@26A *, ,RGYA GAR SKAD DU, AA BHI DHARMMA KO shAm BH'A shYAm, BOD SKAD DU, CHOS MNGON PA'I MDZOD KYI BSHAD PA, 'JAM DPAL GZHON NUR GYUR PA LA PHYAG 'TSAL LO, ,GANG ZHIG KUN LA MUN PA GTAN BCOM ZHING, ,'KHOR BA'I 'DAM LAS 'GRO BA DRANGS MDZAD PA, , DON BZHIN STON PA DE LA PHYAG 'TSAL NAS, ,CHOS MNGON MDZOD KYI BSTAN BCOS RAB BSHAD BYA, ,BSTAN BCOS BYED PAR 'DOD PAS RANG GI STON PA'I CHE BA'I BDAG NYID SHES PAR BYA BA'I PHYIR DE LA YON TAN BRJOD PA SNGON DU 'GRO BA'I PHYAG 'TSAL BA RTZOM MO, ,GANG ZHIG CES BYA BA NI, SANGS RGYAS BCOM LDAN 'DAS KYI DBANG DU BYAS NAS SMRAS PA'O, ,'DI'I 'AM 'DIS MUN PA BCOM BAS MUN PA BCOM PA'O, ,THAMS CAD LA MUN PA RNAM PA THAMS CAD DU BCOM PAS KUN LA MUN PA GTAN BCOM PA'O, ,MI SHES PA NI YANG DAG PA'I DON MTHONG BA LA BGEGS SU GYUR PA'I PHYIR MUN PA STE, DE YANG SANGS RGYAS BCOM LDAN 'DAS KYIS GNYEN PO BRNYES NAS SHES BYA THAMS CAD LA PHYIS MI SKYE BA'I CHOS CAN DU GYUR PA'I PHYIR GTAN NAS YE BCOM PA STE, DE'I PHYIR 'DI'I NI KUN LA MUN PA GTAN BCOM PA'O, ,DE RANG SANGS RGYAS DANG NYAN THOS RNAMS KYANG NYON MONGS PA CAN GYI RMONGS PA DANG BRAL BA'I PHYIR KUN LA MUN PA BCOM PAR NI 'DOD MOD KYI GTAN NAS NI MA YIN TE 'DI LTAR DE DAG LA SANGS RGYAS KYI CHOS DANG, YUL DANG, DUS SHIN TU BSKAL PA DANG, DON RAB TU DBYE BA MTHA' YAS PA RNAMS LA NYON MONGS PA CAN MA YIN PA'I MI SHES PA YOD PA NYID DO, ,DE LTAR BDAG LA PHAN PA SGRUB PA PHUN SUM TSOGS PAS YANG DAG PAR BSTOD NAS, YANG BCOM LDAN 'DAS DE NYID LA GZHAN LA PHAN PA SGRUB PA PHUN SUM TSOGS PAS YANG DAG PAR BSTOD PA NI, 'KHOR BA'I 'DAM LAS 'GRO BA DRANGS MDZAD PA, ,ZHES BYA BA STE, 'KHOR BA NI 'GRO BA KUN TU CHAGS PA'I GNAS YIN PA'I PHYIR DANG, BRGAL BAR DKA' BA'I PHYIR 'DAM LTA BU YIN TE, 'GRO BA DER BYING BA SKYABS MED PA LA BCOM LDAN 'DAS THUGS BRTZE BA DANG LDAN PAS @27A *, ,DAM PA'I CHOS STON PA'I PHYAG BRKYANG BA DAG GIS SKAL PA ? JI LTA BA BZHIN DU DRANGS SO, ,DON JI LTA BA BZHIN PHYIN CI MA LOG PAR STON PAS NA DON BZHIN STON PA'O, ,'DIS NI 'DI'I GZHAN LA PHAN PA SGRUB PA'I THABS STON TE, DE NI STON PA NA YANG DAG PA JI LTA BA BZHIN DU STON PAS 'KHOR BA'I 'DAM LAS 'GRO BA DRANGS KYI RDZU 'PHRUL DANG, DAM PA SBYIN PA'I MTHUS NI MA YIN NO, ,DE ? LTAR BDAG DANG GZHAN LA PHAN PA SGRUB PA PHUN SUM TSOGS PA DE LTA BU DANG LDAN PA GANG YIN PA DE LA PHYAG 'TSAL NAS ZHES BYA BA NI MGOS BTUD NAS SO DON BZHIN STON PA DE LA PHYAG 'TSAL NAS CI ZHIG BYA ZHE NA, BSTAN BCOS RAB BSHAD BYA ZHES BYA BA SMOS TE, SLOB MA 'CHOS PAS NA BSTAN BCOS SO, ,BSTAN BCOS GANG ZHE NA, CHOS MNGON MDZOD CES BYA BA SMOS SO, ,CHOS MNGON PA ZHES BYA BA 'DI GANG ZHE NA, CHOS MNGON SHES RAB DRI MED RJES 'BRANG BCAS, ,ZHES BYA BA STE, DE LA SHES RAB CES BYA BA NI, CHOS RAB TU RNAM PAR 'BYED PA'O, ,DRI MED CES BYA BA NI GANG ZAG PA MED PA'O, ,RJES 'BRANG BCAS ZHES BYA BA NI 'KHOR DANG BCAS PA STE, DE LTAR NA ZAG ? PA MED PA'I PHUNG PO LNGA PO LA CHOS MNGON PA ZHES BSTAN PAR 'GYUR RO, ,DE ZHIG 'DI NI DON DAM PA'I CHOS MNGON PA'O, ,BRDAR BTAGS PA NI, DE THOB BYA'I PHYIR GANG DANG BSTAN BCOS GANG ZHES BYA BA STE, GANG DANG ZHES BYA BA NI THOS PA DANG BSAMS PA DANG BSGOMS PA LA BYUNG BA'I SHES RAB GANG ZAG PA DANG BCAS PA DANG, SKYES NAS THOB PA RJES SU 'BRANG BA DANG BCAS PA'O, ,BSTAN BCOS GANG ZHES BYA BA NI DE YANG ZAG PA MED PA'I SHES RAB THOB PAR BYA BA'I PHYIR DE'I TSOGS SU GYUR PAS CHOS MNGON PA ZHES BYA'O, ,NGES PA'I TSIG TU RANG GI MTSAN NYID 'DZIN PA'I PHYIR CHOS TE, DE LTA BAS NA 'DI NI DON DAM PA'I CHOS MYA NGAN LAS 'DAS PA 'AM, CHOS KYI MTSAN NYID LA MNGON DU PHYOGS PA'I PHYIR CHOS MNGON PA'O, ,CHOS MNGON PA BSHAD ZIN TO, ,BSTAN BCOS 'DI JI LTAR NA CHOS MNGON PA'I MDZOD @27B YIN ZHE NA, 'DIR DE DON DU YANG DAG CHUD PHYIR RAM, 'DI YI GNAS DE YIN PAS CHOS MNGON MDZOD CES BYA BA SMOS TE, CHOS MNGON PA'I BSTAN BCOS ZHES BYA BA DE JI LTAR GCES GCES RNAMS DON DU 'DIR CHUD DE, DE LTA BAS NA BSTAN BCOS 'DI NI DE'I MDZOD LTA BU YIN NO, ,YANG NA DE LAS 'DI PHYUNG BAS CHOS MNGON PA DE BSTAN BCOS 'DI'I GNAS LTA BU YIN NO, DE'I PHYIR CHOS MNGON PA DE NYID 'DI'I MDZOD YIN TE, DE LTA BAS NA BSTAN BCOS 'DI NI CHOS MNGON PA'I MDZOD YIN NO, ,YANG CI'I PHYIR CHOS MNGON PA BSTAN, 'DI DANG PO NYID DU SUS BSTAN NA, 'DI LTAR SLOB DPON CHOS MNGON PA'I MDZOD 'CHAD PAR GUS SHE NA, CHOS RNAMS RAB TU RNAM 'BYED MED PAR NYON MONGS RNAMS, GANG PHYIR NYE BAR ZHI BAR BYA BA'I THABS MED LA, ,NYON MONGS PAS KYANG 'JIG RTEN SRID MTSO 'DIR 'KHYAMS TE, ,DE BAS DE PHYIR 'DI NI STON PAS GSUNGS SO LO, ,ZHES BYA BA SMOS TE, GANG GI PHYIR CHOS RNAMS RAB TU RNAM PAR 'BYED PA MED PAR NYON MONGS PA NYE BAR ZHI BAR BYA BA'I THABS MED LA, ,NYON MONGS PA RNAMS KYIS KYANG 'JIG RTEN 'KHOR BA'I RGYA MTSO CHEN PO 'DIR LA BYAM PAR BYED PA DE'I PHYIR CHOS RNAMS RAB TU RNAM PAR 'BYED PAR 'DOD PA DE'I DON DU STON PA SANGS RGYAS BCOM LDAN 'DAS KYIS CHOS MNGON PA GSUNGS SO LO, ,CHOS MNGON PA BSTAN PA MED PAR NI SLOB MAS CHOS RAB TU RNAM PAR 'BYED PAR MI ? NUS SO, ,BYE BRAG TU SMRA BA RNAMS NA RE DE NI BCOM LDAN 'DAS KYIS SIL BUR BSHAD LA, BTZUN PA K'A TY'A'I BU LA SOGS PAS BSDUS NAS BZHAG STE, BTZUN PA CHOS SKYONG KYIS CHED DU BRJOD PA'I SDE, SDE ? TSAN DU BYAS PA BZHIN NO ZHES ZER RO, ,GANG DAG CHOS MNGON PO ? BSTAN PAS RAB TU RNAM PAR DBYE PAR BYA BA'I CHOS DE DAG KYANG GANG ZHE NA, ZAG BCAS ZAG PA MED CHOS RNAMS, ,ZHES BYA BA SMOS TE, 'DI NI CHOS RNAMS THAMS CAD MDOR BSDUS TE BSTAN PA'O, ,DE LA ZAG PA DANG BCAS PA'I CHOS RNAMS GANG ZHE NA, LAM MA GTOGS PA 'DUS BYAS @28A *, ,RNAMS, ,ZAG BCAS ZHES BYA BA STE, LAM GYI BDEN PA MA GTOGS PA 'DUS BYAS KYI CHOS GZHAN RNAMS NI ZAG PA DANG BCAS PA DAG GO, ,CI'I PHYIR ZHE NA, GANG PHYIR DE DAG LA, ,ZAG RNAMS KUN TU RGYAS PAR 'GYUR, ,ZHES BYA BA STE, 'GOG PA DANG LAM GYI BDEN PA LA DMIGS PAS KYANG ZAG PA SKYE BAR NI 'DOD MOD KYI, ,DE GNYIS LA RGYAS PAR MI 'GYUR BAS DE GNYIS ZAG PA DANG BCAS PA NYID DU THAL BA MED DO, ,JI LTAR RGYAS PAR MI 'GYUR BA DE NI 'OG NAS PHRA RGYAS BSTAN PA NYID DU BSTAN PAR BYA'O, ,ZAG PA DANG BCAS PA DAG BSHAD ZIN TO, ,ZAG PA MED PA RNAMS GANG ZHE NA, ZAG MED LAM GYI BDEN PA DANG, ,'DUS MA BYAS RNAM GSUM YANG STE, ,ZHES BYA BA'O, ,RNAM GSUM GANG ZHE NA, NAM MKHA' DANG NI 'GOG PA GNYIS, ,ZHES BYA BA STE, GNYIS GANG ZHE NA, SO SOR BRTAGS PAS 'GOG PA DANG, SO SOR BRTAGS PA MA YIN PAS 'GOG PA STE, DE LTAR NAM MKHA' LA SOGS PA 'DUS MA BYAS RNAM PA GSUM PO DE DANG, LAM GYI BDEN PA NI ZAG PA MED PA'I CHOS RNAMS TE, DE DAG LA ZAG PA RGYAS PAR 'GYUR BA MED PA'I PHYIR RO, 'DUS MA BYAS RNAM PA GSUM PO BSTAN PA GANG YIN PA DE LA NAM MKHA' MI SGRIB PA, NAM MKHA' NI SGRIB PA MED PA'I RANG BZHIN TE GANG NA GZUGS KYI GO YOD PA'O, ,SO SOR BRTAGS PAS 'GOG PA DANG BRAL BA'O, ,GANG ZAG PA DANG BCAS PA'I CHOS RNAMS DANG BRAL GANG ? DE NI SO SOR BRTAGS PAS 'GOG PA'O, ,SDUG BSNGAL LA SOGS PA 'PHAGS PA'I BDEN PA RNAMS LA SO SOR RTOG PA NI SO SOR BRTAGS PA STE SHES RAB KYI BYE BRAG GO, ,DES THOB PAR BYA BA'I 'GOG PA NI SO SOR BRTAGS PAS 'GOG PA'O, ,BAR GYI TSIG MI MNGON PAR BYA BA STE, DPER NA BA LANG DAG DANG LDAN PA'I SHING RTA LA BA LANG GI SHING RTA ZHES BYA BA LTA BU'O, ,CI ZAG PA DANG BCAS PA'I CHOS THAMS CAD KYI SO SOR BRTAGS PAS 'GOG PA GCIG KHO NA 'AM ZHE NA, SMRAS PA, MA YIN NO, ,'O NA JI LTA BU ZHE NA, SO SO SO SO YIN, LDAN @28B PA'I ? RDZAS RNAMS JI SNYED PA BRAL BA'I RDZAS RNAMS KYANG DE SNYED DO, ,DE LTA MA YIN NA SDUG BSNGAL MTHONG BAS SPANG BAR BYA BA'I NYON MONGS PA'I 'GOG PA MNGON SUM DU BYAS PAS NYON MONGS PA THAMS CAD 'GOS PA MNGON SUM DU BYED PAR THAL BAR 'GYUR RO, ,DE LTA MA YIN NA LHAG MA'I GNYEN PO BSGOM PA DON MED PAR 'GYUR RO, ,'O NA 'GOG PA NI 'DRA BA MA YIN NO ZHES BSHAD PA 'DI'I DON JI LTA BU YIN ZHE NA, TSIG DE'I DON NI 'DI 'DRA BA'I RGYU GANG YANG MA YIN LA, 'DI YANG GANG GI 'DRA BA'I RGYU YANG MA YIN NO ZHES BYA'O, ,'DI LA 'DRA BA GANG YANG MED DO ZHES BYA BA NI MA YIN NO, ,SO SOR BRTAGS PAS 'GOG PA BSHAD ZIN TO, ,SKYE LA GTAN DU BGEGS BYED PA, 'GOG GZHAN SO SOR BRTAGS MIN PAS, ,CHOS MA 'ONGS PA RNAMS SKYE BA LA GTAN DU BGEGS ? SU GYUR PA BRAL BA LAS GZHAN PA'I 'GOG PA GANG YIN PA DE NI SO SOR BRTAGS PA MA YIN PAS 'GOG PA STE, 'DI SO SOR BRTAGS PAS 'THOB PA NI MA YIN NO, ,'O NA CI ZHE NA, RKYEN MA TSANG BA LAS THOB STE, DPER NA MIG DANG YID GZUGS GCIG LA YENGS PA'I GZUGS GZHAN PA RNAMS DANG SGRA DANG DRI DANG RO DANG REG BYA GANG YIN PA DAG NI 'DAS PAR 'GYUR LA, DE DAG LA DMIGS PA'I RNAM PAR SHES PA'I TSOGS LNGA PO DAG NI YANG SKYE BAR YANG MI NUS TE, DE DAG 'DAS PA'I YUL LA DMIGS PA'I MTHU MED PA'I PHYIR RO, ,DE'I PHYIR DE DAG GI SO SOR BRTAGS PA MA YIN PAS 'GOG PA DE NI RKYEN MTSANG BAS 'THOB BO, ,'DIR MU BZHIR 'GYUR TE, GANG DAG GIS SO SOR BRTAGS PAS 'GOG PHA KHO NA 'THOB PA'I CHOS DE DAG KYANG YOD DE, ,'DI LTA STE, ZAG PA DANG BCAS PA 'DAS PA DANG DE ? LTAR BYUNG BA DANG 'BYUNG BA'I CHOS CAN RNAMS KYI LTA BU'O, ,GANG DAG GIS SO SOR BRTAGS PA MA YIN PAS 'GOG PA KHO NA 'THOB PA YANG YOD DE, 'DI LTA STE, ZAG PA MED PA'I 'DUS BYAS MI SKYE BA'I CHOS CAN RNAMS KYI LTA BU'O, ,GANG DAG GIS GNYIS GA ? 'THOB PA YANG YOD DE, 'DI LTA STE, ZAG PA DANG BCAS PA MI SKYE BA'I CHOS CAN RNAMS KYI LTA BU'O, @29A *, ,GANG DAG GIS GNYI GA MI 'THOB PA YANG YOD DE, 'DI LTA STE, ZAG PA MED PA 'DAS PA DANG DA LTAR BYUNG BA DANG 'BYUNG BA'I CHOS CAN RNAMS KYI LTA BU'O, ,'DUS MA BYAS RNAM PA GSUM BSHAD ZIN TO, ,LAM MA GTOGS ? PA 'DUS BYAS RNAMS, ,ZAG BCAS ZHES GANG SMRAS PA'I 'DUS BYAS DE DAG GANG ZHE NA, 'DUS BYAS CHOS RNAMS DE DAG KYANG, ,GZUGS LA SOGS PA PHUNG PO LNGA, ,GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO ZHES BYA BA DE DAG NI 'DUS BYAS KYI CHOS RNAMS SO, ,RKYEN RNAMS 'DUS SHING PHRAD NAS BYAS PA DAG NA 'DUS BYAS RNAMS TE, RKYEN GCIG GIS BSKYED PA NI 'GA' YANG MED DO, ,DE DANG RIGS MTHUN PA'I PHYIR MA 'ONGS PA DAG LA YANG MI 'GAL TE 'O MA DANG SHING BZHIN NO, ,DE DAG NYID DUS GTAM GZHI DANG, ,NGES PAR 'BYUNG BA GZHI DANG BCAS, ,DE DAG NYID NI 'DUS BYAS GYI CHOS RNAMS SO, ,SONG BA DANG 'GRO BA DANG 'GRO BAR 'GYUR BA'I PHYIR RAM, MI RTAG PA NYID KYIS ZA BA'I PHYIR DUS RNAMS SO, ,GTAM NI NGAG GO, ,DE'I GZHI NI MING STE, DON DANG BCAS PA'I GZHI SMOS PA'I PHYIR NA 'DUS BYAS NI GTAM GYI GZHI ZHES BYA'O, ,DE LTA MA YIN NA RAB TU BYED PA LAS, GTAM GYI GZHI RNAMS NI KHAMS BCO BRGYAD KYIS BSDUS SO ZHES 'BYUNG BA'I GZHUNG DANG 'GAL BAR 'GYUR RO, ,GDON MI ZA BAR 'BYUNG BA NI NGES PAR 'BYUNG BA STE, 'DUS BYAS THAMS CAD KYI MYA NGAN LAS 'DAS PA'O, ,DE 'DI DAG LA YOD PAS NGES PAR 'BYUNG BCAS DAG GO, ,RGYU DANG BCAS PA'I PHYIR GZHI DANG BCAS PA DAG STE, BYE ? BRAG TU SMRA BA RNAMS NA RE GZHI ZHES BYA BA'I SGRA NI RGYU'I TSIG YIN NO,? DE LTAR NA DE DAG NI 'DUS BYAS KYI CHOS KYI RNAM GRANGS DAG YIN NO, ,YANG 'DUS BYAS DE DAG NYID, GANG DAG ZAG BCAS NYER LEN PA'I, ,PHUNG PO 'ANG DE DAG ,'DIS CI ZHIG GRUB PAR 'GYUR ZHE NA, NYE BAR LEN PA'I PHUNG PO LNGA GANG DAG YIN PA DE DAG NI PHUNG PO YANG YIN NO, ,PHUNG PO DAG KHO NA YIN LA NYE BAR LEN PA'I PHUNG PO @29B MA YIN PA DAG KYANG YOD DE, 'DU BYED ZAG PA MED PA RNAMS SO, ,DE LA NYE BAR LEN PA DAG NI NYON MONGS PA RNAMS SO, ,DE DAG LAS BYUNG BA'I PHYIR NYE BAR LEN PA'I PHUNG PO DAG STE, DPER NA RTZVA DANG SOG MA'I ME BZHIN PA 'AM, DE DAG LA RAG LUS PA'I PHYIR RGYAL PO'I MI BZHIN NO, ,YANG NA DE DAG LAS NYE BAR LEN PA RNAMS 'BYUNG BAS NYE BAR LEN PA'I PHUNG PO RNAMS TE, ME TOG DANG 'BRAS BU'I SHING LJON PA BZHIN NO, ,ZAG PA DANG BCAS PA'I CHOS DE DAG NYID, 'THAB BCAS KYANG ZHES BYA'O, ,'THAB PA NI NYON MONGS PA RNAMS TE, BDAG DANG GZHAN LA GNOD PA'I PHYIR RO, ,DE DAG GIS RGYAS PAR BYAS PA'I PHYIR 'THAB BCAS DAG STE ZAG PA DANG BCAS PA BZHIN NO, ,SDUG BSNGAL KUN 'BYUNG 'JIG RTEN DANG, ,LHA GNAS SRID PA'ANG DE DAG YIN, ,'PHAGS PA RNAMS DANG MI MTHUN PA'I PHYIR SDUG BSNGAL LO, ,'DI LAS SDUG BSNGAL KUN 'BYUNG BAS KUN 'BYUNG BA'O, ,'JIG PAS NA 'JIG RTEN NO, ,'DI LA LTA BAS RGYAS PAR 'GYUR BA'I SGO NAS GNAS PAS NA LTA BA'I GNAS SO, ,'BYUNG BAS NA SRID PA STE, DE LTAR NA 'DI DAG NI ZAG PA DANG BCAS PA'I CHOS RNAMS KYI RNAM GRANGS DON DANG MTHUN PA DAG GO, , GZUGS LA SOGS PA PHUNG PO LNGA, ,ZHES SMRAS PA DE LA, GZUGS NI DBANG PO LNGA DANG DON, ,LNGA DANG RNAM RIG BYED MIN NYID, ,DBANG PO LNGA PO MIG DANG RNA BA DANG, ,SNA DANG, LCE DANG, LUS KYI DBANG PO RNAMS DANG, DON LNGA PO MIG LA SOGS PA RNAMS DE DAG NYID KYI YUL GANG DAG YIN PA GZUGS DANG, SGRA DANG, DRI DANG, RO DANG, REG BYA RNAMS DANG, RNAM PAR RIG BYED MA YIN PA STE DE SNYED CIG NI GZUGS KYI PHUNG PO'O, ,DE LA GZUGS LA SOGS PA 'DI DAG SMOS PA GANG DAG YIN PA, DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, , GZUGS DANG, SGRA DANG, DRI DANG, RO DANG, REG BYA'I RNAM PAR SHES PA RNAMS KYI RTEN DU GYUR PA GZUGS DANG BA'I BDAG NYID LNGA PO GANG DAG YIN PA DE DAG NI GO RIMS BZHIN DU MIG DANG, RNA BA DANG, SNA DANG, LCE DANG, LUS DAG YIN PAR RIG PAR BYA STE, BCOM LDAN 'DAS @30A *, ,KYIS JI SKAD DU DGE SLONG MIG NI NANG GI SKYE MCHED DE, 'BYUNG BA CHEN PO BZHI DAG RGYUR BYAS PA GZUGS DANG BA'O ZHES RGYAS PAR GSUNGS PA LTA BU'O, ,YANG NA MIG LA SOGS PA 'DI DAG SMOS PA GANG DAG YIN PA, DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, ,MIG GI RNAM PAR SHES PA LA SOGS PA'I RTEN YIN NO ZHES BYA BA'I THA TSIG STE, DE LTAR BSHAD NA RAB TU BYED PA LAS, ,MIG GI DBANG PO GANG ZHE NA, MIG GI RNAM PAR SHES PA'I RTEN GZUGS DANG PO'O ? ZHES RGYAS PAR 'BYUNG BA'I GZHUNG DANG YANG MTHUN PAR 'GYUR RO, ,DBANG PO LNGA DAG BSHAD ZIN TO, ,DON LNGA BSHAD PAR BYA STE, DE LA RE ZHIG ,GZUGS RNAM GNYIS DANG, KHA DOG DANG, DBYIBS SO, ,DE LA KHA DOG NI RNAM PA BZHI STE, SNGON PO LA SOGS PA'O, ,GZHAN DAG NI DE'I BYE BRAG GO, ,DBYIBS NI RNAM PA BRGYAD DE, RING PO LA SOGS PA NAS PHYA LE BA MA YIN PA LA THUG PA'O, ,YANG GZUGS KYI SKYE MCHED DE NYID, RNAM PA NYI SHU ZHES BYA STE, 'DI LTA STE, SNGON PO DANG, SER PO DANG, DKAR PO DANG, DMAR PO DANG, RING PO DANG, THUNG NGU DANG, LHAM PA DANG, ZLUM PO DANG, MTHON PO DANG, DMA' BA DANG, PHYA LE BA DANG, PHYA LE BA MA YIN PA DANG, SPRIN DANG, DU BA DANG, RNGUL DANG, KHUG RNA DANG, GRIB MA DANG, NYI MA DANG, SNANG BA DANG, MUN PA'O, ,KHA CIG NI NAM MKHA' LA KHA DOG GCIG DANG RNAM PA NYI SHU RTZA GCIG TU 'DON TO, ,DE LA PHYA LE BA NI DBYIBS MNYAM PA'O, ,PHYA LE BA MA YIN PA NI DBYIBS MI MNYAM PA'O, ,KHUG RNA NI LHO BUR RO, ,NYI MA NI NYI MA'I 'OD DO, ,SNANG BA NI ZLA BA DANG SKAR MA DANG ME DANG SMAN DANG NOR BU RNAMS KYI 'OD DAG GO, ,GRIB MA NI GANG NA GZUGS RNAMS SNANG BA'O, ,DE LAS BZLOG PA NI MUN PA'O, ,LHAG MA NI BRDA PHRAD PAR SLA BAS RNAM PAR MA PHYE BA'O, ,GZUGS KYI SKYE MCHED KHA DOG TU YOD LA DBYIBS SU MED PA YANG YOD DE, SNGON PO DANG, SER PO DANG, DMAR PO DANG, DKAR PO DANG, GRIB MA DANG, NYI MA DANG, SNANG BA DANG, MUN PA ZHES BYA'O, ,DBYIBS SU YOD LA KHA DOG @30B TU MED PA YANG YOD DE, RING PO LA SOGS PA'I PHYOGS LUS KYI RNAM PAR RIG BYED KYI NGO BO NYID DO, ,GNYI GAR YOD PA YANG YOD DE, GZUGS KYI SKYE MCHED LHAG MA'O, ,GZHAN DAG NA RE, SNGON PO LA SOGS PA DANG RING PO LA SOGS PAR YONGS SU CHAD PAR SNANG BAS NA NYI MA DANG, SNANG BA KHO NA KHA DOG TU YOD DO ZHES ZER RO, ,JI LTAR NA RDZAS GCIG LA GNYI GAR YOD CE NA, DE LA GNYI GA MNGON PA'I PHYIR TE, YOD PA 'DI NI SHES PA'I DON YIN GYI YOD PA'I DON NI MA YIN NO, ,'O NA NI LUS KYI RNAM PAR RIG BYED LA'ANG THAL BAR 'GYUR RO, ,GZUGS GYI SKYE MCHED BSHAD ZIN TO, ,SGRA NI RNAM PA BRGYAD YOD DE, ,ZIN PA DANG MA ZIN PA'I 'BYUNG BA CHEN PO'I RGYU LAS BYUNG BA SEMS CAN DANG, SEMS CAN MA YIN PAR STON PA STE RNAM PA BZHI'O, ,DE YANG YID DU 'ONG BA DANG YID DU MI 'ONG BA'I BYE BRAG GIS RNAM PA BRGYAD DU 'GYUR RO,, DE LA ZIN PA'I 'BYUNG BA CHEN PO'I RGYU LAS BYUNG BA NI 'DI LTA STE, LAG PA DANG NGAG GI SGRA LTA BU'O, ,MA ZIN PA'I 'BYUNG BA CHEN PO'I RGYU LAS BYUNG BA NI 'DI LTA STE, RLUNG DANG, NAGS TSAL DANG, CHU'I SGRA LTA BU'O, ,SEMS CAN DU STON PA NI NGAG GI RNAM PAR RIG BYED KYI SGRA'O, , GZHAN NI SEMS CAN DU STON PA MA YIN PA'O, ,GZHAN DAG NA RE ZIN PA DANG, MA ZIN PA'I 'BYUNG BA CHEN PO'I RGYUS LAS BYUNG BA'I SGRA YANG YOD DE, DPER NA LAG PA DANG RDZA RNGA PHRAD PA LAS SKYES PA LTA BU'O ZHES ZER TE, DE NI 'DI LTAR KHA DOG GI RDUL PHRA RAB GCIG LAS BYUNG BA BZHI TSAN GNYIS RGYUR BYAS PAR MI 'DOD PA DE BZHIN DU MI 'DOD PAR BYA'O, ,SGRA BSHAD ZIN TO, ,RO NI RNAM PA DRUG, ,MNGAR BA DANG, SKYUR BA DANG, LAN TSVA DANG, TSA BA DANG, KHA BA DANG, BSKA BA'I BYE BRAG GIS SO, ,DRI RNAM BZHI, ,DRI ZHIM PA DANG, DRI NGA BA RNAM PA GNYIS, DRI MNYAM PA DANG, MI MNYAM PA'I PHYIR RO, ,BSTAN BCOS LAS NI DRI ZHIM PA DANG, DRI NGA BA DANG, DRI MNYAM PA'O ZHES RNAM PA GSUM 'BYUNG NGO, ,REG BYA BCU GCIG BDAG NYID DO, ,REG BYA RDZAS KYI RANG BZHIN NI BCU GCIG STE, 'BYUNG BA CHEN PO BZHI DAG DANG, 'JAM PA NYID DANG, @31A *, ,RTZUB PA NYID DANG, LCI BA NYID DANG, YANG BA NYID DANG, GRANG BA DANG, BKRES PA DANG, SKOM PA'O, ,DE LA 'BYUNG BA RNAMS NI 'OG NAS BSHAD PAR BYA'O, ,'JAM PA NYID NI MNYEN PA'O, ,RTZUB PA NYID NI RUD RUD PA'O, ,LCI BA NYID NI GANG GIS NA DNGOS PO RNAMS 'JAL BAR BYED PA'O; ,BZLOG PA NI YANG BA NYID DO, ,GRANG BA NI DRO BAR 'DOD PAR BYED PA'O, ,BKRES PA NI ZAD 'DOD PAR BYED PA'O, ,SKOM PA NI SKOM 'DOD PAR BYED PA'O, ,RGYU LA 'BRAS BU BRTAGS PA'I PHYIR TE DPER NA, SANGS RGYAS RNAMS NA 'BYUNG BA BDE, ,CHOS BSTAN PA YANG BDE PA'O, ,DGE 'DUN MTHUN PA BDE BA YIN, ,MTHUN PA RNAMS KYI DKA' THUB BDE, ,ZHES BYA BA BZHIN NO, ,DE LA GZUGS KYI KHAMS NA NI BKRES PA DANG SKOM PA MED DO, ,LHAG MA NI YOD DO, ,GAL TE DE NI GOS RE RE NAS MI 'JAL YANG BSAGS PA DAG NI 'JAL LO, ,GNOD PAR BYED PA'I GRANG BA MED KYI PHAN PAR BYED PA NI YOD DO LO, ,GANG 'DI GZUGS RNAM BA MANG PO BSHAD PA DE LA RES 'GA' NI RDZAS GCIG GIS MIG GI RNAM PAR SHES PA SKYED DE, GANG GI TSE DE'I RNAM PA BYE BRAG TU GCOD PAR 'GYUR BA NA'O, ,RES 'GA' NI MANG POS TE, GANG GI TSE BYE BRAG TU MI GCOD PA NA STE; DPER NA THAG RING PO NAS DMAG BSHAMS PA 'AM, NOR BU'I TSOGS KYI KHA DOG DANG DBYIBS DU MA LA LTA BA LTA BU'O, ,RNA BA LA SOGS PA'I RNAM PAR SHES PA YANG DE BZHIN DU RIG PAR BYA'O, ,LUS KYI RNAM PAR SHES PA NI KHA CIG NA RE SHIN TU MANG NA 'BYUNG BA CHEN PO BZHI DAG DANG; 'JAM PA NYID LA SOGS PA GCIG DANG REG BYA LNGAS SKYED DO ZHES ZER RO, ,GZHAN DAG NA RE BCU GCIG PO THAMS CAD KYIS KYANG SKYED DO ZHES ZER RO, ,DE LTA NA SPYI LA DMIGS PA'I PHYIR RNAM PAR SHES PA'I TSOGS LNGA PO DAG SPYI'I YUL CAN DU 'GYUR GYI, RANG GI MTSAN NYID KYI YUL CAN MA YIN PA MA YIN NAM ZHE NA, 'DI DAG NI SKYE MCHED KYI RANG GI MTSAN NYID KYI YUL CAN DU 'DOD KYI, RDZAS KYI RANG GI MTSAN NYID KYI NI MA YIN PAS NYES PA MED DO, ,'DI DPYAD PAR BYA STE, LUS DANG LCE'I DBANG PO GNYIS CIG CAR DU YUL DANG PHRAD NA RNAM PAR @31B SHES PA GANG SNGAR SKYE ZHE NA, GANG GI YUL SHAS CHE BA'O, ,YUL MNYAM PA DANG PHRAD NA NI LCE'I RNAM PAR SHES PA SNGAR SKYE STE, ZA BAR 'DOD PAS RGYUD GTAD PA'I PHYIR RO, ,DBANG PO LNGA DANG, DON LNGA DANG, DE DAG LA JI LTAR 'DZIN PA YANG BSHAD ZIN TO, ,DA NI RNAM PAR RAG BYED MA YIN PA BSNYAD PAR BYA BA DE BRJOD PAR BYA STE, GA-YENGS DANG SEMS MED PA YI YANG, ,DGE DANG MI DGE'I RJES 'BREL GANG, ,'BYUNG BA CHE RNAMS RGYUR BYAS PA, ,DE NI RNAM RIG BYED MIN BRJOD, ,SEMS GA-YENGS PA ZHES BYA BA NI DE LAS GZHAN PA'I SEMS KYI YANG YIN PA'O, ,SEMS MED PA'I YANG ZHES BYA BA NI 'DU SHES MED PA DANG, 'GOG PA'I SNYOMS PAR 'JUG PA'I YANG YIN PA'O, ,YANG ZHES BYA BA'I SGRAS NI MA GA-YENGS PA SEMS DANG BCAS PA'I YANG YIN NO ZHES BYA BAR MNGON NO, ,DGE DANG MI DGE ZHES BYA BA NI DGE LEGS DANG DGE LEGS MA YIN BA'O; ,RJES 'BREL GANG ZHES BYA BA NI RGYUN TO, ,THOB PA'I RGYUN YANG 'DI LTA BU YOD PAS BYE BRAG TU BYA BA'I PHYIR, 'BYUNG BA CHE RNAMS RGYUR BYAS PA, ,ZHES BYA BA BRJOD DO, ,BYE BRAG TU SMRA BA RNAMS NA RE RGYUR BYAS PA'I DON NI RGYU'I DON TO, ,SKYED PA LA SOGS PA RGYU'I NGO BO NYID YIN PA'I PHYIR RO ZHES ZER RO, ,DE NI RNAM RIG BYED MIN ZHES BYA BA LA, DE NI ZHES BYA BA'I SGRA NI DE'I MING SHES PAR BYA BA'I PHYIR TE, GZUGS DANG BYED PA'I RANG BZHIN YIN YANG RNAM PAR RIG BYED BZHIN DU GZHAN DAG LA RNAM PAR RIG PAR BYED PA MA YIN PAS RNAM PAR RIG BYED MA YIN PA'O, , BRJED CES BYA BA NI SLOB DPON GYI TSIG YIN PAR STON PA'O, ,MDOR NA RNAM PAR RIG BYED DANG TING NGE 'DZIN LAS BYUNG BA'I GZUGS DGE BA DANG MI DGE BA NI RNAM PAR RIG BYED MA YIN PA'O, ,'BYUNG BA CHE RNAMS RGYUR BYAS PA, ,ZHES SMRAS PA DE DAG GANG ZHE NA, 'BYUNG BA DAG NI SA'I KHAMS DANG; CHU DANG ME DANG RLUNG GI KHAMS RNAMS ZHES BYA BA STE, BZHI PO DE DAG NI RANG GI MTSAN NYID DANG RGYUR BYAS PA'I GZUGS 'DZIN PA'I PHYIR KHAMS DAG GO ,'BYUNG BA CHEN PO BZHI RNAMS ZHES BYA BA NI 'DI DAG GZUGS GZHAN THAMS CAD KYI RTEN NYID DU RIGS PA'I PHYIR NA CHEN PO NYID DO, , @32A *, ,YANG NA SA DANG CHU DANG ME DANG RLUNG GI PHUNG PO DE DAG BYA BA LA SHAS CHE BA DE DAG LA DE RNAMS CHEN POR GNAS PA'I PHYIR RO, ,YANG KHAMS DE DAG GI LAS NI GANG DU YANG DAG PAR 'GRUB, RANG BZHIN NI CI ZHE NA, 'DZIN PA LA SOGS LAS SU GRUB, ,CES BYA BA SMOS TE, SA DANG CHU DANG ME DANG RLUNG GI KHAMS 'DI DAG NI GO RIMS BZHIN DU 'DZIN PA DANG SDUD PA DANG SMIN PAR BYED PA DANG RGYAS PAR BYED PA'I LAS DAG TU GRUB BO, ,RGYAS PAR BYED PA NI 'PHEL BA DANG RGYAS PAR BYED PAR RIG PAR BYA STE, 'DI DAG NI DE DAG GI LAS YIN NO, ,RANG BZHIN NI GO RIMS BZHIN DU, SRA GSHER DRO NYID GA-YO BA RNAMS TE, SRA BA NI SA'I KHAMS SO, ,GSHER BA NI CHU'I KHAMS SO, ,DRO BA NI ME'I KHAMS SO, ,GA-YO BA NI RLUNG GI KHAMS SO, ,'DIS 'BYUNG BA'I RGYUN YUL GZHAN DU SKYED BA'I PHYIR GA-YO BAR BYED DE, SGRON MA GA-YO BA BZHIN DU GA-YO BAR BYED PA YIN NO, ,RAB TU BYED PA DAG DANG MDO SDE LAS RLUNG GI KHAMS GANG ZHE NA, YANG BA NYID DO ZHES GSUNGS LA, RAB TU BYED PA DAG LAS, YANG PA NYID DE RGYUR BYAS PA'I GZUGS ZHES KYANG BSHAD DO, ,DE'I PHYIR GA-YO BA'I RANG BZHIN GYI CHOS GANG YIN PA DE NI RLUNG GI KHAMS SHES PA STE, 'DI'I RANG BZHIN LAS KYIS GSAL BA YIN NO, ,SA LA SOGS PA DANG, SA'I KHAMS LA SOGS PA LA BYE BRAG CI ? YOD CE NA, 'JIG RTEN GYI NI THA SNYAD DO, ,KHA DOG DBYIBS LA SA ZHES BRJOD, ,'DI LTAR SA STON PA NA KHA DOG DANG DBYIBS STON PAR BYED DO; ,SA LA JI LTA BA DE BZHIN DU, CHU ME YANG NGO, ,'JIG RTEN GYI THA SNYAD DU KHA DOG DANG DBYIBS NYID LA BRJOD DO, ,RLUNG TSOGS KHAMS NYID YIN, RLUNG GI KHAMS GANG YIN PA DE NYID LA 'JIG RTEN NA RLUNG ZHES 'DOGS SO, ,DE DANG 'DRA BA'ANG YIN, JI LTAR 'JIG RTEN GYI THA SNYED DU KHA DOG DANG DBYIBS LA SA ZHES BRJOD PA DE BZHIN DU RLUNG LA YANG RLUNG SNGON PO RLUNG ZLUM PO'O ZHES BRJOD DO, ,CI'I PHYIR RNAM PAR RIG BYED MA YIN BA'I PAR 'DI GZUGS KYI PHUNG PO ZHES BYA ZHE NA, GZUGS SU RUNG BA'I PHYIR TE, BCOM LDAN 'DAS KYIS DGE SLONG DAG GZUGS SU YOD CING @32B GZUGS SU RUNG BAS, DE'I PHYIR GZUGS NYE BAR LEN PA'I PHUNG PO ZHES BYA'O, ,CIS GZUGS SU RUNG ZHE NA, LAG PA'I 'DUS TE REG PAS NA REG NA YANG GZUGS SU RUNG NGO ZHES RGYAS PAR GSUNGS PA LTA BU'O, ,GZUGS SU RUNG ZHES BYA BA NI GNOD PAR BYAR RUNG ZHES BYA BA'I THA TSIG STE 'DI LTAR DON GYI SDE TSAN DAG LAS, GAL TE 'DOD PA TSOL BYED CING, ,'DUN BA SKYES PA'I LUS CAN TE, 'DOD PA DE DAG MA 'BYOR NA, ,ZUG RDUS ZUG BZHIN GNOD PAR 'GYUR, ,ZHES GSUNGS PA LTA BU'O, ,GZUGS KYI GNOD PA GANG ZHE NA, YONGS SU 'GYUR BA SKYED PA'O; ,GZHAN DAG NA RE GZUGS SU RUNG BA NI THOGS PA'O ZHES ZER RO, ,'O NA NI RDUL PHRA RAB GZUGS MA YIN PAR 'GYUR TE, GZUGS SU MED PA'I PHYIR RO, ,RDUL PHRA RAB KYI GZUGS GCIG PU LOGS SHIG TU GYUR PA NI MED PA NYID DO, ,'DUS PA LA GNAS PA DE LA NI GZUGS SU RUNG BA NYID DO, ,'O NA NI 'DAS PA DANG MA 'ONGS BA GZUGS MA YIN PAR 'GYUR RO, ,DE YANG GZUGS SU YOD ZIN PA DANG, GZUGS SU YOD PAR 'GYUR BA DANG, DE DANG RIGS MTHUN PA'I PHYIR GZUGS YIN TE BUD SHING BZHIN NO, ,'O NA NI RNAM PAR RIG BYED MA YIN PA GZUGS MA YIN PAR 'GYUR RO, ,DE YANG RNAM PAR RIG BYED LA GZUGS SU LOD PA'I PHYIR GZUGS SU YOD PAR 'GYUR TE, SHING LJON PA GA-YOS BAS GRIB MA GA-YO BA BZHIN NO, ,'GYUR BA MED PA'I PHYIR MA YIN TE, RNAM PAR RIG BYED LOG NA RNAM PAR RIG BYED MA YIN PA YANG LDOG PAR 'GYUR TE, SHING LJON PA MED NA GRIB MA MED PA BZHIN NO, ,GZHAN DAG NA RE RTEN GYI 'BYUNG BA LA GZUGS SU YOD PA'I PHYIR RO ZHES ZER RO, ,DE LTA NA 'O NA NI MIG GI RNAM PAR SHES PA LA SOGS PA YANG RTEN GZUGS SU YOD PA'I PHYIR GZUGS NYID DU THAL BAR 'GYUR RO, ,NYE BAR BKOD PA 'DI NI MI MTHUN PA YIN TE, RNAM PAR RIG BYED MA YIN BA 'DI NI SHING LJON PA LA GRIB MA NYID DANG, NOR BU LA 'OD NYID BZHIN DU 'BYUNG BA RNAMS LA BRTEN NAS 'JUG GO, ,MIG GI RNAM PAR SHES BA LA SOGS PA NI DE LTAR MIG LA SOGS PA LA BRTEN NAS 'JUG @33A *, ,PA MA YAN TE, DE DAG NI DE DAG GI SKYE BA'I RGYU MTSAN TZAM YIN PA 'BA' ZHIG TZAM DU ZAD PAS SO, ,SHING LJON PA LA BRTEN NAS GRIB MA DANG, MAR ME LA BRTEN NAS 'OD 'JUG GO ZHES BYA BA 'DI NI RE ZHIG BYE BRAG TU SMRA BA MA YIN TE, GRIB MA LA SOGS PA KHA DOG GI RDUL PHRA RAB RNAMS SO SO RANG GI 'BYUNG BA BZHI TSAN LA BRTEN PA NYID DU KHAS LEN PA'I PHYIR RO, ,GRIB MA DANG 'OD DE DAG LA BRTEN PA NYID YIN YANG RNAM PAR RIG BYED MA YIN PA'I RTEN 'BYUNG BA CHEN PO DAG 'GAGS KYANG 'GAG PAR KHAS LEN PA'I PHYIR RNAM PAR RIG BYED MA YIN PA NI DE LTAR BRTEN PAR MI RUNG NGO, ,DE'I PHYIR DE NI LAN DU MI RUNG NGO, ,GZHAN DAG NI 'DI LA MIG GI RNAM PAR SHES PA LA SOGS PA'I RTEN NI THA DAD DU GYUR PA STE, KHA CIG NI GZUGS SU RUNG BA STE MIG LA SOGS PA'O, ,LA LA NI GZUGS SU MI RUNG BA STE YID DO, ,RNAM PAR RIG BYED MA YIN PA NI DE LTA MA YIN TE, DE LTA BAS NA 'DRA BAR THAL BA MED DO, ,DE'I PHYIR GZUGS SU YOD PAS NA GZUGS SO ZHES BYA BA 'DI NI 'THAD PA YIN NO ZHES LAN 'DEBS SO, ,GZUGS KYI PHUNG PO'I NGO BO NYID BSTAN PA GANG DAG YIN PA, DBANG DON DE DAG KHO NA LA, ,SKYE MCHED DANG NI KHAMS BCUR 'DOD, ,SKYE MCHED RNAM PAR GZHAG PA NI SKYE MCHED BCU STE, MIG GI SKYE MCHED DANG GZUGS KYI SKYE MCHED NAS, LUS KYI SKYE MCHED DANG REG BYA'I SKYE MCHED KYI BAR YIN NO, ,KHAMS RNAM PAR GZHAG PA NI DE DAG NYID KHAMS BCU STE, MIG GI KHAMS DANG, GZUGS KYI KHAMS NAS, LUS KYI KHAMS DANG REG BYA'I KHAMS KYI BAR YIN NO, ,GZUGS KYI PHUNG PO DANG, DE'I SKYE MCHED DANG, KHAMS RNAM PAR GZHAG PA BSHAD ZIN TO, ,TSOR BA LA LOGS PA BRJOD PAR BYA STE, DE LA TSOR BA MYONG BA, MYONG BA RNAM PA GSUM NI TSOR BA'I PHUNG PO STE, BDE BA DANG, SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'O, ,DE YANG DBYE NA TSOR BA'I TSOGS DRUG STE, MIG GI 'DUS TE REG PA LAS BYUNG BA'I TSOR BA NAS, YID KYI 'DUS TE REG PA LAS BYUNG BA'I TSOR BA'I @33B BAR RO; ,'DU SHES NI, MTSAN MAR 'DZIN PA'I BDAG NYID DO, ,GANG SNGON PO DANG, SER PO DANG, RING PO DANG, THUNG DU DANG, PHO DANG, MO DANG, MDZA' BSHES DANG, MDZA' BSHES MA YIN PA DANG, BDE BA DANG, SDUG BSNGAL BA LA SOGS PA'I RANG BZHIN GYI KHYAD PAR LA MTSAN MAR 'DZIN BA DE NI 'DU SHES KYI PHUNG PO'O, ,DE YANG DBYE NA 'DU SHES KYI TSOGS DRUG STE, TSOR BA BZHIN NO, ,'DU BYED PHUNG PO BZHI LAS GZHAN, ,GZUGS DANG, TSOR BA DANG, 'DU SHES DANG, RNAM PAR SHES PA DANG PHUNG PO BZHA LAS GZHAN PA'I 'DU BYED RNAMS NI 'DU BYED KYI PHUNG PO'O; ,BCOM LDAN 'DAS KYIS MDO LAS, SEMS PA TSOGS DRUG GO ZHES GSUNGS PA NI GTZO BO YIN PA'I PHYIR TE, DE NI LAS KYI RANG BZHIN YIN PA'I PHYIR MNGON PAR 'DU BYA BA LA GTZO BO YIN NO, ,DE NYID KYI PHYIR BCOM LDAN 'DAS KYIS, 'DUS BYAS MNGON PAR 'DU BYED DE; DE LTA BAS NA 'DU BYED NYE BAR LEN PA'I PHUNG PO ZHES GSUNGS SO, ,DE LTA MA YIN NA SEMS LAS BYUNG BA LHAG MA RNAMS DANG LDAN BA MA YIN PA RNAMS PHUNG POR 'DUS PA'I PHYIR SDUG BSNGAL DANG KUN 'BYUNG BA'I BDEN PA NYID DU MI 'GYUR BAS YONGS SU SHES PA DANG SPANG BAR YANG MI 'GYUR RO, ,BCOM LDAN 'DAS KYIS NI, CHOS GCIG MNGON PAR MA SHES SHING YONGS SU MA SHES PAR YANG SDUG BSNGAL GYI MTHAR BYED PAR NGA MI SMRA'O ZHES GSUNGS LA, DE BZHIN DU MA SPANGS PAR YANG ZHES GSUNGS TE, DE LTA BAS NA GDON MI ZA BAR DE DAG 'DU BYED KYI PHUNG POR BSDUS PAR KHAS BLANG BAR BYA'O, ,DE GSUM, TSOR BA DANG, 'DU SHES DANG, 'DU BYED KYI PHUNG PO DAG STE, SKYE MCHED DANG, KHAMS RNAM PAR GZHAG PA NI, RNAM RIG BYED MIN DANG, 'DUS MA BYAS RNAMS BCAS PA NI, ,CHOS KYI SKYE MCHED KHAMS ZHES BYA; ,DE LTAR NA RDZAS BDUN PO DE DAG NI CHOS KYI SKYE MCHED DANG, CHOS KYI KHAMS ZHES BYA'O, ,RNAM SHES SO SOR RNAM RIG PA, ,YUL DANG YUL LA SO SOR RNAM PAR RIG CING DMIGS PA NI RNAM PAR SHES PA'I PHUNG PO ZHES BYA'O, ,DE YANG RNAM PAR SHES PA'I @34A *, ,TSOGS DRUG STE, MIG GI RNAM PAR SHES PA NAS, YID KYI RNAM PAR SHES PA'I BAR RO, ,RNAM PAR SHES PA'I PHUNG PO BSTAN PA GANG YIN PA DE SKYE MCHED RNAM PAR GZHAG PA NI, YID KYI SKYE MCHED KYANG DE YIN, KHAMS RNAM PAR GZHAG PA YANG DE DAG NYID, KHAMS BDUN DAG TU'ANG 'DOD PA STE, BDUN GANG ZHE NA, RNAM PAR SHES PA DRUG DANG YID, ,MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS DANG, YID KYI KHAMS KYI PAR RO, ,DE LTAR NA 'DIR PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DU BSTAN PAR 'GYUR TE, RNAM PAR RIG BYED MA YIN PA MA GTOGS PA GZUGS KYI PHUNG PO'I SKYE MCHED BCU DANG, KHAMS BCU DAG GO ,TSOR BA LA SOGS PA PHUNG PO GSUM DANG, RNAM PAR RIG BYED MA YIN PA DANG, 'DUS MA BYAS DAG NI CHOS GYI SKYE MCHED DANG, CHOS KYI KHAMS SO, ,RNAM PAR SHES PA'I PHUNG PO NI YID KYI SKYE MCHED DANG, RNAM PAR SHES PA'I KHAMS DRUG DANG, YID KYI KHAMS SO, ,RNAM PAR SHES PA'I TSOGS DRUG NI RNAM PAR SHES PA'I PHUNG POR BSHAD PA MA YIN NAM, YANG DE DAG LAS GZHAN PA YID KYI KHAMS DE GANG ZHE NA, GZHAN NI GANG YANG MED DO, ,'O NA CI ZHE NA, DRUG PO DE DAG ,NYID LAS 'DAS MA THAG PA YI, ,RNAM SHES GANG YIN DE YOD DO, ,RNAM PAR SHES PA GANG DANG GANG 'GAGS MA THAG PA DE NYID NI YID KYI KHAMS ZHES BYA STE, DPER NA BU DE NYID GZHAN GYI PHAR 'GYUR BA DANG, 'BRAS BU DE NYID GZHAN GYI SA BON YIN PA LTA BU'O, ,DE LTA NA 'O NA NI RNAM PAR SHES PA'I KHAMS DRAG DANG YID KYI KHAMS RNAMS GCIG GI NANG DU GCIG 'DUS PA'I PHYIR RDZAS SU NA KHAMS BCU BDUN NAM BCU GNYIS SU 'GYUR NA CI'I PHYIR KHAMS BCO BRGYAD DU RNAM PAR GZHAG CE NA, DE LTA'ANG YIN MOD KYI, 'ON KYANG, DRUG PA'I RTEN NI RAB BSGRUB PHYIR, ,KHAMS NI BCO BRGYAD DAG TU 'DOD, ,RNAM PAR SHES PA'I KHAMS LNGA PO DAG GI RTEN LNGA NI MIG GI KHAMS LA SOGS PA YIN NA DRUG PO YID KYI RNAM @34B PAR SHES PA'I KHAMS KYI RTEN NI GZHAN MED DE, DE'I PHYIR DE'I RTEN RAB TU BSGRUB PA'I PHYIR YID KYI KHAMS BSTAN TO, ,DE LTAR NA RTEN PA DANG DMIGS PA DRUG TSAN RNAM PAR GZHAG PAS KHAMS BCO BRGYAD DAG TU 'GYUR RO, ,'O NA NI DGRA BCOM PA'I SEMS THA MA YID MA YIN PAR 'GYUR TA, DE GANG GIS MTSUNGS PA DE MA THAG PA 'DAS PAR 'GYUR BA DE NI MED DO ZHE NA, DE YANG YID KYI NGO BOR GNAS PA'I PHYIR NA MA YIN TE, RGYU GZHAN MTSANG BA'I PHYIR RNAM PAR SHES PA PHYI MA MI SKYE BAR ZAD DO, ,DE LA PHUNG PO DAG GIS NI 'DUS BYAS THAMS CAD BSDUS SO; ,NYE BAR LEN PA'I PHUNG PO DE DAG GIS NI ZAG PA DANG BCAS PA THAMS CAD BSDUS SO, ,SKYE MCHED DANG KHAMS DAG GIS NI CHOS THAMS CAD BSDUS SO, ,MDOR BSDUN PHUNG PO DANG NI SKYE MCHED DANG, KHAMS GCIG GIS NI THAMS CAD BSDUS PAR SHES PAR BYA STE, GZUGS KYI PHUNG PO DANG YID KYI SKYE MCHED DANG CHOS KYI KHAMS KYIS CHOS RNAMS THAMS CAD BSDUS PAR RIG PAR BYA'O, ,BSDU BA DE NI GANG DANG GANG NAS 'BYUNG YANG RUNG, RANG GI NGO BO NYID KYIS TE, GZHAN GYI DNGOS POS NI MA YIN PAR RIG PAR BYA'O, ,CI'I PHYIR ZHE NA, GZHAN GYI DNGOS DANG MI LDAN PHYIR, ,CHOS NI GZHAN GYI DNGOS PO DANG MI LDAN NO, ,DE LTA BAS NA GANG DANG MI LDAN BDE NYID KYIS BSDUS PAR NI MI RUNG STE, DPER NA MIG GI DBANG PO NI GZUGS KYI PHUNG PO DANG, MIG GI SKYE MCHED DANG, KHAMS DAG DANG, SDUG BSNGAL DANG, KUN 'BYUNG BA'I BDEN PA DAG GIS BSDUS TE, DE DAG GI NGO BO NYID YIN PA'I PHYIR RO, ,DE DAG GI NGO BO DANG MI LDAN PA'I PHYIR PHUNG PO LA SOGS PA GZHAN DAG GIS NI MA YIN NO, ,DPER NA BSDU BA'I DNGOS PO BZHI PO DAG GIS 'KHOR RNAMS BSDUS PA LTA BU GZHAN GYIS GZHAN BSDUS SO ZHES BYA BA GANG YIN BA DE NI RES 'GA' BA YIN PA'I PHYIR BRDAR BTAGS PA YIN PAR BYA'O, ,MIG DANG RNA BA DANG SNA DAG GNYIS GNYIS YOD PA'I PHYIR KHAMS NYI SHU RTZA GCIG TU 'GYUR BA MA YIN NAM ZHE NA MI 'GYUR TE, 'DI LTAR, MIG LA SOGS PA GNYIS MOD KYI, ,RIGS DANG SPYOD YUL @35A *, ,RNAM PAR SHES, ,'DRA BA'I PHYIR NA KHAMS GCIG NYID, ,DE LA RIGS 'DRA BA NI GNYI GA MIG GI RANG BZHIN YIN PA'I PHYIR RO, ,SPYOD YUL 'DRA BA NI GNYI GA'I YUL GZUGS YIN PA'I PHYIR RO, ,RNAM PAR SHES PA 'DRA BA NI GNYI GA MIG GI RNAM PAR SHES PA GCIG GI RTEN YAN PA'I PHYIR TE, DE LTA BAS NA MIG GI KHAMS NI GCIG PA NYID DO, ,DE BZHIN DU RNA BA DANG, SNA DAG LA YANG SBYAR PAR BYA'O, ,MDZES BYA'I PHYIR NA GNYIS 'BYUNG NGO, ,MIG LA SOGS PA KHAMS GCIG PA NYID YIN YANG RTEN MDZES PAR BYA BA'I PHYIR GNYIS 'BYUNG NGO, , DE LTA MA YIN TE, MIG DANG RNA BA'I RTEN GCIG DANG, ,SNA'I BU GA GCIG TU GYUR NA SHIN TU MI MDZES PAR 'GYUR RO, ,PHUNG PO DANG, KHAMS DANG, SKYE MCHED DAG BSHAD ZIN TO, ,PHUNG PO DANG KHAMS DANG SKYE MCHED KYI DON GANG YIN PA 'DIR BRJOD PAR BYA STE, SPUNGS DANG SKYE DGU RIGS KYI DON, ,PHUNG PO SKYE MCHED KHAMS RNAMS YIN, ,MDO LAS, GZUGS GANG YIN PA CI YANG RUNG 'DAS PA 'AM, MA 'ONGS PA 'AM, DA LTAR BYUNG BA 'AM, NANG GI 'AM, PHYI'I 'AM, RAGS PA 'AM, PHRA BA'AM, NGAN PA 'AM, GYA NOM PA 'AM, THAG RING BA NA YOD PA GANG YIN BA 'AM, NYE BA NA YOD PA GANG YIN PA DE DAG THAMS CAD GCIG TU BSDUS TE GZUGS KYI PHUNG PO ZHES BYA BA'I GRANGS SU 'GRO'O ZHES 'BYUNG BA'I PHYIR SPUNGS PA'I DON NI PHUNG PO'I DON TO ZHES BYA BAR GRUB PO, ,DE LA BYE BRAG TU SMRA BA RNAMS NA RE GZUGS 'DAS PA NI MI RTAG PA NYID KYIS 'GAGS PA'O, ,MA 'ONGS PA NI MA BYUNG BA'O, ,DA LTAR BYUNG BA LA MA 'GAGS PA'O, ,NANG GI NI RANG GI RGYUD LA YOD PA'O, ,GZHAN NI PHYI'I 'O, ,YANG SKYE MCHED KYI SGO NAS SO, ,RAGS PA NI THOGS PA DANG BCAS PA'O, ,PHRA BA NI THOGS PA MED PA'O, , YANG NA LTOS PA PA YIN NO, ,GAL TE LTOS PA PA YIN PA'I PHYIR MA GRUB BO ZHE NA, MA YIN TE, LTOS PAS THA DAD PA'I PHYIR RO, ,GANG LA LTOS TE RAGS PA YIN PA NI NAM DU YANG DE LA LTOS NAS PHRA BA MA YIN TE, PHA DANG BU BZHIN NO, ,NGAN ? PA NI NYON MONGS PA CAN NO, ,GYA NOM PA NI @35B NYON MONGS PA CAN MA YIN PA'O, ,RING BA NI 'DAS PA DANG MA 'ONGS PA'O, ,NYE BA NI DA LTAR BYUNG BA STE, RNAM PAR SHES PA'I BAR DU'ANG DE DANG 'DRA'O, ,'DI NI KHYAD PAR YIN TE, RAGS PA NI DBANG PO LNGA LA BRTAN PA'O, ,PHRA BA NI YID LAS BYUNG BA'O, ,YANG NA SA LAS RIG PAR BYA'O ZHES SO, ,BTZUN PA NA RE NI GZUGS RAGS PA NI DBANG PO LNGAS GZUNG BAR BYA BA'O, ,GZHAN NI PHRA BA'O, ,NGAN PA NI YID DU MI 'ONG BA'O, ,GYA NOM PA NI YID DU 'ONG BA'O, ,RING BA NI YUL MI SNANG BA CAN NO, ,NYE BA NI YUL SNANG BA CAN NO, ,'DAS PA LA SOGS PA NI RANG GI MING GIS BSTAN PA'I PHYIR TE, TSOR BA LA SOGS PA YANG DE BZHIN DU RIG PAR BYA'O, ,DE DAG GIS RING BA DANG NYE BA NYID NI DE RTEN GYI DBANG GIS SO, ,RAGS PA DANG PHRA BA NYID NI SNGA MA BZHIN NO ZHES ZER RO, ,SEMS DANG SEMS LAS BYUNG BA RNAMS SKYE BA'I SGO'I DON NI SKYE MCHED KYI DON TE; NGES PA'I TSIG TU NA SEMS DANG SEMS LAS BYUNG BA RNAMS SKYE BA MCHED PAR BYED BAS SKYE MCHED RNAMS TE, RGYAS PAR BYED CES BYA BA'I THA TSIG GO ,RIGS KYI DON NI KHAMS KYI DON TE, DPER NA RI 'GA' ZHIG LA LCAGS DANG ZANGS DANG DNGUL DANG GSER LA SOGS PA RIGS MANG PO DAG YOD PA LA KHAMS ZHES BRJOD PA DE BZHIN DU RTEN DANG RGYUD GCIG LA RIGS BCO BRGYAD DAG YOD PA LA KHAMS BCO BRGYAD CES BYA'O, ,DE LA 'BYUNG GNAS DAG NI RIGS ZHES BYA BA NI MIG LA SOGS PA 'DI DAG GANG GI 'BYUNG GNAS YIN ZHE NA, RANG GI RIGS KYI YIN TE, SKAL BA MNYAM PA'I RGYU YIN PA'I PHYIR RO, ,'DUS MA BYAS KHAMS MA YIN BAR 'GYUR RO ZHE NA, 'O NA NI SEMS DANG SEMS LAS BYUNG BA RNAMS YIN NO, ,GZHAN DAG NA RE CHOS BCO BRGYAD PO DAG RIGS KYI RANG BZHIN NO ZHE NA, KHAMS BCO BRGYAD CES BYA BAS KHAMS ZHES BYA BA NI 'DI NI RIGS KYI TSIG YIN ZHES ZER RO, ,GAL TE SPUNGS PA'I DON PHUNG PO'I DON YIN NA PHUNG PO RNAMS BTAGS PA'I YOD PAR 'GYUR TE, RDZAS SUM 'DUS PA YIN PA'I PHYIR SPUNGS PA DANG GANG ZAG BZHIN NO ZHE NA, MA YIN TE, RDZAS KYI RDUL PHRA RAB GCIG PU YANG @36A *, ,PHUNG PO YIN PA'I PHYIR RO, ,DE LTA NA GCIG PU LA SPUNGS PA NYID MED PAS SPUNGS PA'I DON NI PHUNG PO'I DON TO ZHES BRJOD PAR MI BYA'O, ,GZHAN DAG NA RE, BYA BA'I KHUR KHYER BA'I DON NAM, YONGS SU CHAD PA'I DON NI PHUNG PO'I DON TE, 'DI LTAR SMRA BA PO DBUL BAR BYA BA'I PHUNG PO GSUM DAG TU DBUL BAR BYA'O ZHES SMRA BA BZHIN NO ZHES ZER TE, DE NI MDO DANG 'GAL LO, ,MDO LAS NI SPUNGS PA'I DON KHO NAR GSUNGS TE, GZUGS GANG CI YANG RUNG BA 'DAS PA'AM, MA 'ONGS PA'AM ZHES RGYAS PAR GSUNGS SO, ,DER NI GZUGS 'DAS PA LA SOGS PA SO SOR PHUNG PO NYID YIN PAR SHES TE, GZUGS 'DAS PA LA SOGS PA 'DI THAMS CAD RE RE ZHING GZUGS KYI PHUNG PO YIN NO ZHE NA, DE LTAR NI SHES PAR MI NUS TE, DE THAMS CAD GCIG TU BSDUS NAS ZHES 'BYUNG BA'I PHYIR RO, ,DE LTA BAS NA GZUGS KYI PHUNG PO DAG NI SPUNGS PA BZHIN DU BTAGS PA'I YOD PA YIN NO, ,DE LTA NA SKYE MCHED GZUGS CAN RNAMS KYANG BTAGS PA'I YOD PAR 'GYUR TE, MIG LA SOGS PA'I RDUL PHRA RAB MANG PO NI SKYE BA'I SGOR GYUR PA'I PHYIR RO ZHE NA, MA YIN TE TSOGS PA RNAMS RE RE NAS RGYU'I NGO BOR GYUR PA'I PHYIR RAM, YUL LHAN CIG BYED PA YIN PA'I PHYIR DBANG PO LAS LOGS SHIG TU SKYE MCHED DU YANG MI 'GYUR RO, ,BYE BRAG TU BSHAD PA CHEN PO LAS NI, GAL TE CHOS MNGON PA BA ? ZHIG PHUNG PO BTAGS PA'I YOD PAR LTA NA NI DE RDUL PHRA RAB KHAMS GCIG DANG, SKYE MCHED GCIG DANG, PHUNG PO GCIG GI PHYOGS YIN NO ZHES SMRA'O, ,'O NA TE MI LTA NA NI DE RDUL PHRA RAB KHAMS GCIG DANG, SKYE MCHED GCIG DANG, PHUNG PO GCIG YIN NO ZHES SMRA'O ZHES 'BYUNG NGO, ,PHYOGS YIN YANG PHYOGS CAN YIN BZHIN DU NYE BAR 'DOGS PA YANG YOD DE, DPER NA RAS YUG GI PHYOGS GCIG TSIG PA LA RAS YUG TSIG GI ZHES BYA BA BZHIN NO, ,YANG CI'I PHYIR BCOM LDAN 'DAS KYIS PHUNG PO LA SOGS PA'I SGO NAS STON PA RNAM PA GSUM RTZOM PAR MDZAD CE NA, SMRAS PA, GDUL BA RNAMS KYI, ,RMONGS DBANG 'DOD RNAMS GSUM GYI PHYIR, , @36B PHUNG PO LA SOGS GSUM BSTAN TO, ,RNAM PA GSUM NI RNAM GSUM MO, ,SEMS CAN RNAMS KYI RMONGS PA NI RNAM PA GSUM STE, KHA CIG NI SEMS LAS BYUNG BA RNAMS LA RIL PO'I BDAG NYID DU 'DZIN PAS RMONGS SO, ,KHA CIG NI GZUGS KHON ? LA'O, ,KHA CIG NI GZUGS DANG SEMS DAG LA'O, ,DBANG PO DAG KYANG RNAM PA GSUM STE, DBANG PO RNON PO DANG, 'BRING DANG, RTUL PO'I PHYIR RO, ,'DOD PA YANG RNAM PA GSUM STE, TSIG BSDUS PA DANG, BAR MA DANG, RGYA CHEN PO 'DOD PA'I PHYIR TE, DE DAG LA GO RIMS BZHIN DU PHUNG PO DANG, SKYE MCHED DANG, KHAMS DANG GSUM BSTAN TO ZHES GRAG GO ,YANG CI'I PHYIR SEMS LAS BYUNG BA GZHAN RNAMS NI 'DU BYED KYI PHUNG PO GCIG TU BSDUS LA 'DU SHES DANG TSOR BA DAG NI LOGS SHIG TU PHUNG POR BYAS SHEN, SMRAS PA, RTZOD PA'I RTZA BAR GYUR PA DANG, ,'KHOR BA'I RGYU PHYIR RIM RGYU'I PHYIR, ,SEMS BYUNG RNAMS LAS TSOR BA DANG, ,'DU SHES LOGS SHIG PHUNG POR BZHAG ,RTZOD PA'I RTZA BDAG NI GNYIS TE, 'DOD PA LA LHAG PAR ZHEN PA DANG, LTA BA LA LHAG PAR ZHEN PA'O, ,DE GNYIS KYI RGYU'I GTZO BO NI GO RIMS BZHIN DU TSOR BA DANG, 'DU SHES DAG STE, TSOR BA RO MYANG BA'I DBANG GIS NI 'DOD PA RNAMS LAS MNGON PAR ZHEN LA, 'DU SHES PHYIN CI LOG GIS NI LTA BA RNAMS LA'O, ,DE DAG NI 'KHOR PA'I RGYU'I GTZO BO YANG YIN TE, TSOR BA LA ZHEN CING 'DU SHES PHYIN CI LOG TU GYUR PA NI 'KHOR RO, ,GANG YANG PHUNG PO'I GO RIMS KYI RGYU STON PAR 'GYUR BA'I GO RIMS KYI RGYU DE'I PHYIR YANG 'DI GNYIS LOGS SHIG TU PHUNG POR BYAS PAR RIG PAR BYA STE, DE NI DE NYID DU BSHAD PAR BYA'O, ,'O NA CI'I PHYIR SKYE MCHED DANG KHAMS DAG TU NI 'DUS MA BYAS BSHAD LA, PHUNG PO DAG TU NI MA YIN ZHE NA, PHUNG PO DAG TU 'DUS MA BYAS, ,DON DU MI RUNG PHYIR MA BSHAD,, DE NI PHUNG PO DAG GI NANG DU BRJOD NA DE NI GZUGS MA YIN ZHING RNAM PAR SHES PA'I BAR DU YANG MA YIN PAS DON DU MI RUNG BA'I PHYIR RE ZHIG DE DAG NYID KYI NANG DU BSDU BAR NI MI NUS SO, ,PHUNG PO DRUG PAR BRJOD PAR YANG MI NUS SO, ,CI'I PHYIR ZHE NA, DON DU MI RUNG BA'I PHYIR TE, SPUNGS PA'I @37A *, ,DON DU NI PHUNG PO'I DON TO ZHES BSHAD NA, 'DUS MA BYAS NA GZUGS BZHIN DU 'DI LTAR DE DAG THAMS CAD GCIG TU BSDUS NAS 'DUS MA BYAS KYI PHUNG PO ZHES BYA BA'I GRANGS SU 'GRO BAR 'GYUR BA 'DAS PA LA SOGS PA'I BYE BRAG GIS THA DAD PA MA YIN NO, ,YANG KUN NAS NYON MONGS PA'I GZHI SHES PAR BYA BA'I PHYIR NYE BAR LEN PA'I PHUNG PO ZHES BYA LA, KUN NAS NYON MONGS PA DANG RNAM PAR BYANG BA'I GZHI SHES PAR BYA BA'I PHYIR PHUNG PO ZHES KYANG BYA NA, 'DUS MA BYAS NI DON DU MI RUNG BA'I PHYIR GNYI GA YANG MA YIN TE, DE DAG TU RNAM PAR GZHAG GO ,KHA CIG NA RE JI LTAR BUM PA CHAG PA BUM PA MA YIN PA DE BZHIN DU PHUNG PO ZHIG PA YANG PHUNG PO YIN PAR MI 'OS SO ZHES ZER TE, DE DAG GI LTAR NA KHAMS DANG SKYE MCHED DAG LA YANG DE LTAR THAL BAR 'GYUR RO, ,PHUNG PO RNAMS KYI RNAM PA GZHAN BSHAD ZIN TO, ,RIM NI RAGS DANG KUN NYON MONGS,, SNOD SOGS DON KHAMS JI BZHIN NO, ,GZUGS NI THOGS PA DANG BA CAS PA'I PHYIR THAMS CAD PAS RAGS SO, ,GZUGS CAN MA YIN PA RNAMS KYI NANG NA YANG TSOR BA NI RGYU BA RAGS PA'I PHYIR TE, 'DI LTAR PA'I LAG PA LA TSOR RO, ,NGA'I RKANG PA LA TSOR RO ZHES THA SNYAD 'DOGS SO, , 'DU SHES NI GNYIS PAS CHES RAGS SO, ,RNAM PAR SHES PA BAS NI 'DU BYED DE, DE'I PHYIR GANG CHES RAGS PA DE SNGAR BSHAD DO, ,YANG NA THOG MA MED PA CAN GYI 'KHOR BA NA PHO DANG MO DAG PHAN TSUN GZUGS LA MNGON PAR DGA' STE, DE DAG KYANG TSOR BA'I RO MYANG BA LA CHAGS PA'I PHYIR RO; ,DE LA CHAGS PA YANG 'DU SHES PHYIN CI LOG TU GYUR PA'I PHYIR RO, ,PHYIN CI LOG DE YANG KUN NAS NYON MONGS PA DAG GIS SO, ,SEMS KYANG DE DAG GIS KUN NAS NYON MONGS PA CAN DU BYAS PAS KUN NAS NYON MONGS PA'I GO RIMS JI LTA BA BZHIN NO, ,YANG NA SNOD LA SOGS PA'I DON GYIS TE, GZUGS LA SOGS PA'I PHUNG PO NI SNOD DANG ZAS DANG TSOD MA DANG BYAN PO DANG ZA BA PO LTA BU'O, ,YANG NA KHAMS KYIS TE 'DOD BA'I YON TAN GZUGS KYIS RAB TU PHYE BA NI 'DOD PA'I KHAMS SO, ,TSOR BAS RAB TU PHYE BA NI BSAM GTAN RNAMS SO, ,'DU SHES KYIS @37B RAB TU PHYE BA NI GZUGS MED PA GSUM MO, ,'DU BYED TZAM GYIS RAB TU PHYE BA NI SRID PA'I RTZE MO STE, 'DI DAG NI RNAM PAR SHES PA GNAS PA YIN LA, DE DAG LA RNAM PAR SHES PA GNAS SO ZHES PHUNG PO'I GO RIMS ZHING DANG SA BON GYI GO RIMS LTA BUR BSTAN PA'I PHYIR RO, ,DE NYID KYI PHYIR PHUNG PO RNAMS NI LNGA STE MI NYUNG MI MANG NGO, ,GANG GI PHYIR 'DI DAG NI CHES RAGS PA DANG, KUN NAS NYON MONGS PA'I GO RIMS KYI RGYU DANG ZAS DANG TSOD MA LTA BU DANG, DE DAG GI KHAMS GNYIS RAB TU PHYE BA'I GO RIMS KYI RGYU DE NYID KYI PHYIR TSOR BA DANG 'DU SHES DAG NI 'DU BYED RNAMS LAS LOGS SHIG TU PHUNG POR BYAS SO, ,MIG LA SOGS PA'I KHAMS DANG SKYE MCHED DRUG GI GE RIMS BRJOD PAR BYA STE, DE'I DBANG NYID KYIS NA DE'I YUL DANG RNAM PAR SHES PA RNAMS KYI GO RIMS SU 'GYUR RO, ,DRUG PO DE DAG LAS, DA LTA'I DON PHYIR DANG POR LNGA; ,MIG LA SOGS PA LNGA'I YUL NI DA LTAR YIN PA'I PHYIR SNGAR SMOS SO, ,YID KYI YUL MA NGES PA CAN YIN TE, KHA CIG GI YUL NI DA LTAR YIN PA NAS, KHA CIG GI YUL NI DUS GSUM DANG DUS MA YIN PA'I PAR YIN NO, ,'BYUNG BA LAS GYUR DON PHYIR BZHI, ,DANG POR ZHES BYA BAR SNYEGS SO, ,LNGA RNAMS LAS KYANG BZHIR SNGAR SMOS PA NI YUL 'BYUNG BA LAS GYUR PA YIN PA'I PHYIR RO, ,LUS KYI YUL NI MA NGES TE, RES 'GA' NI 'BYUNG BA DAG YIN LA, RES 'GA' NI 'BYUNG BA LAS GYUR PA DAG YIN NO, ,RES 'GA' NI GNYIG YIN NO, ,GZHAN NI CHES RING MYUR 'JUG PHYIR, ,LHAG MA NI CI RIGS PAR CHES RGYANG RING BA DANG MYUR BAR 'JUG PAS GZHAN BAS SNGAR SMOS TE, MIG DANG RNA BA'I YUL RGYANG RING BA'I PHYIR GNYIS PAS DE DAG SNGAR SMOS SO, ,DE GNYIS LAS KYANG MIG NI CHES RGYANG RING PO LA 'JUG STE, CHU KLUNG RGYANG RING PO NAS MTHONG YANG DE'I SGRA MI THOS PAS DE'I PHYIR DE SNGAR SMOS SO, ,SNA DANG LCE NI RGYANG RING PO LA 'JUG PA MED MOD KYI, DE GNYIS LAS KYANG SNA NI CHES MYUR BAR 'JUG PA'I PHYIR SNGAR SMOS TE, ZAS LCE DANG MA PHRAD PA NYID KYI DRI 'DZIN PA'I PHYIR RO, ,YANG NA JI LTAR GNAS BZHIN @38A *, ,RIM; ,YANG NA LUS 'DI LA MIG GI RTEN NI DANG PO NA GNAS SO, ,DE'I 'OG NA NI RNA BA'I 'O, ,DE'I 'OG NA NI SNA'I 'O, ,DE'I 'OG NA NI LCE'I 'O, ,LUS KYI NI PHAL CHER DE'I 'O NA'O, ,YID NI DE DAG LA BRTEN PA DANG YUL NA MI GNAS PA'I PHYIR TE, DE DAG GI GO RIMS NI JI LTAR GNAS PA BZHIN YIN NO, YANG CI'I PHYIR GZUGS KYI PHUNG POS BSDUS PA'I SKYE MCHED BCU PO DAG LAS GCIG GZUGS KYI SKYE MCHED DU BRJOD LA, THAMS CAD KYANG CHOS KYI RANG BZHIN YIN NA GCIG CHOS KYI SKYE MCHED CES BYA ZHE NA, SMRAS PA, BYE BRAG DON DANG GTZO PO'I PHYIR, ,CHOS MAD ? BA DANG MCHOG BSDUS PHYIR, ,GCIG NI GZUGS KYI SKYE MCHED DANG, ,GCIG NI CHOS ZHES BYA BAR BRJOD, ,BYE BRAG GI DON CI LTA BU ZHE NA, CI NAS KYANG YUL DANG YUL CAN NYID DU RNAM PAR GZHAG PA'I SGO NAS BCU PO 'DI DAG GI SO SOR SKYE MCHED NYID YIN GYI SPYIR NI MA YIN NO ZHES RTOGS PAR BYA BA YIN LA, MIG LA SOGS PA BYE BRAG TU BYAS PA DAG GIS NI GANG MIG LA SOGS PAR NI MING MA BTAGS LA GZUGS NI YIN PA DE GZUGS KYI SKYE MCHED DU SHES PAR 'GYUR BAS 'DI'I MING GZHAN MA BRJOD DO, ,YANG NA GZUGS KYI SKYE MCHED NI GTZO BO YIN PA'I PHYIR TE, DE NI THOGS PA DANG BCAS PA YIN PA'I PHYIR LAG PA LA SOGS PA'I 'DUS TE REG PA DAG GIS REG NA GZUGS SU RUNG PA DANG, BSTAN DU RUNG BA'I PHYIR TE, 'DI NI 'DI NA'O, ,CHE GE MO ZHIG NA'O ZHES BRTAG TU RUNG BA'I PHYIR RO,, 'JIG RTEN NA YANG DE GZUGS SO ZHES GRAGS KYI GZHAN DAG LA NI MA YIN NO, ,BYE BRAG GI DON NYID KYIS GCIG NI CHOS KYI SKYE MCHED DU BSHAD KYI THAMS CAD NI MA YIN NO, ,GZHAN YANG 'DIR TSOR BA LA SOGS PA CHOS MANG PO RNAMS BSDUS TE, DE'I PHYIR CHOS KYI SGRAR SPYIR RJOD PAR BYED DO, ,CHOS KYI MCHOG MYA NGAN LAS 'DAS PA DE YANG DER BSDUS TE GZHAN DAG TU NI MA YIN NO, ,GZHAN DAG NA RE RNAM PA NYI SHU'I RIG PA'I PHYIR DANG, SHA'I DANG LHA'I DANG 'PHAGS PA'I SHES RAB DANG MIG GSUM GYI SPYOD YUL YIN PA'I PHYIR GCIG GZUGS KYI SKYE @38B MCHED DU BSTAN TO ZHES ZER RO, ,MDO DAG LAS PHUNG PO DANG SKYE MCHED DANG KHAMS ZHES BYA BA GZHAN DANG GZHAN DAG KYANG DMIGS NA, CI DE RNAMS 'DI DAG NYID KYIS BSDUS SAM, 'ON TE THA DAD PA ZHIG YIN PAR RIG PAR BYA ZHE NA, 'DI DAG NYID KYIS BSDUS KYI THA DAD PA NI MED DE DE LA RE ZHIG ,CHOS KYI PHUNG PO BRGYAD KHRI DAG ,GANG RNAMS THUB PAS GSUNGS DE DAG ,TSIG GAM MING YIN DE DAG NI, ,GZUGS DANG 'DU BYED DAG TU 'DUS, ,GANG DAG GI LTAR NA SANGS RGYAS KYI GSUNG TSIG GI RANG BZHIN YIN BA DE DAG GI LTAR NA DE DAG NI GZUGS KYI PHUNG POS BSDUS SO,, GANG DAG GI LTAR NA MING GI RANG BZHIN YIN PA DE DAG GI LTAR NA NI 'DU BYED KYI PHUNG POS BSDUS SO, ,YANG CHOS KYI PHUNG PO'I TSAD JI TZAM ZHE NA, KHA CIG BSTAN BCOS TSAD CES ZER, ,KHA CIG NA RE DE NI CHOS KYI PHUNG PO ZHES BYA BA BSTAN BCOS MNGON PA'I TSAD TZAM MO ZHES ZER TE, DE NI SHLO KA DRUG STONG NGO, ,YANG GZHAN DAG NA RE, PHUNG PO LA SOGS GTAM RE YIN, ,ZHES ZER TE, PHUNG PO DANG, SKYE MCHED DANG, KHAMS DANG, RTEN CING 'BREL BAR 'BYUNG BA DANG, BDEN PA DANG, ZAS DANG, BSAM GTAN DANG, TSAD MED PA DANG, GZUGS MED PA DANG, RNAM PAR THAR PA DANG, ZIL GYIS GNON ? PA'I SKYE MCHED DANG, ZAD PAR GYI SKYE MCHED DANG, BYANG CHUB KYI PHYOGS DANG MTHUN PA DANG, MNGON PAR SHES PA DANG, SO SO YANG DAG PAR RIG PA DANG, SMON NAS SHES PA DANG, NYON MONGS PA MED PA LA SOGS PA'I GTAM RGYUD RE RE NI CHOS KYI PHUNG PO'O ZHES ZER RO, ,SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,'DI SKAD DU, SEMS CAN RNAMS KYI SPYOD PA 'DOD CHAGS DANG, ZHE SDANG DANG, GTI MUG DANG NGA RGYAL LA SOGS PA SPYOD PA THA DAD PA BRGYAD KHRI YOD DE, DE DAG GI GNYEN POR BCOM LDAN 'DAS KYIS CHOS KYI PHUNG PO BRGYAD KHRI GSUNGS SO ZHES BRJOD DO, ,JI LTAR CHOS KYI PHUNG PO BRGYAD KHRI 'DI PHUNG PO LNGA PO 'DI DAG NYID DU BSDUS PA, DE BZHIN GZHAN YANG CI RIGS PAR, ,PHUNG PO SKYE MCHED KHAMS RNAMS NI, ,RANG GI MTSAN NYID LEGS DPYAD DE, , @39A *, ,JI SKAD BSHAD PAR BSDU PAR BYA, ,MDO GZHAN DAG LAS PHUNG PO DANG SKYE MCHED DANG KHAMS GZHAN GANG DAG GSUNGS PA DE DAG KYANG BSTAN BCOS 'DI LAS, JI SKAD BSHAD PA BZHIN DE DAG GI RANG RANG GI MTSAN NYID LEGS PAR DPYAD NAS PHUNG PO LA SOGS PA JI SKAD BSHAD PA 'DI DAG NYID DU BSDU BAR BYA STE, DE LA RE ZHIG TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL PA'I YE SHES MTHONG BA'I PHUNG PO DAG LAS TSUL KHRIMS KYI PHUNG PO NI GZUGS KYI PHUNG POS BSDUS SO, ,LHAG MA RNAMS NI 'DU BYED KYI PHUNG POS BSDUS SO, ,THAD PAR GYI SKYE MCHED BCU PO DAG LAS BRGYAD NI MCHAGS PA'I RANG BZHIN YIN PA'I PHYIR CHOS KYI SKYE MCHED KYIS BSDUS SO, ,'KHOR RNAMS DANG BCAS NA NI PHUNG PO LNGA'I RANG BZHIN YIN PA'I PHYIR YID DANG CHOS KYI SKYE MCHED DAG GIS BSDUS TE, ZIL GYIS GNON PA'I SKYE MCHED RNAMS KYANG DE DANG 'DRA'O, ,ZAD PAR NAM MKHA' DANG RNAM SHES MTHA' YAS SKYE MCHED DAG DANG, NAM MKHA' MTHA' YAS SKYE MCHED LA SOGS PA BZHI PO DAG NI PHUNG PO BZHI'I RANG BZHIN YIN PA'I PHYIR YID DANG CHOS KYI SKYE MCHED DAG GIS BSDUS SO, ,RNAM PAR GROL BA'I SKYE MCHED LNGA PO DAG NI SHES RAB KYI RANG BZHIN YIN PA'I PHYIR CHOS KYI SKYE MCHED KYIS BSDUS SO, ,'KHOR RNAMS DANG BCAS NA NI SGRA DANG YID DANG CHOS KYI SKYE MCHED RNAMS KYIS BSDUS SO, ,SKYE MCHED GNYIS LAS 'DU SHES MED PA'I SEMS CAN NI DRI DANG RO'I SKYE MCHED BCU BZHI PO RNAMS KYIS BSDUS SO, ,'DU SHES MED 'DU SHES MED MIN GYI SKYE MCHED DU NYE BAR 'GRO BA NI YID DANG CHOS KYI SKYE MCHED DAG GIS BSDUS SO, ,DE BZHIN DU KHAMS MANG PO LA LAS KHAMS DRUG CU RTZA GNYIS BSTAN PA DE DAG KYANG CI RIGS PAR BSDU PAR RIG PAR BYA'O, ,DER GANG DAG SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS DRUG BSTAN PA LA, DE DAG LAS GNYIS KYI MTSAN NYID MA BSHAD NA, DE CI NAM MKHA' NYID @39B NAM MKHA'I KHAMS YIN LA, RNAM PAR SHES PA THAMS CAD KYANG RNAM PAR SHES PA'I KHAMS YIN PAR RIG PAR BYA 'AM ZHE NA, SMRAS PA MA YIN NO, ,'O NA CI ZHE NA, SGO DANG SKAR KHUNG DANG KHA DANG SNA LA SOGS PA'I BU GA NAM MKHA'I KHAMS ZHES BYA, BU GA ZHES BYA BA CI ZHIG YIN PAR RIG PAR BYA, SNANG DANG MUN BA DAG YIN LO, ,BU GA NI SNANG BA DANG MUN PA DAG LAS GZHAN DU GZUNG DU MED DO, ,DE LTA BAS NA NAM MKHA'I KHAMS NI SNANG BA DANG MUN PA'I RANG BZHIN TE, MTSAN MO DANG NYIN MO'I RANG BZHIN DU YIN PAR RIG PAR BYA'O ZHES GRAG GO, ,DE NYID THOGS PA'I NYE BA'I 'KHOR GYI GZUGS ZHES BYA STE, THOGS BA ZHES BYA BA NI SHIN TU GNOD PAR BYAR RUNG BA'I PHYIR BSAGS PAR GNAS PA'I GZUGS TE, DE NI DE'I 'KHOR RO LO, ,GZHAN DAG NA RE DE LA GZHAN MI THOGS PA'I PHYIR TE, DE NI THOGS MED KYANG YIN LA GZUGS GZHAN GYI NYE 'KHOR YANG YIN PAS THOGS MED NYE 'KHOR YIN NO ZHES ZER RO, ,ZAG PA DANG BCAS PA'I RNAM SHES NI, RNAM SHES KHAMS YIN, CI'I PHYIR ZAG PA MED PA LA MI BYA ZHE NA, 'DI LTAR KHAMS DRUG PO 'DI DAG NI, SKYE BA'I RTEN YIN PAR 'DOD DE, DE DAG NYID MTSAMS SBYOR BA'I SEMS NAS 'CHI BA'I SEMS KYI BAR DU SKYE BA'I GZHIR GYUR PA STE, ZAG PA MED PA'I CHOS RNAMS NI DE LTA MA YIN NO, ,DE'I PHYIR DE LTAR NA DE DAG LAS KHAMS BZHI NI REG BYA'I KHAMS KYI NANG DU 'DUS SO, ,LNGA PA NI GZUGS KYI KHAMS KYI NANG DU 'DUS SO, ,DRUG PA NI RNAM PAR SHES PA'I KHAMS BDUN PO DAG TU 'DUS SO, ,GANG DAG KHAMS BCO BRGYAD BSTAN PA DE DAG LAS BSTAN DU YOD PA RNAMS NI DU, BSTAN DU MED PA RNAMS NI DU ZHE NA, BSTAN YOD 'DIR NI GZUGS GCIG TU, ,DE NI 'DI NI 'DI NA 'O, ,CHE GE MO ZHIG NA'O ZHES BSTAN PAR NUS SO, ,LHAG MA RNAMS NI BSTAN DU MED PA'O ZHES BSHAD PAR 'GYUR RO, ,THOGS PA DANG BCAS PA RNAMS NI DU, THOGS PA MED PA RNAMS NI DU ZHE NA, THOGS DANG BCAS PA GZUGS CAN BCU, ,GZUGS KYI PHUNG POS BSDUS PA'I KHAMS BCU GANG DAG BSHAD PA DE DAG NI THOGS PA DANG BCAS PA YIN TE, THOGS PA @40A *, ,ZHES BYA BA NI RDUGS PA'O, ,DE YANG RNAM PA GSUM STE, SGRIB PA DANG YUL DANG DMIGS PA LA THOGS PA'O, ,DE LA SGRIB PA LA THOGS PA NI RANG GI YUL DU GZHAN SKYE BA'I GEGS BYED PA STE, DPER NA LAG PA 'AM, RDO BAL LAG PA RDUGS SHIG THOGS PA'AM, RDO BA YANG DE GNYIS LA THOGS PA LTA BU'O, ,YUL LA THOGS PA NI MIG LA SOGS PA YUL CAN RNAMS GZUGS LA SOGS PA YUL RNAMS LA THOGS PA STE, BTAGS PA LAS JI SKAD DU, CHU LA THOGS PA LA SKAM LAM YIN PA'I MIG KYANG YOD DE, DPER NA NYA RNAMS KYI LTA BU'O, , SKAM THOGS LA CHU LA MA YIN PA YANG YOD DE, MI PHAL CHE BA'I LTA BU'O, ,GNYI GAR THOGS PA YANG YOD DE, CHU SRIN BYIS PA GSOD PA DANG, SBAL PA DANG, SHA ZA BA DANG, NYA PA LA SOGS PA RNAMS KYI LTA BU'O, ,GNYI GAR MA YIN PA YANG YOD DE, RNAM PA DE DAG MA GTOGS PA'O, ,MIG GANG MTSAN MO THOGS LA NYIN PAR MA YIN PA YOD DE, PHA WANG DANG, 'UG PA LA SOGS PA RNAMS KYI LTA BU'O, ,NYIN PAR THOGS LA MTSAN MO MA YIN PA NI MI PHAL CHE'I LTA BU'O, ,MTSAN MO DANG NYIN PAR THOGS BA NI KHYI DANG, WA DANG, RTA DANG, GUNG DANG, BYI LA LA SOGS PA RNAMS KYI LTA BU'O, ,GNYI GAR YANG MA YIN PA NI RNAM PA DE DAG MA GTOGS PA'O ZHES GSUNGS PA LTA BU STE, 'DI NI YUL LA THOGS PA'O, ,DMIGS PA LA THOGS PA NI SEMS DANG SEMS LAS BYUNG BA RNAMS RANG GI DMIGS PA DAG LA THOGS PA'O, ,YUL DANG DMIGS PA DAG LA BYE BRAG CI YOD CE NA, GANG LA GANG ZHIG BYED PA DE NI YUL YIN LA, GANG ZHIG SEMS DANG SEMS LAS BYUNG BA RNAMS KYIS 'DZIN PA DE NI DMIGS PA YIN NO, ,YANG JI LTAR NA RANG GI YUL LA DMIGS PA LA 'JUG PA LA THOGS PA ZHES BYA ZHE NA, DE LAS GZHAN DU MI 'JUG PA'I PHYIR RO, ,YANG NA 'DI LA GTOD PA NI THOGS PA YIN TE, RANG GI YUL LA 'JUG PA GANG YIN PA'O, ,DE LTA BAS NA 'DIR BCU PO DAG NI SGRIB PA LA THOGS PAS THOGS PA DANG BCAS PA NYID DU RIG PAR BYA STE, PHAN TSUN SGRIB PA'I PHYIR RO, ,CHOS GANG DAG YUL LA THOGS PAS THOGS PA DANG BCAS PA DE DAG SGRIB PA LA @40B THOGS PAS KYANG YIN NAM ZHE NA, MU BZHI STE, MU DANG PO NI SEMS KYI KHAMS BDUN DAG DANG, CHOS KYI KHAMS KYI PHYOGS MTSUNGS PAR LDAN PA GANG YIN PA'O, ,GNYIS PA NI YUL LNGA PO DAG GO, ,GSUM PA NI DBANG PO LNGA DAG GO, ,BZHI PA NI MTSUNGS BAR LDAN PA MA GTOGS PA CHOS KYI KHAMS KYI PHYOGS SO, ,GANG DAG YUL LA THOGS PAS THOGS PA DANG BCAS PA DE DAG NYID DMIGS PA LA THOGS BAS KYANG YIN NAM ZHE NA, TSIG PHYI MA DANG SBYOR BA STE, RE ZHIG DMIGS PA LA THOGS PA GANG DAG YIN PA DE DAG NI YUL LA THOGS PAS KYANG YIN NO, ,YUL LA THOGS PAS YIN LA DMIGS PA LA THOGS PAS MA YIN PA YANG YOD DE DBANG PO LNGA RNAMS SO, ,BTZUN PA GZHON NU LAN NA RE NI GANG LA YID SKYE BAR 'DOD PA LA GZHAN DAG GIS THOGS PAR BYED NUS PA DE NI THOGS PA DANG BCAS BA YIN PAR SHES PAR BYA LA, BZLOG PA NI THOGS PA MED PAR 'DOD DO ZHES ZER RO, ,THOGS BA DANG BCAS PA DAG BSHAD ZIN TO, ,KHAMS BCO BRGYAD PO DE DAG LAS DGE BA RNAMS NI DU, YI DGE BA RNAMS NI DU, LUNG DU MA BSTAN PA RNAMS NI DU ZHE NA, LUNG MA BSTAN BRGYAD, BRGYAD PO DAG GANG ZHE NA, THOGS PA DANG BCAS PA BCU BSHAD PA GANG DAG YIN PA, DE DAG NYID, GZUGS SGRA MA GTOGS DBANG PO LNGA RNAMS DANG, DRI DANG RO DANG REG BYA'I KHAMS RNAMS DANG BRGYAD PO DE DAG NI DGE BA DANG MI DGE BA'I NGO BOR LUNG BSTAN DU MED PA'I PHYIR LUNG DU MA BSTAN PA DAG GO, ,GZHAN DAG NA RE NI RNAM PAR SMIN PA'I PHYIR LUNG BSTAN DU MED PA'I PHYIR ZHES ZER TE, DE LTAR NA NI ZAG PA MED PA LA THAL BAR 'GYUR RO, ,GZHAN RNAM GSUM, GZHAN KHAMS BCU PO DAG NI DGE BA DANG MI DGE BA DANG LUNG DU MA BSTAN PA YANG YIN TE, DE LA SEMS KYI KHAMS BDUN MA CHAGS PA LA SOGS PA DANG MTSUNGS PAR LDAN BA DAG NI DGE BA YIN NO, ,CHAGS PA LA SOGS PA DANG MTSUNGS PAR LDAN PA DAG NI MI DGE BA YIN NO, ,GZHAN DAG NI LUNG DU MA BSTAN BA YIN NO, ,CHOS KYI KHAMS NI MA CHAGS PA LA SOGS PA'I NGO BO NYID DANG MTSUNGS PAR LDAN PA DANG, KUN NAS BSLANG BA DANG, SO SOR @41A *, ,BRTAGS PAS 'GOG PA NI DGE BA'O, ,CHAGS PA LA SOGS PA'I NGO BO NYID DANG MTSUNGS BAR LDAN PA DANG, KUN NAS BSLANG BA NI MI DGE BA'O, ,GZHAN NI LUNG DU MA BSTAN PA YIN NO, ,GZUGS DANG SGRA'I KHAMS NI LUS DANG NGAG GI RNAM PAR RIG BYED KYIS BSDUS PA DGE BA DANG MI DGE BA'I SEMS KYIS KUN NAS BSLANG BA DAG NI DGE BA DANG MI DGE BA YIN NO, ,DE LAS GZHAN PA DAG NI LUNG DU MA BSTAN PA YIN NO, ,DGE BA LA SOGS PA'I DNGOS PO BSHAD ZIN TO, ,KHAMS BCO BRGYAD PO DE DAG LAS 'DOD PAR GTOGS PA RNAMS NI DU, GZUGS DANG GZUGS MED PAR GTOGS PA RNAMS NI DU ZHE NA, 'DOD KHAMS GTOGS PA THAMS CAD DO, ,GTOGS PA NI MA BRAL BA STE, 'DOD PA'I KHAMS DANG LDAN ZHES BYA BA'I THA TSIG GO , ,GZUGS KYI KHAMS NI BCU BZHI'O, ,GZUGS KYI KHAMS NA NI KHAMS BCU BZHI STE, DRI DANG RO DANG SNA DANG NI, ,LCE'I RNAM PAR SHES KHAMS MA GTOGS, ,DE NA DRI DANG RO DAG MED, ,DE GNYIS NI KHAMS KYI ZAS YIN PA'I PHYIR LA, DE DAG GI 'DOD CHAGS DANG BRAL BA RNAMS KYANG DER SKYE BA'I PHYIR RO, ,DE LTA BAS NA DMIGS PA MED PA'I PHYIR SNA DANG LCE'I RNAM PAR SHES PA DAG KYANG MED DO, ,DE LTA NA NI 'O NA DE NI RIG BYA'I KHAMS KYANG MED PAR THAL BAR 'GYUR TE, KHAMS KYI ZAS YIN PA'I PHYIR RO, ,ZAS KYI RANG BZHIN MA YIN PA GANG YIN PA DE DE NA YOD DO, ,DRI DANG RO DAG KYANG DE LTAR THAL BAR 'GYUR RO, ,REG BYA DBANG PO'I RTEN DANG GZHI DANG BGO BA LA SOGS PA'I DNGOS POR YOD DU CHUG KYANG ZAS MID PA MED PAR DRI DANG RO DAG LA YONGS SU LONGS SPYOD PA MED DE, DE LTA BAS NA DE NA ZAS MID PA'I 'DOD CHAGS DANG BRAL BA RNAMS LA DRI DANG RO DAG DGOS PA MED KYI REG BYA NI MA YIN NO, ,GZHAN DAG NA RE NI SNYOMS PAR 'JUG PA'I BSAM GTAN LA BRTEN NAS 'DIR GZUGS RNAMS KYANG MTHONG ZHING SGRA RNAMS KYANG THOS LA SHIN TU SBYANGS PA DANG LHAN CIG PAR GYUR PA'I REG BYA'I KHYAD BAR GYIS KYANG LUS LA PHAN 'DOGS PAS, DE'I PHYIR SKYE BA'I BSAM GTAN NA GSUM PO DE DAG SRID KYI, DRI DANG RO DAG NI MA YIN NO ZHES @41B ZER RO; ,DE LTA NA NI 'O NA SNA DANG LCE'I DBANG PO DAG KYANG MED PAR THAL BAR 'GYUR TE, DGOS PA MED PA'I PHYIR RO, ,DGOS PA YOD DE, DE DAG MED PAR NI RTEN MDZES PA NYID DANG, MNGON BAR BRJOD PAR YANG MI 'GYUR RO, ,GAL TE DGOS PA DER ZAD NA MDZES PAR BYA BA'I DON DANG, TSIG GI DON DU RTEN KHO NAS CHOG GI DBANG PO NI DGOS PA MED DO, ,DBANG PO MED PA'I RTEN NI MI SRID DE, PHO'I DBANG PO'I RTEN BZHIN NO, ,DE NI DGOS PA MED PA'I PHYIR MI SRID PAR RIGS KYI SNA DANG LCE'I DBANG PO'I RTEN NI DGOS PA DANG BCAS PA YIN PAS, DE'I PHYIR 'DI DAG NI DBANG PO MED PAR YANG SRID PAR RIGS SO, ,DGOS PA MED PAR YANG DBANG PO MNGON PAR 'GRUB PAR 'GYUR TE, DPER NA MNGAL DU NGES PAR 'CHI BA RNAMS KYI LTA BU'O, ,DGOS PA MED PA YIN MOD KYI RGYU MED PA CAN NI MA YIN NO, ,DBANG PO SKYE BA'I RGYU GANG ZHE NA, DBANG PO LA SRED PA DANG BCAS PA'I LAS KYI KHYAD PAR RO, ,GANG YANG YUL LA SRED PA DANG BRAL BA DE NI GDON MI ZA BAR DBANG PO LAS KYANG SRED PA DANG BRAL BA YIN PAS DE DAG GI YUL LA 'DOD CHAGS DANG BRAL BA RNAMS LA SNA DANG LCE'I DBANG PO DAG 'BYUNG BAR 'OS PA MA YIN NO, ,YANG NA PHO'I DBANG PO YANG CI STE 'GRUB PAR MI 'GYUR, MI MDZES PAR BYED PA'I PHYIR RO, ,MDOMS KYI SPA BA SBUBS SU NUB PA RNAMS KYI CI'I PHYIR MI MDZES PAR 'GYUR, DGOS PA'I DBANG GIS 'BYUNG BA YANG MA YIN NO, ,'O NA CI ZHE NA, RGYU'I DBANG GIS 'BYUNG BAS RGYU YOD NA MI MDZES PAR BYED BZHIN DU YANG 'BYUNG BAR 'GYUR BA NYID DO, ,'O NA NI MDO LAS DBANG PO RNAMS MTSANG BA MED CING MED PA MA YIN NO ZHES 'BYUNG BA DANG 'GAL LO ZHE NA, DE NA DBANG PO GANG DAG SRID PA DE DAG GIS DBANG PO MED PA MA YIN BAS 'DI LA 'GAL BA CI ZHIG YOD, DE LTA MA YIN NA PHO'I DBANG PO YANG YOD PAR THAL BAR 'GYUR RO, ,'DI SKAD DU LUS KYI SGO NAS SKYE MCHED DRUG LA SRED PA KUN DU SPYOD KYI YUL GYI SGO NAS NI MA YIN BAS DE NA SNA DANG LCE'I DBANG PO DAG NI YOD PA NYID KYI DRI DANG RO DAG NI MA YIN NO, ,PHO'I DBANG PO NI 'KHRIG @42A *, ,PA REG PA'I SGO NAS SRED PA KUN TU SPYOD PAS DE LTA BAS NA GZUGS KYI KHAMS SU GTOGS PA'I KHAMS BCU BZHI'O ZHES BYA BA DE GRUB PO ZHES BRJOD DO, ,GZUGS MED GTOGS PA YID DANG NI, ,CHOS DANG YID KYI RNAM PAR SHES, ,KHAMS GZUGS KYI 'DOD CHAGS DANG BRAL PA RNAMS DER SKYE STE, DE'I PHYIR DE NI GZUGS KYI RANG BZHIN GYI KHAMS BCU DANG DE DAG LA RTEN PA DANG DMIGS PA RNAM PAR SHES PA'I KHAMS LNGA YANG MED DO, ,ZAG PA DANG BCAS PA RNAMS NI DU, ZAG PA MED PA RNAMS NI DU ZHE NA, YID DANG CHOS DANG YID KYI RNAM PAR SHES PA'I KHAMS GANG DAG BSHAD PA, DE GSUM ZAG BCAS ZAG PA MED, ,GANG DAG LAM GYI BDEN PA DANG 'DUS MA BYAS KYIS BSDUS PA DE DAG NI ZAG PA MED PA YIN NO, ,GZHAN DAG NI ZAG PA DANG BCAS PA YIN NO, ,LHAG MA RNAMS NI ZAG BCAS SO, ,LHAG MA KHAMS BCO LNGA PO DE DAG NI GCIG TU ZAG PA DANG BCAS PA YIN NO, ,RTOG PA DANG BCAS DPYOD PA DANG BCAS PA RNAMS NI DU, RTOG PA MED LA DPYOD PA TZAM DAG NI DU, RTOG PA YANG MED LA DPYOD PA YANG MED PA RNAMS NI DU ZHE NA, RTOG DANG DBYOD DANG BCAS PA NI, ,RNAM PAR SHES PA'I KHAMS LNGA YIN; ,'DI DAG NI RTAG TU RTOG PA DANG DPYOD PA DAG DANG MTSUNGS PAR LDAN PA YIN TE, 'DI LTAR KHA PHYI ROL DU BLTAS PA'I PHYIR RTZING BA YIN NO, ,NI ZHES BYA BA NI NGES PAR BZUNG BA'I DON TO, ,THA MA GSUM NI RNAM GSUM MO, ,THA MA DAG NI YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS TE, GSUM POD DA DAG NI RNAM PA GSUM STE, DE LA YID KYI KHAMS DANG, YID KYI RNAM PAR SHES PA'I KHAMS DANG, RTOG PA DANG DPYOD PA DAG LAS GZHAN BA CHOS KYI KHAMS MTSUNGS PAR LDAN PA DAG DANG 'DOD PA'I KHAMS DANG BSAM GTAN DANG PO NA NI RTOG PA DANG BCAS DPYOD PA DANG BCAS PA DAG YIN NO, ,BSAM GTAN KHYAD PAR CAN NI RTOG PA MED CING DPYOD PA TZAM DAG YIN NO, ,BSAM GTAN GNYIS PA NAS BZUNG STE, SRID PA'I RTZE MO'I BAR GYI DANG, CHOS KYI KHAMS MTSUNGS PAR LDAN PA MA YIN BA ? THAMS CAD DANG, BSAM GTAN KHYAD PAR CAN @42B GYI DPYOD PA NI RTOG PA YANG MED LA DPYOD PA YANG MED PA DAG YIN NO, ,RTOG PA NI RTOG PA GNYIS PA MED PA'I PHYIR DANG, DPYOD PA DANG MTSUNGS PAR LDAN PA'I PHYIR RTAG TU RTOG PA MED CING DPYOD PA TZAM YIN NO, ,'DOD PA'I KHAMS DANG BSAM GTAN DANG PO'I DPYOD PA RNAM PA GSUM PO 'DI DAG GI NANG DU MI 'DUN DE JI SKAD DU BRJOD PAR BYA ZHE NA, DPYOD PA GNYIS PA MED PA'I PHYIR DANG, RTOG PA DANG MTSUNGS PAR LDAN PA'I PHYIR DPYOD PA MED CING RTOG PA TZAM YIN NO, ,DE NYID KYI PHYIR RTOG PA DANG BCAS DPYOD PA DANG BCAS PA'I SA NA CHOS RNAM PA BZHI YOD DE, RTOG PA DANG BCAS DPYOD PA DANG BCAS PA DAG NI RTOG PA DANG DPYOD BA MA RTOGS PA MTSUNGS PAR LDAN PA RNAMS SO, ,RTOG PA MED CING DPYOD PA TZAM DAG NI RTOG PA'O, ,RTOG PA YANG MED DPYOD PA YANG MED PA DAG NI MTSUNGS PAR LDAN PA MA YIN PA RNAMS SO, ,DPYOD PA MED CING RTOG PA ? TZAM NI DPYOD PA'O ZHES BYA'O, ,LHAG MA RNAMS NI GNYIG SPANGS, ,LHAG MA RNAMS NI GZUGS CAN GYI KHAMS BCU PO DAG STE, DE DAG NI MTSUNGS PAR LDAN BA MA YIN PA'I PHYIR RTAG TU RTOG PA YANG MED DPYOD PA YANG MED PA DAG YIN NO, ,GAL TE RNAM PAR SHES PA'I TSOGS BA LNGA PO RNAMS RTOG PA DANG DPYOD PA DANG BCAS PA DAG YIN NA, JI LTAR NA RNAM PAR RTOG PA MED PA DAG CES BYA ZHE NA, NGES PAR RTOG DANG RJES DRAN PA'I, ,RNAM PAR RTOG PA RNAMS MI RTOG ,RNAM PAR RTOG PA NI RNAM PA GSUM MO ZHES GRAG STE, NGO BO NYID DANG, NGES PAR RTOG PA DANG, RJES SU DRAN BA'I RNAM PAR RTOG PA'O, ,DE BAS NA DE DAG LA NGO BO NYID KYI RTOG PA YOD KYI GZHAN DAG YIN TE, DE LTA BAS NA RNAM PAR RTOG PA MED PA DAG CES BYA STE, DPER NA RTA RKANG GCIG PA LA RKANG MED CES BYA BA BZHIN NO, ,DE LA NGO PO ? NYID KYI RNAM PAR RTOG PA NI RTOG PA YIN TE, DE NI 'OG NAS SEMS LAS BYUNG BA DAG GI NANG NAS STON TO, ,GZHAN DAG GI RANG BZHIN CI ZHE NA, RIM BZHIN DU, DE DAG YID KYI SHES RAB GA-YENG; ,YID GYI DRAN BA THAMS CAD NYID, ,YID KYI RNAM PAR SHES PA DANG MTSUNGS PAR LDAN PA'I SHES RAB NI YID KYI ZHES BYA'O, ,MNYAM PAR GZHAG PA MA YIN BA NI GA-YENG BZHES BYA STE, DE NI NGES PAR RTOG PA'I RNAM PAR RTOG PA'O, ,YID KYI DRAN BA NYID MNYAM PAR GZHAG PA DANG MNYAM PAR GZHAG PA @43A *, ,MA YIN BA ? THAMS CAD NI RJES SU DRAN PA'I RNAM PAR ? RTOG PA YIN NO, ,DMIGS PA DANG BCAS PA RNAMS NI DU, DMIGS PA MED PA RNAMS NI DU ZHE NA, DMIGS BCAS SEMS KYI KHAMS BDUN NO, ,MIG DANG, RNA BA DANG, SNA DANG LCE DANG, LUS DANG YID KYI RNAM PAR SHES PA'I KHAMS RNAMS DANG, YID KYI KHAMS TE, SEMS KYI KHAMS BDUN PO DE DAG NI YUL 'DZIN PA'I PHYIR DMIGS PA DANG BCAS PA DAG GO , ,CHOS KYI SKYE MCHED KYANG, DMIGS PA DANG BCAS PA YIN TE, SEMS LAS BYUNG BA'I RANG BZHIN GANG YIN PA'O, ,LHAG MA GZUGS CAN GYI KHAMS BCU PO DAG DANG, CHOS KYI KHAMS KYI PHYOGS LDAN PA MA YIN PA NI DMIGS PA MED PA ZHES BYA BAR GRUB BO, ,ZIN PA RNAMS NI DU, MA ZIN PA RNAMS NI DU ZHE NA, MA ZIN DGU , DGU GANG ZHE NA, DMIGS PA DANG BCAS PA BDUN BRGYAD PA'I PHYED DANG BCAS TE BSHAD PA GANG DAG YIN PA, BRGYAD PO DE DAG RNAMS DANG SGRA, ,DE LTAR NA SEMS KYI KHAMS BDUN DANG, CHOS KYI KHAMS DANG, SGRA'I KHAMS DANG, KHAMS DGU PO DE DAG NI MA ZIN PA YIN NO ,DGU PO GZHAN NA RNAM PA GNYIS, ,ZIN PA DAG KYANG YIN, MA ZIN PA DAG KYANG YIN TE, DE LA MIG DANG RNA BA DANG SNA DANG LCE DANG LUS DANG DA LTAR BYUNG BA RNAMS NI ZIN PA YIN NO, ,'DAS PA DANG MA 'ONGS PA RNAMS NI MA ZIN PA YIN NO, ,GZUGS DANG, DRI DANG, RO DANG, REG BYA'I KHAMS DA LTAR BYUNG BA DBANG PO DANG THA MI DAD PA RNAMS NI ZIN PA YIN NO, ,GZHAN DAG NI MA ZIN PA RNAMS TE, 'DI LTA STE RTZA BA MA GTOGS PA'I SKRA DANG, BA SPU DANG, SEN MO DANG, SO DAG LA YOD PA DANG, PHYIS DANG, GCIN DANG, MCHIL MA DANG; SNABS DANG, KHRAG LA SOGS PA DAG LA YOD PA DANG, SA DANG CHU LA SOGS PA DAG LA YOD PA LTA BU'O, ,ZIN PA ZHES BYA BA'I DON CI ZHE NA, PHAN PA DANG GNOD PA DAG GIS PHAN TSUN MTHUN PAR BYED PA'I PHYIR SEMS DANG SEMS LAS BYUNG BA RNAMS KYIS RTEN GYI DNGOS POR NYE BAR GZUNG BA STE, 'JIG RTEN GYI NA SEMS PA DANG BCAS PA ZHES BRJOD PA GANG YIN PA'O, ,KHAMS NGA DAG GCIG NI 'BYUNG BA'I NGO BO NYID YIN, DU DAG GCIG NI 'BYUNG BA LAS GYUR PA YIN ZHE NA, REG BYA RNAM PA GNYIS YIN TE, 'BYUNG BA DAG DANG, 'BYUNG BA LAS GYUR PA'O, ,DE LA 'BYUNG BA DAG NI BZHI'O, ,'BYUNG BA @43B LAS GYUR PA NI 'JAM PA NYID LA SOGS PA RNAM PA BDUN TA, 'BYUNG BA DAG LA YOD PA'I PHYIR RO, ,LHAG MA GZUGS CAN DGU PO NI, ,'BYUNG GYUR, DBANG PO LNGA'I KHAMS DAG DANG YUL BZHI STE, KHAMS DGU PO DE RNAMS NI 'BYUNG BA LAS GYUR PA DAG KHO NA'O, ,CHOS KHAMS PHYOGS GCIG KYANG, 'BYUNG BA LAS GYUR PA STE, RNAM PAR RIG BYED MA YIN BA ZHES BYA'O, ,LHAG MA SEMS KYI KHAMS BDUN DANG, RNAM PAR RIG BYED MA YIN PA MA GTOGS PA CHOS KYI KHAMS NI GNYIS GA MA YIN PA'O, ,BTZUN PA SANGS RGYAS LHA NA RE NI SKYE MCHED BCU PO DAG NI 'BYUNG BA TZAM MO ZHES ZER RO, ,DE NI DE LTA MA YIN TE, MDO LAS 'BYUNG BA RNAMS NI BZHI NYID DANG, SRA BA LA SOGS PA'I MTSAN NYID DU NGES PAR GZUNG BA'I PHYIR LA, DE DAG KYANG REG BYA YIN PA'I PHYIR RO, ,MIG LA SOGS PAS KYANG SRA BA LA SOGS PA MI 'DZIN LA, LUS KYI DBANG POS KYANG KHA DOG LA SOGS PA MA YIN NO, ,MDO LAS KYANG DGE SLONG MIG NI NANG GI SKYE MCHED YIN TE, 'BYUNG BA CHEN PO BZHI DAG RGYUR BYAS PA GZUGS DANG BA GZUGS CAN BSTAN DU MED LA THOGS PA DANG BCAS PA STE LUS KYI BAR DU YANG DE BZHIN NO, ,DGE SLONG GZUGS RNAMS NI PHYI'I SKYE MCHED YIN TE, 'BYUNG BA CHEN PO BZHI DAG RGYUR BYAS PA GZUGS CAN BSTAN DU YOD LA THOGS PA DANG BCAS PA YIN NO, DGE SLONG SGRA NI BYI'I SKYE MCHED YIN TE, 'BYUNG BA CHEN PO BZHI DAG RGYUR BYAS PA GZUGS CAN BSTAN DU MED LA THOGS PA DANG BCAS PA STE, DRI DANG RO YANG DE BZHIN NO, ,DGE SLONG REG BYA RNAMS NI PHYI'I SKYE MCHED YIN TE, 'BYUNG BA CHEN PO BZHI DAG DANG, 'BYUNG BA CHEN PO BZHI DAG RGYUR BYAS PA GZUGS CAN BSTAN DU MED LA THOGS PA DANG BCAS PA'O ? ZHES GSUNGS TE, REG BYA'I SKYE MCHED KYI PHYOGS GCIG KHO NAS 'BYUNG BA RNAMS BSDUS PA'I PHYIR LHAG MA RNAMS NI 'BYUNG BA DAG MA YIN NO ZHES BYA BAR GSAL BAR KUN DU BSTAN PA YIN NO, ,'O NA MDO LAS, GANG MIG GI SHA'I GONG BU LA SRA BA MKHRANG BAR GYUR PA GANG YIN PA ZHES GSUNGS SO, DE DANG THA MI DAD PAR 'JUG PA'I SHA'I GONG BU LA DE SKAD DU BSTAN PAR ZAD DO, ,MNGAL DU 'JUG PA LAS, DGE SONG 'DI NI KHAMS DRUG PA YIN NO ZHES GSUNGS SO, ,SEMS CAN GYI RDZAS KYI GZHI BSTAN PA'I PHYIR TE, YANG REG PA'I SKYE MCHED DRUG CES GSUNGS PA'I @44A *, ,PHYIR DANG, SEMS LAS BYUNG BA RNAMS MED PAR THAL BAR 'GYUR BA'I PHYIR RO, ,SEMS NYID SEMS LAS BYUNG BA RNAMS YIN NO ZHES BYA BAR KHAS BLANGS PAR RIGS PA YANG MA YIN TE, MDO LAS; 'DU SHES DANG SEMS PA'I CHOS 'DI NI SEMS LAS BYUNG BA SEMS LA BRTEN PA'O ZHES 'BYUNG BA'I PHYIR DANG, SEMS 'DOD CHAGS DANG BCAS PA LA SOGS PA 'BYUNG BA'I PHYIR RO, ,DE LTA BAS NA KHAMS RNAMS KYI 'BYUNG BA DANG 'BYUNG BA LAS GYUR PA NYID NI JI SKAD BSHAD PA BZHIN YIN NO, ,BSAGS PA RNAMS NI DU, BSAGS PA MA YIN PA RNAMS NI DU ZHE NA, GZUGS CAN BCU NI BSAGS PA'O, ,DBANG PO'I KHAMS LNGA DANG YUL LNGA DAG NI RDUL PHRA RAB 'DUS PA YIN PA'I PHYIR BSAGS PA DAG GO , ,KHAMS BCO BRGYAD PO DAG LAS GCOD PAR BYED PA NI GANG GCAD PAR BYA BA NI GANG, SREG PAR BYED PA NI GANG, BSREG PAR BYA BA NI GANG, 'JAL BAR BYED PA NI GANG, GZHAL BAR BYA BA NI GANG ZHE NA, GCOD BYED GCAD PAR BYA BA NYID, ,PHYI ROL GYI NI KHAMS BZHI YIN, ,GZUGS DANG DRI DANG RO DANG REG BYA ZHES BYA BA STE, DGRA STA DANG SHING ZHES BYA BA LA SOGS PA'O, ,GCOD PA ZHES BYA BA'I CHOS 'DI CI ZHE NA, 'DUS PA'I RGYUN 'BREL BAR 'BYUNG BA CAN RNAM PAR 'BYED PA SKYED PA'O, ,LUS KYI DBANG PO LA SOGS PA NI GCAD PAR BYA BA MA YIN TE, YAN LAG MA LUS PAR BCAD NA DE DAG LA GNYIS SU BYAR MED PA'I PHYIR RO, ,DBANG PO RNAMS LA NI GNYIS SU 'GYUR BA MED DE, GCAD PA'I YAN LAG LA DBANG PO MED PA'I PHYIR RO, ,GCOD PAR BYED PA YANG MA YIN TE, NOR BU'I 'OD BZHIN DU DANG BA'I PHYIR RO, ,JI LTAR GCOD BYED GCAD PAR BYA BA NYID PHYI ROL GYI KHAMS BZHI YIN BA LTAR DE BZHIN BSREG BYA 'JAL BAR BYED PA'O, ,DE DAG NYID BSREG PAR BYA BA YIN LA, DE DAG NYID 'JAL BAR BYED PA YIN NO, ,DBANG PA RNAMS NI MA YIN TE, DANG BA'I PHYIR 'OD BZHIN NO, ,SGRA YANG MA YIN TE, CHAD PA YIN PA'I PHYIR RO, ,SREG DANG GZHAL LA MI MTHUN SMRA, ,KHA CIG NA RE NI KHAMS BZHI PO DE DAG NYID SREG PAR BYED PA YANG YIN LA, GZHAL BAR BYA BA 'ANG YIN NO ZHES BRJOD DO, ,KHA CIG NA RE NI ME'I KHAMS KHO NA SREG PAR BYED PA YIN LA, LCI BA NYID KHO NA GZHAL BAR BYA BA YIN NO ZHES BRJOD DO, ,RNAM PAR SMIN PA LAS SKYES PA'I KHAMS RNAMS NI @44B DU; RGYAS PA LAS BYUNG BA RNAMS NI DU, RGYU MTHUN PA LAS BYUNG BA RNAMS NI DU, RDZAS DANG LDAN PA RNAMS NI DU, SKAD CIG PA RNAMS NI DU ZHE NA, SMRAS PA, RNAM PAR SMIN LAS SKYES PA DANG, ,RGYAS LAS BYUNG BA NANG GI LNGA, ,RE ZHIG MIG LA SOGS PA NANG GI KHAMS LNGA PO DAG NI RNAM PAR SMIN PA LAS SKYES PA YANG YIN LA; RGYAS PA LAS BYUNG BA YANG YIN NO, ,RGYU MTHUN PA LAS BYUNG BA NI MED DE, DE DAG LAS MA GTOGS PA RGYU MTHUN PA MED PA'I PHYIR RO, ,DE LA RNAM PAR SMIN PA'I RGYU LAS SKYAS PA NI RNAM PAR SMIN PA LAS SKYES PA STE, BAR GYI TSIG MI MNGON PAR BYAS PA'I PHYIR BA LANG GI SHING RTA ZHES BYA BA LTA BU'O, ,YANG NA 'BRAS BU'I DUS SU PHYIN PA'I LAS NI RNAM PAR SMIN PA ? ZHES BYA STE, RNAM PAR SMIN PAR 'GYUR BA'I PHYIR RO, ,DE LAS SKYES PA NI RNAM PAR SMIN PA LAS SKYES PA RNAMS SO, ,'BRAS BU NI RNAM PAR SMIN PA KHO NA YIN PAS RNAM PAR SMIN PA'O, ,YANG NA RGYU LA 'BRAS BU BTAGS PA YIN TE, DPER NA 'BRAS BU LA RGYU BTAGS PA ? RAG PA'I SKYE MCHED DRUG PO 'DI DAG NI SNGON GYI LAS YIN PAR RIG PAR BYA'O ZHES GSUNGS BA LTA BU'O, ,ZAS DANG, LEGS PAR BYA BA DANG, GNYID LOG PA DANG, TING NGE 'DZIN GYI KHYAD PAR DAG GIS RGYAS PAR BYAS PA RNAMS NI RGYAS PA LAS BYUNG BA DAG GO , ,GZHAN DAG NA RE NI TSANGS PAR SPYOD PAS KYANG RGYAS PAR BYED DO ZHES ZER TE, DES NI MI GNOD PA TZAM DU ZAD KYI RGYAS PA NI MA YIN NO, ,RGYAS PA'I RGYUD NI RNAM PAR SMIN PA'I RGYUD LA PHYIR BZHIN DU KUN TU BSRUNG NGO, ,SGRA NI RGYAS PA LAS BYUNG BA DANG, RGYU MTHUN PA LAS BYUNG BA YOD KYI, SGRA NI RNAM SMIN LAS SKYES MIN, ,CI'I PHYIR ZHE NA, 'DOD DGUR 'BYUNG BA'I PHYIR RO, ,'O NA GANG BSTAN BCOS BTAGS PA LAS, TSIG RTZUB PO SPONG BA SHIN TU BSGOM PA'I PHYIR SKYES BU CHEN PO'I MTSAN TSANGS PA'I DBYANGS NYID 'GRUB PO ZHES GSUNGS SO, ,KHA CIG NA RE NI BRGYUD PA 'DI NI GSUM PA YIN TE, LAS DAG LAS NI 'BYUNG BA RNAMS 'GRUB, 'BYUNG BA RNAMS LAS NI SGRA 'GRUB PO ZHES ZER RO; ,KHA CIG NA RE BRGYUD PA 'DI NI LNGA PA YIN TE, LAS DAG LAS NA RNAM PAR SMIN PA LAS SKYES PA'I 'BYUNG BA RNAMS 'GRUB, DE DAG LAS NI RGYAS PA LAS BYUNG BA RNAMS 'GRUB, DE DAG LAS NI RGYU MTHUN PA LAS BYUNG BA RNAMS 'GRUB BO, ,DE DAG LAS NI SGRA 'GRUB PO ZHES ZER RO, ,DE LTA NA 'O NA NI LUS KYI @45A *, ,TSOR BA YANG LAS LAS SKYES PA'I 'BYUNG BA LAS BYUNG BA'I PHYIR RNAM PAR SMIN PA MA YIN PAR 'GYUR RO, ,GAL TE SGRA BZHIN DU RIGS PA DANG 'GAL BAR GYUR NA RNAM PAR SMIN PA MA YIN PAR ? 'GYUR RO, ,RGYU MTHUN LAS BYUNG RNAM SMIN SKYES, ,THOGS PA MED PA BRGYAD, BRGYAD GANG ZHE NA, SEMS KYI KHAMS BDUN DAG DANG, CHOS KYI KHAMS TE SKAL PA MNYAM BA DANG KUN DU 'GRO BA'I RGYUS BSKYED PA RNAMS NI RGYU MTHUN BA LAS BYUNG BA DAG GO , ,RNAM PAR SMIN PA'I RGYUS BSKYED PA RNAMS NI RNAM PAR SMIN PA LAS SKYES PA DAG GO , ,RGYAS PA LAS BYUNG BA NI MED DE, THOGS PA MED PA RNAMS LA RGYAS PA MED PA'I PHYIR RO; ,GZHAN RNAM GSUM, GZHAN NI LHAG MA BZHI PO GZUGS DANG, SGRA DANG, DRI DANG, RO DANG, REG BYA'I KHAMS DAG STE, DE DAG NI RNAM PAR SMIN PA LAS SKYES BA DAG KYANG YIN, RGYAS PA LAS BYUNG BA DAG KYANG YIN, RGYU MTHUN PA LAS BYUNG BA DAG KYANG YIN NO, ,RDZAS DANG LHAN CIG ,'DUS MA BYAS NI BRTAN PA'I PHYIR RDZAS SO, ,DE YANG CHOS KYI KHAMS LA YOD PAS DE'I PHYIR CHOS KYI KHAMS GCIG PU RDZAS DANG LDAN PA YIN NO, ,THA MA GSUM SKAD CIG MA STE, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS NI 'DON PA'I RIM PAS THA MA DAG YIN TE, DE DAG NI ZAG PA MED PA'I BZOD PA'I DANG PO SDUG BSNGAL LA CHOS SHES PA'I BZOD PA'I TSOGS LA SKAD CIG MA GCIG RGYU MTHUN PA LAS BYUNG BA MA YIN PAR 'GYUR TE, DE'I PHYIR SKAD CIG MA RNAMS ZHES BYA'O, ,'DUS BYAS GZHAN NI RGYU MTHUN BA LAS MA BYUNG BA 'GA' YANG MED DO, ,DE LA SDUG BSNGAL LA CHOS SHES PA'I BZOD PA DANG MTSUNGS PAR LDAN PA'I SEMS NI YID KYI KHAMS DANG, YID KYI RNAM PAR SHES PA'I KHAMS YIN NO, ,LHAG MA DA ? DANG LHAN CIG 'BYUNG BA RNAMS NI CHOS KYI KHAMS SO, ,'DI DPYAD PAR BYA STE, GANG GIS MIG GI KHAMS DANG MI LDAN PA LAS LDAN PA 'THOB PA DE MIG GI RNAM PAR SHES PA DANG LDAN PA ? YANG YIN NAM, GANG MIG GI RNAM PAR SHES PA DANG YIN PA DE MIG GI KHAMS DANG YANG YIN NAM ZHE NA, SMRAS PA, MIG DANG NI, RNAM SHES KHAMS DAG SO SO DANG, ,LHAN CIG TU YANG 'THOB PA YOD, ,RE ZHIG SO SO NI MIG GI KHAMS DANG YIN LA, MIG GI RNAM PAR SHES PA'I KHAMS DANG MA YIN PA YANG YOD DE, 'DOD @45B PA'I KHAMS NA RIM GYIS MIG GI DBANG PO 'THOB PA DANG, GZUGS MED PA NAS SHI 'PHOS NAS BSAM GTAN GNYIS PA LA SOGS PAR SKYE BA NA'O, ,MIG GI RNAM PAR SHES PA'I KHAMS DANG YIN LA MIG GI KHAMS DANG MA YIN PA YANG YOD DE, BSAM GTAN GNYIS PA LA SOGS PAR SKYES PA'I MIG GI RNAM PAR SHES PA MNGON DU BYED PA DANG, DE DAG NAS SHI 'PHOS NAS 'OG MAR SKYE BA NA'O, ,LHAN CIG TU YANG NI GNYI GA DANG LDAN PA YANG YOD DE, GZUGS MED PA'I KHAMS NAS SHI 'PHOS NAS 'DOD PA'I KHAMS DANG TSANGS PA'I 'JIG RTEN DU SKYE BA NA'O, ,GNYI GA DANG MA YIN PA NI RNAM PA DE DAG MA GTOGS PA'O, , GANG MIG GI KHAMS DANG LDAN PA DE MIG GI RNAM PAR SHES PA'I KHAMS DANG YANG YIN NAM ZHE NA, MU BZHI STE, MU DANG PO NI BSAM GTAN GNYIS PA LA SOGS PAR SKYES PA MIG GI RNAM PAR SHES PA MNGON DU MI BYED PA NA'O, ,GNYIS PA NI 'DOD PA'I KHAMS NA MIG MA THOB BA DANG NYAMS PA'O, ,GSUM PA NI 'DOD PA'I KHAMS NA MIG GI THOB PA DANG MA NYAMS PA DANG, BSAM GTAN DANG POR SKYES PA DANG, BSAM GTAN GNYIS PA LA SOGS PAR SKYES PA LTA BU'O, ,BZHI PA NI RNAM PA DE DAG MA GTOGS PA'O, ,DE BZHIN DU MIG GI KHAMS DANG GZUGS DAG DANG, MIG GI RNAM PAR SHES PA'I KHAMS DANG, GZUGS DAG 'THOB PA DANG LDAN BA DAG KYANG CI RIGS PAR BRTAG PAR BYA'O, ,LHAN CIG TU YANG ZHES BYA BA'I YANG GI SGRA NI ZHAR LA 'ONGS PA 'DI BSDU BA'I DON TO, ,KHAMS DU DAG GCIG NI NANG GI YIN, DU DAG GCIG NI PHYI'I YIN ZHE NA, NANG GI BCU GNYIS, BCU GNYIS GANG DAG CE NA, GZUGS LA SOGS PA MA GTOGS RNAM PAR SHES PA DRUG DANG, RTEN DRUG STE, KHAMS BCU GNYIS PO DE DAG NI NANG GI YIN NO, ,GZUGS LA SOGS PA YUL GYI KHAMS DRUG PO DE DAG NI PHYI'I YIN NO, ,BDAG MED NA JI LTAR NA NANG GI 'AM, PHYI'I YIN ZHE NA, SEMS NI NGAR 'DZIN PA'I RTEN YIN PA'I PHYIR BDAG CES NYE BAR 'DOGS TE, MKHAS PAS BDAG NYID SHIN TU NI; ,DUL BAS MTHO RIS THOB PAR 'GYUR, ,ZHES GSUNGS LA, BCOM LDAN 'DAS KYIS GZHAN LAS, SEMS DUL BA NI LEGS PA STE, SEMS DUL BAS NI BDE BA 'DREN, ,ZHES SEMS DUL BA YAN PAR GSUNGS PAS DE'I PHYIR MIG LA SOGS PA NI SEMS BDAG TU GYUR PA'I RTEN GYI DNGOS POR NYE BAR GYUR @46A *, ,PA'I PHYIR NANG GI NYID YIN NO, ,GZUGS LA SOGS PA RNAMS NI YUL DU GYUR PA'I PHYIR PHYI ROL GYI NYID YIN NO, ,DE LTA NA, 'O NA NI RNAM PAR SHES PA'I KHAMS DRUG PO DAG NANG GI YIN PAR MI 'GYUR TE, DE DAG YID KYI KHAMS NYID DU MA GYUR PA NI SEMS KYI RTEN DU MI 'GYUR RO ZHE NA, GANG GI CHO YIN BA DE'I TSE NA YANG DE DAG NYID DE DAG YIN TE MTSAN NYID LAS NI MI 'DA'O, ,DE LTA MA YIN NA YID KYI KHAMS 'DAS PA KHO NA YIN PAR 'GYUR GYI MA 'ONGS PA DANG DA LTAR BYUNG BA YIN PAR NI MI 'GYUR BA ZHIG NA KHAMS BCO BRGYAD PO DAG NI DUS GSUM PA YIN PAR YANG 'DOD DO, ,GAL TE YANG RNAM PAR SHES PA MA 'ONGS PA DANG DA LTAR BYUNG BA YID KYI KHAMS KYI MTSAN NYID MA YIN PAR GYUR NA 'DAS PA'I DUS NA YANG YID KYI KHAMS SU RNAM PAR GZHAG PAR MI 'GYUR TE, MTSAN NYID NI DUS RNAMS SU 'KHRUL PA MED DO, ,BRTEN PA DANG BCAS PA'I KHAMS RNAMS NI DU, DE DANG MTSUNGS PA RNAMS NI DU ZHE NA, RE ZHIG GCIG TU, CHOS ZHES BYA BA NI, BRTEN PA DANG BCAS, GANG ZHIG RNAM PAR SHES PA GANG GI YUL DU NGES LA GAL TE DE LA RNAM PAR SHES PA DE SKYES PA 'AM SKYES PA'I CHOS CAN GYI YUL DE NI BRTEN PA DANG BCAS PA ZHES BYA LA, GANG LA YID KYI RNAM PAR SHES PA MTHA' YAS PA MA SKYES PA'AM SKYE BAR MI 'GYUR BA'I CHOS KYI KHAMS GANG YIN PA DE NI 'GA' YANG MED DE, 'DI LTAR 'PHAGS PA'I GANG ZAG THAMS CAD NI GDON MI ZA BAR CHOS THAMS CAD LA BDAG MED DO SNYAM PA'I SEMS 'DI SKYE'O, ,DE'I DMIGS PA YANG RANG GI NGO BO DANG LHAN CIG 'BYUNG BA MA GTOGS PA CHOS THAMS CAD YIN NO, ,SEMS KYI SKAD CIG MA DE YANG SEMS KYI SKAD CIG MA GZHAN GYI DMIGS PA MA YIN PAS SKAD CIG MA GNYIS KYI DMIGS PAR NI CHOS THAMS CAD 'GYUR TE, DE LTA BAS NA CHOS KYI KHAMS NI RTAG TU BRTEN PA DANG BCAS PA YIN NO, ,LHAG MA NI, DE DANG MTSUNGS PA DAG KYANG YIN, KYANG ZHES BYA BA'I SGRA NI BRTEN PA DANG BCAS PA DAG KYANG YIN PA'O, ,DE DANG MTSUNGS PA ZHES BYA BA 'DI CI ZHIG CE NA, GANG ZHIG RANG GI LAS MI BYED, ,GANG RANG GI LAS BYED PA DE NI BRTEN PA DANG BCAS PA'O ZHES BSHAD PAR 'GYUR RO, ,DE LA MIG GANG GIS GZUGS RNAMS MTHONG BA DANG, LTA BA 'AM LTA BAR 'GYUR BA'I MIG DE NI BRTEN PA DANG BCAS ZHES BYA STE, DE BZHIN DU YID KYI BAR @46B LA YANG RANG RANG GI YUL LA BYED PAS BRJOD PAR BYA'O, ,KHA CHE BA RNAMS KYI LTAR NA DE DANG MTSUNGS PA'I MIG NI RNAM PA BZHI STE, GZUGS RNAMS MA MTHONG BAR 'GAGS PA DANG, 'GAG PA DANG, 'GAG PAR 'GYUR BA GANG YIN PA DANG, MI SKYE BA'I CHOS GANG YIN BA'O, ,NUB PHYOGS PA RNAMS KYI LTAR NA RNAM PA LNGA STE; MI SKYE BA'I CHOS DE NYID RNAM PAR SHES PA DANG LDAN PA DANG, LDAN PA MA YIN PA DANG RNAM PA GNYIS SU PHYE BA'I PHYIR TE, LUS KYI BAR DU YANG DE BZHIN DU RIG PAR BYA'O, ,YID NI MI SKYE BA'I CHOS KHO NA DE 'DRA BA YIN NO, ,GZUGS GANG DAG MIG GIS MTHONG BAR GYUR PA DANG, MTHONG BA DANG, MTHONG BAR 'GYUR BA DE DAG NI BRTEN PA DANG BCAS PA RNAMS SO, ,DE DANG 'DRA BA NI RNAM PA BZHI STE, GANG DAG MA MTHONG BA NYID DU 'GAGS PA DANG, 'GAG PAR 'GYUR BA DANG, GANG DAG MI SKYE BA'I CHOS RNAMS TE, DE BZHIN DU REG BYA'I BAR DAG LA YANG RANG GI DBANG PO'I BYED PAS DE DANG 'DRA BA DAG TU RIG PAR BYA'O; ,GCIG GI MIG BRTEN PA DANG BCAS PA GANG YIN PA DE NI THAMS CAD KYI YIN NO, ,DE DANG MTSUNGS PA RNAMS KYANG DE BZHIN TE, YID KYI BAR DU YANG DE DANG 'DRA'O, ,GZUGS NI GANG ZHIG LTA BA DE'I BRTEN PA DANG BCAS PA YIN LA GANG MI LTA BA DE'I NI DE DANG MTSUNGS PA YIN NO, ,CI'I PHYIR ZHE NA, GZUGS GANG LA GCIG LTA BA DE LA MANG PO YANG LTA BAR 'GYUR BA SRID PA YOD DE, DPER NA ZLA BA DANG BRO GAR DANG GYAD DAG LA LTA BA LTA BU'O, ,GANG GNYIS MIG GCIG GIS LTA BAR 'GYUR BA SRID PA NI MED DE, DE'I PHYIR 'DI THUN MONG MA YIN PA'I PHYIR RGYUD GCIG GI DBANG GIS RNAM PAR GZHAG GO, ,GZUGS NI THUN MONG YIN PA'I PHYIR RGYUD MA'I DBANG GIS RNAM PAR GZHAG GO ,GZUGS JI LTA BA DE BZHIN DU SGRA DANG DRI DANG RO DANG REG BYA'I KHAMS DAG LA YANG RIG PAR BYA'O, ,SGRA NI DE LTA YIN DU CHUG NA DRI LA SOGS PA NI GANG DAG GCIG GIS 'DZIN PA DE DAG GZHAN GYIS MI 'DZIN TE, PHRAD NAS 'DZIN PA'I PHYIR RO, ,DE LTA BAS NA DE DAG KYANG THUN MONG MA YIN PA'I PHYIR MIG LA SOGS PA BZHIN DU BSGRE BA'I RIGS SO ZHE NA, DE LTA BU YOD MOD KYI 'ON KYANG DE DAG LA YANG SRID PA'I PHYIR THUN MONG BA NYID DE, GCIG GIS SNA LA SOGS PA'I RNAM PAR SHES PA BSKYED PAR 'GYUR BA'I DRI LA SOGS PA GANG DAG YIN PA DE DAG NYID GZHAN DAG GI YANG YIN PA SRID PA DE NI YOD KYI MIG LA @47A *, ,SOGS PA NI DE LTA MA YIN NO, ,DE LTA BAS NA DE DAG NI GZUGS BZHIN DU BSGRE'O, ,MIG GI RNAM PAR SHES PA LA SOGS PA DAG GI BRTEN PA DANG BCAS PA DANG DE DANG MTSUNGS PA NYID NI SKYE BA DANG MI SKYE BA'I CHOS YIN PA'I PHYIR YID KYI KHAMS JI LTA BA BZHIN NO, ,BRTEN PA DANG BCAS PA ZHES BYA BA'I DON CI ZHE NA; DBANG PO DANG YUL DANG RNAM PAR SHES PA RNAMS PHAN TSUN BRTEN PA 'AM, BYED PA LA BRTEN PA NI BRTEN PA'O, ,DE 'DI DAG LA YOD PAS BRTEN PA DANG BCAS PA RNAMS SAM, 'BRAS BU REG PA 'DRA BA'I PHYIR BRTEN PA MTSUNGS PA'O, ,GANG DAG BRTEN PA DANG BCAS PA MA YIN PA DE DAG NI BRTEN PA DANG BCAS PA DE DAG DANG RIGS 'DRA BA'I PHYIR DE DAG DANG MTSUNGS PA DAG GO, ,MTHONG BAS SPANG BAR BYA BA'I KHAMS RNAMS NI DU, BSGOMS PAS SPANG BAR BYA BA RNAMS NI DU, SPANG BAR BYA BA MA YIN PA RNAMS NI DU ZHE NA, RE ZHIG GZUGS CAN BCU NI BSGOMS PAS SPANG BYA YIN, LNGA YANG YIN TE RNAM PAR SHES PA'I KHAMS LNGA PO DAG GO ,THA MA'I GSUM RNAM GSUM, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS DANG KHAMS GSUM PO 'DI DAG NI RNAM PA GSUM PO 'DI DAG STE, PHRA RGYAS BRGYAD CU RTZA BRGYAD DANG, ,DE DAG DANG LHAN CIG 'BYUNG BA DANG, DE DAG GI THOB PA RJES SU 'BRANG BA DANG BCAS PA RNAMS NI MTHONG BAS SPANG BAR BYA BA DAG YIN NO, ,ZAG PA DANG BCAS PA LHAG MA RNAMS NI BSGOMS PAS SPANG BAR BYA BA DAG YIN NO, ,ZAG PA MED PA RNAMS NI SPANG BAR BYA BA MA YIN PA DAG GO, ,SO SO'I SKYE BO NYID DANG, NGAN SONG BA'I LUS DANG NGAG GI LAS KYANG 'PHAGS PA'I LAM DANG 'GAL BA'I PHYIR MTHONG BAS SPANG BAR BYA BA GZHAN YANG YOD BA MA YIN NAM ZHE NA, DE DAG NI MTHONG BAS SPANG BAR BYA BA MA YIN TE, MDOR BSDU BA NI 'DI YIN NO, ,NYON MONGS CAN MIN MTHONG SPANG MIN, ,GZUGS MIN DRUG PA MIN SKYES MIN, ,NYON MONGS PA CAN MA YIN PA NI MTHONG BAS SPANG BAR BYA BA CUNG ZAD KYANG MED LA GZUGS KYANG MA YIN NO,, SO SO'I SKYE BO NYID NI NYON MONGS PA CAN MA YIN PA'I LUNG DU MA BSTAN PA YIN TE, DGE BA'I RTZA BA KUN TU CHAD PA DANG, 'DOD CHAGS DANG BRAL BA RNAMS KYANG DE DANG LAN PA'I PHYIR RO, ,LUS DANG NGAG GI LAS NI GZUGS YIN NO, ,DE LTA BAS NA DE DAG NI MTHONG BAS SPANG BAR BYA BA MA YIN TE, BDEN PA DAG LA LOG PAR @47B MI RTOG PA'I PHYIR DANG, SDUG BSNGAL LA CHOS SHES PA'I BZOD PA NA SO SO'I SKYE BO NYID DU THAL BAR 'GYUR BA'I YANG PHYIR RO, ,DRUG PA LAS MA SKYES PA YANG MA YIN TE, DRUG PA ZHES BYA BA NI YID KYI SKYE MCHED DO, ,DE LAS GZHAN PA LAS SKYES PA NI DRUG PA LAS MA SKYES PA STE, DBANG PO LNGA LAS SKYES PA GANG YIN PA STE, DE YANG MTHONG BAS SPANG BAR BYA BA NI MED DO, ,KHAMS BCO BRGYAD PO DAG LAS LTA BA NI DU, LTA BA MA YIN PA NI DU ZHE NA, MIG DANG CHOS KYI KHAMS PHYOGS NI, LTA BA YIN TE, DE GANG ZHE NA, SMRAS PA, RNAM PA BRGYAD, 'JIG TSOGS LA LTA BA LA SOGS PA LA LTA BA LNGA DAG DANG, 'JIG RTEN PA'I YANG DAG PA'I LTA BA DANG; SLOB PA'I LTA BA DANG, MI SLOB PA'I LTA BA STE, CHOS KYI KHAMS RNAM PA BRGYAD PO 'DI DAG NI LTA BA YIN NO, ,LHAG MA NI LTA BA MA YIN NO, ,DE LA 'JIG TSOGS LA LTA BA LA SOGS PA NI PHRA RGYAS BSTAN PAR STON PA'I DUS LA 'BAB PAR 'GYUR RO, ,'JIG RTEN PA'I YANG DAG PA'I LTA BA NI YID KYI RNAM PAR SHES PA DANG MTSUNGS PAR LDAN PA'I SHES RAB DGE BA ZAG PA DANG BCAS PA'O, ,SLOB PA'I ZAG PA MED PA'I LTA BA NI SLOB PA'I 'O, ,MI SLOB PA NI MI SLOB PA'I 'O, ,SPRIN DANG BCAS PA DANG SPRIN MED PA'I MTSAN MO DANG NYIN MO GZUGS LA LTA BA BZHIN DU 'JIG RTEN PA NYON MONGS PA CAN DANG NYON MONGS PA CAN MA YIN PA DANG, SLOB PA DANG MI SLOB PA'I LTA BA DAG GIS CHOS LA LTA BA'O, ,YANG CI'I PHYIR YID KYI RNAM PAR SHES PA DANG MTSUNGS PAR LDAN PA KHO NA LA 'JIG RTEN PA'I YANG DAG PA'I LTA BA ZHES BYA ZHE NA, 'DI LTAR, RNAM SHES LNGA DANG MTSUNGS SKYES BLO, ,NGES RTOG MED PHYIR LTA MA YIN, ,RTOG PAR BYED PA NI LTA BA YIN TE, NGES PAR SEMS PA LA ZHUGS PA DAG LTA BA YIN NA RNAM PAR SHES PA LNGA DANG LHAN CIG SKYES PA'I SHES RAB NI DE LTA MA YIN TE, DE LTA BAS NA 'DI NI LTA BA MA YIN NO, ,DE NYID KYI PYIR SHES RAB NYON MONGS PA CAN NAM NYON MONGS PA CAN MA YIN PA GZHAN YANG LTA BA MA YIN NO, ,'O NA NI MIG KYANG RTOG PAR BYED PA NYID MED NA, JI LTAR LTA BA YIN ZHE NA, GZUGS LA LTA BA'I DON GYIS TE, GANG GI PHYIR, MIG GIS GZUGS RNAMS MTHONG, GAL TE MIG GIS MTHONG BAR GYUR NA, RNAM PAR SHES PA GZHAN DANG LDAN PAS KYANG MTHONG BAR 'GYUR RO ZHE NA, ,MIG THAMS CAD KYIS MTHONG BA NI MA YIN PA NYID DO, ,'O NA CI ZHE NA, BRTEN BCAS, GANG GI TSE RNAM @48A *, ,PAR SHES PA DANG BCAS PA DE'I CHO MTHONG GI GZHAN DU NI MA YIN NO, ,DE LTA NA 'O NA NI MIG LA BRTEN PA'I RNAM PAR SHES PA DE KHO NAS MTHONG BAR 'GYUR RO ZHE NA, DE LA BRTEN PA'I RNAM PAR SHES PAS MTHONG NGO ZHES NGES PAR BYA BAR NUS PA NI MIN NO, ,CI'I PHYIR ZHE NA, GANG PHYIR BAR DU CHOD PA YI, , GZUGS NI MTHONG BA MIN PHYIR LO, ,GANG GI PHYIR RTZIG PA LA SOGS PAS BAR DU CHOD PA'I GZUGS MI MTHONG NGO ZHES GRAG GO, ,GAL TE RNAM PAR SHES PAS MTHONG BAR GYUR NA DE NI THOGS PA MED PA'I PHYIR RTZIG PA LA SOGS PA LA YANG THOGS PA MED PAS GZUGS BSGRIBS PA LA YANG MTHONG BAR 'GYUR RO, ,BSGRIBS PA LA NI MIG GI RNAM PAR SHES PA MI SKYE BA NYID DE, DE BAS NA MA SKYES PAS JI LTAR MTHONG BAR 'GYUR, CI STE MI SKYE, GANG GI LTAR NA MIG GIS MTHONG BA DE'I LTAR NA NI MIG THOGS PA DANG BCAS PA'I PHYIR BSGRIBS PA LA 'JUG PA MED PAS RNAM PAR SHES PA YANG RTEN DANG LHAN CIG TU YUL GCIG LA 'JUG PA'I PHYIR MI SKYE BAR MI RUNG NGO, ,MIG KYANG LUS KYI DBANG PO BZHIN DU YUL DE PHRAD PA ZHIG YIN NAM CI NA, 'DI LTAR THOGS PA DANG BCAS PA'I PHYIR BSGRIBS PA MI MTHONG MCHING BU DANG, LHANG TSER DANG SHEL DANG CHU DAG GIS BAR DU CHOD PA YANG JI LTAR MTHONG BAR 'GYUR TE, DE LTA BAS NA MIG THOGS PA DANG BCAS PA'I PHYIR GZUGS BSGRIBS PA MI MTHONG BA NI MA YIN NO, ,'O NA JI LTA ZHE NA, GANG LA SNANG BA LA GEGS MED NA GZUGS BSGRIBS BZHIN DU YANG DE LA MIG GI RNAM PAR SHES PA SKYE BA NYID YIN LA, GANG LA GEGS YOD PA DE NI MI SKYE BAS MA SKYES PA'I PHYIR BSGRIBS PA MI MTHONG NGO, ,'O NA GANG MDO LAS, GANG MIG GIS GZUGS RNAMS MTHONG NAS ZHES GSUNGS SO, ,DER NI DGONGS PA NI DE LA BRTEN TE ZHES BYA BA 'DI YIN TE, DPER NA YID KYIS CHOS RNAMS RNAM PAR SHES PAR BYAS NAS ZHES GSUNGS PA LTA BU'O, ,YID NI 'DAS PA YIN PA'I PHYIR, ,CHOS RNAMS RNAM PAR MI SHES SO, ,'O NA CI LTAR ZHE NA, YID KYI RNAM PAR SHES PAS SO, , YANG NA BRTEN PA'I LAS BRTEN LA NYE BAR BTAGS PA YIN TE, DPER NA KHRI'U DAG 'BOD DO ZHES GSUNGS PA LTA BU'O, ,JI LTAR MDO LAS, MIG GI RNAM PAR SHES PAS SHES PAR BYA BA'I GZUGS YID DU 'ONG BA SDUG PA RNAMS ZHES GSUNGS PA LTA BU STE, DE DAG MIG GIS RNAM PAR MI SHES SO, MDO LAS, BRAM ZE @48B MIG NI 'DI LTA STE, GZUGS RNAMS MTHONG BAR BYA BA LA SGO YIN NO ZHES KYANG GSUNGS TE, DE'I PHYIR MIG GI SGO NAS MIG GI RNAM PAR SHES PAS MTHONG NGO ZHES BYA BAR KHONG DU CHUD DO, ,DER NI LTA BA LA SGO ZHES BYA BAR ZAD DO, ,MIG NI GZUGS RNAMS MTHONG BAR BYA BA LA LTA BA YIN NO ZHES BYA BA 'DI NI MI RUNG NGO, ,GAL TE RNAM PAR SHES PAS MTHONG NA GANG GIS RNAM PAR SHES SHE NA, 'DI GNYIS LA KHYAD PAR YANG CI ZHIG YOD DE, GANG GIS GZUGS RNAM PAR SHES PA DE NYID KYIS 'DI MI MTHONG MOD, DPER NA SHES RAB 'GA' ZHIG LA MTHONG ZHAS KYANG BYA, RAB TU SHES PA ZHES KYANG BYA BA DE BZHIN DU, RNAM PAR SHES PA 'GA' ZHIG LA MTHONG ZHES KYANG BYA STE, RNAM PAR SHES PA ZHES KYANG BYA'O, ,GZHAN DAG NA RE NI GAL TE MIG GIS MTHONG NA MIG BYED PA POR GYUR PA'I LTA BA'I BYA BA GZHAN GANG ZHIG YIN PA BRJOD DGOS SO ZHES ZER RO, ,DE NI KLAN KAR MI RUNG STE, JI LTAR RNAM PAR SHES PAS SHAS SO ZHES BYA BAR 'DOD LA, DE LA BYED PA PO DANG BYA BA'I BYE BRAG KYANG MED PA DE BZHIN DU 'DI LA YANG RUNG BAR 'GYUR RO, GZHAN DAG NA RE NI MTHONG BA NI MIG GI RNAM PAR SHES PA YIN LA, MIG NI DE'I RTEN DU GYUR PA'I PHYIR MTHONG BA ZHES BYA STE, DPER NA SGROGS BA'I RTEN DU GYUR PA'I PHYIR DRIL SGROGS SA ZHAS BYA BA BZHIN NO ZHES ZER RO, ,DE LTAR NA MIG GI RNAM PAR SHES PA'I RTEN DU GYUR BA'I PHYIR RNAM PAR SHES SO ZHES BYA BAR YANG 'GYUR BA MA YIN NAM ZHE NA, MI 'GYUR TE, 'JIG RTEN NA RNAM PAR SHES PA DE NI MTHONG BA'O ZHES GRAGS TE, 'DI LTAR DE SKYES NA GZUGS MTHONG NGO ZHES ZER GYI RNAM PAR SHES SO ZHES NI MI ZER RO, ,BYE BRAG TU BSHAD PA LAS KYANG, MIG DANG PHRAD CING RNAM PAR SHES PAS NYAMS SU MYONG BA LA MTHONG BA ZHES BYA BA'O ZHES 'BYUNG STE, DE LTA BAS NA MIG GIS MTHONG BA KHO NA ZHES BYA'I, RNAM PAR SHES PA ZHES NI MI BYA'O, ,RNAM PAR SHES PA NI YOD PA TZAM GYIS GZUGS RNAM PAR SHES PAS SO ZHES BYA STE, DPER NA NYI MAS NYIN PAR BYED DO ZHES BYA BA BZHIN NO, ,MDO SDE PA RNAMS NA RE NI NAM MKHA' LDAN PA 'DIS CI DGOS, ,MIG DANG GZUGS RNAMS LA BRTEN NAS MIG GI RNAM PAR SHES PA SKYE BA DE LA LTA BA NI SU ZHIG YIN, LTA BA NI GANG ZHIG YIN TE, 'DI NI BYED PA MED PA DANG CHOS TZAM DANG RGYU DANG 'BRAS BU TZAM DU ZAD LA, DE LA YANG THA SNYAD DU GDAGS PA'I DON DU 'DUN PA'I SGO NAS MIG GIS MTHONG NGO, ,RNAM @49A *, ,PAR SHES PAS RNAM PAR SHES SO ZHES NYE BAR 'DOGS PAR BYED PAS 'DI LA MNGON PAR ZHEN PAR MI BYA'O, ,BCOM LDAN 'DAS KYIS KYANG LJONGS KYI MI'I TSIG LA MNGON PAR ZHEN PAR MI BYA'O, ,'JIG RTEN GYI MING LA MNGON PAR BRGYUG PAR MI BYA'O ZHES GSUNGS SO ZHES ZER RO, ,MIG GIS MTHONG NGO, ,RNA BAS THOS SO, SNAS TSOR RO, ,LCES MYONG NGO, ,LUS KYIS REG GO ,YID KYIS RNAM PAR SHES SO ZHES BYA BA 'DI NI KHA CHE BYE BRAG TU SMRA BA RNAMS KYI GRUB PA'I MTHA' YIN NO, ,CI MIG GCIG GIS GZUGS RNAMS MTHONG DAM, 'ON TE GNYI GAS SHE NA, 'DI LA NGES PA MED DO, ,MIG NI GNYIG DAG GIS KYANG, ,MTHONG STE GSAL BAR MTHONG PHYIR RO, ,CHOS MNGON BA PA RNAMS NA RE MIG GNYI GAS KYANG MTHONG STE, 'DI LTAR GNYI GA PHYE NA GSAL BAR RAB TU MTHONG BAR 'GYUR RO, ,MIG GCIG PHYE LA GNYIS PA PHYED PHYE NA ZLAB GNYIS SU 'DZIN GYI GANG YANG RUNG BA ZHIG GZHAN DU GYUR NA NIM YIN NO, ,RTEN RNAM PAR CHAD PAR THAL BAR YANG MED DE, RNAM PAR SHES PA NI GZUGS BZHIN DU YUL NA MI GNAS PA'I PHYIR RO ZHES ZER RO, ,GAL TE MIG GIS MTHONG BA DANG RNA BAS THOS PA NAS YID KYI RNAM PAR SHES PA'I BAR DU YIN NA CI 'DI DAG YUL DANG PHRAD BZHIG GAM, 'O NA TE MA PHRAD PA ZHIG YIN ZHE NA, MIG DANG YID DANG RNA BA NI; YUL DANG MA PHRAD, 'DI LTAR GZUGS RGYANG RING PO NAS MTHONG ZHING MIG LA YOD PA'I MIG SMAN MI MTHONG LA, DE BZHIN DU SGRA RGYANG RING PO NAS THOS SO, ,YUL DANG PHRAD PA NYID CIG YIN NA NI 'DI NA BSAM GTAN PA RNAMS LA LHA'I MIG DANG, RNA BA SKYE BAR MI 'GYUR TE, SNA LA SOGS PA BZHIN NO, ,GAL TE MIG YUL DANG MA PHRAD PA YIN NA CI'I PHYIR THAG RING BA DANG BAR DU CHOD PA MA PHRAD PA THAMS CAD MI MTHONG ZHE NA, RE ZHIG KHAB LONG GIS KYANG LCAGS MA PHRAD PA THAMS CAD JI LTAR MI 'DREN, YUL DANG PHRAD PA NYID CIG YIN NA YANG CI'I PHYIR MIG SMAN NAM THUR MA PHRAD PA THAMS CAD MI MTHONG STE DE NI MTSUNGS SO, ,JI LTAR YANG SNAL SOGS PA YUL DANG PHRAD PA YIN YANG LHAN CI SKYES PA'I DRI LA SOGS PA MI 'DZIN PA'I PHYIR THAMS CAD NI MA YIN BA DE BZHIN DU, MIG KYANG MA PHRAD PA YIN MOD KYI THAMS CAD NI MA YIN NO, ,YID NI GZUGS CAN MA YIN PA'I PHYIR PHRAD PA NYID DU MI NUS SO, ,YANG KHA CIG NI RNA BA'I NANG DU YANG SGRA THOS PA'I PHYIR, RNA BA @49B NE YUL DANG PHRAD PA DANG MA PHRAD PA YANG YIN PAR SEMS SO, ,LHAG MA SNA DANG LCE DANG LUS ZHES BYA BA, GSUM GZHAN DU, YUL DANG PHRAD PA ZHES BYA BA'I THA TSIG GO ,SNA JI LTAR YUL DANG PHRAD PA YIN ZHE NA, DBUGS MA BRDUBS PAR DRI MI 'DZIN PA'I PHYIR RO, ,PHRAD BA ZHES BYA BA 'DI CI ZHE NA, 'DAB RAGS PAR 'BYUNG BA'O,, CI RDUL PHRA RAB RNAMS PHAN TSUN REG GAM 'ON TE MI REG CE NA, KHA CHE BA RNAMS NA RE MI REG GO ZHES ZER RO, ,CI'I PHYIR ZHE NA, RE ZHIG GAL TE BDAG NYID THAMS CAD KYIS REG PAR 'GYUR NA NI RDZAS RNAMS 'DRES PAR 'GYUR RO, ,'ON TE PHYOGS GCIG GIS REG NA NI CHA SHAS DANG BCAS BA DAG TU THAL BAR 'GYUR BA ZHIG NA RDUL PHRA RAB RNAMS NI CHA SHAS MED PA YIN NO, ,'O NA JI LTAR SGRA MNGON BAR 'GRUB PAR 'GYUR ZHE NA, DE NYID KYI PHYIR TE, GAL TE REG PAR GYUR NA LAG BA SA LAG PA LA BSNUN NA 'BYING BAR 'GYUR LA, RDO BAS RDO BA LA BSNUN NA YANG 'BYING BAR 'GYUR RO, ,JI LTAR BSAGS PA LA BRGYAB NA ZHIGS PAR MI 'GYUR ZHE NA; RLUNG GI KHAMS KYIS BZUNG BA'I PHYIR RO, ,RLUNG GI KHAMS KHA CIG NI 'JIG BAR ZHUGS PA YIN TE DPER NA 'JIG PA'I TSE LTA BU'O, ,KHA CIG NI 'DZIN PAR ZHUGS PA YIN TE DPER NA CHAGS PA'I TSE LTA BU'O, ,DA NI JI LTAR 'DAB CHAGS PAR PHRAD BAS GSUM PO YUL DANG PHRAD PA ZHES BYA ZHE NA` DE DAG GI DBUS NA CUNG ZAD KYANG MED PA GANG YIN PA DA KHO NA 'DAB CHAGS BA NYID YIN NO, ,YANG 'DUS PA RNAMS NI CHA SHAS DANG BCAS PA YIN PA'I PHYIR REG PAR 'GYUR BAS NYES PA MED DO, ,DE LTAR BYAS NA BYE BRAG TU BSHAD PA LAS, CI REG PA'I RGYU CAN GYI REG PA ZHIG SKYES PA 'AM, 'ON TE MA REG PA' RGYU CAN ZHIG SKYE ZHES DRIS NAS SMRAS PA, RGYU'I PHYIR RES 'GA' NI RIG PA'I RGYU CHAN GYI MA REG PA SKYE STE, GANG GI CHO RNAM PAR ZHIGS PA NA'O, ,RES 'GA' NI MA REG PA'I RGYU CAN GYI REG PA SKYE STE, GANG GI CHO BSAGS PAR 'GYUR BA NA'O, ,RES 'GA' NI REG PA'I RGYU CAN GYI REG PA SKYE STE, GANG GI CHO BSAGS PA DANG LDAN PA BSAGS PA KHO NA'O, ,RES 'GA' NI MA REG PA'I RGYU CAN GYI MA REG PA SKYE STE DPER NA NYI ZER GYI RDUL LTA BU'O ZHES 'BYANG BA'I GZUNG 'DI YANG 'THANG PAR 'GYUR RO, ,BTZUN PA DBYIG BSHES NA RE NI RDUL PHRA RAB RNAMS REG PAR GYUR NA NI SKAD CIG MA PHYI MAR GNAS BAR 'GYUR RO ZHES ZER RO, ,BTZUN BA NA RE NI @50A *, ,REG PA NI MED KYI 'DAB CHAGS PA LA REG GO SNYAM DU 'DU SHES PAR ZAD DO ZHES ZER TE, BTZUN PA'I LUGS 'DOD PAR BYA'O, ,DE LTA MA YIN NA NI RDUL PHRA RAB BAR DANG BCAS PA RNAMS KYIS BAR STONG PA DAG TU 'GRO BA LA SU ZHIG 'GOG NA 'DI LTAR THOGS PA DANG BCAS PA DAG TU 'DOD, RDUL PHRA RAB RNAMS LAS BSAGS PA DAG GZHAN YANG MA YIN PAS DE DAG KHO NA BSAGS PA LA REG PA YIN TE DPER NA GZUGS SU RUNG BA LTA BU'O, ,GAL TE RDUL PHRA RAB LA PHYOGS CHA THA DAD PAR RTOG NA NI REG RGAM MA REG KYANG RUNG STE, CHA SHAS DANG BCAS PA NYID DU THAL BAR 'GYUR RO, ,GAL TE MA YIN NA NI, REG KYANG THAL BAR MI 'GYUR RO, ,YANG CI'I MIG LA SOGS PA 'DI DAG GIS BDAG NYID KYI TSAD DANG MNYAM PA'I DON LA MGAL ME'I 'KHOR LO LA SOGS PA BZHIN DU MYUR DU 'JUG PAS RI LA SOGS PA 'DZIN TAM, 'ON TE MNYAM PA DAN GMI MNYAM PA ZHIG LA 'DZIN CE NA, RE ZHIG GANG DAG YUL DANG PHRAD PAR BSHAD PA, SNA LA SOGS PA GSUM PO DE DAG RNAMS KYIS NI, YUL NI MNYAM PAR 'DZIN PAR 'DOD, ,DBANG PO'I RDUL PHRA RAB RNAMS JI SNYED PA DE SNYED KYI YUL GYI RDUL PHRA RAB RNAMS DANG PHRAD NAS RNAM PAR SHES PA SKYED DE, ,MIG DANG RNA BA DAG GIS NI MA NGES TE, RES 'GA' NI CHUNG STE GANG GI TSE SKRA'I RTZE MO MTHONG BA NA'O, ,RES 'GA' NI MNYAM STE GANG GI TSE RGUN 'BRUM MTHONG BA NA'O, ,RES 'GA' NI CHE STE GANG GI TSE MIG PHYE BA TZAM GYIS RI CHEN PO MTHONG BA NA'O, ,DE BZHIN DU RNA BAS SBRANG BU DANG 'BRUG LA SOGS PA'I SGRA THOS PA LA YANG SBYAR BAR BYA'O, ,YID NI LUS CAN MA YIN PA KHO NA BAS 'DI'I TSAD YONGS SU CHAD PA NI MI SPYOD DO, ,YANG MIG GI DBANG PO LA SOGS PA 'DI DAG GI RDUL PHRA RAB RNAMS JI LTAR GNAS SHIN, RE ZHIG MIG GI RDUL PHRA RAB RNAMS NI MIG GI 'BRAS BU LA, GO SNYOD KYI ME TOG BZHIN DU GNAS TE, KHA DOG DANG BCAS BKAB PAS GYES PAR MI 'GYUR RO, ,GZHAN DAG NA RE GONG BU BZHIN DU BLA 'OG NA GNAS TE, SHEL BZHIN DU DANG BA'I PHYIR PHAN TSUN MI SGRIB PO ZHES ZER RO, ,RNA BA'I DBANG PO'I RDUL PHRA RAB RNAMS NI RNA BA'I BU GA'I NANG NA GNAS SO, ,SNA'I DBANG PO'I RDUL PHRA RAB RNAMS NI MTSUL PA'I NANG NA GNAS TE, DBANG PO DANG PO GSUM NI PHRENG BA BZHIN DU GNAS SO, LCE'I DBANG PO'I RDUL PHRA RAB RNAMS NI ZLA BA KHAM PA LTA BU YIN TE, LCE'I DBUS NA @50B SKRA'I RTZE MO'I BYON TZAM ZHEG LCE'I DBANG PO'I RDUL PHRA RAB DAG GIS MKHEBS SO ZHES GRAG GO, ,LUS KYI DBANG PO'I RDUL PHRA RAB RNAMS NI LUS BZHIN DU GNAS SO, ,MO'I DBAN GPO'I RDUL PHRA RAB RNAMS NI RNGA'I SPUBS LTA BU YIN NO, ,PHO'I DBANG PO'I RDUL PHRAR BA RNAMS NI MTHE BONG LTA BU YIN NO, ,DE LA MIG GI DBANG PO'I RDUL PHRA RAB RNAMS RES 'GA' NI THAMS CAD BSTEN PA DANG BCAS PA DAG YIN NO, ,RES 'GA' NI DE DANG MTSUNGS BDAG YIN NO, ,RES 'GA' NI KHA CIG BSTEN PA DANG BCAS PA DAG YIN LA, KHA CIG DE DANG MTSUNGS PA YIN TE, LCE'I DBANG PO'I RDUL PHRA RAB KYI BAR DU YANG DE DANG 'DRA'O, ,LUS KYI DBANG PO'I RDUL PHRA RAB RNAMS NI RIL GYIS BSTEN PA DANG BCAS PA NI MED DA, RANG TU 'BAR BA'I DMYAL BA'I NANG NA 'KHOD PA RNAMS LA YANG LUS KYI DBANG PA'I RDUL PHRA RAB TSAD MED BA ZHIG DE DANG MTSUNGS PA YIN TE, THAMS CAD KYIS RNAM PAR SHES PA BSKYED NA NI LUS ZHIG PAR 'GYUR RO LO, ,DBANG PO'I RDUL PHRA RAB BAM YUL GYI RDUL PHRA RAB GCIG GIS RNAM PAR SHES BSKYED PA NI MED DE, RNAM PAR SHES PA'I TSOGS LNGA PO DAG GI RTEN DANG DMIGS PA NI BSAGS PA YIN PA'I PHYIR RO, ,DE NYID KYI PHYIR RDUL PHRA RAB NI MI MTHONG BA'I PHYIR BSTAN DU MED PA YIN NO, ,CI MIG GI RNAM PAR SHES PA NAS YIN KYI RNAM PAR SHES PA NAS YID KYI RNAM PAR SHAD PA'I BAR KYI KHAMS DRUG PO BSHAD PA GANG DAG YIN PA'I DAG JI LTAR LNGA RNAM KYI YUL DA LTAR YIN LA, THA MA'I DUS GSUM YIN PA LTAR RTEN KYANG DE LTA BU YIN NAM ZHE NA, SMRAS PA MA YIN NO, ,'O NA CI ZHE NA, THA MA'I RTEN 'DAS, YID KYI RNAM PAR SHES PA'I KHAMS KYI RTEN NI 'GAGS MA THAG PA'I YID DO, ,LNGA RNAMS KYI, DE DAG LHAN CIG SKYES PA'ANG YIN, 'ANG ZHES BYA BA'I SGRA NI 'DAS PA YANG YIN PA'O, ,DE LA MIG GI RNAM PAR SHES PA'I LHAN CIG SKYES PA'I RTEN NI MIG YIN PA NAS LUS KYI RNAM PAR SHES PA'I BAR DU YANG LUS YIN LA, DE DAG 'DAS PA'I RTEN NI YOD YIN NO, ,DE LTAR NA RNAM PAR SHES PA'I TSOGS LNGA PO DE DAG GI RTEN NI DBANG PO GNYIS GNYIS YIN NO, ,DE GNYIS KYI PHYIR GANG MIG GI RNAM PAR SHES PA'I RTEN GYI DNGOS POR YIN PA DE DE'I MTSANGS PA DE MTHAG PA'I RKYEN GYIS DNGOS POR YANG YIN ZHE NA, MU BZHI STE, MU DANG PO NI MIG YIN NO, ,GNYIS BZHI CHOS KYI KHAMS SEM @51A *, ,LAS BYUNG BA 'DAS MA THAG PA YIN NO, ,GSUM PA NI 'DAS MA THAG PA'I YID YIN NO, ,BZHI PA NI BSHAD PA LAS MA GTOGS PA'I CHOS RNAMS YIN TE, LUS KYI RNAM PAR SHES PA'I BAR DU YANG DE BZHIN DU RANG GI DBANG PO BRJOD PAR BYA'O, ,YID KYI RNAM PAR SHES PA'I NI TSIG SNGA MA DANG SBYOR ? BA STE; RE ZHIG GANG RTEN GYI DNGOS POR YIN PA DE NI MTSUNGS PA DE MA THAG PA'I RKYEN GYI DNGOS POR YANG YIN NO, ,MTSUNGS PA DE MA THAG PA'I RKYEN GYI DNGOS POR YIN LA RTEN GYI DNGOS POR MA YIN PA YANG YOD DE, CHOS KYI KHAMS SEMS LAS BYUNG BA 'DAS MA THAG PA'O, ? ,YANG MIG GI RNAM PAR SHES PA NI GNYI GA LA RAG LUS TE SKYE NA, CI'I PHYIR MIG LA SOGS PA KHO NA LA RTEN ZHES BYA'I GZUGS LA SOGS PA NI MA YIN ZHE NA, DE DAG GYUR PAS 'GYUR NYID PHYIR, ,RTEN NI MIG LA SOGS PA YIN, ,KHAMS RNAMS ZHES BYA BAR SBYAR TE, MIG LA SOGS PA RNAMS GYUR PAS RNAM PAR SHES PA RNAMS 'GYUR BA YIN TE; PHAN PA DANG GNOD PA DANG, GSAL BA DANG MI GNOD PA DANG MI GSAL BA NYID KYI RJES SU BYED PA'I PHYIR RO, ,GZUGS LA SOGS PA RNAMS GYUR PAS NI DE DAG 'GYUR BA MA YIN TE, DE LTA BAS NA DE DAG LA RAG LUS PA'I PHYIR DE DAG NYID RTEN YIN NO, ,ZHES BYA BA NI SHIN TU LEGS PA YIN GYI GZUGS LA SOGS PA NI MA YIN NO, ,YANG DE DAG GIS NI GZUGS LA SOGS PA RNAM PAR SHES NA, CI'I PHYIR MIG GI RNAM PAR SHES PA ZHES BYA BA NAS, YID KYI RNAM PAR SHES PA ZHES BYA BA'I BAR YIN GYI GZUGS KYI RNAM PAR SHES PA ZHES BYA BA NAS CHOS KYI RNAM PAR SHES PA ZHES BYA BA'I BAR DU NI MA YIN ZHE NA, GANG GI PHYIR DE DAG GI RTEN NI MIG LA SOGS PA YIN NA, DE'I PHYIR THUN MONG MA YIN PHYIR, ,DE DAG GIS NI RNAM SHES BSTAN, ,JI LTAR NA THUN MONG MA YIN PA NYID YIN ZHE NA, MIG NI RNAM PAR SHES PA GZHAN GYI RTEN DU 'GYUR BAR MI NUS LA, GZUGS NI YID KYI RNAM PAR SHES PA'I DMIGS PAR YANG 'GYUR LA; MIG GI RNAM PAR SHES PA GZHAN GYI DMIGS PAR YANG 'GYUR TE, LUS KYI BAR DU YANG DE DANG 'DRA BAR RIG PAR BYA'O, ,DE LTA BAS NA RTEN DU GYUR PA'I PHYIR DANG, THUN MONG MA YIN PA'I PHYIR DE DAG KHO NAS RNAM PAR SHES PA BSTAN GYI GZUGS LA SOGS PAS NI MA YIN TE, DPER NA RNGA BO CHE'I SGRA @51B DANG; NAS KYI MYU GU BZHIN NO, ,YANG LUS DAG LA GNAS TE MIG GIS GZUGS RNAMS LA LTA BA NAS, CI LUS DANG MIG DANG GZUGS DANG RNAM PAR SHES PA DE RNAMS GCIG PA KHO NA ZHIG YIN NAM, 'ON TE GZHAN GYIS PA YANG YIN ZHE NA, SMRAS PA; THAMS CAD LA BYE BRAG YOD DE, 'DOD PA'I KHAMS SU SKYES PA RANG GI MIG GIS RANG GI GZUGS RNAMS LA LTA BA NI THAMS CAD RANG GIS PA YIN NO, ,DE NYID RANG GI GZUGS RNAMS LA BSAM GTAN DANG PO'I MIG GIS LTA BA NA LUS DANG GZUGS DAG NI RANG GI ? SA PA YIN LA, RNAM PAR SHES PA DANG MIG DAG NI DE'I SA PA YIN NO, ,BSAM GTAN DANG PO'I SA PA DAG LA LTA NA NI GZUGS RNAMS KYANG DE'I SA PA YIN NO, ,RANG GI GZUGS RNAMS KYANG BSAM GTAN GNYIS PA'I MIG GIS LTA BA NA LUS DANG GZUGS DAG NI RANG GIS PA YIN LA, MIG NI DE'I SA PA YIN NO, ,MIG GI RNAM PAR SHES PA'I SA NI BSAM GTAN DANG PHO'I SA PA YIN NO, ,BSAM GTAN DANG PO'I SA PA DAG LA LTA BA NA RNAM PAR SHES PA DANG GZUGS DAG NI DE'I SA PA YIN LA, LUS NI 'DOD PA NA SPYOD PA YIN NO, ,MIG NI BSAM GTAN GNYIS PA'I SA PA YIN NO, ,BSAM GTAN GNYIS PA'I SA PA DAG LA LTA BA NA MIG DANG GZUGS DAG NI DE'I SA PA YIN LA, LUS NI 'DOD PA NA SPYOD PA YIN NO, ,RNAM PAR SHAS PA NI BSAM GTAN DANG PO'I SA PA YIN TE, DE LTAR BSAM GTAN GSUM PA ? DANG, BSAM GTAN BZHI PA'I SA PA'I MIG GIS DE DAG GIS ? PA DANG, SA 'OG MA PA'I GZUGS RNAMS LA LTA BA YANG DE BZHIN DU SBYAR BAR BYA'O, ,BSAM GTAN DANG PO'I SKYES PA RANG GI MIG GIS RANG GI GZUGS RNAMS LA LTA BA NA THAMS CAD RANG GIS PA YIN NO, ,'OG MA RNAMS LA LTA BA NI GSUM RANG GIS PA YIN NO, ,RANG GI GZUGS RNAMS LA BSAM GTAN GNYIS PA'I MIG GIS LTA BA NA GSUM NI RANG GIS PA YIN LA, MIG NI DE'I SA PA YIN NO, ,'DOD PA NA SPYOD PA RNAMS LA LTA BA NA LUS DANG RNAM PAR SHES PA DAG NA RANG GI SA PA YIN LA, GZUGS RNAMS NI 'OG MA PA YIN NO, ,MIG NI DE'I SA PA YIN NO, ,BSAM GTAN GNYIS PA RNAMS LA LTA BA NA MIG DANG GZUGS NI DE'I SA PA YIN LA, LHAG MA NI RANG GIS ? PA YIN TE, BSAM GTAN GSUM PA LA SOGS PA'I MIG GIS LTA BA'I YANG DE BZHIN DU SBYAR RO, ,BSAM @52A *, ,GTAN GNYIS PA LA SOGS PAR SKYES PA RANG DANG GZHAN GYI MIG DAG GIS RANG DANG GZHAN GYIS ? PA'I GZUGS RNAMS LA LTA BA LA YANG CI RIGS PAR SBYAR BAR BYA'O, ,'DI NI NGES PA YIN TE, LUS LA 'OG MA'I MIG MA YIN, LUS DANG MIG DANG GZUGS RNAMS NI 'DOD PA NA SPYOD PA NAS BSAM GTAN BZHI PA'I BAR SA LNGA PA YIN NO, ,MIG GI RNAM PAR SHES PA NI 'DOD PA NA SPYOD PA DANG, BSAM GTAN DANG PO'I SA PA DANG, SA GNYIS PA YIN NO, ,DE LAS GANG BA'I LUS YIN PAS ? DPE 'AM, SA GONG MA PA'I MIG YIN GYIS ? 'OG MA PA NI MA YIN NO, ,'DI'I MIG GI YUL NI DE'I SA PA 'AM, SA 'OG MA PA'I GZUGS YIN GYI, MIG GI GONG MA'I GZUGS MA YIN, SA GONG MA PA'I GZUGS SA 'OG MA PA'I MIG GIS MTHONG BAR NI NAM YANG MI NUS SO, ,RNAM PAR SHES PA'ANG, GONG MA NI MIG GI MA YIN TE, GZUGS BZHIN NO, ,DE YI GZUGS, LUS KYI 'ANG GNYI GA THAMS CAD DU, DE'I ZHES BYA BA BSHAD MA THAG PA'I MIG GI RNAM PAR SHES PA'I YUL NI GONG MA DANG 'OG MA DANG RANG GIS BA'I GZUGS THAMS CAD DU YIN LA, LUS KYI 'ANG GZUGS DANG, RNAM PAR SHES PA DAG THAMS CAD DU YIN NO, ,JI LTAR MIG 'DI RGYAS PAR BSHAD PA LTAR, RNA BA'ANG DE BZHIN DU RIG PAR BYA STE, LUS LA 'OG MA'I RNA BA YIN; ,RNA BA'I GONG MA'I SGRA MA YIN, ,RNAM PAR SHES PA'ANG DE'I SGRA, ,LUS KYI'ANG GNYIG THAMS CAD DU ZHES RGYAS PAR SBYAR BAR BYA'O, ,GSUM DAG NI, THAMS CAD RANG GIS PA NYID, ,SNA DANG LCE DANG LUS KYI KHAMS RNAMS KYI LUS DANG RANG GI YUL DANG RNAM PAR SHES PA RNAMS RANG GIS ? PA KHO NA YIN NO, ,DE LTAR BYE BRAG TU MA PHYE BAR SPYIR BSTAN NAS, YANG BYE BRAG TU DBYE BA'I PHYIR DMIGS KYIS BSAL BA RTZOM STE, LUS KYI RNAM SHES 'OG DANG NI, ,RANG GIS, LUS DANG LUS KYI KHAMS DANG REG BYA NI RTAG TU RANG GIS PA DAG KHO NA YIN NO, ,LUS KYI RNAM PAR SHES PA NI KHA CIG GI NI RANG GIS PA YIN TE, 'DI LTA STE 'DOD PA'I KHAMS DANG BSAM GTAN DANG POR SKYES PA RNAMS KYI LTA BU'O, ,KHA CIG GI NI SA 'OG MA YIN PAS TE, 'DI LTA STE, BSAM GTAN GNYIS PA LA SOGS PAR SKYES PA RNAMS KYI LTA BU'O, ,YID MA NGES TE, RES 'GA' NI LUS DANG YID KYI RNAM PAR SHES PA DANG CHOS DAG DANG MTSUNGS PA'I SA PA'I YID @52B YIN LA; RES 'GA' NI SA GONG MA DANG 'OG MA PA YIN TE, DE NYID KYI PHYIR SA LNGA PA'I LUS LA YANG SNYOMS PAR 'JUG PA DANG, SKYE BA'I TSE YID LA SOGS PA CI RIGS PAR SA THAMS CAD PA DAG YIN TE, 'DI RGYAS PAR NI SNYOMS PAR 'JUG PA BSTAN PA'I MDZOD KYI GNAS NAS 'CHAD PAR 'GYUR RO, , TSIG GI KHUR HA CANG MANGS PA YONGS SU SPANG BA'I PHYIR DA NI MI BSHAD DE, DGOS PA CHUNG LA NGAL BA CHE BA'I PHYIR RO, ZHAR LA 'ONGS PA'I SKABS RDZOGS SO,, ,,DA NI 'DI DPYAD PAR BYA STE, KHAMS BA CVA ? BRGYAD DANG, RNAM PAR SHES PA DRUG PO RNAMS LA GANG ZHIG RNAM PAR SHES PA GANG DAG GIS RNAM PAR SHES PAR BYA BA YIN ZHE NA, SMRAS PA; GNYIS KYIS RNAM PAR SHES PHYIR LNGA, ,GZUGS DANG SGRA DANG DRI DANG RO DANG REG BYA RNAMS NI GRANGS BZHIN DU MIG DANG RNA BA DANG SNA DANG LCE DANG LUS KYI RNAM PAR SHAS PA DAG GIS NYAMS SU MYONG NAS YID KYI RNAM PAR SHES PAS RNAM PAR SHES TE, DE LTAR NA DE DAG NI RE RE ZHING RNAM PAR SHES PA GNYIS KYIS RNAM PAR SHES PAR BYA BA YIN NO, ,KHAMS LHAG MA BCU GSUM NI RNAM PAR SHES PA'I TSOGS LNGA'I YUL MA YIN PA'I PHYIR YID KYI RNAM PAR SHES PA GCIG PUS RNAM PAR SHES PAR BYA BA YIN NO ZHES RNAM PAR BSHAD PAR 'GYUR RO, ,RTAG PA RNAMS NI DU, MI RTAG PA RNAMS NI DU ZHE NA; KHAMS GCIG RIL POR RTAG PA NI MED MOD KYI, 'ON KYANG, 'DUS MA BYAS CHOS RTAG PA'O, ,DES NA CHOS KYI KHAMS KYI PHYOGS GCIG RTAG LA, LHAG MA RNAMS NI MI RTAG PA YIN NO, ,DBANG PO RNAMS NI DU, DBANG PO MA YIN PA RNAMS NI DU ZHE NA, CHOS KYI PHYED DANG GANG DAG NI, ,BCU GNYIS NANG GI RAB SHAD DBANG PO, ,MDO LAS, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO DANG, YID KYI DBANG PO DANG, MO'I DBANG PO DANG, PHO'I DBANG PO DANG, SROG GI DBANG PO DANG, BDE BA'I DBANG PO DANG, SDUG BSNGAL GYI DBANG PO DANG, YID BDE BA'I DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO DANG, DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO DANG, MI SHES PA KUN SHES PAR BYED PA'I DBANG PO DANG, KUN SHES PA'I DBANG PO DANG, @53A *, ,KUN SHES PA DANG LDAN PA'I DBANG PO DANG, DBANG PO NYI SHU RTZA GNYIS GSUNGS PA LA CHOS MNGON PA BA RNAMS NI SKYE MCHED DRUG GI GO RIMS RNAM PAR GZHAG PA LA MA GUS PAS YID KYI DBANG PO SROG GI DBANG PO'I MJUG THOGS SU 'DON TE, DMIGS PA DANG BCAS PA'I PHYIR RO, ,DE LA CHOS KYI PHYED NI SROG GI DBANG PO LA SOGS PA DBANG PO BCU GCIG DANG, GSUM PO DAG GI CHA STE, CHOS KYI KHAMS KYI PHYOGS YIN PA'I PHYIR RO, ,NANG GI BCU GNYIS NI MIG LA SOGS PA RANG GI MING GIS SMOS PA LNGA DANG, YID KYI DBANG PO NI SEMS KYI KHAMS BDUN NO, ,PHO DANG MO'I DBANG PO DAG NI LUS KYI KHAMS KYI PHYOGS YIN NO ZHES 'OG NAS 'CHAD DO, ,LHAG MA KHAMS LNGA PO DE DAG DANG CHOS KYI KHAMS KYI PHYOGS NI DBANG PO MA YIN PA ZHES BYA BA 'GRUB BO, ,CHOS MNGON PA'I MDZOD KYI RNAM PAR BSHAD PA LAS KHAMS BSTAN PA ZHES BYA BA STE MDZOD KYI GNAS DANG PO'O,, ,DBANG PO RNAMS BSHAD PA LA DBANG PO'I DON CI ZHE NA, DBANG NI DBANG PHYUG DAM PA'O, ,DE DBANG BYED PAS NA DBANG PO RNAMS TE, DE'I PHYIR DBANG BYED PA'I DON NI DBANG PO'I DON TO, ,'DI DAG LAS GANG ZHIG GANG LA DBANG BYED CE NA, LNGA PO RNAMS NI DON BZHI LA DBANG BYED, RE ZHIG MIG DANG, RNA BA DAG RE RE ZHING DON BZHI LA DBANG BYED PA NI LONG BA DANG 'ON PA DAG NI MI MDZES PA'I NGO BO YIN PA'I PHYIR LUS MDZES PAR BYA BA DANG, MTHONG BA DANG, THOS NAS YANG BA YONGS SU SPONG BA'I PHYIR LUS YONGS SU BSRUNG BA DANG, MIG DANG RNA BA'I RNAM PAR SHES PA MTSUNGS PAR LDAN PA DANG BCAS PA DAG SKYED PA DANG, GZUGS BLTA BA DANG SGRA MNYAN PA DAG GI THUN MONG MA YIN PA'I RGYU NYID LA DBANG BYED PA'O, ,SNA DANG LCE DANG LUS RNAMS NI SNGA MA BZHIN DU MDZES PAR BYA BA LA DBANG BYED PA DANG, DE DAG GI KHAM GYI ZAS LA YONGS SU LONGS SPYOD PA'I PHYIR LUS YONGS SU BSRUNG BA LA DBANG BYED PA DANG, SNA LA SOGS PA'I RNAM PAR SHES PAS MTSUNGS PAR LDAN PA DANG BCAS BA ? RNAMS SKYED PA DANG, DRI BA ? SNAMS PA DANG RO MYANG PA DANG, REG BYA REG PA RNAMS KYI THUN MONG MA YIN PA'I RGYU NYID LA DBANG BYED PA'O, ,BZHI RNAMS GNYIS LA LO, ,PHO DANG MO DANG SROG DANG YID KYI DBANG PO RNAMS NI RE RE ZHING DON GNYIS LA DBANG BYED DE, RE ZHIG PHO DANG MO'I DBANG PO DAG NI @53B SEMS CAN GYI BYE BRAG DANG, KHYAD PAR DAG LA DBANG BYED DE, DE LA SEMS CAN GYI BRE BRAG NI PHO'O MO'O ZHES BYA'O, ,SEMS CAN GYI KHYAD PAR NI NU MA LA SOGS PA DBYIBS DANG NGA RO DANG SPYOD PA GZHAN PA NYID DO, ,GZHAN DAG NA RE NI KUN NAS NYON MONGS PA DANG RNAM PAR BYANG BA DAG LA DBANG BYED DE, 'DI LTAR DE DAG DANG MI LDAN PA DANG, NYAMS PA ZA MA DANG MA NING DANG, MTSAN GNYIS PA RNAMS LA SDOM PA MA YIN PA DANG, MTSAMS MED PA DANG, DGE BA'I RTZA BA KUN TU CHAD PA DANG, SDOM PA DANG, 'BRAS BU 'THOB PA DANG, 'DOD CHAGS DANG BRAL BA RNAMS MED DO ZHES ZER RO, ,SROG GI DBANG PO NI RIS MTHUN PAR MTSAMS SBYOR BA DANG, YANG DAG PAR 'DZIN PA DAG LA DBANG BYED DO, ,YID KYI DBANG PO NI YANG SRID PAR MTSAMS SBYOR BA DANG, DBANG GI NGO BO DANG MTHUN PAR BYED PA DAG LA DBANG BYED DE, DE LA YANG SRID PAR MTSAMS SBYOR BA LA DBANG BYED PA NI JI SKAD DU, DE'I TSE DRI ZA'I SEMS GNYIS PO RJES SU CHAGS PA DANG, LHAN CIG PAR GYUR PA 'AM, KHONG KHRO BA DANG LHAN CIG PAR GYUR PA GANG YANG RUNG BA ZHIG MNGON DU GYUR NA ZHES GSUNGS PA LTA BU'O, ,DBANG GI NGO BO DANG MTHUN PAR BYED PA LA DBANG BYED PA NI JI SKAD DU, 'JIG RTEN 'DI NI SEMS KYIS KHRID DO ZHES RGYAS PAR GSUNGS PA LTA BU'O, ,BDE BA LA SOGS PA'I DBANG PO LNGA GANG YIN PA DANG, DAD PA LA SOGS PA GANG DAG YIN PA, LNGA DANG BRGYAD PO DE RNAMS NI, ,KUN NAS NYON MONGS RNAM BYANG LA, ,GO RIMS BZHIN DU DBANG BYED DE, ,BYE BRAG TU SMRA BA RNAMS NA RE, BDE BA LA SOGS PA LNGA PO DAG NI KUN NAS NYON MONGS PA LA DBANG BYED DE, DE DAG LA 'DOD CHAGS LA SOGS PA RGYAS PAR 'GYUR BA NYID KYI PHYIR RO, ,DAD PA LA SOGS PA RNAMS NI RNAM PAR BYANG BA LA DBANG BYED DE, DE DAG GIS RNAM PAR BYANG BAR BYED DO, ,GZHAN DAG NA RE BDE BA LA SOGS PA RNAMS NI RNAM PAR BYANG BA LA YANG DBANG BYED DE, 'DI LTAR BDE BAR GYUR PA'I SEMS MNYAM PAR 'JOG PAR 'GYUR RO ZHES BYA BA DANG, SDUG BSNGAL GYI RGYU CAN GYI DAD PA ZHES BYA BA DANG, YID BDE BA LA SOGS PA NGES PAR 'BYUNG BA LA RTEN PA DRUG CES 'BYUNG BA'I PHYIR RO ZHES ZER RO, ,GZHAN DAG NA RE RNAM PAR SHES NAS YANG BA YONGS SU SPONG BA'I PHYIR MIG DANG RNA BA DAG GIS LUS YONGS SU BSRUNG BA NI MA @54A *, ,YIN BA ? NYID KYI DE GNYIS RNAM PAR SHES PA LA NI DBANG BYED DO, ,GANG GI PHYIR DE GNYIS THUN MONG MA YIN PA'I RGYU NYID LA SO SOR DBANG BYED PAR RUNG BAR 'GYUR BA RNAM PAR SHES PA LAS GZHAN PA GZUGS MTHONG BA 'AM SKRA THOS PA YANG MED PA DE'I PHYIR DE DAG DE LTA BUR NI DBANG PO NYID MA YIN NO; ,'O NA JI LTA BU YIN ZHE NA, RANG GI DON DANG THAMS CAD LA, ,DMIGS PAR DBANG BYED PHYIR DBANG DRUG ,MIG LA SOGS PA LNGA PO DAG NI RANG RANG GI DON LA DMIGS PAR BYA BA LA DBANG BYED DO, ,YID NI DON THAMS CAD LA DMIGS PAR BYA BA LA DBANG BYED DE, DE'I PHYIR DE DAG NI SO SOR DBANG PO YIN NO; ,'DI LA DON RNAMS KYANG DBANG BYED PA MA YIN NAM ZHE NA, DBANG BYED PA MA YIN TE, LHAG PAR DBANG BYED PA NYID NI DBANG BYED PA NYID YIN LA, MIG NI GZUGS THAMS CAD LA DMIGS PAR BYA BA LA THUN MONG GI RGYU YIN PA'I PHYIR DANG, DMIGS PA DE GSAL BA DANG MI GSAL BA NYID LA SOGS PA'I RJES SU BYED PA'I PHYIR GZUGS LA DMIGS PAR BYA BA LA LHAG PAR DBANG BYED PA YIN GYI, DE LAS BZLOG PA YIN PA'I PHYIR GZUGS KYI NI MA YIN TE, YID CHOS RNAMS LA DBANG BYED PA'I BAR DU YANG DE BZHIN DU SBYAR RO, ,MO NYID PHO NYID LAS DBANG PHYIR, ,LUS LAS MO DANG PO'I DBANG DAG ,LUS KYI DBANG PO KHO NA LAS MO DANG PHO'I DBANG PO DAG RNAM PAR BZHAG STE, DON THA DAD PAR GYUR PA DAG NI MED KYI LUS KYI DBANG PO'I CHA 'GA' STE, MDOMS KYI PHYOGS MO DANG PHO'I DBANG PO'I MING 'THOB PA GANG YIN PA DE NI RIM BZHIN DU MO NYID DANG PHO NYID DAG LA DBANG BYED PA'I PHYIR RO, DE LA MO'I NGO BO NI RANG BZHIN NGA RO DANG GA-YO BA DANG BSAM BA DAG STE, DE NI MO'I MO NYID YIN NO, ,PHO'I NGO PO NI RANG BZHIN NGA RO DANG GA-YO BA DANG BSAM PA DAG PA DAG STE, DE NI PHO'I PHO NYID YIN NO, ,RIGS GNAS KUN NAS NYON MONGS DANG, ,RNAM PAR BYANG LA DBANG BYED PHYIR, ,SROG DANG TSOR BA RNAMS DANG NI, ,DAD SOGS DBANG PO LNGAR 'DOD DO, ,SROG GI DBANG PO NI RIS MTHUN PAR GNAS PAR BYA BA LA DBANG BYED DO, ,TSOR BA RNAMS NI KUN NAS NYON MONGS PAR BA BA ? LA DBANG BYED DE, 'DI LTAR MDO LAS, BDE BA'I TSOR BA LA NI 'DOD CHAGS RGYAS PAR 'GYUR, SDUG BSNGAL LA NI KHONG KHRO BA, ,SDUG BSNGAL @54B YANG MA YIN BDE BA YANG MA YIN PA LA NI MA RIG PA ZHES GSUNGS SO, ,DAD PA LA SOGS PA LNGA PO DAG NI RNAM PAR BYANG BAR BYA BA LA DBANG BYED DE, 'DI LTAR DE DAG GIS NYON MONGS PA RNAMS KYANG RNAM PAR GNON LA LAM YANG 'DREN PAR BYED DO, ,DE NYID KYI PHYIR DE DAG KYANG SO SOR DBANG PO YIN PAR 'DOD DO; ,MYA NGAN 'DAS SOGS GONG NAS GONG, ,'THOB PA LA NI DBANG BYED PHYIR, ,KUN SHES BYED DANG KUN SHES DANG, ,DE BZHIN KUN SHES LDAN DBANG PO, ,DE BZHIN ZHES BYA BA'I SGRA NI SO SOR DBANG PO YIN NO ZHES BSTAN PA'I PHYIR RO, ,DE LA KUN SHES PAR BYED PA'I DBANG PO NI KUN SHES PA'I DBANG PO 'THOB PAR BYA BA LA DBANG BYED DO, ,KUN SHES PA'I DBANG PO NI, KUN SHES PA DANG LDAN PA'I DBANG PO THOB PAR BYA BA LA DBANG BYED DO, ,KUN SHES PA DANG LDAN PA'I DBANG PO NI YONGS SU MYA NGAN LAS 'DA' BAR BYA BA LA DBANG BYED DE, SEMS RNAMS PAR MA GROL BA LA YONGS SU MYA NGAN LAS 'DA' BA MED PA'I PHYIR RO, ,SOGS PA ZHES BYA BA'I SGRA NI RNAM GRANGS GZHAN BSTAN PAR BYA BA'I PHYIR TE, RNAM GRANGS GZHAN GANG ZHE NA, KUN SHES PAR BYED PA'I DBANG PO NI MTHONG BAS SPANG BAR BYA BA'I NYON MONGS PA SPONG BA LA DBANG BYED DO, ,KUN SHES PA'I DBANG PO NI BSGOMS PAS SPANG BAR BYA BA'I NYON MONGS PA SPONG BA LA DBANG BYED DO, ,KUN SHES PA DANG LDAN PA'I DBANG PO NI MTHONG BA'I CHOS LA BDE BAR GNAS PA'I PHYIR DBANG BYED DE, RNAM PAR GROL BAS DGA' BA DANG BDE BA LA SO SOR YANG DAG PAR MYONG BA'I PHYIR RO, ,DBANG BYED PA'I PHYIR DBANG PO NYID YIN NA, MA RIG PA LA SOGS PAS KHA BSKANG DGOS TE, MA RIG PA LA SOGS PA DAG KYANG 'DU BYED LA SOGS PA RNAMS LA DBANG BYED PAS, DE'I PHYIR DE DAG KYANG DBANG PO NYID DU KHA BSKANG BAR BYA LA, DAG LA SOGS PA DAG DANG, LAG PA DANG, RKANG PA DANG, RKUB DANG, MDOMS RNAMS KYANG TSIG DANG, LEN PA DANG, 'GRO BA DANG, RTUG PA DANG, KUN TU DGA' BA'I BYA BA DAG LA DBANG BYED PA'I PHYIR DBANG PO NYID DU KHA BSKANG BAR BYA'O ZHE NA, KHA BSKANG BAR MI BYA STE 'DI LTAR 'DIR NI, SEMS KYI RTEN DANG DE'I BYE BRAG ,GNAS DANG KUN NAS NYON MONGS NYID, ,TSOGS DANG RNAM BYANG JI SNYED PA, ,DBANG PO DAG KYANG DE SNYED DU, ,'DOD DE, DE LA SEMS KYI RTEN NI DBANG PO DRUG DAG YIN TE, SKYE MCHED @55A *, ,DRUG PO DE NI SEMS CAN GYI RDZAS KYI GZHI YIN NO, ,MO DANG PHO'I DBANG PO DAG GIS NI DE MO DANG POR BYE BRAG TU 'BYED DO, ,SROG GI DBANG POS NI GNAS PAR BYED DO, ,TSOR BA RNAMS KYIS NI KUN NAS NYON MONGS PAR BYED DO, ,DAD PA LA SOGS PA LNGAS NI RNAM PAR BYANG BA'I TSOGS SOGS PAR BYED DO, ,GSUM GYIS NI RNAM PAR BYANG BAR BYED DE, DE'I PHYIR MA RIG PA LA SOGS PA NI DBANG PO NYID DU MI 'DOD, ,YANG NA 'JUG PA'I RTEN DANG NI, ,SKYE DANG GNAS DANG NYER SPYOD LAS, ,BCU BZHI DE BZHIN LDOG PA LA, ,DBANG PO RNAMS NI GZHAN YIN NO, ,YANG NA ZHES BYA BA'I SGRA NI GZHUNG LUGS THA DAD PAR BSTAN PA'I PHYIR TE, GZHAN DAG NA RE 'JUG PA'I RTEN NI DBANG PO DRUG YIN NO, ,SKYE BA NI MO DANG PO'I DBANG PO DAG YIN TE, DE LAS SKYE BA'I PHYIR RO, ,GNAS PA NI SROG GI DBANG PO YIN TE, DES GNAS PAR BYED PA'I PHYIR RO, ,TSOR BA RNAMS KYIS NI NYE BAR SPYOD PAR BYED DE, DE'I PHYIR DE DAG NI DBANG PO BCU BZHI YIN NO, ,RNAM PA DE NYID KYIS GZHAN DAG NI LDOG PA YIN TE, LDOG PA'I RTEN NI DAD PA LA SOGS PA YIN NO, ,SKYE BA NI KUN SHES PAR BYED PA'I DBANG PO YIN NO, ,GNAS PA NI KUN SHES PA'I DBANG PO YIN NO, ,KUN SHES PA DANG LDAN PA'I DBANG POS NI NYE BAR SPYOD PAR BYED DO ZHES ZER TE, DE'I PHYIR DBANG PO DAG NI DE SNYED CIG YIN LA, DE NYID KYI PHYIR DE DAG GI GO RIMS KYANG DE YIN NO, ,NGAG GI TSIG SMRA BAR BYA BA LA DBANG PO NYID MA YIN TE, SLOB PA'I KHYAD PAR LTOS PA'I PHYIR RO, ,LAG PA DANG, RKANG PA DANG, LEN PA DANG, 'GRO BA LAS GZHAN MA YIN PA'I PHYIR TE, DE DAG NYID DE DAG YIN TE, GZHAN DANG GZHAN DU 'BYUNG BA LA LEN PA DANG 'GRO BA ZHES BYA'O, ,SBRUL LA SOGS PA LA LAG PA DANG, RKANG PA MED PA BZHIN DU YANG LEN ZHING 'GRO BA'I PHYIR RO, ,RKUB KYANG RTUG PAR BYA BA LA DBANG PO NYID MA YIN TE, NAM MKHA' LA GNAS PA'I RDZAS LCI BA THAMS CAD DU LTUNG BA'I PHYIR DANG, DE RLUNG GIS KYANG BRO BAR BYED PA'I PHYIR RO, ,MDOMS KYANG KUN TU DGA' BAR BYA BA LA DBANG PO NYID MA YIN TE, DGA' BA DE NI MO DANG PO'I DBANG POS BYAS PA YIN PA'I PHYIR RO, ,LKOG MA DANG, SO DANG, MIG GI LAM DANG TSIGS RNAMS KYANG MID PA DANG, BCA' BA DANG, 'BYED PA DANG, @55B 'DZUM PA DANG, BSKUMS PA DANG, BRKYANG BA'I BYA BA DAG LA DBANG PO NYID YIN PA 'AM, RGYUR GYUR PA THAMS CAD RANG GI BYA BA LA DBANG PO NYID YIN PAR THAL BAR 'GYUR BAS NGAG LA SOGS PA DBANG PO NYID YIN PAR RIGS PA MA YIN NO, ,DE LA MIG LA SOGS PA PHO'I DBANG PO LA THUG PA RNAMS NI BSNYAN ZIN TO, ,SROG GI DBANG PO NI LDAN PA MA YIN BA YIN PA'I PHYIR LDAN PA MA YIN PA DAG GI NANG KHO NA NAS 'CHAD PAR 'GYUR RO, ,DAD PA LA SOGS PA RNAMS NI SEMS LAS BYUNG BA DAG GI NANG NAS 'CHAD PAR 'GYUR RO, ,BDE BA LA SOGS PA DANG KUN SHES PAR BYED PA'I DBANG PO LA SOGS PA BSHAD PAR BYA STE DE BRJOD PAR BYA'O, ,LUS TSOR SIM PA MA YIN GANG, ,SDUG BSNGAL DBANG PO'O, ,SIM PA MA YIN PA ZHES BYA BA NI GNOD PAR BYED PA STE SDUG BSNGAL ZHES BYA BA'I THA TSIG GO, ,SIM PA NI BDE BA'O, ,LUS KYI TSOR BA SIM PA NI BDE BA'I DBANG PO'O, ,SIM PA ZHES BYA BA NI PHAN 'DOGS PA STE BDE BA ZHES BYA BA'I THA TSIG GO , ,BSAM GTAN GSUM PA NA, SEMS KYI DE NI BDE DBANG PO, ,BSAM GTAN GSUM PA NA NI SEMS KYI TSOR BA SIM PA DE NYID BDE BA'I DBANG PO YIN TE, DE NA RNAM PAR SHES PA'I TSOGS LNGA MED PA'I PHYIR LUS KYI TSOR BA NI MED DO, ,GZHAN NA DE YIS BDE BA YIN, , BSAM GTAN GSUM PA LAS GZHAN PA 'DOD PA'I KHAMS DANG, BSAM GTAN DANG PO DANG, GNYIS PA NA NI SEMS KYI TSOR BA SIM PA ? GANG YIN PA DE YID BDE BA'I DBANG PO YIN NO, ,BSAM GTAN GSUM PA NA NI DGA' BA'I 'DOD CHAGS DANG BRAL BA'I PHYIR BDE BA'I DBANG PO KHO NA YIN GYI YID BDE BA NI MA YIN TE, DGA' BA NI YID BDE BA YIN NO, ,SEMS KYI SIM PA MA YIN PA, YID MI BDE BA'O BTANG SNYOMS NI BAR MA'O, ,SIM PA YANG MA YIN SIM PA MA YIN PA YANG MA YIN, SDUG BSNGAL YANG MA YIN, BDE BA YANG MA YIN PA'I TSOR BA NI BAR MA ZHES BYA STE, DE NI BTANG SNYOMS KYI DBANG PO YIN NO, ,CI LUS KYI 'AM, SEMS KYI ZHES BYA ZHE NA, SMRAS PA, GNYI GA'I YIN NO, ,CI'I PHYIR 'DI BSDUS NAS DBANG PO GCIG TU BYAS SHE NA, MI RTAG PHYIR, SEMS KYI BDE BA DANG, SDUG BSNGAL NI PHAL CHER RNAM PAR RTOG PA LAS SKYE'I LUS KYI NI MA YIN NO, ,YUL GYI DBANG GIS NI DGRA BCOM PA RNAMS LA YANG SKYE BAS, ? @56A *, ,DE'I PHYIR DE DAG DBANG PO NYID DU THA DAD KYI LUS KYI DANG SEMS KYI BTANG SNYOMS NI RNAM PAR MI RTOG PA KHO NAR RANG GI DAD GIS SKYE BAS DBANG PO GCIG TU BYAS SO, ,LUS KYI BDE BA YANG GZHAN DU PHAN 'DOGS LA, SEMS KYI YANG GZHAN DU PHAN 'DOGS SO, ,DE BZHIN DU LUS KYI SDUG BSNGAL YANG GZHAN DU GNOD PA BYED LA, SEMS KYI YANG GZHAN DU GNOD PA BYED DO, ,BTANG SNYOMS LA NI BYE BRAG DE MED DE, DE BAS NA, BTANG SNYOMS NI BYE BRAG MED PAS THA DAD PA MED DO, ,MTHONG BSGOM MI SLOB LAM LA DGU, ,GSUM YIN, YID DANG, BDE BA DANG, YID BDE BA DANG, BTANG SNYOMS RNAMS DANG, DAD PA LA SOGS PA LNGA DANG DBANG PO DGU PO DE DAG NI LAM GSUM DAG TU DBANG PO GSUM ZHES BYA STE, MTHONG BA'I LAM LA NI MI SHES PA KUN SHES PAR BYED PA'I DBANG PO ZHES BYA'O, ,BSGOM PA'I LAM LA NI KUN SHES PA'I DBANG PO ZHES BYA'O, ,MI SLOB PA'I LAM LA NI KUN SHES PA DANG LDAN PA'I DBANG PO ZHES BYA'O, ,CI'I PHYIR ZHE NA, MTHONG BA'I LAM LA NI MI SHES PA KUN SHES PAR BYA BAR ZHUGS PA YIN NO, ,BSGOM PA'I LAM LA NI SNGON MA MTHONG BA KUN SHES PAR BYA BA NI MED KYI, PHRA RGYAS LHAG MA SPANG BAR BYA BA'I PHYIR DE NYID KUN SHES PAR BYED DO, ,MI SLOB PA'I LAM LA NI KUN SHES SO SNYAM DU RTOGS PA NI KUN SHES PA STE, DE 'DI LA YOD PAS SAM, 'DI KUN SHES PA SRUNG BA'I DANG TSUL CAN YIN PAS NA KUN SHES PA DANG LDAN PA'O, ,ZAD PA DANG MI SKYE BA'I YE SHES THOB PA'I PHYIR BDAG GIS SDUG BSNGAL YONGS SU SHES TE YANG YONGS SU SHES PAR BYAR MED DO SNYAM PA STE, DE LTA BU'I DBANG PO NI KUN SHES PA DANG LDAN PA'I DBANG PO YIN NO, ,RANG GI NGO BO BSTAN NAS ZAG PA DANG BCAS PA RNAMS NI DU, ZAG PA MED PA RNAMS NI DU ZHES BYA BA DE LTA BU LA SOGS PA RNAM PA'I BYE BRAG BRJOD PAR BYA STE, DE LA RE ZHIG KUN SHES PAR BYED PA'I DBANG PO LA SOGS PA BSHAD MA THAG PA GANG DAG YIN PA DE, GSUM NI DRI MA MED PA, ZAG PA MED PA ZHES BYA BA'I THA TSIG STE, DRI MA RNAMS NI ZAG PA'I RNAM GRANGS YIN PA'I PHYIR RO, ,GZUGS CAN SROG DANG SDUG BSNGAL DAG ,ZAG DANG BCAS PA, DBANG PO GZUGS CAN BDUN DANG, SROG GI DBANG PO DANG, SDUG BSNGAL DANG, YID MI BDE BA'I DBANG PO DAG NI GCIG TU ZAG @56B PA DANG BCAS PA YIN NO, ,GZUGS CAN BDUN NI MIG DANG, RNA BA DANG, SNA DANG, LCE DANG, LUS DANG, MO DANG PO'I DBANG PO RNAMS TE, GZUGS KYI PHUNG POS BSDUS PA'I PHYIR RO, ,DGU RNAM GNYI SE, YID DANG BDE BA DANG, YID BDE BA DANG BTANG SNYOMS DAG DANG, DAD BA LA SOGS PA LNGA DANG, DBANG PO DGU PO DE DAG NI ZAG PA DANG BCAS PA YANG YIN LA ZAG PA MED PA YANG YIN NO, ,KHA CIG NA RE DAD PA LA SOGS PA RNAMS NI ZAG PA MED PA KHO NA YIN TE, BCOM LDAN 'DAS KYIS GANG LA DBANG PO LNGA PO 'DI DAG THAMS CAD DU THAMS CAD MED PA DE NI PHYI ROL SO SO'I SKYE BO'I PHYOGS LA GNAS PAR NGA SMRA'O ZHES GSUNGS SO ZHES ZER RO, ,DE NI KHUNGS SU MI RUNG STE, ZAG PA MED PA RNAMS KYI DBANG DU MDZAD NAS GSUNGS PA'I PHYIR RO, ,'DI LTAR 'PHAGS PA'I GANG ZAG RNAM PAR GZHAG PA MDZAD NAS GANG LA DBANG PO 'DI DAG CES GSUNGS PA'I PHYIR RO, ,YANG NA SO SO'I SKYE BO NI RNAM PA GNYIS TE, NANG PA DANG, PHYI ROL PA'O, , NANG PA NI DGE BA'I RTZA BA KUN TU MA CHAD PA'O, ,PHYI ROL PA NI DGE BA'I RTZA BA KUN TU CHAD PA STE, DE'I DBANG DU MDZAD NAS PHYI ROL SO SO'I SKYE BO'I PHYOGS LA GNAS PAR NGA SMRA'O ZHES GSUNGS PA YIN NO, ,MDO LAS KYANG SEMS CAN 'JIG RTEN DU SKYES SHING 'JIG RTEN DU RGAS PA RNAMS LA DBANG PO RNON PO DAG KYANG MCHIS; DBANG PO 'BRING PO DAG KYANG MCHIS, DBANG PO RTUL PO DAG KYANG MCHI SA SO ZHES CHOS KYI 'KHOR LO MA BSKOR BA KHO NA'I TSE GSUNGS TE, DE'I PHYIR DAD PA LA SOGS PA ZAG PA DANG BCAS PA DAG KYANG YOD PA NYID DO, ,YANG NGAS JI SRID DU DBANG PO LNGA PO 'DI DAG GI KUN 'BYUNG BA DANG, MI SNANG BA DANG, RO MYONG BA DANG, NYES DMIGS DANG, NGES PAR 'BYUNG BA YANG DAG PA JI LTA BA BZHIN MA SHES PA DE SRID DU NGA 'JIG RTEN LHA DANG BCAS PA 'DI LAS ZHES RGYAS PAR GSUNGS TE, ZAG PA MED PA RNAMS LA NI YONGS SU BRTAG PA'I RNAM PA 'DI MED DO, ,DBANG PO DU NI RNAM PAR SMIN PA DAG YIN, DU NI RNAM PAR SMIN PA MA YIN PA DAG YIN ZHE NA, RE ZHIG GCIG TU SROG NI RNAM SMIN, 'O NA DGE SLONG DAG DGRA BCOM PA'I TSE'I 'DU BYED DAG 'JOG PAR BYED PA'I SROG GI DBANG PO GANG YIN PA DE GANG GI RNAM PAR SMIN PA ZHE NA, BSTAN BCOS LAS, TSE'I 'DU BYED DAG JI LTAR 'JOG PAR BYED CE NA, DGE SLONG DGRA BCOM PA RDZU @57A *, ,'PHRUL DANG LDAN PA SEMS LA DBANG THOB PAS DGE 'DUN NAM GANG ZAG LA LHUNG BZED DAM CHOS GOS SAM, DGE SBYONG GI 'TSO BA'I YO BYAD GANG YANG RUNG BA PHUL NAS, DE BSAMS TE RAB KYI MTHA' PA'I BSAM GTAN BZHI PA LA SNYOMS PAR 'JUG CING DE DE LAS LANGS NAS, BDAG GI LONGS SPYOD KYI RNAM PAR SMIN PA GANG YIN PA DE, TSE'I RNAM PAR SMIN PAR GYUR CIG SNYAM DU SEMS SKYED PAR BYED CING TSIG TU YANG SMRA BAR BYED DO, DE'I LONGS SPYOD KYI RNAM PAR SMIN PA GANG YIN PA DE'I TSE'I RNAM PAR SMIN PAR 'GYUR RO ZHES 'BYUNG NGO, ,GANG DAG RNAM PAR SMIN PA'I LHAG MA RNAM PAR SMIN PAR BYED DO SNYAM DU SEMS PA DE DAG NA RE NI NGES TSE RABS SNGA MA LA LAS BYAS PA'I RNAM PAR SMIN PA BSGOMS PA'I STOBS KYIS DRANGS NAS SO SOR MYONG BAR BYED DO ZHES ZER RO, ,DE'I TSE'I 'DU BYED DAG JI LTAR GTONG ZHE NA, DE BZHIN DU SBYIN PA BYIN NAS BSAMS TE RAB KYI MTHA' PA'I BSAM GTAN BZHI PA LA SNYOMS PAR 'JUG CING DE DE LAS LANGS NAS BDAG GI TSE'I RNAM PAR SMIN PA GANG YIN BDE LONGS SPYOD KYI RNAM PAR SMIN PAR GYUR CIG SNYAM DU SEMS SKYED PAR BYED CING TSIG TU YANG SMRA BAR BYED DE, DE'I DE LTA BUR 'GYUR RO, ,BTZUN PA DBYANGS SGROGS NA RE NI DES LUS DE NYID LA GZUGS NA SPYOD PA'I 'BYUNG BA CHEN PO TSE DANG MTHUN PA'AM 'GAL BDAG BSAM GTAN GYI STOBS KYIS MNGON DU BYED DO, ,DE LTAR TSE'I 'DU BYED DAG 'JOG PAR BYED CING, DE LTAR GTONG BAR BYED DO ZHES ZER RO, ,'DI LTA BU YIN TE, DE DAG GI DE LTA BU DE NI, TING NGE 'DZIN GYI MTHU KHO NA STE, DES SNGON GYI LAS LAS SKYES PA DBANG PO'I 'BYUNG BA CHEN PO RNAMS KYI GNAS PA'I DUS 'PHEN PA NI ZLOG PAR BYED LA, SNGON MED PA TING NGE 'DZIN LAS SKYES PA'I 'PHEN PA NI 'PHEN PAR BYED DE, DE LTA BAS NA SROG GI DBANG PO DE NI RNAM PAR SMIN PA MA YIN LA, DE LAS GZHAN PA NI RNAM PAR SMIN PA YIN NO, ,DRI BA LAS DRI BA GZHAN 'BYUNG STE, CI'I PHYIR TSE'I 'DU BYED DAG BYIN GIS RLOB PAR BYED CE NA, GZHAN LA PHAN PA'I DON TAM, BSTAN PA GNAS PAR BYA BA'I DON DU STE, DE DAG NI BDAG NYID TSE ZAD PAR MTHONG ZHING DE LAS GZHAN NUS PA YANG MA MTHONG BA YIN NO, ,'O NA CI'I PHYIR GTONG BAR BYED CE NA, GSON NA GZHAN @57B LA PHAN PA CHUNG BA DANG, LUS NAD LA SOGS PA LTA BUR MTHONG BA YIN TE, JI SKAD DU, TSANGS SBYOD 'DI LA LEGS SPYAD CING, ,LAM LA'ANG SHIN TU BSGOMS NA NI, ,TSE ZAD PA LA DGA' 'GYUR TE, ,DPER NA NAD DANG BRAL BA BZHIN, ,ZHES GSUNGS PA LTA BU'O, ,'O NA GANG DU'AM, GANG ZHIG GI TSE'I 'DU BYED DAG 'JOG PA'AM, GTONG BA DE RIG PAR BYA ZHE NA, MI'I NANG KHO NA DAG TU STE GLING GSUM PO DAG TU'O, ,GANG ZHIG GI ZHE NA, DGRA BCOM PA PHO MO RAB KYI MTHA'I BSAM GTAN THOB PA DUS DANG MI SBYOR BAR RNAM BAR GROL BA STE, DE NI TING NGE 'DZIN LA YANG DBANG ZHING NYON MONGS PA DAG GIS KYANG RGYU NYE BAR MA BSTAN PA YIN NO, ,MDO LAS BCOM LDAN 'DAS KYIS, SROG GI 'DU BYED DAG BYIN GYIS BRLABS NAS TSE'I 'DU BYED DAG BTANG NGO ZHES GSUNGS PA DE DAG LA KHYAD PAR CI ZHIG YOD CE NA, KHA CIG NA RE CUNG ZAD KYANG MED DE, 'DI LTAR SROG GI DBANG PO GANG ZHE NA, KHAMS GSUM PA'I TSE YIN NO ZHES GSUNGS SO ZHES ZER RO, ,KHA CIG NA RE NI SNGON GYI LAS KYI 'BRAS BU NI TSE'I 'DU BYED DAG YIN LA, DA LTAR BYUNG BA'I LAS KYI 'BRAS BU NI SROG GI 'DU BYED DAG YIN NO ZHES ZER TE, GANG DAG GIS RIS MTHUN PAR GNAS PAR 'GYUR BA DE DAG NI TSE'I 'DU BYED DAG YIN LA, GANG DAG GIS DUS GZHAN GYI BAR DU 'TSO BA DE DAG NI SROG GI 'DU BYED DAG YIN NO, ,MANG PO'I TSIG NI TSE DANG SROG GI 'DU BYED KYI SKAD CIG MA RNAM PA MANG PO RNAMS LA GTONG ZHING BYIN GYIS RLOB PA'I PHYIR TE, SKAD CIG MA GCIG LA NI GTONG BA'AM BYIN GYIS RLOB PA MED DO, ,KHA CIG NA RE DUS GZHAN GYI BAR DU 'DUG PA TSE'I RDZAS GCIG PU NI MED DO ZHES BSTAN PA'I PHYIR RO ZHES ZER RO, ,KHA CIG NA RE 'DU BYED MANG PO RNAMS LA TSE ZHES BYA BA'I TSE'I RDZAS GCIG PU NI MED DO, ,DE LTA MA YIN NA 'DU BYED SMOS PA MI MDZAD PAR 'GYUR RO ZHES ZER RO, ,YANG CI'I PHYIR BCOM LDAN 'DAS KYIS TSE'I 'DU BYED DAG BTANG ZHING BYIN GYIS BRLABS SHE NA, 'CHI BA LA MNGA' BA NYID DU BSTAN PA'I PHYIR NI BTANG LA, TSE LA MNGA' BA NYID DU BSTAN PA'I PHYIR NI ZLA BA GSUM KHO NA BYIN GYIS BRLANGS TE, PHYIN CHAD NI GDUL BA'I DON MED PA'I PHYIR MA YIN NO, ,GANG YANG NGAS RDZU 'PHRUL GYI RKANG PA BZHI PO DE LTAR BSGOMS PA DAG GIS 'DOD NA BSKAL PA'AM BSKAL @58A *, ,BABS LHAG PAR BZHUGS PAR BYA'O ZHES DAM BCAS PA DE YANG SGRUB PA'I PHYIR RO, ,BYE BRAG TU SMRA PA RNAMS NA RE NI PHUNG PO DANG 'CHI BDAG GI BDUD DAG LAS RGYAL BAR BSTAN PA'I PHYIR RO ZHES ZER TE, BYANG CHUB KYI SHING DRUNG DU NI NYON MONGS PA DANG LHA'I BU'I BDUD DAG LAS RGYAL LO, , ZHAR LA 'ONGS PA RDZOGS SO,, ,,DKYUS MA NYID BRTZAM PAR BYA STE, BCU GNYIS GNYIS, BCU GNYIS GANG ZHE NA, THAM BRGYAD DANG YID MI BDE, ,MA GTOGS PA STE, DAD PA LA SOGS PA THA MA BRGYAD DANG, YID MI BDE BA MA GTOGS PA SROG GI DBANG PO LAS GZHAN PA BCU GNYIS NI RNAM PA GNYIS TE, RNAM PAR SMIN PA YANG YIN LA, RNAM PAR SMIN PA MA YIN PA YANG YIN NO, ,DE LA MIG LA SOGS PA BDUN RGYAS PA LAS BYUNG BA RNAMS NI RNAM PAR SMIN PA MA YIN NO, ,LHAG MA RNAMS NI RNAM PAR SMIN PA YIN NO, ,YID DANG, SDUG BSNGAL DANG, BDE BA DANG, YID BDE BA DANG, BTANG SNYOMS KYI DBANG PO RNAMS NI DGE BA DANG NYON MONGS PA CAN RNAMS DANG, SPYOD LAM PA DANG BZO'I GNAS PA DANG, SPRUL PA RNAMS NI CI RIGS PAR RNAM PAR SMIN PA MA YIN NO, ,LHAG MA RNAMS NI RNAM PAR SMIN PA YIN NO, ,SROG GI DBANG PO DANG, MIG LA SOGS PA BCU GNYIS MA GTOGS PA LHAG MA RNAMS NI RNAM PAR SMIN PA MA YIN PA ZHES BYA BAR GRUB PO, ,GAL TE YID MI BDE BA RNAM PAR SMIN PA MA YIN NA LAS NI GSUM STE, YID BDE BA MYONG BAR 'GYUR BA'I LAS DANG, YID MI BDE BA MYONG BAR 'GYUR BA'I LAS DANG, BTANG SNYOMS MYONG BAR 'GYUR BA'I LAS ZHES GSUNGS PA'I MDO 'DI JI LTAR DRANG ZHE NA, MTSUNGS PAR LDAN PA MYONG BAR 'GYUR BA'I DBANG DU MDZAD NAS GSUNGS PA YIN TE, YID MI BDE BA DANG MTSUNGS PAR LDAN PA'I LAS NI YID MI BDE BA MYONG BAR 'GYUR BA STE, DPER NA BDE BA DANG MTSUNGS PAR LDAN PA'I REG PA BDE BA MYONG BAR 'GYUR BA YIN PA BZHIN NO, ,'O NA NI YID BDE BA DANG BTANG SNYOMS MYONG BAR 'GYUR BA'I LAS DAG KYANG DE DANG 'DRA BAR 'GYUR RO ZHE NA, JI LTAR DGA' BA DE LTAR YIN LA RAG STE, MTSUNGS PAR LDAN PA YIN NA YANG NYES PA MED LA, RNAM PAR SMIN PA YIN NA YANG NYES PA MED DO, ,GO SKABS MED PAS NA DE NI DE LTAR SHES SO, ,YID MI BDE BA RNAM PAR @58B SMIN PA MA YIN NO ZHES BYA BA 'DI LA RIGS PA CI ZHIG YOD CE NA, YID MI BDE BA NI KUN TU RTOG PA'I KHYAD PAR DAG GIS SKYED PAR BYED PA YIN GYI RNAM PAR SMIN PA NI DE LTAM YIN NO, ,YID BDE BA YANG DE DANG 'DRA BAS RNAM PAR SMIN PA MA YIN PAR 'GYUR RO, ,'O NA GAL TE YID MI BDE BA RNAM PAR SMIN PAR GYUR NA MTSAMS MED PA BYED PA RNAMS DE'I PHYIR YID MI BDE BSKYED PAS LAS DE RNAM PAR SMIN PAR 'GYUR RO ZHE NA, YID MI BDE BA YANG DE DANG 'DRA STE, GAL TE YID BDE BA RNAM PAR SMIN PAR GYUR NA BSOD NAMS BYED PA RNAMS DE'I PHYIR YID BDE BA SKYED PAS LAS DE RNAM PAR SMIN PAR 'GYUR RO, ,'O NA 'DOD CHAGS DANG BRAL BA RNAMS LA YID MI BDE BA MI SRID PA'I PHYIR TE, RNAM PAR SMIN PA NI DE LTA MA YIN NO ZHE NA, DE DAG GI YID BDE BA LUNG DU MA BSTAN PA RNAM PAR SMIN PA YANG JI LTA BU ZHIG YIN, BYE BRAG TU SMRA BA RNAMS NA RE, CI 'DRA YANG RUNG STE, YID BDE BA LA RNAM PAR SMIN PA'I GO SKABS YOD JI SRID DU ZIN KYANG; YID MI BDE BA NI RNAM PA THAMS CAD DU YANG KUN DU MI 'BYUNG BAS YID MI BDE BA LA RNAM PAR SMIN PA MED CES ZER RO, ,DE LA BRGYAD PA SROG GI DBANG PO DANG, GZHAN RNAMS BDE 'GRO NA NI BDE BA RNAM PAR SMIN PA YIN LA, NGAN 'GRO BA NI MI BDE BA'I RNAM PAR SMIN PA YIN NO, ,YID KYI DBANG PO NI GNYIS KAR GNYI GA'I RNAM PAR SMIN PA YIN NO, ,BDE BA DANG, YID BDE BA DANG, BTANG SNYOMS KYI DBANG PO RNAMS NI DGE BA'I RNAM PAR SMIN PA YIN NO, ,SDUG BSNGAL GYI DBANG PO NI MI DGE BA'I RNAM PAR SMIN PA YIN NO, ,BDE 'GRO NA MI DGE BAS MTSAN GNYIS PO DE'I GNAS RNYED PA YIN GYI DBANG PO NI MA YIN TE, DGE BAS 'PHANGS PA YIN PA'I PHYIR RO, ,DE NI RDZOGS SO,, ,,'DI BRJOD PAR BYA STE, DBANG PO DU NI RNAM PAR SMIN PA DANG BCAS PA DAG YIN, DU NI RNAM PAR SMIN PA MED PA DAG YIN ZHE NA, GANG 'DI YID MI BDE BA BSHAD MA THAG PA, DE GCIG NI RNAM PAR SMIN BCAS DE GCIG PU NI RNAM PAR SMIN PA DANG BCAS PA KHO NA YIN NO, ,NI ZHES BYA BA'I SGRA NI KHO NA ZHES BYA BA'I DON DANG RIM PA GZHAN DU SBYAR BA YIN PAR RIG PAR BYA STE, DE NI LUNG DU MA BSTAN PA YANG MED LA, MNYAM PAR GZHAG PA MA YIN PA'I PHYIR ZAG PA MED PA YANG MED DE, DE'I PHYIR @59A *, ,YID MI BDE BA RNAM PAR SMIN PA MED PA MA YIN NO, ,BCU RNAM GNYIS, RNAM PAR SMIN PA DANG BCAS PA DAG KYANG YIN, RNAM PAR SMIN PA MED PA DAG KYANG YIN NO, ,BCU GANG ZHE NA, YID DANG TSOR GZHAN DAD LA SOGS, ,TSOR BA GZHAN ZHES BYA BA SMOS PAS NI YID MI BDE BA LAS GZHAN PA'I TSOR BA GZUNG NGO, ,DAD LA SOGS NI DAD PA DANG BRTZON 'GRUS DANG DRAN PA DANG TING NGE 'DZIN DANG SHES RAB PO, ,DE LA YID DANG BDE BA DANG YID BDE BA DANG BTANG SNYOMS MI DGE BA ZAG PA DANG BCAS PA RNAMS NI RNAM PAR SMIN PA DANG BCAS PA YIN NO, ,ZAG PA MED PA RNAMS NI RNAM PAR SMIN PA MED PA DAG YIN NO, ,SDUG BSNGAL GYI DBANG PO NI DGE BA DANG MI DGE BA NI RNAM PAR SMIN PA DANG BCAS PA YIN NO, ,LUNG DU MA BSTAN PA NI RNAM PAR SMIN PA MED PA YIN NO, ,DAD PA LA SOGS PA ZAG PA DANG BCAS PA RNAMS NI RNAM PAR SMIN PA DANG BCAS PA YIN NO, ,ZAG PA MED PA RNAMS NI RNAM PAR SMIN PA MED PA DAG YIN NO, ,GZHAN NI RNAM PAR SMIN PA MED PA YIN NO ZHES BYA BAR GRUB BO, ,DU NI DGE BA DAG YIN, DU NI MI DGE BA DAG YIN ZHE NA, RE ZHIG GCIG TU DGE BA BRGYAD, ,DAD PA LA SOGS PA LNGA DANG, KUN SHES PAR BYED PA'I DBANG PO LA SOGS PA GSUM MO, ,YID MI BDE BA RNAM GNYIS; DGE BA YANG YIN MI DGE PA YANG YIN NO, ,YID DANG TSOR GZHAN NI, RNAM GSUM, DGE BA DANG MI DGE BA DANG LUNG DU MA BSTAN PA DAG GO, ,GZHAN NI RNAM PA GCIG ,GZHAN DE YANG ZHE NA, MIG LA SOGS PA DANG, BRGYAD PA SROG STE, DE DAG NI LUNG DU MA BSTAN PA KHO NA YIN NO, ,DBANG PO 'DI RNAMS LAS DBANG PO GANG ZHIG KHAMS GANG DU GTOGS SHE NA, DRI MED MA GTOGS 'DOD PAR GTOGS, ,RE ZHIG GCIG TU ZAG PA MED PA KUN SHES PAR BYED PA'I DBANG PO LA SOGS PA GSUM MA GTOGS PA'I DBANG PO RNAMS NI 'DOD PA DANG LDAN PAR RIG PAR BYA STE, DE NI LDAN PA MA YIN PA KHO NA YIN NO, ,PHO MO'I DBANG DANG SDUG BSNGAL DAG ,MA GTOGS GZUGS GTOGS, DRI MA MED PA YANG MA GTOGS ZHES BYA BAR SBYAR TE, SDUG BSNGAL DAG CES BYA BA NI SDUG BSNGAL BA DANG YID MI BDE BA DAG GO, ,GZUGS KYI KHAMS DE NA 'KHRIG PA'I CHOS KYI 'DOD CHAGS DANG BRAL BA'I PHYIR DANG, @59B MI MDZES PAR BYED PA'I PHYIR PO DANG MO'I DBANG PO DAG MED DO, ,DA NI JI LTAR NA DE DAG PO ZHES BYA, GA LAS 'BYUNG, MO TSANGS PA NYID BYED PAR 'GYUR BA GANG YIN PA DE NI GNAS MA YIN ZHING SKABS MED DE GNAS MED DO, ,PHO GANG YIN PA DE NI GNAS YOD DO, ,ZHES GSUNGS TE, PO'I NGO BOR GZHAN 'DOD PA'I KHAMS NA PHO RNAMS LA YOD PA GANG YIN PA NI YOD DO, ,LUS DANG BA'I PHYIR DANG, MI DGE BA MED PA'I PHYIR SDUG BSNGAL GYI DBANG PO MED DO, ,RGYU ZHI GNAS KYIS BRLAN PA'I PHYIR DANG, KUN NAS MNAR SEMS KYI GZHI MED PA'I PHYIR YID MI BDE BA'I DBANG PO MED DO, ,GZUGS CAN DANG, BDE BA'AM MA GTOGS GZUGS MED GTOGS, ,PHO DANG MO'I DBANG PO DAG DANG, BDE BA DAG DANG DRI MA MED PA YANG MA GTOGS ZHES BYA BAR SBYAR RO, ,CI ZHIG LUS SHE NA, YID DANG SROG DANG BTANG SNYOMS KYI DBANG PO DAG DANG, DAD PA LA SOGS PA LNGA PO DE DAG NI GZUGS MED PA DANG LDAN PAR 'DOD DO, ,GZHAN DAG NI MED DO, ,DBANG PO DU NI MTHONG BAS SPANG BAR BYA BA DAG YIN, DU NI BSGOM PAS SPANG BAR BYA BA DAG YIN, DU NI SPANG BAR BYA BA MA YIN PA DAG GI YIN ZHE NA, YID DANG TSOR BA GSUM RNAM GSUM, ,TSOR BA GSUM GANG ZHE NA, BDE BA DANG, YID BDE BA DANG, BTANG SNYOMS RNAMS SO, ,GNYIS KYIS SPANG BYA YID MI BDE, ,YID MI BDE BA NI MTHONG BA DANG BSGOM PA DANG GNYIS KYIS SPANG BAR BYA BA YIN NO, ,DGU NI BSGOM PAS SPANG BAR BYA BA DAG YIN NO, ,ZHES BYA BA'I SKABS YIN TE, MIG LA SOGS PA DANG, BRGYAD PA SROG DANG, SDUG BSNGAL GYI DBANG PO NI BSGOMS PAS SPANG BAR BYA BA DAG KHO NA YIN NO, ,LNGA PO NI, SPANG BAR BYA MIN YANG, DAD PA LA SOGS PA LNGA NI ZAG PA DANG BCAS PA DANG ZAG PA MED PA YIN PA'I PHYIR BSGOMS PAS SPANG BAR BYA BA DAG KYANG YIN LA, SPANG BAR BYA BA MA YIN PA DAG KYANG MA YIN NO, ,GSUM MIN, KUN SHES PAR BYED PA'I DBANG PO LA SOGS PA GSUM NI ZAG PA MED PA'I PHYIR SPANG BAR BYA BA MA YIN PA NYID DE, NYES PA MED PA NI SPANG BAR 'OS PA MA YIN NO, ,RNAM PA'I BYE BRAG BSHAD ZIN TO, ,DA NI RNYED PA DPYAD PAR BYA STE, KHAMS GANG DU DANG PO NYID DU DBANG PO RNAM PAR SMIN PA DU ZHIG RNYED CE NA, 'DOD PAR @60A *, ,DANG POR RNAM SMIN GNYIS, RNYED DA, LUS KYI DBANG PO DANG, SROG GI DBANG PO 'O, ,DE DAG KYANG, RDZUS TE SKYE BAS MIN, RDZUS TE SKYE BA BKAG PAS SGO NGA LAS SKYE BA DANG, MNGAL LAS SKYE BA DANG, DROD GSHER LAS SKYE BA DAG GIS RNYED PAR RIG PAR BYA'O, ,CI'I PHYIR YID DANG BTANG SNYOMS KYIS DBANG PO DAG MA YIN ZHE NA, DE GNYIS NI NYID MTSAMS SBYOR BA'I TSEG DON MI ZA BAR NYON MONGS PA CAN YIN PA'I PHYIR RO, ,YANG RDZUS TE SKYE BA DAG GIS DU ZHIG 'THOB CE NA, DE YIS DRUG GAM ZHES BYA BA NI GAL TE MTSAN MA MED PA ZHIG YIN NA STE, 'DI LTAR BSKAL PA DANG PO PA RNAMS LTA BU'O, ,DRUG GANG ZHE NA, MIG DANG RNA BA DANG SNA DANG LCE DANG LUS DANG SROG GI DBANG PO RNAMS SO, ,BDUN NAM ZHES BYA BA NI GAL TE MTSAN GCIG PA ZHIG YIN NA STE, 'DI LTAR LHA LA SOGS PA DAG NA'O, ,BRGYAD CES BYA BA NI GAL TE MTSAN GNYIS PA ZHIG YIN NA'O, ,CI RDZUS TE SKYE BA YANG MTSAN GNYIS PA YOD DAM ZHE NA, NGAN SONG DAG NA YOD DO, RE ZHIG 'DOD PA'I KHAMS NA NI DE LTA BU YIN NO, ,'O NA GZUGS KYI KHAMS DANG, GZUGS MED PA'I KHAMS NA JI LTA BU YIN ZHE NA, GZUGS NA DRUG GO ZHES BYA BA SMOS TE, 'DOD PA'I KHAMS NI 'DOD PA GTZO BO YIN PA'I PHYIR 'DOD PA RNAM ZHES BSTAN LA, GZUGS KYI KHAMS NI GZUGS GTZO BO YIN PA'I PHYIR GZUGS RNAMS ZHES BSTAN TE, MDO LAS KYANG, GANG YANG GZUGS MED PA'I RNAM PAR THAR PA ZHI BA GANG DAG GZUGS RNAMS LAS 'DAS TE ZHES GSUNGS SO, ,GZUGS KYI KHAMS DE NA NI DANG PO NYID DU DBANG PO DRUG RNAM PAR SMIN PA 'THOB STE, 'DOD PA'I KHAMS NA RDZUS TE SKYE BA MTSAN MA MED PA DAG GIS RNYED PA GANG DAG YIN BA DE DAG NYID DO, ,GONG MAR GCIG ,GZUGS KYI KHAMS PAS NI GZUGS MED PA'I KHAMS SNYOMS PAR 'JUG PAS RING BA'I PHYIR DANG, SKYE BAS CHES MCHOG YIN PA'I PHYIR GONG MA STE; DER NI DANG PO NYID DU SROG GI DBANG PO GCIG KHO NA RNAM PAR SMIN PA THOB STE, GZHAN NI MA YIN NO, ,RNYED PA BSHAD ZIN TO, ,DA NI GTONG BA BRJOD PAR BYA STE, KHAMS GANG DU 'CHI BA NA DBANG PO ZHIG THAMS CAD KYI THA MAR GTONG ZHE NA, GZUGS MED DAG TU 'CHI BA NI, ,SROG DANG @60B YID DANG BTANG SNYOMS NYID, ,'GAG PAR 'GYUR RO GZUGS NA BRGYAD, ,GZUGS KYI KHAMS SU 'CHI NA PHUNG PO DE DAG DANG, MIG LA SOGS PA LNGA DANG, DBANG PO BRGYAD 'GAG STE, BRDZUS TE SKYE BA THAMS CAD NI DBANG PO RNAMS TSANG BAR SKYE ZHING 'CHI'O, ,'DOD PAR BCU'AM DGU 'AM BRGYAD 'DOD PA'I KHAMS SU 'CHI NA MTSAN GNYIS PA ZHIG YIN NA NI BRGYAD PO DE DAG DANG, PO DANG MO'I DBANG PO DANG DBANG PO BCU 'GAG PAR 'GYUR RO, ,MTSAN GCIG PA ZHIG NA NI DGU'O, ,MTSAN MED PA ZHIG YIN NA NI BRGYAD DE, CIG CAR 'CHI BA LA NI TSU LA DE LTA BU YIN NO, ,RIM GYIS 'CHI BA DAG LA BZHI, RIM GYIS 'CHI NA LUS DANG SROG DANG YID DANG BTANG SNYOMS KYI DBANG PO DAG DANG DBANG PO BZHI 'GAG STE, DE RNAMS LA NI SO SOR 'GAG PA MED DO, ,NYON MONGS PA CAN DANG LUNG DU MA BSTAN PA'I SEMS KYIS 'CHI BA LA NI TSUL DE LTA BU YIN PAR RIG PAR BYA'O, ,GANG GI TSE DGE BA'I SEMS LA GNAS TE 'CHI BA DE'I TSE NI, DGE BA THAMS CAD DAG TU LNGA, DGE BA'I SEMS LA GNAS TE 'CHI NA THAMS CAD DU JI SKAD BSHAD PA'I DBANG PO RNAMS DANG, LHAG PAR DAD PA LA SOGS PA LNGA 'GAG STE, DE RNAMS NI DGE BA'I SEMS LA GDON MI ZA BAR YOD DO, ,DE LTAR NA GZUGS MED PA NA NI BRGYAD 'GAG PAR 'GYUR RO, ,GZUGS NA NI BCU GSUM MO ZHES RGYAS PAR BRTZI BAR BYA'O, ,DBANG PO'I SKABS SU DBANG PO'I CHOS THAMS CAD DPYAD PAR BYA STE, DGE SBYONG GI TSUL GYI 'BRAS BU GANG ZHIG DBANG PO DU DAG GIS 'THOB CE NA, 'BRAS BU THA MA GNYIS NI DBANG PO DGUS 'THOB BO, ,YANG THA MA GANG DAG YIN ZHE NA, RGYUN DU ZHUGS PA DANG, DGRA BCOM PA NYID KYI 'BRAS BU'O, ,BAR MA GANG DAG YIN ZHE NA, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU'O, DE LA RGYUN DU ZHUGS PA'I 'BRAS BU NI DAD PA LA SOGS PA DANG, KUN SHES PA DANG LDAN PA'I DBANG PO MA GTOGS PA DAG DANG, YID DANG, BTANG SNYOMS KYI DBANG PO DAG DANG DGUS 'THOB STE, KUN SHES PAR BYED PA'I DBANG PO NI BAR CHAD MED PA'I LAM LA RIG PAR BYA'O, ,KUN SHES PA'I DBANG PO NI RNAM PAR GROL BA'I LAM LA RIG PAR BYA'O, ,GNYIS KYANG DE 'THOB STE, GO @61A *, ,RIMS BZHIN DU BRAL BA'I 'THOB PA 'DREN PAR BYED PA DANG, RTEN YIN PA'I PHYIR RO, ,DGRA BCOM PA NYID NI DAD PA LA SOGS PA DANG, KUN SHES PAR BYED PA'I DBANG PO MA GTOGS PA DAG DANG, YID KYI DBANG PO DANG, BDE BA DANG, YID BDE BA DANG, BTANG SNYOMS KYI DBANG PO RNAMS LAS GANG YANG RUNG BA ZHIG DANG DGUS 'THOB BO, ,GNYIS NI BDUN DANG BRGYAD DANG DGUS, ,LAN CIG PHYIR 'ONG BA DANG PHYIR MI 'ONG BA'I 'BRAS BU DAG NI RE RE ZHING DBANG PO BDUN NAM BRGYAD DAM DGU DAG GIS 'THOB STE, JI LTA ZHE NA, RE ZHIG GAL TE LAN CIG PHYIR 'ONG BA'I 'BRAS BU MTHAR GYIS 'THOB LA DE YANG 'JIG RTEN PA'I LAM GYIS 'THOB NA NI DE DAD PA LA SOGS PA LNGA DANG, BTANG SNYOMS DANG YID KYI DBANG PO DANG DBANG PO BDUN DAG GIS 'THOB BO, ,'ON TE 'JIG RTEN LAS 'DAS PA'I LAM GYIS 'THOB NA NI DES DBANG PO BRGYAD DAG GIS 'THOB STE; BRGYAD PA NI KUN SHES PA'I DBANG PO YIN NO, ,CI STE PHAL CHER LA 'DOD CHAGS DANG BRAL BA ZHIG GIS 'THOB NA NI DE DGUS 'THOB STE, GANG DAG KHO NAS RGYUN DU ZHUGS PA'I 'BRAS BU 'THOB PA KHO NA YIN NO, ,GAL TE PHYIR MI 'ONG BA'I 'BRAS BU MTHAR GYIS 'THOB LA DE YANG 'JIG RTEN PA'I LAM GYIS 'THOB NA NI DE DBANG PO BDUN GYIS 'THOB STE, LAN CIG PHYIR 'ONG BA'I 'BRAS BU'I JI LTA BA BZHIN NO, ,'ON TE 'JIG RTEN LAS 'DAS PA'I LAM GYIS 'THOB NA NI DE DBANG PO BRGYAD KYIS 'THOB STE, DE DANG 'DRA'O, ,CI STE 'DOD CHAGS DANG BRAL BA ZHIG GIS 'THOB NA NI DE DGUS 'THOB STE, RGYUN DU ZHUGS PA'I 'BRAS BU'I JI LTA BA BZHIN NO, ,'DI NI KHYAD PAR YIN TE, RTEN GYI BYE BRAG LAS BDE BA DANG YID BDE BA DANG BTANG SNYOMS KYI DBANG PO RNAMS LAS GANG YANG RUNG BA ZHIG YIN NO, ,GANG GI TSE 'DI MTHAR GYIS PA ZHIG YIN LA, RNAM PAR GROL BA'I LAM DGU PA LA 'JIG RTEN PA'I LAM GYIS BSAM GTAN LA 'JUG PA DE'I TSE YANG DBANG PO BRGYAD KYIS PHYIR MI 'ONG BA'I 'BRAS BU 'THOB STE, DE LA RNAM PAR GROL BA'I LAM DGU PA LA NI YID BDE BA'I DBANG PO BRGYAD PA YIN NO, ,BAR CHAD MED PA'I LAM LA NI RTAG TU BTANG SNYOMS KYI DBANG PO KHO NA STE, DE NI @61B GNYI GAS KYANG 'THOB BO, ,'ON TE 'JIG RTEN LAS 'DAS PAS 'JUG NA NAD DBANG PO DGUS 'THOB STE, DGU PA NI KUN SHES PA'I DBANG PO YIN NO, ,'O NA CHOS MNGON PA LAS DBANG PO DU ZHIG GIS DGRA BCOM PA NYID 'THOB CE NA, SMRAS PA, BCU GCIG GIS 'THOB PO ZHES BSHAD PA GANG YIN PA DE JI LTAR DGU DAG GIS 'THOB CES BSHAD CE NA, DE NI DGU KHO NAS 'THOB STE, BCU GCIG DAG GIS DGRA BCOM NYID, ,'GA' ZHIG SRID PHYIR BSHAD PA YIN, ,GANG ZAG GCIG 'GA' ZHIG YONGS SU NYAMS SHING YONGS SU NYAMS NAS BDE BA DANG, YID BDE BA DANG BTANG SNYOMS KYI DBANG PO DAG GIS DGRA BCOM PA NYID 'THOB PA SRID PA YOD PAS DE'I PHYIR BCU GCIG GIS ZHES BSHAD KYI, ,BDE BA LA SOGS PA DUS GCIG TU SRID PA NI MED DO, ,'DI PHYIR MI 'ONG BA LA YANG JI LTAR THAL BAR MI 'GYUR ZHE NA, 'DI NI YONGS SU NYAMS PHAN CHAD NAM YANG BDE BA'I DBANG POS 'THOB PA MED DO; ,'DOD CHAGS DANG BRAL BA SNGON DU 'GRO BA LA NI YONGS SU NYAMS PAR 'GYUR BA YANG MED DE, DE'I 'DOD CHAGS DANG BRAL BA NI LAM GNYIS KYIS 'THOB PA'I PHYIR RO, ,DBANG PO GANG ZHIG DANG LDAN NA GDON MI ZA BAR DBANG PO DAG DANG LDAN PA DAG YIN ZHES BYA BA 'DI DPYAD PAR BYA STE, DE LA BTANG SNYOMS DANG NI SROG DANG NI, ,YID DANG LDAN LA NGES GSUM LDAN, ,GANG ZHIG BTANG SNYOMS LA SOGS PA 'DI DAG LAS GANG YANG RUNG BA ZHIG DANG LDAN BA DE NI GDON MI ZA BAR DBANG PO GSUM DAG DANG LDAN BA YIN TE, DE DAG NYID DANG NGO, ,'DI DAG NI PHAN TSUN MED NA MI LDAN PA YIN GYI LHAG MA RNAMS DANG NI MA NGES TE, LDAN PA YANG YOD MI LDAN PA YANG YOD DO, ,DE LA RE ZHIG MIG DANG RNA BA DANG SNA DANG LCE'I DBANG PO DAG NI GZUGS MED PAR SKYES PA DANG MI LDAN NO, ,'DOD PA'I KHAMS NA NI GANG GIS MA THOB PA DANG RNAM PAR NYAMS PA DAG DANG MI LDAN NO, ,LUS KYI DBANG PA NI GZUGS MED PAR SKYES PA DANG MI LDAN NO, ,MO'I DBANG PO DANG NI GZUGS DANG GZUGS MED PAR SKYES PA DANG MI LDAN NO, ,'DOD PA'I KHAMS NA NI GANG GIS MA THOB PA DANG, RNAM PAR NYAMS PA DANG MI LDAN TE, PHO'I DBANG PO YANG DE BZHIN NO, ,BDE BA'I DBANG PO DANG NI BSAM GTAN BZHI PA DANG GZUGS MED PAR @62A *, ,SKYES PA'I SO SO'I SKYE BO DANG MI LDAN NO, ,YID BDE BA'I DBANG PO DANG NI BSAM GTAN GSUM PA DANG, BZHI PA DANG, GZUGS MED PAR SKYES PA'I SO SO'I SKYE BO KHO NA DANG MI LDAN NO, ,SDUG BSNGAL GYI DBANG PO DANG NI GZUGS DANG GZUGS MED PAR SKYES PA MI LDAN NO, ,YID ME BDE BA DANG NI 'DOD PA'I 'DOD CHAGS DANG BRAL BA MI LDAN NO, ,DAD PA LA SOGS PA DANG NI DGE BA'I RTZA BA KUN TU CHAD PAR MI LDAN NO, ,KUN SHES PAR BYED PA'I DBANG PO DANG NI SO SO'I SKYE BO DANG, 'BRAS BU LA GNAS PA DAG DANG MI LDAN NO, ,KUN SHES PA'I DBANG PO DANG NI SO SO'I SKYE BO DANG, MTHONG BA DANG MI SLOB PA'I LAM LA GNAS PA RNAMS NI MI LDAN NO, ,KUN SHES PA DANG LDAN PA'I DBANG PO DANG NI SO SO'I SKYE BO DANG SLOB PA DAG DANG MI LDAN NO, ,MA BKAG PA'I GNAS SKABS DAG TU NI JI SKAD BSHAD PA DANG LDAN PAR RIG PAR BYA'O, ,BDE LUS LDAN LA BZHI DAG DANG, ,GANG ZHIG BDE BA'I DBANG PO DANG LDAN BDE NI GDON MI ZA BAR BTANG SNYOMS LA SOGS PA GSUM BO DE DAG DANG, BDE BA'I DBANG PO DANG DBANG PO BZHI DANG LDAN LA, GANG ZHIG LUS KYI DBANG PO DANG LDAN BA DE YANG GSUM PO DE DAG DANG, LUS KYI DBANG PO BZHI DANG LDAN NO, ,MIG SOGS LDAN LA LNGA DANG LDAN, ,GANG ZHIG MIG GI DBANG PO DANG LDAN BA DE NI GDON MI ZA BAR BTANG SNYOMS DANG SROG DANG YID DANG LUS KYI DBANG PO DAG DANG, DE DANG DBANG PO LNGA DANG LDAN TE, RNA BA DANG SNA DANG LCE'I DBANG PO DAG DANG LDAN BA DE YANG DE DANG 'DRA BAR RIG PAR BYA'O, ,YID BDE LDAN YANG, GANG ZHIG YID BDE BA'I DBANG PO DANG LDAN PA DE YANG GDON MI ZA BAR BTANG SNYOMS DANG SROG DANG YID DANG BDE BA DANG YID BDE BA DANG DBANG PO LNGA DANG LDAN NO, ,BSAM GTAN GNYIS PAR SKYES PA BSAM GTAN GSUM PA MA THOB PA BDE BA'I DBANG PO GANG DAG DANG LDAN PA YIN ZHE NA, BSAM GTAN GSUM PA'I NYON MONGS PA CAN DANG LDAN NO, SDUG BSNGAL LDAN, BDUN DANG, GANG ZHIG SDUG BSNGAL GYI DBANG PO DANG LDAN BDE NI GDON MI ZA BAR LUS DANG SROG DANG YID DAG DANG TSOR BA'I DBANG PO BZHI DANG BDUN DANG LDAN NO, ,MO'I DBANG SOGS LDAN, BRGYAD DANG, GANG ZHIG MO'I DBANG PO DANG LDAN PA DE NI GDON MI ZA BAR BDUN PO DE DAG DANG MO'I @62B DBANG PA DANG BRGYAD DANG LDAN NA, ,SOGS ZHES BYA BA'I SGRAS NI PHO'I DBANG PO DANG YID MI BDE BA DANG DAD PA LA SOGS PA GZUNG STE, DE DAG DANG LDAN PA NI RE RE ZHING YANG BRGYAD DANG LDAN PA YIN TE, BDUN PO DE DAG DANG PHO'I DBANG PO DANG LDAN NO, ,YID MI BDE BA'I DBANG PO YANG DE DANG 'DRA'O, ,DAD PA LA SOGS PA DANG LDAN PA NI LNGA PO DE DAG DANG BTANG SNYOMS DANG SROG DANG YID DAG DANG LDAN NO, ,KUN SHES LDAN PA'I, DBANG PO LDAN LA BCU GCIG LDAN, ,KUN SHES PA LA DBANG BYED PAS NA KUN SHES PA DANG LDAN PA'I DBANG PO'O, ,GANG ZHIG KUN SHES PA'I DBANG PO DANG LDAN PA DE NI GDON MI ZA BAR BDE BA DANG YID BDE BA DANG BTANG SNYOMS DANG SROG DANG YID DANG DAD PA LA SOGS PA DAG DANG, KUN SHES PA'I DBANG PO DANG BCU GCIG DANG LDAN NO, ,DE BZHIN DU KUN SHES PA DANG LDAN PA'I DBANG PO DANG LDAN BA YANG BCU PO DE DAG NYID DANG, KUN SHES PA DANG LDAN PA'I DBANG PO DANG LDAN NO, ,KUN SHES BYED PA'I DBANG LDAN LA, ,BCU GSUM DAG DANG LDAN BA YIN, ,BCU GSUM DAG DANG LDAN ZHE NA, ,YID DANG SROG DANG LUS KYI DBANG PO DAG DANG, TSOR BA'I DBANG PO BZHI DAG DANG, DAD PA LA SOGS PA DAG DANG, KUN SHES PAR BYED PA'I DBANG PO DANG LDAN NO, ,YANG GANG ZHIG NANG NA NYUNG BA DAG DANG LDAN BA DE DBANG PO JI SNYED CIG DANG LDAN ZHE NA, DGE MED NANG NA NYUNG LDAN PA, ,LUS TSOR SROG YID BRGYAD DANG LDAN, ,DGE MED NE DGE BA'I RTZA BA KUN TU CHAD PA STE, DE NANG NA NYUNG BA DAG DANG LDAN NA TSOR BA LNGA DAG DANG, LUS DANG YID DANG SROG DAG DANG DBANG PO BRGYAD DANG LDAN NO, TSOR BAR BYED PA NI TSOR BA STE, MYONG BAR BYED PA'I PHYIR RO, ,YANG NA TSOR BA NI TSOR BA STE, DPER NA PHUN SUM TSOGS PA LA PHUN SUM TSOGS PA ZHES BYA BA BZHIN NO, ,JI LTAR DGE BA MED PA NANG NA NYUNG BA DAG DANG LDAN NA DBANG PO BRGYAD DAG DANG LDAN PA LTAR GZUGS MED BYIS PA'ANG DE BZHIN TE, BYIS PA ZHES BYA BA NI SO SO'I SKYE BO'I MING NGO, ,BRGYAD GANG DAG DANG LDAN ZHE NA, BTANG SNYOMS SROG YID DGE RNAMS DANG, BTANG SNYOMS DANG SROG DANG, YID DANG DAD PA LA SOGS PA DANG LDAN NO, ,DGE BA SMOS PA NI DAD PA LA SOGS PA GZUNG BAR BYA STE, GCIG TU DGE BA YIN PA'I PHYIR RO, ,KUN @63A *, ,SHES PAR BYED PA'I DBANG PO LA SOGS PA YANG BSDUS PAR THAL BAR 'GYUR RO ZHE NA MA YIN TE, BRGYAD KYI SKABS YIN PA'I PHYIR DANG, BYIS PA'I SKABS YIN PA'I PHYIR RO, ,YANG GANG ZHIG NANG NA DBANG PO MANG PO DAG DANG LDAN BA DE JI SNYED CIG DANG LDAN ZHE NA, MANG POR LDAN NA BCU DGU STE, ,DRI MA MED RNAMS MA GTOGS SO, ,ZAG PA MED PA GSUM MA GTOGS SO, ,DE YANG MTSAN GNYIS, MTSAN GNYIS PA DBANG PO TSANG BA GANG YIN PA DE NI BCU DGU DANG LDAN NO, ,GZHAN YANG GANG ZHIG CE NA, 'PHAGS PA CHAGS BCAS TE, SLOB PA 'DOD CHAGS DANG MA BRAL BA YANG NANG NA MANG PO DANG LDAN NA BCU DGU DANG LDAN TE, MTSAN GCIG DRI MED GNYIS MA GTOGS, ,MTSAN GCIG DANG ZAG PA MED PA GNYIS TE, KUN SHES PA DANG LDAN PA'I DBANG PO DANG, GNYIS PO LAS GANG YANG RUNG BA ZHIG MA GTOGS SO, ,KHAMS RAB TU DBYE BA'I ZHAR LA 'ONGS BA DBANG PO RNAMS KYI RAB TU DBYE BA RGYAS PAR BSHAD ZIN TO, ,DA NI 'DI DPYAD PAR BYA STE, CI 'DUS BYAS KYI CHOS 'DI DAG CI LTAR MTSAN NYID THA DAD PA DE BZHIN DU THA DAD PAR SKYE BA ZHIG YIN NAM, 'ON TE KHA CIG NGES PAR LHAN CIG SKYE BA'ANG YOD CE NA, SMRAS PA YOD DE, CHOS 'DI DAG THAMS CAD NI GZUGS DANG SEMS DANG, SEMS LAS BYUNG BA DAG DANG, SEMS DANG LDAN PA MA YIN PA DAG DANG, 'DUS MA BYAS DANG LNGAR 'GYUR RO, ,DE LA 'DUS MA BYAS LA NI SKYE BA MED PA NYID DO, ,CHOS GZUGS CAN RNAMS KYI NGES PA NI 'DI YIN TE, 'DOD NA DBANG PO MED PA DANG, SGRA MED PHRA RAB RDUL RDZAS BRGYAD, ,THAMS CAD LAS PHRA BA'I GZUGS NI BSAGS PA'I RDUL PHRA RAB CES BYA STE, DE LAS CHES CHUNG BA NI MI MNGON NO, ,DE 'DOD PA'I KHAMS NA SGRA YANG MED DBANG PO YANG MED PA ZHIG YIN NA NI RDZAS BRGYAD DANG LDAN PAR SKYE STE, GANG YANG RUNG BA ZHIG MED PAR NI MA YIN NO; ,RDZAS BRGYAD NI 'BYUNG BA CHEN PO BZHI DAG DANG, RGYUR BYAS PA'I GZUGS BZHI STE, GZUGS DANG, DRI DANG, RO DANG, REG BYA RNAMS SO, RDUL PHRA RAB DBANG PO DANG BCAS LA SGRA MED PA ZHIG YIN NA NI RDZAS DGU 'AM, RDZAS BCU DANG LDAN PAR SKYE STE, DE LA RE ZHIG ,LUS DBANG LDAN @63B LA RDZAS DGU'O, ,'DI LA LUS GYI DBANG PO YOD PAS NA 'DI NI LUS DBANG LDAN NO, ,DE LA RDZAS DGU NI BRGYAD PO DAG DANG LUS KYI DBANG PO'O, ,DBANG PO GZHAN RDZAS BCU'O, ,DBANG PO GZHAN GYI RDUL PHRA RAB GANG LA YOD PA DE LA RDZAS BCU STE, DGU PO DE DAG NYID DANG, MIG DANG, RNA BA DANG, SNA DANG, LCE'I DBANG PO RNAMS LAS GANG YANG RUNG BZHIG GO, ,RDUL PHRA RAB DE DAG SGRA DANG BCAS PA ZHIG TU SKYE NA NI GO RIMS BZHIN DU RDZAS DGU DANG, BCU DANG BCU GCIG DANG LDAN BAR SKYE BA NA SKYE'O, ,DBANG PO DANG THA MI DAD PA'I SGRA YANG YOD DE, ZIN PA'I 'BYUNG BA CHEN PO'I RGYU LAS BYUNG BA GANG YIN PA'O, ,JI LTAR NA 'BYUNG BA RNAMS THA MI DAD PA LAS 'DI NA 'DUS PA KHA CIG KHO NA NI SRA BAR DMIGS, KHA CIG KHO NA NI GSHER BA'AM DRO BA'AM GA-YO BAR DMIGS SHE NA, GANG ZHIG GANG NA CHES GSAL ZHING MTHU'I SGO NAS SHAS CHE BA DE NI DE NA DMIGS TE, DPER NA KHAB DANG SDONG BU'I TSOGS LA REG PA LTA BU DANG, PHYE DANG LAN TSVA'I PHYE MA'I RO BZHIN NO, ,YANG JI LTAR DE DAG NA LHAG MA RNAMS YOD PAR KHONG DU CHUD PAR BYA ZHE NA, LAS KYI SGO NAS TE, SDUD PA DANG 'DZIN PA DANG, SMIN PA DANG, GA-YO BA'I PHYIR RO, ,RKYEN DANG PHRAD NA SRA BA LA SOGS PA YANG GSHER BA LA SOGS PAR 'GYUR BA'I PHYIR RO, ,GZHAN DAG NA RE CHU DAG LA GRANG BA'I KHYAD PAR GYI SGO NAS DRO BA YOD PAR KHONG DU CHUD DO ZHES ZER RO, ,MA 'DRES KYANG KHYAD PAR YOD PAR 'GYUR TE, SGRA DANG TSOR BA'I KHYAD PAR BZHIN NO, ,GZHAN DAG NA RE DE DAG LAS DE DAG SA BON GYI SGO NAS YOD KYI RANG GI NGO BOR NI MA YIN TE, SHING GI PHUNG PO 'DI LA KHAMS RNAM PA SNA TSOGS YOD DO ZHES GSUNGS PA'I PHYIR ZHES ZER RO, ,RLUNG LA KHA DOG JI LTAR YOD CE NA, DON 'DI NI DAD PAR BYA BA YIN GYI RJES SU DPAG PAR BYA BA NI MA YIN NO, ,YANG NA 'DRES PAR DRI 'DZIN PA'I PHYIR TE, DE LA NI KHA DOG 'KHRUL PA MED PA'I PHYIR RO, , GZUGS KYI KHAMS NA NI DRI DANG RO DAG MED PAR BSHAD PAS DES NA YOD PA'I RDUL PHRA RAB RNAMS NI RDZAS DRUG DANG, BDUN DANG BRGYAD DANG LDAN PA ZHES BSHAD ZIN PA DANG 'DRA BA'I PHYIR MI BSHAD DO, ,YANG CI 'DIR RDZAS KHO NA LA RDZAS SU GZUNG DAM, 'ON TE SKYE MCHED KYI RDZAS LA RDZAS SU GZUNG, @64A *, ,DES NA CIR 'GYUR, GAL TE RDZAS KHO NA LA RDZAS SU GZUNG NAS NI RDZAS BRGYAD DANG LDAN PA DANG RDZAS DGU DANG BCU DANG LDAN PA ZHES BYA BA 'DI HA CANG NYUNGS PAR SMRAS PA YIN TE, DE YANG RDUL PHRA RAB BSAGS PA YIN PA'I PHYIR GDON MI ZA PAR DE LA DBYIBS KYANG YOD DO, ,LCI BA NYID DANG YANG BA NYID DAG LAS GANG YANG RUNG BA ZHIG DANG, 'JAM PA NYID DANG RTZUB PA NYID DAG LAS GANG YANG RUNG BA ZHIG KYANG YOD DO, ,KHA CIG LA NI GRANG BA YANG YOD LA, BKRES BA DANG SKOM PA YANG YOD DO, ,'ON TE SKYE MCHED LA RDZAS SU GZUNG NA NI RDZAS BRGYAD DANG LDAN PA ZHES BYA BA 'DI HA CANG MANGS PAR SMRAS PA YIN TE, RDZAS BZHI DANG LDAN PA ZHES BYA BA BRJOD PAR BYA STE, 'BYUNG BA JI SNYED PA DAG KYANG REG BYA'I SKYE MCHED YIN NO, ,'DIR CUNG ZAD CIG NI RDZAS KHO NA LA RDZAS SU GZUNG STE, RTEN DU GYUR PA GANG YIN PA'O, ,'DIR CUNG ZAD CIG NI SKYE MCHED KYI RDZAS LA RDZAS SU GZUNG STE RTEN CAN DU GYUR PA GANG YIN PA'O, ,DE LTA NA YANG 'BYUNG BA'I RDZAS RNAMS MANG POR 'GYUR TE, RGYUR BYAS PA'I GZUGS RNAMS RE RE ZHING 'BYUNG BA BZHI TSAN LA BRTEN PA'I PHYIR RO, ,'DIR NI RIGS LA RJES SU GZUNG STE, 'BYUNG BA BZHI PO GZHAN DAG KYANG RIGS LAS MI 'DA' BA'I PHYIR RO, ,DE LTAR 'BAD DE BYE BRAG TU BSHAD CI DGOS, CHIG NI 'DUN PA'I SGO NAS 'JUG PA YIN PAS DON LA BRTAG PAR BYA'O, ,GZUGS CAN RNAMS KYI NGES PAR LTAN CIG SKYE BA BSHAD ZIN TO, ,LAG MA RNAMS KYI BRJOD PAR BYA STE, DE LA RE ZHIG ,SEMS DANG SEMS BYUNG NGES LHAN CIG; ,'DI DAG NI PHAN TSUN MED NA 'BYUNG BAR MI NUS SO, ,THAMS CAD 'DUS BYAS MCHAN NYID DANG, ,NGES PAR LHAN CIG CES BYA PAR SBYAR TE, GZUGS SAM, SEMS SAM, SEMS LAS BYUNG BA DAG GAM, LDAN PA MA YIN PA DAG KYANG RUNG, GANG CUNG ZAD SKYE BA DE THAMS CAD NI 'DUS BYAS KYI MTSAN NYID RNAMS DANG LHAN CIG SKYE'O, ,'THOB PA'AM, THOB PA DANG NI SEMS CAN DU SNYON PA KHO NA DANG LHAN CIG SKYE'I GZHAN DANG NI MA YIN NO, ,ZHES BYE BRAG TU BYA BA'I PHYIR RAM ZHES BYA PA'I SGRA SMOS SO, ,SEMS LAS BYUNG BA RNAMS ZHES BRJOD PA SEMS LAS BYUNG BA DE DAG GANG @64B ZHE NA, SEMS BYUNG RNAM LNGA STE, SA MANG LA SOGS THA DAD PHYIR, ,SEMS LAS BYUNG BA RNAMS NI RNAM PA LNGA STE, SA MANG PO DAG DANG, DGE PA'I SA MANG PO PA RNAMS DANG, NYON MONGS PA'I SA MANG PO PA RNAMS DANG, MI DGE PA'I SA MANG PO PA RNAMS DANG, NYON MONGS PA CHUNG NGU'I SA PA RNAMS SO, ,SA ZHES BYA BA NI GO SKABS KYI YUL TE, GANG ZHIG GANG GI GO SKABS KYI YUL YIN PA DE NI DE'I SA ZHES BYA'O, ,DE LA 'DI DAG LA SA MANG PO PA YOD PAS NAS MANG PO PA RNAMS TE, GANG DAG SEMS THAMS CAD LA 'BYUNG BA'O, ,GANG DAG SEMS THAMS CAD LA 'BYUNG BA DE DAG KYANG GANG ZHE NA, TSOR DANG SEMS BA 'DU SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,CHOS BCU PO 'DI DAG NI SEMS KYI SKAD CIG MA THAMS CAD LA TSOGS PAR 'BYUNG NGO ZHES GRAG GO LO, ,DE LA TSOR BA NI MYONG BA RNAM PA GSUM STE, BDE BA DANG, SDUG BSNGAL DANG, BDE BA YANG MA YIN SDUG BSNGAL BA YANG MA YIN BA'O, ,SEMS PA NI SEMS MNGON PAR 'DU BYED PA'O, ,'DU SHES NI 'DUS NAS SHES PA STE, YUL LA MTSAN MAR 'DZIN PA'O, ,'DUN PA NI BYED 'DOD PA'O, ,REG PA NI YUL DANG DBANG PO RNAM PAR SHES PA 'DUS PA LAS SKYES PA'I REG PA'O, ,BLO GROS NI SHES RAB STE, CHOS RAB TU RNAM PAR 'BYED PA'O, ,DRAN BA NI DMIGS PA MI BRJED PA'O, ,YID LA BYED PA NI SEMS KYI 'JUG PA'O, ,MOS PA NI 'DOD PA'O, ,TING NGE 'DZIN NI SEMS RTZE GCIG PA NYID DO, ,SEMS DAD SEMS LAS BYUNG BA RNAMS KYI BYE BRAG NI PHRA BAS DE NI RE ZHIG RGYUN RNAMS LA YANG YONGS SU GCAD PAR DKA' NA SKAD CIG MA DAG LA LTA SMOS KYANG CI DGOS, RE ZHIG SMAN LA SOGS PA GZUGS CAN RNAMS LA YANG RO MANG PO KHA CIG GI RO'I KHYAD PAR DBANG POS GZUNG BAR BYA BA RNAMS NGES PAR GZUNG BAR DKA' NA; CHOS GANG DAG GZUGS CAN MA YIN ZHING BLOS GZUNG BAR BYA BA RNAMS LTA SMOS KYANG CI DGOS, 'DI DAG LA DGE PA'I SA MANG PO YOD PAS 'DI DAG NI DGE PA'I SA MANG PO PA DAG YIN TE, GANG DAG DGE PA'I SEMS LA RTAG TU 'BYUNG PA'O, ,DE DAG KYANG GANG ZHE NA, DAD DANG BAG YOD SHIN TU @65A *, ,SBYANGS; ,BTANG SNYOMS NGO TSA SHES KHREL YOD, ,RTZA BA GNYIS RNAM MI 'TSE DANG, ,BRTZON 'GRUS RTAG TU DGE LAS 'BYUNG, ,CHOS 'DI DAG NI DGE PA'I ? SEMS LA RTAG TU 'BYUNG NGO, ,DE LA DAD PA NI SEMS DANG BA'O, ,GZHAN DAG NA NI BDEN PA DANG DKON MCHOG DANG LAS DANG 'BRAS BU RNAMS LA MNGON BAR YID CHES PA YIN NO ZHES ZER RO, ,BAG YOD PA NI DGE PA'I CHOS RNAMS BSGOM PA'O, ,DE DAG LAS GZHAN PA BSGOM PA DE GANG ZHIG YIN ZHE NA, DE DAG NYID LA GCES SU 'DZIN PA NYID GANG YIN PA'O, ,SDE PA GZHAN DAG GI MDO LAS NI SEMS KUN TU BSRUNG BA'O ZHES 'DON TO, ,SHIN TU SBYANGS PA NI SEMS LAS SU RUNG BA NYID DO, ,MDO LAS LUS SHIN TU SBYANGS PA ZHES KYANG GSUNGS PA MA YIN NAM ZHE NA, MA GSUNGS PA NI MA YIN MOD KYI DE NI LUS KYI TSOR BA JI LTA BA DE BZHIN DU RIG PAR BYA'O, ,DE JI LTAR NA BYANG CHUB KYI YAN LAG TU RUNG PAR 'GYUR ZHE NA, 'O NA DER NI LUS LAS SU RUNG BA KHO NA LA LUS SHIN TU SBYANGS PA YIN PAR RIG PAR BYA'O, ,DA JI LTAR NA BYANG CHUB KYI YAN LAG CES BYA ZHE NA, BYANG CHUB KYI YAN LAG DAG MTHUN PA'I PHYIR TE, LUS LAS SU RUNG BA DE NI SEMS LAS SU RUNG BA BYANG CHUB KYI YAN LAG 'DREN PAR BYED DO, , DE LTA BU GZHAN LA LAR SNANG BA YOD DAM ZHE NA, SMRAS PA YOD DE, DPER NA BCOM LDAN 'DAS KYIS DGA' BA DANG DGA' BA'I GNAS LTA BU'I CHOS RNAMS DGA' BA YANG DAG BYANG CHUB KYI YAN LAG TU GSUNGS PA DANG, KHONG KHRO BA DANG KHONG KHRO BA'I RGYU MTSAN GNOD SEMS KYI SGRIB PAR GSUNGS PA DANG, YANG DAG PA'I LTA BA DANG RTOG PA DANG RTZOL BA RNAMS SHES RAB KYI PHUNG POR GSUNGS PA DAG LTA BU STE, RTOG PA DANG RTZOL BA DAG SHES RAB KYI RANG BZHIN MA YIN YANG DE DANG MTHUN PA'I PHYIR DE'I SGRA 'THOB BO, ,DE BZHIN DU LUS SHIN TU SBYANGS PA YANG BYANG CHUB KYI YAN LAG DANG MTHUN PA'I PHYIR, BYANG CHUB KYI YAN LAG CES BYA BA'I SGRA 'THOB PAR 'GYUR RO, ,BTANG SNYOMS ? NI SEMS MNYAM PA NYID DANG, SEMS LHUN GYIS GRUB PA NYID DO, ,DA NI JI LTAR NA SEMS DE NYID LA RTZOL PA'I BDAG NYID YID LA BYED PA YANG 'BYUNG, RTZOL BA MED PA'I BDAG NYID BTANG SNYOMS KYANG 'BYUNG @65B ZHES BYA BA 'DI RUNG PAR 'GYUR ZHA NA, 'DI DAG GI BYE BRAG NI SHES PAR DKA'O ZHES BSHAD PA MA YIN NAM, SHES PAR DKA' BA YANG SHES PA NI YOD KYI, GANG 'GAL BZHIN DU YANG MI 'GAL LO ZHES BYA BA NI SHIN TU SHES PAR DKA'O, ,RTZOL BA YANG GZHAN DU 'BYUNG LA, RTZOL BA MED PA YANG GZHAN DU 'BYUNG NGO ZHES BYA BA 'DI LA 'GAL BA CI YOD CE NA, 'O NA NI MTSUNGS PAR LDAN PA THAMS CAD DMIGS PA GCIG TU MI 'GYUR RO, ,'DI LAS 'DI LTA BU'I RIGS GZHAN YANG 'BYUNG BAR 'GYUR BAS DANG TSUL GANG YIN PA DE 'DI LA YANG RIG PAR BYA'O, ,NGO TSA SHES PA DANG KHREL YOD PA NI 'OG NAS 'CHAD PAR 'GYUR RO, ,RTZA BA GNYIS NI DGE PA'I RTZA BA GNYIS PO CHAGS PA MED PA DANG, ZHE SDANG MED PA DAG YIN NO, GTI MUG MED PA YANG YOD MOD KYI DE NI SHES RAB KYI BDAG NYID YIN LA, SHES RAB NI SA MANG PO PA YIN PAS 'DI DGE BA'I SA MANG PO PA KHO NA YIN PAR NI MI BRJOD DO, ,RNAM PAR MI 'TSE BA NI RNAM PAR THO MI 'TSAMS PA'O, ,BRTZON 'GRUS NI SEMS MNGON PAR SPRO BA'O, ,DGE PA'I SA MANG PO PA RNAMS BSHAD ZIN TO, ,SA MANG PO NI SA MANG BA YIN NO, ,'DI DAG LA NYON MONGS PA'I SA MANG PO YOD PAS, 'DI DAG NI NYON MONGS PA'I SA MANG PO PA DAG YIN TE, CHOS GANG DAG NYON MONGS PA CAN GYI SEMS LA RTAG TU 'BYUNG BA YIN NO, ,NYON MONGS PA CAN GYI SEMS LA RTAG TU 'BYUNG BA DE DAG KYANG GANG ZHE NA, RMONGS DANG BAG MED LE LO DANG, ,MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG, ,DE LA RMONGS PA ZHES BYA BA NI MA RIG PA STE, MI SHES PA DANG MI GSAL BA'O, ,BAG MED PA NI DGE PA'I CHOS RNAMS MI BSGOM PA STE, BSGOM PA'I MI MTHUN BA'I PHYOGS KYI CHOS SO, ,LE LO NI SEMS MNGON PAR MI SPRO BA STE, BRTZON 'GRUS KYI MI MTHUN PA'I PHYOGS SO, ,MA DAD PA NI SEMS MA DAD PA STE, DAD PA'I MI MTHUN PA'I PHYOGS SO; ,RMUGS PA GANG ZHE NA, LUS LCI BA NYID DANG, ,SEMS LCI BA NYID DANG, LUS LAS SU MI RUNG BA NYID DANG, SEMS LAS SU MI RUNG BA NYID GANG YIN PA'O, ,CHOS MNGON PA LAS LUS KYI RMUGS PA DANG, SEMS KYI RMUGS PA ZHES BSHAD PA JI LTAR NA SEMS LAS BYUNG BA'I CHOS LUS KYI @66A *, ,ZHES BYA ZHEN, LUS KYI TSOR BA JI LTAB BZHIN NO, ,RGOD PA NI SEMS RNAM PAR MA ZHI BA STE, DE LTAR NA DRUG PO 'DI DAG NI NYON MONGS PA'I SA MANG PO PA DAG YIN NO, ,CHOS MNGON PA LAS, NYON MONGS PA'I SA MANG PO PA BCU PO 'DI DAG MA YIN NAM, DE LAS RMUGS PA MI 'BYUNG STE, MA DAD PA DANG, LE LO DANG, BRJED NGAS PA DANG, SEMS RNAM PAR GA-YENG BA DANG, MA RIG PA DANG, SHES BZHIN MA YIN PA DANG, TSUL BZHIN MA YIN PA YID LA BYED PA DANG, LOG PAR MOS PA DANG, RGOD PA DANG, BAG MED PA'O ZHES 'BYUNG NGO ? ZHE NA, 'GYUR BA SHES PA NI LHA RNAMS DGA' BA YIN GYI, 'DOD PA SHES PA NI MA YIN NO, ,'DI LA 'DOD PA GANG YIN ZHE NA, BRJED NGAS PA DANG, RNAM PAR GA-YENG BA DANG, SHES BZHIN MA YIN PA DANG, TSUL BZHIN MA YIN PA YID LA BYED PA DANG, LOG PAR MOS PA RNAMS NI SA MANG PO PA YIN PA'I PHYIR, ,DPER NA GTI MUG MED PA SHES RAB KYI RANG BZHIN YIN PA'I PHYIR DE DGE BA'I SA MANG PO PAR NGES PAR MA BZUNG BA LTAR NYON MONGS PA'I SA MANG PO PA DAG KHON YIN PAR NGES PAR MI BZUNG STE, DRAN PA NYON MONGS PA CAN KHO NA BRJED NGAS PA YIN LA, TING NGE 'DZIN NYON MONGS PA CAN KHO NA RNAM PAR GA-YENG BA YIN NO ZHES BYA BA DE LTA BU LA SOGS PA YIN NO, ,DE NYID KYI PHYIR GANG DAG SA MANG PO PA YIN BA DE DAG NYON MONGS PA'I SA MANG PO PA YANG YIN NAM ZHE NA, MU BZHI STE, MU DANG PO NI TSOR BA DANG, 'DU SHES DANG, SEMS PA DANG, 'DUN PA DANG, REG PA'O, ,GNYIS PA NI MA DANG PA DANG, LE LO DANG; GA PA DANG, RGOD PA DANG, BAG MED PA'O, ,GSUM PA NI DRAN PA LA SOGS BA NYON MONGS PA CAN LNGA JI SKAD BSHAD PA RNAMS SO, ,BZHI PA NI RNAM PA DE DAG MA GTOGS PA'O ZHES 'BYUNG NGO, ,KHA CIG NI SEMS RNAM PAR GA-YENG BA LOG PA'I TING NGE 'DZIN LAS GZHAN DU 'DOD DE, DE DAG GI MU BZHI PA NI DE LTA MA YIN NO, ,RMUGS PA NI NYON MONGS BA THAMS CAD DANG MTSUNGS BAR LDAN PAR 'DOD PA DE NYON MONGS PA'I SA MANG PO PA DAG TU MA BTON BA SU ZHIG GIS NYES, 'DI SKAD DU GDON PAR BYA BA NI YIN MOD KYI TING NGE 'DZIN DANG MTHUN PA'I PHYIR MA BTON TE, RMUGS PA SPYOD PA @66B NI TING NGE 'DZIN SHIN TU MYUR DU SKYED PAR 'GYUR GYI RGOD PA SPYOD PA NI MA YIN NO ZHES ZER RO ZHES GRAG GO , ,GANG ZHIG RGOD PA MI SPYOD LA RMUGS PA SPYOD PA YANG SU ZHIG YOD, YANG NA GANG ZHIG RMUGS PA MI SPYOD LA RGOD PA SPYOD PA YANG SU ZHIG YOD DE, 'DI DAG NI NAM DU YANG LHAN CIG SPYOD PA NYID 'DOR PAR MI 'GYUR MOD KYI, 'ON KYANG GANG ZHIG GANG LA SHAS CHE BA DE NI SPYOD PAR SHES PAR BYA STE, DE'I PHYIR NYON MONGS PA'I SA CHEN PO PA NI DRUG PO KHO NAR 'GRUB BO, ,DE DAG KYANG RTAG TU NYON MONGS PA CAN GYI SEMS KHO NA LA 'BYUNG GI GZHAN DU NI MA YIN NO, ,MI DGE LA NI KHREL MED DANG, ,NGO TSA MED PA'O; ,NGO TSA MED PA DANG KHREL MED PA NI MI DGE BA'I SEMS LA RTAG TU 'BYUNG BAS CHOS 'DI NYID NI MI DGE BA'I SA CHEN PO PA DAG CES BYA'O, ,DE GNYIS KYI MTSAN NYID NI 'OG NAS 'CHAD DO, ,KHRO BA DANG, KHON DU 'DZIN DANG GA-YO DANG NI, ,PHRAG DOG 'TSIG 'CHAB SER SNA DANG, ,SGYU DANG RGYAGS DANG RNAM 'TSE NI, ,NYON MONGS CHUNG NGU'I SA BA RNAMS, ,'DI DAG LA NYON MONGS PA CHUNG NGU'I SA YOD PAS 'DI NI NYON MONGS PA CHUNG NGU'I SA PA RNAMS TE, MA RIG PA TZAM DANG BSGOMS PAS SPANG BAR BYA BA DANG, YID KYI SA PA KHO NA DANG MTSUNGS PAR LDAN PA'I PHYIR RO, ,'DI DAG NI NYE PA'I NYON MONGS PA DAG GI NANG NAS STON PAR 'GYUR RO, ,SEMS LAS BYUNG BA RNAM PA LNGA PO DE DAG BSHAD ZIN TO, ,RTOG PA DANG DPYOD PA DANG 'GYOD PA DANG GNYID LA SOGS PA MA NGES PA GZHAN DAG KYANG YOD PAS, DE LA SEMS GANG ZHIG LA SEMS LAS BYUNG BDU ZHIG GDON MI ZA PAR 'BYUNG BA BRJOD PAR BYA STE, RE ZHIG 'DOD PA NA SPYOD PA'I SEMS NI RNAM PA LNGA STE, DGE BA DANG MI DGE BA RNAM PA GNYIS TE, MA 'DRES PA DANG, NYON MONGS PA GZHAN DANG MTSUNGS PAR LDAN PA DANG, LUNG DU MA BSTAN PA RNAM PA GNYIS TE, BSGRIBS LA LUNG DU MA BSTAN PA DANG, MA BSGRIBS PA LA LUNG DU MA BSTAN PA'O, ,DE LA RE ZHIG 'DOD PA NA SPYOD PA'I SEMS NI NGES PAR RTOG PA DANG DPYOD PA DANG BCAS PA YIN PAS DE'I PHYIR 'DI LA, 'DOD PA'I DGE PA'I SEMS LA NI, ,RTOG DANG DPYOD DANG BCAS PA'I PHYIR, ,SEMS LAS BYUNG BA NYI SHU GNYIS, ,GDON MI ZA PAR 'BYUNG STE, SA MANG PO PA BCU DANG, DGE BA'I SA MANG @67A *, ,PO PA BCU DANG, RTOG PA DANG DPYOD PA'O, ,LA LA DAG TU 'GYOD PA BSNAN, ,DGE BA'I SEMS THAMS CAD LA NI 'GYOD PA MED PAS GANG LA YOD PA DER DE NYID KYIS GLAGS NA SEMS LAS BYUNG BA NYI SHU RTZA GSUM 'BYUNG NGO, ,'GYOD PA ZHES BYA BA 'DI CI ZHIG CE NA, NGAN PAR BYAS PA'I NGO BO NYID NI 'GYOD PA'O, ,'DI NI 'GYOD PA LA DMIGS PA'I CHOS YID LA GCAGS PA LA 'GYOD PA ZHES BYA STE, DPER NA STONG PA NYID LA DMIGS PA'I RNAM PAR THAR PA'I SGO LA STONG PA ZHES BYA BA DANG, MI SDUG PA LA DMIGS PA'I MA CHAGS PA LA MI SDUG PA ZHES BYA BA BZHIN NO, ,'JIG RTEN NA YANG GRONG THAMS CAD LHAGS SO, ,YUL THAMS CAD LHAGS SO ZHES GNAS PA STON PA MTHONG LA, 'GYOD PA YANG YID LA GCAGS PA'I GNAS SU GYUR PA YIN NO, ,YANG NA 'DI NI 'BRAS BU LA RGYU BTAGS PA YIN TE, DPER NA REG PA'I SKYE MCHED DRUG PO 'DI DAG NI SNGON GYI LAS YIN PAR RIG PAR BYA'O ZHES GSUNGS PA LTA BU'O, [*LINE BREAK?] ,'O NA GANG MA BYAS PA LA DMIGS PA DE JI LTAR 'GYOD PA YIN ZHE NA, MA BYAS PA LA BYAS PA ZHES BYA BA YOD DE, BDAG GIS MA BYAS PA GANG YIN PA DE MA LEGS PA BYAS SO ZHES BYA BA LTA BU'O, ,'GYOD PA DGE BA GANG ZHE NA, DGE BA MA BYAS PA DANG MI DGE BA BYAS PA NAS GDUNG BA GANG YIN PA'O, ,BZLOG PA NI 'GYOD PA MI DGE BA YIN TE, DE GNYIG YANG GNYI GA LA BRTEN PA YIN NO, MI DGE BA NI MA 'DRES DANG, ,LTA DANG LDAN LA'ANG NYI SHU 'BYUNG, ,MI DGE BA'I SEMS MA 'DRES PA GANG YIN PA DE LA NI SEMS LAS BYANG BA NYI SHU 'BYUNG STE, SA MANG PO PA BCU DANG, NYON MONGS PA'I SA MANG PO PA DRUG DANG, MI DGE BA'I RTZA PA'I SA MANG PO PA GNYIS DANG, RTOG PA DANG DPYOD PA'O, ,MA 'DRES PA ZHES BYA BA NI, SEMS GANG LA MA RIG PA 'BA' ZHIG YOD KYI 'DOD CHAGS LA SOGS PA NYON MONGS PA GZHAN MED PA'O, ,MI DGE BA'I SEMS LTA BA DANG LDAN PA LA YANG NYI SHU 'BYUNG STE, MA 'DRES PA LA GANG DAG 'BYUNG BA KHO NA'O, ,LTA BA LHAG PA'I ? PHYIR NYI SHU RTZA GCIG 'BYUNG BA MA YIN NAM ZHE NA, MA YIN TE, 'DI LTAR SA MANG PO PA KHO NA'I SHES RAB KYI KHYAD PAR 'GA' ZHIG LA LTA BA ZHES BYA'O, ,DE LA MI DGE BA LTA BA DANG LDAN BA NI GANG LA LOG @67B PAR LTA BA'AM, LTA BA MCHOG TU 'DZIN PA'AM, TSUL KHRIMS DANG BRTUL ZHUGS MCHOG TU 'DZIN PA YOD PA'O, ,NYON MONGS PA ZHI DANG KHRO SOGS DANG, ,'GYOD PA DANG NI NYI SHU GCIG ,MI DGE PA'I SEMS 'DOD CHAGS KYANG RUNG, KHONG KHRO BA YANG RUNG, NGA RGYAL YANG RUNG, THE TSOM YANG RUNG; NYON MONGS PA BZHI DANG MTSUNGS PAR LDAN BA GANG YIN PA DE LA NI NYI SHU RTZA GCIG 'BYUNG STE, NYON MONGS PA DE DANG MA 'DRES PAR BSHAD PA NYI SHU'O, ,KHRO BA LA SOGS PA NYE BA'I NYON MONGS PA JI SKAD BSHAD PA DAG DANG MTSUNGS PAR LDAN PA'I SEMS LA YANG NYI SHU PO DE DAG DANG, NYE BA'I NYON MONGS PA DE DANG NYI SHU RTZA GCIG 'BYUNG NGO, ,'GYOD PA DANG LDAN PA LA YANG NYI SHU RTZA GCIG 'BYUNG STE, 'GYOD PA DE NYID NYI SHU RTZA GCIG PA YIN NO, ,MDOR NA MI DGE BA'I SEMS MA 'DRES PA DANG, LTA BA DANG MTSUNGS PAR LDAN BA LA YANG NYI SHU 'BYUNG LA, NYON MONGS PA DANG NYE BA'I NYON MONGS PA GZHAN DANG MTSUNGS PAR LDAN PA LA NI NYI SHU RTZA GCIG 'BYUNG NGO, ,BSGRIBS LA BCO BRGYAD, 'DOD PA'I KHAMS NA 'JIG TSOGS LA LTA BA DANG, MTHAR 'DZIN PAR LTA BA DANG MTSUNGS PAR LDAN PA'I SEMS NI BSGRIBS LA LUNG DU MA BSTAN PA'O, ,DE LA NI SEMS LAS BYUNG BA BCO BRGYAD 'BYUNG STE; SA DANG PO PA BCU DANG, NYON MONGS PA'I SA MANG PO PA DRUG DANG, RTOG PA DANG DPYOD PA'O, ,LTA BA NI SNGA MA DANG 'DRA BA NYID DE LHAG PA MA YIN NO, ,LUNG MA BSTAN PA GZHAN LA BCU GNYIS DAG TU 'DOD, BSGRIBS LA LUNG DU MA BSTAN PA LAS GZHAN BA NI MA BSGRIBS LA LUNG DU MA BSTAN PA'O; ,DE LA NI SEMS LAS BYUNG BA BCU GNYIS 'BYUNG BAR 'DOD DE, SA MANG PO PA BCU DANG, RTOG PA DANG DPYOD PA DAG GO , ,NYI 'OG PA DAG NI 'GYOD PA LUNG DU MA BSTAN PAR YANG 'DOD LA YID MI BDE BA YANG YID BDE BA DANG 'DRA BAR LUNG DU MA BSTAN PAR YANG 'DOD DE, DE DAG GI LTAR NA DE DANG MTSUNGS PAR LDAN PA'I SEMS LA BCU GSUM 'BYUNG BAR 'GYUR RO, ,GNYID NI KUN LA MI 'GAL PHYIR, ,GANG LA YOD PA DES BSNAN NO, ,GNYID NI DGE BA DANG, MI DGE BA DANG, LUNG DU MA BSTAN PA DANG YIN PA'I PHYIR JI SKAD BSHAD PA'I SEMS THAMS CAD DANG MI 'GAL BAS, @68A *, ,DE'I PHYIR GANG LA DE YOD PA DE LA DES BSNAN PAR RIG PAR BYA STE, GANG LA NYI SHU RTZA GNYIS 'BYUNG BA DE LA NI NYI SHU RTZA GSUM MO, ,GANG LA NYI SHU RTZA GSUM 'BYUNG BA DE LA NI NYI SHU RTZA BZHI'O ZHES BYA BA DE LTA BU LA SOGS PA'O, ,GANG DE LTAR 'DOD PA'I KHAMS KYI SEMS LAS BYUNG BA NGES PAR BSHAD PA, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,BSAM GTAN DANG PO NA NI JI SKAD BSHAD PA DE LAS 'GYOD PA DANG GNYID DANG, GANG YANG CUNG ZAD MI DGE BA 'DI LTA STE, GA-YO DANG SGYU DANG RGYAGS PA MA GTOGS PA KHRO BA LA SOGS PA DANG, KHONG KHRO BA DANG NGA CHA MED PA DANG KHREL MED PA DAG THAMS CAD DU MED DE, GZHAN THAMS CAD NI DE DANG 'DRA'O, ,BSAM GTAN DANG PO NA MED PA GANG DAG YIN PA DE DAG KHO NA DANG, RTOG PA'ANG BSAM GTAN KHYAD PAR CAN NA MED DE, LHAG MA NI DE DANG 'DRA'O, ,DE YI GONG NA DPYOD PA YANG, , BSAM GTAN KHYAD PAR CAN LAS GONG MA BSAM GTAN GNYIS PA LA SOGS PA DANG, GZUGS MED PA DAG NA NI JI SKAD RTOG PA DANG, DPYOD PA YANG MED DO, ,YANG ZHES BYA BA'I SGRAS NI GA-YO DANG SGYU YANG MED DE, LHAG MA NI DE DANG 'DRA'O, ,TSANGS PA'I BAR DU SGYU YOD PAR 'BYUNG GI 'KHOR ? DANG 'BREL PA MA YIN PA'I PHYIR GONG NA NI MED DE, DE NI RANG GI 'KHOR GYI NANG DU DGE SLONG RTA THUL GYIS 'BYUNG BA CHEN PO 'DI DAG YONGS SU MA LUS PAR GANG DU 'GAG PAR 'GYUR ZHES DRI BA DRIS PA DANG, MI SHES PAS KHO BO NI TSANGS PA'O, ,TSANGS PA CHEN PO'O, ,DBANG PHYUG GO , ,BYED PA PO'O; ,SPRUL PA PO'O, ,'BYIN PAR BYED PA PO'O, ,'BYIN PA PO'O, ,DNGOS PO RNAMS KYI PHA LTA BU YIN NO ZHES GTAM RLUNG LA BSKUR RO, ,SA GANG NA SEMS GANG LA SEMS LAS BYUNG BA JI SNYED CIG 'BYUNG BA DE NI BSHAD ZIN TO, ,DA NI GZHUNG LA SEMS LAS BYUNG BA KHA CIG GI THA DAD DU BYA BA 'BYUNG BA BRJOD PAR BYA STE, NGO TSA MED PA DANG KHREL MED PA LA THA DAD DU BYA BA CI ZHIG YOD CE NA, MA GUS NGO TSA MED, YON TAN RNAMS DANG YON TAN CAN RNAMS LA MA GUS PA NYID DE, BKUR BA MED PA NYID DANG, 'JIGS PAS DBANG MI SGYUR BA NYID NI NGO TSA MED PA NYID DE GUS PA'I MI MTHUN PA'I PHYOGS @68B SO; ,KHREL MED, KHA NA MA THO 'JIGS MI LTA, ,KHA NA MA THO BA ZHES BYA BA NI DAM PA RNAMS KYIS SMAD PA STE, DE LA 'JIGS PAR MI LTA BA NI KHREL MED PA'O, ,'DIR 'JIGS PA NI MI 'DOD PA'I 'BRAS BU STE, 'DI LAS 'JIGS PAR 'GYUR PA'I PHYIR RO, ,'DI JI LTAR SHES PAR BYA, MI 'JIGS PAR LTA BA 'JIGS PAR MI LTA BA NYID YIN NAM 'ON TE 'JIGS PAR MI LTA BA NYID YIN, DE LAS CIR 'GYUR ZHE NA, GAL TE MI 'JIGS PAR LTA BA YIN NA NI SHES RAB YIN PAR SHES PAR 'GYUR RO, ,GAL TE 'JIGS PAR MI LTA BA YIN NA NI MA RIG PAR SHES PAR 'GYUR RO, ,LTA BA YANG LTA BA NYID MA YIN LA MI LTA BA YANG MI LTA BA NYID MA YIN NO, ,'O NA CI ZHE NA, DE GNYIS KYI RGYU MTSAN NYE BA'I NYON MONGS PA GANG YIN PA STE, DE NI KHREL MED PA ZHES BYA'O, ,GZHAN DAG NA RE NI BDAG LA LTOS NAS NYES PA RNAMS KYIS MI 'DZEM PA NI NGO TSA MED PA YIN TE, GZHAN LA LTOS NAS NI KHREL MED PA YIN NO ZHES ZER RO, ,DE LTA NA YANG LTOS PA GNYIS CIG CAR JI LTAR 'GRUB PAR 'GYUR ZHE NA, BDAG DANG GZHAN LA LTOS PA CIG CAR RO ZHES NI MI ZER RO, ,'ON KYANG MI 'DZEM PA KHA CIG BDAG LA LTOS NAS KYANG 'JUG PA YOD PA GANG YIN PA DE NI NGO TSA MED PA YIN NO, ,GZHAN LA LTOS NAS 'JUG PA YOD PA GANG YIN PA DE NI KHREL MED PA YIN NO, ,BZLOG PA NI NGO TSA SHES PA DANG KHREL YOD PA YIN PAR RIG PAR BYA STE, RE ZHIG RTOG PA DANG PO LTAR NA GUS PA DANG BCAS PA NYID DE, BKUR BA DANG BCAS PA NYID DANG, 'JIGS PAS DBANG SGYUR BA DANG BCAS PA NYID NI NGO TSA SHES PA YIN LA; KHA NA MA THO BA DAG LA 'JIGS PAR LTA BA NYID NI KHREL YOD PA YIN NO, ,RTOG PA GNYIS PA LTAR NA NI BDAG DANG GZHAN LA LTOS BA DAG LAS 'DZEM PA DAG YIN NO, ,DGA' BA DANG GUS PA LA THA DAD DU BYA BA CI ZHIG YOD CE NA, DGA' DANG ZHES BYA BA SMOS TE, DGA' BA NI RNAM PA GNYIS TE, NYON MONGS PA CAN DANG, NYON MONGS PA CAN MA YIN PA'O, ,DE LA NYON MONGS PA CAN NI SRID PA STE, DPER NA BU DANG CHUNG MA LA SOGS PA DAG LA DGA' BA LTA BU'O, ,NYON MONGS PA CAN MA YIN PA NI DAD PA STE, DPER NA STON PA DANG BLA MA DANG YON TAN CAN RNAMS LA DGA' BA LTA BU'O, ,DAD PA YIN LA DGA' BA @69A *, ,MA YIN PA YANG YOD DE, SDUG BSNGAL DANG KUN 'BYUNG BA LA DMIGS PA'I DAD PA LTA BU'O, ,DGA' BA YIN LA DAD PA MA YIN PA YANG YOD DE, DGA' BA NYON MONGS PA CAN LTA BU'O, ,GNYI GA YIN PA NI 'GOG PA DANG LAM LA DMIGS PA'I DAD PA LTA BU'O, ,GNYI GA MA YIN PA NI RNAM PA DE DAG MA GTOGS PA'O, ,GANG ZAG DAG LA LTOS NAS NI DGA' BA YIN LA GUS PA MA YIN PA NI BU DANG CHUNG MA DANG, LHAN CIG GNAS PA DANG, NYE GNAS DAG LA DGA' BA LTA BU'O, ,GUS PA YIN LA DGA' BA MA YIN PA NI BLA MA GZHAN DAG LA GUS PA LTA BU'O, ,GNYI GA YIN PA NI RANG GI BLA MA DAG LA GUS PA LTA BU'O, ,DE GNYI GA MA YIN PA NI RNAM PA DE DAG MA GTOGS PA'O, ,GZHAN DAG NA RE DAD PA ZHES BYA BA NI YON TAN LA YID CHES PA YIN LA, DE SNGON DU 'GRO BA'I DGA' BA NI DGA' PA YIN TE, DE LTA BAS NA DE NYID DGA' BA YIN NO ZHES ZER RO, ,GUS NYID NGO TSA SHES; GUS PA NI NGO TSA SHES PA JI SKAD BSHAD PA YIN NO, ,GZHAN DAG NA RE GUS PA ZHES BYA BA NI BKUR BA DANG BCAS PA NYID YIN LA, DE SNGON DU 'GRO BA'I 'DZEM PA NI NGO TSA SHES PA YIN TE, DE'I PHYIR GUS PA NYID NGO TSA SHES PA MA YIN NO ZHES ZER RO, ,DE GNYIS 'DOD DANG GZUGS DAG NA; GZUGS MED PA'I KHAMS NA NI DGA' BA DANG GUS PA DAG MED DO, ,DAD PA DANG NGO TSA SHES PA DGE PA'I SA MANG PO PA YIN PA'I PHYIR DE NA YANG YOD PA MA YIN NAM ZHE NA, DAD PA NI RNAM PA GNYIS TE, CHOS DAG DANG GANG ZAG LA DAD PA YIN LA, BKUR BA DANG BCAS PA NYID KYANG DE DANG 'DRA'O, ,DE LA GANG DAG GANG ZAG LA DMIGS PA'I DAD PA DANG NGO TSA SHES PA DE DAG DE NA MED DE, 'DIR NI DGA' BA DANG GUS PA DE DAG LA BSAMS PA YIN NO, ,RTOGS PA DANG DPYOD PA DAG LA THA DAD DU BYA BA CI ZHIG YOD CE NA, RTOG DANG DPYOD PA RTZING ZHIB NYID, ,GANG GI ZHE NA, SEMS KYI'O ZHES 'OG NAS 'CHAD DE, RTOG PA NI SEMS RTZING BA'O, ,DPYOD PA NI SEMS ZHIB PA'O, ,SEMS GCIG LA DE GNYIS JI LTAR LDAN ZHE NA, KHA CIG NA RE DPER NA MAR SAR CHU DAG GI NANG DU BOR BA STENG NAS NYI MA'I 'OD ZER DAG GIS REG NA HA CANG YANG MI 'KHYAG LA, HA CANG YANG MI 'JU @69B BDE BZHIN DU, SEMS KYANG RTOG PA DANG DPYOD PA DANG LDAN PA'I PHYIR HA CANG ZHIB PAR YANG MI 'GYUR, HA CANG RTZING BAR YANG MI 'GYUR LA, DE LA GNYI GA'I BYA BA YANG YOD DO ZHES ZER RO, ,DE LTA NA NI JI LTAR NYI MA DANG CHU MAR SAR 'KHYAG PA NYID DANG 'JU BA NYID DAG GI RGYU MTSAN NYID YIN GYI DE DAG GI NGO BO NYID NI MA YIN PA LTAR RTOG PA DANG DPYOD PA DAG KYANG RTZING BA DANG ZHIB PA NYID DAG GI RGYU MTSAN DU GYUR PA YIN NO, RTZING BA DANG ZHIB PAS DANG RNAM PA'I BYE BRAG GIS LTOS PA CAN YANG YIN PAS SRID PA'I RTZE MO'I BAR DU RTOG PA DANG, DPYOD PA DAG YOD PAR 'GYUR RO, ,RTZING BA DANG ZHIB PA NYID KYIS RANG BZHIN THA DAD PAR YANG RIGS PA MA YIN NO, ,GZHAN DAG NA RE MDO LAS RTOG PA DANG DPYOD PA DAG NI NGAG MNGON PAR 'DU BYED PA YIN PAR GSUNGS TE, BRTAGS SHING DPYAD NAS TSIG TU SMRA'I MA BRTAGS MA DPYAD PAR NI MA YIN NO ZHES 'BYUNG NGO, ,DE LA RTZING BA GANG DAG YIN PA DE DAG NI RTOG PA YIN NO, ,ZHIB PA GANG DAG YIN PA DE DAG NA DPYOD PA YIN NO ZHER ZER RO, ,GAL TE SEMS RTZE GCIG LA RTZING BA YANG CHOS GZHAN YIN, ZHIB PA YANG CHOS GZHAN YIN NA 'DI LA 'GAL BA CI ZHIG YOD, GAL TE TSOR BA DANG 'DU SHES BZHIN DU RIGS THA DAD PA ZHIG YIN NA NI 'GAL BA MED DO, ,RIGS GCIG PA NI CHUNG DU DANG CHEN PA NYID CIG CAR 'BYUNG BA MI SRID DO, ,RIGS THA DAD PA YANG YOD DO, ,'O NA NI DE BRJOD PAR BYA DGOS SO, ,DE BRJOD PAR NI DKA' STE, DE'I PHYIR CHUNG DU DANG CHEN PO'I NYID KYIS GSAL BAR 'GYUR RO, ,DE LTA NA NI GSAL PAR MI 'GYUR TE; RIGS RE RE LA YANG CHUNG DU DANG CHEN PO YOD PA'I PHYIR RO, ,GZHAN DAG NA RE SEMS GCIG LA RTOG PA DANG DPYOD PA DAG MI 'BYUNG BA NYID DO ZHES ZER RO, ,DA NI JI LTAR BSAM GTAN DANG PO YAN LAG LA PAR BSHAD CE NA, SA LAS DE YAN LAG LNGA PAR BSHAD KYI SKAD CIG LAS NI MA YIN NO, , NGA RGYAL DANG RGYAGS PA DAG LA THA DAD DU BYA BA CI ZHIG YOD CE NA, NGA RGYAL KHENGS PA RGYAGS PA NI, ,RANG GI CHOS LA CHAGS PA YI, ,SEMS NI YONGS SU GTUGS PA'O, ,PHA ROL PO LAS GANG YANG RUNG PA'I KHYAD PAR ZHIG YONGS SU BRTAGS NAS SEMS KHENGS PA NI NGA RGYAL LO, , @70A *, ,RGYAGS PA NI RANG GI CHOS RNAMS KHO NA LA CHAGS PA'I SEMS YONGS SU GTUGS PA GANG YIN PA'O, ,GZHAN DAG NA RE CHANG LAS SKYES PA JI LTA BDE BZHIN DU RGYAGS PA YANG 'DOD CHAGS LAS SKYES PA'I KUN TU DGA' BA'I BYE BRAG YIN NO ZHAS ZER RO, ,SEMS LAS BYUNG BA RNAMS SEMS DANG BCAS TE RNAM PA RE RE NAS BSHAD ZIN TO, ,GSUNG RAB LAS 'DI DAG GIS THA SNYAD DU 'DOGS PA'I PHYIR DE DAG GI MING 'DI DAG BRJOD DE, SEMS DANG YID DANG RNAM SHES NI DON GCIG 'BYED PAS NA SEMS SO, ,SHES PAS NA YID DO, ,RNAM PAR SHES PA NAS RNAM PAR SHES PA'O; ,KHA CIG NA RE DGE BA DANG MI DGE BA'I KHAMS DAG GIS BSAGS PAS NA SEMS SO, DE NYID RTEN DU GYUR PA NI YID DO, ,RTEN PAR GYUR PA NI RNAM PAR SHES PA'O ZHES ZER RO, ,JI LTAR SEMS DANG YID DANG RNAM PAR SHES PA ZHES BYA BA DON GCIG PA DE BZHIN DU SEMS DANG SEMS BYUNG DANG; ,RTEN DANG DMIGS DANG RNAM BCAS DANG, MCHUNGS PAR LDAN BA'ANG, DON GCIG STE, SEMS DANG SEMS LAS BYUNG BA DE DAG NYID DBANG PO LA BRTEN PA'I PHYIR RTEN DANG BCAS PA DAG CES BYA'O, ,YUL LA 'DZIN PA'I PHYIR DMIGS PA DANG BCAS PA DAG GO , ,DMIGS PA DE NYID LA RNAM PA RE RE NAS BYE BRAG TU GCOD PA'I PHYIR RNAM PA DANG BCAS PA DAG GO ,MNYAM PAR LDAN PA'I PHYIR MTSUNGS PAR LDAN BA DAG GO, ,RNAM PA GANG DAG GIS MTSUNGS PAR LDAN ZHE NA, RNAM PA LNGAS, MTSUNGS PA RNAM PA LNGA PO RTEN DANG DMIGS PA DANG RNAM PA DANG DUS DANG RDZAS MTSUNGS PA DAG GIS MTSUNGS PAR LDAN NO, ,RDZAS MTSUNGS PA GANG ZHE NA, JI LTAR SEMS GCIG KHO NA YIN PA DE BZHIN DU SEMS LAS BYUNG BA RNAMS KYANG RE RE YIN PA'O, ,SEMS DANG SEMS LAS BYUNG BA RGYAS PA DANG, RAB TU DBYE BA DANG BCAS PA DAG BSTAN ZIN TO, ,MI LDAN PA YI 'DU BYED RNAMS, ,THOB DANG MA THOB SKAL MNYAM DANG, ,'DU SHES MED SNYOMS 'JUG DAG DANG, SROG DANG MTSAN NYID RNAMS DANG NI, ,MING GI TSOGS LA SOGS PA YANG, ,'DU BYED 'DI DAG NI SEMS DANG