#, ,RGYA GAR SKAD DU, A'A LO KA M'A LA PRA KA RA nA N'A MA, BOD SKAD
DU, SNANG BA'I PHRENG BA ZHES BYA BA'I RAB TU BYED PA, MI SHES GSUM NI
SPANG BA'I PHYIR, ,RANG BZHIN GSUM NI BSGOMS PA YIS, ,GANG GIS

SEMS TZAM DU GSUNGS PA, ,THUB DBANG DE LA PHYAG 'TSAL LO, ,SRID
GSUM MTHA' RU BYON PAS SPROS GSUNGS PA, ,BSDUS NAS SEMS KYI RNAM
PAR RTOG PA TZAM, ,GAL TE DE DAG SEMS LAS MA LUS SPANGS, ,YANG
SRID 'CHING BA'I SKYE BA YOD MA YIN, ,SRID DANG THAR PA YONGS

@051B SHES PAS, ,DE SPANGS THOB PA'I 'BRAS BU 'BYUNG, ,BLO GROS
BZANG PO THAMS CAD NI, ,NANG SEMS PA LA BRTZON PA YIN, ,'DOD
CHAGS LA SOGS DRIR BCAS SEMS, ,'KHOR YIN DE LAS DBEN PA NYID,
,SGRIB PA SPANGS PA'I RGYAL BA YIS, ,BSDUS NAS THAR PA YIN PAR
GSUNGS, ,

'DOD CHAGS ZHE SDANG GTI MUG NI, ,LUS CAN RANG SEMS RTOG PA YIN,
,GANG ZHIG CHOS NI GZHAN DAG KYANG, ,BYIS PAS BRTAG PA BRDZUN
BDAG NYID, ,DAM PA'I DON GYI RTOG PA LA'ANG, ,MKHAS PA DE YIS
GNAS MI BYA, ,DGE BA'AM MI DGE BA YI YANG, ,RTOG LA BYE BRAG CI
ZHIG YOD, ,

BRTEN CING DBYE BA LA BRTEN PA'I, ,MES SREG NYID DU BYE BRAG
MED, ,TZAN DAN GYI NI ME 'DIS KYANG, ,REG PA TZAM GYIS SREG PA
NYID, ,RNAM PAR RTOG PA CHUNG NGU YANG, ,THAMS CAD NYID DU SPANG
BAR BYA, ,'KHRUL PA'I NGO BO RNAM RTOG GIS, ,SEMS NI MNGON PAR
BSLAD PA YIN, ,'KHRUL PA

YANG NI MA DAG PHYIR, ,MIG 'PHRUL GYI NI RNAM 'PHRUL YIN, ,MIG
'PHRUL YANG NI SHES BYA STE, ,SEMS KYI YANG NI RNAM 'PHRUL YIN,
,DE PHYIR SEMS KYI DE DANG DE, ,'KHRUL PAR GNYIS SU MED PA BLTA,
,DBU MA'I LAM NI DE NYID DE, ,DE NYID CHOS KYI BDAG MED PA,
,YANG DAG

MTHA' YANG DE YIN TE, ,DE NYID DE BZHIN NYID STONG NYID, ,CHOS
RNAMS MNYAM NYID DE GROL NYID, ,DE NYID RNAM PAR RIG TZAM NYID,
,CHOS KUN NANG DU CHUD PA'I PHYIR, ,RING BA MA YIN NYE BA'ANG
MIN, ,DE NYID RTOGS PAR DKA' BAS NA, ,'DI YI NGO BO DPYAD MI
NUS, ,RANG RIG DE YANG PHRA

BA'I PHYIR, ,SANGS RGYAS RNAMS KYI PHRA BA GZIGS, ,RANG LA GNAS
KYANG BDAG 'DRA BAS, ,RTZING BA'I PHYIR NI MTHONG BA MED, ,NAM
YANG RNAL 'BYOR RIG PA YIN, ,THAR PA RING SNYAM MI BSAM STE,
,BRTAGS PA'I NGO BO STONG PA NYID, ,RANG DNGOS MTHONG BAS MYA
NGAN 'DAS, ,NYI CHU

RAB RIB RMI LAM DANG, ,BRI ZA'I GRONG KHYER LA SOGS PA, ,'KHRUL
PA YIS KYANG DGOS BYED DO, ,'KHRUL PA GZHAN DAG BZLOG PHYIR RO,
,YUL DU KUN BRTAGS DE DANG DES, ,SAD PA 'KHRUL PA'I BDAG NYID
KYI, ,RMI LAM BLTAN PA'ANG DE YI SHUGS, ,MI BZAD PA YI BAG CHAGS
DUG ,

@052A *, ,AE MA'O BRDZUN PA'I RNAM RTOG GI ,RGYUN NI SHIN TU
MTHUG PA STE, ,RMI LAM LAS KYANG RMI LAM GZHAN, ,CHU BUR STENG
DU CHU BUR BZHIN, ,YANG DAG MA YIN DON SNANG BAS, ,YANG DAG DON
NI BSGRIBS NAS GNAS, ,MA RIG PA YIS BSKYED PA NYID, ,MIG SER NAD

KYIS BTAB PA BZHIN, ,THA DAD MIN PA'ANG THA DAD DANG, ,PHYI ROL
MIN PA'ANG PHYI ROL DU, ,YUL GYI RNAM PA'I RNYOG PA YIS, ,SEMS
NI RNAM PA DU MAR SNANG, ,NYI MA ZLA BA NAM MKHA' DANG, ,SKAR
MA'I TSOGS DANG SA RNAMS DANG, ,CHU BO'I RGYA MTSO PHYOGS DANG
NI, ,'DI DAG SEMS KYI SPRUL PA'O, ,

SRID PA'I RTZE MOS YONGS BCAD PA, ,KHAMS GSUM PO NI 'DI DAG PAR,
,JI LTAR SNANG BA 'DI THAMS CAD, ,RNAM SHES DUG GI THIG LE YIN,
,GAL TE SNANG NA JI LTAR MED, ,SNANG BA JI LTAR MED DNGOS YIN,
,SNANG PHYIR YOD PA SNANG MA YIN, ,CI GA RMI LAM MI SNANG NGAM,
,LHAG PA'I DRI

MA SKYES PA YIS, ,RANG GI NGO BO NGES RTOGS BSGRIBS, ,GZHAN GYI
NGO BO SNANG BA STE, ,BLO RNAMS SHEL DANG 'DRA BA YIN, ,RANG
BZHIN NYID NI MI SNANG BA'AM, ,DUS KYI BRTZEGS PA THOB PA YIS,
,'DU BYED BAG CHAGS KYIS BSGOS PAS, ,RNAM PAR RTOG PA SNANG BAR
'GYUR, ,SEMS

NI RNAM PAR BSLAD PA'I PHYIR, ,GCIG NYID GNYIS SU SNANG BA YIN,
,GZUNG DANG 'DZIN PA'I DBYE BA LA, ,SHIN TU MKHAS PA CIS MA YIN,
,GZUNG BA'I RNAM PA MI G-YO'I PHYIR, ,PHYI ROL LTA BU NYID DU
GNAS, ,'DZIN PA'ANG SROG DANG BCAS PA'I PHYIR, ,NANG NI G-YO BA
LTA BU NYID, ,

'DIR NI PHYI NANG CUNG ZAD MED, ,PHAN TSUN DAG NI GRUB PA'I
PHYIR, ,BAR NA MA YIN MED MIN TE, ,SEMS TZAM DU NI GNAS PHYIR
RO, ,DBANG PO'I GRONG DU 'DOD CHAGS MED, ,DON RNAMS LA MIN SEMS
LA MIN, ,BDAG LA GNAS MIN GZHAN GNAS MIN, ,DE NI YOD MIN MED
PA'ANG

MIN; ,MA BRTAGS 'BREL BA'I RGYU YIS NI, ,SEMS NI 'KHRUL PAR GYUR
LAS YIN, ,GA LA YIN YANG SPRIN NANG NAS, ,GNAM LCAGS 'BAB PAR
'GYUR BA BZHIN, ,DE BZHIN ZHE SDANG GTI MUG DANG, ,NYON MONGS
RIGS GZHAN GANG YIN PA'ANG, ,KHAMS GSUM DU NI

@052B KHYAB BYED PA, ,RTOG PA'I DUG LAS KUN TU BYUNG, ,RTOG PA
YANG NI GZHI MED PA, ,YANG DAG NYID DU YOD MA YIN, ,'GA' YIS ME
LCE 'BAR BA NI, ,NAM MKHA' LA MCHED MTHONG NGAM CI, ,MI SDUG LA
SOGS GNYEN PO'I PHYOGS, ,THUB PA'I DBANG POS GSUNGS PA NI, ,DUG
ZIN

DOGS PA ZHI BA'I PHYIR, ,MKHAS PAS BRDZUN GYI BSNGAGS BZHIN NO,
,KUN DA ZLA BA PAD SOGS MED, ,BSHAD SOGS MED CING DNGOS YOD MIN,
,SAD PA'I SKABS KYI BUD MED LUS, ,RMI LAM GYI NI SKABS BZHIN NO,
,'DOD CHAGS DANG NI CHAGS BRAL NYID, ,DE LTAR SHES NA GNYI GA
BRDZUN, ,

'GA' ZHIG CHANG PA PHYE BA LA, ,CHAGS PA MA YIN CHAGS MED MIN,
,GANG ZHIG CHAGS DANG BRAL BA DES, ,SLAR YANG CHAGS KYI THE TSOM
MED, ,DE PHYIR 'DOD SPONG DON GNYER BAS, ,CHAGS BRAL LA YANG
BRTEN MI BYA, ,AE MA'O 'JIG RTEN LAS 'DAS PA'I, ,LAM 'DI RNAM
PAR DBEN PA NYID, ,

