,#, RGYA GAR SKAD DU, BO SHI SA
TVA TZ'A RY'A BA T'A RA PInd'A RTHA, BOD SKAD DU, BYANG CHUB
SEMS DPA'I SPYOD PA LA 'JUG PA'I DON BSDUS PA, SANGS RGYAS DANG
BYANG CHUB SEMS DPA' THAMS CAD LA PHYAG 'TSAL LO, ,DAL 'BYOR 'DI
NI

SHIN TU RNYED PAR DKA', ,SKYES BU DON GRUB THOB PAR GYUR PA LA,
,GAL TE 'DI LA PHAN PA MA BSGRUBS NA, ,PHYIS 'DI YANG DAG 'BYOR
PAR GA LA 'GYUR, ,JI LTAR MTSAN MO MUN NAG SPRIN RUM NA, ,GLOG
'GYU SKAD CIG RAB SNANG STON PA LTAR, ,DE BZHIN SANGS RGYAS MTHU
YIS BRGYA LAM NA, ,

'JIG RTEN BSOD NAMS BLO GROS THANG 'GA' 'BYUNG, ,DE LTAR DGE BA
NYAM CHUNG NYID LA RTAG, ,SDIG PA STOBS CHEN SHIN TU MI BZAD PA,
,DE NI RDZOGS PA'I BYANG CHUB SEMS MIN PA, ,DGE GZHAN GANG GIS
ZIL GYIS GNON PAR 'GYUR, ,BSKAL PA DU MAR RAB DGONGS MDZAD PA
YI, ,THUB

DBANG RNAMS KYIS 'DI NYID PHAN PAR GZIGS, ,'DIS NI TSAD MED SKYE
BO'I TSOGS RNAMS KYI, ,BDE MCHOG BDE BLAG NYID DU THOB PAR BYED,
,'JIGS DANG SDUG BSNGAL BRGYA PHRAG GZHOM 'DOD CING, ,SEMS CAN
MI BDE BSAL PAR 'DOD PA DANG, ,BDE MANG BRGYA PHRAG SPYOD PAR
'DOD PAS KYANG,

BYANG CHUB SEMS NYID RTAG TU GTANG MI BYA, ,RIN CHEN SEMS 'DI
GZUNG BAR BYA BA'I PHYIR, ,DE BZHIN GSHEGS PA RNAMS DANG DAM
PA'I CHOS, ,DKON MCHOG DRI MA MED DANG SANGS RGYAS SRAS, ,YON
TAN RGYA MTSO RNAMS LA LEGS PAR MCHOD, ,JI LTAR SNGON GYI BDE
GSHEGS KYIS, ,BYANG CHUB

@192A *, ,THUGS NI BSKYED PA NA, ,BYANG CHUB SEMS DPA'I BSLAB PA
LA, ,DE DAG RIM BZHIN GNAS PA LTAR, ,DE BZHIN 'GRO BA'I PHAN DON
DU, ,BYANG CHUB SEMS NI BSKYED BGYI ZHING, ,DE BZHIN DU NI BSLAB
PA LA'ANG, ,RIM PA BZHIN DU BSLAB PAR BGYI, ,RGYAL BA'I SRAS
KYIS

DE LTA BUR, ,BYANG CHUB SEMS RAB BRTAN BZUNG NAS, ,G-YEL BA MED
PAR RTAG TU YANG, ,BSLAB LAS MI 'DA' 'BAD BAR BYA, ,BSLAB PA
BSRUNG BAR 'DOD PA YIS, ,RAB TU BSGRIMS NAS SEMS BSRUNG STE,
,SEMS NI BSRUNG BAR MA BYAS NA, ,BSLAB PA BSRUNG BAR YONG MI
NUS, ,SEMS

BSRUNG 'DOD PA RNAMS LA NI, ,DRAN PA DANG NI SHES BZHIN DAG
,SROG LA BAB KYANG SRUNGS SHIG CES, ,BDAG NI DE SKAD 'DOMS PAR
BYED, ,BLA MA DANG NI 'GROGS PA DANG, ,MKHAN POS RJES SU BSTAN
PA LA, ,'JIGS PAS SKAL LDAN GUS BYED PA, ,DRAN PA SHIN TU SKYE
BAR 'GYUR, ,RTAG PAR

DGE BA'I BSHES GNYEN NI, ,THEG CHEN DON LA MKHAS PA DANG, ,BYANG
CHUB SEMS DPA'I BRTUL ZHUGS MCHOG, ,SROG GI PHYIR YANG MI GTANG
NGO, ,BSKAL BA STONG DU BSAGS PA YI, ,SBYIN DANG BDE GSHEGS
MCHOD LA SOGS, ,LEGS SPYAD GANG YIN DE KUN YANG, ,KHONG KHRO
GCIG GIS

