BRTEN PA DE MA GRUB PA'I SKYON YOD PAS, KHYED KYI BLO NI SHES PA YOD PA NYID MA YIN TE; ZHES DAM BCAS PA'I PHYOGS MA GRUB PO, ,SKYE BA'I PHYIR ZHES BYA BA'I GTAN TSIGS DE'I DON YANG GANG YIN ZHES BYA BAS NI, SNGAR GRANGS CAN DAG GIS BLO NI SHES PA YOD PA NYID MA YIN TE ZHES DAM BCAS PA'I PHYOGS DE SGRUB PA'I CHOS SKYE BA'I PHYIR ZHES SMRAS PA'I GTAN TSIGS DE'I DON YANG GANG YIN ZHES BRTAG PA STON TE, GAL TE MA BYUNG BA LAS 'BYUNG BA'I PHYIR RO ZHE NA NI RANG LA GTAN TSIGS MA GRUB PO ZHES BYA BA NI, GAL TE GTAN TSIGS DE'I DON DNGOS PO RNAMS SNGON MA BYUNG BA LAS PHYIS BYUNG BA'I PHYIR SKYE BA ZHES PA'O ZHE NA NI, RANG LA GTAN TSIGS MA GRUB PAS MI RUNG STE, 'DI LTAR KHYED @64B GRANGS CAN DAG 'BRAS BU SNGA NA YOD PAR SMRA BA'I PHYOGS LA MA BYUNG BA LAS 'BYUNG BA YIN PAR MI 'DOD PAS GTAN TSIGS GANG YANG RUNG BA LA MA GRUB PO, ,GAL TE RANG LA GTAN TSIGS MA GRUB PAS KYANG 'DOD PA'I DON STON PAR BYED DE, GZHAN GYI PHYOGS LA GRUB PA'I PHYIR PHYOGS GNYI GA LA GRAGS PA'I CHOS BZHIN NO ZHE NA ZHES BYA BAS NI, GRANGS CAN DAG SKYE BA'I PHYIR ZHES BYA BA'I GTAN TSIGS DE MA BYUNG BA LAS BYUNG BA YIN PA'I PHYIR RANG LA MA GRUB TU ZIN KYANG, DES BLO NI SHES PA YOD PA NYID MA YIN TE ZHES DAM BCAS PA'I 'DOD PA'I DON STON PAR NUS SO ZHES GZHUNG 'JUG PA'I TSAD MA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHYOGS GNYI GA LA GRAGS PA'I CHOS BRTZAL MA THAG TU 'BYUNG BA ZHES BYA BA NI GZHAN GYI PHYOGS LA SGRUB PA'I PHYIR, DES SGRA MI RTAG STE ZHES DAM BCAS PA'I 'DOD PA'I DON STON PAR NUS PA DE BZHIN DU MA BYUNG BA LAS 'BYUNG BA'I PHYIR ZHES BYA BA'I GTAN TSIGS RANG LA MA GRUB PA YANG GZHAN GYI PHYOGS LA GRUB PA'I PHYIR, DES KYANG BLO NI SHES PA YOD PA NYID MA YIN TE ZHES DAM BCAS PA'I 'DOD PA'I DON STON PAR NUS SO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS GZHAN GYI PHYOGS 'BA' ZHIG LA GRAGS PA'I PHYOGS KYI CHOS KYIS NI, BSGRUB PAR BYA BA'I DON SGRUB MI NUS PAR NGES PAR BZUNG STE, GANG YANG RUNG BA LA MA GRUB PA'I PHYIR, GZHAN GYI PHYOGS LA YANG MA GRUB PA BZHIN PAS, BLO SHES PA YOD PA NYID MA YIN PAR STON PA'I RJES SU DPAG PA 'GAL BAS BZLOG PA'I PHYIR GTAN TSIGS KYI DON MA GRUB PA NYID NYAMS PA MED DO ZHES BYA BA SMRAS TE, DES NI SNGAR GRANGS CAN DAG GIS RANG LA GTAN TSIGS MA GRUB PAS KYANG 'DOD PA'I DON STON PAR BYED DE ZHES DAM BCAS PA'I PHYOGS DE SGRUB PA'I CHOS GZHAN GYI PHYOGS LA SGRUB PA'I PHYIR ZHES SMRAS PA'I GTAN TSIGS DE SUN DBYUNG BA'I TSAD MA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA BSAL BA SMRA BA GZHAN GYI PHYOGS LA MA GRUB PA BYAS PA'I PHYIR ZHES BYA BA NI GANG @65A *, ,YANG RUNG BA LA MA GRUB PA'I PHYIR DES BSGRUB PAR BYA BA'I DON SGRA MI RTAG STE ZHES BYA BA SGRUB MI NUS PAR NGES PAR BZUNG BA DE BZHIN DU, SANGS RGYAS PA GZHAN GYI PHYOGS 'BA' ZHIG LA GRAGS PA'I PHYOGS KYI CHOS MA BYUNG BA LAS 'BYUNG BA'I PHYIR ZHES BYA BA YANG GANG YANG RUNG BA LA MA GRUB PA'I PHYIR DES KYANG BSGRUB PAR BYA BA'I DON BLO NI SHES PA YOD PA NYID NA YIN TE ZHES BYA BA SGRUB MI NUS PAR NGES PAR BZUNG STE, DES NA GRANGS CAN DAG GI BLO SHES PA YOD PA NYID MA YIN PAR STON PA'I RJES SU DPAG PA DE 'GAL BA 'KHRUL PA MED PA'I GNOD PAS BZLOG PA'I PHYIR GRANGS CAN DAG GI GTAN TSIGS SKYE BA'I PHYIR ZHES BYA BA DE'I DON MA GRUB PA NYID NYAMS PA MED DO, ,SKYE BA'I PHYIR ZHES BYA BA'I GTAN TSIGS KYI DON GSAL BA NYID YIN PAR RTOG NA YANG ZHES BYA BA NI, SNGAR GRANGS CAN DAG GIS BLO NI SHES PA YOD PA NYID MA YIN TE ZHES DAM BCAS PA'I PHYOGS KYI CHOS SKYE BA'I PHYIR ZHES BYA BA'I GTAN TSIGS DE'I DON GSAL BA NYID YIN PAR RTOG CING 'DI SKAD CES, DPER NA BUM PA NI GSAL BAR BYA BA YIN PA'I PHYIR SHES PA YOD PA NYID MA YIN PA DE BZHIN DU, BLO YANG GSAL BAR BYA BA YIN PA'I PHYIR SHES PA YOD PA NYID MA YIN TE ZHES BYA BAR RTOG NA'O, ,DE LTA NA YANG GTAN TSIGS KYI DON MA GRUB PA NYID DANG DPE LA SGRUB PA'I CHOS MED PA NYID KYI SKYON DU 'GYUR TE, JI LTAR GTAN TSIGS KYI DON MA GRUB PA NYID KYI SKYON DU 'GYUR ZHE NA, GSAL BA DGAG PA SMRAS ZIN PA'I PHYIR RO ZHES BYA BA SMRAS TE, DBU MA PAS GRANGS CAN DAG GI GSAL BA DGAG PA SMRAS ZIN PA'I PHYIR DE DAG GI GTAN TSIGS GSAL BA'I PHYIR ZHES BYA BA'I DON MA GRUB PA NYID DO, ,JI LTAR DPE LA GRUB PA'I CHOS MED PA NYID KYI SKYON DU 'GYUR ZHE NA, DPER NA BUM PA BZHIN NO ZHES BYA BA DE LA SGRUB PA'I CHOS GSAL BA'I PHYIR RO ZHES BYA BA DE MED DE, 'DI LTAR BUM PA NI BYA BA YIN GYI GSAL BAR BYA BA MA YIN PA'I PHYIR RO, ,RIGS PA LA MI MKHAS PA KHA CIG GIS SMRAS PA, PHUNG PO LNGA DANG DBANG PO DANG BCAS PA'I LUS 'DI BDAG GI DMIGS PA'I RGYU THUN MONG MA YIN PA NYID KYANG MA YIN NO ZHES BYA BA NI, BDAG KHAS MA BLANGS PAR DE'I KHYAD PAR DGAG PA'I SGRUB PA SMRA BAR MI RIGS PAS, BDAG LA SPONG BA KHYED KYIS KHAS BLANGS PA LA GNOD PAR 'GYUR RO ZHES BYA BA'I @65B SNGAR DBU MA PAS YANG NA SBYOR BA'I LAM GZHAN BYA STE, DBANG PO DANG BCAS PA'I LUS NI RTAG PA DANG, THAMS CAD DU SONG BA'I TSIG GI DON GYI DMIGS PA'I RGYU THUN MONG MA YIN PA NYID KYANG MA YIN TE, DMIGS PAR BYA BA YIN PA'I PHYIR DPER NA KA BA BZHIN NO ZHES SMRAS PA DE LA, 'DIR MU STEGS RIGS PA CAN RIGS PA PA LA MI MKHAS PA DAG 'DI SKAD CES, KHYED KYIS DE SKAD SMRAS PA DE NI KHYAD PAR GYI GZHI BDAG YOD PAR KHAS MA BLANGS PAR DE'I KHYAD PAR BDAG DE YUL LA DMIGS PA'I RGYU THUN MONG MA YIN PA NI PHUNG PO LNGA DANG DBANG PO DANG BCAS PA'I LUS 'DI MA YIN NO ZHES DGAG PA'I SGRUB PA SMRA BAR MI RIGS PAS DES NA KHYED DBU MA PAS KYANG BDAG YOD PAR KHAS BLANGS PA YIN PAS DE LTA NA BDAG LA SDANG BA KHYED KYIS BDAG MED PAR KHAS BLANGS PA LA GNOD PAR 'GYUR RO ZHES ZER BA'I TSIG YIN NO, ,DE SKAD CES ZER BA'I LAN DU, 'DIR 'GREL PA BYED PA NYID KYIS, DE LA 'DIR THA SNYAD KYI DBANG GIS BDAG SPYIR KHAS BLANGS NAS GZHAN GYIS YONGS SU BTAGS PA'I BDAG GI CHOS RTAG PA DANG THAMS CAD DU SONG BA DANG BYED PA PO DANG ZA BA PO NYID LA SOGS PA DAG GSAL BAS THA SNYAD DU GZHAN GYIS BTAGS PA'I BDAG STONG PA NYID DU STON PA'I PHYIR DANG, DON DAM PAR NI THAMS CAD KYANG STONG PA NYID DU STON PAS THA SNYAD DU DE'I KHYAD PAR TZAM BSAL DU MED PA MA YIN PA'I PHYIR KHAS BLANGS PA LA GNOD PAR MI 'GYUR BAS, DE'I PHYIR DE NI NAM MKHA' LDANG DU ZAD DO ZHES BYA BA SMRAS TE, KHO BO CAG DBU MA PAS DON DAM PAR NI BDAG GI KHYAD PAR THAMS CAD KYANG STONG PA NYID DU BSTAN LA KUN RDZOB KYI THA SNYAD KYI DBANG GIS BDAG SPYIR SMRAS PA KHAS BLANGS NAS GZHAN GYIS YONGS SU BTAGS PA'I BDAG GI CHOS RTAG PA DANG THAMS CAD DU SONG BA DANG BYED PA PO DANG ZA BA PO NYID DANG, BDAG DE YUL LA DMIGS PA'I RGYU THUN MONG MA YIN PA PHUNG PO LNGA DANG DBANG PO DANG BCAS PA'I LUS 'DI YIN PAR 'DOD PA SEL BAR BYED PA YIN PAS, THA SNYAD DU DE'I KHYAD PAR TZAM BSAL DU MED PA MA YIN PA'I PHYIR KHAS BLANGS PA LA GNOD PAR MI 'GYUR BAS, DE'I PHYIR RIGS PA CAN DAG GI CHOS DE NI NAM MKHA' LDANG BA DANG 'DRA'O, ,PHYIR RGOL BA DAG NA RE, BDAG NI YOD PA KHO NA YIN TE KHA CIG TU DE BKAG PA'I PHYIR, 'DI NA @66A *, ,KHRON PA NA CHU MED DO ZHES KHRON PAR BKAG PA'I PHYIR GZHAN NA CHU YOD PA NYID DU SHES PA BZHIN NO, ,DE BZHIN DU LUS DANG DBANG PO DANG BLO DAG LA BDAG BKAG PA'I PHYIR DBANG PO DANG BCAS PA'I LUS LA BDAG MED DO ZHES LUS DANG DBANG PO DANG BLO DAG LA BDAG BKAG PA YOD PAS GZHAN LA BDAG YOD PA NYID DU 'GYUR BAS, DE'I PHYIR BDAG NI YOD PA KHO NA YIN NO ZHES ZER RO ZHES BYA BAS NI, BDAG TU SMRA BA KHA CIG NA RE DBU MA PAS LUS DANG DBANG PO DANG BLO'I TSOGS DAG GI YUL KHA CIG TU BDAG BKAG PA'I PHYIR DE LAS GZHAN PA BDAG GI YUL NYID LA NI BDAG YOD PA KHO NA YIN NO ZHES ZER BA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA 'JIG RTEN 'DI NA KHRON PA NA CHU MED DO ZHES KHRON PAR BKAG PA'I PHYIR GZHAN NA CHU YOD PA NYID DU SHES PA BZHIN DU, KHYOD DBU MA PAS 'DIR LUS DANG DBANG PO DANG BLO'I TSOGS DAG LA BDAG MED DO ZHES BKAG PA'I PHYIR DE DAG LAS GZHAN PA DAG GI YUL LA BDAG YOD PA NYID DU 'GYUR BAS DE'I PHYIR BDAG NI YOD PA KHO NA YIN NO ZHES ZER RO, ,DE'I LAN DU 'DIR 'GREL PA BYED PA NYID KYIS, NANG GI SKYE MCHED RNAMS LA BYED PA PO DBANG PHYUG DANG BYED PA PO GTZO BO DANG, BYED PA PO DUS DANG, BYED PA PO SRED MED KYI BU DAG MED DO ZHES BKAG KYANG GZHAN GANG LA YANG BYED PA PO DE DAG GI 'BRAS BU MED PA'I PHYIR MA NGES PA NYID DO, ,DON DAM PAR NI CHU LA SOGS PA DAG KYANG MA GRUB PA'I PHYIR DPE MED PAS DE NI RIGS PA MA YIN NO ZHES BYA BA SMRAS TE, PHA ROL PO'I SGRUB PA DE'I GTAN TSIGS MA NGES PA NYID DANG DPE MED PAS DE RIGS PA MA YIN NO ZHES STON TE, 'DI NI RANG DANG GZHAN GYI PHYOGS 'DZIN PA GANG DAG NANG GI SKYE MCHED RNAMS KYI BYED PA PO DBANG PHYUG DANG, GTZO BO DANG, DUS DANG, SRED MED KYI BU DAG MA YIN PAR 'DOD PA DAG GIS NANG GI SKYE MCHED RNAMS NI BYED PA PO DE DAG GIS BYAS PA'I 'BRAS BU MA YIN PAR BKAG PA NA GZHAN DAG LA YANG BYED PA PO DE DAG GIS BYAS PA'I 'BRAS BU MED PAR MTHONG BAS, DES NA, CI RE ZHIG KHA CIG TU BKAG PA'I PHYIR DPER NA KHRON PA NA CHU MED DO ZHES BKAG PA'I PHYIR GZHAN NA CHU YOD PA NYID DU SHES PA BZHIN DU LUS DANG DBANG @66B PO DANG BLO'I TSOGS DAG LA BDAG MED DO ZHES BKAG PA'I PHYIR DE DAG LAS GZHAN PA LA BDAG YOD PA NYID DU 'GYUR RAM, 'ON TE KHA CIG TU DE BKAG PA'I PHYIR DPER NA NANG GI SKYE MCHED RNAMS LA BYED PA PO DBANG PHYUG LA SOGS PAS BYAS PA'I 'BRAS BU MED PAR BKAG PAS GZHAN DAG LA YANG MED PA NYID YIN PA DE BZHIN DU LUS DANG DBANG PO DANG BLO'I TSOGS DAG LA BDAG MED PAR BKAG PAS GZHAN LA YANG BDAG MED PA NYID YIN PAR 'GYUR BA MA NGES PAS DE'I PHYIR PHA ROL PO'I GTAN TSIGS KHA CIG TU DE BKAG PA'I PHYIR ZHES BYA BA DE MA NGES PA NYID YIN PAS RIG PA MA YIN NO, ,DON DAM PAR CHU LA SOGS PA DAG KYANG MA GRUB PA'I PHYIR PHA ROL PO'I DPE 'DI NA KHRON PA NA CHU MED DO ZHES, KHRON PAR BKAG PA'I PHYIR GZHAN NA CHU YOD PA NYID DU SHES PA BZHIN NO ZHES BYA BA DE MED PAS DE YANG RIGS PA MA YIN NO, ,GRANGS CAN DAG LAS KHA CIG YANG BDAG DGAG PA'I RJES SU DPAG PA SNGAR BSTAN PA DAG LA SKYON 'DOGS PAR BYED DE ZHES BYA BA NI GRANGS CAN DAG LA SNGAR DBU MA PAS DON DAM PAR GZUGS SU RUNG BA DANG MYONG BA DANG MTSAN MAR 'DZIN PA DANG MNGON PAR 'DU BYED PA DANG RNAM PAR SHES PAR BYED PA'I MTSAN NYID KYI PHUNG PO LNGA PO DAG NI BDAG MA YIN PAR SHES PAR BYAR NUS TE, SKYE BA DANG 'JIG PA'I CHOS CAN NYID YIN PA'I PHYIR DPER NA BUM PA BZHIN NO ZHES RJES SU DPAG PA BSTAN PA DES PHUNG PO LNGA DANG LUS NI BDAG GI DMIGS PA'I RGYU THUN MONG MA YIN PA NYID KYANG MA YIN TE, SKYE BA DANG 'JIG PA'I CHOS CAN NYID YIN PA'I PHYIR, DPER NA BUM PA BZHIN NO ZHES BSHAD PA'I DPE DE MI RUNG BAR SKYON 'DOGS PA'I TSIG YIN NO, ,DE'I PHYIR GRANGS CAN DAG NA RE, RNAM PAR 'JIG PA'I CHOS CAN BUM PA LA SOGS PA LTA BU DAG KYANG DMIGS PA'I RGYU THUN MONG MA YIN PA NYID YIN PAS DPE MED PA DANG ZHES ZER TE, DE DAG NA RE 'DI NA RNAL 'BYOR PA LUS SU 'PHO BA'I SBYOR BA GZHAN GYI KHYIM LAS RGYAL BA ZHES BYA BA SGOM PAR BYED PA NA, GZHAN GYI KHYIM NA MI RO RNAM PAR 'JIG PA'I CHOS CAN SEMS PA MED PA DAG 'DUG PA'I NANG DU RNAL 'BYOR PA DES RANG GI SEMS BTANG NAS BDAG NYID KYI LUS 'DI RO DANG 'DRA BAR GYUR LA, GZHAN GYI KHYIM NA 'DUG PA'I RO DE NI SEMS PA DANG BCAS PA GSON POR GYUR NAS DES GZHAN GYI DBANG @67A *, ,PHYUG DANG 'BYOR BA THAMS CAD BDAG GIR BYED PA NA, RNAL 'BYOR PA DE'I SEMS GZHAN GYI KHYIM NA 'DUG PA'I RO RNAM PAR 'JIG PA'I CHOS CAN DE'I NANG DU 'JUG PA'I DMIGS PA'I RGYU THUN MONG MA YIN PA NI RO RNAM PAR 'JIG PA'I CHOS CAN SEMS PA MED PA DE NYID YIN PAS, DES NA JI LTAR RO RNAM PAR 'JIG PA'I CHOS CAN SEMS PA MED PA DE RNAL 'BYOR PA DE'I SEMS GZHAN GYI LUS LA 'PHO BA'I RGYU THUN MONG MA YIN PA NYID YIN PA DE BZHIN DU BUM PA LA SOGS PA DAG KYANG SEMS PA MED CING RO RNAM PAR 'JIG PA'I CHOS CAN DANG 'DRA BA YIN PAS, DE'I PHYIR BUM PA LA SOGS PA SEMS PA MED PA DAG KYANG BDAG DE YUL LA DMIGS PA'I RGYU THUN MONG MA YIN PA NYID YIN PAS, DES NA KHYED DBU MA PAS PHUNG PO LNGA DANG LUS NI BDAG GI DMIGS PA'I RGYU THUN MONG MA YIN PA NYID KYANG MA YIN TE, SKYE BA DANG 'JIG PA'I CHOS CAN NYID YIN PA'I PHYIR, DPER NA BUM PA BZHIN NO ZHES BSHAD PA'I DPE DE MI RUNG NGO ZHES ZER RO, ,GZHAN YANG GRANGS CAN DAG NA RE, BUM PA LA SOGS PA DBANG PO'I DNGOS POR GYUR PA DAG KYANG DMIGS PA'I RGYU THUN MONG MA YIN PA NYID YIN PA'I PHYIR YANG DPE MED DO ZHE NA ZHES BYA BAS NI, 'DI SKAD CES BSTAN TE, BUM PA LAS SOGS PA DAG 'JIG PA CHEN PO 'BYUNG BA'I DUS KYI TSE RDUL PHRA MOR GYUR NAS GTZO BO'I BAG LA ZHA ZHING 'KHOR BA DAG GANG GI TSE 'CHAGS PA'I BSKAL PA 'BYUNG BA DE'I TSE NA LUS CAN RNAMS KYI MIG LA SOGS PA DBANG PO'I DNGOS POR 'GYUR ZHING, DE DAG DBANG POR RED NAS SKYES BU ZHES BYA BA BDAG DE YUL LA LONGS SPYAD PAR 'DOD PA'I TSE NA BUM PA LA SOGS PA'I RDUL PHRA MO LUS CAN RNAMS KYI MIG LA SOGS PA'I DBANG PO'I DNGOS POR GYUR PA DE DAG SKYES BU ZHES BYA BA'I BDAG DE YUL LA DMIGS PA'I RGYU THUN MONG MA YIN PA NYID YIN PA'I PHYIR YANG KHYED DBU MA PAS PHUNG PO LNGA DANG LUS NI, BDAG GI DMIGS PA'I RGYU THUN MONG MA YIN PA NYID KYANG MA YIN TE, SKYE BA DANG 'JIG PA'I CHOS CAN NYID YIN PA'I PHYIR, DPER NA BUM PA BZHIN NO ZHES BSHAD PA'I DPE DE MI RUNG NGO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI BZANG PO MA YIN TE ZHES BYA BA LA SOGS PAS GRANGS CAN DAG GI, RTOG PA RNAM PA @67B DE GNYI GA YANG MI 'THAD PAR GO RIMS BZHIN DU STON TO, ,DE LA RE ZHIG RTOG PA DANG PO DE MI 'THAD PAR BSTAN PA'I PHYIR, BUM PA LA SOGS PA DAG NI DE KHO NA RTOGS PA DANG LDAN PA RNAMS KYI DMIGS PA'I RGYU THUN MONG MA YIN PA NYID YIN PAR MI RIGS TE, RNA BA LA SOGS PA'I BLO DAG GI YUL YIN PA'I PHYIR, DPER NA DE LAS GZHAN PA'I RNA BA LA SOGS PA DAG GI BLO'I YUL YIN NO ZHES RJES SU DPAG PA'I PHYIR DANG ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RNAL 'BYOR PA DE KHO NA RTOGS PA DANG LDAN PA DE LAS GZHAN PA SO SO'I SKYE BO RNAMS KYI RNA BA LA SOGS PA DAG GI BLO'I YUL NI RNA BA LA SOGS PA'I BLO DAG GI YUL YIN PA'I PHYIR, RNAL 'BYOR PA DE KHO NA RTOGS PA DANG LDAN PA RNAMS KYI DMIGS PA'I RGYU THUN MONG MA YIN PA NYID YIN PA DE BZHIN DU, BUM PA LA SOGS PA DAG KYANG RNA BA LA SOGS PA'I BLO DAG GI YUL YIN PA'I PHYIR, RNAL 'BYOR PA DE KHO NA RTOGS PA DANG LDAN PA RNAMS KYI DMIGS PA'I RGYU THUN MONG MA YIN PA NYID MA YIN PAS, DES NA KHO BO CAG GI DPE BUM PA BDAG YUL LA DMIGS PA'I RGYU THUN MONG MA YIN PA NYID KYANG MA YIN NO ZHES BYA BA DE GRUB PAS, GRANG CAN DAG GI RTOG PA DE BZANG PO MA YIN NO, ,RTOG PA GNYIS PA MI 'THAD PAR BSTAN PA'I PHYIR, BUM PA LA SOGS PA DBANG PO'I NGO BO NYID DU MA GYUR PA DAG DPE NYID DU 'DOD PA'I PHYIR JI SKAD SMRAS PA'I SKYON DU MI 'GYUR RO ZHES BYA BA SMRAS TE, KHO BO CAG GI KHYED KYIS BRTAGS PA'I 'JIG PA CHEN PO 'BYUNG BA'I DUS KYI TSE BUM PA LA SOGS PA DBANG PO'I NGO BO NYID DU GYUR PA DAG DPE NYID DU MI 'DOD KYI, DA LTAR BUM PA DNGOS SU YOD PA 'DI DPE NYID DU 'DOD PA'I PHYIR, DES NA DPER NA BUM PA NI SKYE BA DANG 'JIG PA'I CHOS CAN NYID YIN PA'I PHYIR BDAG GI DMIGS PA'I RGYU THUN MONG MA YIN PA NYID KYANG MA YIN PA DE BZHIN DU, PHUNG PO LNGA DANG LUS KYANG SKYE BA DANG 'JIG PA'I CHOS CAN NYID YIN PA'I PHYIR BDAG GI DMIGS PA'I RGYU THUN MONG MA YIN PA NYID KYANG MA YIN PAR 'GRUB PAS, KHO BO CAG GI SGRUB PA LA DPE MED PA'I SKYON DU MI 'GYUR RO, ,'DIR GRANGS CAN DAG 'DI SKAD CES SNYING STOBS DANG RDUL DANG MUN PA'I YON TAN NI THAMS CAD DU SONG BA'I PHYIR BUM PA LA SOGS PA DAG LA DBANG PO @68A *, ,RNAMS KYI NUS PA YOD LA, DBANG PO RNAMS NI BDAG YUL LA DMIGS PA'I RGYU THUN MONG MA YIN PA NYID YIN PAS, DES NA KHYED DBU MA PA'I DPE MED PAS MI RUNG NGO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR NUS PA YOD PAR STON PA'I RJES SU DPAG PA MED PA'I PHYIR, DE YOD PAS BUM PA LA SOGS PA'I DPE MED PAR YANG MI 'GYUR BAS DE NI SNYING PO MA YIN NO ZHES BYA BA SMRAS SO, ,RE ZHIG DE DAG GIS NI, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES GSUNGS PAS BDAG PHUNG PO RNAMS NYID KYANG MA YIN LA, PHUNG PO RNAMS LAS GZHAN YANG MA YIN PA'I TSUL GYIS BDAG MED PAR BSTAN TO,, ,,BAM PO DRUG CU PA, DE LTAR BDAG MED PAR BSTAN NAS, DA NI BDAG GI MED PAR BSTAN PAR BYA STE, DE'I PHYOGS SNGA MA BSTAN PA'I PHYIR, BDAG TU SMRA BA DAG NA RE; BDAG NI YOD PA KHO NA YIN TE BDAG GI YOD PA'I PHYIR, DPER NA NOR YOD PA'I PHYIR NOR BDAG YOD PA BZHIN NO, ,'DI LA BDAG GI KHANG KHYIM DANG, GNAS MAL DANG, GOS ZAS DANG, LTA BA DANG NYAN PA LA SOGS PA DE DAG YOD PAS DE'I PHYIR BDAG NI YOD PA KHO NA YIN NO ZHES ZER RO ZHES BYA BA SMRAS TE; DE NI PHA ROL PO DAG BDAG GI YOD PA'I GTAN TSIGS KYIS BDAG YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA 'DI NA NOR DBYIG LA SOGS PA YOD PA'I PHYIR, NOR BU DAG RNAM THOS KYI BU LA SOGS PA DAG KYANG YOD PA DE BZHIN DU, 'DI LA BDAG GI KHANG KHYIM LA SOGS PA YOD PA'I PHYIR BDAG KYANG YOD PA YIN PAS, DE'I PHYIR BDAG NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'GREL PA BYED PA NYID KYIS ? 'DIR BSHAD PA, 'DI LTAR BDAG YOD NA NI DE'I 'DI YIN NO ZHES BDAG GI YANG 'GRUB PAR 'GYUR BA ZHIG NA, BDAG DE NI MED PAR BSTAN ZIN PAS DE'I PHYIR, BDAG DE NI MED PAR BSTAN ZIN PAS DE'I PHYIR, BDAG NYID YOD PA MA YIN NA, ,BDAG GI YOD PAR GA LA 'GYUR, ,ZHES BYA BA SMRAS TE, BRTAGS NA DE LTAR BDAG NYID RNAM PA THAMS @68B CAD DU MI 'THAD NA, BDAG GI YOD PAR GA LA 'GYUR, 'DI LTAR BDAG CES BYA BA GANG YIN PA DE BDAG GI ZHES BYA NA, BDAG DE YANG MED DE, DE MED NA DE'I DE YIN NO ZHES BYA BAR JI LTAR 'THAD PAR 'GYUR TE, DE LTA BAS NA BDAG GI YANG MI 'THAD DO, ,DES NA GTAN TSIGS KYI DON MA GRUB PA NYID DO ZHES BYA BAS NI, DE LTAR BDAG MED PAS, BDAG GI MED PA DES NA PHA ROL PO DAG GI GTAN TSIGS BDAG GI YOD PA'I PHYIR ZHES BYA BA DE'I DON MA GRUB PA NYID DO, ,DPE YANG MED DE, DON DAM PAR NOR DANG NOR BDAG YOD PA NYID DU MA GRUB PA'I PHYIR RO ZHES BYA BAS NI, PHA ROL PO DAG GI DPE NOR YOD PA'I PHYIR, NOR BDAG YOD PA BZHIN NO ZHES BYA BA DE MA GRUB PAR BSTAN TO, ,DON 'GAL BA NYID KYANG YIN TE, BDAG THA SNYAD PA YIN PAR STON PA'I PHYIR ZHES BYA BA NI PHA ROL PO DAG GIS NYE BAR SBYAR BA'I SBYOR BA 'DI LA BDAG GI KHANG KHYIM DANG, GNAS MAL DANG, GOS ZAS DANG, LTA BA DANG, NYAN PA LA SOGS PA DE DAG YOD PAS ZHES SMRAS PA DES BDAG THA SNYAD PA YIN PAR STON PA'I PHYIR DON DAM PAR BDAG YOD PA KHO NAR 'DOD PA DANG DON 'GAL BA NYID YIN PAR STON TO, ,'DIS NA DE'I 'BRAS BU YOD PA'I PHYIR DANG, DE'I YON TAN YOD PA'I PHYIR RO ZHES BYA BA LA SOGS PA'I GTAN TSIGS DAG LA YANG SKYON GYIS LAN BTAB PA YIN NO ZHES BYA BA NI, SGRUB PA SNGA MA 'DIS NI GAL TE PHA ROL PO DAG 'DI SKAD CES, BDAG NI YOD PA KHO NA YIN TE, DE'I 'BRAS BU YOD PA'I PHYIR RO, ,'DI LTAR PHYI NANG GI DNGOS PO 'DI DAG THAMS CAD BDAG GIS BYAS PA'I 'BRAS BU YIN PA'I PHYIR, GAL TE BDAG MED DU ZIN NA BZHI MED PA'I PHYIR DE'I 'BRAS BU YOD PAR MI 'GYUR RO ZHES ZER BA DANG, DE BZHIN DU BDAG NI YOD PA KHO NA YIN TE, DE'I YON TAN YOD PA'I PHYIR RO, ,'DI LTAR BDE BA DANG SDUG BSNGAL DANG 'DOD PA DANG SDANG BA LA SOGS PA DAG NI BDAG GI YON TAN YIN PA'I PHYIR TE, GAL TE BDAG MED DU ZIN NA, GZHI MED PA'I PHYIR, DE'I YON TAN YOD PAR MI 'GYUR RO ZHES ZER BA LA SOGS PA'I GTAN TSIGS DAG LA YANG, BDAG NYID YOD PA MA YIN NA, BDAG GI 'BRAS BU DANG YON TAN YOD PAR GA LA 'GYUR TE, DES NA GTAN TSIGS KYI DON MA GRUB PA NYID DANG DPE MED PA DANG GTAN TSIGS KYI DON 'GAL BA NYID KYANG YIN NO @69A *, ,ZHES SKYON GYIS LAN GDAB PAR BYA'O ZHES BYA BAR SBYAR RO, ,DE LTAR PHYI DANG NANG LA BDAG DANG BDAG GIR MI LTA BA DE NI DE KHO NA MTHONG BA YIN TE, RNAL 'BYOR BA DE DE SGOM PAR BYED CING BSTAN PAR BYED DO, ,DE SGOM PAR BYED CING BSTAN PAR BYED PA DE'I BDAG DANG BDAG GIR MNGON PAR ZHEN PA NYE BAR ZHI BAR 'GYUR BAS, DE'I PHYIR DE LTAR RNAL 'BYOR BA YANG DAG PA NYID SO SOR RTOG PA LA BRTZON PA LA, BDAG DANG BDAG GI ZHI BA'I PHYIR, ,DAR 'DZIN NGA YIR 'DZIN MED 'GYUR, ,ZHES BYA BAS NI, JI SKAD BSTAN PA'I TSUL BSGOMS PA'I 'BRAS BU BSTAN TO ZHES BYA BA SMRAS TE, DE LTAR BDAG DANG BDAG GIR MNGON PAR ZHEN PA NYE BAR ZHI BA'I PHYIR DE LA NGAR 'DZIN PA DANG, NGA YIR 'DZIN PA MED PAR 'GYUR BA NI GANG ZAG BDAG MED PA BSGOMS PA'I 'BRAS BU YIN PAR BSTAN TO, ,BDAG TU SMRA BDAG KYANG PHYIR ZLOG PAR BYED DE, BDAG NI YOD PA KHO NA YIN TE, LUS DANG DBANG PO DANG BLO LA SOGS PA BDAG DANG BDAG GI MED PA RNAMS LA DE KHO NA SHES PA YANG DAG PAR SKYES PA LA NGAR 'DZIN PA MED PA DANG NGA YIR 'DZIN PA MED DO SNYAM PA'I YANG DAG PA'I LTA BA YOD PA'I PHYIR RO, ,MO GSHAM GYI BU LTA BU MED PA LA NI DE LTA BU MED DO, ,THAR PA'I GNAS SKABS GANG LA NGAR 'DZIN PA MED PA DANG, NGA YIR 'DZIN PA MED PA DE LA NI DE LTAR SHES PA DE YOD PAS DE'I PHYIR BDAG NI YOD PA KHO NA YIN NO ZHES BYA BAS NI PHA ROL PO DAG RNAL 'BYOR PA DE KHO NA SHES PA LA YANG DAG PA'I LTA BA YOD PA'I GTAN TSIGS KYIS BDAG YOD PAR SGRUB CING, GANG GIS DE LTAR YANG DAG PA JI LTA BA BZHIN DU MTHONG BA NA NGAR 'DZIN PA DANG, NGA YIR 'DZIN PA MED PAR 'GYUR RO ZHES BYA BA DE NYID BDAG YIN PAS DE YOD PA'I PHYIR BDAG DANG BDAG GI YANG NGES PA KHO NAR YOD PA YIN NO ZHES ZER BA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA MO GSHAM GYI BU LTA BU MED PA GANG LA NGAR 'DZIN PA MED PA DANG, NGA YIR 'DZIN PA MED DO SNYAM PA'I YANG DAG PA'I LTA BA MED PA DE NI YOD PA MA YIN TE, RNAL 'BYOR PA GANG GIS LUS DANG DBANG PO DANG BLO LA SOGS PA BDAG DANG, BDAG GI MED PA RNAMS @69B LA YANG DAG PA JI LTA BA BZHIN DU MTHONG BA LA NI NGAR 'DZIN PA MED PA DANG, NGA YIR 'DZIN PA MED DO SNYAM PA'I YANG DAG PA'I LTA BA YOD PA'I PHYIR, DE LTAR THAR PA'I GNAS SKABS GANG LA NGAR 'DZIN PA MED PA DANG, NGA YIR 'DZIN PA MED DO SNYAM PA'I SHES PA YOD PA DE NYID BDAG YIN PAS DE YOD PA'I PHYIR BDAG DANG BDAG GI YANG NGES PA KHO NAR YOD PA YIN NO ZHES ZER RO, ,DE SKAD CES ZER BA DE'I LAN DU, 'GREL PA BYED PA NYID KYIS 'DIR BSHAD PA, 'PHAGS PA NYAN THOS 'DU BYED KYI TSOGS GZHAN DANG GZHAN DU SKYES PA SKAD CIG MA RE RE LA 'JIG PA'I NGANG CAN BDAG DANG BDAG GI BA MED PA LA NGES PAR LTA BA LA YANG BDAG CES BYA BA'I DNGOS PO MED PA'I PHYIR SKYE BA DANG 'CHI BA DANG 'DI DAG NI CHOS TZAM DU ZAD DO ZHES BYA BAR LTA BA SKYE STE ZHES BYA BA LA SOGS PA SMRAS TE, DE LTAR NGAR 'DZIN PA MED PA DANG, NGA YIR 'DZIN PA MED PA ZHES BYA BA GANG YIN PA DE YANG YOD PA MA YIN TE, 'PHAGS PA NYAN THOS 'DU BYED BDAG MED PAR MTHONG BA RNAMS LA YANG DE LTAR 'DZIN PA'I LTA BA MI SKYE NA, BYANG CHUB SEMS DPA' CHEN PO CHOS RNAMS NGO BO NYID MED PA NYID DU MTHONG BA RNAMS LA LTA SMOS KYANG CI DGOS PAS DE'I PHYIR NGAR 'DZIN PA MED PA DANG, NGA YIR 'DZIN PA MED DO SNYAM DU SHES PA GANG YIN PA DE YANG YOD PA MA YIN PAS DE MED PA'I PHYIR, BDAG DANG BDAG GI YANG MED PA KHO NA YIN NO ZHES STON TO, ,JI LTAR 'PHAGS PA NYAN THOS RNAMS LA NGAR 'DZIN PA DANG, NGA YIR 'DZIN PA MED DO SNYAM PA'I LTA BA MI SKYE ZHE NA, DE'I PHYIR, 'DI LTAR BDAG NI NGAR 'DZIN PA'I YUL YIN PAS BDAG DE MED NA NGAR 'DZIN PA DE YANG MI 'BYUNG LA, NGAR 'DZIN PA DE MED PA KHO NA'I PHYIR NANG DANG PHYI ROL GYI DNGOS PO GANG LA YANG NGA YIR 'DZIN PA MI 'THAD PA'I PHYIR NGAR 'DZIN PA MED CING NGA YIR 'DZIN PA MED DE THA SNYAD KYI BRDAR BYA BA MA GTOGS PAR NGA ZHES BYA BA RANG GI NGO BO NYID NGES PA SKYE BAR MI 'GYUR NA ZHES BYA BA SMRAS SO, ,BYANG CHUB SEMS DPA' CHEN PO CHOS RNAMS NGO BO NYID MED PA NYID DU MTHONG BA RNAMS LTA LA DE MED PA SMOS KYANG CI DGOS PAR BSTAN PA'I PHYIR, BYANG CHUB SEMS DPA' CHEN PO 'DU BYED SKYE BA MED PAR LTA BA RNAM PAR MI RTOG PA'I SHES RAB KYIS SPYOD PA LA GNAS PA RNAMS LTA LA SMOS KYANG CI DGOS PAS ZHES BYA BA SMRAS @70A *, ,SO; ,DE LTAR DE KHO NA RTOGS PA RNAMS LA NGAR 'DZIN PA MED PA DANG NGA YIR 'DZIN PA MED DO SNYAM PA'I 'DZIN PA DE YANG MED PA DE'I PHYIR, NGAR 'DZIN NGA YIR 'DZIN MED GANG, ,DE YANG YOD PA MA YIN TE, ,ZHES BYA BA GSUNGS TE, BDAG LA SOGS PA DAG BTAGS PAR YOD PA'I PHYIR DANG, GANG ZAG GI NYE BAR LEN PA SKYE BA MED PA'I PHYIR RO ZHES BYA BAR DGONGS SO ZHES BYA BA SMRAS TE, BDAG DANG BDAG GI ZHES BYA BDAG NI KUN RDZOB TU BTAGS PA YOD PA'I PHYIR DON DAM PAR MED PAS NGAR 'DZIN PA MED CING NGA YIR 'DZIN PA MED DO SNYAM PA'I 'DZIN PA GANG YIN PA DE YANG MED DO ZHES BYA BAR DGONGS SO; ,GZHAN YANG NGAR 'DZIN PA MED PA DANG, NGA YIR 'DZIN PA MED DO SNYAM DU 'DZIN PA GANG YIN PA DE NI, GANG ZAG GI NYE BAR LEN PA PHUNG PO RNAMS LA BRTEN NAS GDAGS PA YIN NA, GANG ZAG GI NYE BAR LEN PA PHUNG PO RNAMS NI DON DAM PAR SKYE BA MED PA'I PHYIR DE DAG LA NGAR 'DZIN PA MED PA DANG NGA YIR 'DZIN PA MED DO SNYAM DU 'DZIN PA GANG YIN PA DE YANG MED DO ZHES BYA BAR DGONGS SO, ,DE NYID YOD PA MA YIN PAS RAB RIB CAN DBANG PO NYAMS SKRA SHAD DANG SBRANG BU LA SOGS PA DE NYID YOD PA MA YIN PA MTHONG BA LTAR, NGAR 'DZIN NGA YIR 'DZIN MED PAR, ,GANG GIS MTHONG BAS MI MTHONG NGO, ,YOD PA DANG MED PAR MTHONG BA NI LOG PAR LTA BA MCHOG TU 'DZIN PA YIN PA'I PHYIR RO ZHES BYA BAR DGONGS SO ZHES BYA BAS NI, DE LTAR NGAR 'DZIN PA MED DO SNYAM DU 'DZIN PA GANG YIN PA DE NYID YOD PA MA YIN PAS, GANG GIS RAB RIB CAN DBANG PO NYAMS PAS SKRA SHAD DANG SBRANG BU LA SOGS PA YANG DAG PA MA YIN PA MTHONG BA LTAR, NGAR 'DZIN PA DANG, NGA YIR 'DZIN PA MED DO SNYAM DU 'DZIN PA YOD PAR MTHONG BA LOG PAR LTA BAS BLO GROS KYI MIG NYAMS PA DES NI DE KHO NA MI MTHONG NGO ZHES BSTAN TE, NGAR 'DZIN PA DANG, NGA YIR 'DZIN PA MED PAR YANG LTA LA, DE MED PAR SHES PA YOD PAR YANG LTA BA NI, LOG PAR LTA BA MCHOG TU 'DZIN PA YIN PA'I PHYIR RO ZHES BYA BAR DGONGS SO, ,DES NA GTAN TSIGS KYI DON MA GRUB PA NYID DE, NGAR 'DZIN PA DANG NGA YIR 'DZIN PA'I RGYUR GYUR PA'I BDAG YOD PA'I PHYIR RO ZHES BYA BAS NI, SNGAR PHA ROL PO DAG NA RE, BDAG NI @70B YOD PA KHO NA YIN TE, LUS DANG DBANG PO DANG BLO LA SOGS PA BDAG DANG BDAG GI MED PA RNAMS LA DE KHO NA SHES PA YANG DAG PAR SKYES PA LA NGAR 'DZIN PA MED PA DANG, NGA YIR 'DZIN PA MED DO SNYAM PA'I YANG DAG PA'I LTA BA YOD PA'I PHYIR RO ZHES ZER BA'I GTAN TSIGS DE'I DON MA GRUB PA NYID DU BSTAN TE, CI'I PHYIR ZHE NA, NGAR 'DZIN PA MED PA DANG NGA YIR 'DZIN PA MED DO SNYAM DU SHES PA YOD PAR 'DOD PA DE LA NGAR 'DZIN PA DANG NGA YIR 'DZIN PA'I RGYUR GYUR PA'I BDAG TU 'DZIN PA YOD PA'I PHYIR, DES NA DE NGAR 'DZIN PA MED PA DANG, NGA YIR 'DZIN PA MED PA'I YANG DAG PA'I LTA BA MA YIN PA'I PHYIR RO, ,DON RANG LA MA GRUB PA NYID KYANG YIN TE, NGAR 'DZIN PA DANG NGA YIR 'DZIN PA MED DO ZHES BYA BA RANG GI NGO BO NYID DU NGES PA MA GRUB PA'I PHYIR RO ZHES BYA BAS NI, PHA ROL PO DAG GI GTAN TSIGS DE RANG LA MA GRUB PA NYID YIN PAR BSTAN TE, CI'I PHYIR ZHE NA, PHA ROL PO DAG NGAR 'DZIN PA DANG NGA YIR 'DZIN PA MED DO SNYAM DU SHES PA YOD PAR 'DOD PA DE LA NGAR 'DZIN PA DANG NGA YIR 'DZIN PA'I RGYUR GYUR PA'I BDAG TU 'DZIN PA YOD PAS NGAR 'DZIN PA DANG NGA YIR 'DZIN PA MED DO ZHES BYA BA RANG GI NGO BO NYID DU NGES PA MA GRUB PA'I PHYIR RO, ,GAL TE NANG GI BYED PA BDAG MED PA LA BDAG MED PAR LTA BAS NGAR 'DZIN PA LDOG PA'I PHYIR DANG, YID BDAG MA YIN PA GANG GZHAN GYI DON LUS DANG DBANG PO'I YUL DAG LA NGA YIR 'DZIN PA MI 'JUG PA'I PHYIR SKYON MED DO ZHE NA ZHES BYA BA NI, SNGAR DBU MA PAS, NGAR 'DZIN NGA YIR 'DZIN MED GANG, DE YANG YOD PA MA YIN TE, ,ZHES BYA BAS RNAL 'BYOR PA DAG BDAG DANG BDAG GI ZHI BA'I PHYIR NGAR 'DZIN PA DANG, NGA YIR 'DZIN PA MED PAR GYUR PA LA NGAR 'DZIN PA MED PA DANG NGA YIR 'DZIN PA MED DO SNYAM DU SHES PA GANG YIN PA DE YANG YOD PA MA YIN PAS NGAR 'DZIN PA MED PA DANG, NGA YIR 'DZIN PA MED PAR GANG GIS MTHONG BA LOG PAR LTA BAS BLO GROS KYI MIG NYAMS PA DES NI DE KHO NA MI MTHONG NGO ZHES BSHAD PA DE LA, 'DIR GRANGS CAN DAG 'DI SKAD CES KHO BO CAG GI GRUB PA'I MTHA' LAS NGAR 'DZIN PA MED PA DANG NGA YIR 'DZIN PA MED PA'I BDAG NGO BO NYID KYIS GRUB PA YOD PAS, DES NA NGAR 'DZIN PA MED PA DANG NGA YIR 'DZIN PA MED DO SNYAM DU SHES PA'I BDAG KYANG YOD @71A *, ,LA; DES DE KHO NA YANG MTHONG BAR 'GYUR BAS, KHYED DBU MA PAS JI SKAD SMRAS PA'I SKYON DE KHO BO CAG GI PHYOGS LA MED DO ZHES ZER BA'I TSIG YIN TE, DE DAG NA RE GANG GI PHYIR RANG BZHIN GYI CHAR GTOGS PA'I DBANG PO LA SOGS PA NANG GI BYED PA BDAG MED PA'I YUL LA BLOS BDAG MED PAR LTA BA NGAR 'DZIN PA LDOG PA'I PHYIR, NGAR 'DZIN PA MED LA, YID BDAG MA YIN PA BLO'I CHAR GTOGS PA YANG RANG LAS GZHAN PA SKYES BU GZHAN GYI DON LUS DANG DBANG PO'I YUL DAG LA DMIGS PAR BYED PA NA 'DI NI NGA'I MA YIN GYI SKYES BU GZHAN GYI YIN NO SNYAM PAS NGA YIR 'DZIN PA MI 'JUG PA'I PHYIR NGA YIR 'DZIN PA YANG MED PAS, DE LTAR NGAR 'DZIN PA MED PA DANG NGA YIR 'DZIN PA MED PA'I BDAG SHES PA YOD PA NYID CES BYA BA SKYES BU'I NGO BO NYID GANG YIN PA DE YANG YOD LA, DES DE KHO NA YANG MTHONG BAR 'GYUR BAS KHYED DBU MA PAS JI SKAD SMRAS PA'I SKYON DE KHO BO CAG GI PHYOGS LA MED DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, BDAG LA BDAG TU LTA BA LA NGAR 'DZIN PA DON JI LTA BA BZHIN DU YOD PA'I PHYIR DANG, DE'I DON BYED PA DANG RTEN SGRA LA SOGS PA DAG LA NGA YIR 'DZIN PA 'JUG PA MI LDOG PA'I PHYIR, NGAR 'DZIN PA MED PA DANG NGA YIR 'DZIN PA MED PA NYID DU MA GRUB PAS DE NI LAN MA YIN TE ZHES BYA BA SMRAS TE, GAL TE BDAG SHES PA YOD PA NYID CES BYA BA SKYES BU'I NGO BO NYID DE YOD PAR GYUR NA, BDAG DE LA BDAG TU LTA BA LA NGAR 'DZIN PA DON JI LTA BA BZHIN DU YOD PA'I PHYIR NGAR 'DZIN PA MED PA NYID DU MA GRUB PA DANG, SKYES BU'I DE'I DON RANG BZHIN GYI CHAR GTOGS PA'I DBANG PO LA SOGS PA NANG GI BYED PA DANG BYED PA'I RTEN SGRA LA SOGS PA DE TZAM DAG LA SKYES BU DE'I NGA YIR 'DZIN PA 'JUG PA MI LDOG PA'I PHYIR, NGA YIR 'DZIN PA YANG MED PA NYID DU MA GRUB PAS NGAR 'DZIN PA DANG NGA YIR 'DZIN PA MED PA MA YIN PA'I PHYIR SKYON SNGA MA DE NYID SO NA GNAS BZHIN PAS GRANGS CAN DAG GI TSIG DE NI KHO BO'I LAN MA YIN NO, ,DON DE NYID KYI KHUNGS SLOB DPON 'PHAGS PA LHAS MDZAD PA BSTAN PA'I PHYIR, DE LTAR YANG, GAL TE BDAG CES BYA BA YOD, ,BDAG MED CES BYA DE MI RIGS, ,YANG NA DE NYID @71B RTOGS PA'AM, ,MYA NGAN 'DA' BA DES BRDZUN 'GYUR, ,ZHES GSUNGS SO ZHES BYA BA SMRAS TE, GAL TE BDAG CES BYA BA YOD PAR GYUR NA NI BDAG MED PA ZHES BYA BA DE MI RIGS PAS, NGAR 'DZIN PA LDOG PAR MI 'GYUR RO, ,'ON TE NGAR 'DZIN PA LDOG PAR 'DOD NA NI, DES NA YANG NA DE NYID RTOGS PA ZHES BYA BA'I BDAG YOD PAR GZHAN GYIS YONGS SU BTAGS PA DE NGES PAR BRDZUN PAR 'GYUR RO, ,'ON TE DE NYID RTOGS PA ZHES BYA BA'I BDAG YOD PAR GZHAN GYIS YONGS SU BTAGS PA NGES PA DE NGES PAR MI BRDZUN PAR YOD PAR 'DOD NA NI, DE LA THAR PA MI SRID PAS, ,DES NA YANG NA PHA ROL PO DAG BDAG CES BYA BA MYA NGAN LAS 'DA' BAR 'DOD PA DE NGES PAR BRDZUN PAR 'GYUR RO ZHES GSUNGS SO, ,'DIR GRANGS CAN DAG LAS KHA CIG NI RANG BZHIN THAR PAR SMRA LA, KHA CIG NI SKYES BU THAR PAR SMRAS TE ZHES BYA BAS NI, SNGAR SLOB DPON 'PHAGS PA LHAS, MYA NGAN 'DA' BA NGES BRDZUN 'GYUR, ,ZHES GSUNGS PAS, 'ON TE DE NYID RTOGS PA ZHES BYA BA'I BDAG YOD PAR GZHAN GYIS YONGS SU BTAGS PA DE NGES PAR MI BRDZUN PAR YOD PAR 'DOD NA NI, DE LA THAR PA MI SRID PAS, DES NA YANG NA PHA ROL PO DAG BDAG CES BYA BA MYA NGAN LAS 'DA' BAR 'DOD PA DE NGES PAR BRDZUN PAR 'GYUR RO ZHES BSHAD PA DE LA, 'DIR GRANGS CAN DAG BDAG YOD KYANG DE LA THAR PA SRID PAS BDAG CES BYA BA MYA NGAN LAS 'DA' BAR 'GYUR RO ZHES ZER BA'I GZHUNG STON TE, DE LA GRANGS CAN DAG MYA NGAN LAS 'DA' BAR 'DOD PA DE YANG KHA CIG NI RANG BZHIN THAR PAR SMRA LA, KHA CIG NI SKYES BU THAR PAR SMRA BA'I GZHUNG GNYIS YOD PAR STON TO, ,DE LA RE ZHIG GANG DAG, RANG BZHIN SNA TSOGS RTEN CAN NI, ,'KHOR DANG 'CHING DANG THAR PAR 'GYUR, ,ZHES BYA BAS NI, RANG BZHIN THAR PAR SMRA BA'I GZHUNG STON TE, DE YANGS GRANGS CAN RANG BZHIN THAR PAR SMRA BA DAG GI GZHUNG, GSER BDUN CU PA ZHES BYA BA LAS TSIGS SU BCAD PA DE SKAD CES 'BYUNG STE, RANG BZHIN SNA TSOGS RTEN CAN ZHES BYA BA NI RANG BZHIN ZHES BYA BA SNYING STOBS DANG, RDUL DANG, MUN PA'I YON TAN GSUM CHA MNYAM PAR GYUR PA DE NI BLO'I DBANG PO LNGA DANG, LAS KYI DBANG PO LNGA DANG, YID KYI DBANG PO @72A *, ,DANG; DE TZAM LNGA LA SOGS PA 'GRO BA DANG MI 'GRO BA RNAM PA SNA TSOGS KYI RTEN YIN ZHING, DE LA SNA TSOGS RTEN PA DAG YOD PAS SNA TSOGS RTEN CAN ZHES BYA'O, ,'KHOR DANG 'CHING DANG THAR PAR 'GYUR, ,ZHES BYA BA NI DE LTAR RANG BZHIN SNA TSOGS RTEN CAN DE NI GANG GI TSE 'GRO BA LNGA PO DAG TU 'KHOR BAR 'GYUR BA DE'I TSE NA NI 'KHOR BAR 'GYUR BA YIN LA, GANG GI TSE RANG BZHIN LONG BA GRUM PO'I DON LA 'JUG PA BZHIN DU SKYES BU'I DON LA LUS DANG DBANG PO DANG YUL DAG LA 'JUG PA DE'I TSE NA NI 'CHING BAR 'GYUR BA YIN LA, GANG GI TSE RANG BZHIN DE SKYES BU'I DON LAS LDOG PA DE'I TSE NA NI THAR PAR 'GYUR BA YIN TE, 'DI LTAR RANG BZHIN NI BYED PA PO YIN PAS BYA BA DANG LDAN PA'I PHYIR 'KHOR BA DANG 'CHING BA DANG, THAR PAR YANG 'GYUR GYI SKYES BU NI ZA BA PO YIN PAS BYA BA DANG MI LDAN PA'I PHYIR 'KHOR BA DANG 'CHING BA DANG THAR PAR YANG MI 'GYUR RO, ,DE LTAR RANG BZHIN THAR PAR 'GYUR BA DE MYA NGAN LAS 'DA' BAR SMRA STE, 'DI LA GRANGS CAN DAG RANG BZHIN THAR PAR 'DOD PA'I GZHUNG NI, GANG GI TSE BLO LA 'BA' ZHIG PA NYID KYI SHES PA SKYES PA DE'I TSE NA BLO NYID THAR PAR 'GYUR TE, DE YANG JI SRID DU BLOS BLO BDAG KYANG GZHAN LA SNYING STOBS DANG RDUL DANG MUN PA'I RANG BZHIN YANG GZHAN NO SNYAM DU MI SHES PA DE SRID DU NI 'BA' ZHIG PA NYID KYI SHES PA MI SKYE BAS 'CHING BA YIN GYI, GANG GI TSE BLOS BLO BDAG KYANG GZHAN LA SNYING STOBS DANG RDUL DANG MUN PA'I RANG BZHIN YANG GZHAN YIN NO SNYAM DU SHES PA DE'I TSE NA NI 'BA' ZHIG PA NYID KYI SHES PA SKYE BAS BLO NYID THAR PAR 'GYUR BAS, DE LA RANG BZHIN THAR PAR 'GYUR BA DE MYA NGAN LAS 'DA'O ZHES ZER RO, ,DE SKAD CES ZER BA DE DAG GI GZHUNG MI 'THAD PAR SUN DBYUNG BA'I PHYIR, 'DIR 'GREL PA BYED PA NYID KYIS, DE DAG GI BDAG KYANG GZHAN LA RANG BZHIN NO SNYAM PA'I BLO NI LOG PAR LTA BA YIN TE ZHES BYA BA SMRAS TE, DES NA GRANGS CAN DE DAG GI BLO BDAG KYANG GZHAN LA, RANG BZHIN YANG GZHAN NO SNYAM PA'I BLO DE NI LOG PAR LTA BA YIN TE, 'BA' ZHIG NYID KYI SHES PA SKYE BA'I RGYU MA YIN PAS, DE NI 'CHING BA'I RGYU YIN GYI THAR PA'I RGYU MA YIN PA'I PHYIR DE LA THAR PA MED DO, ,CI'I PHYIR BDAG KYANG GZHAN LA RANG BZHIN YANG GZHAN NO SNYAM PA'I BLO DE LOG PAR LTA BA @72B YIN ZHE NA, DE'I PHYIR, DE LAS GZHAN MA YIN PA'I PHYIR RO ZHES BYA BA SMRAS TE, GANG GI PHYIR BLO NI RANG BZHIN DE LAS GZHAN MA YIN PA DE'I PHYIR BDAG KYANG GZHAN LA RANG BZHIN YANG GZHAN NO SNYAM PA'I BLO DE LOG PAR LTA BA YIN TE, JI LTAR BLO RANG BZHIN LAS GZHAN MA YIN ZHE NA, GRANGS CAN DAG NYID KYI GZHUNG LAS RANG BZHIN LAS CHEN PO 'BYUNG ZHING DE LAS NGA RGYAL 'BYUNG, DE LAS DBANG PO DANG, YID DANG, DE TZAM DAG 'BYUNG NGO, ,BLO NI RANG BZHIN GYI NGO BO NYID YIN PAR 'DOD PAS DE'I PHYIR BLO BDAG KYANG GZHAN LA, SNYING STOBS DANG RDUL DANG MUN PA'I YON TAN CHA MNYAM PA ZHES BYA BA'I RANG BZHIN YANG GZHAN NO SNYAM PA'I BLO LOG PAR LTA BA DE NI 'BA' ZHIG PA NYID KYI SHES PA SKYE BA'I RGYU MA YIN PAS DE NI 'CHING BA'I RGYU YIN GYI THAR PA'I RGYU MA YIN PA'I PHYIR DE LA THAR PA MED DO, ,CI STE GRANGS CAN DAG 'DI SKAD CES BLO DE LA BDAG KYANG GZHAN LA RANG BZHIN YANG GZHAN NO SNYAM PA'I SHES PA THA DAD PA MED KYANG RANG BZHIN GYIS SKYES BU GCIG THAR PAR BYAS PA NA RANG BZHIN NYID KYANG THAR PAR 'GYUR TE, KHO BO CAG GI GZHUNG LAS RANG BZHIN NI BRO GAR MKHAN DANG 'DRA STE, JI LTAR BRO GAR MKHAN GYIS, BRO GAR GYIS GRONG GCIG GI DON BYAS NAS GRONG GZHAN DGA' BAR BYA BA'I PHYIR GRONG GZHAN DAG TU YANG RGYU ZHING 'GRO BA DE BZHIN DU, RANG BZHIN YANG SKYES BU GCIG THAR PAR BYAS NAS YANG SKYES BU GZHAN DAG THAR PAR BYA BA'I PHYIR SKYES BU GZHAN DAG GI DON LA 'JUG CING 'GRO 'O ZHES 'BYUNG BAS RANG BZHIN LA THAR PA YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS THAR PAR GYUR NA YANG SKYES BU DU MA DAG GI THUN MONG YIN PA'I PHYIR, DON MA BYAS PA'I SKYES BU DAG GI PHYIR 'JUG PAS THAR PA MED DO ZHES BYA BA SMRAS TE, DE LTAR NA RANG BZHIN DES SKYES BU GCIG THAR PAR GYUR NA YANG DE SKYES BU DU MA DAG GI THUN MONG YIN PA'I PHYIR DON MA BYAS PA'I SKYES BU DAG GI PHYIR 'JUG PAS, SKYES BU DAG LA MTHA' MED PA'I PHYIR RANG BZHIN DE LA NAM YANG THAR PA MED DO, ,RE ZHIG DE DAG GIS NI RANG BZHIN THAR PAR SMRA BA'I GZHUNG MI 'THAD PAR BSTAN TO, ,DA NI SKYES BU THAR PAR SMRA BA'I GZHUNG MI 'THAD PAR BSTAN PA'I PHYIR, GANG DAG SKYES BU'I DBANG DU BYAS PA'I 'CHING BAS SNGAR @73A *, ,BCINGS PA THAR BAR GYUR PAR SMRA BA ZHES BYA BA SMRAS TE, DES NI SKYES BU THAR PAR SMRA BA'I GZHUNG STON TE, DE YANG GRANGS CAN SKYES BU THAR PAR SMRA BA DAG GI GZHUNG LAS 'DI SKAD CES, GAL TE SKYES BU MED NA RANG BZHIN SKYES BU'I DON LA 'JUG PAR MI 'GYUR BAS DE'I PHYIR RANG BZHIN SKYES BU'I DON LA 'JUG CING RANG BZHIN SKYES BU'I 'CHING BA YIN PA NI SKYES BU'I DBANG DU BYAS PA'I 'CHING BA ZHES BYA STE, 'DI LTAR RANG BZHIN NI 'CHING BA YIN PAS, DE BDAG NYID KYIS BDAG NYID 'CHING BAR MI BYED KYI GZHAN 'CHING BAR BYED DE, DES BCING BAR BYA BA GZHAN DE NI SKYES BU YIN PAS SKYES BU NI RANG BZHIN GYIS BCINGS SO, ,DE LTAR SKYES BU'I DBANG DU BYAS PA'I RANG BZHIN GYIS 'CHING BAS SNGAR BCINGS PA'I SKYES BU DE NI PHYIS THAR PAR 'GYUR RO, ,DE LA JI LTAR NA SKYES BU'I DBANG DU BYAS PA'I RANG BZHIN GYI 'CHING BAS SKYES BU DE SNGAR BCINGS SHE NA, SNGON JI SRID DU RANG BZHIN GYI CHAR GTOGS PA'I BLO DES BLO BDAG KYANG GZHAN LA SNYING STOBS DANG RTUL DANG MUN PA'I RANG BZHIN YANG GZHAN NO SNYAM DU MI SHES PA DE SRID DU NI BLO DE LA 'BA' ZHIG PA NYID KYI SHES PA MI SKYE BAS BLO NYID BCINGS PA YIN LA, BLO BCINGS PA DES DPER NA GZUGS LA BRTEN TE GZUGS BRNYEN 'BYUNG BA BZHIN DU SKYES BU YANG 'CHING BAR BYED PAS, DE NI SKYES BU'I DBANG DU BYAS PA'I RANG BZHIN GYI 'CHING BAS SKYES BU SNGAR BCINGS PA YIN NO, ,JI LTAR NA SKYES BU'I DBANG DU BYAS PA'I RANG BZHIN GYI 'CHING BAS SNGAR BCINGS PA'I SKYES BU DE PHYIS THAR PAR 'GYUR ZHE NA, GANG GI TSE RANG BZHIN GYI CHAR GTOGS PA'I BLO DES BLO BDAG KYANG GZHAN LA, SNYING STOBS DANG RTUL DANG MUN PA'I RANG BZHIN YANG GZHAN NO SNYAM DU SHES PA DE'I TSE NA BLO DE LA 'BA' ZHIG PA NYID KYI SHES PA SKYE BAS BLO NYID THAR PA YIN LA, BLO THAR PA DES DPER NA GZUGS LA BRTEN NAS GZUGS BRNYAN 'BYUNG BA BZHIN DU SKYES BU YANG THAR PAR BYED PAS DE LTAR BLOS BDAG NYID KYANG GZHAN LA RANG BZHIN YANG GZHAN YIN NO SNYAM DU SHES PAS BDAG NYID THAR PA GZUGS LTA BU DE LA BRTEN NAS SKYES BU LA YANG DE LTAR SHES PA GZUGS BRNYAN LTA BU SKYE ZHING SKYES BU THAR BAR 'GYUR BA NI, SKYES BU'I DBANG DU BYAS PA'I RANG BZHIN GYI 'CHING BAS SNGAR BCINGS PA'I SKYES @73B BU PHYIS THAR PA ZHES BYA STE, DE LTAR SKYES BU THAR PAR 'GYUR BA DE MYA NGAN LAS 'DA'O ZHES ZER RO, ,DE SKAD CES ZER BA DE DAG GI GZHUNG MI 'THAD PAR SUN DBYUNG BA'I PHYIR 'DIR 'GREL PA BYED PA NYID KYIS, DE DAG GI BDAG KYANG GZHAN LA RANG BZHIN YANG GZHAN NO SNYAM DU BLO NGES PAR BYAS PA YANG SKYES BU SNGA PHYI'I KHYAD PAR MA SKYES PA LA GANG GIS BCINGS PA DANG THAR PA ZHES BYA BAR BRJOD PA'I KHYAD PAR MED DO ZHES BYA BA SMRAS TE, GRANGS CAN DAG GI BLO GZUGS LTA BU SA BDAG KYANG GZHAN LA RANG BZHIN YANG GZHAN NO SNYAM DU NGES PAR BYAS TE BDAG NYID THAR PAS SKYES BU GZUGS BRNYAN LTA BU YANG THAR PAR 'GYUR RO ZHES BYA BA YANG, GRANGS CAN BDAG NYID KYIS GZHUNG LAS SKYES BU NI RTAG PA MI 'GYUR BA SNGA PHYI'I KHYAD PAR MA SKYES PA YIN PAR 'DOD PAS DES NA RANG BZHIN GYIS CHAR GTOGS PA'I BLOS BDAG KYANG GZHAN LA RANG BZHIN YANG GZHAN NO SNYAM DU NGES PAR BYAS SU ZIN KYANG, SKYES BU RTAG PA MI 'GYUR BA SNGA PHYI'I KHYAD PAR MA SKYES PA LA GNAS SKABS GANG GIS BCINGS PA ZHES BYA BAR BRJOD PA'I KHYAD PAR DANG, GNAS SKABS GANG GIS THAR PA ZHES BYA BAR BRJOD PA'I KHYAD PAR DMIGS SU MED PAS DE'I PHYIR GZUGS DANG GZUGS BRNYAN GYI TSUL LTAR RANG BZHIN THAR PAS SKYES BU THAR PAR MI 'GYUR BAS SKYES BU LA THAR PA MED DO, ,GAL TE 'DIR GRANGS CAN DAG 'DI SKAD CES KHO BO CAG GI GRUB PA'I MTHA' LA YONGS SU GYUR PA ZHES BYA BA'I CHOS YOD PAS, DES DPER NA GSER GYI RANG BZHIN MI 'GYUR YANG GDU BU DANG DPUNG RGYAN LA SOGS PA'I DBYINGS YONGS SU 'GYUR BA BZHIN DU SKYES BU'I RANG BZHIN MI 'GYUR YANG BLOS BDAG KYANG GZHAN LA RANG BZHIN YANG GZHAN NO SNYAM DU NGES PAR BYAS TE THAR PAR GYUR PA NA SKYES BU YANG DE'I RNAM PAR YONGS SU 'GYUR BA'I PHYIR SKYES BU THAR BAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, GAL TE YONGS SU 'GYUR NA YANG, YONGS SU 'GYUR BA'I PHYIR SHES PA YOD PA NYID MA YIN PA'I SKYON DU 'GYUR RO ZHES BYA BA SMRAS TE, GANG GI PHYIR YONGS SU 'GYUR BA ZHES BYA BA NI MI RTAG PA STE, RANG BZHIN GYI CHOS YIN GYI, SKYES BU'I CHOS MA YIN PA DE'I PHYIR, GAL TE SKYES BU DE YONGS SU 'GYUR NA @74A *, ,YONGS SU 'GYUR BA'I PHYIR SHES PA YOD PA NYID MA YIN PA'I SKYON DU 'GYUR BAS DE YANG MI RUNG NGO, ,GAL TE 'DIR GRANGS CAN DAG 'DI SKAD CES DPER NA GZUGS YOD PA TZAM GYIS GZUGS BRNYAN 'BYUNG BA DE BZHIN DU BLO YOD BA TZAM GYIS SKYES BU LA 'BA' ZHIG PA NYID KYI SHES PA SKYE BAR 'GYUR TE; DE YANG GANG GI TSE RANG BZHIN GYI CHAR GTOGS PA'I NANG GI BYED PA'I BLO LA SNYING STOBS DANG, RDUL DANG, MUN PA'I YON TAN GSUM LAS SNYING STOBS SHAS CHE BAR GYUR PA NA BLO DE LA BDAG KYANG GZHAN LA RANG BZHIN YANG GZHAN NO SNYAM DU SHES PA'I NGES PA SKYE BAR 'GYUR ZHING DE LTAR BLO LA NGES PA SKYES PA YOD PA TZAM GYIS DPER NA GZUGS YOD NA GZUGS BRNYAN 'BYUNG BA BZHIN DU SKYES BU LA YANG 'BA' ZHIG PA NYID KYI SHES PA SKYE BAR 'GYUR BAS SKYES BU LA THAR PA YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, CI STE YOD PA TZAM GYIS PHAN 'DOGS PA NYID KYIS NANG GI BYED PA SNYING STOBS SHAS CHE BAR GYUR PA NA GZUGS BRNYAN 'BYUNG BA'I RGYU NYID KYIS BDAG KYANG GZHAN LA RANG BZHIN YANG GZHAN NO SNYAM DU NGES PAR GYUR NA YANG, DE LTA NA YANG NANG GI BYED PA LA BYE BRAG YOD PAR ZAD KYI SKYES BU LA BYE BRAG MED PAS THAR PA MED DO ZHES BYA BA SMRAS TE, DE LTA NA YANG RANG BZHIN GYI CHAR GTOGS PA'I NANG GI BYED PA PO'I BLO LA BDAG KYANG GZHAN LA, RANG BZHIN YANG GZHAN NO SNYAM DU SHES PA'I BYE BRAG YOD PAR ZAD KYI, SKYES BU LA BYE BRAG MED PAS THAR PA YANG MED DO, ,GAL TE 'DIR GRANGS CAN DAG 'DI SKAD CES KHO BO CAG GI GRUB PA'I MTHA' LAS GZUGS LAS GZUGS BRNYAN 'BYUNG BA BZHIN DU RANG BZHIN GYI CHAR GTOGS PA'I BLO NGES PA SKYE STE, SNGAR BCINGS PA'I GNAS SKABS LAS PHYIS THAR PA'I GNAS SKABS KYI BYE BRAG YOD PA LA BRTEN NAS, SKYES BU LA YANG BYE BRAG YOD PAR 'DOD PAS SKYES BU THAR PA YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, BYE BRAG YOD NA YANG SKYON SNGA MA BZHIN DU 'GYUR RO ZHES BYA BA SMRAS TE, SKYES BU LA BYE BRAG YOD NA 'GYUR BA YIN PA'I PHYIR RTAG PA NYID MED PAS SHES PA YOD PA NYID MA YIN PA'I SKYON SNGA MA BZHIN DU 'GYUR BAS DE YANG MI RUNG @74B YANG GZHAN YANG BDAG KYANG GZHAN LA RANG BZHIN YANG GZHAN NO SNYAM DU SHES PA BZLOG PA YOD KYANG, SKYES BU LA SHES PA BZLOG PA MI SKYE BA'I PHYIR RO ZHES BYA BAS NI, YANG GZHAN YANG GRANGS CAN DAG ZER BA LTAR RANG BZHIN GYI CHAR GTEGS PA'I BLO DE LA BLO BDAG KYANG GZHAN LA, SNYING STOBS DANG; RDUL DANG, MUN PA'I YON TAN GSUM CHA MNYAM PA'I RANG BZHIN YANG GZHAN NO SNYAM DU SHES PA SKYES PA'I DUS NA, BLO DE LA BCINGS PA'I GNAS SKABS KYI SEMS LAS BZLOG PA RNAM PAR GROL BA'I GNAS SKABS KYI SEMS SKYE ZHING SHES PA BZLOG PA DE YOD KYANG SKYES BU RTAG PA MI 'GYUR BA SNGA PHYI'I KHYAD PAR MA SKYES PA DE LA SHES PA BZLOG PA MI SKYE BA'I PHYIR DES NA SKYES BU DE LA SNGON BCINGS PA'I GNAS SKABS KYI SEMS LAS BZLOG PA RNAM PAR GROL BA'I GNAS SKABS KYI SEMS KYI KHYAD PAR 'GA' YANG MI SKYE BAS DE LTA NA YANG SKYES BU LA THAR PA MED DO, ,KHYED RGYA'I GZUGS BRNYAN 'BYUNG BA'I TSUL GYIS THAR PA 'DOD PA DE LA YANG ZHES BYA BAS NI, GRANGS CAN DAG RGYA'I GZUGS LA BRTEN NAS 'BUR GYI GZUGS BRNYAN 'BYUNG BA'I TSUL BZHIN DU GANG GI TSE RANG BZHIN GYI CHAR GTOGS PA'I BLO DES BLO BDAG KYANG GZHAN LA SNYING STOBS DANG, RDUL DANG, MUN PA'I RANG BZHIN YANG GZHAN NO SNYAM DU SHES PA DE'I TSE NA, BLO DE LA 'BA' ZHIG PA NYID KYI SHES PA SKYE BAS BLO NYID THAR PA YIN LA, BLO THAR PA RGYA'I GZUGS LTA BU DE LA BRTEN NAS SKYES BU LA YANG 'BUR GYI GZUGS BRNYAN LTA BU'I 'BA' ZHIG PA'I SHES BSKYE BA'I ? TSUL GYIS SKYES BU LA YANG THAR PA YOD PAR 'DOD PA'I TSUL DE MI 'THAD PAR SUN 'BYIN PA STON TO, ,JI LTAR DE MI 'THAD CE NA, DE'I PHYIR, SKYES BU LA 'GYUR BA MED PA'I PHYIR SNGA NAS MA BZLOG PA YIN PA LA PHYIS KYANG SHES PA MA NOR BA SKYE MI SRID DE, MA BZLOG PA'I PHYIR, DPER NA PHYI MA BZHIN PAS THAR PA MED DO ZHES BYA BA SMRAS TE, DES NI SKYES BU NI RTAG PA 'GYUR BA MED PA'I PHYIR RANG BZHIN DANG MTSAN NYID THA DAD PA NYID YIN PAS SNGA NAS BCINGS PA'I GNAS SKABS KYI SEMS LAS MA BZLOG CING RNAM PAR GROL BA'I GNAS SKABS KYI SEMS MA SKYES PA YIN PAS DE LTAR SKYES BU LA 'GYUR BA MED PA'I PHYIR SNGA NAS @75A *, ,MA BZLOG PA YIN PA DE LA, PHYIS KYANG 'BA' ZHIG PA NYID KYI SHES PA MA NOR BA SKYE MI SRID DE, SNGA NAS MA BZLOG PA YIN PA'I PHYIR DPER NA RNAM PAR GROL BA'I GNAS SKABS PHYI MA RNAM PAR GROL ZIN PA LA YANG 'BA' ZHIG PA NYID KYI SHES PA MA NOR BA SKYE MI SRID PA BZHIN PAS DE'I PHYIR ? GZUGS LA BRTEN NAS 'BUR GYI GZUGS BRNYAN 'BYUNG BA'I TSUL BZHIN DU GANG GI TSE RANG BZHIN GYI CHAR GTOGS PA'I BLO BDAG KYANG GZHAN LA SNYING STOBS DANG, RDUL DANG, MUN PA'I RANG BZHIN YANG GZHAN NO SNYAM DU SHES PA DE'I TSE NA BLO DE LA 'BA' ZHIG PA NYID KYI SHES PA SKYE BAS BLO NYID THAR PA YIN LA; BLO THAR PA RGYA'I GZUGS LTA BU DE LA BRTEN NAS SKYES BU LA YANG 'BUR GYI GZUGS BRNYAN LTA BU'I 'BA' ZHIG PA NYID KYI SHES PA SKYE BA'I TSUL GYIS SKYES BU LA YANG THAR PA YOD PAR 'DOD PA'I TSUL DE MI 'THAD PAS SKYES BU LA THAR PA MED DO ZHES STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA SNGON RNAM PAR MA GROL BA'I GNAS SKABS LA LTOS TE, RNAM PAR GROL BA'I GNAS SKABS PHYI MA RNAM PAR GROL ZIN PA NI, RNAM PAR GROL BA TSUN CHAD NAS BCINGS PA'I GNAS SKABS KYI SEMS LAS MA BZLOG CING RNAM PAR GROL BA'I GNAS SKABS KYI SEMS GZHAN MA SKYES PA'I TSUL GYIS SNGA NAS MA BZLOG PA YIN PA'I PHYIR, DE LA PHYIS KYANG 'BA' ZHIG PA NYID KYI SHES PA MA NOR BA SKYE MI SRID PAS, DE LA THAR PA MED PA DE BZHIN DU GRANGS CAN DAG GIS BRTAGS PA'I SKYES BU RTAG PA 'GYUR BA MED PA RANG BZHIN DANG MTSAN NYID THA DAD PA NYID YIN PA SNGA NAS BCINGS PA'I GNAS SKABS KYI SEMS LAS MA BZLOG CING RNAM PAR GROL BA'I GNAS SKABS KYI SEMS MA SKYES PA'I TSUL GYIS SNGA NAS MA BZLOG PA YIN PA DE YANG BCINGS PA'I GNAS SKABS KYI SEMS LAS MA BZLOG CING RNAM PAR GROL BA'I GNAS SKABS KYI SEMS GZHAN MA SKYES PA'I TSUL GYIS SNGA NAS MA BZLOG PA YIN PA'I PHYIR DE LA PHYIS KYANG 'BA' ZHIG PA NYID KYI SHES PA MA NOR PA ? SKYE MI SRID PAS, DE LA THAR PA MED DO, ,GAL TE 'DIR GRANGS CAN DAG 'DI SKAD CES KHO BO CAG RGYA'I GZUGS BRNYAN 'BYUNG BA'I TSUL GYIS @75B SKYES BU LA THAR PA YOD PAR 'DOD PAS, DES NA SKYES BU SNGA NAS MA BZLOG PA YIN YANG PHYIS DE BLO RGYA'I GZUGS LTA BU LA BRTEN NAS SKYES BU LA YANG 'BA' ZHIG PA NYID KYI SHES PA MA NOR BA 'BUR GYI GZUGS BRNYAN LTA BU SKYE BA'I TSUL GYIS SKYES BU LA THAR PA YOD PAR 'GYUR BAS KHYED KYI SGRUB PA SDE MA DE DAG KHO BO CAG GI PHYOGS LA MI GNOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL BA BYED PA NYID KYIS, SHES PA SKYES NAS YANG 'GYUR BA'I PHYIR SHES PA YOD PA NYID MA YIN PA LA SOGS PA'I SKYON DU THAL BAR 'GYUR RO ZHES BYA BA SMRAS TE, DE LTAR SNGON 'BA' ZHIG PA NYID KYI SHES PA MA NOR BA MA SKYES PA LAS PHYIS SKYES PAR GYUR NA, DE LTA NA SKYES BU LA 'GYUR BA YOD PA'I PHYIR SHES PA YOD PA NYID MA YIN PA DANG, MI RTAG PA DANG, BYA BA DANG BCAS PA NYID LA SOGS PA'I SKYON DU THAL BAR 'GYUR BAS DE YANG MI RUNG NGO, ,'DIR GAL TE GRANGS CAN DAG 'DI SKAD CES GANG GI TSE, MIG LA SOGS PA NANG GI BYED PA RANG BZHIN GYI CHAR GTOGS PA DAG GI CHOS GZUGS 'DZIN PA LA SOGS PA DAG SKYE BA MED PAR MTHONG BA DE'I TSE NA NANG GI BYED PA RNAMS YUL LA MI 'JUG PA GANG YIN PA DE NYID THAR PA YIN LA, DE'I TSE NA SKYES BU YANG ZHAR LA THAR BAS DE'I PHYIR SKYES BU LA YANG THAR PA YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS BYED PO'I CHOS 'DZIN PA LA SOGS PA DAG NI, RJE DPON RGYAL BA BZHIN DU SKYES BU LA NYE BAR BTAGS PA'I PHYIR, THAR PA NYE BAR BTAGS PA YIN NO ZHES BYA BA SMRAS TE, DE LTAR GANG GI TSE MIG LA SOGS PA NANG GI BYED PA RANG BZHIN GYI CHAR GTOGS PA DAG GI CHOS GZUGS 'DZIN PA LA SOGS PA DAG SKYE BA MED PAR MTHONG BAS DE'I TSE NA, NANG GI BYED PA RNAMS YUL LA MI 'JUG PA GANG YIN PA DE NYID THAR PA YIN LA, DE'I TSE NA SKYES BU YANG ZHAR LA THAR PA 'DOD NA DE LTAR BYED PO'I CHOS 'DZIN PA LA SOGS PA DAG THAR PAS SKYES BU THAR PAR 'DOD PA DE NI DPER NA G-YOG 'KHOR DAG GIS PHA ROL GYI YUL 'KHOR LAS RGYAL BAR BYAS PA RJE DPON LA NYE BAR BTAGS TE, RJE DPON RGYAL BAR GYUR TO ZHES ZER BA NI RJE DPON LA NYE BAR BTAGS PA'I PHYIR RGYAL BA DE RJE DPON DNGOS KYI @76A *, ,MA YIN PA DE BZHIN DU BYED PO'I CHOS 'DZIN PA LA SOGS PA DAG THAR PAR GYUR PA SKYES BU LA NYE BAR BTAGS TE SKYES BU THAR PAR 'DOD PA DE YANG SKYES BU LA NYE BAR BTAGS PA'I PHYIR, THAR PA DE SKYES BU DNGOS KYI MA YIN PAS SKYES BU LA THAR PA MED DO, ,DE LTAR RANG BZHIN YANG THAR PAR MI 'THAD LA, SKYES BU YANG THAR PAR MI 'THAD PA DE'I PHYIR, SLOB DPON 'PHAGS PA LHAS, GAL TE BDAG CES BYA BA YOD, ,BDAG MED CES BYA DE MI RIGS, ,YANG NA DE NYID RTOGS PA 'AM, ,MYA NGAN 'DA' BA NGES BRDZUN 'GYUR, ,ZHES GSUNGS PAS GRUB PO, ,ZHAR LA BSHAD PAS CHOG GI SKABS NYID DPYAD PAR BYA'O ZHES BYA BA NI, BRTAG PA GONG MA'I MJUG BSDU BA DANG, 'OG MA'I MGO 'DREN PA'I TSIG YIN NO, DE LTAR NANG DANG PHYI ROL GYI SKYE MCHED RNAMS KYI DE KHO NA NYID RTOGS PAR BYED PA LA BRTZON PA'I RNAL 'BYOR PA DES DE DAG STONG PA NYID DU RTOGS PA'I PHYIR, NANG DANG PHYI ROL NYID DAG LA, , BDAG DANG BDAG GI ZAD GYUR NA, ,NYE BAR LEN PA 'GAG 'GYUR ZHING, ,DE ZAD PAS NA SKYE BA ZAD, ,CES BYA BAS NI DE LTAR RNAL 'BYOR PA GANG ZAG BDAG MED PA'I DE KHO NA MTHONG BAR 'DOD PA YONGS SU RTOGS PA DANG LDAN PAS PHYI DANG NANG GI 'DU BYED RNAMS LA BDAG DANG BDAG GIR 'DZIN PA MED PAR GYUR PA, GANG ZAG BDAG MED PAR CHUD PA'I 'BRAS BU STON TE, DE LTAR NANG DANG PHYI ROL NYID DAG LA DE'I BDAG CES BYA BA DANG BDAG GI ZHES BYA BA DE LA LOG PAR 'DZIN PA ZAD PAR GYUR NA, NYE BAR LEN PAR BYED PA DANG NYE BAR BLANG BAR BYA BA MED PAS NYE BAR LEN PA RNAM PA BZHI YANG 'GAG PAR 'GYUR ZHING, NYE BAR LEN PA 'GAGS PAS SRID PA 'GAG ,SRID PA 'GAGS PAS SKYE BA ZAD PAR GYUR PA DE NI THAR PA ZHES BYA STE, DE NYID GANG ZAG BDAG MED PA'I DE KHO NA RTOGS PA'I 'BRAS BU YIN NO ZHES BYA BAR SBYAR RO, ,DE NYID BYE BRAG TU BSHAD PA BSTAN PA'I PHYIR, DE LTAR NANG DANG PHYI ROL NYID DAG LA DE'I BDAG CES BYA BA DANG, BDAG GI ZHES BYA BAR DE DAG LA LOG PAR 'DZIN PA ZAD PAR GYUR NA, 'DOD PA DANG, LTA BA DANG, TSUL KHRIMS DANG, BRTUL ZHUGS DANG, BDAG TU SMRA BA ZHES BYA BA NYE BAR LEN PA RNAM PA BZHI 'GAG PAR 'GYUR TE, DE LA RE ZHIG BDAG MED PA NYID DU MTHONG BAS NI @76B BDAG TU SMRA BA'I NYE BAR LEN PA SPONG BAR 'GYUR LA, DE SPANGS PAS NYE BAR LEN PA LHAG MA RNAMS KYANG SPONG BAR 'GYUR TE, DE DAG NI BDAG TU SMRA BA NYE BAR LEN PA'I SKYE GNAS CAN YIN PA'I PHYIR RO, ,NYE BAR LEN PA 'GAG PA'I PHYIR DE'I SKYE GNAS LAS BYUNG BA'I SRID PA ZAD PAR 'GYUR BAS DE ZAD PAS NA SKYE BA ZAD DE, DE NI THAR PA ZHES BYA'O ZHES BYA BA SMRAS TE, DE NI GANG ZAG BDAG MED PA'I DE KHO NA RTOGS PA'I 'BRAS BU YIN NO, ,DE NYID BSTAN PA'I PHYIR, THAR PA DE YANG GANG ZAG BDAG MED PA MTHONG BA'I PHYIR 'PHAGS PA NYON THOS DANG RANG SANGS RGYAS KYI YIN NO ZHES BYA BA SMRAS TE, SANGS RGYAS KYI THEG PAS 'GRO BA RNAMS KYI NI NYON MONGS PA'I SGRIB PA SPANGS PA DANG, SHES BYA'I SGRIB PA SPANGS PAS 'THOB STE, NYON MONGS PA'I SGRIB PA SPONG BA'I THABS NI JI SKAD BSTAN PA DE DAG YIN NO ZHES BYA BAS NI SANGS RGYAS NYID KYI THAR PA NI, SGRIB PA RNAM GNYIS SPANGS PAS 'THOB PO ZHES KHYAD PAR DU BSTAN CING, NYON MONGS PA'I SGRIB PA SPONG BA'I THABS NI THEG PA GSUM CHAR GYI YANG THUN MONG YIN TE, DE NI 'DI YAN CHAD DU JI SKAD BSTAN PA DE DAG YIN NO ZHES BSTAN TO, ,DE LTAR RE ZHIG GZHAN GYIS SMRAS PA'I SGRUB PA BSTZAL BA DANG, BDAG NYID KYIS SGRUB PA KHA NA MA THO BA MED PA BSTAN PAS GANG ZAG BDAG MED PA BSTAN TO, ,DA NI GZHAN GYIS SMRAS PA'I SGRUB PA BSTZAL BA DANG, BDAG NYID KYI SGRUB PA KHA NA MA THO BA MED PAR BSTAN PAS CHOS BDAG MED PA BSTAN PAR BYA STE, CHOS BDAG MED PAS NI SHES BYA'I SGRIB PA SPONG ZHING, BLA NA MED PA'I YE SHES THOB PAS DE NI NYAN THOS LA SOGS PA DANG THUN MONG MA YIN TE, DE THOB PA'I THABS BSTAN PA'I PHYIR, SHES BYA'I SGRIB PA SPANG BA'I PHYIR NI 'DI BSHAD DE, LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES BYA BA'I SKABS SMRAS TE, 'DI LA LAS DANG NYON MONGS PA DAG NI SKYE BA'I RGYU YIN PA'I PHYIR, LAS DANG NYON MONGS PA ZAD PAS THAR PA ZHES BYA'O, ,LAS DANG NYON MONGS PA DE DAG KYANG YANG DAG PA MA YIN PA'I RNAM PAR RTOG PA LAS BYUNG BA YIN GYI, @77A *, ,NGO BO NYID KYIS YOD PA NI MA YIN NO, ,DE LA NYON MONGS PA NI TSUL BZHIN MA YIN PAR RNAM PAR RTOG PA LAS BYUNG BA YIN TE, JI LTAR YUL GCIG KHO NA LA YANG LA LA NI CHAGS PAR 'GYUR, LA LA NI SDANG BAR 'GYUR, LA LA NI RMONGS PAR 'GYUR BAS DE'I PHYIR NYON MONGS PA RNAMS NI RNAM PAR RTOG PA LAS BYUNG NGO, ,LAS NI NYON MONGS PA CAN GYI SEMS DANG LDAN PA'I LUS DANG, NGAG DANG, YID KYIS MNGON PAR 'DU BYED PA DAG YIN TE, BCOM LDAN 'DAS KYIS KYANG GANG ZAG MA RIG PA DANG LDAN PA NI BSOD NAMS DANG BSOD NAMS MA YIN PA LAS BYUNG BA'I LAS MNGON PAR 'DU BYA BDAG KYANG MNGON PAR 'DU BYED DO ZHES BKA' STZAL PAS, LAS KYANG YANG DAG PA MA YIN PA'I RNAM PAR RTOG PA LAS BYUNG BA YIN NO, ,RNAM PAR RTOG PA DE DAG NI 'JIG RTEN PA'I RNYED PA DANG MA RNYED PA LA SOGS PA'I CHOS RNAMS LA 'DI BDEN NO SNYAM DU MNGON PAR ZHEN PA'I SPROS PA LAS BYUNG NGO; ,SPROS PA DE NI STONG PA NYID KYIS 'GAG PAR 'GYUR TE, CHOS BDAG MED PA NYID KYI MTSAN NYID STONG PA NYID RTOGS PA DANG STONG PA NYID SHES PA SKYES NA DE'I 'JIG RTEN PA'I SPROS PA 'GAG PAR 'GYUR RO, ,DE LTA BAS NA CHOS BDAG MED PA STONG PA NYID NI DE KHO NA YIN LA STONG PA NYID BSGOM PA KHO NAS NI DE KHO NA RTOGS SHING SHES BYA'I SGRIB PA SPONG BAR 'GYUR BAS, DE NI NYAN THOS LA SOGS PA DANG THUN MONG MA YIN PA'I THAR PA STE, CHOS BDAG MED PA'I DE KHO NA BSGOMS PA'I 'BRAS BU BLA NA MED PA'I YE SHES NYID YIN NO ZHES BYA BAR SBYAR RO, ,LAS DANG NYON MONGS ZAD PAS THAR, ,ZHES GSUNGS PA DE NYID BSTAN PA'I PHYIR, LAS DANG NYON MONG PA DAG NI SKYE BA'I RGYU YIN PA'I PHYIR DE DAG ZAD PAS, SDUG BSNGAL LAS RNAM PAR GROL BA NI THAR PA'O ZHES BYA BA SMRAS SO, ,LAS DANG NYON MONGS PA DE DAG CI LAS 'BYUNG BA DE DAG BSTAN PA'I PHYIR, SKYE BA'I RGYU LAS DANG NYON MONGS PA DE DAG NI YUL RNAMS LAS MI 'BYUNG STE, 'DOD CHAGS DANG BRAL BA LA YUL RNAMS YOD KYANG DE DAG MED PA'I PHYIR RO, ,'O NA CI LAS 'BYUNG ZHE NA, LAS DANG NYON MONGS RNAM RTOG LAS, ,ZHES BYA BA GSUNGS TE, LAS DANG NYON MONGS PA DAG NI SDUG PA DANG MI SDUG PAR KUN TU RTOG PA'I MTSAN NYID KYI RNAM PAR @77B RTOG PA DAG LAS 'BYUNG STE, DE DAG YOD NA 'BYUNG BA'I PHYIR RO ZHES BYA BA SMRAS SO, ,'DI NA GANG YOD NA GANG 'BYUNG BA DE NI DE'I RGYU CAN YIN PAR SHES PAR BYA STE, DPER NA SA BON YOD NA MYU GU 'BYUNG BA DE BZHIN DU 'PHAGS PA MA YIN PA'I TSUL BZHIN MA YIN PA YID LA BYED PA ZHES BYA BA'I RNAM PAR RTOG PA YOD NA LAS DANG NYON MONGS PA DAG KYANG 'BYUNG BAR 'GYUR RO ZHES BYA BAS NI, DE'I RJES SU 'GRO BA'I DPE BSTAN TO, ,GANG LA RNAM PAR RTOG PA MED PAS DE LA DE DAG KYANG MI 'BYUNG STE, DPER NA 'PHAGS PA'I RGYUD BZHIN NO ZHES BYA BAS NI DE'I LDOG PA'I DPE BSTAN TO, ,LAS DANG NYON MONGS PA DAG GI MTSAN NYID BSTAN PA'I PHYIR, DE LA LAS NI NYON MONGS PA CAN GYI SEMS DANG LDAN PA'I YID KYI MNGON PAR 'DU BYED PA DANG, DES KUN NAS BSLANG BA'I LUS DANG NGAG GI 'JUG PA'O, ,NYON MONGS PA NI SEMS CAN GYI RGYUD NYON MONGS PAR BYED PA DAG STE, 'DOD CHAGS LA SOGS PA DAG GO ZHES BYA BA SMRAS SO, ,RNAM PAR RTOG PA DE DAG CI LAS 'BYUNG BA BSTAN PA'I PHYIR, LAS DANG NYON MONGS PA'I RGYU RNAM PAR RTOG PA GANG DAG YIN PA DE DAG NI SPROS PA LAS 'BYUNG BAS DE DAG SPROS LAS BYUNG ZHES BYA BA GSUNGS TE, ,THA SNYAD KYI BDEN PA LA MNGON PAR ZHEN PA'I MTSAN NYID KYI SPROS PA LAS 'BYUNG NGO ZHES BYA BA SMRAS SO, ,SPROS PA DE GANG GIS 'GAG PAR 'GYUR BA BSTAN PA'I PHYIR, SPROS PA DE YANG GANG GIS 'GAG PAR 'GYUR ZHE NA, SPROS PA NI STONG PA NYID KYIS 'GAG PAR 'GYUR RO ZHES BYA BA GSUNGS TE, RTOGS PAS ZHES BYA BA'I TSIG GI LHAG MA'O ZHES BYA BA SMRAS SO, ,STONG PA NYID RTOGS PAS SPROS PA 'GAG PAR 'GYUR BA'I DON BSTAN PA'I PHYIR, CHOS BDAG MED PA NYID KYI MTSAN NYID RTOGS PAS 'GAG PAR 'GYUR RO ZHES BYA BA SMRAS TE, DES NI CHOS BDAG MED PA NYID KYI MTSAN NYID STONG PA NYID RTOGS PAS SPROS PA 'GAG PAR BSTAN TO,, ,YANG NA, STONG PA NYID KYIS 'GAG PAR 'GYUR, ,ZHES BYA BA LA, STONG PA NYID NI STONG PA NYID SHES PA STE, STONG PA NYID SHES PA SKYES NA 'GAG PAR 'GYUR RO ZHES BYA BA'I THA TSIG GO ZHES BYA BAS NI CHOS BDAG MED PA NYID KYI MTSAN NYID STONG PA @78A *, ,NYID SHES PA SKYES NA SPROS PA 'GAG PAR BSTAN TE, DE LTAR CHOS BDAG MED PA NYID KYI MTSAN NYID STONG PA NYID RTOGS PA DANG STONG PA NYID SHES PA SKYES PAS SPROS PA 'GAG PA DE NI NYAN THOS LA SOGS PA DANG THUN MONG MA YIN PA'I THAR PA STE, CHOS BDAG MED PA'I DE KHO NA BSGOMS PA'I 'BRAS BU THUN MED PA'I YE SHES NYID YIN NO, ,GAL TE GANG ZAG BDAG MED PA NYID MTHONG BA KHO NAS SDUG PA DANG MI SDUG PAR RNAM PAR RTOG PA LAS BYUNG BA'I LAS DANG NYON MONGS PA DE DAG NYE BAR ZHI BA 'GRUB PA'I PHYIR, CHOS BDAG MED PA NYID MTHONG BA DON MED PAR 'GYUR RO ZHE NA ZHES BYA BA NI, PHA ROL PO DAG NA RE THEG PA GSUM GYI RNAM PAR GROL BA NI THUN MONG YIN LA, DE YANG GANG ZAG BDAG MED PA NYID MTHONG PA KHO NAS 'KHRUL PA'I PHYIR CHOS BDAG MED PA NYID MTHONG BA DON MED PAR 'GYUR RO ZHES ZER BA'I THA TSIG YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI RIGS PA MA YIN TE, NYON MONGS PA'I DRA BA BAG CHAGS DANG BCAS PA MA LUS PA DRUNGS NAS DBYUNG BAR 'DOD PA'I PHYIR TE, DE YANG CHOS BDAG MED PA NYID MTHONG BA MED PAR MI SRID PA'I PHYIR DANG, NYON MONGS PA CAN MA YIN PA'I MI SHES PA GNYEN PO RANG BYUNG GI YE SHES CHOS THAMS CAD KYI YUL PHYIN CI MA LOG PAR THUGS SU CHUD PA CAN YANG DES SPANG BAR BYA BA YIN PA'I PHYIR, CHOS BDAG MED PA NYID MTHONG BA DON MED PAR MI 'GYUR RO ZHES BYA BA SMRAS TE, THEG PA GSUM GYI RNAM PAR GROL BA THUN MONG YIN ZHING DE GANG ZAG BDAG MED PA NYID MTHONG BA KHO NAS 'GRUB TU ZIN KYANG BLA NA MED PA'I THEG PAS 'GRO BA RNAMS KYI GRUB PA'I MTHA' NI YE SHES PHUN SUM TSOGS PA DANG, SPANGS PA PHUN SUM TSOGS PAS RAB TU PHYE BA YIN PAR 'DOD LA, YE SHES PHUN SUM TSOGS PA NYON MONGS PA'I DRA BA BAG CHAGS DANG BCAS PA MA LUS PA DRUNGS PHYUNG BAS RAB TU PHYE BA DE YANG CHOS BDAG MED PA NYID MTHONG BA MED PAR MI SRID PA'I PHYIR DANG, SPANGS PA PHUN SUM TSOGS PA NYON MONGS PA CAN MA YIN PA'I SHES PA GANG LA GNYEN PO RANG BYUNG GI YE SHES CHOS THAMS CAD KYI YUL PHYIN CI MA LOG PAR THUGS SU CHUD PA YOD PA SPANGS PAS RAB TU PHYE BA DE YANG CHOS BDAG MED PA @78B NYID MTHONG BAS DE SPANG BAR BYA BA YIN PA'I PHYIR, CHOS BDAG MED PA NYID MTHONG BA'I SGO 'DI NAS YE SHES PHUN SUM TSOGS PA DANG SPANGS PA PHUN SUM TSOGS PAS RAB TU PHYE BA'I 'BRAS BU BLA NA MED PA 'THOB PA'I PHYIR CHOS BDAG MED PA NYID MTHONG BA DON MED PAR MI 'GYUR RO, ,DE'I PHYIR DE LTAR SPROS PA MA LUS PA NYE BAR ZHI BA'I MTSAN NYID STONG PA NYID NI THAR PA YIN TE ZHES BYA BA NI MJUG BSDU BA YIN TE, THEG PA CHEN PO LA MYA NGAN LAS 'DAS PA NI 'DUS BYAS STONG PA NYID DU SHES PA YIN NO ZHES BYA BA'I THA TSIG GO, ,DE NYID KYI KHUNGS SLOB DPON 'PHAGS PA LHAS MDZAD PA BSTAN PA'I PHYIR, DE LTAR YANG, MDOR NA CHOS NI MI 'TSE STE, ,MYA NGAN 'DAS PA STONG PA NYID, ,'DI LA DE GNYIS 'BA' ZHIG CES, ,DE BZHIN GSHEGS PA RNAMS KYIS GSUNGS, ,ZHES GSUNGS SO ZHES BYA BA SMRAS TE, DE BZHIN GSHEGS PA RNAMS KYIS THEG PA CHEN PO 'DI LA MDOR BSDU NA DGE BA'I CHOS NI SROG CHAGS RNAMS LA MI 'TSE BA YIN TE, DES NI KUN RDZOB KYI BDEN PA BSTAN LA, MYA NGAN LAS 'DAS PA NI 'DUS BYAS STONG PA NYID DU SHES PA YIN TE, DES NI DON DAM PA'I BDEN PA BSTAN PAS, THEG PA CHEN PO 'DI LA MDOR BSDUS NA, DON GYI DMIGS NI DE GNYIS 'BA' ZHIG TU 'DUS SO ZHES GSUNGS PAS DE'I PHYIR DE LTAR SPROS PA MA LUS PA NYE BAR ZHI BA'I MTSAN NYID STONG PA NYID NI MYA NGAN LAS 'DAS PA YIN NO,, ,,BAM PO DRUG CU GCIG PA, MU STEGS CAN KHA CIG GIS SMRAS PA, 'DI LA KHYED KYI STON PAS MDO SDE LAS, , BDAG GI MGON NI BDAG NYID YIN, ,GZHAN NI MGON DU SU ZHIG 'GYUR, ,MKHAS PA BDAG NYID LEGS DUL BAS, ,MTHO RIS DAG KYANG 'THOB PAR 'GYUR, ,ZHES GSUNGS SHING, DE BZHIN DU, SEMS CAN 'KHOR BAR ZHUGS PA NI, ,SDUG BSNGAL LAS NI RNAM MI 'GROL, ,ZHES KYANG GSUNGS PAS, KHYED BDAG MED DO ZHES SMRA BA LA KHAS BLANGS PA SNGA MAS GNOD PAR 'GYUR BAS, DE'I PHYIR BDAG DGAG PA'I RJES SU DPAG PA MA GRUB PO ZHES BYA BA NI, DE LTAR GZUGS BDAG MED PA NYID BSTAN PA LA, 'DIR GZHAN MU STEGS CAN @79A *, ,DAG GIS SKYON GZHAN MA MTHONG NAS KHAS BLANGS PA LA GNOD PAR 'GYUR RO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, SEMS CAN GANG DAG RGYU DANG 'BRAS BU LA SKUR PA 'DEBS PA'I LTA BAS BLO GROS NYAMS PA, 'JIG RTEN 'DI MED DO, ,'JIG RTEN PHA ROL MED DO, ,LEGS PAR BYAS PA DANG, NYES PAR BYAS PA'I LAS RNAMS KYI 'BRAS BU RNAM PAR SMIN PA MED DO, ,SEMS CAN RDZUS TE SKYE BA MED DO ZHES BYA BA LA MNGON PAR ZHEN PA RTAG TU MI DGE BA MNGON PAR 'DU BYA BA LA GZHOL BA'I YID DANG LDAN PA NGAN SONG GI G-YANG SA CHEN PO'I 'GRAM NA GNAS PA DAG YOD PAS, DE'I PHYIR SANGS RGYAS BCOM LDAN 'DAS DE DAG LA PHAN GDAGS PAR BZHED PA GZHAN LA PHAN PA BSKYED PA'I THUGS DAM MNGA' BA, SEMS DANG SEMS LAS BYUNG BA'I RGYUN LA BRTEN NAS, PHYI MA LA DE DAG GI RGYUN MI 'CHAD PAR GZIGS PA RNAMS KYIS THA SNYAD KYI BDEN PA'I DBANG GIS BDAG YOD DO ZHES KYANG GDAGS PAR MDZAD PAS DE'I PHYIR, BDAG GO ZHES KYANG BTAGS GYUR CING, ,CES BYA BA GSUNGS SO, ,SEMS CAN GANG DAG BDAG RTAG PA DANG, THAMS CAD DU SONG BA DANG, DGE BA DANG, MI DGE BA'I BYA BA LA RANG DBANG CAN DANG, ZA BA PO YIN NO SNYAM DU MNGON PAR ZHEN PA DAG YOD DO, ,DE DAG BDAG TU LOG PAR LTA BA'I THAG PAS SEMS BCINGS SHING, LUS DANG DBANG PO DANG BLO'I YUL LA BDAG MED PA'I LTA BA MA BSKYED PAS, BSAM GTAN DANG TING NGE 'DZIN DANG SNYOMS PAR 'JUG PA'I STOBS KYIS SHIN TU RING DU SONG YANG, BYA RKANG PA BSHAL THAG GIS BCINGS PA THAG RING POR SONG YANG PHYIR LHUNG BA BZHIN DU SKYE BA LA SOGS PA'I SDUG BSNGAL DAG LAS RNAM PAR MI 'GROL BAR THUGS SU CHUD NAS, DE LTAR BDAG TU LTA BA'I THAG PA BCAD PAS SDUG BSNGAL NYE BAR ZHI BAR MDZAD PA'I PHYIR, PHUNG PO LNGA LA BDAG MED DO ZHES KYANG BSTAN PA MDZAD PAS DE'I PHYIR, BDAG MED CES KYANG BSTAN PAR GYUR, ,ZHES BYA BA GSUNGS SO, ,GANG DAG DGE BA'I RTZA BA RGYA CHEN PO SHIN TU NYE BAR BSAGS PA, DBANG PO YONGS SU SMIN PA, ZAB CING RGYA CHED LA MOS PA, @79B THAMS CAD MKHYEN PA NYID RTOGS PA'I BSHAD PA BDUD RTZI'I SNOD DU GYUR PA DE DAG LA NI, 'DUS BYAS NGO BO NYID STONG PA RMI LAM DANG MIG 'PHRUL DANG CHU ZLA LTA BUR THUGS SU CHUD NAS, DON DAM PAR BDAG DANG BDAG MED PA 'GA' YANG MED PAR BSTAN PA MDZAD PAS DE'I PHYIR, SANGS RGYAS RNAMS KYIS BDAG DANG NI, ,BDAG MED 'GA' YANG MED PAR BSTAN, ,ZHES BYA BA GSUNGS TE, BDAG DANG BDAG MED PAR RNAM PAR BRTAG PA'I GZHI DNGOS PO YOD PA MA YIN PA'I PHYIR RO ZHES BYA BAR DGONGS SO, ,DE'I PHYIR DE LTAR THA SNYAD DU BDAG KHAS BLANGS PA'I PHYIR KHAS BLANGS PA LA MI GNOD DO ZHES BYA BA SMRAS TE, DES NI SANGS RGYAS BCOM LDAN 'DAS NYID KYIS KUN RDZOB TU GDUL BA'I DBANG GI PHYIR BDAG YOD PAR YANG BSTAN, BDAG MED PAR YANG BSTAN, BDAG DANG BDAG MED PA 'GA' YANG MED PAR YANG BSTAN TO ZHES BYA BAR SBYAR TE, SLOB DPON 'PHAGS PA LHAS KYANG, MED DANG YOD DANG GNYIS KA DANG, ,GNYI GA MIN PA'ANG STON MDZAD DE, ,NAD KYI DBANG GIS NGES PAR NI, ,SMAN NI 'PHROD PAR 'GYUR BA BZHIN, ,ZHES GSUNGS SO, ,GAL TE DE NI DON DAM PAR BSTAN PA'I PHYIR LAN MA YIN NO ZHE NA ZHES BYA BA NI PHA ROL PO DAG NA RE, DE NI BCOM LDAN 'DAS KYIS DON DAM PAR BDAG YOD PAR BSTAN PA'I TSIG YIN PA'I PHYIR KHYOD KYIS DE MED PAR BSAL BAS KHAS BLANGS PA LA GNOD PAR 'GYUR BA'I SKYON MA SPANGS PA'I PHYIR LAN MA YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS LAN MA YIN PA MA YIN TE, LUNG LAS, 'DI LA BDAG DANG SEMS CAN MED, ,CHOS 'DI DAG NI RGYU DANG BCAS, ,ZHES GSUNGS PA'I PHYIR DANG, DE YOD PA NYID DU STON PA'I RJES SU DPAG PA KHYOD KYIS MA SMRAS PA'I PHYIR DANG, BDAG DGAG PAR NUS PA'I SGRUB PA KHO BOS BSTAN PA'I PHYIR RO ZHES BYA BA SMRAS TE, BCOM LDAN 'DAS KYIS DON DAM PAR BDAG MED PAR BSTAN PA'I PHYIR DANG, KHYED KYIS BDAG YOD PA NYID DU STON PA'I RJES SU DPAG PA MA SMRAS PA'I PHYIR DANG KHO BOS BDAG DGAG PAR NUS PA'I SGRUB PA BSTAN PA'I PHYIR, KHAS BLANGS PA LA MI GNOD PAS DE NI RIGS @80A *, ,PA MA YIN PA MA YIN NO, ,TSIG LE'UR BYAS PA SNGA MA DE NYID KYI DON GZHAN DU BSHAD PA BSTAN PA'I PHYIR, YANG NA GZHAN DU BRTAG STE, MU STEGS BYED KHA CIG 'DU BYED BDAG MED PA SKAD CIG MA RE RE LA RNAM PAR 'JIG PA'I NGANG CAN NAM DUS GZHAN DU NGES PAR GNAS PA RNAMS LA BDAG MED NA LAS DAD 'BRAS BU MED PAR BTAGS NAS 'JIGS PAR GYUR PA DAG GIS BDAG YOD DO ZHES KYANG BTAGS PAS DE'I PHYIR, BDAG GO ZHES KYANG BTAGS GYUR CING, ,ZHES BYA BA GSUNGS SO, ,GZHAN GANG DAG 'DI NI LUS DANG DBANG PO DANG BLO'I TSOGS TZAM DU ZAD DE, 'DI LA RGYU DANG 'BRAS BU LAS GANG RTOGS PAR 'GYUR BA'I BDAG NI NGO BO NYID KYIS MED DE, SEMS SU BGRANG BA'I 'DU BYED BDAG MED PA NGES PAR MI GNAS SU MA BYAS PA 'DI DAG LA YANG 'KHOR BA MI 'THAD DO ZHES BYA BAR RIG NAS RGYU DANG 'BRAS BU'I 'BREL PA LA RMONGS PA, JI TZAM DBANG PO'I SPYOD YUL BA; ,SKYES BU'ANG DE TZAM NYID DU ZAD, ,SNGO BSANGS MANG THOS GANG SMRA BA, ,DE DAG SPYANG KI'I RJES DANG 'DRA, ,MDZES MA LEGS PAR SPYOD CING ZO, ,LUS MCHOG KHYED 'DAS GANG DE MED, ,'JIGS RUNG SONG BA PHYIR MI LDOG ,LUS 'DI 'DUS PA TZAM DU ZAD, ,CES ZER BA DAG GIS LUS DANG DBANG PO LA BDAG MED DO ZHES KYANG BSTAN PAS, DE'I PHYIR, BDAG MED CES KYANG BSTAN PAR GYUR, ,ZHES BYA BA GSUNGS SO, ,SANGS RGYAS BCOM LDAN 'DAS CHOS THAMS CAD LA MKHYEN PA LKOG TU MA GYUR PA 'JUG PA RNAMS KYIS NI, BDAG DANG BDAG MED PA 'GA' YANG MED PAR BSTAN PA MDZAD PAS DE'I PHYIR, SANGS RGYAS RNAMS KYIS BDAG DANG NI, ,BDAG MED 'GA' YANG MED PAR BSTAN, ,ZHES BYA BA GSUNGS TE, CHOS THAMS CAD KYI DE KHO NA SPROS PA MED PA NYID LEGS PAR THUGS SU CHUD PA'I PHYIR DANG, BDAG DANG BDAG MED PAR 'DZIN PA NYID SPANGS PA'I PHYIR DANG, BDAG DANG BDAG MED PAR RNAM PAR RTOG PA 'JUG PA'I RGYU MED PA MKHYEN PA'I PHYIR RO ZHES BYA BAR DGONGS TE, BDAG DANG BDAG MED PA'I RNAM PAR SGRO 'DOGS PAS GZUGS LA SOGS PA DAG LA KUN TU MI RTOG PA'I PHYIR RO ZHES BYA BA SMRAS TE, DES NI MU STEGS BDAG TU SMRA BA KHA CIG GIS @80B NI BDAG YOD PAR BSTAN LA, 'JIG RTEN RGYANG PAN PA DAG GIS NI BDAG MED PAR BSTAN GYI, SANGS RGYAS BCOM LDAN 'DAS KYIS NI BDAG DANG BDAG MED PA 'GA' YANG MED PA BSTAN TO ZHES BSHAD DO, ,DE NYID KYI KHUNGS BSTAN PA'I PHYIR, BCOM LDAN 'DAS MA SHES RAB KYI PHA ROL TU PHYIN PA, RAB KYI RTZAL GYIS RNAM PAR GNON PAS ZHUS PA'I MDO LAS, DE LTAR YANG JI SKAD DU RAB KYI RTZAL GYIS RNAM PAR GNON PA GZUGS NI BDAG GAM BDAG MED PA MA YIN NO, ,DE BZHIN DU TSOR BA DANG, 'DU SHES DANG, 'DU BYED RNAMS DANG RNAM PAR SHES PA YANG BDAG GAM BDAG MED PA MA YIN NO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA BDAG GAM BDAG MED PA NYID MA YIN PA GANG YIN PA DE NI SHES RAB KYI PHA ROL TU PHYIN PA'O ZHES GSUNGS SO ZHES BYA BA SMRAS SO, ,SPROS PA NI STONG PA NYID KYIS 'GAG PAR 'GYUR RO ZHES GANG SMRAS PA DE JI LTAR STONG PA NYID KYIS 'GAG PAR 'GYUR BA DE LTAR 'DI BSHAD PAR BYA STE ZHES BYA BAS NI SNGAR, LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES BSTAN PA DE'I RIGS PA BSTAN TO, ,DE'I PHYIR 'DI LA BRJOD PAR BYA BA LA RTOG PAS SGRO BTAGS PA LAS NI BRJOD PA'I BDAG NYID KYI SPROS PA DPAG TU MED PA 'BYUNG LA ZHES BYA BA SMRAS TE, DES NI SGRAS BRJOD PAR BYA BA'I DON LA RTAG PA DANG MI RTAG PA LA SOGS PAR RTOG PAR BRJOD PAR BYA BA NYID DU SGRO BTAGS PA LAS NI SGRA'I MTSAN NYID KYI SPROS PA DPAG TU MED PA 'BYUNG BAR BSTAN TO, ,DNGOS PO THAMS CAD KYI NGO BO NYID RAB TU DBEN PA'I MTSAN NYID KYI STONG PA NYID NAM MKHA' LTA BU MNGON SUM DU BYAR MED PA'I TSUL GYIS MNGON SUM DU BYAS SHING DNGOS PO THAMS CAD BRJOD DU MED PAR MTHONG BA'I BRJOD PAR BYA BA LDOG PAS TE, BRJOD PA 'JUG PA'I RGYU MED PAS SO ZHES BYA BA'I THA TSIG GO ZHES BYA BAS NI, RNAL 'BYOR PA GANG GIS DE LTAR MTHONG BA DE'I BRJOD PAR BYA BA LDOG PAS SPROS PA 'GAG PAR 'GYUR TE, BRJOD PA 'JUG PA'I RGYU DNGOS PO MED PAS SPROS PA 'GAG GO ZHES BYA BA'I THA TSIG GO ZHES BSTAN TE, GANG GI PHYIR DNGOS PO RNAMS STONG PAR MTHONG NA @81A *, ,BRJOD PAR BYA BA NYID LDOG PAR 'GYUR BA DE'I PHYIR SPROS PA NI STONG PA NYID KYIS 'GAG PAR 'GYUR TE, 'DI LTAR BRJOD PAR BYA BA YOD NA DE LA BRTEN NAS SPROS PA YANG YOD PAR 'GYUR GYI, BRJOD PAR BYA BA MED NA GZHI MED PA'I SPROS PA JI LTAR YOD PAR 'GYUR TE MI 'GYUR RO, , DE NYID BSTAN PA'I PHYIR, BRJOD PAR BYA BA DE YANG JI LTAR LDOG PAR 'GYUR ZHE NA, SEMS KYI SPYOD YUL LDOG PA'O, ,GANG GI PHYIR ZHES BYA BA'I TSIG GI LHAG MA'O ZHES BYA BA SMRAS TE, GANG GI PHYIR SEMS KYI SPYOD YUL LDOG PA DES BRJOD PAR BYA BA LDOG PAR 'GYUR RO ZHES BYA BAR SBYAR RO, , DE NYID BYE BRAG TU BSHAD PA BSTAN PA'I PHYIR, SEMS KYI SPYOD YUL NI SEMS KYI SPYOD YUL TE, GZUGS LA SOGS PA ZHES BYA BA'I THA TSIG GO, ,DE YANG DON DAM PAR YONGS SU MA GRUB PA'I PHYIR RO ZHES BYA BA SMRAS TE, GANG GI PHYIR DE'I SEMS KYI SPYOD YUL GZUGS LA SOGS PA DAG NYID DON DAM PAR YONGS SU MA GRUB PAS, LOG PAR 'GYUR BA DE'I PHYIR BRJOD PAR BYA BA LDOG PAR 'GYUR TE, 'DI LTAR BRJOD PAR BYA BA NI GZUGS LA SOGS PA DAG YIN NA DE DAG MED NA JI ZHIG BRJOD PAR 'GYUR TE MI 'GYUR RO, ,SEMS KYI SPYOD YUL ZHES BYA BA'I TSIG GI DON BSTAN PA'I PHYIR, SEMS KYI SPYOD YUL NI DNGOS POR BRJOD DE, RANG GI NGO BO DANG SPYI'I NGO BO STON PA'I PHYIR RO ZHES BYA BA SMRAS SO, ,LDOG PA'I DON BSTAN PA'I PHYIR, LDOG PA NI LDOG PA LTA BU STE, LTA BA PO'I DE KHO NA SHES PA SKYES PA DANG MA SKYES PA NA YANG DNGOS PO'I DE KHO NA RNAM PAR MI RTOG PA'I YE SHES KYI SPYOD YUL GYI RANG GI NGO BO YONGS SU MI GTONG BA'I PHYIR RO ZHES BYA BA SMRAS TE, DNGOS SU LDOG PAR BYA BA MED PA'I PHYIR LDOG PA LTA BU ZHES BSHAD DO, ,DE'I PHYIR LDOG PAS BRJOD PA'I BDAG NYID KYI SPROS PA LDOG GO ZHES BYA BA NI MJUG BSDU BA YIN NO, ,SEMS KYI SPYOD YUL LDOG PA DE YANG GANG GIS KYANG MI BYED DE; 'O NA JI LTA BU ZHE NA, SEMS KYI SPYOD YUL GZUGS LA SOGS PA DAG ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,CHOS NYID DANG CHOS KYI NGO BO NYID DANG RANG BZHIN ZHES BYA BA DAG NI RNAM GRANGS SO ZHES BYA BA NI DE'I SEMS KYI SPYOD YUL GZUGS LA @81B SOGS PA DAG JI LTAR LDOG PAR 'GYUR BA BSTAN TE, GANG GI PHYIR DES YANG DAG PA JI LTA BA BZHIN DU MTHONG BA NA SEMS KYI SPYOD YUL GZUGS LA SOGS PA DAG MA SKYES PA DANG MA 'GAGS PA'I CHOS NYID MYA NGAN LAS 'DAS PA DANG MTSUNGS PAR RAB TU SHES PA DE'I PHYIR DE'I SEMS KYI SPYOD YUL LDOG PAR 'GYUR RO, ,YANG NA GZHAN GYIS SPROS PA NI STONG PA NYID KYIS 'GAG PAR 'GYUR RO ZHES BYA BA DE LA RIG PA GANG YIN ZHES SMRAS PA NI, SLOB DPON GYI RNAL 'BYOR PA STONG PA NYID LA GNAS SHING MTSAN MA MED PA LA GNAS PA'I BRJOD PAR BYA BA LDOG PAS DE'I PHYIR, BRJOD PAR BYA BA LDOG PA STE, ,ZHES BSHAD DE, BRJOD PA 'JUG PA LDOG PAS SO, ,ZHES BYA BA'I THA TSIG GO ZHES BYA BA LA SOGS PA NI TSIG LE'UR BYAS PA SNGA MA DE NYID KYI DON RNAM PA GZHAN DU BSHAD PA STON TO, ,'DIR PHA ROL PO DAG GIS KHYOD DBU MA PAS SNGAR SPROS PA NI STONG PA NYID KYIS 'GAG PAR 'GYUR RO ZHES GANG SMRAS PA DE LA RIGS PA GANG YIN ZHES DRIS PA NA SLOB DPON GYIS RNAL 'BYOR PA STONG PA NYID LA GNAS SHING MTSAN MA MED PA LA GNAS PA'I BRJOD PAR BYA BA LDOG PAS DE'I PHYIR BRJOD PAR BYA BA LDOG PAS SPROS PA 'GAG PAR 'GYUR RO ZHES BSHAD DE, BRJOD PA 'JUG PA'I RGYU DNGOS PO RNAMS STONG PAR MTHONG ZHING LDOG PAS BRJOD PA'I BDAG NYID KYI SPROS PA LDOG PAR 'GYUR RO ZHES BYA BA'I THA TSIG GO, ,DES NA SEMS KYI SPYOD YUL LDOG PAS SO, ,SEMS KYI SPYOD YUL NI SEMS KYI RGYU BA ZHES BYA BA'I THA TSIG GO ZHES BYA BAS NI DE'I BRJOD PAR BYA BA JI LTAR LDOG PAR 'GYUR BA'I RGYU BSTAN TE, DE YANG SEMS KYI SPYOD YUL NI GZUGS LA SOGS PA YUL RNAMS LA SEMS RGYU BA DANG 'JUG PA DAG DPYOD PA DANG RTOG PA ZHES BYA BA DAG GI RNAM GRANGS YIN PAS GANG GI PHYIR DE'I SEMS KYI SPYOD YUL DE DAG NYID LDOG PAR GYUR PA DE'I PHYIR BRJOD PAR BYA BA LDOG PAR 'GYUR RO ZHES BYA BAR SBYAR RO, ,SEMS KYI SPYOD YUL NI SEMS KYI RGYU BA ZHES BYA BA'I THA TSIG GO ZHES BYA BA SMOS PA DE NYID BSTAN PA'I PHYIR YUL GYI NGO BO NYID NI SEMS KYIS MNGON PAR BRTAG PA YIN PAR BRJOD DE ZHES BYA BA SMRAS TE, SLOB DPON 'PHAGS PA LHAS KYANG, SRID PA'I SA BON RNAM SHES TE, ,YUL RNAMS @82A *, ,DE YI SPYOD YUL LO, ,ZHES GSUNGS PAS, SRED PA'I SA BON NI RNAM PAR SHES PA YIN LA YUL RNAMS NI DE'I SPYOD YUL YIN PAS JI SRID DU YUL RNAMS LA SEMS KYIS RNAM PAR BRTAGS SHING SEMS KYI RGYU BA DANG, 'JUG PA DANG, DPYOD PA DANG RTOG PA YOD PA DE SRID DU SEMS KYI SPYOD YUL YIN PAR BRJOD DO, ,SEMS KYI SPYOD YUL DE JI LTAR LDOG PA BSTAN PA'I PHYIR, DE YANG DMIGS SU MED PA LA GNAS PAS LDOG PA'I PHYIR ZHES BYA BA SMRAS TE, SLOB DPON 'PHAGS PA LHAS KYANG, YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,ZHES GSUNGS PAS SEMS KYI SPYOD YUL LDOG PA DE YANG YUL DMIGS SU MED PA LA GNAS PAS LDOG PAR 'GYUR RO, ,DE LTAR SEMS KYI SPYOD YUL LDOG PAS BRJOD PAR BYA BA LDOG PA'I MJUG BSDU BA BSTAN PA'I PHYIR, SEMS KYI SPYOD YUL LDOG PAS SO ZHES BYA BA SMRAS TE, SEMS KYI SPYOD YUL LDOG PAS BRJOD PAR BYA BA LDOG LA, BRJOD PAR BYA BA LDOG PAS SPROS PA 'GAG PAR 'GYUR RO ZHES BYA BAR SBYAR RO, ,JI LTAR SEMS KYI SPYOD YUL LDOG PAR 'GYUR BA BSTAN PA'I PHYIR, JI LTAR SEMS KYI SPYOD YUL LDOG PAR 'GYUR ZHE NA, MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,GANG GI PHYIR SEMS KYI DE KHO NA ZHES BYA BA'I TSIG GI LHAG MA'O ZHES BYA BA SMRAS TE, GANG GI SEMS KYI DE KHO NA MA SKYES PA DANG, MA 'GAGS PA'I CHOS NYID MYA NGAN LAS 'DAS PA DANG MTSUNGS PAR RAB TU SHES PA DE'I PHYIR, DE'I SEMS KYI SPYOD YUL LDOG PAR 'GYUR RO, , DE LTA BAS NA GANG GI PHYIR SEMS KYI DE KHO NA MA SKYES PA DANG MA 'GAGS PA'I CHOS NYID MYA NGAN LAS 'DAS PA DANG MTSUNGS PAR RAB TU SHES PA DE'I PHYIR SEMS KYI SPYOD YUL LDOG PAR 'GYUR LA SEMS KYI SPYOD YUL LOG PAS BRJOD PAR BYA BA LDOG CING BRJOD PAR BYA BA LOG PAS SPROS PA 'GAGS PAS SPROS PA NI STONG PA NYID KYIS 'GAG PAR 'GYUR RO, ,SPROS PA STONG PA NYID KYIS 'GAGS NA RNAM PAR RTOG PA MI 'BYUNG LA, RNAM PAR RTOG PA MI 'BYUNG BAS LAS DANG NYON MONGS PA ZAD PAR 'GYUR ZHING, LAS DANG NYON MONGS PA ZAD PAS THAR PA THOB PA NI GANG ZAG DANG CHOS BDAG MED PA BSGOMS PA'I @82B 'BRAS BU YIN NO ZHES BYA BAR SBYAR RO, ,YANG NA DNGOS PO DANG DNGOS PO MED PA DAG MA MTHONG BA NI DE KHO NA MTHONG BA ZHES BYA STE ZHES BYA BA LA SOGS PAS NI SPROS PA NI STONG PA NYID KYIS 'GAG PAR 'GYUR RO ZHES BYA BA DE NYID KYI DON BSTAN CING TSIG LE'UR BYAS PA SNGA MA DE NYID KYI RNAM PAR BSHAD PA GZHAN STON TO; ,DE YANG JI LTA BU ZHIG YIN SNYAM DU KHA CIG DE LTAR SEMS PAS DE'I PHYIR, BRJOD PAR BYA BA LDOG PA STE, ,ZHES BSHAD DE, DNGOS PO DANG DNGOS PO MED PA DAG MA MTHONG NA'O ZHES BYA BAS NI, YANG NA DNGOS PO DANG DNGOS PO MED PA DAG MA MTHONG BA NI DE KHO NA MTHONG BA ZHES BYA STE ZHES BSHAD PA DE LA KHA CIG DE YANG JI LTA BU ZHIG YIN SNYAM DU DE LTAR SEMS PAS DE'I PHYIR, BRJOD PAR BYA BA LDOG PA STE, ,ZHES BSHAD DE, DNGOS PO DANG DNGOS PO MED PA DAG MA MTHONG NA BRJOD PAR BYA BA LDOG PA NI DE KHO NA MTHONG BA YIN LA, DE KHO NA MTHONG BAS NI SPROS PA 'GAG PAR 'GYUR RO ZHES BYA BAR SBYAR RO, , DNGOS PO DANG DNGOS PO MED PA DAG MA MTHONG BA BRJOD PAR BYA BA LDOG PA DE YANG JI LTAR LDOG PAR 'GYUR BA BSTAN PA'I PHYIR DE YANG JI LTAR ZHE NA, GANG GI PHYIR, SEMS KYI SPYOD YUL LDOG PAS SO, ,SEMS LA SOGS PA'I SPYOD PA STE, ,DNGOS PO LA SOGS PAR MI DMIGS PA'I PHYIR RO ZHES BYA BAR DGONGS SO, ,ZHES BYA BA SMRAS TE, SEMS KYI SPYOD YUL NI SEMS LA SOGS PA'I SPYOD PA STE, DE NI DNGOS PO LA SOGS PAR MI DMIGS PA'I PHYIR LDOG PAR 'GYUR LA, SEMS KYI SPYOD YUL LOG PAS NI BRJOD PAR BYA BA LDOG LA, BRJOD PAR BYA BA LOG PAS NI SPROS PA 'GAG PAR 'GYUR RO ZHES BYA BAR DGONGS SO, ,'DIR YANG SOGS PA'I SGRA KHONG NAS DBYUNG BAR BLTA BAR BYA STE, SEMS LA SOGS PA'I SPYOD PA NI SEMS KYI SPYOD YUL LO ZHES BYA BA NI, TSIG LE'UR BYAS PA'I RTZA BA DE LAS SEMS KYI SPYOD YUL LDOG PAS SO ZHES GSUNGS PA'I SKABS SU SOGS PA ZHES BYA BA'I SGRA MA SMOS LA, 'GREL PA BYED PAS, SEMS LA SOGS PA'I SPYOD PAS STE, ,ZHES SOGS PA'I SGRA SMOS PA NI, TSIG LE'UR BYAS PA RTZA BA DE'I SKABS 'DIR YANG SOGS PA'I SGRA KHONG NAS DBYUNG BAR BLTA BAR BYA STE, SOGS PA'I SGRAS NI NGAG GI SPYOD PA DAG KYANG BSDU'O, ,GAL TE 'DIR GZHAN DAG 'DI @83A *, ,SKAD CES DE LTAR YUL DNGOS PO DANG DNGOS PO MED PA'I RNAM PAR YANG MI SNANG LA, DE LA 'DZIN PA'I SEMS KYI SPYOD PA YANG MI SNANG ZHING, DE BRJOD PA'I NGAG GI SPYOD PA YANG MI SNANG NA DE KHO NA MTHONG BA MED PA'I SKYON DU THAL BAR MI 'GYUR RAM ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, DE KHO NA MTHONG BA MED PA YANG MA YIN TE, GANG GI PHYIR GZUGS LA SOGS PA YUL RNAMS MA MTHONG BA GANG KHO NA YIN PA DE NYID DE KHO NA MTHONG BA'I SGRAR BRJOD DE, DNGOS PO'I NGO BO NYID PHYIN CI MA LOG PAR RTOGS PA'I PHYIR RO ZHES BYA BA SMRAS TE, 'DI LA MTHA' GNYIS SU MA MTHONG BA NYID DE KHO NA MTHONG BA YIN TE, DNGOS PO'I NGO BO NYID PHYIN CI MA LOG PA RTOGS PA'I PHYIR RO, ,DE LTAR YANG 'PHAGS PA BDEN PA POS BSTAN PA'I LE'U LAS, JI SKAD DU MTHONG BA MED PA NI DE KHO NA MTHONG BA'O ZHES GSUNGS SO ZHES BYA BAS NI DE NYID KYI KHUNGS BSTAN TO, ,DE'I PHYIR, BRJOD PAR BYA BA LDOG PA STE, ,ZHES BYA BAS NI, BRJOD PAR BYA BA LDOG PAS SPROS PA 'GAG PAR BSTAN PA'I SKABS KYI MJUG BSDU BA BSTAN TO, ,DE NYID KYI KHUNGS BSTAN PA'I PHYIR, JI SKAD DU 'PHAGS PA BLO GROS MI ZAD PAS BSTAN PA'I MDO LAS, DON DAM PA'I BDEN PA GANG ZHE NA, GANG LA SEMS KYANG MI RGYUN YI GE RNAMS LTA SMOS KYANG CI DGOS PA'O ZHES GSUNGS PA DANG, DE BZHIN DU, SHES RAB KYI PHA ROL TU PHYIN PA GZHAN NAS KYANG, SEMS DANG YID DANG RNAM PAR SHES PA DANG BRAL BA GANG YIN PA DE NI SHES RAB KYI PHA ROL TU PHYIR PA'O ZHES BYA BA LA SOGS PA GSUNGS PA LTA BU'O ZHES BYA BA SMRAS TE, DE'I PHYIR LUNG DE DAG GIS NA MTHONG BA MED PA GANG YIN PA DE NYID DE KHO NA MTHONG BA YIN PAS DE KHO NA MTHONG BA MED PA YANG MA YIN NO, ,DE'I PHYIR RE ZHIG DE KHO NA LA NI, MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES BYA BA DE TZAM DAG SMRA BAR NUS TE, CHOS THAMS CAD DBEN PA'I MTSAN NYID YIN PA'I PHYIR RO ZHES BYA BAS NI 'DI SKAD BSTAN TE, DE'I PHYIR RE ZHIG DE KHO NA LA NI THA SNYAD KYI SGO NAS DE TZAM DAG SMRA BAR NUS KYI DON DAM PAR NI BRJOD PAR BYA BA MED DE, CHOS THAMS CAD DBEN PA DANG STONG PA'I MTSAN NYID YIN PA'I PHYIR RO, ,YANG NA STONG PA NYID SHES PA'I NYI MA'I 'OD ZER @83B SNANG BAR BYAS PA'I DNGOS PO THAMS CAD NGO BO NYID LA KUN TU LTA ZHING DMIGS SU MED PA LA RAB TU GNAS PA'I NGAG DANG, YID KYI BRJOD PA LDOG PA'I PHYIR, ,BRJOD PAR BYA BA LDOG PA STE, ,ZHES BYA BA LA SOGS PAS KYANG SPROS PA NI STONG PA NYID KYIS 'GAG PAR 'GYUR RO ZHES BYA BA DE'I DON STON CING, TSIG LE'UR BYAS PA SNGA MA DE NYID KYI DON RNAM PAR BSHAD PA GZHAN STON TE, YANG NA RNAL 'BYOR PA GANG STONG PA NYID SHES PA'I NYI MA'I 'OD ZER GYIS SNANG BAR BYAS PA'I DNGOS PO THAMS CAD KYI NGO BO NYID LA KUN TU LTA ZHING DMIGS SU MED PA LA RAB TU GNAS PA'I RNAL 'BYOR PA DE'I NGAG DANG YID KYI BRJOD PA LDOG PA'I PHYIR BRJOD PAR BYA BA LDOG LA, DE'I NGAG DANG YID KYI BRJOD PAR BYA BA LOG PAS THA SNYAD KYI BDEN PA LA MNGON PAR ZHEN PA'I MTSAN NYID KYI SPROS PA NYE BAR ZHI BAR 'GYUR BA NI STONG PA NYID KYI SPROS PA 'GAG PA YIN TE, DE NYID THEG PA CHEN PO LA CHOS BDAG MED PA NYID BSGOMS PA'I 'BRAS BU SPANGS PA PHUN SUM TSOGS PA DANG YE SHES PHUN SUM TSOGS PA THOB PA'I THABS YIN NO ZHES BYA BAR STON TO, ,DE NYID KYANG, SEMS KYI SPYOD YUL LDOG PAS SO, ,ZHES BYA BAS NI BRJOD PAR BYA BA LDOG PA DE NYID KYANG GANG GIS LDOG PAR 'GYUR ZHE NA, ,SEMS KYI SPYOD YUL LDOG PAS SO, ,ZHES BYA BAR STON TO; ,'DI SEMS KYI SPYOD YUL ZHES BYA BA GANG ZHE NA, SPYOD YUL NI MTHU MED DO ZHES BYA BA SMRAS TE, SEMS KYI NGO BO NYID RANG BZHIN GYIS 'OD GSAL BA NYID DO, ,DE LDOG PA NI GLO BUR GYI SGRIB PA LAS RNAM PAR GROL ZHING GNAS 'GYUR BA NYID DO, ,DE NYID BSTAN PA'I PHYIR, JI LTAR SEMS KYI MTHU NYID LDOG PAR 'GYUR ZHE NA, 'DI LA YUL GYI STOBS KYIS RNAM PAR SHES PA SKYES SHING DNGOS PO'I NGO BO NYID DANG KHYAD PAR GYI YUL THA DAD PA LA RTOG PA'I RGYUN DAG GIS RNAM PA THA DAD PA DU MAR RTOG PA NA DAR GYI SRIN BU BZHIN DU BDAG GI MTHU NYID KUN NAS DKRIS PAR 'GYUR RO, ,CHOS THAMS CAD BDAG MED PAR MTHONG BAS NI DE MI 'JUG PA'I PHYIR SEMS KYI SPYOD YUL LDOG GO ZHES BYA BA SMRAS TE, DES NI GLO BUR GYI SGRIB PAS 'CHING BA DANG, CHOS BDAG MED PAR MTHONG BAS RNAM PAR GROL ZHING GNAS 'GYUR BA'I TSUL BSTAN TO, ,SEMS KYI SPYOD YUL LOG PA YANG DE KHO NA SHES PA'I BYED PA PO DANG LDAN @84A *, ,PA MA YIN TE, 'O NA JI LTA BU ZHE NA, MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,GANG GI PHYIR SEMS DANG DE LAS GZHAN PA'I CHOS RNAMS KYI SPYOD YUL LDOG PA DE NI GANG GIS KYANG BYA BA MA YIN PA'I PHYIR TE ZHES BYA BAS NI, SEMS KYI SPYOD YUL RANG RIG PA'I TSUL GYIS LDOG PA NYID DU BSTAN TO, ,DE NYID KYI KHUNGS BSTAN PA'I PHYIR, DE LTAR YANG 'PHAGS PA DKON MCHOG BRTZEGS PA'I MDO LAS, STONG PA NYID KYI CHOS RNAMS STONG PAR MI BYED KYI 'DI LTAR CHOS RNAMS NYID STONG PA'O ZHES BYA BA LA SOGS PA GSUNGS SO ZHES BYA BA SMRAS SO, ,'ON KYANG DE DAG GI RANG BZHIN NI MYA NGAN LAS 'DAS PA DANG MTSUNGS SO ZHES BYA BAR KHONG DU CHUD PAR BYA STE ZHES BYA BAS NI, MI GNAS PA'I MYA NGAN LAS 'DAS PA'I TSUL GYIS CHOS THAMS CAD SKYE 'GAG MED PAR RO GCIG PAR KHONG DU CHUD PAR BYA STE, BYANG CHUB SEMS DPA' RNAMS KYI SHES BYA'I MTHA' YANG RTOGS PA DANG, BRJOD PA DE TZAM DU ZAD DO ZHES BSTAN TO, ,DE NYID KYI KHUNGS BSTAN PA'I PHYIR, 'PHAGS PA TSANGS PAS ZHUS PA'I MDO LAS, JI SKAD DU 'DI LTAR DE BZHIN GSHEGS PA BYANG CHUB KYI SNYING PO LA ZHUGS NAS YANG DAG PA MA YIN PA'I KUN TU RTOG PAS KUN NAS BSLANG BA'I NYON MONGS PA YOD PA MA YIN PA'I RANG BZHIN SHIN TU SKYE BA MED PA'I NGO BO NYID KUN TU MKHYEN PAR GYUR TO ZHES BYA BA LA SOGS PA GSUNGS SO ZHES BYA BA SMRAS SO, ,DE LTAR SPROS PA NI STONG PA NYID KYIS 'GAG PAR 'GYUR BA DE'I PHYIR 'GREL PA BYED PA NYID GYIS, SLOB DPON 'PHAGS PA LHAS GSUNGS PA, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,ZHES BYA BA DE YANG 'THAD PA YIN NO ZHES BYA BA SMRAS TE, JI LTAR GZHAN MU STEGS CAN DAG GIS BDAG DANG BDAG GIR BTAGS PA DANG SDE PA GZHAN DAG GIS GZUNG BA DANG 'DZIN PA'I DNGOS POR BTAGS PA DANG, RNAM PAR SHES PA TZAM DU SMRA BA DAG GIS, ,SEMS DANG SEMS KYIS RNAM PAR BTAGS PA LTA BU MA YIN GYI, THEG PA CHEN PO'I DBU MA PA'I TSUL 'DI LA KUN RDZOB KYI THA SNYAD DU NI PHYI DANG NANG GI RTEN CING RTEN CING 'BREL PAR 'BYUNG BA MA BRTAGS GCIG PU NA NYAMS DGA' BA SGYU MA TZAM DU BYA BA BYED NUS PAR YOD @84B CING DE LA MNGON PAR ZHEN PAS NI SRID PA GSUM DU 'KHOR ZHING KUN NAS NYON MONGS PA'I RGYUN KYANG 'BREL PAR 'GYUR LA, DE LA MNGON PAR MA ZHEN CING DON DAM PAR NGO BO NYID MED PAR SHES PAS NI SRID PA'I SA BON 'GAG CING MI GNAS PA'I MYA NGAN LAS 'DAS PA'I BDE BA CHEN PO YANG THOB PA MED PA'I TSUL GYIS 'THOB PAR 'GYUR TE, DE NI, SLOB DPON KLU SGRUB KYI ZHAL SNGA NAS DANG, 'PHAGS PA LHA DANG, LEGS LDAN 'BYED DANG, BUD DHA P'A LI TA LA SOGS PA THEG PA CHEN PO DBU MA PA'I LAM SMRA BA RNAMS KYIS SHES RAB KYI PHA ROL TU PHYIN PA'I TSUL BSTAN PA YIN NO, ,DE'I PHYIR DE LTAR CHOS THAMS CAD KYI MNYAM PA NYID MYA NGAN LAS 'DAS PA DANG MTSUNGS PA SKYE BA MED PAR MTHONG BAS NI SEMS KYI SPYOD YUL LDOG PAR 'GYUR LA, SEMS KYI SPYOD YUL LOG PAS NI BRJOD PAR BYA BA LDOG CING, DE LOG PAS NI THA SNYAD KYI BDEN PA LA MNGON PAR ZHEN PA'I MTSAN NYID KYI SPROS PA NYE BAR ZHI BAR 'GYUR RO ZHES BYA BAS NI SPROS PA NI STONG PA NYID KYIS 'GAG PA BSTAN PA'I SKABS KYIS MJUG BSDU BA YIN TE, SNGAR, LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES SMOS PAS RNAM PAR GROL BA THUN MONG MA YIN PA BSTAN TE, DE LA 'JIG RTEN PA'I SPROS PA LAS NI RNAM PAR RTOG PA 'BYUNG LA, RNAM PAR RTOG PA LAS NI LAS DANG NYON MONGS PA 'BYUNG ZHING, LAS DANG NYON MONGS PA ZAD PAS NI THAR PAR 'GYUR TE, LAS DANG NYON MONGS PA ZAD PAS THAR PA THOB PA DE YANG SNGAR, NANG DANG PHYI ROL NYID DAG LA, ,BDAG DANG BDAG GI ZAD GYUR NA, ,NYE BAR LEN PA 'GAG 'GYUR ZHING, ,DE ZAD PAS NA SKYE BA ZAD, ,CES SMOS PAS BSTAN PA YIN TE, DE NI NYAN THOS DANG RANG SANGS RGYAS DANG THUN MONG BA'I RNAM PAR GROL BA GANG ZAG BDAG MED PA NYID RTOGS PAS RAB TU PHYE BA NYON MONGS PA'I SGRIB PA SPONG BA'I THABS YIN TE, ,SGO DE NAS NI NYAN THOS DANG RANG SANGS RGYAS KYI LAM 'BRAS BU DANG BCAS PA THAMS CAD YONGS SU RDZOGS SHING, DGE SBYONG GI 'BRAS BU MTHAR THUG PAS RAB TU BYE BA'I MI SLOB PA TSOGS DANG SPYOD PA DANG BSE RU LTA BU'I GO 'PHANG NYID THOB PAR 'GYUR RO, ,SPROS PA NI STONG PA NYID KYIS 'GAG PAR 'GYUR RO @85A *, ,ZHES GANG SMRAS PA DE LA JI LTAR STONG PA NYID KYIS 'GAG PAR 'GYUR ZHE NA, SNGAR BRJOD PAR BYA BA LDOG PA SEMS KYI SPYOD YUL LDOG PAS SO, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES SMOS PA'I RIM GYIS CHOS THAMS CAD KYI MNYAM PA NYID MYA NGAN LAS 'DAS PA DANG MTSUNGS PA SKYE BA MED PAR MTHONG BAS NI SEMS KYI SPYOD YUL LDOG PAR 'GYUR LA, ,SEMS KYI SPYOD YUL LOG PAS NI BRJOD PAR BYA BA LDOG CING, DE LOG PAS NI THA SNYAD KYI BDEN PA LA MNGON PAR ZHEN PA'I MTSAN NYID KYI SPROS PA NYE BAR ZHI BAR 'GYUR TE, DE NI NYAN THOS DANG RANG SANGS RGYAS DANG, THUN MONG MA YIN PA'I RNAM PAR GROL BA CHOS BDAG MED PA NYID DU RTOGS PAS RAB TU PHYE BA SHES BYA'I SGRIB PA SPONG BA'I THABS YIN TE, SGO DE NAS NI THEG PA CHEN PO'I LAM 'BRAS BU DANG BCAS PA THAMS CAD YONGS SU RDZOGS SHING, BLA NA MED PA'I SANGS RGYAS BCOM LDAN 'DAS KYI GO 'PHANG NYID THOB PAR 'GYUR RO, ,RANG GI SDE BA DANG GZHAN GYI SDE BA KHA CIG NA RE DBU MA SMRA BA NI DNGOS PO THAMS CAD LA SKUR PA 'DEBS PA'I PHYIR MED PA BDAG DANG KHYAD PAR MED DO ZHES ZER BA DE DAG LA, KHA CIG GIS DNGOS PO SEL BA NYID DU MTSUNGS SU ZIN KYANG SO SO'I SKYE BO DANG DGRA BCOM PA SO SOR MA BRTAGS PA DANG, SO SOR BRTAGS PA'I BTANG STOMS PA DAG BZHIN NAM, DMUS LONG DANG MIG CAN GYIS PHYOGS MI BDE'O SNYAM DU NGES PAR SHES PA DANG MTSUNGS SU ZIN KYANG KHYAD PAR YOD PA BZHIN DU MED PA PA DANG, DBU MA PA DAG LA YANG KHYAD PAR YOD DO ZHES LAN 'DEBS PAR BYED PAS NI PHA ROL POS DNGOS PO'I DE KHO NA RTOGS PA LA KHYAD PAR MED DO ZHES BSTAN PA LA KHYAD PAR YOD PAR MA BRJOD PAS LAN MA YIN NO ZHES BYA BA NI, SKABS 'DIR RANG GI SDE PA DANG GZHAN GYI SDE PA KHA CIG NA RE GANG 'JIG RTEN 'DI MED DO, ,'JIG RTEN PHA ROL MED DE, ,SEMS CAN RDZAS TE SKYES PA MED DO ZHES BYA BA LA SOGS PAR LTA BA DE DANG GANG DNGOS PO THAMS CAD MA SKYES PA DANG MA 'GAGS PAR LTA BA ZHES BYA BA DE GNYIS LA KHYAD PAR CI YOD CES ZER BA'I LAN DU, SLOB DPON BUDDHA P'A LI TAS DE GNYIS LA KHYAD PAR SHIN TU CHEN KHYOD NI STONG PA NYID KYI DON RNAM PAR MI SHES NAS DE GNYIS 'DRA'O SNYAM DU SAMS SO, ,'DI LA SO @85B SOR MA BRTAGS PAR BTANG SNYOMS BYED PA GANG YIN PA DANG, SO SOR BRTAGS NAS BTANG SNYOMS BYED PA GANG YIN PA DE GNYIS BTANG SNYOMS BYED PAR NI 'DRA MOD KYI SO SOR MA BRTAGS PAR BTANG SNYOMS BYED PA NI, MA RIG PA'I KUN TU SBYOR BA DANG LDAN PAR BSTAN LA, BTANG SNYOMS BYED PA CIG SHOS NI, SANGS RGYAS BCOM LDAN 'DAS RNAMS KYIS KUN TU BSTAN PA YIN PAS DE GNYIS LA KHYAD PAR SHIN TU CHE BA DE BZHIN DU, 'DI LA YANG 'JIG RTEN 'DI MED DO ZHES BYA BA LA SOGS PA DE LTAR MTHONG BA NI MA RIG PAS KUN TU RMONGS PA'I SEMS DANG LDAN PA YIN GYI, DNGOS PO THAMS CAD NGO BO NYID STONG PA'I PHYIR, MA SKYES PA DANG MA 'GAGS PAR MTHONG BA CIG SHOS NI SHES PA SNGON DU BTANG BA YIN PAS DE GNYIS LA KHYAD PAR SHIN TU CHE'O, ,GZHAN YANG MED PA NYID MTHONG BZHIN DU 'JIG RTEN 'DI MED DO ZHES TSIG 'BA' ZHIG BRJOD PA DE LA NI DPER NA DMUS LONG PHYOGS 'DI MI BDE'O ZHES BRJOD KYANG MIG MED PA'I PHYIR MI MTHONG BAS DER 'KHRUL PA DANG RDEG 'CHA' BAR 'GYUR BA DE BZHIN DU, DE YANG 'JIG RTEN 'DI MED DO ZHES BRJOD KYANG SHES PA'I MIG MED PA'I PHYIR MI MTHONG BAS SKYON DE DAG GIS GOS PAR 'GYUR ZHES BSHAD PA DE NI LAN MA YIN TE, CI'I PHYIR ZHE NA, PHA ROL POS MED PA PA DANG DBU MA PA GNYIS DNGOS PO'I DE KHO NA RTOG PA LA KHYAD PAR MED DO ZHES BSTAN PA LA, BUDDHA P'A LI TAS KHYAD PAR YOD PA'I GTAN TSIGS MA BRJOD PA'I PHYIR RO, ,'DI SKAD BRJOD NA RIGS TE ZHES BYA BA LA SOGS PAS NI PHA ROL PO DAG DE SKAD CES ZER BA DE'I LAN DU 'DI SKAD CES BRJOD NA RIGS SO ZHES 'GREL PA BYED PA NYID KYIS, DE DAG GI LAN GDAB PA'I TSIG STON TO, ,DE'I PHYIR, MED PA PA DANG DBU MA SMRA BA DAG GANG GI TSE MTSUNGS PAR RTOG ,THA SNYAD KYI DUS SU'AM, 'ON TE DE KHO NA LA LTA BA'I DUS SU ZHES BYA BA SMRAS TE, DE GNYI GA'I DUS SU YANG SHIN TU MI MTSUNGS PAR STON TO, ,DE LA RE ZHIG THA SNYAD KYI DUS SU NI DE DAG RGYUD DANG 'BRAS BU LA SKUR BA 'DEBS PA LA MNGON PAR ZHEN PAS DGE BA'I PHYOGS DRUNGS PHYUNG ZHING MI DGE BA'I LAS KYI LAM THAMS CAD LA ZHUGS PA DANG, THA SNYAD KYI BDEN PA NYID LA GNOD PA BYED PA DE LTAR DBU MA SMRA BA DAG RGYU DANG 'BRAS BU'I 'BREL PA SGYU MA DANG SMIG RGYU LTA BU DAG LA SKUR BA MI 'DEBS SHING, MI DGE BA'I LAS KYI LAM @86A *, ,LAM ZHUGS PA DANG ZAG PA DANG BCAS PA'I PHUNG PO'I RGYUN LAS YANG 'BYUNG BA'I SRID PA'I PHUNG PO 'BYUNG ZHING PHUNG PO'I RGYUN 'GAGS PA SNGON DU 'GRO BA LAS DA LTAR DANG MA 'ONGS PA RMI LAM LTA BU DAG 'BYUNG BAR STON PAS THA SNYAD KYI BDEN PA NYID LA GNOD PA MI BYED PA'I PHYIR RO, ,THA SNYAD KYI DUS SU YANG MED PA LA DAG DANG ?, DBU MA SMRA BA DAG MTSUNGS PA MA YIN LA ZHES BYA BAS NI THA SNYAD KYI DUS SU YANG SHIN TU MI MTSUNGS PAR BSTAN TO, ,DE KHO NA LA LTA BA'I DUS SU YANG MTSUNGS PA MA YIN TE, 'DI LTAR MED PA PA DAG LA NI RNAM PAR SHES PA MED DO ZHES MED PA'I YUL CAN DNGOS PO THAMS CAD LA SKUR BA 'DEBS PA 'BYUNG ZHING, DE YANG LOG PAR SHES PA YIN PAS 'CHAL PA'I TSUL KHRIMS KYI DRI MAS NYE BAR SPAGS PA NYID KYIS SDUG BSNGAL NYE BAR ZHI BAR MI 'GYUR GYI, DBU MA SMRA BA DAG LA NI DE KHO NA LA LTA BA'I DUS SU YANG GZUGS LA SOGS PA'I YUL GYI DNGOS PO DAG LA YANG YOD PA'I BLO SNGAR BYUNG BAR GYUR BA GANG YIN PA DE YANG GZUGS LA SOGS PA'I DNGOS PO STONG PA NYID DU RTOGS PAS GZUGS LA SOGS PA'I DNGOS PO 'DI DAG NI YOD PA MA YIN NO SNYAM PAS RNAM PAR LDOG PAR 'GYUR ZHES BYA BAS NI DE KHO NA LA YANG LTA BA'I DUS SU YANG SHIN TU MI MTSUNGS PAR BSTAN TO, ,GAL TE 'DIR PHA ROL PO DAG 'DI SKAD DU DBU MA PAS DON DAM PAR DNGOS PO YOD PAR BKAG PAS DRE'I ZLAS DON GYIS GO BAS DBU MA PA LA MED PA'I BLO SKYE STE, DPER NA LHAS BYIN NYON MO ZAS MI ZA LA 'TSAG BZANG BA LAS NA, DON GYIS GO BAS NUB MO ZA BAR SHES PAR 'GYUR BA BZHIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DON GYIS GO BAS MED PA'I BLO SKYES SO SNYAM PA YANG SKYE BAR MI 'GYUR TE ZHES BYA BA SMRAS SO, ,DE NYID KYI TSAD MA BSTAN PA'I PHYIR DON DAM PAR GZUGS LA SOGS PA'I YUL MED DO SNYAM PA'I BLO GANG YIN PA DE YANG DON JI LTA BA BZHIN MA YIN TE, BLO YIN PA'I PHYIR, DPER NA YOD PA'I BLO BZHIN PAS, ,BLO DE SUN PHYUNG BA'I PHYIR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA YOD PA'I BLO NI BLO YIN PA'I PHYIR MED DO SNYAM @86B PA'I DON JI LTA BA BZHIN GYIS YUL CAN MA YIN PA DE BZHIN DU MED DO SNYAM PA'I BLO GANG YIN PA DE YANG BLO YIN PA'I PHYIR, MED PA'I DON JI LTA BA BZHIN GYI YUL CAN MA YIN PAS MED PA'I BLO DE SUN PHYUNG BA'I PHYIR DBU MA PA LA MED PAR LTA BA'I BLO MED DO, ,YANG NA GANG NA DNGOS POR SNANG BA'I BLO SKYE BA DE LA NI DE BSAL PAS MED PA'I BLO SKYE BA'I SKABS YOD KYI SEL BA MED PA LA NI MED PAR RTOGS PA'I SGO NAS MED PA'I BLO YANG LDOG PAR 'GYUR TE ZHES BYA BAS NI, DBU MA PA DON DAM PAR DNGOS PO YOD PAR MI LTA BA LA YOD PA BSAL BAS MED PAR LTA BA'I BLO YANG SKYE BAR MI 'GYUR BAR BSTAN TO, ,SPYOD PA MED PAR SPYOD PA'I SHES RAB KYI SPYOD PA LA GNAS PAR RAB TU DBEN PAR GYUR PA RNAMS LA MED DO SNYAM PA'I BLO MI SKYE BA'I PHYIR MED PA DAG DANG DBU MA SMRA BA DAG LA SGRA MTSUNGS PA TZAM YANG MED DO ZHES BYA BAS NI SGRA TZAM MTSUNGS PA YANG MED PAR BSTAN TO, ,STON PA'I DUS NA YANG YOD PA NYID DGAG PA TZAM BYED PA'I PHYIR, MED PA NYID DU STON PA MI BYED PAS YUNGS 'BRU DANG RI RAB BZHIN DU KHYAD PAR SHIN TU CHE'O ZHES BYA BAS NI TSIG BSTAN PA'I DUS NA YANG KHYAD PAR SHIN TU CHE BAR BSTAN TO, ,DE LTAR RE ZHIG MDO MDZAD PAS, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES GSUNGS PAS DON DAM PAR CHOS THAMS CAD SKYE BA DANG 'GAG PA MED PA'I CHOS NYID MYA NGAN LAS 'DAS PA DANG MTSUNGS PAR BSTAN NAS DA NI 'JIG RTEN THA SNYAD DU NI DON DAM PAR RTOGS PAR 'GYUR BA'I TSIGS SBYIN PA LA SOGS PA LA MANG PO NYE BAR BLANGS PA DANG RJES SU MTHUN PA DANG, 'JIG RTEN GYI THA SNYAD DU GRAGS PA PHYI NANG GI DNGOS PO GANG DAG 'JIG RTEN LA YANG DAG PA NYID DU GRAGS PA DE DAG NI BCOM LDAN 'DAS KYIS KYANG YANG DAG PA NYID DO ZHES GSUNGS PA DANG, NAM MKHA'I ME TOG DANG, RI BONG GI RVA LA SOGS PA GANG DAG 'JIG RTEN LA YANG DAG PA MA YIN PAR GRAGS PA DE DAG NI BCOM LDAN 'DAS KYIS KYANG YANG DAG PA NYID MA YIN NO ZHES GSUNGS PA DANG, BDEN PA GNYIS RNAM PAR GZHAG PA'I TSUL GANG DAG 'JIG RTEN LA YANG DAG PA NYID DANG YANG DAG PA MA YIN PA NYID DU GRAGS PA DE DAG NI, BCOM LDAN 'DAS KYIS KYANG YANG DAG PA NYID DANG YANG DAG PA NYID MA YIN PA NYID DO ZHES GSUNGS PAS @87A *, ,THA SNYAD KYI BDEN PA'I LUGS RNAM PAR GZHAG PA'I TSUL BSTAN PA'I PHYIR, CHOS THAMS CAD MYA NGAN LAS 'DAS PA DANG MTSUNGS SU ZIN KYANG DON DAM PAR RTOGS PAR 'GYUR BA'I TSOGS SBYIN PA LA SOGS PA MANG PO NYE BAR BLANG BA DANG RJES SU MTHUN PA'I PHYIR DANG, 'JIG RTEN GYI THA SNYAD DU YANG PHYI NANG GI DNGOS PO 'DI DAG DE LTAR BDEN PA YIN PA'I PHYIR, JI LTAR NANG DANG PHYI ROL GYI DNGOS PO 'JIG RTEN LA YANG DAG PA NYID DU GRAGS PA DANG, NAM MKHA'I ME TOG DANG, RI BONG GI RVA LA SOGS PA YANG DAG PA NYID MA YIN PAR GRAGS PA GANG DAG YIN PA DE DAG THA SNYAD DU, ,THAMS CAD YANG DAG YANG DAG MIN, ,ZHES BYA BA SMRAS SO, ,DE NYID KYI KHUNGS BSTAN PA'I PHYIR, 'DI LTAR BCOM LDAN 'DAS KYIS KYANG GANG 'JIG RTEN PA YOD PAR GRAGS PA DENG YANG YOD PAR SMRA'O, ,GANG 'JIG RTEN LA MED PAR GRAGS PA DENG YANG MED PAR SMRA'O, ,ZHES JI SKAD GSUNGS PA LTA BU'O ZHES BYA BA SMRAS TE; BCOM LDAN 'DAS KYIS DON DAM PAR DNGOS PO RNAMS NGO BO NYID STONG PAR GZIGS KYANG 'JIG RTEN GYI THA SNYAD KYI DBANG GIS 'DI NI YANG DAG PA NYID DO, ,'DI NI YANG DAG PA NYID MA YIN NO, ,'DI NI YANG DAG PA NYID DANG YANG DAG PA NYID MA YIN PA NYID DO ZHES GSUNGS SO, ,DE'I PHYIR GANG GI TSE 'JIG RTEN GYI THA SNYAD BYA BA DE'I TSE NA DON DAM PAR RTOGS PAR 'GYUR BA'I TSOGS SBYIN PA LA SOGS PA MANG PO NYE BAR BLANG BA DANG RJES SU MTHUN PA DANG 'JIG RTEN GYI THA SNYAD DU GRAGS PA PHUNG PO LNGA LA SOGS PA NANG GI DNGOS PO DANG BUM PA DANG SNAM BU LA SOGS PA PHYIR ROL GYI DNGOS PO GANG DAG 'JIG RTEN LA YANG DAG PA NYID DU GRAGS PA DE DAG THAMS CAD NI BCOM LDAN 'DAS KYIS KYANG YANG DAG PA NYID DO ZHES GSUNGS PAS YANG DAG PA NYID DU BRJOD PAR BYA'O, ,NAM MKHA'I ME TOG DANG, RI BONG GI RVA LA SOGS PA GANG DAG 'JIG RTEN LA YANG DAG PA NYID MA YIN PAR GRAGS PA DE DAG THAMS CAD NI, BCOM LDAN 'DAS KYIS KYANG YANG DAG PA NYID MA YIN NO ZHES GSUNGS PAS YANG DAG PA NYID MA YIN PAR BRJOD PAR BYA'O, ,YANG NA MIG LA SOGS PA SKYE MCHED RNAMS DANG, GZUGS LA SOGS PA YUL RNAMS THA SNYAD KYI BDEN PA DANG MI 'GAL BAR YOD PAS THAMS CAD YANG DAG CES GSUNGS SO ZHES @87B BYA BAS NI, YANG NA THAMS CAD YANG DAG CES BYA BA NI PHYI DANG NANG GI SKYE MCHED RNAMS KUN RDZOB KYI BDEN PA DANG RJES SU MTHUN PAR YOD PAS THAMS CAD YANG DAG CES BYA'O ZHES BSTAN TO, ,DON DAM PAR NI BRTEN NAS BYUNG BA SGYU MA BZHIN DU NGO BO NYID YONGS SU MA GRUB PA'I PHYIR, JI LTAR SNANG BA DE LTAR YOD PA MA YIN PAS YANG DAG MIN ZHES GSUNGS SO ZHES BYA BAS NI YANG NA YANG DAG MIN ZHES BYA BA NI, PHYI NANG GI SKYE MCHED RNAMS DON DAM PAR BRTEN NAS BYUNG BA SGYU MA BZHIN DU NGO BO NYID YONGS SU MA GRUB PA'I PHYIR, JI LTAR SNANG BA DE LTAR YOD PA MA YIN PAS YANG DAG MIN ZHES BYA'O ZHES BSTAN TO, ,BDEN PA GNYI GA'I RNAM PA LA LTOS NAS, YANG DAG YANG DAG MA YIN NYID, ,CES GSUNGS SO ZHES BYA BAS NI PHYI NANG GI SKYE MCHED RNAMS KUN RDZOB KYI BDEN PA LA LTOS NAS NI SGYU MA TZAM DU BYA BA BYED NUS PA NYID DU YOD PA'I PHYIR YANG DAG NYID CES BYA'O, ,DE DAG NYID DON DAM PA'I BDEN PA LA LTOS NAS NGO BO NYID MED PA NYID YIN PA'I PHYIR YANG DAG PA MA YIN PA NYID CES BYA'O ZHES STON TO, ,DA NI DON DAM PAR YANG DAG PA NYID MA YIN PA YANG MA YIN LA YANG DAG PA NYID KYANG MA YIN PA DE NI SANGS RGYAS KYI BSTAN PA YIN PAR BSTAN PA'I PHYIR, MNGON PAR RTOGS PA'I DUS NA RNAL 'BYOR PA RNAM PA THAMS CAD DU CHOS THAMS CAD KYI DE KHO NA LA RNAM PAR MI RTOG PA'I PHYIR, YANG DAG MIN MIN YANG DAG MIN, ,DE NI SANGS RGYAS BSTAN PA'O, ,ZHES BYA BA SMRAS TE, DON DAM PAR DNGOS PO'I NGO BO NYID STONG PA SGYU MA DANG, RMI LAM DANG, SMIG RGYU DANG, GZUGS BRNYAN DANG, BRAG CA LTA BU DAG MNGON PAR RTOGS PA'I DUS NA RNAL 'BYOR PA RNAM PA THAMS CAD DU CHOS THAMS CAD KYI DE KHO NA LA RNAM PAR MI RTOG PA'I PHYIR, YANG DAG PA NYID MA YIN PAR YANG MI BRJOD LA, YANG DAG PA NYID DU YANG MI BRJOD PAS YANG DAG PA NYID MA YIN PA YANG MA YIN LA, YANG DAG PA NYID KYANG MA YIN PA DE NI SANGS RGYAS BCOM LDAN 'DAS RNAMS KYI BSTAN PA YOD PA DANG MED PA NYID KYI SKYON DANG BRAL BA MU STEGS BYED THAMS CAD DANG THUN MONG MA YIN PA DON DAM PA GSAL BAR BYED PA YIN NO, ,YANG NA 'DI NI DON GZHAN YIN TE, THAMS CAD YANG DAG YANG DAG MIN, ,YANG DAG @88A *, ,YANG DAG MA YIN NYID, ,YANG DAG MIN MIN YANG DAG MIN, ,DE NI SANGS RGYAS BSTAN PA'O, ,ZHES BYA BA TSIG LE'UR BYAS PA 'DI'I DON NI RNAM PA GZHAN DU RNAM PAR BSHAD PA BSTAN PA'I PHYIR, YANG NA BCOM LDAN 'DAS KYIS NYON MONGS PA'I SGRIB PA SPANG BA'I PHYIR NANG DANG PHYI ROL GYI SKYE MCHED BDAG DANG BDAG GI DANG BRAL BA'I MTSAN NYID G-YO BA MED PA SHES BYAR BSTAN PA GANG DAG YIN PA DE DAG THAMS CAD YANG DAG CES GSUNGS SO ZHES BYA BAS NI, ,THAMS CAD YANG DAG CES BYA BA'I THA TSIG GO, ,DON RNAM PA GZHAN DU RNAM PAR BSHAD PA STON TE, BCOM LDAN 'DAS KYIS NYON MONGS PA'I SGRIB PA SPANG BA'I PHYIR MIG LA SOGS PA NANG GI SKYE MCHED DANG GZUGS LA SOGS PA PHYIR MIG LA SOGS PA NANG GI SKYE MCHED DANG GZUGS LA SOGS PA PHYI ROL GYI SKYE MCHED BDAG DANG BDAG GI DANG BRAL BA'I MTSAN NYID G-YO BA MED PA SEMS PA MED PA GANG YIN PA DE SHES BYAR BSTAN PA GANG DAG YIN PA DE DAG THAMS CAD NI YANG DAG PA NYID CES BYA STE, DE RTOGS NA NYON MONGS PA RNAMS MI SKYE BA'I PHYIR RO, ,RNAM PAR SHES PA'I MTSAN NYID KYANG BDAG GIS BDAG DANG BCAS PA'I PHYIR DANG BDAG GI YIN PA'I PHYIR BYED PA POR BRJOD PAS NYAN PA DANG SEMS PA DANG SGOM PAR BYED PA DAG YANG DAG MIN ZHES GSUNGS SO ZHES BYAS BAS NI, THAMS CAD YANG DAG MIN ZHES BYA BA'I THE TSIG GI DON RNAM PA GZHAN DU RNAM PAR BSHAD PA STON TE, BCOM LDAN 'DAS KYIS RNAM PAR SHES PA'I MTSAN NYID KYI PHUNG PO BDAG TU GSUNGS PAS RNAM PAR SHES PA'I MTSAN NYID KYI BDAG DES BDAG DANG BCAS PA'I PHYIR DANG BDAG GI YIN PA'I PHYIR DANG, RNAM PAR SHES PAR BYED PA POR BRJOD PAS NYAN PA DANG SEMS PA DANG GOM PAR BYED PA DAG NI YANG DAG PA NYID MA YIN TE, 'DI LTAR DON DAM PAR RNAM PAR SHES PA YANG BDAG TU MI 'DOD PA'I PHYIR RO, ,'JIG RTEN GYI BSTAN BCOS KYI THA SNYAD LA STOS PA'I DBANG GIS, YANG DAG YANG DAG MA YIN NYID, ,CES GSUNGS SO ZHES BYA BYAS NI, YANG DAG PA NYID DANG YANG DAG PA MA YIN PA NYID CES BYA BA'I TSIG GI DON RNAM PA GZHAN DU RNAM PAR BSHAD PA STON TO, 'DI LTAR 'JIG RTEN BDAG TU MNGON PAR ZHEN PA DE'I PHYIR, 'JIG @88B RTEN GYI THA SNYAD LA LTOS PA'I DBANG GIS RNAM PAR SHES PA BDAG TU SMRA BA BSTAN PA NI YANG DAG PA NYID YIN LA, BSTAN BCOS KYI THA SNYAD LA LTOS PA'I DBANG GIS BDAG MED PA'I PHYIR RNAM PAR SHES PA BDAG MA YIN PAR BSTAN PA NI YANG DAG PA MA YIN PA NYID DO, ,THEG PA CHEN PO'I TSUL GYIS CHOS THAMS CAD SKYE BA MED PA'I PHYIR, SHES PA RNAM PAR RTOG PA DANG BCAS PA DANG RNAM PAR RTOG PA MED PA'I SPYOD YUL NYID DU 'GYUR BA DNGOS PO'I TSUL GYIS YANG DAG PA NYID LA SOGS PAR RNAM PAR BRTAGS PA GANG YIN PA DE LTA BU MED PAS, YANG DAG MIN MIN YANG DAG MIN, ,DE NI SANGS RGYAS BSTAN PA'O, ,ZHES BYA BAS NI YANG DAG PA MA YIN PA NYID KYANG MA YIN LA, YANG DAG PA NYID KYANG MA YIN PA ZHES BYA BA'I TSIG GI DON RNAMS GZHAN DU RNAM PAR BSHAD PA STON TE, THEG PA CHEN PO'I TSUL NI DON DAM PA BA STE, DES CHOS THAMS CAD SKYE BA MED PA'I PHYIR RNAM PAR RTOG PA DANG BCAS PA'I SHES PA DANG, RNAM PAR RTOG PA MED PA'I SHES PA'I SPYOD YUL NYID DU 'GYUR BA DNGOS PO'I TSUL GYIS YANG DAG PA MA YIN PA NYID DU RNAM PAR RTOG PA GANG YIN PA DE LTA BU MED PAS YANG DAG PA MA YIN PA NYID KYANG MA YIN TE, SANGS RGYAS BCOM LDAN 'DAS RNAMS KYI BSTAN PA NI DNGOS PO RGYU DANG RKYEN LAS GDAGS PAR ZAD KYI, YOD PA DANG MED PA NI MA YIN PA'I PHYIR RO, ,DE NI SANGS RGYAS BSTAN PA'O, ,ZHES GSUNGS PA LA, SANGS RGYAS ZHES BYA BA DANG, BSTAN PA ZHES BYA BA DANG, SANGS RGYAS KYI BSTAN PA ZHES BYA BA'I TSIG GI DON BYE BRAG TU BSHAD PA BSTAN PA'I PHYIR, DE LA SANGS RGYAS ZHES BYA BA NI CHOS KYI DE KHO NA NYID PHYIN CI MA LOG PA MA LUS PAR THUGS SU CHUD PA'I PHYIR, SANGS RGYAS TE DRANG SRONG MCHOG RNAMS SO, ,BSTAN PA ZHES BYA BA NI LHA DANG MI'I MTHO RIS DANG BYANG GROL GYI BDE BA 'DOD PA RNAMS LA DBANG PO DANG BSAM PA DANG BAG LA NYAL DANG DUS KYI DBANG GIS MTHO RIS DANG BYANG GROL GYI LAM PHYIN CI MA LOG PAR RJES SU STON PAS BSTAN PA'O, ,YANG NA RANG DANG GZHAN GYI RGYUD LA YOD PA'I NYON MONGS PA DAG CHAGS DANG BCAS PA'I DGRA THAMS CAD TSAR GCOD PAS BSTAN PA'O, ,SANGS RGYAS KYI BSTAN PA ZHES BYA BA NI SANGS RGYAS RNAMS KYI BSTAN PA @89A *, ,STE ZHES BYA BA SMRAS SO, ,SANGS RGYAS RNAMS KYI BSTAN PA DE'I NGO BO NYID GANG YIN PA DANG DE LA NAN TAN BYA BAR BSKUL BA BSTAN PA'I PHYIR, THA SNYAD DANG DON DAM PA'I BDEN PA'I TSUL MCHOG TU RMAD DU BYUNG BA THOGS PA MED PA SMRA BA GZHAN DAG DANG THUN MONG MA YIN PA STE, MNGON PAR ZHEN PA'I ZUG RDU THAMS CAD DBYUNG BA'I PHYIR DE LA NAN TAN BYA'O ZHES BYA BA SMRAS TE, DE NI SANGS RGYAS BCOM LDAN 'DAS RNAMS KYI BSTAN PA THA SNYAD DANG DON DAM PA'I BDEN PA'I TSUL YOD PA DANG MED PA NYID KYI SKYON DANG BRAL BA MU STEGS BYED THAMS CAD DANG THUN MONG MA YIN PA DON DAM PA GSAL BAR BYED PA YIN TE, DE'I PHYIR DE KHO NA MTHONG BAR 'DOD PA RNAMS KYIS, 'JIG RTEN DANG 'JIG RTEN LAS 'DAS PA'I DNGOS PO THAMS CAD LA MNGON PAR ZHEN PA'I ZUG RDU THAMS CAD DBYUNG BA'I PHYIR, 'JIG RTEN GYI THA SNYAD KYI DBANG GIS GSUNGS PA DAG LA MNGON PAR MA ZHEN PAR BYAS TE DE KHO NA GANG NYID YIN PA DE NYID LA NAN TAN BYA'O,, ,,BAM PO DRUG CU GNYIS PA, RANG GI SDE DANG GZHAN GYI SDE PA DAG LAS PHAL CHER SKYON 'DOGS PAR BYED DE, GAL TE KHYOD DNGOS PO'I NGO BO NYID GZHAN GYIS YONGS SU BTAGS PA MA LUS PAR BSAL BAS DE KHO NA RTOGS PAR 'DOGS NA, 'O NA DE'I MTSAN NYID BSTAN PAR BYA DGOS SO, ,CI STE MI STON NA NI RANG GI PHYOGS NGES PAR MI 'JOG LA, GZHAN GYI PHYOGS SUN 'BYIN PAR BYED PA'I PHYIR KHYED CO 'DRI BA NYID YIN NO ZHES BYA BAS NI, SNGAR BSTAN BCOS MDZAD PA, THAMS CAD YANG DAG YANG DAG MIN, ,YANG DAG YANG DAG MA YIN NYID, ,YANG DAG MIN MIN YANG DAG MIN, ,DE NI SANGS RGYAS BSTAN PA'O, ,ZHES GSUNGS PAS, BCOM LDAN 'DAS KYIS 'JIG RTEN GYI THA SNYAD KYI DBANG GIS NI 'DI NI YANG DAG PA NYID DO, ,'DI NI YANG DAG PA NYID MA YIN NO, ,'DI NI YANG DAG PA NYID DANG, YANG DAG PA NYID MA YIN NO ZHES KYANG GSUNGS LA, DON DAM PAR NI YANG DAG PA NYID MA YIN PAR YANG MI BRJOD LA, YANG DAG PA NYID DU YANG MI BRJOD PA DES NA SANGS RGYAS BCOM LDAN 'DAS RNAMS KYI BSTAN PA YOD PA DANG MED PA NYID KYI SKYON DANG THAL BA, MU STEGS BYED THAMS @89B CAD DANG THUN MONG MA YIN PA, DON DAM PA GSAL BAR BYED PA YIN PAR GSUNGS PAS DE'I PHYIR DE KHO NA MTHONG BAR 'DOD PA RNAMS KYIS 'JIG RTEN GYI THA SNYAD KYI DBANG GIS GSUNGS PA DE DAG LA MNGON PAR MA ZHEN PAR BYAS TE, DON DAM PAR DE KHO NA GANG NYID YIN PA DE NYID LA NAN TAN BYA'O ZHES BSHAD PA DE LA, 'DIR RANG GI SDE PA DANG, GZHAN GYI SDE PA DAG LAS PHAL CHER SKYON 'DOGS PAR BYED DE, DE DAG NA RE GAL TE KHYED DBU MA PA DNGOS PO'I NGO BO NYID GZHAN GYIS YONGS SU BTAGS PA MA LUS PAR BSAL BAS DE KHO NA RTOGS PAR 'DOD NA, 'ON DES NA DE KHO NA'I MTSAN NYID GANG YIN PA BSTAN PAR BYA DGOS SO, ,CI STE MI STON NA KHYED RANG GI PHYOGS NGES PAR MI 'JOG LA, GZHAN GYI PHYOGS SUN 'BYIN PAR BYED PA'I PHYIR, KHYED KYI SGRUB PA DE GZHAN LA CO 'DRI BA NYID YIN PAS BDEN PA MA YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE DE KHO NA'I MTSAN NYID BRJOD PAR BYA BA ZHIG YIN NA NI, BSTAN PAR BYA DGOS PA YANG BDEN PA ZHIG NI DE NI BRJOD PAR BYA BA MA YIN NO ZHES BYA BA SMRAS TE, DON DAM PA'I DE KHO NA'I MTSAN NYID NI BRJOD PAR BYA BA MA YIN TE, JI SKAD DU, 'JAM DPAL KHYOD KYIS DON DAM PA STON CIG CES BKA' STZAL PA DANG, 'JAM DPAL CANG MI SMRA BAR 'DUG PA NA DE BZHIN GSHEGS PAS 'JAM DPAL KHYOD KYIS DON DAM PA LEGS PAR BSTAN TO ZHES BKA' STZAL TO ZHES GSUNGS PAS, 'DIR YANG DON DAM PA'I DE KHO NA'I MTSAN NYID DE NI BRJOD PAR BYA BA MA YIN PAS KHO BOS DE MA BSTAN PAR KHYED DE LA MNGON PAR ZHEN PA'I PHYOGS DGAG PA TZAM BYAS PA'I PHYIR, KHO BOS KHYED LA CO 'DRI BA NYID MA YIN NO ZHES STON TO, ,'ON KYANG SKYE BO LAS DANG PO PA DAG YANG DAG PAR DBUGS DBYUNG BA'I PHYIR SO SOR RTOG PA'I SHES PA RNAM PAR RTOG PA DANG BCAS PAS DE LTAR RNAM PAR NGES PAS 'DI BSHAD PAR BYA STE ZHES BYA BAS NI; DE LTAR DON DAM PA'I DE KHO NA'I MTSAN NYID DE NI BRJOD PAR MI NUS MOD KYI, 'ON KYANG KUN RDZOB KYI THA SNYAD DU SKYE BO LAS DANG PO PA YANG DAG PAR DBUGS DBYUNG BA'I PHYIR, SO SOR RTOG PA'I SHES PA THA SNYAD PA RNAM PAR RTOG PA DANG BCAS PAS DE KHO NA'I MTSAN NYID JI LTA BA DE LTAR RNAM PAR NGES PAS DON DAM PA @90A *, ,PA'I DE KHO NA'I MTSAN NYID 'DI BSHAD PAR BYA STE ZHES BYA BAR SBYAR RO, ,DE NYID BSTAN PA'I PHYIR, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,ZHES BYA BA SMRAS TE, DES NI RE ZHIG DON DAM PA PA'I DE KHO NA'I MTSAN NYID BSTAN TO, ,DE DAG NYID BYE BRAG TU BSHAD PA BSTAN PA'I PHYIR, ,DE LA GZHAN LAS SHES MIN ZHES BYA BA NI, 'DI LA GZHAN LAS SHES PA MED PA STE, LUNG MED PAR BDAG GI MNGON SUM DU 'GYUR ZHING BDAG NYID KYIS RANG RIG PAR BYA BA ZHES BYA BA'I THA TSIG GO ZHES BYA BA SMRAS TE, DON DAM PA 'DI LA GANG ZAG GZHAN LAS SHES PA MED PA STE, GZHAN GYI LUNG MED PAR BDAG GI MNGON SUM DU 'GYUR ZHING BDAG NYID KYIS RANG RIG PAR BYA BA YIN NO ZHES BYA BA'I THA TSIG GO, ,ZHI BA ZHES BYA BA NI NGO BO NYID DANG BRAL BA'I PHYIR TE, DNGOS PO'I NGO BO NYID DANG KHYAD PAR GYI YUL LA RNAM PAR RTOG PA'I SPYOD YUL MA YIN PA'I PHYIR RO ZHES BYA BA NI NGO BO NYID STONG PA'I PHYIR DNGOS PO'I NGO BO NYID DANG KHYAD PAR GYI YUL LA RNAM PAR RTOG PA MA ZHI BA'I SPYOD YUL MA YIN PA ZHI BA YIN NO, ,SPROS PA RNAMS KYIS MA SPROS PA, ,ZHES BYA BA NI MNGON PAR BRJOD PA'I MTSAN NYID KYI SPROS PA NYE BAR ZHI BA'I PHYIR RO ZHES BYA BA NI, 'JIG RTEN PA'I SPROS PA GANG LA MNGON PAR BRJOD PA'I MTSAN NYID YOD PA'I SPROS PA DE NYE BAR ZHI BA'I PHYIR TE, 'JIG RTEN GYI CHOS RNAMS DANG BRAL BA ZHES BYA BA'I THA TSIG GO, ,RNAM PAR RTOG PA MED PA ZHES BYA BA NI SNANG PA MED PA NYID KYIS 'DI DANG 'DI'O ZHES RNAM PAR MA BRTAGS PA'I PHYIR RO ZHES BYA BA NI GANG LA YUL SNANG BA DANG BRAL BA DE NI SNANG BA MED PA'O, ,DE'I DNGOS PO NI SNANG BA MED PA NYID DE, DES 'DI NI KHA DOG GO, ,'DI NI DBYIBS SO ZHES BYA BA LA SOGS PA LTA BUR RNAM PAR MA BRTAGS PA'I PHYIR RNAM PAR RTOG PA MED PA ZHES BYA BA'O, ,DON THA DAD PA MA YIN PA ZHES BYA BA NI CHOS NYID ROG GCIG PA'I PHYIR DON DBYER MED PA DE ZHES BYA BA NI, CHOS NYID KYI RO STONG PA NYID CES BYA BAR GCIG PA'I PHYIR DMIGS SU MED PAS DON DBYER MED PA'I PHYIR DON THA DAD PA MA YIN PA ZHES BYA'O, ,DE NI DE KHO NA'I MTSAN NYID YIN NO ZHES BYA BA NI DON SNGA MA LNGA PO DAG GI MJUG BSDU BA STE, DE NI DE NYID MTSAN NYID GO @90B ZHES BYA BA DANG SBYAR RO, ,DA NI TSIG GI DON LNGA PO DE DAG GI MTSAMS SBYAR BA BSTAN PA'I PHYIR DE LA GANG GI PHYIR RNAM PAR RTOG PA MED PA DE'I PHYIR SPROS PA RNAMS KYIS MA SPROS PA'O ZHES BYA BA NI, 'DI LTAR RNAM PAR RTOG PAS KUN NAS BSLANG BA LAS MNGON PAR BRJOD PA'I MTSAN NYID KYI SPROS PA 'BYUNG BA'I PHYIR RO, ,GANG GI PHYIR SPROS PA RNAMS KYIS MA SPROS PA DE'I PHYIR ZHI BA'O ZHES BYA BA NI, 'DI LTAR SPROS PA DAG MI 'JUG PA NYID ZHI BA ZHES BRJOD PA'I PHYIR RO, ,GANG GI PHYIR ZHI BA DE'I PHYIR RNAM PAR MI RTOG PA'I YE SHES KYI SPYOD YUL LO ZHES BYA BA NI 'DI LTAR MA ZHI PA NYID LA RNAM PAR RTOG PA'I SHES PA DON THA DAD PA'I YUL CAN SKYE BA'I PHYIR RO, ,GANG GI PHYIR RNAM PAR MI RTOG PA'I YE SHES KYI SPYOD YUL YIN PA DE'I PHYIR GZHAN LAS SHES PA MA YIN NO ZHES BYA BA NI, 'DI LTAR GZHAN LAS SHES PA LA RNAM PAR RTOG PA 'BYUNG BA'I PHYIR RO, ,GANG GZHAN LAS SHES PA MA YIN PA DE LA TSIG MI 'JUG PAS DE'I PHYIR, DE KHO NA'I NGO BO NYID NI TSIG GIS SGRO GDAGS PA LAS YANG DAG PAR 'DAS PA YIN NO ZHES BYA BA NI 'DI LTAR TSIG TU BRJOD PAR BYA BA YIN NA GZHAN LAS SHES PA NYID DU 'GYUR BAS DE'I PHYIR, DE KHO NA'I NGO BO NYID NI TSIG GI SGRO GDAGS PA LAS YANG DAG PAR 'DAS PA YIN PAS DE NI BRJOD PAR BYA BA MA YIN NO, ,DE NI BRJOD PAR MI NUS MOD KYI ZHES BYA BA LA SOGS PAS NI, DE LTAR DE KHO NA'I MTSAN NYID DE NI BRJOD PAR MI NUS MOD KYI, 'ON KYANG KUN RDZOB KYI THA SNYAD DU DNGOS PO THAMS CAD KYI NGO BO NYID DANG KHYAD PAR DGAG PA STON PA'I BSHAD PA YI GE LA BRTEN TE 'BYUNG BAS DON DAM PA PA'I DE KHO NA THABS KYI SGO NAS BSTAN TO ZHES BYA BAR SBYAR RO, ,DA NYID BSTAN PA'I PHYIR, DNGOS PO THAMS CAD KYI NGO BO NYID DANG KHYAD PAR DGAG PA STON PA'I BSHAD PA DE KHO NA'I NGO BO NYID RTOGS PAR NUS PA, RNAM PAR MI RTOG PA'I SHES PA SKYE BA MED PA'I TSUL GYIS SKYE BA DANG RJES SU MTHUN PA, YI GER SGRO BTAGS PA LAS 'BYUNG BAR 'GYUR TE ZHES BYA BA SMRAS TE, ,DE LA DNGOS PO THAMS CAD KYI NGO BO NYID DANG, KHYAD PAR DGAG PA STON PA'I BSHAD PA ZHES BYA BA NI KHYAD PAR GYI GZHI YIN LA, DE KHO @91A *, ,NA'I NGO BO NYID RTOGS PAR NUS PA RNAM PAR MI RTOG PA'I SHES PA SKYE BA MED PA'I TSUL GYIS SKYE BA DANG RJES SU MTHUN PA ZHES BYA BA DAG NI BSHAD PA DE'I KHYAD PAR YIN NO, ,DE LTA BU'I KHYAD PAR DANG LDAN PA'I BSHAD PA DE SGO GANG NAS 'BYUNG BAR 'GYUR ZHE NA, YI GER SGRO BTAGS PA PA LAS 'BYUNG BAR 'GYUR TE KUN RDZOB KYI THA SNYAD DU DE LTA BU'I BSHAD PA YI GE LA BRTEN TE 'BYUNG BAS DON DAM PA PA'I DE KHO NA THABS KYIS BSTAN TO ZHES BYA BAR SBYAR RO, ,DE LTAR DE KHO NA RANG RIG PAR BYA BA THABS KYI SGO NAS BSTAN PAS MTSAN NYID MA BSTAN PA MA YIN PA'I PHYIR CO 'DRI BA NYID MA YIN PAS SKYON GDAGS SU MED DO ZHES BYA BA NI PHYOGS SNGA MA'I LAN GYI MJUG BSDU BA YIN NO, ,DE LTAR RE ZHIG DON DAM PA PA'I DE KHO NA BSTAN TO ZHES BYA BA NI, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, , ZHES BYA BA DE NI RE ZHIG DON DAM PA PA'I DE KHO NA'I MTSAN NYID BSTAN PA YIN NO ZHES BYA BAR SBYAR RO, ,DA NI KUN RDZOB PA BSHAD PAR BYA STE ZHES BYA BA LA SOGS PAS NI, KUN RDZOB PA'I DE KHO NA'I MTSAN NYID STON TO, ,DE NYID BSTAN PA'I PHYIR, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,RGYU GANG LA BRTEN TE 'BRAS BU GANG BYUNG BA DE NI RE ZHIG DE NYID MA YIN TE, RGYU LAS 'BRAS BU GZHAN MA YIN PA NYID MA YIN NO ZHES BYA BA'I THA TSIG GO ZHES BYA BA SMRAS TE, DPER NAS BON LA BRTEN TE MYU GU 'BYUNG BA NI SA BON GANG KHO NA YIN PA DE MYU GU KHO NA MA YIN PA BZHIN NO, , DE NYID KYI TSAD MA BSTAN PA'I PHYIR, RGYU LAS 'BRAS BU GZHAN MA YIN PA DE NYID MA YIN NO ZHES SHES PAR BYAR NUS TE, BLO THA DAD PAS SHES PAR BYA BA YIN PA'I PHYIR, DPER NA RTOGS PA DANG RTOGS PAR BYA BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RTOGS PA DANG RTOGS PAR BYA BA NI BLO THA DAD PA SHES PAR BYA BA YIN PA'I PHYIR, DE GNYIS GCIG PA NYID MA YIN PA DE BZHIN DU RGYUD DANG 'BRAS BU YANG BLO THA DAD PAS SHES PAR BYA BA YIN PA'I PHYIR DE GNYIS KYANG @91B GCIG PA NYID MA YIN NO, ,DE NYID KYI 'THAD PA GZHAN BSTAN PA'I PHYIR, YANG NA RGYU GANG LA BRTEN TE 'BRAS BU GANG BYUNG BA DE NI RE ZHIG DE NYID MA YIN TE, RGYU'I BDAG NYID LAS MI SKYE BAR THAL BAR 'GYUR BA'I PHYIR RO ZHES BYA BA SMRAS TE, GAL TE RGYU DANG 'BRAS BU GNYIS GCIG PA NYID YIN PAR GYUR NA RGYU'I BDAG NYID LAS RGYU NYID MI SKYE BA DE BZHIN DU RGYU'I BDAG NYID LAS 'BRAS BU YANG MI SKYE BAR THAL BAR 'GYUR BA'I PHYIR DE NI MI 'DOD DO, ,DA NI RGYU DANG 'BRAS BU GNYIS GZHAN NYID KYANG MA YIN PAR BSTAN PA'I PHYIR, DE LAS GZHAN PA YANG MA YIN PA DE'I PHYIR ZHES BYA BA SMRAS TE, DPER NA SA BON LAS GZHAN PA MYU GU'I NGO BO NYID MED PA'I PHYIR, SA BON LAS MYU GU GZHAN PA'ANG MA YIN PA BZHIN NO, ,DE NYID KYI 'THAD PA GZHAN BSTAN PA'I PHYIR, GANG LAS BRTEN TE GANG 'BYUNG BA, ,DE NI DE LAS GZHAN PA'ANG MA YIN TE, ,ZHES SHES PAR BYAR NUS TE, RGYU MA YIN PA LAS MI SKYE BA BZHIN DU RGYU LAS KYANG 'BRAS BU MI SKYE BAR THAL BAR 'GYUR BA'I PHYIR RO ZHES BYA BA SMRAS TE, GAL TE RGYU DANG 'BRAS BU GNYIS GZHAN NYID YIN PAR GYUR NA JI LTAR 'BRAS KYI RGYU MA YIN PA NAS LAS 'BRAS MI SKYE BA DE BZHIN DU, 'BRAS KYI RGYUN 'BRAS KYI SA BON NYID LAS KYANG 'BRAS KYI MYU GU MI SKYE BAR THAL BAR 'GYUR BA'I PHYIR YANG DE MI 'DOD DO, ,DE NYID KYI TSAD MA BSTAN PA'I PHYIR, YANG NA RGYU LAS 'BRAS BU GZHAN PA'ANG MA YIN TE ZHES BYA BAR SHES PAR BYA STE, RGYU DANG 'BRAS BUR 'BREL NA BRTEN TE 'BYUNG BA'I PHYIR RGYU'I RANG GI BDAG NYID BZHIN NO ZHES RJES SU DPAG PA'I PHYIR RO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYU'I RANG GI BDAG NYID NI RANG GI RGYU DANG 'BRAS BUR 'BREL NA BRTEN TE BYUNG BA'I PHYIR RANG GI BDAG NYID LAS RANG NYID GZHAN NYID MA YIN PA DE BZHIN DU, RGYU DANG 'BRAS BU GNYIS KYANG 'BREL NA BRTEN TE BYUNG BA'I PHYIR RGYU LAS 'BRAS BU GZHAN PA NYID KYANG MA YIN NO, ,GTAN TSIGS KYI SBYOR BA KHYAD PAR DANG BCAS PA YIN PA'I PHYIR, DE LAS GZHAN PA LA BRTEN TE BYUNG BA'I 'BRAS BU @92A *, ,DAG GIS MA NGES PA NYID KYANG MA YIN NO ZHES BYA BAS NI, RJES SU DPAG PA SNGA MA'I GTAN TSIGS KYI SBYOR BA LA RGYU DANG 'BRAS BUR 'BREL NA ZHES BYA BA DANG BRTEN TE BYUNG BA'I PHYIR ZHES BYA BA TSIG GNYIS SMOS PA NI, GAL TE RGYU DANG 'BRAS BUR 'BREL NA ZHES BYA BA'I KHYAD PAR MA SMOS PAR BRTEN TE 'BYUNG BA'I PHYIR ZHES BYA BA DE TZAM ZHIG SMOS PAR GYUR NA PHA ROL PO DAG 'DI SKAD CES 'DI NA BRTEN TE BYUNG YANG GZHAN YIN PA NAS KYI SA BON DANG 'BRAS KYI MYU GU LTA BU DAG SNANG BAS DES NA CI RE ZHIG BRTEN TE BYUNG BA'I PHYIR, DPER NA NAS KYI SA BON LAS 'BRAS KYI MYU GU GZHAN NYID YIN PAR DE BZHIN DU, RGYU LAS 'BRAS BU GZHAN NYID YIN PAR 'GYUR RAM, 'ON TE BRTEN TE BYUNG BA'I PHYIR DPER NA NAS KYI SA BON LAS NAS KYI MYU GU GZHAN NYID MA YIN PA BZHIN DU RGYU LAS 'BRAS BU GZHAN NYID MA YIN PAR 'GYUR BA MA NGES PAR DBU MA PA'I GTAN TSIGS DE MA GRUB PO ZHES ZER BAR 'GYUR BAS MA NGES PA NYID KYI SKYON DE BSAL BA'I PHYIR, RGYU DANG 'BRAS BUR 'BREL NA BRTEN TE BYUNG BA'I PHYIR ZHES GTAN TSIGS GYI SBYOR BA KHYAD PAR DANG BCAS PA BYAS TE, DE'I PHYIR NAS KYI SA BON DE LAS GZHAN PA 'BRAS KYI SA BON LA BRTEN TE BYUNG BA'I 'BRAS KYI MYU GU DANG NAS KYI SA BON DAG BRTEN TE BYUNG YANG RGYU DANG 'BRAS BUR MA 'BREL BAS GZHAN YIN PA LTA BU DAG GI MA NGES PA NYID MA YIN TE, NAS KYI SA BON DANG NAS KYI MYU GU DANG RGYU DANG 'BRAS BUR 'BREL PA YANG YIN LA, BRTEN TE 'BYUNG BA YANG YIN PA'I PHYIR DE GNYIS GZHAN PA NYID MA YIN PA 'DIR GTAN TSIGS SU BYED PAS DE MA NGES PA NYID MA YIN NO ZHES BSTAN TO, ,PHYIR ZHES BYA BA'I SGRA NI GTAN TSIGS KYI DON TE ZHES BYA BA NI TSIG LE'UR BYAS PA'I RTZA BA 'DAS MA THAG PAS, DE LAS GZHAN PA'ANG MA YIN PHYIR, ,ZHES BYA BA DE'I MJUG NAS PHYIR ZHES BYA BA'I SGRA SMOS PA NI 'OG NAS, DE PHYIR CHAD MIN RTAG MA YIN, ,ZHES 'BYUNG BA DE SGRUB PA'I GTAN TSIGS KYI DON YIN PAR SBYAR RO, ,DE NYID BSTAN PA'I PHYIR GANG GI PHYIR DE LTAR RGYU LAS 'BRAS BU DE NYID KYANG MA YIN LA, GZHAN PA YANG MA YIN PA DE'I PHYIR, DE PHYIR CHAD MIN RTAG MA YIN, ,ZHES BYA BA SMRAS SO, ,DE NYID BYE BRAG TU BSHAD PA BSTAN PA'I PHYIR, 'DI LA GANG GI PHYIR CHU ZHIG KYANG 'BRAS BU SKYE BAS RGYUN GYIS @92B NGES PAR GNAS SHING RGYUN ZHIG KYANG 'BRAS BU DE MI 'JIG PA'I GZHAN NYID MA YIN PAS CHAD PA MA YIN LA, GANG GI PHYIR 'BRAS BU'I DUS NA RGYU 'JIG CING RGYU DE ZHIG KYANG 'BRAS BU NAM YANG MI 'JIG PAS DE'I PHYIR, DE NYID MA YIN PAS RTAG PA YANG MA YIN TE ZHES BYA BA SMRAS TE, DE LTAR GANG GI PHYIR GANG LA BRTEN TE GANG BYUNG BA DE NYID KYANG MA YIN LA, DE DE LAS GZHAN PA'ANG MA YIN PA DE'I PHYIR CHAD PA YANG MA YIN LA, RTAG PA YANG MA YIN NO, ,'DI LTAR SA BON NYID MYU GU YIN PAR GYUR NA SA BON RTAG PAR 'GYUR RO, ,GANG GI PHYIR SA BON NYID MYU GU MA YIN PA DE'I PHYIR SA BON RTAG PA MA YIN NO, ,GAL TE SA BON YANG GZHAN NYID LA MYU GU YANG GZHAN YIN PAR GYUR NA, DE LTA NA SA BON RNAM PA THAMS CAD DU RGYUN CHAD PAS CHAD PAR 'GYUR RO, ,GANG GI PHYIR SA BON LAS MYU GU GZHAN MA YIN PA DE'I PHYIR SA BON CHAD PA MA YIN NO, ,DE NYID KYI KHUNGS SLOB DPON 'PHAGS PA LHAS MDZAD PA BSTAN PA'I PHYIR, JI SKAD DU, GANG PHYIR DNGOS PO 'JUG 'GYUR BA, ,DES NA CHAD PAR MI 'GYUR RO, ,GANG PHYIR DNGOS PO LDOG 'GYUR BA, ,DES NA RTAG PAR MI 'GYUR RO, ,ZHES BSHAD PA LTA BU'O ZHES BYA BA SMRAS SO, ,YANG NA KHA CIG NA RE CHOS NYID RJES SU 'JUG PA'I PHYIR CHAD PA MA YIN LA, CHOS RNAM PAR BZLOG PA'I PHYIR RTAG PA MA YIN NO ZHES ZER RO ZHES BYA BA NI, 'GREL PA BYED PA NYID NA RE 'BRAS BU ZHES BYA BA'I CHOS NYID RJES SU 'JUG PA'I PHYIR CHAD PA MA YIN LA, RGYU ZHES BYA BA'I CHOS RNAM PAR LDOG PA'I PHYIR RTAG PA MA YIN NO ZHES ZER BA'I TSIG YIN NO, ,DE LTAR DE KHO NA'I MTSAN NYID DON DAM PA PA DANG, KUN RDZOB PA BSTAN NAS, DA NI DE KHO NA'I MTSAN NYID BSTAN PA DE NI SANGS RGYAS BCOM LDAN 'DAS KYI BSTAN PA BDUD RTZI YIN PAS DE NAN TAN GYIS BSGRUB PAR BYA BA BSTAN PA'I PHYIR, DE'I PHYIR DE LTAR, DON GCIG MIN DON THA DAD MIN, ,CHAD PA MA YIN RTAG MIN PA, ,DE NI SANGS RGYAS 'JIG RTEN GYI, ,MGON PO'I BSTAN PA BDUD RTZI YIN, ,ZHES BYA BA SMRAS TE, DE LTAR MTHO RIS DANG BYANG GROL GYI LAM RNAM PAR 'BYED PA, DON GCIG PA MA YIN PA, CHAD PA MA YIN PA, RTAG PA MA YIN PA, GCIG PA DANG, THA DAD PA DANG, CHAD PA DANG @93A *, ,RTAG PA'I SKYON LAS PHYI ROL DU GYUR PA, MCHOG TU ZAB PA, DON DAM PA'I DE KHO NA GSAL BAR BYED PA DE NI 'JIG RTEN DANG, 'JIG RTEN LAS 'DAS PA'I BDE BA THOB PAR BYA BA'I PHYIR SANGS RGYAS BCOM LDAN 'DAS THAMS CAD MKHYEN PA, THAMS CAD GZIGS PA, STOBS BCU'I STOBS DANG LDAN PA, 'JIG RTEN GYI MGON PO RGYU MED PAR SEMS CAN LA BYAMS PA RNAMS KYI BSTAN PA BDUD RTZI YIN TE BSGRUB PAR BYA'O, ,DE NYID BSTAN PA'I PHYIR, BDUD RTZI ZHES BYA BA NI BDUD RTZI'I GO 'PHANG THOB PA'I RGYU YIN PA'I PHYIR TE, BYANG CHUB SEMS DPA' BSOD NAMS DANG YE SHES KYI TSOGS DPAG TU MED PA DANG LDAN PA RNAMS KYIS DE RTOGS NAS 'GRO BA MTHA' DAG LA PHAN PA BSKYED PA'I PHYIR, RAB TU BRTZON PAR BYED PA NA YANG DAG PAR RDZOGS PA'I SANGS RGYAS NYI MA DAG TU GYUR NAS GSUNG GI 'OD ZER DAG GIS SEMS CAN SKAL PA ? DANG LDAN PA RNAMS KYI BLO GROS KYI PAD MA DAG KHA 'BYED PAR MDZAD PA DANG, NYAN THOS RNAMS KYIS KYANG THOS PA DANG BSAMS PA DANG, BSGOMS PA LAS BYUNG BA'I SHES PA YONGS SU 'DRIS PAR BYAS PAS TSE 'DI NYID LA MYA NGAN LAS 'DAS PA MNGON SUM DU BYED PA'I PHYIR SDUG BSNGAL THAMS CAD NYE BAR ZHI BA NI BDUD RTZI YIN NO ZHES BYA BA SMRAS TE; SANGS RGYAS BCOM LDAN 'DAS KYI BSTAN PA LA DON DAM PA'I DE KHO NA GSAL BAR BYED PA 'DI NI MYA NGAN LAS 'DAS PA BDUD RTZI'I GO 'PHANG 'THOB PA'I RGYU YIN PA'I PHYIR BDUD RTZI ZHES BYA STE, DE YANG BYANG CHUB SEMS DPA' BSOD NAMS DANG YE SHES KYI TSOGS DPAG TU MED PA DANG LDAN PA RNAMS KYIS NI GANG ZAG DANG CHOS BDAG MED PA'I DE KHO NA RTOGS NAS 'GRO BA MTHA' DAG LA PHAN PA BSKYED PA'I PHYIR, RAB TU BRTZON PAR BYED PA NA BDAG BLA NA MED PA YANG DAG PAR RDZOGS PA'I SANGS RGYAS NYE MA LTA BUR GYUR NAS GSUNG GI 'OD ZER DAG GIS SEMS CAN SKAL BA DANG LDAN PA RNAMS KYI BLO GROS KYI PAD MA DAG KHA 'BYED PAR MDZAD PAS, BDAG DANG GZHAN GYI MI GNAS PA'I MYA NGAN LAS 'DAS PA BDUD RTZI'I GO 'PHANG 'THOB PA'I RGYU YIN PA'I PHYIR BDUD RTZI ZHES BYA'O, ,NYAN THOS RNAMS KYIS KYANG THOS PA DANG BSAMS PA DANG, BSGOMS PA LAS BYUNG BA'I SHES PA YONGS SU 'DRIS PAR @93B BYAS PA GANG BDAG MED PA'I DE KHO NA RTOGS NAS TSE 'DI NYID LA MYA NGAN LAS 'DAS PA MNGON SUM DU BYED PA'I PHYIR, RANG GI SDUG BSNGAL THAMS CAD NYE BAR ZHI BA'I MYA NGAN LAS 'DAS PA BDUD RTZI'I GO 'PHANG 'THOB PA'I RGYU YIN PA'I PHYIR BDUD RTZI ZHES BYA'O, ,GANG GI TSE 'GA' ZHIG BRGYAL TSE 'DI LA TSOGS MA BSAGS PA NYID KYIS THAR PA THOB PAR MA GYUR NA DE LTA NA YANG TSE RABS GZHAN DAG LA DE LA NGES PAR 'GRUB STE ZHES BYA BAS NI, NYAN THOS GANG DAG TSOGS MA BYAS PA NYID KYIS 'PHRAL LA MA GRUB PA DE DAG LA YANG TSE RABS GZHAN DAG LA NGES PAR 'GRUB PAR 'GYUR RO ZHES BSTAN TO, ,DE NYID KYI KHUNGS SLOB DPON 'PHAGS PA LHAS MDZAD PA BSTAN PA'I PHYIR, JI SKAD DU, DE NYID SHES PA 'DI LA NI, ,'DOD CHAGS BRAL BA MTHOB KYANG, ,TSE RABS GZHAN LA 'BAD MED PAR, ,NGES PAR 'THOB STE LAS BZHIN NO, ,ZHES BSHAD PA LTA BU'O ZHES BYA BA SMRAS TE, NYAN THOS KYI RNAL 'BYOR PA DE KHO NA SHES PAS TSE 'DI LA 'DOD CHAGS DANG BRAL BA MA THOB KYANG TSE RABS GZHAN LA 'BAD PA MED PAR NGES PAR 'THOB STE, DPER NA LAS KYI RNAM PAR SMIN PA BZHIN NO, ,JI STE YANG BRGYA LA, RDZOGS SANGS RGYAS RNAMS MA BYUNG ZHING, ,NYAN THOS RNAMS NI ZAD GYUR KYANG, ,DE KHO NA SHES PA SKYE BA'I RKYEN DANG MI LDAN DU ZIN KYANG DE LTA MOD KYI TSE RABS GZHAN LA RAB TU DBEN PA'I SHES PA GOMS PAR BYAS PA'I BAG CHAGS BSAGS PAS BLO GROS SBYANGS PA RNAMS LA GZHAN GYI RKYEN MED PAR, RANG SANGS RGYAS KYI YE SHES NI, ,RTEN PA MED LAS RAB TU SKYE, ,RTEN PA MED PA NI LUS DANG SEMS RAB TU DBEN PA STE, DE'I PHYIR RTEN PA MED PA'I RGYU DE LAS RAB TU SKYE STE, 'DU 'DZI MED PA'I RGYU LAS 'BYUNG NGO ZHES BYA BA'I THA TSIG GO ZHES BYA BAS NI NYAN THOS KYI RNAL 'BYOR PA YANG DAG PA'I MTHA' MNGON SUM DU BYED PA DAG NI YANG DAG PAR RDZOGS PA'I SANGS RGYAS RNAMS SAM 'PHAGS PA NYAN THOS GZHAN DAG LA BRTEN PA'I RTEN GYIS 'DOD CHAGS DANG BRAL BA NYID THOB PA YIN MOD KYI, CI STE YANG BRGYA LA NYAN THOS KYI RNAL 'BYOR PA GANG DAG TSE 'DI LA DE KHO NA SHES PA GOMS PAR BYAS PA DAG CUNG ZAD TSOGS MA RDZOGS PA NYID KYIS 'DOD CHAGS DANG BRAL BA NYID MA THOB STE, TSE RABS GZHAN @94A *, ,DAG LA YANG DAG PA'I MTHA' MNGON SUM DU BYED PAR 'GYUR BA'I TSE NA, YANG DAG PAR RDZOGS PA'I SANGS RGYAS RNAMS MA BYUNG NGAM, NYAN THOS RNAMS ZAD PAR 'GYUR TE, DE KHO NA SHES PA SKYE BA'I RKYEN DANG MI LDAN DU ZIN KYANG TSE RABS SNGA MA GZHAN LA RAB TU DBEN PA'I SHES PA GOMS PAR BYAS PA'I BAG CHAGS BSAGS PAS BLO GROS SBYANGS PA RNAMS LA RANG SANGS RGYAS KYI YE SHES GZHAN LAS SHES PA MA YIN PA RTEN PA MED PA TZAM GYI RKYEN LAS RAB TU SKYE BAR 'GYUR RO ZHES STON TO, ,DE'I PHYIR BSTAN PA BDUD RTZI DE NI DE SGRUB PA RNAMS LA TSE 'DI DANG TSE PHYI MA DAG LA BDUD RTZI'I GO 'PHANG THOB PAR BYED PA YIN PAS BDAG LA LEGS PAR 'DOD PA RNAMS KYIS BSAM PA THAG PAS DE BSGRUB PAR BYA'O ZHES BYA BA NI BSTAN PA BDUD RTZI 'DI GZHAN DAG YANG DAG PAR 'DZIN DU GZHUG PA'I TSIG YIN TE DE'I PHYIR BSTAN PA BDUD RTZI DE NI DE SGRUB PAR RNAMS LA RANG RANG GI DBANG PO DANG, BSAM PA DANG, BAG LA NYAL DANG, TSOGS DANG, THEG PA DANG, RKYEN GYI STOBS JI LTA BA BZHIN DU NYAN THOS DANG, BYANG CHUB SEMS DPA'I THEG PA RNAMS LA TSE 'DI DANG TSE PHYI MA DAG LA BDUD RTZI'I GO 'PHANG THOB PAR BYED PA YIN PAS, RNAL 'BYOR PA DAG LEGS PAR 'DOD PA YONGS SU RTOG PA DANG LDAN PA 'KHOR BA'I DGON PA SPANG BAR 'DOD PA BDUD RTZI'I GO 'PHANG THOB PAR 'DOD PA RNAMS KYIS BSAM PA THAG PAS 'DI NYID 'BAD PAS BSGRUB PAR BYA STE, 'DI KHO NA LAS DON DAM PA NGES PAR 'GRUB PO, ,DE LA 'DIR RAB TU BYED PA'I DON NI GZHAN GYIS SMRAS PA'I SGRUB PA BSAL BA DANG BDAG NYID KYIS SGRUB PA KHA NA MA THOB MED PAR BSTAN PAS 'DU BYED RNAMS BDAG DANG BDAG GIS STONG PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, BDAG DANG CHOS BRTAG PA'I RAB TU BYED PA BCO BRGYAD PA'I SKABS 'DIR RAB TU BYED PA'I DON TSAD MA'I DON 'BRAS BUR BLTA BA NI RANG GI SDE PA DANG GZHAN DAG GIS GANG ZAG DANG CHOS BDAG YOD PAR SMRAS PA'I SGRUB PA BSAL BA DANG, BSTAN BCOS MDZAD PA BDAG NYID KYIS GANG ZAG DANG CHOS BDAG MED PA'I SGRUB PA KHA NA MA THOB MED PA BSTAN PAS 'DU BYED RNAMS BDAG DANG BDAG GIS STONG PA @94B NYID DU BSTAN PA YIN NO, ,BDAG DANG CHOS NGO BO NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES SGRUB PO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA LAS, RAB KYI RTZAL GYIS RNAM PAR GNON PA GZUGS NI BDAG GAM BDAG MED PA MA YIN NO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG BDAG GAM BDAG MED PA MA YIN NO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAMS PAR SHES PA BDAG GAM BDAG MED PA NYID MA YIN PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN TE, DES NI CHOS BDAG MED PA BSTAN PA'I YON TAN DANG KHUNGS BSTAN TO, ,DE BZHIN DU, MDO SDE GZHAN DAG LAS, 'DI LA BDAG MED SEMS CAN MED, ,SROG KYANG YOD MIN GANG ZAG MED, ,LUS 'DI KHAMS RNAMS 'DUS TZAM DU, ,BDAG LA DE LTAR RAB TU SNANG, ,ZHES BYA BA LA SOGS PA DANG DE BZHIN DU, MDO SDE GZHAN DAG LAS, 'DI LA BDAG DANG SEMS CAN MED, ,CHOS 'DI DAG NI RGYU DANG BCAS, ,ZHES BYA BA LA SOGS PA DANG, DE BZHIN DU, MDO SDE GZHAN DAG LAS, SRID MO GZHAN YANG KHYOD KYI LUS 'DI LA BDAG MED SEMS CAN MED SKYES THU ? MED GANG ZAG MED SHED BU MED TSOR BA PO MED BYED PA PO MED DO ZHES BYA BA LA SOGS PA GSUNGS PA DE DAG GRUB PA YIN NO ZHES BYA BAS NI, GANG ZAG BDAG MED PAR BSTAN PA'I YON TAN DANG KHUNGS BSTAN TO, ,DE LTAR YID CHES PA'I KHUNGS DE DAG GRUB PA NI BDAG DANG CHOS NGO BO NYID MED PA NYID DU BSTAN PA'I YON TAN GYI KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I SHES RGYA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA @95A *, ,LAS BDAG DANG CHOS BRTAG PA ZHES BYA BA STE RAB TU BYED PA BCO BRGYAD PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS DUS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DGU PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS, 'DIR YANG BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BA'I PHYOGS YIN TE, 'DI LTA STE DNGOS PO RNAMS NGO BO NYID YOD PA NYID DU SMRA BA YIN NO, , DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU SMRAS PA'I PHYOGS SNGA MA NYE BAR BZHAG PA 'OG NAS DON DAM PAR DNGOS PO RNAMS KYI NGO BO NYID YOD PA KHO NA YIN TE, GSAL BA'I RGYU YIN PA'I PHYIR, DPER NA MAR ME BZHIN NO ZHES BYA BA LA SOGS PA DNGOS PO RNAMS KYI NGO BO NYID YOD PAR SGRUB PA'I GTAN TSIGS DNGOS PO RNAMS KYI NGO BO NYID NI DUS GSUM GSAL BAR BYED PA'I RGYU YIN PA'I PHYIR RO ZHES BYA BA LA SOGS PA 'BYUNG BA DAG YIN NO, ,DE DGAG PA ZHES BYA BA NI DE DGAG PA'I DBANG DU BYAS NAS RAB TU BYED PA BCU DGU PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, DUS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DGU PA BRTZAM MO ZHES BYA BA SMRAS TE, DUS BRTAG PA'I RAB TU BYED PA BCU DGU PA'I GZHUNG 'OG NAS 'BYUNG BA 'DI'I DON NI DUS NGO BO NYID DU BSTAN PA YIN PAS DE'I @95B DBANG DU BYAS NAS DE SKAD CES SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, DUS NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE THOB PAS DE'I PHYIR, 'GREL BA BYED PAS RAB TU BYED PA'I MTSAMS SBYAR BA'I SKABS 'DIR THABS LAS BYUNG BA'I 'BRAS BU DANG PO KHO NA BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, 'DIR SMRAS PA, DON DAM PAR DNGOS PO RNAMS KYI NGO BO NYID YOD PA KHO NA YIN TE, GSAL BA'I RGYU YIN PA'I PHYIR DPER NA MAR ME BZHIN NO, ,GANG YOD PA MA YIN PA DE NI GSAL BA'I RGYU MA YIN TE, DPER NA RUS SBAL GYI SPU'I GOS BZHIN NO, ,DNGOS PO RNAMS KYI NGO BO NYID NI DUS GSUM GSAL BAR BYED PA'I RGYU YIN PAS DE'I PHYIR DE NI YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RUS SBAL GYI SPU'I GOS LTA BU GANG YOD PA MA YIN PA DE NA DUS GSUM GSAL BAR BYED PA'I RGYU MA YIN PAS DE NI YOD PA MA YIN GYI, MAR ME LHA BU BUM PA GSAL BAR BYED PA'I RGYU YIN PA DE NI YOD PA KHO NA YIN PA DE BZHIN DU DNGOS PO RNAMS KYI NGO BO NYID KYANG DUS GSUM GSAL BAR BYED PA'I RGYU YIN PAS DE YANG YOD PA KHO NA YIN NO ZHES ZER TE, DE NI 'DI NA DUS YOD PAR SMRA BA BYE BRAG PA LA SOGS PA DAG GI GZHUNG LAS DUS SHES ZHES BYA BA DNGOS PO RNAMS KYI NGO BO NYID LAS DON GZHAN DU GYUR PA'I TSIG GI DON RTAG PAR YOD LA, DNGOS PO RNAMS KYI NGO BO NYID KYI BYA BA SNGAR 'DAS PA DANG, DE DUNG MA 'ONGS PA DANG, DA LTAR 'JUG PA'I GNAS SKABS KYI BYE BRAG GIS 'DI NI 'DAS PA'I DUS SO, ,'DI NI MA 'ONGS PA'I DUS SO, ,'DI NI DA LTAR GYI DUS SO ZHES GSAL BAR BYED PAS DES NA DUS KYANG DNGOS PO'I NGO BO NYID LAS DON GZHAN DU GYUR BA'I TSIG GI DON RTAG PAR YOD, @96A *, ,DNGOS PO RNAMS KYI NGO BO NYID KYANG DUS GSUM GSAL BAR BYED PA'I RGYU YIN PAS BYA BA DANG LDAN PA'I PHYIR YOD PA KHO NA YIN NO ZHES ZER BA'I GZHUNG YIN NO, ,STONG PA NYID KYI MI MTHUN PA'I PHYOGS KYI KHYAD PAR DE DGAG PAS DUS NGO BO NYID MED PA NYID DU BSTAN PA'I PHYIR, DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, THA SNYAD KYI KHONGS SU GTOGS PA'I 'DU BYED DE DAG GI SKYE BA GANG YIN PA DE BYA BA ZHES BYA STE, DE YANG DNGOS PO'I BDAG NYID SKYE BA YIN PAS DNGOS PO DE DAG NYID RGYU DANG 'BRAS BU SPYAD PA DANG MA SPYAD PA LAS 'DAS PA DANG, MA 'ONGS PA DANG, DA LTAR GYI DUS ZHES BRJOD DE, DE'I PHYIR THA SNYAD DU BYA BA GZHAN YONGS SU GCOD PA'I BYA BA NYID LA DUS SHES ZHES KHAS LEN TE, DPER NA BA 'JOS TZAM GYIS 'ONGS NAS BRJOD, LE'U GLAGS SO ZHES BYA BA BZHIN NO ZHES BYA BA SMOS TE, SKABS 'DIS NI SANGS RGYAS PA DAG GI GZHUNG LAS KUN RDZOB KYI THA SNYAD DU YANG DNGOS PO RNAMS KYI NGO BO NYID LA BYA BA RDZAS SU GRUB PA MED LA, DNGOS PO RNAMS KYI NGO BO NYID LAS LOGS SHIG NA DUS ZHES BYA BA DON GZHAN DU GYUR BA'I TSIG GI DON RTAG PA YANG MED PAS DE'I PHYIR DNGOS PO RNAMS KYI NGO BO NYID NI DUS GSUM GSAL BAR BYED PA'I RGYU MA YIN PAS, PHA ROL PO'I DAM BCAS PA DANG GTAN TSIGS DAG MI 'GRUB PAR STON TE, DE YANG JI LTA BU ZHE NA, SANGS RGYAS PA DAG GI GZHUNG LAS THA SNYAD KYI KHONGS SU GTOGS PA'I 'DU BYED PHUNG PO LNGA ZHES BYA BA DE DAG GI SNGON MA BYUNG BA LAS 'BYUNG BA'I SKYE BA GANG YIN PA NI BYA BA ZHES BYA STE, SKYE BA'I BYA BA DE YANG DNGOS PO'I BDAG NYID RGYU DANG RKYEN LAS SGYU MA TZAM DU SKYE BA NYID YIN GYI, DE LAS LOGS SHIG NA RDZAS SU GRUB PA MED PAS DNGOS PO DE DAG NYID RGYU DANG 'BRAS BU GNYI GA SPYAD PA LAS NI 'DAS PA ZHES BRJOD DE, GNYI GA MA SPYAD PA LAS NI MA 'ONGS PA ZHES BRJOD, RGYU SPYAD LA 'BRAS BU MA SPYAD PA 'AM, RGYU DANG 'BRAS BU GNYIS SRANG MDA'I MTHON DAM NA BZHIN DU 'JUG BZHIN PA LAS NI DA LTAR GYI DUS ZHES BRJOD DE, DE'I PHYIR THA SNYAD DU SKYE BA'I BYA BA DNGOS PO'I BDAG NYID SKYE BA DE NYID KYIS BYA BA GZHAN YONGS SU GCOD CING SEL BAR @96B BYED PA NYID LA, DUS SHES KHAS LEN TE, DPER NA BA 'JOS TZAM GYIS 'ONGS PA'I BYA BAS BYA BA GZHAN YONGS SU GCOD PA'I BYA BA NYID LA DUS ZHES GDAGS PA DANG, DE TZAM GYI BYA BA NYID KYIS BRJOD, LE'U GLAGS PAS BYA BA GZHAN YONGS SU GCOD PA'I BYA BA DE NYID LA DUS ZHES GDAGS PAR ZAD KYI; DE LAS MA GTOGS PAR LOGS SHIG NAS DNGOS PO LAS DON GZHAN DU GYUR PA'I BYA BA YANG MED LA, DUS KYANG MED PAS DNGOS PO RNAMS KYI NGO BO NYID NI DUS GSUM GSAL BAR BYED PA'I RGYU MA YIN PAS DE'I PHYIR, PHA ROL PO DAG GI DAM BCAS PA DANG GTAN TSIGS DAG THA SNYAD DU YANG SANGS RGYAS PA DAG GI PHYOGS LA MA GRUB PO ZHES BSTAN TO, ,DON DAM PAR NI JI LTAR MI 'THAD PA DE LTAR DPYAD PAR BYA STE ZHES BYA BA LA SOGS PAS NI DON DAM PAR DNGOS PO RNAMS KYI NGO BO NYID LA YANG SKYE BA'I BYA BA GZHAN MED LA, DNGOS PO RNAMS LAS DUS ZHES BYA BA'I TSIG GI DON GZHAN DU GYUR PA DANG, RTAG PA YANG MED PAS PHA ROL PO DAG GI DAM BCAS PA DANG, GTAN TSIGS DAG JI LTAR MI 'THAD PA DE LTAR DPYAD PAR BYA BA STON TO, ,'DI LA DUS YOD PAR SMRA BA DAG 'DUS BYAS KYI DNGOS PO RNAMS LAS DUS GZHAN PA DANG, RTAG PAR SMRA STE ZHES BYA BAS NI PHA ROL PO'I GZHUNG BSNAN PA STON TE, 'DI NA DUS YOD PAR SMRA BA BYE BRAG PA LA SOGS PA DAG GI GZHUNG LAS DUS ZHES BYA BA 'DUS BYAS KYI DNGOS PO RNAMS LAS DON GZHAN DU GYUR BA'I TSIG GI DON RTAG PAR YOD LA, DNGOS PO RNAMS KYI NGO BO NYID KYI BYA BA SNGAR 'DAS PA DANG, DA DUNG MA 'ONGS BA DANG, DA LTAR 'JUG PA'I GNAS SKABS KYI BYE BRAG GIS 'DI NI 'DAS PA'I DUS SO, ,'DI NI MA 'ONGS PA'I DUS SO, ,'DI NI DA LTAR GYI DUS SO ZHES GSAL BAR BYED PA DES NA DUS KYANG DNGOS PO'I NGO BO NYID LAS DON GZHAN DU GYUR PA'I TSIG GI DON RTAG PAR YOD LA, DNGOS PO RNAMS KYI NGO BO NYID KYANG DUS GSUM GSAL BAR BYED PA'I RGYU YIN PAS BYA BA DANG LDAN PA'I PHYIR YOD PA KHO NA YIN NO ZHES ZER RO, ,DE LA RE ZHIG DON DAM PAR DUS 'DUS BYAS KYI DNGOS PO RNAMS LAS GZHAN PAR MI 'THAD PAR RJES SU DPAG PA BSTAN PA'I PHYIR, DE LA DON DAM PAR DUS NI 'DUS BYAS KYI DNGOS PO RNAMS LAS DON @97A *, ,GZHAN DU GYUR PA MA YIN PAR GZUNG BAR BYA STE, DNGOS PO YIN PA'I PHYIR 'DUS BYAS KYI DNGOS PO'I BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'DUS BYAS KYI DNGOS PO'I BDAG NYID NI DNGOS PO YIN PA'I PHYIR 'DUS BYAS KYI DNGOS PO RNAMS LAS DON GZHAN DU GYUR PA MA YIN PAR GZUNG BAR BYA BA DE BZHIN DU, DUS KYANG DNGOS PO YIN PA'I PHYIR, DUS KYI DNGOS PO RNAMS LAS DON GZHAN DU GYUR PA MA YIN PAR GZUNG BAR BYA'O, ,DA NI DON DAM PAR DUS RTAG PA MI 'THAD PAR RJES SU DPAG PA BSTAN PA'I PHYIR, DE BZHIN DU DON DAM PAR DUS NI RTAG PA MA YIN TE, MTSAN NYID KYI GZHI YIN PA'I PHYIR DPER NA BUM PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI MTSAN NYID GZHI YIN PA'I PHYIR RTAG PA MA YIN PA DE BZHIN DU, DUS KYANG MTSAN NYID KYI GZHI YIN PA'I PHYIR RTAG PA MA YIN NO, ,GAL TE NAM MKHA' LA SOGS PA DAG GIS MA NGES PA NYID YIN NO ZHE NA ZHES BYA BA NI PHA ROL PO DAG DBU MA PA'I GTAN TSIGS MTSAN NYID KYI GZHI YIN PA'I PHYIR ZHES BYA BA DE MA NGES PA NYID DU SKYON 'DOGS PA'I TSIG YIN TE, DE DAG NA RE 'DI NA NAM MKHA' LA SOGS PA DAG KYANG MTSAN NYID KYI GZHI YIN YANG RTAG PAR MTHONG BAS, DES NA CI RE ZHIG MTSAN NYID KYI GZHI YIN PA'I PHYIR DPER NA BUM PA BZHIN DU, DUS KYANG MI RTAG PAR RAM, 'ON TE MTSAN NYID KYI GZHI YIN PA'I PHYIR, DPER NA NAM MKHA' LA SOGS PA DAG BZHIN DU DUS KYANG RTAG PAR 'GYUR BA MA NGES PA NYID YIN PAS DBU MA PA'I GTAN TSIGS DE MA GRUB PO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE DAG KYANG DE BZHIN DU BKAG PA'I PHYIR MI MTHUN PA'I PHYOGS MED PA MA NGES PA NYID MA YIN NO ZHES BYA BA SMRAS TE, DON DAM PAR NAM MKHA' LA SOGS PA DE DAG KYANG DUS BZHIN DU BKAG PA'I PHYIR MI MTHUN PA'I PHYOGS MED PAS KHO @97B BO'I GTAN TSIGS DE MA NGES PA NYID MA YIN NO, ,DA LTAR GYI GZUGS SO SNYAM PA'I BLO NI RANG GI BDAG NYID LAS GZHAN PA'I DNGOS PO DANG 'BREL PA'I TSIG GI DON GYI YUL CAN YIN TE, YID CHES PA SKYE BA'I PHYIR, DPER NA DBYUG PA CAN MANG PO DANG NYUNG NGU DAG LA DBYUG PA CAN SNYAM DU YID CHES PA SKYE BA'I BLO DE LA LHAS BYIN LA SOGS PA'I RANG GI BDAG NYID LAS GZHAN PA'I DNGOS PO DBYUG PA DANG 'BREL PA'I TSIG GI DON GYI YUL YOD PAR MTHONG BA BZHIN NO, ,DE BZHIN DU 'DIR YANG GZUGS LA DA LTAR DA LTAR RO SNYAM DU YID CHES PA SKYE BA YOD PAS, DE'I PHYIR DA LTAR GYI GZUGS SO SNYAM PA'I BLO 'DI LA YANG RANG GI BDAG NYID LAS GZHAN PA'I DNGOS PO DANG 'BREL PA'I TSIG GI DON GYI YUL YOD DE GZUGS LAS GZHAN GYI TSIG GI DON GANG YIN PA DE NI DUS YIN PAS, DE'I PHYIR DE NI GZHAN YIN NO ZHES BYA BA NI 'DIR YANG DUS YOD PAR SMRA BA DAG DUS 'DUS BYAS KYI DNGOS PO RNAMS LAS GZHAN YIN PAR SGRUB PA'I GTAN TSIGS YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA LHAS BYIN LA SOGS PA DBYUG PA CAN MANG PO DANG NYUNG NGU DAG LA DBYUG PA CAN SNYAM DU YID CHES PA SKYE BA'I BLO DE LA DBYUG PA CAN LHAS BYIN LA SOGS PA'I RANG GI BDAG NYID LAS GZHAN PA'I DNGOS PO DBYUG PA DANG 'BREL PA'I TSIG GI DON GYI YUL YOD PAR MTHONG BAS DBYUG PA CAN SNYAM DU, YID CHES PA SKYE BA'I BLO DE DE'I YUL LA DBYUG PA CAN LHAS BYIN GYI RANG GI BDAG NYID LAS GZHAN PA DBYUG PA ZHES BYA BA'I DNGOS PO'I TSIG GI DON KYANG LOGS SHIG NA YOD PAS DBYUG PA ZHES BYA BA'I DNGOS PO'I TSIG GI DON DE NI DBYUG PA CAN GYI RANG GI BDAG NYID KYI DNGOS PO LAS GZHAN YIN PA DE BZHIN DU, DA LTAR GYI GZUGS LA DA LTAR GYI GZUGS SO SNYAM DU YID CHES PA SKYE BA'I BLO DE LA YANG DA LTAR GYI GZUGS KYI RANG GI BDAG NYID LAS GZHAN PA'I DNGOS PO DA LTAR GYI DUS DANG 'BREL PA'I TSIG GI DON GYI YUL YOD PAR MTHONG BAS DA LTAR GYI GZUGS SO SNYAM DU YID CHES PA SKYE BA'I BLO DE'I YUL LA YANG DA LTAR GYI GZUGS KYI RANG GI BDAG NYID LAS GZHAN PA @98A *, ,DA LTAR GYI DUS ZHES BYA BA'I DNGOS PO'I TSIG GI DON KYANG LOGS SHIG NA YOD PAS DA LTAR GYI DUS ZHES BYA BA'I DNGOS PO'I TSIG GI DON DE NI DA LTAR GYI GZUGS KYI RANG GI BDAG NYID KYI DNGOS PO LAS GZHAN YIN NO, ,'DI SKAD BSTAN TE 'DAS PA DANG MA 'ONGS PA DANG DA LTAR GYI DNGOS PO LA YID CHES PA'I BLO'I YUL LAS 'DAS PA DANG MA 'ONGS PA DANG DA LTAR GYI DNGOS PO'I RANG GI BDAG NYID KYANG YOD LA, DNGOS PO DE DAG GI RANG GI BDAG NYID LAS GZHAN PA 'DAS PA DANG MA 'ONGS PA DANG DA LTAR GYI DUS KYI DNGOS PO'I TSIG GI DON KYANG LOGS SHIG NA YOD PAS DE'I PHYIR DUS GSUM GYI 'DUS BYAS KYI DNGOS PO RNAMS LAS DUS KYI DNGOS PO'I TSIG GI DON GZHAN NYID YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LA 'DIR YID CHES PA SKYE BA'I PHYIR ZHES BYA BA'I GTAN TSIGS KYI RANG GI BDAG NYID LAS GZHAN PA'I DNGOS PO DANG 'BREL PA'I TSIG GI DON LA DUS MA YIN PA DANG, MI RTAG PA'I MTSAN NYID KYI TSIG GI DON MTHONG BA'I PHYIR YID CHES PA SKYE BAR RJES SU DPOG PAS DUS MA YIN PA NYID DANG RTAG PA MA YIN PA NYID KYIS DE DAG GSAL BA'I PHYIR DAM BCAS PA LA CHOS CAN GYI NGO BO NYID DANG KHYAD PAR BSAL BA'I SKYON YOD DO ZHES BYA BA SMRAS TE, 'DIS NI PHA ROL PO DAG YID CHES PA SKYE BA'I PHYIR ZHES BYA BA'I GTAN TSIGS KYIS GZUGS KYI RANG GI BDAG NYID LAS GZHAN PA'I DUS RTAG PA YOD PAR RJES SU DPOG PA DE KUN RDZOB TU YANG DAM BCAS PA LA CHOS CAN DUS KYI NGO BO NYID DANG DUS KYI KHYAD PAR GZHAN YIN PA DANG, RTAG PA ZHES BYA BA BSAL BA'I SKYON YOD PAS PHA ROL PO'I DAM BCAS PA DANG GTAN TSIGS DAG MA GRUB PAR STON TE, DE YANG DPER NA LHAS BYIN DBYUG PA CAN YIN NO SNYAM DU YID CHES PA SKYE BA'I BLO DE'I YUL DBYUG PA CAN GYI RANG GI BDAG NYID LAS GZHAN PA'I DNGOS PO DBYUG PA DE NI DUS KYANG MA YIN GZUGS LAS GZHAN YANG MA YIN, RTAG PA YANG MA YIN PA DE BZHIN DU, DA LTAR GYI GZUGS SO SNYAM DU YID CHES PA SKYE BA'I BLO DE'I YUL DA LTAR GYI GZUGS KYI RANG GI BDAG NYID LAS GZHAN PA'I DNGOS PO DA LTAR GYI DUS ZHES BYA BAR PHA ROL PO DAG 'DOD PA DE YANG DUS KYANG MA YIN, @98B GZUGS LAS GZHAN YANG MA YIN, RTAG PA YANG MA YIN TE, DA LTAR GYI GZUGS NYID KYANG DUS MA YIN PA'I PHYIR DANG, DA LTAR GYI GZUGS KYI BYA BAS BYA BA GZHAN YONGS SU GCOD PA DE LAS GZHAN PA'I DUS KYANG MED PA'I PHYIR DANG, DA LTAR GYI GZUGS KYI BYE BA DE NYID RTAG PA YANG MA YIN PAR YID CHES PA'I BLO SKYE BA'I PHYIR, DES NA PHA ROL PO DAG YID CHES PA SKYE BAR RJES SU DPOG PAS DUS MA YIN PA NYID DANG, GZHAN MA YIN PA NYID DANG RTAG PA MA YIN PA NYID KYIS DE DAG BSAL BA'I PHYIR, PHA ROL PO DAG GIS DAM BCAS PA LA CHOS CAN DUS LA BSGRUB PAR BYA BA CHOS DNGOS PO RNAMS LAS GZHAN NYID DANG RTAG PA NYID SGRUB PA'I CHOS CAN DUS DE'I NGO BO NYID DANG DUS DE'I KHYAD PAR GZHAN NYID DANG RTAG PA NYID CES BYA BA DE DAG BSAL BA'I SKYON YOD PAS KUN RDZOB TU YANG PHA ROL PO'I DAM BCAS PA DANG GTAN TSIGS DAG MA GRUB PO, DPE YANG MED DE, DON DAM PAR DBYUG PA DANG DBYUG PA CAN DU 'BREL PA MA GRUB PA'I PHYIR, DE NI RIGS PA MA YIN NO ZHES BYA BAS NI PHA ROL PO DAG GI DPE DBYUG PA CAN MANG PO DANG NYUNG NGU DAG LA DBYUG PA CAN SNYAM DU YID CHES PA SKYE BA'I BLO DE LA LHAS BYIN LA SOGS PA'I RANG GI BDAG NYID LAS GZHAN PA'I DNGOS PO DBYUG PA DANG 'BREL PA'I TSIG GI DON GYI YUL YOD PAR MTHONG BA BZHIN NO ZHES BYA BA DE DON DAM PAR MA GRUB PAS PHA ROL PO'I SGRUB PA LA DPE MA TSANG BA'I SKYON YOD PAS RIGS PA MA YIN PAR STON TO, ,YANG NA GAL TE DE LTAR GZUGS SO SNYAM PA'I BLO DE KHYAD PAR GZHAN GANG YANG RUNG BA 'GA' ZHIG DANG 'BREL PA'I TSIG GI DON GYI YUL CAN YIN PAR BSGRUBS NA NI GRUB PA LA SGRUB PA DANG, RANG GI GRUB PA'I MTHA' DANG 'GAL BAR 'GYUR RO ZHES BYA BAS NI YANG NA GAL TE PHA ROL PO DAG 'DI SKAD CES KHO BO CAG GIS SNGAR DAM BCAS PA'I PHYOGS DA LTAR GYI