MTSUNGS PAR LDAN PA YANG MA YIN LA GZUGS KYI NGA BZHIN YANG MA YIN BAS SEMS DANG LDAN PA MA YIN PA DAG @70B CES BYA'O, ,DE LA RE ZHIG THOB PA RNYED DANG LDAN PA'O, ,THOB PA NI RNAM PA GNYIS TE, MTHOB PA DANG RNAM PAR NYAMS PA LAS RNYED PA DANG, THOB NAS LDAN PA'O, ,BZLOG PA NI MTHOB PA ZHES BYA BAR GRUB BO, ,THOB PA DANG MA THOB PA 'DI DAG GANG GI YIN ZHE NA, THOB DANG MTHOB DANG RGYUD DU, ,GTOGS PA RNAMS KYI'O, ,GZHAN GYI RGYUD DU GTOGS PA RNAMS KYI NI MA YIN TE, GZHAN GYI DAG DANG NI 'GAL YANG LDAN PA MED DO, ,RGYUD DU MA GTOGS PA RNAMS KYI YANG MA YIN TE, SEMS CAN DU MI BGRANG BA DAG DANG NI 'GA' YANG LDAN PA MAD DO, ,'DI NI RE ZHIG 'DUS MA BYAS DAG GI NGES PA YIN NO, ,'DUS MA BYAS RNAMS KYI THOB PA DANG MTHOB PA DAG NI, 'GOG GNYIS KYI, SO SOR BRTAGS PA MA YIN PAS 'GOG PA DANG NI SEMS CAN THAMS CAD DANG LDAN NO, ,DE NYID KYI PHYIR CHOS MNGON PA LAS, ZAG PA MED PA'I CHOS RNAMS DANG SU ZHIG LDAN ZHEN, SMRAS PA, SEMS CAN THAMS CAD DO ZHES 'BYUNG NGO ZHES GRAG GO, ,SO SOR BRTAGS PAS 'GOG PA DANG NI 'CHING BA MTHA' DAG DANG LDAN PA SKAD CIG MA DANG PO LA GNAS PA MA GTOGS PA 'PHAGS PA THAMS CAD DANG, SO SO'I SKYE BO KHA CIG KYANG YIN NO, ,NAM MKHA' DANG NI 'GA' YANG LDAN BA MED DE, DE BAS NA 'DI LA THOB PA MED DE, GANG LA THOB PA MED PA DE LA NI MA THOB PA YANG MED DO ZHES BYA BA NI GRUB PA'I MTHA' YIN NO, ,THOB PA ZHES BYA BA RDZAS GZHAN CUNG ZAD CIG YOD DO ZHES BYA BA 'DI GANG LAS, SMRAS PA MDO LAS TE, MDO LAS DE MI SLOB PA'I CHOS BCU PO 'DI DAG BSKYED CING SO SOR THOB PA LAS KUN TU LDAN PAS NA YAN LAG LNGA RNAM PAR SPANGS PA'I 'PHAGS PAR GYUR RO ZHES RGYAS PAR GSUNGS SO, ,'O NA NI DES NI SEMS CAN DU MI STEN PA DAG DANG SEMS CAN GZHAN DAG DANG YANG LDAN PAR 'GYUR TE, CI'I PHYIR ZHE NA, MDO LAS DGE SLONG DAG 'KHOR LOS SGYUR PA'I RGYAL PO RIN PO CHE SNA BDUN DANG LDAN PA ZHES RGYAS PAR 'BYUNG BA'I PHYIR RO, ,DER NI DBANG BA DDE NYID LA LDAN PA'I SGRAR GSUNGS TE, DE RIN PO CHE SNA BDUN DDAG LA DBANG NYID DGA' DGUR BYED PA'I PHYIR RO, LDAN BA DER NI DBANG BA NYID YIN LA, GZHAN DU NI RDZAS GZHAN YIN NO, ,ZHES BYA BA 'DI DAG LAS, DE LTA @71A *, ,NA YANG MI RUNG BA CI ZHIG YOD, MI RUNG BA 'DI DAG YOD DE, GANG GI PHYIR GZUGS DANG SGRA LA SOGS PA LTAR RAM, 'DOD CHAGS DANG ZHE SDANG LA SOGS PA LTAR 'DI'I RANG GI NGO BO YANG MI SNANG LA, MIG DANG RNA BA LA SOGS PA LTAR BYA BA YANG MI SNANG BA DE'I PHYIR RDZAS KYI CHOS MI SRID PAS MI RUNG NGO, ,GAL TE CHOS RNAMS SKYE BA'I RGYU LA THOB PA'O ZHES BYA'O ZHE NA, 'DUS MA BYAS KYI MA YIN PAR 'GYUR RO, ,CHOS GANG DAG MA THOB PA RNAMS DANG, GANG DAG SA 'PHOS PA DANG 'DOD CHAGS DANG BRAL BAS BTANG SNYOMS PA DE DAG KYANG JI LTAR SKYE BAR 'GYUR RO, ,'ON TE LHAN CIG SKYES PA'I THOB PA'I RGYU RKYEN YIN NO ZHE NA, DE'I TSE SKYE BA'AM, SKYE BA'I SKYE BA CI ZHIG BYED PAR 'GYUR, 'CHING BA MTHA' DAG DANG LDAN PA RNAMS KYI NYON MONGS PA CHUNG NGU DANG 'BRING DANG CHEN PO SKYE BA'I KHYAD PAR DU YANG MI 'GYUR TE, THOB PA BYE BRAG MED PA'I PHYIR RO, ,'ON TE DE LAS DE DAG GI BYE BRAG TU 'GYUR NA NI DE KHO NA LAS DE DAG SKYE BA YIN NO, ,DE LTA BAS NA THOB PA SKYE BA'I RGYU MA YIN NO, THOB PA SKYE BA'I RGYU YIN NO ZHES DE SKAD DU SU ZER, 'O NA CI ZHE NA, RNAM PAR GZHAG PA'I RGYU YIN TE, THOB PA MED NA 'JIG RTEN PA'I YID DANG LDAN PA'I 'PHAGS PA DANG, SO SO'I SKYE BO RNAMS LA 'DI DAG NI 'PHAGS PA'O, ,'DI DAG NI SO SO'I SKYE BO NGO SHES RNAM PAR GZHAG PAR MI 'GYUR RO, ,DE NI NYON MONGS PA SPANGS PA DANG MA SPANGS PA NYID KYI BYE BRAG LAS 'GYUR BAR 'OS SO, ,'DI DAG NI NYON MONGS PA SPANGS PA'O, ,'DI DAG NI NYON MONGS PA MA SPANGS PA'O ZHES BYA BA 'DI NYID DU YANG JI LTAR 'GYUR, THOB PA YOD NA NI DE DANG BRAL MA DRAL ? LAS 'DI YANG 'GRUB BO, ,'DI NI RTEN GYI BYE BRAG LAS 'GRUB PAR 'GYUR TE, 'PHAGS PA RNAMS KYI GNAS DE NI MTHONG BA DANG BSGOM PA'I LAM GYI MTHUS JI LTAR DE DAG GIS SPANG BAR BYA BA'I NYON MONGS PA RNAMS YANG 'BYUNG BAR MI NUS PA DE LTAR GYUR PA YIN TE, DE'I PHYIR RTEN 'BRU MES TSIG ? PA BZHIN DU NYON MONGS PA RNAMS KYI SA BON DU MA GYUR PA'AM, 'JIG RTEN PA'I LAM GYI SA BON GYI DNGOS PO NYAMS PAR BYAS NA NYON MONGS PA SPANGS PA ZHES BYA LA, BZLOG PA NI MA SPANGS PA MA YIN PAS GANG MA SPANGS PA DE DANG MI LDAN, GANG SPANGS @71B PA DE DANG NI MI LDAN NO ZHES GDAGS SE, ,DGE BA'I CHOS RNAMS KYANG RNAM PA GNYIS TE, MA 'BAD PAR SKYE BA RNAMS DANG, 'BAD DE SKYE BA RNAMS TE, GANG DAG SKYE BAS THOB PA DANG, SBYOR BA LAS BYUNG BA ZHES BYA BA DE DAG YIN NO, ,DE LA MA 'BAD PAR SKYE BA RNAMS DANG NI RTAN DE DAG GI SA BON GYI DNGOS PO NYAMS PAR MA BYAS PA'I PHYIR LDAN LA, NYAMS PAR BYAS PA'I PHYIR MI LDAN PA ZHES BYA STE, DGE BA'I RTZA BA KUN TU CHAD PA YIN NO, ,DE YANG LOG PAR LTA BAS YIN PAR RIG PAR BYA'O, ,RGYU LA DGE BA'I CHOS RNAMS GYI SA BON GYI DNGOS PO GTAN DU YANG DAG PAR BCOM PA NI MA YIN NO, GANG DAG 'BAD DE SKYE BA NI SKYES PA DE DAG DANG RGYUD LA DE DAG SKYE BA'I DBANG NYID THOGS PA MED PA'I PHYIR LDAN PA ZHES BYA'O, ,DE'I PHYIR 'DIR SA BON KHO NA RTZA NAS MA BTON PA DANG, NYAMS PAR MA BYAS PA DANG, DBANG NYID KYI DUS NA RGYAS PAR GYUR PA NI LDAN PA ZHES BYA BA'I MING 'THOB KYI RDZAS GZHAN NI MED DO, ,SA BON ZHES BYA BA 'DI CI ZHIG YIN, 'BRAS BU BSKYED PAR BYA BA LA RGYUD 'GYUR BA'I BYE BRAG GI MNGON SUM MAM BRGYUD PAS NUS PA'I MING DANG GZUGS GANG YIN PA'O, ,'GYUR BA ZHES BYA BA 'DI CI ZHIG YIN, RGYUD GZHAN NYID DU 'GYUR BA'O, ,RGYUD CES BYA BA 'DI YANG CI ZHEG YIN, 'DU BYED DUS GSUM PA RGYU DANG 'BRAS BUR GYUR PA RNAMS SO, ,GANG LAS CHAGS PA DANG LDAN PA NI DRAN PA NYE BAR GZHAG PA GZHI PO DAG BSGOM PA'I SKAL BA DANG MI LDAN NO ZHES GSUNGS PA DER NI LDAN PA CHAGS PA DANG DU LEN BA'AM MI SEL BA YIN TE, JI SRID DU DE DANG DU LEN BA'AM MI SEL BA DE SRID DU DE DAG BSGOM PA'I SKAL BA DANG MI LDAN NO, ,DE LTAR NA LDAN PA 'DI DANG DE 'GOG PA MI LDAN PA NI RNAM PA THAMS CAD DU BTAGS PA'I CHOS YIN GYI RDZAS KYI CHOS NI MA YIN NO, ,BYE BRAG TU SMRA BA RNAMS NA RE GNYI GA RDZAS KHO NA YIN NO ZHES BRJOD DO, ,CI'I PHYIR ZHE NA, 'DI NI KHO BO CAG GIS GRUB PA'I MTHA' YIN NO ZHES ZER RO, ,THOB PA DE NI, DUS GSUM PA'I RNAM PA GSUM ZHES GRAG STE, CHOS 'DAS PA RNAMS KYI THOB PA 'DAS PA YANG YOD, MA 'ONGS PA DANG DA LTAR BYUNG BA YANG YOD LA, DE BZHIN DU MA 'ONGS PA DANG DA LTAR BYUNG BA RNAMS KYI YANG SO SOR RNAM PA @72A *, ,GSUM MO, ,DGE LA SOGS KYI DGE LA SOGS, ,DGE BA DANG MI DGE BA DANG LUNG DU MA BSTAN PA RNAMS KYI THOB PA NI RIM PA BZHIN DU DGE BA DANG MI DGE BA DANG LUNG DU MA BSTAN PA KHO NA YIN NO, ,DER GTOGS RNAMS KYI RANG KHAMS PA, ,CHOS GANG DAG KHAMS GANG DU GTOGS PA DE DAG GI THOB PA NI RANG GI KHAMS PA YIN TE, 'DOD PA DANG GZUGS DANG GZUGS MED PA NA SPYOD PA RNAMS KYI THOB PA NI RIM PA BZHIN DU 'DOD PA DANG GZUGS DANG GZUGS MED PA NA SPYOD PA YIN NO, ,MA GTOGS RNAMS KYI RNAM PA BZHI, ,ZAG PA MED PA'I CHOS RNAMS KYI THONG PA NI MDONG BSDU NA RNAM PA BZHI STE, KHAMS GSUM PA DANG, ZAG PA MED PA'O, ,DE LA SO SOR BRTAGS PA MA YIN PAS 'GOG PA'I NI KHAMS GSUM PA YIN NO, ,SO SOR BRTAGS PAS 'GOG PA'I NI GZUGS DANG GZUGS MED PA NA SPYOD PA YANG YIN LA, ZAG PA MED PA YANG YIN NO; ,LAM GYI BDEN PA'I ZAG PA MED PA NYID DO, ,DE NI MDOR BSDUS TE RNAM PA BZHI YIN NO, ,SLOB PA'I CHOS RNAMS KYI THOB PA NI SLOB PA KHO NA YIN NO, ,MI SLOB PA RNAMS KYI NI MI SLOB PA KHO NA YIN NO, ,SLOB PA YANG MA YIN MI SLOB PA YANG MA YIN PA RNAMS KYI NI BYE BRAG YOD PAS DE BSTAN PAR BYA STE, SLOB DANG MI SLOB MIN GYI GSUM, ,SLOB PA YANG MA YIN MI SLOB PA YANG MA YIN PA'I CHOS ZHAS BYA BA NI ZAG PA DANG BCAS PA'I CHOS RNAMS DANG, 'DUS MA BYAS SO, ,DE DAG GI THOB PA NI SLOB PA LA SOGS PA'I BYE BRAG GIS RNAM PA GSUM STE, RE ZHIG ZAG PA DANG BCAS PA RNAMS DANG, SO SOR BRTAGS PA MA YIN PAS 'GOG PA DANG, 'PHAGS PA MA YIN PAS THOB PA SO SOR BRTAGS PAS 'GOG PA'I THOB PA NI SLOB PA YANG MA YIN MI SLOB PA YANG MA YIN NO, ,DE NYID SLOB PA'I LAM GYIS THOB PA'I NI SLOB PA'O, ,MI SLOB PA'I LAM GYIS THOB PA'I NI MI SLOB PA'O, ,MTHONG BA DANG BSGOM PAS SPANG BAR BYA BA RNAMS NI THOB PA NI RIM PA BZHIN DU MTHONG BAS DANG BSGOM PAS SPANG BAR BYA BA KHO NA YIN NO, ,SPANG BAR BYA BA MA YIN PA RNAMS KYI NI BYE BRAG YOD PAS DE BSTAN PAR BYA BA STE, SANG BYA MIN PA'I RNAM GNYIS 'DOD, ,SPANG BAR BYA BA @72B MA YIN PA'I CHOS DAG NI ZAG PA MED PA RNAMS TE, DE DAG LAS SO SOR BRTAGS PA MA YIN PAS 'GOG PA DANG, 'PHAGS PA MA YIN PAS THOB PA SO SOR BRTAGS PAS 'GOG PA'I THOB PA NI BSGOM PAS SPANG BAR BYA'O, ,DE NYID 'PHAGS PA'I LAM GYIS THOB PA'I DANG, LAM GYI BDEN PA NI ZAG PA MED PA STE SPANG BAR BYA BA MA YIN PA'O, ,DUS GSUM PA'I RNAM PA GSUM ZHES SPYIR BSTAN PA GANG YIN PA DE'I DMIGS KYIS BSTAN PA NI 'DI YIN TE, LUNG BSTAN MIN THOB LHAN CIG SKYE, ,MA BSGRIBS LA LUNG DU MA BSTAN PA RNAMS KYI THOB PA NI STOBS CHUNG BA'I PHYIR LHAN CIG SKYE BA KHO NA STE, SNGAR SKYE BA YANG MED LA DUS PHYIS SKYE BA YANG MED DO, ,DES NA DE DAG GI NI 'DAS PA RNAMS KYI YANG 'DAS PA KHO NA YIN LA, DA LTAR BYUNG BA RNAMS KYI BAR DU YANG DA LTAR BYUNG BA KHO NA YIN NO, ,CI MA BSGRIBS LA LUNG DU MA BSTAN PA THAMS CAD KYI DE DANG 'DRA'AM ZHE NA, MNGON SHES SPRUL BA MA GTOGS PA, ,THAMS CAD KYI DE DANG MI 'DRA STE, MNGON PAR SHES PA LUNG DU MA BSTAN PA GNYIS DANG, SPRUL PA'I SEMS MA GTOGS PA'O, ,DE DAG NI SBYOR BA'I KHYAD PAR GYIS 'GRUB PAS STOBS DANG LDAN PA'I PHYIR SNGAR DANG PHYIS DANG LHAN CIG TU SKYE BA YANG YOD DO, ,BZO'I GNAS PA KHA CIG DANG, SPYOD LAM PA SHIN TU GOMS PA YANG 'DOD DO, ,CI MA BSGRIBS LA LUNG DU MA BSTAN PA KHO NA'I THOB PA LA LHAN CIG SKYE BA YIN NAM ZHE NA, SMRAS PA, BSGRIBS PA'I GZUGS KYI'ANG, GZUGS KYI RNAM PAR RIG BYED BSGRIBS LA LUNG DU MA BSTAN PA'I THOB PA YANG LHAN CIG SKYE BA KHO NA STE, CHEN POS KYANG RNAM PAR RIG BYED MA YIN PA MI SLOB PAS STOBS CHUNG BAS GRUB PA'I PHYIR RO, ,JI LTAR LUNG DU MA BSTAN PA'I CHOS RNAMS KYI THOB PA'I BYE BRAG 'DI YIN PA LTAR DGE BA DANG MI DGE BA RNAMS KYI THOB PA LA YANG BYE BRAG 'GA' ZHIG YOD DAM ZHE NA, SMRAS PA, YOD DE; 'DOD PA NA, GZUGS KYI SNGAR NI SKYE BA MED, 'DOD PA NA SPYOD PA'I GZUGS KYI THOB PA NI RNAM PA THAMS CAD DU SNGAR SKYE BA MED DO, ,LHAN CIG SKYE BA DANG, DUS PHYIS SKYE BA NI YOD DO, ,CI MA THOB PA YANG THOB PA BZHIN DU RNAM PA'I BYE BRAG YOD DAM, SMRAS PA MED DO, 'O NA CI LTA BU ZHE NA @73A *, ,MA THOB MA BSGRIBS LUNG MA BSTAN, ,MA THOB PA THAMS CAD NI MA BSGRIBS LA LUNG DU MA BSTAN PA KHO NA YIN NO, ,DUS KYI BYE BRAG GIS NI, 'DAS MA SKYES KYI DE RNAM GSUM, ,DA LTAR BYUNG BA'I MA THOB PA DA LTAR BYUNG BA NI MED DO, ,'DAS PA DANG MA 'ONGS PA DAG GI NI DUS GSUM PA MA YIN NO, ,'DOD SOGS GTOGS DANG DRI MED KYI'ANG, ,RNAM GSUM ZHES BYA BAR SBYAR TE, 'DOD PAR GTOGS PA RNAMS KYI NI 'DOD PA DANG GZUGS DANG GZUGS MED PA NA SPYOD PA YIN LA, GZUGS DANG GZUGS MED PAR GTOGS PA RNAMS DANG, MA GTOGS PA RNAMS KYI YANG DE DANG 'DRA'O, ,MA THOB PA ZAG PA MED PA NI 'GA' YANG MED DE, 'DI LTAR, LAM MA THOB PA SO SO YI, ,SKYE BOR 'DOD DO, ,BSTAN BCOS LAS, SO SO'I SKYE BO NYID GANG ZHE NA, 'PHAGS PA'I CHOS RNAMS KYI MA RNYED PA'O ZHES 'DON TE, GAL TE MA RNYED PA ZHES BYA BA MA THOB PA YIN PAS SO SO'I SKYE BO NYID NI ZAG PA MED PA YIN PAR MI 'OS SO, ,'PHAGS PA'I CHOS GANG DAG GI MA RNYED PA YIN ZHE NA, THAMS CAD KYI YIN TE, KHYAD PAR MED PAR 'BYUNG BA'I PHYIR RO, ,DE NI RNYED PA MED PAR MA RNYED PA GANG YIN PA STE, DA LTA MA YIN NA SANGS RGYAS KYANG NYAN THOS DANG RANG SANGS RGYAS KYI RIGS CAN DAG DANG MI LDAN PA'I PHYIR DANG 'PHAGS PA MA YIN PAR 'GYUR RO, ,'O NA NI KHO NA ZHES BYA BA'I SGRA 'DON DGOS SO, ,GDON MI DGOS TE, TSIG GCIG PU DAG KYANG NGES PAR 'DZIN PA YIN TE, DPER NA CHU 'THUNG BA'O, ,RLUNG ZA BA'O ZHES BYA BA BZHIN NO, ,GZHAN DAG NA RE SDUG BSNGAL LA CHOS SHES PA'I BZOD PA DANG DE DAG LHAN CIG 'BYUNG BA RNAMS KYI'O ZHES ZER RO, ,DE DAG BTANG BAS 'PHAGS PA MA YIN PA NYID DU THAL BAR YANG MI 'GYUR TE, DE DAG GI MA RNYED PA GTAN DU BCOM PA'I PHYIR RO, ,'O NA NI DE DAG KYANG RIGS GSUM PA YIN NA GANG DAG GI MA RNYED PA YIN, THAMS CAD KYI YIN NO, ,'O NA NI NYES PA DE NYID DU 'GYUR RO, ,LAN YANG DE NYID YIN NO, ,'O NA NI 'BAD PA DON MED PAR 'GYUR BAS MDO SDE PA RNAMS KYI JI LTA BA DE LTA BU NI LEGS PA YIN NO, ,MDO SDE PA RNAMS KYI JI LTA BU YIN, 'PHAGS PA'I CHOS @73B RNAMS MA SKYES PA'I RGYUD NI SO SO'I SKYE BO NYID YIN NO ZHES BYA BA'O, ,YANG MA THOB PA 'DI JI LTAR RNAM PAR NYAMS PAR 'GYUR ZHE NA, CHOS GANG GI MA THOB PA GANG YIN PA DE NI, DE THOB DANG, SA 'PHOS NAS NI RNAM NYAMS 'GYUR, ,RE ZHIG 'DI LTA STE, 'PHAGS PA'I LAM GYI MA RNYED PA NI SO SO'I SKYE BO NYID DE, DE NI DE RNYED PA DANG SA 'PHOS PA LAS RNAM PAR NYAMS PAR 'GYUR TE, GZHAN DAG GI YANG DE BZHIN DU SBYAR BAR BYA'O, ,RNAM PAR NYAMS PAR 'GYUR ZHES BYA BA NI MA THOB PA DE MA THOB PA SKYE ZHING THOB PA 'CHAD PAR 'GYUR RO, ,CI MA THOB PA DANG THOB PA DAG GI YANG THOB PA DANG, MA THOB PA YOD DAM, SMRAS PA, GNYI GA'I YANG GNYI GA YOD DO, ,DE LTA NA THOB PA RNAMS THUG PA MED PAR THAL BAR 'GYUR BA MA YIN NAM, PHAN TSUN LDAN PA'I PHYIR THUG PA MED PAR THAL BAR MI 'GYUR RO, ,CHOS BDAG NYID GTOGS PA GSUM SKYE STE, CHOS DE DANG, DE'I THOB PA DANG, THOB PA'I THOB PA'O, ,DE LA THOB PA SKYES PAS CHOS DE DANG, THOB PA'I THOB PA DANG LDAN PAR 'GYUR LA, THOB PA'I THOB PA SKYES PAS THOB PA KHO NA DANG LDAN PAR 'GYUR BAS DE'I PHYIR THUG PA MED PA MA YIN NO, ,DE LTAR BYAS NA SKAD CIG MA GNYIS PA LA DGE BA'ANG RUNG NYON MONGS PA CAN YANG RUNG CHOS BDAG GNYID GTOGS PAR GSUM GYI THOB PA GSUM SKYE BAR 'GYUR LA, DE DAG GI RJES KYI THOB PA YANG GSUM YIN PAS DRUG TU 'GYUR RO, ,SKAD CIG MA GSUM PA LA NI SKAD CIG MA DANG PO DANG GNYIS PA LA SKYES PA'I RDZAS RNAMS KYI THOB PA DGU PO RJES KYI THOB PA DANG BCAS PAS BCO BRGYAD DU 'GYUR RO, ,DE LTAR THOB PA RNAMS GONG NAS GONG DU SPEL BA'I 'GRES KYIS BSKYED NA SROG CHAGS GCIG LA YANG SKAD CIG SKAD CIG LA 'DAS PA DANG MA 'ONGS PA'I NYON MONGS PA DANG, NYE BA'I NYON MONGS PA DANG, SKYES NAS THOB PA'I DGE BA'I SKAD CIG MA MTSUNGS PAR LAN PA DANG LHAN CIG 'BYUNG BAR BCAS PA THOG MA DANG THA MA MED PA'I 'KHOR BAR GTOGS PA THAMS CAD KYI MTHA' YAS PA DAG SKYE BAR 'GYUR BAS SEMS CAN RNAMS KYI SO SO'I RGYUD KYI LUS KYI SKAD CIG MA LA RDZAS MTHA' YAS PA CAN DAG 'BYUNG NGO, ,KYE MA 'DI NI THOB PA RNAMS KYI DGA' STON CHEN PO @74A *, ,ZHIG STE; DE THOGS PA MED PAS 'DI LTAR GO SKABS RNYED KYI, DE LTA MA YIN NA SROG CHAGS GNYIS PA'I NI NAM MKHA' LA GO SKABS YOD PAR MI 'GYUR RO, ,YANG SKAL BA MNYAM PA ZHES BYA BA 'DI CI ZHE NA, SKAL MNYAM SEMS CAN 'DRA BA'O, ,SKAL BA MNYAM PA NYID CES BYA BA'I RDZAS NI SEMS CAN RNAMS KYI 'DRA BA YIN TE, BSTAN BCOS LAS NI 'DI'I MING RIS MTHUN PA ZHES 'BYUNG NGO, ,DE YANG THA DAD PA MA YIN PA DANG, THA DAD PA STE, THA DAD PA MA YIN PA NI, SEMS CAN THAMS CAD SEMS CAN DU SKAL BA MNYAM PA STE, THAMS CAD LA YANG SEMS CAN RE RE YOD PA'I PHYIR RO, ,THA DAD PA NI SEMS CAN DE DAG NYID KHAMS DANG SA DANG 'GRO BA DANG, SKYE GNAS DANG, RIGS DANG, PHO DANG, MO DANG, DGE BSNYEN DANG, DGE SLONG DANG, SLOB PA DANG, MI SLOB PA LA SOGS PA'I BYE BRAG GIS SO SOR NGES PA'O, ,CHOS KYI SKAL BA MNYAM PA NI PHUNG PO DANG SKYE MCHED DANG KHAMS KYI SGO NAS SO, ,GAL TE SKAL PA MNYAM PA ZHES BYA BA'I RDZAS KHYAD PAR MED PA ZHIG MED NA PHAN TSUN KHYAD PAR THA DAD PA'I SEMS CAN RNAMS LA BYE BRAG MED PAR SEMS CAN ZHES BYA BA'I BLO 'JUG PA DANG, 'DOGS PAR YANG MI 'GYUR TE, PHUNG PO LA SOGS PA'I BLO DANG 'DOGS PA DAG LA YANG DE BZHIN DU SBYOR BAR BYA'O, ,'CHI 'PHO BAR YANG 'GYUR ZHING SKYE BAR YANG 'GYUR LA, SEMS CAN GYI SKAL BA MNYAM PA NYID 'DOR PAR YANG MI 'GYUR THOB PAR YANG MI 'GYUR PA YOD DAM ZHE NA, MU BZHI STE, MU DANG PO NI GANG NAS 'CHI 'PHO BA DE NYID DU SKYE BA NA'O, ,GNYIS PA NI NGES PA LA 'JUG PA NA STE, DE NI SEMS CAN GYI SKAL BA MNYAM PA NYID 'DOR ZHING, 'PHAGS PA'I SKAL BA MNYAM PA NYID 'THOB BO, ,GSUM PA NI 'GRO BA 'PHO BA LAS SO, ,BZHI PA NI RNAM PA DE DAG MA GTOGS PA'O, ,GAL TE SO SO'I SKYE BO'I SKAL BA MNYAM PA NYID CES BYA BA'I RDZAS SHIG YOD NA GO SO SO'I SKYE BO NYID KYIS CI ZHIG BYA STE, MI'I SKAL PA MNYAM PA LAS NI MI NYID GUD NA BRTAG TU MED DO, ,'JIG RTEN GYIS NI SKAL BA MNYAM PA NYID GZUGS CAN MA YIN PA'I PHYIR MI MTHONG PA NYID LA, 'DI SHES RAB KYIS KYANG YONGS SU MI CHOD MOD KYI, @74B SEMS CAN RNAMS KYI RIGS THA MI DAD PA YANG KHONG DU CHUD DO, ,DE YOD DU CHUG NA YANG DE LAS JI LTA BU ZHIG BYED, GZHAN YANG SEMS CAN MA YIN PA'I SKAL BA MNYAM PA NYID KYANG CI'I PHYIR MI 'DOD DE, ,S'A LU DANG, NAS DANG, MON SRAN SDE'U DANG, MON SRAN GRE'U DANG, AA MRA DANG, SHING PA NAS DANG, LCAGS DANG, GSER LA SOGS PA RNAMS RANG GI RIGS 'DRA BA'I PHYIR RO, ,SKAL PA MNYAM PA PHAN TSUN THA DAD PA DE DAG KYANG JI LTAR BYE BRAG MED PAR SKAL BA MNYAM PA NYID DU 'DOGS PAR BYED, DE LTA NA NI BYE BRAG PA RNAMS KYIS GSAL PA BYAS PA YIN TE; DE DAG GI GRUB PA'I MTHA' NI SPYI ZHES BYA BA'I DNGOS PO ZHIG YOD DE, DES NA RNAM PA MI 'DRA BA RNAMS LA YANG SHES PA MTSUNGS PA SKYE'O ZHES BYA BA 'DI YIN NO, ,DE DAG GCIG YIN YANG DU MA LA 'JUG PA 'DI NI DE DAG GI KHYAD PAR YIN NO, ,BYE BRAG TU SMRA BA RNAMS NA REG GAL TE GSAL BAR BYAS KYANG RUNG, GAL TE GSAL BAR MA BYAS KYANG RUNG STE, MDO LAS 'BYUNG BA'I PHYIR SKAL BA MNYAM PA NI YOD PA KHO NA STE, BCOM LDAN 'DAS KYIS KYANG BRGYA LA MI RNAMS DANG SKAL BA MNYAM PA 'DI LTA BU NYID DU 'ONG NA ZHES GSUNGS SO ZHES ZER RO, ,DE SKAD GSUNGS MOD KYI RDZAS GZHAN NO ZHES NI MA GSUNGS SO, ,'O NA CI ZHE NA, GANG DAG LA MI LA SOGS PAR 'DOGS PA'I 'DU BYED DE LTA BUR GYUR PA DE DAG KHO NAR ZAD DE, S'A LU LA SOGS PA'I SKAL BA MNYAM PA DANG 'DRA'O, ,DE SKAD DU NI MI BRJOD DO, ,YANG 'DU SHES MED PA PA ZHES BYA BA 'DI CI ZHE NA, 'DU SHES MED PA PA 'DU SHES, ,MED PAR SEMS DANG SEMS BYUNG RNAMS, ,'GOG PA'O, ,'DU SHES MED PA'I LHA RNAMS KYI NANG DU SKYE BA DAG GI SEMS DANG SEMS LAS BYUNG BA RNAMS 'GOG PA GANG YIN PA DE NI 'DU SHES MED PA PA ZHES BYA BA'I RDZAS YIN TE, GANG GIS MA 'ONGS PA'I DUS KYI SEMS DANG SEMS LAS BYUNG BA RNAMS DUS GZHAN GYI BAR DU KLUNG GI CHU 'GOG PA BZHIN DU 'GOG CING SKYER MI STER PA'O, ,DE YANG GCIG TU RNAM PAR SMIN, ,GANG GI RNAM PAR SMIN PA YIN ZHE NA, 'DU SHES MED PA'I SNYOMS PAR 'JUG PA'I YIN NO, ,GANG DAG NA 'DU SHES @75A *, ,MED PA'I SEMS CAN RNAMS 'KHOD PA'I SEMS CAN DE DAG GANG ZHE NA, DE 'BRAS CHE'ANG, GANG DAG GI PHYOGS GCIG NA SEMS CAN 'DU SHES MED PA KHA CIG 'KHOD PA'I LHA DE DAG NI 'BRAS BU CHE BA ZHES BYA BA YIN TE, BSAM GTAN KHYAD PAR CAN BZHIN NO, ,CI DE DAG NAM YANG 'DU SHES CAN DU MI 'GYUR RAM ZHE NA, SKYE BA'I DUS DANG 'CHI 'PHOS PA'I DUS NA 'GYUR TE, MDO LAS, SEMS CAN DE DAG DUS RING MO ZHIG TU 'DUG STE, 'DU SHES SKYES NAS GNAS DE NAS 'CHI 'PHO BAR 'GYUR RO ZHES 'BYUNG NGO, ,DE DAG KYANG YUN RING POR GNYID KYIS LOG PA LAS SANGS PA BZHIN DU DE NAS SHI 'PHOS NAS SNGON GYI SNYOMS PAR 'JUG PA'I 'DU BYED YONGS SU ZAD PA'I PHYIR DANG, SNGON MED PA MA BSAGS PA'I PHYIR MDA' 'PHANGS PA SHUGS ZAD PA DAG SA LA LTUNG BA BZHIN DU 'DOD PA'I KHAMS SU SKYE BAR 'GYUR TE, GZHAN DU NI MA YIN NO, ,GANG ZHIG DER SKYE BAR 'GYUR BA DE LA NI GDON MI ZA BAR 'DOD PA NA SPYOD PA'I LAN GRANGS GZHAN LA MYONG BAR 'GYUR BA'I LAS YOD DE, DPER NA BYANG GI SGRA MI SNYAN PA RNAMS KYI LHAR SKYE BA MYONG BAR 'GYUR BA BZHIN NO, YANG, SNYOMS 'JUG DAG CES GANG BSHAD PA, ,SNYOMS PAR 'JUG PA DE DAG GANG YIN ZHE NA, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA'O, ,'DU SHES MED PA'I SNYOMS PAR 'JUG PA 'DI CI ZHE NA, JI LTAR SEMS DANG SEMS LAS BYUNG BA RNAMS 'GOG PA LA 'DU SHES MED PA PAR BSHAD PA, DE BZHIN 'DU SHES MED SNYOMS 'JUG ,'DU SHES MED PA RNAMS KYI SNYOMS PAR 'JUG PA'AM 'DU SHES MED PA CAN YIN PAS 'DU SHES MED PA'I SNYOMS PAR 'JUG PA STE, DE YANG SEMS DANG SEMS LAS BYUNG BA RNAMS KYI 'GOG PA YIN NO, ,DE BZHIN ZHES BYA BA'I SGRAS NI DE TZAM ZHIG MTHUN PAR 'DON TO; ,SNYOMS PAR 'JUG PA DE NI BSAM GTAN THA MAR, BSAM GTAN THA MA NI BZHI PA STE, DE NI DER GTOGS PA YIN GYIS GZHAN PA NI MA YIN NO, CI'I PHYIR 'DI LA SNYOMS PAR 'JUG CE NA, 'BYUNG 'DOD PAS, 'DI LA NGES PAR 'BYUNG BAR SEMS TE, DE'I PHYIR THAR PAR 'DOD @75B PAS SNYOMS PAR 'JUG GO , ,'DU SHES MED PA PA NI RNAM PAR SMIN PA YIN PA'I PHYIR LUNG DU MA BSTAN PA ZHES BYA BAR GRUB PO, ,'DI NI DGE BA'O, ,'DU SHES MED PA'I SNYAMS PAR 'JUG PA NI DGE BA KHO NA YIN NO, ,DE'I RNAM PAR SMIN PA NI 'DU SHES MED PA'I SEMS CAN RNAMS KYI NANG DU PHUNG PO LNGA 'GRUB PA'O, ,DE DGE BA YIN YANG, SKYES NAS MYONG 'GYUR NYID, SKYES NAS MYONG BAR 'GYUR BA KHO NA YIN GYI MTHONG BA'I CHOS DANG LAN GRANGS GZHAN LA MYONG BAR 'GYUR BA YANG MA YIN LA MA NGES PA YANG MA YIN NO, ,GANG ZHIG GIS 'DI BSKYED NAS YONGS SU NYAMS PA DE YANG GDON MI ZA BAR YANG BSKYED NAS 'DU SHES MED PA'I SEMS CAN RNAMS KYI NANG DU SKYE BAR 'GYUR RO, ,ZHES GRAG GO , ,DE NYID KYI PHYIR DE THOB PA NI NGES PA LA MI 'JUG GO , ,DE YANG SO SO'I SKYE BO KHO NA'I YIN PAR 'DOD KYI, 'PHAGS PA'I MA YIN, 'PHAGS PA RNAMS NI 'DI LA RNAM PAR LTUNG BA'I GNAS LTA BUR GZIGS PAS 'DU SHES MED PA'I SNYOMS PAR MI 'JUG GI NGES PAR 'BYUNG BA'I 'DU SHES CAN DAG NI DE LA SNYOMS PAR 'JUG GO , ,YANG CI 'PHAGS PA BSAM GTAN BZHI PA THOB NAS BSAM GTAN BZHIN DU 'DI 'DAS PA DANG MA 'ONGS PA DAG KYANG 'THOB BAM ZHE NA, RE ZHIG GZHAN DAG GIS KYANG MI 'THOB PO CI'I PHYIR ZHE NA, 'DI NI 'DRIS PA YIN YANG MNGON PAR 'DU BYA BA CHEN POS BSGRUB PAR BYA BA YIN PA'I PHYIR DANG, SEMS MED PA PA YIN PA'I PHYIR RO, ,DUS GCIG 'THOB DUS GCIG PA ZHES BYA BA'I THA TSIG STE, SO SOR THAR PA'I SDOM PA JI LTA BA BZHIN DU DA LTAR GYI DUS PA KHO NA 'THOB PO, ,SKAD CIG MA GNYIS PA LA SOGS PAR NI JI SRID MI GTONG BDE SRID DU THOB PA 'DAS PA DANG YANG LDAN PA YIN NO, ,SEMS MED PA PA YIN PA'I PHYIR MA 'ONGS PA NI MI 'THOB PO, ,DA NI 'GOG PA'I SNYOMS PAR 'JUG PA GANG ZHE NA, 'DU SHES MED PA'I SNYOMS PAR 'JUG PA JI LTA BUR, 'GOG PA ZHES PA'ANG DE BZHIN NYID, ,DE BZHIN ZHES BYA BA'I SGRAS RNAM PA GANG ZHIG GZUNG ZHE NA, SEMS DANG SEMS LAS BYUNG BA RNAMS 'GOG PA'O ZHES BYA BA GZUNG NGO,, @76A *, ,'DI'I KHYAD PAR NI 'DI YIN TE, 'DI GNAS DON DU, ZHI BAR GNAS PA'I 'DU SHES SNGON DU BTANG BA'I YID LA BYED PAS 'DI LA SNYOMS PAR 'JUG GI ,DE LA NI NGES PAR 'BYUNG BA'I 'DU SHES SNGON DU BTANG BAS SO, ,YANG DE NI BSAM GTAN BZHI PA'I SA PA YIN GYI 'DI NI; SRID RTZE SKYES, 'DU SHES MED 'DU SHES MED MIN SKYE MCHED KYI SA PA KHO NA YIN NO, ,'DI NI DGE BA'O, ,DGE BA KHO NA YIN TE, NYON MONGS PA CAN YANG MA YIN LA, LUNG DUM BSTAN PA YANG MA YIN NO, ,DGE BA YIN YANG, GNYIS SU MYONG 'GYUR DANG MA NGES, ,SKYE NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA STE, DUS GNYIS SU MYONG BAR 'GYUR BA DANG, RNAM PAR SMIN PA'I PHYIR MA NGES PA YANG YIN TE, GAL TE 'DIR YONGS SU MYA NGAN LAS 'DA' BAR BYED NA NAM YANG RNAM PAR MI SMIN PA KHO NAR 'GYUR RO, ,DE'I RNAM PAR SMIN PA NI SRID PA'I RTZE MO'I PHUNG PO BZHI YIN NO, ,DE YANG GCIG TU 'PHAGS PA'I SO SO'I SKYE BO RNAMS KYIS NI 'GOG PA'I SNYOMS PAR 'JUG PA SKYED MI NUS TE, CHAD PAS 'JIGS PA'I PHYIR DANG, 'PHAGS PA'I LAM GYI STOBS KYIS BSKYED PA'I YANG PHYIR RO, ,MTHONG BA'I CHOS LA MYA NGAN LAS 'DAS PA NI DE LA MOS PA'I PHYIR RO, ,'PHAGS PA'I YANG 'DI NI 'DOD CHAGS DANG BRAL BAS THOB PAR BYA BA MA YIN TE, 'O NA JI LTA BU ZHE NA, SBYOR BAS 'THOB, 'DI NI SBYOR BAS 'THOB PAR BYA BA KHO NA YIN PAS, 'DAS PA YANG MI 'THOB LA MA 'ONGS PA YANG MI 'THOB STE, DE NI SEMS KYI STOBS KYIS 'THOB PA'I PHYIR RO, ,CI BCOM LDAN 'DAS KYI YANG SBYOR BA LAS BYUNG BA YIN NAM ZHE NA, SMRAS PA; MA YIN NO, ,'O NA JI LTA BU ZHE NA, THUB PA'I BYANG CHUB KYIS THOB BYA, ,SANGS RGYAS BCOM LDAN 'DAS RNAMS KYIS NI 'DI ZAD PA MKHYEN PA DANG DUS MNYAM DU BRNYES SO, , SANGS RGYAS RNAMS KYI NI SBYOR BA LAS BYUNG BA ZHES BYA BA CUNG ZAD KYANG MED DE, DE DAG GI YON TAN 'BYOR BA MNGON SUM DU 'GYUR BA THAMS CAD NI BZHED PA TZAM LA RAG LUS PA YIN PAS DE LTA BAS NA DE DAG GI THAMS CAD NI, 'DOD CHAGS DANG BRAL BAS BRNYES PA YIN NO, ,DA NI YANG BCOM LDAN 'DAS @76B KYIS 'GOG PA'I SNYOMS PAR 'JUG PA MA BSKYED NA ZAD PA MKHYEN PA'I DUS SU GNYI GA'I CHA LAS RNAM PAR GROL BAR JI LTAR 'GRUB CE NA, 'GRUB STE, BSKYED ZIN PA BZHIN DU DE LA MNGA' BA'I PHYIR RO, ,NUB PHYOGS PA DAG NA RE DE NI DANG PO KHO NAR BYANG CHUB SEMS DPA' SLOB PA'I GNAS SKABS NA SKYED PAR BYED DO ZHES ZER RO, ,YANG 'DI CI'I PHYIR MI 'DOD CE NA, DE LTAR NA GNAS BRTAN NYE BSRUNGS KYI LUGS KYI TSIG NI DE BZHIN GSHEGS PA NI 'GOG PA'I SNYOMS PAR 'JUG PA BSKYED NAS ZAD PA MKHYEN PA SKYED PAR MDZAD DO ZHES BRJOD PAR BYA'O, ,ZHES BYA BA 'BYUNG BA 'DI TSAD MAR BYAS PA YIN NO, ,DANG POR MA YIN, KHA CHE BA RNAMS NA RE DE LTAR BSKYED DU MI RUNG NGO ZHES ZER RO, ,CI'I PHYIR ZHE NA, SKAD CIG MA, SUM CU RTZA BZHIS 'THOB PHYIR RO, ,BYANG CHUB SEMS DPA' NI SEMS KYI SKAD CIG MA SUM CU RTZA BZHIS BYANG CHUB RJES SU 'THOB PA STE, BDEN PA MNGON PAR RTOGS PA NA BCU DRUG DANG, SRID PA'I RTZE MO'I 'DOD CHAGS DANG BRAL BA NA NYON MONGS PA'I RNAM PA DGU SPONG BAR BYED PA NA BAR CHAD MED PA DANG RNAM PAR GROL BA'I LAM DGU DGU SKYE BA'I PHYIR BCO BRGYAD DE, DE DAG NI SUM CU RTZA BZHIR 'GYUR RO, ,CI YANG MED PA'I SKYE MCHED KYI 'DOD CHAGS DANG BRAL BA DE NGES PA LA 'JUG PA'I PHYIR SA 'OG MA PA'I NYON MONGS PA RNAMS NI YANG SPANG BAR BYA BA MA YIN NO, ,DE'I PHYIR BAR SKABS 'DIR MI 'DRA BA'I SEMS MI SRID PAS 'GOG PA'I SNYOMS PAR 'JUG PA MI RUNG NGO ZHES ZER RO, ,ZHES GRAG GO , ,GAL TE BAR SKABS SU MI 'DRA BA'I SEMS MNGON DU BYAS NA CIR 'GYUR ZHE NA, BSAM BA LDANG BA CAN DU 'GYUR TE, BYANG CHUB SEMS DPA' RNAMS NI BSAM BA MI LDANG BA CAN YIN NO, ,NYI 'OG PA RNAMS NA RE BSAM PA MI LDANG BA CAN YIN BA BDEN MOD KYI, ZAG PA MED PA'I LAM LAS NI MA YIN NO, ,'O NA CI ZHE NA, ZAG PA ZAD PA MA THOB KYI BAR DU RE ZHIG SKYIL MO KRUNG MI GZHIG GO SNYAM PA'I BSAM PA 'DI MI LDANG BA'I PHYIR TE, STAN GCIG KHO NA LA DON THAMS CAD YONGS SU RDZOGS PA'I PHYIR RO ZHES ZER RO, ,SNGA MKHO NA YIN NO ZHES NI BRJOD DO, ,SNYOMS PAR 'JUG PA 'DI GNYIS KYI RNAM BA'I BYE BRAG MA YIN MOD KYI, GNYI GA 'DOD DANG GZUGS @77A *, ,RTEN CAN, ,'DU SHES MED PA DANG 'GOG PA'I SNYOMS PAR 'JUG PA 'DI GNYI GA YANG 'DOD PA'I KHAMS DANG GZUGS KYI KHAMS SU SKYED DO, ,GANG DAG 'DU SHES MED PA'I SNYOMS PAR 'JUG PA GZUGS KYI KHAMS SU MI 'DOD PA DE DAG GI LTAR NA CHOS MNGON PA'I GZHUNG GZUGS KYI SRID PA YIN LA, SRID PA DE RNAMS DANG 'DRID PA CAN SNGA MA YIN PA YOD DAM ZHE NA, YOD DE, GZUGS NA SPYOD PA'I SEMS CAN LHA 'DU SHES CAN SEMS MI 'DRA BA LA GNAS PA RNAMS DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA LA SNYOMS PAR ZHUGS PA RNAMS DANG, LHA 'DU SHES MED PA 'DU SHES MED PA PA THOB PA RNAMS KYI SRID PA GANG YIN PA'O ZHES 'BYUNG BA 'DI DANG 'GAL TE, DE'I PHYIR 'DI GNYI GA YANG 'DOD PA DANG GZUGS LA BRTEN PA DAG YIN NO, ,DE LA YANG KHYAD PAR NI 'DI YOD DO, ,'GOG PA DANG POR MI'I NANG DU; 'GOG PA'I SNYOMS PAR 'JUG PA NI DANG PO NYID DU MI DAG GI NANG DU SKYED DO, ,PHYIS NI SNGAR YONGS SU NYAMS PA DAG GIS GZUGS KYI KHAMS SU YANG SKYED DO, ,CI 'DI LAS KYANG YONGS SU NYAMS PA YOD DAM ZHE NA, SMRAS PA YOD DO, ,DE LTA MA YIN NA 'CHAR BYED KYI MDO LAS TSE DANG LDAN PA DAG 'DI NA DGE SLONG TSUL KHRIMS PHUN SUM TSOGS PA YANG YIN, TING NGE 'DZIN PHUN SUM TSOGS PA YANG YIN, SHES RAB PHUN SUM TSOGS PA YANG YIN PA DE NI YANG DANG YANG DU 'DU SHES DANG TSOR BA 'GOG PA LA SNYOMS PAR 'JUG PA DANG LDANG BA'I GNAS DE YOD DO ZHES BYA BAR YANG DAG PA JI LTA BA BZHIN RAB TU SHES SO, ,DE NI MTHONG BA'I CHOS KHO NA LA DANG PO NYID DU KUN SHES PA THOB PAR YANG MI BYED CING 'CHI BA'I DUS KYI TSE YANG MA YIN LA LUS ZHIG NAS KYANG KHAM GYI ZAS ZA BA'I LHA LAS 'DAS TE, YID LAS BYUNG BA'I LHA'I LUS GANG YANG RUNG BA ZHIG TU SKYE BAR 'GYUR RO, ,DE DER SKYES NAS YANG DANG YANG DU 'DU SHES DANG TSOR BA 'GOG PA LA SNYOMS PAR 'JUG PA DANG LDANG PA'I GNAS DE YANG YOD DO ZHES BYA BAR YANG DAG PA JI LTA BA BZHIN DU RAB TU SHES SO ZHES 'BYUNG BA DANG 'GAL LO, ,DER YANG BCOM LDAN 'DAS KYIS YID LAS BYUNG BA'I LUS CAN GYI LHA NI GZUGS NA @77B SPYOD PA YIN PAR GSUNGS LA, SNYOMS PAR 'JUG PA 'DI NI SRID PA'I RTZE MO PA YIN NA DE JI LTAR DE THOB PA YONGS SU MA NYAMS PA GZUGS KYI KHAMS SU SKYE BAR 'GYUR, SDE PA GZHAN DAG 'GOG PA'I SNYOMS PAR 'JUG PA BSAM GTAN BZHI PA'I SA PA YANG YIN PAR 'DOD PA DE DAG GI LTAR NA 'DI YONGS SU NYAMS PA MED BZHIN DU YANG 'GRUB PA 'DRA MOD KYI, 'DI BSAM GTAN BZHI PA'I SA PA YANG YOD DO ZHES BYA BA 'DI NI MI 'GRUB BO, ,CI'I PHYIR ZHE NA, MDO LAS MTHAR GYIS GNAS PA'I SNYOMS PAR 'JUG PA DGU ZHES 'BYUNG BA'I PHYIR RO, ,GAL TE DE NGES PA YAN NA JI LTAR THOD RGAL DU SNYOMS PAR 'JUG PA DAG YIN ZHE NA, 'DI NI RTZOM PA DANG PO PA LAS NGES PA YIN TE, DGA' MGU'I DBANG THOB PA DAG YIN NA NI RNAM PAR RGAL TE YANG SNYOMS PAR 'JUG GO , ,DE LTAR NA SNYOMS PAR 'JUG PA 'DI GNYIS NI SA LAS KYANG KHYAD PAR YOD DE, BSAM GTAN BZHI PA DANG SRID PA'I RTZE MO'I SA PA YIN PA'I PHYIR RO, ,SBYOR BA LAS KYANG NGES PAR 'BYUNG BA DANG GNAS PA'I 'DU SHES SNGON DU BTANG BA'I YID LA BYED PAS SBYOR BA'I PHYIR RO, ,RGYUD LAS KYANG SO SO'I SKYE BO DANG 'PHAGS PA'I RGYUD LA SKYE BA'I PHYIR RO, ,'BRAS BU LAS KYANG 'DU SHES MED PA PA DANG SRID PA'I RTZE MO'I 'BRAS BU YIN PA'I PHYIR RO, ,MYONG BAR 'GYUR BA LAS KYANG MYONG BAR 'GYUR BAR NGES PA DANG GNYI GA YIN PA'I PHYIR RO, ,DANG PO SKYED PA LAS KYANG KHAMS GNYIS DANG MI'I NANG DU SKYED PA'I PHYIR RO, ,YANG CI'I PHYIR 'DI DAG SEMS DANG SEMS LAS BYUNG BA 'GOG PA'I RANG BZHIN YIN NA 'DU SHES MED PA'I SNYOMS PAR 'JUG PA DANG, 'DU SHES DANG TSOR BA 'GOG PA'I SNYOMS PAR 'JUG PA ZHES BYA ZHE NA, DE DAG DANG MI MTHUN PAS DE DAG LA SNYOMS PAR 'JUG PAR SBYOR BA'I PHYIR TE, TSOR BA LA SOGS PA YANG SHES MOD KYI GZHAN GYI SEMS SHES PA ZHES BYA BA BZHIN NO, ,DA NI JI LTAR 'GAGS NAS YUN RING DU LON PA'I SEMS LAS YANG SEMS SKYE BAR 'GYUR ZHE NA, BYE BRAG TU SMRA BA RNAMS NI 'DAS PA YANG YOD PA'I PHYIR MTSUNGS PA DE MA THAG PA'I RKYEN DU 'DOD DE, SNGON GYI SLOB DPON GZHAN DAG NA RE NI RE ZHIG GZUGS @78A *, ,MED PAR SKYES PA RNAMS KYI GZUGS 'GAGS NAS RING DU LON NA YANG GZUGS JI LTAR SKYE ZHE NA, DE NI SEMS KHO NA LAS SKYE'I GZUGS LAS NI MA YIN, DE BZHIN DU SEMS KYANG DBANG PO DANG BCAS PA'I LUS 'DI KHO NA LAS SKYE'I SEMS LAS NI MA YIN TE, 'DI LTA STE; SEMS DANG DBANG PO DANG BCAS PA'I LUS GNYIS NI PHAN TSUN SA BON CAN YIN NO ZHES ZER RO, ,BTZUN PA DBYIG BSHES KYIS NI YONGS SU DRIS PA LAS, 'DI NI GANG GI LTAR NA 'GOG PA'I SNYOMS PAR 'JUG PA SEMS MED PA PA YIN PA DE LA SKYON DU 'GYUR GYI KHO BO NI 'GOG PA'I SNYOMS PAR 'JUG PA SEMS DANG BCAS PA YIN NO ZHES ZER RO, ,BTZUN PA DBYANGS SGROGS NA RE DE NI MI 'THAD DE, BCOM LDAN 'DAS KYIS RNAM PAR SHES PA YOD NA GSUM 'DUS PA LAS REG PA, REG PA'I RKYEN GYIS TSOR BA DANG 'DU SHES DANG SEMS PA ZHES GSUNGS TE, DE'I PHYIR 'DI LA 'DU SHES DANG TSOR BA DAG KYANG 'GAG PAR MI 'GYUR RO, ,'ON TE TSOR BA'I RKYEN GYIS SRED PA ZHES GSUNGS MOD KYI DGRA BCOM PA LA TSOR BA YOD BZHIN DU SRED PA MI SKYE BA DE BZHIN DU REG PA YOD BZHIN DU TSOR BA LAS SOGS PA MI 'BYUNG NGO ZHE NA, KHYAD PAR DU BYAS PA'I PHYIR DE NI MA YIN TE, MA RIG PA'I 'DUS TE REG PA LAS SKYES PA'I TSOR BA LA BRTEN NAS SRED PA SKYES SO ZHES GSUNGS KYI, TSOR BA SKYES PA LA REG PA NI BYE BRAG TU MA BYAS PAS 'DI NI MI 'DRA'O, ,DE LTA BAS NA BYE BRAG TU SMRA BA RNAMS NI 'GOG PA'I SNYOMS PAR 'JUG PA NI SEMS MED PA PA YIN NO ZHES ZER RO, ,JI LTAR NA SEMS MED PA'I SNYOMS PAR 'JUG PA NYID YIN ZHE NA, 'BYUNG BA CHEN PO MNYAM PA NYID DU SGRUB PA'I PHYIR RAM, YANG NA SNYOMS PAR 'JUG PA'I SEMS KYIS DE LA SNYOMS PAR 'JUG CING 'THOB PAR 'GYUR BAS NA SNYOMS PAR 'JUG PA YIN NO, ,YANG CI SNYOMS PAR 'JUG PA 'DI DAG RDZAS SU YOD DAM 'ON TE BTAGS PAR YOD CE NA, SEMS SKYE BA LA BGEGS BYED PA'I PHYIR RDZAS SU YOD DO ZHES ZER RO, ,MA YIN TE, SNYOMS PAR 'JUG PA'I SEMS KHO NA DE LA BGEGS BYED PA'I PHYIR RO, ,SNYOMS @78B PAR 'JUG PA'I SEMS KHO NA DE DANG 'GAL BA'I RTEN SKYED PA'I PHYIR GANG GIS NA DUS GZHAN GYI BAR DU SEMS MI 'JUG PA TZAM DU 'GYUR BA DE LAS GZHAN PA'I SEMS DANG 'GAL BAR SKYE STE, DE LA SNYOMS PAR 'JUG PA ZHES GDAGS SO, ,MI 'JUG PA TZAM STE YANG SNGON MA BYUNG BA DANG PHYIS LANGS PA LA MED PA YIN PAS SNYOMS PAR 'JUG PA 'DI NI 'DUS BYAS SU BTAGS SO, ,YANG NA RTEN NYID DE LTAR MNYAM PAR BSGRUBS PAS NA SNYOMS PAR 'JUG PA YIN NO, ,'DU SHES MED PA PA YANG DE BZHIN DU BLTA BAR BYA STE, 'DIS DES SEMS KHO NA SEMS 'JUG PA DANG 'GAL BA THOB STE, MI 'JUG PA TZAM DE YANG 'DU SHES MED PA PAR GDAGS SO, ,DE SKAD DU NI MI BRJOD DO, ,SNYOMS PAR 'JUG PA DAG BSHAD ZIN TO, ,SROG GANG ZHE NA, SROG NI TSE YIN, CHOS MNGON PA LAS 'DI SKAD DU, SROG GI DBANG PO GANG ZHE NA, KHAMS GSUM PA'I TSE YIN NO ZHES 'BYUNG NGO, ,TSE ZHES BYA BA'I CHOS DE GANG YIN PA DE YANG MI SHES PAS, DROD DANG NI, RNAM SHES RTEN GANG YIN PA'O, ,BCOM LDAN 'DAS KYIS 'DI SKAD DU, ,TSE DANG DROD DANG RNAM SHES 'DIS, ,GANG TSE LUS NI 'DOR BYED CING, ,BOR NAS DE TSE 'DUG PA NI; ,SEMS MED JI LTAR SHING BZHIN NO, ,ZHES GSUNGS TE, DE LTA BAS NA DROD DANG RNAM PAR SHES PA'I RTEN DU GYUR BA'I CHOS GNAS PA'I RGYU GANG YIN PA DE NI TSE YIN NO, ,DA NI TSE DE'I RTEN DU GYUR BA GANG YIN ZHE NA, ,DROD DANG RNAM PAR SHES PA DE DAG NYID YIN NO, ,'O NA NI PHAN TSUN LTOS TE 'JUG PA'I PHYIR, DE DAG LAS GANG GI DBANG GIS NA GZHAN DAG LDOG PAR 'GYUR BA GANG ZHIG SNGAR LDOG PAR 'GYUR TE, RTAG TU LDOG PA MED PAR THAL BAR 'GYUR RO, ,'O NA NI TSE'I RTEN DU GYUR PA LAS YIN TE, LAS KYIS JI SRID DU 'PHANGS PA DE SRID DU RJES SU 'JUG PA'I PHYIR RO ZHE NA, DROD DANG RNAM PAR SHES PA DAG GI RTEN DU GYUR PA YANG LAS KHO NA YIN PAR CI'I PHYIR MI 'DOD DO, ,MA SHI BA'I BAR DU RNAM PAR SHES PA THAMS CAD RNAM PAR SMIN PAR 'GYUR DU 'ONG NGO, ,'O NA NI DROD KYI RTEN DU GYUR PA LAS YIN PAR 'GYUR LA, DROD KYANG RNAM PAR @79A *, ,SHES PA'I RTEN DU GYUR PA YIN PAR 'GYUR RO, ,DE LTA NA NI GZUGS MED PA DAG NA DROD MED PA'I PHYIR RNAM PAR SHES PA RTEN MED PAR 'GYUR RO, ,DE'I RTEN NI LAS YIN PAR 'GYUR RO, ,GANG LA LAR NI RNAM PAR SHES PA'I RTEN DROD KHO NA YIN PAR 'GYUR RO, ,LA LAR NI LAS KHO NA YIN NO ZHES BYA BA 'DOD DGU MI 'THOB PA NYID DE BSHAD KYANG ZIN TO, ,JI SKAD DU BSHAD CE NA, MA SHI BA'I BAR DU RNAM PAR SHES PA THAMS CAD RNAM PAR SMIN PAR 'GYUR DU 'ONG NGO ZHES BSHAD DO, ,DE LTA BAS NA DE GNYIS KYI RKYEN DU GYUR PA TSE NI YOD PA KHO NA'O, ,MED DO ZHES NI MI SMRA MOD KYI RDZAS GZHAN NI MED DO, ,'O NA DE CI YIN ZHE NA, KHAMS GSUM PA'I LAS KYIS RIS MTHUN PA GNAS PA'I DUS KYIS 'PHEN PA YIN TE, DUS 'DI SRID CIG TU GNAS PAR BYA'O ZHES JI SRID DU LAS KYI RIS MTHUN PA 'PHANGS PA DE SRID DU DE GNAS PA DE LA TSE ZHES BYA STE, 'BRU RNAMS KYI SMIN PA'I DUS KYIS 'PHEN PA LTA BU DANG, MDA' 'PHANGS PA DAG GI GNAS PA'I DUS KYIS 'PHEN PA BZHIN NO, ,GANG ZHIG 'DU BYED CES BYA BA YON TAN GYI KHYAD PAR 'GA' MDA' LA SKYE STE, ,DE'I DBANG GIS NAM LTUNG GI BAR DU 'GRO BAR 'GYUR RO SNYAM DU SEMS PA DE'I DE NI GCIG PU YIN PA'I PHYIR DANG, GEGS BYED PA MED PA'I PHYIR YUL GZHAN DAG TU MGYOGS PA DANG CHES DANG SHIN TU CHES MGYOGS PAR PHYIN PA'I DUS KYI BYE BRAG KYANG MI 'THAD LA LTUNG BA YANG MI 'THAD DO, ,GAL TE RLUNG GIS DE LA GEGS BYED DO ZHE NA, ,RLUNG LA KHYAD PAR MED PA'I PHYIR DRUNG DU LTUNG BA'AM YANG NA GZHAR YANG MI LTUNG BAR THAL BAR 'GYUR RO, ,'DI SKAD DU TSE RDZAS GZHAN KHO NA ZHIG YOD DO ZHES NI BRJOD DO, ,YANG CI TSE ZAD PA KHO NAS 'CHI BAR 'GYUR RAM, 'ON TE GZHAN DU YANG YIN ZHE NA, BTAGS PA LAS, TSE ZAD PAR 'CHI BAR 'GYUR LA BSOD NAMS ZAD PAS MA YIN PA YANG YOD CES BYA BA MU BZHI GSUNGS TE, MU DANG PO NI TSE RNAM PAR SMIN PA CAN GYI LAS YONGS SU GTUGS PA LAS SO, ,GNYIS PA NI LONGS SPYOD RNAM PAR SMIN PA CAN GYI LAS YONGS SU GTUGS PA LAS SO, ,GSUM PA NI GNYI GA'O, ,BZHI PA NI YA NGA BA ? YONGS SU @79B MA SPANGS SO, ,TSE BTANG BA LAS KYANG BRJOD PAR BYA'O, ,TSE ZAD NA BSOD NAMS ZAD PA 'CHI BAR BYA BA LA NUS PA MED DO, ,DE LTA BAS NA GNYI GA ZAD NA GNYI GA ZAD PA LAS 'CHI BAR BSHAD DO, ,YE SHES LA 'JUG PA LAS, TSE RGYUD LA RAG LUS TE 'JUG PA ZHES BRJOD PAR BYA'AM, LAN CIG SKYES NAS GNAS PA ZHES BRJOD PAR BYA, SMRAS PA; 'DOD PA NA SPYOD PA'I SEMS CAN 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA LA SNYOMS PAR MA ZHUGS PA RNAMS KYI NI RGYUD LA RAG LUS TE, 'JUG PA ZHES BRJOD PAR BYA'O, ,SNYOMS PAR ZHUGS PA RNAMS DANG, GZUGS DANG, GZUGS MED PA NA SPYOD PA'I SEMS CAN RNAMS KYI NI LAN CIG SKYES NAS GNAS PA ZHES BRJOD PAR BYA'O ZHES GSUNGS PA BSHAD PA 'DI'I DON GANG YIN ZHE NA, GANG LA LUS LA GNAS PAS GNOD PAR 'GYUR BA DE NI RGYUD LA RAG LUS PA'I PHYIR DANG PO YIN NO, ,GANG GI LUS LA GNOD PA NYID MED PA DE NI JI LTAR SKYES PA BZHIN DU GNAS PA'I PHYIR GNYIS PA YIN NO, ,KHA CHE BA RNAMS NA RE GLO BUR DANG BCAS PA NI DANG PO YIN NO, ,GLO BUR MED PA NI GNYIS PA YIN NO ZHES ZER TE, DE LTA BAS NA DUS MA YIN PAR 'CHI BA NI YOD DO, MDO LAS LUS THOB PA NI BZHI STE, LUS THOB PA GANG LA BDAG NYID 'CHI BAR 'GYUR GYI GZHAN GYIS GSOD PAS MA YIN PA YANG YOD CES BYA BA MU BZHIR GSUNGS PA, 'DOD PA'I KHAMS NA LHA RTZED MOS MYOS PA RNAMS DANG, YID RAB TU 'KHRUGS PA RNAMS NI BDAG NYID 'CHI BA KHO NAR 'GYUR BA YIN TE, DE RNAMS NI RAB TU DGA' BA DANG YID RAB TU 'KHRUGS PA DAG GI GNAS DE NAS 'CHI 'PHO BAR 'GYUR GYI GZHAN DU NI MA YIN NO, ,SANGS RGYAS RNAMS KYI YANG YIN PAR BRJOD PAR BYA STE, BDAG NYID 'GRONGS PA'I PHYIR RO, ,MNGAL DANG SGO DA NA 'DUG PA RNAMS NI GZHAN GYIS GSOD PA KHO NAR 'GYUR BA YIN NO, ,'DOD PA NA SPYOD PA RNAMS GZHAN DAG PHAL CHER NI GNYI GA YIN NO, ,SRID PA BAR MA PA THAMS CAD DANG, GZUGS DANG GZUGS MED PA NA SPYOD PA RNAMS DANG, 'DOD PA NA SPYOD PA KHA CIG 'DI LTA STA DMYAL PA BA RNAMS DANG, BYANG GI SGRA MI SNYAN PA RNAMS DANG, MTHONG @80A *, ,BA'I LAM DANG, BYAMS PA DANG 'GOG PA DANG, 'DU SHES MID PA'I SNYOMS PAR 'JUG PA LA SNYOMS PAR ZHUGS PA RNAMS DANG, RGYAL PO'I DRANG SRONG DANG, RGYAL PO'I PHO NYA DANG, RGYAL BAS BSTAN PA DANG, CHOS LEN PA DANG, MCHOG CAN DANG, GANG LA LEN PA DANG, TSONG DPON GYI BU GRAGS PA GZHON NU DANG, 'TSO BYED LA SOGS PA RNAMS DANG, SRID PA THA MA PA'I BYANG CHUB SEMS DPA' RNAMS DANG, BYANG CHUB SEMS DPA'I YUM DE LHUMS NA GNAS PA DANG, 'KHOR LOS SGYUR BA DANG, 'KHOR LOS SGYUR BA'I MA DE MNGAL NA GNAS PA GNYI GA MA YIN NO, ,YANG CI'I PHYIR MDO LAS, BTZUN PA GANG DAG BDAG NYID 'GUM PAR YANG MI 'GYUR LA GZHAN GYIS GSOD PA YANG MA LAGS PA'I SEMS CAN DE DAG GANG LAGS, SH'A RI'I BU 'DU SHES MED 'DU SHES MED MIN GYI SKYE MCHED DU NYE BAR 'GRO BA RNAMS YIN NO ZHES GSUNGS SHE NA; BSAM GTAN DANG GZUGS MED PA GZHAN DAG NI BDAG NYID 'CHI BA NI RANG GI SA PA'I 'PHAGS PA'I LAM YIN LA, GZHAN GYIS GSOD PA NI SA GONG MA'I NYER BSDOGS YIN GYI, DE NA NI GNYI GA MED DO ZHES ZER RO ZHES GRAG GO , ,DE LTA NA 'O NA DE NA YANG GZHAN GYI SA PA'I 'PHAGS PA'I LAM GZHAN GYIS GSOD PAR 'GYUR BA MA YIN NAM ZHE NA, 'O NA NI MTHAR SMOS PAS DE LA SOGS PA GO'O, ,LA LAR NI MTHA' YANG DANG POS GO STE, 'DI LTA STE TSANGS RIS KYI LHA DAG LTA BU STE, 'DI NI BDE BA SKYE BA DANG PO YIN NO ZHES GANG BSHAD PA LTA BU'O, ,LA LAR NI DANG PO YANG MTHAS GO STE, 'DI LTA STE, 'OD GSAL BA'I LHA RNAMS LTA BU STE, 'DI NI BDE BA SKYE BA GNYIS PA YIN NO ZHES GANG BSHAD PA LTA BU'O, ,'DIR NI 'DI LTA STE ZHES BYA BA'I SGRA 'DI DPER NA BRJOD PA YIN PAS 'DI LAS LHAG MA GO BAR YANG RIGS TE, DPE'I CHOS NI GANG GCIG YIN YANG DE DANG 'DRA BA YANG STON PAR BYED PA 'DI YIN NO, ,'DI LTA STE ZHES BYA BA'I SGRA DE YANG 'DIN MED PAS 'DI NI NYE BAR SBYAR DU MI RUNG NGO, ,GAL TE 'DI LTA STE ZHES BYA BA'I SGRA 'DI DPER BRJOD PA YIN NA NI SEMS CAN LUS THA DAD CING 'DU SHES THA DAD PA DAG KYANG YOD DE, 'DI LTA STE MI RNAMS DANG LHA KHA @80B CIG GO ZHES BYA BA 'DIR THOB PAR MI 'GYUR TE, DE LTA BAS NA 'DI NI NYE BAR BSTAN PA'I DON KHO NAR BLTA BAR BYA'O, ,HA CANG THAL BAS CHOG GO , ,SROG BSHAD ZIN TO, ,MTSAN NYID DAG NI SKYE BA DANG, ,RGA DANG GNAS DANG MI RTAG NYID, ,BZHI PO 'DI RNAMS NI 'DUS BYAS KYI MTSAN NYID DAG YIN TE, GANG LA 'DI DAG YOD PA'I CHOS DE NI 'DUS BYAS SU MNGON NO, ,BZLOG PA NI 'DUS MA BYAS SO, ,DE LA SKYE BAS NI CHOS DE SKYAD PAR BYAD DO, ,GNAS PAS NI GNAS PAR BYED DO, ,RGA BAS NI RNYINGS PAR BYED DO, ,MI RTAG PA NYID KYIS NI 'JIG PAR BYED DO, ,MDO LAS GSUM PO 'DI DAG NI 'DUS BYAS KYI MTSAN NYID YIN NO ZHES GSUNGS PA MA YIN NAM, DER BZHI PA YANG BRJOD PAR BYA DGOS PAR 'GYUR RO, ,DER GANG ZHIG MA GSUNGS, SMRA PA, GNAS PA'O, ,'O NA NI GNAS PA GZHAN DU 'GYUR BA ZHES BYA BA GANG YIN PA 'DI YIN NO, ,'DI NI RGA BA'I RNAM GRANGS YIN TE, DPER NA SKYE BA'I 'BYUNG BA ZHES BYA BA DANG, MI RTAG PA NYID KYI 'JIG PA ZHES BYA BA BZHIN NO, ,MDO LAS NI YID 'BYUNG BAR BYA BA'I PHYIR CHOS GANG DAG 'DU BYED RNAMS KYI DUS 'PHO BAR BYA BA'I PHYIR ZHUGS PA DE DAG NYID MTSAN NYID DU GSUNGS TE, SKYE BAS NI 'DU BYED RNAMS MA 'ONGS PA'I DUS NAS DA LTAR BYUNG BA'I DUS SU SKYED PAR BYED DO, ,RGA BA DANG MI RTAG PA NYID DAG GIS NI DA LTAR BYUNG BA NAS 'DAS PAR TE, NYAM CHUNG NGUR BYAS TE 'JEMS PAR BYED PA'I PHYIR DPER NA THIBS POR ZHUGS PA'I MI ZHIG LA DGRA GSUM YOD DE, DE LAS GCIG GIS NI THIBS PO NAS 'BYIN PAR BYED, GNYIS KYIS NI SROG GCOD PAR BYED PA DE DANG 'DRA'O ZHES ZER RO ZHES GRAG GO , ,GNAS PA NI MI 'BRAL BAR 'DOD PA DE BZHIN DU 'DU BYED DE DAG 'KHYUD NAS GNAS SO, ,DE'I PHYIR 'DI NI 'DUS BYAS KYI MTSAN NYID DU RNAM PAR MA BZHAG GO , ,'DUS MA BYAS KYANG RANG GI MTSAN NYID LA GNAS PA YOD PA'I PHYIR RO, ,GZHAN DAG RTOG PAR BYED PA NI MDO LAS GNAS PA DANG RGA BA BSDUS TE, GNAS PA GZHAN DU 'GYUR BA NYID CES MTSAN NYID GCIG TU GSUNGS SO, ,CI DGOS SHE NA, 'DI DAG GI NANG NA 'DI NI CHAGS PA'I GZHI YIN PAS DE'I PHYIR @81A *, ,DE LA MA CHAGS PAR BYA BA'I DON DU DE NI DPAL DANG 'DRA BA 'DI DANG RNA NAG MA DANG LHAN CIG TU BSTAN TE, DE'I PHYIR 'DUS BYAS KYI MTSAN NYID NI BZHI KHO NA'O SNYAM MO, ,SKYE BA LA SOGS PA DE DAG KYANG 'DUS BYAS YIN PA'I PHYIR SKYE BA LA SOGS PA GZHAN YANG YOD PAR 'GYUR RO ZHE NA, YOD PA KHO NA STE, DE DAG SKYE BA'I SKYE LA SOGS, ,DE DAG LA YANG SKYE BA'I SKYE BA DANG, RGA BA'I RGA BA DANG, GNAS PA'I GNAS PA DANG, MI RTAG PA NYID KYI MI RTAG PA NYID CES BYA BA RJES SU MTHUN PA'I MTSAN NYID BZHI YOD DO, ,DE DAG LA YANG SKYE BA LA SOGS PA GZHAN DU THAL BA'I PHYIR RE RE LA YANG MTSAN NYID BZHI PA DANG MTHAR THUG PA MED PA'I SKYON DU YANG 'GYUR BA MA YIN NAM ZHE NA, MI 'GYUR TE, 'DI LTAR, DE CHOS BRGYAD DANG GCIG LA 'JUG ,SKYE BA LA SOGS PA DE DAG NI CHOS BRGYAD LA 'JUG GO , ,'JUG PA ZHES BYA BA 'DI CI ZHE NA, BYED PA STE SKYES BU'I RTZAL LO, ,SKYE BA'I SKYE BA LA SOGS PA NI CHOS GCIG LA 'JUG GO , ,JI LTA ZHE NA, CHOS BDAG NYID GTOGS PAR MTSAN NYID DANG RJES SU MTHUN PA'I MTSAN NYID BRGYAD DANG LHAN CIG TU DGU SKYE LA, DE LA SKYE BAS NI BDAG NYID MA GTOGS PA'I CHOS GZHAN BRGYAD SKYED PAR BYED DO; ,SKYE BA'I SKYE BAS NI SKYE BA DE KHO NA SKYED PAR BYED DO, ,DPER NA KHYIM BYA MO LA LA LAS NI PHRU GU MANG DU 'BRANG LA, LA LAS NI NYUNG DU 'BRANG BA DE DANG 'DRA'O, ,GNAS PAS KYANG BDAG NYID MA GTOGS PA'I CHOS GZHAN BRGYAD GNAS PAR BYED LA, GNAS PA'I GNAS PAS NI GNAS PA DE KHO NA GNAS PAR BYED DO, ,DE BZHIN DU RGA BA DANG MI RTAG PA NYID DAG LA YANG CI RIGS PAR SBYAR BAR BYA STE, DE BAS NA THUG PA MED PAR THAL BAR MI 'GYUR RO ZHES GRAG GO , ,MDO SDE PA RNAMS NA RE 'DI NI NAM MKHA' LA 'DRAL BAR BSKYOD PA YIN TE, SKYE BA LA SOGS PA'I CHOS CAN DE DAG NI JI LTAR RNAM PAR 'BYED PA LTAR RDZAS SU YOD PA MA YIN NO, ,CI'I PHYIR ZHE NA, TSAD MA MED PA'I PHYIR TE, DE DAG RDZAS SU YOD PA'I TSAD MA JI LTAR GZUGS LA SOGS PA'I CHOS BZHIN DU MNGON SUM PA 'AM, RJES SU DPAG PA 'AM, YID CHES PA'I LUNG NI CUNG ZAD KYANG MED DO,, @81B 'ON GANG MDO SDE LAS, 'DUS BYAS SKYE BAR YANG MNGON NO, ,'JIG PAR YANG MNGON NO, ,GNAS PA GZHAN DU 'GYUR BA NYID DU YANG MNGON NO ZHES GSUNGS SO ZHE NA, TSIG SHES PA NI LHA RNAMS DGA' BA YIN GYI DON SHES PA NI MA YIN NO, ,BCOM LDAN 'DAS KYIS NI DON LA BRTEN PAR GSUNGS SO, ,'DI'I DON GANG ZHE NA, MA RIG PAS LDONGS ? PA'I BYIS PA RNAMS 'DU BYED KYI RGYUN LA BDAG DANG BDAG GIR MOS PAS MNGON PAR ZHEN PAS MOS PA DE BZLOG PA'I PHYIR, BCOM LDAN 'DAS KYIS 'DU BYED KYI RGYUN DE 'DUS BYAS NYID DANG RTEN CING 'BREL BAR 'BYUNG BA NYID DU BSTAN PAR BZHED NAS, GSUM PO 'DI DAG NI 'DUS BYAS KYI MTSAN NYID DAG YIN NO ZHES GSUNGS PAR ZAD KYI YANG SKAD CIG MA LA NI MA YIN NO, ,SKAD CIG MA LA NI SKYE BA LA SOGS PA MI MNGON NO, ,MI MNGON PA DE DAG NI MTSAN NYID YIN PAR 'OS PA MA YIN TE, DE NYID KYI PHYIR MDO DE LAS, 'DUS BYAS SKYE BAR YANG MNGON NO ZHES GSUNGS SO, ,YANG 'DUS BYAS ZHES SMOS PA NI CI NAS KYANG 'DUS BYAS NYID KYI MTSAN NYID DAG YIN NO SNYAM DU SHES PAR BYA BA'I CHU DANG CHU SKYAR LTAR RAM, DGE BA DANG MI DGE BA NYID KYI BU MO'I MTSAN BZHIN DU 'DUS BYAS KYI DNGOS PO YOD PA NYID KYI MTSAN NYID DAG YIN NO ZHES BYA BA DE LTAR SHES NA NI MI RUNG NGO SNYAM NAS SMOS PA YIN NO, ,DE LA RGYUN GYI DBANG PO NI SKYE BA YIN NO, ,LDOG PA NI 'JIG PA YIN NO, ,RGYUN DE NYID RJES SU 'JUG PA NI GNAS PA YIN NO, ,DE'I SNGA PHYI'I BYE BRAG NI GNAS PA GZHAN DU 'GYUR BA NYID YIN NO, ,DE LTA YIN PAS NA, RIGS KYI BU DGA' BO'I TSOR BA NI RIG BZHIN DU SKYE'O, ,RIG BZHIN DU GNAS SO, ,RIG BZHIN DU NUB PA DANG, YONGS SU ZAD PA DANG, YONGS SU GTUGS PAR 'GYUR RO ZHES GSUNGS SO, ,'DIR SMRAS PA, RGYUN GYI DANG PO SKYE BA YIN, ,CHAD PA 'JIG PA GNAS PA STE, ,DE NYID SNGA PHYI'I BYE BRAG NI; ,GNAS PA GZHAN DU 'GYUR BA NYID, ,YANG 'DIR SMRAS PA, SNGON MED LAS BYUNG SKYE BA STE, ,RGYUN GNAS DE CHAD 'JIG PA YIN, ,RGYUN GYI SNGA PHYI'I BYE BRAG NI, ,GNAS PA GZHAN DU 'GYUR BAR 'DOD, ,SKAD CIG MA YI CHOS LA NI, ,GNAS PA MED NA 'JIG PAR 'GYUR, ,DE YANG 'JIG 'GYUR DE @82A *, ,YI PHYIR, ,DE YI DER RTOGS DON MED DO, ,DE LTA BAS NA GNAS PA NI RGYUN KHO NA YIN NO, ,DE LTAR BSHAD NA CHOS MNGON PA LAS GNAS PA GANG ZHE NA, 'DUS BYAS SKYE BA RNAMS MI 'JIG PA YIN NO ZHES BSTAN PA 'DI YANG 'THAD PA YIN TE, SKYES PA SKAD CIG MA LA NI 'JIG PA MED PA'I PHYIR RO, ,GANG YANG YE SHES LA 'JUG PA LAS, SEMS GCIG LA 'BYUNG BA GANG ZHE NA, SMRAS PA, SKYE BA'O, ,'JIG PA GANG ZHE NA, 'CHI BA'O, ,GNAS PA GZHAN DU 'GYUR BA NYID GANG ZHE NA, RGA BA'O ZHES GSUNGS PA DER YANG RIS MTHUN PA'I SEMS LA RUNG BAR 'GYUR RO, ,SKAD CIG MA RE RE LA YANG RDZAS GZHAN DU RTOGS PA MED PA BZHIN DU 'DUS BYAS KYI DE DAG RUNG STE, JI LTA ZHE NA, SKAD CIG MA RE RE LA MA BYUNG BA LAS BYUNG BA NI SKYE BA'O, ,BYUNG NAS MED PA NI 'JIG PA'O, ,SNGA MA SNGA MA DANG PHYI MA PHYI MA'I SKAD CIG MA RJES SU 'BREL BA NI GNAS PA'O, , DE'I MI 'DRA BA NYID NI GNAS PA GZHAN DU 'GYUR BA NYID DO, ,'O NA GANG GI TSE 'DRA BAR YANG SKYE'O ZHE NA, DE DAG KHYAD PAR MED PA MA YIN NO, ,'DI JI LTAR SHES SHE NA, RDO RJE LA SOGS PA 'PHANGS PA DANG MA 'PHANGS PA DANG, STOBS CHEN PO DANG, STOBS CHUNG NGUS 'PHANGS PA BUL BA DANG MYUR BA DANG, CHES NGAL BA DANG, CHES MYUR BAR LTUNG BA'I DUS KYI BYE BRAG LAS DE'I 'BYUNG BA RNAMS YONGS SU GYUR BA'I BYE BRAG 'GRUB PA'I PHYIR RO, ,'DUS BYAS RNAMS NI BYE BRAG GI KHYAD PAR CHEN PO MTSAR CIG MED PAS GZHAN DU 'GYUR BA NYID YOD DU ZIN KYANG 'DRA BA BZHIN DU SNANG NGO, ,'O NA NI SGRA DANG ME LCE'I SKAD CIG MA THA MA DANG, YONGS SU MYA NGAN LAS 'DA' BA'I TSE'I SKYE MCHED DRUG LA SKAD CIG MA PHYI MA MED PA'I PHYIR GNAS PA GZHAN DU 'GYUR BA MED PAS MTSAN NYID RNAM PAR GZHAG PA MA KHYAB PA CAN DU 'GYUR RO, ,'DUS BYAS KYI MTSAN NYID NI GNAS PA KHO NA YANG MA YIN GYI GNAS PA GZHAN DU 'GYUR BA NYID KYANG YIN NO, ,DE'I PHYIR GANG LA GNAS PA YOD PA DE LA GDON MI ZA BAR GZHAN DU 'GYUR BA NYID KYANG YOD PAS RNAM PAR GZHAG PA NYAMS PA MED DO, ,MDOR NA BCOM LDAN 'DAS KYIS NI MDO 'DI LAS 'DUS @82B BYAS ZHES BYA BA NI, GANG MA BYUNG BA LAS 'BYUNG BA DANG, BYUNG NAS KYANG MI 'BYUNG BA 'DI 'DUS BYAS KYI MTSAN NYID YIN PAR GSUNGS LA, 'DI'I GNAS PA ZHES BYA BA RGYUN GANG YIN PA DE YANG GZHAN DANG GZHAN DU 'GYUR BA YIN NA, 'DIR SKYE BA LA SOGS PA RDZAS GZHAN DAG GIS CI ZHIG BYA, DE ? NI JI LTAR NA MTSAN NYID KYI GZHI'I CHOS DE NYID KYI MTSAN NYID DU RUNG BAR 'GYUR ZHE NA, RE ZHIG JI LTAR NA SKYES BU CHEN PO'I MTSAN RNAMS SKYES BU CHEN PO LAS MI GZHAN PA YIN, BA LANG NYID KYI MTSAN NYID LKOG SHAL DANG, MJUG MA DANG, NOG DANG, RMIG PA DANG, RVA RNAMS KYANG BA LANG LAS MI GZHAN PA YIN, SA'I KHAMS LA SOGS PA'I MTSAN NYID SRA BA NYID LA SOGS PA RNAMS KYANG DE DAG LAS MI GZHAN PA YIN, GZHAN YANG JI LTAR GYEN DU 'GRO BA LAS NI THAG RING PO NAS DU BA LA DU BA NYID DU SHES MOD KYI, DE NI DE LAS KYANG MI GZHAN PA LTAR 'DIR YANG TSUL DE NYID YIN NO, ,'DUS BYAS GZUGS LA SOGS PA RANG GI NGO BO BZUNG YANG JI SRID DU SNGA NA MED PA DANG PHYIS MED PA DANG RGYUN GYI BYE BRAG MI SHES PA DE SRID DU 'DUS BYAS NYID DU MI SHES TE, DE LTA BAS NA DE NYID KYIS DE MTSON PA YANG MA YIN LA, DE DAG LAS SKYE BA LA SOGS PA RDZAS GZHAN NYID DU YOD PA YANG MA YIN NO, ,'ON TE SKYE BA LA SOGS PA RDZAS GZHAN ZHIG TU GYUR NA YANG CI LTAR 'GYUR ZHE NA, DE DAG NI LHAN CIG 'BYUNG BA'I PHYIR CHOS GCIG DUS GCIG TU SKYES PA DANG GNAS PA DANG RGAS PA DANG ZHIG PAR 'GYUR RO, ,MA YIN TE, BYA BA'I DUS THA DAD PA'I PHYIR RO, ,SKYE BA MA 'ONGS PA NI BYA BA BYED DE, 'DI LTAR MA SKYES PA SKYED DO, ,BSKYED ZIN PA'I CHOS LA NI DA LTAR GNAS PA LA SOGS PA BYA BA BYED PAS GANG GI TSE SKYE BA DE TSE GNAS PA'AM, RGA BA 'AM, 'JIG PAR MI 'GYUR RO, ,RE ZHIG 'DIR CI MA 'ONGS PA RDZAS SU YOD DAM MED CES BYA BA 'DI DPYAD DGOS PAR 'GYUR TE, PHYIS NI SKYED PAR BYED DAM 'ON TE MA YIN ZHES BYA BA 'GRUB PAR 'GYUR RO, ,DE YOD DU CHUG NA YANG SKYE BA BYA BA BYED NA JI LTAR MA 'ONGS PAR 'GRUB PAR 'GYUR, DE LTA BAS NA MA 'ONGS PA'I MTSAN NYID KYANG BRJOD PAR BYA'O, ,BYUNG BA YANG BYA BA ZHIG PA YIN NA @83A *, ,JI LTAR NA DA LTAR 'GRUB PAR 'GYUR, ,DE LTA BAS NA DA LTA'I MTSAN NYID KYANG BRJOD PAR BYA'O, ,GNAS PA LA SOGS PA YANG CIG CAR BYA BA LA 'JUG PA YIN NA NI SKAD CIG MA GCIG KHO NA LA CHOS GNAS PA DANG RGA BA DANG 'JIG PAR THAL BAR 'GYUR TE, 'DI GANG GI TSE GNAS PAS GNAS PAR BYED PA DE NYID KYI TSE RGA BAS RGA BAR BYED CING MI RTAG PA NYID KYIS 'JIG PAR BYED PA'I PHYIR 'DI CI DUS DER GNAS SAM, 'ON TE RGA BA 'AM, 'ON TE 'JIG PAR 'GYUR, GANG YANG SKYE BA LA SOGS PA RNAMS KYANG BYA BA RIM GYIS BYED DO ZHES ZER BA DE'I LTAR NA SKAD CIG MA GCIG LA GNOD PAR 'GYUR RO, ,'ON TE JI SKAD DU KHO BO CAG GI SKAD CIG MA NI JI TZAM GYIS 'DI THAMS CAD RDZOGS PAR 'GYUR BDE YIN NO ZHES BRJOD NA, DE LTA NA YANG DE DAG DANG LHAN CIG 'BYUNG BA LAS RE ZHIG GNAS PAS NI GNAS PAR BYED KYI RGA BAS KYANG RGAS PAR MI BYED LA, MI RTAG PA NYID KYIS KYANG 'JIG PAR MI BYED DO ZHES BYA BA 'DI DAG ? LAS, GNAS PA STOBS DANG LDAN PA'I PHYIR RO, ,PHYIS CI'I PHYIR STOBS DANG MI LDAN PA NYID DU 'GYUR, GANG GI PHYIR NA 'DI CHOS DANG LHAN CIG TU MI RTAG PA NYID KYIS 'JOMS, BYA BA BYAS ZIN PAS YANG MI NUS TE SKYE BA BZHIN NO, ,SKYE BAS NI MI NUS PAR RIGS TE; SKYE BAS BSKYED PAR BYA BA DA LTA NYID DU KHYER TE 'ONGS NAS YANG BKUR BAR NI MI NUS SO, ,GNAS PAS NI GNAS PAR BYA BA YI ? GNAS PAR BYA BAR YANG NUS SO, ,DE LTA BAS NA GANG MI NUS PA NI RIGS PA MA YIN NO, ,YANG NA 'DI LA BGEGS BYED PA YANG GANG ZHIG YIN TE, RGA BA DANG MI RTAG PA NYID DE DAG KHO NA YIN NO, ,GAL TE DE DAG STOBS DANG LDAN PA ZHIG YIN NA NI SNGON KHO NA YIN NO, ,GNAS PA'I BYA BA LOG NA YANG DE DAG KYANG MI GNAS LA CHOS DE YANG MI GNAS NA JI LTAR GANG LA BYA BA BYED PA NUS PAR 'GYUR, YANG NA DE DAG GIS CI ZHIG BYA STE, GNAS PAS YONGS SU GZUNG BA'I PHYIR CHOS SKYES PA TZAM DE MA ZHIG PAR GYUR PA YIN LA, DES DE YAL BAR BTANG NA NI NGES PAR MI GNAS PAS 'DI NYID 'DI'I 'JIG PA YIN NO, ,RE ZHIG CHOS SKYES PA GCIG LA MI 'JIG PA NI GNAS PA YIN LA, 'JIG PA NI MI RTAG PA NYID YIN LA, GCIG LA RGA BA NI RNAM PA @83B THAMS CAD DU MI SRID DE, RGA BA ZHES BYA BA NI GZHAN NYID DU 'GYUR ZHING RNAM PAR 'GYUR BA YIN NA DE NYID LAS DE'I RNAM PA GZHAN NYID DU NI RUNG BA MA YIN NO, ,'DIR SMRAS PA, DE BZHIN NA NI RGA MI 'GYUR, ,GZHAN DU 'GYUR NA DE GZHAN NYID, ,DE LTA BAS NA DNGOS GCIG LA, ,RGA ZHES BYA BA MI 'THAD DO, , GANG YANG SDE PA GZHAN DAG NA RE 'JIG PA'I RGYU DANG PHRAD NAS MI RTAG PA NYID KYIS 'JIG PAR BYED DO ZHES ZER BA DE'I NI 'KHRU BA DANG PHRAD NAS LHAS 'KHRU BAR BYED DO ZHES BYA BA LTA BUR 'GYUR TE, 'JIG PA'I RGYU DE NYID KYIS 'JIG NA DE BRTAGS PAS CI ZHIG BYA, SEMS DANG SEMS LAS BYUNG BA RNAMS SKAD CIG MA NYID DU KHAS BLANGS PAS DE DAG GIS MI RTAG PA NYID 'JIG PA'I RGYU LA MI LTOS PA'I PHYIR GNAS PA DANG MI RTAG PA NYID DAG DUS THA MI DAD PAR BYA BA BYED PAR 'GYUR BAS CIG LA DUS GCIG TU GNAS PA DANG 'JIG PA NYID DU THAL BAR 'GYUR RO, ,DE LTA BAS NA RGYUN LA 'DUS BYAS KYI MTSAN NYID 'DI DAG GSUNGS PA YIN TE, DE LTA NA MDO DE LEGS PAR DRANGS PA YIN NO, ,GZHAN YANG GAL TE MA 'ONGS PA'I SKYE BA BSKYED PAR BYA BA SKYED PAR BYED PA YIN NA MA ? 'ONGS PA THAMS CAD CIG CAR CI'I PHYIR MI BSKYED, 'DI LTAR, RGYU DANG RKYEN DAG MED PAR NI, ,SKYE BAS BSKYED BYA SKYED BYED MIN, , RGYU DANG RKYEN TSOGS PA MED PAR NI SKYE BAS SKYED PAR BYED PA MA YIN NO, ,'ON NI TSOGS PA YOD NA NI 'BYUNG LA MED NA NI MI 'BYUNG BA'I PHYIR RGYU DANG RKYEN RNAMS KHO NA'I MTHU YIN PAR BLTA BAR BYA'I SKYE BA NI MA YIN PAS RGYU DANG RKYEN KHO NA SKYED PAR BYED PA DAG YIN NO ZHES ZER RO, ,KYE YOD PA THAMS CAD DMIGS SAM CI CHOS KYI RANG BZHIN PHRA MO DAG YOD BZHIN DU YANG MI DMIGS SO, ,SKYE BA ZHIG MED NA SKYES ZHES BYA BA NYID DANG, GZUGS KYI SKYE BA ZHES BYA BA DRUG PA'I TSIG TU YANG MI 'GYUR TE DPER NA GZUGS KYI GZUGS ZHES MI BYA BA BZHIN NO, DE BZHIN DU MI RTAG PA NYID KYI BAR DU CI RIGS PAR BRJOD PAR BYA'O, ,'O NA NI DES NA BDAG MED PA'I BLO 'GRUB PAR BYA BA'I PHYIR BDAG MED PA NYID CIG KYANG 'DOD PAR BYAS LA, ,GCIG DANG, GNYIS DANG, CHEN PO DANG, CHU NGU DANG, THA DAD PA DANG LDAN PA DANG, RNAM PAR PHYE BA DANG, GZHAN DANG, GZHAN MA YIN PA DANG, YOD PA LA SOGS PA'I BLO 'GRUB PAR BYA BA'I @84A *, ,PHYIR DANG, DRUG PAR BYA BA'I PHYIR MU STEGS BYED KYIS YONGS SU BRTAG PA GRANGS DANG, TSAD DANG, THA DAD PA NYID DANG LDAN PA DANG, RNAM PAR DBYE BA DANG, GZHAN NYID DANG, GZHAN MA YIN PA NYID DANG, YOD PA LA SOGS PA DANG, GZUGS KYI LDAN PA ZHES BYA BA YANG KHAS BLANG BAR BYA DGOS SO, ,GZUGS KYI RANG BZHIN ZHES BYA BA DRUG PA 'DI YANG JI LTAR BRTAG ,DE LTA BAS NA SKYE BA ZHES BYA BA 'DI NI MA BYUNG BA LAS BYUNG BA KHO NAR SHES PAR BYA BA'I DON DU BRTAGS PA TZAM MDZAD PA YIN NO, ,MA BYUNG BA LAS BYUNG BA'I MTSAN NYID KYI SKYE BDE YANG RNAM PA MANG DU YOD PAS DE BYE BRAG TU BYA BA'I PHYIR GZUGS KYI SKYE BZHES DRUG PAR MDZAD DE, CI NAS KYANG GZUGS ZHES BYA BA KHO NA SKYE BAR SHES PAR BYA'I GZHAN DU NI SHES PAR MI 'GYUR BAR BYA BA YIN TE, DPER NA TZAN DAN GYI DRI LA SOGS PA DANG, MCHI GU'I LUS ZHES BYA BA BZHIN NO, ,DE BZHIN DU GNAS PA LA SOGS PA LA YANG CI RIGS PAR BYA'O, ,GAL TE SKYE BA MED PAR SKYE NA NAM MKHA' LA SOGS PA 'DUS MA BYAS KYANG CI'I PHYIR MI SKYE ZHE NA, SKYE BA ZHES BYA BA NI MA BYUNG BA LAS 'BYUNG BA YIN NA 'DUS MA BYAS NI RTAG TU YOD PA'I PHYIR MI SKYE'O, ,YANG JI LTAR CHOS NYID KYIS THAMS CAD SKYE BA DANG LDAN PAR MI 'DOD PA DE LTAR THAMS CAD MI SKYE'O ZHES BYA BAR 'DOD PAR BYA'O, ,YANG NA JI LTAR SKYE BA DANG LDAN PAR MTSUNGS PA LAS DE DAG LAS GZHAN PA'I RKYEN RNAMS KYIS DE DAG LAS GZHAN PA BSKYED PAR NUS PA MA YIN PA DE BZHIN DU THAMS CAD KYIS KYANG 'DUS MA BYAS BSKYED PAR MI NUS PAR 'GYUR RO, ,BYE BRAG TU SMRA BA RNAMS NA RE SKYE BA LA SOGS PA RDZAS KYI DNGOS POR GRUB PA NYID DO, ,RI DYGAS ? DAG YOD CES TE NAS MI RMO BA MA YIN PA DANG SBRANG BU DAG YOD CES TEL DU MI BZA' BA MA YIN PA LTAR SUN 'BYIN PA DAG YOD CES TE LUNG DOR DU MI RUNG BAS DE LTA BAS NA SKYON RNAMS LA YANG LAN GDAB PAR BYA LA; GRUB PA'I MTHA'I RJES SU 'BRANG BAR YANG BYA'O ZHES ZER RO, ,MTSAN NYID RNAMS BSHAD ZIN TO, ,MING GI TSOGS LA SOGS PA GANG ZHE NA, MING GI TSOGS LA SOGS PA NI, ,MING DANG NGAG DANG YI GE'I TSOGS, ,SOGS PA SMOS PAS NI TSIG DANG YI GE'I TSOGS GZUNG NGO, ,DE LA @84B MING BYED PA NI MING STE, DPER NA GZUGS SGRA ZHES BYA BA DE LTA BU LA SOGS PA LTA BU'O, ,DAG NI TSIG STE, DPER NA, KYE MA 'DU BYED RNAMS MI RTAG ,CES BYA BA DE LTA BU LA SOGS PA JI TZAM GYIS DON YONGS SU RDZOGS PA STE, GANG GIS BYA BA DANG YON TAN DANG DUS KYI 'BREL BA'I KHYAD PAR RTOGS PAR 'GYUR RO, ,YI GE NI YI GE STE, DPER NA AA A'A ZHES BYA BA LA SOGS PA LTA BU'O, ,YI GE RNAMS KYANG YI GE 'BRU'I YAN LAG DAG GI MING DAG MA YIN NAM ZHE NA, YI GE 'BRU'I YAN LAG RNAMS GO BAR BYA BA'I PHYIR YI GE RNAMS BYAS PA NI MA YIN GYI, JI LTAR NA MING THOS PA BRIS PAS GO BAR 'GYUR ZHES YI GE RNAMS GO BAR BYA BA'I PHYIR NI YI GE'I 'BRU RNAMS BYAS PA YIN PAS, YI GE RNAMS NI DE DAG GI MING MA YIN NO, ,MING LA SOGS PA DE DAG GI TSOGS NI MING LA SOGS PA'I TSOGS DAG YIN TE, MANG PO'I DON GANG YIN PA'O, ,DE LA MING GI TSOGS NI DPER NA GZUGS SGRA DRI RO REG BYA DAG CES BYA BA STE; DE LTA BU LA SOGS PA'O, ,TSIG GI TSOGS NI DPER NA 'DU BYED THAMS CAD MI RTAG PA DAG GO ,,MYA NGAN LAS 'DAS PA NI ZHI BA'O ZHES BYA BA STE, DE LTA BU LA SOGS PA'O, ,YI GE'I TSOGS NI DPER NA KA KHA GA GHA NGA ZHES BYA BA STE, DE LTA BU LA SOGS PA'O, ,DE DAG KYANG NGAG NI RANG BZHIN YIN PA'I PHYIR SGRA'I BDAG NYID YIN PAS GZUGS KYI RANG BZHIN DAG MA YIN NAM CI'I PHYIR SEMS DANG LDAN PA MA YIN PA RNAMS ZHES BYA ZHE NA, DE DAG NI NGAG GI RANG BZHIN MA YIN TE, NGAG GI SGRA YIN NA SGRA TZAM GYIS NI DON GANG DAG GO BAR MI 'GYUR RO, ,'O NA CI ZHE NA, NGAG NI MING LA 'JUG LA MING GIS NI DON RJOD PAR BYED DO, ,SGRA TZAM KHO NA NI NGAG MA YIN GYI SGRA GANG GIS DON GO BAR 'GYUR BA'I SGRA DE DAG YIN NO, ,YANG SGRA GANG GIS DON GO BAR 'GYUR ZHE NA, GANG GIS SMRA BA PO RNAMS KYIS DON DAG LA MTSAMS BCAD PA STE, DPER NA GOO ZHES BYA BA LTA BU'O, ,SGRA DE NI DON DGU DAG LA MTSAMS BCAD PA YIN TE, NGAG PHYOGS PA DANG 'OD ZER DANG, ,PHYUGS DANG MIG DANG RDO RJE DANG, ,MTHO RIS CHU DANG DON DGU LA, ,MKHAS PAS GOO SGRA DES GZUNG BYA, ZHES BYA BA LTA BU'O, ,GANG YANG MING GIS DON RJOD PAR BYED DO SNYAM DU SEMS PA DES KYANG GDON MI ZA BAR GAL TE DON GO BAR BYED PA YIN ZHES @85A *, ,BYA BA 'DI KHAS BLANG BAR BYA DGOS TE, DE NI DON GO BAR BYED PA'I SGRA TZAM KHO NAS 'GRUB NA DON GZHAN RDZAS MING BA TAGS TE CI ZHIG BYA, JI STAR NA NGAG MING LA 'JUG PA 'DI YANG MI SHES SO, ,CI RE ZHIG SKYED PAR BYED DAM, 'O NA TE GSAL BAR BYED, GAL TE SKYED PAR BYED NA NI NGAG ? NI SGRA'I RANG BZHIN YIN PA'I PHYIR SGRA TZAM THAMS CAD KYIS MING SKYED PAR 'GYUR RO, ,'ON TE SGRA'I KHYAD PAR DE LTA BU ZHIG MING SKYED PAR BYED PA YIN PAR 'DOD NA NI DE NYID DON RJOD PAR BYED PA YIN PAR 'GYUR RO, ,'ON TE GSAL BAR BYED PA YIN NO ZHE NA NI NGAG GI SGRA'I RANG BZHIN YIN PA'I PHYIR SGRA TZAM THAMS CAD KYI MING GSAL BAR BYED PAR 'GYUR RO, ,'ON TE SGRA'I KHYAD PAR DE LTA BU ZHIG GSAL BAR BYED PA YIN PAR 'DOD NA NI DE NYID DON GSAL BAR BYED PA YIN PAR 'GYUR RO, ,YANG SGRA RNAMS NI TSOGS PA MED LA CHOS GCIG LA CHA SHAS KYI SKYED PA YANG RIGS PA MA YIN LA, SKYED PAR BYED PA NA JI LTAR DAG GIS MING SKYED PAR BYED, RE ZHIG JI LTAR NA 'DAS PA LA LTOS PA'I RNAM PAR RIG BYED KYI SKAD CIG MA THA MAS RNAM PAR RIG BYED MA YIN PA SKYED PAR BYED, DE LTA NA 'O NA NI SGRA THA MA KHO NAS MING SKYED PA'I PHYIR GANG GIS DE GCIG KHO NA THOS PA DES KYANG DON GO NGAR 'GYUR RO, ,'ON TE 'DI SNYAM DU NGAG GIS NI YI GE SKYED PAR BYED LA, YI GES NI MING SKYED PAR BYED DO SNYAM DU RTOG PAR BYED NA, 'DI LA YANG SKYON DE NYID YOD DE, YI GE RNAMS TSOGS PA MED PA'I PHYIR RO, ,NGAG ? MING GSAL BAR BYED PA YIN NA YANG SKYON DE NYID YOD DO, ,YI GE YANG NGAG LAS KHYAD PAR DU YOD PAR SHES RAB DANG LDAN PAR YID BRTAN PAS KYANG MTSAN NYID GYI SGO NAS YONGS SU BCAD PAR MI NUS PAS DAG NI YI GE SKYED PAR BYED PA YIN PAR YANG MI RUNG LA, GSAL BAR BYED PA YIN PAR YANG MI RUNG NGO, ,'ON TE MANG DON DANG LHAN CIG SKYED PA YIN TE, SKYE BA LA SOGS PA BZHIN NO ZHES BYA BAR 'DOD NA NI DE LTA NA DON 'DAS PA DANG MA 'ONGS PA'I MING DA LTA BA YIN PAR MI 'GYUR RO, ,PHA RNAMS KYIS BU DAG GI MING DGA' MGUR 'DOGS NA MING GANG ZHIG DE DANG LHAN CIG SKYES PA YIN PAR 'GYUR, CHOS 'DUS MA BYAS PA RNAMS KYI MING YANG GANG DANG LHAN CIG SKYES PA YIN PAR 'GYUR, DE LTA BAS NA 'DI @85B NYID MI 'DOD PA NYID DO, ,GANG YANG BCOM LDAN 'DAS KYIS, ,TSIGS BCAD MING LA BRTEN PA STE, ,TSIGS BCAD BZHI NI SNYAN DNGAGS MKHAN, ,ZHES GSUNGS PA DER YANG DON RNAMS LA MTSAMS BCAD PA'I SA NI MING YIN LA, MING RNAMS BKOD PA'I KHYAD PAR YANG TSIGS SU BCAD PA YIN PAS MING LA BRTEN PA YIN NO, ,BKOD PA'I KHYAD PAR YANG RDZAS GZHAN DU MI 'THAD DE PHRENG BA LTA BU DANG SEMS KYI RIM PA BZHIN NO, ,YI GE TZAM ZHIG RDZAS GZHAN GYI DNGOS POR YONGS SU RTOG PA YIN DU CHUG NA YANG DE'I TSOGS KHO NA MING GI TSOGS LA SOGS PA YIN PAR 'GYUR BAS DE DAG TU RTOG DON MED PA YIN NO, ,BYE BRAG TU SMRA BA RNAMS NA RE CHOS THAMS CAD RTOG GE'I SPYOD YUL MA YIN PAS LDAN PA YANG MA YIN PA'I 'DU BYED KYI RANG BZHIN MING GI TSOGS LA SOGS PA NI RDZAS SU YOD PA KHO NA'O ZHES ZER RO, ,YANG CI MING GI TSOGS LA SOGS PA 'DI DAG LDAN PA 'AM, SEMS CAN DU STON PA 'AM; SEMS CAN DU STON PA MA YIN PA 'AM, RNAM PAR SMIN PA LAS SKYES PA 'AM, RGYAS PA LAS 'BYUNG BA 'AM, RGYU MTHUN PA LAS BYUNG BA 'AM, DGE BA 'AM, MI DGE BA 'AM, LUNG DU MA BSTAN PA DAG CIG CES BRJOD PAR BYA ZHE NA, SMRAS PA, 'DOD DANG GZUGS GTOGS SEMS CAN STON; ,RGYU MTHUN LAS BYUNG LUNG BSTAN MIN, ,'DI DAG NI 'DOD PAR GTOGS PA DANG, GZUGS SU GTOGS PA DAG YIN NO, ,GZHAN DAG NA RE GZUGS MED PAR GTOGS BA YANG YOD MOD KYI DE DAG NI BRJOD PAR BYA BA MA YIN NO ZHES ZER RO, ,DE DAG NI SEMS CAN DU STON PA YIN NO, , GANG ZHIG RJOD PAR BYED PA DE DAG DANG LDAN GYI BRJOD PAR BYA BA GANG YIN PA DANG NI MA YIN NO, ,RGYU MTHUN PA LAS BYUNG BA DANG, MA BSGRIBS LA LUNG DU MA BSTAN PA DAG YIN NO, ,JI LTAR MING GI TSOGS LA SOGS PA 'DI DAG SEMS CAN DU STON PA DANG, RGYU MTHUN PA LAS BYUNG BA DANG, MA BSGRIBS LA LUNG DU MA BSTAN PA DAG YIN BA DE BZHIN SKAL MNYAM DE NI RGYU MTHUN PA LAS BYUNG BA 'BA' ZHIG MA YIN GYI, RNAM PAR SMIN PA 'ANG YIN, KHAMS GSUM PA STE, 'DOD PA DANG GZUGS DANG GZUGS MED PA NA SPYOD BA YIN NO, ,THAB RNAM GNYIS, THOB PA RNAMS NI RGYU MTHUN PA LAS BYUNG BA @86A *, ,DANG; RNAM PAR SMIN PA LAS SKYES PA DAG YIN NO, ,MTSAN NYID RNAMS KYANG, RNAM GNYIS ZHES BYA BAR SBYAR TE THOB PA BZHIN NO, ,SNYOMS 'JUG DANG, MI LDAN PA DAG RGYU MTHUN PA, SEMS MED PA'I SNYOMS BAR 'JUG PA GNYIS DANG MI LDAN PA RNAMS NI RGYU MTHUN PA LAS BYUNG BA DAG KHO NA YIN NO, ,'DI DAG GI BRJOD PAR BYA BA LHAG MA DANG, LHAG MA 'DU SHES MED PA PA DANG, SROG GI DBANG PO DAG GIS NI BSHAD ZIN PAS DE'I PHYIR YANG MI BRJOD DO, ,JI LTAR THOB PA RNAMS KYI SEMS CAN DU STON PA NYID BSHAD ZIN CE NA, LDAN PA ZHES BSHAD PA'I PHYIR RO, ,JI LTAR MTSAN NYID RNAMS SEMS CAN DU STON PA DANG, SEMS CAN DU STON PA MA YIN PAR BSHAD CE NA, 'DUS BYAS THAMS CAD DANG LHAN CIG 'BYUNG PA'I PHYIR RO, ,LDAN BA MA YIN PA RNAMS BSHAD ZIN TO, ,RGYU DANG RKYEN DAG MED PAR NI, ,SKYE BA BSKYED BYA SKYED BYED MIN, ,ZHES GANG BSHAD PA, RGYU RNAMS NI GANG; RKYEN RNAMS NI GANG ZHE NA, BYED RGYU LHAN CIG 'BYUNG BA DANG, ,SKAL MNYAM MTSUNGS PAR LDAN PA DANG, ,KUN TU 'GRO DANG RNAM SMIN DANG, ,RGYU NI RNAM PA DRUG TU 'DOD, ,RGYU NI DRUG PO 'DI DAG STE, ,BYED PA'I RGYU DANG LHAN CIG 'BYUNG BA'I RGYU DANG, SKAL BA MNYAM PA'I RGYU DANG, MTSUNGS PAR LDAN PA'I RGYU DANG, KUN TU 'GRO BA'I RGYU DANG, RNAM PAR SMIN PA'I RGYU'O, ,DE LA RANG LAS GZHAN PA BYED RGYU'I RGYU, ,RANG GI NGO BO MA GTOGS PA CHOS THAMS CAD NI CHOS 'DUS BYAS KYI BYED RGYU'I RGYU YIN TE, SKYE BA LA BGEGS MI BYED PA'I NGO BOR GNAS PA'I PHYIR RO, ,ZAG PA GANG DAG MI SHES PA DE LA SKYE BA DE DAG SHES PA DE LA MI SKYE'O ZHES GSUNGS PAS DE DAG SKYE BA LA YANG SHES PA GEGS BYED LA, SKAR MA RNAMS MTHONG BA LA YANG NYI MA'I 'OD BGEGS BYED PA MA YIN NAM, JI LTAR NA RANG GI NGO BO MA GTOGS PA CHOS THAMS CAD CHOS 'DUS BYAS KYI BYED RGYU YIN ZHE NA, SKYE BA LA BGEGS MI BYED PA'I NGO BOR GNAS PA'I PHYIR SHES PAR BYA'O, ,RE ZHIG SKYE BA LA BGEGS BYED NUS PA RNAMS NI BGEGS MI BYED PA'I PHYIR RGYU NYID DU YANG 'GYUR TE, DPER NA SPYOD PAR BYED PA'I MI 'TSE BA'I DBANG DU BYAS NAS GRONG MI RNAMS BDAG CAG NI RJE BOS BDE BAR BYAS SO ZHES 'DZER BLTA BU YIN NA, GANG @86B ZHIG BGEGS BYED PAR MI NUS PA DPER NA CHOS THAMS CAD SKYE BA LA MYA NGAN LAS 'DAS PA DANG, MI SKYE BA'I CHOS CAN RNAMS LTA BU DANG, GZUGS MED PA'I SEMS CAN GYI PHUNG PO SKYE BA LA DMYAL BA LA SOGS PA DAG LTA BU DE GO JI LTAR NA RGYU'I DNGOS PO YIN, DE DAG MED DU ZIN KYANG DE KHO NA BZHIN DU BGEGS BYED MI NUS PAR 'GYUR TE, SPYOD PAR BYED PAR MI NUS BZHIN DU YANG DE SKAD DU 'DZER BA YOD PAS 'DIR DPE NI DE NYID YIN NO, ,'DI NI SPYIR BSTAN PA YIN GYI, BYED RGYU'I RGYU GTZO BO GANG YIN PA 'DI NI BSKYED PAR BYA BA LA YANG NUS ,YOD DE DPER NA MIG GI RNAM PAR SHES PA LA MIG DANG GZUGS DAG DANG, LUS LA ZAS DANG, MYU GU LA SOGS PA LA SA BON LA SOGS PA BZHIN NO, ,GANG ZHIG 'DI SKAD DU GAL TE MI SGRIB PA'I NGO POS CHOS THAMS CAD RGYU DAG YIN NO, ,CI'I PHYIR CHOS THAMS CAD CIG CAR SKYE PAR MI 'GYUR RO, ,SROG GCOD PA LA SOGS PA LA YANG GSHED MA PA BZHIN DU THAMS CAD DE BSTEN PAR MI 'GYUR ZHES RGOL BAR BYED PA DE'I DE NI KLAN KAR MI RUNG STE, 'DI LTAR MI SGRIB PA'I NGO BOS CHOS THAMS CAD RGYU YIN PAR DAM 'CHA'I, BYED PA PO'I NGO BO NI MA YIN PA'I PHYIR RO, ,GZHAN DAG NA RE THAMS CAD SKYES PA LA BYED PA'I RGYU THAMS CAD KYANG NUS PA YOD DE, 'DI LTA STE MYA NGAN LAS 'DAS PA YANG MIG GI RNAM PAR SHES PA LA NUS PA YOD PA LTA BU'O ZHES ZER RO, ,JI LTA BU ZHE NA, DMIGS PA DES YID KYI RNAM PAR SHES PA DGE BA DANG MI DGE BA SKYE LA, DES RIM GYIS PHYIR MIG GI RNAM PAR SHES PA SKYED PA'I PHYIR RGYU RGYUD PA'I SGO NAS DE YANG RKYEN DU GYUR PA'I PHYIR NUS PA YOD DO, ,DE BZHIN DU GZHAN LA YANG RTOGS PAR BYA STE, 'DI NI PHYOGS TZAM DU ZAD DO, ,BYED PA'I RGYU BSHAD ZIN TO, ,LHAN CIG 'BYUNG GANG PHAN TSUN 'BRAS, ,PHAN TSUN ZHES BYA BA NI GCIG LA GCIG STE, CHOS GANG DANG, PHAN TSUN GYI 'BRAS BU YIN PA DE DAG NI PHAN TSUN LHAN CIG 'BYUNG BA'I RGYU'O, ,DPE JI LTA BU ZHE NA, 'BYUNG BZHIN SEMS KYI RJES 'JUG DANG, ,SEMS DANG MTSAN NYID MTSAN GZHI BZHIN, ,'BYUNG BA CHEN PO BZHI DAG NI PHAN TSUN LHAN CIG 'BYUNG BA'I RGYU YIN NO, ,SEMS NI SEMS KYI RJES SU 'JUG PA'I CHOS @87A *, ,RNAMS KYI YIN LA DE DAG KYANG SEMS KYI YIN NO, ,'DUS BYAS KYI MTSAN NYID RNAMS NI MTSAN GZHI'I YIN LA DE YANG DE DAG GI YIN TE, DE LTAR NA 'DUS BYAS THAMS CAD NI CI RIGS PAR LHAN CIG 'BYUNG BA'I RGYU NYID YIN NO, ,PHAN TSUN 'BRAS BU NYID MED BZHIN DU CHOS NI MTHUN PA'I MTSAN NYID RNAMS KYI LHAN CIG 'BYUNG BA'I RGYU YIN LA DE DAG NI DE'I MA YIN PAS KHA BSKANG BAR BYA'O, ,SEMS KYI RJES SU 'JUG PA'I CHOS DE DAG KYANG GANG ZHE NA, SEMS LAS BYUNG DANG SDOM GNYIS DANG, ,SEMS DANG DE DAG GI MTSAN NYID, ,SEMS KYI RJES SU 'JUG PA DANG, ,SEMS DANG MTSUNGS PAR LDAN PA THAMS CAD DANG, BSAM GTAN GYI SDOM PA DANG, ZAG PA MED PA'I SDOM PA DANG, DE DAG DANG SEMS KYI SKYE BA LA SOGS PA GANG DAG YIN PA'I CHOS DE DAG NI SEMS KYI RJES SU 'JUG PA ZHES BYA'O, ,DE DAG JI LTAR SEMS KYI RJES SU 'JUG CE NA, MDOR BSDU NA, DUS DANG NI, 'BRAS SOGS DGE LA SOGS PAS SO, ,RE ZHIG DUS LAS NI SEMS DANG LHAN CIG SKYE BA DANG GNAS PA DANG 'GAG PA GCIG PA NYID DANG DUS GCIG TU GTOGS PA NYID KYIS SO, ,'BRAS BU LA SOGS PAS NI 'BRAS BU DANG RNAM PAR SMIN PA DANG; RGYU MTHUN PA GCIG PA NYID KYIS TE, GCIG CES BYA BA'I SGRA SNGA MA NI LHAN CIG PA'I DON DU RIG PAR BYA'O, ,DGE BA LA SOGS PAS NI DGE BA DANG MI DGE BA DANG LUNG DU MA BSTAN PA'I SEMS LA, DGE BA DANG MI DGE BA DANG LUNG DU MA BSTAN PA NYID KYIS TE, DE LTAR NA RGYU BCUS SEMS KYI RJES SU 'JUG PA ZHES BYA'O, ,DE LA SEMS NANG NA NYUNG BA NI CHOS LNGA BCU RTZA BRGYAD KYI LHAN CIG 'BYUNG BA'I RGYU YIN TE, SA MANG PO PA BCU DANG, DE DAG GI MTSAN NYID BZHI BCU DANG, RANG GI MTSAN NYID DANG MTHUN PA'I MTSAN NYID BRGYAD KYI YIN NO, ,DE'I LHAN CIG 'BYUNG BA'I RGYU NI CHOS LNGA BCU RTZA BZHI STE, RANG GI MTHUN PA'I MTSAN NYID MA GTOGS PA RNAMS SO, ,GZHAN DAG NA RE BCU BZHI YIN TE, SA MANG PO PA BCU DANG, RANG GI MTSAN NYID DAG KHO NA'O ZHES ZER RO, ,DE SKAD DU NI MI BRJOD DE, ,DE LTAR NA RAB TU BYED PA'I GZHUNG, SDUG BSNGAL GYI BDEM @87B PA LA 'JIG TSOGS LA LTA PA'I RGYU CAN YIN LA 'JIG TSOGS LA LTA PA'I RGYU MA YIN PA YANG YOD DE, 'JIG TSOGS LA LTA BA DANG, DE DANG MTSUNGS PAR LDAN PA'I CHOS RNAMS KYI SKYE BA DANG RGA BA DANG GNAS PA DANG MI RTAG PA DAG MA GTOGS PA DE DAG LAS GZHAN PA'I SDUG BSNGAL GYI BDEN PA NYON MONGS PA CAN GANG YIN PA'O; ,'JIG TSOGS LA LTA PA'I RGYU CAN YANG YIN LA 'JIG TSOGS LA LTA PA'I RGYU YANG YIN PA NI MA GTOGS PA GANG YIN PA'O ZHES 'BYUNG BA DANG 'GAL BAR 'GYUR RO, ,KHA CHE BA RNAMS NA RE'O NA NI GANG DAG DE DANG MTSUNGS PAR LDAN PA'I CHOS RNAMS KYI ZHES DE SKAD DU MI 'DON PA DE DAG GIS KYANG DE SKAD DU GDON PAR BYA BA 'AM, YANG NA DON GYIS DE LTAR GO BAR BYA'O ZHES ZER RO, ,RE ZHIG GANG LHAN CIG 'BYUNG BA'I RGYUS RGYU YIN PA DES NI LHAN CIG 'BYUNG BA YANG YIN NO, ,LHAN CIG 'BYUNG BA YIN LA LHAN CIG 'BYUNG BA'I RGYUS RGYU MA YIN PA YANG YOD DE, CHOS KYI MTHUN PA'I MTSAN NYID RNAMS DANG, DE DAG PHAN TSUN DANG, SEMS KYI RJES SU 'JUG PA'I MTHUN PA'I MTSAN NYID RNAMS NYID DANG, DE DAG PHAN TSUN DANG, RGYUR BYAS PA'I GZUGS THOGS PA DANG BCAS PA PHAN TSUN DANG, THOGS PA MED PA CUNG ZAD DANG, THAMS CAD 'BYUNG BA DAG DANG LTA BU'O, ,THOB PA DANG LDAN PA'I THOB PA LHAN CIG SKYES PA RNAMS KYANG LHAN CIG 'BYUNG BA YIN LA LHAN CIG 'BYUNG PA'I RGYU NI MA YIN TE, 'BRAS BU DANG RNAM PAR SMIN PA DANG RGYU MTHUN PA GCIG PA MA YIN PA'I PHYIR RO, ,DE DAG NI SEMS DANG LHAN CIG SPYOD PA'I DANG TSUL CAN YANG MA YIN TE SNGAR YANG SKYE LA PHYIS KYANG SKYE PA'I PHYIR RO, ,DE THAMS CAD KYANG RUNG MOD KYI 'ON KYANG SA BON LA SOGS PA RGYU DANG 'BRAS BU'I DNGOS POR GRAGS PA RNAMS LA TSUL 'DI MI SNANG BAS JI LTAR LHAN CIG 'BYUNG PA'I CHOS RNAMS RGYU DANG 'BRAS BU'I DNGOS PO YIN PA DE BRJOD PAR BYA'O, ,DPER NA MAR ME DANG 'OD DAG DANG MYU GU DANG GRIB MA DAG LTA BU YIN NO, ,RE ZHIG CI MAR ME 'OD KYI RGYU YIN NAM, 'ON TE TSOGS PA SNGAR BYUNG BA KHO NA MAR ME 'OD DANG BCAS PA SKYE PA'I RGYU YIN ZHES BYA BA 'DI DPYAD PAR BYA'O, ,'O NA NI YOD DAM MED NA DE DAG DANG LHAN CIG DE'I PHYIR RGYU SMRA BA RNAMS RGYU DANG LDAN PA'I RGYU'I MTSAN NYID NI DE YIN NO ZHES ZER RO, ,GANG ZHIG YOD DAM MED NA GANG ZHIG NGES PAR YOD DAM MED PA DE NI RGYU YIN ZHING CIG SHOS NI RGYU DANG LDAN PA YIN LA, LHAN CIG 'BYUNG PA'I CHOS RNAMS @88A *, ,KYANG GCIG YOD NA THAMS CAD YOD LA GCIG MED NA THAMS CAD MED PAS RGYU DE DANG 'BRAS BU'I DNGOS PO RIGS PA YIN NO, ,RE ZHIG LHAN CIG 'BYUNG BA RNAMS NI RUNG NA PHAN TSUN DU GO JI LTAR RUNG, DE NYID KYI PHYIR RO, ,DE LTA NA 'O NA NI RGYUR BYAS PA'I GZUGS MED NA MI 'BYUNG BA PHAN TSUN DANG 'BYUNG BA RNAMS DANG YANG LHAN CIG DER THAL BAR 'GYUR LA, SEMS KYI MTHUN PA'I MTSAN NYID LA SOGS PA YANG SEMS LA SOGS PA DANG NGER THAL BAR 'GYUR RO, ,'O NA NI MYU GU GSUM PHAN TSUN STOBS KYIS GNAS PA BZHIN DU LHAN CIG 'BYUNG BA RNAMS RGYU DANG 'BRAS BU'I DNGOS POR 'GRUB BO, ,RE ZHIG CI 'DI DAG LHAN CIG 'BYUNG BA'I STOBS KYIS GNAS SAM, 'ON TE TSOGS PA SNGA MA'I DBANG GIS DE LTAR 'BYUNG BA ZHES BYA BA 'DI DPYAD PAR BYA'O, ,DE LA GZHAN YANG SRAD BU 'AM GZER BU 'AM RTEN PAR BYED PAS YANG CUNG ZAD YOD DO, ,DE LA YANG SKAL BA MNYAM PA'I RGYU LA SOGS PA GZHAN DAG KYANG YOD PAS LHAN CIG 'BYUNG BA'I RGYU NYID GRUB BO, ,SKAL BA MNYAM PA'I RGYU GANG ZHE NA, SKAL MNYAM RGYU NI 'DRA BA'O, ,CHOS 'DRA BA RNAMS NI CHOS 'DRA BA RNAMS KYI SKAL BA MNYAM PA'I RGYU YIN TE, 'DI LTA STE, DGE BA'I PHUNG PO LNGA PO DAG NI PHAN TSUN DGE BA RNAMS KYI YIN NO, ,NYON MONGS PA CAN RNAMS NI NYON MONGS PA CAN RNAMS KYI YIN NO, ,LUNG DU MA BSTAN PA RNAMS NI LUNG DU MA BSTAN PA RNAMS KYI YIN NO, ,GZHAN DAG NA RE LUNG DU MA BSTAN PA'I GZUGS NI LNGA PO DAG GI YIN LA, BZHI NI GZUGS KYI MA YIN TE, DMAN PA DANG STOBS CHUNG BA'I PHYIR RO ZHES ZER RO, ,NUR NUR PO NI NUR NUR PO LA SOGS PA GNAS SKABS BCU PO DAG GI YIN NO, ,MER MER PO LA SOGS PA NI RIS MTHUN PA GCIG LA RE RE PHRI NAS MER MER PO LA SOGS PA'I YIN NO, ,RNAM PA MTHUN PA GZHAN DAG TU NI GNAS SKABS BCU CHAR YANG BCU PO DAG GI YIN NO, ,PHYI'I DAG LA YANG NAS NI NAS KYI YIN LA, S'A LU NI S'A LU'I YIN NO ZHES BYA BA RGYAS PAR SBYAR BAR BYA'O, ,GANG DAG GZUGS KYI SKAL BA MNYAM PA'I RGYU GZUGS YIN PAR MI 'DOD PA DE DAG LA NI 'DAS PA'I 'BYUNG BA CHEN PO RNAMS NI MA 'ONGS PA'I 'BYUNG @88B BA CHEN PO RNAMS KYI RGYU DANG BDAG PO YIN NO ZHES BYA BA'I GZHUNG 'DI 'DOD PA LA GNOD PAR GNAS SO, ,CI 'DRA BA THAMS CAD 'ANG BA THAMS CAD KYI SKAL BA MNYAM PA'I RGYU YIN NAM ZHE NA, SMRAS PA MA YIN NO, ,'O NA JI LTA BU ZHE NA, RANG RIS SA PA'O, ,'DI DAG LA RANG GI RIS DANG SA YOD PAS 'DI DAG NI RANG GI RIS DANG SA PA DAG GO, ,RIS NI LNGA STE, SDUG BSNGAL MTHONG BAS SPANG BAR BYA BA NAS BSGOM PAS SPANG PAR BYA PA'I BAR RO, ,SA NI DGU STE, 'DOD PA'I KHAMS DANG BSAM GTAN DANG GZUGS MED PA BRGYAD DO, ,DE LA SDUG BSNGAL MTHONG BAS SPANG PAR BYA BA RNAMS NI SDUG BSNGAL MTHONG BAS SPAR PAR BYA BA RNAMS KYI SKAL BA MNYAM PA'I RGYU YIN GYI GZHAN DAG GI NI MA YIN NO, ,DE BZHIN DU BSGOM PAS SPANG BAR BYA BA'I BAR DU YANG BSGOM PAS SPANG BAR BYA BA RNAMS KYI YIN NO, ,DE DAG KYANG 'DOD PA NA SPYOD PA RNAMS NI YANG 'DOD PA NA SPYOD PA RNAMS KYI YIN LA, BSAM GTAN DANG PO'I SA PA RNAMS KYANG BSAM GTAN DANG PO'I SA PA'I YIN PA NAS SRID PA'I RTZE MO'I SA PA'I PAR DAG KYANG DE'I SA PA'I RNAMS KHO NA'I YIN GYI GZHAN DAG GI NI MA YIN NO, ,DE DAG KYANG THAMS CAD NI MA YIN NO, ,'O NA CI ZHE NA, SNGAR SKYES PA RNAMS NI PHYI MA SKYE BA DANG MA SKYES PA RNAMS KYI SKAL BA MNYAM PA'I RGYU YIN NO, ,MA 'ONGS PA KHON SKAL BA MNYAM PA'I RGYU MA YIN NO ZHES BYA BA 'DI DAG LAS SMRAS PA, BSTAN BCOS LAS TE, SKAL BA MNYAM PA'I RGYU GANG ZHE NA, DGE PA'I RTZA BA SNGAR BYUNG BA RNAMS NI RANG GI KHAMS NA DGE BA'I RTZA BA PHYIS 'BYUNG BA RNAMS DANG, DE DAG DANG MTSUNGS PAR LDAN PA'I CHOS RNAMS KYI SKAL BA MNYAM PA'I RGYUS RGYU YIN NO, ,DE LTAR NA 'DAS PA DANG, DA LTAR BYUNG BA RNAMS KYI YIN NO, ,'DAS PA DANG DA LTAR BYUNG BA RNAMS NI MA 'ONGS PA RNAMS KYI YIN NO ZHES BRJOD PAR BYA'O ZHES 'BYUNG NGO, ,CHOS GANG CHOS GANG GI RGYU'I YIN PA'I CHOS DE RES 'GA' ZHIG CHOS DE'I RGYU MA YIN PA YIN NAM ZHE NA SMRAS PA, NAM YANG MA YIN NO ZHES 'BYUNG BA 'DI YANG BSTAN BCOS YIN NO, ,LHAN CIG 'BYUNG BA DANG MTSUNGS PAR LDAN PA DANG RNAM PAR SMIN PA'I RGYU LAS DGONGS NAS GSUNGS PA'I PHYIR DE NI NYES PA MED @89A *, ,DO; ,GANG ZHIG CHOS MA 'ONGS PA DE YANG SKYE PA'I TSE'I GNAS SKABS NA SKAL BA MNYAM PA'I RGYU NYID DU NGES PAR 'GYUR BA YIN NO, ,DE'I PHYIR THA MA'I GNAS SKABS DE LAS DGONGS NAS NAM YANG RGYU MA YIN PA MA YIN NO ZHES GSUNGS SO SNYAM DU SEMS PA DE NI DE'I LAN DU MI RUNG STE, 'DI LTAR CHOS DE SKYE PA'I GNAS SKABS KYI SNGON ROL NAS SKAL BA MNYAM PA'I RGYU MA YIN PA LAS PHYIS YIN PAS SO, ,CHOS GANG ZHIG CHOS GANG GI MTSUNGS PA DE MA THAG PA YIN PA'I CHOS DE RES 'GA' ZHIG CHOS DE'I MTSUNGS PA DE MA THAG PA MA YIN NAM ZHES BYA BA 'DRI BA 'DI YANG YONGS SU RTOGS PA 'DIS RES 'GA' YANG MA YIN NO ZHES BRJOD PAR NUS NA CI'I PHYIR 'DI SKAD DU GAL TE CHOS DE MA SKYES PAR GYUR NA'O ZHES GSUNGS, DER JI LTA BA DE BZHIN 'DIR YANG BRJOD PAR BYA LA, 'DIR JI LTA BA DE BZHIN DER YANG BRJOD PAR BYA'O ZHES SGO GNYIS SU BSTAN PAR BYA BA'I BAR RO, ,DE LTA YIN NA YON TAN CI ZHIG 'THOB PAR 'GYUR TE, DE LTA NA 'DIR BSTAN BCOS BYED PA MI MKHAS PA KHO NAR YID CHES PAR 'GYUR RO, ,DE LTA BAS NA 'DIR LAN SNGA MA KHO NA LEGS PA YIN NO, ,'O NA GANG 'DI SKAD DU 'JIG TSOGS LA LTA BA MA 'ONGS PA DANG, DE DANG MTSUNGS BAR LDAN PA'I SDUG BSNGAL GYI BDEN PA MA GTOGS PA DE LAS GZHAN PA'I SDUG BSNGAL GYI BDEN PA GANG YIN PA DE NI 'JIG TSOGS LA LTA BA'I RGYU LAS BYUNG BA NI YIN LA, 'JIG TSOGS LA LTA PA'I RGYU NI MA YIN NO, ,MA GTOGS PA GANG YIN PA DE NI 'JIG TSOGS LA LTA PA'I RGYU LAS BYUNG BA YANG YIN LA 'JIG TSOGS LA LTA BA'I RGYU YANG YIN NO ZHES GSUNGS SO ZHE NA, DE NI 'DI SKAD DU 'JIG TSOGS LA LTA BA MA 'ONGS PA DANG MTSUNGS PAR LDAN BA'I SDUG BSNGAL GYI BDEN PA MA GTOGS PA ZHES BRJOD PAR BYA BA'AM, YANG NA DON GYIS NA DE LTAR GO PAR BYA'O, ,'O NA BTAGS PA'I BSHAD PA CHOS THAMS CAD NI BZHI CHEN DU NGES PA YIN TE, RGYU DANG 'BRAS BU DANG, RTEN DANG DMIGS PAR NGES SO ZHES BYA BA 'DI JI LTAR DANG, 'DIR RGYU NI MTSUNGS PAR LDAN PA'I RGYU DANG LHAN CIG 'BYUNG PA'I RGYU YIN NO, ,'BRAS BU NI SKYES BU BYED PA'I 'BRAS BU DANG, BDAG @89B PO'I 'BRAS BU YIN NO, ,RTEN NI MIG LA SOGS PA'O, ,DMIGS PA NI GZUGS LA SOGS PA YIN NO ZHES BYA BAR BLTA BAR BYA'O, ,DE LTA NA SKAL BA MNYAM PA'I RGYU MA YIN PA LAS RGYU YIN PAR 'GYUR BA MA YIN NAM, GNAS SKABS NI 'DOD PA KHO NA YIN GYI RDZAS LA NI MA YIN TE, TSOGS PA NI GNAS SKABS KYI 'BRAS BU CAN YIN GYI, RDZAS KYI 'BRAS BU CEN NI MA YIN NO, ,GAL TE RNAM PAR SMIN PA'I RGYU BZHIN DU SKAL BA MNYAM PA'I RGYU YANG MA 'ONGS PA YIN NA CIR 'GYUR ZHE NA, BSTAN BCOS LAS DE SMOS PAR 'GYUR RO, ,'BRAS BU 'BYIN PA DANG 'DZIN PAR BYED NUS PA GANG YIN BA DE KHO NA SMOS PA'I PHYIR NYES PA MED DO ZHE NA, DE NI MA YIN TE, SKAL BA MNYAM PA'I RGYU NI RGYU MTHUN PA'I 'BRAS BUS 'BRAS BU DANG BCAS PA YIN NA DE YANG MA 'ONGS PA LA RIGS PA MA YIN TE, SNGA PHYI MED PA'I PHYIR RO, ,BYUNG ZIN PA YANG MA 'ONGS PA'I RGYU MTHUN PAR MI RUNG STE, DPER NA DA LTA'I 'DAS PA BZHIN NO, ,RGYU BAS 'BRAS BU SNGAN MI RUNG BAS SKAL BA MNYAM PA'I RGYU MA 'ONGS PA NI MED DO, ,DE LTA NA RNAMS PAR SMIN PA'I RGYU YANG MA 'ONGS PA YIN PAR MI 'GYUR TE, RNAM PAR SMIN PA'I 'BRAS BU SNGA BA DANG LHAN CIG PA MI RUNG BA'I PHYIR LA, MA 'ONGS PA'I DUS LA YANG SNGA PHYI MED PA'I PHYIR RO ZHE NA, DE NI MA YIN TE, SKAL BA MNYAM PA'I RGYU NI SNGA PHYI MED PAR 'DRA BA'I SKAL BA MNYAM PA'I RGYU 'DRA BA YIN BAS PHAN TSUN DU RGYUR GYUR PA'I PHYIR PHAN TSUN RGYU MTHUN PA NYID DU THAL BAR 'GYUR TE, PHAN TSUN RGYU MTHUN PA NYID DU NI RIGS PA DANG LDAN PA MA YIN NO, ,RNAM PAR SMIN PA'I RGYU NI SNGA PHYI MED BZHIN DU YANG DE LTAR PHUN TSUN 'BRAS BU NYID DU THAL BAR MI 'GYUR TE, RGYU DANG 'BRAS BU DAG MTSAN NYID THA DAD PA'I PHYIR DO, ,DE LTA BAS NA SKAL BA MNYAM PA'I RGYU NI GNAS SKABS LAS RNAM PAR GNAS PA KHO NA YIN LA, RNAM PAR SMIN PA'I RGYU NI MTSAN NYID LAS RNAM PAR GNAS PA YIN PAS MA 'ONGS PA YANG MI BZLOG GO, ,SKAL BA MNYAM PA'I RGYU NI RANG GI SA PA YIN NO ZHES BSHAD PA GANG YIN PA CI DE LTAR NGES SAM ZHE NA, DE ZAG PA DANG BCAS PA LA NI NGES SO, ,SA DGU'I LAM NI PHAN TSUN DU, ,SKAL BA MNYAM @90A *, ,PA'I RGYU YIN NO, ,ZHES BYA BAR SKABS DANG SBYAR TE, MI LCOGS PA MED PA DANG BSAM GTAN KHYAD PAR CAN DANG, BSAM GTAN BZHI DANG, GZUGS MED PA GSUM DAG GI LAM GYI BDEN PA NI PHAN TSUN DU SKAL BA MNYAM PA'I RGYU YIN NO, ,CI'I PHYIR ZHE NA, 'DI NIS DE DAG TU GLO BUR DU 'ONGS PA YIN LA, SA DE PA DAG GIS BDAG GIR MA BYAS PA'I PHYIR KHAMS DE DAG TU GTOGS PA MA YIN TE, DE BAS NA SA GZHAN PA'I RIGS MTHUN PA'I SKAL BA MNYAM PA'I RGYU YANG YIN NO, ,DE YANG, MNYAM DANG KHYAD PAR CAN GYI YIN, ,CHUNG DU'I RGYU NI MA YIN TE, ,'DI LTA STE, SDUG BSNGAL LA CHOS SHES PA'I BZOD PA NI DE NYID MA'ONGS PA DANG MI SKYE BA SHES PA'I KHYAD PAR CAN GYI RGYU YANG YIN NO, ,MI SKYE BA SHES PA NI KHYAD PAR CAN GZHAN MED PA'I PHYIR MI SKYE BA SHES PA KHO NA'I YIN NO, ,MTHONG BA DANG BSGOM PA DANG MI SLOB PA'I LAM RNAMS NI GSUM DANG GNYIS DANG GCIG DAG GI YIN NO, ,DE LA YANG DBANG PO RTUL PO'I LAM NI DBANG PO RTUL PO DANG RNON PO'I LAM GYI RGYU YIN LA, DBANG PO RNON PO'I LAM NI DBANG PO RNON PO'I LAM KHO NA YIN TE, 'DI LTA STE DAD PAS RJES SU 'BRANG BA DANG DAD PAS MOS PA DANG DUS KYIS RNAM PAR GROL BA'I LAM RNAMS NI DRUG DANG BZHI DANG GNYIS DAG GI YIN NO, ,CHOS KYIS RJES SU 'BRANG BA DANG MTHONG BAS THOB PA DANG, DUS DANG MI SBYOR BAR RNAM PAR GROL PA'I LAM RNAMS NI GSUM DANG GNYIS DANG GCIG GI YIN NO, ,YANG JI LTAR SA GONG MA PAS 'OG MA PA'I LAM DANG MNYAM BA'AM KHYAD PAR CAN YIN ZHE NA, DBANG PO DANG RGYUS RGYAS PAR BYAS PA'I SGO NAS TE, DE LA RGYUS SHIN TU RGYAS PAR BYAS PA NI MTHONG PA'I LAM LA SOGS PA DANG, CHUNG NGU'I CHUNG NGU LA SOGS PA GONG NAS GONG DU'O, ,RGYUD GCIG LA DAD PAS RJES SU 'BRANG BA DANG, CHOS KYIS RJES SU 'BRANG BA'I LAM DAG MI SRID MOD KYI 'BYUNG BA NI MA 'ONGS PA'I RGYU YIN NO, ,CI LAM KHO NA MNYAM PA DANG KHYAD PAR CAN DAG GI SKAL BA MNYAM PA'I RGYU YIN NAM ZHE NA SMRAS PA MA YIN TE, 'JIG RTEN PA DAG KYANG, SBYOR BYUNG DE GNYIS KHO NA'I YIN, ,MNYAM PA DANG KHYAD PAR CAN DAG GI SKAL BA MNYAM PA'I RGYU YIN GYI DMAN PA'I NI MA YIN NO, ,DPER JI LTA BU ZHE NA SMRAS PA, THOS DANG BSAMS BYUNG LA SOGS @90B PA'ANG; ,THOS PA DANG BSAMS PA DANG BSGOMS PA LAS BYUNG BA SBYOR BA LAS 'BYUNG BA'I YON TAN DE DAG KYANG NYAMS PA DANG KHYAD PAR CAN DAG KHO NA'I RGYU YIN GYI DMAN PA RNAMS KYI NI MA YIN TE, 'DI LTA STE, 'DOD PA NA SPYOD PA'I THOS PA LAS BYUNG BA RNAMS NI THOS PA LAS BYUNG BA DANG BSAMS PA LAS BYUNG BA RNAMS KYI YIN NO, ,BSAM PA LAS BYUNG BA RNAMS NI BSAMS PA LAS BYUNG BA RNAMS KYI YIN TE, BSGOMS PA LAS BYUNG BA NI MED PA'I PHYIR RO, ,GZUGS NA SPYOD PA'I THOS PA LAS BYUNG BA RNAMS NI THOS PA LAS BYUNG BA DANG BSGOMS PA LAS BYUNG BA RNAMS KYI YIN TE, BSAMS PA LAS BYUNG BA NI MED PA'I PHYIR RO, ,BSGOMS PA LAS BYUNG BA RNAMS NI BSGOMS PA LAS BYUNG BA RNAMS KHO NA'I YIN NO, ,DE DAG KYANG RNAM PA DGU THA DAD PA'I PHYIR CHUNG NGU'I CHUNG NGU DAG NI THAMS CAD KYI YIN LA, CHUNG NGU'I 'BRING PO DAG NI BRGYAD KYI YIN TE, LUGS NI DE LTA BU'O, ,SKYES NAS THOB PA CAN GYI DGE BA'I CHOS RNAMS NI RNAM PA DGU PO THAMS CAD PHAN TSUN DU SKAL BA MNYAM PA'I RGYU YIN TE, NYON MONGS PA CAN RNAMS KYANG DE DANG 'DRA'O, ,MA BSGRIBS LA LUNG DU MA BSTAN PA RNAMS NI RNAM PA BZHI STE, RNAM PAR SMIN PA LAS SKYES PA DANG, SPYOD LAM PA 'AM, BZO'I GNAS PA DANG, SPRUL PA'I SEMS LHAN CIG SKYES PA RNAMS TE, DE DAG NI GO RIMS BZHIN DU BZHI DANG, GSUM DANG, GNYIS DANG, GCIG DAG GI SKAL BA MNYAM PA'I RGYU YIN NO, ,SPRUL PA'I SEMS BSAM GTAN BZHI'I 'BRAS BU 'DOD PA NA SPYOD PA YANG YIN TE, DE LA BSAM GTAN GONG MA'I 'BRAS BU NI BSAM GTAN 'OG MA'I 'BRAS BU NI MA YIN NO, ,'BAD PA 'BRAS BU MED PAR 'GYUR DU 'ONG BA'I PHYIR SKAL BA MNYAM PA'I RGYU MNGON PAR 'DU BYED PA CAN GYI 'BRAS BU NI DMAN PA MA YIN TE, DPER NA S'A LU DANG NAS LA SOGS PA'I LTA BU'O, ,DE NYID KYI PHYIR ZAG PA MED PA SKYES PA ZAG PA MED PA MA SKYES PA'I RGYU MA YIN PA YOD DMA ZHE NA YOD DE, DPER NA SDUG BSNGAL LA CHOS SHES PA'I BZOD PA MA SKYES PA RNAMS KYI LTA BU DANG, KHYAD PAR CAN THAMS CAD DMAN PA'I LTA BU'O, ,RGYU GCIG LA NGES PA'I ZAG PA MED PA'I @91A *, ,CHOS SNGON THOB PA PHYIS SKYES PA'I RGYU MA YIN PA YOD DAM ZHE NA, YOD DE SDUG BSNGAL LA CHOS SHES PA'I BZOD PA MA 'ONGS PA DAG SDUG BSNGAL LA CHOS SHES PA'I LTA BU'O, ,'DI LTAR 'BRAS BU SNGA MA 'AM, SKAL PA MNYAM PA'I RGYU MA 'ONGS PA NI MED DO, ,ZAG PA MED PA'I CHOS SNGAR SKYES PA RNAMS ZAG PA MED PA'I CHOS PHYIS SKYE BA'I RGYU MA YIN PA YOD DAM ZHE NA YOD DE, CHEN PO CHUNG NGU'I LTA BU STE, 'DI LTA STE, 'BRAS BU GOR MA LAS YONGS SU NYAMS PA 'BRAS BU 'OG MA MNGON DU BYED PA'I TSE DANG SDUG BSNGAL LA CHOS SHES PA'I THOB PA SKAD CIG MA PHYI MA DANG LHAN CIG SKYES PA SDUG BSNGAL LA CHOS SHES PA'I BZOD PA'I THOB PA RNAMS KYI LTA BU STE, DMAN PA'I PHYIR RO ZHES GSUNGS SO, ,SKAL PA MNYAM PA'I RGYU BSHAD ZIN TO, ,MTSUNGS LDAN RGYU NI SEMS DAG DANG, ,SEMS BYUNG, DE LTA NA NI DUS DANG RGYUD THA DAD PA LAS SKYES PA RNAMS PHAN TSUN DU MTSUNGS PAR LDAN PA'I RGYU NYID DU THAL BAR 'GYUR RO, ,'O NA NI RNAM PA DANG DMIGS PA GCIG LA DAG PA YIN NO, ,DE LTA NA YANG DE NYID DU THAL BAR 'GYUR RO, ,'O NA NI DUS GCIG PA DAG YIN NO, ,DE LTA NA ZLA BA TSES PA LA SOGS PA LA LTA BA'I LTA BUR RGYUD THA DAD PA LAS SKYES PA RNAMS LA YANG THAL BAR 'GYUR TE, DE LTA BAS NA RTEN MTSUNGS PA CAN RNAMS SO, ,GANG DAG LA RTEN MTSUNGS PA YOD PA'I SEMS DANG SEMS LAS BYUNG BA DE DAG NI PHAN TSUN DU MTSUNGS PAR LDAN PA'I RGYU YIN NO, ,MTSUNGS PA ZHES BYA BA NI THA MI DAD PA STE, 'DI LTA STE, MIG GI RNAM PAR SHES PA'I RTEN MIG GI DBANG PO'I SKAD CIG MA GANG YIN PA DE NYID DE DANG MTSUNGS PAR LDAN PA TSOR BA LA SOGS PA RNAMS KYI YANG YIN PA LTA BU STE, YID KYI RNAM PAR SHES PA DANG DE DANG MTSUNGS PAR LDAN PA RNAMS KYI YID KYI SKAD CIG MA YIN PA'I BAR DU YANG DE BZHIN DU RIG PAR BYA'O, ,MTSUNGS PAR LDAN PA'I RGYU GANG YIN PA DE NI LHAN CIG 'BYUNG BA'I RGYU YANG YIN NO, ,YANG DON GANG GIS NA LHAN CIG 'BYUNG BA'I RGYU YIN, GANG GIS NA MTSUNGS PAR LDAN PA'I RGYU GANG YIN ZHE NA, PHAN TSUN 'BRAS BU'I DON GYIS NA LHAN CIG 'BYUNG BA'I RGYU YIN TE, @91B 'DRON PA RNAMS PHAN TSUN GYI STOBS KYIS LHAN CIG LAM DU 'GRO BA YIN NO, ,MTSUNGS PA LNGAS MTSUNGS PAR LDAN PA'I DON GYIS NA MTSUNGS PAR LDAN PA'I RGYU YIN TE, 'DRON PA DE DAG NYID ZAS LA SOGS PA YONGS SU LONGS SPYOD PA'I BYA BA LA 'DRA BAR SBYOR BA BZHIN NO, ,GCIG MED NA YANG THAMS CAD MTSUNGS PAR MI LDAN PAS 'DI NI DE DAG GI RGYU'I DNGOS PO YIN NO, ,KUN TU 'GRO BA'I RGYU GANG ZHE NA, KUN 'GRO ZHES BYA NYON MONGS CAN, ,RNAMS KYI RANG SAR KUN 'GRO LNGA, ,RANG GIS PA'I KUN TU 'GRO BA'I CHOS SNGAR SKYES PA RNAMS NI NYON MONGS PA CAN GYI CHOS, PHYI MA RNAMS KYI KUN TU 'GRO PA'I RGYU YIN NO, ,DE DAG KYANG 'OG NAS PHRA RGYAS BSTAN PA'I MDZOD KYI GNAS NYID NAS BSHAD PAR BYA'O, ,'DI NI NYON MONGS PA CAN GYI CHOS KYI THUN MONG GI RGYU NYID YIN BAS NA SKAL PA MNYAM PA'I RGYU LAS LOGS SHIG TU RNAM PAR GZHAN GO, ,RIS GZHAN DAG GI YANG RGYU YIN PA'I PHYIR TE, DE DAG GI MTHUS NI RIS GZHAN PA'I NYON MONGS PA DAG KYANG SKYE BAR 'GYUR RO, ,CI 'PHAGS PA'I GANG ZAG GI NYON MONGS PA CAN GYI CHOS RNAMS KYANG KUN TU 'GRO BA'I RGYU LAS BYUNG BA DAG YIN NAM ZHE NA, KHA CHE BA RNAMS NA RE NYON MONGS PA CAN GYI CHOS THAMS CAD KYANG MTHONG BAS SPANG BAR BYA BA'I RGYU LAS BYUNG BA DAG YIN TE, 'DI LTAR RAB TU BYED PA DAG LAS MTHONG BAS SPANG PAR BYA PA'I RGYU LAS BYUNG PA'I CHOS RNAMS GANG ZHE NA, NYON MONGS PA CAN GYI CHOS RNAMS DANG, MTHONG BAS SPANG BAR BYA BA'I CHOS RNAMS KYI RNAM PAR SMIN PA GANG YIN PA'O ZHES BYA BA DANG, LUNG DU MA BSTAN PA'I RGYU LAS BYUNG BA'I CHOS RNAMS GANG ZHE NA, LUNG DU MA BSTAN PA'I CHOS 'DUS BYAS RNAMS DANG, MI DGE BA RNAMS SO ZHES BYA BA DANG, SDUG BSNGAL GYI BDEN PA LA 'JIG TSOGS LA LTA PA'I RGYU CAN YIN PA 'JIG TSOGS LA LTA BA'I RGYU MA YIN PA YANG YOD DE ZHES BYA BA NAS RGYAS PAR 'JIG TSOGS LA LTA BA DANG, CHOS DE DAG GI SKYE BA DANG RGA BA DANG GNAS PA DANG, MI RTAG PA NYID DAG MA GTOGS PA DE DAG LAS GZHAN PA SDUG BSNGAL GYI BDEN PA NYON MONGS PA CAN GANG YIN PA'O ZHES BYA BA'I BAR DU GSUNGS SO ZHES ZER RO, ,'O NA BTAGS PA'I BSHAD PA MI DGE BA'I CHOS MI DGE BA'I RGYU CAN KHO @92A *, ,NA YIN PA YOD DAM ZHE NA, YOD DE, 'PHAGS PA'I GANG ZAG 'DOD PA'I 'DOD CHAGS DANG BRAL BA LAS YONGS SU NYAMS PA DE LAS DANG POR NYON MONGS PA CAN GYI SEMS PA MNGON DU BYED PA GANG YIN PA'O ZHES GSUNGS PA 'DI JI LTAR DRANG ZHE NA, DE NI RGYU MA SPANGS PA LAS DGONGS NAS GSUNGS PA YIN GYI DE'I RGYU MTHONG BAS SPANG BAR BYA BA NI SPANGS ZIN PA'I PHYIR MA GSUNGS SO, ,KUN TU 'GRO BA'I RGYU BSHANG ZIN TO, ,RNAM PAR SMIN PA'I RGYU GANG ZHE NA, RNAM SMIN RGYU NI MI DGE DANG, ,DGE BA ZAG BCAS RNAMS KHO NA, ,MI DGE PA RNAMS DANG, DGE BA'I CHOS ZAG PA DANG BCAS PA RNAMS NI RNAM PAR SMIN PA'I RGYU YIN TE, RNAM PAR SMIN PA'I CHOS CAN YIN PA'I PHYIR RO, ,CI'I PHYIR LUNG DU MA BSTAN PA'I CHOS RNAMS RNAM PAR SMIN PA 'GRUB PAR MI BYED CE NA, STOBS CHUNG BA'I PHYIR TE SA BON RUL PA BZHIN NO, ,CI'I PHYIR ZAG PA MED PA RNAMS MA YIN ZHE NA, SRED PAS MNGON PAR MA BRLAN PA'I PHYIR TE, MNGON PAR MA BRLAN PA'I SA BON GRUNG PO BZHIN NO, ,LDAN PA MA YIN PA RNAMS GANG DANG LDAN PA'I RNAM PAR SMIN PA ZHIG MNGON PAR 'GRUB PAR BYED PAR 'GYUR, LHAG MA RNAMS NI RNAM PA GNYI GA YIN PA'I PHYIR 'GRUB PAR BYED DE SA BON GRUNG PO MNGON PAR BRLAN PA BZHIN TE, 'DI JI LTAR SHES PAR BYA, RNAM PAR SMIN PA'I RGYU ZHIG RNAM PAR SMIN PA'I RGYU YIN NAM, 'O NA TE RNAM PAR SMIN PA NYID RGYU YIN PAS RNAM PAR SMIN PA'I RGYU YIN, DES NA CIR 'GYUR, GAL TE RNAM PAR SMIN PA'I RGYU ZHIG RNAM PAR SMIN PA'I RGYU YIN NA NI MIG GI RNAM PAR SMIN PA LAS SKYES PA YIN NO ZHES BYA BA DER MI 'GYUR RO, ,CI'I PHYIR ZHE NA, LAS LAS SKYES PA'I PHYIR LA LAS KYANG RNAM PAR SMIN PA'I RANG BZHIN MA YIN PA'I PHYIR RO, ,'ON TE RNAM PAR SMIN PA NYID RGYU YIN PAS RNAM PAR SMIN PA'I RGYU YIN NA NI LAS KYI RNAM PAR SMIN PA ZHES BYA BA DER MI 'GYUR RO, ,CI'I PHYIR ZHE NA, RNAM PAR SMIN PA NI RGYU YIN PA'I PHYIR LA RNAM PAR SMIN PA YANG LAS KYI RANG BZHIN MA YIN PA'I PHYIR RO, ,GNYI GA LTAR YANG RUNG NGO ZHES SNGAR BSHAD ZIN TO, ,YANG RNAM PAR SMIN PA ZHES BYA BA'I DON CI ZHE NA, MI 'DRA BAR @92B SMIN PA NI RNAM PAR SMIN PA'O, ,'DOD PA'I KHAMS NA RNAM PAR SMIN PA'I RGYU PHUNG PO GCIG LA 'BRAS BU GCIG PA CAN NI THOB PA RNAMS DANG DE DAG GI SKYE BA LA SOGS PA'O, ,PHUNG PO GNYIS PA LA 'BRAS BU GCIG