'JOMS PAR BYED, ,ZHE SDANG LTA BU'I SDIG PA MED, ,BZOD PA LTA
BU'I DKA' THUB MED, ,DE BAS BZOD LA NAN TAN DU, ,SNA TSOGS TSUL
GYIS BSGOM PAR BYA, ,DE LTAR BZOD PAS BRTZON 'GRUS BRTZAM, ,'DI
LTAR BRTZON LA BYANG CHUB GNAS, ,RLUNG MED G-YO BA MED PA
BZHIN, ,BSOD

NAMS BRTZON 'GRUS MED MI 'BYUNG, ,BRTZON GANG DGE LA SPRO BA
STE, ,DE YI MI MTHUN PHYOGS SPANG BYA, ,SGYID LUG MED DANG DPUNG
TSOGS DANG, ,LHUR BLANG BDAG NYID DBANG BYA STE, ,BDAG DANG
GZHAN DU MNYAM PA DANG, ,BDAG DANG GZHAN DU BRJE BAR GYIS, ,DE
LTAR BRTZON 'GRUS

BSKYED NAS NI, ,YID NI TING NGE 'DZIN LA GZHAG ,SEMS NI RNAM PAR
G-YENGS PA'I MI, ,NYON MONGS MCHE BA'I PHRAG NA GNAS, ,LUS DANG
SEMS NI DBEN PA YIS, ,RNAM PAR G-YENG BA MI 'BYUNG NGO, ,DE BAS
'JIG RTEN SPANG BYA ZHING, ,RNAM PAR RTOG PA YONGS SU DOR,
,CHAGS

@192B PA'I PHYIR DANG RNYED SOGS LA, ,SRED PAS 'JIG RTEN MI
SPONG STE, ,DE BAS 'DI DAG YONGS SPANGS LA, ,MKHAS PAS 'DI DAG
SBYAR BAR BYA, ,BDAG NYID SKYON BCAS GZHAN LA YANG, ,YON TAN
RGYA MTSOR SHES BYAS NAS, ,BDAG 'DZIN YONGS SU DOR BA DANG,
,GZHAN BLANG BA NI BSGOM PAR BYA, ,

BDAG DANG GZHAN DU MNYAM PA NI, ,DANG PO NYID DU 'BAD DE SGOM,
,BDE DANG SDUG BSNGAL MNYAM PAS NA, ,THAMS CAD BDAG BZHIN
BSRUNG
BAR BYA, ,GANG ZHIG BDAG DANG GZHAN RNAMS NI, ,MYUR DU BSKYAB
PAR 'DOD PA YIS, ,BDAG DANG GZHAN DU BRJE BYA BA, ,GSANG BA'I
DAM PA SPYAD PAR BYA, ,

DE BAS SGRIB PA BSAL BA'I PHYIR, ,LOG BA'I LAM LAS SEMS BLAN
ZHING, ,YANG DAG DMIGS LA RTAG TU YANG, ,YID NI BRTAN POR GZUNG
BAR BYA, ,DE LTAR DE DAG THAMS CAD KYANG, ,SHES RAB DON DU THUB
PAS GSUNGS, ,DE BAS MYA NGAN 'DAS PA DANG, ,BDE BA 'DOD PAS SHES
RAB SKYED, ,DON

DAM DANG NI KUN RDZOB STE, ,DE NI BDEN PA GNYIS SU 'DOD, ,DON
DAM BLO YI SPYOD YUL MIN, ,BLO DANG SGRA NI KUN RDZOB YIN, ,DE
LA 'JIG RTEN RNAM GNYIS MTHONG, ,RNAL 'BYOR PA DANG DE BZHIN
PHAL, ,DE LA RNAL 'BYOR 'JIG RTEN GYIS, ,'JIG RTEN PHAL PA SUN
YANG 'BYIN, ,GONG MA GONG MA'I KHYAD

PAR GYIS, ,RNAL 'BYOR PA YANG SUN 'BYIN TO, ,BDAG GIS BYANG CHUB
SPYOD PA LA, ,'JUG PAR RNAM PAR BSAMS PA YIS, ,DGE BA GANG DES
'GRO BA KUN, ,BYANG CHUB SPYOD LA 'JUG PAR SHOG ,GSER GLING GI
BLA MA CHOS SKYONG BAS GUS PA DANG LDAN PA'I SLOB MA KA MA LA RA
KshI TA DANG, D'I PAm KA RA SHR'I DZNY'A

NAS GSOL BA BTAB NAS, SPYOD PA LA 'JUG PA'I GTZO BO'I DON BCU
GCIG BSDUS PA RDZOGS SO,, ,,RGYA GAR GYI MKHAN PO D'I PAm KA RA
DANG, BOD KYI LO TZ'A BA TSUL KHRIMS RGYAL BAS BSGYUR BA'O,, ,,