GZUGS SO SNYAM PA'I BLO NI RANG GI BDAG NYID LAS GZHAN PA'I DNGOS PO DANG 'BRAL PA'I TSIG GI DON GYI YUL CAN YIN TE ZHES BYA BA DE NI DA LTAR GYI GZUGS RANG GI BDAG NYID LAS GZHAN PA'I DNGOS PO DA LTAR GYI DUS DANG 'BREL PA'I TSIG GI DON GYI YUL CAN YIN TE ZHES BYA BAR NI MI SGRUB KYI, DA LTAR GYI GZUGS KYI RANG GI BDAG NYID LAS GZHAN PA'I DNGOS PO @99A *, ,DUS MA YIN PA BUM PA DANG SNAM BU LA SOGS PA'I KHYAD PAR GZHAN GANG YANG RUNG BA 'GA' ZHIG DANG 'BREL PA'I TSIG GI DON GYI YUL CAN YIN PAR SGRUB PO ZHE NA NI DE LTA NA GRUB PA LA SGRUB PA DANG, RANG GI GRUB PA'I MTHA' DANG 'GAL BA'I SKYON CHAGS PAS MI RUNG STE, 'DI LTAR DE DBU MA PA'I PHYOGS LA YANG DA LTAR GYI GZUGS SO SNYAM PA'I BLO DE GZUGS KYI RANG GI BDAG NYID LAS GZHAN PA'I DNGOS PO DUS DANG 'BREL PA'I TSIG GI DON GYI YUL CAN NI MA YIN GYI, GZUGS KYI RANG GI BDAG NYID LAS GZHAN DPE'I DNGOS PO BUM PA DANG SNAM BU LA SOGS PA'I KHYAD PAR GZHAN GANG YANG RUNG BA 'GA' ZHIG DANG 'BREL PA'I TSIG GI DON GYI YUL CAN YIN PAR GRUB PA'I PHYIR GRUB PA LA SGRUB PA YIN LA, KHYED RANG GI GRUB PA'I MTHA' LAS DA LTAR GYI GZUGS SO SNYAM PA'I BLO NI GZUGS KYI RANG GI BDAG NYID LAS GZHAN PA'I DNGOS PO DUS DANG 'BREL PA'I TSIG GI DON GYI YUL CAN YIN PAR 'DOD PA'I PHYIR, RANG GI THUB PA'I MTHA' DANG 'GAL BAR 'GYUR RO, ,CI STE BLO DE GZUGS DUS KYI MTSAN NYID KYI TSIG GI DON DANG 'BREL PA'I YUL CAN YIN PAR BSGRUBS NA NI DPE MED DE, BLO DE GZUGS DUS KYI MTSAN NYID KYI TSIG GI DON DANG 'BREL PA'I YUL CAN YIN PAR BSTAN PAR MI NUS PA'I PHYIR RO ZHES BYA BA NI STE PHA ROL PO DAG 'DI SKAD CES KHO BO CAG DA LTAR GYI GZUGS SO SNYAM PA'I BLO DE DA LTAR GYI GZUGS DANG RANG GI BDAG NYID LAS GZHAN PA'I DUS KYI MTSAN NYID KYI TSIG GI DON DANG 'BREL PA'I YUL CAN YIN PAR BSGRUBS PAS DES NA DA LTAR GYI GZUGS SO SNYAM PA'I BLO DE'I YUL LA DA LTAR GYI GZUGS KYI RANG GI BDAG NYID LAS GZHAN PA DA LTAR GYI DUS KYI MTSAN NYID KYI TSIG GI DON LOGS SHIG NA YOD PAS DUS KYI MTSAN NYID KYI TSIG GI DON NI GZUGS KYI DNGOS PO LAS GZHAN NYID YIN NO ZHES BYA BAR SGRUB PO ZHE NA YANG, DE LTA NA YANG PHA ROL PO DAG GI SGRUB PA DE LA DPE MED DE, CI'I PHYIR ZHE NA, LHAS BYIN DBYUG PA CAN YIN NO SNYAM PA'I BLO DE NI GZUGS KYI TSIG GI DON DANG 'BREL PA'I YUL CAN YIN GYI, DUS KYI MTSAN NYID KYI TSIG GI DON DANG 'BREL PA'I YUL CAN MA YIN PAS DES NA LHAS BYIN DBYUG PA CAN MA YIN NO SNYAM PA'I BLO GZUGS KYI MTSAN NYID DANG 'BREL PA'I YUL CAN DE GZUGS @99B DUS KYI MTSAN NYID KYI TSIG GI DON DANG 'BREL PA'I YUL CAN YIN PAR BSTAN PAR MI NUS PAS DE'I PHYIR, DPE DE BSGRUB PAR BYA BA CHOS KYIS STONG PA'I PHYIR RO, ,DPYAD PAR RGYAS PA NI YOD PA NYID BZHIN NO ZHES BYA BA NI JI LTAR YOD PA NYID DGAG PA BSTAN PA BZHIN DU DUS DGAG PA YANG DE BZHIN DU BRJOD PAR BYA'O ZHES BYA BA'I THA TSIG STE, DE YANG SNGAR PHRAD PA BRTAG PA'I SKABS SU MU STEGS BYE BRAG PA'I TSIG GI DON DRUG LAS YOD PA NYID DGAG PA'I SKABS SU YOD PA NYID DANG LDAN PAS YOD PA NYID DU 'DOD NA YOD PA NYID MA YIN PA YANG RANG LAS YOD PA NYID DU 'GYUR TE, DE'I BDAG NYID YIN PA'I PHYIR DPER NA ME GRANG BA LA SOGS PA LA MA LTOS PAR YANG RANG GI BDAG NYID KYIS TSA BA NYID DU 'GYUR BA BZHIN NO, ,YOD PA NYID MA YIN PA DNGOS PO GZHAN LA MI LTOS PA'I CHOS CAN LA YOD PA NYID DU RTOGS PA TZAM DU ZAD DE DNGOS PO GZHAN LA LTOS PA NYID YOD PA NYID KYI BLO'I RGYU MA YIN LA YOD PA NYID NI BLO DE'I RGYU YIN PA'I PHYIR RO, ,YOD PA NYID DANG YOD PA NYID MA YIN PA NYID YOD PA NYID DANG LDAN PAR RTOG NA YANG DON MED PA NYID DANG DGAG PA MI MTHUN PA NYID DU 'GYUR RO, ,DNGOS PO BRJOD PAR BYA BA MA YIN PA DUS PHYIS YOD PA NYID DANG LDAN PAR RTOG NA YANG DNGOS PO NI YOD PA NYID DANG LDAN PA MA YIN TE, DNGOS PO YIN PA'I PHYIR DPER NA BRJOD PAR BYA BA MA YIN PA DE NYID KYI SKAD CIG MA BZHIN BAS RANG GI RJES SU DPAG PA LA GNOD DO ZHES BYA BA LA SOGS PAS SNGAR JI SKAD BSTAN PA'I LUGS BZHIN DU, 'DIR YANG DUS NYID DANG LDAN PAS DUS NYID DU 'DOD NA DUS NYID MA YIN PA YANG RANG LAS DUS NYID DU 'GYUR TE; DE'I BDAG NYID YIN PA'I PHYIR DPER NA ME GRANG BA LA SOGS PA LAM LTOS PAR YANG RANG GI BDAG NYID KYIS TSA BA NYID DU 'GYUR BA BZHIN NO, ,DUS NYID MA YIN PA DNGOS PO GZHAN LA MI LTOS PA'I CHOS CAN LA DUS NYID DU RTOG NA YANG RTOG PA TZAM DU ZAD DE DNGOS PO GZHAN LA LTOS PA NYID DUS NYID KYI BLO'I RGYU MA YIN LA DUS NYID NI BLO DE'I RGYU YIN PA'I PHYIR RO, ,DUS DANG DUS MA YIN PA NYID DUS NYID DANG LDAN PAR RTOG NA YANG DON MED PA NYID DANG DGAG PA MI MTHUN PA NYID DU 'GYUR RO, ,DNGOS PO BRJOD PAR BYA BA MA YIN PA DUS PHYIS DUS NYID DANG LDAN PAR RTOG NA YANG DNGOS PO NI DUS NYID DANG @100A *, ,LDAN PA MA YIN TE, DNGOS PO YIN PA'I PHYIR DPER NA BRJOD PAR BYA BA MA YIN PA DE NYID KYI SKAD CIG MA BZHIN PAS RANG GI RJES SU DPAG PA LA GNOD DO ZHES BYA BA LA SOGS PA SNGAR JI SKAD BSTAN PA'I LUGS BZHIN DU CI RIGS PAR DGAG PAR BYA'O,, ,,BAM PO DRUG CU GSUM PA, DE LTAR RE ZHIG BYE BRAG PA LA SOGS PA GANG DAG DUS DNGOS PO RNAMS LAS GZHAN PA DANG RTAG PAR 'DOD PA DAG GI GZHUNG MI 'THAD PAR SPYIR BSTAN NAS, DA NI 'DI LA GAL TE DUS ZHES BYA BA DNGOS PO 'GA' ZHIG YOD PAR GYUR NA DE LTOS NAS GRUB PAR 'GYUR RAM, MA LTOS PAR RANG LAS 'GRUB PAR 'GYUR GRANG NA, BRTAG PA GNYIS KA YANG MI 'THAD PAR BSTAN PA'I PHYIR, DUS KYI DBYE BA 'GRUB NA YANG LTOS PA CAN NAM, 'ON TE MA LTOS PA ZHIG TU 'GYUR GRANG NA ZHES BYA BA SMRAS SO, ,DE LA RE ZHIG RTAG PA DANG PO MI 'THAD PAR BSTAN PA'I PHYIR, DE LA GAL TE LTOS PA CAN DU DAM 'CHA' NA, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,ZHES BYA BA SMRAS TE, DES NI PHA ROL PO DAG DUS LTOS TE 'GRUB PAR 'DOD PA'I GZHUNG BSNAN PA BSTAN TE, DA LTAR BYUNG BA DANG MA 'ONGS PA'I DUS DAG GAL TE 'DUS PA'I DUS LA LTOS NAS YOD PAR GYUR NA'O, ,DE NI DE MI 'THAD PAR SGRUB PA'I RJES SU DPAG PA BSTAN PA'I PHYIR, DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,DUS NYID YIN NA LTOS PA DANG BCAS PA'I PHYIR 'DAS PA'I DUS BZHIN NO ZHES BYA BAR DGONGS SO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'DAS PA'I DUS NYID YIN NA LTOS PA DANG BCAS PA'I PHYIR 'DAS PA'I DUS NA YOD PAR 'GYUR BA DE BZHIN DU DA LTAR BYUNG BA DANG MA 'ONGS PA'I DUS DAG KYANG DUS NYID YIN NA LTOS PA DANG BCAS PA'I PHYIR 'DAS PA'I DUS NA YOD PAR 'GYUR TE, DE LTA NA DA LTAR BYUNG BA DANG, MA 'ONGS PA'I DUS DAG 'DAS PA'I DUS NA YOD PAR 'GYUR RO, ,'DAS PA'I DUS NA YOD PAR GYUR NA DE GNYIS KYANG 'DAS PA YIN PAR 'GYUR RO, ,DE LTAR NA DUS GCIG KHO NAR 'GYUR RO, ,DUS GCIG KHO NA YIN NA LTOS PA MI 'THAD DE, 'DI LTAR @100B DE NYID DE NYID LA JI LTAR LTOS PAR 'GYUR LTOS PA MI 'THAD PA'I PHYIR DUS KYANG MI 'THAD PA KHO NA YIN NO, ,YANG NA; DA LTAR BYUNG DANG MA 'ONGS PA, ,GAL TE 'DAS PA LTOS GYUR NA, ,DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,ZHES BYA BA NI LAN 'GA' ZHES BYA BA'I TSIG GI LHAG MA'O ZHES BYA BAS NI, GAL TE PHA ROL PO DAG 'DOD PA LTAR DA LTAR BYUNG BA DANG MA 'ONGS PA'I DUS DAG GAL TE 'DAS PA'I DUS LA LTOS NAS YOD PAR GYUR NA DE LTA NA DA LTAR BYUNG BA DANG MA 'ONGS PA'I DUS DAG LAN 'GA' 'DAS PA'I DUS NA YOD PA'I SKYON DU 'GYUR RO ZHES STON TO, ,DE NYID KYI RJES SU DPAG PA BSTAN PA'I PHYIR, 'DI LA GANG DAG LTOS PA DANG BCAS PA DE DAG NI DUS GCIG NYID DU YANG 'GYUR TE LAN 'GA' MI MTHUN PA NYID MED NA LTOS PA DANG BCAS PA'I PHYIR, DPER NA PHA DANG BU DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHA DANG BU DAG NI LAN 'GA' MI MTHUN PA NYID MED NA LTOS PA DANG BCAS PA'I PHYIR DUS GCIG NYID DU YANG 'GYUR BA DE BZHIN DU DA LTAR BYUNG BA DANG MA 'ONGS PA GANG DAG 'DAS PA'I DUS LA LTOS PA DANG BCAS PA DE DAG KYANG LAN 'GA' MI MTHUN PA NYID MED NA LTOS PA DANG BCAS PA'I PHYIR DUS GCIG NYID DU YANG 'GYUR RO, ,DE LTA NA DA LTAR BYUNG BA DANG MA 'ONGS PA'I DUS DAG LA LAN 'GA' 'DAS PA'I DUS NA YOD PAR 'GYUR RO, ,LAN 'GA' 'DAS PA'I DUS LTOS NA YOD PAR GYUR NA DE GNYIS KYANG LAN 'GA' 'DAS PA YIN PAR 'GYUR RO, ,DE LTAR NA LAN 'GA' DUS GCIG KHO NAR 'GYUR RO, ,LAN 'GA' DUS GCIG KHO NA YIN NA LTOS PA MI 'THAD DE, 'DI LTAR DE NYID DE NYID LA JI LTAR LTOS PAR 'GYUR, LTOS PA MI 'THAD PA'I PHYIR DUS KYANG MI 'THAD PA KHO NA YIN NO, ,DE LA RJES SU DPAG PA SNGA MAS NI 'DAS PA'I DUS NYID BZHIN DU RTAG TU DUS GCIG NYID KYI SKYON DU 'GYUR BAR BSTAN LA, RJES SU DPAG PA 'DIS NI PHA DANG BU DAG BZHIN DU LAN 'GA' MI MTHUN PA NYID MED NA DUS GCIG NYID KYI SKYON DU 'GYUR BAR BSTAN TO, ,CI STE LTOS PA DANG BCAS PA NYID KYI GTAN TSIGS BSTAN KYANG DA LTAR BYUNG BA DANG MA 'ONGS PA DAG 'DAS @101A *, ,PA'I DUS NA YOD PAR MI 'DOD NA DE LTA NA SKYON GZHAN 'DIR YANG 'GYUR TE ZHES BYA BAS NI, CI STE PHA ROL PO DAG DBU MA PAS LTOS PA DANG BCAS PA NYID KYI GTAN TSIGS BSTAN PAS DA LTAR BYUNG BA DANG MA 'ONGS PA DAG 'DAS PA'I DUS NA YOD PAR 'GYUR BA'I SKYON BSTAN KYANG SKYON DER 'GYUR BAR KHAS MI LEN CING, DA LTAR BYUNG BA DANG MA 'ONGS PA DAG 'DAS PA'I DUS LA LTOS PA DANG BCAS PA NYID KYANG YIN LA, DA LTAR BYUNG BA DANG MA 'ONGS PA DAG 'DAS PA'I DUS NA YOD PAR YANG MI 'DOD NA DE LTA NA DE DAG LA LTOS PA DANG BCAS PA NYID MI 'THAD PA'I SKYON GZHAN 'DIR YANG 'GYUR RO ZHES STON TO, ,DE NYID BSTAN PA'I PHYIR, DA LTAR BYUNG DANG MA 'ONGS PA, ,GAL TE DE NA MED GYUR NA, ,ZHES BYA BA SMRAS TE, DES NI PHA ROL PO DAG DA LTAR BYUNG BA DANG MA 'ONGS PA DAG 'DAS PA'I DUS LA LTOS TE 'GRUB PAR YANG 'DOD LA, DA LTAR BYUNG BA DANG MA 'ONGS PA DAG 'DAS PA'I DUS NA YOD PAR YANG MI 'DOD PA'I GZHUNG BSNAN PA BSTAN TE, DA LTAR BYUNG BA DANG MA 'ONGS PA DAG GAL TE 'DAS PA'I DUS DE NA MED PAR GYUR NA'O, ,DA NI DE LTA NA DA LTAR BYUNG BA DANG MA 'ONGS PA DAG 'DAS PA'I DUS LA LTOS PA MI 'THAD PA BSTAN PA'I PHYIR, DA LTAR BYUNG DANG MA 'ONGS PA, , JI LTAR DE LA LTOS PAR 'GYUR, ,ZHES BYA BA SMRAS TE, DA LTAR BYUNG BA DANG MA 'ONGS PA'I DUS DAG GAL TE 'DAS PA'I DUS DE NA MED PAR GYUR NA, DA LTAR BYUNG BA DANG MA 'ONGS PA'I DUS 'DAS PA'I DUS DE NA MED PA DE DAG JI LTAR 'DAS PA'I DUS DE LA LTOS PAR 'GYUR TE, 'DI LTAR GSUM CHAR YANG TSOGS PAR GYUR NA LTOS PAR 'THAD PA YIN NA, DA LTAR BYUNG BA DANG MA 'ONGS PA 'DAS PA'I DUS NA MED PA DAG 'DAS PA'I DUS LA LTOS PA MI 'THAD DO, ,PHA ROL PO DAG 'DOD PA LTAR LTOS PA DANG BCAS PA NYID YIN NA LTOS TE 'GRUB LA, LTOS TE 'GRUB PAR KHAS LEN NA DUS GCIG NYID DU THAL BAR 'GYUR BAS DUS MI 'THAD PAR BSTAN PA'I PHYIR, LTOS PA DANG BCAS PA NYID YIN NA DA LTAR BYUNG BA DANG MA 'ONGS PA DAG 'DAS PA'I DUS LA LTOS NAS DA LTAR BYUNG BA DANG MA 'ONGS PA NYID DU 'GRUB PAR 'GYUR RO ZHES BYA BA SMRAS TE, PHA ROL PO DAG 'DOD PA LTAR DA LTAR BYUNG BA DANG MA 'ONGS PA'I DUS DAG GAL TE @101B 'DAS PA'I DUS LA LTOS NAS YOD PAR GYUR NA DE LTA NA LTOS PA DANG BCAS PA NYID YIN PAS DA LTAR BYUNG BA DANG MA 'ONGS PA DAG 'DAS PA'I DUS LA LTOS NAS DA LTAR BYUNG BA DANG MA 'ONGS PA NYID DU 'GRUB PAR 'GYUR RO, ,DE LTAR 'GRUB PAR KHAS LEN NA DA LTAR BYUNG BA DANG MA 'ONGS PA'I DUS DAG 'DAS PA'I DUS NA YOD PAR 'GYUR RO, ,'DAS PA'I DUS NA YOD PAR GYUR NA DE GNYIS KYANG 'DAS PA YIN PAR 'GYUR RO, ,DE LTA NA DUS GCIG KHO NAR 'GYUR RO, ,DUS GCIG KHO NA YIN NA LTOS PA MI 'THAD DE, 'DI LTAR DE NYID DE NYID LA JI LTAR LTOS PAR 'GYUR, LTOS PA MI 'THAD PA'I PHYIR DUS KYANG MI 'THAD PA KHO NA YIN NO, ,DE NYID KYI TSAD MA BSTAN PA'I PHYIR, KHA CIG NA RE DE LTA NA DON DAM PAR DA LTAR DANG MA 'ONGS PA'I DUS DAG LA DA LTAR DANG MA 'ONGS PA'I NGO BO NYID DAG MED DE, DUS NYID YIN NA LTOS PA DANG BCAS PA'I PHYIR, DPER NA 'DAS PA'I DUS BZHIN NO ZHE'O ZHES BYA BA SMRAS TE, DE NI 'GREL PA BYED PA NYID KYIS DNGOS PO LTOS PA DANG BCAS PA THAMS CAD DON DAM PAR NGO BO NYID MED PA NYID DU SGRUB PA'I RJES SU DPAG PA YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'DAS PA'I DUS NI DUS NYID YIN NA LTOS PA DANG BCAS PA'I PHYIR, DE LA NGO BO NYID MED PA BZHIN DA LTAR MA 'ONGS PA'I DUS DAG KYANG DUS NYID YIN NA LTOS PA DANG BCAS PA'I PHYIR DE DAG LA YANG NGO BO NYID MED DO, ,GZHAN DAG NA RE, DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, , ZHES BYA BA NI DUS MNYAM PA RNAMS LA LTOS PA SRID PA'I PHYIR RO ZHES ZER RO ZHES BYA BA NI, 'GREL PA BYED PA GNAS BRTAN S+THI RA MA TI LA SOGS PAS RNAM PAR BSHAD PA'I TSIG YIN TE, DE YANG SNGAR, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,ZHES BYA BAS PHA ROL PO DAG DUS LTOS TE 'GRUB PAR 'DOD PA'I GZHUNG LAS DA LTAR BYUNG BA DANG MA 'ONGS PA'I DUS DAG GAL TE 'DAS PA'I DUS LA LTOS NAS YOD PAR 'DOD PA DE MI 'THAD PAR SGRUB PA'I RJES SU DPAG PA BSTAN PA'I TSIG LE'UR BYAS PA, DA LTAR BYUNG DANG MA 'ONGS PA, ,'DAS PA'I DUS NA YOD PAR @102A *, ,'GYUR; ,ZHES BYA BA DE'I GTAN TSIGS DANG DPE 'GREL PA BYED PA NYID KYIS DUS NYID YIN NA LTOS PA DANG BCAS PA'I PHYIR, 'DAS PA'I DUS BZHIN NO ZHES BYA BAR DGONGS SO ZHES BSHAD PA'I SKABS DE LA, 'GREL PA BYED PA GNAS BRTAN S+THI RA MA TI LA SOGS PA GZHAN DAG NA RE; DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ZHES BYA BA DE SGRUB PA'I GTAN TSIGS NI DUS MNYAM PA RNAMS LA LTOS PA SRID PA'I PHYIR DUS YOD PAR SMRA BA DAG 'DOD PA LTAR DA LTAR BYUNG BA DANG MA 'ONGS PA'I DUS DAG GAL TE 'DAS PA'I DUS LA LTOS NAS YOD PAR GYUR NA, DA LTAR BYUNG BA DANG MA 'ONGS PA'I DUS DAG 'DAS PA'I DUS NA YOD PA'I SKYON DU 'GYUR BAS DA LTAR BYUNG BA DANG MA 'ONGS PA'I DUS DAG 'DAS PA'I DUS LA LTOS NAS YOD PAR 'DOD PA'I GZHUNG DE MI RUNG NGO ZHES ZER BA'I TSIG YIN NO, ,GZHAN DAG NA RE DE NI RIGS PA MA YIN TE, DUS THA DAD PA YIN YANG SPUN DAG LA LTOS PA YOD PAS MA NGES PA NYID YIN PA'I PHYIR RO ZHE'O ZHES BYA BA NI, 'GREL PA BYED PA NYID KYIS GNAS BRTAN S+THI RA MA TI LA SOGS PAS RNAM PAR BSHAD PA'I GTAN TSIGS DUS MNYAM PA RNAMS LA LTOS PA YOD PA'I PHYIR RO ZHES BYA BA DE MA NGES PA NYID YIN PAS RIGS PA MA YIN NO ZHES SUN 'BYIN PA'I TSIG YIN TE, 'DI NA DUS THA DAD PA YIN YANG SPUN GZHAN DAG LA LTOS PA YOD PAR MTHONG BAS DE NA CI RE ZHIG LTOS PA YOD PA'I PHYIR, PHA ROL POS BTAGS PA'I DUS RNAMS BZHIN DU DUS MNYAM PA NYID DU 'GYUR RAM, 'ON TE LTOS PA YOD PA'I PHYIR SPUN DAG BZHIN DU DUS THA DAD PAR 'GYUR BA MA NGES PAS DE'I PHYIR DE NI RIGS PA MA YIN NO ZHES 'GREL PA BYED PA NYID KYIS BSHAD DO, ,GZHAN DAG NA RE, 'DAS PA DANG MA 'ONGS PA DAG NI MED PA'I PHYIR LTOS PA MED LA, 'DAS PA DANG MA 'ONGS PA DAG YOD PA NYID YIN NA NI GSUM CHAR YANG DA LTAR NYID DU 'GYUR RO ZHE'O ZHES BYA BA NI, 'GREL PA BYED PA GNAS BRTAN BUD DHA P'A LI TAS RNAM PAR BSHAD PA'I TSIG YIN TE, DE YANG SNGAR, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,ZHES BYA BAS PHA ROL PO DAG DUS LTOS TE 'GRUB PAR 'DOD PA'I GZHUNG LAS DA LTAR BYUNG BA DANG MA 'ONGS PA'I DUS DAG ,GAL TE @102B 'DAS PA'I DUS LA LTOS NAS YOD PAR 'DOD PA DE MI 'THAD PAR SGRUB PA'I RJES SU DPAG PA BSTAN PA'I TSIG LE'UR BYAS PA, DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,ZHES BYA BA DE'I GTAN TSIGS DANG, DPE 'GREL PA BYED PA NYID KYIS DUS NYID YIN NA LTOS PA DANG BCAS PA'I PHYIR 'DAS PA'I DUS BZHIN NO ZHES BYA BAR DGONGS SO ZHES BSHAD PA'I SKABS DE LA, 'GREL PA BYED PA GNAS BRTAN BUD DHA P'A LI TA NA RE, DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,ZHES BYA BA DE LA GLAGS YOD PA'I TSIG TU SGRUB PA NI, CI STE 'DAS PA'I DUS ZHIG CING 'GAGS TE, MED PA KHO NA YIN NA NI DE NA 'DI GNYIS JI LTAR YOD PAR 'GYUR, CI STE 'DAS PA YANG YOD PA KHO NA YIN PAR SEMS NA NI YOD PA'I PHYIR, DA LTAR YIN PAR 'GYUR GYI, 'DAS PA MA YIN PAS DE NI MI 'DOD DO, ,DE BZHIN DU CI STE MA 'ONGS PA'I DUS KYANG MA SKYES SHING MA BYUNG STE; MED PA KHO NA YIN NA NI DE NA 'DI GNYIS JI LTAR YOD PAR 'GYUR, CI STE MA 'ONGS PA YANG YOD PA KHO NA YIN PAR SEMS NA NI YOD PA'I PHYIR DA LTAR YIN PAR 'GYUR GYI MA 'ONGS PA MA YIN PAS DE YANG MI 'DOD PAS DUS YOD PAR SMRA BA DAG 'DOD PA LTAR DA LTAR BYUNG BA DANG MA 'ONGS PA'I DUS DAG GAL TE 'DAS PA'I DUS LA LTOS NAS YOD CES BYA, 'DAS PA DANG MA 'ONGS PA DAG NI MED PA'I PHYIR LTOS PA MED LA, 'DAS PA DANG MA 'ONGS PA DAG YOD PA NYID YIN NA NI DUS GSUM CHAR YANG DA LTAR NYID DU 'GYUR BAS DA LTAR BYUNG BA DANG MA 'ONGS PA'I DUS DAG 'DAS PA'I DUS LA LTOS NAS YOD PAR 'DOD PA'I GZHUNG DE MI RUNG NGO ZHES ZER BA'I TSIG YIN NO, ,KHA CIG NA RE DE YANG RIGS PA MA YIN TE, DA LTAR GYI TSA BO LA LTOS NAS MES PO MED PA LAS KYANG SGRAR BRJOD PA KHYAD PAR CAN 'JUG PA'I PHYIR DANG, DUS DGAG PA SMRA BA DAG GIS 'DAS PA DANG MA 'ONGS PA DAG DA LTAR NYID DU BSTAN PAS PHYOGS SNGA MA LA GNOD PA'I PHYIR RO ZHE'O ZHES BYA BA NI, 'GREL PA BYED PA NYID KYIS GNAS BRTAN BUD DHA P'A LI TAS RNAM PAR BSHAD PA DE RIGS PA MA YIN NO ZHES SUN 'BYIN PA'I TSIG YIN TE, GNAS BRTAN BUD DHA P'A LI TAS 'DAS PA DANG MA 'ONGS PA DAG NI MED PA'I PHYIR LTOS PA MED LA ZHES GANG SMRAS PA DE NI MA NGES PA @103A *, ,NYID YIN TE, 'DI NA DA LTAR GYI TSA BO YOD PA LA LTOS NAS DE'I MES PO MED PA LA YANG SGRAR BRJOD PA KHYAD PAR CAN 'JUG PA MTHONG BAS DES NA CI RE ZHIG MED PA'I PHYIR 'DAS PA DANG MA 'ONGS PA MED PA DAG LA DA LTAR GYI DUS LA LTOS PA MED PA LTA BUR 'GYUR RAM, 'ON TE MED PA'I PHYIR MES PO MED PA LA TSA BO LTOS PA'I BRJOD PA KHYAD PAR CAN 'JUG PA LTA BUR 'GYUR BA MA NGES PAS DE YANG RIGS PA MA YIN NO, ,GNAS BRTAN BUD DHA P'A LI TAS 'DAS PA DANG MA 'ONGS PA DAG YOD PA NYID MA YIN NA NI GSUM CHAR YANG DA LTAR NYID DU 'GYUR RO ZHES GANG SMRAS PA DE NI PHYOGS SNGA MA LA GNOD DE, SLOB DPON GYI ZHAL SNGA NAS DANG 'GREL PA BYED PA DAG NI DUS GSUM DGAG PA SMRA BA YIN PAS, GNAS BRTAN BUD DHA P'A LI TAS KYANG DUS DGAG PA BSTAN PA'I RIGS PA LAS 'DAS PA DANG MA 'ONGS PA DAG DA LTAR NYID DU BSTAN PAS PHYOGS SNGA MA LA GNOD PA'I PHYIR, DE YANG RIGS PA MA YIN NO ZHES 'GREL PA BYED PA NYID KYIS BSHAD DO, ,GZHAN DAG GIS SMRAS PA, DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,DE DANG 'BREL PA'I PHYIR 'DAS PA'I DUS BZHIN TE, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ZHES GSUNGS PAS 'BREL PA'I GTAN TSIGS BSTAN PA'I PHYIR RO ZHE'O ZHES BYA BA NI, 'GREL PA BYED PA GNAS BRTAN DE BA SHARMA LA SOGS PA DAG GIS RNAM PAR BSHAD PA'I TSIG YIN TE, DE YANG SNGAR, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,ZHES BYA BAS PHA ROL PO DAG DUS LTOS TE 'GRUB PAR 'DOD PA'I GZHUNG LAS DA LTAR BYUNG BA DANG MA 'ONGS PA'I DUS DAG GAL TE 'DAS PA'I DUS LA LTOS NAS YOD PAR 'DOD PA DE MI 'THAD PAR SGRUB PA'I RJES SU DPAG PA BSTAN PA'I TSIG LE'UR BYAS PA, DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,ZHES BYA BA'I GTAN TSIGS DANG, DPE 'GREL PA BYED PA NYID KYIS DUS NYID YIN NA, LTOS PA DANG BCAS PA'I PHYIR 'DAS PA'I DUS BZHIN ZHES BYA BAR DGONGS SO ZHES BSHAD PA'I SKABS DE LA, 'GREL PA BYED PA GNAS BRTAN DE BA SHARMA LA SOGS PA GZHAN DAG NA RE, DA LTAR BYUNG DANG MA 'ONGS PA, , @103B 'DAS PA'I DUS NA YOD PAR 'GYUR, ,ZHES BYA BA DE NI RJES SU DPAG PA'I TSAD MAS BSGRUB PAR BYA STE, DE LA DA LTAR DANG MA 'ONGS PA ZHES BYA BA NI CHOS CAN YIN, 'DAS PA'I DUS NA YOD PAR 'GYUR, ,ZHES BYA BA NI BSGRUB PAR BYA BA NI CHOS YIN, ,DE DANG 'BREL PA'I PHYIR ZHES BYA BA NI SGRUB PA'I CHOS YIN; 'DAS PA'I DUS BZHIN TE ZHES BYA BA NI DPE YIN, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,ZHES GSUNGS PAS 'BREL PA'I GTAN TSIGS BSTAN PA'I PHYIR RO ZHES BYA BA NI NYE BAR SBYAR BA'I SBYOR BA YIN TE, DPER NA 'DAS PA'I DUS NI 'DAS PA'I DUS NYID DANG 'BREL PA'I PHYIR 'DAS PA'I DUS NA YOD PAR 'GYUR BA DE BZHIN DU DA LTAR BYUNG BA DANG MA 'ONGS PA'I DUS DAG KYANG 'DAS PA'I DUS TE DE DANG 'BREL PA'I PHYIR 'DAS PA'I DUS NA YOD PAR 'GYUR TE, DA LTAR BYUNG BA DANG, MA 'ONGS PA DAG 'DAS PA'I DUS DANG 'BREL PAR CI MNGON ZHE NA, DUS YOD PAR SMRA BA DAG NYID DA LTAR BYUNG BA DANG MA 'ONGS PA DAG 'DAS PA'I DUS LA LTOS NAS YOD PAR 'DOD PA LAS SHES PAR BYA STE, DE LTA NA DA LTAR BYUNG BA DANG MA 'ONGS PA DAG 'DAS PA'I DUS NA YOD PA'I SKYON DU 'GYUR BAS DA LTAR BYUNG BA DANG MA 'ONGS PA'I DUS DAG 'DAS PA'I DUS LA LTOS NAS YOD PAR 'DOD PA'I GZHUNG DE MI RUNG NGO ZHES ZER BA'I TSIG YIN NO, ,GZHAN MA YIN PA NA RE 'BREL PA'I GTAN TSIGS KYANG RIGS PA MA YIN TE, LTOS PA DANG 'BREL PA NYID YIN YANG DBYUG PA CAN DBYUG PA NYID DU MI 'GYUR BAS MA NGES PA NYID YIN PA'I PHYIR DANG, DUS THA DAD PA DAG LA YANG 'BREL PA YOD PA'I PHYIR RO ZHES BYA BA NI 'GREL PA BYED PA NYID KYIS GNAS BRTAN DE BA SHARMA LA SOGS PA DAG GIS RNAM PAR BSHAD PA'I GTAN TSIGS DE DANG 'BREL PA'I PHYIR ZHES BYA BA DE MA NGES PA NYID YIN PAS RIGS PA MA YIN NO ZHES SUN 'BYIN PA'I TSIG YIN TE, 'DI NI DBYUG PA CAN LHAS BYIN LA DBYUG PA LA LTOS SHING 'BREL PA YIN YANG DBYUG PA'I BDAG NYID DU MI 'GYUR BAR MTHONG BAS NGES NA CI RE ZHIG 'BREL PA'I PHYIR DA LTAR BYUNG BA DANG MA 'ONGS PA'I DUS DAG 'DAS PA'I DUS NA YOD PAR 'GYUR RAM, 'ON TE 'BREL PA'I PHYIR DBYUG PA CAN DBYUG PA'I BDAG NYID DU MI 'GYUR @104A *, ,PA LTA BUR 'GYUR BA MA NGES PAS DE'I PHYIR 'GREL PA'I PHYIR ZHES BYA BA'I GTAN TSIGS DE RIGS PA MA YIN NO, ,GZHAN YANG 'DI NA PHA DANG BU LTA BU DUS THA DAD PA DAG LA YANG 'GREL PA YOD PAR MTHONG BAS, DES NA DUS THA DAD PAR GYUR NA YANG 'BREL PA 'GRUB PA'I PHYIR, DA LTAR BYUNG BA DANG MA 'ONGS PA DAG GAL TE 'DAS PA LA LTOS PAR GYUR NA, DE DAG DUS GCIG TU GYUR PA LA 'BREL PA YOD PA'I PHYIR, DPER NA 'DAS PA'I DUS BZHIN TE ZHES GANG SMRAS PA DE YANG MA NGES PAS RIGS PA MA YIN NO ZHES 'GREL PA BYED PA NYID KYIS BSHAD DO, ,DE LTAR RE ZHIG LTOS PA CAN GYI DUS MA THUB PO ZHES BYA BA NI MJUG BSDU BA YIN TE, SNGAR DA NI 'DI LA GAL TE DUS ZHES BYA BA DNGOS PO 'GA' ZHIG YOD PAR GYUR NA DE LTOS NAS 'GRUB PAR 'GYUR RAM, MA LTOS PAR RANG LAS 'GRUB PAR 'GYUR GRANG NA BRTAG PA GNYI GA YANG MI 'THAD DO ZHES SMOS PA LA BRTAG PA DANG PO MI 'THAD PAR STON TO, ,DA NI BRTAG PA GNYIS MI 'THAD PAR BSTAN PA'I PHYIR, 'ON TE MA LTOS PAR DAM 'CHA' NA DE'I PHYIR, 'DAS PA LA NI MA LTOS PAR, ,DE GNYIS 'GRUB PA YOD MA YIN, ,ZHES BYA BA SMRAS TE, 'DAS PA'I DUS LA MA LTOS PAR YANG DAG LTAR BYUNG BA DANG MA 'ONGS PA'I DUS DE GNYIS RANG LAS RAB TU 'GRUB PA YOD PA MA YIN NO, ,DE GNYIS BSTAN PA'I PHYIR, DA LTAR DANG MA 'ONGS PA NYID KYI RGYU 'DAS PA LA MA LTOS PAR DA LTAR DANG MA 'ONGS PA DE GNYIS RGYU MED PAR 'GRUB PA YOD PA MA YIN NO ZHES BYA BA SMRAS SO, ,DE'I MJUG BSDU BA BSTAN PA'I PHYIR, GANG GI PHYIR DE LTAR LTOS PA MED PAR DA LTAR BYUNG BA DANG, MA 'ONGS PA DAG MA GRUB PA, ,DE PHYIR DA LTAR BYUNG BA DANG, ,MA 'ONGS DUS KYANG YOD MA YIN, ,ZHES BYA BA SMRAS TE, DE LTAR GANG GI PHYIR DA LTAR BYUNG BA DANG MA 'ONGS PA GNYIS 'DAS PA'I DUS NA YOD PA MA YIN PAS LTOS PAR MI 'THAD LA 'DAS PA LA MA LTOS PAR YANG DE GNYIS 'GRUB PA YOD PA MA YIN PA DE'I PHYIR DA LTAR BYUNG BA DANG MA 'ONGS PA'I DUS DAG KYANG YOD PA MA YIN NO, ,DE GNYIS YOD PA MA YIN PA NYID KYI RGYU BSTAN PA'I PHYIR, ,'DAS PA DANG MA 'ONGS PA DANG DA LTAR GYI SGRAR BRJOD PA'I DUS DAG MI SRID PA'I PHYIR RO ZHES BYA BAR DGONGS SO ZHES BYA BA SMRAS TE, MA LTOS PAR YANG DUS @104B GSUM YOD PA MA YIN NO ZHES BYA BA'I THA TSIG STE, DES NI BRTAG PA GNYIS PA MI 'THAD PAR BSTAN TO, ,RIM PA'I TSUL NI 'DI NYID KYIS, ,LHAG MA GNYIS PO BSNOR BA DANG, ,ZHES BYA BA NI SGRUB PA'I RIM PA'I TSUL 'DI NYID KYIS 'DAS PA DANG MA 'ONGS PA DANG DA LTAR BYUNG BA DANG 'DAS PA'I DUS GNYIS PO BSNOR BA DAG KYANG DE BZHIN DU SHES PAR BYA STE ZHES BYA BA NI, CI LTAR DA LTAR BYUNG BA DANG MA 'ONGS PA'I DUS GNYIS 'DAS PA'I DUS LA LTOS PA DANG MA LTOS PAR YANG 'GRUB PA MED PAR BSTAN PA DE BZHIN DU 'DAS PA DANG MA 'ONGS PA'I DUS GNYIS DA LTAR BYUNG BA'I DUS LA LTOS PA DANG MA LTOS PAR YANG 'GRUB PA MED PA DANG, DA LTAR BYUNG BA DANG 'DAS PA'I DUS GNYIS MA 'ONGS PA'I DUS LA LTOS PA DANG MA LTOS PAR YANG 'GRUB PA MED PAR BSNOR BA LHAG MA GNYIS KYANG SNGA MA BZHIN DU SHES PAR BYA'O ZHES STON TO, ,DE NYID BSTAN PA'I PHYIR, 'DAS PA DANG NI MA 'ONGS PA, , GAL TE DA LTAR LTOS GYUR NA, ,'DAS PA DANG NI MA 'ONGS PA, ,DA LTA'I DUS NA YOD PAR 'GYUR, ,'DAS PA DANG NI MA 'ONGS PA, ,GAL TE DE NA MED GYUR NA, ,'DAS PA DANG NI MA 'ONGS PA, ,JI LTAR DE LA LTOS PAR 'GYUR, ,DA LTAR LA NI MA LTOS PAR, ,DE GNYIS 'GRUB PA YOD MA YIN; ,DE PHYIR 'DAS PAR GYUR PA DANG, ,MA 'ONGS DUS KYANG YOD MA YIN, ,ZHES BYA BA DANG DE BZHIN DU, ,DA LTAR BYUNG DANG 'DAS PA DAG ,GAL TE MA 'ONGS LTOS GYUR NA, ,DA LTAR BYUNG DANG 'DAS PA DANG, ,MA 'ONGS DUS NA YOD PAR 'GYUR, ,DA LTAR BYUNG DANG 'DAS PA DAG ,GAL TE DE NA MED GYUR NA, ,DA LTAR BYUNG DANG 'DAS PA DAG ,JI LTAR DE LA LTOS PAR 'GYUR, ,MA 'ONGS PA LA MA LTOS PAS, ,DE GNYIS 'GRUB PA YOD MA YIN, ,DE PHYIR DA LTAR BYUNG BA DANG, ,'DAS PA'I DUS KYANG YOD MA YIN, ZHES BYA BA DE LTAR BSNOR BAR BYA STE ZHES BYA BA SMRAS SO, ,DE DAG NI RNAM PAR BSHAD PA'I TSIG LE'UR BYAS PA DAG YIN NO ZHES BYA BA NI, DUS LHAG MA GNYIS PO BSNOR BA'I TSIGS SU BCAD PA DRUG PO DE DAG NI 'GREL PA BYED PA NYID KYIS NYE BAR SBYAR BA YIN NO ZHES BYA BA'I THA TSIG GO, ,DE DAG GIS SNGA MA BZHIN DU BSGRUB PA DANG SUN DBYUNG BA DAG KYANG BSTAN PAR BYA'O @105A *, ,ZHES BYA BA NI, DUS LHAG MA GNYIS PO BSNOR BA'I TSIGS SU BCAD PA DE DAG GIS 'DAS PA DANG MA 'ONGS PA'I DUS GNYIS DA LTAR BYUNG BA'I DUS LA LTOS PA DANG, MA LTOS PAR YANG 'GRUB PA MED PA DANG, DA LTAR BYUNG BA DANG 'DAS PA'I DUS GNYIS MA 'ONGS PA'I DUS LA LTOS PA DANG MA LTOS PAR YANG 'GRUB PA MED PAR SGRUB PA DANG SUN DBYUNG BA DAG KYANG SNGA MA BZHIN DU BSTAN PAR BYA'O, ,MCHOG DANG THA MA 'BRING LA SOGS, ,GCIG LA SOGS PA'ANG SHES PAR BYA, ,RIM PA'I TSUL 'DI NYID KYIS ZHES BYA BAR SBYAR RO ZHES BYA BA NI, JI LTAR SNGAR, RIM PA'I TSUL NI 'DI NYID KYIS, ,LHAG MA GNYIS PO BSNOR BA DANG, ,ZHES BYA BA BSTAN PA DE BZHIN DU 'DIR YANG, RIM PA'I TSUL NI 'DI NYID KYIS, ,MCHOG DANG THA MA 'BRING LA SOGS, ,GCIG LA SOGS PA'ANG SHES PAR BYA, ,ZHES BYA BAR SBYAR RO, ,DE LA RE ZHIG ,MCHOG DANG THA MA 'BRING SOGS DANG, ,ZHES BYA BA BSTAN PA'I PHYIR, DE LA MCHOG DANG THA MA DANG 'BRING LA SOGS PA NI RANG GI RIGS LAS MA 'DAS PAR YON TAN 'PHEL BA DANG 'GRIB PA DANG LDAN PA'I PHYIR RO ZHES BYA BA SMRAS TE, DES NI MCHOG DANG THA MA DANG 'BRING ZHES BYA BA DAG GI TSUL BSTAN TO, ,DE YANG 'DI LTAR SBYAR TE, DPER NA BRAM ZE DANG RGYAL RIGS DANG RJE'U RIGS DANG DMANGS RIGS DAG LAS RE ZHIG BRAM ZE YANG RANG GI RIGS LAS MA 'DAS PA BZHIN DU YON TAN 'PHEL BA DANG LDAN PA'I PHYIR NI MCHOG CES BYA'O, ,YON TAN 'GRIB PA DANG LDAN PA'I PHYIR NI THA MA ZHES BYA, YON TAN 'PHEL BA YANG MA YIN 'GRIB PA YANG MA YIN PA DANG LDAN PA'I PHYIR NI 'BRING ZHES BYA'O, ,RGYAL RIGS KYANG RANG GI RIGS LAS MA 'DAS BZHIN DU YON TAN 'PHEL BA DANG LDAN PA'I PHYIR NI MCHOG CES BYA, YON TAN 'GRIB PA DANG LDAN PA'I PHYIR NI THA MA ZHES BYA, YON TAN 'PHEL BA YANG MA YIN 'GRIB PA YANG MA YIN PA DANG LDAN PA'I PHYIR NI 'BRING ZHES BYA'O, ,RJE'U RIGS KYANG RANG GI RIGS LAS MA 'DAS BZHIN DU YON TAN 'PHEL BA DANG LDAN PA'I PHYIR NI MCHOG CES BYA, YON TAN 'GRIB PA DANG LDAN PA'I PHYIR NI THA MA ZHES BYA, YON TAN 'PHEL BA YANG MA YIN 'GRIB PA YANG MA YIN PA DANG LDAN PA'I PHYIR NI 'BRING @105B ZHES BYA'O, ,DMANGS RIGS KYANG RANG GI RIGS LAS MA 'DAS BZHIN DU YON TAN 'PHEL BA DANG LDAN PA'I PHYIR NI MCHOG CES BYA'O, ,YON TAN 'GRIB PA DANG LDAN PA'I PHYIR NI THA MA ZHES BYA, YON TAN 'PHEL BA YANG MA YIN 'GRIB PA YANG MA YIN PA DANG LDAN PA'I PHYIR NI 'BRING ZHES BYA'O, ,YON TAN JI LTA BA BZHIN DU SKYON YANG DE LAS BZLOG TE SBYAR BAR BYA'O, ,JI LTAR RIGS BZHI LA YON TAN DANG SKYON GYIS MCHOG DANG THA MA DANG 'BRING GI TSUL BSTAN PA DE BZHIN DU, DNGOS PO SRID DO COG THAMS CAD LA YANG SBYAR BAR BYA'O, ,'DIR YANG GAL TE MCHOG DANG THA MA DANG 'BRING ZHES BYA BA DNGOS PO 'GA' ZHIG YOD PAR GYUR NA DE DAG LTOS NAS 'GRUB PAR 'GYUR RAM, MA LTOS PAR RANG LAS 'GRUB PAR 'GYUR GRANG NA, BRTAG PA GNYIS KA YANG MI 'THAD PAR BSTAN PA'I PHYIR DE DAG KYANG LTOS PA CAN NAM, 'ON TE MA LTOS PAR 'GRUB PA ZHIG TU 'GYUR GRANG NA ZHES BYA BA SMRAS SO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA DON DAM PAR MCHOG DANG 'BRING GI NGANG TSUL CAN DAG LA DE DAG GI NGO BO NYID MED DE, NGANG TSUL CAN NYID YIN NA LTOS PA DANG BCAS PA'I PHYIR, DPER NA THA MA'I NGANG TSUL CAN BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA THA MA'I NGANG TSUL CAN NI NGANG TSUL CAN NYID YIN NA LTOS PA DANG BCAS PA'I PHYIR, DE LA DE'I NGO BO NYID MED PA DE BZHIN DU MCHOG DANG 'BRING GI NGANG TSUL CAN DAG KYANG NGANG TSUL CAN NYID YIN NA LTOS PA DANG BCAS PA'I PHYIR DE DAG LA YANG DE DAG GI NGO BO NYID MED DO, ,DE BZHIN DU NGANG TSUL CAN GZHAN GNYIS LA YANG BRJOD PAR BYA'O ZHES BYA BA NI 'DI LTAR SBYAR TE, DON DAM PAR MCHOG DANG THA MA'I NGANG TSUL CAN DAG LA DE DAG GI NGO BO NYID MED DE, NGANG TSUL CAN NYID YIN NA LTOS PA DANG BCAS PA'I PHYIR, DPER NA 'BRING GI NGANG TSUL CAN BZHIN NO, ,DE BZHIN DU DON DAM PAR 'BRING DANG THA MA'I NGANG TSUL CAN DAG LA DE DAG GI NGO BO NYID MED DE, NGANG TSUL CAN NYID YIN NA LTOS PA DANG BCAS PA'I PHYIR, DPER NA MCHOG GI NGANG TSUL CAN BZHIN NO ZHES BYA BAR SBYAR RO, ,RE ZHIG DE DAG GIS NI JI LTAR @106A *, ,SNGAR DUS BRTAG PA'I SKABS SU, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,DUS NYID YIN NA LTOS PA DANG BCAS PA'I PHYIR 'DAS PA'I DUS BZHIN NO ZHES BYA BAR DGONGS SO, ,YANG NA, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,ZHES BYA BA NI LAN 'GA' ZHES BYA BA'I TSIG GI LHAG MA'O, ,'DI LA GANG DAG LTOS PA DANG BCAS PA DAG NI DUS GCIG NYID DU YANG 'GYUR TE, LAN 'GA' MI MTHUN PA NYID MED NA LTOS PA DANG BCAS PA'I PHYIR, DPER NA PHA DANG BU DAG BZHIN NO ZHES BSTAN PA BZHIN DU, 'DIR YANG, MCHOG DANG 'BRING GI NGANG TSUL CAN, ,GAL TE THA MA LTOS GYUR NA, ,MCHOG DANG 'BRING GI NGANG TSUL CAN, ,THA MA LA NI YOD PAR 'GYUR, ,NGANG TSUL CAN NYID YIN NA LTOS PA DANG BCAS PA'I PHYIR THA MA'I NGANG TSUL CAN BZHIN NO ZHES BYA BAR DGONGS SO, ,YANG NA, MCHOG DANG 'BRING GI NGANG TSUL CAN, ,GAL TE THA MA LTOS GYUR NA, ,MCHOG DANG 'BRING GI NGANG TSUL CAN, ,THA MA LA NI YOD PAR 'GYUR, ,ZHES BYA BA NI LAN 'GA' ZHES BYA BA'I TSIG GI LHAG MA'O, ,'DI LA GANG DAG LTOS PA DANG BCAS PA DE DAG NI DUS GCIG NYID DU YANG 'GYUR TE, LAN 'GA' MI MTHUN PA NYID MED NA LTOS PA DANG BCAS PA'I PHYIR, DPER NA PHA DANG BU DAG BZHIN NO ZHES SNGA MA BZHIN DU SBYAR BA'I SKABS BSTAN TO, ,CI STE LTOS PA DANG BCAS PA NYID KYI GTAN TSIGS BSTAN KYANG MCHOG DANG 'BRING DANG THA MA LA YOD PAR MI 'DOD NA, DE LTA NA MCHOG DANG 'BRING DAG THA MA LA JI LTAR LTOS PAR 'GYUR ZHES BYA BA NI CI STE PHA ROL PO DAG DBU MA PAS LTOS PA DANG BCAS PA NYID KYI GTAN TSIGS BSTAN PAS, MCHOG DANG 'BRING DAG THA MA LA YOD PAR 'GYUR BA'I SKYON BSTAN KYANG SKYON DER 'GYUR BAR KHAS MI LEN CING MCHOG DANG 'BRING DAG THA MA LA LTOS PA DANG BCAS PA NYID KYANG YIN LA, MCHOG DANG 'BRING DAG THA MA LA YOD PAR YANG MI 'DOD NA DE LTA NA DE DAG LA LTOS PA DANG BCAS PA NYID MI 'THAD PA'I SKYON GZHAN 'DIR YANG 'GYUR RO ZHES STON TE DE LTA NA MCHOG DANG 'BRING DAG THA MA LA LTOS PAR MI 'THAD DO, ,'DI LTAR @106B MCHOG DANG 'BRING DAG GAL TE THA MA LA MED PAR GYUR NA, MCHOG DANG 'BRING THA MA LA MED PA DE DAG JI LTAR THA MA DE LA LTOS PAR 'GYUR TE, 'DI LTAR GSUM CHAR YANG TSOGS PAR GYUR NA, LTOS PAR 'THAD PA YIN NA MCHOG DANG 'BRING THA MA LA MED PA DAG THA MA LA LTOS PAR MI 'THAD DO, ,PHA ROL PO DAG 'DOD PA LTAR LTOS PA DANG BCAS PA NYID YIN NA LTOS TE 'GRUB LA, LTOS TE 'GRUB PAR KHAS LEN NA NGANG TSUL GCIG TU THAL BAR 'GYUR BAS NGANG TSUL MI 'THAD PAR BSTAN PA'I PHYIR, LTOS PA DANG BCAS PA NYID YIN NA MCHOG DANG 'BRING DAG THA MA LA LTOS NAS MCHOG DANG 'BRING NYID DU 'GRUB PAR 'GYUR RO ZHES BYA BA SMRAS TE, PHA ROL PO DAG 'DOD PA LTAR MCHOG DANG 'BRING DAG GAL TE THA MA LA LTOS NAS YOD PAR GYUR NA, DE LTA NA LTOS PA DANG BCAS PA NYID YIN PAS MCHOG DANG 'BRING DAG THA MA LA LTOS NAS MCHOG DANG 'BRING NYID DU 'GRUB PAR 'GYUR RO, ,DE LTAR 'GRUB PAR KHAS LEN NA DE LTA NA MCHOG DANG 'BRING DAG THA MA LA YOD PAR 'GYUR RO, ,THA MA LA YOD PAR GYUR NA DE GNYIS KYANG THA MA YIN PAR 'GYUR RO, ,DE LTA NA NGANG TSUL GCIG KHO NAR 'GYUR RO, ,NGANG TSUL GCIG KHO NA YIN NA LTOS PAR MI 'THAD DE, 'DI LTAR DE NYID DE NYID LA JI LTAR LTOS PAR 'GYUR, LTOS PA MI 'THAD PA'I PHYIR NGANG TSUL YANG MI 'THAD PA KHO NA YIN NO, ,DE NYID KYI TSAD MA BSTAN PA'I PHYIR 'GREL PA BYED PA NYID NA RE, DE LTA NA DON DAM PAR MCHOG DANG 'BRING GI NGANG TSUL CAN DAG LA MCHOG DANG 'BRING GI NGO BO NYID DAG MED DE, NGANG TSUL CAN NYID YIN NA LTOS PA DANG BCAS PA'I PHYIR, DPER NA THA MA'I NGANG TSUL CAN BZHIN NO ZHE'O, ,RE ZHIG DE DAG GIS NI JI LTAR SNGAR DUS BRTAG PA'I SKABS SU, CI STE LTOS PA DANG BCAS PA NYID KYI GTAN TSIGS BSTAN KYANG DA LTAR BYUNG BA DANG MA 'ONGS PA'I DUS NA YOD PAR MI 'DOD NA DE LTA NA SKYON GZHAN 'DIR YANG 'GYUR TE, DA LTAR BYUNG DANG MA 'ONGS PA, ,GAL TE DE NA MED GYUR NA, ,DA LTAR BYUNG DANG MA 'ONGS PA, ,JI LTAR DE LA LTOS PAR 'GYUR, ,LTOS PA DANG BCAS PA NYID YIN NA DA LTAR BYUNG BA DANG MA 'ONGS PA DAG 'DAS PA'I DUS LA LTOS NAS DA LTAR BYUNG BA DANG, MA 'ONGS PA NYID DU 'GRUB PAR 'GYUR RO, ,KHA CIG @107A *, ,NA RE DE LTA NA DON DAM PAR DA LTAR DANG MA 'ONGS PA'I DUS DAG LA DA LTAR DANG MA 'ONGS PA'I NGO BO NYID DAG MED DE, DUS NYID YIN NA LTOS PA DANG BCAS PA'I PHYIR DPER NA 'DAS PA'I DUS BZHIN NO ZHES BSTAN PA BZHIN DU 'DIR YANG CI STE LTOS PA DANG BCAS PA NYID KYI GTAN TSIGS BSTAN KYANG MCHOG DANG 'BRING DAG THA MA LA YOD PAR MI 'DOD NA DE LTA NA SKYON GZHAN 'DIR YANG 'GYUR TE, MCHOG DANG 'BRING GI NGANG TSUL CAN, ,GAL TE DE NA MED GYUR NA, ,MCHOG DANG 'BRING GI NGANG TSUL CAN, ,JI LTAR DE LA LTOS PAR 'GYUR, LTOS PA NYID DANG BCAS PA NYID YIN NA MCHOG DANG 'BRING DAG THA MA LA LTOS NAS MCHOG DANG 'BRING NYID DU 'GRUB PAR 'GYUR RO, ,KHA CIG NA RE DE LTA NA DON DAM PAR MCHOG DANG 'BRING GI NGANG TSUL CAN DAG LA MCHOG DANG 'BRING GI NGO BO NYID DAG MED DE, NGANG TSUL CAN NYID YIN NA LTOS PA DANG BCAS PA'I PHYIR, DPER NA THA MA'I NGANG TSUL CAN BZHIN NO ZHE'O ZHES SNGA MA BZHIN DU SBYAR BA'I SKABS BSTAN TO, ,DE LTAR RE ZHIG MCHOG DANG 'BRING DAG THA MA LA LTOS PA CAN DU MA GRUB STE, DES NI BRTAG PA DANG PO MI 'THAD PAR BSTAN TO, ,DA NI BRTAG PA GNYIS PA MI 'THAD PAR BSTAN PAR BYA STE, DE YANG JI LTAR SNGAR DUS BRTAG PA'I SKABS SU 'ON TE MA LTOS PAR DAM 'CHA' NA, DE'I PHYIR, 'DAS PA LA NI MA LTOS PAR, ,DE GNYIS 'GRUB PA YOD MA YIN, ,DA LTAR DANG MA 'ONGS PA NYID KYI RGYU 'DAS PA LA MA LTOS PAR DA LTAR DANG MA 'ONGS PA DE GNYIS RGYU MED PAR 'GRUB PA YOD PA MA YIN NO, ,GANG GI PHYIR DE LTAR LTOS PA MED PAR DE LTAR BYUNG BA DANG MA 'ONGS PA DAG MA GRUB PA, DE PHYIR DA LTAR BYUNG BA DANG, ,MA 'ONGS DUS KYANG YOD MA YIN, ,'DAS PA DANG MA 'ONGS PA DANG DA LTAR GYI SGRAR BRJOD PA'I DUS DAG MI SRID PA'I PHYIR RO ZHES BYA BAR DGONGS SO ZHES BSTAN PA BZHIN DU 'DIR YANG 'ON TE MA LTOS PAR DAM 'CHA' NA, DE'I PHYIR, THA MA LA NI MA LTOS PAR, ,DE GNYIS 'GRUB PA YOD MA YIN, ,MCHOG DANG 'BRING NYID KYI RGYU THA MA LA MA LTOS PAR MCHOG DANG 'BRING DE GNYIS RGYU MED PAR 'GRUB PA YOD PA MA YIN NO, ,GANG GI PHYIR DE LTAR LTOS PA MED PAR MCHOG DANG 'BRING DAG MA GRUB PA, DE PHYIR MCHOG GI NGANG TSUL DANG, ,'BRING @107B GI TSUL YANG YOD MA YIN, ,MCHOG DANG THA MA DANG 'BRING GI SGRAR BRJOD PA'I NGANG TSUL DAG MI SRID PA'I PHYIR RO ZHES BYA BAR DGONGS SO ZHES SNGA MA BZHIN DU SBYAR ZHING BSTAN PAR BYA STE, DES NI BRTAG PA GNYIS PA MI 'THAD PAR BSTAN TO, ,MCHOG DANG 'BRING GNYIS THA MA LA LTOS PA DANG MA LTOS PAR YANG 'GRUB PAR BSTAN PA'I TSIGS SU BCAD PA YANG 'DI LTAR SBYAR BAR BYA STE, MCHOG DANG 'BRING GI NGANG TSUL CAN, ,GAL TE THA MA LTOS GYUR NA, ,MCHOG DANG 'BRING GI NGANG TSUL CAN, ,THA MA LA NI YOD PAR 'GYUR, ,MCHOG DANG 'BRING GI NGANG TSUL CAN, ,GAL TE DE NA MED GYUR NA, ,MCHOG DANG 'BRING GI NGANG TSUL CAN, ,JI LTAR DE LA LTOS PAR 'GYUR, ,THA MA LA NI MA LTOS PAR, ,DE GNYIS 'GRUB PA YOD MA YIN, ,DE PHYIR MCHOG GI NGANG TSUL CAN, ,'BRING GI TSUL YANG YOD MA YIN, ,ZHES BYA BAR SBYAR TE, DE DAG GIS SNGA MA BZHIN DU SGRUB PA DANG SUN DBYUNG BA DAG KYANG BSTAN PAR BYA'O, ,DE BZHIN DU NGANG TSUL GZHAN GNYIS BSNOR BA LA YANG BRJOD PAR BYA'O ZHES BYA BAS NI JI LTAR SNGAR, RIM PA'I TSUL NI 'DI NYID KYIS, ,LHAG MA GNYIS PO BSNOR BA DANG, ,ZHES SMOS PA BZHIN DU 'DIR YANG DE BZHIN DU SBYAR BA'I SKABS STON TE, JI LTAR MCHOG DANG 'BRING GNYIS THA MA LA LTOS PA DANG MA LTOS PAR YANG 'GRUB PA MED PAR BSTAN PA DE BZHIN DU MCHOG DANG THA MA GNYIS 'BRING LA LTOS PA DANG MA LTOS PAR YANG 'GRUB PA MED PA DANG, 'BRING DANG THA MA GNYIS MCHOG LA LTOS PA DANG, MA LTOS PAR YANG 'GRUB PA MED PAR BSNOR BA LHAG MA GNYIS KYANG SNGA MA BZHIN DU SHES PAR BYA STE, LHAG MA GNYIS SU BSNOR BA'I TSIGS SU BCAD PA YANG 'DI LTAR SBYAR BAR BYA STE, MCHOG DANG THA MA'I NGANG TSUL CAN, ,GAL TE 'BRING LA LTOS GYUR NA, ,MCHOG DANG THA MA'I NGANG TSUL CAN, ,'BRING LA YOD PA NYID DU 'GYUR, ,MCHOG DANG THA MA'I NGANG TSUL CAN, , GAL TE DE NA MED GYUR NA, ,MCHOG DANG THA MA'I NGANG TSUL CAN, ,JI LTAR DE LA LTOS PAR 'GYUR, ,'BRING PO LA NI MA LTOS PAR, ,DE GNYIS 'GRUB PA YOD MA YIN, ,DE PHYIR MCHOG GI NGANG TSUL DANG, ,THA MA YANG NI YOD MA YIN, ,ZHES BYA BA DANG, DE BZHIN DU, 'BRING DANG THA MA'I NGANG TSUL CAN, ,GAL TE @108A *, ,MCHOG LA LTOS GYUR NA, ,'BRING DANG THA MA'I NGANG TSUL CAN, ,MCHOG LA YOD PA NYID DU 'GYUR, ,'BRING DANG THA MA'I NGANG TSUL CAN, ,GAL TE DE NA MED GYUR NA, ,'BRING DANG THA MA'I NGANG TSUL CAN, ,JI LTAR DE LA LTOS PAR 'GYUR, ,MCHOG GI NGANG TSUL MA LTOS PAR, ,DE GNYIS 'GRUB PA YOD MA YIN, ,DE PHYIR 'BRING GI NGANG TSUL CAN, ,THA MA YANG NI YOD MA YIN, ,ZHES BYA BAR SBYAR TE, DE DAG GIS SNGA MA BZHIN DU SGRUB PA DANG, SUN DBYUNG BA DAG KYANG BSTAN PAR BYA, MCHOG DANG THA MA 'BRING LA SOGS, ,ZHES BYA BA'I SOGS PA'I SGRAS NI THOG MA DANG, THA MA DANG, DBUS DANG, GCIG PA NYID DANG, THA DAD PAR NYID DANG, DE NYID DANG, GZHAN NYID DANG, BDAG DANG BDAG MED PA DAG LTOS PA DANG MA LTOS PAR 'GRUB PA MED PA YANG SNGA MA BZHIN DU SBYAR BA DAG BSDU'O, ,DA NI GCIG LA SOGS PA'ANG SHES PAR BYA ZHES BYA BA'I SGRUB PA DANG SUN DBYUNG BA DAG BSTAN PA'I PHYIR, DE BZHIN DU GCIG LA SOGS PA DAG KYANG SHES PAR BYA STE ZHES BYA BA SMRAS SO, ,DE NYID BSTAN PA'I PHYIR, GCIG NYID DANG GNYIS NYID DANG MANG PO NYID LA SOGS PA DAG GO ZHES BYA BA SMRAS SO, ,'DIR YANG SNGA MA BZHIN DU BSTAN PAR BYA STE ZHES BYA BA NI DE DAG KYANG LTOS PA CAN NAM, 'ON TE MA LTOS PAR 'GRUB PA ZHIG TU 'GYUR GRANG NA, BRTAG PA GNYI GA YANG MI 'THAD DO ZHES BYA BAR SBYAR RO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DON DAM PAR GRANGS GCIG NYID LA GCIG NYID KYI NGO BO NYID MED DE, GRANGS NYID YIN NA LTOS PA DANG BCAS PA'I PHYIR GNYIS NYID BZHIN NO ZHES BYA BA LA SOGS PA BRJOD PAR BYA'O ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GNYIS NYID NI GRANGS NYID YIN NA LTOS PA DANG BCAS PA'I PHYIR DE LA YANG GNYIS NYID KYI NGO BO NYID MED PA DE BZHIN DU GRANGS GCIG NYID KYANG GRANGS NYID YIN NA LTOS PA DANG BCAS PA'I PHYIR DE LA YANG GCIG NYID KYI NGO BO NYID MED DO, ,SOGS PA'I SGRAS LHAG MA GNYIS PO BSNOR BA YANG 'DI LTAR SBYAR TE, DON DAM PAR GRANGS GNYIS NYID LA GNYIS NYID KYI NGO BO NYID MED DE, GRANGS YIN NA LTOS PA DANG BCAS PA'I PHYIR GCIG NYID YIN NO, ,DE BZHIN DU DON @108B DAM PAR GRANGS MANG PO NYID LA MANG PO NYID KYI NGO BO NYID MED DE, GRANGS NYID YIN NA LTOS PA DANG BCAS PA'I PHYIR GCIG NYID BZHIN NO ZHES BYA BAR SBYAR TE, RE ZHIG DE DAG GIS NI GRANGS LTOS TE 'GRUB PAR MI 'THAD PAR BSTAN TO, ,MA LTOS PAR 'GRUB PA MED PA'I BRTAG PA GNYIS PA YANG SNGA MA BZHIN DU CI RIGS PAR SBYAR RO, ,DE DAG LTOS PA DANG MA LTOS PAR YANG 'GRUB PA MED PAR BSTAN PA'I TSIGS SU BCAD PA YANG 'DI LTAR SBYAR BAR BYA STE, GCIG DANG GNYIS KYI NGANG TSUL CAN, ,GAL TE MANG PO LTOS GYUR NA, ,GCIG DANG GNYIS KYI NGANG TSUL CAN, ,MANG PO LA NI YOD PAR 'GYUR, ,GCIG DANG GNYIS KYI NGANG TSUL CAN, ,GAL TE DE LA MED GYUR NA, ,GCIG DANG GNYIS KYI NGANG TSUL CAN, ,JI LTAR DE LA LTOS PAR GYUR, ,MANG PO LA NI MA LTOS PAR, ,DE GNYIS 'GRUB PA YOD MA YIN, ,DE PHYIR GCIG GI NGANG TSUL DANG, ,GNYIS KYI TSUL YANG YOD MA YIN, ZHES BYA BA DANG; DE BZHIN DU LHAG MA GNYIS PO BSNOR BA'I TSIGS SU BCAD PA YANG 'DI LTAR SBYAR BAR BYA STE, GCIG DANG MANG PO'I NGANG TSUL CAN, ,GAL TE GNYIS LA LTOS GYUR NA, ,GCIG DANG MANG PO'I NGANG TSUL CAN, ,GNYIS LA YOD PA NYID DU 'GYUR, ,GCIG DANG MANG PO'I NGANG TSUL CAN; ,GAL TE DE NA MED GYUR NA, ,GCIG DANG MANG PO'I NGANG TSUL CAN, ,JI LTAR DE LA LTOS PAR 'GYUR, ,GNYIS KYI NGANG TSUL MA LTOS PAR, ,DE GNYIS 'GRUB PA YOD MA YIN, ,DE PHYIR GCIG GI NGANG TSUL DANG, ,MANG PO YANG NI YOD MA YIN, ,ZHES BYA BA DANG, DE BZHIN DU, GNYIS DANG MANG PO'I NGANG TSUL CAN, ,GAL TE GCIG LA LTOS GYUR NA, ,GNYIS DANG MANG PO'I NGANG TSUL CAN, ,GCIG LA YOD PA NYID DU 'GYUR, ,GNYIS DANG MANG PO'I NGANG TSUL CAN, ,GAL TE DE NA MED GYUR NA, ,GNYIS DANG MANG PO'I NGANG TSUL CAN, ,JI LTAR DE LA LTOS PAR 'GYUR, ,GCIG GI NGANG TSUL MA LTOS PAR, DE GNYIS 'GRUB PA YOD MA YIN, ,DE PHYIR GNYIS KYI NGANG TSUL DANG, MANG PO YANG NI YOD MA YIN, ,ZHES BYA BAR SBYAR TE, DE DAG GIS SNGA MA BZHIN DU SGRUB PA DANG, ,SUN DBYUNG BA DAG KYANG BSTAN PAR BYA'O, ,GANG DAG GRANGS DNGOS PO LAS GZHAN PAR MI 'DOD PA DE @109A *, ,DAG GNYIS PA MED PA NI GCIG YIN LA, DE DANG GZHAN GNYIS YIN, DE GNYIS DANG GZHAN NI GSUM YIN, ,DE PHAN CHAD NI MANG PO YIN PAR 'DOD DO ZHES BYA BA NI SNGAR GRANGS CAN DGAG PA DAG BSTAN PAS NI BYE BRAG PA DAG GRANGS DNGOS PO LAS GZHAN PA'I TSIG GI DON RDZAS SU YOD PAR 'DOD PA'I GZHUNG DGAG PA BSTAN TO, ,SKABS 'DIS NI BYE BRAG PA DAG LAS GANG DAG GRANGS ZHES BYA BA'I TSIG GI DON DNGOS PO LAS GZHAN PAR MI 'DOD PA DE DAG GI GZHUNG DGAG PA STON TE, DE DAG NA RE GRANGS GCIG CES BYA BA NI GNYIS PA MED PA'O, ,GNYIS ZHES BYA BA NI GCIG DE DANG GZHAN PHRAD PA'O, , GSUM ZHES BYA BA NI DE GNYIS DANG GZHAN PHRAD PA'O, ,DE PHAN CHAD NI MANG PO YIN NO ZHES ZER RO, ,DE DAG GI GZHUNG DGAG PA BSTAN PA'I PHYIR, DE DAG LA YANG SNGA MA BZHIN DU BSTAN PAR BYA STE, DON DAM PAR GCIG LA GCIG GI NGO BO NYID MED DE, BGRANG BAR BYA BA YIN PA'I PHYIR DPER NA DE LAS GZHAN BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GCIG LAS GZHAN PA GNYIS LA SOGS PA NI BGRANG BAR BYA BA YIN PA'I PHYIR DE DAG LA GNYIS LA SOGS PA'I NGO BO NYID MED PA DE BZHIN DU GCIG KYANG BGRANG BAR BYA BA YIN PA'I PHYIR DE LA YANG GCIG GI NGO BO NYID MED DE, DE BZHIN DU GNYIS LA GNYIS KYI NGO BO NYID MED DE ZHES BYA BA LA SOGS PA DAG KYANG BRJOD PAR BYA STE ZHES BYA BA NI 'DI LTAR SBYAR TE, DON DAM PAR GNYIS LA GNYIS KYI NGO BO NYID MED DE, BGRANG BAR BYA BA YIN PA'I PHYIR DPER NA DE LAS GZHAN BZHIN NO, ,GSUM LA GSUM GYI NGO BO NYID MED DE, BGRANG BAR BYA BA YIN PA'I PHYIR DPER NA DE LAS GZHAN BZHIN NO, ,MANG PO LA MANG PO'I NGO BO NYID MED DE, BGRANG BAR BYA BA YIN PA'I PHYIR DPER NA DE LAS GZHAN BZHIN NO ZHES BYA BAR SBYAR RO, ,DAM BCAS PA'I DON RNAM PAR BRTAGS NAS RGYAS PAR SNGA MA BZHIN DU SBYAR RO ZHES BYA BAS NI GRANGS CAN DGAG PA'I SKABS DE DAG LA DAM BCAS PA LA KHYAD PAR YOD PAR ZAD KYI, GTAN TSIGS DANG DPE DAG SNGA MA BZHIN DU SBYAR TE, GCIG DANG GNYIS DANG MANG PO DGAG PA'I RJES SU DPAG PA RGYAS PAR SBYAR RO ZHES BSTAN TO, , @109B DA NI GCIG LA SOGS PA 'ANG SHES PAR BYA ZHES BYA BA LA SOGS PA'I SGRAS BSDU BA BSTAN PA'I PHYIR, SOGS PA'I SGRAS NI CHUNG NGU DANG, CHEN PO DANG, RING PO DANG, THUNG NGU DANG, THAG NYE BA DANG, THAG RING BA DANG, SNGON DANG, PHYI MA DANG, RGYU DANG, 'BRAS BU DANG, 'DUS BYAS DANG, 'DUS MA BYAS LA SOGS PA DAG LA YANG DE BZHIN DU BRJOD PAR BYA'O ZHES BYA BA SMRAS TE, DE DAG KYANG LTOS PA DANG MA LTOS PAR 'GRUB PA MED PA'I TSUL SNGA MA BZHIN DU CI RIGS PAR SBYAR BAR BYA'O, ,DE LTA BAS NA DE DAG THAMS CAD KYANG DON DAM PAR RANG LAS RAB TU 'GRUB PA MA YIN TE, 'JIG RTEN GYI THA SNYAD KYI DBANG GIS NI JI LTAR GRAGS PA BZHIN DU BRJOD PAR BYA'O, ,DUS YOD PAR SMRA BA DAG NA RE DON DAM PAR DUS NI YOD PA KHO NA YIN TE, TSAD DANG LDAN PA'I PHYIR RO, ,'DI NA GANG YOD PA MA YIN PA DE LA NI TSAD MED DE, DPER NA RTA'I RVA BZHIN NO, ,DUS LA NI TSAD SKAD CIG DANG, THANG CIG DANG, , YUD TZAM DANG, MTSAN MO DANG, NYIN MO DANG, ZLA BA PHYED DANG, ZLA BA DANG, DUS TSIGS DANG, NUR BA DANG, LO LA SOGS PA DAG YOD DO, ,GANG TSAD DANG LDAN PA DE NI YOD DE, DPER NA 'BRU LA SOGS PA BZHIN PAS DE'I PHYIR DUS NI YOD PA KHO NA YIN NO ZHES ZER RO ZHES BYA BA NI DUS YOD PAR SMRA BA DAG SKAD CIG LA SOGS PA'I TSAD DANG LDAN PA'I GTAN TSIGS KYIS DUS YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, CHOS MTHUN PA'I PHYOGS KYI DPE DANG, MJUG BSDU BA YIN PAR GO RIMS BZHIN DU SBYAR TE, 'DI NA RTA'I RVA LTA BU MED PA GANG TSAD DANG MI LDAN PA DE NI YOD PA MA YIN GYI 'BRU LA SOGS PA GANG DAG TSAD DANG LDAN PA DE DAG NI YOD PA YIN PA DE BZHIN DU DUS KYANG SKAD CIG LA SOGS PA'I TSAD DANG LDAN PA'I PHYIR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, MI GNAS DUS SU 'DZIN MI BYED, ,'DU BYED KYI TSOGS NI SKYE BA DANG, 'JIG PA'I CHOS CAN YIN PAS MI GNAS PA STE, DE LA NI KHYED KYANG THA SNYAD DU YANG DUS DUS ZHES 'DZIN PAR MI BYED DO ZHES BYA BA @110A *, ,SMRAS TE; SKAD CIG DANG, THANG CIG DANG, YUD TZAM DANG, MTSAN MO DANG, NYIN MO DANG, ZLA BA PHYED DANG, ZLA BA DANG, DUS TSIGS DANG, NUR BA DANG, LO LA SOGS PA DAG NI NANG DANG PHYI ROL GYI 'DU BYED KYI TSOGS SKYE BA DANG, 'JIG PA'I CHOS CAN NGES PAR MI GNAS PA'I NGO BO NYID DAG GI GNAS SKABS YIN LA 'DU BYED KYI TSOGS DE DAG NI SKYE BA DANG 'JIG PA'I CHOS CAN YIN PAS NGES PAR MI GNAS PA DE NGES PAR MI GNAS PA DE LA NI DUS YOD PAR SMRA BA KHYED KYANG THA SNYAD DU YANG DUS DUS ZHES 'DZIN PAR MI BYED PAS KHYED KYI GTAN TSIGS SKAD CIG MA LA SOGS PAS TSAD DANG LDAN PA'I PHYIR RO ZHES BYA BA DE'I DON MA GRUB PAS DUS DNGOS PO LAS GZHAN PA'I TSIG GI DON LOGS SHIG NA YOD PA MA YIN NO, ,GANG ZHIG GZUNG BAR BYA BA'I DUS, ,GNAS PA YOD PA MA YIN PAS, ,DNGOS PO LAS GZHAN PA GANG ZHIG GANG GIS DE'I NGO BO NYID DU GZUNG BAR BYA BA NGES PAR GNAS PA YANG YOD PA MA YIN PAS SO ZHES BYA BAS 'DI SKAD BSTAN TE, 'DU BYED KYI TSOGS SKYE BA DANG 'JIG PA'I CHOS CAN MI GNAS PA DE NI MI RTAG PA'I PHYIR KHYED KYANG DUS NYID YOD PAR MI 'DOD PAS 'DU BYED KYI DNGOS PO LAS GZHAN PA GANG ZHIG GANG GIS DUS DE'I NGO BO NYID DU GZUNG BAR BYA BA NGES PAR GNAS PA YANG MED PAS DE'I PHYIR DUS ZHES BYA BA 'DU BYED KYI DNGOS PO LAS GZHAN PAR NGES PAR GNAS PA YOD PA MA YIN NO, ,'DI LTAR YUD TZAM YANG CUNG ZAD 'DAS PA 'AM, CUNG ZAD MA 'ONGS PA LA YUD TZAM ZHES GDAGS PA YIN GYI, YUD TZAM ZHES BYA BA RIL POR NGES PAR GNAS PA'I DNGOS PO 'GA' YANG YOD PA MA YIN NA MTSAN MO DANG, NYIN MO DANG, ZLA BA PHYED DANG, ZLA BA DANG, DUS TSIGS DANG, NUR BA DANG, LO LA SOGS PA DAG LTA SMOS KYANG CI DGOS, DE LA 'DI SNYAM DU 'DI NA SKAD CIG DANG THANG CIG TZAM ZHIG NGES PAR GNAS PA YOD PAR SEMS NA DE LA BSHAD PAR BYA STE, SKAD CIG DANG THANG CIG TZAM ZHIG NGES PAR GNAS PA YANG MED DE, GAL TE NGES PAR GNAS PA ZHIG YOD PAR GYUR NA DE NA 'DAS PA YANG MA YIN, MA 'ONGS PA YANG MA YIN TE, CI'I PHYIR ZHE NA, NGES PAR GNAS PA'I PHYIR RO, ,NGES PAR GNAS PA KHO NA YIN PA'I PHYIR DE NI DA LTAR YANG MA YIN TE, CI'I PHYIR ZHE NA, DE LTAR ZHES BYA BA NI 'JUG PA'I @110B PHYIR DA LTAR ZHES BRJOD PA YIN NA, GAL TE DE NGES PAR GNAS PA YIN NA DE GRUB PA YIN GYI, 'JUG PA MA YIN PAS 'JUG PA MA YIN PA NI DA LTAR MA YIN PA'I PHYIR RO, ,DE LTA BAS NA GANG ZHIG, GANG GIS NGES PAR GZUNG BAR BYA BA'I DUS 'DU BYED KYI DNGOS PO LAS GZHAN PA NGES PAR GNAS PA YOD PA MA YIN NO, ,GANG YOD PA MA YIN PA DE JI LTAR GZUNG BAR BYA, GANG GZUNG DU MED PA DE NI DUS SU GDAGS SU MI RUNG NGO, ,DE'I PHYIR, MA BZUNG DUS SU JI LTAR GDAGS, ,GZUNG DU YOD NA GDAGS PAR BYA BA NYID YIN PA'I PHYIR RO ZHES BYA BAR DGONGS SO ZHES BYA BA SMRAS TE, RNAM PA GANG GIS KYANG MA BZUNG ZHING MA DMIGS PA'I DUS NAM MKHA'I ME TOG LTA BU DE DUS SU JI LTAR GDAGS TE 'DI LTAR 'DU BYED KYI TSOGS KUN RDZOB TU GZUNG DU YOD PA DE NYID DUS YIN PAR 'DOD NA NI GZUNG DU YOD PA DE LA DUS ZHES GDAGS PAR BYA BA NYID YIN NA, KHYOD NI DUS ZHES BYA BA 'DU BYED KYI TSOGS LAS GZHAN PA DON DAM PAR RDZAS SU YOD PAR 'DOD PAS DE LTA BU'I TSIG GI DON NGES PAR GNAS PA MA YIN PA, RNAM PA GANG GIS KYANG MA BZUNG BA DE DUS ZHES BYA BAR GDAGS SU MI RUNG NGO, ,DE LTAR NA 'DIS NI YUD TZAM LA SOGS PA'I TSAD NI 'DU BYED NYI MA'I 'GROS LA SOGS PA'I BYA BA GZHAN YONGS SU GCOD PA NYID DAG GI CHOS YIN GYI, DUS KYI MA YIN PAR BSTAN PAS GTAN TSIGS KYI GZHI MA GRUB PA NYID DANG DPE YANG MED DO ZHES BYA BAS NI 'DI SKAD BSTAN TE, PHA ROL PO DAG GI SGRUB PA'I CHOS YUD TZAM LA SOGS PA'I TSAD DE NI 'DU BYED KYI CHOS YIN GYI, DUS KYI CHOS MA YIN PAS BSTAN PAS DES NA NYI MA'I 'GROS LA SOGS PA'I BYA BA GZHAN GYIS GZHAN YONGS SU GCOD PA MA GTOGS PAR DUS ZHES BYA BA'I BDAG NYID LOGS SHIG NA MED PAS PHA ROL PO DAG GI GTAN TSIGS YUD TZAM LA SOGS PA'I TSAD DANG LDAN PA'I PHYIR RO ZHES BYA BA DE'I GZHI MA GRUB PA NYID DANG, PHA ROL PO DAG GI DPE 'BRU LA SOGS PA BZHIN PAS SHES PAR BYA BA DE YANG DON DAM PAR MED PAR MA GRUB PO, ,MI GNAS DUS SU 'DZIN MI BYED, ,CES BYA BA 'DI LA GZHAN DAG NA RE 'DI LA DNGOS PO NGES PAR GNAS PA RNAMS NI TSAD LAS GZUNG DU RUNG STE, DPER NA SHING 'DI NI MTHO'O 'DI NI CHU RING NGO, MI 'DI NI THUNG NGO, ,GLANG PO CHE 'DI NI CHE'O ZHES BYA BA LTA BU YIN @111A *, ,NA DUS NI DE LTAR NGES PAR GNAS PA MA YIN PAS DE LA TSAD MI 'GRUB PO ZHES ZER RO ZHES BYA BA NI SKABS 'DI LA 'GREL PA BYED PA GNAS BRTAN BUDDHA P'A LI TA NA RE, GAL TE DUS SHING LA SOGS PA LTAR NGES PAR GNAS PA YIN PAR GYUR NA NI DES NA MTHO ZHES BYA BA LA SOGS PA'I TSAD LAS GZUNG DU RUNG BAR YANG 'GYUR BA ZHIG NA GANG GI PHYIR DUS LA NI GANG TSAD LAS GZUNG BAR BYA BA RIL POR NGES PAR GNAS PA MIN PA DE'I PHYIR TSAD LAS GZUNG DU MED PAS PHA ROL PO DAG GI GTAN TSIGS TSAD DANG LDAN PA'I PHYIR ZHES BYA BA DE MA GRUB PO ZHES ZER BA'I TSIG YIN NO, ,GZHAN MA YIN PA NA RE DE NI BZANG PO MA YIN TE, GZUGS CAN MA YIN PA NGES PAR MI GNAS PA LA YANG TSAD GZUNG DU RUNG BA'I PHYIR RO ZHES BYA BA NI 'GREL PA BYED PA NYID KYIS GNAS BRTAN BUD DHA P'A LI TA'I RNAM PAR BSHAD PA DE MA NGES PAS BZANG PO MA YIN PA NYID DU SUN 'BYIN PA'I TSIG YIN TE, 'DI NA SGRA DANG LAS LTA BU GZUGS CAN MA YIN PA NGES PAR MI GNAS PA DAG LA YANG SGRA THUNG NGO SGRA CHE'O ZHE 'AM, LAS CHUNG NGO LAS CHE'O ZHE 'AM, DE DAG DGE'O MI DGE'O ZHES TSAD GZUNG DU RUNG BAR MTHONG BAS, DES NA JI RE ZHIG TSAD GZUNG DU RUNG BA'I PHYIR, SHING LA SOGS PA BZHIN DU NGES PAR GNAS PAR 'GYUR RAM, 'ON TE TSAD GZUNG DU RUNG BA'I PHYIR SGRA LA SOGS PA BZHIN DU NGES PAR GNAS PA MA YIN PAR 'GYUR BA MA NGES PAS DE NI BZANG PO MA YIN NO ZHES ZER RO,, ,,BAM PO DRUG CU BZHI PA, 'DIR SMRAS PA, DUS NI RTAG PA YIN TE, DE LA SKAD CIG DANG, THANG CIG DANG, YUD TZAM LA SOGS PA DANG, 'DAS PA DANG, MA 'ONGS PA DANG, DA LTAR BYUNG BA LA SOGS PA DAG YOD PA NI NYE BAR GNAS PA SNA TSOGS NYID KYI KHYAD PAR LAS NOR BU BZHIN NAM, SMIN PA'I KHYAD PAR LAS SMIN PAR BYA BA BZHIN NO ZHES BYA BA NI SNGAR DBU MA PAS SKAD CIG DANG, THANG CIG DANG, YUD TZAM LA SOGS PA DAG NI 'DU BYED KYI TSOGS SKYE BA DANG, 'JIG PA'I CHOS CAN RNAMS KYI KHYAD PAR YIN PAS MI RTAG PA'I PHYIR DUS MA YIN LA, DE LAS GZHAN PA DUS KYI NGO BO NYID DU GZUNG BAR BYA BA NGES PAR GNAS PA NI YOD PA MA YIN PAS DUS DNGOS PO LAS GZHAN PA DANG RTAG PA NYID MED DO ZHES BSHAD PA DE LA 'DIR DUS YOD PAR SMRA BA DAG DUS ZHES BYA BA DNGOS PO LAS GZHAN PA DANG, RTAG PA YOD @111B PAR GZHUNG 'DZUGS SHING PHYIR ZLOG PA'I TSIG YIN TE, DE DAG NA RE DON DAM PAR DUS NI DNGOS PO LAS GZHAN PA DANG RTAG PA NYID YIN LA, SKAD CIG DANG, THANG CIG DANG, YUD TZAM LA SOGS PA DNGOS PO'I NGO BO NYID MI RTAG PA DAG DE LA YOD PA NI THA SNYAD DU NYE BAR BTAGS PA YIN TE, DPER NA SHEL SGONG YONGS SU DAG PA LA KHA DOG GI RKYEN NYE BAR GNAS PA SNA TSOGS NYID KYI KHYAD PAR LAS SHEL SGONG YANG KHA DOG SNA TSOGS NYID DU SNANG BA DANG, SMIN PAR BYA BA'I SHING TOG RIGS GCIG PA LA SMIN PA'I BYA BA NYE BAR GNAS PA SNA TSOGS NYID KYI KHYAD PAR LAS SHING TOG KYANG KHA DOG SNA TSOGS NYID DU 'GYUR BA BZHIN NO ZHES ZER RO, ,DE SKAD CES ZER BA DE'I LAN DU 'GREL PA PHYED PA NYID KYIS, 'DIR BSHAD PA, KHO BO CAG GI PHYOGS LA DNGOS PO DNGOS PO GZHAN LA BRTEN CING LTOS PA'I DNGOS PO LA SKAD CIG LA SOGS PA'I SGRAR BRJOD DE ZHES BYA BA SMRAS TE, KHO BO CAG GI PHYOGS LA CHOS MNGON PA BDAG GI GRUB PA'I MTHA' LAS RDUL PHRA RAB SHIN TU MGYOGS PAR RDUL PHRA RAB GZHAN GYI GAN DU 'GRO BA NI SKAD CIG CES BYA'O ZHES GRAG STE, DES NA DNGOS PO DNGOS PO GZHAN DAG LA BRTEN CING LTOS PA'I DNGOS PO LA SKAD CIG LA SOGS PA'I SGRAR BRJOD DE DE YANG DNGOS PO'I CHOS YIN GYI, DUS KYI NI MA YIN PAS GAL TE KHYED KYANG KUN RDZOB KYI THA SNYAD DU DUS ZHES BYA BA SKAD CIG LA SOGS PA'I DNGOS PO LA BRTEN TE GDAGS PAR 'DOD NA NI DE KHO BO CAG 'DOD PA NYID YIN NO, ,'ON TE DON DAM PAR SKAD CIG LA SOGS PA'I DNGOS PO LA BRTEN PA GZHAN RTAG PA ZHIG YOD PAR 'DOD NA NI DE YOD PA MA YIN PA NYID DO ZHES BRTAG PA GNYIS STON TE, DE LA RE ZHIG BRTAG PA DANG PO BSTAN PA'I PHYIR, DE LA GAL TE DUS NI DNGOS BSTEN NA THA SNYAD DU DE DNGOS POR BRJOD NA NI DE 'DOD PA NYID DO ZHES BYA BA SMRAS TE, KHYED KUN RDZOB KYI THA SNYAD DU DUS ZHES BYA BA SKAD CIG LA SOGS PA'I DNGOS PO'I CHOS DE DAG NYID YIN PAR BRJOD NA NI DE KHO BO CAG 'DOD PA NYID YIN NO; ,BRTAG PA GNYIS PA BSTAN PA'I PHYIR, ,CI STE DON DAM PAR NA NI, ,DNGOS PO NYID KYANG MA GRAGS PAS, ,DNGOS MED DUS NI GA LA YOD, ,DE YOD PA MA YIN PA NYID DO ZHES BYA BA'I TSIG GI DON TO ZHES BYA BA SMRAS TE, DON DAM PAR NI SKAD CIG LA SOGS PA'I DNGOS PO NYID KYANG @112A *, ,MA GRAGS PAS DNGOS PO MED PA'I PHYIR DUS DNGOS PO LA BRTEN PA GZHAN RTAG PA GA LA YOD DE, SKYE BA LTA BU STE, DE YANG 'DU BYED KYI CHOS YIN GYI DUS KYI MA YIN NO, ,'DU BYED KYI RGYUN MANG PO 'JUG PA LAS YUN RING PO ZHES BYA BA DANG 'DU BYED KYI RGYUN NYUNG DU 'JUG PA LAS MYUR BA ZHES BYA BAR SHES PA SKYE STE ZHES BYA BA YANG DPER NA MAR MED GNYID KYI RGYUN MANG PO RGYUN RINGS SU 'JUG PA LA, YUN RING PO ZHES BYA ZHING RGYUN NYUNG DU DUS NYE BAR 'JUG PA LAS MYUR BA ZHES BYA BAR SHES PA SKYE BA LTA BU STE, DE YANG 'DU BYED KYI CHOS YIN GYI DUS KYI MA YIN NO, ,DE'I PHYIR SNGA MA LA SOGS PAR SHES PA NI 'DU BYED KYI CHOS YIN PA'I PHYIR GTAN TSIGS MED PAS DUS LTA YOD PAR GA LA 'GYUR, DE SGRUB PA'I PHYIR GTAN TSIGS BSTAN PA MA GRUB PA'I PHYIR RO ZHES BYA BAR DGONGS SO ZHES BYA BA NI KUN RDZOB KYI THA SNYAD DU YANG SNGA MA DANG PHYI MA LA SOGS PAR SHES PA NI 'DU BYED KYI CHOS YIN GYI DUS KYI MA YIN PAS PHA ROL PO DAG GI DUS DE RDZAS KYI NGO BO NYID DU YOD PA KHO NAR BSGRUB PA'I PHYIR DUS KYI RTAGS SNGA MA DANG PHYI MA LA SOGS PA DAG YOD PA'I PHYIR RO ZHES GTAN TSIGS BSTAN PA MA GRUB PA'I PHYIR DON DAM PAR DUS LHA RDZAS KYI NGO BO NYID YOD PAR GA LA 'GYUR ZHES BYA BAR DGONGS SO, ,CI STE SNGA MA LA SOGS PAR SHES PA 'DU BYED KYI CHOS YIN GYI DUS KYI CHOS MA YIN PA ZHES BYA BA DE GA LA SHES SHE NA ZHES BYA BA NI PHA ROL PO DAG NA RE DE 'THAD PA GANG LAS DE LTAR SHES ZHES 'DRI BA'I TSIG YIN NO, ,DE'I LAN DU, DUS RTAG PA DANG GCIG PUR STON PA'I RJES SU DPAG PA MED PA LAS TE ZHES BYA BA SMRAS TE, PHA ROL PO DAG LA DUS RTAG PA DANG, GCIG PUR STON PA'I RJES SU DPAG PA MED PA LAS DPAGS NA SNGA MA LA SOGS PAR SHES PA NI 'DU BYED KYI CHOS YIN GYI DUS KYI CHOS MA YIN PAR SHES SO, ,DE NYID KYI RJES SU DPAG PA BSTAN PA'I PHYIR, THA SNYAD DU YANG SNGA MA LA SOGS PAR SHES PA NI DUS RTAG PA DANG GCIG PU'I RGYU MA YIN TE, SHES PA YIN PA'I PHYIR DPER NA GZUGS LA SOGS PAR SHES PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS LA SOGS PAR SHES PA NI SHES PA YIN PA'I PHYIR THA SNYAD DU YANG @112B DUS RTAG PA DANG GCIG BU'I RGYU MA YIN PA DE BZHIN DU SNGA MA LA SOGS PAR SHES PA YIN PA'I PHYIR THA SNYAD DU YANG DUS RTAG PA DANG GCIG PU'I RGYU MA YIN NO, ,GAL TE DUS NI RDZAS SU YOD PA YIN TE, BTAGS PAR YOD PA'I PHYIR RO ZHE ZHES BYA BA NI PHA ROL PO DAG BTAGS PAR YOD PA'I GTAN TSIGS KYIS DUS RDZAS SU YOD PAR SGRUB PA'I TSIG YIN TE, DE DAG GI NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR RO, ,DE SKAD CES ZER BA DE DAG LA DBU MA PAS, JI LTA BU ZHES BRJOD PAR BYA'O ZHES BYA BA NI DPER NA JI LTA BU ZHES DRI BAR BYA'O, ,DE SKAD CES DREN PA NA PHA ROL PO DAG NA RE, GAL TE GZUGS LA SOGS PA BZHIN ZHE NA ZHES BYA BA NI GAL TE PHA ROL PO DAG NA RE DUS NI RDZAS SU YOD PA YIN TE, BTAGS PAR YOD PA'I PHYIR DPER NA GZUGS LA SOGS PA BZHIN NO ZHE NA'O, ,DE SKAD CES ZER NA DE DAG LA DBU MA PAS 'DI SKAD CES, DON DAM PAR JI SKAD BSTAN PA'I TSUL GYIS GZUGS LA SOGS PA'I DNGOS PO GRUB PA MED PAS, DNGOS MED DUS NI GA LA YOD, ,CES BRJOD PAR BYA STE, DON DAM PAR SNGAR RIGS PA JI SKAD BSTAN PA'I TSUL GYIS GZUGS LA SOGS PA'I DNGOS PO GRUB PAS MED PAS PHA ROL PO'I DPE MED DE YOD PA MA YIN PA NYID DO, , DE'I PHYIR JI SKAD SMRAS PA'I SKYON NYAMS PA MED DO ZHES BYA BA NI MJUG BSDU BA YIN TE, DE LTAR DON DAM PAR DUS DNGOS PO LAS GZHAN PA DANG, RTAG PA NYID MED PA DE'I PHYIR SNGAR PHA ROL PO DAG GI GTAN TSIGS KYI GZHI MA GRUB PA NYID DANG DPE YANG MED DO ZHES JI SKAD SMRAS PA'I SKYON NYAMS PA MED DO; ;'DIR SMRAS PA, DON DAM PAR DUS NI RDZAS KYI NGO BO NYID DU YOD PA KHO NA YIN TE, RTAGS YOD PA'I PHYIR RO, ,'DI NA GANG YOD PA MA YIN PA DE LA NI RTAGS MED DE, DPER NA RI BONG GI RVA BZHIN NO, ,DUS LA NI RTAGS SNGA MA DANG, PHYI MA DANG, CIG CAR DANG, CIG CAR MA YIN PA DANG, YUN RING PO DANG MYUR BA ZHES BYA BA DAG YOD PAS DE'I PHYIR DUS NI RDZAS KYI NGO BO NYID DU YOD PA KHO NA YIN NO ZHES BYA BA NI PHA ROL PO DAG DUS KYI RTAGS SNGA MA DANG PHYI MA LA SOGS PA DAG YOD PA'I GTAN TSIGS KYIS DUS RDZAS KYI NGO BO NYID DU YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA @113A *, ,CHOS DANG; SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RI BONG GI RVA LTA BU YOD PA MA YIN PA GANG LA RTAGS MED PA DE NI RDZAS KYI NGO BO NYID DU YOD PA MA YIN GYI, DUS LA NI RTAGS SNGA MA DANG PHYI MA LA SOGS PA DAG YOD PAS DE'I PHYIR DUS NI DON DAM PAR RDZAS KYI NGO BO NYID DU YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DNGOS PO 'GA' YANG YOD MIN NA, ,ZHES BYA BA SMRAS TE, DON DAM PAR DNGOS PO 'GA' YANG YOD PA MA YIN PA NYID YIN NA DUS KYI RTAGS SNGA MA DANG PHYI MA LA SOGS PA DAG LTA YOD PAR GA LA 'GYUR ZHES STON TO, ,YANG ZHES BYA BA'I SGRA NI NGES PAR BZUNG BA'I DON TO ZHES BYA BA NI TSIG LE'UR BYAS PA'I RTZA BA DE LAS YANG ZHES BYA BA'I SGRA SMOS PA NI NYID CES NGES PAR BZUNG BA'I DON TO, ,DE NYID BSTAN PA'I PHYIR, KHO BO CAG GI PHYOGS LA DON DAM PAR DNGOS PO 'GA' YANG YOD PA MA YIN PA NYID DO ZHES BYA BA SMRAS TE, DES NI DON DAM PAR DNGOS PO 'GA' YANG YOD PA MA YIN PA NYID YIN NA DUS KYI RTAGS SNGA MA DANG PHYI MA LA SOGS PA DAG LTA YOD PAR GA LA 'GYUR TE, DE LTAR RTAGS MED PAS PHA ROL PO DAG GI GTAN TSIGS DUS LA RTAGS SNGA MA DANG PHYI MA LA SOGS PA DAG YOD PA'I PHYIR RO ZHES BYA BA'I DON MA GRUB PAS DON DAM PAR DUS RDZAS KYI NGO BO NYID DU YOD PA MA YIN NO, ,KUN RDZOB KYI THA SNYAD DU YANG SNGA MA DANG PHYI MA LA SOGS PAR SHES PA NI 'DU BYED KYI CHOS YIN GYI DUS KYI MA YIN PAS PHA ROL PO DAG GI GTAN TSIGS MA GRUB PAR BSTAN PA'I PHYIR, THA SNYAD DU NI 'DU BYED KYI RGYUN THA DAD PA LA LTOS NAS SNGA MA DANG PHYI MA ZHES BYA BAR SHES PA DE SKYE ZHING ZHES BYA BA LA SOGS PA SMRAS TE, KUN RDZOB KYI THA SNYAD DU NI DPER NA KHANG KHYIM THA DAD PAR MAR ME BTZUGS PA'I RGYUN THA DAD PA LA LTOS NAS KHANG KHYIM SNGA MA'I MAR ME'I RGYUN LAS PHYI MA'I MAR MI RGYUN SNGA PHYIR GYUR PA LTA BU LA SNGA MA DANG PHYI MA ZHE'AM, PHA ROL PO DAG DANG TSU ROL ZHE'AM, GZHAN DANG GZHAN MA YIN PA ZHES BYA BAR SHES PA SKYE BAS DE YANG 'DU BYED KYI CHOS YIN GYI DUS KYI CHOS MA YIN NO, ,'DU BYED KYI SKAD CIG MA THA MI DAD PAR NYE BAR GYUR PA LAS CIG CAR ZHES BYA BA DANG DE LAS BZLOG PA LAS CIG CAR MA YIN PA ZHES BYA BA DANG ZHES BYA BA @113B YANG DPER NA MAR ME DE GNYIS DUS GCIG TU BYUNG BA LA CIG CAR ZHES BYA ZHING DUS GCIG MA YIN PAR BYUNG BA LA CIG CAR MA YIN PA ZHES BYA BAR SHES PA'I PHYIR, DUS RDZAS SU YOD PAR MI 'GRUB BO ZHES BSTAN PAR BYA'O, ,DE NYID BSTAN PA'I PHYIR, GZUGS KYI MTSAN NYID KYI DNGOS PO MED PA'I PHYIR DPE NYID DU BZHAG PA DAG GI DNGOS PO MED NA DUS GA LA YOD DE DPE MA BSTAN PAS DUS MI 'GRUB BO ZHES BYA BA'I THA TSIG GO ZHES BYA BA SMRAS TE, RE ZHIG DE DAG GIS NI PHA ROL PO'I SGRUB PA LA DPE MED PAS DUS RDZAS SU YOD PAR MA GRUB BO ZHES BSTAN TO, ,SHING RTA DANG DMAG DANG NAGS TSAL LA SOGS PA RDZAS SU YOD PA MA YIN PA DAG LA YANG MED KYANG YOD DO ZHES BTAGS PAR YOD PA'I PHYIR GTAN TSIGS MA NGES PA NYID KYANG YIN NO ZHES BYA BAS NI PHA ROL PO DAG GI GTAN TSIGS BTAGS PAR YOD PA'I PHYIR RO ZHES BYA BA DE MA NGES PA NYID YIN PAR MA GRUB PAR STON TE, 'DI NA SHING RTA DANG DMAG DANG NAGS TSAL LA SOGS PA RDZAS SU YOD PA MA YIN PA DAG LA YANG MED DO ZHES BTAGS PAR YOD PAR MTHONG BAS DES NA CI RE ZHIG BTAGS PAR YOD PA'I PHYIR SHING RTA DANG DMAG DANG NAGS TSAL LA SOGS PA DAG BZHIN DU RDZAS SU YOD PA MA YIN PAR 'GYUR RAM, 'ON TE BTAGS PAR YOD PA'I PHYIR DUS RDZAS SU YOD PAR 'GYUR PA MA NGES PA NYID YIN PAS PHA ROL PO DAG GI GTAN TSIGS DE MA GRUB BO, ,GAL TE SHING RTA LA SOGS PA YAN LAG CAN DAG RDZAS NYID DU BSTAN PA'I PHYIR SKYON MED DO ZHE NA ZHES BYA BA NI PHA ROL PO DAG NA RE KHO BO CAG GI GZHUNG LAS SHING RTA LA SOGS PA YAN LAG CAN DAG RTZIBS LA SOGS PA YAN LAG DAG GIS BRTZAMS PAS RDZAS NYID DU BSTAN PA'I PHYIR KHO BO CAG GI GTAN TSIGS MA NGES PA NYID KYI SKYON MED DO ZHES ZER BA'I TSIG YIN NO, ,DE'I LAN DU, YAN LAG CAN DAG RDZAS NYID DU BSTAN PA DGAG PA SNGAR BSHAD ZIN PAS SKYON MED PA MA YIN NO ZHES BYA BA SMRAS TE, YAN LAG CAN RDZAS NYID DU YOD PA MA YIN PAR DGAG PA'I PHYIR RDZAS SU DPAG PA SNGAR BSHAD PA DAG GIS SHING RTA LA SOGS PA YAN LAG CAN DAG RDZAS NYID DU BSTAN PA BKAG ZIN PAS PHA ROL PO DAG GI GTAN TSIGS MA NGES PA NYID KYI SKYON MED PA MA YIN PAS RDZAS SU YOD PAR MA GRUB BO, ,GANG DAG DUS NI DNGOS PO LA BSTEN NAS GDAGS PA KHO NA @114A *, ,YIN TE; YUD TZAM ZHIG 'DUG PAR GYUR TO, ,NYIN GCIG 'DUG GO, ,ZLA BA GCIG 'DUG PAR 'GYUR RO ZHES BYA BA LTA BU'O ZHES ZER BA DE DAG LA YANG ZHES BYA BAS NI BYE BRAG PA LA SOGS PA GANG DAG DUS DNGOS PO LA BRTEN NAS GDAGS PA KHO NA YIN TE, YUD TZAM DANG, NYIN MO DANG; ZLA BA'I DNGOS PO LA BRTEN NAS 'DUG PAR GYUR TO, ,'DUG GO, ,'DUG PAR 'GYUR RO ZHES DUS GSUM PA GDAGS PAR 'DOD PA DE DAG GI GZHUNG DGAG PA STON TO, ,DE SKAD CES ZER BA DE DAG LA YANG, DNGOS PO 'GA' YANG YOD MIN NA, ,DUS LTA YOD PAR GA LA 'GYUR, ,ZHES BRJOD PAR BYA STE, DE LAS GZHAN PA'I DUS MED PAR RO ZHES BYA BAR DGONGS SO ZHES BYA BAS NI YUD TZAM DANG, NYIN MO DANG, ZLA BA LA SOGS PA'I DNGOS PO DAG KYANG DON DAM PAR 'GA' YANG YOD PA MA YIN PAS DE LAS GZHAN PA'I DUS KYANG MED PA'I PHYIR DNGOS PO LA BRTEN NAS GDAGS PA'I DUS LTA YOD PAR GA LA 'GYUR ZHES BYA BAR DGONGS SO ZHES BSTAN TO, ,DUS YOD PAR SMRA BA DAG NA RE DUS NA YOD PA KHO NA YIN TE, BRJOD PA KHYAD PAR CAN 'JUG PA'I RGYU YIN PA'I PHYIR RO, ,'DI NA GANG MED PA DE NI BRJOD PA KHYAD PAR CAN 'JUG PA'I RGYU NYID YIN PAR MA MTHONG STE, DPER NA RI BONG GI RVA BZHIN NO, ,DUS NI SAB MA BYAS SO, ,BYED DO, ,BYED PAR 'GYUR RO ZHES BRJOD PA KHYAD PAR CAN 'JUG PA'I RGYU NYID YIN PAR MTHONG BAS, DE'I PHYIR DUS NI YOD PA KHO NA YIN NO ZHES ZER RO ZHES BYA BA NI, 'DIR DUS YOD PAR SMRA BA DAG DUS NI SAB MA LA SOGS PA BYAS SO, ,BYED DO, ,BYED PAR 'GYUR RO ZHES BRJOD PA KHYAD PAR CAN 'JUG PA'I RGYU NYID YIN PA'I GTAN TSIGS KYI DUS YOD PA KHO NAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RI BONG GI RVA LTA BU MED PA GANG BRJOD PA KHYAD PAR CAN 'JUG PA'I RGYU NYID MA YIN PA DE NI YOD PA MA YIN GYI, DUS NI SAB MA LA SOGS PA BYAS SO, ,BYED DO, ,BYED PAR 'GYUR RO ZHES BRJOD PA KHYAD PAR CAN 'JUG PA'I RGYU YIN PAS @114B DE'I PHYIR DUS NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, BYAS PA LA SOGS PA'I BRJOD PA KHYAD PAR CAN 'JUG PA NI 'DU BYED KYI CHOS YIN PA'I PHYIR GTAN TSIGS KYI DON MA GRUB PA NYID DO ZHES BYA BA SMRAS TE, BYAS PA LA SOGS PA'I BRJOD PA KHYAD PAR CAN 'JUG PA NI SAB MA LA SOGS PA 'DU BYED KYI CHOS YIN GYI, DUS KYI MA YIN PA'I PHYIR PHA ROL PO'I GTAN TSIGS KYI DON MA GRUB PA NYID DO, ,DON 'GAL BA NYID KYANG YIN TE, BRJOD PA KHYAD PAR CAN 'JUG PA'I RGYU NYID NI KUN RDZOB PA YIN PA'I PHYIR RO ZHES BYA BA NI PHA ROL PO'I GTAN TSIGS DE'I DON 'GAL BA NYID DU STON TO, ,BRJOD PA KHYAD PAR CAN 'JUG PA'I RGYU NYID NI KUN RDZOB PA MA YIN PA'I PHYIR GAL TE DE KUN RDZOB PA YIN PAR BSGRUBS NA DUS DON DAM PAR YOD PAR 'DOD PA DANG 'GAL BA'I PHYIR RO, ,DE'I PHYIR DE LTAR RNAM PA THAMS CAD DU DUS MA GRUB PA'I PHYIR DE BSAL BA'I RGYU YIN PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES BYA BA NI GTAN TSIGS KYI RTZA BA'I MJUG BSDU BA YIN TE, DE LTAR DUS LTOS PA DANG, MA LTOS PA LA SOGS PAS RNAM PA THAMS CAD DU MA GRUB PA'I PHYIR SNGAR PHA ROL PO DAG GIS DON DAM PAR DNGOS PO RNAMS KYI NGO BO NYID YOD PA KHO NA YIN TE, GSAL BA'I RGYU YIN PA'I PHYIR DPER NA MAR ME BZHIN NO ZHES SMRAS PA'I GTAN TSIGS KYI RTZA BA'I DON MA GRUB PA NYID DE, DE LTAR DUS NYID MA GRUB PAS DNGOS PO RNAMS KYI NGO BO NYID NI DUS DE GSAL BA'I RGYU MA YIN PA'I PHYIR DON DAM PAR DNGOS PO RNAMS KYI NGO BO NYID YOD PA MA YIN PA KHO NAR GRUB BO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR SGRUB PA SMRAS PA'I SKYON BRJOD PA DANG, RANG GI SGRUB PA KHA NA MA THO BA MED PA BSTAN PA DAG GIS STONG PA NYID KYI MI MTHUN PA'I PHYOGS KYI KHYAD PAR DGAG PAS DUS NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, DUS BRTAG PA'I RAB TU BYED PA BCU DGU PA'I SKABS 'DIR RAB TU BYED PA'I DON TSAD MA'I 'BRAS BUR BLTA BA NI PHA ROL POS RAB TU BYED PA 'DI'I DANG POR DON DAM PAR DNGOS PO RNAMS KYI NGO BO NYID YOD PA KHO NA YIN TE, GSAL BA'I RGYU YIN PA'I PHYIR DPER @115A *, ,NA MAR ME BZHIN NO ZHES BYA BA LA SOGS PA SGRUB PA SMRAS PA'I SKYON BRJOD PA DANG, BSTAN BCOS MDZAD PAS RANG GI DUS MI 'THAD PA'I SGRUB PA KHA NA MA THO BA MED PA BSTAN PA DAG GIS STONG PA NYID KYI MI MTHUN PA'I PHYOGS KYI KHYAD PAR DGAG PAS DUS NGO BO NYID MED PA NYID DU BSTAN PA YIN NO, ,DUS NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA STE, DE'I PHYIR BCOM LDAN 'DAS KYIS 'PHAGS PA LAG BZANGS KYIS ZHUS PA'I MDO LAS, DES DUS GSUM PO 'DAS PA DANG MA 'ONGS PA DANG DA LTAR BYUNG BA DAG RAB TU SHES TE, DE LA 'DU BYED GANG DAG 'DAS SHING 'GAGS PA DE NI 'DAS PA'I DUS ZHES BYA'O, ,GANG DAG MA 'ONGS SHING MA BYUNG BA DE NI MA 'ONGS PA'I DUS ZHES BYA'O, ,GANG DAG DA LTAR BYUNG ZHING 'JUG PA DE NI DA LTAR BYUNG BA'I DUS ZHES BYA'O, ,DE LA DA LTAR GYI DUS KYI PHUNG PO DANG KHAMS DANG SKYE MCHED GANG YIN PA DE NI MI GNAS PA DANG NGES PAR MI GNAS PAR RAB TU SHES TE, DE CI'I PHYIR ZHE NA, 'DI LTAR 'JIG RTEN NI SKAD CIG LAS LHAG PAR MI GNAS PA'I PHYIR RO, ,SKAD CIG MA GANG YIN PA DE LA YANG SKYE BA'I DUS KYANG GZHAN LA, GNAS PA'I DUS KYANG GZHAN, 'GAG PA'I DUS KYANG GZHAN, SKAD CIG MA DE YANG MI GNAS PA DANG NGES PAR MI GNAS PAR RAB TU SHES SO ZHES BYA BA LA SOGS PA DANG, DE BZHIN DU MDO SDE'I MTHA' GZHAN DAG LAS CHOS NYID KYI YANG CHOS NYID GANG YIN PA DE NI 'DAS PA MA YIN, DA LTAR MA YIN NO ZHES BYA BA LA SOGS PA DANG, DE BZHIN DU MDO SDE'I MTHA' GZHAN LAS KYANG DE BZHIN GSHEGS PA NI 'DAS PA MA YIN MA 'ONGS PA MA YIN, DA LTAR MA YIN NO ZHES BYA BA LA SOGS PA GSUNGS PA DE DAG 'GRUB PA YIN NO ZHES BYA BA SMRAS TE, MDO SDE MTSAN NYID DANG BCAS PA DE DAG GI DON NI BCOM LDAN 'DAS KYIS KYANG 'DU BYED RNAMS KHO NA DUS NYID DU GSUNGS KYI DE DAG LAS GZHAN PA'I 'DU BYED MED PAR BSTAN PA YIN NO, ,DE LTAR YID CHES PA'I LUNG DE DAG GRUB PA NI DUS NGO BO NYID MED PA NYID DU BSTAN PA'I YON TAN DANG KHUNGS YIN @115B PAS DE'I PHYIR RTOG GE SKAM PO TZAM NYI TSES BSGRUBS PA MA YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA LAS DUS BRTAG PA ZHES BYA BA STE RAB TU BYED PA BCU DGU PA'I RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR DGAG PAS RGYU DANG 'BRAS BU NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCAS PA MDZAD PAS 'DIR YANG BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DUS NGO BO NYID MED PA NYID DU BSTAN PA ZHES BYA BA NI SNGAR DUS BRTAG PA'I RAB TU BYED PA'I SKABS SU DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS DUS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DGU PA BRTZAM MO ZHES BYA BAS DUS NGO BO NYID MED PA NYID DU BSTAN PA YIN NO, ,DE'I MI MTHUN PA'I PHYOGS ZHES BYA BA NI PHYIR RGOL BAR BYED PA'I PHYOGS TE, DUS NGO BO NYID YOD PA KHO NAR STON PA YIN NO, ,DE'I KHYAD PAR ZHES BYA BA NI DUS NGO BO NYID YOD PA NYID DU SMRA BA'I KHYAD PAR 'OG NAS DON DAM PAR DUS NI YOD PA KHO NAR SHES PAR BYA STE, 'BRAS BU 'JUG PA'I RGYU YIN PA'I PHYIR RO ZHES BYA BA LA SOGS PA 'BYUNG BA DAG YIN NO, ,DE DGAG PAS ZHES BYA BA NI DE DGAG PA'I DON GYI DBANG GIS NI RAB TU BYED PA NYI SHU PA @116A *, ,BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS RGYU DANG 'BRAS BU NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU PA BRTZAM MO ZHES BYA BA SMRAS TE, RGYU DANG 'BRAS BU BRTAG PA'I RAB TU BYED PA NYI SHU PA'I GZHUNG 'OG NAS 'BYUNG BA 'DI'I DON NI RGYU DANG 'BRAS BU NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD CES SMRAS SO, ,DE LA RAB TU BYED PA 'DI'I 'BRAS BU NI GANG YIN, ,RNAM PA GANG GIS NI 'BRAS BU DE 'THOB CE NA, RGYU DANG 'BRAS BU NGO BO NYID MED PA NYID DU BSTAN PA NI 'DI'I 'BRAS BU YIN LA, DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, RAB TU BYED PA 'DAS MA THAG PAR DUS MA GRUB PAS GTAN TSIGS KYI SKYON BSTAN PA'I PHYIR DUS GRUB NA SKYON MED PAS 'DOD PA'I DON 'GRUB PAR BSTAN PA'I PHYIR 'DIR SMRAS PA ZHES BYA BA LA SOGS PA SMRAS TE, SNGAR DUS BRTAG PA'I RAB TU BYED PA 'DAS MA THAG PA'I SKABS SU DBU MA PAS DUS LTOS PA DANG MA LTOS PAR YANG 'GRUB PA MED PAR BSTAN PAS, DUS MA GRUB PAS PHA ROL PO DAG GI GTAN TSIGS DON DAM PAR DNGOS PO RNAMS KYI NGO BO NYID YOD PA KHO NA YIN TE, GSAL BA'I RGYU YIN PA'I PHYIR ZHES BYA BA MA GRUB PA'I SKYON BSTAN PA'I PHYIR 'DIR PHA ROL PO DAG DUS GRUB NA GTAN TSIGS MA GRUB PA'I SKYON MED PAS RANG GI 'DOD PA'I DON GRUB PAR BSTAN PA'I PHYIR YANG 'DIR 'DI SKAD CES ZER RO ZHES BYA BAR SBYAR RO, ,DE NYID BSTAN PA'I PHYIR, DON DAM PAR DUS NI YOD PA KHO NAR SHES PAR BYA STE, 'BRAS BU 'GRUB PA'I RGYU YIN PA'I PHYIR RO, ,'DI NAS SA BON LA SOGS PA TSOGS PA NYID YOD KYANG DUS TSIGS MED NA MYU GU 'BYUNG BAR MI 'GYUR GYI YOD NA 'GYUR LA, GANG YOD PA MA YIN PA DE NI 'BRAS BU 'GRUB PA'I RGYU NYID YIN PAR MA MTHONG BAS DE'I PHYIR GTAN TSIGS JI SKAD SMOS PA'I MTHUS DON DAM PAR DUS NI YOD PA KHO NA YIN NO ZHES BYA BA SMRAS TE, DE DAG @116B NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, RJES SU 'GRO BAS MTHUN PA'I PHYOGS BSTAN PA DANG, LDOG PA'I MI MTHUN PA'I PHYOGS BSTAN PA DANG, MJUG BSDU BA YIN PAR GO RIMS BZHIN DU SBYAR TE, 'DI NA RI BONG GI RVA LTA BU GANG MED PA 'BRAS BU 'GRUB PA'I RGYU NYID YIN PAR MA MTHONG BA DE NI YOD PA MA YIN GYI DUS TSIG NI SA BON LA SOGS PA'I TSOGS PA NYID YOD KYANG DE MED NA MYU GU 'BYUNG BAR MI 'GYUR GYI YOD NA 'GYUR BAS 'BRAS BU 'GRUB PA'I RGYU YIN PA'I PHYIR GTAN TSIGS JI SKAD SMOS PA'I MA THUS DON DAM PAR DUS NI YOD PA KHO NA YIN NO ZHES ZER RO, ,DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR DE DGAG PAS RGYU DANG 'BRAS BU NGO BO NYID MED PA NYID DU BSTAN PA'I PHYIR DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA RE ZHIG GANG DAG GI ,GRUB PA'I MTHA' LAS RGYU DANG RKYEN RNAMS KYI TSOGS PA NYID LAS 'BRAS BU YOD PAR 'DOD PA DE DAG GI PHYIR 'DI BSHAD DE ZHES BYA BA SMRAS TE, GRANGS CAN DANG, BYE BRAG PA DAG GI GRUB PA'I MTHA' LAS RGYU DANG RKYEN RNAMS KYI TSOGS PA NYID LA 'BRAS BU SNGA NA YOD PA LAS SKYE BAR 'DOD PA DE DAG GI GZHUNG DGAG PA'I PHYIR TSIG LE'UR BYAS PA DANG PO 'DI BSHAD DE, DE YANG GAL TE 'BRAS BU SKYE BA NYID 'THAD PAR GYUR NA NI 'BRAS BU SKYE BAS DUS KYANG YOD PAR 'GYUR GRANG NA, 'BRAS BU SKYE BA NYID MI 'THAD PAS 'BRAS BU'I RGYU CAN GYI DUS YOD PAR GA LA 'GYUR, 'DI LTAR GAL TE TSOGS PA NYID LAS 'BRAS BU SKYE BAR GYUR NA 'BRAS BU DE TSOGS PA NYID DE LA YOD PA'AM MED PA LAS SKYE BAR 'GYUR GRANG NA, GNYI GA LAS KYANG DE SKYE BA MI 'THAD DO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR TSIG LE'UR BYAS PA'I DANG PO 'DI BSHAD DO ZHES BYA BAR SBYAR RO, ,DE NYID BSTAN PA'I PHYIR, GAL TE RGYU DANG RKYEN RNAMS KYI, ,TSOGS PA NYID LAS SKYE GYUR NA, ,PHA ROL PO'I TSUL GYIS 'BRAS BU'O ZHES BYA BA SMRAS TE, DES NI PHA ROL PO'I GZHUNG BSNAN PA STON TE, GRANGS CAN DANG, BYE BRAG PA LA SOGS PA DAG GI GRUB PA'I MTHA' LAS RGYU DANG RKYEN RNAMS KYI TSOGS PA NYID LAS 'BRAS BU SNGA NA YOD PA LAS SKYE BAR 'DOD PAS GAL TE DE DAG GI TSUL GYIS RGYU DANG RKYEN RNAMS KYI TSOGS PA NYID LA 'BRAS BU SNGA NA YOD PA NYID LAS @117A *, ,SKYE BAR GYUR NA'O, ,DA NI DE MI 'THAD PAR BSTAN PA'I PHYIR, DE YANG DE LA YOD NA, 'O NA DE LTA NA, TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,SKYE BAR MI 'GYUR BA NYID DE, ,DGAG PA MI MTHUN PA'I SKYON DU 'GYUR BA'I PHYIR RO ZHES BYA BA SMRAS TE, YOD PA DANG SKYE BA NI MI MTHUN PA'I PHYOGS GCIG GIS GCIG 'GOG PAS DGAG PA MI MTHUN PA'I SKYON DU 'GYUR BA'I PHYIR RO ZHES BYA BAR DGONGS SO, ,DE NYID BSTAN PA'I PHYIR, GAL TE YOD NA NI CI'I PHYIR SKYE 'ON TE SKYE NA NI YOD PA ZHES BYA BA MA YIN TE, YOD PA ZHES BYA BA DANG SKYE'O ZHES BYA BA DE DAG MI MTHUN PAS BKAG PA'I PHYIR RO ZHES BYA BAR DGONGS SO ZHES BYA BA SMRAS TE, TSOGS PA NYID DE LA 'BRAS BU DE YOD PA NYID YIN NA 'BRAS BU YOD PA DE JI LTAR TSOGS PA NYID DE LAS SKYE BAR 'GYUR, CI STE YOD KYANG YANG SKYE BAR 'GYUR NA NI DE LTA NA DE'I SKYE BA BRTAG PA DON MED PA NYID DU 'GYUR TE, 'DI LTAR YOD PA LA YANG SKYE BAS CI BYA, THUG PA MED PAR THAL BAR YANG 'GYUR TE, 'DI LTAR NAM YANG MI SKYE BAR MI 'GYUR BA'I PHYIR RO, ,YANG NA GAL TE YOD NA DE SKYE BAR MI 'GYUR TE ZHES BYA BA LA SOGS PAS NI PHA ROL PO DAG RGYU DANG RKYEN RNAMS KYI TSOGS PA NYID LA 'BRAS BU SNGA NA YOD PAR RJES SU DPOG PA'I DAM BCAS PA LA 'BRAS BU SKYE BA'I NGO BO NYID BRTZAL BA'I SKYON YOD PAS MI RUNG BAR STON TO, ,DE NYID BSTAN PA'I PHYIR, YOD PA NYID DU RJES SU DPOG PA NYID KYIS YOD PA LA YANG SKYE BA MED PAS 'BRAS BU DE'I SKYE BA BSAL BA'I PHYIR PHA ROL PO DAG GI DAM BCAS PA LA 'BRAS BU CHOS KYI SKYE BA'I NGO BO NYID BSAL BA'I SKYON YOD PAS, TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,SKYE BAR MI 'GYUR BA NYID DE, ,JI SKAD BSTAN PA'I SKYON DU 'GYUR BA'I PHYIR RO ZHES BYA BA'I THA TSIG GO ZHES BYA BA SMRAS TE, DGAG PA MI MTHUN PA'I SKYON JI SKAD BSTAN PA NYID DU 'GYUR BA'I PHYIR RO ZHES BYA BA'I THA TSIG GO,, 'DI SKAD BSTAN TE, DON DAM PAR 'BRAS BU YOD PAR NI SKYE BAR MI 'GYUR TE, YOD PA'I PHYIR BUM PA LA SOGS PA YOD PA BZHIN PAS DE'I PHYIR BRTAG PA DANG PO MI 'THAD DO ZHES BSTAN TE, ,BRTAG PA GNYIS PA MI 'THAD PAR BSTAN PA'I PHYIR, GANG DAG GI GRUB PA'I MTHA' LAS RGYU DANG RKYEN @117B RNAMS KYI TSOGS PA NYID LA 'BRAS BU MED PAR 'DOD PA DE DAG GI PHYIR 'DI BSHAD DE ZHES BYA BA SMRAS TE, BYE BRAG TU SMRA BA DANG, MDO SDE PA DAG GI GRUB PA'I MTHA' LAS RGYU DANG RKYEN RNAMS KYI TSOGS PA NYID LA 'BRAS BU SNGA NA MED PA LAS SKYE BAR 'DOD PA DE DAG GI GZHUNG DGAG PA'I PHYIR TSIG LE'UR BYAS PA GNYIS PA 'DI BSHAD DE ZHES BYA BAR SBYAR RO, ,DE NYID BSTAN PA'I PHYIR, GAL TE RGYU DANG RKYEN RNAMS KYI, ,TSOGS PA NYID LAS SKYE GYUR NA, ,PHA ROL PO'I TSUL GYIS 'BRAS BU'O, ,ZHES BYA BA SMRAS TE, DES NA PHA ROL PO'I GZHUNG BSTAN PA STON TE, BYE BRAG TU SMRA BA DANG, MDO SDE PA LA SOGS PA DAG GI GRUB PA'I MTHA' LAS RGYU DANG RKYEN RNAMS KYI TSOGS PA NYID LA 'BRAS BU SNGA NA MED PA LAS SKYE BAR 'DOD PAS GAL TE DE DAG GI TSUL GYIS RGYU DANG RKYEN RNAMS KYI TSOGS PA NYID LA 'BRAS BU SNGA NA MED PA NYID LAS SKYE BAR GYUR NA'O, ,DA NI DE MI 'THAD PAR BSTAN PA'I PHYIR, DE YANG KHYED DON DAM PAR MED PAR STON PAS 'O NA DES NA, TSOGS LA 'BRAS BU MED NA NI, ,JI LTAR TSOGS PA NYID LAS SKYE, ,SKYE BAR MI 'GYUR BA NYID DE, ,ZHES BYA BA SMRAS TE, TSOGS PA NYID DE LA 'BRAS BU DE MED PA NYID YIN NA 'BRAS BU MED PA DE JI LTAR TSOGS PA NYID DE LAS SKYE BAR 'GYUR, CI STE MED KYANG SKYE BAR 'GYUR NA NI DE LTA NA DE SKYES NA YANG MED PA NYID DU 'GYUR TE, SKYE BA NA MED PA SKYES NA JI LTAR YOD PAR 'GYUR, ,'DI LTAR BA LANG SKYE BA SKYES NA RTAR MI 'GYUR BA BZHIN NO, ,DE NYID BSTAN PA'I PHYIR, MED PA NYID DU RJES SU DPOG PA NYID KYIS MED PA LA SKYE BA MED PAS 'BRAS BU DE'I SKYE BA BSAL BA'I PHYIR PHA ROL PO DAG GI DAM BCAS PA LA 'BRAS BU CHOS KYI SKYE BA'I NGO BO NYID LAS BZLOG PA'I SKYON YOD PA'I PHYIR RO ZHES BYA BAR DGONGS SO ZHES BYA BA SMRAS TE, PHA ROL PO DAG RGYU DANG RKYEN RNAMS KYI TSOGS PA NYID LA 'BRAS BU SNGA NA MED PAR RJES SU DPOG PA'I DAM BCAS PA LA 'BRAS BU SKYE BA'I NGO BO NYID LAS BZLOG PA'I SKYON YOD PA'I PHYIR MI RUNG NGO ZHES BYA BAR DGONGS SO, ,'DI SKAD BSTAN TE, DON DAM PAR 'BRAS BU MED PAR NI SKYE BAR MI 'GYUR TE, MED PA'I PHYIR NAM MKHA'I ME TOG LA SOGS PA MED PA BZHIN PAS DE'I PHYIR BRTAG PA GNYIS PA MI 'THAD DO ZHES BSTAN TO, ,BSTAN @118A *, ,BCOS MDZAD PAS YANG SER SKYA PA DAG GI GZHUNG DGAG PA'I PHYIR, GANG DAG GIS RGYU DANG RKYEN RNAMS KYI TSOGS PA NYID LA 'BRAS BU YOD PAR DAM BCAS PA DE DAG GI PHYIR YANG BSHAD PA ZHES BYA BA LA SOGS PA SMRAS TE, 'DIS NI GRANG CAN DAG RGYU'I TSOGS PA NYID LA 'BRAS BU NUS PA'I TSUL GYIS SNGA NA YOD PA LAS SKYE BAR 'DOD PA'I GZHUNG DGAG PA RNAM PA GZHAN STON TO, ,DE NYID BSTAN PA'I PHYIR, GAL TE RGYU DANG RKYEN RNAMS KYI, ,TSOGS LA 'BRAS BU YOD NA NI, ,ZHES BYA BA SMRAS TE, DES NI GRANGS CAN DAG RGYU LA 'BRAS BU SNGA NA YOD PA LAS SKYE BAR 'DOD PA'I GZHUNG BSNAN PA STON TE, GRANGS CAN DAG GI GRUB PA'I MTHA' LAS RGYAL 'BRAS BU NUS PA'I TSUL DU SNGA NA YOD PA LAS PHYIS RKYEN GYI MTHUS GSAL BA'I NGO BO NYID DU SKYE BAR 'DOD PAS GAL TE DE DAG GI TSUL GYIS RGYU'I TSOGS PA NYID LAS 'BRAS BU NUS PA'I TSUL DU SNGA NA YOD PA NYID LAS SKYE BAR GYUR NA NI, DA NI DE MI 'THAD PAR BSTAN PA'I PHYIR, TSOGS LA GZUNG DU YOD RIGS NA, ,YOD PA'I PHYIR SKYE BA BZHIN DU'O ZHES BYA BA SMRAS TE, DE LTAR RGYU'I TSOGS PA NYID LA 'BRAS BU NUS PA'I TSUL DU SNGA NA YOD PA NYID YIN NA YOD PA'I PHYIR DPER NA GSAL BA'I NGO BO NYID DU SKYES PA BZHIN DU RGYU'I TSOGS PA NYID LA 'BRAS BU'I NUS PA GZUNG DU YOD PA'I RIGS SO, ,DE YANG MED PAR BSTAN PA'I PHYIR, ,TSOGS PA NYID LA GZUNG DU MED, ,YID BTUD PAS KYANG NGO ZHES BYA BA SMRAS TE, RGYU'I TSOGS PA NYID LA 'BRAS BU'I NUS PA NYID NI YID BTUD PAS BRTAGS NA YANG GZUNG DU MED PA'I PHYIR DE YOD PA MA YIN NO ZHES STON TO, ,DE LTAR NA 'DIS NI TSOGS PA NYID LAS 'BRAS BU'I CHOS GZUNG DU MED PA NYID YIN PAR BSTAN TO ZHES BYA BAR NI DE LTAR TSIG LE'UR BYAS PA'I RTZA BA THA MA 'DIS NI RGYU'I TSOGS PA NYID LA 'BRAS BU'I NUS PA SNGA NA YOD PA MA YIN PAR SGRUB PA'I CHOS GTAN TSIGS NI GZUNG DU MED PA NYID YIN PAR MDO MDZAD PAS BSTAN TO, ,DE NYID KYI TSAD MA BSTAN PA'I PHYIR, DE'I PHYIR RJES SU DPAG PA NI SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA STE, DE LA GZUNG DU MED PA'I PHYIR RO, ,GANG LA GANG GZUNG DU MED PA DE LA DE YOD PA MA YIN TE, DPER NA BUM PA LA SNAM BU BZHIN NO, ,TSOGS PA NYID LA MYU GU YANG DE BZHIN PAS @118B DE'I PHYIR SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA'O ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA BUM PA GANG LA SNAM BU GANG GZUNG DU MED PA'I BUM PA DE LA SNAM BU DE YOD PA MA YIN PA DE BZHIN DU TSOGS PA NYID GANG LA MYU GU GANG GZUNG DU MED PA'I TSOGS PA NYID DE LA YANG MYU GU DE YOD PA MA YIN PAS DE'I PHYIR SA BON LA SOGS PA'I RGYU'I TSOGS PA NYID LAS 'BRAS BU MYU GU ZHES BYA BA LA SOGS PA'I NUS PA SNGA NA YOD PA MA YIN PAR GZUNG BAR BYA'O, ,'DIR GRANGS CAN DAG LAS KHA CIG PHYIR ZLOG PAR BYED DE, HA CANG RING BA DANG, HA CANG NYE BA DANG, DBANG PO NYAMS PA DANG, YID NGES PAR MI GNAS PA DANG, CHA PHRA BA DANG, BSGRIBS PA DANG, ZIL GYIS GNON PA DANG, 'DRA BA, 'DRES PA ZHES BYA BA GZUNG BA'I GEGS SU GYUR PA DAG YOD NA DNGOS PO YOD PA RNAMS KYANG GZUNG DU MED PA'I PHYIR GTAN TSIGS MA NGES PA NYID KYI SKYON YOD DO ZHES BYA BA NI 'DIR GRANGS CAN DAG LAS KHA CIG NA RE DBU MA PA'I GTAN TSIGS SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA STE, DE LA GZUNG DU MED PA'I PHYIR RO ZHES BYA BA DE MA NGES PA NYID YIN NO ZHES PHYIR ZLOG PAR BYED PA'I TSIG YIN TE, 'DI LA GRANGS CAN DAG GI GRUB PA'I MTHA' RGYUD DRUG CU PA ZHES BYA BA LAS DNGOS PO YOD KYANG DMIGS PAR MI 'GYUR BA'I RGYU RNAM PA BRGYAD YOD DE, DE YANG, HA CANG RING PHYIR NYE PHYIR DANG, ,DBANG PO NYAMS PHYIR YID MED PHYIR, ,CHA PHRA PHYIR DANG BSGRIBS PHYIR DANG, ,ZIL NON PHYIR DANG 'DRES PHYIR RO, ,ZHES 'BYUNG STE, DE LA HA CANG RING BA'I PHYIR DMIGS PAR MI 'GYUR BA NI DPER NA BYA ZHIG GRONG 'DI NAS GRONG GZHAN DU 'PHUR BA MI DMIGS KYANG DE MED PA MA YIN GYI HA CANG THAG RING BA'I PHYIR MI DMIGS PA LTA BU'O, ,GANG HA CANG THAG RING BA MA YIN PA DE CI'I PHYIR MI DMIGS SHE NA, NYE PHYIR DANG ZHES BYA BA SMRAS TE, DPER NA LHAS BYIN GYI MIG LA MIG SMAN GNAS PA MI DMIGS @119A *, ,KYANG DE MED PA MA YIN GYI, HA CANG THAG NYE BA'I PHYIR MI DMIGS PA LTA BU'O, ,GANG HA KYANG THAG NYE BA MA YIN PA DE CI'I PHYIR MI DMIGS SHE NA, DBANG PO NYAMS PHYIR ZHES BYA BA SMRAS TE, DPER NA SLOB PAS LDONGS ZHES SMRAS PA'I SGRA 'ON PAS MI THOS KYANG DE MED PA MA YIN GYI, DBANG PO NYAMS PA'I PHYIR MI DMIGS PA LTA BU'O, ,GANG DBANG PO MA NYAMS PAS DE CI'I PHYIR MI DMIGS SHE NA, YID MED PHYIR ZHES BYA BA SMRAS TE, DPER NA MDA' MKHAN GYI NYEN KOR NAS RGYAL PO'I PHO BRANG BSKYOD PA NA MDA' MKHAN MDA'I LAS LA SEMS G-YENGS PAS MI DMIGS KYANG DE MED PA MA YIN GYI; YID NGES PAR MI GNAS PA'I PHYIR MI DMIGS PA LTA BU'O, ,GANG YID NGES PAR GNAS PA DES CI'I PHYIR MI DMIGS SHE NA, CHA PHRA PHYIR ZHES BYA BA SMRAS TE, DPER NA DU BA DANG RDUL DANG KHUG RNA LA SOGS PA NAM MKHA' LA YAN PA DAG MI DMIGS KYANG DE MED PA MA YIN GYI CHA PHRA BA'I PHYIR MI DMIGS PA LTA BU'O, ,GANG CHA PHRA BA MA YIN PA DE CI'I PHYIR MI DMIGS SHE NA, BSGRIBS PHYIR DANG ZHES BYA BA SMRAS TE, DPER NA SA BA MA DANG RTZIG PA LA SOGS PAS BSGRIBS PA'I BUM PA LA SOGS PA DAG MI DMIGS KYANG DE MED PA MA YIN GYI, BSGRIBS PA'I PHYIR MI DMIGS PA LTA BU'O, ,GANG MA BSGRIBS PA DE CI'I PHYIR MI DMIGS SHE NA, ZIL NON PHYIR ZHES BYA BA SMRAS TE, DPER NA NYI MA'I 'OD KYIS GZA' DANG RGYU SKAR DANG SKAR MA'I 'OD ZIL GYIS NON PA DAG MI DMIGS KYANG DE MED PA MA YIN GYI, ZIL GYIS NON PA'I PHYIR MI DMIGS PA LTA BU'O, ,GANG ZIL GYIS MA NON PA DE CI'I PHYIR MI DMIGS SHE NA, 'DRES PHYIR RO ZHES BYA BA SMRAS TE, DPER NA PHUG RON DANG SRAN CHUNG LA SOGS PA 'DRA BA MANG PO 'DRES PA DAG MI DMIGS KYANG DE MED PA MA YIN GYI, 'DRA BA 'DRES PA'I PHYIR MI DMIGS PA LTA BU'O, ,DE LTAR 'DI NA DNGOS PO YOD KYANG MI DMIGS PA'I RGYU RNAM PA BRGYAD KYIS GZUNG DU MED PA DAG MTHONG BAS DES RE ZHIG GZUNG DU MED PA'I PHYIR DPER NA BUM PA LA SNAM BU BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA 'AM, 'ON TE GZUNG DU MED PA'I PHYIR DPER NA HA CANG @119B RING BA LA SOGS PA BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA NYID DU GZUNG BAR BYA BA MA NGES PA'I PHYIR DBU MA PA'I GTAN TSIGS DE LA MA NGES PA NYID KYI SKYON YOD DO ZHES ZER RO, ,GRANGS CAN DAG LAS GZHAN DAG SKYON GZHAN 'DI SKAD CES SMRAS TE ZHES BYA BA LA SOGS PAS NI GRANGS CAN DAG LAS GZHAN KHA CIG NA RE DBU MA PA'I GTAN TSIGS GZUNG DU MED PA'I PHYIR RO ZHES BYA BA DE'I DON MA NGES PA NYID DANG MA GRUB PA NYID YIN NO ZHES ZER BA'I SKYON GZHAN 'DOGS PA STON TE, DE'I PHYIR DE DAG NA RE DBU MA PA'I GTAN TSIGS GZUNG DU MED PA'I PHYIR RO ZHES BYA BA'I GTAN TSIGS DE'I DON GANG YIN, GAL TE MNGON SUM GYIS GZUNG DU MED PA'I PHYIR RO ZHE NA NI MA NGES PA NYID DE, DBANG PO'I DE KHO NA DAG MNGON SUM GYIS GZUNG DU MED KYANG YOD PA'I PHYIR RO ZHES ZER TE, 'DI NA DE KHO NA NYI SHU RTZA LNGA DAG LAS BLO'I DBANG PO'I DE KHO NA DAG MNGON SUM GYIS GZUNG DU MED KYANG YOD PAR SHES PAS DES NA CI RE ZHIG MNGON SUM GYIS GZUNG DU MED PA'I PHYIR DPER NA BUM PA LA SNAM BU BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA 'AM, 'ON TE MNGON SUM GYIS GZUNG DU MED PA'I PHYIR DPER NA DBANG PO'I DE KHO NA DAG BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA YOD PA NYID DU GZUNG BAR BYA BA MA NGES PA'I PHYIR GAL TE DBU MA PA'I GTAN TSIGS DE'I DON MNGON SUM GYIS GZUNG DU MED PA'I PHYIR RO ZHES BYA BA NI MA NGES PA NYID YIN NO, ,GAL TE RJES SU DPAG PAS GZUNG DU MED PA'I PHYIR RO ZHE NA NI DON MA GRUB PA NYID DE ZHES BYA BAS NI GAL TE DBU MA PA'I GTAN TSIGS GZUNG DU MED PA'I PHYIR RO ZHES BYA BA DE RJES SU DPAG PAS GZUNG DU MED PA'I PHYIR RO ZHE NA NI DON MA GRUB PA NYID DE, 'DI LTAR SA BON LA SOGS PA RGYU'I TSOGS PA NYID LAS 'BRAS BU MYU GU ZHES BYA BA LA SOGS PA'I NUS PA YOD PAR RJES SU DPAG PAS GZUNG DU YOD PA'I PHYIR RO ZHES ZER BA'I GZHUNG STON TO, ,DE NYID KYI RJES SU DPAG PA BSTAN PA'I PHYIR, 'DI LTAR RJES SU DPAG PA LAS RGYU NI 'BRAS BUS MI STONG BAR GZUNG BAR BYA STE, TSAD YOD PA'I PHYIR RO, ,GANG TSAD YOD PA DES MI STONG STE, DPER NA 'BRAS BU'I BDAG NYID BZHIN NO, ,DE BZHIN DU RGYU YANG BDE BA DANG @120A *, ,SDUG BSNGAL DANG GTI MUG GSUM DANG SGRA LA SOGS PA LNGA DANG GCIG LA SOGS PA RGYU'I TSAD KYIS NA TSAD YOD PAS DE'I PHYIR RGYU NI TSAD YOD PA'I PHYIR 'BRAS BU MI STONG PA'I PHYIR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA 'BRAS BU'I BDAG NYID LTA BU GANG TSAD YOD PA DE NI 'BRAS BU DE NYID KYIS MI STONG PA DE BZHIN DU RGYU YANG SNYING STOBS DANG, RDUL DANG, MUN PA'I RANG BZHIN GSUM GYI 'GYUR BA DANG, YAN LAG BDE BA DANG, SDUG BSNGAL BA DANG, GTI MUG GSUM DANG, SGRA LA SOGS PA DE TZAM LNGA DANG, GTZO BO ZHES BYA BA GCIG DANG, DE DAG LA SOGS PA RANG BZHIN GYI CHAR GTOGS PA'I RGYU TSAD YOD PAS DE'I PHYIR RGYU NI TSAD YOD PA'I PHYIR 'BRAS BUS NUS PAS SA BON MI STONG PA SA BON LA SOGS PA RGYU'I TSOGS PA NYID LA 'BRAS BU MYU GU ZHES BYA BA LA SOGS PA YOD PA NYID DU RJES SU DPAG PAS GZUNG DU YOD PA'I PHYIR GAL TE DBU MA PA'I GTAN TSIGS DE RJES SU DPAG PAS GZUNG DU MED PA'I PHYIR RO ZHES BYA BA YIN NA NI DON MA GRUB PA NYID DO ZHES ZER RO, ,MNGON SUM GYI GZUNG BA NYID MA YIN PAS MNGON SUM KHO NAR GZUNG DU MED PA'I PHYIR RO ZHES GTAN TSIGS KHYAD PAR DANG BCAS PA BRJOD NA YANG GTAN TSIGS KYI DON MA NGES PA NYID DE, MNGON SUM GYI GZUNG BA MA YIN PA'I DNGOS PO YANG RJES SU DPAG PAS GZUNG BA NYID YIN PA'I PHYIR RO ZHES BYA BA NI GRANGS CAN DAG NA RE CI STE SANGS RGYAS PA DAG RANG GI GTAN TSIGS GZUNG DU MED PA'I PHYIR RO ZHES BYA BA DE GAL TE RJES SU DPAG PAS GZUNG DU MED PA'I PHYIR RO ZHES BYA BAR SBYAR NA DON MA GRUB PA NYID KYI SKYON DU 'GYUR BA DE YONGS SU SPANG BAR 'DOD PAS, 'DIR RANG GI GTAN TSIGS GZUNG DU MED PA'I PHYIR RO ZHES BYA BA DE MNGON SUM GYI GZUNG BA NYID MA YIN PAS MNGON SUM KHO NAS GZUNG DU MED PA'I PHYIR ZHES GTAN TSIGS KHYAD PAR DANG BCAS PA BRJOD NA YANG GTAN TSIGS DE'I DON MA NGES PA NYID DE, 'DI LTAR 'DI NA MNGON SUM GYIS GZUNG BA MA YIN PA'I DNGOS PO YUL DANG DUS DANG RANG BZHIN GYIS BSKAL PA DAG KYANG RJES SU DPAG PAS GZUNG BA NYID YIN PAR MTHONG BAS DES NA CI RE ZHIG MNGON SUM @120B KHO NAS GZUNG DU MED PA'I PHYIR DPER NA BUM PA LA SNAM BU BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA BA'AM, 'ON TE MNGON SUM KHO NAS GZUNG DU MED PA'I PHYIR DPER NA MNGON SUM GYI GZUNG BA MA YIN PA'I DNGOS PO YUL DANG DUS DANG RANG BZHIN GYIS BSKAL PA DAG RJES SU DPAG PAS GZUNG BA NYID YIN PA BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA NYID DU RJES SU DPAG PAS GZUNG DU YOD PAR 'GYUR BA MA NGES PA'I PHYIR DBU MA PA MNGON SUM GYIS GZUNG BA NYID MA YIN PAS MNGON SUM KHO NAS GZUNG DU MED PA'I PHYIR RO ZHES GTAN TSIGS KHYAD PAR DANG BCAS PA BRJOD NA YANG GTAN TSIGS DE'I DON MA NGES PA NYID YIN PAS MI RUNG NGO ZHES ZER RO, ,RNAM PA THAMS CAD DU GZUNG DU MED PA'I PHYIR RO ZHES BYA BAR GTAN TSIGS KYI DON RTOGS NA YANG DE NYID DON MA GRUB PA NYID KYI SKYON YOD DO ZHES BYA BA NI GRANGS CAN DAG NA RE CI STE SANGS RGYAS PA DAG RANG GI GTAN TSIGS GZUNG DU MED PA'I PHYIR RO ZHES BYA BA DE GAL TE MNGON SUM GYI GZUNG BA NYID MA YIN PAS MNGON SUM KHO NAS GZUNG DU MED PA'I PHYIR RO ZHES GTAN TSIGS KHYAD PAR DANG BCAS PA BRJOD NA YANG GTAN TSIGS KYI DON MA NGES PA NYID KYI SKYON DU 'GYUR BA DE YONGS SU SPANG BAR 'DOD PAS 'DIR RANG GI GTAN TSIGS GZUNG DU MED PA'I PHYIR RO ZHES BYA BA DE MNGON SUM DANG RJES SU DPAG PA DANG TSAD MA THAMS CAD KYI RNAM PA THAMS CAD DU GZUNG DU MED PA'I PHYIR RO ZHES BYA BAR GTAN TSIGS KYI DON RTOGS NA YANG DE NYID DON MA GRUB PA NYID KYI SKYON YOD DE, 'DI LTAR SA BON LA SOGS PA NYID LA 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PA NI RJES SU DPAG PAS GZUNG DU YOD PA'I PHYIR RO ZHES ZER TE, RE ZHIG DE DAG NI GRANGS CAN DAG LAS GZHAN DAG DBU MA PA'I GTAN TSIGS GZUNG DU MED PA'I PHYIR RO ZHES BYA BA DE MA NGES PA NYID DANG, MA GRUB PA NYID YIN NO ZHES ZER BA'I TSIG YIN NO,, ,,BAM PO DRUG CU LNGA PA, DE SKAD CES ZER BA DE'I LAN DU 'GREL PA BYED PA NYID KYIS, GRANGS CAN DAG GI SGRUB PA SUN DBYUNG BA DANG RANG GI GTAN TSIGS MA NGES PA NYID DU MA GRUB PA NYID KYI SKYON BSAL BA'I PHYIR, 'DIR @121A *, ,GZUNG DU MED PA KHO NA'I PHYIR RO ZHES NGES PAR GZUNG BA'I PHYIR THA SNYAD DU HA CANG THAG RING PO NA GNAS PA LA SOGS PA DAG GIS MA NGES PA NYID MA YIN NO, ,DON DAM PAR NI HA CANG THAG RING PO NA GNAS PA LA SOGS PA'I DNGOS PO DAG MA GRUB PA'I PHYIR RO ZHES BYA BA SMRAS TE, DES NI SNGAR 'DIR GRANGS CAN DAG LAS KHA CIG PHYIR ZLOG PAR BYED DE, HA CANG RING BA DANG HA CANG NYE BA DANG DBANG PO NYAMS PA DANG, YID NGES PAR MI GNAS PA DANG CHA PHRA BA DANG BSGRIBS PA DANG ZIL GYIS NON PA DANG 'DRA BA 'DRES PA ZHES BYA BA GZUNG BA'I GEGS SU GYUR PA DAG YOD NA DNGOS PO YOD PA RNAMS KYANG GZUNG DU MED PA'I PHYIR GTAN TSIGS MA NGES PA NYID KYI SKYON YOD DO ZHES ZER BA'I LAN 'DEBS SHING DBU MA PA'I GTAN TSIGS GZUNG DU MED PA'I PHYIR RO ZHES BYA BA DE THA SNYAD DANG DON DAM PA GNYI GAR YANG MA NGES PA NYID KYI SKYON MED PA STON TO, ,DE LA RE ZHIG THA SNYAD DU NI KHO BO CAG GI GTAN TSIGS DE GZUNG DU MED PA KHO NA'I PHYIR RO ZHES NGES PAR GZUNG BA'I PHYIR MNGON SUM MAM RJES SU DPAG PA ZHES BYA BAR RNAM PAR MA BRTAGS PAS BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PA MA YIN PAR GZUNG BAR BYA STE, DE LA GZUNG DU MED PA KHO NA'I PHYIR RO ZHES NGES PAR BZUNG BAS MNGON SUM GYIS GZUNG DU MED PA'I MI MTHUN PA'I PHYOGS RJES SU DPAG PAS BZUNG BA LTA BU MED PA'I PHYIR MA NGES PA NYID MA YIN LA, GRANGS CAN DAG GI DNGOS PO YOD KYANG MI DMIGS PA'I GTAN TSIGS HA CANG RING BA'I PHYIR DANG, HA CANG NYE BA'I PHYIR ZHES BYA BA LA SOGS PA DE DAG NYID KYANG MA NGES PA NYID YIN PAS DE DAG GIS KHO BO'I GTAN TSIGS MA NGES PA NYID DU SGRUB PAR MI NUS TE, 'DI LTAR 'DI NA NYI MA LA SOGS PA DAG HA CANG THAG RING PO NA GNAS KYANG DMIGS PA DANG, DRI DANG RO LA SOGS PA DAG HA CANG THAG NYE BA NA GNAS KYANG DMIGS PAR MTHONG BAS, DES NA CI RE ZHIG HA CANG RING BA'I PHYIR DANG, HA CANG NYE BA'I PHYIR DPER NA BYA DANG MIG SMAN YOD KYANG MI DMIGS PA BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD KYANG MI DMIGS PAS MED PA MA YIN PAR 'GYUR RAM, 'ON TE HA CANG RING BA'I PHYIR DANG, HA CANG NYE BA'I PHYIR NA, NYI MA LA SOGS PA DANG, DRI DANG RO LA SOGS PA DAG YOD NA @121B DMIGS PA BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD NA DMIGS PAR 'GYUR BA'I RIGS NA MI DMIGS PAS YOD PA MA YIN PAR 'GYUR BA MA NGES PAS DE'I PHYIR KHYED KYI GTAN TSIGS HA CANG RING BA'I PHYIR DANG HA CANG NYE BA'I PHYIR ZHES BYA BA LA SOGS PA MA NGES PA DE DAG GIS KHO BO'I GTAN TSIGS GZUNG DU MED PA'I PHYIR RO ZHES BYA BA DE MA NGES PA NYID DU SGRUB PAR MI NUS PAS KHO BO'I GTAN TSIGS MA NGES PA NYID MA YIN NO, ,DON DAM PAR NI KHYED KYI GTAN TSIGS HA CANG THAG RING PO NA GNAS PA ZHES BYA BA LA SOGS PA'I DNGOS PO DAG MA GRUB PA'I PHYIR KHO BO'I GTAN TSIGS GZUNG DU MED PA'I PHYIR ZHES BYA BA DE'I MI MTHUN PA'I PHYOGS MED PAS KHO BO'I GTAN TSIGS MA NGES PA NYID MA YIN NO, ,BDE BA DANG SDUG BSNGAL DANG GTI MUG GI MTSAN NYID LA SOGS PA RANG BZHIN PA'I TSAD DAG KYANG MA GRUB PA'I PHYIR GTAN TSIGS KYI DON MA GRUB PA NYID DO ZHES BYA BAS NI SNGAR GRANGS CAN DAG LAS GZHAN DAG SKYON GZHAN 'DI SKAD CES SMRAS TE, GZUNG DU MED PA'I PHYIR RO ZHES BYA BA'I GTAN TSIGS DE'I DON GANG YIN, GAL TE MNGON SUM GYIS GZUNG DU MED PA'I PHYIR RO ZHE NA NI MA NGES PA NYID DE, DBANG PO'I DE KHO NA DAG MNGON SUM GYIS GZUNG DU MED KYANG YOD PA'I PHYIR RO, ,GAL TE RJES SU DPAG PAS GZUNG DU MED PA'I PHYIR RO ZHE NA NI DON MA GRUB PA NYID DE ZHES BYA BAS GAL TE MNGON SUM GYIS GZUNG DU MED PA'I PHYIR RO ZHE NA NI MA NGES PA NYID DE ZHES BYA BAS NI RJES SU DPAG PAS GZUNG BA NYID YIN PAR SGRUB LA, GAL TE RJES SU DPAG PAS GZUNG DU MED PA'I PHYIR RO ZHE NA NI DON MA GRUB SU DPAG PAS GZUNG DU MED PA'I PHYIR RO ZHE NA NI DON MA GRUB PA NYID DE ZHES BYA BAS NI RJES SU DPAG PAS GZUNG DU YOD PA NYID DU SGRUB CING DE'I TSAD MA YANG 'DI LTAR RJES SU DPAG PA LAS RGYU NI 'BRAS BUS MI STONG BAR GZUNG BAR BYA STE, TSAD YOD PA'I PHYIR RO, ,GANG TSAD YOD PA DE NI DES MI STONG STE, DPER NA 'BRAS BU'I BDAG NYID BZHIN NO, ,DE BZHIN DU RGYU YANG BDE BA DANG SDUG BSNGAL DANG GTI MUG GSUM DANG SGRA LA SOGS PA LNGA DANG GCIG LA SOGS PA'I RGYU'I TSAD KYIS TSAD YOD PAS DE'I PHYIR RGYU NI TSAD YOD PA'I PHYIR 'BRAS BU MI STONG PA'I PHYIR RO ZHES BYA BAS BSTAN PA DE'I GTAN TSIGS TSAD YOD PA'I PHYIR RO ZHES BYA BA'I NYE BAR SBYAR BA'I SBYOR BA YANG RGYU YANG BDE BA DANG SDUG BSNGAL DANG GTI MUG GSUM DANG SGRA LA @122A *, ,SOGS PA LNGA DANG GCIG LA SOGS PA'I TSAD KYIS TSAD YOD PAS ZHES BYA BA DE'I GTAN TSIGS KYI DON MA GRUB PA NYID DU STON TE, GRANGS CAN DAG GIS RGYU'I TSAD SNYING STOBS DANG RDUL DANG MUN PA'I RANG BZHIN PA ZHES BYA BA RANG BZHIN GYI 'GYUR BA 'AM, RANG BZHIN GYI YAN LAG BDE BA DANG SDUG BSNGAL DANG, GTI MUG GSUM DANG, SGRA LA SOGS PA DE TZAM LNGA DANG, GTZO BO GCIG LA SOGS PA'I RGYU'I TSAD KYIS TSAD YOD PAR BSTAN PA DE DAG KHO BO CAG GI PHYOGS LA DON DAM PAR MA GRUB PA'I PHYIR GRANGS CAN DAG GTAN TSIGS TSAD YOD PA'I PHYIR RO ZHES BYA BA DE'I DON MA GRUB PA NYID YIN PAS DES BSGRUB PAR BYA BA'I PHYOGS RGYU NI 'BRAS BU MI STONG PAR GZUNG BAR BYA STE ZHES BYA BA DE MA GRUB PO, ,TSAD KYI GTAN TSIGS SPYIR BRJOD NA NI RJES SU 'GRO BA MED DE, 'BRAS BU YANG 'BRAS BU'I BDAG NYID KYIS STONG PA'I PHYIR RO ZHES BYA BAS NI GAL TE GRANGS CAN DAG RGYU DANG RANG BZHIN PA'I TSAD KYIS TSAD YOD PA'I PHYIR RO ZHES BYA BA'I GTAN TSIGS DE'I DON MA GRUB PA NYID YIN PAS RANG BZHIN PA'I TSAD BTANG STE, TSAD YOD PA'I PHYIR RO ZHES BYA BA'I GTAN TSIGS DE SPYIR KHA DOG DANG DBYIBS DANG GNAS SKABS LA SOGS PA'I TSAD YOD PA'I PHYIR RO ZHES BRJOD NA NI GTAN TSIGS KYI RJES SU 'GRO BA'I DPE MED PAS MI RUNG STE, SNGAR GRANGS CAN DAG GIS GANG TSAD YOD PA DE NI DES MI STONG STE, DPER NA 'BRAS BU SA'I BDAG NYID BZHIN NO ZHES SMRAS PA'I DPE DE DON DAM PAR 'BRAS BU MYU GU LA SOGS PA'I BDAG NYID KYIS STONG PA'I PHYIR DE LA KHA DOG DANG DBYIBS DANG GNAS SKABS LA SOGS PA'I TSAD MED PAS DPE'I CHOS CAN MA GRUB PA'I SKYON YOD PAS MI RUNG NGO, ,DE NI THA SNYAD DU YANG SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PA NYID YIN NA DE LAS DE 'BYUNG BAR MI 'GYUR BA'I RJES SU DPAG PAS BSTAN PA'I PHYIR, THA SNYAD DU YANG GANG ZHIG GANG GIS MI STONG PA DE LAS DE 'BYUNG BAR MI 'GYUR TE, DES MI STONG PA'I PHYIR DPER NA DBYU GU GSUM LAS DBYU GU GSUM GYI BDAG NYID BZHIN PAS THA SNYAD DU YANG RGYU LA 'BRAS BU SNGA NA YOD PA SKYE BAR DAM 'CHA' NA RJES SU DPAG PAS GNOD PAR 'GYUR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS @122B BZHIN DU SBYAR TE, DPER NA GRANGS CAN GYI DBYU GU GSUM NI DBYU GU GSUM GYI BDAG NYID DES MI STONG PA'I PHYIR THA SNYAD DU YANG DE LAS DE 'BYUNG BAR MI 'GYUR BA DE BZHIN DU GAL TE SA BON LA SOGS PA'I RGYU'I TSOGS NYID KYANG 'BRAS BU MYU GU ZHES BYA BA LA SOGS PA'I NUS PAS MI STONG PA'I PHYIR DE LAS DE 'BYUNG BAR MI 'GYUR BAS THA SNYAD DU YANG GRANGS CAN DAG 'DOD PA LTAR RGYU LA 'BRAS BU SNGA NA YOD PA SKYE BAR DAM 'CHA' NA RJES SU DPAG PAS GNOD PAR 'GYUR BA'I PHYIR DE NI MA GRUB PO, ,MNGON SUM GYIS GZUNG BA NYID MA YIN PAS MNGON SUM KHO NAS GZUNG DU MED PA'I PHYIR RO ZHES GTAN TSIGS KHYAD PAR DANG BCAS PA BRJOD NA, YANG GTAN TSIGS KYI DON MA NGES PA NYID DE ZHES GANG DU GTAN TSIGS KYI SBYOR BA BYAS BA DER YANG MA NGES PA NYID MA YIN TE, JI SKAD BSTAN PA'I TSUL GYIS RJES SU DPAG PA LAS DE YOD PA NYID DU BSTAN PAR MI NUS PA'I PHYIR DANG, 'BRAS BU SNGA NA YOD PA'I SKYE BA DGAG PA BSTAN PA'I TSUL GYIS SO ZHES BYA BAS NI SNGAR GRANGS CAN DAG GIS CI STE SANGS RGYAS PA DAG RANG GI GTAN TSIGS GZUNG DU MED PA'I PHYIR RO ZHES BYA BA DE DAG LA GAL TE RJES SU DPAG PAS GZUNG DU MED PA'I PHYIR RO ZHES BYA BAR SBYAR NA DON MA GRUB PA NYID KYI SKYON DU 'GYUR BA DE YONGS SU SPANG BAR 'DOD PAS 'DIR RANG GI GTAN TSIGS GZUNG DU MED PA'I PHYIR RO ZHES BYA BA DE MNGON SUM GYI GZUNG BA NYID MA YIN PAS MNGON SUM KHO NAS GZUNG DU MED PA'I PHYIR RO ZHES GTAN TSIGS KYI KHYAD PAR DANG BCAS PA BRJOD NA YANG GTAN TSIGS KYI DON MA NGES PA NYID DE, MNGON SUM GYI GZUNG BA MA YIN PA'I DNGOS PO YANG RJES SU DPAG PAS GZUNG BA NYID YIN PA'I PHYIR RO ZHES BYA BA SMRAS PA'I SKABS DER GTAN TSIGS KYI SBYOR BA BYAS PA DER YANG KHO BO CAG DBU MA PA'I GTAN TSIGS KHYAD PAR DANG BCAS PA DE SKAD BRJOD NA YANG DE'I DON MA NGES PA NYID MA YIN TE ZHES LAN GDAB PA STON TE, 'DI LTAR KHO BO CAG GI SNGAR DE'I PHYIR RJES SU DPAG PA NI SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA STE, DE LA GZUNG DU MED PA'I PHYIR RO, ,GANG LA GANG GZUNG DU MED PA DE LA DE YOD PA MA YIN TE, DPER NA BUM PA LA SNAM BU BZHIN NO, ,TSOGS PA NYID LA MYU GU @123A *, ,YANG DE BZHIN PA DE'I PHYIR SA BON LA SOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA'O ZHES JI SKAD BSTAN PA'I TSUL GYIS RJES SU DPAG PA LAS SA BON LA SOGS PA TSOGS PA NYID LAS 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PA ZHES BYA BA DE KHYED KYIS YOD PA NYID DU BSTAN PAR MI NUS PA'I PHYIR KHYED KYI GTAN TSIGS MNGON SUM GYIS GZUNG BA MA YIN PA'I DNGOS PO YANG RJES SU DPAG PAS GZUNG BA NYID YIN PA'I PHYIR RO ZHES BYA BA DE NYID MA NGES PA NYID YIN PAS DES KHO BO'I GTAN TSIGS MNGON SUM KHO NA GZUNG DU MED PA'I PHYIR RO ZHES GTAN TSIGS KHYAD PAR DANG BCAS PA BRJOD PA DE'I DON MA NGES PA NYID DU BSGRUB PAR MI NUS PAS KHO BO'I GTAN TSIGS KHYAD PAR DANG BCAS PA DE MA NGES PA NYID MA YIN TE, CI RE ZHIG MNGON SUM KHO NAS GZUNG DU MED PA'I PHYIR DPER NA MNGON SUM GYI GZUNG BA MA YIN PA'I DNGOS PO YUL DANG DUS DANG RANG BZHIN GYIS BSKAL PA DAG RJES SU DPAG PAS GZUNG BA NYID YIN PA BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PA MNGON SUM GYI GZUNG BA MA YIN PA YANG RJES SU DPAG PAS GZUNG BA NYID YIN PAR 'GYUR RAM; 'ON TE MNGON SUM KHO NAS GZUNG DU MED PA'I PHYIR DPER NA SNGAR KHO BOS JI SKAD BSTAN PA'I TSUL GYIS RJES SU DPAG PA LAS DE YOD PA NYID DU BSTAN PAR MI NUS PA BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA MNGON SUM GYI GZUNG BA MA YIN PA RJES SU DPAG PAS KYANG GZUNG DU MED PA NYID DU 'GYUR BA MA NGES PAS DE'I PHYIR KHYED KYI GTAN TSIGS MNGON SUM GYIS GZUNG BA MA YIN PA'I DNGOS PO YANG RJES SU DPAG PAS GZUNG BA'I PHYIR RO ZHES BYA BA DE NYID MA NGES PA YIN PAS DES KHO BO'I GTAN TSIGS MNGON SUM KHO NAS GZUNG DU MED PA'I PHYIR ZHES GTAN TSIGS KHYAD PAR DANG BCAS PA BRJOD PA DE'I DON MA NGES PA NYID DU BSGRUB PAR MI NUS PAS KHO BO'I GTAN TSIGS KHYAD PAR DANG BCAS PA DE MA NGES PA NYID MA YIN NO, ,GZHAN YANG SKYE BA MED PA'I RAB TU BYED PA'I SKABS SU GRANGS CAN DAG 'BRAS BU YOD PA SKYE BAR 'DOD PA'I GZHUNG DGAG PA BSTAN PA'I @123B TSUL GYIS 'BRAS BU SNGA NA YOD PA NYID MA GRUB PA'I PHYIR YANG KHO BO'I GTAN TSIGS KHYAD PAR DANG BCAS PA MA NGES PA NYID MA YIN NO, ,RNAM PA THAMS CAD DU GZUNG DU MED PA'I PHYIR RO ZHES BYA BAR GTAN TSIGS KYI DON KHAS BLANGS PA'I PHYIR DON MA GRUB PA NYID MA YIN NO ZHES BYA BAS NI SNGAR GRANGS CAN DAG GIS JI STE SANGS RGYAS PA DAG RANG GI GTAN TSIGS GZUNG DU MED PA'I PHYIR RO ZHES BYA BA DE GAL TE MNGON SUM GYI GZUNG BA NYID MA YIN PAS MNGON SUM KHO NAS GZUNG DU MED PA'I PHYIR RO ZHES GTAN TSIGS KHYAD PAR DANG BCAS PA BRJOD NA YANG GTAN TSIGS KYI DON MA NGES PA NYID KYI SKYON DU 'GYUR BA DE YONGS SU SPANG BAR 'DOD PAS 'DIR RANG GI GTAN TSIGS GZUNG DU MED PA'I PHYIR RO ZHES BYA BA DE MNGON SUM DANG, RJES SU DPAG PA DANG TSAD MA THAMS CAD KYIS RNAM PA THAMS CAD DU GZUNG DU MED PA'I PHYIR RO ZHES BYA BAR GTAN TSIGS KYI DON RTOGS NA YANG DE NYID DON MA GRUB PA NYID KYI SKYON YOD DE, 'DI LTAR SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PAS NI RJES SU DPAG PAS GZUNG DU YOD PA'I PHYIR RO ZHES SMRAS PA'I LAN GDAB PA STON TE, 'DI LTAR KHO BOS SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PAR GZUNG BAR BYA STE, DE LA GZUNG DU MED PA'I PHYIR RO ZHES SMRAS PA'I GTAN TSIGS DE NI MNGON SUM DANG, RJES SU DPAG PA DANG, TSAD MA THAMS CAD KYIS RNAM PA THAMS CAD DU GZUNG DU MED PA'I PHYIR RO ZHES BYA BAR GTAN TSIGS KYI DON KHAS BLANGS PA'I PHYIR RJES SU DPAG PAS GZUNG DU YOD PA YANG MA YIN PAS KHO BO'I GTAN TSIGS KYI DON MA GRUB PA NYID MA YIN NO, ,ZIL GYIS MNON PA DANG, RAGS PA NYID NI MED PA MA BYUNG BA LAS GDOD 'BYUNG BA'I PHYIR 'BRAS BU SNGA NA MED PAR SMRA BA YIN PAR THAL BAR 'GYUR RO ZHES BYA BAS SNGAR GRANGS CAN DAG NA RE DNGOS PO YOD KYANG ZIL GYIS NON PA'I PHYIR DANG CHA PHRA BA'I PHYIR DMIGS PAR MI 'GYUR RO ZHES ZER BA'I GTAN TSIGS DE GNYIS RGYU LA 'BRAS BU SNGA NA YOD PA LAS SKYE BA'I GTAN TSIGS SU MI RUNG GI 'BRAS BU SNGA NA MED PA LAS SKYE BAR SMRA BA'I GZHUNG YIN PAR THAL BAR 'GYUR RO ZHES STON TO, ,'DI LTAR GRANGS CAN DAG GI GZHUNG LAS DPER NA NYI @124A *, ,MA'I 'OD KYIS GZA' DANG RGYU SKAR DANG SKAR MA'I 'OD ZIL GYIS NON PA DAG MI DMIGS KYANG DE MED PA MA YIN GYI, ZIL GYIS NON PA'I PHYIR MI DMIGS TE, GANG GI TSE ZIL GYIS NON PA'I RKYEN DANG BRAL BA DE'I TSE NA ZIL GYIS MNON PA'I NGO BO NYID DU GSAL BAR 'BYUNG BA DANG, DPER NA DU BA DANG RDUL DANG KHUG RNA LA SOGS PA NAM MKHA' LA YAN PA DAG MI DMIGS KYANG DE MED PA MA YIN GYI CHA PHRA BA'I PHYIR MI DMIGS TE, GANG GI TSE CHA PHRA BAR GYUR BA'I RKYEN DANG BRAL BA DE'I TSE NA RAGS PA'I NGO BO NYID DU 'BYUNG BA DE BZHIN DU SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA'I NUS PA SNGA NA YOD PA YANG ZIL GYIS NON PA'I PHYIR RAM, CHA PHRA BA'I PHYIR MI DMIGS PAR ZAD KYI DE MED PA MA YIN TE, GANG GI TSE ZIL GYIS NON PA DANG CHA PHRA BAR GYUR PA'I RKYEN DANG BRAL PA DE'I TSE ZIL GYIS MNON PA DANG, RAGS PA NYID GSAL BA'I NGO BO NYID DU 'BYUNG NGO ZHES BYA BAR SGRUB PAS DE LTAR NA ZIL GYIS MNON PA DANG RAGS PA NYID SNGA NA ZIL GYIS NON PA DANG CHA PHRA BA'I GNAS SKABS NA MED PA PHYIS ZIL GYIS MNON PA DANG, RAGS PA NYID KYI RKYEN LAS BYUNG BA YIN PAS MED PA MA BYUNG BA LAS BYUNG BA'I PHYIR DE NI GRANGS CAN DAG RGYU LA 'BRAS BU SNGA NA YOD PA LAS SKYE BAR 'DOD PA'I GTAN TSIGS SU MI RUNG GI ,SANGS RGYAS PA DAG 'BRAS BU SNGA NA MED PA MA BYUNG BA LAS 'BYUNG BAR SMRA BA'I GZHUNG YIN PAR THAL BAR 'GYUR RO, ,RGYU LA 'BRAS BU YOD PA NYID YIN YANG ZIL GYIS NON PA'I PHYIR DANG CHA PHRA BA'I PHYIR GZUNG DU MED DO ZHES SMRA BA DAG GI TSIG KYANG RGYU LA 'BRAS BU YOD PA ZIL GYIS NON PA DANG, CHA PHRA BA NYID YIN PAR BSTAN DKA' BA'I PHYIR DE YANG RIGS PA MA YIN NO ZHES BYA BAS NI GRANGS CAN DAG GI GZHUNG LAS SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA NUS PA'I TSUL DU SNGA NA YOD PA NYID YIN YANG DPER NA NYE MA'I 'OD ZER GYIS GZA' DANG ? RGYA SKAR DANG SKAR MA'I 'OD ZIL GYIS NON PA DAG MI DMIGS KYANG MED PA MA YIN PA DANG, DPER NA DU BA DANG RDUL DANG KHUG RNA LA SOGS PA NAM MKHA' LA YAN PA DAG MI DMIGS KYANG DE MED PA MA YIN PA BZHIN NO ZHES SMRAS PA DAG GI TSIG KYANG RGYU LA 'BRAS BU NUS PA'I TSUL DU SNGA NA YOD PA ZIL GYIS NON PA DANG @124B CHA PHRA BA NYID YIN PAR RJES SU DPAG PA GANG GIS KYANG BSTAN DKA' BA'I PHYIR DE YANG RIGS PA MA YIN NO ZHES BSTAN TO, ,GRANGS CAN DAG LAS GANG DAG 'BRAS BU SNGA NA YOD PA ZHES BYA BA DE'I DON SKYE BA'I SNGON ROL NA MED PA MA YIN LA 'BRAS BU'I BDAG NYID GSAL BAR YOD PA MA YIN PA NYID SKYE'O ZHES ZER BA DE DAG DGAG PA YANG SNGA MA BZHIN DU RGYAS PAR BYA'O ZHES BYA BAS NI GRANGS CAN NUS PA GSAL BAR SMRA BA DAG GI GZHUNG LAS RGYU LA 'BRAS BU SNGA NA YOD PA ZHES BYA BA'I DON NI SKYE BA'I SNGON ROL MA SKYES PA'I DUS NA DPER NA TIL LA TIL MAR SNGA NA YOD PA BZHIN DU RGYU LA 'BRAS BU NUS PA'I TSUL DU SNGA NA YOD PA YIN LA SKYE BA ZHES BYA BA'I DON NI DPER NA TIL MAR GYI BDAG NYID SNGA NA GSAL BAR YOD PA MA YIN PA NYID PHYIS BRDUNG BA DANG BTZIR BA LA SOGS PA'I RKYEN GYIS GSAL BA'I BDAG NYID DU SKYE BA BZHIN DU 'BRAS BU MYU GU ZHES BYA BA LA SOGS PA'I BDAG NYID SNGA NA GSAL BAR YOD PA MA YIN PA NYID KYANG PHYIS BSKYED PA DANG BSKYANG BA LA SOGS PA'I RKYEN GYIS GSAL BA'I BDAG NYID DU SKYE BA YIN PAS DES NA RGYU LA 'BRAS BU SNGA NA NUS PA'I TSUL DU YOD PA PHYIS RKYEN GYIS GSAL BA'I BDAG NYID DU SKYE'O ZHES ZER BA DE DAG DGAG PA YANG SNGA MA BZHIN DU RGYAS PAR BYA STE, RGYU LA 'BRAS BU NUS PA'I TSUL DU SNGA NA YOD PA BSTAN PAR MI NUS PA'I PHYIR 'BRAS BU SNGA NA YOD PAR SMRA BA MA GRUB LA, GSAL BA SNGON MA BYUNG BA LAS BYUNG BA'I PHYIR 'BRAS BU SNGA NA MED PAR SMRA BA GRUB PO ZHES BYA BAR SBYAR RO, ,'DIR BSTAN BCOS MDZAD PAS YANG RANG GI SDE PA DAG GI GZHUNG DGAG PA'I PHYIR, DE BZHIN DU 'BRAS BU SNGA NA MED PAR SMRA BA DAG GI PHYIR YANG BSHAD PA ZHES BYA BA LA SOGS PA SMRAS TE, 'DIS NI BYE BRAG DU SMRA BA DANG MDO SDE PA DAG RGYU'I TSOGS PA NYID LA 'BRAS BU SNGA NA MED PA LAS SKYE BAR 'DOD PA'I GZHUNG DGAG PA RNAM PA GZHAN STON TO, ,DE NYID BSTAN PA'I PHYIR, GAL TE RGYU DANG RKYEN RNAMS KYI, ,TSOGS LA 'BRAS BU MED NA NI, ,ZHES BYA BA SMRAS TE; DES NI BYE BRAG TU SMRA BA DANG DO SDE PA DAG GI RGYA LA 'BRAS BU SNGA NA MED PA LAS SKYE BAR 'DOD PA'I GZHUNG BSNAN PA STON TE, BYE BRAG TU SMRA BA DANG, DO SDE PA DAG GI GRUB PA'I MTHA' LAS RGYU LA 'BRAS BU SNGA NA MED PA LAS PHYIS RKYEN GYI MTHUS SKYE BAR 'DOD PAS DE DAG GI TSUL GYIS RGYU'I TSOGS PA NYID LA @125A *, ,'BRAS BU SNGA NA MED PA NYID LAS SKYE BAR GYUR NA'O, ,DA NI DE MI 'THAD PAR BSTAN PA'I PHYIR, RGYU RNAMS DANG NI RKYEN DAG KYANG, ,RGYU RKYEN MA YIN MTSUNGS PAR 'GYUR, ,'BRAS BU STONG PA'I PHYIR RO ZHES BYA BA SMRAS TE, YANG 'JIG RTEN 'DI NA RGYU DANG RKYEN ZHES BYA BAR THA SNYAD GDAGS PA NI RGYU DANG RKYEN RNAMS RTEN CING 'BREL PAR 'BYUNG BA'I TSUL GYIS 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BA ZHES BYA BA LTA BUS RGYU YANG 'BRAS BUS MI STONG LA, 'BRAS BU YANG RGYUS BSKYED PAR BYA BA YIN NA GAL TE PHA ROL PO DAG 'DOD PA LTAR RGYU DANG RKYEN RNAMS KYI TSOGS PA NYID LA 'BRAS BU MED PAR GYUR PA DE LTA NA RGYU DANG RKYEN RNAMS 'BRAS BUS STONG PA'I PHYIR THA SNYAD DU RGYU RNAMS DANG RKYEN DAG CES BRJOD PA DE DAG KYANG RIGS MI MTHUN PA'AM, MED PA PA DAG GIS RGYU DANG RKYEN MA YIN PAR BTAGS PA DAG DANG MTSUNGS PA'I SKYON DU THAL BAR 'GYUR BAS DE NI RIGS PA MA YIN NO ZHES STON TO, ,DE'I PHYIR DA NI RGYU DANG RKYEN RNAMS KYI MTSAN NYID JI LTA BU YIN PA DANG, RGYU DANG RKYEN MA YIN PA RNAMS KYI MTSAN NYID JI LTA BU YIN PA'I KHYAD PAR BSTAN PAR BYA STE, DE LA RE ZHIG RGYU DANG RKYEN RNAMS KYI MTSAN NYID KYI KHYAD PAR BSTAN PA'I PHYIR, CI STE RGYU DANG RKYEN RNAMS LA KHYAD PAR CI YOD CE NA ZHES BYA BA SMRAS SO, ,DE LA RE ZHIG RGYU'I MTSAN NYID NI DE 'BA' ZHIG SKYED KYI GZHAN MI SKYED PA'I PHYIR, THUN MONG MA YIN PA DANG RGYU'I BDAG NYID RNAM PA MANG PO MA YIN PA'I PHYIR, GCIG PA DANG, GANG GI PHYIR MYU GU SKYED PAS SA BON RANG GI DON BYAS PAR 'GYUR BA DE'I PHYIR, RANG GI DON BYED PA DANG SA BON 'GAGS MA THAG TU MYU GU SKYE BAR 'GYUR BAS, DE MA THAG PA DANG RIGS MTHUN PA NYID SKYED PA'I PHYIR, CHA MNYAM PA SKYED PA STE DE DAG LA SOGS PA DAG NI RGYU'I MTSAN NYID YIN PAR RIG PAR BYA'O, ,DE BZHIN DU RKYEN RNAMS KYI MTSAN NYID NI DE LAS BZLOG PA STE, DE 'BA' ZHIG MI SKYED KYI GZHAN YANG SKYED PA'I PHYIR, THUN MONG DANG RKYEN GYI BDAG NYID RNAM PA MANG BA'I PHYIR DU MA DANG GANG GI PHYIR RGYU GZHAN GYI RGYUD GSO BA'I PHYIR GZHAN GYI DON BYED PA DANG RKYEN RNAMS 'GAGS MA THAG TU MYU GU SKYE BAR MI 'GYUR BAS THAG RING BA DANG RIGS MI MTHUN PA DAG KYANG SKYED PA'I PHYIR, CHA MI NYAMS PA SKYED PA DE, DE DAG LA SOGS PA DAG NI RKYEN RNAMS KYI MTSAN NYID YIN PAR RIG PAR @125B BYA'O; ,RGYU DANG RKYEN MA YIN PA RNAMS KYI MTSAN NYID NI, RGYU DANG RKYEN RNAMS KYI MTSAN NYID JI SKAD BSTAN PA DE DAG LAS BZLOG PA YIN NO, ,DA NI YANG 'JIG RTEN 'DI NA RGYU DANG RKYEN RNAMS DANG RGYU DANG RKYEN MA YIN PA RNAMS ZHES THA SNYAD GDAGS PA'I TSUL NI DE LTA BU YIN NA GAL TE PHA ROL PO DAG 'DOD PA LTAR RGYU DANG RKYEN RNAMS KYI TSOGS PA NYID LA 'BRAS BU MED PAR GYUR NA DE LTA NA RGYU DANG RKYEN RNAMS 'BRAS BUS STONG PA'I PHYIR THA SNYAD DU RGYU RNAMS DANG RKYEN DAG CES BRJOD PA DE DAG KYANG RIGS MI MTHUN PA'AM MED PA DAG GI RGYU DANG RKYEN MA YIN PAR BTAGS PA DAG DANG MTSUNGS PA'I SKYON DU THAL BAR 'GYUR BAS BSGRUB PAR BYA BA DANG SGRUB PA'I CHOS BSTAN PA'I PHYIR, RGYU RKYEN MA YIN MTSUNGS PAR 'GYUR, ,ZHES BYA BA 'DIS NI RGYU DANG RKYEN RNAMS KYI CHOS 'BRAS BU SKYED PA MA YIN PA NYID DANG 'BRAS BUS STONG PA NYID YIN PAR BSTAN PAS ZHES BYA BA SMRAS TE, TSIG LE'UR BYAS PA'I RTZA BA THA MA 'DIS NI GAL TE PHA ROL PO DAG 'DOD PA LTAR RGYU DANG RKYEN RNAMS KYI TSOGS PA NYID LA 'BRAS BU MED PA YIN NA BDAG CAG SANGS RGYAS PA DAG GIS, KUN RDZOB KYI THA SNYAD DU RGYU DANG RKYEN RNAMS ZHES BRJOD PA DE DAG KYANG RGYU DANG RKYEN RNAMS MA YIN PAR THAL BA'I SKYON DU 'GYUR BAR BSGRUB PAR BYA BA DANG SGRUB PA'I CHOS NI RGYU DANG RKYEN RNAMS 'BRAS BU BSKYED PA MA YIN PA NYID DANG, 'BRAS BU STONG PA NYID YIN PAR GO RIMS BZHIN DU BSTAN PAS SO, ,DE NYID BSTAN PA'I PHYIR, 'DIR 'BRAS BU SNGA NA MED PAR SMRA BA DAG GI PHYOGS LA SKABS KYI DON LA PHAN PA'I RJES SU DPAG PA GSAL BA 'DI LTA BU MNGON TE ZHES BYA BA SMRAS TE, 'DIR BYE BRAG TU SMRA BA DANG, MDO SDE PA DAG LA SOGS PAS SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA SNGA NA MED PA LAS DON DAM PAR SKYE BA YOD PAR SMRA BA DAG GI PHYOGS LA DBU MA PAS RGYU DANG RKYEN RNAMS 'BRAS BUS STONG PA'I PHYIR 'BRAS BU SKYED PA MA YIN PAS RGYU DANG RKYEN RNAMS KYANG RGYU RKYEN MA YIN PA DAG DANG MTSUNGS PAR THAL BA'I SKYON DU 'GYUR RO ZHES BSGRUB PA'I SKABS KYI DON LA PHAN PA'I RJES SU DPAG PA GSAL BA 'DI LTA BU MNGON TE ZHES BYA BAR SBYAR RO, ,SKABS KYI DON LA PHAN PA'I RJES SU DPAG PAS GSAL BA DE NYID BSTAN PA'I PHYIR, DON DAM PAR SA BON LA SOGS PA RGYU DANG RKYEN RNAMS NI 'BRAS BU SKYED @126A *, ,PA MA YIN PA NYID YIN PAR SHES PAR BYA STE, 'BRAS BU STONG PA NYID YIN PA'I PHYIR DPER NA RGYU DANG RKYEN MA YIN PA DAG BZHIN NO ZHES SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RIGS MI MTHUN PA'AM MED PA PA DAG GIS RGYU DANG RKYEN MA YIN PAR BTAGS PA DAG NI 'BRAS BU STONG PA NYID YIN PA'I PHYIR DON DAM PAR 'BRAS BU SKYED PA MA YIN PA NYID YIN PAR SHES PAR BYA BA DE BZHIN DU SA BON LA SOGS PA RGYU DANG RKYEN RNAMS KYANG 'BRAS BUS STONG PA NYID YIN PA'I PHYIR DON DAM PAR 'BRAS BU SKYED PA MA YIN PA NYID YIN PAR SHES PAR BYA STE, DES NA GAL TE SA BON LA SOGS PA RGYU DANG RKYEN RNAMS DON DAM PAR 'BRAS BUS STONG PA NYID YIN PA'I PHYIR 'BRAS BU SKYED PA MA YIN PA NYID YIN NA BDAG CAG SANGS RGYAS PA DAG GIS, KUN RDZOB KYI THA SNYAD DU RGYU DANG RKYEN RNAMS ZHES BYA BA DE DAG KYANG RGYU DANG RKYEN RNAMS MA YIN PAR THAL BA'I SKYON DU 'GYUR BAS SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA YOD PA MA YIN PA LAS SKYE BAR 'DOD PA DE RIGS PA MA YIN NO, ,GAL TE 'BRAS BU NI RGYU DANG RKYEN RNAMS KYIS BSKYOD PAR BYA BA NYID YIN TE, RGYU DANG RKYEN NGES PA NYID LAS 'BRAS BU SKYE BA'I PHYIR RO ZHE NA ZHES BYA BA NI PHA ROL PO DAG SNGAR DBU MA PAS GAL TE SA BON LA SOGS PA TSOGS PA NYID LA 'BRAS BU MYU GU ZHES BYA BA LA SOGS PA DAG YOD PA MA YIN PA MA YIN NA DE DAG 'BRAS BU STONG PA NYID YIN PA'I PHYIR RGYU DANG RKYEN RNAMS KYANG RGYU DANG RKYEN MA YIN PA DAG DANG MTSUNGS PAR THAL BA'I SKYON DU 'GYUR RO ZHES BSHAD PA DE LA PHYIR BZLOG PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DE DAG NA RE 'DI LTAR RGYU DANG RKYEN NGES PA DAG MTHONG STE, NAS KYI SA BON LAS KYANG NAS KYI MYU GU NYID SKYE'I 'BRAS KYI MYU GU MI SKYE LA, RGYU SPUN DAG LAS KYANG SNAM BU NYID 'BYUNG GI BUM PA MI 'BYUNG BAS DE LTAR GANG GI PHYIR RGYU DANG RKYEN NGES PA NYID LAS 'BRAS BU SKYE BA DE'I PHYIR 'BRAS BU NI RGYU DANG RKYEN RNAMS KYIS BSKYED PAR BYA BA YIN PAS RGYU DANG RKYEN NGES PA RNAMS 'BRAS BUS MI STONG PA'I PHYIR, RGYU DANG @126B RKYEN RNAMS RGYU DANG RKYEN MA YIN PA DAG DANG MTSUNGS PAR THAL BA'I SKYON DU MI 'GYUR RO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DES KYANG MI NUS TE, RJES SU 'GRO BA MED PA'I PHYIR DANG, BRGAL ZHING BRTAGS PA MTSUNGS PAR NYE BAR GNAS PA'I PHYIR RO ZHES BYA BA SMRAS TE, PHA ROL PO DAG GI GTAN TSIGS RGYU DANG RKYEN NGES PA NYID LAS 'BRAS BU SKYE BA'I PHYIR RO ZHES BYA BA DES KYANG RGYU DANG RKYEN 'BRAS BUS STONG PA RNAMS RGYU DANG RKYEN MA YIN PA DAG DANG MTSUNGS PAR THAL BAR 'GYUR BA'I SKYON BZLOG PAR MI NUS TE; CI'I PHYIR ZHE NA, PHA ROL PO DAG LA RGYU DANG RKYEN RNAMS 'BRAS BUS STONG YANG, DON DAM PAR RGYU DANG RKYEN NGES PA NYID LAS 'BRAS BU SKYE BA'I PHYIR, RGYU DANG RKYEN MA YIN PA DAG DANG MTSUNGS PAR THAL BA'I SKYON DU MI 'GYUR TE, DPER NA CHE GE MO ZHIG BZHIN NO ZHES GTAN TSIGS KYI RJES SU 'GRO BA'I DPE MED PA'I PHYIR DANG, GAL TE RGYU DANG RKYEN NGES PA NYID LAS 'BRAS BU SKYE BAR RTOGS NA RGYU DANG RKYEN RNAMS KYI TSOGS PA NYID LA 'BRAS BU DE YOD PA'AM, MED PA LAS SKYE BAR 'GYUR GRANG NA, GNYI GA LAS KYANG DE'I SKYE BA MI 'THAD DE, SNGAR; GAL TE RGYU DANG RKYEN RNAMS KYI, ,TSOGS PA NYID LAS SKYE 'GYUR NA, ,TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,GAL TE RGYU DANG RKYEN RNAMS KYI, ,TSOGS PA NYID LAS SKYE 'GYUR NA, ,TSOGS LA 'BRAS BU MED NA NI, ,JI LTAR TSOGS PA NYID LAS SKYE; ,ZHES BSTAN PA DAG DANG BRGAL ZHING BRTAG PA MTSUNGS PAR NYE BAR GNAS PA'I PHYIR DES KYANG MI NUS SO, ,GAL TE NAS KYI SA BON LAS NAS KYI MYU GU SKYE BAR MTHONG BAS MTHONG BA LA GTAN TSIGS KYI DON MED DO ZHE NA ZHES BYA BA NI, PHA ROL PO DAG NA RE, GANG GI TSE MNGON SUM NYID DU NAS KYI SA BON LAS NAS KYI MYU GU SKYE'I, 'BRAS KYI MYU GU MI SKYE BA DE'I TSE MNGON SUM LA GTAN TSIGS KYI TSIG GI DON MED PAS DE LA GTAN TSIGS BTZAL MI DGOS SO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS @127A *, ,THA SNYAD KYI KHONGS SU GTOGS PA'I BLOS MYU GU SKYE BA DANG, DE BZHIN DU RGYU DANG RKYEN NGES PA DANG 'BRAS BU SKYE BAR MTHONG BA NI BDEN NO, ,DON DAM BAR NI MA MTHONG STE, DON DAM PAR DE'I SKYE BA MA GRUB PA'I PHYIR RO ZHES BYA BA SMRAS TE, KUN RDZOB KYI THA SNYAD KYI KHONGS SU GTOGS PA'I BLOS MYU GU SKYE BAR MTHONG BA DANG, RGYU DANG RKYEN NGES PAR MTHONG BA LA 'BRAS BU NGES PAR SKYE BAR MTHONG BA NI BDEN NO, ,DON DAM PAR GANG NGES PAR SNANG BA DE YANG RGYU DANG RKYEN RNAMS LAS 'BRAS BU YOD NA 'THAD KYI, MED NA MI 'THAD KYI DE'I PHYIR PHA ROL PO DAG 'DOD PA LTAR, RGYU DANG RKYEN RNAMS KYI TSOGS PA NYID LAS 'BRAS BU SKYE'O ZHES BYA BA DE DON DAM PAR MA GRUB PA'I PHYIR GAL TE RGYU DANG RKYEN RNAMS LA 'BRAS BU MED NA RGYU DANG RKYEN MA YIN PA DAG DANG MTSUNGS PAR THAL BA'I SKYON DU 'GYUR BAS DE'I PHYIR MED PA MI SKYE'O ZHES SMRA'O, ,DE'I PHYIR DE LTAR YONGS SU BRTAGS NA 'BRAS BU 'GRUB PA MI 'THAD PAS 'BRAS BU 'GRUB PA'I RGYU YIN PA'I PHYIR RO ZHES BYA BA'I GTAN TSIGS KYI DON MA GRUB PA NYID DANG RJES SU 'GRO BA YANG MED DO ZHES BYA BA NI MJUG BSDU BA DANG TSAD MA'I 'BRAS BU YIN TE, DE LTAR YONGS SU BRTAGS NA BYE BRAG PA DANG GRANGS CAN DAG RGYU DANG RKYEN RNAMS KYI TSOGS PA NYID LA 'BRAS BU SNGA NA YOD PA LAS SKYE BA DANG, BYE BRAG TU SMRA BA DANG, MDO SDE PA DAG RGYU DANG RKYEN RNAMS KYI TSOGS PA NYID LA 'BRAS BU SNGA NA MED PA LAS SKYE BAR 'DOD PA'I PHYOGS GNYIS KA LA 'BRAS BU 'GRUB PA MI 'THAD PAS SNGAR PHA ROL PO DAG NA RE DON DAM PAR DUS NI YOD PA KHO NAR SHES PAR BYA STE, 'BRAS BU 'GRUB PA'I RGYU YIN PA'I PHYIR RO ZHES ZER BA'I GTAN TSIGS KYI DON MA GRUB PA NYID DANG GTAN TSIGS KYI RJES SU 'GRO BA'I DPE YANG MED PAS PHA ROL PO'I SGRUB PA MA GRUB BO, ,YANG GZHAN YANG 'BRAS BU SNGA NA MED PAR SMRA BA RNAMS KYI RGYUS 'BRAS BU LA RGYU BYIN NAS 'GAG PAR 'GYUR RAM, 'ON TE MA BYIN PAR 'GAG PAR 'GYUR ZHES BYA BAS NI YANG NA GZHAN YANG BYE BRAG TU SMRA BA DANG MDO SDE BA DAG GI LUNG LAS RGYUS 'BRAS BU SKYED PAR BYED DO ZHES 'BYUNG BA DE RGYUS 'BRAS BU LA RGYU BYIN NAS 'GAG PAR 'GYUR RAM, 'ON TE MA BYIN PAR 'GAG PAR 'GYUR ZHES BRTAGS PA RNAM PA GNYIS STON TO, ,DES CIR 'GYUR ZHES BYA BA NI PHA ROL PO DAG GI 'DRI BA'I TSIG YIN @127B NO, ,DE LA RE ZHIG BRTAGS PA DANG PO MI 'THAD PAR BSTAN PA'I PHYIR, GAL TE RGYUS NI 'BRAS BU LA, ,RGYU BYIN NAS NI 'GAG 'GYUR NA, ,GANG BYIN PA DANG GANG 'GAGS PA'I, ,RGYU YI BDAG NYID GNYIS SU 'GYUR, ,ZHES BYA BA SMRAS TE GAL TE RGYUS 'BRAS BU LA RANG GI NUS PA PHUL NAS 'GAG PAR 'GYUR NA GANG BYIN PA DANG GANG 'GAG PA'I RGYU'I BDAG NYID GNYIS SU 'GYUR BAS DE NI THA SNYAD DU YANG MI 'DOD DO, ,DE NYID BYE BRAG TU BSHAD PA BSTAN PA'I PHYIR, GAL TE RGYUS 'BRAS BU LA RGYU'I NUS PA PHUL NAS 'GAG PAR 'GYUR NA GANG BYIN PA DANG GANG 'GAG PA'I RGYU'I BDAG NYID GNYIS SU 'GYUR TE, BYIN PA DANG 'GAG PA'I RGYU'I BDAG NYID THA DAD PA'I PHYIR RO, ,DE NI THA SNYAD DU YANG MI 'DOD DO ZHES BYA BA SMRAS SO, ,DA NI YANG 'JIG RTEN NA RGYU DANG 'BRAS BUR 'BREL PA'I TSUL NI RTEN CING 'BREL PAR 'BYUNG BA'I 'BRAS BU LA SOGS PA GROGS BYED PA'I RKYEN KHAMS DRUG LA SOGS BAS PHAN BTAGS NA 'BRAS BU SKYED PAR NUS PA YIN PAS DE'I RKYEN GYIS KUN RDZOB TU 'BRAS BU SKYE BAR 'GYUR BA YIN NA GAL TE PHA ROL PO DAG 'DOD PA LTAR RGYU DANG RKYEN RNAMS KYI TSOGS PA NYID LA KUN RDZOB TU YANG 'BRAS BU SNGA NA MED PAR 'GYUR NA RGYUS NUS PA DBUL ZHING BZHAG PA'I KHYAD PAR GYI GZHI MED PA LA NUS PA DBUL DU MI RUNG BAS RGYUS 'BRAS BU LA RGYU BYIN NAS 'GAG PAR 'GYUR BA MI 'THAD PAR BSTAN PA'I PHYIR, 'DI LTAR RTEN CING 'BREL PAR 'BYUNG BA'I RGYU NI 'BRAS BU LA SOGS PA GROGS BYED PAS PHAN BTAGS NA 'BRAS BU SKYED BAR NUS PA YIN PAS DE'I RKYEN GYIS 'BRAS BU SKYE BAR 'GYUR BA YIN NA 'BRAS BU MED PA BZHAG PA'I KHYAD PAR GYI GZHI MED PA LA NAS PA DBUL DU MI RUNG NGO ZHES BYA BA SMRAS SO, ,DE LTAR RGYUS 'BRAS BU LA NUS PA PHUL NAS 'GAG PAR 'GYUR BA MA YIN PAS CHOS THAMS CAD LA RGYU 'BRAS BU'I GNAS SU 'PHO BA MED PAR BSTAN PA'I PHYIR, DE'I PHYIR 'DU BYED RNAMS LA 'PHO BA MED DE 'DRA BA LAS DE LTAR 'KHRUL LO ZHES BYA BA SMRAS TE, DE'I PHYIR 'PHAGS PA SRID PA 'PHO BA LA SOGS PA'I MDO LAS, 'JIG RTEN 'DI NAS 'JIG RTEN PHA ROL DU 'GA' YANG 'GRO BAR MI 'GYUR TE, KUN RDZOB TU SHI 'PHO DANG SKYE BAR MNGON PA NI SKAD CIG MA'I RGYUN 'DRA BA LAS DE LTAR 'KHRUL TE RGYU DANG GZUGS BRNYAN BZHIN NO ZHES GSUNGS SO, ,NYAN @128A *, ,THOS KYI THEG PA LAS KYANG DPER NA 'JIM PA'I GONG BU LEGS PAR BYAS PA LAS RGYAS BTAB PA'I 'BUR SNANG BA NI RGYA NYID DANG 'PHOS PA MED MOD KYI 'DRA BA'I RGYUN GYIS 'BUR GYI GZUGS BRNYAN SNANG BA BZHIN DU SEMS KYANG DE BZHIN NO ZHES 'BYUNG NGO, ,DE'I PHYIR SLOB DPON GYI ZHAL SNGA NAS KYI RTEN CING 'BREL PAR 'BYUNG BA'I SNYING PO LAS KYANG 'GRO BA THAMS CAD RGYU DANG 'BRAS BU STE, 'DI LA SEMS CAN ZHES BYA BA GZHAN GANG YANG MED DO, ,CHOS STONG PA KHO NA DAG LAS STONG PA'I CHOS RNAMS 'BYUNG STE, RGYA DANG ME LONG DANG SHEL SGONG DANG KHA DON DANG SKYUR GYI DPES PHUNG PO'I NYID MTSAMS SBYOR BA LA 'PHO BA MED PAR MKHAS PA RNAMS KYIS RTOGS PAR BYA'O ZHES GSUNGS PA RGYUS 'BRAS BU LA RGYU BYIN NAS 'GAG PAR 'GYUR BA MA YIN PAR SHES PAR BYA'O, ,DA NI BRTAG PA GNYIS PA MI 'THAD PAR BSTAN PA'I PHYIR, 'ON TE MA BYIN PAR 'GAG PAR 'GYUR NA, DE LTAR NA, GAL TE RGYUS NI 'BRAS BU LA, ,RGYU MA BYIN PAR 'GAG 'GYUR NA, ,RGYU 'GAG PA NA SKYES PA YI, ,'BRAS BU DE NI RGYU MED 'GYUR, ,ZHES BYA BA SMRAS TE, GAL TE RGYUS 'BRAS BU LA RANG GI NUS PA MA PHUL BAR 'GAG PAR 'GYUR NA RGYU 'GAG PA NA SKYES PA'I 'BRAS BU DE RGYU MED PA LAS 'BYUNG BAR 'GYUR BAS DE YANG THA SNYAD DU MI 'DOD DO, ,DE NYID KYI BYE BRAG TU BSHAD PA BSTAN PA'I PHYIR, 'BRAS BU RGYU MED PA LAS 'BYUNG BAR NI MI 'DOD PAS ZHES BYA BA SMRAS SO, ,DE NYID KYI TSAD MA BSTAN PA'I PHYIR, DE'I PHYIR YANG RGYU 'GAG PA NI 'BRAS BU SKYED PAR MI BYED DE, 'GAG PA'I PHYIR 'GAGS NAS YUN RING DU LON PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'GAGS NAS YUN RING DU LAN PA NI 'GAG PA'I PHYIR 'BRAS BU SKYED PAR MI BYED PA DE BZHIN DU RGYU 'GAGS MA THAG PA YANG 'GAG PA'I PHYIR 'BRAS BU SKYED PAR MI BYED DO, , 'DI LA 'GAL BAR SGRUB PA MED PAS DON 'DI GZHAN LA BSTAN PAR BYA MI DGOS SO ZHES BYA BA NI 'BRAS BU RGYU MED PA LAS 'BYUNG BAR MI 'DOD PA 'DI LA GZHAN DAG 'GAL BAR SGRUB PA MED PAS DON 'DI LA BRGAL BA DANG LAN GDAB PA DAG GZHAN LA BSTAN PAR BYA MI DGOS SO ZHES BYA BA'I THA TSIG GO, ,GAL TE @128B TSOGS PA NYID DANG LHAN CIG SKYE BZHIN PAS 'BRAS BU SKYED PAR BYED DE, DPER NA MAR MA DANG 'OD BZHIN NO ZHES BYA BA NI PHA ROL PO DAG NA RE 'BRAS BU MA SKYES PAS RGYU'I NUS PA 'DZIN PAR MI NUS PA DANG RGYU DANG 'GAL BAS 'BRAS BU SKYED PAR MI BYED PA NI BDEN MOD KYI, 'ON KYANG 'BRAS BU DANG RGYU DANG RKYEN GYI TSOGS PA NYID LHAN CIG SKYE BZHIN PAS 'BRAS BU SKYED PAR BYAD DE, DPER NA MAR ME DANG 'OD GNYIS DUS GCIG PA NYID YIN YANG RGYU DANG 'BRAS BU NYID YIN PA BZHIN DU SKYED PA DANG BSKYED PA DAG KYANG DE BZHIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE'I PHYIR BSHAD PA, GAL TE TSOGS DANG LHAN CIG TU, ,'BRAS BU YANG NI SKYE 'GYUR NA, ,SKYED PA DANG NI GANG BSKYED PA, ,DUS GCIG PAR NI THAL BAR 'GYUR, ,ZHES BYA BA SMRAS TE, GAL TE TSOGS PA NYID DANG LHAN CIG TU 'BRAS BU SKYED PAR GYUR NA DE LTA NI SKYED PA DANG GANG BSKYED PA DAG DUS GCIG PAR THAL BA'I SKYON DU 'GYUR BAS DE YANG MI 'DOD DO, ,DE NYID BYE BRAG TU BSHAD PA BSTAN PA'I PHYIR, SKYED PA DANG BSKYED BA PHA DANG BU LTA BU DAG DUS GCIG TU 'BYUNG BA NYID DE NI MI 'DOD DO ZHES BYA BA SMRAS SO, ,'O NA JI LTAR 'DOD CE NA, DUS THA DAD PA NYID DU'O ZHES BYA BAS NI KUN RDZOB TU RGYU NI SNGA LA 'BRAS BU NI 'PHYI BA'I TSUL GYIS SNGON MA BYUNG BA LAS 'BYUNG BA NYID DU 'DOD DO ZHES BSTAN TO, ,SKYED PA DANG BSKYED PA NYID DAG LA RGYU DANG 'BRAS BU DAG YOD PAS DE'I RJES SU DPAG PAR NUS TE ZHES BYA BAS NI RGYU DANG 'BRAS BU DAG DUS GCIG TU MI 'BYUNG BA'I RJES SU DPAG PA STON TO, ,DE'I PHYIR, 'BRAS BU DANG TSOGS PA NYID NI LHAN CIG MI SKYE STE, BSKYED PA DANG SKYED PA YIN PA'I PHYIR DPER NA BU DANG PHA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BU DANG PHA NI BSKYED PA DANG SKYED PA YIN PA'I PHYIR LHAN CIG MI SKYE BA DE BZHIN DU 'BRAS BU DANG TSOGS PA NYID KYANG BSKYED PA DANG SKYED PA YIN PA'I PHYIR LHAN CIG ME SKYE'O, ,TSOGS PA SNGA MA'I DBANG GIS MAR ME 'OD DANG BCAS PA THA SNYAD PAR 'BYUNG BA'I PHYIR MAR ME DANG 'DOD DAG RGYU DANG 'BRAS BU'I DNGOS PO MA YIN TE, DGAG PA RGYAS PAR SNGAR BSTAN PA'I PHYIR DE NI BZANG PO MA YIN NO ZHES BYA BA NI SNGAR PHA @129A *, ,ROL PO DAG NA RE DPER NA MAR ME DANG 'OD GNYIS DUS GCIG PA NYID YIN YANG RGYU DANG 'BRAS BU NYID YIN PA BZHIN DU SKYED PA DANG BSKYED PA DAG KYANG DE BZHIN NO ZHES ZER BA'I DPE MAR ME DANG 'OD DAG RGYU DANG 'BRAS BU YANG MA YIN LA, LHAN CIG DANG LHAN CIG MA YIN PAR YANG MI 'GRUB PAR STON TE, MAR ME DANG 'OD DAG NI 'BRU MAR DANG SNYING PO DANG KONG BU LA SOGS PA SNGA MA'I DBANG GIS MAR ME 'OD DANG BCAS PA THA SNYAD DU 'BYUNG BA'I PHYIR MAR ME DANG 'OD DAG RGYU DANG 'BRAS BU'I DNGOS PO YANG MA YIN LA, DE DAG LHAN CIG DANG LHAN CIG MA YIN PAR YANG MI 'GRUB PAR DGAG PA YANG SNGAR 'DOD CHAGS DANG CHAGS PA BRTAG PA'I SKABS SU, DE LTAR 'DOD CHAGS CHAGS PA DAG ,LHAN CIG LHAN CIG MIN MI 'GRUB, ,'DOD CHAGS BZHIN DU CHOS RNAMS KUN, ,LHAN CIG LHAN CIG MIN MI 'GRUB, ,CES RGYAS PAR BSTAN ZIN PA'I PHYIR MAR ME DANG 'OD DAG RGYU DANG 'BRAS BU YIN PA DANG, DE DAG LHAN CIG TU 'BYUNG BA BZHIN DU BSKYED PA DANG SKYED PA DAG LHAN CIG NYID DU 'BYUNG BAR 'DOD PA DE NI BZANG PO MA YIN NO, ,GANG DAG 'BRAS BU SNGAR SKYED PA NYID TSOGS PA NYID KYIS GSAL BAR BYED DO ZHES ZER BA DE DAG GI PHYIR 'DIR BSHAD DE ZHES BYA BA NI GRANGS CAN DAG LAS NUS PA DANG GSAL BA SMRA BA DAG GI GZHUNG LAS RGYU LA 'BRAS BU NUS PA'I TSUL DU SNGA NA YOD PA NYID PHYIS RKYEN GYI TSOGS PA NYID KYIS GSAL BAR BYED DE, DPER NA MUN KHUNG NA BUM PA SNGA NA YOD PA NYID MAR MES GSAL BAR BYED PA BZHIN NO ZHES ZER BA DE DAG GI GZHUNG DGAG PA'I PHYIR TSIG LE'UR BYAS PA 'OG MA 'DI BSHAD DE ZHES STON TO, ,DE NYID BSTAN PA'I PHYIR, GAL TE TSOGS PA'I SNGA ROL DU, , 'BRAS BU SKYES PAR GYUR NA NI, ,GAL TE RGYU DANG RKYEN RNAMS KYI TSOGS PA NYID KYI SNGA ROL DU RGYU DANG RKYEN DE DAG MED PAR 'BRAS BU DE YOD PAR GYUR NA'O ZHES BYA BA SMRAS TE, DES NI PHA ROL PO DAG GI GZHUNG BSNAN PA BSTAN TE GRANGS CAN DAG LAS NUS PA DANG GSAL BA SMRA BA DAG GI GZHUNG LAS RGYU LA 'BRAS BU NUS PA'I TSUL DU SNGA NA YOD PA NYID PHYIS RKYEN GYI TSOGS PA NYID KYIS GSAL BAR BYED DO ZHES 'BYUNG BA LTAR GYUR NA'O, ,DA NI DE MI 'THAD PAR BSTAN PA'I PHYIR, DE LTA NA, RGYU DANG RKYEN RNAMS MED PA YI, ,'BRAS BU RGYU MED 'BYUNG BAR 'GYUR, ,DE YANG MI 'DOD DE ZHES BYA BA SMRAS TE, GAL TE RGYU DANG @129B RKYEN RNAMS KYI TSOGS PA NYID KYI SNGA ROL DU RGYU DANG RKYEN DE DAG MED PAR 'BRAS BU DE YOD PAR GYUR NA DE LTA NA RGYU DANG RKYEN RNAMS MED PA'I SNGA ROL DU SKYES PA'I 'BRAS BU DE RGYU MED PA LAS BYUNG BA'I SKYON DU THAL BAR 'GYUR BAS DE YANG MI 'DOD DO, ,DE'I PHYIR KHO BO CAG LA 'BRAS BU YOD PA NYID DU BSGRUB PAR BYA'I, GSAL BA YOD PA NYID DU NI, RJES SU DPAG PAR MI BYA STE, ,GSAL BA'I LAN BTAB ZIN PA'I PHYIR, ,ZHES BYA BAS NI 'DI SKAD BSTAN TE, DE LTAR 'BRAS BU RGYU MED PA LAS BYUNG BA DE NI SU YANG MI 'DOD PAS KHYED CAG 'BRAS BU 'GRUB PA'I RGYU YIN PA'I PHYIR RO ZHES BYA BA'I GTAN TSIGS KYIS DON DAM PAR DUS NI YOD PA KHO NAR SHES PAR BYA STE ZHES SGRUB PA DE'I PHYIR KHO BO CAG LA KHYED KYIS DON DAM PAR 'BRAS BU 'GRUB PA YOD PA NYID DU BSGRUBS NA KHYED KYI GTAN TSIGS KYI DON 'GRUB KYANG SRID KYI, KHYED KYI GSAL BA YOD PA NYID DU NI DA RJES SU DPAG PAR MI BYA STE, KHO BO CAG GIS GSAL BA SNGAR BKAG ZIN PA'I PHYIR RO ZHES BSTAN TO, ,DES NA NUS PA YOD CES BYA BA NI RGYU MED PA LAS BYUNG BA'I SKYON DU THAL BAR 'GYUR BAS MI 'DOD LA, GSAL BA NI SNGAR BKAG ZIN PAS GRANGS CAN DAG 'BRAS BU NUS PA'I TSUL DU SNGAR SKYES PA NYID RKYEN GYI TSOGS PA NYID KYIS GSAL BAR BYED DO ZHES ZER BA'I GZHUNG MA GRUB PO ZHES BYA BAR SBYAR RO, ,GRANGS CAN DAG LAS GZHAN DAG GIS SMRAS PA, RGYU NYID 'GAG PA 'BRAS BU'I BDAG NYID DU GNAS SO ZHES BYA BAS NI GRANGS CAN DAG LA YONGS SU 'GYUR BAR SMRA BA DAG 'BRAS BU 'GRUB PA YOD PAR SGRUB PA'I GZHUNG YIN TE, DE DAG NA RE DPER NA 'O MA NYID 'GAG PA ZHO'I BDAG NYID DU YONGS SU 'GYUR ZHING GNAS PA DE BZHIN DU RGYU NYID 'GAG PA 'BRAS BU'I BDAG NYID DU YONGS SU 'GYUR ZHING GNAS PAS 'BRAS BU 'GRUB PA YOD PA'I PHYIR KHO BO CAG GI GTAN TSIGS KYI DON MA GRUB PA NYID KYI SKYON MED DO ZHES ZER RO, ,DE SKAD CES ZER BA DE DAG GI YANG GAL TE RGYUS RGYU'I NGO BO NYID YONGS SU MA SPANGS PA 'GAG PA 'BRAS BU'I BDAG NYID DU GNAS SAM, 'ON TE RGYUS RGYU'I NGO BO NYID YONGS SU SPANGS PA'I 'GAG PA 'BRAS BU'I BDAG NYID DU GNAS PAR RTOG GRANG NA, GNYI GA YANG MI 'THAD PAR STON TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE DAG GI YANG GAL @130A *, ,TE RGYUS RGYU'I NGO BO NYID YONGS SU MA SPANGS PA 'GAG PA 'BRAS BU'I BDAG NYID DU GNAS SO ZHE NA NI, GAL TE RGYU 'GAG 'BRAS BU NA, ,RGYU'I BDAG NYID YIN PAR 'DOD NA'O, ,ZHES BYA BA SMRAS TE, DES NI BRTAG PA DANG PO'I PHA ROL PO'I GZHUNG BSNAN PA BSTAN TE, GAL TE RGYUS RGYU'I NGO BO NYID YONGS SU MA SPANGS PA 'GAG PA 'BRAS BU'I BDAG NYID DU GNAS SO ZHES BYA BA DE DE'I TSE YANG RGYU'I BDAG NYID YIN PAR 'DOD NA'O, ,DA NI DE MI 'THAD PA BSTAN PA'I PHYIR, ,DE LTA NA RGYU NI KUN DU 'PHO BAR 'GYUR, ,NGO BO NYID YONGS SU MA SPANGS PA'I PHYIR LHAS BYIN KHYIM NAS KHYIM DU KUN DU 'PHO BA BZHIN NO ZHES BYA BA SMRAS TE, DE LTA NA RGYU SA BON DANG, 'O MA LA SOGS PA NGO BO NYID YONGS SU MA SPANGS BZHIN DU 'BRAS BU'I GNAS SKABS SU RIL POR KUN DU 'PHO BA'I SKYON DU THAL BAR 'GYUR BAS DE NI MI 'DOD DO, ,DE MI 'THAD PAR BSTAN PA'I RIG PA GZHAN BSTAN PA'I PHYIR, GZHAN YANG, SNGON SKYES PA YI RGYU YANG NI YANG SKYE BAR NI THAL BAR 'GYUR, ,ZHES BYA BA SMRAS TE, GAL TE RGYUS RGYU'I NGO BO NYID YONGS SU MA SPANGS PA 'GAG PA 'BRAS BU'I BDAG NYID DU GNAS PAR GYUR NA RGYU DE SNGON RGYU'I NGO BO NYID YONGS SU MA SPANGS SHING MA 'GAGS PA'I GNAS SKABS NA RGYU'I BDAG NYID DU SKYES ZIN PA DE DA YANG RGYU'I BDAG NYID DU SKYE BAR THAL BA'I SKYON DU 'GYUR TE, DA LTAR 'GAGS SHING 'BRAS BU'I BDAG NYID DU GNAS PA'I DUS NA YANG RGYU'I NGO BO NYID YONGS SU MA SPANGS SHING RGYU'I BDAG NYID YIN PAR 'DOD PA'I PHYIR RO, ,DA NI MI 'THAD PAR BSTAN PA'I PHYIR, RGYU'I BDAG NYID DU YOD PA NI RGYU'I BDAG NYID KHO NAR MI SKYE STE, CI YANG MI DGOS PA'I PHYIR RO ZHES BYA BA SMRAS TE, SNGON RGYU'I NGO BO NYID YONGS SU MA SPANGS PA MA 'GAGS PA DANG DA LTAR RGYU'I NGO BO NYID YONGS SU MA SPANGS PA 'GAGS SHING 'BRAS BU'I GNAS SKABS NA RGYU'I BDAG NYID DU GNAS PA LA KHYAD PAR CI YANG MED PAS DE'I SKYE BA DON MED PA'I PHYIR RO, ,GAL TE RGYU 'BRAS BU'I BDAG NYID DU SKYE BAR KHAS BLANGS PA'I PHYIR SKYON MED DO ZHE NA ZHES BYA BA NI PHA ROL PO DAG DBU MA PAS RGYU'I BDAG NYID DU YOD PA NI RGYU'I BDAG NYID KHO NAR MI SKYE STE, CI YANG MI DGOS PA'I PHYIR RO ZHES BSHAD PA DE'I LAN 'DEBS PA'I TSIG YIN TE, DE DAG NA RE RGYU DANG 'BRAS BU'I GNAS SKABS NA YOD @130B PA LA KHYAD PAR MED NA NI, CI YANG MI DGOS PA'I PHYIR RGYU'I BDAG NYID KHO NAR MI SKYE BA YANG BDEN PA ZHIG NA KHO BO CAG GIS RGYU 'BRAS BU'I BDAG NYID DU SKYE BAR KHAS BLANGS PA'I PHYIR 'BRAS BU'I BDAG NYID DU SKYES PHAN CHAD KHYAD PAR CUNG ZAD KYANG MED MI SRID PAS, KHYED KYI GTAN TSIGS CI YANG MI DGOS PA'I PHYIR RGYU'I BDAG NYID KHO NAR MI SKYE STE ZHES BYA BA DE'I SKYON DE KHO BO CAG LA MED DO ZHES ZER RO, ,DE SKAD CES ZER BA DE LA YANG GAL TE RGYUS RGYU'I NGO BO NYID YONGS SU MA SPANGS PA LA 'BRAS BU ZHES BRJOD NA NI MING TZAM THA DAD PAR ZAD PA'I PHYIR KHYAD PAR MED PAS JI SKAD SMRAS PA'I SKYON LDOG PA MED PAR BSTAN PA'I PHYIR RGYU'I NGO BO NYID YONGS SU MA SPANGS PA'I RGYU'I BDAG NYID LA 'BRAS BU ZHES BRJOD NA NI MING TZAM THA DAD PAR ZAD PA'I PHYIR JI SKAD SMRAS PA'I SKYON LDOG PA MED DO ZHES BYA BA SMRAS TE, GAL TE RGYU'I NGO BO NYID LAS MA NYAMS PA KHO NAR 'BRAS BU'I BDAG NYID DU SKYE BAR 'DOD NA DE LTA NA 'BRAS BU ZHES MING DU BTAGS PA'I MING TZAM THA DAD PAR ZAD KYI RGYU'I BDAG NYID LAS GZHAN DU GYUR PA'I KHYAD PAR CI YANG MED PA'I PHYIR SNGAR KHO BOS RGYU'I BDAG NYID DU YOD PA NI RGYU'I BDAG NYID KHO NAR MI SKYE STE, CI YANG MI DGOS PA'I PHYIR RO ZHES JI SKAD SMRAS PA'I SKYON LDOG PA MED DO, ,DA NI BRTAG PA GNYIS PA MI 'THAD PAR BSTAN PA'I PHYIR, RGYU'I NGO BO NYID YONGS SU SPANGS PA 'BRAS BU'I BDAG NYID DU NGES PAR GNAS PAR RTOG NA YANG RGYU'I NGO BO NYID YONGS SU SPANGS PA NI RGYU MA YIN PA'I PHYIR RGYU 'BRAS BU'I BDAG NYID DU GNAS SO ZHES BYA BA DE LEGS PAR MA BRTAGS PAR SMRAS PA YIN NO ZHES BYA BA SMRAS TE, GAL TE RGYUS RGYU'I NGO BO NYID YONGS SU SPANGS PA 'BRAS BU'I BDAG NYID DU NGES PAR GNAS PAR RTOG NA RGYU'I NGO BO NYID YONGS SU SPANGS PA NI RGYU MA YIN PA'I PHYIR KHYED CAG NA RE RGYU NYID 'GAG PA 'BRAS BU'I BDAG NYID DU GNAS SO ZHES ZER BA DE LEGS PAR MA BRTAGS PAR SMRAS PA YIN PAS DE'I PHYIR RGYU NYID 'GAG PA 'BRAS BU'I BDAG NYID DU YONGS SU 'GYUR ZHING GNAS SO ZHES BRJOD PAR MI BYA'O,, ,,BAM PO DRUG CU DRUG PA, GZHAN YANG 'BRAS BU SNGA NA YOD PAR SMRA BA DAG RGYU 'GAGS PAS 'BRAS BU SKYES PA NYID SKYED PAR BYED DAM, GNAS PAS SKYED PAR BYED PA RTOG GRONG NA GNYI GA LTAR YANG @131A *, ,RIGS PA MA YIN TE ZHES BYA BA NI GRANGS CAN DAG RGYU LA 'BRAS BU NUS PA'I TSUL DU SNGA NA YOD PA RGYUS SKYED PAR SMRA BA DAG ,RGYU 'GAGS PAS 'BRAS BU SNGA NA YOD PA NYID SKYED PAR BYED DAM RGYU MA 'GAGS PA GNAS PAS 'BRAS BU SNGA NA YOD PA NYID SKYED PAR RTOG GRANG NA, GNYI GA LTAR YANG RIGS PA MA YIN TE ZHES BRTAG PA GNYIS STON TO, ,DE LA RE ZHIG BRTAG PA SNGA MA MI RIGS PAR BSTAN PA'I PHYIR, JI LTAR ZHE NA, 'GAG PA NUB PAR GYUR PA YIS, ,'BRAS BU SKYED PA JI LTAR SKYED, ,CES BYA BA SMRAS TE, RGYU 'GAG PA NUB PAR GYUR PAS 'BRAS BU SKYE BA SNGA NA YOD PA JI LTAR SKYED DE SKYED PAR MI BYED DO ZHES STON TO, ,DE NYID BYE BRAG TU BSHAD PA BSTAN PA'I PHYIR, 'GAG PA NI RGYU NYID DU MI RIGS PA'I PHYIR DANG, SKYES PA YANG SKYED MI DGOS PA'I PHYIR RGYU 'GAGS PAS 'BRAS BU SKYES PA SKYED PAR MI BYED DO ZHES BYA BA'I TSIG GI DON TO ZHES BYA BA SMRAS TE, RGYU 'GAG PA NUB PAR GYUR PA NI RGYU NYID DU MI RIGS PA'I PHYIR DES 'BRAS BU SKYED PAR MI NUS LA, 'BRAS BU SKYES PA SNGA NA YOD PA YANG SKYES ZIN PA'I PHYIR YANG BSKYED MI DGOS PAS RGYU 'GAGS PAS 'BRAS BU SKYES PA SKYED PAR MI BYED DO ZHES BYA BA'I TSIG GI DON TO, ,GRANGS CAN DAG LAS KHA CIG GIS SMRAS PA ZHES BYA BAS NI GRANGS CAN DAG LAS YONGS SU 'GYUR BAR SMRA BA DAG DBU MA PAS 'GAG PA NI RGYU NYID DU MI RIGS PA'I PHYIR DANG SKYES PA YANG BSKYED MI DGOS PA'I PHYIR RGYU 'GAGS PAS 'BRAS BU SKYES PA SKYED PAR MI BYED DO ZHES BSTAN PA'I LAN 'DEBS PA'I TSIG STON TO, ,DE LA RDZAS NGES PAR GNAS PA'I CHOS GZHAN LDOG PA NA CHOS GZHAN SKYE BA NI YONGS SU 'GYUR BA YIN PAS DE'I PHYIR RGYU 'GAGS NAS 'BRAS BU SKYE BAR 'GYUR BA YANG MA YIN LA ZHES BYA BAS NI DBU MA PAS 'GAG PA NI RGYU NYID DU MI RIGS PA'I PHYIR RGYU 'GAGS PAS 'BRAS BU SKYES PA SKYED PAR MI BYED DO ZHES BSHAD PA'I LAN 'DEBS TE, DE DAG NA RE KHO BO CAG GI GZHUNG LAS DPER NA GSER GYI RDZAS RANG BZHIN NGES PAR GNAS PA'I CHOS GDU BU DANG DPUNG RGYAN LA SOGS PA GZHAN LDOG PA NA RNA CHA DANG GDUB KOR LA SOGS PA CHOS GZHAN SKYE BA NI RANG BZHIN NI RTAG LA GNAS SKABS NI YONGS SU 'GYUR BA YIN PA DE BZHIN DU RGYU'I RANG BZHIN NGES PAR GNAS PA'I CHOS @131B 'BRAS BU GSAL BA'I NGO BO NYID DU MI SNANG BA GZHAN LDOG PA NA 'BRAS BU NUS PA'I TSUL DU SNGA NA YOD PA'I CHOS GZHAN SKYE BA YANG RANG BZHIN NI NGES PAR GNAS LA, GNAS SKABS NI SNANG BA DANG MI SNANG BA'I TSUL DU YONGS SU 'GYUR BA YIN PAS DE'I PHYIR RGYU RNAM PA THAMS CAD DU 'GAGS SHING NUB PAR GYUR BAS 'BRAS BU SKYES PA SKYED PAR BYED PA MA YIN GYI, RGYU'I RDZAS RANG BZHIN NGES PAR GNAS PAS 'BRAS BU'I CHOS SNANG BA DANG MI SNANG BA DAG SKYED PAR BYED DO ZHES ZER RO, ,NUS PA'I TSUL DU YOD PA'I PHYIR GSAL BA KHYAD PAR CAN MA SKYES PA BSKYED PAR BYA MI DGOS PA YANG MA YIN NO ZHES BYA BAS NI SNGAR DBU MA SKYES PA YANG SKYED MI DGOS PA'I PHYIR RGYU 'GAG PAS 'BRAS BU SKYES PA SKYED PAR MI BYED DO ZHES BSTAN PA'I LAN 'DEBS TE, DE DAG NA RE KHO BO CAG GI GZHUNG LAS RGYU LA 'BRAS BU NUS PA'I TSUL DU SNGA NA YOD PA'I PHYIR GSAL BA KHYAD PAR CAN DU MA SKYES PAS 'BRAS BU NUS PA'I TSUL DU SNGA NA YOD CING SKYES PA GSAL BA'I BDAG NYID DU MED CING MA SKYES PA BSKYED PAR BYA DGOS PAS 'BRAS BU SKYES PA YANG BSKYED PAR BYA MI DGOS PA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, DE LTA NA YANG RDZAS NGES PAR GNAS PA YANG CHOS GZHAN LDOG PA'I DUS NA LDOG PAR 'GYUR TE, DE LAS GZHAN MA YIN PA'I PHYIR, DPER NA CHOS GZHAN LDOG PA BZHIN NO ZHES BYA BA LA SOGS PA SMRAS TE, DES NI GRANGS CAN DAG GI GZHUNG LTAR RGYU DANG GSER GYI RANG BZHIN DU NGES PAR GNAS LA 'BRAS BU DANG GDU BU LA SOGS PA'I CHOS NI SNANG BA MI SNANG BAR 'GYUR NA, DE LTA NA RGYU DANG 'BRAS BU DAG RANG BZHIN GCIG PA'I PHYIR 'BRAS BU LDOG CING MI SNANG BA'I DUS NA RGYU YANG LDOG CING MI SNANG BA'I SKYON DU 'GYUR BAR STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GDU BU LA SOGS PA DANG, 'BRAS BU GSAL BA NI RANG GI BDAG NYID LAS GZHAN MA YIN PA'I PHYIR BDAG NYID LDOG PA'I DUS NA LDOG PAR 'GYUR BA DE BZHIN DU GSER DANG RGYU NGES PAR GNAS PA DAG KYANG GDU BU LA SOGS PA DANG 'BRAS BU GSAL BA DAG LAS GZHAN MA YIN PA'I PHYIR GDU BU LA SOGS PA DANG 'BRAS BU GSAL BA'I CHOS GZHAN @132A *, ,LDOG PA'I DUS NA LDOG PA'I SKYON DU 'GYUR BAS PHA ROL PO'I SGRUB PA DE NI THA SNYAD DU YANG 'GAL BAR SNANG BAS MI RUNG NGO, ,DE BZHIN DU CHOS CAN YANG CHOS GZHAN SKYE BA'I DUS NA SKYE BAR 'DOD PAR BYA DGOS TE, DE LAS GZHAN MA YIN PA'I PHYIR DPER NA CHOS GZHAN SKYES PA BZHIN PAS THA SNYAD DU YANG SGRUB PA DE NI 'GAL BAR SNANG NGO ZHES BYA BAS NI GRANGS CAN DAG GI GZHUNG LTAR RGYU DANG GSER GYI RANG BZHIN NI NGES PAR GNAS LA, 'BRAS BU DANG GDU BU LA SOGS PA'I CHOS NI SNANG BA DANG MI SNANG BAR 'GYUR NA, DE LTA NA RGYU DANG 'BRAS BU DAG RANG BZHIN GCIG PA'I PHYIR 'BRAS BU SKYE ZHING SNANG BA'I DUS NA RGYU YANG SKYE ZHING SNANG BA'I SKYON DU 'GYUR BAR STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA RNA CHA LA SOGS PA DANG 'BRAS BU NUS PA NI RANG GI BDAG NYID LAS GZHAN MA YIN PA'I PHYIR BDAG NYID SKYE BA'I DUS NA SKYE BAR 'GYUR BA DE BZHIN DU CHOS CAN GSER DANG, RGYU NGES PAR GNAS PA DAG KYANG RNA CHA LA SOGS PA DANG 'BRAS BU NUS PA DAG LAS GZHAN MA YIN PA'I PHYIR, RNA CHA LA SOGS PA DANG 'BRAS BU NUS PA'I CHOS GZHAN SKYE BA'I DUS NA SKYE BA'I SKYON DU 'GYUR BAS PHA ROL PO'I SGRUB PA DE YANG THA SNYAD DU YANG 'GAL BAR SNANG BAS MI RUNG NGO, ,DON DAM PAR NI JI LTAR RDZAS NGES PAR GNAS PA DE NI CHOS GZHAN SNANG BA DANG MI SNANG BA'I MTSAN NYID NI YONGS SU 'GYUR BA YIN TE, DPER NA CHE GE MO ZHIG BZHIN NO ZHES BYA BA'I DPE RNAM PA THAMS CAD DU MED PA'I PHYIR DE YANG RIGS PA MA YIN NO ZHES BYA BAS NI SNGAR GRANGS CAN DAG NA RE GSER RDZAS RANG BZHIN NGES PAR GNAS PA'I CHOS GDU BU DANG DPUNG RGYAN LA SOGS PA GZHAN LDOG PA NA RNA CHA DANG GDUB KOR LA SOGS BA CHOS GZHAN SKYE BA NI RANG BZHIN NI RTAGS LA, GNAS SKABS NI YONGS SU 'GYUR BA YIN PA DE BZHIN DU RGYU'I RANG BZHIN NGES PAR GNAS PA'I CHOS 'BRAS BU GSAL BA'I NGO BO NYID DU MI SNANG BA GZHAN LDOG PA NA 'BRAS BU NUS PA'I TSUL DU SNGA NA YOD PA'I CHOS GZHAN SKYE BA YANG RANG BZHIN NI NGES PAR GNAS LA, GNAS SKABS NI SNANG BA DANG MI SNANG BA'I TSUL DU YONGS @132B SU 'GYUR BA YIN PAS DE'I PHYIR RGYU RNAM PA THAMS CAD DU 'GAGS SHING NUB PAR GYUR PAS 'BRAS BU SKYES PA SKYED PAR BYED PA MA YIN GYI, RGYU'I RDZAS RANG BZHIN NGES PAR GNAS PAS 'BRAS BU'I CHOS SNANG BA DANG MI SNANG BA DAG SKYED PAR BYED DO ZHES ZER BA DE LA, DON DAM PAR DPER NA CHE GE MO ZHIG BZHIN NO ZHES BYA BA'I DPE RNAM PA THAMS CAD DU MED PA'I PHYIR DE YANG RIGS PA MA YIN NO ZHES BSTAN TO, ,YANG GZHAN YANG CHOS GZHAN LDOG PA GANG YIN PA DE RGYU'I BDAG NYID YIN NAM 'ON TE RGYU'I BDAG NYID MA YIN ZHES BYA BAS NI GRANGS CAN DAG GI GZHUNG LAS GSER GYI RDZAS RANG BZHIN NGES PAR GNAS PA'I CHOS GDU BU DANG DPUNG RGYAN LA SOGS PA GZHAN LDOG PA NA RNA CHA DANG GDUB KOR LA SOGS PA CHOS GZHAN SKYE BA BZHIN DU RGYU'I RANG BZHIN NGES PAR GNAS PA'I CHOS 'BRAS BU GSAL BA'I NGO BO NYID DU MI SNANG BA GZHAN LDOG PA NA 'BRAS BU NUS PA'I TSUL DU SNGA NA YOD PA'I CHOS GZHAN SKYE'O ZHES ZER BA'I CHOS GZHAN LDOG PA GANG YIN PA DE CHOS GZHAN SKYE BA'I RGYU'I BDAG NYID YIN NAM, 'ON TE RGYU'I BDAG NYID MA YIN ZHES DRI BA GNYIS STON TO, ,DE LA DRI BA DANG PO BSTAN PA'I PHYIR, DE LA GAL TE DE RGYU'I BDAG NYID YIN NA NI DE 'GAG PA'I PHYIR, RGYU 'GAG PA YIN PAS, 'GAG BA NUB PAR 'GYUR BA YI, ,'BRAS BU SKYES PA JI LTAR SKYED, ,RGYU 'GAG PA LA 'BRAS BU SKYES PA SKYED PAR BYED PA'I MTHU NYID MED PA KHO NA 'O ZHES BYA BA'I TSIG GI DON TE ZHES BYA BA SMRAS TE, CHOS GZHAN LDOG PA GANG YIN PA DE CHOS GZHAN SKYE BA'I RGYU'I BDAG NYID YIN NA DE LDOG PA NI 'GAG PA'I PHYIR RGYU 'GAG PA YIN PAS RGYU 'GAG PA NUB PAR GYUR BAS 'BRAS BU SKYES PA SNGA NA YOD PA JI LTAR SKYED DE, RGYU 'GAG PA LA 'BRAS BU SKYES PA SKYED PAR BYED PA'I MTHU NYID MED PA KHO NA'O ZHES BYA BA'I TSIG GI DON TO, ,DRI BA GNYIS PA BSTAN PA'I PHYIR, 'ON TE RGYU'I BDAG NYID MA YIN NA NI DE LTA NA RGYU NGES PAR GNAS PA'I PHYIR 'BRAS BU SNANG BAR 'GYUR BA'I RIGS SO ZHES BYA BA SMRAS TE, 'ON TE CHOS GZHAN LDOG PA GANG YIN PA DE CHOS GZHAN SKYE BA'I RGYU'I