PA CAN NI LUS DANG NGAG GI LAS DANG DE DAG GI SKYE BA LA SOGS PA'O, ,PHUNG PO BZHI LAS 'BRAS BU GCIG PA CAN NI SEMS DANG SEMS LAS BYUNG BA DGE BA DANG MI DGE BA SKYE BA LA SOGS PA DANG BCAS PA DAG GO, ,GZUGS KYI KHAMS NA RNAM PAR SMIN PA'I RGYU PHUNG PO GCIG LA RNAM PAR SMIN PA GCIG PA CAN NI THOB PA DANG, 'DU SHES MED PA'I SNYOMS PAR 'JUG PA SKYE BA LA SOGS PA DANG BCAS PA'O, ,PHUNG PO GNYIS PA NI BSAM GTAN DANG PO'I RNAM PAR RIG BYED SKYE BA LA SOGS PA DANG BCAS PA'O, ,PHUNG PO BZHI PA NI DGE BA'I SEMS MNYAM PAR MA BZHAG PA NA'O, ,PHUNG PO LNGA PA NI MNYAM PAR BZHAG PA NA'O, ,GZUGS MED PA'I KHAMS NA RNAM PAR SMIN PA'I RGYUS PHUNG PO GCIG LA 'BRAS BU GCIG PA CAN NI THOB PA DANG 'GOG PA'I SNYOMS PAR 'JUG PA SKYE BA LA SOGS PA DANG BCAS PA'O, ,PHUNG PO BZHI PA NI SEMS DANG SEMS LAS BYUNG BA DGE BA RNAMS DANG DE DAG GI SKYE BA LA SOGS PA'O, ,GANG GI RNAM PAR SMIN PA CHOS KYI SKYE MCHED GCIG KHO NA RNAM PAR SMIN PAR 'GYUR BA'I LAS KYANG YOD DE, GANG GI SROG GI DBANG PO YIN PA'O, ,GANG GI YID KYI SKYE MCHED YIN PA DE'I NI GNYIS TE, YID DANG CHOS KYI SKYE MCHED DAG GO , ,GANG GI REG BYA'I SKYE MCHED YIN PA YANG DE DANG 'DRA'O, ,GANG GI LUS KYI SKYE MCHED YIN PA DE'I NI GSUM STE, LUS DANG REG BYA DANG, CHOS KYI SKYE MCHED DAG GO, ,GANG GI GZUGS DANG DRI DANG RO'I SKYE MCHED DAG YIN PA YANG DE DANG 'DRA'O, ,GANG GI MIG GI SKYE MCHED YIN PA DE'I NI BZHI STE, MIG DANG LUS DANG REG BYA DANG CHOS KYI SKYE MCHED RNAMS SO, ,GANG GI RNA BA DANG; SNA DANG, LCE'I SKYE MCHED DAG YIN PA YANG DE DANG 'DRA'O, ,GANG GI RNAM PAR SMIN PA LNGA DANG, DRUG DANG, BDUN DANG, BRGYAD DANG, DGU DANG, BCU DANG, BCU GCIG SMIN PAR 'GYUR BA'I LAS DE YANG YOD DE, LAS KYI 'DRAS BU SNA TSOGS DANG, SNA TSOGS MA YIN PA'I PHYIR PHYI'I SA BON @93A *, ,BZHIN NO, ,DPER NA PHYI'I SA BON RNAMS LA KHA CIG NI 'BRAS BU SNA TSOGS PA YIN TE, 'DI LTA STE PADMA DANG, BAL PO SE'U DANG, SHING NA-YA GRO DHA ? LA SOGS PA DAG GI LTA BU'O, ,KHA CIG NI 'BRAS BU SNA TSOGS PA MA YIN TE, 'DI LTA STE, NAS DANG GRO LA SOGS PA DAG GI LTA BU'O; ,LAS DUS GCIG PA'I RNAM PAR SMIN PA DUS GSUM PA RNAM PAR SMIN PA NI MI 'GYUR GYI LAS DUS GNYIS PA'I YANG DUS GCIG PA NI MA YIN TE, RGYU BAS 'BRAS BU HA CANG NYUNG BAR 'GYUR DU 'ONG BA'I PHYIR RO, ,DE BZHIN DU SKAD CIG MA GCIG PA'I SKAD CIG MA DU MA BA NI YIN GYI BZLOG PA NI MA YIN NO, ,RNAM PAR SMIN PA NI LAS DANG LHAN CIG TU RNAM PAR SMIN PA YANG MA YIN LA MJUG THOGS SU YANG MA YIN TE, MJUG THOGS KYI SKAD CIG MA NI MTSUNGS PA DE MA THAG PA'I RKYEN GYIS DRANGS PA'I PHYIR RO, ,RNAM PAR SMIN PA'I RGYU LAS 'BRAS BU SMIN PA NI RGYU LA LTOS PA YIN NO, ,YANG RGYU 'DI DAG GI DUS NGES PA GANG ZHE NA, 'DI DAG GI DUS NGES PAR DON GYIS NI BSHAD MOD KYI MDOR BYAS NAS MA BSHAD PAS, DE'I PHYIR MDOR BYAS TE, KUN 'GRO SKAL MNYAM DUS GNYIS PA DANG, 'DAS PA DANG DA LTAR BYUNG BA KHO NA YIN GYI MA 'ONGS PA DAG NI MED DO, , 'DIR GTAN TSIGS NI BSHAD ZIN TO, ,GSUM PO DAG NI DUS GSUM PA, ,LHAN CIG 'BYUNG BA DANG MTSUNGS PAR LDAN PA DANG RNAM PAR SMIN PA'I RGYU ? DAG NI DUS GSUM PA YIN NO, ,BYED RGYU'I RGYU NI DUS NGES PA MA BSTAN PAS DUS THAMS CAD PA DANG, DUS DANG BRAL BAR YANG RIG PAR BYA'O, ,RGYU RNAMS BSHAD ZIN TO, ,RGYU DE DAG GANG GI YIN PA'I 'BRAS BU DE DAG GANG ZHE NA, 'DUS BYAS BRAL BCAS 'BRAS BU YIN, ,BSTAN BCOS LAS, 'BRAS BU'I CHOS RNAMS GANG ZHE NA, 'DUS BYAS KYI CHOS THAMS CAD DANG, SO SOR BRTAGS PAS 'GOG PA'O ZHES 'BYUNG BA'O, ,DE LTA NA 'O NA NI 'DUS MA BYAS 'BRAS BU YIN PA'I PHYIR DE GANG GI 'BRAS BU YIN PA'I RGYUR YANG 'GYUR LA, RGYU YIN PA'I PHYIR DE GANG GI RGYU YIN PA'I 'BRAS BUR YANG 'GYUR RO, ,'DUS BYAS KHO NA LA RGYU DANG 'BRAS BU DAG YOD KYI, 'DUS MA BYAS LA DE DAG MED, ,CI'I PHYIR ZHE NA, RGYU RNAM PA DRUG MI SRID PA'I PHYIR DANG, 'BRAS BU RNAM PA LNGA YI SRID @93B PA'I PHYIR RO, ,CI'I PHYIR LAM 'BRAL BA'I BYED RGYU'I RGYUR MI 'DOD CE NA, 'DI LTAR DE NI SKYE BA LA BGEGS MI BYED PA'I NGO BOR RNAM PAR GZHAG PA YIN NA 'DUS MA BYAS NI SKYE BA DANG LDAN PA MA YIN NO, ,DA NI DE GANG GI 'AM JI LTAR NA 'BRAS BU YIN ZHE NA, LAM GYI 'BRAS BU YIN TE, DE'I STOBS KYIS 'THOB PA'I PHYIR RO, ,'O NA NI DE DE KHO NA LA NUS PA'I PHYIR THOB PA KHO NA LAM GYI 'BRAS BU YIN GYI BRAL BA NI MA YIN NO, ,THOB PA LA YANG DE'I NUS PA GZHAN LA, BRAL BA LA YANG GZHAN TE, THOB PA LA DE JI LTAR NUS SHE NA BSKYED PA'I PHYIR RO, ,BRAL BA LA JI LTAR ZHE NA, THOB PAR BYED PA'I PHYIR RO, , DE LTA BAS NA RE ZHIG LAM NI JI LTAR YANG 'DI'I RGYU MA YIN GYI BRAL BA NI 'DI'I 'BRAS BU YIN NO, ,YANG BDAG PO'I 'BRAS BU YANG MED NA GO JI LTAR NA 'DUS MA BYAS BYED RGYU'I RGYU YIN ZHE NA, SKYE BA LA MI SGRIB PA'I DNGOS POS BYED RGYU'I RGYU YIN GYI 'DI LA 'BRAS BU YOD PA NI MA YIN TE, DUS LAS GROL BA LA 'BRAS BU 'DZIN PA DANG, SMIN PA'I MTHU MED PA'I PHYIR RO, ,MDO SDE PA RNAMS NA RE, BCOM LDAN 'DAS KYIS GANG LAS KYANG 'DUS MA BYAS RGYU YIN NO ZHES MA GSUNGS KYI, RGYU MA YIN NO ZHES RNAM GRANGS KYIS GSUNGS SO, ,JI LTAR GSUNGS SHE NA, GZUGS SKYED PA'I RGYU GANG DAG YIN PA DANG, RKYEN GANG DAG YIN PA DE DAG KYANG MI RTAG PA YIN NA RGYU DANG RKYEN MI RTAG PA DAG LA BRTEN NAS BYUNG BA'I GZUGS LTA RTAG PAR GA LA 'GYUR, RNAM PAR SHES PA'I BAR DU YANG DE DANG 'DRA'O ZHES GSUNGS SO ZHES ZER RO, ,DE LTA NA 'O NA NI 'DUS MA BYAS RNAM PAR SHES PA'I DMIGS PA'I RKYEN DU YANG MI 'GYUR RO, ,SKYES PA'I ZHES DKAR BA'I PHYIR 'GYUR TE, RNAM PAR SHES PA SKYED PA'I RGYU GANG DAG YIN PA DANG RKYEN GANG DAG YIN PA DE DAG KYANG MI RTAG NA ZHES GSUNGS KYI RNAM PAR SHES PA'I RKYEN GANG DAG YIN PA DE DAG KYANG MI RTAG NA ZHES NI MI GSUNGS SO, ,RGYU RNAMS KYANG GANG DAG SKYED PA'I RGYU DE DAG KHO NA MI RTAG GO ZHES 'BYUNG BA'I PHYIR 'DUS MA BYAS KYANG MI SGRIB PA'I DNGOS PO TZAM GYIS BYED RGYU'I RGYU NYID DU MI DGAG PA YIN NAM, MDO LAS DMIGS PA'I RKYEN YIN PAR GSUNGS KYI MI SGRIB PA'I RGYU YIN PAR NI MA GSUNGS PAS, MDO LAS 'DUS MA BYAS RGYU'I DNGOS PO MI @94A *, ,'GRUB BO, ,MA GSUNGS MOD KYI BKAG PA NI MED DO, ,MDO RNAMS KYANG PHAL CHER NUB NAM GSUNGS SO ZHES BYA BA 'DI JI LTAR NGES PAR GZUNG YANG BRAL BA ZHES BYA BA 'DI CI, SNGAR SO SOR BRTAGS PAS 'GOG PA YIN NO ZHES MA BSHAD DAM, DE'I TSE NI SO SOR BRTAGS PAS 'GOG PA GANG ZHE NA, GANG BRAL BA'O ZHES BSHAD, DA NI BRAL BA GANG ZHE NA, GANG SO SOR BRTAGS PAS 'GOG PA'O ZHES BSHAD PAS PHAN TSUN RTEN PA'I BSHAD PA 'DI NI DE'I RANG GI NGO BO GSAL BAR BYA BA LA NUS PA MA YIN TE, DE LTA BAS NA DE'I RANG GI NGO BO GZHAN DU BRJOD PAR BYA'O, ,DE'I RANG GI NGO BO NI 'PHAGS PA RNAMS KHO NAS SO SOR RANG GIS RIG PAR BYA BA YIN TE, BRAL BA ZHES BYA BA DANG, SO SOR BRTAGS PA'I 'GOG PA ZHES BYA BA GANG YIN PA BRTAGS PA DANG DGE BA'I RDZAS GZHAN ZHIG YOD DO ZHES BYA BA DE TZAM ZHIG NI BRJOD PAR NUS SO, ,MDO SDE PA RNAMS NA RE 'DUS MA BYAS THAMS CAD KYANG RDZAS SU MED PA KHO NA STE, DE NI GZUGS DANG TSOR PA LA SOGS PA BZHIN DU RDZAS GZHAN DU NI MED DO, ,'O NA CI ZHE NA, REG BYA MED PA TZAM NI NAM MKHA' YIN TE, 'DI LTAR MUN PA'I NANG DAG NA THOGS PA MA RNYED NA NAM MKHA'O ZHES ZER TO, PHRA RGYAS DANG SKYE BA SKYES PA 'GAGS NASS SO SOR BRTAGS PA'I STOBS KYIS GZHAN MI SKYE BA NI SO SOR BRTAGS PAS 'GOG PA YIN NO, ,SO SOR BRTAGS PA MED PA KHO NAR RKYEN MA TSANG BAS MI SKYE BA NI SO SOR BRTAGS PA MA YIN PAS 'GOG PA STE DPER NA BAR MA DOR 'CHI BA'I RIS MTHUN PA LHAG MA LTA BU'O ZHES ZER RO, ,SDE PA GZHAN DAG NA RE PHRA RGYAS RNAMS MI SKYE BAR BYA BA LA SHES RAB KYI NUS PA YOD DO, ,DE'I PHYIR DE NI SO SOR BRTAGS PAS 'GOG PA YIN NO, ,SDUG BSNGAL MI SKYE BA GANG YIN PA DE NI SKYE BA'I RKYEN PHRA RGYAS MED PA KHO NA'I PHYIR DE LA SHES RAB KYI NUS PA MED DE, DE'I PHYIR DE NI SO SOR BRTAGS PA MA YIN PAS 'GOG PA YIN NO ZHES ZER TE DE YANG SO SOR BRTAGS PA MED PAS MI 'GRUB PAS DE NI SO SOR BRTAGS PAS 'GOG PA KHO NA YIN NO, ,GZHAN DAG NA RE SNGAR SKYES PA PHYIS MED PA GANG YIN PA DE NYID RANG GI DANG GIS 'GAG PA'I PHYIR SO SOR BRTAGS PA MA YIN PAS 'GOG PA YIN NO @94B ZHES ZER TE, RTOGS PA DE LA NI SO SOR BRTAGS PA MA YIN PAS 'GOG PA MI RTAG PA KHO NAR 'GYUR TE, MA ZHIG NA DE MED PA'I PHYIR RO, ,SO SOR BRTAGS PAS 'GOG PA YANG SO SOR BRTAGS PA SNGON DU 'GRO BA'I PHYIR MI RTAG PAR 'GYUR BA MA YIN NAM, DE NI SO SOR BRTAGS PA SNGON DU 'GRO BA MA YIN TE, SNGAR SO SOR BRTAGS PA YIN LA PHYIS SKYE BA RNAMS KYI MI SKYE BA NI MA YIN NO, ,'O NA CI ZHE NA, DE DAG MI SKYE BA DE NI SNGA NAS YOD PA KHO NA YIN NO, ,CHOS GANG DAG SO SOR BRTAGS BA MED NA SKYE BAR 'GYUR BA DE DAG SO SOR BRTAGS PA SKYES NA YANG MI SKYE'O, ,'DI LA SO SOR BRTAGS PA'I MTHU NI 'DI YIN TE, 'DI LTA STE GEGS MA BYAS PA RKYEN RNAMS SKYE BA LA GEGS BYED PA'I DNGOS PO YIN NO, ,GAL TE MI SKYE BA KHO NA MYA NGAN LAS 'DAS PA YIN NA 'O NA MDO'I TSIG DBANG PO LNGA PO 'DI DAG KUN TU BSTEN, GOMS PAR BYAS, LAN MANG DU BYAS NA 'DAS PA DANG MA 'ONGS PA DANG DA LTAR BYUNG BA'I SDUG BSNGAL SPANGS PAR 'GYUR RO ZHES BYA BA 'DI JI LTAR DRANG, SPANGS PA NI MYA NGAN LAS 'DAS PA YIN NO, ,MI SKYE BA NI MA 'ONGS PA KHO NA YIN GYI 'DAS PA DANG DA LTAR BYUNG BA NI MA YIN NO, ,DE SKAD DU 'BYUNG BA YANG YOD MOD KYI 'ON KYANG, BCOM LDAN 'DAS KYIS DE LA DMIGS PA'I NYON MONGS PA SPANGS PAS SDUG BSNGAL SPONG BAR GSUNGS PA YIN TE, GZUGS LA 'DUN PA DANG 'DOD CHAGS GANG YIN PA DI SPONGS SHIG ,'DUN PA DANG 'DOD CHAGS SPANGS NA KHYED KYIS GZUGS DE LTA BU DE YANG SPANGS PA DANG YONGS SU SHES PAR 'GYUR RO ZHES BYA BA NAS, RGYAS PAR RNAM PAR SHES PA'I BAR DU GSUNGS TE, DE LTAR NA DUS GSUM PA'I SDUG BSNGAL YANG SPANGS PAR RUNG NGO, ,CI STE 'DAS PA DANG MA 'ONGS PA DANG DANG DA LTAR BYUNG BA'I NYON MONGS PA SPANGS PAR 'GYUR RO ZHES 'BYUNG BAR 'GYUR NA, DER YANG TSUL NI 'DI KHO NA YIN NO, ,YANG NA DGONGS PA NI 'DAS PA'I NYON MONGS PA NI TSE RABS SNGA MA PA YIN LA, DA LTAR BYUNG BA'I NYON MONGS PA NI TSE 'DI PA YIN TE, DPER NA SRED PA RNAM PAR SPYAD PA DAG LA 'DAS PA'I DUS LA BRTEN NAS SRED PA RNAM PAR SPYAD PA BCVA BRGYAD DO ZHES 'BYUNG BA 'DAS PA'I TSE RABS KYI DBANG DU MDZAD NAS GSUNGS PA DANG, @95A *, ,DA LTAR BYUNG BA'I BAR DU YANG DE DANG 'DRA BA LTA BU'O, ,NYON MONGS PA GNYIS PO 'DIS KYANG RGYUD 'DI LA MA 'ONGS PA BSKYED PA'I PHYIR SA BON GYI DNGOS PO BZHAG PA DE SPANGS PAS DE YANG SPANGS PA YIN TE, DPER NA RNAM PAR SMIN PA ZAD PA LAS ZAD PAR 'GYUR BA LTA BU'O, MA 'ONGS PA'I SDUG BSNGAL LA NYON MONGS PA NI SA BON MED PA'I PHYIR GTAN DU MI SKYE BA SPANGS PA YIN NO, ,DE LTA MA YIN NA 'DAS PA DANG DA LTAR LA CI ZHIG SPANG DU YOD DE, 'GAGS ZIN PA DANG, 'GAG PA LA MNGON DU PHYOGS PA LA NI 'BAD PA DON DANG BCAS PAR MI 'GYUR RO SNYAM PA 'DI YIN PAR 'GYUR RO, ,GAL TE 'DUS MA BYAS MED PA KHO NA YIN NA, BCOM LDAN 'DAS KYI SA ? CHOS GANG DAG 'DUS BYAS KYANG RUNG 'DUS MA BYAS KYANG RUNG DE DAG GI MCHOG NI 'DOD CHAGS DANG BRAL BA YIN PAR BSHAD DO ZHES GANG GSUNGS PA, JI LTAR NA MED PA RNAMS KYI MCHOG YIN PAR 'OS, 'DUS MA BYAS MED PA KHO NA'O ZHES KYANG MI SMRA'I DE NI KHO BO CAG GIS JI SKAD DU BSHAD PA DE LTA BU YIN NO, ,DPER NA SGRA LA SNGA NA MED PA YANG YOD, PHYIS MED PA YANG YOD CES BYA MOD KYI 'ON KYANG MED PA NI YOD PAR MI 'GRUB PA LTAR 'DUS MA BYAS KYANG DE BZHIN DU BLTA BAR BYA'O, ,MED PA YANG KHA CIG SHIN TU BSNGAGS PA YOD DE, GANG GNOD PA THAMS CAD DANG BRAL BA DE NI 'DUL BA RNAMS DE LA 'DUN PAR BYA BA'I PHYIR GZHAN DAG GI MCHOG YIN NO ZHES BSNGAGS PA 'THOB PAR 'OS SO, ,GAL TE 'DUS MA BYAS MED PA TZAM ZHIG YIN NA 'GOG PA 'PHAGS PA'I BDEN PA YIN PAR MI 'GYUR TE, DE CUNG ZAD KYANG MED PA'I PHYIR RO, ,RE ZHIG 'GOG PA'I BDEN PA'I DON 'DI GANG YIN, PHYIN CI MA LOG PA'I DON MA YIN NAM, 'PHAGS PA RNAMS KYIS 'DI LTA STE, SDUG BSNGAL LA YANG SDUG BSNGAL KHO NA'O, ,SDUG BSNGAL MED PA LA YANG MED PA KHO NA'O ZHES 'DI GNYIG YANG PHYIN CI MA LOG PAR GZIGS NA 'DI 'PHAGS PA'I BDEN PA NYID YIN PAR 'GAL BA CI ZHIG YOD, JI LTAR MED PA YANG YIN LA 'PHAGS PA'I BDEN PA GSUM PA YANG YIN PAR 'GYUR, JI LTAR 'PHAGS PA'I BDEN PA YIN PA NI BSHAD ZIN TO, ,GNYIS PA'I 'OG TU MTHONG BA DANG BSTAN PAS NA @95B GSUM PA YIN NO, ,GAL TE 'DUS MA BYAS DNGOS PO MED PA TZAM YIN NA NAM MKHA' DANG MYA NGAN LAS 'DAS PA LA DMIGS PA'I SHES PA MED PA LA DMIGS PAR 'GYUR RO, ,'DI NI 'DAS PA DANG MA 'ONGS PA YOD PA NYID BSAM PAR BYA'O, ,GAL TE 'DUS MA BYAS RDZAS KHO NAR 'DOD PAR GYUR NA CIR 'GYUR, CI ZHIG TU YANG 'GYUR, BYE BRAG TU SMRAS PA'I PHYOGS BSKYAB PAR 'GYUR RO, ,GAL TE 'DI BSKYAB PAR BYA BA YIN PAR SEMS NA LHA SKYOB PAR 'GYUR GRANG, YANG DAG PA MA YIN PA KUN TU BRTAGS PAR 'GYUR RO, ,CI'I PHYIR ZHE NA, GZUGS DANG TSOR BA LA SOGS PA BZHIN DU DE'I RANG GI NGO BO YANG MI DMIGS LA MIG LA SOGS PA BZHIN DU LAS KYANG MI DMIGS SO, ,DNGOS PO CHE GE MO ZHIG GI 'GOG PA 'DI YIN NO ZHES RNAM PAR GZHAG PA YANG JI LTAR RAB TU BRTAGS TE, RGYU DANG 'BRAS BU LA SOGS PA'I DNGOS PO MI SRID PA'I PHYIR DE NI DE DANG LHAN CIG 'BREL PA 'GA' YANG MED KYI CHE GE MO ZHIG MED PA'O ZHES 'GAG PA TZAM DU RUNG NGO, ,DNGOS PO GZHAN NYID YIN NA YANG NYON MONGS PA GANG GI THOB PA CHAD NAS 'GOG PA GANG THOB PA DE DE'I YIN NO ZHES THA SNYAD GDAGS SO, ,'O NA DE THOB PAR 'DOD PA'I RGYU GANG ZHIG YIN, MDO LAS MTHONG PA'I CHOS LA MYA NGAN LAS 'DAS PA THOB PA'I DGE SLONG ZHES GSUNGS PA DE JI LTAR NA MED PA THOB PAR RUNG, GNYEN PO THOB PAS NYON MONGS PA DANG, YANG SRID PA'I SKYE BA DANG SHIN TU 'GAL BA'I RTEN THOB PA'I PHYIR MYA NGAN LAS 'DAS PA THOB PA ZHES BYA'O, ,LUNG LAS KYANG DNGOS PO MED PA TZAM NYID DU BRJOD PAR MDZAD DE, 'DI SKAD DU SDUG BSNGAL 'DI MA LUS PAR SPANGS PA, NGES PAR SPANGS PA, BYANG BAR 'GYUR BA, ZAD PA, 'DOD CHAGS DANG BRAL BA, 'GOG PA, RNAM PAR ZHI BA, NUB PA, SDUG BSNGAL GZHAN DANG NYING MTSAMS SBYONG BA MED PA, LEN PA MED PA, 'BYUNG BA MED PA GANG YIN PA 'DI LTA STE, PHUNG PO THAMS CAD NGES PAR SPANGS PA, SRED PA ZAD PA, 'DOD CHAGS DANG BRAL BA, 'GOG PA, MYA NGAN LAS 'DAS PA 'DI NI ZHI PA'O, ,'DI NI GYA NOM PA'O ZHES GSUNGS SO, ,'DIR YIN NA 'BYUNG BAR MI 'GYUR BAS DE' PHYIR 'BYUNG BA MED PA ZHES BYA BA DE LTAR CI STE MI 'DOD CE NA, BDUN PA 'DI NI NUS @96A *, ,PA MED PAR LTA'O, ,'DIR YIN NA 'BYUNG BAR MI 'GYUR RO ZHES BYA PA JI SKAD DU BSHAD PA YIN, GAL TE YOD NA ZHES BYA BAR SBYAR NA NI MYA NGAN LAS 'DAS PA NI MI RTAG PA'I PHYIR RTAG TU MI 'BYUNG BA KHO NAR THAL BAR 'GYUR RO, ,'O NA TE THOB NA ZHES BYA BAR SBYAR NA NI GANG KHO NAS DE 'THOB PAR YONGS SU RTOG PA DE NYID YOD DAM THOB NA SDUG BSNGAL MI 'BYUNG BAR 'DOD PAR GYIS SHIG DE LTAR NA, MAR ME SHI BAR GYUR PA LTAR, ,DE YI SEMS KYI RNAM PAR THAR, ,ZHES GSUNGS PA'I DPE 'DI YANG LEGS PAR DRANGS PA YIN TE, JI LTAR MAR ME SHI BA MED PA LTAR BCOM LDAN 'DAS KYIS SEMS KYI RNAM PAR THAR PA YANG DE DANG 'DRA'O, ,CHOS MNGON PA LAS KYANG DNGOS PO MED PA'I CHOS RNAMS GANG ZHE NA, 'DUS MA BYAS KYI CHOS DAG YIN NO ZHES GSUNGS TE, DNGOS PO MED PA NI LUS MED PA DANG, RANG GI NGO BO ? MED PA NI ZHES BSHAD PA YIN NO, ,BYE BRAG TU SMRA BA RNAMS NA RE 'DI'I DON NI 'DI MA YIN NO, ,'O NA CI ZHE NA, DNGOS PO NI RNAM PA LNGA STE, RANG BZHIN GYI DNGOS PO NI JI SKAD DU DE DNGOS PO GANG ZHIG THOB PA'I DNGOS PO DE DANG LDAN NO ZHES GSUNGS PA LTA BU'O, ,DMIGS PA'I DNGOS PO NI JI SKAD DU CHOS THAMS CAD DNGOS PO JI LTA BA BZHIN DU SHES PAS SHES PAR BYA BA YIN NO ZHES GSUNGS PA LTA BU'O, ,LDAN PA'I DNGOS PO JI SKAD DU DNGOS PO GANG LA RJES SU CHAGS PA'I KUN NAS DKRIS PA DANG LDAN PA DE YANG KHONG KHRO BA'I KUN NAS BKRIS PA DANG YANG LDAN NO ZHES GSUNGS PA LTA BU'O, ,RGYU'I DNGOS PO NI JI SKAD DU DNGOS PO DANG BCAS PA'I CHOS RNAMS GANG ZHE NA, 'DUS BYAS KYI CHOS RNAMS SO ZHES GSUNGS PA LTA BU'O, ,YONGS SU GZANG BA'I DNGOS PO NI JI SKAD DU ZHING GI DNGOS PO DANG, KHYIM GYI DNGOS PO ZHES GSUNGS PA LTA BU STE, DE LA 'DIR NI RGYU'I DNGOS PO'I SGRAR GSUNGS PA YIN TE, DE LTA BAS NA 'DUS MA BYAS RDZAS SU YOD PA KHO NA YIN LA DE LA YANG RGYU DANG 'BRAS BU DAG NI MED DO ZHES ZER RO, ,RE ZHIG DE NI RDZOGS SO,, ,,YANG 'BRAS BU 'DI DAG LAS 'BRAS BU GANG ZHIG RGYA GANG GI YIN ZHE NA, RNAM SMIN 'BRAS BU THA MA'I YIN, ,RNAM PAR SMIN PA'I RGYU NI THA MAR BSTAN PA'I PHYIR THA MA STE, RNAM PAR SMIN @96B PA'I 'BRAS BU NI DE YIN NO, ,BDAG PO'I 'BRAS BU DANG PO'I YIN, ,BYED RGYU'I RGYU NI DANG PAR BSTAN PA'I PHYIR DANG PO STE BDAG PO'I 'BRAS BU NI DE'I YIN NO, ,BDAG PO'I 'BRAS BU NI BDAG PO YIN NO, ,MI SGRIB PA'I DNGOS PO TZAM DU GNAS PA GO CI ZHIG DBANG BYED CE NA, DE NYID DBANG BYED PA YIN NO; ,BYED RGYU'I RGYU LA SKYED PA'I DNGOS PO YANG YOD DE, 'DI LTA STE RNAM PAR SHES PA'I TSOGS LNGA PO DAG LA SKYE MCHED BCU LTA BU DANG, SNOD KYI 'JIG RTEN LA LAS RNAMS LTA BU'O, ,RNA BA LA SOGS PA LA YANG MIG GI RNAM PAR SHES PA BSKYED PA LA BRGYUD PAS DBANG PYED PA YOD DE, THOS NAS LTA BAR 'DOD PA 'BYUNG BA'I PHYIR RO ZHES BYA BA DE LTA BU LA SOGS PAR SBYAR BAR BYA'O, ,RGYU MTHUN SKAL MNYAM KUN 'GRO BA'I, ,'DI GNYIS DANG 'DRA BA'I 'BRAS BU YIN PA'I PHYIR RGYU MTHUN PA'I 'BRAS BU YIN NO, ,SKYES BU PA NI GNYIS KYI YIN, ,SKYES BU BYED PA'I 'BRAS BU NI LHAN CIG 'BYUNG PA DANG MTSUNGS PAR LDAN PA'I RGYU DAG GI YIN NO, ,SKYES BU'I NGO BO LAS MI GZHAN PA'I PHYIR SKYES BU BYED PA NI SKYES BU NYID YIN NO, ,DE'I 'BRAS BU NI SKYES BU YIN PA'O, ,SKYES BU BYED PA ZHES BYA BA 'DI CI ZHIG CE NA, CHOS GANG GI BYED PA GANG YIN PA DE SKYES BU'I BYED PA LTA BU NI SKYES BU BYED PA STE, DPER NA SMAN BYA ROG RKANG DANG, MI GLANG PO CHE MYOS PA ZHES BYA BA BZHIN NO, ,CI GZHAN DAG LA YANG SKYES BU BYED PA'I 'BRAS BU YOD DAM, 'ON TE GNYIS KHO NA'I YIN ZHE NA, RNAM PAR SMIN PA'I RGYU MA GTOGS PA GZHAN DAG LA YANG YOD DE, 'DI LTAR SKYES BU BYED PA'I 'BRAS BU NI LHAN CIG 'BYUNG BA DANG DE MA THAG TU 'BYUNG BA YIN NA RNAM PAR SMIN PA NI DE LTA MA YIN NO, ,GZHAN DAG NA RE DE LA YANG SKYES BU'I BYED PA'I 'BRAS BU'I SKAL BA NI YOD DO, ,DPER NA ZHING PA RNAMS KYI 'BRAS BU LTA BU'O ZHES ZER RO, ,YANG RNAM PAR SMIN PA'I 'BRAS BU ZHES BYA BA 'DI NI CI YIN, BDAG PO'I 'BRAS BU'I BAR DU CI ZHIG YIN ZHE NA, RNAM SMIN LUNG DU MA BSTAN CHOS, ,RNAM PAR SMIN PA NI MA BSGRIBS LA LUNG DU MA BSTAN PA'I CHOS YIN NO, ,SEMS CAN DU STON PA MA YIN BA YANG YOD PAS DE'I PHYIR, SEMS CAN BRJOD CES BYA BA SMOS SO, ,RGYAS PA LAS BYUNG @97A *, ,BA DANG RGYU MTHUN PA LAS BYUNG BA YANG YOD PAS DE'I PHYIR, LUNG BSTAN PHYIS BYUNG ZHES BYA BA SMOS TE, DGE BA DANG MI DGE BA NI RNAM PAR SMIN PA'I PHYIR LUNG DU BSTAN PAS LUNG DU BSTAN PA'O, ,GANG ZHIG DE LAS DUS PHYI MA LA 'BYUNG ZHING DE MA THAG TU MA YIN PA DE NI RNAM PAR SMIN PA STE, 'DI NI RNAM PAR SMIN PA'I MTSAN NYID YIN NO, ,CI'I PHYIR SEMS CAN DU STON PA MA YIN PA'I DON LAS LAS SKYES PA RNAM PAR SMIN PA MA YIN NAM ZHE NA, THUN MONG BA'I PHYIR TE, DE NI GZHAN GYIS KYANG DE BZHIN DU YONGS SU SPYAD PAR NUS SO, ,RNAM PAR SMIN PA NI THUN MONG MA YIN PA'I STE, GZHAN GYIS BYAS PA'I LAS KYI RNAM PAR SMIN PA GZHAN GYIS MYONG BAR NI MED DO, ,BDAG PO'I 'BRAS BU CI'I PHYIR MYONG ZHE NA, THUN MONG GI LAS LAS BYUNG BA'I PHYIR RO, ,RGYU MTHUN RGYU DANG 'DRA BA'O, ,RGYU DANG 'DRA BA'I CHOS GANG YIN PA DE NI RGYU MTHUN PA'I 'BRAS BU STE, 'DI LTA STE SKAL BA MNYAM PA DANG KUN TU 'GRO BA'I RGYU DAG GI LTA BU'O, ,GAL TE KUN TU 'GRO BA'I RGYU'I 'BRAS BU YANG 'DRA BA YIN NA GO CI'I PHYIR SKAL BA MNYAM PA'I RGYU KHO NAR MI 'DOD CE NA, 'DI LTAR DE NI SA DANG NYON MONGS PA CAN LAS 'DRA BA YIN GYI, RNAM PA LAS KYANG 'DRA BA NI MA YIN NO, , GANG ZHIG RNAM PA LAS KYANG 'DRA BA DE NI SKAL BA MNYAM PA'I RGYU YIN PAR KHAS LEN PA NYID DO, ,DE NYID KYI PHYIR GANG ZHIG GANG GI SKAL BA MNYAM PA'I RGYU YIN PA DE KUN TU 'GRO BA'I RGYU YANG YIN NAM ZHE NA, MU BZHIR BYA STE, MU DANG PO NI SKAL BA MNYAM PA'I RGYU NI KUN TU 'GRO BA MA YIN PA'O, , GNYIS PA NI RIS GZHAN PA'I KUN TU 'GRO BA'I RGYU'O, ,GSUM PA NI RIS GCIG PA'I KUN TU 'GRO BA'I RGYU'O, ,BZHI PA NI RNAM PA DE DAG MA GTOGS PA'O, ,BRAL BA BLO YIS ZAD PA'O, ,ZAD PA NI 'GOG PA'O, ,BLO NI SHES RAB STE, DES NA SO SOR BRTAGS PAS 'GOG PA NI BRAL BA'I 'BRAS BU YIN NO ZHES BSHAD PAR 'GYUR RO, ,GANG GI STOBS KYIS GANG SKYE BA'I, ,'BRAS DE SKYES BU BYED LAS SKYES, ,DPER NA SA 'OG MA PA'I SBYOR BA'I SEMS KYIS GONG MA PA'I TING NGE 'DZIN DANG, ZAG PA DANG BCAS PA'I ZAG PA MED PA DANG, BSAM GTAN GYI SEMS KYI @97B SPRUL PA'I SEMS SO ZHES BYA BA DE LTA BU LA SOGS PA'O, ,SO SOR BRTAGS PAS 'GOG PA NI GANG GI STOBS KYIS 'THOB PA ZHES BRJOD PAR BYA'O, ,SNGON BYUNG MA YIN 'DUS BYAS NI, ,'DUS BYAS KHO NA'I BDAG PO'I 'BAS, ,SNGAR BYUNG BA LAS GZHAN PA'I 'DUS BYAS KYI CHOS NI 'DUS BYAS THAMS CAD KYI BDAG PO'I 'BRAS BU YIN NO, ,SKYES BU BYED PA DANG BDAG PO'I 'BRAS BU DAG LA THA DAD DU BYA BA CI ZHIG YOD CE NA, SKYES BU BYED PA'I 'BRAS BU NI BYED PA PO'I YIN NO, ,BDAG PO'I 'BRAS BU NI BYED PA PO MA YIN PA'I YANG YIN TE, 'DI LTA STE, BZO BO RNAMS KYI BA ZO NI SKYES BU BYED PA'I 'BRAS BU YANG YIN LA BDAG PO'I 'BRAS BU YANG YIN NO, ,GZHAN DAG GI NI BDAG PO'I 'BRAS BU KHO NA YIN NO, ,YANG RGYU 'DI DAG LAS RGYU GANG ZHIG DUS GANG DU 'BRAS BU 'DZIN TAM 'BYIN CE NA, LNGA PO DA LTAR 'BRAS BU 'DZIN, ,YONGS SU BZUNG ZIN PA'I PHYIR 'DAS PA RNAMS KYANG MA YIN LA SKYES BU BYED PA MA YIN PA'I PHYIR MA 'ONGS PA RNAMS KYANG MA YIN NO, ,BYED RGYU'I RGYU YANG DE DANG 'DRA MOD KYI DE NI 'BRAS BU DANG BCAS PAR MA NGES PAS MA BRJOD DO, ,GNYIS NI RAB TU 'BYIN PAR BYED, ,LHAN CIG 'BYUNG BA DANG MTSUNGS PAR LDAN PA'I RGYU DAG NI DA LTAR 'BRAS BU 'BYIN PAR BYED DE, 'DI GNYIS KYI 'BRAS BU 'DZIN PA DANG 'BYIN PA NI DUS MNYAM PA KHO NA YIN NO, ,DA LTAR GYI DANG 'DAS PA DAG ,'BRAS BU 'BYIN PAR BYED DE, SKAL BA MNYAM PA DANG KUN TU 'GRO BA'I RGYU DAG GO , ,RE ZHIG GANG 'DAS PA DAG NI RIGS NI DA LTAR GYI DAG GO , ,RGYU MTHUN PA'I 'BRAS BU JI LTAR 'BYIN CE NA, MJUG THOGS SU BSGRUB PA'I PHYIR TE, 'BRAS BU GRUB NA NI DE DAG KYANG 'DAS PA YIN LA 'BRAS BU YANG BYUNG ZIN PAS YANG DE NYID MI 'BYIN TO, ,DGE BA'I SKAL BA MNYAM PA'I RGYU 'BRAS BU 'DZIN LA MI 'BYIN PA YOD DAM ZHE NA, MU BZHI STE, MU DANG PO NI DGE BA'I RTZA BDAG KUN TU GCOD PAS THAMS CAD KYI THA MAR 'DOR BA'I THOB PA GANG DAG YIN PA'O, ,GNYIS PA NI DGE BA'I RTZA BA DAG GI NYID MTSAMS SBYOR BAS THAMS CAD KYI DANG POR 'THOB PA GANG DAG YIN PA'O, ,'DI SKAD DU DE DAG NYID KYIS NYID MTSAMS SBYOR BAR BYED PA'I ZHES @98A *, ,BRJOD PAR BYA BA NI MA YIN NO, ,GSUM PA NI DGE BA'I RTZA BA KUN TU MA CHAD ? PA'I GNAS SKABS LHAG MA RNAMS SU'O, ,BZHI PA NI RNAM PA DE DAG MA GTOGS PA'O, ,MI DGE BA'I MU DANG PO NI 'DOD PA'I 'DOD CHAGS DANG BRAL PA THOB PA DANG LDAN PAS THAMS CAD KYI THA MAR 'DOR BA'I THOB PA GANG DAG YIN PA'O, ,GNYIS PA NI 'DOD PA'I 'DOD CHAGS DANG BRAL BA LAS YONGS SU NYAMS PAS THAMS CAD KYI DANG POR 'THOB PA GANG DAG YIN PA'O, ,'DI SKAD DU DE DAG NYID KYIS YONGS SU NYAMS PA'I ZHES BRJOD PAR BYA BA NI YIN NO, ,GSUM PA NI 'DOD PA'I 'DOD CHAGS DANG BRAL PA'I GNAS SKABS LHAG MA RNAMS SU'O, ,BZHI PA NI RNAM PA DE DAG MA GTOGS PA'O, ,BSGRIBS LA LUNG DU MA BSTAN PA'I YANG DE BZHIN DU DGRA BCOM PA NYID THOB PA DANG YONGS SU NYAMS PA LAS CI RIGS PAR SBYAR BAR BYA'O, ,MA BSGRIBS LA LUNG DU MA BSTAN PA'I NI TSIG PHYI MA DANG SBYOR BA STE, RE ZHIG 'BYIN PA GANG YIN PA NI 'DZIN PA YANG YIN NO, ,'DZIN PA LAS MI 'BYIN PA YANG YOD DE, DGRA BCOM PA'I PHUNG PO THA MA RNAMS SO, ,DMIGS PA DANG BCAS PA'I NGES PAS NI SKAD CIG RE RE LA STE, DGE BA'I SKAL PA MNYAM PA'I 'BRAS BU 'DZIN LA MI 'BYIN PA ZHES BYA BA MU BZHI'O, ,MU DANG PO NI DGE BA'I SEMS KYI MJUG THOGS SU NYON MONGS PA CAN NAM LUNG DU MA BSTAN PA'I SEMS MNGON DU BYED PA'O, ,GNYIS PA NI BZLOG PA'O, ,GSUM PA NI DGE BA'I SEMS KYI MJUG THOGS SU DGE BA KHO NA'O, ,BZHI PA NI RNAM PA DE DAG MA GTOGS PA'O, ,MI DGE BA LA SOGS PA YANG DE BZHIN DU SBYAR BAR BYA'O, ,YANG JI LTAR NA 'BRAS BU GZUNG BA YIN ZHE NA, DE'I SA BON GYI DNGOS POR NYE BAR 'GRO BA'I PHYIR RO, ,GCIG NI 'DAS PAS 'BYIN PAR 'GYUR, ,RNAM PAR SMIN PA'I RGYU NI 'DAS PA KHO NAS 'BRAS BU 'BYIN TE, 'DI LTAR LHAN CIG GAM DE MA THAG TU RNAM PAR SMIN PA NI MED DO, ,GZHAN DAG NI 'BRAS BU RNAM PA BZHI ZHIG TU YANG 'CHAD DE, RTEN GYI 'BRAS BU NI, 'DI LTA STE RLUNG GI DKYIL 'KHOR GYIS CHU'I DKYIL 'KHOR LTA BU NAS SA GZHI'I RTZA BA LA SOGS PA'I BAR LTA BU'O, ,SBYOR BA'I 'BRAS BU NI @98B 'DI LTA STE MI SDUG PA NAS MI SKYE BA SHES PA'I BAR LTA BU'O, ,TSOGS PA'I 'BRAS BU NI 'DI LTA STE, MIG LA SOGS PA DAG GI MIG GI RNAM PAR SHES PA LA SOGS PA DAG LTA BU'O, ,BSGOM PA'I 'BRAS BU NI 'DI LTA STE GZUGS NA SPYOD PA'I LAM GYI SPRUL PA'I SEMS LTA BU'O, ,'DI THAMS CAD NI SKYES BU BYED PA DANG BDAG PO'I 'BRAS BU DAG GI KHONGS SU 'DUS SO, ,RGYU RNAMS DANG 'BRAS BU RNAMS BSHAD ZIN TO, ,DE LA CHOS GANG ZHIG RGYU DAG DU ZHIG GIS SKYED PAR BYED CE NA SMRAS PA, MDOR BSDU NA CHOS NI RNAM PA BZHI PO 'DI DAG YIN TE, 'DI LTA STE CHOS NYON MONGS PA CAN RNAMS DANG, RNAM PAR SMIN PA LAS SKYES PA RNAMS DANG, ZAG PA MED PA'I DBANG PO RNAMS DANG, DE DAG GI LHAG MA RNAMS SO, ,LHAG MA YANG GANG DAG YIN ZHE NA, RNAM PAR SMIN PA LAS MA GTOGS PA'I LUNG DU MA BSTAN PA RNAMS DANG, ZAG PA MED PA'I SKAD CIG MA DANG PO MA GTOGS PA'I DGE BA RNAMS SO, ,CHOS RNAM PA BZHI PO DE DAG NI, NYON MONGS CAN DANG RNAM SMIN SKYES, ,LHAG DANG DANG PO 'PHAGS RIM BZHIN, ,RNAM SMIN KUN 'GRO DE GNYIS DANG, ,SKAL MNYAM MA GTOGS LHAG LAS SKYES, ,CHOS NYON MONGS PA CAN RNAMS NI RNAM PAR SMIN PA'I RGYU MA GTOGS PA LHAG MA LNGA LAS SKYE'O, ,RNAM PAR SMIN PA LAS SKYES PA RNAMS NI KUN TU 'GRO BA'I RGYU MA GTOGS PA LHAG MA LNGA PO KHO NA LAS SKYE'O, ,CHOS LHAG MA RNAMS NI RNAM PAR SMIN PA DANG KUN TU 'GRO BA'I RGYU DE DAG MA GTOGS PA LHAG MA BZHI LAS SKYE'O, ,ZAG PA MED PA'I DANG PO RNAMS NI RNAM PAR SMIN PA DANG KUN TU 'GRO BA'I RGYU DE DAG DANG, SKAL BA MNYAM PA'I RGYU MA GTOGS PA LHAG MA GSUM LAS SKYE'O, ,CHOS RNAM PA BZHI PO BSTAN PA DE DAG GANG YIN SNYAM PA LA, SEMS DANG SEMS LAS BYUNG BA YIN ZHES BYA BA SMOS SO, ,'O NA GANG DAG SEMS DANG LDAN PA MA YIN PA DANG, GZUGS CAN GYI CHOS DE DAG JI LTA BU ZHE NA, MTSUNGS LDAN MA GTOGS GZHAN DE BZHIN, ,MTSUNGS PAR LDAN PA'I RGYU GCIG PO MA GTOGS PA CHOS NYON MONGS PA CAN LA SOGS PA GZHAN YANG SEMS DANG SEMS LAS BYUNG BA RNAMS JI LTA BA DE KHO NA @99A *, ,BZHIN DU SKYE STE, DE LA NYON MONGS PA CAN RNAMS DANG, RNAM PAR SMIN PA LAS SKYES PA RNAMS NI BZHI LAS SO, ,LHAG MA RNAMS NI GSUM LAS SO, ,ZAG PA MED PA'I DANG PO NI GNYIS LAS TE, RGYU GCIG LAS BYUNG BA'I CHOS NI MED DO, ,RGYU RGYA CHER BSHAD PA RDZOGS SO, , RKYEN RNAMS GANG ZHE NA, RKYEN NI BZHI PO DAG TU GSUNGS, ,GANG NAS GSUNGS SHE NA, MDO LAS RKYEN NYID NI BZHI STE RGYU'I RKYEN NYID DANG, DE MA THAG PA'I RKYEN NYID DANG, DMIGS PA'I RKYEN NYID DANG, BDAG PO'I RKYEN NYID DO ZHES GSUNGS SO, ,RKYEN DU 'DRA BA NI RKYEN NYID DO, ,DE LA RGYU ZHES BYA BA RGYU LNGA YIN; BYED RGYU'I RGYU MA GTOGS PA RGYU LNGA NI RGYU'I RKYEN YIN NO, ,SEMS DANG SEMS BYUNG SKYES PA RNAMS, ,THA MA YIN MTSUNGS DE MA THAG ,DGRA BCOM PA'I THAM MA GTOGS PA SEMS DANG SEMS LAS BYUNG BA RNAMS NI MTSUNGS PA DE MA THAG PA'I RKYEN YIN TE, RKYEN 'DI NI MTSUNGS PA YANG YIN LA DE MA THAG PA'I YANG YIN PAS MTSUNGS PA DE MA THAG PA'I RKYEN TO, ,DE NYID KYI PHYIR MI MNYAM PAR 'BYUNG BA'I PHYIR GZUGS NI MTSUNGS PA DE MA THAG PA'I RKYEN MA YIN TE, 'DI LTAR 'DOD PA NA SPYOD PA'I GZUGS KYI MJUG THOGS SU RES 'GA' NI 'DOD PA NA SPYOD PA DANG, GZUGS NA SPYOD PA'I RNAM PAR RIG BYED MA YIN PA'I GZUGS 'BYUNG NGO, ,RES 'GA' NI 'DOD PA NA SPYOD PA DANG ZAG PA MED PA 'BYUNG BAS GZUGS MNGON DU 'GYUR BA 'CHOL PA YIN NO, ,MTSUNGS PA DE MA THEG PA'I RKYEN NI 'CHOL PA MA YIN NO, ,BTZUN PA DBYIG BSHES NA RE RGYAS PA LAS BYUNG BA'I GZUGS KYI RGYUD GCIG MA 'GAGS PA KHO NAR GNYIS PA 'BYUNG BA'I PHYIR RO ZHES ZER RO, ,BTZUN BA NA RE CHES MANG BA DANG NYUNG DU 'BYUNG BA'I PHYIR TE, RES 'GA' NI GZUGS MANG PO LAS NYUNG DU 'BYUNG STE, DPER NA SOG MA'I THAL BA LTA BU'O, ,RES 'GA' NI NYUNG DU LAS MANG PO 'BYUNG STE, DPER NA SHING PA TA'I SA BON CHUNG DU LAS RIM KYIS YAL GA DU MA SKYE BA DANG LDAN PA'I SHING NA-YA GRO DHA'I BAR LTA BU'O ZHES ZER RO, ,SEMS DANG SEMS LAS BYUNG BA RNAMS LA YANG DGE BA DANG MI DGE BA DANG LUNG DU MA BSTAN PA'I SEMS DAG DANG, RTOG PA DANG DPYOD PA DANG BCAS PA @99B LA SOGS PA'I TING NGE 'DZIN GSUM LA CHOS MANG BA DANG NYUNG DU 'BYUNG BA MA YIN NAM ZHE NA, RIGS GZHAN LA NI YOD KYI RANG GI RIGS LA NI MED DE, NAM YANG TSOR BA'AM 'DU SHES LA SOGS PA CHES MANG DU 'BYUNG BA MED DO, ,YANG CI RANG GI RIGS KHO NA'I MTSUNGS PA DE MA THAG PA'I RKYEN YIN NAM ZHE NA, DE NI MA YIN TE, 'DIR NI TSOGS MTHA' DAG KHO NA TSOGS MTHA' DAG GZHAN GYI MTSUNGS PA DE MA THAG PA'I RKYEN YIN GYI, 'DIR NI TSOR BA LA SOGS PA'I RDZAS NYUNG NGU LAS TSOR BA LA SOGS PA'I RDZAS MANG PO 'BYUNG BA NI MA YIN NO ZHES BYA BA DE TZAM ZHIG BSHAD PAR ZAD DO; ,RGYUD 'DRA BA DAG NI RANG GI RIGS KHO NA'I MTSUNGS PA DE MA THAG PA'I RKYEN YIN TE, SEMS KYANG SEMS KHO NA'I YIN LA, TSOR BA YANG TSOR BA KHO NA'I YIN NO SNYAM DU RGYAS PAR SEMS SHING GANG GI TSE NYON MONGS PA CAN MA YIN PA'I MJUG THOGS SU NYON MONGS PA CAN 'BYUNG BA'I NYON MONGS PA DE'I MTSUNGS PA DE MA THAG PA'I RKYEN NI SNGON 'GAGS PA'I NYON MONGS PA YIN TE, DPER NA LDANG BA'I SEMS KYI 'GOG PA LA SNYOMS PAR 'JUG PA'I SEMS LTA BU'O ZHES ZER TE, ,DE SKAD DU NI MI BRJOD DO, ,LDAN PA MA YIN PA'I 'DU BYED RNAMS KYANG 'CHOL BAR MNGON DU GYUR PA DE NYID KYI PHYIR MTSUNGS PA DE MA THAG PA'I RKYEN MA YIN TE, KHAMS GSUM PA DANG LDAN PA MA YIN PA RNAMS CIG CAR MNGON DU 'GYUR BA'I PHYIR RO, ,CI'I PHYIR MA 'ONGS PA MTSUNGS PA DE MA THAG PA'I RKYEN DU MI 'DOD CE NA, MA 'ONGS BA'I DUS NI 'CHOL BA YIN PA'I PHYIR TE, SNGA PHYI MED PA'I PHYIR RO, ,'O NA BCOM LDAN 'DAS KYIS MA 'ONGS PA CHE GE MO ZHIG GI MJUG TU MA 'ONGS PA 'DI 'BYUNG NGO ZHES BYA BAR JI LTAR MKHYEN CE NA, 'DAS PA DANG DA LTAR GYI LAS RJES SU DPAG PA'I PHYIR TE, BCOM LDAN 'DAS KYIS LAS 'DI LTA BU'I RNAM PAR SMIN PA NI 'DI LTA BU 'AM CHOS LAS CHOS SKYES SO ZHES BYA BAR 'DAS PA'I DUS GZIGS LA, DA LTA'I LAS 'DI YANG DE LTA BU YIN PAS, DE LTA BAS NA 'DI LAS KYANG RNAM PAR SMIN PA DE LTA BU'AM, CHOS LAS CHOS SKYE BAR 'GYUR RO ZHES BYA BAR MKHYEN LA, DE'I MKHYEN PA DE YANG RJES SU DPAG PA LAS BYUNG BA YANG MA YIN @100A *, ,TE; 'DI LTAR BCOM LDAN 'DAS KYIS 'DAS PA DANG DA LTAR LAS RJES SU DPAG NAS MA 'ONGS PA'I RDZAS 'CHOL PA RNAMS MNGON SUM DU BRTAGS TE, GANG ZAG 'DIS LAS 'DI LTA BU BYAS PAS MA 'ONGS PA'I 'BRAS BU 'DI YONGS SU BZUNG NGO ZHES BYA BAR MKHYEN TO ZHES GRAG GO , ,DE LTA NA BCOM LDAN 'DAS KYIS SNGON GYI MTHA' MA GZIGS PAR PHYI MA'I MTHA' MI MKHYEN PAR 'GYUR RO, ,GZHAN DAG NA RE SEMS CAN RNAMS KYI RGYUD LA 'BRAS BU'I RTAGS SU GYUR PA SEMS DANG LDAN PA MA YIN PA'I 'DU BYED KYI KHYAD PAR ZHIG YOD DE, BCOM LDAN 'DAS KYIS DE GZIGS NAS BSAM GTAN NAM MNGON PAR MKHYEN PA MNGON DU MDZAD BZHIN DU YANG MA 'ONGS PA MKHYEN TO ZHES ZER RO, ,MDO SDE PA RNAMS NA RE DI LTAR NA BCOM LDAN 'DAS MTSAN MKHAN KHO NA YIN PAR 'GYUR GYI MNGON SUM DU MDZAD PA NI MA YIN NO, ,DE LTA BAS NA BCOM LDAN 'DAS NI BZHED PA TZAM GYIS THAMS CAD MKHYEN TE, BCOM LDAN 'DAS KYIS KYANG SANGS RGYAS RNAMS KYI YUL NI BSAM GYIS MI KHYAB PO ZHES GSUNGS SO ZHES ZER RO, ,MA 'ONGS PA'I GO RIMS NGES PAR GNAS PA MED NA CI'I PHYIR CHOS KYI MCHOG GI MJUG THOGS SU SDUG BSNGAL LA CHOS SHES PA'I BZOD PA KHO NA SKYE'I GZHAN NI MA YIN NO, ,DE BZHIN DU RDO RJE LTA BU'I MJUG THOGS SU ZAD PA SHES PA KHO NA SKYE'I GZHAN MA YIN PA'I BAR DU YIN ZHE NA, GANG ZHIG GANG LA RAG LAS TE SKYE BA DE NI DE'I MJUG THOGS SU SKYE STE, DPER NA MTSUNGS PA DE MA THAG PA'I RKYEN MED BZHIN DU YANG SA BON LA SOGS PA'I MYU GU LA SOGS PA BZHIN NO, ,CI'I PHYIR DGRA BCOM PA'I SEMS DANG SEMS LAS BYUNG BA THAM RNAMS MTSUNGS PA DE MA THAG PA'I RKYEN MA YIN ZHE NA, SEMS GZHAN DANG 'BREL PA MA YIN PA'I PHYIR RO, ,DE LTA NA 'GAGS MA THAG PA'I SEMS YID YIN NO ZHES BYA BA DE MA THAG PA'I RNAM PAR SHES PA MED PA'I PHYIR SEMS THA MA YID DU YANG MI 'GYUR BA MA YIN NAM, YID NI RTEN GYI DNGOS POS RAB TU PHYE BA YIN GYI, BYED PAS RAB TU PHYE BA NI MA YIN PAS RTEN NI YOD PA NYID KYI RGYU MA TSANG BAS RNAM PAR SHES PA @100B GZHAN MI SKYE BA KHO NAR ZAD DO, ,MTSUNGS PA DE MA THAG PA'I RKYEN NI BYED PAS RAB TU PHYE BA YIN NO, ,DES CHOS GANG 'BRAS BUR GZUNG BA DE NI CHOS THAMS CAD DAM SROG CHAGS THAMS CAD KYIS KYANG JI LTAR YANG MI SKYE BAR DGAG PAR MI NUS SO, ,CHOS GANG DAG SEMS KYI MTSUNGS PA DE MA THAG PA CAN YIN PA DE DAG SEMS KYI DE MA THAG PA CAN YANG YIN NAM ZHE NA, MU BZHI STE, MU DANG PO NI SEMS MED PA'I SNYOMS PAR 'JUG PA LAS LDANG BA'I SEMS DANG, SNYOMS PAR 'JUG PA'I SKAD CIG MA GNYIS PA LA SOGS PA DAG GO , ,MU GNYIS PA NI SNYOMS PAR 'JUG PA'I SKAD CIG MA DANG PO DANG SEMS DANG BCAS PA'I GNAS SKABS KYI SKYE BA LA SOGS PA'O, ,MU GSUM PA NI SNYOMS PAR 'JUG PA'I SKAD CIG MA DANG PO DANG, SEMS DANG BCAS PA'I GNAS SKABS DAG GO , ,MU BZHI PA NI SNYOMS PAR 'JUG PA'I SKAD CIG MA GNYIS PA LA SOGS PA DANG, LDANG BA'I SEMS KYI SKYE BA LA SOGS PA'O, ,CHOS GANG DAG SEMS KYI MTSUNGS PA DE MA THAG PA CAN YIN PA DE DAG SNYOMS PAR 'JUG PA'I DE MA THAG PA CAN YIN NAM ZHE NA, MU BZHI STE, GSUM PA DANG BZHI PA GANG DAG YIN PA DE DAG NI DANG PO DANG GNYIS PA DAG GO , ,DANG PO DANG GNYIS PA GANG DAG YIN BA DE DAG NI GSUM PA DANG BZHI PA GANG DAG YIN PAR BSHAD DO, ,DA NI JI LTAR LDANG BA'I SEMS YUN RING MO ZHIG TU CHAD PA SNYOMS PAR 'JUG PA'I SEMS KYI MTSUNGS PA DE MA THAG PA ZHES BYA ZHE NA, SEMS GZHAN GYIS MCHOD PA'I PHYIR RO, ,MTSUNGS PA DE MA THAG PA'I RKYEN BSHAD ZIN TO, ,DMIGS PA CHOS RNAMS THAMS CAD DO, ,CI RIGS PAR MIG GI RNAM PAR SHES PA MTSUNGS PAR LDAN PA DANG BCAS PA'I NI GZUGS SO, ,RNAM BA'I RNAM PAR SHES PA'I NI SGRA'O, ,SNA'I RNAM PAR SHES PA'I NI DRI'O, ,LCE'I RNAM PAR SHES PA NI RO'O, ,LUS KYI RNAM PAR SHES PA NI REG BYA'O, ,YID KYI RNAM BAR SHES BA NI CHOS THAMS CAD DO, ,CHOS GANG ZHIG CHOS GANG GI DMIGS PA YIN PA'I CHOS DE NI MI DMIGS KYANG DE LTA BU'I MTSAN NYID YIN PA'I PHYIR NAM YANG DMIGS PA MA YIN TE, DPER NA SHING LA SOGS PA MI SREG KYANG DE LTA BA'I @101A *, ,MTSAN NYID YIN PA'I PHYIR BUD SHING ZHES BYA BA BZHIN NO, ,SEMS DANG SEMS LAS BYUNG BA'I CHOS SKYE MCHED DANG, RDZAS DANG, SKAD CIG MA DES PAS DMIGS PA LA SKAD CIG BDAG NYID JI LTA BAR NGES PA 'DI DAG CI RTEN NGES PAS KYANG NGES PA ZHIG YIN NAM ZHE NA, SMRAS PA DE BZHIN TE, SKYES PA RNAMS NI RTEN DANG LHAN CIG PA DAG YIN NO, ,MA SKYES PA RNAMS DANG, 'DAS PA RNAMS NI RTEN DANG MA 'BREL PA DAG YIN NO, ,GZHAN DAG NA RE 'DAS PA RNAMS KYANG RTEN DANG LHAN CIG PA DAG YIN NO ZHES ZER RO, ,DMIGS PA'I RKYEN BSHAD ZIN TO, ,BYED RGYU ZHES BYA BDAG POR BSHAD, ,BYED PA'I RGYU GANG YIN PA DE NYID BDAG PO'I RKYEN YIN NO, ,RKYEN 'DI NI LHAG PA YIN PAS BDAG PO'I RKYEN TO, ,DMIGS PA'I RKYEN YANG CHOS THAMS CAD YIN LA, BDAG PO'I RKYEN YANG CHOS THAMS CAD YIN NA 'DI LA LHAG PA CI ZHIG YOD CE NA, LHAN CIG 'BYUNG BA'I CHOS RNAMS NI NAM YANG DMIGS PA MA YIN GYI BDAG PO'I RKYEN NI YIN PAS 'DI LA LHAG PA YOD PA NYID DO, ,YANG NA LHAG PA'I RKYEN YIN TE, CHOS THAMS CAD RANG GI NGO BO MA GTOGS PA'I 'DUS BYAS THAMS CAD KYI YIN NO, ,RKYEN BZHI CHAR GYIS KYANG CHOS KYI RKYEN MA YIN PA'I CHOS LTA YOD DAM ZHE NA, YOD DE, RANG GI NGO BOS RANG GI NGO BO LTA BU'O, ,GZHAN GYI NGO PO YANG YOD DE, 'DUS MA BYAS KYI 'DUS BYAS LTA BU DANG, 'DUS MA BYAS KYI 'DUS MA BYAS LTA BU'O, ,YANG RKYEN 'DI DAG BYA BA BYED PA NA GNAS SKABS GANG GI CHOS LA BYED CE NA, RE ZHIG RGYU'I RKYEN RNAM PA LDAR BSHAD PA DE LAS, RGYU GNYIS PO DAG 'GAG PA LA BYA BA BYED DO, ,'GAG PA ZHES BYA BA NI DA LTAR YIN TE, 'GAG PA LA MNGON DU PHYOGS PA'I PHYIR RO, ,DE LA NI LHAN CIG 'BYUNG BA DANG MTSUNGS PAR LDAN PA'I RGYU DAG BYA BA BYED DE, DE GNYIS NI LHAN CIG 'BYUNG BA'I 'BRAS BU LA BYA BA BYED DO, ,GSUM PO NI SKYE BA LA'O, ,SKYE BA ZHES BYA BA NI MA 'ONGS PA STE, SKYE BA LA MNGON DU PHYOGS PA YIN NO, ,DE LA NI SKAL BA MNYAM PA DANG, KUN TU 'GRO BA DANG, RNAM PAR SMIN PA'I RGYU RNAMS BYA BA BYED DE, RE ZHIG RGYU'I RKYEN NI @101B DE LTA BU YIN NO, ,DE LAS GZHAN PA'I RKYEN DAG DE LAS BZLOG PA YIN, MTSUNGS PA DE MA THAG PA DANG, DMIGS PA'I RKYEN DAG NI BYED PA'I TSUL GANG GIS RGYU'I RKYEN RNAM PA GNYIS SU BYAS NAS BSHAD PA DE LAS BZLOG PAR RIG PAR BYA STE, MTSUNGS PA DE MA THAG PA'I RKYEN NI SKABS 'BYED PA'I PHYIR SKYE BA LA BYA BA BYED DO, ,DMIGS PA'I RKYEN NI DA LTAR GYI SEMS DANG SEMS LAS BYUNG PA RNAMS KYIS 'DZIN PA'I PHYIR 'GAG PA LA BYA BA BYED DO, ,BDAG PO'I RKYEN NI GNAS SKABS THAMS CAD DU MI SGRIB PA'I NGO POR GNAS PAS 'DI'I BYA BA NI 'DI NYID YIN NO, ,RKYEN RNAMS BYED PA DANG BCAS PAR BSHAD ZIN TO, ,YANG CHOS GANG ZHIG RKYEN DU ZHIG GIS SKYED CE NA, BZHI YIS SEMS DANG SEMS BYUNG RNAMS, ,DE LA 'DI DAG RGYU'I RKYEN NI RGYU LNGA PO THAMS CAD DO, ,MTSUNGS PA DE MA THAG PA'I RKYEN NI SEMS DANG SEMS LAS BYUNG BA SNGA MA GZHAN DAG GI BAR DU MA CHOD PA RNAMS SO, ,DMIGS PA'I RKYEN NI CI RIGS PAR YUL LNGA PO DAG DANG CHOS THAMS CAD DO, ,BDAG PO'I RKYEN NI RANG GI NGO BO MA GTOGS PA CHOS THAMS CAD DO, ,GSUM GYIS SNYOMS PAR 'JUG PA GNYIS, ,'GOG PA DANG 'DU SHES MED PA'I SNYOMS PAR 'JUG PA DAG LA NI DMIGS PA'I RKYEN MED DE, DE DAG NI DMIGS PAR BYED PA MA YIN NO, ,DE GNYIS KYI RGYU'I RKYEN NI RNAM PA GNYIS TE, LHAN CIG 'BYUNG BA'I RGYU NI SKYE BA LA SOGS PA'O, ,SKAL BA MNYAM PA'I RGYU NI SA MTSUNGS PA'I DGE BA'I CHOS SNGAR BYUNG BA RNAMS SO, ,MTSUNGS PA DE MA THAG PA'I RKYEN NI SNYOMS PAR 'JUG PA'I SEMS MTSUNGS PAR LDAN PA DANG BCAS PA'O, ,BDAG PO'I RKYEN NI SNGA MA BZHIN NO, ,SNYOMS PAR 'JUG PA 'DI DAG NI SEMS KYI MNGON PAR 'DU BYED PA LAS SKYE BA'I PHYIR, SEMS KYI MTSUNGS PA DE MA THAG PA CAN DAG NI YIN GYI SEMS SKYE PA LA BGEGS BYED PA'I PHYIR MTSUNGS PA DE MA THAG PA'I RKYEN NI MA YIN NO, ,GZHAN NI GNYIS PO DAG LAS SKYE, ,CHOS GZHAN LDAN PA MA YIN PA RNAMS DANG GZUGS CAN RNAMS NI RGYU DANG BDAG PO'I RKYEN DAG LAS SKYE'O, ,DNGOS PO RNAMS NI JI SKAD BSHAD PA'I @102A *, ,RGYU DANG RKYEN RNAMS KHO NA LAS SKYE'I 'GRO PA THAMS CAD KYI RGYU GCIG PU DBANG PHYUG DANG SKYES BU DANG GTZO BO LA SOGS PA NI MED DO ZHES BYA BA 'DI LA GTAN TSIGS CI ZHIG YOD, GAL TE GTAN TSIGS KYIS BYAS PA'I GRUB PAR SEMS NA DE NYID KYIS THAMS CAD KYI RGYU DBANG PHYUG LA SOGS PA CIG CAR DU ZHIG YIN NO ZHES BYA BA'I SMRA BA 'DI PA STZAL BA MA YIN NAM, GZHAN YANG, DBANG PHYUG SOGS MIN RIM SOGS PHYIR, ,GAL TE DBANG PHYUG GAM, GZHAN YANG RUNG STE RGYU GCIG PU KHO NA ZHIG YIN NA 'GRO BA THAMS CAD CIG CAR DU 'BYUNG BAR 'GYUR PA ZHIG NA, DNGOS PO RNAMS NI RIM GYIS 'BYUNG BA YANG SNANG NGO, ,DE NI 'DI NI DA LTAR SKYE PAR GYUR CIG ,'DI NI 'GAG PAR GYUR CIG ,'DI NI PHYIS SKYE BAR GYUR CIG CES DBANG PHYUG GI 'DOD PA'I DBANG GIS YIN NO, ,'O NA NI 'DOD PA THA DAD PA'I PHYIR RGYU DU MAR 'GRUB PAR 'GYUR LA, 'DOD PA THA DAD PA DE YANG DE'I RGYU'I DBANG PHYUG LA THA DAD PA MED PA'I PHYIR CIG CAR 'BYUNG BAR 'GYUR RO, ,'ON TE RGYU GZHAN LA LTOS NA NI DBANG PHYUG RGYU MA YIN PA KHO NAR 'GYUR LA, DE DAG KYANG RIM GYIS SKYE BA LA RGYU GZHAN GYI BYE BRAG LA LTOS PA'I PHYIR THUG PA MED PAR THAL BAR 'GYUR BAS RGYU GCIG NAS GCIG TU BRGYUD PA'I BYE BRAG MTHA' YAS PA THOG MA MED PA NYID DU KHAS BLANGS PA'I PHYIR DBANG PHYUG GI RGYUR MOS PA 'DI NI SH'AKYA'I SRAS PO'I LUS KHO NA LAS MA 'DAS PA YIN NO, ,GAL TE DBANG PHYUG GI 'DOD PA RNAMS CIG CAR YIN DU ZIN KYANG 'GRO BA NI CIG CAR MA YIN TE, 'DOD PA JI LTA BAR SKYE BA'I PHYIR RO ZHE NA MA YIN TE, DE DAG LA PHYIS KHYAD PAR MED PA'I PHYIR RO, ,RE ZHIG DBANG PHYUG GI 'BYIN PA'I TSEGS 'DI RNYED LA DON CI ZHIG YOD, GAL TE DGA' BA YIN NO ZHE NA, 'O NA NI THABS MED PAR DE BYED PAR MI NUS PAS DE LA DBANG PHYUG MA YIN PAR 'GYUR TE, GZHAN LA YANG DE KHO NA DANG 'DRA'O, ,GAL TE YANG DBANG PHAG DMYAL BA LA SOGS PAR SKYE DGU GNOD PA MANG PO DANG 'BOL PA DAG PHYUNG NAS DES DGA' BAR 'GYUR NA NI DE LTA BU'I DBANG PHYUG DE LA PHYAG 'TSAL LO, ,DE LAS BRTZAMS NAS, GANG PHYIR @102B MA LUS SRAG PA DANG, ,GANG PHYIR RNA DANG GANG PHYIR GTUM, ,GANG PHYIR GDUNG LDAN GANG GI PHYIR, ,SHA DANG KHRAG DANG RKANG ZA BA, ,DE PHYIR DRAG PO ZHES BYA'O, ,ZHES BYA BA'I TSIGS SU BCAD PA 'DI YANG LEGS PAR SMRAS PA YIN NO, ,YANG 'GRO BA'I RGYU GCIG TU YONGS SU BZUNG BAS DON GZHAN DAG GI SKYES BU'I PHYED PA MNGON SUM NI BSNYON PAR 'GYUR RO, ,RGYU RNAMS DANG BCAS PA'I DBANG PHYUG LA YANG RGYUR RTOG PA RNAMS NI GUS PAS SMRA BA 'BA' ZHIG TU ZAD DE, RGYU RNAMS LAS GZHAN GYIS BYED PA MI SNANG BA'I PHYIR RO, ,DBANG PHYUG DE LHAN CIG BYED PA'I RGYU DANG PO RNAMS LA YANG DBANG PHYUG MA YIN PAR 'GYUR RO, ,'ON TE DANG PO BYUNG PA DBANG PHYUG GI RGYU LAS BYUNG BA YIN NO ZHE NA, DE YANG RGYU GZHAN LA MI LTOS PA'I PHYIR DBANG PHYUG BZHIN DU THOG MA MED PA NYID DU THAL BAR 'GYUR RO, ,DE BZHIN DU GTZO BO LA YANG CI RIGS PAR BRJOD PAR BYA'O, ,DE LTA BAS NA 'JIG RTEN GYI RGYU GCIG PU NI MED KYI 'DI NI RANG GI LAS RNAMS KHO NAS SKYE BA DE DANG DER SKYE BAR BYED DO, ,NYON MONGS BLO MA SBYANGS PA RNAMS NI RANG RANG GI RNAM PAR SMIN PA'I 'BRAS BU DANG, SKYES BU BYED PA'I 'BRAS BU NYAMS SU MYONG BA NA LOG PAR GZHAN DBANG PHYUG TU YONGS SU RTOG PAR BYED DO, , DE NI RDZOGS SO,, ,,YANG, GZHAN NI GNYIS PO DAG LAS SKYE, ,ZHES GANG BSHAD PA DE JI LTAR NA 'BYUNG BA RNAMS 'BYUNG BA RNAMS KYI RGYU'I RKYEN YIN ZHE NA, DE YI 'BYUNG BA RNAM PA GNYIS, ,'BYUNG BA'I RGYU ZHES BYA BA'I THA TSIG STE, SKAL BA MNYAM PA DANG LHAN CIG 'BYUNG BA'I RGYU DAG GIS SO; ,'BYUNG LAS GYUR PA'I RNAM PA LNGA, ,BYUNG BA RNAMS 'BYUNG BA LAS GYUR PA'I NI RGYU RNAM PA LNGA YIN TE, JI LTA ZHE NA, SKYED PHYIR BRTEN PHYIR GNAS PHYIR DANG, RTOG PA'I PHYIR DANG 'PHEL BYED PHYIR, ,DE YANG BYED RGYU'I RGYU KHO NA RNAM PA LNGA THA DAD PA YIN TE, SKYED PA'I RGYU NI DE DAG LAS SKYE PA'I PHYIR RO, ,BRTEN PA'I RGYU NI SKYES PA 'BYUNG BA'I RJES SU MTHUN PAR BYED PA'I PHYIR TE, SLOB DPON LA SOGS PA LA BRTEN PA BZHIN NO, ,GNAS PA'I RGYU NI RTEN DU GYUR PA'I PHYIR TE, RI MO'I RTZIG PA BZHIN NO, ,RTON PA'I RGYU NI RGYAN MI 'CHAD PA'I RGYA YIN PA'I PHYIR RO, ,'PHEL BAR BYED PA'I @103A *, ,RGYU NI 'PHEL BA'I RGYU YIN PA'I PHYIR TE, DE LTA BAS NA DE DAG GI SKYE BA DANG, 'GYUR BA DANG, BRTEN PA DANG GNAS PA DANG, RTON PA DANG 'PHEL BA'I RGYU NYID DU BSTAN PA YIN NO, ,'BYUNG 'GYUR RNAM GSUM PHAN TSUN DU, ,RGYU YIN TE, LHAN CIG 'BYUNG BA DANG, SKAL BA MNYAM PA DANG, RNAM PAR SMIN PA'I RGYU DAG GIS SO, ,BYED RGYU'I RGYU NI BYE BRAG MED PAR 'JUG PA'I PHYIR RTAG TU MI BGRANG NGO, ,DE LA LHAN CIG 'BYUNG BA'I RGYU NI LUS DANG NGAG GI LAS SEMS KYI RJES SU 'JUG PA PHAN TSUN DU YIN GYI RGYUR BYAS PA'I GZUGS GZHAN MA YIN NO, ,SKAL BA MNYAM PA'I RGYU NI SNGAR BYUNG BA THAMS CAD SKAL BA MNYAM PA'I RGYU YIN NO, ,RNAM PAR SMIN PA'I RGYU NI LUS DANG NGAG GI LAS GANG GI RNAM PAR SMIN PA MIG LA SOGS PA YIN PA'O, ,'BYUNG BA RNAMS KYI DE RNAMS GCIG ,'BYUNG PA LAS GYUR PA'I GZUGS 'BYUNG BA RNAMS KYI NI RNAM PAR SMIN PA'I RGYU KHO NA YIN TE, LUS DANG NGAG GI LAS GANG GI RNAM PAR SMIN PA RNAMS YIN PA'O, ,SEMS DANG SEMS LAS BYUNG BA RNAMS BYE BRAG MED PAR MTSUNGS PA DE MA THAG PA'I RKYEN DU BSHAD KYI, SEMS GANG GI MJUG THOGS SU GANG 'BYUNG ZHES BYA BA NGES PA NI MA BSHAD PAS DA NI DE BRJOD PAR BYA'O, ,DE LA RE ZHIG MDOR BSDUN SEMS BCU GNYIS SO, ,JI LTA ZHE NA, 'DOD YID DGE DANG MI DGE DANG, ,BSGRIBS PA DANG NI MA BSGRIBS PA, ,ZHES BYA BA SMOS TE, 'DOD PA'I KHAMS NA SEMS BZHI STE, ,DGE BA DANG MI DGE BA DANG BSGRIBS LA LUNG DU MA BSTAN PA DANG, MA BSGRIBS LA LUNG DU MA BSTAN PA'O, ,GZUGS DANG GZUGS MED PA DAG NA, MI DGE LAS GZHAN, GZUGS KYI KHAMS NA MI DGE BA MED KYI GSUM YOD DO, ,GZUGS MED PA'I KHAMS NA YANG DE DANG 'DRA STE, DE LTAR NA BCU PO DE DAG NI ZAG PA DANG BCAS PA'I SEMS YIN NO, ,ZAG MED GNYIS, SLOB PA DANG MI SLOB PA STE, DE LTAR NA DE DAG NI SEMS BCU GNYIS YIN NO, ,DE LA, ? 'DOD SEMS DAG PA LAS SEMS DGU , ,MJUG THOGS SU ZHES 'OG NAS 'CHAD DE, 'DOD PA'I KHAMS NA DGE BA'I SEMS GANG YIN PA DE'I MJUG @103B THOGS SU NI SEMS DGU 'BYUNG STE, RANG GI SA PA BZHI DANG SLOB PA DANG, MI SLOB PA DANG, GZUGS NA SPYOD PA GNYIS TE, SNYOMS BAR 'JUG PA'I TSE DGE BA DANG, NYID MTSAMS SBYOR BA'I TSE BSGRIBS PA'O, ,GZUGS MED PA NA SPYOD PA NI NYING MTSAMS SBYOR BA'I TSE BSGRIBS PA KHO NA STE, SHIN TU BSKAL PA'I PHYIR DGE BA NI MA YIN NO, ,GZUGS MED PA NA SPYOD PA RNAMS NI 'DOD PA'I KHAMS NAS RING BA NYIN TE, RTEN DANG RNAM PA DANG, DMIGS PA DANG, GNYEN PO RING BA NYID DAG GIS SO, DE LA RTEN RING BA NYID NI SNYOMS PAR 'JUG PA'I MTSUNGS PA DE MA THAG PA'I RKYEN GYI RTEN NYID DU MI SRID PA'I PHYIR RO, ,RNAM PAR RING BA NYID NI 'DOD PA'I KHAMS RAGS PA LA SOGS PA'I RNAM PA DAG TU RNAM PAR MI BYED PA'I PHYIR RO, ,DES NA DMIGS PA RING BA NYID KYANG BSHAD PA YIN TE, BSAM GTAN BZHI PA KHO NA LA RAGS PA LA SOGS PA'I RNAM PA DAG TU DMIGS SO, ,GNYEN PO RING BA NYID NI 'DOD PA'I 'DOD CHAGS DANG MA BRAL BA LA DE MNGON DU 'GYUR MI SRID PA'I PHYIR RO, ,RNAM PAR SUN 'BYIN PA LA SOGS PA YANG MI 'THAD PA'I PHYIR TE, YUL MA YIN PA NI RNAM PAR SUN DBYUNG BAR MI NUS SO, ,SLOB PA DANG MI SLOB PA'O, ,DE NI BRGYAD PO KHO NA LAS 'DOD PA NA SPYOD PA'I DGE BA'I SEMS DE NI BRGYAD KYI MJUG THOGS SU 'BYUNG STE, RANG GI SA PA BZHI DANG, GZUGS NA SPYOD PA GNYIS LAS TE, LDANG BA'I TSE DGE BA DANG, NYON MONGS PA CAN GYI SNYOMS PAR 'JUG PAS GZIR BA SA 'OG MA'I DGE BA LA BRTEN PA'I PHYIR BSGRIBS PA DANG, LDANG ? BA'I TSE SLOB PA DANG MI SLOB PA DAG LAS SO, ,MI DGE BA NI BCU DAG LAS, ,SLOB PA DANG MI SLOB PA DAG MA GTOGS TE, 'DOD PA'I KHAMS SU NYING MTSAMS SBYOR BA NA GZUGS DANG GZUGS MED PA'I SEMS THAMS CAD KYI MJUG THOGS SU MI DGE BA'I SEMS 'BYUNG NGO, ,DE LAS BZHI STE, MI DGE BA'I SEMS KYI MJUG THOGS SU NI SEMS BZHI 'BYUNG STE, RANG GI SA PA DAG KHO NA'O, ,JI LTAR 'DOD PA'I KHAMS KYI MI DGE BA'I SEMS BSHAD PA, BSGRIBS DE BZHIN, BCU PO KHO NA'I MJUG THOGS SU 'BYUNG @104A *, ,LA; DE LAS NI BZHI KHO NA'O, ,MA BSGRIBS PA NI LNGA DAG LAS, ,'DOD PA NA ZHES BYA BAR SBYAR TE, MA BSGRIBS LA LUNG DU MA BSTAN PA'I SEMS NI LNGA'I MJUG THOGS SU 'BYUNG STE, RANG GI SA PA BZHI DANG, GZUGS NA SPYOD PA'I DGE BA LAS SPRUL PA'I SEMS SO,, DE LAS MJUG THOGS SEMS BDUN NO, ,'DOD PA NA SPYOD PA'I MA BSGRIBS LA LUNG DU MA BSTAN PAS LAS NI RANG GI SA PA BZHI DANG, GZUGS NA SPYOD PA GNYIS TE, SPRUL PA'I SEMS KYI MJUG THOGS SU DGE BA DANG, NYID MTSAMS SBYOR BA'I TSE NYON MONGS PA CAN DANG, NYID MTSAMS SBYOR BA'I TSE GZUGS MED PA NA SPYOD PA'I NYON MONGS PA CAN KHO NA'O, ,GZUGS NA DGE BA LAS BCU GCIG GO , ,GZUGS KYI KHAMS NA DGE BA'I SEMS GANG YIN PA DE'I MJUG THOGS SU SEMS BCU GCIG KHO NA 'BYUNG STE, GZUGS MED PA NA SPYOD PA'I MA BSGRIBS LA LUNG DU MA BSTAN PA MA GTOGS SO, ,DE NI DGU YI MJUG THOGS SU, ,GZUGS NA SPYOD PA'I DGE BA'I SEMS DE NI DGU'I MJUG THOGS SU 'BYUNG STE, 'DOD PA NA SPYOD PA'I NYON MONGS PA CAN GNYIS DANG, GZUGS MED PA NA SPYOD PA'I MA BSGRIBS LA LUNG DU MA BSTAN PA MA GTOGS SO; ,BSGRIBS PA BRGYAD LAS, GZUGS NA SPYOD PA'I SEMS BSGRIBS LA LUNG DU MA BSTAN PA NI BRGYAD LAS 'BYUNG STE, 'DOD PA NA SPYOD PA'I NYON MONGS PA CAN GNYIS DANG, SLOB PA DANG, MI SLOB PA GNYIS MA GTOGS SO, ,DE LAS DRUG GZUGS NA SPYOD PA'I BSGRIBS LA LUNG DU MA BSTAN PA'I MJUG THOGS SU NI DRUG STE, RANG GI SA PA GSUM DANG, 'DOD PA NA SPYOD PA'I MA BSGRIBS LA LUNG DU MA BSTAN PA MA GTOGS PA RNAMS SO, ,MA BSGRIBS PA NI GSUM LAS SO, ,GZUGS NA SPYOD PA'I MA BSGRIBS LA LUNG DU MA BSTAN PA NI GSUM KHO NA LAS 'BYUNG STE, RANG GI SA PA DAG KHO NA LAS SO, ,DE LAS DRUG STE, RANG GI SA PA GSUM DANG, 'DOD PA NA SPYOD PA'I NYON MONGS PA CAN DAG DANG, GZUGS MED PA NA SPYOD PA'I NYON MONGS PA CAN NO, ,GZUGS KYI KHAMS KYI MA BSGRIBS LA LUNG DU MA BSTAN PA JI SKAD DU BSHAD PA @104B LTAR; GZUGS MED PA'ANG DE'I TSUL LO, ,DE NA YOD PA'I MA BSGRIBS LA LUNG DU MA BSTAN PA YANG RANG GI SA PA GSUM KHO NA LAS 'BYUNG LA, DE LAS KYANG RANG GI SA PA GSUM DANG, SA 'OG MA PA'I NYON MONGS PA CAN RNAMS DANG DRUG 'BYUNG NGO, ,DGE BA LAS SEMS DGU DAG GO, , GZUGS MED PA NA SPYOD PA'I DGE PA'I SEMS LAS NI SEMS DGU 'BYUNG STE, 'DOD PA NA SPYOD PA'I DGE BA DANG, 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA DAG MA GTOGS SO ,DE DRUG GI ,GZUGS MED PA NA SPYOD PA'I DGE BA NI RANG GI SA PA GSUM DANG, GZUGS NA SPYOD PA'I DGE BA DANG, SLOB PA DANG, MI SLOB PA DAG LAS SO, ,BSGRIBS PA LAS BDUN, GZUGS MED PA NA SPYOD PA'I BSGRIBS PA LAS NI RANG GI SA PA GSUM DANG, GZUGS NA SPYOD PA'I DGE BA DANG, BSGRIBS PA DANG, 'DOD PA NA SPYOD PA'I NYON MONGS PA CAN GNYIS SO, ,DE DE BZHIN, DE YANG BDUN KHO NA LAS 'BYUNG STE, 'DOD PA DANG GZUGS NA SPYOD PA'I NYON MONGS PA CAN RNAMS DANG, SLOB PA DANG MI SLOB PA DAG MA GTOGS SO, ,SLOB PA BZHI LAS, KHAMS GSUM PA'I DGE BA DANG, SLOB PA LAS SO, ,DE LAS LNGA, BZHI PO DE DAG NYID DANG; MI SLOB PA'O, ,MI SLOB PA NI LNGA LAS SO, ,BSHAD MA THAG PA'I LNGA PO DE NYID LAS SO, ,DE LAS SEMS NI BZHI DAG GO, ,MI SLOB PA'I SEMS DE'I MJUG THOGS SU NI SEMS BZHI 'BYUNG STE, KHAMS GSUM PA'I DGE BA DANG, MI SLOB PA'O, ,SEMS BCU GNYIS RDZOGS SO,, ,, YANG BCU GNYIS DE DAG NYI SHUR YANG BSHAD DE, JI LTAR BYAS NAS SHE NA, GSUM DU SKYES NAS THOB PA DANG, ,SBYOR BYUNG DGE RNAMS GNYIS PHYE NAS, KHAMS GSUM PO DAG TU SKYES NAS THOB PA DANG SBYOR BA LAS BYUNG BA'I DGE BA'I SEMS RNAM PA GNYIS SU DBYE'O, ,RNAM SMIN SKYES DANG SPYOD LAM PA, ,BZO YI GNAS DANG SPRUL PA DANG, ,'DOD NA LUNG BSTAN MIN RNAM BZHIR, ,PHYE NAS ZHES BYA BAR SBYAR ? TE, 'DOD PA NA SPYOD PA'I MA BSGRIBS LA LUNG DU MA BSTAN PA LA NI RNAM PAR SMIN PA LAS SKYES PA DANG, SBYOD LAM PA DANG, BZO'I GNAS PA DANG, SPRUL PA'I @105A *, ,SEMS DANG RNAM PA BZHIR DBYE'O, ,GZUGS NA BZO MA GTOGS PA'O, ,GZUGS KYI KHAMS NI RNAM PA GSUM DBYE STE, DE NA BZO MED PA'I PHYIR BZO'I GNAS PA MA GTOGS SO, ,DE LTAR NA SEMS BCU GNYIS PO DE DAG NI YANG DGE BA DRUG DANG, MA BSGRIBS LA LUNG DU MA BSTAN PA BDUN DU PHYE NAS NYI SHUR 'GYUR RO, ,GZUGS MED PA'I KHAMS NA NI SPYOD LAM LA SOGS PA MED PA'I PHYIR SPYOD LAM PA LA SOGS PA'I SEMS MED DO, ,DE DAG GI DMIGS PA NI GZUGS DANG, DRI DANG RO DANG REG BYA RNAMS YIN NO, ,BZA' ? GNAS PA NI SGRA YANG YIN NO, ,YID KYI RNAM PAR SHES PA DAG KHO NA YIN NO, ,SPYOD LAM PA DANG, BZO'I GNAS PA DAG GI SBYOR BA PA NI RNAM PAR SHES PA'I TSOGS LNGA YIN NO, ,GZHAN DAG NA RE BZO'I GNAS PAS MNGON PAR BSGRUBS PA'I YID KYI RNAM PAR SHES PA SKYE MCHED BCU GNYIS LA DMIGS PA YANG YOD DO ZHES ZER RO, ,YANG SEMS NYI SHU PO 'DI DAG LAS GANG GI MJUG THOGS SU GANG ZHIG 'BYUNG ZHE NA, RE ZHIG 'DOD PA NA SPYOD PA'I BRGYAD LAS SBYOR BA LAS BYUNG BA'I MJUG THOGS SU NI SEMS BCU 'BYUNG STE, MNGON PAR SHES PA'I 'BRAS BU MA GTOGS PA RANG GIS PA BDUN DANG, GZUGS NA SPYOD PA'I SBYOR BA LAS BYUNG BA DANG, SLOB PA DANG, MI SLOB PA'O, ,DE NI BRGYAD KYI MJUG THOGS SU 'BYUNG STE, RANG GI DGE BA DANG, NYON MONGS PA CAN DAG DANG, GZUGS NA SPYOD PA'I SBYOR BA LAS BYUNG BA DANG, NYON MONGS PA CAN DAG DANG, SLOB PA DANG, MI SLOB PA DAG LAS SO, ,SKYES NAS THOB PA'I MJUG THOGS SU NI DGU STE, MNGON PAR SHES PA'I 'BRAS BU MA GTOGS PA RANG GI SA PA BDUN DANG, GZUGS DANG GZUGS MED PA NA SPYOD PA'I NYON MONGS PA CAN DAG GO, ,DE NI BCU GCIG GI MJUG THOGS SU 'BYUNG STE, SNGA MA BZHIN DU RANG GI BDUN DANG, GZUGS NA SPYOD PA'I SBYOR BA LAS BYUNG BA DANG, NYON MONGS PA CAN DAG DANG, SLOB PA DANG, MI SLOB PA DAG LAS SO, ,MI DGE BA DANG, BSGRIBS LA LUNG DU MA BSTAN PA'I MJUG THOGS SU NI BDUN TE, SNGA MA BZHIN DU RANG GI DAG KHO NA'O, , @105B DE DAG NI SEMS BCU BZHI'I MJUG THOGS SU 'BYUNG STE, RANG GI BDUN DANG, SBYOR BA LAS BYUNG BA DANG, MNGON PAR SHES PA'I 'BRAS BU DAG MA GTOGS PA GZUGS NA SPYOD PA BZHI DANG, SBYOR BA LAS BYUNG BA MA GTOGS PA GZUGS MED PA NA SPYOD PA GSUM LAS SO, ,SPYOD LAM PA DANG; RNAM PAR SMIN PA LAS SKYES PA'I MJUG THOGS SU NI BRGYAD DE, SBYOR BA LAS BYUNG BA DANG, MNGON PAR SHES PA'I 'BRAS BU DAG MA GTOGS PA RANG GI SA PA DRUG DANG, GZUGS DANG GZUGS MED PA NA SPYOD PA'I NYON MONGS PA CAN DAG GO, ,DE DAG NI SEMS BDUN GYI MJUG THOGS SU 'BYUNG STE, SNGA MA BZHIN DU RANG GI BDUN KHO NA LAS SO, ,BZO'I GNAS PA'I MJUG THOGS SU NI DRUG STE, SBYOR BA LAS BYUNG BA DANG, MNGON PAR SHES PA'I 'BRAS BU DAG MA GTOGS PA RANG GI RNAMS KHO NA'O, ,DE NI BDUN GYI MJUG THOGS SU 'BYUNG STE, MNGON PAR SHES PA'I 'BRAS BU MA GTOGS PA RANG GI DAG KHO NA LAS SO, ,MNGON PAR SHES PA'I 'BRAS BU'I MJUG THOGS SU NI GNYIS TE, MNGON PAR SHES PA'I 'BRAS BU DANG RANG GI DRUG DANG, GZUGS NA SPYOD PA'I SBYOR BA LAS BYUNG BA'O, ,DE YANG DE GNYIS KHO NA LAS SO, ,DA NI GZUGS NA SPYOD PA'I DRUG GI BRJOD PAR BYA STE, SBYOR BA LAS BYUNG BA'I MJUG THOGS SU NI BCU GNYIS TE, 'DOD PA NA SPYOD PA'I DGE BA DAG DANG, MNGON PAR SHES PA'I 'BRAS BU DANG, RANG GI DRUG DANG, GZUGS MED PA NA SPYOD PA'I SBYOR BA LAS BYUNG BA DANG, SLOB PA DANG, MI SLOB PA'O, ,DE NA SEMS BCU'I MJUG THOGS SU 'BYUNG STE, 'DOD PA NA SPYOD PA'I SBYOR BA LAS BYUNG BA DANG, MNGON PAR SHES PA'I 'BRAS BU DAG DANG, SPYOD LAM PA DANG, RNAM PAR SMIN PA LAS SKYES PA'I DAG MA GTOGS PA RANG GI BZHI DANG, GZUGS MED PA NA SPYOD PA SBYOR BA LAS BYUNG BA DANG, NYON MONGS BA CAN DAG DANG, SLOB PA DANG, MI SLOB PA DAG LAS SO, ,SKYES NAS THOB PA'I MJUG THOGS SU NI BRGYAD DE, 'DOD PA NA SPYOD PA'I NYON MONGS PA CAN DAG DANG, MNGON PAR SHES PA'I 'BRAS BU MA GTOGS PA RANG GI LNGA DANG, GZUGS MED PA NA SPYOD PA'I NYON MONGS PA CAN NO, , @106A *, ,DE NI LNGA LAS TE, MNGON PAR SHES PA'I 'BRAS BU MA GTOGS PA RANG GI DAG KHO NA LAS SO, ,NYON MONGS PA CAN GYI MJUG THOGS SU NI DGU STE, 'DOD PA NA SPYOD PA'I DGE BA DAG DANG, NYON MONGS PA CAN DAG STE BZHI DANG, MNGON PAR SHES PA'I 'BRAS BU MA GTOGS PA RANG GI LNGA'O, ,DE NI SEMS BCU GCIG GI MJUG THOGS SU 'BYUNG STE, 'DOD PA NA SPYOD PA'I SKYES NAS THOB PA DANG, SPYOD LAM PA DANG, RNAM PAR SMIN PA LAS SKYES BA ? DAG DANG, MNGON PAR SHES PA'I 'BRAS BU MA GTOGS PA RANG GI LNGA DANG, SBYOR BA LAS BYUNG BA MA GTOGS PA GZUGS MED PA NA SPYOD PA GSUM LAS SO, ,SPYOD LAM PA'I MJUG THOGS SU NI BDUN TE, 'DOD PA NA SPYOD PA'I NYON MONGS PA CAN DAG DANG, SBYOR BA LAS BYUNG BA DANG, MNGON PAR SHES PA'I 'BRAS BU MA GTOGS PA RANG GI BZHI DANG, GZUGS MED PA NA SPYOD PA'I NYON MONGS PA CAN NO, ,DE NI LNGA'I MJUG THOGS SU 'BYUNG STE, MNGON PAR SHES PA'I 'BRAS BU MA GTOGS PA RANG GI DAG KHO NA LAS SO, ,RNAM PAR SMIN PA LAS SKYES BA YANG DE DANG 'DRA BAR BRJOD PAR BYA'O, ,MNGON PAR SHES PA'I 'BRAS BU'I MJUG THOGS SU NI GNYIS TE, RANG GI SBYOR BA LAS BYUNG BA DANG, MNGON PAR SHES PA'I 'BRAS BU DAG KHO NA'O, ,DE YANG DE DAG KHO NA LAS SO, ,DA NI GZUGS MED PA NA SPYOD PA'I BZHI BRJOD PAR BYA STE, SBYOR BA LAS BYUNG BA'I MJUG THOGS SU NI BDUN TE, GZUGS NA SPYOD PA'I SBYOR BA LAS BYUNG BA DANG; RANG GI BZHI DANG, SLOB PA DANG, MI SLOB PA'O, ,DE NI SEMS DRUG GI MJUG THOGS SU 'BYUNG STE, GZUGS NA SPYOD PA'I SBYOR BA LAS BYUNG BA DANG, RNAM PAR SMIN PA LAS SKYES BA ? MA GTOGS PA RANG GI GSUM DANG, SLOB PA DANG MI SLOB PA DAG LAS SO, ,SKYES NAS THOB PA'I MJUG THOGS SU NI BDUN TE, RANG GI BZHI DANG, SA 'OG MA PA'I NYON MONGS PA CAN DAG GO , ,DE NI BZHI LAS TE, RANG GI DAG KHO NA LAS SO, ,NYON MONGS PA CAN GYI MJUG THOGS SU NI BRGYAD DE, RANG GI BZHI DANG, GZUGS NA SPYOD PA'I SBYOR BA LAS BYUNG BA DANG, @106B NYON MONGS PA CAN DAG DANG, 'DOD PA NA SPYOD PA'I NYON MONGS PA CAN DAG GO , ,DE NI BCU'I 'JUG THOGS SU 'BYUNG STE, RANG GI BZHI DANG, 'DOD PA DANG GZUGS NA SPYOD PA'I SKYE GNAS THOB PA DANG, SPYOD LAM PA DANG, RNAM PAR SMIN PA LAS SKYES BA ? DAG LAS SO, ,RNAM PAR SMIN PA LAS SKYES PA'I MJUG THOGS SU NI DRUG STE, SBYOR BA LAS BYUNG BA MA GTOGS PA RANG GI GSUM DANG, 'OG MA'I NYON MONGS PA CAN GSUM MO, ,DE NI BZHI LAS TE, RANG GI DAG KHO NA LAS SO, ,SLOB PA'I MJUG THOGS SU NI DRUG STE, KHAMS GSUM PA'I SBYOR BA LAS BYUNG BA RNAMS DANG, 'DOD PA NA SPYOD PA'I SKYE GNAS THOB PA DANG, SLOB PA DANG, MI SLOB PA'O, ,DE NI BZHI LAS TE, SBYOR BA LAS BYUNG BA GSUM DANG, SLOB PA LAS SO, ,MI SLOB PA'I MJUG THOGS SU NI LNGA STE, SLOB PA GCIG PU MA GTOGS PA SLOB PA'I MJUG THOGS JI LTA BA BZHIN DU, DE NI LNGA LAS TE, SBYOR BA LAS BYUNG BA GSUM DANG, SLOB PA DANG, MI SLOB PA DAG LAS SO, ,CI'I PHYIR SBYOR ? BA LAS BYUNG BA'I SEMS KYI MJUG THOGS SU NI RNAM PAR SMIN PA LAS SKYES BA ? DANG, SPYOD LAM PA DANG, BZO'I GNAS PA'I SEMS DAG 'BYUNG LA, SBYOR BA LAS BYUNG BA NI DE DAG LAS MA YIN ZHE NA, DE DAG NI SPYOD LAM DANG, BZO MNGON PAR 'DU BYA BA LA ZHUGS PA'I PHYIR DANG, STOBS CHUNG BA DANG, MNGON PAR 'DU BYA BA MED PAR 'JUG PA'I PHYIR SBYOR BA LAS BYUNG BA'I RJES SU MTHUN PA MA YIN NO, ,'BYUNG BA'I SEMS NI MNGON PAR 'DU BYA BA MED PAR 'JUG PAS DE NI SBYOR BA LAS BYUNG BA'I SEMS KYI MJUG THOGS SU 'BYUNG BAR RIGS SO, ,DE LTA NA 'O NA NI NYON MONGS PA CAN DAG LAS KYANG SBYOR BA LAS BYUNG BA 'BYUNG BAR MI 'GYUR TE, MI MTHUN PA'I PHYIR RO, ,'ON KYANG NYON MONGS PA KUN TU 'BYUNG BAS YONGS SU SKYO BA LA NI DE YONGS SU SHES PA LAS SBYOR BA LAS BYUNG BA MNGON DU 'GYUR BAR RIGS SO, ,'DOD PA NA SPYOD PA'I SKYE GNAS THOB PA LA NI GSAL BA'I PHYIR SLOB PA DANG, MI SLOB PA DANG, GZUGS NA SPYOD PA'I SBYOR BA LAS BYUNG BA'I MJUG THOGS SU 'BYUNG GI MNGON PAR 'DU BYA BA MED PAR 'BYUNG BA'I PHYIR DE @107A *, ,LAS NI DE DAG MI 'BYUNG NGO, ,GZUGS NA SPYOD PA'I NYON MONGS PA CAN GYI MJUG THOGS SU NI 'DOD PA NA SPYOD PA'I SKYE GNAS THOB PA 'BYUNG STE, GSAL BA'I PHYIR RO, ,GZUGS MED PA NA SPYOD PA'I NYON MONGS PA CAN GYI MJUG THOGS SU NI GZUGS NA SPYOD PA'I SKYE GNAS THOB PA MI 'BYUNG STE, MI GSAL BA'I PHYIR RO, ,YID LA BYED PA NI GSUM STE, RANG GI MTSAN NYID YID LA BYED PA NI DPER NA GZUGS NI GNOD PAR BYAR RUNG BA'I MTSAN NYID CAN NO SNYAM PA DE LTA BU LA SOGS PA'O, ,SPYI'I MTSAN NYID YID LA BYED PA NI RNAM PA BCU DRUG DANG LDAN PA'O; ,MOS PA YID LA BYED PA NI MI SDUG PA DANG, TSAD MED BA DANG, GZUGS CAN GYI RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA DAG LA'O, ,DE LA YID LA BYED PA RNAM PA GSUM GYI MJUG THOGS SU 'PHAGS PA'I LAM MNGON DU BYED LA, DE LAS KYANG YID LA BYED PA RNAM PA GSUM STE, DE LTA NA MI SDUG PA DANG, LHAN CIG PA'I DRAN PA YANG DAG BYANG CHUB KYI YAN LAG SGOM PAR BYED DO ZHES BYA BA 'DI RIGS PA YIN NO, ,GZHAN DAG NA RE SPYI YID LA BYED PA KHO NA'I MJUG THOGS SU 'PHAGS PA'I LAM MNGON DU BYED LA, DE LAS NI RNAM PA GSUM STE, MI SDUG PAS SEMS BTUL NAS SPYI YID LA BYED PA'I MJUG THOGS SU 'PHAGS PA'I LAM MNGON DU BYED PA DE'I PHYIR BRGYUD PA LAS DGONGS NAS MI SDUG PA DANG LHAN CIG PA'I DRAN PA YANG DAG BYANG CHUB KYI YAN LAG SGOM PAR BYED DO ZHES GSUNGS SO ZHES ZER RO, ,GZHAN DAG NA RE 'PHAGS PA'I LAM GYI MJUG THOGS SU YANG SPYI YID LA BYED PA KHO NA'O ZHES ZER RO, ,RE ZHIG MI LCOGS PA MED PA LA SOGS PAS GSUM LA BRTEN NAS NGES PA LA 'JUG NA NI LAM DE RNAMS KYI MJUG THOGS SU 'DOD PA NA SPYOD PA'I SKYI YID LA BYED PA MNGON DU BYED PA PAR 'GYUR NA, GAL TE BSAM GTAN GNYIS PA LA SOGS PA LA BRTEN NAS NGES PA LA 'JUG NA GO JI LTAR TE, SHIN TU BSKAL PA'I PHYIR 'DOD PA NA SPYOD PA NI MI NUS SO, ,NGES PAR 'BYED PA'I CHA DANG MTHUN PA MA @107B GTOGS PAR DE DAG GIS PA YANG MI THOB BO, ? ,'PHAGS PA NI YANG NGES PAR 'BYED PA'I CHA DANG MTHUN PA MNGON DU MDZAD PA YANG MA YIN TE, 'BRAS BU THOB ZIN PA DE'I SBYOR BA MNGON DU BYED PA NI RIGS PA MA YIN NO, ,DES NI DE DANG 'DRA BA'I SPYI ? YID LA BYED PA GZHAN YANG 'DI LTA STE; 'DU BYED THAMS CAD NI MI RTAG PA'O, ,CHOS THAMS CAD NI BDAG MED PA'O, ,MYA NGAN LAS 'DAS PA NI ZHI BA'O ? SNYAM PA 'THOB PAR 'GYUR TE, DE MNGON DU BYED PAR 'GYUR RO, ,DE SKAD DU NI MI BRJOD DO, ,MI LCOGS PA MED PA LA BRTEN NAS DGRA BCOM PA NYID 'THOB PA'I LDANG BA'I SEMS NI DE'I SA PA'AM 'DOD PA NA SPYOD PA YIN NO, ,CI YANG MED PA'I SKYE MCHED LA BRTEN NAS 'THOB PA NI DE'I SA PA'AM SRID PA'I RTZE MO PA YIN NO, ,SA LHAG MA RNAMS SU NI RANG GI SA PA KHO NA'O, ,'DOD PA'I KHAMS NA NI YID LA BYED PA GSUM STE, THOS PA DANG BSAMS PA LAS BYUNG BA DANG, SKYES NAS THOB PA RNAMS SO, ,GZUGS KYI KHAMS NA NI GSUM STE, THOB PA DANG BSGOMS PA LAS BYUNG BA DANG, SKYES NAS THOB PA RNAMS SO, ,BSAMS PA LAS BYUNG BA NI MED DO, ,GANG GI TSE DE DAG SEMS PAR RTZOM PA DE'I TSE DE DAG GI TING NGE 'DZIN KHO NA NYE BAR GNAS PA YIN NO, ,GZUGS MED PA'I KHAMS NA NI BSGOMS PA LAS BYUNG BA DANG, SKYES NAS THOB PA DAG GO , ,DE LA SKYES NAS THOB PA DAG MA GTOGS PA YID LA BYED PA RNAM PA LNGA'I MJUG THOGS SU 'PHAGS PA'I LAM MNGON DU 'GYUR TE, SBYOR BA LA RAG LUS PA'I PHYIR RO, ,LAM GYI MJUG THOGS SU NI 'DOD PA NA SPYOD PA'I SKYES NAS THOB PA YANG MNGON DU 'GYUR TE, GSAL BA'I PHYIR RO, ,GANG DAG SEMS BCU GNYIS BSHAD PA DE DAG LAS SEMS GANG LA DU ZHIG RNYED CE NA, KHAMS GSUM PA YI NYON MONGS CAN, ,DRUG DANG DRUG DANG GNYIS RNYED DO, ,'DOD PA NA SPYOD PA'I NYON MONGS PA CAN GYI SEMS MNGON DU GYUR NA, SEMS DRUG PO 'DI DAG DANG MI LDAN PA LAS RNYED DE, THE TSOM GYIS DGE BA'I RTZA BA'I NYID MTSAMS SBYOR BA DANG, KHAMS SU SLAR LDOG PA LAS 'DOD PA'I KHAMS KYI DGE BA DANG, KHAMS SU SLAR @108A *, ,LDOG PA DANG, YONGS SU NYAMS PA LAS MI DGE BA DANG, BSGRIBS LA LUNG DU MA BSTAN PA DAG DANG, GZUGS NA SPYOD PA'I NYON MONGS PA CAN DANG, YONGS SU NYAMS PA LAS GZUGS MED PA NA SPYOD PA'I NYON MONGS PA CAN DANG, SLOB PA'O, ,GZUGS NA SPYOD PA'I NYON MONGS PA CAN LA YANG DRUG RNYED DE, KHAMS SU SLAR LOG PA LAS GZUGS NA SPYOD PA GSUM DANG, 'DOD PA NA SPYOD PA'I MA BSGRIBS LA LUNG DU MA BSTAN PA DANG, YONGS SU NYAMS PA LAS GZUGS MED PA NA SPYOD PA'I NYON MONGS PA CAN DANG, SLOB PA'O, ,GZUGS MED PA NA SPYOD PA'I NYON MONGSU ? PA CAN LA NI GNYIS RNYED DE, YONGS SU NYAMS PA LAS NYON MONGS PA CAN DE NYID DANG, SLOB PA'O, ,GZUGS SKYES DGE LA GSUM DAG GO , ,GZUGS NA SPYOD PA'I DGE BA LA SEMS GSUM RNYED DE, DGE BA DE NYID DANG, 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA DAG GO , ,SLOB PA LA BZHI, ,SLOB PA DE NYID DANG, 'PHAGS PA'I LAM GYIS 'DOD PA DANG GZUGS KYI KHAMS LAS 'DOD CHAGS DANG BRAL BAR BYED PA NA 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA DAG DANG, GZUGS MED PA'I DGE BA'O, ,LHAG MA DE, LHAG MAR BYAS PAS LHAG MA STE, ,SEMS GANG LA RNYED PA MA BSHAD PA DE LA NI DE NYID RNYED PAR BLTA BAR BYA'O, ,GZHAN DAG LA NI KHYAD PAR MED PAR NYON MONGS CAN GYI SEMS LA NI, MKHAS PA RNAMS KYI DGU RNYED BRJOD, ,DGE BA'I SEMS LA DRUG YIN TE, ,LUNG MA BSTAN LA DE NYID DO, ,ZHES 'CHAD DE, DER MI DGE BA'I SEMS LA BDUN YIN TE, ZHES BRJOD PAR BYA STE, YANG DAG PA'I LTA BAS DGE BA'I RTZA BA'I NYID MTSAMS SBYOR BA LAS 'DOD PA NA SPYOD PA'I DGE BA DANG 'DOD CHAGS DANG BRAL BA LAS 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA DAG DANG, DE NI YOD PA'I TING NGE 'DZIN DE THOB PA LAS GZUGS DANG GZUGS MED PA NA SPYOD PA'I DGE BA DAG DANG, DES 'JUG DGRA BCOM NYID KYI TSE, ,SLOB PA DANG NI MI SLOB PA'O, ,LHAG MA NI RNAM PAR BSHAD PA 'DI NYID KYIS KHONG DU CHUD PAR BYA'O, ,BSDU BA'I TSIGS SU BCAD PA NI, SKYE @108B DANG SNYOMS PAR 'JUG PA DANG, ,'DOD CHAGS BRAL DANG YONGS NYAMS DANG, ,DGE BA'I NYID MTSAMS SBYOR BA'I TSE, ,SEMS DE LDAN PA MIN LAS RNYED, ,RKYEN GYI SKABS RDZOGS SO,, ,,DBANG PO BSTAN PA ZHES BYA BA MJOD KYI BSHAD PA LAS GNAS GNYIS PA RDZOGS SO,, ,, DA NI 'DOD PA DANG GZUGS DANG GZUGS MED PA'I KHAMS KYI NGES PA NYID KYI SEMS LA SOGS PA BSTAN PA BYAS PA DE LA, 'DOD PA DANG GZUGS DANG GZUGS MED PA'I KHAMS DE DAG GANG YIN PA BRJOD PAR BYA STE, DE'I PHYIR, DMYAL BA YI DAGS DUD 'GRO DANG, ,MI RNAMS DANG NI LHA DRUG DAG ,'DOD PA'I KHAMS YIN ZHES BYA BA 'DI SMOS TE, 'GRO BA BZHI DANG, LHA'I RIS DRUG PO 'DI LTA STE, RGYAL CHEN BZHI PO RNAMS DANG, SUM CU RTZA GSUM PA RNAMS DANG, 'THAB BRAL BA RNAMS DANG, DGA' LDAN PA RNAMS DANG, 'PHRUL DGA' BA RNAMS DANG, GZHAN 'PHRUL DBANG BYED PA RNAMS TE, DE LTAR NA DE DAG SNOD KYI 'JIG RTEN DANG BCAS PA NI 'DOD PA'I KHAMS YIN NO, ,DE LA GNAS DU ZHIG YOD CE NA, DMYAL BA DANG, GLING DBYE BA LAS DE NYI SHU ZHES BYA BA SMOS TE, GNAS RNAMS ZHES BYA BA'I TSIG GI LHAG MA DANG SBYAR RO, ,DMYAL BA CHEN PO BRGYAD YOD DE, YANG SOS DANG, THIG NAG DANG, BSDUS 'JOMS DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA DANG, MNAR MED PA DANG, GLING BZHI STE, 'DZAM BU'I GLING DANG, SHAR GYI LUS 'PHAGS GLING DANG, NUB KYI BA LANG SPYOD DANG, BYANG GI SGRA MI SNYAN DANG, BSHAD MA THAG PA'I LHA'I RIS DRUG DANG, YI DVAGS RNAMS DANG, DUD 'GRO STE, DE LTAR NA GZHAN 'PHRUL DBANG BYED PA DAG NAS MNAR MED PA'I BAR GYI GNAS NYI SHU PO DE DAG NI 'DOD PA'I KHAMS YIN NO, ,SNOD DANG BCAS PAR BZUNG NA NI RLUNG GI DKYIL 'KHOR GYI BAR YIN NO, ,'DOD PA'I KHAMS 'DI'I, GONG MA'I GNAS DAG BCU BDUN NI, ,GZUGS KHAMS YIN, JI LTA ZHE NA, DER SO SO'I, BSAM GTAN SA NI GSUM PA YIN, ,ZHES BYA BA SMOS TE, BSAM GTAN DANG PO DANG, GNYIS PA DANG, GSUM PA DAG NA RE RE ZHING SA GSUM PA @109A *, ,DAG YIN NO, ,BZHI BAS NI BRGYAD PA YIN, ,DE LA BSAM GTAN DANG PO NI TSANGS RIS RNAMS DANG, TSANGS PA'I MDUN NA 'DON RNAMS DANG, TSANGS CHEN RNAMS SO, ,GNYIS PA NI 'OD CHUNG RNAMS DANG, TSAD MED 'OD RNAMS DANG, 'OD GSAL RNAMS SO, ,GSUM PA NI DGE CHUNG RNAMS DANG, TSAD MED DGE RNAMS DANG, DGE RGYAS RNAMS SO, ,BZHI BA NI SPRIN MED RNAMS DANG, BSOD NAMS SKYES RNAMS DANG, 'BRAS BU CHE BA RNAMS DANG, MI CHE BA RNAMS DANG, MI GDUNG BA RNAMS DANG, GYA NOM SNANG BA RNAMS DANG, SHIN TU MTHONG BA RNAMS DANG 'OG MIN RNAMS TE, DE LTAR NA GNAS BCU BDUN PO 'DI DAG DEN GNAS PA'I SEMS CAN RNAMS DANG BCAS PA NI GZUGS KYI KHAMS YIN NO, ,KHA CHE BA RNAMS NA RE BCU DRUG YIN NO ZHES ZER RO, ,TSANGS PA'I MDUN NA 'DON KHO NA DAG NA TSANGS PA CHEN PO'I GNAS CHES MCHOG TU GYUR PA GTZO BO GCIG PA CAN CIG SPAGS PA BZHIN DU MNGON PAR GRUB KYIS ? GZHAN NI MED DO ZHES GRAG GO , ,GZUGS MED KHAMS NA GNAS MED DO, ,CHOS GZUGS CAN MA YIN PA RNAMS LA NI GNAS MED DE, 'DAS PA DANG, MA 'ONGS PA DANG, RNAM PAR RIG BYED MA YIN PA DANG; CHOS GZUGS CAN MA YIN PA RNAMS NI YUL NA MI GNAS ZHES BYA BAR NGES PA YIN NO, ,DE YANG, SKYE BA LAS NI RNAM PA BZHI, ,GZUGS MED PA'I KHAMS SKYE BA'I BYE BRAG GIS NI RNAM PA BZHI STE, 'DI LTA STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED DO, ,DE DAG LA YUL GYIS BYAS PA'I BLA 'OG NI MED DO, ,TING NGE 'DZIN THOB PA RNAMS YUL GANG DU 'CHI 'PHO BA DE NYID DU SKYE LA, YANG DE NAS 'CHI 'PHO BA RNAMS KYI SRID PA BAR MA YANG DE NYID DU 'GRUB BO, ,JI LTAR SEMS CAN GZUGS CAN RNAMS KYI SEMS KYI RGYUD GZUGS LA BRTEN NAS 'JUG PA DE LTAR GZUGS MED PA DAG NA CI LA BRTEN NAS 'JUG CE NA, DER NI RIS DANG SROG LA YANG, ,SEMS KYI RGYUD NI BRTEN PA YIN, ,CHOS MNGON @109B PA PA RNAMS NA RE RIS MTHUN PA DANG, SROG GI DBANG PO LA BRTEN NAS SO ZHES ZER RO, ,'O NA CI'I PHYIR SEMS CAN GZUGS CAN RNAMS KYI SEMS KYI RGYUN YANG DE GNYIS KHO NA LA BRTEN NAS 'JUG PAR MI 'GYUR, STOBS CHUNG BA'I PHYIR RO, ,DE NA CI'I PHYIR STOBS DANG LDAN PA NYID YIN; SNYOMS PAR 'JUG PA'I KHYAD PAR LAS SKYES PA'I PHYIR TE, SNYOMS PAR 'JUG PA DE NI GZUGS DANG BRAL BA'I 'DU SHES CAN YIN NO, ,'O NA NI STOBS DANG LDAN PA'I PHYIR DE KHO NAS 'JUG PAR 'GYUR GYI RTEN GYIS CI ZHIG BYA, JI LTAR SEMS CAN GZUGS CAN RNAMS KYI RIS MTHUN PA DANG, SROG GI DBANG PO GZUGS LA BRTEN NAS 'JUG PA DE LTAR SEMS CAN GZUGS CAN MA YIN PA RNAMS KYI CI LA BRTEN NAS 'JUG PA 'DI YANG BRJOD PAR BYA'O, ,DE GNYIS PHAN TSUN DU'O, ? ,'O NA NI GZUGS CAN RNAMS KYI YANG DE GNYIS KHO NA PHAN TSUN DU CI'I PHYIR MI BRTEN, DE GNYIS STOBS CHUNG BA'I PHYIR RO, ,DE NI CI'I PHYIR STOBS DANG LDAN PA NYID YIN, SNYOMS PAR 'JUG PA'I KHYAD PAR LAS SKYES PA'I PHYIR RO, ,MDO SDE PA RNAMS NA RE DE NI SEMS KYI RGYUD DAM, SEMS KYANG SEMS LAS BYUNG BDAG LA YANG MTSUNGS TE DE LTA BAS NA SEMS CAN GZUGS CAN MA YIN PA RNAMS KYI SEMS KYI RTEN GZHAN NI MED DO ZHES ZER RO, ,GZHAN YANG SEMS KYI RGYUN GANG GI 'PHEN PA'I RGYU GZUGS LA SRED PA DANG MA BRAL BA DE NI GZUGS DANG LHAN CIG 'BYUNG BA'I PHYIR, GZUGS LA BRTEN NAS 'JUG GO , ,GANG GI RGYU GZUGS LA SRED PA DANG BRAL BA DE NI GZUGS LA MI LTOS PAR 'JUG STE, RGYU DE LA RGYAB KYIS PHYOGS PA'I PHYIR RO, ,YANG CI'I PHYIR 'DI DAG 'DOD PA DANG GZUGS DANG GZUGS MED PA'I KHAMS RNAMS ZHES BYA ZHE NA, RANG GI MTSAN NYID 'DZIN PA'I PHYIR NA KHAMS SO, ,'DOD PA DANG LDAN PA'I KHAMS NI 'DOD PA'I KHAMS SO, ,GZUGS DANG LDAN PA'I KHAMS NI GZUGS KYI KHAMS SO, ,BAR GYI TSIG MI MNGON PAR BYAS PA'I PHYIR TE, RDO RJE'I SOR GDUB LTA BU DANG, NA LE SHAM GYI BTUNG BA ZHES BYA BA BZHIN NO, ,'DI NA GZUGS MED PAS GZUGS MED PA'O, ,GZUGS @110A *, ,MED PA'I NGO BO NI GZUGS MED PA NYID DO, ,YANG NA GZUGS SU RUNG BA NI GZUGS SO, ,GZUGS MED PAS NA GZUGS MED PA'O, ,DE'I NGO BO NI GZUGS MED PA NYID DO, ,DE DANG LDAN PA'I KHAMS NI GZUGS MED PA'I KHAMS SO, ,YANG NA 'DOD PA RNAMS KYI KHAMS NI 'DOD PA'I KHAMS TE, GANG ZHIG 'DOD PA RNAMS 'DZIN PA'O, ,GZUGS DANG GZUGS MED PA'I KHAMS DAG KYANG DE DANG 'DRA BAR RIG PAR BYA'O, ,'DOD PA ZHES BYA BA 'DI CI YIN ZHE NA, MDOR BSDU NA KHAM GYI ZAS DANG, 'KHRIG PA DANG LDAN PA'I 'DOD CHAGS YIN TE; 'JIG RTEN SNA TSOGS GANG YANG 'DOD PA MIN, ,SKYES BU'I KUN RTOG 'DOD CHAGS 'DOD PA YIN, ,'JIG RTEN DAG NA SNA TSOGS DE BZHIN GNAS, ,'ON KYANG RTEN RNAMS 'DI LA 'DUN PA 'DUL, ,ZHES TSIGS SU BCAD DE GSUNGS PA'I PHYIR RO, ,KUN TU RGYU 'TSO BYED KYIS 'PHAGS PA SH'A RI'I BU LA, 'JIG RTEN SNA TSOGS GANG DE 'DOD MIN GYI, ,KUN RTOG 'DOD CHAGS 'DIR 'DOD YIN SMRA NA, ,DE NI MI DGE'I RTOG PA KUN RTOG TSE, ,DGE SLONG YANG NI 'DOD SPYOD CAN DU 'GYUR, ,ZHES SMRAS PA DANG, 'PHAGS PA SH'A RI'I BUS, GAL TE 'JIG RTEN SNA TSOGS GANG DE 'DOD, ,CI STE KHYOD KYI KUN RTOG 'DOD CHAGS NI, ,'DOD PA MIN NA GZUGS RNAMS MTHONG NAS NI, ,KHYOD KYI STON PA 'ANG 'DOD SPYOD CAN DU 'ONG, ,ZHES SMRAS SO, ,YANG CI CHOS GANG DAG 'DOD PA DANG GZUGS DANG GZUGS MED PA DAG NA SPYOD PA DE DAG THAMS CAD 'DOD PA DANG GZUGS DANG GZUGS MED PA DANG LDAN PA DAG CIG YIN NAM ZHE NA, SMRAS PA MA YIN NO, ,'O NA CI ZHE NA, GANG DAG LA 'DOD PA DANG GZUGS DANG GZUGS MED PA'I 'DOD CHAGS DAG RGYAS PAR 'GYUR BA'O, ,'DOD PA DANG GZUGS DANG GZUGS MED PA'I 'DOD CHAGS DE DAG KYANG GANG YIN ZHE NA; GANG DAG 'DOD PA DANG GZUGS DANG GZUGS MED PA'I KHAMS DAG TU RGYAS PAR 'GYUR BA'O, ,DA NI 'DI RTA DANG BRES LTA BU DE YIN TE, RTA'I BRES 'DI SU'I YIN ZHES SMRAS NA, RTA 'DI SU'I YIN PA'O ZHES ZER RO, ,RTA 'DI SU'I YIN ZHES SMRAS NA, RTA'I BRES 'DI SU'I YIN @110B PA'O ZHES ZER BAS GNYI GA YANG MI SHES PA LTA BU YIN NO, ,'DI NI RTA DANG BRES LTA BU MA YIN TE, 'DOD PA'I KHAMS SU GNAS BRTEN PA DE DAG LA 'DOD CHAGS DANG MA BRAL BA'I 'DOD CHAGS GANG YIN PA DE NI 'DOD CHAGS YIN LA DE GANG DU RGYAS PAR 'GYUR BA'I CHOS DE YANG 'DOD PA DANG LDAN PA YIN NO, ,DE BZHIN DU GZUGS DANG GZUGS MED PA'I 'DOD CHAGS DANG, 'OG MA'I 'DOD CHAGS DANG BRAL BA'I DAG KYANG CI RIGS PAR RIG PAR BYA'O, ,YANG NA MNYAM PAR GZHAG PA'I SA PA'I 'DOD CHAGS NI 'DOD PA'I 'DOD CHAGS SO, ,BSAM GTAN DANG GZUGS MED PA DAG LA 'DOD CHAGS PA NI GZUGS DANG GZUGS MED PA'I 'DOD CHAGS SO, ,SPRUL PA'I SEMS LA JI LTAR 'DOD PA'I 'DOD CHAGS PA YIN ZHE NA, THOS PA DANG YONGS SU NYAMS NAS DE LA CHAGS PA'I PHYIR RO, ,YANG NA SPRUL PA'I DBANG GIS SPRUL PA BYED PA'I SEMS LA YANG 'DOD CHAGS SO; ,YANG NA DRI DANG RO SPRUL PA'I PHYIR NA DE 'DOD PA NA SPYOD PA NYID YIN TE, GZUGS NA SPYOD PAS NI DE GNYIS MI SPRUL PA'I PHYIR RO, ,YANG CI KHAMS GSUM GCIG KHO NA ZHIG YIN NAM ZHE NA, KHAMS GSUM RNAMS LA MTHA' MED DE, ,NAM MKHA' JI TZAM PA 'JIG RTEN GYI KHAMS DAG KYANG DE TZAM MO, ,DE NYID KYI PHYIR SNGON MED PA'I SEMS CAN 'BYUNG BA YANG MED LA, SANGS RGYAS 'BYUNG BA RE RES SEMS CAN GRANGS MED PA YONGS SU MYA NGAN LAS 'DAS KYANG SEMS CAN RNAMS YONGS SU GTUGS PA MED DE NAM MKHA' BZHIN NO, ,'JIG RTEN GYI KHAMS RNAMS JI LTAR GNAS SHE NA, THAD KAR GNAS TE, MDO LAS DPER NA CHAR GYI RGYUN GNYA' SHING TZAM 'BAB PA NA BAR SNANG LAS CHU'I RGYUN 'BAB PA RNAMS KYI MTSAMS SAM BAR MED DO, ,DE BZHIN DU SHAR PHYOGS SU 'JIG RTEN GYI KHAMS 'CHAGS PA DANG 'JIG PA RNAMS KYI MTSAMS SAM BAR MED DO, ,SHAR PHYOGS SU JI LTA BAR LHO DANG NUB DANG BYANG GI BAR DU YANG DE DANG 'DRA'O ZHES GSUNGS KYI STENG DANG 'OG CES NI MA GSUNGS SO, ,GZHAN DAG NA RE SDE PA GZHAN DAG LAS BYUNG BA'I PHYIR STENG DANG 'OG DAG NA YANG YOD DE, 'OG MIN GYI GONG NA YANG 'DOD @111A *, ,PA'I KHAMS YOD LA, 'DOD PA'I KHAMS KYI 'OG NA YANG 'OG MIN YOD DO ZHES ZER RO, ,GANG 'DOD PA'I KHAMS GCIG LAS 'DOD CHAGS DANG BRAL BA DE NI THAMS CAD LAS 'DOD CHAGS DANG BRAL BA YIN NO, ,GZUGS DANG GZUGS MED PA DAG LAS KYANG DE DANG 'DRA'O, ,GANG ZHIG BSAM GTAN DANG PO LA BRTEN PA'I RDZU 'PHRUL SKYED PAR BYED PA DE NI DES 'JIG RTEN GYI KHAMS GANG DU SKYES PA NAS SKYED PAR BYED PA DE KHO NA NA YOD PA'I TSANGS PA'I 'JIG RTEN GYI BAR DU 'GRO'I GZHAN DU NI MA YIN NO, ,KHAMS GSUM PO DAG BSHAD PA GANG YIN PA, ,DER NI DMYAL SOGS 'GRO BA LNGA, ,RANG GI MING GIS BSTAN, DE DAG TU DMYAL BA DANG, DUD 'GRO DANG, YI DVAGS ? DANG, LHA DANG MI ZHES BYA BA 'GRO BA LNGA PO RANG GI MING DAG KHO NAS BSTAN TE, 'DOD PA'I KHAMS NA NI 'GRO BA BZHI DANG LNGA PA'I PHYOGS SO, ,GZUGS DANG GZUGS MED PA'I KHAMS DAG NA NI LHA'I 'GRO BA GCIG KHO NA'I PHYOGS SO, ,GANG GIS NA, DE DAG KHAMS DAG TU ZHES BYA BA CI 'GRO BA LAS MA GTOGS PA'I KHAMS DAG CIG YOD DAM ZHE NA, YOD DE KHAMS RNAMS NI DGE BA DANG, NYON MONGS PA CAN DANG, SNOD DANG SRID PA BAR MA PA'I RANG BZHIN DAG KYANG YIN GYI 'GRO BA LNGA PO GANG DAG YIN PA, DE DAG NYON MONGS CAN MIN LUNG BSTAN MIN, ,SEMS CAN ZHES BYA BAR SRID MIN, ,'GRO BA RNAMS NI MA BSGRIBS LA LUNG DU MA BSTAN PA KHO NA'O, ,DE LTA MA YIN NA 'GRO BA LNGA 'CHOL BAR 'GYUR RO, ,SEMS CAN ZHES BYA BA KHO NA YIN YANG SRID PA BAR MA'I RANG BZHIN DAG NI MA YIN NO, ,BTAGS PA LAS KYANG, SKYE GNAS BZHIS NI 'GRO BA LNGA BSDUS KYI 'GRO BA LNGAS NI SKYE GNAS BZHI MA BSDUS TE, GANG ZHIG MA BSDUS SHE NA, SRID PA BAR MA'O ZHES GSUNGS SO, ,CHOS KYI PHUNG PO LAS KYANG MIG GI KHAMS GANG ZHE NA, 'BYUNG BA CHEN PO BZHI DAG RGYUR BYAS PA'I GZUGS DANG BA GANG YIN PA DMYAL BA 'AM DUD 'GRO'I SKYE GNAS PA DANG YI DVAGS PA'I YUL PA'AM, LHA 'AM MI 'AM, BSGOMS PA LAS BYUNG BA'AM, SRID PA BAR MA PA'I MIG DANG, MIG GI DBANG PO DANG, MIG GI SKYE MCHED @111B DANG; MIG GI KHAMS SO ZHES GSUNGS SO, ,MDO LAS KYANG SRID PA BAR MA 'GRO BA RNAMS LAS LOGS SHIG TU MDZAD DO, ,MDO GANG LAS SHE NA SRID PA NI BDUN TE, DMYAL BA'I SRID PA DANG, DUD 'GRO'I SRID PA DANG, YI DVAGS KYI SRID PA DANG, LHA'I SRID PA DANG, MI'I SRID PA DANG; LAS KYI SRID PA DANG, SRID PA BAR MA'O ZHES GSUNGS PA LAS TE, 'DIR NI 'GRO BA LNGA PO RGYU DANG BCAS PA DANG 'GRO BA DANG BCAS PAR BSHAD DO, ,DE NYID KYI PHYIR MA BSGRIBS LA LUNG DU MA BSTAN PAR 'GRUB STE, DE'I RGYU LAS DE DAG LAS LOGS SHIG SH'A RI'I BUS TSE DANG LDAN PA DMYAL BA PA'I ZAG PA RNAMS MNGON DU GYUR PA LAS DMYAL BA MYONG BAR 'GYUR PA'I LAS RNAMS BYED CING SOGS PAR 'GYUR RO, ,TSE DANG LDAN PA LUS DANG NGAG DANG YID KYI DKYIL 'KHOR DANG, LUS DANG NGAG DANG YID SKYON DANG, SNYIGS MA DE DAG GI RNAM PAR SMIN PA GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA NI DMYAL BA DAG TU RNAM PAR SMIN PAR 'GYUR TE, RNAM PAR SMIN PAR GRUB NAS DMYAL BZHES BYA BA'I GRANGS SU 'GRO'O, ,TSE DANG LDAN PA DE LA CHOS DE DAG MA GTOGS PA DMYAL BA MI DMIGS SO ZHES GSUNGS SO ZHES MDO 'DON TE, DE'I PHYIR YANG 'GRO BA DAG NI MA BSGRIBS LA LUNG DU MA BSTAN PA KHO NA YIN NO, ,'O NA NI RAB TU BYED PA'I GZHUNG 'GRO BA DAG LA PHRA RGYAS THAMS CAD RGYAS PAR 'GYUR RO ZHES 'BYUNG BA'I LAN GDAB PAR BYA DGOS SO ZHE NA; 'GRO BA RNAMS SU NYID MTSAMS SBYOR BA'I SEMS RNAM PA LNGA YOD DE, DE'I PHYIR 'JUG PA DANG BCAS PA'I 'GRO BA SMOS PAS DE NI NYES PA MED DE, GRONG SMOS NA GRONG GI NYE 'KHOR YANG SMOS PA BZHIN NO, ,GZHAN DAG NA RE DGE BA DANG NYON MONGS PA CAN DAG KYANG YOD DO, ,LAS DE DAG LAS LOGS SHIG TU MDZAD PA'I PHYIR RO ZHES GANG BSHAD PA NI THA DAD DU GSUNGS PA'I PHYIR LOGS SHIG TU MDZAD PA YIN PAR NGES PA MED DE, DPER NA SNYIGS MA LNGA PO DAG TU NYON MONGS PA DANG LTA BA'I SNYIGS MA DAG THA DAD DU GSUNGS KYANG LTA BA RNAMS NYON MONGS PA DAG MA YIN PA YANG @112A *, ,MA YIN PA DE BZHIN DU LAS KYI SRID PA YANG YIN 'GRO BA YANG YIN 'GRO BA'I RGYU SHES PAR BYA BA'I PHYIR 'DI THA DAD DU BSTAN PA YANG YIN NO ZHES ZER RO, ,'DI NI SRID PA BAR MA YANG THAL BAR 'GYUR RO ZHE NA, MI RUNG BA'I PHYIR MA YIN TE, DER 'GRO BAS NA 'GRO BA YIN NA SRID PA BAR MA NI 'GRO BAR BYA BA MA YIN TE, 'CHI 'PHO BA'I YUL NYID DU SKYE BA'I PHYIR RO, ,GZUGS MED PA RNAMS KYANG 'GRO BA MA YIN PAR 'GYUR TE 'CHI 'PHO BA'I YUL NYID DU SKYE BA'I PHYIR RO, ,DE LTA NA 'O NA NI SRID PA BAR MA YIN PA KHO NA'I PHYIR SRID PA BAR MA 'GRO BA MA YIN TE, 'GRO BA'I BAR MA DO YIN PA'I PHYIR RO, ,GAL TE 'GRO BA YIN PAR GYUR NA NI SRID PA BAR MA ZHES BYA BA NYID DU YANG MI 'GYUR RO, ,'O NA GNAS BRTAN SH'A RI'I BUS RNAM PAR SMIN PA GRUB NAS DMYAL BA ZHES BYA BA'I GRANGS SU 'GRO'O ZHES GANG BSHAD PA JI LTAR DRANG, RNAM PAR SMIN PA GRUB NAS ZHES BSHAD KYI RNAM PAR SMIN PA KHO NA'O ZHES NI MA BSHAD PA JI LTAR, 'O NA TSE DANG LDAN PA DE LA CHOS DE DAG MA GTOGS PA DMYAL BA MI DMIGS SO ZHES GANG BSHAD PA JI LTAR DRANG, PHUNG PO DAG LAS GZHAN PA DMYAL BA MI DMIGS SO ZHES 'GRO BAR 'GRO BA'I GANG ZAG GI RDZAS 'GOG PAR BYED PA YIN GYI PHUNG PO GZHAN 'GOG PA NI MA YIN NO, ,BYE BRAG TU SMRA BA RNAMS NA RE 'GRO BA RNAMS NI MA BSGRIBS LA LUNG DU MA BSTAN PA DAG KHO NA YIN NO ZHES ZER RO, ,DE DAG KYANG KHA CIG NA RE RNAM PAR SMIN PA'I RANG BZHIN DAG KHO NA YIN NO ZHES ZER RO, ,GZHAN DAG NA RE RGYAS PA LAS BYUNG BA'I RANG BZHIN DAG KYANG YIN NO ZHES ZER RO, ,'GRO BA LNGA PA'I KHAMS GSUM PA 'DI NYID DU, LUS DANG 'DU SHES THA DAD DANG, LUS THA DAD CING 'DU SHES GCIG ,BZLOG DANG LUS DANG 'DU SHES GCIG ,GZUGS CAN MA YIN GSUM PO DAG ,RNAM SHES GNAS PA BDUN RIM BZHIN DU RIG PAR BYA'O, ,MDO LAS SEMS CAN GZUGS CAN LUS THA DAD CING 'DU SHES THA DAD PA DAG KYANG YOD DE, 'DI LA STE MI RNAMS DANG LHA KHA CIG GO, ,'DI NI RNAM PAR SHES PA GNAS DANG PO'O ZHES GSUNGS TE, LHA KHA CIG GANG ZHE NA, 'DOD PA NA SPYOD PA @112B RNAMS DANG, BSAM GTAN DANG PO PA DANG POR BYUNG BA MA GTOGS PA RNAMS SO, ,DE DAG GI LUS THA DAD PA'I PHYIR RAM, DE DAG GI LUS THA DAD PA YIN PAS NA LUS THA DAD PA DAG STE, KHA DOG DANG RTAGS DANG DBYIBS DU MA'I PHYIR RO, ,'DU SHES DU MA'I PHYIR RO, ,'DU SHES DU MA'I PHYIR 'DU SHES THA DAD PA'O, ,DE 'DI DAG LA YOD PAS 'DU SHES THA DAD PA RNAMS TE, BDE BA DANG, SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'I PHYIR RO, ,SEMS CAN GZUGS CAN LUS THA DAD CING 'DU SHES GCIG PA DAG KYANG YOD DE, 'DI LTA STE TSANGS RIS KYI LHA GANG DAG DANG POR BYUNG BA DE DAG GO; ,'DI NI RNAM PAR SHES PA GNAS PA GNYIS PA'O ZHES GSUNGS TE, DANG POR BYUNG BA DE DAG THAMS CAD NI 'DI SNYAM DU BDAG CAG NI TSANGS PA 'DIS PHYUNG NGO SNYAM DU 'DU SHES PAR 'GYUR LA, TSANGS PA YANG 'DI SNYAM DU 'DI DAG NI BDAG GIS PHYUNG NGO SNYAM DU SEMS PAS 'DU SHES KYI RGYU BA THA MI DAD PA'I PHYIR 'DU SHES GCIG PA DAG YIN NO, ,TSANGS PA CHEN PO'I CHU ZHENG DANG DBYIBS KYI LUS DANG, TSIG TU BRJOD PA DANG, TSIG TU BRJOD PA DANG, GOS GYON PA YANG GZHAN YIN LA, DE'I 'KHOR GYI YANG GZHAN YIN PAS NA LUS THA DAD PA DAG YIN NO, ,MDO LAS DE DAG 'DI SNYAM DU BDAG CAG GIS SEMS CAN 'DI TSE RING ZHING DUS RING POR GNAS PAR MTHONG LA ZHES BYA BA NAS SEMS CAN 'DI YANG SEMS LA 'DI SNYAM DU KYE MA SEMS CAN GZHAN DAG KYANG 'DIR BDAG DANG SKRAL BA MNYAM PAR SKYE BAR GYUR CIG SNYAM DU SMOS LA, BDAG CAG KYANG 'DIR SKYES PAS ZHES BYA BAR SHES SO ZHES GANG GSUNGS PA, DE DAG GIS DE JI LTAR MTHONG ZHE NA, KHA CIG NA RE 'OD GSAL LA GNAS PA RNAMS KYIS TE, DE DAG NI DE NAS SHI 'PHOS PA YIN NO ZHES ZER RO, ,DE NI BSAM GTAN GNYIS PA'I SNYOMS PAR 'JUG PA MA THOB NA NI JI LTAR NA DE'I SA PA'I SDON [*LINE BREAK?] KYI GNAS RJES SU DRAN 'ON TE THOB NA NI JI LTAR NA TSANGS PA CHEN PO LA DMIGS PA'I TSUL KHRIMS DANG BRTUL ZHUGS MCHOG TU 'DZIN PA'I LTA BA LA ZHEN PA DAG YIN, GZHAN DAG NA RE SRID PA BAR MA LA GNAS PA DAG GIS MTHONG NGO ZHES ZER RO, ,DE NA YANG BGEGS BYED PA MED PA'I PHYIR DUS RING POR GNAS @113A *, ,PA MI SRID NA JI LTAR NA DE DAG 'DI SNYAM DU BDAG CAG GIS SEMS CAN 'DI TSE RING ZHING DUS RING POR GNAS PA MTHONG NGO SNYAM DU SHES PAR 'GYUR, DE LTA BAS NA DE NA GNAS PA DE DAG KHO NAS DE'I SNGON GYI TSUL RJES SU DRAN ZHING DE LTAR DUS RING POR GNAS PA MTHONG NGO, ,MTHONG NAS KYANG PHYIS DE DAG MTHONG NGO SNYAM DU SHES PA YIN NO, ,SEMS CAN GZUGS CAN LUS GCIG CING 'DU SHES THA DAD PA DAG KYANG YOD DE, 'DI LTA STE 'OD GSAL GYI LHA RNAMS SO, ,'DI NI RNAM PAR SHES PA GNAS PA GSUM PA'O ZHES GSUNGS TE, 'DIR NI MTHA' SMOS PAS BSAM GTAN GNYIS PA MTHA' DAG SMOS PAR RIG PAR BYA'O, ,DE LTA MA YIN NA 'OD CHUNG RNAMS DANG, TSAD MED 'OD RNAMS RNAM PAR SHES PA GNAS PA GANG DU RNAM PAR GZHAG PAR 'GYUR LA, DE LA KHA DOG DANG, RTAGS DANG, DBYIBS THA MI DAD PA'I PHYIR LUS GCIG PA DAG GO, ,BDE BAR 'DU SHES PA'I PHYIR DANG, BDE BA YANG MA YIN SDUG BSNGAL YANG MA YIN PAR 'DU SHES PA'I PHYIR 'DU SHES THA DAD PA DAG STE, DE DAG NI DNGOS GZHI'I SA LA YID BDE BA'I DBANG POS YONGS SU SKYO NAS NYER BSDOGS LAS BTANG SNYOMS KYI DBANG PO MNGON DU BYED LA, NYER BSDOGS KYI BTANG SNYOMS KYI DBANG PO SA YONGS SU SKYO NAS NI YANG DNGOS GZHI'I SA LA YID BDE BA'I DBANG PO MNGON DU BYED DE, DPER NA DBANG PHYUG DAG 'DOD PA'I DGA' BAS YONGS SU SKYO NAS CHOS KYI DGA' BA NYAMS SU MYONG BAR BYED LA, CHOS KYI DGA' BAS YONGS SU SKYO NAS NI YANG 'DOD PA'I DGA' BA NYAMS SU MYONG BAR BYED PA BZHIN NO ZHES GRAG GO , ,'DI DGE RGYAS PA DAG LA YANG THAL BAR 'GYUR BA MA YIN NAM ZHE NA, MA YIN TE, DE DAG NI BDE BA DES YONGS SU SKYO BA MED DO, ,DE CI'I PHYIR ZHE NA, BDE BA NI ZHIB YIN LA, YID BDE BA NI SEMS GA-YO BAR BYED PA YIN PAS MA ZHI BA YIN PA'I PHYIR RO, MDO SDE PA RNAMS NI MDO LAS 'OD GSAL BA'I LHA'I RIS DE NA SEMS CAN GANG DAG SKYES NAS RING PO MA LON PA 'JIG RTEN 'DI 'JIG PA LA MI MKHAS SHING 'CHAGS PA LA MI MKHAS PA DE DAG ME LCE DE MTHONG NAS ME LCE DE TSANGS PA'I GZHAL MED KHANG STONG PA BSREGS NAS 'DIR 'ONG @113B BAR 'GYUR NA MI RUNG NGO ZHES SKRA GNAS YI CHAD CING SKYO BAR 'GYUR RO, ,'OD GSAL BA'I LHA'I RIS DE NA SEMS CAN GANG DAG SKYES NAS RING DU LON PA 'JIG RTEN 'DI 'JIG PA LA MKHAS SHING 'CHAGS PA LAS MKHAS PA LA DE DAG SEMS CAN SKRAG PA DE DAG LA GROGS PO DAG MA 'JIGS SHIG ,GROGS PO DAG MA 'JIGS SHIG ,MI LCE 'DI NI SNGON YANG TSANGS PA'I GZHAL MED KHANG STONG PA BSREGS NAS DE NYID DU MED PAR GYUR TO ZHES DBUGS 'BYIN PAR BYED DO ZHES DE DAG JI LTAR 'DU SHES THA DAD PA DAG YIN PAR BSHAD DE, DE LTA BAS NA DE DAG ME LCE 'ONG BA DANG MED PAR 'DU SHES PA'I PHYIR DANG, SKRAG PA DANG MI SKRAG PAR 'DU SHES PA'I PHYIR 'DU SHES THA DAD PA DAG YIN GYI BDE BA DANG SDUG BSNGAL DANG, BDE BA YANG MA YIN SDUG BSNGAL YANG MA YIN PAR 'DU SHES PA'I PHYIR NI MA YIN NO ZHES 'CHAD DO, ,SEMS CAN GZUGS CAN LUS GCIG 'DU SHES GCIG PA DAG KYANG YOD DE, 'DI LTA STE, DGE RGYAS KYI LHA RNAMS SO, ,'DI NI RNAM PAR SHES PA GNAS PA BZHI PA'O ZHES GSUNGS TE, 'DU SHES GCIG PA DAG CES BYA BA NI, BDE BAR 'DU SHES PA DAG GO , ,DE LA BSAM GTAN DANG PO NA NI NYON MONGS PA CAN GYI 'DU SHES SU 'DU SHES GCIG PA DAG YIN NO, ,GNYIS PA NA NI DGE BA'I 'DU SHES SU 'DU SHES THA DAD PA DAG YIN NO, ,GSUM PA NA NI RNAM PAR SMIN PA LAS SKYES PA'I 'DU SHES SU 'DU SHES GCIG PA DAG YIN NO, ,GZUGS MED PA GSUM PO NI MDO LAS JI SKAD 'BYUNG BA STE, DE LTAR NA DE DAG GI NI RNAM PAR SHES PA GNAS PA BDUN YIN NO, , 'DI LA RNAM PAR SHES PA GNAS PA GANG YIN ZHE NA, CI RIGS PAR DE DAG DANG LDAN PA'I PHUNG PO LNGA DANG BZHI YIN NO, ,CI'I PHYIR LHAG MA RNAM PAR SHES PA GNAS PA MA YIN ZHE NA, 'DI LTAR, LHAG MA DE 'JOMS BYED LDAN, LHAG MA GNAG ZHIG CE NA, NGAN 'GRO RNAMS DANG, BSAM GTAN BZHI PA DANG, SRID PA'I RTZE MO'O, ,'DI DAG NA RNAM PAR SHES PA 'JOMS PAR BYED PA DAG YOD PAS DE'I PHYIR 'DI DAG NI RNAM PAR SHES PA GNAS PA MA YIN NO, ,'JOMS PAR BYED PA ZHES BYA BA CI ZHE NA, GANG GIS RNAM PAR SHES PA 'JOMS PAR BYED PA STE, DE LA NGAN SONG @114A *, ,DAG NA NI 'JOMS PAR BYED PA SDUG BSNGAL GYI TSOR BA YIN TE, GNOD PAR BYED PA YIN PA'I PHYIR RO, ,BSAM GTAN BZHI PA NA NI 'DU SHES MED PA DANG, 'DU SHES MED PA'I SNYOMS PAR 'JUG PA YIN NO, ,SRID PA'I RTZE MO NA NI 'GOG PA'I SNYOMS PAR 'JUG PA YIN TE, SEMS KYI RGYUN GCOD PA'I PHYIR RO, ,YANG SMRAS PA, GANG DU 'DI NA GNAS PA RNAMS NA 'GRO BAR 'DOD LA, DE NA GNAS PA RNAMS NI BSKYOD PAR MI 'DOD PA DE RNAM PAR SHES PA GNAS PAR BSHAD NA, NGAN SONG DAG NA NI GNYI GA MED DO, ,BSAM GTAN BZHI PA NA NI SEMS CAN RNAMS BSKYOD PA'I YID DANG LDAN PA DAG YIN TE, SO SO'I SKYE BO RNAMS NI 'DU SHES MED PAR 'JUG 'DOD LA, 'PHAGS PA RNAMS NI GNAS GTZANG MAR RO, ,SRID PA'I RTZE MO NI RGYU BA MI GSAL BA'I PHYIR RNAM PAR SHES PA GNAS PA MA YIN NO, ,RNAM PAR SHES PA GNAS PA BDUN PO JI SKAD BSHAD PA DE DAG DANG, SRID RTZE DANG, 'DU SHES MED PA'I SEMS CAN RNAMS, ,SEMS CAN GYI NI GNAS DGUR BSHAD, ,'DI DAG TU SEMS CAN RNAMS RANG DAGS KUN TU GNAS SO, ,MI 'DOD BZHIN GNAS PHYIR GZHAN MIN, ,GZHAN GANG ZHE NA, NGAN SONG RNAMS TE, DE DAG TU SEMS CAN RNAMS MI 'DOD BZHIN DU LAS KYI SRIN PO DAG GIS KUN TU GNAS SU 'JUG GI DGA' STE GNAS PA NI MA YIN NO, ,DE'I PHYIR DE DAG NI SEMS CAN RNAMS KYI GNAS PA MA YIN TE BTZON RA BZHIN NO, ,MDO GZHAN LAS NI RNAM PAR SHES PA GNAS PA BDUN ZHES GSUNGS SO; ,GZHAN LAS NI GNAS PA DAG NI YANG BZHI STE, ZHES GSUNGS PA, BZHI GANG ZHE NA, RNAM PAR SHES PA GNAS PA GZUGS SU NYE BAR 'GRO BA DANG, TSOR BAR YANG NYE BAR 'GRO BA DANG, 'DU SHES SU NYE BAR 'GRO BA DANG, 'DU BYED DU NYE BAR 'GRO BA'O, ,DE DAG GI RANG BZHIN CI ZHE NA, DE DAG NI GO RIMS BZHIN DU, ZAG DANG BCAS PA'I PHUNG PO BZHI, ,DE DAG KYANG RANG GI SA PA NYID, SA GZHAN DU NI MA YIN NO, ,CI'I PHYIR ZHE NA, GNAS PA NI BRTEN PA YIN NA, SKAL BA MI MNYAM PA'I SA PA'I PHUNG PO DAG LA NI RNAM PAR SHES PA SRED PA'I DBANG GIS MI @114B BRTEN PA'I PHYIR RO, ,CI'I PHYIR RNAM PAR SHES PA LA RNAM PAR SHES PA GNAS PA ZHES MI BYA ZHE NA, BYE BRAG TU SMRA BA RNAMS NA RE GNAS PA PO YONGS SU SPANGS NAS GNAS PA ZHES BYA BA MED PA'I PHYIR TE, GNAS PA PO NYID LA NI GNAS PA ZHES MI BYA STE, DPER NA RGYAL PO NYID RGYAL PO'I BSTAN MA YIN PA BZHIN NO, ,YANG NA CHOS GANG DAG LA RNAM PAR SHES PA GNAS NAS GRU DANG MNYEN PA'I TSUL DU 'GRO BAR BYED PA'I CHOS DE DAG RNAM PAR SHES PA GNAS PA DAG CES BSHAD NA, RNAM PAR SHES PA NYID RNAM PAR SHES PA LA GNAS NAS 'GRO BAR BYED PA NI MA YIN PAS DE'I PHYIR MA BSHAD DO ZHES ZER RO, ,'O NA MDO LAS, RNAM PAR SHES PA'I ZAS LA DGA' BA YANG YOD, 'DOD CHAGS KYANG YOD DO, ,GANG LA DGA' BA YOD CING 'DOD CHAGS YOD PA DE LA RNAM PAR SHES PA BRTEN CING GNAS SO ZHES GANG GSUNGS PA DE NI JI LTA BU, RNAM PAR SHES PA GNAS PA BDUN PHUNG PO LNGA'I RANG BZHIN DAG YIN NO ZHES BYA BA DE YANG JI LTA BU, DE LTA NA 'O NA NI BYE BRAG MED PAR NI SKYE BA'I SKYE MCHED SKYE BA'I KYIS BSDUS PA'I PHUNG PO DAG LA MNGON PAR DGA' BA DANG BCAS PA'I RNAM PAR SHES PA 'JUG NA RNAM PAR SHES PA LA RNAM PAR SHES PA GNAS PA ZHES BYA'O, , SO SOR DBYE BA NI JI LTAR GZUGS LA SOGS PA RNAM PAR SHES PA KUN NAS NYON MONGS PAR BYED PA YIN PA LTAR RNAM PAR SHES PA 'BA' ZHIG NI DE LTA MA YIN TE, DE LTA BAS NA RNAM PAR SHES PA GNAS PA BZHI DAG TU, RNAM SHES 'BA' ZHIG GNAS PAR MA BSHAD DO, ,GZHAN YANG BCOM LDAN 'DAS KYIS RNAM PAR SHES PA GNAS PA BZHI NI ZHING GI NGO BOR BSTAN LA, NYE BAR LEN PA DANG BCAS PA'I RNAM PAR SHES PA ZAG PAR NI SA BON GYI NGO BO KHO NAR BSTAN GYI, SA BON NYID SA BON GYI ZHING GI NGO BOR RNAM PAR GZHAG PAR GYUR PA NI MA YIN NO ZHES BYA BAR DGONGS PA YONGS SU BRTAG GO , ,CHOS GANG DAG RNAM PAR SHES PA DANG LHAN CIG 'BYUNG BA DE DAG NI 'DI'I ZHING GI NGO BOR SHIN TU LEGS PA YIN PAS DE DAG NYID 'DI'I GNAS PA DAG CES BSHAD DO, ,YANG CI RNAM PAR SHES PA GNAS PA BDUN GYIS BZHI BSDUS SAM, 'ON TE BZHIS BDUN BSDUS SHE NA, BDUN @115A *, ,GYIS BZHI YANG MA YIN LA BZHIS KYANG BDUN MA YIN GYI, BSDU NA MU NI BZHI YIN NO, ,BSDU BA DBYAD NA BDUN GYIS BSDUS LA BZHIS MA YIN PA YANG YOD DE ZHES BYA BA DE LTA BU LA SOGS PA MU BZHIR ROG PAR BYA STE, MU DANG PO NI BDUN DAG TU RNAM PAR SHES PA KANG YIN PA'O, ,GNYIS PA NI NGAN SONG RNAMS DANG, BSAM GTAN BZHI PA DANG, SRID PA'I RTZE MO NA RNAM PAR SHES PA MA GTOGS PA'I PHUNG PO RNAMS SO, ,GSUM PA DAG NI BDUN DAG TU PHUNG PO BZHI RNAMS SO, ,BZHI PA NI RNAM PA DE DAG MA GTOGS PA'O, ,'GRO BA LA SOGS PA'I BYE BRAG GIS THA DAD PA'I KHAMS GSUM BSHAD PA GANG YIN PA, DER NI SGO NGA LAS SKYES SOGS, ,SEMS CAN SKYE GNAS BZHI DAG TU, ,RIG PAR BYA STE, SGO NGA LAS SKYES PA'I SKYE GNAS DANG, MNGAL NAS SKYES PA'I SKYE GNAS DANG, DROD GSHER LAS SKYES PA'I SKYE GNAS DANG, RDZUS TE SKYES PA'I SKYE GNAS SO, ,SKYE GNAS ZHES BYA BA NI SKYE BA YIN TE, 'DIR SEMS CAN RNAMS 'CHOL BAR 'GYUR ZHING SKYE BA THUN MONG PA'I PHYIR 'DRA BAR 'GYUR BAS SKYE GNAS SO, ,SGO NGA LAS SKYES PA'I SKYE GNAS GANG ZHE NA, SEMS CAN GANG DAG SGO NGA LAS SKYES PA RNAMS TE, 'DI LTA STE, DAD PA DANG, KHRUNG KHRUNG DANG, RMA BYA DANG, NE TZO DANG, RI SKREGS LA SOGS PA LTA BU'O, ,MNGAL NAS SKYES PA'I SKYE GNAS GANG ZHE NA, SEMS CAN GANG DAG MNGAL