@01A {DD} #, ,RGYA GAR SKAD DU, K'A YA TRA YA AA BA T'A RA MU KHANN'A MA SH'A STRA, BOD SKAD DU, SKU GSUM LA 'JUG PA'I SGO ZHES BYA BA'I BSTAN BCOS, 'JAM DPAL GZHON NUR GYUR PA LA PHYAG 'TSAL LO, ,SPRUL DANG LONGS SPYOD RDZOGS PA DANG, ,DE BZHIN GZHAN NI CHOS SKU STE, ,GSUM PO 'DI DAG THUB PA'I SKU, ,DE YIS DE YI BYANG CHUB BSDUS, , SBYOR BA'I SA LA BRTEN RNAMS DANG, ,GZHAN DAG LA YANG CI RIGS PAR, ,SANGS RGYAS DBANG GIS SEMS CAN SNANG, ,RNAM RIG 'BYUNG BA DANG POR 'DOD, ,YANG DAG MTHONG BA'I BLO CAN RNAMS, ,DE BZHIN BSAM PA'I BYE BRAG GIS, ,SANGS RGYAS SNANG BA CI RIGS PAR, ,RNAM RIG 'BYUNG BA GZHAN DU 'DOD, ,SGRIB PA THAMS CAD ZAD PA'I PHYIR, ,DKAR PO'I CHOS KUN RAB RDZOGS PAS, ,DE BZHIN NYID TZAM YOD PA DANG, ,DE SHES PA NI GZHAN DU 'DOD, ,DANG PO GNYIS NI BTAGS PA'I YOD, ,GSUM PA DON DAM PA YANG YIN, ,DE @01B @02A *, ,DAG LAS KYANG GSUM PA NI, ,GNYIS PA'I GNAS SU GYUR PAR 'DOD, ,DRI MED DE BZHIN NYID DANG NI, ,MI RTOG YE SHES MA GTOGS PAR, ,SANGS RGYAS RNAMS KYI CHOS GZHAN NI, ,GANG YANG YOD PA MA YIN NO, ,DE BZHIN GSHEGS RNAMS YE SHES DANG, ,SPANGS PA PHUN SUM TSOGS PAS PHYE, ,RTOG MED YE SHES DE BZHIN NYID, ,DAG PAS DE GNYIS BSDUS PA YIN, ,BDE GSHEGS RNAMS NI RANG GZHAN DON, ,PHUN TSOGS PHA ROL GSHEGS PAR 'DOD, ,DE DAG RNAMS KYI DE'I DNGOS DE'ANG, ,DE NYID DU NI BSBUS PA YIN, ,DE YI DBANG GIS GZHAN DAG TU, ,BYA BA SNA TSOGS SNANG BAS NA, ,SANGS RGYAS CHOS RNAMS DU MA DAG, ,RNAM PAR GZHAG PAR 'DOD PA YIN, ,RNAM PAR RTOG PA KUN NYON MONGS, ,CHOS KUN JI LTAR GDAGS PA LTAR, ,DE BZHIN RNAM PAR MI RTOG LA, ,SANGS RGYAS CHOS KUN RNAM PAR GZHAG, ,GANG PHYIR RDZOGS PA'I SANGS RGYAS CHOS, ,DE LAS GZHAN YOD MA YIN RNAMS, ,DE YI DBANG GIS BYA BA YIS, ,THUB PA CHE LA RAB TU GDAGS, ,DE PHYIR KHO NA DE BZHAG PA, ,BYE BRAG RNAM PA @02B SNA TSOGS BSTAN, ,NAM MKHAR SNA TSOGS 'JOG PA BZHIN, ,RAB TU NGO MTSAR CHE ZHES BYA, ,THA SNYAD GDAGS BYA YOD NA NI, ,PHAN TSUN DAG GI DBANG GIS NA, ,DA LTAR JI LTAR MI RNAMS KYI, ,THA SNYAD RNAMS 'JUG BZHIN DE TSE, ,DBANG DU BYA BAR DE DAG GI, ,BYE BRAG 'DI NYID 'BA' ZHIG STE, ,GCIG NI RNAM RTOG BCAS PAR 'DOD, ,DE BZHIN CIG SHOS RNAM RTOG MED, ,JI LTAR MYA NGAN 'DAS PA YI, ,SANGS RGYAS RNAMS KYI BYIN RLABS 'DOD, ,DE LTAR RNAM RTOG MED RNAMS KYI, ,DBANG GI BYA BA RNAMS KYANG 'DOD, ,DE LTAR RNAM RTOG MED MOD KYI; ,SNGAR MNGAN 'DUS BYAS DBANG GIS NA, ,JI LTAR 'GOG LAS LDANG 'GYUR BA, ,DE YANG DE BZHIN 'GYUR BA YIN, ,DPER NA NYI MA LA SOGS PA, ,RNAM RTOG MED PA RNAMS DBANG GIS, ,CHU DANG BCAS PA'I SNOD RNAMS SU, ,GZUGS BRNYAN 'BYUNG BAR 'JIG RTEN SNANG, , DE BZHIN MI RTOG BDAG NYID KYI, ,SANGS RGYAS RNAMS KYI DBANG GIS NA, ,SKAL LDAN RNAMS LA SKU GNYIS KYI, ,GZUGS BRNYAN RTAG TU 'BYUNG BAR 'GYUR, ,CHU DANG