GANG ZHIG GZHAN GYI TSIG BDEN NA, ,DE NYID KHO NAS TSIG 'DI
BRDZUN, ,GNOD PA BYED LA BDEN PAR YANG, ,GANG ZHIG SMRA BAR
BRDZUN PA NYID, ,BDEN DANG BRDZUN PAR CI ZHIG DNGOS, ,GANG ZHIG
GZHAN DON BYED DE BDEN, ,BDEN LA BDEN PA'I YE SHES NI, ,MKHAS
PAS BDEN PAR GSUNGS PA

YIN; ,BDEN PA BRDZUN PAR 'THOB PA YIS, ,BDEN PA LA NI GNAS MI
BYA, ,BYIS PA'I 'JIG RTEN RNAMS KYI TSIG ,BDEN PA LAS NI BRDZUN
PA MCHOG ,THOS BLO DE NYID MIN PA'I PHYIR, ,THAMS CAD MTHAR NI
DE'I BDAG NYID, ,DNGOS PO GANG GANG RNAM BRTAGS PA, ,DE DAG
THAMS CAD

BRDZUN PA YIN, ,DE BDEN DE NI YANG DAG MTHA', ,GANG ZHIG MA
BRTAGS DE NYID YIN, ,AE MA'O SKYES BU MA DUL BA, ,DE NYID PHYIR
NI GNAS MED PAS, ,SGRUB PA DANG NI SUN 'BYIN PAS, ,JI LTAR MOS
PA'I DON DU 'JOG ,THEG PA CHEN PO MI SHES PAS, ,BLUN PA 'DI NI
LEGS

PA YIN, ,LAM NOR BA LAS 'PHYE BO NYID, ,MGYOGS PA MA YIN RING
PHYIN BRLAG ,GANG DAG THEG PA CHE LA GUS, ,DE NI BDE BAR GSHEGS
PA PA, ,RANG SDE GZHAN DAG SMAN LA GZHOL, ,LAM MIN G-YANG SAR
'KHOR PHYIR RO, ,SEMS NI YANG DAG 'JUG PA YI, ,RNAM PAR

@053A *, ,DPYOD LA MI 'JUG GI ,'KHOR BAR RAB TU SPANG BA'I
PHYIR, ,THAMS CAD BLO NI MTSUNGS PA YIN, ,RGYUN MI 'CHAD PAR
'JUG PA DE, ,THOG MTHA' MED PA'I BDAG NYID CAN, ,'KHOR BA'I RANG
BZHIN 'DI CI ZHES, ,SHES RAB CAN GYI YONGS SU TSOL, ,SNA TSOGS
'DI

DAG GANG LAS 'BYUNG, ,GANG DU YANG NI 'GAG PAR 'GYUR, ,RANG GI
BAG CHAGS SA BON GYI, ,KUN GZHI RNAM PAR SHES PA LAS, ,GNYID LOG
BRGYAL DANG MI DRAN DANG, ,RNAM PAR SHES PA 'GAGS PA LAS,
,SNYOMS PAR 'JUG LAS LDANG BAS NA, ,SA BON THAMS CAD PA NGES

GRUB; ,DBANG DON LAS BYUNG THAMS CAD NI, ,'JUG PA'I RNAM PAR
SHES ZHES BYA, ,KUN RNAMS SHES DANG THA DAD MIN, ,PHYIR YANG DE
RU 'GAG PAR 'GYUR, ,CHU G-YOS PA LAS DE DANG DER, ,RLABS NI THA
DAD DNGOS 'BYUNG BZHIN, ,SKAD CIG LA NI SNANG BA NYID, ,PHYIR
YANG MI

G-YO GNYID LOG BZHIN, ,DE NI GNYIS SNANG GANG YIN PA, ,RIGS
PA'I SPYOD YUL DE MA YIN, ,SKAD CIG LA NI BRJOD PA YIN, ,SGRA
DANG SGRA BRNYAN JI BZHIN NO, ,SGYU MA MKHAN GYIS SKAD CIG LA,
,RNAM PA SNA TSOGS STON PA NA, ,'GA' ZHIG GSANG BA'I GNAS SHES
LA, ,RANG

BZHIN RNAM PAR GNAS PA BZHIN, ,BYIS PA RNAMS LA GZHAN DU SNANG,
,MKHAS LA DNGOS PO GZHAN YIN TE, ,SNGO DANG DMAR POR NGES SNANG
BA'I, ,GTZANG SBRA YI NI BDAG NYID BZHIN, ,'DI YI RANG BZHIN DRI
MED 'DOD, ,RNAM PA MED CING BRJOD DU MED, ,SANGS RGYAS MIN PAS
NAM YANG

NI; ,DE YI NGO BO SHES MI NUS, ,THA MAL SKYE BO 'DI DAG BZHIN,
,DE BZHIN SANGS RGYAS KYIS MKHYEN MIN, ,RAB TU GRAGS PA DE NYID
DE, ,DE NYID KHO NA DES MKHYEN NO, ,LUNG DANG BSTAN BCOS LA DRIS
NAS, ,BDAG CAG SMRA BA 'BA' ZHIG TZAM, ,MIG DANG LDAN PA'I SPYOD
YUL GYI, ,

GZUGS NI DMUS LONG RNAMS KYIS BZHIN, ,YE SHES MIG SMAN KHYAD PAR
GYIS, ,GNAS SKABS DE RU MA 'ONGS 'GYUR, ,GANG PHYIR THUB PA'I
DBANG PO BZHIN, ,BDAG CAG DE NYID BDEN MTHONG 'GYUR, ,BYIS PA
RNAMS KYIS YANG DANG YANG, ,'DIR NI GANG DANG GANG BSGOMS PA,
,DE

@053B DANG DE LA MDUN NA SNANG, ,BSGOMS PA'I STOBS LAS BYUNG BA
YI, ,GOS RNAMS BSGOS KYANG MA GOMS PAS, ,YAN LAG LA NI GNOD PA
YIS, ,SHIN TU GRANG BA'I BA MOS KYANG, ,MIG LA MA YIN NGO MTSAR
CHE, ,GOMS PA'I STOBS DANG 'BREL PA'I PHYIR, ,LAG PAS KYANG NI
NYID BYED

PA'I; ,MNYED MKHAN LA NI LPAGS PA YI, ,DRI NGAS SHIN TU GNOD PA
MED, ,LUS DANG LDAN PAS THOG MA RU, ,DUG ZOS PAS NI 'CHI BA
NYID, ,DE NYID GOMS PA'I SBYOR BA YIS, ,MTHAR NI BCUD KYIS LEN
DU 'GYUR, ,'BYUNG BA RNAMS KYANG GA LAS BYUNG, ,LAS LAS SKYES
ZHES

MI RIGS TE, ,'BYUNG RNAMS DE DANG 'BREL MED DE, ,LAS KYI BAG
CHAGS SEMS GNAS PHYIR, ,LEGS BYAS RGYU YI RNAM RIG NI, ,DE PHYIR
ZHI BA'I RNAM PA YIN, ,STAG DANG SENG GE DOM DANG SBRUL, ,GSOD
CING SHIN TU 'JIGS PA YIN, ,GAL TE SHES PA'I DNGOS NYID LA,
,'BYUNG BAR

BRTAG PA MA YIN NA, ,RKANG PA LAG PA'I G-YOB LA SOGS, ,JI LTAR
GZHAN LAS BYAS PAR 'GYUR, ,RLUNG LAS SHA NA RLUNG GANG LAS,
,'BAD PA YIS NA DE GANG LAS, ,GAL TE 'DOD YIN DE NYID NI, ,KHYOD
NI LAM DU NGES PAR ZHUGS, ,PHA MA'I KHU BA KHRAG DAG LAS, ,MGO
DANG RKANG

SOGS NGO BO DANG, ,SHING RNAMS DNGOS PO SA BON LAS, ,JI LTAR
SKYE ZHING 'PHEL BAR 'GYUR, ,KHA LAS SGRA NI CI PHYIR DANG,
,RDZA RNGA LAS NI YANG 'BYUNG BA, ,THA DAD PA YI RGYU 'DI LAS,
,DNGOS DANG DNGOS PO MED PAR SNANG, ,BYA RNAMS NAM MKHA' LA
LDING ZHING, ,MUN PA'I NANG DU DNGOS

MTHONG DANG, ,KHUNG DU BYI BA LA SOGS DANG, ,NYA RNAMS KYIS NI
CHU NANG DU, ,SBRUL RNAMS KYI NI MIG GNYIS KYIS, ,THOS PA DANG
NI MTHONG BA YIN, ,'GAL BA GZHAN DANG GZHAN RNAMS NI, ,DE BZHIN
DU MA 'KHOR BA BSTEN, ,GNAS DANG GNAS PA MA MTHONG BA'I, ,GOMS

PAS DGRA LA PHOG PA YI, ,SHES PA'I RTOG PA MA RTOGS PAR, ,'BEN
LA MI 'CHOR JI LTAR PHOG ,CHU YI RGYUN NI CI BZHIN DU, ,GAL TE
MA SHES RGYU MIN NA, ,DANG PO BZUNG BA GOMS MED SHOR, ,PHYI NAS
BZUNG 'DI DGOS MA YIN, ,RI BO RNAMS NI MTHO GYUR DANG, ,

@054A *, ,RGYA MTSO CHEN PO GTING DPAG DKA', ,PHRA RAB RNAMS NI
'DUS PA YI, ,BYA BA MED NA SU YIS BYA, ,NUS DANG LDAN PAS BYAS
NA NI, ,DE NYID SMYON PA BZHIN DU YANG, ,BDAG GIS 'BAD PA ZHES
BYA BAS, ,'JIG PA'I DUS LA JI LTAR 'JIG ,KHAB LONG