BDAG NYID MA YIN NA NI DE LTA NA RGYU'I BDAG NYID MA YIN PA GZHAN ZHIG LDOG PAR ZAD KYI RGYU NGES PAR GNAS PA'I PHYIR 'BRAS BU DUS THAMS CAD DU SNANG BA'I SKYON DU 'GYUR RO, ,RE ZHIG DE DAG GIS NI GRANGS CAN DAG RGYU 'GAGS PAS 'BRAS BU SNGA NA YOD PA NYID SKYED PAR RTOG PA'I BRTAG PA SNGA MA MI RIGS PAR BSTAN TO, ,DE NI GRANGS @133A *, ,CAN DAG RGYU MA 'GAGS PA GNAS PAS 'BRAS BU SNGA NA YOD PA NYID SKYED PAR RTOG PA'I BRTAG PA GNYIS PA MI 'THAD PAR BSTAN PAR BYA STE, GAL TE DE LTAR 'DOD PA'I PHYIR DE MI GNOD DO ZHE NA ZHES BYA BA NI GAL TE GRANGS CAN DAG NA RE KHO BO CAG GI GZHUNG LAS RGYU'I RANG BZHIN NGES PAR GNAS PA LA 'BRAS BU NUS PA'I TSUL DU RTAG TU SNGA NA YOD PAR 'DOD PA'I PHYIR DE MI GNOD DO ZHES ZER NA'O, ,DE'I LAN DU 'GREL PA BYED PA NYID KYIS DE'I PHYIR BSHAD PA, 'BRAS BU DANG NI 'BREL PA'I RGYU, ,GNAS PAS KYANG NI JI LTAR SKYED, ,RANG GI BDAG NYID LAS GZHAN MA YIN PA'I PHYIR DPER NA RGYU'I RANG GI BDAG NYID BZHIN NO ZHES BYA BA SMRAS TE, DES NI YANG 'JIG RTEN NA RGYU DANG 'BRAS BU'I TSUL NI RGYU NI SNGA LA 'BRAS BU NI PHYI BA YIN NA GRANGS CAN DAG GI GZHUNG LTAR RGYU'I RANG BZHIN NGES PAR GNAS PA LA 'BRAS BU NUS PA'I TSUL DU RTAG TU SNGA NA YOD PA YIN NA 'BRAS BU DE DANG 'BREL PA'I RGYU DE NI 'BRAS BU'I RANG GI BDAG NYID LAS GZHAN MA YIN PA'I PHYIR DES KYANG 'BRAS BU SKYES PA SKYED PAR MI BYED PAR STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYU'I RANG GI BDAG NYID NI RANG GI BDAG NYID LAS GZHAN MA YIN PA'I PHYIR DES RANG GI BDAG NYID MI SKYED PA DE BZHIN DU 'BRAS BU DANG 'BREL PA'I RGYU GNAS PA YANG 'BRAS BU'I RANG GI BDAG NYID LAS GZHAN MA YIN PA'I PHYIR DES KYANG 'BRAS BU SKYED PAR MI BYED DO, ,DE NYID KYI 'THAD PA GZHAN BSTAN PA'I PHYIR, DE LTA BAS NA RGYU NGES PAR GNAS BAS DE NYID KYI 'BRAS BU SKYED PAR BYED DO ZHES SMRA BA DAG GI TSIG GIS RGYU DANG 'BRAS BU DUS MNYAM PA NYID DU RJES SU DPOG PAS RGYUS 'BRAS BU SKYED PAR BYED PA MA YIN PA NYID KYIS DE SKYED PA NYID YIN PA GSAL BA'I PHYIR DE RGYU NYID YIN PA GSAL BAS PHA ROL PO DAG GI DAM BCAS PA LA CHOS CAN RGYU'I NGO BO NYID LAS BZLOG PA'I SKYON YOD DO ZHES BYA BA SMRAS TE, DUS MNYAM PA NYID DU RJES SU DPOG PAS RGYU MA YIN PAR GSAL BA'I PHYIR RO, ,'BREL PA ZHES BYA BA NI TSOGS PA ZHES BYA BA'I THA TSIG GO ZHES BYA BA NI TSIG LE'UR BYAS PA SNGA MA LAS, 'BRAS BU DANG NI 'BREL PA'I RGYU, ,ZHES SMOS PA'I 'BREL PA ZHES BYA BA'I SGRA BSHAD PA DE, 'BREL @133B PA DANG TSOGS PA DANG LDAN PA DANG DUS GCIG PA ZHES BYA BA DAG NI RNAM GRANGS SO, ,DE LTAR RE ZHIG DE DAG GIS NI GRANGS CAN DAG RGYU MA 'GAGS PAR GNAS PAS 'BRAS BU SNGA NA YOD PA NYID SKYED PAR RTOG PA'I BRTAG PA GNYIS PA MI RIGS PAR BSTAN TO, ,DA NI MDO SDE PA DAG RGYU 'BRAS BU DANG MA 'BREL BAS 'BRAS BU SKYED PAR RTOG PA MI 'THAD PAR BSTAN PA'I PHYIR, GANG DAG ,CI STE DE 'BRAS MA 'BREL NA, ,RGYU DE 'BRAS BU DANG MA 'BREL PAR SMRA BA DE DAG GI YANG 'BRAS BU GANG ZHIG SKYED PAR BYED, 'BRAS BU SKYED PAR MI BYED PA NYID DE 'BRAS BUS STONG PA'I PHYIR DPER NA DE LAS GZHAN BZHIN NO ZHES BYA BAR DGONGS SO ZHES BYA BA SMRAS TE, DES NI MDO SDE PA DAG RGYU 'BRAS BU DANG MA 'BREL PAS 'BRAS BU SKYED PAR SMRA BA DAG GI GZHUNG BKAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RIGS MTHUN PA DE LAS GZHAN PA'I RIGS MI MTHUN PA'I RGYU 'BRAS BU DANG MA 'BREL PA NI 'BRAS BUS STONG PA'I PHYIR RIGS MI MTHUN PA'I 'BRAS BU SKYED PAR MI BYED PA DE BZHIN DU RIGS MTHUN PA'I RGYU 'BRAS BU DANG MA 'BREL PA YANG 'BRAS BUS STONG PA'I PHYIR RIGS MTHUN PA'I 'BRAS BU SKYED PAR MI BYED DO, ,DE LTAR RE ZHIG 'BRAS BU SPYIR DGAG PA BYAS SO ZHES BYA BA NI SKABS GONG MA DAG GI MJUG BSDU BA YIN TE, RE ZHIG DE DAG GIS NI PHYI NANG GI 'BRAS BU SPYIR YANG DGAG PA BSTAN TO, ,DA NI MIG GI RNAM PAR SHES PA LA SOGS PA 'BRAS BU'I KHYAD PAR DAG GSAL BA'I PHYIR 'DI BSTAN PAR BYA STE ZHES BYA BA LA SOGS PAS NI RGYU SKYE MCHED RNAMS KYIS 'BRAS BU RNAM PAR SHES PA RNAMS SKYED PAR MI BYED PAR STON TO, ,DE NYID BSTAN PA'I PHYIR, 'DI LA MIG GI DBANG PO NI MIG GI RNAM PAR SHES PA'I RGYU YIN NA DES GZUGS MTHONG NAS MIG GI RNAM PAR SHES PA SKYED PAR BYED DAM, MA MTHONG BAS SKYED PAR BYED GRANG NA, GNYI GA LTAR YANG MI SRID DE ZHES BRTAG PA GNYIS SMRAS SO, ,KHA CIG NA RE MTHONG NA NI SKYE BA DON MED PA NYID DU 'GYUR BA'I PHYIR DANG, MA MTHONG NA YANG RKYEN MED PA'I PHYIR, ,RGYUS NI MTHONG DANG MA MTHONG BAR, ,'BRAS BU SKYED PAR MI BYED DO, ,ZHES ZER RO ZHES BYA BA NI 'GREL PA BYED PA NYID KYIS BSHAD PA'I GZHUNG YIN TE, DES NI DBANG POS YUL @134A *, ,MTHONG NAS SAM, MA MTHONG BAR YANG 'BRAS BU RNAM PAR SHES PA SKYED PAR MI BYED DO ZHES BSTAN TO, ,GZHAN DAG NA RE MTHONG NAS ZHES BYA BA NI PHRAD NAS ZHES BYA BA'I THA TSIG STE, 'DI LTAR YOD NA PHRAD PAR 'GYUR BAS YOD PA LA SKYE BAS CI BYA, MED PA LA YANG PHRAD PA MI SRID PAS MED PA LA CI ZHIG SKYE BAR 'GYUR ZHES ZER RO ZHES BYA BA NI GNAS BRTAN BUDDHA P'A LI TA LA SOGS PA 'GREL PA BYED PA GZHAN DAG GIS BSHAD PA'I TSIG YIN TE, DE DAG GIS NI DBANG PO DANG RNAM PAR SHES PA PHRAD NAS SAM MA PHRAD PAR YANG 'BRAS BU RNAM PAR SHES PA SKYED PAR MI BYED DO ZHES BSHAD DO, ,GZHAN MA YIN PA NA RE DE NI RIGS PA MA YIN TE ZHES BYA BA NI 'GREL PA BYED PA NYID KYIS, GNAS BRTAN BUD DHA P'A LI TA LA SOGS PA'I RNAM PAR BSHAD PA DE RIGS PA MA YIN PAR SUN 'BYIN PA'I TSIG YIN NO, ,CI'I PHYIR RIGS PA MA YIN ZHE NA, SNGAR, 'BRAS BU DANG NI 'BREL PA'I RGYU, ,GNAS PAS KYANG NI JI LTAR SKYED, ,CI STE DE 'BRAS MA 'BREL NA, ,'BRAS BU GANG ZHIG SKYED PAR BYED, ,CES BSTAN PA DANG, KHYAD PAR MED PA'I PHYIR DANG, GAL TE RGYU DANG RKYEN RNAMS KYI, ,TSOGS PA NYID LAS SKYE 'GYUR NA, ,TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,GAL TE RGYU DANG RKYEN RNAMS KYI; ,TSOGS PA NYID LAS SKYE 'GYUR NA, ,TSOGS LA 'BRAS BU MED NA NI, ,JI LTAR TSOGS PA NYID LAS SKYE, ,ZHES BSTAN PA DAG DANG YANG KHYAD PAR MED PA'I PHYIR RO ZHES BYA BA SMRAS SO, ,DE BZHIN DU RNA BA LA SOGS PA RGYU DAG GI RNA BA'I RNAM PAR SHES PA LA SOGS PA 'BRAS BU DAG SKYED PAR MI BYED PA NYID DU YANG BRJOD PAR BYA'O ZHES BYA BAS NI DBANG PO LHAG MA RNAMS KYIS KYANG YUL RNAMS DMIGS NAS SAM MA DMIGS PAR YANG 'BRAS BU RNAM PAR SHES PA RNAMS SKYED PAR MI BYED DO ZHES BSTAN TO, ,GZHAN DAG GIS SMRAS PA, DON DAM PAR RGYUS NI 'BRAS BU SKYED PAR BYED PA NYID DE, ,'BRAS BU'I RGYU YIN PA'I PHYIR RO, ,'DI NA GANG GIS GANG SKYED PAR MI BYED PA DE NI DE'I RGYU MA YIN TE, DPER NA BUM PA DANG SNAM BU BZHIN PAS DE LTA NA GTAN TSIGS GRUB PA'I PHYIR 'DOD PA'I DON GRUB PO ZHES BYA BA NI PHA ROL PO DAG 'BRAS BU'I RGYU YIN PA'I GTAN TSIGS KYIS 'BRAS BU SKYED PAR SGRUB PA'I TSIG YIN TE, @134B DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, MJUG BSDU BA YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA ZHES BYA BA LA SOGS PA SMRAS TE, 'DI LA GAL TE RGYUS 'BRAS BU SKYED PAR 'GYUR NA PHRAD NAS SKYED PAR 'GYUR GRANG NA 'BRAS BU DANG RGYU DAG PHRAD PA NI MU RNAM PA DGU'I TSUL GYIS JI LTAR YANG MI 'THAD PAR STON TE, DE LA, 'BRAS BU 'DAS PA RGYU 'DAS DANG, ,MA SKYES PA DANG SKYES PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, , ZHES BYA BA NI MU DANG PO GSUM YIN NO, ,DE NYID BYE BRAG TU BSHAD PA BSTAN PA'I PHYIR, 'BRAS BU 'DAS PA NI RGYU 'DAS PA DANG, MA SKYES PA DANG LHAN CIG PHRAD PAR GYUR PA NAM YANG YOD PA MA YIN TE, 'BRAS BU DANG RGYU GNYI GA MED PA'I PHYIR RO ZHES BYA BAR DGONGS SO, ,'BRAS BU 'DAS PA DANG RGYU SKYES PA YANG LHAN CIG PHRAD PAR 'GYUR BA NAM YANG YOD PA MA YIN TE, 'BRAS BU MED PA'I PHYIR RO ZHES BYA BA SMRAS SO, ,'BRAS BU MA SKYES RGYU MA SKYES, ,'DAS PA DANG NI SKYES PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, ,ZHES BYA BA NI MU BAR MA GSUM YIN NO, ,DE NYID BYE BRAG TU BSHAD PA BSTAN PA'I PHYIR, 'BRAS BU MA SKYES PA NI RGYU MA SKYES PA DANG, 'DAS PA DANG, LHAN CIG PHRAD PAR 'GYUR BA NAM YANG YOD PA MA YIN TE, 'BRAS BU DANG RGYU GNYI GA MED PA'I PHYIR RO, ,'BRAS BU MA SKYES PA DANG RGYU SKYES PA YANG LHAN CIG PHRAD PAR 'GYUR BA NAM YANG YOD PA MA YIN TE, 'BRAS BU MED PA'I PHYIR RO ZHES BYA BA SMRAS SO, ,'BRAS BU SKYES PA RGYU SKYES DANG, ,MA SKYES PA DANG 'DAS PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, ,ZHES BYA BA NI MU THA MA GSUM YIN NO, ,DE NYID BYE BRAG TU BSHAD PA BSTAN PA'I PHYIR, 'BRAS BU SKYES PA NI RGYU SKYES PA DANG, LHAN CIG PHRAD PAR 'GYUR BA NAM YANG YOD PA MA YIN TE, RGYU DANG 'BRAS BU GNYIS DUS GCIG TU 'BYUNG BA BKAG PA'I PHYIR RO, ,'BRAS BU SKYES PA DANG RGYU MA SKYES PA DANG, 'DAS PA YANG LHAN CIG PHRAD PAR 'GYUR BA NAM YANG YOD PA MA YIN TE, RGYU GNYI GA MED PA'I PHYIR RO ZHES BYA BA @135A *, ,SMRAS SO; ,DE'I PHYIR DE LTAR DPYAD NA RGYU DANG 'BRAS BU JI LTAR YANG PHRAD PA YOD PA MA YIN PA DE'I PHYIR, PHRAD PA YOD PA MA YIN NA, ,RGYUS NI 'BRAS BU JI LTAR SKYED, CES BYA BA GSUNGS TE SKYED PAR MI BYED DO, PHRAD PA YOD PA MA YIN PA'I PHYIR RO ZHES BYA BA BSGRUB PAR BYA BA DANG, SGRUB PA'I TSIG GI DON MNGON NO ZHES BYA BA NI PHRAD PA YOD PA MA YIN PAS SKYED PAR MI BYED PA'I MJUG BSDU BA YIN TE, SKYED PAR MI BYED PAS NI BSGRUB PAR BYA BA'I TSIG GI DON SNGON LA PHRAD PA YOD PA MA YIN PAS NI SGRUB PA'I TSIG GI DON MNGON PAR STON TO, ,DE NYID KYI RJES SU DPAG PA BSTAN PA'I PHYIR, 'DIR RJES SU DPAG PA NI DON DAM PAR RGYUS NI 'BRAS BU SKYED PAR MI BYED DO, PHRAD PA YOD PA MA YIN PA'I PHYIR DPER NA SA'I STENG NA 'DUG PA'I SA BON DANG RI'I SGANG NA 'DUG PA'I SA BON BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SA'I STENG NA 'DUG PA'I SA BON NI RI'I SGANG NA 'DUG PA'I SA BON DANG PHRAD PA YOD PA MA YIN PA'I PHYIR DES DE SKYED PAR MI BYED PA DE BZHIN DU RGYU YANG 'BRAS BU DANG PHRAD PA YOD PA MA YIN PA'I PHYIR RGYUS 'BRAS BU SKYED PAR MI BYED DO, ,GANG DAG RGYU DANG 'BRAS BU MI MTHUN PA MED PA'I PHYIR RGYU DANG 'BRAS BU PHRAD PAR SMRA BA DE DAG LA YANG ZHES BYA BA NI GAL TE PHA ROL PO GANG DAG 'DI SKAD CES KHO BO CAG RGYU DANG 'BRAS BUR 'BREL PA LA PHRAD PAR MI SMRA STE, DPER NA DBYUG PA CAN DBYUG PA DANG 'BREL PA RGYU DANG 'BRAS BU PHRAD PA MA YIN PA BZHIN NO, ,RGYU DANG 'BRAS BU MI MTHUN PA MED PA NI RGYU DANG 'BRAS BU PHRAD PA YIN PAR SMRA STE, DPER NA NAS KYI SA BON LAS KYANG MI MTHUN PA MED PA NAS KYI MYU GU NYID 'BYUNG LA, 'BRAS KYI SA BON LAS KYANG MI MTHUN PA MED PA 'BRAS KYI MYU GU NYID 'BYUNG BA LTA BU NI RGYU DANG 'BRAS BU PHRAD PA YIN PAR SMRA BAS KHYED DBU MA PAS 'BRAS BU DANG RGYU DAG LHAN CIG PHRAD PAR 'GYUR BA NAM YANG YOD PA MA YIN NO ZHES BSHAD PA DE DAG KHO BO CAG GI PHYOGS LA MI GNOD DO ZHES ZER BA'I TSIG YIN NA DE DAG LA YANG 'DI SKAD CES BRJOD PAR BYA'O ZHES BYA BAR SBYAR RO, ,DE'I PHYIR, RGYUS 'BRAS BU SKYED PAR BYED NA RGYU YIN GYI 'BRAS BU SKYED PAR MI BYED PA NI RGYU MA YIN PAS RGYU MA YIN PA JI LTAR RGYUR 'GYUR, RGYUS 'BRAS BU SKYED ZIN PA LA NI YANG BSKYED PAR BYA BA CI YANG @135B MED PA'I PHYIR RGYU NYID MI SRID DO ZHES BYA BA DAG GIS GAL GNYIS KYI RGYU NYID MI 'THAD PAR BSTAN TE, DE DAG GI DON RGYU DANG 'BRAS BU MI MTHUN PA MED DU ZIN KYANG GANG GI TSE RGYUS 'BRAS BU SKYED PAR BYED PA DE'I TSE NA RGYU YIN GYI 'BRAS BU SKYED PAR MI BYED PA NI RGYU MA YIN PAS JI SRID DU 'BRAS BU MA SKYED PA DE SRID DU 'BRAS BU DANG RGYU LHAN CIG PHRAD PAR 'GYUR BA NAM YANG YOD PA MA YIN PAS RGYUS 'BRAS BU SKYED PAR MI BYED PA RGYU MA YIN PA DE RGYUR MI 'GYUR BA DANG, 'BRAS BU BSKYED ZIN PA LA NI YANG BSKYED PAR BYA BA CI YANG MED PA'I PHYIR DE LA YANG RGYU NYID MI SRID DO ZHES BSTAN TO, ,BYED DO BYAS SO BYED PAR 'GYUR RO ZHES BYA BAS RGYU BYE BRAG TU BSHAD PA BYED NA YANG ZHES BYA BA NI PHA ROL PO DAG NA RE RGYU ZHES BYA BA'I SGRA BYE BRAG TU BSHAD PA NI BYED PA'I RGYU ZHES BYA BA YIN PAS 'DIR 'BRAS BU DANG LHAN CIG PHRAD PAR 'GYUR BA MED DU ZIN KYANG 'JIG RTEN NA DA LTAR BYED DO SNGON BYAS SO PHYIS BYED PAR 'GYUR RO ZHES BRJOD PA MTHONG BAS DE NYID RGYU YIN PA'I PHYIR RGYU YANG YOD LA, RGYU YOD NA DES 'BRAS BU YANG SKYED PAR BYED DO ZHES ZER BA'I TSIG YIN NO, ,DE'I LAN DU, THA SNYAD KYI BDEN PAR SGRUB PAR ZAD KYI DON DAM PAR DE DANG MTHUN PA CUNG ZAD KYANG STON PAR MI NUS SO ZHES BYA BA SMRAS TE, DE LTAR BYED DO BYAS SO BYED PAR 'GYUR RO ZHES BYA BAS RGYU BYE BRAG TU BSHAD PA NI THA SNYAD KYI BDEN PA SGRUB PAR ZAD KYI, DON DAM PAR RGYU DANG MTHUN PA CUNG ZAD KYANG STON PAR MI NUS PAS DES KYANG RGYUS 'BRAS BU SKYES PAR SGRUB MI NUS SO, ,CI STE MI 'THAD BZHIN DU RTOG NA YANG, ,PHRAD PA YOD PA YIN NA YANG, ,RGYUS NI 'BRAS BU JI LTAR SKYED, ,'BRAS BU YOD NA YANG SNGA MA BZHIN DU SKYE BA DON MED PA NYID DU 'GYUR BA'I PHYIR RO ZHES BYA BAR DGONGS SO ZHES BYA BA NI CI STE MI 'THAD BZHIN DU RGYU DANG 'BRAS BU PHRAD PAR RTOG NA DE LTA NA YANG RGYU DANG 'BRAS BU YOD PA NYID NA PHRAD PAS RGYU YOD PA NYID KYIS 'BRAS BU DE JI LTAR SKYED PAR 'GYUR, 'BRAS BU YOD PA DE NYID LA YANG BSKYED PAR BYA BA'I DON MED PA NYID DU 'GYUR BA'I PHYIR DE YANG MI 'THAD DO ZHES BYA BAR DGONGS SO, ,YANG NA 'DI NI SUN DBYUNG BA'I LAM GZHAN YIN TE ZHES BYA BAS NI 'DI LA GAL TE RGYUS 'BRAS BU SKYED PAR BYED NA RGYU DE 'BRAS BU'I BDAG NYID KYIS STONG PA 'AM MI STONG BAS 'BRAS BU DE SKYED PAR BYED GRANG NA, BRTAG PA GNYI GA LTAR YANG MI 'THAD DO ZHES STON TO, ,DE LA @136A *, ,BRTAG PA DANG PO MI 'THAD PAR BSTAN PA'I PHYIR, GANG DAG GI GRUB PA'I MTHA' LAS RGYU 'BRAS BUS STONG PA DE DAG LA, ,GAL TE 'BRAS BU STONG PA'I RGYU, ,JI LTAR 'BRAS BU SKYED PAR BYED, ,CES BRJOD PAR BYA STE, DES STONG PA'I PHYIR, DPER NA DE LAS GZHAN BZHIN NO ZHES BSTAN TO ZHES BYA BA SMRAS TE, DES NI 'BRAS BU SNGA NA MED PAR SMRA BA DAG GI PHYOGS DGAG PA'I RNAM PA GZHAN BSTAN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RIGS MTHUN PA'I RGYU 'BRAS BUS STONG PA DE LAS GZHAN PA RIGS MI MTHUN PA'I RGYU 'BRAS BUS STONG PA NI 'BRAS BU DES STONG PA'I PHYIR 'BRAS BU SKYED PAR MI BYED PA DE BZHIN DU RIGS MTHUN PA'I RGYU 'BRAS BU DES STONG PA'I PHYIR 'BRAS BU SKYED PAR MI BYED DE, CI STE BYED NA NI BYE MAS KYANG TIL MAR DANG CHUS KYANG MAR BSKYED PAR 'GYUR RO, ,YANG NA BYE MA DANG TIL DAG LA YANG TIL MAR MED LA, CHU DANG ZHO DAG LA YANG MAR MED PAR 'DRA NA, TIL NYID LAS TIL MAR 'BYUNG LA, BYE MA DAG LAS MI 'BYUNG BA DANG, ZHO NYID LAS MAR 'BYUNG LA, CHU LAS MI 'BYUNG BA LA KHYAD PAR CI YOD PA BRJOD DGOS TE, DE LTA BAS NA 'BRAS BU'I BDAG NYID KYIS STONG PA'I RGYUS 'BRAS BU SKYED PAR BYED DO ZHES BYA BA DE MI 'THAD DO, ,BRTAG PA GNYIS PA MI 'THAD PAR BSTAN PA'I PHYIR, GANG DAG GI GRUB PA'I MTHA' LAS RGYU 'BRAS BUS MI STONG DE DAG LA YANG, GAL TE 'BRAS BUS MI STONG RGYU, ,JI LTAR 'BRAS BU SKYED PAR BYED, ,CES BRJOD PAR BYA STE, DES MI STONG PA'I PHYIR DPER NA 'BRAS BU'I BDAG NYID BZHIN NO ZHES BYA BAR DGONGS SO ZHES BYA BA SMRAS TE, DES NI 'BRAS BU SNGA NA YOD PAR SMRA BA DAG GI PHYOGS DGAG PA'I RNAM PA GZHAN BSTAN TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS BU'I BDAG NYID NI RANG GI BDAG NYID KYIS MI STONG PA'I PHYIR 'BRAS BU SKYED PAR MI BYED PA DE BZHIN DU 'BRAS BU MI STONG PA'I RGYU YANG 'BRAS BU DES MI STONG PA'I PHYIR 'BRAS BU SKYED PAR MI BYED DO, ,GANG GI TSE 'BRAS BU YOD PA NYID YIN NA NGO BO NYID KYIS STONG PA MA YIN LA, MI STONG PA SKYES ZIN PA LA NI YANG BSKYED PAR BYA BA MED DE, DE LTA @136B BAS NA 'BRAS BU'I BDAG NYID KYIS MI STONG PA'I RGYUS 'BRAS BU SKYED PAR BYED DO ZHES BYA BA DE YANG MI 'THAD DO, ,BYE BRAG TU SMRA BA DAG NI 'BRAS BU SKYE BA'I SNGA ROL NA YANG 'BRAS BU BDAG NYID KYIS MI STONG PAR SMRA BAS DE DGAG PA'I PHYIR SBYOR BA'I LAM GZHAN BSTAN PAR BYA STE ZHES BYA BA LA SOGS PAS NI NYAN THOS BYE BRAG TU SMRA BA DAG GI GRUB MTHA' LAS DUS GSUM GYI RGYU DANG 'BRAS BU'I DNGOS PO RDZAS SU YOD PAR 'DOD PAS RGYU 'DAS PA YANG 'DAS PA'I DUS NYID NA YOD LA, RGYU 'DAS PA DE LA BRTEN NAS, DA LTAR 'BRAS BU SKYES PA YANG DA LTAR GYI DUS NYID NA YOD CING RGYU DA LTAR YOD PA'I 'BRAS BU PHYIS 'BYUNG BAR 'GYUR BA YANG MA 'ONGS PA'I DUS NA YOD PAS 'BRAS BU 'DAS PA SKYE BA'I SNGA ROL NA YANG DA LTAR GYI 'BRAS BU DA LTAR GYI DUS NA YOD LA, DA LTAR GYI 'BRAS BU SKYE BA'I SNGA ROL NA YANG 'BRAS BU MA 'ONGS PA MA 'ONGS PA'I DUS NA YOD DE, DE LTAR 'BRAS BU RNAMS SKYE BA'I SNGA ROL NA YANG 'BRAS BU'I BDAG NYID KYIS MI STONG PAR YOD PA DE DAG DUS 'PHOS NA RANG RANG GI GNAS SKABS SU RGYUS SKYED PAR BYED DO ZHES 'BRAS BU NGO BO NYID YOD PA'I SGO NAS RGYU YANG NGO BO NYID YOD PAR SMRA BAS 'DIR DE DGAG PA'I PHYIR, 'BRAS BU SKYE BA'I SNGA ROL NA YANG 'BRAS BU'I BDAG NYID KYIS MI STONG PAR YOD PA LA SKYE BA DANG 'GAG PA MED PA'I SKYON DU 'GYUR BAS DE NI MI 'DOD DE, 'BRAS BU'I DNGOS PO NI SKYE BA DANG 'GAG PA'I CHOS CAN NYID YIN PAS NGO BO NYID MED LA, DE LTAR 'BRAS BU'I NGO BO NYID MED PA NYID KYI SGO NAS RGYU YANG NGO BO NYID MED PAS, DON DAM PAR RGYUS 'BRAS BU SKYED PAR MI BYED DO ZHES SBYOR BA'I LAM GZHAN BSTAN PAR STE ZHES BYA BAR SBYOR RO, ,DE'I PHYIR, 'BRAS BU MI STONG SKYE MI 'GYUR, ,MI STONG 'GAG PAR MI 'GYUR RO, ,ZHES BYA BA SMRAS TE, DES NI BYE BRAG TU SMRA BA DAG 'DOD PA LTAR 'BRAS BU SKYE BA'I SNGA ROL NA YANG 'BRAS BU'I BDAG NYID KYIS MI STONG PAR YOD PAR GYUR NA GANG DANG GANG YOD PA DE DANG DE NI SKYE BA MED PA'I CHOS CAN DANG 'GAG PA MED PA'I CHOS CAN YIN PAS 'BRAS BU MI STONG PAR YOD PA DE YANG SKYE BA DANG 'GAG PAR MI 'GYUR BA'I SKYON DU THAL BAR 'GYUR BAS DE LTAR NI MI 'DOD DO ZHES BSTAN TO, ,DE NYID BYE BRAG TU BSHAD PA BSTAN PA'I PHYIR, 'BRAS BU RTEN CING 'BREL PAR 'BYUNG BA MA YIN PA NYID 'BRAS BU'I BDAG NYID KYIS YOD PA LA NI SKYE BA DON MED PA NYID YIN PAS DE'I PHYIR SKYE BAR MI 'GYUR @137A *, ,RO; ,MA SKYES PA LA NI NGO BO NYID 'GYUR BA MED PA NYID YIN PAS DE'I PHYIR 'GAG PAR MI 'GYUR RO ZHES BYA BA SMRAS TE, BYE BRAG TU SMRA BA DAG 'DOD PA LTAR 'BRAS BU SKYE BA'I SNGA ROL NA YANG 'BRAS BU'I BDAG NYID KYIS MI STONG PAR YOD PAR GYUR NA DE NI 'BRAS BU RTEN CING 'BREL PAR 'BYUNG BA MA YIN PA NYID DE, DE LTAR 'BRAS BU RTEN CING 'BREL PAR 'BYUNG BA MA YIN PA NYID 'BRAS BU'I BDAG NYID KYI NGO BO NYID KYIS YOD PA LA NI YANG SKYE BA DON MED PA NYID YIN PAS DE'I PHYIR SKYE BAR MI 'GYUR RO, ,SKYES NA 'GAG PAR 'GYUR GYI MA SKYES PA NI 'GAG PAR MI 'GYUR BAS MA SKYES PA LA NI NGO BO NYID 'GYUR BA MED PA NYID YIN PAS, DE'I PHYIR 'GAG PAR YANG MI 'GYUR RO, ,DE LTAR NA YANG, MI STONG DE NI MA 'GAGS DANG, ,MA SKYES PAR YANG 'GYUR BA YIN, ,ZHES BYA BAS NI BYE BRAG TU SMRA BA DAG GIS 'BRAS BU MA 'ONGS PA YOD PA NYID KYIS MI STONG PAR BTAGS PA GANG YIN PA DE NI MA 'GAGS PA DANG MA SKYES PA'I SKYON DU YANG THAL BAR 'GYUR RO ZHES BYA BA'I THA TSIG GO, ,DE LTA MI 'DOD DE, 'BRAS BU NI SKYE BA DANG 'GAG PA'I CHOS CAN NYID DU 'DOD DO ZHES BYA BAS NI GLAGS YOD PA'I TSIG DE LAS BZLOG PAS SKABS KYI DON NYID BSTAN TE, 'BRAS BU NI SKYE BA MED PA DANG 'GAG PA MED PA NYID DU MI 'DOD DE, SKYE BA DANG 'GAG PA'I CHOS CAN NYID DU 'DOD LA; 'BRAS BU SKYE BA DANG 'GAG PA'I CHOS CAN NYID YIN PA'I SGO DE NAS RGYU YANG SKYE BA DANG 'GAG PA'I CHOS CAN NYID DU 'DOD DO ZHES BSTAN TO, ,BYE BRAG TU SMRA BA DAG 'DOD PA LTAR 'BRAS BU NGO BO NYID MI STONG PA YIN NA DE LA SKYE BA DANG 'GAG PA MED PA'I SKYON DU THAL BAR 'GYUR BA'I RJES SU DPAG PA BSTAN PA'I PHYIR DES NA GANG DANG GANG YOD PA DE DANG DE NI SKYE BA MED PA'I CHOS CAN DANG 'GAG PA MED PA'I CHOS CAN YIN PAR MTHONG STE, YOD PA'I PHYIR DPER NA DA LTAR GYI SKAD CIG MA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR GYI SKAD CIG MA NI YOD PA'I PHYIR DE LA SKYE BA DANG 'GAG PA MED PAR MTHONG BA DE BZHIN DU BYE BRAG TU SMRA BA DAG GIS BTAGS PA'I 'BRAS BU MA 'ONGS PA DE YANG YOD PA YIN NA YOD PA'I PHYIR DE LA SKYE BA DANG 'GAG PA MED PAR 'GYUR BAS DES NI MI 'DOD DO, ,BYE @137B BRAG TU SMRA BA DAG GI DAM BCAS PA LA SKYON GZHAN YANG YOD PAR BSTAN PA'I PHYIR, DE LTAR 'BRAS BU YOD PA NYID DANG RJES SU DPOG PAS YOD PA NYID LA SKYE BA MED PA DANG 'GAG PA MED PA NYID KYIS SKYE BA DANG 'GAG PA MED PA DE DAG BSAL BA'I PHYIR BYE BRAG TU SMRA BA DAG GI DAM BCAS PA LA MI STONG BAR SGRUB PA'I CHOS CAN 'BRAS BU'I NGO BO NYID BSAL BA'I SKYON YOD DO ZHES BYA BA SMRAS TE, DE NI MI 'DOD DO, ,DES NA GLAGS YOD PA'I TSIG DE LAS BZLOG PAS SKABS KYI DON 'DI SKAD BSTAN TE, BYE BRAG TU SMRA BA DAG GIS DUS GSUM GYI RGYU DANG 'BRAS BU'I DNGOS PO RDZAS SU YOD PAR BTAGS PA DAG LAS RGYU 'DAS PA'I 'BRAS BU DA LTAR YOD PA DANG, RGYU DA LTAR YOD PA'I 'BRAS BU MA 'ONGS PA'I DUS NA 'BRAS BU'I BDAG NYID KYIS MI STONG PAR YOD PAR 'DOD PA DE DAG LA NI SKYE BA DANG 'GAG PA MED PA'I SKYON DU 'GYUR BAS DE NI MI 'DOD DE, 'BRAS BU DNGOS PO NI SKYE BA DANG 'GAG PA'I CHOS CAN NYID YIN PAS NGO BO NYID MED LA; DE LTAR 'BRAS BU NGO BO NYID MED PA'I SGO NAS 'BRAS BU MA 'ONGS PA'I RGYU DA LTAR YOD PA DANG, 'BRAS BU DA LTAR YOD PA'I RGYU 'DAS PA'I DUS NA RGYU'I NGO BO NYID KYIS MI STONG PAR YOD PAR 'DOD PA DE DAG LA YANG SKYE BA DANG 'GAG PA MED PA'I SKYON DU 'GYUR BAS DE YANG MI 'DOD DE, RGYU'I DNGOS PO NI SKYE BA DANG 'GAG PA'I CHOS CAN NYID YIN PAS NGO BO NYID MED PA'I PHYIR DON DAM PAR RGYUS 'BRAS BU SKYED PAR MI BYED DO ZHES BSTAN TO, ,'JIG RTEN RGYANG PHAN PA DAG NI 'BRAS BU SKYE BA'I SNGA ROL NA NI MED PA'I NGO BO NYID YIN PAS 'BRAS BU STONG PA'I NGO BO NYID YIN LA, SKYES NA YANG DNGOS PO GZHAN GYI NGO BO NYID MED PA YIN NO ZHES ZER BAS ZHES BYA BA LA SOGS PAS NI 'JIG RTEN RGYANG PA NA ? BDAG GI GRUB PA'I MTHA' LAS SNGA NA MED PA DANG, GCIG LA GCIG MED PAS DNGOS PO THAMS CAD STONG PAR 'DOD PAS 'BRAS BU SKYE BA'I SNGA ROL NA MED PA'I NGO BO NYID YIN PAS 'BRAS BU STONG PA'I NGO BO NYID NI SNGA NA MED PA YIN LA, 'BRAS BU DA LTAR SKYES NA YANG DPER NA 'BRU'I NGO BO NYID LA 'BRU MA YIN PA'I DNGOS PO MED PA LTAR 'BRAS BU LA DNGOS PO GZHAN GYI NGO BO NYID MED PA NI GCIG LA GCIG MED PA YIN PAS SNGA NA MED PA NI SKYE BA'I SNGA ROL NA MED PA'I TSUL GYIS RGYU MED PA LAS SKYE BA YIN LA, GCIG LA GCIG MED PA NI @138A *, ,GZHAN SEL BA'I TSUL GYIS RGYU MED PAR 'GAG PA YIN TE, DA LTAR DNGOS PO NI SKYE BA DANG 'GAG PAR SNANG BA TZAM ZHIG YOD PAR ZAD KYI, RGYU DANG 'BRAS BU NI MED DO ZHES ZER BAS DA 'DIS DE DGAG PA'I PHYIR SNGA NA MED PAS STONG PA DAG LA SKYE BA DANG 'GAG PA MED PA'I SKYON DU 'GYUR BAS RGYU MED PAR SKYE BA DANG 'GAG PAR MI 'DOD DE, 'BRAS BU'I DNGOS PO NI RGYU LAS SKYE ZHING RANG GI NGANG GIS 'GAG PA'I CHOS CAN NYID YIN PAS MED PA'I NGO BO NYID MA YIN LA, DE LTAR 'BRAS BU MED PA'I NGO BO NYID MA YIN PA'I SGO NAS RGYU YANG MED PA'I NGO BO NYID MA YIN PAS DON DAM PAR MED PA'I NGO BO NYID RGYU MED PAR SKYE BA DANG 'GAG PAR MI 'GYUR RO ZHES STON TO, ,DE'I PHYIR DE DAG LA YANG, STONG PA JI LTAR SKYE 'GYUR ZHING, ,STONG PA JI LTAR 'GAG PAR 'GYUR, ,ZHES BRJOD PAR BYA STE ZHES BYA BA SMRAS TE, DE DAG GIS NI 'JIG RTEN RGYAD ? PHAN PA DAG 'DOD PA LTAR SNGA NA MED PA STONG PA RGYU MED PA LAS SKYE'O ZHES BYA BAR STONG PA DE JI LTAR SKYE BAR 'GYUR ZHING GCIG LA GCIG MED PAS STONG PA RGYU MED PAR 'GAG GO ZHES BYA BAR STONG PA DE JI LTAR 'GAG PAR 'GYUR ZHES GO RIMS BZHIN DU DGAG PA STON TO, ,DE LA RE ZHIG SNGA NA MED PAS STONG PA RGYU MED PA LAS SKYE'O ZHES BYA BAR STONG PA DE SKYE BAR MI RIGS PAR RJES SU DPAG PA BSTAN PA'I PHYIR DON DAM PAR STONG PA NI SKYE BAR MI RJES TE MED PA'I PHYIR DPER NA NAM MKHA'I ME TOG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI MED PA'I PHYIR SKYE BAR MI RIGS PA DE BZHIN DU SNGA NA MED PAS STONG PA YANG MED PA'I PHYIR SKYE BAR MI RIGS PAS SNGA NA MED PAS STONG PA SKYE BA MED PAR RGYU MED PA LAS SKYE BAR MI RIGS SO, ,DA NI GCIG LA GCIG MED PAS STONG PA RGYU MED PAR 'GAG GO ZHES BYA BAR STONG PA DE 'GAG PAR MI RIGS PAR RJES SU DPAG PA BSTAN PA'I PHYIR, DON DAM PAR 'BRAS BU'I NGO BO NYID LA 'BRAS BU MA YIN PA'I DNGOS PO MED PA NI 'GAG PAR MI RIGS TE, 'BRAS BU MA YIN PA'I DNGOS PO MED PA'I PHYIR DPER NA 'BRAS BU MA YIN PA ZHIG NAS MED PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB @138B PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'BRAS BU MA YIN PA BUM PA LA SOGS PA ZHIG NAS MED PA NI 'BRAS BU MA YIN PA'I DNGOS PO MED PA'I PHYIR 'GAG PAR MI RIGS PA DE BZHIN DU 'BRAS BU'I NGO BO NYID LA 'BRU MA YIN PA'I DNGOS PO MED PA YANG 'BRAS BU MA YIN PA'I DNGOS PO MED PA'I PHYIR 'GAG PAR MI RIGS PAS GCIG MED PAS STONG PA 'GAG PA MED PA RGYU MED PAR 'GAG PAR MI RIGS SO, ,DES NA GLAGS YOD PA'I TSIG DE LAS BZLOG PAS SKABS KYI DON 'DI SKAD BSTAN TE, 'JIG RTEN RGYANG PHAN PA DAG SNGA NA MED PAS STONG PA RGYU MED PAS LAS SKYE BA DANG GCIG LA GCIG MED PAS STONG PA RGYU MED PAR 'GAG PAR 'DOD PA DE DAG LA SKYE BA DANG 'GAG PA MED PA'I SKYON DU 'GYUR BAS RGYU MED PAR SKYE BA DANG 'GAG PAR MI 'DOD DE, 'BRAS BU'I DNGOS PO NI RGYU LAS SKYE ZHING RANG GI DANG GIS 'GAG PA'I CHOS CAN NYID YIN PAS MED PA'I NGO BO NYID MA YIN LA, DE LTAR 'BRAS BU MED PA'I NGO BO NYID MA YIN PA'I SGO NAS RGYU YANG MED PA'I NGO BO NYID MA YIN PAS DON DAM PAR MED PA'I NGO BO NYID RGYU MED PAR SKYE BA DANG 'GAG PAR MI 'GYUR RO ZHES BSTAN TO, ,YANG NA KHO BO CAG NI DON DAM PA'I BDEN PA LA RNAM PAR LTOS PAS RTEN CING 'BREL PAR 'BYUNG BA YOD PA'I NGO BO NYID STONG PA NYID KYIS STONG PAR BRJOD PAS MI STONG PA CUNG ZAD CIG YOD PAR GYUR NA DE NI DE LAS BZLOG PAR 'GYUR BAS DE LTA BU DE NI THA SNYAD DU YANG NAM MKHA'I ME TOG BZHIN DU MA GRAGS PA'I PHYIR, 'BRAS BU MI STONG SKYE MI 'GYUR, ,MI STONG 'GAG PAR MI 'GYUR RO, ,DE LTA NA, MI STONG DE NI MA 'GAGS DANG, ,MA SKYES PAR YANG 'GYUR BA YIN, ,ZHES BYA BAS NI SNGAR BYE BRAG TU SMRA BA DAG 'BRAS BU SKYE BA'I SNGA ROL NA YANG 'BRAS BU'I BDAG NYID KYIS MI STONG PAR SMRA BA DGAG PA'I TSIG LE'UR BYAS PA JI SKAD BSTAN PA DE'I DON RNAM PA GZHAN DU RNAM PAR BSHAD PA STON TO, ,'DIS NI 'DI SKAD STON TE, BYE BRAG TU SMRA BA DAG GIS 'BRAS BU MI STONG PAR BTAGS PA DE DBU MA PA DON DAM PAR RTEN CING 'BREL PAR 'BYUNG BA NGO BO NYID STONG PA NYID DU BLTA BA'I PHYOGS LA KUN RDZOB KYI THA SNYAD DU YANG NAM MKHA'I ME TOG BZHIN DU YOD PAR MA GRAGS @139A *, ,PA'I PHYIR 'BRAS BU MI STONG PA CUNG ZAD CIG YOD CES BYAR MI STONG PA DE MED PA'I PHYIR MED PA DE LA SKYE BA DANG 'GAG PA MED PA'I SKYON DU 'GYUR BAS MI STONG PA YOD PA MA YIN NO, ,'BRAS BU STONG PA NYID YIN NA DE LA SKYE BA DANG 'GAG PA YANG 'THAD PAS DPER NA SGYU MA BZHIN DU NGO BO NYID MED PA YIN TE, DE LTAR 'BRAS BU NGO BO NYID MED PA NYID DU BRJOD PAR BYA'O ZHES STON TO, ,DE YANG 'DI LTAR SBYAR TE, KHO BO CAG DBU MA PA NI DON DAM PA'I BDEN PA LA RNAM PAR LTOS PAS RTEN CING 'BREL BAR 'BYUNG BA'I CHOS THAMS CAD DON DAM PAR YOD PA'I NGO BO NYID STONG PA NYID GYIS STONG PAR BRJOD PAS DES NA GAL TE MI STONG PA CUNG ZAD CIG YOD PAR GYUR NA DE NI STONG PA DE LAS BZLOG PAR 'GYUR BAS MI STONG PA'I DNGOS PA DE LTA BU NI KUN RDZOB KYI THA SNYAD DU YANG NAM MKHA'I ME TOG BZHIN DU YOD PAR MA GRAGS PA'I PHYIR, 'BRAS BU MI STONG SKYE MI 'GYUR, ,MI STONG 'GAG PAR MI 'GYUR RO, ,ZHES SMRAS TE, 'BRAS BU MI STONG PA CUNG ZAD CIG YOD CES BYAR MI STONG PA DE NAM MKHA'I ME TOG BZHIN DU GTAN MI SRID PA'I PHYIR DE LA SKYE BA DANG 'GAG PA MED PA'I SKYON DU 'GYUR BAS MI STONG PA YOD PA MA YIN NO, ,DE LTA NA, MI STONG DE NI MA 'GAGS DANG, ,MA SKYES PAR YANG 'GYUR BA YIN, ,ZHES BYA BAS NI DE LTAR 'BRAS BU MI STONG PA YOD PA MA YIN PA DE SKYE BA DANG 'GAG PAR MI 'GYUR BAS MI STONG PA DE YOD CES BYAR DE NI MA 'GAGS PA DANG, MA SKYES PA'I SKYON DU YANG 'GYUR BAS MI STONG PA YOD PA MA YIN PAR BSTAN TO, ,DE NYID BYE BRAG TU BSHAD PA BSTAN PA'I PHYIR; 'DI NI MI STONG PA NYID KYIS SKYE BA MED PA DANG 'GAG PA MED PAR THAL BAR 'GYUR BAR BSTAN PAS STONG PA NYID YIN NA, 'BRAS BU SKYE BA DANG 'GAG PA'I CHOS DANG LDAN PA'I PHYIR BSGRUB PAR BYA BA DANG, SGRUB PA'I CHOS MNGON PAS ZHES BYA BA SMRAS TE, TSIG LE'UR BYAS PA'I SKABS KYI DON 'DIS NI BYE BRAG TU SMRA BA DAG MI STONG PAR RJES SU DPOG PA NYID KYIS MI STONG PA DE DBU MA PA LA MI SRID PAS DE LA SKYE BA DANG 'GAG PA MED PAR THAL BAR 'GYUR BAR BSTAN PAS, STONG PA NYID YIN NA 'BRAS BU SKYE BA DANG 'GAG PA'I CHOS DANG LDAN PA'I PHYIR BSGRUB PAR BYA BA CHOS STONG PA NYID DANG, SGRUB PA'I @139B CHOS SKYE BA DANG 'GAG PA DANG LDAN PA MNGON PAS RJES SU DPAG PA 'DI LTAR BYA'O ZHES STON TO, ,DE NYID KYI RJES SU DPAG PA BSTAN PA'I PHYIR, DON DAM PAR 'BRAS BU NI STONG PA NYID YIN TE, SKYE BA DANG 'GAG PA'I PHYIR DPER NA SGYU MA BZHIN NO ZHES BRJOD PAR BYA'O ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SGYU MA NI SKYE BA DANG, 'GAG PA'I PHYIR STONG PA NYID YIN PA DE BZHIN DU 'BRAS BU YANG SKYE BA DANG 'GAG PA'I PHYIR STONG PA NYID YIN NO, ,DE LTAR 'BRAS BU STONG ZHING NGO BO NYID MED PA NYID KYI SGO NAS RGYU YANG STONG ZHING NGO BO NYID MED PA NYID DU BRJOD PAR BYA'O, ,DE BZHIN DU GAL TE 'BRAS BU MED PA'I NGO BO NYID YIN PAR GYUR NA, THA SNYAD DU YANG SKYE BA MED PA DANG, 'GAG PA MED PAR 'GYUR TE, MED PA'I PHYIR DPER NA NAM MKHA'I ME TOG BZHIN PAS, STONG PA JI LTAR SKYE 'GYUR ZHING; ,STONG PA JI LTAR 'GAG PAR 'GYUR, ,ZHES BYA BAS NI SNGAR 'JIG RTEN RGYANG PHAN PA DAG 'BRAS BU SNGA NA MED PA DANG GCIG LA GCIG MED PAS STONG PAR SMRA BA DGAG PA'I TSIG LE'UR BYAS PA'I PHYED JI SKAD BSTAN PA DE'I DON RNAM PA GZHAN DU RNAM PAR BSHAD PA STON TO, ,'DIS NI 'DI SKAD STON TE; 'JIG RTEN RGYANG PHAN PA DAG GIS 'BRAS BU STONG PAR BTAGS PA DE STONG PAR RJES SU DPOG PA NYID KYIS DE LA THA SNYAD DU YANG NAM MKHA'I ME TOG BZHIN DU SKYE BA DANG 'GAG PA MED PA'I SKYON DU 'GYUR BAS STONG PA DE RGYU MED PAR SKYE BA DANG 'GAG PAR MI 'GYUR RO, ,'BRAS BU MI STONG PA NYID YIN NA DE LA SKYE BA DANG 'GAG PA YANG 'THAD PAS RGYU MED PAR SKYE BA DANG 'GAG PAR 'GYUR BA MA YIN TE, DPER NA RGYU MA SKYES PA DANG 'GAG PA'I CHOS DANG LDAN PA'I PHYIR RGYU MED PAR SKYE BA DANG, 'GAG PA MA YIN PA BZHIN TE, DA LTAR 'BRAS BU MED PA'I NGO BO NYID MA YIN PA'I SGO NAS RGYU YANG MED PA'I NGO BO NYID MA YIN PAR STON TO, ,DE YANG 'DI LTAR SBYAR TE, GAL TE 'JIG RTEN RGYANG PHAN PA DAG 'DOD PA LTAR 'BRAS BU SNGA NA MED PA DANG GCIG LA GCIG MED PAS MED PA'I NGO BO NYID YIN PAR GYUR NA, DE LA THA SNYAD DU YANG NAM MKHA'I ME TOG BZHIN DU SKYE BA DANG 'GAG PA MED PA'I SKYON DU 'GYUR @140A *, ,BAS STONG PA DE RGYU MED PAR SKYE BA DANG 'GAG PAR MI 'GYUR RO ZHES BYA BAR SBYAR RO, ,DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA NAM MKHA'I ME TOG NI MED PA'I PHYIR THA SNYAD DU YANG SKYE BA DANG 'GAG PA MED PAS RGYU MED PA LAS SKYE BA DANG RGYU MED PAR 'GAG PAR MI 'GYUR BA DE BZHIN DU 'JIG RTEN RGYANG PHAN PA DAG GIS BRTAGS PA'I 'BRAS BU YANG SNGA NA MED PA DANG GCIG LA GCIG MED PAS STONG PAS MED PA'I NGO BO NYID YIN PAR 'GYUR NA MED PA'I PHYIR THA SNYAD DU YANG SKYE BA DANG 'GAG PA MED PAS RGYU MED PA LAS SKYE BA DANG RGYU MED PAR 'GAG PAR MI 'GYUR RO, ,DE LTAR NA SKYE BA DANG 'GAG PA MED PA'I PHYIR, STONG PA DE YANG MA 'GAGS DANG, ,MA SKYES PAR YANG THAL BAR 'GYUR, ,ZHES BYA BAS NI 'JIG RTEN RGYANG PHAN PA DAG 'DOD PA LTAR 'BRAS BU SNGA NA MED PA DANG; GCIG LA GCIG MED PAS STONG PAS MED PA'I NGO BO NYID YIN PAR GYUR NA DE LA THA SNYAD DU YANG NAM MKHA'I ME TOG BZHIN DU SKYE BA DANG 'GAG PA MED PA'I PHYIR 'BRAS BU STONG PA DE YANG MA 'GAGS PA DANG, MA SKYES PA'I SKYON DU 'GYUR RO ZHES BSTAN TO, ,DE YANG MI 'DOD PAS 'DIS KYANG GONG DU BSTAN PA BZHIN DU DAM BCAS PA DANG, GTAN TSIGS KYI DON MNGON PAS ZHES BYA BAS NI GLAGS YOD PA'I TSIG LAS BZLOG PAS SKABS KYI DON NYID BSTAN TE, 'BRAS BU NI SKYE BA DANG 'GAG PA'I CHOS CAN NYID YIN PAS, 'JIG RTEN RGYANG PHAN PA DAG 'DOD PA LTAR MED PA'I NGO BO NYID DU MI 'DOD PA TSIG LE'UR BYAS PA'I SKABS KYI DON 'DIS KYANG 'JIG RTEN RGYANG PHAN PA DAG STONG PAR RJES SU DPOG PA NYID KYIS STONG PA DE LA SKYE BA MED PA DANG, 'GAG PA MED PAR THAL BAR 'GYUR BAR BSTAN PAS MI STONG PA NYID YIN NA 'BRAS BU SKYE BA DANG 'GAG PA'I CHOS DANG LDAN PA'I PHYIR, BSGRUB PAR BYA BA CHOS MED PA'I CHOS NYID MA YIN PA DANG; SGRUB PA'I CHOS SKYE BA DANG, 'GAG PA DANG LDAN PA MNGON PAS RJES SU DPAG PA 'DI LTAR BYA'O ZHES STON TO, ,DE NYID KYI RJES SU DPAG PA BSTAN PA'I PHYIR, 'DIR RJES SU DPAG PA NI DON DAM PAR NANG GI 'BRAS BU NI MED PA'I NGO BO NYID MA YIN TE ZHES DAM BCAS PA LA KHYAD PAR YOD PAR ZAD KYI, LHAG MA @140B NI SNGA MA BZHIN NO ZHES BYA BA SMRAS SO, ,DE YANG 'DI LTAR SBYAR TE, DON DAM PAR NANG GI 'BRAS BU NI MED PA'I NGO BO NYID MA YIN TE, SKYE BA DANG 'GAG PA'I PHYIR DPER NA PHYI ROL GYI 'BRAS BU SGYU MA BZHIN NO ZHES BRJOD PAR BYA'O, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHYI ROL GYI 'BRAS BU SGYU MA NI SKYE BA DANG 'GAG PA'I PHYIR MED PA'I NGO BO NYID MA YIN PA DE BZHIN DU NANG GI 'BRAS BU YANG SKYE BA DANG 'GAG PA'I PHYIR MED PA'I NGO BO NYID MA YIN NO, ,'JIG RTEN RGYANG PHAN PA DAG GI DAM BCAS PA LA SKYON GZHAN YANG YOD PAR BSTAN PA'I PHYIR, YANG NA 'BRAS BU MED PA'I NGO BO NYID DU RJES SU DPOG PA MED PA'I NGO BO NYID LA SKYE BA MED PA DANG 'GAG PA MED PA NYID KYIS 'BRAS BU SKYE BA DANG, 'GAG PA BSAL BA'I PHYIR 'JIG RTEN RGYANG PHAN PA DAG GI DAM BCAS PA LA MED PA'I NGO BO NYID DU SGRUB PA'I CHOS CAN 'BRAS BU'I KHYAD PAR SKYE BA DANG 'GAG PA BSTZAL BA'I SKYON YOD PAR BSTAN PA NI 'DIR TSIG GI DON YIN NO ZHES BYA BA SMRAS TE, DE NI MI 'DOD DO, ,DES NA GLAGS YOD PA'I TSIG DE LA BZLOG PAS SKABS KYI DON JI SKAD BSTAN TE 'JIG RTEN RGYANG PHAN PA DAG GI MED PA'I NGO BO NYID DU BRTAGS PA DE DAG LA SKYE BA DANG 'GAG PAR MI 'THAD PAS 'BRAS BU'I NGO BO NYID NI RGYU LAS SKYE ZHING, RANG GI NGANG GIS 'GAG PA'I PHYIR MED PA'I NGO BO NYID MA YIN LA, DE LTAR 'BRAS BU MED PA'I NGO BO NYID MA YIN PA'I SGO NAS RGYU YANG MED PA'I NGO BO NYID MA YIN PAR BSTAN TO,, ,,BAM PO DRUG CU BDUN PA, GZHAN YANG SKYED PA NYID KYI RGYU DANG 'BRAS BUR GCIG PA NYID DAM, GZHAN NYID DU 'GYUR GRANG NA ZHES BYA BAS NI GZHAN YANG RGYUS 'BRAS BU SKYED PAR 'GYUR NA RGYU DANG 'BRAS BU GNYIS GCIG PA NYID DANG, GZHAN NYID DU 'GYUR GRANG NA, BRTAG PA GNYIS KA LTAR YANG MI 'THAD PAR STON TO, ,DE GNYIS KYI DAM BCAR BA BSTAN PA'I PHYIR, DE LA, RGYU DANG 'BRAS BU GCIG NYID DU, ,NAM YANG 'THAD PAR MI 'GYUR RO, ,DE BZHIN DU, RGYU DANG 'BRAS BU GZHAN NYID DU, ,NAM YANG 'THAD PAR MI 'GYUR RO, ,ZHES BYA BA SMRAS SO, ,DA NI DAM BCA' BA DE GNYIS KYI RJES SU DPAG PA BSTAN PA'I @141A *, ,PHYIR GO RIMS BZHIN DU SKYON BRJOD PAR BYA STE ZHES BYA BA SMRAS SO, ,DE LA RE ZHIG GCIG PA NYID KYI PHYOGS LA SKYON BRJOD PA BSTAN PA'I PHYIR, RGYU DANG 'BRAS BU GCIG NYID LA, ,SKYED DANG BSKYED PA GCIG TU 'GYUR, ,SKYED PA DANG BSKYED PA PHA DANG BU LTA BU GANG DAG YIN PA DAG GCIG PA NYID DU 'GYUR BA DE LTAR NI MI 'DOD PAS ZHES BYA BA SMRAS SO, ,'DIR YANG GLAGS YOD PA'I RGYU THABS KYI CHOS MTHUN PA'I DPE NYE BAR GZHAG STE, GAL TE SHING DE ME YIN NA, ,BYED PA PO DANG LAS GCIG 'GYUR, ,ZHES BYA BA DER BSTAN PA'I TSUL BZHIN NO ZHES BYA BAS NI 'DIR RGYU DANG 'BRAS BU DAG GCIG PA NYID YIN NA SKYED PA DANG BSKYED PA DAG GCIG PA NYID DU 'GYUR BA'I GLAGS YOD PA'I SGYU THABS KYI TSIG DOR GYIS RGYU DANG 'BRAS BU DAG GCIG PA NYID MA YIN PA'I CHOS MTHUN PA'I DPE NI PHA DANG BU DAG YIN PAR NYE BAR GZHAG STE, DE LTAR SNGAR ME DANG BUD SHING BRTAGS PA'I SKABS SU GAL TE ME DANG BUD SHING DAG GCIG PA NYID YIN PAR GYUR NA BYED PA PO DANG LAS DAG GCIG PA NYID DU 'GYUR BA'I GLAGS YOD PA'I SGYU THABS KYI TSIG DOR GYIS ME DANG BUD SHING DAG GCIG PA NYID MA YIN PA'I CHOS MTHUN PA'I DPE BYED PA PO DANG LAS DAG YIN PAR NYE BAR GZHAG PA'I TSUL BZHIN NO ZHES BSTAN TO, ,DE'I PHYIR 'JIG RTEN LA GRAGS PA'I DPE DE LAS SHES PAR BYAR NUS TE ZHES BYA BAS NI CHOS MTHUN PA'I DPE PHA DANG BU DAG GCIG PA NYID MA YIN PAR 'JIG RTEN LA GRAGS PA DE'I DBANG GIS RGYU DANG 'BRAS BU DAG GCIG PA NYID MA YIN PAR SHES PAR BYAR NUS PA'I RJES SU DPAG PA 'DI LTAR BYA'O ZHES BYA BAR SBYAR RO, ,DE'I PHYIR RGYU DANG 'BRAS BU DAG GCIG PA NYID MA YIN TE, SKYED PA DANG BSKYED PA MA YIN PA'I PHYIR DPER NA PHA DANG BU DAG BZHIN TE, ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA PHA DANG BU DAG NI SKYED PA DANG BSKYED PA YIN PA'I PHYIR GCIG PA NYID MA YIN PA DE BZHIN DU RGYU DANG 'BRAS BU DAG KYANG SKYED PA DANG BSKYED PA YIN PA'I PHYIR GCIG PA NYID MA YIN NO, ,DE LTAR RE ZHIG GI CIG PA NYID KYI PHYOGS LA 'O ZHES BYA BA NI SKYON BRJOD DO ZHES @141B BYA BAR SBYAR RO, ,GZHAN NYID KYI PHYOGS LA YANG 'DI LTAR SKYON BRJOD PAR BYA STE ZHES BYA BAR SBYAR RO, ,DE'I PHYIR, RGYU DANG 'BRAS BU GZHAN NYID NA, ,RGYU DANG RGYU MIN MTSUNGS PAR 'GYUR, ,'BRAS BU LAS GZHAN NYID YIN PHYIR, ,DPER NA DE LAS GZHAN BZHIN PAS, ,DE YANG MI 'DOD DO ZHES BYA BA SMRAS SO, ,RGYU DANG 'BRAS BU DAG GI CHOS NI RGYUD THA MI DAD PA NYID YIN PAR 'DOD PAS 'DIR YANG SHES PAR BYAR NUS TE ZHES BYA BAS NI RGYU DANG 'BRAS BU DAG GZHAN NYID MA YIN PAR SGRUB PA'I CHOS GTAN TSIGS NI RGYUD THA MI DAD PA NYID YIN PAR 'DOD PAS 'DIR YANG RGYU DANG 'BRAS BU DAG GZHAN NYID MA YIN PAR SHES PAR BYAR NUS PA'I RJES SU DPAG PA NI 'DI LTAR BYA STE ZHES BYA BAR SBYAR RO, ,DE'I PHYIR, RGYU DANG 'BRAS BU DAG GZHAN NYID MA YIN TE, RGYUD THA MI DAD PA NYID YIN PA'I PHYIR DPER NA, RGYU'I RANG GI BDAG NYID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYU'I RANG GI BDAG NYID NI RGYUD THA MI DAD PA NYID YIN PA'I PHYIR RANG GI BDAG NYID LAS GZHAN MA YIN PA DE BZHIN DU RGYU DANG 'BRAS BU DAG KYANG RGYUD THA MI DAD PA NYID YIN PA'I PHYIR GZHAN MA YIN NO, , YANG GZHAN YANG RGYUS 'BRAS BU SKYED PAR BYED NA THER ZUG PA DAG GI 'BRAS BU SNGA NA YOD PAR SMRA BA'I TSUL GYIS YOD PAR GYUR PA ZHIG SKYED PAR BYED DAM, 'JIG RTEN RGYANG PHAN PA DAG GI 'BRAS BU SNGA NA MED PAR SMRA BA'I TSUL GYIS MED PAR GYUR PA ZHIG SKYED PAR BYED GRANG NA ZHES BYA BAS NI YANG GZHAN YANG RGYUS 'BRAS BU SKYED PAR BYED NA GRANGS CAN DAG 'BRAS BU THER ZUG TU GNAS PAR 'DOD PA DAG GI 'BRAS BU SNGA NA YOD PAR SMRA BA'I TSUL GYIS 'BRAS BU YOD PAR GYUR PA ZHIG RGYUS SKYED PAR BYED NA 'JIG RTEN RGYANG PHAN PA DANG, BYE BRAG PA DANG, NYAN THOS MDO SDE PA DAG 'BRAS BU SNGA NA MED PAR 'DOD PA DAG GI 'BRAS BU SNGA NA MED PAR SMRA BA'I TSUL GYIS 'BRAS BU MED PAR GYUR PA ZHIG RGYUS SKYES PAR BYED GRANG NA, BRTAG PA GNYI GA LTAR YANG MI 'THAD PAR STON TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA, 'BRAS BU NGO BO NYID YOD NA, ,RGYUS NI CI ZHIG SKYED PAR 'GYUR, ,'DI LTAR @142A *, ,'BRAS BU'I NGO BO NYID YOD PAR GYUR PA NI THA SNYAD DU YANG BSTAN DKA' BA'I PHYIR DANG, DAM BCAS PA LA SOGS PA'I SKYON JI SKAD BSTAN PA DAG TU 'GYUR BA'I PHYIR RO ZHES BYA BAR DGONGS TE ZHES BYA BA SMRAS TE, GAL TE 'BRAS BU NGO BO NYID YOD PA THER ZUG TU GNAS PA NYID YIN NA RGYUS CI ZHIG SKYED PAR 'GYUR TE, 'DI LTAR RGYU DANG RKYEN RNAMS MED PAR 'BRAS BU NGO BO NYID YOD PAR GYUR PA NI THA SNYAD DU YANG BSTAN DGA' STE, 'JIG RTEN NA MA SKYES PA YOD PA NYID DU MA MTHONG BA'I PHYIR DANG, SNGAR BYE BRAG TU SMRA BA DAG 'BRAS BU SKYE BA'I SNGA ROL NA YANG 'BRAS BU'I BDAG NYID KYIS MI STONG PAR SMRA BA DGAG PA'I SKABS SU, 'BRAS BU MI STONG SKYE MI 'GYUR, ,MI STONG 'GAG PAR MI 'GYUR RO, ,MI STONG DE NI MA 'GAGS DANG, ,MA SKYES PAR YANG 'GYUR BA YIN, ZHES BYA BA DAG GIS DES NA GANG DANG GANG YOD PA DE DANG DE NI SKYE BA MED PA'I CHOS DANG, 'GAG PA MED PA'I CHOS CAN YIN PAR MTHONG STE, YOD PA'I PHYIR DPER NA DA LTAR GYI SKAD CIG MA BZHIN NO, ,DE LTAR YOD PA NYID DU RJES SU DPOG PAS SKYE BA MED PA DANG, 'GAG PA MED PA NYID KYIS DE DAG BSTZAL BA'I PHYIR DAM BCAS PA LA CHOS CAN GYI NGO BO NYID BSTZAL BA'I SKYON YOD DO ZHES JI SKAD BSTAN PA DAG 'DIR YANG 'BYUNG BAR 'GYUR BA'I PHYIR RO ZHES BYA BAR DGONGS SO, ,DE LTAR RE ZHIG BRTAG PA DANG PO LA'O ZHES BYA BA NI MI 'THAD PAR SKYON BRJOD ZIN TO ZHES BYA BAR SBYAR RO, ,DA NI BRTAG PA GNYIS PA LA YANG MI 'THAD PAR SKYON BRJOD PAR BYA STE ZHES BYA BAR SBYAR RO, ,DE'I PHYIR, 'BRAS BU NGO BO NYID MED NA, ,RGYUS NI CI ZHIG SKYED PAR 'GYUR, 'BRAS BU NGO BO NYID MED PAR GYUR PA NAM MKHA'I ME TOG LTA BU SKYE BA NA THA SNYAD DU YANG BSTAN DKA' BA'I PHYIR DANG, SNGA MA BZHIN DU DAM BCAS PA LA SOGS PA'I SKYON JI SKAD BSTAN PA DAG TU 'GYUR BA'I PHYIR RO ZHES BYA BAR DGONGS SO ZHES BYA BA SMRAS TE, GAL TE 'BRAS BU NGO BO NYID MED PA NAM MKHA'I ME TOG LTA BU NYID YIN NA RGYUS CI ZHIG SKYED PAR 'GYUR TE, 'DI LTAR 'BRAS BU MED PAR GYUR PA NAM MKHA'I ME TOG LTA BU MED PA'I NGO BO NYID RGYUS SKYED CING GSAL BAR BYED PA NI THA SNYAD DU YANG BSTAN DGA' STE, 'JIG RTEN NA MED PA SKYE BA NYID DU MA MTHONG BA'I PHYIR DANG, SNGAR 'JIG RTEN RGYANG PHAN PA DAG @142B 'BRAS BU SKYE BA'I SNGA ROL NA NI MED PA'I NGO BO NYID YIN PAS 'BRAS BU STONG PA'I NGO BO NYID YIN LA, SKYES NA YANG DNGOS PO GZHAN GYI NGO BO NYID MED PA YIN NO ZHES ZER BA DGAG PA'I SKABS SU, STONG PA JI LTAR SKYE 'GYUR ZHING, STONG PA JI LTAR 'GAG PAR 'GYUR, ,STONG PA DE YANG MA 'GAGS DANG, ,MA SKYES PAR THAL BAR 'GYUR ZHES BYA BA DAG GIS DON DAM PAR STONG PA NI SKYE BAR MI RIGS TE, MED PA'I PHYIR DPER NA NAM MKHA'I ME TOG BZHIN NO, ,DON DAM PAR 'BRAS BU'I NGO BO NYID LA 'BRAS BU MA YIN PA'I DNGOS PO MED PA NI 'GAG PAR MI RIGS TE, 'BRAS BU MA YIN PA'I DNGOS PO MED PA'I PHYIR DPER NA 'BRAS BU MA YIN PA ZHIG NAS MED PA BZHIN NO, ,YANG NA MED PA'I NGO BO NYID DU RJES SU DPOG PAS SKYE BA MED PA DANG, 'GAG PA MED PA NYID KYI 'BRAS BU SKYE BA DANG 'GAG PA BSTZAL BA'I PHYIR DAM BCAS PA LA CHOS CAN GYI KHYAD PAR BSTZAL BA'I SKYON YOD DO ZHES JI SKAD BSTAN PA DAG 'DIR YANG 'BYUNG BAR 'GYUR BA'I PHYIR RO ZHES BYA BAR DGONGS SO, ,'DIR GAL TE GZHAN DAG NA RE DE LTAR 'BRAS BU YOD PA DANG MED PA RGYUS SKYES BAR MI BYED PA'I GTAN TSIGS DANG DAM BCAS PA'I SKYON DAG SNGAR BYE BRAG TU SMRA BA DANG, 'JIG RTEN RGYANG PHAN PA DAG DGAG PA'I SKABS SU BSTAN ZIN NA 'DIR YANG BZLAS TE BSHAD CI DGOS ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS SNGAR, 'BRAS BU MI STONG SKYE MI 'GYUR, ,MI STONG 'GAG PAR MI 'GYUR RO, ,MI STONG DE NI MA 'GAGS DANG, ,MA SKYES PAR YANG 'GYUR BA YIN, ,STONG PA JI LTAR SKYE 'GYUR ZHING, ,STONG PA JI LTAR 'GAG PAR 'GYUR, ,STONG PA DE YANG MA 'GAGS DANG, ,MA SKYES PAR YANG THAL BAR 'GYUR, ,ZHES BYA BA DE DAG GIS NI 'BRAS BU'I SGO NAS RGYU NGO BO NYID MED PA NYID DU BSTAN TO, ,DA LTAR NI RGYU DNGOS PO LAS NGO BO NYID MED PA NYID DU BSTAN TE, KHYAD PAR NI DE YIN NO ZHES BYA BA SMRAS TE, SNGAR TSIG LE'UR BYAS PA DE GNYIS KYI SKABS KYIS NI BYE BRAG TU SMRA BA DAG 'BRAS BU SKYE BA'I SNGA ROL NA YANG 'BRAS BU'I BDAG NYID KYIS MI STONG PAR SMRA BA DE DGAG PA'I PHYIR 'BRAS BU SKYE BA'I SNGA ROL NA YANG 'BRAS BU BDAG NYID KYIS MI STONG PAR YOD PA LA SKYE BA DANG, 'GAG PA MED PA'I SKYON DU 'GYUR @143A *, ,BAS DE NI MI 'DOD DE 'BRAS BU'I DNGOS PO NI SKYE BA DANG 'GAG PA'I CHOS CAN NYID YIN PAS NGO BO NYID MED LA, DE LTAR 'BRAS BU'I NGO BO NYID MED PA NYID KYI SGO NAS RGYU YANG NGO BO NYID MED PAS DON DAM PAR RGYUS 'BRAS BU SKYED PAR MI BYED DO ZHES BYA BA DANG, 'JIG RTEN RGYANG PHAN PA DAG 'BRAS BU SKYE BA'I SNGA ROL NA NI MED PA'I NGO BO NYID YIN PAS 'BRAS BU STONG PA'I NGO BO NYID YIN LA, SKYES NA YANG DNGOS PO GZHAN GYI NGO BO NYID MED PA YIN NO ZHES ZER BA DE DGAG PA'I PHYIR SNGA NA MED PA DANG GCIG LA GCIG MED PAS STONG PA DAG LA SKYE BA DANG 'GAG PA MED PA'I SKYON DU 'GYUR BAS RGYU MED PAR SKYE BA DANG 'GAG PAR MI 'DOD DE, 'BRAS BU'I DNGOS PO NI RGYU LAS SKYE ZHING RANG GI NGANG GIS 'GAG PA'I CHOS CAN NYID YIN PAS MED PA'I NGO BO NYID MA YIN LA, DE LTAR 'BRAS BU MED PA'I NGO BO NYID MA YIN PA'I SGO NAS RGYU YANG MED PA'I NGO BO NYID MA YIN PAS DON DAM PAR MED PA'I NGO BO NYID RGYU MED PAR SKYE BA DANG 'GAG PAR MI 'GYUR RO ZHES BYA BAR BSTAN TO, ,DA LTAR SKABS 'DIR NI RGYU NGO BO NYID MED PAS DON DAM PAR RGYUS 'BRAS BU YOD PA SKYED PAR MI BYED PA DANG, RGYU NYID MED PA'I NGO BO NYID MA YIN PAS DON DAM PAR MED PA'I NGO BO NYID RGYU MED PAR SKYE BAR MI 'GYUR RO ZHES BSTAN TE, KHYAD PAR NI DE YIN PAS ZLOS PAR MI 'GYUR RO, ,DE'I PHYIR DE LTAR YONGS SU BRTAGS NA DON DAM PAR RGYUS 'BRAS BU SKYED PA NYID MI 'THAD PA DE'I PHYIR, SKYE BA YOD PA MA YIN NA, ,RGYU NYID 'THAD PAR MI 'GYUR RO, ,ZHES GSUNGS TE, DE LTAR JI SKAD BSTAN PA'I TSUL GYIS SO, ,DE LA DON DAM PAR RGYUS NI 'BRAS BU SKYED PAR BYED PA NYID DE, 'BRAS BU'I RGYU YIN PA'I PHYIR RO ZHES GANG SMRAS PA'I GTAN TSIGS DE DON DAM PAR NI DON MA GRUB PA NYID DO, ,THA SNYAD PA'I GTAN TSIGS YIN PAR BRJOD NA NI DON 'GAL BA NYID DE, MI MTHUN PA'I PHYOGS 'BA' ZHIG LA YOD PA'I PHYIR RO ZHES BYA BA NI SKABS KYI MJUG BSDU BA DANG, TSAD MA'I 'BRAS BU YIN TE; DE LTAR DON DAM PAR RGYUS 'BRAS BU SKYED PA NYID MI 'THAD PAS SKYE BA YOD PA MA YIN PAS RGYU NYID MI 'THAD PA'I PHYIR SNGAR PHA ROL PO DAG GIS SMRAS PA'I GTAN TSIGS DON DAM PAR RGYUS NI 'BRAS BU SKYED PAR BYED PA NYID DE, 'BRAS BU'I RGYU YIN PA'I PHYIR RO ZHES BYA BA DE DON DAM PAR NI MA GRUB PA NYID YIN LA, @143B KUN RDZOB TU NI 'GAL BA NYID YIN NO, ,'DIR SMRAS PA, DON DAM PAR RGYUS NI 'BRAS BU SKYED PAR BYED PA NYID DE, 'DI'I 'DI 'O ZHES BRJOD PA'I PHYIR RO, ,GANG GIS GANG SKYED PAR MI BYED PA DE LA NI RGYU 'DI'I 'BRAS BU 'DI 'O ZHES MI BRJOD DE, DPER NA RNGA MO'I RVA 'DI'I RU BZHI 'DI 'O ZHES MI BRJOD PA BZHIN NO, ,'DI LA NI MIG 'DI'I 'BRAS BU NI MIG GI RNAM PAR SHES PA 'DI 'O ZHES SAM, SA BON 'DI'I 'BRAS BU MYU GU 'DI 'O ZHES BRJOD PAS DE'I PHYIR GTAN TSIGS GRUB PAS 'DOD PA'I DON GRUB PO ZHES BYA BA NI 'DIR PHA ROL PO DAG NI 'DI'I 'DI 'O ZHES 'GREL PA BRJOD PA'I GTAN TSIGS KYIS DON DAM PAR RGYUS 'BRAS BU SKYED PAR BYED PA NYID DO ZHES SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NI RNGA MO'I RVA MED PA'I RU BZHI 'DI 'O ZHES MI BRJOD PA DE NI YOD PA MA YIN GYI, MIG DANG SA BON YOD PA 'DI'I 'BRAS BU MIG GI RNAM PAR SHES PA DANG, MYU GU 'DI'I ZHES BRJOD PA 'DI NI YOD PA MA YIN PAS, DE'I PHYIR RGYU DANG 'BRAS BU DAG LA 'DI'I 'DI 'O ZHES 'BREL PA BRJOD PA YOD PA'I PHYIR DON DAM PAR RGYUS 'BRAS BU SKYED PAR BYED PA NYID DO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GAL TE DON DAM PAR 'BRAS BU SKYE BA 'GA' ZHIG YOD PAR GYUR NA NI DES NA 'BRAS BU SKYE BA LAS RGYU YANG RGYU NYID DU 'THAD PAS, RGYU 'DI'I 'BRAS BU 'DI 'O ZHES BRJOD DU YANG RUNG BA ZHIG NA DE YANG MED PAS, RGYU NYID 'THAD PA YOD MIN NA, ,'BRAS BU GANG GI YIN PAR 'GYUR, ,DE LTAR MA GRUB PA'I PHYIR GTAN TSIGS KYI DON MA GRUB PA NYID DAM, DON 'GAL BA NYID DO ZHES BYA BA SMRAS TE, RGYU NYID MI 'THAD PA'I PHYIR, 'BRAS BU YANG MI 'THAD PAS RGYU 'DI'I 'BRAS BU 'DI 'O ZHES BYA BA DE MA GRUB PA'I PHYIR PHA ROL PO'I GTAN TSIGS KYI DON DON DAM PAR NI MA GRUB PA NYID LA KUN RDZOB TU NI 'GAL BA NYID DO, ,GZHAN DAG GIS SMRAS PA, TSOGS PA RNYED NA 'BRAS BU SKYE BAR MI 'GYUR LA, DUS KYANG TSOGS PA'I YAN LAG YIN PAS DES NA 'BRAS BU 'GRUB PA'I RGYU YIN PA'I PHYIR GTAN TSIGS SNGAR SMRAS PA'I DON MA GRUB PA NYID MA @144A *, ,YIN NO, ,KHO BO CAG RGYU 'BA' ZHIG LAS 'BRAS BU GRUB PAR YANG MI 'DOD PAS DE'I PHYIR RGYUS 'BRAS BU SKYED PAR MI BYED LA 'BRAS BU YANG RGYUS BSKYED PAR BYA BA MA YIN NO ZHES GANG SMRAS PA DE 'ANG GRUB PA LA SGRUB PA YIN NO ZHES BYA BA NI 'DIR GZHAN DAG NA RE LUNG LAS, LAS RNAMS BSKAL PA BRGYAR YANG NI, ,CHUD MI ZA BA 'ANG TSOGS DANG DUS, ,RNYED NA LUS CAN RNAMS LA NI, ,'BRAS BU DAG TU 'GYUR BA NYID, ,CES KYANG GSUNGS LA, RGYU 'BREL PA DANG RKYEN 'BREL PA GANG ZHE NA, MA RIG PA'I RKYEN GYIS 'DU BYED RNAMS ZHES BYA BA DANG, SA BON GYI RKYEN GYIS MYU GU ZHES BYA BA LA SOGS PA NI RGYU 'BREL PA YIN LA, KHAMS DRUG PO DAG TSOGS PA NI RKYEN 'BREL PA YIN NO ZHES KYANG GSUNGS TE, KHO BO CAG KYANG DE SKAD LEN PAS DES NA RGYU DANG RKYEN GYI TSOGS PA RNYED NA 'BRAS BU SKYE BAR 'GYUR LA, DUS KYANG TSOGS PA'I YAN LAG YIN PAS 'BRAS BU 'GRUB PA'I RGYU YIN PA'I PHYIR KHO BO CAG GIS SNGAR SMRAS PA'I GTAN TSIGS DUS NI YOD PA KHO NA YIN TE, 'BRAS BU 'GRUB PA'I RGYU YIN PA'I PHYIR RO ZHES BYA BA DE'I DON GRUB PA NYID KYANG MA YIN LA, KHYED DBU MA PAS RGYUS 'BRAS BU SKYED PAR MI BYED LA, 'BRAS BU YANG RGYUS BSKYED PAR BYA BA MA YIN NO ZHES GANG SMRAS PA DE YANG GRUB PA LA SGRUB PA YIN NO ZHES ZER BA'I TSIG YIN NO, , DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'DI LA RGYU DANG RKYEN RNAMS KYI TSOGS PA DE NI RDZAS SU YOD PA MA YIN PA'I PHYIR RANG GI BDAG NYID KYIS YOD PA MA YIN TE, GAL TE DES BDAG NYID SKYED PAR BYED CING SKYES NAS 'BRAS BU YANG SKYED PAR 'GYUR GRANG NA, PHYOGS DE YANG 'KHRUL PA SKYED PA YIN TE ZHES BYA BA SMRAS TE, RGYU DANG RKYEN RNAMS KYI TSOGS PA DE NI SPYI 'DUS PA TZAM LA NYE BAR GDAGS PAR ZAD PAS THA SNYAD DU YANG RDZAS SU YOD PA MA YIN PA'I PHYIR RANG GI BDAG NYID KYIS YOD PA MA YIN PAS DES BDAG GI BDAG NYID KYANG MI SKYED PAS 'BRAS BU SKYED PAR MI BYED DO, ,GZHAN YANG GAL TE TSOGS PA DES BDAG NYID SKYED PAR BYED CING BDAG NYID SKYES NA 'BRAS BU YANG SKYED PAR 'GYUR GRANG NA, PHYOGS DE YANG KHYED CAG 'KHRUL PA SKYED PA'I RGYU TZAM DU ZAD KYI, BRTAG MI BZOD PAS TSOGS PAS 'BRAS BU MI SKYED PA'I PHYIR KHYED KYIS SNGAR SMRAS PA'I GTAN TSIGS KYI DON MA GRUB PA NYID KYANG @144B NYAMS PA MED LA, KHO BOS SMRAS PA YANG GRUB PA LA SGRUB PA MA YIN NO ZHES STON TO, ,DE NYID BSTAN PA'I PHYIR, RGYU RNAMS DANG NI RKYEN DAG GI ,TSOGS PA GANG YIN DE YIS NI, ,BDAG GIS BDAG NYID MI SKYED NA, ,'BRAS BU JI LTAR SKYED PAR BYED, ,CES BYA BA SMRAS SO, ,DE NYID KYI 'THAD PA BSTAN PA'I PHYIR, DES 'BRAS BU SKYED PAR MI BYED PA NYID DE, RDZAS SU YOD PA MA YIN PA'I PHYIR RO ZHES BYA BAR DGONGS SO ZHES BYA BAR SMRAS TE, DPER NA DMAG DANG NAGS TSAL DANG SHING RTA ZHES BYA BA DAG NI TSOGS PA'I YAN LAG SPYI 'DUS PA LA NYE BAR GDAGS PAR ZAD KYI, RDZAS SU YOD PA MA YIN PA'I PHYIR BDAG GIS BDAG NYID KYANG SKYED PAR MI BYED PAS, DES 'BRAS BU GZHAN SKYED PAR MI BYED PA NYID YIN PA DE BZHIN DU RGYU DANG RKYEN GYI TSOGS PA ZHES BYA BA YANG TSOGS PA'I YAN LAG SPYI 'DUS PA LA NYE BAR GDAGS PAR ZAD KYI, RDZAS SU YOD PA MA YIN PA'I PHYIR, ,BDAG GIS BDAG NYID KYANG SKYED PAR MI BYED PAS DES 'BRAS BU GZHAN SKYED PAR MI BYED PA NYID DO ZHES BYA BAR DGONGS SO, ,TSOGS PA DGAG PA 'DI LA KHA CIG NA RE, ,TSOGS PA GCIG PU MA YIN TE, ,DE BZHIN DNGOS PO 'GA' YANG MED, ,GAL TE DE YANG DE LAS GZHAN, ,DE YANG GCIG PU 'GA' ZHIG YOD; ,CES JI SKAD BSHAD PA LTA BU'O ZHES BYA BA NI SLOB DPON GYI ZHAL SNGA NAS KYIS TSIG LE'UR BYAS PA, RGYU RNAMS DANG NI RKYEN DAG GI ,TSOGS PA GANG YIN DE YIS NI, ,BDAG GIS BDAG NYID MI SKYED NA, ,'BRAS BU JI LTAR SKYED PAR BYED, ,CES GSUNGS PA RNAM PAR BSHAD PA'I SKABS 'DI LA 'GREL PA BYED PA GNAS BRTAN BUDDHA P'A LI TA NA RE RGYU DANG RKYEN GYI TSOGS PA 'BRAS BU SKYED PAR BYED PA ZHES BYA BAR BRTAGS PA GANG YIN PA DES RE ZHIG BDAG GI BDAG NYID SKYED PAR MI BYED DE, CI'I PHYIR ZHE NA, TSOGS PA NI DU MA YIN PAR SHES PA'I PHYIR TE, SLOB DPON 'PHAGS PA LHAS KYANG; TSOGS PA GCIG PU MA YIN TE, ,DE BZHIN DNGOS PO 'GA' YANG MED, ,GAL TE DE YANG DE LAS GZHAN, ,DE YANG GCIG PU 'GA' ZHIG YOD, ,CES GSUNGS PA LTA BU'O ZHES ZER RO ZHES BYA BAR GYUR RO, ,KHA CIG NA RE DE NI KHUNGS SU MI RUNG STE, TSIG LE'UR BYAS PA'I DON @145A *, ,DANG MI MTHUN PA'I PHYIR RO ZHE'O ZHES BYA BA NI 'GREL PA BYED PA NYID NA RE 'PHAGS PA LHAS MDZAD PA'I TSIGS SU BCAD PA DE BZANG MOD KYANG, SKABS 'DI'I KHUNGS MA YIN PA LAS GNAS BRTAN BUDDHA P'A LI TAS KHUNGS SU BYAS PA MA LEGS TE, 'DIR SLOB DPON GYIS GSUNGS PA'I TSIG LE'UR BYAS PA'I DON NI RGYU DANG RKYEN RNAMS KYIS RANG GI BDAG NYID MI SKYED PAS, DE DAG GI 'BRAS BU YANG SKYED PAR MI 'GYUR RO ZHES BYA BA YIN LA, KHUNGS KYI DON NI RGYU DANG RKYEN RNAMS LAS TSOGS PA ZHES BYA BA LOGS SHIG NA MED PAR STON PA YIN PAS TSIG LE'UR BYAS PA'I DON DANG MI MTHUN PA'I PHYIR DE KHUNGS SU MI RUNG NGO ZHES ZER RO, ,YANG NA TSOGS PA NYID KYIS 'BRAS BU SKYED PA NYID DU RNAM PAR RTOG PA YANG SNGAR BZHIN DU NYE BAR SBYAR NAS RGYU BZHIN DU DGAG PAR BYA'O ZHES BYA BAS NI PHA ROL PO DAG RGYU DANG RKYEN RNAMS KYI TSOGS PAS 'BRAS BU SKYED PA NYID DU RNAM PAR RTOG PA DE DGAG PA'I THABS NI, YANG NA SNGAR RGYU DGAG PA'I SKABS SU RGYU DANG 'BRAS BU DAG GCIG PA NYID DANG, GZHAN NYID DANG, 'BRAS BU YOD PA DANG, MED PA LA SOGS PAS 'BRAS BU SKYED PAR MI 'THAD PA'I GTAN TSIGS DANG DPE DAG BSTAN PA DE BZHIN DU 'DIR YANG TSOGS PA DANG 'BRAS BU DAG GCIG PA NYID DANG GZHAN NYID DANG, 'BRAS BU YOD PA DANG MED PA LA SOGS PAS 'BRAS BU SKYED PAR MI 'THAD PA'I GTAN TSIGS DANG DPE DAG SNGA MA BZHIN DU NYE BAR SBYAR NAS RGYU BZHIN DU DGAG PAR BYA'O ZHES BSTAN TO, ,YANG NA TSOGS PA NI 'BRAS BUR GYUR PA RNAMS KYI RGYU DANG RKYEN DAG GI TSOGS PA NYID YIN NA 'BRAS BU DE YANG DON DAM PAR DNGOS SU 'AM BRGYUD PAS 'BRAS BU'I NGO BO NYID MED PAR BSTAN ZIN PAS DE'I PHYIR GANG DAG GI TSOGS PA GANG ZHIG YIN ZHES BYA BAS KYANG TSOGS PA MI 'THAD PA'I RIGS PA RNAM PA GZHAN STON TE, 'DI LTAR TSOGS PA ZHES BYA BA NI 'BRAS BU SKYES PA'I SGO NAS 'BRAS BU DE RNAMS KYI RGYU DANG RKYEN DAG GI TSOGS PA NYID YOD PAR RJES SU DPAG PAS 'BRAS BUR GYUR PA RNAMS KYI RGYU DANG RKYEN DAG GI TSOGS PA NYID YIN NA 'BRAS BU DE YANG DON DAM PAR MA SKYES PA'I PHYIR JI LTAR DNGOS SU 'AM BRGYUD PAS 'BRAS BU'I NGO BO NYID DU MED PA DE LTAR BSTAN ZIN PAS DE'I PHYIR 'BRAS BUR GYUR PA MED NA 'BRAS BU GANG DAG GI RGYU DANG RKYEN DAG GI TSOGS PA GANG ZHIG YIN TE, TSOGS PA ZHES BYA @145B BA'I SGRA 'JUG PA TZAM YANG MED DO, ,DE DAG GI DE MED PA NYID DU NGES PAR BZUNG NAS, ,RGYU RNAMS DANG NI RKYEN DAG GI ,TSOGS PA GANG YIN DE YIS NI, BDAG GIS BDAG NYID MI SKYED NA, ,'BRAS BU JI LTAR SKYED PAR BYED, ,CES GSUNGS TE, 'DIR DON NI SNGA MA BZHIN NO ZHES BYA BA NI DE LTAR TSOGS PA ZHES BYA BA'I SGRA 'JUG PA TZAM YANG MED PA DE'I PHYIR SLOB DPON GYI ZHAL SNGA NAS KYI 'BRAS BUR GYUR PA MED PA DE DAG GI RGYU DANG RKYEN GYI TSOGS PA DE MED PA NYID DU NGES PAR BZUNG NAS TSIG LE'UR BYAS PA 'DI GSUNGS TE, 'DIR TSIG GI DON NI SNGA MA BZHIN NO, ,SKABS KYI DON LA NI KHYAD PAR YOD DE SNGAR NI PHA ROL PO DAG GI TSOGS PAS 'BRAS BU SKYED PA NYID PHYOGS SU BYAS TE, 'BRAS BU SKYE BA'I RGYU YOD PAR RJES SU DPOG PA DGAG PA'I PHYIR TSIG LE'UR BYAS PA 'DI RNAM PAR BSHAD DO, ,'DIR NI 'BRAS BU SKYE BAS TSOGS PA YOD PAR SHES PAR BYA BA YIN NA 'BRAS BU SKYE BA MED PA'I PHYIR TSOGS PA YANG MED PA NYID DO ZHES BSTAN TE, SKABS KYI KHYAD PAR NI DE YIN NO, ,GANG GI TSE DE LTAR TSOGS PAS 'BRAS BU SKYED PAR MI 'THAD CING, TSOGS PA MA YIN PA RGYU DANG RKYEN TSOGS PA'I MTSAN NYID MA YIN PA'I RGYU DES KYANG 'BRAS BU SKYED PAR MI BYED LA 'BRAS BU YANG RGYUS BSKYED PAR BYA BA MA YIN PAR DGAG PA SNGAR BSTAN ZIN PAS, DE PHYIR TSOGS PAS BYAS PA DANG, ,TSOGS MIN BYAS PA'I 'BRAS BU MED, ,CES RAB TU BYED PA 'DAS MA THAG PA'I NANG DU BSTAN PA'I DBANG GIS MJUG BSDU BAR BYA'O ZHES BYA BA NI MJUG BSDU BA YIN TE, GANG GI TSE DE LTAR SNGAR, GAL TE RGYU DANG RKYEN RNAMS KYI, ,TSOGS PA NYID LAS SKYE GYUR NA, ,TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,GAL TE RGYU DANG RKYEN RNAMS KYI, ,TSOGS PA NYID LAS SKYE 'GYUR NA, ,TSOGS LA 'BRAS BU MED NA NI, ,JI LTAR TSOGS PA NYID LA SKYE, ,ZHES BYA BA LA SOGS PA JI SKAD BSTAN PA'I RIM GYIS TSOGS PAS 'BRAS BU SKYED PAR YANG MI 'THAD PA; SNGAR RKYEN BRTAG PA'I RAB TU BYED PA DANG PO'I SKABS SU, ,DE'I PHYIR RKYEN LAS BYUNG MA YIN, ,RKYEN MIN LAS BYUNG 'BRAS BU NI, ,YOD MIN 'BRAS BU MED PAS NA, ,RKYEN MIN RKYEN DUG LA 'GYUR, ,ZHES BYA BA LA SOGS PAS TSOGS PA MA YIN PAS KYANG 'BRAS BU SKYED PAR MI BYED PAR @146A *, ,BSTAN LA; SNGAR, GAL TE RGYUS NI 'BRAS BU LA, ,RGYU BYIN NAS NI 'GAG 'GYUR NA, ,GANG BYIN PA DANG GANG 'GAG PA'I, ,RGYU YI BDAG NYID GNYIS SU 'GYUR, ,GAL TE RGYUS NI 'BRAS BU LA, ,RGYU MA BYIN PAR 'GAL 'GYUR NA, ,RGYU 'GAGS NAS NI SKYES PA YI, ,'BRAS BU DE NI RGYU MED 'GYUR, ,ZHES BYA BA LA SOGS PAS 'BRAS BU YANG RGYUS BSKYED PAR BYA BA MA YIN PAR DGAG PA BSTAN PAS DE'I PHYIR TSOGS PAS BYAS PA DANG TSOGS PA MA YIN PAS BYAS PA'I 'BRAS BU MED DO ZHES RAB TU BYED PA 'DAS MA THAG PA'I NANG DU BSTAN PA'I DBANG GIS MJUG BSDU BAR BYA'O, , DE'I PHYIR DUS NI YOD PA KHO NA YIN TE, 'BRAS BU 'GRUB PA'I RGYU YIN PA'I PHYIR RO ZHES BYA BA'I GTAN TSIGS DE'I DON MA GRUB PA NYID NYAMS PA MED DO ZHES BYA BA NI TSAD MA'I 'BRAS BU YIN TE, DE LTAR 'BRAS BU 'GRUB PA MED PA'I PHYIR PHA ROL PO DAG GIS SNGAR RAB TU BYED PA 'DI'I DANG PO'I DUS NI YOD PA KHO NA YIN TE, 'BRAS BU 'GRUB PA'I RGYU YIN PA'I PHYIR RO ZHES BYA BA SMRAS PA'I GTAN TSIGS DE'I DON MA GRUB PAR SNGAR BSTAN PA NYID NYAMS PA MED PAR SO NA GNAS SO, ,GRANGS CAN DAG GIS SMRAS PA, TSOGS PA NI RDZAS SU YOD PA NYID DE, RANG GI YAN LAG DAG LAS GZHAN PA MA YIN PA'I PHYIR DPER NA TSOGS PA'I YAN LAG DAG GI BDAG NYID BZHIN PAS TSOGS PAS 'BRAS BU SKYED PAR MI BYED PA NYID DE, RDZAS SU YOD PA MA YIN PA'I PHYIR RO ZHES GANG SMRAS PA DE RIGS PA MA YIN NO ZHES BYA BA NI GRANGS CAN DAG GZHAN MA YIN PA'I GTAN TSIGS KYI TSOGS PA RDZAS SU YOD PA NYID DU SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA TSOGS PA'I YAN LAG DAG GI BDAG NYID NI RANG GI BDAG NYID LAS GZHAN MA YIN PA'I PHYIR RDZAS SU YOD PA NYID YIN PA DE BZHIN DU TSOGS PA YANG RANG GI YAN LAG DAG LAS GZHAN MA YIN PA'I PHYIR RDZAS SU YOD PA NYID YIN PAS, KHYED DBU MA PAS SNGAR TSOGS PAS 'BRAS BU SKYED PAR MI BYED PA NYID DE, RDZAS SU YOD PA MA YIN PA'I PHYIR RO ZHES GANG SMRAS PA DE RIGS PA MA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID @146B KYIS 'DIR BSHAD PA, 'BRAS BU SKYE BA'I TSOGS PA YIN GRANG NA, 'BRAS BU SKYE BA MED PA DANG, RDZAS SU YOD PA NYID MA YIN PA YANG SNGAR BSTAN ZIN PAS DE'I PHYIR, 'BRAS BU YOD PA MA YIN NA, ,RKYEN GYI TSOGS PA GA LA YOD, ,DPE MA GRUB PA'I PHYIR DANG, BTAGS PAR YOD PA YANG DE NYID DANG, GZHAN NYID DU BRJOD PAR BYA BA MA YIN PAS, GTAN TSIGS KYI DON MA GRUB PA'I PHYIR RO ZHES BYA BAR DGONGS SO ZHES BYA BA SMRAS TE, GRANGS CAN DAG TSOGS PA RDZAS SU 'DOD PA NI 'BRAS BU SKYE BA'I TSOGS PA YIN GRANG NA, 'BRAS BU SKYE BA MED PA DANG, RGYU RKYEN DANG DMAG DANG, NAGS TSAL DANG; SHING RTA LA SOGS PA TSOGS PA RDZAS SU YOD PA NYID MA YIN PA YANG SNGAR BSTAN ZIN PAS DE'I PHYIR, 'BRAS BU YOD PA MA YIN NA, 'BRAS BU'I RKYEN GYIS TSOGS PA RDZAS SU GA LA YOD, DES NA GRANGS CAN DAG GI DPE TSOGS PA'I YAN LAG DAG GI BDAG NYID BZHIN PAS ZHES BYA BA MA GRUB PA'I PHYIR DANG, GTAN TSIGS RANG GI YAN LAG DAG LAS GZHAN MA YIN PA'I PHYIR ZHES BYA BA DE YANG RGYU RKYEN DANG, DMAG DANG NAGS TSAL DANG, SHING RTA LA SOGS PAR BTAGS PAR YOD PA DAG KYANG DE NYID DANG GZHAN NYID DU BRJOD PAR BYA BA MA YIN PAR SNGAR BSTAN ZIN PAS, GZHAN MA YIN PA NYID DU MA GRUB PA'I PHYIR GRANGS CAN DAG GI SGRUB PA DE MA GRUB PO, ,TSOGS PA RDZAS SU YOD PA NYID MA YIN PAR BSTAN PA'I KHUNGS SLOB DPON 'PHAGS PA LHAS MDZAD PA BSTAN PA'I PHYIR DE LTAR YANG, GANG PHYIR 'JIG RTEN JI SNYED MING, ,TSOGS PA NYID LA SNANG 'GYUR BA, DE PHYIR DNGOS PO YOD MIN TE, ,DNGOS MED TSOGS PA'ANG YOD MA YIN, ,ZHES BSHAD PA LTA BU'O ZHES BYA BA SMRAS TE, GANG GI PHYIR 'JIG RTEN NA JI SNYED MING DU BRJOD PA DE DAG THAMS CAD TSOGS PA NYID LA SNANG BAR 'GYUR BA DE'I PHYIR TSOGS PA LA MA GTOGS PA'I DNGOS PO NI YOD PA MA YIN TE; DNGOS PO MED NA TSOGS PA YANG YOD PA MA YIN NO ZHES BSHAD DO, ,DE LA 'DIR RAB TU BYED PA'I DON NI DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR DGAG PAS RGYU DANG 'BRAS BU NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG, TSAD MA'I 'BRAS @147A *, ,BU YIN TE, RGYU DANG 'BRAS BU BRTAG PA'I RAB TU BYED PA NYI SHU PA'I SKABS 'DIR RAB TU BYED PA'I DON TSAD MA'I 'BRAS BU BLTA BA NI SNGAR DUS BRTAG PA'I RAB TU BYED PA BCU DGU PA'I SKABS SU DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS DUS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BCU DGU PA BRTZAM MO ZHES BYA BAS DUS NGO BO NYID MED PA NYID DU BSTAN PA DE LA 'DIR RAB TU BYED PA NYI SHU PA BRTZAM PA'I SKABS SU PHA ROL PO DAG GIS DON DAM PAR DUS NI MED PA KHO NA YIN TE, 'BRAS BU 'GRUB PA'I RGYU YIN PA'I PHYIR RO ZHES DUS NGO BO NYID MED PA NYID DU BSTAN PA'I MI MTHUN PA'I PHYOGS KYI KHYAD PAR SMRAS PA DE DGAG PAS RGYU DANG 'BRAS BU NGO BO NYID MED PA NYID DU BSTAN PA YIN NO, ,RGYU DANG 'BRAS BU NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYID TSES BSGRUBS SO ZHES ZER BA BTZAL BA'I PHYIR 'DIR YID CHES PA'I LUNG GI KHUNGS LAS KYANG BSGRUB PAR BYA STE, DE'I PHYIR BCOM LDAN 'DAS KYIS 'PHAGS PA SRID PA 'PHO BA'I MDO LAS, 'DREN PAS GANG DU TSOGS NYID KYI, ,LTA BA RAB TU BSTAN PA DE, ,BLO CAN RNAMS NI DON DAM GYI, ,NYE BAR GDAGS PA'I SAR STON TO, ,ZHES BYA BA LA SOGS PA GANG DAG GSUNGS PA DE DAG GRUB PA YIN NO ZHES BYA BA SMRAS TE, 'DREN PA SANGS RGYAS BCOM LDAN 'DAS KYIS MDO SDE GANG DU TSOGS PA NYID KYI LTA BAR RAB TU BSTAN PA DE, BYANG CHUB SEMS DPA' BLO CAN RNAMS NI DON DAM PA'I NYE BAR GDAGS PA'I SA YIN PAR STON TO, ,DE YANG BCOM LDAN 'DAS KYIS GANG DU TSOGS PA BSTAN PA MDZAD PA DE NI DON DAM PA LA 'JUG PA'I THABS YIN PAR BSTAN TE, GANG GI PHYIR TSOGS PA 'DU BA NI RDZAS SU YOD PA MA YIN PA DE'I PHYIR DE NYID DON DAM PA STE, 'DI LTAR RDZAS SU MED PA NYID DU DMIGS SU MED PA'I PHYIR RO, ,DE LTA BAS NA 'DIR RAB TU BYED PA 'DI NYID KYIS SKYE BA MED PA NYID SKABS GZHAN GYIS BSGRUBS SO, ,DE LTAR YID CHES PA'I LUNG DE DAG GRUB PA NI RGYU DANG 'BRAS BU NGO BO NYID MED PA NYID DU BSTAN PA'I YON TAN DANG KHUNGS YIN TE, DE'I PHYIR RTOG GE SKAM PO TZAM NYI TSES BSGRUBS @147B PA MA YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA LAS RGYU DANG 'BRAS BU BRTAG PA ZHES BYA BA STE RAB TU BYED PA NYI SHU PA RGYA CHER 'GREL PA SLOB DPON SGYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS 'BYUNG BA DANG 'JIG PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU GCIG PA BRTZAM MO ZHES BYA BA LA DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCA' BA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS, 'DIR YANG BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI SNGAR BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS YIN TE, 'DI LTA STE DON DAM PAR DNGOS PO RNAMS NGO BO NYID YOD PA NYID DU BSGRUB ? PA YIN NO, ,DE'I KHYAD PAR ZHES BYA BA NI PHA ROL POS DON DAM PAR DNGOS PO RNAMS NGO BO NYID YOD PA NYID DU BSGRUB PA'I PHYOGS KYI KHYAD PAR 'OG NAS DON DAM PAR DUS NI YOD PA KHO NA YIN TE, 'BYUNG BA DANG 'JIG PA'I RGYU YIN PA'I PHYIR RO ZHES BYA BA LA SOGS PA 'BYUNG BA DAG YIN NO, ,DE DAG LA ? ZHES BYA BA NI DE DGAG PA'I DBANG DU BYAS NAS RAB TU BYED PA NYI SHU GCIG PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS 'BYUNG BA DANG 'JIG PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU GCIG PA BRTZAM MO ZHES BYA @148A *, ,BA SMRAS TE; 'BYUNG BA DANG 'JIG PA BRTAG PA'I RAB TU BYED PA NYI SHU GCIG PA'I GZHUNG 'OG NAS 'BYUNG BA DE'I DON NI 'BYUNG BA DANG 'JIG PA NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, 'BYUNG BA DANG 'JIG PA NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS, DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TE, ,STONG PA NYID KYI MI MTHUN PA'I PHYOGS KYI KHYAD PAR ZHES BYA BA SMOS PA DE NYID BSTAN PA'I PHYIR 'DIR SMRAS PA, DON DAM PAR DUS NI YOD PA KHO NA YIN TE, 'BYUNG BA DANG 'JIG PA'I RGYU YIN PA'I PHYIR RO; ,'DI NA GANG YOD PA MA YIN PA DE NI 'BYUNG BA DANG 'JIG PA'I RGYU MA YIN TE, DPER NA SBRUL GYI RKANG PA BZHIN NO, ,DUS NI 'BYUNG BA DANG 'JIG PA'I DUS KYI RJES SU 'BYUNG BA DAG GI RGYU YIN PAS DE'I PHYIR DON DAM PAR DUS NI YOD PA KHO NA YIN PAS DES NA DE GSAL BA YOD PA'I PHYIR GTAN TSIGS GRUB PAS 'DOD PA'I DON GRUB PO ZHES BYA BA SMRAS TE, DE DAG GI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA SBRUL GYI RKANG PA LTA BU GANG YOD PA MA YIN PA DE NI 'BYUNG BA DANG 'JIG PA DUS KYI RJES SU 'BRANG BA DAG GI RGYU MA YIN PAS DE NI YOD PA MA YIN GYI, DUS NI DNGOS PO 'BYUNG BA DANG 'JIG PA DUS KYI RJES SU 'BRANG BA DAG GI RGYU YIN PAS, DE NI YOD PA KHO NA YIN TE, DE LTAR DUS YOD PA KHO NA YIN PAS DON DAM PAR DNGOS PO RNAMS KYI NGO BO NYID KYIS DUS GSUM GSAL BAR BYED PA YOD PA'I PHYIR SNGAR KHO BO CAG GIS DUS BRTAG PA'I RAB TU BYED PA DANG POR DON DAM PAR DNGOS PO RNAMS KYI NGO BO NYID YOD PA KHO NA YIN TE, GSAL BA'I RGYU YIN PA'I PHYIR DPER NA MAR ME BZHIN NO ZHES SMRAS @148B PA DANG, RGYU DANG 'BRAS BU BRTAG PA'I RAB TU BYED PA'I DANG POR DON DAM PAR DUS NI YOD PA KHO NAR SHES PAR BYA STE, 'BRAS BU 'GRUB PA'I RGYU YIN PA'I PHYIR RO ZHES SMRAS TE, GTAN TSIGS GRUB PAS KHO BO CAG GI 'DOD PA'I DON GRUB PO ZHES ZER RO, ,STONG PA NYID KYI MI MTHUN PA'I PHYOGS KYI KHYAD PAR DE DGAG PAS 'BYUNG BA DANG 'JIG PA NGO BO NYID MED PA NYID DU BSTAN PA'I PHYIR DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, 'BYUNG BA DANG 'JIG PA DAG GANG YANG RUNG BA MED PAR RAM, LHAN CIG TU 'GRUB PAR 'GYUR GRANG NA ZHES BYA BA SMRAS TE, 'DI LA KHYED GANG GI PHYIR 'BYUNG BA DANG 'JIG PA DAG DUS KYIS SGRUB PAR BYED CING, 'BYUNG BA DANG 'JIG PA DAG YOD PAS DUS KYANG YOD PA NYID DU BSGRUB PAS DE'I PHYIR GAL TE 'BYUNG BA DANG 'JIG PA DAG GRUB PAR GYUR NA DE DAG GI RGYU DUS KYANG 'GRUB PAR 'GYUR GRANG NA, 'BYUNG BA DANG 'JIG PA DAG NI 'JIG PA 'BYUNG BA MED PAR YOD PA NYID MA YIN LA, 'JIG PA 'BYUNG BA DANG LHAN CIG TU YANG YOD PA NYID MA YIN, ,'BYUNG BA YANG 'JIG PA MED PAR YOD PA NYID MA YIN LA, ,'BYUNG BA 'JIG PA DANG LHAN CIG TU YANG YOD PA NYID MA YIN TE, DE LTAR MU BZHI CHAR GYI SGO NAS 'BYUNG BA DANG 'JIG PA DAG MI 'GRUB PAS DE DAG GI RGYU DUS NYID YOD PA MA YIN PAS PHA ROL PO'I GTAN TSIGS KYI DON DBU MA PA'I PHYOGS LA MA GRUB PA NYID DO ZHES STON TO, ,DE LA RE ZHIG MU DANG PO GNYIS KYI PHYOGS NYE BAR BZHAG PA BSTAN PA'I PHYIR, ,DE LA RE ZHIG ,'JIG PA 'BYUNG BA MED PAR RAM, LHAN CIG YOD PA NYID MA YIN, ,ZHES BYA BA SMRAS TE, DE SGRUB PA NI 'OG NAS STON TO, ,DE DAG GI TSIG GI DON BYE BRAG TU BSHAD PA BSTAN PA'I PHYIR, 'JIG PA NI 'GAG PA'I RNAM GRANGS SO, ,'BYUNG BA NI SKYE BA'I RNAM GRANGS SO, ,NYID CES BYA BA'I TSIG GI PHRAD NI RTZA BA BSKANG BA'I PHYIR RO ZHES BYA BA SMRAS SO, ,DA NI MU PHYI MA GNYIS KYI PHYOGS NYE BAR BZHAG PA BSTAN PA'I PHYIR, DE BZHIN DU, 'BYUNG BA 'JIG PA MED PAR NI, ,LHAN CIG YOD PA NYID MA YIN, ,ZHES BYA BA SMRAS TE, DE'I SGRUB PA YANG 'OG NAS STON TO, ,PHYOGS NYE BAR BZHAG PA DE DAG GI TSAD MA'I 'BRAS BU BSTAN PA'I PHYIR, KHO BO CAG GI PHYOGS LA'O, ,DE'I @149A *, ,PHYIR DE DAG GI RGYU DE NYID YOD PA MA YIN PAS GTAN TSIGS KYI DON GZHAN LAS MA GRUB PA NYID DO ZHES BYA BA SMRAS TE, DE LTAR MU BZHI PA DE DAG KHO BO CAG GI PHYOGS LA YOD PA MA YIN PA DE'I PHYIR 'BYUNG BA DANG 'JIG PA DE DAG GI RGYU DUS NYID YOD PA MA YIN PAS, PHA ROL PO'I GTAN TSIGS 'BYUNG BA DANG, 'JIG PA'I RGYU YIN PA'I PHYIR RO ZHES BYA BA DE GZHAN LA MA GRUB PA NYID DO, ,CI STE RANG GI GRUB PA'I MTHA'I TSUL RAB TU MA BSGRUBS PAR GZHAN GYI PHYOGS SUN DBYUNG BAR MI NUS SO SNYAM NA ZHES BYA BA NI PHA ROL PO DAG DBU MA PAS RANG GI DAM BCAS PA'I GRUB PA'I MTHA'I TSUL RAB TU MA BSGRUBS PAR KHO BO CAG GZHAN GYI PHYOGS SUN DBYUNG BAR MI NUS SO SNYAM DU SEMS PA YIN NO, ,DE'I LAN DU 'GREL PA BYED PAS RANG GI GRUB PA'I MTHA'I TSUL RAB TU BSGRUB PA DE BSTAN PA'I PHYIR RE ZHIG ,MU DANG PO GNYIS KYI PHYOGS NYE BAR GZHAG PA'I RNAM PAR BRTAG PA SNGA MA'I DBANG DU BYA STE, BSHAD DO ZHES BYA BAR SBYAR RO, ,DE LA RE ZHIG MU DANG PO DGAG PA BSTAN PA'I PHYIR BSHAD PA, 'JIG PA 'BYUNG BA MED PAR NI, ,JI LTA BUR NA YOD PAR 'GYUR, ,YOD PA NYID MA YIN NO ZHES BYA BA'I TSIG GI DON TE, DE NI DAM BCA' BA NYE BAR BZHAG PA'O ZHES BYA BA SMRAS TE, DES NI 'JIG PA 'BYUNG BA MED PAR YOD PA NYID MA YIN PAR DGAG PA'I MU DANG PO'I DAM BCA' BA NYE BAR BZHAG PA BSTAN TO, ,DE'I BSGRUB PA BSTAN PA'I PHYIR, ,JI LTAR 'CHI BA SKYE BA MED PA LTAR, ,DE LTAR, 'JIG PA 'BYUNG BA MED PAR MED, ,DE'I RKYEN YIN PA'I PHYIR RO ZHES BYA BAR DGONGS SO ZHES BYA BA SMRAS TE, JI LTAR 'CHI BA SKYE BA MED PAR MED PA LTAR 'JIG PA YANG 'BYUNG BA MED PAR MED DE, 'CHI BA DANG 'JIG PA DE'I RKYEN SKYE BA DANG 'BYUNG BA YIN PA'I PHYIR RO ZHES BYA BAR MDO MDZAD PAS DGONGS SO, ,'DIR TSIG GI DON GSAL BAR BYA BA'I TSIG GZHAN 'DOD PA'I PHYIR SMRAS TE JI LTAR DANG DE LTAR ZHES BYA BA'I TSIG GNYIS KHONG NAS DRANGS TE BSTAN PAR BYA'O ZHES BYA BAS NI, ,'CHI BA SKYE BA MED PA LTAR, ,'JIG PA 'BYUNG BA MED PAR MED, ,CES BYA BA'I TSIG LE'UR BYAS PA'I RTZA BA DE GNYIS KYIS TSIG GI DON GSAL BAR BYA BA'I TSIG GZHAN 'DOD PA'I PHYIR 'GREL PA LAS JI LTAR DANG DE LTAR ZHES BYA BA'I TSIG GNYIS KHONG NAS DRANGS TE, BSTAN PAR BLTA BAR BYA'O @149B ZHES BSTAN TO, ,DON 'DI YANG RAB TU GRAGS PA YIN PAS 'DIR RJES SU DPAG PA NI BRJOD PAR MI BYA'O ZHES BYA BAS NI JI LTAR 'CHI BA SKYE BA MED PAR MED PA DE LTAR 'JIG PA YANG 'BYUNG BA MED PAR MED PA'I DON 'DI YANG 'JIG RTEN THAMS CAD LA RAB TU GRAGS PA YIN PAS 'DIR RJES SU DPAG PA NI BRJOD PAR BYA MI DGOS SO ZHES BSTAN TE, ,RAB TU GRAGS PA YIN YANG DPES DRANG BAR BYA STE ZHES BYA BAS NI DE LTAR RAB TU GRAGS PA YIN YANG, 'GA' ZHIG LOG PAR SGRUB PA YOD NA DE LA 'DI SKAD CES, 'JIG PA NI 'BYUNG BA MED PAR MED DE, DE'I RKYEN YIN PA'I PHYIR DPER NA 'CHI BA SKYE BA MED PAR MED PA BZHIN NO ZHES SGRUB PA DPES DRANGS RNAMS KYANG 'JIG PA DE'I BDAG NYID YIN PA'I PHYIR 'BYUNG BA'I DNGOS PO RNAMS LA 'JIG PA'I MI RTAG PA NYID NAM YANG MED PA MA YIN PAS 'BYUNG BA NI 'JIG PA MED PAR YOD PA NYID MA YIN NO, ,SDE PA GZHAN LAS GANG 'JIG PA'I RGYU DANG PHRAD NAS MI RTAG PA NYID KYIS 'JIG PAR BYED PAS DES NA DUS THAMS CAD DU MI RTAG PA NYID YOD PA MA YIN NO ZHES ZER BA DE YANG ZHES BYA BAS NI NYAN THOS BYE BRAG TU SMRA BA DAG GI GZHUNG LAS 'JIG PA LA RGYU YOD PAR SMRA BA'I TSIG YIN TE, DE DAG NA RE DPER NA GCOD PA'I RGYU STA RE DANG PHRAD NAS MIS SHING GCOD PAR BYED PAS DES NA DUS THAMS CAD DU MI NYID GCOD PA PO MA YIN GYI, GCOD PA'I RGYU NYID LOGS SHIG NA YOD PA DE BZHIN DU 'JIG PA'I RGYU THO BA DANG PHRAD NAS MI RTAG PA NYID KYIS BUM PA 'JIG PAR BYED PAS, DES NA DUS THAMS CAD DU MI RTAG PA NYID YOD PA MA YIN GYI, 'JIG PA'I RGYU NYID LOGS SHIG NA YOD PAS DE'I PHYIR 'BYUNG BA NI 'JIG PA MED PAR YANG YOD PA NYID YIN NO ZHES ZER RO, ,DE DAG GI GZHUNG DGAG PA'I PHYIR 'GREL PA BYED PA NYID KYIS, GAL TE DE LTA NA AA RU RA DANG PHRAD NAS LHAS 'KHRU BAR BYED PA LTA BUR 'GYUR TE, GAL TE 'JIG PA'I RGYU YOD NA NI MI RTAG PA NYID KYIS 'JIG PAR BYED NA DE LTA NA 'JIG PA'I RGYU NYID KYIS 'JIG PAR BYED KYI, MI RTAG PA NYID KYIS 'JIG PAR MI BYED DE, DE YOD KYANG 'JIG PAR MI BYED PA'I PHYIR RO ZHES BYA BA SMRAS TE, GAL TE DE LTAR 'JIG PA LAS RGYU GZHAN LOGS SHIG NA YOD CING DE DANG PHRAD NAS MI RTAG PA NYID KYIS 'JIG PAR BYED NA DE LTA NA KHA CIG NA RE 'KHRU BA'I RGYU AA RU RA LOGS SHIG YOD PA DANG PHRAD NAS LHAS @150A *, ,'KHRU BAR BYED DO ZHES ZER BA LTA BUR 'GYUR BAS DE NI MI RUNG STE, DE LTAR NA 'JIG PA'I RGYU NYID KYIS 'JIG PAR BYED KYI MI RTAG PA NYID KYIS 'JIG PAR MI BYED PAS, 'BYUNG BA YANG 'JIG PA'I RGYU DANG MA PHRAD KYI BAR DU RANG GI NGANG GIS MI 'JIG PA'I SKYON DU 'GYUR BAS DE NI MI 'DOD DO, ,DE LA 'DI SKAD CES KYANG 'DRI BAR BYA STE, CI 'JIG PA'I BDAG NYID CAN ZHIG 'JIG PA'I RGYU LA LTOS NAS 'JIG PAR 'GYUR RAM, 'ON TE 'JIG PA'I BDAG NYID CAN MA YIN PA ZHIG 'JIG PA'I RGYU LA LTOS NAS 'JIG PAR 'GYUR ZHES BYA BAS NI NYAN THOS BYE BRAG TU SMRA BA DAG LA GAL TE GNYIS BRTAG PAR BYA ZHING GNYI GA LTAR YANG MI 'THAD PAR STON TO, ,DE LA BRTAG PA DANG PO MI 'THAD PAR BSTAN PA'I PHYIR, DE LA GAL TE 'JIG PA'I BDAG NYID CAN ZHIG YIN NA NI DE'I 'JIG PA DE SKYES MA THAG TU 'BYUNG BAR 'GYUR TE, DE'I BDAG NYID YIN PA'I PHYIR DPER NA RANG GI BDAG NYID BZHIN PAS DE NI RIGS PA MA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA 'JIG PA'I RANG GI BDAG NYID NI 'JIG PA DE'I BDAG NYID YIN PA'I PHYIR DE'I 'JIG PA DE SKYES MA THAG TU 'BYUNG BAR 'GYUR BAS DE 'JIG PA'I RGYU GZHAN LA LTOS NAS 'JIG PAR 'GYUR BAR RIGS PA MA YIN PA DE BZHIN DU 'JIG PA'I BDAG NYID CAN YANG 'JIG PA'I BDAG NYID YIN PA'I PHYIR DE'I 'JIG PA DE SKYES MA THAG TU 'BYUNG BAR 'GYUR BAS DE 'JIG PA'I RGYU GZHAN LA LTOS NAS 'JIG PAR 'GYUR BAR RIGS PA MA YIN NO, ,BRTAG PA GNYIS PA MI 'THAD PAR BSTAN PA'I PHYIR, 'JIG PA'I BDAG NYID CAN MA YIN NA YANG 'JIG PAR MI 'GYUR TE, DE'I BDAG NYID MA YIN PA'I PHYIR DPER NA MYA NGAN LAS 'DAS PA BZHIN PAS DE YANG RIGS PA MA YIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA MYA NGAN LAS 'DAS PA NI 'JIG PA DE'I BDAG NYID MA YIN PA'I PHYIR 'JIG PAR MI 'GYUR BAS 'JIG PA'I RGYU GZHAN LA LTOS NAS 'JIG PAR 'GYUR BAR RIGS PA MA YIN PA DE BZHIN DU 'JIG PA'I BDAG NYID @150B CAN MA YIN PA YANG 'JIG PA DE'I BDAG NYID MA YIN PA'I PHYIR 'JIG PAR MI 'GYUR BAS 'JIG PA'I RGYU GZHAN LA LTOS NAS 'JIG PAR 'GYUR BAR RIGS PA MA YIN TE, RE ZHIG DE DAG GIS NI BYE BRAG TU SMRA BA DAG 'DOD PA LTAR 'JIG PA'I RGYU DANG PHRAD NAS MI RTAG PA NYID KYIS 'JIG PAR BYED PAS, DES NA JI SRID DU 'JIG PA'I RGYU DANG MA PHRAD PA DE SRID DU MI RTAG PA NYID KYIS 'JIG PAR MI BYED PA'I PHYIR 'BYUNG BA NI 'JIG PA MED PAR YANG YOD PA NYID DO ZHES ZER BA'I GZHUNG DGAG PA SPYIR BSTAN TO, ,DA NI DE DAG GIS BRTAGS PA'I 'JIG PA'I RGYU NYID DGAG PA BSTAN PA'I PHYIR GANG ZHIG GANG GI 'JIG PA'I RGYUR 'DOD PA DE YANG DE'I RGYU MA YIN TE, DE LA KHYAD PAR YOD KYANG DE KHYAD PAR MED PA'I PHYIR DPER NA DE LAS GZHAN BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA THO BA BUM PA 'JIG PA'I RGYUR 'DOD PA DE LAS GZHAN PA ME TOG 'JIG PA'I RGYUR KHA BA DANG, TSA DANG, ME LA SOGS PA 'DOD PA DE DAG NI RGYU DE DAG LA KHYAD PAR YOD DE DE DAG GIS BSHIG PA'I 'JIG PA ZHES BYA BA ME TOG MTSAN NYID MI 'DRA BAR GYUR PA DE KHYAD PAR MED PA'I PHYIR DE DAG ME TOG 'JIG PA DE'I RGYU MA YIN PA DE BZHIN DU THO BA BUM PA 'JIG PA'I RGYUR 'DOD PA DE YANG THO BA DE LA LCAGS THO DANG SHING THO LA SOGS PA DAG GI KHYAD PAR YOD KYANG DE DAG GIS BSHIG PA'I 'JIG PA ZHES BYA BA BUM PA MTSAN NYID MI 'DRA BAR GYUR PA DE KHYAD PAR MED PA'I PHYIR THO BA DE BUM PA 'JIG PA DE'I RGYU MA YIN TE, 'DI LTAR 'JIG RTEN NA RGYU DANG 'BRAS BU NI RGYU'I KHYAD PAR LAS 'BRAS BU YANG DE DANG MTHUN PA'I KHYAD PAR CAN 'GYUR BA LAS RGYU DANG 'BRAS BU ZHES BYA BAR THA SNYAD GDAGS PA YIN NA GANG ZHIG GANG GI 'JIG PA'I RGYUR 'DOD PA DE NI RGYU DE LA KHYAD PAR YOD KYANG NGES BSHIG PA'I 'JIG PA ZHES BYA BA MTSAN NYID MI 'DRA BAR GYUR PA DE KHYAD PAR MED PA'I PHYIR DE DE'I RGYU MA YIN NO, , DE NI 'JIG PA RGYU CAN MA YIN PAR DGAG PA BSTAN PA'I PHYIR, YANG NA 'JIG PA NI RGYU DANG BCAS PA MA YIN TE, 'JIG PA DANG LDAN PA MA YIN PA'I PHYIR DPER NA 'DUS MA BYAS BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR @151A *, ,GO RIMS BZHIN DU SBYAR TE, DPER NA 'DUS MA BYAS NI 'JIG PA DANG LDAN PA MA YIN PA'I PHYIR RGYU DANG BCAS PA MA YIN PA DE BZHIN DU 'JIG PA YANG RANG GI NGANG GIS 'JIG PAS 'JIG PA GZHAN DANG LDAN PA MA YIN PA'I PHYIR RGYU DANG BCAS PA MA YIN NO, ,'JIG PA LA RGYU YOD PAR DAM BCA' BA DAG LA SKYON GZHAN YANG YOD PAR BSTAN PA'I PHYIR, DE LTAR DBU MA PAS 'JIG PA RGYU DANG LDAN PA MA YIN PA NYID DU RJES SU DPAG PAS RGYU DANG LDAN PA MA YIN PA NYID KYIS RGYU DANG LDAN PA NYID BSTZAL BA'I PHYIR, PHA ROL PO DAG GI DAM BCAS PA LA CHOS CAN 'JIG PA'I CHOS RGYU DANG LDAN PA'I NGO BO NYID BSAL BA'I SKYON YOD DO ZHES BYA BA SMOS TE, DBU MA PA'I RJES SU DPAG PA SNGA MA DES PHA ROL PO DAG GI DAM BCAS PA LA 'JIG PA RGYU DANG LDAN PA'I NGO BO NYID BSTZAL BA'I SKYON YOD PAR BSTAN TO,, ,,BAM PO DRUG CU BRGYAD PA, GAL TE 'JIG PA NI RGYU DANG BCAS PA YIN TE, 'DUS BYAS KYI MTSAN NYID YIN PA'I PHYIR DPER NA SKYE BA BZHIN NO ZHE NA ZHES BYA BA NI PHA ROL PO DAG 'JIG PA 'DUS BYAS KYI MTSAN NYID YIN PA'I GTAN TSIGS KYI RGYU DANG BCAS PA SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SKYE BA NI 'DUS BYAS KYI MTSAN NYID YIN PA'I PHYIR RGYU DANG BCAS PA YIN PA DE BZHIN DU 'JIG PA YANG 'DUS BYAS KYI MTSAN NYID YIN PA'I PHYIR RGYU DANG BCAS PA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS; SEMS DANG SEMS LAS BYUNG BA DANG, BLO DANG SGRA'I SKAD CIG MA THA MA DAG GIS MA NGES PA NYID DO ZHES BYA BA SMRAS TE, DES NI PHA ROL PO DAG GI GTAN TSIGS 'DUS BYAS KYI MTSAN NYID YIN PA'I PHYIR ZHES BYA BA DE MA NGES PA NYID YIN PAR STON TE, 'DI LA SEMS DANG SEMS LAS BYUNG BA DANG, BLO DANG SGRA'I SKAD CIG MA THA MA DAG 'DUS BYAS KYI MTSAN NYID YIN YANG RGYU DANG BCAS PA MA YIN PAR MTHONG BAS DES NA CI RE ZHIG 'DUS BYAS KYI MTSAN NYID YIN PA'I PHYIR DPER NA SKYE BA BZHIN DU 'JIG PA YANG RGYU DANG BCAS PA YIN PAR 'GYUR RAM, 'ON TE 'DUS BYAS KYI MTSAN NYID YIN PA'I PHYIR @151B DPER NA SEMS DANG SEMS LAS BYUNG BA DANG, BLO DANG SGRA'I SKAD CIG MA THA MA DAG BZHIN DU 'JIG PA YANG RGYU DANG BCAS PA MA YIN PAR 'GYUR BA NGES PA NYID YIN PAS PHA ROL PO'I GTAN TSIGS 'DUS BYAS KYI MTSAN NYID YIN PA'I PHYIR ZHES BYA BA DE MA GRUB PO, ,DPE YANG MED DE DNGOS PO MA BYUNG BA LAS 'BYUNG BAS DNGOS PO'I BDAG NYID THOB PA NYID SKYE BA ZHES BYA STE, THA SNYAD DU YANG DNGOS PO NYID MA BYUNG BA LAS 'BYUNG BAS SKYE BA RDZAS SU MA GRUB PA'I PHYIR RO ZHES BYA BAS NI SNGAR PHA ROL PO DAG NA RE DPER NA SKYE BA BZHIN NO ZHES ZER BA'I DPE DE THA SNYAD DU YANG MA GRUB PAR STON TO, ,'DI LTAR SKYE BA ZHES BYA BA NI DNGOS PO MA BYUNG BA LAS 'BYUNG BAS DNGOS PO'I BDAG NYID THOB PA LAS LOGS SHIG NA RDZAS SU GRUB PA MED PA'I PHYIR PHA ROL PO DAG 'DOD PA LTAR SKYE BA ZHES BYA BA'I RDZAS DANG DNGOS PO LAS GZHAN PA LOGS SHIG NA YOD LA DNGOS PO NI DE SGRUB PAR BYED DO ZHES ZER BA LTA BU MA YIN PAS SKYE BA RDZAS SU YANG MED LA DE LA RGYU GZHAN YANG LOGS SHIG NA MED DE, DNGOS PO MA BYUNG BA LAS 'BYUNG BAS DNGOS PO'I BDAG NYID THOB PA NYID SKYE BA ZHES BYA STE, DE LA THA SNYAD DU RGYU YOD KYANG PHA ROL PO'I SGRUB PA DANG MI MTHUN PAS DPER MI RUNG NGO, ,GZEGS ZAN PA GANG DAG BLO DANG SGRA'I SKAD CIG MA THA MA 'JIG PA NI MA MTHONG BA'I BYED PA PO DANG LDAN PA YIN NO ZHES ZER NA ZHES BYA BA NI MU STEGS GZEGS ZAN PA DAG BLO DANG SGRA'I SKAD CIG MA THA MA 'JIGS PA DAG NI, MA MTHONG BA ZHES BYA BA CHOS DANG CHOS MA YIN PA DBANG PO LAS 'DAS PA DAG GI BYED PA PO DANG LDAN PAS DES NA BLO DANG SGRA'I SKAD CIG MA THA MA 'JIG PA'I RGYU NI CHOS DANG CHOS MA YIN PA DAG YIN PA'I PHYIR 'JIG PA LA RGYU YOD DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI RIGS PA MA YIN TE ZHES BYA BA LA SOGS PAS 'JIG PA LA RGYU MED PA DANG, CHOS DANG CHOS MA YIN PA DAG 'JIG PA'I RGYU MA YIN PAR STON TO, ,DE LA RE ZHIG 'JIG PA LA RGYU MED PAR BSTAN PA'I PHYIR, ZHIG NAS MED PA LA NI RGYU YOD PA MA YIN TE, MED PA'I PHYIR DPER NA GTAN MED PA BZHIN NO ZHES RJES SU DPAG PA'I PHYIR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN @152A *, ,DU SBYAR TE; DPER NA RI BONG GI RVA DANG MO GSHAM GYI BU LA SOGS PA GTAN MED PA DAG NI MED PA'I PHYIR DE DAG LA RGYU YOD PA MA YIN PA DE BZHIN DU BLO DANG SGRA'I SKAD CIG MA THA MA LA 'JIG PA ZHIG NAS MED PA YANG MED PA'I PHYIR DE DAG LA RGYU YOD PA MA YIN PAS RJES SU DPAG PA DES NA BLO DANG SGRA'I SKAD CIG MA THA MA 'JIG PA'I RGYU CHOS DANG CHOS MA YIN PA DAG YIN NO ZHES ZER BA DE RIGS PA MA YIN NO, ,DA NI CHOS CANG CHOS MA YIN PA DAG 'JIG PA'I RGYU MA YIN PAR BSTAN PA'I PHYIR, BLO DANG SGRA'I SKAD CIG MA THA MA 'JIG PA NI MA MTHONG BA'I BYED PA PO DANG LDAN PA MA YIN TE, 'JIG PA'I PHYIR DPER NA BLO DANG, SGRA DANG, ME LCE DAG GI DANG PO BZHIN NO ZHES RJES SU DPAG PA'I PHYIR RO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BLO DANG SGRA DANG ME LCE DAG GI DANG PO NI 'JIG PA'I PHYIR MA MTHONG BA'I BYED PA PO DANG LDAN PA MA YIN PA DE BZHIN DU BLO DANG SGRA'I SKAD CIG MA THA MA 'JIG PA YANG 'JIG PA'I PHYIR MA MTHONG BA'I BYED PA PO DANG LDAN PA MA YIN PAS, RJES SU DPAG PA DES NA CHOS DANG CHOS MA YIN PA DAG 'JIG PA'I RGYU YIN NO ZHES ZER BA DE RIGS PA MA YIN NO, ,'DIR GAL TE PHA ROL PO DAG NA RE KHA BA DANG TSVA DANG ME DANG, THO BA DAG GIS PHOG PAS ME TOG DANG SHING DANG 'BRAS BU DANG BUM PA DAG 'JIG PAR 'GYUR BAS 'JIG PA LA RGYU YOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS KHA BA DANG TSVA DANG ME DANG, THO BA DAG GIS PHOG PA YANG THA SNYAD KYI BDEN PAR GTOGS PA'I RGYU MTSAN NYID MI 'DRA BAR BYED PA YIN GYI, 'JIG PAR BYED PA MA YIN NO ZHES BYA BA SMRAS TE, DE DAG GIS PHOG PA NI ME TOG LA SOGS PA THA SNYAD KYI BDEN PAR GTOGS PA'I RGYU MTSAN NYID MI 'DRA BA SKYED PAR BYED PA'I RGYU YIN GYI, 'JIG PAR BYED PA'I RGYU MA YIN TE, DES NA KHA NAS PHOG PA YANG ME TOG GI RGYU MTSAN NYID MI 'DRA BA SKYED PA'I RGYU YIN GYI, ME TOG 'JIG PA'I RGYU MA YIN LA, TSVAS PHOG PA YANG 'BRAS BU'I RGYU MTSAN NYID MI 'DRA BA SKYED PA'I RGYU YIN GYI, 'BRAS BU 'JIG PA'I RGYU MA YIN NO, ,MES PHOG PA YANG SHING GI RGYU SOL BA DANG THAL BA LA SOGS PA MTSAN NYID MI 'DRA BA SKYED PA'I @152B RGYU YIN GYI, SHING 'JIG PA'I RGYU MA YIN LA, THO BAS PHOG PA YANG BUM PA'I RGYU GYO MO LA SOGS PA MTSAN NYID MI 'DRA BA SKYED PA'I RGYU YIN GYI, BUM PA 'JIG PA'I RGYU MA YIN NO, ,DE LTA BAS NA THA SNYAD KYI BDEN PAR GTOGS PA'I RGYU MTSAN NYID MI 'DRA BA SKYE BA LA NI RGYU YOD KYI, 'JIG PA LA NI RGYU MED DE, RANG GI NGANG GIS MI RTAG PA NYID KYIS SKAD CIG MA RE RE LA RANG 'JIG PA YIN TE, DPER NA BONG BA GNAM DU 'PHANGS PA YAR 'GRO BA LA NI RGYU LAG PA LA SOGS PA 'PHEN PA'I SHUGS DAG YOD KYI, DE NYID PHYIR LHUNG BA LA NI RGYU GZHAN MED DE, RANG GI NGANG GIS LHUNG BA LTA BU YIN PAS, DES NA 'BYUNG BA NI 'JIG PA MED PAR YOD PA NYID MA YIN NO ZHES BYA BAR TSIG BSDU'O, ,CI STE THO BAS PHOG PA LA SOGS PA DAG NI 'JIG PA'I RGYU NYID YIN TE, DE DAG YOD NA GZHIG PAR BYA BA GZUNG DU MED PA'I PHYIR RO ZHE NA ZHES BYA BA NI PHA ROL PO DAG 'JIG PA'I RGYU YOD NA GZHIG PAR BYA BA MA SNANG BAR 'GYUR BA'I GTAN TSIGS KYI THO BAS PHOG PA PA SOGS PA DAG 'JIG PA'I RGYU NYID YIN PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, 'JIG PA'I RGYU THO BAS PHOG PA LA SOGS PA DE DAG YOD NA GZHIG PA BYA BA BUM PA LA SOGS PA DAG GZUNG DU MED CING MI SNANG BAR 'GYUR BA'I PHYIR THO BAS PHOG PA LA SOGS PA DAG NI BUM PA LA SOGS PA 'JIG PA'I RGYU NYID YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI RIGS PA MA YIN TE, GTAN TSIGS KYI GZHI MI MTHUN PA'I PHYIR DANG RJES SU 'GRO BA MED PA'I PHYIR RO ZHES BYA BA SMRAS TE, PHA ROL PO'I GTAN TSIGS 'JIGS PA'I RGYU DE DAG YOD NA GZHIG PAR BYA BA GZUNG DU MED PA'I PHYIR RO ZHES BYA BA DE PHYOGS DANG, MTHUN PA'I PHYOGS GNYI GA LA THUN MONG DU KHYAB PA MA YIN TE, DPER NA SGRA NI MI RTAG STE, MIG GIS GZUNG BA YIN PA'I PHYIR RO ZHES BYA BA DE PHYOGS KYI CHOS MA YIN PA DANG 'DRA BAR 'DIR YANG DE DAG YOD NA GZHIG PAR BYA BA GZUNG DU MED PA'I PHYIR RO ZHES BYA BA DE THO BAS PHOG PA LA SOGS PA DAG 'JIG PA'I RGYU NYID YIN TE ZHES SGRUB PA'I PHYOGS KYI CHOS MA YIN TE, BUM PA LA SOGS PA GZUNG DU MED PA DE THO BA LA SOGS PA YOD @153A *, ,PA'I LE LAN MA YIN TE, BUM PA LA SOGS PA MA BYAS PA'I SNGON ROL NA GZUNG DU MED PA THOB LA SOGS PA SNGA MA YOD PA'I LE LAN MA YIN PA LTA BUR 'GYUR BAS GTAN TSIGS SU MI RUNG BA'I PHYIR RIGS PA MA YIN NO, ,GZHAN YANG GTAN TSIGS KYI RJES SU 'GRO BA'I DPE MED PA'I PHYIR YANG DE RIGS PA MA YIN TE, DON DAM PAR GANG GI 'JIG PA'I RGYU YOD NA DE GZUNG DU MED PA'I PHYIR DE DE'I RGYU NYID YIN TE, DPER NA CHE GE MO ZHIG BZHIN NO ZHES BYA BA'I DPE MED PA'I PHYIR RO, ,CI STE YANG BUM PA MED PAR 'GYUR BA'I RGYU NI THO BAS PHOG PA YIN TE, DE YOD NA 'BYUNG BA'I PHYIR DPER NA MIG YOD NA GZUGS DMIGS PA 'BYUNG BAS GZUGS DMIGS PA'I RGYU NI MIG YIN PA BZHIN NO ZHE NA ZHES BYA BA NI PHA ROL PO DAG 'JIG PA'I RGYU DE YOD NA 'JIG PA 'BYUNG BA'I GTAN TSIGS KYIS BUM PA 'JIG PA'I RGYU THO BAS PHOG PA YIN PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MIG YOD NA GZUGS DMIGS PA 'BYUNG BA'I PHYIR GZUGS DMIGS PA'I RGYU NI MIG YIN PA DE BZHIN DU 'JIG PA'I RGYU DE YOD NA 'JIG PA 'BYUNG BA'I PHYIR BUM PA 'JIG PAR 'GYUR BA'I RGYU NI THO BAS PHOG PA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG RIGS PA MA YIN TE, KHO BO CAG GI GRUB PA'I MTHA' LAS BUM PA LA THO BAS PHOG PA YOD NA BUM PA'I RGYU MTSAN NYID MI 'DRA BAR 'BYUNG BA YIN GYI, 'JIGS PA MA YIN PAS GTAN TSIGS GANG YANG RUNG BA LA MA GRUB PA'I PHYIR DANG DPE YANG MED PA'I PHYIR RO ZHES BYA BA SMRAS TE, KHYOD KYI GTAN TSIGS DE YOD NA 'BYUNG BA'I PHYIR ZHES BYA BA THO BAS PHOG PA YOD NA BUM PA 'JIG PA 'BYUNG BA'I PHYIR THO BAS PHOG PA NI BUM PA 'JIG PA'I RGYU YIN PAR SGRUB PA DE KHO BO CAG DBU MA PA'I GRUB PA'I MTHA' LAS BUM PA LA THO BAS PHOG PA YOD NA BUM PA'I RGYU GYO MO LA SOGS PA'I MTSAN NYID MI 'DRA BA 'BYUNG BAS PHOG PA NI GYO MO LA SOGS PA MTSAN NYID MI 'DRA BA GZHAN SKYED PA'I RGYU YIN GYI, BUM PA 'JIG PA'I RGYU MA YIN PAS KHYED KYI GTAN TSIGS 'JIG PA'I RGYU DE YOD NA 'JIG PA 'BYUNG BA'I PHYIR ZHES BYA BA DE KHO BO CAG GI PHYOGS @153B LA MED PAS GANG YANG RUNG BA LA MA GRUB PA'I PHYIR RIGS PA MA YIN NO, ,GZHAN YANG KHYED KYI DPE MIG YOD NA GZUGS DMIGS PA 'BYUNG BAS GZUGS DMIGS PA'I RGYU NI MIG YIN PA BZHIN NO ZHES BYA BA DE YANG KHO BO CAG GI PHYOGS LA DON DAM PAR MA GRUB PAS KHYED KYI DPE YANG MED PA'I PHYIR RIGS PA MA YIN NO, , GZHAN GYI PHYOGS LA YANG GYO MO LA SOGS PA THO BAS PHOG PA LA SOGS PA'I RGYU CAN DAG NI BYED PA PO PHOG PA DANG LDAN PA YIN PAR 'DOD PA'I PHYIR RO ZHES BYA BAS NI SANGS RGYAS PA DAG LAS GZHAN KHA CIG DANG PHYI ROL PA DAG LAS GZHAN KHA CIG GI PHYOGS LA YANG GYO MO LA SOGS PA THO BAS PHOG PA LA SOGS PA'I RGYU CAN 'BRAS BU DAG NI BDAG NYID SKYED PA'I BYED PA PO PHOG PA DANG LDAN PA MA YIN PAR 'DOD PA'I PHYIR DES KYANG THO BAS PHOG PA LA SOGS PA NI GYO MO LA SOGS PA THO BAS PHOG PA LA SOGS PA'I RGYU CAN 'BRAS BU DAG SKYED PA'I RGYU YIN GYI, BUM PA LA SOGS PA 'JIG PA'I RGYU MA YIN PAR GRUB PAS KHYED KYI GTAN TSIGS DE YOD NA 'BYUNG BA'I PHYIR ZHES BYA BA DE DAG GANG YANG RUNG BA LA MA GRUB PA'I PHYIR RIGS PA MA YIN NO ZHES BSTAN TO, ,'DIR GAL TE PHA ROL PO DAG 'DI SKAD CES THO BAS PHOG PA GANG YIN PA DE NYID KYIS BUM PA YANG 'JIG PAR BYED LA, GYO MO YANG SKYED PAR BYED PAS DES NA KHO BO CAG GI GTAN TSIGS DE YOD NA 'BYUNG BA'I PHYIR ZHES BYA BA DE GANG YANG RUNG BA LA MA GRUB PA'I SKYON MED DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS THO BAS PHOG PA GANG YIN PA DE NYID KYIS BUM PA YANG 'JIG PAR BYED LA, GYO MO YANG SKYED PAR BYED DO ZHES BYA BAR NI GCIG GIS DUS GCIG TU BYA BA MI MTHUN PA GNYIS BYED PAR MI RIGS SO ZHES BYA BA SMRAS TE, MAR ME GCIG GI MDUS GCIG TU SNANG BA DANG MUN PA'I BYA BA MI MTHUN PA GNYIS BYED PAR MI RIGS PA DANG, MI GCIG GIS DUS GCIG PHYE 'GAM PA DANG GLING BU BUD PA'I BYA BA MI MTHUN PA GNYIS BYED PAR MI RIGS PA LA SOGS PA'I TSUL GYIS SO, ,'O NA ME GCIG GIS DUS GCIG TU MUN PA YANG SEL BAR BYED LA BTZO BA'I RNAM PA 'GYUR BA YANG SKYED PAR BYED PA MA MTHONG NGAM ZHE NA ZHES BYA BA NI PHA ROL PO DAG NA RE 'JIG RTEN NA BYED PA PO GCIG GIS DUS GCIG TU BYA BA MI MTHUN PA GNYIS BYED PA'I TSUL 'DI LTA BU MA MTHONG NGAM ZHES 'DRI BA'I TSIG YIN @154A *, ,NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, BTZO BA'I RNAM PA 'GYUR BSKYED PA NI MTHONG GI ,MUN PA SEL BA NI MA MTHONG STE MUN PA NI SNANG BA MED PA TZAM YIN PA'I PHYIR RO ZHES BYA BA SMRAS TE, MES 'BRAS CHEN LA SOGS PA BTZO BA'I RNAM PA DROS PA DANG BSHUR BA DANG, TSOS PA LA SOGS PAR 'GYUR BA SKYED PA NI MTHONG GI MUN PA SEL BA NI MA MTHONG STE, MUN PA NI SNANG BA MED PA TZAM YIN PA'I PHYIR RDZAS KYI DNGOS POR YOD PA MA YIN PAS BTZAL DU MED PA'I PHYIR DANG, ME YANG SNGAR ME DANG BUD SHING BRTAG PA'I SKABS SU, MAR ME YANG NI GANG DAG NA; ,DE 'DUG PA NA MUN PA MED, ,CES BYA BA DANG, SKYE MCHED BRTAG PA'I SKABS SU LTA BA RAB TU SGRUB PA'I PHYIR, ,ME YI DPES NI NUS MA YIN, ,ZHES SMRAS PA DAG GIS MAR MES KYANG MUN PA MI SEL LA, MES KYANG BUD SHING MI SREG GO ZHES BSHAD PA'I TSUL GYIS SO, ,MDZAD PA'I MTHA' DAD YANG 'GAL TE, KHO BO CAG GI PHYOGS LA MUN PA ZHES BRJOD PA'I GZUGS KYI GNYEN PO SNANG BA SHAR NA MUN PA'I SKAD CIG MA PHYI MA NI RKYEN MED PAS MI SKYE LA SKAD CIG MA SNGA MA NI RANG GI NGANG GIS 'GAG PA NYID KYIS 'GAGS PAS MUN PA DE 'GAG PA'I BYED PA PO NI ME MA YIN PA'I PHYIR RO ZHES BYA BAS NI KHO BO CAG DBU MA PA'I PHYOGS LA SNANG BA DANG MUN PA ZHES BYA BA'I RDZAS GZHAN MED DE, GZUGS KYI GNAS SKABS TZAM DU ZAD PAS MUN PA ZHES BRJOD PA'I GZUGS KYI GNYEN PO SNANG BA SHAR BA NA MUN PA'I SKAD CIG MA PHYI MA NI RKYEN MED PAS MI SKYE LA, SKAD CIG MA SNGA MA NI RANG GI NGANG GIS 'GAG PA NYID KYIS 'GAGS PAS MUN PA DE 'GAG PA'I BYED PA PO NI ME MA YIN PA'I PHYIR MES MUN PA SEL BAR BYED DO ZHES BYA BA DE MDZAD PA'I MTHA' DANG 'GAL BAS MI RUNG NGO ZHES BSTAN TO, ,GZHAN YANG DE DAG YOD NA GZHIG PAR BYA BA GZUNG DU MED PA'I PHYIR RO ZHES GANG SMRAS PA DE YANG GZUNG DU MED PA NI MTSAN NYID MI 'DRA BA'I RGYUN SKYE BA LA 'GRUB KYI, KHA BA DANG TSVA DANG ME DANG THO BA LA SOGS PA DAG YOD NA ME TOG DANG 'BRAS BU DANG SHING DANG BUM PA LA SOGS PA'I GZUGS GZUNG DU MED PA NI DE DAG GI 'JIG PA'I RGYU NYID YIN PAR MI 'GRUB PO ZHES BYA BAS NI SNGAR PHA ROL PO DAG GIS THO BAS PHOG PA LA @154B SOGS PA DAG NI 'JIG PA'I RGYU NYID YIN TE, DE DAG YOD NA GZHIG PAR BYA BA GZUNG DU MED PA'I PHYIR RO ZHES GANG SMRAS PA'I GTAN TSIGS DE YANG GZUNG DU MED PA ZHES BYA BA DE NI BUM PA LA SOGS PA'I MTSAN NYID MI 'DRA BA'I RGYUN SKYE BA'I RGYU YIN PA'I PHYIR NA GTAN TSIGS SU 'GRUB KYI, KHA BA LA SOGS PA DE DAG YOD PA ME TOG LA SOGS PA'I GZUGS DE DAG GI 'JIG PA'I RGYU NYID YIN PA'I GTAN TSIGS SU MI 'GRUB STE, KHA BA LA SOGS PA DE DAG YOD NA ME TOG LA SOGS PA GZUNG DU MED PA NI DE DAG ME TOG LA SOGS PA MTSAN NYID MI 'DRA BA'I RGYUN GZHAN SKYED PA'I RGYU YIN GYI ME TOG LA SOGS PA 'JIG PA'I RGYU MA YIN NO ZHES BSTAN TO, ,DE NYID KYI RJES SU DPAG PA GZHAN BSTAN PA'I PHYIR, GANG ZHIG GANG GI 'JIG PA'I RGYUR 'DOD PA DE DAG NI DE 'JIG PA'I RGYU MA YIN TE, RGYU CAN YIN PA'I PHYIR DPER NA ME'I RANG GI BDAG NYID BZHIN NO ZHES BYA BA SMRA STE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ME GANG ZHIG SHING GANG GI 'JIG PA'I RGYUR 'DOD PA'I ME DE'I RANG GI BDAG NYID NI RGYU CAN YIN PA'I PHYIR ME DE'I 'JIG PA'I RGYU MA YIN PA DE BZHIN DU ME DE SHING DE'I 'JIG PA'I RGYU YANG MA YIN NO, ,DE BZHIN DU KHA BA DANG TSVA DANG THO BA LA SOGS PA GANG DAG ME TOG DANG 'BRAS BU DANG BUM PA LA SOGS PA GANG DAG GI 'JIG PA'I RGYUR 'DOD PA DE DAG KYANG RGYU CAN YIN PA'I PHYIR RANG GI BDAG NYID 'JIG PA'I RGYU MA YIN PA DE BZHIN DU DE DAG ME TOG DANG 'BRAS BU DANG BUM PA LA SOGS PA DAG GI 'JIG PA'I RGYU YANG MA YIN NO ZHES 'JIG PA'I RGYU THAMS CAD DGAG PA YANG BRJOD PAR BYA'O, ,YI GE MANG POR 'GYUR BA YANG YONGS SU SPONG BAR 'DOD PAS 'PHRO BAR MI BYA BAR SKABS NYID DPYAD PAR BYA'O ZHES BYA BA NI YI GE'I GZHUNG GI TSIG MANGS KYIS DOGS PAS 'JIG PA'I RGYU DGAG PA DE LAS 'PHRO BAR MI BYA BAR, 'BYUNG BA 'JIG PA MED PAR RAM, 'JIG PA DANG LHAN CIG TU YANG YOD PA NYID MA YIN PAR DAM BCAS PA DAG LAS SNGA MA MJUG BSDU BA DANG, PHYI MA BRTZAM PA'I SKABS NYID DPYAD PAR BYA'O ZHES STON TO, ,DE LTAR RE ZHIG 'BYUNG BA 'JIG PA MED PAR YOD PA NYID MA YIN NO ZHES BYA BAS NI MU GSUM PA DGAG PA'I MJUG BSDU BA BSTAN TO, ,DA NI MU BZHI PA @155A *, ,DGAG PA BSTAN PA'I PHYIR, 'BYUNG BA NI 'JIG PA DANG LHAN CIG TU YANG YOD PA NYID MA YIN TE, DE'I PHYIR BSHAD PA, 'BYUNG BA 'JIG DANG LHAN CIG TU, ,JI LTAR YOD PA NYID DU 'GYUR, ,SKYE BA 'CHI DANG DUS GCIG TU, ,YOD PA NYID DU MI RIGS BZHIN, ,ZHES BYA BA SMRAS SO, ,'DIR DON NI SNGA MA BZHIN NO ZHES BYA BA NI JI LTAR SNGAR 'JIG PA NI 'BYUNG BA DANG LHAN CIG TU YOD PA NYID MA YIN PAR DGAG PA'I SKABS SU BSGRUB PA BSTAN PA'I LUGS BZHIN DU 'DIR YANG DE LA 'DIR GLAGS YOD PA'I TSIG YIN PA'I PHYIR BZLOG NA DON GSAL BA'I TSIG GI DON TE, DPER NA SGRA JI LTAR RTAG PAR 'GYUR TE, 'DI LTAR BUM PA RTAG PAR MI RIGS SO ZHES BYA BA BZHIN NO, ,'DIR TSIG GI DON GSAL BA'I DBANG GIS RJES SU DPAG PA NI 'BYUNG BA 'JIG PA DANG LHAN CIG YOD PA NYID MA YIN TE, DE'I RKYEN YIN PA'I PHYIR DPER NA SKYE BA 'CHI BA DANG LHAN CIG YOD PA NYID MA YIN PA BZHIN NO ZHES SNGA MA LAS BZLOG STE SBYAR BAR BYA'O, ,DE'I PHYIR DE LTAR YONGS SU BRTAGS NA, GANG DAG PHAN TSUN LHAN CIG GAM, ,PHAN TSUN LHAN CIG MA YIN PAR, ,GRUB PA YOD PA MA YIN NO, ,'BYUNG BA DANG 'JIG PA DAG GO ZHES BYA BA NI MU BZHI PO DGAG PA SNGAR BSTAN PA DAG GI MJUG BSDU BA YIN TE, CI RIGS PAR SBYAR RO, ,DE DAG 'GRUB PA RNAM PA GZHAN YANG YOD PA MA YIN PAS DE DAG 'GRUB PA'I RNAM PA MI SRID PAR BSTAN PA'I PHYIR, DE DAG 'GRUB PA JI LTAR YOD CES GSUNGS TE, DE DAG 'GRUB PA YOD PA NYID MA YIN NO ZHES BYA BA'I TSIG GI DON TO ZHES BYA BAS NI, 'BYUNG BA DANG 'JIG PA DE DAG 'GRUB PA MU BZHI DGAG PA SNGAR BSTAN PA DAG MA GTOGS PAR MU LNGA PA LA SOGS PA'I RNAM PA GZHAN YOD PA MA YIN PAS DON DAM PAR 'BYUNG BA DANG 'JIG PA DE DAG 'GRUB PAR YOD PA NYID MA YIN NO ZHES BSNAN PA BSTAN TO, ,DE'I PHYIR 'BYUNG BA DANG 'JIG PA'I RGYU YIN PA'I PHYIR RO ZHES BYA BA'I GTAN TSIGS KYI DON MA GRUB PA NYID DO ZHES BYA BA'I MJUG BSDU BA DANG TSAD MA'I 'BRAS BU YIN TE, DE LTAR DON DAM PAR 'BYUNG BA DANG 'JIG PA DE DAG 'GRUB PA YOD PA NYID MA YIN PA DE'I PHYIR SNGAR PHA ROL PO DAG GIS @155B DON DAM PAR DUS NI YOD PA KHO NA YIN TE, 'BYUNG BA DANG 'JIG PA'I RGYU YIN PA'I PHYIR RO, ,'DI NA GANG YOD PA MA YIN PA DE NI 'BYUNG BA DANG 'JIG PA'I RGYU MA YIN TE, DPER NA SBRUL GYI RKANG PA BZHIN NO, ,DUS NI 'BYUNG BA DANG 'JIG PA DUS KYI RJES SU 'BRANG PA DAG GI RGYU YIN PAS DE'I PHYIR DON DAM PAR DUS NI YOD PA KHO NA YIN PAS DES NA DE GSAL BA YOD PA'I PHYIR GTAN TSIGS GRUB PAS 'DOD PA'I DON 'GRUB PO ZHES SMRAS PA'I GTAN TSIGS KYI DON MA GRUB PA NYID YIN PAS BSTAN BCOS MDZAD PAS SNGAR DON DAM PAR DUS NGO BO NYID MED PAS DE GSAL BA'I RGYU YIN PA'I PHYIR RO ZHES BYA BA'I GTAN TSIGS MA GRUB PA'I PHYIR DON DAM PAR NANG GI DNGOS PO RNAMS NGO BO NYID MED PA NYID YIN NO ZHES DAM BCAS PA'I DGONGS PA GRUB PA NYID DO, ,'DIR SMRAS PA, DNGOS PO NI 'JIG PA'I BDAG NYID CAN YIN YANG SKYES MA THAG TU 'JIG PAR MI 'GYUR TE, 'DI LTAR SKYES MA THAG TU GNAS PA 'BYUNG BAR 'GYUR ZHING DE'I 'OG TU 'JIG PAR 'GYUR RO ZHES BYA BA NI 'DIR PHA ROL PO DAG RNAM PA GZHAN GYIS PHYIR ZLOG PAR BYED PA'I TSIG YIN TE, DE DAG NA RE DNGOS PO NI 'JIG PA'I BDAG NYID CAN YIN YANG 'DUS BYAS KYI MTSAN NYID KYI RIM PA'I TSUL GYIS NA DANG POR SKYE ZHING DE'I 'OG TU GNAS LA DE'I 'OG TU 'JIG PAR 'GYUR BA YIN PAS DES NA KHYED DBU MA PAS 'JIG PA NI 'BYUNG BA MED PAR YOD PA NYID MA YIN LA, 'BYUNG BA YANG 'JIG PA MED PAR YOD PA NYID MA YIN NO ZHES BSHAD PA'I MU DE GNYIS MI RUNG NGO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA ZHES BYA BA LA SOGS PAS CI STE DNGOS PO 'JIG PA'I BDAG NYID CAN YIN NA ZAD PA'I NGANG CAN YIN PAS DE LA 'BYUNG BA YOD PA DANG, CI STE SKYES MA THAG TU 'JIG NA ZAD PA'I NGANG CAN MA YIN PAS DE LA YANG 'BYUNG BA YOD PA MA YIN PA DANG, DE BZHIN DU CI STE DNGOS PO 'JIG PA'I BDAG NYID CAN YIN NA ZAD PA'I NGANG CAN YIN PAS DE LA 'JIG PA YOD PA MA YIN PA DANG, CI STE SKYES MA THAG TU MI 'JIG NA ZAD PA'I NGANG CAN MA YIN PAS DE LA YANG 'JIG PA YOD PA MA YIN TE, DE LTAR MU BZHIS 'BYUNG BA DANG, 'JIG PA DAG YOD PAR MI 'THAD PAS PHA ROL PO DAG GIS BRTAGS PA DE NI GYI NA'O ZHES STON TO, ,DE LA RE ZHIG MU DANG PO MI 'THAD PAR BSTAN PA'I PHYIR, @156A *, ,ZAD LA 'BYUNG BA YOD MA YIN, ,CHOS MI MTHUN PA GNYIS DUS GCIG TU MI 'BYUNG BA'I PHYIR DPER NA SKYE BA DANG 'CHI BA DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SKYE BA DANG, 'CHI BA DAG NI CHOS MI MTHUN PA GNYIS DUS GCIG TU MI 'BYUNG BA'I PHYIR DNGOS PO 'CHI BA'I BDAG NYID CAN ZAD PA'I NGANG CAN LA SKYE BA YOD PA MA YIN PA DE BZHIN DU ZAD PA DANG 'BYUNG BA DAG KYANG CHOS MI MTHUN PA GNYIS DUS GCIG TU MI 'BYUNG BA'I PHYIR DNGOS PO 'JIG PA'I BDAG NYID CAN ZAD PA'I NGANG CAN LA 'BYUNG BA YOD PA MA YIN NO, ,MU GNYIS PA MI 'THAD PAR BSTAN PA'I PHYIR, CI STE SKYES MA THAG TU ZAD PAR MI 'GYUR NA NI 'O NA DE LTA NA ZAD PA'I NGO BO NYID MA YIN PAS DES NA KUN RDZOB TU YANG JI SKAD SMRAS PA'I RNAM PA MA GRUB PA'I PHYIR, MA ZAD PA LA'ANG 'BYUNG BA MED, ,CES GSUNGS SO ZHES BYA BA SMRAS TE, CI STE PHA ROL PO DAG MU DANG POS BRTAGS PA'I SKYON DE MI 'DOD PAS DNGOS PO SKYES MA THAG TU ZAD PAR MI 'GYUR BAS DES NA ZAD PA LA 'BYUNG BA YOD PA MA YIN PA'I SKYON DU MI 'GYUR RO ZHES ZER NA 'O NA DE LTA NA DNGOS PO DE ZAD PA DANG 'JIG PA'I NGANG CAN MA YIN PAS RTAG PA YIN PA'I PHYIR DE LA KUN RDZOB TU YANG SNGAR PHA ROL PO DAG GIS DNGOS PO NI 'JIG PA'I BDAG NYID CAN NYID YIN YANG SKYES MA THAG TU 'JIG PAR MI 'GYUR TE, 'DI LTAR SKYES MA THAG TU GNAS PA 'BYUNG BAR 'GYUR ZHING DE'I 'OG TU 'JIG PAR 'GYUR RO ZHES JI SKAD SMRAS PA'I RNAM PA MA GRUB PA'I PHYIR, MA ZAD PA LA'ANG 'BYUNG BA MED,, CES GSUNGS SO, ,MU GSUM PA MI 'THAD PAR BSTAN PA'I PHYIR, DE BZHIN DU, ZAD LA 'JIG PA YOD MA YIN, ,ZAD PAR 'GYUR BA'I NGANG TSUL CAN, ,'JIG PA DANG LDAN PA LA 'JIG PA YOD PA MA YIN TE, DER BRTAG PA DON MED PA NYID DU 'GYUR BA'I PHYIR 'CHI BA'I NGANG TSUL CAN BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DNGOS PO 'CHI BA'I NGANG TSUL CAN LA NI YANG 'CHI BAR BRTAGS PA DON MED PA NYID DU 'GYUR BA'I PHYIR DE LA 'CHI BA YOD PA MA YIN PA DE BZHIN DU @156B DNGOS PO ZAD PAR 'GYUR BA'I NGANG TSUL CAN 'JIG PA DANG LDAN PA LA YANG, YANG 'JIG PAR BRTAG PA DON MED PA NYID DU 'GYUR BA'I PHYIR DE LA YANG 'JIG PA YOD PA MA YIN NO, ,MU BZHI PA MI 'THAD PAR BSTAN PA'I PHYIR, MA ZAD PA LA'ANG 'JIG PA MED, ,DE'I NGO BO NYID MA YIN PA'I PHYIR DPER NA THAR PA BZHIN PAS DE NI GYI NA'O ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA THAR PA NI 'JIG PA DE'I NGO BO NYID MA YIN PA'I PHYIR DE LA 'JIG PA MED PA DE BZHIN DU DNGOS PO SKYES MA THAG TU MI 'JIG PA ZAD PAR 'GYUR BA'I NGANG TSUL CAN MA YIN PA DE YANG 'JIG PA DE'I NGO BO NYID MA YIN PA'I PHYIR DE LA 'JIG PA YOD PA MA YIN NO, ,DE LTAR MU BZHIS 'BYUNG BA DANG 'JIG PA DAG YOD PAR MI 'THAD PAS PHA ROL PO DAG GIS BRTAGS PA DE NI GYI NA'O ZHES BSTAN TO, ,'DIR SMRAS PA, 'BYUNG BA DANG 'JIG PA DAG NI YOD PA KHO NA YIN TE, DNGOS PO'I CHOS YIN PA'I PHYIR RO, ,'DI NA GANG YOD PA MA YIN PA DE NI DNGOS PO'I CHOS MA YIN TE, DPER NA SBAL BA'I ZE BA BZHIN NO, ,'BYUNG BA DANG 'JIG PA DAG NI DNGOS PO'I CHOS YIN PAS, DE'I PHYIR DE DAG NI YOD PA KHO NA YIN NO ZHES BYA BA NI PHA ROL PO DAG 'BYUNG BA DANG 'JIG PA DAG DNGOS PO'I CHOS YIN PA'I GTAN TSIGS KYIS YOD PA KHO NAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I CHOS CAN DANG, MJUG BSDU BA YIN PAR GO RIMS BZHIN DU SBYAR TE, 'DI NA SBAL PA'I ZE BA LTA BU GANG MED PA DNGOS PO'I CHOS MA YIN PA DE NI YOD PA MA YIN GYI, 'BYUNG BA DANG 'JIG PA DAG NI MTSAN NYID KYI GZHI DNGOS PO'I MTSAN NYID KYI CHOS YIN PAS DE'I PHYIR DE DAG NI YOD PA KHO NA YIN TE, DE DAG YOD NA DUS KYANG DE DAG GI RGYU YIN PA'I PHYIR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA ZHES BYA BA LA SOGS PAS 'BYUNG BA DANG 'JIG PA DAG MED PAS, DNGOS PO MED PA DANG, DNGOS PO MED PAS 'BYUNG BA DANG, 'JIG PA DAG MED PA'I PHYIR PHA ROL PO'I GTAN @157A *, ,TSIGS DNGOS PO'I CHOS YIN PA'I PHYIR ZHES BYA BA DE MI 'GRUB BO ZHES CHOS CAN DANG, CHOS DGAG PA'I BRTAG PA RNAM PA GNYIS STON TO, ,DE LA RE ZHIG BRTAG PA DANG PO BSTAN PA'I PHYIR, GAL TE DON DAM PAR 'GA' ZHIG LA 'BYUNG BA DANG, 'JIG PA DAG YOD PAR GYUR NA NI DE DNGOS PO ZHES BRJOD PAR YANG RIGS PAR 'GYUR GRANG NA DE DAG MED PAS DE'I PHYIR, 'BYUNG BA 'JIG PA MED PAR NI, ,DNGOS PO YOD PA MA YIN NO, ,DNGOS PO NI 'BYUNG BA DANG 'JIG PA'I BDAG NYID CAN YIN PA'I PHYIR RO ZHES BYA BAR DGONGS SO, ,DE YOD PA MA YIN PAS GTAN TSIGS KYI DON MA GRUB PA NYID DO ZHES BYA BA SMRAS TE, DES NI 'BYUNG BA DANG 'JIG PA DAG MED PAS DNGOS PO MED PA'I PHYIR CHOS CAN MA GRUB PAS, PHA ROL PO'I GTAN TSIGS DNGOS PO'I CHOS YIN PA'I PHYIR RO ZHES BYA BA DE MA GRUB PA NYID DU BSTAN TO, ,BRTAGS PA GNYIS PA BSTAN PA'I PHYIR, DE BZHIN DU, DNGOS PO YOD PA MA YIN PAR, ,'BYUNG DANG 'JIG PA YOD MA YIN, ,RTEN MED PA KHO NA'I PHYIR BRTEN PA MI 'GRUB PA'I PHYIR RO ZHES BYA BAR DGONGS SO ZHES BYA BA SMRAS TE, DPER NA RTZIG PA MED PAR RI MO YOD PA MA YIN PA BZHIN PAS DES NI DNGOS PO MED PAS 'BYUNG BA DANG 'JIG PA DAG MED PA'I PHYIR CHOS MA GRUB PAS PHA ROL PO'I GTAN TSIGS DNGOS PO'I CHOS YIN PA'I PHYIR RO ZHES BYA BA DE MA GRUB PA NYID DU BSTAN TO, ,YANG NA DNGOS PO'I CHOS YIN PA'I PHYIR RO ZHES BYA BA'I GTAN TSIGS DE SUN DBYUNG BA'I LAM GZHAN 'DI YANG YOD DO ZHES BYA BAS NI DNGOS PO MED PA LA 'BYUNG BA DANG 'JIG PA DAG MI 'THAD PA DANG, DNGOS PO YOD PA LA 'BYUNG BA DANG 'JIG PA DAG MI 'THAD PAS PHA ROL PO'I GTAN TSIGS DNGOS PO'I CHOS YIN PA'I PHYIR RO ZHES BYA BA DE MI 'GRUB BO ZHES SUN DBYUNG BA'I LAM RNAM PA GNYIS STON TO, ,DE LA RE ZHIG SUN DBYUNG BA'I LAM DANG PO BSTAN PA'I PHYIR DE LA RE ZHIG SMRA BA GANG DAG DNGOS PO YOD PAR GYUR PA MA YIN PA NGO BO NYID STONG PA NYID LA 'BYUNG BA DANG 'JIG PA DAG YOD PAR STON PA DE DAG GI PHYIR 'DI BSHAD DE, STONG LA 'BYUNG DANG 'JIG PA DAG ,'THAD PA NYID NI MA YIN NO, ,RJES SU DPAG PAS GNOD PAR 'GYUR BA'I PHYIR RO ZHES BYA BA SMRAS TE STONG PA LA 'BYUNG BA DANG @157B 'JIG PA DAG MI 'THAD DE DMIGS SU MED PA'I PHYIR DPER NA NAM MKHA'I ME TOG BZHIN NO ZHES BSTAN TO, ,SUN DBYUNG BA'I LAM GNYIS PA BSTAN PA'I PHYIR, SMRA BA GANG DAG DNGOS PO YOD PAR GYUR BA NGO BO NYID MI STONG PA LA 'BYUNG BA DANG 'JIG PA DAG YOD PAR STON PA DE DAG GI PHYIR 'DI BSHAD DE, MI STONG PA LA'ANG 'BYUNG 'JIG DAG ,'THAD PA NYID NI MA YIN NO, ,RANG GI BDAG NYID KYIS YOD PAR 'GYUR BA MED PA NI DE DAG DANG MI LDAN PA'I PHYIR DANG, RJES SU DPAG PAS GNOD PAR 'GYUR BA'I PHYIR RO ZHES BYA BA SMRAS TE, MI STONG PA LA 'BYUNG BA DANG 'JIG PA DAG MI 'THAD DE, DE DAG DANG MI LDAN PA'I PHYIR DPER NA MYA NGAN LAS 'DAS PA BZHIN NO ZHES BSTAN TE, DE'I PHYIR GTAN TSIGS KYI DON MA GRUB PA NYID KYI SKYON DANG DON 'GAL BA NYID KYI SKYON DE DAG NYID DU 'GYUR RO ZHES BYA BA NI MJUG BSDU BA DANG TSAD MA'I 'BRAS BU YIN TE, PHA ROL PO DAG GI GTAN TSIGS DNGOS PO'I CHOS YIN PA'I PHYIR RO ZHES BYA BA DE MA GRUB PAS 'BYUNG BA DANG, 'JIG PA'I RGYU YIN PA'I PHYIR RO ZHES BYA BA'I GTAN TSIGS KYI RTZA BA DE'I DON DAM PAR NI MA GRUB LA KUN RDZOB TU NI 'GAL BA'I SKYON DE DAG NYID DU 'GYUR RO ZHES BSTAN TO, ,YANG NA SUN DBYUNG BA'I LAM GZHAN YANG YOD DE, 'BYUNG BA DANG 'JIG PA DAG GCIG PA NYID DAM GZHAN NYID DU 'GYUR GRANG NA, DE LA GNYI GA LTAR YANG MI 'THAD DE ZHES BYA BAS NI SNGAR PHA ROL PO DAG GIS SMRAS PA'I GTAN TSIGS DNGOS PO'I CHOS YIN PA'I PHYIR RO ZHES BYA BA DE SUN DBYUNG BA'I LAM GZHAN STON TE, DES KYANG 'BYUNG BA DANG 'JIG PA DAG DNGOS PO'I CHOS YIN NA GCIG PA NYID DAM, GZHAN NYID DU 'GYUR GRANG NA GNYI GA LTAR YANG MI 'THAD DO ZHES BRTAG PA RNAM PA GNYIS STON TO, ,DE LA RE ZHIG BRTAG PA DANG PO BSTAN PA'I PHYIR, JI LTAR ZHE NA, 'BYUNG BA DANG NI 'JIG PA DAG ,GCIG PA NYID DU MI 'THAD DO, ,MI MTHUN PA'I PHYIR DPER NA SHES PA DANG, MI SHES PA DAG PA BZHIN NO ZHES BYA BA SMRAS TE; DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SHES PA DANG MI SHES PA DAG NI MI MTHUN PA'I PHYIR GCIG PA NYID DU MI 'THAD PA DE BZHIN DU 'BYUNG BA DANG 'JIG PA DAG KYANG MI MTHUN PA'I PHYIR GCIG PA NYID DU MI 'THAD DO, @158A *, ,BRTAG PA GNYIS PA BSTAN PA'I PHYIR, ,'BYUNG BA DANG NI 'JIG PA DAG ,GZHAN NYID DU YANG MI 'THAD DO, ,DNGOS PO GCIG LA BRTEN PA'I PHYIR GANG YANG RUNG BA'I RANG GI BDAG NYID BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG; DPE YIN PAR GO RIMS BZHIN DU SBYAR TE, DPER NA 'BYUNG BA'AM, 'JIG PA GANG YANG RUNG BA GCIG GI RANG GI MTSAN NYID NI DNGOS PO GCIG LA BRTEN PA'I PHYIR GZHAN NYID DU MI 'THAD PA DE BZHIN DU 'BYUNG BA DANG 'JIG PA DAG KYANG DNGOS PO GCIG LA BRTEN PA'I PHYIR GZHAN NYID DU MI 'THAD DO, , DES KYANG GTAN TSIGS KYI DON MA GRUB PA NYID DANG, DON 'GAL BA NYID KYI SKYON DE DAG NYID DU 'GYUR RO ZHES BYA BA YANG MJUG BSDU BA DANG TSAD MA'I 'BRAS BU YIN TE, PHA ROL PO DAG GI GTAN TSIGS DNGOS PO'I CHOS YIN PA'I PHYIR RO ZHES BYA BA DE MA GRUB PAS 'BYUNG BA DANG 'JIG PA'I RGYU YIN PA'I PHYIR RO ZHES BYA BA'I GTAN TSIGS KYI RTZA BA DE'I DON DAM PAR NI MA GRUB LA, KUN RDZOB TU NI 'GAL BA'I SKYON DE DAG NYID DU 'GYUR RO ZHES BSTAN TO, ,CI STE BRGYAL, 'BYUNG BA DANG NI 'JIG PA DAG ,MTHONG NGO SNYAM DU KHYOD SEMS NA, ,ZHES BYA BA NI DBU MA PAS PHA ROL PO DAG GI DOGS PA BSU BA'I TSIGS YIN TE, CI STE BRGYAL KHYED 'BYUNG BA DANG, 'JIG PA DAG DA LTAR MNGON SUM DU MTHONG NA CI'I PHYIR MED SNYAM DU SEMS NA'O, ,DE'I LAN DU 'GREL PA BYED PA NYID KYIS BYIS PA PHAL PA'I BLOS MTHONG BA NI BDEN GYI, DON DAM PAR NI MA YIN TE, DON DAM PAR 'BYUNG BA BKAG PA'I PHYIR DANG, MA BYUNG BA LA 'JIG PA MI SRID PA'I PHYIR RO ZHES BYA BA SMRAS SO, ,DE'I PHYIR, 'BYUNG BA DANG NI 'JIG PA DAG ,GTI MUG GNYID KYIS MTHONG BA YIN, ,ZHES BYA BA NI BYIS PA PHAL PA'I BLOS MTHONG BA NYID DU BSTAN TO, ,CI STE DE DAG GI GTI MUG GIS MTHONG BA YIN GYI, DON DAM PAR NI MA YIN NO ZHES BYA BA DE JI LTAR NGES PAR SHES SHE NA ZHES BYA BA NI PHA ROL PO DAG 'DRI BA'I TSIG YIN NO, ,DE'I LAN DU 'GREL PA BYED PA NYID KYIS BSHAD PA, DE'I LAN BTAB ZIN MOD KYI, GAL TE DE TZAM GYIS KYANG YONGS SU MI MGU NA YANG BSHAD PAR BYA STE, 'DI LTAR DON DAM PAR 'BYUNG BA DANG, 'JIG PA DNGOS PO LA BRTEN PA ZHIG YOD NA @158B MTHONG BAR YANG 'GYUR GRANG STE, DE LA DNGOS PO DNGOS PO LAS SKYE BA'AM, DNGOS PO MED PA DNGOS PO LAS SKYE BA'AM, DNGOS PO DNGOS PO MED PA LAS SKYE BA'AM, DNGOS PO MED PA DNGOS PO MED PA LAS SKYE BAR 'GYUR GRANG NA ZHES BYA BAS SKYE BA DANG 'JIG PA DAG MU BZHIS GCIG LA GCIG SKYE BA MED PAS DE DAG MTHONG BA NI GTI MUG NYID KYIS MTHONG BA YIN GYI, DON DAM PAR NI MA YIN NO ZHES STON TO, ,DE LA RE ZHIG MU DANG PO MI 'THAD PAR BSTAN PA'I PHYIR, DE LA RE ZHIG DON DAM PAR, DNGOS PO DNGOS LAS MI SKYE STE, DNGOS PO YIN PA'I PHYIR DPER NA SKYES PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SKYES ZIN PA NI DNGOS PO YIN PA'I PHYIR DNGOS PO LAS MI SKYE BA DE BZHIN DU DNGOS PO YANG DNGOS PO YIN PA'I PHYIR DNGOS PO LAS MI SKYE'O, ,MU GNYIS PA MI 'THAD PAR BSTAN PA'I PHYOGS SNGA MA BSTAN PA'I PHYIR, CI STE SKYE BA'I SNGA ROL NA NI YOD PA MA YIN PA NYID YIN TE, PHYIS 'BYUNG BA'I MING GI DNGOS PO ZHES BYA'O ZHE NA ZHES BYA BA SMRAS TE, DA NI PHA ROL DAG NA RE DNGOS PO NI SKYE BA'I SNGA ROL NA YOD PA MA YIN TE, PHYIS 'BYUNG BA'I MING GI DNGOS PO ZHES BRJOD PAS DES NA KHYOD KYI SGRUB PA SNGA MA'I DPE SKYES PA BZHIN NO ZHES BYA BA DE MI RUNG NGO ZHES ZER BA'I TSIG YIN NO, ,DE'I LAN DU 'GREL PA BYED PA NYID KYIS, DE LTA NA YANG, DNGOS MED DNGOS LAS MI SKYE'O, ,MYU GU ZHES BYA BA'I DNGOS PO MED PA 'BRU'I MTSAN NYID KYI DNGOS PO LAS MI SKYE STE, SKYE BA'I SNGA ROL NA MED PA'I PHYIR RAM, BRJOD PAR BYA BA MA YIN PA'I PHYIR DPER NA DE LAS GZHAN BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MYU GU ZHES BYA BA'I DNGOS PO MED PA DE LAS GZHAN PA BUM PA DANG, SNAM BU LA SOGS PA'I DNGOS PO MED PA NI SKYE BA'I SNGA ROL NA MED PA'I PHYIR RAM, YOD PA DANG MED PAR BYA BA MA YIN PA'I PHYIR 'BRU'I MTSAN NYID KYI DNGOS PO LAS MI SKYE BA DE BZHIN DU MYU GU ZHES BYA BA'I DNGOS PO MED PA YANG SKYE BA'I SNGA ROL NA MED PA'I PHYIR @159A *, ,RAM; YOD PA DANG, MED PAR BRJOD PAR BYA BA MA YIN PA'I PHYIR 'BRU'I MTSAN NYID KYI DNGOS PO LA MI SKYE'O, ,YANG NA, DNGOS MED DNGOS LAS MI SKYE'O, ,ZHES BYA BA NI MED PA'I PHYIR DPER NA RI BONG GI RVA BZHIN NO ZHES BYA BA NI MU GNYIS PA MI 'THAD PAR BSTAN PA'I RJES SU DPAG PA GZHAN YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA NI MED PA'I PHYIR DNGOS PO LAS MI SKYE BA DE BZHIN DU DNGOS PO MED PA YANG MED PA'I PHYIR DNGOS PO LAS MI SKYE'O, ,CI STE BUM PA MED PA MED BZHIN DU THO BAS BSNUN PA LAS 'BYUNG BAR 'GYUR BA DES MA NGES PA NYID DO ZHE NA ZHES BYA BA NI PHA ROL PO DAG DBU MA PAS DNGOS PO LAS MI SKYE STE, MED PA'I PHYIR DPER NA RI BONG GI RVA BZHIN NO ZHES SGRUB PA'I GTAN TSIGS DE MA NGES PA NYID DU SKYON 'DOGS PA'I TSIG YIN TE, DE DAG NA RE 'DI NA BUM PA ZHIG NAS MED PA NI SNGA NA DNGOS PO MED PA NYID YIN YANG PHYIS THO BAS BSNUN PA'I DNGOS PO LAS 'BYUNG BAR 'GYUR BA MTHONG BAS DES NA CI RE ZHIG MED PA'I PHYIR DPER NA RI BONG GI RVA BZHIN DU DNGOS PO MED PA DNGOS PO LAS MI SKYE BAR 'GYUR RAM, 'ON TE MED PA'I PHYIR DPER NA BUM PA MED PA THO BAS BSNUN PA'I DNGOS PO LAS 'BYUNG BA BZHIN DU DNGOS PO MED PA DNGOS PO LAS SKYE BAR 'GYUR BA MA NGES PA NYID YIN PAS DBU MA'I GTAN TSIGS DE MI RUNG NGO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, MA NGES PA NYID MA YIN TE, BUM PA SKYE BA DANG 'GAG PA BKAG PA'I PHYIR DANG, DE NYID KYANG PHYOGS SU BYAS PAS MI MTHUN PA'I PHYOGS MED PA'I PHYIR RO ZHES BYA BA SMRAS TE, DON DAM PAR BUM PA SKYE BA DANG 'GAG PA BKAG PA'I PHYIR PHA ROL PO DAG GI DPE MED PA DANG, DBU MA PAS BUM PA MED PAR THO BAS BSNUN PA'I DNGOS PO LAS 'BYUNG BA DE NYID KYANG PHYOGS SU BYAS PAS MI MTHUN PA'I PHYOGS MED PA'I PHYIR DBU MA PA'I GTAN TSIGS DE MA NGES PA NYID MA YIN NO, ,MU GSUM PA MI 'THAD PAR BSTAN PA'I PHYIR, DE BZHIN DU, DNGOS PO DNGOS MED MI SKYE STE, ,SKYON BSTAN ZIN PA'I PHYIR RO ZHES BYA BA SMRAS TE, DNGOS PO DANG DNGOS PO MED PA DAG DGAG PA MI MTHUN PA'I SKYON @159B BSTAN ZIN PA'I PHYIR RO, ,YANG DE NYID KYI RJES SU DPAG PA GZHAN BSTAN PA'I PHYIR RO, ,YANG NA DNGOS PO MED PA NI DNGOS PO'I RGYU MA YIN TE, MA SKYES PA'I PHYIR DPER NA RI BONG GI RVA BZHIN NO ZHES RJES SU DPAG PA'I PHYIR RO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA NI MA SKYES PA'I PHYIR DNGOS PO'I RGYU MA YIN PA DE BZHIN DU DNGOS PO MED PA YANG MA SKYES PA'I PHYIR DNGOS PO'I RGYU MA YIN NO, ,MU BZHI PA MI 'THAD PAR BSTAN PA'I PHYIR, DE BZHIN DU, DNGOS MED DNGOS MED MI SKYE'O; ,RJES SU DPAG PA DANG GRAGS PA'I GNOD PAS GNOD PAR 'GYUR BA'I PHYIR RO ZHES BYA BA SMRAS TE, DNGOS PO MED PA NI DNGOS PO MED PA LAS MI SKYE STE RI BONG GI RVA MO GSHAM GYI BU LAS MI SKYE BA BZHIN NAM, NAM MKHA'I ME TOG RUS SBAL GYI SPU LAS MI SKYE BAR GRAGS PA'I GNOD PAS GNOD PAR 'GYUR BA'I PHYIR RO, ,DE LTAR SKYE BA DANG 'JIG PA DAG MU BZHIS GCIG LA GCIG SKYE BA MED PAS DE DAG MTHONG BA NI GTI MUG NYID KYIS MTHONG BA YIN GYI, DON DAM PAR NI MA YIN NO ZHES BSTAN TO, ,GZHAN YANG BDAG LAS SAM, GZHAN LAS SAM, GNYI GA LAS SKYE BAR 'GYUR GRANG NA ZHES BYA BAS NI GZHAN YANG 'BYUNG BA DANG 'JIG PA BZHI YOD NA DE BDAG LAS SAM, GZHAN LAS SAM, GNYI GA LAS SKYE BAR 'GYUR GRANG NA DE DAG RNAM PA THAMS CAD LAS SKYE BAR MI 'THAD PAS 'BYUNG BA DANG, 'JIG PA DAG YOD PA MA YIN NO ZHES STON TO, ,DE NYID BSTAN PA'I PHYIR, DE LA YANG; DNGOS PO BDAG LAS MI SKYE STE, ,GZHAN LAS SKYE BA NYID MA YIN, ,BDAG DANG GZHAN LAS SKYE BA NI, ,YOD MIN, JI LTAR ZHE NA, DE LTAR DANG PO NYID DU RGYAS PAR BSTAN ZIN TO ZHES BYA BA SMRAS TE, SNGAR RKYEN BRTAG PA'I SKABS SU, BDAG LAS MA YIN GZHAN LAS MIN, , GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES SMOS PAS BSTAN ZIN TO, ,'O NA JI LTAR SKYE BAR 'GYUR BA DE SMROS SHIG ,SKYE BAR MI 'GYUR BA NYID DO ZHES BYA BA'I THA TSIG GI DON TO ZHES BYA BA NI MJUG BSDU BA YIN NO, ,DE'I PHYIR DE LTAR @160A *, ,'BYUNG BA DANG 'JIG PA DAG YOD PA MA YIN PA'I PHYIR GTAN TSIGS KYI RTZA BA'I DON MA GRUB PA NYID DO ZHES BYA BA NI TSAD MA'I 'BRAS BU YIN TE, DE LTAR DON DAM PAR 'BYUNG BA DANG 'JIG PA DAG YOD PA MA YIN PA'I PHYIR SNGAR RAB TU BYED PA'I DANG POR PHA ROL PO DAG GIS DON DAM PAR DUS NI YOD PA KHO NA YIN TE, 'BYUNG BA DANG 'JIG PA'I RGYU YIN PA'I PHYIR RO, ,'DI NA GANG YOD PA MA YIN PA DE NI 'BYUNG BA DANG 'JIG PA'I RGYU MA YIN TE, DPER NA SBRUL GYI RKANG PA BZHIN NO, ,DUS NI 'BYUNG BA DANG 'JIG PA DUS KYI RJES SU 'BRANG BA DAG GI RGYU YIN PAS DE'I PHYIR DUS NI DON DAM PAR YOD PA KHO NA YIN PAS DES NA DE GSAL BA YOD PA'I PHYIR GTAN TSIGS GRUB PAS 'DOD PA'I DON GRUB BO ZHES SMRAS PA'I GTAN TSIGS KYI RTZA BA'I DON MA GRUB PA NYID YIN PAS BSTAN BCOS MDZAD PAS SNGAR DON DAM PAR DUS NGO BO NYID MED PAS DE GSAL BA'I RGYU YIN PA'I PHYIR RO ZHES BYA BA'I GTAN TSIGS MA GRUB PA'I PHYIR DON DAM PAR NANG GI DNGOS PO RNAMS NGO BO NYID MED PA NYID YIN NO ZHES DAM BCAS PA'I DGONGS PA GRUB PA NYID DO,, ,,BAM PO DRUG CU DGU PA, DA NI PHA ROL PO DAG 'DOD PA LTAR DON DAM PAR DNGOS PO RNAMS NGO BO NYID YOD PAR KHAS BLANGS NA RTAG PA DANG CHAD PAR LTA BAR THAL BAR 'GYUR BA'I SKYON BSTAN PA'I PHYIR DON DAM PAR NI DNGOS PO YOD PAR KHAS BLANGS NA, RTAG PA DANG CHAD PAR LTA BAR NI THAL BAR 'GYUR TE, CI'I PHYIR ZHE NA, 'DI LTAR DNGOS DE NI, RTAG DANG MI RTAG 'GYUR PHYIR RO, ,DE LA RTAG PA NI MI 'JIG PA'I PHYIR RTAG PAR THAL BAR 'GYUR LA, MI RTAG PA NI 'JIG PA'I PHYIR CHAD PAR LTA BAR THAL BAR 'GYUR RO ZHES BYA BA SMRAS TE, 'DI LTAR DNGOS PO NI RTAG PA DANG, MI RTAG PA'I BDAG NYID CAN YIN PAS DE KHAS BLANGS NA 'JIG PA DANG, MI 'JIG PAR LTA BA'I SGO NAS RTAG PA DANG CHAD PAR LTA BAR THAL BAR 'GYUR RO, ,'DIR SMRAS PA, DNGOS PO YOD PAR KHAS BLANGS KYANG, ,CHAD PAR MI 'GYUR RTAG MI 'GYUR, ,CI'I PHYIR ZHE NA, 'DI LTAR, 'BRAS BU'I RGYU YI 'BYUNG 'JIG GI ,RGYUN DE SRID PA YIN PHYIR RO, ,DE LA RGYU 'GAG BZHIN PA LA 'BRAS BU SKYE BA'I PHYIR CHAD PAR MI @160B 'GYUR LA, 'BRAS BU SKYES PA NI RGYU 'GAG PA'I PHYIR RTAG PAR MI 'GYUR RO ZHES BYA BA NI PHA ROL PO DAG NA RE DNGOS PO YOD PAR KHAS BLANGS KYANG RTAG PA DANG CHAD PAR LTA BAR THAL BAR MI 'GYUR TE, DNGOS POR LTA BA YOD NA SRID PA 'THAD DE, 'DI LTAR 'BRAS BU 'BYUNG BA DANG RGYU 'JIG PA'I RGYU GANG YIN PA DE NI SRID PA YIN PA'I PHYIR RO, ,DE LA GANG GI PHYIR RGYU 'JIG PAR 'GYUR BA DE'I PHYIR RTAG PA'I SKYON DU THAL BAR MI 'GYUR LA GANG GI PHYIR RGYU 'GAG BZHIN PA LAS 'BRAS BU 'BYUNG BAR 'GYUR BA DE'I PHYIR CHAD PA'I SKYON DU THAL BAR MI 'GYUR RO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GAL TE 'BRAS RGYU'I 'BYUNG 'JIG GI ,RGYUN DE SRID PA YIN GYUR NA, ,'JIG LA YANG SKYE MED PA'I PHYIR, ,RGYU NI CHAD PAR THAL BAR 'GYUR, ,ZAD PA LA SKYE BA MED PA'I PHYIR SA BON TSIG PA BZHIN NO ZHES BYA BAR DGONGS SO ZHES BYA BA SMRAS TE, DE GNAS 'JIG PA NI 'GAGS PA ZAD PA YIN PAS DE LA YANG SKYE BA MED PA'I PHYIR RGYU CHAD PAR LTA BAR THAL BAR 'GYUR RO ZHES STON TO, ,DE LA RGYU 'JIG PA NI CHOS CAN YIN LA, CHAD PAR LTA BAR THAL BAR 'GYUR BA NI BSGRUB PAR BYA BA CHOS YIN, SKYE BA MED PA'I PHYIR ZHES BYA BA NI SGRUB PA'I CHOS YIN, SA BON TSIG PA BZHIN NO ZHES BYA BA NI DPE YIN PAR SBYAR TE, DPER NA SA BON TSIG PA DNGOS POR KHAS BLANGS NA DE LA YANG SKYE BA MED PA'I PHYIR CHAD PAR LTA BAR THAL BAR 'GYUR BA DE BZHIN DU RGYU 'JIG PA YANG DNGOS POR KHAS BLANGS NA DE LA YANG SKYE BA MED PA'I PHYIR CHAD PAR LTA BAR THAL BAR 'GYUR RO ZHES MDO MDZAD PAS DGONGS SO, ,JI STE SNGAR, GANG LA BRTEN TE GANG BYUNG BA, ,DE NI RE ZHIG DE NYID YIN, ,DE LAS GZHAN PA'ANG MA YIN LA, ,DE PHYIR CHAD MIN RTAG MA YIN, ,ZHES KHAS BLANGS LA, DA NI RTAG PA DANG CHAD PAR THAL BAR SKYON 'DOGS PA DE RIGS PA MA YIN NO ZHE NA ZHES BYA BA NI PHA ROL PO KHO NA RE, KHYED DBU MA PAS SNGAR BDAG DANG CHOS BRTAG PA'I SKABS SU, RTAG PA DANG CHAD PA MA YIN PAR SGRUB PA DE SKAD KHAS BLANGS LA, DA NI KHO BO CAG LA RTAG PA DANG CHAD PAR LTA BAR THAL BAR 'GYUR BAR SKYON 'DOGS PA DE RIGS PA MA YIN NO ZHES ZER BA'I TSIG YIN NO, ,DE SKAD @161A *, ,CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, DE NI THA SNYAD PA'I DE KHO NA'I MTSAN NYID NI CHAD PA MA YIN PA DANG RTAG PA MA YIN PAR BSTAN PA LA, DON DAM PA'I BDEN PAR NI SKYE BA MED PA KHO NA'I PHYIR RTAG PA DANG CHAD PA'I SKYON DU MI 'GYUR BAS DE SNYING PO MA YIN NO ZHES BYA BA SMRAS TE, KHO BO CAG GI SNGAR, GANG LA BRTEN NAS GANG BYUNG BA, ,RE ZHIG DE NI DE NYID MIN, ,DE LAS GZHAN PA'ANG MA YIN PHYIR, ,DE PHYIR CHAD MIN RTAG MA YIN, ,ZHES BSTAN PA DER NI KUN RDZOB PA'I DE KHO NA'I MTSAN NYID NI CHAD PA MA YIN PA DANG RTAG PA MA YIN PAR BSTAN TE, DE YANG DNGOS POR MI LTA BA LA KUN RDZOB TU YANG, RTAG PA DANG CHAD PAR LTA PAR THAL BAR MI 'GYUR BAR BSTAN PA YIN NO, ,KHO BO CAG GIS SNGAR, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,ZHES BSTAN PA DE YANG DON DAM PAR DE KHO NA'I MTSAN NYID NI SKYE BA MED PA KHO NA'I PHYIR RTAG PA DANG CHAD PA'I SKYON DU MI 'GYUR BAR STON TE, DE YANG DNGOS POR MI LTA BA LA DON DAM PAR YANG RTAG PA DANG CHAD PAR LTA BAR THAL BAR MI 'GYUR BAR BSTAN PA YIN NO, ,KHYED NI DNGOS POR LTA BA YIN PAS DNGOS POR KHAS BLANGS NA KUN RDZOB DANG DON DAM PA GNYI GAR YANG RTAG PA DANG CHAD PAR LTA BAR THAL BAR 'GYUR BAS KHYED KYI KLAN KA DE NI SNYING PO MA YIN NO, ,GRANGS CAN DAG NA RE, RGYU NYID 'BRAS BU'I BDAG NYID DU YONGS SU 'GYUR BAS DNGOS PO YOD PAR KHAS BLANGS KYANG RTAG PA DANG CHAD PA'I SKYON DU MI 'GYUR RO ZHES ZER RO ZHES BYA BA NI, GRANGS CAN YONGS SU 'GYUR BAR SMRA BA DAG NA RE, DPER NA 'O MA NYID ZHO'I BDAG NYID DU YONGS SU 'GYUR BAS 'O MA NYID ZHO MA YIN PAS RTAG PA YANG MA YIN LA, 'O MA LAS ZHO GZHAN NYID MA YIN PAS CHAD PA YANG MA YIN PA DE BZHIN DU RGYU NYID 'BRAS BU'I BDAG NYID DU YONGS SU 'GYUR BAS RGYU DANG 'BRAS BU DA DAG NYID DANG GZHAN NYID DU BRJOD PAR BYA BA MA YIN PA'I PHYIR, DNGOS PO YOD PAR KHAS BLANGS KYANG RTAG PA DANG CHAD PA'I SKYON DU MI 'GYUR RO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG @161B BZANG PO MA YIN TE, YONGS SU 'GYUR BA YOD PAR STON PA'I RJES SU DPAG PA MED PA'I PHYIR DANG, DE DGAG PA RGYAS PAR BSTAN ZIN PA'I PHYIR RO ZHES BYA BA SMRAS TE, KHYED LA YONGS SU 'GYUR BA YOD PAR STON PA'I RJES SU DPAG PA MED PA'I PHYIR, KHO BO CAG GAS DE DGAG PA RGYAS PAR BSTAN ZIN PA'I PHYIR RO, ,YONGS SU MA GYUR PA YONGS SU 'GYUR BAR RTOG NA YANG ZHES BYA BAS NI RGYU 'BRAS BU'I BDAG NYID DU YONGS SU GYUR ZIN PA YANG 'BRAS BU'I BDAG NYID DU YONGS SU 'GYUR BAR NI GRANGS CAN DAG KYANG MI 'DOD PAS GAL TE 'DIR GRANGS CAN DAG RGYU 'BRAS BU'I BDAG NYID DU DA DUNG YONGS SU MA GYUR PAS PHYIS YONGS SU 'GYUR BAR RTOG NA DE YANG MI 'THAD PAR STON TO, ,DE NYID BSTAN PA'I PHYIR, YONGS SU MA GYUR PA NI YONGS SU MI 'GYUR TE, YONGS SU MA GYUR PA'I PHYIR DPER NA RI BONG GI RVA BZHIN NO ZHES RJES SU DPAG PAS GNOD PA'I PHYIR RO ZHES BYA BA SMRAS TE; DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA NI 'BRAS BU'I BDAG NYID DU YONGS SU MA GYUR PA'I PHYIR YONGS SU MI 'GYUR BA DE BZHIN DU RGYU YONGS SU MA GYUR PA YANG 'BRAS BU'I BDAG NYID DU YONGS SU MA GYUR PA'I PHYIR, YONGS SU MI 'GYUR BAS RJES SU DPAG PA DES GNOD PAR 'GYUR BA'I PHYIR DE YANG MI 'THAD DO, ,GAL TE 'DIR GRANGS CAN DAG 'DI SKAD CES GANG GI PHYIR GDU BU ZHES BYA BA'I CHOS GZHAN GSER GYI RDZAS DE'I BAG LA ZHA BAR 'GYUR BA DE'I PHYIR RTAG PA MA YIN LA, GANG GI PHYIR GSER DE NYID LAS DPUNG RGYAN LA SOGS PA'I CHOS GZHAN SKYE BA DE'I PHYIR CHAD PA MA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU, 'DIR 'GREL PA BYED PA NYID KYIS, BAG LA ZHA BA'I MTSAN NYID KYI CHOS GZHAN LTOG PA NI BSTAN PAR MI NUS PA'I PHYIR DANG, YONGS SU 'GYUR BA DGAG PA BSTAN ZIN PA'I PHYIR RO ZHES BYA BA SMRAS TE, CHOS NGES PAR GNAS PA 'GA' YANG YONGS SU 'GYUR BA MED PAS DE BSTAN PAR MI NUS PA'I PHYIR DANG DE DGAG PA BSTAN ZIN PA'I PHYIR RO, ,GZHAN YANG GAL TE DNGOS PO NGO BO NYID YOD PAR GYUR NA ZHES BYA BA LA SOGS PAS NI SNGAR ? @162A *, ,GZHAN YANG GAL TE PHA ROL PO DAG 'DOD PA LTAR DON DAM PAR DNGOS PO NGO BO NYID YOD PAR GYUR NA NGO BO NYID NI RANG GI NGO BO NYID YONGS SU MI GTONG BA'I PHYIR, NAM YANG DNGOS PO MED PAR MI 'GYUR BAS DE LTA NA YANG RTAG PAR LTA BAR THAL BAR 'GYUR RO ZHES STON TO, ,DE NYID BSTAN PA'I PHYIR, DE LA, DNGOS PO NGO BO NYID YOD NA, ,DNGOS MED 'GYUR BAR MI RIGS SO, ,ZHES BYA BA SMRAS TE, DNGOS PO NGO BO NYID YOD NA ZHES BYA BAR NI CHOS CAN YIN LA, DNGOS PO MED PAR 'GYUR BAR MI RIGS SO ZHES BYA BA NI BSGRUB PAR BYA BA CHOS YIN, RANG GI NGO BO NYID YONGS SU MA STONG PA'I PHYIR, DPER NA ME GRANG BAR 'GYUR BA MI RIGS PA BZHIN NO ZHES BYA BA KHONG NAS DBYUNG BA NI, SGRUB PA'I CHOS DANG, DPE YIN PAR SBYAR TE, DPER NA ME NI RANG GI NGO BO YONGS SU MI GTONG BA'I PHYIR GRANG BAR 'GYUR BAR MI RIGS PA DE BZHIN DU, DNGOS PO YANG NGO BO NYID YOD PAR GYUR NA RANG GI NGO BO NYID YONGS SU MI GTONG BA'I PHYIR DNGOS PO MED PAR 'GYUR BAR MI RIGS PAS DES NA RTAG PAR LTA BAR THAL BAR 'GYUR RO, ,DA NI DNGOS PO SKYE BA DANG 'GAG PA'I CHOS CAN YIN PA'I PHYIR NGO BO NYID MED PAR GRUB PAS GANG GIS DE LTAR MTHONG BA LA RTAG PA DANG CHAD PAR LTA BAR THAL BAR MI 'GYUR BAR SKABS KYI DON BSTAN PA'I PHYIR, SKYES PA NI DNGOS PO YOD PA YIN LA ZHIG PA NI DNGOS PO MED PA YIN PA DE YANG MTHONG BAS DE'I PHYIR DNGOS PO NGO BO NYID MED PAR GRUB STE, DE SKYE BA DANG 'GAG PA'I CHOS CAN YIN PA'I PHYIR ZHES BSTAN TO ZHES BYA BA SMRAS TE, DES NI DNGOS PO NI NGO BO NYID MED PA YIN TE, RANG GI NGO BO YONGS SU GTONG BA'I PHYIR DPER NA DE LAS GZHAN BZHIN PAS GANG GIS DE LTAR MTHONG BA LA RTAG PA DANG CHAD PAR LTA BAR THAL BAR MI 'GYUR BAR BSTAN TE, GZHAN YANG, MYA NGAN 'DAS PA'I DUS NA CHAD, ,SRID RGYUN RAB TU ZHI PHYIR RO, ,DGRA BCOM PA'I SEMS DANG SEMS LAS BYUNG BA THA MA RKYEN PHYI MA MED PAS MI SKYE BA BZHIN NO ZHES BYA BA'I LAN GDAB DKA'O ZHES BYA BAS NI, GZHAN YANG GAL TE PHA ROL PO DAG 'DOD PA LTAR DON DAM PAR DNGOS PO NGO BO NYID YOD PAR GYUR NA MYA NGAN LAS 'DAS PA'I DUS NA SRID PA'I RGYUN RAB TU ZHI BA'I PHYIR CHAD PAR 'GYUR BA'I LAN GDAB DKA' BAS DE LTA NA YANG CHAD @162B PAR LTA BAR THAL BAR 'GYUR RO ZHES STON TE, DE LA DNGOS PO NGO BO NYID YOD NA ZHES BYA BA NI CHOS CAN YIN LA, MYA NGAN LAS 'DAS PA'I DUS NA CHAD PAR 'GYUR RO ZHES BYA BA NI BSGRUB PAR BYA BA CHOS YIN, SRID PA'I RGYUN RAB TU ZHI BA'I PHYIR RO ZHES BYA BA NI SGRUB PA'I CHOS YIN, DGRA BCOM PA'I SEMS DANG SEMS LAS BYUNG BA THA MA RKYEN PHYI MA MED PAS MI SKYE BA BZHIN NO ZHES BYA BA NI DPE YIN PAR SBYAR TE, DNGOS PO YOD PAR KHAS BLANGS NA DPER NA DGRA BCOM PA'I SEMS DANG SEMS LAS BYUNG BA THA MA RKYEN PHYI MA MED PAS MI SKYE BA NI SRID PA'I RGYUN RAB TU ZHI BA'I PHYIR MYA NGAN LAS 'DAS PA'I DUS NA CHAD PAR 'GYUR BA'I LAN GDAB DKA' BA DE BZHIN DU DNGOS PO YOD PAR KHAS BLANGS NA, 'GAGS PA NA SRID PA'I RGYUN RAB TU ZHI BA'I PHYIR 'GAGS SHING MYA NGAN LAS 'DAS PA'I DUS NA CHAD PAR 'GYUR BA'I LAN GDAB DKA' BAS DE LTA NA CHAD PAR LTA BAR THAL BAR 'GYUR RO ZHES BSTAN TO, ,CI STE 'DI SNYAM DU GAL TE MYA NGAN LAS 'DAS PA'I DUS NA CHAD PAR GYUR NA GYUR KYANG SLA STE, SRID PA'I RGYUN GYI DUS NA CHAD PA DE MED PAS SKYON MED PAR SEMS NA ZHES BYA BA NI JI STE PHA ROL PO DAG 'DI SNYAM DU 'KHOR BA'I GNAS SKABS NA CHAD PAR GYUR NA SKYON DU 'GYUR BA YIN PAS, 'KHOR BA'I GNAS SKABS NA CHAD PA'I SKYON DER MA GYUR NA MYA NGAN LAS 'DAS PA'I GNAS SKABS NA CHAD PAR GYUR KYANG GNOD PA MED DO SNYAM DU SEMS SHING DE SKAD CES ZER BA'I TSIG YIN TE, DES NI PHA ROL PO DAG DNGOS PO YOD PAR KHAS BLANGS KYANG 'KHOR BA'I GNAS SKABS NA DA LTAR GYI SRID PA THA MA'I SEMS MA 'ONGS PA'I SRID PA DANG PO'I SEMS DANG NYID MTSAMS SBYOR BA YOD PAS CHAD PAR MI 'GYUR RO SNYAM DU SEMS PA'I BSAM PA BSTAN TO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, SNGAR SRID PA'I RGYUN NYID LA CHAD PA'I SKYON BSTAN ZIN PAS CHAD PAR LTA BA'I PHYIR, PHYIS CHAD PA YANG THAR PA'I GEGS YIN PAS SKYON MED PA MA YIN NO ZHES BYA BA SMRAS TE, SRID PA'I RGYUN GYI DUS NA CHAD PA DE MED PAS SKYON MED DO ZHES BYA BAR SNGAR KHO BOS, GAL TE, 'BRAS BU RGYU YI 'BYUNG 'JIG GI ,RGYUN DE SRID PA YIN GYUR NA, ,'JIG @163A *, ,LA YANG SKYE MED PA'I PHYIR, ,RGYUN NI CHAD PAR THAL BAR 'GYUR, ,ZHES BSHAD PAS DNGOS PO YOD PAR LTA NA SRID PA'I RGYUN NYID LA CHAD PA'I SKYON BSTAN ZIN PAS CHAD PAR LTA BA'I PHYIR KHYED LA SRID PA'I RGYUN GYI DUS NA CHAD PA DE MED PA MA YIN PAS SKYON MED PA MA YIN NO, ,GZHAN YANG KHYAD NA RE, MYA NGAN LAS 'DAS PA'I DUS NA CHAD PAR GYUR NA GYUR KYANG SLA STE ZHES BYA BA LA SOGS PA ZER BAS, KHYED PHYIS CHAD PAR LTA BA 'DI YANG THAR PA'I GEGS YIN PAS 'JIG RTEN RGYANG PHAN PA DAG BZHIN DU MTHO RIS DANG BYANG GROL MI 'THOB PAS SKYON MED PA MA YIN NO, ,CI STE DE TZAM GYIS KYANG YONGS SU MI MGU NA GZHAN YANG NYON CIG CES BYA BA LA SOGS PAS NI DE LTAR DNGOS PO YOD PAR KHAS LEN PA LA RTAG PA DANG CHAD PAR LTA BAR THAL BAR 'GYUR BA'I SKYON DAG BSTAN NAS, DE TZAM GYIS KYANG PHA ROL PO GANG DAG DNGOS PO YOD PAR KHAS BLANGS KYANG 'KHOR BA'I GNAS SKABS NA DA LTAR GYI SRID PA THA MA'I SEMS MA 'ONGS PA'I SRID PA DANG PO'I SEMS DANG NYING MTSAMS SBYOR BAR BYED PAS CHAD PAR MI 'GYUR RO SNYAM DU SEMS PA DE DAG YONGS SU MI MGU NA 'DIR DNGOS PO YOD PAR KHAS LEN PA DAG LA 'KHOR BA'I RGYUN GYI GNAS SKABS NA DA LTAR GYI SRID PA THA MA'I SEMS PA MA 'ONGS PA'I SRID PA DANG PO'I SEMS DANG NYING MTSAMS SBYOR BA MED PAS DE DAG LA CHAD PAR LTA BA'I SKYON DU 'GYUR BA DANG, DBU MA PA LTA BU GANG DAG DNGOS PO NGO BO NYID MED PAR LTA BA DAG LA 'KHOR BA'I GNAS SKABS NA NI DA LTAR GYI SRID PA THA MA'I SEMS MA 'ONGS PA'I SRID PA DANG PO NI SEMS DANG NYING MTSAMS SBYOR BA SGYU MA TZAM DU YOD PAS CHAD PAR MI 'GYUR LA, DON DAM PAR NI DE DAG NGO BO NYID MED PAS NYING MTSAMS SBYOR BA YANG MED LA, RTAG PAR LTA BAR 'GYUR BA YANG MED DO ZHES STON TO, ,DE NYID BSTAN PA'I PHYIR, 'DI LA DA LTAR GYI SRID PA'I MJUG GI SRID PA NI SRID PA THA MA ZHES BYA BA, MA 'ONGS PA'I SRID PA'I SEMS PA SKYE BA DANG PO NI SRID PA DANG PO YIN PAS ZHES BYA BA SMRAS TE, DES NI DA LTAR GYI SRID PA THA MA PA'I SEMS DANG, MA 'ONGS PA'I SRID PA DANG PO'I SEMS KYI MTSAN NYID BSTAN NAS DA LTAR GYI SRID PA THA MA'I SEMS 'GAG PA DANG, MA 'GAGS PA DANG, 'GAG BZHIN PA MA 'ONGS PA'I SRID PA DANG PO'I SEMS @163B DANG NYING MTSAMS SBYOR BA MED PA'I MU RNAM PA GSUM GYIS DNGOS PO YOD PAR KHAS LEN PA RNAMS LA CHAD PAR LTA BAR THAL BAR 'GYUR LA, DNGOS PO NGO BO NYID MED PA NYID DU SMRA BA RNAMS LA RTAG PA DANG CHAD PAR LTA BA'I SKYON DU MI 'GYUR BAR STON TO, ,DE RE ZHIG MU DANG PO BSTAN PA'I PHYIR, DE LA, THA MA 'GAGS PAR GYUR PA NI, ,SRID PA DANG POR SBYOR MI 'GYUR, ,ZHES BYA BA'I DAM BCA' BA NYE BAR GZHAG PA'O ZHES BYA BA SMRAS TE, DE NI DA LTAR GYI SRID PA THA MA'I SEMS 'GAGS PA MA 'ONGS PA'I SRID PA DANG PO'I SEMS DANG NYING MTSAMS SBYOR BA MED PA'I DAM BCA' BA NYE BAR GZHAG PA BSTAN TE, DE NI PHYOGS YIN NO; ,'GAGS PA'I CHOS NI 'GAGS PA NYID YIN NO ZHES BYA BAS NI DA LTAR GYI SRID PA THA MA'I SEMS 'GAGS PA MA 'ONGS PA'I SRID PA DANG PO'I SEMS DANG NYING MTSAMS SBYOR BA MED PA'I SGRUB PA'I CHOS GTAN TSIGS NI 'GAGS PA NYID YIN PAR BSTAN TE DE NI PHYOGS KYI CHOS YIN NO, ,DE'I PHYIR RJES SU DPAG PA NI DON DAM PAR SRID PA THA MA 'GAGS PA NI MA 'ONGS PA'I SRID PA DANG PO DANG NYING MTSAMS SBYOR BA MED DE 'GAGS PA NYID YIN PA'I PHYIR RAM, SRID PA THA MA YIN PA'I PHYIR, DPER NA DGRA BCOM PA'I SRID PA THA MA 'GAGS PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DGRA BCOM PA'I SRID PA THA MA 'GAGS PA NI 'GAGS PA NYID YIN PA'I PHYIR RAM, SRID PA THA MA YIN PA'I PHYIR MA 'ONGS PA'I SRID PA DANG PO DANG NYING MTSAMS SBYOR BA MED PA DE BZHIN DU DA LTAR GYI SRID PA THA MA 'GAGS PA YANG 'GAGS PA NYID YIN PA'I PHYIR RAM, SRID PA THA MA YIN PA'I PHYIR MA 'ONGS PA'I SRID PA DANG PO DANG NYING MTSAMS SBYOR BA MED DO, ,MU GNYIS PA BSTAN PA'I PHYOGS SNGA MA BSTAN PA'I PHYIR, GAL TE SRID PA THA MA 'GAGS PA MA 'ONGS PA'I SRID PA DANG PO DANG NYING MTSAMS SBYOR BAR DAM BCAS PA'I PHYIR SKYON MED DO ZHE NA ZHES BYA BA SMRAS TE, DE NI PHA ROL PO DAG NA RE, KHO BO CAG GI DA LTAR GYI SRID PA THA MA'I SEMS MA 'GAGS PA MA 'ONGS PA'I SRID PA DANG PO'I SEMS DANG NYID MTSAMS SBYOR BAR DAM BCAS PA'I PHYIR, KHYED KYI SGRUB PA SNGA MA'I SKYON @164A *, ,DE KHO BO CAG GI PHYOGS LA MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, MA 'GAGS PA YANG RGYU SRID PA THA MA MA NYAMS PA'I PHYIR SKYON 'OG NAS 'BYUNG BA LTA BUR 'GYUR BAS SKYON MED PA MA YIN TE ZHES BYA BA SMRAS TE, RGYU MA 'GAGS PAR 'BRAS BU SKYE MI SRID PA'I PHYIR RJES SU DPAG PA 'OG MAS GNOD PAR 'GYUR BAS SKYON MED PA MA YIN NO ZHES STON TO, ,DE NYID BSTAN PA'I PHYIR, 'DI LTAR, THA MA 'GAGS PAR MA GYUR PA, ,SRID PA DANG POR SBYOR MI 'GYUR, ,'DIR YANG DE NI DAM BCA' BA NYE BAR GZHAG PA'O ZHES BYA BA SMRAS TE, DES NI DA LTAR GYI SRID PA THA MA'I SEMS MA 'GAGS PA MA 'ONGS PA'I SRID PA DANG PO'I SEMS DANG NYING MTSAMS SBYOR BA MED PA'I DAM BCA' BA NYE BAR GZHAG PA BSTAN TE DE NI PHYOGS YIN NO, ,MA 'GAGS PA'I CHOS NI MA 'GAGS PA NYID YIN NO ZHES BYA BAS NI DA LTAR GYI SRID PA THA MA'I SEMS MA 'GAGS PA MA 'ONGS PA'I SRID PA DANG PO'I SEMS DANG NYID MTSAMS SBYOR BA MED PA'I SGRUB PA'I CHOS GTAN TSIGS NI MA 'GAGS PA NYID YIN PAR BSTAN TE DE NI PHYOGS KYI CHOS YIN NO, ,DE'I PHYIR 'DIR YANG RJES SU DPAG PA NI DON DAM PAR SRID PA THA MA 'GAGS PA NI MA 'ONGS PA'I SRID PA DANG PO DANG NYING MTSAMS SBYOR BA MED DE, MA 'GAGS PA NYID YIN PA'I PHYIR, DPER NA DA LTAR GYI SRID PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR GYI SRID PA NI MA 'GAGS PA NYID YIN PA'I PHYIR MA 'ONGS PA'I SRID PA DANG PO DANG NYING MTSAMS SBYOR BA MED PA DE BZHIN DU DA LTAR GYI SRID PA THA MA 'GAGS PA YANG MA 'GAGS PA NYID YIN PA'I PHYIR, MA 'ONGS PA'I SRID PA DANG PO DANG NYING MTSAMS SBYOR BA MED DO, ,MU GSUM PA BSTAN PA'I PHYOGS SNGA MA BSTAN PA'I PHYIR; GAL TE SRID PA THA MA 'GAG BZHIN PA MA 'ONGS PA'I SRID PA DANG PO DANG NYING MTSAMS SBYOR BAR BYED DO ZHE NA ZHES BYA BA SMRAS TE, DE NI PHA ROL PO DAG NA RE, SRID PA THA MA PA'I SEMS 'GAGS PA DANG MA 'GAGS PA DAG SRID PA DANG PO DANG NYING MTSAMS SBYOR BA MED PA NI BDEN MOD KYI, 'ON @164B KYANG SRID PA THA MA'I SEMS 'GAG BZHIN PA NYING MTSAMS SBYOR BAR BYED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, DE YANG BZANG PO MA YIN TE, ,GAL TE THA MA 'GAG BZHIN PA, ,DANG PO SKYE BAR GYUR NA NI, ,'GAG BZHIN PA NI GCIG 'GYUR ZHING, ,SKYE BZHIN PA YANG GZHAN DU 'GYUR, ,'GAG BZHIN PA DANG SKYE BZHIN PA DAG NI THA DAD PA NYID YIN PA'I PHYIR RGYUD THA DAD PA'I SRID PA BZHIN NO ZHES BYA BA SMRAS TE, DE LTAR NA SRID PA GNYIS SU THAL BA'I SKYON DU 'GYUR BAS DE NI MI 'DOD DO ZHES STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RGYUD THA DAD PA'I SRID PA NI THA DAD PA NYID YIN PA'I PHYIR SRID PA GNYIS SU 'GYUR BA DE BZHIN DU, SRID PA THA MA 'GAG BZHIN PA SRID PA DANG POR SKYE BA YANG THA DAD PA NYID YIN PA'I PHYIR SRID PA GNYIS SU 'GYUR BAS DE NI MI 'DOD DO, ,GAL TE DE LTAR 'DOD PA'I PHYIR SKYON MED DO ZHE NA ZHES BYA BAS NI, PHA ROL PO DAG NA RE, SRID PA THA MA DANG DANG PO GNYIS THA DAD PA YANG YIN LA, NYING MTSAMS KYANG SBYOR BA DE NI KHO BO CAG 'DOD PA'I PHYIR KHYED KYIS SKYON BTAGS PA DE KHO BO CAG GI PHYOGS LA MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI MI RIGS TE, LHAS BYIN GYI SRID PA THA MA NI LHAS BYIN GYI SRID PA DANG PO DANG NYING MTSAMS SBYOR BA MED DE DE LAS GZHAN YIN PA'I PHYIR, DPER NA MCHOD SBYIN GYI SRID PA THA MA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI SRID PA THA MA NI LHAS BYIN GYI SRID PA DANG PO DE LAS GZHAN YIN PA'I PHYIR, LHAS BYIN GYI SRID PA DANG PO DANG NYING MTSAMS SBYOR BA MED PA DE BZHIN DU LHAS BYIN GYI SRID PA THA MA YANG, LHA SBYIN GYI SRID PA DANG PO DE LAS GZHAN YIN PA'I PHYIR DE GNYIS NYING MTSAMS SBYOR BA MED DO, ,GZHAN YANG 'GAGS PA DANG MA 'GAGS PA DAG NI 'GAG BZHIN PA NYID YIN PAR MI RIGS PA'I PHYIR RO ZHES BYA BAS KYANG, SNGAR PHA ROL PO DAG NA RE, SRID PA @165A *, ,THA MA 'GAG BZHIN PA MA 'ONGS PA'I SRID PA DANG PO DANG NYING MTSAMS SBYOR BAR BYED DO ZHES ZER BA'I LAN GZHAN BSTAN TE, 'GAGS PA DANG MA 'GAGS PA MA GTOGS PAR 'GAG BZHIN PA MED PA'I PHYIR, DE LA NYING MTSAMS SBYOR BA MED DO, ,GAL TE 'GAG BZHIN PA NI 'GAG PA LA MNGON PAR PHYOGS PA'O ZHE NA ZHES BYA BA NI, PHA ROL PO DAG 'GAG BZHIN PA YOD PAR SGRUB PA'I TSIG YIN TE, DE DAG NA RE, 'GAG BZHIN PA ZHES BYA BA 'GAGS PA DANG MA 'GAGS PA DAG MA YIN YANG 'GAG PA LA MNGON PAR PHYOGS PA YIN PAS DE NI YOD PA KHO NA'O ZHES ZER RO, , DE SKAD CES ZER BA DE'I LAN DU 'DIR 'GREL PA BYED PA NYID KYIS MI RUNG STE, DE'I LAN BTAB ZIN PA'I PHYIR RO ZHES BYA BA SMRAS TE, 'GAG BZHIN PA 'GAGS PA LA MNGON PAR PHYOGS PA MA YIN PAR DGAG PA GONG DU GNAS SKABS THAMS CAD DU BSTAN ZIN PA'I PHYIR 'GAG BZHIN PA MED PAS DE SRID PA DANG PO DANG NYING MTSAMS SBYOR BA MED DO, ,DE BZHIN DU SKYE BZHIN PA YANG SKYE BZHIN NYID YIN PAR MI RIGS PAS ZHES BYA BA NI JI LTAR SRID PA THA MA'I SEMS 'GAG BZHIN PA MI RIGS PA DE BZHIN DU SRID PA DANG PO'I SEMS SKYE BZHIN PA YANG SKYES PA DANG MA SKYES PA DANG SKYE BA LA MNGON PAR PHYOGS PA GANG YANG MA YIN PAS YOD PAR MI RIGS PA'I PHYIR SRID PA THA MA'I SEMS 'GAGS PA DANG, MA 'GAGS PA DANG 'GAG BZHIN PA DAG SRID PA DANG PO'I SEMS SKYE BZHIN PA DANG NYING MTSAMS SBYOR BA YANG MED PAR BSTAN TO, ,DE'I PHYIR, GAL TE 'GAG BZHIN SKYE BZHIN DAG ,LHAN CIG SBYOR BA'ANG YOD MIN NA, ,'O NA JI LTAR 'GYUR ZHE NA, ,PHUNG PO GANG LA 'CHI 'GYUR BA, ,DER NI SKYE BA'ANG 'BYUNG BAR 'GYUR, ,DE NI MI 'DOD DE, GCIG LA DUS GCIG TU MI MTHUN PA'I BDAG NYID GNYIS MI SRID PA'I PHYIR RO ZHES BYA BAS NI 'DI SKAD BSTAN TE, DE LTAR GAL TE SRID PA THA MA 'GAGS PA DANG MA 'GAGS PA DANG 'GAG BZHIN PA DAG SRID PA DANG PO SKYE BZHIN PA DANG NYING MTSAMS SBYOR BA YOD PA MA YIN PA BZHIN DU YANG PHA ROL PO DAG SRID PA THA MA DANG, DANG PO NYING MTSAMS SBYOR ZHING SRID PA'I RGYUN YOD PAS CHAD PAR LTA BAR THAL BAR MI 'GYUR @165B BAR 'DOD NA, 'O NA DA JI LTAR 'GYUR ZHE NA, DE LTA NA PHUNG PO GANG DAG KHO NA LA 'CHI BAR 'GYUR BA DE DAG KHO NA LA SKYE BA YANG 'BYUNG BAR THAL BAR 'GYUR TE, 'GAGS PA DANG MA 'GAGS PA DANG 'GAG BZHIN PA DAG SKYE BZHIN PA DANG NYING MTSAMS SBYOR BA MI 'THAD PAR SNGAR BSTAN PA LAS GZHAN PA'I SKYE BA MI SRID PAS PHUNG PO GCIG LA 'CHI BA DANG SKYE BA GNYI GA 'BYUNG BAR 'GYUR BA 'DI KHAS BLANGS PA LAS 'BROS KHUNG GZHAN MED PA'I PHYIR RO, ,DE NI MI 'DOD DE, DNGOS PO GCIG LA DUS GCIG TU MI MTHUN PA'I BDAG NYID GNYIS MI SRID PA'I PHYIR RO, ,DE LTA BAS NA DNGOS POR LTA BA YOD NA SRID PA'I RGYUN YANG MI 'THAD PAS CHAD PAR LTA BAR THAL BAR 'GYUR RO, ,DBU MA PA LA NI DNGOS PO BRTEN NAS GDAGS PA NGO BO NYID STONG PA SGYU MA DANG SMIG RGYU DANG GZUGS BRNYAN LTA BU RNAMS LA GCIG PA NYID DANG GZHAN NYID DU 'GYUR BA DE MED PAS RTAG PA DANG CHAD PAR LTA BAR THAL BAR MI 'GYUR RO ZHES BSTAN TO; ,YANG NA GANG DAG 'DI SKAD CES SRID PA THA MA SRID PA DANG PHO DANG 'DI LTAR NYING MTSAMS SBYOR RO ZHES BRJOD PAR MI NUS MOD KYI, 'ON KYANG RE ZHIG SRID PA DANG PO'I SKYE BA MTHONG BAS DE YANG GANG LAS RIGS PAR 'GYUR BA DE LAS 'BYUNG BAR 'GYUR RO ZHES ZER BA DE DAG GI PHYIR 'DI BSHAD DE ZHES BYA BAS NI 'DI SKAD BSTAN TE, YANG RNAM PA GCIG TU NA PHA ROL PO GANG DAG 'DI SKAD CES SRID PA THA MA 'GAGS PA DANG MA 'GAGS PA DANG 'GAG BZHIN PA DAG SRID PA DANG PO DANG NYING MTSAMS SBYOR BA MED DO ZHES BYA BA DES KHO BO CAG LA CI BYA, YOD NI RE ZHIG SRID PA DANG PO'I SKYE BA NI YOD DE, DE YANG GANG LAS RIGS PAR 'GYUR BA DE LAS 'BYUNG BAR 'GYUR BAS DES NA SRID PA'I RGYUN YANG 'THAD PAS DNGOS PO YOD PAR KHAS BLANGS KYANG RTAG PA DANG CHAD PAR LTA BAR THAL BAR MI 'GYUR RO ZHES ZER BA DE DAG GI PHYIR, BSTAN BCOS MDZAD PAS, GAL TE 'GAG BZHIN SKYE BZHIN DAG ,LHAN CIG SBYOR BA'ANG YOD MIN NA, ,PHUNG PO GANG LA 'CHI 'GYUR BA, ,DER NI SKYE BA'ANG 'BYUNG BAR 'GYUR, ,ZHES BYA BA TSIG LE'UR BYAS PA SNGA MA 'DI BSHAD DE ZHES BYA BAR SBYAR RO, ,DE NYID BSTAN PA'I PHYIR, SRID PA THA MA 'GAGS PA DANG, ,MA 'GAGS PA DAG SRID PA DANG PO DANG NYING MTSAMS SBYOR BAR MI 'THAD @166A *, ,DO ZHES NI BSTAN ZIN TO ZHES BYA BA LA SOGS PA SMRAS TE, DE NI SNGAR, THA MA 'GAGS PAR GYUR PA NI, ,SRID PA DANG POR SBYOR MI 'GYUR, ,THA MA 'GAGS PAR MA GYUR PA, ,SRID PA DANG POR SBYOR MI 'GYUR, ,ZHES BYA BA DAG GIS BSTAN ZIN TO, ,GAL TE SRID PA THA MA 'GAG BZHIN PA SRID PA DANG PO DANG NYING MTSAMS SBYOR BAR 'GYUR RO ZHE NA, DE LA YANG RJES SU DPAG PA BSTAN ZIN TO ZHES BYA BA YANG SNGAR, GAL TE THA MA 'GAG BZHIN PA, ,DANG POR SKYE BAR GYUR NA NI, ,'GAG BZHIN PA NI GCIG 'GYUR ZHING, ,SKYE BZHIN PA YANG GZHAN DU 'GYUR; ,ZHES BYA BAS BSTAN ZIN TO, ,YANG NA SRID PA THA MA 'GAG BZHIN PA NI SRID PA DANG PO DANG NYING MTSAMS SBYOR BA MED DE 'GAG BZHIN PA YIN PA'I PHYIR, DPER NA DGRA BCOM PA'I SEMS PA THA MA BZHIN NO ZHES BYA BAS NI SRID PA THA MA 'GAG BZHIN PA SRID PA DANG POR NYING MTSAMS SBYOR BA MED PA'I RJES SU DPAG PA SNGAR BSTAN PA LAS GZHAN STON TE, DE DAG NI CHOS CAN DAG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DGRA BCOM PA'I SRID PA THA MA NI 'GAG BZHIN PA YIN PA'I PHYIR SRID PA DANG POR NYING MTSAMS SBYOR BA MED PA DE BZHIN DU SRID PA THA MA 'GAG BZHIN PA YANG 'GAG BZHIN PA YIN PA'I PHYIR SRID PA DANG PO DANG NYING MTSAMS SBYOR BA MED DO, ,DE'I PHYIR DE LTAR JI SKAD BSTAN PA'I TSUL GYIS, GAL TE 'GAG BZHIN SKYE BZHIN DAG ,LHAN CIG SBYOR BA'ANG YOD MIN NA, ,'O NA DE CIR 'GYUR ZHE NA, PHUNG PO GANG LA 'CHI 'GYUR BA, ,DER NI SKYE BA 'ANG 'BYUNG BAR 'GYUR, ,DE NI MI 'DOD DE, SRID PA DANG PO DANG NYING MTSAMS SBYOR BA LAS SKYE BAR 'DOD NA DE DANG NYING MTSAMS SBYOR BA MI 'THAD PAR YANG BSTAN ZIN TO ZHES BYA BAS NI, DE LTAR GAL TE SRID PA THA MA 'GAGS PA DANG MA 'GAGS PA DANG 'GAG BZHIN PA DAG SRID PA DANG PO SKYE BZHIN PA DANG NYING MTSAMS SBYOR BA YOD PA MA YIN PA BZHIN DU, PHA ROL PO DAG SRID PA THA MA 'GAGS PA DANG MA 'GAGS PA DANG 'GAG BZHIN PA DAG SRID PA DANG PO DANG NYING MTSAMS SBYOR BA MED DO ZHES BYA BA DES KHO BO CAG LA CI BYA, YOD NI RE ZHIG SRID PA DANG PO'I SKYE BA NI @166B YOD DE; DE YANG GANG LAS RIGS PAR 'GYUR BA DE LAS 'BYUNG BAR 'GYUR BA DES NA SRID PA'I RGYUN YANG 'THAD PAS DNGOS PO YOD PAR KHAS BLANGS KYANG RTAG PA DANG CHAD PAR LTA BAR THAL BAR MI 'GYUR RO ZHES ZER NA, 'O NA DA JI LTAR 'GYUR ZHE NA, DE LTA NA PHUNG PO GANG DAG KHO NA LA 'CHI BAR 'GYUR BA DE DAG KHO NA LA SKYE BA YANG 'BYUNG BAR THAL BAR 'GYUR TE, 'GAGS PA DANG MA 'GAGS PA DANG 'GAG BZHIN PA DAG SKYE BZHIN PA DANG NYING MTSAMS SBYOR BA MI 'THAD PAR SNGAR BSTAN PA LAS GZHAN PA'I SKYE BA MI SRID PAS PHUNG PO GCIG LA 'CHI BA DANG SKYE BA GNYIS KA 'BYUNG BAR 'GYUR BA 'DI KHAS BLANGS PA LAS 'BROS KHUNG GZHAN MED PA'I PHYIR RO, ,DE NI MI 'DOD DO, ,YONG NI SRID PA DANG PO DANG NYING MTSAMS SBYOR BA LAS SKYE BAR 'DOD NA DE DANG NYING MTSAMS SBYOR BA MI 'THAD PAR YANG SNGAR BSTAN ZIN PAS DE LTA BAS NA SRID PA DANG PO'I SKYE BA YOD PA'I RGYUN YANG 'THAD DO ZHES ZER BA DE NI MI RUNG NGO ZHES STON TO, ,DE LA BRTAG PA SNGA MAS NI SRID PA THA MA 'GAGS PA DANG, MA 'GAGS PA DANG, 'GAG BZHIN PA'I PHYOGS GSUM RNAM PAR GZHAG NAS SRID PA DANG PO DANG NYING MTSAMS SBYOR BA MED PAR BSTAN TO, ,BRTAG PA PHYI MA 'DIS NI PHYOGS GSUM PO DE DAG NYID MI 'THAD BZHIN DU PHA ROL PO DAG SRID PA DANG PO'I SKYE BA YOD PAS SRID PA'I RGYUN YANG 'THAD DO ZHES ZER BA DGAG PA BSTAN TE, KHYAD PAR NI DE YOD DE, DE'I PHYIR SGRUB PA JI SKAD BSTAN PA'I DBANG GIS, DE LTAR DUS GSUM DAG TU YANG, ,'GRO BA'I RGYUN NI MI RIGS NA, ,DUS GSUM DAG TU GANG MED PA, ,DE NA JI LTAR SRID PA'I RGYUN, ,ZHES MJUG BSDU BAR BYA STE, DE LTAR SRID PA DANG PO DANG NYING MTSAMS SBYOR BA MI 'THAD PA'I PHYIR RGYUN LA CHAD PA MED PA DANG, RTAG PA MED DE ZHES BYA BA'I TSIG NI DON DAM PAR MA YIN LA, KHAS BLANGS PA LA GNOD PAR MI 'GYUR RO ZHES BYA BA NI DAM BCAS PA DANG SUN DBYUNG BA'I SKABS KYI MJUG BSDU BA YIN TE, DE'I PHYIR DE LTAR YONGS SU BRTAGS NA SRID PA THA MA 'GAGS PA DANG, MA 'GAGS PA DANG, 'GAG BZHIN PA SRID PA DANG PO DANG NYING MTSAMS SBYOR BAR MI 'THAD PA'I PHYIR DUS GSUM DAG TU YANG SRID PA'I RGYUN MI RIGS SO, ,DUS GSUM DAG TU SRID PA'I RGYUN GANG MED PA DE DA JI LTAR SRID PA'I RGYUN DU 'THAD, SRID PA'I RGYUN YOD PA @167A *, ,MA YIN NA 'BYUNG BA DANG 'JIG PA DAG YOD PAR GA LA 'GYUR, 'BYUNG BA DANG 'JIG PA DAG YOD PA MA YIN NA PHA ROL PO DAG GIS DUS LA SOGS PA DAG 'GRUB PAR MI 'GYUR TE, DE LTA BAS NA PHA ROL PO DAG GI RGYUN LA CHAD PA MED PA DANG, RTAG PA MED DO ZHES SMRAS PA'I TSIG DE NI DON DAM PA MA YIN LA, DBU MA PAS DON DAM PAR SRID PA'I RGYU NA MI 'THAD PAR BSHAD PA NI KHAS BLANGS PA LA GNOD PAR YANG MI 'GYUR RO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR DON DAM PAR DUS NI YOD PA KHO NA YIN TE, 'BYUNG BA DANG 'JIG PA'I RGYU YIN PA'I PHYIR RO ZHES SMRAS PA'I GTAN TSIGS KYI SKYON BRJOD PAS DUS MA GRUB PA'I PHYIR 'BYUNG BA DANG 'JIG PA NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, 'BYUNG BA DANG 'JIG PA BRTAG PA'I RAB TU BYED PA NYI SHU GCIG PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL POS RAB TU BYED PA 'DI'I DANG POR DON DAM PAR DUS NI YOD PA KHO NA YIN TE, 'BYUNG BA DANG 'JIG PA'I RGYU YIN PA'I PHYIR RO ZHES BYA BAS STONG PA NYID KYI MI MTHUN PA'I PHYOGS KYI KHYAD PAR SMRAS PA DGAG PAS 'BYUNG BA