SNOD KYI BYE BRAG GIS, ,NAM MKHA' YI NI GZUGS BRNYAN YANG, ,THA DAD PAR NI SNANG MOD KYI, ,NAM MKHA' LA NI THA DAD MED, ,DE BZHIN GZUGS BRNYAN THA DAD PA, ,'DUL BA'I BSAM PA'I BYE BRAG GIS, ,CHOS KYI SKU LAS SNANG MOD KYI, ,DE NI THA DAD 'GYUR BA MED, ,GAL TE MI RTOG DE LTA MIN, ,SANGS RGYAS GZHAN DON MDZAD MI 'GYUR, ,DE LTA NA NI KUN MKHYEN NYID, ,MA GRUB PAS NA GZHAN DON NYAMS, ,STON PA KUN MKHYEN NYID DU NI, ,CIG CAR RAM RIM GYIS BRTAG GRANG NA, ,DON SMRA RNAMS LA RIGS PAS NI, ,GNYI GA LTAR YANG DE MI 'GRUB, ,YOD MED YUL LA SHES PA NI, ,CIG CAR 'JUG PAR MI NUS SO, ,JI LTAR GCIG PU'I MTSAN NYID DE, ,SNA TSOGS DON LA DMIGS PAR 'DOD, ,DE LTA MIN NA DUS GCIG NA, ,GDUL BA MANG PO RNAMS KYI DON, ,NYAMS SU LEN GYUR STON PA YI, ,KUN MKHYEN NYID NI BTAGS YIN 'GYUR, ,DUS GSUM SHES BYA THA DAD KUN, ,GANG PHYIR GNYIS MED MTSAN NYID DU, ,DA ? MKHEN @03A *, ,BCOM LDAN DE YI PHYIR, ,CIG CAR THAMS CAD MKHYEN PAR 'DOD, ,LOG PA GNYIS SU LTA BA YI, ,BYIS PA RNAMS NI RTOG MED 'DOD, ,GNYIS MED YANG DAG YOD GZIGS PA, ,STOBS BCU RNAMS NI RNAM RTOG BCAS, ,YANG DAG MA YIN KUN RTOG GI, , BYA BA GANG TSE SNANG 'GYUR NA, ,DON BZHIN YONGS SU RTOG PA YI, ,DE NI CI'I PHYIR 'BYUNG MI 'GYUR, ,THA SNYAD GDAGS PA BYA BA'I RGYU, ,RNAM PAR RTOG PA 'JUG PA YI, ,RTEN NI RTZA BA'I SEMS YIN TE, ,RTZA BA'I YAN LAG DER 'DOD LTAR, ,DU MA'I MTHU LDAN MI RTOG PA'I, ,YE SHES 'JUG PA'I GNAS YIN PAS, ,DE YI DBANG GIS DE BZHIN NYID, ,DAG PA RTZA BA'I RGYUR 'DOD DO, ,RNAM PA DU MAR 'JUG PAS NA, ,RNAM RTOG KUN DU SONG BA'I PHYIR, ,DE RNAMS 'JIG BAS YE SHES NI, ,DE LTA BU YI 'BYOR DANG LDAN, ,PHUNG POR BCAS PA'I MYA NGAN 'DAS, ,THUB SKU GNYIS LA BZHAG PA YIN, ,PHUNG PO KUN DANG BRAL BA'I PHYIR, ,CHOS KYI SKU LA PHUNG PO MED, ,MI GNAS MYA NGAN 'DAS PA YI, ,KHYAD PAR BRNYES PA SKYOB RNAMS KYI, ,SKU GSUM 'DI DAG NYID KYIS NI, ,BSDUS PA YIN PAR RIG PAR BYA, ,SKU GNYIS KYIS NI SANGS RGYAS RNAMS, , MYA NGAN 'DA' LA BZHUGS MI 'DOD, ,CHOS KYI SKU YIS DE DAG RNAMS, ,'KHOR BA LA YANG BZHUGS MI 'DOD, ,SKU GSUM PO NI DE DAG KYANG, ,YOD MIN MED PA'ANG MA YIN LA, ,DE DAG PHAN TSUN GCIG PA'AM, ,THA DAD MIN PAR 'DOD PA YIN, ,CHOS SKU BRNYES PAR GYUR PA YI; ,SANGS RGYAS RNAMS NI KUN RTOG KUN, ,RNAM PA KUN TU CHAD PA'I PHYIR, ,MCHOG TU BDE BA YIN ZHES BRJOD, ,LOG YIN DE LTAR SNANG PHYIR DANG, ,LONGS SPYOD RDZOGS PA GNYIS MDZAD DANG, ,SANGS RGYAS CHOS KYI RTEN YIN PHYIR, ,DE DAG LA NI GO RIMS MTSAN, ,NGO BO NYID NI RNAM GSUM MO, ,YONGS SU SHES DANG SPANGS DAG PAS, ,SKU GSUM PO DAG 'THOB 'GYUR TE, ,DE PHYIR DE DAG DE YIS BSDUS, ,RTZA BA'I SEMS NI GYUR PAS NA, ,CHOS SKU THOB PAR 'DOD PA YIN, ,'JUG PA'I RNAM SHES GYUR PA LAS, ,LONGS SPYOD RDZOGS PA THOB PAR @03B 'GYUR, ,GANG PHYIR KUN NAS NYON