GIS NI RDO SOGS KYI, ,LCAGS LA SOGS PA 'DREN PHYIR DANG, ,SMAN
DANG SNGAGS LA SOGS PA YI, ,NUS PA SU ZHIG GIS NI SBRUL, ,DE
PHYIR MA RIG SNA TSOGS PAS, ,COG CHUNG SGRA SNYAN RGYA CHEN
BZHIN, ,JI LTAR SNANG BA 'DI THAMS CAD, ,DE DAG SEMS KYIS NYE
BAR SBRUL, ZAD

PAR BSGOM PA'I RNAL 'BYOR PAS, ,CI LTA BUR NI YANG DAG 'GRUB,
,BRTAN PA'I RANG BZHIN DNGOS PO RNAMS, ,GZHAN DANG GZHAN DU JI
LTAR GZHAG ,DES NA 'KHRUL PAR RIGS PA YIN, ,RNAM PA DU MA'I SHIL
BZHIN DU, ,'DI DAG SEMS KYIS KHYAB PA STE, ,BAG CHAGS CHU LA TIL

MANG BZHIN, ,'JIG RTEN PA YI NGO MTSAR RNAMS, ,'GA' LA'ANG NGO
MTSAR GYUR MA YIN, ,SA BON THAMS CAD SA LA NI, ,'DI DAG MA LUS
YOD CES BSAM, ,JI LTAR PHYI ROL GNAS SNANG BA, ,RE ZHIG DNGOS
'DI YOD YIN NA, ,DE DAG YOD PA NYID DU YANG, ,KHYED KYIS CI LTAR
NGES

PAR BZUNG, ,AE MA SEMS YIN ZHE NA RIGS, ,RGYU MED PAR NI CI
PHYIR SDANG, ,GANG YIN DE NI RNAM PA NI, ,BAG CHAGS 'BRAS BU MI
'DOD PA, ,RNAM PAR SHES PA PHYIR BYUNG NAS, ,PHYI YI YUL RNAMS
'DZIN NAM CI, ,THOG NAS DE CI YOD DAM MED, ,GAL TE YOD NA YUL CI
DGOS, ,

LUNG GI DON NI NGES YIN NA, ,MNGON SUM DON LA LUNG CI DGOS, ,MI
SNANG 'JIG RTEN PHA ROL SOGS, ,LUNG LAS GSUNGS PA'I RJES 'BRANG
RTOGS, ,DRANG BA'I DON YIN PHYIR YANG STE, ,LUNG GIS YOD PAR
'GRUB MA YIN, ,GZUGS LA SOGS PA'I SKYE MCHED KYANG, ,BSTAN PA
SEMS

KYI SPYOD YUL LO, ,RANG GI SA BON LAS SKYE BAS, ,DBANG PO RNAMS
KYANG SEMS NYID YIN, ,YUL GYI RNAM PA SKYE BA LA'ANG, ,DE NYID
LA NI YUL DU BRJOD, ,'DI DAG BLO YI CHA YIN PAR, ,MKHAS PA YIS
NI YONGS SU RTOGS, ,CHA SHAS MED PA'I SEMS 'DI LA, ,'JIG RTEN

@054B KUN RDZOB BDEN PAR YOD, ,'DI LA MIG MED GZUGS KYANG MED,
,SNANG BA MED CING YID BYED MED, ,RMI LAM LTA BU'I 'KHRUL BA'I
SEMS, ,THAMS CAD YOD MIN MED PA'ANG MIN, ,BZANG DANG NGAN PA'I
GROGS BSTEN LAS, ,RGYUD NI GANG YIN KHYAD PAR 'GYUR, ,GZHAN GYI
SEMS

KYI DBANG GIS NI, ,DE YANG 'BYUNG BOS BZUNG SOGS BZHIN, ,NYE
BA'I RIM PAS GZHAN BSAD NA, ,SKAD CIG MAR YANG 'DOD MA YIN, ,'ON
KYANG TSUL 'DIS GANG DU YANG, ,GSAD BYA MED CING GSOD BYED MED,
,MI 'DOD PA YI LUS KYI MTHUS, ,DRAG SHUL SPYOD PA'I RNAM RIG NI,
,'JIGS

PA'I DON DU 'DI SKYES TE, ,DMYAL BA RNAMS KYI 'BA' ZHIG BZHIN,
,JI LTAR SNANG BA DE BZHIN DU, ,CHOS KYI RANG BZHIN GAL TE YIN,
,YANG DAG DON NI MTHONG BA'I PHYIR, ,'GRO BA THAMS CAD CIS MI
GROL, ,DE NYID KYI PHYIR 'KHRUL PA YIN, ,'GRO BA 'DI LA RANG
BYUNG RNAMS, ,THUGS RJES 'KHRUL BA

SPANG PHYIR YIN, ,BDAG NYID BDE LA DON MED 'GYUR, ,GLOG DANG
'BRUG DANG CHAR DAG NI, ,SPRIN DANG RLUNG DANG GNAM LCAGS NI,
,SEMS TZAM YIN PAS MA GTOGS PAR, ,NAM MKHA'I DKYIL DU 'GRUB MA
YIN, ,GAL TE DNGOS PO YOD YIN NA, ,'GA' YANG BDAG NYID KYIS GRUB
NA, ,'DOD

PA'I DBYE BAS NGES PHYE BA'I, ,'DI DAG DU MAR MTHONG MI 'GYUR,
,'GA' ZHIG GZHON NU LA CHAGS SHING, ,GZHAN DAG BUD MED BAR MA
LA, ,KHA CIG TSO LA GZHAN DAG NI, ,SKEM DANG KHA CIG SNGO BSANGS
LA, ,GANG TSE BUD MED RNAM PA NI, ,SEMS NYID LAS SKYES DE YI
TSE, ,NGO TSA DANG BCAS

'DOD CHEN GYIS, ,BDAG NYID BDAG LA SU ZHIG CHAGS, ,'DI DAG THAMS
CAD BLO LDAN GYIS, ,THAMS CAD DU NI RANG DNGOS YIN, ,YUL GYI SA
BAR LONGS SPYOD PHYIR, ,BYIS PA LTA BUR 'JUG MI RIGS, ,RANG GI
RMI LAM GYIS 'KHRUL PHYIR, ,LAG PA YIS NI LAG BZUNG NAS, ,

BDAG GIS RKUN MA 'DI ZIN CES, ,SMRA BA GZHAN GYIS SPONG BAR
BYED, ,DUD 'GRO RTZVA SKAM BZA' BAR SEMS, ,MI RNAMS BZA' BAR
SEMS MA YI, ,RNAM RTOG 'JUG PA NGO MTSAR CHE, ,RNAL 'BYOR PAS
KYANG BSAM MI KHYAB, ,RI DVAGS ME MDAG MI ZA ZHING, ,DUG GI BYI
BA DUG

@055A *, ,GIS NI, ,SROG NI MTHA' RU BYED PAS KYANG, ,DE NI 'CHI
BAR 'GYUR MA YIN, ,MAS DRAN PA YIS RGYUD DANG NI, ,NGAG DANG
GNYID DANG RLUNG RNAMS KYIS, ,NYA DANG BYA DANG KHYI DANG SBRUL,
,SEMS CAN GZHAN RNAMS 'TSO BA YIN, ,SNA TSOGS LAS KYIS DBEN PA

YI; ,SLA KshA MTHONG NA SBYIN MO DANG, ,GNOD SBYIN 'KHOR GYI
SKYE TSOGS KYIS, ,RANG GI KHYIM DANG 'DRA BAR RO, ,YI DVAGS KYIS
CHU RNAG 'BRUB CING, ,BSHAD GCI RNYOG PA DANG LDAN SNANG, ,MI
YIS CHU BO DRI MED PAR, ,MTHONG BA DANG NI 'THUNG BA'ANG YIN,
,DGE MIN DGE BA'I

'BRAS RNAM PA, ,LAS KYI BAG CHAGS KYIS BSGOS PAS, ,RNAM RIG DE
DANG DE NYID NI, ,STONG PA NYID KYI DON LA 'JUG ,AE MA'O YUL NI
SNA TSOGS PA, ,DUS GCIG LA NI DU MA RU, ,RTOG PA'I RJES SU 'GRO
BA YIS, ,ROL MO'I TSOGS KYI SGRA BZHIN NO, ,GAL TE DON YOD DON

BYED NYID, ,MED NA'ANG DE RU MI 'GYUR RO, ,GZHAN GYIS SGYUR LDAN
SE'U ZOS PAS, ,GZHAN GYI KHA NAS CHU 'DZAG 'GYUR, ,MTSAN MO
'BRAS BU ZA BA LAS, ,GZHAN 'GA' ZHIG GIS DRIS PA NA, ,GAL TE
SE'U ZA ZHES SMRAS NA, ,THOS PAS 'GYUR BA MIN NAM CI, ,RMI LAM

MDZES MA DANG 'PHRAD PA'I, ,BDE BA THOB LA RGYU YOD MIN, ,DON
MED PA LAS KHU BA NI, ,SHOR ZHING 'BYUNG BA MIN NAM CI, ,RMI LAM
MTHONG BA 'DI YOD NA, ,GAL TE GOMS PA'I STOBS KYIS 'DZIN, ,GZHON
NU MA SBRUM BU SKYES PA, ,MTHONG BA 'DI NI RIGS LDAN MIN, ,KHANG

PA'I NANG DU YUN RING DANG, ,LAM DANG RI DANG YUL RNAMS NI,
,RNAM PA THA DAD MTHONG BA'I PHYIR, ,RMI LAM MTHONG LA DON MED
DO, ,RNAM PAR RIG PA'ANG RNAM RIG GI ,DON MIN GAL TE MI 'DOD NA,
,DE TSE DE YI GRUB PA'I MTHA', ,NGES PAR RAGS PA'I GNAS THOB
'GYUR, ,GZHAN