LAS SKYES PA RNAMS TE, 'DI LTA STE, GLANG PO CHE DANG, RTA DANG, BA LANG DANG, MA HE DANG, BONG BU DANG, PHAG LA SOGS PA LTA BU'O, ,DROD GSHER LAS SKYES PA'I SKYE GNAS GANG ZHE NA, SEMS CAN GANG DAG 'BYUNG BA'I DROD GSHER LAS SKYE BA RNAMS TE, 'DI LTA STE SRIN BU DANG, SBUR PA DANG, PHYE MA LEB DANG, SBRANG BU LA SOGS PA LTA BU'O, ,RDZUS TE 'BYUNG BA'I SKYE GNAS GANG ZHE NA, SEMS CAN GANG DAG DBANG PO MA TSANG BA MA YIN ZHING DMAN PA MA YIN LA, YAN LAG DANG NYID LAG THAMS CAD DANG LDAN PAR CIG CAR DU SKYE BA RNAMS SO, ,DE NYID KYI PHYIR DE DAG SKYE BA LA MDZES PAR BYED PA'I PHYIR RDZUS TE 'BANG BA RNAMS ZHES BYA STE, 'DI LTA STE, LHA DANG, SRID PA BAR MA LA @115B SOGS PA LTA BU'O, ,YANG 'GRO BA GANG NA SKYE GNAS DU ZHIG YOD CE NA, SMRAS PA, MI DANG DUD 'GRO RNAM PA BZHI, ,MI RNAMS NI RNAM PA BZHI STE, RE ZHIG SGO NGA LAS SKYES PA NI 'DI LTA STE, KHRUNG KHRUNG MO LAS SKYES PA BRAG DANG NYE BRAG DANG RI DVAGS 'DZIN GYI MA'I BU SUM CU RTZA GNYIS DANG, RGYAL PO LNGA LEN GYI BU LNGA BRGYA RNAMS SO, ,MNGAL NA SKYES PA NI JI LTAR DA LTAR GYI LTA BU'O, ,DROD GSHER LAS SKYES PA NI 'DI LTA STE, DA LAS NU BA DANG, MDZES PA DANG, NYE MDZES DANG, THI BA'I PHRENG BA CAN DANG, AA MRA SKYONG MA LA SOGS PA LTA BU'O, ,RDZUS TE SKYE BA NI BSKAL PA DANG PO PA RNAMS KHO NA'O, ,DUD 'GRO YANG RNAM PA BZHI STE, RNAM PA GSUM NI SNANG BA KHO NAR ZAD DO, ,RDZUS TE SKYE BA RNAMS NI KLU DANG, 'DAB BZANGS LA SOGS PA LTA BU'O, ,DMYAL BA RNAMS DANG LHA RNAMS DANG, ,SRID PA BAR MA RDZUS TE SKYE, ,DMYAL BA DANG, SRID PA BAR MA PA DANG, LHA THAMS CAD NI RDZUS TE SKYE BA KHO NA YIN NO, ,YI DVAGS MNGAL NAS SKYE BA YANG YIN, 'DI ZHES BYA BA'I SGRAS NI RDZUS TE SKYE BA DAG YIN NO ZHES BYA STE, TSE DANG LDAN PA MOD GAL GYI BU CHEN PO LA YI DVAGS MO ZHIG NA RE, BDAG GIS MTSAN MO BU LNGA DANG, ,DE BZHIN NYI NA MO GZHAN LNGA DAG ,BSKYED NAS DE DAG ZA MOD KYI, ,'ON KYANG BDAG NI TSIM PA MED, ,CES SMRAS PA'O, ,SKYE GNAS THAMS CAD KYI NANG NA BZANG BA GANG YIN ZHE NA, RDZUS TE SKYE BA YIN NO, ,'O NA CI'I PHYIR SRID PA THA MA PA'I BYANG CHUB SEMS DPA' SKYE BA LA DBANG THOB PA YANG MNGAL NAS SKYE BA'I SKYE GNAS LA BRTEN CE NA; DE LTAR MDZAD NA DON CHEN PO GZIGS PA YIN TE, NYE DU DANG 'BREL BAS SH'AKYA'I RIGS CHEN PO CHOS LA GZUD PA'I PHYIR DANG, 'DI NI 'KHOR LOS SGYUR BA'I RIGS YIN NO ZHES GZHAN DAG RIM GRO BSKYED DU GZHUG PA'I PHYIR DANG, MIR GYUR PA DAG GIS KYANG GRUB PA 'DI THOB BO ZHES GDUL BYA RNAMS SPRO BA BSKYED PA'I PHYIR RO, ,DE LTA MA YIN TE, RIGS DANG GDUNG MED NA, JI LTAR GZHAN MU STEGS CAN NA RE BSKAL PA BRGYAR 'DAS NAS SGYU MA MKHAN 'DI LTA BU ZHIG 'JIG RTEN DU BYUNG NAS SGYU MAS 'JIG RTEN ZA'O ZHES KHA ZER BA LTAR 'DI SU ZHIG YIN, SGYU MA'I SKYES @116A *, ,BU'AM, 'ON TE SHA ZA ZHIG CES DE SNYAM DU YONGS SU RTOG PAR 'GYUR RO, ,GZHAN DAG NA RE GANG DAG LA MI RNAMS DANG, GZHAN DAG GIS MCHOD PA BYAS NAS, STONG PHRAG GIS MTHO RIS DANG BYANG GROL 'THOB PA RING BSREL SKU GDUNG RNAMS BZHAG PA'I PHYIR TE, RDZUS TE SKYE BA'I SEMS CAN RNAMS LA NI PHYI'I SA BON MED PA'I PHYIR SHI BA RNAMS KYI LUS MI GNAS TE, THO RANGS KYI TIL MAR GYI MAR ME SHI BAR GYUR PA BZHIN NO ZHES ZER TE, BCOM LDAN 'DAS KYI BYIN GYI RLABS LAS BYUNG BA'I RDZU 'PHRUL YIN PAR 'DAD ? PA RNAMS LA NI LAN DE RIGS PA MA YIN NO, ,DRI BA LAS DRI BA GZHAN 'BYUNG STE, GAL TE RDZUS TE SKYE BA RNAMS KYI LUS ZHIG PA MED NA, JI LTAR MDO LAS RDZUS TE SKYE BA'I NAM MKHA' LDING GIS RDZUS TE SKYE BA'I KLU BZA' BA'I PHYIR 'BYIN TO ZHES GSUNGS SHE NA, ZA'O ZHES NI MA GSUNGS PAS MA SHES NAS BZA' BA'I PHYIR 'BYIN PAS NYES PA MED DO, ,YANG NA JI SRID MA SHI'I BAR DU ZA BAR BYED KYI SHI PA DE'I TSIM PAR 'GYUR PA NI MA YIN NO, ,SKYE GNAS THAMS CAD KYI NANG NAS MANG BA GANG YIN ZHE NA, RDZUS TE SKYE BA YIN TE, DE NI 'GRO BA GNYIS DANG GSUM GYI PHYOGS DANG, SRID PA BAR MA THAMS CAD YIN NO, ,SRID PA BAR MA ZHES BYA BA 'DI CI ZHE NA, 'DIR GANG 'CHI DANG SKYE BA YIN, ,SRID PA'I BAR DU 'BYUNG BA'O, ,LUS GANG YUL GZHAN DU SKYE BA THOB PAR BYA BA'I PHYIR 'CHI BA'I SRID PA DANG SKYE BA'I SRID PA'I BAR DU MNGON PAR 'GRUB PA DE NI SRID PA BAR MA ZHES BYA STE, 'GRO BA'I BAR MA YIN PA'I PHYIR RO, ,JI LTAR NA 'DI SKYE BA YANG YIN LA BYUNG BA YANG MA YIN ZHE NA, BGROD PA'I YUL DU MA PHYIN PHYIR, ,SRID PA BAR MA BYUNG BA MIN, ,SON PA NI BYUNG BA YIN NA SRID PA BAR MA 'DI NI BGROD PAR BYA BA'I YUL DU SON PA MA YIN TE, DE LTA BAS NA BYUNG BA MA YIN NO, ,BGROD PAR BYA BA'I YUL DE GANG ZHIG CE NA, GANG DU RNAM PAR SMIN PAS 'PHANGS PA MNGON ZHING RDZOGS PA'O, ,SRED ? PA GZHAN DAG NA RE, 'CHI BA'I SRID PA CHAD PA KHO NA LAS SKYE BA'I SRID PA 'BYUNG NGO ZHES ZER TE, DE NI MI 'DOD DO, ,DE CI'I PHYIR ZHE NA, RIGS PA DANG LUNG LAS TE, RE ZHIG @116B RIGS PA LA BRTEN NAS, 'BRU'I RGYUN DANG CHOS MTHUN PHYIR, ,SRID PA CHAD LAS 'BYUNG BA MIN, ,RGYUN GYI 'JUG PA'I CHOS RNAMS NI RGYUN MI 'CHAD PAR YUL GZHAN DAG TU 'BYUNG BA MTHONG STE, DPER NA 'BRU'I RGYUN LTA BU'O, ,DE LTA BAS NA SEMS CAN GYI SEMS KYI RGYUN 'DI YANG MI 'CHAD PAR YUL GZHAN DU 'BYUNG BA'I CHOS CAN YIN NO, ,CHAD NAS 'BYUNG BA YANG MTHONG STE, DPER NA ME LONG LA SOGS PA DAG GI NANG DU GZUGS LAS GZUGS BRNYAN LTA BU'O, ,DE BZHIN DU 'CHI BA'I SRID PA LAS KYANG SKYE BA'I SRID PA RUNG NGO ZHE NA, GZUGS BRNYAN MA GRUB PHYIR BA DANG, , MI 'DRA'I PHYIR NA DPE MA YIN, ,GZUGS BRNYAN ZHES BYA BA KHA DOG GI KHYAD PAR GZHAN KHO NA ZHIG 'BYUNG NGO ZHES BYA BA DE NI MA GRUB BO, ,GRUB TU ZIN KYANG MI 'DRA BA'I PHYIR DPE MA YIN NO, ,RE ZHIG JI LTAR MA GRUB CE NA, GCIG NA LHAN CIG GNYIS MED PHYIR, ,YUL DE NYID NA ME LONG GI GZUGS KYANG SNANG, GZUGS BRNYAN YANG SNANG STE, RTEN GYI 'BYUNG BA THA DAD PA'I PHYIR YUL GCIG TU GZUGS GNYIS LHAN CIG 'BYUNG BA NI MED DO, ,DE BZHIN DU PHYOGS THA DAD PA NA GNAS PA RNAMS KYI MTSE'U'I CHU YUL GCIG NA RANG GI MDUN ROL GYI YUL NA GNAS PA'I GZUGS RNAMS KYI GZUGS BRNYAN PHAN TSUN DMIGS TE, GZUGS GCIG LA LTA BA PO GNYIS KYIS LHAN CIG MI MTHONG BA NI MA YIN PAS DER GZUGS GZHAN ZHIG 'BYUNG BAR RIGS PA NI MA YIN NO, ,GRIB MA DANG NYI MA GNYIS KYANG LHAN CIG 'BYUNG BA MA MTHONG BA NA GRIB MA NA 'DUG PA'I ME LONG GI NANG NA NYI MA'I GZUGS BRNYAN YANG DMIGS PAS DER DE 'BYUNG BAR RIGS PA NI MA YIN NO, ,YANG NA, GCIG NA LHAN CIG GNYIS MED PHYIR, ,ZHES BYA BA GNYIS GANG ZHE NA, ME LONG GI NGOS DANG ZLA BA'I GZUGS BRNYAN TE, ME LONG GI NGOS KYANG GZHAN KHO NA LA YOD LA, ZLA BA'I GZUGS BRNYAN NANG DU SONG BA YANG KHRON PA'I CHU BZHIN DU GZHAN KHO NA NA SNANG NGO, ,DE YANG DE'I NANG DU 'BYUNG NA NI GZHAN NA DMIGS PAR MI 'GYUR RO, ,DE LTA BAS NA DE NI CUNG ZAD KYANG MED KYI GANG PHYIR DE LTAR SNANG BA DE NI TSOGS LA DE'I MTHU DE 'DRA BA YIN TE, CHOS RNAMS KYI MTHU'I BYE BRAG NI BSAM GYIS MI KHYAB PO, ,RE ZHIG @117A *, ,MA GRUB PA'I PHYIR NI DE LTA BU YIN NO, ,JI LTAR NA MI 'DRA BA'I PHYIR DPE MA YIN ZHE NA, RGYUN MIN PHYIR, JI LTAR 'CHI BA'I SRID PA SKYE BA'I SRID PA LTA BUR GZUGS BRNYAN NI GZUGS KYI RGYUN DU GYUR PA MA YIN TE, ME LONG GI RGYUD DANG 'BREL PA'I PHYIR DANG, LHAN CIG 'BYUNG BA'I PHYIR RO, ,RGYUN LA MI 'CHAD PAR YUL GZHAN DAG TU 'BYUNG BAR BRJOD KYI RGYUN MA YIN PA LA NI MA YIN PAS DPE MI 'DRA BA YIN NO, ,GZUGS BRNYAN NI, GNYIS LAS 'BYUNG PHYIR, GZUGS BRNYAN NI GZUGS DANG ME LONG DANG RGYU GNYIS LAS 'BYUNG BAR 'GYUR TE, GTZO BO'I RGYU GANG YIN PA DE LA BRTEN NAS 'BYUNG NA, SKYE BA'I SRID PA YANG DE LTAR 'CHI BA'I SRID PA DANG, GTZO BO'I RGYU GANG YANG RUNG BA ZHIG DANG RGYU GNYIS LAS 'BYUNG BA NI MED DO, ,DE'I PHYIR YANG DE'I 'DI NI MI 'DRA BA YIN NO, ,PHYI'I KHU CHU DANG KHRAG LA SOGS PA SEMS PA MED PA GTZO BO'I RGYU YIN PA YANG RIGS PA MA YIN TE, GANG DU RDZUS TE SKYE BA RNAMS NAM MKHA' KHO NA LA 'BYUNG BA DER CI ZHIG YONGS SU BRTAG ,DE LTAR RE ZHIG RIGS PA LAS 'CHI BA'I SRID PA 'BYUNG BAR MI 'DOD DO, ,DE LTA BAS NA SRID PA BAR MA NI YOD PA NYID DO, ,MGUR NAS GSUNGS PHYIR YOD; MDO LAS, SRID PA NI BDUN TE, DMYAL BA'I SRID PA DANG, DUD 'GRO'I SRID PA DANG, YI DAGS KYI SRID PA DANG, LHA'I SRID PA DANG, MI'I SRID PA DANG, LAS KYI SRID PA DANG, SRID PA BAR MA'O ZHES GSUNGS SO, ,MDO 'DI NI DE DAG MI 'DON TO ZHE NA, 'O NA, DRI ZA ZHES BYA BA 'DI LAS TE, GNAS GSUM MNGON DU GYUR PAS MA'I MNGAL DU BU CHAGS PAR GYUR TE, MA RUNG ZHING ZLA MTSAN DANG LDAN PA DANG, PHA MA CHAGS PAR GYUR CING PHRAD PA DANG, DRI ZA YANG NYE BAR GNAS PAR GYUR NA'O ZHES GSUNGS PA, SRID PA BAR MA MA GTOGS PAR DRI ZA GZHAN GANG ZHIG YIN, 'DI YANG DE DAG 'DI SKAD DU MI 'DON TO, ,'O NA JI LTAR ZHE NA, PHUNG PO ZHIG PA NYE BAR GNAS PAR GYUR NA'O ZHES 'DON TO, ,GAL TE DE LTA NA LNGA LEN GYI BU'I MDO, ,KHYOD KYI DRI ZA NYE BAR GNAS PA GANG YIN PA 'DI RGYAL RIGS SAM, BRAM ZE 'AM, RJE'U RIGS @117B SAM; DMANGS RIGS SAM, 'ON TE SHAR PHYOGS NAS 'ONGS PA ZHIG GAM, 'ON TE LHO DANG NUB DANG, BYANG NAS 'ONGS PA ZHIG SHES SAM ZHES BYA BA JI LTAR DRANG, PHUNG PO ZHIG PA NI 'ONG BAR RUNG BA MA YIN NO, ,'O NA TE 'DI YANG MI 'DON TO ZHE NA, 'O NA, SNGAR GSUNGS, ZHES BYA BA 'DI LAS TE, BCOM LDAN 'DAS KYIS PHYIR MI 'ONG BA NI LNGA STE, BAR MA DOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, MNGON PAR 'DU BYED PA MED PAR YONGS SU MYA NGAN LAS 'DAS PA DANG, MNGON PAR 'DU BYED PA DANG BCAS PAR YONGS SU MYA NGAN LAS 'DAS PA DANG, GONG DU 'PHO BA'O ZHES GSUNGS PA SRID PA BAR MA MED NA JI LTAR BAR MA DOR YONGS SU MYA NGAN LAS 'DA' BA ZHES BYA BAR 'GYUR, KHA CIG NA RE BAR MA DOR ZHES BYA BA'I LHA DAG CIG YOD DO ZHES ZER RO, ,DE LTA NA SKYES BA ZHES BYA BA LA SOGS PA YAD LHA DAG CIG YIN PAR THAL BAR 'GYUR RO, ,DE LTA BAS NA RTOG PA 'DI NI BZANG PO MA YIN NO, ,'GRO MDO ZHES BYA BA 'DI LAS KYANG 'GRUB STE, SKYES BU DAM PA'I 'GRO BA BDUN ZHES BYA BA'I MDO LAS KYANG DUS DANG YUL GYI KHYAD PAR GYI BYE BRAG GIS BAR MDOR YONGS SU MYA NGAN LAS 'DA' BA GSUM DU BSHAD DE, DPER NA ZHOG MA'I ME CHUNG DU MNGON PAR 'GRUB BZHIN DU 'CHI BAR 'GYUR BA DE LTA BU NI DANG PO YIN NO, ,DPER NA LCAGS KYI TSA TSA GNAM DU YAR BA BZHIN DU 'CHI BAR 'GYUR BA DE LTA BU NI GNYIS PA'O, ,DPER NA LCAGS KYI TSA TSA GNAM DU YAR NAS SA LA MA LHUNG BA NYID DU 'CHI BAR 'GYUR BA DE LTA BU NI GSUM PA'O ZHES GSUNGS LA, BAR MDO ZHES BYA BA'I LHA NI YUL DANG DUS KYI KHYAD PAR GYI THA DAD PA RNAM PA GSUM PA DE LTA BU MED PAS 'DI NI RTOG PA 'BA' ZHIG TU ZAD DO, ,GZHAN DAG NA RE GANG ZHIG TSE'I TSAD KYI BAR DU'AM, LHA DANG NYE BA'I BAR DU NYON MONGS PA RNAMS SPONG BAR BYED PA GANG YIN PA DER NI BAR MA DOR YONGS SU MYA NGAN LAS 'DA' BA YIN TE, DE YANG KHAMS KYI GNAS SKABS PA'AM, 'DU SHES KYI GNAS SKABS PA'AM, RNAM PAR RTOG PA'I GNAS SKABS PA ZHIG YONGS SU @118A *, ,MYA NGAN LAS 'DA' STE, DES NA RNAM PA GSUM YIN NO, ,YANG NA DANG PO NI GZUGS KYI KHAMS SU RIS MTHUN PA YONGS SU BLANGS NAS MYA NGAN LAS 'DA' BA YIN NO, ,GNYIS PA NI LHA RNAMS KYI 'BYOR BA NYAMS SU MYONG NAS SO, ,GSUM PA NI LHA RNAMS KYI CHOS YANG DAG PAR 'GRO BA'I NANG DU ZHUGS NAS SO, ,SKYES NAS YONGS SU MYA NGAN LAS 'DA' BA NI YANG DAG PAR 'GRO BA MCHOG TU LDAN PA'I NANG DU ZHUGS NAS YONGS SU MYA NGAN LAS 'DA' BA'AM, SKYES PA TZAM KHO NAR MA YIN GYI TSE PHAL CHER BCOM NAS YONGS SU MYA NGAN LAS 'DA' BA'O ZHES ZER TE, DE DAG THAMS CAD KYANG YUL DU 'GRO BA'I BYE BRAG MED PA'I PHYIR ZHOG MA LA SOGS PA'I DPE DAG DANG, MI 'BYOR RO, ,TSE 'I TSAD KYI BAR DU YONGS SU MYA NGAN LAS 'DA' BA'I PHYIR GZUGS MED PA DAG TU YANG BAR MA DOR YONGS SU MYA NGAN LAS 'DA' BAR GSUNGS PAR 'GYUR BA ZHIG NA, BSAM GTAN DAG GI BCU TSAN BZHI, ,GZUGS MED DAG GI BDUN TSAN GSUM, ,'DU SHES KYI NI DRUG TSAN DU, ,MDZAD NAS TSOMS SU YANG DAG BSDE BA, ,ZHES GSUNGS PA'I SDOM GYI TSIGS SU BCAD PA 'DI LAS KYANG MI 'BYUNG NGO, ,DE LTA BAS NA DE DAG THAMS CAD KYANG RTOG PA TZAM DU ZAD DO, ,'O NA TE DE DAG NI MDO DE DAG KYANG MI 'DON TO ZHE NA, STON PA GANG YIN PA NI YONGS SU MYA NGAN LAS 'DAS, BSTAN PA 'DI'I 'DREN PA NI MED, RNAM PA MANG PO NI THA DAD KYI STENG DU DA DUNG YANG TSIG DANG DON LA DGA' DGUR BYED NA GO ,DA CI ZHIG BYAR YOD DE RE ZHIG GANG DAG LA LUNG 'DI TSAD MA YIN PA DE DAG LA NI LUNG LAS KYANG SRID PA BAR MA GRUB BO, ,'O NA MDO LAS, DE NAS BDUD SUN 'BYIN BYED RANG GI LUS KHO NAS MNAR MED PA'I DMYAL PA CHEN POR LHUNG DO ZHES GANG GSUNGS PA JI LTAR DRANG 'DIR DGOS PA NI DE GSON PO KHO NAR DMYAL BA'I ME DAG GIS BSKOR TE SHI NAS SRID PA BAR MAS MNAR MED PAR SONG DO SNYAM DU DGONGS PA YIN NO, ,LAS SHIN TU DRAG PO YONGS SU RDZOGS PA RNAMS NI LUS 'DOR BA LA MI SDOD PAS DE'I PHYIR 'DI'I MTHONG BA'I CHOS LA MYANG @118B PAR 'GYUR BA'I LAS NI DANG POR SMIN LA, SKYES NAS MYONG BAR 'GYUR BA'I LAS NI PHYIS SMIN TE, DA NI MTSAMS MED PA LNGA'I LAS GANG DAG BYAS SHING BSAGS NAS DE MA THAG TU DMYAL BA DAG TU SKYE'O ZHES GSUNGS PA 'DI JI LTAR DRANG, DGONGS PA NI 'GRO BA GZHAN DU MI 'GRO BAR ZHES BYA BA YIN TE, DER NI SKYES NAS MYONG BAR 'GYUR BA'I LAS SU GSUNGS SO, ,'ON TE SGRA JI BZHIN DU BRTAGS NA NI LNGA KHO NA BYAS NAS YIN GYI GCIG CES BYA BAR YANG MI 'GYUR LA, BYAS MA THAG TU YIN GYI DUS GZHAN GYI BAR DU GSON POR 'DUG NAS KYANG MA YIN NO, ,SRID PA BAR MA SKYE BA NYID YIN PAR GO SU ZHIG MI 'DOD DE, 'DI 'CHI BA'I SRID PA'I MJUG THOGS SU SKYE BA LA MNGON DU PHYOGS PA'I PHYIR SRID PA BAR MA KHO NAS DMYAL BA DAG TU SKYE BA YIN GYI SKYES PA YIN NO ZHES NI MI SMRA'O, ,'O NA, BRAM ZE NA TSOD KHYER ZIN RGA BA DANG, ,NA BA YIN TE GSHIN RJE'I DRUNG DU PHYEN, ,BAR NA KHYOD KYI GNAS KYANG YOD MIN ZHING, ,KHYOD KYI LAM BRGYAGS KYANG NI YOD MA YIN, ,ZHES GSUNGS PA'I TSIGS SU BCAD PA 'DI JI LTAR DRANG, 'DIR YANG DGONGS PA NI MI DAG GI NANG NA GNAS SU MED DO SNYAM PA YIN NO, ,YANG NA SKYE BA'I YUL DU PHYIN PAR BYA BA'I PHYIR DANG 'GRO BA LA BGEGS BYED PA MED PA'I PHYIR SRID PA BAR MA NA YANG 'DI GNAS PA MED DO SNYAM PA YIN NO, ,'DI LA 'DI NI DGONGS PA YIN GYI 'DI NI DGONGS PA MA YIN NO ZHES BYA BA 'DI GA LAS BRTAGS PA 'DI NI KHYOD LA YANG MTSUNGS TE, DE LTA BAS NA GNYI GA'I PHYOGS LA YANG JI SKAD GSUNGS PA'I MDO MI 'GAL BA'I PHYIR 'DI NI SRID PA BAR MA MED PA'I KHUNGS MA YIN NO, ,KHUNGS ZHES BYA BA NI SHES PAR BYED PA GZHAN DU SHES PAR MI BYED PA YIN NO, ,YANG 'GRO BA GANG DU 'GRO BAR 'GYUR BA'I SRID PA BAR MA'I SHA TSUGS JI LTA BU ZHIG MNGON PAR 'GRUB CAN, DE NI 'PHEN PA GCIG PA'I PHYIR, ,SNGON DUS SRID 'BYUNG SHA TSUGS CAN, ,LAS GANG GIS 'GRO BA 'PHEN PA DE NYID KYI DER PHYIN PAR BYA BA'I PHYIR SRED PA BAR MA YANG 'PHEN TE, DE'I PHYIR DE NI 'GRO BA GANG DU 'GRO BAR 'GYUR BA'I 'GRO BDE DUS SNGA MA'I SRID PA 'BYUNG BAR 'GYUR BA @119A *, ,GANG YIN PA DE'I SHA TSUGS LTA BUR 'GYUR RO, ,DE LTA NA 'O NA KHYI MO LA SOGS PA'I MNGAL GCIG TU 'GRO BA LNGA PA'I SRID PA BAR MA MNGON PAR 'GRUB PAS DMYAL BA'I SRID PA BAR MAS MA'I MNGAL TSIG PAR 'GYUR RO ZHE NA, RE ZHIG SRID PA SNGA MA LA YANG DA MYAL BA PA RNAMS LHAG PA DAG NA 'PHYAN PA NA RTAG TU 'BAR BA MA YIN NA SRID PA BAR MA PA RNAMS LTA SMOS KYANG CI DGOS, YANG NA 'BAR DU CHUG NA YANG DE NI LUS SHIN TU DANG BA'I PHYIR JI LTA BA BLTAR MI NUS PA DE LTAR REG PA YANG MI NUS PAS 'DI NI KLAN KAR MI RUNG NGO, ,SRID PA BAR MA RNAMS KYANG MNGAL NA PHAN TSUN MI REG PA'I PHYIR DANG, LAS LA RAG LUS PA'I PHYIR MI TSIG GO ,PHOD TSOD NI, DPER NA BYIS PA LO LNGA 'AM DRUG LON PA LTA BU STE, DE YANG DBANG PO GSAL BA YIN NO, ,BYANG CHUB SEMS DPA' NI DPER NA GZHON NU THOR BU LTA BU MTSAN DANG DPE BYAD DANG BCAS PA YIN NO, ,DE NYID KYI PHYIR SRID PA BAR MA LA GNAS PA YUM GYI LHUMS SU ZHUGS PAS GLING BZHI PA BYE BA PHRAG BRGYA SNANG BAR MDZAD DO, ,'O NA GANG BYANG CHUB SEMS DPA'I YUM GYI RMI LAM NA LHUMS SU GLANG PO CHE'I PHRU GU DKAR PO ZHUGS PAR GZIGS PA JI LTA BU ZHE NA, DUD 'GRO'I SKYE GNAS BZLOG NAS YUN RING DU LON PA'I PHYIR DE NI MTSAN MA TZAM DU ZAD DE, DPER NA RGYAL PO KRi KIS GLANG PO DANG, KHRON PA DANG, PHYE DANG, TZAN DAN DANG, TSAL DANG, GLANG PO CHE'I PHRU GU DANG, SPRE'U GNYIS DANG, RAS YUG DANG, 'THAB MO ZHES BYA BA RMI LAM BCU MTHONG BA LTA BU'O,, SRID PA BAR MA NI LTO BA BRTOL TE 'JUG PA MA YIN GYI SKYE GNAS KYI SGO NAS 'JUG STE, DE NYID KYI PHYIR MTSEM LAS GANG PHYIS BYUNG BA DE NI NU BO ZHES BYA'O, ,GANG SNGAR BYUNG BA DE NI PHU BO ZHES BYA'O, ,'O NA CHOS LDAN RAB 'BYOR GYIS, ,GLANG CHEN DKAR PO MCHE BA DRUG LDAN PA, ,RKANG BZHI MDZES DANG LDAN PAR ZHAL BZHES NAS, ,DRANG SRONG GNAS ZHES PA NI JI BZHIN DU, ,YUM GYI LAMS KYI GNAS SU ZHUGS PAR GYUR, ,CES BSHAD PA 'DI JI LTAR DRANG ZHE NA, 'DI NI GDON MI ZA BAR DRANG BAR BYA BA MA YIN TE, 'DI NI MDO SDE YANG MA YIN, 'DUL BA YANG MA YIN, @119B CHOS MNGON PA YANG MA YIN GYI, 'DI NI RANG BZO YIN TE, RANG BZO MKHAN RANG BZO SBYOR BA RNAMS KYI BSAM PA KHA CIG NI SGRO 'DOGS PAR YANG 'GYUR RO, ,'ON TE GDON MI ZA BAR DRANG BAR BYA'O ZHE NA YANG JI LTAR YUM GYI RMI LAM NA DE ZHUGS PAR GZIGS PA LTAR DES KYANG TSIGS SU BCAD PA 'DI LTAR BYAS SO ZHES DE LTAR DRANG BAR BYA'O, ,GZUGS NA SPYOD PA'I SRID PA BAR MA YANG BONG TSOD RDZOGS PA DANG, NGO TSA SHES PA'I SHAS CHE BA'I PHYIR GOS DANG BCAS PAR 'BYUNG NGO, ,BYANG CHUB SEMS DPA'I YANG GOS DANG BCAS PA YIN NO, ,DGE SLONG MA DKAR MO'I YANG GOS DANG BCAS PA YIN TE, SMON LAM GYI DBANG GIS DE NYID KYIS DKRIS NAS BSREGS PA'I BAR DU YIN NO, ,'DOD PA'I KHAMS NA NGO TSA MED PA'I SHAS CHE BA'I PHYIR GZHAN NI GCER BU YIN NO, ,YANG SRID PA SNGA MA ZHES BYA BA 'DI GANG YIN ZHE NA, DE NI 'CHI BA'I SNGON ROL TE, ,SKYE BA'I SKAD CIG PHAN CHAD DO, ,SRID PA ZHES BYA BA NI BYE BRAG MED PAR NYE BAR LEN PA'I PHUNG PO LNGA PO DAG GO ,DA NI RNAM PA BZHIR DBYE STE, SRID PA BAR MA NI JI SKAD BSHAD PA'O, ,SKYE BA'I SRID PA NI 'GRO BA RNAMS SU NYID MTSAMS SBYOR BA'I SKAD CIG MA'O, DE PHAN CHANG 'CHI BA'I SKAD CIG MA MA GTOGS PA'I SRID PA GZHAN THAMS CAD NI DUS SNGA MA'I SRID PA YIN NO, ,SKAD CIG MA THA MA NI 'CHI BA'I SRID PA YIN TE, GAL TE SEMS CAN GZUGS CAN DAG GI NANG DU SKYE NA GANG GI 'OG TU SRID PA BAR MA 'BYUNG BA YIN NO, ,SRID PA BAR MA DE YANG, RIS MTHUN LHA MIG DAG PAS MTHONG, ,SRID PA BAR MA RIS MTHUN PA DAG GIS MTHONG NGO, ,GANG DAG LA LHA'I MIG SHIN TU RNAM PAR DAG PA MNGON PAR SHES PA LAS BYUNG BA YOD PA DE DAG GIS 'DI MTHONG GI ,SHIN TU DANG BA'I PHYIR SKYES NAS THOB PA'I MIG GIS NI MI MTHONG NGO, GZHAN DAG NA RE LHA'I SRID BA BAR MA PAS NI THAMS CAD MTHONG NGO, ,MI DANG; YI DAGS DANG, DUD 'GRO DANG, DMYAL BA'I SRID PA BAR MA RNAMS KYIS NI GONG MA MA GTOGS PA'O ZHES ZER RO, ,LAS KYI RDZU 'PHRUL SHUGS DANG LDAN, ,RDZU 'PHRUL NI NAM MKHA' LA 'GRO BA'O, ,LAS KYI RDZU 'PHRUL BYED PAS NA LAS KYI RDZU 'PHRUL LO, ,DE'I SHUGS NI LAS @120A *, ,KYE RDZU 'PHRUL GYI SHUGS DE MGYOGS PA NYID DO, ,DE 'DI LA YOD PAS NA LAS KYI RDZU 'PHRUL GYI SHUGS DANG LDAN PA'O, DES NA 'DI NI SANGS RGYAS RNAMS KYIS KYANG DGAG PAR MI SPYOD DE, LAS STOBS DANG LDAN PA'I PHYIR RO, ,DBANG PO KUN TSANG, DBANG PO LNGA CHAR TSANG PA'O, ,THOGS MED LDAN, THOGS PA NI RDUGS PA'O, ,DE 'DI LA YOD PAS THOGS PA DANG LDAN PA'O, ,THOGS PA MED PA DANG LDAN PAS NA THOGS MED LDAN TE, RDO RJE LA SOGS PAS KYANG MI ZLOGS PA'I PHYIR RO, ,'DI LTAR LCAGS KYI THU LUM 'BAR BA GSHEGS NAS DE'I NANG NAS BYUNG BA'I SRIN BU DMIGS SO ZHES GRAG GO ,DE 'GRO BA GANG DU SKYE BAR 'GYUR BA DE LAS RNAM PA THAMS CAD DU MI ZLOGS TE, MI'I SRID PA BAR MA MED PAR GYUR NAS LHA'I SRID PA BAR MA'AM, GZHAN DU 'GYUR BA NI NAM YANG MED KYI 'DI 'GRO BA GANG GI DBANG DU BYAS NAS MNGON PAR 'GRUB PA DE KHO NAR SKYE BAR 'GYUR GYI GZHAN DU NI MA YIN NO ZHES BYA BAR NGES SO, ,YANG CI 'DOD PA NA SPYOD PA'I SRID PA BAR MA YANG KHAM GYI ZAS ZA'AM ZHE NA, SMRAS PA DE BZHIN TE, RAGS PA NI MA YIN NO, ,'O NA JI LTA BU ZHE NA, DE NI DRI ZA'O, ,DE NYID KYI PHYIR DRI ZA ZHES BYA'O, ,DBANG CHUNG BAR GRAGS PA NI DRI MI ZHIM PA ZA BA'O, ,DBANG CHE BAR GRAGS PA NI DRI ZHIM PO ZA BA'O, ,DUS JI SRID KYI BAR DU GNAS SHE NA, BTZUN PA NA RE NGES PA MED DE, JI SRID DU SKYE BA'I TSOGS PA MA RNYED KYI BAR DU'O, ,DE'I TSE 'PHEN PA LOGS SHIG NA MED DE, RIS MTHUN PA GCIG PA'I PHYIR RO, , DE LTA MA YIN NA DE'I TSE ZAD PAS 'CHI BA'I SRID PAR YANG THAL BAR 'GYUR RO ZHES ZER RO, GAL TE SHA'I PHUNG PO RI RAB TZAM DU GYUR LA DE DAG THAMS CAD SRIN BU RNAMS KYIS GANG BAR GYUR NA, DE CI DE DAG GI SRID PA BAR MA RNAMS DER SDOD PA KHO NAR GYUR TAM, DE DAG GA LAS 'ONGS PA BRJOD PAR BYA'O ZHE NA, 'DI MDO 'AM BSTAN BCOS DAG LAS NI MI 'BYUNG MOD KYI, 'DI LTAR DRI DANG RO LA MNGON PAR CHAGS PA'I SKYE BO PHRA MO TSE THUNG DU RNAMS MTHA' MED PAS DE DAG DRI TSOR NAS DRI DANG RO LA MNGON PAR CHAGS PA RNAMS 'CHI BA NA SRIN BU'I NGO BOR 'GYUR BA'I LAS SANG PAR BYAS NAS, SRID @120B PA DES SRIN BU'I NAD DAG TU SKYE BAR 'GYUR BAR MI RUNG NGO, ,YANG NA GDON MI ZA BAR DE'I RKYEN MANG PO KHO NA'I DUS SU DER 'GYUR BA'I LAS RNAMS RNAM PAR SMIN PA MNGON PAR 'GRUB PAR BYA BA LA 'JUG PA RNYED KYI GZHAN DU NI MA YIN TE, 'DI LTAR 'KHOR LOS SGYUR PA'I LAS YOD DU ZIN KYANG SKYE DGU'I TSE LO BRGYAD KHRI 'AM, TSE LO CHES MANG BA NA 'KHOR LOS SGYUR BA 'BYUNG GI GZHAN DU MA YIN PA LTA BU'O, ,DE NYID KYI PHYIR BCOM LDAN 'DAS KYIS SEMS CAN RNAMS KYI LAS KYI RNAM PAR SMIN PA NI BSAM GYIS MI KHYAB BO ZHES GSUNGS SO, ,BTZUN PA DBYIG BSHES NA RE ZHAG BDUN DU GNAS SO, ,GAL TE DA SRID KYI TSOGS PA MA RNYED NA SHI 'PHOS SHING SHI 'PHOS NAS YANG DE NYID DU SKYE BAR 'GYUR RO ZHES ZER RO, ,GZHAN DAG NA RE ZHAG BDUN PHRAG BDUN DU'O ZHES ZER RO, ,BYE BRAG TU SMRA BA RNAMS NA RE DE NI SRID PA TSOL BA YIN PA'I PHYIR MYUR BA KHO NAS SONG STE NYID MTSAMS SBYOR BAS NA DUS THUNG NGUR GNAS SO, ,GANG GI TSE RKYEN TSOGS PA YANG MA YIN LA 'DI NGES PAR YUL DER SKYE BAR 'GYUR PA YANG YIN NO DE'I TSE LAS RNAMS KHO NAS RKYEN DAG TSOGS PA 'DREN PAR BYED DO, ,'ON TE MA DES NA NI DE LAS GZHAN PA'I YUL DU SKYE BA DER SKYE BAR 'GYUR RO ZHES ZER RO, ,GZHAN DAG NA RE DE 'DRA BAR SKYE BAR 'GYUR TE, 'DI LTA STE BA LANG DAG NI DBYAR RNAMS SU 'KHRIG PA MANG LA, KHYI RNAMS NI STON KAR RO, ,DOM RNAMS NI DGUN KAR RO, ,RTA RNAMS NI SOS KAR RO, ,BA MEN DANG, CE SPYANG DANG, BONG BU DANG, DRED MO RNAMS LA NI DUS MED PAS DUS GZHAN PA BA LANG RNAMS KYI NANG DU SKYE BAR 'GYUR BA GANG YIN PA DE NI BA MEN RNAMS KYI NANG DU SKYE'O, ,KHYI RNAMS KYI NANG DU GANG YIN PA DE NI CE SPYANG RNAMS KYI NANG DU'O, ,RTA RNAMS KYI NANG DU GANG YIN PA DE NI BONG BU RNAMS KYI NANG DU'O, ,DOM RNAMS KYI NANG DU GANG YIN PA DE NI DRED MO RNAMS KYI NANG DU SKYE BAR 'GYUR RO ZHES ZER RO, ,'PHEN PA GCIG PA'I PHYIR RIS GZHAN GYI SRID PA BAR MAS RIS MTHUN PA GZHAN DU SKYE BAR MI NUS PAS DE NI BRJOD PAR BYA BA MA YIN NO, ,YANG 'GRO BA'I YUL DU PHYIN PAR BYA BA'I PHYIR 'BYUNG BA'I SRID PA BAR MA DE NI, BLO NI PHYIN CI LOG GYUR PAS, ,RTZE DGAS 'GRO BA'I YUL DU 'GRO, ,DA NI LAS KYI MTHU @121A *, ,LAS BYUNG BA' MIG GIS RANG GI SKYE BA'I YUL THAG RING PO NA 'DUG KYANG MTHONG NGO, ,DES DE NA PHA MA NYAL PA BYED PA DE MTHONG NAS PA ZHIG YIN NA NI DES MA LA PHO'I 'DOD CHAGS SKYE'O, ,MO ZHIG YIN NA NI PHA LA MO'I 'DOD CHAGS SKYE'O, ,BZLOG PA NI KHONG PHRO BA SKYE BA STE; BTAGS PA LAS 'DI SKAD DU DE'I CHE DRI ZA LA SEMS GNYIS LAS RJES SU CHAGS PA DANG LDAN PA'AM, KHONG KHRO BA DANG LDAN PA'I SEMS GANG YANG RUNG BA'I MNGON DU GYUR PA YIN NO ZHES 'BYUNG NGO, ,DE NI GNYIS KYI PHYIN CI LOG TU GYUR PAS YUL DER PHYIN PA DANG, DGA' BAR 'DOD PA'I GNAS SKABS DER BDAG NYID MOS SO, ,MNGAL GYI GNAS MI GTZANG BA DER PHYIN NAS DGA' BA SKYES NAS GNAS SO, ,DE NAS DE'I PHUNG PO MKHRANG POR 'GYUR LA SRID PA BAR MA YANG 'GAG PAR 'GYUR BAS NA SKYES PA YIN NO, ,GAL TE DE PHO ZHIG YIN NA NI MA'I LTO'I GA-YAS PHYOGS SU SNYES NAS RGYAB ROL DU KHA BLTAS TE TZOG TZOG POR SKYE'O, ,GAL TE MO ZHIG YIN NA NI DE MA'I LTO'I GA-YON PHYOGS SU SNYES NAS LTO'I MDUN ROL DU KHA LTA'O, ,'ON TE DE MA NING ZHIG YIN NA NI DE 'DOD CHAGS GANG DANG LDAN PA DE BZHIN DU GNAS SO, ,SRID PA BAR MA'I DBANG PO THAMS CAD TSANG BA YIN PA'I PHYIR DBANG PO MA TSANG BA MA YIN PA STE, DE'I PHYIR MOR GYUR PA DANG, PHOR GYUR PA ZHUGS NAS GNAS PA'I LTA BA BZHIN DU GNAS SO, ,PHYIS LUS SKYE ZHING MA NING DU 'GYUR RO, ,DA NI 'DI DPYAD PAR BYA STE, CI LAS KYI DBANG GIS KHU CHU DANG, KHRAG GI 'BYUNG BA CHEN PO DAG KHO NA 'DI'I DBANG PO'I RTEN DU 'GYUR RAM, 'ON TE LAS RNAMS LAS, DE DAG LA BRTEN NAS 'BYUNG BA KHO NA ZHIG SKYE BAR 'GYUR ZHE NA, KHA CIG NA RE DE DAG KHO NA YIN TE, KHU CHU DANG KHRAG DBANG PO MED PA NA NI 'GAG LA, SA BON DANG MYU GU 'GAG PA DANG, SKYE BA'I TSUL DU DBANG PO DANG BCAS PA NUR NUR PO ZHES BYA BA GANG YIN PA DE NI SKYE'O, ,DE LTAR BSHAD NA PHA MA'I NUR NUR PO MI GTZANG BA LAS SKYES PA ZHES BYA BA DANG, DE BZHIN DU DGE SLONG DAG KHYED KYIS NI YUN RING PO NAS NGUR KHROD SKYED DO, ,KHRAG GI THIGS PA BLANGS SO ZHES GSUNGS PA'I MDO'I TSIG LEGS PA YIN NO ZHES @121B ZER RO, ,GZHAN DAG NA RE 'BYUNG BA GZHAN DAG KHO NA YIN TE, DPER NA LO MA'I SRIN BU LTA BU YIN LA, MI GTZANG BA LA BRTEN NAS SKYE BA LA DGONGS TE GSUNGS PA'I PHYIR MDO DANG YANG MI 'GAL LO ZHES ZER RO, ,RE ZHIG SGO NGA LAS SKYE BA DANG, MNGAL NAS SKYE BA'I SKYE GNAS SU 'JUG PA NI DE LTA BU'O, ,GZHAN LA NI CI RIGS PAR BRJOD PAR BYA'O ZHES ZER TE, DE LA RIGS PA NI 'DI YIN PAR SNANG NGO, ,DRI DANG GNAS LA MNGON 'DOD GZHAN, ,DROD GSHER LAS SKYE BA'I SKYE GNAS SU SKYE BA NI LAS JI LTA BA BZHIN DU SKYE BA'I GNAS GTZANG MA'AM MI GTZANG BAR DRI 'DOD PAS 'GRO'O, ,RDZUS TE SKYE BA'I SKYE GNAS SU SKYE BA NI GNAS 'DOD PAS SO, ,JI LTAR NA DMYAL BA DAG TU GNAS 'DOD CE NA, BLO PHYIN CI LOG TU GYUR PA'I PHYIR TE, DE NI BDAG NYID RLUNG DANG CHAR PA SHIN TU GRANG MO DAG GIS BTAB NAS NYEN PA DANG DMYAL BA DAG NA ME 'BAR BA MTHONG STE, DE'I PHYIR DRO BAR 'DOD DE RGYUG GO , ,YANG BDAG NYID RLUNG TSA BA DANG NYI MA DANG ME'I GDUNG BA DAG GIS NYEN PA DANG DMYAL BA DAG NA BSIL BA MTHONG BAS BSIL BA 'DOD PAS RGYUG GO , ,SNGON GYI SLOB DPON DAG NA RE BDAG NYID GNAS SKABS GANG GIS DER SKYE BAR 'GYUR BA'I LAS BYAS PA'I GNAS SKABS DE YIN PA DANG, SEMS CAN DE DAG KYANG MTHONG NAS RGYUG GO ZHES ZER RO, ,DE LA LHA'I SRID PA BAR MA NI STAN LAS LDANG BA BZHIN DU GYEN DU 'GRO'O, ,MI DANG DUD 'GRO DANG, YI DAGS RNAMS KYI NI MI LA SOGS PA BZHIN NO, ,DMYAL BA YI NI SPYI'U TSUGS YIN, ,YANG DAG SDOM DANG DKA' THUB CAN, ,DRANG SRONG RNAMS LA SKUR 'DEBS PA, ,DE DAG SPYI'U TSUGS DAG TU NI, ,DMYAL BA KHO NAR LTUNG BAR 'GYUR, ,ZHES TSIGS SU BCAD DE 'BYUNG BA'I PHYIR RO, ,BLO NI PHYIN CI LOG GYUR PAS, ,RTZE DAGS ? 'GRO BA'I YUL DU 'GRO , ,ZHES BSHAD PA, CI NGES PAR SRID PA BAR MA PA THAMS CAD MA'I MNGAL DU DE LTAR 'JUG GAM ZHE NA, SMRAS PA MA YIN NO, ,'ON KYANG MDO LAS MNGAL DU 'JUG PA NI BZHI ZHES GSUNGS TE, BZHI GANG ZHE NA, GCIG NI SHES BZHIN DU 'JUG GO , ,GNAS PA DANG 'BYUNG BA NI SHES BZHIN DU MA YIN NO, ,GZHAN NI GNAS PA YANG SHES BZHIN DU ZHES BYA BAR SBYAR TE, YANG @122A *, ,ZHES BYA BA'I SGRAS NI 'JUG PA YANG NGO, ,GZHAN NI, 'BYUNG BA'ANG, SHES BZHIN DU STE, YANG ZHES BYA BA NI 'JUG PA DANG, GNAS PA'O, ,GZHAN NI THAMS CAD RMONGS, LA LA NI THAMS CAD SHES BZHIN MA YIN PAR 'GYUR TE, 'JUG PA YANG SHES BZHIN MA YIN LA GNAS PA DANG 'BYUNG BA YANG SHES BZHIN MA YIN NO, ,MNGAL DU 'JUG PA DE BZHI NI TSIGS SU BCAD PA BSDEB PA DANG MTHUN PAR BYA BA'I PHYIR BZLOG STE BSTAN TO, ,SGO NGA LAS SKYES RTAG TU'O, ,SEMS CAN SGO NGA LAS SKYES PA NI RTAG TU THAMS CAD RMONGS PA KHO NAR 'GYUR RO, ,SGO NGA LAS SKYES PA JI LTAR SKYE GNAS SU 'JUG CE NA, GANG ZHIG SKYE BAR 'GYUR BA DE YANG SGO NGA LAS SKYES PA ZHES BYA'O, ,YANG NA 'BYUNG BAR 'GYUR PA'I MING GIS BSTAN TE, DPER NA MDO LAS 'DUS BYAS MNGON PAR 'DU BYED DO ZHES GSUNGS PA DANG, 'JIG RTEN NA 'BRAS CHAN 'TSED DO, ,PHYE 'THAG GO ZHES PA LTA BU STE; DE LTA BAS NA DE NI NYES PA MED DO, ,YANG JI LTAR NA SHES BZHIN MA YIN PAR MA'I MNGAL DU 'JUG CING 'BYUNG BA'I BAR DU YIN PA'AM, JI LTAR NA SHES BZHIN DU YIN ZHE NA, RE ZHIG SEMS CAN DBANG THANG CHUNG BAR GRAGS PA MA'I MNGAL DU 'JUG PA LA 'DI SNYAM DU RLUNG LANGS PA'AM, CHAR PA 'BAB PA'AM, GRANG BA'AM, YUL NGAN NAM, SKYE BO PHAL PO CHE'I TSOGS KU CO 'DON PA SNYAM BYED NAS, MA LA RTZVA THIBS PO'AM, NAGS THIBS PO'AM, RTZVA'I SPYIL PO'AM, LO MA'I SPYIL POR 'JUG PA'AM, SHING DRUNG NGAM, RTZIG PA'I DRUNG DU 'GRO'O, ,GNAS NA YANG 'DI DAG TU GNAS PAR BYA'O, ,'BYUNG NA YANG 'DI DAG NAS 'BYUNG NGO SNYAM DU LOG PA'I 'DU SHES DANG MOS PA DAG 'BYUNG BAR 'GYUR RO, ,SEMS CAN DBANG THANG CHE BAR GRAGS PA NI KUN DGA' RA BA'AM, SKYED MOS TSAL LAM, KHANG BZANGS SU 'JUG PA'AM, KHANG PA BRTZEGS PA'AM, KHRI LA 'DZIG GO , ,DE BZHIN DU GNAS SO, ,'BYUNG NGO SNYAM DU SEMS SO, ,RE ZHIG SHES BZHIN MA YIN PAR 'JUG PA NAS 'BYUNG BA'I BAR NI DE LTA BU YIN NO, ,SHES BZHIN YIN PA NI MA'I MNGAL LA 'JUG GO , ,DE NYID DU GNAS SO, ,DE NYID NAS 'BYUNG NGO SNYAM DU YANG DAG PA JI LTA BA BZHIN DU BAR @122B DU RAB TU SHES TE, 'DI LA PHYIN CI LOG GI 'DU SHES DANG MOS PA DAG MI 'BYUNG NGO, ,YANG 'DIR BSTAN PA DANG, MNGAL DU 'JUG PA GSUM DAG STE, 'KHOR LOS SGYUR DANG RANG BYUNG GNYIS, ,'KHOR LOS SGYUR BA DANG, RANG BYUNG RANG SANGS RGYAS DANG, RDZOGS PA'I SANGS RGYAS DAG STE, 'OG NAS GO RIMS ZHES 'CHAD PAR 'GYUR RO, ,DE LA 'KHOR LOS SGYUR BA NI DANG PO STE, DE NI 'JUG PA KHO NA SHES BZHIN YIN GYI GNAS PA YANG MA YIN LA, 'BYUNG BA YANG MA YIN NO, ,RANG SANGS RGYAS NI GNAS PA YANG NGO, ,SANGS RGYAS NI 'BYUNG BA YANG NGO, ,'DIR YANG 'BYUNG BAR 'GYUR BA'I MING GIS BSTAN TO, ,LAS SAM YE SHES SAM GNYI GA ,RGYA CHE'I PHYIR NA GO RIMS BZHIN, ,LAS RGYA CHEN PO BSOD NAMS RGYA CHEN PO BYED PA RNAMS NI DANG PO YIN NO, ,YE SHES RGYA CHEN PO THOS PA MANG BA DANG RAB TU 'BYED PA BYAS PA RNAMS NI GNYIS PA YIN NO, ,BSOD NAMS KYI LAS DANG YE SHES RGYA CHE BA RNAMS NI GSUM PA YIN TE, DE LTA BUR GYUR PA DE DAG NI RIM BZHIN DU 'KHOR LOS SGYUR BA LA SOGS PA YIN PAR RIG PAR BYA'O, ,LHAG MA RNAMS NI BZHI PA YIN NO ZHES BYA BAR GRUB PO, ,DA NI 'DIR PHYI ROL PA RNAMS GAL TE SEMS CAN 'JIG RTEN GZHAN DU 'PHO'O ZHES BYA BAR DAM BCA' NA BDAG GRUB PA YIN NO ZHES BDAG TU SMRA BA YONGS SU BZUNG NAS RGOL TE, DE DGAG PA'I PHYIR, BDAG MED CES BYA BA SMOS SO, ,BDAG JI LTA BU ZHIG CE NA, GANG PHUNG PO 'DI DAG 'DOR ZHING PHUNG PO GZHAN DAG TU NYING MTSAMS SBYOR RO ZHES BYA BAR YONGS SU RTOG PA NANG GI BYED PA'I SKYES BU DE LTA BU DE MED DE BCOM LDAN 'DAS KYIS 'DI SKAD DU, LAS NI YOD DO, ,RNAM PAR SMIN PA NI YOD DO, ,CHOS SU BRDAR ? BTAGS PA MA GTOGS PA GANG PHUNG PO 'DI DAG 'DOR ZHING PHUNG PO GZHAN DAG TU NYING MTSAMS SBYOR BAR BYED PA'I BYED PA PO NI MI DMIGS SO, ,DE LA CHOS SU BRDAR ? BTAGS PA NI 'DI YIN TE, 'DI LTA STE 'DI YOD PAS 'DI 'BYUNG BA'O ZHES RTEN CING 'BREL BAR 'BYUNG BA RGYAS PAR GSUNGS SO, ,'O NA BDAG JI LTA BU ZHIG MI DGAG CE NA, PHUNG PO TZAM NYID DO, ,GAL TE PHUNG PO TZAM KHO NA LA BDAG CES 'DOGS NA DE LA NI DGAG PA MED DO,, @123A *, ,DE LTA NA 'O NA PHUNG PO BDAG NYID 'JIG RTEN GZHAN DU 'PHO'O ZHES BYA BAR GYUR TO ZHE NA, DE DAG NI MI 'PHO BA'I PHUNG PO TZAM NI, NYON MONGS LAS KYIS MNGON DU BYAS, ,SRID PA BAR MA'I RGYUN GYIS NA, ,MAR ME BZHIN DU MNGAL DU 'GRO , ,PHUNG PO RNAMS NI SKAD CIG MA STE, DE DAG LA NI 'PHO BA'I MTHU MED KYI NYON MONGS PA RNAMS DANG, LAS RNAMS KYIS YONGS SU BSGOS PA'I PHUNG PO TZAM GYIS SRID PA BAR MA ZHES BYA BA'I RGYUN GYIS MA'I MNGAL DU 'GRO STE, DPER NA MAR ME SKAD CIG MA YIN YANG RGYUN KYIS YUL GZHAN DU 'GRO BA LTA BU YIN PAS DE NI NYES PA MED DO, ,DE LTA BAS NA BDAG MED BZHIN DU YANG NYON MONGS PA DANG, LAS RNAMS KYIS MNGON PAR 'DUS BYAS PA'I PHUNG PO RNAMS KYI RGYUN MA'I MNGAL DU 'JUG GO ZHES BYA BA 'DI GRUB BO, ,DE YANG, JI LTAR 'PHANGS BZHIN RIM GYIS RGYUN, ,SKYES NAS LAS DANG NYON MONGS KYIS; ,'JIG RTEN PHA ROL DAG TU 'GRO , ,TSE'I LAS THA DAD PA'I PHYIR PHUNG PO'I RGYUN THAMS CAD KYI 'PHEN PA 'DRA BA NI MA YIN TE, DE'I PHYIR GANG ZHIG JI SRID DU 'PHANGS PA DE DE SRID DU RIM GYIS SKYE BAR 'GYUR RO, ,RIM PA GANG GIS SHE NA, GTZUG LAG LAS, DANG POR NUR NUR PO YIN NO, ,NUR NUR PO LAS MER MER SKYE, ,MER MER PO LAS NAR NAR SKYE, ,NAR NAR PO LAS MKHRANG 'GYUR SKYE, ,MKHRANG LAS RKANG LAG 'GYUS PA 'DRA, ,SKRA SPU SEN MO LA SOGS PA, ,DBANG PO GZUGS CAN RNAMS DANG NI, ,MTSAMS RNAMS RIM GYIS SKYE BAR 'GYUR, ,ZHES 'BYUNG NGO; ,NUR NUR PO DANG, MER MER PO DANG, NAR NAR PO DANG, MKHRANG 'GYUR DANG, RKANG LAG 'GYUS PA'I GNAS SKABS DE DAG NI MNGAL GYI GNAS SKABS LNGA YIN NO, ,YANG DUS GZHAN NA MNGAL GYI ZUG RNGU DE YONGS SU SRIN ? PAR GYUR PA MNGAL GYI NANG NA GANG DAG GIS MNGAL GYI ZUG RNGU DE BSGYUR NAS MA'I LUS KYI MI GTZANG BA'I SGO LOGS SU KHA BSTAN NAS 'JOG PAR BYED PA LAS KYI RNAM PAR SMIN PA LAS SKYES PA'I RLUNG DAG LDANG STE, DE GNAS NAS SDED PA NA MI GTZANG BA MKHRANG PO DE SHIN TU CHEN PO 'CHIR BA BZHIN DU SPO DKA' BA YIN NO, ,GAL TE NA RES 'GA' @123B MA'I ZAS DANG, GNAS PA'I BYA BA MI MTHUN PAR SPYOD PA'AM SNGON GYI LAS KYI NYAS PAS MNGAL KHO NAR 'CHI BAR 'GYUR RO, ,DE NAS 'DI DE SHES PA'I BUD MED DAM, GZHON NU'I SMAN PAS MAR SAR RAM, TIL MAR 'JAM TZAM MAM, SHING SHAL MA LE LEGS PAR BTAGS PA'I PHYE MA'AM, GZHAN YANG RUNG BAS LAG PA BSKUS NAS, DE LA MTSON RNON PO SRAB MO BTAGS TE, RKYAG DONG LTA BUR MI BZAD PA DRI NGA BA MUN KHUNG LA SOGS PA'I 'DAM RDZAB SRIN BU'I RIGS SHIN TU MANG PO STONG PHRAG GI GNAS, RTAG TU 'DZAG PAR 'GYUR BA, RTAG TU BYI DOR BYA DGOS PA, KHU CHU DANG KHRAG DANG CHU SER DANG DRI MAS KUN TU MYAGS PA, RNAM PAR MYAGS PA, RUL PA; RNAGS PA, 'GRED PA, MTHONG NA 'JIGS SU RUNG BA PAGS PA RDOL ? BA SRAB MOS GA-YOGS PA, SNGON GYI LAS KYI RNAM PAR SMIN PA LAS SKYES PA LUS KYI RMA 'KHYIMS PA CHEN PO DER LAG PA BCUG STE, YAN LAG DANG NYING LAG BCAD NAS 'BYIN TO, ,DE YANG SNGON GYI LAS LAN GRANGS GZHAN LA MYONG BAR 'GYUR BAS SHED DU KHRID PAR BYED DO, ,'ON TE BDE BAR BTZA' BAR 'GYUR NA NI DE NAS 'DI BU 'DOD PA'I MA'AM, DE'I GA-YOG BU MED RNAMS KYIS BTZAS MA THAG PA'I LUS RMA SAR PA LTA BU MTSON DANG THAL BA'I SMAN LTA BU'I REG PA DANG LDAN PA'I LAG PA GNYIS KYIS BLANGS NAS 'KHRU BAR BYED DO, ,NU ZHO DANG MAR SAR GYIS SKYED PAR BYED CING RIM GYIS KHA ZAS RAGS PA BZA' BAR GOMS PAR YANG BYED DO, ,DE SKYE BA'I RGYUS DBANG PO RNAMS LONGS SU SMIN NAS NI YANG NYON MONGS PA RNAMS KUN TU SPYOD CING, LAS RNAMS KYANG STZOGS PAR 'GYUR RO, ,DE DAG GI LUS ZHIG NAS YANG SNGA MA BZHIN DU SRID PA BAR MA'I RGYUN GYIS 'JIG RTEN PHA ROL TU 'GRO STE, SRID PA'I 'KHOR LO THOG MA MED, ,RNAM PA DES NA LAS DANG NYON MONGS PA'I RGYU LAS BYUNG BA'I SKYE BA DANG, YANG DE LAS BYUNG BA'I LAS DANG NYON MONGS PA RNAMS DANG, YANG DE LAS SKYE BA RNAMS YIN PAS NA SRID PA'I 'KHOR LO THOG MA MED PA YIN PAR RIG PAR BYA'O, ,THOG MA ZHIG BRTAGS NA NI DE'I RGYU MED PA NYID DU THAL PAR 'GYUR RO, ,RGYU MED PA NYID GCIG YIN NA NI 'DI THAMS CAD KYANG RGYU @124A *, ,MED PA KHO NAR 'GYUR BA ZHIG NA YUL DANG DUS SO SOR NGES PA LAS MYU GU LA SOGS PA LA SA BON LA SOGS PA DANG, CHOS PA LA SOGS PA LA ME LA SOGS PA'I NUS PA YANG MTHONG BAS RGYU MED PA LAS 'BYUNG BA NI MED DO, ,RGYU RTOG PA YOD PAR SMRA BA NI SNGAR BSAL ZIN PA NYID DO, ,DE LTA BAS NA 'KHOR BA'I THOG MA NI MED PA KHO NA'O, ,SKYE BA NI RGYU LA RAG LUS PA'I PHYIR RGYU ZAD PA LAS MTHA' DANG LDAN PAR NI RIGS TE, SA BON ZAD BAS MYU GU BZHIN NO, ,DE LTAR PHUNG PO'I RGYUN SKYE BA'I GNAS SKABS GSUM PA BSTAN PA GANG YIN PA, DE NI RTEN CING 'BREL 'BYUNG BA'I, ,YAN LAG BCU GNYIS CHA GSUM MO, ,DE LA YAN LAG BCU GNYIS NI MA RIG PA DANG, 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI DANG, CHA GSUM NI SNGON GYI MTHA' DANG, PHYI MA'I MTHA' DANG, BAR DAG STE, 'DAS PA DANG, MA 'ONGS PA DANG, DA LTAR BYUNG BA'I SKYE BA DAG YIN NO, ,CHA GSUM PO 'DI DAG TU YAN LAG BCU GNYIS JI LTAR RNAM PAR GZHAG CE NA, SNGON DANG PHYI MTHA'I GNYIS GNYIS PA, ,MA RIG PA DANG, 'DU BYED RNAMS NI SNGON GYI MTHAR RO, ,SKYE BA DANG, RGA SHI NI PHYI MA'I MTHAR RO, ,LHAG MA BRGYAD NI BAR DU'O, ,YANG CI THAMS CAD KYI SKYE BA 'DI LA YAN LAG BRGYAD PO 'DI DAG YOD DAM ZHE NA, SMRAS PA; MA YIN NO, ,'O NA SU LA YOD CE NA, YONGS RDZOGS LDAN NO, ,'DI LA YONGS SU RDZOGS PA YOD PAS NA YONGS SU RDZOGS LDAN NO, ,'DIR NI GANG ZAG GANG ZHIG GNAS SKABS KYI BYE BRAG 'DI THAMS CAD LA REG PA DE LA DGONGS PA YIN GYI, GANG BAR MA DO KHO NAR 'CHI BA YANG MA YIN LA, GZUGS DANG GZUGS MED PA NA SPYOD PA YANG MA YIN TE, 'DI LTAR GLENG GZHI CHEN PO'I RNAM GRANGS KYI MDO LAS KUN DGA' BO GAL TE RNAM PAR SHES PA MA'I MNGAL DU ZHUGS PAR MA GYUR NA ZHES GSUNGS PA'I PHYIR 'DOD PA NA SPYOD PA'I GANG ZAG KHO NAR BSDAN PA YIN NO, ,GANG GI TSE RTEN CING 'BREL PAR 'BYUNG BA SNGON GYI MTHA' PA DANG, PHYI MA'I MTHA' PA ZHES RNAM PA @124B GNYIS SU BRJOD PA DE'I TSE NI TSOR BA LA THUG PA'I BAR YAN LAG BDUN NI SNGON GYI MTHA' PA YIN LA, LNGA NI PHYI MA'I MTHA' PA YIN TE, SNGON DANG PHYI MA'I MTHA' DANG 'BRAS BU DANG RGYU DANG BCAS PA DAG SMOS PA'I PHYIR RO, ,YANG MA RIG PA LA SOGS PA 'DI DAG GANG YIN ZHE NA, MA RIG NYON MONGS SNGON GNAS SKABS, ,TSE SNGA MA LA NYON MONGS PA'I GNAS SKABS GANG YIN PA DE NI 'DI LA MA RIG PA ZHES BYA STE, LHAN CIG SPYOD PA'I PHYIR DANG, DE'I DBANG GIS DE DAG KUN TU 'BYUNG BA'I PHYIR RGYAL PO GSHEGS SO ZHES BYAS NA DE'I ZHA 'BRING PA YANG 'ONG BAR 'GRUB PA BZHIN NO, ,'DU BYED DAG NI SNGON LAS KYI, ,GNAS SKABS ZHES BYA BAR SBYAR TE, CHE SNGA MA LA BSOD NAMS LA SOGS PA'I LAS KYI GNAS SKABS GANG YIN PA DE NI 'DI LA 'DU BYED RNAMS ZHES BYA STE, LAS GANG GIS 'DIR RNAM PAR SMIN PA'O, ,RNAM SHES MTSAMS SBYOR PHUNG PO YIN, ,MA'I MNGAL DU NYING MTSAMS SBYOR BA'I SKAD CIG MA LA PHUNG PO LNGA NI RNAM PAR SHES PA YIN NO, ,MING DANG GZUGS NI DE PHAN CHAD, ,SKYE MCHED DRUG DONG TSUN CHAD DO, ,MTSAMS SBYOR BA'I SEMS PHAN CHAD NAS JI SRID DU SKYE MCHED DRUG MA DOD KYI BAR GYI GNAS SKABS DE NI MING DANG GZUGS ZHES BYA'O, , SKYE MCHED BZHI DOD TSUN CHAD DO ZHES BRJOD PA BYA BA YIN PA LAS SKYE MCHED DRUG CES BRJOD PA NI DE'I TSE DE RNAM PAR 'JOG PA'I PHYIR RO, ,DE NI GSUM 'DUS TSUN CHAD DO, ,SKYE MCHED DRUG DONG NAS JI SRID DU DBANG PO DANG YUL DANG RNAM PAR SHES PA DANG GSUM MA 'DUS PA DE SRID KYI GNAS SKABS DE NI SKYE MCHED DRUG CES BYA'O ZHES REG PA BDE SDUG LA SOGS KYI RGYU SHES NUS PA TSUN CHAD DO, ,REG PA NI GSUM 'DUS TE DES JI SRID DU TSOR BA GSUM GYI RGYU YONGS SU GCOD PAR MA NUS PA'I GNAS SKABS DE NI REG PA ZHES BYA'O, ,YONGS SU GCOD NUS NAS NI, TSOR 'KHRIG TSUN CHAD; TSOR BA'I GNAS SKABS NI JI SRID DU 'KHRIG PA'I 'DOD CHAGS KUN TU MI SPYOD PA'I BAR RO, ,SRED PA NI, LONGS SPYOD 'KHRIG PA'I CHAGS CAN GYI, 'DOD PA'I YON TAN DANG, 'KHRIG PA'I 'DOD CHAGS KUN TU ? SOD PA'I GNAS SKABS JI SRID DU YUL YONGS SU TSOL BA LA MA @125A *, ,ZHUGS PA NI SRID PA ZHES BYA'O, ,NYE BAR LEN PA LONGS SPYOD RNAMS, ,THOB PAR BYA PHYIR YONGS RGYUG PA'I, ,GNAS SKABS GANG DU YUL THOB PAR BYA BA'I PHYIR YONGS SU TSOL BA LA ZHUGS NAS THAMS CAD DU RGYUG PA DE NI LEN PA ZHES BYA'O, ,DE LTAR YONGS SU RGYUG PA NA, ,DE SRID 'BRAS BU 'BYUNG 'GYUR PA'I, ,LAS BYED DE NI SRID PA YIN, ,DE YUL RNAMS THOB PAR BYA BA'I PHYIR YONGS SU RGYUG PA NA YANG SRID PA LA SOGS PA DE NI DE'I SRID PA YIN NO, ,LAS DES YANG 'DI NAS SHI 'PHOS NAS TSE PHYI MAR NYING MTSAMS SBYOR BAR 'GYUR TE, NYING MTSAMS SBYOR BA DE NI SKYE BA YIN, 'DI LA RNAM PAR SHES PA'I YAN LAG GANG YIN PA DE NI TSE GZHAN DU SKYE BA YIN NO, ,DE PHAN CHAD TSOR BA'I BAR NI RGA SHI YIN, SKYE BA PHAN CHAD TSOR BA'I GNAS SKABS KYI BAR NI RGA SHI STE, 'DI LA YAN LAG BZHI PO MING DANG GZUGS DANG SKYE MCHED DRUG DANG, REG PA DANG, TSOR BA GANG DAG YIN PA DE DAG NYID GZHAN DAG TU RGA SHI YIN NO, ,DE LTAR NA DE DAG NI YAN LAG BCU GNYIS YIN NO, ,RTEN CING 'BREL BAR 'BYUNG BA DE NI RNAM PA BZHIR BRJOD DO, ,SKAD CIG PA DANG, RGYUN CHAGS PA DANG, 'BREL PA CAN DANG; GNAS SKABS PA'O, ,SKAD CIG MA JI LTA BU ZHE NA, SKAD CIG MA GCIG LA YAN LAG BCU GNYIS YOD PA STE, 'DI LTA STE, CHAGS PA'I DBANG GIS SROG GCOD PA'I RMONGS PA GANG YIN PA DE NI MA RIG PA'O, ,SEMS PA GANG DAG YIN PA DE DAG NI 'DU BYED RNAMS SO, , DNGOS PO SO SOR RNAM PAR RIG PA NI RNAM PAR SHES PA'O, RNAM PAR SHES PA DANG LHAN CIG 'BYUNG BA'I PHUNG PO BZHI NI MING DANG GZUGS SO, ,MING DANG GZUGS LA RNAM PAR GNAS PA'I DBANG PO RNAMS NI SKYE MCHED DRUG GO , ,SKYE MCHED DRUG 'DUS PA NI RIG PA'O, ,REG PA NYAMS SU MYONG BA NI TSOR BA'O, ,CHAGS PA GANG YIN PA DE NI SRED PA'O, ,DE DANG MTSUNGS PAR LDAN PA'I KUN NAS DKRIS PA RNAMS NI LEN PA'O, ,DES KUN NAS BSLANG BA'I LUS DANG, NGAG GI LAS NI SRID PA'O, ,LAS DE RNAMS SKYE BA NI SKYE BA'O, ,YONGS SU SMIN PA NI @125B RGA BA'O, ,ZHIG PA NI SHI BA'O, ,YANG SMRAS PA, SKAD CIG PA DANG, 'BREL PA CAN NI RAB TU BYED PA DAG LAS JI SKAD 'BYUNG BA BZHIN NO, ,RAB TU BYED PA DAG LAS JI SKAD DU 'BYUNG ZHE NA, RTEN CING 'BREL BAR 'BYUNG BA GANG ZHE NA, 'DUS BYAS KYI CHOS THAMS CAD DO, ,RTEN CING 'BREL BAR 'BYUNG BA'I CHOS RNAMS GANG ZHE NA, 'DUS BYAS KYI CHOS THAMS CAD DO ZHES 'BYUNG NGO, ,GNAS SKANGS PA NI BCU GNYIS DANG LDAN PA'I PHUNG PO LNGA'I GNAS SKABS TSE GSUM BAR CHAD MED PAR 'BREL BA DAG YIN NO, ,DE NYID RGYUN CHAGS PA YANG YIN NO, ,DE RNAMS LAS BCOM LDAN 'DAS KYIS 'DI GANG LAS DGONGS SHE NA, 'DI NI GNAS SKABS PAR 'DOD LO, ,GAL TE YAN LAG DANG YAN LAG LA PHUNG PO LNGA CHAR YOD NA CI'I PHYIR MA RIG PA LA SOGS PA'I CHOS RNAMS KHO NAR BSGRAGS SHE NA, GTZO BO'I PHYIR NA YAN LAG BSGRAGS, ,MA RIG PA GTZO BO YIN PA'I GNAS SKABS SU NI MA RIG PAR BSHAD LA, 'DU BYED GTZO BO YIN PAR NI 'DU BYED NAS RGA SHI GTZO BO YIN PA'I BAR DU NI RGA SHI KHO NA BSHAD PAS NYIS PA MED DO, ,YANG CI'I PHYIR MDO SDE LAS NI YAN LAG BCU GNYIS SU GSUNGS LA, RAB TU BYED PA DAG LAS NI RTEN CING 'BREL BAR 'BYUNG BA GANG ZHE NA, 'DUS BYAS KYI CHOS THAMS CAD DO ZHES GZHAN DU 'BYUNG ZHE NA, MDO LAS GSUNGS PA NI DGONGS PA CAN YIN NO, ,CHOS MNGON PA LAS NI MTSAN NYID PA YIN TE, DE BZHIN DU GNAS SKABS PA DANG, SKAD CIG PA DANG, RGYUN CHAGS PA DANG, 'BREL PA CAN DANG, SEMS CAN DU STON PA DANG, SEMS CAN MA YIN PAR STON PA ZHES BYA BA THA DAD PA YIN NO, ,YANG CI'I PHYIR MDO LAS SEMS CAN DU STON PA KHO NA GSUNGS SHE NA, SNGON DANG PHYI MTHA' BAR DAG LA, ,RMONGS PA RNAM PAR BZLOG PHYIR RO, , DE NYID KYI PHYIR CHA GSUM PA YIN NO, ,DE LA SNGON GYI MTHA' LA RMONGS PA LA NE 'DI JI LTAR BDAG 'DAS PA'I DUS NA BYUNG BAR GYUR TAM, 'ON TE BYUNG BAR MA GYUR BDAG CI ZHIG TU NI BYUNG BAR GYUR, BDAG JI LTAR NA NI BYUNG BAR GYUR SNYAM PA'I THE TSOM 'DI SKYE'O, ,PHYI MA'I MTHA' @126A *, ,LA RMONGS PA LA NI 'DI LTAR CI MA 'ONGS PA'I DUS NA 'BYUNG BAR 'GYUR RAM SNYAM PA RGYAS PAR THE TSOM 'DI SKYE'O, ,BAR DU RMONGS PA LA NI 'DI LTAR CI ZHIG YIN, 'DI JI LTAR YIN, YOD PA NI CI ZHIG YIN, 'GYUR BA NI CI ZHIG YIN SNYAM PA'I THE TSOM 'DI SKYE'O, , DE LTAR NA RMONGS PA RNAM PA GSUM PO 'DI BZLOG PA'I PHYIR MDO LAS RTEN CING 'BREL BAR 'BYUNG BA SEMS CAN DU STON PA KHO NA CHA GSUM DU BSTAN TE, MA RIG PA DANG, 'DU BYED RNAMS DANG, SKYE PA DANG, RGA SHI DANG, RNAM PAR SHES PA NAS SRID PA'I BAR DANG GO RIMS BZHIN NO, ,'DI LTAR MDO NYID LAS DGE SLONG DAG DGE SLONG GIS GANG PHAN CHAD RTEN CING 'BREL BAR 'BYUNG BA DANG RTEN CING 'BREL BAR 'BYUNG BA'I CHOS RNAMS YANG DAG PA'I SHES RAB KYIS DE LTAR YANG DAG PA JI LTA BA BZHIN MTHONG BA DE NI CI BDAG 'DAS PA'I DUS NA BYUNG BAR GYUR TAM SNYAM DU SNGON GYI MTHA' LA 'BRANG BAR MI 'GYUR RO ZHES BYA BA RGYAS PAR GSUNGS SO, ,GZHAN DAG NA RE PHYI MA'I MTHA' LA RMONGS PA BZLOG PA'I PHYIR SRED PA DANG, LEN PA DANG, SRID PA DAG KYANG BSTAN TE, 'DI DAG NI DE KHO NA'I RGYU YIN NO ZHES ZER RO, ,YANG RTEN CING 'BREL PAR 'BYUNG BA YAN LAG BCU GNYIS PA DE NI NYON MONGS PA DANG, LAS DANG BZHI NGAG DANG, GSUM GYI RANG BZHIN DU RIG PAR BYA STE, DE LA NYON MONGS GSUM MO, ,YAN LAG GSUM NI NYON MONGS PA'I RANG BZHIN CAN TE, MA RIG PA DANG, SRED PA DANG, LEN PA RNAMS SO, ,LAS GNYIS SO, , YAN LAG GNYIS NE LAS KYI RANG BZHIN YIN TE, 'DU BYED DANG, SRID PA'O, ,GZHI BDUN, YAN LAG BDUN PO RNAM PAR SHES PA DANG, MING DANG, GZUGS DANG, SKYE MCHED DRUG DANG, REG PA DANG, TSOR BA DANG, SKYE BA DANG, RGA SHI RNAMS NI LAS DANG NYON MONGS PA'I RTEN YIN PA'I PHYIR GZHI'I YAN LAG YIN NO, ,JI LTAR YAN LAG BDUN GZHI YIN PA DE BZHIN 'BRAS BU YIN, YAN LAG BDUN PO NYID 'BRAS BUR GYUR PA DAG YIN NO, ,LHAG MA LNGA NI LAS DANG NYON MONGS PA'I RANG BZHIN YIN BA'I PHYIR RGYUR GYUR PA DAG YIN NO, ,YANG @126B CI'I PHYIR GZHI RNAM PA LNGA DANG NYON MONGS PA RNAM PA GNYIS THA DAD PA'I PHYIR DBUS SU NI RGYU DANG 'BRAS BU DAG RGYA CHER BSKYED LA, MA 'ONGS PA'I DUS SU NI RNAM PA GNYIS THA DAD PA'I PHYIR 'BRAS BU MDOR BSDUS, 'DAS PA'I DUS SU NI NYON MONGS PA SGO GCIG TU BSTAN PA'I PHYIR RGYU MDOR BSDUS SHE NA, GNYIS KYI RGYU 'BRAS MDOR BSDUS PA, ,BAR MA'I RJES SU DPAG PA LAS, ,BAR MA KHO NAS SNGON GYI MTHA' DANG PHYI MA'I MTHA' DAG GI RGYU DANG 'BRAS BU RGYAS PAR RJES SU DPAG PAR NUS PAS MA BSHAD DE, YANG DON MED PA'I 'BAD PA MA BYAS SO, ,GAL TE YANG RTEN CING 'BREL PAR 'BYUNG BA YAN LAG BCU GNYIS KHO NA YIN NA DE LTA NA GO ,MA RIG PA'I RGYU MA BSTAN PA'I PHYIR 'KHOR BA THOG MA CAN DU YANG 'GYUR LA, RGA SHI'I 'BRAS BU MA BSTAN PA'I PHYIR MTHA' DANG LDAN PAR YANG 'GYUR BA'AM, YANG NA NI YAN LAG GZHAN GYIS KHA BSKANG DGOS SO, ,DE LA YANG GZHAN ZHIG YOD NA NI THUG PA MED PAR 'GYUR RO ZHE NA, KHA BSKANG BAR BYA MI DGOS TE, 'DI LTAR 'DIR BCOM LDAN 'DAS KYIS, NYON MONGS PA LAS NYON MONGS DANG, ,BYA BA NYID DO DE LAS GZHI, ,DE LAS GZHI DANG NYON MONGS SKYES,, 'DI NI SRID PA'I YAN LAG LUGS, ,ZHES BSTAN ZIN TO, ,NYON MONGS PA LAS NYON MONGS PA SKYE STE, SRED PA LAS LEN PA'O, ,NYON MONGS PA LAS LAS TE, LEN PA LAS NI SRID PA DANG, MA RIG PA LAS 'DU BYED RNAMS SO, ,LAS LAS GZHI STE, 'DU BYED RNAMS LAS RNAM PAR SHES PA DANG, SRID PA LAS SKYE BA'O, ,GZHI LAS GZHI STE, RNAM PAR SHES PA LAS MING DANG GZUGS NAS REG PA LAS TSOR BA'I BAR DANG, SKYE BA LAS RGA SHI'O, ,GZHI LAS NYON MONGS PA STE, TSOR BA LAS SRID PA'O, ,GANG GI PHYIR SRID PA'I YAN LAG RNAMS KYI LUGS DE LTAR RNAM PAR GZHAG PA DE'I PHYIR MA RIG PA NYON MONGS PA'I RANG BZHIN YANG GZHI 'AM NYON MONGS PA LAS SKYE BAR 'GYUR RO ZHES BSTAN PA YIN LA, RGA SHI NI TSOR BA LA THUG PA'I GZHI LAS KYANG NYON MONGS PA 'BYUNG NGO ZHES BSTAN PA YIN PAS YANG 'DI LA KHA BSKANG BAR BYA BA CUNG ZAD @127A *, ,KYANG MED DE; DE LTAR NA SDUG BSNGAL GYI PHUNG PO CHEN PO 'DI 'BA' ZHIG YANG DAG PAR 'BYUNG BAR 'GYUR RO ZHES GSUNGS PA'I PHYIR RO, ,DE LTA MA YIN NA 'DI'I NUS PA CI ZHIG YOD PAR 'GYUR, GZHAN DAG NA RE MDO GZHAN LAS MA RIG PA YANG CHUL BZHIN MA YIN PA YID LA BYED PA'I RGYU LAS BYUNG BA YIN NO, ,TSUL BZHIN MA YIN PA YID LA BYED PA YANG MA RIG PA'I RGYU LAS BYUNG BA YIN NO, ,ZHES GSUNGS LA, DE NI 'DIR YANG LEN PA'I NANG DU 'DUS PA'I PHYIR BSHAD PA YIN NO ZHES ZER TE, TSUL BZHIN MA YIN PA YID LA BYED PA, LEN PA'I NANG DU JI LTAR 'DUS, GAL TE MTSUNGS PAR LDAN PA LAS YIN NO ZHE NA NI SRID PA DANG MA RIG PA DAG GI NANG DU YANG DE 'DUS PAR THAL BAR 'GYUR RO, ,NANG DU 'DUS PA YIN DU CHUG NA YANG JI LTAR 'DIR MA RIG PA NI TSUL BZHIN MA YIN PA'I RGYU LAS BYUNG BA YIN NO ZHES BYA BAR BSTAN PA YIN, GAL TE NANG DU 'DUS PA KHO NAS RGYU DANG 'BRAS BU'I DNGOS POR SHES PAR 'GYUR NA, 'O NA NI SRED PA DANG MA RIG PA DAG KYANG DE'I NANG DU 'DUS PA'I PHYIR YAN LAG GZHAN NYID DU MI BYA BAR NUS SO, ,GZHAN DAG NA RE MDO GZHAN LAS MA RIG PA'I RGYU TSUL BZHIN MA YIN PA YID LA BYED PA YIN PAR GSUNGS TE, DE YANG MIG DANG GZUGS RNAMS LA BRTEN NAS GTI MUG LAS SKYES PA'I YID LA BYED PA'I RNYOG PA SKYE'O ZHES GSUNGS PA'I PHYIR REG PA'I DUS SU BSTAN PA YIN LA, MDO GZHAN LAS MA RIG PA'I 'DUS TE REG PA LAS BYUNG BA'I TSOR BA LA BRTEN NAS SRED PA SKYE'O ZHES GSUNGS PA'I PHYIR TSOR BA'I DUS SU YANG MA RIG PA GDON MI ZA BAR YOD DO, DE LTA BAS NA REG PA'I DUS NA YOD PA'I TSUL BZHIN MA YIN PA YID LA BYED PA NI TSOR BA DANG LHAN CIG 'JUG PA'I MA RIG PA'I RKYEN GYI NGO BOR GRUB PAS MA RIG PA RGYU MED PA NYID KYANG MA YIN ZHING, YAN LAG GZHAN GYIS KHA BSKANG BAR YANG MI BYA'O, ,THUG PA MED PAR THAL BAR 'GYUR BA YANG MA YIN TE, GTI MUG LAS SKYES PA'I YID LA BYED PA RNYOG PA ZHES 'BYUNG BAS TSUL BZHIN MA YIN PA YID LA BYED PA DE YANG GTI MUG LAS SKYES PAR GSUNGS PA'I PHYIR RO, ,'O NA NI DE NI GZHAN DU GSUNGS PAS 'DIR @127B YANG BRJOD PAR BYA DGOS SO ZHE NA, BRJOD PAR BYA MI DGOS SO, ,MA BRJOD BZHIN DU JI LTAR GO ZHE NA RIGS PA LAS SO, ,RIGS PA GANG GIS SHE NA, DGRA BCOM PA RNAMS KYI TSOR BA MA RIG PA MED PA NI SRED PA'I RKYEN MA YIN NO, ,PHYIN CI LOG MED PA'I SRID PA YANG NYON MONGS PA CAN GYI TSOR BA'I RKYEN MA YIN LA, DGRA BCOM PA MA RIG PA MED PA'I REG PA YANG PHYIN CI LOG MA YIN NO ZHES BYA BA'I RIGS PA 'DIS SO, ,JI SNYED RIGS PAS 'THAD PA DE SNYED MA BSHAD BZHIN DU YANG GO BAR 'GYUR NA, DE LTA NA NI HA CANG THAL BAR 'GYUR TE, DE LTA BAS NA 'DI NI LAN MA YIN NO, ,MA RIG PA DANG, RGA SHI DAG LAS GZHAN MA BSTAN PA'I PHYIR 'KHOR BA LA THOG MA DANG THA MA DANG LDAN PAR THAL BAR 'GYUR RO ZHES BYA BA 'DI NI KLAN KAR MI RUNG BA KHO NA YIN LA MTSANG PAR ? BSTAN PA YANG MA YIN NO, ,CI'I PHYIR ZHE NA, ,'DIR NI JI LTAR NA 'JIG RTEN PHA ROL NAS 'JIG RTEN 'DIR, 'JIG RTEN 'DI NAS YANG 'JIG RTEN PHA ROL DU 'BREL SNYAM DU 'JUG PA LA RMONGS PA'I GDUL BA RNAMS LA DE TZAM ZHIG BRJOD PAR BZHED PA'I PHYIR LA, DE NI, ,SNGON DANG PHYI MTHA'I BAR ? DAG LA, ,RMONGS PA RNAM PAR BZLOG PHYIR RO, ,ZHES BYA BA 'DIS SNGAR BSHAD ZIN PA'I PHYIR RO, ,BCOM LDAN 'DAS KYIS DGE SLONG DAG KHYED LA RTEN CING 'BREL PAR 'BYUNG BA DANG, RTEN CING 'BREL PAR 'BYUNG BA'I CHOS RNAMS KYANG BSTAN PAR BYA'O ZHES GSUNGS PA, YANG DE DAG LA KHYAD PAR CI ZHIG YOD CE NA, RE ZHIG BSNYAN BCOS LAS NI KHYAD PAR CUNG ZAD KYANG MED DE, GNYIG YANG 'DUS BYAS KYI CHOS THAMS CAD YIN PAR GSUNGS SO, ,DA NI JI LTAR NA MA 'ONGS PA MA BYUNG BA RNAMS RTEN CING 'BREL PAR 'BYUNG BA DAG CES BYA, RE ZHIG MA 'ONGS PA MA BYAS PA RNAMS KHO NA YANG JI LTAR NA 'DUS BYAS DAG CES BYA, MNGON PAR 'DU BYED PA'I SEMS PAS BSAMS PA'I PHYIR RO, , ZAG PA MED PA RNAMS JI LTAR, DE DAG KYANG THOB PAR BYA BA'I PHYIR SEMS PA DGE BAS BSAMS PA DAG YIN NO, ,MYA NGAN LAS 'DAS PA LA YANG THAL BAR 'GYUR RO ZHE NA, DE DANG RIGS MTHUN PA'I PHYIR DE KHO NA BZHIN DU MTHUN PAR BSGRES PA YIN TE, DPER NA RE ZHIG GZUGS SU NI RUNG BA YANG @128A *, ,DE DANG RIGS MTHUN PA'I PHYIR GZUGS ZHES BYA BA BZHIN PAS DE NI NYES PA MED DO, ,MDO'I DGONGS PA NI, 'DIR NI 'BYUNG BA RGYU YIN TE, ,BYUNG BA 'BRAS BU YIN PAR 'DOD, ,CES PA 'DI YIN TE, RGYUR GYUR PA'I YAN LAG NI RTEN CING 'BREL PAR 'BYUNG BA YIN TE, 'DI LAS 'BYUNG BA'I PHYIR RO, ,'BRAS BUR GYUR PA'I YAN LAG NI RTEN CING 'BREL PAR 'BYUNG BA STE, DE LTAR NA YAN LAG THAMS CAD KYANG RGYU DANG 'BRAS BUR GYUR PA'I PHYIR GNYI GAR 'GRUB PAR 'GYUR RO, ,DE LTA YIN YANG LTOS PA'I BYE BRAG GIS RNAM PAR GZHAG PA MED PA YANG MA YIN TE, GANG LA LTOS NAS RTEN CING 'BREL PAR 'BYUNG PA YIN PA DE NYID LA LTOS NAS RTEN CING 'BREL PAR 'BYUNG BA DE MA YIN TE, RGYU DANG 'BRAS BU BZHIN DANG PHA DANG BU BZHIN NO, ,GNAS BRTAN BSAM RDZOGS NA RE, RTEN CING 'BREL PAR 'BYUNG BA YIN LA, RTEN CING 'BREL PAR 'BYUNG BA'I CHOS DAG MA YIN PA YANG YOD DO ZHES BYA BA MU BZHI STE, MU DANG PO NI CHOS MA 'ONGS PA RNAMS SO, ,GNYIS PA NI DGRA BCOM PA'I CHOS THA MA 'DAS PA DANG, DA LTAR BYUNG BA RNAMS SO, ,GSUM PA NI DE LAS GZHAN PA'I CHOS 'DAS PA DANG, DA LTAR BYUNG BA RNAMS SO, ,BZHI PA NI CHOS 'DUS MA BYAS RNAMS SO ZHES ZER RO ZHES GRAG GO , ,'DIR MDO SDE PA RNAMS RGOL BAR BYE DE, CI 'DI DAG GANG ZHIG GANG 'DOD PA'I 'DOD RGYAL DU 'CHAD PA ZHIG GAM, 'ON TE MDO'I DON YIN, SMRAS PA, MDO'I DON YIN NO, ,GAL TE MDO'I DON YIN NO ZHE NA, 'DI NI MDO'I DON MA YIN NO, ,JI LTAR ZHE NA RE ZHIG GNAS SKABS PA'I RTEN CING 'BREL PAR 'BYUNG BA 'DI NI BCU GNYIS DANG LDAN PA'I PHUNG PO LNGA'I GNAS SKABS KYI YAN LAG BCU GNYIS PA DAG YIN NO ZHES GANG SMRAS PA NI MDO DANG 'GAL BA YIN NO, ,MDO LAS NI MA RIG PA GANG ZHE NA, SMRAS PA, SNGON GYI MTHA' MI SHES PA GANG YIN PA'O ZHES RGYAS PAR GSUNGS TE, NGES PA'I DON GANG YIN PA DE NI DRANG BA'I DON MA YIN PAS 'DI NI MDO'I DON MA YIN NO, ,BSTAN PA'I SGO NAS THAMS CAD NGES PA'I DON KHO NA YANG MA YIN GYI, GTZO BO JI LTA BAR BSTAN PAR YANG MDZAD DE, DPER NA GLANG PO CHE'I RJES LTA BU LAS, SA'I @128B KHAMS GANG ZHE NA ZHES BYA BA'I DBANG DU MDZAD NAS 'DI LTA STE, SKRA DANG KHA SPU DAG GO ZHES GSUNGS PA LTA BU STE, DE DAG LA NI GZUGS LA SOGS PA GZHAN YANG YOD DE, DE BZHIN DU 'DIR YANG GTZO BO JI LTA BA BZHIN DU BSTAN PA YIN NO, ,'DI NI DPE MA YIN TE, DE LAS NI GANG GIS NA DE DAG MA RDZOGS PAR BSTAN PAR 'GYUR BA SA'I KHAMS KYI SKRA LA SOGS PA STON PA NI MA YIN GYI 'ON KYANG DE LAS NI SKRA LA SOGS PA DAG KHO NAS SA'I KHAMS STON PA YIN TE, SKRA LA SOGS PA MA GTOGS PA YANG SA'I KHAMS MED PAS 'DI RDZOGS PAR BSTAN PA KHO NA YIN NO, ,DE BZHIN DU 'DI LAS KYANG MA RIG PA LA SOGS PA RNAMS YONGS SU RDZOGS PA KHO NAR BSTAN PA YIN GYI LHAG MA DANG BCAS PAR NI MA YIN NO, ,SKRA LA SOGS PA MA GTOGS PAR YANG MCHI MA DANG, MCHIL MA DANG, SNABS LA SOGS PA DAG LA SA'I KHAMS YOD PA MA YIN NAM ZHE NA, DE YANG BSTAN ZIN PA NYID DE, LUS 'DI LA GZHAN YANG ZHES GSUNGS PA'I PHYIR RO, ,YANG NA GAL TE DE KHO NA DANG 'DRA BAR BSTAN PAR NUS NA MA RIG PA'I LHAG MA YOD LA RAG GO , ,RIGS THA DAD PA NI MA RIG PAR CI'I PHYIR BSTAN, GNAS SKABS DE DAG LA PHUNG PO LNGA CHAR YOD DU ZIN KYANG GANG ZHIG YOD DAM MED NA GANG YONG ? PA DANG MED PAR NGES PA DE KHO NA YAN LAG YIN NO, ,DGRA BCOM PA LA PHUNG PO LNGA YOD KYANG 'DU BYED RNAMS KYANG MI 'BYUNG LA, BSOD NAMS MA YIN PA DANG, MI GA-YO BAR NYE BAR 'GRO BA'I RNAM PAR SHES PA DANG, SRED PA LA SOGS PA YANG MA YIN PAS MDO'I DON NI JI SKAD BSTAN PA KHO NA YIN NO, ,MU BZHIR BSHAD PA GANG YIN PA DE LA YANG, GAL TE CHOS MA 'ONGS PA RNAMS RTEN CING 'BREL PAR 'BYUNG BA YIN NAM RTEN CING 'BREL PAR 'BYUNG BA'I CHOS RNAMS GANG ZHE NA, MA RIG PA NAS RGA SHI'I BAR DAG YIN NO ZHES GSUNGS PA'I MDO DANG 'GAL LO,, YANG NA SKYE BA DANG, RGA SHI'I YAN LAG DAG MA 'ONGS PA'I DUS SU RNAM PAR GZHAG PAR MI 'DOD PAR BYA DGOS PAS CHA GSUM DU DGOD PA RNAM PAR NYAMS PAR 'GYUR RO, ,DE SDE PA GZHAN DAG NA RE, DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS NYID 'DI DAG NI GNAS PA @129A *, ,KHO NA'O ZHES GSUNGS PA'I PHYIR RTEN CING 'BREL PAR 'BYUNG BA NI 'DUS MA BYAS YIN NO ZHES ZER RO, ,DE NI DGONGS PA'I DBANG GAS DE BZHIN YANG YIN LA DE BZHIN YANG MA YIN NO, ,RE ZHIG JI LTAR DE BZHIN YIN, ,YANG NA JI LTAR NA DE BZHIN MA YIN ZHE NA, GAL TE DGONGS PA 'DI DE BZHIN GSHEGS PA RNAMS BYUNG YANG RUNG MA BYUNG YANG RUNG RTAG TU MA RIG PA LA SOGS PA DAG LA BRTEN NAS 'DU BYED LA SOGS PA RNAM PA KUN TU 'BYUNG GI MA BRTEN PAR RAM, GZHAN DAG LA BRTEN NAS NI NAM YANG MA YIN PAS RTEN CING 'BREL PA NI RTAG PA'O ZHES BYA BA YIN NO ZHE NA NI, DE DE BZHIN NO ZHES GZUNG BAR BYA'O, ,'ON TE DGONGS PA 'DI RTEN CING 'BREL PAR 'BYUNG BA ZHES BYA BA DNGOS PO GZHAN RTAG PA CUNG ZAD CIG YOD DO ZHES BYA BA YIN NO ZHE NA NI DE DE LTA MA YIN NO ZHES DGAG PAR BYA'O, ,CI'I PHYIR ZHE NA, 'BYUNG BA NI 'DUS BYAS KYI MTSAN NYID YIN PA'I PHYIR RO, , DNGOS PO GZHAN RTAG PA NI MI RTAG PA'I MTSAN NYID YIN PAR YANG MI RUNG NGO, ,'BYUNG BA ZHES BYA BA NI SKYE BA YIN PA'I PHYIR 'DI MA RIG PA LA SOGS PA DANG CI ZHIG 'PHREL NA GANG GI PHYIR DE DAG RTEN CING 'BREL PAR 'BYUNG BA ZHES BRJOD PAR 'GYUR, RTAG PA ZHES KYANG BYA LA, RTEN CING 'BREL PAR 'BYUNG BA ZHES KYANG BYA BAS TSIG GI DON KYANG NUS PA MED PAR 'GYUR RO, ,YANG RTEN CING 'BREL PAR 'BYUNG BA ZHES BYA BA'I TSIG GI DON GANG YIN ZHE NA, RTEN CING 'BREL PA ZHES BYA BA NI PHRAD PA'I DON TO, ,AI TI NI 'GRO BA'I DON TO, ,NYE BAR BSGYUR BA'I DBANG GIS SKAD KYI DBYINGS KYI DON YONGS SU BSGYUR BA'I PHYIR PHRAD NAS ZHES BYA BA'I DON GANG YIN PA DE NI RTEN CING 'BREL TE ZHES BYA BA'I DON YIN NO, ,PA DA NI YOD PA'I DON TO, ,SAM DANG AUD GONG NA YOD NA 'BYUNG BA'I DON TO, ,DES NA PHRAD NAS 'BYUNG BA NI RTEN CING 'BREL PAR 'BYUNG BA YIN NO, ,TSIG GI DON 'DI NI RIGS PA MA YIN NO, ,CI'I PHYIR ZHE NA, BYED PA PO GCIG GIS BYA BA GNYIS NI DUS SNGAR TE ZHES BYA BA'I RKYEN YIN TE, DPER NA KHRUS BYAS TE BZA'O ZHES BYA BA LTA BU YIN NO SNGAR PHRAD NAS PHYIS SKYE BAR 'GYUR BA GANG YIN PA DE NI SKYE BA'I SNGON ROL NA 'GA' YANG MED LA, BYED PA PO MED PA'I BYA BA YANG MED DO, , @129B 'DIR SMRAS PA, GAL TE 'BYUNG SNGON PHRAD NAS YIN, ,MED PHYIR RUNG BA MA YIN NO, ,GAL TE LHAN CIG 'DIR DE NI, ,MA GRUB SNGON DU BYED PHYIR RO, ,'DI NI NYES PA MED DE, ,RE ZHIG SGRA PA LA GNAS SKABS GANG GIS CHOS ZHIG SKYE, DA LTA'I 'AM 'ON TE MA 'ONGS PA ZHIG CES BYA BA 'DI BRI BAR BYA'O, ,DE LAS CIR 'GYUR, CI STE DA LTA'I ZHIG SKYE'O ZHE NA NI, ,GAL TE MA SKYES NA JI LTAR DA LTAR YIN, 'ON TE SKYES ZIN PA ZHIG YANG SKYE NA NI THUG PA MED PAR THAL BAR 'GYUR RO, ,CI STE MA 'ONGS PA ZHIG SKYE'O ZHE NA, ,MED PA JI LTAR BYED PA PO NYID DAM, BYED PA PO MED PA'I BYA BA 'GRUB, DE'I PHYIR GNAS SKABS GANG SKYE BA'I GNAS SKABS DE NYID DANG PHRAD NAS ZHES BYA BA BZHIN NO, ,GNAS SKABS GANG ZHIG SKYE ZHE NA, SKYE BA LA MNGON DU PHYOGS PA'I MA 'ONGS PA STE, GNAS SKABS DE KHO NA RKYEN DANG PHRAD NAS ZHES BYA'O, ,SGRA PA'I 'DI LTA STE, BYED PA PO DANG BYA BA RNAM PAR 'JOG PA 'DI YANG GRUB PA MA YIN TE, SKYE'O ZHES BYA BA 'DI NI BYED PA PO YIN LA, SKYE ZHES BYA BA 'DI NI BYA BA YIN NA 'DI LA SKYE'O ZHES BYA BA'I DON LAS BYA BA GZHAN YANG MA MTHONG NGO, ,DE LTA BAS NA THA SNYAD DAG LA KLAN KA MED DO, ,TSIG GI DON NI 'DI YOD NA 'DI 'BYUNG, 'DI SKYES PAS 'DI SKYE ZHES BYA BA'I DON GANG YIN PA DE NI RTEN CING 'BREL PAR 'BYUNG BA'I DON TO ZHES BYA BA 'DI YIN NO, ,'DIR BSHAD PA, JI LTAR MED PA SKYE BA LTAR, ,MED PA PHRAD PA'ANG DE DANG 'DRA, ,SKYES PA SKYE NA MTHAR THUG MED, ,'ON TE SNGA NA YONG ? NA 'ANG RUNG, LHAN CIG PA LA 'ANG DE YOD DE, ,MAR ME BYUNG NAS MUN PA MED, ,KHA GDANGS NYAL BZHIN GAL TE PHYIS, ,BTZUMS PA LA YANG CI PHYIR MIN, ,GZHAN DAG NI KLAN KA 'DI YONGS SU SPANG BAR BYA BA'I PHYIR DON GZHAN DU YONGS SU RTOG PAR BYED DO, ,RTEN CING 'BRAL PA NI ZLOS PA'I DON YIN NO, ,SAM NI 'DU BA'I DON YIN NO, ,A'ITYA NI 'GRO BAR RUNG BA STE MI SDOD PA'O, ,AUNG GONG NA YOD PA'I PAD NI 'BYUNG BA'I DON TE, 'DI SKAD DU TSOGS PA DE DANG DE NA 'GRO BAR RUNG BA RNAMS 'DUS NAS SKYE BA NI RTEN CING 'BREL PAR 'BYUNG BA'O ZHES BSHAD PA YIN NO, ,RTOGS PA 'DI NI 'DI KHO NA LA RAB TU BRTAG TU RUNG GI MIG DANG @130A *, ,GZUGS RNAMS LA BRTEN NAS MIG GI RNAM PAR SHES PA SKYE'O ZHES BYA BA 'DI LA JI LTAR RUNG, ,YANG CI'I PHYIR BCOM LDAN 'DAS KYIS 'DI YOD NA 'DI 'BYUNG, 'DI SKYE BAS 'DI SKYE'O ZHES RNAM GRANGS GNYIS GSUNGS SHE NA, NGES PAR GZUNG BA'I DON TE, DPER NA GZHAN LAS MA RIG PA YOD NA 'DU BYED RNAMS 'BYUNG GIG MA RIG PA'I RKYEN MED PAR 'DU BYED RNAMS MA YIN NO ZHES GSUNGS PA LTA BU'O, ,YANG NA YAN LAG 'DI YOD NA 'DI 'BYUNG NGO, ,YAN LAG 'DI SKYES PAS YAN LAG GZHAN SKYE'O ZHES YAN LAG BRGYAD PAR BSTAN PA'I PHYIR RO, , YANG NA SNGON GYI MTHA' YOD NA DA LTAR GYI MTHA' 'BYUNG NGO, ,DA LTAR GYI MTHA' SKYES PAS PHYI MA'I MTHA' SKYE'O ZHES TSE BRGYUD PAR BSTAN PA'I PHYIR RO, ,YANG NA RES 'GA' NI 'DU BYED RNAMS MA RIG PA'I MJUG THOGS SU 'BYUNG NGO, ,RES 'GA' NI BRGYUD NAS SO ZHES MNGON SUM DANG BRGYUD NAS RKYEN GYI NGO BOR BSTAN PA'I PHYIR RO, ,GZHAN DAG NA RE RGYU MED NA DNGOS PO MI 'BYUNG LA, RANG BZHIN DANG SKYES BU LA SOGS PA SKYE BA MED PA DANG LDAN PA RTAG PA LAS KYANG CUNG ZAD KYANG MI SKYE'O ZHES RGYU MED PA DANG, RGYU RTAG PAR SMRA BA DGAG PA'I PHYIR RO ZHES ZER TE, RTOG PA 'DI LA NI TSIG SNGA MA SMOS PA DON MED PAR 'GYUR TE, 'DI SKYES PAS 'DI SKYE'O ZHES BYA BA 'DI KHO NAS SMRAS PA GNYI ? GA DGAG PA 'GRUB PA'I PHYIR RO, ,'O NA NI GANG LAGS BDAG RTEN DU GYUR PA YOD PAS 'DU BYED LA SOGS PA RNAMS 'BYUNG NGO, ,MA RIG PA LA SOGS PA SKYES PAS DE DAG SKYE BAR RTOG PAR BYED PA YOD PAS DE'I PHYIR RTOG PA DE BSAL BAR BYAS PA'I PHYIR GANG ZHIG SKYES PAS GANG SKYE BA NI DE NYID YOD PAS DE 'BYUNG GI ,GZHAN LAS NI MA YIN NO ZHES 'DI NGES PAR GZUNG BA MDZAD PA YIN TE, 'DI LTA STE, MA RIG PA'I RKYEN GYIS 'DU BYED RNAMS DANG, SDUG BSNGAL GYI PHUNG PO CHEN PO 'DI 'BA' ZHIG YANG DAG PAR 'BYUNG BAR 'GYUR RO ZHES BYA BA'I BAR YIN NO, ,SLOB DPON DAG NA RE, MA RIG PA MA SPANGS NA 'DU BYED RNAMS MI SPONG LA DE NYID SKYES PAS SKYE BAR 'GYUR RO ZHES MA SPANGS PA DANG SKYE BAR 'GYUR BA RGYAS PAR BSTAN PA'I PHYIR RO ZHES ZER RO, ,GZHAN DAG NA RE RGYU'I @130B RGYU NA JI SRID PA DE SRID DU 'BRAS BU'I RGYUN 'BYUNG BAR 'GYUR RO, ,RGYU NYID SKYES PAS 'BRAS BU SKYE BAR 'GYUR RO ZHES GNAS PA DANG SKYE BA YANG DAG PAR BSTAN PA'I PHYIR RO ZHES ZER TE, 'BYUNG BA'I DBANG DU MDZAD PA YIN NA GNAS PA'I TSIG TU THAL BA CI ZHIG YOD, BCOM LDAN 'DAS KYIS KYANG CI'I PHYIR RIM PA MI MTHUN PAR SNGAR NI GNAS PA DANG PHYIS NI SKYE BA GSUNGS PAR 'GYUR, YANG SMRAS PA, 'DI YOD NA 'DI 'BYUNG NGO ZHES BYA BA NI 'BRAS BU YOD NA RGYU 'JIG PAR 'BYUNG BA YIN NO, ,'O NA NI RGYU MED PA LAS 'BRAS BU 'BYUNG NGO SNYAM DU SEMS PAR 'GYUR BAS SMRAS PA, DE'I PHYIR RGYU MED PA LAS 'BYUNG BA MA YIN TE, 'DI LTAR NA 'DI SKYES PAS 'DI SKYE'O ZHES BKA' STZAL TO, ,GAL TE MDO'I DON DE YIN PAR GYUR NA NI 'DI YOD PAS 'DI MI 'BYUNG NGO ZHES BYA BA KHO NAR BKA' STZAL PAR 'GYUR LA, RE ZHIG SNGAR NI 'BRAS BU SKYE BA KHO NA YIN LA, PHYIS NI 'DI YOD NA 'DI MI 'BYUNG BAR 'GYUR RO ZHES BKA' STZAL PAR 'GYUR TE, DE LTAR NA GO RIMS LEGS PA YIN NO, ,GZHAN DU NA RTEN CING 'BREL PAR 'BYUNG BA GANG ZHE NA ZHES BYA BA'I SKABS SU 'JIG PA ZHES BYA BA'I RIG PA GANG ZHIG YIN, DE LTA BAS NA DE NI MDO'I DON MA YIN NO, ,YANG JI LTAR NA MA RIG PA'I RKYEN GYIS 'DU BYED RNAMS YIN PA NAS SKYE BA'I RKYEN GYIS RGA SHI'I BAR DAG YIN ZHE NA, 'BREL PA TZAM ZHIG BSTAN PAR BYA STE, BYIS PA NI RTEN CING 'BREL BAR 'BYUNG BA 'DU BYED TZAM 'DI MI SHES PAS BDAG TU LTA BA DANG, NGA'O SNYAM PA'I NGA RGYAL LA MNGON PAR ZHEN CING BDAG NYID BDE BA'I DON TAM, BDE BA YANG MA YIN SDUG BSNGAL YANG MA YIN PA'I DON DU LUS LA SOGS PA DAG GIS LAS RNAM PA GSUM RTZOM STE, TSE PHYI MA LA BDE BA'I DON DU BSOD NAMS BDE BA DANG, BDE BA YANG MA YIN SDUG BSNGAL BA YANG MA YIN PA'I DON DU NI MI GA-YO BA, TSE 'DI LA BDE BA'I DON DU BSOD NAMS MA YIN PA RTZOM STE; DE DAG NI 'DI'I MA RIG PA'I RKYEN GYIS 'DU BYED DAG YIN NO, ,LAS KYI 'PHEN PA'I DBANG GIS RNAM PAR SHES PA'I RGYU NA ? SRID PA BAR MA DANG 'BREL PA'I PHYIR ME 'BAR BA 'GRO BA'I TSUL DU 'GRO BA DE DANG DER 'GRO BAR 'GYUR TE, DE NI 'DI'I 'DU BYED KYI RKYEN GYIS RNAM PAR SHES PA YIN @131A *, ,NO; ,DE LTAR BSHAD NA RNAM PAR SHES PA'I YAN LAG BSTAN PA LAS, RNAM PAR SHES PA GANG ZHE NA, RNAM PAR SHES PA'I TSOGS DRUG GO ZHES BSHAD PA DE 'THAD PA YIN NO, ,YANG RNAM PAR SHES PA SNGON DU 'GRO BA'I MING DANG GZUGS PHUNG PO LNGA PO 'GRO BA DE DANG DER SKYE BAR 'GYUR TE, RNAM PAR 'BYED PA LAS DE SKAD BSTAN PA'I PHYIR RO, ,DE'I 'OG TU MING DANG GZUGS YONGS SU SMIN PA'I RIM GYIS SKYE MCHED DRUG GO, ,DE'I 'OG TU YUL DANG PHRAD NA RNAM PAR SHES PA SKYE BAS GSUM 'DUS PA LAS BDE BA LA SOGS PA MYONG BAR 'GYUR BA'I REG PA'O, ,DE'I 'OG TU TSOR BA RNAM PA GSUM MO, ,DE'I 'OG TU SRED PA STE, SDUG BSNGAL GYIS GZIR BA'I TSOR BA BDE BA LA NI 'DOD PA'I SRED PA'O, ,BDE BA DANG, BDE BA YANG MA YIN SDUG BSNGAL YANG MA YIN PA LA NI GZUGS KYI SRED PA'O, ,BDE BA YANG MA YIN SDUG BSNGAL YANG MA YIN PA LA NI GZUGS MED PA'I SRED PA'O, ,DE'I 'OG TU TSOR BA YID DU 'ONG BA LA SRED PA LAS 'DOD PA LA SOGS PA NYE BAR LEN TE, DE LA 'DOD PA RNAMS NI 'DOD PA'I YON TAN LNGA DAG GO, ,LTA BA DAG NI DRUG CU RTZA GNYIS TE, TSANGS PA'I DRA BA LAS JI SKAD 'BYUNG BA BZHIN NO, ,TSUL KHRIMS NI 'CHAL PA'I TSUL KHRIMS SPONG BA'O, ,BRTUL ZHUGS NI KHYI DANG BA LANG GI BRTUL ZHUGS LA SOGS PA DANG, JI SKAD DU GCER BU PA LA SOGS PA RNAMS NI SGREN MO GOS MED PA YIN NO ZHES RGYAS PAR GSUNGS PA LTA BU DANG, BRAM ZE DANG, PHYUGS BDAG PA DANG, KUN TU RGYU LA SOGS PA DAG DBYU GU DANG GA-YANG GZHI DANG, RAL BU DANG, THAL BA DANG, DBYU GU GSUM DANG SGRE BO LA SOGS PA YANG DAG PAR LEN PA'O, ,BDAG TU SMRA BA NI LUS TE, DE LA BDAG TU SMRA BA YOD PAS NA BDAG TU SMRA BA'O, ,GZHAN DAG NA RE BDAG TU LTA BA DANG, NGA'O SNYAM BA'I BRGYAL ? YIN NO ZHES ZER TE, 'DI GNYIS JI LTAR NA BDAG TU SMRA BA NYID YIN NO ZHE NA 'DI GNYIS KYANG BDAG GO ZHES SMRA BA'I PHYIR RO, ,BDAG MED PA'I PHYIR BDAG TU SMRA BA NYE BAR LEN PA ZHES BYA STE, SKAD DU DGE SLONG DAG BDAG DANG BDAG GI ZHES BYA BA NI BYIS PA SO SO'I SKYE BO THOS PA DANG MI LDAN PA @131B BTAGS PA'I RJES SU LHUNG BAR ZAD KYI, 'DIL BDAG GAM BDAG GI NI MED DO ZHES GSUNGS PA LTA BU'O, ,DE DAG NYE BAR LEN PA NI DE DAG LA 'DUN PA DANG, 'DOD CHAGS GANG YIN PA STE, BCOM LDAN 'DAS KYIS THAMS CAD LAS JI SKAD DU NYE BAR LEN PA GANG ZHE NA, ? 'DI LA 'DUN PA'I 'DOD CHAGS GANG YIN PA'O ZHES BSHAD PA LTA BU'O, ,YANG LEN PA'I RKYEN GYIS YANG SRID PA'I LA SOGS PAR BYED PA DE NI SRID PA YIN TE MDO LAS, KUN DGA' BO TSE PHYI MA LA YANG SRID PA MNGON PAR 'GRUB PAR BYED PA'I LAS GANG YIN PA DE NI 'DIR SRID PA YANG YIN NO ZHES GSUNGS PA LTA BU'O, ,SRID PA'I RKYEN GYIS RNAM PAR SHES PA 'JUG PA'I TSUL DU MA 'ONGS PA'I SKYE BA NI SKYE BA YIN TE, PHUNG PO LNGA PO YIN NO, ,SKYE BA YOD NA RGA SHI 'BYUNG STE, MDO LAS JI SKAD BSTAN PA LTA BU'O, ,DE LTAR 'DI 'BA' ZHIG CES BYA BA NI BDAG DANG BDAG GI DANG BRAL BA'O, ,SDUG BSNGAL GYI PHUNG PO CHEN PO ZHES BYA BA NI SDUG BSNGAL GYI TSOGS THOG MA DANG THA MA MED PA'O, ,YANG DAG PAR 'BYUNG BAR 'GYUR ZHES BYA BA NI SKYE BA'O, ,BYE BRAG TU SMRA BA'I LUGS NI SNGAR BSHAD BA GANG YIN PA DE KHO NA YIN NO, ,YANG MA RIG PA ZHES BYA BA'I DON GANG YIN, RIG PA MA YIN PA GANG YIN PA'O, ,MIG LA SOGS PA DAG LA YANG THAL BAR 'GYUR RO, ,'O NA NI RIG PA MED PA YIN NO, ,DE LTA NA CI YANG MA YIN PAR 'GYUR TE, DE YANG RIG PA MA YIN NO, ,DE LTA BAS NA, RIG PA'I MI MTHUN PHYOGS CHOS GZHAN, ,MA RIG MI MDZA' BRDZUN SOGS BZHIN, ,JI LTAR MDZA' PO ZHES BZLOG NA DE'I MI MTHUN PA'I SA PHYOGS SU GYUR PA MI MDZA' PA 'GA' ZHIG YOD KYI, MDZA' BO LAS GZHAN PA GANG YIN PA YANG MA YIN LA, MDZA' BO MED PA YANG MA YIN PA DANG, BDEN PA ZHES BYA BA NI BDEN PA'O, ,DE MI MTHUN PA'I PHYOGS SU GYUR PA'I TSIG NI MI BDEN PA YIN PA DANG, CHOS MA YIN PA DANG, DON MA YIN PA DANG, BYA BA MA YIN PA LA SOGS PA YANG CHOS LA SOGS PA'I MI MTHUN PAR GYUR PA DE BZHIN DU MA RIG PA YANG RIG PA'I MI MTHUN PAR GYUR PA CHOS GZHAN ZHIG TU BLTA BAR BYA'O, ,'DI GA LAS SHE NA, RKYEN GYI DNGOS POR BSTAN @132A *, ,PA'I PHYIR RO, ,GZHAN YANG KUN SBYOR SOGS KYI PHYIR, ,MDO DAG LAS MA RIG PA NI KUN TU SBYOR BA DANG, 'CHING BA DANG, PHRA RGYAS DANG, CHU BO DANG, SBYOR BA ZHES BYA'O ZHES GSUNGS TE, MED PA TZAM NI DE LTA BU YIN PAR 'ONGS PA MA YIN LA MIG LA SOGS PA YANG MA YIN NO, ,DE LTA BAS NA MA ? RIG PA NI CHOS GZHAN KHO NA ZHIG YIN NO, ,'O NA NI DPER NA CHUNG MA NGAN PA LA CHUNG MA MA YIN ZHES BYA BA DANG, BU NGAN PA LA BU MA YIN PA ZHES BYA BA LTAR MA RIG PA YANG DE DANG 'DRA'O, ,GAL TE, SHES RAB NGAN PA'O MIN LTA PHYIR, ,SMAD PA'I SHES RAB NI NYON MONGS PA CAN YIN NA DE YANG LTA BA'I RANG BZHIN YIN PAS MA RIG PA YIN PAR MI RUNG NGO, ,'O NA NI GANG LTA BA'I RANG BZHIN MA YIN PA DE YIN PAR 'GYUR RO, ,DE YANG YIN PAR MI 'OS SO, ,DE CI'I PHYIR ZHE NA, LTA BA DE DANG MTSUNGS LDAN PHYIR, ,GAL TEM RIG PA SHES RAB YIN PAR GYUR NA SHES RAB KYI RDZAS NYID MTSUNGS PAR MI LDAN PA'I PHYIR LTA BA DE DANG MTSUNGS PAR LDAN PAR MI 'GYUR RO, ,SHES RAB NYON MONGS BSTAN PHYIR RO, ,ZHES BYA BA 'DI LAS KYANG 'GRUB STE, MDO LAS, 'DOD CHAGS KYIS NYE BAR NYON MONGS PA CAN DU GYUR PA'I SEMS NI RNAM PAR MI 'GROL LO, ,MA RIG PAS NYE BAR NYON MONGS PA CAN DU GYUR PA'I SHES RAB NI RNAM PAR MI 'DAG GO ZHES GSUNGS TE, SHES RAB DE NYID SHES RAB DE'I NYON MONGS PA 'DOD CHAGS RIGS PA MA YIN PAS JI LTAR SEMS KYIS NYE BAR NYON MONGS PA 'DOD CHAGS RIGS THA DAD PA GZHAN YIN PA LTAR SHES RAB KYI MA RIG PA YANG DE DANG 'DRA'O, ,YANG CI'I PHYIR 'DI LTAR SHES RAB NYON MONGS PA CAN DANG, SHES RAB DGE BA 'DRES NA RNAM PAR MI 'DAG PAS DE'I PHYIR 'DI DE'I NYE BA'I NYON MONGS PA YIN PAR MI 'DOD, ,'DOD CHAGS KYIS NYE BAR NYON MONGS PA CAN DU GYUR PA'I SEMS RNAM PAR MI 'GROL BA GANG YIN PA DE YANG GDON MI ZA BAR 'DOD CHAGS KYIS KUN NAS DKRIS PA YIN NAM CI, GANG RNAM PAR MI 'GROL BA DE NI 'DOD CHAGS KYIS DE LTAR NYE BAR BCOM PA YIN LA, BAG CHAGS RNAM PAR BZLOG PA NI RNAM PAR GROL BAR 'GYUR RO, ,DE BZHIN DU MA RIG PAS NYE BAR NYON MONGS PA CAN DU GYUR @132B PA'I SHES RAB RNAM PAR MI 'DAG PAS MA RIG PAS NYE BAR BCOM PA YIN PAR YONGS SU BRTAG PAR BYA'O, ,YONGS SU RTOG PA LA NI SU ZHIG BZLOG STE, MA RIG PA RIGS GZHAN KHO NA ZHIG YOD DO ZHES BRJOD DO, ,GANG YANG NYON MONGS PA CAN THAMS CAD MA RIG PA YIN NO SNYAM DU SEMS PA DE'I YANG 'DI NYID KYIS BSAL BA YIN TE, NYON MONGS PA THAMS CAD KYI RANG BZHIN YIN NA KUN TU SBYOR BA LA SOGS PA'I NANG DU YANG LOGS SHIG TU BSHAD PAR MI 'GYUR ZHING, LTA BA LA SOGS PA PHAN TSUN MTSUNGS PAR LDAN PA MED PA'I PHYIR LTA BA 'AM NYON MONGS PA GZHAN DANG YANG MTSUNGS PAR LDAN PAR MI 'GYUR LA, SEMS KYANG MA RIG PAS NYE BAR NYON MONGS PA CAN DU GYUR PA KHO NAR BSHAD PAR 'GYUR RO, ,'ON TE BYE BRAG TU BYA BA'I PHYIR DE SKAD DU BSHAD DO ZHES BYA BAR 'DOD NA NI SHES RAB LA YANG MA RIG PA BYE BRAG TU BYA DGOS PAR 'GYUR RO, ,MA RIG PA CHOS GZHAN ZHIG YIN LA RAG NA DE'I RANG BZHIN CI YIN, BDEN PA DANG DKON MCHOG DANG, LAS DANG 'BRAS BU RNAMS MI GSAL PA'O, ,MI GSAL BA ZHES BYA BA 'DI CI YIN PA 'DI YANG MI SHES SO, ,GAL TE GSAL BA MA YIN PA ZHIG GAM, GSAL BA MED PA ZHIG YIN NA NI MA RIG PA LA NI JI LTA BA DE KHO NA BZHIN DU SKYON DU 'GYUR RO, ,'ON TE GSAL BA'I MI MTHUN PA'I PHYOGS SU GYUR PA, CHOS GZHAN ZHIG YIN NO ZHE NA YANG DE BZHIN DU DE CI YIN PA 'DI MI SHES SO ZHE NA, CHOS RNAMS BSTAN PA DE LTA BU YANG YOD DE, DPER NA MIG GANG ZHE NA, GZUGS DANG BA MIG GI RNAM PAR SHES PA'I RTEN GANG YIN PA'O ZHES GSUNGS PA LTA BU DANG, BTZUN PA CHOS SKYOB NA RE NGA'O SNYAM DU SEMS CAN LA 'JUG PA NI MA RIG PA'O ZHES ZER RO, ,NGA'O SNYAM PA'I NGA RGYAL LAS GZHAN PA'I 'JUG PA GANG ZHIG YIN ZHE NA, MDO LAS BDAG GIS DE LTAR SHES, ,DE LTAR MTHONG STE, SRED PA THAMS CAD DANG, LTA BA THAMS CAD DANG, 'JUG PA THAMS CAD DANG, NGAR 'DZIN PA DANG NGA YIR 'DZIN PA DANG NGA'O SNYAM PA'I NGA RGYAL LA MNGON PAR ZHEN PA'I PHRA RGYAS THAMS CAD SPANGS SHING YONGS SU SHES NAS GRIB MA MED PAR MYA NGAN LAS 'DAS SO ZHES GSUNGS PA GANG YIN PA DE YIN @133A *, ,NO; ,'JUG PA DE YOD KYANG DE NI MA RIG PA 'DI YIN NO ZHES BYA BA 'DI GA LAS SHE NA 'DI LTAR NYON MONGS PA GZHAN YIN NO ZHES BRJOD PAR MI NUS PA'I PHYIR RO, ,NGA RGYAL GZHAN YANG YOD PA KHO NA MA YIN NAM ZHE NA, 'DI LA DBYAD PAR CHAD NA BRJOD PA MANG POR GYUR TE, DE LTA BAS NA 'DI NI BZHAG GO, ,YANG MING DANG GZUGS ZHES BYA BA 'DI'I DON CI ZHE NA, GZUGS NI RGYA CHER BSHAD PA YIN NO, ,MING NI GZUGS CAN MIN PHUNG PO, ,CI'I PHYIR ZHE NA, MING DANG DBANG PO DANG DON GYI DBANG GIS DON RNAMS LA GZHOL BAS NA MING NGO, ,MING GANG GI DBANG GIS SHE NA, 'JIG RTEN NA GRAGS PA MING YIN BA ? STE, DON DE DANG DE DAG GO BAR BYED PA BA LANG DANG, RTA DANG, GZUGS DANG, RO ZHES BYA BA DE LTA BU LA SOGS PA'O, ,DE YANG CI'I PHYIR MING NYID YIN ZHE NA, 'ON TE DE DAG LA MING DE GZHOL BAR BYED PA'I PHYIR RO, ,GZHAN DAG NA RE 'DIR LUS BOR NAS SKYE BA GZHAN DU GZHOL BA'I PHYIR MING NI GZUGS CAN MA YIN PA'I PHUNG PO DAG YIN NO ZHES ZER RO, ,SKYE MCHED DRUG NI BSHAD ZIN NO, ,DA NI REG PA BRJOD PAR BYA STE, MIG GI 'DUS TE REG PA NAS YID KYI 'DUS TE REG PA'I BAR RO, ,DE DAG KYANG, 'DUS TE BYUNG BA NI, DBANG PO DANG YUL DANG RNAM PAR SHES PA DANG GSUM 'DUS PA LAS SKYES PA'O, ,RE ZHIG LHAN CIG SKYE BA'I PHYIR DBANG PO LNGA NI DON DANG RNAM PAR SHES PA DAG DANG 'DU BAR YANG RIGS NA, YID KYI DBANG PO 'GAGS PA'I CHOS DANG YID KYI RNAM PAR SHES PA MA 'ONGS PA DANG DA LTAR GYI DAG DANG JI LTAR 'DU ZHE NA, RGYU DANG 'BRAS BU'I DNGOS PO GANG YIN BA DE NYID DE DAG GI 'DU BA YIN NO, ,YANG NA GSUM PO DE DAG THAMS CAD KYANG REG PA BSKYED PAR BYA BA LA MTHUN PA YIN PA'I PHYIR 'BRAS BU GCIG PA'I DON NI 'DU BA'I DON TO, ,'DI LA SLOB DPON RNAMS KYI BLO THA DAD PAR GYUR TE, KHA CIG NA RE 'DUS BA NYID REG PA YIN NO ZHES ZER TE, 'DIR MDO'I KHUNGS DE LTAR NA CHOS GSUM PO 'DI DAG 'BREL CING 'DUS LA TSOGS PA GANG YIN PA DE NI REG PA YIN NO ZHES GSUNGS PA YANG KHYER TE 'ONG BAR BYED DO, ,KHA CIG NA RE SEMS DANG MTSUNGS PAR LDAN PA'I CHOS GZHAN KHO NA ZHIG REG PA @133B YIN NO ZHES ZER TE, 'DIR MDO'I KHUNGS CHOS KYI RNAM GRANGS DRUG TSAN DRUG GANG ZHE NA, NANG GI SKYE MCHED DRUG DANG, PHYI'I YUL DRUG DANG, RNAM PAR SHES PA'I TSOGS DRUG DANG, REG PA'I TSOGS DRUG DANG, TSOR BA'I TSOGS DRUG DANG, SRED PA'I TSOGS DRUG GO ZHES GSUNGS PA YANG KHYER TE 'ONG BAR BYED DO, ,'DIR NI REG PA'I TSOGS DBANG PO DANG DON DANG RNAM PAR SHES PA DAG LAS LOGS SHIG TU BSTAN TO, ,DE LA GANG DAG 'DUS PA NYID REG PA YIN NO ZHES ZER BA DE DAG NI 'DI SKAD DU LOGS SHIG TU BSTAN PA'I PHYIR LOGS SHIG NA YOD PA KHO NA YANG MA YIN TE, TSOR BA DANG SRED PA DAG KYANG CHOS KYI SKYE MCHED LAS LOGS SHIG NA YOD PAR 'GYUR DU 'ONG NGO ZHES LAN 'DEBS PAR BYED DO, ,DE NI NYES PA MED PA DE DAG LAS MA GTOGS PA'I CHOS KYI SKYE MCHED ? KYANG YOD PA'I PHYIR RO, ,DE LTA BUR 'DIR LHAG MA GANG ZHIG SMOS SU RUNG BA REG PAR GYUR PA GSUM LAS GZHAN GSUM NI MED DO, ,GAL TE RNAM PAR SHES PA MED PA'I DBANG PO DANG DON DAG YOD DU ZIN KYANG DBANG PO DANG DON MED PA'I RNAM PAR SHES PA NI MED DO, ,DE LTA BAS NA GSUM BSTAN ZIN PAS YANG REG PA SMOS PA NI DON MED PAR 'GYUR RO, ,KHA CIG NA RE MIG DANG GZUGS THAMS CAD KYANG MIG GI RNAM PAR SHES PA THAMS CAD KYI RGYU MA YIN LA, MIG GI RNAM PAR SHES PA THAMS CAD KYANG MIG DANG GZUGS THAMS CAD KYI 'BRAS BU MA YIN PAS DE'I PHYIR GANG DAG RGYU DANG 'BRAS BU'I DNGOS PO YIN PA DE DAG NI REG PA'I DNGOS POR RNAM PAR GZHAG GO ZHES ZER RO, ,GANG DE DAG REG PA NI 'DUS PA LAS GZHAN NO ZHES ZER BA DE'I CHOS GSUM PO 'DI DAG 'BREL ZHING 'DUS LA TSOGS PA GANG YIN PA DE NI REG PA YIN NO ZHES GSUNGS PA'I MDO 'DI LA JI LTAR LAN 'DEBS SHE NA, DE SKAD DU MI 'DON TO, ,YANG NA NI 'DI RGYU LA 'BRAS BU BTAGS PA YIN NO ZHES ZER RO, ,BRJOD PA 'DI RGYA CHE BA'I RNAM PA HA CANG MANG POR 'PHRO BA YIN PAS ZHAR LA 'ONGS PAS CHOG GO ,CHOS MNGON PA RNAMS NA RE REG PA GZHAN KHO NA YIN NO ZHES ZER RO, ,REG PA DRUG PO DE DAG LAS, ,LNGA NI THOGS PA'I REG PA YIN, ,DRUG PA BLA DAGS TSIG CES BYA, ,MIG @134A *, ,DANG; RNA BA DANG, SNA DANG, LCE DANG, LUS KYI 'DUS TE REG PA LNGA NI THOGS PA DANG BCAS PA'I DBANG PO LA BRTEN PA'I PHYIR THOGS PA'I REG PA ZHES BYA'O, ,DRUG PA YID KYI 'DUS TE REG PA NI TSIG BLA DAGS KYI REG PA ZHES BYA'O, ,CI'I PHYIR ZHE NA, TSIGS BLA DAGS ZHES BYA BA NI MING YIN NO, ,DE LHAG PAR 'DI'I DMIGS PA YIN PAS, DE'I PHYIR TSIG BLA DAGS KYI 'DUS TE REG PA ZHES BYA'O ZHES GRAG STE, JI SKAD DU MIG GI RNAM PAR SHES PAS NI SNGON PO RNAM PAR SHES KYI SNGON PO'O ZHES BYA BAR NI RNAM PAR MI SHES SO, ,YID KYI RNAM PAR SHES PAS NI SNGON PO YANG RNAM PAR SHES LA SNGON PO'O ZHES BYA BAR YANG RNAM PAR SHES SO ZHES GSUNGS PA LTA BU STE, GCIG NI RTEN GYIS RAB TU PHYE BA YIN NO, ,GNYIS PA NI DMIGS PAS RAB TU PHYE BA YIN NO, ,GZHAN DAG NA RE YID KYI RNAM PAR SHES PA NI TSIG GI DBANG DU BYAS NAS DON RNAMS LA 'JUG GI LNGA PO DAG NI MA YIN TE, DE'I PHYIR DE NI TSIG BLA DGAS YIN NO, ,DE DANG MTSUNGS PAR LDAN PA'I REG PA NI TSIG BLA DGAS KYI REG PA ZHES BYA BAS GCIG NI RTEN GYIS RAB TU PHYE BA YIN NO, ,GNYIS PA NI MTSUNGS PAR LDAN PAS RAB TU PHYE BA YIN NO ZHES ZER RO, ,YANG REG PA DRUG PO DE DAG NYID GSUM DU 'GYUR TE, RIG DANG MA RIG DANG GZHAN REG ,RIG PA'I REG PA DANG, MA RIG PA'I REG PA DANG, DE GNYIS LAS GZHAN PA RIG PA YANG MA YIN MA RIG PA YANG MA YIN PA'I REG PA'O, ,DE DAG KYANG GO RIMS BZHIN DU, DRI MED NYON MONGS CAN LHAG MA, ,YIN PAR RIG PAR BYA STE, RIG PA'I REG PA NI ZAG PA MED PA'I REG PA'O, ,MA RIG PA'I REG PA NI NYON MONGS PA CAN GYI REG PA STE, RIG PA DANG MA RIG PA DANG MTSUNGS PAR LDAN PA'I PHYIR RO, ,LHAG MA NI GNYIS KA DANG MTSUNGS PAR MI LDAN PA'I PHYIR RIG PA YANG MA YIN MA RIG PA YANG MA YIN PA'I REG PA'O, ,LAG PA YANG GANG ZHIG CE NA, DGE BA ZAG PA DANG BCAS PA DANG, MA BSGRIBS LA LUNG DU MA BSTAN PA'O, ,MA RIG PA'I REG PA YANG DANG YANG DU KUN TU 'BYUNG BA'I PHYOGS GCIG SMOS PAS REG PA GNYIS SU 'GYUR @134B TE; GNOD SEMS RJES SU CHAGS PA'I REG ,GNOD SEMS DANG, RJES SU CHAGS PA DANG MTSUNGS PAR LDAN PA'I PHYIR RO, ,YANG THAMS CAD BSDU NA, BDE BA MYONG 'GYUR LA SOGS GSUM, ,BDE BA MYONG BAR 'GYUR BA'I REG PA DANG, SDUG BSNGAL MYONG BAR 'GYUR BA DANG, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA STE, BDE BA MYONG BAR 'GYUR BA LA SOGS PA DANG RGYU MTHUN PA'I PHYIR RO, ,YANG NA DE MYONG BAR BYA BA'AM, MYONG BAR NUS PA'I PHYIR MYONG BAR 'GYUR BA STE, DE GANG ZHE NA, TSOR BA YIN NO, ,'DI LA BDE BA MYONG BAR 'GYUR BA YOD PAS NA BDE BA MYONG BAR 'GYUR BA'I REG PA STE, GANG LA BDE BA'I TSOR BA YOD PA'O, ,DE BZHIN DU SDUG BSNGAL BA DANG, BDE BA YANG MA YIN PA'I SDUG BSNGAL BA YANG MA YIN PA MYONG BAR 'GYUR BA DAG LA YANG SBYAR BAR BYA STE, DE DAG NI REG PA BCU DRUG YIN NO, ,REG PA BSHAD ZIN TO, ,TSOR BA BSHAD PAR BYA STE, DE LA REG PA RNAM BA DRUG SDAR BSHAD PA GANG YIN PA, DE LAS BYUNG BA'I TSOR BA DRUG ,MIG GI 'DUS TE REG PA LAS BYUNG BA'I TSOR BA DANG, RNA BA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA'I TSOR BA'O, ,DE DAG LAS, LNGA NI LUS KYI'O SEMS KYI GZHAN, ,MIG DANG, RNA BA DANG, SNA DANG, LCE DANG, LUS KYI 'DUS TE REG PA LAS BYUNG BA'I TSOR BA LNGA NI DBANG PO GZUGS CAN LA BRTEN PA'I PHYIR LUS KYI TSOR BA ZHES BYA'O, ,YID KYI 'DUS TE REG PA LAS BYUNG BA'I TSOR BA NI SEMS TZAM LA BRTEN PA'I PHYIR SEMS KYI ZHES BYA'O, ,YANG CI TSOR BA REG PA'I 'OG TU 'BYUNG NGAM, 'ON TE DUS MNYAM DU 'BYUNG ZHE NA, BYE BRAG TU SMRA BA RNAMS NA RE PHAN TSUN DU LHAN CIG TU 'BYUNG BA'I RGYU YIN PA'I PHYIR DUS MNYAM MO ZHES ZER RO, ,JI LTAR NA LHAN CIG 'BYUNG BA GNYIS SKYED PAR BYED PA DANG BSKYED PAR BYA BA'I DNGOS POR 'GRUB, JI LTAR MI 'GRUB MTHU MED PA'I PHYIR TE, CHOS SKYES ZIN PA LA NI CHOS KYI NUS PA MED DO, ,LHAN CIG 'BANG BA NYID SKYED PAR BYED PA DANG BSKYED PAR BYA BA'I DNGOS PO MED DO ZHES BYA BA GANG YIN PA DE NYID CHOS SKYES @135A *, ,ZIN PA LA NI CHOS KYI NUS PA MED DO ZHES BYA BA YIN PAS DAM BCAS PA DANG BYE BRAG TU MED PA YIN NO, ,'O NA NI PHAN TSUN DU SKYES PAR THAL BAR 'GYUR BA'I PHYIR RO, ,'DOD PA'I PHYIR NYES PA MED DE, LHAN CIG 'BYUNG BA'I RGYU LA PHAN TSUN GYI 'BRAS BU NYID DU MA 'DOD PA KHO NA'O; ,'DI NI 'DOD MOD KYI REG PA DANG TSOR BA DAG PHAN TSUN NAM 'BRAS BU NYID DU 'DOD BA 'DI NI MDO LAS MI BZHED DE, MIG GI 'DUS TE REG PA LA BRTEN NAS MIG GI 'DUS TE REG PA LAS BYUNG BA'I TSOR BA SKYE'O, ,MIG GI 'DUS TE REG PA LAS BYUNG BA'I TSOR BA LA BRTEN NAS MIG GI 'DUS TE REG PA SKYE BA NI MA YIN NO ZHES GSUNGS PA'I PHYIR RO, ,SKYED PAR BYED PA'I CHOS DANG 'GAL BA'I PHYIR YANG RIGS PA MA YIN TE, CHOS GANG ZHIG CHOS GANG GI SKYED PAR BYED PAR GNAS PA DE NI DE DANG DUS THA DAD PAR GRAGS TE, DPER NAS BON SNGA LA MYU GU 'PHYI BA DANG, 'O MA SNGA LA ZHO 'PHYI BA DANG, BSNUN PA SNGA LA SGRA 'PHYI BA DANG, YID SNGA LA YID KYI RNAM PAR SHES PA 'PHYI BA ZHES BYA BA DE LTA BU LA SOGS PA'O, ,RGYU DANG 'BRAS BU DAG SNGA PHYI'I DNGOS POR MA GRUB PA YANG MA YIN MOD KYI LHAN CIG PA'I DNGOS POR YANG 'GRUB STE, DPER NA MIG GI RNAM PAR SHES PA LA SOGS PA RNAMS DANG, MIG DANG GZUGS DAG DANG, 'BYUNG BA DANG 'BYUNG BA LAS GYUR PA RNAMS LTA BU'O, ,DE LA YANG DBANG PO DANG DON DAG SNGA LA RNAM PAR SHES PA 'PHYI BA DANG, 'BYUNG BA DANG 'BYUNG BA LAS GYUR BA RGYU TSOGS PA SNGA MA LAS PHYI MA 'BYUNG NGO ZHES BYA BAR 'DOD NA DGAG PA CI ZHIG YOD, BYE BRAG TU SMRA BA RNAMS NA RE'O NA NI MYU GU DANG GRIB MA DAG JI LTA BAR REG PA DANG TSOR BA DAG KYANG DE DANG 'DRA'O ZHES ZER RO, ,GZHAN DAG NA RE REG PA'I 'OG TU TSOR BA 'BYUNG STE, DBANG PO DANG DON DAG NI SDA LA DE'I 'OG TU RNAM PAR SHES PA STE, GSUM 'DUS PA DE NI REG PA YIN NO, ,REG PA'I RKYEN GYIS SKAD CIG MA GSUM PA TSOR BA 'BYUNG NGO ZHES ZER RO, ,DE LTA NA NI RNAM PAR SHES PA THAMS CAD LA TSOR BA YOD PAR MI 'GYUR LA, RNAM PAR SHES PA THAMS CAD REG PA YIN PAR YANG MI 'GYUR RO, ,DE NI NYES PA @135B MED DE; REG PA PHYI MA LA YOD PA'I TSOR BA REG PA SNGA MA'I RGYU LAS BYUNG BA YIN PAS REG PA THAMS CAD KYANG TSOR BA DANG BCAS PA YIN NO, ,RNAM PAR SHES PA THAMS CAD KYANG REG PA YIN NO, ,'DI NI RIGS PA MA YIN PAR 'GYUR RO, ,'DI LA MI RIGS PA CI ZHIG YOD CE NA, 'DI LTA STE REG PA DMIGS PA THA DAD PA DAG REG PA PHYI MA LA YOD PA'I TSOR PA REG PA SNGA MA'I RGYU LAS BYUNG BA YIN NO ZHES BYA BA STE, JI LTA ZHE NA, RIGS MI 'DRA BA LA DMIGS PA'I REG PA LAS BYUNG BA'I TSOR BA GZHAN LA DMIGS PAR 'GYUR BA 'AM, YANG NA SEMS GANG DANG MTSUNGS PAR LDAN PA DE LAS GZHAN PA LA DMIGS PAR 'GYUR, 'O NA NI DE'I TSE REG PA NI GYUR PA'I RNAM PAR SHES PA TSOR BA MED PA YIN LA, DE'I SNGON ROL GYI RNAM PAR SHES PA'I TSOR BA DANG BCAS PA GANG YIN PA DE NI REG PA MA YIN TE RKYEN MA TSANG BA'I PHYIR RO, ,DE LTA YIN NA NYES PA CI ZHIG YOD, , SEMS CAN THAMS CAD LAS MANG PO PA BCU YOD DO ZHES BYA BA SA MANG BO PA'I NGES PA NYAMS PA YIN NO, ,NGES PA 'DI GA LAS GRUB, BSTAN BCOS LAS SO, ,KHO BO CAG NI MDO TSAD MAR BYED PA YIN GYI, KHO BO CAG BSTAN BCOS TSAD MAR BYED PA NI MA YIN TE, BCOM LDAN 'DAS KYIS MDO SDE LA BRTEN PAR BYA'O ZHES GSUNGS SO, ,YANG NA SEMS THAMS CAD LA YOD DO ZHES BYA BA 'DI SA MANG PO PA'I DON MA YIN NO, ,'O NAS MANG PO PA'I DON GANG YIN ZHE NA, SA NI GSUM STE, RTOG PA DANG BCAS SHING DPYOD PA DANG BCAS PA'I SA DANG, RTOG PA MED LA DPYOD PA TZAM DANG, RTOG PA YANG MED DPYOD PA YANG MED PA'I SA DANG, DGE BA'I SA DANG, MI DGE BA'I SA DANG, LUNG DU MA BSTAN PA'I SA DANG, YANG GSUM STE, SLOB PA'I SA DANG, MI SLOB PA'I SA DANG, SLOB PA YANG MA YIN MI SLOB PA YANG MA YIN PA'I SA'O, ,DE LA GANG DAG SA 'DI DAG THAMS CAD NI YON PA DE DAG NI SA MANG PO PA YIN NO, ,GANG DAG DGE BA KHO NA LA YOD PA DE DAG NI DGE BA'I SA MANG PO PA YIN NO, ,GANG DAG NYON MONGS PA CAN KHO NA LA YOD PA DE DAG NI NYON MONGS PA'I SA MANG PO PA YIN NO, ,GZHAN DAG NA RE DE DAG NI CI RIGS PAR RNAM @136A *, ,GRANGS KYIS YIN GYI, THAMS CAD CIG CAR NI MA YIN NO ZHES ZER RO, ,MI DGE BA'I SA MANG PO PA RNAMS NI 'DON PA'I ZHAR LA DE KHONG NAS DRANGS KYI SNGON NI MA BSTAN TO, ,GAL TE REG PA'I 'OG TU TSOR BA 'BYUNG NGO ZHE NA, MIG DANG GZUGS RNAMS LA BRTEN NAS MIG GI RNAM PAR SHES PA DANG, GSUM 'DUS PA'I REG PA DANG, LHAN CIG SKYES PA'I TSOR BA DANG, 'DU SHES DANG, SEMS PA SKYE'O ZHES GSUNGS PA'I MDO'I LAN GDAB PAR BYA DGOS SO, ,LHAN CIG SKYES PA ZHES GSUNGS SO, ,REG PA DANG LHAN CIG SKYES PA ZHES NI MA GSUNGS NA; 'DIL LAN GDAB TU CI ZHIG YOD, LHAN CIG CES BYA BA'I SGRA NI DE MA THAG PA LA YANG MTHONG STE, DPER NA BYAMS PA DANG LHAN CIG PAR 'GYUR BA'I DRAN PA YANG DAG PAR BYANG CHUB KYI YAN LAG SGOM PAR BYED DO ZHES BYA BA LTA BU YIN PAS 'DI NI KHUNGS SU MI RUNG NGO, ,'O NA MDO LAS TSOR BA GANG YIN PA DANG, SEMS PA GANG YIN PA DANG, 'DU SHES GANG YIN PA DANG, RNAM PAR SHES BA GANG YIN PA'I CHOS DE DAG NI 'DRES PA YIN GYI MA 'DRES PA NI MA YIN NO ZHES GANG GSUNGS PA JI LTAR DRANG, DE LTA BAS NA TSOR BA LA SOGS PA DAG KYANG MA 'DRES PA'I RNAM PAR SHES PA NI MED DO, ,RE ZHIG 'DRES PA'I DON CI YIN PA 'DI DPYAD PAR BYA STE, MDO DE NYID LAS 'DI SKAD DU, ,GANG MYONG BAR BYED PA DE SEMS PAR BYED DO, ,GANG SEMS PAR BYED PA DE, 'DUS TE SHES PAR BYED DO, ,GANG 'DUS TE SHES PAR BYED PA DE RNAM PAR SHES PAR BYED DO ZHES GSUNGS NA, CI RE ZHIG 'DI DE DAG GIS DMIGS PAR NGES PAR GSUNGS SAM, 'ON TE SKAD CIG MA LA NGES PAR GSUNGS PA DE MI SHES SO, ,TSE DANG DROD DAG LHAN CIG PA LA 'DRES PA ZHES GSUNGS PA'I PHYIR SKAD CIG MA LA NGES PA YIN PAR GRUB BO, ,GANG YANG MDO LAS GSUM 'DUS PA'I REG PA ZHES GSUNGS PAS DE YANG JI LTAR NA RNAM PAR SHES PA NI YOD LA, GSUM 'DUS PA NI MA YIN PA 'AM, YANG NA 'DUS PA YIN LA REG PA MA YIN, DE LTA BAS NA GDON MI ZA BAR RNAM PAR SHES PA THAMS CAD LA REG PA DANG, REG PA DANG LHAN CIG SKYES @136B PA'I TSOR BA YANG 'DOD PAR BYA'O, ,HA CANG THAL BAR 'GYUR BA'I GTAM GYIS CHOG GI DKYUS MA KHO NA RIM GYIS BRJOD PAR BYA'O, ,SEMS LAS BYUNG BA TSOR BA MDOR BSHAD ZIN TO, ,DE YID NYE BAR RGYU BA LAS, ,RNAM PA DAG NI YANG BCO BRGYAD, ,YANG SEMS LAS BYUNG BA'I TSOR BA DE NYID YID KYI NYE BAR RGYU BA BCO BRGYAD RNAM PAR GZHAG PA LAS RNAM PA BCO BRGYAD DU DBYE'O, ,YID KYI NYE BAR RGYU BA BCO BRGYAD GANG ZHE NA, YID BDE BA'I NYE BAR RGYU BA DRUG DANG, YID MI BDE BA'I NYE BAR RGYU BA DRUG DANG, BTANG SNYOMS KYI NYE BAR RGYU BA DRUG GO , ,DE DAG JI LTAR RNAM PAR BZHAG ,GAL TE NGO BO NYID LAS NA NI GSUM DU 'GYUR TE, YID BDE BA DANG, YID MI BDE BA DANG, BTANG SNYOMS KYI NYE BAR RGYU BA DAG YIN NO, ,'ON TE MTSUNGS PAR LDAN PA LAS NA NI YID DANG MTHUN PAR LDAN PA'I PHYIR GCIG TU 'GYUR RO, ,'ON TE DMIGS PA LAS NA NI GZUGS LA SOGS PA YUL DRUG LA DMIGS PA'I PHYIR DRUG TU 'GYUR RO ZHE NA, GSUM KAR YANG GZHAG STE, DE DAG LAS BCO LNGA NI GZUGS LA SOGS PA LA NYE BAR RGYU BA YIN TE, GZUGS LA SOGS PA SO SOR NGES PA LA DMIGS PA'I PHYIR MA 'DRES PA LA DMIGS PA YIN NO, , CHOS LA NYE BAR RGYU BA GSUM NI RNAM PA GNYI GA YIN NO, ,YID KYI NYE BAR RGYU BA ZHES BYA BA'I DON CI LTAR ZHE NA, YID LA BRTEN NAS YID BDE BA LA SOGS PA DE DAG YUL LA NYE BAR RGYU BA'I PHYIR RO ZHES GRAG GO , ,GZHAN DAG NA RE, YUL DAG LA YID NYE BAR RGYU BAR BYED PA'I PHYIR TE, TSOR BA'I DBANG GIS YID YUL DAG LA YANG DANG YANG DU RNAM PAR RGYU BA'I PHYIR RO ZHES ZER RO, ,LUS KYI TSOR BA CI'I PHYIR YID KYI NYE BAR RGYU BA MA YIN ZHE NA, 'DI NI YID KHO NA LA BRTEN PA YANG MA YIN LA, RNAM PAR MI RTOG PA'I PHYIR NYE BAR RGYU BAR BYED PA YANG MA YIN PAS MI RUNG NGO, ,BSAM GTAN GSUM PA'I BDE BA CI'I PHYIR YID KYI NYE BAR RGYU BA'I NANG DAG TU MA SMOS SHE NA, DANG PO 'DOD PA'I KHAMS NA YID KYIS PA'I BDE BA'I DBANG PO MED PA'I PHYIR DANG, DE'I MI MTHUN PA SDUG BSNGAL GYI YID NYE BAR RGYU BA MED PA'I PHYIR RO ZHES GRAG GO , ,GAL TE 'DI DAG YID KYI @137A *, ,SA PA KHON ZHIG YIN NA, 'O NA MDO LAS, MIG GIS GZUGS DAG MTHONG NAS YID BDE BA'I GNAS LTA BU'I GZUGS RNAMS LA NYE BAR RGYU'O ZHES BYA BA DE LTA BU LA SOGS PA GANG GSUNGS PA DE JI LTAR DRANG, DE NI RNAM PAR SHES PA'I TSOGS LTAS MNGON PAR BSGRUBS PA NYID LA DGONGS TE GSUNGS PAR ZAD KYI, 'DI DAG NI YID KYI SA PA YIN TE, DPER NA MI SDUG PA LTA BU MIG GI RNAM PAR SHES PAS MNGON PAR BSGRUBS PA YANG YIN LA, YID KYI SA PA YANG YIN PA BZHIN NO, ,GZHAN YANG MTHONG NAS ZHES BYA BA NAS REG NAS ZHES BYA BA'I BAR DU GSUNGS PA'I PHYIR DE NI KLAN KAR MI RUNG BA NYID DO, ,GANG GIS MA MTHONG BA NAS MA REG PA'I BAR DU NYE BAR RGYU BA DE YANG YID KYI NYE BAR RGYU BA YIN NO, ,GZHAN DU NA 'DOD PA'I KHAMS NA GZUGS KYI KHAMS LA DMIGS PA DAG KYANG GZUGS LA SOGS PA LA NYE BAR RGYU BA YIN PAR MI 'GYUR LA; GZUGS KYI KHAMS NA 'DOD PA'I KHAMS LA DMIGS PA DAG KYANG DRI DANG RO DANG REG BYA LA NYE BAR RGYU BA YIN PAR MI 'GYUR RO, ,JI LTAR CHES GSAL BA DE LTAR BSHAD DE, GANG GZUGS DAG MTHONG NAS SGRA RNAMS LA NYE BAR RGYU BA DE DAG YANG YID KYI NYE BAR RGYU BA YIN MOD KYI DBANG PO DANG DON RNAM PAR CHAD PA'I SGO NAS JI LTAR MI 'CHOL BA DE LTAR BSHAD DO, ,CI GZUGS GANG YID BDE BA'I GNAS LTA BU KHO NA YIN PA NAS BTANG SNYOMS KYI GNAS LTA BU KHO NA YIN PA'I BAR YOD DAM ZHE NA, RGYUD NGES PAS NI YOD KYI DMIGS PAS NI MA YIN NO, ,YANG YID KYI NYE BAR RGYU BA 'DI DAG LAS DU ZHIG NI 'DOD PA'I KHAMS DANG LDAN PA YIN DE DAG LAS KYANG DU ZHIG GI DMIGS PA NI CI ZHIG YIN, DE BZHIN DU GZUGS MED PA DANG LDAN PA'I BAR DU BRJOD PAR BYA ZHE NA, SMRAS PA, 'DOD PA THAMS CAD RANG DMIGS CAN, ,'DOD PA'I KHAMS NA NI BCO BRGYAD PO THAMS CAD YOD LA, DE DAG THAMS CAD KYI DMIGS PA YANG DE YIN NO, ,DE DAG NYID KYI, SPYOD YUL GZUGS CAN BCU GNYIS SO, ,GZUGS KYI KHAMS NI BCU GNYIS KYI DMIGS PA YIN NO, ,DRI DANG RO LA NYE BAR RGYA BA DRUG MA GTOGS PA STE, DE LTA NA DE GNYIS MED PA'I @137B PHYIR; GONG MA GSUM GYI, SPYOD YUL ZHES BYA BAR SBYAR TE, GZUGS MED PA NI CHOS LA NYE BAR RGYU BA GSUM GYI DMIGS PA YIN TE, DE NAS GZUGS LA SOGS PA MED PA'I PHYIR RO, ,'DOD PA DANG LDAN PA BSHAD ZIN TO, ,GZUGS DANG LDAN PA BRJOD PAR BYA STE, DE LA RE ZHIG , BSAM GTAN NI, GNYIS NA BCU GNYIS, YID MI BDE BA'I NYE BAR RGYU BA RNAMS MA GTOGS SO, ,BCU GNYIS PO DE DAG KYANG 'DOD PAR 'GRO BAS NA 'DOD 'GRO RNAMS TE, 'DOD PA'I KHAMS LA DMIGS ZHES BYA BA'I THA TSIG GO , ,YUL RNAM PAR 'DZIN PA'I DON LA YANG 'GRO BA SBYOR BA MTHONG STE, 'DI JI LTAR 'GRO ZHIN, 'DI NI 'DI LTAR 'GRO'O ZHES BYA BA LTA BU'O, ,RANG LA DMIGS BRGYAD, GZUGS KYI KHAMS DE NYID NI DE DAG GI RANG BZHIN YIN TE, DE NI YID KYI NYE BAR RGYU BA BRGYAD KYI DMIGS PA YIN TE, DRI DANG RO LA NYE BAR RGYU BA BZHI MA GTOGS SO, , GZUGS MED PA GNYIS KYI STE, CHOS LA NYE BAR RGYU BA DAG GI DMIGS PA YIN NO, ,BSAM GTAN GNYIS NA DRUG ,BSAM GTAN GSUM PA DANG BZHI PA DAG NA NI BTANG SNYOMS KYI NYE BAR RGYU BA DRUG KHO NA YOD KYI GZHAN DAG NI MED DO, ,DE DAG DRUG GI ,DMIGS PA NI 'DOD PA'O, ,'DOD PA'I KHAMS NI DRUG CAR KYI YANG DMIGS PA YIN NO, ,RANG GI BZHI'I, GZUGS