MONGS KUN, ,'GRUB NUS RTEN GYI BDAG NYID CAN, ,RTZA BA'I SEMS YIN DE YI PHYIR, ,DAG PAS DE YI CHOS SKU 'THOB, ,GANG PHYIR 'JUG PA'I RNAM PAR SHES, ,THA SNYAD GDAGS PA RNAM PA KUN, ,'JUG PA'I RGYU YIN DE PHYIR TE, ,DAG PAS LONGS SPYOD RDZOGS PA 'THOB, ,JI LTAR GZHAN DBANG ZAD PA LTAR, ,BRTAGS LA ZAD PA YOD MA YIN, ,DE BAS RANG GI MTSAN NYID NI, ,DE DANG THA DAD NYID DU BZHAG, ,DE BZHIN LONGS SPYOD RDZOGS LAS KYANG, ,SPRUL PA THA DAD GZHAG PA YIN, ,DE RGYUR NA NI LONGS SPYOD RDZOGS, , THOB PAR GYUR TE CIG SHOS MIN, ,SANGS RGYAS KUN GYI MTSUNGS NYID DE, ,DANG PO LA NI LAS KYIS 'DOD, ,GNYIS PA LA NI BSAM PAS TE, ,GSUM PA LA NI RTEN GYIS TE, ,GANG PHYIR LONGS SPYOD RDZOGS PA LA, ,PHAN DANG BDE MDZAD MTHAR PHYIN PA, ,DE PHYIR DE NI PHAN PA DANG, , BDE BA'I BSAM PAS RAB TU PHYE, ,SPRUL PA DU MAR SHES BYA STE, ,RNAM PA DU MAR 'JUG PHYIR RO, ,RNAM PA GCIG PUR ZHUGS PA'I PHYIR, ,LONGS SPYOD RDZOGS PA GCIG PUR 'DOD, ,DE LA SPRUL SKU GZHAN GYI DON, ,PHUN SUM TSOGS PAS RAB TU PHYE, ,DE LA GZHAN DON BYA BA YI, , PHUN SUM 'BA' ZHIG SNANG PHYIR RO, ,LONGS SPYOD RDZOGS SKU RANG GI DON, ,PHUN SUM TSOGS PAS PHYE RIG BYA, ,DE LA RNAM KUN RANG GI DON, ,PHUN SUM 'BA' ZHIG SNANG PHYIR RO, ,DON DE RNAM GNYIS GRUB PA YIS, ,CHOS KYI SKU NI RAB TU PHYE, ,GANG PHYIR DE DAG SNANG BYED PA'I, ,MTHU NI DE LA YOD PHYIR RO, ,GZHAN DBANG ZAD PAS DER BRTEN PA'I, ,BRTAGS PA SNANG BAR MI 'GYUR RO, ,GANG PHYIR GRUB PA RTOGS PA'I PHYIR, ,GZHAN GYI DBANG NI ZAD PAR 'GYUR, ,SKU RNAM GNYIS NI CHOS SKU LA, ,BRTEN PA YIN YANG DE YI PHYIR, ,GNYIS KYI DON GNYIS PHUN TSOGS PA, , RNAM PA KUN DU GNAS SHES BYA, ,'JUG SEMS KUN NAS NYON MONGS PA, ,JI LTAR KUN GZHI SEMS LAS NI, ,GNYIS SU SNANG BAR 'BYUNG 'GYUR BA, ,DE RNAMS DAG PAS SKU 'THOB PO, ,DE BZHIN LONGS SPYOD RDZOGS PA YANG, ,CHOS KYI SKU DANG 'BREL BAR 'DOD, ,SPRUL PA'ANG @04A *, ,LONGS SPYOD RDZOGS PA DANG, ,RAB TU 'BREL BAR BRJOD PA YIN, ,SPRUL GNAS GYUR PHYIR DE BZHIN DU, ,RNAM GCIG DNGOS PHYIR TSOGS LA SOGS, ,THA DAD PHYIR NI KHAMS KUN DU, ,LONGS SPYOD RDZOGS GNAS CIG SHOS MIN, ,DE NYID PHYIR NI CHOS SKU DANG, ,LONGS SPYOD RDZOGS PA 'BREL PAR 'DOD, ,YANG NA DBANG GI 'BRAS BU YI, ,RNAM PA KUN DANG LDAN PHYIR RO, ,DE LTA DE LTAR DE DANG DER, ,RGYUN GYI 'JUG PA YIN PAS NA, ,SPRUL PA DE NI RTAG PA STE, ,RTAG PAR ZAS SBYIN 'DRA BAR 'DOD, ,CHOS LA LONGS SPYOD RDZOGS 'JUG PA, ,'KHOR BA SRID DU MI 'CHAD PAS, ,LONGS SPYOD RDZOGS PA RTAG PA STE, ,RTAG TU BDE SPYOD BZHIN DU 'DOD, ,'DUS MA BYAS PA YIN PHYIR DANG, ,GZHAN 'GYUR MED PHYIR RNAM KUN DU, ,CHOS SKU RANG BZHIN NYID KYIS RTAG, ,NAM MKHA' BZHIN DU 'DOD PA YIN; ,SPRUL YOD LONGS SPYOD RDZOGS PA MED, ,LONGS SPYOD RDZOGS YOD CIG SHOS MED, ,LONGS SPYOD RDZOGS DANG CIG SHOS