GYI SEMS LA SOGS PA'I YUL, ,RNAL 'BYOR PA YIS GANG SHES PA'ANG,
,DE YANG SHES PA KHO NA MIN, ,BDAG NYID SEMS KYIS MOS PA BZHIN,
,KUN RDZOB LDAN SHES THAMS CAD LA, ,MKHAS PA DANG NI GZHAN DAG
GIS, ,BZUNG BA DANG NI STON PA NI, ,MTSUNGS PA KHO NAR RAB TU

@055B 'JUG ,STONG NYID MTHONG BA'I DANG PO RU, ,SNANG BA KHO NAR
'BRAS CHEN YIN, ,GANG PHYIR 'JIG MED THOB PA NI, ,'JIG RTEN
GZHAN BZHIN 'JIGS PA MED, ,'CHI BA DANG NI SKYE BA NYID, ,SPRUL
PA 'DRA BA NYID DU BZHED, ,BDAG NYID GANG YIN DE YIS NI, ,DE
LTAR 'JIGS PA ZHES

BYAR 'GYUR, ,'DI DAG LAS KYI SPRUL NYID DU, ,SA NI GSUM PO SHES
PA YANG, ,GAL TE PHYIR YANG 'JIGS 'GYUR NA, ,KYE MA BDAG 'DRA'I
SKYE BO NYAMS, ,YAN LAG MCHOG NI GNYIS PA DANG, ,DE BZHIN MIG NI
GSUM PA STE, ,BCAD DANG PHYUNG BAR DOGS PA NI, ,DE GNYIS

MED NA GANG LAS 'GYUR, ,DE LTAS BLO DANG LDAN PAS YUL 'DI RNAM
PAR NGES, ,LHAG PA'I DRI MA DANG 'DRES RNAM PAR BSGOMS PAS
KYANG, ,DAG PA'I PHYIR NA NAM YANG DRI MA LDAN MA YIN, ,SPRIN
DUM MA DAG PA YIS DRI MED NAM MKHA' BZHIN, ,'DIR NI MANG SMRAS
CI ZHIG BYA, ,GAL TE 'GA'

ZHIG GIS BSGOMS NA, ,KHYI DANG RI BONG RTA MGOR SKYES, ,RVA YANG
MTHONG BAR SNANG BA YIN, ,SBAL PA RAL PA'I THOD BCINGS SHING,
,KHA DOG GSAL BA'I THAL BAS BYUG ,TSANGS PA'I SKUD PA DKAR PO
THOGS, ,PHRAG PA LA NI SPYI BLUGS BZHAG ,KHANG PA MUN PA DANG
BCAS LA, ,

'JIGS PA DE DANG DER BRTAGS PAS, ,RANG SEMS NGES PAR SNANG BA
NI, ,BYIS PAS GDON MTHONG MIN NAM CI, ,SHIN TU 'JIGS PA'I GNOD
SBYIN GZUGS, ,RANG GIS BRIS NAS BLTAS PA YIN, ,DBEN PA RU NI
GCIG PU YANG, ,RI MO MKHAN 'JIGS MIN NAM CI, ,SDONG

DUM LA NI RKUN MA DANG, ,THAG PA LA NI SPRUL BRTAGS PAS, ,SKYE
BO DU MA GLO BUR DU, ,'JIGS PA THOB PA MA YIN NAM, ,RANG GI RTOG
PAS BZO BYAS PA, ,BDEN NYID MIN PA'I YUL RNAMS KYIS, ,BYIS PA
THAMS CAD RNAM BCOM STE, ,BDAG NYID KYI NI SKYON LAS SO, ,NYIN

MTSAN MTSUNGS PA'I LONG BA LA'ANG, ,NAM LANGS ZHES BYA'I SGRA
THOS NAS, ,SNGON GYI RDZAS RNAMS MTHONG BA NI, ,SNANG BAR BCAS
BZHIN SKYE BAR 'GYUR, ,YUL DUS LA SOGS DNGOS PO RNAMS, ,RMI LAM
'KHRUL PA'I RNAM SHES LA, ,LAM NI THUNG NGU DAG LA YANG, ,RING
POR

@056A *, ,SNANG BAS DUB PAR 'GYUR, ,DE BZHIN GANG PHYIR 'DOD
LDAN GYI, ,SKYES BU 'DOD MA DANG BRAL NA, ,CHU CHOD GRANGS
MTSUNGS NYIN MO YANG, ,LO BRGYAD DAG DANG MTSUNGS PAR 'GYUR, ,DE
NYID GZIGS PA DE RNAMS KYI, ,DE LTA'I TSUL DU DER BRTAGS NAS, ,

THA SNYAD DU NI MDZAD NA YANG, ,BDEN NO SNYAM DU MI SEMS SO, ,DE
LTAR BSTAN PAS SNA TSOGS 'DI, ,RTOG PA'I MTSON GYI RGYU LAS NI,
,THAMS CAD RI MO 'DRAR MTHONG STE, ,NGO BO NYID KYI MTHONG MA
YIN, ,AE MA'O BDEN MIN KUN TU RTOG PAS THOG MA MED PA'I 'KHOR BA
RU, ,SA GSUM

PO 'DI BSDUS PA BZHIN DU SEMS KYIS NAM MKHA' DAG KHYAB PAR,
,BRIS PA'I MNYAM DANG MI MNYAM MTHONG MAN 'GRO BA NGO MTSAR LAS
NGO MTSAR, ,BDEN NO LTA BUR 'KHRUL PAS RIG PAR YANG NI BLO YIS
GZUNG BAR BYA, ,GAL TE DNGOS PO DNGOS GYUR NA, ,SLAR YANG DNGOS
MED 'GYUR BA

CI; ,DE BZHIN NYID BSTAN RANG BZHIN PHYIR, ,RNAM GZHAN NYID DU
MI 'THAD DO, ,MING DANG RIGS SOGS YON TAN GYIS, ,GANG ZHIG CHOS
RNAMS MTHONG GYUR PA, ,PHYIN CI LOG GIS BCOM PA YIS, ,MKHA'
KHONGS RI MO DE BYED DO, ,DE PHYIR SEMS KYI RANG BZHIN GYI, ,

CHOS RNAMS RANG BZHIN MED PA NYID, ,GANG ZHIG RNAM PA GZHAN DU
RIG ,DE NI DON DAM RIGS PA MIN, ,GAL TE RTOG PA YOD MIN LA, ,GAL
TE STONG NYID YOD NA YANG, ,GSAL BA DANG NI MI GSAL BA, ,RANG
NYID 'BAD PA MED PAR 'GYUR, ,MI SHES NA NI RTOG MI NYAMS, ,

RTOG PA NYAMS PA RTOGS PAR BYED, ,SGRIB BYED BRTAN PA'I RANG
BZHIN CAN, ,STONG PA NYID NI GSAL MI 'GYUR, ,'DI DAG DBYE BA
CUNG ZAD MED, ,RTOG PA MED PAR 'GYUR ZHE NA, ,GZHAN DBANG NYID
KYIS STONG PA NYID, ,YANG DAG PAR NI MTHONG BAR 'GYUR, ,JI LTAR
'DI LA

YANG DAG ZHUGS, ,NGO BO NYID GSUM MTHONG BA'I PHYIR, ,DE MTHONG
BA LAS CHOS KUN LA, ,RIL POR 'DZIN PA LDOG PAR 'GYUR, ,GCIG PU
MTHONG MI THA DAD PA, ,GSUM GYI TSUL DU GSAL BAR MTHONG, ,BAG
CHAGS KYIS BSGRIBS NUS PA LAS, ,DE LA BRTAGS

@056B PA BSAL BAR 'GYUR, ,KUN BRTAGS RIM GYIS DMAN PA LAS,
,GZHAN GYI DBANG NI RAB TU GSAL, ,DANG PO LAS NI RAB G-YOS
BZHIN, ,RANG BZHIN MA MTHONG TSUL GYIS SO, ,RIM GYIS DE YI SNANG
BA DANG, ,BRAL NA SLAR YANG STONG PA NYID, ,DE NYID BSTAN PAR

BYED PA BZHIN, ,SNYING LA GSAL SNANG SKYE BAR 'GYUR, ,DE YANG
GLOG BZHIN MI BRTAN PA'I, ,SKAD CIG LA NI 'ONG ZHING 'GRO, ,RNAM
KUN THOG MA MED DUS KYI, ,GNYIS KYIS DE NYID BSLAD PHYIR RO,
,SLAR YANG JI SRID DE DBUS SU, ,G-YO MED MA GYUR DE SRID DU,
,GNYIS DANG

GNYIS MIN GO 'PHANG DAG ,'CHAR ZHING NUB PA NYID YIN NO, ,G-YO
MED GYUR NAS PHYIR YANG NI, ,'OD ZER STONG PAR SHAR BA BZHIN,
,'GAL PHYIR MUN PA 'JUG PA YAS, ,GNAS SKABS THOB PAR MI 'GYUR
RO, ,GNAS SKABS DE YANG 'DI 'DRA BAR, ,SHES MIN STONG NYID DU
BRJOD

MOD, ,'JIG RTEN LA GRAGS MED PA PA'I, ,DON GYI RJES SU LTUNG BA
MIN, ,MED PA NYID DANG GZUGS NYID DO, ,'DI NI THA SNYAD DON DAM
DU, ,DNGOS PO MED PA'I CHOS RNAMS LA, ,YOD DAM MED PA SU YI YIN,
,KHYOD KYIS DRAN PAR MI BYA ZHES, ,SMRAS NA BKAG PA 'DI DRAN PA,
,JI