KYI KHAMS NI BZHI YIN TE, DE NA DRI DANG RO MED PA'I PHYIR RO, ,GONG MA GCIG GI DMIGS PA YIN, GZUGS MED PA'I KHAMS NI CHOS LA NYE BAR RGYU BA GCIG KHO NA'I DMIGS PA YIN NO, , GZUGS DANG LDAN PA DAG BSHAD ZIN TO, ,DA NI GZUGS MED PA DANG LDAN PA BRDZOD ? PAR BYA STE, GZUGS MED NYE BAR BSDOGS NA BZHI, ,GZUGS MED PA'I NYI BAR BSDOGS NI 'DIR NAM MKHA' MTHA' YAS SKYE MCHED KYI NYE BAR BSDOGS PA YIN TE, DE NA NI GZUGS DANG SGRA DANG REG BYA DANG CHOS LA NYE BAR RGYU BA BZHI'O, ,DE DAG KYANG, GZUGS SGRA'O, ,DE DAG GI DMIGS PA NI BSAM GTAN BZHI PA YIN TE, GANG DAG GI LTAR NA DE RNAM PAR CHAD PA LA DMIGS PA YOD PA YIN NO, ,GANG DAG GI LTAR NA NI DE DAG BZLUMS TE DMIGS PA DE DAG GI LTAR @138A *, ,NA NI DE NA CHOS LA NYE BAR RGYU BA 'DRES PA LA DMIGS PA GCIG KHO NA YOD DO, ,GONG MAR 'GRO BA GCIG ,DE NA GZUGS MED PA'I KHAMS LA DMIGS PA NI GCIG KHO NA STE, CHOS LA NYE BAR RGYU BA'O, ,DNGOS GZHI NA GCIG ,GZUGS MED PA'I DNGOS GZHI NA NE CHOS LA NYE BAR RGYU BA GCIG KHO NA YOD KYI GZHAN NI MED DO, ,DE YANG, RANG YUL CAN, GZUGS MED PA'I KHAMS KHO NA LA DMIGS PA YIN TE, GZUGS MED PA'I DNGOS GZHI RNAMS KYI DMIGS PA NI KHA CIG MA YIN NO ZHES 'OG NAS BSHAD PAR BYA'O, ,YID KYI NYE BAR RGYU BA DE DAG KYANG; BCO BRGYAD THAMS CAD ZAG DANG BCAS, ,ZAG PA MED PA NI 'GA' YANG MED DO, ,GANG ZHIG DU DAG DANG LDAN ZHE NA, 'DOD PA'I KHAMS SU SKYES PA GZUGS NA SPYOD PA'I DGE BA'I SEMS MA THOB PA NI 'DOD PA NA SPYOD PA THAMS CAD DANG LDAN NO, ,BSAM GTAN DANG PO DANG GNYIS PA'I SA PA NI DRI DANG RO LA DMIGS PA MA GTOGS PA NYON MONGS BA CAN BRGYAD BRGYAD DANG LDAN NO, ,BSAM GTAN GSUM PA DANG BZHI PA'I SA PA NI BZHI BZHI DANG LDAN NO, ,GZUGS MED PA NA SPYOD PA NI NYON MONGS PA CAN GCIG KHO NA DANG LDAN NO, ,GZUGS NA SBYOD PA'I DGE BA'I SEMS THOB PA 'DOD CHAGS DANG MA BRAL BA NI 'DOD PA NA SPYOD PA THAMS CAD DANG LDAN NO, ,BSAM GTAN DANG PO'I SA PA NI BCU DANG LDAN TE, YID BDE BA'I NYE BAR RGYU BA DRI DANG RO LA DMIGS PA MA GTOGS PA NYON MONGS PA CAN BZHI DANG, MI LCOGS PA MED PA'I SA PA'I BTANG SNYOMS KYI NYE BAR RGYU BA DRUG DANG LDAN NO, ,BSAM GTAN GNYIS PA DANG, GSUM PA DANG, BZHI PA DANG, GZUGS MED PA LAS SKYES PA RNAMS DANG NI SNGA MA BZHIN TE, SROL 'DIS LHAG MA YANG KHONG DU CHUD PAR BYA'O, ,BSAM GTAN DU SKYES PA NI 'DOD PA NA SPYOD PA'I BTANG SNYOMS CHOS LA NYE BAR RGYU BA SBRUL PA'I SEMS DANG MTSUNGS PAR LDAN PA GCIG DANG LDAN PAR RIG PAR BYA'O, ,GZHAN DAG NA RE YID KYI NYE BAR RGYU BA RNAMS KYI DON BYE BRAG TU SMRA BA LTA BU 'DI YANG YOD MOD KYI MDO'I DON NI GZHAN DU SNANG NGO, ,GANG ZHIG GANG LAS 'DOD CHAGS DANG BRAL BA DE NI DMIGS PA DE LA NYE @138B BAR ? RGYU BAR RIG PA MA YIN NO, ,DE LTA BAS NA YID BDE BA LA SOGS PA ZAG PA DANG BCAS PA DAG KYANG THAMS CAD NI NYE BAR RGYU BA MA YIN NO, ,'O NA CI ZHE NA, KUN NAS NYON MONGS PA RNAMS YIN TE, DE DAG GIS YID YUL RNAMS LA NYE BAR RGYU BAR BYED PA'O, ,JI LTAR NYE BAR RGYU BAR BYED CEN, RJES SU CHAGS PAR BYED, SO SOR MA BRTAGS PA YANG BTANG SNYOMS SU BYED PA STE, GANG DAG GI GNYEN POR RTAG TU YOD PA DRUG GNAS PA YIN PA STE, MIG GIS GZUGS RNAMS MTHONG NAS YID BDE BAR YANG MI 'GYUR ZHING, YID MI BDE BAR YANG MI 'GYUR LA, DRAN PA DANG LDAN ZHING SHES BZHIN DU BTANG SNYOMS SU GNAS SO ZHES BYA BA NAS, DE BZHIN DU YID KYIS CHOS RNAMS SHES NAS ZHES BYA BA'I BAR DU GSUNGS PA LTA BU'O, ,DGRA BCOM PA LA YANG 'JIG RTEN PA'I DGE BA'I CHOS LA DMIGS PA'I YID BDE BA MED PA MA YIN PAS 'DI NI KUN NAS NYON MONGS PA'I YID NYE BAR RGYU BA DE DGAG PA MA YIN PAR BDE BAR MNGON NO ZHES ZER RO, ,YANG YID BDE BA LA SOGS PA DE DAG NYID ZHEN BA LA BRTEN PA DANG, NGES PAR 'BYUNG BA NYID LA BRTEN PA'I BYE BRAG GIS STON PA'I BKA' SUM CU RTZA DRUG TU 'GYUR TE, DE DAG GI BYE BRAG STON PAS BKA' STZAL BA'I PHYIR RO, , DE LA ZHEN PA LA BRTEN PA RNAMS NI NYON MONGS PA CAN DAG GO , ,NGES PAR 'BYUNG BA LA BRTEN PA RNAMS NI DGE BA DAG YIN NO, ,DE LTAR NA TSOR BA DAG CES BYA BAR SRED PA'I YAN LAG 'DI'I RAB TU DBYE BA NI DU MA YOD PAR RIG PAR BYA'O, ,YAN LAG LHAG MA RNAMS NI YANG MI BRJOD DO, ,CI'I PHYIR ZHE NA, BSHAD DANG 'CHAD PAR 'GYUR BA GZHAN, ,'DIR YAN LAG KHA CIG NI BSHAD ZIN, KHA CIG NI 'OG NAS 'CHAD DE, DE LA RE ZHIG RNAM PAR SHES PA NI, RNAM PAR SHES PA SO SOR RNAM RIG PA, YID KYI SKYE MCHED KYANG DE YIN ZHES BSHAD ZIN TO, ,SKYE MCHED DRUG KYANG, DE DAG RNAMS KYI RNAM SHES RTEN MIG LA SOGS PA GZUGS DANG BRNAMS ZHES BSHAD ZIN TO, ,'DU BYED DANG SRID PA NI LAS KYI MDZOD KYI GNAS NAS 'CHAD PAR 'GYUR RO, ,SRED PA DANG LEN PA RNAMS NI NYON MONGS PA'I GNAS KYI MDZOD KYI GNAS NAS 'CHAD PAR 'GYUR RO, ,SNGAR RTEN CING @139A *, ,'BREL PAR 'BYUNG BA DE YANG MDOR BSDUN NYON MONGS PA DANG, LAS DANG, GZHI RNAMS SO ZHES BSTAN PA, 'DIR NI NYON MONGS PON BZHIN, ,KLU BZHIN RTZVA BZHIN LJON SHING BZHIN, ,DE BZHIN SHUN PA BZHIN DU 'DOD, ,'DI'I SA BON LA SOGS PA DANG CHOS MTHUN PA GANG ZHIG YIN ZHE NA, DPER ? NA SA BON LAS SDONG BU DANG, LO MA LA SOGS PA SKYE BAR 'GYUR BA DE BZHIN DU, NYON MONGS PA LAS KYANG NYON MONGS PA DANG LAS DANG GZHI RNAMS SKYE BAR 'GYUR RO, ,DPER NA KLU GNAS PA'I MTSO NI SKAM PAR MI 'GYUR BA LTAR, NYON MONGS PA'I KLAN KA GNAS PA'I SKYE BA'I MTSO YANG DE DANG 'DRA'O, ,DPER NA NAGS TSAL RTZA BA NAS MA PHYUNG BA RNAMS NI BCAD KYANG SLAR SKYE BAR 'GYUR PA LTAR, NYON MONGS PA RTZA BA NAS MA BTON PA'I 'GRO BA RNAMS KYANG DE DANG 'DRA'O, ,DPER NA SHING LJON PA RNAMS DUS DUS SU ME TOG DANG 'BRAS BU RNAMS SKYED PAR BYED PA NGE BZHIN DU, NYON MONGS PA RNAMS KYANG LAN CIG MA YIN PAR NYON MONGS PA DANG LAS DANG GZHI RNAMS KYI RGYU YIN NO, ,DPER NA SHUN PA DANG BCAS PA'I 'BRAS THUG PO CHE RNAMS NI SKYE BAR NUS KYI 'BA' ZHIG DAG NI MA YIN PA DE BZHIN DU, NYON MONGS PA'I THOB PA'I SHUN PA DANG BCAS PA'I LAS SKYE BA GZHAN DU SKYE BAR NUS KYI 'BA' ZHIG NI MA YIN NO, ,DE LTAR NA RE ZHIG NYON MONGS PA SA BON LA SOGS PA DANG 'DRA BAR RIG PAR BYA'O, ,LAS NI SHUN BCAS 'BRAS DANG 'DRA, ,DE BZHIN SMAN DANG ME TOG BZHIN, ,'DI LA SHUN PA YOD PAS NA SHUN PA DANG BCAS PA STE, SHUN PA LTA BU'I NYON MONGS PA NI BSHAD ZIN TO, ,DA NI SHUN PA DANG BCAS PA'I 'BRAS BU LTA BU'I LAS BRJOD PAR BYA'O, ,DPER NA 'BRU DANG SMAN DAG 'BRAS BU SMIN PA MTHAR PHYIN PA DANG LDAN PA DE BZHIN DU LAS RNAMS KYANG RNAM PAR SMIN NAS YANG RNAM PAR SMIN PA MNGON PAR MI 'GRUB PA'I PHYIR RO, ,DPER NA ME TOG 'BRAS BU BSKYED PAR BYA BA LA NYE BA'I RGYU YIN PA LTAR LAS RNAMS KYANG RNAM PAR SMIN PA BSKYED PAR BYA BA LA DE BZHIN DU RIG PAR BYA'O, ,GZHI NI BZA' BTUNG GRUB PA BZHIN, ,DPER NA BZA' BA DANG BTUNG BA GRUB ZIN PA YONGS SU LONGS SPYAD ? PAR BYA BA 'BA' ZHIG YIN GYI YANG BSKYED PAR BYA @139B BA MA YIN PA LTAR RNAM PAR SMIN PA ZHES BYA BA'I GZHI YANG DE DANG 'DRA STE, RNAM PAR SMIN PA LAS TSE RABS GZHAN DAG TU RNAM PAR SMIN PA GZHAN DANG 'BREL PA NI MED DE, GAL TE 'BREL PAR 'GYUR NA NI THAR PAR YANG MI 'GYUR RO, ,YANG TSE'I RGYUN DE DE LTAR RTEN CING 'BREL PAR 'BYUNG BA NA 'DI LTA STE SRID PA BAR MA DANG, SKYE BA'I SRID PA DANG, DUS SNGA MA'I SRID PA DANG, 'CHI BA'I SRID PA DANG, SRID PA BZHI LAS MI 'DA' STE, DE DAG NI BSHAD ZIN TO, ,SRID PA BZHI PO DE DAG LAS GCIG TU, SKYE BA'I SRID PA NYON MONGS CAN, ,NYON MONGS PA GANG GIS SHE NA, RANG GIS BA'I NYON MONGS KUN, ,CHOS MNGON PA BA RNAMS NA RE SKYE BA'I SRID PA SA GANG YIN PA DE'I SA PA'I NYON MONGS PA THAMS CAD KYIS YIN PA NYID DE, GANG GIS NYING MTSAMS SBYOR BAR DGAG PAR BYA BA'I NYON MONGS PA DE NI MED DO ZHES ZER RO, ,NYON MONGS PA CAN RNAMS KHO NAS YIN GYI KUN NAS DKRIS PA CHIG RKYA THUB PA RNAMS KYIS NI MA YIN NO, ,GNAS SKABS DE ZHAN PA YIN MOD KYI, GANG ZHIG GIS GANG LA YANG DANG YANG DU DANG, NYE BAR DPYAD PA DE LA NI DE'I TSE NYON MONGS PA DE NYID NYE BAR GNAS PAR 'GYUR TE, SNGON 'PHANGS PA'I PHYIR RO, ,SRID PA BAR MA NYING MTSAMS SBYOR BA YANG DE BZHIN DU GDON MI ZA BAR NYON MONGS PA CAN DU RIG PAR BYA'O, ,GZHAN RNAM GSUM MO, ,SRID PA BAR MA LA SOGS PA SRID PA GZHAN GSUM NI DGE BA DANG, NYON MONGS PA CAN DANG, LUNG DU MA BSTAN PA DANG GSUM CHAR YIN NO, ,YANG SRID PA 'DI RNAMS LAS GANG ZHIG GANG DANG LDAN ZHE NA, GZUGS MED GSUM, SRID PA BAR MA MA GTOGS TE, GZUGS MED PA'I KHAMS NI GANG DU PHYIN PAR BYA BA'I PHYIR SRID PA BAR MA MNGON PAR 'GRUB PAR 'GYUR BA NAS GZHAN DU NA YONGS SU CHAD PA NI MED DO, ,'DOD PA DANG GZUGS KYI KHAMS DAG GIS NI CHAD PA MA SMOS PAS SRID PA BZHI PO THAMS CAD YONG DO ZHES BYA BAR GNAS PAR BYAS PA YIN NO, ,SEMS CAN RNAMS KYI RTEN CING 'BREL PAR 'BYUNG BA JI LTA BA BZHIN RGYAS PAR BSHAD ZIN TO, ,YANG SEMS CAN RNAMS JI LTAR GNAS PA YIN ZHE NA, 'GRO BA ZAS KYIS GNAS PA YIN, ,BCOM @140A *, ,LDAN 'DAS NYID KYIS MNGON PAR MKHYEN CING MDON PAR RDZOGS PAR SANGS RGYAS NAS CHOS GCIG BKA' STZAL PA 'DI LTA STE, SEMS CAN THAMS CAD NI ZAS KYIS GNAS PA'O ZHES BYA BA NI MDO'I TSIG YIN NO, ,ZAS RNAMS KYANG GANG DAG CE NA, ZAS NI BZHI STE, KHAM GYI ZAS NI RAGS PA DANG PHRA BA'O, ,PHRA BA NI SRID PA BAR MA RNAMS KYI YIN TE, DRI ZA BA'I PHYIR RO, ,LHA RNAMS DANG, BSKAL PA DANG PO PA RNAMS KYI YANG YIN TE, BYE MA DAG GI NANG DU TIL MAR BLUGS PA BZHIN DU YAN LAG RNAMS KYI NANG DU 'JUG PAS RGYU MTHUN PA MED PA'I PHYIR RO, ,YANG NA PHRA MO RNAMS KYI YIN BAS PHRA MO STE, BYIS PA DANG, DROD GSHER LAS SKYE BA LA SOGS PA'I'O, ,REG PA NI GNYIS PA'O, ,YID LA SEMS PA NI GSUM PA'O, ,RNAM PAR SHES PA'I ZAS NI BZHI PA'O, ,DE LA KHAM GYI ZAS NI 'DOD PA NA, ,GZUGS DANG GZUGS MED PA'I KHAMS DAG NA NI MED DO, ,DE'I 'DOD CHAGS DANG BRAL BA DAG DER SKYE BA'I PHYIR RO, ,DE YANG, SKYE MCHED GSUM GYI BDAG NYID DO, ,'DOD PA NA SPYOD PA'I DRI DANG RO DANG REG BYA'I SKYE MCHED RNAMS NI SNA DANG, LCE DANG LUS KYIS KHAM DU BCAD NAS KHAM DU BYAS TE MID ? PA'I PHYIR THAMS CAD KHAM GYI ZAS KHO NA YIN NO, ,GRIB MA DANG, NYI MA DANG, ME DANG, 'OD DAG LA YOD PA DE DAG JI LTAR ZAS NYID YIN ZHE NA, 'DI NI PHAL CHE BAR BSTAN PA YIN NO ZHES GRAG GO , ,GANG DAG MI MID LA GNAS PAR YANG BYED PA DE DAG KYANG ZAS PHRA MO YIN TE, KHRUS DANG LUS MNYE BA BZHIN NO, ,CI'I PHYIR GZUGS KYI SKYE MCHED ZAS MA YIN, ,DE YANG KHAM DU BYAS NAS MID PAR NI BYED DO ZHE NA, GZUGS KYI SKYE MCHED MA YIN DES, ,RANG DBANG GROL LA MI PHAN PHYIR, ,ZAS ZHES BYA BA NI GANG DBANG PO DANG, 'BYUNG BA CHEN PO RNAMS LA PHAN 'DOGS PAR BYED PA YIN NA GZUGS KYI SKYE MCHED NI MED PA'I TSE RANG GI DBANG PO'AM, DE'I 'BYUNG BA CHEN PO RNAMS LA PHAN MI 'DOGS NA YUL MA YIN PA'I PHYIR GZHAN DANG GZHAN DAG LA LTA SMOS KYANG CI DGOS, GANG GI TSE MTHONG BA NA BDE BA DANG, YID BDE BAR BYED PA DE'I TSE YANG DE LA DMIGS PA'I BDE BA MYONG BAR 'GYUR BA'I REG PA ZAS YIN GYI @140B GZUGS NI MA YIN NO, ,GROL BA'I PHYIR MI 'ONG BA DANG, DGRA BCOM PA ZAS SHIN TU YID DU MI 'ONG BA MTHONG BA RNAMS LA YANG PHAN 'DOGS PA MED PA'I YANG PHYIR RO, ,REG DANG SEMS PA RNAM SHES NI, ,ZAG BCAS ZAS YIN GSUM DAG NA, ,REG PA GSUM 'DUS PA LAS BYUNG BA DANG, SEMS PA YID KYI LAS DANG, RNAM PAR SHES PA ZAG PA DANG BCAS PA DAG KHO NA ZAS YIN TE, KHAMS GSUM CHAR NA YANG YOD DE, CI'I PHYIR ZAG PA MED PA RNAMS MA YIN ZHE NA, BYE BRAG TU SMRA BA RNAMS NA RE 'DI LTAR SRID PA GSO BAR BYED PA'I DON NI ZAS KYI DON YIN NA DE DAG NI SRID PA ZAD PAR BYA BA'I PHYIR SKYES PA DAG YIN NO ZHES ZER RO, ,GZHAN YANG MDO LAS, SEMS CAN BYUNG BA RNAMS GNAS PAR BYED PA DANG, 'TSO BAR BYED PA DANG, SRID PA TSOL BA RNAMS LA PHAN PAR BYED PA YIN NO ZHES GSUNGS NAS ZAG PA MED PA'I CHOS RNAMS NI DE LTA MA YIN PAS ZAS DAG MA YIN NO, ,RE ZHIG BYUNG BA NI SEMS CAN SKYES PA RNAMS ZHES BYA BAR YANG SHES NA, SRID PA TSOL BA RNAMS GANG ZHE NA, YID LAS BYUNG DANG SRID TSOL DANG, ,DRI ZA SRID PA BAR MA DANG, ,'GRUB PA'O, ,BCOM LDAN 'DAS KYIS SRID PA BAR MA NI BRJOD PA 'DI DAG GIS GSUNGS SO, ,DE NI YID LAS SKYES PA'I PHYIR YID LAS BYUNG BA ZHES BYA STE, PHYI'I KHU CHU DANG KHRAG LA SOGS PAS CUNG ZAD KYANG RGYUR BYAS PA MED PA'I PHYIR RO, ,SRID PA TSOL BA'I NGANG TSUL CAN YIN PA'I PHYIR SRID PA TSOL BA'O, ,DRI ZA BA'I PHYIR NA, DRI ZA'O, ,SKYE BA LA MNGON DU PHYOGS PA'I PHYIR MNGON PAR 'GRUB PA STE, MDO LAS, GNOD PA DANG BCAS PA'I LUS MNGON PAR GRUB NAS GNOD PA DANG BCAS PA'I 'JIG RTEN DU SKYE BAR 'GYUR RO ZHES GSUNGS PA'I PHYIR RO, ,DE BZHIN DU MDO LAS, GANG GIS MNGON PAR 'GRUB PA'I KUN DU SBYOR BA NI SPANGS LA SKYE BA'I KUN DU SBYOR BA NI MA YIN PA'I GANG ZAG KYANG YOD DO ZHES BYA BA MU BZHI GSUNGS PA'I PHYIR TE, MU DANG PO NI PHYIR MI 'ONG BA KHAMS GNYIS LAS 'DOD CHAGS DANG BRAL BA'O, ,GNYIS PA NI BAR MA DOR YONGS SU MYA NGAN LAS 'DA' BA'O, ,GSUM PA NI DGRA BCOM PA'O, ,BZHI PA NI RNAM PA DE DAG MA GTOGS PA'O, ,YANG NA BYUNG BA NI DGRA BCOM PA'O, ,SRID PA @141A *, ,TSOL BA RNAMS NI SRID PA DANG BCAS PA DAG GO, ,YANG ZAS DU ZHIG NI SEMS CAN BYUNG BA RNAMS GNAS PAR BYED PA YIN, DU ZHIG NI SRID PA TSOL BA RNAMS LA PHAN 'DOGS PAR BYED PA YIN ZHE NA, ,BYE BRAG TU SMRA BA RNAMS NA RE THAMS CAD KYANG GNYI GA YIN NO ZHES ZER RO, , KHAM GYI ZAS KYANG DE LA CHAGS PA RNAMS KYI YANG 'BYUNG BAR BYED PA YIN TE, BCOM LDAN 'DAS KYIS ZAS BZHI NI NAD DANG, 'BRAS DANG, ZUG RDU'I RTZA BA YIN NO, RGA SHI'I RKYEN YIN NO ZHES GSUNGS SO, ,YED LA SEMS PA YANG 'DIR GNAS PAR BYED PA YIN PAR SNANG STE, 'DI SKAD DU LO NYES KYIS NYEN PA'I PHA ZHIG GIS THAL BA'I RKYAL BA KHA THUR MAS GTUR TE PHYE YIN NO, ,BAR DU BU GNYIS SHIG YID CHES PAR BYAS BA DANG, DE GNYIS KYANG DE LA RTOG PAR BYED CING RING MO ZHIG TU GNAS PAR GYUR TO, ,GCIG GIS KHA PHYE NAS THAL BA YIN NO SNYAM STE RE BA MED PAR GYUR PA DANG SHI'O, YANG RGYA MTSOR GRU CHAG BA'I MI ZHIG THANG YIN NO SNYAM NAS DBU BA'I PHUNG PO CHEN PO ZHIG GI DRUNG DU SONG STE, DE LA KUN DU BSNAMS NAS RE BA MED PA DANG SHI'O ZHES GRAG GO ZHES BRJOD DO, ,'GRO BA'I RNAM GRANGS LAS KYANG RGYA MTSO CHEN PO NAS SROG CHAGS CHE LONG RNAMS CHU NANG NAS SKAM LA 'THON TE BYE MA CAN GYI THANG LA SGONG RNAMS BZHAG NAS BYE MAS BKAB STE SLAR YANG RGYA MTSO'I NANG DU 'GRO'O, ,DE LA MA GANG DAG GIS SGO NGA LAS BRTZAMS TE DRAN PAS MA BRJED PA'I SGO DU DE DAG NI 'DRUL BAR MI 'GYUR RO, ,GANG DAG GIS BRJED PA DE DAG NI 'DRUL BAR 'GYUR RO ZHES BSHAD DE, GZHAN GYI ZAS KYIS ZAS DANG BCAS PAR 'GYUR DU 'ONG BA'I PHYIR DE NI MI BRJOD KYI, 'DI SKAD DU SGO NGA GANG DAG GIS MA LAS BRTZAMS NAS DRAN PAS MI BRJED PAS DE DAG NI REG BA'I GNAS SKABS DE DRAN PAS 'DRUL BAR MI 'GYUR LA, GANG DAG GIS BRJED BA DE DAG NI 'DRUL BAR 'GYUR RO ZHES NI BRJOD DO, ,YANG CI'I PHYIR ZAS BZHI KHO NA YIN NO, ,ZAG PA DANG BCAS PA'I CHOS THAMS CAD SRID PA RNAMS GSO BAR BYED PA DAG MA YIN NAM ZHE NA, DE NI DE LTA NA YIN MOD KYI 'ON KYANG GTZO BO RAB SHAD DE, 'DI LA GNAS DANG NI, RTEN BA RGYAS PA'I DON DU GNYIS, ,SRID @141B GZHAN 'PHEN DANG 'GRUB PA YI, ,DON DU GNYIS TE GO RIMS BZHIN, ,GNAS NI DBANG PO DANG BCAS PA'I LUS SO, ,DE RGYAS PAR BYED PA NI KHAM GYI ZAS SO, ,RTEN PA NI SEMS DANG SEMS LAS BYUNG BA'I CHOS RNAMS SO, ,DE DAG RGYAS PAR BYED PA NI REG PA STE, RE ZHIG 'DI GNYIS NI 'DIR SKYES PA'I SRID PA GSO BAR BYA BA GTZO BO YIN NO, ,YID LA SEMS PAS NI YANG SRID PA 'PHEN PAR BYED DO, ,'PHANGS ZIN PA NI LAS KYIS YONGS SU BSGOS PA'I RNAM PAR SHES PA'I SA BON LAS MNGON PAR 'GRUB PAS 'DI GNYIS NI MA SKYES PA'I SRID PA SKYES BA LA GTZO BOR YIN NO, ,DE'I PHYIR BZHIR GSUNGS SO, ,SNGA MA GNYIS NI SKYES ZIN PA GSO BAR BYED PA YIN PA'I PHYIR MA MA LTA BU DAG YIN NO, ,PHYI MA GNYIS NI SKYED PAR BYED BA MA YIN PA'I PHYIR MA LTA BU DAG YIN NO, ,GANG LA LA KHAM YIN PA DE THAMS CAD ZAS KYANG YIN NAM ZHE NA, KHAM YIN LA ZAS MA YIN PA YANG YOD DO ZHES BYA BA MU BZHI STE, MU DANG PO NI KHAM GANG LA BRTEN NAS DBANG PO RNAMS NYAMS PAR 'GYUR LA, 'BYUNG BA CHEN PO RNAMS KYANG YONGS SU 'JIG PAR 'GYUR BA'O, ,MU GNYIS PA NI ZAS GSUM PA DAG GO, ,GSUM PA NI KHAM GANG LA BRTEN NAS DBANG PO RNAMS RGYAS PAR 'GYUR ZHING 'BYUNG BA CHEN PO RNAMS KYANG 'PHEL BAR 'GYUR BA'O, ,BZHI PA NI RNAM PA DE DAG MA GTOGS PA'O, ,DE BZHIN DU REG PA LA SOGS PAS KYANG CI RIGS PAR MU BZHIR BYA'O, ,REG PA LA SOGS PA LA BRTEN NAS DBANG PO RNAMS RGYAS PAR 'GYUR ZHING 'BYUNG BA RNAMS KYANG 'PHEL BAR 'GYUR BA DE DAG ZAS KYANG MA YIN PA LTA YOD DAM ZHE NA, YOD DE, GZHAN GYI SA ? PA DANG, ZAG PA MED PA RNAMS SO, ,BYE BRAG TU SMRA BA RNAMS NA RE, GANG ZHIG ZOS NAS ZA BA PO LA GNOD PAR BYED PA DE LA YANG DANG PO PHAN 'DOGS PA'I PHYIR ZAS YIN NO, ,ZAS NI DUS GNYIS SU ZAS KYI BYA BA BYED DE, YONGS SU LONGS SPYOD PA'I TSE DANG, 'JU BA'I TSE'O ZHES ZER RO, ,'GRO BA GANG NA ZAS DU ZHIG YOD CE NA, THAMS CAD NA THAMS CAD YOD DE, SKYE GNAS DAG NA YANG DE DANG 'DRA'O, ,DMYAL BA DAG NA KHAM GYI ZAS JI LTA BU ZHE NA, LCAGS KYI THU LUM 'BAR BA DANG, ZANGS ZHUN MA @142A *, ,YAN NO; ,GAL TE GNOD PAR BYED PA YANG ZAS YIN NA NI MU BA ZHI LA YANG GNOD PAR 'GYUR LA RAB TU BYED PA'I GZHUNG KHAM GYI ZAS GANG ZHE NA, KHAM GANG LA BRTEN NAS DBANG PO RNAMS RGYAS PAR 'BYUNG ZHING 'GYUR BA CHEN PO RNAMS KYANG 'PHEL BA DANG 'TSO BA DANG NYE BAR 'TSO BAR 'GYUR BA'O ZHES BYA BA NAS, RNAM PAR SHES PA'I BAR DU RGYAS PAR GSUNGS PA LA YANG GNOD PAR 'GYUR RO ZHE NA, RGYAS PAR 'GYUR BA'I ZAS LA DGONGS TE GSUNGS BA'I ? PHYIR 'GAL BA MED DO, ,NYAMS PAR 'GYUR BA'I ZAS NI DMYAL BA DAG TU ZAS KYI MTSAN NYID THOB PA'I PHYIR TE, DES KYANG BKRES PA DANG SKOM PA DAG 'JOMS PAR NUS PA'I PHYIR RO, ,GZHAN YANG NYI TSE BA'I DMYAL BA DAG NA MI DANG 'DRA BAR KHAM GYI ZAS YOD PA'I PHYIR 'GRO BA LNGA PA NYID DU RIGS SO, ,BCOM LDAN 'DAS KYIS, GANG GIS PHYI'I DRANG SRONG 'DOD PA DAG LAS 'DOD CHAGS DANG BRAL BA BRGYA LA ZAS BYIN PA BAS GANG GIS 'DZAM BU'I TSAL NA 'DUG PA'I SO SO'I SKYE BO GCIG LA BYIN NA SPYIN PA DE BAS SPYIN PA 'DI 'BRAS BU CHES CHE'O ZHES GSUNGS PA, 'DZAM BU'I TSAL NA 'DUG PA'I SO SO'I SKYE BO ZHES BYA BA NI GANG ZHE NA, KHA CIG NA RE 'DZAM BU'I GLING NA GNAS PA LTO DANG LDAN PA DAG YIN NO ZHES ZER RO, , DE NI RIGS PA MA YIN TE, GCIG CES GSUNGS PA'I PHYIR RO, ,SO SO'I SKYE BO MANG PO LA ZAS BYIN NA BSOD NAMS MANG POR 'GYUR GYI 'DOD CHAGS DANG BRAL BA NYUNG DU LA ZAS BYIN PAS NI MA YIN NO ZHES BYA BA GANG YIN PA 'DI LA KHYAD PAR CI ZHIG YOD, GZHAN DAG NA RE BYANG CHUB SEMS DPA' NYE BA YIN NO ZHES ZER RO, ,BYE BRAG TU SMRA BA RNAMS NI DE SKAD DU MI BRJOD DE, DE LA BYIN NA DGRA BCOM PA BYE BA LA BYIN PA BAS BSOD NAMS CHE SA MANG BA'I PHYIR RO, ,DE LTA BAS NA 'DI NI BES PAR 'BYED PA'I CHA DANG MTHUN PA THOB PA SO SO'I SKYE BO YIN PAR DGONGS SO ZHES ZER RO, ,'DI'I MING YANG DON DANG MTHUN PA MA YIN LA, MDO 'AM BSTAN BCOS GANG LAS KYANG 'DZAM BU'I TSA LA DU GTOGS PA NI NGES PAR 'BYED PA'I CHA DANG MTHUN PA THOB PA'O ZHES 'OL PHYIR MA BA SHAD PAS 'DI NI YONGS SU RTOG PA' 'BA' ? ZHIG TU ZAD KYI, 'DI NI BYANG CHUB SEMS DPA'I 'DZAM BU'I TSAL NA BZHUGS @142B PA KHO NA YIN PAR RIGS TE, SO SO'I SKYE BO DE NI 'DOD PA'I 'DOD CHAGS DANG BRAL BAR 'DRABS DE'I TSE DE DAG LAS KHYAD PAR DU 'PHAGS PAR GSUNGS SO, ,DE NI DE DAG MTHA' YAS PA PAS KYANG KHYAD PAR DU 'PHAGS NA, BRGYA SMOS PA NI DANG PO'I DBANG DU BYAS PA'I PHYIR RO, ,DE NI GDON MI ZA BAR DE LTA YIN PAR SHES PAR BYA STE, 'DI LTAR DE MA GTOGS PA'I PHYI ROL PA RNAMS LAS RGYUN DU ZHUGS PA'I 'BRAS BU LA ZHUGS PA KHYAD PAR DU 'PHAGS PAR MDZAD PAR GYUR TO, ,DE LTA MA YIN NA 'DZAM BU'I TSAL DU GTOGS PA LAS KYANG KHYAD PAR DU 'PHAGS PA KHO NAR 'GYUR RO, ,SEMS CAN RNAMS KYI RTEN CING 'BREL PAR 'BYUNG BA JI LTA BA DANG, JI LTAR GNAS PA BSHAD ZIN TO, ,JI LTAR TSE ZAD PA LA SOGS PAS 'CHI 'PHO BA LA YANG BSHAD ZIN TO, ,DA NI SEMS GANG LA GNAS TE 'CHI 'PHO BA DANG SKYE BAR 'GYUR BA 'DI BRJOD PAR BYA STE, 'CHANG DANG MTSAMS SBYOR 'DOD CHAGS BRAL; ,NYAMS DANG 'CHI 'PHO SKYE BA RNAMS, ,YID KYI RNAM SHES KHO NAR 'DOD, ,CES BYA BSMOS SO, ,DE DGE BA'I RTZA BA YANG DAG PAR 'CHAD PA DANG, DGE BA'I RTZA BA NYING MTSAMS SBYOR BA DANG, KHAMS DANG SA LAS 'DOD CHAGS DANG BRAL BA DANG, YONGS SU NYAMS PA DANG, 'CHI 'PHO BA DANG, SKYE BA DANG, CHOS DRUG PO 'DI DAG NI YID KYI RNAM PAR SHES PA KHO NA YIN PAR 'DOD KYI GZHAN DU NI MA YIN NO, ,SKYE BA SMOS PA NI SRID PA BAR MAR NYID MTSAMS SBYOR BA BSHAD ZIN PA'I NGO BOR RIG PAR BYA'O, ,TSOR BA NI, 'CHI 'PHO SKYE BA BTANG SNYOMS LA, ,'CHI 'PHO BA NI 'CHI 'PHO BA NYID YIN NO, ,SKYE BA NI SKYE BA YIN NO, ,'DI GNYIS BDE BA YANG MA YIN SDUG BSNGAL YANG MA YIN PA'I TSOR BA YIN TE, DE NI MI GSAL BA'I PHYIR RO, ,TSOR BA GZHAN DAG NI GSAL BA YIN TE, RNAM PAR SHES PA GSAL BA DAG GIS 'CHI 'PHO BA DANG SKYE BAR NI RUNG BA MA YIN NO, ,YID KYI RNAM PAR SHES PA DE LA YANG, RTZE GCIG SEMS MED LA DE MED, ,'CHI 'A PHO BA DANG SKYE BA ZHES BYA BAR SBYAR RO, ,SKAL PA MI NYAM PA'I SA PA YIN PA'I PHYIR DANG, MNGON PAR 'DU BYED PA LAS BYUNG BA NYID YIN PA'I PHYIR DANG, PHAN 'DOGS PAR BYED PA YIN PA'I PHYIR MNYAM PAR GZHAG PA'I SEMS @143A *, ,LA 'CHI 'PHO BA 'AM SKYE BA MED DO, ,SEMS MED PA LA YANG MED DE, SEMS MED PA LA NI GNOD PA BYA BAR MI NUS SO, ,GANG GI TSE DE'I LUS YONGS SU 'JIG PAR RTZOM PA DE'I TSE YANG DE LAS GDON MI ZA BAR DE'I LUS DANG 'BREL PA'I SEMS MNGON DU GYUR NAS PHYIS 'CHI 'PHO BAR 'GYUR GYI GZHAN DU NI MA YIN NO, ,SKYE BA LA YANG SEMS 'CHAD PA'I RGYU MED PA'I PHYIR DANG, NYON MONGS PA MED PAR MI SKYE BA'I PHYIR SEMS MED PAR RIGS PA NYID MA YIN NO, ,'CHI BA'I SRID PA RNAM PA GSUM DU BSHAD PA LA, DGRA BCOM PA NI, MYA NGAN 'DAS LUNG BSTAN MIN GNYIS, ,SPYOD LAM PA DANG, GAL TE 'DOD PA'I KHAMS NA RNAM PAR SMIN PA'I BTANG SNYOMS YOD NA RNAM PAR SMIN PA'I SEMS LA GNAS NAS SO, ,CI STE MED NA NI SPYOD LAM PA KHO NA LA'O, ,CI'I PHYIR LUNG DU MA BSTAN PA KHO NA LA YIN GYI GZHAN LAM YIN ZHE NA, DE NI NYAM CHUNG BA'I PHYIR SEMS 'CHAD PA'I RJES SU MTHUN PA YIN NO, ,YANG 'CHI BA NA LUS KYI PHYOGS GANG DU RNAM PAR SHES PA 'GAG CE NA, CIG CAR 'CHI NA NI YID DANG BCAS PA'I LUS KYI DBANG PO MOD LA 'GAG PAR 'GYUR RO, ,GAL TE RIM GYIS 'CHI 'PHO BA NA DE'I TSE, 'OG MIN LHAR 'GRO MI SKYE RNAMS, ,RIM GYIS 'CHI NA RKANG PA DANG, ,LTE BA SNYING GAR YID 'CHI 'PHO, ,'OG TU 'GROBS NA 'OG TU 'GRO BA STE, NGAN SONG DU 'GRO BA RNAMS SO, ,MIR 'GRO BAS NA MIR 'GRO BAS TE, MI'I NANG DU 'GRO BA RNAMS SO, ,LHAR 'GRO BAS NA LHAR 'GRO BA STE, LHA'I NANG DU 'GRO BA RNAMS SO, ,DE DAG GI RNAM PAR SHES PA NI GRANGS BZHIN DU RKANG PA DANG, LTE BA DANG, SNYING GAR 'GAG GO, ,YANG MI SKYE BAS NA MI SKYE BA STE, DGRA BCOM PA DAG GO, ,DE DAG GI RNAM PAR SHES PA SNYING KHAR 'GAG GO, ,GZHAN DAG NA RE SPYI BOR ZHES ZER RO, ,DE DAG TU LUS KYI DBANG PO 'GAG PA'I PHYIR RO, ,'CHI BA'I LUS KYI DBANG PO NI RDO LEB BSREGS PA'I THOG TU CHUS BTAB PA ZHUM PAR 'GYUR BA BZHIN DU RKANG PA LA SOGS PAR NUB PAR 'GYUR RO, ,GNAD 'CHAD PA'I TSOR BAS NYEN PA'I SROG CHAGS RNAMS NI PAL CHER DE LTA DE LTAR RIM GYIS 'CHI BAR 'GYUR RO, ,GNAD GCOD PA NI TSUL SOGS KYIS LUS KYI PHYOGS 'GA' @143B ZHIG NYAMS NA 'CHI BAR 'GYUR BA DE DAG NI GNAD RNAMS ZHES BYA'O, ,DE DAG KYANG CHU DANG ME DANG RLUNG GI KHAMS RNAMS LAS GANG YANG RUNG BZHIG DRAG TU 'KHRUGS PAR GYUR PA MTSON CHA THAMS CAD BDAR BAS BTAB PA DANG 'DRA BAS TSOR BA MI BZAD PA DAG GIS BCAD PA LTA BU YIN GYI, DE DAG SHING GCOD PA LTA BUR NI MA YIN NO, ,YANG NA BCAD PA DANG 'DRA BAR YANG GA-YO BA MED PAS NA BCAD PA ZHES BYA'O, ,CI'I PHYIR SA'I KHAMS KYI MA YIN ZHE NA, ,SKYON BZHI PA MED PA'I PHYIR TE, RLUNG DANG MKHRIS PA DANG BAD KAN RNAMS NI SKYON GSUM YIN PA DE DAG GI GTZO BO NI CI RIGS PAR CHU DANG ME DANG RLUNG GI KHAMS DAG YIN NO, ,GZHAN DAG NA RE SNOD KYI 'JIG RTEN 'JIG PA DANG CHOS MTHUN PAS SO ZHES ZER RO, ,LHA DAG GI NANG NA NI GNAD 'CHAD PA MED MOD KYI, 'ON KYANG LHA'I BU 'CHI BA'I CHOS CAN LA NI NYE BA'I SNGA LTAS LNGA 'BYUNG BAR 'GYUR TE, GOS RNAMS DANG RGYAN RNAMS LAS SGRA YID DU MI 'ONG BA 'BYUNG BAR 'GYUR RO, ,LUS KYI 'OD CHUNG BAR 'GYUR, KHRUS BYAS PA'I CHU'I THIGS PA DAG LUS LA CHAGS PAR 'GYUR, GA-YO BA'I BDAG NYID CAN YANG BLO YUL GCIG LA GNAS PAR 'GYUR, MIG GNYIS 'DZUMS PA DANG 'BYED PA DAG SRID PAR 'GYUR TE, DE DAG NI 'KHRUL PA CAN YIN NO, ,'CHI BA'I LTAS LNGA LAS NI MI 'DA' STE, GOS DRI MA CAN DU 'GYUR, ME TOG PHRENG RNYINGS PAR 'GYUR, MCHAN KHUNG GNYIS NAS RDUL 'BYUNG BAR 'GYUR, LUS LAS DRI DA BA DAG 'BYUNG BAR 'GYUR, LHA'I BU RANG GI STAN LA MI DGA' BAR 'GYUR BA'O, ,SEMS CAN GYI 'JIG RTEN 'DI DE LTAR SKYE BA DANG, GNAS PA DANG 'CHI 'PHO BA NA BCOM LDAN 'DAS KYIS TSOGS GSUM DU BZHAG STE, TSOGS GSUM NI YANG DAG PA NYID DU NGES ? PA'I TSOGS DANG, LOG PA NYID DU NGES PA'I TSOGS DANG, MA NGES PA'I TSOGS SO, DE LA 'PHAGS DANG MTSAMS MED BYED PA DAG YANG DAG LOG PA NYID DU DES, ,YANG DAG PA NYID GANG ZHE NA, MDO LAS GANG 'DOD CHAGS GTAN NAS SPANGS PA DANG, ZHE SDANG GTAN NAS SPANGS PA DANG, GTI MUG GTAN NAS SPANGS PA DANG, NYON MONGS PA THAMS CAD GTAN NAS SPANGS PA NYID NI YANG DAG PA NYID DO ZHES 'BYUNG NGO, ,'PHAGS PA RNAMS GANG ZHE NA, GANG DAG LA ZAG @144A *, ,PA MED PA'I LAM SKYES PA'O, ,SDIG PA'I CHOS LAS RING DU SONG PAS NA 'PHAGS PA RNAMS TE, GTAN DU 'BRAL BA'I THOB PA RNYED PA'I PHYIR RO, ,DE DAG NI NYON MONGS PA ZAD PAR NGES PA'I PHYIR YANG DAG PA NYID DU NGES PA DAG YIN NO, ,THAR PA'I CHA DANG MTHUN PA THOB PA YANG GDON MI ZA BAR YONGS SU MYA NGAN LAS 'DA' BA'I CHOS CAN YIN NA CI'I PHYIR YANG DAG PA NYID DU NGES PA DAG MA YIN ZHE NA, DE DAG NI LOG PA NYID DU YANG NGES PAR 'GYUR LA, DE DAG JI LTAR DE LTAR THOGS NA SRID PA LAN BDUN PA LA SOGS PA LTAR DUS NGES PAR YANG DAG PA NYID DU NGES BA YANG MA YIN NO, ,LOG PA NYID GANG ZHE NA, DMYAL BA RNAMS DANG, DUD 'GRO DANG, YI DGAS ? TE, 'DI NI LOG PA NYID CES BYA'O, ,DE LA MTSAMS MED PA BYED PA RNAMS NI DMYAL BAR NGES PA'I PHYIR LOG PA NYID DU NGES PA DAG YIN NO, ,NGES PA DE DAG LAS GZHAN PA NI MA NGES PA'O ZHES BYA BAR GRUB STE, DE DAG NI RKYEN LA LTOS NA GNYI GA LA BRTEN PA NYID DANG, GNYI GA LA MI BRTEN BA NYID KYANG YIN NO, ,SEMS CAN GYI 'JIG RTEN BSHAD ZIN TO, ,DA NI SNOD KYI 'JIG RTEN BSHAD PAR BYA STE, DE LA SNOD KYI 'JIG RTEN GYI, ,GNAS PAR 'DOD PA'I 'OG DAG GI, ,RLUNG GI DKYIL 'KHOR RDAMS SU NI, ,SA YA DRUG 'BUM GRANGS MED DO, ,STONG GSUM GYI STONG CHEN PO'I 'JIG RTEN GYI KHAMS NI 'DI LTAR GNAS PAR 'DOD DE, 'DI LTA STE, SEMS CAN RNAMS GYI LAS KYI DBANG GIS 'OG NA NAM MKHA' LA BRTEN PA'I RLUNG GI DKYIL 'KHOR MNGON PAR 'GRUB STE, DE'I RNGAMS SU NI DPAG TSAD SA YA DRUG 'BUM MO, ,RGYAR NI GRANGS MED DE, 'DI LTAR GANG TSAN PO CHE CHEN PO'I RDO RJES KYANG GZHIG PAR MI NUS PAR SRA BA YIN NO, ,DE'I STENG NA, CHU RNGAMS 'BUM PHRAG BCU GCIG DANG, ,STONG PHRAG DAG NI NYI SHU'O, ,DKYIL 'KHOR ZHES BYA BAR SBYAR TE, SEMS CAN RNAMS KYI LAS DAG GIS RLUNG GI DKYIL 'KHOR DER SPRIN RNAMS 'DUS NAS, CHAR GYI RGYUN GNYA' SHING TZAM LA BAB PA DE CHU'I DKYIL 'KHOR DU 'GYUR TE, DE'I RNGAMS SU NI DPAG TSAD 'BUM PHRAG BCU GCIG DANG NYI KHRI'O, ,JI LTAR NA CHU DE DAG THAD KAR MI 'BO ZHE NA, KHA CIG NA RE SEMS CAN RNAMS KYI LAS KYI @144B DBANG GIS TE, DPER NA BZA' BA DANG, BTUNG BA ZOS PA DANG, 'THUNG BA MA ZHU BA LONG KAR MI LTUNG BA BZHIN NO ZHES ZER RO, ,SDE PA GZHAN DAG NA RE SBYANG GI TSUL DU RLUNG GIS 'DZIN TO ZHES ZER RO, ,YANG SEMS CAN RNAMS KYI LAS KYI MTHU LAS BYUNG BA'I RLUNG DAG GIS CHU DE KUN NAS DKRUGS PA NA'O MA BSKOL BA SPRIS MA CHAGS PA'I TSUL DU STENG MA GSER DU 'GYUR RO, ,CHU'I DKYIL 'KHOR DE PHYIS NI RNAMS ? SU 'BUM PHRAG BRGYAD, LHAG MA DAG NI GSER DU 'GYUR, ,LHAG MA YANG GANG ZHIG CE NA, CHU'I STENG RIM DPAG TSAD SUM 'BUM NYI KHRI GSER GYI RANG BZHIN GYI SA GZHIR GYUR PA DE'I CHU DANG GSER GYI RDAMS BSHAD ZIN TO, ,CHU DANG GSER GYI DKYIL 'KHOR GYI, ,THAD KAR 'BUM PHRAG BCU GNYIS DANG, ,STON PHRAG GSUM DANG BRGYA PHRAG NI, ,PHYED DANG LNGA RNAMS KHO NA'O, ,'DI GNYIG RGYA MNYAM MO, ,KHOR YUG TU NI SUM 'GYUR RO, ,KHOR YUG TU BRTZI NA NI SUM 'GYUR DU 'GYUR TE, DPAG TSAD SA YA PHRAG GSUM DANG, 'BUM PHRAG DRUG DANG, KHRI SUM BRGYA LNGA BCU'O, GSER GYI SA GZHI'I DKYIL 'KHOR CHU'I STENG NA GNAS PA GANG YIN PA, DE LA LHUN PO GNYA' SHING 'DZIN, ,GSHOL MDA' 'DZIN DANG SENG LDENG CAN, ,DE BZHIN BLTA NA SDUG RI DANG, RTA RNA DANG NI RNAM BDUD ? DANG, ,MU KHYUD 'DZIN RI'O, ,RI CHEN PO BRGYAD PO 'DI DAG NI GSER GYI DKYIL 'KHOR LA BRTEN PA YIN TE, RI RAB NI DBUS NA'O, ,LHAG MA RNAMS KYIS NI RI RAB BSKOR TE GNAS SO, ,RI BDUN GYI RA BAS BSKOR BA DE'I PHYI RIM GANG YIN PA DE NI RI MU KHYUD 'DZIN NO, , DE NAS NI GLING RNAMS YIN NO, ,DE'I PHYI ROL NA NI GLING BZHI DAG GO, ,DE DAG GI YANG PHYI ROL NA NI KHOR YUG STE, DES NI GLING BZHIR KHOR YAG TU BSKOR TE, DE DAG LAS, BDUN NI GSER YIN TE LCAGS SO, ,GNYA' SHING 'DZIN LA SOGS PA'I RI BDUN NI GSER GYI RANG BZHIN YIN NO, , KHOR YUG NI LCAGS KYI RANG BZHIN YIN NO, ,LHUN PO RIN CHEN BZHI'I RANG BZHIN, GSER GYI RANG BZHIN DANG, DNGUL GYI RANG BZHIN DANG, BEEd'URYA'I RANG BZHIN DANG SHEL GYI RANG BZHIN TE, NGOS BZHI DAG TU GRANGS BZHIN NO, ,RI RAB KYI NGOS GANG ZHIG GANG GI RANG BZHIN YIN PA DE'I MTHUS @145A *, ,DE'I NGOS KYI NAM MKHA' YANG ? DE'I KHA DOG TU SNANG STE, DE'I NGOS 'DZAM BU'I GLING LOGS BEE d'URYA'I RANG BZHIN YIN LA, DE'I 'OD KYI KHA DOG GIS 'DI'I NAM MKHA' YANG BEE d'URYA'I KHA DOG TU SNANG NGO ZHES BRJOD DO, ,YANG DE DAG JI LTAR 'BYUNG ZHE NA, GSER GYI RANG BZHIN GYI SA GZHI LA CHAR PA'I RGYUN 'BAB STE, SA BON RNAM PA SNA TSOGS KHONG NA YOD PA'I CHU DE DAG MTHU RNAM PA DU MA'I BYE BRAG DANG LDAN PA'I RLUNG DAG GIS BSHIG PA NA RI DE DANG DE DAG TU 'GYUR RO, ,'DI LTAR 'GYUR TE, GANG RIGS THA DAD PA'I 'BRAS BU'I KHYAD PAR BSKYED PAR BYA BA LA MA PHRAD PAR RKYEN DU 'GYUR BA YIN GYI, JI LTAR GRANGS CAN PA RNAMS KYI 'GYUR BA LTA BU NI MA YIN NO, ,GRANGS CAN PA RNAMS KYI 'GYUR BA JI LTA BU ZHE NA, RDZAS GNAS PA LA CHOS GZHAN LOG NA CHOS GZHAN 'BYUNG BA'O, ,'DI LA NYES PA CI ZHIG YOD CE NA, GNAS PA GANG GI CHOS RNAMS KYI BYE BRAG BRTAG PAR BYA BA'I CHOS CAN NYID MED DO, ,CHOS CAN RNAMS LAS CHOS CAN GZHAN NO ZHES DE SKAD DU ZER, CHOS DE NYID GZHAN DU 'GYUR BA TZAM NI 'GYUR BA YIN NO ZHE NA, DE LTA NA YANG RIGS PA MA YIN NO, ,'DI LA MI RIGS PA CI ZHIG YOD CE NA, DE NYID 'DI YIN LA, 'DIS DE LTA BU YANG MA YIN NO ZHES BYA BA'I TSIG GI LUGS 'DI NI SNGON MA BYUNG BA YIN NO, ,DE LTAR BYUNG BA'I GSER LA SOGS PA LAS GYI MTHUS BSKYED PA'I RLUNG DAG GIS BSDUS NAS PHUNG POR BYED DE, DE DAG NI RI DAG TU 'ANG 'GYUR LA, GLING RNAMS SU YANG 'GYUR RO, ,RI RAB LA SOGS PA KHOR YUG LA THUG PA'I RI DE DAG NI CHU'I NANG DU BRGYAD KHRI DAG NUB BO, ,DE DAG GSER GYI SA GZHI'I STENG NA CHU DPAG TSAD BRGYAD KHRI YOD PA DER NUB BO, ,CHU'I STENG DU YANG, DPAG TSAD DAG NI BRGYAD KHRI'O, ,DE LTAR NA RI RAB NI 'PHANG DU DPAG TSAD 'BUM DRUG KHRI'O, ,BRGYAD PO'I 'PHANG DU PHYED PHYED DBRI, ,RI RAB CHU'I STENG DU JI TZAM 'PHAGS PA DE'I PHYED NI GNYA' SHING 'DZIN TE, DPAG TSAD BZHI KHRI YIN LA, DE'I PHYED NI GSHOL MDA' 'DZIN TO ZHES BYA BAS, DE BZHIN DU GZHAN DAG LA YANG MU KHYUD 'DZIN GYI PHYED NI KHOR YUG STE, 'PHANG DU DPAG TSAD SUM BRGYA PHYED DANG BCU GSUM YIN NO ZHES BYA BA'I BAR DU PHYED PHYED @145B KYIS DBRI BAR RIG PAR BYA'O, ,DE DAG RNGAMS SU 'PHANG DANG MNYAM, ,DE DAG CHU LAS JI TZAM GYEN DU 'PHAGS PA RNGAMS SU YANG DA TZAM STE, ,RGYAR ZHES BYA BA'I THA TSIG GO, ,DE DAG BAR BDUN ROL MTSO YIN, ,MU KHYUD 'DZIN LA THUG PA'I RI DE DAG GI BAR BDUN NI ROL MTSO BDUN ZHES BYA STE, YAN LAG BRGYAD DANG LDAN PA'I CHUS GANG NGO, ,CHU DE NI BSIL BA DANG, ZHIM PA DANG, YANG PA DANG, 'JAM PA DANG, DNGAS PA DANG, DRI NGA BA MED PA DANG, 'THUNG NA MGRIN PA LA MI GNOD PA DANG, 'THUNGS NA LTO LA MI GNOD PA'O, ,YANG DE DAG LAS, DANG PO STONG PHRAG BRGYAD CU'O, ,RI RAB DANG GNYA' SHING 'DZIN GYI BAR GYI ROL MTSO DANG PO NI KHA TSON DPAG TSAD BRGYAD KHRI'O, ,DE NI NANG GI RGYA MTSO YIN, ,RGYA MTSO NI GNYIS TE, NANG GI DANG PHYI'I 'O, ,ROL MTSO DE NI NANG GI RGYA MTSO YIN NO, ,DE'I NGOS LA SUM 'GYUR RO, ,KHA TSON NI DPAG TSAD BRGYAD KHRI BSHAD DO, ,NGOS LA NI GNYA' SHING 'DZIN GYI 'GRAM NAS BGRANGS NA SUM 'GYUR TE, DPAG TSAD NYIS 'BUM BZHI KHRI'O, ,ROL MTSO GZHAN NI PHYED PHYED DO,, ,GNYA' SHING 'DZIN NAS GSHOL MDA' 'DZIN GYI BAR GYI ROL MTSO GNYIS PA NI DANG PO'I PHYED DE, DPAG TSAD BZHI KHRI YIN LA, GSUM PA NI DE'I PHYED DO ZHES BYA BA NAS, DE BZHIN DU ROL MTSO BDUN PA NI, DPAG TSAD STONG NYIS BRGYA LNGA BCU'O ZHES BYA BA'I BAR DU'O, ,ROL MTSO GZHAN RNAMS PHYED PHYED KYIS DBRI'O, ,DE DAG GI SRID DU NI HA CANG 'BYAMS KLAS PA'I PHYIR MA BGRANGS SO, ,LHAG MA PHYI'I MTSO CHEN YIN, LHAG MA GANG ZHIG CE NA MU KHYUD 'DZIN DANG KHOR YUG GI BAR DE'I NI PHYI'I RGYA MTSO CHEN PO YIN TE, TSVA SGO'I TSVA CHUS GANG NGO, DE YANG KHA TSON DU DPAG TSAD 'BUM PHRAG GSUM DANG STONG PHRAG NI NYI SHU GNYIS SO, ,DE LA RI RAB KYI NGOS BZHI NI GLING BZHI STE, DE LA NI 'DZAM BU'I GLING STE NGOS GSUM LA, STONG PHRAG GNYIS PO SHING RTA'I DBYIBS, ,DE'I NGOS GSUM LA DPAG TSAD NYIS STONG NYIS STONG YOD LA, DE'I DBYIBS KYANG SHING RTA DANG 'DRA'O, ,DE'I DBUS SU GSER GYI RANG BZHIN GYI SA GZHI LA GANG DU BYANG CHUB SEMS DPA' BA ZHUGS NAS RDO RJE LTA BU'I TING NGE 'DZIN SKYED PAR MDZAD PA RDO RJE'I GDAN MNGON PAR 'GRUB STE, DE NI LUS SAM SA PHYOG GZHAN @146A *, ,GYIS BZOD PAR MI NUS SO, ,GCIG LA DPAG TSAD PHYED DANG BZHI'O, ,DE'I NGOS BZHI PA DAG LA NI DPAG TSAD PHYED DANG BZHI STE, DE NYID KYI PHYIR 'DI NI SHING RTA CHEN PO'I DBYIBS LTA BU YIN NO, ,SHAR GYI LUS 'PHAGS ZLA GAM 'DRA, ,'DI NAS SHAR PHYOGS KYI RI RAB KYI NGOS ROL NA SHAR GYI LUS 'PHAGS KYI GLING YOD DE, DE NI ZLA BA KHAM PA LTA BUR MNGON PAR GRUB BO, ,RGYAR NI NGOS GSUM 'DI DANG 'DRA'O, ,JI LTAR 'DZAM BU'I GLING LA DPAG TSAD NYIS STONG NYIS YOD PA BZHIN NO, ,GCIG LA DPAG TSAD SUM BRGYA LNGA BCU'O, ,NGOS BZHI PA LA NI DPAG TSAD SUM BRGYA LNGA BCU'O, ,BA LANG SPYOD GLING ZLUM PO STE, ,STONG PHRAG PHYED DANG BRGYAD YIN NO, ,'DI NAS NUB PHYOGS KYI RI RAB KYI NGOS ROL NA BA LANG SPYOD KYI GLING YOD DE, DPAG TSAD BDUN STONG LNGA BRGYA'O, ,DE NI ZLA BA NYA BA BZHIN DU KUN NAS ZLUM PO YIN TE, DE DBUS STONG PHRAG PHYED DANG GSUM, ,CHU ZHENG DU NI DPAG TSAD STONG PHRAG PHYED DANG GSUM MO, ,SGRA MI SNYAN BRGYAD GRU BZHIR MNYAM, ,'DI NAS BYANG PHYOGS KYI RI RAB KYI NGOS LA BYANG GI SGRA MI SNYAN GYI GLING YOD DE, KUN DU DPAG TSAD BRGYAD STONG YOD DO, ,DBYIBS NI KHRI'U BZHIN DU KUN NAS GRU BZHI STE, JI LTAR NGOS GCIG LA DPAG TSAD NYIS STONG YOD PA LTAR GZHAN DAG KYANG DE DANG 'DRA STE, CUNG ZAD KYANG LHAG MA MED DO, ,GLING GANG GI DBYIBS CI 'DRA BA DE NA GNAS PA'I MI RNAMS KYI GDONG GI DBYIBS KYANG DE DANG 'DRA'O, ,YANG DE DAG GI BAR BAR NA BAR GYI GLING RNAMS MNGON PAR GRUB PA DE DAG NI GANG YIN, DU ZHIG NI YOD CE NA, DE YI BAR GYI GLING BRGYAD NI; ,LUS DANG LUS 'PHAGS SGRA MI SNYAN, ,SGRA MI SNYAN GYI ZLA DANG NI, ,RNGA YAB DANG NI RNGA YAB GZHAN, ,GA-YO LDAN DANG NI LAM MCHOG 'GRO, ,DE LA LUS DANG LUS 'PHAGS NI SHAR GYI LUS 'PHAGS KYI GLING 'KHOR YIN NO, ,SGRA MI SNYAN DANG SGRA MI SNYAN GYI ZLA NI BYANG GI SGRA MI SNYAN GYI'O, ,GA-YO LDAN DANG LAM MCHOG 'GRO NI NUB KYI BA LANG SPYOD KYI'O, ,RNGA YAB DANG RNGA YAB GZHAN NI 'DZAM BU'I GLING GI STE, THAMS CAD NA YANG MI RNAMS GNAS SO, ,KHA CIG NA RE, GCIG NA SRIN PO DAG GNAS SO ZHES ZER RO, ,'DI NAS BYANG DU RI NAG PO, ,DGU 'DAS GANGS RI'O, ,'DZAM BU'I GLING 'DI'I BYANG @146B PHYOGS 'DZAM BU'I GLING 'DI NYID NA RI NAG PO GSUM YOD DO, ,DE DAG 'DAS NAS YANG GSUM YOD DE, DE 'DAS NAS YANG GSUM YOD DO, ,RI NAG PO DGU 'DAS PA'I PHA ROL NA GANGS RI YOD DO, ,DE NAS NI, SPOS NGAD LDANG BA'I TSU ROL NA, ,CHU ZHENG LNGA BCU YOD PA'I MTSO, ,GANGS RI DE'I PHA ROL RI SPOS KYI NGAD LDANG BA'I TSU ROL NA MTSO MA DROS PA ZHES BYA BA GNAS PA LAS CHU BO CHEN PO BZHI PO GANG G'A DANG, SIN DHU DANG, SI TA DANG, PAKshU 'BAB PA YOD DO, ,DE'I ZHENG DU YANG DPAG TSAD LNGA BCU YOD LA, CHUR YANG DPAG TSAD LNGA BCU YOD DE, YAN LAG BRGYAD DANG LDAN PA'I CHUS GANG NGO, ,DER NI RDZU 'PHRUL DANG MI LDAN PA'I MIS 'GRO BAR DKA'O, ,DE NYID KYI DRUNG NA GANG LA 'BRAS BU MNGAR BO DAG YOD PA SHING 'DZAM BU ZHES BYA BA MNGON PAR 'GRUB STE, DE'I DBANG GIS 'DI 'DZAM BU'I GLING ZHES BYA BAR GRAGS SO, ,YANG NA DE'I 'BRAS BU'I DBANG GIS 'DZAM BU'I GLING ZHES BYA BAR GRAGS SO, , DMYAL BA RNAMS NI GANG ROL NA YOD, TSAD NI JI TZAM ZHE NA, 'DI 'OG STONG PHRAG NYI SHU NA, ,MNAR MED PA'O DE TZAM MO, ,'DZAM BU'I GLING 'DI NYID KYI 'OG DPAG TSAD NYI KHRIN DMYAL BA CHEN PO MNAR MED PA YOD DE, GNAM 'PHANG DANG RGYAR NI DPAG TSAD NYI KHRI'O, ,DE'I 'OG GZHI YANG DE DANG 'DRA STE; 'DI NAS NI DPAG TSAD BZHI KHRI YOD DO, ,SDUG BSNGAL BAR CHAD MED PAS NA MNAR MED PA'O, ,GZHAN DAG NI SDUG BSNGAL BAR CHAD DANG BCAS PA YIN TE, 'DI LTA STE, YANG SOS NA NI LUS RNAMS BCAD CING PHUG LA BTAGS KYANG RLUNG GRANG MO DAG LANGS NA SEMS CAN DE DAG YANG SOS PAR 'GYUR BAS DE'I PHYIR YANG SOS YIN NO, ,GZHAN DAG NA RE DE NA BDE BA'I GNAS SKABS MED PAS NA MNAR MED PA STE, GZHAN DAG NA YANG BDE BA'I TSOR BA RNAM PAR SMIN PA LAS BYUNG BA NI MED KYI RGYU MTHUN PAR BYUNG BA NI 'GAG PA MED DO ZHES ZER RO, ,DE YI STENG NA DMYAL BA BDUN, ,MNAR MED PA DE'I STENG NA DMYAL BA BDUN PO RAB TU TSA BA DANG, TSA BA DANG, DU 'BOD CHEN PO DANG, DU 'BOD DANG, BSDUS 'JOMS DANG, THIG NAG DANG, YANG SOS DAG GONG NAS GONG DU GNAS SO, ,GZHAN DAG NA RE MNAR MED PA'I GRO DAG NA GNAS SO ZHES ZER RO, ,DE DAG KYANG, BRGYAD PO KUN LA LHAG @147A *, ,BCU DRUG, ,BCOM LDAN 'DAS KYIS, ,DE LTAR DE DAG DMYAL BA NI, ,BRGYAD CES BYA STE RGAL BAR DKA', ,DRAG PO'I LAS KYIS KUN DU GANG, ,RE RE LA YANG LHAG BCU DRUG ,RTZIG PA BZHI DANG SGO BZHI STE, ,RNAM PHYE RIS SU CHAD PA YIN, ,LCAGS KYI RA BAS KUN DU BSKOR, ,LCAGS DAG GIS NI GANG BA YIN, ,DE LA LCAGS 'BAR SA GZHI STE, ,'BAR BA'I MI DANG LDAN PA YIN, ,DPAG TSAD BRGYA PHRAG DU MAR NI, ,ME LCE DAG GIS KHYAB PAR GNAS, ,ZHES GSUNGS SO, ,LHAG MA BCU DRUG GANG ZHE NA, DE DAG GI NI NGOS BZHI NA, ME MA MUR DANG RO MYAGS DANG, ,SPU GRI LA SOGS CHU BO YIN, ,DE DAG GI SGO RE RE NA LHAG PA BZHI BZHI YOD DE, ,ME MA MUR PUS MO NUB TZAM GANG DU SEMS CAN DE DAG GI RKANG PA BZHAG NA NI PAGS PA DANG SHA DANG KHRAG ZHIG PAR 'GYUR LA, RKANG PA BTEG NA NI PAGS PA DANG SHA DANG KHRAG SLAR SKYE BA DANG, RO MYAGS RKYAG PA'I 'DAM RDZAB GANG DU 'BU MCHU RNON ZHES BYA BA LUS THAMS CAD DKAR ZHING MGO GNAG LA MCHU SMYUNG BA'I SROG CHAGS DAG GNAS SHING DE DAG GIS SEMS CAN DE DAG GI RUS PA'I BAR DU 'BIGS PAR BYED PA DANG, SPU GRI'I SOS GTAMS PA'I LAM PO CHE GANG DU SEMS CAN DE DAG 'GRO BA NA RKANG PA BZHAG NA NI PAGS PA DANG SHA DANG KHRAG ZHIG PAR 'GYUR ZHES BYA BA SNGA MA BZHIN NO, ,LO MA RAL GRI LTA BU'I GNAS GANG DU RAL GRI RNON PO RNAMS LHUNG ZHING, SEMS CAN DE DAG GI YAN LAG DANG NYID LAG RNAMS GCOD PAR 'GYUR ZHING, KHYI SRE BO RNAMS KYANG ZA BAR BYED PA DANG, LCAGS KYI SHAL MA RI NAGS TSER MA RNON PO SOR BCU DRUG PA GANG DU SEMS CAN DE DAG 'DZEG PA NA NI TSER MA DE RNAMS KHA THUR DU LTA BAR 'GYUR ZHING LUS 'BIGS PAR BYED LA, 'BAB BA NA NI KHA GYEN DU LTA BAR 'GYUR ZHING, KHVA LCAGS KYI MCHU CAN RNAMS KYIS MIG DAG PHYUNG ZHING PHYUNG NAS ZA BAR BYED PA STE, SPU GRI'I LAM LA SOGS PA GSUM PO DE NI MTSON CHA MNGON PAR 'BAB PA 'DRA BA'I PHYIR GCIG TU BYA'O, ,LHAG MA BZHI PA NI CHU BO RAB MED THAL CHU KHOL MAS GANG BA STE, GANG DU SEMS CAN DE DAG 'GRAM GNYIS NAS SKYES BU @147B LAG NA RAL GRI DANG, MDUNG THUNG DANG, THAG MDUNG THOGS PA DAG GIS 'GOG CING, DPER NA PHRU BA CHU MANG POS BKANG BA THAB TU BCUG PA'I NANG DU TIL DANG 'BRAS THUG PO CHE LA SOGS PA BLUGS PA BZHIN DU, STENG DU 'GRO NA YANG GDU ZHING 'TSED LA, 'OG DANG THAD KAR 'GRO NA YANG GDU ZHING 'TSED PAR BYED PA'O, ,DES KYANG DMYAL BA CHEN PO 'OBS BZHIN DU BSKOR RO, ,LHAG MA BZHI PO 'DI DAG NI PHYOGS KYI BYE BRAG GIS BCU DRUG CES BYA'O, ,GNOD PA LHAG MA'I GNAS YIN PA'I PHYIR LHAG PA'O ZHES BYA STE, DMYAL BA DAG TU GNOD PA BYAS NAS YANG 'DI DAG TU GNOD PAR BYED DO, ,GZHAN DAG NA RE DMYAL BA PA'I 'CHING BA'I 'OG TU 'DI DAG TU BYING BAS NA LHAG PA'O ZHES BYA'O ZHES ZER RO, ,DRI BA LAS DRI BA GZHAN 'BYUNG STE, CI DMYAL BA'I SRUNG MA DE DAG SEMS CAN DU BGRANG BA ZHIG YIN NAM, 'ON TE MA YIN ZHE NA, KHA CIG NA RE MA YIN NO ZHES ZER RO, ,DA NI JI LTAR NA DE DAG GA-YO BA YIN ZHE NA, SEMS CAN RNAMS KYI LAS DAG GIS TE, 'CHAGS PA'I RLUNG BZHIN NO, ,'O NA BTZUN PA CHOS LDAN RAB 'BYOR GYIS, ,GANG DAG KHRO ZHING GTUM LAS DANG, ,SDIG LA MNGON PAR DGA' BA DANG, ,SDUG BSNGAL BA LA DGA' DE DAG ,GSHIN RJE SRIN POR SKYE BAR 'GYUR, ,ZHES GANG BSHAD PA JI LTAR DRANG ZHE NA, GSHIN RJES BSGO BA GANG DAG GI SEMS CAN RNAMS DMYAL BA DAG TU KHRID PAR BYED PA DE DAG GSHIN RJE SRIN PO ZHES BSHAD KYI, GANG DAG LAS RNAM PAR BYED PA DE NI MA YIN NO, ,GZHAN DAG NA RE SEMS CAN DAG TU BGRANG BA YIN NO ZHES ZER RO, ,DA NI LAS DE DAG GANG DU RNAM PAR SMIN ZHE NA, DMYAL BA DE DAG NYID DU STE, GANG DAG TU MTSAMS MED PA BYED PA RNAMS KYI RNAM PAR SMIN PA'I GO SKABS YOD PA DE DAG GI SU ZHIG 'GOG PA, ME'I NANG NA GNAS PA RNAMS JI LTAR MI TSIG CE NA, ME NI GDON MI ZA BAR LAS DAG GIS MTSAMS GCAD PA'I PHYIR RO, ,YANG NA 'BYUNG BA'I KHYAD PAR GRUB PA'I PHYIR RO, ,RE ZHIG DE DAG NI TSA BA'I SEMS CAN DMYAL BA CHEN PO RNAMS ZHES BYA'O, ,CHU BUR CAN SOGS GRANG BRGYAD GZHAN, ,GZHAN YANG GRANG BA'I @148A *, ,DMYAL BA BRGYAD DE, 'DI LTA STE, CHU BUR CAN DANG, CHU BUR RDOL PA DANG, SO THAMS THAMS DANG, AA CHU ZER BA DANG, KYI HUD ZER BA DANG, AUTPALA LTAR GAS PA DANG, PADMA LTAR GAS PA DANG, PADMA LTAR CHER GAS PA'O, ,MIR 'DI RNAMS NI SEMS CAN GRANG BA MI BZAD PAS NYEN PA DE DAG GI LUS DANG SGRA 'GYUR BA DANG SGRA MTHUN PA DAG YIN NO, ,DE DAG KYANG 'DZAM BU'I GLING 'DI NYID KYI 'OG DMYAL BA CHEN PO RNAMS KYI THAD KA NA YOD DO, ,'DZAM BU'I GLING 'DI TZAM GYI 'OG RNAM NAR MED PA LA SOGS PA'I GO SKABS GA LA YOD CE NA, GLING RNAMS NI 'PHRU'I PHUNG PO BZHIN DU ZHABS RGYA CHE BA YIN TE, DE NYID KYI PHYIR RGYA MTSO CHEN PO RIM GYIS GZHOL BA YIN NO, DE LTAR NA SEMS CAN DMYAL BA BCU DRUG PO DE RNAMS NI SEMS CAN THAMS CAD KYI LAS KYI DBANG GIS MNGON PAR GRUB PA DAG YIN NO, ,NYI TSE BA'I DMYAL BA RNAMS NI MANG PO'AM GNYIS SAM GCIG GI SO SO'I LAS DAG GIS MNGON PAR GRUB PA YIN TE, DE DAG GI RNAM PA'I BYE BRAG NI RNAM PA DUM YOD DO, ,GNAS NI NGAS PA MED DE, CHU BO DANG, RI DANG, MYA NGAM GYI PHYOGS DAG DANG, GZHAN DAG DANG, 'OG NA YANG YOD PA'I PHYIR RO, ,RE ZHIG 'DI NI DMYAL BA'I SNOD RNAMS KYI GNAS PA YIN NO, ,DUD 'GRO NI THANG DANG, CHU DANG, NAM MKHA'I SBYOD YUL PA DAG YIN NO, ,DE DAG GI GNAS KYI RTZA BA NI RGYA MTSO CHEN PO YIN TE, GZHAN NI DE DAG LAS 'PHROS PA DAG YIN NO, ,YI DGAS ? RNAMS KYI RGYAL PO NI GSHIN RJE ZHES BYA BA YIN NO, ,DE DAG GI GNAS KYI RTZA BA RGYAL PO'I KHAB NI 'DZAM BU'I GLING 'DI'I 'OG DPAG TSAD LNGA BRGYAS BCAD PA NA YOD DE, GZHAN NI DE LAS 'PHROS PA DAG YIN NO, ,DE LAS YI DGAS ? RDZU 'PHRUL CHEN PO KHA CIG NI LHA'I DPAL LTA BU YANG NYAMS SU MYONG NGO, ,LHAG MA NI JI LTAR YI DGAS ? KYI RTOGS PA BRJOD PA DAG LAS 'BYUNG BA YIN NO; ,YANG NYI MA DANG ZA BA 'DI DAG CI LA BRTEN ZHE NA, RLUNG LA STE, SEMS CAN THAMS CAD KYI THUN MONG GI LAS KYI DBANG GI SA BAR SNANG LA NYI MA DANG, ZLA BA DANG, SKAR MA RNAMS 'PHUL BAR BYED PA'I RLUNG DAG GRUB STE, RI RAB LA RLUNG GI 'KHOR LO BZHIN DU 'KHOR RO, ,NYI MA DANG ZLA BA @148B DAG 'DI NAS THAG JI SRID CE NA, NYI ZLA LHUN PO'I PHYED NA'O, ,RI GNYA' SHING 'DZIN GYI RTZE MO DANG MNYAM PA NAS RGYU'O, ,TSAD JI TZAM ZHE NA, GO RIMS BZHIN DU, DPAG TSAD LNGA BCU GCIG DANG BCAS, ,ZLA BA'I DKYIL 'KHOR GYI TSAD NI DPAG TSAD LNGA BCU'O, ,NYI MA'I DKYIL 'KHOR GYI NI GCIG DANG BCAS PA'I LNGA BCU STE, LNGA BCU RTZA GCIG CES BYA BA'I THA TSIG GO , ,SKAR MA'I GZHAL YAS KHANG RNAMS KYI NANG GI TSAD CHUNG BA DE'I NI RGYA NGA GRAGS GCIG GO , ,SROG CHAGS RNAMS KYI LAS DAG GIS NYI MA'I GZHAL MED KHANG 'OG GI PHYI ROL NI ME SHEL GYI DKYIL 'KHOR TSA BAR BYED PA DANG, SNANG BAR BYED PA MNGON PAR GRUB BO, ,ZLA BA'I GZHAL MED KHANG GI NI CHU SHEL BSIL BAR BYED PA DANG, SNANG BAR BYED PA MNGON PAR GRUB STE, CI RIGS PAR MIG DANG, LUS DANG, 'BRAS BU DANG, ME TOG DANG, LO TOG DANG, SMAN RNAMS LA PHAN 'DOGS PAR BYED PA DANG; GNOD PAR BYED PA DAG YIN NO, ,GLING BZHI PA GCIG TU NI ZLA BA GCIG KHO NA DANG, NYI MA GCIG GIS BYA BA BYED DO, ,CI GLING BZHI PO DAG TU NYI MAS CIG CAR BYA BA BYED DAM ZHE NA, MA YIN NO, ,'O NA CI ZHE NA, DE DAG TU, NAM PHYED NYI MA NUB PA DANG, ,NYI MA PHYED DANG 'CHAR DUS GCIG , , GANG GI TSE BYANG GI SGRA MI SNYAN DU NAM PHYED PA DE'I TSE SHAR GYI LUS 'PHAGS SU NI NYI MA NUB BO, ,'DZAM BU'I GLING DU NI NYI MA PHYED DO, ,BA LANG SPYOD DU NA ? NYI MA SHAR TE, DE BZHIN DU GZHAN DAG LA YANG SBYAR BAR BYA'O, ,NYI MA'I 'GROS KYI BYE BRAG LAS 'DI NA NYIN MO DANG MTSAN MO RNAMS RING THUNG DU 'GYUR TE, DE LA, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DBYAR RNAMS KYI ZLA BA GNYIS PA DBYAR ZLA THA CHUNGS YAR GYI NGO'I TSES DGU NAS MTSAN MO RING NGO, ,DGUN RNAMS KYI NI BZHI PA LA, ,THUNG NGUR 'GYUR RO, ,DE BZHIN DU DGUN RNAMS KYI ZLA BA BZHI PA'I THA MA'I TSES DGU NAS THUD NGUR ? 'GYUR ZHES BYA BAR SBYAR TE, DGUN ZLA THA CHUNGS YAR GYI NGO'I TSES DGU NAS SO, ,NYIN MO BZLOG ,GANG GI TSE MTSAN MO RING BA DE'I TSE NYIN MO THUNG BAR 'GYUR RO, ,GANG GI TSE MTSAN MO THUNG BA DE'I TSE NYIN MO RING BAR 'GYUR RO, ,JI TZAM ZHIG GIS RING POR 'GYUR ZHE NA, NYIN MTSAN @149A *, ,MTSAN RING BA THANG ? CIG GO , ,NYIN MO 'AM MTSAN MO THANG CIG THANG CIG GIS RING BAR 'GYUR RO, ,RING BA DE DAG KYANG GO RIMS BZHIN DU, NYI MA LHO BYANG 'GRO TSE'O, ,NYI MA 'DZAM BU'I GLING GI LHO PHYOGS KYI NGOS SU 'GRO BA MTSAN MO RING NGO, ,BYANG PHYOGS SU 'GRO BA NA NYIN MO RING NGO, ,ZLA BA YAR GYI NGO'I DANG PO'I ZLA BA'I DKYIL 'KHOR MA RANGS PAR SNANG BA DE LA RGYU CI YOD CE NA, NYI MA DANG NI NYE BA LAS, ,RANG GI GRIB MAS 'GRIB PAR SNANG, ,BTAGS PA LAS, GANG GI TSE ZLA BA'I GZHAL MED KHANG NYI MA'I GZHAL MED KHANG DANG NYE BAR RGYU BA DE'I TSE NYI MA'I 'OD KYIS DE'I GZHAL MED KHANG LA 'BAB STE, DES NA DE'I PHYI ROL GYI NGOS SU GRIB MA BAB PAS DKYIL 'KHOR MA RANGS PAR SNANG NGO ZHES BSTAN TO ZHES GRAG GO , ,SNGON GYI SLOB DPON RNAMS NA RE GANG RES 'GA' GZHAL MED KHANG GI PHYED SNANG BA DE LTA BU DE NI RGYU BA'I TSUL YIN NO ZHES ZER RO, ,YANG NYI MA LA SOGS PA'I GZHAL MED KHANG 'DI DAG NA SEMS CAN GANG DAG CIG GNAS SHE NA, RGYAL CHEN BZHI'I RIS PA'I LHA RNAMS SO, ,CI DE DAG GI 'DI DAG KHO NA'AM ZHE NA, GZHAL MED KHANG NA GNAS PA RNAMS KYI NI 'DI DAG GO , ,SA LA GNAS PA RNAMS KYI NI RI RAB KYI BANG RIM LA SOGS PA'O, , 'DI LA BANG RIM NI DU ZHIG YOD, ,THAG NI JI SRID CE NA, 'DI LA BANG RIM BZHI YOD DE, BAR GYI THAG NI STONG PHRAG BCU, ,DPAG TSAD NI KHRI'I LTAG NA GCIG YOD DE, BZHI'I BAR DU YANG DE DANG 'DRA'O, ,DE DAG GIS NI RI RAB KYI PHYED MAN CHAD DU PHYIN TO, ,DE DAG KYANG DE LAS GRANGS BZHIN DU, STONG PHRAG DAG NI BCU DRUG DANG, ,BRGYAD DANG BZHI DANG GNYIS 'PHAGS SO, ,BANG RIM DANG PO NI RI RAB LAS DPAG TSAD STONG PHRAG BCU DRUG 'PHAGS SO, ,GNYIS PA NI BRGYAD DO, ,GSUM PA NI BZHI'O, ,BZHI PA NI GNYIS SO, ,DE LA LAG NA GZHONG THOGS DANG, ,PHRENG THOGS DANG NI RTAG MYOS DANG, ,RGYAL CHEN BZHI PA'I LHA RNAMS GNAS, ,BANG RIM DANG PO LA NI GNOD SBYIN LAG NA GZHONG THOGS ZHES BYA BA RNAMS GNAS SO, ,GNYIS PA LA NI PHRENG THOGS RNAMS GNAS SO, ,GSUM PA LA NI RTAG TU MYOS RNAMS GNAS TE, LHA 'DI DAG THAMS CAD KYANG RGYAL CHEN BZHI'I @149B RIS PA DAG YIN NO, ,BZHI PA LA NI RGYAL PO CHEN BO BZHI BDAG NYID DANG, DE'I 'KHOR RNAMS GNAS TE, DE'I PHYIR NA RGYAL CHEN BZHI PA'I LHA RNAMS ZHES BSHAD DO, ,JI LTAR BANG RIM DAG LA RGYAL PO CHEN PO BZHI'I RIS KYI LHA RNAMS KA NAS PA DE BZHIN DU, RI BO BDUN PO DAG LA YANG, ,RI GNYA' SHING 'DZIN LA SOGS PA NA YANG DE DAG GI GRONG DANG, GRONG RNGAL DAG YOD DE, DE NYID KYI PHYIR LHA'I RIS DE NI THAMS CAD PAS CHE BA YIN NO, ,LHUN PO'I RTZE NA SUM CU GSUM, YANG LHUN PO'I RTZE MO JI TZAM ZHI NA, DE YI NGOS LA BRGYAD KHRI'O, ,THUR DU JI LTA BAR NGOS RE RE LA YANG BRGYAD BRI'O, , GZHAN DAG NA RE, DE YI NGOS LA NYI KHRI'O, ,ZHES ZER TE, 'DI LA NGOS BZHIR PHYOGS BZHI YOD DE, NGOS RE RE ZHING YANG DPAG TSAD NYI KHRI NYI KHRI YOD LA KUN DU BSKOR NA NI BRGYAD KHRI'I ZHE'O, ,PHYOGS MTSAMS BRTZEGS PA BZHI LA NI, ,LAG NA RDO RJE GNAS, RI RAB RTZE MO'I PHYOGS MTSAMS NI GRU BZHI STE, DE DAG LAS DPAG TSAD LNGA BRGYA'I TSAD TZAM GYIS BRTZEGS PA BZHI GYEN DU 'PHAGS TE, DE DAG LA GNOD SBYIN LAG NA RDO RJE ZHES BYA BA GNAS SO, ,RI RAB KYI RTZE MO DE'I DBUS NA, GRONG KHYER BLTA NA SDUG CES PA, ,NGOS LA NYIS STONG LNGA BRGYA BA, ,DPAG TSAD BYED DANG GNYIS GSER GYI, RANG BZHIN GZHI BKRA MNYEN PA YOD, ,RI RAB KYI GZHI'I DBUS NA LHA RNAMS KYI DBANG PO BRGYA BYIN GYI RGYAL PO'I PHO BRANG GRONG KHYER BLTA NA SDUG CES BYA BA NGOS RE RE ZHING YANG DPAG TSAD NYIS STONG LNGA BRGYA PA, 'PHANG DU DPAG TSAD PHYED DANG GNYIS PA, GSER GYI RANG BZHIN 'DI'I SA GZHI TSON BRGYAS BKRA BAR BYAS LA, SA GZHI DE YANG SHING BAL GYI 'DAB MA BZHIN DU REG NA 'JAM PA RKANG PA GZHAG PA DANG, BTEG PA DAG GIS NA NEMS ZHES BYED PA DANG PAR ZHES BYED PA YOD DO, ,DE NA RNAM PAR RGYAL BYED DO, NGOS LA NYIS BRGYA LNGA BCU'O, ,GRONG KHYER GYI DBUS NA LHA RNAMS KYI DBANG PO BRGYA BYIN GYI KHANG BZANGS RNAM PAR RGYAL BYED CES BYA BA RIN PO CHE DANG GNAS RNAM PA DU MA PHUN SUM TSOGS PA GNAS GZHAN THAMS CAD KYI DPAL GYI CHE BA'I BDAG NYID DO TSA BAR BYED PA NGOS NGOS KYI SRID DU DPAG TSAD NYIS BRGYA LNGA BCU PA ZHIG YOD DO, ,RE ZHIG 'DI NI GRONG GI MNGON PAR DGA' BA YIN NO, ,DE'I @150A *, ,PHYI ROL SHING RTA SNA TSOGS DANG, ,RTZUB 'GYUR 'DRES PA DGA' BAS BRGYAN, ,GRONG KHYER DE'I PHYI ROL GYI NGOS BZHI DAG NA LHA RNAMS KYI RTZED MO'I SA SKYED MOS TSAL BZHI YOD DE, 'DI LTA STE SKYED MOS TSAL SHING RTA SNA TSOGS CAN DANG, RTZUB 'GYUR DANG, 'DRES PA DANG, DGA' BA'I TSAL TE, DE DAG GIS GRONG KHYER DE'I PHYI ROL BRGYAN TO, ,DE DAG GI NI PHYOGS BZHI NA, NYI SHUS BCAD NAS GZHI BZANG, ,SKYED MOS TSAL DE DAG GI PHYOGS BZHI DPAG TSAD NYI SHUS BCAD PA NA LHA RNAMS KYI RTZE BA'I GNAS SA GZHI BZANG PO PHAN TSUN 'GRAN PA LTA BUR MDZES PA DANG LDAN PA BZHI YOD DO, ,GRONG KHYER GYI PHYI ROL GYI NGOS, BYANG SHAR MTSAMS NA YONGS 'DU STE, ,LHO NUB MTSAMS NA CHOS BZANG NGO, ,SHING SA BRTOL YONGS 'DU ZHES BYA BA SUM CU RTZA GSUM PA'I LHA RNAMS KYI 'DOD PA'I DGA' BA MCHOG GI GNAS ZHIG YOD DE, DE'I RTZA BA NI DPAG TSAD LNGA BCU ZUG GO , GNAM 'PHANG DU NI DPAG TSAD BRGYA 'PHAGS SO, ,YAL GA DANG, 'DAB MA DANG, LO MA NI DPAG TSAD LNGA BCUR KHYAB PAR GNAS SO, ,DE'I ME TOG DANG, 'DAB MA THAMS CAD RGYAS PA'I DRI DAD RDZI PHYOGS SU NI DPAG TSAD BRGAR LDANG NGO, ,RDZI PHYOGS MA YIN PAR NI DPAG TSAD LNGA BCUR LDANG NGO, ,RE ZHIG RDZI PHYOGS SU NI RIGS NA RDZI PHYOGS MA YIN PAR GO JI LTAR ZHE NA, KHA CIG NA RE SHING LAS MI 'DA' BA LAS DGONGS TE GSUNGS SO ZHES ZER RO, ,DE RDZI PHYOGS SUM YIN PAR 'GRO BA MA YIN GYI, DRI DE NYID KYI PHUN SUM TSOGS PA LHA'I RLUNG CHUNG DU DAG GIS BKAG BZHIN DU YANG DRI GZHAN GYI RGYUN 'BYUNG BA DE LTA BUR 'DOD PAR BYA'O, ,RGYUN CHUNG BA DANG, CHES CHUNG BA DANG, CHES SHIN TU CHUNG BAR 'GYUR BA'I PHYIR MYUR BA KHO NAR KUN DU CHAD PAR 'GYUR TE, DE BZHIN DU LAM RING POR MI 'GRO'O, ,JI ME TOG GI DRI'I RGYUN DE RANG GI 'BYUNG BA KHO NA LA BRTEN NAS 'JUG GAM, 'ON TE RLUNG LA BRTEN NAS KYANG SKYE ZHE NA, SLOB DPON GYI 'DOD PA NI DE LA NGES PA MED DE, GNYI GA LTAR YIN PA'O, ,'O NA BCOM LDAN 'DAS KYIS, ME TOG DRI NI RDZI PHYOGS MIN MI 'GRO, ,RTZA BA'AM RGYA SPOS TZAN DAN YANG MA YIN, ,MKHAS RNAMS DRI NI RDZI PHYOGS MIN 'GRO STE, , @150B SKYES BU DAM PA PHYOGS RNAMS KUN DU 'GRO, ,ZHES GANG GSUNGS PA JI LTAR DRANG ZHE NA, MI'I ME TOG GI DRI'I DBANG DU BYAS NAS GSUNGS PA YIN NO, ,DE NI 'JIG RTEN NA GRAGS PA YIN TE, DE LA MTHU DE LTA BU NI MED DO, ,SA STON SDE RNAMS RDZI PHYOGS SU NI DPAG CHAD BRGYAR DRI'I DANG LDANG NGO; ,RLUNG MED NA NI DPAG TSAD LNGA BCUR LDANG NGO ZHES 'DON TO, ,LHO NUB KYI PHYOGS CHA NA GANG DU LHA RNAMS 'KHOD NAS BYA BA DANG BYA BA MA YIN PA 'GRO BAR BYED PA LHA'I 'DUN SA CHOS BZANGS ZHES BYA BA YOD DO, ,RE ZHIG DE NI SUM CU RTZA GSUM PA RNAMS KYI SNOD GNAS PA YIN NO, ,DE'I STENG LHA RNAMS GZHAL MED KHANG, ,SUM CU RTZA GSUM GYI STENG GI LHA RNAMS NI GZHAL YAS KHANG DAG NA GNAS TE, DE DAG KYANG 'THAB BRAL RNAMS DANG, DGA' LDAN RNAMS DANG, 'PHRUL DGA' RNAMS DANG, GZHAN 'PHRUL DBANG BYED RNAMS DANG, SNGAR BSHAD PA TSANGS RIS LA SOGS PA GNAS GZHAN BCU DRUG TU GTOGS PA RNAMS TE, DE LTAR NA GANG DAG GI SNONG MNGON PA NI MDOR BSDU NA LHA'I RIS NYI SHU RTZA GNYIS PO DE DAG YIN NO, ,'DOD PA SPYOD PA DRUG YIN NO, ,DE DAG LAS 'DOD PA NA SPYOD PA'I LHA'I RIS DRUG PO 'DI LTA STE, RGYAL CHEN BZHI'I RIS NAS GZHAN 'PHRUL DBANG BYED KYI BAR RNAMS NI 'DOD ? PA DAG LA SPYOD KYI LHAG MA RNAMS NI MA YIN NO, ,DE DAG KYANG, GNYIS GNYIS 'KHYUD DANG LAG BCANGS DANG, ,DGOD DANG BLTAS PAS 'KHRIG PA YIN, ,SA DANG 'BREL PAR GNAS PA RGYAL CHEN BZHI PA DANG, SUM CU RTZA GSUM PA RNAMS NI MI RNAMS JI LTA BA BZHIN DU GNYIS GNYIS KYIS 'KHRIG GO , ,DE DAG LA YANG KHU CHU MED PA'I PHYIR RLUNG BTANG BAS YONGS SU GDUNG BA DANG BRAL LO, ,'THAB BRAL BA RNAMS NI 'KHYUD PAS 'KHRIG PA YIN TE, 'KHYUD PA CAM GYIS YONGS SU GDUNG BA DANG BRAL BA'I PHYIR RO, ,DGA' LDAN PA RNAMS NI LAG BCANGS BYAS PAS SO, ,'PHRUL DGA' BA RNAMS NI DGOD PAS SO, ,GZHAN 'PHRUL DBANG BYED PA RNAMS NI BLTAS PAS SO, ,KYE RTAG TU SMRA BA RNAMS NA RE THAMS CAD KYANG GNYIS KYIS GNYIS SPROD PAS YIN NO, ,BRTAGS PA LAS BSHAD PA NI DUS KYI TSAD YIN TE, JI @151A *, ,TZAM JI TZAM DU YUL RNAMS CHES SHAS CHE BA DE TZAM DE TZAM DU 'DOD CHAGS KYANG CHES SHAS CHE'O ZHES ZER RO, ,LHA 'AM LHA MO GANG GI PANG DU LHA GZHON NU 'AM LHA'I BU MO SKYE BAR 'GYUR BA DE NI DE GNYIS KYI BU YANG YIN LA, DE'I BU MO YANG YIN NO, ,BONG TSOD JI TZAM DU SKYE ZHE NA, BYIS PA LO LNGA LON PA NAS, ,LO BCU LON PA LTA BU'I BAR, ,DE DAG TU SKYE, LHA'I RIS DE DAG TU GRANGS BZHIN TE, DE DAG KYANG MYUR BA NYID DU SKYE'O, ,GZUGS CAN RNAMS, KUN RDZOGS GOS DANG BCAS PA NYID, ,GZUGS NA SPYOD PA'I LHA RNAMS NI LUS KUN RDZOGS PA DANG GOS GYON BZHIN DU SKYE'O, ,LHA THAMS CAD KYANG 'PHAGS PA'I SKAD DU SMRA'O, ,DE LA 'DOD PA SKYE BA GSUM PO NI, ,'DOD PA'I LHA DANG MIR BCAS RNAMS, ,'DOD PA'I KHAMS SU RIG PAR BYA STE, JI LTA ZHE NA SEMS CAN 'DOD PA NYE BAR GNAS PA RNAMS 'DOD PA NYE BAR GNAS PA DAG LA DBANG PHYUG GIS DBANG BYED PA DAG KYANG YOD DE, 'DI LTA STE MI RNAMS DANG LHA KHA CIG GO , ,DE DAG KYANG LHA'I RIS BZHI RNAMS SO, ,SEMS CAN 'DOD PA SPRUL PA RNAMS 'DOD PA RNAMS SPRUL ZHING DBANG PHYUG GIS DBANG BYED PA DAG KYANG YOD DE, DPER NA 'PHRUL DGA'I LHA RNAMS LTA BU'O, ,SEMS CAN 'DOD PA GZHAN GYIS SPRUL PA RNAMS 'DOD PA GZHAN GYIS SPRUL PA DAG LA DBANG PHYUG GIS DBANG BYED PA DAG KYANG YOD DE, 'DI LTA STE, GZHAN 'PHRUL DBANG BYED KYI LHA RNAMS SO, ,DE DAG NI JI LTAR BYUNG BA LA YONGS SU LONGS SPYOD PA NYID KYI PHYIR DANG, JI LTAR 'DOD PA BZHIN BDAG NYID KYIS SPRUL PA LA YONGS SU LONGS SPYOD PA NYID KYI PHYIR DANG, JI LTAR 'DOD PA BZHIN BDAG DANG GZHAN GYIS SPRUL PA LA YONGS SU LONGS SPYOD PA'I PHYIR 'DOD PA SKYE BA GSUM ZHES BYA'O, ,GZUGS KYI KHAMS NI, BDE BA SKYE BA GSUM PO NI, ,BSAM GTAN GSUM LA SA DGU YIN, ,BSAM GTAN GSUM DAG NAS DGU PO GANG DAG YIN PA DE DAG NI BDE BA SKYE BA GSUM YIN TE, LHA DE DAG NI DBEN PA LAS SKYES PA DANG, TING NGE 'DZIN LAS SKYES PA'I DGA' BA'I BDE BA DANG, DGA' BA MED PA'I BDE BAS BDE BAR GNAS PA NA YUN RING MO @151B ZHIG TU GNAS TE, DE'I PHYIR BDE BA SKYE BA DE DAG NI SDUG BSNGAL BA MED PA DANG, YUN RING POR BDE BA'I PHYIR BDE BA SKYE BA DAG YIN NO, ,BSAM GTAN KHYAD PAR CAN DU SKYES PA LA NI DGA' BA DANG BDE BA MED PA'I PHYIR BDE BA SKYE BA NYID DPYAD PAR BYA'O, ,GANG DAG LHA RNAMS KYI GNAS NYI SHU RTZA GNYIS BSHAD PA DE DAG LA 'OG MA NAS GONG MAR THAG JI SRID CE NA, DE DAG THAMS CAD DPAG TSAD KYI GRANGS KYIS BGRANG BAR NI SLA BA MA YIN MOD KYI 'ON KYANG, GNAS DANG GNAS 'OG JI SRID PA, ,DE NAS DE YI GONG DE SRID, ,'DZAM BU'I GLING NAS BZUNG STE GONG PA'I GNAS GANG YIN PA DE NI DE NAS 'OG MA 'DZAM BU'I GLING DU JI SRID PAR DE NAS GONG MA'I GNAS GZHAN DU YANG DE SRID DE, 'DI LTA STE, 'DI NAS DPAG TSAD BZHI KHRI NA RGYAL PO CHEN PO BZHI'I RTZA BA'I GNAS BANG RIM BZHI PA YOD PA DE NAS 'OG MA 'DZAM BU'I GLING DU, JI SRID BAR GONG MA SUM CU RTZA GSUM PA RNAMS KYI GNAS SU YANG DE SRID DO, ,DE NAS KYANG 'OG MA 'DZAM BU'I GLING DU JI SRID PAR GONG MA 'THAB BRAL BA RNAMS KYI GNAS SU YANG DE SRID DO, ,DE NAS KYANG 'OG MA 'DZAM BU'I GLING DU JI SRID PAR GONG MA DGA' LDAN PA RNAMS KYI GNAS SU YANG DE SRID DO, ,DE BZHIN DU RGYAS PAR THAMS CAD GO RIMS DANG MTHUN PAR BYA STE, SHIN DU MTHONG BA DAG NAS 'OG MA 'DZAM BU'I GLING DU JI SRID PAR GONG MA 'OG MIN PA RNAMS KYI GNAS SU YANG DE SRID DO, ,DE'I GONG NA NI GNAS MED DO, ,DE NYID KYI PHYIR DE DAG NI THU BOR GYUR PA'I PHYIR 'OG MIN ZHES BYA'O, ,GZHAN DAG NA RE THOG MTHA' ZHES BYA STE, THOGS PA NI BSAGS PAR GNAS PA'I GZUGS TE, DE NI 'DIR MTHAR THUG GO ZHES ZER RO, ,YANG CIG NAS 'OG MAR SKYES PA RNAMS GONG MA'I GZHAL MED KHANG DU DONG NAS MTHONG BAR 'GYUR RAM ZHE NA, RDZU 'PHRUL GZHAN BRTEN MA GTOGS PAR, ,DE DAG GONG MA MTHONG BA MED, ,RDZU 'PHRUL GYIS SAM, GZHAN LA BRTEN NAS TE, RDZU 'PHRUL DANG LDAN PA'AM, DE NA GNAS PA'I LHAS KHRID PAR GYUR NA SUM CU RTZA GSUM PA RNAMS 'THA' BRAL BA'I NANG DU 'GRO BAR 'GYUR TE, LHAG MA RNAMS KYANG DE DANG 'DRA'O, ,GONG DU SKYES PA 'ONGS PA MTHONG BAR 'GYUR GYI, KHAMS GONG MA @152A *, ,PA YANG MA YIN LA, SA GONG MA PA YANG MA YIN TE, DPER NA YUL MA YIN PA'I PHYIR REG BYA REG PAR MI 'GYUR BA BZHIN NO, ,DE NYID KYI PHYIR RANG GI LUS KYIS MI 'ONG NGO, ,'O NA JI LTA BU ZHE NA, SA 'OG MA'I SPRUL PAS SO, ,SDE PA GZHAN DAG NA RE, DE'I 'DOD PAS 'DI NA 'KHOD PA BZHIN DU MTHONG BAR 'GYUR RO ZHES ZER RO, ,YANG 'THAB BRAL BA LA SOGS PA'I GZHAL MED KHANG DE DAG GI TSAD JI TZAM ZHE NA, RE ZHIG KHA CIG NA RE BZHI RNAMS KYIS NI RI RAB KYI RTZE MO DE TZAM MO ZHES ZER RO, ,GZHAN DAG NA RE GONG MA GNYIS 'GYUR RO ZHES ZER RO, ,KHA CIG NA RE BSAM GTAN DANG PO'I NI GLING BZHI PA TZAM MO, ,GNYIS PA'I NI STONG CHUNG NGU'I 'JIG RTEN GYI KHAMS TZAM MO, ,GSUM PA'I NI STONG GNYIS PA TZAM MO, ,BZHI PA'I NI STONG GSUM PA TZAM MO ZHES ZER RO, ,GZHAN DAG NA RE DANG PO LA SOGS PA NI STONG LA SOGS PA'I TSAD TZAM MO; ,BZHI PA NI TSAD MED DO ZHES ZER RO, ,YANG STONG CHUNG NGU'I 'JIG RTEN GYI KHAMS 'DI CI, STONG GNYIS PA 'AM, STONG GSUM PA NI CI ZHE NA, GLING BZHI DANG NI NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUD YIN PAR 'DOD, , 'DZAM BU'I GLING DANG, SHAR GYI LUS 'PHAGS DANG, NUB KYI BA LANG SPYOD DANG, BYANG GI SGRA MI SNYAN STONG DANG, NYI MA DANG, ZLA BA DANG, RI RAB STONG DANG, RGYAL CHEN BZHI'I RIS KYI LHA RNAMS NAS GZHAN 'PHRUL DBANG BYED KYI BAR STONG DANG, TSANGS PA'I 'JIG RTEN 'DI NI STONG SPYI PHUD KYI 'JIG RTEN GYI KHAMS ZHES BYA'O, ,DE STONG LA NI STONG GNYIS PA, ,BAR MA'I 'JIG RTEN KHAMS YIN NO ,STONG CHUNG NGU'I 'JIG RTEN GYI KHAMS DE DAG STONG NI STONG GNYIS PA BAR MA'I 'JIG RTEN GYI KHAMS YIN NO, ,DE STONG LA NI STONG GSUM MO, ,STONG GNYIS PA'I 'JIG RTEN GYI KHAMS DE DAG STONG NI STONG GSUM GYI STONG CHEN PO'I 'JIG RTEN GYI KHAMS YIN TE, 'DI THAMS CAD NI, MNYAM DU 'JIG CING 'BYUNG BA YIN, ,MNYAM DU 'JIG CING MNYAM DU 'BYUNG STE, 'BYUNG BA NI CHAGS PA YIN NO ZHES 'OG NAS BSHAD PAR BYA'O, ,YANG JI LTAR SNOD RNAMS KYI TSAD BYE BRAG YOD PA DE @152B BZHIN DU DE NA GNAS PA'I SEMS CAN RNAMS KYI TSAD KYANG, BYE BRAG YOD DAM ZHE NA, SMRAS PA YOD DE, DE LA RE ZHIG ,'DZAM BU'I GLING PA RNAMS KYI TSAD, ,KHRU BZHI PA DANG PHYED DANG BZHI, ,'DZAM BU'I GLING PA'I MI RNAMS NI PHAL CHER KHRU PHYED DANG BZHI PA'O, ,KHA CIG NI KHRU BZHI PA DAG YIN NO, ,SHAR DANG BA LANG SPYOD DANG NI, ,BYANG ZHES BYA BA GNYIS 'GYUR BSKYED, ,SHAR GYI LUS 'PHAGS PA RNAMS DANG NUB KYI BA LANG SPYOD PA RNAMS DANG, BYANG GI SGRA MI SNYAN PA RNAMS NI RIM BZHIN DU KHRU BRGYAD PA DANG, BCU DRUG PA DANG, SUM CU RTZA GNYIS PA DAG YIN NO, , 'DOD DANG LDAN PA'I LHA YI LUS, ,BZHI CHA NAS NI RGYANG GRAGS DAG ,PHYE DANG GNYIS KYI BAR DU BSKYED, ,BZHI CHA ZHES BYA BA NI RGYANG GRAGS KYI BZHI CHA STE, RGYAL CHEN BZHI'I RIS BA RNAMS KYI LUS NI DE TZAM MO, ,SUM CU RTZA GSUM PA RNAMS KYI NI BZHI CHA GNYIS SO, ,'THAB BRAL BA RNAMS KYI NI BZHI CHA GSUM MO, ,DGA' LDAN PA RNAMS KYI NI RGYANG GRAGS GCIG GO ,'PHRUL DGA' BA RNAMS KYI NI RGYAD GRAGS GCIG DANG BZHI CHA GCIG GO , ,GZHAN 'PHRUL DBANG BYED PA RNAMS KYI NI RGYANG GRAGS PHYED DANG GNYIS SO, ,GZUGS CAN DANG PO DPAG TSAD PHYED, ,GZUGS CAN GYI LHA RNAMS KYI GNAS KYI DANG PO NI TSANGS RIS PA RNAMS KYI LUS NI DPAG TSAD PHYED TZAM MO, ,DE YI GONG MA PHYED PHYED BSKYED, ,GNAS GSUM DAG NA TSANGS PA'I MDUN NA 'DON RNAMS KYI DPAG TSAD GCIG GO , ,TSANGS PA CHEN PO'I NI PHYED DANG GNYIS SO, ,'OD TSUNG PA RNAMS KYI NI DPAG TSAD GNYIS SO, ,'OD CHUNG RNAMS KYI LHA YAN CHAD, ,LUS NI NYIS 'GYUR NYIS 'GYUR TE, ,SPRIN MED DPAG TSAD GSUM DOR RO, ,TSAD MED 'OD RNAMS KYI NI DPAG TSAD BZHI'O, ,'OD GSAL BA RNAMS KYI NI BRGYAD DE, DE BZHIN DU DGE RGYAS PA RNAMS KYI NI DRUG CU RTZA BZHI YIN PA'I BAR DU NYIS 'GYUR DU BSKYED DO, ,SPRIN MED PA RNAMS KYI NI NYIS 'GYUR DU BSGYUR NAS DE LAS DPAG TSAD GSUM PHRI NAS DPAG TSAD BRGYA NYI SHU RTZA LNGA PA'O, ,DE YAN CHAD BSOD NAMS SKYES PA LA SOGS PA NAS 'OG MIN PA RNAMS KYI LUS DPAG TSAD KHRI DRUG STONG YIN @153A *, ,PA'I BAR DU NYIS 'GYUR NYIS 'GYUR DU BSGYUR RO, ,CI DE LTAR BOD TSOD THA DAD PA RNAMS KYI TSE YANG BYE BRAG YOD DAM ZHE NA, SMRAS PA YOD DE, SGRA MI SNYAN NA TSE STONG STE, ,LO RNAMS SO, ,GNYIS LA PHYED PHYED SPANGS PA'O, ,GNYIS LA NI PHYED PHYED SPANGS NAS, BA LANG SPYOD PA LA SOGS PA RNAMS KYI NI LO LNGA BRGYA'O, ,SHAR GYI LUS 'PHAGS PA RNAMS KYI NI NYIS BRGYA LNGA BCU'O, ,'DI NA MA NGES, 'DZAM BU GLING 'DI NA NI TSE NGES PA MED DE, RES 'GA' NI RING POR 'GYUR RO, ,RES 'GA' NI THUNG NGO, ,THA MAR NI, LO BCU, LO ZHES BYA BA NI LO SKOR YIN TE, THA MA THUNG NGUR GYUR PA NA TSE LO BCU PAR 'GYUR RO, ,DANG PO DPAG TU MED, BSKAL PA DANG PO PA'I MI RNAMS KYI TSE NI DPAG TU MED PA YIN TO, STONG LA SOGS PA'I GRANGS KYIS YONGS SU TSAD GZUNG BAR MI NUS SO, ,MI RNAMS KYI BSHAD ZIN TO, ,LHA RNAMS KYI BRJOD PAR BYA STE, DE YANG NYIN ZHAG RNAM PAR BZHAG NAS BRJOD PAR NUS PAS RE ZHIG DE DAG GI DE NYID RNAM PAR GZHAG PAR BYA STE, MI RNAMS KYI LO LNGA BCU LA, 'DOD PA DAG GI LHA RNAMS LAS, ,'OG MA DAG GI NYIN ZHAG GCIG ,MI RNAMS KYI LO LNGA BCU GANG YIN PA DE DAG NI 'DOD PA NA SPYOD PA'I LHA RGYAL CHEN BZHI'I RIS PA RNAMS KYI NYIN ZHAG GCIG GO , ,DES NA TSE LO LNGA BRGYA'O, ,DE'I NYIN ZHAG DES NA DE RNAMS KYI TSE'I TSAD NI ZHAG SUM CU LA ZLA BA GCIG GO , ,ZLA BA BCU GNYIS LA LO GCIG TU BRTZIS PA'I LHA'I LO LNGA BRGYA'O, ,GONG MA GNYI GA NYIS 'GYUR RO, ,LNGA PO GONG MA RNAM SA NI NYIN ZHAG DANG TSE GNYI GA NYIS 'GYUR TE, JI LTA ZHE NA, MI RNAMS KYI TSE LO BRGYA GANG YIN PA DE NI SUM CU RTZA GSUM GYI LHA RNAMS KYI NYIN ZHAG GCIG YIN LA, NYIN ZHAG DES NA TSE LHA'I LO STONG THUB BO, ,DE BZHIN DU MI RNAMS KYI LO NYIS BRGYA DANG, BZHI BRGYA DANG, BRGYAD BRGYA DANG, STONG DRUG BRGYA NI 'THAB BRAL LA SOGS PA'I NYIN ZHAG GCIG YIN LA, NYIN ZHAG DES NA TSE'I TSAD LHA'I LO NYIS STONG DANG, BZHI STONG DANG, BRGYAD STONG DANG, KHRI DRUG STONG THUB BO, ,GNYA' SHING 'DZIN YAN CHAD NA NYI MA DANG ZLA BA MED PA'I PHYIR LHA RNAMS KYI NYIN ZHAG RNAM PAR GZHAG PA DANG, SNANG BA'I BYA BA JI LTA @153B BU ZHE NA, KU MU TA DANG PAD MA BZHIN DU ME TOG RNAMS KHA 'DZUMS PA DANG, KHA 'BYED PA DANG, BYA RNAMS SKAD 'BYIN PA DANG, SKAD MI 'BYIN PA DANG, GNYID SANGS PA DANG, BRO BA LAS SO, ,SNANG BA'I BYA BA NI BDAG NYID LA 'OD YOD PA'I PHYIR RO, ,'DOD PA DANG LDAN PA RNAMS KYI TSE'I TSAD BSHAD ZIN TO, ,GZUGS CAN NYIN MTSAN MED TSE NI, ,RANG LUS GZHAL BA'I BSKAL PA YIS, ,GZUGS CAN GANG DAG GI LUS DPAG TSAD PHYED YIN PA DE DAG GI TSE BSKAL PA PHYED YIN LA, GANG DAG GI DPAG TSAD GCIG YIN PA DE DAG GI NI BSKAL PA GCIG YIN PA NAS, DE BZHIN DU 'OG MIN PA RNAMS KYI TSE'I TSAD BSKAL PA KHRI DRUG STONG YOD PA'I BAR DU GANG GI LUS DPAG TSAD JI SNYED PA DE'I TSE YANG BSKAL PA DE SNYED DO, ,GZUGS MED BSKAL PA STONG PHRAG NI, ,NYI SHU LHAG PAS LHAG PA YIN, ,NAM MKHA' MTHA' YAS SKYE MCHED NA NI TSE'I TSAD BSKAL PA NYI KHRI'O, ,RNAM SHES MTHA' YAS SKYE MCHED NA NI DE LAS NYI KHRI LHAG GO , ,CI YANG MED PA'I SKYE MCHED NA NI DE LAS NYI KHRI LHAG GO , ,SRID PA'I RTZE MON NI DE LAS NYI KHRI LHAG PA'O, ,DE LTAR NA DE DAG GI TSE'I TSAD NI GO RIMS BZHIN DU BSKAL PA NYI KHRI DANG, BZHI KHRI DANG, DRUG KHRI DANG, BRGYAD KHRI YIN NO, , 'DIR BSKAL PA GANG ZHIG YIN PAR RIG PAR BYA, CI BAR GYI BSKAL PA NYI SHUR 'CHAGS PA DANG, GANG YANG CHAGS NAS BAR GYI BSKAL PA NYI SHU PA CHEN PO ZHIG YIN ZHE NA, 'OD CHUNG NAS BZUNG BSKAL CHEN TE, ,DE YI 'OG MA PHYED YIN NO, ,LHA'I RIS 'OD CHUNG NAS BZUNG BA'I TSE'I TSAD NI BSKAL PA CHEN POR RIG PAR BYA'O, ,DE'I 'OG MA TSANGS CHEN LA SOGS PA'I TSE'I TSAD NI BSKAL PA CHEN PO PHYED LA BSKAL PAR BYAS NAS RNAM PAR BZHAG GO , ,JI LTA BU ZHE NA, GANG YANG 'JIG RTEN BAR GYI BSKAL PA NYI SHUR CHAGS PA DANG, GANG YANG CHAGS NAS BAR GYI BSKAL PA NYE SHUR 'DUG PA DANG, GANG YANG BAR GYI BSKAL PA NYI SHUR 'JIG PA DANG, BAR GYI BSKAL PA DRUG CU PO DE DAG LA TSANGS PA CHEN PO'I BSKAL PA PHYED DANG GNYIS SU BSHAD DE, DE LTAR BYAS NA BSKAL PA CHEN PO'I PHYED BAR GYI BSKAL PA BZHI BCU LA BSKAL PAR BYAS NAS DE DAG GIS TSE'I @154A *, ,CHAD DU BYAS NAS BSHAD PA YIN NO, ,BDE 'GRO'I TSE'I TSAD BSHAD ZIN TO, ,DA NI NGAN 'GRO'I BRJOD PAR BYA STE, DE LA RE ZHIG ,YANG SOS LA SOGS DRUG RIM BZHIN, ,'DOD LHA'I TSE DANG NYIN ZHAG MNYAM, ,'DOD PA NA SPYOD PA'I LHA'I RIS DRUG PO DE DAG GI TSE JI TZAM PAR BSHAD PA DE DANG GO RIMS BZHIN DU YANG SOS DANG, THIG NAG DANG, BSDUS 'JOMS DANG, NGU 'BOD DANG, NGU 'BOD CHEN PO DANG, TSA BA DANG, DMYAL BA DRUG GI NYIN ZHAG DANG MNYAM PAR RIG PAR BYA STE, DES NA DE DAG RNAMS KYI TSE, ,'DOD PA'I LHA DANG 'DRA BA YIN, ,DE NI RANG GI NYIN ZHAG DE DAG GIS DE DAG TSE'I TSAD 'DOD PA NA SPYOD PA'I LHA'I RIS DRUG PO DE DAG GI TSE JI LTA BA DE BZHIN DU RIG PAR BYA'O, ,JI LTA ZHE NA, RGYAL CHEN BZHI'I RIS PA RNAMS KYI TSE'I TSAD GANG YIN PA DE NI DMYAL BA CHEN PO YANG SOS KYI NYIN ZHAG GCIG YIN LA, DES NA ZLA BA BCU GNYIS PA'I LOS TSE DE NA YOD PA'I LO LNGA BRGYA ZHES BYA BA'I BAR DU YIN NO, ,SUM CU RTZA GSUM PA RNAMS KYI TSE'I TSAD GANG YIN PA DE NI SEMS CAN DMYAL BA CHEN PO THIG NAG GI NYIN ZHAG GCIG YIN LA, NYIN ZHAG DES NA DE'I TSE LO STONG STE, DE BZHIN DU GZHAN 'PHRUL DBANG BYED PA RNAMS KYI TSE'I TSAD DANG MNYAM PA'I NYIN ZHAG GIS DMYAL BA CHEN PO TSA BA NA TSE'I TSAD LO KHRI DRUG STONG YIN PA'I BAR DU GZHAN DAG LA CI RIGS PAR SBYAR BAR BYA'O, ,RAB TU TSA PHYED, DMYAL BA CHEN PO RAB TU TSA BA NA NI TSE'I TSAD BAR GYI BSKAL PA PHYED DO, ,MNAR MED NI, BAR GYI BSKAL PA'O, , DUD 'GRO RNAMS NI NGES PA MED DO, ,DUD 'GRO RNAMS, MCHOG RING BSKAL PA'O, ,DUD 'GRO'I TSE MCHOG TU RING BA NI BAR GYI BSKAL PA GCIG STE, KLU DGA' PO DANG, NYE DGA' BO DANG, RTA MGO LA SOGS PA DAG STE, BCOM LDAN 'DAS KYIS, DGE SLONG DAG KLU BRGYAD PO 'DI DAG NI KLU CHEN PO STE, BSKAL PAR GNAS PA, SA 'DZIN PA'O ZHES RGYAS PAR GSUNGS SO, ,YI DVAGS RNAMS, ZLA BA NYIN ZHAG GI LNGA BRGYA'O, ,MI RNAMS KYI ZLA BA GCIG GANG YIN PA DE NI YI DVAGS RNAMS KYI NYIN ZHAG GCIG YIN LA, NYIN ZHAG DES NA TSE LO LNGA BRGYA'O @154B YANG GRANG BA'I DMYAL BA DAG NA TSE'I TSAD JI TZAM ZHE NA, JI SRID DU, TIL SBYANG NAS NI LO BRGYA ZHING, ,TIL GCIG PHYUNG BAS ZAD GYUR PA, ,CHU BUR CAN GYI TSE YIN TE, ,GZHAN GYI TSE NI NYI SHUR 'GYUR, ,BCOM LDAN 'DAS KYIS DE DAG GI TSE'I TSAD KYI DPE TZAM DU DGE SLONG DAG DPER NA 'DI NA YUL MA GA DH'A'I TIL GYI SBYANG KHAL BRGYAD CU BA ZHIG TIL DAG GIS BYUR BUR BKANG STE, DE NAS LA LA ZHIG GIS LO BRGYA BRGYA 'DAS SHING TIL RE RE BOR NA DGE SLONG DAG RIM PA DES NA YUL MA GA DH'A'I TIL GYI SBYANG KHAL BRGYAD CU PA DE MA LUS PAR YONGS SU ZAD PAR GYUR PA NI TSES MYUR GYI CHU BUR CAN DU SKYES PA'I SEMS CAN RNAMS KYI TSE YONGS SU GTUGS PAR NI NGA MI SMRA'O, ,DGE SLONG DAG CHU BUR CAN NYI SHU JI LTA BA DE BZHIN DU CHU BUR RDOL PA GCIG YIN NO ZHES BYA BA NAS RGYAS PAR YANG DGE SLONG DAG PADMA LTAR GAS PA NYI SHU JI LTA BA DE BZHIN DU PADMA LTAR GAS PA CHEN PO GCIG YIN NO ZHES GSUNGS SO; ,DE LTAR TSE DANG LDAN PA'I SEMS CAN DE DAG TSE YONGS SU MA RDZOGS PAR BAR MA NGOR 'CHI BA YOD DAM 'ON TE, MED CE NA, THAMS CAD LA YOD DE, SGRA MI SNYAN MA GTOGS PAR 'CHI, ,BYANG GI SGRA MI SNYAN DAG NA NI SEMS CAN RNAMS TSE NGES PA YIN TE, GDON MI ZA BAR TSE RANGS PAR 'TSO'O, ,GZHAN DAG NI MA NGES SO, ,GANG ZAG RNAMS LAS BAR MA DOR 'CHI BA MED PA YANG MED STE, BYANG CHUB SEMS DPA' SKYE BA GCIG GIS THOGS PA DGA' LDAN NA BZHUGS PA DANG, SEMS CAN SRID PA THA MA PA DANG, RGYAL BAS BSTAN PA DANG, RGYAL BA'I THAD DU BTANG BA'I PHO NYA DANG, DAD PA DANG CHOS KYI RJES SU 'BRANG BA DAG DANG, BYANG CHUB SEMS DPA' DANG, 'KHOR LOS SGYUR BA'I YUM DE DAG LHUMS NA YOD PA DANG, DE LTA BU LA SOGS PA'O, ,DPAG TSAD KYI TSAD KYIS GNAS RNAMS DANG, LUS RNAMS KYANG LO'I TSAD KYIS TSE YANG BSHAD NA, DE GNYIS KYI TSAD NI MA BSHAD PAS BRJOD PAR BYA LA, DE DAG THAMS CAD KYI RNAM PAR GZHAG PA YANG MING YIN PAS DE'I MTHA' YANG BRJOD PAR BYA STE, DE RNAMS YANG DAG PAR BSTAN PA'I PHYIR DANG PO'I RIM PA BRTZAM MO, ,GZUGS MING DUS MTHA' RDUL YIG DANG, ,SKAD CIG ,GZUGS 'GRIB @155A *, ,PA'I MTHA' NI RDUL PHRA RAB YIN NO, ,DUS KYI MTHA' NI SKAD CIG MA'O, ,MING GI MTHA' NI YI GE STE, DPER NA BA LANG ZHES BYA BA LTA BU'O, ,YANG SKAD CIG MA'I TSAD JI TZAM ZHE NA, RKYEN RNAMS TSOGS NA JI SRID DU CHOS KYI BDAG NYID THOB BA'AM, CHOS 'GRO PHAN JI SRID DU RDUL PHRA RAB NAS RDUL PHRA RAB GZHAN DU 'GRO BA YIN NO, ,CHOS MNGON PA RNAMS NA RE SKYES BU STOBS DANG LDAN PA'I SE GOL GTOGS PA TZAM GYIS SKAD CIG MA DRUG CU RTZA LNGA 'DA'O ZHES ZER RO, ,DE LA PHRA RAB RDUL DANG NI, ,RDUL PHRAN DANG NI DE BZHIN DU, ,LCAGS CHU RI BONG LUG DANG GLANG, ,NYI ZER RDUL DANG SRO MA DANG, ,DE LAS BYUNG DANG DE BZHIN DU, ,SOR TSIGS ZHES BYA GONG BDUN 'GYUR, ,RDUL PHRA RAB LA SOGS PA 'DI DAG NI GONG NAS GONG DU BDUN 'GYUR DU RIG PAR BYA STE, RDUL PHRA RAB BDUN LA NI RDUL PHRAN NO, ,RDUL PHRAN BDUN LA NI LCAGS RDUL LO, ,DE DAG BDUN LA NI CHU RDUL LO, ,DE DAG BDUN LA NI RI BONG GI RDUL LO, ,DE DAG BDUN LA NI LUG RDUL LO, ,DE DAG BDUN LA NI GLANG RDUL LO, ,DE DAG BDUN LA NI NYI ZER RDUL LO, ,DE DAG BDUN LA NI SRO MA'O, ,SRO MA BDUN LA NI DE LAS BYUNG BA STE, SRO MA LAS BYUNG BA NI SHIG CIS BYA BA'I THA TSIG GO , ,SHIG BDUN LA NI NAS SO, ,NAS BDUN LA NI SOR MO'I TSIGS SO, ,SOR MO'I TSIGS GSUM LA NI SOR MO ZHES BYA BAR GRAGS PA NYID PAS MA BSHAD DO, ,NGOS SU BYA BA NI, SOR NI NYI SHU BZHI LA KHRU, ,KHRU BZHI LA NI GZHU GANG NGO, ,'DOM GANG NGO ZHES BYA BA'I THA TSIG GO , ,DE DAG LNGA BRGYA RNAMS LA NI, ,RGYANG GRAGS DE LA DGON PAR 'DOD, ,GZHU LNGA BRGYA LA NI RGYANG GRAGS TE, GRONG NAS RGYANG GRAGS TZAM GYI THAG LA NI DGON PA YIN PAR 'DOD DO, ,DE BRGYAD DPAG TSAD CES BYA'O, ,RGYAD GRAGS DE DAG BRGYAD LA DPAG TSAD CES BYA'O, ,DPAG TSAD KYI TSAD NI BSHAD ZIN TO, ,DA NI LO'I TSAD BRJOD PAR BYA STE, SKAD CIG MA BRGYA NYI SHU LA, DE YI SKAD CIG ,SKAD CIG MA BRGYA NYI SHUL DE'I SKAD CIG GO , ,DE DAG KYANG, DRUG CU LA NI THANG CIG GO , ,DE'I SKAD CIG DRUG CU LA NI THANG CIG CES BYA'O, ,YUD TZAM NYIN ZHAG ZLA GSUM NI, ,GONG NAS GONG DU SUM CUR 'GYUR, ,THANG @155B CIG SUM CU LA YUD TZAM MO, ,YUD TZAM SUM CU LA NI NYIN ZHAG GCIG GO , ,RES 'GA' NI MTSAN MO RING NGO, ,RES 'GA' NI THUNG NGO, ,RES 'GA' NI MNYAM MO, ,NYIN ZHAG SUM CUL NI ZLA BA GCIG GO ,ZHAG MI THUB DANG BCAS PA YI, ,ZLA BA BCU GNYIS LA LO GCIG GO , ,DGUN RNAMS KYI ZLA BA BZHI DANG, DPYID RNAMS KYI ZLA BA BZHI DANG, DBYAR RNAMS KYI ZLA BA BZHI STE, DE DAG ZLA BA BCU GNYIS PO DE DAG ZHAG MI THUB DANG BCAS PA LA LO GCIG GO , ,LO LA NI ZHAG GCIG GI SHOL DRUG DOR TE, JI LTA ZHE NA, DGUN DANG DPYID DANG DBYAR RNAMS KYI, ,ZLA BA PHYED DANG GNYIS 'DAS NAS,, ZLA BA PHYED NI LUS PA NA, ,MKHAS PAS ZHAG MI THUB PA DOR, ,LO'I TSAD BSHAD ZIN TO, ,DA NI BSKAL PA BRJOD PAR BYA STE, BSKAL BA RNAM PA MANG BSHAD PA, ,BAR GYI BSKAL PA DANG, 'JIG PA'I BSKAL PA DANG, 'CHAGS PA'I BSKAL PA DANG, BSKAL PA CHEN PO'I, ,DE LA RE ZHIG ,'JIG PA'I BSKAL PA DMYAL BA YI, ,SRID PA MED NAS SNOD ZAD PA, ,DMYAL BA DAG NAS SEMS CAN MI SRID PA NAS BZUNG STE SNOD ZAD PA'I BAR RO, ,JI LTA BU ZHE NA, 'JIG PA NI GNYIS TE, 'GRO BA 'JIG PA DANG, KHAMS 'JIG PA'O, ,YANG GNYIS TE, SEMS CAN 'JIG PA DANG SNOD 'JIG PA'O, , GANG SEMS CAN RNAMS DMYAL BA DAG NAS 'CHI 'PHO BAR 'GYUR ZHING SKYE BAR MI 'GYUR BA DE LTA BU'I DUS KYANG YOD DE, DA NI 'JIG PA'I BSKAL PA MGO BRTZAM PA YIN TE, GANG 'JIG RTEN 'DI CHAGS NAS BAR GYI BSKAL PA NYI SHUR 'DUG PA DE LAS NI NGES PAR 'BYUNG BA ZHES BRJOD PAR BYA LA, GANG BAR GYI BSKAL PA NYI SHUR 'JIG PAR 'GYUR BA DE LA NI ZHUGS PA ZHES BRJOD PAR BYA STE, GANG GI TSE DMYAL BA DAG NA SEMS CAN 'GA' YANG MA LUS PAR GYUR PA DE TZAM GYIS 'DI LTA STE, DMYAL BA 'JIG PAS 'JIG RTAN 'DI ZHIG PA YIN NO, ,DE'I TSE GANG LA NGES PAR DMYAL BA MYONG BAR 'GYUR BA'I LAS YOD PA DE NI 'JIG RTEN GYI KHAMS GZHAN DAG TU 'PHEN PAR 'GYUR TE, DUD 'GRO MYONG BAR 'GYUR BA DANG, YI DVGAS MYONG BAR 'GYUR BA YANG DE BZHIN DU BRJOD PAR BYA'O, ,RGYA MTSO CHEN PO NA 'KHOD PA'I DUD 'GRO RNAMS NI SNGAR 'JIG GO , ,MI DANG LHAN CIG RGYU BA RNAMS NI DE DAG MI DANG @156A *, ,LHAN CIG TU'O, ,GANG MI RNAMS DAG GI NANG NA SEMS CAN GANG YANG RUNG BA BDAG NYID KYIS SLOB DPON MED PAR CHOS NYID KYIS THOB PA'I BSAM GTAN DANG PO LA SNYOMS PAR 'JUG PA DE LTA BU'I DUS KYANG YOD DE, DE DE LAS LANGS NAS TSIG TU KYE MA DBEN PA LAS SKYES PA'I DGA' BA DANG BDE BA NI BDE BA YIN NO, ,DBEN PA LAS SKYES PA'I DGA' BA DANG BDE BA NI ZHI BA YIN NO ZHES KYANG SMRA LA, SGRA DE THOS NAS SEMS CAN DE DAG KYANG SNYOMS PAR 'JUG CING, SHI NAS TSANGS PA'I 'JIG RTEN DU SKYE BAR 'GYUR TE, GANG GI TSE 'DZAM BU'I GLING NA SEMS CAN 'GA' YANG MA LUS PAR GYUR NA DE TZAM GYIS 'DI LTA STE, 'DZAM BU'I GLING 'JIG PAS 'JIG RTEN 'DI ZHIG PA YIN NO, ,SHAR GYI LUS 'PHAGS DANG, NUB KYI BA LANG SPYOD DANG, BYANG GI SGRA MI SNYAN 'JIG PA DAG KYANG DE BZHIN DU BRJOD PAR BYA STE, GANG GI TSE MI DAG GI NANG NA SEMS CAN 'GA' YANG MA LUS PAR GYUR PA DE TZAM GYIS NA 'DI LTA STE, MI 'JIG PAS 'JIG RTEN 'DI ZHIG PA YIN NO, ,BYANG GI SGRA MI SNYAN PA RNAMS NI 'DOD PA NA SPYOD PA'I LHA DAG GI NANG DU SKYE BAR 'GYUR TE, DE NA 'DOD CHAGS DANG BRAL BA MED PA'I PHYIR RO, ,DE BZHIN DU RGYAL CHEN BZHI'I RIS KYI LHA DAG NA, YANG BSAM GTAN DANG PO BSKYED PA NAS TSANGS PA'I 'JIG RTEN DU SKYE BAR 'GYUR TE, GANG GI TSE DE NA SEMS CAN 'GA' YANG MA LUS PAR GYUR NA DE TZAM GYIS 'DI LTA STE, RGYAL CHEN BZHI'I RIS 'JIG PAS 'JIG RTEN 'DI ZHIG PA YIN NO, ,GZHAN 'PHRUL DBANG BYED 'JIG PA'I BAR DU YANG DE BZHIN DU BRJOD PAR BYA STE, GANG GI TSE 'DOD PA NA SPYOD PA'I LHA DAG GI NANG NA SEMS CAN 'GA' YANG MA LUS PAR GYUR PA DE TZAM GYIS NA 'DI LTA STE 'DOD PA'I KHAMS 'JIG PAS 'JIG RTEN 'DI ZHIG PA YIN NO, ,TSANGS PA'I 'JIG RTEN NA YANG SEMS CAN GANG YANG RUNG BA ZHIG CHOS NYID KYIS THOB PA'I BSAM GTAN GNYIS PA LA SNYOMS PAR ZHUGS TE, LANGS NAS TSIG TU KYE MA TING NGE 'DZIN LAS SKYES PA'I DGA' BA DANG BDE BA NI BDE BA YIN NO, ,KYE MA TING NGE 'DZIN LAS SKYES PA'I DGA' BA DANG BDE BA NI ZHI BA YIN NO ZHES SMRA BA, SEMS CAN GZHAN DAG GIS KYANG SGRA DE THOS NAS SNYOMS PAR 'JUG @156B CING SHI NAS KYANG 'OD GSAL GYI LHA DAG GI NANG DU SKYE BAR 'GYUR TE, GANG GI TSE TSANGS PA'I 'JIG RTEN NA SEMS CAN 'GA' YANG MA LUS PAR GYUR NA DE TZAM GYIS 'DI LTA STE, SEMS CAN 'JIG PAS 'JIG RTEN 'DI ZHIG PA YIN NO, ,DE'I 'OG TU SEMS CAN RNAMS KYI DA 'PHEN PA'I LAS YONGS SU ZAD PA DANG, SNOD STONG PAS 'DI NYID NAS KUN NAS NYI MA BDUN BYUNG NAS RIM GYIS SA DANG RI RAB KYI BAR DU MA LUS PAR SREG PAR BYED DO, ,RAB TU 'BAR BA DE NYID LAS ME LCE RLUNG GIS KHYER NAS TSANGS PA'I GZHAL MED KHANG GI BAR DU SREG PAR 'GYUR RO, ,ME LCE DE DANG DE'I SA PA KHO NAR RIG PAR BYA STE; RIS MI MTHUN PA'I SKYON DAG 'GRO BA NI MED DE, DE DANG 'BREL PA LAS BYUNG BA NYID KYI PHYIR DE NYID LAS ZHES BSHAD DE, 'DOD PA NA SPYOD PA'I ME NI GZUGS NA SPYOD PA DANG 'BREL PAR BYED DO, ,DE BZHIN DU 'JIG PA GZHAN DAG LA YANG CI RIGS PAR BRJOD PAR BYA'O, ,DE LTAR NA DMYAL BA DAG NA SEMS CAN RNAMS 'CHI 'PHO BA DANG MI SKYE BA NAS BZUNG STE, SNOD RNAMS ZAD PA'I BAR GYI DUS DE NI 'JIG PA'I BSKAL PA ZHES BYA'O, ,'CHAGS PA DANG PO'I RLUNG NI DMYAL BA SRID PA'I BAR DU'O, ,DANG PO'I RLUNG NAS BZUNG STE DMYAL BA DAG NAS SEMS CAN SRID PA'I BAR TE, DE LTAR 'JIG RTEN ZHIG PA NI NAM MKHA' TZAM LUS PAR YUN RING DU GNAS SO, ,YANG RIM GYIS SEMS CAN RNAMS KYI LAS KYI DBANG GIS NAM MKHA' LA SNOD RNAMS KYI SNGA LTAS SU GYUR PA RLUNG 'JAM PO 'JAM PO DAG LDANG STE, DE'I TSE 'JIG RTEN 'DI ZHIG NAS BAR GYI BSKAL PA NYI SHUR 'DUG PA GANG YIN PA DE LAS NI NGES PAR BYUNG BA ZHES BRJOD PAR BYA LA, BAR GYI BSKAL PA NYI SHUR 'CHAGS PAR 'GYUR BA GANG YIN PA DE NI NYE BAR 'ONGS PAR BRJOD PAR BYA'O, ,DE NAS RLUNG DE DAG SKYE BA NA JI SKAD BSHAD PA'I RLUNG GI DKYIL 'KHOR DU 'GYUR RO, ,DE'I 'OG TU RIM GYIS CHU'I DKYIL 'KHOR DANG, GSER GYI RANG BZHIN GYIS GZHI CHEN PO DANG, GLING RNAMS DANG, RI RAB LA SOGS PA JI SKAD BSHAD PA'I RIM PA DANG TSUL DU THAMS CAD 'BYUNG NGO, ,DANG POR NI TSANGS PA'I GZHAL MED KHANG 'BYUNG NGO, ,DE'I 'OG TU NI 'THAB BRAL PA'I BAR DU 'BYUNG NGO, ,DE'I 'OG TU @157A *, ,NI RLUNG GI DKYIL 'KHOR LA SOGS PA STE, DE TZAM GYIS NA 'DI LTA STE SNOD CHAGS PAS 'JIG RTEN 'DI CHAGS PA YIN NO, ,DE NAS SEMS CAN GANG YANG RUNG BA ZHIG 'OD GSAL DAG NAS SHI 'PHOS NAS TSANGS PA'I GZHAL MED KHANG STONG PAR SKYE BAR 'GYUR LA, SEMS CAN GZHAN DAG KYANG DE NAS SHI 'PHOS NAS TSANGS PA'I MDUN NA 'DON DAG TU SKYE BAR 'GYUR RO, ,DE'I 'OG TU TSANGS RIS DAG DANG, GZHAN 'PHRUL DBANG BYED DAG DANG, 'PHRUL DGA' DAG NAS RIM GYIS BYANG GI SGRA MI SNYAN PA DANG, BA LANG SPYOD DANG, SHAR GYI LUS 'PHAGS PO DANG, 'DZAM BU'I GLING DANG, YI DGAS RNAMS DANG, DUD 'GRO RNAMS DANG, DMYAL BA DAG GI NANG DU SKYE BAR 'GYUR TE, GANG MJUG TU 'JIG PA DE DANG POR 'CHAGS PA 'DI NI CHOS NYID YIN NO, ,GANG GI TSE DMYAL BA DAG NA SEMS CAN 'GA' ZHIG SKYES PAR GYUR PA DE'I TSE 'JIG RTEN 'DI BAR GYI BSKAL PA NYI SHUR 'CHAGS PA GANG YIN PA DE LAS NI NGES PAR BYUNG BA YIN LA, CHAGS NAS BAR GYI BSKAL PA NYI SHUR 'DUG PAR 'GYUR BA GANG YIN PA DE NI NYE BAR 'ONGS PA YIN NO, ,BAR GYI BSKAL PA DPAG MED NAS, ,TSE LO BCU PA'I BAR DU'O, ,'JIG RTEN CHAGS PA NA MI RNAMS KYI TSE DPAG TU MED PA LA BAR GYI BSKAL PA BCU DGUR 'DA' BAR 'GYUR RO, ,TSE DPAG TU MED PA NAS 'GRIB PA NA TSE LO BCU PA'I BAR DU 'GYUR TE, 'DI NI CHAGS NAS GNAS PA RNAMS KYI BAR GYI BSKAL PA DANG PO YIN NO, ,DE NAS YAR SKYE MAR 'BRI BA'I, ,BSKAL PA , GZHAN NI BCO BRGYAD DANG, ,DE NAS YAR SKYE BA DANG MAR 'BRI BA GZHAN BCO BRGYAD DE, BAR GYI BSKAL PA GZHAN BCO BRGYAD DU 'GYUR RO, ,JI LTA ZHE NA, TSE LO BCU PA DE DAG KYANG YAR SKYE BAR 'GYUR BA NA RIM GYIS TSE LO BRGYAD KHRI'I BAR 'GYUR, YANG MAR 'BRI BAR 'GYUR BA NA TSE LO BCU PAR 'GYUR BA 'DI NI BAR GYI BSKAL PA GNYIS PA YIN TE, DE LTA BU BCO BRGYAD KYI BAR DANG, YAR SKYE BA NI GCIG YIN TE, BAR GYI BSKAL PA NYI SHU PA GCIG NI YAR SKYE BA KHO NA YIN GYI MAR 'GRIB PA NI MA YIN NO, ,MI RNAMS KYI TSE LO BCU PA DAG LAS TSE LO @157B BRGYAD KHRI PA'I BAR DU 'GYUR RO, ,YANG MAR SKYE BA DE DAG JI TZAM DU YANG SKYE BAR 'GYUR ZHE NA, DE DAG TSE NI BRGYAD KHRI'I BAR, ,DE LAS YAR NI MI SKYE'O, ,BAR GYI BSKAL PA GZHAN RNAMS KYI YAR SKYE BA DANG MAR 'GRIB PA'I DUS JI SRID PAR BAR GYI BSKAL PA DANG PO'I MAR 'GRIB PA DANG THA MA'I YAR SKYE BA'I DUS KYANG DE SRID PAS THAMS CAD DUS MNYAM PA YIN NO, ,DE LTAR 'JIG RTEN CHAGS PA 'DI, ,BAR GYI BSKAL PA NYI SHUR GNAS, ,DE LTAR NA BAR GYI BSKAL PA'I TSUL 'DIS 'JIG RTEN 'DI BAR GYI BSKAL PA NYI SHUR CHAGS NAS GNAS SO, ,DUS JI SRID DU CHAGS NAS GNAS PA'I DUS DE SRID KHO NAR, 'CHAGS PA DANG NI 'JIG PA DANG, ,ZHIG NAS 'DUG PA DAG MNYAM MO, ,BAR GYI BSKAL PA NYI SHU KHO NAR 'CHAGS SO, ,NYI SHUR 'JIG GO , ,NYI SHUR ZHIG NAS 'DUG GO, ,GAL TE YANG DE'I TSE YAR SKYE BA DANG MAR 'GRIB PA MI 'JUG TU ZIN KYANG DUS NI MNYAM PAR YONGS SU BRTZI'O, ,DE LA BAR GYI BSKAL PA GCIG TU SNOD RNAMS 'CHAGS SO, ,BAR GYI BSKAL PA BCU DGUR GNAS PAR BYED DO, ,BAR GYI BSKAL PA GCIG TU SNOD RNAMS 'JIG PAR 'GYUR RO, ,BCU DGUR STONG PAR 'GYUR RO, ,BAR GYI BSKAL PA NYI SHU PHRAG BZHI PO DE DAG NI BRGYAD CUR 'GYUR TE, DE DAG BRGYAD CU LA BSKAL CHEN, ,BSKAL PA CHEN PO'I TSAD NI DE YIN NO, ,BSKAL PA'I RANG BZHIN CI ZHE NA, PHUNG PO LNGA'I RANG BZHIN NO, ,BSKAL PA GRANGS MED PA GSUM GYIS SANGS RGYAS NYID THOB PAR 'GYUR RO ZHES GANG GSUNGS PA DE BSKAL PA DE DAG GANG ZHE NA, BSKAL PA CHEN POR BSHAD PA GANG YIN PA, DE GRANGS MED GSUM LA SANGS RGYAS 'BYUNG NGO, ,BSKAL PA GRANGS MED PA GSUM GYIS SO, ,GRANGS MED PA LA GRANGS KYI MTHA' MED NA JI LTAR GSUM NYID DU BRJOD CE NA, DE NI DE LTAR RIG PAR MI BYA'O, ,'O NA CI ZHE NA, MDO SIL BU LAS, GRANGS NI GNAS GZHAN DRUG CU DAG GO ZHES 'BYUNG NGO, DRUG CU GANG ZHE NA, GCIG STE GNYIS PA MA YIN PA NI GNAS GZHAN DANG PO YIN NO, ,GCIG BCU NI GNYIS PA YIN NO, ,BCU PHRAG BCU LA NI BRGYA STE GSUM PA YIN NO, ,BRGYA PHRAG BCU LA NI STONG NGO, ,STONG @158A *, ,PHRAG BCU LA NI KHRI'O, ,KHRI PHRAG BCU LA NI 'BUM MO, ,'BUM PHRAG BCU LA NI SA YA'O, ,SA YA PHRAG BCU LA NI BYE BA'O, ,BYE BA PHRAG BCU LA NI DUNG PHYUR RO, ,DUNG PHYUR PHRAG BCU LA NI THER 'BUM MO, ,THER 'BUM PHRAG BCU LA NI THER 'BUM CHEN PO'O, ,THER 'BUM CHEN PO PHRAG BCU LA NI KHRAG KHRIG GO , ,KHRAG KHRIG PHRAG BCU LA NI KHRAG KHRIG CHEN PO'O, ,KHRAG KHRIG CHEN PO PHRAG BCU LA NI RAB BKRAM MO, ,RAB BKRAM PHRAG BCU LA NI RAB BKRAM CHEN PO'O, ,RAB BKRAM CHEN PO PHRAG BCU LA NI GTAMS SO, ,GTAMS PHRAG BCU LA NI GTAMS CHEN NO; ,GTAMS CHEN PHRAG BCU LA NI DKRIGS SO, ,DKRIGS PHRAG BCU LA NI DKRIGS CHEN NO, ,DKRIGS CHEN PHRAG BCU LA NI MI 'KHRUGS PA'O, ,MI 'KHRUGS PA PHRAG BCU LA NI MI 'KHRUGS PA CHEN PO'O, ,MI 'KHRUGS PA CHEN PO PHRAG BCU LA NI KHYAD PHYIN NO, ,KHYAD PHYIN PHRAG BCU LA NI KHYAD PHYIN CHEN PO'O, ,KHYAD PHYIN CHEN PO PHRAG BCU LA NI PANG STENG NGO, ,PANG STENG PHRAG BCU LA NI PANG STENG CHEN PO'O, ,PANG STENG CHEN PO PHRAG BCU LA NI DED 'DREN NO, ,DED 'DREN PHRAG BCU LA NI DED 'DREN CHEN PO'O, ,DED 'DREN CHEN PO PHRAG BCU LA NI MTHA' SNANG NGO, MTHA' SNANG PHRAG BCU LA NI MTHA' SNANG CHEN PO'O, ,MTHA' SNANG CHEN PO PHRAG BCU LA NI RGYU RIG GO , ,RGYU RIG PHRAG BCU LA NI RGYU RIG CHEN PO'O, ,RGYU RIG CHEN PO PHRAG BCU LA NI 'OD MDZES SO, ,'OD MDZES PHRAG BCU LA NI 'OD MDZES CHEN PO'O, ,'OD MDZES CHEN PO PHRAG BCU LA NI DBANG PO'O, ,DBANG PO PHRAG BCU LA NI DBANG CHEN NO, ,DBANG CHEN PHRAG BCU LA NI LEGS PHYIN NO, ,LEGS PHYIN PHRAG BCU LA NI LEGS PHYIN CHEN PO'O, ,LEGS PHYIN CHEN PO PHRAG BCU LA NI RTOGS 'GRO'O, ,RTOGS 'GRO PHRAG BCU LA NI RTOGS 'GRO CHEN PO'O, ,RTOGS 'GRO CHEN PO PHRAG BCU LA 'BYING RDUL LO, , 'BYING RDUL PHRAG BCU LA NI 'BYING RDUL CHEN PO'O, ,'BYING RDUL CHEN PO PHRAG BCU LA NI RGYA RTAGS SO, ,RGYA RTAGS PHRAG BCU LA NI RGYA RTAGS CHEN PO'O, ,RGYA RTAGS CHEN PO PHRAG BCU LA NI STOBS 'KHOR RO, ,STOBS 'KHOR PHRAG BCU LA NI STOBS 'KHOR CHEN PO'O, ,STOBS 'KHOR CHEN @158B PO PHRAG BCU LA NI BRDA SHES SO, ,BRDA SHES PHRAG BCU LA NI BRDA SHES CHEN PO'O, ,BRDA SHES CHEN PO PHRAG BCU LA NI RNAM 'BYUNG NGO, ,RNAM 'BYUNG PHRAG BCU LA NI RNAM 'BYUNG CHEN PO'O, ,RNAM 'BYUNG CHEN PO PHRAG BCU LA NI STOBS MIG GO , ,STOBS MIG PHRAG BCU LA NI STOBS MIG CHEN PO'O, , STOBS MIG CHEN PO PHRAG BCU LA NI GRANGS MED PA STE, BAR GYI GNAS BRGYAD NI MA RNYED DO, ,DE LTAR NA GNAS GZHAN DRUG CUR PHYIN PA DE DAG TU PHYIN PA'I BSKAL PA NI, BSKAL PA GRANGS MED PA ZHES BYA'O, ,DE NAS YANG BZLOG NAS BGRANG STE, DE LTAR NA GRANGS MED PA GSUM ZHES BYA BA'I RNAM PA THAMS CAD DU YONGS SU BGRANG BAR MI NUS PAS NI MA YIN NO, ,'O NA YANG BYANG CHUB SEMS DPA' SMON LAM BTAB PA RNAMS DUS RING PO KHO NAS MNGON PAR RDZOGS PAR 'TSANG RGYA BAR 'GYUR RAM ZHE NA, CI DE DE LTAR 'GYUR RAM, BYANG CHUB SEMS DPA' RNAMS NI BSKAL PA GRANGS MED PA GSUM DU DKA' BA BRGYA STONG GIS BSOD NAMS DANG YE SHES KYI TSOGS CHEN PO PHA ROL TU PHYIN PA DRUG GIS MNGON PAR RDZOGS PAR 'TSANG RGYA BAR 'GYUR RO, ,GAL TE THAR PA'I GO SKABS GZHAN DE LTA MA YIN PA YANG YOD NA GO , ,DE DAG CI'I PHYIR 'BAD PA 'DI SNYED CIG RTZOM PAR BYED CE NA, DE DAG NI JI LTAR NA GZHAN DAG KYANG SDUG BSNGAL GYI CHU BO CHEN PO LAS YONGS SU BSKYAB PAR NUS PAR 'GYUR SNYAM DU GZHAN GYI DON DU 'BAD PA RTZOM PAR BYED DO, ,'DI DAG GI GZHAN GYI DON GYIS BDAG GI DON DU 'GYUR BA GANG YIN ZHE NA, DE DAG GI GZHAN GYI DON GANG YIN PA DE NYID BDAG GI DON TE, DE 'DOD PA'I PHYIR RO, ,DA NI SU ZHIG 'DI LA DAD PAR 'GYUR ZHE NA, BDAG GSO BAR BYED PA'I SNYING RJE MED PA RNAMS KYIS 'DI LA DAD PAR DKA' BA NI BDEN NO, ,SNYING RJE CAN RNAMS KYIS DAD PAR BYAS ZIN PA YIN TE, DPER NA 'DI NA SNYING RJE MED PA LA GOMS PA KHA CIG RANG GI DON MED BZHIN DU YANG GZHAN NYON MONGS PA LA MNGON PAR DGA' BA DMIGS PA DE BZHIN DU SNYING RJE LA GOMS PA DAG RANG GI DON MED BZHIN DU YANG GZHAN LA PHAN PAR BYA BA LA MNGON PAR DGA' BA YOD DO SNYAM DU YID CHES PAR BYA'O, ,YANG DPER NA 'DUS BYAS KYI MTSAN NYID MNGON PAR MI SHES PA DAG GOMS PA'I DBANG GIS @159A *, ,'DUS BYAS BDAG MED PAR GYUR PA DAG LA BDAG TU CHAGS PA BSKYED NAS RGYU DES SDUG BSNGAL DAG NYAMS SU MYONG PAR 'GYUR BA DE BZHIN DU GOMS PA'I DBANG GIS DE DAG LAS BDAG TU CHAGS PA BZLOG NAS, GZHAN DAG LA LTA BA BSKYED DE, RGYU DES SDUG BSNGAL DAG MYONG BAR 'GYUR RO SNYAM DU YID CHES PAR BYA'O, ,GANG GZHAN DAG GI SDUG BSNGAL GYIS SDUG BSNGAL BAR 'GYUR ZHING, GZHAN DAG GI BDE BAS BDE BAR 'GYUR GYI, BDAG NYID KYI NI MA YIN PA DE LTA BU'I RIGS GZHAN KHO NA YANG 'GRUB STE, DE LTA NI RANG GI DON DU MI BLTA'O, ,'DIR SMRAS PA, DMAN PA DE DANG DE'I THABS KYIS RANG GI RGYUD DU GTOGS PA'I BDE BA DON DU GNYER, 'BRING PO SDUG BSNGAL LDOG PA KHO NA'O, ,BDE MIN GANG PHYIR DE NI SDUG BSNGAL GNAS YIN PHYIR, ,DAM PA RANG GI RGYUD LA YOD PA'I SDUG BSNGAL RNAMS KYIS GZHAN DAG LA NI BDE BA DANG, ,SDUG BSNGAL GTAN LDOG KHO NA DON GNYER GANG PHYIR DE YI SDUG BSNGAL GYIS DE SDUG BSNGAL PHYIR, ,YANG CI SANGS RGYAS BCOM LDAN 'DAS RNAMS YAR SKYE BA'I TSE 'BYUNG NGAM, 'ON TE MAR 'GRIB PA'I TSE 'BYUNG ZHE NA, MAR NI 'GRIB PA YI, BRGYA YI BAR LA DE DAG 'BYUNG, ,SKYE DGU RNAMS KYI TSE LO BRGYAD KHRI BA MAR 'GRIB PA NAS BRTZAMS PA NAS MI RNAMS KYI TSE LO BRGYA PA YIN PA'I BAR 'DIR SANGS RGYAS RNAMS 'BYUNG BAR 'GYUR RO, ,CI'I PHYIR YANG SKYE BA'I DUS SU NI MA YIN ZHE NA, DE'I TSE SEMS CAN RNAMS SKYO BAR DKA' BA'I PHYIR RO, ,CI'I PHYIR BRGYA LAS MAR 'GRIB PA'I TSE MA YIN ZHE NA, DE'I TSE SNYIGS MA LNGA PO 'DI LTA STE, TSE'I SNYIGS MA DANG, DUS KYI SNYIGS MA DANG, NYON MONGS PA'I SNYIGS MA DANG, LTA BA'I SNYIGS MA DANG, SEMS CAN GYI SNYIGS MA SHIN TU LHAG PA YIN TE, MAR 'GRIB PA'I 'OG TU NI TSE LA SOGS PA THA CHAD YIN NO, ,NGAN SNYIGS SU GYUR PA'I PHYIR SNYIGS MA DAG CES BYA'O; ,GNYIS KYIS NI GO RIMS BZHIN DU SROG DANG YO BYAD RGUD PAR BYED DO, ,GNYIS KYIS NI 'DOD PA'I BSOD NYAMS DANG BDAG DAL ? BA LA SOGS PA'AM, YANG NA KHYIM PA'AM RAB TU BYUNG BA'I PHYOGS KYI DBANG DU BYAS NAS DGE BA'I PHYOGS RKUD PAR BYED DO, ,GCIG GIS NI LUS @159B RGUD PAR BYED DO, ,BONG TSOD DANG, GZUGS DANG, NAD MED PA DANG, STOBS DANG, BLO DANG, DRAN PA DANG, BRTZON 'GRUS DANG, BRTAN PA NYAMS PA'I PHYIR RO, ,YANG RANG SANGS RGYAS RNAMS DUS GANG DU 'BYUNG ZHE NA, RANG SANGS RGYAS RNAMS GNYI GA LA, YAR SKYE BA LA YANG 'BYUNG, MAR 'GRIB PA NA YANG 'BYUNG NGO, ,RANG SANGS RGYAS RNAMS NI RNAM PA GNYIS TE, TSOGS SHING SPYOD PA RNAMS DANG, BSE RU LTA BU RNAMS SO, ,DE LA TSOGS SHING SPYOD PA RNAMS NI NYAN THOS KYI RIGS SU GYUR PA SNGON DU 'GRO BA'I RANG RGYAL BA RNAMS ZHES BYA'O, ,GZHAN DAG NA RE SO SO'I SKYE BO SNGON DU 'GRO BA DAG KYANG YOD DE, GANG DAG GZHAN DU NGES PAR 'BYED PA'I CHA DANG MTHUN PA RNAMS BSKYED PA TSE 'DI LA BDAG NYID KYIS LAM MNGON PAR RDZOGS PAR 'TSANG RGYA'O ZHES ZER ZHING, 'DI SKAD DU RE ZHIG RI LA DKA' THUB CAN LNGA BRGYA ZHIG DKA' THUB DRAG PO DAG GIS GDUNG BAR BYAS PA NA RANG SANGS RGYAS DANG LHAN CIG GNAS GNAS PA'I SPRE'U ZHIG DANG PHRAD NAS DE'I SPYOD LAM BSTAN PAS RANG SANGS RGYAS KYI BYANG CHUB MNGON PAR RDZOGS PAR SANGS RGYAS KYI BAR DU GRAG GO ZHES SNGON GYI GTAM 'DON PAR BYED DO, ,'PHAGS PA DAG CIG YIN NA NI DKA' THUB DRAG PO DAG GIS GDUNG BAR MI 'GYUR RO ZHE'O, , BSE RU LTA BU RNAMS NI RE RE GNAS PA DAG YIN NO, ,RANG SANGS RGYAS DE DAG LAS, BSE RU BSKAL PA BRGYA'I RGYUS BSKAL PA CHEN PO BRGYAR BYANG CHUB KYI TSOGS DAG LA SPYOD PAS BSE RU LTA BUR 'GYUR RO, ,LUNG MED PAR BDAG GCIG PU'I PHYIR SANGS RGYAS PAS RANG SANGS RGYAS DAG STE, DE DAG NI BDAG NYID 'DUL BAR BYED KYI GZHAN DAG NI MA YIN NO, ,'DI LA RGYU CI ZHIG YOD, RE ZHIG SO SO YANG DAG PAR RIG PA THOB PA'I PHYIR CHOS STON PAR