YOD, ,LONGS SPYOD RDZOGS MED CIG SHOS MED, ,DE LA MOS PAS BRTEN RNAMS DANG, ,MTSAN MA MED PA'I SA RNAMS DANG, ,MTSAN MA BCAS PA GZHAN RNAMS DANG, ,SANGS RGYAS NYID DANG GO RIMS BZHIN, ,DAM PA RNAMS KYI SEMS RGYU PA, ,MA GRUB PA LA DBANG 'DOD KYI, ,DE BZHIN DON SHES SEMS RGYU BA, ,GRUB LA DE YOD GA LA 'GYUR, ,DES BSHAD STOBS KYIS DE DAG GI, ,YE SHES DE LTAR 'JUG PA'I PHYIR, , GNAS NGAN LEN SPANGS DE YI TSE, ,LONGS SPYOD RDZOGS PA RNAM PAR GZHAG, ,SANGS RGYAS SA LA NAG PO DANG, ,DKAR PO'I CHOS RNAMS THAMS CAD NI, ,DNGOS PO KUN GYIS LDOG PA DANG, ,YONGS SU GYUR PAR 'GYUR BA DANG, ,DAM PA DANG NI DAM CHOS MIN, ,BSTEN DANG SPANGS PAS GANG GI PHYIR, ,DE BZHIN NYID DAG RAB PHYE BAS, ,SANGS RGYAS DAM PA THOB PAR 'GYUR, ,THUB PA'I LONGS SPYOD RDZOGS PA'I SKU, ,RANG DON PHUN SUM TSOGS PHYE LA, ,DE DAG GI NI 'BRAS BU DAG, ,RNAM PA KUN DU SNANG MI SNANG, ,DE PHYIR MTSUNGS PA SPANGS PA @04B YIN, ,DE DAG BRTAGS PA'I RANG BZHIN PAS, ,DE DAG LDOG DANG GYUR PA NI, ,THUB LA RNAM PAR 'JOG PAR BYED, ,RNAM PAR MI RTOG YE SHES KYIS, ,NGO BO NYID GSUM YONGS SHES DANG, ,SPONG DANG MNGON DU MDZAD DE'I PHYIR, ,DE YI 'BRAS BU SKU THOB PO, , RNAM PAR MI RTOG YE SHES LAS, ,YE SHES DAM PA GZHAN MED DO, ,SHES BYA CHOS KYI DBYINGS LAS KYANG, ,SHES BYA DAM PA GZHAN MED DO, ,SHES BYA YE SHES BYE BRAG GIS, ,GNYIS NI GNYIS SU MED GYUR PA, ,RNAM RTOG RNAM PAR MI RTOG PA, ,DE LTA BU NI GNAS GYUR YIN, ,DRI MED YE SHES RNAM MI RTOG, ,BLTA BAR BYA STE RNAM RTOG BZHIN, ,DE BZHIN NYID KYI BDAG NYID NI, ,GNYIS MED CHOS LTA GNYIS BZHIN NO, ,JI LTAR CHOS DBYINGS GNYIS MED PAS, ,RAB TU PHYE BAR 'DOD PA LTAR, ,DE BZHIN MI RTOG YE SHES KYANG, , GNYIS MI GZIGS PAS RAB TU PHYE, ,'DUS MA BYAS PHYIR GNYIS MED PHYIR, ,GNYIS PO MED PA YOD PA'I PHYIR, ,SNGA NA MED PAR STZOGS PA STONG, ,GNYIS MED PA NI GZHAN DU 'DOD, ,RNAM PAR MI RTOG YE SHES KYI, ,GSAL DANG MI GSAL GANG YIN PA, ,DE NI GSAL LAM MI GSAL BA'I, ,SEMS RNAMS KUN LA YOD MA YIN, ,GNYIS PO MED PA'I DON RTOGS PA, ,DE NI GSAL ZHES BRJOD PA YIN, ,GNYIS KYI DON NI RTOGS 'GYUR BA, ,GSAL BA MA YIN SHES PAR BYA, ,DE BZHIN RGOD DANG BYING BA DAG, ,NYE BAR ZHI BAS GSAL MI GSAL, , DE TSE BLO LDAN DE MKHYEN TE, ,MNYAM DU 'JUG PAR SHES PAR BYA, ,DPER NA GNYIS DANG RNAM PAR RTOG, ,THA DAD DBYE BAR MI NUS LTAR, ,DE BZHIN NYID DANG YE SHES KYANG, ,PHAN TSUN THA DAD MED PAR GNAS, ,DGRA BCOM RNAMS NI SHES LDOG PA, ,GNYIS RTOG SPANGS PA MIN PHYIR RO, ,SANGS RGYAS RNAMS KYI DE 'JUG PA, ,GTAN NAS BZLOG PAR 'DOD PA YIN, ,DPER NA MDA' NI 'PHANGS PA YANG, ,SNGAR BKANG DBANG GIS 'GRO BA STE, ,DE BZHIN MI RTOG YE SHES KYANG, ,SNGON GYI SHUGS KYIS 'JUG PA YIN, ,RTAG LA @05A *, ,DMIGS PA 'JUG PHYIR DANG, ,'GYUR BA MED DANG LDAN PA'I PHYIR, ,RNAM