LTAR DE LTAR YOD MIN PA'I, ,SGRA LAS GZHAN NI RTOGS PAR 'GYUR,
,RNAM PAR RTOG PA LAS DON RNAMS SHES, ,DON GYI BLO LAS RNAM RTOG
KYANG, ,GNYI GA RNAM RTOG CHOS YIN PHYIR, ,YOD PA GANG YIN MED
GANG YIN, ,RTEN NI GANG ZHIG BSGOMS PA YIS, ,MED PA YANG NI YOD
PAR

'GYUR, ,GAL TE DE BZHIN DU 'DOD PA, ,DE BZHIN YOD PA NYID KYANG
THOB, ,DE BZHIN YOD DANG MED PA DANG, BDE SDUG LA SOGS MED PAR
BZHED, ,LTOS PAS GRUB ? PA DE THAMS CAD, ,RING THUNG LA SOGS BYE
BRAG BZHIN, ,SKYES BU'I SDUG BSNGAL ZHI BA LA, ,BDE BA ZHES BYAR
RAB TU

BRTAGS, ,BDE BA NYAMS PA SDUG BSNGAL YIN, ,GNYIS PO 'DI NI LTOS
PAS YIN, ,LTOS PA NYID LAS KUN 'BYUNG BAR, ,'DI DAG THAMS CAD
SHES PAR BYA, ,GCIG NYID LA NI MA LTOS PAR, ,GZHAN DAG KHONG DU
CHUD MA YIN, ,GZHAN SEL BA YIN RNAM SHES NI, ,SPYOD YUL RNAM

@057A *, ,PAR MED BYED PAR, ? ,BSTAN PA LA SOGS BSGRUB PA YIS,
,KHA CIG 'KHRUL PA YANG DAG BSKYED, ,YI GE TSIG DANG NGAG DANG
NI, ,RTAGS RNAMS DANG NI TSIG DANG NI, ,BYA BA BYED PA'I 'BREL
PA DANG, ,BRDZUN PHYIR RJOD PAR BYED MA YIN, ,TSIGS BCAD TSIG
RKANG LNGA PA'AM, ,GSUM PA RU NI

CI MI 'DOD, ,RJOD BYED BRJOD BYA LA LTOS NAS, ,MKHA' 'GRO'I DAM
TSIG BZHIN DU 'GYUR, ,CHOS RNAMS GZUNG BAR BYA BA YIN, ,SNGON
GYI MKHAS PAR RANG 'DOD PAS, ,SGRA RNAMS SBYAR BAS NYON MONGS
LA, ,'JIG RTEN PA DAG CI PHYIR BTZUD, ,'DI NI SNA ZHES BRJOD PA
NA, ,MGO

BO BSKOR BAR GYUR PA YI, ,LAG NGAR BKUG PA'I LAG PA YIS, ,DRIS
LA SU ZHIG STON PAR BYED, ,SGRA YI BDAG NYID 'JIG RTEN PA, ,BDAG
NYID GUS PAR 'GYUR MA YIN, ,SGRA 'DON PA YI SBAL TSOGS DANG,
,BRAG GI DKYIL GYI GAB TSE BZHIN, ,GZHAN GYIS GZHAN NI RIG PA

RU; ,'BREL PA MED PHYIR MI RIGS SO, ,RAL GRI GZHAN LA BRGYAB PA
YIS, ,GZHAN DAG GCOD PAR BYED DAM CI, ,MA BYAS PA YI DNGOS PO
NI, ,'GA' YIS GANG YANG MTHONG BA MED, ,DNGOS PO MED PA'I NGO BO
YIS, ,DNGOS PO RAB TU BSKYED PA YIN, ,DNGOS PO DNGOS PO'I

RANG BZHIN MIN, ,DNGOS PO'I DUS NA DNGOS MED PHYIR, ,DE NYID
PHYIR NA 'DAS PA'I DNGOS, ,'BYUNG BA ZHES NI BRJOD PA YIN, ,DE
NYID PHYIR NA SKYOB PA YIS, ,'BYUNG BA ZHES NI RAB TU GSUNGS,
,'BYUNG BA KUN GYI 'BYUNG MCHOG PHYIR, ,NGES PA'I TSIG LA MKHAS
PA YIN, ,GCIG

LA BRGYA YI BLO SKYE MIN, ,DE BZHIN BRGYA YI BAR LA'ANG MED, ,DE
BZHIN DU YANG BRGYA BRJOD PA, ,SEMS NI 'KHRUL PAR GYUR PA YIN,
,MTHO RIS SOGS PAS BUM PA'AM, ,MTHONG BA'AM NI MA MTHONG BA, ,DE
YI BDAG NYID RTOGS 'GYUR NA, ,TSIG TU STON PAS CI ZHIG BYA, ,

GLANG PO DANG NI SA SRUNG GLANG, ,BUD MED DANG NI LHA'I BUD MED,
,DE LAS SNGA NA MED BLO MED, ,MTHONG BA LAS NI MCHOG TU SKYE,
,MTHONG BA GZHAN MIN SMRA BA'ANG GZHAN, ,THOS PA GZHAN YIN RTOGS
PA'ANG GZHAN, ,DE LTAR 'JIG RTEN SMYON PA BZHIN, ,BDAG NYID
KHONG DU CHUD MA YIN, ,BDAG

@057B NYID SMYON PA YIN ZHES PA, ,DE NI JI LTAR SMYON YIN 'GYUR,
,YANG DAG RANG SHES SMYON PA MIN, ,RNAM PAR 'KHRUL PA SMYON PAR
BRJOD, ,YUL SOGS NGES PA'I RNAM PAR NI, ,'GRO BA GSUM PO GANG
SNANG BA, ,DE PHYIR DE NI 'KHRUL MA YIN, ,RNAM PAR RIG YIN DE YI
PHYIR, ,GLANG PO'I DON

DANG DE'I RNAM PA, ,DE NYID DNGOS MED MKHAS PA YIN, ,KUN BRTAGS
LA SOGS RANG BZHIN RNAMS, ,RIM PA BZHIN DU SHES PAR BYA, ,SGYU
MA MKHAN GYI SPRUL PA YIS, ,GLANG PO GCIG PU KHO NA LA, ,DON
STONG DON DU SNANG BA DANG, ,GZUNG BA'I DNGOS PO BRDZUN DON YIN,
,DE LTAR YANG DAG

MTHONG BAS SNGAR, ,DON DU 'DZIN PA LDOG PAR 'GYUR, ,GZHAN DBANG
DE YI RNAM PA NI, ,DE YI SEMS LAS BYUNG BA YIN, ,RNAM PA DE YI
RNYOG PA YANG, ,DON GYI DNGOS PO MED MTHONG BAS, ,BAG CHAGS
SPANGS PA'I PHYI NAS NI, ,SA BRGYAD PA LA LDOG PAR 'GYUR, ,SEMS
KYI 'KHOR LO

NGES LOG NA, ,PHYIR YANG 'KHOR BAS 'KHOR MI 'GYUR, ,YONGS SU
GRUB PA'I CHOS YIN PHYIR, ,'ON KYANG YANG DAG SKYE BA 'BYUNG,
,RI MOR BRIS BZHIN G-YO BA MED, ,RTOG PA MED CING 'DOD PA MED,
,DE NI GNYIS MED SPYOD YUL PHYIR, ,LEN DANG 'DOD PA CUNG ZAD
MED, ,SMON LAM

RNAMS KYI MTHU YIS NI, ,THOG MTHA' MED PA'I SRID GSUM DU, ,RTOG
PA MED PAR 'JIG RTEN GYI, ,MUN PA SEL BYED NYI MA BZHIN, ,DE
PHYIR BYED PA PO RNAMS DANG, ,SKYES BU'I LAS 'BRAS GANG YIN PA,
,DE YI DGE DANG MI DGE BA, ,SKYOB PAS RTOG PA'I NGO BOR GSUNGS,
,CHOS DANG

CHOS MIN DKA' THUB GTONG, ,BSDAMS DANG DES BSDAMS DUL BA DANG,
,DUD 'GRO DMYAL BA YI DAGS DANG, ,LHA DANG BCAS PA'I MI RNAMS
DANG, ,'BYUNG DANG 'BYUNG 'GYUR PHUNG PO DANG, ,KHAMS DANG THUB
PA'I BSTAN PA DANG, ,STON PA DANG NI NYAN THOS TE, ,THAMS CAD
KUN

RDZOB YIN PAR BSTAN, ,DANG PO'I LAS CAN 'JIG RTEN PA, ,DAM PA'I
DON LA GZHUG PA'I PHYIR, ,THABS 'DI RDZOGS PA'I SANGS RGYAS
KYIS, ,SKAS KYI THEM PA LTA BUR GSUNGS, ,DE LTAR BYIS PAS BRJOD
PA RNAMS, ,MTHAR NI THAMS CAD 'JIG PA YIN, ,BRJOD PAR BYA MIN

@058A *, ,DPYAD DU MED, ,CUNG ZAD GZHAN YANG GSAL BA YIN, ,DE LA
NAM MKHA' GSAL BA 'DIS, ,STONG PA NYID NI GSAL BAR BYED, ,BDAG
NYID DANG NI STONG PA NYID, ,CUNG ZAD GNAS PA'I GNAS PA MED, ,JI
SKAD STON PA'I LAM 'DI NI, ,CUNG ZAD KYANG NI

MTHONG BA MED, ,NYAMS SHING ZHI BA SPANGS PA YI, ,'JIG RTEN MA
LUS BZHAD GANG ? BZHIN, ,BDAG NYID KYIS NI SNGON GYI RABS, ,DE
BZUNG BA YI RO GCIG DNGOS, ,GANG ZHIG SEMS PAR BYED NA YANG,
,GDON MI ZA BAR NGO MTSAR 'GYUR, ,GAL TE 'DI KUN STONG NYID YIN,
,DGE