MI SPYOD PA YANG MA YIN LA, ,DE DAG GIS SNGON GYI SANGS RGYAS RNAMS KYI BSTAN PA RJES SU DRAN NAS YANG CHOS STON PAR SPYOD DO, ,THUGS RJE MED PAR YANG MA YIN TE, SEMS CAN THAMS CAD LA PHAN GDAGS PA'I DON DU RDZU 'PHRUL STON PA'I PHYIR RO, SEMS CAN RNAMS SKAL BA DANG MI LDAN PA'I PHYIR YANG MA YIN TE, 'DI LTAR 'JIG RTEN PA'I LAM GYIS 'DOD CHAGS DANG BRAL BA DAG KYANG YOD DO, ,'O NA JI LTA ZHE NA, SNGON @160A *, ,GOMS PA'I DBANG GIS BSOD SNYOMS LA MOS PA'I PHYIR SEMS CAN RNAMS CHOS ZAB MO 'DZIN DU 'JUG PA'I DON DU BYED PAR MI SPRO STE, SKYE DGU RGYUN PHYOGS SU 'GRO BA RNAMS NI RGYUN PHYOGS LAS BZLOG PAR BKRI BAR DKA'O, ,RNAM PAR GA-YENG BA DANG 'DU 'DZIS SKRAG PAS 'KHOR YONGS SU GZUNG BAR 'GYUR BA SPANG BA'I PHYIR RO, ,'KHOR LOS SGYUR BA RNAMS NAM 'BYUNG ZHE NA, 'KHOR LOS SGYUR BA 'BYUNG BA NI, ,STONG PHRAG BRGYAD CU LAS MI 'PHYI, ,MI RNAMS KYI TSE DPAG TU MED PA NAS BRGYAD KHRI'I BAR DU 'KHOR LOS SGYUR BA RNAMS 'BYUNG NGO, ,'OG TU NI MA YIN TE, DE BAS THUNG BA'I TSE NI PHUN SUM TSOGS PA DE'I SNOD MA YIN PA'I PHYIR RO, ,DE DAG NI RGYAL SRID 'KHOR LOS SGYUR BA'I DANG TSUL CAN YIN PAS 'KHOR LOS SGYUR BA RNAMS SO, ,DE DAG KYANG RNAM PA BZHI STE, GSER DNGUL ZANGS LCAGS 'KHOR LO CAN, ,GANG DAG LA GSER DANG, DNGUL DANG, ZANGS DANG, LCAGS KYI 'KHOR LO DAG YOD PA STE, DE DAG GI DANG PO NI MCHOG YIN NO, ,GNYIS PA NI NYE BA'I MCHOG YIN NO, ,GSUM PA NI 'BRING YIN NO, ,BZHI PA NI THA MA'O, ,DE DAG GLING GCIG GLING GNYIS DANG, ,GSUM DANG BZHI LA MAS RIM BZHIN, ,GANG LA LCAGS KYI 'KHOR LO YOD PA DE NI GLING GCIG GI BDAG PO YIN NO, ,GANG LA ZANGS KYI YOD PA DE NI GNYIS KYI'O, ,GANG LA DNGUL GYI YOD PA DE NI GSUM GYI'O, ,GANG LA GSER GYI YOD PA DE NI GLING BZHI LA DBANG BA YIN TE, 'DI NI BTAGS PA LAS BSTAN PA YIN NO, ,MDO LAS NI GTZO BO SMOS PA'I PHYIR RGYAL PO RGYAL RIGS SPYI BO NAS DBANG BSKUR BA GANG ZHIG TSES BCO LNGA LA GSO SBYONG GI DUS DE KHO NAR MGO BKRUS GSO SBYONG BSTEN NAS KHANG BZANGS KYI THOG TU BLON PO'I TSOGS KYIS YONGS SU BSKOR BA LA SHAR PHYOGS NAS 'KHOR LO RIN PO CHE RTZIBS STONG PA, LTE BA DANG BCAS PA, MU KHYUD DANG BCAS PA, RNAM PA THAMS CAD DU YONGS SU RDZOGS PA, MDZES PA, MKHAN BZOS MA BYAS PA, LHA RDZAS THAMS CAD GSER GYI RANG BZHIN 'BYUNG BAR 'GYUR BA DE NI 'KHOR LOS SGYUR BA'I RGYAL BA'I RGYAL PO YIN NO ZHES GSER GYI 'KHOR LO GCIG KHO NAR GSUNGS SO, ,'KHOR LOS SGYUR @160B BA'I RGYAL PO DE DAG NI 'DI LTAR 'BYUNG STE, LHAN CIG GNYIS MIN SANGS RGYAS BZHIN, ,MDO LAS GANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GNYIS SNGA PHYI MED PAR 'JIG RTEN DU 'BYUNG BA NI GNAS MA YIN ZHING GO SKABS MED DE, 'DI NI GNAS MED KYI, GCIG GANG YIN PA DE NI GNAS YOD DO, ,DE BZHIN GSHEGS PA DAG JI LTA BAR 'KHOR LOS SGYUR BA DAG KYANG DE BZHIN NO ZHES GSUNGS SO, 'DIR NI 'DI DPYAD PAR BYA STE, CI 'DIR STONG GSUM GYI 'JIG RTEN GYI KHAMS LA 'JIG RTEN DU 'DOD DAM, 'ON TE 'JIG RTEN GYI KHAMS THAMS CAD YIN ZHE NA, KHA CIG NA RE GZHAN DU SANGS RGYAS DAG MI 'BYUNG NGO, ,CI'I PHIR ZHE NA, BCOM LDAN 'DAS KYI MTHU THOGS PA YOD PAR 'GYUR DU 'ONG NGO, BCOM LDAN 'DAS GCIG KHO NAS THAMS CAD DU YANG SPYOD DO, ,GANG DU BCOM LDAN 'DAS GCIG GIS GDUL BYA RNAMS GDUL BAR MI SPYOD PA DE NI GZHAN GYIS KYANG MI SPYOD DO, ,MDO LAS KYANG, SH'A RI'I BU GAL TE LA LA ZHIG KHYOD KYI THANG DU 'ONGS NAS 'DI SKAD DU, DE ? LTAR DGE SLONG NGAM, BRAM ZE GANG YANG RUNG, DGE SBYONG GOO TA MA DANG 'DI LTA STE, MNGON PAR RDZOGS PAR 'TSANG RGYA BAR BYA BA LA MNYAM ZHING MNYAM PA 'GA' ZHIG YOD DAM ZHES 'DRI BAR 'GYUR NA, DE SKAD DU DRIS NA JI SKAD DU LAN GDAB, BCUN PA GAL TE LA LA ZHIG BDAG GI THAD DU MCHIS NAS 'DI SKAD DU 'DRI BAR 'GYUR NA, DE LA BDAG GIS 'DI SKAD CES DA LTAR DGE SLONG NGAM, BRAM ZE YANG RUNG, BCOM LDAN 'DAS DANG MNYAM ZHING MNYAM PA NI 'GA' YANG MED DO ZHES DRIS PA'I LAN GDAB BAR BGYI'O, ,BTZUN PA DE CE'I SLAD DU ZHE NA, GANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GNYIS SNGA PHYI MED PAR 'JIG RTEN DU 'BYUNG BA NI GNAS MA YIN ZHING GO SKABS MED DE, 'DI NI GNAS MED DO ZHES BCOM LDAN 'DAS LAS THOS SHING MNGON SUM DU BZUNG BA'I SLAD DU'O ZHES GSUNGS SO ZHES ZER RO, 'O NA GANG BCOM LDAN 'DAS KYIS TSANGS PA'I MDO LAS, NGA NI STONG GSUM GYI 'JIG RTEN GYI KHAMS KYI BAR 'DI LA DBANG BSGYUR RO ZHES GANG GSUNGS PA JI LTAR DRANG GZHE NA, BSTAN @161A *, ,PA 'DI NI DGONGS PA CAN YIN NO, ,'DI LA DGONGS PA GANG YIN ZHE NA, MNGON PAR 'DU MDZAD PA MI MNGA' BAR DE SRID DU RNAM PAR GZIGS PA'I PHYIR RO, ,MNGON PAR 'DU MDZAD NA NI SANGS RGYAS RNAMS KYI SPYAN GYI YUL MTHA' YAS PA YIN NO, ,SDE PA GZHAN DAG NA RE 'JIG RTEN GYI KHAMS GZHAN DAG NA YANG SANGS RGYAS RNAMS BZHUGS SO, ,CI'I PHYIR ZHE NA, MANG PO ZHIG MNYAM DU TSOGS DAG LA ZHUGS PAR SNANG LA, GCIG TU SANGS RGYAS MANG PO ZHIG CIG CAR 'BYUNG BAR YANG MI RUNG LA, ,'BYUNG BA LA BGEGS BYED PA 'GA' YANG MED PAS GDON MI ZA BAR 'JIG RTEN GZHAN DAG TU 'BYUNG NGO, ,'JIG RTEN GYI KHAMS DAG KYANG MTHA' YAS PAS BCOM LDAN 'DAS KYI SKU TSE BSKAL PAR BZHUGS KYANG, 'DIR JI LTA BAR MTHA' YAS PA GZHAN DAG TU MDZAD PAR MI SPYOD NA MI'I TSES LTA SMOS KYANG CI DGOS, 'DIR BCOM LDAN 'DAS JI LTAR MDZAD CE NA, GANG ZAG 'DI'I DBANG PO 'DI NI DUS 'DI SRID KYIS YUL CHE GE MO ZHIG TU GANG 'DI LA BRTEN NAS NYES PA 'DI YONGS SU SPANGS SHING YAN LAG 'DI NYE BAR BSGRUBS PA'I PHYIR SBYOR BA 'DIS NAM SKYES PA NI SKYE BAR 'GYUR RO, ,MA RDZOGS PA NI YONGS SU RDZOGS PAR 'GYUR RO ZHES BYA BAR MKHYEN PA LTA BU YIN NO, ,'DI LA KHUNGS SU GANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GNYIS SNGA PHYI MED PAR 'JIG RTEN DU 'BYUNG BAR 'GYUR BA NI GNAS MA YIN ZHING GO SKABS MED DO ZHES BYA BA'I MDO 'DI PHYUNG BA GANG YIN PA DE NYID KYANG 'JIG RTEN GYI KHAMS GCIG GI DBANG DU MDZAD NAS GSUNGS PA ZHIG GAM, 'ON TE THAMS CAD KYI DBANG DU MDZAD NAS GSUNGS PA ZHIG CES DPYAD PAR BYA'O, ,'KHOR LOS SGYUR BA RNAMS KYANG 'JIG RTEN GYI KHAMS GZHAN DU YANG 'BYUNG BAR MI 'GYUR TE, LHAN CIG 'BYUNG BA BKAG PA'I PHYIR SANGS RGYAS BZHIN NO, ,'ON TE BZOD NA NI SANGS RGYAS RNAMS 'JIG RTEN DU 'BYUNG BA NI BSOD NAMS KYI GZHI YIN PAS 'DI YANG CI'I PHYIR MI BZOD DE, GAL TE MANG PO ZHIG TU PHAL PO CHE ZHIG 'BYUNG BAR GYUR NA YANG SKYON DU MI 'GYUR GYI 'JIG RTEN PHAL CHER MNGON PAR MTHO BA DANG NGES PAR LEGS @161B PA DANG LDAN PAR 'GYUR RO, ,'ON TE GCIG TU YANG DE BZHIN GSHEGS PA GNYIS CI'I PHYIR 'BYUNG BAR MI 'GYUR ZHE NA, DGOS PA MED PA'I PHYIR DANG, SMON LAM GYI DBANG GIS TE, BYANG CHUB SEMS DPA' RNAMS NI 'DI SKAD DU KYE MA BDAG NI 'DREN PA MED PA LDONGS PA'I 'JIG RTEN DU MGON MED PA RNAMS KYI MGON DU SANGS RGYAS SU 'BYUNG BAR GYUR CIG CES SMON LAM 'DEBS PAR BYED DO, ,GUS PA DANG RINGS PAR BYA BA'I YANG PHYIR RO ZHES ZER RO, ,SANGS RGYAS GCIG LA NI SHIN TU YANG GUS PAR 'GYUR LA, 'DI LTA BU GZHAN LA NI RNYED PAR DKA'O SNYAM DU SEMS PA NI 'DI GSHEGS SAM YONGS SU MYA NGAN LAS 'DAS [*LINE BREAK?] NA MGON MED PAR 'GYUR DU 'ONG NGO ZHES BSTAN PA BSGRUB PA LA SHIN TU RINGS PAR YANG BYED DO, ,YANG 'KHOR LO MA SGYUR BA'I RGYAL PO DE DAG GSER LA SOGS PA'I 'KHOR LO DAG GIS SA LAS RGYAL BAR BYED PA NA JI LTAR RGYAL PAR BYED CE NA, GO RIMS BZHIN DU, PHAS BSU RANG 'GRO GA-YUL BSHAMS DANG, ,MTSON BRTZAMS PAS RGYAL, GANG LA GSER GYI 'KHOR LO YOD PA DE LA NI KHAMS KYI RGYAL PHRAN RNAMS 'BYOR PA DANG, RGYAS PA DANG, BDE BA DANG, GANG LO LEGS PA DANG, SKYE BO DANG, MI PHAL PO CHES BLTAMS PA'I LJONGS 'DI DAG NI LHA'I LAGS KYI LHAS DE DAG RJES SU BSTAN DU GSOL, BDAG CAG NI LHA'I ZHAM 'BRING 'TSAL LO ZHES PHAS BSU BAR BYED DO, ,GANG LA DNGUL GYI 'KHOR LO YOD PA DE LA NI BDAG NYID DE DAG GI THAD DU 'GRO STE, PHYIS 'DUD PAR 'GYUR RO, ,GANG LA ZANGS KYI 'KHOR LO YOD PA DE NI DE DAG GI THAD DU SONG NAS GA-YUL SHOM PAR BYED DE, PHYIS 'DUD PAR 'GYUR RO, ,GANG LA LCAGS KYI 'KHOR LO YOD PA DE NI DE DAG GI THAD DU SONG NAS PHAN TSUN MTSON BRTZAMS PA LAS PHYIS 'DUD PAR BYED DO, ,'KHOR LOS SGYUR BA THAMS CAD KYANG, GNOD PA MED, MTSON CHAS RGYAL YANG GSOD DU MI 'JUG GO, ,RGYAL NAS YANG SEMS CAN RNAMS DGE BA BCU'I LAS KYI LAM DAG LA 'JOG PAR BYED DO, ,DE GNYIS KYI PHYIR DE DAG NI NGES PAR LHA RNAMS KYI NANG DU SKYE BAR 'GYUR RO, ,MDO LAS, 'KHOR LOS SGYUR BA'I RGYAL PO DE DAG 'JIG RTEN DU BYUNG BAS @162A *, ,'JIG RTEN DU RIN PO CHE SNA BDUN PO 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BLON PO RIN PO CHE 'BYUNG BAR 'GYUR RO ZHES GSUNGS PA JI LTAR NA SEMS CAN ZHES BYA BA GLANG PO CHE LA SOGS PA GZHAN GYI LAS KYI SA 'BYUNG ZHE NA, GZHAN GYI LAS KHO NAS 'BYUNG BA NI MA YIN GYI, SEMS CAN GANG DAG GIS DE DANG 'BREL PAR 'GYUR BA'I LAS BRTZAMS PA DE NI DE BYUNG NA RANG GI LAS DE DAG KHO NAS SKYED PAR BYED DO, ,CI 'KHOR LOS SGYUR BA RNAMS RGYAL PO GZHAN DAG LAS KHYAD PAR DE KHO NA YOD DAM ZHE NA, KHYAD PAR GZHAN YANG YOD DE, DE DAG LAS SKYES BU CHEN PO'I MTSAN SUM CU RTZA GNYIS KYANG YOD DE, DPER NA SANGS RGYAS RNAMS KYI BZHIN NO, ,DE LA, THUB MTSAN YUL NA GNAS PA DANG, ,GSAL LA RDZOGS PAS 'PHAGS PA YIN, ,SANGS RGYAS RNAMS KYI MTSAN NI SHIN TU YUL LA GNAS PA DANG, SHIN TU GSAL BA DANG, SHIN TU KUN RDZOGS PA DAG YIN PAS DE DAG GI KHYAD PAR NI DE YIN NO, ,YANG CI BSKAL BA DANG PO PA'I MI RNAMS KYANG RGYAL PO DANG BCAS PAR GYUR TAM ZHE NA, SMRAS PA MA YIN NO; ,'O NA JI LTA BU ZHE NA, SNGAR BYUNG SEMS CAN GZUGS CAN BZHIN, ,BSKAL PA DANG PO PA'I MI RNAMS NI GZUGS NA SPYOD PA BZHIN DU 'GYUR TE, MDO LAS, DE DAG NI GZUGS DANG LDAN PA, YID LAS BYUNG BA, YAN LAG DANG NYING LAG THAMS CAD DANG LDAN PA, DBANG PO MA TSANG BA MED PA, NGAN PA MA YIN PA, MDZES PA, KHA DOG LA GNAS PA, RANG GI 'OD CAN NAM MKHA' LA 'GRO ZHING, DGA' BA ZA ZHING ZAS SU DGA' BA ZA BA, TSE RING BA, YUN RING POR GNAS PA YIN NO ZHES GSUNGS SO, ,DE NAS RIM GYIS ROL CHAGS, ,LE LOS GSOG 'JOG BYAS NAS NI, ,'DZIN CHAGS RNAMS KYIS ZHING DPON BTAB, ,DE BZHIN DU 'BYUNG BA DE DAG LAS SA'I RO SBRANG RTZI'I RO BRO BA ZHIG BYUNG BA DANG, SEMS CAN BRKAM PA'I RANG BZHIN CAN GANG YANG RUNG BZHIG GIS DE'I DRI BSNAMS NAS RO MYANGS SHING ZOS SO, ,DE NAS SEMS CAN GZHAN DAG @162B KYANG DE BZHIN DU BYED PAR 'GYUR TE, KHAM GYI ZAS ZA BA'I RTZOM PA NI DE YIN NO, ,DE DAG ZAS DE LA GOMS PA'I PHYIR LUS LA RTZUB PA NYID DANG, LCI BA NYID NI ZHUGS, 'OD NI NUB PAR GYUR TO, ,DE'I 'OG TU MUN PA 'BYUNG BA DANG, NYI MA DANG ZLA BA DAG KYANG BYUD BAR GYUR, RO LA CHAGS PA DE DAG LAS SA'I RO DE YANG RIM GYIS NUB NAS SA ZHAG CIG BYUNG BAR GYUR TO, ,DE LA YANG CHAGS PAR GYUR PA DANG, DE YANG NUB NAS MYUG GU'I TSAL ZHIG BYUNG BAR GYUR TO, ,DE LA YANG CHAGS PAR GYUR PA DANG DE YANG NUB NAS MA RMOS MA BTAB PA'I 'BRAS S'A LU ZHIG BYUNG BAR GYUR TO, DE'I TSE DE ZOS PA DANG DE NI CHES RAGS PA YIN PA'I PHYIR NA RGYU MTHUN PA 'BYUNG BAR BYA BA'I PHYIR SEMS CAN RNAMS KYI GCIN DANG PHYI SA'I LAM DANG PHO MO'I DBANG PO DANG BCAS PA DANG, DBYIBS THA DAD PA YANG BYUNG BAR GYUR TO, ,DE DAG PHAN TSUN MTHONG BA DANG SNGON GOMS PA'I DBANG GIS TSUL BZHIN MA YIN PA YID LA BYED PA CHU SRIN 'DZIN KHRI'I KHAM DU GYUR PA RNAMS 'DOD PA'I 'DOD CHAGS SHAS CHER SKYES NAS DE NAS LOG PAR ZHUGS PA YIN TE, 'DOD PA CAN RNAMS KYI 'DOD PA'I 'BYUNG PO'I GDON GYIS RLOM PA'I RTZOM PA NI DE YIN NO, ,YANG DE DAG GI 'BRAS S'A LU DE NANG BZA' BAR BYA BA DE NANG LEN, NUB BZA' BAR BYA BA YANG NUB LEN PA LAS, YANG SEMS CAN LE LO'I RANG BZHIN CAN GANG YANG RUNG BZHIG GIS GSOG 'JOG BYAS PA DANG, SEMS CAN GZHAN DAG KYANG GSOG 'JOG BYED PAR GYUR TO, ,DE DAG DE LA BDAG TU 'DZIN PA SKYES PA DANG, 'BRAS BU DE BRNGAS SHING BRNGAS PA DANG YANG MI SKYE BAR GYUR TO, DE NAS ZHING RNAMS BGOS TE DE BDAG GIS NI KUN TU BZUNG NAS GZHAN GYI LA NI DBROG PAR RTZOM STE, CHOM RKUN GYI RTZOM PA DANG PO NI DE YIN NO, ,DE DAG GIS DE DAG DGAG PA'I PHYIR 'DUS NAS MI'I KHYAD PAR GANG YANG RUNG BA ZHIG ZHING RNAMS SRUNG BAR DRUG SHAS BSTABS TE, DE LA ZHING RNAMS KYI DPON PO RGYAL RIGS RGYAL ZHES BYA BA'I MID BYUNG NGO, SKYE BO'I TSOGS PHAL PO CHES BKUR BA DANG, SKYE DGU YANG DGA' BAR BYED PAS RGYAL PO MANG POS BKUR BA ZHES BYA BA'I MING BYUNG @163A *, ,STE; RGYAL PO GCIG NAS GCIG TU BRGYUD PA'I RTZOM PA NI DE YIN NO, ,DE LA GANG DAG KHYIM DAG NAS YID PHYIR PHYOGS PA DE DAG LA NI BRAM ZE ZHES BYA BA'I MING BYUNG NGO, ,DE NAS GANG YANG RUNG BA'I RGYAL PO ZHIG GIS CHAGS PAS SEMS CAN RNAMS LAM BGOS PA DANG RKUN PO MANG DU GYUR TE, DE DAG LA MTSON GYIS 'DEBS PAR GYUR TO, ,DE NAS GZHAN DAG NA RE YANG BDAG CAG GIS DE LTA BU BGYIS PA MA MCHOS SO ZHES BRDZUN DU SMRA BAR BRTZAMS SO, ,DE NAS LAS KYI LAM LHAG PAS, TSE THUNG LO NI BCU YIN NO, ,DE NA DE LTAR LAS KYI LAM RNAMS 'PHEL BA DANG MI RNAMS KYI TSE KHAD KYIS THUNG NGUR GYUR TE, THA MAR MI TSE LO BCU PAR 'GYUR RO, ,DE'I PHYIR PHUNG KHROL GYI CHU BO 'DI MTHA' DAG GI RTZA BA'I SKYE GNAS NI CHOS GNYIS TE, ROL CHAGS PA DANG, LE LO'O, ,MI RNAMS KYI TSE LO BCU PAN BAR GYI BSKAL BA TSAR PHYIN PA YIN NO, ,JI LTAR YIN ZHE NA, BSKAL PA MTSON DANG NAD DANG NI, ,MU GE DAG GIS TSAR PHYIN TO, ,BAR GYI BSKAL PA NI MTSON DANG, NAD DANG, MU GE DANG GSUM GYIS TSAR PHYIN TO, ,BAR GYI BSKAL PA TSAR PHYIN PA'I TSE MI RNAMS TSE LO BCU PA DANG, CHOS MA YIN PA LA 'DOD CHAGS KYIS CHAGS PA DANG, YA NGA BA LA CHAGS PAS ZIL GYIS NON PA DANG, LOG PA'I CHOS KYIS KUN NAS DKRIS PAR 'GYUR RO, ,DE DAG GIS GNOD SEMS YONGS SU SKYE BAR 'GYUR BA NA SEMS CAN GCIG GIS GCIG MTHONG NA DPER NA DA LTAR RI DAGS KYI RDON PAS DGON PA'I RI DGAS MTHONG BA BZHIN DU GNOD PA MI BZANG PA'I SEMS GNOD PA'I SEMS NYE BAR GNAS PAR 'GYUR LA, DE DAG GIS SHING NGAM THONG BA YANG RUNG GANG DANG GANG BLANGS PA DE DAG GI MTSON CHA RNON PO 'BYUNG BAR 'GYUR ZHING DE DAG GCIG LA GCIG SROG GCOD PAR BYED DO, ,YANG MI TSE LO BCU BA RNAMS LA BAR GYI BSKAL PA TSAR PHYIN PA'I TSE NYES PA DAG NYID KYIS MI MA YIN PA RNAMS KYIS YAMS KYI NAD DAG GTONG BAR BYED DO, ,DE DAG LA GANG LAS 'CHI BAR 'GYUR ZHING GSOR MI RUNG BA'I NAD DAG 'BYUNG BAR 'GYUR RO, ,YANG MI TSE LO BCU PA RNAMS LA NYES PA DAG NYID KYIS LHAS CHAR PA MI 'BEBS TE, DES NA MU GE GAB ? TZE ZHES BYA BA @163B DANG; RUS GONG DKAR PO ZHES BYA BA DANG, THUR MAS 'TSO BA ZHES BYA BA'I MU GE 'BYUNG BAR 'GYUR RO, ,JI LTAR GAB TZE YIN ZHE NA, RGYU GNYIS KYIS YIN TE, DENG SANG 'DU BA GANG YIN PA DE NI DE'I TSE GAB TZE ZHES BYA BA, GAB TSE LA YANG GAB TSE ZHES BYA STE, BKRES PA DANG, NYAM CHUNG BAS BKRES PA'I MI DAG 'DU ZHING 'DUS NAS 'CHI BAR 'GYUR BA DANG, MA 'ONGS PA'I SKYE BO RNAMS LA PHAN GDAGS PA'I PHYIR GAB TZE DAG GI NANG DU SA BON DAG 'JOG PAR BYED DE, DE'I PHYIR MU GE DE NI GAB TSE ZHES BYA'O, JI LTAR NA RUS GONG DKAR PO YIN ZHE NA, RGYU GNYIS KYIS YIN TE, LUS SKAMS SHING RTZUB PO DE DAG SHI BA DANG MYUR BA KHO NA RUS PA DKAR POR GYUR PA DANG, BKRES PAS NYEN PA DE RNAMS KYI RUS GONG DKAR PO DE DAG BSDUS TE BSKOL NAS 'THUNG BAR BYED PA'O, ,JI LTAR NA THUR MAS 'TSO BA YIN ZHE NA, RGYU GNYIS KYIS YIN TE, SEMS CAN DE DAG THUR MAS BSGO BAS KHYIM DAG TU DE RING NI KHYIM BDAG ZA BA'I RES LA BAB BO, ,SANG NI KHYIM BDAG MO ZHES BYA DE LTA BU LA SOGS PAS ZAS 'GYED PAR BYED PA DANG, 'BRU'I GNAS KYI GSEB DAG NAS 'BRU DAG THUR MAS BRUS TE, CHU MANG POR BSKOL NAS BSKOL BA DE 'THUNG BAR BYED DO, ,'DI SKAD DU GANG GIS NYI MA 'GA' ZHIG SROG GCOD PA SPANGS PA LEGS PAR BSRUNGS BA DANG, DGE 'DUN LA AA RU RA 'GA' DANG, BSOD SNYOMS 'GA' ZHIG GUS PAR BYAS TE, PHUL BA DE NI MTSON DANG, NAD DANG, MU GE DANG, BAR GYI BSKAL PA DE DAG TU SKYE BAR MI 'GYUR RO ZHES BRJOD DO, ,YANG SEMS CAN DE DAG LA MTSON GYIS GSOD PA DANG, NAD DANG, MU GE DAG DUS JI SRID DU 'DU ZHE NA, ZHAG RNAMS DANG NI ZLA BA DANG, ,LO BDUN DAG TU GO RIMS BZHIN, ,MTSON CHAS GSOD PA ZHAG BDUN DU 'BYUNG NGO, ,NAD NI ZLA BA BDUN DANG ZHAG BDUN DU'O, ,MU GE NI LO BDUN DANG ZLA BA BDUN DANG ZHAG BDUN DU'O, ,DANG ZHES BYA BA NI BSDUS PA'I DON TO, DE'I TSEN GLING GNYIS SU NI DE DAG DANG 'DRA BA DAG 'BYUNG STE, GNOD SEMS LHAG PAR 'GYUR BA YIN, ,KHA DOG DAN PA DANG, NYAM CHUNG BA DANG, BKRES PA DANG SKOM PAR 'GYUR BA YIN NO, ,DE BZHIN DU 'JIG PA GZHAN @164A *, ,DAG LA YANG CI RIGS PAR BYA'O ZHES GANG BSHAD PA 'JUG PA DE DAG DU ZHE NA, ME DANG CHU DANG RLUNG DAG GIS, ,'JIG PA DAG NI YANG GSUM YIN, ,DE'I TSE SEMS CAN RNAMS BSAM GTAN GCIG TU 'DU BAS NA 'JIG PA YIN NO, ,NYIM BDUN GYIS NI MES 'JIG PA YIN NO, ,CHAR GYI CHUS NI CHUS 'JIG PA'O, ,RLUNG RAB TU 'KHRUGS PAS NI RLUNG GIS 'JIG PA YIN TE, DE DAG GIS NI SNOD RNAMS KYI CHA SHAS PHRA MO YANG MI LUS PAR BYED DO, ,'DI LA MU STEGS BYED KHA CIG NI RDUL PHRA RAB RNAMS NI RTAG PA YIN PAS DE'I TSE DE DAG LUS SO ZHES BYA BAR 'DOD DO; ,DE DAG CI'I PHYIR DE LTAR 'DOD CE NA, RAGS PA RNAMS RGYU MED PA CAN DU 'BYUNG BAR 'GYUR NA MI RUNG NGO SNYAM MO, ,SEMS CAN RNAMS KYI LAS LAS SKYES PA'I MTHU'I BYE BRAG CAN GYIS RLUNG GIS KHON YIN NO ZHES MA BSHAD DAM, YANG NA 'JIG PA'I RLUNG GI RTZE MO NI DE'I PHYIR RGYU YIN PAR 'GYUR RO, ,SA STON PA'I SDE'I MDO LAS NI RLUNG GIS 'JIG RTEN GYI KHAMS GZHAN DAG NAS SA BON DAG KHYER TE 'ONG NGO ZHES 'BYUNG NGO, ,DE LTAR YIN YANG DE DAG SA BON LA SOGS PA LAS MYU GU LA SOGS PA SKYE BAR NI MI 'DOD DO, ,'O NA JI ZHE NA, RANG GI YAN LAG DAG KHO NA LAS SKYE BA LA, DE DAG KYANG RANG GI KHO NA DAG LAS SKYE STE, RDUL PHRA RAB DAG LAS SKYE BA'I BAR DU YANG DE DANG 'DRA'O ZHES SO, ,DA NI MYU GU LA SOGS PA DAG LAS SA BON LA SOGS PA'I NUS PA CI ZHIG YOD CE NA, DE'I RDAL PHRA RAB RNAMS PHRAD PA LAS MA GTOGS PAR CUNG ZAD KYANG MED DO, ,YANG CI'I PHYIR DE DAG DE LTAR 'DOD CE NA, RIGS MI MTHUN PA LAS SKYE BAR NI RIGS PA MA YIN NO SNYAM MO, ,CI'I PHYIR MI RIGS SHE NA, NGES PA MED PAR 'GYUR RO, ,NUS PA MED PA'I PHYIR DE LTAR MI 'GYUR TE, SGRA DANG CHOS BYED LAS SKYE BAR 'BYUNG BA BZHIN NO, ,YON TAN GYI CHOS NI SNA TSOGS YIN GYI RDZAS KYI CHOS NI DE LTAM YIN TE, ,RIGS MTHUN PA DAG KHO NA LAS RIGS MTHUN PA RNAMS 'BYUNG BA MTHONG STE, DPER NA 'JAG MA DGE BAS RE LDE DANG, SKUD PA DAG LAS RAS YUG 'BYUNG BA BZHIN NO, ,'DI NI RIGS PA MA YIN NO, ,'DI LA MI RIGS PA GANG ZHIG YIN ZHE NA, GANG MA GRUB PA @164B BSGRUB PA'I PHYIR DPER BRJOD PA MA GRUB PA YIN NO, ,JI LTAR 'DI LA CI ZHIG MA GRUB CE NA, 'JAG MA DAG LAS RE LDE GZHAN PA DANG, SKUD PA DAG LAS RAS YUG GZHAN ZHES BYA BA MA YIN TE, DE DAG DANG DE DAG KHO NA DE LTAR GNAS PA LA DE DANG DE'I MING THOB STE, GROG SA'I PHRENG BA BZHIN NO, ,JI LTAR KHONG DU CHUD CE NA, SKUD PA GCIG DANG LDAN NA RAS YUG MI DMIGS PA'I PHYIR TE, DE'I TSE RAS YUG YOD NA NI DMIGS PAR BYA BA LA SU ZHIG BGEGS BYED, ZAD PAR YOD PA MA YIN NA NI DE LA RAS YUG GI CHA YOD KYI RAS YUG NI MA YIN PAS 'DUS PA TZAM RAS YUG YIN NO, ,SKUD PA DAG LAS GZHAN LA RAS YUG GI CHA YANG GANG ZHIG YOD, RTEN DU MA ZHIG DANG LDAN PA LA LTOS NA NI KHA TSAR MTHONG BA TZAM DANG LDAN NA RAS YUG DMIGS PAR 'GYUR RO, ,YANG NA NAM YANG MI DMIGS PAR 'GYUR TE, DBUS DANG PHA ROL GYI CHA RNAMS DBANG PO DANG MA 'BREL PA'I PHYIR RO, ,MIG DANG REG PA DAG RIM GYIS YAN LAG RNAMS DANG PHRAD NA YANG YAN LAG CAN NI SHES PAR MI 'GYUR RO, ,DE LTA BAS NA RIM GYIS YAN LAG CAN SHES PA'I PHYIR YAN LAG DAG KHO NA LA DE'I BLO SKYE BAR ZAD DE, MGAL ME'I 'KHOR LO BZHIN NO, ,GZUGS DANG RIGS DANG BYA BA THA DAD PA'I SKUD PA DAG LAS RAS YUG GI GZUGS LA SOGS PA MED PA'I YANG PHYIR RO, ,GZUGS LA SOGS PA SNA TSOGS PA YIN NA NI RIGS MI MTHUN PA RTZOM PAR YANG 'GYUR RO, ,NGOS CIG SHOS MI BKRA NA YANG RAS YUG MI MTHONG BA 'AM, KHRA BO'I NGO BOR MTHONG BAR 'GYUR RO, ,BYA BA YANG SNA TSOGS PA YIN PAS SHIN TU SNA TSOGS PA YIN PAR 'GYUR RO, ,ME'I 'OD KYI TSA BA DANG, SNANG BA DANG PO DANG BAR MA DANG THA MA DAG TU THA DAD PAS DE'I GZUGS DANG REG BYA DAG KYANG MI 'THAD DO, ,RDUL PHRA RAB DBANG PO'I SPYOD YUL MA YIN PA YANG 'DUS PA DAG NI MNGON SUM NYID YIN TE, DPER NA DE DAG GI 'BRAS BU RTZOM PA DANG, MIG LA SOGS PA 'BRAS BU RTZOM PA DANG, ,RAB RIB CAN RNAMS LA SKRA GRAM PA'I TSOGS DMIGS PA LTA BU STE, SKRA NYAG MA GCIG NI RDUL PHRA RAB BZHIN DU DE DAG GI DBANG PO'I SPYOD YUL DU MI 'GYUR RO, ,GZUGS LA SOGS PA DAG KHO NA LA RDUL PHRA RAB KYI MING DU 'DOGS PA'I PHYIR DE ZHIG NA @165A *, ,RDUL PHRA RAB KYANG ZHIG PAR GRUB PA YIN NO, ,RDUL PHRA RAB NI RDZAS YIN LA RDZAS KYANG GZUGS LA SOGS PA DAG LAS GZHAN YIN PAS ZHIG NA DE DAG ZHIG PAR MA 'GRUB BO ZHE NA, 'DI GZHAN PA NYID YIN PAR NI RIGS PA MA YIN TE, 'DI LTA BUR SUS KYANG 'DI DAG NI SA DANG CHU DANG ME DANG RLUNG DAG YIN NO, ,'DI DAG NI DE DAG GI GZUGS LA SOGS PA YIN NO ZHES NGES PAR MI ZIN LA, MIG DANG REG PA'I GZUNG BA DAG YIN PAR YANG DAM BCA'O, ,BAL DANG RAS BAL DANG LE BRGAN RTZI DANG GUR GUM TSIG PA DAG LA DE DAG GI BLO MED PA'I PHYIR GZUGS LA SOGS PA KHO NA LA DE'I BLO 'JUG PAR ZAD DO, ,CHOS BYED LAS SKYE BA BYUNG BA LA BUM PAR YONGS SU SHES PA NI DBYIBS 'DRA BA'I PHYIR PHRENG BA BZHIN TE, RTAGS MA MTHONG BAR YONGS SU MI SHES PA'I PHYIR RO, ,YANG NA BYIS BA BLO RDOL BA LTA BU DAG LAS SU ZHIG GUS PAR 'GYUR TE, DE DAG DGAG PA NI RE ZHIG BZHAG GO, ,YANG 'JIG PA DE DAG GI RTZE MO GANG YIN ZHE NA, BSAM GTAN GNYIS SOGS GSUM PO NI, ,DE DAG GI RTZE GO RIMS BZHIN, ,'JIG PA'I RTZE MO GSUM LA MES 'JIG PA'I RTZE MO NI BSAM GTAN GNYIS PA YIN TE, DE MAN CHAD SREG PAR BYED DO, ,CHUS 'JIG PA'I RTZE MO NI BSAM GTAN GSUM PA YIN TE, MAN CHAD SRUL BAR BYED DO, ,RLUNG GIS 'JIG PA'I RTZE MO NI BSAM GTAN BZHI PA YIN TE, MAN CHAD 'THOR BAR BYED DO, ,'JIG PA'I LHAG MA GANG YIN PA DE NI, RTZE MO ZHES BYA'O, ,YANG DE'I PHYIR BSAM GTAN DANG PO DANG GNYIS PA DANG BSAM GTAN GSUM PA DAG ME DANG CHU DANG RLUNG DAG GIS 'JIG CE NA, DE YI SKYON DANG CHOS MTHUN PHYIR, ,BSAM GTAN DANG PO NA NI RTOG PA DANG DPYOD PA DAG SKYON YIN TE, DE DAG KYANG YID YONGS SU GDUNG BAR BYED PA DAG YIN PA'I PHYIR ME'I BSAL PA DAG YIN NO, ,GNYIS PA NA NI DGA' BA SKYON YIN TE; DE YANG SHIN TU SBYANGS PA DANG LDAN PAS LUS MNYEN PAR BYED PA DAG YIN PA'I PHYIR CHU'I BSKAL PA YIN NO, ,DE NYID KYI PHYIR MDO LAS, DE NI LUS KYI MKHRANG PO ZAD PAR MED PA'I PHYIR SDUG BSDAL GYI DBANG PO 'GAGS SO ZHES GSUNGS SO, ,BSAM GTAN GSUM PA LA NI DBUGS @165B RNGUB PA DANG DBUGS 'BYUNG BA DAG STE, DA DAG KYANG RLUNG KHA NA YIN PAS SNYAMS PAR 'JUG PA'I BSAM GTAN GANG NA NANG GI SKYON JI LTA BAR SKYE BA'I BSAM GTAN DE NA PHYI ROL GYI YANG DE LTA BU YIN NO, ,CI'I PHYIR SAS 'JIG PAM YIN ZHE NA, SNOD CES BYA BA NIS KHO NA YIN LA DE NI ME DANG CHU DANG RLUNG DAG DANG MI MTHUN GYI SA DANG NI MA YIN NO, ,BSAM GTAN BZHI PA NI JI LTAR MI 'JIG CE NA, BZHI PA NA MED MI GA-YO'I PHYIR, ,BCOM LDAN 'DAS KYIS BSAM GTAN BZHI PA NI NANG GI SKYON DANG BRAL BA'I PHYIR MI GA-YO BA ZHES GSUNGS TE, DE'I PHYIR DE'I PHYI'I SKYON YANG MI 'JUG PAS DE NA 'JIG PA MED DO, ,GZHAN DAG NA RE GNAS GTZANG MA'I MTHUS YIN TE, DE DAG GIS GZUGS MED PA DAG TU 'JUG PAR YANG MI NUS LA, ,GZHAN DU YANG 'GRO BAR MI NUS SO ZHES ZER RO, ,'O NA BSAM GTAN BZHI PA'I SNOD RTAG PAR 'GYUR RO ZHE NA, MI RTAG DE YI GZHAL MED KHANG, , SEMS CAN BCAS TE 'BYUNG 'JIG PHYIR, ,BSAM GTAN BZHI PA NI SA GZHI GCIG TU 'BREL PA MA YIN NO, ,'O NA JI LTA BU ZHE NA, GNAS GZHAN DU RNAM PAR CHAD PA YIN TE SKAR MA BZHIN NO, ,DE NA SEMS CAN GANG DANG GANG SKYE BA'AM 'CHI 'PHO YANG RUNG STE, DE NI GZHAL MED KHANG DANG BCAS TE SKYE ZHING 'CHI 'PHO BAS DE LA RTAG PA NYID MED DO, ,YANG 'JIG PA DE DAG GO RIMS GANG GIS 'BYUNG ZHE NA, RE ZHIG PAR CHAD MED PAR NI, ,ME YIS BDUN NO, ,MES 'JIG PA BDUN 'BYUNG NGO, ,DE'I 'OG TU NI, CHU YIS GCIG ,MES 'JIG PA BDUN GYI MJUG THOGS SU CHU DAG GIS 'JIG PA 'BYUNG NGO, ,DE LTAR CHU BDUN THAL NAS KYANG, ME YIS BDUN NO, ,RIM PA DES NA CHUS 'JIG PA BDUN THAL NAS YANG MES 'JIG PA BDUN 'BYUNG NGO, ,DE NAS NI, MJUG TU RLUNG GIS 'JIG PA YIN, ,DE NAS NI MJUG TU RLUNG GIS 'JIG PA GCIG 'BYUNG NGO, ,CI'I PHYIR ZHE NA; SEMS CAN DE DAG GI SNYOMS PAR 'JUG PA'I KHYAD PAR LAS LUS DAG GNAS PA'I KHYAD PAR JI LTA BAR SNOD RNAMS KYANG DE BZHIN NO, ,DE DAG NI MES 'JIG PA LNGA BCU RTZA DRUG DANG, CHUS 'JIG PA BDUN DANG RLUNG GIS 'JIG PA GCIG YIN TE, DE LTAR BSHAD NAS BTAGS PA'I BSHAD @166A *, ,PA DGE RGYAS KYI LHA RNAMS KYI TSE'I TSAD NI BSKAL PA DRUG CU RTZA BZHI'I ZHES BYA BA LEGS PAR DRANGS PA YIN NO, ,CHOS MNGON PA'I MDZOD KYI BSHAD PA LAS 'JIG RTEN BSTAN PA ZHES BYA BA MDZOD KYI GNAS GSUM PA RDZOGS SO,, ,,YANG SEMS CAN DANG SNOD KYI 'JIG RTEN RNAM PA MANG PO SNA TSOGS PA BSHAD PA GANG YIN PA DE SUS BYAS SHE NA, SUS KYANG BLO SNGON DU BTANG STE BYAS PA NI MED DO, ,'O NA JI LTA BU ZHE NA, SEMS CAN RNAMS KYI, LAS LAS 'JIG RTEN SNA TSOGS SKYES, ,GAL TE LAS LAS SKYES NAS CI'I PHYIR SEMS CAN RNAMS KYI LAS DAG GIS GUR GUM DANG; TZAN DAN LA SOGS PA CHES DGA' DGA' LTA BUR SKYES PAR 'GYUR LA DE DAG GI LUS NI MA YIN ZHE NA, SEMS CAN 'DREN MAR BYED PA RNAMS KYI LAS DE LTA BU DAG KHO NA GANG RMA LTA BUR GYUR PA'I LUS DAG DANG, DE'I TSE GNYEN POR GYUR PA LONGS SPYOD DGA' DGA' LTA BU DAG KYANG SKYE'I, LHA 'DREN MAR BYED PA MA YIN PA RNAMS KYI NI GNYI GA YANG DGA' DGA' LTA BU DAG YIN NO, ,LAS DE YANG GANG ZHIG CE NA, DE NI SEMS PA DANG DES BYAS, ,MDO LAS NI GNYIS TE, SEMS PA DANG BSAMS PA'I LAS SO ZHES GANG GSUNGS PA LA, BSAMS PA GANG YIN PA DE NI, SEMS PAS BYAS PA DE YIN NO, ,LAS GNYIS PO DE DAG NI GSUM YIN TE, LUS DANG NGAG DANG YID KYI LAS RNAMS SO, ,LAS 'DI DAG JI LTAR RNAM PAR GZHAG CI RTEN LAS SAM, 'ON TE NGO BO NYID LAS SAM, 'ON TE KUN NAS SLONG BA LAS GAL TE RTEN LAS YIN NA NI THAMS CAD LUS LA BRTEN PA'I PHYIR LUS KYI LAS GCIG PUR 'GYUR RO, ,GAL TE NGO BO NYID LAS YIN NA NI DE DAG GI LAS GCIG PUR 'GYUR RO, ,GAL TE KUN NAS SLONG BA LAS YIN NA NI THAMS CAD KYANG YID KYI KUN NAS BSLANG BA'I PHYIR YID KYI LAS GCIG PUR 'GYUR RO ZHE NA, BYE BRAG TU SMRA BA RNAMS NA RE RGYU GSUM GYIS GO RIMS BZHIN DU GSUM RNAM PAR GZHAG GO ZHES ZER RO, ,DE LA, SEMS PA YID KYI LAS YIN NO, ,SEMS PA NI YID KYI LAS YIN NO ZHES BYA BAR RIG PAR BYA'O, ,DES BSKYED LUS DANG NGAG GI LAS, ,SEMS LAS SKYES PA GANG YIN PA BSAMS PA'I LAS ZHES GSUNGS PA DE DAG @166B NI LUS DANG NGAG GI LAS SU RIG PAR BYA'O, ,DE DAG RNAM RIG RNAM RIG MIN, ,LUS DANG NGAG GI LAS DE DAG NI SO SOR RNAM PAR RIG BYED DANG, RNAM PAR RIG BYED MA YIN PA'I RANG BZHIN DAG TU RIG PAR BYA'O, ,DE LA'ANG, LUS RNAM RIG BYED DBYIBS SU 'DOD, ,SEMS KYI DBANG GIS LUS DE DANG DE LTAR GNAS PA NI LUS KYI RNAM PAR RIG BYED YIN NO, ,GZHAN DAG NA RE 'GRO BA YIN TE, LUS GA-YO BA LAS YIN GYI MIG GA-YO BA NI MA YIN PA'I PHYIR RO ZHES ZER TE, DE DAG LA, 'GRO MIN GANG PHYIR 'DUS BYAS NI, ,SKAD CIG PA YIN ZHES BYA BA BRJOD DO, ,SKAD CIG CES BYA BA 'DI CI ZHE NA, BDAG NYID DU RED MA THAG TU 'JIG PA'O, ,DE 'DI LA YOD PAS NA SKAD CIG PA STE DBYUG PA BZHIN NO, ,'DUS BYAS THAMS CAD BDAG NYID THOB PA LAS PHAN CHAD DU MED PA'I PHYIR GANG DU SKYES PA DE NYID DU 'JIG PAR 'GYUR RO, ,DE NI YUL GZHAN DU 'PHO BAR RIG PA MA YIN TE, DE LTA BAS NA LUS KYI LAS NI 'GRO BA MA YIN NO, ,GAL TE THAMS CAD SKAD CIG PAR GRUB PAR GYUR NA NI DE DE LTA YIN NO, ,'DI'I GRUB PA KHO NAR KHONG DU CHUD PAR GYIS SHIG ,GA LAS SHE NA, 'DUS BYAS NI GDON MI ZA BAR 'JIG PHYIR RO, ,DNGOS PO RNAMS 'JIG PA NI RGYU MED PA LAS BYUNG BA YIN NO, ,CI'I PHYIR ZHE NA, BYA BA'I RGYU YIN NA 'JIG PA YANG MED PA YIN PAS MED PA GANG YIN PA DE LA NI CI ZHIG BYAR YOD, RGYU MED PA LAS BYUNG BA'I 'JIG PA DE NI DNGOS PO SKYED PA TZAM LA MA YIN NA PHYIS KYANG MI 'BYUNG STE, DNGOS PO MCHUNGS PA'I PHYIR RO, ,'ON TE GZHAN DU GYUR PA YIN NO ZHE NA, DE NYID GZHAN DU GYUR PA NI RIGS PA MA YIN TE, DE NYID DE DANG MTSAN NYID MI MTHUN PAR NI MI RUNG NGO, ,SHING LA SOGS PA DAG ME DANG 'BREL PA LAS 'JIG PAR YANG MTHONG LA MTHONG BA LAS BRLING BA'I TSAD MA YANG MED PAS THAMS CAD KYI 'JIG PA NI RGYU MED PA LAS BYUNG BA MA YIN NO ZHE NA, RE ZHIG KHYOD SHING LA SOGS PA DAG ME DANG 'BREL PA LAS 'JIG PAR BLTA BAR BYA'O ZHES BYA BA JI LTA BUR SEMS, DE YOD NA DE DAG LA YANG MI SNANG BA'I PHYIR RO, ,RE ZHIG 'DI DPYAD PAR BYA STE, CI ME DANG 'BREL BA LAS SHING LA SOGS PA ZHIG STE, DE'I PHYIR MI SNANG BA ZHIG YIN NAM, 'ON TE RANG NYID ZHIG LA GZHAN @167A *, ,DAG KYANG MA SKYES PAS DE'I PHYIR MI SNANG STE DPER NA RLUNG DANG PHRAD PA LAS MAR ME DANG LAG PA DANG PHRAD PA LAS DRIL BU'I SGRA LTA BU ZHIG YIN, DE LTA BAS NA DON 'DI NI RJES SU DPAG PAS BSGRUB PAR BYA BA YIN NO, ,'DI LA RJES SU DPAG PA GANG ZHE NA, RE ZHIG MED PA NI BYA BA MA YIN PA'I PHYIR ZHES NI BSHAD ZIN TO, ,YANG NA, RGYU MED PA LAS 'GA' MI 'BYUNG, ,GAL TE 'JIG PA RGYU DANG LDAN PA ZHIG TU GYUR NA SKYE BA BZHIN DU 'GA' YANG RGYU MED PA LAS MI 'GYUR BA ZHIG NA SKAD CIG MA BLO DANG SGRA DANG ME LCE DAG 'JIG PA RGYU MED PA LAS BYUNG BA YANG MTHONG BAS 'DI RGYU LA LTOS PA MA YIN NO, ,GANG ZHIG BLO YANG BLO GZHAN GYIS 'JIG LA SGRA YANG SGRA GZHAN GYIS 'JIG GO SNYAM DU SEMS PA DE NI RIGS PA MA YIN TE, BLO GNYIS PHRAD PA MED PA'I PHYIR RO, ,THE TSOM CAN DANG NGES PA'I SHES PA DAG DANG, BDE BA DANG SDUG BSNGAL BA DAG DANG, 'DOD CHAGS DANG ZHE SDANG DAG PHRAD PAR NI RIGS PA MA YIN NO, ,GANG GI TSE BLO DANG SGRA GSAL BA NYID DAG GI MJUG THOGS SU BLO DANG SGRA MI GSAL BA 'BYUNG BA DE'I CSE JI LTAR NA MI GSAL BA RIGS MTHUN PA'I CHOS KYI GSAL BA 'JIG PAR 'GYUR, GANG YANG GNAS PA'I RGYU MED PA'AM, CHOS DANG CHOS MA YIN PA'I DBANG GIS ME LCE DAG 'JIG GO SNYAM DU SEMS PA DE YANG RIGS PA MA YIN TE, MED PA NI RGYU YIN PAR 'OS PA MA YIN NO, ,SKYE BA DANG 'JIG PA'I RGYU CHOS DANG CHOS MA YIN PA DAG KYANG SKAD CIG SKAD CIG NYID LA 'JUG PA THOB PA DANG BGEGS BYED PAR 'OS PA MA YIN NO, ,RGYU YONGS SU BRTAGS PA 'DI YANG 'DUS BYAS THAMS CAD LA BYA BAR NUS PAS BRTZAD MI DGOS SO, ,GAL TE SHING LA SOGS PA DAG 'JIG PA ME DANG 'BREL BA'I RGYU LAS BYUNG BA ZHIG YIN NA DE LTA NA NI TSOS BYED LAS SKYES PA RNAMS KYI TSOS PA DANG, CHES TSOS PA DANG, CHES CHER TSOS PA BYUNG BAL, RGYU YANG 'JIG PA POR 'GYUR RO, ,RGYU NYID 'JIG PA POR 'GYUR BA JI LTA ZHE NA, ME DANG 'BREL PA GANG LAS TSOS BYED LAS SKYES PA 'BYUNG BA DE NYID DAM DE DANG 'DRA BA LAS TSOS PA DANG, CHES TSOS PA DANG, CHES CHER TSOS PA BYUNG NA DE DAG 'JIG PAS RGYU NYID DE DAG GI 'JIG PA POR 'GYUR BA'AM @167B YANG NA RGYU BYE BRAG MED PAR 'GYUR RO, ,GANG LAS SAM, GANG DAG 'DRA BA LAS DE DAG 'BYUNG BA NYID DAM, DE DANG 'DRA BA LAS YANG MED PAR 'GYUR BA NI RIGS PA MA YIN NO, ,RE ZHIG ME LCE GZHAN DAG LAS RGYU THA DAD PAR YONGS SU BRTAG PAR NI BYA LA REG NA, THAL BA DANG KHA BA DANG RTZVA DANG NYI MA DANG CHU DANG SA DANG 'BREL PA LAS SMIN BYED LAS SKYES PA'I BYE BRAG BYUNG BA LA GANG LA BRTAG PAR BYA, 'O NA GANG CHU BSKOL BZAD PAR 'GYUR BA DE LA ME DANG 'BREL PA DAG CI ZHIG BYED CI ZHE NA, MTHU'I SGO NAS ME'I KHAMS 'PHEL BAR BYED CING DE'I MTHUS NA CHU'I TSOGS NYAM CHUNG ZHING NYAM CHUNG BAR 'GYUR LA SHIN TU NYAM CHUNG BA'I BAR DU GYUR PA DANG, MJUG TU RGYUN YANG RGYUN CHAGS PAR MI BYED DE, 'DI LA ME DANG 'BREL BA DAG GIS NI 'DI BYED DO, ,DE LTA BAS NA DNGOS PO RNAMS 'JIG PA LA RGYU NI MED KYI RANG NYID 'JIG PA'I NGANG CAN YIN PA'I PHYIR 'JIG PA NA BYUNG BA TZAM GYIS 'JIG PA'I PHYIR 'DI DAG SKAD CIG MA LA 'JIG PAR YANG GRUB LA SKAD CIG MA LA 'JIG PA'I PHYIR 'GRO BA YANG MED DO, ,YUL GZHAN DAG TU 'DAB CHAGS PAR 'BYUNG BA LAS 'GRO BAR MNGON PA'I NGA RGYAL BYED PAR ZAD DE RTZVA'I ME BZHIN NO, ,'GRO BA MED NA LUS KYI RNAM PAR RIG BYED DE DBYIBS YIN NO ZHES BYA BAR GRUB BO, ,MDO SDE PA RNAMS NA RE DBYIBS NI RDZAS SU MED DE, PHYOGS GCIG GI SGOR KHA DOG PHAL CHER BYUNG BA LA GZUGS RING POR ZHES 'DOGS PAR BYED, DE NYID LA LTOS NAS NYUNG NGUR BYUNG BA LA THUNG DU ZHES 'DOGS PAR BYED, PHYOGS BZHIR MANG POR BYUNG BA LA GRU BZHI ZHES 'DOGS PAR BYED, THAMS CAD DU MNYAM PA NA LHAM PA ZHES 'DOGS PAR BYED DE, THAMS CAD KYANG DE DANG 'DRA'O, ,DPER NA MGAL ME PHYOGS GZHAN GCIG TU MYUR DU 'DAB CHAGS PAR SNANG BA NI RING PO'O SNYAM DU SHES LA, THAMS CAD DU SNANG NA ZLUM PO'O SNYAM DU SHES KYI DBYIBS RDZAS SU GZHAN YOD PA NI MA YIN PA BZHIN NO, ,GAL TE YOD NA NI, GNYIS GZUNG 'GYUR, MIG GIS MTHONG NA YANG RING PO'O SNYAM DU SHES PAR 'GYUR LA, LUS KYI DBANG PO REG NA YANG SHES PAR 'GYUR BAS 'DI DBANG PO GNYIS KYI GZUNG BAR 'GYUR BZHIG NA, GZUGS KYI @168A*, ,SKYE MCHED LA NI GNYIS KYIS 'DZIN PA MED DO ZHES ZER RO, ,YANG NA JI LTAR REG BYA LA RING PO LA SOGS PAR 'DZIN PA LTAR KHA DOG LA YANG DE BZHIN DU YID CHES PAR BYA'O, ,DE LA NI REG BYA DANG LHAN CIG SPYOD PA'I PHYIR DRAN PA TZAM YIN GYI MNGON SUM DU 'DZIN PA NI MA YIN GYI, DPER NA ME'I GZUGS MTHONG NAS DE'I TSA BA'I DRAN PA 'BYUNG BA DANG, ME TOG GI DRI BA SNAMS NAS DE'I KHA DOG GI DRAN PA 'BYUNG BA BZHIN NO ZHE NA, 'DI LA NI 'KHRUL PA MED PA'I PHYIR GZHAN GYIS GZHAN DRAN PAR RIGS KYI GANG LAS 'DI NGES PAR DRAN PAR 'GYUR BA REG BYA LAS NI CUNG ZAD KYANG DBYIBS GANG LA YANG NGES PAR MED DO, ,'ON TE LHAN CIG SPYOD PAR NGES PA MED KYANG NGES PAR DBYIBS DRAN PAR 'GYUR NA NI KHA DOG KYANG 'GYUR RO, ,YANG NA NI KHA DOG BZHIN DU DBYIBS KYANG NGES PAR MI 'GYUR BA ZHIG NA DE LTA YANG MA YIN PAR REG BYA LAS 'DI DRAN PAR NI RIGS PA MA YIN NO, ,RI MOS BKRAM PA LA DBYIBS DU MA SNANG BA'I PHYIR MANG PO YANG PHYOGS GCIG PAR 'GYUR BA ZHIG NA DE YANG RIGS PA MA YIN TE, KHA DOG BZHIN NO, ,DE LTA BAS NA DBYIBS NI RDZAS SU MED DO, ,GANG YANG THOGS PA DANG BCAS PA'I GZUGS CUNG ZAD YOD PA DE NI GDON MI ZA BAR RDUL PHRA RAB LA YOD PA YIN NA DE RDUL LA MED DE, RING PO LA SOGS PA'I DBYIBS NI RDUL PHRA RAB LA MED DO, ,DE LTA BAS NA DBYIBS NI MANG PO DE LTAR GNAS PA DAG KHO NA LA RING PO LA SOGS PA 'DOGS PAR ZAD DO, ,'ON TE DBYIBS KYI RDUL PHRA RAB DAG KHO NA DE LTAR GNAS PA LA RING PO LA SOGS PA'I MING 'DOGS PAR 'DOD NA NI DE DAG MA GRUB PA'I PHYIR DE NI PHYOGS 'DZIN PA 'BA' ZHIG TU ZAD DO, ,RANG GI MTSAN NYID RNAMS GRUB NA NI DE DAG BSAGS PA CUNG BAR 'GYUR NA DBYIBS KYI YAN LAG RNAMS NI KHA DOG LA SOGS PA DE BZHIN DU RANG GI NGO BOR GRUB PA YANG MED NA DE DAG BSAGS PA LTA ZHIG GA LA YOD, 'ON GANG KHAM PA'I SNOD RNAMS KHA DOG KYANG THA MI DAD PA LA DBYIBS KYANG THA DAD PAR SNANG NGO ZHE NA, JI LTAR GNAS PAR GYUR PA'I KHA DOG LA RING PO LA SOGS PAR MING 'DOGS PAR ZAD DO ZHES MA BSHAD DAM, DPER NA GROG MA LA SOGS PA @168B THA MI DAD BZHIN DU 'KHOR LO LA SOGS PA THA DAD PAR 'DOGS PA LTAR DBYIBS KYANG DE DANG 'DRA'O, ,'O NA GANG MUN KHUNG DANG THAG RING PO NAS SDONG DUM LA SOGS PA'I KHA DOG MA MTHONG BAR RING PO LA SOGS PA MTHONG BAR 'GYUR RO ZHE NA, DE DAG GI DE KHA DOG MI GSAL BA KHO NA MTHONG NAS RING PO LA SOGS PAR YONGS SU RTOG PAR BYED DE, PHRENG BA DANG DMAG LA SOGS PA LA YONGS SU RTOG PA BZHIN NO, ,DE NI GDON MI ZA BAR DE LTAR SHES PAR BYA STE, GANG RES 'GA' YONGS SU CHAD PA NGES PAR MI ZIN PA NI TSOGS PA TZAM DANG MI GSAL BA SNANG BA YIN NO, ,YANG DA NI MDO SDE PA KHYED RNAMS KYI LUGS KYIS LUS KYI 'GRO BA DANG DBYIBS KYANG BSAL NAS GANG LA LUS KYI RNAM PAR RIG BYED DU 'DOGS PAR BYED CE NA, DE DAG NI DBYIBS KHO NA LA LUS KYIS RNAM PAR RIG BYED 'DOGS PAR BYED LA RDZAS SU NI MA YIN NO, ,DE LA 'DOGS PAR BYED PA NA JI LTAR LUS KYI LAS SU 'DOGS PAR BYED CE NA, LUS LA BRTEN PA'I LAS NI LUS KYI LAS TE, DE DANG DER LUS 'JUG PAR BYED PA'I SEMS PA GANG YIN PA'O, ,DE BZHIN DU NGAG DANG YID KYI LAS DAG LA YANG CI RIGS PAR RIG PAR BYA'O, ,'O NA GANG SEMS PA DANG, BSAM PA'I LAS SO ZHES GSUNGS SO ZHE NA, 'DI DANG 'DI LTA BU ZHIG BYA'O SNYAM PA'I KUN DU RTOG PA NI SAR 'BYUNG LA, DE LTAR BSAMS NAS DE'I 'OG TU GANG GIS LUS 'JUG PAR BYED PAR BYA BA'I SEMS PA SKYE BAR 'GYUR TE, DE NI BSAM PA'I LAS ZHES BYA'O, ,DE LTAN NA 'O NA RNAM PAR RIG BYED MED PA'I PHYIR 'DOD PA NA SPYOD PA'I RNAM PAR RIG BYED MA YIN PA YANG MED BAS NYES PA CHEN POR THAL BAR 'GYUR RO, ,THAL BA RNAMS LA YANG THAL BA'I GNYEN PO DAG YOD DE, GAL TE LUS KYI LAS ZHES BYA BA'I SEMS PA'I KHYAD PAR DE NYID LAS RNAM PAR RIG BYED MA YIN PAR BYUNG BAR 'GYUR NA YANG CIR 'GYUR MNYAM PAR GZHAG PA'I RNAM PAR RIG BYED MA YIN PA BZHIN DU SEMS KYI RJES SU 'BRANG BA YIN PAR 'GYUR RO, ,DE LTAR MI 'GYUR TE, SEMS PA'I KHYAD PAR GYIS DE'I 'PHEN PA KHYAD PAR YOD PA'I PHYIR RO, ,RNAM PAR RIG BYED DE YOD NA YANG DE 'PHANG BAR BYA BA NI SEMS @169A *, ,PA'I STOBS LA RAG LAS PA YIN TE DE BLUN PA'I PHYIR RO, ,BYE BRAG TU SMRA BA RNAMS NA RE DBYIBS KYANG RDZAS KHO NA YIN LA, LUS KYI RNAM PAR RIG BYED KYANG DBYIBS KYI BDAG NYID YIN NO ZHES ZER RO, ,NGAG RNAMS RIG BYED 'DI NGAG SGRA, ,NGAG GI RANG BZHIN GYI SGRA GANG YIN PA DE NYID NGAG GI RNAM PAR RIG BYED YIN NO, ,RNAM PAR RIG BYED MA YIN PA NI SNGAR BSHAD PA KHO NA YIN NO, ,MDO SDE PA RNAMS NA RE YANG RDZAS SU MED DE, KHAS BLANGS NAS MI BYED PA TZAM GYI PHYIR DANG, 'DAS PA'I 'BYUNG BA CHEN PO RNAMS LA YANG BRTEN NAS 'DOGS PA'I PHYIR DANG, DE DAG KYANG RANG GI NGO BO MED PA'I PHYIR DANG, GZUGS KYI MTSAN NYID MED PA'I PHYIR DANG ZHES ZER RO, ,BYE BRAG TU SMRA BA RNAMS NA RE YOD DO ZHES ZER RO, ,JI LTAR SHES SHE NA, RNAM GSUM DRI MED GZUGS GSUNGS DANG, ,'PHEL DANG MA BYAS LAM SOGS PHYIR, ,MDO LAS, GNAS GSUM GYI GZUGS KYIS GZUGS BSDUS PA YIN TE, BSTAN DU YOD LA THOGS PA DANG BCAS PA'I GZUGS KYANG YOD, BSTAN DU MED LA THOGS PA DANG BCAS PA'I GZUGS KYANG YOD, BSTAN DU YANG MED LA THOGS PA YANG MED PA'I GZUGS KYANG YOD DO ZHES GZUGS RNAM PA GSUM GSUNGS SO; ,ZAG PA MED PA'I CHOS RNAMS KYANG GANG ZHE NA, GZUGS 'DAS PA DANG MA 'ONGS PA DANG DA LTAR BYUNG BA GANG DANG RNAM PAR SHES PA'I BAR GANG LA RJES SU CHAGS PA'AM KHONG KHRO BA MI SKYE BA 'DI DAG NI ZAG PA MED PA'I CHOS RNAMS ZHES BYA'O ZHES GZUGS ZAG PA MED PA YANG GSUNGS TE, RNAM PAR RIG BYED MA YIN PA MA GTOGS PAR NI BSTAN DU YANG MED LA THOGS PA YANG MED PA'I GZUGS KYANG MED LA ZAG PA MED PA YANG MED DO, ,RDZAS LAS BYUNG BA'I BSOD NAMS BYA BA'I DNGOS PO BDUN PO 'DI DAG DANG LDAN PA'I DAD PA'I RIGS KYI BU'AM RIGS KYI BU MO NI RGYU YANG RUNG 'DUG KYANG RUNG NYAL YANG RUNG MI NYAL YANG RUNG STE, RTAG TU RGYUN MI KYI BU MO NI RGYU YANG RUNG 'DUG KYANG RUNG NYAL YANG RUNG MI NAMS NYE BAR SKYE BA KHO NAR 'GYUR TE, RDZAS LAS BYUNG BA MA YIN PA DANG LDAN PA YANG DE DANG 'DRA'O ZHES 'PHEL BAR YANG GSUNGS TE, RNAM PAR RIG BYED MA YIN @169B PA MA GTOGS PAR NI YID GZHAN DANG LDAN PA'I BSOD NAMS KYANG MNGON PAR 'PHEL BAR MI RUNG NGO, ,RNAM PAR RIG BYED MA YIN PA MED NA BDAG NYID KYIS MA BYAS LA, GZHAN DAG BYED DU BCUG PA'I LAS KYI LAM DAG 'GRUB PAR MI 'GYUR TE, LUNG DU BSGO BA TZAM GYIS LAS KYI LAM DU MI RUNG STE, LAS DE MA BYAS PA'I PHYIR RO, ,BYAS SU ZIN KYANG DE'I RANG GI NGO BO LA KHYAD PAR MED PA'I PHYIR RO, ,BCOM LDAN 'DAS KYIS KYANG DGE SLONG CHOS NI PHYI'I SKYE MCHED YIN TE, SKYE MCHED BCU GCIG GIS MA BSDUS PA BSTAN DU MED PA THOGS PA MED PA'O ZHES GSUNGS KYI, GZUGS CAN MA YIN PA'O ZHES NI MA GSUNGS TE, DER GAL TE CHOS KYI SKYE MCHED KYI KHONGS SU MA GTOGS PA RNAM PAR RIG BYED MA YIN PA'I GZUGS SHIG MA GZIGS NA DGOS PA CI ZHIG YOD PAR 'GYUR RO, ,RNAM PAR RIG BYED MA YIN PA'I GZUGS MED NA LAM YAN LAG BRGYAD PAR YANG MI 'GYUR TE, SNYOMS PAR 'JUG PA LA NGAG DANG, LAS KYI MTHA' DANG, 'TSO BA RNAMS MI RUNG BA'I PHYIR RO, ,'O NA 'DI SKAD DU DE LTAR SHES SHING DE LTAR MTHONG BA DE'I YANG DAG PA'I LTA BA DANG, YANG DAG PA'I RTOG PA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN BSGOM PA YONGS SU RDZOGS PAR 'GYUR RO, ,'DI'I NGAG DANG, LAS KYI MTHA' DANG, 'TSO BA RNAMS NI SNGON YONGS SU DAG CING YONGS SU BYANG BA YIN NO ZHES GANG GSUNGS SO ZHE NA, 'DI NI SNGON 'JIG RTEN PA'I LAM GYIS 'DOD CHAGS DANG BRAL BAR BYAS PA LA DGONGS TE GSUNGS PA YIN NO, ,RNAM PAR RIG BYED MA YIN PA MED NA SO SOR THAR PA'I SDOM PA YANG MED PAR 'GYUR TE, YANG DAG PAR BLANGS PA'I 'OG TU GANG GIS NA YID GZHAN DANG LDAN PA 'DI YANG DGE SLONG NGAM DGE SLONG MAR 'GYUR BA DE NI MED DO, ,MDO LAS SPONG BA NI 'CHAL BA'I TSUL KHRIMS KYI BGEGS BYED PA'I PHYIR CHU LON DU YANG GSUNGS TE, MED PA NI CHU LON YIN PAR 'OS PA YANG MA YIN PAS RNAM PAR RIG BYED MA YIN PA NI YOD PA KHO NA'O, ,'DI LA MDO SDE BA RNAMS NA RE 'DI NI MANG PO YANG YIN LA, 'DI NI SNA TSOGS PA YANG YIN MOD KYI 'DI DE LTAR YANG MA YIN NO ZHES ZER MOD, CI'I PHYIR ZHE NA, @170A *, ,RE ZHIG GANG GZUGS RNAM PA GSUM GSUNGS PA'I PHYIR RO ZHES SMRAS PA, DE LA RNAL 'BYOR SPYOD PA DAG NA RE BSAM GTAN PA RNAMS KYI TING NGE 'DZIN GYI MTHUS TING NGE 'DZIN GYI YUL GYI GZUGS SKYE STE, DE YANG DBANG PO'I YUL MA YIN PA'I PHYIR NI BSTAN DU MED PA YIN LA; YUL LA MI SGRIB PA'I PHYIR NI THOGS PA MED PA YIN NO ZHES STON PAR BYED DO, ,DA NI DE JI LTAR GZUGS YIN SNYAM DU SEMS NA DE NI RNAM PAR RIG BYED MA YIN PA LA YANG MTSUNGS SO, ,GANG YANG GZUGS ZAG PHA MED PA GSUNGS PA'I PHYIR RO ZHES SMRAS PA NI RNAL 'BYOR SPYOD PA RNAMS NA RE TING NGE 'DZIN GYI MTHU LAS SKYES BA'I GZUGS DE NYID ZAG PA MED PA'I TING NGE 'DZIN LA ZAG PA MED PA YIN NO ZHES BRJOD DO, ,GZHAN DAG NA RE DGRA BCOM PA'I GZUGS DANG, PHYI ROL GANG YIN PA STE, ZAG PA RNAMS KYI RTEN MA YIN PA'I PHYIR RO ZHES ZER RO, ,'O NA GANG MDO LAS ZAG PA DANG BCAS PA'I CHOS RNAMS GANG ZHE NA, MIG JI SNYED PA DANG, GZUGS JI SNYED PA DAG YIN NO ZHES RGYAS PAR GSUNGS SO ZHE NA, DE NI ZAG PA RNAMS KYI GNYEN PO MA YIN PA'I PHYIR ZAG PA DANG BCAS PAR GSUNGS PA YIN NO, ,'O NA NI RNAM GRANGS KYIS DE NYID ZAG PA DANG BCAS PA YANG YIN LA ZAG PA MED PA YANG YIN PAR 'GYUR RO, ,CIR 'GYUR NA, MTSAN NYID 'TSOL BAR 'GYUR RO, ,JI LTAR DE ZAG PA DANG BCAS PA YIN PA DE LTAR NAM YANG ZAG PA MED PA MA YIN PAS 'DI LA 'CHOL BA CI ZHIG YOD, GAL TE YANG GZUGS LA SOGS PA'I SKYE MCHED RNAMS GCIG TU ZAG PA DANG BCAS PA DAG YIN PAR 'GYUR NA, CI'I PHYIR MDO LAS GZUGS ZAG PA DANG BCAS PA'I NYE BAR LEN PAR 'GYUR BA GANG DAG YIN PA DE DAG NI SEMS KYI THAB DANG SPAGS PA'I GZHI YIN NO ZHES RGYA CHER KHYAD PAR DU MDZAD PAR 'GYUR, GANG YANG BSOD NAMS MNGON PAR 'PHEL BAR GSUNGS PA'I PHYIR RO ZHES SMRAS PA DE LA YANG SNGON GYI SLOB DPON DAG NA RE JI LTA JI LTAR SBYIN PA PO RNAMS KYI SBYIN PAR BYA BA DAG YONGS SU SPYAD PA DE LTA DE LTAR ZA BA PO RNAMS KYI YON TAN GYI KHYAD PAR DANG, PHAN BTAGS PA'I KHYAD PAR GYIS YID GZHAN DANG LDAN PA'I SBYIN PA PO RNAMS LA YANG GANG GIS NA TSE PHYI MA LA 'BRAS BU CHES MANG PO @170B MNGON PAR BSGRUB NUS PAR 'GYUR BA DE LA DMIGS PA'I SBYIN PA'I SEMS PAS YONGS SU BSGOS PA'I RGYU DE YONGS SU 'GYUR PA'I KHYAD PAR PHRA MO 'THOB PA 'DI NI CHOS NYID YIN TE, BSOD NAMS MNGON PAR 'PHEL BA KHO NAR 'GYUR ZHING BSOD NAMS NYE BAR SKYE BA KHO NAR 'GYUR TE ZHES BYA BA NI 'DI LAS DGONGS TE GSUNGS PA SRID DO ZHES STON PAR BYED DO, ,'ON TE DE JI LTAR NA RGYUD GZHAN GYI KHYAD PAR GYIS YID GZHAN DANG LDAN PA'I RGYUD GZHAN YONGS SU 'GYUR BAR JI LTAR 'GYUR SNYAM DU SEMS NA, NA RGYUD GZHAN GYI KHYAD PAR GYIS YID GZHAN DANG LDAN PA'I LA CHOS GZHAN RNAM PAR RIG BYED MA YIN PAR 'GYUR ZHES RNAM PAR RIG BYED MA YIN PA LA YANG MTSUNGS SO, ,DA NI RDZAS LAS BYUNG BA MA YIN PA'I BSOD NAMS BYA BA'I DNGOS PO DAG LA JI LTAR 'GYUR ZHE NA, YANG DANG YANG DU DE LA DMIGS PA'I SEMS PA LA GOMS PAS RMI LAM DAG NA YANG DE DAG RJES SU 'BREL PAR 'GYUR RO, ,RNAM PAR RIG BYED MA YIN PAR SMRA BA'I LTAR NA RDZAS LAS BYUNG BA MA YIN PA GANG LA RNAM PAR RIG BYED MED PA DE LA JI LTAR RNAM PAR RIG BYED MA YIN PAR 'GYUR ZHE NA, GZHAN DAG NA RE RDZAS LAS BYUNG BA DAG LA YANG DANG YANG DU DE LA DMIGS PA'I SEMS PA DE LA GOMS PAR 'GYUR RO ZHES ZER RO, ,'O NA MDO LAS GANG DRAG SHUL CAN DGE SLONG TSUL KHRIMS DANG LDAN PA, DGE BA'I CHOS DANG LDAN PAS GANG GI BSOD SNYOMS YONGS SU ZOS NAS SEMS KYI TING NGE 'DZIN TSAD MED PA LUS KYIS MNGON DU BYAS TE RDZOGS PAR BYAS NAS GNAS NA, DE'I GZHI LAS SBYIN PA PO'I SBYIN PA DAG GIS BSOD NAMS KYI RGYU MTHUN PA DANG, DGE BA'I RGYU MTHUN PA DANG, BDE BA'I GZHI TSAD MED PAR RE BAR BYA'O ZHES GANG GSUNGS PA DE LA DE'I TSE SBYIN PA PO'I SEMS PA'I KHYAD PAR GANG ZHIG YIN NO, ,DE LTA BAS NA RGYUD YONGS SU 'GYUR BA'I KHYAD PAR KHO NA RIGS PA DANG LDAN PA YIN NO, ,GANG YANG BYED DU BCUG PA'I LAS KYI LAM DU JI LTAR 'GYUR ZHES SMRAS PA DE LA YANG 'DI SKAD DU DE'I SBYOR BAS GZHAN DAG LA GNOD PA'I BYE BRAG GIS SBYOR BA PO LA RGYUD YONGS SU 'GYUR BA'I KHYAD PAR PHRA MO GANG LAS NA TSE PHYI MA LA 'BRAS BU CHES MANG PO MNGON PAR 'GRUB NUS PA'I RGYU DE SKYE BAR 'GYUR RO ZHES BRJOD DE, BDAG @171A *, ,NYID KYI BYED PA LA 'ANG BYA BA'I 'BRAS BU YONGS SU RDZOGS NAS TSUL NI 'DI NYID YIN PAR RIG PAR BYA'O, ,RGYUD YONGS SU 'GYUR BA'I KHYAD PAR 'DI NI LAS KYI LAM ZHES BYA STE, 'BRAS BU LA RGYU BTAGS PA'I PHYIR RO, ,LUS KYI DANG NGAG GI NI DE DAG GI BYA BA'I 'BRAS BU YIN PA'I PHYIR DPER NA RNAM PAR RIG BYED MA YIN PAR SMRA BA RNAMS KYI RNAM PAR RIG BYED MA YIN PA LTA BU'O, ,BTZUN PA NA RE 'DI GANG GI TSE ZIN PA'I PHUNG PO DAG LA BSAD PAR BYA'O, ,GSOD DO, ,BSAD DO SNYAM DU SEMS PA NA DUS GSUM PA'I SEMS PAS SROG GCOD PA'I KHA NA MA THO BAS REG PAR 'GYUR RO ZHES ZER NA, MA LA SOGS PA MA BSAD PAR BSAD DO SNYAM PA'I NGA RGYAL CAN RNAMS LA, MTSAMS MED PA'I LAS KYI LAM DU 'GYUR DU 'ONGS PAS DE TZAM GYIS LAS KYI LAM YONGS SU RDZOGS PA NI MA YIN GYI 'DI LA BSAM PA NI BDAG NYID KYIS GSOD PA LA SEMS PA DE SNYED CIG KUN DU 'BYUNG NGO ZHES BYA BA 'DI YIN PAR RIGS PA'I NGO BO YIN NO, ,DA NI RNAM PAR RIG BYED MA YIN BA NI SPOD ? BAR BYED CING DE KHO NA DANG 'DRA BAR MI MNGON PAR RGYUD YONGS SU 'GYUR BA'I BYE BRAG KHAS LEN PAR BYED PA'I RAB TU SNANG BA DE GANG ZHE NA, RAB TU SNANG BA NI CI YANG MED MOD KYI 'ON KYANG SEMS KYI RGYU LAS BYUNG BA'I LUS KYI SBYOR BAS BYA BA YONGS SU RDZOGS NA SBYOR BA PO LA DE DAG DANG THA DAD PAR GYUR PA'I CHOS GZHAN ZHIG NA SKYE'O ZHES BYA BA NI YONGS SU DGA' BA MI SKYE'O, ,GANG GIS BYAS PA'I SBYOR BA LAS BYUNG BA'I BYA BA YONGS SU RDZOGS PA DE KHO NA LA DE'I RGYU CAN GYI RGYUD YONGS SU 'GYUR BA 'BYUNG NGO ZHES BYA BA NI YONGS SU DGA' BAR 'GYUR TE, SEMS DANG SEMS LAS BYUNG BA'I RGYUD LAS TSE PHYI MA LA 'BRAS BU BYUNG BA'I YANG PHYIR RO, ,'DI LA BSHAD KYANG ZIN TO, ,JI SKAD DU BSHAD CE NA, RNAM PAR RIG BYED MED PA'I PHYIR RO ZHES BYA BA DE LTA BU LA SOGS PA'O, ,GANG YANG 'DI LTAR CHOS KYI SKYE MCHED GZUGS CAN MA YIN PAR GSUNGS SO ZHES SMRAS PA NI BSTAN DU YANG MED LA THOGS PA YANG MED PA'I GZUGS GANG YIN PA DE NYID CHOS KYI SKYE MCHED DU GTOGS PA YIN NO, ,GANG YANG 'PHAGS PA'I LAM YAN LAG BRGYAD PAR 'GYUR RO ZHES SMRAS PA NI RE ZHIG JI LTAR NA LAM LA SNYOMS PAR @171B ZHUGS PA LA YANG DAG PA'I NGAG DANG, LAS KYI MTHA' DANG, 'TSO BA DAG YOD PA KHYOD SMROS SHIG ,CI 'DI TSIG TU SMRA 'AM, 'ON TE BYA BA BYED DAM, 'ON TE CHOS GOS LA SOGS PA DAG 'CHOL BAR BYED, SMRAS PA, MA YIN NO, ,'O NA JI LTA BU ZHE NA, GANG ZHIG THOB PA'I PHYIR LANGS NA YANG LOG PA'I NGAG LA SOGS PA DAG LA NI MI 'JUG LA, YANG DAG PA'I NGAG LA SOGS PA DAG LA NI 'JUG PAR 'GYUR BA DE LTA BU'I RNAM PAR RIG BYED MA YIN PA ZAG PA MED PA 'THOB STE, DE'I PHYIR RGYU MTSAN LA RGYU MTSAN CAN BTAGS PA NAS RNAM PAR RIG BYED MA YIN PA LA DER BSHAD DO, , GAL TE DE LTA NA GO 'DI LA YANG DE BZHIN DU LAM LA SNYOMS PAR ZHUGS PAS RNAM PAR RIG BYED MA YIN PA MED BZHIN DU GANG ZHIG THOB PA'I PHYIR LANGS NA YANG LOG PA'I NGAG LA SOGS PA DAG LA NI MI 'JUG LA, YANG DAG PA'I NGAG LA SOGS PA DAG LA NI 'JUG PAR 'GYUR BA DE LTA BU'I BSAM PA DANG LUS THOB PAR 'GYUR TE, DE'I PHYIR RGYU MTSAN LA RGYU MTSAN CAN NYE BAR BTAGS PA BYAS NAS LAM GYI YAN LAG BRGYAD RNAM PAR GZHAG GO ZHES BYA BAR CI'I PHYIR MI GZUNG GZHAN DAG NA RE DE DAG MI BYED PA TZAM 'DIR YAN LAG TU GSUNGS PA YIN TE, 'DIS 'PHAGS PA'I LAM GYI MTHUS NGES PAR MI BYED PAR 'THOB PA GANG YIN PA DE YANG ZAG PA MED PA'I LAM LA BRTEN NAS 'THOB PA'I PHYIR ZAG PA MED PA YIN NO, ,THAMS CAD DU RDZAS SU YOD PA'I CHOS YONGS SU BGRANG BA YANG MA YIN TE, DPER NA 'JIG RTEN PA'I CHOS BRGYAD PO RNYED PA DANG MA RNYED PA DANG, SNYAN PA PA DANG MI SNYAN PA DANG, BSTOD PA DANG SMAD PA DANG, BDE BA DANG SDUG BSNGAL BA BZHIN TE, DE LA NI CHOS GOS LA SOGS PA DAG MA RNYED PA ZHES BYA BA RDZAS GZHAN NI YOD PA MA YIN NO ZHES ZER RO, ,SO SOR THAR PA'I SDOM PAR YANG 'GYUR TE, SEMS PA GANG GIS CHO GA SNGON ? DU BTANG BA'I KHAS BLANGS TE LAS BKAG NAS LUS DANG NGAG DAG SDOM PAR BYED DO, ,GAL TE SEMS GZHAN DANG LDAN NA MA BSDAMS PAR 'GYUR RO ZHE NA, YIN TE, DE LA GOMS PAR BYAS PA'I DUS SU DRAN PA NYE BAR GNAS PA'I PHYIR RO, ,CHU LON GYI NGO BOR YANG 'GYUR TE, NGO TSA SHES PAS MI BYA BAR DAM @172A *, ,BCAS PA YANG DAG PAR DRAN ZHING YANG DAG PAR DRAN NAS 'CHAL PA'I TSUL KHRIMS MI BYED PA'I PHYIR TE, DE LTA BU KHO NA'I DON DU DE YANG DAG PAR LEN PA YANG YIN NO, ,GAL TE RNAM PAR RIG BYED MA YIN PA KHO NA 'CHAL BA'I TSUL KHRIMS KYI BGEGS BYED PA YIN PAR GYUR NA NI BRJED NGAS PA 'GAGS KYANG TSUL KHRIMS 'DRAL BAR MI 'GYUR RO, ,RGYAS PAR NI MI DGOS SO, ,BYE BRAG TU SMRA BA RNAMS NA RE RNAM PAR RIG BYED MA YIN PA'I GZUGS RDZAS GZHAN KHO NAR YOD DO ZHES ZER RO, ,GAL TE YOD LA DE YANG 'BYUNG BA CHEN PO DAG RGYUR BYAS PA YIN NO ZHES BSHAD NA DE CI RNAM PAR RIG BYED KYI 'BYUNG BA DAG KHO NA RGYUR BYAS NAS RNAM PAR RIG BYED MA YIN PA SKYE BA'AM, 'ON TE GZHAN DAG KYANG YIN ZHE NA, SMRAS PA, MA YIN NO, ,DE NI 'BYUNG BA CHEN PO GZHAN DANG GZHAN DAG KHO NA RGYUR BYAS NAS SKYE BAR 'GYUR TE, TSOGS PA DE NYID 'BRAS BU PHRA MO CAN YANG YIN LA; 'BRAS BU RAGS PA CAN YANG YIN PAR NI MI RUNG NGO, ,YANG CI DE GANG GI TSE RNAM PAR RIG BYED MA YIN PA YOD PA DE'I TSE YOD PA'I 'BYUNG BA CHEN PO DAG KHO NA RGYUR BYAS NAS 'BYUNG NGAM ZHE NA, RGYUR BYAS PA'I GZUGS PHAL CHER THAMS CAD NI DE LTA BU YIN NO, ,DA LTAR DANG MA 'ONGS PA CUNG ZAD CIG NI 'DAS PA'I 'BYUNG BA CHEN PO DAG RGYUR BYAS NAS 'BYUNG NGO, ,DE YANG GANG ZHE NA, 'DOD GTOGS RNAM RIG MIN SKAD CIG ,PHYI CHAD 'DAS PA'I 'BYUNG LAS SKYE, ,'DOD PA NA SPYOD PA'I RNAM PAR RIG BYED MA YIN PA NI SKAD CIG MA DANG PO PHYIN CAD 'DAS PA'I 'BYUNG BA CHEN PO DAG RGYUR BYAS NAS SKYE'O, ,DE DAG NI 'DI'I GZHI'I DON DU 'GYUR LA LUS KYI 'BYUNG BA CHEN PO DE LTAR 'BYUNG BA RNAMS NI RTIN GYI DON DU 'GYUR TE, 'JUG PA DANG RJES SU 'JUG PA'I RGYU YIN PA'I PHYIR GO RIMS BZHIN TE, 'KHOR LO SA LA 'DRIL BA LA LAG PAS 'PHUL BA DANG SA'I PHYOGS BZHIN NO, , YANG GANG NA YOD PA'I LUS DANG NGAG GI LAS GANG NA YOD PA'I 'BYUNG BA CHEN PO DAG RGYUR BYAS PA YIN ZHE NA, ZAG BCAS LUS DANG NGAG GI LAS, ,RANG GI 'BYUNG BA DAG RGYUR BYAS, ,'DOD PA NA SPYOD PA'I LUS DANG NGAG GI LAS NI 'DOD PA NA SPYOD PA'I 'BYUNG BA DAG KHO NA RGYUR BYAS PA YIN LA, DE BZHIN @172B DU BSAM GTAN BZHI BA'I SA PA'I BAR DU YANG DE'I SA PA'I 'BYUNG BA DAG KHO NA RGYUR BYAS PA YIN NO, ,ZAG MED GANG DU SKYES PA YIN, ,ZAG PA MED PA'I LUS DANG NGAG GI LAS DE NI SA GANG DU SKYES TE SKYED PAR BYED PA DE'I SA PA'I 'BYUNG BA CHEN PO DAG RGYUR BYAS PA YIN TE, KHAMS GSUM MA GTOGS PA'I PHYIR DANG, ZAG PA MED PA RNAMS LAS 'BYUNG BA DAG MED PA'I PHYIR DANG, DE'I STOBS LAS SKYE BA'I PHYIR RO, ,RNAM PAR RIG BYED DANG, RNAM PAR RIG BYED MA YIN PA'I LAS DE LAS KYANG, RNAM RIG BYED MIN MA ZIN DANG, ,RGYU MTHUN LAS BYUNG SEMS CAN STON, ,GZHAN YANG, RGYU MTHUN ZIN PA'I 'BYUNG LAS SKYE, ,RNAM PAR RIG BYED MA YIN PA NI RGYU MTHUN PA DANG ZIN PA'I 'BYUNG BA DAG KHO NA RGYUR BYAS NAS SKYE STE, 'DI NI MNYAM PAR GZHAG PA MA YIN PA'I SA PA'I RNAM PA YIN NO, ,TING 'DZIN SKYES 'BYUNG MA ZIN DANG, ,RGYAS BYUNG THA DAD MIN LAS SKYE, ,TING NGE 'DZIN LAS SKYES PA NI BSAM GTAN DANG ZAG PA MED PA'I SDOM PA'I RNAM PAR RIG BYED MA YIN PA YIN TE DE NI TING NGE 'DZIN LAS SKYES PA RGYAS PA LAS BYUNG BA DANG MA ZIN PA'I 'BYUNG BA CHEN PO DAG RGYUR BYAS NAS SKYE'O, ,THA MI DAD PA DAG KYANG 'BYUNG BA YIN TE, 'BYUNG BA CHEN PO GANG DAG KHO NA RGYUR BYAS NAS SROG GCOD PA SPONG BA SKYE BA DE DAG KHO NA LAS TSIG KYAL PA ? SPONG BA'I BAR DU SKYE'O, ,CI'I PHYIR ZHE NA, SEMS BZHIN DU 'BYUNG BA THA MI DAD PA'I PHYIR RO, ,SO SOR THAR PA'I SDOM PA NI 'BYUNG BA GZHAN DANG GZHAN DAG RGYUR BYAS NAS RNAM PAR RIG BYED MA YIN PA BDUN SKYE'O, ,RNAM PAR RIG BYED NI RGYU MTHUN PA LAS BYUNG BA STE, LUS KYIS NI ZIN PA YIN NO, YANG CI RNAM PAR RIG BYED 'DI SKYE BA NA DBYIBS SNGA MA'I RGYUD BSHIG NAS SKYE'AM, 'ON TE MA YIN, DE LAS CIR 'GYUR, GAL TE BSHIG NAS SKYE NA NI, ,RNAM PAR SMIN PA'I GZUGS CHAD PA YANG RGYUN CHAGS PA'I PHYIR 'DI BYE BRAG TU SMRA BA MA YIN PAR 'GYUR RO, ,'ON TE MA BSHIG ? PAR SKYE NA NI JI LTAR 'BYUNG BA'I TSOGS GCIG LA DBYIBS GNYIS 'GRUB PAR 'GYUR, DE'I TSE GANG DAG RGYUR BYAS NAS RNAM PAR RIG BYED SKYE BAR 'GYUR BA RGYU MTHUN PA LAS BYUNG BA'I 'BYUNG BA CHEN PO GZHAN DANG, GZHAN DE @173A *, ,DAG SKYE BAR 'GYUR RO, ,DE DAG DE LTA NA NI 'O NA DE'I 'BYUNG BA CHEN PO DE DAG GIS MNGON PAR KHYAB PA'I PHYIR YAN LAG DANG GANG DANG GANG LA BRTEN NAS RNAM PAR RIG BYED SKYE BAR 'GYUR BA'I YAN LAG DE DANG DE CHEN POR 'GYUR RO, ,MNGON PAR MA KHYAB NA NI JI LTAR NA YAN LAG ZAD PAR GYIS RNAM PAR RIG PAR BYED PAR 'GYUR, LUS LA GSEB YOD PA'I PHYIR DE DAG GI GO SKANGS YOD DO, ,YANG LAS DE RNAM GRANGS KYIS RNAM PA GNYIS DANG RNAM PA GSUM DANG, RNAM PA LNGAR DGAD ? PA DE LA RNAM PAR RIG BYED MA YIN PA NI DGE BA DANG, MI DGE BA RNAM PA GNYIS SO, , RNAM RIG MIN LUNG BSTAN MIN MED, ,CI'I PHYIR ZHE NA, LUNG DU MA BSTAN PA'I SEMS NI STOBS CHUNG BA YIN TE, DE'I PHYIR GANG 'GAGS KYANG DE'I RJES SU 'BREL PAR 'GYUR BA'I LAS STOBS DANG LDAN PA 'PHEN PAR MI NUS SO, ,GZHAN NI RNAM GSUM, LAS GZHAN NI DGE BA DANG, MI DGE BA DANG, LUNG DU MA BSTAN PA DANG, RNAM PA GSUM YIN NO, ,GZHAN DE YANG GANG ZHE NA, RNAM PAR RIG BYED DANG, SEMS PA'O, ,MI DGE NI, 'DOD NA'O, ,MI DGE BA'I LAS NI 'DOD PA'I KHAMS NA YOD PAR RIG PAR BYA'O, ,GZHAN DAG NA NI MED DE, MI DAG PA'I RTZA BA RNAMS DANG, NGO TSA MED PA DANG, KHREL MED PA DAG SPANGS PA'I PHYIR RO, ,DGE BA DANG LUNG DU MA BSTAN PA NI MA BKAG PA'I PHYIR THAMS CAD NA YOD DO, ,DE LA GZUGS NA'ANG RNAM RIG MIN, ,YANG GI SGRAS NI 'DOD PA NA YANG YOD DO, ,GZUGS MED PA DAG NA NI 'BYUNG BA MED PA'I PHYIR MED DO, ,GANG NA LUS DANG NGAG DANG 'JUG PA DE NA LUS DANG NGAG GI SDOM PA YOD DO, ,'O NA 'DIR SNYOMS PAR 'JUG PA LA YOD PAR 'GYUR TE, ZAG PA MED PA'I RNAM PAR RIG BYED MA YIN PA BZHIN NO ZHE NA, MA YIN TE, DE NI KHAMS SU MA GTOGS PA'I PHYIR RO, ,GZUGS MED PA NA SPYOD PA'I RNAM PAR RIG BYED MA YIN PA NI SKAL PA MI MNYAM PA'I 'BYUNG BA RGYUR BYAS NAS SKYE BA NI 'OS PA MA YIN NO, ,GZUGS THAMS CAD LA RGYAB KYIS PHYOGS PA'I PHYIR YANG GZUGS MED PA'I SNYOMS PAR 'JUG PA'I GZUGS SKYED PAR MI NUS TE, GZUGS KYI 'DU SHES DANG BRAL BA'I PHYIR RO, ,BYE BRAG @173B TU SMRA BA RNAMS NA RE TSUL KHRIMS NI 'CHAL PA'I TSUL KHRIMS KYI GNYEN PO YIN LA, 'CHAL PA'I TSUL KHRIMS DE YANG 'DOD PA NA SPYOD PA YIN NA GZUGS MED PA RNAMS NI 'DOD PA'I KHAMS NAS RTEN DANG RNAM PA DANG DMIGS PA DANG GNYEN PO RING BA DAG GIS RING STE, DE'I PHYIR 'DI DAG RNAM PAR RIG BYED MA YIN PA MED DO ZHES ZER RO, ,RNAM RIG DPYOD DANG BCAS DAG NA, ,RNAM PAR RIG BYED NI SA GNYIS PO 'DOD PA'I KHAMS DANG, BSAM GTAN DANG PO KHO NA NA YOD KYI DE YAN CHAD NA NI MED DO, ,'DOD PA NA YANG BSGRIBS PA MED NA, BSGRIBS PA MED PA'I RNAM PAR RIG BYED NI 'DOD PA'I KHAMS NA YANG MED KYI TSANGS PA'I 'JIG RTEN KHO NA NA ? YOD DO, ,TSANGS PA CHEN PO LA YANG GA-YOS KUN NAS SLONG BA'I NGAG GI LAS YOD DE, DES RANG GI 'KHOR GYI NANG DU TSE DANG LDAN PA RTA THUL LA GTAM RLUNG BSKUR BA'I PHYIR BDAG NYID RNAM PAR BSNGAGS SO ZHES GRAG GO ,DE YAN CHAD NI NGAG GI RNAM PAR RIG BYED MED NA SGRA'I SKYE MCHED JI LTAR YOD CEN, PHYI'I 'BYUNG BA CHEN PO'I RGYUR BYAS PA YOD DO, ,GZHAN DAG NA RE BSAM GTAN GNYIS PA LA SOGS PA DAG NA YANG MA BSGRIBS LA LUNG DU MA BSTAN PA'I RNAM PAR RIG BYED NI YOD KYI DGE BA YANG MED LA, NYON MONGS PA CAN YANG MED DO, ,CI'I PHYIR ZHE NA, DE DAG TU SKYES BA NI SA 'OG MA PA'I SEMS GANG GIS NA RNAM PAR RIG BYED KUN NAS SLONG BAR 'GYUR BA DE LTA BU NI MNGON SUM DU MI BYED DE, DMAN PA DANG SPANGS ZIN PA'I PHYIR RO ZHES ZER TE SNGA MA KHO NA BRJOD DO, ,CI'I PHYIR TSANGS PA'I 'JIG RTEN YAN CHAD NA RNAM PAR RIG BYED MED LA, 'DOD PA'I KHAMS NA YANG BSGRIBS LA LUNG DU MA BSTAN PA MED CE NA, GANG PHYIR KUN SLONG MED, RTOG PA DANG DPYOD PA DANG BCAS PA'I SEMS KYIS RNAM PAR RIG BYED KUN NAS SLONG BAR BYED NA, DE YANG BSAM GTAN GNYIS PA LA SOGS PA DAG NA MED DO, ,BSGOM PAS SPANG BAR BYA BAS SLONG BAR BYED KYI DE KHA NANG DU BLTAS PA'I PHYIR MTHONG BAS SPANG BAR BYA BA NI MA YIN NO, ,BSGRIBS LA LUNG DU MA BSTAN PA'I SEMS DE YANG 'DOD PA'I KHAMS NA MED DO, YANG NI KUN NAS SLONG BA'I DBANG PO KHO NA LAS CHOS RNAMS KYI DGE BA DANG MI DGE BA NYID DU RIG PAR BYA 'AM ZHE NA, @174A *, ,SMAS PA, MA YIN NO, ,'O NA JI LTA BU ZHE NA, RNAM PA BZHIS TE, DON DAM PHA DANG, NGO BO NYID DANG, MTSUNGS PAR LDAN PA DANG, KUN NAS SLONG BAS SO, ,DE LA RE ZHIG ,THAR PA DAM PA'I DON DU DGE ,MYA NGAN LAS 'DAS PA NI SDUG BSNGAL THAMS CAD NYE BAR ZHI BA YIN TE, ? DE BAS NA MCHOG TU BDE BA'I PHYIR DON DAM PAR DGE BA STE NAD MED PA BZHIN NO, ,RTZA BA NGO TSA KHREL YOD BDAG NYID KYIS, ,DGE BA'I RTZA BA GSUM DANG PO TSA SHES PA DANG KHREL YOD PA NA GZHAN MTSUNGS PAR LDAN PA DANG, KUN NAS SLONG BA LA MI LTOS PA'I PHYIR NGO BO NYID KYIS DGE BA YIN TE 'PHROD PA'I SMAN BZHIN NO, ,DE DAG DANG LDAN MTSUNGS LDAN GYIS, ,DGE BA'I RTZA BA DANG NGO TSA SHES PA DANG KHREL YOD PA DE DAG NYID DANG MTSUNGS PAR LDAN PA'I CHOS RNAMS NI MTSUNGS PAR LDAN PAS DGE BA DAG YIN TE, DE DAG DANG MTSUNGS PAR MI LDAN PA RNAMS LA DGE BA NYID MED PA'I PHYIR SMAN DANG SBYAR BA'I GTUNG BA BZHIN NO, ,BYA BA LA SOGS KUN SLONG BAS, ,DGE BA'I RTZA BA LA SOGS PA DANG MTSUNGS PAR LDAN PA'I CHOS DE DAG KHO NAS KUN NAS SLONG BA'I LUS DANG NGAG GI LAS DANG, SKYE BA LA SOGS PA DANG, THOB PA DANG, 'GOG PA DANG, 'DU SHES MED PA'I SNYOMS PAR 'JUG PA RNAMS NI KUN NAS SLONG BAS DGE BA YIN TE SMAN DANG SBYAR BA'I BTUNG BA LAS 'BYUNG BA'I 'O MA BZHIN NO, ,BSKAL PA MI MNYAM PA'I SEMS KYI KUN NAS SLONG BA'I THOB PA RNAMS JI LTAR DGE BA NYID YIN PA NI BRJOD DGOS SO, ,DGE BA JI SKAD DU BSHAD PA DE LAS, BZLOG PA NI MI DGE ,JI LTAR BYAS PAS SHE NA, 'KHOR BA'I SDUG BSNGAL THAMS CAD 'JUG PA'I BDAG NYID KYIS MCHOG TU MI BDE BA'I PHYIR DON DAM PAR MI DGE BA YIN NO, ,MI DGE BA'I RTZA BA DANG NGO TSA MED PA DANG KHREL MED PA RNAMS NI NGO BO NYID KYIS SO, ,DE DAG DANG MTSUNGS PAR LDAN PA'I CHOS RNAMS NI MTSUNGS PAR LDAN PAS SO, ,DE DAG GIS KUN NAS SLONG BA'I LUS DANG NGAG GI LAS DANG, SKYE BA LA SOGS PA DANG, THOB PA RNAMS NI KUN NAS SLONG BA LAS TE NANG DANG MI 'PHROD PA'I SMAN LA SOGS PAS DPER BYA'O, ,DE LTA NA 'O NA NI 'KHOR PA'I ? KHONGS SU GTOGS PA'I PHYIR ZAG PA DANG BCAS PA CUNG ? ZAD KYANG LUNG DU MA BSTAN PA'AM, DGE BAR MI 'GYUR RO ZHE NA, @174B DON DAM PAR DE SKAD DU BSHAD KYI ZAG PA DANG BCAS PA GANG ZHIG RNAM PAR SMIN PA'I PHYIR LUNG DU MA BSTAN PA ZHES BYA LA, RNAM PAR SMIN PA YID DU 'ONG BA CAN NI DGE BA ZHES BYA'O, ,GAL TE DON DAM PAR LUNG DU MA BSTAN PA BTZAL NA NI DE LA, DON DAM PAR LUNG MA BSTAN PA DAG ,'DUS MA BYAS, GNYIS PO NAM MKHA' DANG SO SOR MA BRTAGS PAS 'GOG PA NI RNAM GRANGS MED PAR LUNG DU MA BSTAN PA DAG YIN NO, ,DA NI 'DI DPYAD PAR BYA STE, GAL TE KUN NAS SLONG BA'I DBANG GIS LUS DANG NGAG GI LAS DAG DGE BA DANG MI DGE BA NYID YIN NA, CI STE 'BYUNG BA CHEN PO RNAMS MA YIN ZHE NA, BYED PA PO NI LAS LA SEMS PA YIN GYI 'BYUNG BA RNAMS LA NI MA YIN NO, ,MNYAM PAR BZHAG PA'I RNAM PAR RIG BYED MA YIN PA LA NI BSAM PA MED DO, ,MNYAM PAR MA BZHAG PA'I SEMS NI SKAL BA MI MNYAM PA'I PHYIR DE KUN NAS SLONG BAR BYED PA MA YIN NA JI LTAR DE DGE BA NYID YIN NO, ,YANG NA LHA'I MIG DANG RNA BA DAG KYANG DGE BA NYID DU THAL BAR 'GYUR BAS 'DI LA 'BAD PAR BYA'O, MTHONG NAS SPANG BAR BYA BA'I SEMS NI RNAM PAR RIG BYED KUN NAS SLONG BAR BYED PA MA YIN NO ZHES GANG BSHAD PA, 'O NA CI'I PHYIR BCOM LDAN 'DAS KYIS LOG PAR LTA BA DE LAS NI LOG PAR RTOG PA DANG LOG PA'I NGAG DANG LOG PA'I LAS KYI MTHA' 'BYUNG BAR 'GYUR RO ZHES BYA BA DE LTA BU LA SOGS PA GSUNGS SHE NA, 'DI NI 'GAL BA MED DE, 'DI LTAR, KUN SLONG RNAM GNYIS RGYU DANG NI, ,DE YI DUS KYIS SLONG ZHES BYA, ,KUN NAS SLONG BA NI RNAM PA GNYIS TE, RGYU'I KUN NAS SLONG BA DANG, DE'I DUS KYIS KUN NAS SLONG BA STE, DE'I DUS KHO NA NA DE YOD PA'I PHYIR RO, ,GNYIS LAS DANG PO RAB 'JUG BYED, ,GNYIS PA RJES SU 'JUG BYED YIN, ,RGYU'I KUN NAS SLONG BA NI 'PHEN PAR BYED PA YIN PA'I PHYIR RAB TU 'JUG PAR BYED PA YIN NO, ,DE'I DUS KYIS KUN NAS SLONG BA NI BYA BA'I DUS SU, MTHUN PAR 'JUG PA'I PHYIR RJES SU 'JUG PAR BYED PA YIN NO, ,DA NI BYA BA DE LA DE'I NUS PA CI ZHIG YOD, 'PHANGS SU ZIN KYANG DE MED NA SHI BA BZHIN DU DE YOD PAR MI 'GYUR RO, ,'O NA SEMS MED PA'I SDOM PA SKYE BA LA JI LTAR YOD, ,'O NA NI SEMS DANG BCAS PA LA CHES GSAL BA @175A *, ,YIN PAS NUS PA NI DE YIN NO, ,DE LA YANG, MTHONG BAS SPANG BYA'I RNAM SHES NI, ,RAB TU 'JUG BYED YIN, MTHONG BAS SPANG BAR BYA BA'I SEMS NI DE KUN NAS SLONG BAR BYED PA RTOG PA DANG DPYOD PA DAG GI GZHIR GYUR PA'I PHYIR RNAM PAR RIG BYED RAB TU 'JUG PAR BYED PA YIN GYI, SEMS KHA PHYIR BLTAS PA'I BYA BA'I DUS NA DE MED PA'I PHYIR RJES SU 'JUG PAR BYED PA NI MA YIN NO, ,DES KUN NAS SLONG BA'I GZUGS KYANG MTHONG BAS SPANG BAR BYA BA YIN PAR 'GYUR RO, ,CIR 'GYUR, CHOS MNGON PA LA GNOD PAR 'GYUR RO, ,GZUGS NI RIG PA DANG MA RIG PA DAG DANG MI 'GAL BA'I PHYIR MTHONG BAS SPANG BAR BYA BA MA YIN NO, ,PHYOGS 'DI NI BSGRUB PAR BYA BA YIN NO, ,'O NA NI SEMS DANG MTSUNGS PAS BSLANG BA'I PHYIR 'BYUNG PA ? RNAMS KYANG MTHONG BAS SPANG BAR BYA BAR 'GYUR RO, ,DE LTAR NI MI 'GYUR TE, JI LTAR DGE BA DANG MI DGE BA DAG TU MI 'GYUR BA BZHIN NO, , YANG NA 'GYUR DU ZAD MOD, DE SKAD BRJOD PA NI MI NUS TE, NYON MONGS PA CAN MA YIN PA'I CHOS NI RIG PA DANG MA RIG PA DAG DANG MI 'GAL BA'I PHYIR MTHONG BAS SPANG BAR BYA BA YANG MA YIN LA SPANG BAR BYA BA MA YIN PA YANG MA YIN NO, ,DE LTA BAS NA MDO LAS RGYU'I KUN NAS SLONG BA'I DBANG DU MDZAD NAS GSUNGS PA'I PHYIR MI 'GAL LO, ,YID NI, BSGOM PAS SPANG BYA GNYI GA YIN, ,YID KYI RNAM PAR SHES PA BSGOM PAS ? SPANG BAR BYA BA NI GNYI GA YIN TE, RAB TU 'JUG PAR BYED PA YANG YIN LA RJES SU 'JUG PAR BYED PA YANG YIN NO, ,LNGA NI RJES SU 'JUG BYED YIN, ,RNAM PAR SHES PA'I TSOGS LNGA NI RJES SU 'JUG PAR BYED PA KHO NA YIN NO, ,DE LTA BAS NA 'DI NI MU BZHIR 'GYUR TE, MTHONG BAS SPANG BAR BYA BA'I SEMS NI RAB TU 'JUG PAR BYED PA KHO NA YIN NO, ,RNAM PAR SHES PA'I TSOGS LNGA NI RJES SU 'JUG PAR BYED PA KHO NA YIN NO, ,YID KYI RNAM PAR SHES PA BSGOM PAS SPANG BAR BYA BA NI GNYI GA YIN NO, ,ZAG PA MED PA NI GNYIG MA YIN NO, ,YANG CI RAB TU 'JUG PAR BYED PA JI LTA BAR RJES SU 'JUG PAR BYED PA YANG DE DANG 'DRA 'AM ZHE NA, 'DI NI NGES PA MED DE, RAB TU 'JUG BYED DGE SOGS LAS, ,RJES 'JUG BYED KYANG RNAM GSUM @175B 'GYUR; ,RAB TU 'JUG PAR BYED PA DGE BA LAS KYANG RJES SU 'JUG PAR BYED PA DGE BA DANG MI DGE BA DANG LUNG DU MA BSTAN PAR 'GYUR LA, MI DGE BA DANG LUNG DU MA BSTAN PA LA YANG DE DANG 'DRA'O, ,THUB PA'I 'DRA BA'AM, SANGS RGYAS BCOM LDAN 'DAS KYIS NI RAB TU 'JUG PAR BYED PA DANG RJES SU 'JUG PAR BYED PA 'DRA STE, DGE BA LAS KYANG DGE BA YIN LA LUNG DU MA BSTAN PA LAS KYANG LUNG DU MA BSTAN PA YIN NO, ,DE DGE BA, YANG NA RAB TU 'JUG PAR BYED PA LUNG DU MA BSTAN PA LAS KYANG RJES SU 'JUG PAR BYED PA DGE BAR 'GYUR GYI, RAB TU 'JUG PAR BYED PA DGE BA LAS RJES SU 'JUG PAR BYED PA LUNG DU MA BSTAN PAR NI RNAM YANG MI 'GYUR TE, SANGS RGYAS RNAMS KYI STOBS NI DMAN PAR 'GYUR BA MA YIN NO, ,SDE PA GZHAN DAG NA RE SANGS RGYAS RNAMS LA LUNG DU MA BSTAN PA'I SEMS MED DE, SANGS RGYAS RNAMS KYI RGYUD NI RTAG TU MNYAM PAR GZHAG PA'I PHYIR DGE BAR RGYUD GCIG PA NI YIN NO, ,MDO LAS KYANG, GLANG CHEN GSHEGS NA'ANG MNYAM PAR GZHAG , ,GLANG CHEN BZHENGS NA'ANG MNYAM PAR GZHAG ,GLANG CHEN MNAL NA'ANG MNYAM PAR GZHAG , ,BZHUGS NA'ANG MNYAM PAR GZHAG PA YIN, ,ZHES GSUNGS SO ZHES ZER RO, ,BYE BRAG TU SMRA BA RNAMS NA RE 'DI'I THUGS MI BZHED BZHIN DU MI 'GRO BA'I PHYIR DE SKAD GSUNGS KYI SANGS RGYAS RNAMS LA LUNG DU MA BSTAN PA RNAM PAR SMIN PA LAS SKYES PA ? DANG, SPYOD LAM PA DANG, SPRUL PA'I SEMS KYIS MI MNGA' BA NI MA YIN NO ZHES ZER RO, ,BSGOM BAS SPANG BAR BYA BA'I YID NI RAB TU 'JUG PAR BYED PA YANG YIN LA RJES SU 'JUG PAR BYED BA YANG YIN NO ZHES BSHAD PA DE THAMS CAD NI DGE BA DANG MI DGE BA DANG LUNG DU MA BSTAN PA YIN PAR RIG PAR BYA'O, ,RNAM SMIN LAS SKYES GNYI GA MIN, ,RNAM PAR SMIN PA LAS SKYES PA'I SEMS NI MNGON PAR 'DU BYA BA MED PAR 'JUG BA NYID KYI PHYIR RAB TU 'JUG PAR BYED PA YANG MA YIN LA RJES SU 'JUG PAR BYED PA YANG MA YIN NO, ,DA NI CI RAB TU 'JUG PAR BYED PA JI LTA BAR RNAM PAR RIG BYED KYANG DE DANG 'DRA 'AM, 'ON TE RJES SU 'JUG PAR BYED PA JI LTA BA BZHIN DU YIN, DE LAS CIR 'GYUR, GAL TE RAB TU 'JUG PAR BYED PA JI @176A *, ,LTA BA BZHIN YIN NO ZHE NA ? NI 'JIG TSOGS DANG, MTHAR 'DZIN PAR LTA BAS RAB TU 'JUG PA'I PHYIR 'DI NI YANG BSGRIBS LA LUNG DU MA BSTAN PA'I RNAM PAR RIG BYED YOD PAR 'GYUR RO, ,YANG NA MTHONG BAS SPANG BAR BYA BA THAMS CAD NI RAB TU 'JUG PAR BYED PA MA YIN NO ZHES KHYAD PAR DU BRJOD DGOS SO, ,GAL TE RJES SU 'JUG PAR BYED PA JI LTA BA BZHIN NO ZHE NA ? NI SEMS MI DGE BA LUNG DU MA BSTAN PA CAN GYI SO SOR THAR BA'I RNAM PAR RIG BYED DGE BAR MI 'GYUR RO, ,RAB TU 'JUG PAR BYED PA JI LTA BAR RNAM PAR RIG BYED KYANG DE DANG 'DRA MOD KYI BSGOM PAS SPANG BAR BYA BAS BAR DU GCOD PA'I PHYIR MTHONG BAS SPANG BAR BYA BA JI LTA BA BZHIN NI MA YIN NO, ,GAL TE RJES SU 'JUG PAR BYED PA'I DBANG GIS DGE BA LA SOGS PA NYID MA YIN NA, 'O NA NI MDO LAS RGYU'I KUN NAS SLONG BA LAS DGONGS TE GSUNGS KYI DE'I DUS KYI KUN NAS SLONG BA LAS NI MA YIN PAS DE'I PHYIR 'DI NI BSGRIBS LA LUNG DU MA BSTAN PA'I RNAM PAR RIG BYED MED DO ZHES BYA BA 'DI BRJOD PAR MI BYA'I 'DI SKAD DU GZHAN GYIS CHOD PA'I RGYU'I KUN NAS SLONG BA LAS DGONGS NAS GSUNGS SO ZHES BRJOD PAR BYA'O, ,ZHAR LA 'ONGS PA RDZOGS SO,, ,,SNGAR BSHAD PA'I, RNAM RIG MIN, DE NI RNAM GSUM ZHES BYA, SDOM DANG SDOM PA MIN DANG GZHAN, ,SDOM PA DANG SDOM PA MA YIN PA DANG DE DAG LAS GZHAN PA SDOM PA YANG MA YIN, SDOM PA MA YIN PA YANG MA YIN PA STE, 'CHAL PA'I TSUL KHRIMS KYI RGYU SDOM ZHING 'GOGS PAS NA SDOM PA'O, ,DE LA, SDOM PA SO SOR THAR ZHES BYA, , DE BZHIN ZAG MED BSAM GTAN SKYES, ,SDOM PA RNAM PA GSUM STE, SO SOR THAR PA'I SDOM PA NI 'DI PA RNAMS KYI 'DOD PA NA SPYOD PA'I TSUL KHRIMS SO, ,BSAM GTAN GYI SDOM PA NI GZUGS NA SPYOD PA RNAMS KYI TSUL KHRIMS YIN NO, ,ZAG PA MED PA'I SDOM PA NI ZAG PA MED PA'I TSUL KHRIMS YIN NO, ,DE LA, SO SOR THAR ZHES BYA RNAM BRGYAD, ,DGE SLONG GI SDOM PA DANG, DGE SLONG MA'I SDOM PA DANG, DGE TSUL GYI SDOM PA DANG, DGE TSUL MA'I SDOM PA DANG, DGE BSNYEN GYI SDOM PA DANG, DGE BSNYEN MA'I SDOM PA DANG, BSNYEN GNAS PA'I SDOM PA STE, SDOM PA RNAM PA DE BRGYAD NI SO @176B SOR THAR PA'I SDOM PA ZHES BYA STE, MING DU NI RNAM BA DE BRGYAD YIN NO, ,RDZAS SU RNAM PA BZHI YIN NO, ,DGE SLONG GI SDOM PA DANG, DGE TSUL GYI SDOM PA DANG, DGE BSNYEN GYI SDOM PA DANG, BSNYEN GNAS KYI SDOM PA'O, ,DE LTAR NAS SOR THAR PA'I SDOM PA NI MTSAN NYID SO SOR NGES PA'I PHYIR RDZAS NYID DU RNAM PA DE BZHIN YIN TE, DGE SLONG GI SDOM PA LAS NI DGE SLONG MA'I SDOM PA GZHAN MA YIN NO, ,DGE TSUL GYI SDOM PA LAS KYANG DGE SLONG MA DANG, DGE TSUL MA'I SDOM PA GZHAN MA YIN NO, ,DGE BSNYEN GYI SDOM PA LAS KYANG DGE BSNYEN MA'I SDOM PA GZHAN MA YIN NO, ,JI LTAR SHES SHE NA; MTSAN LAS MING NI 'PHO BA'I PHYIR, ,MTSAN ZHES BYA BA NI RTAGS ZHES BYA BA STE, GANG GIS SKYES PA DANG BUD MED DAG TU MTSON PAR BYED PA'O, ,MTSAN LAS NI DGE SLONG DANG DGE SLONG MA LA SOGS PA'I MING 'PHO PAR 'GYUR TE, JI LTAR BYAS PAS SHE NA, MTSAN GYUR NA DGE SLONG NI DGE SLONG MA ZHES BYA, DGE SLONG MA YANG DGE SLONG ZHES BYA'O, ,DGE TSUL NI DGE TSUL MA ZHES BYA LA DGE TSUL MA DANG DGE SLONG MA YANG DGE TSUL ZHES BYA'O, ,DGE BSNYEN NI DGE BSNYEN MA ZHES BYA LA DGE BSNYEN MA YANG DGE BSNYEN ZHES BYA STE, MTSAN GYUR PA LAS SNGON GYI SDOM PA GTONG BA'I RGYU YANG YOD PA MA YIN LA SNGON MED PA'I SDOM PA 'THOB PA'I RGYU YANG YOD PA MA YIN NO, ,DE LTA BAS NA SDOM PA BZHI PO DE DAG NI GSUM PO LAS RANG BZHIN THA MI DAD DO, ,GANG GI DGE BSNYEN GYI SDOM PA LAS DGE TSUL GYI SDOM PA YANG DAG PAR BLANGS LA, DE LAS YANG DGE SLONG GI SDOM PA YANG DAG PAR BLANGS NA, CI SPONG BA'I 'PHEL BA DANG LDAN PA'I PHYIR SDOM PA DE DAG LNGA DANG BCU DANG NYI SHU ZHES BYA BA LTA BU DANG, DONG TZE GCIG DANG GNYIS ZHES BYA BA BZHIN DU GZHAN DANG GZHAN ZHES BYA BA'AM, 'ON TE DE DAG THAMS CAD THA DAD PA NYID GCIG TU SKYE ZHE NA, SMRAS PA, THA DAD, DE DAG NI MA 'DRES PA NYID DE, SDOM PA GSUM DAG LA SROG GCOD PA SPONG BA GSUM NAS MYOS PAR 'GYUR BA'I BTUNG BA SPONG BA GSUM GYI BAR DU MTSAN NYID THA DAD PAR SKYE STE, LHAG MA RNAMS KYANG DE DANG 'DRA'O, ,DE DAG LA KHYAD PAR CI ZHIG YOD CE NA, GZHI'I KHYAD PAR LAS KHYAD PAR YOD DO, ,JI @177A *, ,LTAR BYAS PAS SHE NA, JI LTA JI LTAR BSLAB PA'I GZHI CHOS MANG PO DAG YANG DAG PAR LEN PAR 'DOD PA DE LTA DE LTAR RGYAGS PA DANG BAG MED PA'I GNAS CHES MANG PO DAG LAS LDOG PA NA SROG GCOD PA LA SOGS PA'I GZHI CHOS ? MANG PO DAG LAS LDOG PAR 'GYUR ZHING SPONG BA'I GZHI RNAMS LA YANG 'JUG PAR 'GYUR BAS GZHI'I KHYAD PAR LAS SPONG BA RNAMS KHYAD PAR YOD DO, ,DE LTA MA YIN NA GNYI GA YANG DER 'DUS PA'I PHYIR DGE SLONG GI SDOM PA BTANG BAS SDOM PA GSUM CHAR YANG BTANG BAR 'GYUR BA ZHIG NA DE NI MI 'DOD DO, ,DE LTA BAS NA SDOM PA DE DAG NI THA DAD PA KHO NA'O, ,DE DAG 'GAL BA MED, DE GSUM CHAR YANG LHAN CIG PAR 'GYUR GYI, SDOM PA PHYI MA YANG DAG PAR BLANGS PAS SNGA MA GTONG BA NI MA YIN TE, DE LTA MA YIN NA DGE SLONG GI SDOM PA YONGS SU BTANG BAS DGE BSNYEN YANG MA YIN PA KHO NAR 'GYUR DU 'ONG NGO, ,'DI JI LTAR NA DGE BSNYEN YIN, JI LTAR NA BSNYEN GNAS PA NAS DGE SLONG GI BAR DU YIN ZHE NA, SPANG BYA LNGA BRGYAD BCU DANG NI, ,THAMS CAD SPONG BA MNOS PA LAS, ,DGE BSNYEN DANG NI BSNYEN GNAS DANG, ,DGE TSUL CHED DANG DGE SLONG NYID, ,GRANGS BZHIN DU BSTAN PAR RIG PAR BYA STE, SPANG BAR BYA BA LNGA PO SROG GCOD PA DANG, MA BYIN PAR LEN PA DANG, 'DOD PAS LOG PAR GA-YEM PA DANG, BRDZUN DU SMRA BA DANG, 'BRU'I CHANG DANG SBYAR BA'I CHANG MYOS PAR 'GYUR BA'I BTUNG BA SPONG BA YANG DAG PAR SLANGS PAS NI DGE BSNYEN GYI SDOM PA LA GNAS PA YIN NO, ,BRGYAD PO SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, MYOS PAR 'GYUR BA'I BTUNG BA DAG DANG, SPOS DANG, ME TOG PHRENG DANG, BYUG PA DANG, GAR DANG, GLU DANG, ROL MO DANG, KHRI STAN MTHON PO DANG, KHRI STAN CHEN PO DANG, DUS MA YIN PA'I ZAS SPONG BA YANG DAG BAR BLANGS PAS NI BSNYEN GNAS LA GNAS PA YIN NO, ,DE DAG NYID DANG GSER DANG DNGUL 'DZIN PA DANG BCU SPONG BA YANG DAG PAR BLANGS PAS NI DGE TSUL YIN TE, 'DI GAR DANG, GLU DANG ROL MO DANG, SPOS DANG, ME TOG PHRENG DANG, BYUG PA GNYIS SU BYAS NAS BCUR 'GYUR RO, ,LUS DANG NGAG @177B GI LAS SPANG BAR BYA BA THAMS CAD SPONG BA YANG DAG PAR BLANGS PAS NI DGE SLONG YIN NO, ,SO SOR THAR PA'I SDOM PA DE NI, TSUL KHRIMS DANG NI LEGS SPYAD DANG, ,LAS DANG SDOM PA ZHES BYA'O, ,LAS MI MNYAM PA CAN RNAMS YANG DAG PAR 'JOG PAR BYED PAS NA TSUL KHRIMS SE, ,NGES PA'I TSIG TU NA BSIL BA'I PHYIR TE, TSIGS SU BCAD PA LAS, LUS LAS YONGS SU GDUNG MED PAS, ,TSUL KHRIMS YANG DAG BLANGS PA BDE, ,ZHES 'BYUNG BA'I PHYIR RO, ,MKHAS PA RNAMS KYIS BSNGAGS PA'I PHYIR LEGS PAR SPYAD PA'O, ,BYA BA'I RANG BZHIN YIN PA'I PHYIR LAS SO, ,RNAM PAR RIG BYED MA YIN PA BYA BA MA YIN PA'O ZHES MI BYA'AM DE JI LTAR NA BYA BA YIN ZHE NA, NGO TSA SHES PA RNAMS YANG DAG PAR BLANGS PA DES SDIG PA MI BYED PAS NA BYA BA MA YIN PA ZHES BYA LA, DE YANG RNAM PAR RIG BYED DANG SEMS DAG GIS BYED PAS NA BYA BA YIN NO, ,GZHAN DAG NA RE BYA BA'I RGYU YIN PA DANG, BYA BA'I 'BRAS BU YIN PA'I PHYIR RO ZHES ZER RO, ,LUS DANG NGAG SDOM PA'I PHYIR SO SOR THAR PA'I SDOM PA ZHES KYANG BYA'O, ,DE LTAR RE ZHIG BYE BRAG MED PAR SO SOR THAR PA'I SDOM PA YANG DAG PAR BSTAN TO, ,YANG, DANG PO'I RNAM RIG RNAM RIG MIN, ,SO SOR THAR DANG BYA BA'I LAM, ,SDOM PA YANG DAG PAR BLANG PA'I RNAM PAR RIG BYED DANG, RNAM PAR RIG BYED MA YIN PA DANG PO DAG NI SO SOR THAR PA ZHES BYA STE, DES SDIG PA LAS SO SOR THAR PA'I PHYIR TE, SPANG BA'I PHYIR ZHES BYA BA'I THA TSIG GO , ,SO SOR THAR PA'I SDOM PA ZHES KYANG BYA STE, LUS DANG NGAG SDOM PA'I PHYIR RO, ,LAS KYI LAM ZHES KYANG BYA'O, ,SKAD CIG MA GNYIS PA LA SOGS PA LA NI SO SOR THAR PA'I SDOM PA KHO NA YIN GYI SO SOR THAR PA NI MA YIN NO, ,MJUG YIN GYI LAS KYI LAM DNGOS NI MA YIN NO, ,YANG SDOM PA 'DI RNAMS LAS GANG ZHIG GANG DANG LDAN ZHE NA, SO SOR THAR DANG LDAN PA BRGYAD, ,SO SOR THAR PA'I SDOM PA DANG NI RIS BRGYAD PO DGE SLONG DANG DGE SLONG MA DANG BRGYAD PA BSNYEN GNAS PA'I BAR DANG LDAN NO, ,YANG CI PHYI ROL PA RNAMS LA YANG DAG PAR BLANGS PA'I TSUL KHRIMS MED DAM ZHE NA, YOD MOD KYI SO SOR THAR BA'I SDOM PA NI MA YIN NO, ,CI'I @178A *, ,PHYIR ZHE NA, DE NI SRID PA LA BRTEN PA'I PHYIR GTAN DU SDIG PA LAS SO SOR THAR PAR BYED PA MA YIN NO, ,BSAM GTAN SKYES DANG DE LDAN PA, ,BSAM GTAN LAS BSAM GTAN GYIS BSKYED PAS NA BSAM GTAN SKYES TE, GANG BSAM GTAN DANG LDAN PA DE GDON MI ZA BAR BSAM GTAN GYI SDOM PA DANG LDAN NO, ,'DIR NI NYER BSDOGS KYANG BSAM GTAN DU BRJOD NAS BSTAN TE, DPER NA GRONG 'DI NA S'A LU'I ZHING YOD DO, ,'BRU'I ZHING YOD DO ZHES GRONG GI NYE 'KHOR LA YANG GRONG ZHES BYA BA BZHIN NO, ,ZAG MED 'PHAGS PA'I SEMS CAN DANG, ,ZAG PA MED PA'I SDOM PA DANG, ,'PHAGS PA'I GANG ZAG RNAMS LDAN TE, ,DE DAG KYANG SLOB PA DANG MI SLOB PA RNAMS SO, ,LHAN CIG 'BYUNG BA'I RKYEN BSHAD PAR SEMS KYI RJES SU 'BRANG BA'I SDOM PA GNYIS ZHES GANG BSHAD PA DE GNYIS GANG YIN ZHE NA GSUM PO 'DI DAG NYID LAS, THA MA GNYIS NI SEMS RJES 'BRANG, ,BSAM GTAN GYI SDOM PA DANG, ZAG PA MED PA'I SDOM PA'O, ,SO SOR THAR PA'I SDOM PA NI MA YIN NO, ,CI'I PHYIR ZHE NA, SEMS GZHAN DANG LDAN PA DANG, SEMS MED PA LA YANG RJES SU 'JUG PA'I PHYIR RO, ,BSAM GTAN GYI SDOM PA DANG, ZAG PA MED PA'I SDOM PA DE DAG NYID SPONG BA'I SDOM PA ZHES BYA BA'I MING 'THOB PO, ,GANG GI GNAS SKABS SU ZHE NA, SMRAS PA, BAR CHAD MED LAM SKYES DE GNYIS, ,MI LCOGS MED LA SPONG ZHES BYA, ,MI LCOGS PA MED PA LA BSAM GTAN DANG ZAG PA MED PA'I SDOM PA DE GNYIS BAR CHAD MED PA'I LAM DGU DAG TU SPONG BA'I SDOM PA ZHES BYA STE, DE GNYIS KYIS 'CHAL PA'I TSUL KHRIMS DANG, DE KUN NAS SLONG BAR BYED PA'I NYON MONGS PA RNAMS SPONG BA'I PHYIR RO, ,DE NYID KYI PHYIR BSAM GTAN GYI SDOM PA YIN LA, SPONG BA'I SDOM PA MA YIN PA YANG YOD CES BYA BA MU BZHIR BYA STE, MU DANG PO NI MI LCOGS PA MED PA'I BAR CHAD MED PA'I LAM MA GTOGS PA ZAG PA DANG BCAS PA'I BSAM GTAN GYI SDOM PA'O, ,GNYIS PA NI MI LCOGS PA MED PA'I BAR CHAD MED PA'I LAM DGU DAG TU ZAG PA MED PA'O, ,GSUM PA NI MI LCOGS PA MED PA'I BAR CHAD MED PA'I LAM DGU DAG TU ZAG PA DANG BCAS PA'O, ,BZHI PA NI MI LCOGS @178B PA MED PA'I BAR CHAD MED PA'I LAM MA GTOGS PA DANG ZAG PA MED PA'I SDOM PA'O, ,DE BZHIN DU ZAG PA MED PA'I SDOM PA YIN LA SPONG BA'I SDOM PA MA YIN PA YANG YOD CES BYA BA MU BZHIR CI RIGS PAR RIG PAR BYA'O, ,'O NA BCOM LDAN 'DAS KYIS, LUS KYI SDOM PA LEGS PA STE, , NGAG GI SDOM PA'ANG LEGS PA YIN, ,YID KYI SDOM PA'ANG LEGS PA STE, ,THAMS CAD DU NI SDOM PA LEGS, ,ZHES GANG GSUNGS PA DANG, GANG YANG MIG GI DBANG PO 'DI SDOM PAS BSDAMS TE, GNAS SO ZHES GSUNGS PA, YID DANG DBANG PO'I SDOM PA 'DI GNYIS KYI RANG BZHIN CI ZHE NA, 'DI GNYIS RNAM PAR RIG BYED MA YIN PA'I RANG BZHIN NI MA YIN NO, ,'O NA CI ZHE NA, SHES BZHIN DANG NI DRAN DAG GNYIS, ,YID DANG DBANG PO SDOM PA YIN, ,GRANGS BZHIN DU SHES PAR 'GYUR DU 'ONG BAS SO SOR GNYIS KYI RANG BZHIN YIN PAR BSTAN PA'I PHYIR YANG GNYIS ZHES BYA BA SMOS TE, YID KYI SDOM PA YANG DRAN PA DANG SHES BZHIN GYI RANG BZHIN YIN LA, DBANG PO'I SDOM PA YANG DRAN PA DANG SHES BZHIN GYI RANG BZHIN NO, ,GANG ZHIG RNAM PAR RIG BYED DAM, RNAM PAR RIG BYED MA YIN PA GANG ZHIG DANG DUS JI SRID CIG TU LDAN ZHES BYA BA 'DI DPYAD PAR BYA STE, DE LA, SO SOR THAR GNAS JI SRID DU, ,MA BTANG BAR RTAG DA LTAR GYI, ,RNAM RIG MI LDAN, SO SOR THAR PA'I SDOM PA LA GNAS PAS BSHAD PA'I GANG ZAG GANG YIN PA DE NI JI SRID DU RNAM PAR RIG BYED MA YIN PA DE MI GTONG BA DE SRID DU RTAG TU DA LTAR GYI DE DANG LDAN NO, ,SKAD CIG MA, DANG PO PHYIN CHAD 'DAS PA DANG; ,SKAD CIG MA DANG PO PHYIN CHAD NI 'DAS PA DANG YANG LDAN TE, THAMS CAD DU YANG JI SRID DU MA BTANG BAR ZHES BYA BA'I DBANG DU BYAS PAR RIG PAR BYA'O, ,SO SOR THAR PA'I SDOM PA LA GNAS PA JI SKAD DU BSHAD PA, SDOM MIN GNAS PA'ANG DE DANG 'DRA, ,SDOM PA MA YIN PA LA GNAS PA YANG JI SRID DU SDOM PA MA YIN PA MI GTONG BA DE SRID DU RTAG TU DA LTAR GYI RNAM PAR RIG BYED MA YIN PA DANG LDAN NO, ,SKAD CIG MA GCIG PHYIN CHAD NI 'DAS PA DANG YANG LDAN NO, ,BSAM GTAN SDOM DANG LDAN PA NI, ,RTAG TU 'DAS DANG MA 'ONGS DANG, ,BSAM GTAN GYI SDOM PA THOB @179A *, ,PA NI JI SRID DU MA BTANG GI BAR DU RTAG TU 'DAS PA DANG MA 'ONGS PA'I RNAM PAR RIG BYED MA YIN PA DANG LDAN TE, DES NI SKAD CIG MA DANG PO LA YANG TSE RABS GZHAN DAG TU BTANG PA'I BSAM GTAN GYI SDOM PA 'DAS PA THOB PO, ,'PHAGS NI DANG PO 'DAS DANG MIN, , 'PHAGS PA'I GANG ZAG KYANG ZAG PA MED PA DANG DE BZHIN DU LDAN LA, 'DI NI KHYAD PAR YIN TE, LAM SNGON MA BSKYED PA'I PHYIR DE SKAD CIG MA DANG PO LA 'DAS PA DANG MI LDAN NO, ,MNYAM GZHAG 'PHAGS LAM GNAS DE GNYIS, ,DA LTAR DANG LDAN BSAM GTAN DANG, ,ZAG PA MED MED PA'I SDOM PA DANG, ,LDAN PA MNYAM PAR GZHAG PA DANG, ,'PHAGS PA'I LAM LA SNYOMS PAR ZHUGS PA DE DAG NI GO RIMS BZHIN DU DA LTAR GYI RNAM PAR RIG BYED MA YIN PA DANG LDAN GYI LANGS PA DAG NI MA YIN NO, ,RE ZHIG SDOM PA DANG SDOM PA MA YIN PA LA GNAS PA RNAMS KYI GTAM NI DE LTA BU'O, ,YANG DA NI BAR MA LA GNAS PA BRJOD PAR BYA STE, BAR GNAS LA, YOD NA DANG PO BAR GYI DANG, ,GANG SDOM PA YANG MA YIN SDOM PA MA YIN PA YANG MA YIN PA LA GNAS PA DE NI BAR MA LA GNAS PA STE, DE LA RNAM PAR RIG BYED MA YIN PA GDON MI ZA BAR YOD PA NI MA YIN GYI GANG LA 'CHAL PA'I TSUL KHRIMS DANG TSUL KHRIMS KYI YAN LAG LA SOGS PAS BSDUS PA YOD PA DE NI DANG PO BAR GYI DANG LDAN NO, ,DA LTAR GYI RNAM PAR RIG BYED MA YIN PA NI 'DAS PA DANG MA 'ONGS PA GNYIS KYI BAR MA YIN NO, ,PHYIN CHAD DUS NI GNYIS DANG NGO, ,SKAD CIG MA DANG PO BYIN CHAD NI 'DAS PA DANG YANG LDAN, DA LTAR GYI DANG YANG LDAN TE, MA BTANG GI BAR DU ZHES BYA BAR SBYAR RO, ,CI RES 'GA' SDOM PA MA YIN PA LA GNAS PA DGE BA'I RNAM PAR RIG BYED MA YIN PA DANG LDAN PAR 'GYUR BA'AM, SDOM PA LA GNAS PA MI DGE BA'I RNAM PAR RIG BYED MA YIN PA LA GNAS PAR 'GYUR RAM ZHE NA, 'GYUR RO, ,NAM ZHIG DUS JI SRID CIG TU 'GYUR ZHE NA, SMRAS PA, SDOM MIN GNAS PA DGE BA DANG, ,SDOM LA GNAS PA MI DGE BA'I, ,RNAM RIG MI LDAN JI SRID DU, ,RAB DANG NYON MONGS SHUGS LDAN PAR, ,SDOM PA MA YIN PA @179B LA GNAS PA NI RAB TU DANG BA'I SHUGS GANG GIS MCHOD RTEN LA PHYAG 'TSAL BA LA SOGS PA'I BYA BA BYED PA NA DAG BA'I RNAM PAR RIG BYED MA YIN PA SKYE LA, SDOM PA LA GNAS PA NI NYON MONGS PA'I SHUGS GANG GIS GSOD PA DANG, 'CHING BA DANG BRDEG PA LA SOGS PA'I BYA BA BYED PA NI MI DGE BA'I RNAM PAR RIG BYED MA YIN PA SKYE STE, DE GNYIS JI SRID DU RJES SU 'BRANG BA DE SRID DU RNAM PAR RIG BYED MA YIN PA YANG RJES SU 'BRANG NGO, ,DE YANG SKAD CIG MA DANG PO LA NI DA LTAR GYI RNAM PAR RIG BYED MA YIN PA KHO NA DANG LDAN PAR 'GYUR LA, GZHAN DAG TU NI 'DAS PA DANG YANG LDAN NO, , RNAM PAR RIG BYED MA YIN PA'I SKABS RDZOGS SO,, ,,RNAM RIG BYED NI THAMS CAD LA, ,BYED PA DAG LA DA LTAR LDAN, ,SDOM PA DANG SDOM PA MA YIN PA DANG BAR MA LA GNAS PA THAMS CAD JI SRID DU RNAM PAR RIG BYED BYED PA DE SRID DU DA LTAR GYI DE DANG LDAN NO, ,MA BTANG BAR DU SKAD CIG MA, ,PHYIN CHAD 'DAS LDAN, SKAD CIG MA DANG PO PHYIN CHAD NI JI SRID MA BTANG GI BAR DU 'DAS PA'I RNAM PAR RIG BYED DANG YANG LDAN NO, ,MA 'ONGS MED, MA 'ONGS BA'I RNAM PAR RIG BYED DANG NI SU DANG YANG MI LDAN NO, ,BSGRIBS PA DANG NI MA BSGRIBS PA, ,'DAS PA DAG DANG LDAN PA MED, ,BSGRIBS PA DANG MA BSGRIBS LA LUNG DU MA BSTAN PA'I RNAM PAR RIG BYED 'DAS PA DAG DANG YANG 'GA' YANG LDAN PA MED DE, CHOS NYAM CHUNG BA'I THOB PA YANG NYAM CHUNG BA YIN PAS RJES SU 'BREL BA CAN MA YIN NO, ,DE CIS NYAM CHUNG BAR BYAS SHE NA, SEMS KYIS BYAS SO, , 'O NA NI BSGRIBS LA LUNG DU MA BSTAN PA'I SEMS KYI DANG YANG MI LDAN PAR 'GYUR RO, ,DE NI DE LTA MA YIN TE, ,RNAM PAR RIG BYED BLUN PA DANG, ,GZHAN GYI DBANG YIN PA DE LTAR SEMS NI DE LTA MA YIN LA, NYAM CHUNG DU BLANGS PA DE NI CHES NYAM CHUNG BAR 'GYUR RO, ,SDOM PA MA YIN PA LA GNAS PA ZHES GANG BSHAD PA, SDOM PA MA YIN PA ZHES BYA BA 'DI CI ZHE NA, SDOM PA MIN DANG NYES SPYAD DANG, ,'CHAL PA'I TSUL KHRIMS LAS DE'I LAM, ,'DI DAG NI SDOM PA MA YIN PA'I RNAM GRANGS KYI SGRA STE, DE LA LUS DANG NGAG MI SDOM PA'I PHYIR SDOM PA MA YIN PA'O, ,DAM PA @180A *, ,RNAMS KYIS SMAD PA'I PHYIR DANG, 'BRAS BU YID DU MI 'ONG BA'I PHYIR NYES PAR SPYOD PA YIN NO, ,TSUL KHRIMS KYI MI MTHUN PA'I PHYOGS YIN PA'I PHYIR 'CHAL PA'I TSUL KHRIMS YIN NO, ,LUS DANG NGAG GI LAS YIN PA'I PHYIR LAS SO, ,DNGOS KYIS BSDUS PA'I PHYIR LAS KYI LAM YIN NO, ,RNAM PAR RIG BYED DANG LDAN LA RNAM PAR RIG BYED MA YIN PA DANG MI LDAN PA YANG YOD CES BYA BA MU BZHI STE, DE LA RE ZHIG ,BAR MA DOR GNAS SEMS ZHAN PAS, ,BYED NA RNAM RIG NYID DANG LDAN, ,SDOM PA YANG MA YIN SDOM PA MA YIN PA YANG MA YIN PA LA GNAS PA ZHIG SEMS ZHAN PAS DGE BA'AM MI DGE BA ZHIG BYED NA RNAM PAR RIG BYED KHO NA DANG LDAN GYI RNAM PAR RIG BYED MA YIN PA DANG NI MA YIN NA, LUNG DU MA BSTAN PA LTA SMOS KYANG CI DGOS TE, RDZAS LAS BYUNG BA'I BSOD NAMS BYA BA'I DNGOS PO DANG, LAS KYI LAM NI MA GTOGS SO, ,RNAM RIG BTANG DANG MA SKYES PA'I, ,'PHAGS PA'I GANG ZAG RNAM RIG MIN, ,'PHAGS PA'I GANG ZAG 'GA' ZHIG TSE GZHAN DU YONGS SU GYUR NAS DA DUNG DU RNAM PAR RIG BYED MA BYUNG BA'AM, RNAM PAR RIG BYED RNAM PAR NYAMS NA RNAM PAR RIG BYED MA YIN PA KHO NA DANG LDAN GYI RNAM PAR RIG BYED DANG NI MA YIN NO, ,SDOM PA DANG SDOM PA MA YIN PA DANG BAR MA LA GNAS PA RNAMS KYI RNAM PAR RIG BYED DANG RNAM PAR RIG BYED MA YIN PA DANG LDAN PA RNAM PAR GZHAG PA BSHAD ZIN TO, ,YANG SDOM PA DE DAG JI LTAR 'THOB CE NA, BSAM GTAN LAS SKYES BSAM GTAN GYI, SA NYID KYIS 'THOB, GANG GI TSE BSAM GTAN GYI SA PA'I SEMS ZAG PA DANG BCAS PA DNGOS GZHI PA'AM, NYER BSDOGS PA 'THOB PA DE'I TSE BSAM GTAN GYI SDOM PA YANG 'THOB STE, LHAN CIG 'BYUNG BA YIN PA'I PHYIR RO, ,ZAG MED NI, 'PHAGS DES, ZAG PA MED PA'I BSAM GTAN GYIS 'THOB PA DE NYID KYIS ZAG PA MED PA'I SDOM PA YANG 'THOB BO, ,DE LA ZAG PA MED PA NI BSAM GTAN GYI SA DRUG PO BSAM GTAN BZHI DANG, MI LCOGS PA MED PA DANG, BSAM GTAN KHYAD PAR CAN YIN NO ZHES 'OG NAS BSHAD PAR BYA'O, ,SO SOR THAR CES PA, @180B GZHAN GYI RNAM RIG BYED SOGS KYIS, ,SO SOR THAR PA'I SDOM PA NI GAL TE, 'DI LA GZHAN GYIS RNAM PAR RIG PAR BYED LA, 'DI YANG GZHAN LA RNAM PAR RIG PAR BYED NA GZHAN GYI RNAM PAR RIG BYED LAS 'THOB BO, ,DE YANG DE DGE 'DUN NAM GANG ZAG LAS TE, DGE SLONG DANG, DGE SLONG MA DANG, DGE SLONG MA'I SDOM PA RNAMS NI DGE 'DUN LAS SO, ,GZHAN DAG NI GANG ZAG LAS SO, ,BYE BRAG TU SMRA BA 'DUL BA PA RNAMS NA RE RNAM PA BCUS BSNYEN PAR RDZOGS SO ZHES ZER BA BSDU BA'I PHYIR SOGS PA'I SGRA SMOS TE, RANG 'BYUNG GIS NI SANGS RGYAS DANG, ,RANG SANGS RGYAS RNAMS SO, ,NGES PAR 'JUG PAS NI RTEN LNGA PO RNAMS SO, ,DGE SLONG TSUR SHOG CES BYAS PAS NI GRAGS PA LA SOGS PA RNAMS SO, ,STON PAR KHAS BLANGS PAS NI 'OD SRUNGS CHEN PO'O, ,DRI BA MNYES PAS NI LEGS SBYIN NO, ,BLA MA'I CHOS KHAS BLANGS PAS NI SKYE DGU'I BDAG MO CHEN MO'O, ,PHO NYAS NI CHOS SBYIN NO, ,'DUL BA 'DZIN PAR GTOGS PA LNGAS NI MTHA' 'KHOB KYI MI RNAMS SO, ,BCU'I TSOGS KYIS NI DBUS KYI MI RNAMS SO, ,SKYABS SU 'GRO BA LAN GSUM BZLAS PAS NI SDE BZANG DRUG CU'I TSOGS KYIS BSNYEN PAR RDZOGS PAR BYAS PA RNAMS TE, DE DAG GI SO SOR THAR PA'I SDOM PA NI GDON MI ZA BAR RNAM PAR RIG BYED LA RAG LUS PA MA YIN NO, ,YANG SO SOR THAR PA'I SDOM PA DE YANG DAG PAR BLANGS PA NA DUS JI SRID CIG GI BAR DU YANG DAG PAR BLANG BAR BYA ZHE NA, JI SRID 'TSO DANG NYIN ZHAG TU, ,SDOM PA YANG DAG BLANG BAR BYA, ,RIS BDUN GYI SO SOR THAR PA'I SDOM PA NI, ,JI SRID 'TSO'I BAR DU YANG DAG PAR BLANG BAR BYA'O, ,BSNYEN GNAS KYI SDOM PA NI NYIN ZHAG TU'O ZHES BYA BA DE LTAR NGES SO, ,CI'I PHYIR ZHE NA, DUS KYI MTHA' NI GNYIS TE, SROG GI MTHA' DANG, NYIN ZHAG GI MTHA'O, ,ZLA BA PHYED LA SOGS PA NI NYIN ZHAG BZLAS PAS SO; ,DUS ZHES BYA BA'I CHOS DE CI ZHIG CE NA, DE NI 'DU BYED YONGS SU STON PA'I TSIG BLA DAGS ? YIN TE, SNANG BA'I GNAS SKABS LA NI GLING DAG NA NYIN PAR ZHES BYA LA, MUN PA'I GNAS SKABS LA NI MTSAN MO ZHES BYA'O, ,RE ZHIG JI SRID 'TSO'I BAR DU NI YANG DAG PAR BLANGS PA YOD KYANG @181A *, ,LUS SKAL BA MI 'DRA BA'I PHYIR DANG, DES KYANG, DER SBYOR BA MA BYAS PA'I PHYIR DANG, MI DRAN PA'I PHYIR DANG SDOM PA MI SKYE BAR RIGS NA, YANG NYIN ZHAG GI 'OG ZHAG LNGA 'AM ZHAG BCU YANG RUNG STE, BSNYEN GNAS KYI SDOM PA YANG DAG PAR BLANGS PA'I BSNYEN GNAS KYI SDOM PA YANG MANG PO SKYE BA LA SU ZHIG BGEGS BYED, BCOM LDAN 'DAS KYIS MDO LAS GANG NYIN ZHAG GI BSNYEN GNAS KHO NA BSTAN PA 'DIS NA BGEGS BYED PA YOD DO, ,DA NI 'DI DPYAD PAR BYA STE, RE ZHIG CI BCOM LDAN 'DAS KYIS CI NYIN ZHAG GI 'OG TU SDOM PA MI SKYE BAR GZIGS NAS NYIN ZHAG PA'I BSNYEN GNAS BSTAN TAM, 'ON TE DBANG PO GDUL DKA' BA RNAMS NYIN ZHAG PA'I SDOM PA YANG DAG PAR BLANGS PA LA YANG DAG PAR SBYOR BA'I CHED GCIG YIN, DE DE LTAR BRTAG GA LA NUS, PHYIN CHAD SDOM PA SKYE BA LA YANG RIGS PA DANG 'GAL BA NI MED PA'I PHYIR RO,, PHYIN CHAD PO 'DI SU LA YANG MA BSTAN PAS BYE BRAG TU SMRA BA RNAMS NI MI 'DOD DO, ,DA NI SDOM PA MA YIN PA'I DUS NGES PA GANG YIN ZHE NA, NYIN ZHAG PA YI SDOM MIN MED, ,JI SRID 'TSO'I BAR DU SDIG PA'I CHOS KHAS BLANGS PA LAS SDOM PA MA YIN PA SKYE'O JI LTAR BSNYEN GNAS PA BZHIN DU NYIN ZHAG PA NI MED DO, ,CI'I PHYIR ZHE NA, DE DE LTAR NOD MED CES GRAG ,JI LTAR BSNYEN GNAS PA LTAR BDAG NI NYIN ZHAG GCIG TU SDOM PA MA YIN PA LA GNAS PAR GYUR CIG CES SDOM PA MA YIN PA YANG DAG PAR LEN PA NI SU YANG MED DE, LAS SMAD PA YIN PA'I PHYIR RO ZHES GRAG GO , ,DE LTA NA BDAG NI JI SRID 'TSO'I BAR DU SDOM PA MA YIN PA LA GNAS PAR GYUR CIG CES LEN PA NI SU YANG MED PAS JI SRID 'TSO'I BAR DU YANG DE 'THOB PAR MI 'GYUR RO, ,GAL TE DE LTAR MI LEN MOD KYI 'ON KYANG GTAN DU LOG PAR ZHUGS PA'I BSAM PAS BYA BA DE BYED PA NA SDOM PA MA YIN PA 'THOB PAR 'GYUR GYI DUS GZHAN GYI BAR DU LOG BAR ZHUGS PAS NI MA YIN NO, ,BSNYEN GNAS PA'I SDOM PA NI GTAN DU BA'I BSAM PA MA YIN YANG SDOM PA DON DU GNYER BA'I PHYIR YANG DAB PAR LEN PA'I STOBS BSKYED PAS 'THOB PA NYID DO, ,GAL TE 'GA' ZHIG SDOM PA MA YIN PA DON DU GNYER @181B ZHING DUS GZHAN GYI BAR DU SDOM PA MA YIN PA YANG DAG PAR LEN PAR 'GYUR NA DES KYANG GDON MI ZA BAR 'THOB PAR 'GYUR RO, ,DE NI MA MTHONG BAS DE LTAR RNAM PAR MI GZHAG GO , ,MDO SDE PA RNAMS NA RE SDOM PA MA YIN PA YANG RNAM PAR RIG BYED MA YIN PA BZHIN DU RDZAS SU NI MED KYI SDIG PA BYA BA'I BSAM PA RJES SU 'BREL PA DANG BCAS PA DE NYID SDOM PA MA YIN PA YIN TE, DES NA SEMS DGE BA LA YANG DE MA SPANGS PA'I PHYIR DE DANG LDAN PA ZHES BYA'O, ,YANG BSNYEN GNAS NYIN ZHAG TU NOD NA CI LTAR MNOD PAR BYA ZHE NA, DMA' BAR 'DUG SMRAS BZLAS PA YIS, ,MI BRGYAN NAM NI NANG PAR DU, ,BSNYEN GNAS YAN LAG TSANG BAR NI, ,NANG PAR GZHAN LAS MNOD PAR BYA, ,DMA' BAR 'DUG PA NI TZOG TZOG POR 'DUG PA'AM PUS MO BTZUGS NAS, THAL MO SNOL BA'AM THAL MO SBYAR BA STE, NAD PA NI MA GTOGS SO, ,MA GUS PA NI SDOM PA MI SKYE'O, ,'BOGS PA POS TSIG MA SMRAS PAR SNGAR YANG SMRA BAR MI BYA LA KHA BSNYAMS TE SMRA BAR YANG MI BYA STE, DE LTAR NA 'DI GZHAN LAS MNOS PA YIN GYI GZHAN DU 'BOGS PA DANG NOD PA 'GRUB PAR MI 'GYUR RO, ,MI BRGYAN PA NI RGYAN NAR MA MA GTOGS TE RGYAN NAR MA NI MTSAR GCIG RGYAGS PAR MI BYED DO, ,NAM NANGS KYI BAR DU MNOD PAR BYA BA NI NYI MA SHAR GYI BAR DU'O, ,YAN LAG BRGYAD TSANG BAR MNOD PAR BYA BA'I YAN LAG MA TSANG BAR NI MA YIN NO, ,NANG PAR NI RE ZHIG NYI MA SHAR BA'I TSE STE, NYIN ZHAG PA'I SDOM PA YIN PA'I PHYIR RO, ,GANG GIS TSES BRGYAD LA RTAG TU BSNYEN GNAS LA GNAS PAR BYA'O ZHES SNGON YANG DAG PAR BLANG BAR BYAS PA DE NI ZAS ZOS NAS KYANG MNOD PAR BYA'O, ,GZHAN LAS MNOD PAR BYA'I BDAG NYID LAS NI MA YIN TE, GZHAN LA LTOS PAS NI RKYEN YOD KYANG MI 'DA' BAR BYA BA'I PHYIR DANG, DE LAS GZHAN DU MNOS PA NI LEGS PAR SPYAD PA TZAM DU 'GYUR GYI BSNYEN GNAS KYI SDOM PA NI MA YIN NO, ,DE LTAR BYAS NA SHAN PA DANG BYI BO BYED PA DAG GIS MTSAN MO DANG NYIN MO'I BSNYEN GNAS DAG KYANG 'BRAS BU YOD PAR RUNG NGO, ,'DIS DGRA BCOM PA DAG DANG NYE BAR GNAS PAR BYED PAS NA BSNYEN GNAS TE, DE DAG GI RJES SU SLOB PA'I PHYIR RO, ,GZHAN DAG NA RE @182A *, ,'DIS JI SRID 'TSO'I BAR GYI SDOM PA DANG NYE BAR GNAS PAR BYED PA'I PHYIR RO ZHES ZER RO, ,YANG NA DGE BA'I RTZA BA CHUNG NGU RNAMS KYI DGE BA'I RTZA BA GSOS 'DEBS PA'I PHYIR TE, GANG PHYIR YID KYI DGE BA GSOS 'DEBS DE YI PHYIR, ,'DI NI BCOM LDAN 'DAS KYIS GSO SBYONG BSHAD CES GRAG ,ZHES 'BYUNG BAS NA GSO SBYONG YIN NO, ,CI'I PHYIR YAN LAG BRGYAD NOD CE NA, TSUL KHRIMS YAN LAG BAG YOD PA'I, ,YAN LAG BRTUL ZHUGS YAN LAG STE, ,BZHI GCIG DE BZHIN GSUM RIM BZHIN, ,RE ZHIG BRDZUN DU SMRA BA SPONG BA'I BAR BZHI NI RANG BZHIN GYI KHA NA MA THO BA SPONG BA'I PHYIR TSUL KHRIMS KYI YAN