DANG 'JIG PA NGO BO NYID MED PA NYID DU BSTAN PA YIN NO, , 'BYUNG BA DANG 'JIG PA NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE, RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GIS KYANG BSGRUB PAR BYA STE, DE'I PHYIR, BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA LAS, RAB KYI RTZAL GYIS RNAM PAR GNON PA GZUGS LA 'CHI BA'AM SKYE BA MED DO, ,DE BZHIN DU TSOR BA DANG 'DU SHES DANG 'DU BYED RNAMS DANG, RNAM PAR SHES PA LA 'CHI BA 'AM SKYE BA MED DO; ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA 'CHI BA 'AM SKYE BA MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I @167B LUNG DE DAG GRUB PA NI 'BYUNG BA DANG, 'JIG PA NGO BO NYID MED PA NYID DU BSTAN PA'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYIS MKHYEN RLABS DANG 'GREL PA BYED PA'I MKHAS PA NYID YIN NO, , SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA LAS 'BYUNG BA DANG 'JIG PA BRTAG PA ZHES BYA BA STE, RAB TU BYED PA NYI SHU GCIG PA'I RGYA CHER 'GREL PA, SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS DON DAM PAR DE BZHIN GSHEGS PA'I SKU BTZAL BA'I DON GYI DBANG GIS RAB TU BYED PA NYI SHU GNYIS PA BRTZAM MO ZHES BYA BA LA DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE TSIG GI DON NI SNGA MA BZHIN NO, ,DE LA DAM BCAS PA LA 'JUG PA RGYU'I DON GYI DBANG DU BYAS NAS, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BTAGS PA'I RAB TU BYED PA DANG PO BRTZAMS PA'I SKABS SU, DNGOS PO THAMS CAD SKYE BA MED PAR DAM BCAS PA MDZAD PAS 'DIR YANG BSTAN BCOS MDZAD PAS SNGAR JI LTAR DAM BCAS PA DE LA 'JUG PA RGYU'I DON GYI DBANG DU BYAS NAS DE SKAD SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BA'I PHYOGS YIN TE; 'DI LTA STE, DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU BSGRUB PA'I PHYOGS SNGA MA NYE BAR GZHAG PA 'OG NAS DON DAM PAR GZUGS LA SOGS PA DNGOS PO RNAMS NGO BO NYID YOD PA KHO NA YIN TE DNGOS PO YIN PA'I PHYIR, DPER NA DE BZHIN GSHEGS PA'I SKU BZHIN NO ZHES BYA BA LA SOGS PAS DNGOS PO RNAMS NGO BO NYID YOD PAR BSGRUBS PA'I DPE DE BZHIN GSHEGS PA'I SKU DON DAM PAR NGO BO NYID YOD PA NYID DU STON PA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS, RAB TU BYED PA NYI @168A *, ,SHU GNYIS PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, DON DAM PAR DE BZHIN GSHEGS PA'I SKU BSTZAL BA'I DON GYI DBANG GIS RAB TU BYED PA NYID SHU GNYIS PA BRTZAM MO ZHES BYA BA SMRAS TE, DE BZHIN GSHEGS PA BRTAG PA'I RAB TU BYED PA NYI SHU GNYIS PA'I GZHUNG 'OG NAS 'BYUNG BA 'DI'I DON NI DE BZHIN GSHEGS PA'I CHOS KYI SKU DON DAM PA DANG, GZUGS KYI SKU KUN RDZOB PA YANG DON DAM PAR NGO BO NYID MED PA NYID DU GSAL BA YIN PAS DE'I DBANG DU BYAS NAS DE SKAD CES SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, DE BZHIN GSHEGS PA'I CHOS KYI SKU DON DAM PA DANG, GZUGS KYI SKU KUN RDZOB PA YANG DON DAM PAR NGO BO NYID MED PA NYID DU GSAL BA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL BA BYED PA NYID KYIS RAB TU BYED PA'I MTSAMS SBYAR BA'I SKABS 'DIR, THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, MDO SDE PA DANG BYE BRAG TU SMRA BA DAG GIS 'DIR SMRAS PA DON DAM PAR GZUGS LA SOGS PA DNGOS PO RNAMS NGO BO NYID YOD PA KHO NA YIN TE, DNGOS PO YIN PA'I PHYIR DPER NA DE BZHIN GSHEGS PA'I SKU BZHIN NO, ,DE BZHIN GSHEGS PA'I CHOS KYI SKU DON DAM PA PA NI RDO RJE LTA BU'I TING NGE 'DZIN GYI SEMS KYI SKAD CIG MA'I MJUG THOGS SU SKYES PA RNAM PAR GROL BA'I LAM ZHES BYA BA'I YE SHES KYI SKAD CIG MA'O, ,GZUGS KYI SKU KUN RDZOB PA YANG DE'I GZHI YIN PA'I PHYIR DE BZHIN GSHEGS PA'I SKU ZHES BYA'O, ,DE'I PHYIR GTAN TSIGS JI SKAD SMOS PA'I MTHUS DON DAM PAR GZUGS LA SOGS PA DNGOS PO RNAMS NGO BO NYID YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, DPER NA DE BZHIN GSHEGS PA'I CHOS KYI SKU DON @168B DAM PA DANG, GZUGS KYI SKU KUN RDZOB PA NI DNGOS PO YIN PA'I PHYIR NGO BO NYID YOD PA KHO NA YIN PA DE BZHIN DU GZUGS LA SOGS PA DNGOS PO RNAMS KYANG DNGOS PO YIN PA'I PHYIR NGO BO NYID YOD PA KHO NA YIN TE, DE LA DE BZHIN GSHEGS PA'I CHOS KYI SKU DON DAM PA PA NI SLOB PA THAMS CAD THA MA'I TING NGE 'DZIN RDO RJE LTA BU ZHES BYA BA'I MJUG THOGS SU MI SLOB PA'I RNAM PAR GROL BA'I LAM GYI YE SHES SKYES PA YIN PAS DE YANG DE BZHIN GSHEGS PA'I SKU YIN LA, DE BZHIN GSHEGS PA'I GZUGS KYI SKU KUN RDZOB PA NI SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU LA SOGS PAS MTSON PA YIN TE, DE YANG CHOS KYI SKU DE'I GZHI YIN PA'I PHYIR DE BZHIN GSHEGS PA'I SKU ZHES BYA STE, DE DAG DNGOS PO YIN PA'I PHYIR DON DAM PAR NGO BO NYID YOD PA KHO NA YIN PA DE BZHIN DU GZUGS LA SOGS PA DNGOS PO RNAMS KYANG DNGOS PO YIN PA'I PHYIR, DON DAM PAR NGO BO NYID YOD PA KHO NA YIN NO ZHES ZER RO, ,STONG PA NYID KYI MI MTHUN PA'I PHYOGS KYI KHYAD PAR DE DGAG PAS DON DAM PAR DE BZHIN GSHEGS PA'I SKU RNAM PA GNYIS NGO BO NYID MED PA NYID DU BSTZAL BA BSTAN PA'I PHYIR, DE SKAD CES ZER BA DE'I LAN DU 'GREL PA BYED PA NYID KYIS, 'DI BSHAD PA, GAL TE THA SNYAD DU GTOGS PA'I BLO GROS KYIS DNGOS PO RNAMS DANG DE BZHIN GSHEGS PA NGO BO NYID YOD PA KHO NAR 'DOD NA NI GRUB PA LA SGRUB PA NYID YIN NO, ,'ON TE DON DAM PAR NA NI RE ZHIG DE BZHIN GSHEGS PA NYID DE DPYAD PAR BYA STE, ZHES BYA BA SMRAS TE, PHA ROL PO DAG KUN RDZOB KYI THA SNYAD DU GTOGS PA'I BLO GROS KYIS GZUGS LA SOGS PA DNGOS PO RNAMS DANG, DE BZHIN GSHEGS PA'I SKU RNAM GNYIS NGO BO NYID YOD PA KHO NAR 'DOD NA NI KHO BO CAG DBU MA PAS KYANG LUNG LAS, GZUGS NI DBU BA RNGOS PA 'DRA, ,TSOR BA CHU BUR DAG DANG MTSUNGS, ,'DU SHES SMIG RGYU 'DRA BA STE, ,'DU BYED RNAMS NI CHU SHING BZHIN, ,RNAM SHES SGYU MA LTA BU ZHES, ,NYI MA'I GNYEN GYIS BKA' STZAL TO, ,ZHES BYA BA DANG, RI'I RGYAL PO GANGS KYI LHO PHYOGS CHU KLUNG SKAL LDAN SHING RTA'I 'GRAM DANG NYE BA DRANG SRONG SER SKYA'I BSTI GNAS SU SH'AKYA'I RGYAL PO ZAS GTZANG GI SRAS PO RGYAL @169A *, ,BU DON THAMS CAD GRUB PA ZHES BYA BA BYUNG STE, DE KHYIM NAS KHYIM MED PAR RAB TU MA BYUNG NA NI 'KHOR LOS SGYUR BA'I RGYAL PO GLING BZHI LA DBANG BA RIN PO CHE SNA BDUN DANG LDAN PAR 'GYUR RO, ,KHYIM NAS KHYIM MED PAR RAB TU BYUNG NA NI BLA NA MED PA'I SANGS RGYAS SKYE BO MANG PO LA PHAN PA DANG, SKYE BO MANG PO LA BDE BA DANG, LHA DANG MI RNAMS KYI STON PAR 'GYUR RO ZHES GSUNGS PA DAG KHAS BLANGS PAS DE DAG KHO BO CAG GI PHYOGS LA YANG GRUB PA'I PHYIR KHYED KYI SGRUB PA DE, GRUB PA LA SGRUB PA NYID DU 'GYUR BAS MI RUNG NGO, ,'ON TE DON DAM PAR DE DAG NGO BO NYID YOD PA KHO NAR 'DOD NA NI MI 'GRUB STE, DE LA RE ZHIG KHYOD KYIS DPE DE BZHIN GSHEGS PA NYID JE DPYAD PAR BYA STE ZHES STON TO, ,DE LA 'DIR PHA ROL PO DAG BRTAGS PA PHYI MA LTAR 'DOD PAS DE DGAG PA'I PHYIR, 'DI LA YE SHES KYANG PHUNG PO'I KHONGS SU GTOGS PA'I PHYIR PHUNG PO'I BDAG NYID KYI DE BZHIN GSHEGS PA BKAG PAS DE YANG BKAG PAR 'GYUR BAS DE'I PHYIR SKU MIN ZHES BYA BA LA SOGS PA GSUNGS TE, DE BZHIN GSHEGS PA'I CHOS KYI SKU DON DAM PA PA RNAM PAR GROL BA'I LAM ZHES BYA BA'I YE SHES KYANG GZUGS KYI SKU KUN RDZOB PA MTSAN DANG DPE BYAD LA SOGS PAS MTSON PA'I PHUNG PO'I KHONGS SU GTOGS PA'I PHYIR, GZUGS KYI SKU KUN RDZOB PA PHUNG PO'I BDAG NYID KYI DE BZHIN GSHEGS PA DON DAM PAR NGO BO NYID MED PA NYID BKAG PAS CHOS KYI SKU DON DAM PA BA YE SHES DE YANG DON DAM PAR NGO BO NYID MED PA NYID DU BKAG PAR 'GYUR BAS DE'I PHYIR, BSTAN BCOS MDZAD PAS, SKU MIN SKU LAS GZHAN MA YIN, ,DE LA SKU MED DER DE MED, ,DE BZHIN GSHEGS PA SKU LDAN MIN, ,DE BZHIN GSHEGS PA GANG ZHIG YIN, ,ZHES BYA BA TSIG LE'UR BYAS PA DANG PO 'DI GSUNGS SO ZHES BYA BAR SBYAR RO, ,DE LA SKU'I DON NI PHUNG PO'I DON TO ZHES BYA BAS NI DE BZHIN GSHEGS PA'I SKU'I DON NI PHUNG PO LNGA DAG GI DON TO ZHES BSTAN TO, CHOS MNGON PA LAS PHUNG PO'I DON NI SPUNGS PA'I DON TO ZHES BYA BA 'BYUNG BAS GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I BDAG NYID KYI PHUNG PO LNGA @169B ZHES BYA BA'I THA TSIG GO, ,PHUNG PO LNGA RNAMS CI ZHIG MA YIN ZHE NA, DE BZHIN GSHEGS PA'O ZHES BYA BAS NI TSIG LE'UR BYAS PA LAS SKU MIN ZHES GSUNGS PA DE BYE BRAG TU BSHAD PA BSTAN TE, SKU'I DON PHUNG PO LNGA PO DAG JI BZHIN YIN ZHE NA, DE BZHIN GSHEGS PA MA YIN TE, GZUGS KYI SKU DANG, CHOS KYI SKU'I BDAG NYID KYI DE BZHIN GSHEGS PA MA YIN ZHES BYA BAR SBYAR RO, ,DE BZHIN GSHEGS PA ZHES BYA BA'I SGRA NI SO SOR BRJOD PAR BYA STE ZHES BYA BAS NI, DE BZHIN GSHEGS PA ZHES BYA BA'I SGRA 'DI, SKU MIN SKU LAS GZHAN MA YIN, ,DE LA SKU MED DER DE MIN, ,DE BZHIN GSHEGS PA SKU LNGA NA MIN, ,DE BZHIN GSHEGS PA GANG ZHIG YIN, ,ZHES BYA BA'I GNAS SKABS THAMS CAD DU PHUNG PO RNAMS DE BZHIN GSHEGS PA MA YIN, PHUNG PO RNAMS LAS DE BZHIN GSHEGS PA GZHAN MA YIN, DE BZHIN GSHEGS PA LA PHUNG PO RNAMS MED, PHUNG PO RNAMS LA DE BZHIN GSHEGS PA MED, DE BZHIN GSHEGS PA PHUNG PO RNAMS DANG LDAN PA MA YIN PAS DON DAM PAR DE BZHIN GSHEGS PA ZHES BYA BA GANG ZHIG YIN ZHES SO SOR BRJOD PAR BYA BA BSTAN TO, ,CI'I PHYIR DE LTAR SO SOR BRJOD PAR BYA ZHE NA, TSIG GI DON GSAL BAR 'DOD PA DANG BCAS PA'I PHYIR RO ZHES BYA BA SMRAS TE, GAL TE DE BZHIN GSHEGS PA ZHES BYA BA'I SGRA MA SMOS PAR PHUNG PO RNAMS MA YIN, PHUNG PO RNAMS LAS GZHAN MA YIN ZHES BYA BA LA SOGS PA DE TSIG TZAM ZHIG SMOS NA DE BZHIN GSHEGS PA DGAG PA'I TSIG GI DON YIN PAR MI MNGON GYI, PHUNG PO RNAMS NYI TSE DGAG PA'I TSIG GI DON YIN PAR GO BAR 'GYUR TE, TSIG LE'UR BYAS PA'I SKABS KYI DON 'DI NI, DE BZHIN GSHEGS PA DGAG PA'I TSIG GI DON GSAL BAR 'DOD PA DANG BCAS PA YIN PA'I PHYIR DE BZHIN GSHEGS PA ZHES BYA BA'I SGRA 'DI SO SOR BRJOD PAR BYA BA YIN PAR BSTAN TO, ,DES NA 'DIR PHUNG PO RNAMS DE BZHIN GSHEGS PA YIN PA DANG, PHUNG PO RNAMS LAS DE BZHIN GSHEGS PA GZHAN MA YIN PA DANG, DE BZHIN GSHEGS PA LA PHUNG PO RNAMS MED PA DANG, PHUNG PO RNAMS LA DE BZHIN GSHEGS PA MED PA DANG, DE BZHIN GSHEGS PA PHUNG PO RNAMS DANG LDAN PA MA @170A *, ,YIN PAR DAM BCA' BA RNAM PA LNGA STON TO, ,DE LA RE ZHIG DAM BCA' BA DANG PO BSTAN PA'I PHYIR, PHUNG PO RNAMS DE BZHIN GSHEGS PA MA YIN ZHES BYA BA NI DE BZHIN GSHEGS PA'I NGO BO NYID MA YIN NO ZHES BYA BA'I THA TSIG STE, DE NI DAM BCA' BA NYE BAR GZHAG PA'O ZHES BYA BA SMRAS TE, DE NI PHYOGS YIN NO, ,PHUNG PO RNAMS KYI CHOS NI PHUNG PO NYID DANG 'BYUNG BA DANG 'JIG PA'I CHOS CAN NYID DANG BYAS PA NYID LA SOGS PA STE, DE NI GTAN TSIGS SO ZHES BYA BA NI PHUNG PO RNAMS DE BZHIN GSHEGS PA MA YIN PAR SGRUB PA'I CHOS GTAN TSIGS NI DE DAG YIN PAR BSTAN TE; DE NI PHYOGS KYI CHOS MA YIN NO, ,DPE NI DE'I DBANG GIS SO SO'I SKYE BO'I PHUNG PO LA SOGS PA DAG GO ZHES BYA BAS NI PHUNG PO RNAMS DE BZHIN GSHEGS PA MA YIN PAR SGRUB PA'I DPE NI PHYOGS DANG PHYOGS KYI CHOS DE'I DBANG GIS RGOL BA DANG PHYIR RGOL BA GNYIS KA LA GRAGS PA'I CHOS CAN SO SO'I SKYE BO'I PHUNG PO LA SOGS PA DAG YIN PAR BSTAN TE, DE NI CHOS MTHUN PA'I PHYOGS KYI DPE YIN NO, ,DE LTAR PHYOGS DANG PHYOGS KYI CHOS DANG DPE DAG NGO BSTAN NAS, DA NI RJES SU DPAG PA'I TSAD MA BSTAN PA'I PHYIR, 'DIR RJES SU DPAG PA NI DON DAM PAR PHUNG PO RNAMS NI DE BZHIN GSHEGS PA MA YIN TE, PHUNG PO NYID YIN PA'I PHYIR DANG, 'BYUNG BA DANG 'JIG PA'I CHOS CAN NYID YIN PA'I PHYIR, DPER NA SO SO'I SKYE BO'I PHUNG PO RNAMS BZHIN NAM PHYI ROL GYI SA LA SOGS PA DAG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SO SO'I SKYE BO'I PHUNG PO RNAMS SAM, PHYI ROL GYI SA LA SOGS PA DAG NI PHUNG PO NYID YIN PA'I PHYIR DANG, 'BYUNG BA DANG 'JIG PA'I CHOS CAN NYID YIN PA'I PHYIR, DE BZHIN GSHEGS PA MA YIN PA DE BZHIN DU DE BZHIN GSHEGS PA'I SKU MTSAN DANG DPE BYAD LA SOGS PAS MTSAN PA'I PHUNG PO RNAMS KYANG PHUNG PO NYID YIN PA'I PHYIR DANG, 'BYUNG BA DANG 'JIG PA'I CHOS CAN NYID YIN PA'I PHYIR, DE BZHIN GSHEGS PA MA YIN NO, ,DE BZHIN DU BYAS PA NYID LA SOGS PA'I GTAN TSIGS DAG GI PHYIR RO ZHES KYANG BRJOD PAR @170B BYA'O ZHES BYA BA NI 'DI LTAR SBYAR TE, DON DAM PAR PHUNG PO RNAMS NI DE BZHIN GSHEGS PA MA YIN TE, BYAS PA NYID DANG, MIG GI YUL NYID DANG, THOGS PA DANG BCAS PA NYID DANG, DGA' BA DANG, YONGS SU GDUNG BA'I RGYU NYID LA SOGS PA YIN PA'I PHYIR, DPER NA SO SO'I SKYE BO'I PHUNG PO RNAMS BZHIN NAM, PHYI ROL GYIS LA SOGS PA DAG BZHIN NO ZHES BYA BAR SBYAR RO, ,YANG NA DON DAM PAR PHUNG PO RNAMS DE BZHIN GSHEGS PA MA YIN TE, DE DAG GI SKYE BA BKAG PA'I PHYIR DANG, GZUGS LA SOGS PA DAG GI RDZAS SU YOD PA NYID BKAG PA'I PHYIR RO ZHES BYA BAS NI DAM BCAS PA DANG; DPE SNGA MA'I GTAN TSIGS NI 'DI GNYIS KYANG YIN PAR SBYAR TE, RE ZHIG DE DAG GIS NI PHUNG PO RNAMS PHYOGS SU BYA STE, DE BZHIN GSHEGS PA DGAG PA BSTAN TO, ,DA NI YE SHES PHYOGS SU BYA STE, DE BZHIN GSHEGS PA DGAG PA BSTAN PA'I PHYIR, YANG NA YE SHES 'BA' ZHIG PHYOGS SU BYAS NAS BRJOD PAR BYA STE, DON DAM PAR YE SHES NI DE BZHIN GSHEGS PA MA YIN TE, 'BYUNG BA DANG 'JIG PA'I CHOS CAN NYID YIN PA'I PHYIR DANG, SHES PA NYID YIN PA'I PHYIR DPER NA SO SO'I SKYE BO'I SHES PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SO SO'I SKYE BO'I SHES PA NI 'BYUNG BA DANG, 'JIG PA'I CHOS CAN NYID YIN PA'I PHYIR DANG SHES PA NYID YIN PA'I PHYIR, DE BZHIN GSHEGS PA MA YIN PA DE BZHIN DU DE BZHIN GSHEGS PA'I RNAM PAR GROL BA'I YE SHES KYANG 'BYUNG BA DANG 'JIG PA'I CHOS CAN NYID YIN PA'I PHYIR DANG, SHES PA NYID YIN PA'I PHYIR DE BZHIN GSHEGS PA MA YIN NO, ,'DIR GAL TE MU STEGS CAN DAG 'DI SKAD CES KHYED SANGS RGYAS PA DE DAG GIS DE BZHIN GSHEGS PA'I SKU MTSAN DANG DPE BYAD LA SOGS PAS MTSAN PA'I PHUNG PO RNAMS DANG, RNAM PAR GROL BA'I YE SHES DAG DE BZHIN GSHEGS PA MA YIN PAR BSGRUB PA DE NI BDEN TE, DES NA KHO BO CAG GI STON PA 'OD SRUNGS RDZOGS BYED LA SOGS PA'I LUS G-YANG GZHI DANG, RAL PA DANG, SHING SHUN LA SOGS PAS @171A *, ,MTSON PA'I PHUNG PO RNAMS DANG, DE DAG NI CHOS DANG, CHOS MA YIN PA LA SOGS PA MNGON PAR RTOGS PA'I SHES PA NI DE BZHIN GSHEGS PA YIN NO ZHES ZER NA, DE DAG LA 'DI SKAD CES THA SNYAD DU YANG RDZOGS BYED LA SOGS PA'I PHUNG PO DANG SHES PA NI DE BZHIN GSHEGS PA MA YIN TE, RGYUS 'TSO BA LA SOGS PA'I LUS CAN YIN PA'I PHYIR DANG, LOG PAR LTA BA LA SOGS PA'I BLO CAN YIN PA'I PHYIR DPER NA SMAD 'TSONG MA'I LUS DANG, GLANG BU'I SEMS BZHIN NO ZHES BRJOD PAR BYA'O, ,DAM BCA' BA GNYIS PA BSTAN PA'I PHYIR, MU STEGS CAN DAG NI PHUNG PO RNAMS LAS DE BZHIN GSHEGS PA GZHAN YIN PAR BSAMS NAS BDAG TU SGRUB PAR 'DOD PAS DE DAG GI PHYIR 'DI BSHAD DE, SKU LAS GZHAN MA YIN, DE BZHIN GSHEGS PAS TE, DE DAG LAS GZHAN PA'I DE BZHIN GSHEGS PA YOD PAR STON PA'I RJES SU DPAG PA MED PA'I PHYIR DANG, PHUNG PO RNAMS LAS GZHAN PA'I BDAG DGAG PA BZHIN DU DE YANG BKAG PA'I PHYIR RO ZHES BYA BA SMRAS TE, SNGAR DAM BCA' BA DANG POS PHUNG PO RNAMS DE BZHIN GSHEGS PA MA YIN PAR BKAG PA DANG, 'DIR MU STEGS CAN DAG PHUNG PO RNAMS LAS DE BZHIN GSHEGS PA GZHAN YIN PAR SEMS SHING, DE YANG BDAG TU SGRUB PAR 'DOD PAS DE DAG DGAG PA'I PHYIR DAM BCA' BA GNYIS PA 'DI BSHAD DO ZHES BYA BAR SBYAR RO, ,'DI YANG PHUNG PO RNAMS LAS CI ZHIG GZHAN MA YIN ZHE NA, DE BZHIN GSHEGS PA'O ZHES BSTAN PA'I PHYIR, SKU LAS GZHAN MA YIN, DE BZHIN GSHEGS PA STE ZHES BYA BA SMOS SO, ,CI'I PHYIR ZHE NA, MU STEGS CAN DAG LAS SAR SKYA DANG RKANG MIG DANG GZEGS ZAN LA SOGS PA DE DAG GI PHUNG PO DE DAG LAS GZHAN PA'I DE BZHIN GSHEGS PA ZHES BYA BA BDAG YOD PAR STON PA'I RJES SU DPAG PA MED PA'I PHYIR DANG, DBU MA PA LA PHUNG PO RNAMS LAS GZHAN PA'I BDAG DGAG PA'I RJES SU DPAG PA, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES BYA BA LA SOGS PA YOD PA BZHIN DU, DE BZHIN GSHEGS PA'I SKU MTSAN DANG DPE BYAD @171B LA SOGS PAS MTSAN PA'I PHUNG PO RNAMS LAS DE BZHIN GSHEGS PA GZHAN MA YIN PAR DGAG PA'I RJES SU DPAG PA, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES BYA BAS DON DAM PAR DE BZHIN GSHEGS PA NI PHUNG PO RNAMS LAS GZHAN MA YIN TE, PHUNG PO'I MTSAN NYID MED PA'I PHYIR DPER NA MO GSHAM GYI BU BZHIN NO ZHES BYA BA DAG YOD PAS DE YANG BKAG PA'I PHYIR RO, ,DAM BCA' BA GSUM PA BSTAN PA'I PHYIR, PHUNG PO RNAMS LAS DE BZHIN GSHEGS PA GZHAN YIN PAR MA GRUB PA KHO NA'I PHYIR, DE LA SKU MED CES GSUNGS TE, JI LTAR GANGS LA SMAN DAG YOD PA DE LTAR RO ZHES BYA BA SMRAS TE, 'DIR YANG DE BZHIN GSHEGS PA LA CI ZHIG MED CE NA, PHUNG PO RNAMS SO ZHES BSTAN PA'I PHYIR, DE LA SKU MED CES GSUNGS TE, JI LTAR GANGS KYI RGYAL PO TI SEL SMAN GYI RIGS DAG YOD PA DE LTAR DE BZHIN GSHEGS PA LA PHUNG PO RNAMS YOD PA MA YIN TE; GZHI DE BZHIN GSHEGS PA NYID MA GRUB PA'I PHYIR RO, ,'DIR RJES SU DPAG PA NI DON DAM PAR DE BZHIN GSHEGS PA LA PHUNG PO RNAMS YOD PA MA YIN TE, PHUNG PO RNAMS LAS DE BZHIN GSHEGS PA GZHAN MA YIN PA'I PHYIR, DPER NA GANGS LA SMAN YOD PA LAS BZLOG PA BZHIN NO ZHES BYA BAR SBYAR RO, ,DAM BCA' BA BZHI PA BSTAN PA'I PHYIR DER DE MED, JI LTAR SHING LJON PA'I NAGS TSAL DAG NA SENG GE YOD PA DE LTAR RO ZHES BYA BA SMRAS TE, 'DIR YANG PHUNG PO RNAMS LA CI ZHIG MED CE NA, DE BZHIN GSHEGS PA'O ZHES BSTAN PA'I PHYIR DER DE MED CES GSUNGS TE; JI LTAR SENG LDENG GI NAGS TSAL NA GCAN GZAN GYI RGYAL PO SENG GE YOD PA DE LTAR PHUNG PO RNAMS LA DE BZHIN GSHEGS PA YOD PA MA YIN TE, GNAS PA DE BZHIN GSHEGS PA NYID MA GRUB PA'I PHYIR RO, ,'DIR YANG RJES SU DPAG PA NI DON DAM PAR DE BZHIN GSHEGS PA NI PHUNG PO RNAMS LA YOD PA MA YIN TE, PHUNG PO RNAMS LAS DE BZHIN GSHEGS PA GZHAN MA YIN PA'I PHYIR, DPER NA NAGS TSAL NA SENG GE YOD PA LAS BZLOG PA BZHIN NO ZHES BYA BAR SBYAR RO, ,DAM BCA' BA LNGA PA BSTAN PA'I PHYIR, DE BZHIN GSHEGS PA SKU LDAN MIN, ,JI LTAR NOR CAN NOR DANG LDAN @172A *, ,PA DE LTAR RO ZHES BYA BA SMRAS TE, 'DIR YANG DE BZHIN GSHEGS PA CI ZHIG DANG LDAN PA MA YIN ZHE NA, SKU LDAN MIN ZHES GSUNGS TE, JI LTAR NOR LHA NOR CAN NOR DANG LDAN PA DE LTAR DE BZHIN GSHEGS PA PHUNG PO RNAMS DANG LDAN PA MA YIN TE, BDAG PO BZHIN GSHEGS PA NYID MA GRUB BA'I PHYIR RO, ,'DIR YANG RJES SU DPAG PA NI DON DAM PAR DE BZHIN GSHEGS PA PHUNG PO RNAMS DANG LDAN PA MA YIN TE, PHUNG PO RNAMS LAS DE BZHIN GSHEGS PA GZHAN MA YIN PA'I PHYIR, DPER NA NOR CAN NOR DANG LDAN PA LAS BZLOG PA BZHIN NO ZHES BYA BAR SBYAR RO, ,DA NI DAM BCA' BA RNAM PA LNGA PO DE DAG GI MJUG BSDU BA BSTAN PA'I PHYIR, DE'I PHYIR DE LTAR RNAM PA LNGAS YONGS SU BRTAGS NA GANG MI SRID PA'I DE BZHIN GSHEGS PA GANG ZHIG YIN, SGRUB PA JI SKAD BSTAN PA DAG GIS YONGS SU BRTAGS NA DE BZHIN GSHEGS PA ZHES BYA BA YOD PA MA YIN PA NYID DO ZHES BYA BA'I TSIG GI DON TO ZHES BYA BA SMRAS SO, ,DE NYID DPES BSTAN PA'I PHYIR, DPER NA CHOM RKUN PA NYID LA MNGON PAR BRTZON PA DAG LA YONGS SU BRTAGS PA NA GANG YANG DE YIN PAR MI 'THAD PA'I PHYIR CHOM RKUN PA GANG ZHIG YIN ZHES BYA BA BZHIN NO ZHES BYA BA SMRAS TE, DPER NA CHOM RKUN PA NYID DU GRAGS PA DAG LA YONGS SU BRTAGS NA GANG YANG CHOM RKUN PA YIN PAR MI 'THAD PA'I PHYIR, CHOM RKUN PA GANG ZHIG YIN TE MED DO ZHES BYA BA DE BZHIN DU, MDO SDE PA DANG BYE BRAG TU SMRA BA DE BZHIN GSHEGS PA DNGOS POR 'DOD PA DAG LA RNAM PA LNGAS YONGS SU BRTAGS NA GANG YANG DE BZHIN GSHEGS PA YIN PAR MI 'THAD PA'I PHYIR, DE BZHIN GSHEGS PA GANG ZHIG YIN TE, DON DAM PAR NGO BO NYID MED PA NYID DO ZHES BSTAN TO, ,YANG DPE GZHAN BSTAN PA'I PHYIR, YANG DPER NA PHUNG PO RNAMS MA GTOGS PAR SKYES BU'AM DBANG PHYUG CES BYA BA GANG ZHIG YIN ZHES BYA BA BZHIN NO ZHES BYA BA SMRAS TE, DPER NA SKYES BU DANG DBANG PHYUG RGYUR 'DOD PA DAG LA RIGS PAS BRTAGS NA PHUNG PO RNAMS MA GTOGS PAR SKYE BU'AM PHYUG CES BYA BA MED PAS DE GANG YIN ZHES BYA BA DE BZHIN DU, ,DE BZHIN GSHEGS PA DNGOS POR 'DOD PA DAG LA YANG @172B REGS PAS BRTAGS NA RNAMS PA LNGA PO DAG MA GTOGS PA DE BZHIN GSHEGS PA ZHES BYA BA MED PAS DE GANG ZHIG YIN ZHES MJUG BSDU BA BSTAN TO, ,TSAD MA'I 'BRAS BU BSTAN PA'I PHYIR, DE'I PHYIR DE LTAR DE BZHIN GSHEGS PA MA GRUB PAS SGRUB PA DPE MA TSANG BA NYID KYI SKYON YOD DO ZHES BYA BA SMRAS TE, DE LTAR DE BZHIN GSHEGS PA RNAM PA LNGAS BRTAGS NA MA GRUB PA SNGAR MDO SDE PA DANG BYE BRAG TU SMRA BA DAG GIS DON DAM PAR GZUGS LA SOGS PA DNGOS PO RNAMS NGO BO NYID YOD PA KHO NA YIN TE DNGOS PO YIN PA'I PHYIR, DPER NA DE BZHIN GSHEGS PA'I SKU BZHIN NO ZHES SMRAS PA'I SGRUB PA'I DPE MA GRUB PA'I PHYIR PHA ROL PO DAG GI SGRUB PA DPE MA TSANG BA NYID KYI SKYON YOD PAS DON DAM PAR GZUGS LA SOGS PA DNGOS PO RNAMS NGO BO NYID YOD PAR DAM BCA' BA MA GRUB PAS, BSTAN BCOS MDZAD PAS SNGAR DON DAM PAR GZUGS LA SOGS PA DANG DNGOS PO RNAMS NGO BO NYID MED PA NYID DU DAM BCAS PA'I DGONGS PA GRUB PO,, ,,BAM PO BDUN CU PA'O, ,GZHAN DAG GIS SMRAS PA, DE BZHIN GSHEGS PA NI PHUNG PO RNAMS LA BRTEN NAS 'GRUB PA'I PHYIR KHO BO CAG LA SGRUB PA DES MI GNOD DO ZHES BYA BA NI 'DIR RANG GI SDE PA DAG LAS GZHAN DAG NA RE, DE BZHIN GSHEGS PA NI PHUNG PO RNAMS KYANG MA YIN LA, PHUNG PO RNAMS KYANG GZHAN PA YANG MA YIN TE, DE NYID DANG GZHAN NYID DU BRJOD PAR BYA BA MA YIN PAS, KHYED KYIS, SKU MIN SKU LAS GZHAN MA YIN, ,ZHES SHAD PA DE NI BDEN NO, ,DE BZHIN GSHEGS PA PHUNG PO RNAMS LA BRTEN NAS 'GRUB PA'I PHYIR KHO BO CAN LA KHYED KYIS DE NYID DANG GZHAN NYID DGAG PA'I SGRUB PA JI SKAD SMRAS PA DES MI GNOD DO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GAL TE SANGS RGYAS PHUNG PO LA, BRTEN NAS GDAGS PAR 'DOD NA NI, 'O NA DE LTAR NA, NGO BO NYID LAS MED, CES BYA BA SMRAS TE, 'DIS NI GAL TE DE BZHIN GSHEGS PA PHUNG PO RNAMS LA BRTEN NAS GDAGS PAR 'DOD NA 'O NA DE LTA NA GZHAN GYI DNGOS PO LA BRTEN NAS GDAGS PA YIN PAS BDAG GI DNGOS PO LAS 'GRUB PA MED PA'I PHYIR DE BZHIN GSHEGS @173A *, ,PA NGO BO NYID MED PA DANG, RDZAS SU YOD PA MA YIN NO ZHES BSTAN TO, ,DE NYID BSTAN PA'I PHYIR, DE BZHIN GSHEGS PA NGO BO NYID MED PA DANG, RDZAS SU YOD PA MA YIN NO ZHES BYA BA'I THA TSIG STE, DE NI DAM BCA' BA NYE BAR GZHAG PA'O ZHES BYA BA SMRAS TE, DES NI DE BZHIN GSHEGS PA PHUNG PO RNAMS LA BRTEN NAS GDAGS PAR 'DOD NA NGO BO NYID LAS NGO BO NYID MED PA DANG RDZAS NYID DU RDZAS SU YOD PA MA YIN NO ZHES DAM BCA' BA NYE BAR GZHAG PA BSTAN TE DE NI PHYOGS YIN NO, ,PHYOGS KYI CHOS NI KHONGS NA YOD DO ZHES BYA BA NI, DE BZHIN GSHEGS PA NGO BO NYID MED PA DANG RDZAS SU YOD PA MA YIN PAR SGRUB PA'I PHYOGS KYI CHOS GTAN TSIGS NI DAM BCA' BA NYE BAR GZHAG PA DE NYID KYI KHONGS NA YOD DE, RTEN NAS GDAGS PAR BYA BA DANG RDZAS SU YOD PA MA YIN PAR SBYAR RO, ,DPE NI DE'I DBANG GIS MGAL ME'I 'KHOR LO DANG BUM PA DAG YIN NO ZHES BYA BAS NI DE BZHIN GSHEGS PA NGO BO NYID MED PA DANG, RDZAS SU YOD PA MA YIN PAR BSGRUB PA'I DPE NI PHYOGS DANG PHYOGS KYI CHOS DE'I DBANG GIS RGOL BA DANG PHYIR RGOL PA GNYI GA LA GRAGS PA'I CHOS MGAL ME'I 'KHOR LO DANG BUM PA YIN TE, DE NI CHOS MTHUN PA'I DPE YIN NO, ,DE LTAR PHYOGS DANG, PHYOGS KYI CHOS DANG, DPE DAG NGO BSTAN NAS, DA NI RJES SU DPAG PA BSTAN PA'I PHYIR, 'DIR RJES SU DPAG PA NI DON DAM PAR DE BZHIN GSHEGS PA NGO BO NYID MED PA DANG RDZAS SU YOD PA MA YIN TE, GDAGS PAR BYA BA YIN PA'I PHYIR DPER NA MGAL ME'I 'KHOR LO BZHIN NAM, RDZAS SU YOD PA MA YIN PA'I PHYIR DPER NA BUM PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS RNAM PA GNYIS DANG, SGRUB PA'I CHOS RNAM PA GNYIS DANG, DPE RNAM PA GNYIS YIN PAR GO RIMS BZHIN DU SBYAR TE, DPER NA MGAL ME'I 'KHOR LO NI GDAGS PAR BYA BA YIN PA'I PHYIR NGO BO NYID MED PA DANG, BUM PA NI RDZAS SU MED PA'I PHYIR RDZAS SU YOD PA MA YIN PA, DE BZHIN DU DE BZHIN GSHEGS PA YANG PHUNG PO RNAMS LA BRTEN NAS GDAGS PAR BYA BA YIN PA'I PHYIR NGO BO NYID MED PA DANG, RDZAS SU MED PA'I PHYIR RDZAS SU YOD PA MA YIN NO, ,MI MKHAS PA KHA CIG GIS 'DIR @173B SMRAS PA, GAL TE RE ZHIG MTSAN NYID LAS, ,GANG ZHIG BLOS GZHAN SEL BA LA, ,DE BLO MED PA BUM CHU BZHIN, ,DE NI KUN RDZOB YOD PA YIN, ,DON DAM YOD PA DON BZHIN NO, ,ZHES 'BYUNG BA DES RDZAS SU YOD PA NYID 'GOG PAR BYED NA NI DE KHO BO CAG LA MI GNOD DE, 'DI LTAR BUM PA NI ZHIG PA DANG BLOS GZHAN SEL BA NA DE DAG LAS GZHAN PA'I GZUGS DAG LA DE DAG NI BLO YOD PAS DE DAG RDZAS SU YOD PA YIN PA'I PHYIR RO ZHES BYA BA NI 'DIR CHOS MNGON PA PA DAG ,SNGAR RDZAS DBU MA PAS DON DAM PAR DE BZHIN GSHEGS PA RDZAS SU YOD PA MA YIN TE, RDZAS SU YOD PA MA YIN PA'I PHYIR DPER NA BUM PA BZHIN NO ZHES SMRAS PA'I GTAN TSIGS DANG, DPE DES BUM PA YANG RDZAS SU YOD PA MA YIN PAR MI 'GRUB LA, DE BZHIN GSHEGS PA YANG RDZAS SU YOD PA MA YIN PAR MI 'GRUB PO ZHES ZER BA'I TSIG YIN TE, DE DAG NA RE, CHOS MNGON PA'I MTSAN NYID LAS GANG ZHIG PA LA DE'I BLO MED PA BUM PA LTA BU DANG, BLOS GZHAN SEL BA LA DE'I BLO MED PA CHU LTA BU DE NI KUN RDZOB TU YOD PA MA YIN LA, DON DAM PAR YOD PA NI DE DAG LAS GZHAN PA'I DON YIN TE, KUN RDZOB TU YOD PA NI BTAGS PAR YOD PA ZHES BYA STE, DON DAM PAR YOD PA NI RDZAS SU YOD PA ZHES BYA'O ZHES 'BYUNG STE, DE LA GANG ZHIG PA LA DE'I BLO MED PA BUM PA LTA BU KUN RDZOB TU YOD PA DE'I MTSAN NYID GANG ZHE NA, DNGOS PO GANG ZHIG PA LA DNGOS PO DE'I BLO MI SKYE BA DPER NA BUM PA ZHIG PA LA BUM PA DE'I BLO YANG MI SKYE LA, BLO GZHAN YANG MI SKYE BA LTA BU DE NI KUN RDZOB TU YOD PA YIN TE, BTAGS PAR YOD PA ZHES BYA'O, ,BLOS GZHAN SEL BA LA DE'I BLO MED PA CHU LTA BU KUN RDZOB TU YOD PA DE'I MTSAN NYID GANG ZHE NA, BLOS DNGOS PO GZHAN BTZAL BA LA DNGOS PO DE'I MTSAN NYID GANG ZHE NA, DNGOS PO GANG ZHIG PA DANG, BLO MI SKYE BA DPER NA RGYA MTSO 'AM LTENG KA NAS BCUS PA'I CHU LA RGYA MTSO DANG LTENG KA'I BLO YANG MI SKYE LA, BLO GZHAN YANG MI SKYE BA LTA BU DE YANG KUN RDZOB TU YOD PA YIN TE, BTAGS PAR YOD PA ZHES BYA'O, ,DON DAM PAR YOD PA NI DAG LAS GZHAN PA'I DON YIN TE ZHES BYA BA DE'I MTSAN NYID GANG ZHE NA, DNGOS PO GANG ZHIG PA DANG BLOS BSTZAL KYANG DE LAS GZHAN PA'I BLOS SKYE BA DPER NA BUM PA ZHIG KYANG DE LAS GZHAN PA GYI MO'I @174A *, ,BLO SKYE BA LTA BU DANG, RGYA MTSO'AM LDENG KA NAS BCUS PA'I CHU LA BLOS RGYA MTSO DANG LTENG KA BSTZAL KYANG DE DAG LAS GZHAN PA CHU'I BLO SKYE BA LTA BU DE NI DON DAM PAR YOD PA YIN TE, RDZAS SU YOD PA ZHES BYA'O, ,DE LTA BAS NA KHYED DBU MA PAS RDZAS SU YOD PA MA YIN PA'I PHYIR DPER NA BUM PA BZHIN NO ZHES BSHAD PA DE, GAL TE RE ZHIG KHO BO CAG GI CHOS MNGON PA'I MTSAN NYID DE'I SGO NAS RDZAS SU YOD PA NYID 'GOG PAR BYED NA NI DES KHO BO CAG LA MI GNOD DE, CI'I PHYIR ZHE NA, 'DI LTAR BUM PA ZHIG PA DANG, BLOS GZHAN SEL BA NA DE DAG LA DE DAG NYID KYI BLO SKYE BA MED PAS DE DAG KUN RDZOB TU BTAGS PAR YOD PA YIN DU ZIN KYANG BUM PA ZHIG PA DANG, BLOS GZHAN BSTZAL BA DE DAG LAS GZHAN PA'I GZUGS GYO MO DANG CHU DAG LA DE DAG GI BLO SKYE BA YOD PAS DE DAG DON DAM PAR RDZAS SU YOD PA YIN PA'I PHYIR TE, DES NA JI LTAR GYO MO DANG CHU DAG DON DAM PAR RDZAS SU YOD PA DE BZHIN DU BUM PA MA ZHIG PA DANG, RGYA MTSO DANG LTENG KA BLOS MA BSTZAL BA DE DAG KYANG DON DAM PAR RDZAS SU YOD PA YIN PA'I PHYIR KHYED KYIS RDZAS SU YOD PA MA YIN PA'I PHYIR DPER NA BUM PA BZHIN NO ZHES BSHAD PA'I GTAN TSIGS DANG DPE DE DAG MA GRUB PAS DON DAM PAR BUM PA YANG RDZAS SU YOD PA YIN LA, DE BZHIN GSHEGS PA RDZAS SU YOD PA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI BZANG PO MA YIN TE, RDZAS SU YOD PA LA MTSAN NYID KYIS GNOD PA'I PHYIR RO ZHES BYA BA SMRAS TE, DE NI SNGAR PHA ROL PO DAG GIS CHOS MNGON PA'I MTSAN NYID LAS GANG ZHIG PA LA DE'I BLO MED PA BUM PA LTA BU BLOS GZHAN SEL BA LA DE'I BLO MED PA CHU LTA BU DE NI KUN RDZOB TU YOD PA YIN LA, GANG ZHIG PA DANG BLOS BSTZAL KYANG DE LAS GZHAN PA'I BLO SKYE BA DPER NA BUM PA ZHIG KYANG DE LAS GZHAN PA GYO MO'I BLO SKYE BA LTA BU DANG, RGYA MTSO 'AM LTENG KA NAS BCUS PA'I CHU LA BLOS RGYA MTSO DANG LDENG KA BSTZAL KYANG DE DAG LA GZHAN PA CHU'I BLO SKYE BA LTA BU DE NI DON DAM PAR YOD PA YIN PAR 'BYUNG BAS, KHYED DBU MA PAS RDZAS SU YOD PA MA YIN PA'I PHYIR DPER NA BUM PA BZHIN NO ZHES BSHAD PA DE GAL TE RE ZHIG KHO BO CAG GI CHOS MNGON PA'I MTSAN @174B NYID DE'I SGO NAS RDZAS SU YOD PA NYID 'GOG PAR BYED NA NI DES KHO BO CAG LA MI GNOD DE, CI'I PHYIR ZHE NA, 'DI LTAR BUM PA ZHIG PA DANG BLOS GZHAN SEL BA NA DE DAG LA DE DAG NYID KYI BLO SKYE BA MED PAS DE DAG KUN RDZOB TU BTAGS PAR YOD YIN DU ZIN KYANG BUM PA ZHIG PA DANG, BLOS GZHAN BSTZAL BA DE DAG LAS GZHAN PA'I GZUGS GYO MO DANG CHU DAG LA DE DAG GI BLO SKYE BA YOD PAS DE DON DAM PAR RDZAS SU YOD PA'I PHYIR TE DES NA JI LTAR GYO MO DANG CHU DAG DON DAM PAR RDZAS SU YOD PA DE BZHIN DU BUM PA MA ZHIG PA DANG, RGYA MTSO DANG LTENG KA BLOS MA BSTZAL BA DAG KYANG DON DAM PAR RDZAS SU YOD PA MA YIN NO ZHES SMRAS PA DES JI LTAR GYO MO DANG CHU DAG DON DAM PAR RDZAS SU YOD PA DE BZHIN DU BUM PA MA ZHIG PA DANG, RGYA MTSO DANG LTENG KA BLOS MA BSTZAL BA DAG KYANG DON DAM PAR RDZAS SU YOD DO ZHES DAM BCAS PA'I RDZAS SU YOD PA DE LA CHOS MNGON PA'I MTSAN NYID LAS GANG ZHIG PA LA DE'I BLO MED PA BUM PA LTA BU DANG BLO GZHAN SEL BA LA DE'I BLO MED PA CHU LTA BU DE NI KUN RDZOB TU BTAGS PAR YOD PA YIN GYI, DON DAM PAR RDZAS SU YOD PA MA YIN NO ZHES 'BYUNG BA'I MTSAN NYID DES GNOD PA'I PHYIR BUM PA MA ZHIG PA DANG, RGYA MTSO DANG LTENG KA BLOS MA BSTZAL BA DAG DANG GYO MO DANG CHU DAG SPYIR MTSAN NYID 'DRA BAR RDZAS SU YOD PAR MI 'GRUB PAS PHA ROL PO DAG GI RTOG PA DE NI BZANG PO MA YIN NO ZHES STON TO, ,DE NYID BSTAN PA'I PHYIR, GANG ZHIG PA DE RDZAS SU YOD PA LA GNOD PA NYID DO ZHES BYA BA SMRAS TE, DES NI PHA ROL PO DAG BUM PA ZHIG PA NA GYO MO LA GYO MO'I BLO SKYE BAS GYO MO DE RDZAS SU YOD PAR 'DOD PA LA CHOS MNGON PA'I MTSAN NYID LAS BUM PA ZHIG PA LA BUM PA'I BLO SKYE BA MED PAS BUM PA ZHIG PA DE KUN RDZOB TU BTAGS PAR YOD PA YIN GYI, DON DAM PAR RDZAS SU YOD PA MA YIN NO ZHES 'BYUNG BA'I MTSAN NYID DES GNOD PA NYID DO ZHES STON TO, ,DE YANG 'DI LTAR SBYAR TE, DE GANG GI TSE BUM PA ZHIG PA DE LA BUM PA'I BLO MI SKYE BAS DE RDZAS SU YOD PA MA YIN PA DE BZHIN DU PHYIS GYO MO DE ZHIG PAR GYUR PA NA YANG DE LA GYO MO'I BLO MI SKYE BAS DE YANG RDZAS SU YOD PA MA YIN NO, ,DE BZHIN DU PHYIS NAM ZHIG NA GYO MO DE'I GYO DU MA ZHIG PAR GYUR PA NA YANG DE LA DE'I BLO MI SKYE BAS DE YANG RDZAS SU YOD PA MA YIN TE, TSUL 'DIS BSGRAS NAS GYO DU MA DE'I CHA @175A *, ,SHAS DUM GRUGS DANG, RDUL DANG RDUL PHRA MO DANG RDUL PHRA RAB DANG, PHYOGS CHA MED PA'I RDUL GYI MTHAR THUG PA'I BAR DAG ZHIG PAR GYUR PA NA YANG DE DAG LA DE DAG GI BLO MI SKYE BAS DE DAG KYANG RDZAS SU YOD PA MA YIN PAS PHA ROL PO DAG GIS BUM PA ZHIG PA DE LAS GZHAN PA'I GZUGS GYO MO LA SOGS PA GANG DAG LA DE DAG GI BLO SKYE BA YOD PA DE DAG DON DAM PAR RDZAS SU YOD PA DE BZHIN DU BUM PA MA ZHIG PA YANG RDZAS SU YOD PAR DAM BCAS PA DE LA CHOS MNGON PA'I MTSAN NYID DES GNOD PA'I PHYIR PHA ROL PO DAG GI DAM BCAS PA DE MA GRUB PAS BSTAN BCOS MDZAD PAS DPER NA BUM PA RDZAS SU YOD PA MA YIN PA DE BZHIN DU DE BZHIN GSHEGS PA YANG RDZAS SU YOD PA MA YIN NO ZHES DAM BCAS PA'I DGONGS PA 'GRUB BO, 'DIR GAL TE PHA ROL PO DAG 'DI SKAD CES BUM PA DANG GYO MO LA SOGS PA DAG ZHIG PA LA DE DAG GI BLO MI SKYES BAS DE DAG DON DAM PAR RDZAS SU YOD PA MA YIN PA DE NI BDEN MOD KYI, 'ON KYANG DE DAG MA ZHIG PA LA DE DAG GI BLO SKYE BA YOD PAS MA ZHIG PA DE DAG DON DAM PAR RDZAS SU YOD PAR CHOS MNGON PA'I MTSAN NYID LAS 'BYUNG BA KHYED MI 'DOD NA NI DE LTA NA KHAS BLANGS PA LA GNOD PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DE'I BLO MED PA ZHES NGES PAR GZUNG BA'I PHYIR GANG MA ZHIG PA DE LA YANG DE'I BLO MED DO ZHES SMRAS TE, YANG GI SBRAS NI GANG ZHIG PA DE LA YANG DE'I BLO MED DO ZHES BYA BA BSDU'O, ,'DIS NI 'DI SKAD BSTAN TE, CHOS MNGON PA YI MTSAN NYID LAS, ,GANG ZHIG BLOS GZHAN SEL BA LA; ;DE'I BLO MED PA BUM CHU BZHIN, ,DE NI KUN RDZOB YOD PA YIN, ,ZHES 'BYUNG BA'I SKABS KYI DE'I BLO MED PA ZHES BYA BA'I SGRA KHO BOS 'DIR NGES PAR GZUNG BA'I PHYIR, GANG ZHIG PA 'BA' ZHIG LA DE'I BLO MED PAR MA ZAD KYI, GANG MA ZHIG PA DE LA YANG DE'I BLO MED PAR 'DRA BAS, DES NA BUM PA LA SOGS PA GANG ZHIG PA LA DE'I BLO MED PAS DE RDZAS SU YOD PA MA YIN PA BZHIN DU GANG MA ZHIG PA LA YANG DE'I BLO MED PAS DE YANG RDZAS SU YOD PA MA YIN PAR DON DAM PA'I CHOS MNGON PA 'DI NYID KYI TSUL GYIS MNGON PAR KHAS BLANGS PA LA GNOD PAR @175B MI 'GYUR, 'DIR GAL TE PHA ROL PO DAG NA RE, DE LTAR GANG ZHIG PA DANG MA ZHIG PA DE LA DE'I BLO SKYE BA MED PAS DE RDZAS SU YOD PA MA YIN DU ZIN KYANG BLOS GZHAN SEL BA LA DE'I BLO MED PA DE LAS GZHAN PA BLO MA BSTZAL BA LA DE'I BLO SKYE BA YOD PA DE DON DAM PAR RDZAS SU YOD PA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, NYE BAR LEN PA DANG BCAS PA GZHAN DAG SEL BA LA GZHAN SEL BA ZHES BYA BAR 'DOD PA'I PHYIR RO ZHES BYA BA SMRAS TE, 'DIS NI JI LTAR ZHIG PA DANG MA ZHIG PA DE LA DE'I BLO SKYE BA MED PAS RDZAS SU YOD PA MA YIN PA DE BZHIN DU BLOS GZHAN BSTZAL BA DANG MA BSTZAL BA LA YANG DE'I BLO SKYE BA MED PAS RDZAS SU YOD PA MA YIN NO ZHES STON TE, JI LTAR ZHE NA, DBU MA PA NI GZHAN SEL BA ZHES BYA BA'I DON JI LTAR DNGOS PO'I NGO BO NYID DON DAM PAR SKYE BA MED PAR BSTZAL BA BZHIN DU DNGOS PO NYE BAR LEN PA'I RGYU DANG BCAS PA GZHAN DAG KYANG DON DAM PAR SKYE BA MED PA'I TSUL GYIS SEL BA GZHAN SEL BA ZHES BYA BAR 'DOD PAS DES NA BLOS GZHAN BSTZAL BA LA DE'I BLO MED PA CHU LTA BU DE'I MI MTHUN PA'I PHYOGS DE LAS GZHAN PA BLOS MA BSTZAL BA'I DNGOS PO MED PA'I PHYIR, JI LTAR BLOS GZHAN SEL BA LA DE'I BLO MED PAS DON DAM PAR RDZAS SU YOD PA MA YIN PA DE BZHIN DU BLOS GZHAN MA BSTZAL BA LA YANG DE'I BLO MED PAR 'DRA BAS DE YANG DON DAM PAR RDZAS SU YOD PA MA YIN NO, ,GZHAN DAG GIS SMRAS PA, DON DAM PAR BUM PA NI RDZAS SU YOD PA YIN TE, SHES BYA YIN PA'I PHYIR DPER NA GZUGS BZHIN TE, SHES PAR BYA BA YIN PAS RDZAS DE SHES PAR BYA BA NI RTOGS PAR BYA BA ZHES BYA BA'I THA TSIG GO ZHES BYA BA NI, 'DIR CHOS MNGON PA BDAG NYID BRDA SPROD PA'I THA MA LAG GI RJES SU ZHUGS NAS DBU MA PAS RDZAS SU YOD PA MA YIN PA'I PHYIR DPER NA BUM PA BZHIN NO ZHES SMRAS PA'I DPE DE BSGRUB PAR BYA BA CHOS KYIS STONG PAR SKYON 'DOGS SHING BUM PA RDZAS SU YOD PAR SGRUB PA'I RJES SU DPAG PA STON PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA YIN PAR GO RIMS BZHIN DU SBYAR TE, DPER NA GZUGS NI SHES BYA YIN PA'I PHYIR RDZAS SU YOD PA YIN PA @176A *, ,DE BZHIN DU BUM PA YANG SHES BYA YIN PA'I PHYIR RDZAS SU YOD PA YIN TE, SHES BYA YIN PA'I GTAN TSIGS KYIS RDZAS SU YOD PA YIN PAR JI LTAR SGRUB CE NA, DE'I NYE BAR SBYAR BA'I SBYOR BA NI SHES PAR BYA BA YIN PAS RDZAS DE SHES PAR BYA BA NI RTOGS PAR BYA BA ZHES BYA BA'I DON YIN LA, DE NI RDZAS YIN PA'I PHYIR RO ZHES BYA BAR SBYAR RO, ,DE NYID KYI KHUNGS BSTAN PA'I PHYIR, MTSAN NYID LAS SHES PAR BYA BA'I SKAD KYI BYINGS DAG NI RTOGS PAR BYA BA'I DON YIN PAR 'BYUNG BA'I PHYIR RO ZHES BYA BA SMRAS TE, BRDA SPROD PA'I MTSAN NYID LAS SHES PAR BYA BA'I SKAD KYI BYINGS DAG NI RTOGS PAR BYA BA'I DON YIN PAR 'BYUNG BA'I PHYIR, 'DIR YANG SHES PAR BYA BA NI RTOGS PAR BYA BA'I DON YIN LA, DE NI RDZAS YIN PAS DE'I PHYIR SHES BYA YIN PA'I PHYIR ZHES GTAN TSIGS KYIS RDZAS SU YOD PA YIN PAR SGRUB TU RUNG BAS, DES NA GZUGS DANG BUM PA DAG SHES BYA YIN PA'I PHYIR RDZAS SU YOD PA NYID DU GRUB BO, , DE NYID KYI MJUG BSDU BA BSTAN PA'I PHYIR, BUM PA LA SOGS PA DAG KYANG RDZAS SU YOD PA NYID DU GRUB PAS BUM PA DANG CHU BZHIN DU KUN RDZOB TU YOD PA YIN NO ZHES BYA BA'I KHUNGS KYANG MED DO ZHES BYA BA SMRAS TE, DE LTAR BRDA SPROD PA BA'I THA MA LAG GIS BUM PA DANG GZUGS DAG RDZAS SU YOD PA NYID DU GRUB PAS, CHOS MNGON PA'I MTSAN NYID LAS, GANG ZHIG BLOS GZHAN SEL BA LA, ,DE'I BLO MED PA BUM CHU BZHIN, ,DE NI KUN RDZOB YOD PA YIN, ,ZHES 'BYUNG BA DE YANG 'DIR RE ZHIG KHUNGS SU MI BYA'O ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE YANG BZANG PO MA YIN TE, DON DAM PAR GZUGS RDZAS SU YOD PA NYID DU MA GRUB PA'I PHYIR DPE MED DO ZHES BYA BA SMRAS TE, PHA ROL PO DAG BRDA SPROD PA PA'I THAM LAG GI RJES SU ZHUGS NAS RANG GI LUNG BOR TE BYUNG RGYAL JI SKAD SMRAS SU ZIN KYANG KHO BO CAG GI PHYOGS LA DON DAM PAR GZUGS RDZAS SU YOD PA NYID DU MA GRUB PA'I PHYIR PHA ROL PO DAG GIS DPER NA GZUGS BZHIN TE ZHES SMRAS PA'I DPE MED PAS BUM PA YANG RDZAS SU YOD PAR MA GRUB BO, ,DE'I PHYIR KHO BO CAG LA NI CHOS MNGON PA'I MTSAN NYID LAS, GANG ZHIG BLOS GZHAN SEL BA LA, ,DE'I BLO MED PA BUM CHU BZHIN, ,DE NI KUN RDZOB YOD PA YIN, ,ZHES BYA BA'I @176B KHUNGS DE YANG MED PA MA YIN NO, ,DA NI DE LTAR DON DAM PA PA'I CHOS MNGON PA'I TSUL GRUB MOD KYI, KUN RDZOB PA'I CHOS MNGON PA'I TSUL YANG KHO BO CAG KHAS LEN PAS DE NYID CHOS MNGON PA LA MI MKHAS PA KHYED NYON CIG CES BSTAN PA'I PHYIR, THA SNYAD DU NI MTSAN NYID JI SKAD SMRAS PA NYID KYIS DNGOS PO THAMS CAD BTAGS PAR YOD PA NYID YIN YANG GANG ZHIG KYANG DE'I BLO MI 'JIG PA DE NI RDZAS SU YOD PA YIN LA, GANG ZHIG PA NA DE'I BLO MED PA DE NI BTAGS PAR YOD PA YIN PAR RNAM PAR GZHAG GO ZHES BYA BA SMRAS TE, THA SNYAD DU NI CHOS MNGON PA'I MTSAN NYID LAS, GANG ZHIG BLOS GZHAN SEL BA LA,, DE'I BLO MED PA BUM CHU BZHIN, ,DE NI KUN RDZOB YOD PA YIN, ,ZHES JI SKAD SMRAS PA NYID KYIS, DNGOS PO THAMS CAD BTAGS PAR YOD PA NYID YIN YANG DE LA BYE BRAG TU DBYE NA, BUM PA LA SOGS PA'I DNGOS PO GANG ZHIG KYANG GYO MO LA SOGS PA DE'I BLO MI 'JIG PA'I GYO MO LA SOGS PA DE NI RDZAS SU YOD PA YIN LA, BUM PA LA SOGS PA GANG ZHIG PA NA BUM PA LA SOGS PA DE'I BLO MED PA'I ZHIG PA DE NI BTAGS PAR YOD PA YIN PAR RNAM PAR GZHAG PAS DES NA KUN RDZOB TU CHOS MNGON PA'I MTSAN NYID DANG MI 'GAL LO, ,DNGOS PO MED PA YANG DNGOS PO MED PA'I TSUL GYI SHES BYA YIN YANG RDZAS SU YOD PA NYID MA YIN PAS MA NGES PA NYID KYANG YIN NO ZHES BYA BAS NI PHA ROL PO DAG GIS GTAN TSIGS SHES BYA YIN PA'I PHYIR ZHES BYA BA DE MA NGES PA NYID DU STON TE, 'DIR NA RI BONG GI RVA LA SOGS PA DNGOS PO MED PA DAG KYANG DNGOS PO MED PA'I TSUL GYIS SHES BYA YIN YANG RDZAS SU YOD PA NYID MA YIN PAR MTHONG BAS DES NA CI RE ZHIG SHES BYA YIN PA'I PHYIR GZUGS BZHIN DU BUM PA RDZAS SU YOD PAR 'GYUR RAM, 'ON TE SHES BYA YIN PA'I PHYIR, RI BONG GI RVA LA SOGS PA BZHIN DU BUM PA RDZAS SU YOD PA MA YIN PAR 'GYUR BA MA NGES PAS PHA ROL PO DAG GI GTAN TSIGS DE MI RUNG NGO, ,DA RDZAS SU YOD PA NYID DU RTOGS NA NI GRAGS PA DANG LUNG GIS GNOD PAR 'GYUR BAS DE YANG RIGS PA MA YIN NO ZHES BYA BAS NI, GAL TE PHA ROL PO DAG SHES PAR BYA BA YIN PAS RDZAS DE ZHES BYA BA'I TSIG GIS RI BONG GI RVA LA SOGS PA DNGOS PO MED PA DE DAG KYANG RDZAS SU YOD PA NYID DU RTOG NA NI 'JIG RTEN LA GRAGS @177A *, ,PA DANG, LUNG GIS GNOD PAR 'GYUR BAS DE YANG RIGS PA MA YIN NO ZHES BSTAN TE, DE LTAR BUM PA RDZAS SU YOD PAR MA GRUB PAS BSTAN BCOS MDZAD PAS, DPER NA BUM PA RDZAS SU YOD PA MA YIN PA DE BZHIN DU DE BZHIN GSHEGS PA YANG RDZAS SU YOD PA MA YIN NO ZHES DAM BCAS PA'I DGONGS PA GRUB PO, ,GZHAN DAG GIS SMRAS PA, PHUNG PO LNGA NI GDAGS PAR BYA BA YIN YANG NGO BO NYID YOD PA MA YIN LA, DE YANG DE BZHIN GSHEGS PAR GDAGS PA'I BRJOD PAR BYA BA YIN PAS DE BZHIN GSHEGS PA DE'I NGO BO NYID BCOS MA MA YIN PA GANG YIN PA BLO LA NGES PAR GZHAG NAS, DE BZHIN GSHEGS PA NGO BO NYID MED DO ZHES SGRUB NA NI GRUB PA LA SGRUB PA MA YIN TE, PHUNG PO RNAMS BYAS PA YIN PA'I PHYIR RO ZHES BYA BA LA SOGS PAS NI GZHAN GYI DBANG GI NGO BO NYID YOD PAR SMRA BA DAG SNGAR DBU MA PAS DON DAM PAR DE BZHIN GSHEGS PA NGO BO NYID MED DE GDAGS PAR BYA BA YIN PA'I PHYIR DPER NA MGAL ME'I 'KHOR LO BZHIN NO ZHES SMRAS PA'I GTAN TSIGS DANG DPE DE DAG GIS KUN BRTAGS PA'I NGO BO NYID KYI DE BZHIN GSHEGS PA NGO BO NYID MED PAR SGRUB NA NI GRUB PA LA SGRUB PA YIN LA, GZHAN GYI DBANG GI NGO BO NYID KYI DE BZHIN GSHEGS PA NGO BO NYID MED PAR SGRUB NA NI DPE MED DO ZHES ZER BA'I TSIG YIN TE, DE DAG NA RE, 'DI LTAR PHUNG PO LNGA NI DE DAG LA DE BZHIN GSHEGS PAR GDAGS PAR BYA BA YIN YANG DE DAG LA KUN BRTAGS PA'I NGO BO NYID MED PAR ZAD KYI, GZHAN GYI DBANG GI NGO BO NYID MED PA MA YIN NO, ,DE LA DA KHYED DBU MA PA DAG DE BZHIN GSHEGS PA DE'I NGO BO NYID BCOS MA MA YIN PA GZHAN GYI DBANG GI NGO BO NYID KYI DE BZHIN GSHEGS PA GANG YIN PA DE NI NGO BO NYID MED PA MA YIN NO ZHES BLO LA NGES PAR BZHAG NAS, KUN BRTAGS PA'I NGO BO NYID KYI DE BZHIN GSHEGS PA BCOS MA DE NGO BO NYID MED DO ZHES SGRUB NA NI GRUB PA LA SGRUB PA YIN TE, , 'DI LTAR KHO BO CAG LA YANG PHUNG PO RNAMS KUN BRTAGS PA'I 'KHRUL PAS BYAS SHING BSKYED PA'I PHYIR DE DAG LA KUN BRTAGS PA'I NGO BO NYID MED PAR GRUB PA'I PHYIR RO, ,DE BAS NA KUN BRTAGS PA'I NGO BO NYID KYI DE BZHIN GSHEGS PA NGO BO NYID MED PAR SGRUB NA NI GRUB PA LA SGRUB PA YIN NO, ,'ON TE GZHAN @177B LAS BYUNG BA'I DNGOS PO RGYU DANG RKYEN GZHAN DAG LAS BYUNG ZHING SKYES PA BDAG NYID THOB PA GANG YIN PA LA 'GOG PAR BYED NA NI 'O NA DE NI DPE MED DE, DNGOS PO THAMS CAD NI GZHAN LAS BYUNG BA'I MTSAN NYID KYI NGO BO NYID KYIS NGO BO DANG BCAS PA YIN PAS 'DI LTAR KHO BO CAG NI MGAL ME'I 'KHOR LO BZHIN GZUGS LA SOGS PA MIG GI RNAM PAR SHES PA RNAM PAR RTOG PA MED PA'I SPYOD YUL GANG DAG YIN PA DE DAG NGO BO NYID DANG BCAS PA KHO NA YIN PAR 'DOD PA'I PHYIR RO ZHES BYA BAS NI GZHAN GYI DBANG GI NGO BO NYID KYI DE BZHIN GSHEGS PA NGO BO NYID MED PAR SGRUB NA NI DPE MED PAR STON TE, DE DAG NA RE, KHYOD KYI GTAN TSIGS DANG DPE DES GZHAN GYI DBANG GI NGO BO NYID GZHAN LAS BYUNG BA'I DNGOS PO RGYU DANG RKYEN GZHAN LAS BYUNG ZHING SKYES PA BDAG NYID THOB PA'I DE BZHIN GSHEGS PA 'GOG PAR BYED NA NI, DES NA KHYED KYI DPE MGAL ME'I 'KHOR LO BZHIN NO ZHES BYA BA DE MED DE 'DI LTAR DNGOS PO THAMS CAD NI RKYEN GZHAN LAS BYUNG BA'I MTSAN NYID YIN PAS RANG GI NGO BO NYID LAS MA SKYES PA'I PHYIR SKYE BA NGO BO NYID MED PA NYID YIN DU ZIN KYANG GZHAN KYI DBANG GIS BYUNG BA'I DNGOS PO'I NGO BO NYID KYIS NGO BO NYID DANG BCAS PA YIN PAS, DES NA 'DI LTAR KHO BO CAG NI MGAL ME'I 'KHOR LO GZUGS DANG, SGRA DANG, DRI DANG, RO DANG, REG PA DANG, MIG DANG, RNA BA DANG, SNA DANG, LCE DANG, LUS KYI RNAM PAR SHES PA RNAM PAR RTOG PA MED PA'I SPYOD YUL KUN BRTAGS PA DANG BRAL BA GZHAN GYI DBANG GI NGO BO NYID DON DAM PAR YANG NGO BO NYID YOD PAR 'DOD PAS, DES NA KHYED KYI GDAGS PAR BYA BA YIN PA'I PHYIR NGO BO NYID MED DE DPER NA MGAL ME'I 'KHOR LO BZHIN NO ZHES SMRAS PA'I DPE MED DO, ,DE LTAR NA GRUB PA LA SGRUB NA YANG GTAN TSIGS SKYON CHAGS PA YIN LA DPE MED NA YANG SGRUB PA DPE MA TSANG BA'I SKYON YOD PA YIN PAS DBU MA PA'I GTAN TSIGS MA GRUB PA'I PHYIR, GZHAN GYI DBANG GI NGO BO NYID KYI DE BZHIN GSHEGS PA NI DON DAM PAR NGO BO NYID MED PA MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE ZHES BYA BA LA SOGS PA SMRAS TE, DBU MA PAS KUN BRTAGS PA'I NGO BO NYID KYI DE BZHIN GSHEGS PA 'BA' ZHIG DON DAM PAR NGO BO NYID MED PAR @178A *, ,MI SGRUB PAS GRUB PA LA SGRUB PA YIN NO ZHES ZER BA'I LAN NI GDAB MI DGOS SO, ,DPE MED DE ZHES ZER BA'I LAN GDAB BAR BYA STE, PHA ROL PO DAG GZHAN GYI DBANG GI NGO BO NYID KYI DE BZHIN GSHEGS PA DON DAM PAR NGO BO NYID YOD PAR 'DOD CING MGAL ME'I 'KHOR LO'I GZUGS LA SOGS PA NGO BO NYID YOD PAR SGRUB PA DANG, DBU MA PA'I DPE MED DE ZHES ZER BA DE NI BZANG PO MA YIN TE, CI'I PHYIR ZHE NA, 'DIR MGAL ME'I 'KHOR LO NYID NI 'KHRUL PA STE ZHES BYA BA SMRAS TE, MGAL ME GCIG 'GRENG GI RTZE MO LA 'KHOR LO MED BZHIN DU MYUR DU BSKOR BA'I DBANG GIS 'KHOR LO 'DRA BAR MTHONG BA NI 'KHRUL PA YIN PAS NGO BO NYID MED PA'I PHYIR KHO BO'I DPE MED PA MA YIN NO, ,DE NYID BSTAN PA'I PHYIR, DNGOS DANG STENG DANG 'OG GI NAM MKHA'I CHA DANG MGAL ME LA 'KHOR LO'I NGO BO NYID KYIS STONG PA DPE NYID DU 'DOD PA'I PHYIR DANG ZHES BYA BA SMRAS TE, DE LTAR NAM MKHA'I CHA DANG MGAL ME LA 'KHOR LO'I NGO BO NYID MED BZHIN DU BRTEN NAS 'KHOR LO GDAGS PA YIN PAS KHO BO'I DPE GRUB PA'I PHYIR, DPER NA MGAL ME'I 'KHOR LO NI BRTEN NAS GDAGS PAR BYA BA YIN PA'I PHYIR NGO BO NYID MED PA DE BZHIN DU DE BZHIN GSHEGS PA YANG PHUNG PO RNAMS LA BRTEN NAS GDAGS PAR BYA BA YIN PA'I PHYIR NGO BO NYID MED DO ZHES DAM BCAS PA GRUB PO ZHES BYA BAR SBYAR RO, ,MGAL ME'I GZUGS LA SOGS PA DAG GI SKYE BA BKAG PA'I PHYIR DANG ZHES BYA BA YANG DPE GRUB PO ZHES BYA BAR SBYAR TE, GAL TE PHA ROL PO DAG NA RE, 'KHOR LO NYID MED KYANG MGAL ME'I GZUGS LA SOGS PA YOD PAS GZHAN GYI DBANG GI NGO BO NYID YOD PAR GRUB PAS DBU MA PA'I DPE MED DO ZHE NA, DE NI KHO BOS SNGAR SKYE BA MED PA'I RAB TU BYED PAR BKAG ZIN PA'I PHYIR DPE MED PA MA YIN NO, ,RDZAS SU YOD PA NYID BKAG PA'I PHYIR DANG ZHES BYA BA YANG DE BZHIN DU SBYAR TE, PHUNG PO BRTAG PA'I RAB TU BYED PAR RDZAS SU YOD PA NYID BKAG PA'I PHYIR RO, ,DE BZHIN DU MIG GI RNAM PAR SHES PA LA SOGS PA'I SPYOD YUL GZUGS LA SOGS PA DE DAG GANG MIG GI BLTA BA DGAG PA BZHIN DU BKAG PA'I PHYIR RO ZHES BYA BA YANG DE BZHIN DU SBYAR TE, SNGAR @178B PHA ROL PO DAG NA RE, 'DI LTAR KHO BO CAG NI MGAL ME'I 'KHOR LO'I GZUGS LA SOGS PA MIG GI RNAM PAR SHES PA RNAM PAR RTOG PA MED PA'I SPYOD YUL GANG DAG YIN PA DE DAG NGO BO NYID DANG BCAS PA KHO NA YIN PAR 'DOD PA'I PHYIR RO ZHES ZER BA'I LAN KYANG YIN TE, DE YANG SNGAR SKYE MCHED BRTAG PA'I RAB TU BYED PAR BKAG ZIN PA'I PHYIR, KHO BO'I DPE GRUB PAS GZHAN GYI DBANG GI NGO BO NYID YOD PAR SMRA BA DAG GI GZHUNG NYAMS SHING BSTAN BCOS MDZAD PAS DPER NA MGAL ME'I 'KHOR LO LA NGO BO NYID MED PA DE BZHIN DU DE BZHIN GSHEGS PA LA YANG NGO BO NYID MED DO ZHES DAM BCAS PA'I DGONGS PA GRUB PO, ,RE ZHIG DE DAG GIS NI, GAL TE SANGS RGYAS PHUNG PO LA, ,BRTEN NAS NGO BO NYID LAS MED, ,CES BYA BA TSIG LE'UR BYAS PA BYED KYIS DE BZHIN GSHEGS PA NGO BO NYID LAS YOD PA MA YIN PAR BSTAN TO, ,DA NI GZHAN GYI DNGOS PO LAS KYANG YOD PA MA YIN PAR BSTAN PA'I PHYIR, NGO BO NYID LAS GANG MED PA, ,DE GZHAN DNGOS LAS GAL YOD, BDAG GI DNGOS PO'I DNGOS PO GZHAN LA LTOS NAS GZHAN NYID 'GRUB PA'I PHYIR RO ZHES BYA BAR DGONGS SO ZHES BYA BA SMRAS TE, DE BZHIN GSHEGS PA ZHES BYA BA'I BDAG GI DNGOS PO'I NGO BO NYID YOD NA DE LA LTOS NAS DE'I RGYU DANG RKYEN RNAMS GZHAN GYI DNGOS PO ZHES BYA BAR 'GRUB PAS DE GZHAN GYI DNGOS PO DE LAS 'GRUB PAR YANG 'GYUR GRANG NA, GAL TE SANGS RGYAS PHUNG PO LA, ,BRTEN NAS NGO BO NYID LAS MED, ,CES BYA BA'I RIGS PAS BDAG GI DNGOS PO MED PAS RGYU RKYEN RNAMS KYANG GZHAN DU MA GRUB PA'I PHYIR DE BZHIN GSHEGS PA DE GZHAN GYI DNGOS PO LAS KYANG GRUB PA MED DO, ,YANG GZHAN YANG ZHES BYA BA LAS SOGS PAS NI SNGAR GZHAN DAG GIS DE BZHIN GSHEGS PA NI PHUNG PO RNAMS LA BRTEN NAS 'GRUB PA'I PHYIR KHO BO CAG LA SGRUB PA DES MI GNOD DO ZHES SMRAS PA'I PHYOGS SNGA MA'I BSAM PA BLANGS NAS, DE BZHIN GSHEGS PA PHUNG PO LA DE BZHIN GSHEGS PA YIN NA BDAG NYID DU MI 'THAD PA SGRUB PA RNAM PA GZHAN STON TO, ,DE LA, GANG ZHIG GZHAN GYI DNGOS BRTEN NAS, ,GDAGS PA'O ZHES BYA BA NI CHOS CAN NO, ,DE BDAG NYID DU MI 'THAD DO ZHES BYA BA NI BSGRUB PAR BYA BA CHOS SO, ,GZHAN GYI DNGOS PO LA BRTEN NAS GDAGS @179A *, ,PAR BYA BA YIN PA'I PHYIR ZHES BYA BA NI SGRUB PA'I CHOS SO, ,DPER NA SGYU MA'I SKYES BU BZHIN TE ZHES BYA BA NI DPE'O, ,DE NI BDAG NYID MED DE NGO BO NYID MED DO ZHES BYA BA'I THA TSIG GO ZHES BYA BA NI MJUG BSDU BA STE, DPER NA SGYU MA'I SKYES BU NI RMA BYA'I MDONGS LA SOGS PA'I MTSAN NYID GZHAN GYI DBANG GI DNGOS PO LA BRTEN NAS GDAGS PAR BYA BA YIN PA'I PHYIR BDAG NYID DU MI 'THAD PA DE BZHIN DU DE BZHIN GSHEGS PA YANG PHUNG PO'I MTSAN NYID GZHAN GYI DBANG GI DNGOS PO LA BRTEN NAS GDAGS PAR BYA BA YIN PA'I PHYIR BDAG NYID DU MI 'THAD DE, GANG BRTEN NAS GDAGS PA DE NI BDAG NYID MED DE NGO BO NYID MED DO ZHES BYA BA'I THA TSIG GO, ,DE LTAR, GANG ZHIG BDAG NYID MED PA DE, ,JI LTAR DE BZHIN GSHEGS PAR 'GYUR, ,DNGOS PO RNAMS NGO BO NYID YOD PAR SGRUB PA'I DPE ZHES BYA BAR DGONGS SO ZHES BYA BA NI MJUG BSDU BA STE, GANG BRTEN NAS GDAGS BA NGO BO NYID MED PA DE NI DON DAM PAR YOD PA MA YIN PAS PHA ROL PO DAG GIS DNGOS PO RNAMS NGO BO NYID YOD PAR SGRUB PA'I DPE DE BZHIN GSHEGS PA ZHES BYA BA YOD PA MA YIN NO ZHES BYA BA'I THA TSIG GO, ,DE'I PHYIR SGRUB PA DPE MA TSANG BA'I SKYON DE NYID YOD DO ZHES BYA BA NI TSAD MA'I 'BRAS BU STE, DE LTAR DON DAM PAR DE BZHIN GSHEGS PA NGO BO NYID MED PA NYID DU GRUB PAS SNGAR PHA ROL PO DAG GIS DON DAM PAR GZUGS LA SOGS PA DNGOS PO RNAMS NGO BO NYID YOD PA KHO NA YIN TE, DNGOS PO YIN PA'I PHYIR DPER NA DE BZHIN GSHEGS PA'I SKU BZHIN NO ZHES SMRAS PA'I SGRUB PA DPE MA TSANG BA'I SKYON DE NYID YOD PAS SNGAR BSTAN BCOS MDZAD PAS DON DAM PAR GZUGS LA SOGS PA DNGOS PO RNAMS NGO BO NYID MED DO ZHES DAM BCAS PA'I DGONGS PA GRUB PO, ,YANG NA PHA ROL PO DAG 'DI SKAD CES NGO BO NYID LAS MA GRUB TU ZIN KYANG GZHAN GYI DNGOS PO LAS GRUB PAS DPE NYID GRUB PA'I PHYIR DNGOS PO RNAMS NGO BO NYID YOD PA KHO NAR GRUB PO ZHES ZER BA LA 'DIR BSHAD PA, GAL TE NGO BO NYID MED NA, ,GZHAN DNGOS YOD PAR JI LTAR 'GYUR, ,NGO BO NYID MA GRUB PA KHO NA'I PHYIR GZHAN DU 'DOD PA RGYU DANG RKYEN RNAMS MED PA'I PHYIR DE DAG LAS BYUNG BA GZHAN GYI DNGOS PO CAN DE YOD PA NYID MA YIN NO ZHES BYA BAR DGONGS SO ZHES BYA BAS NI, PHA ROL PO DAG DE BZHIN @179B GSHEGS PA ZHES BYA BA RANG GI NGO BO NYID LAS GRUB PA MED KYANG DE'I GZHAN GYI DNGOS PO RGYUD DANG RKYEN GANG DAG GIS DE BZHIN GSHEGS PA NYID RAB TU PHYE ZHING MNGON PAR BYAS PA BYANG CHUB TU BYED PA'I CHOS SA DANG, PHA ROL TU PHYIN PA DANG, BYANG CHUB KYI PHYOGS LA SOGS PA DAG LAS GRUB PA DES NA DE BZHIN GSHEGS PA GRUB PAS DPE GRUB PA'I PHYIR 'DOD PA'I DON GRUB PO ZHES ZER BA DE DGAG PA'I PHYIR BSTAN BCOS MDZAD PAS TSIG LE'UR BYAS PA'I PHYED 'DI BSHAD DE 'DI NI DE BZHIN GSHEGS PA ZHES BYA BA RANG GI NGO BO NYID LAS GRUB PA MED PAS BYANG CHUB TU BYED PA'I CHOS RNAMS KYANG GZHAN GYI DNGOS PAR MI 'GRUB PA'I PHYIR DE DAG LAS BYUNG BA'I DE BZHIN GSHEGS PA YANG YOD PA MA YIN NO ZHES DGONGS PA BSTAN TO, ,DE'I PHYIR DPE'I SKYON DE NYID YOD DO ZHES BYA BA'I TSAD MA'I 'BRAS BU STE, DON DAM PAR BYANG CHUB TU BYED PA'I CHOS RNAMS BKAG PA'I SGO NAS DE BZHIN GSHEGS PA NGO BO NYID MED PAS PHA ROL PO'I SGRUB PA DPE MA TSANG BA'I SKYON YOD PAS BSTAN BCOS MDZAD PA'I DGONGS PA GRUB PAR SBYAR RO, ,'DIR SMRAS PA, DE BZHIN GSHEGS PA'I NGO BO NYID DES PAR MA ZIN KYANG YANG YOD PA'I PHYIR DPE GRUB PAS SKYON MED DO ZHES BYA BA NI, PHA ROL PO DAG NA RE, KHO BO CAG GIS DE BZHIN GSHEGS PA'I NGO BO NYID PHUNG PO RNAMS LAS DE NYID DAM GZHAN NYID DAM NGO BO NYID DAM, GZHAN GYI DNGOS PO LAS GRUB PA'I DMIGS PA NYID NGES PAR MA ZIN PAS SHAGS MA THEBS SU ZIN KYANG, YANG NI BDAG CAG SANGS RGYAS PA RNAMS LA STON PA DE BZHIN GSHEGS PA YOD PA'I PHYIR DPE GRUB PAS KHO BO CAG GI SGRUB PA DPE MA TSANGS PA'I SKYON MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, NGO BO NYID DANG GZHAN DNGOS DAG ,MA RTOGS DE BZHIN GSHEGS DE GANG, ,DE NI YOD PA MA YIN PA NYID DE NGO BO NYID DANG GZHAN GYI DNGOS PO DAG MA RTOGS PA'I DNGOS PO NI DON DAM PAR YOD PA NYID DU MI 'GRUB PA'I PHYIR SKYON MED PA MA YIN NO ZHES BYA BA SMRAS TE, YANG 'JIG RTEN 'DI NA DNGOS PO ZHIG YOD PAR GYUR NA BDAG GI DNGOS PO LAS 'GRUB PA NI, DPER NA ME'I TSA BA NYID LTA BU YIN, GZHAN GYI DNGOS PO, @180A *, ,LAS 'GRUB PA NI DPER NA BUM PA LTA BU YIN NA, DE BZHIN GSHEGS PA NI JI SKAD BSTAN PA'I RNAM PAS PHUNG PO RNAMS LAS DE NYID DANG GZHAN NYID DU YANG MA GRUB LA, NYID KYI BDAG GI DNGOS PO DANG GZHAN GYI DNGOS PO LAS KYANG MA GRUB NA RNAM PA DE DAG MA GTOGS PA'I DE BZHIN GSHEGS PA GANG ZHIG YIN TE DE NI YOD PA MA YIN PA NYID DO, ,NGO BO NYID DANG GZHAN GYI DNGOS PO DAG MA GTOGS PA'I DNGOS PO NI DON DAM PAR YOD PA NYID DU MI 'GRUB PA'I PHYIR KHYOD KYI SGRUB PA DPE MA TSANG BA'I SKYON MED PA MA YIN TE SO NA GNAS SO, ,GNAS MA BU'I SDE PA DAG GIS SMRAS PA, DE BZHIN GSHEGS PA NI PHUNG PO RNAMS LA BRTEN NAS GDAGS PAR BYA BA NYID YIN TE DE NYID DANG GZHAN NYID DU BRJOD PAR BYA BA MA YIN PAS PHUNG PO RNAMS KYI NGO BO NYID KYANG MA YIN LA, GZHAN GYI NGO BO NYID KYANG MA YIN TE, DE'I PHYIR DE BZHIN GSHEGS PA GRUB PAS RJES SU DPAG PA JI SKAD BSTAN PAS DNGOS PO RNAMS NGO BO NYID MED PAR MA GRUB PO ZHES BYA BA NI, 'DIR NYAN THOS GNAS MA BU'I SDE PA DAG NA RE, DE BZHIN GSHEGS PA NI PHUNG PO RNAMS LA BRTEN NAS GDAGS PAR BYA BA NYID YIN TE, PHUNG PO RNAMS LAS DE NYID DANG GZHAN NYID DU BRJOD PAR BYA BA MA YIN PA NYID DU GRUB PAS KHO BO CAG GI DPE GRUB PA'I PHYIR KHYED DBU MA PA'I RJES SU DPAG PA JI SKAD BSTAN PAS DNGOS PO RNAMS NGO BO NYID MED PA NYID DU MA GRUB PO ZHES ZER BA'I TSIG YIN NO, ,DE SKAD CES ZER BA DE'I LAN DU 'GREL BA BYED PA NYID KYIS, 'DIR BSHAD PA, DON DAM PAR DE BZHIN GSHEGS PA'AM, DE BZHIN GSHEGS PA MA YIN PA ZHIG DE BZHIN GSHEGS PA'I PHUNG PO RNAMS LA BRTEN NAS GDAGS PAR BYA BA NYID YIN GRANG NA ZHES BYA BA SMRAS TE, 'DIS NI DON DAM PAR DE BZHIN GSHEGS PA YIN PA'AM, DE BZHIN GSHEGS PA MA YIN PA ZHIG DE BZHIN GSHEGS PA'I PHUNG PO RNAMS LA BRTEN NAS GDAGS PAR BYA BA NYID YIN GRANG NA, RNAM PA GNYI GA LTAR YANG MI 'THAD DO ZHES BRTAG PA RNAM PA GNYIS STON TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR DE LA GAL TE DE BZHIN GSHEGS PA YIN NA NI DE DE LA BRTEN PA DON MED PA NYID DO ZHES BYA BA SMRAS TE, DE BZHIN GSHEGS PA NYID DU GRUB PAR BYA BA'I PHYIR DE BZHIN GSHEGS PA'I PHUNG PO RNAMS LA BRTEN @180B PAR BYA BA YIN NA SNGA NAS DE BZHIN GSHEGS PA NYID YIN NA DA DE YANG PHUNG PO RNAMS LA BRTEN PA DON MED PA NYID YIN PAS DE NI MI 'THAD DO, ,BRTAG PA GNYIS PA MI 'THAD PAR BSTAN PA'I PHYIR, 'ON TE DE BZHIN GSHEGS PA MA YIN NA NI DE LTA NA YANG, ,GAL TE PHUNG PO MA BRTEN PAR, ,DE BZHIN GSHEGS PA 'GA' YOD NA, ,SNGA ROL BDAG NYID GZHAN GYIS SO, ,DE NI DA GDOD BRTEN 'GYUR ZHING, ,BRTEN NAS DE LAS 'GYUR LA RAG ,CES BYA BA SMRAS TE, GAL TE PHUNG PO RNAMS LA MA BRTEN PA'I SNGA ROL NA DE BZHIN GSHEGS PA BDAG NYID GZHAN GYIS GNAS PA 'GA' ZHIG YOD PAR GYUR NA NI DE DAG 'DOD DE BZHIN GSHEGS PA'I PHUNG PO RNAMS LA BRTEN PAR 'GYUR ZHING, BRTEN NAS BRTEN PA'I GZHI DE LAS DE BZHIN GSHEGS PAR 'GYUR LA RAG GO, ,GAL TE DE LTAR 'GYUR RO ZHE NA ZHES BYA BAS NI PHA ROL PO DAG NA RE, DE LTAR 'GYUR RO ZHES ZER BA'I TSIG YIN NO, ,DE MI 'THAD PAR BSTAN PA'I PHYIR, PHUNG PO RNAMS LAM BRTEN PAR, ,DE BZHIN GSHEGS PA 'GA' YANG MED, ,NYE BAR LEN PA MA GTOGS PAR, ,DE BZHIN GSHEGS PA MI 'GRUB PA'I PHYIR RO ZHES BYA BA SMRAS TE, PHUNG PO RNAMS LAM BRTEN PA'I SNGA ROL NA DE BZHIN GSHEGS PA BDAG NYID GZHAN GYIS GNAS PA 'GA' YANG MED DE, NYE BAR LEN PA MA GTOGS PAR DE BZHIN GSHEGS PA MI 'GRUB PA'I PHYIR RO, ,DE LTAR DE BZHIN GSHEGS PA 'GA' YANG MED PA DE NI DE BZHIN GSHEGS PA MA YIN PA ZHES BYA STE, DE YANG DE BZHIN GSHEGS PA'I PHUNG PO RNAMS LA BRTEN NAS GDAGS PAR BYA BA NYID YIN PAR MI 'THAD DO, ,DA NI DE NYID KYI RJES SU DPAG PA BSTAN PAR BYA STE, DE LA, GANG ZHIG MA BRTEN YOD YIN PA, ,DE BZHIN GSHEGS PA'I NGO BO NYID DO ZHES BYA BA NI CHOS CAN CHOS CAN NO, ,DES NI JI LTAR NYER LEN 'GYUR, ,DES DE BZHIN GSHEGS PA'I PHUNG PO RNAMS NYE BAR LEN PAR MI BYED PA NYID DE ZHES BYA BZHI BSGRUB PAR BYA BA CHOS SO, ,DE BZHIN GSHEGS PA MA YIN PA'I PHYIR ZHES BYA BA NI SGRUB PA'I CHOS SO, ,DPER NA DE LAS GZHAN PA BZHIN NO ZHES BYA BA NI DPE STE, DPER NA DE BZHIN GSHEGS PA LAS GZHAN PA SO SO'I SKYE BO NI DE BZHIN GSHEGS PA MA YIN PA'I PHYIR, DES NA DE BZHIN @181A *, ,GSHEGS PA'I PHUNG PO RNAMS NYE BAR LEN PAR MI BYED PA DE BZHIN DU GANG ZHIG PHUNG PO RNAMS LA MA BRTEN PAR DE BZHIN GSHEGS PA'I NGO BO NYID DU YOD PA MA YIN PA DE YANG DE BZHIN GSHEGS PA MA YIN PA'I PHYIR, DES DE BZHIN GSHEGS PA'I PHUNG PO RNAMS NYE BAR LEN PAR MI BYED DE; NYE BAR LEN PAR MI BYED PAS BRTEN PAR MI BYED LA, BRTEN PAR MI BYED PAS DE DAG LA BRTEN NAS GDAGS PAR BYA BA NYID MA YIN PAS PHA ROL PO DAG NA RE, DE BZHIN GSHEGS PA NI PHUNG PO RNAMS LA BRTEN NAS GDAGS PAR BYA BA NYID YIN TE, DE NYID DANG GZHAN NYID DU BRJOD PAR BYA BA MA YIN NO ZHES ZER BA'I DAM BCAS PA MA GRUB PO, ,CI STE DE BZHIN GSHEGS PA MA YIN PAS DE BZHIN GSHEGS PA'I PHUNG PO RNAMS NYE BAR BLANGS NAS DE BZHIN GSHEGS PAR 'GYUR RO SNYAM DU SEMS SHING 'DI SKAD CES, GAL TE PHUNG PO MA BRTEN PAR, ,DE BZHIN GSHEGS PA 'GA' YANG MED, , DE NI DAG DOD BRTEN 'GYUR ZHING, ,DE NAS DE LAS 'GYUR BA YIN, ,ZHES KYANG ZER NA ZHES BYA BA NI CI STE, PHA ROL PO DAG 'DI SNYAM DU GANG ZHIG DE BZHIN GSHEGS PA'I PHUNG PO RNAMS LA MA BRTEN PA'I SNGA ROL NA DE BZHIN GSHEGS PA NYID MA YIN PA DPER NA 'PHAGS PA BYAMS PA LTA BUS MTSAN DANG DPE BYED YONGS SU RDZOGS PAR 'GYUR BA'I TSOGS BKANG STE, DE BZHIN GSHEGS PA'I PHUNG PO RNAMS NYE BAR BLANGS NAS DE BZHIN GSHEGS PAR 'GYUR RO SNYAM DU SEMS SHING SNGAR BSTAN BCOS MDZAD PAS, GAL TE PHUNG PO MA BRTEN PAR, ,DE BZHIN GSHEGS PA 'GA' YOD NA, ,DE NI DAG DOD BRTEN 'GYUR ZHING, ,BRTEN NAS DE LAS 'GYUR LA RAG ,CES GSUNGS PA'I TSIG LE'UR BYAS PA DE LAS BZLOG PA 'DI SKAD CES, GAL TE PHUNG PO MA BRTEN PAR, ,DE BZHIN GSHEGS PA 'GA' YANG MED, ,DE NI DAG DOD BRTEN 'GYUR ZHING, ,BRTEN NAS DE LAS 'GYUR BA YIN, ,ZHES KYANG ZER NA'O,, DE SNYAM DU SEMS SHING DE SKAD ZER BA DE DAG DGAG PA'I PHYIR 'DIR 'GREL PA BYED PA NYID KYIS, DE LA 'DI SKAD CES BRJOD PAR BYA STE, CI STE PHUNG PO'I NGO BO NYID YIN NAM, 'ON TE GZHAN GYI NGO BO NYID YIN ZHES BYA BA SMRAS TE, 'DIS NI DE BZHIN GSHEGS PA MA YIN PA DE DE BZHIN GSHEGS PA'I @181B PHUNG PO'I NGO BO NYID YIN NAM, 'ON TE DE BZHIN GSHEGS PA'I PHUNG PO MA YIN PA GZHAN GYI NGO BO NYID GCIG YIN GRANG NA GNYI GA LTAR YANG MI 'THAD DO ZHES BRTAG PA RNAM PA GNYIS STON TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA GAL TE PHUNG PO'I NGO BO NYID YIN NA NI PHYOGS SNGA MA LAN BTAB ZIN TO ZHES BYA BA SMRAS TE, PHYOGS DE'I LAN NI SNGAR DE LA GAL TE DE BZHIN GSHEGS PA YIN NA NI DE DE LA BRTEN PA DON MED PA NYID DO ZHES BSTAN PAS LAN BTAB ZIN TO, ,BRTAG PA GNYIS PA MI 'THAD PAR BSTAN PA'I PHYIR, 'ON TE GZHAN GYI NGO BO NYID YIN NA NI DE YOD PA MA YIN TE, PHUNG PO'I NGO BO NYID MA YIN PA'I PHYIR DPER NA RI BONG GI RVA BZHIN NO ZHES BYA BA SNGAR BSTAN PA BZHIN NO ZHES BYA BA SMRAS TE, ,DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA NI PHUNG PO'I NGO BO NYID MA YIN PA'I PHYIR DE YOD PA MA YIN PA DE BZHIN DU GZHAN GYI NGO BO NYID DE YANG PHUNG PO'I NGO BO NYID MA YIN PA'I PHYIR DE YOD PA MA YIN PAS DE BZHIN GSHEGS PA'I PHUNG PO RNAMS NYE BAR BLANGS NAS DE BZHIN GSHEGS PAR 'GYUR RO SNYAM DU SEMS SHING LOG THABS SMRA BA DE YANG RIGS PA MA YIN NO, ,YANG BSHAD PA, ZHES BYA BA LA SOGS PAS NI PHUNG PO'I NGO BO NYID MA YIN PAS DE BZHIN GSHEGS PA'I PHUNG PO RNAMS NYE BAR BLANGS NAS DE BZHIN GSHEGS PAR 'GYUR RO SNYAM DU SEMS SHING LOG THABS SMRA BA DE RIGS PA MA YIN PAR SUN DBYUNG BA'I RJES SU DPAG PA BSTAN PA'I PHYIR, TSIG LE'UR BYAS PA'I PHYED SNGAR BSTAN PA DE NYID YANG BZLAS TE STON TO, ,DE LA YANG, GANG ZHIG MA BRTEN YOD MIN PA, ,PHUNG PO'I MTSAN NYID MA YIN PA'O, ,ZHES BYA BA NI CHOS CAN NO, ,DES NI JI LTAR NYER LEN 'GYUR, , DES NYE BAR LEN PAR MI BYED PA NYID DE ZHES BYA BA NI BSGRUB PAR BYA BA CHOS SO, ,MED PA'I PHYIR ZHES BYA BA NI SGRUB PA'I CHOS SO, ,DPER NA NAM MKHA'I ME TOG BZHIN NO ZHES BYA BAR DGONGS SO ZHES BYA BA NI DPE STE, ,DPER NA NAM MKHA'I ME TOG NI MED PA'I PHYIR, DES DE BZHIN GSHEGS PA'I PHUNG PO RNAMS NYE @182A *, ,BAR LEN PAR MI BYED PA DE BZHIN DU GANG ZHIG PHUNG PO'I MTSAN NYID MA YIN PA DE YANG MED PA'I PHYIR DES DE BZHIN GSHEGS PA'I PHUNG PO RNAMS NYE BAR LEN PAR MI BYED DO, ,DA NI BRTAG PA DE GNYI GA BSNAN PA'I TSAD MA GZHAN BSTAN PA'I PHYIR, DON DAM PAR DE BZHIN GSHEGS PA SKYE BA'I SNGA ROL NA MED PA NI DE BZHIN GSHEGS PA'I NYE BAR LEN PA DAG NYE BAR LEN PAR MI BYED DO, ,SKYE BA'I SNGA ROL NA MED PA'I PHYIR DPER NA DE BZHIN GSHEGS PA MA YIN PA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DE BZHIN GSHEGS PA MA YIN PA NI SKYE BA'I SNGA ROL NA MED PA'I PHYIR DE BZHIN GSHEGS PA'I NYE BAR LEN PA DAG NYE BAR LEN PAR MI BYED PA DE BZHIN DU DE BZHIN GSHEGS PA SKYE BA'I SNGA ROL NA MED PA'I PHYIR DE BZHIN GSHEGS PA'I NYE BAR LEN PAR MI BYED DO, ,GAL TE 'KHOR BA LA THOG MA DANG THA MA MED PA'I PHYIR DANG, DE BZHIN GSHEGS PA YANG DE NYID DANG GZHAN NYID DU BRJOD PAR BYA BA MA YIN PA'I PHYIR SNGA PHYI MI 'THAD PAS SKYE BA'I SNGA ROL NA MED PA'I PHYIR ZHES BYA BA'I GTAN TSIGS DE'I DON MA GRUB PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS SKYE BA'I SNGA ROL NA MED PA'I PHYIR ZHES BYA BA DE NI DON MA GRUB PA NYID DU SKYON 'DOGS PA'I TSIG YIN TE, DE DAG NA RE, GAL TE 'KHOR BA LA THOG MA DANG THA MA YOD DAM, DE BZHIN GSHEGS PA YANG PHUNG PO RNAMS LAS DE NYID DANG GZHAN NYID DU BRJOD PAR BYA BA ZHIG YIN NA NI SNGA PHYI 'THAD PAS KHYED KYI GTAN TSIGS SKYE BA'I SNGA ROL NA MED PA'I PHYIR ZHES BYA BA DE YANG 'GRUB PAR 'GYUR BA ZHIG NA, BDAG CAG SANGS RGYAS PA RNAMS DE LTAR MI 'DOD PA'I PHYIR, KHYED KYI GTAN TSIGS DE'I DON MA GRUB PA NYID DO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, THA SNYAD DU 'DOGS PA'I BLO'I SPYOD YUL GYI DE BZHIN GSHEGS PA NI SKYE BA'I SNGA ROL NA MED PA NYID DO ZHES BYA BAR SHES PAR BYA STE, 'DUS BYAS YIN PA'I PHYIR DPER NA BUM PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA @182B BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI 'DUS BYAS YIN PA'I PHYIR, SKYE BA'I SNGA ROL NA MED PA NYID DO ZHES BYA BAR SHES PAR BYA BA DE BZHIN DU THA SNYAD DU GTOGS PA'I BLO'I SPYOD YUL GYI DE BZHIN GSHEGS PA YANG 'DUS BYAS YIN PA'I PHYIR SKYE BA'I SNGA ROL NA MED DO ZHES BYA BAR SHES PAR BYA'O, ,DE LTAR THA SNYAD DU MED PAR GRUB PA NYID GTAN TSIGS NYID DU BRJOD PA'I PHYIR DANG, DE BZHIN GSHEGS PA YANG DE BZHIN GSHEGS PA'I PHUNG PO RNAMS KYI SNGA ROL NA YOD PA NYID DU BSTAN PA'I PHYIR DE NI MA GRUB PA LTAR SNANG BA NYID YIN NO ZHES BYA BA DE NI 'THAD PA GZHAN GYI MJUG BSDU BA YIN TE, DE LTAR KHO BOS THA SNYAD DU SKYE BA'I SNGA ROL NA MED PAR GRUB PA NYID GTAN TSIGS NYID DU BRJOD PA'I PHYIR DANG, KHYED LA DE BZHIN GSHEGS PA SKYE BA'I SNGA ROL NA YOD PA NYID DU STON PA'I RJES SU DPAG PA MED PA'I PHYIR KHO BO'I GTAN TSIGS DE NI MA GRUB PA LTAR SNANG BA YIN GYI, GSAL BA DANG DE KHO NAS SGRUB PA NYID YIN NO, ,DE LTAR, GANG ZHIG MA BRTEN YOD MIN PA, ,DES NI JI LTAR NYER LEN 'GYUR, ,ZHES BYA BAS DE BZHIN GSHEGS PA 'AM, DE BZHIN GSHEGS PA MA YIN PA GANG PHUNG PO RNAMS LA MA BRTEN PAR YOD PA MA YIN PA DES PHUNG PO RNAMS NYE BAR LEN PAR MI BYED PAR BSTAN NAS, DA NI NYE BAR LEN PA POS NYE BAR MA BLANGS PA NI PHUNG PO MA YIN LA PHUNG PO MED PA'I DE BZHIN GSHEGS PA NI CI YANG MED DO ZHES BSTAN PA'I PHYIR, YANG GZHAN YANG ZHES BYA BA LA SOGS PA TSIG LE'UR BYAS PA GCIG STON TO; ,NYE BAR BLANGS PA MA YIN PA, ,NYE BAR LEN PAR JI LTAR 'GYUR, ,ZHES BYA BAS NI NYE BAR LEN PA POS NYE BAR MA BLANGS PA NI PHUNG PO MA YIN PAR BSTAN TO, ,'O NA JI LTA BU ZHE NA, NYE BAR LEN PA POS NYE BAR BLANGS PA NYID NYE BAR LEN PA YIN PAR 'GYUR RO ZHES BYA BAS NI YANG NGO, ,THA SNYAD DU NI DE LTA BU YIN NA DE YANG SNGAR, GANG ZHIG MA BRTEN YOD MIN PA, ,DES NI JI LTAR NYER LEN 'GYUR, ,ZHES BSTAN PA'I TSUL GYIS MI SRID PAR BSTAN TO, ,NYE BAR LEN PA MED PA YI, ,NYE BAR LEN PA MED PA'I NGO BO NYID DE NYE BAR LEN PA PO MA YIN PA'I PHYIR ZHES BYA BA'I THA TSIG GO @183A *, ,ZHES BYA BA NI PHUNG PO MED PA NYE BAR LEN PA PO MA YIN PA'I TSIG GI DON STONG PA ZHES BYA BA'I THA TSIG GO, ,DE LTA BU'I DE BZHIN GSHEGS PA NI CI YANG MED DO ZHES BSTAN PA'I PHYIR, DE BZHIN GSHEGS PA CI YANG MED CES BYA BA SMRAS TE, DE NYID BYE BRAG TU BSHAD PA BSTAN PA'I PHYIR; YANG ZHES BYA BA'I SGRA NI NYE BAR LEN PA PO DANG NYE BAR LEN PA YANG BSDU BA'I DON TE, DE BZHIN GSHEGS PA LA DE BZHIN GSHEGS PA'I NGO BO NYID MED DO ZHES BYA BA'I TSIG GI DON TO ZHES BYA BA SMRAS TE, NYE BAR LEN PA'I PHUNG PO LA NYE BAR LEN PA PO DE BZHIN GSHEGS PA'I NGO BO NYID MED PAS DE BZHIN GSHEGS PA NGO BO NYID DANG RDZAS SU YOD PA MA YIN NO, ,DE NYID KYI RJES SU DPAG PA BSTAN PA'I PHYIR, DE LA 'DIR TSIG GI DON GSAL BA'I DBANG GIS RJES SU DPAG PA NI PHUNG PO LNGA LA GANG ZAG MED DE BYAS PA'I PHYIR DPER NA BUM PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BUM PA NI BYAS PA'I PHYIR DE LA GANG ZAG MED PA DE BZHIN DU PHUNG PO LNGA YANG BYAS PA'I PHYIR DE LA GANG ZAG MED DO, ,DE BZHIN DU RTEN CING 'BREL BAR 'BYUNG BA NYID DANG, MI RTAG PA NYID DANG, YANG DAG PA DANG, LOG PA DANG, THE TSOM CAN GYI SHES PA'I YUL NYID DANG, DGA' BA DANG, YONGS SU GDUNG BA'I RGYU NYID DANG, BDEN PAR RTOGS PA NYID LA SOGS PA'I GTAN TSIGS DAG GI PHYIR RO ZHES KYANG BRJOD PAR BYA'O ZHES BYA BA NI DAM BCA' BA SNGA MA DE'I GTAN TSIGS NI 'DI DAG YIN TE, CI RIGS PAR SBYAR RO ZHES BYA BA'I THA TSIG GO, ,GNAS MA BU'I SDE PA DAG YANG PHYIR ZLOG PAR BYED DE, DON DAM PAR DE BZHIN GSHEGS PA YOD PA KHO NA YIN TE, DE BZHIN GSHEGS PA MED DO ZHES LUNG MA BSTAN PA'I PHYIR RO, ,'DI NA GANG YOD PA MA YIN PA DE NI DE BZHIN GSHEGS PAS MED PAR GSUNGS TE; DPER NA MU STEGS BYED KYIS YONGS SU BRTAGS PA'I BDAG BZHIN NO, ,DE BZHIN GSHEGS PA NI MED PAR MA GSUNGS TE, GZHAN GYIS DE BZHIN GSHEGS PA MYA NGAN LAS 'DAS NAS MED DAM ZHES ZHUS PA NA DE NI LUNG DU MA BSTAN TO ZHES GSUNGS PA'I TSIG DES DE DGAG PA YANG GSUNGS PAS, @183B DE'I PHYIR DON DAM PAR DE BZHIN GSHEGS PA YOD PA KHO NA YIN TE, DE'I PHYIR DE NI RANG DBANG DU RJES SU DPAG PA YIN PAS GTAN TSIGS 'GAL BA 'KHRUL PA MED PA'I GNOD PA YANG YOD DO ZHES BYA BA NI GNAS MA BU'I SDE PA DAG BCOM LDAN 'DAS KYIS LUNG DU MA BSTAN PA'I DNGOS PO BCU BZHI PA'I NANG NAS DE BZHIN GSHEGS PA MED DO ZHES LUNG DU MA BSTAN PA'I GTAN TSIGS KYIS DON DAM PAR DE BZHIN GSHEGS PA YOD PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA MU STEGS BYED KYIS YONGS SU BRTAGS PA'I BDAG LTA BU GANG YOD PA MA YIN PA, DE BZHIN GSHEGS PAS MED PAR GSUNGS PA DE NI YOD PA MA YIN GYI, DE BZHIN GSHEGS PA NI MED PAR MA GSUNGS KYI STENG DU GZHAN GYI DE BZHIN GSHEGS PA MYA NGAN LAS 'DAS NAS MED DAM ZHES ZHUS PA NA MED PA DGAG PA'I PHYIR DE NI LUNG DU MA BSTAN TO ZHES KYANG GSUNGS PAS DE'I PHYIR DON DAM PAR DE BZHIN GSHEGS PA YOD PA KHO NA YIN TE, DE LTAR LUNG DU MA BSTAN PA DE NI KHYED DBU MA PA DANG THUN MONG MA YIN PA KHO BO CAG GI RANG DBANG DU RJES SU DPAG PA YIN PAS KHYED DBU MA PA'I DE BZHIN GSHEGS PA MED PAR SGRUB PA'I GTAN TSIGS DANG KHO BO CAG DE BZHIN GSHEGS PA YOD PAR SGRUB PA'I GTAN TSIGS DE GNYIS PHAN TSUN 'GAL BA 'KHRUL BA MED PA'I GNOD PA YANG YOD PAS KHYED 'DOD PA LTAR GCIG TU MA NGES SO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS BSHAD PA, DE BZHIN GSHEGS PAS KHANG PA BRTZEGS MA'I NANG NAS SKYES PA'I SHING AA MRA'I 'BRAS BU'I RO'I BYE BRAG LUNG DU MA BSTAN PA LA SOGS PA DAG GIS GTAN TSIGS KYI DON 'GAL BA NYID YIN PA'I PHYIR DE NI RIGS PA MA YIN PAS RTOG GE PHYI MAS GNOD PA YANG MED LA RANG DBANG DU RJES SU DPAG PA YANG MA YIN NO ZHES BYA BA SMRAS TE, DES NI AA MRA'I 'BRAS BU'I RO'I BYE BRAG LUNG DU MA BSTAN PA'I DPES PHA ROL PO DAG GI GTAN TSIGS DE BZHIN GSHEGS PA MED DO ZHES LUNG DU MA BSTAN PA'I PHYIR RO ZHES BYA BA DE'I DON 'GAL BA NYID DU BSTAN TE, @184A *, ,DE'I BYUNG BA'I MTHA' NI SNGON RGYAL PO ZHIG ,GNAS BRTAN PI LIN DA'I BU'I GAN DU 'ONGS TE SMRAS PA, 'PHAGS PA 'DRI'O, ,'DI LTAR DGE SBYONG DAG NI MANG DU SMRA'O, ,GNAS BRTAN GYIS SMRAS PA, RGYAL PO CHEN PO DRIS SHIG RGYAL POS SMRAS PA, JI LTAR BDAG RTAG GAM, 'ON TE MI RTAG ,GNAS BRTAN GYIS SMRAS PA, KHO BO YANG KHYOD LA 'DRI'O, ,'DI LTAR RGYAL PO DAG NI MANG DU SMRA'O, ,RGYAL POS SMRAS PA, 'PHAGS PA DRIS SHIG DANG, GNAS BRTAN GYIS SMRAS PA, KHYOD KYI KHANG PA BRTZEGS MA'I NANG NAS SKYES PA'I SHING AA MRA'I 'BRAS BU DAG CI 'DRA, RO'I BYE BRAG CI BRO, RGYAL POS SMRAS PA, KHO BO'I KHANG PA BRTZEGS MA'I NANG NA SHING AA MRA NYID KYANG RE ZHIG MED NA 'BRAS BU DAG GI RO'I BYE BRAG LTA YOD RE SKAN, GNAS BRTAN GYIS SMRAS PA, SHING AA MRA JI LTA BAR BDAG KYANG DE LTA'O, ,RO'I BYE BRAG JI LTA BAR RTAG PA DANG MI RTAG PA YANG DE LTA'O ZHES 'BYUNG BA'I LUNG GI DPE DES, BCOM LDAN 'DAS KYIS LUNG DU MA BSTAN PA NI MED PA'I DON DU BKA' STZAL PA YIN PAS, 'DIR KHYED DE BZHIN GSHEGS PAS MED DO ZHES LUNG MA BSTAN PA'I PHYIR RO ZHES BYA BA'I GTAN TSIGS KYIS DE BZHIN GSHEGS PA LUNG DU MA BSTAN PA NYID RJES SU DPOGS PAS DE BZHIN GSHEGS PA YOD PA MA YIN PA NYID KYIS DE YOD PA NYID BSTZAL BA'I PHYIR, KHYED KYIS DAM BCAS PA LA CHOS CAN GYI NGO BO NYID DANG KHYAD PAR BSTZAL BA'I SKYON YOD PAS KHYED DE BZHIN GSHEGS PA YOD PAR 'DOD LA, GTAN TSIGS NI MED PAR SGRUB PA DON 'GAL BA NYID YIN PA DE NI RIGS PA MA YIN PAS, KHYOD KYI RTOG GE PHYI MA DES KHO BO LA GNOD PA YANG MED LA, LUNG DU MA BSTAN PA'I DNGOS PO BCU BZHIS DNGOS PO DE DAG YOD PA MA YIN PAR BSTAN PA NI KHO BO CAG GI LUNG YANG YIN PAS KHYED 'BA' ZHIG GI RANG DBANG DU RJES SU DPAG PA YANG MA YIN PAS, GNAS MA BU'I SDE PA DAG GI SGRUB PA DE YANG GYI NA'O, ,GOS DMAR SDE DAG GIS SMRAS PA, DON DAM PAR DE BZHIN GSHEGS PA NI YOD PA KHO NA YIN TE, NYE BAR LEN PAS GDAGS PAR BYA BA YIN PA'I PHYIR RO, ,'DI NA GANG YOD PA MA YIN PA DE NI NYE BAR LEN PAS GDAGS PAR BYA BA MA YIN TE, DPER NA SBRUL GYI RKANG PA BZHIN NO, ,DE @184B BZHIN GSHEGS PA NI NYE BAR LEN PAS RNAM PAR GROL BA BLA NA MED PAS RAB TU PHYE BA'I PHUNG PO'I RGYUN LA BRTEN NAS GDAGS PAR BYA BA YIN TE, DE LTAR YANG MDO SDE LAS, SANGS RGYAS ZHES BYA BA'I MTSAN 'DI NI YUM GYIS MA BTAGS, YAB KYIS MA BTAGS, LHA RNAMS KYI BAR GYIS MA BTAGS TE, 'O NA JI LTA BU ZHE NA, SANGS RGYAS BCOM LDAN 'DAS RNAMS KYI MTSAN DE NI RNAM PAR GROL BA'I MTHA' LAS BYUNG BA YIN NO ZHES BYA BA LA SOGS PA GSUNGS PAS, DE'I PHYIR DON DAM PAR DE BZHIN GSHEGS PA YOD PA KHO NA YIN NO ZHES BYA BA NI, NYAN THOS GOS DMAR SDE PA DAG NYE BAR LEN PAS GDAGS PAR BYA BA YIN PA'I PHYIR GTAN TSIGS KYIS DON DAM PAR DE BZHIN GSHEGS PA YOD PAR SGRUB PA'I TSIG YIN TE, GOS DMAR SDE ZHES BYA BA NI DE DAG GIS ZANGS MA'I GLEGS BU LA SDE SNOD GSUM YI GER BRIS PAS GOS DMAR SDE ZHES BYA'O ZHES GRAG STE, DE DAG KYANG GANG ZAG TU SMRA BA YIN PAS DE BZHIN GSHEGS PA DON DAM PAR RDZAS SU YOD PAR 'DOD DO, ,TSIG DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA SBRUL GYI RKANG PA LTA BU GANG MED PA NYE BAR LEN PAS GDAGS PAR BYA BA MA YIN PA DE NI YOD PA MA YIN GYI, DE BZHIN GSHEGS PA NI NYE BAR LEN PAS RNAM PAR GROL BA BLA NA MED PAS RAB TU PHYE BA'I PHUNG PO'I RGYUN LA BRTEN NAS GDAGS PAR BYA BA YIN PAS DON DAM PAR YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL BA BYED PA NYID KYIS 'DIR BSHAD PA, JI LTAR DON DAM PAR DE BZHIN GSHEGS PA MI 'THAD PA DE LTAR SNGAR, SKU MIN SKU LAS GZHAN MA YIN, ,DE LA SKU MED DER DE MED, ,DE BZHIN GSHEGS PA SKU LDAN MIN, , DE BZHIN GSHEGS PA GANG ZHIG YIN, ,ZHES BYA BA DES DPYAD ZIN PAS DE'I PHYIR, DE LTAR, RNAM PA LNGAS NI BTZAL BYAS NA, ,GANG ZHIG DE NYID GZHAN NYID DU, ,MED PA'I DE BZHIN GSHEGS PA DE, ,NYE BAR LEN PAS JI LTAR GDAGS, ,DON DAM PAR DE BZHIN GSHEGS PA'I NGO BO @185A *, ,NYID DU'O ZHES BYA BA LA SOGS PA SMRAS TE, DE BZHIN GSHEGS PA RNAM PA LNGAS BTZAL NA PHUNG PO RNAMS LAS DE NYID DANG GZHAN NYID DU MA GRUB PA DE NYE BAR LEN PAS DON DAM PAR DE BZHIN GSHEGS PA'I NGO BO NYID DU JI LTAR GDAGS TE GTAN TSIGS KYI DON MA GRUB PA NYID DANG 'GAL BA NYID DO ZHES STON TE, ,GDAGS PAR BYA BA NYID YOD NA NI BUM PA LA SOGS PA'I YOD PA NYID BZHIN DU DE BZHIN GSHEGS PA YANG YOD PA NYID DU 'GYUR TE, DE LTA NA NI 'DOD PA NYAMS SO ZHES BYA BAS NI KHYED NI DE BZHIN GSHEGS PA DON DAM PAR RDZAS SU YOD PAR SGRUB PA YIN NA, DE BZHIN GSHEGS PA GDAGS PAR BYA BA NYID DU YOD PA NYID YIN NA NI BUM PA LA SOGS PA BZHIN DU RDZAS SU YOD PA MA YIN PAS, DE LTA NA KHYED KYI 'DOD PA'I DON NYAMS SO ZHES BSTAN TO, ,GDAGS PAR BYA BA YIN PA'I PHYIR RO ZHES BYA BA'I GTAN TSIGS DE'I DON YANG DON DAM PAR MA GRUB PA NYID DO, ,DON 'GAL BA NYID KYANG YIN TE, BUM PA LA SOGS PA NYE BAR LEN PAS GDAGS PAR BYA BA DAG NI THA SNYAD DU YOD PA YIN PA'I PHYIR RO ZHES BYA BAS NI PHA ROL PO DAG GI GTAN TSIGS DE DON DAM PAR NI MA GRUB PA NYID YIN LA, KUN RDZOB TU NI 'GAL BA NYID YIN PAR BSTAN TO, ,GZHAN DAG GIS SMRAS PA; NYE BAR LEN PA MED PA YI, ,DE BZHIN GSHEGS PA CI YANG MED, ,CES GANG SMRAS PA DE MI RIGS TE ZHES BYA BA LA SOGS PAS NI PHA ROL PO DAG PHUNG PO NYE BAR LEN PA PO'I GANG ZAG DANG BCAS PA'I GTAN TSIGS KYIS DE BZHIN GSHEGS PA'I PHUNG PO YANG NYE BAR LEN PA PO DE BZHIN GSHEGS PA DANG BCAS PA YIN PAS, DBU MA PAS SNGAR NYE BAR LEN PA PO'I NGO BO NYID MA YIN PA'I DE BZHIN GSHEGS PA CI YANG MED DO ZHES BSHAD PA MI RUNG BA'I SGRUB PA'I TSIG STON TO, ,DE NYID BSTAN PA'I PHYIR KHO BO SMRA'O, ,DE BZHIN GSHEGS PA'I NYE BAR LEN PA NI NYE BAR LEN PA PO DANG BCAS PA NYID YIN TE, NYE BAR LEN PA YIN PA'I PHYIR RO, ,'DI NA GANG NYE BAR LEN PA PO DANG BCAS PA NYID MA YIN PA DE NI NYE BAR LEN PA MA YIN TE, DPER NA RUS SBAL GYI SPU LA SOGS PA BZHIN NO, ,DE BZHIN GSHEGS PA'I NYE BAR LEN PA'I PHUNG PO LNGA NI SANGS RGYAS KYI CHOS MA 'DRES PA LA SOGS PA ZAG PA MED PA @185B DAG GI GZHI YIN PAS DE'I PHYIR GTAN TSIGS CI SKAD SMOS PA'I MTHUS DE BZHIN GSHEGS PA'I NYE BAR LEN PA NI NYE BAR LEN PA PO DANG BCAS PA NYID YIN TE, NYE BAR LEN PA PO GANG YIN PA DE NI DE BZHIN GSHEGS PA'O, ,DE YOD PAS DPE GRUB PA'I PHYIR 'DOD PA'I DON GRUB PO ZHES BYA BA SMRAS TE, DES NI PHUNG PO'I NYE BAR LEN PA YIN PA'I GTAN TSIGS KYIS NYE BAR LEN PA PO DANG BCAS PA NYID YIN PAR SGRUB PA'I RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE 'DI NA RUS SBAL GYI SPU LTA BU GANG NYE BAR LEN PA MA YIN PA DE LA NI NYE BAR LEN PA PO SPU SOGS PAR BYED PA MED KYI, PHUNG PO RNAMS NI NYE BAR LEN PA YIN PA'I PHYIR NYE BAR LEN PA PO DANG BCAS PA YIN PAS DE BZHIN GSHEGS PA'I PHUNG PO RNAMS KYANG SANGS RGYAS KYI CHOS MA 'DRES PA LA SOGS PA CHE BA'I YON TAN ZAG PA MED PA DAG GI GZHI YIN PA'I PHYIR CHE BA'I BDAG NYID CAN DE NI DE BZHIN GSHEGS PA YIN TE, DE YOD PAS KHO BO CAG GI DPE GRUB PA'I PHYIR DNGOS PO RNAMS KYI NGO BO NYID YOD PAR 'DOD PA'I DON GRUB PO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GANG ZHIG NYE BAR BLANG BA DE, NYE BAR BLANG BAR BYA BA'O, ,DE NI NGO BO NYID LAS MED, ,NYE BAR BLANG BA'I NGO BO NYID DU YOD PA MA YIN NO ZHES BYA BA'I THA TSIG GO ZHES BYA BA SMRAS TE, DES NI PHUNG PO RNAMS NYE BAR BLANG BA'I NGO BO NYID DU YOD PA MA YIN PAS PHA ROL PO DAG GI GTAN TSIGS KYI DON MA GRUB PAR STON TO, ,DE NYID KYI 'THAD PA BSTAN PA'I PHYIR, DE LTAR YANG SNGAR NYE BAR LEN PA LA NYE BAR LEN PA'I NGO BO NYID MED DE LTOS PA DANG BCAS PA'I PHYIR, DPER NA NYE BAR LEN PA PO BZHIN NO ZHES RGYA CHER BSTAN ZIN TO ZHES BYA BA SMRAS TE, SNGAR NYE BAR BLANGS BA DANG NYE BAR LEN PA PO BRTAG PA'I SKABS SU DE SKAD BSTAN ZIN TO, ,DE'I PHYIR NYE BAR LEN PA YIN PA'I PHYIR RO ZHES BYA BA'I GTAN TSIGS DE'I DON MA GRUB PA NYID DANG DON 'GAL BA NYID DO ZHES BYA BA NI MJUG BSDU BA DANG TSAD MA'I 'BRAS BU YIN TE, PHA ROL PO DAG GI GTAN TSIGS DE DON DAM PAR NI MA GRUB PA NYID LA @186A *, ,KUN RDZOB TU NI 'GAL BA NYID DO, ,GAL TE NYE BAR LEN PA NI GZHAN GYI DNGOS PO LAS 'GRUB PAS JI SKAD SMRAS PA'I SKYON MED DO ZHE NA ZHES BYA BA NI PHA ROL PO DAG NA RE, PHUNG PO RNAMS BDAG GI DNGOS PO LAS MA GRUB KYANG RGYU RKYEN GZHAN GYI DNGOS PO LAS 'GRUB PAS KHO BO CAG GI GTAN TSIGS MA GRUB PA DANG, 'GAL BA'I SKYON NI MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG BZANG PO MA YIN NO, ,BDAG GI DNGOS LAS GANG MED PA, ,DE GZHAN DNGOS LAS YOD RE SKAN, ,NYE BAR LEN PA NI GZHAN LAS YOD PAR MI 'GYUR BA NYID DO ZHES BYA BA'I TSIG GI DON TO ZHES BYA BA SMRAS TE, DES NI PHUNG PO RNAMS NGO BO NYID KYIS MED PAS RGYU RKYEN RNAMS GZHAN DU MI 'THAD PA'I PHYIR GZHAN LAS 'GRUB PA YANG MED DO ZHES BSTAN TO, ,GZHAN LAS SKYE BA MED PA NI SNGAR BSTAN ZIN PAS YANG BSTAN MI DGOS SO ZHES BYA BAS NI DNGOS PO RNAMS GZHAN LAS SKYE BA MED PA'I 'THAD PA NI SNGAR RKYEN BRTAG PA'I SKABS SU, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES BA NAM YANG YOD MA YIN, ,ZHES BYA BA DANG 'DI NYID KYI SKABS SU YANG SNGAR, NGO BO NYID LAS GANG MED PA, ,DE GZHAN DNGOS LAS GA LA YOD; ,CES BSTAN ZIN PAS 'DIR YANG BZLAS MI DGOS SO ZHES BSTAN TO, ,DE'I PHYIR DE LTAR YONGS SU BRTAGS NA, DE LTAR NYER BLANG NYER LEN PO, ,RNAM PA KUN GYIS STONG PA YIN, ,RNAM PA KUN GYIS ZHES BYA BA NI NGO BO NYID DANG GZHAN GYI DNGOS PO DANG DE NYID DANG GZHAN NYID LA SOGS PA DAG GIS SO ZHES BYA BAS NI PHUNG PO DANG GANG ZAG NGO BO NYID MED PA NYID DU BSTAN PA'I MJUG BSDU BA BSTAN TO, ,DE'I PHYIR DON DAM PA'I DE KHO NA MTHONG BA DAG NYE BAR BLANG BA DANG NYE BAR LEN PA PO RTOGS PA DE LTA BU DES, STONG PAS DE BZHIN GSHEGS PA STONG PA, JI LTA BUR NA 'DOGS PAR 'GYUR, ZHES BYA BAS NI RNAL 'BYOR PA DON DAM PA'I DE MTHONG BA DAG PHUNG PO DANG GANG ZAG NGO BO NYID MED PA NYID DU RTOGS PA'I STONG PA DES DE BZHIN GSHEGS PA NGO BO NYID MED PA NYID KYIS STONG PA LA DON DAM PAR THA SNYAD 'DOGS SHING MNGON PA ZHEN PAR MI BYED DO ZHES BSTAN TO,, ,,BAM PO BDUN CU GCIG PA, 'DIR @186B GZHAN DAG NE RO DA LTAR DBU MA PA DAG NYE BAR BLANG BA DANG, NYE BAR LEN PA PO STONG PAS DE BZHIN GSHEGS PA STONG PA 'DOGS PAR MI BYED NA, LUNG LAS 'DI LTAR BCOM LDAN 'DAS NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS YIN TE, DE RNAMS LAS RJES SU DRAN PAR BYA'O ZHES BYA BA LA SOGS PA GSUNGS PA DAG KHAS BLANGS PA LA GNOD PAR MI 'GYUR RAM ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DBU MA SMRA BA DAG PHUNG PO LNGA LA BRTEN NAS THA SNYAD DANG RJES SU MTHUN PAR BCOM LDAN 'DAS THAMS CAD MKHYEN PA STOBS BCU DANG MA 'DRES PA DANG MI 'JIGS PA LA SOGS PA'I YON TAN GYI TSOGS BSAM GYIS MI KHYAB CING RMAD DU BYUNG BA'I 'OD ZER DAG GIS GSAL BAR GYUR PA, BKA' 'GRO BA MTHA' DAG GIS BKUR BA ZHES 'DOGS PAR BYED DE ZHES BYA BA SMRAS TE, THA SNYAD DU DE LTAR 'DOGS PAR BYED PAS LUNG DANG MI 'GAL LO ZHES BYA BAR SBYAR RO, ,DE LA BCOM LDAN 'DAS THAMS CAD MKHYEN PA STOBS BCU DANG MA 'DRES PA DANG, MI 'JIGS PA LA SOGS PA'I YON TAN GYI TSOGS BSAM GYIS MI KHYAB CING RMAD DU BYUNG BA'I 'OD ZER DAG GIS GSAL BAR GYUR PAS ZHES BYA BAS NI BCOM LDAN 'DAS KYIS BDAG GI DON PHUN SUM TSOGS PA, BLA NA MED PA BSTAN LA, BKA' 'GRO BA MTHA' DAG GIS BKUR BA ZHES BYA BA NI BCOM LDAN 'DAS KYIS GZHAN GYI DON PHUN SUM TSOGS PA BLA NA MED PA BSTAN TO, ,DE LA BCOM LDAN 'DAS ZHES BYA BA NI BDUD BZHI BCOM PA DANG LEGS PA DRUG DANG LDAN PA'I PHYIR RO, ,THAMS CAD MKHYEN PA ZHES BYA BA NI RNAM PA THAMS CAD KYI MCHOG DANG LDAN PA, THAMS CAD MKHYEN PA'I YE SHES MNGON PAR RDZOGS PAR BYANG CHUB PA'I PHYIR RO, ,STOBS BCU NI GNAS DANG, GNAS MA YIN PA MKHYEN PA'I STOBS DANG, LAS RNAM PAR SMIN PA MKHYEN PA'I STOBS DANG, MOS PA SNA TSOGS MKHYEN PA'I STOBS @187A *, ,DANG; KHAMS SNA TSOGS MKHYEN PA'I STOBS DANG, DBANG PO MCHOG DANG MCHOG MA YIN PA MKHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I KUN NAS NYON MONGS PA DANG, RNAM PAR BYANG BA DANG, LDANG BA THAMS CAD MKHYEN PA'I STOBS DANG, SNGON GYI GNAS RJES SU DRAN PA MKHYEN PA'I STOBS DANG, SHI 'PHO BA DANG SKYE BA MKHYEN PA'I STOBS DANG, ZAG PA ZAD PA MKHYEN PA'I STOBS SO, ,MA 'DRES PA ZHES BYA BA NI SANGS RGYAS KYI CHOS MA 'DRES PA BCO BRGYAD DE, DE BZHIN GSHEGS PA LA 'KHRUL PA MED PA DANG, CA CO MED PA DANG, BSNYEL BA MED PA DANG, SEMS MNYAM PAR MA BZHAG PA MED PA DANG, THA DAD PA'I 'DU SHES MED PA DANG, SO SOR MA BRTAGS PA'I BTANG SNYOMS MED PA DANG, 'DUN PA NYAMS PA MED PA DANG, BRTZON 'GRUS NYAMS PA MED PA DANG, DRAN PA NYAMS PA MED PA DANG, TING NGE 'DZIN NYAMS PA MED PA DANG, SHES RAB NYAMS PA MED PA DANG, RNAM PAR GROL BA NYAMS PA MED PA DANG, RNAM PAR GROL BA'I YE SHES GZIGS PA NYAMS PA MED PA DANG, LUS KYI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG BA DANG, NGAG GI LAS THAMS CAD YE SHES SNGON DU 'GRO ZHING YI SHES KYI RJES SU 'BRANG BA DANG, YID KYI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG BA DANG, 'DAS PA'I DUS LA MA CHAGS MA THOGS PA'I YE SHES MTHONG BA 'JUG PA DANG, MA 'ONGS PA'I DUS LA MA CHAGS MA THOGS PA'I YE SHES MTHONG BA 'JUG PA DANG, DA LTAR GYI DUS LA MCHAGS MA THOGS PA'I YE SHES MTHONG BA 'JUG PA'O, ,MI 'JIGS PA ZHES BYA BA NI DE BZHIN GSHEGS PA'I MI 'JIGS PA BZHI STE, CHOS THAMS CAD MNGON PAR RDZOGS PAR BYANG CHUB PA LA MI 'JIGS PA DANG, ZAG PA THAMS CAD ZAD PAR MKHYEN PA LA MI 'JIGS PA DANG, BAR DU GCOD PA'I CHOS RNAMS GZHAN DU MI 'GYUR BAR NGES PA'I LUNG BSTAN PA LA MI 'JIGS PA DANG, PHUN SUM TSOGS PA THAMS CAD THOB PAR 'GYUR BA NGES PAR 'GYUR BA'I LAM DE BZHIN DU 'GYUR BA LA @187B MI 'JIGS PA'O, ,STZOGS PA ZHES BYA BA'I SGRAS NI SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU DANG, RNAM PA THAMS CAD YONGS SU DAG PA BZHI DANG, MA 'DRES PA'I DRAN PA NYE BAR GZHAG PA BZHI DANG, BSRUNG BA MED PA GSUM DANG, THUGS RJE CHEN PO DANG, BSNYEL BA MI MNGA' BA'I CHOS NYID DANG, BAG CHAGS YANG DAG PAR BCOM PA DANG, RNAM PA THAMS CAD DANG, MCHOG MKHYEN PA DAG BSDU STE, DE LA SKYES BU CHEN PO'I MTSAN SUM CU RTZA GNYIS NI DBU GTZUG TOR DANG LDAN PA DANG, DBU SKRA G-YAS SU 'KHYIL BA DANG LDAN PA DANG, DPRAL BA'I DBYES MNYAM PA DANG, MDZOD SPU DANG, SPYAN MTHON MTHING LA BA'I RDZI MA LTA BU DANG, TSEMS BZHI BCU MNGA' BA DANG, TSEMS MNYAM PA DANG, TSEMS THAGS BZANG BA DANG, TSEMS SHIN TU DKAR BA DANG, RO BRO BA'I MCHOG DANG LDAN PA DANG, 'GRAM PA SENG GE'I 'DRA BA DANG, LNGAGS SHIN TU RING ZHING SRAB PA DANG, TSANGS PA'I DBYANGS DANG LDAN PA DANG, DPUNG MGO SHIN TU ZLUM PA DANG, BDUN MTHO BA DANG, THAL GONG RGYAS BA DANG, PAGS PA SRAB CING MDOG GSER 'DRA BA DANG, BZHENGS BZHIN DU MA BTUD PAR PHYAG PUS MOR SLEBS PA DANG, RO STOD SENG GE'I 'DRA BA DANG, SHING N+YA GRO DA LTAR CHU ZHENG GAB PA DANG, SPU RE RE NAS SKYES SHING G-YAS SU 'KHYIL BA DANG, SKU'I SPU GYEN DU PHYOGS PA DANG, MDOMS KYI SBA BA SBUBS SU NUB PA DANG, BRLA LEGS PAR ZLUM PA DANG, ZHABS LONG MO'I TSIGS MI MNGON PA DANG, PHYAG DANG ZHABS KYI MTHIL 'JAM ZHING GZHON SHA CHAGS PA DANG, PHYAG DANG ZHABS DRA BAS 'BREL BA DANG, SOR MO RING BA DANG, PHYAG DANG ZHABS KYI MTHIL 'KHOR LO'I MTSAN DANG LDAN PA DANG, ZHABS SHIN TU GNAS PA DANG, ZHABS KYI RTING PA YANGS PA DANG, BYIN PA RI DAGS AE NA YA'I LTA BU'O, ,DPE BYAD BZANG PO BRGYAD CU NI, SEN MO ZANGS KYI MDOG LTA BU DANG, SEN MO MDOG SNUM PA DANG, SEN MO MTHO BA DANG, SER MO RNAMS ZLUM PA DANG, SER MO RNAMS RGYAS PA DANG, SOR MO RNAMS BYIN GYIS PHRA BA DANG, RTZA MI MNGON PA DANG, RTZA MDUD MED PA DANG, , @188A *, ,LONG BU MI MNGON PA DANG, ZHABS MI MNYAM PA MED PA DANG, SENG GE'I STABS SU GSHEGS PA DANG, GLANG PO CHE'I STABS SU GSHEGS PA DANG, NGANG PA'I STABS SU GSHEGS PA DANG, KHYU MCHOG GI STABS SU GSHEGS PA DANG, G-YAS PHYOGS SU LDOG CING GSHEGS PA DANG, MDZES PAR GSHEGS PA DANG, MA YO BAR GSHEGS PA DANG, SKU 'KHRIL BAG CHAGS PA DANG, SKU BYI DOR BYAS PA LTA BU DANG, SKU RIM PAR 'TSAM PA DANG, SKU GTZANG BA DANG, SKU 'JAM PA DANG, SKU RNAM PAR DAG PA DANG, MTSAN RDZOGS PA DANG, SKU KHO LAG YANGS SHING BZANG BA DANG, GOM PA SNYOMS PA DANG, SKU SHIN TU GZHON MDOG CAN DANG, SKU ZHUM PA MED PA DANG, SKU RGYAS PA DANG, SKU SHIN TU GRIMS PA DANG, YAN LAG DANG NYING LAG SHIN TU RNAM PAR 'BYES PA DANG, GZIGS PA RAB RIB MED CING RNAM PAR DAG PA DANG, DKU ZLUM PA DANG; DKU SKABS PHYIN PA DANG, DKU MA RNYONGS BA DANG, PHYAL PHYAD DE BA DANG, LTE BA ZAB PA DANG, LTE BA G-YAS PHYOGS SU 'KHYIL BA DANG, KUN NAS MDZES PA DANG, KUN SPYOD GTZANG BA DANG, SKU LA SME BA DANG, GNAG BAG MED PA DANG, PHYAG SHING BAL LTAR SHIN TU 'JAM PA DANG, PHYAG GI RI MO MDANGS YOD PA DANG, PHYAG GI RI MO ZAB PA DANG, PHYAG GI RI MO RING BA DANG, ZHAL HA CANG YANG MI RING BA DANG, ZHAL LA GZUGS KYI GZUGS BRNYAN SNANG BA DANG, LJAGS MNYEN PA DANG, LJAGS SRAB PA DANG, LJAGS DMAR BA DANG, GLANG PO CHE'I NGA RO DANG, 'BRUG GI SPU DANG LDAN PA DANG, GSUNG SNYAN CING MA NYEN LA 'JAM PA DANG, MCHE BA ZLUM PA DANG, MCHE BA RNO BA DANG, MCHE BA DKAR BA DANG, MCHE BA MNYAM PA DANG, MCHE BA BYIN GYIS PHRA BA DANG, SHANGS MTHO BA DANG, SHANGS GTZANG BA DANG, SPYAN RNAM PAR DAG PA DANG, SPYAN YANGS PA DANG, RDZIM STUG PA DANG, SPYAN DKAR GNAG 'BYES SHING PAD MA'I 'DAB MA RANGS PA LTA BU DANG, SMIN TSUGS RING BA DANG, SMIN MA 'JAM PA DANG, SMIN MA'I SPU MNYAM PA DANG, SMIN MA SNUM PA DANG, SNYAN SHAL STUG CING RING BA DANG, SNYAN MNYAM PA DANG, SNYAN GYI DBANG PO MA NYAMS PA DANG, DPRAL BA LEGS PAR 'BYES PA DANG, DPRAL BA DBYES CHE BA DANG, DBU @188B SHIN TU RGYAS PA DANG, DBU SKRA BUNG BA LTAR GNAG PA DANG, DBU SKRA STUG PA DANG, DBU SKRA 'JAM PA DANG, DBU SKRA MI 'DZINGS PA DANG, DBU SKRA MI BSHOR BA DANG, DBU SKRA DRI ZHIM PA DANG, PHYAG DANG ZHABS DPAL BE'U DANG, BKRA SHIS DANG, G-YUNG DRUNG 'KHYIL BAS BRGYAN PA DANG, SDONG RIS DAG GO, RNAM PA THAMS CAD YONGS SU DAG PA BZHI NI GNAS YONGS SU DAG PA DANG, DMIGS PA YONGS SU DAG PA DANG, SEMS YONGS SU DAG PA DANG, YE SHES YONGS SU DAG PA'O, ,MA 'DRES PA'I DRAN PA NYE BAR GZHAG PA GSUM NI GUS PAR NYAN PA RNAMS LA SEMS SNYOMS PA DANG, GUS PAR NYAN PA DANG, GUS PAR MI NYAN PA RNAMS LA BTANG SNYOMS PA'O, ,BSRUNG BA MED PA BZHI NI DE BZHIN GSHEGS PA'I SKU'I PHRIN LAS KYI SPYOD PA YONGS SU DAG PA STE, DE BZHIN GSHEGS PA'I SKU'I PHRIN LAS YONGS SU MA DAG PA MED PA DANG, DE BZHIN GSHEGS PA'I GSUNG GI PHRIN LAS LA SPYOD PA YONGS SU DAG PA STE; DE BZHIN GSHEGS PA LA GSUNG GI PHRIN LAS YONGS SU MA DAG PA MED PA DANG, DE BZHIN GSHEGS PA'I THUGS KYI PHRIN LAS KYI SPYOD PA YONGS SU DAG PA STE, DE BZHIN GSHEGS PA LA THUGS KYI PHRIN LAS YONGS SU MA DAG PA MED PA DANG, DE BZHIN GSHEGS PA'I 'TSO BA YONGS SU DAG PA STE, DE BZHIN GSHEGS PA LA 'TSO BA YONGS SU MA DAG PA MED PA'O, ,DE BZHIN GSHEGS PA'I THUGS RJE CHEN PO NI SUM CU RTZA GNYIS TE, CHOS THAMS CAD NI BDAG MED PA DANG, CHOS THAMS CAD NI SEMS CAN MED PA DANG, CHOS THAMS CAD NI SROG MED PA DANG, CHOS THAMS CAD NI GANG ZAG MED PA DANG; CHOS THAMS CAD NI BYED PA MED PA DANG, CHOS THAMS CAD NI GNAS MED PA DANG, CHOS THAMS CAD NI GZHI MED PA DANG, CHOS THAMS CAD NI NGA YIR BYA BA MED PA DANG, CHOS THAMS CAD NI BDAG PO MED PA DANG, CHOS THAMS CAD NI DNGOS PO MED PA DANG, CHOS THAMS CAD NI MA SKYES PA DANG, CHOS THAMS CAD NI SHI 'PHOS MED CING MA SKYES PA DANG, CHOS THAMS CAD NI KUN NAS NYON MONGS PA CAN MA YIN PA DANG, CHOS THAMS CAD NI 'DOD CHAGS DANG BRAL BA DANG, CHOS THAMS CAD NI ZHE SDANG DANG BRAL BA DANG, CHOS THAMS CAD NI GTI MUG DANG BRAL BA DANG, CHOS THAMS CAD NI 'OD PA MED PA DANG, @189A *, ,CHOS THAMS CAD NI 'GRO BA MED PA DANG, CHOS THAMS CAD NI MNGON PAR 'DU BYED PA MED PA DANG, CHOS THAMS CAD NI SPROS PA MED PA DANG, CHOS THAMS CAD NI STONG PA DANG, CHOS THAMS CAD NI MTSAN MA MED PA DANG, CHOS THAMS CAD NI SMON PA MED PA YIN NA SEMS CAN RNAMS DE LTAR MA MOS PAS DE'I PHYIR SEMS CAN RNAMS LA DE BZHIN GSHEGS PA'I THUGS RJE CHEN PO SKYE BA DANG, KYE MA 'JIG RTEN GNAS PA 'DI NI PHAN TSUN RTZOD PAS YONGS SU ZIN CING GNOD SEMS KYI THAB DANG, ZHE SDANG LA ZHUGS PA DANG, 'JIG RTEN GNAS PA 'DI NI PHYIN CI LOG DANG LDAN ZHING LAM NYAM NGA BAR ZHUGS PA DANG LAM GOL BA LA GNAS PA DANG, 'JIG RTEN GNAS PA 'DI NI BRKAM ZHING 'DOD PAS ZIL GYIS NON PA STE, CHOG MI SHES SHING GZHAN GYI NOR 'PHROG PA DANG, SEMS CAN 'DI DAG NI BU DANG, SMAN DANG, KHYIM DANG, NOR DANG, 'BRUL SRED PAS KHOL BA STE, SNYING PO MED PA LA SNYING POR 'DU SHES PA DANG, SEMS CAN 'DI DAG NI MI RIGS PAS 'TSO BA STE, GCIG LA GCIG 'DRID PAR GNAS PA DANG, SEMS CAN 'DI DAG NI CHOG MI SHES PA STE, RNYED PA DANG, BKUR STI DANG, TSIGS SU BCAD PA LA SPYOD KYANG BDAG CAG NI CHOG SHES PA'O SNYAM DU 'DZIN PA DANG, SEMS CAN 'DI DAG NI KHYIM GYI GNAS SDUG BSNGAL GYI SNOD KUN NAS NYON MONGS PA CAN LA RTAG TU DGA' BAR GZIGS NAS DE'I PHYIR SEMS CAN RNAMS LA DE BZHIN GSHEGS PA'I THUGS RJE CHEN PO SKYE BA DANG, CHOS THAMS CAD NI RGYUS NYE BAR 'GRO BA STE, BSGRUB PAS NYE BAR GNAS PA'I MTSAN NYID YIN NA SEMS CAN RNAMS KYIS DE LTAR MI SHES PA DANG, SEMS CAN RNAMS NI CHAGS PA MED PA'I YE SHES DAM PA KHYAD PAR DU 'PHAGS PA'I YONGS SU MYA NGAN LAS 'DAS PA 'DI GTANG ZHING GANG 'DI NYAN THOS KYI THEG PA DANG, RANG SANGS RGYAS KYI THEG PA DMAN PA TSOL BA YIN GYIS DE DAG LA GANG 'DI SANGS RGYAS KYI YE SHES LA DMIGS PAR BYA BA'I PHYIR RGYA CHEN PO LA BLO MOS PAR BYA'O ZHES SEMS CAN RNAMS LA DE BZHIN GSHEGS PA'I THUGS RJE CHEN PO SKYE BA'O, ,BSNYEL BA MI MNGA' BA'I CHOS NYID NI RNAM PA BZHI STE, MDZAD PA THAMS CAD DANG, @189B YUL THAMS CAD DANG, MDZAD PA'I THABS THAMS CAD DANG, DUS THAMS CAD DU BSNYEL BA MI MNGA'O, ,BAG CHAGS YANG DAG PAR BCOM PA YANG RNAM PA BZHI STE, BSKYOD PA DANG, GZEGS PA DANG, GSUNG BA DANG, GNAS PA LA NYON MONGS PA MNGA' BA 'DRA BA'I KUN DU SPYOD PA MI MNGA'O, , RNAM PA THAMS CAD DANG, MCHOG MKHYEN PA NI CHOS RNAMS KYI TSOGS GSUM PO DON DANG LDAN PA DANG, DON DANG LDAN PA MA YIN PA DANG DON DANG LDAN PA YANG MA YIN DON DANG LDAN PA MA YIN PA YANG MA YIN PA RNAMS MNGON PAR RDZOGS PAR SANGS RGYAS PA STE, THA MA GNYIS MKHYEN PA NI RNAM PA THAMS CAD MKHYEN PA NYID YIN LA, DANG PO MKHYEN PA NI MCHOG MKHYEN PA YIN TE, DES NI RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES MNGON PAR RDZOGS PAR BYANG CHUB PA BSTAN TO, ,DE BZHIN GSHEGS PA'I BKA' NI DE KHO NA NYID THUGS SU CHUD PA'I DPAL GYI MGUR NAS DON DAM PA'I CHOS DANG LAM GYI CHOS DANG, BSTAN PA'I CHOS BKA' STZAL PA DAG STE, DE DAG 'GRO BA MTHA' DAG GIS MOS PA JI LTA BA BZHIN DU BKUR BA NI BSGRUB PA LA SOGS PAS MCHOD PA YIN TE, DBU MA SMRA BA DAG KUN RDZOB TU PHUNG PO LNGA LA BRTEN NAS THA SNYAD DANG RJES SU MTHUN PAR DE DAG 'DOGS PAR BYED DO, ,DE DAG 'DOGS PAR BYED PAS KHAS BLANGS PA LA GNOD PA MED PAR BSTAN PA'I PHYIR, DES NA GANG ZAG GCIG KHO NA 'BYUNG BA NA SKYE BO MANG PO LA PHAN PA DANG, SKYE BO MANG PO LA BDE BA'I PHYIR 'BYUNG NGO ZHES BYA BA LA SOGS PA DANG, DE BZHIN DU DGE BA'I BSHES GNYEN NGA LA BRTEN NAS SEMS CAN RNAMS SKYE BA'I CHOS CAN RNAMS SKYE BA'I SDUG BSNGAL LAS RNAM PAR GROL LO ZHES BYA BA LA SOGS PA DANG, DE BZHIN DU, YONGS SU SHES BYA YONGS SHES SHING, ,SPANG BAR BYA BA SPANGS PAR GYUR, ,BSGOM PAR BYA BA BSGOMS ZIN PAS, ,BZOD LDAN DE PHYIR NGA SANGS RGYAS, ,ZHES BYA BA LA SOGS PA'I LUNG KHAS BLANGS PA LA YANG GNOD PA MED DO ZHES BYA BA SMRAS SO, ,GAL TE DON DAM PAR KHAS MA BLANGS PA'I PHYIR, JI SKAD SMRAS PA'I SKYON LDOG PA MED DO ZHE NA ZHES BYA BA NI PHA ROL PO DAG NA RE DBU MA PAS PHUNG PO LNGA LA BRTEN NAS THA SNYAD DANG @190A *, ,RJES SU MTHUN PAR THAMS CAD MKHYEN PA BTAGS PA DANG, LUNG KHAS BLANGS PA DE DAG DON DAM PAR KHAS MA BLANGS PA'I PHYIR KHAS BLANGS PA LA GNOD PA'I SKYON JI SKAD SMRAS PA LDOG PA MED DE, SON GNAS SO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DON DAM PAR DE YOD PA NYID DU STON PA'I RJES SU DPAG PA MED PA'I PHYIR DANG, DE LTAR KHAS MA BLANGS PA KHO NAR 'GOG PAR BYED PA'I PHYIR SKYON MED DO ZHES BYA BA SMRAS TE, KHYED LA DON DAM PAR DE BZHIN GSHEGS PA DANG LUNG DE DAG YOD PA NYID DU STON PA'I RJES SU DPAG PA MED PA'I PHYIR DANG, KHO BOS DON DAM PAR DE BZHIN GSHEGS PA DANG, LUNG DE DAG YOD PA DE LTAR KHAS MA BLANGS PA KHO NAR 'GOG PAR BYED PA'I PHYIR KHO BO LA KHAS BLANGS PA LA GNOD PA'I SKYON MED DO, ,MU STEGS CAN NGAN PA MIG NAD NA BAS NYI MA'I DKYIL 'KHOR GYI 'OD ZER MI BZOD PA BZHIN DU STOBS BCU DRI MA MED PA'I DKYIL 'KHOR SA THAMS CAD SNANG BAR MDZAD PA'I GSUNG MA NOR BA'I 'OD ZER MI BZOD PA DAG GIS SMRAS PA ZHES BYA BA LA SOGS PAS NI, MU STEGS BYED GLANG PO'I RIGS CAN NGAN PA DPER NA MIG NAD NA BAS NYI MA'I DKYIL 'KHOR GYI 'OD ZER LA BRTAG PAR MI BZOD PA BZHIN DU DE BZHIN GSHEGS PA STOBS BCU DRI MA MED PA'I DKYIL 'KHOR SRID PA GSUM GYIS CHA DANG BCAS PA THAMS CAD SNANG BAR MDZAD PA'I GSUNG MA NOR BA'I 'OD ZER NYAN PAR MI BZOD PA, DE BZHIN GSHEGS PA THAMS CAD MKHYEN PA MA YIN PAR SMRA BA DAG , THEG PA CHEN PO DBU MA PA DE BZHIN GSHEGS PA'I GSUNG LAS SKYES PA, SHES RAB KYI PHA ROL TU PHYIN PA'I TSUL GSAL BAR BYED PA, SENG GE CANG SHES LTA BUS DE BZHIN GSHEGS PA THAMS CAD MKHYEN PA NYID DU BSGRUB PA'I RIGS PA NI LCAGS KYU LTA BUS SNA NAS GZUNG ZHING TSAR GCAD PA STON TO; ,DE'I PHYIR DE DAG NA RE DE BZHIN GSHEGS PA NI THAMS CAD MKHYEN PA MA YIN TE, MI YIN PA'I PHYIR DPER NA DE LAS GZHAN BZHIN NO, ,YANG NA DE BZHIN GSHEGS PA'I YE SHES NI THAMS CAD MKHYEN PA'I YE SHES MA YIN TE, SHES PA YIN PA'I PHYIR DPER NA SO SO'I SKYE BO'I @190B SHES PA BZHIN NO, ,YANG NA DE BZHIN GSHEGS PA'I SKU NI THAMS CAD MKHYEN PA'I YE SHES KYI GZHI MA YIN TE, LUS YIN PA'I PHYIR DPER NA SO SO'I SKYE BO'I LUS BZHIN NO ZHES ZER TE, DE DAG NI DE BZHIN GSHEGS PA PHYOGS SU BYAS PA DANG, YE SHES PHYOGS SU BYAS PA DANG, SKU PHYOGS SU BYAS TE, DE BZHIN GSHEGS PA THAMS CAD MKHYEN PA MA YIN PAR SGRUB PA'I RJES SU DPAG PA RNAM PA GSUM YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR DON DAM PA PA'I DE BZHIN GSHEGS PA THAMS CAD MKHYEN PA MA YIN NO ZHES STON NA NI MI YIN PA'I PHYIR ZHES BYA BA'I GTAN TSIGS KYI DON MA GRUB PA NYID DE, CHOS KYI SKU NI MI LA SOGS PA'I SPROS PA DANG BRAL BA'I PHYIR DANG, 'JIG RTEN LAS 'DAS PA ZAG PA MED PA'I CHOS KYI TSOGS KYANG KHAMS GSUM PAR MA GTOGS PA'I PHYIR RO ZHES BYA BA SMRAS TE, 'DIS NI PHA ROL PO DAG GIS DE BZHIN GSHEGS PA NI THAMS CAD MKHYEN PA MA YIN TE, MI YIN PA'I PHYIR DPER NA DE LAS GZHAN BZHIN NO ZHES DE BZHIN GSHEGS PA PHYOGS SU BYAS TE; THAMS CAD MKHYEN PA MA YIN PAR BSGRUB PA SUN DBYUNG ZHING, DE BZHIN GSHEGS PA THAMS CAD MKHYEN PA NYID DU BSGRUB PA STON TE, DE LA 'DIR PHA ROL PO DAG DON DAM PA PA'I DE BZHIN GSHEGS PA THAMS CAD MKHYEN PA MA YIN NO ZHES STON NA NI PHA ROL PO DAG GI GTAN TSIGS MI MA YIN PA'I PHYIR ZHES BYA BA DE'I DON MA GRUB PA NYID DE, CI'I PHYIR ZHE NA, DON DAM PA PA'I DE BZHIN GSHEGS PA NI CHOS KYI SKU YIN PAS CHOS KYI SKU DE MI LA SOGS PA'I SPROS PA DANG BRAL BA'I PHYIR, CHOS KYI SKU LA MI LA SOGS PA SEMS CAN RNAMS KYI CHOS GANG DAG YIN PA DE DAG THAMS CAD MED PA'I PHYIR DANG; DON DAM PA PA'I DE BZHIN GSHEGS PA'I 'JIG RTEN LAS 'DAS PA THAG PA MED PA'I CHOS KYI TSOGS STOBS BCU LA SOGS PA CHE BA'I YON TAN RNAMS KYANG KHAMS GSUM PAR MA GTOGS PA'I PHYIR DON DAM PA PA'I DE BZHIN GSHEGS PA MI NYID YIN PAR MA GRUB PA'I PHYIR RO, ,MI YIN @191A *, ,PA'I PHYIR ZHES BYA BA'I GTAN TSIGS KYI DON MA GRUB PA 'BA' ZHIG TU YANG MA ZAD DE, DE'I PHYIR 'DIS BYAS PA NYID LA SOGS PA'I GTAN TSIGS KYI SKYON DAG KYANG SHES PAR BYA ZHING ZHES BYA BA SMRAS TE, PHA ROL PO DAG DE BZHIN GSHEGS PA NI THAMS CAD MKHYEN PA MA YIN TE; BYAS PA NYID YIN PA'I PHYIR RO ZHES BYA BA LA SOGS PA'I GTAN TSIGS GANG DAG JI SNYED BRJOD DU ZIN KYANG DON DAM PA PA'I DE BZHIN GSHEGS PA THAMS CAD MKHYEN PA MA YIN PA'I GTAN TSIGS SU DE DAG MI RUNG STE, DPER NA SGRA NI RTAG TE MIG GI GZUNG BA YIN PA'I PHYIR RO ZHES BYA BA BZHIN DU THAMS CAD MA GRUB PA'I SKYON DAG KYANG SHES PAR BYA'O, ,MI PHAL PA LA SOGS PA'I DPE'I SKYON DAG KYANG BRJOD PAR BYA'O ZHES BYA BAS NI PHA ROL PO DAG GIS DPE MA GRUB PAR STON TE, PHA ROL PO DAG NA RE DPER NA DE LAS GZHAN BZHIN NO ZHES ZER BA'I DPE MI PHAL PA LA SOGS PA KHAS BLANGS PA DE DAG KYANG KHO BO CAG GI PHYOGS LA DON DAM PAR CHOS THAMS CAD SKYE BA MED PA'I PHYIR GANG GIS DE BZHIN GSHEGS PA THAMS CAD MKHYEN PA MA YIN PA MTSON PA'I DPER RUNG BA, MI PHAL PA LA SOGS PA THAMS CAD MKHYEN PA MA YIN PA YANG YOD PA MA YIN PAS PHA ROL PO DAG GI DPE'I CHOS CAN MA GRUB PA'I SKYON DAG KYANG BRJOD PAR BYA'O, ,DE LTAR PHA ROL PO DAG LA DON DAM PA PA'I DE BZHIN GSHEGS PA THAMS CAD MKHYEN PA MA YIN PAR SGRUB PA'I GTAN TSIGS DANG, DPE MED PAS DON DAM PA PA'I DE BZHIN GSHEGS PA THAMS CAD MKHYEN PA NYID DU GRUB PAS RNAM PA DE NYID KYIS KHO BO CAG GI 'DOD PA GRUB PO, PHA ROL PO'I SGRUB PA SUN DBYUNG BA DANG, RANG DBANG DU RJES SU DPAG PAS THAMS CAD MKHYEN PAS THAMS CAD MKHYEN PA MA YIN PAR SGRUB PA DE SUN PHYUNG BAS DE'I PHYIR KHO BO CAG GIS KHYED TSAR BCAD CING BDAG CAG RGYAL BAR BYAS SO, ,YE SHES KYI PHYOGS LA YANG RNAM PA DE NYID KYIS GTAN TSIGS DANG, DPE'I SKYON DAG DANG, DE'I GTAN TSIGS 'DZIN PA NYID DANG, DMIGS PA DANG BCAS PA NYID LA SOGS PA'I SKYON DAG KYANG BRJOD PAR BYA'O ZHES BYA BAS NI PHA ROL PO DAG GIS DE BZHIN GSHEGS PA'I YE SHES NI THAMS CAD MKHYEN PA'I YE SHES MA YIN TE, SHES PA YIN PA'I @191B PHYIR DPER NA SO SO'I SKYE BO'I SHES PA BZHIN NO ZHES YE SHES PHYOGS SU BYAS TE, THAMS CAD MKHYEN PA MA YIN PAR BSGRUB PA SUN DBYUNG ZHING, DE BZHIN GSHEGS PA'I YE SHES THAMS CAD MKHYEN PA'I YE SHES NYID YIN PAR BSGRUB PA STON TE, DE LA YANG 'DIR DON DAM PA PA'I DE BZHIN GSHEGS PA'I YE SHES THAMS CAD MKHYEN PA'I YE SHES MA YIN NO ZHES STON NA NI PHA ROL PO DAG GI GTAN TSIGS SHES PA YIN PA'I PHYIR ZHES PA DE'I DON MA GRUB PA NYID DE, CI'I PHYIR ZHE NA, 'DI LTAR DON DAM PA PA'I BDEN PA GANG LA YE SHES KYANG MI RGYU NA RNAM PAR SHES PA LTA SMOS KYANG CI DGOS PA DE LA SHES PA SKYE BA MED PAS SHES PA YIN PA'I PHYIR ZHES BYA BA'I GTAN TSIGS DE'I DON MA GRUB PA NYID YIN PA'I PHYIR RO, ,DPER NA SO SO'I SKYE BO'I SHES PA BZHIN NO ZHES SMRAS PA'I DPE DE YANG MA GRUB PA STE, CI'I PHYIR ZHE NA, 'DI LTAR DON DAM PAR SO SO'I SKYE BO'I SHES PA YANG MA SKYES PAS DPE'I CHOS CAN MA GRUB PA'I SKYON YOD PA'I PHYIR RO, SHES PA YIN PA'I PHYIR ZHES BYA BA'I GTAN TSIGS KYI DON MA GRUB PA 'BA' ZHIG TU YANG MA ZAD DE, GAL TE PHA ROL PO DAG 'DI SKAD CES DE BZHIN GSHEGS PA'I YE SHES NI THAMS CAD MKHYEN PA'I YE SHES MA YIN TE, 'DZIN PA NYID YIN PA'I PHYIR DANG, DMIGS PA DANG BCAS PA NYID YIN PA'I PHYIR RO ZHES BYA BA LA SOGS PA'I GTAN TSIGS DAG BRJOD NA DE DAG KYANG DON DAM PAR SKYE BA MED PA NYID KYIS MA GRUB PA NYID DO ZHES MA GRUB PA NYID KYI SKYON BRJOD PAR BYA'O, ,SKU'I PHYOGS LA YANG GTAN TSIGS DANG DPE'I SKYON DAG BZHIN NO ZHES BYA BAS NI PHA ROL PO DAG GIS DE BZHIN GSHEGS PA'I SKU NI THAMS CAD MKHYEN PA'I YE SHES KYI GZHI MA YIN TE, LUS YIN PA'I PHYIR DPER NA SO SO'I SKYE BO'I LUS BZHIN NO ZHES SKU PHYOGS SU BYAS TE, THAMS CAD MKHYEN PA MA YIN PAR BSGRUB PA SUN DBYUNG ZHING, DE BZHIN GSHEGS PA'I SKU THAMS CAD MKHYEN PA'I YE SHES KYI GZHI NYID YIN PAR BSGRUB PA STON TE, DE LA YANG 'DIR DON DAM PA PA'I DE BZHIN GSHEGS PA'I SKU THAMS CAD MKHYEN PA'I YE SHES KYI GZHI MA YIN NO ZHES STON NA NI PHA ROL PO DAG GI GTAN TSIGS LUS YIN PA'I PHYIR ZHES BYA BA DE'I DON MA GRUB PA NYID DE, CI'I PHYIR ZHE NA, 'DI LTAR DON DAM @192A *, ,PAR DE BZHIN GSHEGS PA NI LUS CAN MA YIN PA'I PHYIR, LUS YIN PAR MA GRUB PAS LUS YIN PA'I PHYIR ZHES BYA BA'I GTAN TSIGS KYI DON MA GRUB PA NYID YIN PA'I PHYIR RO, ,DPER NA SO SO'I SKYE BO'I LUS BZHIN NO ZHES SMRAS PA'I DPE DE YANG MA GRUB STE, CI'I PHYIR ZHE NA, 'DI LTAR DON DAM PAR SO SO'I SKYE BO'I LUS KYANG MA SKYES PAS DPE'I CHOS CAN MA GRUB PA'I SKYON YOD PA'I PHYIR RO, ,DE LTAR RE ZHIG PHA ROL PO DAG GI BSGRUB PA SUN PHYUNG BAS DON DAM PA PA'I DE BZHIN GSHEGS PA THAMS CAD MKHYEN PA NYID DU GRUB PO, ,'DIR GAL TE PHA ROL PO DAG 'DI SKAD CES DON DAM PA PA'I DE BZHIN GSHEGS PA LA MI NYID DANG SMRA BA PO NYID MA GRUB PAS DE THAMS CAD MKHYEN PA NYID YIN DU ZIN KYANG THA SNYAD PA'I DE BZHIN GSHEGS PA ZAS GTZANG GI RIGS SU SKYES PA 'DI LA MI NYID DANG SMRA BA PO NYID GRUB PAS, DE THAMS CAD MKHYEN PA MA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, THAMS CAD MKHYEN PA MA YIN NO ZHES DAM BCAS PA DE'I DON KYANG RE ZHIG GANG YIN, CI THAMS CAD NI MI MKHYEN LA, CHUNG ZAD MKHYEN PA YIN NAM, 'ON TE CHUNG ZAD KYANG MI MKHYEN PA YIN NAM ZHES BRTAG PA GNYIS SMRAS SO; ,DE LA GAL TE BRTAG PA SNGA MA LTAR 'DOD NA NI NGES CI ZHIG MI MKHYEN PAR 'DOD CES 'DRI BAR BYA STE, PHA ROL PO DAG THAMS CAD MKHYEN PA MA YIN PA ZHES BYA BA DE THAMS CAD NI MI MKHYEN LA, CHUNG ZAD MKHYEN PA YIN PAR 'DOD NA DES THAMS CAD CI ZHIG MI MKHYEN PAR 'DOD CES DRI BAR BYA'O; ,DE SKAD CES DRIS PA NA, DE DAG NA RE, GAL TE DBANG PO LAS 'DAS PA'O ZHE NA ZHES BYA BAS DE MI MKHYEN TO ZHE NA'O, ,DE'I LAN DU DES DBANG PO LAS 'DAS PA YANG MKHYEN PAR BSGRUB PA'I RJES SU DPAG PA BSTAN PA'I PHYIR, DES DE MKHYEN TE, SHES BYA YIN PA'I PHYIR NYID KYI PHYAG MTHIL DU NOR BU DRI MA MED PA LA SOGS PA BZHAG PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA THAMS CAD MKHYEN PA NYID KYI PHYAG MTHIL DU SHEL SGONG DRI MA MED PA LA SOGS PA @192B BZHAG PA NI SHES BYA YIN PA'I PHYIR DE MKHYEN PA DE BZHIN DU DBANG PO LAS 'DAS PA DAG KYANG SHES BYA YIN PA'I PHYIR DES MKHYEN TO, ,DBANG PO LAS 'DAS MA DAG KYANG GANG ZHE NA, 'DI LTA STE PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DANG, MI SDUG PA DANG, DBUGS DBYUNG BA DANG, RNGUB PA DRAN PA DANG, DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA DANG, RTEN CING 'BREL PAR 'BYUNG BA DANG, RNAM PAR THAR PA'I SGO GSUM DANG, RIG PA GSUM DANG, 'PHAGS PA'I BDEN PA BZHI DANG, 'PHAGS PA'I RIGS BZHI STE, DE DAG LA SOGS PA DBANG PO LAS 'DAS PA'I CHOS RNAMS BCOM LDAN 'DAS KYIS MKHYEN TE, SHES BYA YIN PA'I PHYIR LAG MTHIL DU NOR BU DRI MA MED PA BZHAG PA BZHIN PAS DE LTAR RANG DBANG DU RJES SU DPAG PA'I STOBS KYIS BCOM LDAN 'DAS THAMS CAD MKHYEN PA NYID DU GRUB PO, ,YANG NA BCOM LDAN 'DAS KYIS NGA NI THAMS CAD MKHYEN PA'O ZHES GANG GSUNGS PA'I THAMS CAD MKHYEN PA NYID CES BYA BA'I SGRA DE'I BRJOD PAR BYA BA'I DON THAMS CAD MKHYEN PA NYID CES BYA BA NI YOD DE DE GSUNGS PA'I PHYIR DE'I TSIG BZHIN PAS DE'I PHYIR THAMS CAD MKHYEN PA NYID KYI DON KYANG THAMS CAD MKHYEN PA NYID SGRA BZHIN DU YOD PAR 'GYUR RO, ,'ON TE BRTAG PA PHYI MA LTAR 'DOD NA NI PHYOGS SNGA MA LA GNOD PA DANG, GRAGS PAS GNOD DE ZHES BYA BA NI 'ON TE PHA ROL PO DAG GIS DAM BCAS PA'I DE'I DON CUNG ZAD KYANG MI MKHYEN PA YIN NA NI DE LTA NA PHYOGS SNGA MA LA GNOD PA DANG GRAGS PAS GNOD PAR 'GYUR BAS MI RUNG NGO, ,JI LTAR PHYOGS SNGA MA LA GNOD PAR 'GYUR ZHE NA, DE NI MI YIN PA'I PHYIR ZHES KHAS BLANGS PA'I PHYIR DANG ZHES BYA BA SMRAS TE, SNGAR PHA ROL PO DAG GIS DE BZHIN GSHEGS PA NI THAMS CAD MKHYEN PA MA YIN TE, MI YIN PA'I PHYIR DPER NA DE LAS GZHAN BZHIN NO ZHES KHAS BLANGS PA'I PHYIR MI YIN NO ZHES SNGAR KHAS BLANGS PA'I PHYOGS LA DA 'DIR CHUNG ZAD KYANG MI MKHYEN PA NYID DO ZHES DAM BCAS PAS GNOD @193A *, ,PAR 'GYUR TE, MI YIN NA NI CHUNG ZAD KYANG MI SHES PA'I CHOS MED PA'I PHYIR DAM BCAS PA DE'I DON 'GAL BAS MA GRUB PO, ,JI LTAR GRAGS PAS GNOD PAR 'GYUR ZHE NA, SO SO'I SKYE BO LA SOGS PA'I DPE DAG 'JIG RTEN LA GRAGS PAS MI RUNG STE, DE DAG GIS KYANG YUL 'GA' ZHIG SHES PA'I PHYIR RO ZHES BYA BA SMRAS TE, SNGAR PHA ROL PO DAG GIS DE BZHIN GSHEGS PA NI THAMS CAD MKHYEN PA MA YIN TE, MI MA YIN PA'I PHYIR DPER NA DE LAS GZHAN BZHIN NO ZHES SMRAS PA DE CHUD ZAD KYANG MI MKHYEN PA'I DPE SO SO'I SKYE BO LA SOGS PA SHES PA CAN DAG LAS BLANGS PA DE 'JIG RTEN LA GRAGS PA DANG 'GAL TE, 'DI LTAR 'DI NA DUD 'GRO ZAS DANG, GNAS DANG, NYAL BA DANG, 'KHRIG PA'I 'DU SHES BZHI PA DAG GIS KYANG DE DAG TZAM SHES NA MI LA SOGS PA GZHAN GYIS YUL 'GA' ZHIG SHES PA LTA SMOS KYANG CI DGOS TE, DE'I PHYIR DAM BCAS PA DE 'JIG RTEN LA GRAGS PA DANG 'GAL BA'I GNOD PA YOD PA'I PHYIR YANG MA GRUB PO, ,GZHAN YANG PHA ROL PO DAG NA RE THA SNYAD PA'I DE BZHIN GSHEGS PA ZAS GTZANG GI RIGS SU SKYES PA 'DI LA MI NYID DANG, SMRA BA PO NYID GRUB PAS DE THAMS CAD MKHEN PA NYID MA YIN NO ZHES BYA BA'I TSIG DE YANG MI 'GRUB STE, 'DI LTAR DAM PA'I CHOS PA DA MA DKAR PO'I MDO LAS, BCOM LDAN 'DAS KYI ZHAL SNGA NAS, BSKAL PA GRANGS MED PA'I SNGA ROL NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES 'BYUNG BAS THA SNYAD KYI SGO NAS KYANG RNAM PAR DAG PA'I LHA NYID YIN PAS MI NYID MA YIN PA'I PHYIR MI NYID DU YANG MA GRUB LA, DE BZHIN GSHEGS PA'I GSANG BA BSTAN PA'I MDO LAS, ZHI BA'I BLO GROS DE BZHIN GSHEGS PA GANG GI NUB MO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA NAS GANG GI NUB MO PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS BA'I BAR DU DE BZHIN GSHEGS PAS THA NA YI GE GCIG TZAM YANG MA GSUNGS SO, ,DE CI'I PHYIR ZHE NA, ZHI BA'I BLO GROS DE BZHIN GSHEGS PA NI RTAG TU MNYAM PAR GZHAG PA @193B STE; DBUGS 'BYUNG BAR YANG MI MDZAD, DBUGS RDUB PAR YANG MI MDZAD, RNAM BAR RTOG PAR YANG MI MDZAD, RNAM PAR DPYOD PAR YANG MI MDZAD PA'I PHYIR TE, 'DI LTAR SNGON GYI SMON LAM GYI DBANG GI SHUGS KYIS, LHUN GYIS GRUB PAS SEMS CAN RNAMS KYI BSAM PA TSIM BAR BYED PA'I GSUNG YANG 'BYUNG LA, THEG PA GSUM RNAM PAR GZHAG PA YANG STON TO ZHES 'BYUNG BAS THA SNYAD KYI SGO NAS KYANG GSUNG BRJOD PA MI MNGA' BAS SMRA BA PO NYID MA YIN PA'I PHYIR SMRA BA PO NYID DU MA GRUB PAS, DE'I PHYIR KHO BO CAG LA NI KHAS BLANGS PA LA GNOD PA YANG MED DO, ,JI STE GZHAN DAG GIS 'DAS PA DANG MA 'ONGS PA DANG DA LTAR DU GTOGS PA DANG, MA GTOGS PA DAG JI LTAR SHES PA DE LTAR BCOM LDAN 'DAS KYIS MI MKHYEN TO ZHE NA NI GRUB PA LA SGRUB PA YIN TE, DE DAG GIS LOG PA'I SHES PAS SHES BYA LOG PAR SHES PA'I PHYIR RO ZHES BYA BA NI JI STE PHA ROL PO DAG 'DI SKAD CES LHA CHEN PO DANG, KHYAB 'JUG DANG, RKANG MIG DANG, 'PHEL BA DANG, SER SKYA DANG, GZEGS ZAN LA SOGS PA DAG GIS DUS GSUM GYI KHONGS SU GTOGS PA DANG MA GTOGS PA'I DNGOS PO DAG JI LTAR SHES PA DE LTAR BCOM LDAN 'DAS KYIS MI MKHYEN PAS THAMS CAD MKHYEN PA NYID MA YIN NO ZHE NA NI GRUB PA LA SGRUB PA YIN, LHA CHEN PO LA SOGS PA DE DAG GIS LOG PA'I SHES PAS SHES BYA JI SNYED YOD PA NYID DANG, JI LTA BA BZHIN DU YOD PA NYID LOG PAR SHES PA DE LTAR BCOM LDAN 'DAS SO SO YANG DAG PAR RIG PA'I MKHYEN PAR KHO BO CAG GI GZHUNG LA YANG GRUB PA'I PHYIR DE YANG RIGS PA MA YIN NO, ,JI STE MKHYEN PA MA YIN NO ZHES BYA BA NGAN PA MKHYEN PA'O ZHE NA NI KHO BO CAG GI STON PA THAMS CAD SHES PA'O ZHES SGRUB PA RNAMS KYI RANG GI STON PA DAG GI GTAN TSIGS THAMS CAD MA NGES PA NYID DO ZHES BYA BA NI JI STE PHA ROL PO DAG 'DI SKAD CES THAMS CAD MKHYEN PA MA YIN NO ZHES BYA BA RGYU MED PA DANG; MI MTHUN PA'I RGYU DANG, RTAG PA DANG CHAD PAR LTA BA LA SOGS PA NGAN PA DAG MKHYEN PA'I PHYIR RO ZHE NA NI GTAN TSIGS MA NGES PA NYID DE, 'DI NA MU STEGS CAN DAG KHO BO CAG GI STON PA RDZOGS BYED LA SOGS THAMS CAD SHES PA'O ZHES BSGRUB PA RNAMS KYI RANG GI STON PA RDZOGS BYED LA @194A *, ,SOGS PA DAG RGYU MED PA DANG, MI MTHUN PA'I RGYU DANG, RTAG PA DANG, CHAD PAR LTA BA LA SOGS PA NGAN PA DAG SHES PAS THAMS CAD MKHYEN PA MA YIN PAR MTHONG BAS DES NA JI RE ZHIG NGAN PA MKHYEN PAS DE BZHIN GSHEGS PA THAMS CAD MKHYEN PA MA YIN PAR 'GYUR RAM; 'ON TE NGAN PAR SHES PAS RDZOGS BYED LA SOGS PA DAG THAMS CAD SHES PA MA YIN PAR 'GYUR BA'I GTAN TSIGS THAMS CAD MA NGES PA NYID YIN PAS DE YANG GYI NA'O, ,DPYOD PA CAN DAG GI NI RGYAL DPOG LA SOGS PA DAG GIS MA NGES PA NYID DE ZHES BYA BA LA SOGS PAS NI MU STEGS DPYOD BA CAN RIG BYED KYI MTHA' GSANG BA SRA BA DAG GI GZHUNG LAS 'JIG RTEN NA THAMS CAD MKHYEN PA ZHES BYA BA NI 'GA' YANG MED DE, RIG BYED 'BA' ZHIG YONG GI RTAG PA BYED PA PO GZHAN MED PA THAMS CAD MKHYEN PA MA YIN PAS SHES PA CAN GZHAN NI KHA CIG NI YANG DAG PA'I SHES PA CAN YIN, KHA CIG NI LOG PA'I SHES PA CAN YIN PAR ZAD KYI, THAMS CAD MKHYEN PA GZHAN 'GA' YANG MED PAS DE BZHIN GSHEGS PA YANG THAMS CAD MKHYEN PA MA YIN NO ZHES ZER TE, DE DAG GI GZHUNG DE YANG 'DI NA DPYOD PA CAN DAG NYID KYI STON PA RGYAL DPOG LA SOGS PA DAG KYANG RIGS BYED KYI MTHA' SMRA BAR ZAD KYI, RANG NYID THAMS CAD MKHYEN PA MA YIN PAR MTHONG BAS DES NA JI RE ZHIG RIG BYED THAMS CAD MKHYEN PA MA YIN PA'I PHYIR DE BZHIN GSHEGS PA THAMS CAD MKHYEN PA MA YIN PAR 'GYUR RAM, 'ON TE RGYAL DPOG LA SOGS PA THAMS CAD MKHYEN PA MA YIN PAR 'GYUR BA MA NGES PA NYID YIN PAS DES KYANG GZHUNG MI TSUGS SO ZHES STON TO, ,DE'I PHYIR DE DAG LA BRGAL ZHING BRTAG PA BSTAN PA'I PHYIR, RE ZHIG RAB RIB KYIS ZIL GYIS NON PA DE DAG LA, 'DI SKAD CES DRI BAR BYA STE, GANG GIS ZHES BYA BA GANG GI NGO BO NYID SHES PA DE YANG DAG PA'I SHES PA DANG LDAN PAR BRJOD PAR BYA'O ZHES BYA BA SMRAS TE, KHYED NA RE RIG BYED 'BA' ZHIG YONG GI RTAG PA BYED PA PO GZHAN MED LA, THAMS CAD MKHYEN PA YIN PAS SHES PA CAN GZHAN NI KHA CIG NI YANG DAG PA'I SHES PA CAN YIN, KHA CIG NI LOG PA'I SHES PA CAN YIN PAR ZAD KYI, THAMS @194B CAD MKHYEN PA GZHAN 'GA' YANG MED PAS DE BZHIN GSHEGS PA YANG THAMS CAD MKHYEN PA MA YIN NO ZHES ZER NA, 'O NA SHES PA CAN GZHAN DAG LAS GANG GIS ZHES BYA BA, GANG GI NGO BO NYID SHES PA DE YANG DAG PA'I SHES PA DANG LDAN PAR BRJOD PA SMROS SHIG CES DRI BAR BYA'O, ,DE SKAD CES DRIS PAN; DE DAG GA LA TE 'DI SKAD CES 'DI'I NGO BO NYID NI 'DI 'O ZHES DE DAG GRUB PA'I MTHA' YONGS SU BZUNG STE SMRA NA ZHES BYA BA NI DE SKAD CES DRIS PA NA, DE DAG 'DI SKAD CES KHO BO CAG GI STON PA RGYAL DPOG LA SOGS PA 'DI'I NGO BO NYID NI YANG DAG PA'I SHES PA DANG LDAN PA 'DI YON NO, ,KHYED KYI STON PA DE BZHIN GSHEGS PA 'DI'I NGO BO NYID NI LOG PA'I SHES PA DANG LDAN PA 'DI YIN NO ZHES DE DAG RANG GI GRUB PA'I MTHA' YONGS SU BZUNG STE SMRA NA 'O, ,DE DAG DE SKAD SMRA NA, 'GREL PA BYED BAS DE DAG LA, DGAG PA SKABS JI LTAR GSUNGS PA DAG RGYA CHER BRJOD PAR BYA'O ZHES BYA BA SMRAS TE, 'DI MA RGYAL DPOG LA SOGS PA DANG SO SO'I SKYE BO GZHAN DAG KYANG RIG BYED MA YIN PAS LOG PA'I SHES PA DANG LDAN PAR MTHONG BAS DES NA JI RE ZHIG DE BZHIN GSHEGS PA RIG BYED MA YIN PAS SO SO'I SKYE BO GZHAN DAG BZHIN DU LOG PA'I SHES PA DANG LDAN PAR 'GYUR RAM, 'ON TE RGYAL DPOG LA SOGS PA DAG RIG BYED MA YIN PAS SO SO'I SKYE BO GZHAN DAG BZHIN DU LOG PA'I SHES PA DANG LDAN PAR 'GYUR BAM NGES PAS DE BZHIN GSHEGS PA LOG PA'I SHES PA DANG LDAN PAR MA GRUB PO ZHES BYA BA DANG, RIG BYED NYID LAS GANG ZHIG GLANG PO CHE THAL KAR MCHE BA DRUG DANG LDAN PAR SBRUL TE, YUM GYI LHUMS SU ZHUGS SHING 'KHRUNGS NAS SHES BYA'I RGYA MTSO THAMS CAD 'THUNG BA DE NI 'JIG RTEN NA THAMS CAD MKHYEN BA NYID YIN NO ZHES 'BYUNG BA DE ZLA GZHAN MED PAS DE BZHIN GSHEGS PA NYID THAMS CAD MKHYEN PA NYID YIN PAR NGES PA'I GTAN TSIGS DAG RGYA CHER BRJOD PAR BYA STE, DES NA THAMS CAD MKHYEN PA GRUB PO, ,GANG DAG MKHAS PAR RLOM PAS 'KHRUL PA DAG GIS SMRAS PA, DE BZHIN GSHEGS PA NI THAMS CAD MKHYEN PA MA YIN TE, LUNG DU MA BSTAN PA'I DNGOS PO LUNG MA BSTAN PA'I PHYIR DANG, MDZES LDAN MA GSOD PA MA SPRAN PA'I PHYIR @195A *, ,DANG; BRA MA ZE'I BU MO DREGS MAS SKUR PA BTAB PA'I PHYIR DANG, GRONG KHYER DMAR CAN GYI BU 'JIG PA MA NGES PA'I PHYIR DANG, 'KHOR BA'I SDON NA GYI MTHA' MI MNGON ZHES RANG NYID MI SHES PAR KHAS BLANGS PA'I PHYIR DANG, LHAS BYIN RAB TU BYUNG BA LA SOGS PA DAG GI PHYIR DPER NA MI PHAL BA BZHIN NO ZHES BYA BA NI MU STEGS CAN GANG DAG THAMS CAD SHES PA MA YIN PAR THAMS CAD SHES PAR MNGON PA'I NGA RGYAL CAN BDAG NYID KYANG 'KHRUL PAS PHUNG BAR BYED LA GZHAN DAG KYANG LA MA LOG PAS GTONG BA DAG DE BZHIN GSHEGS PA THAMS CAD MKHYEN PA MA YIN PAR SGRUB PA'I RJES SU DPAG PA GZHAN YIN TE, DE DAG KYANG CHOS CAN DANG, SGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN SBYAR TE, DPER NA MI PHAL BAS NI LUNG DU MA BSTAN PA'I DNGOS PO LUNG STON PA DANG, MDZES LDAN MA GSOD BDAG PRON PA DANG, DREGS MA'I SKUR PA ZLOG PA DANG, DMAR CAN GYI BU JIM 'JIG PA DANG, 'KHOR BA'I MTHA' STON PA DANG, LHAS BYIN RAB TU PHYUNG BA BZLOG PA LA SOGS PA MI SHES PAS THAMS CAD MKHYEN PA MA YIN PA DE BZHIN DU DE BZHIN GSHEGS PAS KYANG DE DAG MI MKHYEN PAS THAMS CAD MKHYEN PA MA YIN NO, ,DE LA LUNG DI MA BSTAN PA'I DNGOS PO LUNG MA BSTAN PA ZHES BYA BA NI LUNG DU MA BSTAN PA'I DNGOS PO BCU BZHI PO 'DI LTA STE, 'JIG RTEN RTAG PA DANG 'JIG RTEN MI RTAG PA DANG, RTAG KYANG RTAG LA MI RTAG PA DANG RTAG PA YANG MA YIN, MI RTAG PA YANG MA YIN PA DANG, 'JIG RTEN MTHA' YOD PA DANG, 'JIG RTEN MTHA' YOD PA MA YIN PA DANG, MTHA' YOD KYANG YOD LA, MTHA' MED KYANG MED PA DANG, MTHA' YOD PA YANG MA YIN, MTHA' MED PA YANG MA YIN PA DANG, DE BZHIN GSHEGS PA MYA NGAN LA MA 'DAS NAS YOD PA DANG, DE BZHIN GSHEGS PA MYA NGAN LAS 'DAS NAS MED PA DANG, DE BZHIN GSHEGS PA MYA NGAN LAS 'DAS NA YOD KYANG YOD LA MED KYANG MED PA DANG, DE BZHIN GSHEGS PA MYA NGAN LAS 'DAS NA YOD PA 'ANG MA YIN, MED PA'ANG MA YIN PA DANG, SROG DE LUS DE YIN PA DANG, SROG KYANG GZHAN ZHES BYA BAR LUNG DU MA BSTAN PA DE @195B DAG DE BZHIN GSHEGS PAS KYANG LUNG MA BSTAN PA'I PHYIR RO, ,MDZES LDAN MA GSOD PA MA SPRAN PA ZHES BYA BA NI BRAM ZE RNAMS KYIS BCOM LDAN 'DAS LA SKUR PA GAD BA PA'I PHYIR SH'AKYA'I BU MO MDZES LDAN MA BSAD DE, BCOM LDAN 'DAS KYI 'CHAG SAR BOR BDE BZHIN GSHEGS PAS SNGAR MA SPRAN PA'I PHYIR RO, ,BRAM ZE'I BU MO DREGS MAS SKUR PA BTAB PA ZHES BYA BA NI DES BCOM LDAN 'DAS LA SKUR PA GAD BA PA'I PHYIR SHING GI GZHONG BU LTO BAR GLAN ? TE G-YOGS NA SKYE BO PHAL PO CHE'I MDUN DU, DGE SBYONG GOO TA MAS BDAG SBRUM PAR BYAS SO ZHES ZER BA DE BZHIN GSHEGS PAS MA BZLOG PA'I PHYIR RO, ,GRONG KHYER DMAR CAN GYI BU 'JIG PA MA NGES PA ZHES BYA BA NI, BCOM LDAN 'DAS KYI GRONG KHYER DE CHU 'AM MES 'JIG GO ZHES GSUNGS PAS GTAN LA BAB PAR CHU 'AM ME GANG GIS 'JIG PA NGES PAR MA BSTAN PA'I PHYIR RO, ,'KHOR BA'I SNGON GYI MTHA' MI MNGON NO ZHES RANG NYID MI SHES PAR KHAS BLANGS PA ZHES BYA BA NI GZHAN DAG GIS 'KHOR BA'I SNGON GYI MTHA' MNGON NA MA ZHES ZHUS PA NA, BCOM LDAN 'DAS KYIS MI MNGON NO ZHES GSUNGS PAS RANG NYID MI SHES PAR KHAS BLANGS PA'I PHYIR RO, ,LHAS BYIN RAB TU BYUNG BA ZHES BYA BA NI DE RAB TU PHYUNG NA, DE DAG DGE 'DUN GYI DBYEN BYED PAR 'GYUR BAR MI MKHYEN NAS DE RAB TU BYUNG BA'I PHYIR DE BZHIN GSHEGS PA THAMS CAD MKHYEN PA MA YIN NO, ,STZOGS PA'I SGRAS NI PHA ROL PO DAG DE BZHIN GSHEGS PA THAMS CAD MKHYEN PA MA YIN PAR SGRUB PA'I GTAN TSIGS 'DI SKAD ZER PA DAG BSDU STE, SHES BYA MTHA' YAS KUN SHES MIN, ,SHES BYED GZHAN YOD THUG PA MED, ,GCIG GIS RGYU DANG MI RGYU BA, ,THAMS CAD SHES PAR BYAR MI NUS, ,SBYOR BA DMIGS SU MED PA'I PHYIR, ,BSTAN BCOS KUN SHES GA LA YIN, ,RIG BYED DAG NI THAMS CAD KYI, ,GLOG PA GANG DAG MI SRID PHYIR, ,'JIG RTEN DAG NA MI RNAMS DANG, ,MU STEGS BYED LA'ANG KUN MKHYEN MED, ,'DOD CHAGS ZHE SDANG SKYE BA'AM, ,GAL TE MI SHES KUN RIG MIN, ,MA 'ONGS PA DAG MI SHES PHYIR, ,KUN RIG MED PA KHO NAR SEMS, ,GANG PHYIR KUN MKHYEN SUN 'BYIN PA, ,KHO BO @196A *, ,NYID KYANG SHES MA GYUR, ,RDO SGYOGS 'PHEN PAR BYED PA YI, ,LHAS BYIN BSDUS PAR GYUR PHYIR DANG, ,GLANG PO'I DBANG PO 'ONG BA YI, ,MA 'ONGS PA DAG SHES MA GYUR, ,SKUR 'DEBS MDZES LDAN GSOD PA DANG, ,CI YI PHYIR NA BSTAN MA GYUR, ,GANG PHYIR DANG PO NYID NAS NI, , DGE SLONG BA SRUNG BA MA BYAS PHYIR, ,BDUD KYI LAS NI MI SHES PAS, ,S'A LA'I GRONG DU ZHUGS PA DANG, ,BRAM ZE BRJOD PAR GYUR NAS NI, ,NAS RUL BYIN PA ZOS PAR GYUR, ,BSLAB GZHI 'CHA' BA'I SNGA ROL DU, ,LTUNG BA RNAM PAR GZHAG PA DAG ,CI YI PHYIR NA BYAS MA GYUR, ,DE PHYIR MA 'ONGS SHES PA MIN, ,NA TSOD DANG NI RIGS DANG RUS, ,TSUL KHRIMS YOD TAN LDAN PA DANG, ,THOS DANG SHES DANG 'BRAS BU YIS, ,PHYUG PA'I RKANG LA PHYAG BYAR RIGS, ,GANG LA YID GNYIS SKYE BA YI, ,CHOS DE SU ZHIG SMRA BAR 'DOD, ,SEMS CAN SKAL LDAN MI SHES SHING, ,DA LTAR BYUNG BA'ANG MI SHES PHYIR,, LNGA BA DANG NI BZANG SDE'I TSOGS, ,DA LTAR GA LA 'KHOD CES 'DRI, ,LHA RNAMS KYIS NI SPRAN PA'I PHYIR, ,DA LTAR BYUNG BA SHES MA GYUR, ,GANG PHYIR RE NGAS BYED SGYU RTZAL SHES, ,SHI BDAG KYANG LHAS BSTAN PA, ,DE PHYIR 'DAS PA MI SHES PAS, ,DES NA THAMS CAD MKHYEN PA MIN, ,GRONG KHYER 'JIG PAR 'GYUR BA NI, ,ME 'AM CHUS NI MA NGES PAS, ,THE TSOM CAN GYI TSIG CAN NI, ,KUN MKHYEN MIN PAR GSAL BAR SHES, ,THAMS CAD MKHYEN PA YIN GYUR NA, ,GZHAN LA 'DRI BA MI RIGS GRANG, ,DES NI DGE SLONG TSOGS RNAMS LA, ,DA LTAR CI SMRAS 'KHOD CES DRI, ,MU STEGS 'DI DAG NGO TSA MED, ,NGA NI LUS CAN MCHOG YIN ZHES, ,BDAG STOD GZHAN LA SMOD BYED PA, ,JI LTAR KUN MKHYEN YIN PAR 'DOD, ,NGAS NI SNGON BYUNG MA YIN PA'I, ,'PHAGS LAM SNYING PO THOB GYUR CES, ,SNGA PHYI 'GAL BA'I TSIG SMRA BA, ,JI LTAR THAMS CAD MKHYEN PAR RIGS, ,ZHES BYA BA DAG KYANG GTAN TSIGS YIN TE; DE'I PHYIR DE BZHIN GSHEGS PA THAMS CAD MKHYEN PA MA YI NO ZHES ZER RO, ,DE SKAD CES ZER BA'I LAN DU 'DIR 'GREL BA BYED PA NYID KYIS, DE DAG GI YANG DAM BCAS PA'I DON RNAM PAR BRTAGS NAS, SKYON JI SKAD BSTAN PA DAG NYID BRJOD PAR BYA ZHING GTAN TSIGS DANG DBE'I SKYON @196B DAG CI RIGS PAR BRJOD PAR BYA'O ZHES BYA BA SMRAS TE, 'DIR RGOL BA DE DAG GIS SGRUB PA SUN DBYUNG ZHING DE BZHIN GSHEGS PA THAMS CAD MKHYEN PA MA YIN PA NYID DU BSGRUB PA YANG BA ROL PO DAG GI DAM BCAS PA'I DON DAM PAR BRTAGS NAS, SPYON SNGAR JI SKAD BSTAN PA DAG NYID BRJOD PAR BYA ZHING GTAN TSIGS DANG DBE'I SKYON DAG CI RIGS PAR BYA'O, ,'DI SKAD BSTAN TE, DE LA 'DIR DON DAM PA PA'I DE BZHIN GSHEGS PA THAMS CAD MKHYEN PA MA YIN NO ZHES STON NA NI LUNG DU MA BSTAN PA'I DNGOS PO LUNG DU MA BSTAN PA'I PHYIR DANG, MDZES LDAN MA GSOD PAR MA SPRAN PA'I PHYIR DANG, BRAM ZE'I BU MO DREGS MAS SKUR PA BTAB PA'I PHYIR DANG, GRONG KHYER DMAR CAN GYI BU 'JIG PA MA NGES PA'I PHYIR DANG, 'KHOR BA'I SNGON GYI MTHA' MI MNGON ZHES RANG NYID MI SHES PAR KHAS BLANGS PA'I PHYIR DANG, LHAS BYIN RAB TU PHYUNG BA DANG, SHES BYA MTHA' YAS KUN MKHYEN MIN, ,SHES BYED GZHAN YOD THUG PA MED; ,GCIG GIS RGYU DANG MI RGYU BA, ,THAMS CAD SHES PAR BYAR MI NUS, ,ZHES BYA BA LA SOGS PA'I GTAN TSIGS KYI DON MA GRUB PA NYID DE, CI'I PHYIR ZHE NA, 'DI LTAR DON DAM PAR LUNG DU MA BSTAN PA'I DNGOS PO LA SOGS PA DE DAG MA SKYES PA'I PHYIR RO, ,DPER NA MI PHAL PA BZHIN NO ZHES BYA BA SMRAS PA'I DPE YANG MA GRUB STE, CI'I PHYIR ZHE NA, 'DI LTAR DON DAM PAR MI PHAL BA YANG MA SKYES PAS DBE'I CHOS CAN MA GRUB PA'I SKYON YOD PA'I PHYIR RO, ,'ON TE 'DIR THA SNYAD PA'I DE BZHIN GSHEGS PA THAMS CAD MKHYEN PA MA YIN NO ZHES STON NA NI THAMS CAD MKHYEN PA MA YIN NO ZHES DAM BCAS PA DE'I DON KYANG RE ZHIG GANG YIN, CI THAMS CAD NI MI MKHYEN LA, CUNG ZAD MKHYEN PA YIN NAM, 'ON TE CUNG ZAD KYANG MI MKHYEN PA YIN, DE LA GAL TE BRTAG PA SNGA MA LTAR 'DOD NA NI DES CI ZHIG MI MKHYEN PAR 'DOD, GAL TE DBANG PO LAS 'DAS PA'O ZHEN, DES DA MKHYEN TE, SHES BYA YIN PA'I PHYIR NYID KYI PHYAG MTHIL DU NOR BU DRI MA MED PA LA SOGS PA BZHAG PA BZHIN NO, ,'ON TE BRTAG PA PHYI MA LTAR 'DOD NA NI PHYOGS SNGA MA LA GNOD PA DANG, GRAGS PAS GNOD DE, DE MI MA YIN PA'I PHYIR ZHES KHAS BLANGS PA'I PHYIR DANG SO SO'I SKYE BO LA SOGS PA'I DPE DAG 'JIG RTEN LA @197A *, ,GRAGS PAS MI RUNG STE, DE DAG GIS KYANG YUL 'GA' ZHIG SHES PA'I PHYIR RO ZHES SNGAR BSTAN PA'I LUGS BZHIN DU CI RIGS PAR DGAG PAR BYA STE, RE ZHIG DE DAG NI SUN 'BYIN PA THAMS CAD KYI LAN SPYIR GDAB PA YIN NO, ,DA NI PHYOGS SNGA MA SMRA BA DAG GIS, SHES BYA MTHA' YAS KUN SHES MIN, ,ZHES BYA BA LA SOGS PAS SUN 'BYIN PA'I GTAN TSIGS SMRAS PA DE DAG RE RE NAS LAN GDAB PA BSTAN PAR BYA STE, JI LTAR NAM MKHAS RTAG TU NI, ,GZUGS DNGOS THAMS CAD KHYAB PA LTAR, ,DE BZHIN YE SHES MKHA' 'DRA BAS, ,SHES BYA KUN LA KHYAB PAR 'DOD, ,SHES DANG SHES BYA MNYAM PA'I PHYIR, ,THUB PA THAMS CAD MKHYEN PAR GRUB, ,THUB PA MED PA YOD MIN TE, ,LUNG LAS YE SHES CHA PHRAR GSUNGS, ,GANG PHYIR 'JIG RTEN 'DI DAG NA, ,BDAG NI SHES LDAN GLEN PA ZHES, ,RANG LA SHES PA 'JUG PA'I PHYIR, ,BDAG NYID SHES PA 'GAL BA MED, ,NGA NI BDAG DANG LNGA YIN ZHES, ,DES NI GRANGS CAN RNAM PAR MKHYEN, ,NGO BO NYID KYANG RNAM MKHYEN TE, ,MAR MES BDAG NYID JI BZHIN NO, ,GCIG GIS DON RNAMS MANG PO DAG ,RNAM PAR MKHYEN PA NYID KYANG SNANG, ,GANG PHYIR STON PA SPYAN LDAN PA, ,DMUS LONG MANG PO RNAMS LTAR MIN, ,RGYAL BA'I BSTAN PA BSHAD PA LA, ,SBYOR BA DMIGS SU MED PA NI, ,RIG BYED NYER ZHI MA YIN PAS, ,DE PHYIR MKHYEN KYANG MA BSTAN TO, ,GAL TE 'CHI MED YOD PA'I PHYIR, ,RIG BYED RNAMS LA ZHI YOD NA, ,MI RUNG DE NI LOG PA STE, ,MI RTAG RTAG PAR RTOG PHYIR RO, ,GANG GI PHYIR DE DAG GIS 'CHI BA MED PA NYID DU BRTAGS PA DE NI MI RTAG PA YIN TE, JI SKAD DU ME'I GNAS DAG TU ZLA BA PHYED PHYED CING ZLA BA NYA BA MTHONG GI MCHOD SBYIN BYED PA DANG, ZLA BA BZHI BZHI ZHING ZLA BA BZHI PA'I MCHOD SBYIN BYED PA DANG, ZLA BA DRUG DRUG CING PHYUGS 'DOGS PA'I MCHOD SBYIN BYED PA DANG, LO RE RE ZHING SMAN SO MA'I MCHOD SBYIN BYED PA DANG, LO BRGYA BRGYA ZHING ME MCHOD PA 'DOD PA SPYOD PAR BYED DO ZHES BYA BA LA SOGS PA GANG DAG SMRAS PA, DE DAG KYANG 'JIG RTEN NA LO'I BAR GYI MING DU BYA BA DE DAG NI MI RTAG PA NYID DU GNAS PA'I PHYIR RO, ,RIG BYED RNAMS @197B LA DON GSUM TE, ,SHIS BRJOD BSTOD DANG CHO GA'O, ,DE LA SHIS PA BRJOD PA NI MTHO RIS ZHI BAR GYUR CIG ,BAR SNANG ZHI BAR GYUR CIG ,SA ZHI BAR GYUR CIG ,CHU ZHI BAR GYUR CIG CES BYA BA LA SOGS PA'O, ,BSTOD PA NI MDOG SNGON MGRIN PA DMAR PO DANG, KHA DOG NAG PO SBYIN SREG ZA, ,'BYUNG PO KUN GYI MUN SEL BA, ,DE NI RTAG TU THAMS CAD SONG, ,ZHES BYA BA LA SOGS PA'O, ,CHOG NI MAR GYI MCHOD SBYIN DANG, 'BRU'I MCHOD SBYIN LA SOGS PA STE, DON GSUM PO DE DAG GIS GANG DU YANG THAR PA MI 'THOB PO, ,GZHAN YANG RIG BYED RNAMS NI SNGA BA'I PHYIR, ,GAL TE TSAD MA NYID 'DOD NA, ,MI SHES LOG LTA LA SOGS PA, ,CI PHYIR DE DAG TSAD MA MIN, ,GAL TE DA LTAR GANG BYUNG BA, ,DE DAG TSAD MAR KHYOD 'DOD NA, ,YE SHES DANG NI YANG DAG LTA, ,DE YANG TSAD MAR MI RIGS 'GYUR, ,GZHAN YANG RIG BYED RNAM PA NI, ,RGYAL BA'I BSTAN PA SNGA BA STE, ,'DI LTAR MAR ME MDZAD LA SOGS, ,BDE GSHEGS GRANGS MED 'DAS PHYIR RO, ,PHA ROL POS SMRAS PA, GAL TE RIG BYED LA SOGS PA, ,DON MED DE SHES CI LA DGOS, ,GAL TE SHES PA MA YIN NA, ,KUN MKHYEN MIN PAS GNYI GA SKYON, ,DE'I LAN DU BSHAD PA, DPER NA DED DPON LAM DANG NI, ,LAM MIN MKHAS PA 'GA' ZHIG GIS, ,LAM NGAN YONGS SU SPONG BYED CING, ,BZANG PO'I LAM DU 'DZUD PA LTAR, ,STON PAS ZHI BA THOB MDZAD PHYIR, ,YAN LAG BRGYAD PA'I LAM YANG MKHYEN, ,RIG BYED RNAMS KYANG YONGS MKHYEN TE, ,LAM NGAN BZHIN DU BSTAN MA MDZAD, ,DPER NA 'BRAS KYI DON DU NI, ,ZHING GI LAS LA BRTZON BYED PA, ,'BRU RNAMS 'THOB PAR 'DOD MOD KYI, ,SOG MA DAG KYANG SKYE BA LTAR, ,DE BZHIN STON PA RDZOGS SANGS RGYAS, ,BSTAN BCOS THAMS CAD MKHYEN GYUR PA, ,RIG BYED RNAMS KYANG CHUB PAR BZHED, ,DE PHYIR THUB PA THAMS CAD MKHYEN, ,RIG BYED KUN GYI PHA ROL TU, ,PHYIN PA YOD MIN GANG SMRAS PA, ,STON PA RIG BYED RNAMS KYIS NI, ,DANG PO 'DZIN PA YIN PAR GRUB, ,JI LTAR LA LAS MI LDOB PA, ,MTHONG NAS NYIN BRGYA KLOG BYED PA, ,'GA' YOD MIN ZHES ZER BA LTAR, ,KHYOD KYI TSIG 'DI DE DANG 'DRA, ,JI LTAR TSE NI BSRUNG BA'I PHYIR, ,'CHI BA'I RGYU NI 'DOD BYED CING, ,DE DAG SPANG PHYIR SHES @198A *, ,BYED LTAR, ,GAR LA SOGS PA SHES DE BZHIN, ,JI LTAR MIS NI DUG DAG GIS, ,MI RNAMS 'CHI BAR SHES GYUR KYANG, ,GANG PHYIR DUG DE MA ZOS NA, ,'CHI BA NYID DU MI 'GYUR LTAR, ,DE LTAR DE BZHIN GSHEGS PAS KYANG, ,GAR LA SOGS PA'I BSTAN BCOS DAG ,MKHYEN KYANG CHAGS DANG SDANG MI 'GYUR, ,GAR LA KUN SPYOD SPANGS PHYIR RO, ,GANG GI PHYIR THAMS CAD MKHYEN PA SUN 'BYIN PA KHO BO YANG SHES PAR MA GYUR TO ZHES GANG SMRAS PA DE LA YANG, 'DIR NI MTSAN NYID BSTAN GYUR PAS, ,DES NI RGYAL BA SUN 'BYIN PA, ,MA 'ONGS KHYOD NI RNAM MKHYEN TE, , MING BRJOD CIR YANG DGOS PA MED, ,RAB BYUNG SDUG BSNGAL ZAD PA YI, ,RGYU YIN PAR NI RAB MKHYEN PAS, ,DES NI DGE BDUN 'BYED 'GYUR YANG, ,DE PHYIR LTAS BYIN SPANGS MA MDZAD, ,RDO SGYOGS 'PHEN PA GANG YIN PA, ,DE'I TSE STON PA'I PHRIN LAS NI, ,SMAS 'GYUR CHUD MI ZA BA YI, ,RNAM SMIN 'BRAS BU DE 'DRA YIN, ,STON PAS SKUR 'DEBS GANG YIN PA, ,MKHYEN KYANG GSUNGS PAR MA GYUR PA, ,DER LUNG BSTAN NA LAS DE YI, ,'BRAS BU CHUNG ZAD 'GYUR PHYIR RO, ,GAL TE MDZES LDAN 'CHI 'GYUR BA, ,MI MKHYEN MA BSKYABS PHYIR ZHE NA, ,JI LTA THUB PA MDA' MDZAD NA, , SEMS CAN THAMS CAD MYA NGAN 'DA', ,GRONG DU ZHUGS PA'I 'OG TU NI, ,BDUD KYIS KLAN KA BTZAL BYAS PA, ,'JIG RTEN RJES SU GZUNG PHYIR TE, ,DER NI ZHAL MTHONG SNANG PHYIR RO, ,GLANG PO 'DUL BA'I PHYIR DANG NI, ,'JIG RTEN RJES SU GZUNG BA'I PHYIR, ,BCOM LDAN GRONG DU ZHUGS GYUR CING, , THUB PA MI MKHYEN GSHEGS MA YIN, ,CHO 'PHRUL DAG KYANG MTHONG GYUR CING, ,CHOS KYANG THOS PAR GYUR PA NA, ,DE YI BSOD NAMS 'PHEL GZIGS NAS, ,RGYU SKAR BZANG PO BSDU BA MDZAD, ,LAM MGO GSUM PO BSTAN PHYIR DANG, ,GCIG TU MI DGE SPANG PHYIR DANG, ,LAS LAM THAMS CAD BSTAN PA'I PHYIR, ,BSLAB PA SNGAR NI BYAS PA YIN, ,GZHAN YANG, ,GSO SPYOD BSTAN PAR BYA PHYIR DANG, ,NYES SPYOD RNAM PA GSUM DANG NI, ,SDOM PA KUN GYI PHYIR YANG NI, ,BSLAB PA DAG NI BCA' BAR BZHED, ,DRAN PA NYE BAR GZHAG BSTAN CING, ,RKANG LAG LEGS PAR SDOM PHYIR DANG, @198B DGE SLONG GIS NI CHOS BZHI'I PHYIR, ,BSLAB PAR DAG NI BCA' BAR BZHED, ,GANG TSE DANG PO NYID DU NI, ,DGE SLONG RNAMS LAS BSLAB TSOGS MDZAD, ,LTUNG BA RNAM PAR GZHAG PA NI, ,NYES PA'I TSUL DANG MTHUN PHYIR RO, ,GANG PHYIR NA TSOD RIGS DANG NI, ,RUS LA SOGS LAS BTZUN MI SGRUB, ,BSNYEN PAR RDZOGS LA BRTEN BYAS NAS, ,DE PHYIR NA TSOD RAB TU BSGRAGS, ,GANG PHYIR BSNYEN RDZOGS RIGS KUN LA, ,THA DAD MED PAR STON BYED PA, ,DE PHYIR RUS DANG RIGS GYUR PA'I, ,KHYAD PAR 'THAD PAR MI 'GYUR RO, ,GAL TE TSUL LAS PHYAG BYA BAR, ,'DOD NA DE PHYIR BSNYEN RDZOGS LA, ,PHYAG BYAR 'OS TE BSNYEN RDZOGS TE, ,TSUL KHRIMS KUN GYI GZHI YIN NO, ,'GRAN PA'I PHYIR DANG RMONGS PA'I PHYIR, ,GLEN PHYIR SRED PA'I PHYIR DANG NI, ,DE BZHIN BSTOD PHYIR NOR 'THOB PAS, ,DE PHYIR DE LA PHYAG MI BYA, ,'GRAN PHYIR 'DOD PA'I PHYIR YANG NI, ,THOS DANG SHES LA BRTZON BYED NA, ,THOS SHES 'BRAS BU TSUL YIN PAS, ,CI PHYIR DE LA PHYAG MI BYA, ,GZHAN YANG, JI LTAR PHA DANG PHU BO DAG ,'JIG RTEN SHES PA MA YIN YANG, ,GZHON NU THOB SHES LDAN PA LA, ,PHYAG BYAR RIGS PA MA YIN BZHIN, ,DE PHYIR DANG PO BSNYEN RDZOGS PA, ,RGAN PHYIR PHYAG BYAR 'OS PAR 'DOD, ,THOS SHES LDAN PAS DGE SLONG NYID, ,PHYIS NAS THOB NA GZHON PA YIN, ,GAL TE THOS SHES YON TAN GYIS, ,PHYUG PA PHYAG BYA'I 'OS YIN NA, ,NA TSOD YON TAN MNYAM PA DAG ,GANG LA GANG GIS PHYAG KYANG BYA, ,'BRAS BU MNGON SHES SPANGS PA DAG ,SO SO'I SKYE BO SHES DKA' BAS, ,DE LA PHYAG BYAR MA GSUNGS TE, ,MNYAM PA RNAMS KYANG PHYAG MI BYA, ,STON PA THUGS LAS CHUNG MDZAD PA, ,SKAL LDAN THUGS SU MA CHUD MIN, ,'DI LTAR CHOS KUN 'DZIN BYED CING, ,DE SHES NYID NI SHIN TU DKON, ,RANGS BYED SGYU RTZAL SHES BZHI DANG, ,LNGA PA BZANG SDE 'KHOD PA DAG ,STON PAS BRTZAL BA MA MDZAD DE, ,SKAL LDAN NYID LA GZIGS PA MDZAD, ,GANG LA BRTZAL BA MDZAD PA DER, ,MKHYEN PA 'JUG MAR RIGS PA YIN, ,DE GNYIS SHI DANG GNAS PA DAG ,MGON PO RANG GIS MKHYEN PAR GYUR, ,GANG PHYIR GRONG KHYER 'JIG PA LA, ,NGES PA YOD PA MA YIN PAS, , @199A *, ,DE PHYIR NGES PAR MA GSUNGS TE, MGO GCIG LUNG MA BSTAN DE BZHIN, ,BSLAB PA BCA' BAR MDZAD PA DANG, CHOS DON BSHAD PAR MDZAD SLAD DU, ,DA LTAR JI SMRA 'KHOD CES RMAS, ,MKHYEN BZHIN DU NI RMAS PA YIN, ,JI LTAR MI SHES TSUL GYIS NI, ,ZAN LA 'GRO BAR SPANGS SAM ZHES, ,'DRI BA MI RIGS MA YIN LTAR, ,STON PA DE DANG 'DRA BA YIN, ,NGA MCHOG YIN ZHES BKA' STZAL PA, ,SEMS CAN SPRO BAR BYA BA DANG, ,BAG YOD PA DANG BDER 'GYUR ZHING, ,MNGON PAR DGA' BAR MDZAD PHYIR RO, ,MU STEGS NGAN CES GANG GSUNGS PA, ,'DREN PA SEMS CAN RNAMS LA NI, ,RJES SU BRTZE BAS DE DAG NI, ,NGAN SONG LAM NGAN BZLOG PHYIR RO, ,SNGA PHYI 'GAL ZHES BYA BA NI, ,DON SHES MIN PA KHYOD SMRAS TE, ,'PHAGS LAM RANG BYUNG NYID YIN PHYIR, ,LUS CAN GZHAN LA SNGON MA BYUNG, ,YAN LAG BRGYAD LDAN 'PHAGS PA'I LAM, ,DBYER MED DE BZHIN GSHEGS PAS MKHYEN, ,SNGON GYIS SANGS RGYAS RJES GSHEGS PAS, ,DE TSE RNYING PA YIN ZHES GSUNGS, ,DE LTAR SUN 'BYIN PA SNGAR SMRAS PA DE DAG GI LAN GDAB PAR BYA'O, ,JI STE THAMS CAD LUNG MA BSTAN PA'I PHYIR ZHES GTAN TSIGS BRJOD NA ZHES BYA BA NI, JI STE PHA ROL PO DAG 'DI SKAD CES, DE BZHIN GSHEGS PA NI THAMS CAD MKHYEN PA MA YIN TE, THAMS CAD LUNG MA BSTAN PA'I PHYIR DPER NA MI PHAL PA BZHIN NO ZHES GTAN TSIGS BRJOD NA'O, ,DE'I LAN DU, DE LTA NA YANG RANG GI STON PA DAG GIS MA NGES PA NYID YIN PAS ZHES BYA BA SMRAS, TE; 'DI NA MU STEGS CAN RANG GI STON PA DAG GIS KYANG THAMS CAD LUNG MA BSTAN PAR MTHONG BAS, DES NA JI RE ZHIG THAMS CAD LUNG MA BSTAN PA'I PHYIR DPER NA MI PHAL PA DAG BZHIN DU DE BZHIN GSHEGS PA THAMS CAD MKHYEN PA MA YIN PAR 'GYUR RAM, 'ON TE THAMS CAD LUNG MA BSTAN PA'I PHYIR DPER NA MI PHAL PA DAG BZHIN DU KHYED RANG GI STON PA DAG THAMS CAD MKHYEN PA MA YIN PAR 'GYUR BA MA NGES PA YIN PAS GTAN TSIGS DE YANG MI RUNG NGO, ,DE BZHIN GSHEGS PA NI PHYIN CI MA LOG PAR MKHYEN PA YIN NO ZHES BAG RKYONG STE SMRA BAR BYA'O ZHES BYA BA NI MJUG BSDU BA DANG @199B TSAD MA'I 'BRAS BU YIN TE, SHES BYA JI SNYED YOD PA NYID DANG, JI LTA BA BZHIN DU YOD PA NYID PHYIN CI MA LOG PAR MKHYEN PAS THAMS CAD MKHYEN PA NYID DU GRUB PO ZHES BAG RKYONG STE SMRA BAR BYA'O, ,THAMS CAD CES BYA BA YANG GANG YIN ZHES BYA BAS NI PHA ROL PO'I GTAN TSIGS THAMS CAD LUNG MA BSTAN PA'I PHYIR ZHES BYA BA DE MA GRUB PA NYID DU BSTAN PA'I PHYIR DE NYID KYI TSIG GI DON GANG YIN PA'I PHYIR DRI BA BSTAN TO, ,DE SKAD CES DRIS BA NA, GAL TE SROG LA SOGS PA DAG GAM, TSIG GI DON DRUG GI RDZAS DAG GAM, GTZO BO DANG SKYES BU'O ZHE NA NI ZHES BYA BA NI GAL TE PHA ROL PO DAG NA RE THAMS CAD CES BYA BA NAM MKHA'I GOS CAN DAG 'DOD PA'I SROG LA SOGS PA DAG GAM, BYE BRAG PA DAG 'DOD PA'I TSIG GI DON DRUG GI RDZAS DAG GAM, GRANGS CAN DAG 'DOD PA'I GTZO BO DANG SKYES BU'O ZHE NA'O, ,DE DAG THAMS CAD MA YIN PAR DGAG PA'I PHYIR, DE DAG DE LTAR NGO BO NYID YOD PA MA YIN PAS, DE DAG THAMS CAD NYID MA YIN NO ZHES BYA BA SMRAS TE, SROG LA SOGS PA DE DAG NI DE LTAR NGO BO NYID YOD PA MA YIN TE, MA SKYES PA'I PHYIR DPER NA NAM MKHA'I ME TOG BZHIN PAS DE'I PHYIR DE DAG THAMS CAD NYID MA YIN PA'I PHYIR DE BZHIN GSHEGS PAS DE LUNG MA BSTAN PA'I PHYIR THAMS CAD MKHYEN PA MA YIN NO ZHES BYAR MI RUNG STE, GTAN TSIGS KYI GZHI MA GRUB PA'I PHYIR RO, ,JI STE SPYI BO ZHE NA NI ZHES BYA BAS NI JI STE PHA ROL PO DAG NA RE THAMS CAD CES BYA BA YOD PA NYID CE 'AM, RTA NYID CE 'AM, BA LANG NYID CES BYA BA LTA BU'I SPYI CHEN PO DANG, NYI TSE BA'I SPYI ZHES BYA BA DNGOS PO THAMS CAD DANG, KHA CIG LA KHYAD PAR MED PA'I TSIG GI DON ZHIG YOD PA STE, DE BYE BRAG TU LUNG MA BSTAN PA'I PHYIR THAMS CAD MKHYEN PA MA YIN NO ZHE NA'O, ,DE DGAG PA'I PHYIR, DES DE DAG NGO BO NYID MED PA NYID DU YANG DAG PA JI LTA BA BZHIN DU MKHYEN TE BYA BA SMRAS TE, DE BZHIN GSHEGS PA DES SPYI DE DAG NGO BO NYID MED PA NYID DU YANG DAG PA JI LTA BA BZHIN MKHYEN TE, NGO BO NYID MED PA NYID DU LUNG BSTAN PAS, PHA ROL PO DAG GI GTAN TSIGS KYI DON MA GRUB PA NYID DO, ,SPYI DE DAG NGO BO NYID MED PA NYID DU JI LTAR MKHYEN CE NA, DE LTAR NI BSTAN KYANG YIN LA STON PAR YANG 'GYUR RO ZHES BYA BA SMRAS TE, BSTAN BCOS 'DI @200A *, ,NYID LAS SO, ,DPYOD PA CAN DAG LAS KHA CIG GIS SMRAS PA, DE BZHIN GSHEGS PA'I GSUNG RAB NI THAMS CAD MKHYEN PA MA YIN PAS SMRAS PA YIN TE, BYED PA PO DANG BCAS PA'I PHYIR DPER NA BYE BRAG PA LA SOGS PA'I BSTAN BCOS BZHIN NO ZHES BYA BAS NI MU STEGS DPYOD PA CAN DAG LAS KHA CIG GIS SMRAS PA, DE BZHIN GSHEGS PA'I GSUNG RAB BYED PA PO DANG BCAS PA'I GTAN TSIGS KYIS THAMS CAD MKHYEN PA MA YIN PAR SMRAS PAS DE STON PA DE BZHIN GSHEGS PA YANG THAMS CAD MKHYEN PA MA YIN PAR SGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BYE BRAG PA LA SOGS PA'I BSTAN BCOS 'DI NI BYED PA PO DANG BCAS PA'I PHYIR THAMS CAD MKHYEN PA MA YIN PAS SMRAS PA YIN PAS, DE STON PA GZEGS ZAN LA SOGS PA DAG KYANG THAMS CAD MKHYEN PA NYID MA YIN PA DE BZHIN DU DE BZHIN GSHEGS PA'I GSUNG RAB KYANG BYED PA PO DANG BCAS PA'I PHYIR THAMS CAD MKHYEN PA MA YIN PAS SMRAS PA YIN PAS DE STON PA DE BZHIN GSHEGS PA NYID KYANG THAMS CAD MKHYEN PA MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE DAG NI DAM BCAS PA'I DON KYANG RNAM PAR BRTAGS NAS SNGA MA BZHIN DU SKYON BRJOD PAR BYA'O ZHES BYA BA SMRAS TE, 'DIS NI THAMS CAD MKHYEN PA MA YIN PAS SMRAS PA YIN TE ZHES DAM BCAS PA DE'I DON KYANG RE ZHIG GANG YIN, CI THAMS CAD NI MI MKHYEN LA CUNG ZAD MKHYEN PA YIN NAM, 'ON TE CUNG ZAD KYANG MI MKHYEN PA YIN, DE LA GAL TE BRTAG PA SNGA MA LTAR 'DOD NA NI DES CI ZHIG MI MKHYEN PAR 'DOD, GAL TE DBANG PO LAS 'DAS PA'O ZHE NA, DES DE MKHYEN TE, SHES BYA YIN PA'I PHYIR NYID KYI PHYAG MTHIL DU NOR BU DRI MA MED PA LA SOGS PA BZHAG PA BZHIN NO, ,'ON TE BRTAG PA PHYI MA LTAR 'DOD NA NI PHYOGS SNGA MA LA GNOD PA DANG, GRAGS PAS GNOD DE DE NI MI YIN PA'I PHYIR ZHES KHAS BLANGS PA'I PHYIR DANG, SO SO'I SKYE BO LA SOGS PA'I DPE DAG 'JIG RTEN LA GRAGS PAS @200B MI RUNG STE, DE DAG GIS KYANG YUL 'GA' ZHIG SHES PA'I PHYIR RO ZHES DE DAG GI DAM BCAS PA'I DON KYANG RNAM PAR BRTAGS NAS SNGA MA BZHIN DU SKYON BRJOD PAR BYA BA BSTAN TO, ,RIG BYED NI BYED PA PO DANG BCAS PA YIN TE, BKLAG PAR BYA BA YIN PA'I PHYIR DPER NA BYE BRAG PA LA SOGS PA'I BSTAN BCOS BZHIN PAS RIG BYED KYANG BYED PA PO DANG BCAS PA'I PHYIR ZHES BYA BA'I GTAN TSIGS MA NGES PA NYID DO ZHES BYA BAS NI PHA ROL PO DAG GI GTAN TSIGS BYED PA PO DANG BCAS PA'I PHYIR ZHES BYA BA DE MA NGES PA NYID DU BSTAN PA'I PHYIR DPYOD PA CAN DAG GI RIG BYED KYANG BYED PA PO DANG BCAS PA NYID DU BSGRUB PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA BYE BRAG PA LA SOGS PA'I BSTAN BCOS NI BKLAG PAR BYA BA YIN PA'I PHYIR BYED PA PO DANG BCAS PA YIN PA DE BZHIN DU DPYOD PA CAN DAG GI RIG BYED KYANG BKLAG PAR BYA BA YIN PA'I PHYIR, BYED PA PO DANG BCAS PA YIN PAS RIG BYED KYANG BYED PA PO DANG BCAS PA YIN PAR GRUB PO, ,DES NA RIG BYED SMRA BA DAG GI LUNG LAS, RIG BYED LA NI MI SMRA GANG, ,RIG BYED LA NI MI SNANG GANG, ,THAMS CAD MED PAR BRJOD PAR BYA, ,RIG BYED 'DRA BA'I THOS PA MED, ,CES 'BYUNG BAS RIG BYED NI THAMS CAD MKHYEN PA YIN PAR 'DOD PA'I PHYIR DES NA RE ZHIG BYED PA PO DANG BCAS PA'I PHYIR, DPER NA BYE BRAG PA LA SOGS PA'I BSTAN BCOS BZHIN DU DE BZHIN GSHEGS PA'I GSUNG RAB THAMS CAD MKHYEN PA MA YIN PAS SMRAS PA YIN PAS DE STON PA DE BZHIN GSHEGS PA THAMS CAD MKHYEN PA MA YIN PAR 'GYUR BA YIN NAM, 'ON TE BYED PA PO DANG BCAS PA'I PHYIR DPYOD PA CAN DAG GI RIG BYED THAMS CAD MKHYEN PAR 'DOD PA DE BZHIN DU DE BZHIN GSHEGS PA'I GSUNG RAB THAMS CAD MKHYEN PAS GSUNGS PA DE STON PA DE BZHIN GSHEGS PA THAMS CAD MKHYEN PA YIN PAR 'GYUR BA MA NGES PAS PHA ROL PO DAG GI GTAN TSIGS BYED PA PO DANG BCAS PA'I PHYIR ZHES BYA BA DE MA NGES PA NYID YIN PA'I PHYIR DE BZHIN GSHEGS PA'I GSUNG RAB NI THAMS CAD MKHYEN PA MI MA YIN PAS SMRAS PA YIN TE ZHES NGES @201A *, ,BCAS PA'I DON MA GRUB PAS DE BZHIN GSHEGS PA'I GSUNG RAB KYANG THAMS CAD MKHYEN PAS GSUNGS PA YIN LA, DE STON PA DE BZHIN GSHEGS PA YANG THAMS CAD MKHYEN PA NYID YIN PAR GRUB PO,, ,,BAM PO BDUN CU GNYIS PA, JI STE RIG BYED KYI TSIG DAG NI BYAS PA MA YIN TE, BYED PA PO MI DRAN PA'I PHYIR RO ZHE ZHES BYA BA NI DPYOD PA CAN DAG BYED PA PO MI DRAN PA'I PHYIR ZHES BYA BA'I GTAN TSIGS KYI RIG BYED KYI TSIG DAG BYED PA POS BYAS PA MA YIN PAR BSGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, GTAN TSIGS KYI RJES SU 'GRO BA BSTAN DKA' BA'I PHYIR RO ZHES BYA BA SMRAS TE, RIG BYED KYI TSIG DAG NI BYAS PA MA YIN TE, BYED PA PO MI DRAN PA'I PHYIR DPER NA CHE GE MO ZHIG BZHIN NO ZHES GTAN TSIGS KYI RJES SU 'GRO BA'I DPE BSTAN DKA' BA'I PHYIR DE NI BZANG PO MA YIN NO, ,JI STE KHRON PA RNYING PA'I BYED PA PO MI DRAN BZHIN NO ZHE NA NI KHRON PA BYAS PA YIN NA NI DE BYAS PA YIN PAS DE'I BYED PA PO MI DRAN YANG MED PA MA YIN PAS BYAS PA MA YIN PA'I DPER YANG MI RUNG NGO, ,JI STE NAM MKHA'I ME TOG LA SOGS PA'I BYED PA PO MI DRAN PA BZHIN NO ZHE NA YANG, RIG BYED YOD PA LA BYED PA PO MED PAR BSGRUB PA'I DPER NA NAM MKHA'I ME TOG LA SOGS PA MED PA LA, BYED PA PO MI DRAN PA MI RUNG BAS KHYED KYI BSGRUB PA DE LA JI LTAR BSGRES KYANG, GTAN TSIGS KYI RJES SU 'GRO BA'I DPE MED PAS MI RUNG NGO, ,LUNG LAS NGES BRJOD NI RI BO NGES PA ZHES BYA BAR BYAS LA, SNYAN TSIG DAG NI RI BO SNYAN PA ZHES BYA BAR BYAS LA, SRID SRUNG NYI MA'I RGYUD NI RI BO SKAL LDAN PHUG RON CAN DU BYAS SO ZHES 'BYUNG BAS, GTAN TSIGS KYI DON RANG LA YANG MA GRUB PA NYID DO ZHES BYA BAS NI SPYOD PA CAN DAG GI GTAN TSIGS BYED PA PO MI DRAN PA'I PHYIR ZHES BYA BAS RIG BYED KYI TSIG DAG BYAS PA MA YIN PAR SGRUB PA DE RANG LA YANG MA GRUB PA NYID DU STON TE, RIG BYED SMRA BA DAG NYID KYI LUNG LAS NGES BRJOD KYI RIG BYED NI RI BO NGES PA ZHES BYA BAR BYAS LA, SNYAN TSIG GI @201B RIG BYED DAG NI RI BO SNYAN PA ZHES BYA BAR BYAS, SRING SRUNG GI RIG BYED NYI MA'I RGYUD CES BYA BA NI RI BO SKAL LDAN PHUG RON CAN ZHES BYA BAR BYAS SO ZHES 'BYUNG BAS DE DAG GI BYED PA PO MI DRAN YANG GNAS DE DAG TU BYAS SO ZHES 'BYUNG BAS, DPER NA KHRON PA RNYING PA'I BYED PA PO MI DRAN YANG DE BYAS PA MA YIN PAR MI 'GRUB PA BZHIN DU KHYED KYANG GTAN TSIGS BYED PA PO MI DRAN PA'I PHYIR ZHES BYA BAS RIG BYED KYI TSIG DAG BYAS PA MA YIN PAR SGRUB PA DE'I DON YANG RANG LA MA GRUB PA NYID DO, ,GAL TE GSAL BA DAG GIS SKYON MED DO ZHE NA ZHES BYA BA NI DPYOD PA CAN DAG NA RE RIG BYED NI SUS KYANG MA BYAS PA YONG GIS YOD PA RTAG PA YIN TE, DPER NA BRDA SPROD PA NI SUS KYANG MA BYAS PA YONG GIS YOD PA RTAG PA YIN YANG 'JIG RTEN NA NI DE SHES PA MED CING MI GSAL BAR GYUR PA NA, LHA'I DBANG PO BRGYA BYIN NAM PA NI NI LA SOGS PA DAG GIS LHA YUL DANG MI YUL DU GSAL BAR BYAS PA BZHIN DU RIG BYED KYANG RI BO NGES PA DANG, SNYAN PA DANG SKAL LDAN PHUG RON CAN DAG TU RIG BYED KLOG PA KHA CIG GIS GSAL BAR BYAS PAS KHO BO CAG GI GTAN TSIGS MA GRUB PA'I SKYON MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, PHYOGS DES KYANG MI NUS TE; GSAL BA SNGA MA BZHIN DU DGAG PA'I PHYIR RO ZHES BYA BA SMRAS TE, RIG BYED MI GSAL BA NI GSAL BAR MI BYED DE, MI GSAL BA'I PHYIR DPER NA NAM MKHA'I ME TOG BZHIN NO ZHES, GRANGS CAN GYI GSAL BA DGAG PA SNGAR BSTAN PA BZHIN DGAG PA'I PHYIR RO, ,RIG BYED KYI TSIG DAG NI BYAS PA YIN TE, RTOGS PAR 'DOD PA'I DON GO SLA BA NYID DU TSIG GI RIM PA BSTAN PA'I PHYIR, DPER NA GRANGS CAN GYI BSTAN BCOS KYI TSIG DAG BZHIN NO ZHES BYA BAS NI DBU MA PAS RIG BYED KYI TSIG DAG BYAS PA NYID YIN PAR BSGRUB PA'I RJES SU DPAG PA STON TE, DE DAG NI CHOS CAN DANG; BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GRANGS CAN GYI BSTAN BCOS KYI TSIG DAG NI RTOGS PAR 'DOD PA'I DON GO SLA BA NYID DU TSIG GI RIM PA BSTAN PA'I PHYIR SER SKYA LA SOGS PAS BYAS PA YIN PA DE BZHIN DU DPYOD PA CAN GYI @202A *, ,RIG BYED KYI TSIG DAG KYANG RTOGS PAR 'DOD PA'I DON GO SLA BA NYID DU TSIG GI RIM PA BSTAN PA'I PHYIR BYED PA PO 'GA' ZHIG GIS BYAS PA YIN NO, ,RTOGS PAR 'DOD PA'I DON GO SLA BA NYID DU TSIG GI RIM PA BSTAN PA NI DPER NA RIG BYED LAS, MA NO DZYO TI, DZU SH'A TAM, AA DZYA SYA, PRI HA SPA TI, MA NO DZYO TI, DZU SHA TAM SHA TAM, DZU SHA TAM, AA DZYA SYA YA, AA DZYA SYA, BRI HA SPA TI, MA NO DZYO TI DZYO TI, DZU SHA TAM, DZU SHA TAM, DZU SHA TAM, AA DZYA SYA, AA DZYA SYA, BRI HA SPA TI, ZHES BYA BA LTA BU LA SOGS PA DAG 'BYUNG BA BZHIN NO, ,DE BZHIN DU JI SKAD BSTAN PA'I YAN LAG LHAG MA DAG 'DOD PA NYID DANG, GZUNG BA NYID DANG, BRJOD PAR BYA BA NYID DANG, DON DANG LDAN PA NYID DANG, CHOS SGRUB PA NYID LA SOGS PA'I GTAN TSIGS DAG GI PHYIR RO ZHES KYANG RJES SU DPAG PA RGYAS PAR BRJOD PAR BYA'O ZHES BYA BAS NI, SNGAR BSTAN PA'I YAN LAG LHAG MA CHOS CAN DANG, BSGRUB PAR BYA BA CHOS DANG, DPE DE DAG GTAN TSIGS 'DI DAG GIS KYANG BSGRUB PAR BYA'O ZHES BYA BAR SBYAR TE, RIG BYED KYI TSIG DAG NI BYAS PA YIN TE, BRAM ZE RNAMS KYI 'DOD PA DANG BCAS PA NYID LA SOGS PA YIN PA'I PHYIR, DPER NA GRANGS CAN GYI BSTAN BCOS KYI TSIG DAG BZHIN ZHES BYA BAR SBYAR RO, ,DPYOD PA PA DAG GIS RAB TU BRTAGS PA'I SGRA LA NI SGRA'I NGO BO NYID MED DE, DBANG PO'I GZUNG BA YIN PA'I PHYIR DPER NA GZUGS BZHIN NO ZHES BYA BA NI DPYOD PA CAN DAG GI GZHUNG LAS RIG BYED KYI SGRA LA RTAG PA NGO BO NYID YOD PAR 'DOD PA DGAG PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NI DBANG PO'I GZUNG BA YIN PA'I PHYIR NGO BO NYID MED PA DE BZHIN DU SGRA YANG DBANG PO'I GZUNG BA YIN PA'I PHYIR NGO BO NYID MED DO, ,SGRA NI GSAL BAR BYA BA MA YIN TE RTOGS PA'I RGYU YIN PA'I PHYIR, DPER NA YAN LAG GI LAS BZHIN NO ZHES DPYOD PA CAN GYI GZHUNG LAS RIG BYED KYI SGRA NI YONG GIS YOD PA SKAD KYI DBYINGS KYI BAG LA ZHA ZHING 'DUG PA, RKAN DANG, MCHU DANG, SO DANG, LCE LA SOGS PA'I BYA BAS GSAL BAR BYED DO ZHES ZER BA DGAG PA'I RJES SU DPAG PA STON TE, @202B DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YAN LAG GI LAS ZHES BYA BA LAG RTZIS NI DE'I BSGYUR BA LAS THA SNYAD RTOGS PA'I RGYU YIN PA'I PHYIR, GSAL BAR BYA BA MA YIN GYI BSKYED PAR BYA BA YIN PA DE BZHIN DU SGRA YANG SMRA BA LAS THA SNYAD RTOGS PA'I RGYU YIN PA'I PHYIR GSAL BAR BYA BA MA YIN GYI, BSKYED PAR BYA BA YIN NO, ,DE BZHIN DU YOD PA NYID DANG, BRJOD PAR BYA BA NYID DANG, SHES BYA NYID DANG, CHOS SGRUB PA NYID DANG, DGA' BA DANG, YONGS SU GDUNG BA'I RGYU NYID LA SOGS PA'I GTAN TSIGS DAG GI PHYIR RO ZHES KYANG RJES SU DPAG PA RGYAS PAR BRJOD PAR BYA'O ZHES BYA BAS NI, PHYOGS DANG DPE SNGA MA'I GTAN TSIGS NI 'DI DAG KYANG YIN PAR SBYAR RO, ,'DIS SNGON MA BYUNG BA'I LHA NYID KYIS GSAL BAR BYA BA NYID YIN NO ZHES ZER BA DGAG PA YANG KHONG DU CHUD PAR BYA'O ZHES BYA BA NI GSAL BA DGAG PA'I RJES SU DPAG PA