PAR MI RTOG RTAG PA NYID, ,'DUS BYAS YIN PAS MI RTAG NYID, ,'BYOR PA'I RNAM KUN THOB BYA'I PHYIR, ,SBYIN LA SOGS PA RNAM 'JIG PAS, ,GZINGS 'DRAR BRJOD PA MDO SDE'I DON, ,DGONGS PA SANGS RGYAS RNAMS LA BRJOD, ,GNAS PO GZHAN DU GYUR PA NI, ,DE YI GNAS SU 'DOD PA YIN, ,NYES PA GNYIS SU 'GYUR BAS NA, ,SEMS NI DE YI GNAS MA YIN, ,'GRO BA'I BGEGS BYED MA YIN PAS, ,SKABS NI RAB TU 'BYED PAS NA, ,NAM MKHA' GZUGS SU SNANG KUN GYI, ,GNAS SU 'DI NI 'DOD PA LTAR, ,DE BZHIN GNAS NI GYUR PA NA, ,DE NI RAB TU 'JUG PA YIN, ,SKYON DANG BCAS PA'I GNAS MED LA, ,DES NA DE NI DE YI GNAS, ,YE SHES DANG NI GNAS GYUR PA, ,DE GNYIS DE TSE PHAN TSUN DU, ,GNAS KYI DNGOS POR 'DOD PA STE, ,RTZA BA'I SEMS LAS RNAM RTOG BZHIN, ,RTZA BA'I SEMS LA BRTEN NAS SU, ,RNAM PAR RTOG PA 'BYUNG BA LTAR, ,DE BZHIN BYUNG TSE DE YANG NI, ,DE BRTAS BYED PAR 'DOD PA YIN, ,DE BZHIN GNAS POR GYUR PA LA, ,BRTEN NAS DAM PA RNAM DAG GI, ,RNAM PAR MI RTOG YE SHES 'BYUNG, ,DE YANG DE 'GRUB BYED PA YIN, ,GZHI DANG GNAS DANG DMIGS PA DANG, ,'BRAS BU DANG NI RTEN CHE BAS, ,DE NYID DAM PA'I DON DU NA, ,THEG PA CHEN PO ZHES BRJOD DO, ,DMIGS PAR BYA DANG DMIGS BYED PA, ,MTSUNGS MNYAM SHES RAB RGYU BA LA; ,TING 'DZIN YE SHES THA DAD MED, ,GNAS DANG BRTEN PA'I DNGOS POR MIN, ,RNAM RTOG MED LA DMIGS BYA DANG, ,DMIGS PAR BYED PA MTSUNGS MNYAM 'DOD, ,GZUNG DANG 'DZIN PA MED NYID DU, ,GZUNG DANG 'DZIN PA'I DNGOS POR YIN, ,GNYIS SU RTOG PA'I SKABS KYIS NA, ,SEMS DANG SEMS BYUNG RNAM PAR GZHAG ,DE MI 'JUG NA BRTAN RNAMS LA, ,DE TSE DE BZHAG GANG NAS 'BYUNG, ,DNGOS PO'I NGO BO NYID SNANG BA'I, ,RNAM PAR RTOG LA SEMS ZHES BYA, ,DE YI BYE BRAG GANG SNANG BA, ,DE LA SEMS LAS BYUNG ZHES RTOG ,DPER NA @05B NGO BO NYID BSTAN NAS, ,BYE BRAG RNAMS NI BZHAG PA LTAR, ,DE BZHIN SEMS LA BRTEN NAS SU, ,SEMS LAS BYUNG RNAMS RNAM PAR 'JOG, ,GANG TSE 'DI NA DNGOS PO YI, ,NGO BO NYID NI CI YANG MED, ,DE TSE GANG GI BYE BRAG GIS, ,YOD PAR 'GYUR BA GA LA YOD, ,'DI DAG THAMS CAD 'KHRUL TZAM STE, ,'DI LA SEMS MED SEMS BYUNG MED, ,RNAM RTOG RNAM PA THA DAD PAS, ,DE DAG THA DAD BRJOD PA YIN, ,DE BAS RNAM RTOG MI 'JUG NA, ,THA DAD DON MIN SPYOD YUL GCIG, ,YE SHES 'BA' ZHIG 'KHRUL MED PA'I, ,MTSAN NYID DU NI GZHAG PA YIN; ,GNYIS MED PA YI DON DMIGS PAS, ,YE SHES GNYIS DON MI DMIGS PAR, ,SHES RAB RNAM PAR RTOG PA CAN, ,DE NYID TING NGE 'DZIN ZHES BRJOD, ,DE LTAR DRAN SOGS CHOS GZHAN YANG, ,RANG GI MI MTHUN PHYOGS MI 'JUG, ,DE YI TSE NA 'DOGS BYED KYI, , MTSAN NYID THA DAD SO SO MIN, ,MI RTOG YE SHES GCIG PU NYID, ,TING NGE 'DZIN DU MCHOG RNAMS BZHED, ,DE MIN TING 'DZIN GANG YIN RNAMS, ,YANG DAG MIN GNAS RNAM PAR G-YENG, ,GANG DU SEMS NI MNYAM 'JOG PA, ,YUL DER BLO GROS 'JUG BYED PA, , BDEN PAR TING 'DZIN GZHAN MIN