BA'I RTZOM PA DON MED 'GYUR, ,GANG GI STONG NYID DON BYAS PA,
,BDEN TE DON LA DON MED YIN, ,DE TSE SDIG PA'I RTZOM PA YANG,
,DE YIS SHIN TU MI RIGS SO, ,GANG TSE STONG MTHONG RNAL 'BYOR
PAS, ,CHANG PA STONG BZHIN 'CHING BA MED, ,RTOG PA'I NANG DU
LHUNG BA LA, ,DE DAG THAMS CAD

GZHAN NYID 'GYUR, ,RGYU DANG 'BRAS BU'I DNGOS PO YI, ,'KHOR BA'I
'BRAS DES THOB PHYIR RO, ,RMI LAM NA BYAS LAS RNAMS LA, ,DGE
DANG MI DGE CI ZHIG YOD, ,MA SAD PAR YANG 'BRAS MI MYONG, ,MA
LUS RMI LAM NYID NA YANG, ,SAD NA MED PAR SHES PA'I PHYIR, ,RMI
LAM 'JUG PA'I

'BRAS BU MED, ,DE PHYIR YE SHES SKYES PAS NA, ,THAMS CAD KYI
'BRAS MTHA' RU BRDZUN, ,RMI LAM MGAL ME MIG 'PHRUL NI, ,SKYE
DANG 'GAG PA THA DAD MED, ,RGYU DANG 'BRAS BU'I DNGOS PO NI,
,GANG GIS THAMS CAD YANG DAG MTHONG, ,NYI MA GZHAN LA YUL MYONG
DANG, ,GANG ZHIG RMI

LAM NGES SAD DANG, ,RANG BZHIN NYAMS SU MYONG BA NI, ,DE DAG BYE
BRAG GANG YIN SMOS, ,GANG DANG GANG NI RTEN CING 'BYUNG, ,DE
DANG DE YI RANG BZHIN ZHI, ,SGYU MA'I YAN LAG TSOGS PA YIS,
,SGYU MA MKHAN GYIS STON PA BZHIN, ,RNAM PA DU MA THA DAD PA,
,GOS 'DRA BA YI DNGOS PO RNAMS, ,

STONG NYID ME YIS BSREGS PA NA, ,THAL BAR BYE BRAG 'GA' YANG
MED, ,SNOD DANG SEMS CAN ZHES BYA BA'I, ,'JIG RTEN GNYIS KA
BSREGS NAS NI, ,BDAG NYID DE YANG DE NYID DU, ,ME LCE BZHIN DU
BSREGS PA YIN, ,STONG NYID ME YIS NGES BSREGS PAR, ,DE LTAR 'GRO
BA GSUM MTHONG

@058B BAS; ,'KHOR BA RU NI GNAS PA NA, ,'GA' LA'ANG CHAGS MIN
RNAL 'BYOR PA, ,GANG TSE STONG NYID LA GNAS PAS, ,RAB TU SPYOD
MIN SPYOD PA'ANG MIN, ,SPYOD PA MA YIN SPYOD YUL MIN, ,DE TSE DE
LA PHRA MOR 'BYUNG, ,STONG NYID LA GNAS PHYIN CHAD NI, ,BUD
SHING BZHIN DU THAMS CAD SPONG

ME BZHIN YONGS SU MYA NGAN 'DAS, ,DE NI LHAG MA MED PAR 'GYUR,
,DE LTAR GYUR PA THOGS PA MED, ,GOS MED CHAGS PA YOD MA YIN,
,PHYIR YANG DU BA 'BYUNG BA MED, ,RNAL 'BYOR RIG PAS YANG 'BAR
MED, ,'BAR BA MED PA ZHI BA THOB, ,ZHI BAS KYANG NI NYER ZHI
NYID, ,NYE BAR ZHI

BAS RAB ZHI NYID, ,RAB TU ZHI BAS YANG BSIL NYID, ,BSIL BAR GYUR
PAS GDUNG MED NYID, ,GDUNG BA MED PAS RIMS MED BRJOD, ,RIMS MED
PA YIS RDUL MED DAG ,GNYIS MED GNOD PA MED PA YIN, ,BDAG GI MED
PAS RANG 'DZIN MED, ,SRID PA'I RGYA MTSO YANG DAG BRGAL, ,

PHYIR YANG SKYE BA LEN MI BYED, ,SKYE MED DE LA 'CHI BA'ANG MED,
,SKYE DANG 'CHI BA SPANGS PA YIS, ,BDUD RTZI'I GO 'PHANG NYAMS
SU MYONG, ,TSUL DE THOB NAS PHYIR YANG NI, ,THOB PAR BYA BA
DMIGS PA MED, ,'KHOR BAR SKYE BA'I SDUG BSNGAL DANG, ,SDUG
BSNGAL GYIS RGYU BDE BAS KYANG, ,

'DOD CHAGS ZHE SDANG 'CHANG MA YIN, ,THAMS CAD DU NI BTANG
SNYOMS SPYOD, ,LTOS DANG BCAS PA THAMS CAD 'JIG ,LTOS MED RTAG
TU 'JIG PA MED, ,'JIG PA MED PAS MI 'GYUR THOB, ,'JIG MED 'GYUR
BA MED PAR BZHUGS, ,'JIG PA MED PA'I GNAS THOB PA, ,

GANG LA'ANG GNAS PA MA YIN NO, ,MYA NGAN 'DAS PA'AM 'KHOR BA LA,
,DBANG THOB KHYAB BDAG DBANG BSGYUR PHYIR, ,DE DBANG DE THUB DE
STON YIN, ,BYA BA BYAS TE DE BZHIN GSHEGS, ,BDE BAR GSHEGS
TE'ANG GANG YIN PA, ,YE SHES DBANG PHYUG RNAM 'PHRUL PA'O, ,YUL

LA SHIN TU CHAGS PA NI, ,BYIS PA'I SEMS NI MA SBYANGS PAS,
,STONG NYID BSTAN PA THOS PA YIS, ,SNYING NI GNYIS SU 'GAS PAR
'GYUR, ,RGYA CHE BA YI CHOS THOS DANG, ,BSHES GNYEN BZANG PO
BSTEN PA DANG, ,RIGS LDAN 'BAR BAR BYED PA NI, ,'DI LA 'JUG PAR

@059A *, ,'GYUR BA YIN, ,RTAG TU BRTZON DANG SBYOR LDAN PA, ,LAM
'DI LA NI RJES ZHUGS PAS, ,RING POR MI THOGS CHOS RNAMS KUN,
,BDAG MED PA NI RTOGS PAR 'GYUR, ,CHOS 'DI YONGS SU MA BSGOMS
PAS, ,CHOS NYID THOB PAR MI 'GYUR TE, ,CHU NI THOS

DANG MTHONG BA YIS, ,MA 'THUNGS SKOM PA JI LTAR BZLOG  ,TSUL
GNAS THOS DANG SHES RAB LDAN, ,BSOD NAMS TSOGS NI YANG DAG
BSAGS, ,YUL RNAMS LA NI DRUG BZHIN BLTA, ,LUS DANG SROG LA CHAGS
PA MED, ,KHYIM MAM YANG NA NAGS SU NI, ,BYANG CHUB SEMS DPA'

MNYAM GZHAG STE, ,DANG POR BDAG MED LAM GYIS NI, ,SANGS RGYAS GO
'PHANG LA 'JUG PAS, ,'JIG RTEN DON NI GTZO BOR BYAS, ,RANG DON
ZHAR MDZAD THUGS RJE'I BDAG ,'JIG RTEN NYID DANG CHOS RNAMS NI,
,RANG BZHIN GSUM GYI NGO BO NYID, ,SKAD CIG TZAM YANG SKABS LDAN
NA, ,

KHYIM PAR GYUR PA YIN YANG BSGOM, ,SKYIL MO KRUNG NI BCAS NAS
SU, ,SMA RTZER G-YO BA'I YID BSDUS LA, ,LONGS SPYOD NYID NI
NYER GNAS PA, ,BRDZUN DANG SLU BAR BYED PA YIN, ,JI LTAR SNANG
BA'I RANG GI SEMS, ,DMIGS PA MDUN DU BYAS NAS NI, ,'DOD CHAGS
GNAS LA CHAGS MI

BYA; ,NYES DANG LDAN LA SDANG MI BYA, ,GTI MUG BCAS PAS RMONGS
MI BYA, ,MKHAS PAS DMIGS PAR MI BYA'O, ,CHAGS PA'I GNAS LA CHAGS
BYED DANG, ,ZHE SDANG CAN LA SDANG BAS GNOD, ,NYON MONGS SHIN TU
'PHEL BA'I PHYIR, ,RMONGS PA GTI MUG GIS NI NYAMS, ,TING NGE

'DZIN NI MI BRTAN PHYIR, ,RNAM PAR RTOG PAS NYAMS BYAS NAS,
,NYAMS PA'I SGO NI DE DANG DES, ,GZHAN DAG NYID NI RAB TU RTOG
,RMONGS PA'ANG 'DU SHES RMONGS PA'I PHYIR, ,RMONGS PA'I DNGOS PO
SEMS DPA' YIN, ,SHIN TU MUN NAG SMAG TU LHUB, ,'KHRUL PA YIS NI
LONG

BA BZHIN, ,MKHAS PAS DMIGS PA'I GNAS LA NI, ,BZLOG PA RU NI YID
LA BYA, ,NYON MONGS CUNG ZAD GOMS PA YIS, ,ME LA SNUM GYIS BZHIN
DU 'PHEL, ,DE NAS SBYOR BA BYAS PA YIS, ,G-YUL NGO RU NI DPA'
BO BZHIN, ,'DOD CHAGS LA SOGS PA YI GNAS, ,DPA'