SNGA MA 'DIS, DPYOD PA DAG GI GZHUNG LAS RIG BYED KYI TSIG DAG NI, SUS KYANG MA BYAS PA YONG GIS YOD PA RTAG PA YIN TE, 'JIG RTEN NA RIG BYED 'DON BDAG GI RGYUD LA MI GSAL BAR GYUR BA NA TSANGS PAS GZHUNG BSRANGS TE, GSAL BAR BYAS PAS RIG BYED NI LHA NYID KYIS GSAL BAR BYA BA NYID YIN NO ZHES ZER BA DGAG PA YANG DE BZHIN DU KHONG DU CHUD PAR BYA'O ZHES BYA BAR SBYAR RO, ,RIG BYED NI BYED PA PO TSUL KHRIMS 'CHAL PAS BYAS PAR SHES PAR BYA STE, 'TSE BA DANG BGROD PAR BYA BA MA YIN PAR 'GRO BA DANG, CHANG 'THUNG BA CHOS SU STON PA'I PHYIR, DPER NA BAR SIG LA SOGS PA'I BSTAN BCOS BZHIN NO ZHES BYA BAS NI, DPYOD PA CAN DAG GI RIG BYED DAG BYED PA MOS BYAS PA LTA LOS KYANG YIN GYI, BYAS PA'I NANG NA YANG BYED PA PO SDIG CAN TSUL KHRIMS 'CHAL BA ZHIG GIS BYAS PAR RJES SU DPAG PA STON TE, DE DAG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BAR SIG LA SOGS PA'I BSTAN BCOS NI BYI SMYIL LA SOGS PAS SROG CHAGS LA 'TSE BA DANG, BU SRING DANG NYAL BA LA SOGS PAS BGROD PAR BYA BA MA YIN PAR 'GRO BA DANG, LKOG TU MYOS KYANG BLA'I ZHES BYA @203A *, ,BA LA SOGS PAS CHANG 'THUNG BA DAG CHOS SU STON PA'I PHYIR, BYED PA PO TSUL KHRIMS 'CHAL BAS BYAS PAR SHES PAR BYAS PA DE BZHIN DU, DPYOD PA CAN DAG GI RIG BYED KYANG ZLA BA BZHI BZHI ZHING ZLA BA BZHI PA ZHES BYA BA'I MCHOD SBYIN DANG, ZLA BA DRUG DRUG CING PHYUGS 'DOG PA ZHES BYA BA'I MCHOD SBYIN BYED PA DE'I TSE PHYUGS KHA 'DOG CING MCHOD SBYIN BYED PAS SROG CHAGS LA 'TSE BA DANG, GO SA BE ZHES BYA BA'I MCHOD SBYIN BYED PA'I TSE MA DANG BU SRING LA SOGS PA DANG LHAN CIG TU GCER BUR PHYUNG TE, PHYUGS BZHIN DU RKANG LAG BZHI SA LA BTZUGS SHING RTZVA ZA BA LTAR BCOS TE MNGAL GYI SGOR LCES 'DAG PA DANG, BSHANG BA'I LAM DU SNOM PA DANG, 'KHRIG PA LHAG PAR SPYOD PA LA SOGS PA DANG, BU MED PA LA MTHO RIS SU 'GRO BA MED DO ZHES ZER ZHING RANG GI DBANG PO DUL BAR BYA BA DANG, MTHO RIS SU 'GRO BA'I LAM NI BU YOD PAR BYA BA YIN NO ZHES PHYUGS BZHIN DU MA SRING LA SOGS PA DANG 'CHOL BAR SPYOD PA LA SOGS PAS BGROD PAR BYA BA MA YIN PAR 'GRO BA DANG, SOO TA MA NI ZHES BYA BA'I MCHOD SBYIN GYI TSE CHANG DANG BCOS PA'I CHANG DANG BAG MED PAR 'THUNG BA LA SOGS PAS CHANG 'THUNG BA DE DAG THAMS CAD MTHO RIS SU SKYE BA'I RGYU DGE BA'I CHOS YIN PAR BSTAN PA'I PHYIR, BYED PA PO SDIG CAN TSUL KHRIMS 'CHAL PA ZHIG GIS BYAS PAR SHES PAR BYA'O, ,GAL TE BSTAN BCOS LAS 'BYUNG BA'I 'TSE BA NI CHOS MA YIN PA MA YIN TE, GSANG SNGAGS KYIS YONGS SU GZUNG BA'I PHYIR, DPER NA DUG ZA BA BZHIN NO ZHE NA ZHES BYA BA NI DPYOD PA CAN DAG NA RE RIG BYED KYI BSTAN BCOS LAS PHYUGS LA SOGS PA BSAD DE MCHOD SBYIN BYA BAR 'BYUNG BAS NI SDIG PA MA YIN TE, PHYUGS 'DOG PA ZHES BYA BA'I MCHOD SBYIN BYED PA'I TSE RA DANG BA LANG LA SOGS PA BCINGS TE KHA MIG LA SOGS PA DBANG PO THAMS CAD BSUBS NAS KYE PHYUGS MTHO RIS SU SONG SHIG , KHYED KYI MIG DAG PAR BYA'O, ,RNA BA DAG PAR BYA'O, ,SNA DAG PAR BYA'O, ,LCE DAG PAR BYA'O, ,LUS DAG PAR BYA'O ZHES BYA BA'I GSANG SNGAGS KYIS BTANG STE BSAD NAS MCHOD SBYIN BYAS NA PHYUGS DE NYID DANG, MCHOD BYIN BYED PA DANG, YON BDAG DANG, DE'I SHA ZOS PA DANG, GSUR BSNAMS @203B PA LA SOGS PA THAMS CAD MTHO RIS SU SKYE'O ZHES ZER BA'I GZHUNG STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DUG GSANG SNGAGS KYIS BSAD DE, ZOS NA MI DUG PA DE BZHIN DU RIG BYED LAS PHYUGS BSAD DE, MCHOD SBYIN BYAS PAR 'BYUNG BA YANG, HE PA SHO SVAR Gm GATZTSA, TE TZKshU SHUDDHA MI, SHRO TU SHUDDHA, MIGTA NA SHUDDHA MI, DZIHVA SHUDDHA MI, K'A Ym SHUDDHA MI, ZHES BYA BA LA SOGS PA'I GSANG SNGAGS KYIS BSAD DE, MCHOD SBYIN BYAS PAS CHOS MA YIN PA MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, MA BYIN PAR LEN PA DANG, 'DOD PA LA LOG PAR G-YEM PA LA SOGS PA DAG GIS MA NGES PA NYID YIN NO ZHES BYA BA SMRAS TE, SDIG CAN BYUNG RGYAL DU SMRA BA'I TSIG DE NI BZANG PO MA YIN TE, 'DI NA MA BYIN PAR LEN PA DANG, 'DOD PA LA LOG PAR G-YEM PA LA SOGS PA MI DGE BA BCU DANG MTSAMS MED PA LNGA LA SOGS PA DAG SPYOD PA LA BRAM ZE BYE BA 'BUM PHRAG DU MAS GSANG SNGAGS KYIS BTAB KYANG DE DAG MI DGE BA MA YIN PAR MA MTHONG BAS DES NA JE RE ZHIG GSANG SNGAGS KYIS YONGS SU GZUNG BA'I PHYIR, DPER NA DUG ZA BA BZHIN DU RIG BYED LAS 'BYUNG BA'I 'TSE BA CHOS MA YIN PA MA YIN PAR 'GYUR RAM, 'ON TE GSANG SNGAGS KYIS YONGS SU GZUNG BA'I PHYIR, DPER NA MI DGE BA BCU DANG, MTSAMS MED PA LNGA LA SOGS PA DAG BZHIN DU RIG BYED LAS 'BYUNG BA'I 'TSE BA CHOS MA YIN PAR 'GYUR BA MA NGES BAS KHYED KYI GTAN TSIGS GSANG SNGAGS KYIS YONGS SU GZUNG BA'I PHYIR ZHES BYA BA DE MA NGES PAS MI RUNG NGO, ,DA NI DE NYID RJES SU DPAG PAS SGRUB PA BSTAN PA'I PHYIR, 'TSE BA NI NGAN 'GROR 'GRO BA'I RGYU YIN TE, BSAMS BZHIN DU MA NOR BAR GSOD PA'I PHYIR, DPER NA THA MAL PA PHYUGS GSOD PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI CHOG MA GTOGS PAR THA MAL PAR RNGON PA DANG, LINGS PA DANG, 'DREN GTOR DANG, 'DOD ZHEN @204A *, ,DANG; SHA KHO NA LA SOGS PAS PHYUGS GSOD PA NI BSAMS BZHIN DU MA NOR BAR GSOD PA'I PHYIR NGAN 'GROR 'GRO BA'I RGYU YIN PA DE BZHIN DU SPYOD PA CAN DAG GI MCHOD SBYIN GYI TSE SROG CHAGS LA 'TSE BA YANG BSAMS BZHIN DU MA NOR BAR GSOD PA'I PHYIR NGAN 'GROR 'GRO BA'I RGYU YIN NO, ,YANG NA MCHOD SBYIN GYI GNAS SU 'TSE BA'I MTSAN NYID KYI BYA BA NI NGAN 'GROR 'GRO BA'I RGYU YIN TE, GZHAN GSOD PAR RJES SU GNANG BA SNGON DU GTONG BA NYID YIN NA BYA BA'I KHYAD PAR YIN PA'I PHYIR DPER NA MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA BZHIN NO ZHES BYA BAS NI DPYOD PA CAN DAG MCHOD SBYIN GYI GNAS SU PHYUGS GSOD PA LA SOGS PA 'TSE BA'I MTSAN NYID KYI BYA BA BYED PA'I LAS NI NGAN 'GROR 'GRO BA'I RGYU YIN PAR SGRUB PA'I RJES SU DPAG PA GZHAN STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN GYI GNAS MA YIN PAR PHYUGS GSOD PA LA SOGS PA 'TSE BA'I MTSAN NYID KYI BYA BA NI RANG GI SEMS KYIS GZHAN GSOD PAR RJES SU GNANG BA SNGON DU GTANG BA NYID YIN NA MI DGE BA'I BYA BA'I KHYAD PAR YIN PA'I PHYIR, NGAN 'GROR 'GRO BA'I RGYU YIN DE BZHIN DU MCHOD SBYIN GYI GNAS SU MCHOD SBYIN GYI CHED DU PHYUGS GSOD PA LA SOGS PA 'TSE BA'I MTSAN NYID KYI BYA BA YANG RIG BYED LA GZHAN GSOD PAR RJES SU GNANG BA SNGON DU BTANG BA NYID YIN NA MI DGE BA'I BYA BA'I KHYAD PAR YIN PA'I PHYIR NGAN 'GROR 'GRO BA'I RGYU YIN NO; ,DE LA 'DIR GZHAN GSOD PAR RJES SU GNANG BA SNGON DU BTANG BA NYID DU YIN NA BYA BA'I KHYAD PAR YIN PA'I PHYIR ZHES GTAN TSIGS KYI KHYAD PAR GNYIS SMOS CI DGOS SHE NA, GAL TE BYA BA'I KHYAD PAR YIN PA'I PHYIR ZHES BYA BA MA SMOS PAR GZHAN GSOD PAR RJES SU GNANG BA SNGON DU BTANG BA NYID YIN NA ZHES BYA BA DE TZAM ZHIG SMOS PAR GYUR NA BYA BA'I KHYAD PAR MED PA'I PHYIR PHYOGS KYI CHOS GTAN TSIGS SU MI RUNG BAS DE'I PHYIR BYA BA'I KHYAD PAR YIN PA'I PHYIR ZHES SMOS SO, ,GAL TE GZHAN GSOD PAR RJES SU GNANG BA SNGON DU BTANG BA NYID YIN NA ZHES BYA BA MA SMOS PAR BYA BA'I KHYAD PAR YIN PA'I PHYIR ZHES BYA BA @204B DE TZAM ZHIG SMOS PAR GYUR NA YANG SBYIN PA LA SOGS PA'I BYA BA'I KHYAD PAR YIN PA'I PHYIR MTHO RIS SU 'GRO BA'I RGYU YIN NAM, SROG GCOD PA LA SOGS PA'I BYA BA'I KHYAD PAR YIN PA'I PHYIR NGAN 'GROR 'GRO BA'I RGYU YIN PA MA NGES PAR 'GYUR BAS DE'I PHYIR GZHAN GSOD PAR RJES SU GNANG BA SNGON DU BTANG BA NYID YIN NA BYA BA'I KHYAD PAR YIN PA'I PHYIR ZHES BYA BA GNYI GA SMOS TE, RIG BYED LAS GZHAN GSOD PAR RJES SU GNANG BA SNGON DU BTANG BA NYID YIN NA MI DGE BA'I BYA BA'I KHYAD PAR YIN PA'I PHYIR NGAN 'GROR 'GRO BA'I RGYU YIN NO ZHES BYA BAR SBYAR RO, ,GAL TE 'DIR MI MKHAS PA 'GA' ZHIG DPER NA CHU CHEN PO'I RGYU GYIS KHYER BA NA RTZVA KA SHA DANG, KU SHA TZAM LA 'JU BA DANG 'DRA BAR 'TSE BA'I MTSAN NYID KYI BYA BA NGAN 'GROR 'GRO BA'I RGYU YIN PAR BSGRUBS PA 'DI LA 'DI SKAD CES, KHYED DBU MA PAS MCHOD SBYIN GYI GNAS SU 'TSE BA'I MTSAN NYID KYI BYA BA NI NGAN 'GROR 'GRO BA'I RGYU YIN TE ZHES DAM BCAS PA 'DI LA MCHOD SBYIN GYI GNAS SU ZHES BYA BA'I TSIG 'DI'I RNAM PAR DBYE BA NI MCHOD SBYIN GYI GNAS KYI NANG DU ZHES BYA BA'I SGRA YIN PAS DES NA MCHOD SBYIN GYI GNAS PHYI NANG DU NI 'TSE BA'I MTSAN NYID KYI BYA BA KHO BO CAG KYANG MI BYED PAS KHYED NA RE MCHOD SBYIN GYI GNAS SU 'TSE BA'I MTSAN NYID KYI BYA BA NGAN 'GROR 'GRO BA'I RGYU YIN PAS MI BYA'O ZHES ZER BA'I BSGRUB PA DE GRUB PA LA SGRUB PA'I SKYON CHAGS PA YIN PAS MI RUNG STE, 'DI LTAR KHO BO CAG GI GZHUNG LAS KYANG MCHOD SBYIN GYI GNAS ZHES BYA BA NI KUN SBYIN PA'I ME DANG, KHYIM BDAG GIS BYAS PA'I ME DANG, MCHOD PA'I ME ZHES BYA BA SBYIN SREG GI THAB KHUNG GSUM PO DAG YIN PAS KHO BO CAG GI SBYIN SREG MKHAN DAG KYANG THAB GSUM PO DE DAG GI NANG NYID DU PHYUGS GSOD PA LA SOGS PA 'TSE BA'I MTSAN NYID KYI BYA BA MI BYED DE, MCHOD SBYIN GYI GNAS KYI PHYI ROL PHYOGS GZHAN DU PHYUGS GSOD PA LA SOGS PA'I 'TSE BA'I MTSAN NYID KYI BYA BA BYAS NAS SHA LA SOGS PA THAB DE GSUM GYI NANG DU SBYIN SREG BYED PAS DE NA NGAN 'GROR 'GRO BA'I RGYU MA YIN NO ZHES ZER NA, DE LA 'DI SKAD CES BRJOD PAR BYA STE, 'DIR KHO BOS MCHOD SBYIN GYI GNAS SU ZHES SMRAS PA'I TSIG DE'I RNAM PAR DBYE BA NI MCHOD SBYIN GYI GNAS KYI NANG DU @205A *, ,ZHES BYA BA'I SGRA MA YIN GYI MCHOD SBYIN GYI GNAS KYI PHYIR ZHES BYA BA'I SGRA YIN PAS, DES NA JI TZAM DU MCHOD SBYIN GYI GNAS KYI PHYIR RAM, DE'I DON DU'AM, DE'I CHED DU PHYUGS GSOD PA LA SOGS PA 'TSE BA'I MTSAN NYID KYI BYA BA BYED NA SBYIN SREG GI THAB KYI NANG DU YANG RUNG, THAB DOGS SU YANG RUNG, MCHOD SBYIN GYI GNAS KYI NANG ROL DU YANG RUNG, PHYI ROL DU YANG RUNG, DE'I PHYOGS SU YANG RUNG, PHYOGS GZHAN DU YANG RUNG STE, DE DAG THAMS CAD NGAN 'GROR 'GRO BA'I RGYU YIN TE, GZHAN GSOD PAR RJES SU GNANG BA SNGON DU BTANG BA NYID YIN NA BYA BA'I KHYAD PAR YIN PA'I PHYIR DPER NA MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA BZHIN NO ZHES DAM BCAS PA DE'I PHYIR KHO BO'I SGRUB PA DE SGRUB PA LA GRUB PA MA YIN PA'I PHYIR KHYOD KYI SGRUB PA DES NI DPER NA CHU CHEN PO'I RGYUN GYIS KHYER BA NA RTZVA KA SHA DANG KU SHA TZAM LA 'JUS PAS PHA MI LON PA DANG 'DRA BAR MCHOD SBYIN GYI GNAS SU 'TSE BA'I MTSAN NYID KYI BYA BA NGAN 'GROR 'GRO BA'I RGYU MA YIN PAR MI 'GRUB PO, ,GANG DAG 'JIG RTEN RGYANG PHAN PA DAG PAS KYANG SDIG CHE BAR RIG BYED SMRA BA'I THA MA LAG GI RJES SU ZHUGS NAS MCHOD SBYIN GYI GNAS SU 'TSE BA'I MTSAN NYID KYI BYA BA NI MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA LTAR CHOS MA YIN PA MA YIN TE, BSTAN BCOS LAS CHOS MA YIN PA MI STON PA'I PHYIR DPE MA GRUB PO ZHES ZER NA ZHES BYA BA NI BRAM ZER DPYOD PA CAN SROG CHAGS LA 'TSE BA SDIG CAN ZANG ZING 'DOD PA GANG DAG 'JIG RTEN RGYANG PHAN PA DAG PAS KYANG SDIG CHE BA RIG BYED SMRA BA'I THA MA LAG GI RJES SU ZHUGS PA DAG DBU MA PA'I SGRUB PA SNGA MA'I DPE MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA BZHIN NO ZHES BYA BA DE BSGRUB PAR BYA BA CHOS KYIS STONG PAS MA GRUB PO ZHES ZER BA'I TSIG YIN TE, DE DAG NA RE MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA NI NGAN 'GROR 'GRO BA'I RGYU YIN PA DE BDEN PAS MCHOD SBYIN GYI GNAS SU 'TSE BA'I MTSAN NYID KYI BYA BA NI MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA LTAR CHOS MA YIN PA MA YIN TE, CI'I PHYIR NA, 'DI LTAR MCHOD SBYIN GYI GNAS SU 'TSE BA'I MTSAN NYID KYI BYA BA NI @205B RIG BYED KYI BSTAN BCOS LAS 'BYUNG LA, RIG BYED KYI BSTAN BCOS NI YID CHES PA'I LUNG YIN PAS DE LAS CHOS MA YIN PA MI STON PA'I PHYIR MCHOD SBYIN GYI GNAS SU 'TSE BA'I MTSAN NYID KYI BYA BA NI NGAN 'GROR 'GRO BA'I RGYU MA YIN PAS KHYOD KYI DPE MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA BZHIN NO ZHES BYA BA DE BSGRUB PAR BYA BA CHOS KYIS STONG PA'I PHYIR MA GRUB PO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE DAG NI 'JIG RTEN RGYANG PHAN PA BLO GROS SBYANG BA MA BYAS PA, MI DGE BA'I BYA BA LA MNGON PAR DGA' BA'I SEMS DANG LDAN PA RNAMS KYI 'JUG PA GANG YIN PA DE GTZO CHER SGRUB PAR BYED PA YIN PAS GTAM 'DRE BAR BYAS PA YANG MA YIN MOD KYI, 'ON KYANG DE DAG GI LUGS DGAG PA BRJOD PAR BYA STE ZHES BYA BA SMRAS TE, DE DAG NI BDAG NYID KYANG NYAMS LA GZHAN DAG KYANG CHUD ZA BAR BYED PA YIN PAS GTAM 'DRE BAR BYA BA YANG MA YIN MOD KYI, 'ON KYANG DE DAG BDAG NYID NYAMS PA LA SNYING BRTZE BA DANG, GZHAN DAG CHUD ZA BAR BYED PA BZLOG PA'I PHYIR DE DAG GI LUGS DGAG PA BRJOD PAR BYA STE ZHES BYA BAR SBYAR RO, ,DE DGAG PA'I RJES SU DPAG PA BSTAN PA'I PHYIR, MCHOD SBYIN GYI GNAS SU 'TSE BA'I MTSAN NYID KYI BYA BA GANG YIN PA DE NI TSE 'DI LA DE'I GNAS LA 'BRAS BU JI LTA BU MNGON PAR SGRUB PAR BYED PA DE LTA BU KHO NA'I 'BRAS BU TSE PHYI MA LA BYED PA PO LA MNGON PAR 'GRUB PAR BYED PA YIN TE, BYA BA'I KHYAD PAR YIN PA'I PHYIR DPER NA SBYIN PA BZHIN NO ZHES BYA BA SMRAS TE, DPE YIN PAR GO RIMS BZHIN DU SBYAR TE, DPER NA SBYIN PA YIN PA DE NGAN 'GROR 'GRO BA'I RGYU YIN PAS DBU MA PA'I DPE SNGA MA DE BSGRUB PAR BYA BA CHOS KYIS MI STONG PAR BSGRUB PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SBYIN PA NI DGE BA'I KHYAD PAR YIN PA'I PHYIR TSE 'DI LA SBYIN PA DE'I GNAS MCHOD PA DANG, DRIN BSAB PA DANG, SNYING RJE BDAG LA CHOS DANG, ZANG ZING DANG, MI 'JIGS PA SBYIN PA'I 'BRAS BU JI LTA BU MNGON PAR SGRUB PAR BYED PA, DE LTA BU KHO NA'I 'BRAS BU TSE PHYI MA LA SBYIN PA PO LA MNGON PAR @206A *, ,'GRUB PAR BYED PA DE BZHIN DU MCHOD SBYIN GYI GNAS SU 'TSE BA'I MTSAN NYID KYI BYA BA GANG YIN PA DE YANG MI DGE BA'I BYA BA'I KHYAD PAR YIN PA'I PHYIR TSE 'DI LA 'TSE BA DE'I GNAS PHYUGS LA SOGS PA'I LUS LA BCING BA DANG, BSUB PA DANG, MTSON GYIS GDAB PA DANG, SROG GCOD PA DANG, SHA SREG PA LA SOGS PA'I 'BRAS BU JI LTA BU MNGON PAR SGRUB PAR BYED PA DE LTA BU KHO NA'I 'BRAS BU TSE PHYI MA LA BYED PA PO LA MNGON PAR GRUB PA BYED PA YIN PAS MCHOD SBYIN GYI GNAS SU 'TSE BA'I MTSAN NYID KYI BYA BA GANG YIN PA DE NI NGAN 'GROR 'GRO BA'I RGYU YIN PA'I PHYIR KHO BO'I DPE MCHOD SBYIN GYI GNAS MA YIN PAR 'TSE BA'I MTSAN NYID KYI BYA BA NGAN 'GROR 'GRO BA'I RGYU YIN PA BZHIN NO ZHES BYA BA DE BSGRUB PAR BYA BA CHOS KYIS MI STONG PAS GRUB PA YIN NO, ,GANG DAG 'DI SKAD CES PHYUGS MCHOD SBYIN DU SPYAD PA NI CHOS MA YIN PA MA YIN TE, DE'I CHED NYID YIN PA'I PHYIR GANG ZHI GANG GI CHED DU SBYAR BA DE'I CHED DU SPYAD PA CHOS MA YIN PA'I RGYUR MI 'GYUR TE, DPER NA SBYIN BDAG GIS BRAM ZE'I CHED DU 'BRAS CHEN SBYAR BA BZHIN NO ZHES ZER NA ZHES BYA BAS NI DPYOD PA CAN DANG, PAR SIG DANG, MO GO SHA DANG, MU SU LA MAN DANG, TAR SOG LA SOGS PA DAG GI GZHUNG LAS PHYUGS LA SOGS PA DUD 'GRO RNAMS MCHOD SBYIN DU SPYAD PA DANG, MIS BZA' BA'I RKYEN DU BYA BA YIN PAS DE DAG MCHOD SBYIN DU SPYAD PA DANG, MIS ZOS PA LA SDIG PA MED DO ZHES ZER BA'I GZHUNG STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, NYE BAR SBYAR BA'I SBYOR BA DANG; DPE YIN PAR GO RIMS BZHIN DU SBYAR TE, DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, 'GA' ZHIG GIS PHYUGS MCHOD SBYIN GYI CHED DU SPRUL TO ZHES BYA BA DE MI 'GRUB STE, SPRUL PA PO 'GA' ZHIG GIS BLO SNGON DU BTANG STE, BYAS PAR KHAS MA BLANGS PA'I PHYIR RO ZHES BYA BA SMRAS SO, ,DUD 'GRO'I MCHOD SBYIN GYIS LHA MA NYES PAR 'GYUR RO ZHES ZER BA DE YANG 'JIG RTEN SLU BA'I TSIG YIN PAR BSTAN PA'I PHYIR, DUD 'GRO PHYUGS NGAN 'GRO LOG PAR LTUNG BAR SKYES PA BDE BA SHIN TU DKON PA SHA KHO NA MED PA 'CHI BAS 'JIGS SKRAG PA @206B MYA NGAN BYA BAR 'OS PA DAG BSAD PAS LHA LHA'I PHRENG BA DANG, BYUG PA DANG RGYAN DANG, GOS 'CHANG BA'I GZUGS CAN BDUD RTZI MCHOG TU YID DU 'OD BA RO ZHIM PA'I ZAS ZA BAR 'BYOR BA CHEN PO DANG LDAN PA RNAMS DGA' BAR 'GYUR RO ZHES BYA BA DE LA SU ZHIG YID CHES PA SKYE BAR 'GYUR ZHES BYA BA SMRAS SO, , DE NYID KYI RJES SU DPAG PA BSTAN PA'I PHYIR, PHYUGS DAG NI MCHOD SBYIN GYI CHED MA YIN TE, LONGS SPYAD PAR BYA BA YIN PA'I PHYIR DPER NA MCHOD SBYIN BYA BA'I 'BRAS BU BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MCHOD SBYIN BYA BA'I 'BRAS BU MTHO RIS SU SKYE BA LA SOGS PA NI LONGS SPYAD PAR BYA BA YIN PA'I PHYIR MCHOD SBYIN GYI CHED MA YIN TE, 'DI LTAR MCHOD SBYIN NYID DE'I CHED YIN PA DE BZHIN DU PHYUGS DAG KYANG BZHO BA DANG BKAL BA LA SOGS PAS LONGS SPYAD PAR BYA BA YIN PA'I PHYIR MCHOD SBYIN GYI CHED MA YIN TE, 'DI LTAR MCHOD SBYIN NYID DE DAG GI CHED YIN PAS GANG DAG 'DI SKAD CES PHYUGS MCHOD SBYIN DU SPYAD PA NI CHOS MA YIN PA MA YIN TE, DE'I CHED NYID YIN PA'I PHYIR RO ZHES ZER BA DE'I GTAN TSIGS KYI DON MA GRUB PO, ,DE BZHIN DU YOD PA NYID LA SOGS PA'I GTAN TSIGS DAG GI PHYIR RO ZHES KYANG RJES SU DPAG PA RGYAS PAR BRJOD PAR BYA'O ZHES BYA BA NI PHYOGS DE'I GTAN TSIGS NI YOD PA NYID DANG, BRJOD PAR BYA BA NYID DANG, SHES BYA NYID DANG, CHOS SGRUB PA NYID DANG, DGA' BA DANG YONGS SU GDUD BA'I RGYU NYID LA SOGS PA DAG KYANG YIN PAR SBYANG RO, DE LTAR SPYOD PA CAN DAG RIG BYED NI SUS KYANG MA BYAS PA YONG GIS YOD PA RTAG PA THAMS CAD MKHYEN PA YIN PAR BSGRUB PA'I GZHUNG SU NA DBYUNG BA BSTAN TO, ,DE NI PHYOGS TZAM ZHIG NYE BAR BSTAN PA YIN TE ZHES BYA BA NI MCHOD SBYIN DGAG PA'O, ,ZHAR LA BSHAD PAS CHOG GO ZHES BYA BA NI THAMS CAD MKHYEN PA BSGRUB PA'O, ,DE'I PHYIR DE LTAR THAMS CAD MKHYEN PA NI CHOS THAMS CAD NGO BO NYID MED PA NYID PHYIN CI MA LOG PAR STON PAR DKA' BA LHA DANG, MI'I BLA MA RNAMS KYIS BKUR BA STE, DE NYID BCOM LDAN 'DAS STOBS BCU MNGA' BA YIN NO ZHES BYA BA NI MJUG BSDU BA DANG TSAD @207A *, ,MA'I 'BRAS BU YIN TE, DE LTAR PHAS KYI RGOL BA MU STEGS BYED GLANG PO'I RIGS CAN RNAMS KYI TSIG DAG DE BZHIN GSHEGS PA'I BKA' SENG GE'I SGRA LTA BU'I LUNG GIS TSAR BCAD PAS DE BZHIN GSHEGS PA THAMS CAD MKHYEN PA NYID DU GRUB PO, ,GTAM HA CANG 'PHROS PAS CHOG GIS SKABS NYID LA 'JUG PAR BYA'O ZHES BYA BAS NI THAMS CAD MKHYEN PA MA YIN PAR SMRA BA SUN DBYUNG BA DANG, THAMS CAD MKHYEN PA NYID BSGRUB PA DE TZAM GYIS CHOG GIS DA NI DON DAM PAR DE BZHIN GSHEGS PA NGO BO NYID MED PAR BSGRUB PA'I SKABS NYID LA 'JUG PAR BYA'O ZHES STON TO, , 'DIR SMRAS PA KHYOD KYIS CHOS THAMS CAD SPROS PA MED DO ZHES KHAS BLANGS LA, CHOS THAMS CAD STONG PA'O ZHES SPROS PAR YANG BYED PAS DE'I PHYIR KHAS BLANGS PA LA GNOD PAR 'GYUR RO ZHES BYA BA NI PHA ROL PO DAG DBU MA PA LA KHAS BLANGS PA LA GNOD PA'I SKYON 'DOGS PA'I TSIG YIN NO, , DE'I LAN DU 'DIR BSHAD PA DE NI BDEN MOD KYI ZHES BYA BA NI CHOS THAMS CAD SPROS PA MED PA NI BDEN NO ZHES STON TO, ,DON DAM PAR SPROS PA MED PA BDEN MOD KYI, KUN RDZOB TU STONG NGO ZHES SPROS PAS MA BSTAN NA SGRUB PAR BYED PA DAG GIS DE MI RTOGS PAS DON DAM PA RTOGS PAR BYA BA'I THABS SU THA SNYAD DU SPROS PAS BSTAN TO ZHES BSGRUB PA'I PHYIR, GAL TE CHOS THAMS CAD STONG NGO ZHES MA BRTEN PA YANG SGRUB PAR BYED PAS THOS PA LAS BYUNG BA'I SHES PA MED PAR CHOS THAMS CAD STONG NGO ZHES BYA BAR RTOGS PAR 'GYUR NA NI DON DAM PAR, STONG NGO ZHES KYANG MI BRJOD DE, ,MI STONG ZHES KYANG MI BYA ZHING, ,GNYIS DANG GNYIS MIN MI BYA STE, ,ZHES BYA BA SMRAS TE, DE LTAR DE SKAD SPROS PAR BYA YANG MI DGOS PA ZHIG NA ZHES BSTAN TO, ,DE LTA MA YIN PAS DE'I PHYIR BSOD NAMS DANG YE SHES KYI TSOGS DANG RJES SU MTHUN PAR SGRUB PAR BYED PA RNAMS KYIS DE LTAR RTOGS PAR BYA BA'I PHYIR STONG PA NYID LA SOGS PA'I BRJOD PA DAG GIS, GDAGS PA'I DON DU BRJOD PAR BYA, ,YANG DAG PA MA YIN PAR RTOG PA'I DRI MA BKRU BA'I PHYIR RO ZHES BYA BA NI DE LTA MA YIN PAS DE'I PHYIR TSOGS GNYIS RDZOGS PAR BYA BA DANG, LTA BA DAN PA'I DRI MA DAG BKRU BA'I PHYIR KUN RDZOB @207B TU STONG PA NYID LA SOGS PA'I BRJOD PA DAG GIS STONG PA DANG, MI STONG PA DANG, GNYI GA DANG, GNYI GA MA YIN NO ZHES SPROS TE BSTAN PAR BYA BA LA SKYON MED DO ZHES BSTAN TO, ,DA NI KUN RDZOB DU STONG PA NYID LA SOGS PAR BSTAN PA'I DGOS PA BSTAN PA'I PHYIR, DE LA RE ZHIG LTA BA'I LING TOG GZHIG PA'I PHYIR SHES BYA STONG NGO ZHES BRJOD PAR BYA'O, ,MED PAR LTA BA SPANG BA'I PHYIR SGYU MA DANG, SMIG RGYU LTA BU'I BDAG NYID KYIS MI STONG NGO ZHES KYANG BRJOD PAR BYA'O, ,DON DAM PAR RANG LAS SKYE BA MED PA'I PHYIR DANG, SGYU MA LA SOGS PA'I NGO BO NYID KYI BDAG NYID DU SKYES PA'I PHYIR GNYI GA ZHES KYANG BRJOD PAR BYA'O, ,GANG YANG RUNG BA'I MTHAR LTUNG BA YONGS SU SPANG BA'I PHYIR DANG, BDEN PA GNYIS LA RNAM PAR LTOS PAS GNYI GAR LTA BA'I SKYON GYI DUG BSAL BA'I PHYIR DANG, DON DAM PA'I BDEN PA RTOGS PAR BYA BA'I PHYIR GNYI GA MA YIN NO ZHES KYANG BRJOD PAR BYA'O ZHES BYA BA SMRAS SO, ,DE'I PHYIR DE LTAR YANG DAG PA MA YIN PAR RTOG PA'I DRI MA BKRU BA'I PHYIR STONG PA NYID LA SOGS PA BRJOD DE ZHES BYA BA NI DGOS PA BZHI BSTAN PA'I MJUG BSDU BA STE, MI MTHUN PA BZHI PO DE DAG BKRU BA'I PHYIR STONG PA DANG, MI STONG PA DANG, GNYI GA DANG, GNYI GA MA YIN PA ZHES BRJOD DO, ,STONG PA NYID LA SOGS PAR MI MTHUN PA DE DAG SPANG BA'I KHUNGS BSTAN PA'I PHYIR, JI SKAD DU STONG PA NYID NI LTA BAR GYUR PA THAMS CAD LAS NGES PAR 'BYIN PA'O ZHES GSUNGS PA LTA BU'O ZHES BYA BA SMRAS SO, ,DE NYID KYI KHUNGS SLOB DPON 'PHAGS PA LHAS MDZAD PA BSTAN PA'I PHYIR, GZHAN YANG, GAL TE DNGOS POR RANG BZHIN YOD, ,STONG MTHONG YON TAN JI ZHIG YOD, ,RTOG PAS BCINGS PA MTHONG BAS NA, ,'DIR NI DE NYID GDAGS PAR BYA, ,ZHES BSHAD PA LTA BU'O ZHES BYA BA SMRAS TE, GAL TE DON DAM PAR DNGOS PO RNAMS NGO BO NYID KYIS YOD PAR GYUR NA STONG PA MTHONG BA LA YON TAN JI ZHIG YOD DE, 'DI LTAR NGO BO NYID LA 'GYUR BA MED PA'I PHYIR STONG PA NYID MTHONG BA LA YON TAN 'GA' YANG MED PAR 'GYUR BA ZHIG NA, STONG PA NYID MTHONG BA LA MYA NGAN LAS 'DAS PA 'THOB PA ZHES BYA BA'I YON TAN YOD PAS DE'I PHYIR DNGOS PO RNAMS NGO BO @208A *, ,NYID YOD PA MA YIN NO, ,GAL TE GZHAN DAG NA RE DNGOS PO RNAMS NGO BO NYID MED NA YANG STONG PA NYID MTHONG BA LA YON TAN JI YOD LTA BA DAG DNGOS PO YOD NA NI STONG PA NYID MTHONG BAS DE DAG SEL BAS STONG PA NYID MTHONG BA LA LTA BA SEL BA'I YON TAN YOD DO ZHE NA, DE'I LAN DU RTOG PAS BCINGS PA MTHONG BAS NA, ,'DIR NI DE NYID DGAG PAR BYA, ,ZHES GSUNGS TE, 'DI'I DON NI DNGOS PO THAMS CAD STONG PA NYID YIN YANG MI STONG PAR RTOG PA LA MNGON PAR ZHE NA PAS, 'KHOR BAR BCINGS PAS BCINGS PA DAG 'DI NA MTHONG BAS NA, DE'I PHYIR MI STONG PAR RTOG PAS 'KHOR BAR BCINGS PA'I RTOG PA DE NYID 'DIR DGAG PAR BYA BA YIN PA'I PHYIR STONG PA NYID MTHONG BA LA YON TAN YOD DO, ,DE LTA BAS NA GANG DAG 'DI SKAD CES GAL TE DON DAM PAR DNGOS PO RNAMS YOD PA MA YIN NA KUN NAS NYON MONGS PA DANG, RNAM PAR BYANG BA DAG RGYU MED PAR JI LTAR RUNG BAR 'GYUR ZHES ZER BA DE DAG GI LAN KYANG, RTOG PAS BCINGS PA MTHONG BAS NA, ,ZHES BYA BA 'DI NYID YIN TE, DPER NA KHYIM THAB GZHAN DU SONG BA'I CHUNG MAS RANG GI KHYIM THAB SHI BA'I GTAM THOS PA'I 'OG TU DA TZAM BDAG GI KHYIM THAB BUD MED GZHAN DANG 'KHRIG CING 'DUG GO SNYAM PA'I RTOG PA SKYES NA GZHI MED PA'I RTOG PA DES RANG GI SEMS PA PHRAG DOG DANG, ZHE SDANG SKYES PAS BCINGS PA DAG 'DI NI MTHONG BAS DNGOS PO YOD PA MA YIN BZHIN DU RANG GI RTOG PAS BCINGS PA DE NYID KUN NAS NYON MONGS PA'I RGYU YIN PAS DE 'DIR DGAG PAR BYA BA YIN NO, ,GAL TE GZHAN GYI DBANG GI NGO BO NYID YOD PAR GYUR NA NI, NGO BO NYID MI SPONG BA'I PHYIR NYON MONGS PA SPONG BA YANG MI SRID PAR 'GYUR RO, ,DE LTAR YANG, BCOM LDAN 'DAS LA 'PHAGS PA RAB 'BYOR GYIS ZHUS PA, BCOM LDAN 'DAS GAL TE DON DAM PAR DNGOS PO THAMS CAD STONG PA LAGS NA, 'O NA JI LTAR SO SO'I SKYE BO RNAM PAR GZHAG PA DANG, DAG BCOM PA'I BAR DAG RNAM PAR GZHAG ,BCOM LDAN 'DAS KYIS BKA' STZAL PA, RAB 'BYOR 'DI LTA STE DPER NA MI ZHIG GNYID LOG PA'I RMI LAM NA BDAG NYID SPRUL GDUG PAS ZIN TE ZHI BA LA THUG PA LAS DUG SMAN ZOS PA DANG BDAG NYID DU MED @208B PAR SHES PA DE LA DUG KYANG MED SMAN YANG MED PA DE BZHIN DU DON DAM PAR DNGOS PO YOD PA MA YIN PA DAG LA THA DAD DU NYON MONGS PA DANG BCAS PA DANG, NYON MONGS PA MED PAR 'DOGS SO ZHES GSUNGS PA DANG, 'PHAGS PA LANG KAR GSHEGS PA'I MDO LAS KYANG, KUN RDZOB TU NI DNGOS RNAMS YOD, ,DON DAM DU NI DNGOS PO MED, ,CES GSUNGS PA DANG, 'PHAGS PA BLO GROS CHEN POS ZHUS PA, GAL TE DON DAM PAR NGO BO NYID MA MCHIS NA DE LTA NA KUN RDZOB KYI BDEN PA MCHIS SAM, BCOM LDAN 'DAS KYIS BKA' STZAL PA, DNGOS NYID MED LA GANG 'KHRUL PA, ,DE NI KUN RDZOB BDEN PA'O, ,ZHES GSUNGS PAS GANG DNGOS PO NYID MED PAR YONGS SU MA SHES PAS NGO BO NYID DANG BCAS PA NYID DU MNGON PAR ZHEN PA'I 'KHRUL PA GANG YIN PA DE NI KUN RDZOB KYI BDEN PA'O, ,DE NYID NGO BO NYID MED PA NI DON DAM PA YIN PAS DNGOS PO RNAMS NGO BO NYID MED PAS MYA NGAN LAS 'DAS PA THOB PAR 'GYUR RO, ,GAL TE GNYI GA MA YIN NO ZHES SPROS PA BYED PAS SPROS PA YANG MA SPANGS SO ZHE NA ZHES BYA BA NI PHA ROL PO DAG NA RE GNYI GA MA YIN NO ZHES BYA BA DE YANG SPROS PA YIN PAS KHAS BLANGS PA LA GNOD PA'I SKYON YOD DO ZHES ZER BA'I TSIG YIN NO, ,DE'I LAN DU, DE LAS GZHAN PA'I SPROS PA DGAG PAR 'DOD PAS DE SKAD SMRAS KYANG SKYON MED DE ZHES BYA BA SMRAS TE, GNYI GA MA YIN PA LAS GZHAN PA STONG PA DANG, MI STONG PA ZHES PA DGAG PAR 'DOD PA'I PHYIR RO, ,DE NYID KYI DPE BSTAN PA'I PHYIR, DPER NA RANG NYID SGRA MI 'DOD PAS GZHAN DAG GI SGRA DGAG PAR 'DOD PA'I PHYIR SGRA MA 'BYIN ZHES BRJOD PA LA SKYON MED PA BZHIN NO ZHES BYA BA SMRAS SO, ,YANG NA DON DAM PA STON PAR BYED PA RGYU'I SHES PA THA SNYAD PA'I SHES PA KHYAD PAR LA DON DAM PA NYE BAR GDAGS PA BYAS NAS DON DAM PAR DNGOS PO RNAMS STONG NGO ZHES DAM BCAS PA'I PHYIR SKYON MED DE ZHES BYA BAS NI SNGAR DON DAM PAR NI SPROS PA MED MOD KYI KUN RDZOB TU MA SPROS NA DON DAM PA MI RTOGS PAS KUN RDZOB KYI SGO NAS DON DAM PAR STONG PA NYID DO ZHES BSTAN PA DE LAS RNAM PA GZHAN DU BSHAD PA STON TE, 'DIS NI DON DAM PA STON PA'I SHES PA KUN RDZOB PA LA DON DAM PA NYE BAR BTAGS TE, DON DAM PAR DNGOS PO RNAMS @209A *, ,STONG NGO ZHES BSTAN PA KHAS BLANGS PA LA GNOD PA'I SKYON MED DO ZHES BSTAN TO, ,DE NYID KYI KHUNGS BSTAN PA'I PHYIR, 'OG NAS KYANG, THA SNYAD LA NI MA BRTEN PAR, ,DAM PA'I DON NI BSTAN MI NUS, ,ZHES 'BYUNG NGO ZHES BYA BA SMRAS TE, 'PHAGS PA'I BDEN PA BRTAG PA'I SKABS NAS 'BYUNG NGO, ,GZHAN YANG MI STONG PA DGAG PA KHO NA'I PHYIR STONG PA NYID CES BRJOD PAR ZAD KYI, STONG PA NYID DU BSGRUB PA GTZO CHER MA BSTAN PAS SKYON MED DO ZHES BYA BAS NI MED PAR DGAG PA BSTAN GYI MA YIN PAR DGAG PA MA BSTAN PAS SKYON MED DO ZHES STON TO, ,DE'I PHYIR DE LTAR DE BZHIN GSHEGS PA NGO BO NYID STONG YANG GANG DAG 'DI SKAD CES 'DI LA DE BZHIN GSHEGS PA DE RTAG PA 'AM, MI RTAG PA'AM, RTAG KYANG RTAG LA MI RTAG KYANG MI RTAG PA'AM, RTAG PA YANG MA YIN, MI RTAG PA YANG MA YIN PA'AM, DE BZHIN DU 'JIG RTEN MTHA' YOD PA'AM, 'JIG RTEN MTHA' MED PA'AM, MTHA' YOD KYANG YOD LA, MTHA' MED KYANG MED PA'AM, MTHA' YOD PA YANG MA YIN, MTHA' MED PA YANG MA YIN PA ZHIG TU 'GYUR BA'I PHYIR, DE DAG JI LTAR 'GRUB PA DE BZHIN DU BDAG KYANG 'GRUB LA, DNGOS PO RNAMS KYANG 'GRUB PO ZHES ZER BA ZHES BYA BA NI BDAG DANG PHUNG PO RDZAS SU YOD PAR SMRA BA DAG ,DE BZHIN GSHEGS PA RTAG PA DANG, MI RTAG PA LA SOGS PA BZHI PO DAG LAS GANG YANG RUNG BA GCIG TU 'GYUR BA'I PHYIR ZHES BYA BA'I GTAN TSIGS KYIS DON DAM PA PO'I DE BZHIN GSHEGS PA RDZAS SU YOD PAR GRUB PAS BDAG KYANG RDZAS SU YOD PAR GRUB LA, 'JIG RTEN MTHA' YOD PA DANG, MTHA' MED PA LA SOGS PA BZHI PO DAG LAS GANG YANG RUNG BA GCIG TU 'GYUR BA'I PHYIR ZHES BYA BA'I GTAN TSIGS KYIS KUN RDZOB PA'I DE BZHIN GSHEGS PA RDZAS SU YOD PAR GRUB PAS DNGOS PO RNAMS KYANG RDZAS SU YOD PAR GRUB PO ZHES ZER BA'I TSIG YIN NO, ,DE DAG GI PHYIR 'DI BSHAD DE, RTAG DANG MI RTAG LA SOGS BZHI, ,ZHI BA 'DI LUG LA YOD, ,MTHA' DANG MTHA' MED LA SOGS BZHI, ,ZHI BA 'DI LA GA LA YOD, ,DE BZHIN GSHEGS PA NGO BO NYID KYIS MA SKYES PA'I ZHI BA 'DI LA STE ZHES BYA BAS NI DON DAM PA PA'I DE BZHIN GSHEGS PA CHOS KYI SKU NGO BO NYID KYIS @209B MA SKYES PA ZHI BA 'DI LA RTAG PA DANG, MI RTAG PA LA SOGS PA BZHIR LUNG BSTAN DU MED LA, KUN RDZOB PA'I DE BZHIN GSHEGS PA GZUGS KYI SKU DON DAM PAR NGO BO NYID KYIS MA SKYES PA ZHI BA 'DI LA MTHA' DANG MTHA' MED PA LA SOGS PA BZHIR LUNG BSTAN DU MED PAS PHA ROL PO'I GTAN TSIGS MA GRUB PA'I PHYIR BDAG DANG DNGOS PO RNAMS NGO BO NYID YOD PAR 'DOD PA'I DPER DE BZHIN GSHEGS PA MA GRUB PO ZHES STON TO, ,DE NYID BSTAN PA'I PHYIR, GANG GI PHYIR GTAN TSIGS GRUB NA DPE YANG 'GRUB PA ZHIG NA ZHES BYA BA'I TSIG GI LHAG MA'O ZHES BYA BA SMRAS TE, GTAN TSIGS RTAG PA DANG MI RTAG PA LA SOGS PA DAG MA GRUB PAS DPE DE BZHIN GSHEGS PA YANG MI 'GRUB PO ZHES BYA BAR SBYAR RO, ,DE'I PHYIR GTAN TSIGS THUN MONG MA YIN PA NYID 'GAL BA NYID DO ZHES BYA BA NI DON DAM PAR NI PHA ROL PO'I GTAN TSIGS RTAG PA DANG, MI RTAG PA LA SOGS PA DAG GANG YANG DE BZHIN GSHEGS PA LA MED PAS THUN MONG MA YIN PA'I PHYIR MA GRUB LA, KUN RDZOB TU NI DON DAM PAR SGRUB PA DANG 'GAL BA NYID DU BSTAN TO, ,YANG NA SGRUB PA JI SKAD BSTAN PAS BCOM LDAN 'DAS BRTEN NAS GDAGS PA NGO BO NYID STONG PA LA, RTAG DANG MI RTAG LA SOGS BZHI, ,ZHI BA 'DI LA GA LA YOD, ,MTHA' DANG MTHA' MED LA SOGS BZHI, ,ZHI BA 'DI LA GA LA YOD, ,NGO BO NYID MED PA DANG RDZAS SU YOD PA MA YIN PA'I ZHI BA 'DI LA STE, RTAG DANG MI RTAG PA LA SOGS PA BZHI PO DE DAG 'DI LA YOD PA MA YIN PA NYID DO ZHES BYA BA'I TSIG GI DON TO ZHES BYA BA'I SNGAR DON DAM PAR DE BZHIN GSHEGS PA NGO BO NYID MED PA DANG, RDZAS SU YOD PA MA YIN TE, GDAGS PAR BYA BA YIN PA'I PHYIR DPER NA MGAL ME'I 'KHOR LO BZHIN NAM, RDZAS SU YOD PA MA YIN PAS DPER NA BUM PA BZHIN NO ZHES GRUB PA JI LTAR BSTAN PAS BCOM LDAN 'DAS BRTEN NAS GDAGS PA NGO BO NYID STONG PA 'DI LA RTAG PA DANG MI RTAG PA LA SOGS PA DAG MED PAS PHA ROL PO DAG GI GTAN TSIGS DE DAG MA GRUB PO ZHES BSTAN TO, ,DE LTA BAS NA DE BZHIN GSHEGS PA RTAG PA 'AM, MI RTAG PA'AM, RTAG KYANG RTAG LA, MI RTAG KYANG MI RTAG PA'AM, RTAG PA YANG MA YIN MI RTAG PA YANG MA YIN PA'AM, 'JIG RTEN MTHA' @210A *, ,YOD PA'AM MTHA' MED PA'AM, MTHA' YOD KYANG YOD LA, MTHA' MED KYANG MED PA'AM, MTHA' YOD PA YANG MA YIN, MTHA' MED PA YANG MA YIN PA ZHES BYA BA DE DAG MA YIN TE, DON DAM PAR DE BZHIN GSHEGS PA SKYE BA MED PA'I PHYIR RO ZHES BYA BA NI MJUG BSDU BA DANG, TSAD MA'I 'BRAS BU YIN TE, DON DAM PAR DE BZHIN GSHEGS PA NI LUNG DU MA BSTAN PA'I DNGOS PO BCU BZHI GANG GI DNGOS POR YANG LUNG BSTAN DU MED DE, SKYE BA MED PA'I PHYIR RO, ,DE NYID KYI KHUNGS BSTAN PA'I PHYIR, DE LTAR YANG MDO SDE LAS, 'JAM DPAL SKYE BA MED PA DANG 'GAG PA MED PA ZHES BYA BA NI DE BZHIN GSHEGS PA'I TSIG BLA DAGS SO ZHES JI SKAD GSUNGS PA LTA BU'O ZHES BYA BA SMRAS TE, 'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN GYI MDO LAS DE SKAD GSUNGS SO, ,DA NI GANG DAG RNAM PAR RTOG PA LA GOMS PA'I 'DZIN PA DAM PO CAN DAG NI DE BZHIN GSHEGS PA LA YOD PA DANG, MED PA LA SOGS BAR RTOG LA, GANG DAG YANG DAG PA'I YE SHES KYI MIG BYE BA DAG LA NI RTOG PA DE DAG MED PA'I SKABS GNYIS BSTAN PAR BYA STE, DE LA RE ZHIG SKABS DANG PO BSTAN PA'I PHYIR, GANG DAG 'DI SKAD CES DON DAM PAR DE BZHIN GSHEGS PA YOD PA KHO NA YIN TE, MYA NGAN LAS 'DAS NAS MED DO ZHES LUNG MA BSTAN PA'I PHYIR RO, ,'DI NA MO GSHAM GYI BU LTA BU GANG YOD PA MA YIN PA DE LA NI SGRUB PA DE LTA BU MED PAS DE'I PHYIR DON DAM PAR DE BZHIN GSHEGS PA NI YOD PA KHO NA YIN NO ZHES ZER BA ZHES BYA BA LA SOGS PA SMRAS TE, 'DIS NI PHYOGS SNGA MA BSTAN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, MJUG BSDU BA YIN PAR GO RIMS BZHIN DU SBYAR RO, ,DE DAG GI PHYIR 'DI BSHAD DE, RNAM PAR RTOG PA RNAM PA SNA TSOGS LA GOMS PA'I BAG CHAGS KYIS BSGOS PA'I BLO GROS CAN, GANG GIS 'DZIN SDUG BZUNG GYUR PA, ,DE NI MYA NGAN 'DAS PA LA, ,DE BZHIN GSHEGS PA YOD CE 'AM, ,MED CES RNAM RTOG RTOG PAR BYED, ,DE BZHIN GSHEGS PA MYA NGAN LAS 'DAS NAS YOD CE 'AM, DE BZHIN GSHEGS @210B PA MYA NGAN LAS 'DAS NAS MED CE 'AM, DE BZHIN GSHEGS PA MYA NGAN LAS 'DAS NAS YOD KYANG YOD LA MED KYANG MED CE 'AM, DE BZHIN GSHEGS PA MYA NGAN LAS 'DAS NAS YOD PA YANG MA YIN, MED PA YANG MA YIN ZHES BYA BAR RNAM PAR RTOG PA LA RTOG PAR BYED DO ZHES BYA BA SMRAS SO, SKABS GNYIS PA BSTAN PA'I PHYIR, YANG DAG PA'I YE SHES KYI MIG BYE BA DAG LA NI, ,NGO BO NYID KYIS STONG DE LA, ,SANGS RGYAS MYA NGAN 'DAS NAS NI, ,YOD DO ZHE 'AM MED DO ZHES, ,BSAM PA 'THAD PA NYID MI 'GYUR, ,RNAM PAR RTOG PA'I BLO YUL MED PA LA SKYE BAR MI 'GYUR BA'I PHYIR RO ZHES BYA BAR DGONGS SO ZHES BYA BA SMRAS SO, ,DE LTA BAS NA 'DIR YANG GTAN TSIGS KYI STON DANG DPE'I SKYON DE DAG NYID DO ZHES BYA BA NI MJUG BSDU BA DANG, TSAD MA'I 'BRAS BU YIN TE, PHA ROL PO DAG GI GTAN TSIGS MYA NGAN LAS 'DAS NAS MED DO ZHES LUNG MA BSTAN PA'I PHYIR RO ZHES BYA BA DE MA GRUB PAS SNGAR DNGOS PO RNAMS LA NGO BO NYID YOD PA'I DPE DE BZHIN GSHEGS PA'I SKU BZHIN NO ZHES SMRAS PA DE NYID MA GRUB PA'I SKYON DE DAG NYID YOD DO, ,DA NI SPROS PA LA MNGON PAR ZHEN PA RNAMS KYIS DE BZHIN GSHEGS PA MI MTHONG BAR BSTAN PA'I PHYIR, DE'I PHYIR DE LTAR YOD PA DANG, MED PA DANG, RTAG PA DANG, MI RTAG PA DANG, GZUGS KYI SKU DANG, CHOS KYI SKU DANG, GSUNG RAB KYI SKU DANG, MTSAN NYID DANG, MTSAN NYID KYI GZHI DANG, RGYU DANG, 'BRAS BU DANG, BLO DANG, RTOGS PAR BYA BA DANG, STONG PA DANG, MI STONG PA LA SOGS PA'I SPROS PA DAG GIS, GANG DAG SANGS RGYAS SPROS 'DAS SHING, ,ZAD PA MED LA SPROS BYED PA, ,SPROS PAS NYAMS PA DE KUN GYIS, ,DE BZHIN GSHEGS PA MTHONG MI 'GYUR, ,SPROS PAS BLO GROS KYI MIG NYAMS PA DE DAG THAMS CAD KYIS DMUS LONG GIS NYI MA BZHIN DU DE BZHIN GSHEGS PA MTHONG BAR MI 'GYUR TE, DE BZHIN GSHEGS PA NI CHOS NYID LAS BLTA BAR BYA BA YIN PA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID KYI KHUNGS BSTAN PA'I PHYIR, DE LTAR YANG GANG GIS RTEN CING 'BREL PAR 'BYUNG BA MTHONG BA DES CHOS MTHONG NGO, ,GANG GIS CHOS MTHONG BA DES SANGS RGYAS MTHONG NGO ZHES GSUNG PA'I PHYIR RO ZHES @211A *, ,BYA BA SMRAS TE, 'PHAGS PA S'A LU LJANG PA'I MDO LAS KYANG DE SKAD GSUNGS SO, ,YANG NA GANG DAG GZUGS KYI SKU MTSAN DANG, DPE BYAD KYIS BRGYAN PA DANG, BSTAN PA'I CHOS KYI TSOGS GSUNG RAB TU GTOGS PA YAN LAG BCU GNYIS PO DE DAG DE BZHIN GSHEGS PA YIN PAR LTA BA DE DAG KYANG SPROS PA YIN PAS DES DON DAM PA'I DE BZHIN GSHEGS PA MI MTHONG BAR BSTAN PA'I PHYIR, YANG NA DE BZHIN GSHEGS PA NI GZUGS KYI SKU'O, ,DE BZHIN GSHEGS PA NI BSTAN PA'I CHOS KYI SKU'O ZHES, GANG DAG SANGS RGYAS SPROS 'DAS SHING, ,ZAD PA MED LA SPROS BYED PA, ,SPROS PAS NYAMS PA DE KUN GYIS, ,DE BZHIN GSHEGS PA MTHONG MI 'GYUR, ,ZHES BYA BA SMRAS SO, ,DE NYID KYI KHUNGS BSTAN PA'I PHYIR, JI SKAD DU, GANG RNAMS GZUGS SU NGA MTHONG ZHING, ,GANG DAG NGA LA SGRAR SHES PA, ,LOG PAS SPONG BAR ZHUGS PA STE, ,SKYE BO DE YIS NGA MI MTHONG, ,ZHES GSUNGS PA LTA BU'O ZHES BYA BA SMRAS TE, 'PHAGS PA RDO RJE GCOD PA'I MDO LAS DE SKAD CES GSUNGS SO, ,DE NI DE BZHIN GSHEGS PA NGO BO NYID MED PA BZHIN DU 'GRO BA 'DI DAG KYANG NGO BO NYID DU BSTAN PA'I DON GYI DBANG GIS MJUG BSDU BA'I PHYIR, DE'I PHYIR DE LTAR YONGS SU BRTAGS NA DNGOS PO RNAMS NGO BO NYID DU YOD PA NYID DU BSGRUB PA'I DPE NYID DU DE BZHIN GSHEGS PA SMRAS PA GANG YIN PA'I, DE BZHIN GSHEGS PA'I DNGOS NYID GANG, ,DE NI 'GRO 'DI'I NGO BO NYID, DE BZHIN GSHEGS PA DNGOS NYID MED, ,'GRO 'DI NGO BO NYID MED DO, ,ZHES BYA BA SMRAS SO, ,DE NYID BYE BRAG TU BSHAD PA BSTAN PA'I PHYIR, DE YANG YONGS SU BRTAGS NA, SKU MIN SKU LAS GZHAN MA YIN, ,ZHES BYA BA LA SOGS PAS NGO BO NYID MED DE, DE KUN BRTAGS PA MA LUS PAR NGO BO NYID MED PA'I PHYIR NGO BO NYID MED DO ZHES BYA BA SMRAS SO, ,KUN BRTAGS PA'I NGO BO NYID BSTAN PA'I PHYIR, DE LA KUN BRTAGS PA'I NGO BO NYID NI PHUNG PO DANG, KHAMS DANG, SKYE MCHED DANG, MTSAN NYID DANG, MTSAN NYID KYI GZHI DANG, ,RGYU DANG, 'BRAS BU DANG, DNGOS PO DANG, DNGOS PO MED PA DANG, GCIG PA NYID DANG, GZHAN NYID LA SOGS PA'I BDAG NYID @211B DO ZHES BYA BA SMRAS TE, KHA CIG NI DE BZHIN GSHEGS PA DON DAM PAR PHUNG PO'I NGO BO NYID YIN PAR YONGS SU RTOG ,KHA CIG NI KHAMS KYI NGO BO NYID DANG, KHA CIG NI SKYE MCHED KYI NGO BO NYID, KHA CIG NI MTSAN NYID KYI NGO BO NYID, KHA CIG NI MTSAN GZHI'I NGO BO NYID, KHA CIG NI RGYU'I NGO BO NYID; KHA CIG NI 'BRAS BU'I NGO BO NYID, KHA CIG NI DNGOS PO'I NGO BO NYID, KHA CIG NI DNGOS PO MED PA'I NGO BO NYID, KHA CIG NI GCIG PA NYID KYI NGO BO NYID, KHA CIG NI GZHAN NYID LA SOGS PA'I NGO BO NYID DU YONGS SU RTOG PA DE DAG NI KUN BRTAGS PA'I NGO BO NYID TZAM DU ZAD DE, DON DAM PAR NGO BO NYID YOD PA MA YIN PAS DE DAG GI BDAG NYID KYI DE BZHIN GSHEGS PA DANG 'GRO BA 'DI DAG KYANG NGO BO NYID MED DO ZHES STON TO, ,DE LA RE ZHIG DE BZHIN GSHEGS PA PHUNG PO'I NGO BO NYID DU YONGS SU BRTAGS PA NGO BO NYID MED PA NYID DU BSTAN PA'I PHYIR, DE LA, GZUGS KYI RGYU NI MA RTOGS PAR, , GZUGS NI DMIGS PAR MI 'GYUR RO, ,ZHES DER BSTAN PA'I TSUL GYIS PHUNG PO RNAMS NGO BO NYID MED PA NYID YIN PA'I PHYIR DE'I BDAG NYID KYI DE BZHIN GSHEGS PA NGO BO NYID MED PA NYID DO ZHES BYA BA SMRAS TE, PHUNG PO BRTAG PA'I SKABS DER DE SKAD BSTAN PA'I TSUL GYIS SO, ,DE BZHIN GSHEGS PA'I KHAMS DANG, DNGOS PO DANG, DNGOS PO MED PA DANG, MTSAN NYID KYI GZHI DANG, MTSAN NYID KYI NGO BO NYID DU YONGS SU BRTAGS PA NGO BO NYID MED PA NYID DU BSTAN PA'I PHYIR, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA LA SOGS PA DER, JI LTAR NAM MKHA' LA SOGS PA KHAMS DRUG PO DAG YONGS SU BRTAGS NA DNGOS PO YANG MA YIN, DNGOS PO MED PA YANG MA YIN, MTSAN NYID KYI GZHI YANG MA YIN, MTSAN NYID KYANG MA YIN PAS DNGOS PO LA SOGS PA'I NGO BO NYID MED PA'I PHYIR NGO BO NYID MED PA NYID DU BSTAN PA DANG, DE BZHIN DU DE BZHIN GSHEGS PA RNAM PAR SHES PA'I KHAMS LA SOGS PA'I BDAG NYID DU BRTAGS PA YANG YONGS SU BRTAGS NA DNGOS PO YANG MA YIN, DNGOS PO MED PA YANG MA YIN, MTSAN NYID KYI GZHI YANG MA YIN, MTSAN NYID KYANG MA YIN PAS DNGOS @212A *, ,PO DANG; DNGOS PO MED PA DANG, MTSAN NYID KYI GZHI DANG, MTSAN NYID KYI NGO BO NYID MED PA'I PHYIR, NGO BO NYID MED PA NYID DO ZHES BYA BA SMRAS TE, KHAMS BRTAG PA'I SKABS DER DE SKAD BSTAN PA'I TSUL GYIS SO, ,DE BZHIN GSHEGS PA SKYE MCHED KYI NGO BO NYID DU YONGS SU BRTAGS PA NGO BO NYID MED PA NYID DU BSTAN PA'I PHYIR, JI LTAR SKYE MCHED BRTAG PAR SKYE MCHED RNAMS NGO BO NYID MED PA NYID DU BSTAN PA DE LAS MA GTOGS PA'I LTA BA PO LA SOGS PA YOD PA MA YIN PA DE BZHIN DU SKYE MCHED KYI BDAG NYID KYI DE BZHIN GSHEGS PA YANG NGO BO NYID MED PA NYID YIN PAS DE BZHIN GSHEGS PA NGO BO NYID MED PA NYID DO ZHES BYA BA SMRAS TE, SKYE MCHED BRTAG PA'I SKABS DER DE SKAD BSTAN PA'I TSUL GYIS SO, ,DE BZHIN GSHEGS PA GCIG PA NYID DANG, GZHAN NYID LA SOGS PA'I NGO BO NYID LA SOGS PA DE BZHIN DU YONGS SU BRTAGS PA NGO BO NYID MED PA NYID DU BSTAN PA'I PHYIR JI LTAR ME DANG BUD SHING BRTAG PAR GCIG PA NYID DANG, GZHAN NYID DANG, BRJOD PAR BYA BA MA YIN PA NYID BKAG PAS DE DAG NGO BO NYID MED PA NYID YIN PA DE BZHIN DU SHES PA'I MTSAN NYID DE BZHIN GSHEGS PA DANG, SHES BYA DANG SANGS RGYAS KYI YON TAN 'DUS PA'I MTSAN NYID DANG, DE BZHIN GSHEGS PA 'DUS PA CAN DANG, CHOS KYI DBYINGS KYI DE BZHIN GSHEGS PA DAG KYANG GCIG PA NYID DANG, GZHAN NYID DANG, BRJOD PAR BYA BA MA YIN PA'I NGO BO NYID MED PAS DE BZHIN GSHEGS PA'I NGO BO NYID MED PA NYID DO ZHES BYA BA SMRAS TE, ME DANG BUD SHING, BRTAG PAR DE SKAD BSTAN PA'I TSUL GYIS SO, ,DE BZHIN GSHEGS PA RGYU DANG 'BRAS BU LA SOGS PA'I NGO BO NYID YONGS SU BRTAG PA NGO BO NYID MED PA NYID DU BSTAN PA'I PHYIR, SKYE BA MED PA'I RAB TU BYED PAR SKYE BA LA SOGS PA BKAG PA'I PHYIR DANG, SONG BA DANG, MA SONG BA BRTAG PA'I RAB TU BYED PAR SONG BA DANG, MA SONG BA LA SOGS PA BKAG PA'I PHYIR SKYE BA LA SOGS PA'I NGO BO NYID MED PA NYID YIN PAS DE BZHIN GSHEGS PA NGO BO NYID MED PA NYID DO ZHES BYA BA SMRAS TE, RAB TU BYED PA DA DAG RGYU DANG 'BRAS BU DANG, SKYE BA DANG, 'GRO BA LA SOGS PA'I BYA BA DGAG PA JI SKAD BSTAN PA'I TSUL @212B GYIS SO, ,DE BZHIN GSHEGS PA JI LTA BAR 'GRO BA 'DI YANG NGO BO NYID MED DO ZHES BYA BAS NI, DE BZHIN GSHEGS PA DNGOS NYID MED, ,'GRO 'DI NGO BO NYID MED DO, ,ZHES BYA BA'I SKABS BSDU BA BSTAN TO, ,DE LTA BAS NA MTHUN PA'I PHYOGS MED PA'I PHYIR GTAN TSIGS KYI DON MA GRUB PA NYID DANG, 'GAL BA NYID DO ZHES BYA BA NI SKABS KYI MJUG BSDU BA YIN TE, PHA ROL PO DAG DON DAM PAR GZUGS LA SOGS PA DNGOS PO RNAMS NGO BO NYID YOD PA NYID DU BSGRUB PA'I MTHUN PA'I PHYOGS KYI DPE DE BZHIN GSHEGS PA'I SKU BZHIN NO ZHES BYA BA DE NGO BO NYID YOD PA NYID DU MA GRUB PAS MTHUN PA'I PHYOGS MED PA'I PHYIR PHA ROL PO DAG GI GTAN TSIGS DNGOS PO YIN PA'I PHYIR ZHES BYA BA DE DON DAM PAR NI MA GRUB PA NYID LA, KUN RDZOB TU NI 'GAL BA NYID DO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR SMRAS PA'I BSGRUB PA'I SKYON BRJOD PAS DE BZHIN GSHEGS PA'I CHOS KYI SKU BSTAN PA YIN NO ZHES BYA BA NI MJUG BSDU BA DANG, TSAD MA'I 'BRAS BU YIN TE, DE BZHIN GSHEGS PA BRTAG PA'I RAB TU BYED PA NYI SHU GNYIS PA'I SKABS 'DIR RAB TU BYED PA'I DON TSAD MA'I 'BRAS BUR BLTA BA NI RAB TU BYED PA 'DI'I DANG POR MDO SDE PA DANG, BYE BRAG TU SMRA BA DAG GIS DON DAM PAR GZUGS LA SOGS PA DNGOS PO RNAMS NGO BO NYID YOD PA KHO NA YIN TE, DNGOS PO YIN PA'I PHYIR DPER NA DE BZHIN GSHEGS PA'I SKU BZHIN NO ZHES BYA BA SMRAS PA'I DPE DE BZHIN GSHEGS PA NYID NGO BO NYID MED PA NYID DU BRJOD PAS DE BZHIN GSHEGS PA'I CHOS KYI SKU BSTAN PA YIN TE, 'DI LTAR PHUNG PO DANG, KHAMS DANG, SKYE MCHED DANG, MTSAN NYID DANG, MTSAN NYID KYI GZHI DANG, RGYU DANG 'BRAS BU DANG, DNGOS PO DANG, DNGOS PO MED PA DANG, GCIG PA NYID DANG, GZHAN NYID LA SOGS PA'I NGO BO NYID DU YONGS SU BRTAGS PA'I RNAM PA DE DAG THAMS CAD CHOS KYI SKU LA YOD PA MA YIN PAS DE DAG YONGS SU BRTZAL BA NYID KYIS DE BZHIN GSHEGS PA'I CHOS KYI SKU GRUB PA YIN NO, ,DE LTAR YANG 'PHAGS PA BDEN PA POS BSTAN PA'I LE'U LAS BTZUN PA SHAR DVA TI'I BU GZUGS MTHONG BA NI DE BZHIN GSHEGS PA MTHONG BA MA YIN NO, ,RNAM PAR SHES PA'I BAR DU MTHONG BA NI DE BZHIN @213A *, ,GSHEGS PA MTHONG BA MA YIN NO, ,SA'I KHAMS MTHONG BA NI DE BZHIN GSHEGS PA MTHONG BA MA YIN NO, ,RLUNG GI KHAMS KYI BAR DU MTHONG BA NI DE BZHIN GSHEGS PA MTHONG BA MA YIN NO, ,BDAG MTHONG BA NI DE BZHIN GSHEGS PA MTHONG BA MA YIN NO, ,SEMS CAN DANG, SROG DANG, GSO BA DANG, SKYES BU DANG, GANG ZAG MTHONG BA DE NI DE BZHIN GSHEGS PA MTHONG BA MA YIN NO, ,NGAR 'DZIN PA MTHONG BA NI DE BZHIN GSHEGS PA MTHONG BA MA YIN NO, ,NGA YIR 'DZIN PA MTHONG BA NI DE BZHIN GSHEGS PA MTHONG BA MA YIN NO, ,MTSAN MA MTHONG BA NI DE BZHIN GSHEGS PA MTHONG BA MA YIN TE, BTZUN PA SHA RA DVA TI'I BU 'DI LTAR MTSAN MA RNAMS MA MTHONG BA GANG YIN PA DE NI DE BZHIN GSHEGS PA MTHONG BA YIN NO, ,MNGON PAR ZHEN PA MED PA MTHONG BA NI DE BZHIN GSHEGS PA MTHONG BA MA YIN NO, ,DNGOS PO MED PA MTHONG BA NI DE BZHIN GSHEGS PA MTHONG BA MA YIN NO, ,YANG DAG PA'I MTHA' MTHONG BA NI DE BZHIN GSHEGS PA MTHONG BA MA YIN NO ZHES JI SKAD GSUNGS PA LTA BU STE, DE'I PHYIR, SKU MIN SKU LAS GZHAN MA YIN, ,DE LA SKU MED DER DE MED, ,DE BZHIN GSHEGS PA SKU LDAN MIN, ,DE BZHIN GSHEGS PA GANG ZHIG YIN, ,ZHES BYA BA LA SOGS PA DAG GIS DE BZHIN GSHEGS PA SUN PHYUNG BA MA YIN GYI, DE BZHIN GSHEGS PA'I CHOS KYI SKU DON DAM PA DANG, GZUGS KYI SKU KUN RDZOB PA DAG DON DAM PAR NGO BO NYID MED PA NYID GSAL BA'I DON GYI DBANG GIS DE BZHIN GSHEGS PA'I CHOS KYI SKU DMIGS SU MED PA ZHES BYA BA BSTAN PA YIN NO, ,DE BZHIN GSHEGS PA'I CHOS KYI SKU BSTAN PA 'DI LA YON TAN JI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA STE; DE'I PHYIR 'PHAGS PA LANG KAR GSHEGS PA'I MDO LAS, BLO GROS CHEN PO RTAG PA MA YIN PA DANG, MI RTAG PA MA YIN PA DANG, 'BRAS BU MA YIN PA DANG, RGYU MA YIN PA DANG, 'DUS BYAS MA YIN PA DANG, 'DUS MA BYAS MA YIN PA DANG, BLO MA YIN PA DANG, RTOGS PAR BYA BA MA @213B YIN PA DANG, MTSAN NYID KYI GZHI MA YIN PA DANG, MTSAN NYID MA YIN PA DANG, PHUNG PO RNAMS MA YIN PA DANG, PHUNG PO RNAMS LAS GZHAN MA YIN PA DANG, BRJOD PA MA YIN PA DANG, BRJOD PAR BYA BA MA YIN PA DANG, GCIG PA NYID DANG, GZHAN NYID DANG, GNYI GA DANG 'BREL PA MA YIN PA DANG, GANG DMIGS SU MED PA DE NI SPROS PA THAMS CAD LAS 'DAS PA'O, ,GANG SPROS PA THAMS CAD LAS 'DAS PA DE NI DE BZHIN GSHEGS PA'O ZHES BYA BA'I BAR DU GSUNGS PA DE DAG GRUB PA YIN NO, ,DE BZHIN DU 'PHAGS PA DE BZHIN GSHEGS PA'I GSANG BA BSTAN PA'I MDO LAS, ZHI BA'I BLO GROS DE BZHIN GSHEGS PA'I SKU NI ZHES BYA BA LA SOGS PAS DE BZHIN GSHEGS PA'I CHOS KYI SKU'I MTSAN NYID RNAM PA DGU DANG, GZUGS KYI SKU'I MTSAN NYID RNAM PA LNGA DANG, GSUNG RAB KYI SKU'I MTSAN NYID GCIG DANG, SKU GNYI GA'I MTSAN NYID RNAM PA BZHI DANG, CHOS KYI SKU'I MTSAN NYID GZHAN RNAM PA DRUG BSTAN TE, DE LA CHOS KYI SKU'I MTSAN NYID RNAM PA DGU LA, NAM MKHA'I SKU ZHES BYA BA NI SHES BYA LA YE SHES KYI MTHU THOGS PA MED PA BSTAN TE, JI LTAR NAM MKHAS DNGOS PO THAMS CAD LA KHYAB PA DE LTAR CHOS KYI SKU'I RGYU LAS BYUNG BA'I YE SHES KYIS SHES BYA THAMS CAD LA KHYAB PA'I PHYIR RO, ,MI MNYAM PA DANG MNYAM PA'I SKU ZHES BYA BAS NI DE BZHIN GSHEGS PA THAMS CAD KYI SKU DANG MNYAM PA BSTAN TE, DE BZHIN GSHEGS PA'I YON TAN RNAMS NI DE BZHIN GSHEGS PA MA YIN PA GZHAN LA MED PAS DE DAG DANG MI MNYAM PA'I DE BZHIN GSHEGS PA RNAMS DPE NYID DU NYE BAR GZHAG NAS GZHAN DANG MI MNYAM PA'I DE BZHIN GSHEGS PA RNAMS DANG MNYAM PAR BSTAN TE, DPER NA, SNYAN DNGAGS KYI MTSAN NYID LAS DE DANG MTHUN PA'I PHYOGS GZHAN MED PA LA DE NYID DPER GZHAG PA 'DI LTA STE, SGRA SGROGS KYI BU DANG RANGS BYED KYI BU'I G-YUL SPROD PA NI SGRA SGROGS KYI BU DANG RANGS BYED KYI BU'I G-YUL NYID 'DRA'O ZHES BYA BA LTA BU 'AM, ,YANG NA DE BZHIN GSHEGS PA 'OD DPAG MED LA SOGS PA'I CHOS KYI SKU 'GRO BA GZHAN DANG MI MNYAM PA DE DANG 'DIR MNYAM PAS MI MNYAM PA DANG MNYAM PA'O, ,YANG NA MI MNYAM PA NI GANG DAG PHAN 'DOGS PA DANG, GNOD PA BYED PA @214A *, ,LA RJES SU CHAGS PA DANG, KHONG KHRO BA DAG STE, DE DAG SKU 'DI LA MNYAM PAS MI MNYAM PA DANG MNYAM PA'O, ,YANG NA NI DMIGS PA'I MTSAN NYID NI DMIGS PA'I MTSAN NYID GZHAN DANG PHAN TSUN MNYAM PA YIN GYI, STONG PA NYID DU DMIGS PA NI DE DAG DANG MI MNYAM TE, MI MNYAM PA DES MNYAM PAR GYUR PA'I SKU NI MI MNYAM PA DANG MNYAM PA'O, ,'JIG RTEN THAMS CAD LAS KHYAD PAR DU 'PHAGS PA'I SKU ZHES BYA BAS NI YON TAN MCHOG TU GYUR PA NYID BSTAN TE, GANG YON TAN MCHOG TU GYUR CING LHAG PA DE NYID 'JIG RTEN NA KHYAD PAR DU 'PHAGS PA ZHES BRJOD PA'I PHYIR RO, , SEMS CAN THAMS CAD DE BZHIN NYID KYI RJES SU ZHUGS PA'I SKU ZHES BYA BAS NI SEMS CAN THAMS CAD DE BZHIN GSHEGS PA'I SNYING PO YIN PAR BSTAN TE, 'DI LTAR CHOS KYI SKU STONG PA NYID KYI MTSAN NYID NI SEMS CAN THAMS CAD LA RJES SU ZHUGS PA'I PHYIR RO, ,DPE MED PA'I SKU ZHES BYA BAS NI YON TAN RNAMS KYI GONG NA LHAG PA GZHAN MED PA NYID BSTAN TE, 'DI LTAR YON TAN GYIS LHAG PA DPE NYID DU BYED KYI, DMA' BA DPE NYID DU MI BYED DE, DPER NA BU MO'I BZHIN ZLA BA 'DRA'O ZHES BYA BA LTA BU'O, ,'DRA BA MED PA'I SKU ZHES BYA BAS NI DE'I YON TAN RNAMS GZHAN LA MED PAR BSTAN TE, 'DI LTAR YON TAN MNYAM PA LA 'DRA BA ZHES BRJOD PA'I PHYIR RO, ,RNAM PAR DAG PA'I SKU ZHES BYA BA NI 'DZIN PA'I RNAM PAR RTOG PA MED PAR BSTAN TE, 'DI LTAR GANG LA NGAR 'DZIN PA'I RNAM PAR RTOG PA MED PA DE RNAM PAR DAG PAR 'DOD PA'I PHYIR RO, ,DRI MA MED PA'I SKU ZHES BYA BAS NI GZUNG BA'I RNAM PAR RTOG PA MED PAR BSTAN TE, 'DI LTAR GANG LA NGA YIR 'DZIN PA'I RNAM PAR RTOG PA MED CING PHYI ROL GYI YUN MI DMIGS PA DE DRI MA MED PAR 'DOD PA'I PHYIR RO, ,KUN NAS NYON MONGS PA CAN MA YIN PA'I SKU ZHES BYA BAS NI GZUNG BA DANG, 'DZIN PA'I RNAM PAR RTOG PA GNYI GA MED PAR BSTAN TE, 'DI LTAR NYON MONGS PA DANG NYON MONGS PAR BYA BA DAG YOD NA KUN NAS NYON MONGS PAR 'GYUR GYI, STONG PA NYID DU RO GCIG PAS DE GNYIS MED NA KUN NAS NYON MONGS PA CAN DU MI 'GYUR BA'I PHYIR TE, RE ZHIG DE DAG GIS NI DE BZHIN GSHEGS PA'I CHOS KYI SKU'I MTSAN NYID RNAM PA DGU @214B BSTAN TO, ,GZUGS KYI SKU'I MTSAN NYID RNAM PA LNGA LA, RANG BZHIN GYIS 'OD GSAL BA'I SKU ZHES BYA BAS NI SGO NGA LAS SKYE BA'I SKYE GNAS DRI MAS MGOS PA NYID BSTAN TO, ,RANG BZHIN GYIS MA SKYES PA'I SKU ZHES BYA BAS NI MANG LA NAS SKYE BA'I SKYE GNAS KYIS MA BSDUS PA NYID BSTAN TO, ,RANG BZHIN GYIS MA BYUNG BA'I SKU ZHES BYA BAS NI DROD GSHER LAS SKYE BA'I SKYE GNAS SU MA GTOGS PA NYID BSTAN TO, ,SEMS DANG, YID DANG, RNAM PAR SHES PA DANG MA 'DRES PA'I SKU ZHES BYA BAS NI, NYON MONGS PA'I RGYU NI RDZUS TE SKYE BA'I SKYE GNAS MED PA NYID DU BSTAN TO, ,SGYU MA DANG, SMIG RGYU DANG, CHU ZLA'I NGO BO NYID KYI SKU ZHES BYA BA NI SNGON GYI SMON LAM GYI SHUGS DANG, BSOD NAMS DANG YE SHES LA SOGS PA'I RKYEN LAS BYUNG BA SPRUL PA'I SKU'I NGO BO NYID BSTAN TE, DE DAG NI DE BZHIN GSHEGS PA'I GZUGS KYI SKU'I MTSAN NYID RNAM PA LNGA YIN NO, ,GSUNG RAB KYI SKU'I MTSAN NYID RNAM PA GCIG NI, STONG PA NYID DANG, MTSAN MA MED PA DANG, SMON PA MED PAS NGES PAR 'BYUNG BA'I SKU ZHES BYA BAS BSTAN TE, DES NI RNAM PAR THAR PA GSUM LA SOGS PA BSTAN PA'I MTSAN NYID KYIS GSUNG RAB KYI SKU BSTAN PAR SHES PAR BYA'O, ,SKU GNYI GA'I MTSAN NYID RNAM PA BZHI LA, PHYOGS BCU'I NAM MKHAS KHYAB PA'I SKU ZHES BYA BAS NI CHOS KYI SKU'I STONG PA NYID KYI MTSAN NYID KYANG BSTAN LA, GZUGS KYI SKU'I RDZU 'PHRUL RNAM PAR STON PA YANG BSTAN TO, ,SEMS CAN THAMS CAD LA SNYOMS PA'I SKU ZHES BYA BAS NI SKU DE GNYIS NYID KYIS SEMS CAN LA PHAN 'DOGS PA LA SEMS SNYOMS PA NYID BSTAN TO, ,MTHA' YAS MU MED PA'I SKU ZHES BYA BAS NI SKU DE GNYIS NYID KYIS 'KHOR BAR GDUL BA'I DBANG GIS SKU NYE BAR STONG PA NYID BSTAN TO, ,G-YO BA MED PA DANG RLOM SEMS MED PA'I SKU ZHES BYA BAS NI SKU DE GNYIS NYID BDAG DANG GZHAN GYI RLOM SEMS DANG BRAL ZHING GDUL BA DPAG TU MED PA RNAMS KYI DON LAS MI G-YO BA NYID BSTAN TE, DE DAG NI SKU GNYI GA'I MTSAN NYID RNAM PA BZHI YIN NO, ,CHOS KYI SKU'I MTSAN NYID GZHAN RNAM PA DRUG LA, MI GNAS PAS GNAS PA LAS MI G-YO BA THOB PA'I SKU ZHES BYA BAS NI LUNG MI DMIGS PA'I MTSAN NYID BSTAN @215A *, ,TO; ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I NGO BO NYID MA YIN PA'I SKU ZHES BYA BAS NI PHUNG PO LNGA PO DAG DANG MTSAN NYID MI 'DRA BA BSTAN TO, ,SA DANG CHU DANG ME DANG RLUNG GIS RAB TU PHYE BA MA YIN PA'I SKU ZHES BYA BAS NI 'BYUNG BA LAS GYUR PA'I MTSAN NYID MA YIN PAR BSTAN TO, ,'BYUNG BA MA YIN PA DANG, 'BYUNG BA MA YIN PA MA YIN PA DANG, 'BYUNG BA CHEN POS RAB TU PHYE BA MA YIN PA'I SKU ZHES BYA BAS NI 'BYUNG BA'I NGO BO NYID MA YIN PAR BSTAN TO, ,YANG DAG PA MA YIN PA DANG, YANG DAG PA MA YIN PA MA YIN PA'I CHOS 'JIG RTEN THAMS CAD DANG MI MTHUN PA'I SKU ZHES BYA BAS NI LAS DANG NYON MONGS PA DANG, SKYE BA'I MTSAN NYID MA YIN PAR BSTAN TO, ,MIG LAS MA BYUNG BA DANG, RNA BA LA MI BRTEN PA DANG, SNAS RNAM PAR SHES PAR BYA BA MA YIN PA DANG, LCES RAB TU PHYE BA MA YIN PA DANG, LUS DANG LDAN PA MA YIN PA'I SKU ZHES BYA BAS NI RANG BZHIN GYI SKU'I NGO BO NYID BSTAN TO, ,DE DAG LA SOGS PA'I DE BZHIN GSHEGS PA'I SKU DANG, GSUNG DANG, THUGS KYI GSANG BA BSTAN PA DE DAG KYANG GRUB PA YIN NO, ,DE BZHIN DU 'PHAGS PA SGO MTHA' YAS PAS GRUB PA'I GZUNGS LAS, SANGS RGYAS RJES SU DRAN PA 'BA' ZHIG SGOM PAR BYED DE, DE BZHIN GSHEGS PA'I GZUGS LAS MI MTHONG BA DANG, GZUGS MA YIN PA DANG, MTSAN DANG, DPE BYAD DANG, TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA DANG, DUS DANG, RUS DANG, RIGS DANG, SKYE BA DANG, 'KHOR DANG, BDAG NYID KYI RNAM PA DANG, GZHAN GYI RNAM PA LAS MI MTHONG BA DE NI SANGS RGYAS RJES SU DRAN PA'O ZHES BYA BA LA SOGS PA GSUNGS PA DE DAG KYANG GRUB PA YIN TE, JI SKAD SMOS PA'I RNAM PAR RTOG PA DE DAG DANG BRAL BA NI SANGS RGYAS RJES SU DRAN PA YIN NO ZHES BYA BA'I THA TSIG GO, ,DE BZHIN DU 'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN GYI MDO LAS, DE BZHIN GSHEGS PA RTAG TU SKYE MED CHOS, ,CHOS RNAMS THAMS CAD BDE BAR GSHEGS DANG @215B 'DRA; ,MTSAN MAR 'DZIN PA BYIS PA'I BLO CAN RNAMS, ,'JIG RTEN DAG NA MED PA'I CHOS LA SPYOD, ,DE BZHIN GSHEGS PA ZAG MED DGE BA YIN, ,CHOS KYI GZUGS BRNYAN LTA BUR GYUR PA STE, ,'DI LA DE NYID DE BZHIN GSHEGS MED KYANG, ,'JIG RTEN KUN DU GZUGS BRNYAN KUN NAS SNANG; ,ZHES BYA BA LA SOGS PA DE BZHIN GSHEGS PA'I SKU BDEN PA GNYIS KYI TSUL DU BSTAN PA DE DAG KYANG GRUB PA NYID YIN NO, ,DE BZHIN DU 'PHAGS PA LANG KAR GSHEGS PA'I MDO LAS, PHUNG PO BRTEN PA'I RDZOGS SANGS RGYAS, ,GANG GIS GANG DU MTHONG BA MED, , GANG GIS GANG DU GANG MA MTHONG, ,DE NI JI LTAR BSTAN PAR BYA, ,ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI DE BZHIN GSHEGS PA'I CHOS KYI SKU BSTAN PA 'DI'I YON TAN DANG KHUNGS YIN TE, DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG, SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA, DBU MA RTZA BA'I 'GREL PA SHES RAB SGRON MA LAS, DE BZHIN GSHEGS PA BRTAG PA ZHES BYA BA STE, RAB TU BYED PA NYI SHU GNYIS PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BRDZOGS SO,, ,,BAM PO BDUN CU GSUM PA, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS PHYIN CI LOG NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU GSUM PO BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PA BRTZAM PA'I SKABS SU DNGOS PO THAMS CAD SKYE BA MED PAR DAM BCAS PA MDZAD PAS 'DIR @216A *, ,YANG BSTAN BCOS MDZAD PAS SNGAR JI LTAR DAM BCA' BA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI SNGAR BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BAR BYED PA'I PHYOGS TE, 'DI LTAR STE, DON DAM PAR DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DON DAM PAR DNGOS PO RNAMS NGO BO NYID YOD PA NYID DU BSGRUB PA'I PHYOGS KYI KHYAD PAR 'OG NAS, 'DOD CHAGS ZHE SDANG GTI MUG RNAMS, ,KUN DU RTOG LAS 'BYUNG BAR GSUNGS, ,SDUG DANG MI SDUG PHYIN CI LOG ,BRTEN PA NYID LAS KUN DU 'BYUNG, ,ZHES BYA BAS DON DAM PAR PHUNG PO LA SOGS PA DAG NGO BO NYID YOD PA KHO NA YIN TE, RGYU LA BRTEN NAS 'BYUNG BA'I PHYIR DPER NA 'DOD CHAGS LA SOGS PA BZHIN NO, ,ZHES BYA BA LA SOGS PA BSGRUB PA 'BYUNG BA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA NYI SHU GSUM PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, PHYIN CI LOG NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU GSUM PA BRTZAM MO ZHES BYA BA SMRAS TE, PHYIN CI LOG BRTAG PA'I RAB TU BYED PA NYI SHU GSUM PA'I GZHUNG 'OG NAS 'BYUNG BA 'DI'I DON NI PHYIN CI LOG NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, PHYIN CI LOG NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'DIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, 'DIR SMRAS PA, 'DOD CHAGS ZHE SDANG GTI MUG RNAMS, ,KUN DU @216B RTOG LAS 'BYUNG BAR GSUNGS, ,BSTAN BCOS LAS SO ZHES BYA BA SMRAS TE, LUNG LAS 'DOD CHAGS LA SOGS PA NI YANG DAG PA MA YIN PA'I KUN DU RTOG PA LAS 'BYUNG BAR GSUNGS SO, ,DE NYID BYE BRAG TU BSHAD PA BSTAN PA'I PHYIR, 'DOD CHAGS DANG, ZHE SDANG DANG, GTI MUG DE DAG KYANG GO RIMS BZHIN DU, SDUG DANG MI SDUG PHYIN CI LOG ,BRTEN PA NYID LAS KUN DU 'BYUNG, ,ZHES BYA BA SMRAS TE, SDUG PA'I PHYIN CI LOG LA BRTEN PA NYID LAS 'DOD CHAGS KUN DU 'BYUNG LA, MI SDUG PA'I PHYIN CI LOG LA BRTEN PA NYID LAS ZHES SDANG KUN DU 'BYUNG, GNYI GA'I PHYIN CI LOG LA BRTEN PA NYID LAS GTI MUG KUN DU 'BYUNG BAR SBYAR RO, ,NYID LAS ZHES BYA BA'I SGRA NI NGES PAR GZUNG BA'I DON TE, SDUG PA DANG, MI SDUG PA'I PHYIN CI LOG LA BRTEN PA NYID LAS KUN DU 'BYUNG GI MA BRTEN PAR MI 'BYUNG NGO ZHES NGES PAR GZUNG GI ,SDUG PA DANG MI SDUG PA'I PHYIN CI LOG NYID LA BRTEN NAS ZHES BYA BAR NI NGES PAR MI GZUNG STE, DE DAG SKYE BA'I RKYEN TSUL BZHIN MA YIN PA YID LA BYED PA LA SOGS PA DAG KYANG YOD PA'I PHYIR RO ZHES BYA BAS NI NYID CES BYA BA'I SGRA BRTAN PA NYID LAS ZHES BYA BAR SBYAR GYI, PHYIN CI LOG NYID LA ZHES BYA BAR MI SBYAR BA'I SGRA BSGRUB PA BSTAN TO, , DE LTAR NA DE NI CHOS MTHUN PA'I DPE'I TSIG YIN TE ZHES BYA BAS NI 'DOD CHAGS LA SOGS PA RGYU LA BRTEN NAS 'BYUNG BAS NGO BO NYID YOD PA DE NI 'DIR DON DAM PAR PHUNG PO LA SOGS PA DAG RGYU LA BRTEN NAS 'BYUNG BAS NGO BO NYID YOD PAR BSGRUB PA'I CHOS MTHUN PA'I DPE'I TSIG YIN PAR BSTAN TO, , 'O NA DAM BCAS PA DANG GTAN TSIGS DAG GANG YIN ZHE NA, DE'I PHYIR, BSGRUB PAR BYA BA CHOS DANG, SGRUB PA'I CHOS KYI DBANG GIS DPE BSTAN PAS YAN LAG LHAG MA DAG MNGON NO ZHES BYA BA SMRAS TE, BSGRUB PAR BYA BA CHOS DON DAM PAR PHUNG PO LA SOGS PA DAG NGO BO NYID YOD PA KHO NA YIN TE ZHES BYA BA DANG, SGRUB PA'I CHOS RGYU LA BRTEN NAS 'BYUNG BA'I PHYIR ZHES BYA BA'I DBANG GIS DPE 'DOD CHAGS LA SOGS PA RGYU LA BRTEN NAS 'BYUNG BAS DON DAM PAR NGO BO NYID YOD PA DAG BSTAN PAS DAM BCAS PA DANG, GTAN TSIGS KYI YAN LAG LHAG MA DAG MNGON NO, ,DE NI DE'I RJES @217A *, ,SU DPAG PA BSTAN PA'I PHYIR, DE'I PHYIR RJES SU DPAG PA NI DON DAM PAR PHUNG PO LA SOGS PA DAG NGO BO NYID YOD PA KHO NA YIN TE, RGYU LA BRTEN NAS 'BYUNG BA'I PHYIR DPER NA 'DOD CHAGS LA SOGS PA BZHIN NO, ,GANG NGO BO NYID MED PA DE NI RGYU LA BRTEN NAS MI 'BYUNG STE, DPER NA NAM MKHA'I ME TOG BZHIN NO, ,PHUNG PO LA SOGS PA DAG NI RANG RANG GI RGYU LA BRTEN NAS 'BYUNG BAS DE'I PHYIR GTAN TSIGS JI SKAD SMOS PA'I MTHUS DON DAM PAR PHUNG PO LA SOGS PA DAG NGO BO NYID YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA NAM MKHA'I ME TOG LA SOGS PA LTA BU GANG RGYU LA BRTEN NAS MI 'BYUNG BA DE NI NGO BO NYID YOD PA MA YIN GYI; 'DOD CHAGS LA SOGS PA NI RGYU LA BRTEN NAS 'BYUNG BA'I PHYIR DON DAM PAR NGO BO NYID YOD PA KHO NA YIN PAS DE BZHIN DU PHUNG PO LA SOGS PA DAG KYANG RGYU LA BRTEN NAS 'BYUNG BA'I PHYIR DON DAM PAR NGO BO NYID YOD PA KHO NA YIN NO ZHES ZER RO, ,STONG PA NYID KYI MI MTHUN PA'I PHYOGS KYI KHYAD PAR DE DGAG PAS PHYIN CI LOG NGO BO NYID MED PA NYID DU BSTAN PA'I PHYIR DE SKAD CES ZER BA DE'I LAN DU 'GREL PA BYED PA NYID KYIS, 'DIR BSHAD PA, GANG DAG SDUG DANG MI SDUG PA'I, ,PHYIN CI LOG LA BRTEN 'BYUNG BA, ,'DOD CHAGS LA SOGS PA NYON MONGS PA KHYED KYI DPE NYID DU BSTAN PA DAG GO ZHES BYA BA SMRAS TE, DES NI PHA ROL PO DAG GI DPE MI 'GRUB PAR SUN DBYUNG BA'I PHYOGS SU BSTAN TO, ,DE DAG NGO BO NYID LAS MED, ,GANG GI PHYIR SNGAR BSTAN PA'I TSUL GYIS SO ZHES BYA BAS NI 'DOD CHAGS LA SOGS PA DE DAG RGYU LA BRTEN NAS 'BYUNG BA'I PHYIR NGO BO NYID LAS MED PAR DAM BCA' BA BSTAN TE, GANG GI PHYIR RGYU DANG RKYEN GZHAN GYI DNGOS PO LA BRTEN NAS GDAGS PAR BYA BA GANG YIN PA NI BDAG GI NGO BO NYID LAS MED DO ZHES SNGAR BSTAN PA'I TSUL GYIS DE DAG NGO BO NYID LAS MED PAR DAM BCA'O, ,DE PHYIR NYON MONGS YANG DAG MED, ,YANG DAG PAR ZHES BYA BA NI DON DAM @217B PAR ZHES BYA BA'I THA TSIG GO ZHES BYA BAS NI MJUG BSDU BA BSTAN TE, DE LTAR GANG GI PHYIR 'DOD CHAGS LA SOGS PA DE DAG SDUG PA LA SOGS PA LA BRTEN NAS 'BYUNG BAS NGO BO NYID MED PA DE'I PHYIR NYON MONGS PA RNAMS DON DAM PAR NGO BO NYID MED PA NYID YIN NO, ,DE'I PHYIR BSGRUB PA DPE MA TSANG BA'I SKYON YOD DO ZHES BYA BAS NI TSAD MA'I 'BRAS BU YIN TE, DES NI PHA ROL PO DAG GI DPE 'DOD CHAGS LA SOGS PA BZHIN NO ZHES BYA BA DE MA GRUB PAR BSTAN TO, ,THA SNYAD PA'I DPER RTOG NA NI BSGRUB PAR BYA BA CHOS MA TSANG BA NYID KYI LAN GDAB DKA' STE, DON DAM PAR NYON MONGS PA RNAMS NGO BO NYID MED PA'I PHYIR RO ZHES BYA BAS NI PHA ROL PO DAG GI DPE DE THA SNYAD PAR GRUB NA NI BSGRUB PAR BYA BA CHOS DON DAM PAR PHUNG PO LA SOGS PA DAG NGO BO NYID YOD PA KHO NA YIN TE ZHES BYA BA DE DPE LA MED PA NYID KYI LAN GDAB DKA' STE, DON DAM PAR NYON MONGS PA RNAMS NGO BO NYID MED PA'I PHYIR 'GAL BA NYID DU BSTAN TO, ,THA SNYAD PA'I NGO BO NYID YOD PA NYID DU BSGRUB NA NI GRUB PA LA SGRUB PA YIN NO ZHES BYA BAS NI PHA ROL PO DAG GI DPE DES PHUNG PO LA SOGS PA DAG LA THA SNYAD PA'I NGO BO NYID YOD PA NYID DU BSGRUB NA NI DE LTAR DBU MA PA LA YANG GRUB ZIN PAS GRUB PA LA SGRUB PA'I SKYON CHAGS PA YIN PAR BSTAN TO, ,YANG GZHAN YANG ZHES BYA BA LA SOGS PAS NI 'DOD CHAGS LA SOGS PA NYON MONGS PA RNAMS KYI RTEN BDAG CES BYA BA YOD NA NI DE LA BRTEN PA NYON MONGS PA RNAMS KYANG YOD PAR 'GYUR BA ZHIG NA, BDAG DE MED PAS NYON MONGS PA RNAMS KYANG YOD PAR MI 'GRUB PA NYID DO ZHES STON TO, , DE'I PHYIR, BDAG GI YOD NYID MED NYID NI, ,ZHES BYA BA SMRAS TE, 'DOD CHAGS LA SOGS PA NYON MONGS PA RNAMS KYI RTEN BDAG CES BYA BA'I YOD PA NYID DANG, MED PA NYID CES THA SNYAD GDAGS PA'O, ,DE 'GRUB PA MED PAR BSTAN PA'I PHYIR, DON DAM PA DANG KUN RDZOB KYI TSUL LA LTOS PAS, JI LTA BUR YANG 'GRUB PA MED CES BYA BA SMRAS SO, ,DE NYID BSTAN PA'I PHYIR, YANG ZHES BYA BA'I SMRAS NI NGES PAR GZUNG BA'I DON DE, 'GRUB PA MED PA NYID DO ZHES BYA BA'O ZHES BYA BA SMRAS TE, DON DAM PA'I TSUL LA LTOS PAS YOD PA NYID DU 'GRUB PA MED PA NYID LA KUN RDZOB @218A *, ,KYI TSUL LA LTOS PAS MED PA NYID DU 'GRUB PA MED PA NYID DE GZHI MA GRUB PA'I PHYIR RO ZHES BYA BAR SBYAR RO, ,DE LTAR, BDAG DE NYON MONGS RNAMS KYI NI, ,YOD NYID MED NYID JI LTAR 'GRUB, ,MI 'GRUB PA NYID DO ZHES BYA BA'I TSIG GI DON TE ZHES BYA BAS NI DE LTAR 'DOD CHAGS LA SOGS PA NYON MONGS PA RNAMS KYI BRTEN BDAG DE YOD PA NYID DANG MED PA NYID DU 'GRUB PA MED PA NYID YIN NA DE LA BRTEN PA NYON MONGS PA RNAMS KYI YOD PA NYID DANG, MED PA JI LTAR 'GRUB STE, MI 'GRUB PA NYID DO ZHES BSTAN TO, ,DE NYID KYI 'THAD PA BSTAN PA'I PHYIR, BRTEN PA NI RTEN YOD NA YOD PAR 'GYUR BA'I PHYIR RO ZHES BYA BAR DGONGS SO ZHES BYA BA SMRAS TE, BRTEN PA NYON MONGS PA RNAMS NI RTEN BDAG YOD NA YOD PAR 'GYUR BA'I PHYIR 'DIR RTEN BDAG YOD PAR MA GRUB PAS DE LA BRTEN PA NYON MONGS PA RNAMS KYANG YOD PAR MI 'GRUB PA NYID DO ZHES BYA BAR DGONGS SO, ,DON DE NYID GSAL BAR BYA BA'I PHYIR 'DI BSHAD DE ZHES BYA BA LA SOGS PAS NI 'DOD CHAGS LA SOGS PA NYON MONGS PA DE DAG KYANG RTEN BDAG CES BYA BA 'GA' ZHIG LA BRTAN NAS 'BYUNG BA YIN NA DE DAG GI RTEN DE YANG 'GRUB PA YOD PA MA YIN NO, ,GAL TE DE DAG GI RTEN BDAG CES BYA BA 'GA' YANG MED NA, DE LA BRTEN PA NYON MONGS PA RNAMS ZHES BYA BA CI ZHIG YOD DE NYON MONGS PA CHUNG ZAD KYANG YOD PA MA YIN PAS PHA ROL PO DAG GI DPE MA GRUB PAS DON DAM PAR PHUNG PO LA SOGS PA DAG NGO BO NYID YOD PA KHO NA YIN TE ZHES SGRUB PAR 'DOD PA'I DON GRUB PA MED DO ZHES STON TO, ,DE'I PHYIR, NYON MONGS DE DAG 'GA' LAS 'BYUNG, ,DE'I YON TAN YIN PA'I PHYIR DANG DE'I LONGS SPYAD PAR BYA BA YIN PA'I PHYIR RO ZHES BYA BA SMRAS TE, 'DOD CHAGS LA SOGS PA NYON MONGS PA DE DAG KYANG RTEN BDAG CES BYA BA 'GA' ZHIG LA BRTEN NAS 'BYUNG BA YIN TE, NYON MONGS PA RNAMS NI BDAG DE'I YON TAN DANG; LONGS SPYOD PAR BYA BA YIN PA'I PHYIR RO, ,DE YANG 'GRUB PA YOD MA YIN, ,ZHES BYA BAS NI DE DAG GI RTEN BDAG DE YANG 'GRUB PA YOD PA MA YIN PAR BSTAN TO, ,JI LTAR ZHE NA, DE LTAR BDAG BRTAG PA'I RAB TU BYED PA NYID DU BRTAGS ZIN TO ZHES BYA BAS NI BDAG DE JI LTAR 'GRUB PA @218B YOD PA MA YIN ZHE NA, DE LTAR NI SNGAR NYE BAR LEN PA PO DANG, NYE BAR LEN PA BRTAG PA'I RAB TU BYED PA NYID DU BRTAGS ZIN TO ZHES BSTAN TO, ,DE LTAR NA 'DIS NI NYON MONGS PA RNAMS KYI CHOS NI RTEN MED PA YIN PAR BSTAN TO ZHES BYA BAS NI NYON MONGS PA RNAMS YOD PA MA YIN PAR SGRUB PA'I CHOS GTAN TSIGS NI RTEN BDAG MED PA YIN PAR BSTAN TO, ,DE NYID KYI RJES SU DPAG PA BSTAN PA'I PHYIR, DE'I PHYIR RJES SU DPAG PA NI DON DAM PAR 'DOD CHAGS LA SOGS PA DAG YOD PA MA YIN TE, DE DAG GI RTEN MED PA'I PHYIR DPER NA MO GSHAM GYI BU'I SNGO BA SANGS NYID BZHIN NO ZHES BYA BA SMRAS TE; ,DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MO GSHAM GYI BU'I SNGO BSANGS NYID NI DE'I RTEN MO GSHAM GYI BU NYID MED PA'I PHYIR YOD PA MA YIN PA DE BZHIN DU 'DOD CHAGS LA SOGS PA NYON MONGS PA DAG KYANG DE DAG GI RTEN BDAG MED PA'I PHYIR YOD PA MA YIN NO, ,RANG GI SDE PA DAG NA RE BDAG MED DU ZIN KYANG SEMS KYI NYON MONGS PA RNAMS SO ZHES 'BREL PA 'GRUB STE, NYON MONGS PA RNAMS NI SEMS DE'I CHOS YIN PA'I PHYIR BDAG MED PAR SMRA BA RNAMS LA GTAN TSIGS KYI DON MA GRUB PA NYID DO ZHES ZER RO ZHES BYA BAS NI RANG GI SDE PA DAG NA RE 'DOD CHAGS LA SOGS PA NYON MONGS PA RNAMS KYI RTEN BDAG MED DU ZIN KYANG DE DAG GI RTEN SEMS YOD PA'I PHYIR NYON MONGS PA RNAMS SEMS KYI CHOS YIN PAR 'GRUB PAS BDAG MED PAR SMRA BA RNAMS LA DBU MA PA'I GTAN TSIGS DE DAG GI RTEN MED PA'I PHYIR ZHES BYA BA'I DON MA GRUB PA NYID DO ZHES ZER BA'I TSIG YIN NO, ,DE'I LAN DU 'DIR 'GREL PA BYED PA NYID KYIS GTAN TSIGS KYI DON MA GRUB PA NYID MA YIN TE, SEMS KYI SKYE BA BKAG PA'I PHYIR DANG, RNAM PAR SHES PA'I NGO BO NYID BSAL BA'I PHYIR DANG, DE RDZAS SU YOD PA NYID BKAG PAS, SEMS MA GRUB PA'I PHYIR RO ZHES BYA BA SMRAS TE, RKYEN BRTAG PA DANG, PHUNG PO BRTAG PA LA SOGS PA'I RAB TU BYED PAR SEMS KYI SKYE BA DANG, NGO BO NYID DANG, RDZAS SU YOD PA NYID BKAG PAS SEMS MA GRUB PA'I PHYIR KHO BO'I GTAN TSIGS KYI @219A *, ,DON MA GRUB PA NYID MA YIN NO, ,GANG DAG YOD PAR SMRA BA DAG NA RE 'DI LTAR KHO BO CAG NI GCIG LA GCIG MED PAS DNGOS PO'I MTSAN NYID MED PAR SMRA BA YIN PAS NYON MONGS PA RNAMS YOD PA MA YIN NO ZHES BYA BA DE GRUB PAS SEMS LAS BYUNG BA RNAMS LA DNGOS PO RNAMS KYI NGO BO NYID MED PA DANG 'BREL PA YANG MA GRUB PAR 'GYUR RO ZHES ZER RO ZHES BYA BAS NI GCIG LA GCIG MED PAR SMRA BA DNGOS PO RNAMS KYI NGO BO NYID YOD PAR 'DOD PA DAG NA RE DPER NA BUM PA LA SNAM BU MED LA, SNAM BU LA YANG BUM PA MED PAS GCIG LA GCIG MED PA'I PHYIR NGO BO NYID MED PA ZHES BYA BA'I BUM PA DANG, SNAM BU'I NGO BO NYID NI SO SO NA YOD PA DE BZHIN DU SEMS LA YANG NYON MONGS PA RNAMS MED LA, NYON MONGS PA RNAMS LA YANG SEMS MED PAS GCIG LA GCIG MED PA'I PHYIR NGO BO NYID MED PAS ZHES BYA BA'I SEMS DANG NYON MONGS PA RNAMS KYI NGO BO NYID NI SO SO NA YOD PAS 'DOD CHAGS LA SOGS PA NYON MONGS PA RNAMS YOD PAR 'GRUB PO ZHES ZER BA'I TSIG YIN NO, ,DE'I LAN DU 'GREL PA BYED PA NYID KYIS DE DAG GI PHYIR 'DI BSHAD DE, KHYED BUM PA DANG SNAM BU DAG LA DE LAS GZHAN PA'I DNGOS PO'I MTSAN NYID MED PAR 'DOD PA GANG YIN PA DE'I DNGOS PO DANG DNGOS PO MED PAR SNANG BA'I BLO SKYE BA'I RGYU YIN PA'I PHYIR DNGOS PO 'AM, DNGOS PO MED PA ZHIG YIN GRANG NA ZHES BYA BA LA SOGS PA SMRAS TE, KHYED GCIG LA GCIG MED PAS DNGOS PO MED PAR 'DOD PA GANG YIN PA DE NI DNGOS PO DANG DNGOS PO MED PAR SNANG BA'I BLO SKYE BA'I RGYU YIN PA'I PHYIR DNGOS PO 'AM DNGOS PO MED PA ZHIG YIN GRANGS NA, BRTAG PA GNYI GA LTAR MI 'THAD PAR STON TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA GAL TE DNGOS PO YIN NA NI DAM BCAS PA NYAMS SO ZHES BYA BA SMRAS TE, SNGAR GCIG LA GCIG MED PAS DNGOS PO MED DO ZHES DAM BCAS PA LA DA DNGOS POR SMRA BA'I PHYIR RO, ,BRTAG PA GNYIS PA MI 'THAD PAR BSTAN PA'I PHYIR, JI STE DNGOS PO MED PA YIN NA NI 'O NA DES NA BUM PA 'DI'I SNGO BA NYID DANG DMAR BA NYID 'DI'O ZHES BYA BA'I 'BREL PA MED PA'I PHYIR THA SNYAD MED PAR 'GYUR BAS DE'I PHYIR @219B BSHAD PA GAL TE 'GA' MED JI ZHIG YOD RTEN BUM PA 'AM, SNAM BU 'GA' ZHIG MED PAR BRTEN PA SNGO BA NYID DAM, DMAR BA NYID JI ZHIG YOD PAR 'DOD CES BYA BA SMRAS TE, DNGOS PO MED PA YIN NA DE'I 'DI'O ZHES BYA BA'I 'BREL PA MED PA'I PHYIR NYON MONGS PA RNAMS YOD PAR MI 'GRUB PO, , DE NYID BSTAN PA'I PHYIR, NYON MONGS 'GA' YANG YOD MA YIN, ,MO GSHAM GYI BU LA SOGS PA'I MTSAN NYID DNGOS PO MED PA LA ZHES BYA BAR DGONGS SO ZHES BYA BA SMRAS TE, RTEN SEMS MED PAR BRTEN PA NYON MONGS PA RNAMS YOD PA MA YIN NO ZHES BYA BA'I THA TSIG GO, ,DE LTAR NI MI 'DOD PAS DE'I PHYIR YOD PA MA YIN PA DPE NYID DU MI RUNG BAS 'DOD PA'I DON GRUB PA MED DO ZHES BYA BA NI MJUG BSDU BA DANG TSAD MA'I 'BRAS BU YIN TE, RTEN SEMS MED PAR BRTEN PA NYON MONGS PA RNAMS YOD PAR MI 'DOD PAS DE'I PHYIR NYON MONGS PA YOD PA MA YIN PA DPE NYID DU MI RUNG BAS, PHA ROL PO DAG NA RE DON DAM PAR PHUNG PO LA SOGS PA DAG NGO BO NYID YOD PA KHO NA YIN TE, RGYU LA BRTEN NAS 'BYUNG BA'I PHYIR DPER NA 'DOD CHAGS LA SOGS PA BZHIN NO ZHES ZER BA'I 'DOD PA'I DON GRUB PA MED DO, ,RANG GI SDE PA RNAMS KYI PHYIR YANG 'DI BSHAD PAR BYA STE ZHES BYA BA LA SOGS PAS NI JI LTAR SNGAR DE BZHIN GSHEGS PA BRTAG PA'I SKABS SU, SKU MIN SKU LAS GZHAN MA YIN, ,DE LA SKU MED DER DE MED, ,DE BZHIN GSHEGS PA SKU LDAN MIN, ,DE BZHIN GSHEGS PA GANG ZHIG YIN, ,ZHES BYA BAS DE BZHIN GSHEGS PA PHYOGS SU BYAS TE, DE BZHIN GSHEGS PA PHUNG PO RNAMS LA RNAM PA LNGAS BTZAL NA DMIGS SU MED PAR BSTAN PA DE BZHIN DU 'DIR YANG NYON MONGS PA RNAMS PHYOGS SU BYAS TE, NYON MONGS PA CAN LA RNAM PA LNGAS BTZAL NA DMIGS SU MED PA DANG, NYON MONGS PA CAN PHYOGS SU BYAS TE, NYON MONGS PA RNAMS LA RNAM PA LNGAS BTZAL NA DMIGS SU MED PAR STON TO, ,DE LA RE ZHIG NYON MONGS PA RNAMS PHYOGS SU BYAS TE, NYON MONGS PA CAN LA RNAM PA LNGAS BTZAL NA DMIGS SU MED PAR BSTAN PA'I PHYIR, RANG LUS LTA BZHIN NYON MONGS RNAMS, ,RANG ZHES BYA BA NI BDAG DANG BDAG GI'O, , @220A *, ,LUS ZHES BYA BA NI MING DANG GZUGS NYE BAR BSTZAGS PA'I RNAM GRANGS SO, ,RANG GI LUS LA LTA BA ZHES BYA BA NI RANG GI LUS LA DMIGS PA'I NYON MONGS PA CAN GYI LTA BA'O, ,RANG GI LUS LA LTA BA BZHIN ZHES BYA BA NA RANG GI LUS LA LTA BA DANG 'DRA BA STE, JI LTAR; SKU MIN SKU LAS GZHAN MA YIN, ,DE LA SKU MED DER DE MED, ,DE BZHIN GSHEGS PA SKU LDAN MIN, ,DE BZHIN GSHEGS PA GANG ZHIG YIN, ,ZHES BYA BA BZHIN DU NYON MONGS PA RNAMS KYANG DE DANG 'DRA'O, ,NYON MONGS PA RNAMS ZHES BYA BA NI GNOD PA'I DON GYIS NYON MONGS PAR BYED PA DAG GO, ,NYON MONGS CAN LA RNAM LNGAR MED, ,NYON MONGS CAN GYI SEMS LA STE, ,NYON MONGS PA RNAMS NI NYON MONGS PA CAN MA YIN TE, DE LAS GZHAN MA YIN PA NYID BKAG PA'I PHYIR DANG, BSREG PA DANG SREG PA DAG GCIG PA NYID DU THAL BAR 'GYUR BA'I PHYIR RO, ,NYON MONGS PA RNAMS NI NYON MONGS PA CAN LAS GZHAN PA YANG MA YIN TE, SNGA MA BZHIN DU DE LAS GZHAN NYID BKAG PA'I PHYIR DANG, NYON MONGS PA RNAMS MED PAR YANG NYON MONGS PA CAN NYID DU THAL BAR 'GYUR BA'I PHYIR RO, ,NYON MONGS PA RNAMS NYON MONGS PA CAN DAG LA MED CING NYON MONGS PA CAN YANG NYON MONGS PA RNAMS LA MED LA; NYON MONGS PA RNAMS NYON MONGS PA CAN DANG LDAN PA YANG MA YIN TE, GZHAN NYID MED PA KHO NA'I PHYIR RO, ,DE LTAR NYON MONGS PA RNAMS NYON MONGS PA CAN LA RNAM PA LNGAR MED DO ZHES BYA BA SMRAS SO, ,DA NI NYON MONGS PA CAN PHYOGS SU BYAS TE, NYON MONGS PA RNAMS LA RNAM PA LNGAS BTZAL NA DMIGS SU MED PAR BSTAN PA'I PHYIR, RANG LUS LTA BZHIN NYON MONGS CAN, ,NYON MONGS PA LA RNAM LNGAR MED, ,NYON MONGS PA CAN NYON MONGS PA RNAMS LA RNAM PA LNGAR MED PA YANG DE BZHIN DU SBYAR BAR BYA'O ZHES BYA BA SMRAS SO, ,DE LA NYON MONGS PA RNAMS MED PA'I PHYIR DPE LA BSGRUB PAR BYA BA CHOS MA TSANG BA NYID KYI SKYON YOD DO ZHES BYA BAS NI PHA ROL PO DAG GIS DON DAM PAR PHUNG PO LA SOGS PA DAG NGO BO NYID YOD PA KHO NA YIN TE, RGYU LA BRTEN NAS 'BYUNG BA'I PHYIR, DPER NA 'DOD CHAGS LA SOGS PA BZHIN NO ZHES SMRAS PA'I DPE DE LA BSGRUB PAR BYA BA CHOS @220B NGO BO NYID YOD PA KHO NA YIN TE ZHES BYA BA MA TSANG BA NYID KYI SKYON YOD PAR BSTAN TO, ,YANG GZHAN YANG GANG GI TSE KHO BO CAG GI PHYOGS LA, SDUG DANG MI SDUG PHYIN CI LOG ,NGO BO NYID LAS YOD MIN PA, ,DE'I TSE, SDUG DANG MI SDUG PHYIN CI LOG ,BRTEN NAS NYON MONGS GANG DAG YIN, , 'BYUNG BA ZHES BYA BA'I TSIG GI LHAG MA'O ZHES BYA BAS NI PHYIN CI LOG RNAMS NGO BO NYID LAS YOD PA MA YIN PAS, PHYIN CI LOG GI RGYU LA BRTEN NAS 'DOD CHAGS LA SOGS PA NYON MONGS PA RNAMS 'BYUNG BAR MI 'GYUR BAR BSTAN TO, ,DE'I PHYIR DON DAM PAR NYON MONGS PA RNAMS KYI CHOS NI BSTAN NAS 'BYUNG BA MA YIN PAS DPE LA SGRUB PA'I CHOS MA TSANG BA NYID KYI SKYON YOD DO ZHES BYA BAS NI PHA ROL PO DAG GIS DON DAM PA PHUNG PO LA SOGS PA DAG NGO BO NYID YOD PA KHO NA YIN TE, RGYU LA BRTEN NAS 'BYUNG BA'I PHYIR DPER NA 'DOD CHAGS LA SOGS PA BZHIN NO ZHES SMRAS BAR DPE DE LA SGRUB PA'I CHOS RGYU LA BRTEN NAS 'BYUNG BA'I PHYIR ZHES BYA BA MA TSANG BA NYID KYI SKYON YOD PAR BSTAN TO, ,RANG GI SDE PA DAG YANG PHYIR ZLOG PAR BYED DE ZHES BYA BA LA SOGS PAS NI RANG GI SDE PA DAG GZUGS LA SOGS PA YUL DRUG PO DAG NI 'DOD CHAGS LA SOGS PA NYON MONGS PA RNAMS SKYE BA'I GZHI YIN PAS DE DAG LA BRTEN NAS NYON MONGS PA RNAMS 'BYUNG BAR 'GRUB PAS DPE LA BSGRUB PAR BYA BA DANG, SGRUB PA'I CHOS MA TSANG BA'I SKYON MED DO ZHES ZER BA'I TSIG STON TO, ,DE NYID BSTAN PA'I PHYIR, GZUGS SGRA RO DANG REG PA DANG, DRI DANG CHOS DAG RNAM DRUG NI, ,RNAM PA DRUG GO, DE DAG CI YIN ZHE NA GZHI STE, 'DI LA GNAS PAS GZHI STE, DE DAG LAS 'BYUNG NGO ZHES BYA BA'I THA TSIG GO ZHES BYA BA SMRAS SO, ,GZUGS LA SOGS PA'I NGES PA'I TSIG BSTAN PA'I PHYIR, GZUGS ZHES BYA BA NI GZUGS SU RUNG BA'O, ,SGRA ZHES BYA BA NI BSGRAG DU RUNG BA'O, ,DRI ZHES BYA BA NI SNAM DU RUNG BA'O, ,RO ZHES BYA BA NI MYANG DU RUNG BA'O, ,REG PA ZHES BYA BA NI REG SBYAR RUNG BA'O, ,CHOS BDAG CES BYA BA NI RANG GI MTSAN NYID 'DZIN PA'I PHYIR RO ZHES BYA SMRAS SO, ,DE DAG GI GZHI YIN PAR BSTAN PA'I PHYIR, RNAM PA DRUG PO DE DAG GI DAG GZHI YIN ZHE NA, 'DOD @221A *, ,CHAGS DANG NI ZHE SDANG DANG, ,GTI MUG GIS NI RNAM PAR RTAG CES BYA BA SMRAS SO, ,'DOD CHAGS LA SOGS PA'I TSIG BSTAN PA'I PHYIR, 'DOD CHAGS NI CHAGS PAR BYED PA STE, LHAG PAR CHAGS PA'O, ,ZHE SDANG NI SDANG BAR BYED PA STE, SEMS CAN RNAMS LA KUN NAS MNAR SEMS SKYED PA'O, ,GTI MUG NI RMONGS PAR BYED PA STE MI SHES PA'O ZHES BYA BA SMRAS SO, ,'DIS NI PHYIN CI LOG GI CHOS NI GZHI YOD PA YIN PAR BSTAN TO ZHES BYA BAS NI, TSIG LE'UR BYAS PA SNGA MA 'DIS NI PHYIN CI LOG LA BRTEN NAS 'DOD CHAGS LA SOGS PA KUN DU 'BYUNG BAR SGRUB PA'I CHOS GTAN TSIGS NI DE DAG SKYE BA'I GZHI YUL DRUG PO DAG YOD PAR BSTAN TO, ,DE'I RJES SU DPAG PA BSTAN PA'I PHYIR, DE'I PHYIR RJES SU DPAG PA NI DON DAM PAR SDUG PA DANG MI SDUG PA'I PHYIN CI LOG GANG DAG LA BRTEN NAS 'BYUNG BA'I 'DOD CHAGS LA SOGS PA DAG NI YOD PA KHO NA YIN TE, DE DAG GI GZHI YOD PA'I PHYIR RO, ,'DI NA GANG DON DAM PAR YOD PA MA YIN PA DE LA NI GZHI MED DE, DPER NA LONG BA'I MIG GI RNAM PAR SHES PA BZHIN NO, ,'DOD CHAGS LA SOGS PA DAG LA NI GZHI PHYIN CI LOG DAG TU RNAM PAR BRTAGS PA GANG DAG YIN PA DAG YOD PAS DE'I PHYIR GTAN TSIGS JI SKAD SMOS PA'I MTHUN PHYIN CI LOG DAG YOD PAS DE DAG LA BRTEN NAS NYON MONGS PA RNAMS 'BYUNG BAR 'GRUB PAS DPE'I SKYON MED DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA LONG BA'I MIG GI RNAM PAR SHES PA LTA BU GANG YOD PA MA YIN PA DE LA NI GZHI MED KYI, 'DOD CHAGS LA SOGS PA DAG LA NI GZHI PHYIN CI LOG DAG TU RNAM PAR BRTAG PA'I YUL DAG YOD PAS DE'I PHYIR 'DOD CHAGS LA SOGS PA DAG NI YOD PA KHO NA YIN PAS KHO BO CAG GI DPE LA BSGRUB PAR BYA BA DANG, SGRUB PA'I CHOS MA TSANG BA'I SKYON MED DO ZHES ZER RO, ,DE SKAD CES ZER BA DE'I LAN DU 'GREL BA BYED PA NYID KYIS 'DIR BSHAD PA, GZUGS SGRA RO DANG @221B REG PA DANG, DRI DANG CHOS DAG 'BA' ZHIG PA, ,'BA' ZHIG PA ZHES BYA BA NI NGO BO NYID MED PA STE, NGO BO NYID KYI DRI TZAM GYIS KYANG MA BSGOS PA DAG YIN NO ZHES BYA BA LA SOGS PA SMRAS TE, DES NI PHA ROL PO DAG GI GTAN TSIGS DE DAG GI GZHI YOD PA'I PHYIR RO ZHES BYA BA'I DON MA GRUB PA NYID DU STON TE; 'DI LTAR DON DAM PAR GZUGS LA SOGS PA DAG NGO BO NYID MED PA 'BA' ZHIG PA YIN PA'I PHYIR RO, ,'O NA THA SNYAD DU GZUGS LA SOGS PA PHYIN CI LOG TU BRTAG PA DAG LA BRTEN NAS 'DOD CHAGS LA SOGS PA KUN DU 'BYUNG BAR MI 'GYUR RAM ZHE NA, DE'I PHYIR THA SNYAD KYI BDEN PA LA SKUR BA 'DEBS PA YANG MA YIN TE, 'DI LTAR, GZUGS LA SOG PA DE DAG NI, ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,ZHES BYA BA SMRAS TE, THA SNYAD KYI BDEN PAR GZUGS LA SOGS PA DRI ZA'I GRONG KHYER DANG, SMIG RGYU DANG, RMI LAM LTA BU DE DAG LA BRTEN NAS PHYIN CI LOG TU 'KHRUL PA RNAMS LA 'DOD CHAGS LA SOGS LA MI 'BYUNG BA YANG MA YIN NO, ,DPE GSUM PO DE DAG GI YUL GYI KHYAD PAR BSTAN PA'I PHYIR, DRI ZA'I GRONG KHYER LTA BU ZHES BYA BA NI, YUL DANG, DUS NGES PA DANG, RGYU NGES PAR MED PAR DMIGS PAR BYA BA NYID DANG CHOS MTHUN PA'I PHYIR RO, , SMIG RGYU 'DRA BA ZHES BYA BA NI NGO BO NYID STONG PA NYID YIN YANG DE LA MNGON PAR ZHEN PAS YONGS SU TSOL BA'I PHYIR RKYEN GYI DNGOS POR NYE BAR 'GRO BA DANG CHOS MTHUN PA'I PHYIR RO, ,RMI LAM 'DRA BA ZHES BYA BA NI NGO BO NYID MED PA NYID YIN YANG RE ZHIG PAR 'DOD PAS RGYU DANG 'BRAS BU SGRUB PA'I DNGOS POR NYE BAR 'GRO BA DANG CHOS MTHUN PA'I PHYIR RO ZHES BYA BA SMRAS SO, ,DA NI DON DAM PAR DE DAG LA BRTEN NAS 'DOD CHAGS LA SOGS PA 'BYUNG BAR MI 'GYUR BAS PHA ROL PO DAG GI GTAN TSIGS DE DAG GI GZHI YOD PA'I PHYIR RO ZHES BYA BA DE MA GRUB PA DANG, 'GAL BA NYID DU BSTAN PA'I PHYIR GANG GI PHYIR RNAM PA DE LTA BU'I GZUGS LA SOGS PA, SGYU MA'I SKYES BU LTA BU DANG, LOG PAR SNANG BA DANG CHOS MTHUN PA'I PHYIR RO, ,GZUGS BRNYAN 'DRA BA DE DAG LA, ,BYED PA PO'I BYA BA LA MI LTOS PAR SKYE BA NYID DANG CHOS MTHUN PA'I PHYIR RO, ,DE'I PHYIR, SDUG PA DANG NI MI SDUG PA, ,'BYUNG BAR YANG NI GA LA 'GYUR, ,ZHES BYA @222A *, ,BA SMRAS TE, 'BYUNG BAR MI 'GYUR BA NYID DE, ,DON DAM PA BA'I NGO BO NYID STONG PA'I PHYIR RO ZHES BYA BAR DGONGS SO ZHES BYA BA SMRAS SO, ,DE'I PHYIR DON DAM PAR GZHI MA GRUB PA'I PHYIR GTAN TSIGS KYI DON MA GRUB PA NYID DANG DON 'GAL BA NYID DO ZHES BYA BA NI MJUG BSDU BA DANG, TSAD MA'I 'BRAS BU YIN TE, PHA ROL PO DAG GI GTAN TSIGS DE DAG GI GZHI YOD PA'I PHYIR RO ZHES BYA BA DE DON DAM PAR NI MA GRUB PA NYID LA, KUN RDZOB TU NI 'GAL BA NYID KYI SKYON YOD DO, ,GZHAN YANG ZHES BYA BA LA SOGS PAS NI SDUG PA GANG LA BRTEN NAS MI SDUG PA MI SDUG PAR GDAGS PAR BYA BA'I SDUG PA DE MI SDUG PA LA MA LTOS PAR YOD PA MA YIN PAS DE'I PHYIR SDUG PA 'THAD PA MA YIN PA DANG, MI SDUG PA GANG LA BRTEN NAS SDUG PA SDUG PAR GDAGS PAR BYA BA'I MI SDUG PA DE SDUG PA LA MA LTOS PAR YOD PA MA YIN PAS DE'I PHYIR MI SDUG PA 'THAD PA MA YIN PAR BSGRUB PA RNAM PA GNYIS STON TO, ,DE LA RE SHIG BSGRUB PA DANG PO BSTAN PA'I PHYIR SDUG PA, GANG LA BRTEN NAS MI SDUG PA, MI SDUG PA ZHES BYA BA'I THA TSIG GO, ,DE'I PHYIR SDUG PA 'THAD MA YIN, ,MI SDUG PA MED PA'I PHYIR SDUG PA YANG DE LA MA LTOS PAR GIS GDAGS PAR BYA BA'O, ,SDUG PA MA LTOS YOD MIN PAS, ,SDUG PA DE MI SDUG PA LA MA LTOS PAR SDUG PA'I BDAG NYID DU YOD PA MA YIN PAS ZHES BYA BA'I THA TSIG GO, ,DE'I PHYIR SDUG PA 'THAD PA 'THAD MA YIN, ,MI SDUG PA MED PA'I PHYIR SDUG PA YANG DE LA MA LTOS PAR SDUG PA NYID DU MI 'GYUR BA NYID KYI PHYIR RO ZHES BYA BAR DGONGS SO ZHES BYA BA SMRAS SO, ,BSGRUB PA GNYIS PA BSTAN PA'I PHYIR, ,DE BZHIN DU MI SDUG PA GANG LA BRTEN NAS SDUG PA NI, SDUG PA ZHES BYA BAR RAB TU 'GRUB PA'O, ,SDUG PA ZHES NI GDAGS BYA BA, ,SDUG PA GANG 'DI NI SDUG PA'O ZHES SDUG PA'I NGO BO NYID DU 'O BU CAG GIS GDAGS PAR BYA BA'O, ,MI SDUG MA LTOS YOD MIN PAS, ,MI SDUG PA DE SDUG PA LA MA LTOS PAR MI SDUG PA'I BDAG NYID DU GRUB PA MED PAS SO, ,DE PHYIR MI SDUG 'THAD MA YIN, ,GANG GI PHYIR DE LTAR SDUG PA YOD PA MA YIN PA DE'I PHYIR MI @222B SDUG PA YANG SDUG PA DE LA MA LTOS PAR MI SDUG PA NYID DU MI 'GYUR BA NYID KYI PHYIR RO ZHES BYA BAR DGONGS SO ZHES BYA BA SMRAS SO, ,DA NI DE LTAR SDUG PA YOD PA MA YIN PAS 'DOD CHAGS 'BYUNG BAR MI 'GYUR LA, MI SDUG PA YOD PA MA YIN PAS ZHES DANG 'BYUNG BAR MI 'GYUR ZHING, DE GNYIS KA YOD PA MA YIN PAS GTI MUG 'BYUNG BAR MI 'GYUR RO ZHES MJUG BSDU BA BSTAN PA'I PHYIR, DE'I PHYIR DE LTAR, SDUG PA YOD PA MA YIN NA, ,'DOD CHAGS 'BYUNG BAR GA LA 'GYUR, ,MI SDUG YOD PA MA YIN NA, ,ZHE SDANG 'BYUNG BAR GA LA 'GYUR, ,DE DAG MED PA'I PHYIR GTI MUG KYANG MED DE, DE DAG MED PA KHO NAS DE YANG YOD PA MA YIN PAR GRUB BO ZHES BYA BA SMRAS SO, ,DE DAG BRJOD NA SKYON MED PA MA YIN PAS DE'I PHYIR GTAN TSIGS KYI SKYON JI SKAD BSTAN PA LDOG PA MED DO ZHES BYA BA NI TSAD MA'I 'BRAS BU YIN NO, ,'DIR SMRAS PA, DON DAM PAR SDUG PA DANG, MI SDUG PA'I PHYIN CI LOG DAG NI YOD PA KHO NA YIN TE, BCOM LDAN 'DAS KYIS MDO SDE LAS GSUNGS PA'I PHYIR RO, ,BCOM LDAN 'DAS KYIS GANG MDO SDE LAS GSUNGS PA DE NI YOD DE, DPER NA BDAG MED PA NYID BZHIN NO, ,MDO SDE LAS MI RTAG PA LA RTAG PA DANG, BDAG MED PA LA BDAG DANG, SDUG BSNGAL BA LA BDE BA DANG, MI SDUG PA LA SDUG PAR 'DZIN PA NI PHYIN CI LOG GO ZHES GSUNGS PA DE DAG YOD PAS, ,DE'I PHYIR DON DAM PAR SDUG PA DANG MI SDUG PA'I PHYIN CI LOG DAG NI YOD PA KHO NA YIN NO ZHES BYA BA NI RANG GI SDE BA DAG BCOM LDAN 'DAS KYIS MDO SDE LAS PHYIN CO LOG YOD PAR GSUNGS PA'I GTAN TSIGS DANG BDAG MED PA NYID YOD PAR GSUNGS PA'I DPES DON DAM PAR SDUG PA DANG MI SDUG PA'I PHYIN CI LOG DAG YOD PA KHO NA YIN TE ZHES ZER BA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG MJUG BSDU BA YIN PAR GO RIMS BZHIN DU SBYAR TE, DPER NA BCOM LDAN 'DAS KYIS MDO SDE LAS BDAG MED PA NYID DU GSUNGS PA NI YOD PA KHO NA YIN PA DE BZHIN DU BCOM LDAN 'DAS KYIS MDO SDE LAS PHYIN CI LOG DAG GSUNGS PA DE DAG KYANG YOD PA KHO NA YIN NO ZHES ZER RO, ,DE SKAD @223A *, ,CES ZER BA DE'I LAN DU 'GREL BA BYED PA NYID KYIS, 'DIR BSHAD PA GAL TE 'GA' ZHIG LOG PAR BSGRUB PA YOD NA THA SNYAD PA'I SDUG PA DANG, MI SDUG PA'I PHYIN CI LOG DAG SGRUB PA LA NI SGRUB PA 'DI RUNG NGO, ,DON DAM PAR NI MI RUNG NGO ZHES BYA BA SMRAS TE, GAL TE THA SNYAD DU YANG PHYIN CI LOG DAG MED DO ZHES 'GA' ZHIG LOG PAR SGRUB PA YOD NA, DE DAG LA THA SNYAD PA'I SDUG PA DANG MI SDUG PA'I PHYIN CI LOG DAG SGRUB PA LA NI KHYED KYI GTAN TSIGS DANG DPE'I SGRUB PA 'DI RUNG NGO, ,KHO BO CAG DBU MA PA DON DAM PAR PHYIN CI LOG DAG NGO BO NYID MED PA NYID DU SGRUB PA LA NI KHYED KYI GTAN TSIGS DANG DPE'I SGRUB PA 'DI MI RUNG STE, DON DAM PAR DE DAG MI 'GRUB PA'I PHYIR RO, ,DE LA RE ZHIG DON DAM PAR PHA ROL PO DAG GI DPE BCOM LDAN 'DAS KYIS GANG MDO SDE LAS GSUNGS PA NI YOD DE, DPER NA BDAG MED PA NYID BZHIN NO ZHES BYA BA DE NI MI RUNG BAR BSTAN PA'I PHYIR, SANGS RGYAS RNAMS KYIS BDAG DANG NI, ,BDAG MED GANG YANG MED PAR GSUNGS, ,ZHES BYA BA DER LAN BTAB ZIN PAS, BDAG MED PA NYID MA GRUB PA'I PHYIR DPE MED DO ZHES BYA BA SMRAS TE, SNGAR BDAG DANG CHOS BRTAG PA'I SKABS SU DE SKAD BSTAN PAS SO, , DON DAM PAR PHA ROL PO DAG GI GTAN TSIGS BCOM LDAN 'DAS KYIS MDO SDE LAS GSUNGS PA'I PHYIR RO ZHES BYA BA DE MI RUNG BAR BSTAN PA'I PHYIR, GTAN TSIGS KYANG MED DE, DON DAM PAR MDO SDE LAS PHYIN CI LOG DAG YOD PAR KHAS BLANGS PA'I PHYIR RO ZHES BYA BA SMRAS TE, KHO BO DAG DBU MA PAS SO, ,'DIR PHYIN CI LOG NI RNAM PA GNYIS TE, 'KHOR BA DANG MYA NGAN LAS 'DAS PA DANG RJES SU MTHUN PAS SO, ,DE LA 'KHOR BA DANG RJES SU MTHUN PA NI 'DI LTA STE MI RTAG PA ZHES BYA BA LA SOGS PA'O, ,MYA NGAN LAS 'DAS PA DANG RJES SU MTHUN PA NI 'DI LTA STE MI RTAG PA LA MI RTAG PA ZHES BYA BA LA SOGS PA'O, ,DE GNYI GA YANG PHYIN CI LOG STE, RNAM PAR MI RTOG PA'I YE SHES THOB PAR SPANG BAR BYA BA YIN TE, DE'I MI MTHUN PA'I PHYOGS YIN PA'I PHYIR RO ZHES BYA BAS NI DE GNYI GA YANG KUN RDZOB TU PHYIN CI LOG YIN PAR KHO BO CAG @223B DBU MA PA YANG 'DOD DO ZHES BSTAN TO, ,GAL TE MI RTAG PA LA SOGS PA LA MI RTAG PA LA SOGS PAR LTA BA NI PHYIN CI MA LOG PA'I PHYIR PHYIN CI LOG NYID YIN PAR MI RIGS SO ZHE NA ZHES BYA BA NI PHA ROL PO DAG NA RE 'KHOR BA DANG RJES SU MTHUN PA'I PHYIN CI LOG BZHI NI KUN RDZOB TU YANG PHYIN CI LOG NYID YIN PAR RIGS NA MYA NGAN LAS 'DAS PA DANG RJES SU MTHUN PA DAG JI LTAR KUN RDZOB TU PHYIN CI LOG NYID YIN PAR RIGS ZER BA'I TSIG YIN NO, ,DE'I LAN DU 'GREL BA BYED PA NYID KYIS, PHYIN CI LOG CES BYA BA DE'I DON NI GANG YIN ZHES BRTAG PA SMRAS SO, ,DE'I LAN DU PHA ROL PO DAG NA RE, GAL TE MI RTAG PA LA RTAG GO ZHES LOG PAR LTA BA'I DON TO ZHE NA ZHES BYA BA NI PHA ROL PO DAG NA RE 'KHOR BA DANG RJES SU MTHUN PA'I PHYIN CI LOG BZHI PO DAG PHYIN CI LOG CES BYA BA'I DON YIN NO ZHES ZER BA'I TSIG YIN NO, ,DE'I LAN DU 'DIR 'GREL BA BYED PA NYID KYIS, GAL TE MI RTAG PA LA RTAG PA ZHES BYA BA LA SOGS PAR 'DZIN NA DE LTA NA DNGOS PO STONG PA LA RTAG PA YOD PA MA YIN PAS, DE DAG KYANG KUN RDZOB TU 'KHOR BA DANG RJES SU MTHUN PA'I PHYIN CI LOG NYID YIN PAR BSTAN PA'I PHYIR, DE'I PHYIR BSHAD PA, GAL TE MI RTAG RTAG PA ZHES, ,MI RTAG PA RTAG PA NYID KYIS STONG PA LA RTAG PA ZHES SO, ,DE LTAR 'DZIN PA LOG YIN NA, ,DE LTAR SHES PA PHYIN CI LOG GI DON LA DMIGS PA'I PHYIR PHYIN CI LOG YIN NA'O ZHES BYA BA SMRAS TE, DES NI PHA ROL PO DAG 'DOD PA'I GZHUNG BSNAN PA BSTAN TO, ,DA NI DBU MA PA NYID KYIS DE KUN RDZOB TU 'KHOR BA DANG RJES SU MTHUN PA'I PHYIN CI LOG NYID YIN PAR BSTAN PA'I PHYIR DE LTAR NA, STONG LA RTAG PA YOD MIN PAS, ,'DZIN PA JI LTAR LOG MIN PAS, ,STONG PA LA RTAG PA NYID KYANG NGO BO NYID KYIS STONG PA'I PHYIR STONG PA LA RTAG PAR 'DZIN PA JI LTAR PHYIN CI LOG MA YIN TE, DE NI PHYIN CI LOG NYID YIN NO ZHES BYA BA'I THA TSIG GI DON TE, DPER NA GAL TE KHAMS GSUM PA LAS 'DOD CHAGS DANG BRAL NA JI LTAR GROL BA MA YIN NO ZHES BYA BYA BA BZHIN NO ZHES BYA BA SMRAS SO, ,JI LTAR DON DAM PAR STONG BA LA RTAG PA NYID KYANG NGO BO NYID KYIS STONG BAR 'DOD CE NA, SNGAR BSTAN PA'I TSUL GYIS MA SKYES PA'I PHYIR @224A *, ,DPER NA MYA NGAN LAS 'DAS PA BZHIN NO ZHES BYA BAS NI, STONG LA RTAG PA YOD MIN PAS, ,'DZIN PA JI LTAR LOG MA YIN, ,ZHES BYA BA'I 'THAD PA BSTAN TE, RE ZHIG DE DAG GIS NI GAL TE MI RTAG PA LA RTAG PA ZHES BYA BA LA SOGS PAR 'DZIN NA DE DAG KUN RDZOB TU 'KHOR BA DANG RJES SU MTHUN PA'I PHYIN CI LOG NYID YIN PAR BSTAN TE, DA NI GAL TE MI RTAG PA LA MI RTAG PA ZHES BYA BA LA SOGS PAR 'DZIN NA DE LTA NA DNGOS PO STONG PA LA MI RTAG PA YOD PA MA YIN PAS DE DAG KYANG KUN RDZOB TU MYA NGAN LAS 'DAS PA DANG RJES SU MTHUN PA'I PHYIN CI LOG NYID YIN PAR BSTAN PA'I PHYIR, YANG NA; GAL TE MI RTAG MI RTAG CES, ,MI RTAG PA MI RTAG PA NYID KYIS STONG PA LA MI RTAG PA ZHES SO, ,DE LTAR 'DZIN PA LOG MIN NA, ,DE LTAR SHES PA PHYIN CI LOG GI DON LA DMIGS PA MA YIN PA'I PHYIR PHYIN CI LOG MA YIN NA'O ZHES BYA BA SMRAS TE, DES KYANG PHA ROL PO DAG 'DOD PA'I GZHUNG BSNAN PA BSTAN TE, ,DA NI DBU MA PA NYID KYIS DE KUN RDZOB TU MYA NGAN LAS 'DAS PA DANG RJES SU MTHUN PA'I PHYIN CI LOG NYID YIN PAR BSTAN PA'I PHYIR, DE LTA NA, STONG LA MI RTAG YOD MIN PAS, ,'DZIN PA JI LTAR LOG MA YIN, ,STONG PA LA MI RTAG PA NYID KYANG NGO BO NYID SKYIS STONG BA'I PHYIR STONG BA LA MI RTAG PAR 'DZIN PA YANG JI LTAR PHYIN CI LOG MA YIN TE, DE YANG PHYIN CI LOG NYID YIN NO ZHES BYA BA'I TSIG GI DON TE, DE'I CHOS NI RNAM PAR RTOG PA NYID YIN PA'I PHYIR DPER NA RTAG PAR 'DZIN PA BZHIN NO ZHES BYA BA'I THA TSIG GO ZHES BYA BA SMRAS SO, ,DE LTAR NA 'DIR GLAGS YOD PA'I TSIG YIN PA'I PHYIR PHA ROL PO'I DAM BCAS PA'I DON LAS BZLOG PA'I TSIG GI DON MNGON TE, DPER NA GAL TE BUM PA BYAS PA MI RTAG NA SGRA BYAS PA YANG CI'I PHYIR MI RTAG PAR MI 'GYUR ZHES BYA BA BZHIN NO ZHES BYA BAS NI, STONG LA MI RTAG YOD MIN PAS, ,'DZIN PA JI LTAR LOG MA YIN, ,ZHES BYA BA'I 'THAD PA BSTAN TO, , DA NI MI RTAG PA LA MI RTAG GO ZHES BYA BA LA SOGS PAR 'DZIN PA DE DAG RNAM PAR RTOG PA NYID YIN PA'I PHYIR MYA NGAN LAS 'DAS PA DANG RJES SU MTHUN PA'I PHYIN CI LOG NYID YIN PA'I RJES SU DPAG PA BSTAN PA'I PHYIR, 'DIR SBYOR BA'I TSIG NI DON DAM PAR GZUGS MI RTAG GO ZHES BYA BAR SHES PA DE NI @224B PHYIN CI LOG YIN TE, RNAM PAR RTOG PA NYID YIN PA'I PHYIR DPER NA GZUGS RTAGS GO ZHES BYA BAR SHES PA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS MI RTAG PA LA RTAG GO ZHES BYA BAR SHES PA DE RNAM PAR RTOG PA NYID YIN PA'I PHYIR 'KHOR BA DANG RJES SU MTHUN PA'I PHYIN CI LOG YIN PA DE BZHIN DU GZUGS MI RTAG PA LA MI RTAG GO ZHES BYA BAR SHES PA DE YANG RNAM PAR RTOG PA NYID YIN PA'I PHYIR MYA NGAN LAS 'DAS PA DANG RJES SU MTHUN PA'I PHYIN CI LOG NYID YIN NO, ,GAL TE 'DU BYED RNAMS STONG NGO ZHES BYA BAR SHES PA RNAM PAR RTOG PA DANG BCAS PA DAG GIS MA NGES PA NYID DO ZHE NA ZHES BYA BA NI PHA ROL PO DAG DBU MA PA'I GTAN TSIGS RNAM PAR RTOG PA NYID YIN PA'I PHYIR ZHES BYA BA DE MA NGES PA NYID DO ZHES ZER BA'I TSIG YIN TE, 'DI NA 'DU BYED RNAMS STONG NGO ZHES BYA BAR SHES PA RNAM PAR RTOG PA DANG BCAS PA DAG RNAM PAR RTOG PA NYID YIN YANG PHYIN CI LOG MA YIN PAR MTHONG BAS DES NA CI RE ZHIG RNAM PAR RTOG PA NYID YIN PA'I PHYIR, DPER NA GZUGS RTAG GO ZHES BYA BAR SHES PA BZHIN GZUGS MI RTAG GO ZHES BYA BAR SHES PA DE PHYIN CI LOG YIN PAR 'GYUR RAM, 'ON TE RNAM PAR RTOG PA NYID YIN PA'I PHYIR DPER NA 'DU BYED RNAMS STONG NGO ZHES BYA BAR SHES PA RNAMS PAR RTOG PA DANG BCAS PA DAG BZHIN DU GZUGS MI RTAG GO ZHES BYA BAR SHES PA DE PHYIN CI LOG MA YIN PAR 'GYUR BA MA NGES PA NYID DO ZHES ZER RO, ,DE'I LAN DU 'GREL PA BYED PA NYID KYIS, DE YANG PHYIN CI LOG YIN PA'I PHYIR SKYON MED DO ZHES BYA BA SMRAS TE, 'DU BYED RNAMS STONG NGO ZHES BYA BAR SHES PA RNAMS PAR RTOG PA DANG BCAS PA DE YANG KUN RDZOB TU MYA NGAN LAS 'DAS PA DANG RJES SU MTHUN PA'I PHYIN CI LOG YIN PA'I PHYIR MI MTHUN PA'I PHYOGS MED PAS KHO BO'I GTAN TSIG MA NGES PA NYID KYI SKYON MED DO; ,GAL TE DE LTA NA STONG PA NYID KYI YE SHES KYANG THAR PA THOB PAR BYED PA MA YIN TE PHYIN CI LOG YIN PA'I PHYIR, DPER NA NANG GI SKYE MCHED RNAMS KYI YUL LA BDE BA LA SOGS PAR SHES PA BZHIN NO ZHE NA ZHES BYA BA NI, PHA ROL PO DAG NA RE, GAL TE DE LTAR GZUGS MI RTAG GO ZHES BYA BAR @225A *, ,SHES PA DANG, 'DU BYED RNAMS STONG NGO ZHES BYA BAR SHES PA RNAM PAR RTOG PA DANG BCAS PA DE DAG PHYIN CI LOG YIN NA DE LTAR RNAL 'BYOR PA RNAMS KYI STONG PA NYID KYI DPE SHES KYANG PHYIN CI LOG YIN PA'I PHYIR THAR PA THOB PAR BYED PA MA YIN PA'I SKYON DU 'GYUR RO ZHES ZER BA'I TSIG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NANG GI SKYE MCHED RNAMS KYI YUL GZUGS LA SOGS PA LA BDE BA LA SOGS PAR SHES PA NI PHYIN CI LOG YIN PA'I PHYIR THAR PA THOB PAR BYED PA MA YIN PA DE BZHIN DU RNAL 'BYOR PA RNAMS KYI STONG PA NYID KYI YE SHES KYANG PHYIN CI LOG YIN PA'I PHYIR THAR PA THOB PAR BYED PA MA YIN PA'I SKYON DU 'GYUR RO ZHES ZER RO, ,DE'I LAN DU 'GREL PA BYED PA NYID KYIS, 'DIR DAM BCAS PA DE'I DON GANG YIN ZHES BYA BAS THAR PA THOB PAR BYED PA MA YIN TE ZHES DAM BCAS PA DE'I DON GANG YIN ZHES BRTAG PA SMRAS SO, ,GAL TE MIG STONG PAR SHES PA THAR PA THOB PAR BYED PA MA YIN NO ZHE NA NI GRUB PA LA SGRUB PA YIN TE, THAR PA NI RNAM PAR MI RTOG PA'I YI SHES KYIS 'THOB PA YIN PA'I PHYIR RO ZHES BYA BAS NI GAL TE PHA ROL PO DAG GI DAM BCAS PA DE'I DON RNAL 'BYOR PA RNAMS KYI THOS PA DANG BSAMS PA LAS BYUNG BA'I SHES PA RNAM PAR RTOG PA DANG BCAS PAS MIG LA SOGS PA STONG PAR SHES PA DE THAR PA THOB PAR BYED PA MA YIN NO ZHE NA NI, GRUB PA LA SGRUB PA YIN TE, 'DI LTAR KHO BO CAG GI PHYOGS LA YANG THAR PA NI RNAM PAR MI RTOG PA'I YI SHES KYIS 'THOB PA YIN PA'I PHYIR, MIG STONG PAR SHES PA DE NI PHYIN CI LOG YIN PA'I PHYIR THAR PA THOB PAR BYED PA MA YIN PAR GRUB PA'I PHYIR RO ZHES BSTAN TO, ,CI STE RNAM PAR MI RTOG PA'O ZHE NA NI DE'I PHYIN CI LOG GI SHES PA NYID YIN PAR MA GRUB PA'I PHYIR GTAN TSIGS KYI DON MA GRUB PA NYID DO ZHES BYA BAS NI, GAL TE PHA ROL PO DAG GI DAM BCAS PA DE'I DON RNAL 'BYOR PA RNAMS KYI BSGOMS PA LAS BYUNG BA'I SHES PA RNAM PAR MI RTOG PA DE THAR PA THOB PAR BYED PA MA YIN NO ZHE NA NI, PHA ROL PO DAG GI GTAN TSIGS PHYIN CI LOG YIN PA'I PHYIR ZHES BYA BA DE'I DON MA GRUB PA @225B NYID DE, RNAL 'BYOR PA RNAMS KYI BSGOMS PA LAS BYUNG BA'I SHES PA RNAM PAR MI RTOG PA DE PHYIN CI LOG GI SHES PA NYID YIN PAR MA GRUB PA'I PHYIR RO ZHES BSTAN TO, ,GAL TE STONG PA NYID KYI YE SHES RNAM PAR MI RTOG PA YANG THAR PA THOB PAR BYED PA MA YIN TE, RNAM PAR MI RTOG PA'I PHYIR DPER NA BYIS PA'I MIG GI RNAM PAR SHES PA BZHIN NO ZHE NA ZHES BYA BA NI PHA ROL PO DAG RNAL 'BYOR PA RNAMS KYI BSGOMS PA LAS BYUNG BA'I SHES PA RNAM PAR MI RTOG PA DE YANG RNAM PAR MI RTOG PA'I PHYIR SO SO'I SKYE BO RNAMS KYI MIG GI RNAM PAR SHES PA BZHIN PAS THAR PA THOB PAR BYED PA MA YIN NO ZHES SKYON 'DOGS PA'I TSIG YIN TE; DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BYIS PA'I MIG GI RNAM PAR SHES PA NI RNAM PAR MI RTOG PA'I PHYIR THAR PA THOB PAR BYED PA MA YIN PA DE BZHIN DU RNAL 'BYOR PA RNAMS KYI BSGOMS PA LAS BYUNG BA STONG PA NYID KYI YE SHES RNAM PAR MI RTOG PA YANG RNAM PAR MI RTOG PA'I PHYIR THAR PA THOB PAR BYED PA MA YIN NO ZHES ZER RO, ,DE'I LAN DU 'GREL BA BYED PA NYID KYIS, RANG LA GTAN TSIGS KYI DON MA NGES PA NYID DO, ,'GOG PA SHES PA BSGOMS PA LAS BYUNG BDAG GIS MA NGES PA NYID YIN PA'I PHYIR RO ZHES BYA BA LA SOGS PA SMRAS TE, 'DI NA KHYED KYI 'GOG PA SHES PA BSGOMS PA BSGOMS PA LAS BYUNG BA DAG RNAM PAR MI RTOG PA YANG YIN LA, THAR PA THOB PAR BYED PA YANG YIN PAR MTHONG BAS DES NI CI RE ZHIG RNAM PAR MI RTOG PA'I PHYIR, DPER NA BYIS PA'I MIG GI RNAM PAR SHES PA BZHIN DU RNAL 'BYOR PA RNAMS KYIS BSGOMS PA LAS BYUNG BA STONG BA NYID KYI YE SHES RNAM PAR MI RTOG PA DE THAR PA THOB PAR BYED PA MA YIN PAR 'GYUR RAM, 'ON TE RNAM PAR MI RTOG PA'I PHYIR DPER NA KHYED KYI 'GOG PA SHES PA BSGOMS PA LAS BYUNG BA DAG BZHIN DU RNAL 'BYOR PA RNAMS KYI BSGOMS PA LAS BYUNG BA STONG BA NYID KYI YE SHES RNAM PAR MI RTOG PA DE THAR PA THOB PAR BYED PA YIN PA MA NGES PAS KHYED KYI GTAN TSIGS RNAM PAR MI RTOG PA'I PHYIR ZHES BYA BA DE'I DON RANG LA MA NGES PA NYID YIN PAS MI RUNG NGO, ,RANG LA GTAN TSIGS KYI DON MA GRUB PA NYID KYANG YIN TE, STONG PA NYID @226A *, ,KYI YE SHES KYANG NGO BO NYID RNAM PAR RTOG PAS RNAM PAR RTOG PA YIN PA'I PHYIR RO ZHES BYA BAS NI PHA ROL PO DAG GI GTAN TSIGS RNAM PAR MI RTOG PA'I PHYIR ZHES BYA BA DE'I DON RANG LA MA GRUB PA NYID DU STON TE, 'DI LTAR RNAL 'BYOR PA RNAMS KYI BSGOMS PA LAS BYUNG BA STONG PA NYID KYI YE SHES KYANG SHES PA'I NGO BO NYID KYIS RNAM PAR RTOG PA YIN PA'I PHYIR SEMS PA MED PA DAG LTAR RNAM PAR MI RTOG PA NYID DU KHYED RANG LA MA GRUB PA'I PHYIR RO, ,RJES SU DPAG PAS KYANG MI GNOD DE, RANG LA DPE MED PA NYID KYI PHYIR RO ZHES BYA BAS NI PHA ROL PO DAG GI RJES SU DPAG PA STONG PA NYID KYI YE SHES RNAM PAR MI RTOG PA YANG THAR PA THOB PAR BYED PA MA YIN TE, RNAM PAR MI RTOG PA'I PHYIR, DPER NA BYIS PA'I MIG GI RNAM PAR SHES PA BZHIN NO ZHES BYA BA DES KYANG DBU MA PA LA MI GNOD DE, 'DI LTAR PHA ROL PO DAG GI DPE BYIS PA'I MIG GI RNAM PAR SHES PA BZHIN NO ZHES BYA BA DE YANG SHES PA'I NGO BO NYID KYI RNAM PAR RTOG PA YIN PA'I PHYIR, PHA ROL PO DAG RANG LA RNAM PAR MI RTOG PA NYID DU MA GRUB PAS DPE MED PA NYID KYI PHYIR RO ZHES BSTAN TO, ,GZHAN YANG THAR PA THOB PAR BYED PA MA YIN TE ZHES BYA BA DE'I DON GANG YIN ZHES BYA BAS NI SNGAR PHA ROL PO DAG GI STONG PA NYID KYI YE SHES RNAM PAR MI RTOG PA YANG THAR PA THOB PAR BYED PA MA YIN TE ZHES DAM BCAS PA DE'I DON GANG YIN ZHES GAL TE GNYIS SU BRTAG PA STON TO, ,GAL TE THAR PA MI BYED PA'O ZHE NA NI GRUB PA LA SGRUB PA YIN TE, THAR PA NI MA BYAS PA'I PHYIR RO ZHES BYA BAS NI GAL TE PHA ROL PO DAG GI DAM BCAS PA DE'I DON STONG PA NYID KYI YE SHES RNAM PAR MI RTOG PA DES THAR PA MI BYED PA'I PHYIR THAR PA THOB PAR BYED PA MA YIN NO ZHES BYA BA YIN NA NI GRUB PA LA SGRUB PA YIN TE, 'DI LTAR THAR PA NI BYAS PA MA YIN PAR KHO BO CAG GI PHYOGS LA YANG GRUB PA'I PHYIR RO, ,GAL TE DON JI LTA BA BZHIN DU SHES PA MA YIN NO ZHE NA NI RANG LA MA NGES PA NYID DE, MNGON SUM GYI BLO DAG GIS MA NGES PA'I PHYIR RO ZHES BYA BAS NI GAL TE PHA ROL PO DAG GI DAM BCAS PA DE'I DON STONG PA NYID KYI YE SHES RNAM PAR MI RTOG PA DES DON MI RTAG PA LA MI RTAG PA JI LTA BA BZHIN DU SHES PA MA YIN PAS DE THAR PA THOB PAR BYED PA MA @226B YIN NO ZHE NA NI, PHA ROL PO DAG GI GTAN TSIGS RNAM PAR MI RTOG PA'I PHYIR ZHES BYA BA DE'I DON RANG LA MA NGES PA NYID DE, 'DI NA MNGON SUM GYI BLO DAG RNAM PAR MI RTOG PA YIN YANG GZUGS LA SOGS PA'I DON JI LTA BA BZHIN DU SHES PA YIN PAR MTHONG BAS DES NA JI RE ZHIG RNAM PAR MI RTOG PA'I PHYIR DPER NA BYIS PA'I MIG GI RNAM PAR SHES PA BZHIN DU STONG PA NYID KYI YE SHES RNAM PAR MI RTOG PA DE YANG MI RTAG PA LA MI RTAG PAR DON JI LTA BA BZHIN DU SHES PA MA YIN PAR 'GYUR RAM, 'ON TE RNAM PAR MI RTOG PA'I PHYIR DPER NA MNGON SUM GYI BLO DAG GI GZUGS LA SOGS PA DON JI LTA BA BZHIN DU SHES PA BZHIN DU STONG PA NYID KYI YE SHES RNAM PAR MI RTOG PA DES KYANG MI RTAG PA LA MI RTAG PAR DON JI LTA BA BZHIN DU SHES PA YIN PAR 'GYUR BA MA NGES PAS PHA ROL PO DAG GI GTAN TSIGS RNAM PAR MI RTOG PA'I PHYIR ZHES BYA BA DE'I DON RANG LA MA GRUB PA NYID YIN PAS MI RUNG NGO, ,RE ZHIG DO DAG GIS NI STONG PA NYID KYI YE SHES THAR PA THOB PAR BYED PA MA YIN NO ZHES ZER BA'I LAN GDAB PA BSTAN TO, ,DA NI RNAM PAR MI RTOG PA'I YE SHES KYANG PHYIN CI LOG GI SHES PA YIN NO ZHES ZER BA'I LAN GDAB PA BSTAN PA'I PHYIR, 'DIS NI RNAM PAR MI RTOG PA'I YE SHES KYANG PHYIN CI LOG GI SHES PA YIN TE, RNAM PAR MI RTOG PA'I PHYIR MIG GI RNAM PAR SHES PA BZHIN NO ZHES ZER BA DAG LA YANG LAN GDAB PAR RIG PAR BYA'O ZHES BYA BA SMRAS TE, GZHAN YANG THAR PA THOB PAR BYED PA MA YIN NO ZHES BYA BA DE'I DON GANG YIN, GAL TE THAR PA MI BYED PA'O ZHE NA NI GRUB PA LA SGRUB PA YIN TE, THAR PA NI BYAS PA MA YIN PA'I PHYIR RO, ,GAL TE DON JI LTA BA BZHIN DU SHES PA MA YIN NO ZHE NA NI RANG LA MA NGES PA NYID YIN TE, MNGON SUM GYI BLO DAG GIS MA NGES PA'I PHYIR RO ZHES BYA BA'I GAL 'DIS NI PHA ROL PO GANG DAG RNAM PAR MI RTOG PA'I YE SHES KYANG PHYIN CI LOG GI SHES PA YIN TE, RNAM PAR MI RTOG PA'I PHYIR MIG GI RNAM PAR SHES PA BZHIN NO ZHES ZER BA DE DAG LA YANG LAN GDAB PAR RIG PAR BYA'O, ,'DI SKAD BSTAN TE, PHYIN CI LOG GI SHES PA YIN TE ZHES BYA BA DE'I DON GANG YIN, GAL TE THAR PA MI BYED PA'O ZHE NA NI GRUB PA LA SGRUB PA YIN TE, THAR PA NI BYAS PA MA YIN PA'I PHYIR RO, , @227A *, ,GAL TE DON JI LTA BA BZHIN DU SHES PA MA YIN NO ZHE NA NI RANG LA MA NGES PA NYID, MNGON SUM GYI BLO DAG GIS MA NGES PA'I PHYIR RO ZHES BYA BAR SBYAR RO, ,CI STE MNGON SUM GYI SHES PA RNAM PAR RTOG PA DANG BCAS PAS SMRA BA DAG 'DI SKAD CES MNGON SUM GYI SHES PA NI RNAM PAR RTOG PA DANG BCAS PA YIN TE, SHES PA YIN PA'I PHYIR DANG TSAD MA YIN PA'I PHYIR DPER NA RJES SU DPAG PA'I SHES PA BZHIN NO ZHE NA ZHES BYA BAS NI MNGON SUM GYI SHES PA RNAM PAR RTOG PA DANG BCAS PAR SMRA BA DAG MNGON SUM GYI SHES PA YANG SHES PA YIN PA DANG, TSAD MA YIN PA'I GTAN TSIGS KYIS RJES SU DPAG PA'I SHES PA BZHIN DU RNAM PAR RTOG PA DANG BCAS PAR SGRUB PA'I TSIG YIN NO, ,DE DGAG PA'I PHYIR, DE DAG LA YANG 'DI SKAD CES LHAS BYIN GYI MNGON SUM GYI BLO NI RNAM PAR RTOG PA MED PA YIN TE, MNGON SUM GYI GZUGS KYI YUL CAN YIN PA'I PHYIR DANG MIG LA BRTEN PA'I PHYIR, DPER NA BYIS PA'I MIG GI RNAM PAR SHES PA BZHIN NO ZHES BRJOD PAR BYA'O ZHES BYA BA SMRAS TE, DPER NA BYIS PA'I MIG GI RNAM PAR SHES PA NI MNGON SUM GYI GZUGS KYI YUL CAN YIN PA'I PHYIR DANG, MIG LA BRTEN PA'I PHYIR RNAM PAR RTOG PA MED PA BZHIN DU LHAS BYIN GYI MNGON SUM GYI BLO YANG DE BZHIN NO, ,DE'I PHYIR THA SNYAD DU NI SHES PA DE DAG GIS MA NGES PA NYID YIN LA, DON DAM PAR NI DPE MED DE RJES SU DPAG PA LA SOGS PA SHES PA DAG KYANG RAB TU DBEN PA DANG RO GCIG PAS MTSAN NYID GCIG PA'I PHYIR RO ZHES BYA BAS NI PHA ROL PO DAG GI GTAN TSIGS SHES PA YIN PA'I PHYIR DANG TSAD MA YIN PA'I PHYIR ZHES BYA BA DE DAG THA SNYAD DU BYIS PA'I MIG GI RNAM PAR SHES PA BZHIN NO ZHES BYA BA DE DAG GIS MA NGES PA NYID YIN LA, DON DAM PAR NI PHA ROL PO DAG GI DPE RJES SU DPAG PA'I SHES PA BZHIN NO ZHES BYA BA DE MA GRUB PO ZHES MJUG BSDU BA BSTAN TO, ,ZHAR LA BSHAD PAS CHOG GI SKABS NYID KYI DBANG DU BYA'O ZHES BYA BAS NI KUN RDZOB TU JI LTAR 'KHOR BA DANG RJES SU MTHUN PA'I PHYIN CI LOG BZHI PO DAG PHYIN CI LOG NYID YIN PA DE BZHIN DU MYA NGAN LAS 'DAS PA @227B DANG RJES SU MTHUN PA'I PHYIN CI LOG BZHI PO DAG KYANG PHYIN CI LOG NYID YIN PAR SGRUB PA ZHAR LA BSHAD PAS CHOG GI ,DE NI JI LTAR MI RTAG PA LA RTAG PA DANG MI RTAG PA LA 'DZIN PA 'KHOR BA DANG MYA NGAN LAS 'DAS PA DANG RJES SU MTHUN PA'I PHYIN CI LOG YIN PA DE BZHIN DU BDAG DANG, BDE BA DANG SDUG PA DAG LA YANG DE DANG 'DRA BAR BSTAN PA'I SKABS NYID KYI DBANG DU BYA'O, ,DE NYID BSTAN PA'I PHYIR, JI LTAR MI RTAG PA LA RTAG PA DANG MI RTAG PAR 'DZIN PA PHYIN CI LOG YIN PA DE BZHIN DU BDAG DANG BDE BA DANG SDUG PA DAG LA, BDAG DANG BDE BA DANG SDUG PA DANG BDAG MED PA DANG SDUG BSNGAL BA DANG, MI SDUG PAR 'DZIN PA DAG KYANG PHYIN CI LOG YIN PAR BRJOD PAR BYA'O ZHES BYA BA SMRAS TE, SNGAR, GAL TE MI RTAG RTAG PA ZHES, ,DE LTAR 'DZIN PA LOG YIN NA, ,STONG LA MI RTAG YOD MIN PAS, ,'DZIN PA JI LTAR LOG MA YIN, ,GAL TE MI RTAG MI RTAG CES, ,DE LTAR 'DZIN PA LOG MIN NA, ,STONG LA MI RTAG YOD MIN PAS, ,'DZIN PA JI LTAR LOG MA YIN, ,ZHES BYA BAS MI RTAG PA LA RTAG PAR 'DZIN PA NI 'KHOR BA DANG RJES SU MTHUN PA PHYIN CI LOG YIN LA, MI RTAG PA LA MI RTAG PAR 'DZIN PA NI MYA NGAN LAS 'DAS PA DANG RJES SU MTHUN PA'I PHYIN CI LOG YIN PAR BSTAN PA BZHIN DU LHAG MA RNAMS LA YANG CI RIGS PAR SBYAR BAR BYA'O, ,GZHAN DAG GIS DAM BCAS PA'I DON SGRO BTAGS NAS SMRAS PA 'DZIN PA NI YOD PA KHO NA YIN TE, DE 'DZIN PAR BYED PA DANG, 'DZIN PA PO DANG, GZUNG BA DAG YOD PA'I PHYIR RO, ,'DI NA GANG YOD PA MA YIN PA DE LA DE GSUM PO DE DAG MED DE DPER NA RI BONG GI RVA BZHIN NO, ,PHYIN CI LOG TU 'DZIN PA LA NI SHES PA GANG GIS 'DZIN PAR BYED PA DANG, 'DZIN PA PO PHUNG PO'I BDAG NYID DANG, GZUNG BA GZUGS LA SOGS PA DAG YOD PAS DE'I PHYIR GTAN TSIGS JI SKAD SMOS PA'I MTHUS PHYIN CI LOG TU 'DZIN PA NI YOD PA KHO NA YIN NO ZHES BYA BA NI RANG GI SDE PA DAG PHYIN CI LOG TU 'DZIN PA'I NYON MONGS PA DAG YOD PAR SNGAR DAM BCAS PA DE'I DON 'DIR BRDA SPROD PA PA'I BYED PA PO'I TSIG GI THA MA LAG GIS SGRO BTAGS NAS DE DAG YOD PAR LHUG @228A *, ,PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NI RI BONG GI RVA LTA BU GANG YOD PA MA YIN PA LA BYED PA PO DANG, BYED PA DANG, LAS BYED PA DE NI YOD PA MA YIN GYI, PHYIN CI LOG TU 'DZIN PA'I BYA BA LA NI GSUM YOD PAS DE YANG YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'GREL PA BYED PA NYID KYIS 'DIR BSHAD PA, GANG GIS 'DZIN DANG 'DZIN GANG DANG, ,'DZIN PA PO DANG GANG GZUNG BA, ,THAMS CAD NYE BAR ZHI BA DE, ,DE PHYIR 'DZIN PA YOD MA YIN, ,ZHES BYA BA SMRAS TE, 'DIS NI PHYIN CI LOG TU 'DZIN PA'I BYED PA DANG, BYA BA DANG, BYED PA PO DANG, LAS SHES PA BZHI PO THAMS CAD NYE BAR ZHI BAS 'DZIN PA'I BYA BA YOD PA MA YIN NO ZHES STON TO, ,DE NYID BYE BRAG TU BSHAD PA BSTAN PA'I PHYIR, GANG GI 'DZIN PAR BYED PA NI DNGOS PO'I RANG DANG SPYI'I MTSAN NYID PA DMIGS PA'I SHES PAS SO ZHES BYA BA SMRAS TE, DE NI BYE PA'O, ,'DZIN PA GANG YIN PA NI SGRO 'DOGS PA DANG SKUR BA 'DEBS PA'I BDAG NYID YOD DO ZHES BYA BA NI BYA BA'O, ,'DZIN PA PO NI MING DANG GZUGS KYI BDAG NYID DAM DE LAS GZHAN PA BDAG GO ZHES BYA BA DE NI BYED PA PO'O, ,GANG GZUNG BA NI GZUGS LA SOGS PA'O ZHES BYA BA NI LAS SO, ,DE DAG THAMS CAD NYE BAR ZHI BAR BSTAN PA'I PHYIR; DE DAG NI SKABS JI LTA BA BZHIN DU NGO BO NYID STONG PAR BSTAN ZIN PAS DES NA 'DZIN PAR BYED PA LA SOGS PA THAMS CAD NYE BAR ZHI BA STE ZHES BYA BA SMRAS SO, ,DE'I PHYIR 'DZIN PA'I BYA BA YOD PA MA YIN PAR BSTAN PA'I PHYIR, DE'I PHYIR 'DZIN PA YOD MA YIN, ,'DZIN PA'I BYA BA BZHIN DU BYED PA PO DANG BYED PA DANG LAS DE DAG YOD PA NYID DU STON PA'I GTAN TSIGS DANG DPE MA GRUB PA'I PHYIR RO ZHES BYA BAR DGONGS SO ZHES BYA BA SMRAS SO, ,DA NI DE LTAR 'DZIN PA MED PAS 'KHOR BA DANG MYA NGAN LAS 'DAS PA DANG RJES SU MTHUN PA'I PHYIN CI LOG GNYIS YOD PA MA YIN PAR @228B BSTAN PA'I PHYIR, DE'I PHYIR DE LTAR, LOG PA'AM YANG DAG NYID DU NI, ,'DZIN PA YOD PA MA YIN NA, ,RTAG PA DANG MI RTAG PA LA SOGS PA'O ZHES BYA BA SMRAS SO, ,DE LTAR PHYIN CI LOG TU 'DZIN PA RNAM PA GNYIS MED PAS RNAL 'BYOR PA DE DANG LDAN PA'I PHYIN CI LOG CAN RNAM PA GNYIS KYANG YOD PA MA YIN PAR BSTAN PA'I PHYIR, 'O NA DON DAM PAR, GANG LA PHYIN CI LOG YOD CING, ,GANG LA PHYIN CI MA LOG YOD, ,RNAM PAR MI RTOG PA'I SHES RAB KYIS SPYOD PA LA GNAS PA LA RTAG PA DANG MI RTAG PA LA SOGS PAR SHES PA KUN DU MI 'BYUNG BA'I PHYIR RO ZHES BYA BAR DGONGS SO ZHES BYA BA SMRAS SO, ,YANG NA GANG DAG 'DI SKAD CES PHYIN CI LOG RNAMS NI YOD PA KHO NA YIN TE DE DANG LDAN PA YOD PA'I PHYIR RO, ,DPER NA GDUGS DANG LDAN PA YOD NA GDUGS YOD PA DE BZHIN DU PHYIN CI LOG DANG LDAN PA BYIS PA 'DI DAG YOD PAS DE'I PHYIR PHYIN CI LOG RNAMS NI YOD PA KHO NA YIN NO ZHES ZER NA ZHES BYA BAS NI PHA ROL PO DAG PHYIN CI LOG DANG LDAN PA SO SO'I SKYE BO RNAMS YOD PA'I GTAN TSIGS KYIS PHYIN CI LOG RNAMS KYANG YOD PAR SGRUB PA'I TSIG YIN NO, ,DE'I LAN DU 'DIR PHYIN CI LOG YOD PA MA YIN PAS DE DANG LDAN PA YANG YOD PA MA YIN PAR BSTAN PA'I PHYIR DE DAG GI PHYIR 'DI BSHAD DE, LOG PA'AM YANG DAG NYID DU NI, ,'DZIN PA YOD PA MA YIN NA, ,RNAM PA GNYI GA YANG SNGAR BSTAN PA'I SGRUB PAS SKYE BA LA SOGS PA MA GRUB PA'I PHYIR RO, ,DE BZHIN DU, GANG LA PHYIN CI LOG YOD CING, ,GANG LA PHYIN CI MA LOG YOD, ,PHYIN CI LOG GANG LA LTOS NA 'DI NA PHYIN CI LOG DANG LDAN PA'O, ,'DI NA PHYIN CI MA LOG PA DANG LDAN PA'O ZHES BYA BA DE DAG KYANG PHYIN CI LOG BZHIN DU YOD PA MA YIN TE, GANG LA PHYIN CI LOG YOD PA DANG, GANG LA PHYIN CI MA LOG PA YOD PA DE DAG YOD PA MA YIN PA NYID DO ZHES BYA BA'I TSIG GI DON TO ZHES BYA BA SMRAS SO, ,DE'I PHYIR DON DAM PAR GTAN TSIGS KYI DON MA GRUB PA NYID DANG DPE YANG MED LA, KUN RDZOB TU NI DON 'GAL BA NYID KYANG YIN NO ZHES BYA BAS NI MJUG BSDU BA DANG TSAD MA'I 'BRAS BU YIN NO, ,YANG GZHAN YANG 'DI LA PHYIN CI LOG DANG LDAN PA 'DI NI PHYIN CI LOG DANG BCAS PAR 'DOD NA DE YANG PHYIN CI LOG TU SBYAR @229A *, ,PA'AM; PHYIN CI LOG TU MA GYUR PA'AM, PHYIN CI LOG TU 'GYUR BZHIN PA ZHIG YIN GRANG NA ZHES BYA BAS NI PHYIN CI LOG DANG LDAN PA'I GANG ZAG NI PHYIN CI LOG DANG BCAS PAR 'DOD NA DE YANG GANG ZAG 'DI GSUM LAS GCIG YIN GRANG NA GSUM CHAR YANG DE YIN PAR MI 'THAD DO ZHES BRTAG PA RNAM PA GSUM STON TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA PHYIN CI LOG TU GYUR PA LA, PHYIN CI LOG DAG MI SRID DO, ,DE DAG DANG LDAN PA LA DE DAG DANG LDAN PAR 'GYUR BA DON MED PA NYID DU 'GYUR BA'I PHYIR RO ZHES BYA BA SMRAS SO, ,BRTAG PA GNYIS PA MI 'THAD PAR BSTAN PA'I PHYIR, PHYIN CI LOG TU MA GYUR LA, ,PHYIN CI LOG DAG MI SRID DO, ,DE DAG DANG BRAL BA'I PHYIR DPER NA 'PHAGS PA BZHIN NO ZHES BYA BA SMRAS SO, ,BRTAG PA GSUM PA MI 'THAD PAR BSTAN PA'I PHYIR, PHYIN CI LOG TU 'GYUR BA BZHIN LA PHYIN CI LOG DAG MI SRID DO, ,SKYON GNYI GAR 'GYUR PA'I PHYIR RO ZHES BYA BA SMRAS SO, ,DE LTAR BRTAG PA GSUM PA MI 'THAD PAS PHYIN CI LOG DANG LDAN PA'I GANG ZAG YOD PA MA YIN PA NYID DU BSTAN PA'I PHYIR, PHYIN CI LOG TU GYUR PA DANG, PHYIN CI LOG TU MA GYUR PA DANG PHYIN CI LOG TU 'GYUR BZHIN PA MA GTOGS PA'I PHYIN CI LOG DANG LDAN PA'I GANG ZAG MI 'THAD PAS DE'I PHYIR BSHAD PA, KHYOD NYID PHYOGS SU LHUNG BA'I BLO MED PAR GYIS LA, GANG LA PHYIN CI LOG SRID PA, ,BDAG NYID KYIS NA RNAM PAR DPYOD, ,PHYIN CI LOG DANG LDAN PA YOD PA MA YIN PA NYID DO ZHES BYA BA'I TSIG GI DON TO ZHES BYA BA SMRAS SO, ,DE'I PHYIR GTAN TSIGS DANG DPE'I SKYON SNGA MA BZHIN NO ZHES BYA BA NI MJUG BSDU BA DANG TSAD MA'I 'BRAS BU YIN NO, ,GZHAN YANG GANG GI TSE DON DAM PAR JI SKAD BSTAN PA'I TSUL GYI DBANG GIS DNGOS PO THAMS CAD SKYE BA MED PAR BSTAN PA DE'I TSE ZHES BYA BA LA SOGS PAS NI DON DAM PAR PHYIN CI LOG RNAMS SKYE BA MED PAS YOD PA MA YIN PA'I PHYIR PHYIN CI LOG DANG LDAN PA YANG YOD PA MA YIN PAR SGRUB PA RNAM PA GZHAN STON TO, ,DE NYID BSTAN PA'I PHYIR, PHYIN CI LOG RNAMS MA SKYES NA, ,JI LTA BUR NA YOD PAR 'GYUR, ,YOD PAR MI 'GYUR BA NYID DE MA SKYES PA'I PHYIR RO ZHES BYA BA'I TSIG GI DON TO, ,PHYIN CI LOG @229B RNAMS SKYE MED NA, ,PHYIN CI LOG CAN GA LA YOD, ,PHYIN CI LOG CAN ZHES BYA BA NI PHYIN CI LOG DANG LDAN PA ZHES BYA BA'I THA TSIG GO ZHES BYA BA SMRA SO, ,DE'I PHYIR GTAN TSIGS LA SOGS PA'I SKYON DE NYID YOD DO ZHES BYA BA NI MJUG BSDU BA DANG TSAD MA'I 'BRAS BU YIN NO, ,YANG GZHAN YANG ZHES BYA BA LA SOGS PAS NI DON DAM PAR BDAG LA SOGS PA YOD NA NI BDAG LA SOGS PAR SHES PA YANG PHYIN CI LOG MA YIN PA ZHIG NA, DON DAM PAR BDAG LA SOGS PA DAG YOD PA MA YIN PAS BDAG LA SOGS PAR SHES PA NI 'KHOR BA DANG RJES SU MTHUN PA'I PHYIN CI LOG YIN PAR STON TO,, DE NYID BSTAN PA'I PHYIR, DON DAM PAR, GAL TE BDAG DANG SDUG PA DANG, ,RTAG DANG BDE BA YOD NA NI, ,BDAG SHES SDUG SHES RTAG SHES DANG, ,BDE ZHES PHYIN CI LOG MA YIN, ,SHES BYA PHYIN CI LOG MA YIN PA'I PHYIR RO ZHES BYA BAR DGONGS SO ZHES BYA BA SMRAS SO, ,'DIR BDAG SHES ZHES BYA BA LA SOGS PA'I SGRA NI BDAG LA SOGS PA DE DAG LA GNAS PA NYID KYI PHYIR BDAG LA SOGS PAR SHES PA YIN PAR BSTAN TO ZHES BYA BAS NI, BDAG SHES ZHES BYA BA LA SOGS PA'I SGRA NI BDAG LA SOGS PA'I YUL LA GNAS PA'I BLO BDAG LA SOGS PAR 'DZIN PA PHYIN CI LOG DANG LDAN PA'I DON YIN PAR BSTAN TO, ,DE BZHIN DU ZHES BYA BA LA SOGS PAS NI DON DAM PAR BDAG LA SOGS PA MED PAS BDAG LA SOGS PA YOD PA MA YIN PA'I PHYIR, BDAG MED PA LA BDAG TU LTA BA LA SOGS PA'I PHYIN CI LOG DAG KYANG YOD PA MA YIN PAR STON TO, , DE NYID BSTAN PA'I PHYIR, DON DAM PAR, GAL TE BDAG DANG SDUG PA DANG, ,RTAG DANG BDE BA MED NA NI, ,BDAG MED MI SDUG MI RTAG DANG, ,SDUG BSNGAL YOD PA MA YIN NO, ,BDAG MED PA LA SOGS PA'I NGO BO NYID NI BDAG LA SOGS PA BSAL BAS SAM, DE DAG LA LTOS PA BDAG MED PA NYID LA SOGS PAR 'GRUB PA'I PHYIR RO ZHES BYA BAR DGONGS SO ZHES BYA BA SMRAS SO, ,BDAG MED PA LA SOGS PA MA GRUB PA'I PHYIR GANG DAG LA BDAG LA SOGS PAR LTA BA PHYIN CI LOG TU 'GYUR TE, 'DI LTAR MI BYED NA SDONG DU MA LA MIR MTHONG BA'I PHYIN CI LOG KYANG MED DO @230A *, ,ZHES BYA BAS NI DON DAM PAR BDAG LA SOGS PA MED PAS BDAG MED PA LA SOGS PA YANG YOD PA MA YIN PAS BDAG MED PA LA SOGS PA GRUB PA'I PHYIR GANG DAG LA BDAG LA SOGS PAR LTA BA'I GZHI MED PAS BDAG LA SOGS PAR LTA BA'I PHYIN CI LOG RNAMS KYANG YOD PA MA YIN PAR STON TO, ,PHYIN CI LOG NYID MA GRUB PA'I PHYIR GTAN TSIGS LA SOGS PA MED PA'I SKYON DE NYID BZLOG DGA'O ZHES BYA BA NI MJUG BSDU BA DANG TSAD MA'I 'BRAS BU YIN NO, ,DA NI DE LTAR PHYIN CI LOG NGO BO NYID MED PA NYID DU RTOGS PA'I RNAL 'BYOR BA'I NYON MONGS PA THAMS CAD NYE BAR ZHI BAR 'GYUR BA'I PHAN YON BSTAN PA'I PHYIR, 'O NA RNAL 'BYOR BA DE LA DE LTAR RTAG PA DANG MI RTAG PA LA SOGS PA'I PHYIN CI LOG DANG PHYIN CI LOG MA YIN PA DAG MA GRUB PA'I PHYIR DE DAG TU RNAM PAR RTOG PA LOG PAR GYUR PA NA YON TAN CI ZHIG 'BYUNG BAR 'GYUR ZHE NA, JI SKAD BSTAN PA'I TSUL GYIS 'BRAS BU BSTAN PAR BZHED PAS BSHAD PA, ,DE LTAR PHYIN CI LOG 'GAGS PAS, ,MA RIG PA NI 'GAG PAR 'GYUR, ,PHYIN CI LOG DAG GI RGYU YANG MA RIG PA YIN PA'I PHYIR PHYIN CI LOG 'GAGS PAS BDAG LA SOGS PAR LTA BA'I RGYU MA RIG PA 'GAG PAR 'GYUR RO, ,MA RIG 'GAG PAR GYUR NA NI, ,'DU BYED LA SOGS 'GAG PAR 'GYUR, ,'DU BYED LA SOGS PA ZHES BYA BAR TSIG SBYAR TE, 'DU BYED DANG RNAM PAR SHES PA DANG MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI LA SOGS PA DAG GO, ,DE'I PHYIR DE LTAR NGO BO NYID MED PA NYID RTOGS PA LAS NYON MONGS PA NYE BAR ZHI BA 'GRUB PO ZHES BYA BA SMRAS SO, ,NGO BO NYID YOD PAR SMRA BA'I PHYOGS 'DI LA NYON MONGS PA DE DAG YOD PAR GYUR PA'AM, MED PAR GYUR PA YIN GRANG NA ZHES BYA BA LA SOGS PAS ZHI ? DNGOS PO RNAMS NGO BO NYID YOD PAR SMRA BA'I PHYOGS LA NYON MONGS PA RNAMS KYANG YOD PAR GYUR PA'AM, MED PAR GYUR PA ZHIG YIN GRANG STE, DE LTAR RTOG PA DAG LA NYON MONGS PA RNAMS SPONG BA MI 'THAD PA'I GLAGS YOD PA STON TO, ,DE LA RE ZHIG YOD BAR GYUR PA LA SPONG BA MI 'THAD PAR BSTAN @230B PA'I PHYIR, DES CI 'GYUR ZHE NA, GAL TE LA LA'I NYON MONGS PA, ,GANG DAG NGO BO NYID YOD NA, ,GANG ZAG YOD PAR GYUR PA LA LA'I ZHES MA SMOS KYANG SKABS LAS SHES PAR BYA'O ZHES BYA BA SMRAS TE, DES NI PHA ROL PO DAG GI GZHUNG BSNAN PA BSTAN TO, ,DA NI DE DAG LA NYON MONGS PA SPONG BA MI 'THAD PA'I GLAGS YOD PAR BSTAN PA'I PHYIR, JI LTA BUR NA SPONG BAR 'GYUR, ,JI LTAR SPONG BAR MI 'GYUR ZHE NA, YOD PA SU ZHIG SPONG BAR BYED, ,YOD PAR GYUR PA NI NGO BO NYID MI 'GYUR BA'I PHYIR RO ZHES BYA BAR DGONGS SO ZHES BYA BA SMRAS SO, ,DA NI MED PAR GYUR PA LA SPONG BA MI 'THAD PAR BSTAN PA'I PHYIR, CI STE MED PAR GYUR PA RI BONG GI RVA LTA BU'AM, GCIG LA GCIG MED PA'I MTSAN NYID LTA BU YIN NA, DE LTA NA YANG, GAL TE LA LA'I NYON MONGS PA, ,GANG DAG NGO BO NYID MED NA, ,'DIR YANG, GANG ZAG MED PAR GYUR PA LA LA'I ZHES MA SMROS KYANG SKABS LAS SHES PAR BYA'O ZHES BYA BA SMRAS TE, DES KYANG PHA ROL PO DAG GI GZHUNG BSNAN PA BSTAN TO, ,DA NI DE DAG LA NYON MONGS PA SPONG BA MI 'THAD PA'I GLAGS YOD PAR BSTAN PA'I PHYIR, JI LTA BUR NA SPONG BAR 'GYUR, ,JI LTAR SPONG BAR MI 'GYUR ZHE NA, ,MED PA SU ZHIG SPONG BAR BYED, ,MED PAR GYUR PA'I MED PA NYID NI SPANG DU MED PA'I PHYIR TE, 'DI LTAR NAM MKHA'I ME TOG MED PAS MED PA'I NGO BO NYID SPONG BAR MI KHYED LA, RTA NGO BO NYID MED PAS KYANG RTA MED PA'I NGO BO NYID SPONG BAR MI BYED DO ZHES BYA BA SMRAS SO, ,CI STE YANG 'DI SNYAM DU NYON MONGS PA YOD PAR GYUR PA RNAMS NYID GNYEN PO SKYES PAS SPONG BAR 'GRUB PA'I PHYIR SKYON MED DO SNYAM NA ZHES BYA BAS NI PHA ROL PO DAG DNGOS PO DAG YOD PAR GYUR PA LA SPONG BA 'GRUB PAR SEMS PA'I BSAM PA YIN NO, ,DE NI MI 'THAD PAR BSTAN PA'I PHYIR, YOD PAR GYUR PA GANG GI GNYEN PO SKYES PAS JI LTAR SPONG BA'I DON DE BSTAN DKA'O ZHES BYA BA SMRAS TE, YOD PAR GYUR PA NI NGO BO NYID MI 'GYUR BA'I PHYIR RO, ,DE LA 'DIR NYON MONGS PA RNAMS YOD PAR GYUR PA DANG, MED PAR GYUR PAR RTOG PA LA DE DAG SPONG BA MI 'THAD PA'I GLAGS YOD PAS NYON MONGS PA RNAMS KYI CHOS NI SPONG BA YIN PAR BSTAN TO ZHES @231A *, ,BYA BAS NI PHA ROL PO RNAMS NGO BO NYID YOD PAR SMRA BA'I PHYOGS LA NYON MONGS PA RNAMS KYANG YOD PAR GYUR PA'AM, MED PAR GYUR PA ZHIG TU 'GYUR BAS DE LTAR RTOG PA LA NYON MONGS PA SPONG BA MI 'THAD PA'I GRAGS YOD PAR BSTAN NAS, 'DIR DBU MA PA DON DAM PAR NYON MONGS PA RNAMS NGO BO NYID MED PA NYID DU SGRUB PA'I CHOS GTAN TSIGS NI SPANG BA YIN PAR BSTAN TO, ,DE'I RJES SU DPAG PA BSTAN PA'I PHYIR, DE'I PHYIR RJES SU DPAG PA NI DON DAM PAR NYON MONGS PA RNAMS NGO BO NYID MED DE SPANGS PA YIN PA'I PHYIR, DPER NA SGYU MA MKHAN GYIS SPRUL PA'I BUD MED DANG, SKYES BA DANG, GZUGS SU BYAS PA'I NA CHUNG BZHIN TE, SKYON RTOGS PA LA DE DAG SPONG BA YOD DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, NYE BAR SBYAR BA'I SBYOR BA YIN PAR GO RIMS BZHIN DU SBYAR TE, DPER NA SGYU MA MKHAN GYIS SPRUL PA'I BUD MED LA SOGS PA NI SKYON RTOGS PA LA DE DAG SPONG BA YOD PAS SPANG BA YIN PA'I PHYIR, NGO BO NYID MED PA DE BZHIN DU NYON MONGS PA RNAMS KYANG SKYON 'DOGS PA LA DE DAG SPONG BA YOD PAS SPANG BA YIN PA'I PHYIR NGO BO NYID MED DO, ,DE LA 'DIR RAB TU BYED PA'I DON NI PHA ROL POS SMRAS PA'I SGRUB PA'I SKYON BRJOD PA DANG, RANG GI SGRUB PA'I KHA NA MA THO BA MED PA BSTAN PAS PHYIN CI LOG NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, PHYIN CI LOG BRTAG PA'I RAB TU BYED PA NYI SHU GSUM PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI STONG PA NYID KYI MI MTHUN PA'I PHYOGS KYI KHYAD PAR DGAG PAS PHYIN CI LOG NGO BO NYID MED PA NYID DU BSTAN PA YIN NO, ,PHYIN CI LOG NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE, RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR, 'DIR YID CHES PA'I LUNG GI KHUNGS KYANG BSGRUB PAR BYA STE, 'DI'I PHYIR 'PHAGS PA SGO MTHA' YAS PA SGRUB PA'I GZUNGS LAS, JI LTAR NGAG 'DI GZUGS CAN MIN, ,KUN NAS DMIGS SU MED PA LTAR, ,DE LTAR NYON MONGS @231B GZUGS CAN MIN, ,GTAN DU DMIGS SU YOD MA YIN, ,JI LTAR NGAG 'DI YOD MA YIN, ,NANG DANG PHYIN MI GNAS LTAR, ,DE LTAR NYON MONGS YOD MIN PA, ,NANG DANG PHYI NA GNAS PA MIN, ,ZHES BYA BA LA SOGS PA GSUNGS PA DE DAG GRUB PA YIN TE, TSIGS SU BCAD PA GONG MAS NI NYON MONGS PA RNAMS GZUGS CAN NYID MA YIN PAR BSTAN LA, 'OG MAS NI NYON MONGS PA RNAMS YOD PA NYID MA YIN PAR BSTAN TO, ,DE BZHIN DU YANG DE NYID LAS, ,SHA RVA DVA TI'I BU KUN NAS NYON MONGS PA'I YONGS SU SHES PA GANG YIN PA DE NI YANG DAG PA JI LTA BA DE BZHIN NYID DO, ,DE LA NI KUN NAS NYON MONGS PA 'GA' YANG MED DE, SEMS CAN PHYIN CI LOG TU GYUR PA RNAMS NI KUN NAS NYON MONGS PAR 'GYUR RO, ,PHYIN CI LOG GANG YIN PA DE NI YOD PA MA YIN TE, GANG YOD PA MA YIN PA DE LA YOD PA'I YONGS SU 'GRUB PA'AM MTSAN NYID MED DO, ,SHA RVA DVA TI'I BU DE LTAR YONGS SU SHES PA GANG YIN PA DE NI RNAM PAR BYANG BA ZHES BYA'O ZHES BYA BA LA SOGS PAS GSUNGS PA DE DAG KYANG GRUB PA YIN NO, ,DE BZHIN DU MDO SDE GZHAN DAG LAS, DE BZHIN GSHEGS PAS NYON MONGS PA RNAMS YOD PA MA YIN PAR MNGON PAR RDZOGS PAR SANGS RGYAS SHING BSTAN TO, GZUGS SU MI SNANG YANG KUN DU MKHYEN LA; GNYIS SU MA MDZAD KYANG MNGON SUM DU MDZAD CING THOB PA YANG MED DO ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI PHYIN CI LOG NGO BO NYID MED PA NYID DU BSTAN PA 'DI'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG, SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA, DBU MA RTZA BA'I 'GREL PA SHES RAB SGRON MA LAS PHYIN CI LOG BRTAG PA ZHES BYA BA STE RAB TU BYED PA NYI SHU GSUM PA'I RGYA CHER 'GREL PA, SLOB DPON SBYIN PAS GZIGS BRTUL ZHUGS KYIS NYE BAR SBYAR BA RDZOGS SO,, ,,BAM PO BDUN CU BZHI PA, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS, 'PHAGS PA'I @232A *, ,BDEN PA RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU BZHI PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BA LTAS TE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAMS PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS, 'DIR YANG BSTAN BCOS MDZAD PAS, SNGAR JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BA'I PHYOGS YIN TE, 'DI LTA STE, DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU SGRUB PA'I PHYOGS SNGA MA NYE BAR GZHAG PA, 'OG NAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES BYA BA LA SOGS PA TSIG LE'UR BYAS PA DRUG GIS DBU MA PA DON DAM PAR DNGOS PO RNAMS NGO BO NYID MED PA NYID DU SMRA BA LA GLAGS YOD PA'I TSIG DAG BSTAN NAS, RANG GIS DON DAM PAR DNGOS PO RNAMS NGO BO NYID YOD PA KHO NA YIN TE, 'BYUNG BA DANG 'JIG PA'I CHOS CAN YIN PA'I PHYIR RO ZHES BYA BA LA SOGS PAS DNGOS PO RNAMS NGO BO NYID YOD PAR SGRUB PA'I RJES SU DPAG PA DAG STON PA YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA NYI SHU BZHI PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, 'PHAGS PA'I BDEN PA RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU BZHI PA BRTZAM MO ZHES BYA BA SMRAS @232B TE; 'PHAGS PA'I BDEN PA BRTAG PA'I RAB TU BYED PA NYI SHU BZHI PA'I GZHUNG 'OG NAS 'BYUNG BA 'DI'I DON NI 'PHAGS PA'I BDEN PA RNAMS NGO BO NYID MED PA NYID DU BSTAN PA YIN PAS, DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, 'PHAGS PA'I BDEN PA RNAMS NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS, DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR, THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES BYA BA SMOS PA DE NYID BSTAN PA'I PHYIR, 'DIR SMRAS PA, KHYOD KYIS BSTAN PA'I TSUL GYIS NI, ,GAL TE 'DI DAG KUN STONG NA, , 'BYUNG BA MED CING 'JIG PA MED, ,STONG PA'I PHYIR, DPER NA NAM MKHA'I ME TOG BZHIN NO ZHES BYA BAR BSAMS SO ZHES BYA BA SMRAS TE, 'DIS NI KHYED DBU MA PAS BSTAN PA'I TSUL GYIS, GAL TE 'DI DAG KUN STONG NA, ,'BYUNG BA DANG 'JIG PA MED PAS, 'PHAGS PA'I BDEN PA BZHI LA SOGS PA MED PAR THAL BA'I SKYON DU 'GYUR RO ZHES GLAGS YOD PA'I TSIG SGRUB PA'I RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI STONG PA'I PHYIR, 'BYUNG BA DANG 'JIG PA MED PA DE BZHIN DU, GAL TE 'DI LTAR KUN STONG PA YANG STONG PA'I PHYIR 'BYUNG BA DANG 'JIG PA MED PAS 'PHAGS PA'I BDEN PA BZHI LA SOGS PA MED PA'I SKYON DU 'GYUR RO ZHES ZER RO, ,DE NYID BSTAN PA'I PHYIR, DE'I PHYIR SKYON 'DI LTAR 'GYUR TE, 'BYUNG BA DANG 'JIG PA MED PA'I PHYIR, MA SKYES PA NI SDUG BSNGAL MA YIN PAS SDUG BSNGAL GYI BDEN PA MED PA DANG, DE MED PA'I PHYIR GANG LAS, DE KUN 'BYUNG BA DE KUN 'BYUNG YIN PA, ,DE YANG MED PAS, KUN 'BYUNG GI BDEN PA MED PA DANG, KUN 'BYUNG MED NA DE 'GO @233A *, ,PA MED PA'I PHYIR, 'GOG PA'I BDEN PA MED PA DANG, 'GOG PA'I BDEN PA MED NA, 'GOG PAR 'GRO BA'I LAM YANG DAG PA'I LTA BA SNGON DU BTANG BA YANG MED PA'I PHYIR, LAM GYI BDEN PA YANG MED PAS, 'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES BYA BA SMRAS SO, ,'PHAGS PA'I BDEN PA BZHI MED PAS, ,RNAL 'BYOR PAS DE DAG YONGS SU SHES PA DANG, SPANG BA DANG, MNGON SUM DU BYA BA DANG, BSGOM PA'I MNGON PAR BRTZON PA MI 'THOB PA'I SKYON DU 'GYUR BAR BSTAN PA'I PHYIR, DES NA RNAL 'BYOR BA SKYE BA DANG 'CHI BAS 'JIGS PA RNAMS KYIS, 'PHAGS PA'I BDEN PA BZHI PO YONGS SU SHES PA DANG, SPANG BA DANG, MNGON SUM DU BYA BA DANG, BSGOM PA'I YUL LA SDUG BSNGAL YONGS SU SHES PAR BYA BA DANG, KUN 'BYUNG SPANG BAR BYA BA DANG, 'GOG PA MNGON SUM DU BYA BA DANG, LAM BSGOM PAR BYA BA'I MNGON PAR BRTZON PA GANG YIN PA DE MI 'THAD PAS, DE'I PHYIR SMRAS PA, 'PHAGS PA'I BDEN PA BZHI MED PAS, ,YONGS SU SHES DANG SPANG BA DANG, ,BSGOM DANG MNGON DU BYA BA DAG ,'THAD PAR 'GYUR BA MA YIN NO, ,ZHES BYA BA SMRAS SO, ,'PHAGS PA'I BDEN PA ZHES BYA BA'I SGRA BYE BRAG TU BSHAD PA BSTAN PA'I PHYIR, 'PHAGS PA'I BDEN PA ZHES BYA BA NI 'PHAGS PA RNAMS KYI BDEN PA'AM, 'PHAGS PAR BYED PA'I BDEN PA'AM, 'PHAGS PA YANG YIN LA, BDEN PA YANG YIN PAS 'PHAGS PA'I BDEN PA'O, ,BDEN PA ZHES BYA BA NI YANG DAG PA DANG, MA NOR BA ZHES BYA BA DAG GI RNAM GRANGS SO ZHES BYA BA SMRAS SO, ,'DIR BSGOM PA DANG, MNGON SUM DU BYA BA GNYIS BSNOR BA NI TSIGS SU BCAD PA BSDEB PA'I DBANG GIS SO ZHES BYA BAS NI DE LTAR BSNOR BA NI TSIG BDE BAR BYAS KYI DON GYIS NI, 'GOG PA SNGAR BSTAN PA LA LAM PHYIS SMOS PA YIN PAR BSTAN TO, ,GZHAN YANG DE LTAR, 'PHAGS PA'I BDEN PA BZHI PO DAG MED PAS DGE SBYONG GI 'BRAS BU BZHI YANG MED PA'I SKYON DU 'GYUR BAR BSTAN PA'I PHYIR, YANG GZHAN YANG KHYOD LA DE DAG YOD PA MA YIN PAS, 'PHAGS @233B PA'I BDEN PA BZHI PO DE DAG YOD PA MA YIN PAS SO, ,'BRAS BU BZHI YANG YOD MA YIN, ,RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA ZHES BYA BA DAG STE ZHES BYA BA SMRAS SO, ,'PHAGS PA'I BDEN PA BZHI MED PAS, DGE SBYONG GI 'BRAS BU BZHI JI LTAR MED PAR 'GYUR BA'I 'THAD PA BSTAN PA'I PHYIR, 'JIG TSOGS LA LTA BA DANG, THE TSOM DANG, TSUL KHRIMS DANG BRTUL ZHUGS MCHOG TU 'DZIN PA LA SOGS PA'I PHRA RGYAS DGU BCU RTZA BRGYAD KYI SKYON GYI BUD SHING DAG 'PHAGS PA'I BDEN PA MTHONG BA DANG BSGOM PA'I LAM GYIS, MTHONG BA'I MES BSREG PAR BYA BA YIN PA'I PHYIR RO ZHES BYA BAR BSAMS SO ZHES BYA BA SMRAS SO, ,DGE SBYONG GI 'BRAS BU BZHI MED NA, 'BRAS BU LA GNAS PA'I GANG ZAG BZHI YANG MED PA'I SKYON DU 'GYUR BAR BSTAN PA'I PHYIR DE LTAR, 'BRAS BU MED NA 'BRAS GNAS MED, ,RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I 'BRAS BU LA GNAS PA DE DAG GO ZHES BYA BA SMRAS SO, ,'BRAS BU LA GNAS PA MED NA, LAM LA YANG GNAS PA MED PA'I SKYON DU 'GYUR BAR BSTAN PA'I PHYIR, ZHUGS PA DAG KYANG YOD MA YIN, ,ZHUGS PA DAG NI RGYUN DU ZHUGS PA LA SOGS PA'I LAM LA GNAS PA DAG GO ZHES BYA BA SMRAS SO, ,DE LTAR SKYES BU GANG ZAG BRGYAD MED NA, DGE 'DUN DKON MCHOG KYANG MED PA'I SKYON DU 'GYUR BAR BSTAN PA'I PHYIR, DE LTA NA BCOM LDAN 'DAS KYI NYAN THOS KYI TSOGS 'GRO BA'I BSOD NAMS KYI ZHING BDUD LA SOGS PAS MI PHYED CING GZHAN GYI DRING MI 'JOG PAS 'DUS PA'I PHYIR RAM, TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA DAG GIS 'DUS PA'I PHYIR 'JIG RTEN NA MTSAN DGE 'DUN ZHES BYA BAR RNAM PAR GRAGS PA YANG MED PAR 'GYUR BAS, GAL TE SKYES BU GANG ZAG BRGYAD, ,DE DAG MED NA DGE 'DUN MED, ,CES BYA BA SMRAS SO, ,GANG DAG LAM DANG 'BRAS BU'I DBYE BAS RNAM PAR BSHAD PA DAG @234A *, ,GO ZHES BYA BAS NI SKYES BU GANG ZAG BRGYAD BSTAN TO, ,DE LTAR DGE 'DUN DKON MCHOG MED NA, CHOS DKON MCHOG KYANG MED PA'I SKYON DU 'GYUR BA BSTAN PA'I PHYIR, GZHAN YANG, 'PHAGS PA'I BDEN RNAMS MED PA'I PHYIR, ,DAM PA'I CHOS KYANG YOD MA YIN, ,ZHES BYA BA SMRAS SO, ,DE'I 'THAD PA BSTAN PA'I PHYIR THABS LAS BYUNG BA MED NA THABS KYANG MI SRID PA'I PHYIR RO ZHES BYA BAR BSAMS SO ZHES BYA BA SMRAS SO, ,DE LTAR DGE 'DUN DANG, CHOS DKON MCHOG MED NA, SANGS RGYAS DKON MCHOG KYANG MED PA'I SKYON DU 'GYUR BAR BSTAN PA'I PHYIR, CHOS DANG DGE 'DUN YOD MIN NA, ,CHOS NYON MONGS PA'I BUD SHING BSREG PA LA 'JEBS PA DANG, DGE 'DUN DE RTOGS PAR BYED PA'O, ,SANGS RGYAS JI LTAR YOD PAR 'GYUR, ,YOD PAR MI 'GYUR BA NYID DO ZHES BYA BA'I TSIG GI DON TO ZHES BYA BA SMRAS SO, , SANGS RGYAS ZHES BYA BA'I SGRA BYE BRAG TU BSHAD PA BSTAN PA'I PHYIR 'DI LA SANGS RGYAS ZHES BYA BA NI BDEN PA RNAMS RTOGS PAR GYUR PA'AM, RTOGS PAR MDZAD PA DE, MDO SDE LAS JI SKAD DU, YONGS SU SHES PA YONGS SHES SHING, ,SPANG BAR BYA BA SPANGS PAR 'GYUR, ,BSGOM PAR BYA BA BSGOMS ZIN PAS, ,BZOD LDAN DE PHYIR NGA SANGS RGYAS, ,ZHES GSUNGS PA LTA BU'O, ,YANG NA CHOS THAMS CAD DNGOS PO MED PA MNYAM PA NYID THUGS SU CHUD PAS SANGS RGYAS TE, JI SKAD DU, GANG GIS CHOS RNAMS YOD MIN PA, ,YOD MIN MA LUS RTOGS GYUR CING, ,YOD MIN CHOS RNAMS SANGS RGYAS PA, ,DE NI SANGS RGYAS ZHES BYA'O, ,ZHES GSUNGS PA LTA BU'O, ,YANG NA SANGS RGYAS PAR GYUR CING GDUL BA RNAMS SANGS RGYAS PAR MDZAD PAS SANGS RGYAS SO ZHES BYA BA SMRAS SO, ,DE MED PA'I SKYON DU 'GYUR BA'I 'THAD PA BSTAN PA'I PHYIR, SANGS RGYAS DA YANG RTOGS PA YE SHES DANG RTOGS PAR BYA BA CHOS DANG, RTOGS PAR BYED DU GZHUG PA GDUL BA RNAMS MED PA'I PHYIR MI RIGS PAS SANGS RGYAS KYANG MED PAR 'GYUR RO ZHES BYA BA SMRAS SO, ,DE LTAR, DE SKAD SMRA NA DKON PA'I MCHOG ,GSUM LA GNOD PA BYED PA YIN, ,ZHES BYA BA NI @234B MJUG BSDU BA YIN NO, ,DE SKAD SMRA NA ZHES BYA CI ZHIG CE NA, STONG PA NYID DO ZHES BYA BA NI DBU MA PA STONG PA NYID DU SMRA NA DKON MCHOG GSUM LA GNOD PA BYED PA YIN NO ZHES BYA BAR SBYAR RO, ,DKON MCHOG CES BYA BA NI DKON PA DANG, RIN CHE BA DANG, DGA' BAR BYED PA DANG, PHAN 'DOGS PA DANG, MI MA YIN PA LA SOGS PA GNOD PAR BYED PA'I GNYEN PO'I DON GYIS SO ZHES BYA BAS NI DKON MCHOG CES BYA BA'I SGRA BYE BRAG TU BSHAD PA BSTAN TO, ,GZHAN YANG STONG PA NYID DU SMRA NA 'JIG RTEN PA'I 'BRAS BU DANG, MI DGE BA DANG, DGE BA DANG, THA SNYAD THAMS CAD LA GNOD PA BYED PA'I SKYON DU YANG 'GYUR BAR BSTAN PA'I PHYIR, GZHAN YANG 'BRAS BU YOD PA DANG, CHOS MA YIN PA DANG CHOS NYID DANG, ,'JIG RTEN PA YI THA SNYAD NI, ,KUN LA'ANG GNOD PA BYED PA YIN, ,ZHES BYA BA SMRAS SO, ,DE LTAR NI MI 'DOD DE ZHES BYA BA LA SOGS PAS NI KHYED DBU MA PAS BSTAN PA'I TSUL GYIS GAL TE 'DI DAG KUN STONG NA 'BYUNG BA DANG, 'JIG PA MED PAS 'PHAGS PA'I BDEN PA BZHI LA SOGS PA DAG MED PAR 'GYUR BA DE LTAR NI KHO BO CAG SDE PA GZHAN DAG MI 'DOD DE, JI SKAD SMRAS PA'I SKYON DU THAL BAR 'GYUR BA'I PHYIR RO, ,DE DAG NI KHYED DBU MA PA DNGOS PO RNAMS NGO BO NYID MED PA NYID DU SMRA BA'I TSIG LA GLAGS DE LTA BU YOD PAR BSTAN PA YIN NO, ,GLAGS YOD PA'I TSIG DE LAS BZLOG PAS SDE PA GZHAN DAG NYID JI LTAR 'DOD PA'I SKABS KYI DON NYID BSTAN PA'I PHYIR, JI SKAD SMRAS PA'I SKYON DU THAL BAR 'GYUR BA RNAM PAR BZLOG PA NI STONG PA NYID MA YIN ZHING 'BYUNG BA DANG, 'JIG PA DAG KYANG YOD PA YIN NA NGO BO NYID YOD PA NYID DANG, 'BYUNG BA DANG 'JIG PA'I CHOS CAN NYID YIN PAR BSGRUB PAR BYA BA CHOS NGO BO NYID YOD PA NYID DANG SGRUB PA'I CHOS 'BYUNG BA DANG, 'JIG PA'I CHOS CAN NYID YIN PA MNGON NO ZHES BYA BA'I TSIG GI DON TE GLAGS YOD PA'I TSIG YIN PA'I PHYIR RO ZHES BYA BA SMRAS SO, ,DE NYID DPES BSTAN PA'I PHYIR, DPER NA GAL TE SGRA RTAG PA YIN NA, MA BYAS PAR 'GYUR TE MA BYAS PA NI RTOG PAR DMIGS PAR 'GYUR LA, DMIGS NA BYAS PAR MI 'GYUR RO ZHES BYA BAS, JI @235A *, ,SKAD SMRAS PA'I SKYON DU THAL BAR 'GYUR BA RNAM PAR BZLOG PA NI MI RTAG PA LA BYAS PA YOD PAS SGRA NI MI RTAG STE, BYAS PA'I PHYIR RO ZHES BYA BAS BSGRUB PAR BYA BA CHOS MI RTAG PA DANG, SGRUB PA'I CHOS BYAS PA NYID YIN PA MNGON NO ZHES BYA BA'I TSIG GI DON YIN PA BZHIN NO ZHES BYA BA SMRAS SO, ,DE NYID KYI RJES SU DPAG PA BSTAN PA'I PHYIR, 'DIR SBYOR BA'I TSIG NI DON DAM PAR DNGOS PO RNAMS NGO BO NYID YOD PA KHO NA YIN TE, 'BYUNG BA DANG 'JIG PA'I CHOS CAN NYID YIN PA'I PHYIR RO, ,GANG DAG NGO BO NYID MED PA DE DAG LA NI 'BYUNG BA DANG 'JIG PA DAG MA MTHONG STE, DPER NA NAM MKHA'I ME TOG BZHIN NO, ,DNGOS PO RNAMS LA NI MA BYUNG BA LA 'BYUNG BA DANG, BYUNG NAS 'JIG PA YOD PAS DE'I PHYIR GTAN TSIGS JI SKAD SMOS PA'I MTHUS DON DAM PAR DNGOS PO RNAMS NGO BO NYID YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NI NAM MKHA'I ME TOG LTA BU GANG LA 'BYUNG BA DANG, 'JIG PA MED PA DE NI NGO BO NYID MED PA YIN GYI, DNGOS PO RNAMS NI 'BYUNG BA DANG 'JIG PA DAG YOD PA'I PHYIR DES NA DON DAM PAR DNGOS PO RNAMS NGO BO NYID YOD PA KHO NA YIN NO ZHES ZER RO, ,RE ZHIG DE DAG NI STONG PA NYID KYI MI MTHUN PA'I PHYOGS KYI KHYAD PAR YIN TE, PHYOGS SNGA MA SMRA BA DAG GI GZHUNG YIN PAR SBYAR RO, ,DA NI STONG PA NYID KYI MI MTHUN PA'I PHYOGS KYI KHYAD PAR DE DGAG PAS 'PHAGS PA'I BDEN PA RNAMS NGO BO NYID MED PA NYID DU BSTAN PA'I PHYIR DE SKAD CES ZER BA DE'I LAN DU 'DIR BSTAN BCOS MDZAD PA NYID KYIS, DE LA BSHAD PA KHYOD KYIS NI, ,STONG NYID DGOS DANG STONG NYID DANG, ,STONG NYID DON NI MA RTOGS PAS, ,DE PHYIR DE LTAR GNOD PA BYED, ,CES BYA BA GSUNGS TE, 'DI NI DNGOS PO RNAMS NGO BO NYID YOD PA NYID DU SMRA BA KHYOD KYIS NI KHO BO CAG DBU MA PA 'DOD PA'I GZHUNG STONG PA NYID KYI DGOS PA DANG, STONG PA NYID DANG, STONG PA NYID KYI DON MA RTOGS PAS DE'I PHYIR, GAL TE 'DI DAG KUN STONG NA, ,'BYUNG BA MED CING @235B 'JIG PA MED, ,CES BYA BA LA SOGS PA SMRA ZHING 'PHAGS PA'I BDEN PA BZHI LA SOGS PA MED DO ZHES DE LTAR THEG PA CHEN PO LA GNOD PAR BYED DE, DE NI MANG PO YANG YIN, DE NI SNA TSOGS PA YANG YIN MOD KYI, DE DE LTAR NI MA YIN NO ZHES STON TO, ,DE LA RE ZHIG STONG PA NYID KYI DGOS PA BSTAN PA'I PHYIR, 'DIR STONG PA NYID KYI DGOS PA NI SPROS PA THAMS CAD NYE BAR ZHI BA'I MTSAN NYID DO ZHES BYA BA SMRAS TE, STONG PA NYID RTOGS PA LAS SPROS PA THAMS CAD NYE BAR ZHI BA'I MTSAN NYID MYA NGAN LAS 'DAS PA THOB PA NI STONG PA NYID KYI DGOS PA YIN NO, ,STONG PA NYID BSTAN PA'I PHYIR STONG PA NYID NI 'DZIN PA THAMS CAD DANG BRAL BA'I PHYIR MTSAN NYID STONG PA NYID LA DMIGS PA'I YE SHES SO ZHES BYA BA SMRAS TE, RNAL 'BYOR PA RNAMS KYI BSGOMS PA LAS BYUNG BA'I SHES PA STONG PA NYID LA DMIGS PAS DMIGS PA MED PA'I TSUL GYIS ZHES BYA BA RANG GI NGO BO NYID DANG, DNGOS PO THAMS CAD STONG PA NYID DANG, STONG PA NYID CES BYA BA'I THA SNYAD GSUM PO DE DAG STONG PA NYID DU DMIGS PA NI STONG PA NYID YIN NO, ,STONG PA NYID KYI DON BSTAN PA'I PHYIR, STONG PA NYID KYI DON NI DE BZHIN NYID KYI MTSAN NYID DO ZHES BYA BA SMRAS TE, DON DAM PAR DNGOS PO RNAMS SKYE BA MED PA ZHES BYA BA DE BZHIN NYID KYI MTSAN NYID NI STONG PA NYID KYI DON YIN NO, ,DA NI KHYOD KYIS DE DAG MA RTOGS PAS DE'I PHYIR, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES BYA BA LA SOGS PA SMRA ZHING 'PHAGS PA'I BDEN PA BZHI LA SOGS PA MED DO ZHES DE LTAR THEG PA CHEN PO LA GNOD PA BYED PA NI TSUL BZHIN MA YIN PA YID LA BYED PA'I LING TOG CHEN POS BLO GROS KYI MIG YOGS PA YIN PAR BSTAN PA'I PHYIR KHYOD KYIS DE DAG MA RTOGS PAS DE'I PHYIR 'DI LTA STE, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES BYA BA LA SOGS PA SMRA ZHING, DPER NA NAM MKHA' LA KHU TSUR GZAS TE RNAM PA DU MAS 'TSOG PAR BYED PA DE LTAR GNOD PAR BYED DO ZHES BYA BA SMRAS SO, ,DA NI DE LTAR GANG DAG TSUL BZHIN MA YIN PA YID LA BYED PA'I LING TOG CHEN POS BLO GROS KYI MIG YOGS PA DAG STONG PA NYID KYI DGOS PA DANG, @236A *, ,STONG PA NYID DANG, STONG PA NYID KYI DON MA RTOGS PAR NAM MKHA' LA KHU TSUR GYIS 'CHOG PA'I TSUL GYIS THEG PA CHEN PO LA GNOD PA BYED PA DE NI DE LTA MA YIN TE, THEG PA CHEN PO 'DI LA SANGS RGYAS BCOM LDAN 'DAS RNAMS KYI CHOS BSTAN PA BDEN PA GNYIS LA BRTEN PA'I TSUL RNAM PAR BZHAG PA NI 'DI 'DRA'O ZHES BSTAN PA'I PHYIR, THEG PA CHEN PO 'DI LA NI, SANGS RGYAS RNAMS KYI CHOS BSTAN PA, ,BDEN PA GNYIS LA YANG DAG BRTEN, ,DE DAG KYANG GANG DANG GANG ZHE NA, ,'JIG RTEN KUN RDZOB BDEN PA DANG, DAM PA'I DON GYI BDEN PA'O, , ZHES BYA BA SMRAS SO, ,DE LA RE ZHIG 'JIG RTEN PA'I KUN RDZOB KYI BDEN PA'I MTSAN NYID BSTAN PA'I PHYIR, DE LA 'JIG RTEN PA'I KUN RDZOB NI 'JIG RTEN GYI THA SNYAD DE, 'DI LTA STE, GZUGS LA SOGS PA DNGOS PO RNAMS SKYE'O, ,GNAS SO, ,'GAG GO ZHES BYA BA DANG, LHAS BYIN 'GRO'O KHYAB 'JUG BSHES GNYEN ZA'O, ,ZLA BAS BYIN BSGOM MO, ,TSANGS PAS BYIN GROL ZHES BYA BA DAG 'JIG RTEN GYI THA SNYAD GYI PHYIR PHYIN CI MA LOG PAS DE NI 'JIG RTEN PA'I KUN RDZOB KYI BDEN PA YIN NO ZHES BYA BA SMRAS SO, ,DA NI DON DAM PA'I BDEN PA'I MTSAN NYID BSTAN PAR BYA STE, DE LA DON DAM PA NI DE DON KYANG YIN LA, DAM PA YANG YIN PAS DON DAM PA'AM ZHES BYA BAS NI DON DAM PA'I SGRA KHYAD PAR GYI GZHING BSDU BA BSTAN TE, DE DON KYANG YIN LA DAM PA YANG YIN PAS DON DAM PA'I ZHES KHYAD PAR GYI GZHIR BSDU BA BSTAN TO, ,RNAM PAR MI RTOG PA'I YE SHES DAM PA'I DON YIN PAS DON DAM PA STE ZHES BYA BAS NI DON DAM PA'I SGRA'I ZHES BYA BAR BSDU BA BSTAN TE, DE RNAM PAR MI RTOG PA'I YE SHES DAM PA'I DON YIN PAS DON DAM PA'O ZHES BYA BAR BSDU BA BSTAN TO, ,DE LTAR DON DAM PA'I SGRA KHYAD PAR GYI GZHIR BSDUS KYANG RUNG BA'I ZHES BYA BAR BSDUS KYANG RUNG STE; DE'I DON GANG YIN PA BSTAN PA'I PHYIR, DE KHO NA GZHAN LAS SHES PA MA YIN PA LA SOGS PA'I MTSAN NYID DO ZHES BYA BA SMRAS TE, DON DAM PA ZHES BYA BA'I DON NI, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, RNAM RTOG 'OD DON THA DAD MIN, , @236B DE NI DE NYID MTSAN NYID DO, ,ZHES BYA BA YIN PAR BSTAN TO, ,DON DAM PA'I SGRA DANG MTSAN NYID NI DE LTA BU YIN NA, DE BDEN PA ZHES BYA BA'I SGRA DANG MTSAN NYID DANG, JI LTAR SBYAR ZHE NA, DE'I PHYIR, DON DAM PA NYID BDEN PA NYID YIN PAS, DON DAM PA'I BDEN PA TE, DUS THAMS CAD DANG RNAM PA THAMS CAD DU DE BZHIN DU GNAS PA'I PHYIR RO ZHES BYA BA SMRAS TE, 'DIR YANG KHYAD PAR GYI GZHIR BSDU BA BSTAN TO, ,RE ZHIG DE DAG GIS NI DON DAM PA BA'I BDEN PA'I MTSAN NYID BSTAN TO, ,DA NI BRDAR BTAGS PA'I DON DAM PA PA'I BDEN PA'I MTSAN NYID BSTAN PAR BYA STE, DE YANG RNAM PAR MI RTOG PA'I YE SHES DON DAM PA'I YUL CAN DANG, DE 'GOG PA'I BSTAN PA DANG SHES RAB LA NYE BAR GDAGS SO, ,DE LA RE ZHIG RNAM PAR MI RTOG PA'I YE SHES DON DAM PA'I YUL CAN BSTAN PA'I PHYIR, RNAM PAR MI RTOG PA'I YE SHES DE'I YUL CAN YANG YUL MED PA'I TSUL GYIS DON DAM PA STE, DE LA DON DAM PA YOD PA'I PHYIR RO ZHES BYA BA SMRAS TE, DES DON DAM PA'I SGRA 'BRAS BU MANG POR BSDU BA BSTAN TE, DPER NA GANG LA DBYUG PA KHRA BO YOD PA DE LA DBYUG PA KHRA BO CAN ZHES BYA BA DE BZHIN DU, RNAM PAR MI RTOG PA'I YE SHES GANG LA YUL DON DAM PAR YOD PA DE DE'I YUL CAN YIN PAS DE YANG DON DAM PA'O ZHES 'BRU MANG POR BSDU BA BSTAN TO, ,DE LA 'GOG PA'I BSTAN PA DANG, SHES RAB BSTAN PA'I PHYIR DE 'GOG PA DANG RJES SU MTHUN PA SKYE BA MED PA LA SOGS PA BSTAN PA DANG, THOS PA DANG, BSAMS PA DANG, BSGOMS PA LAS BYUNG BA'I SHES RAB KYANG DON DAM PA TE, DON DAM PA RTOGS PA'I THABS KYI PHYIR PHYIN CI MA LOG PA'I PHYIR RO ZHES BYA BA SMRAS TE, DES NI DON DAM PA'I SGRA YUL DANG YUL CAN DU 'DZIN PAR DE 'GOG PA DANG RJES SU MTHUN PA'I THABS YIN PAS THABS 'DIS THABS LAS BYUNG BA'I DON DAM PA YUL DANG YUL CAN MA YIN PA NYID RTOGS PAR BYED PA'I PHYIR BSTAN PA DANG, SHES RAB 'DI YANG DON DAM PA ZHES BYA BA NYE BAR GDAGS PAR BSTAN TE, DE DAG GIS NI BRDAR BTAGS PA'I DON DAM PA'I BDEN PA'I MTSAN NYID BSTAN TO, ,DA NI GANG DAG TSUL BZHIN MA YIN PA YID LA BYED PA'I LING TOG @237A *, ,CHEN POS BLO GROS KYI MIG YOGS PA STONG PA NYID KYI DGOS PA DANG, STONG PA NYID DANG, STONG PA NYID KYI DON MA RTOGS PAR NAM MKHA' LA KHU TSUR GYIS 'TSOG PA'I TSUL DU THEG PA CHEN PO LA GNOD PA BYED PA BDEN PA GNYIS KYI RNAM PAR DBYE BA RNAM PAR MI SHES PA DE DAG GIS SANGS RGYAS BCOM LDAN 'DAS KYI BSTAN PA ZAB MO'I DE NYID RNAM PAR MI SHES SO ZHES BSTAN PA'I PHYIR, GANG DAG BDEN PA DE NYID KYI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI, ,ZAB MO'I DE NYID RNAM MI SHES, ,ZHES BYA BA SMRAS SO, ,DE NYID BYE BRAG TU BSHAD PA BSTAN PA'I PHYIR, ,GANG DAG TSUL BZHIN MA YIN PA YID LA BYED PA'I LING TOG CHEN POS BLO GROS KYI MIG YOGS PA THA SNYAD DANG DON DAM PA'I BDEN PA DE GNYIS KYI RNAM PAR DBYE BA YUL GYI SBYOR BA'I MTSAN NYID KUN RDZOB KYI MTSAN NYID DMIGS PA ZHES BYA BA GANG YIN PA DE DON DAM PAR RNAM PAR BRTAG PAR MI BYA BA DANG, DON DAM PA'I MTSAN NYID DMIGS SU MED PA ZHES BYA BA GANG YIN PA DE YANG KUN RDZOB TU RNAM PAR BRTAG PAR MI BYA BA MA 'DRES BA RNAM PAR MI SHES PA DE DAG GIS NI SANGS RGYAS KYI BSTAN PA ZAB MO'I DE NYID RNAM PAR MI SHES SO ZHES BYA BA SMRAS SO, ,DE DAG SANGS RGYAS BSTAN PA NI,, ZAB MO DE NYID RNAM MI SHES, ,ZHES BYA BA'I SANGS RGYAS DANG BSTAN PA DANG, ZAB MO ZHES BYA BA'I SGRA BYE BRAG TU BSHAD PA BSTAN PA'I PHYIR, SANGS RGYAS KYI SGRA'I DON NI SNGA MA BZHIN NO, ,BSTAN PA ZHES BYA BA NI LHA DANG MI'I BDUD RTZI'I GO 'PHANG THOB PAR 'DOD PA RNAMS YONGS SU SHES PAR BYA BA DANG, SPANG BAR BYA BA DANG, MNGON SUM DU BYA BA DANG, BSGOM PAR BYA BA DAG LA PHYIN CI MA LOG PAR STON PA STE, BCOM LDAN 'DAS KYI GSUNG RAB CES BYA BA YIN NO, ,ZAB MO ZHES BYA BA NI DNGOS PO DANG, DNGOS PO MED PA LA SOGS PA MNGON PAR ZHEN PA'I BLO GROS CAN RNAMS KYIS GTING RTOGS PAR DKA' BA'I DON GYIS SO ZHES BYA BA SMRAS SO, ,DA NI GANG DAG TSUL BZHIN MA YIN PA YID LA BYED PA'I LING TOG CHEN POS BLO GROS KYI MIG YOGS PA STONG PA NYID KYI DGOS PA DANG, STONG PA NYID DANG STONG PA NYID KYI DON MA RTOGS PAR NAM MKHA' LA KHU TSUL GYIS 'CHOG PA'I TSUL DU THEG PA CHEN @237B PO LA GNOD PA BYED PA, BDEN PA GNYIS KYI RNAM PAR DBYE BA RNAM PAR MI SHES PA NA BCOM LDAN 'DAS KYIS DNGOS PO RNAMS SKYE BA DANG 'GAG PA MED PA RNAL 'BYOR BA'I YUL DU BSTAN PA NI THA SNYAD PAR RTOGS LA, TSOGS KYI LAM DANG MTHUN PAR DNGOS PO RNAMS KUN RDZOB TU SKYE BA LA SOGS PAR BSTAN PA NI DON DAM PAR YANG RNAM PA DE LTA BU YIN PAR RTOGS PA DE DAG SRID PA'I DGON PA LAS NAM YANG 'DA' BAR DKA' BA'I NYES DMIGS BSTAN PA'I PHYIR, GANG DAG BDE BAR GSHEGS PA'I TSUL MCHOG TU ZAB PA DE LEGS PAR MA RTOGS PA NA DNGOS PO RNAMS MA SKYES BA DANG, MA 'GAGS PA RNAL 'BYOR PA RNAM PAR MI RTOG PA'I SHES RAB KYI SPYOD PA DANG, CHOS KYI DE KHO NA PHYIN CI MA LOG PA'I YUL LA 'JUG PA'I YUL NYID DU YUL MED PA'I TSUL GYIS NYE BAR 'GYUR BA BSTAN PA NA THA SNYAD PA'I SKYE BA LA SOGS PA DANG LDAN PA YANG MED DO ZHES SKUR BA BTAB NAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES BYA BA LA SOGS PAR RNAM PAR RTOG PA DANG, KUN RDZOB TU TSUL KHRIMS YANG DAG PAR BLANG BA DANG, TING NGE 'DZIN BSGOM PA DANG RJES SU MTHUN PAR DNGOS PO RNAMS SKYE'O, ,GNAS SO, ,'GAG GO, , ZHES BSTAN PA NA, DON DAM PAR YANG RNAM PA DE LTA BU YIN NO ZHES BYA BAR RNAM PAR RTOG PA DE DAG NI SRID PA'I DGON PA LAS SHIN TU MI 'DA'O ZHES BYA BA SMRAS SO, ,GAL TE DON DAM PA'I BDEN PA BSTAN PA NYID KYIS THAR PA 'GRUB PA'I PHYIR BDEN PA GNYIS BSTAN PA CI DGOS SHE NA ZHES BYA BA NI PHA ROL PO DAG THEG PA CHEN PO DBU MA PAS BDEN PA GNYIS RNAM PAR GZHAG PA'I TSUL BSTAN PA'I DGOS PA 'DRI BA'I TSIG YIN NO, ,DE'I LAN DU 'DIR 'GREL PA BYED PA NYID KYIS, 'DI LTAR THA SNYAD LA NI MA BRTEN PAR, ,DAM PA'I DON NI BSTAN MI NUS, ,DON DAM PA DE NI DAG GI LAM DE THAMS CAD LAS YANG DAG PAR 'DAS PA'I PHYIR RO ZHES BYA BA SMRAS TE, DES NI KUN RDZOB KYI BDEN PA RNAM PAR GZHAG PA'I TSUL BSTAN PA'I DGOS PA BSTAN TO, ,DA NI DON DAM PA'I BDEN PA RNAM PAR GZHAG PA'I TSUL BSTAN PA'I DGOS PA BSTAN PA'I PHYIR, @238A *, ,GZHAN GYIS YONGS SU BRTAGS PA'I RNAM PAR RTOG PA MA LUS PAR BSAL BA MED PA'I YANG DON DAM PAR RTOG PA DANG LEGS PAR BRAL BA GZHAN LAS SHES PA MA YIN PA RTOGS PAR MI 'GYUR BAS DE'I PHYIR DON DAM PA YANG BSTAN TE, 'DI LTAR, DAM PA'I DON LA MA BRTEN PAR, ,MYA NGAN 'DAS PA 'THOB MI 'GYUR, ,ZHES BYA BA SMRAS SO, ,LAS DANG NYON MONGS PA DANG, SKYE BA NYE BAR ZHI BA'I MTSAN NYID DO ZHES BYA BAS NI MYA NGAN LAS 'DAS PA'I MTSAN NYID BSTAN TO, ,DA NI RANG GI SDE PA MI MKHAS PAR RLOM PA GANG DNGOS PO STONG PA NYID LA BLTA NYES PA DAG CHUD ZA BAR 'GYUR BA'I NYES DMIGS BSTAN PA'I PHYIR, MKHAS PAR RLOM PA GANG PHUNG PO RNAMS STONG PA NYID LAS DNGOS PO MED PAR LTA BA DANG, PHUNG PO RNAMS MI STONG PA NYID LAS DNGOS POR LTA BA DANG, BDAG GIS MTHONG BAR GYUR TO, ,MTHONG NGO, ,MTHONG BAR 'GYUR RO, ,PHUNG PO RNAMS STONG PA NYID DO, ,PHUNG PO RNAMS LAS STONG PA NYID GZHAN NO, ,STONG PA NYID LA PHUNG PO RNAMS YOD DO, ,PHUNG PO RNAMS LA STONG PA NYID YOD DO, ,STONG PA NYID PHUNG PO RNAMS DANG LDAN NO SNYAM DU SEMS PA DE LTAR TSUL BZHIN MA YIN PAR LTA BA MNGON PA'I NGA RGYAL CAN DE NI, STONG PA NYID LA LTA NYES NA, ,SHES RAB CHUNG LDAN PHUNG BAR BYED, ,RNAM PAR MI RTOG PA'I SHES RAB KYIS SROG GI BAR CHAD BYED PA'I PHYIR PHUNG BAR BYED DO, ,BLTA NYES ZHES BYA BA NI LOG PAR MTHONG BA STE, DNGOS PO DANG DNGOS PO MED PA LA SOGS PA'I TSUL DU MTHONG BA'O ZHES BYA BA SMRAS SO, ,DE NYID DPES BSTAN PA'I PHYIR, JI LTAR PHUNG BAR BYED CE NA, JI LTAR SBRUL LA BZUNG NYES DANG, ,RIG SNGAGS NYES PAR BSGRUBS PA BZHIN, ,SBRUL RGOD DE KHROG TU MCHE BA DUG DRAG PO GZUNG NYES NA 'DZIN PAR BYED PA NYID PHUNG BAR BYED PA DANG, NAM MKHA' AANDA RNYIL LTAR SNGO LA 'PHAGS TE, RANG GI RGYAN GYI NOR BU'I 'OD ZER DAG GIS BAR SNANG BRGYAN PAR