TE, ,MI MNYAM 'JOG PA YIN PHYIR RO, ,YE SHES MI RTOG MTSAN NYID DO, ,TING 'DZIN CHEN PO GCIG PU LA, ,TING NGE 'DZIN YOD THAMS CAD NI, ,KHONGS SU CHUD PAR BSTAN PA YIN, ,YID BZHIN NOR BU GCIG PUS KYANG, ,BSAM PA SNA TSOGS SKONG BYED LTAR, ,DE BZHIN MI RTOG TING 'DZIN GCIG ,SEMS CAN DON NI SNA TSOGS BYED, ,DE DAG LAS MANG THA DAD PAS, ,DE PHYIR YE SHES DNGOS GCIG LA, ,TING NGE 'DZIN GYI BYE BRAG GIS, ,MANG PO DAG KYANG 'DOGS PAR BYED, ,DBU MA'I LAM LAS BYUNG PA YI, ,YE SHES RNAM PAR MI RTOG DE, ,RTAG DANG CHAD PAR LTA RNAMS KYI, ,THOB PAR NUS PA MA YIN NO, ,DBU MA'I LAM ZHES BYA BA YANG, ,RNAM RIG TZAM NYID MA GTOGS PAR, ,RIGS PAS BRTAGS NA 'DIR GZHAN NI, ,RNAM PA KUN DU MI 'THAD DO, ,RDZOGS PA'I @06A *, ,BYANG CHUB 'DOD RNAMS KYIS, ,MI RTOG YE SHES BSKYED PA'I PHYIR, ,DE BAS RNAM PAR RIG TZAM DU, ,SGOM LA RTAG TU SBYAR BAR BYA, ,RNAM RTOG MI RTOG BDAG NYID DANG, ,GNYIS KYANG GNYIS MED BDAG NYID DE, ,'DI DAG THAMS CAD RMI LAM BZHIN, ,'DI LA BRTAG BYA MED RTOG MED, ,DNGOS PO GANG YANG BSNAN MED CING, ,BSAL PA MED PAS DE YI PHYIR, ,CHOS KYI RANG GI NGO BO NYID, ,DE BZHIN NYID TZAM MTHONG BAS GROL, ,GSER 'DOD PAS NI GSER YOD PA'I, ,SA LA LEGS PAR SBYANG BA YI, , RNAM PA RAB TU BRTZON BYAS NA, ,GSER NI RNYED PAR 'GYUR BA LTAR, ,DE BZHIN STONG PA NYID 'DOD PAS, ,STONG PA'I BDAG NYID CHOS RNAMS LA, ,LEGS PAR RNAM 'JIG RNAM PAR BRTZON, ,STONG PA NYID LA REG PAR 'GYUR, ,RNAM PAR 'JIG PAR DE DANG DES, ,'DOD PA RNAM PAR BSHIG BYAS NA, ,'DOD LAS 'DOD CHAGS BRAL 'THOB KYI, ,'DOD PA MI STEN PHYIR MIN LTAR, ,DE BZHIN RNAM PAR MI RTOG PA'I, ,YE SHES BSKYED PHYIR GNYIS RTOG PA, ,RNAM PAR 'JIG PA RGYUR 'DOD DE, ,RNAM RTOG YID MI BYED PAS MIN, ,RTAG TU DMIGS PA GANG LA YANG, , SEMS NI GDAGS PAR MI BYA'O, ,KUN LA MNGON ZHEN RNAM KUN DU, ,SPANG BAR BYA BA 'BA' ZHIG GO, ,KUN LA MNGON PAR ZHEN GYUR PA, ,RNAM PA KUN TU YONGS SPANGS PA, ,RANG GI NGANG GIS MI RTOG STE, ,GNYIS MED MTSAN NYID DE LA SPYOD, ,'PHAGS PA JI LTA BUR, ,GNYIS BSHIG GNYIS PO MED LA SPYOD, ,DE LTA DE LTAR DE'I SGRIB PA, ,RNAM PA THAMS CAD RAB TU SPONG, ,JI LTA JI LTAR DE'I SGRIB PA, ,RNAM PA THAMS CAD RAB SPANGS PA, ,DE LTA DE LTAR DE BZHIN NYID, ,RNAM PAR MI RTOG YE SHES DAG, ,DE LTA DE LTAR KHYAB BDAG GI, ,RNAM PA THAMS CAD YONGS SU 'DZIN, ,SGRIB PA THAMS CAD SPANGS PAS NA, ,RNAM PA KUN DU KHYAB BDAG BRNYES, ,RNAM PA THAMS CAD KUN DAG PA'I, ,DE BZHIN NYID MKHYEN MTSAN NYID NI, ,SANGS RGYAS YIN TE SKU GNYIS KYIS, ,KHYAB BDAG LHUN GRUB DE YI PHYIR, ,SEMS CAN DON GYI RNAM KUN LA @06B GTAN DU RJES SU NAN TAN MDZAD, ,SANGS RGYAS RNAMS KYI SKU GZHAG PA, ,GZHAN DAG GANG DU GANG MDZAD PA, ,JI SNYED YOD PA DE DAG KUN, ,SKU GSUM DAG TU 'DUS PA YIN, ,NGO BO NYID GSUM RTOGS PA YIS, ,SKU