@059B BA'I DGRA LA BSNUN PAR BYA, ,MA LUS PA NI GZIGS PA YIS,
,NYON MONGS DE NYID SGRIB PAR GSUNGS, ,DE PHYIR 'BAD PA THAMS
CAD KYIS, ,DE DAG NYID NI SPANG BAR BYA, ,RTAGS SOGS BDAG NYID
MA LUS PA, ,DE DAG GSUM DU DMIGS PAR BYA, ,DON 'DZIN DON DU NGES
SNANG DANG, ,

DON RNAMS STONG PA NYID BSTAN PA, ,BSAMS PA YIS NI SHES RAB
KYIS, ,DBYE BA NGES PAR YANG BSAM BYA, ,SHES RAB PHA ROL PHYIN
PA'I TSUL, ,BSAM GYIS MI KHYAB BSAM PAR BYA, ,GANG SNANG DE NI
DE NYID MIN, ,GANG ZHIG MA MTHONG DE DE BZHIN, ,DNGOS POR RTOG
PA NYID KYIS LONG, ,

RAB RIB KYIS NI 'KHRUL PA BZHIN, ,BDAG GIS CUNG ZAD MTHONG BDEN
MIN, ,KUN TU BRTAGS PA 'KHRUL PA TZAM, ,RGYU MTSAN MED PA'I
MTSAN MAR YANG, ,YUN RING GNAS NI MTSAN MAS BCOM, ,KYE MA 'JIG
RTEN PA YI MIG ,BRDZUN PA'I DBANG GIS 'KHRUL PA YIN, ,RI YI RTZE

MO'I SKRA MTHONG ZHING, ,RAGS PA'I RI BO MTHONG MA YIN, ,SKRA
NYAG MU TIG LA PHOG PA, ,'GRO NA 'PHONG RKYEN GANG YIN PA,
,MTSAN MA LA PHOG BYAD 'PHAGS PAR, ,RKYEN TE GNYIS PO RKYEN MA
YIN, ,DON DU LTA LA THAMS CAD KUN BRTAGS KHO NA'I DON NI SHIN TU
GSAL BAR SNANG, ,RLUNG

GIS BSKYOD PAS GAR MKHAN LTA BU'I DPA' TSOGS 'DRA BA'I RI DAGS
CHU BZHIN NO, ,RDZING BU LA SOGS CHU NI NYE BAR DE BZHIN BDEN
PAR RIGS MIN SNYAM, ,YANG DAG MA YIN BRTAGS PAR LHUNG BZHIN 'BAD
MED PHAL CHER YANG DAG 'DZIN MA YIN, ,SEMS KYIS MED PA 'DI SEMS
PA, ,RGYU MTSAN

RMI LAM 'JUG PA BZHIN, ,KUN BRTAGS MED PAS GZHAN GYI DBANG, ,DE
NA SEMS KYIS THOB PA YIN, ,NYON MONGS MED PA'I RANG BZHIN SNANG,
,YONGS SU RDZOGS PA'I SA DANG NYE, ,YONGS SU RDZOGS PA GANG THOB
PA, ,RNAM PAR MI RTOG PA LA GNAS, ,YANG DE MTHONG BA'I BLO LDAN
GYIS, ,

GZHAN GYI DNGOS LA 'JUG MA YIN, ,KUN BRTAGS BDAG NYID MED PA'I
PHYIR, ,DE NYID SHIN TU BSGOM MA YIN, ,BRDZUN PAR BDAG NYID
MTHONG BAS YANG, ,GAL TE 'DI DE DE DAG NYID, ,BDAG NYID MYUR DU
MTHONG NA NI, ,DE TSE RMI LAM BZHIN DU BSAM, ,RMI LAM LTA BUR
NGES SHES NA, ,

@060A *, ,PHYI NAS BRDZUN PA'I BDAG NYID NI, ,SKAD CIG GCIG LA
SNANG MA YIN, ,GNYEN PO YIS NI BKAG PHYIR RO, ,SNYING PO DE LTA
BU 'DZIN PA, ,MED PA'I MTHA' LA GAL TE REG ,DE BZHIN NYID LA
SHIN TU DMIGS, ,GAL TE DE NYID DMIGS GYUR NA, ,DE NI SPANG BA'I
DON PHYIR

YANG; ,STONG NYID SHIN TU DMIGS PAR BYA, ,SNA TSOGS LTA KUN
SPANG PA'I PHYIR, ,SPONG BA'I STONG NYID BSTAN PA YIN, ,RDO RJE
SBYIN GYIS BYUGS PA YI, ,KHANG PA'I SGO LA LHA MIN BZHIN, ,RNAM
RIG LA 'JUG RNAL 'BYOR PAS, ,PHYOGS GNYIS YANG DAG REG MA YIN,
,DE GNYIS DBUS SU BAG

MED PAS, ,GZHAN 'GA' ZHIG GIS REG GYUR NA, ,RDO RJE SBYIN GYIS
BZUNG NAS NI, ,DE YI LUS NI BSREG PAR 'GYUR, ,SNANG BA THOB PA'I
RNAL 'BYOR PAS, ,DE YI RTAGS KYANG SHES BYA STE, ,DNGOS GRUB MED
NA MI 'BYUNG STE, ,DU BA SOL BA DNGOS PO BZHIN, ,KUN TU BRTAGS
PA SPANG BA

DES; ,MI GSAL BA YI RI MO BZHIN, ,BSAM GTAN LAS NI LANGS PA YIS,
,'GRO BA THAMS CAD MI GSAL SNANG, ,ZAD DANG RNYING PA LTA BU
DANG, ,KUN TU ZHIB PA LTA BU DANG, ,GRONG STONG LTA BUR DBEN PA
DANG, ,DGA' BA MED CING RTEN MED PA, ,SHIN TU SKYO SKYE 'GRO BA
LA, ,TZI RI SGRA 'DON PA

LA BZHIN, ,BDAG DANG BDAG GI MED PA DANG, ,MING TZAM 'BA' ZHIG
KHO NA'O, ,GZHAN DBANG ZHES BYA MTHONG BAS KYANG, ,RANG BZHIN
'DI LTA BU RU SNANG, ,RANG SEMS SHING RTA LA ZHON DANG, ,BDAG
GIS SNANG DU ZHUGS LTA BUR, ,MIG 'PHRUL 'BYUNG BA LTA BU STE,
,DE NYID KHO NA 'KHRUL

PA TZAM, ,MA LUS MUN PAS KHYAB PA BZHIN, ,DE LA KUN BRTAGS STONG
MA YIN, ,BAG CHAGS LHAG MA'I RI MO YIS, ,THAMS CAD BRIS PA LTA
BU RU, ,NYON MONGS NYID KYIS KHYAB PA DANG, ,'KHOR LO LTA BUR
'KHOR BA DANG, ,RMI LAM GSAL SAD SHES PA DANG, ,MTSAN DANG MTSAN
NYID

MED PAR SNANG, ,MTHONG NAS MI SNANG DANG MTSUNGS PAR, ,CI ZHIG
LTA BUR SNANG BA YIN, ,YONGS SU GRUB PA SHES PA NI, ,THAMS CAD
RO GCIG BDAG NYID DE, ,CHA SHAS MED CING THOG MTHA' MED, ,RNAM
PA MED CING GZUNG DU MED, ,SKYO MED 'TSE BA YOD MA YIN, ,RING PO
MA YIN ZLUM

@060B POR MIN, ,NYI MAS MUN PA BSAL BA YI, ,NAM MKHA' LTA BUR
DRI MA MED, ,MNYAM NYID CHOS NI RTOGS PA'I PHYIR, ,THAMS CAD MI
MNYAM PA DANG MNYAM, ,KUN RDZOB TU NI CHOS 'DI SNANG, ,DAM PA'I
DON DU SNANG MA YIN, ,RNAM PAR RTOG PA GZHAN GYI RGYU'I, ,RNAM
RTOG KUN RDZOB CES BYAR

BRJOD, ,RNAM PAR RTOG PA BZLOG PA NI, ,DE NYID KHO NA DAM PA'I
DON, ,JI LTAR MING GIS BSTAN DE YANG, ,KUN RDZOB NYID DU GNAS PA
YIN, ,DAM PA'I DON NI DE BZHIN TE, ,DE BZHIN TSIG GIS DE YUL
MIN, ,RIG LA GNAS PA MA YIN PAS, ,DE PHYIR DE 'JIGS THUB PA YIS,
,STONG NYID BDAG

NYID GSUNGS SHING GSUNGS, ,THA DAD PA YI CHOS RNAMS BSTAN, ,YUN
RING 'PHEL BA'I RNAM RTOG LA, ,BYIS PA RNAMS NI DGA' BA NYID,
,SPROS LA SEMS NI CHAGS PAS NA, ,DE LTA NA NI 'DI 'PHEL LO,
,MTSAN ? MA 'GONG PA'I DON LA NI, ,SEMS 'DI YANG NI MKHAS PA
YIS, ,RNAM RTOG

BYE BRAG ZHI MA YIN, ,MI 'GYUR BA NI GANG DU'ANG MED, ,BDAG MED
PA LA SEMS DMIGS PA, ,BTANG SNYOMS 'DRA BA THOB PA DANG, ,GNYID
LOG LTA BUR 'DOD PA MED, ,DUB PA BRTAGS PA LTA BU DANG, ,STONG
NYID STONG PAR MTHONG BA YIS, ,MIG NI 'DZUM PAR BYED MA YIN, ,

MGO 'PHANG MTHON PO MA YIN DANG, ,SEMS DANG SEMS BYUNG 'GAG PAR
'GYUR, ,RTAGS NI 'DI DAG MTHONG NAS KYANG, ,BDAG GIS DON BYAS
'DI NYID MTHONG, ,DPA' BOS BSGOM PA 'DOR MA YIN, ,MCHOG LAS
KYANG NI MCHOG YOD PHYIR, ,DE YANG 'DI ZHES 'GA' YIS KYANG, ,