BYA'O SNYAM DU YID LA BSAM PA BYAS PAS RIG SNGAGS NYES PAR BSGRUBS NA SGRUB PA PO NYID CHO GA NYAMS PAS PHUNG BAR BYED PA LTAR RO ZHES BYA BA SMRAS SO, ,DA NI SNOD DU MA GYUR PA LA THEG PA CHEN PO 'DI RANG BZHIN GYIS GSANG @238B BAS RANG GI SDE PA NYON MONGS PA DE DAG GIS 'DI MI SHES PAR BSTAN PA'I PHYIR, GANG GI PHYIR DE LTAR STONG PA NYID SHES PAR DKA' ZHING GNOD PA BYED PAR, DE PHYIR ZHAN PAS CHOS 'DI YI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR PA YIN, ,SHES RAB ZHAN PA RNAMS KYIS CHOS 'DI'I GTING RTOGS PAR DKA' BAR MKHYEN PAR GYUR NAS THUB PA BYANG CHUB MNGON PAR SANGS RGYAS PA'I THUGS CHOS BSTAN PAR MDZAD PA LAS SLAR LOG PAR GYUR TO ZHES BYA BA SMRAS TE, TSANGS PAS MA BSKUL GYI BAR DU CHOS KYI 'KHOR LO BSKOR BAR MI MDZAD PA LTA BU'O, ,DA NI RANG GI SDE PA DAG STONG PA NYID KYI DON MI SHES PAR DBU MA PA LA SKYON 'DI 'DOGS PA SKYON DE DAG DBU MA PA'I STONG PA NYID LA MI 'THAD PAR BSTAN PA'I PHYIR, KHYOD NI NGA LA STONG PA NYID, ,SKYON DU THAL BAR 'GYUR BA YIS, ,SPONG BAR BYED PA GANG YIN PA, ,DE NI STONG LA MI 'THAD DO, ,KHYOD KHO BO LA STONG PA NYID, ,GAL TE 'DI DAG KUN STONG NA, ,'BYUNG BA MED CING 'JIG PA MED, ,CES BYA BA NAS, DE SKAD SMRA NA DKON PA'I MCHOG ,GSUM LA GNOD PA BYED PA YIN, ,ZHES BYA BA'I BAR GYIS SKYON DU THAL BAR 'GYUR BA DAG GIS SPONG BAR BYED PA GANG YIN PA DE NI STONG PA NYID LA MI 'THAD DE, DON DAM PAR NI DNGOS PO MED PA'I NGO BO NYID KYIS KYANG STONG PA'I PHYIR KHO BO DNGOS PO MED PA YANG STONG PAR MI BYED PA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID KYI 'THAD PA BSTAN PA'I PHYIR, GZHAN GYIS YONGS SU BRTAGS PA'I MI STONG PA NYID DGAG PAS, DNGOS PO RNAMS STONG NGO ZHES SMRAS TE, DNGOS PO YOD PA LA SOGS PA'I NGO BO NYID STONG PA'I PHYIR RO, ,STONG PA NYID DU BSGRUB PA YANG MA YIN TE, STONG PA NYID DU RNAM PAR RTOG PA YANG STONG PAR 'DOD PA'I PHYIR RO ZHES BYA BA SMRAS TE, JI SKAD DU, 'DI NI YOD NYID 'GOG PA STE, ,MED NYID YONGS SU 'DZIN MA YIN, ,ZHES GSUNGS PA'I TSUL GYIS, KHO BO MED PAR DGAG PA STON GYI, MA YIN PA DGAG PA MI STON PA'I PHYIR RO, ,DE NYID KYI KHUNGS BSTAN PA'I PHYIR, MDO SDE @239A *, ,LAS KYANG JI SKAD DU, 'OD SRUNGS BDAG TU LTA BA RI RAB TZAM NI BLA'I MNGON PA'I NGA RGYAL CAN GYI STONG PA NYID DU LTA BA NI MI RUNG NGO ZHES BYA BA SMRAS TE, 'PHAGS PA DKON MCHOG BRTZEGS PA'I MDO LAS DE SKAD GSUNGS SO, ,DE BZHIN DU 'PHAGS PA STUG PO BKOD PA'I MDO LAS KYANG, ,GAL TE DNGOS PO STONG GYUR NA, ,GZHIG BYAR 'GYUR GYI 'JIG PA MIN, ,RI RAB TZAM GYIS GANG ZAG DANG, ,BDAG TU LTA BA GNOD MI 'GYUR, ,ZHES KYANG GSUNGS SO, ,DE BZHIN DU GZUGS STONG ZHES BYA BAR MI MTHONG, ,MI STONG ZHES BYA BAR YANG MI MTHONG NGO ZHES BYA BA LA SOGS PA GSUNGS PA LTA BU'O ZHES BYA BA NI SHES RAB KYI PHA ROL TU PHYIN PA LAS DE SKAD GSUNGS TE, DE'I PHYIR STONG PA NYID DANG, DNGOS POR MNGON PAR ZHEN PAR BYAR MI RUNG NGO, ,DA NI DBU MA PA DNGOS PO RNAMS NGO BO NYID STONG PA NYID DU SMRA BA LA 'PHAGS PA'I BDEN PA BZHI DANG, DKON MCHOG GSUM LA SOGS PA THA SNYAD THAMS CAD 'THAD PAR BSTAN PA'I PHYIR, GZHAN YANG, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,THAMS CAD CES BYA BA NI SKYE BA LA SOGS PA'O ZHES BYA BA SMRAS TE, STZOGS PA'I SGRAS NI BDEN PA BZHI DANG, DGE SBYONG GI 'BRAS BU BZHI DANG, 'BRAS BU LA GNAS PA BZHI DANG, ZHUGS PA BZHI DANG, DKON MCHOG GSUM DANG, 'JIG RTEN PA'I 'BRAS BU YOD PA DANG, CHOS DANG, CHOS MA YIN PA DANG, THA SNYAD THAMS CAD BSDU'O, ,DE DAG JI LTAR RUNG BAR 'GYUR BA BSTAN PA'I PHYIR, JI LTAR RUNG BAR 'GYUR ZHE NA, MIG LA SOGS PA SGYU MA'I SKYES BU LA SKYES BU'I NGO BO NYID STONG PA BZHIN DU YOD PA DANG, MED PA LA SOGS PA'I NGO BO NYID STONG YANG, RGYEN GYI TSOGS PA MTHA' DAG YOD NA 'BYUNG BAR 'GYUR BA NI SKYE BA STE, DE NI SDUG BSNGAL LO, ,DE SDUG BSNGAL BA LA SOGS PA, SDUG BSNGAL BA DANG, MI RTAG PA DANG, STONG PA DANG, BDAG MED PA'I RNAM PA DAG GIS MTHONG BA GANG YIN PA DE NI SDUG BSNGAL GYI BDEN PA'O, ,SDUG BSNGAL GYI RGYU NI SDUG BSNGAL KUN 'BYUNG BA STE, DE LA KUN 'BYUNG BA'I PHYIR RO, ,DE KUN 'BYUNG BA LA SOGS PA KUN 'BYUNG BA DANG, RAB TU @239B SKYE BA DANG, RGYU DANG RKYEN GYI RNAM PA DAG GIS MTHONG BA GANG YIN PA DE NI KUN 'BYUNG GI BDEN PA'O, ,SDUG BSNGAL GYI RGYU 'GOG PA NI 'GOG PA STE, DE 'GOG PA LA SOGS PA, 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PA DAG GIS MTHONG BA GANG YIN PA DE NI 'GOG PA'I BDEN PA'O, ,SDUG BSNGAL GYI RGYU 'GOG PA, 'THOB PA'I THABS NI LAM STE, DE LAM LA SOGS PA LAM DANG RIGS PA DANG, SGRUB PA DANG, NGES PAR 'BYIN PA'I RNAM PA DAG GIS MTHONG BA GANG YIN PA DE NI DE'I LAM GYI BDEN PA'O, ,DE'I PHYIR DE LTAR 'PHAGS PA'I BDEN PA BZHI YOD NA CHOS KYANG 'GRUB LA, RANG BYUNG GI YE SHES KYIS DE RNAMS THAMS CAD DU THUGS SU CHUD PA'I PHYIR NYAN THOS LA BSTAN PA DANG RJES SU MTHUN PAS SANGS RGYAS KYANG 'GRUB STE ZHES BYA BA SMRAS SO, ,DE NYID KYI KHUNGS NYAN THOS LA GRAGS PA BSTAN PA'I PHYIR, JI SKAD DU DGE SLONG DAG NGAS SNGON 'DI NI SDUG BSNGAL LO ZHES RJES SU MA THOS PA DAG NI MIG DANG, SHES PA DANG, SHES RAB DANG, BLO SKYES SO ZHES GSUNGS PA LTA BU'O ZHES BYA BA SMRAS TE, BDEN PA BZHI CHAR LA YANG DE BZHIN DU CI RIGS PAR SBYAR RO, ,DA NI THEG PA CHEN PO'I TSUL GYIS BDEN PA BZHI LA SOGS PA JI LTAR RUNG BAR 'GYUR BA BSTAN PA'I PHYIR, DE BZHIN DU DON DAM PAR DNGOS PO SGYU MA LTA BU'I NGO BO NYID DAG SKYE BA MED PA LA SOGS PAR MTHONG BA NI 'PHAGS PA'I BDEN PA MTHONG BA YIN TE ZHES BYA BA SMRAS SO, ,DE NYID KYI KHUNGS THEG PA CHEN PO LAS GRAGS PA BSTAN PA'I PHYIR, JI SKAD DU 'JAM DPAL GANG GIS CHOS THAMS CAD SKYE BA MED PAR MTHONG BA DES SDUG BSNGAL YONGS SU SHES SO, ,GANG GIS CHOS THAMS CAD MI GNAS PAR MTHONG BA DES KUN 'BYUNG SPANGS SO, ,GANG GIS CHOS THAMS CAD GTAN DU MYA NGAN LAS 'DAS PAR MTHONG BA DES 'GOG PA MNGON SUM DU BYAS SO, ,'JAM DPAL GANG GIS CHOS THAMS CAD BSGOM DU MED PAR MTHONG BA DES LAM BSGOMS SO ZHES GSUNGS PA LTA BU STE ZHES BYA BA SMRAS TE, 'PHAGS PA YE SHES GSANGS BA BSGOM DU BCUG PA'I MDO LAS DE SKAD GSUNGS SO, ,THEG PA CHEN PO'I TSUL GYIS KYANG 'PHAGS PA'I BDEN PA GRUB NA, CHOS DANG @240A *, ,SANGS RGYAS THAMS CAD KYANG 'GRUB PAS THAMS CAD RUNG BAR 'GYUR RO ZHES BYA BA NI MJUG BSDU BA YIN NO, ,DA NI RANG GI SDE PA LA SOGS PA STONG PA NYID MA YIN PAR SMAR BA GANG DAG DNGOS PO DANG DNGOS PO MED PA'I MTHAR LHUNG BA DAG LA 'PHAGS PA'I BDEN PA LA SOGS PA THAMS CAD MI RUNG BAR BSTAN PA'I PHYIR, STONG PA NYID MA YIN PAR SMRA BA, GANG LA STONG NYID MI RUNG BA, ,DE LA THAMS CAD MI RUNG 'GYUR, ,GANG STONG PA NYID MA YIN PAR SMRA BA LA JI SKAD BSTAN PA THAMS CAD MI RUNG BAR 'GYUR RO ZHES BYA BA SMRAS SO, ,DA NI RANG GI SDE PA DNGOS PO RNAMS NGO BO NYID MED PA NYID DU MI 'DOD PA RNAMS LA 'PHAGS PA'I BDEN PA LA SOGS PA THAMS CAD MI RUNG BAR 'GYUR BA'I SKYON RANG LA YOD PA RNAMS DBU MA PA LA YONGS SU SGYUR BAR BYED PA MI RIGS PA'I TSUL BSTAN PA'I PHYIR, KHYOD NYID RANG GI SKYON RNAMS NI, ,NGA LA YONGS SU SGYUR BYED PA,, RTA LA MNGON PAR ZHON BZHIN DU, ,RTA NYID BRJED PAR GYUR PA BZHIN, ,KHYOD NYID RANG GI SKYON GANG DAG YIN PA DE DAG KHO BO LA YONGS SU SGYUR BAR BYED PA NI DPER NA RTA LA MNGON PAR ZHON BZHIN DU RTA DE NYID BRJED PAR GYUR PA BZHIN NO ZHES BYA BA SMRAS SO, ,DA NI GANG LA STONG NYID MI RUNG BA, ,DE LA THAMS CAD MI RUNG 'GYUR, ,ZHES BYA BA DE NYID KYI 'THAD PA BSTAN PA'I PHYIR, JI LTAR STONG PA NYID MI 'DOD PA LA THAMS CAD MI 'THAD PA DE LTAR 'DI BSHAD PAR BYA STE, GAL TE DNGOS RNAMS DNGOS NYID LAS, ,YOD PAR RJES SU LTA BYED NA, ,DE LTA YIN NA DNGOS PO RNAMS, ,RGYU RKYEN MED PAR KHYED LA'O, ,NGO BO NYID LAS YOD PA NI RGYU DANG RKYEN LA MI LTOS PA'I PHYIR RO ZHES BYA BAR DGONGS SO ZHES BYA BA SMRAS SO, ,RGYU DANG RKYEN MED PAR LTA BA DE'I TSUL BSTAN PA'I PHYIR, 'BRAS BU DANG NI RGYU NYID DANG, ,BYED PA PO DANG BYED DANG BYA, ,SKYE BA DANG NI 'GAG PA DANG, ,'BRAS BU LA YANG GNOD PA BYED, ,RGYU DANG RKYEN LA MA LTOS PAR 'BRAS BU LA SOGS PA MI 'GRUB PA'I PHYIR RO ZHES BYA BA SMRAS SO, ,DA NI PHA ROL PO DAG STONG PA NYID KYI DON YONGS SU BRTAGS NAS, STONG PA NYID DES SKRAG STE, DE MI RUNG NGO ZHES SKYON 'DOGS SHING SPONG BAR BYED PA'I STONG PA NYID DE GANG @240B YIN PA DE BRTAG PA'I PHYIR, KHYOD RE ZHIG STONG PA NYID KYI DON YONGS SU BRTAGS NAS, BYIS PA GNOD SBYIN GYI GZUGS 'JIGS SU RUNG BA MNGON PAR BRIS NAS SKRAG STE, 'JIGS PA'I SGRA 'BYIN PAR BYED PA LTA BU DE GANG YIN ZHES BYA BA SMRAS SO, ,STONG PA NYID DE'I DON RTEN CING 'BREL BAR 'BYUNG BA NGO BO NYID MED CING STONG PA SGYU MA LTA BU LA BYA GRANG NA, DE LTA NA, DE LA SKRAG PAR MI BYA'O, ,ZHES BSTAN PA'I PHYIR, GAL TE DE'I DON GZUGS DNGOS PO MED CING STONG PA SGYU MA'I NGO BO NYID LTA BU YIN NA NI SKRAG PA THONG SHIG CES BYA BA SMRAS SO, ,DE LA JI LTAR SKRAG PAR MI BYA ZHE NA, RTEN CING 'BREL PAR 'BYUNG BA GANG YIN PA DE NI NGO BO NYID STONG PA YIN PAS, DE SKRAG PA'I GNAS MA YIN PAR BSTAN PA'I PHYIR, 'DI LTAR, RTEN CING 'BREL 'BYUNG GANG YIN PA, ,DE NYID STONG PA NYID DU BSHAD, ,MIG DANG MYU GU LA SOGS PA, ,DNGOS PO RGYU DANG SA BON LA SOGS PA RKYEN RNAMS LA RNAG GI DNGOS PO YOD PA DANG MED PA DANG, GZHAN DANG GZHAN MA YIN PA DANG, GNYIS KAR YOD PA MA YIN PA NI DON DAM PAR RKYEN RNAMS LAS RTEN CING 'BREL PAR NGO BO NYID KYIS 'BYUNG BA MED CES BYA BA SMRAS TE, RTEN CING 'BREL PAR 'BYUNG BA GANG YIN PA DE NI KUN RDZOB TU RGYU DANG RKYEN RNAMS LA BRTEN NAS; SGYU MA'I MTSAN NYID TZAM DU 'BYUNG BAS NGO BO NYID MED PA'I PHYIR RGYU DANG RKYEN RNAMS LA 'BYUNG BA YANG MED PA DE NI SKRAG PA'I GNAS MA YIN TE, JI SKAD DU, 'GRO BA GNAS MA YIN LA SKRAG PA GDUNG BYED PA, ,RIGS MED GROGS NGAN DGE SNGON MA BSTZAGS BLO MA SBYANGS, ,BSOD NAMS MA YIN PHUNG PO CHER 'PHEL YUN RING DU, ,CHOS 'DI LA NI SKRAG 'GYUR DON CHEN 'DI LAS LTUNG ZHES BSHAD PA LTA BU'O, ,MIG LA SOGS PA'I SKYE BA NI THA SNYAD KYI BDEN PA LA BRTEN PA YIN NO ZHES BYA BA NI KUN RDZOB TU SGYU MA'I MTSAN NYID TZAM DU SKYE BA'I TSUL BSTAN TE, ,DE YANG SKRAG PA'I GNAS MA YIN NO, ,DE STONG PA NYID DU BSHAD PA NI NGO BO NYID SDANG BRAL PA'I PHYIR TE ZHES BYA BAS NI, RTEN CING 'BREL 'BYUNG GANG YIN PA, ,DE NI STONG PA NYID DU BSHAD, ,CES BYA BAS RTEN CING 'BREL BAR 'BYUNG BA BDEN PA GNYIS KYI TSUL DU RNAM PAR GZHAG PA GANG YIN PA DE STONG PA NYID DU BSHAD @241A *, ,PA NI RKYEN GZHAN LA BRTEN TE BYUNG BAS BDEN PA GNYI GA'I TSUL DU YANG NGO BO NYID DANG BRAL BA'I PHYIR NGO BO NYID STONG PA NYID YIN NO ZHES BYA BA'I THA TSIG GO, ,DE NYID KYI KHUNGS BSTAN PA'I PHYIR, 'PHAGS PA KLU'I RGYAL PO MA DROS PAS ZHUS PA'I MDO LAS, JI SKAD DU, GANG ZHIG RKYEN LAS SKYE BA DE MA SKYES, ,DE LA NGO BO NYID KYIS SKYE BA MED, ,GANG ZHIG RKYEN LA LTOS PA DE STONG GSUM, ,GANG GIS STONG NYID SHES DE BAG YOD YIN, ,ZHES GSUNGS PA DANG, DE BZHIN DU 'PHAGS PA LANG KAR GSHEGS PA'I MDO LAS, BLO GROS CHEN PO NGO BO NYID KYIS SKYE BA MED PA LA DGONGS NAS CHOS THAMS CAD STONG PAR BSHAD DO ZHES GSUNGS PA LTA BU'O ZHES BYA BA SMRAS SO, ,RTEN CING 'BREL 'BYUNG GANG YIN PA, ,DE NI STONG PA NYID DU BSHAD, ,CES BYA BA DE NYID KUN RDZOB TU NYE BAR LEN PA DAG LA BRTEN NAS GDAGS PAR BYA BA DANG, DE NYID KYI BDEN PA GNYIS GANG NGO BO NYID MED PAS DBU MA'I LAM YIN PAR BSTAN PA'I PHYIR, DE NI BRTEN NAS GDAGS PA STE, ,DE NI DBU MA'I LAM YIN NO, ,ZHES BYA BA SMRAS SO, ,BRTEN NAS GDAGS PA'I TSUL BSTAN PA'I PHYIR, RTEN CING 'BREL PAR 'BYUNG BA ZHES BYA BA STONG PA NYID GANG YIN PA DE NI BRTEN NAS GDAGS PA STE ZHES BYA BA SMRAS SO, ,BRTEN NAS GDAGS PA DE YANG KUN RDZOB TU 'JIG RTEN PA DANG, 'JIG RTEN LAS 'DAS PA'I THA SNYAD 'DOGS PAS RANG RANG GI NYE BAR LEN PA DAG LA BRTEN NAS GDAGS PA YIN PAS NGO BO NYID MED PAR BSTAN PA'I PHYIR, 'JIG RTEN PA DANG 'JIG RTEN LAS 'DAS PA'I THA SNYAD 'DOD PAS NYE BAR LEN PA DAG LA BRTEN NAS GDAGS PA YIN NO ZHES BYA BA SMRAS TE, DNGOS PO GANG DAG BRTEN NAS GDAGS PAR BYA BA MIG DANG, MYU GU DANG, BUM PA DANG, SNAM BU DANG, SO SO'I SKYE BO DANG, NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA LA SOGS PA DE DAG NI SO SO'I NYE BAR LEN PA'I RGYU DANG RKYEN MIG NI MER MER PO LA SOGS PA DAG LA BRTEN NAS GDAGS, MYU GU NI SA BON LA SOGS PA, BUM PA NI 'JIM PA LA SOGS PA, SNAM BU NI RGYU SPUN LA SOGS PA, SO SO'I SKYE BO NI @241B LAS DANG NYON MONGS PA LA SOGS PA, NYAN THOS DANG, RANG SANGS RGYAS NI TSOGS KYI LAM DANG, NYON MONGS PA'I SGRIB PA SPONG BA LA SOGS PA BYANG CHUB SEMS DPA' DANG, DE BZHIN GSHEGS PA NI SA DANG PHA ROL TU PHYIN PA DANG, STOBS DANG MI 'JIGS PA DANG, MA 'DRES PA LA SOGS PA DAG LA BRTEN NAS GDAGS PA YIN PAS 'JIG RTEN PA'I MIG DANG, MYU GU DANG, BUM PA DANG, SNAM BU DANG, SO SO'I SKYE BO LA SOGS PA DAG KYANG NGO BO NYID MED PAS STONG PA NYID DU BSHAD LA, 'JIG RTEN LAS 'DAS PA NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA LA SOGS PA BDEN PA GZIGS PA RNAMS KYANG NGO BO NYID MED PAS STONG PA NYID DU BSHAD DO, ,DON DAM PAR NI DE DAG RKYEN RNAMS LAS KYANG RNAM PA THAMS CAD DU SKYE BA MED PA'I PHYIR, NGO BO NYID MED PAS STONG PA NYID DU BSHAD DO, ,DE NYID DBU MA'I LAM YIN PA'I TSUL BSTAN PA'I PHYIR, DE NYID DBU MA'I LAM YIN TE, DBU MA NI SKYE BA DANG, SKYE BA MED PA DANG, YOD PA DANG, MED PA'I MTHA' GNYIS SPANGS PA'I PHYIR, 'DI LTA STE, SKYES PA YANG MA YIN, MA SKYES PA YANG MA YIN, YOD PA YANG MA YIN, MED PA YANG MA YIN, RTAG PA YANG MA YIN, MI RTAG PA YANG MA YIN, STONG PA YANG MA YIN, MI STONG PA YANG MA YIN PAS, DE'I PHYIR SHES RAB KYI PHA ROL TU PHYIN PA LAS 'DI SKAD DU, DBU MA'I LAM BSGOM PA NI MIG DNGOS PO YOD CES BYA BAR YONGS SU MI RTOG ,MIG DNGOS PO MED CES BYA BAR YONGS SU MI RTOG GO ZHES BYA BA LA SOGS PA GSUNGS PA DANG, 'PHAGS PA DKON MCHOG BRTZEGS PA'I MDO LAS, 'OD SRUNGS YOD CES BYA BA 'DI NI MTHA' GCIG GO, ,MED CES BYA BA 'DI NI MTHA' GNYIS SO, ,MTHA' DE GNYIS KYI BAR GANG YIN PA DE NI GZUGS CAN MA YIN PA, BSTAN DU MED PA, THOGS PA MED PA, MI GNAS PA, SNANG BA MA YIN PA, RNAM PAR RIG PA MA YIN PA GNAS MED PA'O ZHES GSUNGS PA DE DAG GRUB PO, ,LAM NI THOB PA'I THABS SHES PA'I THA TSIG GO ZHES BYA BA SMRAS TE, RTEN CING 'BREL BAR 'BYUNG BA ZHES BYA BA STONG PA NYID GANG YIN PA BRTEN NAS @242A *, ,GDAGS PAR BYA BA DE NYID DBU MA'I LAM STE, THA SNYAD DU YANG, GANG LAS BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA'ANG MA YIN PHYIR, ,DE PHYIR CHAD MIN RTAG MA YIN, ,ZHES BYA BA'I TSUL GYIS DBU MA'I LAM YIN LA, DON DAM PAR YANG, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,ZHES BYA BA'I TSUL GYIS DBU MA'I LAM YIN NO, ,JI STE 'DI SNYAM DU KHO BO YANG SMRAS TE, RGYU DANG RKYEN SO SOR NGES PA'I DBANG GIS, ,RTEN CING 'BREL 'BYUNG GANG YIN PA, , DE NI STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,ZHES BYA BA NI DNGOS PO BDAG NYID GANG GIS SNGON MA BYUNG BA LAS 'BYUNG BA DE NI DNGOS PO'I NGO BO NYID YIN LA, DE RI BONG GI RVA BZHIN DU YOD PA YANG MA YIN, MED PA YANG MA YIN PA, RANG GI BDAG NYID KYIS SKYE BA GANG YIN PA DE NI MTHA' GNYIS SPANGS PAS DBU MA'I LAM YIN NO SNYAM NA ZHES BYA BA NI PHA ROL PO DAG SLOB DPON GYIS MDZAD PA'I TSIG LE'UR BYAS PA 'DI'I DON DNGOS PO NGO BO NYID MED PA NYID MA YIN GYI SNGON MA BYUNG BA LAS 'BYUNG ZHING MTHA' GNYIS SU BRJOD PAR MI BYA BAS STONG PA NYID KYANG YIN LA; RANG GI BDAG NYID KYIS SKYE BA YANG YOD PAS, NGO BO NYID YOD PA DE DBU MA'I LAM YIN NO SNYAM DU SEMS PA'I BSAM PA YIN NO, ,DE DGAG PA'I PHYIR 'DIR 'GREL PA BYED PA NYID KYIS, DE LA 'DI LTAR STONG PA NYID 'GRUB PAR MI 'GYUR TE, TSIGS SU BCAD PA 'DI NI RNAM PAR RTOG PA'I DRI MA 'KHRU BAR BYED PA YIN NA, GAL TE KHYOD RNAM PAR RTOG PA'I DRI MA'I 'DAM RDZAB KYIS SBAGS PA'I PHYIR SBYOR BAR BYED NA SBYOR BA LA RAG LAS TE, 'DI LTAR GTZUG GI NOR BU RKANG PA'I RGYAN DU 'DOGS PAR BYED NA MI 'KHAD MOD KYI, 'ON KYANG 'DOGS PAR BYED PA DE GNAS MA YIN PAR 'DOGS PAR BYED DO ZHES MKHAS PA RNAMS KYIS KHREL BAR 'GYUR BA DE BZHIN DU KHYOD DE SKAD SMRA BAS KYANG TSIGS SU BCAD PA 'DI LA NI GNOD PA MED MOD KYI 'ON KYANG KHYOD KYI 'DOD PA'I DON 'GRUB PAR MI 'GYUR TE, RTEN CING 'BREL BAR 'BYUNG BA NI NGO BO NYID YOD PA NYID MED NA MI 'BYUNG BA YIN PAR MI 'GRUB PA'I PHYIR RO ZHES BYA @242B BA SMRAS TE, RTEN CING 'BREL BAR 'BYUNG BA NI NGO BO NYID YOD PA DANG 'BREL PAR MI 'GRUB PA'I PHYIR SLOB DPON GYI ZHAL SNGA NAS KYIS MDZAD PA'I TSIG LE'UR BYAS PA 'DI'I DON LOG PAR MA 'DREN CIG CES BSTAN TO, ,DE NYID BSTAN PA'I PHYIR BSHAD PA, GANG PHYIR RTEN 'BYUNG MA YIN PA'I, , CHOS 'GA' YOD PA MA YIN PA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ,RTEN CING 'BREL BAR 'BYUNG BA NI SGYU MA'I SKYES BU BZHIN DU NGO BO NYID MED PA'I PHYIR RO ZHES BYA BAR DGONGS SO ZHES BYA BA SMRAS TE, NANG DANG PHYI ROL DANG, 'JIG RTEN PA DANG 'JIG RTEN LAS 'DAS PA'I CHOS THAMS CAD NI NGO BO NYID MED DE, RTEN CING 'BREL BAR 'BYUNG BA'I PHYIR DPER NA SGYU MA'I SKYES BU BZHIN NO ZHES BYA BAR DGONGS SO, ,GAL TE NAM MKHA' LA SOGS PA LA RTEN CING 'BREL BAR 'BYUNG BA MA YIN PA DAG LA RTEN CING 'BREL BAR 'BYUNG BA MED PA'I PHYIR GTAN TSIGS 'THUN PA'I PHYOGS KYI PHYOGS GCIG LA MA GRUB PA NYID KYI SKYON YOD DO ZHE NA ZHES BYA BA NI PHA ROL PO DAG NA RE DBU MA PAS, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES BYA BAS RTEN CING 'BREL BAR 'BYUNG BA NI SGYU MA'I SKYES BU BZHIN DU NGO BO NYID MED PA'I PHYIR RO ZHES BSHAD PA'I GTAN TSIGS RTEN CING 'BREL PAR 'BYUNG BA ZHES BYA BA DE MA KHYAB PA YIN TE, 'DI NA NAM MKHA' LA SOGS PA RTEN CING 'BREL BAR 'BYUNG BA MA YIN PA DAG LA RTEN CING 'BREL PAR 'BYUNG BA MED PA'I PHYIR KHYOD KYI GTAN TSIGS RTEN CING 'BREL BAR 'BYUNG BA ZHES BYA BA DE GZUGS LA SOGS PA'I MTHUN PA'I PHYOGS NAM MKHA' LA SOGS PA'I PHYOGS GCIG LA MA GRUB PA NYID KYI SKYON YOD PAS MI RUNG NGO ZHES ZER BA'I TSIG YIN NO, ,DE'I LAN DU 'DIR 'GREL PA BYED PA NYID KYIS, DE NI LAN BTAB ZIN PA'I PHYIR KLAN KAR MI RUNG NGO ZHES BYA BA SMRAS TE, MTHUN PA'I PHYOGS LA MA KHYAB KYANG GTAN TSIGS SU RUNG BA DPER NA SGRA NI MI RTAG STE, BRTZAL MA THAG TU 'BYUNG BA'I PHYIR RO ZHES BYA BA DE, GLOG DANG NAGS KYI ME TOG DAG LA MA KHYAB KYANG SGRA MI RTAG PA'I GTAN TSIGS SU RUNG BAS SKYON MED DO ZHES LAN BTAB ZIN PA'I PHYIR KLAN KAR MI RUNG NGO, ,DE'I PHYIR DON DAM PAR DNGOS @243A *, ,PO RNAMS NGO BO NYID YOD PA KHO NA YIN TE, 'BYUNG BA DANG 'JIG PA'I CHOS CAN YIN PA'I PHYIR RO ZHES GANG SMRAS PA'I GTAN TSIGS DE'I RJES SU 'GRO BA YANG MED LA MI MTHUN PA'I PHYOGS 'BA' ZHIG LA MTHONG BA'I PHYIR DON 'GAL BA NYID KYANG YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, PHA ROL POS SMRAS PA'I GTAN TSIGS DE LA DON DAM PAR DPE MED PAS MA GRUB PA NYID YIN LA, KUN RDZOB TU DON DAM PA'I MI MTHUN PA'I PHYOGS 'BA' ZHIG LA MTHONG BA'I PHYIR DON 'GAL BA NYID KYANG YIN PAS DNGOS PO RNAMS NGO BO NYID YOD PA NYID DU MA GRUB BO,, DA NI DE LTAR RJES SU DPAG PAS DON DAM PAR DNGOS PO RNAMS NGO BO NYID MED PA NYID BSTAN DU ZIN KYANG RANG GI SDE PA DAG GIS DE MA BZOD CING DNGOS POR LTA NA, DE DAG LA GSOR MI RUNG BA'I GNOD PA CHEN PO 'DI LTA BU DAG 'BYUNG BAR 'GYUR RO ZHES SNGAR PHA ROL POS DBU MA PA LA TSUR SKYON BTAGS PA DE DAG THAMS CAD SKYED DANG BCAS TE PHYIR DBUL BA BSTAN PA'I PHYIR, JI STE RJES SU DPAG PAS BSTAN DU ZIN KYANG RJES SU DPAG PA'I MTHUS DNGOS PO RNAMS NGO BO NYID MED PA NYID DU MI BZOD NA, DE LTA NA KHYOD LA GSOR MI RUNG BA'I GNOD PA CHEN PO 'DI LTA BU DAG 'BYUNG BAR 'GYUR TE, JI LTAR ZHE NA; GAL TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES BYA BA SMRAS TE, RE ZHIG DE NYID BDEN PA BZHI PO RNAMS MED PA'I SKYON DU 'GYUR BA SPYIR BSTAN TO, ,DA NI SDUG BSNGAL GYI BDEN PA MED PA'I SKYON DU 'GYUR BAR BSTAN PA'I PHYIR JI LTAR ZHE NA, GAL TE SDUG BSNGAL MI STONG BAR GYUR NA, DNGOS PO'I MTSAN NYID NI BYAS PA MA YIN PA'I PHYIR DE RTEN CING 'BREL BAR 'BYUNG BA MA YIN PAR 'GYUR TE, GANG DE LTA BUR GYUR PA DE NI THA SNYAD DU YANG YOD PAR SHES PAR MI NUS NA DON DAM PAR LTA SMOS KYANG CI DGOS TE, DE'I PHYIR BSHAD PA, RTEN CING 'BREL 'BYUNG MA YIN NA, ,SDUG BSNGAL YOD PAR GA LA 'GYUR, ,RTEN CING 'BREL PAR 'BYUNG BA MA YIN PA LA MI RTAG PA NYID MED PAS SDUG BSNGAL NYID DU MI 'THAD PA'I PHYIR RO ZHES BYA BAR DGONGS SO, ,DE NYID @243B KYI PHYIR BSHAD PA, MI RTAG SDUG BSNGAL GSUNGS PA DE, ,NGO BO NYID LA YOD MA YIN, ,MDO SDE LAS GANG MI RTAG PA DE SDUG BSNGAL LO ZHES GSUNGS PA DE NGO BO NYID YOD PA LA MED PAR 'GYUR RO ZHES BYA BA SMRAS SO, ,KUN 'BYUNG GI BDEN PA MED PA'I SKYON DU 'GYUR BAR BSTAN PA'I PHYIR, GANG GI TSE DE LTAR SDUG BSNGAL NGO BO NYID LAS YOD PA YIN PA DE'I TSE, NGO BO NYID LAS YOD MIN NA, ,JI ZHIG KUN DU 'BYUNG BAR 'GYUR, ,KUN 'BYUNG BAR MI 'GYUR BA NYID DO ZHES BYA BA'I TSIG GI DON TE, DPER NA JI 'PHAGS PA RDZUN GSUNG BAR 'GYUR RAM ZHES BYA BA BZHIN NO, ,DE PHYIR STONG NYID GNOD BYED LA, ,KUN 'BYUNG YOD PA MA YIN NO, ,NGO BO NYID YOD PA NI RGYU LA MI LTOS PA'I PHYIR RO ZHES BYA BA SMRAS SO, ,'GOG PA'I BDEN PA MED PA'I SKYON DU 'GYUR BAR BSTAN PA'I PHYIR, GZHAN YANG SDUG BSNGAL NGO BO NYID YOD LA, ,'GOG PA YOD PA MA YIN NO, ,NGO BO NYID NI YONGS GNAS PHYIR, ,'GOG PA GNOD PA BYED PA YIN, ,NGO BO NYID KYIS BYAS PA MA YIN PAR GNAS PA LA 'GOG PA MI 'THAD PA'I PHYIR RO ZHES BYA BAR DGONGS SO ZHES BYA BA SMRAS SO, ,LAM GYI BDEN PA MED PA'I SKYON DU 'GYUR BAR BSTAN PA'I PHYIR, DE BZHIN DU LAM NI NGO BO NYID YOD NA, ,BSGOM PA 'THAD PAR MI 'GYUR RO, ,BSGOM PA NI YANG DAG PA'I LTA BA LA SOGS PA YANG DANG YANG DU BSKYED PAR BYA BA YIN NA LAM NGO BO NYID KYIS YONGS SU GRUB PA LA SKYE BA MI 'THAD PAS BSGOM PA 'THAD PAR MI 'GYUR RO ZHES BYA BA SMRAS SO, ,BDEN PA BZHI MED PA'I SKYON DU 'GYUR BA DE DAG MI 'DOD NA NI NGO BO NYID YOD PA NYID DU MA 'DZIN CIG CES BSTAN PA'I PHYIR, JI SKAD BSTAN PA'I SKYON YONGS SU SPONG BAR 'DOD PAS, JI STE LAM DE BSGOM BYA NA, ,KHYOD KYI DNGOS NYID YOD MA YIN, ,SKYE BA YOD NA BSGOM PA RAB TU 'GRUB PA'I PHYIR RO, ,SKYE BA NI NGO BO NYID MED PA NYID MED NA MI 'BYUNG BA'I PHYIR RO ZHES BYA BA SMRAS SO, ,DE LTAR BDEN PA BZHI MED NA LAM GYIS MYA NGAN LAS 'DAS PA THOB PA MED PA'I SKYON DU 'GYUR BAR BSTAN PA'I PHYIR, DE LTAR JI SKAD BSTAN PA'I TSUL GYIS, GANG TSE SDUG BSNGAL KUN 'BYUNG DANG, ,'GOG PA YOD PA MA YIN @244A *, ,NA; ,LAM GYI SDUG BSNGAL 'GOG PA NI, ,GANG ZHIG THOB PAR 'GYUR BAR 'DOD, ,SDUG BSNGAL MA SKYES PA LA 'GOG PA MED PA'I PHYIR RO ZHES BYA BA'I THA TSIG GO ZHES BYA BA SMRAS SO, ,DA NI NGO BO NYID YOD PAR SMRA BA LA SDUG BSNGAL YONGS SU SHES PA MED PA'I SKYON DU 'GYUR BAR BSTAN PA'I PHYIR, GZHAN YANG KHYOD KYI TSUL GYIS SDUG BSNGAL, GAL TE NGO BO NYID KYIS NI, ,YONGS SU SHES PA MA YIN NA, ,DE NI JI LTAR YONGS SHES 'GYUR, ,DNGOS NYID GNAS SHES MA YIN NAM, ,GAL TE SDUG BSNGAL NGO BO NYID KYIS YONGS SU SHES PA MA YIN NA DE JI LTAR YONGS SU SHES PAR 'GYUR TE, KHYED KYI GZHUNG LAS NGO BO NYID MI 'GYUR BAR GNAS PA YIN PAR 'DOD PA'I PHYIR RO ZHES BYA BA SMRAS SO, ,KUN 'BYUNG SPANG BA DANG, 'GOG PA MNGON SUM DU BYA BA DANG, LAM BSGOM PA DANG, DGE SBYONG GI 'BRAS BU BZHI MED PA'I SKYON DU 'GYUR BAR BSTAN PA'I PHYIR, DE LTAR SDUG BSNGAL NGO BO NYID KYIS YONGS SU SHES PA MA YIN NA SKYON YONGS SU MA SHES PA DE'I RGYU SRED PA NGO BO NYID KYIS MA SPANGS PA LA SPANGS PA MI 'THAD PA DANG, SRED PA NGO BO NYID KYIS MA SPANG PA LA SPANGS PA MI 'THAD PA DANG, SRED PA NGO BO NYID KYIS MA SPANGS PA LA DE 'GOG PA MED PA'I PHYIR 'GOG PA MNGON SUM DU BYA BA MI 'THAD PA DANG, 'GOG PA MED NA 'GOG PAR 'GRO BA'I LAM NGO BO NYID KYIS MA BSGOMS PA LA LAM BSGOM PAR MI 'THAD PA DANG, DE LTAR 'PHAGS PA'I BDEN PA BZHI MED NA DGE SBYONG GI 'BRAS BU BZHI DAG KYANG YONGS SU SHES PA BZHIN DU MI 'THAD PAS, DE'I PHYIR BSHAD PA, DE BZHIN DU NI KHYOD NYID KYIS, ,SPANG DANG MNGON SUM BYA BA DANG, ,BSGOMS DANG 'BRAS BU BZHI DAG KYANG, ,YONGS SU SHES BZHIN MI RUNG NGO, ,NGO BO NYID KYIS SPANG BA DANG MNGON SUM DU BYA BA DANG, BSGOM PA MA YIN PA LA DE DAG MI 'THAD PA DANG, NGO BO NYID KYIS 'BRAS BU MNGON SUM DU MA BYAS PA LA MNGON SUM DU BYA BA MI 'THAD PAS RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA ZHES BYA BA 'BRAS BU BZHI PO DAG MNGON SUM DU BYA BA YANG YONGS SU SHES PA BZHIN DU MI RUNG NGO ZHES BYA BA'I THA TSIG GO ZHES BYA BA SMRAS SO, ,JI STE 'BRAS BU 'THOB PAR YANG 'DOD LA, NGO BO NYID YOD PAR SMRA BA YANG MI GTONG NA DE LA BRGAL @244B ZHING BRTAG PAR BYA STE ZHES BYA BA NI DE GNYIS CHAR 'GYUR BAS 'BRAS BU NGO BO NYID KYIS THOB PA YIN NA NI THOB PAR BYA BA MI NUS LA, JI STE THOB PAR BYAR NUS NA NI NGO BO NYID DU SMRA BA GTANG BAR BYA'O ZHES STON TO, ,DE'I PHYIR, NGO BO NYID NI YONGS 'DZIN PAS, ,'BRAS BU NGO BO NYID KYIS NI, ,THOB PA MIN PA GANG YIN TE, ,JI LTAR THOB PAR NUS PAR 'GYUR, ,NGO BO NYID YONGS SU 'DZIN PAS 'BRAS BU NGO BO NYID KYIS MA THOB PA GANG YIN PA DE THOB PAR MI NUS SO, ,JI STE DNGOS PO MA THOB PA YANG RTEN CING 'BREL BAR 'BYUNG BA'I DBANG GIS THOB PAR RUNG NGO ZHE NA, DE LTA NA NI MA THOB PA LA THOB PA'I NGO BO NYID YOD PA MA YIN PAS NGO BO NYID DU SMRA BA GTZANG BAR BYA'O ZHES BYA BA SMRAS SO, ,DA NI DE LTAR DGE SBYONG GI 'BRAS BU BZHI MED PAS 'BRAS BU LA GNAS PA BZHI DANG, LAM LA GNAS PA BZHI MED PA'I SKYON DU 'GYUR BAR BSTAN PA'I PHYIR, DE'I PHYIR DE LTA BA, 'BRAS BU MED NA 'BRAS GNAS MED, ,ZHUGS PA DAG KYANG YOD MA YIN, ,ZHES BYA BA SMRAS SO, ,DE DAG MED PAS DGE 'DUN DKON MCHOG MED PA'I SKYON DU 'GYUR BAR BSTAN PA'I PHYIR DES NA SKYON 'DIR YANG 'GYUR TE, GAL TE SKYES BU GANG ZAG BRGYAD, ,DE DAG MED NA DGE 'DUN MED, ,RGYUN DU ZHUGS PA LA SOGS PA'I LAM DANG 'BRAS BU'I DBYE BAS 'THAD PA'I SKYES BU GTZO BO DE DAG MED NA DGE 'DUN DKON MCHOG KYANG MED DO ZHES BYA BA'I THA TSIG GO ZHES BYA BA SMRAS SO, ,DES NA CHOS DKON MCHOG KYANG MED PA'I SKYON DU 'GYUR BAR BSTAN PA'I PHYIR 'PHAGS PA'I BDEN PA RNAMS MED NA DGE 'DUN MED PA 'BA' ZHIG TU YANG MA ZAD DE, 'O NA CI ZHE NA, 'PHAGS PA'I BDEN PA RNAMS MED PA'I PHYIR, DAM PA'I CHOS KYANG YOD MA YIN, 'PHAGS PA'I BDEN PA RNAMS MED NA LUNG DANG RTOGS PA'I BDAG NYID KYI CHOS KYANG YOD PA MA YIN PAR 'GYUR RO ZHES BYA BA SMRAS SO; ,DES NA SANGS RGYAS DKON MCHOG KYANG MED PA'I SKYON DU 'GYUR BAR BSTAN PA'I PHYIR, DE LTAR, ,CHOS DANG DGE 'DUN YOD MIN NA, ,SANGS RGYAS JI LTAR YOD PAR 'GYUR, ,SANGS RGYAS NYID NI CHOS THUGS SU CHUD PA DANG, SLOB MA RTOGS PAR MDZAD PAS 'GRUB PA YIN NA @245A *, ,DE DAG YOD PA MA YIN NA SANGS RGYAS KYANG MED DO ZHES BYA BA'I THA TSIG GO ZHES BYA BA SMRAS SO, ,DA NI NGO BO NYID YOD PAR SMRA BA'I PHYOGS LA SANGS RGYAS BCOM LDAN 'DAS LA SANGS RGYAS KYI NGO BO NYID MED PA DANG YOD PA NYID YIN PAR GYUR NA DE GNYI GA LA SANGS RGYAS DKON MCHOG MED PA'I SKYON DU 'GYUR BAR BSTAN PA'I PHYIR, GZHAN YANG NGO BO NYID YOD PAR SMRA BA'I PHYOGS LA SANGS RGYAS BCOM LDAN 'DAS LA SANGS RGYAS KYI NGO BO NYID MED PA YIN NAM, SANGS RGYAS KYI NGO BO NYID YOD PA YIN, ,DES CIR 'GYUR ZHE NA, GAL TE SANGS RGYAS KYI NGO BO NYID MED PAR 'DOD NA NI GRUB PA LA BSGRUB PA YIN NO, ,GAL TE SANGS RGYAS KYI NGO BO NYID YOD PAR 'DOD NA NI DE LTA NA SANGS RGYAS BYANG CHUB LA BRTEN NAS SANGS RGYAS PA MA YIN PAS, KHYOD KYI SANGS RGYAS BYANG CHUB LA, ,MA BRTEN PAR YANG THAL BAR 'GYUR, ,KHYOD KYI BYANG CHUB SANGS RGYAS LA, ,MA BRTEN PAR YANG THAL BAR 'GYUR, ,NGO BO NYID NI BYAS PA MA YIN PA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID KYI 'THAD PA BSTAN PA'I PHYIR, DES BYAS PA MA YIN PA'I RGYU BSTAN PAR BZHED PA NYID KYIS BSHAD PA, KHYOD KYI NGO BO NYID KYIS NI, ,SANGS RGYAS MIN PA GANG YIN DES, ,BYANG CHUB BYANG CHUB SPYOD PA LA, ,BRTZAL KYANG BYANG CHUB 'THOB MI 'GYUR, ,'GA' YANG CHOS DANG CHOS MIN PA, ,NAM YANG BYED PAR MI 'GYUR TE, ,MI STONG PA LA CI ZHIG BYA, ,NGO BO NYID LA BYA BA MED, ,NGO BO NYID LAS YOD PA MA BYAS PA LA BYED PA MI 'THAD PA'I PHYIR RO ZHES BYA BA SMRAS SO, ,GAL TE 'DIR GRANGS CAN LA SOGS PA GZHAN DAG NA RE NGO BO NYID KYIS CHA PHRA BA NYID DANG MI GSAL BA'I BDAG NYID DU SNGA NA YOD PA PHYIS BYA BA'I RKYEN GYI SA RAGS PA NYID DANG GSAL BA NYID DU BYED DO ZHES ZER BA'I PHYOGS DGAG PA'I PHYIR RAGS PA NYID DANG GSAL BA NYID DU YANG MI BYED DE, GNYI GA'I LAN KYANG BTAB ZIN PA'I PHYIR RO ZHES BYA BA SMRAS SO, ,GANG DAG 'DI SKAD CES KHYED CAG GANG NGO BO NYID LAS YOD PA'I SKYE BA LA SOGS PA DGAG PA SMRA ZHING NGO BO NYID MED PA NYID SGROGS PAR BYED NAM BYAS PA LA NGO BO NYID YOD PA DE'I DPE JI LTA BU YIN PA BRJOD PAR BYA DGOS SO ZHES ZER NA ZHES BYA BA NI NGO BO NYID YOD PAR SMRA BA DAG NA RE KHYED DBU MA PA DAG NGO BO NYID YOD PA NI MA BYAS @245B PA YIN PA'I PHYIR DE LA SKYE BA LA SOGS PA MI 'THAD DO ZHES KHO BO CAG LA SKYON 'DOGS SHING, NGO BO NYID MED PA NI RKYEN GZHAN GYIS BYAS PA'I PHYIR, DE LA SKYE BA LA SOGS PA YANG 'THAD DO ZHES RANG GI GZHUNG SGRUB PAR BYED NA, 'O NA DE LTA NA MA BYAS PA LA NGO BO NYID YOD PA DE'I DPE JI LTA BU YIN PAR BRJOD PAR BYA DGOS TE, DE MA BRJOD DU ZIN NA TSUL GSUM PA'I RTAGS LAS MI MTHUN PA'I PHYOGS LAS LDOG PA MA BSTAN PAS KHYED KYI GTAN TSIGS SNGA MA DAG MI 'GRUB BO ZHES ZER BA'I TSIG YIN NO, DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, KHO BOS MI MTHUN PA'I PHYOGS YONGS SU BRTAGS NA NI GTAN TSIGS LDOG PA YANG BRJOD PAR BYA DGOS NA, KHO BO NI NGO BO NYID MED PA NYID STON PA'I GTAN TSIGS BSTAN PA'I PHYIR 'DI LA GANG DANG GANG BYAS PA DE DANG DE NGO BO NYID MED PAR MTHONG STE, DPER NA SGYU MA BZHIN NO, ,DE BZHIN DU NANG GI DNGOS PO RNAMS KYANG BYAS PA YIN PAS DE'I PHYIR, DE DAG KYANG NGO BO NYID MED PA YIN NO ZHES SMRA'O, ,GAL TE 'GA' ZHIG NGO BO NYID YOD PAR GYUR NA DE NI DE LAS BZLOG PA'I PHYIR MA BYAS PA'I NGO BO NYID YIN PAS, NGO BO NYID YOD PAR SMRA BAS NI 'BAD PA CHEN POS MA BYAS PA LA NGO BO NYID YOD DE, DPER NA 'DI 'DRA'O ZHES BRJOD PAR BYA DGOS PAS DE'I PHYIR DE NI PHYI NA'O ZHES BYA BA SMRAS TE, KHO BOS DNGOS PO THAMS CAD BYAS PA'I PHYIR NGO BO NYID MED PA'I MI MTHUN PA'I PHYOGS MA BYAS PA LA NGO BO NYID YOD DE, ,DPER NA 'DI 'DRA'O ZHES BYA BA ZHIG YONGS SU BRTAGS NA NI, DE LAS GTAN TSIGS LDOG PA YANG BRJOD PAR DGOS PA ZHIG NA KHO BO CAG DBU MA PA LA DNGOS PO THAMS CAD BYAS PA'I PHYIR NGO BO NYID MED PA NYID DU SMRA BA LA DE'I MI MTHUN PA'I PHYOGS MA BYAS PA LA NGO BO NYID YOD DE, DPER NA 'DI 'DRA'O ZHES BYA BA MED PAS MI MTHUN PA'I PHYOGS MED PA LA GTAN TSIGS RANG BZHIN GYIS MI 'JUG PA NYID MI MTHUN PA'I PHYOGS LAS LDOG PA'I TSUL YANG YIN LA, MI MTHUN PA'I PHYOGS YOD PAR MA BRTAGS PA LA GTAN TSIGS LDOG PA YANG BRJOD PAR BYA MI DGOS SO, ,KHO BO CAG NGO BO NYID MED PA NYID DU STON PA'I GTAN TSIGS BYAS PA'I PHYIR NGO BO NYID MED DE SGYU MA BZHIN NO, @246A *, ,ZHES STON PA DE LAS BZLOG PA MA BYAS PA'I PHYIR NGO BO NYID YOD DE, DPER NA 'DI 'DRA'O ZHES BYA BA 'GA' ZHIG YOD NA NI DE KHYOD KYI PHYOGS YIN PAS NGO BO NYID YOD PAR SMRA BA KHYED KYIS NI 'BAD PA CHEN POS MA BYAS PA LA NGO BO NYID YOD DE DPER NA 'DI 'DRA'O ZHES BRJOD PAR BYA DGOS NA, DE LTA BU'I RJES SU 'GRO BA YANG KHYED LA MED PAS DE'I PHYIR KHYED KYI TSIG DE NI GYI NA'O, ,DA NI NGO BO NYID YOD PAR SMRA BA DAG GI PHYOGS LA 'JIG RTEN PA'I 'BRAS BU YOD PA DANG, CHOS DANG CHOS MA YIN PA DAG MED PA'I SKYON DU 'GYUR BAR BSTAN PA'I PHYIR, GZHAN YANG, CHOS DANG CHOS MIN RGYUS BYUNG BA'I, ,'BRAS BU KHYOD LA YOD MA YIN, ,NGO BO NYID LAS YOD PA NI RGYU LAS MI LTOS PA'I PHYIR RO ZHES BYA BA SMRAS SO, ,DE LTA NA 'BRAS BU RGYU MED PA LAS 'BYUNG BAR LTA BU'I SKYON DU YANG 'GYUR BAR BSTAN PA'I PHYIR, DE'I PHYIR, CHOS DANG CHOS MIN MED PAR YANG, ,'BRAS BU KHYOD LA YOD PAR 'GYUR, ,DE LTA NA 'JIG RTEN DANG BSTAN BCOS DANG 'GAL BAR 'GYUR RO ZHES BYA BA SMRA SO, ,JI STE DE DAG DANG 'GAL BAR 'GYUR NA MI RUNG NGO SNYAM PAS, CHOS DANG CHOS MIN RGYUS BYUNG BA'I, ,'BRAS BU GAL TE KHYOD LA YOD, ,CHOS DANG CHOS MIN LAS BYUNG BA'I, ,'BRAS BU CI PHYIR STONG MA YIN, ,SKYES PA NI STONG PA YIN PA'I PHYIR DPER NA SGYU MAR BYAS PA'I GLANG PO CHE BZHIN NO ZHES BYA BAR DGONGS SO ZHES BYA BAS NI 'BRAS BU RGYU LAS BYUNG BAR 'DOD NA NGO BO NYID STONG PA YIN PAR KHAS BLANG BAR BYA DGOS SO ZHES BSTAN TO, ,DA NI NGO BO NYID YOD PAR SMRA NA NI 'JIG RTEN PA'I THA SNYAD THAMS CAD LA YANG GNOD PA BYED PA'I SKYON DU 'GYUR BAR BSTAN PA'I PHYIR DE LTAR RANG GI GRUB PA'I MTHA' LA GNOD PA BYED PA 'BA' ZHIG DU YANG MA ZAD DE, 'JIG RTEN PA'I THA SNYAD NI, KUN LA'ANG GNOD PA BYED PA YIN, ,BUM PA GYIS SHIG ,KHANG PA RTZIGS SHIG ,LHAS BYIN PA DKAR MO KHRID DE SHOG SHIG ,MCHOD SBYIN GLEGS BAM CHINGS SHIG ,KHYAB 'DZUG GYI NA S'A LU'I 'BRAS TSAN KHAR TZANG BZHOS PA'I BA MAR DANG ZO SHIG CES BYA BA LA SOGS PA 'JIG RTEN PA'I THA SNYAD THAMS CAD LA YANG GNOD PA BYED PA YIN TE, BUM PA LA SOGS PA NGO BO NYID LAS YOD PA LA @246B BYA BA DON MED PA NYID DU 'GYUR BA'I PHYIR RO ZHES BYA BA SMRAS SO, ,DA NI NGO BO NYID DU SMRA NA RTEN CING 'BREL BAR 'BYUNG BA YANG MI 'GRUB LA BYA BA DANG, BYED PA DANG, BYED PA PO LA YANG GNOD PA BYED PA'I SKYON DU 'GYUR BAR BSTAN PA'I PHYIR, RTEN CING 'BREL PAR 'BYUNG BA YANG MI 'GRUB PAS DE'I PHYIR BSHAD PA, RTEN CING 'BREL 'BYUNG GANG YIN PA'I, ,STONG PA NYID LA'ANG GNOD PA BYED, ,DE LA GNOD PA BYED PAS NA, ,BYA BA CI YANG MED 'GYUR ZHING, BYA BA RTZOM PA 'ANG MED PAR 'GYUR, ,BYA BA DANG BYED PA MED NA, ,STONG PA NYID LA GNOD BYED NA, ,MI BYED PA YANG BYED PAR 'GYUR, ,ZHES BYA BA SMRAS SO, ,DA NI NGO BO NYID YOD PAR SMRA NA 'GRO BA RNAMS GNAS SKABS SNA TSOGS DANG BRAL ZHING SKYE 'GAG MED PAR THER ZUG TU GNAS PA'I SKYON DU 'GYUR BAR BSTAN PA'I PHYIR, GZHAN YANG, DNGOS NYID YOD NA 'GRO BA RNAMS, ,GNAS SKABS SNA TSOGS BRAL 'GYUR ZHING, , MA SKYES PA DANG MA 'GAGS DANG, ,THER ZUG TU YANG GNAS PAR 'GYUR, ,KHA DOG DANG, DBYIBS DANG, RIGS DANG, BONG TSOD LA SOGS PA'I GNAS SKABS SNA TSOGS DANG BRAL ZHING RTZIG PA LA BRIS PA'I RI MO BZHIN DU 'GYUR TE, BYAS PA MA YIN PA LA 'JIG PA MED PA'I PHYIR RO ZHES BYA BA SMRAS SO, ,DA NI STONG PA NYID MI 'DOD PA'I PHYOGS LA THOB PAR BYA BA DANG, SDUG BSNGAL MTHAR BYED PA DANG, NYON MONGS PA SPANG BA DAG MED PA'I SKYON DU 'GYUR BA BSTAN PA'I PHYIR, GAL TE STONG PA YOD MIN NA, ,MA THOB THOB BAR BYA BA DANG, ,SDUG BSNGAL MTHAR BYED LAS DANG NI, ,NYON MONGS THAMS CAD SPONG BA'ANG MED, ,'JIG RTEN PA DANG 'JIG RTEN LAS 'DAS PA'I THOB PAR BYA BA'I KHYAD PAR DANG SDUG BSNGAL MTHAR 'BYIN PAR BYED PA'I LAS DANG DE'I GNYAN PO DAG BYAR MED PA'I PHYIR RO ZHES BYA BA SMRAS SO, ,DE DAG NI GLAGS YOD PA'I TSIG YIN PA'I PHYIR DE LTAR NI MI 'DOD PAS DE'I PHYIR ?MKHAS KYI DON RTEN CING 'BREL PAR 'BYUNG BA BDEN PA GNYI GA'I TSUL DU NGO BO NYID MED PA NYID KHAS BLANG PA BSTAN PA'I PHYIR, DE LTAR MI 'DOD PAS DE'I PHYIR MA DAD BZHIN DU YANG RTEN CING 'BREL PAR 'BYUNG BA NGO BO NYID LAS SKYE BA MED PA SGYU MA DANG, SMIG RGYU LTA BU'I BDAG NYID DU SKYE BA KHAS BLANG @247A *, ,BAR BYA'O ZHES BYA BA SMRAS SO, ,DA NI RNAL 'BYOR BA DNGOS PO DANG DNGOS PO MED PAR LTA BA LA SOGS PA'I SKYON GYIS RAB RIB DANG BRAL BA'I BLO GROS KYI MIG CAN GANG GIS RTEN CING 'BREL PAR 'BYUNG BA NGO BO NYID MED PA NYID DU MTHONG BA DES 'PHAGS PA'I BDEN PA BZHI MTHONG BA YIN NO,, ZHES MJUG BSDU BA BSTAN PA'I PHYIR, DE'I PHYIR DE LTAR DNGOS PO DANG DNGOS PO MED PAR LTA BA LA SOGS PA LTA BA'I SKYON GYI RAB RIB DANG BRAL BA'I BLO GROS KYI MIG CAN, GANG GIS RTEN CING 'BREL PAR 'BYUNG, ,MTHONG BA DE NI SDUG BSNGAL DANG, ,KUN 'BYUNG DANG NI 'GOG PA DANG, ,LAM NYID DE DAG MTHONG BA YIN, ,THA SNYAD DANG DON DAM PA'I BDEN PA'I TSUL LA LTOS PAS MTHONG BA DANG, MTHONG BA MED PA'I TSUL GYIS RTEN CING 'BREL PAR 'BYUNG BA JI SKAD BSTAN PA'I MTSAN NYID MTHONG BA DES BDEN PA BZHI PO DE DAG NYID SKYE BA DANG, SKYE BA MED PA LA SOGS PA'I RNAM PA SNGAR JI SKAD BSTAN PA DAG GIS MTHONG BA YIN NO ZHES BYA BA SMRAS TE, GANG GIS RTEN CING 'BREL PAR 'BYUNG BA MTHONG BA DES CHOS MTHONG NGO, ,GANG GIS CHOS MTHONG BA DES SANGS RGYAS MTHONG NGO ZHES GSUNGS PA BZHIN NO, ,GAL TE SDUG BSNGAL LA SOGS PA'I RNAM PA DAG MA GTOGS PAR GZHAN DU MTHONG BA NI BDEN PA MTHONG BA MA YIN NO ZHE NA ZHES BYA BA NI RANG GI SDE PA DAG NA RE, BDEN PA BZHI RNAM PA BCU DRUG TU DBYE BA MA GTOGS PAR GZHAN DU MTHONG BA NI BDEN PA MTHONG BA MA YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, KHO BO ? DEN PA MTHONG BA ZHES BYA BA'I SGRAS DE'I DON GANG YIN ZHES BRTAGS PA SMRAS SO, ,GAL TE NANG GI SKYE MCHED RNAMS PHYIN CI MA LOG PA DE KHO NA DANG BCAS PA NYID MTHONG BA'O ZHE NA ZHES BYA BA NI GAL TE PHA ROL PO DAG NA RE BDEN PA MTHONG BA ZHES BYA BA'I SGRA DE'I DON NI NANG GI SKYE MCHED RNAMS MIG GIS GZUGS MTHONG BA NAS YID KYIS CHOS 'DZIN PA'I BAR DU PHYIN CI MA LOG PA BDEN PA BZHI RNAM PA BCU DRUG TU RNAM PAR DBYE BA'I DE KHO NA DANG BCAS PA NYID MTHONG BA'O ZHE NA'O, ,DE'I LAN DU 'GREL PA BYED PA NYID KYIS, JI SKAD BSTAN PA'I TSUL GYIS SKYE BA BKAG PA'I PHYIR, SDUG BSNGAL SKYE BA MED PA LA SOGS @247B PAR MTHONG BA NI 'PHAGS PA'I BDEN PA YIN PAR GRUB PA'I PHYIR 'DOD PA'I DON NYAMS SO ZHES BYA BA SMRAS TE, KHO BOS JI SKAD BSTAN PA'I TSUL GYIS DON DAM PAR SKYE BA BKAG PA'I PHYIR, SDUG BSNGAL SKYE BA MED PA LA SOGS PAR MTHONG BAS NI 'PHAGS PA'I BDEN PA YIN PAR GRUB PA'I PHYIR KHYED NANG GI SKYI MCHED RNAMS MIG GIS GZUGS MTHONG BA NAS YID KYIS CHOS 'DZIN PA'I BAR DU PHYIN CI MA LOG PA BDEN PA BZHI RNAM PA BCU DRUG TU RNAM PAR DBYE BA'I DE KHO NA DANG BCAS PA NYID MTHONG BA 'PHAGS PA'I BDEN PA YIN PAR 'DOD PA'I DON NYAMS SO, ,DE NYID KYI 'THAD PA BSTAN PA'I PHYIR, 'DI NI SDUG BSNGAL LA SOGS PA JI LTAR MTHONG NA BDEN PA MTHONG BA YIN ZHES DPYAD PAR BYA BA YIN GYI, MA'I LA NGU'I TSUL GYIS BYUNG RGYAL DU BRJOD DO COG GZUNG BAR BYA BA MA YIN NO ZHES BYA BA SMRAS TE, 'PHAGS PA'I BDEN PA 'DI NI JI SKAD DU MDO SDE LAS 'JAM DPAL GANG GIS CHOS THAMS CAD SKYE BA MED PAR MTHONG BA DES SDUG BSNGAL YONGS SU SHES SO, ,GANG GIS CHOS THAMS CAD MI GNAS PAR MTHONG BA DES KUN 'BYUNG SPANGS SO, ,GANG GIS CHOS THAMS CAD GTAN DU MYA NGAN LAS 'DAS PAR MTHONG BA DES 'GOG PA MNGON SUM DU BYAS SO, ,'JAM DPAL GANG GIS CHOS THAMS CAD BSGOM DU MED PAR MTHONG BA DES LAM BSGOMS SO ZHES GSUNGS PA DANG, DE BZHIN DU BCOM LDAN 'DAS KYIS 'JAM DPAL GAL TE SDUG BSNGAL MTHONG BA BDEN PA YIN PAR GYUR NA DE LTAR NA SEMS CAN DMYAL BA PA RNAMS KYIS KYANG BDEN PA MTHONG BAR 'GYUR TE; 'DI LTAR DE DAG KYANG KYE MA'O SDUG BSNGAL, ,KYE MA'O SDUG BSNGAL ZHES RNAM PAR DBYE BA DBYE BA'I PHYIR RO ZHES GSUNGS PA DANG, DE BZHIN DU TSANGS PA RNAM GRANGS DES KYANG KHYOD KYIS 'DI LTAR RIG PAR BYA STE, JI LTAR SDUG BSNGAL DANG, KUN 'BYUNG BA DANG, 'GOG PA DANG, LAM NI 'PHAGS PA RNAMS KYI BDEN PA MA YIN GYI, 'DI LTAR SDUG BSNGAL GYI SKYE BA MED PA DANG, KUN 'BYUNG GI KUN 'BYUNG BA MED PA DANG, CHOS THAMS CAD GTAN DU 'GAGS PA DAG LA GTAN 'GOG PA DANG, CHOS THAMS CAD MNYAM PA NYID DAG LA GNYIS SU MED PA NYID DU LAM @248A *, ,BSGOMS PA GANG YIN PA DE 'PHAGS PA RNAMS KYI BDEN PA YIN PAR SHES PAR BYA'O ZHES GSUNGS PA LA SOGS PA DAG GIS SDUG BSNGAL LA SOGS PA JI LTAR MTHONG NA BDEN PA MTHONG BA YIN ZHES DPYAD PAR BYA BA YIN GYI, MAS BU DU BA BRID PA'I PHYIR CHAD PA STONG PA BSTAN TE 'DI RE BU MDU BAR LA DU 'DI LONG SHIG CES SMRA BA'I TSUL GYIS RANG GI SDE PA DNGOS PO DANG DNGOS PO MED PAR LTA BA LA SOGS PA LA MNGON PAR ZHEN PA DAG GIS BYUNG RGYAL DU BRJOD DO COG GZUNG BAR BYA BA MA YIN NO, ,DE LA 'DIR RAB TU BYED PA'I DON NI PHA ROL POS STONG PA NYID SMRA BA LA SKYON 'DOGS PA SMRAS PA DAG PHYIR BZLOG PA'I SGO NAS RAB TU BYED PA'I DANG POR SMRAS PA'I GTAN TSIGS MI MTHUN PA'I PHYOGS 'BA' ZHIG LA YOD PAR BSTAN PAS 'PHAGS PA'I BDEN PA RNAMS NGO BO NYID MED PA NYID DU BSTAN PA YIN NO ZHES BYA BAS NI MJUG BSDU BA DANG TSAD MA'I 'BRAS BU YIN TE, 'PHAGS PA'I BDEN PA BRTAG PA'I RAB TU BYED PA NYI SHU BZHI PA'I SKABS 'DIR RAB TU BYED PA'I DON TSAD MA'I 'BRAS BU LTA BA NI PHA ROL PO DAG GIS SNGAR DBU MA PA LA, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES BYA BA LA SOGS PA SKYON GDAGS PA SMRAS PA DAG LA DBU MA PAS, KHYOD NYID RANG GI SKYON RNAMS NI, ,NGA LA YONGS SU SGYUR BYED PA, ,RTA LA MNGON PAR ZHON BZHIN DU, ,RTA NYID BRJED PAR GYUR PA BZHIN, ,ZHES BYA BA LA SOGS PAS PHYIR BZLOG PA'I SGO NAS PHA ROL POS RAB TU BYED PA 'DI'I DANG POR DON DAM PAR DNGOS PO RNAMS NGO BO NYID YOD PA KHO NA YIN TE, 'BYUNG BA DANG 'JIG PA'I CHOS CAN NYID YIN PA'I PHYIR RO ZHES BYA BA LA SOGS PA SMRAS PA'I GTAN TSIGS DON DAM PAR SGRUB PA'I MI MTHUN PA'I PHYOGS KUN RDZOB 'BA' ZHIG LA YOD PAR BSTAN PAS 'PHAGS PA'I BDEN PA RNAMS NGO BO NYID MED PA NYID DU BSTAN PA YIN NO, ,'PHAGS PA'I BDEN PA RNAMS NGO BO NYID MED PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG @248B BSGRUB PAR BYA STE, DE'I PHYIR 'PHAGS PA TSANGS LAS ZHUS PA'I MDO LAS, TSANGS PA RNAM GRANGS DES KYANG KHYOD KYIS 'DI LTAR RIG PAR BYA STE, JI LTAR SDUG BSNGAL DANG, KUN 'BYUNG DANG, 'GOG PA DANG, LAM NI 'PHAGS PA RNAMS KYI BDEN PA MA YIN GYI TSANGS PA 'DI LTAR SDUG BSNGAL GYI SKYE BA MED PA YIN PA DE 'PHAGS PA RNAMS KYI BDEN PA YIN PA DANG, KUN 'BYUNG GI KUN 'BYUNG BA MED PA GANG YIN PA DE 'PHAGS PA RNAMS KYI BDEN PA YIN PA DANG, CHOS THAMS CAD GTAN DU 'PHAGS PA DAG LA GTAN 'GOG PA GANG YIN PA DE 'PHAGS PA RNAMS KYI BDEN PA YIN PA DANG, CHOS THAMS CAD MNYAM PA NYID DAG LA GNYIS SU MED PA NYID DU LAM BSGOM PA GANG YIN PA DE 'PHAGS PA RNAMS KYI BDEN PA YIN PAR SHES PAR BYA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI 'PHAGS PA'I BDEN PA RNAMS NGO BO NYID MED PA NYID DU BSTAN PA'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS 'PHAGS PA'I BDEN PA BRTAG PA ZHES BYA BA STE, RAB TU BYED PA NYI SHU BZHI PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,BAM PO BDUN CU LNGA PA, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS MYA NGAN LAS 'DAS PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU LNGA PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS @249A *, ,SU DNGOS PO THAMS CAD SKYE BA MED PAR DAM BCA' BA MDZAD PAS 'DIR YANG BSTAN BCOS MDZAD PAS SNGAR JI SKAD DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI SNGAR BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I PHYOGS NI PHYIR RGOL BA'I PHYOGS YIN TE, 'DI LTA STE, DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU BSGRUB PA'I PHYOGS SNGA MA NYE BAR GZHAG PA 'OG NAS, GAL TE 'DI DAG KUN STONG NA; ,'BYUNG BA MED CING 'JIG PA MED, ,GANG ZHIG SPANGS DANG 'GAGS PA LAS, ,MYA NGAN 'DA' BAR 'GYUR BAR 'DOD, ,CES BYA BAS NGO BO NYID MED PA NYID SMRA BA RNAMS LA NI GANG NGO BO NYID MED PA DE LA MYA NGAN LAS 'DAS PA 'THOB PA MED DE 'BYUNG BA DANG 'JIG PA MED PA'I PHYIR DPER NA MO GSHAM GYI BU BZHIN NO ZHES BYA BA LA SOGS PAS DNGOS PO RNAMS NGO BO NYID MED PAR SMRA BA LA MYA NGAN LAS 'DAS PA 'THOB PA MED PA STON PA YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA NYI SHU LNGA PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS MYA NGAN LAS 'DAS PA NGO BO NYID MED PA NYID DU BSTAN PA'I DON GYI DBANG GIS RAB TU BYED PA NYI SHU LNGA PA BRTZAM MO ZHES BYA BA SMRAS TE, MYA NGAN LAS 'DAS PA BRTAG PA'I RAB TU BYED PA NYI SHU LNGA PA'I GZHUNG 'OG NAS 'BYUNG BA 'DI'I DON MYA NGAN LAS 'DAS PA NGO BO NYID MED PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, MYA NGAN LAS 'DAS PA NGO BO NYID MED PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS, DE'I PHYIR 'GREL PA BYED PAS RAB TU BYED PA'I 'TSAMS SBYAR BA'I SKABS 'DIR THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I @249B PHYIR; 'DIR SMRAS PA, KHYOD 'DOD PA LTAR, GAL TE 'DI DAG KUN STONG NA, ,'BYUNG BA MED CING 'JIG PA MED, ,NGO BO NYID MED PA'I PHYIR, DPER NA MO GSHAM GYI BU BZHIN NO ZHES BYA BAR BSAMS SO ZHES BYA BA SMRAS TE, DES NI RANG GI SDE PA DAG NA RE KHYED DBU MA PA 'DOD PA LTAR, GAL TE DNGOS PO 'DI DAG KUN STONG NA, 'BYUNG BA DANG 'JIG PA MED PAR 'GYUR RO ZHES ZER BA'I TSIG BSTAN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MO GSHAM GYI BU NI NGO BO NYID MED PA'I PHYIR DE LA 'BYUNG BA DANG 'JIG PA MED PA DE BZHIN DU GAL TE 'DI DAG KUN STONG NA DE YANG NGO BO NYID MED PA'I PHYIR DE LA YANG 'BYUNG BA DANG 'JIG PA MED DO ZHES BYA BAR BSAMS SO, ,DE LTAR 'BYUNG BA DANG, 'JIG PA MED PA'I PHYIR MYA NGAN LAS 'DAS PA 'THOB PA MED PA'I SKYON DU 'GYUR BAR BSTAN PA'I PHYIR, DE DAG MED PA'I PHYIR NYON MONGS PA RNAMS LA YANG 'BYUNG BA DANG 'JIG PA MED LA, DE DAG DANG LDAN PA'I MING DANG GZUGS LA YANG 'BYUNG BA DANG 'JIG PA MED PAS, GANG ZHIG SPANGS DANG 'GAGS PA LAS, ,MYA NGAN 'DA' BAR 'GYUR BAR 'DOD, ,PHUNG PO LHAG MA DANG BCAS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS KYI DBANG GIS SO ZHES BYA BA SMRAS TE, 'BYUNG BA DANG, 'JIG PA DE DAG MED PA'I PHYIR NYON MONGS PA RNAMS LA YANG 'BYUNG BA DANG 'JIG PA MED PAS GANG ZHIG SPANGS PAS PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS 'THOB PAR 'DOD, ,NYON MONGS PA DE DAG DANG LDAN PA'I MING DANG GZUGS KYI PHUNG PO LA YANG 'BYUNG BA DANG, 'JIG PA MED PAS GANG ZHIG 'GAG PA PHUNG PO'I LHAG MA MED PA'I MYA NGAN LAS 'DAS PA'I DBYINGS 'THOB PAR 'DOD DE, NYON MONGS PA SPANGS PA DANG, PHUNG PO 'GAG PA LAS MYA NGAN LAS 'DAS PA RNAM GNYIS 'THOB PA MED PA'I SKYON DU 'GYUR RO, ,DE LTAR DBU MA PA STONG PA NYID DU SMRA BA LA 'BYUNG BA DANG, 'JIG PA MED PA'I PHYIR NYON MONGS PA SPANGS PA DANG, PHUNG PO 'GAG PA LAS MYA NGAN LAS 'DAS PA RNAM GNYIS 'THOB PA MED PA'I SKYON DU 'GYUR BAR @250A *, ,BSTAN NAS, DA NI DNGOS PO YOD PAR SMRA BA DAG LAS 'BYUNG BA DANG 'JIG PA YOD PA'I PHYIR, NYON MONGS PA SPANGS PA DANG, PHUNG PO 'GAG PA LAS MYA NGAN LAS 'DAS PA RNAM GNYIS 'THOB PA YOD PAR BSTAN PA'I PHYIR, GANG ZHIG SPANGS PAS SAM, 'GAGS PAS MYA NGAN LAS 'DA' BAR YANG 'DOD DE ZHES BYA BA SMRAS SO, ,NYON MONGS PA SPANGS PAS PHUNG PO'I LHAG MA DANG BCAS PA'I MYA NGAN LAS 'DAS PA 'THOB PA'I KHUNGS BSTAN PA'I PHYIR, JI SKAD DU DGA' BA'I 'DOD CHAGS DANG LDAN PA'I SRED PA DE ZAD CING BRAL BA GANG YIN PA DE NI MYA NGAN LAS 'DAS PA'O ZHES KYANG GSUNGS LA ZHES BYA BA SMRAS SO, ,PHUNG PO 'GAGS PAS PHUNG PO'I LHAG MA MED PA'I MYA NGAN LAS 'DAS PA 'THOB PA'I KHUNGS BSTAN PA'I PHYIR, DE BZHIN DU, MA ZHUM PA YI SEMS KYIS NI, ,TSOR BA DANG DU LEN PA NA, ,DE YI SEMS NI RNAM GROL BA, ,MAR ME SHI BAR GYUR PA BZHIN, ,ZHES KYANG GSUNGS SO ZHES BYA BA SMRAS TE, BCOM LDAN 'DAS YONGS SU MYA NGAN LAS 'DAS PA NA, 'PHAGS PA 'OD SRUNGS CHEN POS, 'PHAGS PA KUN DGA' BO LA, BCOM LDAN 'DAS KYI MYA NGAN LAS 'DAS PA JI 'DRA ZHES DRIS PA DANG, 'PHAGS PA KUN DGA' BOS TSIGS SU BCAD PA 'DI GSUNGS SO, ,DE LTAR NYON MONGS SPANG BA DANG, PHUNG PO 'GAG PA LAS MYA NGAN LAS 'DAS PA RNAM PA GNYIS THOB PA DE YANG NGO BO NYID YOD PAR SMRA BA LA 'BYUNG BA DANG, 'JIG PA YOD PAS 'THOB PA'I PHYIR DNGOS PO RNAMS NGO BO NYID YOD PA NYID DU KHAS BLANG BAR BYA'O ZHES BSTAN PA'I PHYIR MYA NGAN LAS 'DAS PA 'THOB PA DE YANG NGO BO NYID YOD PA 'DI MA GTOGS PAR GZHAN GYIS MI 'THOB PAS DE'I PHYIR DNGOS PO RNAMS NGO BO NYID YOD PA NYID DU 'DOD PAR BYA'O ZHES BYA BA SMRAS TE, DES NI RANG GI GZHUNG GZUGS PA BSTAN TO, ,DA NI PHA ROL PO'I GZHUNG SUN DBYUNG BA BSTAN PA'I PHYIR, NGO BO NYID MED PA NYID DU SMRA BA RNAMS LA NI GANG NGO BO NYID MED PA DE LA MYA NGAN LAS 'DAS PA 'THOB PA MED DE, 'BYUNG BA DANG 'JIG PA MED PA'I PHYIR DPER NA MO GSHAM GYI BU BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, @250B SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MO GSHAM GYI BU LA NI 'BYUNG BA DANG 'JIG PA MED PA'I PHYIR, MYA NGAN LAS 'DAS PA 'THOB PA MED PA DE BZHIN DU, GANG NGO BO NYID MED PA DE LA YANG 'BYUNG BA DANG 'JIG PA MED PA'I PHYIR MYA NGAN LAS 'DAS PA 'THOB PA MED DO, ,NGO BO NYID MED PA NYID DU RJES SU DPOG PA'I DAM BCAS PA LA CHOS CAN MYA NGAN LAS 'DAS PA'I KHYAD PAR 'THOB PA BRTZAL BA'I SKYON YOD PAR BSTAN PA'I PHYIR, NGO BO NYID MED PA NYID DU RJES SU DPOG PAS, 'BYUNG BA DANG 'JIG PA MED PA'I PHYIR, MYA NGAN LAS 'DAS PA 'THOB PA MED PAS MYA NGAN LAS 'DAS PA 'THOB PA BRTZAL BA'I PHYIR, NGO BO NYID MED PA NYID DU RJES SU DPOG PA'I DAM BCAS PA LA CHOS CAN MYA NGAN LAS 'DAS PA'I KHYAD PAR 'THOB PA BRTZAL BA'I SKYON YOD DO ZHES BYA BAR SMRAS SO, ,RE ZHIG DE DAG NI STONG PA NYID KYI MI MTHUN PA'I PHYOGS KYI KHYAD PAR YIN TE; PHYOGS SNGA MA SMRA BA'I GZHUNG YIN NO, ,STONG PA NYID KYI MI MTHUN PA'I PHYOGS KYI KHYAD PAR DE DGAG PAS MYA NGAN LAS 'DAS PA NGO BO NYID MED PA NYID DU BSTAN PA'I PHYIR, DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI BZANG PO MA YIN TE, JI LTAR SGYU MA'I MAR ME NGO BO NYID DANG BRAL BA 'CHI BA THA SNYAD DU GTOGS PA'I BLO'I SPYOD YUL DU YOD PAR MI 'GAL BA DE BZHIN DU 'DU BYED RNAMS NGO BO NYID MED PA NYID YIN YANG THOG MA MED PA'I RKYEN BRGYUD PA LAS SKYES PA SGYU MA DANG SMIG RGYU LTA BU DAG GI SKYE BA MED PA NI MYA NGAN LAS 'DAS PA YIN NO ZHES BYA BA SMRAS TE, DES NI NGO BO NYID MED PA YIN YANG THA SNYAD DU 'BYUNG BA DANG 'JIG PA YOD PA'I PHYIR, NYON MONGS PA SPANG BA DANG, PHUNG PO DGAG PAS MYA NGAN LAS 'DAS PA RNAM GNYIS 'THOB PA YOD PA DPE DANG BCAS PAR BSTAN TO, ,DE NA DE 'THOB PAR 'GRUB PA'I PHYIR NGO BO NYID YOD PAR SMRA BA DAG GI PHYOGS RIGS PA DANG LDAN PA MA YIN PAR BSTAN PA'I PHYIR, DE 'THOB PA YANG 'GRUB PA'I PHYIR, NGO BO NYID YOD PA NYID RIGS PA DANG MI LDAN PAR SHES PAR BYA'O ZHES BYA BA SMRAS SO, ,DNGOS PO RNAMS MED PA'I NGO BO NYID DU KHAS MA BLANGS PA'I @251A *, ,PHYIR DAM BCAS PA LA SKYON MED DO ZHES BYA BA NI SNGAR PHA ROL PO DAG NA RE NGO BO NYID MED PA NYID DU RJES SU DPOG PA MYA NGAN LAS 'DAS PA 'THOB PA MED PAS MYA NGAN LAS 'DAS PA 'THOB PA BRTZAL BA'I PHYIR, DAM BCAS PA LA CHOS CAN GYI KHYAD PAR BRTZAL BA'I SKYON YOD DO ZHES ZER BA DE'I LAN BTAB STE, DBU MA PAS DNGOS PO RNAMS MO GSHAM GYI BU BZHIN DU MED PA'I NGO BO NYID DU KHAS BLANGS PA'I PHYIR THA SNYAD DU MYA NGAN LAS 'DAS PA 'THOB PA YOD PAS DAM BCAS PA LA CHOS CAN GYI KHYAD PAR BRTZAL BA'I SKYON MED DO, ,GLAGS YOD PA'I SKYON YANG MED DE, MO GSHAM GYI BU LA SOGS PA DAG DON DAM PAR DPE NYID DU MA GRUB PA'I PHYIR RO ZHES BYA BAS NI SNGAR PHA ROL PO DAG GIS NGO BO NYID MED PA NYID DU SMRA BA RNAMS LA NI GANG NGO BO NYID MED PA DE LA MYA NGAN LAS 'DAS PA 'THOB PA MED DE, 'BYUNG BA DANG 'JIG PA MED PA'I PHYIR DPER NA MO GSHAM GYI BU BZHIN NO ZHES SGRUB PA SMRAS PAS DBU MA PAS NGO BO NYID MED PA NYID DU SMRA BA'I PHYOGS LA MYA NGAN LAS 'DAS PA 'THOB PA MED PA'I GLAGS YOD PA'I SKYON DU 'GYUR BAR BSTAN PA'I LAN BTAB STE, DON DAM PAR PHA ROL PO DAG GI DPE MO GSHAM GYI BU LA SOGS PA DAG DPE NYID DU MA GRUB PA'I PHYIR PHA ROL PO DAG GI SGRUB PA DPE MA TSANG BA'I SKYON YOD PA DES, DBU MA PA LA GLAGS YOD PA'I SKYON GDAGS PAR MI NUS SO, ,DA NI PHA ROL PO DAG GIS DBU MA PA LA SKYON GANG DAG BRTAGS PA DE DAG NYID PHA ROL PO DAG LA PHYIR BSGRIN PA BSTAN PA'I PHYIR, GZHAN YANG JI LTAR DNGOS PO RNAMS NGO BO NYID MED PA NYID DU RTOG PA LA, GAL TE 'DI DAG KUN STONG NA, ,'BYUNG BA MED CING 'JIG PA MED, ,GANG ZHIG SPANG DANG 'GAG PA LAS, ,MYA NGAN 'DA' BAR 'GYUR BAR 'DOD, ,CES BYA BA DE BZHIN DU DNGOS PO RNAMS NGO BO NYID YOD PA NYID DU RTOG PA LA YANG, GAL TE 'DI KUN MI STONG NA, ,'BYUNG BA MED CING 'JIG PA MED, ,GANG ZHIG SPANG DANG 'GAG PA LAS, ,MYA NGAN 'DA' BAR 'GYUR BAR 'DOD, ,NGO BO NYID LA 'GYUR BA MED PAS SPANG BA DANG 'GAG PA MI 'THAD PA'I PHYIR, NGO BO NYID YOD PAR SMRA BA, DE KHO NA RAB TU MA MTHONG BA NYID KYI NGO BO NYID LA DE KHO NA MTHONG BA MI 'THAD PA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID KYI MJUG BSDU BA @251B BSTAN PA'I PHYIR, DE'I PHYIR NGO BO NYID YOD PAR SMRA BA DAG NYID LA MYA NGAN LAS 'DAS PA 'THOB PA YOD PAR BSTAN DKA'O ZHES BYA BA SMRAS SO, ,NGO BO NYID MED PAR SMRA BA LA MYA NGAN LAS 'DAS PA 'THOB PA YOD PAR BSTAN PA'I PHYIR, NGO BO NYID MED PA NYID LA NI SGYU MA'I MAR ME 'CHI BA BZHIN DU MYA NGAN LAS 'DAS PA 'THOB PA YOD PAR RUNG NGO ZHES BYA BA SMRAS SO, ,NGO BO NYID YOD PA NYID LA MYA NGAN LAS 'DAS PA 'THOB PA YOD PAR RJES SU DPOG PA'I DAM BCAS PA LA CHOS CAN MYA NGAN LAS 'DAS PA 'THOB PAR SGRUB PA'I CHOS NGO BO NYID YOD PA NYID KYI NGO BO NYID BRTZAL BA'I SKYON YOD PAR BSTAN PA'I PHYIR, MYA NGAN LAS 'DAS PA 'THOB PAR RJES SU DPOG PAS, ,'BYUNG BA DANG 'JIG PA YOD PA'I PHYIR, ,NGO BO NYID MED PA NYID KYIS NGO BO NYID YOD PA NYID BRTZAL BA'I PHYIR, NGO BO NYID RJES SU DPOG PA'I DAM BCAS PA LA, ,CHOS CAN MYA NGAN LAS 'DAS PA 'THOB PA YOD PAR SGRUB PA'I CHOS NGO BO NYID YOD PA NYID KYIS, NGO BO NYID BRTZAL BA'I SKYON YOD DO ZHES BYA BA SMRAS SO, ,YANG NA PHA ROL PO DAG NA RE, GAL TE 'DI DAG KUN STONG NA, ,'BYUNG BA MED CING 'JIG PA MED, ,DE'I PHYIR, GANG ZHIG SPANG DANG 'GAG PA LAS, ,MYA NGAN 'DA' BAR 'GYUR BAR 'DOD, ,GAL TE 'DU BYED 'DI DAG MYA NGAN LAS 'DA' BAR 'DOD NA NI 'DU BYED DE DAG DON DAM PAR NGO BO NYID YOD PA KHO NAR SHES PAR BYA STE, NYON MONGS PA SPANG PA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RO, ,RNGA MO LA SOGS PA'I RVA YOD PA MA YIN PA DAG LA NI DE DAG MED DO ZHES ZER RO ZHES BYA BA NI STONG PA NYID KYI MI MTHUN PA'I PHYOGS KYI KHYAD PAR SNGA MA DE NYID RNAM PA GZHAN DU BSHAD PA'I TSIG YIN TE, 'DI NI RANG GI SDE PA GANG DAG 'DU BYED RNAMS MYA NGAN LAS 'DAS PAR SMRA BA DE DAG NA RE GAL TE DBU MA PA DAG 'DOD PA LTAR 'DI DAG KUN STONG NA, 'BYUNG BA DANG 'JIG PA MED PA'I PHYIR 'DU BYED NYON MONGS PA DANG, PHUNG PO GANG ZHIG SPANG BA DANG, 'GAG PA LAS MYA NGAN LAS 'DA' BAR 'GYUR BAR 'DOD DE, DE DAG LA MYA NGAN LAS 'DA' BA MI 'THAD DO, ,GAL TE 'DU BYED 'DI DAG MYA NGAN LAS 'DA' BAR 'DOD NA NI 'DU BYED 'DI DAG DON DAM PAR NGO BO NYID YOD PA KHO NAR SHES PAR BYA STE, NYON MONGS @252A *, ,PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RNGA MO LA SOGS PA'I RVA YOD PA MA YIN PA DAG LA NI DE DAG MED DO ZHES GZHAN GYI PHYOGS SUN 'BYIN PA DANG, RANG GI GZHUNG 'DZUGS PA'I TSIG STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE YIN PAR GO RIMS BZHIN DU SBYAR TE, 'DI NA RNGA MO LA SOGS PA'I RVA YOD PA MA YIN PA GANG DAG LA NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA MED PA DE DAG NI NGO BO NYID YOD PA MA YIN GYI, 'DU BYED GANG DAG LA NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA YOD PA DE DAG NI DON DAM PAR NGO BO NYID YOD PA KHO NAR SHES PAR BYA'O ZHES ZER RO, ,DE SKAD CES ZER BA DE'I LAN DU, 'DIR SLOB DPON GYIS BSHAD PA, GAL TE 'DI KUN MI STONG NA, ,'BYUNG BA MED CING 'JIG PA MED, ,NGO BO NYID YOD PAS NGES PAR GNAS PA NGO BO NYID MI 'GYUR BA LA DE DAG MI 'THAD PA'I PHYIR RO, ,DE'I PHYIR, GANG ZHIG SPANG DANG 'GAGS PA LAS, ,MYA NGAN 'DA' BAR 'GYUR BAR 'DOD, , CES BYA BA SMRAS TE, 'DI YANG STONG PA NYID KYI MI MTHUN PA'I PHYOGS KYI KHYAD PAR DGAG PA SNGAR BSTAN PA DE NYID RNAM PA GZHAN DU BSHAD PA YIN NO, ,DE'I PHYIR, 'DI LTAR KHYOD KYIS SMRAS PA'I GTAN TSIGS LA RJES SU 'GRO BA YOD PAR GYUR NA NI BSGRUB PAR BYA BA SGRUB NUS PAR YANG 'GYUR GRANG NA; DE YANG MED PAS KHO BO CAG GI PHYOGS LA NGO BO NYID YOD PAR SMRA BA'I GTAN TSIGS THUN MONG MA YIN PA NYID DANG, DON 'GAL BA NYID KYANG YIN NO ZHES BYA BA SMRAS TE, 'DIS NI 'DU BYED MYA NGAN LAS 'DA' BAR SMRA BA DAG GI GTAN TSIGS NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RO ZHES BYA BA DE LA RJES SU 'GRO BA'I DPE 'DU BYED DE DAG DON DAM PAR NGO BO NYID YOD PA KHO NAR SHES PAR BYA STE, DPER NA CHE GE MO ZHIG BZHIN NO ZHES BYA BA YOD PAR GYUR NA NI DES BSGRUB PAR BYA BA 'DU BYED RNAMS DON DAM PAR NGO BO NYID @252B YOD PA KHO NAR SHES PAR BYA STE ZHES BYA BA DE SGRUB NUS PAR YANG 'GYUR GRANG NA, DE YANG MED PAS KHO BO CAG GI PHYOGS LA KHYED KYI GTAN TSIGS DE THUN MONG MA YIN PA NYID YIN PAS DON DAM PAR MA GRUB PA NYID YIN LA, KUN RDZOB TU SGRUB NA NI DON 'GAL BA NYID KYANG YIN NO ZHES BSTAN TO; ,DA NI PHA ROL PO DAG GI GTAN TSIGS NYON MONGS PA SPANG BA DANG, MING DANG GZUGS 'GAG PAS MYA NGAN LAS 'DAS PA 'THOB PA'I PHYIR RO ZHES BYA BA DE'I DON BDEN PA GNYI GAR YANG MI 'GRUB PA BSTAN PA'I PHYIR, GTAN TSIGS KYI DON DRI BAR YANG BYA STE, JI THA SNYAD DU MYA NGAN LAS 'DAS PA 'THOB PA'I PHYIR RAM, 'ON TE DON DAM PAR 'THOB PA'I PHYIR ZHES BRTAG PA RNAM PA GNYIS SMRAS SO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA GAL TE THA SNYAD DU NA NI GRUB PA LA SGRUB PA YIN NO ZHES BYA BA SMRAS SO, ,BRTAG PA GNYIS PA MI 'THAD PAR BSTAN PA'I PHYIR, 'ON TE DON DAM PAR NA NI KHO BO CAG ,SPANG BA MED PA 'THOB MED PA, ,CHAD PA MED PA RTAG MED PA, ,'GAG PA MED PA SKYE MED PA, ,DE NI MYA NGAN 'DAS PAR 'DOD, ,DE'I PHYIR NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RO ZHES GANG SMRAS PA'I GTAN TSIGS DE'I DON MA GRUB PA NYID DO ZHES BYA BA SMRAS SO, ,TSIG LE'UR BYAS PA'I TSIG GI DON DE DAG NI GCIG GIS GCIG BSHAD PAR BYA'O, ,DA NI PHA ROL PO DAG DON DAM PAR DNGOS PO RNAMS NGO BO NYID YOD PA NYID DU BSGRUB PA'I GTAN TSIGS NYON MONGS PA SPANG BA DANG, PHUNG PO 'GAGS PAS MYA NGAN LAS 'DAS PA 'THOB PA'I PHYIR RO ZHES BYA BA DE LA, MYA NGAN LAS 'DAS PA 'THOB PA YOD PAR SMRA BA DAG LAS KHA CIG NI MYA NGAN LAS 'DAS PA DNGOS PO YIN PAR 'DOD, KHA CIG NI MYA NGAN LAS 'DAS PA DNGOS PO MED PA YIN PAR 'DOD PAS DE GNYI GA LA YANG MYA NGAN LAS 'DAS PA 'THOB PA YOD PAR MI 'THAD PAR BSTAN PA'I PHYIR, YANG GZHAN YANG 'DI LA MYA NGAN LAS 'DAS PA SMRA BA DAG LAS KHA CIG NI MYA NGAN LAS 'DAS PA RDZAS SU YOD PAR SMRA, GZHAN DAG NI RDZAS SU YOD PA MA YIN PAR SMRA STE, DE GNYI GA YANG @253A *, ,JI LTAR MI 'THAD PA DE LTAR BRTAG PAR BYA'O ZHES BYA BA SMRAS TE, RDZAS SU YOD PAR SMRA BA NI DNGOS PO YIN PAR SMRA BA STE GRANGS CAN DANG, BYE BRAG PA DANG, BYE BRAG TU SMRA BA DANG, RNAL 'BYOR SPYOD PA LA SOGS PA DAG GO, ,RDZAS SU YOD PA MA YIN PAR SMRA BA NI DNGOS PO MED PA YIN PAR SMRA BA STE, GOS DMAR SDE DANG, MDO SDE PA DANG, 'JIG RTEN RGYANG PHAN PA LA SOGS PA DAG GO, ,DE LA RE ZHIG MYA NGAN LAS 'DAS PA DNGOS PO YIN PAR 'DOD PA DAG GI GZHUNG JI LTAR MI 'THAD PA DE LTAR BRTAG PAR BYA STE, DE'I PHYIR, MYA NGAN 'DAS PA DNGOS PO MIN,, RGA SHI'I MTSAN NYID THAL BAR 'GYUR, ,MYA NGAN LAS 'DAS PA DNGOS PO YIN PAR STON PA'I RJES SU DPAG PA MED PA'I PHYIR DANG, DNGOS PO NYID DU RJES SU DPOG PAS RGA SHI'I MTSAN NYID KYIS MYA NGAN LAS 'DAS PA RGA SHI'I MTSAN NYID CAN DU THAL BAR 'GYUR BA'I PHYIR ZHES BYA BA SMRAS TE, DES NI MYA NGAN LAS 'DAS PA DNGOS PO MA YIN TE DNGOS PO YIN PAR STON PA'I RJES SU DPAG PA MED PA'I PHYIR DANG, DNGOS PO NYID DU RJES SU DPOG PA NA RGA SHI'I MTSAN NYID CAN DU THAL BAR 'GYUR BA'I PHYIR DNGOS PO MA YIN NO ZHES BSTAN TO, ,DNGOS PO NYID RJES SU DPOG NA, CI'I PHYIR RGA SHI'I MTSAN NYID CAN DU THAL BAR 'GYUR ZHE NA, DE'I PHYIR, RGA DANG 'CHI BA MED PA YI, ,DNGOS PO YOD PA MA YIN NO, ,DNGOS PO NI RGA SHI'I MTSAN NYID MED NA MI 'BYUNG BA NYID YIN PA'I PHYIR RO ZHES BYA BAR DGONGS SO ZHES BYA BA SMRAS TE, DA NI DE LTAR DNGOS PO NI RGA SHI'I MTSAN NYID CAN YIN PAS MYA NGAN LAS 'DAS PA NI RGA SHI MED PA'I PHYIR DNGOS PO MA YIN PAR BSTAN PA'I PHYIR, DE NI MI 'DOD DE, MYA NGAN LAS 'DAS PA NI RGA SHI MED PAR 'DOD PAS DE'I PHYIR SMRA BA NUS TE ZHES BYA BA SMRAS SO, ,DE NYID KYI RJES SU DPAG PA BSTAN PA'I PHYIR, DON DAM PAR MYA NGAN LAS 'DAS PA NI DNGOS PO YOD PA MA YIN TE; RGA SHI MED PA'I PHYIR, DPER NA MO GSHAM GYI BU BZHIN PAS DE'I PHYIR KHYOD KYI PHYOGS LA YANG GTAN TSIGS KYI DON MA GRUB PA DE NYID YOD DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DUNG NA CHUG BSDU BA YIN PAR @253B GO RIMS BZHIN DU SBYAR TE, DPER NA MO GSHAM GYI BU NI RGA SHI MED PA'I PHYIR KHYOD DNGOS PO MA YIN PA DE BZHIN DU MYA NGAN LAS 'DAS PA YANG RGA SHI MED PA'I PHYIR DNGOS PO MA YIN PAS DE'I PHYIR DNGOS POR SMRA BA KHYOD KYI PHYOGS LA YANG DON DAM PAR 'DU BYED RNAMS NGO BO NYID YOD PA KHO NAR SHES PAR BYA STE; NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RO ZHES BYA BA'I GTAN TSIGS KYI DON MA GRUB PA DE NYID YOD DO, ,DA NI MYA NGAN LAS 'DAS PA DNGOS PO YIN PAR GYUR NA, 'DUS BYAS YIN PAR THAL BAR 'GYUR BAS DNGOS PO MA YIN PAR SGRUB PA BSTAN PA'I PHYIR, YANG NA SUN DBYUNG BA'I LAM GZHAN YOD DE, MYA NGAN LAS 'DAS PA DNGOS PO YIN PAR SMRA BA DAG GI PHYIR BSHAD PA, GAL TE MYA NGAN 'DAS DNGOS NA, ,MYA NGAN 'DAS PA 'DUS BYAS 'GYUR, ,'DUS BYAS YIN PAR MI 'DOD DE, ,ZHES BYA BA SMRAS SO, ,'DIS NI MYA NGAN LAS 'DAS PA'I CHOS NI 'DUS BYAS NYID MA YIN PAR BSTAN TO ZHES BYA BAS NI TSIG LE'UR BYAS PA'I PHYED GONG MA 'DIS NI MYA NGAN LAS 'DAS PA DNGOS PO MA YIN PAR SGRUB PA'I CHOS GTAN TSIGS NI 'DUS BYAS NYID MA YIN PAR BSTAN TO, ,CI'I PHYIR DNGOS PO YIN NA 'DUS BYAS SU 'GYUR ZHE NA, DE'I 'THAD PA BSTAN PA'I PHYIR, ,DNGOS PO 'DUS BYAS MA YIN PA, ,'GA' YANG JI LTAR YOD MA YIN, ,ZHES BYA BA SMRAS SO, ,'DIS NI CHOS MI MTHUN PA'I PHYOGS KYI DPE BSTAN TO ZHES BYA BAS NI TSIG LE'UR BYAS PA'I PHYED 'OG MA 'DIS NI MYA NGAN LAS 'DAS PA DNGOS PO MA YIN PAR BSGRUB PA'I CHOS MTHUN PA'I PHYOGS KYI DPE NI DNGOS PO 'DUS BYAS MA YIN PA 'GA' YANG MED PA'I SGO NAS NAM MKHA'I ME TOG LTA BU 'DUS BYAS MA YIN PA DPE NYID DU BSTAN TO, ,DE NYID KYI TSAD MA BSTAN PA'I PHYIR, DE'I PHYIR RJES SU DPAG PA NI MYA NGAN LAS 'DAS PA NI DNGOS PO MA YIN TE, 'DUS BYAS MA YIN PA'I PHYIR DPER NA NAM MKHA'I ME TOG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NAM MKHA'I ME TOG NI 'DUS BYAS MA YIN PA'I PHYIR DNGOS PO MA YIN PA DE BZHIN DU MYA @254A *, ,NGAN LAS 'DAS PA YANG 'DUS MA BYAS PA'I PHYIR DNGOS PO MA YIN NO, ,DA NI MYA NGAN LAS 'DAS PA DNGOS PO YIN NA BSTEN NAS GDAGS PAR BYA BA YIN PAR THAL BAR 'GYUR BAS DNGOS PO MA YIN PAR BSGRUB PA BSTAN PA'I PHYIR, YANG NA SBYOR BA'I LAM GZHAN YANG YOD DE; ,GAL TE MYA NGAN 'DAS DNGOS NA, ,JI LTAR MYANG 'DAS DE BSTEN MIN, ,DNGOS PO NI BSTEN NAS GDAGS PAR BYA BA NYID MED NA MI 'BYUNG BA'I PHYIR RO ZHES BYA BAR DGONGS SO ZHES BYA BA SMRAS SO, ,'DIS NI MYA NGAN LAS 'DAS PA'I CHOS NI BSTEN NAS GDAGS PAR BYA BA NYID MA YIN PA NYID BSTAN TO ZHES BYA BA NI TSIG LE'UR BYAS PA'I PHYED GONG MA 'DIS NI MYA NGAN LAS 'DAS PA DNGOS PO MA YIN PAR BSGRUB PA'I CHOS GTAN TSIGS NI BSTEN NAS GDAGS PAR BYA BA NYID MA YIN PAR BSTAN TO, ,CI'I PHYIR DNGOS PO YIN NA BSTEN NAS GDAGS PAR BYA BA NYID YIN PAR 'GYUR ZHE NA, DE'I 'THAD PA BSTAN PA'I PHYIR, DE NYID KYI PHYIR BSHAD PA, DNGOS PO BSTEN PA MA YIN PA, ,'GA' YANG YOD PA MA YIN NO, ,GANG MA BSTEN PAR YOD PA'I DNGOS PO NI 'GA' YANG MED DO ZHES BYA BA SMRAS SO, ,'DIS NI CHOS MTHUN PA'I PHYOGS KYI DPE MA YIN PA NYID BSTAN TO ZHES BYA BAS NI TSIG LE'UR BYAS PA'I PHYED 'OG MA 'DIS NI MYA NGAN LAS 'DAS PA DNGOS PO MA YIN PAR BSGRUB PA'I CHOS MTHUN PA'I PHYOGS KYI DPE NI DNGOS PO BSTEN NAS GDAGS PAR BYA BA MA YIN PA 'GA' YANG MED PA'I SGO NAS RI BONG GI RVA LTA BU BSTEN NAS GDAGS PAR BYA BA NYID MA YIN PA DPE DE NYID DU BSTAN TO, ,DE NYID KYI TSAD MA BSTAN PA'I PHYIR, DE'I PHYIR RJES SU DPAG PA NI MYA NGAN LAS 'DAS PA NI DNGOS PO MA YIN TE, BSTEN NAS GDAGS PAR BYA BA NYID MA YIN PA'I PHYIR, DPER NA RI BONG GI RVA BZHIN NO ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG RVA NI BSTEN NAS GDAGS PAR BYA BA NYID MA YIN PA'I PHYIR DNGOS PO MA YIN PA DE BZHIN DU MYA NGAN LAS 'DAS PA YANG BSTEN NAS GDAGS PAR BYA BA NYID MA YIN PA'I PHYIR DNGOS PO @254B YANG MA YIN NO, ,DE LTAR RE ZHIG MYA NGAN LAS 'DAS PA DNGOS PO YIN PAR 'DOD PA DAG GI GZHUNG JI LTAR MI 'THAD PA DE LTAR BRTAG PA BSTAN TO, ,DA NI MYA NGAN LAS 'DAS PA DNGOS PO MED PA YIN PAR 'DOD PA DAG GI GZHUNG JI LTAR MI 'THAD PA DE LTAR BRTAG PAR BYA STE, DE'I PHYIR, GOS DMAR SDE GANG DAG MYA NGAN LAS 'DAS PA MAR ME SHI BA BZHIN NO ZHES BYA BA SMRA BA DANG, MDO SDE PA DAG SKYE BA MED PA TZAM LA MYA NGAN LAS 'DAS PAR THA SNYAD 'DOGS PA DE DAG GI PHYIR BSHAD PA, GAL TE MYA NGAN 'DAS DNGOS MIN, ,DNGOS MED JI LTAR RUNG BAR 'GYUR, ,GAL TE MYA NGAN LAS 'DAS PA DNGOS PO MED PA YIN NA DNGOS PO MED PA RDZAS SU MED PA'I RNAM GRANGS LA BYE BRAG TU SMRA BA LA SOGS PAS BRTAGS PA DON DAM PA'I DGE BA DANG NYON MONGS PA NYE BAR ZHI BA'I MTSAN NYID DAG JI LTAR RUNG BAR 'GYUR TE, DNGOS PO MED PA LA NAM MKHA'I ME TOG BZHIN DU DGE BA NYID LA SOGS PA DAG MI 'THAD PA'I PHYIR DANG, MYA NGAN LAS 'DAS PA RDZAS SU MED PA'I NGO BO NYID YIN PAR STON PA'I RJES SU DPAG PA MED PA'I PHYIR MYA NGAN LAS 'DAS PA DNGOS PO MED PA MA YIN NO ZHES BYA BAR DGONGS SO ZHES BYA BA SMRAS TE, DES NI GOS DMAR SDE DAG GI GZHUNG LAS, JI LTAR MAR ME SHI BA NI, ,SA LA MI 'GRO MKHA' LA MIN, ,PHYOGS SU MI 'GRO PHYOGS MTSAMS MIN, ,MAR ZAD NYI TSE SHI 'GYUR LTAR, ,SANGS RGYAS MYA NGAN 'DAS PA YANG, ,SA LA MI 'GRO MKHA' LA MIN, ,PHYOGS SU MI 'GRO PHYOGS MTSAMS MIN, ,SRED ZAD NYI TSES 'DA' BAR 'GYUR, ,ZHES SMRA ZHING MYA NGAN LAS 'DAS PA MAR ME SHI BA BZHIN DU DNGOS PO MED PA YIN PAR 'DOD PA DANG, MDO SDE PA DAG NYON MONGS PA DANG, MING DANG GZUGS SKYE BA MED PA TZAM LA MYA NGAN LAS 'DAS PAR THA SNYAD GDAGS KYI MYA NGAN LAS 'DAS PA ZHES BYA BA NYID NI DNGOS PO MED PA YIN NO ZHES ZER BAS DE DAG GI PHYIR 'DI BSHAD DE, GAL TE MYA NGAN LAS 'DAS PA DNGOS PO MED PA YIN NA, DNGOS PO MED PA RDZAS SU MED PA'I RNAM GRANGS LA BYE BRAG TU SMRA BA LA SOGS PAS BRTAGS PA MYA NGAN LAS 'DAS PA NI DON DAM PA'I DGE BA DANG NYON MONGS PA NYE BAR ZHI BA'I MTSAN @255A *, ,NYID RNAM PAR GROL BA'I BDE BA CHEN PO YIN NO ZHES BYA BA'I LUNG DE DAG JI LTAR RUNG BAR 'GYUR TE, MYA NGAN LAS 'DAS PA DNGOS PO MED PA YIN PAR SMRA BA DAG LUNG DE DAG MI 'THAD PA'I GNOD PA YOD PA'I PHYIR, MYA NGAN LAS 'DAS PA RDZAS SU MED PA'I NGO BO NYID YIN PAR STON PA'I RJES SU DPAG PA MED PA'I PHYIR MYA NGAN LAS 'DAS PA DNGOS PO MED PA MA YIN NO ZHES BYA BAR DGONGS SO ZHES BSTAN TO, ,YANG GZHAN YANG JI SKAD BSTAN PA'I SGRUB PAS, ,GANG LA MYA NGAN 'DAS DNGOS MIN, ,DE LA DNGOS MED YOD MA YIN, ,MAR ME'I DPES MAR ME NI DNGOS PO NYID YIN PAR 'JIG RTEN LA GRAGS TE, PHYIS MED PA'I PHYIR RO ZHES BYA BAS NI GOS DMAR SDE GANG DAG MYA NGAN LAS 'DAS PA MAR ME SHI BA BZHIN NO ZHES ZER BA'I SGRUB PA JI SKAD BSTAN PA DES NA, DE DAG GI PHYOGS LA MYA NGAN LAS 'DAS PA DNGOS PO LA BRTEN PA YIN PAS, DE LA DNGOS PO MED PA YOD PA MA YIN TE, MAR ME'I DPES MAR ME NI PHYIS SHI BA NA MED PAR GYUR PA'I PHYIR MA SHI BA'I DUS NA DNGOS PO NYID YIN PAR 'JIG RTEN LA GRAGS PAS DE DNGOS PO MED PA MA YIN PA DE BZHIN DU MYA NGAN LAS 'DAS PA YANG DNGOS PO MED PA MA YIN PAR BSTAN TO, ,GAL TE 'DIR GOS DMAR SDE DAG 'DI SKAD CES KHO BO CAG GIS MYA NGAN LAS 'DAS PA'I DPE MAR ME LAS BLANGS PA DES MAR ME DNGOS PO YOD PA BZHIN DU MYA NGAN LAS 'DAS PA DNGOS PO YOD PAR MA SMRAS KYI MAR ME SHI BA DNGOS PO MED PA BZHIN DU MYA NGAN LAS 'DAS PA DNGOS PO MED PAR SMRAS PAS; DES NA MAR ME SHI BA BZHIN DU MYA NGAN LAS 'DAS PA DNGOS PO MED PA YIN PAR GRUB PO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR BSTAN BCOS MDZAD PAS YANG, GZHAN YANG, GAL TE MYA NGAN 'DAS DNGOS MIN, ,JI LTAR MYANG 'DAS DE BSTEN MIN, ,MAR ME DNGOS PO MED PA BSTEN NAS GDAGS PA NI, BSTEN NAS GDAGS PAR BYA BA NYID YIN PA'I PHYIR RO ZHES BYA BAR DGONGS SO ZHES BSHAD DE, MYA NGAN LAS 'DAS PA MAR ME SHI BA BZHIN DU DNGOS PO MED PA YIN NA BSTEN NAS GDAGS @255B PAR BYA BA YIN PAR THAL BAR 'GYUR TE, DPER NA MAR ME SHI BA DNGOS PO MED PA NI DNGOS PO LA BRTEN NAS GDAGS PAR BYA BA NYID YIN PA DE BZHIN DU MYA NGAN LAS 'DAS PA DNGOS PO MED PA YANG DNGOS PO LA BSTEN NAS GDAGS PAR BYA BA NYID YIN PAR THAL BAS DE LTA NA MYA NGAN LAS 'DAS PA BSTAN NAS GDAGS PAR BYA BA NYID MA YIN PA'I LUNG DANG 'GAL LO ZHES BYA BAR DGONGS SO, ,CI'I PHYIR DNGOS PO MED PA YIN NA BSTEN NAS GDAGS PAR BYA BA NYID YIN PAR 'GYUR ZHE NA, DE'I 'THAD PA BSTAN PA'I PHYIR, DE NYID KYI PHYIR BSHAD PA, GANG ZHIG BSTEN PA MA YIN PA'I; ,DNGOS MED YOD PA MA YIN NO, ,GANG MA BSTEN PAR YOD PA'I DNGOS PO MED PA NI 'GA' YANG MED DO ZHES BYA BA SMRAS TE, 'DIR YANG RDZES SU DPAG PA NI MYA NGAN LAS 'DAS PA NI DNGOS PO MED PA MA YIN TE, BSTEN NAS GDAGS PAR BYA BA NYID MA YIN PA'I PHYIR, DPER NA RI BONG GI RVA BZHIN NO ZHES BYA BAR SBYAR RO, ,'DIR GAL TE PHA ROL PO DAG 'DI SKAD CES SANGS RGYAS PAR GTOGS PA THAMS CAD KYIS MYA NGAN LAS 'DAS PA 'DOD PAR BYA BA YIN NA DE KHYOD KYI DNGOS PO DANG DNGOS PO MED PA'I TSUL GNYI GAR BRTZAL BAS DE'I PHYIR, KHYOD LA KHAS BLANGS PA LA GNOD PA'I SKYON DU 'GYUR RO ZHES ZER BA'I PHYOGS SNGA MA'I KHONG NAS DBYUNG BA DE'I LAN DU, 'DIR BSTAN BCOS MDZAD PAS, GANG GI PHYIR DE LTAR JI SKAD BSTAN PA'I TSUL GYIS DON DAM PAR MYA NGAN LAS 'DAS PA DNGOS PO DANG DNGOS PO MED PA MA YIN PA DE'I PHYIR, 'ONG BA DANG NI 'GRO BA'I DNGOS; ,BSTEN TAM RGYUR BYAS GANG YIN PA, ,DE NI BSTEN MIN RGYUR BYAS MIN, ,MYA NGAN 'DAS PA YIN PAR BSTAN, ,'ONG BA DANG 'GRO BA'I DNGOS PO BSTEN NAS 'BYUNG BA DANG RGYUR BYAS NAS GDAGS PA GANG YIN PA DE DAG BSTEN NAS 'BYUNG BA DANG, RGYUR BYAS ZHES GDAGS PA MED PA NI THA SNYAD DU MYA NGAN LAS 'DAS PA YIN PAR BSTAN PAS, DON DAM PAR MYA NGAN LAS 'DAS PA DNGOS PO DANG DNGOS PO MA YIN PA NYID DU BKAG KYANG KHAS BLANGS PA LA GNOD PA'I SKABS MED DO ZHES BYA BA SMRAS TE, 'DIS NI KUN RDZOB TU 'ONG BA DANG, 'GRO BA'I DNGOS PO BSTEN @256A *, ,NAS 'BYUNG BA DANG, RGYUR BYAS NAS GDAGS PA GANG YIN PA DE NI 'KHOR BA YIN LA, 'KHOR BA DE NYID BSTEN NAS 'BYUNG BA DANG, RGYUR BYAS NAS GDAGS PA MED PA NI MYA NGAN LAS 'DAS PA YIN PAR BSTAN PAS DON DAM PAR MYA NGAN LAS 'DAS PA DNGOS PO DANG DNGOS PO MA YIN PA NYID DU BKAG KYANG KHO BO CAG LA KHAS BLANGS PA LA GNOD PA'I SKABS MED DO ZHES BSTAN TO, ,DE LA 'ONG BA NI SKYE BA YIN, GRO BA NI 'GAG PA YIN TE, SKYE BA DANG 'GAG PA'I DNGOS PO DE YANG RKYEN 'GA' ZHIG LA BRTEN NAS 'BYUNG BA DANG, NYE BAR LEN PA 'GA' ZHIG RGYUR BYAS NAS GDAGS PA YIN PA DE NI 'KHOR BA ZHES BYA STE, 'DI LTAR 'DU BYED KYI TSOGS RKYEN 'GAG ZHIG LA BRTEN TAM, NYE BAR LEN PA 'GA' ZHIG RGYUR BYAS NAS 'GRO BA LNGA'I 'KHOR BAR 'ONG BA DANG 'GRO BA'I TSUL GYIS 'KHOR LO'I RNAM PA BZHIN DU SKYE BA DANG 'GAG PAR 'GYUR BA NI 'KHOR BA YIN PA'I PHYIR RO, ,DE NYID RKYEN LA MA BRTEN TAM NYE BAR LEN PA RGYUR MA BYAS PAS 'GRO BA LNGA'I 'KHOR BA 'ONG BA DANG, 'GRO BA'I TSUL GYIS 'KHOR LO'I RNAM PA BZHIN DU SKYE BA DANG 'GAG PAR MI 'GYUR BA 'DI MYA NGAN LAS 'DAS PA YIN NO, ,DE LTAR DBU MA PAS KUN RDZOB KYI THA SNYAD DU 'KHOR BA DANG, MYA NGAN LAS 'DAS PA GNYI GA YOD PAR KHAS LEN PAS DON DAM PAR MYA NGAN LAS 'DAS PA DNGOS PO DANG DNGOS PO MED PA GNYI GA MA YIN PAR BKAG TU ZIN KYANG KHAS BLANGS PA LA GNOD PA'I SKYON DU 'GYUR BA MED DO ZHES BYA BAR SBYAR RO, DA NI SNGAR PHA ROL PO DAG NA RE DNGOS PO RNAMS NGO BO NYID YOD NA NYON MONGS PA SPANG BA DANG, PHUNG PO 'GAGS PAS MYA NGAN LAS 'DAS PA RNAM PA GNYIS 'THOB PAR 'GYUR BAS NGO BO NYID YOD PAR SMRA BA LA MYA NGAN LAS 'DAS PA 'THOB PA YOD DO ZHES ZER BA DE NYID DGAG PA'I PHYIR YANG, GZHAN YANG, 'BYUNG BA DANG NI 'JIG PHA DANG, ,SPANG BAR STON PAS BKA' STAL TO, ,ZHES BYA BA SMRAS TE, 'BYUNG BA NI SRID PAR 'KHOR BA YIN LA 'JIG PA NI NYON MONGS PA SPANG BA DANG, PHUNG PO 'GAGS PAS MYA NGAN LAS 'DAS PA YIN PAS DE GNYIN YANG DNGOS PO DANG DNGOS PO MED @256B PA'I MTHAR LTA BA YIN PA'I PHYIR SPANG BAR STON PAS BKA' STZAL TE, DNGOS PO'I MTSAN NYID KYI NYON MONGS PA SPANG BA DANG, PHUNG PO 'GAGS PAS DNGOS PO'I MTSAN NYID GYI MYA NGAN LAS 'DAS PA 'THOB PAR BYA BA YANG MED LA, DNGOS PO MED PA'I MTSAN NYID KYI NYON MONGS PA SPANG BA DANG, PHUNG PO 'GAGS PAS DNGOS PO MED PA'I MTSAN NYID KYI MYA NGAN LAS 'DAS PA 'THOB PAR BYA BA YANG MED DO ZHES BKA' STZAL TO, ,DE NYID KYI KHUNGS BSTAN PA'I PHYIR, ,MDO SDE LAS JI SKAD DU GANG DAG 'BYUNG BA 'AM, 'JIG PAS SRID PA LAS NGES PAR 'BYUNG BA YONGS SU TSOL BAR BYED PA DE DAG GI DE NI YONGS SU MI SHES PA YIN NO ZHES GSUNGS PA LTA BU'O ZHES BYA BA SMRAS SO, ,DE PHYIR MYA NGAN 'DAS PA NI, ,DNGOS MIN DNGOS MED MIN PAR RIGS, ,ZHES PA NI MJUG BSDU BA YIN TE, DE LTAR BCOM LDAN 'DAS NYID KYIS MYA NGAN LAS 'DAS PA RNAM PA GNYI GAR DGAG PA MDZAD PAS; DE'I PHYIR MYA NGAN LAS 'DAS PA NI DNGOS PO YANG MA YIN LA, DNGOS PO MED PA YANG MA YIN PAR RIGS PAS KHAS BLANGS PA LA GNOD PAR YANG MI 'GYUR RO, ,GAL TE 'BYUNG BA NI SPANG BAR BYA BA NYID KYIS SUN DBYUNG BAR BYA BA YIN PA'I PHYIR DNGOS PO NYID DGAG PA MI RIGS SO ZHE NA ZHES BYA BA PHA ROL PO DAG NA RE 'BYUNG BA NI SRID PA 'KHOR BA STE, DE NI SPANG BAR BYA BA NYID KYIS SUN DBYUNG BAR BYA BA YIN PA'I PHYIR DNGOS PO NYID YIN PAS DNGOS PO DE DNGOS PO MED PAR DGAG PA MI RIGS SO ZHES ZER BA'I TSIG YIN NO, ,DE'I LAN DU 'GREL PA BYED PA NYID KYIS 'BYUNG BA YANG DNGOS PO'I BDAG NYID YIN PA'I PHYIR SKYON MED DO ZHES BYA BA SMRAS TE, 'BYUNG BA YANG 'KHOR BA'I DNGOS PO'I BDAG NYID YIN PA'I PHYIR DE NI NGO BO NYID KYIS SPANG DU MED CING SUN DBYUNG DU MED PA'I PHYIR DE DNGOS PO NYID MA YIN PAR BKAG PA LA SKYON MED DO, ,RE ZHIG DE DAG GIS NI MYA NGAN LAS 'DAS PA DNGOS PO YIN PAR 'DOD PA DANG, DNGOS PO MED PA YIN PAR 'DOD PA DAG JI LTAR MI 'THAD PA DE LTAR BRTAG PA BSTAN TO, ,DA NI MU STEGS 'OS PA PA DAG GI GZHUNG LAS MYA NGAN LAS 'DAS PA NI DNGOS PO DANG DNGOS PO MED PA GNYI GA'I BDAG NYID YIN PAR 'DOD PA'I GZHUNG DGAG PAR BYA STE, DE LA RE ZHIG DE @257A *, ,DAG GI PHYOGS SNGA MA BSTAN PA'I PHYIR DANG, GZHAN DAG GIS SMRAS PA, THAR PA NI DNGOS PO YANG YIN LA DNGOS PO MED PA YANG YIN PAS GNYI GA'I BDAG NYID YIN PA'I PHYIR SKYON MED DO ZHES BYA BA SMRAS TE, DE NI MU STEGS 'OS PA DAG NA RE THAR PA NI 'JIG RTEN 'DUS PA ZHES BYA BA GRUB PA'I ZHING GI MTSAN NYID YIN PAS YOD LA, DE LA SROG GI TSIG GI DON NGES PAR GNAS PA'I PHYIR DNGOS PO YANG YIN LA 'KHOR BA'I SDUG BSNGAL RGYUN CHAD BAS DNGOS PO MED PA YANG YIN TE, JI SKAD DU, RGYAL BAS GSUNGS PA'I THAR PA 'TSO BYED PA, ,RGYA SPOS DRI MA MED PA'I MDOG DANG NI, , 'O MA MU TIG BA MO'I MDOG 'DRA ZHING, ,DBYIBS NI GDUGS ZLUM BKAN PA LTA BU YIN, ,ZHES BSHAD PA LTA BU STE, DE'I DON NI THAR PA 'JIG RTEN 'DUS PA ZHES BYA BA GRUB PA'I ZHING GI MTSAN NYID 'JIG RTEN THAMS CAD KYI STENG NA GNAS PA DE'I KHA DOG NI RGYA SPOS KYI ME TOG DANG, 'O MA DANG, MU TIG DANG; KHA BA'I MDOG 'DRA LA DBYIBS NI GDUGS ZLUM PO BKAN PA LTAR 'DUG PA YIN TE, DE LA SROG GI TSIG GI DON NGES PAR GNAS PAS DNGOS PO YANG YIN LA, 'KHOR BA'I SDUG BSNGAL RGYUN CHAD PAS DNGOS PO MED PA YANG YIN PAS GNYI GA'I BDAG NYID YIN PA'I PHYIR KHYED DBU MA PAS DNGOS PO DANG DNGOS PO MED PA BKAG PA'I SKYON KHO BO CAG GI PHYOGS LA MED DO ZHES ZER BA'I TSIG YIN NO, ,DE SKAD CES ZER BA DE DAG GI GZHUNG YANG JI LTAR MI 'THAD PA DE LTAR BRTAG PAR BYA STE, DE'I PHYIR 'DI BSHAD DE, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA; ,DNGOS DANG DNGOS PO MED PA DAG ,THAR BAR 'GYUR BA DE MI RIGS, ,DGAG PA MI MTHUN PA'I PHYIR TE, GAL TE DNGOS PO YIN NA JI LTAR DNGOS PO MED PA YIN, JI STE DNGOS PO MED PA YIN NA NI DNGOS PO ZHES BYA BA MA YIN NO ZHES BYA BA SMRAS TE, TSIG LE'UR BYAS PA'I PHYED GONG MAS NI PHA ROL PO'I GZHUNG BSNAN PA BSTAN LA PHYED 'OG MAS NI DE MI 'THAD PAR SUN DBYUNG BA BSTAN TE, GAL TE MYA NGAN LAS 'DAS PA DNGOS PO DANG DNGOS PO MED PA GNYI GA YIN NA DNGOS PO DANG DNGOS PO MED PA MI MTHUN PA DE DAG THAR PA 'JIG RTEN 'DUS PA ZHES BYA BA GRUB PA'I ZHING GI MTSAN @257B NYID YIN PAR 'GYUR BA DE MI RIGS TE, KHYOD PHYED NI YOD LA PHYED NI MED PAR 'DOD PA DE LTA NA KHYOD KYI THAR PA KHA DOG DKAR PO DBYIBS ZLUM PO DE YANG PHYED YOD LA PHYED MED PAS PHYED DKAR PHYID GNAG DANG ZLA GAM LTA BUR 'GYUR LA KHYOD KYI SROG GI TSIG GI DON NGES PAR GNAS PA DE YANG PHYED YOD PHYED MED PAS PHYED SHI PHYED GSON PAR 'GYUR ZHING KHYOD KYI 'KHOR BA'I SDUG BSNGAL RGYUN CHAD PA DE YANG PHYED YOD PHYED MED PAS PHYED SDUG PHYED SKYID PAR 'GYUR BAS DE LTA BU'I THAR PA DE NI YOD PAR MI RIGS SO, ,JI STE YANG LTOS PA'I DBANG GIS DNGOS PO DANG DNGOS PO MED PA'I MTSAN NYID YIN TE, LUS DANG DBANG PO DANG BLO MED PA'I PHYIR DNGOS PO MED PA YIN LA, BDE BA LA BZLAR MED PA GTAN DU BA DANG LDAN PA'I PHYIR DNGOS PO YIN NO ZHE NA ZHES BYA BA NI 'OS PA PA DAG NA RE MYA NGAN LAS 'DAS PA NI JI SKAD SMOS PA DE GNYIS LTOS PA'I DBANG GIS DNGOS PO DANG DNGOS PO MED PA GNYI GA'I MTSAN NYID YIN NO ZHES ZER BA'I TSIG YIN NO, ,DE'I LAN DU 'GREL PA BYED PA NYID KYIS DE NI BZANG PO MA YIN TE, LUS LA SOGS PA'I SKYE BA BKAG PA KHO NAS DE DAG MED PA BKAG PA'I PHYIR DANG BDE BA LA BZLAR MED PA GTAN DU BA YANG 'DUS BYAS KYI SKYE BA BKAG PA KHO NAS BKAG PA'I PHYIR DANG BDE BA 'DUS MA BYAS YOD PA NYID DU STON PA'I RJES SU DPAG PA MED PA'I PHYIR DE NI RIGS PA MA YIN NO ZHES BYA BA SMRAS TE, DON DAM PAR SKYE BA BKAG PA'I PHYIR LTOS PA SNGA MA GNYIS MO 'GRUB PA'I PHYIR DANG, BDE BA 'DUS MA BYAS YOD PA NYID DU STON PA'I RJES SU DPAG PA KHYED LA MED PA'I PHYIR DE YANG RIGS PA MA YIN NO, ,LHAG MA NI SNGA MA BZHIN NO ZHES BYA BA NI MYA NGAN LAS 'DAS PA DNGOS PO DANG DNGOS PO MED PA GNYI GA'I BDAG NYID YIN PAR 'DOD PA DGAG PA'I 'THAD PA LHAG MA NI SNGAR DNGOS POR 'DOD PA DANG, DNGOS PO MED PAR 'DOD PA DGAG PA'I PHYOGS SU BSTAN PA'I SKYON GNYI GAR 'GYUR RO ZHES BYA BAR SBYAR RO, ,DE YANG 'DI LTAR SBYAR TE, MYA NGAN 'DAS PA DNGOS PO MIN, ,RGA SHI'I MTSAN NYID THAL BAR 'GYUR, ,RGA DANG 'CHI BA MED PA YI, ,DNGOS PO YOD PA MA YIN NO, ,GAL TE MYA NGAN 'DAS DNGOS NA, ,MYA NGAN 'DAS @258A *, ,PA 'DUS BYAS 'GYUR, ,DNGOS PO 'DUS BYAS MA YIN PA, ,'GA' YANG JI LTAR YOD MA YIN, ,GAL TE MYA NGAN 'DAS DNGOS NA, ,JI LTAR MYANG 'DAS DE BRTEN MIN, ,DNGOS PO BRTEN PA MA YIN PA, ,'GA' YANG YOD PA MA YIN NO, ,ZHES BSHAD PA'I TSUL GYIS 'OS PA PA DAG GI THAR PA 'JIG RTEN 'DUS PA ZHES BYA BA GRUB PA'I ZHING GI MTSAN NYID SROG TSIG GI DON NGES PAR GNAS PA DE DNGOS PO YIN NA RGA SHI'I MTSAN NYID CAN DANG, 'DUS BYAS DANG BRTEN NAS GDAGS PAR BYA BA NYID YIN PAR THAL BAR 'GYUR RO, ,GAL TE MYA NGAN 'DAS DNGOS MIN, ,DNGOS MED JI LTAR RUNG BAR 'GYUR, ,GANG LA MYA NGAN 'DAS DNGOS YIN, ,DE LA DNGOS MED YOD MA YIN, ,GAL TE MYA NGAN 'DAS DNGOS MIN, ,JI LTAR MYANG 'DAS DE BRTEN MIN, ,GANG ZHIG BRTEN PA MA YIN PA'I, ,DNGOS MED YOD PA MA YIN NO, ,ZHES BSHAD PA'I TSUL GYIS 'OS PA PA DAG GI THAR PA 'JIG RTEN 'DUS PA ZHES BYA BA GRUB PA'I ZHING GI MTSAN NYID 'KHOR BA'I SDUG BSNGAL RGYUN CHAD PA DE DNGOS PO MED PA YIN NA DE LA DON DAM PA'I DGE BA DANG NYON MONGS PA NYE BAR ZHI BA'I MTSAN NYID DAG MI RUNG BA DANG, DNGOS PO MED PA MI RUNG BA DANG BRTEN NAS GDAGS PAR BYA BA NYID YIN PAR THAL BAR 'GYUR RO ZHES BYA BAR SBYAR RO, ,DA NI 'OS PA PA DAG GI MYA NGAN LAS 'DAS PA DNGOS PO DANG DNGOS PO MED PA GNYI GA'I BDAG NYID YIN NA BRTEN NAS GDAGS PAR BYA BA NYID YIN PAR THAL BAR 'GYUR BAR BSTAN PA'I PHYIR, YANG GZHAN YANG, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA, ,MYA NGAN 'DAS PA MA BRTEN MIN, ,'ON CI ZHE NA, BRTEN PA YIN PAR 'GYUR TE, 'DI LTAR, DE NI GNYIS LA BRTEN PHYIR RO, ,DNGOS PO DANG DNGOS PO MED PA'I MTSAN NYID GNYIS LA BRTEN PA'I PHYIR RO, ,MYA NGAN LAS 'DAS PA GNYIS LA BRTEN PAR NI MI 'DOD DO, ,RNAM PA DE LTA BU YOD PAR BSTAN DKA' BA'I PHYIR RO ZHES BYA BAR DGONGS SO ZHES BYA BA SMRAS SO, ,DA NI 'OS PA PA DAG GI MYA NGAN LAS 'DAS PA DNGOS PO DANG, DNGOS PO MED PA GNYI GA'I BDAG NYID YIN NA, 'DUS BYAS DANG 'DUS MA BYAS KYI MTSAN NYID MI MTHUN PA GNYIS 'GAL BAS MI RUNG PAR BSTAN @258B PA'I PHYIR, YANG GZHAN YANG, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA, ,MYA NGAN 'DAS PA 'DUS MA BYAS, ,DNGOS DANG DNGOS MED 'DUS BYAS YIN, DE LTAR NA 'DIS NI MYA NGAN LAS 'DAS PA'I CHOS NI DNGOS PO DANG DNGOS PO MED PA'I MTSAN NYID LAS GZHAN YIN PAR STON TO, , GANG ZHIG GANG LAS MTSAN NYID GZHAN YIN PA DE NI DE'I BDAG NYID YIN PAR MI RIGS TE, ME CHU'I MTSAN NYID LAS GZHAN YIN PA DE CHU'I BDAG NYID MA YIN PA BZHIN NO ZHES BYA BAR DGONGS SO ZHES BYA BA SMRAS SO, ,GZHAN DAG GIS SMRAS PA, GANG LA DNGOS PO DANG DNGOS PO MED PA DAG YOD PA DE DAG MYA NGAN LAS 'DAS PA YIN GYI DNGOS PO DANG DNGOS PO MED PA'I BDAG NYID NI MA YIN TE, GCIG LA MI MTHUN PA'I BDAG NYID GNYIS MED PA'I PHYIR RO ZHES BYA BAS NI, MYA NGAN LAS 'DAS PA NI NGO BO NYID DU YOD PAR SMRA BA DAG NA RE, GZHI GANG LA DNGOS PO DANG DNGOS PO MED PA DAG YOD PA'I GZHI DE MYA NGAN LAS 'DAS PA YIN NO ZHES ZER BA'I TSIG YIN NO, ,DE YANG MI 'THAD PAS, DE DGAG PA'I PHYIR BSHAD PA, GAL TE MYA NGAN 'DAS PA LA, ,DNGOS DANG DNGOS MED GNYIS YOD NA, ,KHYED KYI TSUL GYIS SO, ,DE GNYIS NI MI MTHUN PA YIN PAS MI MTHUN PA GNYIS GCIG LA YOD PAR MI RIGS PAS, DE'I PHYIR BSHAD PA, DE GNYIS GCIG LA YOD MIN TE, ,SNANG BA DANG NI MUN PA BZHIN, ,DE'I PHYIR DE YANG RIG PA MA YIN NO, ,ZHIS BYA BA SMRAS SO, ,BRGAL ZHING BRTAG PA MTSUNGS PA'I YANG PHYIR TE, GANG LA DNGOS PO DNGOS PO MED PA DAG YOD, ,JI DNGOS PO LA 'AM 'ON TE DNGOS PO MED PA LA DE GNYI GA YANG SNGAR BSTAN PA'I TSUL GYIS RIGS PA MA YIN PAS DE YANG SNYING PO MA YIN NO ZHES BYA BAS NI GZHI GANG LA DNGOS PO DANG DNGOS PO MED PA DAG YOD PA'I GZHI DE MYA NGAN LAS 'DAS PA YIN PAR 'DOD NA, DE NYID DNGOS PO ZHIG GAM 'ON TE DNGOS PO MED PA ZHIG YIN, GAL TE DNGOS PO YIN NA NI MYA NGAN LAS 'DAS PA RGA SHI'I MTSAN NYID CAN DANG, 'DUS BYAS DANG BRTEN NAS GDAGS PAR BYA BA NYID DU 'GYUR LA, DNGOS PO MED PA YIN NA NI DON DAM PA'I DGE BA NYON MONGS PA NYE BAR ZHI BA'I MTSAN NYID DAG MI RUNG BA DANG, DNGOS PO MED @259A *, ,PA MI RUNG BA DANG, BRTEN NAS GDAGS PAR BYA BA NYID YIN PAR 'GYUR RO ZHES BRGAL ZHING BRTAG PA SNGA MA DANG MTSUNGS PA'I PHYIR DE YANG SNYING PO MA YIN NO, ,DE LTAR DE BDAG GIS NI MYA NGAN LAS 'DAS PA DNGOS PO DANG DNGOS PO MED PA DE GNYI GA'I BDAG NYID YIN PAR 'DOD PA DAG JI LTAR MI 'THAD PA DE LTAR BRTAG PA BSTAN TO, ,DA NI MYA NGAN LAS 'DAS PA DNGOS PO YANG MA YIN LA DNGOS PO MED PA YANG MA YIN NO ZHES ZAR BA DAG GIS GZHUNG JI LTAR MI 'DOD PA DE LTAR BRTAG PAR BYA STE, DE'I PHYIR, GANG DAG MYA NGAN LAS 'DAS PA NI DNGOS PO YANG MA YIN LA DNGOS PO MED PA YANG MA YIN NO ZHES ZER BA DE DAG GI PHYIR BSHAD PA, DNGOS MIN DNGOS PO MED MIN PA, ,MYA NGAN 'DAS PAR GANG STON PA, ,RAB TU STON PA'O, ,DNGOS PO MED DANG DNGOS PO DAG ,GRUB NA DE NI 'GRUB PAR 'GYUR, ,GNYI GA BKAG PAS DNGOS PO YANG MA YIN, DNGOS PO MED PA YANG MA YIN PA ZHES BRJOD PA'I PHYIR DANG, DNGOS PO DANG DNGOS PO MED PA YOD PAR STON PA'I RJES SU DPAG PA MED PA'I PHYIR RO ZHES BYA BA SMRAS TE, DNGOS PO DANG DNGOS PO MED PA GNYIS GRUB NA DE GNYIS BKAG PAS GNYIS GA MA YIN PA'I MYA NGAN LAS 'DAS PA DE YANG 'GRUB PA ZHIG NA, DE GNYIS YOD PAR STON PA'I RJES SU DPAG PA MED PA'I PHYIR, MYA NGAN LAS 'DAS PA DE YANG MI 'GRUB PO ZHES BSTAN TO, ,DA NI DNGOS PO DANG DNGOS PO MED PA GNYIS GA MA YIN PA'I MYA NGAN LAS 'DAS PA DE SHES PA 'AM, BRJOD PA GANG GIS MNGON PAR BYED PA'I SHES PA 'AM, BRJOD PA DAG DON DAM PAR DGAG PA SNGAR BSTAN ZIN PAS MYA NGAN LAS 'DAS PA DE YANG MNGON PAR BYED PA MED PA'I PHYIR YOD PA MA YIN NO ZHES BSTAN PA'I PHYIR YANG GZHAN YANG GAL TE MYA NGAN LAS 'DAS PA NI, DNGOS MIN DNGOS PO MED MIN NA, KHYED 'DOD PA LTAR RO, ,DNGOS MIN DNGOS PO MED MIN ZHES, ,GANG ZHIG GIS NI DE MNGON BYED, ,DE MNGON PAR BYED PA'I SHAS PA 'AM, BRJOD PA DGAG PA SNGAR BSTAN ZIN PA'I PHYIR RO ZHES BYA BAR DGONGS SO ZHES BYA BAR SMRAS SO, ,DA NI LUNG DU MA BSTAN PA'I DNGOS PO BCU BZHI'I TSUL GYIS MYA @259B NGAN LAS 'DAS PA DNGOS PO MA YIN PA DANG, DNGOS PO MED PA MA YIN PAR LUNG DU MA BSTAN PA MYA NGAN LAS 'DAS PA DNGOS PO YANG MA YIN LA, DNGOS PO MED PA YANG MA YIN BDE MNGON PAR BYED PA MED PA'I PHYIR MYA NGAN LAS 'DAS PA DE YOD PA MA YIN PAR BSTAN PA'I PHYIR, YANG GZHAN YANG; BCOM LDAN MYA NGAN 'DAS GYUR NAS, ,YOD PAR MI MNGON DE BZHIN DU, ,MED DO ZHE'AM GNYI GA DANG, ,GNYIS MIN ZHES KYANG MI MNGON NO, ,DE BZHIN GSHEGS PA MYA NGAN LAS 'DAS NAS YOD PA DANG, MED PA DANG, YOD KYANG YOD LA MED KYANG MED PA DANG, YOD PA YANG MA YIN MED PA YANG MA YIN NO ZHES BYA BAR MI MNGON NO ZHES BYA BA SMRAS TE, DE LTAR LUNG DU MA BSTAN PA'I PHYIR RO, ,DES NI PHUNG PO'I LHAG MA MED PA'I MYA NGAN LAS 'DAS PA DNGOS PO YANG MA YIN LA, DNGOS PO MED PA YANG MA YIN PAR 'DOD PA DGAG PA BSTAN TO, ,BCOM LDAN 'DAS BZHUGS PAR GYUR NA YANG, YOD PAR MI MNGON DE BZHIN DU, ,MED DO ZHE'AM GNYI GA DANG, ,GNYIS MIN ZHES KYANG MI MNGON NO, ,DE BZHIN GSHEGS PA BZHUGS NA YANG YOD PA DANG, MED PA DANG, YOD KYANG YOD LA, MED KYANG MED PA DANG, YOD PA YANG MA YIN MED PA YANG MA YIN NO ZHES BYA BAR MI MNGON NO ZHES BYA BA YANG DE LTAR LUNG DU MA BSTAN PA'I PHYIR TE, DE NI PHUNG PO'I LHAG MA DANG BCAS PA'I MYA NGAN LAS 'DAS PA DNGOS PO YANG MA YIN LA, DNGOS PO MED PA YANG MA YIN PAR 'DOD PA DGAG PA BSTAN TO, ,DE LTAR SROG GANG YIN PA DE LUS YIN PA DANG, SROG KYANG GZHAN LA LUS KYANG GZHAN NO ZHES BYA BAR MI MNGON NO ZHES BYA BA'I BAR GYIS LUNG DU MA BSTAN PA'I DNGOS PO DAG LA DE DAG MA BKAG PA KHO NA'I PHYIR MYA NGAN LAS 'DAS PA MA GRUB PAS GTAN TSIGS KYI DON MA GRUB PA NYID NYAMS PA MED DO ZHES BYA BAS NI MJUG BSDU BA YIN TE, LUNG DU MA BSTAN PA'I DNGOS PO BCU BZHI PO DAG DE DAG LUNG DU MA BSTAN ZHING BKAG PA KHO NA'I PHYIR MYA NGAN LAS 'DAS PA DNGOS PO YANG MA YIN LA, DNGOS PO MED PA YANG MA YIN NO ZHES BYA BA DE MNGON PAR BYED PA MED PAS MA GRUB PO, ,DE LTAR MYA NGAN LAS 'DAS PA DNGOS PO YIN PA DANG, DNGOS PO MED PA YIN PA DANG, GNYI GA @260A *, ,YIN PA DANG, GNYI GA MA YIN PA YIN PAR MA GRUB PAS SNGAR PHA ROL PO DAG NA RE GAL TE 'DU BYED 'DI DAG MYA NGAN LAS 'DAS PAR 'DOD NA NI, 'DU BYED DE DAG DON DAM PAR NGO BO NYID YOD PA KHO NAR SHES PAR BYA STE, NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RO ZHES ZER BA'I GTAN TSIGS KYI DON MA GRUB PA NYID NYAMS PA MED DO, ,'DIR SMRAS PA, DON DAM PAR MYA NGAN LAS 'DAS PA NI YOD PA KHO NA YIN TE, SKYE BA DANG RGA SHIS 'JIG PA RNAMS DE THOB PAR BYA BA'I PHYIR 'JUG PA YOD PA'I PHYIR RO, ,MED PA LA NI KHYAD PAR CAN RNAMS DE THOB PAR BYA BA'I PHYIR 'JUG PA MA MTHONG STE, DPER NA RUS SBAL GYI SPU BZHIN NO, ,MYA NGAN LAS 'DAS PA LA NI DE 'THOB PAR BYA BA'I PHYIR DANG, KHYAD PAR CAN RNAMS LAM BSGOM PA LA 'JUG PA YOD PAS DE'I PHYIR DON DAM PAR MYA NGAN LAS 'DAS PA NI YOD PA KHO NA YIN NO ZHES BYA BAS NI PHA ROL PO DAG RNAL 'BYOR PA RNAMS MYA NGAN LAS 'DAS PA THOB PAR BYA BA'I PHYIR LAM BSGOM PA LA 'JUG CING 'KHOR BA NI SPONG, MYA NGAN LAS 'DAS PA NI LEN PAS 'KHOR BA DANG MYA NGAN LAS 'DAS PA KHYAD PAR YOD PA'I GTAN TSIGS KYIS DON DAM PAR MYA NGAN LAS 'DAS PA YOD PA KHO NA YIN TE ZHES ZER BA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RUS SBAL GYI SPU LTA BU MED PA GANG LA KHYAD PAR CAN RNAMS DE THOB PAR BYA BA'I PHYIR 'JUG PA MED PA DE NI YOD PA MA YIN GYI, MYA NGAN LAS 'DAS PA LA NI RNAL 'BYOR PA KHYAD PAR CAN RNAMS NI DE THOB PAR BYA BA'I PHYIR LAM BSGOM PA LA 'JUG PA YOD PA'I PHYIR DON DAM PAR MYA NGAN LAS 'DAS PA NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'GREL PA BYED PA NYID KYIS, 'DIR BSHAD PA, KHYAD PAR YOD NA NI GZHAN GYIS GZHAN 'THOB PA MTHONG STE, DPER NA LAG PAS RKANG PA SLEBS PA LTA BU YIN NA KHO BO CAG GI PHYOGS LA DON DAM PAR 'KHOR BA DANG, MYA NGAN LAS 'DAS PA @260B DAG LA RNAM PA DE LTA BU MED PAS MYA NGAN LAS 'DAS PA THOB PAR BYA BA'I PHYIR 'JUG PA MED DO ZHES BYA BA SMRAS TE, DON DAM PAR 'KHOR BA DANG MYA NGAN LAS 'DAS PA DAG LA KHYAD PAR MED PAS MYA NGAN LAS 'DAS PA THOB PAR BYA BA'I PHYIR 'JUG PA MED PAS PHA ROL PO DAG GI GTAN TSIGS MA GRUB PA'I PHYIR DON DAM PAR MYA NGAN LAS 'DAS PA YOD PA MA YIN NO ZHES BSTAN TO, ,DE NYID BSTAN PA'I PHYIR CI'I PHYIR ZHE NA, 'DI LTA STE, 'KHOR BA MYA NGAN 'DAS PA LAS, ,KHYAD PAR CUNG ZAD YOD MA YIN, ,MYA NGAN 'DAS PA 'KHOR BA LAS, ,KHYAD PAR CUNG ZAD YOD MA YIN, ,DMIGS SU MED PAR MNYAM PA NYID KYIS, GNYI GA YANG DMIGS SU MED PA'I PHYIR RO ZHES BYA BAR DGONGS SO ZHES BYA BAR SMRAS SO, ,JI LTAR DMIGS SU MED CE NA, DE'I PHYIR, JI LTAR DE DAG GI BRTAGS PA'I BDAG NYID DMIGS SU MED PA DE LTAR NI BSTAN ZIN PAS ZHES BYA BA SMRAS SO, ,DE'I PHYIR DE THOB PAR BYA BA'I PHYIR 'JUG PA YOD PA'I PHYIR RO ZHES BYA BA'I GTAN TSIGS DE'I DON MA GRUB PA NYID DANG DON 'GAL BA NYID DO ZHES BYA BA NI MJUG BSDU BA YIN NO, ,MYA NGAN LAS 'DAS PA DANG 'KHOR BA KHYAD PAR MED PA'I 'THAD PA NYID BSTAN PA'I PHYIR, MYA NGAN LAS 'DAS PA DANG 'KHOR BA DAG KHYAD PAR MED PAR BSTAN PA'I PHYIR BSHAD PA, MYA NGAN 'DAS MTHA' GANG YIN PA, ,DE NI 'KHOR BA'I MTHA' YIN TE, ,MTHA' NI DE BZHIN NYID DANG CHOS NYID DANG, ,STONG PA NYID CES BYA BA DAG GI RNAM GRANGS SO, ,DE GNYIS KHYAD PAR CUNG ZAD NI, ,SHIN TU PHRA BA'ANG YOD MA YIN, ,CHOS NYID DBYER MED PA'I PHYIR TE, NAM MKHA' LA PHYOGS KYI KHYAD PAR YOD KYANG MTSAN NYID DBYER MED PA BZHIN NO ZHES BYA BAR DGONGS SO ZHES BYA BA SMRAS SO, ,'DIR SMRAS PA, STONG PA NYID NI LTA BAR GYUR PA THAMS CAD LAS NGES PAR 'BYIN PA YIN PAR GSUNGS NA KHYED KYIS MYA NGAN LAS 'DAS PA NGO BO NYID MED PA NYID DU BSHAD PAS MED PA NI LTA BA'I GNYEN PO NYID YIN PAR MI RUNG NGO ZHES BYA BA NI PHA ROL PO DAG NA RI LUNG LAS, MDOR NA CHOS NI MI 'TSE STE, ,MYA NGAN 'DAS PA STONG PA NYID, ,'DIR NI DE GNYIS 'BA' ZHIG CES, DE BZHIN GSHEGS PA RNAMS KYIS GSUNGS, ,ZHES 'BYUNG BAS @261A *, ,STONG PA NYID NI MYA NGAN LAS 'DAS PA YIN LA, DE NI LTA BAR GYUR PA THAMS CAD LAS NGES PAR 'BYIN PA YIN PAR GSUNGS PAS DE NI YOD PA KHO NA YIN NO ZHES ZER BA'I TSIG YIN NO, ,DE NYID KYI RJES SU DPAG PA BSTAN PA'I PHYIR, DE'I PHYIR MYA NGAN LAS 'DAS PA NI YOD PA 'O NA YIN TE, GNYEN PO YIN PA'I PHYIR DPER NA SNANG BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNANG BA NI MUN PA'I GNYEN PO YIN PA'I PHYIR YOD PA KHO NA YIN PA DE BZHIN DU MYA NGAN LAS 'DAS PA YANG LTA BAR GYUR PA THAMS CAD KYI GNYEN PO YIN PA'I PHYIR, YOD PA KHO NA YIN NO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI BZANG PO MA YIN TE, DON DAM PAR MAR ME SNANG BA NYID DANG, DNGOS PO NYID DU MA GRUB PA'I PHYIR, DPE MED PAS SGRUB PAR MA TSANG BA NYID YIN NO ZHES BYA BA SMRAS TE, KHO BO CAG GIS SNGAR, MAR ME DAG NI GANG DANG NI, ,DE 'DUG PA NA MUN PA MED, ,CES BSHAD PA DANG, DNGOS PO RNAMS KYI SKYE BA BKAG PA NYID KYIS SNANG BA MUN PA'I GNYEN POR MA GRUB PA'I PHYIR KHYED KYI BSGRUB PA LA DPE MA TSANG BA NYID KYI SKYON YOD PAS MI RUNG NGO, ,CHOS THAMS CAD MI DMIGS PA NI STONG PA NYID YIN LA DE YANG DMIGS PA'I GNYEN PO YIN PAR BRJOD NA DMIGS PAR BYA BA'I DON DMIGS SU MED NA YUL DE LA DMIGS PA YANG MED DO ZHES BYA BAS NI MYA NGAN LAS 'DAS PA NI STONG PA NYID YIN LA DA YANG LTA BA THAMS CAD LAS NGES PAR 'BYIN PA'I GNYEN PO YIN PAR BRJOD PAS DE LA DE DMIGS PAR BYA BA DANG, DMIGS PAR BYED PA GNYI GA DMIGS SU MED PA'I PHYIR GZUNG BA DANG, 'DZIN PA'I NGO BO NYID DU MNGON PAR ZHEN PAR MI BYA'O ZHES BSTAN TE; DES NI PHA ROL PO DAG GI DAM BCAS PA MA GRUB PAR BSTAN TO, ,'DIR GAL TE PHA ROL PO DAG 'DI SKAD CES 'O NA MYA NGAN LAS 'DAS PA STONG PA NYID CES GSUNGS PA STE YOD PA YIN NAM MED PA YIN ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA @261B NYID KYIS, YOD PA YANG MA YIN TE, MA SKYES PA'I PHYIR, DPER NA NAM MKHA'I ME TOG BZHIN NO, ,MED PA YANG MA YIN TE, DGAG PA SNGAR BSTAN ZIN PA'I PHYIR RO ZHES BYA BA SMRAS TE, STONG PA NYID NI YOD PA MA YIN TE, MA SKYES PA'I PHYIR DPER NA NAM MKHA'I ME TOG BZHIN NO ZHES BYA BA'I SGRUB PA 'DIS NI YOD PAR LTA BA DGAG PA BSTAN TO, ,STONG PA NYID NI MED PA YANG MA YIN TE, DNGOS PO BKAG PAS DNGOS PO MED PAR BRJOD PA YIN NA, 'DIR DNGOS PO NYID DMIGS SU MED PA YIN PAS DE BKAG PA DANG DNGOS PO MED PAR BSGRUB PA YANG MA YIN DBU MA PA NI MED PAR DGAG PA'I TSUL STON PA YIN GYI; MA YIN PAR DGAG PA MI STON TO ZHES DGAG PA SNGAR BSTAN ZIN PA'I PHYIR DES NI MED PAR LTA BA DGAG PA BSTAN TO, ,DE LTA BAS NA STONG PA NYID LA MNGON PAR ZHEN PA NI RIGS PA MA YIN NO ZHES BYA BA NI STONG PA NYID LA MTHA' GNYIS SU MNGON PAR ZHEN PA DGAG PA'I MJUG BSDU BA YIN NO, ,DE NYID KYI 'THAD PA GZHAN BSTAN PA'I PHYIR, STONG PA NYID DU LTA BA YANG CHOS THAMS CAD RNAM PA THAMS CAD DU DMIGS SU MED PA'I BGEGS BSAL BA'I PHYIR MKHAS PA RNAMS SPONG BAR BYED DO, ,MI MKHAS PA RNAMS NI DE NYID DNGOS PO DANG DNGOS PO MED PA LAS 'DZIN PAR BYED CING DON MED PA NYID SGRUB PAR BYED DE ZHES BYA BA SMRAS SO, ,DE NYID KYI KHUNGS BSTAN PA'I PHYIR, JI SKAD DU 'OD SRUNGS GANG STONG PA NYID DU LTA BA DE NI GSOR MI RUNG BAR NGA SMRA'O ZHES GSUNGS PA LTA BU'O ZHES BYA BA SMRAS TE, 'PHAGS PA DKON MCHOG BRTZEGS PA'I MDO LAS DE SKAD GSUNGS SO, ,DE'I PHYIR DE LTAR STONG PA NYID MA GRUB PAS GNYEN PO YIN PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES BYA BA NI MJUG BSDU BA DANG, TSAD MA'I 'BRAS BU YIN TE, RE ZHIG DE DAG GIS NI SNGAR PHA ROL PO DAG GIS MYA NGAN LAS 'DAS PA NI YOD PA KHO NA YIN TE GNYEN PO YIN PA'I PHYIR DPER NA SNANG BA BZHIN NO ZHES SMRAS PA'I DPE DANG DAM BCAS PA DANG, GTAN TSIGS DAG MA GRUB PAR RIM BZHIN DU BSTAN TO, ,DA NI PHA ROL PO DAG NA RE STONG PA NYID NI LTA BAR GYUR PA THAMS CAD LAS NGES PAR 'BYIN PA YIN PAR GSUNGS NA, KHYED KYIS MYA NGAN LAS 'DAS PA NGO BO NYID DU MED PA BSHAD PAS MED PA NI LTA BA'I GNYEN PO @262A *, ,YIN PAR MI RUNG NGO ZHES SMRAS PA'I LTA BA DAG DON DAM PAR YOD PA MA YIN PAS DE DAG GI GNYEN PO YANG RIGS PA MA YIN NO ZHES BSTAN PA'I PHYIR, YANG NA DON DAM PAR LTA BA DAG YOD NA NI DE DAG GI GNYEN PO YANG RIGS PAR 'GYUR GRANG NA, LTA BA DE DAG YOD PA MA YIN PAS DE BRTAG PA'I PHYIR 'DI BSHAD DE, 'GAGS PAR GYUR DANG MTHA' SOGS DANG, ,RTAG LA SOGS PAR LTA BA DAG ,MYA NGAN 'DAS DANG PHYI MTHA' DANG, ,SNGON GYI MTHA' LA BRTEN PA YIN, ,ZHES BYA BA SMRAS TE, DE BZHIN GSHEGS PA 'GAGS PAR GYUR NA YOD PA LA SOGS PAR LTA BA DANG; 'JIG RTEN MTHA' YOD PA LA SOGS PAR LTA BA DANG, 'JIG RTEN RTAG PA LA SOGS PAR LTA BA DE DAG NI LTA BAR GYUR PA'I RNAM PA STE, DE DAG KYANG MYA NGAN LAS 'DAS PA DANG, PHYI MA'I MTHA' DANG, SNGON GYI MTHA' LA BRTEN PA YIN PAS, NGO BO NYID LAS YOD PA MA YIN PA'I PHYIR; DE DAG GI GNYEN PO STONG PA NYID KYANG YOD PA MA YIN NO ZHES STON TO, ,DE NYID BYE BRAG TU BSHAD PA BSTAN PA'I PHYIR, 'GAGS PAR GYUR PA NI DE BZHIN GSHEGS PA MYA NGAN LAS 'DAS NAS YOD PA DANG MED PA DANG YOD KYANG YOD LA MED KYANG MED PA DANG, YOD PA YANG MA YIN MED PA YANG MA YIN PAR LTA BA'O, ,MTHA' LA SOGS PA NI 'JIG RTEN MTHA' YOD PA DANG MTHA' MED PA DANG, MTHA' YOD KYANG YOD LA MTHA' MED KYANG MED PA DANG, MTHA' YOD PA YANG MA YIN, MTHA' MED PA YANG MA YIN PAR LTA BA'O, ,RTAG PA LA SOGS PA NI 'JIG RTEN RTAG PA DANG MI RTAG PA DANG, RTAG KYANG RTAG LA MI RTAG KYANG MI RTAG PA DANG RTAG PA YANG MA YIN MI RTAG PA YANG MA YIN PAR LTA BA'O, ,LTA BA DE DAG NI GO RIMS BZHIN DU MYA NGAN LAS 'DAS PA DANG, PHYI MA'I MTHA' DANG, SNGON GYI MTHA' LA BRTEN PA YIN PAS NGO BO NYID LAS YOD PA MA YIN NO ZHES BYA BA SMRAS SO, ,DE LTAR LTA BA DE DAG NGO BO NYID LAS YOD PA MA YIN NA JI LTAR SNANG BAR 'GYUR ZHE NA, DE'I PHYIR LOG PAR RNAM PAR RTOG PA LA GOMS PA'I BAG CHAGS KYI SKYON GYIS RNAM PAR RTOG PA DANG RNAM PAR BRTAG PA'I DNGOS PO NGO BO NYID MED @262B PA NYID DU BSTAN ZIN PAS DE'I PHYIR DNGOS PO THAMS CAD STONG PA LA, MTHA' YOD CI ZHIG MTHA' MED CI, ,MTHA' DANG MTHA' MED CI ZHIG YIN, ,MTHA' MIN MTHA' MED MIN PA CI, ,DE NYID CI ZHIG GZHAN CI YIN, ,RTAG PA CI ZHIG MI RTAG CI, ,RTAG DANG MI RTAG GNYIS KA CI, ,GNYI GA MIN PA'ANG JI ZHIG YIN, ,RNAM PAR BRTAG PAR BYA BA'I DNGOS PO MED NA GZHI MED PA LA DE DAG TU RNAM PAR RTOG PA MED PA'I PHYIR RO ZHES BYA BAR DGONGS SO ZHES BYA BA SMRAS SO, ,DE NYID KYI KHUNGS BSTAN PA'I PHYIR, ,DE'I PHYIR MDO SDE LAS KYANG, ,GANG LA RNAM RTOG YOD MIN PA, ,DE LA RNAM RTOG GAL YOD, ,RNAM BRTAG RNAM RTOG ZAD GYUR PAS, ,BSTAN PA RNAM PAR GROL BAR 'GYUR, ,ZHES GSUNGS SO ZHES BYA BA SMRAS SO, ,THA SNYAD PA'I GTAN TSIGS SU RTOGS NA NI SKYON SNGA MA BZHIN NO ZHES BYA BA NI PHA ROL PO DAG GI GTAN TSIGS GNYEN PO YIN PA'I PHYIR RO ZHES BYA BA DE KUN RDZOB KYI GTAN TSIGS SU RTOGS NA NI DON 'GAL BA NYID KYI SKYON SNGA MA BZHIN NO, ,GZHAN DAG GIS SMRAS PA, DON DAM PAR MYA NGAN LAS 'DAS PA NI YOD PA KHO NA YIN TE, DE THOB PAR BYA BA'I PHYIR BCOM LDAN 'DAS KYIS KYANG DBANG PO DANG BSAM PA DANG, MOS PA DANG, DUS DANG YUL LA LTOS PAS CHOS BSTAN PA'I PHYIR RO, , DE MED NA SGRUB PA DE MI 'THAD TE, DPER NA RI BONG GI RVA BZHIN NO, ,BCOM LDAN 'DAS KYIS CHOS KYI PHUNG PO BRGYAD KHRI BZHI STONG MYA NGAN LAS 'DAS PA THOB PAR BYA BA'I PHYIR, SPYAD PA'I GNYEN POR BKA' STZAL PAS DE'I PHYIR DE YOD PAS DON DAM PAR MYA NGAN LAS 'DAS PA YOD PA KHO NA YIN NO ZHES BYA BAS NI PHA ROL PO DAG MYA NGAN LAS 'DAS PA THOB PAR BYA BA'I PHYIR BCOM LDAN 'DAS KYIS SEMS CAN GYI DBANG PO DANG, BSAM PA DANG, MOS PA DANG, DUS DANG, YUL MA LTOS PAS CHOS BSTAN PA YOD PA'I GTAN TSIGS KYIS MYA NGAN LAS 'DAS PA YOD PAR BSGRUB PA'I GTAN TSIGS YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NI RI BONG GI RVA LTA BU GANG MED PA DE THOB PAR BYA BA'I PHYIR BCOM LDAN @263A *, ,'DAS KYIS CHOS BSTAN PA DE NI YOD PA MA YIN GYI, MYA NGAN LAS 'DAS PA 'THOB PAR BYA BA'I PHYIR, BCOM LDAN 'DAS KYIS CHOS KYI PHUNG PO BRGYAD KHRI BZHIN STONG SPYOD PA RNAM PAR SBYONG BA'I GNYEN POR BKA' STZAL PAS, DE'I PHYIR MYA NGAN LAS 'DAS PA NI YOD PA KHO NA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR GAL TE, DON DAM PAR CHOS BSTAN PA'I PHYIR RO ZHES BYA BAR GTAN TSIGS KYI DON DAM PAR 'DOD NA NI MI RUNG STE, KHO BO CAG GI PHYOGS LA, DMIGS PA THAMS CAD NYER ZHI ZHING, ,SPROS PA NYE BAR ZHI BA STE; ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA SMRAS TE, TSIG LE'UR BYAS PA'I PHYED GONG MAS NI DON DAM PA'I MTSAN NYID BSTAN LA PHYED 'OG MAS NI DON DAM PAR SANGS RGYAS KYIS GNAS SKABS GANG DU YANG GANG ZAG SU LA YANG CHOS 'GA' YANG MA BSTAN PAS PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,DE NYID BYE BRAG TU BSHAD PA BSTAN PA'I PHYIR, DMIGS PA THAMS CAD NYE BAR ZHI BA NI DMIGS PAR BYA BA'I DON MED NA YUL MED PA LA DMIGS PA MED PA'I PHYIR DANG, 'DUS BYAS YIN PA'I PHYIR DMIGS PAR BYA BA BZHIN DU DMIGS PA LA SOGS PA'I PHYIR RO ZHES BYA BA LA SOGS PA SMRAS TE, DES NI JI LTAR RNAL 'BYOR SPYOD PA BDAG GIS GANG GI TSE KUN BRTAGS PA'I NGO BO NYID MED PA'I PHYIR MI DMIGS SHING GZHAN GYI DBANG GI NGO BO NYID KYANG RGYU MTSAN DU MI 'DZIN PAS YANG DAG PAR RJES SU MI MTHONG BA DE'I TSE, DMIGS PA THAMS CAD NYE BAR ZHI BA YIN NO ZHES KUN BRTAGS PA'I MTSAN NYID NGO BO NYID MED PAR ZAD KYI, GZHAN GYI DBANG GI MTSAN NYID NI YOD DE, DE YANG JI SRID DU GZHAN GYI DBANG LA KUN BRTAGS KYI NGO BO NYID DU MNGON PAR ZHEN PA DE SRID NI KUN NAS NYON MONGS PA'I PHYOGS YIN LA, GANG GI TSE GZHAN GYI DBANG LA KUN BRTAGS KYI NGO BO NYID DU MNGON PAR ZHEN PA MED PA DE'I TSE NA NI RNAM PAR BYANG BA'I PHYOGS YIN TE, GZHAN GYI DBANG GI NGO BO NYID GNAS GYUR PA 'GYUR BA MED PA YONGS SU GRUB PA DANG, PHYIN CI MA LOG PAR YONGS SU GRUB PA DE BZHIN NYID DANG, YANG @263B DAG PA'I YE SHES ZHES BYA BA DON DAM PAR YANG YOD PAR BRTAGS PA DAG GI GZHUNG DGAG PA BSTAN TE, 'DIR DBU MA PA DAG GI PHYOGS LA DON DAM PAR DMIGS PAR BYA BA'I YUL DANG, DMIGS PAR BYED PA'I SEMS GNYIS KA YANG NGO BO NYID MED PA YIN LA, DE DAG KYANG KUN RDZOB TU RTEN CING 'BREL PAR 'BYUNG BA'I TSUL GYIS 'DUS BYAS YIN PA'I PHYIR RKYEN GZHAN LAS 'BYUNG BAS RANG GI NGO BO NYID LAS SKYE BA MED PA'I PHYIR JI LTAR DMIGS PAR BYA BA'I YUL NGO BO NYID MED PA BZHIN DU DMIGS PAR BYED PA'I SEMS KYANG NGO BO NYID MED PAS GZHAN GYI DBANG DANG YONGS SU GRUB PA'I DMIGS PA THAMS CAD LOG PAR GYUR PA NI DMIGS PA THAMS CAD NYE BAR ZHI BA YIN TE, DE NI DON DAM PA'I BDEN PA MTSAN NYID MED PA'I MTSAN NYID DANG BRAL BA GNYIS SU MED PAR BRJOD DU MED PA SMRA BA DANG, BSAM PA LAS 'DAS PA SKYE BA MED PA 'PHAGS PA RNAMS KYIS SO SO RANG GI RIG PA; ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES BYA BA YIN PAR BSTAN TO, ,SPROS PA NYE BAR ZHI BA NI DMIGS PAR BYA BA'I DON MED PA KHO NA'I PHYIR YUL DE LA BRJOD PA'I MTSAN NYID NI SPROS PA MI 'JUG PA'I PHYIR RO ZHES BYA BAS NI DMIGS PA THAMS CAD NYE BAR ZHI BA KHO NA'I PHYIR BSAM GYIS MI KHYAB PA'I DBYINGS DE LA YID LA BRJOD PA DANG, TSIG TU BRJOD PA'I MTSAN NYID KYI SPROS PA MI 'JUG PA'I PHYIR SPROS PA NYE BAR ZHI BA YIN STE, DE NI BRJOD PAR BYA BA DANG SEMS KYI SPYOD YUL LOG PA'I DON DAM PA, BRJOD PAR BYA BA LDOG PAS TE, ,SEMS KYI SPYOD YUL LDOG PAS SO, ,ZHES BYA BA YIN PAR BSTAN TO, ,ZHI BA NI GNOD PA THAMS CAD DANG BRAL BA'I PHYIR RO ZHES BYA BAS NI LAS DANG NYON MONGS PA'I GNOD PA NI RNAM PAR RTOG PA LAS 'BYUNG LA, RNAM PAR RTOG PA NI SPROS PA LAS 'BYUNG, SPROS PA PA NI STONG PA NYID KYIS 'GAGS PAS, GANG GI TSE BRJOD PAR BYA BA DANG, SEMS KYI SPYOD YUL LDOG PAS MA SKYES PA DANG, MA 'GAGS PA'I CHOS NYID MYA NGAN LAS 'DAS PA DANG MTSUNGS PA RTOGS PA'I DUS NA GNOD PA THAMS CAD DANG BRAL BAR GYUR PA NI ZHI BA STE, DE NYID DON DAM PA'I MTSAN NYID YIN PAR BSTAN TO, ,SANGS RGYAS KYIS NI @264A *, ,GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI DON DAM PAR CHOS THAMS CAD KUN BRTAGS PA'I BDAG NYID DU YONGS SU MA GRUB PA'I PHYIR DANG BRJOD DU MED PA'I PHYIR RO ZHES BYA BAS NI DON DAM PAR KUN BRTAGS KYI BDAG NYID DANG, BRJOD PA'I BDAG NYID MED PA'I PHYIR, DON DAM PAR SANGS RGYAS KYIS GNAS SKABS GANG DU 'ANG GANG ZAG SU LA'ANG CHOS 'GA' YANG MA BSTAN PAS PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,YANG NA, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI, CHOS KYI DE KHO NA NI RANG RIG PAR BYA BA YIN LA BRJOD PA NI KUN BRTAGS PA'I SPYI'I YUL CAN YIN PAS DE'I PHYIR CHOS KYI DE KHO NA DE NI BSTAN PAR BYA BA MA YIN PA'I PHYIR RO ZHES BYA BA NI, CHOS KYI DE KHO NA NI RANG RIG PAR BYA BA YIN GYI, KUN BRTAGS KYI BRJOD PAS BSTAN PAR BYA BA MA YIN PA'I PHYIR, DON DAM PAR SANGS RGYAS KYIS GNAS SKABS GANG DU YANG GANG ZAG SU LA YANG CHOS 'GA' YANG MA BSTAN PAS, PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,GAL TE BCOM LDAN 'DAS KYIS CHOS 'GA' YANG MA BSTAN NA, MDO SDE LA SOGS PA THEG PA GSUM DANG LDAN PA 'DI DAG LAS 'BYUNG STE, DE'I PHYIR KHAS BLANGS PA LA GNOD PAR 'GYUR RO ZHES ZER BA DE'I LAN DU 'ON KYANG THA SNYAD KYI BDEN PA RNAM PAR GZHAG PA'I TSUL DU NI STON PAS, THAMS CAD LA PHAN GDAGS PA'I PHYIR BSKAL PA STONG PHRAG DPAG TU MED PAR BSOD NAMS DANG YE SHES KYI TSOGS RAB TU BSTZAGS PA LAS NGES PAR 'KHRUNGS PA YID BZHIN GYI NOR BU GZUGS SNA TSOGS DANG LDAN PA LTA BU RNAM PAR MI RTOG PA LAS RTZOL BA MI MNGA' BAR SEMS CAN RNAMS KYI BSAM PA'I DBANG GIS THEG PA GSUM PA LDAN PA'I GSUNG 'BYUNG ZHING, DE'I DBANG GIS NYAN PA'I SKYE BO RNAMS STON PA BDAG CAG LA CHOS STON TO SNYAM DU DE LA RNAM PAR RMONGS PAR YANG 'GYUR RO ZHES BYA BA SMRAS TE, KUN RDZOB TU STON PA'I KHYAD PAR DANG GSUNG GI KHYAD PAR @264B DANG; GDUL BYA'I KHYAD PAR LAS THEG PA GSUM DANG LDAN PA'I CHOS BSTAN PA YANG YOD DO ZHES BYA BAR SBYAR RO, ,YANG NA, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI, SKU MIN SKU LAS GZHAN MA YIN, ,DE LAS SKU MED DER DE MED, ,DE BZHIN GSHEGS PA SKU LDAN MIN, ,DE BZHIN GSHEGS PA GANG ZHIG YIN, ,ZHES BSTAN PA'I TSUL GYIS DON DAM PAR STON PA DE BZHIN GSHEGS PA ZHES BYA BA'I NGO BO NYID 'GA' YANG MED LA GANG DU BSTAN PAR BYA BA DANG, GANG LA BSTAN PAR BYA BA DANG GANG BSTAN PAR BYA BA YANG MED PAS DE LTAR DE DAG RDZAS SU YOD PA MA YIN PA'I PHYIR RO ZHES BYA BAS NI SNGAR DE BZHIN GSHEGS PA BRTAGS PA'I SKABS SU DE SKAD BSTAN PA'I TSUL GYIS STON PA DANG, GNAS SKABS DANG NYAN PA DANG, CHOS DAG NGO BO NYID MED CING RDZAS SU YOD PA MA YIN PA'I PHYIR DON DAM PAR SANGS RGYAS KYIS GNAS SKABS GANG DU YANG; GANG ZAG SU LA'ANG CHOS 'GA' YANG MA BSTAN PAS PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,YANG NA, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI, 'DU BYED RNAMS NI BYED PA MED PA YIN LA, 'DU BYED KYI TSOGS ZAG PA MED PA, SGRIB PA GNYIS SPANGS PA, SANGS RGYAS KYI CHOS MA 'DRES PA LA SOGS PA'I GZHIR GYUR PA NI SANGS RGYAS YIN TE, DE LA NI BYA BA MED PAS STON PAR MI 'THAD PA'I PHYIR DANG GANG LA BSTAN PAR BYA BA DE YANG 'DU BYED KYI TSOGS G-YO BA MED PA ZAG PA DANG BCAS PA DANG, ZAG PA MED PA YIN PAS NYAN PA DANG 'DZIN PA LA SOGS PA'I THA SNYAD MED PAS DON DAM PAR NYAN PA DANG 'DZIN PAR BYED PA MED PA'I PHYIR DANG, GANG DU GANG BSTAN PAR BYA BA YANG, DON DAM PAR BONG BA DANG, SPRUL PA LTA BU YIN PA'I PHYIR RO ZHES BYA BAS NI 'DU BYED THAMS CAD NI BYED PA MED PA YIN LA, STON PA DANG NYAN PA DANG GNAS SKABS DANG, CHOS DAG KYANG 'DU BYED KYI TSOGS KYI KHYAD PAR YIN PA'I PHYIR, DON DAM PAR SANGS RGYAS KYIS GNAS SKABS GANG DU YANG GANG ZAG SU LA'ANG CHOS 'GA' YANG MA BSTAN PAS, PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,YANG NA, @265A *, ,SANGS RGYAS KYIS NI DANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI SNGON GYI SMON LAM GYI SHUGS KYI DBANG DANG, BYANG CHUB SEMS DPA'I SPYAD PA SPYOD PA NA BSDU BA'I DNGOS PO BZHIS BSDUS PA'I SEMS CAN DGE BA'I RTZA BA BSKYED PA DANG, NYE BAR BSTZAGS PA DANG YONGS SU SMIN PAR GYUR PA RNAMS KYI RGYU'I MTHU NYID LAS MOS PA DANG, DBANG PO DANG BSAM PA'I DBANG GIS CHOS STON PA ZHES BYA BA'I GSUNG SBYIN PA LA SOGS PA'I GZHIR GYUR PA, YAN LAG DRUG CU DANG LDAN PA SEMS CAN THAMS CAD YANG DAG PAR MA GU BAR MDZAD PA, DE DE BZHIN GSHEGS PA'I PHRIN LAS LTA BUR 'BYUNG GI ,DE BZHIN GSHEGS PA RTAG TU MNYAM PAR GZHAG PA MDZAD PA LHUN GYIS GRUB PA RTOG PA DANG DPYOD PA MI MNGA' BA RNAMS LA 'JUG PA MI 'THAD PA'I PHYIR RO ZHES BYA BAS NI, DE BZHIN GSHEGS PA'I SNGON GYI SMON LAM DANG, SNGON BYANG CHUB SEMS DPA'I SPYAD PA SPYOD PA NA BSDU BA'I DNGOS PO BZHIS BSDUS PA'I SEMS CAN YONGS SU SMIN PA RNAMS KYI RGYU'I MTHU NYID LAS SEMS CAN GYI MOS PA DANG, DBANG PO DANG, BSAM PA'I DBANG GIS DE BZHIN GSHEGS PA'I GSUNG CHOS STON PA ZHES BYA BA PHRIN LAS LTA BUR BYUNG BAR ZAD KYI, DE BZHIN GSHEGS PA RTAG TU MNYAM PAR GZHAG PA LA CHOS STON PA LA SOGS PA'I 'JUG PA MI MNGA' BA'I PHYIR DON DAM PAR SANGS RGYAS KYIS GNAS SKABS GANG DU YANG GANG ZAG SU LA YANG CHOS 'GA' YANG MA BSTAN PAS PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,YANG NA, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI SANGS RGYAS BCOM LDAN 'DAS KYIS SNGON GYI DRANG SRONG RNAMS KYIS GSUNGS PA NYID KYI CHOS RANG GI MNGON PAR SHES PAS MNGON SUM DU MDZAD NAS, YI GE LHAG CHAD MED PAR RJES SU STON PAR MDZAD DE, CHOS THAMS CAD NI SNGON GYI DRANG SRONG RNAMS KYIS GSUNGS PAS, SANGS RGYAS SNGA MA RNAMS KYIS GSUNGS PA NYID RJES SU STON PA'I PHYIR RO ZHES BYA BAR DGONGS SO ZHES BYA BAS NI, SANGS RGYAS BCOM LDAN 'DAS RNAMS NI DE BZHIN DU GSUNGS PA YIN PAS SNGON GYI DRANG SRONG DE BZHIN GSHEGS PA MAR ME MDZAD LA SOGS PAS @265B GSUNGS PA NYID KYI CHOS RANG GIS MNGON PAR SHES PA MNGON SUM DU MDZAD NAS YI GE LHAG CHAD MED PAR RJES SU STON PAR MDZAD KYI, DE LAS GZHAN DU MI GSUNG BA'I PHYIR, DON DAM PAR SANGS RGYAS KYIS GNAS SKABS GANG DU YANG, GANG ZAG SU LA'ANG CHOS 'GA' YANG MA BSTAN PAS, PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,YANG NA, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI DON DAM PAR CHOS RNAMS BDAG NYID DE DANG DE DAG GIS GTAN DU STONG PA'I PHYIR CHOS 'GA' ZHIG SHES PA RANG GI MTSAN NYID KYI YUL CAN NAM, SPYI'I MTSAN NYID KYI YUL CAN GYI NGO BO NYID GANG GI BDAG NYID KYIS GZUNG BAR BYA BA'I CHOS DE YANG YOD PA MA YIN PA'I PHYIR TE ZHES BYA BAS NI DON DAM PAR CHOS RNAMS RANG GI MTSAN NYID DANG SPYI'I MTSAN NYID KYI BDAG NYID DE DANG DE DAG GIS GTAN DU STONG PA'I PHYIR RANG GI MTSAN NYID DAM SPYI'I MTSAN NYID KYI CHOS GANG ZHIG ,MNGON SUM GYI SHES PA RANG GI MTSAN NYID KYI YUL CAN NAM RJES SU DPAG PA'I SHES PA SPYI'I MTSAN NYID KYI YUL CAN GANG GI GZUNG BAR YANG YOD PA MA YIN PA'I PHYIR DON DAM PAR SANGS RGYAS KYIS GNAS SKABS GANG DU YANG GANG ZAG SU LA'ANG CHOS 'GA' YANG MA BSTAN PAS, PHA ROL PO DAG GI GTAN TSIGS KYI DON MA GRUB PA NYID DU BSTAN TO, ,DE NYID KYI KHUNGS BSTAN PA'I PHYIR, JI SKAD DU, BCOM LDAN 'DAS DE BZHIN GSHEGS PAS, DE BZHIN GSHEGS PA MAR ME MDZAD LAS BLANGS PA'I CHOS DE NI 'GA' YANG MA MCHIS TE, DE CI'I SLAD DU ZHE NA, CHOS THAMS CAD NI GZUNG DU MA MCHIS SHING, BRJOD DU MA MCHIS PA'I SLAD DU'O ZHES GSUNGS PA LTA BU'O ZHES BYA BA SMRAS TE, 'PHAGS PA RDO RJE GCOD PA'I MDO LAS DE SKAD GSUNGS SO,, ,,BAM PO BDUN CU DRUG PA, 'DIR MU STEGS CAN NGAN PA SPOBS PA RLOM PA DNGOS PO RNAMS KYI NGO BO NYID STONG PA NYID RNAM PA THAMS CAD DU GSAL BAR BYED PA THEG PA MCHOG GI TSUL GYIS SBA BKONG BA NGAN G-YO'I RJES SU 'JUG PA DAG GIS RANG GI GRUB PA'I MTHA'I SKYON BCAS PA'I PHYIR SMRAS PA ZHES BYA BA NI SNGAR DBU MA PAS, DMIGS PA THAMS CAD NYER ZHI ZHING, ,SPROS PA NYER ZHI ZHIB STE, , @266A *, ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA DNGOS PO RNAMS KYI NGO BO NYID STONG PA NYID RNAM PA THAMS CAD DU GSAL BAR BYED PA THEG PA MCHOG GI TSUL BSTAN PA DES, RANG GI SDE PA LA SOGS PA GZHAN DAG NA RE DON DAM PAR MYA NGAN LAS 'DAS PA NI YOD PA KHO NA YIN TE, DE THOB PAR BYA BA'I PHYIR BCOM LDAN 'DAS KYIS DBANG PO DANG, BSAM PA DANG, MOS PA DANG, DUS DANG YUL LA LTOS PAS CHOS BSTAN PA'I PHYIR RO ZHES ZER BA'I GTAN TSIGS KYI DON MA GRUB PA NYID DU BSTAN PA DANG, 'DIR MU STEGS CAN NGAN PA SPOBS PA RLOM PA DBU MA PA'I 'THAD PA DNGOS PO RNAMS KYI NGO BO NYID STONG PA NYID RNAM PA THAMS CAD DU GSAL BAR BYED PA THEG PA MCHOG GI TSUL DES SBA BKONG BA NGAN G-YO'I RJES SU 'JUG PA DAG GIS 'DI SNYAM DU DE LTAR DBU MA PAS RANG GI SDE PA MYA NGAN LAS 'DAS PA YOD PAR 'DOD PA DAG GI SGRUB PA YANG SUN PHYUNG BAS DA 'DIR BDAG CAG GIS CUNG ZAD CIG MA SMRAS SU ZIN NA, DBU MA PAS BDAG CAG GI GRUB PA'I MTHA' YANG GDON MI ZA BAR SUN PHYUNG BAR 'GYUR RO SNYAM PAS SPOBS PA SBA BKONG BA NGAN G-YO'I RJES SU 'JUG PA DE DAG GIS RANG GI GRUB PA'I MTHA'I SKYON BCAS PA'I PHYIR BYUNG RGYAL DU 'DI SKAD CES SMRAS SO ZHES BYA BAR SBYAR RO, ,DE'I PHYIR, SANGS RGYAS RNAM RTOG MED PA YI, ,THEG PA CHEN PO MI RUNG STE, ,GANG PHYIR DON DAM SANGS RGYAS KYIS, ,CHOS NI BSTAN PAR MA BYAS PHYIR, ,ZHES BYA BA SMRAS TE, MU STEGS CAN DE DAG 'DI SKAD CES ZER TE, SANGS RGYAS BCOM LDAN 'DAS ZHES BYA BA GAL TE RNAM PAR RTOG PA MED PA YIN NA, DE'I BSTAN PA THEG PA CHEN PO ZHES BYA BA DE YOD PAR MI RUNG STE, CI'I PHYIR ZHE NA, 'DI LTAR KHYED DBU MA PA'I TSUL GYIS, DMIGS PA THAMS CAD NYER ZHI ZHING, ,SPROS PA NYER ZHI ZHI BA STE, ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BSHAD PAS DON DAM PA'I SANGS RGYAS KYIS GNAS SKABS GANG DU YANG GANG ZAG SU LA YANG CHOS 'GA' YANG MA BSTAN PA'I PHYIR RO, ,DE LA KHYED DBU MA PA 'DI SNYAM DU DON DAM PA'I SANGS RGYAS KYIS CHOS MA BSTAN PAS, SANGS RGYAS RNAM PAR RTOG PA MED @266B PA'I BSTAN PA THEG PA CHEN PO YOD PAR MI RUNG YANG SPRUL PA'I SANGS RGYAS KYI CHOS BSTAN PAS DE'I BSTAN PA THEG PA CHEN PO YOD PAR RUNG NGO SNYAM NA, DE'I PHYIR, SPRUL PA SANGS RGYAS KYI 'ANG MI RUNG STE, DE LA SEMS SOGS MED PA'I PHYIR, ,DE PHYIR SPRUL PAS SANGS RGYAS MIN, ,DES NI CHOS KYANG BSTAN MA BYAS, ,ZHES BYA BA SMRAS TE, SPRUL PA'I SANGS RGYAS KYI BSTAN PA THEG PA CHEN PO YOD PAR YANG MI RUNG STE, CI'I PHYIR ZHE NA, 'DI LTAR DE LA SEMS LA SOGS PA MED PA'I PHYIR SPRUL PA NI SANGS RGYAS KYANG MA YIN LA, DES CHOS KYANG MA BSTAN PA'I PHYIR RO, ,DE LA KHYED DBU MA PA 'DI SNYAM DU DON DAM PA'I SANGS RGYAS RNAM PAR MI RTOG PA LA RNAM PAR MI RTOG PA'I YE SHES STONG PA NYID THUGS SU CHUD PA DANG, THUGS RJE CHEN PO SEMS CAN THAMS CAD MI GTONG BA MNGA' BAS, SHES RAB DANG SNYING RJE'I DBANG GIS CHOS BSTAN PA'I THEG PA CHEN PO YOD PAR RUNG NGO SNYAM NA, DE'I PHYIR, DON DAM DU NI MI RTOG PA'I, ,STONG LA SNYING RJE MI 'DOD DO, ,GANG LA SNYING RJE BYED PA YI, ,SEMS CAN MED PHYIR SANGS RGYAS MED, ,CES BYA BA SMRAS TE, DON DAM PAR NI RNAM PAR MI RTOG PA'I SANGS RGYAS LA STONG PA NYID RTOGS PA'I YE SHES DANG, SNYING RJE YOD PAR MI 'DOD DO, , CI'I PHYIR ZHE NA, 'DI LTAR GANG LA SNYING RJE BYED PA'I SEMS CAN MED PA'I PHYIR STONG PA NYID LA SNYING RJE YANG MED PA'I PHYIR DANG GANG RTOGS PAR BYA BA'I CHOS KYANG MED PA'I PHYIR STONG PA NYID LA DE RTOGS PA'I SANGS RGYAS KYANG MED PA'I PHYIR RO, ,DE LA KHYED DBU MA PA 'DI SNYAM DU SPRUL PA'I SANGS RGYAS LA KUN RDZOB TU SNYING RJE YOD LA SNYING RJE'I GZHI LAS BLA NA MED PA'I BYANG CHUB KYI SEMS SKYE ZHING CHOS THAMS CAD RTOGS PAR THUGS SU CHUD PA'I YE SHES KYANG YOD PAR 'GYUR RO SNYAM NA, DE'I PHYIR, GAL TE KUN RDZOB SNYING RJE YOD, ,SMAD 'TSONG DU BAR BYED DANG 'DRA, ,SMAD 'TSONG RNAMS KYI DUD MO GANG, ,DE NI KUN RDZOB SNYING NAS MEN, ,ZHES BYA BA SMRAS TE, GAL TE SPRUL PA'I SANGS RGYAS LA KUN RDZOB TU SNYING RJE YOD NA DE NI BSAM PA THAG PA'I SNYING RJE MA YIN GYI, SMAD 'TSONG MA NGU BAR BYED PA'I SNYING RJE DANG 'DRA BAR 'GYUR RO, ,CI'I PHYIR ZHE NA, 'DI LTAR SMAD 'TSONG MA RNAMS KYI DUD MO GANG @267A *, ,YIN PA DE NI KUN RDZOB TU 'PHYON MA BDAG BRID PA'I PHYIR SGYU BAG BYED PA YIN GYI, SNYING NAS GCUGS PAS DU BA MA YIN PA'I PHYIR RO, ,STZOGS PA'O ZHES BYA BAS NI MU STEGS CAN DAG SANGS RGYAS THAMS CAD MKHYEN PA MA YIN PA DANG, THEG PA CHEN PO MED PA DANG, BDEN PA GNYIS RNAM PAR GZHAG PA'I TSUL GYIS MI 'DOD PA LA SOGS PA SANGS RGYAS LA KHA ZER PA'I TSIG CA LE CO LE RANG GI GRUB PA'I MTHA' LAS SMRA BA GZHAN DAG BSDU STE, RE ZHIG DE DAG NI STONG PA NYID KYI MI MTHUN PA'I PHYOGS KYI KHYAD PAR GZHAN YIN PAR SBYAR RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR DON DAM PA'I MTSAN NYID MED PAS, ,MTSAN NYID GCIG PA NYID KYIS SANGS RGYAS KYANG YOD PA MA YIN LA THEG PA CHEN PO YANG YOD PA MA YIN TE, DON DAM PA NI GNYIS SU MED PA'I YE SHES KYI SPYOD YUL YIN PA'I PHYIR, KHO BO CAG GI TSUL NYID SMRAS PAR GYUR TO ZHES BYA BA SMRAS TE, 'DIS NI BCOM LDAN 'DAS RNAM PAR RTOG PA MI MNGA' BA LA CHOS STON PA MI MNGA' BAR STON TE, 'DI LTAR KHO BO CAG GI GZHUNG LAS DON DAM PA'I MTSAN NYID MED PAS MTSAN NYID GCIG PA NYID KYIS, DON DAM PAR SANGS RGYAS KYANG YOD PA MA YIN LA, THEG PA CHEN PO YANG YOD PA MA YIN TE, DON DAM PA NI GNYIS SU MED PA'I YE SHES KYI SPYOD YUL YIN PA'I PHYIR RO, ,DON DAM PAR SANGS RGYAS KYIS GNAS SKABS GANG DU YANG GANG ZAG SU LA YANG CHOS 'GA' YANG MA BSTAN PAS KHO BO CAG GI TSUL DE NYID KYIS SMRAS PAR GYUR TO, ,DE BZHIN GSHEGS PA'I SKU RNAM PAR MI RTOG PA LAS KYANG SPRUL PA'I SKU THAMS CAD LA PHAN 'DOGS PAR BZOD PA, GZHAN LA PHAN PA DANG, BDE BSGRUB PA'I THUGS DAM GYIS YONGS SU BSGOS PA NYID DANG, SNGON GYI SMON LAM GYI SHUGS KYI DBANG GIS RNAM PA THAMS CAD DU 'BYUNG STE, DE LA BRTEN NAS YI GE DANG NGAG DANG TSIG RJES SU MTHUN PA'I MTSAN NYID KYI GSUNG CHOS DANG GANG ZAG BDAG MED PA MU STEGS BYED DANG, NYAN THOS DANG RANG SANGS RGYAS THAMS CAD DANG THUN MONG MA YIN PA GSAL BAR MDZAD PA PHA ROL TU PHYIN PA RNAMS YANG DAG PAR 'GRUB PA'I PHYIR THEG PA MCHOG GIS @267B 'GRO BA RNAMS LA NYE BAR 'BYUNG STE, DE NI THEG PA CHEN PO ZHES BYA'O ZHES BYA BAS NI, DE BZHIN GSHEGS PA'I SKU RNAM PAR MI RTOG PA LAS SPRUL PA'I SKU THUGS DAM DANG, SMON LAM GYI DBANG GIS BYUNG BA DE LA BRTEN NAS YI GE DANG DAG DANG, TSIG RJES SU MTHUN PA'I MTSAN NYID KYI GSUNG JI SKAD SMOS PA DAG 'BYUNG BA DE NI THEG PA CHEN PO YIN PAS SPRUL PA'I SANGS RGYAS KYI BSTAN PA THEG PA CHEN PO YOD PAR BSTAN TO, ,DON DAM PA'I SANGS RGYAS YOD NA BSTAN PA BRJOD PA'I GSUNG 'BYUNG BA'I PHYIR STON PA YANG BSTAN PA DAG GI MDZAD PA PO NYID DU 'DOD PA KHO NA YIN PAS GRAGS PA'I GNOD PA YANG MED DO ZHES BYA BAS NI DON DAM PA'I SANGS RGYAS RNAM PAR MI RTOG PA LA BRTEN NAS SPRUL PA'I SKU 'BYUNG ZHING DE LAS BSTAN PA BRJOD PA'I GSUNG 'BYUNG BA'I PHYIR, SANGS RGYAS BCOM LDAN 'DAS RNAMS BSTAN PA DAG GI MDZAD PA PO NYID DU 'DOD PAS; DON DAM PAR SANGS RGYAS KYIS CHOS MA BSTAN KYANG THA SNYAD DU BSTAN PA YOD PAS GRAGS PA'I GNOD PA YANG MED PAR BSTAN TO, ,JI STE YANG LA LA 'DI SNYAM DU DE BZHIN GSHEGS PA'I BSTAN PA NI, BYED PA PO DE BZHIN GSHEGS PA RNAM PAR RTOG PA CAN DANG LDAN PA YIN TE SGRA'I MTSAN NYID YIN NA, GZHAN GYI BSAM PA'I DBANG GIS 'BYUNG BA'I PHYIR, DPER NA NYAN THOS LA SOGS PA'I BSTAN PA BZHIN NO SNYAM DU SEMS NA ZHES BYA BA NI PHA ROL PO DAG NA RE DE BZHIN GSHEGS PA'I BSTAN PA NI BYED PA PO RNAM PAR RTOG PA CAN DANG LDAN PA YIN PAS, SANGS RGYAS RNAM PAR RTOG PA MED PA'I BSTAN PA THEG PA CHEN PO YOD PAR MI RUNG NGO ZHES ZER BA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYAN THOS LA SOGS PA'I BSTAN PA NI SGRA'I MTSAN NYID NYID YIN NA GZHAN GYI BSAM PA'I DBANG GIS DE 'BYUNG BA'I PHYIR BYED PA PO NYAN THOS LA SOGS PA RNAM PAR RTOG PA CAN DANG LDAN PA YIN PA DE BZHIN DU DE BZHIN GSHEGS PA'I BSTAN PA YANG SGRA'I MTSAN NYID NYID YIN NA, GZHAN GYI BSAM PA'I DBANG GIS DE 'BYUNG BA'I PHYIR BYED PA PO DE BZHIN GSHEGS PA RNAM PAR RTOG @268A *, ,PA CAN DANG LDAN PA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, SPRUL PAS BSTAN PA DAG GIS MA NGES PA NYID YIN PA'I PHYIR RO ZHES BYA BA SMRAS TE, 'DIS NI PHA ROL PO DAG GI GTAN TSIGS DE MA NGES PA NYID DU STON TE, 'DI NI SPRUL PA DAG GI BSTAN PA SGRA'I MTSAN NYID NYID YIN NA GZHAN GYI BSAM PA'I DBANG GIS DE 'BYUNG YANG BYED PA PO RNAM PAR RTOG PA CAN MA YIN PA DANG LDAN PAR MTHONG BAS DES NA JI RE ZHIG SGRA'I MTSAN NYID YIN NA, GZHAN GYI BSAM PA'I DBANG GIS DE 'BYUNG BA'I PHYIR, DPER NA NYAN THOS LA SOGS PA'I BSTAN PA BZHIN DU DE BZHIN GSHEGS PA'I BSTAN PA BYED PA PO DE BZHIN GSHEGS PA RNAM PAR RTOG PA CAN DANG LDAN PA YIN NA, 'ON TE SGRA'I MTSAN NYID NYID YIN NA GZHAN GYI BSAM PA'I DBANG GIS DE 'BYUNG BA'I PHYIR, DPER NA SPUL PAS BSTAN PA DAG BZHIN DU DE BZHIN GSHEGS PA'I BSTAN PA BYED PA PO DE BZHIN GSHEGS PA RNAM PAR RTOG PA CAN MA YIN PA DANG LDAN PAR 'GYUR BA MA NGES PA NYID YIN PA'I PHYIR, PHA ROL PO DAG GI SGRUB PA DE NI RIGS PA MA YIN NO, ,'DIS NI RNAM PAR MI RTOG PA LA BSTAN PA MI RUNG STE, RNAM PAR MI RTOG PA'I PHYIR DPER NA BONG BA BZHIN NO ZHES RJES SU DPOG PA LA YANG SKYON GYIS LAN BTAB PA YIN NO ZHES BYA BA NI SPRUL PAS BSTAN PA DAG GIS MA NGES PA NYID YIN PA'I PHYIR RO ZHES BYA BA'I SKABS 'DIS NI GAL TE PHA ROL PO DAG 'DI SKAD CES SANGS RGYAS RNAM PAR MI RTOG PA LA BSTAN PA YOD PAR MI RUNG STE, RNAM PAR MI RTOG PA'I PHYIR DPER NA BONG BA BZHIN NO ZHES RJES SU DPOG PA LA YANG SNGA MA BZHIN DU MA NGES PA'I SKYON GYIS LAN BTAB PA YIN TE, 'DI SPRUL PA RNAM PAR MI RTOG PA LA YANG BSTAN PA RUNG BAR MTHONG BAS, DES NA JE RE ZHIG RNAM PAR MI RTOG PA'I PHYIR, DPER NA SPRUL PA BZHIN DU SANGS RGYAS RNAM PAR MI RTOG PA LA BSTAN PAR 'GYUR RAM, 'ON TE RNAM PAR MI RTOG PA'I PHYIR DPER NA BONG BA BZHIN DU SANGS RGYAS RNAM PAR MI RTOG PA LA BSTAN PA MI RUNG BAR 'GYUR BA MA NGES PA NYID YIN PA'I PHYIR, PHA ROL PO DAG GI SGRUB PA DE YANG RIGS PA MA YIN NO, ,GTAN TSIGS KYI DON RANG LA MA GRUB PA NYID KYANG YIN @268B NO ZHES BYA BAS NI PHA ROL PO DAG GI GTAN TSIGS RNAM PAR MI RTOG PA'I PHYIR ZHES BYA BA DE PHA ROL PO DAG RANG LA MA GRUB STE, PHA ROL PO DAG LA SANGS RGYAS RNAM PAR MI RTOG PA MA GRUB PA'I PHYIR RO, ,GZHAN GYI PHYOGS LA GRUB PA GTAN TSIGS NYID YIN PA'I PHYIR GTAN TSIGS KYI DON MA GRUB PA NYID MA YIN NO ZHES PHYIR ZLOG PAR BYED NA YANG LAN SNGA MA BZHIN NO ZHES BYA BAS NI, GAL TE PHA ROL PO DAG 'DI SKAD CES KHO BO CAG RANG GI PHYOGS LA SANGS RGYAS RNAM PAR MI RTOG PA NYID DU MA GRUB KYANG KHYED DBU MA PA'I PHYOGS LA SANGS RGYAS RNAM PAR MI RTOG PA NYID DU GRUB PA GTAN TSIGS NYID YIN PA'I PHYIR; KHO BO CAG GI GTAN TSIGS KYI DON MA GRUB PA NYID MA YIN TE, RANG LA GTAN TSIGS MA GRUB PAS KYANG 'DOD PA'I DON STON PAR BYED DE, GZHAN GYI PHYOGS LA GRUB PA'I PHYIR PHYOGS GNYI GA LA GRAGS PA'I CHOS BZHIN NO ZHES PHYIR ZLOG PAR BYED NA YANG, DE'I LAN NI SNGAR BDAG DANG CHOS BRTAG PA'I SKABS SU GZHAN GYI PHYOGS 'BA' ZHIG LA GRAGS PA'I PHYOGS KYI CHOS KYIS NI BSGRUB PAR BYA BA'I DON BSGRUB MI NUS PAR NGES PAR BZUNG STE, GANG YANG RUNG BA LA MA GRUB PA'I PHYIR, GZHAN GYI PHYOGS LA MA GRUB PA BZHIN PAS, RJES SU DPAG PA 'GAL BAS BZLOG PA'I PHYIR GTAN TSIGS KYI DON MA GRUB PA NYID NYAMS PA MED DO ZHES BSTAN PA YIN NO, ,SPRUL PA'I SANGS RGYAS NI DON DAM PAR SANGS RGYAS LAS GZHAN NYID DU BRJOD PAR BYA BA MA YIN PA'I PHYIR THA SNYAD PA'I SANGS RGYAS NYID ZLOG PAR MI BYED DO ZHES BYA BAS NI PHA ROL PO DAG NA RE DON DAM PA'I SANGS RGYAS KYIS CHOS BSTAN PA MA BYAS PA'I PHYIR THEG PA CHEN PO MI RUNG NGO ZHES GANG SMRAS PA DE YANG SPRUL PA'I SANGS RGYAS NI DON DAM PA'I SANGS RGYAS LAS GZHAN NYID DU BRJOD PAR BYA BA MA YIN PA'I PHYIR DON DAM PA'I SANGS RGYAS KYI SPRUL PA'I SANGS RGYAS KYIS CHOS BSTAN PA BZLOG PAR MI BYED DE, 'DI LTAR KUN RDZOB TU BCOM LDAN 'DAS KYI SPRUL PA'I SKUS SEMS CAN GYI DON MDZAD PA'I PHYIR RO, ,DES BSTAN PA YANG ZLOG PAR MI BYED DO, ,DON DAM PAR SANGS RGYAS NI GSUNG GI RGYU YIN PA'I PHYIR DANG THA SNYAD DU MDZAD PA PO NYID DU GRUB PA'I PHYIR RO ZHES BYA BAS NI DON DAM PA'I SANGS RGYAS DE THA SNYAD DU CHOS BSTAN PA YANG @269A *, ,ZLOG PAR MI BYED DE, ,CHOS KYI SKU NI GSUNG GI RGYU YIN PA'I PHYIR DANG, THA SNYAD DU CHOS STON PA'I MDZAD PA PO NYID DU MA GRUB PA'I PHYIR RO ZHES STON TO, ,RE ZHIG DE DAG GIS NI SNGAR PHA ROL PO DAG GIS, ,SANGS RGYAS RNAM RTOG MED PA YI, ,THEG PA CHEN PO MI RUNG STE, ,GANG PHYIR DON DAM SANGS RGYAS KYIS, ,CHOS NI BSTAN PA MA BYAS PHYIR, ,SPRUL SANGS RGYAS KYI 'ANG MI RUNG STE, ,DE LA SEMS LA SOGS MED PHYIR, ,DE PHYIR SPRUL PA'ANG SANGS RGYAS MIN, ,DES NI CHOS KYANG BSTAN MA BYAS, ,ZHES SMRAS PA'I SGRUB PA DAG SUN DBYUNG BA CI RIGS PAR BSTAN TO, ,DA NI SNGAR PHA ROL PO DAG GIS, ,DON DAM DU NI MI RTOG PA'I, ,STONG LA SNYING RJE MI 'DOD DO, ,GANG LA SNYING RJE BYED PA YI, ,SEMS CAN MED PHYIR SANGS RGYAS MED, ,GAL TE KUN RDZOB SNYING RJE YOD, ,SMAD 'TSONG NGU BAR BYED DANG 'DRA, ,SMAD 'TSONG RNAMS KYI DUD MO GANG, ,DE NI KUN RDZOB SNYING NAS MIN, , ZHES SMRAS PA'I SGRUB PA DAG SUN DBYUNG BA CI RIGS PAR BSTAN PAR BYA STE, DE'I PHYIR DON DAM PAR NI DE BZHIN GSHEGS PA LA SPROS PA MI MNGA' BA'I PHYIR, DE BZHIN GSHEGS PA THUGS RJE MI MNGA' BA'AM, THUGS RJE DANG LDAN PA'O ZHES BYA BAR RNAM PAR RTOG PA'I SPROS PA MI MNGA' BA'I PHYIR DANG, THUGS RJE DANG THUGS RJE'I GNAS SEMS CAN MED PA'I PHYIR THUGS RJE YANG YOD PA MA YIN LA, DE DANG LDAN PA YANG YOD PA MA YIN PAS, 'DI YANG KHO BO CAG GI TSUL NYID GSAL BAR BYED PA YIN NO ZHES BYA BA SMRAS TE, DES NI DON DAM PAR DE BZHIN GSHEGS PA LA SPROS PA MI MNGA' BA'I PHYIR DANG, THUGS RJE DANG SEMS CAN DMIGS SU MED PA'I PHYIR, KHYED NA RE DON DAM PAR RNAM PAR MI RTOG PA'I SANGS RGYAS LA STONG PA NYID RTOG PA'I YE SHES DANG, THUGS RJE YOD PAR MI 'DOD DO ZHES ZER BA DE KHO BO CAG GI TSUL GSAL BAR BYED PA YIN NO ZHES BSTAN TO, ,KUN RDZOB TU NI KHO BO CAG LA SEMS CAN DANG THUGS RJE YANG YOD PAS, GZHI DE LAS BCOM LDAN 'DAS KYANG YOD DE DE'I DBANG GIS SEMS CAN LA PHAN PA DANG, BDE BA RNAM PA SNA TSOGS SGRUB PA'I THUGS DAM BZHES PA YIN PAR 'DOD DO ZHES BYA BAS NI KUN RDZOB TU SPRUL PA'I SANGS RGYAS LA BSAM PA THAG PA NAS SEMS CAN LA DGONGS PA'I THUGS @269B RJE MNGA' BAR BSTAN TO, ,DE LA THUGS RJE NI GZHAN SDUG BSNGAL BAS THUGS THAG PA NAS SDUG BSNGAL BAR GYUR BA'I MTSAN NYID DE, DPER NA MA BU LA BYAMS PA BU GCIG PO LA JI LTA BA BZHIN DU SANGS RGYAS DANG BYANG CHUB SEMS DPA' RNAMS KYANG SEMS CAN THAMS CAD LA DE BZHIN NO ZHES BYA BAS NI THUGS RJE'I MTSAN NYID BSTAN TO, ,GAL TE SMAD 'TSONG MA LA YOD PAR GYUR NA YANG DE LA MI DGAR CI YOD CES BYA BAS NI KHYED NA RE GAL TE SPRUL PA'I SANGS RGYAS LA KUN RDZOB TU SNYING RJE YOD NA NI BSAM PA THAG PA'I SNYING RJE MA YIN GYI, SMAD 'TSONG MA NGU BAR BYED PA'I SNYING RJE DANG 'DRA BAR 'GYUR RO ZHES ZER NA, DE BZHIN GSHEGS PA'I THUGS RJE NI DE LTA BU MA YIN TE, GZHAN SDUG BSNGAL BAS THUGS THAG PA NAS SDUG BSNGAL BAR GYUR PA'I MTSAN NYID DE, GAL TE KUN RDZOB TU SMAD 'TSONG MA LA SNYING RJE DE LTA BU YOD PAR GYUR NA YANG, DE LA KHYED MI DGAR CI YOD, DE KUN RDZOB TU THUGS RJE MNGA' BA SMAD DU MI RUNG NGO ZHES BSTAN TO, ,DE LTA MOD KYI SPU'I KHUNG BU DANG NAM MKHA'I KHAMS DAG MTSAN NYID 'DRAR ZIN KYANG KHYAD PAR SHIN TU CHE BA BZHIN BCOM LDAN 'DAS KYI THUGS RJE YANG SMAD 'TSONG MA'I DUD MO LTA BU MA YIN TE, BSKAL PA STONG PHRAG DPAG TU MED PA NAS YONGS SU BSGOMS PA NYID KYIS RAB KYI MTHAR PHYIN PAR GYUR PA'I PHYIR DANG, SEMS CAN GYI KHAMS MA LUS PA LA KHYAB PA'I PHYIR RO ZHES BYA BAS NI KUN RDZOB TU DE BZHIN GSHEGS PA'I THUGS RJE DANG SMAD 'TSONG MA'I DUD MO'I MTSAN NYID THA DAD PAR BSTAN TO, ,JI STE BCOM LDAN 'DAS KYI THUGS RJE'I MTSAN NYID JI SKAD BSTAN PA DE SMAD 'TSONG MA LA MED NA NI 'O NA BCOM LDAN 'DAS KYI THUGS RJE NI SMAD 'TSONG MA'I DUD MO DANG 'DRA STE, GAL TE KUN RDZOB SNYING RJE YOD, ,SMAD 'TSONG NGU BAR BYED DANG 'DRA, ,ZHES SMRAS PA DE NI RIGS PA MA YIN NO ZHES BYA BAS NI, BYUNG RGYAL DU KHA NA MA THO BA DANG BCAS PA'I TSIG TSOGS PAR DBYUNG BA MA YIN PA SMRAS PA DE RIGS PA MA YIN NO ZHES BSTAN TO, ,GAL TE SANGS RGYAS KYI THUGS RJE NI THUGS THAG PA MA YIN TE, KUN RDZOB PA YIN PA'I PHYIR DPER NA SMAD 'TSONG MA'I DUD MO BZHIN NO ZHE NA ZHES BYA BAS NI PHA ROL PO DAG SANGS RGYAS KYI THUGS RJE KUN RDZOB PA YIN PA'I GTAN TSIGS @270A *, ,KYIS THUGS THAG PA MA YIN TE, SMAD 'TSONG MA'I DUD MO BZHIN NO ZHES SGRUB PA'I TSIG YIN NO, ,DE'I LAN DU 'GREL PA BYED PA NYID KYIS DE NI BZANG PO MA YIN TE, BU LA BYAMS PA LA SOGS PA'I SNYING RJE DAG GIS MA NGES PA NYID YIN PA'I PHYIR RO ZHES BYA BA SMRAS TE, DES NI PHA ROL PO DAG GI GTAN TSIGS KUN RDZOB PA YIN PA'I PHYIR ZHES BYA BA DE'I DON MA NGES PA NYID DU STON TE, 'DI NA MA BU LA BYAMS PA LA SOGS PA'I SNYING RJE DAG KUN RDZOB PA YIN YANG BSAM PA THAG PA YIN PAR MTHONG BAS, DES NA CI RE ZHIG KUN RDZOB PA YIN PA'I PHYIR MA BU LA BYAMS PA LA SOGS PA'I SNYING RJE DAG BZHIN DU SANGS RGYAS KYI THUGS RJE THUGS THAG PA YIN PAR 'GYUR RAM, 'ON TE KUN RDZOB PA YIN PA'I PHYIR, DPER NA SMAD 'TSONG MA'I DUD MO BZHIN DU SANGS RGYAS KYI THUGS RJE THUGS THAG PA MA YIN PAR 'GYUR BA MA NGES PA NYID YIN PA'I PHYIR, PHA ROL PO DAG GI SGRUB PA DE NI BZANG PO MA YIN NO, ,DE'I PHYIR MU STEGS CAN DAG NI RAB TU ZHE SDANG BA'I SGREGS PA'I DRI NGA BA'I TSIG KUN TU BRJOD PA NA, RANG GI BSAM PA'I BDAG NYID NGAN PA NYID DU STON PAR BYED PA YIN NO ZHES BYA BAS NI MU STEGS CAN NGAN PA SPOBS PA SPA BKONG BA NGAN G-YO'I RJES SU 'JUG PA DAG GIS RANG GI GRUB PA'I MTHA' SKYON BCAS PA'I PHYIR KHA NA MA THO BA DANG BCAS PA'I TSIG SMRAS PA'I NYES DMIGS BSTAN TO, ,'DIR NYAN THOS KYI THEG PA PA DAG NA RE THEG PA CHEN PO NI SANGS RGYAS KYI BKA' MA YIN TE, SDE PA BCO BRGYAD KYI KHONGS SU MA GTOGS PA'I PHYIR DPER NA GRANGS CAN LA SOGS PA'I BSTAN PA BZHIN NO ZHES ZER BA'I GTAN TSIGS DE'I DON KYANG MA GRUB PA NYID YIN TE, 'DI LTAR DGE 'DUN PHAL CHEN SDE NYID KYI SDE SNOD KYI GZHI CHEN PO ZHES BYA BA'I KHONGS SU THEG PA CHEN PO 'DI YANG GTOGS TE, DE NAS SA BCU PA'I MDO DANG PHA ROL TU PHYIN PA'I MTSAN NYID DAG 'BYUNG BA'I PHYIR DANG, DGE 'DUN PHAL CHEN SDE NYID KYI SHAR GYI RI BO'I SDE DANG NUB KYI RI BO'I SDE DAG LAS KYANG 'BRAL ? SKAD DU, SHES RAB KYI PHA ROL TU PHYIN PA LA SOGS PA THEG PA CHEN PO'I MDO DAG 'BYUNG BA'I PHYIR RO, ,GZHAN YANG SDE PA THAMS CAD KYI SDE SNOD GSUM @270B PO DAG GCIG GIS GCIG LA MI SNANG STE, 'DI LTAR KHA CIG LA NI DGE SLONG NAD PA LA DUS MA YIN PA'I ZAS GNANG BA SNANG LA, KHA CIG LA NI MI SNANG BA DANG, KHA CIG LA NI DUS MA YIN PAR BU RAM ZAR GNANG BA SNANG LA KHA CIG LA MI SNANG BA DANG, KHA CIG LA NI MTSAN MO BSNYEN PAR MA RDZOGS PA DANG; GNAS GCIG NA LHAN CIG NYAL BAR GNANG BA SNANG LA, KHA CIG LA MI SNANG BA DE DAG JI LTAR SANGS RGYAS KYI BKA' NYID MA YIN PAR 'GYUR, MDO SDE DANG CHOS MNGON PA YANG KHA CIG LA NI 'DAS PA DANG, MA 'ONGS PA DANG, NAM MKHA' DANG, DE BZHIN NYID DANG, SO SOR BRTAGS PA DANG, MA BRTAGS PAR 'GOG PA DAG YOD PAR 'DOD LA KHA CIG LA NI MED PAR 'DOD PA DANG, KHA CIG LA NI DE LA GANG ZAG BDAG MED PA NYID SNANG LA KHA CIG LA NI MI SNANG BA DE DAG JI LTAR SANGS RGYAS KYI BKA' NYID MA YIN PAR 'GYUR, GZHAN YANG THEG PA CHEN PO 'DI NI DE BZHIN GSHEGS PA SH'A-KYA THUB PA NYON MONGS PA'I SGRIB PA DANG SHES BYA'I SGRIB PA BAG CHAGS DANG BCAS PA MA LUS PAR DRUNGS PHYUNG BA SHES BYA MTHA' DAG THUGS SU CHUD PA'I ZHAL GYI PAD MA NAS NGES PAR BYUNG BA YIN PAR GZUNG BAR BYA STE, SDE PA BZHI PO DAG GI KHONGS SU GTOGS PAR 'BYUNG BA NYID DU KHO BOS BRJOD PA'I PHYIR, DPER NA 'PHAGS PA'I LAM YAN LAG BRGYAD PA BZHIN TE, JI LTAR 'PHAGS PA'I LAM YAN LAG BRGYAD PA NI SDE PA BZHI PO DAG GI KHONGS SU GTOGS PAR 'BYUNG BA NYID DU KHO BOS BRJOD PA'I PHYIR SANGS RGYAS KYI GSUNG RAB YIN PA DE BZHIN DU THEG PA CHEN PO YANG SDE PA BZHI PO DAG GI KHONGS SU GTOGS PAR 'BYUNG BA NYID DU KHO BOS BRJOD PA'I PHYIR, SANGS RGYAS KYI BKA' YIN NO, ,GZHAN YANG DGE 'DUN PHAL CHEN SDE PA DAG GI 'JIG RTEN 'DAS SMRA SDE'I SDE SNOD KYI GZHI CHEN PO LAS THEG PA CHEN PO'I MA MO DANG, SA BCU PA'I MDO LA SOGS PA PHAL CHER 'BYUNG STE, DE DAG SANGS RGYAS KYI BKA' MA YIN NA SDE PA BZHI PO DAG GI KHONGS SU MI GTOGS SHING, SDE PA DAG KYANG DPER NA RANG BZHIN DANG SKYES BU DANG, DE KHO NA NYI SHU RTZA LNGA DAG BZHIN DU KLOG PAR MI 'GYUR BA ZHIG NA DE LTA MA YIN PAS, THEG PA CHEN PO SANGS RGYAS KYI BKA' YIN NO, ,GZHAN YANG GANG GI PHYIR GANG ZAG GNYIS LA PHYAG @271A *, ,BYA STE; DE BZHIN GSHEGS PA DANG, DGE SLONG CHES RGAN PA LA'O ZHES 'BYUNG BAS, BYANG CHUB SEMS DPA' NI PHYAG BYA BA'I 'OS PA MA YIN NO ZHES GANG SMRAS PA DE YANG RIGS PA MA YIN TE, 'DI LTAR LNGA PA DAG SKYON MED PA LA ZHUGS PAS DGE SLONG NYID YIN PA DE BZHIN DU BYANG CHUB SEMS DPA' RNAMS KYANG SA RAB TU DGA' BA LA SOGS PA THOB CING SKYON MED PA LA ZHUGS PA NYID KYI DGE SLONG NYID YIN PA'I PHYIR RO, ,GZHAN YANG BCOM LDAN 'DAS KYIS, RGYAN GYIS BRGYAN KYANG CHOS LA SPYOD 'GYUR ZHING, ,ZHI ZHING DUL LA LEGS SDOM TSANGS SPYOD LA, ,'BYUNG PO KUN LA DBYUG PA SPANGS GYUR NA, ,DE NI BRAM ZE DGE SBYONG DGE SLONG YIN, ,ZHES KYANG GSUNGS SO, ,GZHAN YANG SDE SNOD GYI GZHI CHEN PO DE NYID LAS BYANG CHUB SEMS DPA' SA BRGYAD PA LA ZHUGS PA NI DE BZHIN GSHEGS PA BZHIN DU MCHOD PAS MCHOD PAR BYA ZHING DE BZHIN GSHEGS PA BZHIN DU PHYAG BYA BAR 'OS PA YIN NO ZHES KYANG 'BYUNG NGO, ,ZHAR LA BSHAD PAS CHOG GO, ,RNAL 'BYOR SPYOD PA PA DAG GIS SMRAS PA, DMIGS PA THAMS CAD NYER ZHI ZHING, ,SPROS PA NYER ZHI ZHI BA STE, ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA NI BDEN NA DE RTOGS PAR BYA BA'I THABS GZHAN GYI DBANG LA SKUR PA 'DEBS PA DE NI MI RUNG STE ZHES BYA BA NI, 'DIR RNAL 'BYOR SPYOD PA PA DAG NA RE LUNG LAS DMIGS PA THAMS CAD NYE BAR ZHI BA ZHES BYA BA LA SOGS PA'I TSIGS SU BCAD PA BKA' STZAL PA DE NI BDEN NA, KHYED DBU MA PAS DE RTOGS PAR BYA BA'I THABS GZHAN GYI DBANG GIS MTSAN NYID LA SKUR PA BTAB PA DE NI MI RUNG STE, 'DI LTAR DMIGS PA THAMS CAD NYE BAR ZHI BA ZHES BYA BA NI YONGS SU GRUB PA'I NGO BO NYID RTOGS NA BYIS PA RNAMS KYIS KUN BRTAGS PA'I DMIGS PA THAMS CAD NYE BAR ZHI BA YIN TE, DMIGS PA THAMS CAD NYE BAR ZHI BA DE RTOGS PAR BYA BA'I THABS NI GANG LA GZHAN GYI DBANG GI NGO BO NYID YOD PA DE LA DE KUN BRTAGS PA'I NGO BO NYID DANG BRAL ZHING RNAM PAR DAG PA NA YONGS SU GRUB PA'I NGO BO NYID DU GYUR PA NI DMIGS PA THAMS CAD NYE BAR ZHI BA YIN PA GANG LA GZHAN GYI DBANG GI NGO BO NYID MED PA DE LA GANG ZHIG DAG PAS YONGS @271B SU GRUB PAR 'GYUR TE, DE BAS NA DMIGS PA THAMS CAD NYE BAR ZHI BA DE RTOGS PAR BYA BA'I THABS GZHAN GYI DBANG LA SKUR PA 'DEBS PA DE NI MI RUNG NGO ZHES ZER BA'I TSIG YIN NO, ,DE NI RUNG NA, 'O NA JI LTA BU ZHE NA, NGO BO NYID GSUM SHES PAR BYA, ,DANG PO KUN DU BRTAGS PA YIN, ,GNYIS PA GZHAN GYI DBANG YIN TE, ,THA MA YONGS SU GRUB PA YIN, ,MTSAN NYID DE BZHIN SKYE BA DANG, ,DON DAM NGO BO NYID MED PAS, ,NGO BO NYID NI GSUM PO DAG ,NGO BO NYID MED NYID DU 'DOD, ,CES BYA BA SMRAS TE, THEG PA CHEN PO 'DI LA RNAL 'BYOR SPYOD PA PA'I LUGS KYIS NGO BO NYID GSUM PO YOD PAR SHES PAR BYA STE, DANG PO NI KUN BRTAGS PA'I NGO BO NYID YIN, GNYIS PA NI GZHAN GYI DBANG GI NGO BO NYID YIN, THA MA NI YONGS SU GRUB PA'I NGO BO NYID YIN NO, ,NGO BO NYID GSUM PO DE DAG KYANG CHOS LDAS ? BSDUS TE, MING DANG, RGYU MTSAN DANG, RNAM PAR RTOG PA DANG, YANG DAG PA'I YE SHES DANG; DE BZHIN NYID KYIS SO, ,DE LA KUN BRTAGS PA'I NGO BO NYID NI MING GIS BSDUS LA, GZHAN GYI DBANG GI NGO BO NYID NI RGYU MTSAN DANG, RNAM PAR RTOG PAS BSDUS, YONGS SU GRUB PA'I NGO BO NYID NI YANG DAG PA'I YE SHES DANG, DE BZHIN NYID KYIS BSDUS SO, ,NGO BO NYID GSUM PO DE DAG KYANG NGO BO NYID MED PA NYID GSUM GYIS GO RIMS BZHIN DU NGO BO NYID MED PA NYID YIN TE, KUN BRTAGS PA'I NGO BO NYID NI MTSAN NYID NGO BO NYID MED PA NYID KYIS NGO BO NYID MED PA NYID YIN LA, GZHAN GYI DBANG GI NGO BO NYID NI SKYE BA NGO BO NYID MED PA NYID KYIS NGO BO NYID MED PA NYID YIN, YONGS SU GRUB PA'I NGO BO NYID NI DON DAM PA NGO BO NYID MED PA NYID KYIS NGO BO NYID MED PA NYID YIN NO, ,DE LA MTSAN NYID NGO BO NYID MED PA NYID KYIS NGO BO NYID MED PA NYID NI KUN BRTAGS PA'I NGO BO NYID CES BYA BA CHOS RNAMS KYI NGO BO NYID DANG, KHYAD PAR DU MING DANG BRDAR SGRO BTAGS PA GANG YIN PA DE NI MING DANG BRDAR SGRO BTAGS PAR ZAD KYI, JI LTAR SNANG BA DE LTAR YOD PA MA YIN PAS MTSAN NYID NGO BO NYID MED PA NYID KYIS NGO BO NYID MED DO, ,SKYE BA NGO BO NYID MED PA NYID KYIS NGO BO NYID MED PA NYID NI GZHAN GYI DBANG GI NGO BO NYID CES BYA BA CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI GANG YIN PA @272A *, ,DE NI RKYEN GZHAN LAS SKYE BA YIN PAS RANG GI NGO BO NYID LAS SKYE BA MED PA'I PHYIR SKYE BA NGO BO NYID MED PA NYID KYIS NGO BO NYID MED DO, ,DON DAM PAR NGO BO NYID MED PA NYID KYIS NGO BO NYID MED PA NYID NI YONGS SU GRUB PA'I NGO BO NYID CES BYA BA CHOS RNAMS KYI DE BZHIN NYID GANG YIN PA DE NI DON DAM PA YANG YIN LA, NGO BO NYID MED PA YANG YIN PA'ANG, DE LA DON DAM PA'I NGO BO NYID MED PAS DON DAM PA'I NGO BO NYID MED PA NYID KYIS NGO BO NYID MED DO, ,DE LTAR NGO BO NYID GSUM PO DAG NGO BO NYID MED PA NYID GSUM PO DAG GIS GO RIMS BZHIN DU NGO BO NYID MED PA NYID YIN PAS NGO BO NYID THAMS CAD NGO BO NYID MED PA NYID THAMS CAD KYIS NGO BO NYID MED PA NYID MA YIN TE, KUN BRTAGS PA'I NGO BO NYID NI MTSAN NYID NGO BO NYID MED PA NYID KYIS RNAM PA THAMS CAD DU MED PA'I PHYIR MI DMIGS SHING, GZHAN GYI DBANG GI NGO BO NYID NI SKYE BA NGO BO NYID MED PA NYID KYIS NGO BO NYID MED DU ZIN KYANG RNAM PAR RTOG PA DANG, 'DU BYED KYI RGYU MTSAN KUN NAS NYON MONGS PA DANG, RNAM PAR BYANG BA'I GNAS SKABS GNYI GAR YOD PA MA YIN PAS, GANG GI TSE DE LA KUN BRTAGS PA'I NGO BO NYID DU MNGON PAR ZHEN PA DE'I TSE NA NI, DMIGS PA THAMS CAD NYE BAR MA ZHI BAS KUN NAS NYON MONGS PAR 'GYUR LA, GANG GI TSE DE LA KUN BRTAGS PA'I NGO BO NYID DU MNGON PAR ZHEN PA MED PA DE'I TSE NA NI, DMIGS PA THAMS CAD NYE BAR ZHI BA YIN PAS RNAM PAR BYANG BAR 'GYUR ZHING YONGS SU GRUB PA'I NGO BO NYID RTOGS PAS RAB TU PHYE BAR 'GYUR BA MED PA DANG, PHYIN CI MA LOG PAS YONGS SU GRUB PA DE BZHIN NYID DANG; YANG DAG PA'I YE SHES 'PHAGS PA SO SO RANG GIS RIG PA'I NGO BO NYID DU DON DAM PAR YOD PA NYID YIN NA, DBU MA PAS DE RTOGS PAR BYA BA'I THABS GZHAN GYI DBANG GI NGO BO NYID DE, MED PAR BSHAD PA MI RUNG NGO, ,DE NYID BYE BRAG TU BSHAD PA BSTAN PA'I PHYIR, DE LA GANG GI TSE KUN BRTAGS PA'I NGO BO NYID MED PA'I PHYIR MI DMIGS SHING, GZHAN GYI DBANG GI NGO BO NYID KYANG RGYU MTSAN DU MI 'DZIN PAS YOD DAG PAR RJES SU MI MTHONG BA DE'I TSE NA DMIGS PA THAMS CAD NYE BAR ZHI BA YIN NO ZHES BYA BA SMRAS TE, GANG GI TSE RNAL 'BYOR PA RNAMS KYIS KUN BRTAGS PA'I NGO BO NYID NI @272B NAM MKHA'I ME TOG BZHIN DU MED PA'I PHYIR MI DMIGS SHING, GZHAN GYI DBANG GI NGO BO NYID KYANG KUN BRTAGS PA'I NGO BO NYID KYI RGYU MTSAN DU MI 'DZIN PAS DE LA KUN BRTAGS PA'I NGO BO NYID DU MNGON PAR ZHEN PA MED PA'I TSUL GYIS YANG DAG PAR RJES SU MI MTHONG BA DE'I TSE NA, YONGS SU GRUB PA'I NGO BO NYID RTOGS PA YIN PAS DE NI DMIGS PA THAMS CAD NYE BAR ZHI BA YIN TE, DON DAM PAR YOD PA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE DAG DANG LHAN CIG TU 'DI DPYAD PAR BYA STE ZHES BYA BA SMRAS TE, JI NGO BO NYID GSUM PO DAG BSTAN PA KHO NAS DMIGS PA THAMS CAD NYE BAR ZHI BA ZHES BYA BAR 'GYUR RAM, 'ON TE RTEN CING 'BREL PAR 'BYUNG BA'I TSUL GYIS BDEN PA GNYIS RNAM PAR BZHAG PAS DON DAM PAR DNGOS PO THAMS CAD NGO BO NYID MED PA NYID KYIS DMIGS PA THAMS CAD NYE BAR ZHI BA ZHES BYA BAR 'GYUR BA 'DI RIGS PA DANG LUNG DAG GIS DPYAD PAR BYA'O ZHES STON TO, ,DE LA 'DIR RNAL 'BYOR SPYOD PA PA DAG 'DOD PA'I NGO BO NYID GSUM PO DAG GI MTSAN NYID NI GANG YIN, DE DAG NGO BO NYID MED PA NYID GSUM PO DAG GIS NI JI LTAR NGO BO NYID MED PAR BRTAG PAR BYA STE, DE LA RE ZHIG BRTAG PA DANG MI BSTAN PA'I PHYIR, DE LA KUN BRTAGS PA'I NGO BO NYID CES BYA BA DE GANG YIN, ,DE MTSAN NYID NGO BO NYID MED PA NYID KYIS NGO BO NYID MED PA NI JI LTA BU YIN ZHES BYA BA SMRAS SO, ,GAL TE KUN BRTAGS PA'I NGO BO NYID NI CHOS RNAMS KYI NGO BO NYID DANG KHYAD PAR LA SOGS PAR THA SNYAD PA'I RNAM PAR RTOG PA GANG YIN PA STE, 'DI LTA STE NGO BO NYID DU RNAM PAR RTOG PA NI GZUGS DANG TSOR BA ZHES BYA BA LA SOGS PAR RNAM PAR RTOG PA'O, ,KHYAD PAR DU RNAM PAR RTOG PA NI BSTAN DU YOD PA DANG, BSTAN DU MED PA ZHES BYA BA LA SOGS PAR RNAM PAR RTOG PA'O ZHES BYA BAS NI RNAL 'BYOR SPYOD PA PA DAG GIS KUN BRTAGS PA'I NGO BO NYID KYI MTSAN NYID BSTAN PA YIN TE, DE LA NGO BO NYID DU RNAM PAR RTOG PA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA'I MTSAN NYID NI GZUGS SU RUNG BA DANG, MYONG BAR BYED PA DANG, MTSAN MAR 'DZIN PA @273A *, ,DANG; MNGON PAR 'DU BYED PA DANG, RNAM PAR SHES PAR BYED PA'O, ,SA DANG, CHU DANG, ME DANG, RLUNG GI MTSAN NYID NI SRA BA DANG, GSHER BA DANG, TSA BA DANG, YANG ZHING G-YO BA'O ZHES BYA BA LA SOGS PAR MING DANG BRDAR THA SNYAD 'DOGS PA DANG, RNAM PAR RTOG PA GANG YIN PA'O, ,KHYAD PAR DU RNAM PAR RTOG PA NI GZUGS NI BSTAN DU YOD PA DANG BSTAN DU MED PA DANG, THOGS PA DANG BCAS PA DANG THOGS PA MED PA'O, ,TSOR BA NI BDE BA DANG, SDUG BSNGAL BA DANG, SDUG BSNGAL BA YANG MA YIN, BDE BA YANG MA YIN PA'O, ,'DU SHES NI CHUNG NGU DANG; CHEN PO DANG, TSAD MED PAR GYUR PA'O, ,'DU BYED NI SEMS DANG, MTSUNGS PAR LDAN PA DANG LDAN PA MA YIN PA'O, ,RNAM PAR SHES PA NI NYE BAR GNAS PA LAS BYUNG BA DANG, TSOR BA PA DANG, NGES PA'O ZHES BYA BA LA SOGS PAR MING DANG, BRDAR THA SNYAD 'DOGS PA DANG RNAM PAR RTOG PA GANG YIN PA'O; ,NGO BO NYID DANG, KHYAD PAR DU RNAM PAR RTOG PA DE GNYI GA YANG GZHAN GYI DBANG GIS BSKYED PA'I 'DU BYED KYI RGYU MTSAN DANG, RNAM PAR RTOG PA KUN NAS NYON MONGS PA DANG, RNAM PAR BYANG BA PA'I YUL LA GLO BUR DU SGRO 'DOGS PA'I NGO BO NYID DE, DE NI KUN BRTAGS PA'I MTSAN NYID YIN NO, ,DE MTSAN NYID NGO BO NYID MED PA NYID KYIS NGO BO NYID MED PA NI RGYU MTSAN LA SOGS PA LNGA PO DAG GI KHONGS SU MA GTOGS PA'I PHYIR RO ZHES BYA BAS NI RNAL 'BYOR SPYOD PA BA DAG GIS KUN BRTAGS PA'I NGO BO NYID DE, DE MTSAN NYID NGO BO NYID MED PA NYID KYIS NGO BO NYID MED PA NYID JI LTA BU YIN PAR BSTAN PA STE, KUN BRTAGS PA'I NGO BO NYID DE NI GZUGS LA SOGS PA YUL LNGA PO DAG GI RGYU MTSAN YID DU 'ONG BA DANG, YID DU MI 'ONG BA LA SOGS PA GANG DAG YIN PA'I RGYU MTSAN DE DAG LA MTSAN MAR MI 'DZIN CING YUL GYI NGO BO NYID DU MI DMIGS PA DANG MNGON RTAGS SU MI 'DZIN CING; YUL GYI KHYAD PAR DU MI DMIGS PA NA DE LTAR YUL GYI NGO BO NYID DANG, KHYAD PAR LA MTSAN MA DANG, MNGON RTAGS SU MI 'DZIN PAS YUL MI DMIGS PA'I PHYIR DE DAG LA 'DZIN PA 'JUG PA'I RNAM PAR SHES PA RNAMS MI SKYE BA NI RGYU MTSAN LA SOGS PA LNGA PO DAG GI KHONGS SU @273B MA GTOGS PA ZHES BYA STE, ,DE'I PHYIR MTSAN NYID NGO BO NYID MED PA NYID YIN NO, ,YANG NA RGYU MTSAN LA SOGS PA LNGA PO DAG GI KHONGS SU MA GTOGS PA ZHES BYA BA NI CHOS LNGA PO RGYU MTSAN DANG, MING DANG, RNAM PAR RTOG PA DANG, YANG DAG PA'I YE SHES DANG, DE BZHIN NYID CES BYA BA DAG LAS KUN BRTAGS PA'I NGO BO NYID MED PA NI MING GIS BSDUS PA YIN YANG MTSAN NYID NGO BO NYID KYIS NGO BO NYID MED PA'I PHYIR MING NYID RGYU MTSAN LA SOGS PA GANG GI KHONGS SU YANG MA GTOGS PA BZHIN KUN BTAGS PA'I NGO BO NYID KYANG RGYU MTSAN LA SOGS PA CHOS LNGA PO DAG GI KHONGS SU MA GTOGS PA'I PHYIR MTSAN NYID NGO BO NYID MED PA NYID KYIS NGO BO NYID MED PA YIN NO ZHES KYANG BSHAD DO, ,DE LTAR KUN BRTAGS PA'I NGO BO NYID DE MTSAN NYID NGO BO NYID MED PA NYID KYIS NGO BO NYID MED PA YIN NA DES JI LTAR KUN NAS NYON MONGS PAR 'GYUR ZHE NA, DE'I PHYIR, DE DE LTAR YOD PA MA YIN YANG MING DON LA 'JUG PA LAS KUN NAS NYON MONGS PAR 'GYUR TE ZHES BYA BA SMRAS TE, MING ZHES BYA BA NI SGRAS GZUGS LA SOGS PA RJOD PAR BYED PA DANG, BUM PA LA SOGS PA RJOD PAR BYED PA DANG, MI LA SOGS PA RJOD PAR BYED PA'O, ,DON NI GZUGS LA SOGS PA DANG BUM PA LA SOGS PA DANG MI LA SOGS PA'O, ,MING DON LA 'JUG PA NI GZUGS ZHES BYA BA LA SOGS PA'I SGRAS, GZUGS LA SOGS PA BRJOD PA DANG, BUM PA LA SOGS PA'I SGRAS BUM PA LA SOGS PA BRJOD PA DANG, MI LA SOGS PA'I SGRAS MI LA SOGS PA BRJOD PA'O, ,MING DON LA 'JUG PA LAS KUN NAS NYON MONGS PAR 'GYUR BA NI KUN BRTAGS PA'I MING GIS GZHAN GYI DBANG GI DON LA GLO BUR DU 'JUG CING SGRO 'DOGS PA LAS GZHAN GYI DBANG GI DON LA KUN BRTAGS PA'I MING DU MNGON PAR ZHEN PA'I SGO NAS BYIS PA RNAMS KUN NAS NYON MONGS PAR 'GYUR BA'I PHYIR RO, ,JI LTAR DES KUN NAS NYON MONGS PAR 'GYUR ZHE NA, DE'I PHYIR JI LTAR MING DON LA 'JUG PA DE LTAR BYIS PA RNAMS DE'I NGO BO NYID LA MNGON PAR ZHEN PAR BYED DO ZHE NA ZHES BYA BA SMRAS TE, JI LTAR KUN BRTAGS PA'I MING GZHAN GYI DBANG GIS DON LA GLO BUR DU SGRO 'DOGS SHING 'JUG PA DE LTAR BYIS PA RNAMS GZHAN GYI DBANG DE'I NGO BO NYID LA 'DI NI GZUGS LA SOGS PA'O, , @274A *, ,'DI NI BUM PA LA SOGS PA'O, ,'DI NI MI LA SOGS PA'O ZHES KUN BRTAGS PA'I NGO BO NYID DU MNGON PAR ZHEN PAR BYED PA'I SGO DE NAS BYIS PA RNAMS KUN NAS NYON MONGS PAR 'GYUR RO ZHES ZER RO, ,RNAL 'BYOR SPYOD PA PA DAG KUN BRTAGS PA'I NGO BO NYID DANG DE MTSAN NYID NGO BO NYID MED PA DANG, DES KUN NAS NYON MONGS PAR 'GYUR BA'I TSUL DE SKAD CES ZER BA DE LA 'DIR DBU MA PAS BSHAD PA, DE LA 'DIR GAL TE GZUGS ZHES BYA BAR YID LA BRJOD PA DANG, TSIG TU BRJOD PA'I KUN BRTAGS PA'I NGO BO NYID GANG YIN PA DE MED DO ZHE NA NI DNGOS PO LA SKUR PA 'DEBS PA YIN TE, YID LA BRJOD PA DANG, TSIG TU BRJOD PA LA SKUR PA 'DEBS PA'I PHYIR RO ZHES BYA BA SMRAS TE, 'DIS NI RNAL 'BYOR SPYOD PA PA DAG KUN BRTAGS PA'I NGO BO NYID NI MTSAN NYID NGO BO NYID MED PA NYID KYIS NGO BO NYID MED DO ZHES ZER BA DE, GAL TE GZUGS ZHES BYA BAR NGO BO NYID DANG KHYAD PAR DU YID LA BRJOD PA RNAM PAR RTOG PA DANG, TSIG TU BRJOD PA THA SNYAD 'DOGS PA'I KUN BRTAGS PA'I NGO BO NYID GANG YIN PA DE MTSAN NYID NGO BO NYID MED PA NYID KYIS NGO BO NYID MED DO ZHE NA NI KUN RDZOB TU GZHAN GYI DBANG GI NGO BO LA SKUR PA 'DEBS PA YIN PAS MI RUNG BAR STON TE, CI'I PHYIR ZHE NA, YID LA BRJOD PA RNAM PAR RTOG PA NI, RNAM PAR SHES PA'I PHUNG POR GTOGS PA YIN LA, TSIG TU BRJOD PA THA SNYAD 'DOGS PA NI 'DU BYED KYI PHUNG POR GTOGS PA YIN PAS DE GNYIS NI GZHAN GYI DBANG GI DNGOS PO YIN TE, DE DAG LA KUN RDZOB TU SKUR PA 'DEBS PA MI RUNG BA'I PHYIR RO, ,DE LTAR NA RNAL 'BYOR SPYOD PA PA DAG GI YID LA BRJOD PA DANG TSIG TU BRJOD PA'I KUN BRTAGS PA'I NGO BO NYID GANG YIN PA DE KUN RDZOB TU MTSAN NYID NGO BO NYID MED PA NYID KYIS NGO BO NYID MED DO ZHES BYA BA NI KUN RDZOB TU GZHAN GYI DBANG GI DNGOS PO LA SKUR PA 'DEBS PAR 'GYUR BAS DE NI RIGS PA MA YIN NO, ,JI STE GANG YANG RUNG BAS DE GNYIS KYI DON KUN BRTAGS PA GANG YIN PA DE MED DE, DPER NA THAG PA LA SBRUL BZHIN NO ZHE NA NI KUN BRTAGS PA MED PA MA YIN TE, DE LA RNAM PA 'DRA BAS BLO GROS 'KHRUL @274B BAS KUN BRTAGS PA'I DON MED KYANG THA SNYAD DU SBRUL 'KHYIL BA LA DE MED PA MA YIN PA'I PHYIR RO ZHES BYA BAS NI RNAL 'BYOR SPYOD PA PA DGRA KUN BRTAGS PA'I NGO BO NYID NI MTSAN NYID NGO BO NYID MED PA NYID KYIS NGO BO NYID MED DO ZHES ZER BA DE JI STA BYIS PA GANG YANG RUNG BAS YID LA BRJOD PA DANG, TSIG TU BRJOD PA DE GNYIS KYI DON SGRO BTAGS PA'I KUN BRTAGS PA GANG YIN PA DE MTSAN NYID NGO BO NYID MED PA NYID KYIS NGO BO NYID MED DE, DPER NA THAG PA LA SBRUL DU SGRO BTAGS PA'I KUN BRTAGS PA GANG YIN PA DE MED PA BZHIN NO ZHE NA NI KUN RDZOB TU KUN BRTAGS PA MTSAN NYID NGO BO NYID MED PA NYID KYIS NGO BO NYID MED PA NYID MA YIN PAS MI RUNG BAR STON TE, CI'I PHYIR ZHE NA, THAG PA DE LA NAM MKHA' PHAN PHUN TZAM GYI TSE NA SBRUL 'KHYIL BA'I RNAM PA 'DRA BAS BLO GROS 'KHRUL PA'I BYIS PA RNAMS KYIS SBRUL 'KHYIL PA DUG DRAG PO DANG LDAN PA YIN PAR KUN BRTAGS PA'I DON MED KYANG THA SNYAD DU THAG PA DE LAS GZHAN PA SBRUL 'KHYIL BA NYID KYI LUS LA SBRUL 'KHYIL PA DUG DRAG PO DANG LDAN PAR KUN BRTAGS PA'I DON DE MED PA MA YIN PA'I PHYIR RO, ,DE LTAR NA RNAL 'BYOR SPYOD PA PA DAG GI YID LA BRJOD PA DANG, TSIG TU BRJOD PA DE GNYIS KYI DON KUN BRTAGS PA'I NGO BO NYID GANG YIN PA DE KUN RDZOB TU MTSAN NYID NGO BO NYID MED PA NYID KYIS NGO BO NYID MED DO ZHES BYA BAR YANG KUN RDZOB TU KUN BRTAGS PA'I NGO BO NYID MTSAN NYID NGO BO NYID MED PA NYID KYIS NGO BO NYID MED PA NYID DU MI 'GRUB PAS DE YANG RIGS PA MA YIN NO, ,JI STE THA SNYAD DU YANG SBRUL 'KHYIL PA LA SBRUL MED DO ZHE NA NI GRAGS PA'I GNOD PAR 'GYUR RO ZHES BYA BAS NI JI STE RNAL 'BYOR SPYOD PA PA DAG THA SNYAD DU SBRUL 'KHYIL PA LA DE MED PA MA YIN PA'I PHYIR KUN BRTAGS PA'I NGO BO NYID MTSAN NYID NGO BO NYID MED PA NYID KYIS NGO BO NYID MED PA NYID DU MA 'GRUB PA'I SKYON SEL BAR 'DOD PAS THA SNYAD DU YANG SBRUL 'KHYIL PA LA SBRUL MED DO ZHE NA NI GRAGS PA'I GNOD PAR 'GYUR BAS MI RUNG BAR STON TE, CI'I PHYIR ZHE NA, THA SNYAD DU THAG PA LA SBRUL MED KYANG SBRUL 'KHYIL BA NYID LA SBRUL YOD PAR 'JIG RTEN LA GRAGS PA'I PHYIR RO, ,DE LTAR NA RNAL 'BYOR SPYOD PA PA DAG THA SNYAD DU SBRUL 'KHYIL PA LA DE MED PA MA YIN PA'I PHYIR KUN BTAGS PA'I NGO BO NYID MTSAN NYID @275A *, ,NGO BO NYID MED PA NYID KYIS NGO BO NYID MED PA NYID DU MI 'GRUB PA'I SKYON SEL BAR 'DOD PAS THA SNYAD DU YANG SBRUL 'KHYIL PA LA SBRUL MED DO ZHES ZER BA NI GRAGS PA'I GNOD PAR 'GYUR BAS DE YANG RIGS PA MA YIN NO, ,JI STE DON DAM PAR DNGOS PO SEL BAR BYED PA NI DBU MA PA'I TSUL GYI RJES SU SMRA BA YIN TE, DON DAM PAR SBRUL RDZAS SU YOD PA MA YIN PA'I PHYIR DANG, NGO BO NYID LAS SKYE BA MED PA'I PHYIR RO ZHES BYA BAS NI JI STE RNAL 'BYOR SPYOD PA PA DAG THA SNYAD DU YANG SBRUL 'KHYIL PA LA SBRUL MED DO ZHES BYAS NA GRAGS PA'I GNOD PAR 'GYUR BA DE SPANG BAR 'DOD PAS DON DAM PAR SBRUL 'KHYIL PA LA SBRUL GYI DNGOS PO MED DO ZHES SEL BAR BYED NA DBU MA PA'I TSUL GYI RJES SU SMRAS PA YIN PAS NGO BO NYID GSUM KHO NAS DMIGS PA THAMS CAD NYE BAR ZHI BA ZHES BYA BAR SGRUB PA'I GZHUNG MI RUNG BAR STON TE, CI'I PHYIR ZHE NA, DON DAM PAR SBRUL RDZAS SU YOD PA MA YIN PA'I PHYIR DANG NGO BO NYID LAS SKYE BA MED PA'I PHYIR, DE NI RTEN CING 'BREL PAR 'BYUNG BA'I TSUL GYIS DON DAM PAR DNGOS PO THAMS CAD NGO BO NYID MED PA NYID YIN PAS DMIGS PA THAMS CAD NYE BAR ZHI BAR 'GYUR PA'I TSUL GYIS YIN PA'I PHYIR RO, ,DE LTAR NA RNAL 'BYOR SPYOD PA PA DAG THA SNYAD DU YANG SBRUL 'KHYIL PA LA SBRUL MED DO ZHES BYAS NA GRAGS PA'I GNOD PAR 'GYUR BA SPANG BAR 'DOD PAS DON DAM PAR DNGOS PO SEL BAR BYED NA NI DBU MA PA'I TSUL GYI RJES SU SMRA BA YIN PAS RANG GI GRUB PA'I MTHA' LAS NGO BO NYID GSUM KHO NAS DMIGS PA THAMS CAD NYE BAR ZHI BA ZHES BYA BAR 'GYUR BAR 'DOD PA'I GZHUNG NYAMS PAS DE YANG RIGS PA MA YIN NO, ,THAG PA DANG SBRUL 'KHYIL PA LA MA DMIGS PA KHO NAR THAG PA DANG SBRUL GYI BLO SKYE NA NI PHA ROL PO DANG RANG LA SHES PAR BYED PAR RAB TU MA GRUB PO ZHES BYA BAS NI RNAL 'BYOR SPYOD PA PA DAG THAG PA DANG SBRUL LA SOGS PA PHYI ROL GYI YUL RNAMS KUN RDZOB TU MED KYANG DE LTAR 'KHRUL PA'I BLO SKYE'O ZHES ZER BA DE GAL TE KUN RDZOB TU THEG PA DANG SBRUL 'KHYIL BA LA SOGS PA YUL RNAMS MED NA DE DAG LA MA DMIGS PA KHO NAR THAG PA DANG SBRUL LA SOGS PA'I BLO JI LTAR SKYE BAR 'GYUR, JI STE SKYE NA NI THAG PA LA SBRUL DU 'KHRUL PA'I BLO SKYE BA GANG YIN PA DE NI KUN BRTAGS @275B PA'I NGO BO NYID YIN NO ZHES KUN BRTAGS PA'I NGO BO NYID SHES PAR BYED PA'I DPE THAG PA LAS BLANGS PA DE RNAL 'BYOR SPYOD PA PA DAG RANG LA RAB TU MA GRUB PAS YUL MED PAR MI RUNG BAR STON TE, CI'I PHYIR ZHE NA, THAG PA DANG SBRUL 'KHYIL BA LA SOGS PA'I PHYI ROL GYI YUL RNAMS MED NA THAG PA DANG SBRUL GYI BLO SKYE BA YANG MED PAS KUN BRTAGS PA'I NGO BO NYID NI THAG PA LA SBRUL DU 'KHYIL PA'I BLO SKYE BA LTA BU'O ZHES SHES PAR BYED PA'I DPE RANG LA RAB TU MA GRUB PAS MI RUNG BA'I PHYIR RO, ,DE LTAR NA RNAL 'BYOR SPYOD PA PA DAG PHYI ROL GYI YUL MED PAR NANG GI BLO 'KHRUL PAS RNAM PAR BRTAGS PA KUN BRTAGS PA'I NGO BO NYID YIN PAR 'DOD PA'I DPE YANG RANG LA RAB TU MA GRUB PA'I PHYIR DE YANG RIGS PA MA YIN NO, ,'DIR GAL TE RNAL 'BYOR SPYOD PA PA DAG 'DI SKAD CES KHO BO CAG RANG LA PHYI ROL GYI YUL YOD PAR MA GRUB PAS SHES PAR BYED PA'I DPE MED KYANG KHYED DBU MA PA'I PHYOGS LA KUN RDZOB TU PHYI ROL GYI YUL GYI YUL SGYU MA TZAM DU YOD PAR GRUB PA KHO BO CAG GIS SHES PAR BYED PA'I DPER RUNG BA'I PHYIR KHO BO CAG GIS KUN BRTAGS PA'I NGO BO NYID NI THAG PA LA SBRUL DU 'KHRUL PA'I BLO SKYE BA LTA BU ZHES SHES PAR BYED PA'I DPE RAB TU MA GRUB PA YIN TE, RANG LA GTAN TSIGS MA GRUB PAS KYANG 'DOD PA'I DON STON PAR BYED DE, GZHAN GYI PHYOGS LA GRUB PA'I PHYIR PHYOGS GNYI GA LA GRAGS PA'I CHOS BZHIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS GANG YANG RUNG BA LA MA GRUB PA NI GTAN TSIGS MA YIN NO ZHES BYA BA DER THA SNYAD KYI DUS SU NI PHYOGS GNYI GA LA GRAGS PA'I SHES PAR BYED PA 'DOD PAR BYA'O ZHES SNGAR BSTAN ZIN TO ZHES BYA BA SMRAS TE, SNGAR BDAG DANG CHOS BRTAGS PA'I SKABS SU GZHAN GYI PHYOGS 'BA' ZHIG LA GRAGS PA'I PHYOGS KYI CHOS KYIS NI BSGRUB PAR BYA BA'I DON SGRUB PAR MI NUS PAR NGES PAR BZUNG STE; ,GANG YANG RUNG BA LA MA GRUB PA'I PHYIR, GZHAN GYI PHYOGS LA MA GRUB PA BZHIN PAS, RJES SU DPAG PA 'GAL BAS BZLOG PA'I PHYIR GTAN TSIGS KYI DON MA GRUB PA NYID NYAMS PA MED DO ZHES BSTAN ZIN TO, ,KUN BRTAGS PA'I DON YOD PA MA YIN PAR STON PAR 'DOD PA NI, SLOB @276A *, ,DPON GYIS DBU MA PA'I TSUL 'THAD PA DANG BCAS PA BKA' STZAL PA NYID 'DOD PAR BYA STE, BRJOD PAR BYA BA'I NGO BO NYID BKAG PA KHO NAS YUL DE LA YID DANG TSIG GI BRJOD PAS 'JUG PA LDOG PA'I PHYIR RO ZHES BYA BAS NI GANG DAG KUN BRTAGS PA'I DON NGO BO NYID YOD PA MA YIN PAR STON PAR 'DOD PA DAG GIS NI SNGAR SLOB DPON GYI ZHAL SNGA NAS KYIS BDAG DANG CHOS BRTAGS PA'I SKABS SU, ,BRJOD PAR BYA BA LDOG PAS TE, ,SEMS KYI SPYOD YUL LDOG PAS SO, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES BYA BA DBU MA PA'I TSUL 'THAD PA DANG BCAS PA BKA' STZAL PA NYID 'DOD PAR BYA STE, DER LAS NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES GSUNGS PAS SPROS PA NI KUN BRTAGS PA'I NGO BO NYID YIN LA; DE NI STONG PA NYID KYIS 'GAG PAR 'GYUR BA'I RIGS PA NI, BRJOD PAR BYA BA LDOG PAS TE, ,SEMS KYI SPYOD YUL LDOG PAS SO, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES BYA BA YIN TE, SPROS PA NI STONG PA NYID KYIS 'GAG LA, ,DE YANG BRJOD PAR BYA BA LDOG PAS 'GAG GO, ,BRJOD PAR BYA BA LDOG PA DE YANG SEMS KYI SPYOD YUL LDOG PAS SO, ,SEMS KYI SPYOD YUL LDOG PA DE YANG MA SKYES PA DANG MA 'GAGS PA'I CHOS NYID MYA NGAN LAS 'DAS PA DANG MTSUNGS PA RTOGS PAS LDOG PAR 'GYUR BA'I PHYIR DES NI THEG PA CHEN PO DBU MA PA'I TSUL GYIS KUN BRTAGS PA'I DON NGO BO NYID MED PA NYID DU BSGRUB PA'I TSUL BSTAN TO, ,KUN BRTAGS PA'I MTSAN NYID MED DO ZHE NA NI ZHES BYA BAS NI RNAL 'BYOR SPYOD PA PA DAG NA RE KUN BRTAGS PA'I MTSAN NYID NI MED DE, PHYIN CI LOG YIN PA'I PHYIR, DPER NA SDONG DUM LA MIR 'KHRUL PA BZHIN NO ZHES ZER BA'I TSIG YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SDONG DUM LA MIR 'KHRUL PA NI PHYIN CI LOG YIN PA'I PHYIR MED PA DE BZHIN DU, KUN BRTAGS PA'I MTSAN NYID KYANG PHYIN CI LOG @276B YIN PA'I PHYIR MED PAS DE'I PHYIR KUN BRTAGS PA'I NGO BO NYID NI MTSAN NYID KYIS NGO BO NYID MED DO ZHES ZER RO, ,DE'I LAN DU 'GREL PA BYED PA NYID KYIS, GTAN TSIGS KYI DON MA GRUB PA NYID DE, MING NI GZUGS DANG 'DU BYED DU GTOGS PA'I PHYIR DANG, NGO BO NYID DANG, RTOG PA DANG, RJES SU DRAN PA'I RNAM PAR RTOG PA DAG KYANG RNAM PAR SHES PA DANG, 'DU BYED KYI PHUNG POR GTOGS PA'I PHYIR RO ZHES BYA BA SMRAS TE, DES NI RNAL 'BYOR SPYOD PA PA DAG GI KUN BRTAGS PA'I MTSAN NYID NI MED DO ZHES BYA BA'I GTAN TSIGS PHYIN CI LOG YIN PA'I PHYIR ZHES BYA BA DE'I DON MA GRUB PA NYID DE, CI'I PHYIR ZHE NA, KUN BRTAGS PA NI CHOS RNAMS KYI NGO BO NYID DANG, KHYAD PAR DU MING DU 'DOGS PA DANG, RNAM PAR RTOG PAS SGRO 'DOGS PA YIN PAS, DE LA MING NI SGRAR BRJOD PA MA YIN PAS, GZUGS KYI PHUNG POR YANG GTOGS LA SEMS DANG MI LDAN PA'I 'DU BYED YIN PAS 'DU BYED KYI PHUNG POR YANG GTOGS PA'I PHYIR SDONG DUM LA MIR 'KHRUL PA LTAR PHYIN CI LOG MA YIN PAS MED PA MA YIN NO, ,RNAM PAR RTOG PA YANG RNAM PA GSUM STE NGO BO NYID KYIS RNAM PAR RTOG PA NI SGO LNGA'I RNAM PAR SHES PA NYE BAR GNAS PA LAS BYUNG BA YIN LA, RTOG PA'I RNAM PAR RTOG PA NI YID KYI RNAM PAR SHES PA TSOL BA PA DANG, 'DU BYED SEMS PA YIN, RJES SU DRAN PA'I RNAM PAR RTOG PA NI YID KYI RNAM PAR SHES PA NGES PA DANG, SEMS LAS BYUNG BA'I CHOS DRAN PA YIN PAS DE DAG KYANG RNAM PAR SHES PA DANG, 'DU BYED KYI PHUNG POR GTOGS PA'I PHYIR, SDONG DUM LA MIR 'KHRUL PA LTAR PHYIN CI LOG MA YIN PAS MED PA MA YIN NO, ,DES NA KUN BRTAGS PA'I MTSAN NYID RNAL 'BYOR SPYOD PA PA DAG 'DOD PA LTAR KUN RDZOB TU YANG MTSAN NYID NGO BO NYID MED PA NYID KYIS NGO BO NYID MED PA MA YIN GYI, KUN RDZOB TU GZUGS DANG SEMS DANG SEMS LAS BYUNG BA'I NGO BO NYID SGYU MA DANG, SMIG RGYU DANG, RMI LAM LTA BUR YOD PA YIN NO, ,GZHAN YANG THA SNYAD PA'I RJOD PA 'JUG PA NI BRJOD PAR BYA BA'I DON GYI NGO BO NYID DANG, KHYAD PAR GYI YUL CAN YIN LA, DON DAM PAR BRJOD PAR BYA BA'I DON GYI NGO BO NYID DANG KHYAD PAR BKAG PA'I PHYIR MNGON PAR ZHEN PA'I NYON MONGS PA MI 'THAD DE, SKYES BU 'BYON MA PAS GZUGS SU BYAS PA'I @277A *, ,NA CHUNG LA BDAG MED PA NYID DU RTOGS PA BZHIN PAS, MING GI DBANG GIS DON LA MNGON PAR ZHEN PAR MI RIGS TE, TSUL BZHIN MA YIN PA YID LA BYED PA LAS RIGS SO ZHES BYA BAS NI RNAL 'BYOR SPYOD PA PA DAG NA RE KUN BRTAGS PA'I NGO BO NYID DE, DE LTAR YOD PA MA YIN YANG MING DON LA 'JUG PA LAS KUN NAS NYON MONGS PAR 'GYUR TE, JI LTAR MING DON LA 'JUG PA DE LTAR BYIS PA RNAMS DE'I NGO BO NYID LA MNGON PAR ZHEN PAR BYED DO ZHES KUN BRTAGS PA'I MING GZHAN GYI DBANG GIS DON LA 'JUG PA'I SGO NAS DON LA MNGON PAR ZHEN CING KUN NAS NYON MONGS PAR 'GYUR RO ZHES ZER BA DE MI RIGS PAR STON TE, JI LTAR MI RIGS SHE NA, MING DON LA 'JUG PA ZHES BYA BA NI THA SNYAD PA'I BRJOD PA 'JUG PA YIN TE, DE NI BRJOD PAR BYA BA'I DON GYI NGO BO NYID DANG KHYAD PAR GYI YUL CAN YIN LA DON DAM PAR BRJOD PAR BYA BA'I DON GYI NGO BO NYID DANG KHYAD PAR BKAG PA'I PHYIR SKYES BU 'PHYON MA PAS GZUGS BRNYAN GYI NA CHUNG LA BUD MED KYI NGO BO NYID MED PAR RTOGS PA NA DE LA 'DOD CHAGS LA SOGS PA NYON MONGS PA MI SKYE BA BZHIN PAS DON DAM PAR NI MING DON LA 'JUG PA LAS DON LA MNGON PAR ZHEN CING, KUN NAS NYON MONGS PAR MI 'GYUR LA, KUN RDZOB TU NI MING DON LA 'JUG PA LAS, DON LA MNGON BAR ZHEN CING KUN NAS NYON MONGS PAR 'GYUR BAR MI RIGS KYI, TSUL BZHIN MA YIN PA YID LA BYED PA LAS DON LA MNGON PAR ZHEN CING KUN NAS NYON MONGS PAR 'GYUR BAR RIGS SO, ,DE LTAR NA RNAL 'BYOR SPYOD PA PA DAG GIS KUN BRTAGS PA'I NGO BO NYID MTSAN NYID NGO BO NYID MED PA NYID KYIS, NGO BO NYID MED PA NYID YIN PAR BRTAGS PAS DE GAL TE YID LA BRJOD PA DANG, TSIG TU BRJOD PA'I NGO BO NYID KUN BRTAGS PA YIN LA DE MTSAN NYID NGO BO NYID MED PA NYID KYIS NGO BO NYID MED PA NYID YIN NO ZHES BYA BA NI YID LA BRJOD PA DANG, TSIG TU BRJOD PA'I NGO BO NYID NI GZHAN GYI DBANG GI DNGOS PO YIN PAS DE MTSAN NYID NGO BO NYID MED PA NYID KYIS NGO BO NYID MED PA NYID DO ZHES BRJOD NA GZHAN GYI DBANG GI DNGOS PO LA SKUR PA 'DEBS PAR 'GYUR BAS MI RUNG NGO, ,JI STE YID LA BRJOD PA DANG TSIG TU BRJOD PA DE GNYIS KYI DON GANG YIN PA KUN BRTAGS PA'I NGO BO NYID YIN LA, DE MTSAN NYID NGO BO NYID MED PA NYID KYIS NGO BO NYID MED PA NYID YIN @277B NO ZHES BRJOD NA NI KUN BRTAGS PA'I NGO BO NYID MED PAR MI 'GRUB STE, YID LA BRJOD PA DANG, TSIG TU BRJOD PA DE GNYIS KYI DON GANG YIN PA NI GZHAN GYI DBANG GI NGO BO NYID YIN TE, DE NI DPER NA THAG PA LA SBRUL DU KUN BRTAGS PA'I DON MED KYANG SBRUL NYID LA SBRUL DU KUN BRTAGS PA'I DON MED PA MA YIN PA'I PHYIR DE MTSAN NYID NGO BO NYID MED PA NYID KYIS NGO BO NYID MED PA NYID YIN NO ZHES BYA BAR MI RUNG NGO, ,PHYI ROL GYI YUL MED PAR KUN BRTAGS PA'I 'KHRUL PA'I BLO SKYE'O ZHES BYA BAR YANG MI RUNG STE, YUL MED NA THAG PA LA SBRUL DU 'KHRUL PA'I BLO SKYE BA BZHIN NO ZHES BYA BA'I DPE MI 'GRUB STE, THAG PA'I YUL LA SBRUL DU 'KHRUL PA PHYIN CI LOG YIN PAS MED KYANG THAG PA'I YUL NYID MED PA MA YIN PAS PHYI ROL GYI YUL MED PA LA KUN BTAGS PA'I 'KHRUL PA'I BLO SKYE'O ZHES BYA BAR MI RUNG NGO, ,KUN BRTAGS PA'I MTSAN NYID PHYIN CI LOG YIN PA'I PHYIR, SDONG DUM LA MIR 'KHRUL PA BZHIN DU MTSAN NYID NGO BO NYID MED PA NYID KYIS NGO BO NYID MED DO ZHES BYAR YANG MI RUNG STE, NGO BO NYID DANG BYE BRAG TU MING DU 'DOGS PA DANG, BLOS RNAM PAR RTOG PA DAG GZUGS DANG SEMS DANG SEMS LAS BYUNG BA YIN PAS DE DAG THA SNYAD DU SDONG DUM LA MIR 'KHRUL PA LTAR MTSAN NYID MED PA MA YIN NO, ,MING DON LA 'JUG PA LAS KUN NAS NYON MONGS PAR 'GYUR RO ZHES BYAR YANG MI RUNG STE, MING GIS DON BRJOD PA LAS DON LA MNGON PAR ZHEN CING KUN NAS NYON MONGS PAR 'GYUR BAR MI RIGS KYIS, TSUL BZHIN MA YIN PA YID LA BYED PA LAS DON LA MNGON PAR ZHEN CING KUN NAS NYON MONGS PAR 'GYUR BAR RIGS PA'I PHYIR RO, ,DE LTAR RNAL 'BYOR SPYOD PA PA DAG GIS BRTAGS PA'I TSUL MI 'THAD PAS, 'DIR THEG PA CHEN PO DBU MA PA'I TSUL NI THA SNYAD DU KUN RDZOB KYI BDEN PA'I LUGS RNAM PAR GZHAG PA NI PHYI DANG NANG GI DNGOS PO SGYU MA DANG, SMIG RGYU DANG, RMI LAM LTA BU RGYU DANG RKYEN GYI DBANG GIS RTEN CING 'BREL PAR 'BYUNG BA BYA BA BYED NUS PA DANG, MI NUS PA'I TSUL GYIS YANG DAG PA DANG, YANG DAG PA MA YIN PAR BRJOD PA YOD LA, DE LA TSUL BZHIN MA YIN PA YID LA BYED PAS, DNGOS PO DANG DNGOS PO MED PA LA SOGS PAR @278A *, ,BRTAGS PA LAS KUN NAS NYON MONGS PAR 'GYUR ZHING, DE DAG NYID DON DAM PAR NGO BO NYID MED PA NYID DU MTHONG NA, RNAM PAR BYANG BAR 'GYUR BA YIN PAS THEG PA MCHOG GI TSUL 'DI 'DOD PAR BYA'O, ,DA NI RNAL 'BYOR SPYOD PA PA DAG GIS GZHAN GYI DBANG GI NGO BO NYID SKYE BA NGO BO NYID MED PA NYID CES BYA BA CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI NYID DU KUN RDZOB DANG, DON DAM PAR YOD PA NYID DU BTAGS PA DE MI 'THAD PAR BSTAN PA'I PHYIR, DE BZHIN DU GZHAN GYI DBANG GI NGO BO NYID CES BYA BA DE YANG GANG YIN ZHES BRTAG PA GNYIS PA SMRAS TE, DES NI GZHAN GYI DBANG GI NGO BO NYID CES BYA BA DE YANG GANG YIN ZHES BRTAG PA BSTAN TO, ,CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI GANG YIN PA DE ZHES BYA BA NI RNAL 'BYOR SPYOD PA PA DAG GIS GZHAN GYI DBANG GI NGO BO NYID KYI MTSAN NYID BSTAN PA YIN TE, DE LA GZHAN GYI DBANG GI NGO BO NYID KYI MTSAN NYID NI CHOS RNAMS KYI RTEN CING 'BREL PAR BYUNG BA'I NGO BO NYID RGYU DANG RKYEN GZHAN DAG GIS DBANG BYA ZHING BSKYED PAR BYA BA STE, DE YANG 'DOD CHAGS LA SOGS PA NYON MONGS PA RNAMS KYIS KUN NAS NYON MONGS PAR 'GYUR BA'I GZHI YANG YIN LA, MA CHAGS PA LA SOGS PA DGE BA RNAMS KYIS RNAM PAR BYANG BAR 'GYUR BA'I GZHI YANG YIN TE, GANG GI TSE KUN NAS NYON MONGS PAR GYUR PA DE'I TSE NA NI, KUN RDZOB KYI BDEN PAR YOD PA NYID YIN LA, GANG GI TSE RNAM PAR BYANG BAR 'GYUR BA DE'I TSE NA NI DON DAM PA'I BDEN PAR YOD PA NYID YIN TE, GAL TE GZHAN GYI DBANG GI NGO BO NYID CES BYA BA DNGOS PO 'GA' ZHIG MED PAR GYUR PA NA GZHI MED PA DANG, RGYU MED PAR KUN NAS NYON MONGS PAR BYANG BAR MI 'GYUR BAS, DE'I PHYIR GZHAN GYI DBANG GI NGO BO NYID YOD PA KHO NA YIN NO, ,DE NYID DE ? 