GSUM BRNYES PA NYID YIN TE, ,MDOR NA THAMS CAN MKHYEN NYID NI, ,RGYU DANG 'BRAS BUR BSDUS PA YIN, ,RTOGS PAR BYA DANG THOB BYA DANG, ,THAMS CAD MTHAR THUG GYUR PAR BRJOD, ,'DI LAS RTOGS BYA GZHAN MED DE, ,'DI LAS GONG NA THOB BYA MED, ,SANGS RGYAS MTSAN NYID LAS BRTZAMS NAS, ,'JIG RTEN 'DAS ZHES BYA BA YI, ,MDO LAS SANGS RGYAS BSTAN MDZAD PA, ,KUN RDZOB DANG NI DON DAM 'DOD, ,TSIG NI LNGA DANG LNGA DAG GIS, ,GO RIMS BZHIN DU DE RIG BYA, ,SKU GNYIS PO NI DANG POS BSTAN, ,GNYIS PA YIS NI GSUM PA BSTAN, ,RDZOGS PA'I BYANG CHUB STON PA'I PHYIR, ,DE BZHIN SNA TSOGS LUS RNAMS DANG, ,RIGS KYI CHE BA NYID STON PHYIR, ,SANGS RGYAS MTHU NI NYER SGRUB PHYIR, ,BDAG NYID GCIG MIN BRJOD PA'I PHYIR, ,'DI LAS GNYIS PO RNAM GZHAG PAR, ,'DOD PA YIN TE CIG SHOS NI, ,RANG GI MTSAN NYID GNAS PA'I PHYIR; ,KHYAB BDAG TSOGS BRNYES PA YI PHYIR, ,RANG MTSAN NYID DANG KHYAB BDAG GIS, ,SANGS RGYAS THAMS CAD MNYAM PA'I PHYIR, ,RANG GI RIGS LA SKYES BU'I MTHUS, ,BSKYED PA'I PHYIR DANG DE THOB PHYIR, ,DE MIN RIGS LA MNYAM NYID KYI, ,YE SHES BSKYED PA NYID PHYIR RO, ,YANG DAG RTOGS PAR MDZAD PA'I PHYIR, ,YANG DAG GDAMS NGAG RAB SBYIN PAS, ,JI LTAR SEMS CAN RNAMS KYI SEMS, ,RAB TU SMIN PA YONGS 'GREL PHYIR, ,SMON LAM BTAB PA SGRUB PA'I PHYIR, ,LAS KYI 'BRAS YOD RTOGS MDZAD PHYIR, ,YANG DAG SBYOR BA SGRUB PA YIS, ,MA SMIN PA RNAMS SMIN MDZAD PHYIR, ,GNYIS PO DE YIS PHUN SUM TSOGS, ,THAMS CAD KYI NI GZHI DNGOS YIN, ,CHOS KYI SKU YI DBANG GIS TE, ,LOG PAR SNANG BAR ZHUGS PHYIR RO, ,RDZOGS SANGS RGYAS KYI CHOS GNAS PHYIR, ,SEMS MED PA YI RANG BZHIN PHYIR, , @07A *, ,YE SHES DE BZHIN NYID DAG PAS, ,DE BZHIN RO GCIG GYUR PA'I PHYIR, ,DAM PA'I DON NI MYONG GYUR PA, ,RNAM PAR MI RTOG YE SHES KYIS, ,KUN RDZOB DON GYIS DE RJES LA, ,THOB PAS DE NI THOB PHYIR RO, ,MDOR BSDUS NA NI MTSAN NYID NI, ,RNAM PA BRGYAD KYI DBANG MDZAD NAS, ,DE BZHIN GSHEGS KYI GSANG BA LAS, ,THUB PA'I DBANG PO SKU BSTAN 'DOD, ,RAB TU DBYE DANG TSAD DANG NI, ,MTHA' DANG DE BZHIN PHRIN LAS DANG, ,NGO BO NYID DANG 'BYUNG BA DANG, ,PHAN 'DOGS PA DANG 'JUG PA'O, ,DE LA RAB DBYE MTSAN NYID NI, ,SANGS RGYAS SKU NI RNAMS GSUM 'DOD, ,CHOS DANG RGYU MTHUN SPRUL PA STE, ,'CHAD PA'I SKU NI BYE BRAG GIS, ,RNAM PA DGU YIS CHOS KYI SKU, ,DER GSUNGS RNAM PA LNGA YIS NI, ,RGYU MTHUN PA DANG SPRUL PA'I SKU, ,'CHAD PA'I SKU NI RNAM GCIG GO, ,MTSAN NYID LHAG MA GCIG DANG NI, ,GNYIS DANG GSUM DANG RNAM DGU DANG, ,BSTAN PA DE DAG GO RIMS BZHIN, ,TSIG GI DON NI GO RIMS BZHIN, ,YANG DAG YIN PAR 'DIR SHES BYA, ,SGRIB PA MED PA'I RGYU YIN PAS, ,SHES BYAR YE SHES RTAG 'JUG PHYIR, ,BLA NA MED PHYIR RNAM KUN DU, ,LUS CAN KUN DANG MI MTSUNGS PHYIR; ,SEMS CAN KUN DANG BDAG TU NI, ,MNYAM NYID LDAN PA GRUB PA'I PHYIR, ,DPAG