DE NYID BSTAN PAR NUS MA YIN, ,'DI NI GOMS BYAS RNAL 'BYOR PAS,
,BDAG NYID KYIS NI RTOGS PAR 'GYUR, ,RNAM PAR RIG TZAM NYID
MTHONG NA, ,DE NI MTHA' GNYIS DBUS LA GNAS, ,'GRO BA MA LUS 'DI
DAG LA, ,DE NYID PHUN SUM TSOGS PA STON, ,DE NYID PHUN SUM

TSOGS GNAS PHYIR, ,SNYING RJE LDAN PA BDE GSHEGS SRAS, ,SROG GIS
KYANG NI SEMS CAN DON, ,BYED LA BTANG SNYOMS 'JOG MA YIN, ,YUL
RNAMS 'GA' YANG SEMS PA MED, ,RMI LAM 'JUG PA BZHIN DU BRTEN,
,BU DANG BU MO LA SOGS PA'I, ,GZHAN GYI NYE BAR LONGS SPYOD

@061A *, ,KYANG; ,BAG MED GNAS NI RGYA CHE BAS, ,SEMS NI RNAM
PAR 'GYUR MA YIN, ,'BYOR PA DANG NI RGUD PA LA, ,THAMS CAD DU
NI SEMS MNYAM NYID, ,DUS MA YIN PA'I SPRIN BZHIN YANG, ,GA
LA'I MKHA' LAS SPRIN LDANG BA, ,BDAG NYID KYIS NI DE DANG DE,
,NGO

MTSAR RNAM PAR 'PHRUL PA STON, ,DUS RNAMS SHES PAR DUS GCIG
LA, ,'BAR BA DANG NI CHAR 'BAB BYED, ,SA LA YANG NI CHU BZHIN
DU, ,BYI ZUL DU NI BYED PA'ANG YIN, ,RI LA SOGS PA G-YO BA
DANG, ,'BYED DANG SDUD PA DE BZHIN NO, ,BDAG NYID NAM MKHA' LA
'GRO ZHING, ,CHU LA

NGANG PA'I RGYAL PO BZHIN, ,SPRUL PA YIS KYANG RING PO NAS,
,MTHONG DANG THOS BYED DE BZHIN NO, ,THEG CHEN TSUL LA THAMS
CAD DU, ,RIGS KYI 'DI NI GZHAN LA MIN, ,DE LAS GZHAN PA'I PHYI
ROL PA, ,GANG ZHIG CUNG ZAD MTHONG BA NI, ,RANG GI RO LAS
'ONGS PA STE, ,DE NYID KYIS NI LAM

'DI LA, ,CUNG ZAD CIG KYANG MTHONG BA MED, ,THAMS CAD MKHYEN
PAS THAMS CAD GZIGS, ,RNAM PA THA DAD BRTAGS PA YANG, ,DE NYID
PHYIR NA DNGOS GCIG NYID, ,STONG NYID DON GCIG MTHONG BA YIS,
,'GRO KUN DON NI GCIG TU MTHONG, ,PHYOGS GCIG GI NI CHU
'THUNGS PAS, ,

RGYA MTSO MA LUS SHES PAR 'GYUR, ,DUS GCIG LA NI THA DAD PA,
,YUL LA SOGS PA THA DAD LA, ,STONG PAR MTHONG BA MA GTOGS PAR,
,SKYOB PA'I YE SHES 'KHRUNG MA YIN, ,RANG SEMS KYIS NI KUN
BRTAGS BRIS, ,PHYI ROL GSAL BA'I DBYIBS SU GNAS, ,SKYE BA DU
MA GOMS

PAS GSAL, ,SRID GSUM RI MO'I BYE BRAG BZHIN, ,KUN BRTAGS DE YI
SPROS MKHYEN PA'I, ,SKYOB PAS 'DI DAG THAMS CAD GZIGS, ,DNGOS
MED MTSAN MED ZAD PA MED, ,KUN TU BRTAGS PA 'BA' ZHIG GO, ,'DI
BSGOMS TSUL GYIS 'DOD CHAGS THUL, ,RIM GYIS BDE

SPYOD 'DOD PA MED, ,THUB DBANG 'DOD PA MA SPANGS PAS, ,GNAS
MCHOG GZHAN GYI DON LDAN THOB, ,BDE GSHEGS KYIS GSUNGS DBYE BA
RAB GRAGS PA, ,DON CHEN RNAM GSAL TSIG GIS RAB SBYAR BAS, ,LOG
PA'I LAM ZHUGS MI SHES MUN SEL BYA, ,SNANG BA'I PHRENG BA 'DI

@061B NI BDAG GIS SBYAR, ,DNGOS POR 'DZIN PA SPONG BYED YUL
GYI THOB PA'I ZHEN PA GCOD, ,SEMS LA SNANG BA 'PHEL ? BYED
SGRON ME CHEN PO GSAL 'BAR BZHIN, ,YE SHES SNANG SKYES DE NYID
YANG THOB RANG GI LAG NA GNAS PA BZHIN, ,SHES RAB PHA ROL
PHYIN 'DI RGYUD GNAS KUN TU YID

BZHIN NOR, ,KUN RDZOB SGRO BTAGS GSUNGS LA PHYI ROL PA, ,NGES
PA'I DON DU ZHEN PAS BDE GSHEGS NYID, ,GANG ZHIG PHYI ROL DON
'DOD DE MDUN DU, ,SLOB DPON CHANG BA BDE GSHEGS PHYED MI
MDZAD, ,GANG TSE 'JIGS PA MED PA'I BYANG CHUB MNGON THOB PAS,
,KHYOD KYIS KYANG NI YI GES

YI GE GSUM MI MNGA', ,DE TSE YUN RINGS NAS NYAMS LCAGS KYU MED
PA YIS, ,PHYIN CI LOG LA JI LTAR MNGON PAR BRTZON PAR BYED,
,SANGS RGYAS PA DANG PHYI ROL RNAM PAR 'BYED BYED PA, ,GAL TE
STONG NYID GCIG PU 'DI NI MA BSTAN PAR, ,ZHIB MO'I BLO YIS
RNAM PAR DPYAD BYAS NA, ,

GRUB MTHA' THAMS CAD MTSUNGS PAR 'GYUR BA YIN, ,GAL TE STONG
MIN RTAG CING MNYAM NYID MA YIN NA, ,THA DAD BDAG NYID RGYU
MTSAN SKAD CIG MA DAG TU, ,THAMS CAD MKHYEN PAS DNGOS PO YONGS
DPYAD PAS, ,GANG GI RGYU YIS STON PAR GRUB

PAR GYUR, ,GANG ZHIG RNAL 'BYOR PA YI DNGOS GRUB KHYAD 'PHAGS
RGYU, ,GZHAN SEMS SPYOD YUL SHES PA'I NGA RGYAL YIN, ,DE DAG
BUN ? PA'I DRI MA LHAG PA YIN PAR 'DOD, ,'CHING BA'I BDAG NYID
BYIS LA JI LTAR GNAS PA BZHIN, ,GANG ZHIG KUN TU DMUS LONG
DANG NI RAB RIB

CAN; ,GNYIS PO DAG LAS SNGA MA BZHIN DU MCHOG YIN TE, ,BDAG NI
LONG BA YIN ZHES NGA RGYAL GYIS STONG GI ,RAB RIB KYIS MTHONG
'BRAS BU MED LA NGA RGYAL MIN, ,GANG ZHIG RANG SKYON SKYON GYI
NGO BOR MI SHES PA, ,DE BZHIN YON TAN KUN LAS YON TAN DU MA
YIN, ,DGE BA'I BSHES

GNYEN RNAMS LA GUS PAR BYED MA YIN, ,DE DAG DE NYID RO NI JI
LTAR 'THUNG BAR 'GYUR, ,NAM MKHA'I DKYIL LA RI MO BYED PA LA
MKHAS PA, ,DNGOS PO'I BYE BRAG STON PA'I BRTZON 'GRUS CAN,
,KYE MA THOG MAR SPROS PA THOB PA'I 'CHAD PA POS, ,SKYE BO
GZHAN LA SNA TSOGS BSTAN PAS SPROS

@062A *, ,PA BSKYED, ,CHU NANG SBUL ? ZHUGS RJES NI MTHONG BA
DANG, ,NAM MKHA'I ME TOG PHRENG BAS RAB TU RGYAN BYED DANG,
,RGYU SPUN MED PA'I SNAM BU 'THAG PAR BYED PA NI, ,'JIG RTEN
RNAMS LA JI LTAR NGO TSA MI SHES 'GYUR, ,SUN 'BYIN 'DOD PAS
KYANG NI DAG GCIG 'DZIN BYED

PA; ,THUB PA'I DBANG PO'I GSUNG LA DE GUS MIN MOD KYI, ,SHIN
TU MNGAR BA MYANGS NAS KHA BA'I RO BZHIN DU, ,GZHAN GYIS SMRAS
PA'I TSIG LA RJES SU CHAGS MA YIN, ,KHYAD PAR 'PHAGS PA'I BUD
MED 'DOD PA DANG, ,GSAL BA'I RIGS RGYUD DBANG PHYUG KHYIM 'DOD
PAS, ,GLANG PO'I KHYU YI

GTZO BO SPANGS NAS NI, ,DMAN PA'I BZHON PA BONG BUS SU ZHIG
'GRO, ,SNANG BA'I PHRENG BA ZHES BYA BA SLOB DPON KAMPA LA'I
ZHAL SNGA NAS MDZAD PA RDZOGS SO,, ,,RGYA GAR GYI MKHAN PO KU
M'A RA KA LA SHA DANG, LO TZ'A BA DGE SLONG SH'AKYA 'OD KYIS
BSGYUR CING ZHUS

PA'O,,