'THAD PA BSTAN PA'I PHYIR, BTAGS PA RGYU MTSAN BCAS PHYIR DANG, ,GZHAN DU GNYIS PO MED PHYIR DANG, ,KUN NAS NYON MONGS DMIGS PA'I PHYIR, ,GZHAN DBANG YOD PA NYID DU 'DOD, ,CES BYA BA SMRAS TE, BTAGS PA ZHES BYA BA NI BUM PA DANG, SNAM BU DANG, SANGS RGYAS BCOM @278B LDAN 'DAS ZHES BYA BA'I BAR DU MING DANG BRDAR THA SNYAD DANG RNAM PAR RTOG PAS GLO BUR DU SGRO BTAGS PA STE, KUN NAS BRTAGS PA'I NGO BO NYID DO, ,DE NI RGYU MTSAN DANG BCAS PA YIN TE, RGYU DANG BCAS, GZHI DANG BCAS, MTSAN MA DANG BCAS, MNGON RTAGS DANG BCAS PA YIN PAS DE'I RGYU MTSAN DE NI GZHAN GYI DBANG GI NGO BO NYID YIN NO, ,DE LA GANG GI PHYIR GZUGS DANG, RO DANG, DRI DANG, REG BYA'I SKYE MCHED BZHI'I RGYU MTSAN LA BRTEN NAS BUM PAR BTAGS PA GDAGS PAR BYA ZHING, RGYU SPUN GYI RGYU MTSAN LA BRTEN NAS SNAM BUR BTAGS PAR GDAGS PAR BYA BA DANG, SANGS RGYAS SU BYED PA'I RGYU MTSAN GYI CHOS RNAMS LA BRTEN NAS SANGS RGYAS SU BTAGS PA'I BAR DU GDAGS PAR BYA STE, BUM PA DANG, SNAM BU DANG, SANGS RGYAS BCOM LDAN 'DAS KYI BAR DU BTAGS PA GANG YIN PA DE NI THA SNYAD DU KUN BRTAGS PA'I NGO BO NYID YIN LA, DE GANG LA BRTEN NAS GDAGS PAR BYA BA'I RGYU MTSAN SKYE MCHED BZHI DANG, RGYU SPUN DANG SANGS RGYAS SU BYED PA'I CHOS RNAMS KYI BAR GANG YIN PA DE NI GZHAN GYI DBANG GI NGO BO NYID YIN PAS, KUN BRTAGS PA'I NGO BO NYID GZHAN GYI DBANG GI NGO BO NYID KYI RGYU MTSAN LA BRTEN NAS GDAGS PAR BYA BA DE'I PHYIR GZHAN GYI DBANG GI NGO BO NYID YOD PA MA YIN NO, ,GZHAN YANG, GZHAN DU GNYIS PO MED PHYIR DANG, ,ZHES BYA BA DE'I PHYIR YANG GZHAN GYI DBANG GI NGO BO NYID YOD PA YIN TE, GZHAN DU ZHES BYA BA NI GZHAN GYI DBANG GI NGO BO NYID MED DU ZIN NA'O, ,GNYIS PO MED PHYIR DANG ZHES BYA BAS NI KUN NAS NYON MONGS PA DANG, RNAM PAR BYANG BA GNYIS MED PA'I PHYIR TE, GANG GI PHYIR GZHAN GYI DBANG GI NGO BO NYID MED DU ZIN NA KUN NAS NYON MONGS PA DANG, RNAM PAR BYANG BA GNYIS MED PA'I SKYON DU 'GYUR BA DE'I PHYIR GZHAN GYI DBANG GI NGO BO NYID YOD PA YIN NO, ,YANG NA, GZHAN DU GNYIS PO MED PHYIR DANG, ,ZHES BYA BA NI BYIS PA RNAMS KYIS GZHAN GYI DBANG GI NGO BO NYID LA GZUNG BA DANG, 'DZIN PAR GZHAN DU BRTAGS PA GNYIS PO MED PA'I PHYIR TE, GANG GI PHYIR, YANG DAG MA YIN KUN RTOG YOD, ,DE LA GNYIS PO YOD MA YIN, ,ZHES BSHAD PA'I TSUL GYIS YANG DAG PA MA YIN PA'I KUN TU RTOG PA KHAMS GSUM PA'I SEMS DANG SEMS LAS BYUNG BA @279A *, ,GZHAN GYI DBANG GI NGO BO NYID NI YOD LA, DE LA GZUNG BA DANG, 'DZIN PA GZHAN DU BRTAGS PA KUN BRTAGS PA'I NGO BO NYID NI YOD PA MA YIN PA DE'I PHYIR GZHAN GYI DBANG GI NGO BO NYID NI YOD PA YIN NO, ,GZHAN YANG, KUN NAS NYON MONGS DMIGS PA'I PHYIR, ,ZHES BYA BA DE'I PHYIR YANG GZHAN GYI DBANG GI NGO BO NYID YOD PA YIN TE, GANG GI PHYIR GZHI MED PA MO GSHAM GYI BU MO'I LUS LTA BU LA NI 'DOD CHAGS LA SOGS PA NYON MONGS PA DMIGS PAR MI 'GYUR GYI, YUL GYI BZANG MO'I LUS LTA BU GZHI YOD PA LA NI 'DOD CHAGS LA SOGS NYON MONGS PA DMIGS PAR 'GYUR BA DE'I PHYIR GZHAN GYI DBANG GI NGO BO NYID YOD PA YIN PA NYID DU 'DOD DO ZHES ZER RO, ,RNAL 'BYOR SPYOD PA PA DAG GZHAN GYI DBANG GI NGO BO NYID CES BYA BA CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI GANG YIN PA YOD PAR 'DOD PA'I TSUL DE SKAD ZER BA DE LA 'DIR DBU MA PAS BSHAD PA, 'DI LA YANG GAL TE GZHAN GYI DBANG GI NGO BO NYID THA SNYAD KYI BDEN PAR GTOGS PAR 'DOD NA NI DE 'DOD LA RAG STE, DE STON PA DON MED DO ZHES BYA BA SMRAS TE, 'DIS NI GAL TE RNAL 'BYOR SPYOD PA PA DAG GZHAN GYI DBANG GI NGO BO NYID CES BYA BA PHYI DANG NANG GI DNGOS PO THOG MA DANG THA MA MED PA'I RGYU DANG RKYEN BRGYUD PA GZHAN GYI DBANG GIS BSKYED PA'I RTEN CING 'BREL PAR 'BYUNG BA THA SNYAD KYI BDEN PAR GTOGS PA YOD PAR 'DOD NA NI DE 'DOD LA RAG STE, DE STON PA GRUB PA LA SGRUB PA YIN PAS DON MED DE; CI'I PHYIR ZHE NA, KHO BO CAG KYANG THA SNYAD DU BCOM LDAN 'DAS KYIS RGYU DANG 'BRAS BU LA SKUR PA 'DEBS PA RNAMS KYI MNGON PAR ZHEN PA SPANG BA'I PHYIR DANG, MTHO RIS DANG, BYANG GROL THOB PAR BYA BA'I PHYIR DNGOS PO RGYU DANG RKYEN LAS BYUNG BA RNAMS YOD PA NYID DU BKA' STZAL PA DE 'DOD DE, 'DI SKAD DU BCOM LDAN 'DAS KYIS RAB 'BYOR 'DI DAG THAMS CAD NI 'JIG RTEN GYI THA SNYAD DU YOD PA YIN GYI, DON DAM PAR NI YOD PA MA YIN NO ZHES GSUNGS PAS DE GRUB PA LA SGRUB PA'I SKYON CHAGS PA YIN PAS MI RUNG NGO, ,JI STE DON DAM PAR NA NI RTEN CING 'BREL PAR 'BYUNG BA MA YIN TE, SKYE BA @279B MED PA'I RAB TU BYED PAR BSTAN PA'I TSUL GYIS SKYE BA BKAG PA'I PHYIR RO ZHES BYA BAS NI JI STE RNAL 'BYOR SPYOD PA PA DAG DON DAM PAR GZHAN GYI DBANG GI NGO BO NYID CES BYA BA CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI GANG YIN PA DE YOD PAR 'DOD NA NI DE RTEN CING 'BREL PAR 'BYUNG BA MA YIN TE, CI'I PHYIR ZHE NA, SNGAR RKYEN BRTAGS PA'I RAB TU BYED PA'I SKABS SU, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BSTAN PA'I TSUL GYIS DON DAM PAR SKYE BA BKAG PA'I PHYIR RO, ,BTAGS PA RGYU MTSAN BCAS PHYIR DANG, ,ZHES BYA BA DE YANG PHYOGS KYI CHOS MA YIN PA'I PHYIR GTAN TSIGS KYI DON MA GRUB PA NYID DO ZHES BYA BAS NI RNAL 'BYOR SPYOD PA PA DAG GZHAN GYI DBANG GI NGO BO NYID YOD PA'I GTAN TSIGS SU BTAGS PA RGYU MTSAN DANG BCAS PA'I PHYIR ZHES BRJOD PA DE GZHAN GYI DBANG GI NGO BO NYID YOD PAR DAM BCAS PA'I PHYOGS KYI CHOS MA YIN PA'I PHYIR GTAN TSIGS KYI DON MA GRUB PA NYID DO ZHES STON TE, 'DIR BTAGS PA RGYU MTSAN DANG BCAS PA GZHAN GYI DBANG GI NGO BO NYID LA CI PHAN TE, GZHI THA DAD PA'I PHYIR GTAN TSIGS SU MI RUNG BAS GTAN TSIGS KYI DON MA GRUB PA NYID DO, ,JI STE BTAGS PA RGYU MTSAN DANG BCAS PA NYID NI GZHAN GYI DBANG GI NGO BO NYID DON DAM PAR YOD PA'I SGRUB PA'I CHOS GTAN TSIGS YIN PAS BTAGS PA RGYU MTSAN DANG BCAS PA'I PHYIR GZHAN GYI DBANG GI NGO BO NYID DON DAM PAR YOD DO ZHE NA YANG, DE LTA NA YANG DON DAM PAR GZHAN GYI DBANG GI NGO BO NYID YOD PAR MA GRUB PAS GTAN TSIGS KYI GZHI MA GRUB PA'I PHYIR DE YANG MI RUNG NGO, ,JI STE YANG, BTAGS PA RGYU MTSAN BCAS PHYIR DANG, ,ZHES BYA BA 'DIR CHOS MTHUN PA'I DPE'I TSIG YIN PAS DE'I PHYIR RJES SU DPAG PA NI DON DAM PAR GZUGS ZHES BTAGS PA GANG YIN PA DE NI RGYU MTSAN DANG BCAS PA NYID YIN TE, BTAGS PA'I PHYIR RO ZHES RJOD PAR BYED NA YANG ZHES BYA BAS NI JI LTAR RNAL 'BYOR SPYOD PA PA DAG 'DI SKAD CES BTAGS PA RGYU MTSAN DANG BCAS PA'I PHYIR ZHES BYA BA 'DI GZHAN GYI DBANG GI NGO @280A *, ,BO NYID YOD PA'I GTAN TSIGS KYI TSIG MA YIN GYI, CHOS MTHUN PA'I PHYOGS KYI DPE'I TSIG YIN PAS DE'I PHYIR RJES SU DPAG PA NI DON DAM PAR GZUGS ZHES BTAGS PA GANG YIN PA DE NI BA RGYU MTSAN DANG BCAS PA NYID YIN TE, BTAGS PA'I PHYIR DPER NA CHE GE MO ZHIG BZHIN NO; ,DE BZHIN DU DON DAM PAR GZHAN GYI DBANG GI NGO BO NYID GANG YIN PA DE YANG YOD PA YIN TE, BTAGS PA'I PHYIR DPER NA, GZUGS ZHES BTAGS PA BZHIN NO ZHES BYA BAR RJES SU DPAG PA RJOD PAR BYED PA'I TSIG BSTAN TO, ,DE MI 'THAD PAR BSTAN PA'I PHYIR 'DIR 'GREL PA BYED PA NYID KYIS; DPER NA 'DI LTA BU'O ZHES BYA BA'I RJES SU 'GRO BA MED PAS GTAN TSIGS KYI DON MA GRUB PA NYID DO, ,GTAN TSIGS KYI DON 'GAL BA NYID KYANG YIN TE, GTAN TSIGS SPYIR BRJOD PA'I PHYIR RO ZHES BYA BA SMRAS TE, 'DIS NI RNAL 'BYOR SPYOD PA PA DAG GIS BTAGS PA RGYU MTSAN DANG BCAS PA'I PHYIR ZHES BYA BA DE BZHIN GYI DBANG GI NGO BO NYID YOD PA'I CHOS MTHUN PA'I DPE'I TSIG TU BYAS TE, DON DAM PAR GZUGS ZHES BTAGS PA GANG YIN PA DE NI RGYU MTSAN DANG BCAS PA NYID YIN TE, BTAGS PA'I PHYIR DPER NA CHE GE MO ZHIG BZHIN NO ZHES RJES SU DPAG PA SBYOR BAR BYED PA'I DPE CHE GE MO ZHIG BZHIN NO ZHES BYA BA DE DPER NA 'DI LTA BU'O ZHES NGES PAR GZUNG DU MED PAS GTAN TSIGS KYI DON MA GRUB PA NYID DE, 'DI LTAR BTAGS PA THAMS CAD PHYOGS SU BYAS PA DE LAS GZHAN PA'I DPE NGES PAR GZUNG DU RUNG BA MED PAS DPE MED PA'I PHYIR GTAN TSIGS KYI DON MA GRUB PA NYID DANG, GAL TE KUN RDZOB TU BTAGS PA'I PHYIR ZHES GTAN TSIGS SPYIR BRJOD NA NI DON 'GAL BA NYID KYANG YIN PAS MI RUNG NGO ZHES BSTAN TO,, ,,BAM PO BDUN CU BDUN PA, GANG DON DAM PAR MING DANG GZUGS SKYE BA MED DO ZHES DAM BCAS PA DE LA DAM BCAS PA'I SKYON 'DOGS PAR BYED PA DE DAG GAL TE RJES SU DPAG PAS GNOD PAR SMRA NA ZHES BYA BAS NI RNAL 'BYOR SPYOD PA PA GANG DAG DBU MA PAS DON DAM PAR MING DANG GZUGS SKYE BA MED DO ZHES DAM BCAS PA DE LA DAM BCAS PA'I SKYON DU 'DOGS PAR BYED PA DE DAG GAL TE 'DI SKAD CES DON DAM PAR MING DANG GZUGS YOD PA YIN TE @280B ZHES BYA BA PHYOGS SU BYAS TE, RJES SU DPAG PAS DBU MA PA LA GNOD PA SMRA BA'I PHYOGS BSTAN TO, ,DE DAG GI RJES SU DPAG PA'I PHYOGS DES DBU MA PA LA GNOD PA MED PAR BSTAN PA'I PHYIR 'DIR 'GREL PA BYED PAS, DE NYID KYI PHYIR DE LA RJES SU DPAG PAS GNOD PA MED DO ZHES BYA BA SMRAS TE, RNAL 'BYOR SPYOD PA PA DAG GIS DAM BCAS PA'I PHYOGS DE LA GTAN TSIGS DANG DPE MED PA NYID KYI PHYIR DBU MA PA'I DAM BCAS PA DE LA RJES SU DPAG PAS GNOD PA MED DE, RNAL 'BYOR SPYOD PA PA DAG GI RJES SU DPAG PA DON DAM PAR MING DANG GZUGS YOD PA YIN TE ZHES DAM BCAS PA DE LA GTAN TSIGS DANG DPE MED PA'I PHYIR RO, ,JI STE GRAGS PAS GNOD DO ZHE NA, DE NI DANG PO NYID DU LEN BTAB ZIN TO ZHES BYA BAS NI JI STE RNAL 'BYOR SPYOD PA PA DAG NA RE DBU MA PAS DON DAM PAR MING DANG GZUGS SKYE BA MED DO ZHES DAM BCAS PA DE LA 'JIG RTEN LA GRAGS PAS GNOD DO ZHES ZER NA, DE NI KUN RDZOB TU MA BKAG PAS GRAGS PAS GNOD PA MED DO ZHES SNGAR LAN BTAB ZIN TO ZHES BSTAN TO, ,JI STE MNGON SUM GYIS GNOD DO ZHE NA, DE YANG 'DIR SKABS MED DO ZHES BYA BAS NI JI STE RNAL 'BYOR SPYOD PA PA DAG NA RE DBU MA PAS DON DAM PAR MING DANG GZUGS SKYE BA MED DO ZHES RNAM BCAS PA DE LA MNGON SUM GYIS GNOD DO ZHES ZER NA DE YANG 'DIR SKABS MED DE, 'DI LTAR KHO BOS DON DAM PAR MNGON SUM GYIS GZUNG BA'I YUL YOD PAR KHAS MA BLANGS PA'I PHYIR RO, ,DON DAM PA NI GNYIS SU MED PA'I PHYIR CI ZHIG GANG GIS KUN NAS NYON MONGS PA DANG, RNAM PAR BYANG BAR 'GYUR ZHES BYA BAS NI RNAL 'BYOR SPYOD PA PA DAG NA RE GZHAN GYI DBANG GI NGO BO NYID NI CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI GANG YIN PA STE ZHES ZER BA DE YANG 'DIR DON DAM PA NI GNYIS SU MED PA'I PHYIR; KUN NAS NYON MONGS PA DANG, RNAM PAR BYANG BAR 'GYUR BA MED PAS DE GNYIS KYI GZHI GZHAN GYI DBANG GI NGO BO NYID KYANG YOD PA MA YIN NO ZHES BSTAN TE, 'DI LTAR DBYE BA YOD NA NI KUN NAS NYON MONGS PA DANG, KUN NAS NYON MONGS PAR BYANG BA YANG YOD PAR 'GYUR BA ZHIG NA, DON DAM PAR CHOS @281A *, ,THAMS CAD MA SKYES PA'I PHYIR DBYE BA MED PAS KUN NAS NYON MONGS PA DANG, KUN NAS NYON MONGS PAR BYA BA MED DO, ,GZHAN YANG KUN RDZOB TU YANG SEMS LAS GZHAN PA'I DNGOS PO MED NA NYON MONGS PA YANG MED LA, DE MED PAS JI ZHIG GANG GIS KUN NAS NYON MONGS PAR 'GYUR TE, BSGOM PAR BYA BA DANG SGOM PAR BYED PA'I DNGOS PO NI DON GZHAN DU GYUR PA LAS 'GYUR TE, DPER NA DON GZHAN DU GYUR PA'I ME TOG DAG GI DRIS TIL MAR DANG SKRA LA SOGS PA DAG LA DRI BSGO BAR 'GYUR BA LTA BU YIN GYI, DE NYID KYIS DE NYID LA BSGO BAR MI BYED PAS DE'I PHYIR NYON MONGS PA CAN YANG MED NA, JI LTAR RNAM PAR BYANG BAR 'GYUR ZHES BSTAN TO, ,'DIR GAL TE RNAL 'BYOR SPYOD PA PA DAG NA RE DBU MA PA DON DAM PAR SKYE BA MED PAR SMRA BA KUN NAS NYON MONGS PA DANG, RNAM PAR BYANG BA YANG MI 'DOD NA, DE'I PHYIR KHAS BLANGS PA LA GNOD PA DANG, GRAGS PAS GNOD PAR 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DON DAM PAR SKYE BA MED PAR SMRA BA NI KUN NAS NYON MONGS PA DANG RNAM PAR BYANG BA LA SKUR BA 'DEBS PA MA YIN NO ZHES BYA BA SMRAS TE, KHO BOS DON DAM PAR KUN NAS NYON MONGS PA DANG; RNAM PAR BYANG BA DGAG PA BYAS KYI, KUN RDZOB TU MA BYAS PAS DE'I PHYIR LUNG DANG 'GAL BA YANG MED LA 'JIG RTEN DANG 'GAL BA YANG MED DO, ,SKUR BA 'DEBS PA MA YIN TE, 'DI LTAR MDO SDE LAS, THOG MA MED PA'I DUS LDAN KHAMS, ,SA BON KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA 'THOB PAR 'GYUR, ,ZHES GSUNGS PAS DE NI GZHAN GYI DBANG YIN PAR 'DOD DE YANG DAG NA NI CHOS KYI DBYINGS ZHES BYA LA, MA DAG NA NI NYON MONGS PA CAN ZHES BYA'O ZHE NA ZHES BYA BA NI RNAL 'BYOR SPYOD PA PA DAG NA RE DBU MA PA DON DAM PAR SKYE BA MED PAR SMRA BA NI, KUN NAS NYON MONGS PA DANG, RNAM PAR BYANG BA LA SKUR BA 'DEBS PA MA YIN PA MA YIN TE, 'DI LTAR MDO SDE LAS THOG MA MED PA'I DUS DANG LDAN PA'I KHAMS SA BON KUN GYI GNAS YIN PA DE YOD PAS NA 'GRO BA KUN DU, KUN NAS NYON MONGS PAR YANG 'GYUR LA, MYA NGAN LAS 'DAS PA YANG 'THOB CING RNAM PAR @281B BYANG BAR YANG 'GYUR RO ZHES GSUNGS PAS DE NI GZHAN GYI DBANG YIN PAR 'DOD NA, DBU MA PAS DE MED PAR BGAG PAS KUN NAS NYON MONGS PA DANG, RNAM PAR BYANG BAR SKUR BA 'DEBS PA YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, MDO SDE LAS DE SKAD GSUNGS PA NI THA SNYAD KYI BDEN PA'I LUGS GSAL BAR BYA BA'I PHYIR TE ZHES BYA BA SMRAS TE, MDO SDE LAS DE SKAD GSUNGS PA NI BDEN MOD KYI, DE'I DON NI DON DAM PAR BCOM LDAN 'DAS KYIS KUN NAS NYON MONGS PA DANG, RNAM PAR BYANG BA'I GZHI GZHAN GYI DBANG GI NGO BO NYID YOD PAR GSUNGS PA MA YIN GYI; KUN RDZOB TU 'JIG RTEN DANG 'JIG RTEN LAS 'DAS PA'I DON DANG 'BRAS BUR 'BREL PAR GDAGS PAS THA SNYAD KYI BDEN PA'I LUGS LAS 'DI'I 'BRAS BU 'DI'O ZHES RNAM PAR GZHAG PA GSAL BAR BYA BA'I PHYIR BCOM LDAN 'DAS KYIS MDO SDE LAS DE SKAD BKA' STZAL TO ZHES BYA BAR SBYAR RO, ,DE NYID BYE BRAG TU BSHAD PA BSTAN PA'I PHYIR, THOG MA MED PA'I DUS LDAN ZHES BYA BA NI RNAM PAR SHES PA THOG MA MED PA'I DUS NAS ZHUGS PA'I PHYIR RO ZHES BYA BA SMRAS TE, 'DI NA SEMS DANG YID DANG, RNAM PAR SHES PA ZHES BYA BA GANG YIN PA THOG MA MED PA'I DUS NAS ZHUGS PA'I PHYIR DE NI THOG MA MED PA'I DUS DANG LDAN PA ZHES BYA'O, ,KHAMS ZHES BYA BA NI 'PHAGS PA'I CHOS KYI RGYU YIN PA'I PHYIR TE, GSER DANG DNGUL GYI KHAMS BZHIN NO ZHES BYA BA NI RGYUN DU ZHUGS PA LA SOGS PA'I 'BRAS BU DAG GI RGYU YIN PA'I PHYIR KHAMS TE, KHAMS KYI DON NI 'BYUNG KHUNGS KYI DON TE, DE LAS SKYE BA'I PHYIR RO, , SA BON KUN GYI GNAS YIN TE, ,ZHES BYA BA NI KHAMS GSUM PAR GTOGS PA DANG MA GTOGS PA DANG, DGE BA DANG, MI DGE BA'I BAG CHAGS KYI SA BON GYI GNAS YIN PA'I PHYIR RO ZHES BYA BA NI KHAMS DE NI 'JIG RTEN DANG 'JIG RTEN LAS 'DAS PA DANG, DGE BA DANG MI DGE BA'I BAG CHAGS KYI SA BON THAMS CAD KYI GNAS YIN PA'I PHYIR RO, ,DE YOD PAS NA 'GRO KUN DANG, ,ZHES BYA BA NI DE'I DBANG GIS 'GRO BA THOB PAR BYED PA'I CHOS MNGON PAR 'DU BYED PA NA'O ZHES BYA BA NI RNAM PAR SHES PA DE'I DBANG GIS 'GRO BA RGYUD LNGA 'THOB PAR BYED PA'I CHOS MNGON PAR 'DU BYED PA NA 'GRO BA THAMS @282A *, ,CAD DU KUN NAS NYON MONGS PAR 'GYUR BA'O, ,MYA NGAN LAS 'DAS PA 'THOB PAR 'GYUR ZHES BYA BA NI THOS PA DANG, BSAMS PA DANG BSGOMS PA LAS BYUNG BA SKYE BA MED PA SHES PA NYID KYIS MI SKYE BA'I CHOS CAN MYA NGAN LAS 'DAS PA THOB PA'I PHYIR RO ZHES BYA BA NI RNAM PAR SHES PA DE LA BRTEN NAS SHES RAB RNAM PA GSUM LAS BYUNG BA SKYE BA MED PA NYID SHES PA NYID KYIS MI SKYE BA'I CHOS CAN MYA NGAN LAS 'DAS PA 'THOB PA'I PHYIR RNAM PAR BYANG BAR 'GYUR BA'O, ,DE LTAR, TSIGS SU BCAD PA'I DON KHAS BLANGS PA'I PHYIR DBU MA PA DON DAM PAR SKYE BA MED PAR SMRA BA KUN RDZOB TU RTEN CING 'BREL PAR 'BYUNG BA KUN NAS NYON MONGS PA DANG, RNAM PAR BYANG BA'I CHOS CAN LA SKUR BA 'DEBS PA MA YIN NO, ,TSIGS SU BCAD PA'I DON GZHAN YIN PAR NI TSAD MA DAG GIS BSTAN DKA' BA'I PHYIR DES NI LAN MI THEBS SO ZHES BYA BAS NI MDO SDE LAS GSUNGS PA'I TSIGS SU BCAD PA DE'I DON DBU MA PAS BSHAD PA DE LAS GZHAN YIN PAR NI RNAL 'BYOR SPYOD PA PAS TSAD MA DAG GIS BSTAN DKA' BA'I PHYIR RNAL 'BYOR SPYOD PA PA DAG NA RE THOG MA MED PA'I DUS DANG LDAN PA'I KHAMS SA BON KUN GYI GNAS YIN PA DES YOD PAS NA 'GRO BA RNAMS KUN NAS NYON MONGS PAR 'GYUR BA DANG, MYA NGAN LAS 'DAS PA 'THOB CING RNAM PAR BYANG BAR 'GYUR BA DE NI GZHAN GYI DBANG GI NGO BO NYID YIN NO ZHES ZER BA DES NI DBU MA PAS DON DAM PAR GZHAN GYI DBANG GI NGO BO NYID YOD PA MA YIN NO ZHES BSHAD PA DE'I LAN MI THEBS SO, ,JI STE YANG MDO SDE LAS, BRTAGS PA'I DNGOS PO MED PA NYID, ,GZHAN GYI DBANG NI YOD PA YIN, ,SGRO 'DOGS PA DANG SKUR BA'I MTHAR, ,RTOG PAR BYED PA NYAMS PAR 'GYUR, ,ZHES GSUNGS PAS GZHAN GYI DBANG YOD PA NYID DO ZHE NA ZHES BYA BA NI RNAL 'BYOR SPYOD PA PA DAG NA RE MDO SDE LAS DE SKAD DU KUN BRTAGS PA'I DNGOS PO NI MED PA NYID YIN LA; ,GZHAN GYI DBANG GI DNGOS PO NI YOD PA NYID YIN TE, KUN BRTAGS PA'I DNGOS PO MED PA NYID LA YOD PAR SGRO 'DOGS PA DANG, GZHAN GYI DBANG GI DNGOS PO YOD PA NYID LA MED PAR SKUR BA 'DEBS PA'I MTHAR RTOG PAR BYED PA NI NYAMS PAR 'GYUR RO ZHES GSUNGS PAS KHYED DBU MA PA GZHAN GYI @282B DBANG GI DNGOS PO YOD PA NYID LA SKUR BA 'DEBS PA'I MTHAR RTOG PAR BYED PA NI NYAMS PAR 'GYUR BA YIN LA KHO BO CAG GI GZHAN GYI DBANG GI NGO BO NYID NI YOD PA NYID YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, MDO SDE'I DON NI GZHAN GYI DBANG LA MING YOD PA MA YIN PA'I PHYIR DANG, GZHAN GYI DBANG YANG THA SNYAD DU SGYU MA DANG, RMI LAM LTA BU'I BDAG NYID DU YOD PA NYID GSAL BAR BYED PA YIN TE ZHES BYA BA SMRAS TE, MDO SDE LAS, BRTAGS PA'I DNGOS PO MED PA NYID, ,CES GSUNGS PA'I DON NI GZHAN GYI DBANG LA KUN BRTAGS PA'I MING YOD PA MA YIN PA YIN NO, ,GZHAN GYI DBANG NI YOD PA MA YIN ZHES GSUNGS PA'I DON NI GZHAN GYI DBANG GI NGO BO NYID KYANG DON DAM PAR YOD PA MA YIN GYI, THA SNYAD DU SGYU MA DANG RMI LAM LTA BU'I BDAG NYID DU YOD PA NYID GSAL BAR BYAD PA YIN PAS KHO BO CAG GIS SGRO 'DOGS PA DANG, SKUR BA 'DEBS PA'I MTHAR RTOG PA MA YIN NO, ,DE NYID KYI KHUNGS BSTAN PA'I PHYIR, GZHAN LAS KYANG JI SKAD DU, MING NI GANG DANG GANG DAG GIS, ,CHOS RNAMS GANG DANG GANG BRJOD PA, ,DE LA DE NI YOD MIN PA, ,DE NI CHOS RNAMS CHOS NYID DO, ,ZHES BYA BA DANG ZHES SMRAS TE, 'PHAGS PA SRID PA 'PHO BA'I MDO LAS, KUN BRTAGS PA'I MING GANG DANG GANG DAG GIS GZHAN GYI DBANG GI CHOS GANG DANG GANG DAG BRJOD PA'I CHOS DE LA MING DE YOD PA MA YIN PA DE NI CHOS RNAMS KYI CHOS NYID YIN NO ZHES GSUNGS TE, DES NI, BRTAGS PA'I DNGOS PO MED PA NYID, ,CES GSUNGS PAS GZHAN GYI DBANG LA MING YOD PA MA YIN PAR BSHAD PA'I KHUNGS GZHAN BSTAN TO, ,DE BZHIN DU, BSKYED BYA MED CING SKYES PA MED, ,RKYEN RNAMS DAG NI GANG DAG KYANG, ,'GA' YANG GAR NA'ANG YOD MA YIN, ,THA SNYAD DU NI BRJOD PAR BYA, ,ZHES BYA BA DANG ZHES BYA BAS NI 'PHAGS PA LANG KAR GSHEGS PA'I MDO LAS, GZHAN GYI DBANG GI NGO BO NYID CES BYA BA RKYEN GZHAN GYIS DA LTAR DANG MA 'ONGS PA'I DUS SU BSKYED PAR BYA BA DANG, 'DAS PA'I DUS SU BSKYED ZIN PA YANG MED LA, RKYEN RNAMS KYANG 'GA' YANG GNAS SKABS GANG NA YANG YOD PA MA YIN NO ZHES GSUNGS PAS GZHAN GYI DBANG GI NGO BO NYID CES BYA BA DON DAM PAR NI @283A *, ,YOD PA MA YIN LA, THA SNYAD DU NI YOD PAR BRJOD PAR BYA'O ZHES BSTAN TE, DES NI GZHAN GYI DBANG NI YOD PA YIN, ,ZHES GSUNGS PAS GZHAN GYI DBANG YANG DON DAM PAR YOD PA MA YIN GYI THA SNYAD DU SGYU MA DANG, RMI LAM LTA BU'I BDAG NYID DU YOD PA NYID DU BSHAD PA'I KHUNGS GZHAN BSTAN TO, ,DA NI, SGRO 'DOGS PA DANG SKUR BA'I MTHA', ,RTOG PAR BYED PA NYAMS PAR 'GYUR, ,ZHES BYA BA'I SKYON DBU MA PA LA MED PA'I KHUNGS GZHAN BSTAN PA'I PHYIR, DE BZHIN DU, GANG LA CUNG ZAD SKYE MED CING, ,'GAG PA'ANG CUNG ZAD YOD MIN PA, ,'GRO BA DBEN MTHONG DE LA NI; ,YOD PA NYID DANG MED NYID MED, ,CES BYA BA LA SOGS PA GSUNGS PA LTA BU'O ZHES BYA BA SMRAS TE, 'PHAGS PA LANG KAR GSHEGS PA'I MDO LAS DE SKAD GSUNGS TE, DE'I DON NI SKYE BA YOD NA SGRO 'DOGS PAR 'GYUR LA 'GAG PA YOD NA SKUR BA 'DEBS PAR 'GYUR GYI, RNAL 'BYOR PA GANG LA CUNG ZAD SKYE BA YANG MED CING 'GAG PA YANG CUNG ZAD YOD PA MA YIN PA 'GRO BA MTHA' GNYIS DBEN PAR MTHONG BA DE LA NI YOD PA NYID KYANG MED LA MED PA NYID KYANG MED PAR SGRO 'DOGS PA DANG, SKUR BA 'DEBS PA'I MTHAR RTOG PAR MI BYED PA'I PHYIR NYAMS PAR MI 'GYUR RO ZHES BSTAN PA YIN NO, ,DE LTAR NA RNAL 'BYOR SPYOD PA PA DAG GIS GZHAN GYI DBANG GI NGO BO NYID KUN NAS NYON MONGS PA DANG, RNAM PAR BYANG BA'I GZHIR GYUR PA, DON DAM PAR YOD PAR BRTAGS PA DE MI 'THAD CING, DBU MA PA DON DAM PAR SKYE BA MED PAR SMRA BA NI KUN NAS NYON MONGS PA DANG, RNAM PAR BYANG BA LA SKUR BA 'DEBS PA MA YIN NO, ,KHYED CAG CHOS KYI KHAMS JI LTAR KUN NAS NYON MONGS PA DANG, RNAM PAR BYANG BAR 'GYUR BAR STON CES PA NI YANG GZHAN YANG DBU MA PAS RNAL 'BYOR SPYOD PA PA DAG GZHAN GYI DBANG GI NGO BO NYID KUN NAS NYON MONGS PA DANG, RNAM PAR BYANG BA'I GZHIR 'GYUR BAR 'DOD PA DE JI LTAR DE LTAR 'GYUR BAR STON CES DRI PAR BYA BA YIN NO, ,DE'I LAN DU RNAL 'BYOR SPYOD PA PA DAG 'DI SKAD CES, CHOS KYI KHAMS NYON MONGS PA DANG, NYON MONGS PA CAN MA YIN PA NYID DU BRJOD PAR BYA BA MA YIN PA LA NYON MONGS PA'I DRI MA GLO BUR DU YOD PA'I PHYIR, CHU KHAMS @283B GSER DANG NAM MKHA' DAG ,DAG PA BZHIN DU DAG PAR 'DOD, ,CES ZER TE, DPER NA CHU'I KHAMS RNYOG PA CAN SMAN DANG PHRAD NA DAG PAR 'GYUR BA DANG, GSER DRI MA CAN BZHU BA LA SOGS PAS DAG PAR 'GYUR BA DANG, NAM MKHA' DU BA DANG, RDUL DANG, KHUG RNA DANG, NA BUN DANG, SPRIN LA SOGS PA DRI MA CAN DE DAG DANG BRAL BAS DAG PAR 'GYUR BA DE BZHIN DU CHOS KYI KHAMS KYANG RANG BZHIN GYIS RNAM PAR DAG PA GLO BUR GYI NYON MONGS PAS NYON MONGS PA CAN DU 'GYUR ZHING DE DANG BRAL BAS RNAM PAR BYANG BAR 'GYUR RO ZHES ZER RO, ,DE NYID KYI RIGS PA BSTAN PA'I PHYIR, DE JI LTAR NYON MONGS PA CAN DANG NYON MONGS PA CAN MA YIN PA NYID DU BRJOD PAR BYA BA MA YIN ZHE NA, GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,GAL TE RNAM DAG DE MA GYUR, ,'BAD PA 'BRAS BU MED PAR 'GYUR, ,ZHES BYA BA SMRAS TE, GAL TE CHOS KYI KHAMS DE GLO BUR GYI NYON MONGS PA CAN DU MA GYUR DU ZIN NA, LUS CAN THAMS CAD GROL BA'I SKYON DU 'GYUR LA, GAL TE GLO BUR GYI NYON MONGS PA DANG BRAL ZHING DAG PAR MI 'GYUR DU ZIN NA, BSGOM PA LA SOGS PA'I 'BAD PA 'BRAS BU MED PA'I SKYON DU 'GYUR BA DE'I PHYIR CHOS KYI KHAMS DE NGO BO NYID KYIS NI NYON MONGS PA CAN DANG, NYON MONGS PA CAN MA YIN PA NYID DU BRJOD PAR BYA BA MA YIN LA, GLO BUR GYI NYON MONGS PA'I DRI MA YOD PA DANG, MED PA'I DBANG GIS NI NYON MONGS PA CAN DANG NYON MONGS PA CAN MA YIN PAR BRJOD PAR BYA'O, ,YANG NA, NYON MONGS MA YIN MI MONGS MIN, ,DE NI DAG MIN MA DAG MIN, , SEMS NI RANG BZHIN 'OD GSAL PHYIR, ,NYON MONGS GLO BUR YIN PHYIR RO, ,ZHES BYA BAS NI GANG GI PHYIR SEMS RANG BZHIN GYIS 'OD GSAL BA DE'I PHYIR NYON MONGS PA CAN MA YIN ZHING DAG PA YIN LA, GANG GI PHYIR NYON MONGS PA GLO BUR BA YIN PA DE'I PHYIR NYON MONGS PA CAN MA YIN PA MA YIN ZHING DAG PA MA YIN NO ZHES BSTAN TO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI RIGS PA MA YIN TE, ,BDAG TU SMRA BA DAG GIS KYANG, ,GAL TE NYON MONGS BDAG MA GYUR, ,LUS CAN THAMS CAD GROL BAR 'GYUR, ,GAL TE RNAM DAG BDAG MA GYUR, ,'BAD @284A *, ,PA 'BRAS BU MED PAR 'GYUR, ,DE PHYIR RE ZHIG BDAG BRTAG PA BYED PA MED PA YOD DE, 'ON KYANG 'KHOR BA DANG THAR PA DAG KYANG YOD DO ZHES DE LTAR PHYIR ZLOG PAR BYED NUS PA'I PHYIR RO ZHES BYA BA SMRAS TE, GANG GI PHYIR DE LTAR BDAG TU SMRA BA DAG GIS KYANG BDAG BRTAG PA BYED PA MED PA YOD KYANG 'KHOR BA DANG, THAR PA DAG YOD PAR SGRUB NUS PA DE'I PHYIR RNAL 'BYOR SPYOD PA BDAG LA YANG CHOS KYI KHAMS ZHES BYA BA'I TSIG GI DON BDAG GI NGO BO NYID YIN PAR 'GRUB PA DE'I PHYIR RNAL 'BYOR SPYOD PA BDAG GI TSIG DE RIGS PA MA YIN NO, ,DE'I PHYIR RANG GI GRUB PA'I MTHA'I SKYON SBA BA'I THABS 'THAD PA MED PA MI 'GRUB BO ZHES BYA BAS NI DE'I PHYIR RNAL 'BYOR SPYOD PA PA DAG GIS RANG GI GRUB PA'I MTHA' CHOS KYI KHAMS ZHES BYA BA'I TSIG GI DON BRTAG PA KHAS BLANGS PA DE'I SKYON 'DI LTA STE, NYON MONGS PA CAN DANG NYON MONGS PA CAN MA YIN PA NYID DU BRJOD PAR BYA BA NYID MA YIN PA DE SBA BA'I THABS 'DI LTA STE, GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,GAL TE RNAM DAG DE MA GYUR, ,'BAD PA 'BRAS BU MED PAR 'GYUR, ,NYON MONGS MA YIN MI MONGS MIN, ,DE NI DAG MIN MA DAG MIN, ,SEMS NI RANG BZHIN 'OD GSAL PHYIR, ,NYON MONGS GLO BUR YIN PHYIR RO, ,ZHES BYA BA 'THAD PA MED PA DE DAG MI 'GRUB STE, BRJOD PAR BYA BA MA YIN PA'I DNGOS PO MED PAS DNGOS PO NI BRJOD PAR BYA BA NYID YIN TE, GANG GI PHYIR KHYED KYIS KUN NAS NYON MONGS PA CAN DANG RNAM PAR DAG PA GNYI GAR BRJOD PA NI DGAG PA MI MTHUN PA YIN TE, GAL TE NYON MONGS PA CAN YIN NA NI JI LTAR RNAM PAR DAG PA YIN, GAL TE RNAM PAR DAG PA YIN NA NI JI LTAR NYON MONGS PA CAN YIN PAR 'GYUR BAS DE MI 'GRUB PO, ,YANG GZHAN YANG GAL TE NYON MONGS PA CAN MA YIN NA NI DES NA BYIS PA RNAMS KUN NAS NYON MONGS PAR MI 'GYUR TE, NYON MONGS PA CAN MA YIN PA'I PHYIR RO, ,JI STE KUN NAS NYON MONGS PAR 'GYUR BAR 'DOD NA NI 'O NA NYON MONGS PA CAN MA YIN NO, ,DE BZHIN DU GAL TE DAG PA YIN NA YANG DE'I PHYIR YANG JI ZHIG DAG PAR 'GYUR TE, DAG ZIN PA'I PHYIR RO, ,JI STE DAG PAR 'GYUR BAR 'DOD NA NI DAG PA MA YIN PA'I PHYIR DE MI 'GRUB @284B PO; ,GZHAN YANG CHU LA SOGS PA RGYU DANG RKYEN GYI DBANG GIS SKYE BA'I KHYAD PAR BSTEN PA DAG BZHIN DU THA SNYAD PA'I RNAM PAR SHES PA NYON MONGS PA CAN DANG, NYON MONGS PA CAN MA YIN PA'I DNGOS POR SKYE BA LA LTOS PAS NYON MONGS PA RNAMS DANG, LHAN CIG SKYE BA DANG NYON MONGS PA RNAMS MED PAR PHYIN CI MA LOG PA'I SHES PA DANG LHAN CIG SKYE BA YANG KUN NAS NYON MONGS PA DANG, RNAM PAR BYANG BA DAG TU 'GYUR BAR RUNG BA DE LTAR CHOS KYI KHAMS NI NYON MONGS PA RNAMS DANG, SHES PA DANG LHAN CIG SKYE BA MA YIN PAS CHU LA SOGS PA BZHIN DU DE BZHIN NYID KUN NAS NYON MONGS PA DANG RNAM PAR BYANG BA DAG TU 'GYUR BAR MI RIGS SO ZHES BYA BAS NI RNAL 'BYOR SPYOD PA PA DAG GI DPE, CHU KHAMS GSER DANG NAM MKHA' DAG ,DAG PA BZHIN DU DAG PAR 'DOD, ,CES BYA BA DE MI 'GRUB PAR STON TE, 'DI LTAR KHO BO CAG DBU MA PA LA YANG THA SNYAD DU CHU DANG, GSER DANG, NAM MKHA' LA SOGS PA RGYU DANG RKYEN GYI DBANG GIS DAG PA DANG MA DAG PAR SKYE BA'I KHYAD PAR BSTEN PA DAG BZHIN DU THA SNYAD PA'I RNAM PAR SHES PA NYON MONGS PA CAN DANG, NYON MONGS PA CAN MA YIN PA'I DNGOS POR SKYE BA LA LTOS PAS NYON MONGS PA RNAMS DANG, LHAN CIG SKYE BA NI KUN NAS NYON MONGS PAR 'GYUR BAR RUNG LA, NYON MONGS PA RNAMS MED PAR PHYIN CI MA LOG PA'I SHES PA DANG LHAN CIG SKYE BA NI RNAM PAR BYANG BAR 'GYUR BAR RUNG BA DE LTAR KHYED KYI CHOS KYI KHAMS NI NYON MONGS PA RNAMS DANG, SHES PA DANG LHAN CIG SKYE BA MA YIN PAS KHYED KYI DPE CHU DANG, GSER DANG, NAM MKHA' DAG RGYU DANG RKYEN GYI DBANG GIS DAG PA DANG MA DAG PA'I SKYE BA'I KHYAD PAR BSTEN PA DAG BZHIN DU KHYED KYI DPES BSGRUB PA'I DNGOS PO DE BZHIN NYID KUN NAS NYON MONGS PA DANG RNAM PAR BYANG BA DAG TU 'GYUR BAS MI RIGS PAS KHYED KYI DPE MA GRUB STE, 'DI LTAR DPE DANG, DNGOS GNYIS MI MTHUN PA'I PHYIR RO, ,GAL TE DU BA DANG KHUG RNA LA SOGS PA YOD PA DANG MED PA NAM MKHA' DRI MA DANG BCAS PA DANG DRI MA MED PAR BRJOD PAR BYA BA MA YIN NAM ZHE NA ZHES BYA BA NI RNAL 'BYOR SPYOD PA PA DAG NA RE DPE JI SKAD SMOS PA DE BZHIN DU DNGOS PO CHOS KYI KHAMS KYANG DE @285A *, ,BZHIN PAS DPE DANG DNGOS SU MTHUN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS MA YIN TE, NAM MKHA' RDZAS SU YOD PA NYID BKAG PA'I PHYIR RO ZHES BYA BA SMRAS TE, GANG GI PHYIR NAM MKHA' DE LAS SNAM BU'I RDZAS DRI MA DANG BCAS PA DANG DRI MA MED PAR 'GYUR BA LTA BU'I RDZAS NGES PAR GNAS PA MED PA'I PHYIR, NAM MKHA'I DU BA DANG KHUG RNA LA SOGS PA YOD PA DANG MED PA NA YANG DRI MA DANG BCAS PA DANG, DRI MA MED PA NYID DU BRJOD PAR BYA BA MA YIN NO, ,RDZAS SU YOD PA NYID YIN NA YANG DRI MA DANG BCAS PA DANG DRI MA MED PA DAG MI 'GRUB STE, SKYE BA DANG 'GAG PA MED PA'I PHYIR DPER NA CHOS KYI KHAMS BZHIN NO ZHES BYA BA NI NAM MKHA' RDZAS SU YOD PA NYID YIN NA YANG, PHA ROL PO DAG GI DPER MI RUNG BAR BSGRUB PA'I RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA CHOS KYI KHAMS NI KUN RDZOB TU RDZAS SU YOD PA NYID YIN NA YANG DON DAM PAR SKYE BA DANG 'GAG PA MED PA'I PHYIR, DRI MA DANG BCAS PA DANG DRI MA MED PA DAG MI 'GRUB PA DE BZHIN DU NAM MKHA' YANG KUN RDZOB TU RDZAS SU YOD PA NYID YIN NA YANG DON DAM PAR SKYE BA DANG 'GAG PA MED PA'I PHYIR, DRI MA DANG BCAS PA DANG, DRI MA MED PA DAG TU MI 'GRUB BO, ,YANG NA NAM MKHA' DRI MA DANG BCAS PA DANG, DRI MA MED PAR 'GYUR BA BZHIN DU CHOS KYI KHAMS LA YANG KUN NAS NYON MONGS PA DANG, RNAM PAR BYANG BA DAG NYE BAR BTAGS PA'I PHYIR 'DOD PA'I DON NYAMS SO ZHES BYA BAS NI NYE BAR BTAGS PA YIN PAS KHYOD DON DAM PA PA YIN PAR 'DOD PA'I DON NYAMS SO ZHES BSTAN TO, ,KUN NAS NYON MONGS DMIGS PA'I PHYIR, ,ZHES BYA BA DE LA YANG DAM BCAS PA DANG GTAN TSIGS KYI SKYON SNGA MA BZHIN NO ZHES BYA BA NI, SNGAR RNAL 'BYOR SPYOD PA BA DAG GIS GZHAN GYI DBANG GI NGO BO NYID YOD PA'I GTAN TSIGS SU KUN NAS NYON MONGS PA DMIGS PA'I PHYIR ZHES GANG SMRAS PA DE LA YANG JI LTAR SNGAR, BTAGS PA RGYU MTSAN BCAS PHYIR DANG, ,ZHES BYA BA DE YANG PHYOGS KYI CHOS MA YIN PA'I PHYIR GTAN TSIGS KYI DON MA GRUB PA NYID DO, ,JI STE YANG, BTAGS PA RGYU MTSAN @285B BCAS PHYIR DANG, ,ZHES BYA BA 'DIR CHOS MTHUN PA'I DPE'I TSIG YIN PAS, DE'I PHYIR RJES SU DPAG PA NI, DON DAM PAR GZUGS ZHES BTAGS PA GANG YIN PA DE NI, RGYU MTSAN DANG BCAS PA NYID YIN TE, BTAGS PA'I PHYIR RO ZHES BRJOD PAR BYAS NA YANG DPER NA 'DI LTA BU'O ZHES BYA BA'I RJES SU 'GRO BA MED PAS, GTAN TSIGS KYI DON MA GRUB PA NYID DO, ,GTAN TSIGS KYI DON 'GAL BA NYID KYANG YIN TE, GTAN TSIGS SPYIR BRJOD PA'I PHYIR RO ZHES BSTAN PA DE BZHIN DU KUN NAS NYON MONGS PA DMIGS PA'I PHYIR ZHES BYA BA 'DI YANG PHYOGS KYI CHOS MA YIN PA'I PHYIR DANG, CHOS MTHUN PA'I DPER BYAS NA YANG RJES SU 'GRO BA MED PAS GTAN TSIGS KYI DON MA GRUB PA NYID DANG, DON 'GAL BA NYID DO ZHES SNGA MA BZHIN DU SBYAR RO, ,RE ZHIG DE DAG GIS NI RNAL 'BYOR SPYOD PA BA DAG NA RE GZHAN GYI DBANG GI NGO BO NYID NI CHOS RNAMS KYI RTEN CING 'BREL PAR 'BYUNG BA'I NGO BO NYID KUN NAS NYON MONGS PA DANG, RNAM PAR BYANG BA'I GZHI GANG YIN PA STE, DE NI BDEN PA GNYI GAR YANG YOD PA YIN NO ZHES ZER BA'I GZHUNG MI 'THAD PAR BSTAN TO, ,DA NI SKYE BA NGO BO NYID MED PA NYID KYIS NGO BO NYID MED PA NYID YIN NO ZHES ZER BA'I GZHUNG MI 'THAD PAR DGAG PA'I PHYIR, DE SKYE BA NGO BO NYID MED PA YANG JI LTA BU YIN ZHES DRI BA SMRAS SO, ,GAL TE DE RKYEN GYI STOBS KYIS SKYE ZHING RANG MI SKYE BA GANG YIN PA'O ZHEN ZHES BYA BA NI, RNAL 'BYOR SPYOD PA BA DAG NA RE GZHAN GYI DBANG GI NGO BO NYID DE NI DE DANG MTHUN PA'I RKYEN GZHAN DAG GI STOBS KYIS DBANG BYA ZHING BSKYED PAR BYA BA YIN GYI, RANG MI SKYE BAS SKYE BA NGO BO NYID MED PA NYID YIN NO ZHES ZER BA'I TSIG YIN NO, ,DE SKAD CES ZER BA DE LA 'DI SKAD CES, DE DON DAM PAR JI LTAR RKYEN GYI STOBS KYIS TE, JI NGO BO NYID KYIS SAM, GZHAN GYI DNGOS POS SAM, GNYI GAS SAM, JI YOD PA LAS SAM, JI MED PA LAS SAM, JI YOD PA DANG MED PA LAS SKYE'O ZHES BRJOD PAR BYA GRANG NA, RNAM PA THAMS CAD LAS KYANG SNGAR BSTAN PA'I TSUL GYIS DE SKYE BA MED PA'I PHYIR, RKYEN GYI STOBS KYIS SKYE BA MED PA BSTAN DKA'O, ,ZHES BRJOD PAR BYA STE, GZHAN GYI DBANG GI NGO BO NYID DE DON DAM @286A *, ,PAR RKYEN GYI STOBS KYIS SKYE NA, RNAM PA DE DAG GCIG LAS SKYE'O ZHES BRJOD PAR BYA GRANG NA, SNGAR SKYE BA MED PA'I RAB TU BYED PAR BSTAN PA'I TSUL GYIS DE DAG RNAM PA THAMS CAD LAS KYANG DE SKYE BA MED PA'I PHYIR, DON DAM PAR RKYEN GYI STOBS KYIS SKYE BA BSTAN DKA'O, ,JI STE SGYU MA LA SOGS PA'I SKYE BA BZHIN DU BRJOD PAR BYA BA MA YIN PA'I SKYE BA SPYIR BRJOD NA NI THA SNYAD KYI BDEN PA BSGRUB PA YIN NO ZHES BYA BAS NI, JI STE RNAL 'BYOR SPYOD PA BA DAG GZHAN GYI DBANG GI NGO BO NYID DE KUN RDZOB TU SGYU MA LA SOGS PA'I SKYE BA BZHIN DU NGO BO NYID DANG, GZHAN GYI DNGOS PO DANG, GNYI GA DANG YOD PA DANG MED PA DANG, YOD MED DU BRJOD PAR BYA BA MA YIN PA'I SKYE BA DBU MA PA LA SOGS PA DANG, SPYIR MTHUN PAR BRJOD NA NI THA SNYAD KYI BDEN PA BSGRUB PA YIN PAS, DON DAM PAR GZHAN GYI DBANG GI NGO BO NYID SKYE BA NGO BO NYID MED PA NYID KYIS NGO BO NYID MED PA NYID YOD DE ZHES BYA BAR MI RUNG NGO, ,DE LTA NA KUN RDZOB TU, RKYEN GYI STOBS KYIS SKYES PA SGYU MA LA SOGS PA BZHIN DU NGO BO NYID LA SKYE BA MED PAR STON PAS, DBU MA PA'I SMRA BA'I RJES SU SMRA BAS KYANG YIN TE, DBU MA PA'I BSTAN BCOS KYI TSUL NI, RTEN CING 'BREL BAR GANG 'BYUNG BA, ,DE NI STONG PA NYID DU BSHAD, ,CES BYA BAS DNGOS PO RNAMS RANG LAS SKYE BA MED PA YIN PA'I PHYIR RO ZHES BYA BAS NI DE LTAR KUN RDZOB TU RKYEN GYI STOBS KYIS SKYES PA SGYU MA LA SOGS PA BZHIN DU NGO BO NYID LAS SKYE BA MED PAR STON NA NI, DE DBU MA PA'I SMRA BA'I RJES SU SMRA BA YIN PAS, KHYED DON DAM PAR GZHAN GYI DBANG GI NGO BO NYID YOD PAR SMRA BA BSTAN PAR BYA DGOS SO ZHES BSTAN TO, ,JI STE NGO BO NYID LAS SKYE BA MED PA NI NGO BO NYID MED PA YIN TE, MDO SDE LAS, GANG ZHIG RKYEN LAS SKYE BA DE MA SKYES; ,ZHES GSUNGS PA'I TSIG DANG RJES SU MTHUN PA'I PHYIR RO ZHE NA ZHES BYA BA NI RNAL 'BYOR SPYOD PA BA DAG NA RE RKYEN GZHAN GYI STOBS KYIS SKYES PAS NGO BO NYID LAS SKYE BA MED PA NI, NGO BO NYID MED PA NYID YIN PAR MDO SDE LAS GSUNGS PAS DE NI SKYE BA NGO BO NYID MED PA NYID KYANG YIN @286B LA; DON DAM PAR YOD PA NYID KYANG YIN NO ZHES ZER BA DE'I TSIG YIN NO, ,DE'I LAN DU 'GREL BA BYED PA NYID KYIS, DE LTA NA YANG DBU MA PA'I SMRA BA'I RJES SU SMRA BA YIN TE, NGO BO NYID LAS DE SKYE BA 'GOG PA'I PHYIR RO ZHES BYA BA SMRAS TE, DE LTA NGO BO NYID LAS SKYE BA MED PA DE NGO BO NYID MED PA NYID YIN PAR MDO SDE LAS GSUNGS PAR KHAS LEN NA DE LTA NA YANG DBU MA PA'I SMRA BA'I RJES SU SMRA BA YIN PAS, DON DAM PAR DE YOD PAR 'DOD PA BSTAN PAR BYA DGOS SO ZHES BSTAN TO, ,SNGAR RNAL 'BYOR SPYOD PA BA DAG NA RE GANG GI TSE KUN BRTAGS PA'I NGO BO NYID MED PA'I PHYIR MI DMIGS SHING GZHAN GYI DBANG GI NGO BO NYID KYANG RGYU MTSAN DU MI 'DZIN PAS YANG DAG PAR RJES SU MI MTHONG BA DE'I TSE NA DMIGS PA THAMS CAD NYE BAR ZHI BA YIN NO ZHES ZER BA LA, KUN BRTAGS PA'I NGO BO NYID DANG, DE MTSAN NYID NGO BO NYID DANG, GZHAN GYI DBANG GI NGO BO NYID DANG, DE SKYE BA NGO BO NYID MED PAR RNAL 'BYOR SPYOD PA BA DAG GIS BRTAGS PA JI LTAR MI 'THAD PA DE LTAR BSTAN NAS, DA NI RNAL 'BYOR SPYOD PA BA DAG NA RE GZHAN GYI DBANG GI NGO BO NYID KYANG RGYU MTSAN DU MI 'DZIN PAS YANG DAG PAR RJES SU MI MTHONG BA ZHES SMRAS PA, DE MI 'THAD PAR BRTAG PA BSTAN PA'I PHYIR, JI LTAR RNAL 'BYOR SPYOD PA PAS GZHAN GYI DBANG GI NGO BO NYID RGYU MTSAN DU MI 'DZIN PAS, YANG DAG PAR RJES SU MI MTHONG BA YIN ZHES BRTAG PA SMRAS SO, ,GAL TE JI LTAR SNANG BA DE LTAR MED PA YIN NO ZHE NA ZHES BYA BA NI, RNAL 'BYOR SPYOD PA BA DAG NA RE GZHAN GYI DBANG GI NGO BO NYID JI LTAR SNANG BA DE LTAR MED PA YIN PAS; DES NA KUN BRTAGS PA'I RGYU MTSAN DU MI 'DZIN PAS YANG DAG PAR RJES SU MI MTHONG BA YIN NO ZHES ZER BA'I TSIG YIN NO, ,DE LA DBU MA PAS CI'I PHYIR DE DE LTAR MED PA YIN ZHES BRTAG PA SMRAS SO, ,DE LA RNAL 'BYOR SPYOD PA BA DAG NA RE, GAL TE DON DAM PAR DE LTAR MA SKYES PA'I PHYIR RO ZHE NA NI, DBU MA PA'I SMRA BA'I RJES SU SMRA BA YIN NO ZHES BYA BA NA, GAL TE GZHAN GYI DBANG GI NGO BO NYID JI LTAR SNANG BA DE LTAR DON DAM PAR MA SKYES PA'I PHYIR JI LTAR SNANG BA DE LTAR MED PA YIN NO ZHE NA NI, DBU MA SMRA BA PA'I RJES SU SMRA BA YIN PAS DE LTA NA DON DAM PAR GZHAN GYI DBANG GI NGO BO NYID YOD PAR SMRA BA GTANG BAR BYA DGOS SO ZHES BYA @287A *, ,BA'I THA TSIG GO, ,JI STE JI LTAR SKYES PA DE LTAR MED DE BRTEN NAS SKYES PA'I PHYIR SGYU MA LA SOGS PA BZHIN NO ZHE NA NI, 'O NA DE LTA NA GZHAN GYI DBANG YOD PA NYID KYANG MA YIN LA, DBU MA PA'I SMRA BA'I RJES SU SMRA BA YANG YIN TE, DBU MA PA'I SMRA BA'I TSUL NI, RMI LAM JI BZHIN SGYU MA BZHIN, ,DRI ZA'I GRONG KHYER JI BZHIN DU, ,DE LTAR SKYE DANG DE BZHIN GNAS, ,DE BZHIN DU NI 'JIG PAR GSUNGS, ,ZHES BYA BA YIN PA'I PHYIR RO ZHES BYA BAS NI JI STE RNAL 'BYOR SPYOD PA BA DAG NA RE GZHAN GYI DBANG GI NGO BO NYID DE NI KUN RDZOB TU NI JI LTAR RKYEN GZHAN LAS SKYES PA SGYU MA LA SOGS PA BZHIN DU YOD LA; DON DAM PAR NI DE LTAR MED DE, BRTEN NAS SKYES PA'I PHYIR, SGYU MA LA SOGS PA LA NGO BO NYID MED PA BZHIN PAS JI LTAR SNANG BA DE LTAR MED PA YIN NO ZHE NA NI, 'O NA DE LTA NA GZHAN GYI DBANG DON DAM PAR YOD PA NYID KYANG MA YIN PAS, KHYOD DON DAM PAR GZHAN GYI DBANG GI NGO BO NYID YOD PAR 'DOD PA GTANG DGOS PA YANG YIN LA, DE SKAD SMRA BA DE DBU MA PA'I SMRA BA'I RJES SU SMRA BA YANG YIN TE, DBU MA PA YANG KUN RDZOB TU SKYE BA DANG, GNAS PA DANG, 'JIG PA DAG RMI LAM DANG, SGYU MA DANG, DRI ZA'I GRONG KHYER LTA BUR YOD LA, DON DAM PAR NGO BO NYID MED PA NYID DU 'DOD PA'I PHYIR RO; ,GAL TE GNYIS PO DAG YONGS SU MA GRUB PA'I PHYIR, JI LTAR SNANG BA DE LTAR MED DO ZHE NA NI ZHES BYA BA NI RNAL 'BYOR SPYOD PA BA DAG NA RE, GZUNG BA DANG, 'DZIN PA GNYIS YONGS SU MA GRUB PA'I PHYIR JI LTAR SNANG BA DE LTAR MED DO ZHES ZER NA'O, ,DE LA CI'I PHYIR GNYIS PO DAG YONGS SU MA GRUB CES BRGAL ZHING BRTAG PA DE NYID DE BZHIN DU NYE BAR GNAS SO ZHES BYA BA NI, DE LA DBU MA PAS BRGAL ZHING BRTAG PA DANG, LAN GDAB PA YANG SNGAR GAL TE DON DAM PAR DE LTAR MA SKYES PA'I PHYIR RO ZHE NA NI, DBU MA PA'I RJES SU SMRA BA YIN NO, ,JI STE DE LTAR SKYES BA DE LTAR MED DE, BRTEN NAS SKYES PA'I PHYIR SGYU MA LA SOGS PA BZHIN NO ZHE NA NI, 'O NA DE LTA NA GZHAN GYI DBANG YOD PA NYID KYANG MA YIN LA, DBU MA PA'I SMRA BA'I RJES SU SMRA BA YANG YIN TE ZHES BSTAN PA DE BZHIN DU 'DIR YANG GAL TE DON DAM PAR GNYIS PA DAG DE LTAR YONGS SU MA GRUB PA'I PHYIR RO ZHE NA NI DBU MA PA'I SMRA BA'I @287B RJES SU SMRA BA YIN NO, ,JI STE GNYIS PO DAG JI LTAR SKYES PA DE LTAR MED DE, BRTEN NAS SKYES PA'I PHYIR SGYU MA LA SOGS PA BZHIN NO ZHE NA NI, 'O NA DE LTA NA GZHAN GYI DBANG YOD PA NYID KYANG MA YIN LA, DBU MA PA'I SMRA BA'I RJES SU SMRA BA YANG YIN TE ZHES BYA BA DE DAG DE BZHIN DU NYE BAR GNAS SO, ,JI STE YANG 'DI SNYAM DU, DON DANG SEMS CAN RNAM RIG PA, ,SNANG BA'I RNAM PAR SHES PA NI, ,RAB TU SKYE'O DE'I DON MED, ,DE MED PAS NA DE YANG MED, ,CES BYA BAS DON MED PA'I PHYIR RGYU MTSAN DU 'DZIN PA MI 'GRUB BO SNYAM NA YANG DON DE BSTAN PAR DKA'O ZHES BYA BA NI, JI STE YANG RNAL 'BYOR SPYOD PA BA DAG 'DI SNYAM DU DBUS MTHA' RNAM PAR 'BYED PA LAS DON CES BYA BA YUL LNGA PO DAG DANG, SEMS CAN ZHES BYA BA DBANG PO LNGA PO DAG DANG, BDAG CES BYA BA NYON MONGS PA CAN GYI YID DANG, RNAM PAR RIG PA ZHES BYA BA 'JUG PA'I RNAM PAR SHES PA DRUG PO DAG TU SNANG BA'I RNAM PAR SHES PA KUN GZHI RNAM PAR SHES PA NYID DE DAG GI RNAM PAR RAB TU SKYE BAR ZAD KYI, DE'I DON PHYI ROL GYI YUL NI DE MED DE, YUL DE MED PAS NA DE LA 'DZIN PA YANG MED PA'I PHYIR, GZUNG BA DANG, 'DZIN PA GNYIS NI MED PA YANG DAG PA MA YIN PA'I KUN DU RTOG PA NI YOD PAR GRUB BO ZHES 'BYUNG BAS PHYI ROL GYI DON MED PA'I PHYIR GZHAN GYI DBANG GI NGO BO NYID RGYU MTSAN DU MI 'DZIN PAS YANG DAG PAR RJES SU MI MTHONG BA 'GRUB BO SNYAM NA YANG, PHYI ROL GYI YUL MED NA DON DE BSTAN DKA' BAS MI RUNG STE, 'DI LTAR DON DANG SEMS CAN GYI RNAM PA YOD NA BDAG DANG RNAM PAR RIG PA ZHES BYA BA DAG KYANG SKYE BAR RUNG GI DON DANG SEMS CAN ZHES BYA BA YUL DANG DBANG PO DAG MED NA BDAG DANG RNAM PAR RIG PA ZHES BYA BA NYON MONGS PA CAN GYI YID DANG 'JUG PA'I RNAM PAR SHES PA DAG KYANG SKYE BAR MI 'GYUR ZHING, DE DAG MED NA KUN GZHI RNAM PAR SHES PA YANG YOD PAR BSTAN MI NUS PAS DE MI RUNG NGO, ,'O NA DE JI LTA BU ZHE NA, KUN RDZOB KYI THA SNYAD DU YUL DANG, DBANG PO DANG RNAM PAR SHES PA RNAMS KYANG SGYU MA LA SOGS PA BZHIN DU PHYI NANG GI DNGOS POR YOD LA, DON DAM PAR DE DAG NGO BO NYID MED PA LAS GZHAN GYI DBANG GI NGO BO NYID KYANG YANG DAG PAR RJES SU MI MTHONG @288A *, ,BAR 'DOD DO, ,GAL TE BSTAN PAR MI DKA' STE, ,MDO SDE LAS, KYE RGYAL BA'I SRAS 'DI LTA STE, KHAMS GSUM PA 'DI NI SEMS TZAM MO ZHES GSUNGS PA'I PHYIR RO ZHE NA ZHES BYA BA NI RNAL 'BYOR SPYOD PA BA DAG NA RE PHYI ROL GYI DON MED KYANG KUN GZHI RNAM PAR SHES PA LAS YUL DANG, DBANG PO DANG NYON MONGS PA CAN GYI YID DANG, 'JUG PA'I RNAM PAR SHES PAR SNANG BA'I RNAM PAR RIG PA RAB TU SKYE BA'I DON DE BSTAN PAR MI DKA' STE, 'PHAGS PA BYANG CHUB SEMS DPA'I SA BCU'I MDO LAS, KYE RGYAL BA'I SRAS 'DI LTA STE KHAMS GSUM PA 'DI NI SEMS TZAM MO ZHES GSUNGS PA'I PHYIR, PHYI ROL KYI DON MED KYANG YUL DANG, DBANG PO DANG, RNAM PAR SHES PA LA SOGS PA KHAMS GSUM PA 'DI SNANG BAR RUNG NGO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI LAN MA YIN TE, MDO SDE'I TSIG GZHAN DU RNAM PAR BSHAD PA'I PHYIR DANG ZHES BYA BA SMRAS TE, 'PHAGS PA BYANG CHUB SEMS DPA' SA BCU'I MDO LAS, KYE RGYAL BA'I SRAS 'DI LTA STE KHAMS GSUM PA 'DI NI SEMS TZAM MO ZHES GSUNGS PA NI SEMS LAS GZHAN PA'I BYED PA PO DANG ZAB PO MED PAR DGAG PA'I PHYIR SEMS TZAM MO ZHES GSUNGS PA YIN GYI, PHYI ROL GYI DON DGAG PA'I PHYIR SEMS TZAM MO ZHES GSUNGS PA NI MA YIN PA LAS, KHYED KYIS MDO SDE'I TSIG GZHAN DU LOG PAR BSHAD PA'I PHYIR DE NI LAN MA YIN NO, ,GZHAN YANG BSGRUB PAR BYA BA'I DON MNGON SUM MA YIN PA DE NI LUNG DANG RJES SU DPAG PA DAG GIS 'GRUB PA'I PHYIR RO ZHES BYA BAS NI KHYED KYI BSGRUB PAR BYA BA'I DON PHYI ROL GYI YUL DANG DBANG PO NI MED LA NANG GI SEMS 'BA' ZHIG YOD PA MNGON SUM GYI SPYOD YUL MA YIN PA DE NI LUNG DANG RJES SU DPAG PA DAG YOD NA DE DAG GIS 'GRUB PA YIN NA, KHYED LA PHYI ROL GYI DON BSAL ZHING NANG GI SEMS TZAM YOD PA NYID DU STON PA'I LUNG YANG MED LA DE BSGRUB PA'I RJES SU DPAG PA YANG MED PAS KUN RDZOB TU PHYI ROL GYI YUL DANG DBANG PO RNAMS YUL MA YIN PA NYID DU BYA BA BYED NUS PAR SGYU MA LA SOGS PA BZHIN DU MNGON SUM GYI SPYOD YUL GYI DON DU YOD PA SEL BAR BYED PA YANG MI RIGS LA, DON @288B DAM PAR GZHAN GYI DBANG GI NGO BO NYID YOD PAR STON PA YANG MI RIGS PAS DE NI LAN MA YIN NO, ,DE LTAR RNAL 'BYOR SPYOD PA PA DAG KUN RDZOB TU YANG PHYI ROL GYI YUL DANG DBANG PO NI MI 'DOD LA, GZHAN GYI DBANG GI NGO BO NYID NI DON DAM PAR YANG YOD PAR 'DOD PA DE LA LUNG DANG RJES SU DPAG PA DAG MED PAS MI RIGS PAR BKAG PA DANG, 'DIR RNAL 'BYOR SPYOD PA BA DAG PHYI ROL GYI DON MED PAR BSGRUB PA'I RJES SU DPAG PA DANG LUNG YOD PAR STON TE, DE LA RE ZHIG RJES SU DPAG PA BSTAN PA'I PHYIR, GAL TE RNAM PAR SHES PA NI TZEE TRA LA SOGS PA'I DON GYIS STONG PA YIN TE, 'JUG PA DANG LDAN PA'I PHYIR DANG; 'BRAS BU YIN PA'I PHYIR DANG, MI RTAG PA'I PHYIR DANG, G-YO BA MED PA'I PHYIR DANG, DUS SU 'JUG PA'I PHYIR DPER NA RANG GI BAG CHAGS THOB PAS 'JUG PA'I RMI LAM GYIS SEMS BZHIN NO ZHES RJES SU DPAG PA'I PHYIR DANG ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RANG GI BAG CHAGS 'THOB PAS 'JUG PA'I RMI LAM GYI SEMS NI 'JUG PA DANG LDAN PA'I PHYIR DANG, 'BRAS BU YIN PA'I PHYIR DANG, MI RTAG PA'I PHYIR DANG, G-YO BA MED PA'I PHYIR DANG, DUS SU 'JUG PA'I PHYIR TZEE TRA LA SOGS PA'I DON GYIS STONG PA YIN TE, RANG GI BAG CHAGS 'THOB PAS 'JUG PA'I DBANG GIS PHYI ROL GYI YUL MED KYANG TZEE TRA DANG MEE TRA DANG, LHA SBYIN DANG, MCHOD PHYIN LA SOGS PA'I YUL GYI PHYI ROL NA MED PA DAG RANG GI RGYUD LA SNANG BA DE BZHIN DU KUN GZHI RNAM PAR SHES PA YANG 'JUG PA DANG LDAN PA'I PHYIR DANG, 'BRAS BU YIN PA'I PHYIR DANG, MI RTAG PA'I PHYIR DANG, G-YO BA MED PA'I PHYIR DANG, DUS SU 'JUG PA MED PA'I PHYIR TZEE TRA LA SOGS PA'I DON GYIS STONG PA YIN TE, RANG GI BAG CHAGS THOB PAS 'JUG PA'I DBANG GIS PHYI ROL GYI YUL MED KYANG TZEE TRA DANG MEE TRA DANG, LHA SBYIN DANG MCHOD BYIN LA SOGS PA'I YUL PHYIR ROL NA MED PA DAG RANG GI RGYUD LA SNANG BAS PHYI ROL GYI DON YOD PA MA YIN PAR RJES SU DPAG GO, ,DA NI LUNG YANG YOD PAR BSTAN PA'I PHYIR, LUNG LAS, PHYIR ROL SNANG BA YOD MIN TE, ,LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA, , @289A *, ,SEMS TZAM DU NI NGA SMRA'O, ,ZHES GSUNGS PA'I PHYIR SKYON MED DO ZHE NA ZHES BYA BA SMRAS TE, 'PHAGS PA LANG KAR GSHEGS PA'I MDO LAS DE SKAD GSUNGS PA'I PHYIR LUNG DANG RJES SU DPAG PA DE DAG GIS SEMS TZAM GRUB BO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS RNAL 'BYOR SPYOD PA PA DAG GI RJES SU DPAG PA'I DON KYANG MI 'GRUB LA, DE DAG GI LUNG YANG LOG PAR BSHAD PA'I PHYIR PHYI ROL GYI DON MED PA'I SEMS TZAM DU MI 'GRUB KYI, KUN RDZOB TU PHYI ROL GYI DON YOD PAS RNAM PAR SHES PA TZEE TRA LA SOGS PA'I DON GYIS STONG PA MA YIN LA, SEMS TZAM ZHES GSUNGS PA'I LUNG YANG SEMS LAS GZHAN PA'I BYED PA PO DANG, ZA BA PO LA SOGS PA DGAG PA YIN GYI PHYI ROL GYI DON DGAG PA MA YIN PAR LUNG DANG RIGS PA GZHAN DAG GIS BSGRUB PA BSTAN PA'I PHYIR, RNAM PAR SHES PA DON GYIS STONG PA YIN TE ZHES DAM BCAS PA DE'I DON GANG YIN ZHES BYA BA LA SOGS PA SMRAS TE, 'DIS NI RE ZHIG RNAL 'BYOR SPYOD PA BA DAG GIS RNAM PAR SHES PA NI TZEE TRA LA SOGS PA'I DON GYIS STONG PA YIN TE ZHES DAM BCAS PA DE'I DON GANG YIN ZHES BRTAG PA STON TO, ,GAL TE DE'I DON PHYI ROL GYI RKYEN LA MI LTOS PAR BAG CHAGS KYI SA BON GYI RGYU LAS RNAM PAR SHES PA SKYE BA YIN NA NI ZHES BYA BAS NI GAL TE RNAL 'BYOR SPYOD PA BA DAG GIS RNAM PAR SHES PA NI TZEE TRA LA SOGS PA'I DON GYIS STONG PA YIN TE ZHES DAM BCAS PA DE'I DON RNAL 'BYOR SPYOD PA BA DAG NYID 'DOD PA LTAR PHYI ROL GYI YUL GYI RKYEN LA MI LTOS PAR KUN GZHI RNAM PAR SHES PA RANG GI BAG CHAGS THOB PAS 'JUG PA'I SA BON GYI RGYU LA KUN GZHI RNAM PAR SHES PA NYID DON DANG, SEMS CAN DANG, BDAG DANG, RNAM PAR RIG PA ZHES BYA BA YUL DANG, DBANG PO DANG, NYON MONGS PA CAN GYI YID DANG, 'JUG PA'I RNAM PAR SHES PA DAG GI RNAM PAR SKYE BA YIN NAM ZHES PHA ROL PO DAG GI GZHUNG BSNAN PA BSTAN TO, ,DA NI DE MI 'THAD PAR BSTAN PA'I PHYIR DE LA GAL TE DON DAM PAR PHYI ROL GYI RKYEN LA MI LTOS PAR RNAM PAR SHES PA SKYE BA STON NA DPE MED DO ZHES BYA BA SMRAS TE, DES NI RNAL 'BYOR SPYOD PA BA DAG GI DPER RANG GI BAG CHAGS THOB PAS 'JUG PAS @289B RMI LAM GYI SEMS BZHIN NO ZHES BYA BA DON DAM PAR MI 'GRUB PAR STON TE, 'DI LTAR DON DAM PAR RANG GI BAG CHAGS THOB PAR 'JUG PA'I RMI LAM GYI SEMS NYID MA SKYES PA'I PHYIR DPE'I CHOS CAN MA GRUB PAS PHA ROL PO DAG GI DAM BCAS PA'I DON MI 'GRUB STE, 'DI LTAR MTSAN NYID LAS DPE NI GNYI GA LA GRAGS PA'I CHOS CAN BSGRUB PAR BYA BA DANG, SGRUB PA'I CHOS KYI DBANG GIS BSTAN PAR BYA'O ZHES 'BYUNG BA'I PHYIR RO, ,RE ZHIG DES NI DON DAM PAR PHYI ROL GYI RKYEN LA MI LTOS PAR RNAM PAR SHES PA SKYE BAR STON NA, DPE MED PAS MA GRUB PA BSTAN TO, ,DA NI KUN RDZOB TU PHYI ROL GYI RKYEN LA MI LTOS PAR RNAM PAR SHES PA SKYE BAR STON NA GRAGS PAS GNOD PAR 'GYUR BAS MI 'GRUB PAR BSTAN PA'I PHYIR, JI STE THA SNYAD DU NA NI GRAGS PAS GNOD DO ZHES BYA BA SMRAS TE, THA SNYAD DU RNAM PAR SHES PA YUL DANG DBANG PO LA SOGS PA PHYI ROL GYI RKYEN RNAMS LA LTOS TE SKYE BAR GRAGS PA'I PHYIR RO, ,DE BZHIN DU RNAL 'BYOR SPYOD PA BA DAG GI GTAN TSIGS 'JUG PA DANG LDAN PA'I PHYIR DANG, 'BRAS BU YIN PA'I PHYIR DANG, MI RTAG PA'I PHYIR DANG, G-YO BA MED PA'I PHYIR DANG, DUS SU 'JUG PA'I PHYIR ZHES BYA BA DE DAG KYANG GAL TE DON DAM PAR PHYI ROL GYI RKYEN LA MI LTOS PAR RNAM PAR SHES PA SKYE BA'I GTAN TSIGS SU STON NA NI GANG YANG RUNG BA LA MA GRUB STE, 'DI LTAR KHO BO CAG GI LUNG LAS DON DAM PA'I BDEN PA GANG ZHE NA, GANG LA SEMS KYANG MI 'JUG NA, YI GE RNAMS LTA SMOS KYANG CI DGOS ZHES GSUNGS PAS KHYED KYI GTAN TSIGS 'JUG PA DANG LDAN PA'I PHYIR ZHES BYA BA LA SOGS PA DE DAG KHO BO CAG GI PHYOGS LA DON DAM PAR MA GRUB PA'I PHYIR RO, ,JI STE GTAN TSIGS DE DAG THA SNYAD DU STON NA NI GRAGS PAS GNOD DE, 'DI LTAR 'JIG RTEN NA YUL DANG DBANG PO LA SOGS PA PHYI ROL GYI RKYEN LA MI LTOS PAR RNAM PAR SHES PA 'JUG PA DANG LDAN PA LA SOGS PA DAG RANG MI SKYE BAR GRAGS TE, 'JIG RTEN NA MIG GIS PHYI ROL GYI DON LTA BA LA SOGS PA'I PHYIR, NOR GSUG KYANG 'JAL ZHING PHYI ROL GYI YUL LA LTA BAS PHYI ROL GYI RKYEN LA LTOS NAS, RNAM PAR SHES PA SKYE BAR 'DOD PA'I PHYIR RO, ,SANGS RGYAS KYI DBANG GIS @290A *, ,SAM; LHA'I DBANG GIS SAM, DANG PO LUNG PHOG PA'I RNAM PAR RIG PA LAS SKYES PA'I RNAM PAR SHES PA DAG GI GTAN TSIGS KYI DON MA NGES PA NYID DANG ZHES BYA BAS NI RNAL 'BYOR SPYOD PA BA DAG GI GTAN TSIGS 'JUG PA DANG LDAN PA'I PHYIR ZHES BYA BA LA SOGS PA DE DAG MA NGES PA NYID DU STON TE, 'DI NA SANGS RGYAS KYI BYIN GYI RLABS KYI DBANG GIS NYAN THOS LA SOGS PAS CHOS THOS NAS RGYUN DU ZHUGS PA LA SOGS PA'I 'BRAS BU THOB PA LA DMIGS NAS RNAM PAR SHES PA SKYE BA DANG, LHA'I BYIN GYI BYIN RLABS KYI DBANG GIS DGE BA DANG, MI DGE BA LA DMIGS PA'I RNAM PAR SHES PA SKYE BA DANG, DANG PO GZHAN GYIS LUNG PHOG PA'I RNAM PAR RIG PA LA BRTEN NAS RNAM PAR SHES PA LA SKYE BA DE DAG PHYI ROL GYI RKYEN LA LTOS NAS SKYE BA MA YIN PAR MTHONG BAS, DES NA RE ZHIG 'JUG PA DANG LDAN PA LA SOGS PA YIN PA'I PHYIR, RANG GI BAG CHAGS THOB PAS 'JUG PA'I RMI LAM GYI SEMS JI BZHIN DU RNAM PAR SHES PA PHYI ROL GYI RKYEN LA MI LTOS PAR SKYE BAR 'GYUR RAM, 'ON TE 'JUG PA DANG LDAN PA LA SOGS PA'I PHYIR SANGS RGYAS KYI DBANG GIS SAM, LHA'I DBANG GIS SAM, DANG PO LUNG PHOG PA'I RNAM PAR RIG PA LAS SKYES PA'I RNAM PAR SHES PA DAG BZHIN DU RNAM PAR SHES PA PHYI ROL GYI RKYEN LA LTOS TE SKYE BAR 'GYUR BA MA NGES PA NYID YIN PAS, PHA ROL PO DAG GI GTAN TSIGS DE DAG MI RUNG NGO, ,JI STE RNAL 'BYOR SPYOD PA BA DAG THA SNYAD DU SANGS RGYAS KYI BYIN GYI RLABS KYI DBANG GIS NYAN THOS LA SOGS PAS CHOS THOS NAS RGYUN DU ZHUGS PA LA SOGS PA'I 'BRAS BU THOB PA LA DMIGS PA'I RNAM PAR SHES PA SKYE BA DAG MI 'DOD NI DE LA, SANGS RGYAS 'BYUNG BA DON MED PA NYID KYI SKYON DU 'GYUR BAS MI RUNG STE, SANGS RGYAS 'BYUNG BA DANG, CHOS BSTAN PA LA SOGS PA PHYI ROL GYI RKYEN LA MA LTOS PAR YANG RGYUN DU ZHUGS PA LA SOGS PA'I 'BRAS BU LA DMIGS PA'I RNAM PAR SHES PA SKYE BAR KHYED CAG 'DOD PA'I PHYIR RO, ,GZHAN YANG DE LTA NA KHYED LA, THA SNYAD KYI BDEN PAR GTOGS PA'I DON SNANG BA MED PA NYID DU YANG 'GYUR RO ZHES BYA BAS NI RNAL 'BYOR SPYOD PA BA DAG 'DOD PA LTAR THA SNYAD DU YANG YUL DANG, DBANG PO LA SOGS PA PHYI ROL GYI RKYEN LA MI LTOS PAR RNAM PAR SHES PA SKYE BAR @290B STON NA, DE LA THA SNYAD KYI BDEN PAR GTOGS PA'I DON YUL DANG DBANG PO LA SOGS PA DAG KYANG SNANG BA MED PA NYID KYI SKYON DU 'GYUR BAS DE NI MI 'DOD DO, ,RE ZHIG DE DAG GIS NI RNAL 'BYOR SPYOD PA BA DAG GI RJES SU DPAG PA RNAM PAR SHES PA NI TZEE TRA LA SOGS PA'I DON GYIS STONG PA YIN TE, 'JUG PA DANG LDAN PA'I PHYIR DANG 'BRAS BU YIN PA'I PHYIR DANG, MI RTAG PA'I PHYIR DANG, G-YO BA MED PA'I PHYIR DANG, DUS SU 'JUG PA'I PHYIR, DPER NA RANG GI BAG CHAGS THOB PAS 'JUG PA'I RMI LAM GYI SEMS BZHIN NO ZHES BYA BA DE'I GTAN TSIGS DANG DPE DAG MA GRUB PAS PHYI ROL GYI YUL MED PAR DAM BCAS PA'I DON MA GRUB PAR BSTAN TO, ,DA NI RNAL 'BYOR SPYOD PA BA DAG LUNG LAS, PHYI ROL SNANG BA YOD MIN TE, ,LUS DANG LONGS SPYOD GNAS 'DRA BAR, ,SEMS NI SNA TSOGS SNANG BA NA, ,SEMS TZAM DU YANG NGA SMRA'O, ,ZHES GSUNGS PAS PHYI ROL GYI YUL MED PAR SGRUB PA DE DAG GIS LUNG DE'I DON LOG PAR BSHAD PA YIN GYI, DE'I DON NI PHYI ROL GYI YUL DE DON DAM PAR NGO BO NYID LAS YOD PA MA YIN PA'I PHYIR, PHYI ROL GYI DON NGO BO NYID YOD PA MA YIN PAS, LUNG LAS, PHYI ROL SNANG BA YOD MIN TE, ,ZHES GSUNGS PA DANG, KUN RDZOB PHYI ROL GYI YUL RNAMS SGYU MA LA SOGS PA BZHIN DU YOD PA, LUNG LAS, LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA, ,ZHES GSUNGS PA DANG, SEMS LAS GZHAN BYA BA'I BYED PA PO DANG, ZA BA PO MED PA'I PHYIR LUNG LAS, SEMS TZAM DU NI NGA SMRA'O, ,ZHES GSUNGS PAS, KUN RDZOB TU PHYI ROL GYI DON YOD PA NYID DU BSTAN PAR BYA STE, DE'I PHYIR, NGO BO NYID LAS YOD PA MA YIN PA'I PHYIR PHYI ROL GYI DON NGO BO NYID YOD PA MA YIN YANG ZHES BYA BAS NI, LUNG LAS, PHYI ROL SNANG BA YOD MIN TE, ,ZHES GSUNGS PA'I DON BSTAN TE, DON DAM PAR DE NGO BO NYID LAS YOD PA MA YIN PA'I PHYIR RO, ,PHYI ROL GYI DON GYI YUL GYI NGO BO NYID LOG PAR SNANG BAR MA GTOGS PA LA SGYU MA MNGON PAR MI SHES PA BZHIN DU LUS DANG LONGS SPYOD DANG, GNAS 'DRA BA'I SEMS SNA TSOGS SKYE BAS SEMS SNA TSOGS SU SNANG ZHING, LUS DANG LONGS SPYOD DANG, GNAS KYI GRIB MA LTA BUS NYE BAR KHA SGYUR BA'I PHYIR, LUS DANG LONGS @291A *, ,SPYOD DANG GNAS LTA BUR YANG NGO ZHES BYA BAS NI LUNG LAS, LUS DANG LONGS SPYOD GNAS 'DRA BAR, ,SEMS NI SNA TSOGS SKYE BAS NA, ,ZHES GSUNGS PA'I DON BSTAN TE, KUN RDZOB TU DPER NA, SGYU MA'I GZUGS SNA TSOGS NGO BO NYID MED PAR MI SHES PA LA SGYU MA'I GZUGS SNA TSOGS CI 'DRA BA'I SEMS SNA TSOGS SNANG BA DE BZHIN DU, LHAS BYIN LA SOGS PA GANG DAG GIS PHYI ROL GYI DON GYI YUL NGO BO NYID MED PAR MA RTOGS PA RNAMS LA YUL GYI DNGOS PO SNA TSOGS CI 'DRA BA'I SEMS SNA TSOGS KYANG SNANG ZHING, LUS DANG LONGS SPYOD DANG, GNAS KYI RNAM PA LA SEMS MNGON PAR CHAGS PA'I DBANG GIS LUS ZHES BYA BA GZUGS KYI PHUNG PO SNA TSOGS DANG, LONGS SPYOD CES BYA BA YUL RNAMS DANG, GNAS ZHES BYA BA 'JIG RTEN GYI KHAMS SNA TSOGS KYANG SNANG STE, DE DAG NI NANG GI SEMS KYI RNAM PA LAS GZHAN PA PHYI ROL GYI YUL GYI DNGOS PO SGYU MA LA SOGS PA LTA BUR RANG RANG GI RGYU DANG RKYEN LAS BYUNG BA YOD PA NYID YIN NO, ,DE NYID KYI 'THAD PA BSTAN PA'I PHYIR, DE MED DU ZIN NA DE LTAR SNANG BA NYID DU MI 'GYUR TE, DPER NA RI BONG GI RVA SNANG BA NYID DU MI 'GYUR BA BZHIN NO ZHES BYA BA SMRAS TE, GAL TE PHYI ROL GYI YUL RNAMS NI, MED PAR SEMS KYI DBANG GIS DBANG PO DANG BLO LA SNANG BAR 'GYUR NA NI, RI BONG GI RVA LTA BU MED PA DAG KYANG DBANG PO DANG BLO LA SNANG BAR 'GYUR BZHIG NA, DE DAG NI SNANG BAR MI 'GYUR LA, PHYI ROL GYI YUL RNAMS NI SNANG BA NYID DU 'GYUR BAS MED PA MA YIN NO, ,BCOM LDAN 'DAS KYIS SEMS TZAM ZHES GSUNGS PA'I MDO SDE'I DON KYANG SEMS LAS GZHAN PA'I BYED PA PO DANG ZA BA PO MED PA'I PHYIR, SEMS TZAM MO ZHES GSUNGS PAR KHAS BLANGS PA'I PHYIR DE LTAR NGES PAR BYAR MI RUNG STE ZHES BYA BAS NI, LUNG LAS KYI RGYAL BA'I SRAS 'DI LTA STE, KHAMS GSUM PA 'DI NI SEMS TZAM MO ZHES GSUNGS PA DANG, SEMS TZAM DU NI NGA SMRA'O ZHES GSUNGS PA'I DON BSTAN TE, SEMS TZAM ZHES GSUNGS PA DE NI BYED PA PO DGAG PA YIN GYI, DON DGAG PA NI MA YIN PAS, DES PHA ROL PO DAG 'DOD PA LTAR YUL DGAG PA YIN PAR NGES PAR BYAR MI NUS SO, ,DE NYID KYI YID CHES PA'I LUNG GI KHUNGS @291B RNAL 'BYOR SPYOD PA BA DAG GIS YID LA MA ZIN PA SLOB DPON GYI ZHAL SNGA NAS DANG 'GREL PA BYED PA DAG GIS RNAM PAR NGES PAR MDZAD PA GZHAN BSTAN PA'I PHYIR, BYANG CHUB SEMS DPA'I SA DRUG PA LAS BYANG CHUB SEMS DPA' SRID PA'I YAN LAG BCU GNYIS KYI SKYE BA DANG, 'GAG PA LAS SO SOR RTOG PA NA 'DI SNYAM DU SDUG BSNGAL GYI PHUNG PO 'BA' ZHIG PA 'DIS SDUG BSNGAL GYI SHING LJON PA MNGON PAR 'GRUB PAR BYED KYI, BYED PA PO 'AM TSOR BA PO NI MED DO SNYAM NAS DE 'DI SNYAM DU SEMS TE BYED PA PO LA MNGON PAR ZHEN PA LAS BYA BA MNGON PAR 'GYUR GYI, GANG LA BYED PA PO MED PA DE LA DON DAM PAR BYA BA YANG DMIGS SU MED DO SNYAM NAS DE 'DI SNYAM DU SEMS TE, 'DI LTA STE KHAMS GSUM PA 'DI NI SEMS TZAM TE, SEMS TZAM GYIS RAB TU PHYE BA DANG, SEMS KYIS MNGON PAR 'DUS BYAS PA YIN GYI, DBANG PHYUG LA SOGS PA BYED PA PO NI MED DO SNYAM DU RNAM PAR NGES PA MDZAD NAS, KYE RGYAL BA'I SRAS 'DI LTA STE, KHAMS GSUM PA 'DI NI SEMS TZAM MO ZHES GSUNGS TE, TZAM ZHES GSUNGS PA DE NI BYED PA PO DGAG PA YIN PAR SHES PAR BYA'I DON DGAG PA NI MA YIN PAR SHES PAR BYA'O ZHES BYA BA SMRAS TE, 'PHAGS PA SA BCU PA'I MDO LAS, KYE RGYAL BA'I SRAS 'DI LTA STE, KHAMS GSUM PA 'DI NI SEMS TZAM MO ZHES GSUNGS PA DE'I DGONGS PA DGROL BA NI SA DRUG PA'I SKABS NYID NAS, DE SKAD GSUNGS PA YIN PAS DE'I PHYIR SEMS TZAM ZHES GSUNGS PA'I SGRA NI BYED PA PO DGAG PA'I DON YIN GYI, YUL DGAG PA'I DON MA YIN PAR SHES PAR BYA'O, ,DE BZHIN DU 'PHAGS PA LANG KAR GSHEGS PA'I MDO LAS KYANG; BYED PA PO DGAG PA NYID DU GSUNGS TE, GANG ZAG RGYU DANG PHUNG PO DANG, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PA PO, ,SEMS TZAM DU NI NGA SMRA'O, ,ZHES GSUNGS PAS 'DIR SEMS TZAM NYID BYED PA PO NYID DU RIG GI ,GANG ZAG DANG, RGYU DANG, PHUNG PO DANG, RKYEN DANG, RDUL PHRAN DANG, GTZO BO DANG, DBANG PHYUG DAG NI BYED PA PO MA YIN TE, 'DI LTAR RAB TU SMRA BA DAG LAS KHA CIG NI GANG ZAG BYED PA POR RTOG ,KHA CIG NI RGYU BYED PA POR RTOG ,KHA CIG NI PHUNG PO, KHA CIG NI RKYEN, KHA CIG NI RDUL PHRAN, KHA CIG NI GTZO BO, KHA CIG NI DBANG PHYUG BYED PA POR RTOG @292A *, ,PA DE DAG NI BYED PA PO MA YIN GYI, SEMS TZAM GYIS RAB TU PHYE BA DANG, SEMS TZAM GYIS MNGON PAR 'DUS BYAS PA YIN PAS, SEMS TZAM DU NGA SMRA'O ZHES GSUNGS PA'I LUNG DES KYANG SEMS TZAM ZHES BYA BA'I SGRAS NI BYED PA PO DGAG PA'I DON YIN GYI, YUL DGAG PA'I DON MA YIN PAR SHES PAR BYA'O, ,GANG DAG 'DI SKAD CES, DNGOS PO GZUGS CAN RNAMS NI SEMS KYI NGO BO NYID YIN TE, RNAM PAR SHES PA'I YUL YIN PA'I PHYIR DPER NA DE MA THAG PA'I RKYEN BZHIN NO ZHES ZER NA ZHES BYA BA NI, RNAL 'BYOR SPYOD PA BA DAG DNGOS PO GZUGS CAN RNAMS SEMS KYI NGO BO NYID YIN PAR BSGRUB PA'I TSIG YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DE MA THAG PA'I RKYEN NI RNAM PAR SHES PA'I YUL YIN PA'I PHYIR SEMS KYI NGO BO NYID YIN PA DE BZHIN DU DNGOS PO GZUGS CAN RNAMS KYANG RNAM PAR SHES PA'I YUL YIN PA'I PHYIR SEMS KYI NGO BO NYID YIN PAS PHYI ROL GYI YUL MED PAR GRUB PO ZHES ZER RO, ,DE SKAD CES ZER BA DE'I LN DU 'DIR 'GREL PA BYED PA NYID KYIS, SEMS LAS BYUNG BA DAG GIS MA NGES PA NYID YIN NO ZHES BYA BA SMRAS TE, DE DAG NI RNAL 'BYOR SPYOD PA BA DAG GI GTAN TSIGS RNAM PAR SHES PA'I YUL YIN PA'I PHYIR ZHES BYA BA DE MA NGES PA NYID DU STON TE, 'DI NA SEMS LAS BYUNG BA'I CHOS RNAMS RNAM PAR SHES PA'I YUL YIN YANG SEMS KYI NGO BO NYID MA YIN PAR MTHONG BAS DES NA JI RE ZHIG RNAM PAR SHES PA'I YUL YIN PA'I PHYIR DPER NA DE MA THAG PA'I RKYEN BZHIN DU DNGOS PO GZUGS CAN RNAMS SEMS KYI NGO BO NYID YIN PAR 'GYUR RAM, 'ON TE RNAM PAR SHES PA'I YUL YIN PA'I PHYIR DPER NA SEMS LAS BYUNG BA DAG BZHIN DU DNGOS PO GZUGS CAN RNAMS SEMS KYI NGO BO NYID MA YIN PAR 'GYUR BA MA NGES PA NYID YIN PAS PHA ROL PO'I GTAN TSIGS KYI DON MA GRUB PA, GZUGS LA SOGS PA NI SEMS DANG SEMS LAS BYUNG BA'I NGO BO NYID YIN PAR STON NA YANG ZHES BYA BA NI RNAL 'BYOR SPYOD PA BA DAG 'DI SKAD CES GZUGS DANG, SGRA DANG, DRI DANG, RO DANG, REG BYA DAG NI SEMS DANG SEMS LAS @292B BYUNG BA'I NGO BO NYID YIN TE, RNAM PAR SHES PA'I YUL YIN PA'I PHYIR DPER NA DE MA THAG PA'I RKYEN BZHIN PAS, DNGOS PO GZUGS CAN RNAMS SEMS KYI NGO BO NYID YIN NO ZHES ZER BA'I SGRUB PA BSTAN TO, ,DE'I LAN DU, SEMS DANG SEMS LAS BYUNG BA DAG GIS SO SOR MA NGES PA NYID YIN NO ZHES BYA BA SMRAS TE; DE LTA NA YANG PHA ROL PO DAG GI GTAN TSIGS RNAM PAR SHES PA'I YUL YIN PA'I PHYIR ZHES BYA BA DE YANG MA NGES PA NYID DE, 'DI NI RNAM PAR SHES PA'I SU LA YIN YANG SEMS DANG SEMS LAS BYUNG BA DAG NGO BO NYID THA DAD PAR MTHONG BAS, DES NA JI RE ZHIG RNAM PAR SHES PA'I YUL YIN PA'I PHYIR DPER NA DE MA THAG PA'I RKYEN BZHIN DU GZUGS LA SOGS PA SEMS KYI NGO BO NYID YIN BAR 'GYUR RAM, 'ON TE RNAM PAR SHES PA'I YUL YIN PA'I PHYIR DPER NA SEMS DANG SEMS LAS BYUNG BA DAG GCIG GI NGO BO NYID GCIG MA YIN PA DE BZHIN DU GZUGS LA SOGS PA SEMS DANG SEMS LAS BYUNG BA'I NGO BO NYID DU 'DOD PA DE DAG KYANG SEMS KYI NGO BO NYID KYI GZUGS LA SOGS PA NI SEMS LAS BYUNG BA'I NGO BO NYID MA YIN LA, SEMS LAS BYUNG BA'I NGO BO NYID KYI GZUGS LA SOGS PA YANG SEMS KYI NGO BO NYID MA YIN PA DAG GIS SO SOR MA NGES PA NYID DU 'GYUR BAS GZUGS LA SOGS PA RNAM PAR SHES PA'I YUL YIN PA'I GTAN TSIGS KYIS SEMS KYI NGO BO NYID YIN PAR MA GRUB BO, ,JI STE 'DI SKAD CES SEMS LAS BYUNG BA'I CHOS RNAMS NI SEMS KYI GNAS SKABS KYI KHYAD PAR YIN PAS SEMS DANG SEMS LAS BYUNG BA DAG NGO BO NYID THA MI DAD PA'I PHYIR SEMS DANG SEMS LAS BYUNG BA DAG GIS SO SOR MA NGES PA NYID MA YIN NO ZHES ZER NA DE'I LAN DU GAL TE DON DAM PAR SEMS DANG SEMS LAS BYUNG BA DAG NGO BO NYID GCIG PAR BRJOD NA NI GRUB PA LA SGRUB PA YIN TE, 'DI LTAR DON DAM PAR CHOS THAMS CAD GNYIS SU MED PA'I PHYIR RO, ,'ON TE THA SNYAD DU SEMS DANG SEMS LAS BYUNG BA DAG NGO BO NYID GCIG PAR BRJOD NA NI KHYED KYI GRUB PA'I MTHA' DANG 'GAL BA YANG YIN TE ZHES BRJOD PAR BYA'O, ,KHYED KYI GRUB PA'I MTHA'I TSUL JI LTA BU ZHE NA, TSUL NI, DE LA DON MTHONG RNAM PAR SHES, ,DE YI BYE BRAG SEMS LAS BYUNG, ,ZHES BYA BA YIN PA'I PHYIR RO ZHES BYA BA SMRAS TE, YUL DE LA DON GYI NGO BO NYID TZAM MTHONG BA NI RNAM @293A *, ,PAR SHES PA YIN LA, DON DE'I BYE BRAG RIG PA NI SEMS PAS BYUNG BA DAG YIN NO ZHES KHYED KYI GRUB PA'I MTHA' LAS BYUNG BA DANG 'GAL BAS THA SNYAD DU SEMS DANG SEMS LAS BYUNG BA DAG NGO BO NYID GCIG GO ZHES BYA BAR MI RUNG NGO, ,SNGA MA BZHIN DU DAM BCAS PA'I SKYON YANG YOD DO ZHES BYA BAS NI THA SNYAD DU GZUGS LA SOGS PA YUL RNAMS SEMS DANG SEMS LAS BYUNG BA'I NGO BO NYID YIN ZHING SEMS DANG SEMS LAS BYUNG BA DAG KYANG NGO BO NYID GCIG GO ZHES DAM BCA' NA, SNGAR DPE MED PA DANG, GRAGS PAS GNOD PA DANG, MA NGES PA NYID DANG, SANGS RGYAS 'BYUNG BA DON MED PA NYID DANG, THA SNYAD KYI BDEN PAR GTOGS PA'I DON SNANG BA MED PA NYID DU YANG 'GYUR RO ZHES BSTAN PA'I SKYON DAG KYANG YOD PAS MI RUNG NGO, ,GANG DAG 'DI SKAD CES 'DI LA GZUGS KYI BLO 'DI'I YUL RDUL PHRA RAB KYI GZUGS GCIG YIN NAM 'DUS PA YIN ZHES BYA BA LA SOGS PAS NI RNAL 'BYOR SPYOD PA PA DAG LA SOGS PA GANG DAG PHYI ROL GYI YUL MED PAR 'DOD PA DAG NA RE DBU MA PA LA SOGS PA KUN RDZOB TU PHYI ROL GYI YUL YOD PAR 'DOD PA DAG GANG GI GZHUNG LAS GZUGS KYI BLO'I YUL PHYI ROL GYI GZUGS YIN PAR 'DOD PA DE, JI GZUGS KYI BLO MIG GI RNAM PAR SHES PA 'DI'I YUL RDUL PHRA RAB KYI GZUGS GCIG YIN NAM, 'ON TE 'DUS PA YIN GRANG NA, DE GNYIS KA YANG GZUGS KYI BLO YUL DU MI 'THAD PAS DE'I PHYIR, PHYI ROL GYI YUL YOD PA MA YIN NO ZHES BSGRUB PA'I GZHUNG STON TO, ,DE LA RE ZHIG RDUL PHRA RAB PHYI GZUGS GCIG GZUGS KYI BLO'I YUL MA YIN PAR SGRUB PA'I GZHUNG BSTAN PA'I PHYIR, DE LA RDUL PHRA RAB KYI GZUGS GCIG NI GZUGS KYI BLO'I SPYOD YUL MA YIN TE, DE MI SNANG BA'I PHYIR, DPER NA MIG BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MIG GI DBANG PO NI MI SNANG BA'I PHYIR GZUGS KYI BLO'I YUL MA YIN PA DE BZHIN DU RDUL PHRA RAB KYI GZUGS GCIG KYANG MI SNANG BA'I PHYIR GZUGS KYI BLO'I YUL MA YIN NO, ,DA NI RDUL PHRA RAB KYI GZUGS 'DUS PA GZUGS KYI BLO'I YUL MA YIN PAR SGRUB PA'I @293B GZHUNG BSTAN PA'I PHYIR, CI STE 'DUS PA YIN NA NI DE GZUGS KYI BLO'I YUL MA YIN TE, RDZAS SU YOD PA MA YIN PA'I PHYIR DPER NA ZLA BA GNYIS SU SNANG BA BZHIN NO ZHES ZER NA ZHES BYA BA SMRAS TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA ZLA BA GNYIS SU SNANG BA NI RDZAS SU YOD PA MA YIN PA'I PHYIR GZUGS KYI BLO'I YUL MA YIN PA DE BZHIN DU RDUL PHRA RAB KYI GZUGS 'DUS PA YANG DMAG DANG NAGS TSAL DANG SHING RTA LA SOGS PA BZHIN DU 'DUS PA SPYI LA GDAGS PAS RDZAS SU YOD PA MA YIN PA'I PHYIR GZUGS KYI BLO'I YUL MA YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA GAL TE DON DAM PAR MIG GI RNAM PAR SHES PA GZUGS LA DMIGS PA NYID DANG, GZUGS KYANG MIG GI RNAM PAR SHES PA'I DMIGS PAR BYA BA NYID MA YIN PAR 'GOG PAR BYED NA NI GRUB PA LA SGRUB PA YIN NO, ,CI STE THA SNYAD DU NI GRAGS PAS GNOD DO ZHES SMRAS TE, DON DAM PAR NI YUL DANG RNAM PAR SHES PA SKYE BA MED PAR DBU MA PA'I PHYOGS LA YANG GRUB PA'I PHYIR DANG THA SNYAD DU NI YUL DANG RNAM PAR SHES PA YOD PAR 'JIG RTEN LA GRAGS PA'I PHYIR RO, ,RDUL PHRA RAB DAG DBANG PO'I RNAM PAR RIG PA DAG GI YUL MA YIN NO ZHES DAM BCAS PA DE'I DON KYANG GANG YIN ZHES BYA BAS NI DBU MA PAS SNGAR RNAL 'BYOR SPYOD PA PA GANG DAG 'DI SKAD CES 'DI LA GZUGS KYI BLO 'DI'I YUL RDUL PHRA RAB KYI GZUGS GCIG YIN NAM, 'DUS PA YIN ZHES ZER BAS RDUL PHRA RAB KYI GZUGS GCIG GAM, 'DUS PA DAG GZUGS KYI BLO'I SPYOD YUL MA YIN PAR DAM BCA' BA DE'I DON KYANG CI GZUGS KYI BLO'I YUL RDUL PHRA RAB KYI GZUGS DAG MA YIN NA, DE LAS GZHAN ZHIG YOD PA YIN NAM, 'ON TE RDUL PHRA RAB KYI GZUGS DAG KYANG MA YIN LA, GZHAN YANG MED PAS YUL JI YANG MED PA YIN NO ZHES BRTAG PA RNAM PA GNYIS STON TO, ,DE LA RE ZHIG BRTAG PA DANG PO LTAR MI 'THAD PAR BSTAN PA'I PHYIR, GAL TE YUL GZHAN YOD PA YIN NA NI PHYOGS SNGA MA LA GNOD DO ZHES BYA BA SMRAS TE, KHYED KYIS SNGAR NI GZUGS KYI BLO'I YUL MED PAR DAM BCA' LA, DA NI DE'I YUL @294A *, ,RDUL PHRA RAB KYI GZUGS DAG MA YIN PA DE LAS GZHAN ZHIG YOD PAR KHAS BLANGS PAS RANG GI PHYOGS SNGA MA LA GNOD PA'I PHYIR RO, ,BRTAG PA GNYIS PA LTAR MI 'THAD PAR BSTAN PA'I PHYIR, GAL TE DE LA YUL MED NA NI DPE MED DE, GZUGS KYI BLO PHYOGS SU BYAS PA YUL MED PAR MA GRUB PA'I PHYIR RO ZHES BYA BA SMRAS TE, GANG GI PHYIR KHYED KYIS GZUGS KYI BLO LA YUL MED DO ZHES PHYOGS SU BYAS PA DE'I PHYIR GZUGS KYI BLO YUL MED PAR MA GRUB PAS DES NA KHYED KYI SGRUB PA GZUGS KYI BLO LA YUL MED DE ZHES DAM BCAS PA DE'I DPE YANG GZUGS KYI BLO YUL MED PA GZHAN 'GA' ZHIG LAS BLANG DGOS NA DPER BYA BA'I GZUGS KYI BLO GZHAN DE YANG GZUGS KYI BLO YIN PA'I PHYIR YUL MED PAR MA GRUB PA'I PHYIR TE GZUGS KYI BLO YUL MED PAR BSGRUB PA PHYOGS SU BYAS PA 'DI'I DPER MI RUNG BA'I PHYIR RO, ,GZHAN YANG BLO RDUL PHRA RAB KYI GZUGS BSTZAGS PA DANG; BSTZAGS PA MA YIN PA GCIG PU LA DMIGS PA DAG PHYOGS SU BYAS PAS ZHES BYA BA LA SOGS PAS NI SNGAR RNAL 'BYOR SPYOD PA PA DAG GIS 'DI LA GZUGS KYI BLO 'DI'I YUL RDUL PHRA RAB KYI GZUGS GCIG YIN NAM, 'DUS PA YIN ZHES SMRAS PAS, GZUGS KYI BLO RDUL PHRA RAB KYI GZUGS BSTZAGS PA DANG BSAGS PA MA YIN PA GCIG PU LA DMIGS PA DAG PHYOGS SU BYAS NAS DE GNYI GA MI 'GRUB PO ZHES ZER BA'I PHYOGS DE GNYIS KA LA YANG GTAN TSIGS KYI DON MA GRUB PA NYID DANG GRUB PA NYID DANG GRUB PA LA SGRUB PA NYID DANG, GZHI MA GRUB PA'I SKYON YOD PAR STON TO, ,DE LA RE ZHIG PHYOGS DANG PO'I GTAN TSIGS KYI DON MA GRUB PA'I SKYON BSTAN PA'I PHYIR, GCIG GI DUS LA NI GTAN TSIGS KYI DON MA GRUB PA NYID DE, BSTZAGS PA'I GZUGS RDUL PHRA RAB KYI GZUGS GZHAN GYIS PHAN BTAGS PA GCIG PU YANG RANG GI BDAG NYID SNANG BA'I BLO BSKYED PA YIN PA'I PHYIR DE'I BLO YOD PAS DE MI SNANG BA NYID MA GRUB PA'I PHYIR RO ZHES BYA BA SMRAS TE, DES NI SNGAR RNAL 'BYOR SPYOD PA PA DAG NA RE DE LA RDUL PHRA RAB KYI GZUGS GCIG NI GZUGS KYI BLO'I SPYOD YUL MA YIN TE, DE MI SNANG BA'I PHYIR DPER NA MIG BZHIN NO ZHES ZER BA'I GTAN TSIGS MI SNANG BA'I PHYIR ZHES BYA BA DE'I DON MA GRUB PA NYID DU STON TE, 'DI LTAR RDUL PHRA @294B RAB KYI GZUGS BSTZAGS PA MA YIN PA GCIG PU YANG RANG GI BDAG NYID SNANG BA'I BLO SKYED PAR BYED DE, JI LTA ZHE NA, DPER NA MI MANG PO'I LAG RUS KYIS SDONG PO CHEN PO BSHAL BA'I DUS NA MI MANG PO DE DAG GCIG GI MTHUS GCIG PA PHAN BTAGS PA SPYI'I MTHUS SDONG BU DE BSHAL NUS PAR GYUR PA NA MI MANG PO DE DAG LAS MI GCIG BU'I MTHU RE RE NAS MI SNANG YANG SPYIR SNANG BA'I TSE NA MI GCIG PU DE'I MTHU YANG RANG GI BDAG NYID SNANG BA'I BLO SKYED PA YIN PA'I PHYIR DE'I MTHU MI SNANG BA MA YIN PA DE BZHIN DU RDUL PHRA RAB KYI GZUGS BSTZAGS PA MANG PO 'DUS PA LA GZUGS KYI BLOS DMIGS PA'I DUS NA RDUL PHRA RAB KYI GZUGS MANG PO DE DAG GCIG GI GZUGS KYIS GCIG LA SBYAR CING PHAN BTAGS PA NA SPYI 'DUS PA GZUGS KYI BLO DE'I YUL DU GYUR PA NA RDUL PHRA RAB KYI GZUGS MANG PO DE DAG LAS GCIG PU'I GZUGS RE RE NAS MI SNANG YANG SPYIR SNANG BA'I TSE NA RDUL PHRA RAB KYI GZUGS GCIG PU DE'I GZUGS KYANG RANG GI BDAG NYID SNANG BA'I BLO SKYED PA YIN PA'I PHYIR DE'I GZUGS MI SNANG BA MA YIN PAS MI SNANG BA'I PHYIR ZHES BYA BA'I GTAN TSIGS KYI DON MA GRUB PA NYID DO, ,PHYOGS DANG PO'I GTAN TSIGS GRUB PA LA SGRUB PA'I SKYON BSTAN PA'I PHYIR, GZHAN GYI DUS LA NI GRUB PA LA SGRUB PA YIN TE, BSTZAGS PA MA YIN PA'I GZUGS MIG GI RNAM PAR SHES PA'I YUL NYID DU KHAS MA BLANGS PA'I PHYIR RO ZHES BYA BA SMRAS TE, DES NI SNGAR RNAL 'BYOR SPYOD PA PA DAG NA RE DE LA, RDUL PHRA RAB KYI GZUGS GCIG NI, GZUGS KYI BLO'I SPYOD YUL MA YIN TE, DE MI SNANG BA'I PHYIR DPER NA MIG BZHIN NO ZHES ZER BA'I GTAN TSIGS MI SNANG BA'I PHYIR ZHES BYA BA DE GRUB PA LA SGRUB PA NYID DU STON TE, 'DI LTAR KHO BO CAG DBU MA PAS KYANG RDUL PHRA RAB KYI GZUGS BSTZAGS PA MA YIN PA GCIG PU MIG GI RNAM PAR SHES PA'I YUL NYID DU KHAS MA BLANGS PA'I PHYIR RO, ,SDE PA GZHAN DAG LA YANG DE GRUB PA LA SGRUB PA YIN PAR BSTAN PA'I PHYIR, CHOS MNGON PA LAS KYANG GZUGS CAN BCU NI BSTZAGS PA'O ZHES 'BYUNG BAS, DE'I PHYIR BSTZAGS PA MA YIN PA NI YUL GYI DNGOS POR MI 'GRUB PO ZHES BYA BA SMRAS TE, DES NI RNAL 'BYOR SPYOD PA PA DAG GI GTAN TSIGS MI SNANG BA'I PHYIR ZHES BYA BA DE SDE PA GZHAN DAG GI PHYOGS @295A *, ,LA YANG GRUB PA LA SGRUB PA'I SKYON CHAGS PA YIN PAR BSTAN TO, ,PHYOGS DANG PO'I GTAN TSIGS KYI GZHI MA GRUB PA'I SKYON BSTAN PA'I PHYIR, GZUGS LA DMIGS PA MED PAR GZUGS KYI BLO SKYE BAR DAM 'CHA' BA NI GZUGS LA DMIGS PAR MI BYED PA'I BLO NI MIG GI DBANG PO'I BLO NYID YIN PAR MI 'GRUB PAS DE MI SNANG BA'I PHYIR ZHES BYA BA'I GTAN TSIGS KYI GZHI MA GRUB PA NYID DO ZHES BYA BA SMRAS TE, DES NI SNGAR RNAL 'BYOR SPYOD PA PA DAG NA RE DE LA RDUL PHRA RAB KYI GZUGS GCIG NI GZUGS KYI BLO'I SPYOD YUL MA YIN TE, DE MI SNANG BA'I PHYIR DPER NA MIG BZHIN NO ZHES ZER BA'I GTAN TSIGS MI SNANG BA'I PHYIR ZHES BYA BA DE'I GZHI MA GRUB PA NYID DU STON TE, SNGAR RNAL 'BYOR SPYOD PA PA DAG GIS RDUL PHRA RAB KYI GZUGS GCIG NI GZUGS KYI BLO'I SPYOD YUL MA YIN TE ZHES SMRAS PA DE NYID KYIS GZUGS LA DMIGS PA MED PAR YANG GZUGS KYI BLO SKYE BAR DAM BCAS PA YIN PAS, DES NA GZUGS LA DMIGS PA MED PA'I BLO NI MIG GI DBANG PO'I BLO NYID YIN PAR MI 'GRUB PA'I PHYIR GZUGS KYI BLO NYID MED PAS, DES NA PHA ROL PO DAG GI GTAN TSIGS DE MI SNANG BA'I PHYIR ZHES BYA BA'I GZHI MA GRUB PA NYID DE GZUGS KYI BLO NYID MA GRUB PA'I PHYIR RO ZHES BSTAN TO, ,GZUGS LA BLO'I YUL 'DUS PA NYID LA YANG RDZAS SU YOD PA MA YIN PA'I PHYIR ZHES GANG SMRAS PA DE LA SNGA MA BZHIN DU DAM BCAS PA'I SKYON YOD DO ZHES BYA BAS NI SNGAR RNAL 'BYOR SPYOD PA PA DAG GI SPYI STE 'DUS PA YIN NA NI DE GZUGS KYI BLO'I YUL MA YIN TE, RDZAS SU YOD PA MA YIN PA'I PHYIR DPER NA ZLA BA GNYIS SU SNANG BA BZHIN NO ZHES SMRAS PA'I PHYOGS GNYIS PA DE LA YANG GTAN TSIGS KYI DON MA GRUB PA NYID DANG, GRUB PA LA SGRUB PA NYID DANG, GTAN TSIGS KYI GZHI MA GRUB PA NYID KYI SKYON SNGA MA BZHIN DU GYUR ? BSTON TE, SNGAR RNAL 'BYOR SPYOD PA PA DAG GIS RDUL PHRA RAB KYI GZUGS 'DUS PA GZUGS KYI BLO'I SPYOD YUL MA YIN PAR DAM BCAS PA'I GTAN TSIGS RDZAS SU YOD PA MA YIN PA'I PHYIR ZHES GANG SMRAS PA DE MI 'GRUB STE, RDZAS SU YOD PA MA YIN YANG DMAG DANG NAGS TSAL DANG, SHING RTA LA SOGS PA GZUGS KYI BLOS SKYED PA'I YUL YIN PA'I PHYIR @295B DANG; RDZAS SU YOD PA MA YIN PA'I PHYIR ZHES BYA BA DE GRUB PA LA SGRUB PA NYID KYANG YIN TE, DBU MA PA DANG, SDE PA GZHAN DAG GIS KYANG 'DUS PA RDZAS SU YOD PA NYID DU KHAS MA BLANGS PA'I PHYIR DANG, DE'I GZHI MA GRUB PA YANG YIN TE, 'DUS PA GZUGS KYI BLO'I YUL MA YIN TE ZHES SMRAS PA DE NYID KYIS GZUGS LA DMIGS PA MED PAR GZUGS KYI BLO SKYE BAR DAM BCAS PAS GZUGS LA DMIGS PAR MI BYED PA'I BLO NI MIG GI DBANG PO'I BLO NYID YIN PAR MI 'GRUB PAS RDZAS SU YOD PA MA YIN PA'I PHYIR ZHES BYA BA'I GTAN TSIGS KYI GZHI MA GRUB PA NYID YIN PA'I PHYIR RO,, ,,BAM PO BDUN CU BRGYAD PA; ZLA BA GNYIS SU SNANG BA YANG GAL TE DON YIN NO ZHE NA NI, DE RANG DANG GZHAN LA MI 'GRUB STE, RNAM PA DE LTA BU'I DON MI SRID PA'I PHYIR RO ZHES BYA BA NI SNGAR RNAL 'BYOR SPYOD PA PA DAG GIS CI STE 'DUS PA YIN NA NI DE GZUGS KYI BLO'I YUL MA YIN TE, RDZAS SU YOD PA MA YIN PA'I PHYIR DPER NA ZLA BA GNYIS SU SNANG BA BZHIN NO ZHES SMRAS PA'I DPE DE MI 'GRUB PAR STON TE, KHYED KYI DPE ZLA BA GNYIS SU SNANG BA BZHIN NO ZHES BYA BA DE YANG GAL TE PHYI ROL GYI DON YIN PA DE RDZAS SU YOD PA MA YIN PA'I PHYIR GZUGS KYI BLO'I YUL MA YIN PA DE BZHIN DU RDUL PHRA RAB KYI GZUGS 'DUS PA YANG PHYI ROL GYI DON YIN LA, DE RDZAS SU YOD PA MA YIN PA'I PHYIR GZUGS KYI BLO'I YUL MA YIN NO ZHES BYA BAR SGRUB NA NI KHYED KYI DPE DE RANG DANG GZHAN LA MI 'GRUB STE, JI LTAR NA ZLA BA GNYIS SU SNANG BA'I PHYI ROL GYI DON YIN NO ZHES BYA BA DE KHYED CAG GI PHYI ROL GYI DON MED PAR SMRA BA RANG GI PHYOGS LA YANG ZLA BA GNYIS SU SNANG BA DE LTA BU'I DON MI SRID PA'I PHYIR DANG; KHO BO CAG PHYI ROL DON YOD PAR SMRA BA GZHAN GYI PHYOGS LA YANG ZLA BA GNYIS PA SNANG BA DE LTA BU'I DON MI SRID PA'I PHYIR RO, ,'ON TE ZLA BA GNYIS SU SNANG BA BLO YIN NO ZHE NA NI DE RDZAS SU YOD PA MA YIN PAR MA GRUB PA'I PHYIR DPE LA SGRUB PA'I CHOS MA TSANG BA NYID KYI SKYON YOD DO ZHES BYA BAS NI 'ON TE KHYED KYI DPE ZLA BA GNYIS SU SNANG BA BZHIN NO ZHES BYA BA DE'I PHYI ROL GYI DON MA YIN GYI, NANG GI SEMS YIN LA, DE RDZAS SU YOD PA MA YIN PA'I PHYIR GZUGS KYI BLO'I YUL MA YIN PA DE BZHIN DU RDUL PHRA RAB KYI GZUGS 'DUS PA YANG PHYI ROL GYI DON MA YIN GYI, NANG GI SEMS YIN LA DE RDZAS SU YOD PAR 'DOD PA'I @296A *, ,ZLA BA GNYIS, GZUGS KYI BLO'I YUL MA YIN NO ZHES BYA BAR SGRUB PA'I CHOS MA TSANG BA NYID KYI SKYON YOD DE, JI LTAR NA ZLA BA GNYIS SU SNANG BA NANG GI SEMS YIN NO ZHES BYA BA DE KHYED CAG RNAM PAR SHES PA TZAM DU SMRA BA DAG SEMS DANG SEMS LAS BYUNG BA DAG RDZAS SU YOD PAR 'DOD PA'I ZLA BA GNYIS SU SNANG BA BLO YIN NO ZHES BYA BA DE RDZAS SU YOD PA MA YIN PAR MA GRUB PA'I PHYIR KHYED KYI DPE ZLA BA GNYIS SU SNANG BA BZHIN NO ZHES BYA BA DE LA SGRUB PA'I CHOS RDZAS SU YOD PA MA YIN PA'I PHYIR ZHES BYA BA DE MA TSANG BA NYID KYI SKYON YOD PAS MI RUNG NGO, ,GZUGS KYI RNAM PAR SHES PA GZUGS ZHES BYA BA'I DON GYIS STONG PAR STON NA NI DPE LA BSGRUB PAR BYA BA CHOS MA TSANG BA NYID KYI SKYON YOD DE, ZLA BA GNYIS SU MTHONG BA'I BLO PHYI ROL GYI DMIGS PA LA MA LTOS PAR SKYE BAR MI 'GRUB PA'I PHYIR RO ZHES BYA BAS NI SNGAR KHYED NA RE JI STE 'DUS PA YIN NA NI DE GZUGS KYI BLO'I YUL MA YIN TE, RDZAS SU YOD PA MA YIN PA'I PHYIR DPER NA ZLA BA GNYIS SU MTHONG BA BZHIN NO ZHES ZER BA'I SGRUB PA DES GAL TE, GZUGS KYI RNAM PAR SHES PA GZUGS ZHES BYA BA'I DON GYIS STONG STE, MIG GI RNAM PAR SHES PA LA YUL PHYI ROL GYI GZUGS MED DO ZHES BYA BAR STON NA NI DE LTAR NA KHYED KYI DPE LA BSGRUB PAR BYA BA CHOS MA TSANG BA NYID KYI SKYON YOD DE, JI LTAR ZHE NA, MIG GI RNAM PAR SHES PA ZLA BA GNYIS SU MTHONG BA'I BLO NI DE'I YUL GYI PHYI ROL NA ZLA BA BZHI PO SNGA NA YOD PA DE LA DMIGS NAS DE'I 'OG TU ZLA BA GNYIS PA MTHONG PA'I BLO SKYE BA YIN PAS ZLA BA GNYIS SU MTHONG BA'I BLO DE PHYI ROL GYI DMIGS PA ZLA BA BZHI PO SNGA NA YOD PA LA MA LTOS PAR SKYE BA MI 'GRUB PA'I PHYIR KHYED KYI DPE ZLA BA GNYIS SU MTHONG BA'I PHYI ROL GYI DMIGS PA LA LTOS TE, SKYES PA DE LA BSGRUB PAR BYA BA CHOS GZUGS KYI RNAM PAR SHES PA PHYI ROL GYI DMIGS PA LA MA LTOS PAR SKYE BA ZHES BYA BA, GZUGS KYI RNAM PAR SHES PA GZUGS ZHES BYA BA'I DON GYIS STON PAR STON PA DE MA TSANG BA NYID KYI SKYON YOD PAS MI RUNG NGO, ,GZHAN YANG SMRA BAR 'DOD PA'I RNAM PAR SHES PA NI DMIGS PA'I RKYEN GZUGS KYI RNAM PAR SHES PA'I GZUGS SU SNANG BA NYID GANG YIN PA DE DANG LDAN PA MA YIN TE, MIG GI RGYU DANG LDAN PA'I PHYIR DPER NA DE NYID KYI RANG GI BDAG NYID DU SNANG BA BZHIN @296B PAS; THA SNYAD DU DMIGS PA'I RKYEN LA SKUR BA 'DEBS PA'I PHYIR MDZAD PA'I MTHA' DANG 'GAL LO ZHES BYA BAS NI 'DI SKAD STON TE, RNAM PAR SHES PA TZAM DU SMRAS PA DAG GI GRUB PA'I MTHA' LAS PHYI ROL GYI DON NI MED KYI, NANG GI SEMS NI YOD PAS RNAM PAR SHES PA RNAMS SKYE BA NI GZUNG BA'I RNAM PAR SNANG BA DANG, 'DZIN PA'I RNAM PAR SNANG BA'I CHA GNYIS SU SKYE STE, DE LA GZUNG BA'I RNAM PAR SNANG BA NI RNAM PAR SHES PA NYID YUL GYI RNAM PA LTA BUR PHYI ROL NA DMIGS PA'I RKYEN DU SNANG BA YIN LA, 'DZIN PA'I RNAM PAR SNANG BA NI RNAM PAR SHES PA DE NYID GZUNG BA'I RNAM PAR SNANG BA DE LA BRTEN NAS 'DZIN PA'I NGO BO NYID DU SKYE BA YIN PAS RNAM PAR SHES PA NYID LAS CHA GCIG NI GZUNG BA'I RNAM PAR SNANG, CHA GCIG NI 'DZIN PA'I RNAM PAR SNANG STE, DE GNYIS NGO BO NYID GCIG PA'I PHYIR GZUNG BA DANG 'DZIN PA'I BDAG NYID GNYIS SU DBYER MED PAS, GZUNG BA'I RNAM PAR SNANG BA'I CHA DE NYID 'DZIN PA'I RNAM PAR SNANG BA'I CHA DE'I DMIGS PA'I RKYEN YIN PA'I PHYIR SEMS NYID LA SEMS NYID DMIGS TE, SKYE BAS PHYI ROL GYI YUL NI MED KYI, NANG GI SEMS 'BA' ZHIG YOD DO ZHES ZER RO, ,DA 'DIR DE DAG GI GZHUNG DGAG CING RNAM PAR SHES PA LAS GZHAN PA DMIGS PA'I RKYEN PHYI ROL GYI YUL NYID YOD PAR STON TE, RNAM PAR SHES PA TZAM DU SMRA BA DAG GIS BRTAGS PA'I RNAM PAR SHES PA 'DZIN PA'I RNAM PAR SNANG BA'I CHA DE NI DMIGS PA'I RKYEN GZUNG BA'I RNAM PAR SNANG BA'I CHA DE DANG LDAN PA MA YIN TE, MIG GI RGYU DANG LDAN PA'I PHYIR DPER NA 'DZIN PA'I RNAM PAR SNANG BA'I CHA DE NYID KYI RANG GI BDAG NYID GANG YIN PA DE DMIGS PA'I RKYEN RANG GI BDAG NYID DE NYID DANG LDAN PA MA YIN PA BZHIN PAS, PHYI ROL GYI YUL MED PAR SMRA NA THA SNYAD DU YANG DMIGS PA'I RKYEN LA SKUR BA 'DEBS PA'I PHYIR MDZAD PA'I MTHA' LAS MIG DANG GZUGS RNAMS LA BRTEN NAS MIG GI RNAM PAR SHES PA SKYE'O ZHES 'BYUNG BA DANG 'GAL BAS, RNAM PAR SHES PA TZAM DU SMRA BA KUN RDZOB TU YANG PHYI ROL GYI YUL MED PAR 'DOD PA'I GZHUNG DE RIGS PA DANG LUNG DANG TSAD MA THAMS CAD DANG 'GAL BA'I PHYIR MI RUNG 'O @297A *, ,ZHES STON TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE DANG, MJUG BSDU BA YIN PAR GO RIMS BZHIN DU SBYAR TE, DPER NA MIG GI RNAM PAR SHES PA 'DZIN PA'I RNAM PAR SNANG BA'I CHA DE NYID KYI RANG GI BDAG NYID NI MIG GI RGYU DANG LDAN PA'I PHYIR DMIGS PA'I RKYEN MIG GI RNAM PAR SHES PA 'DZIN PA'I RNAM PAR SNANG BA'I CHA DE NYID KYI RANG GI BDAG NYID GANG YIN PA DE DANG LDAN PA MA YIN PA BZHIN DU PHA ROL PO DAG SMRA BAR 'DOD PA'I MIG GI RNAM PAR SHES PA 'DZIN PA'I RNAM PAR SNANG BA'I CHA DE YANG MIG GI RGYU DANG LDAN PA'I PHYIR DMIGS PA'I RKYEN MIG GI RNAM PAR SHES PA 'DZIN PA'I RNAM PAR SNANG BA'I CHA DE NYID KYI GZUNG BA'I CHA GANG YIN PA DE NYID DANG LDAN PA MA YIN NO, ,DE LTAR GANG GI PHYIR RNAM PAR SHES PA TZAM DU SMRA BA DAG 'DOD PA LTAR PHYI ROL GYI YUL MED PAR GYUR NA THA SNYAD DU YANG DMIGS PA'I RKYEN LA SKUR PA 'DEBS PA DE'I PHYIR RANG GI MDZAD PA'I MTHA' LAS MIG DANG, GZUGS RNAMS LA BRTEN NAS MIG GI RNAM PAR SHES PA SKYE'O ZHES GSUNGS PA DANG 'GAL BAS DE NI MI RUNG NGO, ,DE'I PHYIR DBU MA PA SMRA BA'I TSUL KUN RDZOB TU DMIGS PA'I RKYEN PHYI ROL GYI YUL RNAMS LA BRTEN NAS NANG GI RNAM PAR SHES PA SKYE BAR 'GYUR BA LUNG DANG RIGS PAS GRUB PA DE NYID NGES PAR KHAS BLANG BAR BYA'O, ,GAL TE 'DIR RNAL 'BYOR SPYOD PA BDAG 'DI SKAD CES PHYI ROL GYI DMIGS PA'I RKYEN MED KYANG KUN GZHI RNAM PAR SHES PA NYID YUL GYI NGO BO NYID DU SNANG BA DMIGS PA'I RKYEN YIN PAS MDZAD PA'I MTHA' DANG MI 'GAL LO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, RNAM PAR SHES PA NI RANG GI BDAG NYID KYIS NGES PAR GNAS PA'I PHYIR RGYU YOD NA LTA BA MED PAR MI 'THAD PAS DMIGS PA MED PAR MI 'GRUB PO ZHES BYA BA SMRAS TE, KUN GZHI RNAM PAR SHES PA DMIGS PA'I RKYEN YIN NA DE NI GNAS MA GYUR GYI BAR DU RANG GI BDAG NYID KYIS NGES PAR GNAS PA'I PHYIR RGYU YOD NA GZUGS LA LTA BA'I RNAM PAR SHES PA YANG MED PAR MI 'THAD PAS RGYU KUN GZHI RNAM PAR SHES PA RTAG TU YOD PA BZHIN DU DE LA DMIGS PA MIG GI RNAM PAR SHES PA YANG RTAG TU SKYE BA'I RIGS DANG, DE LTA NI MA YIN TE, GANG @297B GI TSE DMIGS PA'I RKYEN PHYI ROL GYI YUL NYE BAR GNAS NA NYE BAR GNAS PA LAS BYUNG BA'I MIG GI RNAM PAR SHES PA SKYE'I, DE MED NA MI SKYE BAS DMIGS PA'I RKYEN PHYI ROL GYI YUL MED PAR MI 'GRUB BO, ,JI STE 'DI SNYAM DU, DMIGS PA LA NI BRTEN BYAS NAS, ,MI DMIGS PA NI RAB TU SKYE, ,MI DMIGS PA LA BRTEN BYAS NAS, ,MI DMIGS PA NI RAB TU SKYE, ,ZHES 'BYUNG BAS SKYON MED DO SNYAM NA ZHES BYA BAS NI RNAL 'BYOR SPYOD PA BDAG 'DI SNYAM DU RNAM PAR SHES PA TZAM DU SMRA BA'I GRUB PA'I MTHA' LAS DMIGS PA ZHES BYA BA SEMS TZAM DU SHES PA LA BRTEN NAS MI DMIGS PA ZHES BYA BA YUL MED PAR SHES PA SKYE LA, YUL MED PAR SHES PAR BRTEN NAS GZUNG BA MED PAR 'GYUR TE, DE MED PAS NA DE YANG MED CING 'BYUNG BA'I TSUL GYIS DMIGS PA'I RKYEN PHYI ROL GYI YUL MED PAR 'GRUB PAS SKYON MED DO SNYAM DU SEMS PA YIN NO, ,DE'I LAN DU 'GREL PA BYED PA NYID KYIS, PHYOGS DE'I LAN NI BTAB ZIN TE, RNAM PAR RIG PA TZAM NYID KYI SKYE BA RAB TU GRUB PAR GYUR NA NI, DE YANG 'GRUB PAR 'GYUR BA ZHIG NA DE NI RAB TU MA GRUB PA'I PHYIR RO ZHES BYA BA SMRAS TE, DMIGS PA LA BRTEN NAS MI DMIGS PA SKYE BA DANG, MI DMIGS PA LA BRTEN NAS MI DMIGS PA SKYE BA RAB TU GRUB PAR GYUR NA NI KHYED KYI PHYOGS DE YANG 'GRUB PAR 'GYUR BA ZHIG NA, KHO BO CAG GIS DON DAM PAR SKYE BA BKAG PA'I PHYIR KHYED KYI PHYOGS DE MI 'GRUB BO, ,DE YOD PAR GYUR NA YANG JI LTAR RNAM PAR SHES PA MED PAR 'GYUR ZHES BYA BA DE NYID DE BZHIN DU NYE BAR GNAS SO ZHES BYA BAS NI RNAM PAR RIG PA TZAM DE YOD PAR GYUR NA YANG SNGAR KHO BOS RNAM PAR SHES PA NI RANG GI BDAG NYID KYIS NGES PAR GNAS PA'I PHYIR RGYU YOD NA LTA BA MED PAR MI 'THAD PAS DMIGS PA MED PAR MI 'GRUB BO ZHES BSHAD PA DE NYID DE BZHIN DU NYE BAR GNAS PAS DMIGS PA'I RKYEN PHYI ROL GYI YUL MED PAR MI 'GRUB CES BSTAN TO, ,GAL TE SKYE BA MED PAS DON MED PA'I PHYIR RO ZHE NA NI DE NYID DBU MA PA'I SMRA BA'I RJES SU SMRA BA YIN NO ZHES BYA BA NI GAL TE PHA ROL PO DAG SNGAR DBU MA PAS RGYU YOD NA LTA BA MED PAR MI 'THAD PAS DMIGS PA MED PAR MI 'GRUB PO ZHES BSHAD PA DE'I LAN DU 'DIR DON DAM PAR SKYE BA MED PAS PHYI ROL GYI DON MED PA'I PHYIR RNAM PAR SHES PA @298A *, ,MI SKYE'O ZHES ZER NA NI DE NYID DBU MA PA SMRA BA'I RJES SU SMRA BA YIN PAS RNAM PAR SHES PA TZAM DU SMRA BA'I GZHUNG NYAMS SO, ,GZHAN YANG RNAM PAR RIG PA NYE BAR BLANG BA YANG BYAS NAS GAL TE DE YONGS SU GTONG BAR YANG 'DOD NA NI 'DI LTAR 'DAM RDZA BA 'KHRU BA BAS MI REG PAR THAG BSRING PA BZANG NGO ZHES BYA BAS NI RNAL 'BYOR SPYOD PA PA KHA CIG 'DI SKAD CES DANG PO KUN RDZOB KYI BDEN PA LA 'JUG PA'I GNAS SKABS SU NI PHYI ROL GYI YUL DGAG CING RNAM PAR SHES PA TZAM DU KHAS BLANG BAR BYA LA, PHYIS DON DAM PA'I BDEN PA MNGON BAR RTOGS PAR BYA BA'I DUS SU NI RNAM PAR SHES PA TZAM NYID KYANG SPANG BAR BYA'O ZHES ZER BA DE DAG GI GZHUNG DGAG PA'I LAN YIN TE, DANG PO KUN RDZOB KYI BDEN PA LA 'JUG PA'I GNAS SKABS SU RNAM PAR RIG PA NYE BAR BLANG BA YANG BYAS NAS PHYIS DON DAM PA'I BDEN PA MNGON BAR RTOGS PAR BYA BA'I DUS SU GAL TE RNAM PAR RIG PA DE YONGS SU GTONG BAR 'DOD PA NI DE THEG PA CHEN PO DBU MA PA LA 'JUG CING BDEN PA GNYIS KYI DE KHO NA GSAL BAR BYED PA'I DRI MA YIN TE, 'DI LTAR DPER NA DANG PO 'DAM RDZAB KYI DRI MAS SPAGS NAS, PHYIS DE 'KHRU BAR BYED PA BAS DANG PO NAS 'DAM RDZAB LA MI REG PAR THAG BSRING BA BZANG BA DE BZHIN DU DANG PO YUL 'GOG CING RNAM PAR SHES PA TZAM NYID DU KHAS LEN LA PHYIS RNAM PAR SHES PA TZAM DE NYID KYANG SPONG BAR BYED PA NI SKYED PA DANG 'GOG PA'I TSUL GYIS BLANG BA DANG, DOR BA'I MTHA' LA CHAGS PA'I DRI MAS SPAGS PA YIN PAS DE LTAR MTHA' GNYIS LA CHAGS PA'I DRI MAS SPAGS PA 'KHRU BAR BYED PA PAS DANG PO NYID NAS MTHA' GNYIS KYI SKYON GYIS MI REG PAR THAG BSRING BA BZANG BA'I PHYIR SLOB DPON KLU SGRUB KYI ZHAL SNGA NAS KYIS BDEN PA GNYIS RNAM PAR GZHAG PA'I DBU MA'I TSUL BSTAN PA 'DI NYID BZANG GI RNAL 'BYOR SPYOD PA PA KHA CIG GIS BLANG DOR DU BRTAG PA'I TSUL DA NI MI RUNG STE; LUNG LAS KYANG BCOM LDAN 'DAS GANG DAG CHOS 'GA' ZHIG SKYE BA'AM 'GAG PA 'TSAL BA DE DAG LA SANGS RGYAS 'BYUNG BA MA MCHIS SO, ,BCOM LDAN 'DAS GANG DAG MYA NGAN LAS 'DAS PA DNGOS PO LAS YONGS SU TSOL BAR BGYID PA DE DAG LA 'KHOR BA LAS YANG DAG PAR 'DA' ZAD ? @298B MCHIS SO, ,DE CI'I SLAD DU ZHE NA, BCOM LDAN 'DAS MTSAN MA THAMS CAD RAB TU ZHI BA DANG, G-YO BA THAMS CAD NYE BAR ZHI BA GANG LAGS PA DE MYA NGAN LAS 'DAS PA LAGS PA'I SLAD DU'O ZHES GSUNGS LA, RIGS KYANG, 'DI LA BSAL BYA CHUD ZAD MED, ,BSNAN PAR BYA BA CI YANG MED, ,YANG DAG NYID DU YANG DAG LTA, ,YANG DAG MTHONG NA RNAM PAR 'GROL, ,ZHES BSHAD PA LTA BU'O, ,DE NYID BSTAN PA'I PHYIR, DON NGO BO NYID MED PA NYID DU RTOGS PA BZHIN DU RNAM PAR SHES PA YANG BDAG MED PA NYID DANG, SKYE BA MED PA NYID DU RTOGS PAR BYAR RUNG NGO ZHES BYA BA SMRAS TE, THA SNYAD DU YANG YUL DANG RNAM PAR SHES PA GNYI GA SGYU MA LA SOGS PA BZHIN DU YOD PAR SHES PAR BYAR RUNG LA, DON DAM PAR YANG DE GNYI GA NGO BO NYID DU MED PA NYID DU SHES PAR BYAR RUNG BAS THA SNYAD DU YUL NI MED LA RNAM PAR SHES PA TZAM NI YOD DO ZHES BYA BA DANG, THA SNYAD DU RNAM PAR SHES PA TZAM NYE BAR BLANG BA BYAS NAS DON DAM PAR DE YONGS SU GTONG BAR 'DOD PA DE DAG GI LUGS NI BZANG PO MA YIN NO, ,'DIR GAL TE RNAL 'BYOR SPYOD PA PA DAG 'DI SKAD CES DANG POR PHYI ROL GYI DON BDAG MED PAR BSGOMS LA, RIM GYIS RNAM PAR SHES PA BDAG MED PAR BSGOMS NA YANG MJUG TU DON GCIG TU 'DU BAS SKYON MED DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DANG POR PHYI ROL GYI YUL GYI YUL SGOM PAR BYED CING RIM GYIS RNAM PAR SHES PA DANG, YE SHES KYI YUL SGOM PAR BYED NA NI RIM PA KHO NAS BDAG MED PA NYID RTOGS PAR 'GRUB PA'I PHYIR SNGA NAS CIG CAR DU BSGOM PA LA SER SNA BYA MI DGOS SO ZHES BYA BA SMRAS TE, DE LTA NA BLANG DOR GYI DRI MA DANG BRAL BA GNYIS LAS SU 'GYUR BA'I SKYON YOD PAS CIG CAR DBU MA'I TSUL KHAS BLANG BAR BYA BA'I RIGS SO ZHES BSTAN TO, ,DE'I PHYIR DE LTAR KUN BRTAGS PA DANG, GZHAN GYI DBANG MI MTHONG BAR MI 'THAD PA'I PHYIR DMIGS PA THAMS CAD NYE BAR ZHI BAR MI 'GRUB BO ZHES BYA BA NI BRTAG PA SNGA MA GNYIS KYI MJUG BSDU BA YIN TE, DE'I PHYIR DE LTAR DPYAD NA RNAL 'BYOR SPYOD PA PA DAG NA RE GANG GI TSE KUN BRTAGS PA'I NGO BO NYID MED PA'I PHYIR MI DMIGS SHING, GZHAN GYI DBANG GI NGO BO NYID KYANG RGYU MTSAN DU MI 'DZIN PAS YANG DAG PAR RJES SU MI MTHONG BA DE'I TSE NA DMIGS PA THAMS CAD NYE BAR ZHI @299A *, ,BA YIN NO ZHES ZER BA DE MI 'GRUB BO, ,DA NI RNAL 'BYOR SPYOD PA PA DAG NA RE YONGS SU GRUB PA'I NGO BO NYID CES BYA BA CHOS RNAMS KYI DE BZHIN NYID DON DAM PAR NGO BO NYID MED PA NYID KYIS NGO BO NYID MED PA NI DMIGS PA THAMS CAD NYE BAR ZHI BA YIN TE, DON DAM PAR YOD PA YIN NA NI ZHES ZER BA'I GZHUNG DGAG CING BRTAG PA GSUM PA BSTAN PA'I PHYIR, DE BZHIN DU YONGS SU GRUB PA'I NGO BO NYID CES BYA BA DE YANG GANG YIN ZHES BYA BA SMRAS TE, DES NI YONGS SU GRUB PA'I NGO BO NYID CES BYA BA NI GANG YIN, DE DON DAM PAR NGO BO NYID MED PA NYID KYIS NGO BO NYID MED PA NI JI LTA BU YIN ZHES BRTAG PA BSTAN TO, , CHOS RNAMS KYI DE BZHIN NYID GANG YIN PA'O ZHE NA ZHES BYA BA NI RNAL 'BYOR SPYOD PA PA DAG GIS YONGS SU GRUB PA'I NGO BO NYID NI GZHAN GYI DBANG GI NGO BO NYID LA KUN BRTAGS PA'I NGO BO NYID DU MNGON BAR MA ZHEN PA STE, GZHAN GYI DBANG GI CHOS RNAMS KYI DE BZHIN NYID LA DMIGS PA RNAM PAR DAG PA YANG DAG PA'I YE SHES YIN NO ZHES BSTAN PA YIN NO, ,DBU MA PAS DE MI 'THAD PAR BSTAN PA'I PHYIR, 'O NA DON DAM PAR CHOS DE RNAMS NYID MA GRUB PAS DE RNAMS KYI CHOS NYID KYANG MI 'THAD PA MA YIN NAM ZHES BYA BA SMRAS TE, DON DAM PAR GZHAN GYI DBANG GI CHOS RNAMS MA GRUB PAS DE RNAMS KYI DE BZHIN NYID KYANG MI 'THAD PA'I PHYIR YONGS SU GRUB PA'I NGO BO NYID KYANG YOD PA MA YIN NO ZHES BYA BA'I THA TSIG GO, ,JI STE THA SNYAD DU RMI LAM LTA BU'I BDAG NYID DU SKYES PA YOD PA RNAMS DON DAM PAR DE LTAR YOD PA MA YIN PA NYID NI CHOS RNAMS KYI DE BZHIN NYID YIN NO ZHE NA NI DE NGO BO NYID KYIS SKYE BA MED PA KHO NA GRUB PA'I PHYIR DBU MA PA'I SMRA BA'I RJES SU SMRA BA NYID YIN NO ZHES BYA BAS NI DE LTA NA DON DAM PAR YONGS SU GRUB PA'I NGO BO NYID YOD PAR SMRA BA GTANG DGOS TE, 'DI LTAR YOD PA MA YIN PA NYID NI DNGOS POR GYUR PA NYID MA YIN PA'I PHYIR RO ZHES BSTAN TO, ,JI STE 'DI SNYAM DU YONGS SU GRUB PA'I NGO BO NYID NI MED PA MA YIN TE, 'DI LTAR DE NI GNYIS SU MED PA'I DNGOS PO'I MTSAN NYID DO, JI SKAD DU, GNYIS DNGOS DNGOS PO MED PA YIN, ,DNGOS PO STONG PA'I MTSAN NYID DO, ,ZHES BSHAD PA LTA BU'O ZHE NA ZHES BYA BA NI RNAL 'BYOR SPYOD PA PA DAG NA RE YONGS SU GRUB PA'I NGO BO NYID NI DON DAM PAR MED PA MA YIN TE, GZUNG BA DANG 'DZIN PA GNYIS SU MED @299B PA'I MTSAN NYID DU YOD PA MA YIN TE, JI SKAD DU DBUS MTHA' RNAM PAR 'BYED PA LAS DE SKAD BSHAD PA LTA BU'O ZHES ZER BA'I TSIG YIN NO, ,DE'I LAN DU, DE LA 'DIR YANG 'THAD PA GANG GIS GNYIS MED PA YIN ZHES BRTAG PA SMRAS SO, ,GAL TE, DMIGS PA LA NI BRTEN BYAS NAS, , MI DMIGS PA NI RAB TU SKYE, ,MI DMIGS PA LA BRTEN BYAS NAS, ,MI DMIGS PA NI RAB TU SKYE, ,ZHES BYA BAS SO ZHE NA ZHES BYA BA NI PHA ROL PO DAG NA RE SEMS TZAM DU SHES PA LA BRTEN NAS YUL MED PAR SHES PA SKYE LA YUL MED PAR SHES PA LA BRTEN NAS GZUNG BA MED PAR 'GYUR TE, DE MED PAS NA DE YANG MED, ,CES BYA BA'I 'THAD PAS GNYIS MED PA YIN NO ZHES ZER BA'I TSIG YIN NO, ,DE'I LAN DU, PHYOGS DE'I LAN NI BTAB ZIN TO ZHES BYA BA SMRAS TE, DON DAM PAR SKYE BA BKAG PA NYID KYIS SO, ,GNYIS MED PA ZHES BYA BA'I DGAG PA 'DI YANG ZHES BYA BA LA SOGS PAS NI MTSAN NYID LAS DGAG PA NI RNAM PA GNYIS TE, MED PA DGAG PA DANG, MA YIN PAR DGAG PA'O, ,DE LA MED PAR DGAG PA NI DGAG PA GTZO CHE BA STE, DPER NA BRAM ZE MED DO ZHES DGAG PAS RGYAL RIGS YOD PA MI SGRUB PAR BRAM ZE MED PAR DGAG PA NYI TSE TZAM ZHIG STON PA LTA BU'O, ,MA YIN PAR DGAG PA NI SGRUB PA GTZO CHE BA STE, DPER NA BRAM ZE MA YIN NO ZHES DGAG PAS BRAM ZE MA YIN BAR DGAG PA NYI TSE TZAM MI STON PAR RGYAL RIGS YIN PAR SGRUB PA LTA BU'O, ,DE LA 'DIR YANG GNYIS MED PA ZHES BYA BA'I DGAG PA 'DI GAL TE MED PAR DGAG PA'I DON YIN NA NI GZUNG BA DANG, 'DZIN PA GNYIS MED DO ZHES DGAG PA NYI TSE TZAM ZHIG BSTAN PAR BYA'I, DE GNYIS MED PA'I DNGOS PO'I MTSAN NYID YOD PAR BSGRUB TU MI RUNG NGO, ,'ON TE MA YIN PAR DGAG PA'I DON YIN NA NI GZUNG BA DANG, 'DZIN PA GNYIS MED PA LAS GZHAN PA MED PA'I DNGOS PO YOD PAR SGRUB PAS MED PA YOD PAR SGRUB NA SKUR PA 'DEBS PA'I MTHAR 'GYUR BA'I PHYIR DE YANG GZUNG BAR MI RIGS PAS SMRA BAR 'DOD PA'I DON 'DI LA DGAG PA GNYI GA'I TSUL GYIS KYANG GNYIS MED PA'I DNGOS PO'I MTSAN NYID YOD DO ZHES BYAR MI RUNG BAR STON TO, ,DE NYID BSTAN PA'I PHYIR, GAL TE MED PAR DGAG PA'I DON YIN NA NI DE GNYIS MED PAR @300A *, ,DGAG PA KHO NAS MTHU ZAD PA YIN TE, MED PA'I SKYON DU MA GYUR PA NI DGAG PA GTZO CHE BA'I PHYIR DON DAM PAR MED PA MA YIN PAS 'DI LTAR GNYIS MED PA'I DNGOS PO YIN NO ZHES SKUR PA 'DEBS PA MI RIGS SO ZHES BYA BA SMRAS TE, DES NI MED PAR DGAG PA'I DON YIN NA GZUNG BA DANG 'DZIN PA GNYIS MED PAR DGAG PA KHO NAR ZAD KYI, DE GNYIS MED PA'I DNGOS PO'I MTSAN NYID GZHAN YOD PA MA YIN PAS, GNYIS MED PA LAS GZHAN PA MED PA'I DNGOS PO YIN PAR SGRUB CING, SKUR PA 'DEBS PA MI RIGS SO ZHES BSTAN TO, ,'ON TE MA YIN PAR DGAG PA'I DON YIN NA NI DE SGRUB PA GTZO CHE BA'I PHYIR DNGOS PO MED PA STON PAR BYED PAS DE NI MI 'DOD DE, SKUR PA 'DEBS PA'I MTHA' YIN PA'I PHYIR RO ZHES BYA BAS NI MA YIN PAR DGAG PA'I DON YIN NA GZUNG BA DANG 'DZIN PA GNYIS MED PA LAS GZHAN MED PA'I DNGOS PO YOD PAR STON PAS MED PA YOD PAR BSGRUBS NA, SKUR PA 'DEBS PA'I MTHA' YIN PA'I PHYIR DE NI MI 'DOD DO ZHES BSTAN TO, ,'DIR NI MED PAR DGAG PA 'DOD PAR BYA'O, ,MA YIN PAR DGAG PA NI 'DOD PAR MI BYA STE, DE'I NYES DMIGS BSTAN PA'I PHYIR, RI BONG GI RVA MED PA YANG DNGOS PO MED PA MA YIN TE, 'DI LTAR MED PA'I DNGOS PO DE DANG DON DAM PAR 'DRA BAR GYUR NA CHAD PAR LTA BA BSGRUBS PAR 'GYUR RO ZHES BYA BA SMRAS TE, RI BONG GI RVA MED PA LAS GZHAN PA'I DNGOS PO MED PA ZHIG BSGRUBS NA GTAN CHAD PAR LTA BAR 'GYUR BA DE BZHIN DU GZUNG BA DANG 'DZIN PA GNYIS MED PA LAS GZHAN PA'I DON DAM PA DNGOS PO MED PA ZHIG BSGRUBS NA GTAN CHAD PAR LTA BAR 'GYUR TE, YOD PA YOD PAR BSGRUBS NA NI RTAG PAR LTA BAR 'GYUR LA, MED PA MED PAR BSGRUBS NA NI CHAD PAR LTA BAR 'GYUR BA'I PHYIR RO, ,DE MI DMIGS PA RNAM PAR DAG PA NYID KYANG JI LTA BU YIN ZHES BYA BAS NI YANG GZHAN YANG KHYOD KYIS DE KHO NA LA LTA BA RNAMS NI YONGS SU GRUB PA'I NGO BO NYID RNAM PAR DAG PA LA RTOG PAR BYED DO ZHES BYA BA SMRAS PAS DE'I PHYIR YONGS SU GRUB PA DE'I DMIGS PA RNAM PAR DAG PA NYID KYANG JI LTA BU YIN ZHES DBU MA PAS RNAL 'BYOR SPYOD PA PA DAG LA DRI BA STON TO, ,GAL TE RNAM PAR MI RTOG PA'I NGO BO NYID KYIS SO ZHE NA ZHES BYA BA NI DE SKAD CES DRIS PA NA RNAL 'BYOR @300B SPYOD PA PA DAG NA RE RNAM PAR MI RTOG PA'I NGO BO NYID KYIS YONGS SU GRUB PA DE'I DMIGS PA'I RNAM PAR DAG PA NYID YIN TE ZHES ZER BA'I TSIG YIN TE, GANG GI PHYIR DON DAM PA'I GNAS SKABS NA YANG DAG PA'I YE SHES KYIS DE BZHIN NYID LA DMIGS PA'I DUS NA CHOS RNAMS KYI NGO BO NYID DANG, KHYAD PAR LA SOGS PAR THA SNYAD PA'I RNAM PAR RTOG PA MED PA'I NGO BO NYID KYIS DE'I DMIGS PA RNAM PAR DAG PA YIN NO ZHES ZER RO, ,DE MI 'THAD PAR BSTAN PA'I PHYIR DMIGS PA CAN GYI YE SHES DE NI RNAM PAR MI RTOG PA ZHES BYA BA MA YIN TE, 'DI NI 'DI'O ZHES RNAM PAR MI RTOG KYANG YUL SNANG BA'I PHYIR DPER NA MIG GI RNAM PAR SHES PA BZHIN BAS ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MIG GI RNAM PAR SHES PA NI RTOG PA'I RNAM PAR RTOG PA DANG, RJES SU DRAN PA'I RNAM PAR RTOG PA MED PAS 'DI NI 'DI'O ZHES CHOS RNAMS KYI NGO BO NYID DANG KHYAD PAR LA SOGS PAR THA SNYAD PA'I RNAM PAR RTOG PA MED KYANG, NGO BO NYID KYI RNAM PAR RTOG PA YOD PAS YUL SNANG BA'I PHYIR RNAM PAR MI RTOG PA ZHES BYA BA MA YIN PA DE BZHIN DU KHYED KYI YANG DAG PA'I YE SHES DE BZHIN NYID KYI DMIGS PA CAN DE YANG KUN BRTAGS PA'I NGO BO NYID DU MNGON PAR ZHEN PA MED PAS 'DI NI 'DI'O ZHES CHOS RNAMS KYI NGO BO NYID DANG KHYAD PAR LA SOGS PAR THA SNYAD PA'I RNAM PAR RTOG PA MED KYANG DMIGS PA CAN YIN PAS YUL SNANG BA'I PHYIR RNAM PAR MI RTOG PA ZHES BYA BA MA YIN PA'I SKYON DU 'GYUR BAS RNAM PAR MI RTOG PA'I NGO BO NYID KYIS DE'I DMIGS PA RNAM PAR DAG PA NYID YIN NO ZHES BYA BAR MI RUNG STE, DMIGS PA YOD NA RNAM PAR MI RTOG PA ZHES BYA BA MA YIN PA'I PHYIR, RE ZHIG DE DAG GIS NI RNAL 'BYOR SPYOD PA PA DAG GIS DON DAM PAR YANG DAG PA'I YE SHES DE BZHIN NYID LA DMIGS PA RNAM PAR DAG PA NYID YOD PAR BRTAGS PA DE RIGS PA DANG 'GAL BAS MI RUNG BAR BSTAN TO, ,DA NI LUNG DANG 'GAL BAS MI RUNG BAR BSTAN PA'I PHYIR, MDO SDE LAS DON DAM PA'I BDEN PA GANG ZHE NA, GANG LA NYE SHES KYANG MI 'JUG NA YI GE RNAMS LTA SMOS KYANG CI DGOS ZHES BYA BA DANG, MTHONG BA @301A *, ,MED PA NI DE KHO NA MTHONG BA'O ZHES BYA BA DANG, TSANGS PA DE BZHIN GSHEGS PA RNAMS KYI BYANG CHUB NI DMIGS SU MED PA'O ZHES BYA BA LA SOGS PA GSUNGS PA DANG YANG 'GAL LO ZHES BYA BA SMRAS SO, ,STZOGS PA'I SGRAS NI 'PHAGS PA DRI MA MED PAR GRAGS PAS BSTAN PA'I MDO LAS GNAS BRTAN SH'A RI'I BUS 'PHAGS PA DRI MA MED PAR GRAGS PA'I KHYIM NA GNAS PA'I LHA MO LA DRIS PA, LHA MO KHYOD YUN JI SRID KYIS BYANG CHUB MNGON PAR RDZOGS PAR 'TSANG RGYA BAR 'GYUR, LHA MOS SMRAS PA, GANG GI TSE GNAS BRTAN SO SO'I SKYE BO'I CHOS DANG LDAN PAR 'GYUR BA DE'I TSE NA BDAG BYANG CHUB MNGON PAR RDZOGS PAR 'TSANG RGYA BAR 'GYUR RO, ,GNAS BRTAN GYIS SMRAS PA, LHA MO KHO BO SO SO'I SKYE BO'I CHOS DANG LDAN PAR 'GYUR BA GANG YIN PA DE NI GNAS MED DO, ,LHA MOS SMRAS PA, BTZUN PA SH'A RI'I BU DE BZHIN DU BDAG KYANG BYANG CHUB MNGON PAR RDZOGS PAR 'TSANG RGYA BAR 'GYUR BA GANG YIN PA DE YANG GNAS MED DO, ,DE CI'I PHYIR ZHE NA, GANG GI PHYIR BYANG CHUB NI MI GNAS PA DE'I PHYIR 'GA' ZHIG MNGON PAR RDZOGS PAR 'TSANG RGYA BAR 'GYUR BA DE GNAS MED PA'I PHYIR RO, ,GNAS BRTAN GYIS SMRAS PA, LHA MO 'O NA SANGS RGYAS BCOM LDAN 'DAS GANG G'A'I KLUNG GI BYE MA SNYED DAG MNGON PAR RDZOGS PAR SANGS RGYAS SHING, MNGON PAR RDZOGS PAR 'TSANG RGYA BA DANG, MNGON PAR RDZOGS PAR 'TSANG RGYA BAR 'GYUR BA MA YIN NAM, LHA MOS SMRAS PA, 'DAS PA DANG, MA 'ONGS PA DANG, DA LTAR BYUNG BA'I SANGS RGYAS ZHES BYA BA DE DAG NI YI GE DANG, BGRANG BA DANG, BRDA'I TSIG BLA DAGS YIN GYI, DON DAM PAR NI 'GA' YANG MNGON PAR RDZOGS PAR 'TSANG RGYA BA MED DO ZHES BYA BA LA SOGS GSUNGS PA DANG, 'PHAGS PA BDEN PA POS BSTAN PA'I LE'U LAS, TSE DANG LDAN PA 'OD SRUNGS CHEN POS BDEN PA PO LA SMRAS PA, RIGS KYI BU KHYOD KYIS DE BZHIN GSHEGS PA MANG PO MA NYES PAR BYAS NA CI'I PHYIR KHYOD NYID TSOGS YONGS SU BSKANG ZHING MNGON PAR RDZOGS PAR 'TSANG MI RGYA, BDEN PA POS SMRAS PA, BTZUN PA 'OD SRUNGS CHEN PO GAL TE BDAG GIS BYANG CHUB BAM, MNGON PAR RDZOGS PAR 'TSANG RGYA BA ZHIG DMIGS NA NI BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS @301B PAR 'TSANG RGYA 'O, ,GNAS BRTAN 'OD SRUNGS CHEN POS SMRAS PA, BDEN PA PO BYANG CHUB SEMS DPA' GANG G'A'I KLUNG GI BYE MA SNYED DAG GIS SMON LAM BTAB NAS MNGON PAR RDZOGS PAR SANGS RGYAS PAR YANG MA GYUR TAM, BDEN PA POS SMRAS PA, BTZUN PA 'OD SRUNGS CHEN PO SEMS CAN MNGON PA'I NGA RGYAL CAN RNAMS KYIS DE LTAR BGRANG BAR BYAS KYI, DON DAM PAR NI BYANG CHUB KYANG DMIGS SU MED LA, BYANG CHUB SEMS DPA' YANG DMIGS SU MED DO ZHES BYA BA LA SOGS PA GSUNGS PA DAG BSDUS TE, LUNG DE DAG DANG YANG 'GAL LO, ,RTOGS PAR BYA BA SKYE BA MED PA BZHIN DU SHES PA YANG SKYE BA MED PA'I PHYIR DE 'JUG PA MED PAR GRUB STE ZHES BYA BAS NI DON DAM PAR SHES BYA DANG, SHES PA GNYI GA SKYE BA MED PA'I PHYIR RNAL 'BYOR SPYOD PA PA DAG GIS BRTAGS PA'I YANG DAG PA'I YE SHES DE BZHIN NYID LA 'JUG PA MED PAR 'GRUB BO ZHES BSTAN TO, ,BCOM LDAN 'DAS KYIS SHES BYA DANG THA MI DAD PA'I YE SHES KYIS THAMS CAD THUGS SU CHUD DO ZHES GSUNGS PA DE YANG GRUB PA YIN PAS, DE'I PHYIR DBU MA PA'I SMRA BA'I TSUL LA YANG DAG PAR BRTEN PA NYID LEGS SO ZHES BYA BA NI 'JUG PA MED PAR GRUB PA'I YON TAN DANG, KHUNGS DANG, MJUG BSDU BA YIN NO, ,JI STE 'DI SNYAM DU DPER NA THAG PA BSDOGS PA LA SPRUL DU 'DU SHES PAS THAG PA'I NGO BO NYID RTOGS NA SPRUL GYI 'JIGS PA NYE BAR ZHI BA BZHIN DU DE BZHIN NYID MTHONG BAS NYON MONGS PA ZHI BAR 'GYUR BA'I PHYIR CHOS KYI DBYINGS LA DMIGS PAR BYA BA KHO NA YIN NO SNYAM NA ZHES BYA BA NI PHA ROL PO DAG YANG DAG PA'I YE SHES KYIS DE BZHIN NYID LA DMIGS PAR BYA BA RIGS PAS SGRUB PA'I TSIG YIN NO, ,DE MI RIGS PAR BSTAN PA'I PHYIR, JI LTAR THAG PA BSDOGS PA LA SPRUL GYI BLO SKYES NA LOG PAR SHES PA'I PHYIR 'JIGS PA SKYE'I, DE'I BLO MA SKYES NA YANG DAG PAR SHES PA'I PHYIR 'JIGS PA MED PA DANG, SKYON CHA MI MNYAM PA SKYES NA NANG DU 'GYUR GYI, DE MA SKYES NA SDUG BSNGAL MED PAR 'GYUR BA BZHIN PAS DE BZHIN NYID LA DMIGS PA'I YE SHES SKYE BAR 'DOD PAR MI BYA'O ZHES BYA BA SMRAS TE, DES NI DMIGS PA MED PA'I TSUL GYIS MI GNAS PA'I LAM BSGOM PA'I TSUL BSTAN TO, ,DE NYID KYI 'THAD PA BSTAN PA'I PHYIR, DNGOS PO RNAMS RNAM PA THAMS @302A *, ,CAD DU YONGS SU MA GRUB PA NI DNGOS PO'I DE KHO NA NYID YIN LA, DE NI RNAM PA THAMS CAD DU YANG YUL GYI DNGOS POR NYE BAR MI 'GYUR BA'I PHYIR DMIGS PA NYID DU MI RIGS SO ZHES BYA BA SMRAS TE, PHYI DANG NANG GI DNGOS PO RNAMS DON DAM PAR SKYE BA DANG, 'GAG PA DANG, RTAG PA DANG; CHAD PA DANG, 'GRO BA DANG, 'ONG BA DANG, DON GCIG PA DANG, THA DAD PA LA SOGS PA RNAM PA THAMS CAD YONGS SU MA GRUB PA DE NI DE KHO NA YIN LA DE NI YANG DAG PA'I YE SHES DANG, DE DE BZHIN NYID KYI 'JUG PA'I TSUL DU BRTAGS PA LA SOGS PA RNAM PA THAMS CAD DU YANG YUL GYI DNGOS POR NYE BAR MI 'GYUR BA'I PHYIR DMIGS PA NYID DU MI RIGS TE, DE LTAR YANG 'PHAGS PA BLO GROS RGYA MTSOS ZHUS PA'I MDO LAS, BCOM LDAN 'DAS KYIS BYANG CHUB SEMS DPA' THAMS CAD LA DAM PA'I CHOS YONGS SU GZUNG BAR BKA' STZAL PA DANG, BYANG CHUB SEMS DPA' GZHAN THAMS CAD KYIS BDAG CAG GIS DAM PA'I CHOS YONGS SU GZUNG NGO ZHES GSOL BA'I TSE, 'JAM DPAL GZHON NUR GYUR PAS GSOL PA, BCOM LDAN 'DAS 'DI LTA STE BYANG CHUB SEMS DPA' 'DI DAG BDAG CAG GIS DAM PA'I CHOS YONGS SU GZUNG NGO ZHES MCHI BA 'DI NI LOG PAR SMRA BA LAGS TE, DE CI'I SLAD DU ZHE NA, BCOM LDAN 'DAS MNGON PAR RDZOGS PAR SANGS RGYAS PAS GANG YONGS SU GZUNG BAR BGYI BA'I CHOS BKA' STZAL PA DE LTA BU 'GA' YANG MA MCHIS PA'I SLAD DU STE, BCOM LDAN 'DAS DE'I SLAD DU BDAG NI DAM PA'I CHOS YONGS SU GZUNG BAS YONGS SU 'DZIN PAR MI BGYID DO, ,BCOM LDAN 'DAS KYIS BKA' STZAL PA, 'JAM DPAL LEGS SO LEGS SO, ,BYANG CHUB KYI SNYING PO LA 'DUG NAS JI YANG MA THOB PA KHO NAR LANGS SO ZHES GSUNGS PA YIN NO, ,DMIGS PA MED PA BSTAN PA DE NYID KYI KHUNGS BSTAN PA'I PHYIR BCOM LDAN 'DAS LA 'JAM DPAL GZHON NUR GYUR PAS; ,SANGS RGYAS NAM MKHA'I MTSAN NYID DE, ,NAM MKHA' LA YANG MTSAN NYID MED, ,MTSAN GZHI MTSAN NYID NGES GROL BA, ,DMIGS MED KHYOD LA PHYAG 'TSAL LO, ,ZHES BYA BA LA SOGS PAS BSTOD PA MDZAD DO ZHES BYA BA SMRAS TE, 'PHAGS PA SANGS RGYAS THAMS CAD KYI YUL LA @302B 'JUG PA YE SHES SNANG BA'I RGYAN CES BYA BA'I MDO LAS DE SKAD GSUNGS SO, ,DA 'DI MAN CHAD NI DE LTAR DMIGS PA MED PA'I TSUL GYIS MI GNAS PA'I LAM BSGOM PA, BSTAN PA 'DI LA GZHAN DAG LOG PAR SGRUB PA'I DOGS PA BSAL BA, RIGS PA DANG, LUNG GZHAN GYIS SGRUB PA BSTAN PAR BYA STE, DE LA JI STE 'DI SNYAM DU GAL TE DE BZHIN GSHEGS PAS CHOS KYI DBYINGS MA DMIGS NA, JI LTAR DE THUGS SU CHUD PAS SANGS RGYAS PAR GYUR SNYAM NA ZHES BYA BAS NI DMIGS PA LA MNGON PAR ZHEN PA'I RTOG GE PA DMIGS PA MED PA'I DE KHO NA GOMS PA'I NYAMS MED PA DAG 'DI SNYAM DU SEMS NA'O, ,DE LA RIG PA DANG LUNG GIS DMIGS PA MED PA'I DE KHO NA BSTAN PA'I PHYIR, CHOS THAMS CAD RNAM PA THAMS CAD DU YONGS SU MA GRUB PA'I PHYIR RNAM PA THAMS CAD MKHYEN PA'I SPYOD YUL NI DE KHO NA ZHES BYA BA STE, SHES BYA DANG DE KHO NA DANG SPYOD YUL DANG YE SHES SKYE BA MED PA NYID KYIS CHOS KYI DBYINGS THUGS SU CHUD PAS SANGS RGYAS PAR 'GYUR TE, JI SKAD DU DE BZHIN GSHEGS PA RNAMS KYIS BYANG CHUB NI MNGON PAR RTOGS PA MED PAS RAB TU PHYE BA'O ZHES GSUNGS PA LTA BU'O ZHES BYA BA SMRAS TE, DES NI RNAM PA THAMS CAD MKHYEN PA'I YE SHES KYANG DE KHO NA'I YUL CAN MA YIN LA, CHOS RNAMS KYI DE KHO NA YANG DMIGS PAR BYA BA'I YUL MA YIN PA MNYAM PA NYID THUGS SU CHUD PAS RAB TU PHYE BA NI SANGS RGYAS BCOM LDAN 'DAS YIN NO ZHES BSTAN TO, ,RNAL 'BYOR SPYOD PA PA DAG GIS BRTAGS PA'I YANG DAG PA'I YE SHES DANG, DE BZHIN NYID DGAG PA BSTAN PA'I PHYIR, DE BZHIN NYID LA DMIGS PA'I YE SHES NI DON DAM PA'I SPYOD YUL CAN YIN PAR MI RIGS TE, 'DUS BYAS YIN PA'I PHYIR, DPER NA MIG GI RNAM PAR SHES PA BZHIN NO ZHES BYA BA SMRAS TE, DES NI RNAL 'BYOR SPYOD PA PA DAG GIS BRTAGS PA'I YANG DAG PA'I YE SHES DMIGS PA CAN NI DON DAM PAR SHES PA MA YIN PAR BSGRUB PA'I RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MIG GI RNAM PAR SHES PA NI 'DUS BYAS YIN PA'I PHYIR DON DAM PA'I SPYOD YUL CAN YIN PAR MI RIGS PA DE BZHIN DU RNAL 'BYOR SPYOD PA PA DAG GIS @303A *, ,BRTAGS PA DE BZHIN NYID LA DMIGS PA'I YE SHES KYANG 'DUS BYAS YIN PA'I PHYIR DON DAM PA'I SPYOD YUL CAN YIN PAR MI RIGS SO, ,DE BZHIN DU DE'I DMIGS PAR BYA BA DE BZHIN NYID KYANG SLU BA'I CHOS CAN YIN ZHING DE KHO NA MA YIN TE, DMIGS PAR BYA BA YIN PA'I PHYIR, DPER NA GZUGS BZHIN NO ZHES BYA BAS NI RNAL 'BYOR SPYOD PA PA DAG GIS BRTAGS PA'I DE BZHIN NYID KYI DMIGS PAR BYA BA NI SLU BA'I CHOS CAN YIN ZHING DE KHO NA MA YIN PAR BSGRUB PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS NI DMIGS PAR BYA BA YIN PA'I PHYIR SLU BA'I CHOS CAN YIN ZHING DE KHO NA MA YIN PA DE BZHIN DU YANG DAG PA'I YE SHES DE'I DMIGS PAR BYA BA DE BZHIN NYID KYANG DMIGS PAR BYA BA YIN PA'I PHYIR SLU BA'I CHOS CAN YIN ZHING DE KHO NA MA YIN NO, ,JI STE MDO SDE LAS DON DAM PA NI BRTAG PAR MI NUS PA DANG, RTOG GE'I SPYOD PA MA YIN PAR BSTAN PA'I PHYIR RJES SU DPAG PAS BSTAN PAR BYA BA MA YIN NO ZHE NA ZHES BYA BA NI, PHA ROL PO DBU MA PA'I RJES SU DPAG PA SNGA MA GNYIS KYIS YANG DAG PA'I YE SHES DANG DE BZHIN NYID DGAG PA BSTAN PA DE LA PHYIR ZLOG PA'I TSIG YIN NO; ,DE'I LAN DU 'GREL PA BYED PA NYID KYIS, LUNG DANG MTHUN PA'I RJES SU DPAG PA'I STOBS NYID KYIS RNAM PAR RTOG PA THAMS CAD BKAG PAS RNAM PAR MI RTOG PA'I YE SHES 'GRUB PA'I PHYIR DON DAM PA NI RJES SU DPAG PA'I YUL MA YIN YANG DE GTZO BO MA YIN PA MA YIN TE, YANG DAG PA DANG YANG DAG PA MA YIN PA BRTAG PA'I SGRUB PA GZHAN MED PA'I PHYIR DE NI RIGS PA MA YIN NO ZHES BYA BA SMRAS TE, 'O BU CAG GNYI GA LUNG LA BRTEN PAR 'DRA YANG KHYED LA NI LUNG DANG MTHUN PA'I RJES SU DPAG PA MED PAS DON DAM PAR STON PAR YANG MI NUS KYI, KHO BO LA NI LUNG DANG MTHUN PA'I RJES SU DPAG PA YOD PAS DE'I STOBS NYID KYIS RNAM PAR RTOG PA THAMS CAD BKAG PAS RNAM PAR MI RTOG PA'I YE SHES DON DAM PA PA YANG 'GRUB BO, ,DE GRUB PA'I PHYIR DON DAM PA DE NI RTOG GE PA'I RJES SU DPAG PA'I YUL MA YIN YANG RJES SU DPAG PA DE GTZO BO MA YIN PA MA YIN TE, THA SNYAD KYI SGO NAS @303B YANG DAG PA DANG YANG DAG PA MA YIN PA'I BRTAG PA'I BSGRUB PA NI RJES SU DPAG PA'I GSAL BA DANG, DE KHO NA MA GTOGS PAR GZHAN MED PA'I PHYIR RJES SU DPAG PAS KYANG BSTAN DGOS PAS KHYOD KYI GLAN KA DE NI RIGS PA MA YIN NO, ,DPYAD PA RGYAS PAR NI DBU MA'I SNYING PO 'DI KHO NA LA 'JUG PA'I SKABS NAS RNAL 'BYOR SPYOD PA PA DAG DANG LHAN CIG BYED PAR 'GYUR RO ZHES BYA BA NI THEG PA CHEN PO DBU MA PA'I GZHUNG BSTAN PA DANG, RNAM PAR SHES PA TZAM DU SMRAS BA DAG GI GZHUNG MI 'THAD PAR DPYAD PA RGYAS PAR NI, SLOB DPON LEGS LDAN BYED NYID KYIS DBU MA'I RTZA BA'I TSIG LE'UR BYAS PA DBU MA'I SNYING PO'I 'GREL PA RTOG GE 'BAR BA ZHES BYA BA'I NANG NAS RNAL 'BYOR SPYOD PA PA'I DE KHO NA LA 'JUG PA ZHES BYA BA'I SKABS NAS STON PAR 'GYUR RO ZHES BYA BAR YANG SBYAR RO, ,ZHAR LA BSHAD PAS CHOG STE, 'DI NI MNGON PAR BRTZON PA RNAMS RANG GI SDE PA DAG DANG LHAN CIG RIGS PA DANG RIGS PA MA YIN PA RTOGS PA'I PHYOGS TZAM ZHIG BSTAN PA YIN NO ZHES BYA BA NI ZHAR LA BSHAD PA'I MJUG BSDU BA YIN NO, ,DE LA 'DIR RAB TU BYED PA'I DON NI PHA ROL PO DAG GIS RAB TU BYED PA'I DANG POR BSGRUB PA SMRAS PA'I SKYON BRJOD PAS MYA NGAN LAS 'DAS PA NGO BO NYID MED PA NYID DU BSTAN PA YIN NO ZHES BYA BA NI MJUG BSDU BA DANG TSAD MA'I 'BRAS BU YIN TE, MYA NGAN LAS 'DAS PA BRTAG PA'I RAB TU BYED PA NYI SHU LNGA PA'I SKABS 'DIR RAB TU BYED PA'I DON TSAD MA'I 'BRAS BU BLTA BA NI PHA ROL PO DAG GIS RAB TU BYED PA 'DI'I DANG POR, GAL TE 'DI DAG KUN STONG NA, ,'BYUNG BA MED CING 'JIG PA MED; ,GANG ZHIG SPANG DANG 'GAG PA LAS, ,MYA NGAN 'DA' BAR 'GYUR BAR 'DOD, ,CES BYA BAS NGO BO NYID MED PA NYID DU SMRA BA RNAMS LA NI GANG NGO BO NYID MED PA DE LAS MYA NGAN LAS 'DAS PA 'THOB PA MED DE, 'BYUNG BA DANG 'JIG PA MED PA'I PHYIR DPER NA MO GSHAM GYI BU BZHIN NO ZHES BYA BA DANG; GAL TE 'DU BYED 'DI DAG MYA NGAN LAS 'DA' BAR 'GYUR BAR 'DOD NA NI 'DU BYED DE DAG DON DAM PAR NGO BO NYID YOD PA KHO NAR SHES PAR BYA STE, NYON MONGS PA SPANG BA DANG, MING DANG GZUGS 'GAGS PAS MYA NGAN LAS 'DAS PA 'THOB PA'I PHYIR RO, ,RNGA MO LA SOGS PA'I RVA YOD PA MA YIN @304A *, ,PA DAG LA NI DE DAG MED DO ZHES SGRUB PA SMRAS PA'I SKYON, GAL TE 'DI KUN MI STONG NA, ,'BYUNG BA MED CING 'JIG PA MED, ,GANG ZHIG SPANG DANG 'GAG PA LAS, ,MYA NGAN 'DA' BAR 'GYUR BAR 'DOD, ,CES BYA BA LA SOGS PA BRJOD PAS MYA NGAN LAS 'DAS PA NGO BO NYID MED PA NYID DU BSTAN PA YIN NO, ,MYA NGAN LAS 'DAS PA NGO BO NYID MED PA NYID DU BSTAN PA LA, YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA STE, DE'I PHYIR, THEG PA CHEN PO'I MDO SDE MTHA' DAG LAS, ,MYA NGAN 'DAS MED MYA NGAN 'DAS, ,'JIG RTEN MGON PO BSTAN PA MDZAD, ,NAM MKHA' MDUD PA BOR BYAS PA, ,NAM MKHA' NYID KYIS BGROL BA BZHIN, ,ZHES BYA BA GSUNGS PA DAG GRUB PA YIN TE, DPER NA BZO MKHAN SKUD PA RING POS 'DRUBS KYI LAS BYED PA'I SKUD PA DE, NAM MKHA' LA 'JUR MDUD 'CHA' BA NAM MKHA' NYID LAS 'GROL BA DE BZHIN DU BCOM LDAN 'DAS MNGON PAR RDZOGS PAR SANGS RGYAS PAS KYANG MYA NGAN LAS 'DAS PA LA SOGS PA DNGOS PO YOD PA MA YIN PA DAG KUN RDZOB KYI THA SNYAD DU YOD PAR BSTAN PA MDZAD CING, DE DAG NYID DON DAM PAR NGO BO NYID MED PAR YANG BSTAN PA MDZAD DE, JI SKAD DU, 'DI LA BSAL BYA CUNG ZAD MED, ,BSTAN PAR BYA BA'ANG CI YANG MED, ,YANG DAG NYID DU YANG DAG LTA, ,YANG DAG MTHONG NA RNAM PAR GROL, ,ZHES BSHAD PA LTA BU'O, ,DE BZHIN DU, 'PHAGS PA TSANGS PAS ZHUS PA'I MDO LAS, BCOM LDAN 'DAS GANG DAG CHOS 'GA' ZHIG SKYE BA'AM 'GAG PAR 'TSAL BA DE DAG LAS SANGS RGYAS 'BYUNG BA MA MCHIS SO, ,BCOM LDAN 'DAS GANG DAG MYA NGAN LAS 'DAS PA DNGOS PO LAS YONGS SU TSOL BAR BGYID PA DE DAG LA 'KHOR BA LAS YANG DAG PAR 'DA' BA MA MCHIS SO, , DE CI'I SLAD DU ZHE NA, BCOM LDAN 'DAS MTSAN MA THAMS CAD RAB TU ZHI BA DANG, G-YO BA THAMS CAD NYE BAR ZHI BA GANG LAGS PA DE MYA NGAN LAS 'DAS PA LAGS PA'I SLAD DU'O, ,BCOM LDAN 'DAS MI GTI MUG CAN GANG DAG MYA NGAN LAS 'DAS PA DNGOS PO LAS YONGS SU TSOL BAR BGYID PA DE DAG NI @304B LEGS PAR GSUNGS PA'I CHOS 'DUL BA 'DI LA RAB TU BYUNG NAS MU STEGS CAN GYI LTA BAR LTUNG BA LAGS TE, BCOM LDAN 'DAS GANG DAG CHOS THAMS CAD GTAN YONGS SU MYA NGAN LAS 'DAS PA DAG 'DI LTA STE DPER BGYI NA, TIL DAG LAS TIL MAR DANG 'O MA DAG LAS MAR BZHIN DU MYA NGAN LAS 'DAS PA YONGS SU TSOL BAR BGYID PA DE DAG NI MU STEGS CAN LHAG PA'I NGA RGYAL CAN LAGS PAR BDAG SMRA'O, ,BCOM LDAN 'DAS RNAL 'BYOR SPYOD PA PA DAG YANG DAG PAR ZHUGS PA NI CHOS 'GA' YANG SKYE BA'AM 'GAGS PAR MI BGYID CING CHOS 'GA' YANG THOB PAR MI 'TSAL, MNGON PAR RTOGS PAR MI 'TSAL LO ZHES BYA BA LA SOGS PA GSUNGS PA DAG KYANG GRUB PA YIN TE, DE'I DON NI GANG ZAG LHAG PA'I NGA RGYAL CAN GANG DAG CHOS RNAMS SKYE BA DANG 'GAG PA RTOG PA DANG, MYA NGAN LAS 'DAS PA DNGOS PO LAS YONGS SU TSOL ZHING, CHOS THAMS CAD GTAN YONGS SU MYA NGAN LAS 'DAS PA DAG LA DPER NA TIL DANG, 'O MA'I DNGOS PO LAS TIL MAR DANG, MAR GYI DNGOS PO TSOL BA'I TSUL DU SEMS CAN GYI RGYUD KYI DNGOS PO LAS NYON MONGS PA LA SOGS PA'I DRI MA BSAL BAS DE BZHIN NYID DNGOS POR GYUR PA 'THOB PAR 'DOD PA DE DAG NI LOG PAS SPONG BAR ZHUGS PA STE; DE DAG LA SANGS RGYAS 'BYUNG BA DANG, 'KHOR BA LAS 'DA' BA DANG, MYA NGAN LAS 'DA' BA 'THOB PA YANG MED DE, MI GTI MUG CAN DE DAG NI LEGS PAR GSUNGS PA'I CHOS 'DUL BA 'DI LA RAB TU BYUNG BAR SNANG YANG MU STEGS CAN GYI LTA BAR LHUNG BA YIN NO, ,RNAL 'BYOR SPYOD PA PA YANG DAG PAR ZHUGS PA GANG DAG CHOS THAMS CAD MNYAM PA NYID DU LTA ZHING CHOS 'GA' YANG SKYE BA'AM 'GAG PA'AM, 'THOB PA'AM MNGON PAR RTOGS PAR MI 'DOD PA DE DAG NI MI GNAS PA'I MYA NGAN LAS 'DAS PA'I DBYINGS SU ZHUGS PA YIN PAR BSTAN TO, ,DE BZHIN DU SHES RAB KYI PHA ROL TU PHYIN PA LAS; RAB 'BYOR MYA NGAN LAS 'DAS PA YANG SGYU MA LTA BU DANG, RMI LAM LTA BU'I ZHES RGYA CHER GSUNGS PA DANG, DE BZHIN DU 'PHAGS PA BYANG CHUB KYI SDE SNOD KYI MDO LAS, SH'A RI'I BU GANG DAG MYA NGAN LAS 'DAS PA DNGOS PO LAS YONGS SU TSOL BAR BYED PA DE DAG NI 'KHRUG GLONG BA YIN TE, NGA YANG @305A *, ,DE DAG GI STON PA MA YIN LA, DE DAG KYANG NGA'I NYAN THOS MA YIN NO ZHES BYA BA LA SOGS PA DANG, DE BZHIN DU 'PHAGS PA LANG KAR GSHEGS PA'I MDO LAS, BLO YIS RNAM PAR GZHIGS NA NI, ,BRTAGS PA MED CING GZHAN DBANG MED, ,GRUB PA'I DNGOS PO YOD MIN NA; ,JI LTAR BLOS NI RNAM PAR BRTAG ,DNGOS NYID MED CING RNAM RIG MED, ,KUN GZHI YOD PA MA YIN TE, ,BYIS PA NGAN RTOG RO 'DRA BAS, ,DE DAG RNAM PAR BRTAGS PAR GYUR, ,CES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES PA'I LUNG DE DAG GRUB PA NI MYA NGAN LAS 'DAS PA NGO BO NYID MED PA NYID BSTAN PA'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS MYA NGAN LAS 'DAS PA BRTAG PA ZHES BYA BA STE RAB TU BYED PA NYI SHU LNGA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DA NI DE BZHIN DU STONG PA NYID KYIS MI MTHUN PA'I PHYOGS KYI KHYAD PAR DGAG PAS THA SNYAD PA'I RTEN CING 'BREL PAR 'BYUNG BA BSTAN PA'I DON GYI DBANG GIS RAB TU BYED PA NYI SHU DRUG PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG, GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO THAMS CAD SKYE BA MED PAR DAM BCA' BA MDZAD PAS 'DIR YANG SNGAR BSTAN BCOS MDZAD PAS JI LTAR DAM BCAS PA DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI SNGAR BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, ,DE'I MI MTHUN PA'I @305B PHYOGS NI PHYIR RGOL BA'I PHYOGS YIN TE, 'DI LTA STE DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU BSGRUB PA'I PHYOGS SNGA MA NYE BAR GZHAG PA'O GNAS 'DI SKAD CES KHYOD KYIS RAB TU BYED PA 'DAS MA THAG PAR, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES SMRAS PA NI BCOM LDAN 'DAS KYIS RTEN CING 'BREL PAR 'BYUNG BA MU STEGS BYED KYI RI DAGS KYI TSOGS THAMS CAD 'BYOR BAR BYED PA LTA BA NGAN PA'I SKYON NYE BAR ZHI BAR BYED PA BKA' STZAL PA DE THUGS SU CHUD PAS BCOM LDAN 'DAS 'JIG RTEN NA SANGS RGYAS ZHES BYA BAR SNYAN PAR GRAGS PA DE'I PHYIR KHYED KYIS SUN DBYUNG BAR 'DOD PAS, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES SMRAS PA YIN PAS, DE LA KHAS BLANGS PAS GNOD PAR 'GYUR RO ZHES 'BYUNG BA YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA NYI SHU DRUG PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU BYAS NAS, THA SNYAD PA'I RTEN CING 'BREL BAR 'BYUNG BA BSTAN PA'I DON GYI DBANG GIS RAB TU BYED PA NYI SHU DRUG PA BRTZAM MO ZHES BYA BA SMRAS TE, SRID PA'I YAN LAG BCU GNYIS BRTAG PA'I RAB TU BYED PA NYI SHU DRUG PA'I GZHUNG 'OG NAS 'BYUNG BA 'DI'I DON NI THA SNYAD RTEN CING 'BREL PAR 'BYUNG BA BSTAN PA YIN PAS DE'I DBANG DU BYAS NAS DE SKAD CES SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, THA SNYAD PA'I RTEN CING 'BREL PAR 'BYUNG BA BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAR NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I 'TSAMS SBYAR BA'I SKABS 'DI THABS DANG THABS LAS BYUNG BA'I 'BRAS BU DANG PO KHO NAR BSTAN TE, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, 'DIR SMRAS PA KHYOD KYIS RAB TU BYED PA 'DAS MA THAG PAR, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES SMRAS PA NI BCOM LDAN 'DAS KYIS @306A *, ,RTEN CING 'BREL PAR 'BYUNG BA MU STEGS BYED KYI RI DAGS KYI TSOGS THAMS CAD 'BYOR BAR BYED PA, LTA BA NGAN PA'I SKYON NYE BAR ZHI BAR BYED PA BKA' STZAL PA DE THUGS CHUD BAS, BCOM LDAN 'DAS 'JIG RTEN NA SANGS RGYAS ZHES BYA BAR SNYAN PAR GRAGS PA DE'I PHYIR KHYED KYIS DE SUN DBYUNG BAR 'DOD PAS, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES SMRAS PA YIN PAS, DE LA KHAS BLANGS PAS GNOD PAR 'GYUR RO ZHES BYA BA SMRAS TE, DES NI PHA ROL PO DAG NA RE, BCOM LDAN 'DAS KYIS RTEN CING 'BREL PAR 'BYUNG BA MU STEGS BYED KYIS RI DAGS KYI TSOGS THAMS CAD 'BYOR BAR BYED PA, LTA BA NGAN PA'I SKYON NYE BAR ZHI BAR BYED PA BKA' STZAL PA DE THUGS SU CHUD PAS BCOM LDAN 'DAS 'JIG RTEN NA SANGS RGYAS ZHES BYA BA SNYAN PAR GRAGS PA YOD LA, KHYED DBU MA PAS NI DE SUN DBYUNG BAR 'DOD PAS, SANGS RGYAS KYIS NI GANG DU YANG, SU LA'ANG CHOS 'GA' MA BSTAN TO, ,ZHES SMRAS PAS KHYED KYI TSIG DE LA KHAS BLANGS PAS GNOD PAR 'GYUR RO ZHES ZER BA'I PHYOGS SNGA MA BSTAN TO, ,DA NI STONG PA NYID KYI MI MTHUN PA'I PHYOGS KYI KHYAD PAR DE DGAG PAS THA SNYAD PA'I RTEN CING 'BREL PAR 'BYUNG BA BSTAN PA'I PHYIR DE SKAD CES ZER BA'I LAN DU 'DIR 'GREL PA BYED PA NYID KYIS, DE'I PHYIR BSHAD PA, MA RIG BSGRIBS PAS YANG SRID PHYIR, ,'DU BYED RNAM PA GSUM PO DAG ,MNGON PAR 'DU BYED GANG YIN PA'I, ,LAS DE DAG GIS 'GRO BAR 'GRO, , ZHES BYA BA LA SOGS PA STE ZHES BYA BA SMRAS TE, 'DIR SPYI'I DON NI KHO BO CAG DBU MA PAS DON DAM PAR, DMIGS PA THAMS CAD NYER ZHI ZHING, ,SPOS PA NYER ZHI ZHI BA STE, ,ZHES GSUNGS PA'I DBANG DU BYAS NAS, ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, , ZHES SMRAS KYI, KUN RDZOB TU BCOM LDAN 'DAS KYIS RTEN CING 'BREL PAR 'BYUNG BA MU STEGS BYED KYIS RI DAGS KYI TSOGS THAMS CAD 'BYOR BAR BYED PA LTA BA NGAN PA'I SKYON NYE BAR ZHI BAR BYED PA BKA' STZAL PA DE THUGS SU CHUD PAS BCOM LDAN 'DAS 'JIG RTEN NA SANGS RGYAS ZHES BYA BAR SNYAN @306B PAR GRAGS PA DE YOD PAR KHAS BLANGS PAS KHO BO CAG GI TSIG SNGA MA DE LA KHAS BLANGS PAS GNOD PAR MI 'GYUR TE, DE'I PHYIR DA 'DIR THA SNYAD PA'I RTEN CING 'BREL PAR 'BYUNG BA'I YAN LAG BCU GNYIS PO DAG GI NGO BO NYID DANG GO RIMS DANG MTSAMS SBYAR BA LA SOGS PA RGYA CHER BSTAN PAR BYA'O ZHES BYA BAR SBYAR RO, ,DA NI TSIG LE'UR BYAS PA DANG PO DES MA RIG PA'I RKYEN GYIS 'DU BYED RNAMS ZHES BSTAN PA DE'I NGO BO NYID DANG GO RIMS DANG, MTSAMS SBYAR BA LA SOGS PA BSTAN PAR BYA STE, DE LA MA RIG PA ZHES BYA BA NI RIG PA'I MI MTHUN PA'I PHYOGS SU GYUR PA'I CHOS SAM, RTEN CING 'BREL PAR 'BYUNG BA'I YAN LAG BCU GNYIS PO BDAG MED PA, G-YO BA MED PA, SKAD CIG MA DAG MI SHES PA'I PHYIR MA RIG PA'O ZHES BYA BAS NI MA RIG PA'I NGO BO NYID BSTAN TO, ,DES BSGRIBS PAS ZHES BYA BA NI KHEBS PAS SO ZHES BYA BAS NI MA RIG PAS BSGRIBS PA'I GANG ZAG BSTAN TE, DES 'DU BYED RNAMS MNGON PAR 'DU BYED DO ZHES BYA BAR GO RIMS DANG MTSAMS SBYAR RO, ,'DIR MA RIG PAS BSGRIBS PA KHO NAS 'DU BYED RNAMS MNGON PAR 'DU BYED KYI MA BSGRIBS PAS NI MI BYED DO ZHES NGES PAR GZUNG BAR BYA'O ZHES BYA BAS NI, BSGRIBS PA KHO NAS ZHES BYA BAR TSIG SBYAR BA BSTAN TO, ,MA RIG PAS BSGRIBS PAS 'DU BYED RNAMS KHO NA ZHES NI NGES PAR GZUNG BAR MI BYA STE, RNAM PAR SHES PA LA SOGS PA YAN LAG LHAG MA RNAMS LA YANG RGYU DE YOD PA'I PHYIR RO ZHES BYA BA NI 'DU BYED RNAMS KHO NA ZHES BYA BAR TSIG MI SBYAR BA BSTAN TO, ,MA RIG PA KHO NAS BSGRIBS PAS ZHES KYANG NGES PAR GZUNG BAR MI BYA STE, DE LAS GZHAN PA'I NYON MONGS PA RNAMS KYANG YOD PA'I PHYIR ZHES BYA BAS NI, MA RIG PA KHO NAS ZHES BYA BAR TSIG MI SBYAR BA BSTAN TO, ,'DIR GAL TE GZHAN DAG NA RE 'DU BYED RNAMS LA RGYU MA RIG PA LAS GZHAN PA'I NYON MONGS PA RNAMS KYANG YOD NA, CI'I PHYIR MA RIG PA 'BA' ZHIG GZUNG ZHES ZER BA'I LAN DU, 'DU BYED RNAMS KYI RGYU NYID NI 'DOD CHAGS LA SOGS PA NYON MONGS PA RNAMS KYANG YIN NA, MA RIG PA GZUNG BA NI GTZO BO NYID YIN PA'I PHYIR TE, DPER NA RGYAL PO RGYAL BA DANG, DUNG GI MA 'GRO BA BZHIN NO ZHES BYA BA SMRAS TE, DPER NA RGYAL PO DPUNG DANG BCAS PA GZHAN @307A *, ,GYI YUL 'KHOR LAS RGYAL BA LA 'KHOR DPUNG RNAMS KYANG YOD MOD KYI RGYAL PO GTZO BO NYID YIN PA'I PHYIR RGYAL PO RGYAL LO ZHES BYA BA DANG, SROG CHAGS DUNG ZHES BYA BA MA SMAD RNAMS MTSO LA RGYAL BA NA MA MOS THOG DRANGS PA LA BU RNAMS PHYIR BRGYUD DU PHRENG BA THABS SU 'GRO BA NA THAMS CAD 'GRO BA YIN YANG MA GTZO BO NYID YIN PA'I PHYIR DUNG GI MA 'GRO'O ZHES BYA BA DE BZHIN DU 'DU BYED RNAMS KYI RGYU 'DOD CHAGS LA SOGS PA NYON MONGS PA GZHAN YANG YIN MOD KYI, MA RIG PA GTZO BO NYID YIN PA'I PHYIR MA RIG PA'I RKYEN KYIS 'DU BYED RNAMS ZHES SMOS SO, ,JI STE YANG LA LA 'DI SNYAM DU MI DGE BA'I 'DU BYED RNAMS MA RIG PA'I RGYU LAS BYUNG NGO ZHES BYA BA DE NI GTI MUG MI DGE BA'I PHYIR RIGS NA, DGE BA'I 'DU BYED RNAMS JI LTAR SNYAM NA ZHES BYA BA NI GZHAN DAG DE SNYAM DU DOGS PA'I TSIG YIN NO, ,DE'I LAN DU, MA RIG PA DANG BCAS PA'I LHA'I PHO BRANG NA LHA MO DANG RTZE BA'I BDE BA NYAMS SU MYONG BAR 'DOD PAS DGE BA SPYOD PA BZHIN DU MA RIG PA YANG BRGYUD PAS RGYU NYID YIN PA'I PHYIR DANG, 'KHOR BA NI DON DAM PA'I MI DGE BA YIN PAS DER GTOGS PA'I DGE BA YANG MI DGE BA YIN PA'I PHYIR MA RIG PA NI DE MNGON PAR 'DU BYED PA'I RGYU NYID YIN PA'I PHYIR SKYON MED DO ZHES BYA BA SMRAS TE, DGE BA'I 'DU BYED DE DAG MNGON PAR 'DU BYED PA'I RGYU MA RIG PA YIN PA'I PHYIR RO, ,YANG SRID CES BYA BA NI YOD PA RGYU DANG 'BRAS BU'I RGYUN 'BREL PAS YANG SRID PAR 'GYUR BA STE, YANG SKYE BA ZHES BYA BA'I THA TSIG GO ZHES BYA BAS NI PHUNG PO LNGA YOD PA RANG GI RGYU DANG 'BRAS BU'I RGYUN 'BREL PAS 'GRO BA RGYUD LNGA YANG SRID PAR 'GYUR BA NI YANG SRID CES BYA STE, YANG SKYE BA'I THA TSIG GO ZHES BYA BAR BSTAN TO, ,YANG SRID PA'I PHYIR ZHES BYA BA NI YANG SRID PA'I DON DU'O ZHES BYA BAS NI, DE'I DON DU 'DU BYED RNAM PA GSUM PO DAG MNGON PAR 'DU BYED PA ZHES BYA BAR TSIG SBYAR RO, ,'DU BYED CES BYA BA NI 'DU BYED RNAMS MNGON PAR 'DU BYED PA'O ZHES BYA BAS NI 'DU BYED KYI NGO BO NYID BSTAN TO, ,RNAM PA GSUM PO DAG CES BYA BA NI BSOD NAMS DANG, BSOD NAMS MA YIN PA DANG, MI G-YO BA'I BYE BRAG GIS SAM, LUS DANG, NGAG DANG, YID KYI 'DU BYED KYI BYE BRAG GIS SO ZHES BYA BAS NI GRANGS KYIS @307B MTSON PA'I DON BSTAN TO, ,MNGON PAR 'DU BYED GANG YIN PA'I ZHES BYA BA NI BSOD NAMS LA SOGS PA CHUNG NGU DANG, 'BRING DANG, CHEN PO'I BYE BRAG DAG GO ZHES BYA BAS NI GSUM PO DAG LA CHUNG NGU LA SOGS PA'I BYE BRAG GIS RNAM PA DGUR DBYE BA BSTAN TO, ,LAS DE DAG GIS 'GRO BAR 'GRO, ,ZHES BYA BA NI BSOD NAMS SU NYE BAR 'GRO BA DANG, BSOD NAMS MA YIN PAR NYE BAR 'GRO BA DANG, MI G-YO BAR NYE BAR 'GRO BA'I 'GRO BAR RO ZHES BYA BAS NI, BSOD NAMS DANG, BSOD NAMS MA YIN PA DANG, MI G-YO BAR NYE BAR 'GRO BA'I LAS DE DAG GIS GO RIMS BZHIN DU BSOD NAMS DANG BSOD NAMS MA YIN PA DANG MI G-YO BAR NYE BAR 'GRO BA'I 'GRO BAR 'GRO'O ZHES BSTAN TO, ,RE ZHIG DE DAG GIS NI MA RIG PA'I RKYEN GYIS 'DU BYED RNAMS MNGON PAR 'DU BYED LA 'DU BYED KYIS 'GRO BA RNAMS SU 'GRO BA BSTAN TO, ,DA NI 'DU BYED KYIS JI LTAR 'GRO BA RNAMS SU 'GRO ZHE NA, 'DU BYED KYI RKYEN GYIS RNAM PAR SHES PA ZHES BYA BA BSTAN PA'I PHYIR, 'DU BYED RKYEN CAN RNAM PAR SHES, ,'GRO BA RNAMS SU 'JUG PAR 'GYUR, ,ZHES BYA BA LA ZHES BYA BA SMRAS TE, 'DIS KYANG 'DU BYED KYI RKYEN GYIS RNAM PAR SHES PA ZHES BYA BA'I NGO BO NYID DANG, GO RIMS DANG, MTSAMS SBYAR BA LA SOGS PA STON TE, 'DU BYED KYI RKYEN CAN GYI RNAM PAR SHES PA 'GRO BA'I SKYE GNAS RNAMS SU NYID MTSAMS SBYOR BAR 'GYUR RO ZHES BYA BAR SBYAR RO, ,'DU BYED RKYEN CAN ZHES BYA BA NI GANG LA 'DU BYED KYI RKYEN YOD PA DE NI 'DU BYED KYI RKYEN CAN DE RNAM PAR SHES PA'O ZHES BYA BAS NI 'DU BYED KYI RKYEN GYIS RNAM PAR SHES PA ZHES BYA BA'I SGRA NI 'DU BYED KYI RKYEN CAN GYI RNAM PAR SHES PA ZHES BYA BA'I DON YIN PAR BSTAN TO, ,RNAM PAR SHES PA ZHES BYA BA NI DNGOS PO SO SOR RNAM PAR RIG PA'O ZHES BYA BAS NI RNAM PAR SHES PA'I NGO BO NYID BSTAN TO, ,'GRO BA RNAMS SU ZHES BYA BA NI LHA LA SOGS PA'I RIGS SU 'GRO BA'I 'GRO BA RNAMS SU 'O ZHES BYA BAS NI 'GRO BA RGYUD DRUG PO DAG BSTAN TO, ,'JUG PAR 'GYUR ZHES BYA BA NI SKYE BAR 'GYUR BA'O ZHES BYA BAS NI 'DU BYED KYI RKYEN CAN GYI RNAM PAR SHES PA 'GRO BA RNAMS SU 'JUG CING NYID MTSAMS SBYOR RO ZHES BYA BAR GO RIMS DANG MTSAMS SBYOR RO, ,'DIR NI 'DU BYED KYI RKYEN CAN GYI RNAM PAR SHES PA KHO NA @308A *, ,'JUG PAR 'GYUR RO ZHES KYANG NGES PAR GZUNG BAR MI BYA LA ZHES BYA BAS NI, 'DU BYED KYI RKYEN CAN GYI RNAM PAR SHES PA KHO NA ZHES BYA BAR TSIG MI SBYOR BA BSTAN TO, ,'DU BYED KYI RKYEN CAN KHO NA'I RNAM PAR SHES PA 'JUG PAR MI 'GYUR RO ZHES KYANG NGES PAR GZUNG BAR MI BYA ZHES BYA BAS NI 'DU BYED KYI RKYEN CAN KHO NA'I RNAM PAR SHES PA ZHES BYA BAR TSIG MI SBYOR BA BSTAN TO, ,'DU