TU MED PHYIR DE BZHIN DU, ,GNYIS DNGOS MED PHYIR GRUB PA'I PHYIR, ,LOG PA'I PHYIR DANG DE YI GZHI, ,KUN NAS NYON MONGS MI 'JUG PHYIR, ,RANG GI 'OD KYIS SKYE GNAS GSUM, ,SGO NGA LAS SKYES STZOGS PA DANG; ,BRDZUS TE SKYE BA'I SKYE GNAS SU, ,GTOGS PA MA YIN DNGOS PO'I PHYIR, ,RNAM SMIN DE LAS BYUNG SEMS STZOGS, ,RNAM PA KUN DU MA BZUNG PHYIR, ,SKAL BA MTHUN PHYIR DE LTA BUR, ,YOD MA YIN PAS DE BZHIN MIN, ,DE BZHIN RNAM THAR SGO GSUM LA, ,RANG GI KUN SHES 'JOG PA'I PHYIR; ,RAB TU DBYE BA'I MTSAN NYID NI, ,DON DU DE LTAR SHES PAR BYA, ,SANGS RGYAS RNAMS KYIS SKU KUN NI, ,'JIG RTEN DU NI RNAM 'PHRO PHYIR, ,SEMS CAN JI SNYAD 'JUG 'GYUR BA, ,DE SRID KYI NI DUS SU 'JUG, ,BYANG CHUB MYA NGAN 'DAS STON PA'I, ,RGYU YI RGYUN CHAD MI 'GYUR @07B PHYIR; ,SPYOD PA'I DUS DANG GNAS PA DANG, ,BSTAN PA'I DUS KYI TSE NYID DANG, ,RTZOL DANG RO MYANG MED PA'I PHYIR, ,MTSUNGS LAS RNAM PAR G-YENGS MED PHYIR, ,CHOS KYI SKU YI RANG BZHIN PHYIR, ,PHUNG PO'I NGO BO NYID LAS 'DAS, ,MNGAL DU 'JUG DANG MING DANG GZUGS, , DE 'OG GNAS SKABS GANG YIN RNAMS, ,DE DANG MI MTHUN CHOS YIN PHYIR, ,DE BZHIN SEMS CAN MED PA'I PHYIR, ,RI BONG RVA SOGS MI MTHUN PHYIR, ,DE LTAR DON NI MI DMIGS PHYIR, ,DBANG PO DRUG DON LONGS SPYOD LAS, ,SHIN DU 'DAS PA'I BDE DNGOS PHYIR, , LAS DANG NYON MONGS 'PHANGS PA YI, ,SEMS LA STZOGS DBANG MI 'JUG PHYIR, ,DE BZHIN MYA NGAN 'DAS SRID LA, ,GNAS PA MED PA'I DNGOS PO'I PHYIR, ,RANG BDE GSHEGS DANG DGRA BCOM PA, ,GROL BA'I BDAG NYID CAN RNAMS KYI, ,YANG DAG SPYOD YUL BLO RNAMS KYIS, ,GANG LA GTING NI MI RNYED PA, ,RNAM PAR MI RTOG LHUN GYIS GRUB, ,CHAGS MED YE SHES SPYAN LDAN PA, ,SANGS RGYAS RNAMS KYI RANG RIG PAR, ,'DOD PA 'BA' ZHIG GANG YIN PA, ,GANG DU BYIS PA NYON MONGS PA, ,SO SO'I SKYE PO KUN 'KHRUL TE, , 'KHOR BA'I GNOD PAS NYEN PAS NA, ,PHAN TSUN RNAM PAR 'KHYAM BYED PA, ,GANG PHYIR LUS DANG SROG LA YANG, ,'DOD MED SNYING BRTZE BDAG NYID RNAMS, ,DKA' BA BRGYA PHRAG DU MA DAG, ,BSKAL PA DU MAR NYAMS SU LEN, ,DE NI MCHOG TU GSANG BA STE, ,DE NI GO 'PHANG MCHOG YIN NO, ,PHYOGS 'DI NGAG YUL THAMS CAD LAS, ,'DAS YIN DE NI 'JIGS PA MED, ,'DI LA YANG DAG MOS PA YANG, ,NGAN 'GRO DAG PAR MI 'GRO NA, ,SU ZHIG 'DI PHYIR BSGRIM BYAS NAS, ,MNGON PAR BRTZON PA SMOS CI DGOS, ,SHES RAB 'CHAL DANG BSOD NAMS CHUNG, ,DAD PA TZAM YANG 'DIR MI SKYE, ,GANG ZHIG DGE BA BSTZAGS GYUR PA, ,BLO LDAN DE NI 'DI LA SBYOR, ,SKUR 'JUG SGO YI BSTAN BCOS NI, ,BDAG GIS CI NUS BYAS PA YI, ,DGE BA GANG YIN DE YIS NI, ,'GRO BAS SKU GSUM THOB PAR SHOG ,SKU @08A *, ,GSUM LA 'JUG PA'I SGO ZHES BYA BA'I BSTAN BCOS SLOB DPON KLU'I BSHES GNYEN GYIS MDZAD PA RDZOGS SO,, ,,RGYA GAR GYI MKHAN PO PRADZNY'A WA ? RMA DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O,, ,,