BYED KHO NA'I RKYEN CAN GYI RNAM PAR SHES PA 'JUG PAR 'GYUR RO ZHES KYANG NGES PAR GZUNG BAR MI BYA STE ZHES BYA BAS NI 'DU BYED KHO NA'I RKYEN CAN GYI RNAM PAR SHES PA ZHES BYA BAR TSIG MI SBYAR BA BSTAN TO, , RNAM PA DE GSUM LTAR NGES PAR GZUNG BAR MI BYA BA'I DGOS PA BSTAN PA'I PHYIR, SEMS LAS BYUNG BA RNAMS KYANG 'JUG PAR 'GYUR BA'I PHYIR DANG, DGRA BCOM PA LA 'DU BYED YOD KYANG YANG SRID PAR NYID MTSAMS MI SBYOR BA'I PHYIR DANG, SRID PA LA SOGS PA DAG GI RKYEN YANG YOD PA'I PHYIR RO ZHES NGES PAR MI GZUNG BA'I DGOS PA GO RIMS BZHIN DU BRJOD PAR BYA'O ZHES BYA BA SMRAS SO, ,'O NA JI LTAR NGES PAR GZUNG BAR BYA ZHE NA, 'DU BYED KYI RKYEN CAN GYIS RNAM PAR SHES PA SEMS LAS BYUNG BA RNAMS DANG BCAS PA DGRA BCOM PA'I RGYUD DU MA GTOGS PA SRED PA LA SOGS PA DAG GI RKYEN DANG YANG LDAN PA 'GRO BA'I SKYE GNAS RNAMS SU NYID MTSAMS SBYOR BAR 'GYUR RO ZHES BYA BAR SBYAR RO, ,'DIR SLOB DPON RNAMS KYI BLO GROS THA DAD PAR 'GYUR TE, KHA CIG NA RE BAR MDO'I SRID PA ZHES BYA BA'I MING DANG GZUGS KYI RGYUN GYIS 'GRO BA'I YUL 'THOB BO ZHES ZER RO, ,GZHAN DAG NA RE RNAM PAR SHES PA 'DU BYED KYI RKYEN CAN 'GRO BAR SKYE BA NYID KYIS 'GRO BA 'THOB BO ZHES ZER RO ZHES BYA BA NI, 'DIR RNAM PAR SHES PA 'DU BYED KYI RKYEN CAN 'GRO BA'I SKYE GNAS RNAMS SU NYID MTSAMS SBYOR BAR 'GYUR RO ZHES BYA BA LA, 'PHAGS PA THAMS CAD YOD PAR SMRA BA LA SOGS PA'I SLOB DPON RNAMS NI BAR MDO'I SRID PA ZHES BYA BA'I MING DANG GZUGS KYI RGYUN GYIS 'GRO BA'I YUL 'THOB PO ZHES ZER TE, GZUGS CAN GYI KHAMS NAS SHI 'PHOS NAS, GZUGS CAN GYI KHAMS NYID DANG, GZUGS MED PA'I KHAMS SU SKYES PA'I SRID PA DAG GI BAR NA BAR MDO'I SRID PA ZHES BYA BA'I @308B MING DANG GZUGS KYI RGYUN YOD PAS 'CHI BA'I SRID PA NAS BAR MDO'I SRID PA DANG, SKYE BA'I SRID PAR MAR ME'I RGYUN BZHIN DU RGYUN 'BREL PAR 'GRO LA, GZUGS MED PA'I KHAMS NAS SHI 'PHOS NAS GZUGS MED PA'I KHAMS NYID DANG, GZUGS CAN GYI KHAMS NAS GZUGS MED DU SKYES PA'I SRID PA DAG GI BAR NA NI BAR MDO'I SRID PA ZHES BYA BA'I RGYUN MED PAR 'DOD DO, ,DGE 'DUN PHAL CHEN SDE LA SOGS PA'I SLOB DPON RNAMS NI RNAM PAR SHES PA 'DU BYED KYI RKYEN CAN 'GRO BAR SKYE BA NYID KYIS 'GRO BA 'THOB PO ZHES ZER TE, JI LTAR GZUGS MED PA'I KHAMS NAS SHI 'PHOS NAS GZUGS MED PA'I KHAMS NYID DANG GZUGS CAN GYI KHAMS SU SKYE BA'I SRID PA DAG GI BAR NA BAR MDO'I SRID PA MED PA DE BZHIN DU GZUGS CAN GYI KHAMS NAS SHI 'PHOS NAS GZUGS CAN GYI KHAMS NYID DANG, GZUGS MED PA'I KHAMS SU SKYE BA'I SRID PA DAG GI BAR NA YANG BAR MDO'I SRID PA ZHES BYA BA'I MING DANG GZUGS KYI RGYUN MED DE, 'CHI BA'I SRID PA NAS SKYE BA'I SRID PAR SROG CHAGS PAD PA'I 'GRO SA BZHIN DU THOD RGAL DU 'GRO BAR 'DOD DO, ,DE LA SNGA MA DAG NA RE SEMS CAN GZUGS CAN GANG DU 'GAG PA RNAMS KYI GZUGS KYI RGYUN SKYE BA NI RGYUN CHAGS SU YUL GZHAN DU SKYE BAS YUL GZHAN DU 'THOB PAR 'DOD DE; GZUGS CAN YIN NA 'GRO BA'I RGYUN RJES SU 'JUG PA'I PHYIR DPER NA MAR ME BZHIN NO ZHES BYA BA NI 'PHAGS PA THAMS CAD YOD PAR SMRA BA LA SOGS PA'I SLOB DPON RNAMS KYI BAR MDO'I SRID PA YOD PAR BSGRUB PA'I RJES SU DPAG PA YIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MAR ME NI GZUGS CAN YIN NA 'GRO BA'I RGYUN RJES SU 'JUG PA'I PHYIR RGYUN CHAGS SU YUL GZHAN DU SKYE BAS YUL GZHAN 'THOB PAR 'DOD PA DE BZHIN DU, SEMS CAN GZUGS CAN GANG DU 'GAG PA RNAMS KYI GZUGS KYI RGYUN SKYE BA YANG GZUGS CAN YIN NA, 'GRO BA'I RGYUN RJES SU 'JUG PA'I PHYIR RGYUN CHAGS SU YUL GZHAN DU SKYE BAS YUL GZHAN 'THOB PAR 'DOD PAS, DE'I PHYIR GZUGS MED PA'I KHAMS NAS SHI 'PHOS NAS GZUGS MED PA'I KHAMS NYID DANG GZUGS CAN GYI KHAMS SU SKYE BA'I 'CHI 'PHO BA DANG @309A *, ,SKYE BA'I SRID PA DAG GI BAR NA NI BAR MDO'I SRID PA ZHES BYA BA'I MING DANG GZUGS KYI RGYUN MED LA, GZUGS CAN GYI KHAMS NAS SHI 'PHOS NAS GZUGS CAN GYI KHAMS NYID DANG GZUGS MED PA'I KHAMS SU SKYE BA'I SHI 'PHOS PA DANG SKYE BA'I SRID PA DAG GI BAR NA NI BAR MDO'I SRID PA ZHES BYA BA'I MING DANG GZUGS KYI RGYUN YOD DO, ,YANG NA GZUGS LA BRTEN PA'I MING DANG GZUGS KYI RGYUN GYIS 'CHI BA'I YUL NAS 'GRO BA'I YUL GZHAN DU SKYE BA'I PHYIR, DPER NA GSON PO'I GNAS SKABS BZHIN NO ZHES ZER RO ZHES BYA BA NI 'PHAGS PA THAMS CAD YOD PAR SMRA BA LA SOGS PA'I SLOB DPON RNAMS KYI BAR MDO'I SRID PA YOD PAR DAM BCAS PA'I PHYOGS DE NYID KYI SGRUB PA'I CHOS DANG, DPE GZHAN YIN TE, DPER NA GSON PO'I GNAS SKABS NI GZUGS LA BRTEN PA'I MING DANG GZUGS KYI RGYUN GYIS 'CHI BA'I YUL NAS 'GRO BA'I YUL GZHAN DU SKYE BA'I PHYIR, RGYUN CHAGS SU YUL GZHAN DU SKYE BAS YUL GZHAN 'THOB PAR 'DOD PA DE BZHIN DU, SEMS CAN GZUGS CAN GANG DU 'GAG PA RNAMS KYI GZUGS CAN GYI RGYUN SKYE BA YANG GZUGS LA BRTEN PA'I MING DANG GZUGS RGYUN GYIS 'CHI BA'I YUL NAS 'GRO BA'I YUL GZHAN DU SKYE BA'I PHYIR RGYUN CHAGS SU YUL GZHAN DU SKYE BAS YUL GZHAN DU 'THOB PAR 'DOD PAS DE'I PHYIR GZUGS CAN GYI KHAMS NAS SHI 'PHOS NAS GZUGS CAN GYI KHAMS NYID DANG, GZUGS MED PA'I KHAMS SU SKYE BA LA BAR MDO'I SRID PA YOD DO ZHES ZER RO, ,PHYI MA PA DAG NA RE GZUGS CAN GYI KHAMS SU 'CHI BA DANG, SKYE BA'I SRID PA DAG NI SRID PA GZHAN GYIS BAR DU MA CHOD DE, ZAG PA DANG BCAS PA'I PHYIR DPER NA GZUGS MED PAR 'CHI BA DANG, SKYE BA'I SRID PA DAG BZHIN NO ZHES BYA BA NI DGE 'DUN PHAL CHEN SDE LA SOGS PA'I SLOB DPON RNAMS KYI BAR MDO'I SRID PA MED PAR BSGRUB PA'I RJES SU DPAG PA YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GZUGS MED PA NAS SHI 'PHOS NAS GZUGS MED PA DANG, GZUGS CAN DU SKYE BA'I SRID PA DAG NI ZAG PA DANG BCAS PA'I PHYIR SRID PA GZHAN GYIS BAR DU MCHOD PA DE BZHIN DU @309B GZUGS CAN GYI KHAMS NAS 'CHI BA GZUGS CAN DANG, GZUGS MED PAR SKYE BA'I SRID PA DAG KYANG ZAG PA DANG BCAS PA'I PHYIR, SRID PA GZHAN GYIS BAR DU MCHOD PAS DE'I PHYIR JI LTAR GZUGS MED PA NAS SHI 'PHOS NAS, GZUGS MED PA NYID DANG, GZUGS CAN GYI KHAMS SU SKYE BA LA BAR MDO'I SRID PA MED PA DE BZHIN DU, GZUGS CAN GYI KHAMS NAS SHI 'PHOS NAS GZUGS CAN GYI KHAMS NYID DANG, GZUGS MED PA'I KHAMS SU SKYE BA DAG LA YANG BAR MDO'I SRID PA MED DO ZHES ZER TE, DES NI SRID PA GZHAN GYIS BAR DU MCHOD PAS BAR MDO'I SRID PA MED PAR BSTAN TO, ,YANG NA LUS CAN RNAMS KYI 'CHI BA'I SRID PA'I MJUG THOGS SU LUS GANG SKYE BA DE NI BAR MDO'I SRID PA'I LUS MA YIN TE, RNAM PAR SMIN PA YIN PA'I PHYIR DANG, SDUG BSNGAL GYI BDEN PAR GTOGS PA'I PHYIR DPER NA NYE BAR SPYOD PA'I LUS BZHIN NO ZHES BYA BA YANG DGE 'DUN PHAL CHEN SDE LA SOGS PA'I SLOB DPON RNAMS KYI BAR MDO'I SRID PA MED PAR SGRUB PA'I RJES SU DPAG PA GZHAN YIN TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA DA LTAR NYE BAR SPYOD PA'I LUS NI RNAM PAR SMIN PA YIN PA'I PHYIR DANG, SDUG BSNGAL GYI BDEN PAR GTOGS PA'I PHYIR BAR MDO'I SRID PA'I LUS MA YIN PA DE BZHIN DU LUS CAN RNAMS KYI 'CHI BA'I SRID PA'I MJUG THOGS SU LUS GANG SKYE BA DE YANG RNAM PAR SMIN PA YIN PA'I PHYIR DANG, SDUG BSNGAL GYI BDEN PAR GTOGS PA'I PHYIR DANG BAR MDO'I SRID PA'I LUS MA YIN PAS DE'I PHYIR YANG BAR MDO'I SRID PA ZHES BYA BA MED DO ZHES ZER TE, DES NI 'CHI BA'I SRID PA'I MJUG THOGS SU LUS GANG SKYE BA DE BAR MDO'I SRID PA'I LUS MA YIN PAS BAR MDO'I SRID PA MED PAR BSTAN TO, ,GZHAN YANG YID LAS BYUNG BA'I LUS YUL GZHAN 'THOB PAS 'GO BA'I RGYUN RJES SU 'JUG PA'I PHYIR DES GTAN TSIGS MA NGES PA'I PHYIR BAR MDO'I SRID PA MI 'GRUB STE ZHES BYA BA NI DGE 'DUN PHAL CHEN SDE LA SOGS PA'I SLOB DPON RNAMS KYIS, 'PHAGS PA THAMS CAD YOD PAR SMRA BA LA SOGS PA'I SLOB DPON RNAMS KYI GTAN TSIGS KYI @310A *, ,KHYAD PAR 'GRO BA'I RGYUN RJES SU 'JUG PA'I PHYIR ZHES BYA BA DE MA NGES PA NYID DU SGRUB PA'I TSIG YIN TE, DE DAG NA RE 'DI NA LUNG LAS YID LAS BYUNG BA'I LUS GZUGS CAN MA YIN PA YUL GZHAN 'THOB PA YANG 'GRO BA'I RGYU NA RJES SU 'JUG PAR GSUNGS PA'I PHYIR DES NA CI RE ZHIG 'GRO BA'I RGYUN RJES SU 'JUG PA'I PHYIR DPER NA MAR ME BZHIN DU SEMS CAN GANG DU 'GAG PA RNAMS KYI GZUGS KYI RGYUN SKYE BA RGYUN CHAGS SU YUL GZHAN DU SKYE BAS YUL GZHAN 'THOB PAR 'GYUR RAM, 'ON TE 'GRO BA'I RGYUN RJES SU 'JUG PA'I PHYIR DPER NA YID LAS BYUNG BA'I LUS YUL GZHAN 'THOB PA BZHIN DU, SEMS CAN GZUGS CAN GANG DU 'GAG PA RNAMS KYI GZUGS KYI RGYUN SKYE BA RGYUN CHAGS MA YIN PAR YUL GZHAN DU SKYE BAS YUL GZHAN 'THOB PAR 'GYUR BA MA NGES PA'I PHYIR BAR MDO'I SRID PA MI 'GRUB BO, ,DE NYID KYI 'THAD PA GZHAN BSTAN PA'I PHYIR, BAR MDO'I SRID PA MED PAR YANG KHA TON DANG, MAR ME DANG, RGYA DANG, ME LONG DANG, SKAD DANG, ME SHEL DANG, SA BON DANG, SKYUR DAG GIS PHUNG PO'I NYID MTSAMS SBYOR BA MI 'PHO BAR MKHAS PA RNAMS KYIS RTOGS PAR BYA'O ZHES ZER RO ZHES BYA BA SMRAS TE, 'THAD PA DES KYANG BAR MDO'I SRID PA MED PAR GRUB PO ZHES ZER RO, ,GZHAN MA YIN PA NA RE GZUGS CAN MA YIN NA 'GRO BA'I RGYUN RJES SU 'JUG PA'I PHYIR ZHES GTAN TSIGS KHYAD PAR CAN YIN PA'I PHYIR SNGA MA DAG LA SKYON DE MED DO ZHES ZER RO ZHES BYA BA NI GZHAN MA YIN PAS RANG NYID DE SLOB DPON LEGS LDAN BYED NYID NA RE PHYI MA PA DAG GIS SNGA MA PA DAG LA YID LAS BYUNG BA'I LUS YUL GZHAN 'THOB PAS 'GRO BA'I RGYUN RJES SU 'JUG PA'I PHYIR DES GTAN TSIGS MA NGES PA'I PHYIR BAR MDO'I SRID PA MI 'GRUB STE ZHES GTAN TSIGS KYI SKYON BTAGS PA DE SNGA MA DAG GI GTAN TSIGS DE GZUGS CAN YIN NA 'GRO BA'I RGYUN RJES SU 'JUG PA'I PHYIR DPER NA MAR ME BZHIN NO ZHES GTAN TSIGS KHYAD PAR CAN YIN PA'I PHYIR SNGA MA PA DAG LA MA NGES PA'I SKYON DE MED DO ZHES ZER BA'I TSIG YIN TE, DES NA DON GYIS GO BA LAS DPAG NA SLOB DPON LEGS LDAN BYED NYID NI BAR MDO'I SRID PA YOD PAR 'DOD DO, ,DE DAG GIS NI 'DU BYED KYI RKYEN GYIS RNAM PAR @310B SHES PA ZHES BYA BA BSTAN TO, ,DA NI RNAM PAR SHES PA'I RKYEN GYIS MING DANG GZUGS ZHES BYA BA BSTAN PA'I PHYIR, RNAM PAR SHES PA ZHUGS GYUR NA, ,MING DANG GZUGS NI CHAGS PAR 'GYUR, ,ZHES BYA BA LA ZHES BYA BA SMRAS TE, 'DIS KYANG RNAM PAR SHES PA'I RKYEN GYIS MING DANG GZUGS ZHES BYA BA'I NGO BO NYID DANG, GO RIMS DANG, MTSAMS SBYAR BA LA SOGS PA STON TE, RNAM PAR SHES PA'I RKYEN CAN GYI MING DANG GZUGS CHAGS PAR 'GYUR RO ZHES BYA BAR SBYAR RO, ,MING ZHES BYA BA NI 'GRO BA RNAMS SU GZHOL BA'AM, NYON MONGS PA RNAMS KYIS GZHOL BAR BYA STE, PHUNG PO GZUGS CAN MA YIN PA BZHI PO DAG GO ZHES BYA BAS NI MING GI NGO BO NYID BSTAN TO, ,GZUGS ZHES BYA BA NI GZUGS SU RUNG BA STE, 'BYUNG BA CHEN PO BZHI DANG RGYUR BYAS PA'I GZUGS RNAMS SO ZHES BYA BAS NI GZUGS KYI NGO BO NYID BSTAN TE, DE LTAR RNAM PAR SHES PA'I RKYEN CAN GYI MING DANG GZUGS 'CHAGS PAR 'GYUR RO ZHES GO RIMS DANG MTSAMS SBYAR RO, ,'DIR YANG RNAM PAR SHES PA KHO NA'I RKYEN CAN GYI MING DANG GZUGS ZHES KYANG NGES PAR GZUNG BAR MI BYA STE, MA RIG PA LA SOGS PA DAG KYANG DE'I RKYEN YIN PA'I PHYIR RO ZHES BYA BAS NI RNAM PAR SHES PA KHO NA'I RKYEN CAN GYI MING DANG GZUGS ZHES BYA BAR TSIG MI SBYAR BA BSTAN TO, ,RNAM PAR SHES PA'I RKYEN CAN GYI MING DANG GZUGS KHO NA ZHES KYANG NGES PAR GZUNG BAR MI BYA STE, RDZUS TE SKYE BA RNAMS KYI SKYE MCHED DRUG GI RKYEN KYANG RNAM PAR SHES PA YIN PA'I PHYIR DANG, GZUGS MED PA'I MING GI RKYEN KYANG RNAM PAR SHES PA YIN PA'I PHYIR RO ZHES BYA BAS NI RNAM PAR SHES PA'I RKYEN CAN GYI MING DANG GZUGS KHO NA ZHES BYA BAR TSIG MI SBYAR BA BSTAN TO, ,RNAM PAR SHES PA'I RKYEN KHO NA'I MING DANG GZUGS ZHES KYANG NGES PAR GZUNG BAR MI BYA STE, DGRA BCOM PA'I THA MA'I SEMS RKYEN MA YIN PA'I PHYIR RO ZHES BYA BAS NI RNAM PAR SHES PA'I RKYEN CAN KHO NA'I MING DANG GZUGS CES BYA BAR TSIG MI SBYAR BAR BSTAN TO, ,'O NA JI LTAR NGES PAR GZUNG BAR BYA ZHE NA, RNAM PAR SHES PA DANG MA RIG PA LA SOGS PA'I RKYEN CAN GYI MING DANG GZUGS DANG RDZUS TE SKYE BA'I SKYE MCHED DRUG DANG, GZUGS SU MED PAR SKYE BA'I MING DGRA BCOM PA'I RGYUD DU MA @311A *, ,GTOGS PA 'CHAGS PAR 'GYUR RO ZHES BYA BAR SBYAR TE, DE DAG GIS NI RNAM PAR SHES PA'I RKYEN GYIS MING DANG GZUGS ZHES BYA BAR BSTAN TO, ,DA NI MING DANG GZUGS KYI RKYEN GYIS SKYE MCHED DRUG CES BYA BA BSTAN PA'I PHYIR, MING DANG GZUGS NI CHAGS GYUR NA, ,SKYE MCHED DRUG NI 'BYUNG BAR 'GYUR, ,ZHES BYA BA LA ZHES BYA BA SMRAS TE, 'DIS KYANG MING DANG GZUGS KYI RKYEN GYIS SKYE MCHED DRUG CES BYA BA'I NGO BO NYID DANG GO RIMS DANG MTSAMS SBYAR BA LA SOGS PA STON TE, MING DANG GZUGS KYI RKYEN CAN GYI SKYE MCHED DRUG 'BYUNG BAR 'GYUR RO ZHES BYA BAR SBYAR RO, , SKYE MCHED CES BYA BA NI RNAM PAR SHES PA SKYE BA'I SGO MCHED PAR BYED PA'O ZHES BYA BAS NI, SKYE MCHED KYI NGO BO NYID BSTAN TE, DBANG PO DRUG PO RNAMS KYIS RANG RANG GI RNAM PAR SHES PA SKYE BA'I SGO MCHED CING RGYAS PAR BYED PA'O, ,DRUG CES BYA BA NI NANG GI SKYE MCHED KYI DBANG DU BYAS PA'I PHYIR TE, DE DAG NI MIG DANG, RNA BA DANG, SNA DANG, LCE DANG, LUS DANG, YID CES BYA BA DAG YIN PAR 'DOD DO, ,MIG GI SKYE MCHED NI YUL KHA DOG DANG, GZUGS DANG BA DANG, MIG GI RNAM PAR SHES PA'I GNAS DANG LDAN PA'O, ,RNA BA LA SOGS PA LUS KYI BAR GYI SKYE MCHED DAG KYANG YUL SGRA LA SOGS PA DANG, GZUGS DANG BA DANG, RNA BA LA SOGS PA'I RNAM PAR SHES PA DAG GI GNAS DANG LDAN PA'O, ,YID KYI SKYE MCHED NI RNAM PAR SHES PA'I TSOGS DRUG PO DAG 'GAGS MA THAG PA'O ZHES BYA BAS NI SKYE MCHED RNAMS KYI GRANGS DANG, SO SO'I NGO BO NYID DANG MTSAN NYID BSTAN TE, DE DAG 'BYUNG BAR 'GYUR RO ZHES BYA BA'I GO RIMS DANG MTSAMS SBYAR RO, ,'DIR YANG MING DANG GZUGS KHO NA'I RKYEN CAN GYI SKYE MCHED DRUG CES KYANG NGES PAR GZUNG BAR MI BYA STE, 'DU BYED LA SOGS PA DAG KYANG DE'I RKYEN YIN PA'I PHYIR DANG, RDZUS TE SKYE BA RNAMS KYI SKYE MCHED DRUG GI RKYEN MING 'BA' ZHIG KYANG YIN PA'I PHYIR RO ZHES BYA BAS NI MING DANG GZUGS KHO NA'I RKYEN CAN GYI SKYE MCHED DRUG CES BYA BAR TSIG MI SBYAR BA BSTAN TO, ,MING DANG GZUGS KYI RKYEN CAN GYI SKYE MCHED DRUG KHO NA ZHES KYANG NGES PAR GZUNG BAR MI BYA STE, REG PA LA SOGS PA DAG GI RKYEN KYANG MING DANG GZUGS @311B YIN PA'I PHYIR RO ZHES BYA BAS NI MING DANG GZUGS KYI RKYEN CAN GYI SKYE MCHED DRUG KHO NA ZHES BYA BAR TSIG MI SBYAR BA BSTAN TO, ,MING DANG GZUGS KYI RKYEN CAN KHO NA'I SKYE MCHED DRUG CES KYANG NGES PAR GZUNG BAR MI BYA STE, DGRA BCOM PA'I THA MA'I MING DANG GZUGS RKYEN MA YIN PA'I PHYIR RO ZHES BYA BAS NI MING DANG GZUGS KYI RKYEN CAN KHO NA'I SKYE MCHED DRUG CES BYA BA'I TSIG MI SBYAR BA BSTAN TO, ,'O NA JI LTAR NGES PAR GZUNG BAR BYA ZHE NA, MING DANG GZUGS DANG 'DU BYED LA SOGS PA'I RKYEN CAN GYI SKYE MCHED DRUG DANG REG PA LA SOGS PA DGRA BCOM PA'I RGYUD DU MA GTOGS PA 'BYUNG BAR 'GYUR RO ZHES BYA BAR SBYAR TE, DE DAG GIS NI MING DANG GZUGS KYI RKYEN GYIS SKYE MCHED DRUG CES BYA BA BSTAN TO, ,DA NI SKYE MCHED DRUG GI RKYEN GYIS REG PA ZHES BYA BA BSTAN PA'I PHYIR, SKYE MCHED DRUG LA BRTEN NAS NI, ,DE LAS REG PA 'BYUNG BAR 'GYUR, ,ZHES BYA BA LA ZHES BYA BA SMRAS TE, 'DIS KYANG SKYE MCHED DRUG GI RKYEN GYIS REG PA ZHES BYA BA'I NGO BO NYID DANG GO RIMS DANG, MTSAMS SBYAR BA LA SOGS PA STON TE, SKYE MCHED DRUG GI RKYEN CAN GYI REG PA 'BYUNG BAR 'GYUR RO ZHES BYA BAR SBYAR RO, ,BRTEN NAS ZHES BYA BA NI GNAS THOB NAS SO ZHES BYA BAS NI REG PA'I GNAS SO, DE LAS ZHES BYA BA NI SKYE MCHED DRUG LAS SO ZHES BYA BA NI GNAS DE LAS SO, ,REG PA ZHES BYA BA NI, PHRAD PA STE, BDE BA DANG SDUG BSNGAL DANG, SDUG BSNGAL YANG MA YIN, BDE BA YANG MA YIN PA MYONG BAR 'GYUR BA STE, MTSAN NYID 'OG NAS STON TO ZHES BYA BAS NI, REG PA'I NGO BO NYID BSTAN TE, TSOR BA'I RGYU ZHES BYA BA'I THA TSIG GO, ,MTSAN NYID 'OG NAS STON TO ZHES BYA BA NI REG PA'I MTSAN NYID NI 'OG NAS, MIG DANG GZUGS DANG RNAM PAR SHES, ,GSUM PO 'DUS PA GANG YIN PA, ,DE NI REG PA ZHES 'BYUNG BAS STON TO, ,DE LA REG PA'I RGYU'I MIG DANG GZUGS NI SNGA NAS YOD PA YIN PAS JI LTAR SKYE BA BSGRUB MI DGOS TE, RNAM PAR SHES PA DE JI LTAR SKYE BA BSTAN PA'I PHYIR, MIG DANG GZUGS DANG DRAN BYED LA, ,BRTEN NAS SKYE BA KHO NA YIN, ,ZHES BYA BA LA ZHES BYA BA SMRAS TE, MIG DANG GZUGS DANG DRAN BYED LA, BRTEN NAS REG PA'I RGYU'I RNAM PAR SHES PA DE SKYE BA KHO NA YIN NO ZHES BYA @312A *, ,BAR SBYAR RO, ,DE LA MIG DANG GZUGS NI BSHAD MI DGOS PAS, DRAN BYED CES BYA BA NI YID LA BYED PA'O ZHES BYA BA SMRAS SO, ,DE LTAR MIG DANG GZUGS DANG DRAN BYED LA BRTEN NAS REG PA'I RGYU'I RNAM PAR SHES PA SKYE BA DNGOS BSTAN PA'I PHYIR, DE LTAR MING DANG GZUGS BRTEN NAS; ,RNAM PAR SHES PA SKYE BAR 'GYUR, ,ZHES BYA BA SMRAS TE, MING ZHES BYA BA NI DRAN BYED DO, ,GZUGS ZHES BYA BA NI MIG DANG GZUGS TE, ,DE LTAR MIG DANG GZUGS DANG DRAN BYED LA BRTEN NAS REG PA'I RGYU'I RNAM PAR SHES PA DE SKYE BAR 'GYUR RO ZHES BYA BAR SBYAR RO, ,DE LTAR MIG DANG GZUGS DANG DRAN BYED LA BRTEN RNAM PAR SHES PA SKYE BAR 'GYUR RO ZHES BSTAN PA DE SRID PA'I YAN LAG GI MTSAMS SBYAR BA'I GNAS SKABS GANG GI DUS DANG SBYAR ZHE NA, DE'I PHYIR 'JUG PA'I DUS NA STE, ,ZHES BYA BA SMRAS TE, SKYE MCHED DRUG GI RKYEN GYIS REG PA ZHES BYA BA 'BYUNG BA'I DUS DANG SBYAR RO, ,DE LTAR MING DANG GZUGS BRTEN NAS, ,RNAM PAR SHES PA SKYE BAR 'GYUR, ,ZHES BYA BA DE JI LTAR MIG DANG GZUGS DANG DRAN BYED LA BRTEN NAS, MIG GI RNAM PAR SHES PA SKYE BA BZHIN DU SKYE MCHED LHAG MA RNAMS LA YANG DE DANG 'DRA BAR BSTAN PA'I PHYIR, JI LTAR MIG DANG, GZUGS LA BRTEN NAS GZUGS LA DMIGS PA'I RNAM PAR SHES PA SKYE BA DE BZHIN DU, RNA BA DANG, SGRA LA BRTEN PA DANG, YID DANG CHOS RNAMS KYI BAR LA BRTEN NAS YID KYI RNAM PAR SHES PA SKYE BAR BRJOD PAR BYA STE ZHES BYA BA SMRAS TE, DRAN BYED NI MA SMOS KYANG SNGAR BSTAN PA'I TSUL GYIS THAMS CAD DU YANG RNAM PAR SHES PA SKYE BA'I RKYEN YIN PAR SHES PAR BYA'O, ,'O NA 'DIR, SKYE MCHED DRUG LA BRTEN NAS NI, ,DE LAS REG PA 'BYUNG BAR 'GYUR, ,ZHES BYA BAS REG PA NYID BSHAD PA'I SKABS SU REG PA'I NGO BO NYID MI STON PAR, ,MIG DANG GZUGS DANG DRAN BYED LA, ,BRTEN NAS SKYE BA KHO NA YIN, ,DE LTAR MING DANG GZUGS BRTEN NAS, ,RNAM PAR SHES PA SKYE BAR 'GYUR, ,ZHES BYA BAS, RNAM PAR SHES PA JI LTAR SKYE BA SMOS PA 'DI JI LTAR DGOS SHE NA, DE'I PHYIR, SKYE MCHED DRUG GI 'BRAS BU SKYE BA BRJOD PAR 'DOD PA'I PHYIR RO ZHES BYA BA SMRAS TE, REG PA JI LTAR SKYE BA BRJOD PAR 'DOD PA'I PHYIR TE, REG PA SKYE BA'I RKYEN NI DBANG PO DANG YUL @312B DANG RNAM PAR SHES PA YIN PAR BSTAN PA'I PHYIR RO, ,DA NI REG PA'I MTSAN NYID DNGOS BSTAN PA'I PHYIR, 'O NA REG PA DE GANG ZHE NA, MIG DANG GZUGS DANG RNAM PAR SHES, ,GSUM PO 'DUS PA GANG YIN PA, ,DE NI REG PA ZHES BYA BA YIN TE ZHES BYA BA SMRAS TE, DES NI REG PA'I NGO BO NYID BSTAN TE, DE LTAR SKYE MCHED DRUG GI RKYEN CAN GYI REG PA 'BYUNG BAR 'GYUR RO ZHES GO RIMS DANG MTSAMS SBYAR RO, ,DE NYID BYE BRAG TU BSHAD PA BSTAN PA'I PHYIR, GSUM PO ZHES BYA BA NI DBANG PO DANG YUL DANG RNAM PAR SHES PA RNAMS SO, ,'DUS PA ZHES BYA BA NI GCIG TU TSOGS PA STE DE NI REG PA YIN NO ZHES BYA BA SMRAS SO, ,MIG LA SOGS PA SMOS PA NI KHYAD PAR BSTAN PA'I PHYIR TE, DE DAG NI DBANG GIS REG PA BRTAG SLA BA'I PHYIR RO ZHES BYA BA NI, SKYE MCHED DRUG LA BRTEN NAS NI, ,DE LAS REG PA 'BYUNG BAR 'GYUR, ,ZHES BYA BAS SKYE MCHED DRUG GI RKYEN GYIS REG PA ZHES BSTAN PA'I SKABS SU, MIG DANG GZUGS DANG DRAN BYED LA, ,BRTEN NAS SKYE BA KHO NA YIN, ,DE LTAR MING DANG GZUGS BRTEN NAS, ,RNAM PAR SHES PA SKYE BAR 'GYUR, ,ZHES BYA BA'I TSIG LE'UR BYAS PA GCIG BLA THABS SU SMRAS PA NI REG PA'I RGYU'I KHYAD PAR BSTAN PA'I PHYIR TE, SPYIR SKYE MCHED DRUG GI RKYEN GYIS REG PA ZHES BYA BA YIN MOD KYI, DE'I KHYAD PAR NI DBANG PO DANG YUL DANG YID LA BYED PA LA BRTEN NAS RNAM PAR SHES PA SKYE LA, RNAM PAR SHES PA SKYES PA'I DUS NA YUL DANG DBANG PO DANG RNAM PAR SHES PA GSUM 'DUS PA NI REG PA STE, DE NI TSOR BA RNAM PA GSUM MYONG BAR 'GYUR BA'I RGYU YIN NO ZHES DE DAG GI DBANG GIS REG PA BRTAG SLA BA'I PHYIR RO, ,DE DAG GIS NI SKYE MCHED DRUG GI RKYEN GYIS REG PA ZHES BYA BA BSTAN TO, ,DA NI REG PA'I RKYEN GYIS TSOR BA ZHES BYA BA BSTAN PA'I PHYIR, REG DE LAS, TSOR BA KUN DU 'BYUNG BAR 'GYUR, ,ZHES BYA BA LA ZHES BYA BA SMRAS TE, 'DIS KYANG REG PA'I RKYEN GYIS TSOR BA ZHES BYA BA'I NGO BO NYID DANG GO RIMS DANG MTSAMS SBYAR BA LA SOGS PA STON TE, REG PA'I RKYEN CAN GYI TSOR BA KUN DU 'BYUNG BAR 'GYUR RO ZHES BYA BAR SBYAR RO, ,TSOR BA ZHES BYA BA NI SO SOR RIG PA'I DON GYIS TE RNAM PA GSUM MYONG @313A *, ,PA'O ZHES BYA BAS NI TSOR BA'I NGO BO NYID BSTAN TO, ,KUN 'BYUNG BAR 'GYUR ZHES BYA BA NI MNGON PAR 'BYUNG BAR 'GYUR BA STE, REG PA'I RKYEN GYIS TSOR BA 'BYUNG NGO ZHES BYA BA'I THA TSIG GO ZHES BYA BAS NI DE LTAR REG PA'I RKYEN CAN GYI TSOR BA 'BYUNG BAR 'GYUR RO ZHES GO RIMS DANG MTSAMS SBYAR RO,, DE DAG GIS NI REG PA'I RKYEN GYIS TSOR BA ZHES BYA BA BSTAN TO, ,DA NI TSOR BA'I RKYEN GYIS SRED PA ZHES BYA BA BSTAN PA'I PHYIR, TSOR BA'I RKYEN GYIS SRED PA STE, ,TSOR BA'I DON LA SRED PAR 'GYUR, ,ZHES BYA BA LA ZHES BYA BA SMRAS TE, 'DIS KYANG TSOR BA'I RKYEN GYIS SRED PA ZHES BYA BA'I NGO BO NYID DANG GO RIMS DANG MTSAMS SBYAR BA LA SOGS PA STON TE, TSOR BA'I RKYEN CAN GYI SRED PA 'BYUNG BAR 'GYUR RO ZHES BYA BAR SBYAR RO, ,SRED PA ZHES BYA BA NI 'DOD PA'I MTSAN NYID DO ZHES BYA BAS NI SRID PA'I NGO BO NYID BSTAN TO, ,TSOR BA'I DON LA SRED PAR 'GYUR, ,ZHES BYA BAS NI BYIS PA THOS PA DANG MI LDAN PA RAL GRI'I SO LA SBRANG RTZI'I THIGS PAS BSKUS PA MA NGAR BA'I RO YUN THUNG BA LTA BU'I 'GYUR BA'I SDUG BSNGAL MNOG CHUNG LA NYES DMIGS CHE BA MA RTOGS PA RNAMS DE LA SRED PAR 'GYUR RO ZHES BYA BAS NI DE LTAR TSOR BA'I RKYEN CAN GYI SRED PA 'BYUNG BAR 'GYUR RO ZHES GO RIMS DANG MTSAMS SBYAR RO, ,JI STE 'DI SNYAM DU BDE BA'I TSOR BA NI PHAN 'DOGS PA YIN PAS NYAMS SU MYONG BA NA YANG DANG YANG DU DE 'DOD PAS DE LA SRED PAR 'GYUR BAR RIGS NA, SDUG BSNGAL GYI TSOR BA NI NYAMS SU MYONG BA NA GNOD PAR 'GYUR BA YIN PAS DE 'DOD PAR MI 'GYUR BA YIN NA, JI LTAR DE'I RKYEN GYIS SRED PAR 'GYUR ZHE NA ZHES BYA BA NI GZHAN DAG DE SKAD 'DRI BA'I TSIG YIN NO, , DE'I LAN DU, SDUG BSNGAL GYI TSOR BA YANG NYAMS SU MYONG BA NA DE DANG 'BREL PAR 'DOD PA'I SRED PA SKYE BAS SKYON MED DO ZHES BYA BA SMRAS TE, DE DAG GIS NI TSOR BA'I RKYEN GYIS SRED PA ZHES BYA BA BSTAN TO, ,DA NI SRED PA'I RKYEN GYIS LEN PA ZHES BYA BA BSTAN PA'I PHYIR, SRED PAR GYUR NA NYE BAR LEN, ,RNAM PA BZHI PO NYER LEN 'GYUR, ,ZHES BYA BA LA SMRAS TE, 'DIS KYANG SRED PA'I RKYEN GYIS LEN PA ZHES BYA BA'I NGO BO NYID DANG GO RIMS DANG MTSAMS SBYAR BA LA SOGS PA STON TE, SRED PA'I RKYEN CAN GYI NYE BAR LEN PA 'BYUNG BAR 'GYUR RO ZHES BYA BAR SBYAR RO, ,NYE BAR LEN PA ZHES BYA BA NI NYE BAR BLANGS PA @313B YIN PAS NYE BAR LEN PA'O, ,KHA CIG NA RE SRED PA 'PHEL BA NYID NYE BAR LEN PA'O ZHES ZER RO, ,GZHAN DAG NA RE LONGS SPYOD RNAMS THOB PAR BYA BA'I PHYIR 'BAD PA'O ZHE'O ZHES BYA BAS NI NYE BAR LEN PA'I NGO BO NYID BSTAN TO, ,RNAM PA BZHI PO ZHES BYA BA NI 'DOD PA DANG, LTA BA DANG, TSUL KHRIMS DANG; BRTUL ZHUGS MCHOG TU 'DZIN PA DANG, BDAG TU SMRA BA NYE BAR LEN PA'I MTSAN NYID DAG GO ZHES BYA BAS NI GRANGS DANG MING DANG SO SO'I MTSAN NYID BSTAN TE, DE LTAR SRED PA'I RKYEN CAN GYIS NYE BAR LEN PA 'BYUNG BAR 'GYUR RO ZHES GO RIMS DANG MTSAMS SBYAR RO, ,DE DAG GIS NI SRED PA'I RKYEN GYIS LEN PA ZHES BYA BA BSTAN TO,, ,,BAM PO BDUN CU DGU PA, DA NI LEN PA'I RKYEN GYIS SRID PA ZHES BYA BA BSTAN PA'I PHYIR, NYER LEN YOD NA LEN PA PO'I, ,SRID PA RAB TU 'BYUNG BAR 'GYUR, ,ZHES BYA BA LA ZHES BYA BA SMRAS TE, 'DIS KYANG LEN PA'I RKYEN GYIS SRID PA ZHES BYA BA'I NGO BO NYID DANG GO RIMS DANG MTSAMS SBYAR BA LA SOGS PA STON TO, ,NYE BAR LEN PA'I RKYEN CAN GYI SRID PA 'BYUNG BAR 'GYUR RO ZHES BYA BAR SBYAR RO, ,SRID PA ZHES BYA BA NI LAS KYI SRID PA ZHES BYA BA STE, SRID PAR BYED PAS SRID PA'O, ,YANG NA SRID PA NI 'BYUNG BA STE, , 'BYUNG BA DANG SKYE BA ZHES BYA BA DAG GI RNAM GRANGS SO, ,SRID PA'I RGYU'I LAS GANG YIN PA DE SRID PA STE, 'BRAS BU LA RGYU NYE BAR BTAGS PA'I PHYIR DPER NA SANGS RGYAS RNAMS 'BYUNG BA BDE'O ZHES BYA BA BZHIN NO ZHES BYA BA NI SRID PA'I NGO BO NYID BSTAN TE, DE LTAR NYE BAR LEN PA'I RKYEN CAN GYI SRID PA 'BYUNG BAR 'GYUR RO ZHES GO RIMS DANG MTSAMS SBYAR RO, ,'DIR YANG REG PA LA SOGS PA DAG NI GNYI GA LTAR YANG NGES PAR GZUNG BAR MI BYA STE, RKYEN NYID KYIS DE DAG RKYEN CAN YIN PA'I PHYIR DANG, DE DAG GZHAN DAG GI RKYEN KYANG YIN PA'I PHYIR RO ZHES BYA BAS NI REG PA DANG SRED PA'I BAR GYI YAN LAG RNAMS NI RKYEN CAN KHO NA ZHE 'AM, RKYEN KHO NA ZHES NGES PAR GZUNG BAR MI BYA STE, DE DAG GNYI GA'I BDAG NYID YIN PA'I PHYIR RO, ,RNAM PAR SHES PA LA SOGS PA DA LTAR GYI DUS SU GTOGS PA DAG NI MA RIG PA DANG 'DU BYED CES BYA BA DAG GI RGYU LAS BYUNG BA YIN NO ZHES BYA BAS NI RTEN CING 'BREL @314A *, ,PAR 'BYUNG BA'I YAN LAG GI BYE BRAG BCU GNYIS THUB PAS GSUNGS PA DE DAG LAS DANG NYON MONGS PA DANG, SDUG BSNGAL RNAMS SU 'DUS TE, GSUM PO DAG TU JI LTA BA BZHIN NO ZHES BYA BA'I TSUL GYIS, MA RIG PA DANG, SRED PA DANG, LEN PA GSUM PO NI NYON MONGS PA YIN LA, 'DU BYED DANG SRID PA GNYIS NI LAS YIN, LHAG MA NI SDUG BSNGAL YIN NO, ,DE DAG KYANG PHUNG PO GSUM DU 'DUS TE, MA RIG PA DANG, 'DU BYED GNYIS NI 'DAS PA'I DUS SU GTOGS PA YIN, RNAM PAR SHES PA LA SOGS PA BRGYAD NI DA LTAR GYI DUS SU GTOGS PA YIN, SKYE BA DANG, RGA SHI GNYIS NI MA 'ONGS PA'I DUS SU GTOGS PA YIN NO ZHES BYA BA'I SKABS LAS PHUNG PO GSUM DU BSDU BA BSTAN TE, 'DIR RNAM PAR SHES PA LA SOGS PA DA LTAR GYI DUS SU GTOGS PA BRGYAD PO DAG NI 'DAS PA'I DUS SU GTOGS PA'I MA RIG PA DANG 'DU BYED KYI RGYU LAS BYUNG BA YIN LA MA 'ONGS PA'I DUS SU GTOGS PA'I SKYE BA DANG RGA SHI NI DA LTAR GYI RGYU DAG GI 'BRAS BU YIN NO ZHES BYA BAR SBYAR RO, ,DE DAG GIS NI LEN PA'I RKYEN GYIS SRID PA ZHES BYA BA BSTAN TO, ,DA NI SRID PA'I RKYEN GYIS SKYE BA ZHES BYA BA BSTAN PAR BYA STE, DE LA RE ZHIG DA LTAR GYI MTHAR BLTAS PA'I NYE BAR LEN PA YOD NA SRID PA YOD PAS MA 'ONGS PA'I SKYE BA 'BYUNG BAR 'GYUR GYI, DE MED NA DE MI 'BYUNG BAR BSTAN PA'I PHYIR, DE LA GAL TE DGE BA'I BSHES GNYEN BSTEN PA DANG, DAM PA'I CHOS NYAN PA DANG, TSUL BZHIN YID LA BYED PAS 'DU BYED RNAMS SDUG BSNGAL LA SOGS PA'I RNAM PA DAG GIS 'DU BYED KYI SDUG BSNGAL NYID DAM, NGO BO NYID STONG PAS MA SKYES PAR MTHONG BA DE'I TSE NA DE KHO NA SKYES PAS SRED PAR MI 'GYUR ZHING, SRED PA MED NA NYE BAR LEN PAR MI BYED PAS, GAL TE NYE BAR LEN MED NA, ,GROL BAR 'GYUR TE SRID MI 'GYUR, ,RTEN CING 'BREL PAR 'BYUNG BA PHUNG PO GSUM PO LA YANG DA LTAR YOD PA 'JIG NA 'BRAS BU NYE BAR STON PA YIN LA, YOD PA 'JIG PA'I SBYOR BA YANG DA LTAR GYI DUS KHO NA'I SBYOR BA YIN PA'I PHYIR RO ZHES BYA BA SMRAS TE, RTEN CING 'BREL PAR 'BYUNG BA PHUNG PO GSUM PA LA MA RIG PA DANG, 'DU BYED GNYIS @314B NI SNGON GYI MTHAR BLTAS PA YIN LA, RNAM PAR SHES PA NAS SRID PA'I BAR DU BRGYAD NI, DA LTAR GYI MTHAR BLTAS PA YIN, SKYE BA DANG, RGA SHI GNYIS NI MA 'ONGS PA'I MTHAR BLTAS PA YIN PAS, DE LA DA LTAR GYI MTHAR BLTAS PA RNAM PAR SHES PA LA SOGS PA YOD PA NYID MTSAMS SBYOR BA DAG 'JIG CING SHI 'PHOS TE, 'GAGS NA MA 'ONGS PA'I 'BRAS BU SKYE BA NYE BAR STON PA YIN LA YOD PA 'JIG PA'I SBYOR BA SRID PA ZHES BYA BA YANG DA LTAR GYI DUS KHO NA NA YOD PA'I SBYOR BA YIN PA'I PHYIR DE GAL TE DGE BA'I BSHES GNYEN LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PAS NYAN THOS KYI RNAL 'BYOR PAS 'DU BYED RNAMS SDUG BSNGAL BA LA SOGS PA'I RNAM PA DAG GIS 'DU BYED KYI SDUG BSNGAL NYID DU MTHONG BA DANG, THEG PA CHEN PO'I RNAL 'BYOR PAS 'DU BYED RNAMS NGO BO NYID STONG PAS MA SKYES PAR MTHONG BA DE'I TSE NA, DE KHO NA SHES PA SKYES PAS SRED PAR MI 'GYUR ZHING, SRED PA MED NA NYE BAR LEN PAR MI BYED PAS GROL BAR 'GYUR TE, YANG SRID PAR SKYE BAR MI 'GYUR RO ZHES BYA BAR SBYAR RO, ,DA LTAR GYI MTHAR BLTAS PA'I NYE BAR LEN PA YOD NA, SRID PA YOD CING SRID PA'I RKYEN GYIS SKYE BA 'BYUNG BAR BSTAN PA'I PHYIR, NYE BAR LEN PA YOD NA SRID PA ZHES GSUNGS PA DE'I MTSAN NYID KYANG GANG ZHE NA, SRID PA DE YANG PHUNG PO LNGA, 'DIR YANG PHUNG PO LNGA'I RGYUN LA PHUNG PO LNGA ZHES THA SNYAD GDAGS PA STE PHUNG PO LNGA NI SRID PA KHO NA'O ZHES NGES PAR GZUNG BAR BYA'I, PHUNG PO LNGA KHO NA SRID PA'O ZHES PA NI NGES PAR GZUNG BAR MI BYA STE, GZUGS MED PA'I KHAMS KYI SRID PA NI PHUNG PO BZHI PA YIN PA'I PHYIR RO ZHES BYA BA SMRAS TE, DA LTAR GYI MTHAR BLTAS PA'I LAS KYI SRID PA MA 'ONGS PA'I PHUNG PO LNGA'I RGYUR GYUR PA PHUNG PO LNGA'I MING CAN DE NI SRID PA ZHES BYA STE, DE YOD PAS MA 'ONGS PA'I MTHAR BLTAS PA'I SKYE BA 'BYUNG NGO ZHES BYA BAR SBYAR RO, ,DE NYID BSTAN PA'I PHYIR, SRID PA LAS NI SKYE BA 'BYUNG, ,ZHES BYA BA LA ZHES BYA BA SMRAS TE, 'DIS KYANG SRID PA'I RKYEN GYIS SKYE BA ZHES BYA BA'I NGO BO NYID DANG GO RIMS DANG MTSAMS SBYAR BA STON TE, SRID PA'I RKYEN CAN GYI SKYE BA 'BYUNG BAR 'GYUR RO ZHES BYA BAR SBYAR RO, ,SKYE BA ZHES @315A *, ,BYA BA NI SKYE BAS NA SKYE BA STE, PHUNG PO RNAMS MA BYUNG BA LAS 'BYUNG BA'O ZHES BYA BAS NI SKYE BA'I NGO BO NYID BSTAN TE, DE LTAR SRID PA'I RKYEN CAN GYI SKYE BA 'BYUNG BAR 'GYUR RO ZHES GO RIMS DANG MTSAMS SBYAR RO, ,DE DAG GIS NI SRID PA'I RKYEN GYIS SKYE BA ZHES BYA BA BSTAN TO, ,DA NI SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'BYUNG BAR 'GYUR RO ZHES BYA BA BSTAN PA'I PHYIR, RGA SHI DANG NI MYA NGAN DANG, ,ZHES BYA BA LA SOGS PA SMRAS TE, 'DI DAG GIS KYANG SKYE BA'I RKYEN GYIS RGA SHI ZHES BYA BA LA SOGS PA'I NGO BO NYID DANG, GO RIMS DANG, MTSAMS SBYAR BA LA SOGS PA STON TE, SKYE BA'I RKYEN CAN GYI RGA SHI LA SOGS PA 'BYUNG BAR 'GYUR RO ZHES BYA BAR SBYAR RO, , DE DAG NYID BSTAN PA'I PHYIR, RGA SHI ZHES BYA BA NI YONGS SU 'GYUR BA DANG, 'JIG PA'I RGYU DAG GO , ,MYA NGAN ZHES BYA BA NI SDUG PA DANG BRAL BAS BSKYED PA STE, NANG GI YONGS SU GDUNG BA'I MTSAN NYID DO, ,SMRE SNGAGS 'DON BCAS SDUG BSNGAL DANG, ,ZHES BYA BA LA, SMRE SNGAGS 'DON PA ZHES BYA BA NI SKYE BO SNYING DU SDUG PA CHUD ZOS PA'I YON TAN KUN DU BRJOD PA LA BRTEN PA'I TSIG BRJOD PA STE, YONGS SU SMRE ZHING SMRE SNGAGS 'DON PA'O, ,SDUG BSNGAL ZHES BYA NI LUS KYI MI BDE BA TSOR BA'O, ,YID MI BDE BA DANG 'KHRUG PA RNAMS ZHES BYA BA LA, YID MI BDE BA ZHES BYA BA NI, SEMS KYI MI BDE BA TSOR BA'O, ,'KHRUG PA RNAMS ZHES BYA BA NI LUS DANG SEMS 'KHRUG PAS 'KHRUG PA RNAMS SO, ,DE DAG SKYE LAS RAB TU 'BYUNG, ,ZHES BYA BA NI DE LTAR RGA SHI LA SOGS PA JI SKAD BSTAN PA DE DAG SKYE BA LAS RAB TU 'BYUNG BAR 'GYUR BA'O, ,DE LTAR SDUG BSNGAL PHUNG PO NI, ,'BA' ZHIG PA 'DI 'BYUNG BAR 'GYUR, ,ZHES BYA BA LA, SDUG BSNGAL PHUNG PO ZHES BYA BA NI SDUG BSNGAL GYI TSOGS ZHES BYA BA'I THA TSIG GO, ,'BA' ZHIG PA ZHES BYA BA NI BDE BA DANG MA 'DRES PA ZHES BYA BA'I THA TSIG GO , ,'DI 'BYUNG BAR 'GYUR ZHES BYA BA NI SKYE BAR 'GYUR BA'O ZHES BYA BA SMRAS SO, ,THA SNYAD KYI BDEN PAR @315B GTOGS PA'I PHUNG PO DE 'BYUNG BA 'DI NI THA SNYAD PA'I RTEN CING 'BREL PAR 'BYUNG BA YIN NO, ,DON DAM PAR NI SKYE BA MED PA'I RAB TU BYED PAR JI SKAD BSTAN PA'I TSUL GYIS YOD PA MA YIN PAS KHAS BLANGS PA LA GNOD PA MED DO ZHES BYA BAS NI DE LTAR SRID PA'I YAN LAG BCU GNYIS LUGS SU 'BYUNG BA'I TSUL BSTAN PA DE NI THA SNYAD PA YIN GYI, DON DAM PA MA YIN PAS DBU MA PAS DON DAM PAR, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES SMRAS PA DE LA KHAS BLANGS PA LA GNOD PAR MI 'GYUR RO ZHES BSTAN TO, ,RE ZHIG DE DAG GIS NI THA SNYAD PA'I RTEN CING 'BREL PAR 'BYUNG BA LUGS SU 'BYUNG BA'I MTSAN NYID BSTAN TO, ,DA NI THA SNYAD PA'I RTEN CING 'BREL PAR 'BYUNG BA LUGS LAS LDOG PA'I MTSAN NYID BSTAN PAR BYA STE, DE'I PHYIR, DE LTAR SKYE BA'I RGYUN 'JUG PA DE JI LTAR LDOG PAR 'GYUR ZHE NA, DE'I PHYIR BSHAD PA, GANG PHYIR MI MKHAS PA RNAMS KYIS, , LAS KHAMS ? MNGON PAR 'DUS BYAS PA, ,DE PHYIR MKHAS RNAMS 'KHOR BA YI, ,RTZA BA'I 'DU BYED 'DU MI BYED, ,'DU BYED KYI SKYON MTHONG BA RNAMS YANG DAG PA JI LTA BA BZHIN DU MTHONG BA NYID KYIS DE MNGON PAR 'DU MI BYED PA'I PHYIR RO ZHES BYA BA LA SOGS PA SMRAS TE, 'DIS NI SNGAR, MA RIG SGRIB PAS YANG SRID PHYIR, ,'DU BYED RNAM PA GSUM PO DAG ,MNGON PAR 'DU BYED GANG YIN PA'I, ,LAS DE DAG GIS 'GRO BAR 'GRO, ,ZHES SMOS PA LAS BZLOG PA BSTAN TO, ,DE NYID BYE BRAG TU BSHAD PA BSTAN PA'I PHYIR, MI MKHAS PA RNAMS NI 'DU BYED SGYU MA DANG, ,SMIG RGYU LTA BU THOG MA MED PA'I RKYEN BRGYUD PA LAS BYUNG BA DAG LA DE DAG GI SKYON MA MTHONG BA'I PHYIR YANG DANG YANG DU BDE BA NYAMS SU MYONG BAR 'DOD PAS MNGON PAR 'DU BYED PAS DE'I PHYIR BSHAD PA, DE PHYIR MI MKHAS BYED PA YIN, ,MKHAS MIN DE NYID MTHONG PHYIR RO, ,ZHES BYA BA SMRAS TE, DE'I PHYIR MI MKHAS PA RNAMS NI 'KHOR BA'I RTZA BA'I 'DU BYED ? RNAMS MNGON PAR 'DU BYED PA YIN GYI, MKHAS PA RNAMS NI MI BYED DE, CI'I PHYIR ZHE NA, DE NYID MTHONG BA'I PHYIR RO ZHES BYA BAR SBYAR RO, ,DE NYID MTHONG BA'I PHYIR RO ZHES BYA BA DE BSTAN PA'I PHYIR, GNYEN PO SKYES PA'I PHYIR DANG, NYON MONGS PA DANG, SHES BYA'I SGRIB PA'I @316A *, ,NGO BO NYID KYI MA RIG PA SPANGS PA'I PHYIR RO ZHES BYA BA SMRAS SO, ,DA NI MA RIG PA 'GAGS PAS 'DU BYED 'GAG CES BYA BA BSTAN PA'I PHYIR, MA RIG 'GAGS PAR GYUR NA NI, ,'DU BYED RNAMS KYANG 'BYUNG MI 'GYUR, ,RKYEN MED PA'I PHYIR SA BON MED PAS MYU GU BZHIN NO ZHES BYA BA SMRAS SO, , MA RIG PA 'GAGS PA DE THABS GANG GIS 'GAG PAR 'GYUR BAR BSTAN PA'I PHYIR MA RIG PA 'GAGS PA DE YANG, MA RIG 'GAG PAR 'GYUR BA NI, ,SHES PA DE NYID BSGOMS PAS SO, ,CHOS BDAG MED PA NYID KYI YUL CAN STONG PA NYID SHES PA RTEN CING 'BREL PAR 'BYUNG BA LA DMIGS PA DE NYID KYI SKAD BSTAN PA'I TSUL GYIS DNGOS PO RNAMS NGO BO NYID MA LUS PAR DGAG PAS BSGOM ZHING GOMS PAR BYAS PAS SO ZHES BYA BA SMRAS SO, ,DE LTAR MA RIG PA 'GAGS PAS 'DU BYED 'GAGS NA SRID PA'I YAN LAG LHAG MA RNAMS KYANG RIM GYIS 'GAG PAR 'GYUR BA BSTAN PA'I PHYIR, ,DE DANG DE NI 'GAGS GYUR PAS, ,DE DANG DE NI MNGON MI 'BYUNG, ,'DU BYED LA SOGS PA SRID PA'I YAN LAG SNGA MA DE DANG DE GNYEN PO SKYES PAS 'GAGS PAR GYUR PAS RNAM PAR SHES PA LA SOGS PA SRID PA'I YAN LAG PHYI MA DE DANG DE MNGON PAR 'BYUNG BAR MI 'GYUR TE, 'DU BYED 'GAGS PAS RNAM PAR SHES PA 'GAG CES BYA BA NAS, SKYE BA 'GAGS PAS RGA SHI 'GAG CES BYA BA'I BAR DU MNGON PAR 'BYUNG BAR MI 'GYUR RO ZHES BYA BA SMRAS SO, ,DA NI MJUG BSDU BA BSTAN PA'I PHYIR, SDUG BSNGAL PHUNG PO 'BA' ZHIG PA, ,DE NI DE LTAR YANG DAG 'GAG ,CES BYA BA SMRAS SO, ,DE LTAR DE YANG DAG PAR 'GAG PA DE YANG BDEN PA GANG GI DBANG DU GSUNGS PA BSTAN PA'I PHYIR, THA SNYAD KYI BDEN PA YONGS SU BZUNG BA LAS SO, ,DON DAM PAR NI MA RIG PA LA SOGS PA RTEN CING 'BREL PAR 'BYUNG BA'I YAN LAG MA SKYES PA RNAMS LA SKYE BA MED PA'I PHYIR 'GAG PA YANG MED DO ZHES BYA BA SMRAS SO, ,DA NI PHA ROL PO DAG GIS DBU MA PAS DAM BCAS PA LA SKYON BSTAN PA'I LAN GYI MJUG BSDU BA BSTAN PA'I PHYIR, BCOM LDAN 'DAS KYIS DON DAM PAR RNAM PAR BYANG BA'I RTEN CING 'BREL PAR 'BYUNG BA BKA' STZAL PAS KHAS MA BLANGS PA'I PHYIR KHAS BLANGS PA LA GNOD PA'I SKABS MED DO ZHES BYA BA SMRAS TE, DE NI SNGAR PHA ROL PO DAG GIS DBU MA PA LA 'DI @316B SKAD CES KHYED KYIS RAB TU BYED PA 'DAS MA THAG PAR, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES BYA BA SMRAS PA NI BCOM LDAN 'DAS KYIS RTEN CING 'BREL PAR 'BYUNG BA MU STEGS BYED KYI RI DAGS KYI TSOGS THAMS CAD 'BYER BAR BYED PA LTA BA NGAN PA'I SKYON NYE BAR ZHI BAR BYED PA BKA' STZAL PA DE THUGS SU CHUD PAS BCOM LDAN 'DAS 'JIG RTEN NA SANGS RGYAS ZHES SNYAN PAR GRAGS PA DE'I PHYIR KHYOD KYIS DE SUN DBYUNG BAR 'DOD PAS, SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES SMRAS PA YIN PAS, DE LA KHAS BLANGS PAS GNOD PAR 'GYUR RO ZHES SMRAS PA'I SKABS MED PAR BSTAN TO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR DAM BCAS PA'I SKYON BSTAN PA'I LAN BTAB PAS THA SNYAD PA'I RTEN CING 'BREL PAR 'BYUNG BA BSTAN PA YIN NO ZHES BYA BA NI MJUG BSDU BA TSAD MA'I 'BRAS BU YIN TE, SRID PA'I YAN LAG BCU GNYIS BRTAG PA'I RAB TU BYED PA NYI SHU DRUG PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI, PHA ROL POS RAB TU BYED PA 'DI'I DANG POR SNGAR DBU MA PAS, DON DAM PAR, DMIGS PA THAMS CAD NYER ZHI ZHING, ,SPROS PA NYER ZHI ZHI BA STE, ,ZHES BYA BA'I DBANG DU BYAS NAS, , SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,ZHES DAM BCAS PA LA KHAS BLANGS PA'I SKYON YOD PAR BSTAN PA'I LAN BSTAN BCOS MDZAD PAS BTAB PAS THA SNYAD PA'I RTEN CING 'BREL PAR 'BYUNG BA BSTAN PA YIN NO, ,THA SNYAD PA'I RTEN CING 'BREL PAR 'BYUNG BA BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR, 'DIR YID CHES PA'I LUNG GI KHUNGS KYANG BSGRUB PAR BYA STE, DE'I PHYIR BCOM LDAN 'DAS KYIS RTEN CING 'BREL PAR 'BYUNG BA NI SKYE BA MED PAS; DE'I PHYI'I RTEN CING 'BREL PAR 'BYUNG BA ZHES BYA STE, GANG LA SKYE BA MED PA DE LA 'GAG PA GA LA YOD DE, 'GAG PA MED PAR RTOGS PAS RTEN CING 'BREL PAR 'BYUNG BA RTOGS SO ZHES BYA BA LA SOGS PA JI SKAD GSUNGS PA DE DAG GRUB PA YIN NO ZHES BYA BA SMRAS TE, DE LTAR YID CHES @317A *, ,PA'I LUNG DE DAG GRUB PA NI THA SNYAD PA'I RTEN CING 'BREL PAR 'BYUNG BA BSTAN PA 'DI'I YON TAN DANG KHUNGS YIN NO, ,DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG, 'GREL PA BYED PA'I MKHAS PA NYID YIN NO, ,SLOB DPON LEGS LDAN BYED KYIS NYE BAR SBYAR BA DBU MA RTZA BA'I 'GREL PA SHES RAB SGRON MA LAS SRID PA'I YAN LAG BCU GNYIS BRTAG PA ZHES BYA BA STE, RAB TU BYED PA NYI SHU DRUG PA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS LTA BA STONG PA NYID DU BSTAN PA'I DON GYI DBANG GIS RAB TU BYED PA NYI SHU BDUN PA BRTZAM MO ZHES BYA BA LA, DBANG GIS ZHES BYA BA'I SGRA SKABS 'DIR YANG DAM BCAS PA LA 'JUG PA'I RGYU'I DON DANG GZHUNG 'OG NAS 'BYUNG BA DANG SBYAR BA'I DON DU BLTA STE, TSIG GI DON NI SNGA MA BZHIN NO, ,DE LA DAM BCAS PA LA 'JUG PA'I RGYU'I DON GYI DBANG DU BYAS NAS, DA NI DE BZHIN DU STONG PA NYID KYI MI MTHUN PA'I PHYOGS KYI KHYAD PAR DGAG PAS ZHES BYA BA SMRAS TE, BSTAN BCOS MDZAD PAS RKYEN BRTAG PA'I RAB TU BYED PA DANG PO BRTZAM PA'I SKABS SU DNGOS PO RNAMS SKYE BA MED PAR DAM BCA' BA MDZAD PAS 'DIR YANG SNGAR BSTAN BCOS MDZAD PAS JI LTAR DAM BCAS PAS DE LA 'JUG PA'I RGYU'I DON GYI DBANG DU BYAS NAS DE SKAD SMRAS TE, DE BZHIN DU ZHES BYA BA NI SNGAR BSTAN PA'I LUGS BZHIN DU'O, ,STONG PA NYID NI RANG GI PHYOGS YIN NO, , DE'I MI MTHUN PA'I PHYOGS NI PHYIR RGOL BA'I PHYOGS YIN TE, 'DI LTA STE, DNGOS PO RNAMS NGO BO NYID YOD PA NYID DU SMRA BA YIN NO, ,DE'I KHYAD PAR ZHES BYA BA NI PHA ROL POS DNGOS PO RNAMS NGO BO NYID YOD PA NYID DU SGRUB PA'I PHYOGS SNGA MA NYE BAR GZHAG PA'O, ,GNAS 'DI SKAD CES DON DAM PAR NYE BAR LEN BA'I PHUNG PO LNGA NI NGO BO NYID YOD PA KHO NA YIN TE, LTA BA'I GNAS YIN PA'I PHYIR RO ZHES BYA BA LA SOGS PA 'BYUNG BA DAG YIN NO, ,DE DGAG PAS ZHES BYA BA NI DE DGAG PA'I DBANG DU BYAS NAS RAB TU BYED PA NYI SHU BDUN PA BRTZAM MO ZHES BYA BAR SBYAR RO, ,GZHUNG 'OG NAS 'BYUNG BA DANG SBYAR BA'I DON GYI DBANG DU @317B BYAS NAS, LTA BA STONG PA NYID DU BSTAN PA'I DON GYI DBANG GIS RAB TU BYED PA NYI SHU BDUN PA BRTZAM MO ZHES BYA BA SMRAS TE, LTA BA BRTAG PA'I RAB TU BYED PA NYI SHU BDUN PA'I GZHUNG 'OG NAS 'BYUNG BA 'DI'I DON NI LTA BA STONG PA NYID DU BSTAN PA YIN PAS DE'I DBANG DU BYAS NAS DE SKAD SMRAS SO, ,RAB TU BYED PA 'DI'I 'BRAS BU NI GANG YIN, RNAM PA GANG GIS NI 'BRAS BU DE 'THOB CE NA, LTA BA STONG PA NYID DU BSTAN PA NI 'DI'I 'BRAS BU YIN LA, STONG PA NYID KYI MI MTHUN PA'I PHYOGS KYI KHYAD PAR DGAG PA'I RNAM PAS NI 'BRAS BU DE 'THOB PAS DE'I PHYIR 'GREL PA BYED PAS RAB TU BYED PA'I MTSAMS SBYAR BA'I SKABS 'DIR, THABS DANG THABS LAS BYUNG BA'I 'BRAS BU DANG PO KHO NAR BSTAN TO, ,STONG PA NYID KYI MI MTHUN PA'I PHYOGS KYI KHYAD PAR ZHES SMOS PA DE NYID BSTAN PA'I PHYIR, 'DIR SMRAS PA, DON DAM PAR NYE BAR LEN PA'I PHUNG PO LNGA NI NGO BO NYID YOD PA KHO NA YIN TE, LTA BA'I GNAS YIN PA'I PHYIR RO, ,'DI NA GANG YOD PA MA YIN PA DE NI LTA BA'I GNAS MA YIN TE, DPER NA RI BONG GI RVA BZHIN NO, ,NYE BAR LEN PA'I PHUNG PO LNGA NI LTA BA'I GNAS YIN TE, CHOS MNGON PA LAS, DE NI SDUG BSNGAL KUN 'BYUNG DANG, ,'JIG RTEN LTA GNAS SRID PA YIN, ,ZHES 'BYUNG BAS DE'I PHYIR GTAN TSIGS JI SKAD SMOS PA'I MTHUS DON DAM PAR NYE BAR LEN PA'I PHUNG PO LNGA NI NGO BO NYID YOD PA KHO NA YIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, CHOS MI MTHUN PA'I PHYOGS KYI DPE DANG, NYE BAR SBYAR BA'I SBYOR BA DANG, MJUG BSDU BA YIN PAR GO RIMS BZHIN DU SBYAR TE, 'DI NA RI BONG GI RVA LTA BU MED PA GANG LTA BU'I GNAS MA YIN PA DE NI YOD PA MA YIN GYI, NYE BAR LEN PA'I PHUNG PO LNGA NI CHOS MNGON PA LAS DE NI SDUG BSNGAL YANG YIN, KUN 'BYUNG YANG YIN, 'JIG RTEN YANG YIN, LTA BA'I GNAS KYANG YIN, SRID PA YANG YIN NO ZHES 'BYUNG BA'I PHYIR DON DAM PAR NGO BO NYID YOD PA KHO NA YIN NO ZHES ZER RO, ,STONG PA NYID KYI MI MTHUN PA'I PHYOGS KYI KHYAD PAR DE DGAG PAS LTA BA STONG PA NYID DU BSTAN PA'I PHYIR, DE SKAD CES ZER BA'I LAN DU 'GREL PA BYED PA NYID GYIS, 'DIR BSHAD PA ZHES BYA BA LA SOGS PA SMRAS TE, 'DIR SPYI'I DON NI PHA ROL PO DAG GI GTAN TSIGS LTA BA'I GNAS @318A *, ,YIN PA'I PHYIR RO ZHES BYA BA DE MI 'GRUB PAR BSTAN PA'I PHYIR RE ZHIG LTA BA NI SNGON GYI MTHA' YUL LA DMIGS SHING GNAS PA YIN PAS LTA BA DE DAG NYID STONG PA NYID YIN PA'I PHYIR LTA BA'I GNAS YIN PA'I PHYIR RO ZHES BYA BA'I GTAN TSIGS DE MI 'GRUB PAS DES BSGRUB PAR BYA BA'I PHYOGS DON DAM PAR NYE BAR LEN PA'I PHUNG PO LNGA NI NGO BO NYID YOD PA KHO NA YIN TE ZHES BYA BA DE MI 'GRUB PAR STON TO, ,DE LA RE ZHIG SNGON GYI MTHA' LA BRTEN PA'I LTA BA DAG GANG YIN PA DANG, LTA BA'I MTSAN NYID GANG YIN PA DANG, SNGON GYI MTHA' GANG YIN PA DANG, DE LA BRTEN PA JI LTA BU YIN PA BSTAN PA'I PHYIR, 'DAS PA'I DUS NA BYUNG ZHES DANG, ,MA BYUNG 'JIG RTEN RTAG SOGS PAR, ,LTA BA GANG YIN DE DAG NI, ,SNGON GYI MTHA' LA BRTEN PA YIN, ,BDAG 'DAS PA'I DUS NI BYUNG BAR GYUR CES BYA BA DANG, BYUNG BAR MA GYUR CES BYA BA DANG, BYUNG BAR GYUR KYANG GYUR LA BYUNG BAR MA GYUR KYANG MA GYUR CES BYA BA DANG, BYUNG BAR GYUR PA YANG MA YIN, BYUNG BAR MA GYUR PA YANG MA YIN ZHES BYA BA DANG, 'JIG RTEN RTAG PA DANG, 'JIG RTEN MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA YANG MA YIN MI RTAG PA YANG MA YIN ZHES BYA BAR LTA BA GANG DAG YIN PA DE DAG NI SNGON GYI MTHA' LA BRTEN PA YIN NO, , LTA BA ZHES BYA BA NI MNGON PAR ZHEN PA ZHES BYA BA DAG DANG DON THA MI DAD PA YIN NO, ,SNGON GYI MTHA' ZHES BYA BA NI, TSE SNGA MA STE, DA LTAR GYI PHUNG PO RNAMS LA LTOS NAS, SNGON 'DAS PA'I DUS NA BYUNG BAR GYUR PA'I PHUNG PO RNAMS NI SNGON GYI MTHA' YIN NO, ,DE LA BRTEN PA ZHES BYA BA NI DE LA DMIGS PA YIN NO ZHES BYA BA SMRAS TE, 'DIS NI SNGON GYI MTHA' LA BRTEN PA'I LTA BA DAG GANG YIN PA DANG, LTA BA'I MTSAN NYID GANG YIN PA DANG, SNGON GYI MTHA' GANG YIN PA DANG, DE LA BRTEN PA JI LTA BU YIN PA BSTAN TO, ,DE LA SNGON GYI MTHA' LA BRTEN PA'I LTA BA NI GANG ZAG BDAG 'DAS PA'I DUS NA BYUNG BAR GYUR CES BYA BAR LTA BA LA SOGS PA BZHI DANG, 'JIG RTEN RTAG CES BYA BAR LTA BA LA SOGS PA BZHI STE, DE DAG KYANG SNGA MA BZHI'I GZHI LAS PHYI MA BZHI GO RIMS BZHIN DU 'BYUNG BAR SBYAR RO, ,LTA BA'I MTSAN NYID NI MNGON PAR ZHEN PA DANG 'DZIN PA DANG, LHAG PAR CHAGS PA ZHES BYA BA LA SOGS PA DAG GI @318B RNAM GRANGS SO, ,SNGON GYI MTHA' ZHES BYA BA NI TSE SNGA MA'O, ,DE LA BRTEN PA ZHES BYA BA NI DE LA DMIGS PA YIN PAR BSTAN TO, ,DA NI PHYI MA'I MTHA' LA BRTEN PA'I LTA BA GANG DAG YIN PA DANG, LTA BA'I MTSAN NYID GANG YIN PA DANG, PHYI MA'I MTHA' GANG YIN PA DANG, DE LA BRTEN PA JI LTA BU YIN PA BSTAN PA'I PHYIR; MA 'ONGS DUS GZHAN 'BYUNG 'GYUR DANG, ,MI 'BYUNG 'JIG RTEN MTHA' SOGS PAR, ,LTA BA GANG YIN DE DAG NI, ,PHYI MA'I MTHA' LA BRTEN PA YIN, ,BDAG MA 'ONGS PA'I DUS GZHAN DU 'BYUNG BAR 'GYUR ZHES BYA BA DANG, 'BYUNG BAR MI 'GYUR ZHES BYA BA DANG, 'BYUNG BAR 'GYUR YANG 'GYUR LA; 'BYUNG BAR MI 'GYUR YANG MI 'GYUR ZHES BYA BA DANG, 'BYUNG BAR 'GYUR BA YANG MA YIN, 'BYUNG BAR MI 'GYUR BA YANG MA YIN ZHES BYA BA DANG, 'JIG RTEN MTHA' YOD PA DANG, 'JIG RTEN MTHA' MED PA DANG, MTHA' YOD KYANG YOD LA MTHA' MED KYANG MED PA DANG, MTHA' YOD PA YANG MA YIN MTHA' MED PA YANG MA YIN NO ZHES BYA BAR LTA BA GANG DAG YIN PA DE DAG NI, PHYI MA'I MTHA' LA BRTEN PA YIN NO, ,LTA BA ZHES BYA BA NI MNGON PAR ZHEN PA ZHES BYA BA DAG DANG DON THA DAD PA MA YIN NO, ,PHYI MA'I MTHA' ZHES BYA BA NI TSE PHYI MA STE, DA LTAR GYI PHUNG PO RNAMS LA LTOS NAS PHYI MA MA 'ONGS PA'I DUS SU 'BYUNG BAR 'GYUR PA'I PHUNG PO RNAMS NI PHYI MA'I MTHA' YIN NO, ,DE LA BRTEN PA ZHES BYA BA NI DE LA DMIGS PA YIN NO ZHES BYA BA SMRAS TE, 'DIS NI PHYI MA'I MTHA' LA BRTEN PA'I LTA BA GANG DAG YIN PA DANG, LTA BA'I MTSAN NYID GANG YIN PA DANG, PHYI MA'I MTHA' GANG YIN PA DANG, DE LA BRTEN NAS BYUNG BAR GYUR PA'I BDAG DE NYID KYI NYE BAR LEN PA ZHES BYA BA PHUNG PO LNGA LAS DA LTAR GYI NYE BAR LEN PA ZHES BYA BA'I PHUNG PO LNGA PO 'DI THA DAD PAR 'GYUR BAS DE NYID 'DI YIN NO ZHES BYA BAR MI 'THAD DO, ,DE NYID KYI RJES SU DPAG PA BSTAN PA'I PHYIR, DE'I PHYIR RJES SU DPAG PAR NUS TE, LHAS BYIN GYI SNGON GYI BDAG GANG YIN PA DE NYID DA LTAR GYI MA YIN TE, NYE BAR LEN PA THA DAD PA'I PHYIR DPER NA MCHOD SBYIN GYI BDAG BZHIN PAS DE'I PHYIR TSE SNGA MA'I BDAG GANG YIN PA DE NYID DA LTAR GYI YIN NO ZHES BYA BAR MI 'THAD DO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, @319A *, ,DPE DANG MJUG BSDU BA YIN PAR GO RIMS BZHIN DU SBYAR TE, DPER NA MCHOD SBYIN GYI SNGON GYI BDAG GANG YIN PA DE NI NYE BAR LEN PA THA DAD PA'I PHYIR LHAS BYIN GYIS DA LTAR GYI BDAG MA YIN PA DE BZHIN DU LHAS BYIN GYI SNGON GYI BDAG GANG YIN PA DE YANG NYE BAR LEN PA THA DAD BA'I PHYIR LHAS BYIN NYID KYI DA LTAR GYI BDAG MA YIN PAS DE'I PHYIR TSE SNGA MA'I BDAG GANG YIN BA DE NYID DA LTAR GYI YIN NO ZHES BYA BAR MI 'THAD DO, ,'DIR PHA ROL PO DAG NA RE KHO BOS NYE BAR LEN PA'I MTSAN NYID MA YIN PA'I BDAG KHAS BLANGS PAS DES NA NYE BAR LEN PA THA DAD KYANG BDAG THA DAD PA MA YIN PA'I PHYIR DBU MA PA'I GTAN TSIGS NYE BAR LEN PA THA DAD PA'I PHYIR ZHES BYA BA DE MA GRUB PO ZHES ZER BA'I PHYOGS SNGA MA KHONG NAS DBYUNG BA'I DE'I LAN DU 'DIR 'GREL PA BYED PA NYID KYIS JI STE NYE BAR LEN PA'I MTSAN NYID MA YIN PA'I BDAG KHAS BLANGS NAS SMRA NA NI, NYE BAR LEN PA MA GTOGS PAR, KHYED KYI BDAG NI GANG ZHIG YIN; ,PHUNG PO LAS MA GTOGS PA'I BDAG DE NI YOD PA MA YIN PA DE NYID BKAG ZIN PA'I PHYIR RO ZHES BYA BAR DGONGS SO ZHES BYA BA SMRAS TE, NYE BAR LEN PA'I PHUNG PO LNGA MA GTOGS PA'I BDAG CES BYA BA'I DNGOS PO DE NI YOD PA MA YIN PA NYID DE, GANG GI PHYIR PHUNG PO LAS MA GTOGS PA'I BDAG GI DNGOS PO GANG YIN PA DE SNGAR BKAG ZIN PA DE'I PHYIR, SNGON GYI BDAG GANG YIN PA DE NYID DA LTAR GYI YIN PAR MI 'THAD PAS KHO BO'I GTAN TSIGS DAG NYE BAR LEN PA LAS THA DAD PA'I PHYIR ZHES BYA BA DE MA GRUB PA YIN NO, ,DA NI DE LTAR DBU MA PAS NYE BAR LEN PA MA GTOGS PA'I BDAG YOD PA MA YIN NO ZHES RIGS PAS BSTAN PA BYAS PA'I TSE CI STE BDAG TU SMRA BA DAG BDAG MED PAR GYUR NA MI RUNG NGO SNYAM NAS NYE BAR LEN PA NYID BDAG YIN PAR RTOG NA DE YANG RIG PA MA YIN PAR BSTAN PA'I PHYIR, NYE BAR LEN PA MA GTOGS PA'I, ,BDAG YOD MA YIN BYAS PA'I TSE, ,RIGS PAS BSTAN PA BYAS PA'I TSE, ,CI STE BDAG TU SMRA BA DAG BDAG MED PAR GYUR NA MI RUNG NGO SNYAM NAS NYE BAR LEN PA NYID BDAG YIN PAR RTOG PAR BYED NA, BDAG MED PAR SMRA BAS KYANG NYE BAR LEN PA TZAM KHAS LEN PAR ZAD KYI, BDAG NI KHAS MI LEN PAS 'DIR BSHAD PA, NYE BAR LEN NYID BDAG YIN NA, ,KHYED KYI @319B BDAG NI MED PA YIN, ,ZHES BYA BA SMRAS TE, KHYED GAL TE NYE BAR LEN PA NYID BDAG YIN PAR SMRA NA DE'I PHYIR KHO BO CAG BDAG MED PAR SMRA BAS KYANG THA SNYAD DU NYE BAR LEN PA TZAM KHAS LEN PAR ZAD KYI, BDAG NI KHAS MI LEN PAS KHYOD KYI BDAG NI MED PA KHO NA YIN NO ZHES BSTAN TO, , NYE BAR LEN PA NYID BDAG YIN NO ZHEN ZHES BYA BA NI PHA ROL PO DAG NA RE CI'I PHYIR NYE BAR LEN PA NYID BDAG YIN PAR RTOGS NA BDAG MED PA YIN TE, 'DI LTAR KHYED DBU MA PA NYID KYIS NYE BAR LEN PA KHAS BLANGS PA DE NYID BDAG YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE NI RIGS PA MA YIN TE, NYE BAR LEN NYID BDAG MA YIN PA JI LTA BU YIN PA BSTAN TO, ,DE LA PHYI MA'I MTHA' LA BRTEN PA'I LTA BA NI GANG BDAG MA 'ONGS PA'I DUS GZHAN DU 'BYUNG BAR 'GYUR ZHES BYA BAR LTA BA LA SOGS PA BZHI DANG 'JIG RTEN MTHA' YOD CES BYA BAR LTA BA LA SOGS PA GZHI STE, DE DAG KYANG SNGA MA BZHI LAS PHYI MA BZHI GO RIMS BZHIN DU 'BYUNG BAR SBYAR RO, ,LTA BA'I MTSAN NYID NI MNGON PAR ZHEN PA DANG, 'DZIN PA DANG, LHAG PAR CHAGS PA LA SOGS PA DAG GI RNAM GRANGS SO, ,PHYI MA'I MTHA' ZHES BYA BA NI TSE PHYI MA'O, ,DE LA BRTEN PA ZHES BYA BA NI DE LA DMIGS PA'O, ,RE ZHIG DE DAG GIS NI SNGON GYI MTHA' LA BRTEN PA DANG, PHYI MA'I MTHA' LA BRTEN PA'I LTA BA GANG DAG YIN PA DE BSTAN TO, ,DA NI LTA BA DE DAG MI 'THAD PAR BSTAN PAR BYA STE, DE'I PHYIR DE LA RE ZHIG SNGON GYI MTHA' LA BRTEN PA'I LTA BA RNAMS LAS BRTZAMS TE DPYAD PAR BYA'O ZHES BYA BA SMRAS SO, ,'DIR SNGON GYI MTHA' LA BRTEN PA'I LTA BA BRGYAD PO DE DAG LAS RE ZHIG ,'DAS PA'I DUS NA BYUNG BAR GYUR, ,CES BYA BAR LTA BA MI 'THAD PAR JE BSTAN PAR BYA STE, DE'I PHYIR, 'DAS PA'I DUS NA BYUNG GYUR CES, ,BYA BA DE NI MI 'THAD DO, ,ZHES BYA BA SMRAS SO, ,DE NYID KYI RJES SU DPAG PA BSTAN PA'I PHYIR RIGS PA GANG GIS SHE NA, DE'I PHYIR BSHAD PA, SNGON TSE RNAMS SU GANG BYUNG BA, ,DE NYID 'DI NI MA YIN NO, ,DUS THA DAD PA'I PHYIR DANG, LAS THA DAD PAS BSKYED PA'I PHYIR DPER NA DE LAS GZHAN BZHIN NO ZHES BYA BAR DGONGS SO ZHES BYA BA SMRAS TE, DE DAG NI @320A *, ,CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN LAS GZHAN PA MCHOD SBYIN GYI PHUNG PO LNGA PO GANG YIN PA DE NI DUS THA DAD PA'I PHYIR DANG, LAS THA DAD PAS SKYED PA'I PHYIR LHAS BYIN GYI PHUNG PO LNGA PO 'DI MA YIN PA DE BZHIN DU LHAS BYIN GYI SNGON GYI TSE RABS RNAMS SU GANG BYUNG BA'I PHUNG PO LNGA PO DE NYID KYANG DUS THA DAD PA'I PHYIR DANG, LAS THA DAD PAS BSKYED PA'I PHYIR LHAS BYIN GYI DA LTAR GYI PHUNG PO LNGA PO 'DI MA YIN PAS BDAG 'DAS PA'I DUS NA BYUNG BAR GYUR CES BYA BAR LTA BA DE MI 'THAD DO, , LA LA 'DI SNYAM DU LUS DANG DBANG PO THA DAD KYANG BDAG GCIG YIN PA'I PHYIR, DE NYID BDAG TU 'GYUR SNYAM NA ZHES BYA BA NI PHA ROL PO DAG NA RE KHYED DBU MA PAS SNGON GYI TSE RABS RNAMS SU GANG BYUNG BA'I PHUNG PO LNGA PO DE NYID DA LTAR GYI PHUNG PO LNGA PO 'DI MA YIN TE, DUS THA DAD PA'I PHYIR DANG, LAS THA DAD PAS BSKYED PA'I PHYIR DPER NA DE LAS GZHAN BZHIN NO ZHES BSHAD PA DE MI RUNG STE, LUS DANG DBANG PO THA DAD KYANG BDAG GCIG YIN PA'I PHYIR SNGON GYI TSE RABS RNAMS SU GANG BYUNG BAR GYUR PA'I BDAG DE NYID DA LTAR GYI BDAG 'DI YIN PAR 'GYUR BAS DE'I PHYIR DBU MA PA'I GTAN TSIGS SU THA DAD PA'I PHYIR DANG, LAS THA DAD PAS BSKYED PA'I PHYIR ZHES BYA BA DE MA GRUB PO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS DE LTA NA YANG NGO ZHES BYA BA SMRAS TE DE LTA NA YANG KHYED KYI BDAG DE KHO BOS SNGAR BKAG ZIN PA'I PHYIR DE NYID 'DI YIN NO ZHES BYA BAR MI RUNG BAS KHO BO'I ? GTAN TSIGS MA GRUB PA MA YIN NO, ,'DIR PHA ROL PO DAG NA RE KHO BO CAG GIS KHYED DBU MA PA LA YANG THA SNYAD DU GRAGS PA'I BDAG SPYIR KHAS BLANGS NAS DE SKAD SMRAS PAS SNGON GYI TSE RABS RNAMS SU GANG 'BYUNG BAR 'GYUR BA'I BDAG DE NYID DA LTAR GYI BDAG 'DI YIN PAR 'GRUB PO ZHES ZER PA'I PHYOGS SNGA MA KHONG NAS DBYUNG BA DE'I LEN DU 'DIR 'GREL PA BYED PA NYID KYIS GAL TE BDAG SPYIR KHAS BLANGS NAS SMRA NA NI, ,NYE BAR LEN PA THA DAD 'GYUR, ,DUS DANG LAS THA DAD PA'I PHYIR RO ZHES BYA BAR DGONGS SO ZHES BYA BA SMRAS TE, DE LTA NA YANG DUS DANG LAS THA DAD PA'I PHYIR STON GYI TSE RABS RNAMS SU GANG DON DAM PAR @320B NI MI 'DOD DO ZHES BYA BA SMRAS SO, ,DON DAM PAR NYE BAR LEN PA NYID BDAG YIN PAR MI 'DOD DO, ,CI'I PHYIR ZHE NA, DE'I RIGS PA BSTAN PA'I PHYIR, 'DI LTAR, DE NI 'BYUNG DANG 'JIG PA YIN, ,DE'I PHYIR 'BYUNG DANG 'JIG PA'I CHOS CAN YIN PA'I PHYIR NYE BAR LEN PA YANG SNGA MA BZHIN DU BDAG NYID MA YIN NO ZHES BYA BA SMRAS TE, DON DAM PAR NYE BAR LEN PA DE NI BDAG MA YIN TE, 'BYUNG BA DANG 'JIG PA'I CHOS CAN YIN PA'I PHYIR DPER NA PHYI ROL GYIS LA SOGS PA BZHIN NO ZHES BYA BAR SBYAR RO, ,YANG GZHAN YANG NYE BAR LEN PA NYID BDAG MA YIN PAR BSTAN PA'I RIGS PA GZHAN BSTAN PA'I PHYIR, GZHAN YANG, NYE BAR BLANGS PA JI LTA BUR, ,NYE BAR LEN PA YIN PAR 'GYUR, ,NYE BAR BLANG BA DANG NYE BAR LEN PA DAG GCIG PA NYID MA YIN TE, SNGAR BSTAN PA'I TSUL GYIS, LAS DANG BYED PA PO YIN PA'I PHYIR DPER NA BUD SHING DANG ME BZHIN NO ZHES BYA BAR DGONGS SO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SNGAR ME DANG BUD SHING BRTAGS PA'I SKABS SU BUD SHING DANG ME DAG NI LAS DANG BYED PA PO YIN PA'I PHYIR GCIG PA NYID MA YIN NO ZHES BSTAN PA DE BZHIN DU 'DIR NYE BAR BLANG BA DANG NYE BAR LEN PA PO DAG KYANG LAS DANG BYED PA PO YIN PA'I PHYIR GCIG PA NYID MA YIN NO ZHES BYA BAR DGONGS SO, ,'DIR PHA ROL PO DAG NA RE DE LTA NA KHYED DBU MA PAS BDAG DE NYE BAR LEN PA LAS GZHAN PA YANG MA YIN LA, NYE BAR LEN PA NYID KYANG MA YIN PAR BSTAN PAS KHYED KYIS BDAG MED PA NYING KYI MTHA' BSTAN PA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, BDAG MED PA MA YIN PAR YANG MI RIGS TE, BDAG LA LTOS NAS BDAG MED PA 'GRUB PA'I PHYIR RO ZHES BYA BA SMRAS TE, DE'I PHYIR BDAG YOD PAR MA GRUB PAS BDAG MED PAR YANG MI 'GRUB PA'I PHYIR BDAG MED PA YIN PAR YANG MI RIGS PAR BSTAN TO, ,'DIR PHA ROL PO DAG NA RE GAL TE KHYED DBU MA PA DE LTAR NYE BAR LEN PA BDAG MED PA YIN PAR YANG MI 'DOD NA, 'ON DE LTAR NA, NYE BAR LEN PA NYID BDAG YIN PAR 'GYUR RO ZHES ZER BA'I PHYOGS SNGA MA KHONG NAS DBYUNG BA @321A *, ,DE'I LAN DU, 'DIR 'GREL PA BYED PA NYID KYIS, DON DAM PAR NYE BAR LEN PA NYID BDAG YIN PAR MI 'DOD DE, 'DI LTAR, DE NI 'BYUNG DANG 'JIG PA YIN, ,ZHES BYA BAS BDAG YIN PA NYID BKAG PA'I PHYIR RO ZHES BYA BA SMRAS TE, DON DAM PAR NYE BAR LEN PA NYID BDAG YIN PAR MI 'DOD DE, 'BYUNG BA DANG 'JIG PA'I CHOS CAN YIN PA'I PHYIR DPER NA PHYI ROL GYI SA LA SOGS PA BZHIN NO ZHES BYA BAR SBYOR RO, ,'DIR PHA ROL PO DAG NA RE, DE LTAR KHYED DBU MA PA DON DAM PAR NYE BAR LEN PA NYID BDAG YIN PAR MI 'DOD NA DE LTA NA BDAG NI NYE BAR LEN PA MED PA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, GZHAN GANG YIN PA DE YANG BDAG MA YIN TE, RNAM PA DE LTA BU DE THA SNYAD DU YANG BSTAN DKA' BA'I PHYIR RO ZHES BYA BA SMRAS TE, NYE BAR LEN PA NYID LAS GZHAN GANG YIN PA NYE BAR LEN PA MED PA DE YANG BDAG MA YIN TE; BDAG NYE BAR LEN PA MED PA DE LTA BU DE THA SNYAD DU YANG BSTAN DKA' BA'I PHYIR RO ZHES STAN TO, ,BDAG NYE BAR LEN PA LAS GZHAN YIN PAR SMRA BA DAG GI PHYIR BSHAD PA, BDAG NI NYE BAR LEN PA LAS, ,GZHAN DU 'THAD PA NYID MA YIN, ,ZHES BYA BAS NI, BDAG NYE BAR LAN PA LAS GZHAN YIN PAR SMRA BA DGAG PA'I RIGS PA GZHAN STON TO, ,DE'I PHYIR, 'DI LTAR BDAG NYE BAR LEN PA LAS GZHAN NYID YIN NA NYE BAR LEN PA MED PAR YANG BDAG YOD PAR BYA DGOS TE, GZHAN YIN PA'I PHYIR, DPER NA DE LAS GZHAN BZHIN NO ZHES BYA BA SMRAS TE, DPER NA NYE BAR LEN PA DE LAS GZHAN PA'I BUM PA NI GZHAN YIN PA'I PHYIR NYE BAR LEN PA MED PAR YANG YOD PAR BYA DGOS PA DE BZHIN DU, BDAG KYANG NYE BAR LEN PA LAS GZHAN NYID YIN NA GZHAN YIN PA'I PHYIR NYE BAR LEN PA MED PAR YANG YOD PAR BYA DGOS SO, ,'DIR PHA ROL PO DAG NA RE DE BZHIN DU NYE BAR LEN PA MED PAR YANG BDAG YOD PAR 'DOD DO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, DE LTA YIN NA, GAL TE GZHAN NA LEN MED PAR, ,GZUNG YOD RIGS NA GZUNG DU MED, ,CES BYA BA SMRAS TE, GAL TE BDAG NYE BAR LEN PA LAS GZHAN YIN @321B NA NYE BAR LEN PA MED PAR YANG GZUNG DU YOD PA'I RIGS NA GZUNG DU MED PA'I PHYIR NYE BAR LEN PA LAS GZHAN MA YIN PAR STON TO, ,DE LTAR 'DIS NI BDAG GI CHOS NI GZUNG DU YOD PA'I RIGS NA GZUNG DU MED PA YIN PAR BSTAN TO ZHES BYA BAS NI BSTAN BCOS MDZAD PAS TSIG LE'UR BYAS PA'I PHYED 'DIS BDAG NYE BAR LEN PA LAS GZHAN NYID MA YIN PAR SGRUB PA'I CHOS GTAN TSIGS NI GZUNG DU YOD PA'I RIGS NA GZUNG DU MED PA YIN PAR BSTAN TO, ,DE NYID KYI RJES SU DPAG PA BSTAN PA'I PHYIR, DE'I PHYIR RJES SU DPAG PA NI BDAG NI NYE BAR LEN PA LAS GZHAN MA YIN TE, GZUNG DU YOD PA'I RIGS NA GZUNG DU MED PA'I PHYIR DPER NA NYE BAR LEN PA'I BDAG NYID BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA NYE BAR LEN PA'I BDAG NYID NI NYE BAR LEN PA'I BDAG NYID LAS GZHAN YIN NA, GZUNG DU YOD PA'I RIGS NA GZUNG DU MED PA'I PHYIR NYE BAR LEN PA LAS GZHAN MA YIN PA DE BZHIN DU, BDAG KYANG NYE BAR LEN PA'I BDAG NYID LAS GZHAN YIN NA GZUNG DU YOD PA'I RIGS NA GZUNG DU MED PA'I PHYIR NYE BAR LEN PA LAS GZHAN MA YIN NO, ,MJUG BSDU BA BSTAN PA'I PHYIR, DE'I PHYIR DE LTAR JI SKAD BSTAN PA'I TSUL GYIS, DE LTAR LEN LAS GZHAN MA YIN, DE NI NYER LEN NYID KYANG MIN, ,BDAG NI NYE BAR LEN MED MIN, ,MED PA NYID DU 'ANG DE MA NGES, ,ZHES SGRUB PAR SNGAR BSTAN PA'I DBANG GIS MJUG BSDU BA BYA STE ZHES BYA BA SMRAS SO, ,DE LTAR RE ZHIG BDAG 'DAS PA'I DUS NA BYUNG BAR GYUR CES BYA BA DE MI 'THAD PAR BSTAN TO ZHES BYA BA NI SNGON GYI MTHA' LA BRTEN PA'I LTA BA RNAM PA BRGYAD LAS BDAG 'DAS PA'I DUS NA BYUNG BAR GYUR CES BYA BAR BLTA BA'I 'THAD PAR BSTAN PA'I MJUG BSDU BA BSTAN TO, ,DA NI SNGON GYI MTHA' LA BRTEN PA'I LTA BA BRGYAD PO DE DAG LAS GZHAN 'DAS PA'I DUS NA BYUNG BAR MA GYUR CES BYA BAR LTA BA MI 'THAD PAR BSTAN PA'I PHYIR, DA NI; 'DAS PA'I DUS NA MA BYUNG ZHES, ,BYA BA DE YANG MI 'THAD DO, ,ZHES BYA BA SMRAS TE, DE NYID KYI RIGS PA BSTAN PA'I PHYIR, RIGS PA GANG GI ZHE NA, DE'I PHYIR BSHAD PA, SNGON TSE RNAMS SU GANG BYUNG BA, ,DE LAS 'DI @322A *, ,GZHAN MA YIN NO ZHES BYA BA SMRAS SO, ,CI'I PHYIR ZHE NA ZHES BYA BA NI PHA ROL PO DAG 'DRI BA'I TSIG YIN NO, ,DE'I LAN DU, GAL TE 'DI NI GZHAN GYUR NA, ,DE MED PAR YANG 'BYUNG BAR 'GYUR, ,ZHES BYA BA SMRAS TE, GAL TE SNGON GYI TSE RABS RNAMS SU GANG BYUNG BAR GYUR PA'I PHUNG PO LNGA PO DE LAS DA LTAR GYI PHUNG PO LNGA PO 'DI GZHAN YIN PAR GYUR NA SNGON GYI PHUNG PO DE MED PAR YANG DA LTAR GYI PHUNG PO 'DI 'BYUNG BA'I SKYON DU 'GYUR RO, ,DE'I PHYIR, DE NI MI 'DOD DE, DE'I PHUNG PO LNGA PO BYUNG BAR GYUR PA GANG YIN PA DE 'DI'I RKYEN NYID YIN PAR 'DOD DO ZHES BYA BA SMRAS SO, ,DE NYID KYI RJES SU DPAG PA BSTAN PA'I PHYIR, DE'I PHYIR RJES SU DPAG PA NI LHAS BYIN GYI PHUNG PO LNGA NI SNGON GYI PHUNG PO RNAMS LAS GZHAN MA YIN TE, RGYUD THA DAD PA MA YIN TE 'DAS PA'I PHUNG PO'I RGYU LAS BYUNG BA YIN PA'I PHYIR DPER NA LHAS BYIN GYI 'DAS PA'I PHUNG PO LNGA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA LHAS BYIN GYI 'DAS PA'I PHUNG PO RGYUD THA DAD PA MA YIN NA 'DAS PA'I PHUNG PO'I RGYU LAS BYUNG BA YIN PA'I PHYIR SNGON GYI PHUNG PO RNAMS LAS GZHAN MA YIN PA DE BZHIN DU, LHAS BYIN GYI DA LTAR GYI PHUNG PO LNGA YANG RGYUD THA DAD PA MA YIN NA 'DAS PA'I PHUNG PO'I RGYU LAS BYUNG BA YIN PA'I PHYIR SNGON GYI PHUNG PO RNAMS LAS GZHAN PA MA YIN NO, ,GAL TE 'DI NI GZHAN GYUR NA, ,DE MED PAR YANG 'BYUNG BAR 'GYUR, ,ZHES BYA BA DE'I SKYON GZHAN YANG BSTAN PA'I PHYIR, DE MED PAR YANG 'BYUNG BAR 'GYUR; ,ZHES BYA BA'I SKYON DE 'BA' ZHIG TU YANG MA ZAD DE, DE BZHIN DU NI GNAS 'GYUR ZHING, ,RKYEN DES PHUNG PO PHYI MA MTSAN NYID MI 'DRA BA MA BSKYED PA'I PHYIR SNGON BZHIN DU GNAS PAR 'GYUR RO ZHES BYA BAR DGONGS SO ZHES BYA BA SMRAS TE, DES NI GAL TE GZHAN YIN NA, SNGON GYI PHUNG PO'I RKYEN DES PHUNG PO PHYI MA MTSAN NYID MI 'DRA BA 'DI MA BSKYED PA'I PHYIR SNGON GYI PHUNG PO DE DA LTAR YANG SNGON BZHIN DU GNAS PA'I SKYON DU 'GYUR BAR BSTAN TO, ,DE LTA YIN NA, DER MA SHI BAR SKYE BAR 'GYUR, TSE RABS GZHAN DER MA SHI BA KHO NAR GZHAN DAG NYID THOB PAS RNAMS PAR GNAS PA ZHIG 'DIR @322B SKYES PA'I PHYIR RO ZHES BYA BAR DGONGS SO ZHES BYA BA NI GAL TE GZHAN YIN NA DA LTAR GYI PHUNG PO GZHAN 'DI SNGON GYI TSE RABS GZHAN DER MA SHI BAR 'DIR SKYES PA'I SKYON DU 'GYUR BAR BSTAN TO, ,GZHAN YIN PA'I SKYON GZHAN YANG BSTAN PA'I PHYIR, DE LTAR GZHAN NYID DU KHAS LEN NA SKYON 'DI DAG TU YANG 'GYUR TE, CHA DANG LAS RNAMS CHUD ZA DANG, ,GZHAN GYIS BYAS PA'I LAS RNAMS NI, ,GZHAN GYIS SO SOR MYONG BA DANG, ,DE LA SOGS PAR THAL BAR 'GYUR, ,DE LTAR NA LAS BYAS PA CHUD ZA BA DANG, MA BYAS PA DANG PHRAD PA LA SOGS PAR THAL BAR 'GYUR RO ZHES BYA BA SMRAS SO; ,DA NI GAL TE GZHAN YIN NA MA BYUNG BA LAS 'BYUNG BA YIN PAR MI 'GYUR BAR BSTAN PA'I PHYIR, MA BYUNG BA LAS 'BYUNG MIN TE, ,'DI LA SKYON DU THAL BAR 'GYUR, ,ZHES BYA BA SMRAS TE, GAL TE GZHAN YIN NA MA BYUNG BA LAS 'BYUNG BA MA YIN PAR 'GYUR TE, CI'I PHYIR ZHE NA, MA BYUNG BA LAS 'BYUNG BA YIN PAR 'DOD NA 'DI LA SKYON DU THAL BAR 'GYUR RO, ,JI LTAR ZHE NA ZHES BYA BA NI PHA ROL PO DAG NA RE MA BYUNG BA LAS 'BYUNG BA YIN NA 'DI LA JI LTAR SKYON DU THAL BAR 'GYUR ZHES 'DRI BA'I TSIG YIN NO, ,DE'I LAN DU, BDAG NI BYAS PAR 'GYUR BA DANG, ,MA BYUNG BA LAS BYUNG BA'I PHYIR, DPER NA BUM PA BZHIN NO ZHES BYA BA SMRAS TE, DA LTAR GYI PHUNG PO DANG BDAG 'DI MA BYUNG BA LAS 'BYUNG BA YIN PAR GYUR NA KHYED KYI BDAG DE BYAS PAR 'GYUR TE, MA BYUNG BA LAS 'BYUNG BA'I PHYIR DPER NA BUM PA BZHIN NO ZHES BYA BA'I SKYON DU THAL BAR 'GYUR RO, ,'DI LA SKYON GZHAN JI LTA BUR THAL BAR 'GYUR BA YANG BSTAN PA'I PHYIR, BYUNG BA RGYU MED CAN DU 'GYUR, SKYED PAR BYED PA'I RGYU SNGON LAS DANG NYON MONGS PAS NYE BAR BSAGS PA ZHES BYA BA'I PHUNG PO GZHAN MED PA'I PHYIR RO ZHES BYA BA SMRAS TE, DA LTAR GYI PHUNG PO DANG BDAG 'DI MA BYUNG BA LAS BYUNG BA YIN PAR GYUR NA KHYED KYI BDAG DANG PHUNG PO BYUNG BA 'DI RGYU MED PA CAN GYI SKYON DU THAL BAR YANG 'GYUR TE, SKYED PAR BYED PA'I RGYU SNGON LAS DANG NYON MONGS PAS NYE BAR BSAGS PA ZHES BYA BA'I PHUNG PO GZHAN MED PA'I PHYIR RO, ,DE DAG GIS NI SNGON GYI MTHA' LA BRTEN PA'I LTA BA BRGYAD PO DAG LAS BDAG 'DAS PA'I DUS NA BYUNG BAR MA GYUR CES BYA BAR LTA BA @323A *, ,MI 'THAD PAR BSTAN TO, ,DA NI SNGON GYI MTHA' LA BRTEN PA'I LTA BA BRGYAD PO DAG LAS BDAG 'DAS PA'I DUS NA BYUNG BAR GYUR KYANG GYUR LA BYUNG BAR MA GYUR KYANG MA GYUR CES BYA BA DANG, BYUNG BAR GYUR PA YANG MA YIN, BYUNG BAR MA GYUR PA YANG MA YIN ZHES BYA BAR LTA BA GNYIS MI 'THAD PAR BSTAN PA'I PHYIR, GNYIG DANG GNYIG MA YIN PA YANG MA YIN TE, BDAG GNYI GA DANG GNYI GA MA YIN PA'I SKYON BSTAN ZIN PA'I PHYIR RO ZHES BYA BA SMRAS SO, ,SGRUB PA JI SKAD BSTAN PAS, ,DE LTAR BDAG BYUNG BDAG MA BYUNG, ,GNYI GA GNYI GA MA YIN PAR, ,'DAS LA LTA BA GANG YIN PA, ,DE DAG 'THAD PA MA YIN NO, ,ZHES BSGRUB PA SNGAR BSTAN ZIN PA'I DBANG GIS MJUG BSDU BAR BYA'O ZHES BYA BA NI SNGON GYI MTHA' LA BRTEN PA'I LTA BA BRGYAD PO DAG LAS SNGA MA BZHI PO MI 'THAD PAR BSTAN PA'I MJUG BSDU BA BSTAN TO, ,DA NI PHYI MA'I MTHA' LA BRTEN PA'I LTA BA BRGYAD PO DAG LAS, RE ZHIG BDAG MA 'ONGS BA'I DUS GZHAN DU 'BYUNG BAR 'GYUR ZHES BYA BA DANG, 'BYUNG BAR MI 'GYUR ZHES BYA BA DANG, 'BYUNG BAR 'GYUR YANG 'GYUR LA, 'BYUNG BAR MI 'GYUR YANG MI 'GYUR ZHES BYA BA DANG, 'BYUNG BAR 'GYUR BA YANG MA YIN, 'BYUNG BAR MI 'GYUR BA YANG MA YIN ZHES BYA BA LTA BA SNGA MA BZHI PO SNGAR BSTAN PA DAG BZHIN DU MI 'THAD PAR MTSUNGS PAR BSTAN PA'I PHYIR, DA NI, MA 'ONGS DUS GZHAN 'BYUNG 'GYUR DANG, ,'BYUNG BAR MI 'GYUR ZHES BYA BAR, ,LTA BA GANG YIN DE DAG NI, ,'DAS PA'I DUS DANG MTSUNGS PA YIN, DE KHO NA BZHIN DU GCIG PA NYID DANG, GZHAN NYID DANG, GNYI GA NYID DANG, GNYI GA MA YIN PA NYID DGAG PA'I PHYIR RO ZHES BYA BA SMRAS SO, ,DA NI SNGON GYI MTHA' LA BRTEN PA'I LTA BA BRGYAD PO DAG LAS 'JIG RTEN RTAG PA DANG, 'JIG RTEN MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA YANG MA YIN MI RTAG PA YANG MA YIN ZHES BYA BAR LTA BA PHYI MA BZHI MI 'THAD PAR BSTAN PAR BYA'O, , DE LA RE ZHIG 'JIG RTEN RTAG CES BYA BAR LTA BA MI 'THAD PAR BSTAN PA'I PHYIR YANG, GZHAN YANG GCIG PA NYID YIN NA, ,GAL TE LHA DE MI DE NA, ,DE LTA NA NI RTAG PAR 'GYUR, ,ZHES BYA BA LA SOGS PA SMRAS TE, BDAG 'DAS PA'I DUS NA BYUNG BAR GYUR CES BYA BAR LTA BA LA BRTEN NAS, 'JIG RTEN RTAG CES BYA BAR LTA BA 'DI @323B 'BYUNG BAR 'GYUR TE, DE YANG BDAG 'DAS PA'I DUS NA BYUNG BAR GYUR CES BYA BA DE'I GZHI LAS GAL TE, BDAG 'DAS PA'I DUS NA LHAR GYUR PA DE DA LTAR GYI MI 'DI YIN NO ZHES BYA BAR LTA BAR GYUR PAS DE LTA NA 'JIG RTEN RTAG PAR LTA BAR GYUR PA'I PHYIR DE YANG MI 'THAD PAR STON TO, ,GAL TE DE LTAR GYUR NA CI NYES SHE NA ZHES BYA BA NI PHA ROL PO DAG 'DI SKAD CES 'DRI BA'I TSIG YIN NO, ,DE'I LAN DU, LHA NI MA SKYES NYID 'GYUR TE, ,RTAG LA SKYE BA MED PHYIR RO, ,RTAG PA NI SKYE BA MED PA CAN YIN PA'I PHYIR RO ZHES BYA BA SMRAS TE, DE LTAR GYUR NA BDAG 'DAS PA'I DUS NA LHAR GYUR PA DE DA LTAR GYI MI 'DIR MA SKYES PA NYID KYI SKYON DU 'GYUR TE, RTAG PA LA SKYE BA MED PA'I PHYIR RO, ,PHYIR ROL PA DAG NA RE, BDAG SKYES PA KHO NAS LHA LA SOGS PA'I BYA BA BYED PA LA SBYOR BA'I PHYIR, LHA LA SOGS PA DAG GI BDAG GCIG KHO NA YIN PAR BSTAN PAR BYA BA YIN NO ZHES ZER RO ZHES BYA BA NI PHA ROL PO DAG NA RE, KHYED DBU MA PAS, RTAG LA SKYE BA MED PHYIR RO, ,ZHES SMRAS PA DE NI KHO BO CAG 'DOD PA YIN TE, 'DI LTAR BDAG RTAG PA NGES PAR GNAS PA NI LHA LA SOGS PA'I LUS KYI BYA BA BYED PA LA SBYOR BA'I PHYIR, LHA LA SOGS PA DAG GI LUS THA DAD PA'I BDAG NI GCIG KHO NA YIN PA'I PHYIR RO ZHES ZER BA'I TSIG YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI BZANG PO MA YIN TE, BDAG RGYU SNGON DU 'GRO BA NYID DANG LDAN PA NI MI RTAG PA NYID DU BSTAN PA'I PHYIR DANG, YOD PA NYID DU MA GRAGS PA LHA LA SOGS PA'I BYA BA BYED PA LA SBYOR BA MI SRID PA'I PHYIR RO ZHES BYA BA SMRAS TE, BDAG LHA LA SOGS PA'I LUS LA SBYOR BA'I RGYU SNGON DU 'GRO ZHING, PHYIS LNGA LA SOGS PA'I 'BRAS BU'I BYA BA BYED PA DANG LDAN PA NI MI RTAG PA NYID YIN PA'I PHYIR DANG, SNGAR BSTAN PA'I TSUL GYIS BRTAG PA YOD PA NYID DU MA GRAGS PA LHA LA SOGS PA'I 'BRAS BU'I BYA BA BYED PA LA SBYOR BA YANG MI SRID PA'I PHYIR DE NI BZANG PO MA YIN NO, ,CI STE YANG GCIG PA NYID YIN NA, CI SKAD BSTAN PA'I SKYON DU GYUR NA MI RUNG BAS GZHAN NYID YIN PAR SHES PAR BYA'O ZHE NA ZHES BYA BA NI PHA ROL PO DAG DE SKAD ZER BA'I TSIG YIN NO, , DE'I LAN DU, DE LA YANG SKYON 'DI YOD DE, GAL TE LHA LAS MI GZHAN NA, ,DE LTA NA NI MI RTAG 'GYUR, MI'I BDAG SKYES PA NA LHA'I BDAG ZHIG PA'I PHYIR ZHES BYA BA SMRAS SO, ,CI STE DE LTAR GYUR NA CI NYES SHEN ZHES BYA BA NI, PHA ROL PO DAG DE SKAD CES 'DRI BA'I TSIG YIN NO, ,DE'I LAN DU, GAL TE LHA MI GZHAN YIN NA, ,RGYUD @324A *, ,NI 'THAD PAR MI 'GYUR RO, ,GZHAN YIN PA'I PHYIR DPER NA, LHAS BYIN DANG MCHOD SBYIN GYI BDAG GI RGYAD DAG BZHIN NO ZHES BYA BA SMRAS TE, DE LTAR GYUR NA RGYUD GCIG PA NYID DU 'THAD PAR MI 'GYUR BAS, BDAG 'DAS PA'I DUS NA BYUNG BAR GYUR CES BYAR MI RUNG STE, DPER NA LHAS BYIN DANG MCHOD SBYIN GYI BDAG GI RGYUD DAG NI GZHAN YIN PA'I PHYIR RGYUD GCIG TU 'THAD PAR MI 'GYUR BA DE BZHIN DU, LHA DANG MI GZHAN YIN PA'I PHYIR BDAG GI RGYUD DAG KYANG GZHAN YIN PA'I PHYIR RGYUD GCIG TU 'THAD PAR MI 'GYUR BAS, BDAG 'DAS PA'I DUS NA NI BYUNG BAR GYUR CES BYA BA'I GZHI MA GRUB PAS 'JIG RTEN RTAG CES BYA BAR LTA BA MI 'THAD DO, ,GAL TE RGYUD THA DAD PA DANG RGYUD THA DAD PA MA YIN PA DAG GI GZHAN NYID GTAN TSIGS SU RTOG NA GTAN TSIGS MA GRUB PA DANG, DPE MA GRUB PA YIN NO ZHE NA ZHES BYA BA NI PHA ROL PO DAG NA RE, DBU MA PA'I GTAN TSIGS GZHAN YIN PA'I PHYIR ZHES BYA BA DE'I DON GANG YIN, CI RGYUD THA DAD PA DAG GI GZHAN NYID DAM, 'ON TE RGYUD THA DAD PA MA YIN PA DAG GI GZHAN NYID YIN, DES CIR 'GYUR ZHE NA, GAL TE RGYUD THA DAD PA DAG GI GZHAN NYID DON DAM PAR GTAN TSIGS SU RTOG NA NI GTAN TSIGS KYI DON MA GRUB PA NYID DE, 'DI LTAR DON DAM PAR KHYED LA 'DAS PA DANG DA LTAR GYI RGYUD THA DAD PA DAG GZHAN NYID DU MA GRUB PA'I PHYIR RO, ,'ON TE RGYUD THA DAD PA MA YIN PA DAG GI GZHAN NYID GTAN TSIGS SU RTOG NA NI DPE MA GRUB PA NYID YIN TE, DE LTAR RGYUD THA DAD PA MA YIN PA DAG GI GZHAN NYID KYI DPER LHAS BYIN DANG, MCHOD SBYIN GYI RGYUD THA DAD PA DAG MI RUNG NGO ZHES ZER BA'I TSIG YIN NO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, GTAN TSIGS SBYIR BRJOD PA'I PHYIR SKYON MED DO ZHES BYA BA SMRAS TE, KHO BOS RGYUD THA DAD PA DANG, RGYUD THA DAD PA MA YIN PA DAG GI GZHAN NYID CES BYE BRAG TU MA PHYE BAR SPYIR GZHAN NYID YIN PA'I PHYIR RGYUD NI 'THAD PAR MI 'GYUR RO ZHES GTAN TSIGS SPYIR BRJOD PA'I PHYIR SKYON MED DO, ,GANG DAG LHA YANG YIN LA, MI YANG YIN NO ZHES ZER BA DAG GI PHYIR BSHAD PA, GAL TE PHYOGS GCIG LHA YIN LA, ,PHYOGS GCIG MI NI YIN GYUR NA, ,DE LTA NA LHA NYID KYANG YIN LA MI NYID KYANG YIN PAR 'THAD DO ZHES BYA BAS @324B NI RNAM PA GNYIS SU SMRA BA DAG GI GZHUNG LAS SROG GI RNAM GRANGS LA LTOS NAS NI DA LTAR GYI MI 'DI NYID SNGON GYI LHA YIN LA, LUS KYI RNAM GRANGS LA LTOS NAS NI DA LTAR GYI MI YANG YIN NO ZHES GNYI GA YIN PAR SMRA BA DAG GI GZHUNG DGAG PA'I PHYIR 'DI BSHAD DE, GAL TE GZHOGS PHYED LHA YIN LA, ,GZHOGS PHYED MI MI YIN NI KHYED KYI GZHUNG DE MI 'THAD DO ZHES BSTAN TO, ,DE LTAN SKYON CI YOD CEN, DE LTA NA YANG SKYON 'DIR 'GYUR TE, ,RTAG DANG MI RTAG 'GYUR BA'I PHYIR, ,DE YANG RIGS PA MA YIN NO, ,PHYED SHI PHYED GSON PA MI 'THAD PA BZHIN NO ZHES BYA BA SMRAS TE, DE'I PHYIR GNYI GA'I BDAG NYID MI 'THAD PAS BDAG 'DAS PA'I DUS NA BYUNG BAR GYUR CES BYA BA'I GZHI MA GRUB PA'I PHYIR, 'JIG RTEN RTAG CES BYA BAR LTA BA MI RIGS SO, ,GANG DAG RTAG PA YANG MA YIN, MI RTAG PA YANG MA YIN NO ZHES ZER BA DE DAG GI PHYIR BSHAD PA, ,GAL TE RTAG DANG MI RTAG PA, ,GNYI GA GRUB PAR GYUR NA NI, ,RTAG PA MA YIN MI RTAG MIN, ,'GRUB PAR 'GYUR BA 'DOD LA RAG ,DE DAG BKAG PAS DE LTA BU MA GRUB PA'I PHYIR DANG, DE DAG BZHIN DU DE YANG BSTAN DKA' BA'I PHYIR RO ZHES BYA BAR DGONGS SO ZHES BYA BAS NI GANG DAG BDAG NI RTAG PA DANG MI RTAG PA GNYI GA MA YIN NO ZHES ZER BA DAG DGAG PA'I PHYIR 'DI BSTAN TE, GAL TE RTAG PA DANG MI RTAG PA GNYIS GRUB PAR GYUR NA NI DE GNYIS BKAG PAS DE LTA BU 'GRUB PAR 'DOD LA RAG NA, DE GNYIS MA GRUB PAS DE YANG MI 'GRUB PA'I PHYIR DANG, DE GNYIS 'GRUB PA BSTAN DKA' BZHIN DU DE YANG 'GRUB PAR BSTAN DKA' BAS, DE LTAR GNYI GA'I BDAG NYID KYI BDAG MA GRUB PAS BDAG 'DAS PA'I DUS NA BYUNG BAR GYUR CES BYA BAR LTA BA'I GZHI MA GRUB PA'I PHYIR 'JIG RTEN RTAG CES BYA BAR LTA BA MI 'THAD DO, ,GZHAN YANG DON DAM PAR, GAL TE GANG ZHIG GANG NAS 'ONGS, , CI ZHIG GANG DU 'GRO 'GYUR NA, ,DE'I PHYIR DE LA THOG MED PAS, ,RTAG PAR 'GYUR NA DE YANG MED, ,GAL TE LHA'AM MI GANG ZHIG ,LJA'I 'GRO BA'AM MI'I 'GRO BA GANG NAS 'ONGS SHING, 'GRO BA GZHAN CI ZHIG TU LHA 'AM MI LA SOGS PA'I 'GRO BA GANG DU GNAS PAR 'GRO BAR 'GYUR NA NI DE'I @325A *, ,PHYIR DE LA THOG MA MED PAS RTAG PAR YANG 'GYUR BA ZHIG NA, DE YANG MED DE, SEMS CAN NAM, GANG ZAG GCIG LA 'ONG BA DANG 'GRO BA MI 'GRUB PAS DGAG PA SNGAR BSTAN ZIN PA'I PHYIR RO ZHES BYA BAS NI GZHAN YANG GAL TE DON DAM PAR BUM PAR BYE'U BCUG PA'I TSUL BZHIN DU BDAG DE LTA BU ZHIG YOD PAR GYUR NA NI DE LA THOG MA MED PAS RTAG PAR YANG 'GYUR BA ZHIG NA, DE YANG MED PAS RTAG PAR MI 'GRUB BO, ,DE LTAR BUM PAR BYE'U BCUG PA LTA BU'I TSUL GYI BDAG RTAG PA MED PAS BDAG 'DAS PA'I DUS NA BYUNG BAR GYUR CES BYA BA'I GZHI MA GRUB PA'I PHYIR 'JIG RTEN RTAG CES BYA BAR LTA BA MI 'THAD DO, ,DE'I PHYIR DE LTAR RTAG PA MED DO ZHES BYA BA NI SNGON GYI MTHA' LA BRTEN PA'I LTA BA BRGYAD LAS 'JIG RTEN RTAG CES BYA BAR LTA BA MI 'THAD PAR BSTAN PA'I MJUG BSDU BA YIN NO, ,DA NI SNGON GYI MTHA' LA BRTEN PA'I LTA BA BRGYAD LAS 'JIG RTEN MI RTAG CES BYA BAR LTA BA MI 'THAD PAR BSTAN PA'I PHYIR GAL TE MI RTAG PAR 'GYUR RO ZHE NA DE YANG RIGS PA MA YIN TE, GAL TE RTAG PA 'GA' MED NA, ,MI RTAG GANG ZHIG YIN PAR 'GYUR, ,DE YANG RTAG PA LA LTOS PAS SAM, DE BSAL BAS MI RTAG PA NYID DU 'GRUB PA'I PHYIR RO ZHES BYA BA SMRAS TE, BDAG 'DAS PA'I DUS NA BYUNG BAR MA GYUR CES BYA BAR LTA BA'I GZHI LAS, 'JIG RTEN MI RTAG CES BYA BAR LTA BA 'DI 'BYUNG BAR 'GYUR TE, DE YANG BDAG RTAG PA MA GRUB PAS BDAG 'DAS PA'I DUS NA BYUNG BAR LTA BA'I GZHI MA GRUB PA'I PHYIR 'JIG RTEN RTAG CES BYA BAR LTA BA MI 'THAD PAS, RTAG PA 'GA' YANG MED NA MI RTAG PA GANG ZHIG YIN PAR 'GYUR TE, DE YANG MI 'THAD DO ZHES BSTAN TO, ,DA NI SNGON GYI MTHA' LA BRTEN PA'I LTA BA BRGYAD LAS RTAG KYANG RTAG LA, MI RTAG KYANG MI RTAG PA DANG, RTAG PA YANG MA YIN MI RTAG PA YANG MA YIN ZHES BYA BAR LTA BA THA MA GNYIS MI 'THAD PAR BSTAN PA'I PHYIR, GNYI GA DANG GNYI GA MA YIN PA NYID KYANG MI 'THAD PAS DE'I PHYIR BSHAD PA, RTAG PA DANG NI MI RTAG DANG, ,DE GNYIS GSAL BAR GYUR PA'O, ,GANG ZHIG YIN PAR 'GYUR ZHES BYA BAR SBYAR RO ZHES BYA BA SMRAS TE, BDAG 'DAS PA'I DUS NA BYUNG BAR GYUR KYANG GYUR LA, BYUNG BAR MA GYUR KYANG MA GYUR CES BYA BAR LTA BA'I GZHI LAS NI 'JIG RTEN RTAG KYANG RTAG LA MI RTAG @325B KYANG MI RTAG CES BYA BAR LTA BA 'BYUNG LA, BDAG 'DAS PA'I DUS NA BYUNG BAR GYUR PA YANG MA YIN, BYUNG BAR MA GYUR BA YANG MA YIN ZHES BYA BAR LTA BA'I GZHI LAS NI, 'JIG RTEN RTAG PA YANG MA YIN MI RTAG PA YANG MA YIN ZHES BYA BAR LTA BA 'BYUNG STE, DE GNYIS KYANG RTAG PA DANG MI RTAG PAR LTA BA MI 'THAD PAS MI 'GRUB PO ZHES BYA BAR SBYAR RO, ,DE LTAR RE ZHIG SNGON GYI MTHA' LAS BRTZAMS TE, RTAG PA LA SOGS PA BZHI PO DAG MED DO ZHES BYA BA NI SNGON GYI MTHA' LA BRTEN PA'I LTA BA BRGYAD PO DAG LAS 'JIG RTEN RTAG CES BYA BA LA SOGS PAR LTA BA PHYI MA BZHI PO DAG MI 'THAD PAR BSTAN PA'I MJUG BSDU BA YIN NO, ,DA NI PHYI MA'I MTHA' LA BRTEN PA'I LTA BA BRGYAD PO DAG LAS SNGA MA BZHI SNGAR BSTAN PA'I LHAG MA 'JIG RTEN MTHA' YOD PA DANG, 'JIG RTEN MTHA' MED PA DANG, MTHA' YOD KYANG YOD LA MED KYANG MED PA DANG, MTHA' YOD PA YANG MA YIN, MTHA' MED PA YANG MA YIN NO ZHES BYA BAR LTA BA BZHI PO DAG MI 'THAD PAR RIM BZHIN DU DPYAD PAR BYA'O, ,DE LA RE ZHIG 'JIG RTEN MTHA' YOD CES BYA BAR LTA BA MI 'THAD PAR BSTAN PA'I PHYIR, GAL TE 'JIG RTEN MTHA' YOD NA, ,'JIG RTEN PHA ROL JI LTAR 'GYUR, ,MTHA' ZHES BYA BA NI MU DANG MJUG CES BYA BA DAG GI RNAM GRANGS SO, ,MTHA' YOD CES BYA BA NI DE LA DE YOD PA DE, SA BON TSIG PA BZHIN DU NYING MTSAMS SBYOR BA MED PA ZHES BYA BA'I THA TSIG GO ZHES BYA BA SMRAS TE, BDAG MA 'ONGS PA'I DUS GZHAN DU 'BYUNG BAR 'GYUR ZHES BYA BAR LTA BA'I GZHI LAS 'JIG RTEN MTHA' YOD CES BYA BAR LTA BA 'DI 'BYUNG BAR 'GYUR TE, 'DIR GAL TE PHA ROL PO DAG 'DOD PA LTAR 'JIG RTEN MTHA' YOD PAR RTOG NA MTHA' ZHES BYA BA NI MU DANG MJUG ZAD PA YIN PAS DE YOD NA SA BON TSIG PA BZHIN DU NYING MTSAMS SBYOR BA MED PA'I PHYIR 'JIG RTEN PHA ROL MED PAS BDAG MA 'ONGS PA'I DUS GZHAN DU 'BYUNG BAR 'GYUR ZHES BYA BAR LTA BA'I GZHI MI 'GRUB PA'I PHYIR, 'JIG RTEN MTHA' YOD CES BYA BAR LTA BA MI 'THAD PAR STON TO, ,DE NYID KYI 'THAD PA BSTAN PA'I PHYIR, DE LTA NA 'JIG RTEN PHA ROL YOD PAR MI 'THAD DE, MTHA' YOD PA'I PHYIR DGRA BCOM PA'I PHUNG PO MTHA' MA SNGON DU BTANG BA LAS PHUNG PO PHYI MA 'BYUNG BAR MI 'GYUR BA BZHIN NO ZHES BYA BA SMRAS TE, 'DIS NI 'JIG RTEN MTHA' @326A *, ,YOD NA, ,'JIG RTEN PHA ROL YOD PAR MI RUNG STE, MTHA' YOD PA'I PHYIR DPER NA DGRA BCOM PA'I PHUNG PO THA MA BZHIN DU 'GYUR BA'I SKYON YOD PAS 'JIG RTEN MTHA' YOD PAR LTA BA MI 'THAD DO ZHES BSTAN TO, ,GLAGS YOD PA'I TSIG DE LAS BZLOG PAS SKABS KYI DON DANG DE SGRUB PA'I CHOS BSTAN PA'I PHYIR, 'JIG RTEN PHA ROL DE YANG YOD PAS, 'DIS NI PHUNG PO SNGA MA RNAMS KYI 'BRAS BU NI PHUNG PO PHYI MA RNAMS YIN PAS, DE'I PHYOGS KYI CHOS NI DE'I 'BRAS BU YOD PA YIN PAR BSTAN TO ZHES BYA BA SMRAS TE, 'JIG RTEN PHA ROL DE YANG YOD PAS 'JIG RTEN MTHA' YOD PA MA YIN PAR SGRUB PA'I PHYOGS KYI CHOS GTAN TSIGS NI DE'I 'BRAS BU YOD PA YIN PAR BSTAN TE, DE'I RJES SU DPAG PA NI 'OG NAS STON TO, ,DA NI 'JIG RTEN MTHA' MED CES BYA BAR LTA BA MI 'THAD PAR BSTAN PA'I PHYIR, DE BZHIN DU, GAL TE 'JIG RTEN MTHA' MED NA, ,'JIG RTEN PHA ROL JI LTAR 'GYUR, ,RGYU DE KHO NA BZHIN DU GNAS PA'I 'BRAS BU MI 'BYUNG BA'I PHYIR RO ZHES BYA BA SMRAS TE, BDAG MA 'ONGS PA'I DUS NA GZHAN DU 'BYUNG BAR MI 'GYUR ZHES BYA BAR LTA BA'I GZHI LAS 'JIG RTEN MTHA' MED CES BYA BAR LTA BA 'DI 'BYUNG BAR 'GYUR TE, 'DIR GAL TE PHA ROL PO DAG 'DOD PA LTAR 'JIG RTEN MTHA' MED PAR RTOG NA MTHA' ZHES BYA BA NI MU DANG MJUG ZAD PA YIN PAS, DE MED NA THUG PA MED PAR 'BYUNG BA'I PHYIR BDAG MA 'ONGS PA'I DUS GZHAN DU 'BYUNG BAR MI 'GYUR ZHES BYA BAR LTA BA'I GZHI MA 'GRUB PA'I PHYIR 'JIG RTEN MTHA' MED CES BYA BAR LTA BA MI 'THAD PAR STON TO, ,GLAGS YOD PA'I TSIG DE LAS BZLOG PAS SKABS KYI DON DANG 'JIG RTEN MTHA' YOD PA MA YIN PA DANG, MED PA MA YIN PAR SGRUB PA GNYI GA'I CHOS MTHUN PA'I DPE BSTAN PA'I PHYIR, DE YANG YOD PAS, 'DIS KYANG, GANG PHYIR PHUNG PO RNAMS KYI RGYUN, ,'DI NI MAR ME'I 'OD DANG MTSUNGS, ,ZHES BYA BA CHOS MTHUN PA'I DPE'I TSIG YIN PAR BSTAN TO ZHES BYA BA SMRAS TE, DE'I PHYIR 'DIR SBYOR BA'I TSIG NI, SNGON GYI PHUNG PO'I RGYUN MA RIG PA DANG BCAS PA NI RGYUN MI 'CHAD DE, DE'I 'BRAS BU YOD PA'I PHYIR DPER NA MAR ME'I RGYUN BZHIN NO ZHES BYA BAS NI 'JIG RTEN MTHA' YOD PA MA YIN PAR RJES SU DPAG PA STON @326B TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MAR ME'I RGYUN SNGA MA MAR DANG, RAS DANG BCAS PA NI DE'I 'BRAS BU YOD PA'I PHYIR RGYUN MI 'CHAD PA DE BZHIN DU SNGON GYI PHUNG PO'I RGYUN MA RIG PA DANG, SRID PA DANG BCAS PA YANG DE'I 'BRAS BU YOD PA'I PHYIR, RGYUN MI 'CHAD BAS 'JIG RTEN PHA ROL YOD PA'I PHYIR 'JIG RTEN MTHA' MED PA SA BON TSIG PA BZHIN DU NYING MTSAMS SBYOR BA MED PA MA YIN NO, ,DE BZHIN DU DE DANG RIGS MTHUN PA'I 'BRAS BU'I RGYUN SKYES PA YANG MI 'JIG PA MA YIN TE, DE'I 'BRAS BU YOD PA'I PHYIR, DPER NA MAR ME'I RGYUN SNGA MA BZHIN NO ZHES BYA BAS NI 'JIG RTEN MTHA' MED PA MA YIN PAR RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MAR ME'I RGYUN SNGA MA NI DE'I 'BRAS BU YOD PA'I PHYIR MI 'JIG PA MA YIN PA DE BZHIN DU PHUNG PO SNGA MA DE DANG RIGS MTHUN PA'I 'BRAS BU'I RGYUN DA LTAR GYI PHUNG PO SKYES PA YANG DE'I 'BRAS BU YOD PA'I PHYIR, MI 'JIG PA MA YIN PAS 'JIG RTEN MTHA' MED PA DE KHO NA BZHIN DU GNAS PA'I 'BRAS BU MI 'BYUNG BA MA YIN NO, ,DE'I PHYIR MTHA' YOD NYID DANG NI, ,MTHA' MED PA YANG MI RIGS SO, ,ZHES BYA BAS NI 'JIG RTEN MTHA' YOD PA MA YIN PA DANG, MTHA' MED PA MA YIN PAR RJES SU DPAG PA SNGA MA GNYIS KYI MJUG BSDU BA BSTAN TE, DE DAG GIS NI RJES SU 'GRO BA'I SGO NAS 'JIG RTEN MTHA' YOD PAR LTA BA DANG, MTHA' MED PAR LTA BA MI RIGS PAR BSTAN TO, ,DA NI LDOG PA'I SGO NAS 'JIG RTEN MTHA' YOD PAR LTA BA DANG, MTHA' MED PAR LTA BA MI RIGS PAR BSTAN PA'I PHYIR, GANG GI PHYIR RJES SU DPAG PA JI SKAD BSTAN PA DE DAG MED PAR GYUR CING, GAL TE SNGA MA 'JIG 'GYUR ZHING, ,PHUNG PO 'DI LA BRTEN BYAS NAS, ,PHUNG PO DE NI MI 'BYUNG NA, ,DES NA 'JIG RTEN MTHA' YOD 'GYUR, ,PHUNG PO PHYI MA RNAMS DUS THAMS CAD DU MI 'BYUNG BA'I PHYIR RO, ,DE BZHIN DU, GAL TE SNGA MA MI 'JIG CING, ,PHUNG PO 'DI LA BRTEN BYAS NAS, ,PHUNG PO DE NI MI 'BYUNG NA, ,DES NA 'JIG RTEN MTHA' MED 'GYUR, ,PHUNG PO SNGA MA RNAMS DUS THAMS CAD DU NGES PAR GNAS PA'I PHYIR RO ZHES BYA BA SMRAS TE, GANG @327A *, ,GI PHYIR DE LTAR DBU MA PA'I RJES SU DPAG PA JI SKAD BSTAN PA GNYIS PO DE DAG MED PAR GYUR CING, PHA ROL PO DAG 'DOD PA'I GZHUNG TSIG LE'UR BYAS PA 'DI GNYIS LTAR GYUR NA NI DES NA 'JIG RTEN MTHA' YOD PA DANG, MTHA' MED PAR YANG 'GYUR BA ZHIG NA, DE LTA MA YIN PAS 'JIG RTEN MTHA' YOD PA DANG, MTHA' MED PAR LTA BA MI 'THAD DO ZHES BYA BAR SBYAR RO, ,DA NI 'JIG RTEN MTHA' YOD KYANG YOD LA MED KYANG MED CES BYA BA LTA BA MI 'THAD PAR BSTAN PA'I PHYIR, DA NI GAL TE PHYOGS GCIG MTHA' YOD LA, ,PHYOGS GCIG MTHA' NI MED GYUR NA, ,'JIG RTEN MTHA' YOD MTHA' MED 'GYUR, ,DE YANG RIGS PA MA YIN NO, ,CI'I PHYIR ZHE NA, JI LTA BUR NA NYER LEN PA, ,PHYOGS GCIG RNAM PAR 'JIG 'GYUR LA, ,PHYOGS GCIG RNAM PAR 'JIG MI 'GYUR, ,DE LTAR DE NI MI RIGS SO, ,PHYOGS GNYI GAR BSTAN PA'I RJES SU DPAG PA DAG GIS GNOD PA'I PHYIR RO, ,JI LTA BUR NA NYER BLANG BA, ,PHYOGS GCIG RNAM PAR 'JIG 'GYUR LA, ,PHYOGS GCIG RNAM PAR 'JIG MI 'GYUR, ,DE LTAR DE YANG MI RIGS SO, ,'DIR YANG PHYOGS GNYI GAR BSTAN PA'I RJES SU DPAG PA DAG GIS GNOD PA'I PHYIR RO ZHES BYA BA SMRAS TE, BDAG MA 'ONGS PA'I DUS GZHAN DU 'BYUNG BAR 'GYUR YANG 'GYUR LA 'BYUNG BAR MI 'GYUR YANG MI 'GYUR ZHES BYA BAR LTA BA'I GZHI LAS 'JIG RTEN MTHA' YOD KYANG YOD LA, MTHA' MED KYANG MED CES BYA BAR LTA BA 'DI 'BYUNG STE, DE YANG GAL TE RNAM PA GNYIS SU SMRA BA DAG 'DOD PA LTAR LUS KYI RNAM GRANGS LA BRTEN NAS, PHYOGS GCIG MTHA' YOD LA, SROG GI RNAM GRANGS LA BRTEN NAS PHYOGS GCIG MTHA' MED PAR GYUR NA NI, 'JIG RTEN MTHA' YOD KYANG YOD LA, MTHA' MED KYANG MED PAR 'GYUR BA ZHIG NA, DE YANG RIGS PA MA YIN TE, CI'I PHYIR ZHE NA, NYE BAR LEN PA PO BDAG DANG, NYE BAR BLANG BA PHUNG PO DAG PHYOGS GCIG RNAM PAR 'JIG PAR 'GYUR LA, PHYOGS GCIG RNAM PAR 'JIG PAR MI 'GYUR BA DE LTAR RIGS PA MA YIN PA'I PHYIR BDAG MA 'ONGS PA'I DUS GZHAN DU 'BYUNG BAR 'GYUR YANG 'GYUR LA, 'BYUNG BAR MI 'GYUR YANG MI 'GYUR ZHES BYA BAR LTA BA'I GZHI MA GRUB PA'I PHYIR 'JIG RTEN MTHA' YOD KYANG YOD LA MTHA' MED KYANG @327B MED CES BYA BAR LTA BA MI 'THAD DO, ,DA NI 'JIG RTEN MTHA' YOD PA YANG MA YIN, MTHA' MED PA YANG MA YIN ZHES BYA BAR LTA BA MI 'THAD PAR BSTAN PA'I PHYIR, DE BZHIN DU, GAL TE MTHA' YOD MTHA' MED PA, ,GNYI GA GRUB PAR GYUR NA NI, ,MTHA' YOD MA YIN MTHA' MED MIN, ,'GRUB PAR 'GYUR BA 'DOD LA RAG ,DE DAG BKAG PAS DE LTA BU 'GRUB PA'I PHYIR DANG, DE DAG BZHIN DU DE YANG BSTAN DKA' BA'I PHYIR RO ZHES BYA BAR DGONGS SO ZHES BYA BA SMRAS TE, ,BDAG MA 'ONGS PA'I DUS GZHAN DU 'BYUNG BAR 'GYUR BA YANG MA YIN, 'BYUNG BAR MI 'GYUR BA YANG MA YIN ZHES BYA BAR LTA BA'I GZHI LAS 'JIG RTEN MTHA' YOD PA YANG MA YIN, MTHA' MED PA YANG MA YIN ZHES BYA BAR LTA BA 'DI 'BYUNG STE, DE YANG GAL TE, GNYI GA MA YIN PA SMRA BA DAG 'DOD PA LTAR, MTHA' YOD PA YANG MA YIN, MTHA' MED PA YANG MA YIN ZHES BYA BA NI MTHA' YOD PA DANG, MTHA' MED PA GNYI GA GRUB PAR GYUR NA 'GRUB PAR 'DOD LA RAG NA DE GNYIS MA GRUB PAS DE YANG MI 'GRUB PA'I PHYIR DANG, DE GNYIS 'GRUB PA BSTAN DKA' BA BZHIN DU DE YANG 'GRUB PA BSTAN DKA' BAS, DE LTAR GNYI GA'I BDAG NYID KYI BDAG MA GRUB PAS BDAG MA 'ONGS PA'I DUS GZHAN DU 'BYUNG BAR 'GYUR BA YANG MA YIN, 'BYUNG BAR MI 'GYUR BA YANG MA YIN ZHES BYA BAR LTA BA'I GZHI MA GRUB PA'I PHYIR 'JIG RTEN MTHA' YOD PA YANG MA YIN, MTHA' MED PA YANG MA YIN ZHES BYA BAR LTA BA MI 'THAD DO, ,DE LTAR SNGON GYI MTHA' DANG, PHYI MA'I MTHA' LA BRTEN PA'I LTA BA RNAMS RE RE NAS MI 'THAD PAR BSTAN NAS, DA NI LTA BA THAMS CAD SPYIR DGAG PA BSTAN PA'I PHYIR, DA NI DON DAM PAR LTA BA THAMS CAD SPYIR MI 'THAD PAR BSTAN PA'I PHYIR 'DI BSHAD DE, YANG NA DNGOS PO THAMS CAD DAG ,STONG PHYIR RTAG LA SOGS LTA BA, ,GANG DU GANG LA GANG DAG NI, ,CI PHYIR KUN TU 'BYUNG BAR 'GYUR, ,YANG NA DON DAM PAR DNGOS PO THAMS CAD STONG PA'I PHYIR RTAG PA LA SOGS PAR LTA BA DAG GANG DU GANG LA GANG DAG CI'I PHYIR KUN DU 'BYUNG BAR 'GYUR TE, YUL DANG BYED PA PO DANG LTA BA DANG, RGYU DAG MA SKYES PA'I PHYIR RO ZHES BYA BAR DGONGS SO ZHES BYA BA SMRAS TE, GANG DU GANG DAG CI'I PHYIR ZHES BYA BA DANG, YUL BYED PA PO DANG LTA BA DANG, RGYU ZHES BYA BA DAG GO RIMS BZHIN DU SBYAR RO, ,DE'I @328A *, ,PHYIR DON DAM PAR NYE BAR LEN PA'I PHUNG PO LNGA NI NGO BO NYID YOD PA KHO NA YIN TE, LTA BA'I GNAS YIN PA'I PHYIR RO ZHES GANG SMRAS PA'I GTAN TSIGS KYI DON MA GRUB PA NYID DE, DON DAM PAR LTA BA MI 'THAD PAR BSTAN PA'I PHYIR RO, ,KUN RDZOB PA'I GTAN TSIGS YIN PAR RTOG NA NI DON 'GAL BA NYID DO ZHES BYA BA NI PHA ROL PO'I SGRUB PA SUN DBYUNG BAS, STONG PA NYID KYI MI MTHUN PA'I PHYOGS KYI KHYAD PAR DGAG PA'I MJUG BSDU BA YIN TE, DE LTAR LTA BA THAMS CAD MI 'THAD PA DE'I PHYIR, PHA ROL PO DAG GIS RAB TU BYED PA 'DI'I DANG POR BSGRUB PA DE SKAD SMRAS PA DE'I GTAN TSIGS DON DAM PAR NI MI 'GRUB LA KUN RDZOB TU NI 'GAL BA NYID YIN PAR BSTAN TO, ,DA NI SLOB DPON GYI ZHAL SNGA NAS KYIS DE LTAR BSTAN BCOS BRTZAMS PA MDZAD PA MTHAR PHYIN NAS, BSGRUB PA'I MCHOD PA DE NYID SNGON DU BTANG STE, STON PA SANGS RGYAS BCOM LDAN 'DAS KYI CHE BA NYID SMOS NAS PHYAG 'TSAL BA BSTAN PA'I PHYIR, DE'I PHYIR DE LTAR YANG DAG PA MA YIN PA'I KUN RDZOB TU RTOG PA LAS BYUNG BA'I LTA BA DAG NI SDUG BSNGAL SNA TSOGS KYI SA BON YIN PAR THUGS SU CHUD NAS, 'GRO BA MTHA' DAG GI RTZA LAG SANGS RGYAS BCOM LDAN 'DAS, GANG GIS THUGS BRTZE NYER BZUNG NAS, ,LTA BA THAMS CAD SPANG BA'I PHYIR, ,DAM PA'I CHOS NI BSTAN MDZAD PA, ,GOO TA MA DE LA PHYAG 'TSAL LO, ,ZHES BYA BA SMRAS SO, ,DE DAG GI TSIG GI DON BSTAN PA'I PHYIR, ,GANG GIS ZHES BYA BA NI, 'GRO BA MTHA' DAG GI RTZA LAG SANGS RGYAS BCOM LDAN 'DAS KYIS SO, ,THUGS BRTZE NYER BZUNG NAS, ZHES BYA BA NI RNYED PA DANG BKUR STI LA SOGS PA'I RGYU'I PHYIR MA YIN TE, SANGS RGYAS BCOM LDAN 'DAS NI DAM PA'I CHOS DKON MCHOG ,SHIN TU RMAD DU BYUNG BA BLA NA MED PA RAB TU STON PAR MDZAD PA YIN PA'I PHYIR RO, ,LTA BA THAMS CAD SPANG BA'I PHYIR, ,ZHES BYA BA NI LTA BA THAMS CAD STONG PA NYID DU BSTAN PA'I PHYIR RO, , DAM PA'I CHOS ZHES BYA BA NI DE DAM PA YANG YIN CHOS KYANG YIN PAS DAM PA'I CHOS SO, ,DAM PA ZHES BYA BA NI NYON MONGS PA BAG CHAGS DANG BCAS PA'I ME ZHI BAR GYUR BA'I PHYIR DANG, YON TAN RAB KYI MTHAR PHYIN PA THAMS CAD KYI PHA ROL TU PHYIN PA'I RGYU YIN PA'I PHYIR DAM PA STE BZANG BA'O, ,CHOS ZHES BYA BA @328B NI GZHAN DAG LEGS PA LA 'DZIN PAR BYED PA'AM, 'KHOR BA'I 'KHOR LOR 'KHYAM PA LAS 'DZIN PAR BYED PA 'AM, RTOG PAR BYED PA'I RANG DANG GZHAN GYI DON PHUN SUM TSOGS PA RAB KYI MTHAR PHYIN PA BLA NA MED PA'I MTHU 'DZIN PA'I PHYIR CHOS SO, ,DAM PA'I CHOS NI BZANG PO'I CHOS TE, THEG PA CHEN PO YIN NO, , DE LTAR YANG 'PHAGS PA LHA MO DPAL PHRENG GI SENG GE'I SGRA ZHES BYA BA'I MDO LAS, BCOM LDAN 'DAS DAM PA'I CHOS YONGS SU BZUNG BA ZHES BGYI BA NI THEG PA CHEN PO'I TSIG GI BLA DGAS LAGS TE, DE CI'I SLAD DU ZHE NA, BCOM LDAN 'DAS NYAN THOS DANG RANG SANGS RGYAS KYI THEG PA THAMS CAD DANG, 'JIG RTEN PA DANG, 'JIG RTEN LAS 'DAS PA'I DGE BA'I CHOS THAMS CAD NI THEG PA CHEN POS RAB TU PHYE BA LAGS PA'I SLAD DU STE, BCOM LDAN 'DAS 'DI LTA STE, DPER BGYI NA CHU BO CHEN PO BZHI NI MTSO MA DROS PAS RAB TU PHYE BA LAGS PA DE BZHIN DU, BCOM LDAN 'DAS NYAN THOS DANG RANG SANGS RGYAS KYI THEG PA THAMS CAD DANG, 'JIG RTEN PA DANG, 'JIG RTEN LAS 'DAS PA'I DGE BA'I CHOS THAMS CAD KYANG THEG PA CHEN POS RAB TU PHYE BA LAGS SO ZHES JI SKAD GSUNGS PA LTA BU'O, ,BSTAN MDZAD PA ZHES BYA BA NI BSTAN PAR GYUR PA'O, ,GOO TA MA ZHES BYA BA NI, GDUNG GOO TA MA'I RGYUD YIN PA'I PHYIR TE, DE LA SGRUB PA'I MCHOD PA SNGON DU BTANG STE, PHYAG 'TSAL LO ZHES BYA BA SMRAS SO, ,DPAL PHRENG GI SENG GE'I SGRA'I MDO SDE'I DON NI, GANG GI PHYIR THEG PA CHEN PO LAS SANGS RGYAS NYID 'BYUNG ZHING SANGS RGYAS NYID KYIS MOS PA LA GZIGS NAS, NYAN THOS DANG RANG SANGS RGYAS KYI THEG PA BKA' STZAL PA DE'I PHYIR, THEG PA CHEN PO NYID DAM PA'I CHOS ZHES BYA BA DNGOS YIN PAR BSTAN TO,, ,,BAM PO BRGYAD CU PA STE THA MA'O, ,DA NI 'GREL PA BYED PA NYID KYIS LUNG LAS CHOS KYI RNAM GRANGS GZINGS LTA BUR SHES PA RNAMS KYIS CHOS NYID KYANG SPANG BAR BYA NA, CHOS MA YIN PA RNAMS LTA CI SMOS ZHES GSUNGS PA'I TSUL NYID BSGRUB PA'I PHYIR BSTAN BCOS KYI LUS RNAM PAR GZHAG PA 'DIR DON DAM PA'I DE KHO NA BSTAN PA DAG RANG DANG GZHAN GYI PHYOGS LA MA GRAGS PA SGRUB PA DANG SUN DBYUNG BA'I CHED DU RJES SU DPAG PA'I GSAL BA DANG DE KHO NA DAG BSTAN BCOS KYI LUS MTHA' DAG RDZOGS PAR BYAS SHING DON DAM PA'I DE KHO NA @329A *, ,BSTAN PA DAG RANG DANG GZHAN GYI PHYOGS LA GRUB PAR GYUR PAS DE DAG SGRUB PA'I RJES SU DPAG PA'I GSAL BA DANG, DE KHO NA DE DAG KYANG DON DAM PAR NGO BO NYID MED PA NYID DU SGRUB PA STON TO, ,DE'I PHYOGS SNGA MA NYE BAR GZHAG PA BSTAN PA'I PHYIR, DE LTAR DNGOS PO THAMS CAD KYI NGO BO NYID MED PA NYID BSTAN KYANG, SMRA BA NGAN PA DNGOS PO NGO BO NYID YOD PA NYID LA MNGON PAR ZHEN PA'I BAG CHAGS KYIS BLO GROS NYAMS PA RAB RIB CAN GYIS YANG DAG PA MA YIN PA MTHONG BA LTA BU DAG RANG GI PHYOGS BSGRUB PA'I PHYIR, PHYIR ZLOG PAR BYED DE ZHES BYA BA SMRAS SO, ,DE'I PHYIR PHYIR ZLOG PAR BYED PA DE DAG NA RE 'DI SKAD CES 'DI LA KHYED KYIS SGRUB PA DANG SUN DBYUNG BA'I TSAD MA DAG GIS NYE BAR BRTAGS NAS RANG GI PHYOGS GRUB PAR BSTAN PA DE LA, GAL TE SGRUB PA DANG SUN DBYUNG BA'I TSAD MA DAG NGO BO NYID MED PA NYID YIN NA NI DE DAG LA BRTAG PAR 'DOD PA'I DNGOS PO'I DE KHO NA RTOG PA'I MTHU NYID MED DE, NGO BO NYID MED PA'I PHYIR, DPER NA MO GSHAM GYI BU'I LTA BA LA SOGS PA BZHIN NO ZHES ZER RO ZHES BYA BAR SBYAR TE, 'DIS NI PHA ROL PO DAG NA RE DBU MA'I BSTAN BCOS 'DI LA KHYED DBU MA PAS BSGRUB PAR BYA BA DANG, SUN DBYUNG BAR BYA BA'I DON DAG SGRUB PA DANG, SUM 'BYIN PA'I TSAD MA DAG LA RAG LAS SHING TSAD MA GTZO BO YIN PAR MTHONG BA TSAD MA LA GUS PA BSKYED NAS, BSGRUB PAR BYA BA DANG SUN DBYUNG BAR BYA BA'I DON DAG SGRUB PA DANG SUN 'BYIN PA'I TSAD MA DAG GIS NYE BAR BRTAGS NAS RANG GI PHYOGS GRUB PAR BSTAN PA DE LA GAL TE KHYED KYI SGRUB PA DANG SUN 'BYIN PA'I TSAD MA DAG NGO BO NYID MED PA YIN NA NI DE DAG LA BRTAG PAR 'DOD PA'I DNGOS PO'I DE KHO NA DA DUNG MA RTOGS PA DAG RTOGS PA'I MTHU NYID MED DE, NGO BO NYID MED PA'I PHYIR DPER NA MO GSHAM GYI BU'I LTA BA LA SOGS PA LA BRTAG PAR 'DOD PA'I DNGOS PO'I DE KHO NA DA DUNG MA RTOGS PA DAG RTOGS PA'I MTHU NYID MED PA BZHIN NO ZHES ZER BA'I RJES SU DPAG PA STON TE, DE DAG NI CHOS CAN DANG; BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MO GSHAM GYI BU'I LTA BA LA SOGS PA NI NGO BO NYID MED PA'I PHYIR DE LA BRTAG PAR 'DOD PA'I DNGOS PO'I DE KHO NA DA DUNG MA RTOGS PA DAG RTOGS PA'I MTHU NYID MED PA DE BZHIN DU, GAL TE SGRUB @329B PA DANG SUN 'BYIN PA'I TSAD MA DAG NGO BO NYID MED PA YIN NA, DE DAG KYANG NGO BO NYID MED PA'I PHYIR DE DAG LA YANG BRTAG PAR 'DOD PA'I DNGOS PO'I DE KHO NA DA DUNG MA RTOGS PA DAG RTOGS PA'I MTHU NYID MED DO ZHES ZER RO, ,'ON TE DE DAG NGO BO NYID YOD PA YIN NA NI DE DAG BZHIN DU DNGOS PO THAMS CAD GRUB PAS BSTAN BCOS MTHA' DAG TU BSTAN PA'I RJES SU DPAG PA DAG MA NGES PA NYID KYANG YIN NO ZHE'O ZHES BYA BA NI PHA ROL PO DAG NA RE 'ON TE KHYED DBU MA PA'I SGRUB PA DANG, SUN 'BYIN PA'I TSAD MA DE DAG NGO BO NYID YOD PA YIN NA NI JI LTAR TSAD MA DE DAG NGO BO NYID YOD PA DE BZHIN DU DNGOS PO THAMS CAD KYANG NGO BO NYID YOD PAR 'GRUB PAS, KHYED DBU MA PAS BSTAN BCOS 'DI'I LUS MTHA' DAG TU BSTAN PA'I RJES SU DPAG PA DAG MA NGES PA NYID KYANG YIN TE, DE LTAR KHYED KYI TSAD MA DE DAG NGO BO NYID YOD PA YIN PAS, DES NA JI RE ZHIG TSAD MA DAG NGO BO NYID YOD PA BZHIN DU DNGOS PO THAMS CAD KYANG NGO BO NYID YOD PAR 'GYUR RAM, 'ON TE KHYED KYI TSAD MA DAG GIS DNGOS PO THAMS CAD NGO BO NYID MED PAR BSGRUBS PA DE BZHIN DU DNGOS PO THAMS CAD KYANG NGO BO NYID MED PAR 'GYUR BA MA NGES PA NYID KYANG YIN NO, ,KYANG GI SGRAS NI 'GAL BA 'KHRUL PA MED PA'I GNOD PA YOD PA YANG BSDUS TE, 'DI LTAR KHYED LA TSAD MA DAG YOD PAS DNGOS PO THAMS CAD NGO BO NYID MED PAR STON PA BZHIN DU, KHO BO CAG LA YANG KHYED KYI TSAD MA DAG NGO BO NYID YOD PA BZHIN DU DNGOS PO THAMS CAD KYANG NGO BO NYID YOD PA NYID DU STON PA'I 'THAD PA YOD PA'I PHYIR RO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE LA 'DIR ZHES BYA BA LA SOGS PAS PHA ROL PO DAG GI GTAN TSIGS NGO BO NYID MED PA'I PHYIR ZHES BYA BA DE'I DON GANG YIN, CI RANG DBANG DU RJES SU DPAG PA YIN NAM, 'ON TE GZHAN SUN 'BYIN PA YIN, DE LA GAL TE RANG DBANG DU RJES SU DPAG PA YIN TE, PHA ROL PO DAG NYID TSAD MA LA SOGS PA DNGOS PO THAMS CAD NGO BO NYID MED PAR SGRUB NA NI RANG LA MA GRUB PA NYID YIN LA, 'ON TE GZHAN SUN 'BYIN PA YIN TE, DBU MA PA LA TSAD MA LA SOGS PA DNGOS PO THAMS CAD NGO BO NYID MED PA NYID DU THAL BAR SKYON 'DOGS PA YIN NA NI GZHAN LA MA GRUB PA NYID YIN PAR STON TO, ,DE LA RE ZHIG PHA ROL PO DAG GI GTAN TSIGS NGO BO NYID MED PA'I @330A *, ,PHYIR ZHES BYA BA DE RANG DBANG DU RJES SU DPAG PA YIN NA RANG LA MA GRUB PA NYID YIN PAR BSTAN PA'I PHYIR, GAL TE GTAN TSIGS KYI DON NGO BO NYID MED PA'I PHYIR YOD PA MA YIN NO ZHES BYA BA YIN PAR 'DOD NA NI RANG LA GTAN TSIGS KYI DON MA GRUB PA NYID DO ZHES BYA BA SMRAS TE, GAL TE PHA ROL PO DAG GI GTAN TSIGS NGO BO NYID MED PA'I PHYIR ZHES BYA BA DE PHA ROL PO DAG RANG GI PHYOGS NYID LA TSAD MA LA SOGS PA DNGOS PO THAMS CAD NGO BO NYID MED PA'I PHYIR YOD PA MA YIN NO ZHES BYA BA YIN PAR 'DOD NA NI RANG LA GTAN TSIGS KYI DON MA GRUB PA NYID DE, 'DI LTAR PHA ROL PO DAG GI PHYOGS LA TSAD MA LA SOGS PA DNGOS PO THAMS CAD NGO BO NYID MED PA NYID DU MA GRUB PA'I PHYIR RO, ,JI STE PHA ROL PO DAG GI GTAN TSIGS NGO BO NYID MED PA'I PHYIR ZHES BYA BA DE GZHAN SUN 'BYIN PA YIN NA NI GZHAN LA MA GRUB PA NYID YIN PAR BSTAN PA'I PHYIR, JI STE GZHAN YIN NA NI GZHAN LA'O ZHES BYA BA SMRAS TE, JI STE PHA ROL PO DAG GI GTAN TSIGS NGO BO NYID MED PA'I PHYIR ZHES BYA BA DE RANG DBANG DU RJES SU DPAG PA LAS GZHAN PA GZHAN SUN 'BYIN PA YIN TE, DBU MA PA LA TSAD MA LA SOGS PA DNGOS PO THAMS CAD NGO BO NYID DU THAL BAR SKYON 'DOGS PA YIN NA NI GZHAN LA MA GRUB PA NYID YIN TE, 'DI LTAR KHO BO CAG DBU MA PA NI TSAD MA LA SOGS PA DNGOS PO THAMS CAD GTAN NGO BO NYID MED PA MO GSHAM GYI BU'I LTA BA LA SOGS PA LTA BUR MI 'DOD KYI THA SNYAD DU RGYU DANG RKYEN GYIS BSKYED PA SGYU MA LA SOGS PA LTA BUR YOD PAR 'DOD PA'I PHYIR RO, ,DES NA KHO BO CAG GI PHYOGS LA THA SNYAD DU BSGRUB PA DANG, SUN 'BYIN PA'I TSAD MA DAG MO GSHAM GYI BU'I LTA BA LA SOGS PA BZHIN DU GTAN NGO BO NYID MED PA MA YIN PAS, DE DAG LA RTAG PAR 'DOD PA'I DNGOS PO'I DE KHO NA DA DUD MA RTOGS PA DAG RTOGS PA'I MTHU NYID MED PA MA YIN NO, ,DA NI PHA ROL PO DAG GIS GAL TE SGRUB PA DANG SUN 'BYIN PA'I TSAD MA DAG NGO BO NYID MED PA MA YIN NA NI, DE DAG RTAG PAR 'DOD PA'I DNGOS PO'I DE KHO NA RTOGS PA'I MTHU NYID MED DE ZHES SMRAS PA DE DON DAM PAR SGRUB NA NI GRUB PA LA SGRUB PA YIN LA, THA SNYAD DU SGRUB NA NI KHAS BLANGS PAS GNOD PA YIN PAR BSTAN PAR BYA STE, DE LA RE ZHIG DON DAM PAR SGRUB NA GRUB PA LA SGRUB PA YIN PAR BSTAN PA'I PHYIR, DON DAM PAR TSAD MA LA @330B SOGS PA NGO BO NYID MED PAS MTHU NYID SEL BAR BYED NA NI GRUB PA LA SGRUB PA YIN NO ZHES BYA BA SMRAS TE, KHO BO CAG DBU MA PA LA YANG DE LTAR GRUB ZIN PA'I PHYIR RO, ,THA SNYAD DU GRUB NA KHAS BLANGS PAS GNOD PAR BSTAN PA'I PHYIR THA SNYAD DU NA NI KHAS BLANGS PAS GNOD DO ZHES BYA BA SMRAS TE, KHYOD KYIS KYANG THA SNYAD DU TSAD MA LA SOGS PA YOD PAR KHAS BLANGS PA'I PHYIR RO, ,DE LTAR SMRA BA NGAN PA DNGOS PO NGO BO NYID YOD PA NYID LA MNGON PAR ZHEN PA'I BAG CHAGS KYIS BLO GROS NYAMS PA RAB RIB CAN GYIS YANG DAG PA MA YIN PA MTHONG BA LTA BU DAG RANG GI PHYOGS BSGRUB PA'I PHYIR, PHYIR ZLOG PAR BYED PA DE DAG GI GLAN KA SKABS MED PAR BYAS NAS, DA NI 'GREL PA BYED PA NYID KYIS RANG DBANG DU RJES SU DPAG PA DON DAM PAR TSAD MA RNAMS NGO BO NYID MED PA NYID DU BSTAN PA'I PHYIR, DON DAM PAR TSAD MA RNAMS LA YANG RTOGS PAR BYA BA RTOGS PA DANG, YID CHES PAR BYA BA STON PA'I MTHU NYID MED DE, 'DUS BYAS YIN PA'I PHYIR DPER NA BONG BA BZHIN NO ZHES BYA BA SMRAS TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA BONG BA NI 'DUS BYAS YIN PA'I PHYIR DE LA MNGON SUM GYI TSAD MA'I YUL RTOGS PAR BYA BA RTOGS PA DANG, RJES SU DPAG PA'I TSAD MA'I YUL YID CHES PAR BYA BA STON PA'I MTHU NYID MED PA DE BZHIN DU TSAD MA RNAMS KYANG 'DUS BYAS YIN PA'I PHYIR DE RNAMS LA YANG MNGON SUM GYI TSAD MA'I YUL RTOGS PAR BYA BA RTOGS PA DANG, RJES SU DPAG PA'I TSAD MA'I YUL YID CHES PAR BYA BA STON PA'I MTHU NYID MED DO, ,DE BZHIN DU SKYE BA CAN NYID DANG, RKYEN GYI DBYE BAS THA DAD PA NYID DANG, 'JIG PA NYID DANG, RTOGS PAR BYA BA NYID DANG, BRJOD PAR BYA BA NYID LA SOGS PA'I GTAN TSIGS DAG GI PHYIR RO ZHES KYANG RJES SU DPAG PA RGYAS PAR BRJOD PAR BYA STE, SNGAR BSTAN PA'I TSUL GYIS SPYIR SKYE BA BKAG PA'I PHYIR DANG, BYA BA BKAG PA'I PHYIR RO ZHES BYA BAS NI DAM BCAS PA SNGA MA'I GTAN TSIGS NI 'DI DAG KYANG YIN PAR SBYAR TE, DE DAG GIS DON DAM PAR TSAD MA RNAMS NGO BO NYID MED PAS MTHU NYID MED PAR RJES SU DPAG PAR BYA STE, DE YANG SNGAR SKYE BA MED PA'I RAB TU BYED PA LA SOGS PAR BSTAN PA'I TSUL GYIS SPYIR @331A *, ,TSAD MA LA SOGS PA DNGOS PO THAMS CAD KYI SKYE BA DANG BYA BA BGAG PA'I PHYIR RO, ,GZHAN YANG GAL TE TSAD MA RNAMS NGO BO NYID YOD PA YIN NA DES NA NGO BO NYID NI LTOS PA MED PA'I PHYIR GZHAL BYA MED CING GZHAL BYA MI 'JAL BAR YANG RANG NYID KYI TSAD MAR 'GYUR BA DANG GZHAL BYA YANG TSAD MA MED CING TSAD MAS YONGS SU MA GZHAL BAR YANG RANG NYID KYIS GZHAL BYAR 'GYUR BA ZHIG NA DE LTAR MA YIN TE, DE LTAR TSAD MA YANG GZHAL BYA 'JAL NA TSAD MA YIN GYI MI 'JAL NA MA YIN LA, GZHAL BYA YANG TSAD MAS GZHAL NA GZHAL BYA YIN GYI MA GZHAL NA MA YIN PAS, DE'I PHYIR TSAD MA DANG GZHAN BYA GNYI GA'I MTSAN NYID NGES PAR GNAS PA MA YIN GYI BRJOD PA KHYAD PAR CAN RTEN PA LA LTOS PA DANG BCAS PA NYID YIN PA'I PHYIR DON DAM PAR NGO BO NYID MED PA NYID YIN TE, RE ZHIG DE DAG GIS NI TSAD MA RNAMS SPYIR DGAG PA BSTAN TO, ,DA NI MNGON SUM DANG RJES SU DPAG PA DANG BSGRUB PA'I YAN LAG RNAMS RE RE NAS KHYAD PAR LAS DGAG PA BSTAN PAR BYA STE, DE'I PHYIR, KHYAD PAR LAS DPAG PAR BYA BA NI DON DAM PAR MNGON SUM LA MNGON SUM GYI NGO BO NYID MED DE, DBANG PO LA BRTEN PA'I PHYIR, DPER NA 'KHRUL PA'I SHES PA BZHIN NO ZHES BYA BA LA SOGS PA SMRAS TE, 'DI NI MNGON SUM DGAG PA'I RJES SU DPAG PA STON TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA 'KHRUL PA'I SHES PA NI DBANG PO LA BRTEN PA'I PHYIR DE LA MNGON SUM GYI NGO BO NYID MED PA DE BZHIN DU, MNGON SUM YANG DBANG PO LA BRTEN PA'I PHYIR DE LA MNGON SUM GYI NGO BO NYID MED DO, ,DE BZHIN DU DON DAM PAR RJES SU DPAG PA LA YANG RJES SU DPAG PA'I NGO BO NYID MED DE, TSAD MA YIN PA'I PHYIR DPER NA MNGON SUM BZHIN NO ZHES BYA BAS NI RJES SU DPAG PA DGAG PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MNGON SUM NI TSAD MA YIN PA'I PHYIR DE LA RJES SU DPAG PA'I NGO BO NYID MED PA DE BZHIN DU RJES SU DPAG PA YANG TSAD MA YIN PA'I PHYIR DE LA YANG RJES SU DPAG PA'I NGO BO NYID RJES SU DPAG PA'I TSAD MA DE LA MED DO, ,YANG NA DON DAM PAR RJES SU DPAG PA @331B NI TSAD MA MA YIN TE, RNAM PAR RTOG PA YIN PA'I PHYIR, DPER NA SDONG DUM LA MIR SHES PA BZHIN NO ZHES BYA BAS NI RJES SU DPAG PA TSAD MA MA YIN PAR DGAG PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE; DPER NA SDONG DUM LA MIR SHES PA NI RNAM PAR RTOG PA YIN PA'I PHYIR TSAD MA MA YIN PA DE BZHIN DU, RJES SU DPAG PA YANG RNAM PAR RTOG PA YIN PA'I PHYIR TSAD MA MA YIN NO, ,DA NI DAM BCAS PA DE LA SOGS PA SGRUB PA'I YAN LAG RNAMS MI 'THAD PAR BSTAN PA'I PHYIR, DE BZHIN DU DAM BCAS PA LA SOGS PA BSGRUB PA'I YAN LAG RNAMS LA YANG ZHES BYA BA LA SOGS PA SMRAS TO, ,DE LA RE ZHIG DAM BCAS PA MI 'THAD PAR BSGRUB PA'I PHYIR, DE'I MTSAN NYID JI BSTAN PAR BYA STE, DE'I PHYIR, DE DAG GIS BSGRUB PAR BYA BA BSTAN PA NI BSGRUB PAR BYA BA NGES PAR GZUNG BA STE, BSGRUB PAR 'DOD PAS BSGRUB PAR BYA BA NYID DU 'DOD PA'I PHYOGS DON 'GAL BA LA SOGS PAS MA BSAL BA GANG YIN PA NI DAM BCAS PA'I MTSAN NYID YIN NO ZHES BYA BA SMRAS TE, DES NI DAM BCAS PA'I MTSAN NYID BSTAN TO, ,RIGS PA'I BSTAN BCOS LAS DAM BCAS PA'I MTSAN NYID NI BSGRUB PAR BYA BA LA YOD PA NYID DU NGES PA'I TSUL YIN PAR 'BYUNG BAS DE LA BSGRUB PAR BYA BA BSTAN PA'I TSUL GSUM PO BSGRUB PAR BYA BA LA YOD PA NYID DU NGES PA'I TSUL DANG, MTHUN PA'I PHYOGS LA YOD PA NYID DU NGES PA'I TSUL DANG, MI MTHUN PA'I PHYOGS LA MED PA NYID DU NGES PA'I TSUL GSUM LAS BSGRUB PAR BYA BA LA YOD PA NYID DU NGES PA'I TSUL YIN TE, DE NI BSGRUB PAR BYA BA NGES PAR BZUNG BA STE ZHES BYA BA 'DIS BSTAN TO, ,DE JI LTAR YOD PA NYID DU NGES PA'I TSUL YIN ZHE NA, BSGRUB PAR 'DOD PAS BSGRUB PAR BYA BA NYID DU 'DOD PA'I PHYOGS DON 'GAL BA LA SOGS PAS MA BSAL BA GANG YIN PA DE NI YOD PA NYID DU NGES PA STE, RJES SU DPAG PAR BYA BA'I CHOS CAN LA BSGRUB PAR BYA BA CHOS YOD PA'I PHYOGS DE LA BSGRUB PAR 'DOD PA'I RTAGS GSUM PO NGO BO NYID DANG, MI DMIGS PA DANG, 'BRAS BU ZHES BYA BA DAG GIS NGO BO NYID LAS MI RTAG PAR RJES SU DPAG PA DANG, MI DMIGS PA LAS DNGOS PO MED PAR RJES SU DPAG PA DANG, 'BRAS BU @332A *, ,LAS RGYU RJES SU DPAG PA'I GTAN TSIGS KYI DON 'GAL BA DANG, MA GRUB PA DANG, MA NGES PA LA SOGS PA'I SKYON DAG GIS MA BSAL BA GANG YIN PA DE NI BSGRUB PAR BYA BA LA YOD PA NYID DU NGES PA'I TSUL ZHES BYA STE DE NI DAM BCAS PA'I MTSAN NYID YIN NO ZHES BYA BAR SBYAR RO, ,DE LA GANG DAG SGRUB PA DANG SUN 'BYIN PA DAG DON DAM PA PA YIN PA SMRAS PA DE DAG LA 'DI SKAD CES DRI BA BYA STE, BSGRUB PAR BYA BA GANG YIN, GRUB PA 'AM 'ON TE MA GRUB PA YIN ZHES BYA BAS NI DBU MA PAS RIGS PA CAN LA SOGS PA GANG DAG SGRUB PA DANG SUN 'BYIN PA'I TSAD MA DAG DON DAM PA PA YIN PAR SMRA BA DE DAG LA 'DI SKAD CES SGRUB PAR 'DOD PA'I RTAGS GSUM PO NGO BO NYID DANG MI DMIGS PA DANG 'BRAS BU ZHES BYA BA DAG GIS RJES SU DPAG PAR BYA BA'I CHOS CAN LA BSGRUB PAR BYA BA CHOS MI RTAG PA DANG, DNGOS PO MED PA DANG, RGYU DANG ZHES BYA BA DAG BSGRUB PAR BYA'O ZHES RIGS PA'I BSTAN BCOS LAS BYUNG NA BSGRUB PAR BYA BA DE GANG YIN, JI STE SGRUB PA'AM 'ON TE MA GRUB PA YIN ZHES BRTAG PA RNAM PA GNYIS BSTAN TO, ,DE LA RE ZHIG BRTAG PA DANG PO MI 'THAD PAR BSTAN PA'I PHYIR, DE LA GAL TE GRUB PA YIN NA NI DE BSGRUB PA DON MED PA NYID DO ZHES BYA BA SMRAS TE, GAL TE BSGRUB PAR BYA BA DE GRUB PA YIN NA NI DE SGRUB PA DON MED PA NYID DE, GRUB PA LA SGRUB PA'I SKYON DU 'GYUR BA'I PHYIR RO, ,BRTAG PA GNYIS PA MI 'THAD PAR BSTAN PA'I PHYIR, 'ON TE MA GRUB PA NYID YIN NA NI, DON DAM PAR DE BSGRUB PAR BYA BA MA YIN TE, MA GRUB PA YIN PA'I PHYIR, DPER NA RI BONG GI RVA'I YON PO NYID BZHIN NO ZHES BYA BA SMRAS TE, 'ON TE BSGRUB PAR BYA BA DE MA GRUB PA YIN NA NI DON DAM PAR DE BSGRUB PAR BYA BA MA YIN TE, MA GRUB PA YIN PA'I PHYIR, DPER NA RI BONG GI RVA'I YON PO NYID BZHIN TE, DE DAG NI CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RI BONG GI RVA'I YON PO NYID NI YOD PA NYID DU MA GRUB PA YIN PA'I PHYIR BSGRUB PAR BYA BA MA YIN PA DE BZHIN DU, BSGRUB PAR BYA BA MA GRUB PA YANG MA GRUB PA YIN PA'I PHYIR BSGRUB PAR BYA BA MA YIN NO, ,DE LTAR BSGRUB PAR BYA BA GRUB PA DANG, MA GRUB PA GNYI GA SGRUB PA'I CHOS DAG GI BSGRUB PAR BYA BA MA @332B YIN PAS DON DAM PAR DAM BCAS PA'I MTSAN NYID YOD PAR MI 'THAD DO, ,JI STE YANG 'DI SNYAM DU RANG DANG GNYI GA LA MA GRUB PA BSGRUB PAR BYA BA MA YIN NO ZHE NA NI GRUB PA LA SGRUB PA YIN NO, ,'ON TE GZHAN LA MA GRUB PA BSGRUB PAR BYA BA MA YIN ZHE NA NI DPE MED DE RI BONG GI RVA MED PA LA GRUB PA'I CHOS MED PA'I PHYIR DANG, GTAN TSIGS KYI DON KYANG MA GRUB PA NYID YIN NO SNYAM DU SEMS NA ZHES BYA BA NI PHA ROL PO DAG NA RE KHYED DBU MA PAS BSGRUB PAR BYA BA DE GAL TE GRUB PA YIN NA NI DE SGRUB PA DON MED PA NYID DO ZHES SMRAS PA NI BDEN NO, ,'ON TE MA GRUB PA YIN NA NI DON DAM PAR DE BSGRUB PAR BYA BA MA YIN TE, MA GRUB PA YIN PA'I PHYIR, DPER NA RI BONG GI RVA'I YON PO NYID BZHIN NO ZHES SMRAS PA NI MI RUNG NGO, ,CI'I PHYIR ZHE NA, BSGRUB PAR BYA BA MA GRUB PA ZHES BYA BA DE GAL TE RANG DANG GNYI GA LA MA GRUB PA BSGRUB PAR BYA BA MA YIN NO ZHES KHYOD ZER NA NI GRUB PA LA SGRUB PA YIN TE, KHO BO CAG GI PHYOGS LA YANG BSGRUB PAR BYA BA RANG DANG GNYI GA LA MA GRUB PA BSGRUB PAR BYA BA MA YIN PAR GRUB ZIN PA'I PHYIR RO, ,'ON TE BSGRUB PAR BYA BA GZHAN LA MA GRUB PA BSGRUB PAR BYA BA MA YIN NO ZHES KHYED ZER NA NI KHYED KYI DPE MED DE, 'DI LTAR KHYED KYI DPE RI BONG GI RVA'I YON PO NYID BZHIN NO ZHES BYA BA DE LA, RI BONG GI RVA MED PA LA KHYED KYI SGRUB PA'I CHOS MA GRUB PA YIN PA'I PHYIR ZHES BYA BA DE MED DE, RI BONG GI RVA MED PA NI GZHAN LA YANG MED PAR GRUB PAS MA GRUB PA MA YIN PA'I PHYIR KHYED KYI DPE RI BONG GI RVA'I YON PO BZHIN NO ZHES BYA BA DE SGRUB PA'I CHOS MA GRUB PA'I PHYIR ZHES BYA BA DE MED PA'I PHYIR KHYED KYI DPE SGRUB PA'I CHOS DANG MI LDAN PAS DPER MI RUNG BA'I PHYIR RO, ,GZHAN YANG BSGRUB PAR BYA BA GZHAN LA MA GRUB PAR SGRUB PAR BYA BA MA YIN NO ZHES KHYED ZER NA DE LA KHYED KYI GTAN TSIGS KYI DON KYANG MA GRUB PA NYID YIN TE 'DI LTAR KHYED KYI GTAN TSIGS MA GRUB PA YIN PA'I PHYIR ZHES BYA BA DE MI RUNG STE, RI BONG GI RVA'I YON PO MED PA NYID NI GZHAN LA YANG GRUB PA YIN PA'I PHYIR KHYED KYI GTAN TSIGS MA GRUB PA YIN PA'I PHYIR ZHES BYA BA DE MI RUNG BA'I PHYIR RO, ,DE LTA BAS NA BSGRUB PAR BYA BA GZHAN LA MA GRUB PA NI BSGRUB PAR BYA BA YIN PAS DAM BCAS PA'I MTSAN NYID NI DON DAM PAR YIN PA'I PHYIR TSAD MA RNAMS KYANG DON DAM PAR NGO BO NYID YOD PA YIN LA, DE DAG BZHIN DU DNGOS PO THAMS CAD KYANG DON DAM PAR NGO BO NYID YOD PAR @333A *, ,'GRUB PAS KHYED KYIS BSTAN BCOS MTHA' DAG TU BSTAN PA'I RJES SU DPAG PA DAG MA NGES PA NYID KYANG YIN NO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, GTAN TSIGS SPYIR BRJOD PA'I PHYIR DANG, DPE LA YANG SPYIR RJES SU 'GRO BA BSTAN PA'I PHYIR DANG, GZHAN LA MA GRUB PA NYID KYANG BKAG PA'I PHYIR GRUB PA LA SGRUB PA YANG MA YIN LA, DPE DANG GTAN TSIGS MED PA YANG MA YIN NO ZHES BYA BA SMRAS TE, DBU MA PAS GTAN TSIGS SPYIR BRJOD PA'I PHYIR GRUB PA LA SGRUB PA MA YIN TE, 'DI LTAR KHO BOS RANG DANG GNYI GA LA MA GRUB PA BSGRUB PAR BYA BA MA YIN NO ZHE'AM GZHAN MA GRUB PA BSGRUB PAR BYA BA MA YIN NO ZHES KHYAD PAR DU RNAM PAR BRTAG PA MA BYAS PAR SPYIR MA GRUB PA NI BSGRUB PAR BYA BA MA YIN NO ZHES GTAN TSIGS SPYIR BRJOD PA'I PHYIR GRUB PA LA SGRUB PA MA YIN NO, ,DBU MA PAS DPE LA YANG SPYIR GTAN TSIGS RJES SU 'GRO BA BSTAN PA'I PHYIR DPE MED PA YANG MA YIN TE, 'DI LTAR KHO BO CAG GI DPE RI BONG GI RVA'I YON PO NYID BZHIN NO ZHES BYA BA DE LA YANG YON PO NYID YOD PAR MA GRUB PA YIN PA'I PHYIR DE BSGRUB PAR BYA BA MA YIN PAR RANG DANG GZHAN DANG GNYI GA'I PHYOGS LA GTAN TSIGS RJES SU 'GRO BA BSTAN PA'I PHYIR DPE SGRUB PA'I CHOS DANG LDAN PAS DPE MED PA YANG MA YIN NO, ,DBU MA PAS BSGRUB PAR BYA BA GZHAN LA MA GRUB PA NYID KYANG BSGRUB PAR BYA BA MA YIN PAR BKAG PA'I PHYIR GTAN TSIGS MED PA YANG MA YIN TE, 'DI LTAR DBU MA PA'I GTAN TSIGS MA GRUB PA YIN PA'I PHYIR ZHES BYA BA DE BSGRUB PAR BYA BA GZHAN LA MA GRUB PA NYID KYANG MA GRUB PA YIN PA'I PHYIR BSGRUB PAR BYA BA MA YIN NO ZHES MA GRUB PA NYID YIN NA BSGRUB PAR BYA BA MA YIN PA'I GTAN TSIGS SU BSTAN PA'I PHYIR GTAN TSIGS MED PA YANG MA YIN NO, ,DE LTA BAS NA BSGRUB PAR BYA BA SPYIR MA GRUB PA NI RI BONG GI RVA'I YON PO NYID BZHIN DU BSGRUB PAR BYA BA MA YIN PAS DAM BCAS PA'I MTSAN NYID DON DAM PA PA YIN PAR MI 'GRUB CING, TSAD MA GZHAN DAG KYANG DE BZHIN DU MI 'GRUB PAS DE DAG BZHIN DU DNGOS PO THAMS CAD KYANG MI 'GRUB PA'I PHYIR KHO BOS BSTAN BCOS MTHA' DAG TU BSTAN PA'I RJES SU DPAG PA DAG MA NGES PA NYID KYANG MA YIN NO ZHES BSTAN TO, ,GAL TE BYA BA DANG GDUL BA BZHIN DU BSGRUB PAR BYA BA 'GRUB @333B BO ZHE NA ZHES BYA BA NI PHA ROL PO DAG NA RE KHYED DBU MA PAS BSGRUB PAR BYA BA GRUB PA DANG, MA GRUB PA ZHES RNAM PAR BRTAGS NAS DE GNYI GA BSGRUB PAR BYA BA MA YIN NO ZHES SMRAS PA DE MI RUNG STE, 'DI LTAR DPER NA LAS SU BYA BA BYAS PA DANG MA BYAS BZHES RNAM PAR BRTAG PA MA BYAS PAR BYED PA DANG, SEMS CAN GDUL BA YANG MA BTUL BA ZHES BYA BAR RNAM PAR BRTAG PA MA BYAS PAR 'DUL BAR BYED PA DE BZHIN DU, BSGRUB PAR BYA BA YANG GRUB PA DANG MA GRUB PA ZHES RNAM PAR BRTAG MI DGOS PAR BSGRUB PAR BYA BA YIN PAR 'GRUB PO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE NI LAN MA YIN TE, BRGAL ZHING BRTAG PA MTSUNGS PA DANG LAN BTAB ZIN PA'I PHYIR RO ZHES BYA BA SMRAS TE, PHA ROL PO DAG GIS TSIG DE NI KHO BOS BSGRUB PAR BYA BA GRUB PA DANG MA GRUB PA BSGRUB PAR BYA BA MA YIN PAR BSTAN PA DE'I LAN MA YIN TE, 'DI LTAR BYA BA YANG GANG YIN; BYAS PA'AM 'ON TE MA BYAS PA YIN, GDUL BA GANG YIN BTUL BA'AM, 'ON TE MA BTUL BA YIN ZHES BRGAL ZHING BRTAG PA YANG SNGAR BSGRUB PAR BYA BA GANG YIN GRUB PA'I 'ON TE MA GRUB PA YIN ZHES BYA BA DANG MTSUNGS PA'I PHYIR DANG, LAN KYANG DE LA GAL TE GRUB PA YIN NA NI DE SGRUB PA DON MED PA NYID DO, ,'ON TE MA GRUB PA YIN NA NI DON DAM PAR DE BSGRUB PAR BYA BA MA YIN TE, MA GRUB PA YIN PA'I PHYIR, DPER NA RI BONG GI RVA'I YON PO NYID BZHIN NO ZHES BYA BAS BTAB ZIN PA'I PHYIR TE, 'DIR YANG GAL TE BYAS PA DANG BTUL BA YIN NA NI DE BYED PA DANG BTUL BA DON MED PA NYID DO, , 'ON TE MA BYAS PA DANG MA BTUL BA YIN NA NI DON DAM PAR DE BYA BA DANG GDUL BA MA YIN TE, MA BYAS PA DANG MA BTUL BA YIN PA'I PHYIR, DPER NA RI BONG GI RVA'I YON PO NYID BZHIN NO ZHES BYA BAR SBYAR RO, ,GAL TE LAN MA YIN PA MA YIN TE, NUS PA'I DON YIN PA'I PHYIR RO ZHE NA ZHES BYA BA NI PHA ROL PO DAG NA RE KHO BOS BYA BA DAD GDUL BA BZHIN DU BSGRUB PAR BYA BA 'GRUB PO ZHES SMRAS PA DE LAN MA YIN PA MA YIN TE, 'DI LTAR BYAS PA DANG MA BYAS PA DANG BTUL BA DANG MA BTUL BA DAG BYA BA DANG GDUL BA MA YIN YANG BYED BZHIN PA DANG, GDUL BA BZHIN PA NI NUS PA'I DON YIN PA'I PHYIR BYA BA DANG, GDUL BA YIN PA BZHIN DU, @334A *, ,GRUB PA DANG MA GRUB PA BSGRUB PAR BYA BA MA YIN YANG BSGRUB BZHIN PA NI NUS PA'I DON YIN PA'I PHYIR BSGRUB PAR BYA BA YIN NO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, DE YANG LAN MA YIN TE, BRGAL ZHING BRTAG PA MTSUNGS PA DANG LAN BTAB ZIN PA'I PHYIR RO ZHES BYA BA DE NYID KYIS LAN BTAB ZIN PA'I PHYIR RO ZHES BYA BA SMRAS TE, BYED BZHIN PA DANG 'DUL BZHIN PA DANG BSGRUB BZHIN PA NUS PA'I DON YIN PA'I PHYIR RO ZHES BYA BA DE LA YANG BYAS PA'AM MA BYAS PA DANG, BTUL BA'AM MA BTUL BA DANG, GRUB PA'AM MA GRUB PA GANG YIN ZHES BRGAL ZHING BRTAG PA DANG, LAN KYANG SNGA MA BZHIN PAS DE YANG LAN MA YIN NO, ,DON DAM PAR DAM BCAS BA NI SGRUB PAR BYED PA MA YIN TE, BSTAN PAR BYA BA'I DON DAM BCAS PA YIN PA'I PHYIR DAM BCAS PA TZAM SMRA BAS BSTAN PA'I DAM BCAS PA BZHIN NO ZHES BYA BAS NI DAM BCAS PA NI BSGRUB PAR BYA BA'I DON SGRUB PAR BYED PA MA YIN PAR RJES SU DPAG PA STON TO, ,DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RIGS PA'I BSTAN BCOS LA MI MKHAS PA'I DAM BCAS PA TZAM NYI TSE SMRA BA'I GTAN TSIGS DANG DPE LA SOGS PA BSGRUB PA'I YAN LAG MA TSANG BA SMRA BAS BSTAN PA'I DAM BCAS PA NI BSTAN PAR BYA BA'I DON DAM BCAS PA YIN PA'I PHYIR BSGRUB PAR BYED PA MA YIN PA DE BZHIN DU, RIGS PA'I BSTAN BCOS LA MKHAS PA GTAN TSIGS DANG, DPE LA SOGS PA SGRUB PA'I YAN LAG TSANG BA SMRAS PA DAG GI DAM BCAS PA YANG BSTAN PAR BYA BA'I DON DAM BCAS PA YIN PA'I PHYIR BSGRUB PAR BYA BA'I DON SGRUB PAR BYED PA MA YIN NO, ,DON DAM PAR GTAN TSIGS KYANG BSGRUB PAR BYA BA'I DON SGRUB PAR BYED PA MA YIN TE, DPE DANG CHOS MTHUN PA'I PHYIR DANG, MI MTHUN PA'I PHYOGS KYI KHYAD PAR CAN YIN PA'I PHYIR DANG, PHYOGS KYI CHOS YIN PA'I PHYIR DANG, DPER NA MA NGES PA BZHIN NO ZHES BYA BAS NI GTAN TSIGS KYANG BSGRUB PAR BYA BA'I DON SGRUB PAR BYED PA MA YIN PAR RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RKANG MIG PA DAG GI GTAN TSIGS MA NGES PA NI @334B DPE DANG CHOS MTHUN PA'I PHYIR BSGRUB PAR BYA BA'I DON SGRUB PAR BYED PA MA YIN PA DANG, RTZOD PA BYED PA DAG GI GTAN TSIGS MA NGES PA NI MI MTHUN PA'I PHYOGS KYI KHYAD PAR CAN YIN PA'I PHYIR BSGRUB PAR BYA BA'I DON SGRUB PAR BYED PA MA YIN PA DANG, 'PHAGS PAS BYIN DAG GI GTAN TSIGS MA NGES PA NI PHYOGS KYI CHOS YIN PA'I PHYIR BSGRUB PAR BYA BA'I DON SGRUB PAR BYED PA MA YIN PA DE BZHIN DU, RIGS PA CAN LA SOGS PA GZHAN DAG GI GTAN TSIGS MTSAN NYID DANG LDAN PA DAG KYANG DPE DANG, CHOS MTHUN PA'I PHYIR DANG, MI MTHUN PA'I PHYOGS KYI KHYAD PAR CAN YIN PA'I PHYIR DANG, PHYOGS KYI CHOS YIN PA'I PHYIR BSGRUB PAR BYA BA'I DON SGRUB PAR BYED PA MA YIN NO, ,DON DAM PAR MTSAN NYID GSUM PA'I GTAN TSIGS KYANG BSGRUB PAR BYA BA'I DON GO BAR BYED PA MA YIN TE, MTSAN NYID GSUM PA YIN PA'I PHYIR, DPER NA 'GAL BAS BZLOG PA BZHIN NO ZHES BYA BAS NI TSUL GSUM PA'I RTAGS DANG LDAN PA'I GTAN TSIGS 'GAL BAS BZLOG PAR MA GYUR PA KHYAD PAR CAN LAS GZHAN PA 'GAL BAS BZLOG PAR 'GYUR RAM MI 'GYUR BYE BRAG MA PHYE BA THA MAL PA YANG BSGRUB PAR BYA BA'I DON GO BAR BYED PA MA YIN PAR DGAG PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA MTSAN NYID GSUM PA'I GTAN TSIGS 'GAL BA'I SKYON GYIS BZLOG PA NI MTSAN NYID GSUM PA YIN PA'I PHYIR BSGRUB PAR BYA BA'I DON GO BAR BYED PA MA YIN PA DE BZHIN DU, MTSAN NYID GSUM PA'I GTAN TSIGS 'GAL BA'I SKYON GYIS MA BZLOG PA KHYAD PAR CAN MA YIN PA YANG MTSAN NYID GSUM PA YIN PA'I PHYIR BSGRUB PAR BYA BA'I DON GO BAR BYED PA MA YIN NO, ,DON DAM PAR MTSAN NYID GSUM PA'I GTAN TSIGS KHYAD PAR CAN 'GAL BAS MA BZLOG PA YANG BSGRUB PAR BYA BA'I DON SGRUB PAR BYED PA MA YIN TE, PHYOGS KYI CHOS YIN PA'I PHYIR, DPER NA 'GAL BA BZHIN NO ZHES BYA BA NI MTSAN NYID GSUM PA'I GTAN TSIGS 'GAL BAS BZLOG PAR 'GYUR RAM MI 'GYUR BYE BRAG MA PHYE BA KHYAD PAR CAN YIN PA THA MAL PA LAS KHYAD PAR CAN 'GAL BAS MA BZLOG PA YANG BSGRUB BAR BYA BA'I DON SGRUB PAR BYED PA MA YIN PAR RJES SU DPAG PA STON TE, DE DAG KYANG CHOS CAN @335A *, ,DANG; BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA GTAN TSIGS 'GAL BA NI PHYOGS KYI CHOS YIN PA'I PHYIR BSGRUB PAR BYA BA'I DON SGRUB BAR BYED PA MA YIN PA DE BZHIN DU, MTSAN NYID GSUM PA'I GTAN TSIGS KHYAD PAR CAN 'GAL BAS MA BZLOG PA YANG PHYOGS KYI CHOS YIN PA'I PHYIR BSGRUB PAR BYA BA'I DON SGRUB PAR BYED PA MA YIN NO, ,DE BZHIN DU DON DAM PAR DPE NI BSGRUB PAR BYA BA'I DON GO BAR BYED PA MA YIN TE, BSGRUB PAR BYA BA DANG, SGRUB PA'I CHOS DANG LDAN PA'I PHYIR DPER NA NAM MKHA' RTAG PA YIN LA, LUS CAN MA YIN PAS SGRA RTAG PA BZHIN NO ZHES BYA BAS NI DPE YANG BSGRUB PAR BYA BA'I DON GO BAR BYED PA MA YIN PAR DGAG PA'I RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA RIGS PA LA MI MKHAS PA KHA CIG NA RE SGRA NI RTAG STE, LUS CAN MA YIN PA'I PHYIR, DPER NA NAM MKHA' BZHIN NO ZER BA DAG GI DPE NAM MKHA' NI BSGRUB PAR BYA BA RTAG PA DANG, BSGRUB PA'I CHOS LUS CAN MA YIN PA DANG LDAN YANG DES SGRA RTAG PAR BSGRUB PAR BYA BA'I DON GO BAR BYED PA MA YIN PA NI BSGRUB PAR BYA BA DANG SGRUB PA'I CHOS DANG LDAN PA'I PHYIR BSGRUB PAR BYA BA'I DON GO BAR BYED PA MA YIN PA DE BZHIN DU, RIGS PA CAN LA SOGS PA GZHAN DAG GI DPE YANG BSGRUB PAR BYA BA DANG, BSGRUB PA'I CHOS DANG LDAN PA'I PHYIR BSGRUB PAR BYA BA'I DON GO BAR BYED PA MA YIN NO, ,GAL TE YAN LAG TSAD BA'I TSIG NI SGRUB PA NYID YIN PAR DAM BCAS PA'I PHYIR SKYON MED DO ZHE NA ZHES BYA BA NI PHA ROL PO DAG NA RE KHYED DBU MA PAS JI SKAD SMRAS PA DE DAG NI DAM BCAS PA DANG, GTAN TSIGS DANG, DPE DANG, NYE BAR SBYAR BA'I SBYOR BA DANG, MJUG BSDU BA LA SOGS PA SGRUB PA'I YAN LAG MA TSANG BA DAG BSGRUB PAR BYA BA'I DON SGRUB PAR BYED PA MA YIN PAR RJES SU DPOG PA YIN GYI, KHO BO CAG GIS NI SGRUB PA'I YAN LAG THAMS CAD TSANG BA'I RJES SU DPAG PA'I TSIG NI BSGRUB PAR BYA BA'I DON SGRUB PA NYID YIN PAR DAM BCAS PA'I PHYIR DE DAG MI 'GRUB PA'I SKYON MED DO ZHES ZER BA'I TSIG YIN NO, ,DE SKAD CES ZER BA DE'I LAN DU 'DIR 'GREL PA BYED BA NYID KYIS, YAN LAG TSANG BA'I TSIG GANG GI SGRUB PA YIN ZHES BRJOD PAR BYA'O ZHES BYA BA SMRAS TE, PHA ROL PO LA DE @335B SKAD CES DRI PAR BYA'O, ,GAL TE BSGRUB PAR BYA BA'I 'O ZHE NA ZHES BYA BAS NI GAL TE DE SKAD CES DRIS PA NA, PHA ROL PO DAG 'DI SKAD CES ZER NA'O, ,'GREL PA BYED PAS DE MI 'THAD PAR BSTAN PA'I PHYIR TE, DE NI LAN MA YIN TE, DE NYID BSTAN DKA' BA'I PHYIR RO ZHES BYA BA SMRAS TE, BSGRUB PAR BYA BA NYID SNGAR DAM BCAS PA'I MTSAN NYID MI 'THAD PAR BRTAG PA'I SKABS SU BSGRUB PAR BYA BA GANG YIN, GRUB PA 'AM 'ON TE MA GRUB PA YIN ZHES BYA BA LA SOGS PAS MI 'THAD PAR BSTAN ZIN PAS, DA DE NYID YOD PAR BSTAN DKA' BA'I PHYIR PHA ROL PO'I TSIG DE NI LAN MA YIN NO, ,DON DAM PAR YAN LAG TSAD BA'I TSIG KYANG BSGRUB PAR BYA BA'I DON SGRUB PAR BYED PA MA YIN TE, YAN LAG TSANG BA YIN PA'I PHYIR, DPER NA RTOG GE PHYI MAS GNOD PAR 'GYUR BA BZHIN NO ZHES BYA BAS NI DAM BCAS PA LA SOGS PA YAN LAG MA TSANG BA'I TSIG RTOG GE PHYI MAS GNOD PAR MA GYUR PA KHYAD PAR CAN LAS GZHAN PA RTOG GE PHYI MAS GNOD PAR 'GYUR RAM MI 'GYUR BYE BRAG MA PHYED PA THA MAL PA YANG BSGRUB PAR BYA BA'I DON SGRUB PAR BYED PA MA YIN PAR RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA YAN LAG TSAD BA'I TSIG RTOG GE PHYI MAS GNOD PAR GYUR PA NI YAN LAG TSANG BA YIN PA'I PHYIR BSGRUB PAR BYA BA'I DON SGRUB PAR BYED PA MA YIN PA DE BZHIN DU YAN LAG TSANG BA'I TSIG KHYAD PAR CAN MA YIN PAR THA MAL PA YANG YAN LAG TSANG BA YIN PA'I PHYIR BSGRUB PAR BYA BA'I DON SGRUB PAR BYED PA MA YIN NO, ,GAL TE RTOG GE PHYI MAS GNOD PAR GYUR PA NYID MA YIN NA, YAN LAG TSANG BA'I TSIG NI SGRUB PA YIN NO ZHE NA ZHES BYA BA NI PHA ROL PO DAG NA RE DAM BCAS PA LA SOGS PA SGRUB PA'I YAN LAG TSANG BA'I TSIG RTOG GE PHYI MAS GNOD PAR GYUR PA NYID MA YIN NA, BSGRUB PAR BYA BA'I DON GRUB PA YIN NO ZHES ZER BA'I TSIG YIN NO, ,DE'I LAN DU, 'GREL PA BYED PAS, DES NI MI NUS TE, DPER NA 'DI LTA BU'O ZHES BYA BA'I RJES SU 'GRO BA MED PA'I PHYIR RO ZHES BYA BA SMRAS TE, YAN LAG TSANG BA'I TSIG RTOG GE PHYI MAS GNOD PAR GYUR PA NYID MA YIN, BSGRUB PAR BYA BA'I DON SGRUB PA YIN NO ZHES BYA BA DE LA CHOS MTHUN PA'I PHYOGS KYI DPE MED PA'I PHYIR @336A *, ,DES KYANG RJES SU DPAG PA DAG DON DAM PAR NGO BO NYID YOD PA NYID DU SGRUB MI NUS SO, ,'DIR PHA ROL PO DAG NA RE YAN LAG TSANG BA'I TSIG KHYAD PAR CAN MA YIN PA THA MAL PA SGRUB PA'I CHOS MA YIN YANG, YAN LAG TSANG BA'I TSIG KHYAD PAR CAN RTOG GE PHYI MAS GNOD PAR GYUR BA NYID MA YIN NA NI BSGRUB PAR BYA BA'I DON SGRUB PA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PA NYID KYIS, YAD LAG TSANG BA'I TSIG KHYAD BAR CAN SGRUB PA MA YIN PA NYID PHYOGS SU BYAS PA LA YANG YAN LAG TSANG BA YIN PA'I PHYIR, DPER NA RTOG GE PHYI MAS GNOD BAR GYUR PA BZHIN NE ZHES BKAG PA KHO NA'I PHYIR DE YANG RIGS PA MA YIN NO ZHES BYA BA SMRAS SO, ,DE LA YANG KHO BOS DON DAM PAR YAN LAG TSANG BA'I TSIG KHYAD PAR CAN NI BSGRUB PA MA YIN TE ZHES PHYOGS SU BYAS LA, YAN LAG TSANG BA YIN PA'I PHYIR, DPER NA RTOG GE PHYI MAS GNOD PAR GYUR PA BZHIN NO ZHES GTAN TSIGS DANG DPE DAG GIS BKAG PA KHO NA'I PHYIR DE YANG RIGS PA MA YIN NO, ,DE BZHIN DU DON DAM PAR SUN 'BYIN PA LA NI SUN 'BYIN PA'I NGO BO NYID MED DE, TSIG GI NGO BO NYID YIN PA'I PHYIR, DPER NA SUN 'BYIN PA LTAR SNANG BA'I SGRUB PA LA SOGS PA BZHIN NO ZHES BRJOD PAR BYA'O ZHES BYA BAS NI SUN 'BYIN PA LA SUN 'BYIN PA'I NGO BO NYID MED PAR RJES SU DPAG PA STON TE, DE DAG KYANG CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE YIN PAR GO RIMS BZHIN DU SBYAR TE, DPER NA SUN 'BYIN PA'I GSAL BA DANG, DE KHO NA MA YIN PA SUN 'BYIN PA LTAR SNANG BA'I SGRUB PA LA SOGS PA NI TSIG GI NGO BO NYID YIN PA'I PHYIR DE LA KUN 'BYIN PA'I NGO BO NYID MED PA DE BZHIN DU, SUN 'BYIN PA'I GSAL BA DANG DE KHO NA YANG TSIG GI NGO BO NYID YIN PA'I PHYIR, DE LA YANG SUN 'BYIN PA'I NGO BO NYID MED DO ZHES BRJOD PAR BYA'O, ,DE'I PHYIR DE LTAR TSAD MA LA SOGS PA MA GRUB PA'I PHYIR DE BZHIN DU GZHAL BYA YANG MA GRUB PAS GTAN TSIGS SNGA MA DAG MA NGES PA NYID KYANG MA YIN TE ZHES BYA BA NI MJUG BSDU BA YIN TE, DE LTAR SGRUB PA DANG, SUN 'BYIN PA'I TSAD MA SPYI DANG KHYAD PAR DANG, DAM BCAS PA LA SOGS PA SGRUB PA'I YAN LAG RNAMS DON DAM PAR MA GRUB PA'I PHYIR DE BZHIN DU GZHAL BYA YANG MA GRUB PAS, DE'I PHYIR SNGAR PHA ROL PO DAG NA RE 'ON TE DE DAG NGO BO NYID YOD PA YIN NA NI DE @336B DAG BZHIN DU DNGOS PO THAMS CAD 'GRUB PAS BSTAN BCOS MTHA' DAG TU BSTAN PA'I RJES SU DPAG PA DAG MA NGES PA NYID KYANG YIN NO ZHES ZER BA'I TSIG GI SKABS MED PAS, DBU MA PAS BSTAN BCOS 'DI'I LUS MTHA' DAG TU SNGAR BSTAN PA'I GTAN TSIGS SNGA MA DAG LA MI MTHUN PA'I PHYOGS MED PAS MA NGES PA NYID KYANG MA YIN LA, PHA ROL PO DAG GI DPE RJES SU DPAG PA DAG BZHIN DU DNGOS PO THAMS CAD 'GRUB PAS ZHES BYA BA MA GRUB PAS 'GAL BA 'KHRUL PA MED PA'I GNOD PA YANG MED DO, ,ZHAR LA BSHAD PAS CHOG GO ZHES BYA BA NI SNGAR DE LTAR DNGOS PO THAMS CAD NGO BO NYID MED PA NYID DU BSTAN KYANG, SMRA BA NGAN PA DNGOS PO NGO BO NYID YOD PA NYID LA MNGON PAR ZHEN PA'I BAG CHAGS KYIS BLO GROS NYAMS PA RAB RIB CAN GYIS YANG DAG PA MA YIN PA MTHONG BA LTA BU DAG RANG GI PHYOGS BSGRUB PA'I PHYIR, PHYIR ZLOG PAR BYED PA DAG GI GLAN KA'I SKABS MED PAR BYA BA DANG, 'GREL PA BYED PA NYID KYIS LUNG LAS CHOS KYI RNAM GRANGS GZINGS LTA BUR SHES PA RNAMS KYIS CHOS NYID KYANG SPANG BAR BYA NA CHOS MA YIN PA RNAMS LTA CI SMOS ZHES GSUNGS PA'I TSUL NYID SGRUB PA'I PHYIR BSTAN BCOS KYI LUS 'DIR DON DAM PA'I DE KHO NA BSTAN PA NYID SGRUB PA'I PHYIR RJES SU DPAG PA DANG, SUN DBYUNG BA'I GSAL BA DANG, DE KHO NA DAG STON PA'I TSAD MA DAG NYE BAR BZHAG PA YANG 'DIR BSTAN BCOS KYI LUS MTHA' DAG RDZOGS SHING DON DAM PA'I DE KHO NA BSTAN PA NYID GRUB NAS TSAD MA DE DAG KYANG DON DAM PAR NGO BO NYID MED PA NYID DU BSTAN PA'I SKABS KYI MJUG BSDU BA YIN NO, ,DE LA 'DIR RAB TU BYED PA'I DON NI PHA ROL PO DAG GIS, BSGRUB PA SMRAS PA'I SUN DBYUNG BA BRJOD PAS LTA BA STONG PA NYID DU BSTAN PA YIN NO ZHES BYA BA NI RAB TU BYED PA 'DI'I SPYI'I MJUG BSDU BA DANG, ,TSAD MA'I 'BRAS BU YIN TE, LTA BA BRTAG PA'I RAB TU BYED PA NYI SHU BDUN PA'I SKABS 'DIR RAB TU BYED PA'I DON TSAD MA'I 'BRAS BUR LTA BA NI PHA ROL PO DAG GIS RAB TU BYED PA 'DI'I DANG POR 'DI SKAD CES DON DAM PAR NYE BAR LEN PA'I PHUNG PO LNGA NI NGO BO NYID YOD PA KHO NA YIN TE, LTA BA'I GNAS YIN PA'I PHYIR RO ZHES BYA BA LA SOGS PA STONG PA NYID KYI KHYAD PAR MI MTHUN PA'I PHYOGS KYI KHYAD PAR GYI SGRUB BA SMRAS PA'I SUN DBYUNG BA DBU MA PAS BRJOD PAS LTA BA STONG PA NYID DU BSTAN PA YIN @337A *, ,NO; LTA BA STONG PA NYID DU BSTAN PA LA YON TAN CI YOD PA DANG, DE BSTAN PA 'DI LA GZHAN DAG NA RE RTOG GE SKAM PO'I BSTAN BCOS TZAM NYI TSES BSGRUBS SO ZHES ZER BA BSAL BA'I PHYIR 'DIR YID CHES PA'I LUNG GI KHUNGS KYANG BSGRUB PAR BYA STE, DE'I PHYIR BCOM LDAN 'DAS MA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PAS ZHUS PA LAS, RAB KYI RTZAL GYIS RNAM PAR GNON PA GZUGS NI LTA BA'I RNAM PA YANG MA YIN LA LTA BA'I RNAM PA SPANGS PA YANG MA YIN NO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG LTA BA'I RNAM PA YANG MA YIN LA, LTA BA'I RNAM PA SPANGS PA YANG MA YIN NO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LTA BA'I RNAM PA SPANGS PA YANG MA YIN PA NYID GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO ZHES BYA BA SMRAS TE, BCOM LDAN 'DAS KYIS DE LTAR PHUNG PO LNGA PO DAG LTA BA'I YUL NYID MA YIN PAR DGAG PA MDZAD PAS, DE'I PHYIR KHO BOS LTA BA DE DAG DGAG PA SMRAS PA NI KHAS BLANGS PA LA GNOD PA MED DO, ,DE LTAR YID CHES PA'I LUNG DE DAG GRUB PA NI LTA BA STONG PA NYID DU BSTAN PA'I YON TAN DANG KHUNGS YIN TE, RE ZHIG DES NI LUNG GRUB PA 'DI'I YON TAN YIN PAR BSTAN TO, ,DA NI RIGS PAS GRUB PA 'DI'I YON TAN YIN PAR BSTAN PA'I PHYIR, DE BZHIN DU RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PAS BSTAN BCOS KYI DON RNAM PAR MI RTOG PA'I YE SHES BDUD RTZI'I DE KHO NA RNAM PAR MI RTOG PA'I DON DAM PA STON KA'I NAM MKHA' DRI MA MED PA LTA BU'I YUL CAN SPROS PA MA LUS PA LEGS PAR NYE BAR ZHI BA THA DAD PA NYID DANG GCIG PA NYID DANG BRAL BA ZHI BA SO SO RANG GIS RIG PAR BYA BA BSTAN PA GRUB PA YIN NO ZHES BYA BA SMRAS TE, BSTAN BCOS 'DI'I DON NI RTEN CING 'BREL PAR 'BYUNG BA 'GAG PA MED PA DANG, SKYE BA MED PA DANG; CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA'I KHYAD PAR DANG LDAN PA BSTAN PAS DON DAM PA RNAM PAR MI RTOG PA'I YE SHES BDUD RTZI'I DE KHO NA RNAM PAR MI RTOG PA'I DON DAM PA STON KA'I NAM MKHA' DRI MA @337B MED PA LTA BU'I YUL CAN SPROS PA THAMS CAD NYE BAR ZHI ZHING ZHI BA SO SO RANG GIS RIG PAR BYA BA BSTAN PA YIN PAS DE YANG GRUB PA YIN NO, ,DE GRUB PA YANG LTA BA STONG PA NYID DU BSTAN PA 'DI'I YON TAN YIN TE, DES NI RIGS PAS 'GRUB PA 'DI'I YON TAN YIN PAR BSTAN TO, ,DE LTAR LUNG DANG RIGS PAS GRUB PA DE DAG BSTAN BCOS 'DIS RNAM PAR BSHAD PAR BYA BA'I YUL NYID DU BSTAN PA YANG SLOB DPON GYI ZHAL SNGA NAS KYI MKHYEN RLABS DANG 'GREL PA BYED PA'I MKHAS PA NYID YIN NO, ,DA NI DE LTAR BSTAN BCOS 'DI'I DON NI DON DAM PA'I DE KHO NA NYID BSTAN PA YIN NA 'DIR DE KHO NA NYID GANG YIN PA MDOR BSTAN PA MA BYAS PAR RJES SU DPAG PA DANG SUN DBYUNG BA'I GSAL BA DANG, DE KHO NA BSTAN PA'I THAM LAG MANG PO DAG GIS BSGRUB CI DGOS SNYAM DU SEMS PA RNAMS LA DE'I DGOS PA BSTAN PA'I PHYIR, BCOM LDAN 'DAS KYI TSUL NI DE KHO NA NYID YIN YANG NGAN RTOG RNAMS DAD PAR MI BYED PA'I PHYIR RJES SU DPAG PA GTZO CHE BAS DE'I PHYIR DE YONGS SU BZUNG NGO ZHES BYA BA SMRAS TE, BCOM LDAN 'DAS KYI TSUL DE KHO NA NYID YIN YANG MU STEGS CAN LA SOGS PA NGAN RTOG RNAMS DAD PAR MI BYED PA'I PHYIR DE DAG LA RJES SU DPAG PAS BSTAN PA GTZO CHE BAS DE'I PHYIR 'DIR RJES SU DPAG PA DANG, SUN DBYUNG BA'I GSAL BA DANG, DE KHO NA DAG BSTAN PA DANG LTA BA NGAN PA'I DRA BA ZHI BAR BYED PA DANG LDAN PA SHES RAB KYI PHA ROL TU PHYIN PA'I TSUL DE YONGS SU BZUNG NGO, ,DA NI 'GREL PA BYED PA NYID KYIS SLOB DPON GYI ZHAL SNGA NAS KYIS DBU MA'I BSTAN BCOS SHES RAB CES BYA BA RAB TU BYED PA NYI SHU BDUN DANG TSIG LE'UR BYAS PA BZHI BRGYA ZHE DGU PA MDZAD PA'I 'GREL PA SHES RAB SGRON MA ZHES BYA BA 'DI BYAS PA'I TSUL BSTAN PA DANG, DE BYAS PA'I DGE BA'I RTZA BA 'KHOR GSUM YONGS SU DAG PA'I TSUL GYIS BDAG DANG GZHAN LA BSNGO BA'I TSUL BSTAN PA'I PHYIR STAG RNAM PAR RTZEN PA LTA BU'I TSIGS SU BCAD PA GNYIS STON TE, DE LA 'JIG RTEN SNANG MDZAD GZHAN DON MKHAS RNAMS SANGS RGYAS NYID THOB MDZAD SLAD DU, ,SHES RAB PHA ROL PHYIN SOGS MDO SDE GSUNGS TSUL GSAL BAR STON PA NA, ,THUB DBANG SRAS PO KLU SGRUB GSUNGS PA DBU MA'I BSTAN BCOS GANG YIN PA, ,DE YI RNAM BSHAD LTA NGAN ZHI BYED SHES RAB SGRON MA BDAG GIS BYAS, ,ZHES BYA @338A *, ,BA 'DIS NI BDAG GIS BYAS PA'I TSUL BSTAN TE, ,'JIG RTEN SNANG MDZAD GZHAN DON MKHAS RNAMS ZHES BYA BA NI SA CHEN PO LA YANG DAG PAR ZHUGS PA'I BYANG CHUB SEMS DPA' RNAMS TE, DE RNAMS NI SNOD KYI 'JIG RTEN SANGS RGYAS KYI ZHING YONGS SU DAG PA'I RGYAN PHUN SUM TSOGS PAS SNANG BA DANG, SEMS CAN GYI 'JIG RTEN BYANG CHUB SNYING PO'I YE SHES PHUN SUM TSOGS PAS SNANG BA 'DAS PA DANG DA LTAR DANG MA 'ONGS PA'I DUS SU MDZAD PA DANG, MDZAD BZHIN PA DANG, MDZAD PAR 'GYUR BA'I PHYIR DANG, BDAG NYID KYI SANGS RGYAS KYI CHOS YONGS SU SMIN PAR BYA BA DANG, PHYI ROL GYI SEMS CAN YONGS SU SMIN PAR BYA BA'I PHYIR GZHAN GYI DON MDZAD PA LAS SHES RAB KYIS DBANG PO'I RIM PA LA SOGS PA RTAG PA DANG, CHOS KYI DE KHO NA NYID BSTAN PA LA MKHAS SHING THABS KYIS BSDU BA RNAM BZHI LA SOGS PA'I RIM GYIS BSDU BA DANG, MNGON PAR MTHO BA DANG, NGES PAR LEGS PA'I 'BRAS BU LA SOGS PA LA 'JOG PAR MKHAS PA YIN PA'I PHYIR TE, DES NI BYANG CHUB SEMS DPA' RNAMS KYI YON TAN STON TO, ,SANGS RGYAS NYID THOB MDZAD SLAD DU, ,ZHES BYA BA BCOM LDAN 'DAS KYIS BYANG CHUB SEMS DPA' DE RNAMS SANGS RGYAS NYID THOB PAR MDZAD PA'I SLAD DU STE, DE BZHIN GSHEGS PA NI RANG GI SRAS THUGS LAS SKYES PA ZHAL NAS SKYES PA CHOS LAS SKYES PA RNAMS BYANG CHUB SEMS DPA'I LAM 'BRAS BU DANG BCAS PA NYID 'THOB PAR MDZAD BA'I SLAD DU DAM PA'I CHOS STON PAR MDZAD PA YIN PA'I PHYIR TE, DES NI SANGS RGYAS KYI MDZAD PA BSTAN TO, ,SHES RAB PHA ROL PHYIN SOGS MDO SDE GSUNGS, ,ZHES BYA BA NI BCOM LDAN 'DAS KYIS BYANG CHUB SEMS DPA' DE RNAMS SANGS RGYAS NYID THOB PAR MDZAD PA'I SLAD DU SHES RAB KYI PHA ROL TU PHYIN PA LA SOGS PA THEG PA CHEN PO'I MDO SDE GSUNGS PA STE, THEG PA CHEN PO'I MDO SDE NI BYANG CHUB SEMS DPA' 'JIG RTEN SNANG BAR MDZAD PA DANG, GZHAN GYI DON LA MKHAS PA RNAMS KYI CHED YIN PA'I PHYIR TE, DES NI DE BZHIN GSHEGS PA'I GSUNG RAB KYI TSUL BSTAN TO, ,TSUL GSAL BAR STON PA NA ZHES BYA BA NI SLOB DPON MKHAS PA KLU SGRUB GYI ZHAL SNGA NAS, BCOM LDAN 'DAS KYIS SHES RAB KYI PHA ROL TU PHYIN PA LA SOGS PA MDO SDE GSUNGS PA'I TSUL DRANG BA'I DON DANG NGES PA'I @338B DON YANG DAG PA JI LTA BA BZHIN DU GSAL BAR STON PA'I TSE NA STE, SLOB DPON GYI ZHAL SNGA NAS NI BDE BAR GSHEGS PA YONGS SU MYA NGAN LAS 'DAS PA'I 'OG TU SANGS RGYAS KYIS BSTAN PA'I TSUL GSAL BAR STON PA YIN PA'I PHYIR TE, DE LTAR YANG 'PHAGS PA LANG KAR GSHEGS PA'I MDO LAS, BDE GSHEGS MYA NGAN 'DAS 'OG TU, ,TSUL RNAMS 'DZIN PAR 'GYUR BA STE, ,DUS DAG 'DAS NAS 'BYUNG BA NI, ,BLO GROS CHEN PO KHYOD SHAS BYOS, ,LHO PHYOGS BE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, , BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES GSUNGS PA DANG, 'PHAGS PA SPRIN CHEN PO'I MDO LAS KYANG, LITZTSA B'I GZHON NU 'JIG RTEN THAMS CAD MTHONG NA DGA' BA LUNG BSTAN PA LAS NGA YONGS SU MYA NGAN LAS 'DAS NAS 'DI RGYAL PO MTHAR 'GRO ZHON GYI DUS NA, DGE SLONG KLU ZHES BYA BAR GYUR NAS NGA'I BSTAN PA GSAL BAR BYAS TE, RIM GYIS 'JIG RTEN GYI KHAMS DANG BA'I 'OD CES BYA BAR DE BZHIN GSHEGS PA YE SHES 'BYUNG GNAS 'OD CES PAR 'GYUR RO ZHES LUNG BSTAN PA'I PHYIR STE, DES NI SLOB DPON GYI ZHAL SNGA NAS KYI CHE BA NYID BSTAN TO; ,THUB DBANG SRAS PO KLU SGRUB GSUNGS PA ZHES BYA BA NI THUB PA'I DBANG POS SANGS RGYAS BCOM LDAN 'DAS KYI SRAS BYANG CHUB SEMS DPA'I SA DANG PO RAB TU DGA' BA BRNYES PA SLOB DPON 'PHAGS PA KLU SGRUB KYI ZHAL SNGA NAS KYIS BCOM LDAN 'DAS KYIS SHES RAB KYI PHA ROL TU PHYIN PA LA SOGS PA MDO SDE LAS GSUNGS PA'I TSUL GSAL BAR STON PA NI NYID KYIS JI LTAR THUGS SU CHUD PA'I DE KHO NA GZHAN LA YANG DE BZHIN DU GSUNGS PA STE, SLOB DPON GYI ZHAL SNGA NAS NI BDAG DANG GZHAN GYI DON PHUN SUM TSOGS PA RAB KYI MTHAR PHYIN PA BLA NA MED PA DAD PA MCHOG GIS SGRUB PAR MDZAD PA YIN PA'I PHYIR TE, DES NI SLOB DPON GYI ZHAL SNGA NAS KYIS MDZAD PA BSTAN TO, ,DBU MA'I BSTAN BCOS GANG YIN PA ZHES BYA BA NI THUB DBANG SRAS PO KLU SGRUB KYIS GSUNGS PA RNAM PA MANG PO DAG GI NANG NAS DBU MA'I BSTAN BCOS SHES RAB CES BYA BA RAB TU BYED PA NYI SHU BDUN DANG, TSIG LE'UR BYAS PA BZHI BRGYA BZHI BCU DGU PA 'DI @339A *, ,GANG YIN PA STE, SLOB DPON LEGS LDAN 'BYED NYID KYIS DE'I 'GREL PA SHES RAB SGRON MA ZHES BYA BA 'DI BYAS PA'I TSUL STON PAR 'DOD PA'I PHYIR TE, DES NI SLOB DPON GYI ZHAL SNGA NAS KYIS GSUNGS PA DBU MA'I BSTAN BCOS SHES RAB CES BYA BA 'DI NYID KYI GZHUNG BSTAN TO, ,DE'I RNAM BSHAD CES BYA BA NI DBU MA'I BSTAN BCOS SHES RAB CES BYA BA DE'I RNAM PAR BSHAD PA STE, 'DI NI DE'I 'GREL PA YIN PA'I PHYIR TE, DES NI GZHUNG 'DI DE'I RNAM PAR BSHAD PA YIN PAR BSTAN TO, LTA NGAN ZHI BYED CES BYA BA DE NI RNAM PAR BSHAD PA 'DI'I NGO BO NYID YIN TE, 'DI NI LTA BA NGAN PA'I DRA BA ZHI BAR BYED PA DANG LDAN PA YIN PA'I PHYIR TE; DES NI 'GREL PA 'DI'I NGO BO NYID BSTAN TO, ,SHES RAB SGRON MA ZHES BYA BA NI DE'I RNAM PAR BSHAD PA LTA BA NGAN PA ZHI BAR BYED PA 'DI'I MING YIN TE, 'DI NI SLOB DPON GYI ZHAL SNGA NAS KYIS DBU MA'I BSTAN BCOS SHES RAB CES BYA BA MDZAD PA DE GSAL BAR BYED PA'I SGRON MA SHES RAB KYI PHA ROL TU PHYIN PA'I TSUL SGRUB PAR BYED PA YIN PA'I PHYIR TE, DES NI 'GREL PA 'DI'I MING BSTAN TO, ,BDAG GIS BYAS ZHES BYA BA NI SLOB DPON LEGS LDAN 'BYED KYIS BYAS PA'I TSUL BSTAN PA STE, SLOB DPON GYI ZHAL SNGA NAS KYIS TSIG LE'UR BYAS PA DAG KHO NAS RJES SU DPAG PA DANG, SUN DBYUNG BA'I GSAL BA DANG, DE KHO NA DAG BSTAN PA DANG, LTA BA NGAN PA'I DE BA ZHI BAR BYED PA DANG LDAN PA SHES RAB KYI PHA ROL TU PHYIN PA'I TSUL BKA' STZAL MOD KYI, TSANGS PA MTSUNGS PAR SPYOD PA RNAMS LAS KHA CIG GIS MI RTOG PAS DE'I PHYIR DE DAG GIS RTOGS PAR BYA BAR 'DOD NAS LUNG JI LTA BA BZHIN DU DBU MA'I BSTAN BCOS BSHAD PAR BYAS PA'I PHYIR TE, DES NI BDAG GIS BYAS PA'I TSUL BSTAN TO, ,DA NI BSNGO BA'I TSUL BSTAN PA'I PHYIR, ,SHES RAB SGRON MA ZHES BYA 'DI BYAS DGE BA RAB DKON GANG THOB PA, ,DES NI SANGS RGYAS GO 'PHANG SHES RAB SGRON MAS RTOGS BYA RTOGS MED TSUL, ,TSIG BLO KUN 'DAS MKHA' LTAR DRI MED MI RTOGS 'JIGS MED DE THOB NAS, ,'JIG RTEN DAG LA 'ANG SHES RAB SGRON SNANG MUN SEL MYUR DU BYED PAR SHOG ,CES BYA BA SMRAS TE, SHES RAB SGRON MA ZHES BYA 'DI BYAS ZHES BYA BA NI SLOB DPON KLU SGRUB KYI ZHAL SNGA NAS KYIS DBU MA'I BSTAN BCOS RAB TU BYED PA NYI SHU BDUN DANG TSIG LE'UR BYAS PA BZHI BRGYA BZHI BCU DGU PA MDZAD PA'I MING NI SHES RAB CES BYA SLOB DPON LEGS LDAN @339B BYED NYID KYIS DE'I RNAM PAR BSHAD PA LTA BA NGAN PA ZHI BAR BYED PA NYE BAR SBYAR BA 'DI'I MING SHES RAB SGRON MA ZHES BYA STE, DE BDAG GIS BYAS PA STE, DES NI SBYOR BA STON PA DGE BA RAB DKON GANG THOB PA, ,ZHES BYA BA NI SHES RAB SGRON MA ZHES BYA BA 'DI SBYAR BA'I SBYOR BA LAS DGE BA BSOD NAMS DANG YE SHES KYI TSOGS RAB TU DKON PA RUS SBAL ZHAR BA'I MGRIN PA GNYA' SHING GI MIG TU TSUD PA'I TSUL LTAR BDAG GI 'BYOR PA DANG GZHAN GYI 'BYOR PA RAB TU DKON PAS BSGRUBS PA RGYA CHEN PO GANG DAG THA SNYAD DU SGRUB PA'I MCHOD PA SNGON DU BTANG STE, KUN RDZOB KYI BDEN PA'I DE KHO NA'I TSUL RNAM PAR DBYE BA BYAS PA'I THABS KYI STOBS DANG, TSUL BZHIN YID LA BYED PA'I SBYOR BA SNGON DU BTANG STE, DON DAM PA'I BDEN PA'I DE KHO NA'I TSUL RTOGS PAR BYAS PA'I SHES RAB KYI STOBS KYIS THOB PA STE DES NI DNGOS BSTAN TO, ,DES NI ZHES BYA BA NI DE LTAR SBYOR BA DANG BCAS DNGOS DANG BCAS PA'I DGE BA RAB TU DKON PA GANG THOB PA DES TE DES NI MJUG BSTAN TO, ,DE LTAR RE ZHIG DGE BA BSOD NAMS DANG YE SHES KYI TSOGS RAB TU DKON PA THABS DANG SHES RAB KYI STOBS KYIS THOB PA RGYA CHEN PO SBYOR BA DANG DNGOS DANG MJUG BCAS PA GANG THOB PA DES NI 'BRAS BU BDAG NYID KYI SANGS RGYAS KYI CHOS YONGS SU SMIN PA DANG, PHYI ROL GYI SEMS CAN YONGS SU SMIN PAR 'GYUR BA'I THABS KYI RGYU PHUN SUM TSOGS PA BSTAN TO; ,DA NI THABS KYI RGYU PHUN SUM TSOGS PA DE'I THABS LAS BYUNG BA'I 'BRAS BU BDAG NYID KYI SANGS RGYAS KYI CHOS YONGS SU SMIN PA DANG, PHYI ROL GYI SEMS CAN YONGS SU SMIN PAR 'GYUR BA GNYIS BSTAN PAR BYA STE, DE LA RE ZHIG BDAG NYID KYI SANGS RGYAS KYI CHOS YONGS SU SMIN PAR 'GYUR BA'I 'BRAS BU BSTAN PA'I PHYIR SANGS RGYAS KYI GO 'PHANG THOB PAR SHOG CES BYA BA SMRAS TE, SANGS RGYAS KYI GO 'PHANG NI SANGS RGYAS KYI SA'O, ,SANGS RGYAS KYIS NI 'BRAS BU'I GNAS TE, DE YANG SPANGS PA PHUN SUM TSOGS PA DANG, YE SHES PHUN SUM TSOGS PAS RAB TU PHYE BA YIN NO, ,DE LA SPANGS PA PHUN SUM TSOGS PAS RAB TU SKYE BA BSTAN PA'I PHYIR, SHES RAB SGRON MAS RTOGS BYA RTOGS MED TSUL, ,ZHES BYA BA SMRAS TE, SPANGS PA PHUN SUM TSOGS PA NI NYON MONGS PA'I SGRIB PA DANG, SHES BYA'I SGRIB PA BAG CHAGS DANG BCAS PA MA LUS PA GTAN SPANGS PA STE, JI SKAD DU 'PHAGS PA SANGS RGYAS KYI SA'I MDO LAS, CHOS RNAMS KUN @340A *, ,GYI DE BZHIN NYID, ,SGRIB GNYIS DAG PA'I MTSAN NYID DE, ,ZHES GSUNGS PA YIN TE, DE NI SHES RAB SGRON MA ZHES BYA BA 'DIS RTOGS PA MED PA'I TSUL GYIS RTOGS PAR BYA BA YIN NO, ,YE SHES PHUN SUM TSOGS PAS RAB TU PHYE BA BSTAN PA'I PHYIR, TSIG BLO KUN 'DAS ZHES BYA BA SMRAS TE, YE SHES PHUN SUM TSOGS PA NI GNAS GYUR PAS RAB TU PHYE BA ME LONG LTA BU'I YE SHES DANG, MNYAM PA NYID KYI YE SHES DANG, SO SOR RTOG PA'I YE SHES DANG, BYA BA GRUB PA'I YE SHES TE, JI SKAD DU 'PHAGS PA SANGS RGYAS KYI SA'I MDO LAS, DNGOS PO SHES PA DE LA DMIGS, ,DBANG ZAD MI SHES MTSAN NYID DO, ,DE BZHIN NYID SHES THAMS CAD DU, ,BSGOMS PA LAS NI YE SHES 'BYUNG, ,SEMS CAN KUN LA RNAM KUN DU, ,GNYIS BSKYED 'BRAS BU ZAD MI SHES, ,SKU DANG GSUNG DANG THUGS SPRUL PA, ,SBYOR BA'I THABS KYI LAS CAN TE, ,TING NGE 'DZIN DANG GZUNGS SGO DANG, ,DPAG TU MED PA GNYIS DANG LDAN, ,ZHES GSUNGS PA YIN TE, DE NI TSIG DANG BLO KUN LAS 'DAS PA STE SPROS PA DANG, RNAM PAR RTOG PA'I YUL LAS YANG DAG PAR 'DAS PA'I PHYIR RO, ,DE LTAR SPANGS PA PHUN SUM TSOGS PA DANG, YE SHES PHUN SUM TSOGS PAS RAB TU PHYE BA'I 'BRAS BU DE YANG SKU GSUM GYI NGO BO NYID YIN TE, CHOS KYI SKU DANG, LONGS SPYOD RDZOGS PA'I SKU DANG, SPRUL PA'I SKU'O, ,DE DAG BSTAN PA'I PHYIR, MKHA' LTAR DRI MED MI RTOG 'JIGS MED CES BYA BA DAG SMRAS TE, SKU GSUM DANG GO RIMS BZHIN DU SBYAR RO, ,DE LA CHOS KYI SKU NI SPANGS PA PHUN SUM TSOGS PAS RAB TU BYE BA CHOS KYI DBYINGS RNAM PAR DAG PA NYID DANG, YE SHES PHUN SUM TSOGS PAS RAB TU PHYE BA GNAS GYUR PA'I NGO BO NYID ME LONG LTA BU'I YE SHES GNYIS GCIG TU BSDUS PA YIN TE, DE NI RANG BZHIN GYI SKU NAM MKHA' LTAR DRI MA MED PA NGO BO NYID RTAG PA NYID YIN NO, ,LONGS SPYOD RDZOGS PA'I SKU NI SA BCU BSGOMS PA'I 'BRAS BU MNYAM PA NYID KYI YE SHES DANG, STOBS BCU'I NGO BO NYID KYI MKHYEN PA SO SOR RTOG PA'I YE SHES GNYIS GCIG TU BSDUS PA YIN TE, DE NI RNAM PAR SNANG MDZAD KYI SKU MI RTOG PAR THAMS CAD MKHYEN PA MI 'GYUR BAR RTAG PA NYID YIN NO, ,SPRUL PA'I SKU DANG GSUNG DANG THUGS SPRUL PA'I BDAG NYID BYA BA GRUB PA'I YE SHES YIN TE DE NI BDAG DANG 'BREL BA DANG, GZHAN @340B DANG 'BREL PA DANG, GNYI GA DANG 'BREL PA'I SKU 'JIGS PA MED PAR SEMS CAN GYI DON MDZAD PA RGYUN RTAG PA NYID YIN NO, ,SKU GSUM YANG JI SKAD DU 'PHAGS PA SANGS RGYAS KYI SA'I MDO LAS, RANG BZHIN CHOS RDZOGS LONGS SPYOD DANG, ,SPRUL PA DAG GIS THA DAD 'JUG ,'DI NI SANGS RGYAS RNAM DAG GI ,CHOS DBYINGS RNAM PAR DAG PA YIN, ,ZHES GSUNGS PA YIN TE, DE DAG NI NAM MKHA' LTAR DRI MA MED PA DANG, MI RTOG PA DANG 'JIGS PA MED PA YIN NO, ,DE LTA BU'I SANGS RGYAS KYI GO 'PHANG DE THOB PAR SHOG SHIG CES BSNGO BA'I TSUL BSTAN PA NI 'KHOR GSUM YONGS SU DAG PA'I TSUL GYIS BDAG NYID KYIS SANGS RGYAS KYI CHOS YONGS SU SMIN PAR 'GYUR BA'I 'BRAS BU THOB PAR BSNGO BA'I TSUL BSTAN PA YIN NO, ,DA NI PHYI ROL GYI SEMS CAN YONGS SU SMIN PAR 'GYUR BA'I 'BRAS BU BSTAN PA'I PHYIR, DE THOB NAS, 'JIG RTEN DAG LA'ANG ZHES BYA BA SMRAS TE, DE LTAR BDAG NYID KYIS SANGS RGYAS KYI GO 'PHANG DE THOB NAS 'JIG RTEN DAG LA'ANG MYUR DU DE THOB PAR BYED PAR SHOG SHIG CES BSNGO BA'I TSUL BSTAN TO, ,'JIG RTEN DAG LA'ANG ZHES BYA BA NI SEMS CAN THAMS CAD DE BZHIN GSHEGS PA'I SNYING PO CAN YIN PAS 'JIG RTEN THAMS CAD LA YANG SPANGS PA PHUN SUM TSOGS PA DANG, YE SHES PHUN SUM TSOGS PA'I 'BRAS BU 'THOB PA'I SKAL PA RKYEN JI LTA BA BZHIN DU YOD PAR BSTAN PA'I PHYIR 'JIG RTEN DAG LA'ANG ZHES SPYIR SMOS SO, ,PHYI ROL GYI SEMS CAN YONGS SU SMIN PA YANG SRED PA DANG, LONGS SPYOD TZAM GYI DON LA MA YIN GYI SANGS RGYAS KYI GO 'PHANG SPANGS PA PHUN SUM TSOGS PA DANG YE SHES PHUN SUM TSOGS PAS RAB TU PHYE BA'I SKU GSUM NYID LA YONGS SU SMIN PAR BYA BAR BSTAN PA'I PHYIR, SHES RAB SGRON SNANG MUN SEL CES BYA BA SMRAS TE, SHES RAB SGRON SNANG ZHES BYA BA NI SNGAR, ,SHES RAB SGRON MAS RTOGS BYA RTOGS MED TSUL, ,ZHES SMOS PA NYID MTSON TE, SPANGS PA PHUN SUM TSOGS PA BSTAN TO, ,MUN SEL CES BYA BA NI SNGAR TSIG BLO KUN 'DAS ZHES SMOS PA NYID MTSON TE, YE SHES PHUN SUM TSOGS PA BSTAN TO, ,DE GNYIS KYIS RAB TU PHYE BA'I 'BRAS BU SKU GSUM MYUR DU THOB PAR BYED PAR SHOG SHIG CES BSNGO BA'I TSUL BSTAN PA'I PHYIR, MYUR DU BYED PAR SHOG CES BYA BA SMRAS TE, DES NI 'KHOR GSUM YONGS SU DAG PA'I TSUL GYIS PHYI ROL GYI SEMS CAN YONGS SU SMIN PAR 'GYUR BA'I 'BRAS BU @341A *, ,'THOB PAR BSNGO BA'I TSUL BSTAN PA YIN NO, ,SLOB DPON LEGS LDAN BYED KYIS NYE BAR SBYAR BA DBU MA'I RTZA BA'I 'GREL PA SHES RAB SGRON MA LAS LTA BA BRTAG PA ZHES BYA BA STE RAB TU BYED PA NYI SHU BDUN PA THA MA RGYA CHER 'GREL PA SLOB DPON SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,, DBU MA'I RTZA BA'I TSIG LE'UR BYAS PA SHES RAB CES BYA BA THEG PA CHEN PO'I CHOS MNGON PA RNAM PAR GZHAG PA, DON DAM PA'I DE KHO NA YANG DAG PAR STON PA, SHES RAB KYI PHA ROL TU PHYIN PA'I TSUL GSAL BAR BYED PA, SLOB DPON BDAG NYID CHEN PO 'PHAGS PA KLU SGRUB MI 'PHROGS PA'I MKHYEN RAB DANG THUGS RJER LDAN PA DE BZHIN GSHEGS PA'I THEG PA BLA NA MED PA'I TSUL RAB TU 'BYED PA, RAB TU DGA' BA'I SA BSGRUBS NAS BDE BA CAN GYI ZHING DU GSHEGS PA, 'JIG RTEN GYI KHAMS DANG BA'I 'OD CES BYA BAR DE BZHIN GSHEGS PA YE SHES 'BYUNG GNAS 'OD CES BYA BAR 'GYUR BAS MDZAD PA DE'I 'GREL PA SHES RAB SGRON MA THEG PA MCHOG GI TSUL SGRUB PAR BYED PA LTA BA NGAN PA'I DRI MA SEL BAR BYED PA RJES SU DPAG PA DANG SUN DBYUNG BA'I GSAL BA DANG DE KHO NA STON PA, SLOB DPON BTZUN PA LEGS LDAN BYED 'PHAGS PA SPYAN RAS GZIGS DBANG PHYUG GI DAM PA MCHOG BRNYES PA, BDAG DANG GZHAN GYI GRUB PA'I MTHA' RGYA MTSO'I PHA ROL TU BYON PA RIG SNGAGS 'CHANG GRUB PA'I GNAS KHYAD PAR CAN DU GSHEGS PA, SKU TSE 'DI NYID KYIS RDO RJE'I GDAN BGROD PA'I THUGS DAM CAN GYIS NYE BAR SBYAR BA RGYA CHER 'GREL PA THEG PA CHEN PO DBU MA PA'I SLOB DPON YUL SA KE TAN NAS BYUNG BA, BRAM ZE'I RIGS SHING S'A LA CHEN PO LTA BU RIG PA'I GNAS MTHA' DAG CHUB PA, RANG DANG GZHAN GYI GRUB PA'I MTHA' THAMS CAD LA MKHAS PA SPYAN RAS GZIGS BRTUL ZHUGS KYIS NYE BAR SBYAR BA RDZOGS SO,, ,,DBANG PHYUG DAM PA'I MNGA' BDAG RGYAL PO CHEN PO DPAL LHA BTZAN PO'I BKA' LUNG GIS, RGYA GAR GYI MKHAN PO THEG PA CHEN PO DBU MA PA DZNY'A NA GARBHA DANG, BOD KYI ZHU CHEN GYI LO TZ'A BA DGE SLONG COG RO KLU'I RGYAL MTSAN GYIS BSGYUR CING ZHU CHEN BGYIS TE GTAN LA PHAB PA, 'DI LA RAB TU BYED PA NI NYI SHU RTZA BDUN, SHLO KA NI NYI KHRI BZHI STONG YOD, BAM PO NI BRGYAD CUR BYAS SO,,