LAG YIN NO, ,MYOS PAR 'GYUR BA'I BTUNG BA SPONG BA GCIG PU NI BAG YOD PA'I YAN LAG STE MYOS PAR 'GYUR BA 'THUNG BA NI TSUL KHRIMS RDZOGS KYANG BAG MED PAR 'GYUR RO, ,DUS MA YIN PA'I ZAS SPONG BA'I ? BAR GSUM NI SKYE BO'I RJES SU MTHUN PA'I PHYIR BRTUL ZHUGS KYI YAN LAG YIN NO, ,CI BAG YOD PA'I YAN LAG DANG, BRTUL ZHUGS KYI YAN LAG 'DI DAG MA MNOS PAS CIR 'GYUR ZHE NA, DE YIS DRAN NYAMS DREGS PAR 'GYUR, ,MYOS PAR 'GYUR BA 'THUNGS PAS NI BYA BA DANG BYA BA MA YIN PA'I DRAN PA NYAMS PA NYID DU 'GYUR RO, ,KHRI STAN MTHON PO DANG KHRI STAN CHEN PO DANG, GAR DANG GLU LA SOGS PA BSTEN PAS NI DREGS PAR 'GYUR LA, DREGS PAR GYUR PA LA NI 'CHAL PA'I TSUL KHRIMS THAG MI RING BAR 'GYUR RO, ,DUS SU ZA ZHING ZAS NAR MA'I DUS SU YONGS SU SPANGS PA LAS NI BSNYEN GNAS KYI DRAN PA DANG, SKYO BA'I DRAN PA NYE BAR GNAS PAR 'GYUR TE, DE MED NA GNYI GA YANG MED DO, ,YANG KHA CIG NI DUS MA YIN PA'I ZAS SPONG BA KHO NA 'DIR BSNYEN GNAS YIN LA, LHAG MA RNAMS NI 'DI'I YAN LAG YIN TE GAR DANG GLU DANG ROL MO DANG, SPOS DANG ME TOG PHRENG DANG BAG PA NI 'DIR GNYIS SU BYA'O SNYAM DU SEMS SO, ,DE LTAR YIN NA NI DUS MA YIN PA'I ZAS SPONG BA BKA' STZAL NAS YAN LAG BRGYAD PA 'DIS 'PHAGS PA DGRA BCOM PA DE DAG GI BSLAB PA LA RJES SU SLOB BO, RJES SU BGYID DO ZHES GSUNGS PA'I MDO'I TSIG MI RUNG BAR 'GYUR RO, ,'O NA YAN LAG @182B BRGYAD PO 'DI DAG GANG GI YIN PA'I BSNYEN GNAS GZHAN DE GANG ZHIG YIN BYE BRAG TU SMRA BA RNAMS NA RE 'DUS PA'I YAN LAG RNAMS NI YAN LAG YIN TE, SHING RTA'I YAN LAG DANG DPUNG GI TSOGS YAN LAG BZHI PA DANG, PHYE MA YAN LAG LNGA PA JI LTA BUR BSNYEN GNAS YAN LAG BRGYAD PA YANG DE DANG 'DRA BAR BLTA BAR BYA'O, ,DUS MA YIN PA'I ZAS SPONG BA NI BSNYEN GNAS KYANG YIN LA, BSNYEN GNAS KYI YAN LAG KYANG YIN TE, DPER NA YANG DAG PA'I LTA BA LAM YANG YIN LA LAM GYI YAN LAG KYANG YIN PA DANG, CHOS RNAM PAR 'BYED PA YANG DAG BYANG CHUB KYI YAN LAG BYANG CHUB KYANG YIN LA BYANG CHUB KYI YAN LAG KYANG YIN PA DANG, TING NGE 'DZIN BSAM GTAN KYANG YIN LA BSAM GTAN GYI YAN LAG KYANG YIN PA BZHIN NO ZHES ZER RO, ,DE DAG NYID YANG DAG PA'I LTA BA LA SOGS PA DE DAG NYID KYI YAN LAG NYID DU RUNG BA NI MA YIN NO, ,GAL TE YANG DAG PA'I LTA BA LA SOGS PA SNGA MA RNAMS PHYI MA RNAMS KYI YAN LAG TU 'GYUR NA NI SKAD CIG MA DANG PO LA SKYES PA'I 'PHAGS PA'I LAM YAN LAG BRGYAD PAR MI 'GYUR RO, ,YANG CI BSNYEN GNAS 'DI DGE BSNYEN KHO NA LA YOD DAM, 'ON TE GZHAN LA YANG YOD CE NA, GZHAN LA'ANG BSNYEN GNAS YOD MOD KYI, SKYABS SU MA SONG BA LA MED, ,DGE BSNYEN MA YIN PA LA YANG GANG ZHIG NYIN ZHAG DE LA SANGS RGYAS DANG CHOS DANG DGE 'DUN LA SKYABS SU SONG STE, BSNYEN GNAS NOD PA DE LA BSNYEN GNAS KYI SDOM PA SKYE BAR 'GYUR TE, GZHAN DU NI MA YIN NO, ,MI SHES BA NI MA GTOGS SO, ,MDO LAS, MING CHEN 'DI LTAR KHYIM PA GOS DKAR PO BGOS PA SKYES PA PO'I DBANG PO DANG LDAN PA ZHIG SANGS RGYAS LA SKYABS SU 'GRO CHOS DANG DGE 'DUN LA SKYABS SU 'GRO ZHING, BDAG LA DGE BSNYEN DU GZUNG DU GSOL ZHES TSIG TU YANG SMRA NA 'DI TZAM GYIS DGE BSNYEN DU 'GYUR RO ZHES GSUNGS PA DE CI SKYABS SU 'GRO BA KHO NAS DGE BSNYEN DU 'GYUR RAM ZHE NA, NYI 'OG PA RNAMS NA RE 'GYUR RO ZHES ZER RO, ,KHA CHE BA RNAMS NA RE SDOM PA MED PAR MI 'GYUR RO ZHES ZER RO, ,'O NA GANG MDO LAS GSUNGS PA JI LTA BU ZHE NA, 'DI LA 'GAL BA MED DE, 'DI @183A *, ,LTAR DGE BSNYEN NYID DU KHAS BLANGS PA DE KHO NA 'DI'I SDOM PA SKYE BAR 'GYUR TE, GANG GI TSE BDAG LA DGE BSNYEN DU GZUNG DU GSOL, DENG SLAN CHAD NAM JI SRID 'TSO'I BAR DU SROG GCOD PA SPONG NGO ZHES DGE BSNYEN DU KHAS BLANGS PA KHO NA SA'I DI'I DGE BSNYEN GYI SDOM PA SKYE BAR 'GYUR RO, ,SROG GCOD PA SPONG BA ZHES BYA BA'I THA TSIG STE, BAR GYI TSIG MI MNGON PAR BYAS PA'I PHYIR RO, ,SDOM PA THOB KYANG BSLAB PA'I GZHI RNAMS SHES PAR BYA BA'I PHYIR BSTAN PA DGE SLONG BZHIN, ,JI LTAR DGE SLONG DANG DGE SBYONG GI SDOM PA THOB ZIN KYANG SHES PAR BYA BA'I PHYIR KHYOD KYI 'DI DANG 'DI LTAR DU BSDAM MO ZHES BSLAB PA'I GZHI RNAMS YANG 'DZIN DU 'JUG PA LTAR DGE BSNYEN YANG DE DANG 'DRA BAS SDOM PA MED PA'I DGE BSNYEN NI MED DO, ,GAL TE THAMS CAD SDOM YIN NA, ,SNA GCIG SPYOD SOGS JI LTA BU, ,GAL TE DGE BSNYEN THAMS CAD DGE BSNYEN GYI SDOM PA LA GNAS PA YIN NA BCOM LDAN 'DAS KYIS SNA GCIG SPYOD PA DANG, PHYOGS GCIG SPYOD PA DANG, PHAL CHER SPYOD PA DANG, YONGS SU RDZOGS PAR SPYOD PA'I DGE BSNYEN ZHES GSUNGS PA JI LTA BU YIN, DE BSRUNG BA LA GSUNGS ZHES GRAGS, ,GANG ZHIG BSLAB PA'I GZHI GANG SRUNG BAR BYED PA NI DE SPYOD PA ZHES GSUNGS PAR ZAD KYI THAMS CAD KYANG SDOM PA LA GNAS PAR NI 'DRA'O, ,'DI NI MDO LAS 'DAS PA YIN NO, ,'DIR CI ZHIG MDO LAS 'DAS, 'DI LTAR SROG GCOD PA SPONG NGO ZHES DGE BSNYEN NYID DU KHAS BLANGS PA KHO NAS SDOM PA 'THOB PAR GSUNGS SO ZHES BYA BA STE, MDO'I TSIG NI DE LTA MA YIN NO, MDO'I TSIG JI LTA BU YIN ZHE NA, JI LTAR MING CHEN GYI MDO LAS GSUNGS PA LAS 'BYUNG BA BZHIN TE, DE NYID LAS DGE BSNYEN GYI MTSAN NYID BSTAN GYI GZHAN DU NI MA YIN NO, ,GANG LAS 'DI SKAD DU NAM 'TSO'I BAR DU SROG DANG BSNGO BA SKYABS SU SONG BA MNGON PAR RAB TU DANG BA ZHES 'BYUNG BA DER NI BDEN PA MTHONG BA DE DAG BDAG CAG GIS SROG LA THUG KYANG CHOS 'DI BTANG DU MI RUNG NGO ZHES SHES NAS DAD PA'I RGYUS SROG GI PHYIR YANG DAM PA'I CHOS LA KHAS 'CHE BAR STON PA YIN GYI DE SDOM PA'I MTSAN NYID STON PA NI MA YIN NO, ,SROG GCOD PA SPONG BA @183B ZHES NI GANG NAS KYANG MI 'BYUNG NA SU ZHIG YONGS SU MI GSAL BA'I DON 'DI 'DON PAR BYED, TSUL KHRIMS NYAMS PA'I DBANG DU BYAS NAS NI SNA GCIG SPYOD PA LA SOGS PA ZHU BA NYID KYANG MI 'THAD NA LAN LTA SMOS KYANG CI DGOS TE, DGE BSNYEN GYI SDOM PA ZHES PA SU ZHIG GANG ZHIG BSLAB PA'I GZHI GANG NYAMS PAR MI BYED PA DE NI DE SPYOD PA YIN NO ZHES BYA BAR MI SHES SO, ,DGE BSNYEN GYI SDOM PA'I TSANG MI SHES PAS BSLAB PA'I GZHI DE TZAM ZHIG BZOD PA LA NI BTZUN PA JI TZAM GYIS NA SNA GCIG SPYOD PA'I DGE BSNYEN DU 'GYUR BA LAGS ZHES BYA BA NAS YONGS SU RDZOGS PAR SPYOD PHA LAGS ZHES BYA BA'I BAR DU ZHU BA 'DI RUNG NGO, ,GAL TE SDOM PA MED BA'AM MA TSANG BAR YANG DGE BSNYEN DU 'GYUR NA DGE SLONG DANG DGE SBYONG DAG TU YANG 'GYUR RO, ,RE ZHIG JI LTAR NA DGE BSNYEN GYI SDOM PA LA SOGS PA 'DI DAG GI YAN LAG NGES PA YIN, STON PAS BTAGS PA'I DBANG GIS SO, ,DGE BSNYEN NYID LA SOGS PA YANG STON PAS BTAGS PA'I DBANG GIS SO SOR NGES PAR 'DOD PAR GYIS SHIG ,DGE BSNYEN NI SDOM PA MED PAR YANG BTAGS KYI DGE SLONG DANG DGE SBYONG DAG NI MA YIN NO, ,KHA CHE BA RNAMS NI 'DI MI 'DOD DO, ,SDOM PA THAMS CAD KYANG, CHUNG NGU LA SOGS YID JI BZHIN, ,CHUNG NGU DANG, 'BRING DANG CHEN PO NYID NI YANG DAG PAR LEN PA'I SEMS KYI DBANG GIS TE, DE LTAR BYAS NA DGRA BCOM PA LA YANG SO SOR THAR PA'I SDOM PA CHUNG NGU YOD LA, SO SO'I SKYE BO LA YANG CHEN PO YOD PAR 'GYUR RO, ,YANG CI SKYABS SU 'GRO BA MED PAR YANG SDOM PA MNOS PA KHO NAS DGE BSNYEN DU 'GYUR RAM ZHE NA, MI 'GYUR TE MI SHES PA NI MA GTOGS SO, ,GANG ZHIG SANGS RGYAS DANG CHOS DANG DGE 'DUN LA SKYABS SU 'GRO BA DE CI LA SKYABS SU 'GRO ZHE NA, GANG ZHIG GSUM LA SKYABS 'GRO DE, ,SANGS RGYAS DGE 'DUN BYED PA'I CHOS, ,MI SLOB PA DANG GNYI GA DANG, ,MYA NGAN 'DAS LA SKYABS SU 'GRO, ,GANG ZHIG SANGS RGYAS LA SKYABS SU 'GRO BA DE NI SANGS RGYAS SU BYED PA'I CHOS MI SLOB PA LA SKYABS SU 'GRO BA YIN TE, GANG DAG GTZO BOR GYUR PAS SKU DE SANGS RGYAS ZHES BRJOD PA'AM, YANG NA GANG DAG BRNYES PAS THAMS CAD @184A *, ,THUGS SU CHUD PAR SPYOD PA'I PHYIR SANGS RGYAS YIN PA'O, ,DE DAG KYANG GANG ZHE NA, ZAD PA SHES PA LA SOGS PA 'KHOR DANG BCAS PA YIN NO, ,GZUGS KYI SKU NI SNGA MA DANG PHYI MAR YANG BYE BRAG MED PA'I PHYIR RO, ,CI SANGS RGYAS THAMS CAD LA'AM, 'ON TE GCIG LA ZHE NA, MTSAN NYID KYI SGO NAS NI SANGS RGYAS THAMS CAD LA STE, LAM MTSAN NYID MI 'DRA BA MED PA'I PHYIR RO, ,GANG ZHIG DGE 'DUN LA SKYABS SU 'GRO BA DE NI DGE 'DUN DU BYED PA'I CHOS SLOB PA DANG, MI SLOB PA LA SKYABS SU 'GRO BA YIN TE, GANG DAG THOB PAS GANG ZAG BRGYAD PO MI PHYED PA'I PHYIR DGE 'DUN DU 'GYUR BA'O, ,CI DGE 'DUN THAMS CAD LA'AM, 'ON TE GCIG LA ZHE NA, MTSAN NYID KYI SGO NAS NI THAMS CAD LA STE, LAM MTSAN NYID MI 'DRA BA MED PA'I PHYIR RO, ,GANG MDO LAS GANG YANG MA 'ONGS PA'I DUS NA DGE 'DUN ZHES BYA BA 'BYUNG BAR 'GYUR BA DE LA YANG SKYABS SU SONG ZHIG ZHES GSUNGS SO ZHE NA, DE DAG GI NI MNGON SUM DU 'GYUR BA'I DGE 'DUN DKON MCHOG BRJOD PA'I PHYIR RO, GANG ZHIG CHOS LA SKYABS SU 'GRO BA DE NI MYA NGAN LAS 'DAS PA SO SOR BRTAGS PAS 'GOG PA LA SKYABS SU 'GRO BA YIN TE, BDAG DANG GZHAN GYI RGYUD KYI NYON MONGS PA RNAMS DANG, SDUG BSNGAL ZHI BAR MTSAN NYID GCIG PA NYID KYI PHYIR RO, ,GAL TE MI SLOB PA'I CHOS DAG KHO NA SANGS RGYAS YIN NA JI SRID DE BZHIN GSHEGS PA LA NGAN SEMS KYIS KHRAG PHYUNG BAS MTSAMS MED PAR 'GYUR, BYE BRAG TU SMRA BA RNAMS NA RE, RTEN LA GNOD PA BYAS PAS DE DAG LA YANG GNOD PA BYAS PA YIN NO ZHES ZER RO, ,BSTAN BCOS LAS NI MI SLOB PA'I CHOS KHO NA SANGS RGYAS YIN NO ZHES DE SKAD DU MI 'BYUNG NGO, ,'O NA JI SKAD DU 'BYUNG ZHE NA, SANGS RGYAS SU BYED PA'I CHOS ZHES 'BYUNG STE, DE'I PHYIR RTEN SANGS RGYAS NYID DU MA BKAG PAS DE NI KLAN KAR MI RUNG PA NYID DO, ,DE LTA MA YIN NA 'JIG RTEN PA'I SEMS LA GNAS PA SANGS RGYAS KYANG MA YIN PAR 'GYUR, DGRA BCOM PA YANG MA YIN PAR 'GYUR LA DGE SLONG DU BYED PA'I TSUL KHRIMS KHO NA YANG DGE SLONG DU 'GYUR RO, ,JI LTAR GANG ZHIG DGE SLONG LA MCHOD PA BYED PA DE DGE SLONG DU @184B BYED PA'I TSUL KHRIMS LA MCHOD PA BYED PA YIN PA DE BZHIN DU, GANG ZHIG SANGS RGYAS LA SKYABS SU 'GRO BA DE YANG MI SLOB PA SANGS RGYAS SU BYED PA'I CHOS DAG LA SKYABS SU 'GRO BA YIN NO, ,GZHAN DAG NA RE GANG ZHIG SANGS RGYAS LA SKYABS SU 'GRO BA DE NA SANGS RGYAS KYI CHOS MA 'DRES PA BCO BRGYAD LA SKYABS SU 'GRO BA YIN NO ZHES ZER RO, ,SKYABS SU 'GRO BA RNAMS KYI RANG BZHIN CI ZHE NA, NGAG GI RNAM PAR RIG BYED KYI NGO BO NYID DAG YIN NO, ,YANG SKYABS KYI DON CI ZHE NA, DE LA BRTEN NAS SDUG BSNGAL THAMS CAD LAS GTAN DU NGES PAR THAR PA'I PHYIR RO, ,BCOM LDAN 'DAS KYIS KYANG, 'JIGS PAS SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' DANG NI MTSED GNAS KYI, ,LJON SHING RNAMS LA SKYABS 'GRO STE, ,SKYABS DE GTZO BO MA YIN ZHING, ,SKYABS DE MCHOG GYUR MA YIN LA, ,SKYABS DE LA NI BRTEN NAS KYANG, , SDUG BSNGAL KUN LAS MI GROL GYI, ,GANG TSE GANG ZHIG SANGS RGYAS DANG, ,CHOS DANG DGE 'DUN SKYABS SONG LA, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'DAS PA DANG, ,'PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, , 'PHAGS PA'I BDEN PA BZHI PO DAG ,SHES RAB KYIS NI LTA BYED PA, ,SKYABS DE GTZO BO YIN PA STE, ,SKYABS DE MCHOG TU GYUR PA YIN, ,SKYABS DE LA NI BRTEN NAS KYANG, ,SDUG BSNGAL KUN LAS 'GROL BAR 'GYUR, ,ZHES GSUNGS TE, DE NYID KYI PHYIR SKYABS SU 'GRO BA RNAMS NI SDOM PA YANG DAG PAR BLANGS PA THAMS CAD LA SGOR GYUR PA YIN NO, ,YANG CI'I PHYIR SDOM PA GZHAN DAG LAS NI MI TSANGS PAR SPYOD PA SPONG BA BSLAB PA'I GZHIR RNAM PAR BZHAG LA, DGE BSNYAN LA NI 'DOD PAS LOG PAR GA-YEM PA LAS SPONG BA BSLAB PA'I GZHIR RNAM PAR GZHAG CE NA, LOG GA-YEM SHIN TU SMAD PHYIR DANG, ,SLA PHYIR MI BYED THOB PHYIR RO, ,'DOD PAS LOG PAR GA-YEM PA NI GZHAN DAG GI CHUNG MA SUN 'BYIN PA'I PHYIR DANG, NGAN SONG BA'I RGYU YIN PA'I PHYIR 'JIG RTEN NA SHIN TU SMAD PA YIN GYI MI TSANGS PAR SPYOD PA NI DE LTA MA YIN PA DANG, KHYIM NA GNAS @185A *, ,PA 'DOD PAS LOG PAR GA-YEM PA LAS BSDAMS BLA'I MI TSANGS PAR SPYOD PA LAS NI DKA' BA'I PHYIR, DKA' BA BYED PAR MI SPRA BAR 'GYUR BA DANG, 'PHAGS PA RNAMS CHE RABS GZHAN DAG TU YANG MI SPYOD PA'I PHYIR 'DOD PAS LOG PAR GA-YEM PA MI BYED PA'I SDOM PA THOB KYI MI TSANGS PAR SPYOD PA NI DE LTA MA YIN PAS SLOB PA TSE RABS GZHAN DU GYUR PA DGE BSNYEN GYI SDOM PA LA GNAS PA MA YIN PAR 'GYUR DU 'ONG BAS DGE BSNYEN LA YANG DE KHO NA LAS LDOG PA SDOM PAR RNAM PAR GZHAG GO , ,MI BYED PAR NGES PA NI MI BYED PA'I SDOM PA'O, ,GANG DAG DGE BSNYEN YIN BZHIN DU CHUNG MA LEN PAR BYED NA CI DE DAG GIS DE LAS KYANG SDOM PA THOB BAM, 'ON TE MA YIN ZHE NA, NYI TSE BA'I SDOM PA THOB PAR 'GYUR DU 'ONG BAS 'THOB BO, ,JI LTAR NA SDOM PA NYAMS PAR MI 'GYUR ZHE NA, 'DI LTAR, SDOM PA JI LTAR KHAS BLANGS BZHIN, ,'THOB KYI RGYUD LAS MA YIN NO, ,DE DAG GI SDOM PA NI JI LTAR KHAS LEN PA DE BZHIN 'THOB BO, ,DE DAG JI LTAR KHAS LEN ZHE NA BDAG 'DOD PAS LOG PAR GA-YEM PA SPONG NGO ZHES KHAS LEN GYI ,BDAG GI RGYUD 'DI LA MI TSANGS PAR SPYOD PAR MI BYA'O ZHES NI MA YIN TE, DE'I PHYIR DE DAG GIS GZHI DE LAS 'DOD PAS LOG PAR GA-YEM PA'I YAN LAG KHO NA SDOM PA 'THOB KYI MI TSANGS PAR SPYOD PA NI MA YIN PAS CHUNG MAR GYUR PA LA SDOM PA NYAMS PA MED DO, ,YANG CI'I PHYIR BRDZUN DU SMRA BA SPONG BA KHO NA DGE BSNYEN GYI SDOM PA LA BSLAB PA'I YAN LAG TU BZHAG LA PHRA MA LA SOGS PA LAS NI MA YIN ZHE NA, RGYU GSUM PA DE DAG NYID KYI PHYIR TE, BRDZUN SMRA SHIN TU SMAD PHYIR DANG, ,SLA PHYIR MI BYED 'THOB PHYIR RO, ,BSLAB PA THAMS CAD 'DAS GYUR NA, ,BRDZUN DU THAL BAR 'GYUR BA'I PHYIR, ,BSLAB PA THAMS CAD DU 'DAS NA DRI BAR BYA BA LA BDAG GIS DE LTA BU MA BYAS SO ZHES BYA BA 'DI NYE BAR GNAS PAR 'GYUR TE, BDZUN DU SMA BA THAL BAR 'GYUR BAS DE'I PHYIR JI LTAR NA 'DAS PAR BYAS KYANG BDAG NYID 'CHAGS PAR 'GYUR SNYAM NAS BRDZUN DU SMRA BA LAS ZLOB PA BSHAD DO, ,YANG CI'I PHYIR BCAS PA'I KHA NA MA THO BA LAS 'DIR BSLAB PA'I GZHIR RNAM PAR MA BZHAG CE NA, BCAS @185B PA'I KHA NA MA THO BA, ,MYOS 'GYUR LAS, RNAM PAR GZHAG GO , ,CI'I PHYIR MYOS PAR 'GYUR BA KHO NA LAS YIN GYI GZHAN LAS NI MA YIN ZHE NA GZHAN SRUNG PHYIR RO, ,MYOS PAR 'GYUR BA 'THUNGS NA YAN LAG GZHAN DANG GZHAN DAG KYANG MI SRUNG BAR 'GYUR RO, ,JI LTAR NA MYOS PAR 'GYUR BA 'THUNG BA BCAS PA'I KHA NA MA THO BA YIN PAR SHES SHE NA, RANG BZHIN GYIS KHA NA MA THO BA'I MTSAN NYID MED PA'I PHYIR TE, RANG BZHIN GYIS KHA NA MA THO BA NI SEMS NYON MONGS PA CAN KHO NAS SPYOD PA YIN NA CHANG NI JI SRID MYOS PAR MI 'GYUR BAR GNYEN PO'I BLO KHO NAS BTUNG BAR NUS SO, ,GANG MYOS PAR 'GYUR BA YIN PAR SHES NAS 'THUNG BA'I SEMS DE NYID NYON MONGS PA CAN YIN NO, ,GANG MYOS PAR MI 'GYUR BA'I DROD RIG NAS 'THUNG BA DE NI NYON MONGS PA CAN MA YIN NO, ,'DUL BA 'DZIN PA RNAMS NA RE MYOS PAR 'GYUR BA 'THUNG BA NI RANG BZHIN GYIS KHA NA MA THO BA YIN TE, BTZUN PA JI LTAR BRO GA-YOG BGYI , ,NYE BA 'KHOR RANG BZHIN GYIS KHA NA MA THO BA MA GTOGS PA ZHES BCOM LDAN 'DAS KYIS GSUNGS LA, SH'AKYA NAD PA RNAMS LA YANG MYOS PAR 'GYUR BA 'THUNG BA MA GNANG NGO, ,'DI SKAD DU DGE SLONG DAG NGA STON PA YIN PAR SMRA BA RNAMS KYIS MYOS PAR 'GYUR BA RTZVA'I RTZE MOS KYANG BTUNG BAR MI BYA'O ZHES KYANG GSUNGS TE, DE'I PHYIR RANG BZHIN GYIS KHA NA MA THO BA YIN PAR MNGON NO, ,SROG GCOD PA LA SOGS PA BZHIN DU 'PHAGS PA RNAMS TSE 'PHOS KYANG MI SPYOD PA'I PHYIR DANG, LUS KYI NYES PAR SPYOD PA ZHES KYANG 'BYUNG BA'I PHYIR RO ZHES ZER RO, , CHOS MNGON PA PA RNAMS NA RE, MA YIN TE, NAD PA RNAMS LA BCAS PA'I KHA NA MA THO BA SPYIR BSTAN MOD KYI, YANG MYOS PAR 'GYUR BA'I DROD MA NGES PAR THAL BAR 'GYUR BA YONGS SU SPANG BA'I PHYIR MYOS PAR 'GYUR BA DMIGS KYIS BSTAN TE, DE NYID KYI PHYIR RTZVA'I RTZE MOS 'THUNG BA BKAG PA YIN NO, ,'PHAGS PA RNAMS MI SPYOD PA NI NGO TSA DANG LDAN PA'I PHYIR DANG, DES KYANG DRAN PA NYAMS PAR BYED PA'I PHYIR CUNG ZAD KYANG MI GSOL TE, DUG BZHIN DU MA NGES PA'I PHYIR RO, ,NYES PAR SPYOD PA ZHES 'BYUNG BA NI BAG MED PA'I GNAS YIN PA'I PHYIR TE, DE NYID KYI PHYIR @186A *, ,'DI LA BAG MED PA'I GNAS ZHES SMOS KYI GZHEN DAG LA NI MA YIN TE, DE DAG LA NI RANG BZHIN GYIS KHA NA MA THOB YIN PA'I PHYIR RO, ,HA CANG KUN DU BSTEN PAS NGAN 'GROR 'GRO BAR GSUNGS PA NI DE'I ZHAR LA MI DGE BA'I RGYUN YANG DANG YANG DU 'JUG PAS NGAN SONG BA'I LAS 'PHEN PA 'AM 'JUG PA THOB PA'I PHYIR RO, ,'BRU'I CHANG DANG SBYAR BA'I CHANG MYOS PAR 'GYUR BA BAG MED PA'I GNAS ZHES BYA BA'I DON CI ZHE NA, 'BRU'I CHANG NI ZAS LAS SBYAR BA'I BTUNG BA'O, ,SBYAR BA'I CHANG NI RDZAS LAS SBYAR BA'I BTUNG BA'O, ,DE DAG KYANG RES 'GA' MYOS PAR 'GYUR BA'I DNGOS POR MA RED PA'AM YAL BAR 'GYUR BAS DE'I PHYIR MYOS PAR 'GYUR BA ZHES BYA BAR SMOS SO, ,GLA GOR ZHO SHA DANG KHRE RGOD LA SOGS PA YANG MYOS PAR BYED PAS 'BRU'I CHANG DANG SBYAR BA'I CHANG ZHES BYA BA SMOS SO, ,BCAS PA'I KHA NA MA THO BA YIN YANG BAG MED PA THAMS CAD KYI GNAS SU GYUR PAS BSGRIMS TE SPANG PAR BYA BA NYID YIN PA'I RGYU SHES PAR BYA BA'I PHYIR BAG MED PA'I GNAS ZHES SMOS SO, ,CI SO SOR THAR PA DANG BSAM GTAN DANG ZAG PA MED PA'I SDOM PA DANG GSUM PO 'DI DAG GANG LAS GCIG 'THOB PA DE LAS LHAG MA DAG THOB PA'AM ZHE NA, MA YIN NO, ,'O NA JI LTA BU ZHE NA, 'DOD GTOGS THAMS CAD GNYI GA DANG, ,DA LTAR DAG LAS 'THOB PAR 'GYUR, ,'DOD GTOGS ZHES BYA BA NI SO SOR THAR PA'I SDOM PA YIN NO, ,THAMS CAD LAS ZHES BYA BA NI SBYOR BA DANG DNGOS DANG MJUG LAS SO, ,GNYI GA LAS ZHES BYA BA NI SEMS CAN DANG SEMS CAN MA YIN PAR STON PA DANG, RANG BZHIN DANG BCAS PA'I KHA NA MTHO BA LAS SO, ,SEMS CAN GYI RTEN LA 'JUG PA'I PHYIR DA LTAR GYI PHUNG PO DANG KHAMS DANG SKYE MCHED KHO NA LAS 'THOB KYI 'DAS PA DANG MA 'DAS PA DAG LAS NI MA YIN TE, DE DAG NI SEMS CAN DU MI BGRANG BA'I PHYIR RO, ,BSAM GTAN ZAG MED SDOM PA NI, ,DNGOS DANG DUS NI THAMS CAD LA, BSAM GTAN DANG ZAG PA MED PA'I SDOM PA NI LAS KYI LAM DNGOS KHO NA LAS 'THOB KYI SBYOR BA DANG MJUG LAS KYANG MA YIN NA BCAS PA'I KHA NA MA THO BA ? LA LTA SMOS KYANG CI DGOS, DUS THAMS CAD KYI PHUNG PO DANG KHAMS DANG SKYE MCHED LAS @186B 'THOB STE, 'DAS PA DANG MA 'ONGS PA DAG LAS KYANG 'THOB BO, ,DE NYID KYI PHYIR GANG DAG LAS SO SOR THAR PA'I SDOM PA 'THOB LA BSAM GTAN DANG ZAG PA MED PA'I SDOM PA DAG MA YIN PA'I PHUNG PO DANG KHAMS DANG SKYE MCHED DE DAG KYANG YOD CES BYA BA RGYAS PAR MU BZHIR 'GYUR TE, MU DANG PO NI DA LTAR BYUNG BA'I NYER BSDOGS DANG MJUG DAG DANG, BCAS PA'I KHA NA MA THOB LAS SO, ,GNYIS PA NI 'DAS PA DANG MA 'ONGS PA'I LAS KYI LAM DNGOS DAG LAS SO, ,GSUM PA NI DA LTAR BYUNG BA'I LAS KYI LAM DNGOS DAG LAS SO, ,BZHI PA NI 'DAS PA DANG MA 'ONGS PA'I NYER BSDOGS DANG MJUG DAG LAS SO, ,SDOM PA 'THOB BA'I TSE NA DA LTAR GYI LAS KYI LAM RNAMS MED PAS DA LTAR GYI GZHI CAN LAS ZHES BRJOD PAR BYA'O, ,MA 'ONGS PA RNAMS KHO NA LAS SDOM PAR RUNG GI 'DAS PA DANG DA LTAR GYI RNAMS LA NI MA YIN NO, ,YANG CI SDOM PA DANG SDOM PA MA YIN PA DAG SEMS CAN THAMS CAD DANG, YAN LAG THAMS CAD DANG, RGYU THAMS CAD KYIS 'THOB BAM, 'ON TE BYE BRAG CI YOD CE NA, RE ZHIG NGES PAR, SDOM PA SEMS CAN THAMS CAD LAS, ,'THOB LA, YAN LAG RGYU LA DBYE BA YOD, ,SDOM PA NI SEMS CAN THAMS CAD LAS 'THOB PA NYID DE 'GA' LAS MA YIN NO; ,YAN LAG LAS NI DBYE BA NI YOD DE, LA LA NI THAMS CAD LAS 'THOB STE, DGE SLONG GI SDOM PA THOB PA'O, ,LA LA NI GZHI LAS TE DE LAS GZHAN PA'O, ,LAS KYI LAM RNAMS NI SDOM PA'I YAN LAG DAG YIN NO, ,RGYU LAS KYANG RNAM GRANGS LA LA LAS NI THAMS CAD KYIS SO, ,LA LA LAS NI GCIG GIS SO, ,RE ZHIG GANG GIS NA THAMS CAD KYIS YIN ZHE NA, GAL TE MA CHAGS PA DANG ZHE SDANG MED PA DANG GTI MUG MED PA RGYUR 'DOD NA'O, ,GANG GIS NA GCIG GIS SHE NA, GAL TE SEMS CHUNG DU DANG 'BRING DANG CHEN PO DAG RGYUR 'DOD NA'O, ,RNAM GRANGS THA MA NGES PA LA BRTEN TE SMRAS PA, SDOM PA LA GNAS PA SEMS CAN THAMS CAD LA BSDAMS LA YAN LAG THAMS CAD DANG, RGYU THAMS CAD KYI MA YIN PA YANG YOD DE, GANG ZHIG SEMS CHUNG NGU 'AM 'BRING NGAM ? CHEN POS DGE BSNYEN DANG BSNYEN GNAS PA DANG, DGE TSUL GYI SDOM PA YANG DAG PAR LEN PA'O, ,SEMS @187A *, ,CAN THAMS CAD DANG, YAN LAG THAMS CAD KYIS BSDAMS LA RGYU THAMS CAD KYI MA YIN PA YANG YOD DE, GANG ZHIG SEMS CHUNG NGU ? 'AM 'BRING DAM CHEN POS DGE SLONG GI SDOM PA YANG DAG PAR LEN PA'O, ,SEMS CAN THAMS CAD DANG YAN LAG THAMS CAD DANG RGYU THAMS CAD KYIS BSDAMS PA YANG YOD DE, GANG ZHIG SEMS RNAM PA GSUM GYIS SNGOM PA RNAM PA GSUM YANG DAG PAR LAN PA'O, ,SEMS CAN THAMS CAD DANG, RGYU THAMS CAD KYIS BSDAMS PA LA YAN LAG THAMS CAD KYIS MA YIN PA YANG YOD DO, ,GANG ZHIG SEMS CHUNG DU DANG 'BRING DANG CHEN PO DAG GIS DGE BSNYEN DANG BSNYEN GNAS DANG DGE SBYONG GI SDOM PA YANG DAG PAR LEN PA'O, ,GANG ZHIG SEMS CAN THAMS CAD LA MA BSDAMS PA DE LTA BU NI MED DE, 'DI LTAR SEMS CAN THAMS CAD KYI RJES SU SONG BA'I SEMS DGE BA LA GNAS PAS SDOM PA 'THOB KYI GZHAN DU NI MA YIN TE, SDIG PA'I BSAM PA DANG MA BRAL BA'I PHYIR RO, ,DES ? PA LNGA PO SEMS CAN DANG, ,YAN LAG DANG YUL DANG, DUS DANG, TSE NGES PA MI BYED NA SO SOR THAR PA'I SDOM PA 'THOB STE, SEMS CAN CHE GE MO ZHIG LAS SPONG NGO ZHES BYA BA NI SEMS CAN NGES PA'O, ,YAN LAG CHE GE MO ZHIG LAS ZHES BYA BA NI YAN LAG NGES PA'O, ,YUL CHE GE MO ZHIG TU ZHES BYA BA NI YUL NGES PA'O, ,ZLA BA'I BAR DU ZHES BYA BA NI DUS NGES PA'O, ,'THAB MO MA GTOGS SO ZHES BYA BA NI TSE NGES BA STE, DE LTAR MNOS NA LEGS PAR SPYAD PA TZAM DU NI 'GYUR RO, ,JI LTAR NA MI NUS PA DAG LAS SDOM PA 'THOB CE NA, SEMS CAN THAMS CAD KYI SROG LA MI GNOD PA'I BSAM PAS KHAS BLANG BA'I PHYIR RO, ,BYE BRAG TU SMRA BA RNAMS NA RE GAL TE NUS PA DAG KHO NA LAS SDOM PA 'THOB NA NI SEMS CAN NUS PA DANG MI NUS PA RNAMS NI PHAN TSUN 'PHO BAS 'PHEL BA DANG 'GRIB PA DANG LDAN BAR 'GYUR TE, DE LTAR NA 'THOB PA DANG GTONG BA'I RGYU DAG MED PAR YANG SDOM PA 'THOB PA DANG GTONG BAR 'GYUR RO ZHES ZER RO, ,DE LTAR NI MI 'GYUR TE, JI LTAR SNGON MED PA'I RTZVA LA SOGS PA SKYES SAM BSKAMS NA SDOM PA 'PHEL BA DANG 'GRIB PAR MI 'GYUR BA DE BZHIN DU NUS PA DANG MI NUS PA 'PHOS SU ZIN KYANG MI 'GYUR RO, ,SEMS @187B CAN RNAMS NI SNGON YANG YOD LA PHYIS KYANG YOD PA'I PHYIR LA RTZVA LA SOGS PA NI MED PA'I PHYIR RO, ,'DI LA DE LTAR MI NUS PAR GYUR PA DANG ZAD PAR CI ZHIG YOD PA GANG GI TSE YONGS SU MYA NGAN LAS 'DAS NAS MED PA KHO NAR GYUR PA DE'I TSE JI LTAR SDOM PA 'GRIB PAR MI 'GYUR TE, LAN 'DI NI MI RUNG NGO,, DE LTA BAS NA GTAN TSIGS SNGA MA NYID BZANG NGO, ,DE LTAR NA 'O NA NI SNGON GYI SEMS CAN NI SANGS RGYAS SU GYUR NAS YONGS SU MYA NGAN LAS 'DAS PA RNAMS LAS SANGS RGYAS PHYI MA RNAMS KYIS SO SOR THAR BA'I SDOM PA MA THOB PA'I PHYIR JI LTAR TSUL KHRIMS NYUNG BAR MI 'GYUR ZHE NA, THAMS CAD KYIS SEMS CAN THAMS CAD LAS 'THOB PA'I PHYIR TE, GAL TE DE DAG KYANG YOD NA NI DE RNAMS KYIS DE DAG LAS KYANG THOB PAR 'GYUR RO, ,SDOM PA GANG LAS 'THOB PA BSHAD ZIN TO, SDOM PA MIN PAS THAMS CAD DANG, ,YAN LAG KUN LAS RGYUS MIN NO, ,SEMS CAN THAMS CAD DANG LAS KYI LAM THAMS CAD LAS 'THOB STE, SDOM PA MA YIN PA MA TSANG BA'I SDOM PA MA YIN PA CAN NI MED DO ZHES GRAG GO , ,RGYU THAMS CAD KYIS NI MA YIN TE, SEMS CHUNG NGUL SOGS PA CIG CAR DU MI 'BYUNG BA'I PHYIR RO, ,GANG ZHIG SEMS CHUNG NGUS ? SDOM PA MA YIN PA 'THOB STE, SEMS CHEN POS SROG CHAGS KYI SROG GCOD PAR BYED NA YANG SDOM PA MA YIN PA NI CHUNG NGU KHO NA DANG LDAN LA, SROG GCOD PA'I RNAM PAR RIG BYED NI CHEN PO DANG LDAN NO, ,DE BZHIN DU 'BRING DANG CHEN PO LA YANG SBYAR BAR BYA', ,DE LA 'DI DAG NI SDOM PA MA YIN PA CAN YIN TE, 'DI LTA STE, SHAN PA RNAMS DANG, BYA GAG GSOD PA RNAMS DANG, PHAG GSOD PA RNAMS DANG, BYA BA RNAMS DANG, NYA PA RNAMS DANG, RI DAGS 'TSOR ? BA RNAMS DANG, CHOM RKUN PA RNAMS DANG, GSHED MA RNAMS DANG, BTZON RDZI RNAMS DANG, GLANG PO CHE 'TSOR BA RNAMS DANG, KHYI 'TSOR BA RNAMS DANG, BKU RI 'CHOR BA RNAMS SO, ,RGYAL PO DANG, BLON PO DANG, SHAGS ZIN PO RNAMS KYANG DON GYIS NA SDOM PA MA YIN NO, DE LA GNAS PAS SDOM PA MA YIN BA YOD PA'I PHYIR RAM, 'DI DAG LA SDOM PA MA YIN PA YOD PAS NA SDOM PA MA YIN PA CAN RNAMS SO, ,LUG GSOD PAS NA SHAN PA RNAMS TE, GZHAN DAG LA YANG DE BZHIN DU SBYAR RO, ,RE ZHIG SDOM @188A *, ,PA NI SEMS CAN THAMS CAD LA PHAN PA'I BSAM PAS ZHES SMOS PAS SEMS CAN THAMS CAD LAS THOB PAR YANG RIGS NA, SHAN PA LA SOGS PAR PHA DANG MA DANG BU DANG BRAN LA SOGS PA LA LOG PAR MA ZHUGS PA'I BSAM PA CAN 'TSO BA'I PHYIR YANG GSOD PAR MI 'DAD PA RNAMS GO JI LTAR SEMS CAN THAMS CAD LAS SDOM PA MA YIN PA 'THOB PAR RUNG, DE DAG NI MA LA SOGS PA LUG TU GYUR PA YANG GSOD DO, ,RE ZHIG DE DAG NYID YIN PAR SHES NAS NI MI GSOD DO, ,'PHAGS MAR GYUR PA RNAMS LA YANG PHYUGS SU GYUR PA'I GO SKABS MED NA JI LTAR NA DE DAG LAS SDOM PA MA YIN PA 'THOB, GAL TE MA 'ONGS PA'I LUS LA LTOS TE DA LTAR GYI LAS SDOM PA MA YIN PA ZHIG TU 'GYUR NA NI DE DAG LUG BUR GYUR PA RNAMS KYANG GTAN MI GSOD PAS DE DAG LAS SDOM PA MA YIN PAR MI 'GYUR RO, ,JI LTAR NA GSOD PAR 'DOD BZHIN DU DE DAG LAS SDOM PA MA YIN PAR MI 'GYUR, DE NI MA LA SOGS PA LA YANG MTSUNGS TE, JI LTAR NA GSOD PAR MI 'DOD BZHIN DU DE DAG LAS SDOM PA MA YIN PAR 'GYUR, SHAN PA GANG ZHIG TSER YANG MA BYIN PAR MI LEN, ,RANG GI CHUNG MAS KYANG CHOG SHES, LKUGS PA YANG YIN NA JI LTAR NA DE YAN LAG THAMS CAD LAS SDOM PA MA YIN PAR 'GYUR; BSAM PA LOG PAR ZHUGS PA'I PHYIR TE, LKUGS BZHIN DU NGAG GIS THOB PAR BYA BA'I DON LUS KYIS 'THOB PAR NUS SO, ,'O NA GANG ZHIG GIS BSLAB PA'I GNAS GNYIS SAM GSUM ZHIG YANG DAG PAR BLANGS NA JI LTA BUR 'GYUR, BYE BRAG TU SMRA BA RNAMS NA RE SDOM PA MA YIN PA LA MA TSANG BA DANG NYI TSE BA NI RNAM PA THAMS CAD DU MED DO ZHES ZER RO, ,MDO SDE PA RNAMS NA RE NI JI LTAR KHAS BLANGS PA BZHIN DU SDOM PA MA YIN PA DANG RNAM PA BRGYAD MA GTOGS PA SDOM PA YANG MA TSANG BA YOD LA NYI TSE BA YANG YOD DE TSUL KHRIMS DANG 'CHAL BA'I TSUL KHRIMS NGE TZAM GYIS GEGS BYED PA'I PHYIR RO ZHES ZER RO, ,SDOM PA MA YIN PA GANG DAG LAS 'THOB PA DE NI BSHAD ZIN TO, ,JI LTAR 'THOB PA MA BSHAD PAS, ,DE'I PHYIR 'DI BRJOD PAR BYA STE, ,SDOM PA MIN PA BYA BA 'AM, ,KHAS LEN PA LAS 'THOB PAR 'GYUR, ,SDOM PA MA YIN PA NI RGYU RNAM PA GNYIS KYIS @188B 'THOB STE, DE'I RIGS SU SKYES PA RNAMS NI GSOD PAR SBYOR BA'I BYA BA LAS SO, ,GZHAN GYI RIGS SU SKYES PA RNAMS NI BDAG CAG KYANG 'TSO BA 'DIS 'TSO BAR BYA'O ZHES KHAS LEN PA LAS SO, ,LHAG MA'I RNAM RIG MIN ZHING DANG, ,LEN DANG GUS PAR BYED PAS 'THOB, ,GANG DU KUN DGA'I RA BA LA SOGS PA PHUL BA TZAM GYIS RNAM PAR RIG BYED MA YIN PA SKYE BAR 'GYUR BA DE LTA BU'I ZHING YANG YOD DE, 'DI LTA STE, RDZAS LAS BYUNG BA'I BSOD NAMS BYA BA'I DNGOS PO DAG LTA BU'O, ,YANG NA SANGS RGYAS LA PHYAG MA 'TSAL GYI BAR DU ZAS MI BZA'O, ,TSES SAM ZLA BA GCIG GAM ZLA BA PHYED CING RTAG TU ZAS DAG SBYIN PAR BYA'O ZHES BYA BA DE LTA BU LA SOGS PA'I YI DAM BCAS PA'AM, DGE BA 'AM MI DGE BA GANG LAS 'DI'I RNAM PAR RIG BYED MA YIN PA SKYE BAR 'GYUR BA DE LTA BU'I GUS PAS LAS BYED PA LAS SO, ,SDOM PA DANG SDOM PA MA YIN PA RNAMS JI LTAR 'THOB PA 'DI NI BSHAD ZIN TO, ,DA NI GTONG BA BRJOD PAR BYA STE, DE LA RE ZHIG ,BSLAB PA PHUL DANG SHI 'PHOS DANG, ,MTSAN NYID DAG NI BYUNG BA DANG, ,RTZA BA CHAD DANG MTSAN 'DAS LAS, ,SO SOR THAR BA'I 'DUL BA GTONG, ,'DIS 'DUL BAR BYED BAS NA 'DUL BA STE, DES DBANG PO 'DUL BAR BYED PA'I PHYIR SO SOR THAR PA'I SDOM PA YIN PAR DGONGS PA'O, ,BSNYEN GNAS MA GTOGS PA'I SO SOR THAR BA'I SDOM PA NI RGYU RNAM PA BZHIS GTONG BAR 'GYUR TE, MI BRDA PHRAD PA'I DRUNG DU BSLAB BA'I GZHI RNAMS BSAM PA THAG PA NAS SLAR PHUL BA DANG, RIS MTHUN PA BTANG BA DANG, MTSAN NYID CIG CAR DU 'BYUNG BA DANG, DGE BA'I RTZA BA KUN DU CHAD PA LAS SO, ,BSNYEN GNAS KYI SDOM PA NI RGYU DE DAG DANG, MTSAN MO 'DAS PA LAS TE, DE DAG NI MDOR BSDU NA GTONG BA'I RGYU LNGA YIN NO, ,CI'I PHYIR RGYU DE DAG GIS GTONG BAR GYUR ZHE NA, YANG DAG PAR BLANGS PA DANG 'GAL BA'I RNAM PAR RIG BYED SKYED PA DANG, RTEN POR BA DANG, RTEN NYAMS PA DANG, GZHI CHAD PA DANG, DE SRID DU 'PHANGS PA'I PHYIR RO, ,KHA CIG LTUNG BAR 'GYUR BA LAS SMRA, GZHAN DAG NA RE LTUNG BAR 'GYUR BA BZHI LAS GANG YANG RUNG BA ZHIG GIS DGE SLONG DANG DGE SBYONG GI SDOM PA GTONG NGO ZHES ZER RO, , @189A *, ,GZHAN DAG DAM CHOS NUB PA LAS, ,GZHAN DAG NA RE DAM PA'I CHOS NUB PA LAS TE, 'DI LTAR DAM PA'I CHOS NUB NA BSLAB PA'I MTSAMS THAMS CAD DANG, LAS KYI MTHA' RNAMS MED PAR 'GYUR RO ZHES ZER RO, ,KHA CHE RNAMS NI BYUNG BA LA, ,BU LON NOR BZHIN GNYIS SU 'DOD, ,KHA CHE BYE BRAG TU SMRA BA RNAMS NI 'DI LTAR 'DOD DE, RTZA BA'I LTUNG BA BYUNG BA LA YANG SDOM PA GTONG BA MED DO, ,CI'I PHYIR ZHE NA, PHYOGS GCIG NYAMS PAS SDOM PA ZAD PAR GTONG BA NI MI RIGS SO, ,LTUNG BA GZHAN BYUNG BA LA YANG TSUL KHRIMS 'CHAL PA MED DO, ,'O NA JI LTA BU ZHE NA, 'DI LA TSUL KHRIMS DANG 'CHAL PA'I TSUL KHRIMS GNYIG YANG YOD DE, DPER NA MI 'GA' ZHIG LA NOR YANG BDOG BU LON YANG CHAGS PA BZHIN NO, ,LTUNG BA DE BSHAGS NA TSUL KHRIMS DANG LDAN PA YIN GYI TSUL KHRIMS 'CHAL PA NI MA YIN TE, DPER NA BU LON BTZAL NAS NOR DANG LDAN PA YIN GYI BU LON CHAGS PA MA YIN PA BZHIN NO ZHES BYA BAR 'DOD DO, ,'O NA BCOM LDAN 'DAS KYIS DGE SLONG MA YIN DGE SBYONG MA YIN, SH'AKYA'I BU MA YIN, DGE SBYONG GI DNGOS PO LAS NYAMS PAR 'GYUR TE, DE'I DGE SBYONG GI TSUL ZHIG PAR 'GYUR, NYAMS PA DANG, BCOM PA DANG, LTUNG BA DANG, PHAM PAR 'GYUR ZHES GANG GSUNGS PA JI LTA BU, DE NI DON DAM PA'I DGE SLONG NYID LAS DGONGS TE GSUNGS PA YIN NO, ,'DI NI HA CANG THUG THUB CHES PAR 'GYUR RO, ,'DI LA THUG THUB CI ZHIG BYA ZHE NA, BCOM LDAN 'DAS KYIS NGES PA'I DON GANG YIN PA GZHAN DU 'DREN PA'O, ,NYON MONGS PA MANG PO RNAMS LA 'CHAL PA'I THUL KHRIMS SU BYA BA'I PHYIR RKYEN BYED PA YANG YIN NO, ,DE JI LTAR NA NGES PA'I DON YIN ZHE NA, 'DUL BA LAS 'DI SKAD DU DGE SLONG NI RNAM PA BZHI STE, MING GI DGE SLONG DANG, KHAS 'CHE BA'I DGE SLONG DANG, SLONG BAS NA DGE SLONG DANG, NYON MONGS BA BCOM PAS NA DGE SLONG NGO, ,DON 'DI LA NI GSOL BA DANG BZHI'I LAS KYIS BSNYEN PAR RDZOGS PA'I DGE SLONG YIN NO ZHES GSUNGS TE, DE SNGON DON DAM PA'I DGE SLONG DU GYUR LA GANG GIS NI, PHYIS DGE SLONG MA YIN PAR 'GYUR BA NI MA YIN NO, ,PHYOGS @189B GCIG NYAMS PAS ZHES GANG SMRAS PA DE NI STON PA DE NYID KYIS, DPER NA SHING TA LA'I MGO BCAD NA SNGON POR 'GYUR DU MI BTUB 'PHEL ZHING RGYAS PA DANG YANGS PAR MI BTUB PA BZHIN NO ZHES BYA BA DPER MDZAD PAS LAN BTAB PA YIN NO, ,DPE'I DON YANG JI LTA BU YIN ZHE NA, RTZA BAR GYUR PA PHYOGS GCIG CHAD PAS KYANG SDOM PA LHAG MA 'PHEL DU MI BTUB ZHES BYA BA YIN TE, DE YANG DGE SLONG GIS DNGOS PO'I MTSAMS 'JIG PAR BYED PA RTZA BA'I LTUNG BA LCI BA BYUNG NA KHREL MED PA SHAS CHEN PO DANG LDAN PA'I PHYIR SDOM PA'I RTZA BA 'CHAD PAS SDOM PA ZAD PAS GTONG BAR RIGS SO, ,STON PAS GANG LA DGE 'DUN GYI ZHAL ZAS DANG GTZUG LAG KHANG LA KHAM GCIG DANG GOM PA GCIG 'DOR BA'I PHYOGS LONGS SPYAD PAR YANG MA GNANG BA NI DGE SLONG GI LONGS SPYOD THAMS CAD LAS KYANG BKAR RO, ,GANG GI DBANG DU MDZAD NAS, DGE SLONG MIN LA DGE SLONG DU, ,SMRA BA SRE DA ? BSAL BAR GYIS, ,SHING RUL DAG NI SPANG BAR GYIS, ,SNYING PO MED PA DOR BAR GYIS, ,ZHES GSUNGS PAS DE'I DGE SLONG GI DNGOS PO CI 'DRA BA ZHIG YIN CI 'DRA YANG RUNG DGE SLONG GI DNGOS PO NI YOD DE, 'DI LTAR BCOM LDAN 'DAS KYIS BTZUN DE DGE SBYONG BZHI STE LNGA PA MED, LAM GYI RGYAL DANG LAM STON DANG, ,LAM PHYIR 'TSO DANG LAM SUN 'BYIN, ,ZHES GSUNGS SO, ,DE SKAD DU GSUNGS PA YOD MOD KYI, ,DE NI SHA TSUGS TZAM LUS PA'I PHYIR DGE SBYONG ZHES GSUNGS PAR ZAD DE, SHING TSIG PA DANG, MTSE'U SKAMS PA DANG, NE TZO'I MCHU DANG, SA BON RUL PA DANG; MGAL ME'I 'KHOR LO DANG, SEMS CAN SHI BA BZHIN NO, ,GAL TE 'CHAL PA'I TSUL KHRIMS LAS DGE SLONG MA YIN PAR 'GYUR NA BSLAB PA SBYIN PA PO MED PAR 'GYUR RO, ,THAMS CAD LTUNG BA BYUNG BA'I MDO LAS PHAS PHAM PA PA YIN NO ZHES MI ZER GYI, GANG PHAS PHAM BAB DE NI GDON MI ZA BAR DGE SBYONG MA YIN NO, ,LA LA RGYUD KYI KHYAD PAR LAS PHAS PHAM PA PA MA YIN TE, SEMS 'GAS KYANG MI 'CHAB PA'I PHYIR DE NI CHOS KYI RJES SU RNAM PAR GZHAG GO , ,GAL TE PHAS PHAM PA PA DGE SLONG MA YIN NA CI STE YANG RAB TU MI 'BYUNG, RGYUD KHREL MED PA SHAS CHEN @190A *, ,BOS NYAMS PAR BYAS PAS SDOM PA'I SKAL BA MED PA'I PHYIR YIN GYI, DGE SLONG GI DNGOS PO LA LTOS TE MA YIN TE, 'DI LTAR DE NI BSLAB PA PHUL YANG RAB TU MI 'BYUNG NGO, ,DON MED PA 'DI LA CI ZHIG 'BAD DE, GAL TE DE LTA BUR GYUR PA YANG DGE SLONG YIN NA DGE SLONG NYID DE 'DRA BA DE LA PHYAG 'TSAL LO, ,DAM PA'I CHOS NUB NA 'DUL BA'I LAS MES PA'I PHYIR SNGON MED PA'I 'DUL BA 'THOB PA NI MED KYI THOB ZIN PA NI GTONG BA MED DO, ,YANG BSAM GTAN DANG ZAG PA MED PA'I SDOM PA DAG JI LTAR GTONG ZHE NA, BSAM GTAN BA TOGS PA'I DGE BA NI; ,SA 'PHOS NYAMS PA DAG GIS GTONG, ,BSAM GTAN DU GTOGS PA'I DGE BA THAMS CAD NI RGYU GNYIS KYIS GTONG STE, GONG MA 'OG TU SKYE BA STE SA 'PHOS PA LAS SAM, SNYOMS PAR 'JUG PA LA SA YONGS SU NYAMS PA LAS SO, ,RI SA MTHUN PA BTANG BA LA SA KYANG KYANG CUNG ZAD GTONG BAR 'GYUR RO, ,JI LTAR GZUGS SU GTOGS PA'I DGE BAS 'PHO BA DANG, YONGS SU NYAMS PA DAG GIS GTONG BA LTAR, ,DE BZHIN GZUGS MED GTOGS 'PHAGS PHA, ,'BRAS BU THOB SBYANGS NYAMS PA LAS, ,DGE BA ZAG PA MED PA NI RGYU GSUM GYIS GTONG BAR 'GYUR TE, 'BRAS BU THOB PA LAS NI LAM SNGA MA GTONG BAR 'GYUR RO, ,DBANG PO SBYANGS PA LAS NI DBANG PO RTUL PO'I LAM MO, ,YONGS SU NYAMS PA LAS NI LAM GOD ? MA 'BRAS BU 'AM 'BRAS BU KHYAD PAR CAN TE, RE ZHIG SDOM PA RNAMS NI DE LTAR GTONG NGO, ,SDOM MIN SDOM PA THOB BA DANG, ,SHING DANG MTSAN NYID BYUNG BA LAS, ,SDOM PA MA YIN PA NI RGYU GSUM GYIS 'CHAD DE, SDOM PA THOB PA LAS NI GAL TE SDOM PA YANG DAG PAR BLANGS PA LAS SAM, RGYU DANG RKYEN GYI STOBS KYIS TING NGE 'DZIN THOB PAS BSAM GTAN GYI SDOM PA THOB NA GNYEN PO STOBS DANG LDAN PA'I PHYIR DES SDOM PA MA YIN PA 'CHAD PAR 'GYUR RO, ,LUS BAR BA'I PHYIR SHI BA DANG, RTEN NYAMS PA'I PHYIR MTSAN NYID BYUNG BA LAS 'DOR BAR 'GYUR RO, ,MTSON DANG RGYU MI BYA BA'I BSAM PA THAG PA NAS BOR DU ZIN KYANG SDOM PA MED PAR SDOM PA MA YIN PA 'CHAD PA @190B MED DE, GZHI YONGS SU SPANGS KYANG SMAN MED PAR NAD RNYING MI BZLOG PA BZHIN NO, ,SDOM PA MA YIN PA CAN GANG ZHIG BSNYEN GNAS KYI SDOM PA NOD NA CI 'DI SDOM PA DE LAS YANG SDOM PA MA YIN PAR 'GYUR RAM, 'ON TE SDOM PA YANG MA YIN SDOM BA MA YIN PA YANG MA YIN PA ZHIG TU 'GYUR ZHE NA, KHA CIG NA RE GTAN DU GTONG BA'I BSAM PA MED PA'I PHYIR SDOM PA MA YIN PAR 'GYUR TE, LCAGS KYI THU LUM 'BAR BA YANG SNGON POR 'GYUR BA BZHIN NO ZHES ZER RO, ,GZHAN DAG NA RE DE THOB PA NI RNAM PAR RIG BYED LA RAB LUS PA'I PHYIR SBYOR BA MI BYED NA MI 'GYUR RO ZHES ZER RO,, YANG SDOM PA DANG SDOM PA MA YIN PA MA GTOGS PA'I RNAM PAR RIG BYED MA YIN PA JI LTAR GTONG ZHE NA, BAR MA SHUGS BLANGS BYA BA DANG, ,DON TSE RTZA BA CHAD PA LAS, ,RAB TU DANG BA DANG, NYON MONGS PA'I SHUGS GANG GIS RNAM PAR RIG BYED MA YIN PA 'DI 'PHANGS PA DE CHAD PA DE YANG RNAM PAR 'CHAD PAR 'GYUR TE, RDZA MKHAN GYI 'KHOR LO DANG, MA DA'I 'GROS BZHIN NO, ,GAL TE YANG DAG PAR BLANGS PA 'DIS CHOG GO ZHES YANG DAG PAR LEN PA GTONG NA KUN DU BLANGS PA BTANG BA LAS KYANG RNAM PAR 'CHAD PAR 'GYUR RO, ,JI LTAR BLANGS PA BZHIN MA BYAS PA'I BYA BA RNAM PAR 'CHAD PA LAS KYANG RNAM PADR 'CHAD PAR 'GYUR RO, ,DON RNAM PAR 'CHAD PA LAS KYANG RNAM PAR 'CHAD PAR 'GYUR RO, ,DON GANG ZHE NA, MCHOD RTEN DANG, KUN DGA' RA BA DANG, GTZUG LAG KHANG, MAL CHA DANG, STAN DANG, GOS DANG, RGYA LA SOGS PA'I DNGOS PO'I, ,TSE CHAD PA LAS KYANG 'CHAD PAR 'GYUR RO, ,DGE BA'I RTZA BA RNAMS 'CHAD PA LAS KYANG RNAM PAR 'CHAD PAR 'GYUR TE, GANG GI TSE DGE BA'I RTZA BA RNAMS KUN DU GCOD PAR RTZOM PA NA'O, ,DE LTAR NA RGYU DE DRUG GIS RNAM PAR RIG BYED MA YIN PA GTONG BAR 'GYUR RO, ,'DOD GTOGS DGE BA GZUGS MIN NI, ,RTZA CHAD GONG DU SKYES PA LAS, ,'DOD PA NA SPYOD PA'I DGE BA GZUGS CAN MA YIN PA'I RANG BZHIN NI RGYU GNYIS KYIS GTONG STE, DGE BA'I RTZA BA KUN DU CHAD PA'AM, GZUGS DANG GZUGS MED PA'I KHAMS SU SKYE BA LAS SO, ,NYON MONGS PA CAN GZUGS @191A *, ,MIN NI, ,GNYEN PO SKYES PAS RNAM NYAMS 'GYUR, ,NYON MONGS PA CAN GZUGS CAN MA YIN PA'I RANG BZHIN KHAMS GSUM PA THAMS CAD NI GNYEN PO SKYES PAS RNAM PAR NYAMS PAR 'GYUR TE, NYE BA'I NYON MONGS PA'I RNAM PA GANG GIS SPONG BA'I LAM GANG YIN PA DES 'DI 'KHOR DANG BCAS PA YONGS SU SPONG BAR BYED KYI GZHAN DU NI MA YIN NO, ,YANG SDOM PA MA YIN PA NI SEMS CAN GANG DAG LA YOD, SDOM PA NI GANG DAG LA YOD CE NA, ZA MA NING SGRA MI SNYAN, ,MTSAN GNYIS MA GTOGS MI RNAMS LA, ,SDOM MIN, SDOM PA MA YIN PA NI MI'I 'GRO BA KHO NA LA YOD KYI GZHAN DAG LA NI MA YIN NO, ,DE LA YANG ZA MA DANG MA NING DANG MTSAN GNYIS PA DANG BYANG GI SGRA MI SNYAN PA RNAMS NI MA GTOGS SO, ,SDOM PA'ANG DE BZHIN LA, LHA LA'ANG, SDOM PA YANG JI SKAD BSHAD PA MA GTOGS PA MI RNAMS DANG, LHA RNAMS LA YOD PAS 'GRO BA GNYIS NA SDOM PA YOD DO, ,ZA MA LA SOGS PA LA SDOM PA MED DO ZHES BYA BA JI LTAR SHES SHE NA, MDO DAD ? 'DUL BA LAS TE, MDO LAS, MING CHEN 'DI LTAR KHYIM PA GOS DKAR PO GYON PA SKYES PA PHO'I DBANG PO DANG LDAN PA ZHIG SANGS RGYAS LA SKYABS SU 'GRO BA NAS BDAG LA DGE BSNYEN DU GZUNG DU GSOL ZHES TSIG TU SMRA BA'I BAR DU YANG BYED NA 'DI TZAM GYIS DGE BSNYEN DU 'GYUR RO ZHES GSUNGS SO, ,'DUL BA LAS KYANG DE LTA BU GSAL BAR BYA'O ZHES GSUNGS SO, ,CI'I PHYIR DE DAG LAS SDOM PA MED CE NA, RTEN GNYI GA'I NYON MONGS PA SHAS CHE BA'I PHYIR DANG, SO SOR RTOG PA MI BZOD PA'I PHYIR DANG NGO TSA SHES PA DANG KHREL YOD PA SHAS CHEN PO MED PA'I PHYIR RO, ,'O NA SDOM PA MA YIN PA CI'I PHYIR MED CE NA, SDIG PA LA YANG BSAM PA MI BRTAN PA'I PHYIR DANG, GANG LA SDOM PA YOD PA DE LA SDOM PA MA YIN PA YANG YOD DE, GNYEN POR GYUR PA'I PHYIR RO, ,BYANG GI SGRA MI SNYAN PA RNAMS LA NI YANG DAG PAR LEN PA DANG TING NGE 'DZIN MED PA'I PHYIR DANG, SDIG PA BYA BA'I BSAM PA MED PA'I PHYIR SDOM PA DANG SDOM PA MA YIN PA MED DO, NGAN SONG BA RNAMS LA YANG GANG DANG, LDAN PA DANG GANG MED PAS SDOM PA DANG SDOM PA MA YIN PA DAG TU 'GYUR BA NGO TSA SHES PA DANG, KHREL YOD PA SHAS CHEN PO MED DO, , @191B GZHAN YANG ZA MA DANG, MA NI DANG, MTSAN GNYIS PA DANG, NGAN SONG BA DE DAG GI LUS NYID DU LUS GANG LA SDOM PA YANG MI SKYE SDOM PA MA YIN PA YANG MI SKYE BA ZHING TSA SGO CAN LTA BUR GYUR PA YIN TE, ZHING TSA SGO CAN LA 'BRU YANG TSAR CIG MI SKYE, TZVA YANG TSAR CIG MI SKYE BA BZHIN NO, ,'O NA MDO LAS; DGE SLONG DAG SGO NGA LAS SKYES PA'I KLU NI ZLA BA PHYED KYI TSES BRGYAD LA GNAS NAS BYUNG NAS YAN LAG BRGYAD DANG LDAN PA'I BSNYEN GNAS LA NYE BAR GNAS SO ZHES GANG GSUNGS PA JI LTA BU ZHE NA, DE NI DE DAG GIS LEGS PAR SPYAD PA TZAM YIN GYI SDOM PA NI MA YIN NO, ,DE LTA BAS NA SDOM PA NI LHA DANG MI RNAMS KHO NA LA YOD DO, ,DE LA YANG MI RNAMS LA GSUM MO, ,MI RNAMS LA NI SO SOR THAR PA'I SDOM PA LA SOGS PA THAMS CAD YOD DO, ,'DOD DANG GZUGS SKYES LHA RNAMS LA, ,BSAM GTAN SKYES YOD, BSAM GTAN GYI SDOM PA NI 'DOD PA DANG GZUGS KYI KHAMS SU SKYES BA'I LHA RNAMS LA YOD KYI GONG NA NI MED DO, ,ZAG MED NI, BSAM GTAN KHYAD PAR 'DU SHES MED, ,SEMS CAN MA GTOGS GZUGS MED NA'ANG, ,ZAG PA MED PA'I SDOM PA NI 'DOD PA'I KHAMS SU SKYES PA RNAMS LA YANG YOD LA BSAM GTAN KHYAD PAR CAN DANG 'DU SHES MED PA'I SEMS CAN DU SKYES PA RNAMS MA GTOGS PA GZUGS MED PA'I KHAMS SU SKYES PA RNAMS LA YANG YOD DE, DE DAG GIS NI LDAN PA'I SGO NAS YOD KYI MNGON SUM DU GYUR PA LAS NI MA YIN NO, ,LAS BSTAN PA'I DBANG DU BYAS PA YIN PAS 'DI MAN CHAD NI MDO LAS BSTAN PA'I LAS RNAMS BSHAD PAR BRTZAM MO, ,LAS NI GSUM STE, LAS DGE BA DANG LAS MI DGE BA DANG, LUNG DU MA BSTAN PA ZHES 'BYUNG BA DE LA, LAS BDE MI BDE DANG GZHAN NI, ,DGE DANG MI DGE NI GZHAN YIN, ,'DI NI DGE BA LA SOGS PA'I MTSAN NYID YIN TE, LAS BDE BA NI DUS RE ZHIG DANG, GTAN DU SDUG BSNGAL LAS YONGS SU SKYOB PA'I PHYIR DGE BA YIN TE, 'BRAS BU YID DU 'ONG BA DANG MYA NGAN LAS 'DAS PA 'THOB PAR BYED PA YIN NO, ,MI DGE BA NI MI MTHUN PA'I PHYOGS KYIS MI DGE BA YIN TE, GANG GIS RNAM PAR SMIN PA YID DU MI 'ONG BA'O, ,DE NYED LAS GZHAN PA BDE BA YANG MA YIN MI BDE BA @192A *, ,YANG MA YIN PA GANG YIN PA DE NI DGE BA DANG MI DGE BA LAS GZHAN PA YIN PAR RIG PAR BYA STE, ,LUNG DU MA BSTAN PA ZHES BYA BA'I THA TSIG GO , ,YANG, BSOD NAMS BSOD NAMS MIN MI GA-YO, ,BDE BA ? MYONG 'GYUR LA SOGS GSUM, ,LAS NI GSUM STE, BSOD NAMS DANG BSOD NAMS MA YIN PA DANG, MI GA-YO BA'O, ,YANG GSUM STE, BDE BA MYONG BAR 'GYUR BA'I LAS DANG, SDUG BSNGAL MYONG BAR 'GYUR BA'I LAS DANG, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'O, ,DE LA RE ZHIG BSOD NAMS 'DOD KHAMS DGE BA'I LAS, ,MI GA-YO GONG MA LAS SKYES PA'I, ,DGE BA ZHES BYA BAR SBYAR TE, GZUGS DANG GZUGS MED PA NA SPYOD PA'I LAS DGE BA NI MI GA-YO BA YIN NO, ,BCOM LDAN 'DAS KYIS, 'DI LA RNAM PAR BRTAGS PA DANG RNAM PAR DPYAD PA GANG YIN PA 'DI NI 'DIR 'PHAGS PA RNAMS KYIS GA-YO BA'O ZHES GSUNGS ? SO ZHES BYA BA DE LTA BU LA SOGS PA BSAM GTAN GSUM PO GA-YO BA DANG BCAS PAR GSUNGS PA MA YIN NAM ZHE NA, DE DAG GI TING NGE 'DZIN SKYON DANG BCAS PA LAS DGONGS NAS DE SKAD DU GSUNGS PAR ZAD KYI, DE DAG NI MI GA-YO BA'I MDO LAS MI GA-YO BA DANG MTHUN PAR 'GRO BA'I LAM LAS BRTZAMS TE MI GA-YO BAR GSUNGS SO, ,YANG CI'I PHYIR GA-YO BA DANG BCAS PA KHO NA GZHAN DU MI GA-YO BAR GSUNGS SHE NA, GANG PHYIR SA NI DE DAG TU, ,LAS RNAMS SMIN PHYIR MI GA-YO'I PHYIR, ,'DOD PA NA SPYOD PA'I LAS NI RNAM PAR SMIN PA'I PHYIR GA-YO BA YIN NO, ,JI LTAR GA-YO ZHE NA RNAM PAR MI GNAS PA'I PHYIR 'GRO BA GZHAN YANG 'GRO BA GZHAN DU RNAM PAR SMIN PAR 'GYUR LA, LHA'I RIS GZHAN PA YANG LHA'I RIS GZHAN DU RNAM PAR SMIN PAR 'GYUR TE, BOD TSOD DANG STOBS DANG KHA DOG DANG BDE BA DANG LONGS SPYOD LA SOGS PAR 'GYUR BA'I LAS LHA DAG GI NANG DU RNAM PAR SMIN PAR 'GYUR BA GANG YIN PA DE NYID RES 'GA' RKYEN GZHAN GYI DBANG GIS MI DANG DUD 'GRO DANG YI DAGS KYI NANG DU RNAM PAR SMIN PAR 'GYUR RO, ,GZUGS DANG GZUGS MED PA NA SPYOD PA'I LAS NI SA GZHAN LAS GZHAN DU RNAM PAR SMIN PAR NAM YANG MI NUS SO, ,DE LTA BAS NA RNAM @192B PAR SMIN PA RNAM PAR GNAS PA'I PHYIR MI GA-YO BA ZHES BYA'O, ,BSOD NAMS MA YIN PA'I LAS NI MI DGE BA'O ZHES 'JIG RTEN NA GRAGS BAS 'JIG RTEN LAS GRAGS PA GANG YIN PA DE LA 'BAD PAS CI ZHIG BYA, BSOD NAMS LA SOGS PA'I LAS BSTAN ZIN TO, ,BDE BA MYONG BAR 'GYUR BA LA SOGS PA BSHAD PAR BYA STE DE TZAM MO, ,BSAM GTAN GSUM PA'I BAR DGE BA, ,BDE BA MYONG 'GYUR, BSAM GTAN GSUM PA'I BAR GYIS LAS DGE BA NI BDE BA MYONG BAR 'GYUR BA YIN PAS BDE BA'I TSOR BA'I SA NI 'DI YIN TE, 'DI LTA STE, 'DOD PA'I KHAMS DANG BSAM GTAN GSUM MO; ,DA YAN CHAD, SDUG MIN BDE MIN MYONG 'GYUR BA, ,BDE BA ZHES BYA BAR SBYAR TE, BSAM GTAN GSUM PA YAN CHAD KYI LAS DGE BA NI BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA YIN TE, DE NA BDE BA DANG SDUG BSNGAL GYI TSOR BA MED PA'I PHYIR RO, ,SDUG BSNGAL MYONG 'GYUR 'DI'I MI DGE ,LAS MI DGE BA NI SDUG BSNGAL MYONG BAR 'GYUR BA'O, ,'DI'I ZHES SMOS PA NI 'DOD PA'I KHAMS KHO NA NA DE YOD PAR BSTAN PA'I PHYIR RO, ,'DI DAG GI 'BRAS BU TSOR BA 'BA' ZHIG TU NI MA ZAD DO, ,'O NA JI LTA BU ZHE NA, TSOGS DANG BCAS PA YIN NO, ,'OG NA'ANG BAR MA YOD DO ZHES, ,KHA CIG ZER TE, GZHAN DAG NA RE BDE BA YANG MA YIN SDUG BSNGAL YANG MA YIN PA MYONG BAR 'GYUR BA'I LAS SU BSHAD PA GANG YIN PA DE NI BSAM GTAN BZHI PA MAN CHAD NA YANG YOD DO ZHES ZER RO, ,CI'I PHYIR ZHE NA, GANG GI PHYIR, BSAM GTAN KHYAD PAR RNAM SMIN LAS, ,DE LTAR MA YIN NA BSAM GTAN KHYAD PAR CAN GYI LAS KYI RNAM PAR SMIN PA MED PA'AM, LAS GANG GIS KYANG BSAM GTAN KHYAD PAR CAN DU RNAM PAR SMIN PAR MI 'GYUR TE, DE NA BDE BA DANG SDUG BSNGAL DAG MED PA'I PHYIR RO, ,KHA CIG NA RE BSAM GTAN KHYAD PAR CAN GYIS LAS KYI RNAM PAR SMIN PA NI BSAM GTAN KYI BDE BA'I DBANG PO KHO NA YIN NO ZHES ZER RO, ,GZHAN DAG NA RE DE'I RNAM PAR SMIN PA TSOR BA MED PA NYID DO ZHES ZER RO, ,'DI NI BSTAN BCOS DANG 'GAL BA YIN TE, BSTAN BCOS LAS NI, LAS KYI RNAM PAR SMIN ? PA SEMS KYI TSOR BA KHO NA RNAM @193A *, ,PAR SMIN PAR 'GYUR BA YOD NGAM ZHE NA, YOD DO, ,RTOG PA MED PA'I LAS GDE BA YIN NO ZHES 'BYUNG NGO, ,SNGA PHYI MED GSUM SMIN 'DOD PHYIR, ,JI LTAR LAS GSUM PO RNAMS KYI RNAM PAR SMIN PA SNGA PHYI MED PAR SMIN PAR 'GYUR BA YOD NGAM ZHE NA, YOD DE, BDE BA MYONG BAR 'GYUR BA NI GZUGS SO, ,SDUG BSNGAL MYONG BAR 'GYUR BA NI SEMS DANG SEMS LAS BYUNG BA'I CHOS RNAMS SO, ,BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'I LAS NI SEMS DANG LDAN PA MA YIN PA'I 'DU BYED RNAMS SO ZHES 'BYUNG STE, 'DI'I PHYIR YANG 'OG NA BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'I LAS YOD DE, 'DOD PA'I KHAMS LAS GZHAN NA NI LAS GSUM KYI RNAM PAR SMIN PA DANG CIG CAR DU LDAN PA MED DO, ,DA NI CI LAS DE DGE BA YIN NAM, 'ON TE MI DGE BA YIN ZHE NA, DGE BA STE STOBS CHUNG DU NI MA YIN NO, ,DE LTA NA NI 'O NA, BSAM GTAN GSUM PA'I BAR DGE BA, ,BDE BA MYONG 'GYUR ZHES BYA BA DANG, RNAM PAR SMIN PA YID DU 'ONG BA NI DGE BA YIN NO ZHES BYA BA 'DI DANG 'GAL LO, ,DE NI PHAL CHE BA BSTAN PA YIN PAR BLTA BAR BYA'O, ,JI LTAR NA TSOR BA'I RANG BZHIN MA YIN PA'I LAS BDE BA MYONG BAR 'GYUR BA ZHES BYA ZHE NA; BDE BA MYONG BAR 'GYUR BA DANG MTHUN PA'AM, 'DI'I BDE BA MYONG BAR BYA BA YIN PAS NA BDE BA MYONG BAR 'GYUR BA YIN NO, ,MYONG BAR 'GYUR BA YANG GANG ZHIG YIN ZHE NA, RNAM PAR SMIN PA STE, DE MYONG BAR BYED PA YIN NO, ,YANG NA BDE BA MYONG BAR 'GYUR BA YIN PAS BDE BA MYONG BAR 'GYUR BA STE, GANG GI BDE BA MYONG BAR 'GYUR BA NI, 'KHRU BAR BYED PA'I 'DAG PA'I CHAL BZHIN NO, ,SDUG BSNGAL MYONG BAR 'GYUR BA DANG, SDUG BSNGAL YANG MA YIN BDE BA YANG MA YIN PA MYONG BAR 'GYUR BA LA YANG DE BZHIN DU BA LTA BAR BYA'O, ,GZHAN YANG, NGO BO NYID DANG MTSUNGS LDAN DANG, ,DMIGS PA DANG NI RNAM SMIN DANG, ,MNGON SUM DU NI GYUR BA LAS, ,MYONG 'GYUR RNAM PA LNGA YIN NO, ,NGO BO NYID KYIS MYONG BAR 'GYUR BA NI TSOR BA RNAMS SO, ,MTSUNGS PAR LDAN PAS MYONG BAR 'GYUR BA NI REG PA STE, BDE BA MYONG BAR 'GYUR BA'I REG PA ZHES BYA BA'O, ,DMIGS PA MYONG BAR 'GYUR BA NI YUL RNAMS TE, @193B JI SKAD DU, MIG GIS GZUGS RNAMS MTHONG NAS GZUGS SO SOR YANG DAG PAR MYONG BAR 'GYUR GYI GZUGS LA 'DOD CHAGS SO SOR YANG DAG PAR MYONG BA NI MA YIN NO ZHES BYA BA DE LTA BU LA SOGS PA GSUNGS PA STE, DMIGS PA NA TSOR BAS DE DAG SO SOR YANG DAG PAR MYONG BAR BYED DO, , RNAM PAR SMIN PA MYONG BAR 'GYUR BA NI LAS YIN TE, MTHONG BA'I CHOS LA MYONG BAR 'GYUR BA'I LAS ZHES BYA BA RGYAS PAR 'BYUNG BA'O, ,MNGON SUM DU GYUR PA MYONG BAR 'GYUR BA NI JI SKAD DU, GANG GI TSE BDE BA'I TSOR BA MYONG BAR BYED PA DE'I TSE TSOR BA GNYIS 'GAG PAR 'GYUR RO ZHES GSUNGS PA STE, GANG GI TSE BDE BA'I TSOR BA 'JUG PA DE'I TSE GANG GIS NA DE MYONG BAR 'GYUR BA GZHAN NI MED KYI DES MNGON SUM DU BYED NA NI DE MYONG BAR 'GYUR ZHES BYA STE, DE'I PHYIR RNAM PAR SMIN PA MYONG BAR 'GYUR BA YIN PA'I PHYIR LAS KYANG BDE BA MYONG BAR 'GYUR ZHES BYA BA LA SOGS PA BRJOD DO, ,DE YANG NGES DANG MA NGES PA, ,BDE BA MYONG BAR 'GYUR BA LA SOGS PA'I LAS RNAM PA GSUM PO DE YANG NGES PA DANG, MA NGES PA YIN PAR RIG PAR BYA STE, GDON MI ZA BAR MYONG BAR 'GYUR BA NI MA YIN NO, ,MTHONG BA'I CHOS LA SOGS PA LA, ,MYONG 'GYUR PHYIR NA NGES RNAM GSUM, ,MTHONG BA'I CHOS LA MYONG BAR 'GYUR BA DANG, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA STE, LAS RNAM PA 'DI GSUM NI NGES PA'O, DE LTAR NA DE NI MYONG BAR 'GYUR BA MA NGES PA DANG BCAS PA STE LAS RNAM PA BZHI YIN NO, ,KHA CIG LAS RNAM PA LNGA ZHES ZER, GZHAN DAG NI MYONG BAR 'GYUR BAR MA NGES PA LA RNAM PAR SMIN PAR NGES PA DANG MA NGES PA RNAM PA GNYIS SU PHYE NAS LAS RNAM PA LNGAR YOD DO, ,DE LA MTHONG BA'I CHOS LA MYONG BAR 'GYUR BA NI SKYE BA GANG DU BYAS PA DE NYID DU RNAM PAR SMIN PAR 'GYUR BA'O, ,SKYES NAS MYONG BAR 'GYUR BA NI SKYE BA GNYIS PA LA'O; ,LAN GRANGS GZHAN LA MYONG BAR 'GYUR BA NI DE PHAN CHAD DU'O, ,GZHAN DAG NA RE CHES STOBS DANG LDAN PA'I LAS GANG YIN PA DE'I RNAM PAR SMIN PA CHUNG CHES PAR 'GYUR DU 'ONG BAS MTHONG BA'I CHOS LA MYONG BAR 'GYUR BA'I LAS KYI RNAM PAR SMIN PA TSE RABS GZHAN DAG NA YANG @194A *, ,YOD MOD KYI RTZOM PA'I DBANG GIS MING DE RNAM PAR GZHAG GO ZHES ZER RO, BYE BRAG TU SMRA BA RNAMS NI DE MI 'DOD DO, ,'BRAS BU NYE LA 'BRAS BU RING BA MA YIN PA'I LAS KYANG YOD, BZLOG PA YANG YOD DE PHYI'I SA BON BZHIN NO, JI LTAR LCAM PA LA SOGS PA NI ZLA BA PHYED DANG GNYIS KYIS 'BRAS BU SMIN LA, NAS DANG GRO LA SOGS PA NI ZLA BA DRUG GIS 'BRAS BU SMIN PA BZHIN NO, ,GZHAN DAG MU NI BZHI ZHES ZER, ,DPES STON PA RNAMS NI GNAS SKABS NGES LA RNAM PAR SMIN PAR MA NGES PA YANG YOD DE, MTHONG BA'I CHOS LA SOGS PA LA MYONG BAR 'GYUR LA RNAM PAR SMIN PA NI MA NGES PA'I LAS GANG YIN PA'O, ,RNAM PAR SMIN PAR NGES LA GNAS SKABS DAG TU MA YIN PA YANG YOD DO, ,RNAM PAR SMIN PA NI NGES LA MYONG BAR 'GYUR BA NI MA NGES PA'I LAS GANG YIN PA'O, ,GNYI GA NGES PA YANG YOD DE, MTHONG BA'I CHOS LA SOGS PA LA MYONG BAR 'GYUR LA RNAM PAR SMIN PAR YANG NGES PA'I LAS GANG YIN PA'O, ,GNYI GA MA NGES PA YANG YOD DE, MYONG BAR 'GYUR BA YANG MA NGES LA RNAM PAR SMIN PAR YANG MA NGES PA'I LAS GANG YIN PA'O ZHES BYA BA MU BZHIR BYED DE DE DAG GI LTAR NA LAS RNAM PA BRGYAD DE, MTHONG BA'I CHOS LA MYONG BAR 'GYUR BAR NGES PA DANG, MA NGES PA NI MYONG BAR 'GYUR BAR MA NGES PA'I BAR DU YANG DE DANG 'DRA'O, ,MTHONG BA'I CHOS LA MYONG BAR 'GYUR BA LA SOGS PA NI NGES PA KHO NA YIN NO, ,BZHI PA NI MA NGES PA YIN NO ZHES BRJOD DO, ,SKAD CIG MA GCIG LA LAS RNAM PA BZHI 'PHEN PAR 'GYUR BA LTA YOD DAM ZHE NA, YOD DE, PHA ROL PO GSUM LA SBYAR NAS BDAG NYID 'DOD PAS LOG PAR GA-YEM PA LA ZHUGS TE, DE DAG CIG CAR MTHAR PHYIN PAR 'GYUR NA'O, ,LAS BZHI PO DE DAG LAS, GSUM GYIS RIS NI 'PHEN PAR BYED, ,MTHONG BA'I CHOS LA MYONG BAR 'GYUR BA'I LAS KYIS NI RIS MTHUN PA 'PHEN PAR MI BYED DO, ,KHAMS GANG NGAM, 'GRO BA GANG NA LAS KYI 'PHEN PA RNAM PA DU ZHIG YOD CE NA, THAMS CAD NA NI 'PHEN PA BZHI, ,KHAMS GSUM PO THAMS CAD DANG, 'GRO BA THAMS CAD NA DGE BA DANG MI DGE BA RNAMS CI RIGS PAR LAS BZHI'I 'PHEN PA YOD DE, SPYIR BSTAN PA @194B 'DI'I DMIGS KYIS BSTAN PA NI 'DI YIN TE, DMYAL BA NA NI DGE BA'I GSUM, ,DMYAL BA DAG NA NI LAS DGE BA RNAM PA GSUM GYIS 'PHEN PA YOD KYI MTHONG BA'I CHOS LA MYONG BAR 'GYUR BA NI MED DE, DE NA RNAM PAR SMIN PA YID DU 'ONG BA MED PA'I PHYIR RO, ,GANG LAS 'DOD CHAGS BRAL BRTAN PA'I, ,BYIS PA DER SKYES MYONG MI BYED, ,SO SO'I SKYE BO YIN PA DE YANG BRTAN PA YIN TE, YONGS SU MI NYAMS PA'I CHOS CAN ZHIG NA DE NI SA GANG LAS 'DOD CHAGS DANG BRAL BA DER SKYES NAS MYONG BAR 'GYUR BA'I LAS MI BYED DO, ,GZHAN DAG RNAM PA GSUM NI BYED DO, ,'PHAGS PA GZHAN DU'ANG MYONG MI BYED, ,BRTAN PA ZHES BYA BAR SBYAR TE, 'PHAGS PA'I GANG ZAG YIN LA YONGS SU MI NYAMS PA'I CHOS CAN YANG YIN NAS GANG LAS 'DOD CHAGS DANG BRAL BA DER SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I LAS KYANG MI BYED DE, 'DI NA YANGS 'OG MAR 'ONG BAR RUNG BA MA YIN NO, ,GANG DU SKYES PAR MA NGES PA DANG MTHONG BA'I CHOS LA MYONG BAR 'GYUR BA NI BYED DO, ,'DOD RTZE'I MI BRTAN PA YANG MIN, ,'DOD PA'I KHAMS SAM, SRID PA'I RTZE MO LAS 'DOD CHAGS DANG BRAL BA'I 'PHAGS PA'I GANG ZAG DE DAG TU YONGS SU NYAMS PA'I CHOS CAN YIN YANG SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I LAS BYED PAR RUNG BA NI MA YIN NO, ,CI'I PHYIR ZHE NA, DE NI 'BRAS BU LAS YONGS SU NYAMS PA LAS NI 'CHI BA MED DO ZHES 'OG NAS BSHAD PAR BYA'O, ,CI SRID PA BAR MA NA YANG LAS KYI 'PHEN PA YOD DAM ZHE NA SMRAS PA, YOD DE, SRID PA BAR MA 'DOD KHAMS SU, ,'PHEN PA RNAM PA NYI SHU GNYIS, ,'DOD PA NA SPYOD PA'I SRID PA BAR MA NI LAS RNAM PA NYI SHU RTZA GNYIS 'PHEN TE, JI LTAR BYAS PAS SHE NA, MNGAL GYI GNAS SKABS LNGA STE, NUR NUR PO DANG, MER MER PO DANG, NAR NAR PO DANG, GOR GOR PO DANG, RKANG LAG 'GYUS PA'I GNAS SKABS RNAMS SO, ,SKYES PA'I GNAS SKABS RNAM PA LNGA STE, BYIS PA DANG, GZHON NU DANG, DAR LA BAB PA DANG, DAR YOL BA DANG, RGAN PO'I GNAS SKABS RNAMS SO, ,DE LA SRID PA BAR MA NI @195A *, ,NUR NUR PO MYONG BAR 'GYUR BAR NGES PA DANG MA NGES PA'I LAS KYANG 'PHEN PAR BYED PA NAS, DE BZHIN DU RGAN PO MYONG BAR 'GYUR BA DANG, SRID PA BAR MA MYONG BAR 'GYUR BA'I BAR DU 'PHEN PAR BYED DO, ,DE NI MTHONG CHOS 'BRAS BU YIN, ,SRID PA BAR MA'I LAS NGES PA RNAM PA BCU GCIG BSHAD PA GANG YIN PA DE NI MTHONG BA'I CHOS LA MYONG BAR 'GYUR BA YIN PAR RIG PAR BYA'O, ,CI'I PHYIR ZHE NA, DE NI RIS GCIG KHO NA YIN, ,DE NI RIS MTHUN PA GCIG KHO NA YIN TE, SRID PA BAR MA GANG YIN PA DANG, DE'I RGYU LAS BYUNG BA GNAS SKABS BCU PO GANG DAG YIN PA DE NI LAS GCIG GIS 'PHANGS PA YIN NO, ,DE NYID KYI PHYIR SRID PA BAR MA MYONG BAR 'GYUR BA'I LAS GZHAN MA BSHAD DE, DE NI SKYES NAS MYONG BAR 'GYUR BA KHO NAS 'PHANGS PA'I PHYIR RO, ,YANG NGES PA'I LAS CI 'DRA BAR RIG PAR BYA ZHE NA, NYON MONGS RAB DANG DRAG PO DANG, ,YON TAN ZHING DANG RGYUN CHAGS SU, ,BYAS PA GANG ZHIG YIN PA DANG, ,PHA MA GSOD GANG DE NGES SO, ,NYON MONGS PA DRAG POS BYAS PA'I LAS GANG YIN PA DANG, RAB TU DANG BA DRAG POS BYAS PA GANG YIN PA DANG, RGYUN DU BYED PA GANG YIN PA DANG, YON TAN GYI ZHING LA BYED PA GANG YIN PA DE NI NGES PA YIN PAR RIG PAR BYA STE, DE LA YON TAN GYI ZHING NI DKON MCHOG GSUM MAM, 'GA' ZHIG GIS 'BRAS BU DANG, SNYOMS PAR 'JUG PA KHYAD PAR CAN THOB PA'I GANG ZAG KHYAD PAR CAN TE, DE LA NI NYON MONGS PA DANG RAB TU DANG BA DRAG PO DANG, RGYUN DU BYED PA MED PAR YANG DGE BA'AM MI DGE BA'I LAS NGES PAR 'GYUR RO, ,PHA MA NI PHA DANG MA STE, PHA DANG MA GNYIS GSOD PA'I LAS DE NI CI 'DRA YANG RUNG STE, NGES PAR 'GYUR RO, ,GZHAN NI MA YIN NO, ,YANG MTHONG BA'I CHOS LA MYONG BAR 'GYUR BA'I LAS CI 'DRA BAR RIG PAR BYA ZHE NA, MTHONG CHOS 'BRAS BU CAN GYI LAS, ,ZHING DANG BSAM PA'I KHYAD PAR LAS, ,MTHONG BA'I CHOS LA MYONG BAR 'GYUR BA'I LAS, ,ZHING GI KHYAD PAR LAS 'GYUR BA NI DPER NA DGE SLONG ZHIG GIS DGE 'DUN LA BUD MED DO ZHES THAB MO BRGAL BA LAS MTSAN GYUR TO ZHES GRAGS PA LTA BU'O, ,BSAM PA'I KHYAD PAR @195B LAS NI DPER NA NYUD ? RUM ZHIG GIS GLANG ZHIG RLIG PA DBYUD BA LAS THAR BAR BYAS PAS SKYES PA NYID DU GYUR PA LTA BU'O, ,YANG NA, SA DE'I 'DOD CHAGS GTAN BRAL PHYIR, ,YANG NA LAS DGE BA'AM MI DGE BA'I LAS GANG YIN DE LAS GTAN DU 'DOD CHAGS DANG BRAL BA YIN PA'I PHYIR LAS DE MTHONG BA'I CHOS LA MYONG BAR 'GYUR RO, ,LAS JI LTA BU ZHIG CE NA, RNAM SMIN NGES PA GANG YIN PA'O, ,LAS GANG RNAM PAR SMIN PAR NGES LA, GNAS SKABS SU YANG MA YIN, MA NGES PA YANG MA YIN PA DE NI DE LTAR NGES KYI GNAS SKABS GZHAN DU NGES PA GANG YIN PA DE NI DE DANG LDAN BZHIN DU GTAN DU 'DOD CHAGS DANG BRAL MI SRID PAS DE NYID DU RNAM PAR SMIN PAR 'GYUR RO, ,MA NGES PA GANG YIN PA DE NI GTAN DU 'DOD CHAGS DANG BRAL BA'I PHYIR RNAM PAR MI SMIN PA NYID DO, ,GANG DU GDON MI ZA BAR MTHONG BA'I CHOS LA MYONG BAR 'GYUR BA'I LAS SU 'GYUR BA'I ZHING DE JI LTA BU ZHIG CE NA, SMRAS PA SANGS RGYAS LA SOGS PA DGE SLONG GI DGE 'DUN DANG GANG ZAG LNGA PO, ,GANG DAG 'GOG BYAMS NYON MONGS MED, ,MTHONG DANG DGRA BCOM 'BRAS LANGS PA, ,DE LA PHAN GNOD BYAS PA YIS, ,'BRAS BU 'PHRAL DU MYONG BAR 'GYUR, ,'GOG PA'I SNYOMS PAR 'JUG PA LAS LANGS PA NI SNYOMS PAR 'JUG PA MYA NGAN LAS 'DAS PA DANG 'DRA BA'I PHYIR SEMS MCHOG TU ZHI BA 'THOB STE, DE NI MYA NGAN LAS 'DAS PAR SON PA LAS SLAR LOG PA DANG 'DRA BA YIN NO, ,NYON MONGS PA MED PA LA LANGS PA'I RGYUD NI SEMS CAN TSAD MED PA LA NYON MONGS PA MED PA DANG LDAN PA'I LHAG PA'I BSAM PA DANG RJES SU 'BREL PA DANG, SHIN TU GSAL BA'I BSOD NAMS TSAD MED PAS YONGS SU BSGOS PA DANG RJES SU 'BREL PA YIN NO, ,BYAMS PA LAS LANGS PA'I RGYUD NI SEMS CAN TSAD MED PA LA PHAN PA'I LHAG PA'I BSAM PA DANG RJES SU 'BREL PA DANG, SHIN TU GSAL BA'I BSOD NAMS TSAD MED PAS YONGS SU BSGOS PA DANG RJES SU 'BREL PA YIN NO, ,MTHONG BA'I LAM LAS LANGS PA'I RGYUD NI MTHONG BAS SPANG BAR BYA BA MA LUS PAR SPANGS PA'I PHYIR GNAS YONGS SU GYUR PA SAR PA YIN PA DRI MA MED PA YIN NO, ,DGRA BCOM PA NYID KYI 'BRAS BU LAS LANGS PA'I RGYUD NI BSGOM @196A *, ,PAS SPANG BAR BYA BA MA LUS PAR SPANGS PA'I PHYIR GNAS YONGS SU GYUR PA SAR PA YIN PAS DRI MA MED PA YIN NO, ,DE NYID KYI PHYIR DE DAG LAS PHAN PA DANG, GNOD PA BYAS PA RNAMS KYI 'BRAS BU MTHONG BA'I CHOS KHO NA LA NGES PA 'THOB PAR 'GYUR RO, ,LHAG MA BSGOM PA'I LAM NI RANG BZHIN DANG 'BRAS BU YONGS SU MA RDZOGS PA CAN NYID KYI PHYIR DE LAS LANGS PA RNAMS KYI RGYUD DE LTAR GNAS YONGS SU GYUR PA SAR PA DANG DAG PA MA YIN PAS DE DAG NI DE LTAR BSOD NAMS KYI ZHING MA YIN NO, ,RNAM PAR SMIN PA'I GTZO BO NI TSOR BA YIN PAS DE'I PHYIR 'DI DPYAD PAR BYA STE, LAS KYI RNAM PAR SMIN PA SEMS KYI TSOR BA KHO NA YIN LA LUS KYI MA YIN PA YOD DAM, LUS KYI KHO NA YIN LA SEMS KYI MA YIN PA YANG YOD DAM ZHE NA, SMRAS PA, YOD DE, RNAM PAR RTOG PA MED PA YI, ,DGE BA'I LAS KYI RNAM SMIN NI, ,SEMS KYI TSOR BA KHO NAR 'DOD, , RNAM PAR RTOG PA MED PA'I LAS NI BSAM GTAN KHYAD PAR CAN NAS SRID PA'I RTZE MO'I BAR DAG NA YOD DE, DGE BA'I LAS RNAM PAR RTOG PA MED PA DE'I RNAM PAR SMIN PA NI SEMS KYI TSOR BA KHO NA YIN NO, ,CI'I PHYIR LUS KYI MA YIN ZHE NA, DE NI GDON MI ZA BAR RTOG PA DANG DPYOD PA DANG DPYAD PA YIN PA'I PHYIR RO, ,MI DGE BA NI LUS KYI YIN, ,MI DGE BA'I LAS KYI RNAM PAR SMIN PA NI LUS KYI TSOR BA KHO NA YIN NO, ,CI'I PHYIR SEMS KYI MA YIN ZHE NA, DE'I RNAM PAR SMIN PA NI SDUG BSNGAL GYI TSOR BA YIN LA, SEMS KYI SDUG BSNGAL GYI TSOR BA NI YID MI BDE BA YIN TE, YID MI BDE BA NI RNAM PAR SMIN PA MA YIN NO ZHES DE NI BSHAD ZIN TO, ,'O NA SEMS CAN RNAMS KYI SEMS GA-YENG BAR 'GYUR BA GANG YIN PA DE NI SEMS GANG ZHIG LA GNAS PA YIN, RGYU NI CI ZHIG GIS 'GYUR ZHE NA, GA-YENG BA'I SEMS NI YID SEMS LAS, ,YID KYI RNAM PAR SHES PA ZHES BYA BA'I THA TSIG GO ,RNAM PAR SHES PA'I TSOGS LNGA LA GNAS PA LA NI GA-YENG BA MED DE, RNAM PAR MI RTOG PA'I PHYIR RO, ,DE NI LAS KYI RNAM SMIN SKYES, ,GA-YENG BA'I SEMS DE NI SEMS CAN RNAMS KYI LAS KYI RNAM PAR SMIN PA LAS SKYES PA YIN TE, RDZAS DANG GSANG SNGAGS KYI SBYOR @196B BAS PHA ROL GYI SEMS GA-YENG BAR BYED PA'AM, MI 'DOD BZHIN DU DUG DANG MYOS PAR 'GYUR BA LDUD PA'AM, RI DAGS LA SOGS PA SKRAG PAR BYED PA'AM, NAGS MES GTONG BA 'AM, GA-YANG DU 'DOR BAR BYED PA 'AM, GZHAN GANG YANG RUNG BAS PHA ROL PO DAG GI SEMS NYAMS PAR BYED PA DE DAG LAS DE'I RNAM PAR SMIN PAS CHE PHYI MA LA SEMS GA-YENG BAR 'GYUR RO, ,SKRAG GNOD MA MNYAM MYA NGAN GYIS, ,RE ZHIG SKRAG PAS JI LTA BU ZHE NA, MI MA YIN PA GZUGS MI SDUG PAS MI'I GAN DU NYE BAR 'ONGS LA DE DAG GIS SKRAG PA RNAMS SEMS GA-YENG BAR 'GYUR RO, ,GNOD PAS JI LTA BU ZHE NA, MI MA YIN PA DE DAG NYID DU 'KHRUGS NAS GNAD DU SNUN PAR BYED PAS SO, 'BYUNG BA CHEN PO MA MNYAM PAS JI LTA BU ZHE NA, RLUNG DANG MKHRIS PA DANG BAD KAN DAG 'KHRUGS PAR GYUR PA'O, ,MYA NGAN GYIS JI LTA BU ZHE NA, DPER NA GNAS BYED KYI BU LA SOGS PA LTA BU'O, ,GAL TE YID KYI RNAM PAR SHES PA GA-YENG BAR 'GYUR LA, SEMS GA-YENGS PA YANG LAS KYI RNAM PAR SMIN PA LAS SKYES PA YIN PA YIN NA GO ,JI LTAR NA SEMS KYI TSOR BA RNAM PAR SMIN PA MA YIN PAR 'GYUR ZHE NA, SEMS DE NYID RNAM PAR SMIN PA YIN NO ZHES NI MI ZER RO, ,DE LTA MOD KYI 'BYUNG BA CHEN PO RNAMS 'KHRUGS PA GANG YIN PA DE RNAM PAR SMIN PA YIN LA DE LAS SKYES PAS DE'I PHYIR RNAM PAR SMIN PA YIN TE, LAS LAS SKYES PA'I KHAMS RNAMS 'KHRUGS PAS SEMS 'KHRUGS PA DANG, DBANG MED PA DANG, DRAN PA NYAMS PAR 'GYUR BAS NA SEMS GA-YENGS PA ZHES BYA'O, ,DE LTAR NA DE NI SEMS GA-YENGS LA RNAM PAR MA GA-YENGS PA YANG YOD CES BYA BAR MU BZHIR RUNG STE, RE ZHIG GA-YENGS LA RNAM PAR MA GA-YENGS PA NI SEMS NYON MONGS PA CAN MA YIN PA'O, ,RNAM PAR GA-YENGS LA SEMS MA GA-YENGS PA NI SEMS RNAL DU 'DUG PA'I NYON MONGS PA CAN NO, ,GNYI GA YIN PA NI SEMS GA-YENGS PA'I NYON MONGS PA CAN NO, ,GNYI GA MA YIN PA NI SEMS RNAL DU 'DUG PA'I NYON MONGS PA CAN MA YIN PA'O, ,SEMS CAN GANG DAG GI SEMS GA-YENGS PAR 'GYUR ZHE NA, SGRA MI SNYAN MIN 'DOD LDAN RNAMS, ,SGRA MI SNYAN MA YIN PA 'DOD @197A *, ,PA DANG LDAN PA RNAMS NI LHA DAG GI NANG NA YANG LHA SMYON PA YOD NA MI DANG DUD 'GRO DANG LI DAGS KYI NANG NA LTA SMOS KYANG CI DGOS, DMYAL BA RNAMS NI RTAG TU SEMS GA-YENGS PA KHO NA YIN TE, GNOD PA SNA TSOGS STONG PHRAG DAG GIS GNAD GCOD PA'I TSOR BA DRAG PO DAG GIS MNGON PAR NYEN PA DE DAG NI RE ZHIG BDAG NYID KYANG MI DRAN NA BYA BA DANG BYA BA MA YIN PA LTA SMOS KYANG CI DGOS TE, 'DIR KYI HUNG SEMS ZHES SMRE SNGAGS 'DON PA'I DMYAL BA DPER BYA'O, ,SANGS RGYAS MA GTOGS PA'I 'PHAGS PA RNAMS LA YANG 'BYUNG BA MA MNYAM PAS SEMS GA-YENG BA YOD DO, LAS KYIS NI MA YIN TE, NGES PA NI SNGON RNAM PAR SMIN ZIN PA'I PHYIR RO, ,MA NGES PA NI RNAM PAR MI SMIN PA'I PHYIR RO, ,'JIGS PAS KYANG MA YIN TE, 'JIGS PA LNGA LAS YANG DAG PAR 'DAS PA'I PHYIR RO, ,GNOD PAS KYANG MA YIN TE, MI MA YIN PA 'KHRUGS PA'I RGYU MI MDZES PA MI BYED PA'I PHYIR RO, ,MYA NGAN GYIS KYANG MA YIN TE, CHOS NYID MNGON PAR SHES PA'I PHYIR RO, ,MDO LAS, YON PO GSUM GSUNGS TE, LUS KYI YON PO DANG, NGAG GI YON PO DANG, YID KYI YON PO'O, ,NYES PA GSUM STE, LUS KYI NYES PA DANG, NGAG GI NYES PA DANG, YID KYI NYES PA'O, ,SNYIGS MA GSUM STE, LUS KYI SNYIGS MA DANG, NGAG GI SNYIGS MA DANG, YID KYI SNYIGS MA'O, ,DE LA, YON PO SNYIGS MAR GSUNGS PA NI, ,DE DAG KYANG RIM BZHIN DU, GA-YO DANG ZHE SDANG 'DOD CHAGS SKYES, ,LUS KYI GA-YO LAS SKYES PA NI GYA GYU'I RGYU LAS BYUNG BA YIN PA'I PHYIR LUS KYI YON PO ZHES BSHAD DE NGAG DANG YID KYI YON PO YANG DE DANG 'DRA'O, ,LUS KYI LAS ZHE SDANG LAS SKYES PA NI SDANG BA'I RGYU LAS BYUNG BA YIN PA'I PHYIR LUS KYI NYES PA ZHES BSHAD DE, NGAG DANG YID KYI NYES PA YANG DE DANG 'DRA'O, ,LUS KYI LAS 'DOD CHAGS LAS SKYES PA NI CHAGS PA'I RGYU LAS BYUNG BA YIN PA'I PHYIR LUS KYI SNYIGS MA ZHES BSHAD DE, NGAG DANG YID KYI SNYIGS MA YANG DE DANG 'DRA'O, ,DKAR NAG LA SOGS BYE BRAG GIS, ,LAS NI RNAM PA BZHI YIN NO, ,GNAG LA RNAM PAR SMIN PA GNAG PA'I LAS KYANG @197B YOD; DKAR LA RNAM PAR SMIN PA DKAR BA'I LAS KYANG YOD, DKAR GNAG LA RNAM PAR SMIN PA DKAR GNAG PA'I LAS KYANG YOD, MI DKAR MI GNAG CING RNAM PAR SMIN PA MED PA LAS ZAD PAR BYED PA'I LAS KYANG YOD DE, DE LA, MI DGE GZUGS DANG 'DOD GTOGS PA'I, ,DGE BA NYID NI RIM BZHIN DU, ,GNAG DANG DKAR DANG GNYI GA'I LAS, ,DE ZAD BYED PA ZAG MED YIN, ,LAS MI DGE BA NI NYON MONGS PA CAN YIN PA'I PHYIR GCIG TU GNAG PA YIN LA, RNAM PAR SMIN PA YID DU MI 'ONG BA'I PHYIR RNAM PAR SMIN PA YANG GNAG PA YIN NO, ,GZUGS SU GTOGS PA'I DGE BA NI, ,MI DGE BA DANG MA 'DRES PA'I PHYIR GCIG TU DKAR BA YIN LA, RNAM PAR SMIN PA YID DU 'ONG BA'I PHYIR RNAM PAR SMIN PA YANG DKAR BA YIN NO, ,CI'I PHYIR GZUGS MED PAR GTOGS PA MA BSHAD CE NA, GANG NA RNAM PAR SMIN PA RNAM PA GNYIS PO SRID PA BAR MA PA DANG, SKYE BA'I SRID PA YANG YOD PA DANG, LUS DANG NGAG DANG YID KYI LAS RNAM PA GSUM CHAR GYI YOD PA DE KHO NAR BSHAD DO ZHES GRAG STE, MDO GZHAN LAS DE YANG BSHAD DO, ,'DOD PHAR GTOGS PA'I DGE BA NI MI DGE BA DANG 'DRES PA'I PHYIR DKAR GNAG YIN LA, RNAM PAR SMIN PA 'DRES PA'I PHYIR RNAM PAR SMIN PA YANG DKAR GNAG YIN NO, ,'DI NI RGYUD KYI SGO NAS RNAM PAR GZHAG GI NGO BO NYID KYI SGO NAS NI MA YIN TE, LAS SAM RNAM PAR SMIN PA GCIG LA DKAR PO YANG YIN, NAG PO YANG YIN PAS DE LTA BU NI MED DO, ,PHAN TSUN 'GAL BA'I PHYIR RO, ,DE LTA NA MI DGE BA YANG DGE BA DANG 'DRES PA'I PHYIR, DKAR GNAG TU 'GYUR BA MA YIN NAM ZHE NA, 'DOD PA'I KHAMS NI MI DGE BA GDON MI ZA BAR DGE BA DANG 'DRE BA NI MA YIN TE, DE STOBS DANG LDAN PA'I PHYIR RO, ,DGE BA NI STOBS CHUNG BA'I PHYIR 'DRE BAR 'GYUR RO, ,ZAG PA MED PA'I LAS NI LAS GSUM PO DE DAG ZAD PAR BYED CING SPONG BAR BYED PA YIN NO, ,DE NI NYON MONGS PA CAN MA YIN PA'I PHYIR MI GNAG PA'O, ,RNAM PAR SMIN PA DKAR PO NYID MED PA'I PHYIR MI DKAR BA'O, ,MI DKAR BA ZHES BYA BA'I SGRA 'DI NI DGONGS PA CAN YIN TE, BCOM LDAN 'DAS KYIS STONG PA CHEN PO'I MDO LAS MI SLOB @198A *, ,PA'I CHOS LAS BRTZAMS TE, KUN DGA' BO CHOS 'DI DAG NI GCIG TU DKAR BA GCIG TU DGE BA, GCIG TU KHA NA MA THO BA MED PA YIN NO ZHES GSUNGS SO, ,BSTAN BCOS LAS KYANG, CHOS DKAR PO RNAMS GANG ZHE NA, DGE BA'I CHOS RNAMS DANG, MA BSGRIBS LA LUNG DU MA BSTAN PA RNAMS YIN NO ZHES 'BYUNG NGO, ,'JUG PA DANG 'GAL BAS KHAMS SU MA GTOGS PA'I PHYIR RNAM PAR SMIN PA MED PA YIN NO, ,CI ZAG PA MED PA'I LAS DANG LAS THAMS CAD LAS RNAM PA GSUM PO 'DI DAG THAMS CAD ZAD PAR BYED PA YIN NAM ZHE NA, SMRAS PA, MA YIN NO, ,'O NA JI LTA BU ZHE NA, CHOS BZOD 'DOD CHAGS BRAL BA YI, ,BAR CHAD MED LAM BRGYAD KYI GANG, ,SEMS PA RNAM PA BCU GNYIS DE, ,NAG PO ZAD PAR BYED PA'I LAS, ,MTHONG BA'I LAM LA CHOS SHES PA'I BZOD PA BZHI DANG, 'DOD PA LAS 'DOD CHAGS DANG BRAL BA LAS BAR CHAD MED PA'I LAM BRGYAD KYI SEMS PA GANG YIN PA STE, SEMS PA RNAM PA BCU GNYIS PO DE NI NAG PO'I LAS ZAD PAR BYED PA'I LAS YIN NO, ,DGU PA'I SEMS PA GANG YIN PA, ,DE NI DKAR NAG ZAD BYED YIN, ,'DOD PA LAS 'DOD CHAGS DANG BRAL BA LAS BAR CHAD MED PA'I LAM DGU PA'I SEMS PA GANG YIN PA DE NI DKAR GNAG STE DGE BA DANG MI DGE BA NAG PO RNAM PA DGU PO SPONG BAR BYED PA YIN NO, ,DKAR PO BSAM GTAN CHAGS BRAL LA, ,BAR CHAD MED LAM SKYES THA MAS, ,BSAM GTAN DANG BSAM GTAN LAS 'DOD CHAGS DANG BRAL BAR BYED PA'I BAR CHAD MED PA'I LAM THA MA DGU PA DE'I SEMS PA GANG YIN PA STE, SEMS PA RNAM PA BZHI PO DE NI DKAR PO'I LAS SPONG BAR BYED PA YIN NO, ,CI'I PHYIR BAR CHAD MED PA'I PHYIR LAM THA MA KHO NAS SPONG BAR BYED LA GZHAN GYIS NI MA YIN ZHE NA, DE'I RANG GI NGO BO NI SPONG BA MA YIN TE, SPANGS KYANG MNGON SUM DU BYED PA'I PHYIR RO, ,'O NA JI LTA BU ZHE NA, DE LA DMIGS PA'I NYON MONGS PA SPANGS PA'I PHYIR TE, DE'I PHYIR JI SRID DU DE LA DMIGS PA'I NYON MONGS PA'I RNAM PA GCIG YOD PA DE SRID DU DE MI SPONG BA MI 'THAD DO, ,GZHAN NI DMYAL BA MYONG @198B 'GYUR DANG, ,'DOD GZHAN MYONG 'GYUR GNYIS SU RIGS, ,SLOB DPON GZHAN DAG NI DMYAL BA MYONG BAR 'GYUR BA DANG, DMYAL BA LAS GZHAN PA'I 'DOD PA'I KHAMS MYONG BAR 'GYUR BA'I LAS NI RIM BZHIN DU NAG PO DANG DKAR NAG YIN TE, DMYAL BA NA NI LAS MI DGE BA KHO NA'I RNAM PAR SMIN PA YOD PAS DE'I PHYIR DE MYONG BAR 'GYUR BA NI NAG PO ZHES BYA'O, ,DE LAS GZHAN PA'I 'DOD PA'I KHAMS NA NI LAS DGE BA DANG MI DGE BA'I RNAM PAR SMIN PA YOD PAS DE'I PHYIR DE MYONG BAR 'GYUR BA NI DKAR NAG CES BYA BAR LTA'O, ,GZHAN NI MTHONG BAS SPANG BYA GNAG ,GZHAN DAG NA RE MTHONG BAS SDANG BAR BYA BA'I LAS NI DGE BA DANG MA 'DRES PA'I PHYIR NAG PO YIN NO ZHES ZER RO, ,'DOD PA LAS SKYES GZHAN DKAR GNAG ,'DOD PA NA SPYOD PA'I LAS GZHAN NI DKAR GNAG YIN NO, ,DE LAS GZHAN PA CI ZHIG CE NA, BSGOM PAS SPANG BAR BYA BA STE, DE NI DGE BA YANG YIN LA MI DGE BA YANG YIN NO, ,MDO LAS THUB PA'I NI GSUM STE, THUB PA'I LUS DANG, THUB PA'I NGAG DANG, THUB PA'I YID YOD DO ZHES GSUNGS PA DE LA, MI SLOB LUS NGAG LAS YID NYID, ,THUB PA'I GSUM STE GO RIMS BZHIN, ,MI SLOB PA'I LUS DANG NGAG GI LAS DAG NI THUB PA'I LUS DANG DAG YIN NO, ,MI SLOB PA'I YID KHO NA YID KYI THUB PA YIN TE, YID KYI LAS NI MA YIN NO, ,CI'I PHYIR ZHE NA, SEMS NI DON DAM PAR THUB PA YIN LA, DE NI LUS DANG NGAG GI LAS DAG GI SGO NAS RJES SU DPAG PAR BYA BA YIN NO ZHES GRAG GO ,GZHAN YANG LUS DANG NGAG GI LAS DAG NI SPONG BA'I RANG BZHIN YIN GYI SEMS LA RNAM PAR RIG BYED MA YIN PA MED PA'I PHYIR YID KYI LAS NI MA YIN NO, ,THUB PA'I YANG SPONG BA'I DON GYIS YIN TE, DE'I PHYIR YID NYID SPONG BA LA THUB PA ZHES BYA'O, ,CI'I PHYIR MI SLOB PA KHO NA YIN GYI GZHAN NI MA YIN ZHE NA; DGRA BCOM PA NI NYON MONGS PA'I BRJOD PA THAMS CAD MED PAS DON DAM PAR THUB PA YIN PA'I PHYIR RO, ,MDO LAS LUS GTZANG BYED DANG NGAG GTZANG BYED DANG YID GTZANG BYED DANG, GTZANG BYED GSUM GSUNGS PA DE NI, LEGS SPYAD GSUM PO THAMS CAD NI, ,GCAD BYED RNAM @199A *, ,PA GSUM YIN NO, ,LUS KYI LEGS PAR SPYAD PA THAMS CAD NI LUS GTZANG BYED YIN NO, ,NGAG DANG YID KYI LEGS PAR SPYAD PA THAMS CAD NI NGAG DANG YID KYI GTZANG BYED YIN TE, DUS RE ZHIG DANG GTAN DU NYES PAR SPYAD PA'I NYON MONGS PA'I DRI MA SPONGS PA'I PHYIR RO, DE LTAR BSTAN PA 'DI NI LOG PA'I THUB PA DANG GTZANG SBRA LA MOS PA RNAMS DKAR BA'I PHYIR RO, ,NYES PAR SPYAD PA GSUM GSUNGS PA DE LA, LUS KYI LA SOGS MI DGE BA, ,NYES PAR SPYAD PA GSUM DU 'DOD, ,LUS DANG NGAG DANG YID KYI LAS MI DGE BA NI RIM PA BZHIN DU LUS DANG NGAG DANG YID KYI NYES PAR SPYOD PA YIN NO, ,BRNAB SEMS LA SOGS LAS MIN YANG, ,YID KYI NYES SPYAD RNAM GSUM MO, ,LAS KYI RANG BZHIN MA YIN PA YANG YID KYI NYES PAR SPYAD PA RNAM PA GSUM YOD DE, SEMS PA LAS DON GZHAN DU GYUR PA BRNAB SEMS DANG, GNOD SEMS DANG, LOG PAR LTA BA'O, ,DPES STON PA RNAMS NA RE CHED DU BSAM PAR BYA BA'I MDO LAS GSUNGS PA'I PHYIR BRNAB SEMS LA SOGS PA KHO NA YID KYI LAS YIN NO ZHES ZER RO, ,DE LTA NA NI LAS DANG NYON MONGS PA DAG GCIG TU 'GYUR RO, ,GAL TE NYON MONGS PA 'GA' ZHIG LAS SU GYUR NA YANG CIR 'GYUR, BYE BRAG TU SMRA BA RNAMS NA RE MDO DANG 'GAL BA'I PHYIR DE NI MED DE, MDO LAS NI DE'I SGO NAS SEMS PA ZHUGS PA'I PHYIR DE DAG GIS DE STON PAR BYED DO ZHES ZER RO, ,LUS DANG NGAG DANG YID KYI SPYOD PA SMAD PA NI 'BRAS BU YID DU MI 'ONG BA YIN PA'I PHYIR NYES PAR SPYAD PA YIN NO, ,BZLOG PA LEGS PAR SPYAD PA YIN, ,NYES PAR SPYAD PA LAS BZLOG PA NI LEGS PAR SPYAD PA YIN PAR 'DOD DE, LUS DANG NGAG DANG YID KYI LAS DGE BA DANG, BRNAB SEMS MED PA DANG, GNOD SEMS MED PA DANG, YANG DAG PA'I LTA BA RNAMS SO, ,PHA ROL LA PHAN 'DOGS PA DANG GNOD PA BYA BA'I BSAM PA MED PAR NA JI LTAR NA YANG DAG PA'I LTA BA DANG LOG PA'I LTA BA DAG DGE BA DANG MI DGE BA NYID YIN ZHE NA, DE'I RTZA BA YIN PA'I PHYIR RO, ,NYES PAR SPYAD PA DANG, LEGS PAR SPYAD PAR BSHAD PA GANG DAG YIN PA, DE LAS CHE ? LONG BSDUS NAS NI, ,DGE DANG MI DGE CI RIGS BAR, , @199B LAS KYI LAM NI BCUR GSUNGS SO, ,NYES PAR SPYAD PA DANG, LEGS PAR SPYAD PA DE DAG NYID BAS CHE LONG BSDUS TE CI RIGS PAR MDO LAS LAS KYI LAM BCUR GSUNGS TE, DGE BA RNAMS NI LEGS PAR SPYAD PA DAG LAS SO, ,MI DGE BA RNAMS NI NYES PAR SPYAD PA DAG LAS SO, ,'DIR NYES PAR SPYAD PA CI ZHIG GAM, LEGS PAR SPYAD PA CI ZHIG MA BSUDS SHE NA, RE ZHIG MI DGE BA'I LAS KYI LAM RNAMS SU NI LUS KYI NYES PAR SPYAD PA'I PHYOGS SBYOR BA DANG MJUG DANG, NYON MONGS PA CAN GZHAN YANG MA BSDUS TE, DE NI SHIN TU RAGS PA MA YIN PA'I PHYIR RO, ,LUS KYI NYES PAR SPYAD PA GZHAN DAG 'TSO BA DANG LONGS SPYOD DANG, CHUNG MA RNAMS DANG 'BRAL BAR BYED PA GANG YIN PA DE NI DE DANG 'BRAL BAR BYA BA'I PHYIR LAS KYI LAM DU BSHAD DO, ,NGAG GI NYES PAR SPYAD PA YANG TSABS PO CHE GANG YIN PA DE KHO NA NYID KYI PHYIR LAS KYI LAM DU BSHAD DO, ,YID KYI NYES PAR SPYAD PA'I PHYOGS SEMS PA YANG MA BSDUS SO, ,DGE BA LA YANG LUS KYI LEGS PAR SPYAD PA'I PHYOGS SBYOR BA DANG MJUG DANG, MYOS PAR 'GYUR BA LA SOGS PA SPONG BA DANG, SBYIN PA DANG, CHOD SBYIN LA SOGS PA MA BSDUS SO, ,NGAG GI LEGS PAR SPYAD PA'I YANG SNYAN PAR SMRA BA LA SOGS PA MA BSDUS SO, ,YID KYI LEGS PAR SPYAD PA'I YANG SEMS PA MA BSDUS SO, ,LAS KYI LAM DE RNAMS LAS, MI DGE DRUG NI RNAM RIG MIN, ,MI DGE BA'I LAS KYI LAM DRUG PO SROG GCOD PA DANG, MA BYIN PAR LEN PA DANG, BRDZUN DU SMRA BA DANG, PHRA MA DANG TSIG RTZUB PO DANG, NGAG KYAL PA RNAMS NI GZHAN BYED DU 'JUG PA LA DNGOS KYI RNAM PAR RIG BYED MED PA'I PHYIR GDON MI ZA BAR RNAM PAR RIG BYED MA YIN PA'I RANG BZHIN DAG YIN NO, ,GCIG RNAM GNYIS SO, ,'DOD PAS LOG PAR GA-YEM PA DE NI BDAG NYID KYIS MTHAR PHYIN PAR BYED PA LA NI DUS DE'I TSE SHI NA RNAM PAR RIG BYED DANG, RNAM PAR RIG BYED MA YIN PA'I RANG BZHIN YIN TE, DE GZHAN BYED DU BCUG PA NI DE DANG 'DRA BAR DGA' BA MA YIN NO, ,DE DAG KYANG BYED NA, LAS KYI LAM DRUG PO DE DAG KYANG BDAG NYID BYED PA LA NI DUS DE'I TSE SHI NA RNAM PAR @200A *, ,RIG BYED DANG, RNAM PAR RIG BYED MA YIN PA DANG RNAM PA GNYIS SU 'GYUR RO, ,PHYIS SHI NA NI RNAM PAR RIG BYED DANG RNAM PAR RIG BYED MA YIN PA KHO NA YIN NO, ,DGE BA'I LAS KYI LAM RNAMS LAS NI, ,DGE BA BDUN RNAM GNYIS, YANG DAG PAR BLANGS PA'I TSUL KHRIMS NI RNAM PAR RIG BYED LA RAG LUS PA'I PHYIR LAS KYI LAM GZUGS CAN BDUN NI GDON MI ZA BAR RNAM PAR RIG BYED DANG RNAM PAR RIG BYED MA YIN PA DANG RNAM PA GNYI GA YIN NO, ,TING 'DZIN LAS SKYES RNAM RIG MIN, ,BSAM GTAN DANG ZAG PA MED PA'I SDOM PAS BSDUS PA RNAMS NI TING NGE 'DZIN LAS SKYES PA ZHES BYA STE, DE DAG NI SEMS TZAM LA RAG LUS PA'I PHYIR, RNAM PAR RIG BYED MA YIN PA KHO NA YIN NO, ,NYER BSDOGS RNAMS NI RNAM RIG BYED, ,LAS KYI LAM NYER BSDOGS RNAMS NI GDON MI ZA BAR RNAM PAR RIG BYED KYI RANG BZHIN YIN NO; ,RNAM RIG BYED MIN 'GYUR BA'AM, ,MA YIN, GAL TE KUN NAS DKRIS PA DRAG PO'AM, RAB TU DANG BA LHUR LEN PA CHEN POS SBYOR BA RTZOM PA RNAM PAR RIG BYED MA YIN PAR 'GYUR GYI, GZHAN DU NI MA YIN NO, ,BZLOG PA MJUG YIN NO, ,NYER BSDOGS LAS BZLOG PA NI LAS KYI LAM RNAMS KYI MJUG YIN PAR BLTA BAR BYA STE, DE DAG NI GDON MI ZA BAR RNAM PAR RIG BYED KYI RANG BZHIN NI MA YIN NO, ,RNAM PAR RIG BYED DU NI 'GYUR BA'AM, YANG NA MA YIN TE, GAL TE LAS KYI LAM BYAS NAS DE'I RJES SU MTHUN PA'I CHOS SPYOD NA NI RNAM PAR RIG BYED DU 'GYUR GYI, GZHAN DU NI MA YIN NO, ,YANG JI TZAM GYIS NA SBYOR BA DANG DNGOS DANG MJUG 'DI DAG RNAM PAR BZHAG CE NA, 'DI LTAR RE ZHIG 'DI NA KHA CIG PHYUGS GSOD PAR 'DOD LA, KHRI LA SOGS PA LAS LDANG BAR BYED, RIN LEN PAR BYED, 'GRO BAR BYED, NOM PAR BYED; PHYUGS NYO BAR BYED, 'KHRID PAR BYED, DRAN PAR BYED, 'DZUD PAR BYED, GNOD PAR BYED, MTSON LEN PAR BYED, MTSON LEN GCIG GAM LAN GNYIS 'DEBS PAR BYED PA NAS JI SRID DU SROG GCOD PAR MI BYED PA DE SRID DU NI SBYOR BA YIN NO, ,BSNUN PA GANG GIS SROG GCOD @200B PAR BYED PA DE'I TSE'I RNAM PAR RIG BYED DANG, DE'I SKAD CIG GI RNAM PAR RIG BYED MA YIN PA GANG YIN PA DE NI LAS KYI LAM DNGOS YIN NO, ,RGYU GNYIS KYIS NI SROG GCOD PA'I KHA NA MA THO BAS REG PAR 'GYUR TE, SBYOR BA DANG 'BRAS BU YONGS SU RDZOGS PAS SO, ,DE PHYIN CHAD KYI RNAM PAR RIG BYED MA YIN PA'I SKAD CIG MA RNAMS NI MJUG YIN NO, JI SRID DU PHYUGS DE'I PAGS PA 'CHU BA'AM, BKRU BSHAL BYED PA 'AM, 'TSONG BA'AM, 'TSED PA'AM, ZA BA'AM RJES SU SGROGS PA DE SRID DU NI DE'I RNAM PAR RIG BYED KYI SKAD CIG MA DAG KYANG MJUG YIN NO, , DE BZHIN DU GZHAN DRUG LA YANG CI RIGS PAR SBYAR BAR BYA'O, ,BRNAB SEMS LA SOGS PA NI MNGON DU GYUR PA TZAM GYIS LAS KYI LAM DU 'GYUR BA'I PHYIR SBYOR BA YANG MED LA MJUG KYANG MED DO, ,'DIR CI RE ZHIG SROG CHAGS DE 'CHI BA'I SRID PA LA GNAS PA DE'I TSE RNAM PAR RIG BYED DANG RNAM PAR RIG BYED MA YIN PA GANG DAG LAS KYI LAM YIN NAM 'ON TE SHI BA'I SRID PA LA GNAS PA DE'I TSE YIN PA ZHES BYA BA 'DI BRJOD PAR BYA'O, ,DE LAS CIR 'GYUR, RE ZHIG GAL TE 'CHI BA'I SRID PA LA GNAS PA YIN NA NI GSOD PA'AM, GSOD DU 'JUG PA LHAN CIG SHI PA YANG SROG GCOD PA'I KHA NA MA THO BA DANG LDAN PAR 'GYUR TE, GRUB PA'I MTHA' LAS NI DE SKAD DU MI 'BYUNG NGO, ,'ON TE SHI BA YIN NA NI BSNUN PA GANG GIS SROG GCOD PAR BYED PA DE'I TSE'I RNAM PAR RIG BYED DANG, DE'I SKAD CIG GI RNAM PAR RIG BYED MA YIN PA GANG YIN PA DE NI LAS KYI LAM DNGOS YIN NO ZHES GANG SMRAS PA DE BRJOD PAR MI BYA'O, ,GANG YANG BSTAN BCOS LAS 'DI SKAD DU, SROG CHAGS BSAD LA SROG GCOD PA MA 'GAGS PA YOD DAM ZHE NA, YOD DE, 'DI LTA STE, DPER NA SROG CHAGS KYI SROG GCOD LA SBYOR BA MED PAR MI 'GYUR BA LTA BU'O ZHES GSUNGS PA 'DIR MJUG SBYOR BA'I SGRAR GSUNGS SO ZHES BYA BA BYE BRAG TU SMRA BA'I DON NI 'GAL TE, DE'I TSE DNGOS KHO NA MA 'GAGS PA'I PHYIR RO, ,JI LTAR NYES PA MED PA DE LTA BU YIN NO, ,JI LTAR NA NYES PA MED PA DE DNGOS KHO NA SBYOR BA'I SGRAR GSUNGS ZHES BYA @201A *, ,PA'O; ,'O NA DE'I TSE RNAM PAR RIG BYED JI LTAR LAS KYI LAM DNGOS SU 'GYUR, JI LTAR NA MI 'GYUR, MI NUS PA'I PHYIR RO, ,DE NI RNAM PAR RIG BYED MA YIN PAR JI LTAR 'GYUR TE, ,DE'I PHYIR SBYOR BA'I 'BRAS BU YONGS SU RDZOGS PA'I TSE GNYIG LAS KYI LAM YIN NO, ,LAS KYI LAM GZHAN GYI SBYOR BA'AM MJUG LAS KYI LAM GZHAN YIN PA YANG YOD DAM ZHE NA, YOD DE, SROG GCOD PA'I SBYOR BA LAS KYI LAM BCU TSAR YANG YIN TE, DPER NA DGRA GSAD PA'I PHYIR GSHED BYED GSAD BAR GZHAN GYI NOR 'GROGS NAS PHYUGS KYIS GTOR MA, BYED PA DANG, DE NYID KYIS DE GSOD DU GZHUG PA'I PHYIR DE'I CHUNG MA LA NYAL PO BYED PA DANG, DE LA GANG DAG YONGS SU SKYOB PAR 'GYUR BA DE'I MDZA' BO LA BRDZUN DANG, PHRA MA DANG, TSIG RTZUB PO DANG, KYAL PA DAG GIS DBYEN BYED PA DANG, DE'I NOR LA BRNAB SEMS BYED PA DANG, DE NYID LA GNOD SEMS BYED PA DANG, DE GSAD PA'I PHYIR LOG PA'I LTA BA 'PHEL BAR BYED PA LTA BU STE, DE BZHIN DU GZHAN DAG LA YANG CI RIGS PAR SBYAR BAR BYA'O, ,BRNAB SEMS LA SOGS PA NI SBYOR BA YIN PAR MI RUNG STE, BYA BA MA BRTZAMS PA'I PHYIR SEMS BSKYED PA TZAM GYIS NI SBYOR BA BYAS PA MA YIN NO, ,MDO LAS DGE SLONG DAG SROG GCOD PA NI RNAM PA GSUM STE, CHAGS PA LAS SKYES PA DANG, ZHE SDANG LAS SKYES PA DANG, ,GTI MUG LAS SKYES PA'O ZHES BYA BA NAS LOG PAR LTA BA'I BAR DU GSUNGS PA DE LA SROG GCOD PA CHAGS PA LAS SKYES PA NI CI 'DRA BA ZHIG CES BYA BA DE LA SOGS PA BRJOD PAR BYA STE, 'DI LA LAS KYI LAM THAMS CAD CHAGS PA LA SOGS PAS MTHAR PHYIN PAR BYED PA NI MA YIN GYI, SBYOR BRTZA PA GSUM LAS SKYES, ,DE DAG GI SBYOR BA NI MI DGE BA'I RTZA BA GSUM LAS SKYES PA YIN PAS NA DANG PO KUN NAS SLONG BA'I TSIG LAS DE SKAD BSHAD DO, ,DE LA SROG GCOD PA CHAGS PA LAS SKYES PA NI 'DI LTA STE, DE'I LUS KYI YAN LAG GI PHYIR RAM, NOR GYI PHYIR RAM, RTZED MO'I PHYIR RAM, BDAG GAM MDZA' BO YONGS SU BSKYAB PA'I PHYIR SROG GCOD PAR BYED PA'O, ,ZHE SDANG LAS @201B SKYES PA NI 'DI LTA STE, KHO NA LAS NGES PAR 'BYUNG BAR BYA BA'I PHYIR GSOD PAR BYED PA'O, ,GTI MUG LAS SKYES PA NI 'DI LTA STE, MCHOD SBYIN BYED PA RNAMS DANG, RGYAL POS CHOS 'DON PA TSAD MAR BYAS NAS CHOS KYI BLOS GSOD PA DAG STE, ME BSGRUNGS PA RNAMS CHAD PAS BCAD NA; RGYAL PO BSOD NAMS KYI SNOD DU 'GYUR RO ZHAS GRAGS PA LTA BU DANG, PAR SIG PA RNAMS KYI LTA BU STE, DE DAG NI 'DI SKAD DU, PHA DANG MA RGAS SAM NAD TSABS CHEN POS THEBS NA GSOD PAR BYA'O ZHES ZER RO, ,GANG YANG 'DI SKAD DU SBRUL DANG SDIG PA DANG SBRANG BU TRYA ? MA BU KA LA SOGS PA RNAMS NI MI RNAMS LA GDUNG BAR BYED PA YIN PAS GSAD PAR BYA'O, ,RI DGAS DANG PHYUGS DANG BYA DANG MA HEL SOGS PA RNAMS NI LONGS SPYOD PAR BYA BA'I PHYIR GSAD PAR BYA'O ZHES ZER BA DANG, GANG YANG LOG PAR LTA BAS RAB TU BCUG PA'I SROG GCOD PA'O, ,MA BYIN PAR LEN PA CHAGS PA LAS SKYES PA NI GANG ZHIG GANG DON DU GNYER BA DES 'PHROG PA'AM, GZHAN GYI RNYED PA'AM BKUR STI'AM GRAGS PA'I PHYIR RAM, BDAG GAM MDZA' BO YONGS SU BSKYAB PA'I PHYIR 'PHROG PA'O, ,ZHE SDANG LAS SKYES PA NI KHO NA LAS NGES PAR 'BYUNG BAR BYA BA'I PHYIR 'PHROG PA GANG YIN PA'O, ,GTI MUG LAS SKYES PA NI 'DI LTA STE RGYAL POS CHOS 'DON PA TSAD MAR BYAS NAS MI BSGRUNGS PA CHAD PAS BCAD PA'I PHYIR 'PHROG PA LTA BU DANG, 'DI LTA STE, BRAM ZE RNAMS NA RE 'DI THAMS CAD NI TSANGS PAS BRAM ZE RNAMS LA BYIN PA YIN NA BRAM ZE RNAMS DAMS PAS DMANGS RIGS RNAMS YONGS SU SPYOD PAR ZAD DE, DE LTA BAS NA BRAM ZE 'PHROG PA NA BRAM ZE BDAG NYID KYIS LEN PA YIN, BDAG NYID KYIS ZA BA YIN, BDAG NYIS KYIS GYON PA YIN, BDAG NYID KYIS SBYIN PA YIN NO ZHES ZER BA LTA BU'O, ,DE DAG LA BDAG DANG GZHAN GYI 'DU SHES MI 'BYUNG BA NI MA YIN NO, ,GANG YANG LOG PAR LTA BAS RAB TU BCUG PA'I MA BYIN PAR LEN PA'O, ,'DOD PAS LOG PAR GA-YEM PA CHAGS PA LAS SKYES PA NI GZHAN GYI CHUNG MA LA SOGS PA LA DE LA CHAGS PA'AM, RNYED PA 'AM BKUR STI'I PHYIR RAM, BDAG GAM @202A *, ,MDZA' BO YONGS SU BSKYAB PA'I PHYIR MI TSANGS PAR SPYOD PA 'O, ,ZHE SDANG LAS SKYES PA NI KHO NA LAS NGES PAR 'BYUNG BAR BYA BA'I PHYIR NYAL PO BYED PA GANG YIN PA'O, ,GTI MUG LAS SKYES PA NI 'DI LTA STE, PAR SIG LA SOGS PA MA LA SOGS PA LA NYAL BA DANG, BA LANG 'BRING GI MCHOD SBYIN LA CHO GA CAN GYI CHU BTUNG NGO, ,RTZVA BCAD DO, ,MA'I GAN DU NYAL PO LA 'GRO'O, ,SRING MO'I GAN DU 'GRO'O, ,RUS GCIG PA'I GAN DU 'GRO'O ZHES BYA BA DANG, GANG DANG GANG NA 'DI DAG RNYED PA DE DANG DER 'GRO BAR BYA STE, DE LTA BAS NA BA LANG DANG 'JIG RTEN LAS RGYAL BAR 'GYUR RO ZHES BYA BA LTA BU DANG, GANG DAG BUD MED NI GTUN DANG, ME TOG DANG, 'BRAS BU DANG, ZAS SMIN PA DANG, NGOGS DANG LAM DANG 'DRA'O ZHES ZER BA LTA BU'O, ,BRDZUN DU SMRA BA LA SOGS PA CHAGS PA LAS SKYES PA DANG, ZHE SDANG LAS SKYES PA NI SNGA MA BZHIN NO, ,BRDZUN DU SMRA BA GTI MUG LAS SKYES PA NI JI SKAD DU, ,RGYAL PO BZHAD GAD LDAN DANG BUD MED DANG, ,BAG MA LEN PA'I TSE DANG GSOD PA DANG, ,NOR KUN 'PHROG TSE BRDZUN BYAS GNOD MED DE, ,BRDZUN LNGA LTUNG BAR BYED PA MIN ZHES BSHAD, ,ZHES SMRAS PA LTA BU DANG, GANG YANG LOG PAR LTA BAS RAB TU BCUG PA'I BRDZUN DU SMRA BA'O, ,PHRA MA LA SOGS PA GTI MUG LAS SKYES PA NI LOG PA'I LTA BAS RAB TU BCUG PA DANG, GANG YANG RIG BYED LA SOGS PA BSTAN BCOS NGAN PA RDOL BA'O, ,JI LTAR NA BRNAB SEMS LA SOGS PA CHAGS PA LA SOGS PA LAS SKYES PA YIN ZHE NA, DE YI MJUG THOGS LAS BYUNG PHYIR, ,BRNAB SEMS SOGS RTZA GSUM LAS SKYES, ,CHAGS PA'I MJUG THOGS SU BYUNG BA NI CHAGS PA LAS SKYES PA DAG YIN NO, ,ZHE SDANG GI MJUG THOGS SU BYUNG BA NI ZHE SDANG LAS SKYES PA DAG YIN NO, ,GTI MUG GI MJUG THOGS SU BYUNG BA NI GTI MUG LAS SKYES PA DAG YIN NO, ,MI DGE BA'I LAS KYI LAM RNAMS BSHAD ZIN TO, ,DGE BA'I LAS KYI LAM RNAMS JI LTA BU ZHE NA, DGE BA SBYOR DANG MJUG BCAS RNAMS, ,CHAGS SDANG GTI MUG MED LAS SKYES, ,DGE BA'I LAS @202B KYI LAM SBYOR BA DANG MJUG DANG, BCAS PA RNAMS NI DGE BA'I SEMS KYIS KUN NAS BSLANG BA'I PHYIR DANG, DE YANG GDON MI ZA BAR MA CHAGS PA LA SOGS PA DANG MTSUNGS PAR LDAN PA'I PHYIR MA CHAGS PA DANG ZHE SDANG MED PA DANG GTI MUG MED PA LAS SKYES PA DAG YIN NO, ,DE LA MI DGE BA'I LAS KYI LAM NI SBYOR BA SPONG BA NI DGE BA'I LAS KYI LAM GYI SBYOR BA YIN NO, ,DNGOS SPONG BA NI DNGOS YIN NO, ,MJUG SPONG BA NI MUG YIN TE, ,'DI STA STE DGE TSUL BSNYEN PAR RDZOGS PAR BYED PA GNAS SNA TSOGS PAR 'JUG PAR BYED, ,DGE 'DUN RNAMS LA PHYAG 'TSAL BAR BYED, MKHAN PO LA GSOL BA 'DEBS PAR BYED PA NAS LAS LAN GCIG BRJOD PA DANG, LAN GNYIS BRJOD PA'I BAR 'DI NI SBYOR BA YIN NO, ,LAN GSUM PA BRJOD PA'I CHE RNAM PAR RIG BYED DANG DE'I SKAD CIG GI RNAM PAR RIG BYED MA YIN PA GANG YIN PA 'DI NI LAS KYI LAM DNGOS YIN NO, ,DE'I 'OG TU JI SRID DU GNAS BSGO BA'AM, DE'I RTEN RNAM PAR RIG PAR BYED PA DANG, JI SRID DU RNAM PAR RIG PAR BYED PA MA YIN PA RJES SU 'BRANG BA 'DI NI MJUG YIN NO, ,LAS KYI LAM THAMS CAD CHAGS PA LA SOGS PAS MTHAR PHYIN PAR BYED PA NI MA YIN NO ZHES GANG BSHAD NA, 'O NA GANG ZHIG GANG GIS MTHAR PHYIN PAR BYED CE NA, GSOD DANG GNOD SEMS TSIG RTZUB PO, ,ZHE SDANG GIS NI MTHAR PHYIN BYED, ,SROG GCOD PA DANG, GNOD SEMS DANG, TSIG RTZUB PO DANG 'DI DAG NI ZHE SDANG GIS MTHAR PHYIN PAR BYED DE, YONGS SU 'DOR BA DANG, RTZUB BA'I SEMS MNGON DU GYUR PA'I PHYIR RO, ,LOG GA-YEM BRNAB SEMS MA BYIN LEN, ,CHAGS PA SEMS NI RDZOGS PAR BYED, ,'DOD PAS LOG PAR GA-YEM PA DANG, BRNAB SEMS DANG, MA BYIN PAR LEN PA RNAMS NI CHAGS PAS RDZOGS PAR BYED DO, ,LOG PAR LTA BA GTI MUG GIS, ,CHER RMONGS PAR GYUR NA MTHAR PHYIN PAR BYED DO, ,LHAG MA GSUM GYIS RDZOGS PAR 'DOD, ,LHAG MA YANG GANG DAG CE NA, BRDZUN DU SMRA BA DANG, PHRA MA DANG, TSIG KYAL PA STE, DE DAG NI CHAGS PA'AM, ZHE SDANG NGAM, GTI MUG GSUM KAS KYANG MTHAR PHYIN PAR @203A *, ,BYED DO; ,GANG 'DI LAS KYI LAM CHA BZHIR BSHAD PA DE DAG NI GSUM DANG, GSUM DANG, GCIG DANG, GSUM DANG, GO RIMS BZHIN TE, GZHI NI SEMS CAN LONGS SPYOD DANG, ,MING DANG GZUGS DANG MING YIN NO, ,SROG GCOD PA LA SOGS PA'I GZHI NI SEMS CAN YIN NO; ,GZHAN GYI BUD MED KYI GAN DU 'GRO BA LA SOGS PA'I GZHI NI LONGS SPYOD YIN NO, ,LOG PAR LTA BA'I GZHI NI MING DANG, GZUGS YIN NO, ,BRDZUN DU SMRA BA LA SOGS PA'I GZHI NI MING GI TSOGS YIN NO, ,GANG ZHIG GI PHA ROL PO 'CHI BAR NGES PAR BYAS NAS DE DANG MGO MNYAM DU 'AM SNGAR SHIN CI DE LA LAS KYI LAM DNGOS YOD DAM 'ON TE MED CE NA, SNGA DANG MNYAM DU SHI BA LA, ,DNGOS PO MED DE NYID KYI PHYIR, ,SBYOR BA YANG BYAS LA 'BRAS BU YANG YONGS SU RDZOGS PAR GYUR KYANG SROG GCOD PA'I KHA NA MA THO BAS REG PAR MI 'GYUR BA LTA MCHIS SAM, BKA' STZAL PA YOD DE, 'DI LTA STE GSOD PA PO SNGAR RAM MNYAM DU SHI BAR GYUR PA LTA BU'O ZHES GSUNGS SO, ,DE LA RGYU CI ZHIG YOD CE NA, GSAD PAR BYA BA GSON BZHIN DU GSOD PA PO LA KHA NA MA THO BA DANG LDAN PA YANG MED LA, GSOD PA PO SHI BA LA YANG MA YIN TE, LUS GZHAN SKYES PHYIR RO,, LUS GANG GIS DE LA SBYOR BA BYAS PA DE NI CHAD LA RIS MTHUN PA THA DAD PA GZHAN GYI LUS KHO NA ZHIG BYUNG STE, DE NI SBYOR BA PO MA YIN PA'I PHYIR LAS KYI LAM DANG LDAN PAR RIG PA MA YIN NO, ,GANG DMAG GIS GDAB PA DANG, LINGS 'DEBS PA DANG, MA 'PHRIGS PAR GDAB PA DAG TU PHA ROL PO GSAD PAR BYA BA'I PHYIR MANG PO TSOGS PAS BTAB LA GCIG CIG GIS SROG GCOD NA DE DANG SU ZHIG LDAN PAR 'GYUR ZHE NA, DMAG LA SOGS PAR DON GCIG PHYIR, ,THAMS CAD BYED PA BLO BZHIN LDAN, ,DON GCIG PA'I PHYIR THAMS CAD BYED PA PO JI LTA BA BZHIN LDAN PAR 'GYUR TE, DE DAG NI DON GYIS NA PHAN TSUN DU SBYOR BAR BYED PA YIN NO, ,'O NA GANG ZHIG NAN GYIS KHRID PA DE JI LTA BU ZHE NA, DE YANG LDAN PAR 'GYUR BA STE, GANG ZHIG 'DI SNYAM DU SOG GI PHYIR YANG SROG CHAGS MI GSOD DE ZHES BYA BAR NGES BAR BYAS TE 'GRO BA NI MA GTOGS SO,, @203B RANG GI SROG GCOD PAR BYED PA LA JI TZAM GYIS LAS KYI LAM DU 'GYUR ZHES BYA BA NAS JI TZAM GYIS NA LOG PAR LTA BA'I LAS KYI LAM DU 'GYUR ZHES BYA BA'I MTSAN NYID BRJOD PAR BYA STE, DE BRJOD DO, ,SROG GCOD PA NI BSAMS BZHIN DU MA NOR BA NI GZHAN GSAD PA'O, ,GAL TE 'DI BSAD DO SNYAM DU BSAMS NAS GSOD PAR BYED LA, GZHAN DANG MA NOR BAR DE NYID KYANG GSOD PAR BYED NA DE TZAM GYIS SROG GCOD PA YIN NO, ,'O NA GANG ZHIG 'DI CI SROG CHAGS SAM SROG CHAGS MA YIN, DE 'AM GZHAN ZHIG YIN SMYAM DU THE TZOM ZOS NAS GSOD PAR BYED PA DE JI LTA BU ZHE NA, DE YANG GDON MI ZA BAR GANG YIN PA YIN ZHES BYA BA'I NGES PA 'DI RNYED NAS DE LA SNUN PAR BYED PAS DES NA 'DOR BA'I SEMS SU BYAS PA KHO NA YIN NO, ,PHUNG PO SKAD CIG MA RNAMS LA JI LTAR SROG GCOD PA YIN ZHE NA, SROG ZHES BYA BA NI LUS DANG SEMS LA BRTEN NAS 'JUG PA'I RLUNG YIN TE, DE GCOD PAR BYED DO, ,DPER NA MAR ME 'AM, DRIL BU'I SKAD 'GAG PAR BYED PA DANG 'DRA'O, ,YANG NA SROG GI DBANG PO SROG YIN TE, DE 'GAG PAR BYED DO, ,GAL TE SROG GI DBANG PO'I SKAD CIG MA GCIG SKYE BA LA BAR CHAD BYED NA YANG SROG GCOD PA'I KHA NA MA THO BAS REG PAR 'GYUR GYI GZHAN DU NI MA YIN NO, ,DE MED PAS GANG ZHIG 'CHI BAR 'GYUR BA'I SROG DE GANG YIN ZHE NA, GANG GI ZHES BYA BA'I DRUG PA NI GANG ZAG TU SMRA BA DGAG PAR DPYAD PAR BYA'O, ,BCOM LDAN 'DAS KYIS KYANG, GANG TSE TSE DANG DROD RNAMS SHES, ,'DI DAG GIS NI LUS 'DOR ZHING, ,BOR NA DE TSE 'DUG PA NI, ,JI LTAR SHING LA SEMS MED BZHIN, ,ZHES GSUNGS TE, DE LTA BAS NA DBANG PO DANG BCAS PA'I LUS NI GSON PO ZHES BYA LA, DBANG PO MED PA NI SHI BA ZHES BYA'O, ,GCER BU PA RNAMS NA RE BLO SNGAR MA BTANG BA'I SROG GCOD PAS KYANG BYED PA PO CHOS MA YIN PA DANG LDAN PAR 'GYUR TE, DPER NA ME DANG REG PA LAS TSIG PAR 'GYUR BA BZHIN NO ZHES ZER RO, ,DE DAG GI LTAR NA GZHAN GYI CHUNG MA MTHONG BA DANG, REG PA LA YANG DE LTAR THAL BAR 'GYUR RO, ,GCER BU PA SKRA 'BAL BA DANG, DKA' THUB DRAG PO'I LUNG @204A *, ,'BOGS PA DANG, DE DAG GSAD DE SHIN YANG SBYIN PA PO LA DE LTAR THAL BAR 'GYUR RO, ,MA DANG BU LTON YOD PA DAG KYANG PHUN TSUN SDUG BSNGAL GYI RGYU MTSAN DU GYUR PA'I PHYIR DE LTAR THAL BAR 'GYUR RO, ,GSOD PAR BYA BA YANG DE'I BYA BA DANG 'BREL BA'I PHYIR DE LTAR THAL PAR 'GYUR TE, MES RANG GI RTEN SREG PA BZHIN NO, ,BYED DU 'JUG PA LA YANG THAL PAR MI 'GYUR TE, GZHAN ME LA REG TU 'JUG PA ME DES MA 'CHIG PA BZHIN NO, ,KHYIM RDIB NA SROG CHAGS DAG 'CHI BA'I PHYIR SHING LA SOGS PA MED PA RNAMS KYANG SDIG PA DANG LDAN PAR THAL BAR 'GYUR RO, ,NAD PA LA GNOD PA DANG, SHI BA NA SMAN PA RNAMS LA YANG DE LTAR THAL BAR 'GYUR RO, ,YANG NA DPE TZAM GYIS NI 'GRUB PAR MI 'GYUR RO, ,SROG GCOD PA BSHAD ZIN TO, ,MA BYIN LEN PA GZHAN GYI NOR, ,MTHU DANG 'JAB BUS BDAG GIR BYED, ,MA NOR BA ZHES BYA BAR SBYAR TE, GAL TE GZHAN GYIS BDAG GIR BYAS PA LA MTHU DANG 'JAB BUS BDAG GIR BYED CING, GANG DU MTHU DANG 'JAB BUS BDAG GIR BYA BAR BSAMS PA DE LAS GZHAN DU 'DU SHES KYANG MA 'KHRUL NA DE TZAM GYIS MA BYIN PAR LEN PA YIN NO, ,MCHOD RTEN LAS PHROGS PA NI SANGS RGYAS LAS MA BYIN PAR BLANGS PA YIN TE, BCOM LDAN 'DAS YONGS SU MYA NGAN LAS 'DA' BA'I CHE DE DAG THAMS CAD YONGS SU GZUNG BA'I PHYIR RO, ,GZHAN DAG NA RE SRUNG MA GANG DAG YIN PA LAS SO ZHES ZER RO, ,BDAG PO MED PA'I GTER BRUS NA NI YUL GYI BDAG PO LAS SO, ,SHI BA'I NOR PHROGS NA LAS BYAS PA ZHIG YIN NA NI MTSAMS KYI NANG DU GTOGS PA RNAMS LAS SO, ,MA BYAS PA ZHIG YIN NA NI SANGS RGYAS KYI SLOB MA THAMS CAD LAS SO, ,BGROD MI MA 'GRO BA 'DOD PA YIS, ,LOG PAR GA-YEM PA RNAM PA BZHI, ,BGROD PAR BYA BA MA YIN PAR 'GRO BA 'DOD PAS LOG PAR GA-YEM PA RNAM PA BZHI STE, 'GROD PA BYA BA MA YIN PA GZHAN GYIS YONGS SU GZUNG BA 'AM ,MA 'AM, PHA DANG MA DANG 'BREL BA'I GAN DU 'GRO'AM, RANG GI CHUNG MA YIN YANG YAN LAG MA YIN PAR 'GRO BA STE, KHA'AM RKUB TU 'JUG PA'AM, , @204B YUL MA YIN PAR 'GRO BA'AM, MCHOD RTEN NAM, ,GTZUG LAG KHANG NGAM, ,DUS MA YIN PAR 'GRO BA STE, DUS MA YIN PA GANG ZHE NA, SBRUM MA'AM, NU ZHO 'THUNG BA'AM, NGES PA DANG BCAS PA'I GAN DU 'GRO BA'O, ,KHA CIG NA RE GAL TE KHYOS GNANG NA NGES PA DANG BCAS PA YIN NO ZHES ZER RO, ,MA NOR BA ZHES BYA BAR SBYAR TE, GAL TE BDAG GI YIN PA'I 'DU SHES KYIS GZHAN GYI CHUNG MA'I GAN DU SONG NA LAS KYI LAM DU MI 'GYUR RO, ,GAL TE GZHAN GYI CHUNG MA MA YIN PA'I 'DU SHES KYIS GZHAN ZHIG GI GAN DU SONG NA, KHA CIG NA RE GZHAN GYI CHUNG MA LA SBYAR BAR BYAS PA'I PHYIR DANG, DNGOS PO YONGS SU LONGS SPYAD PA'I PHYIR 'GYUR RO ZHES ZER RO, ,GZHAN DAG NA RE SBYOR BA GZHAN DU BYAS PA'I PHYIR MI 'GYUR TE, SROG GCOD PA BZHAN NO ZHES ZER RO, ,DGE SLONG MA'I GAN DU 'GRO BA SU LAS 'DOD PA LA LOG PAR GA-YEM PA YIN ZHE NA, YUL GYI BDAG PO LAS TE DES NI DE MI BZOD PAR BYA BA YIN NO, ,DES NI RANG GI CHUNG MA NGES PA DANG BCAS PA BZHIN DU BGROD PAR BYA BA MA YIN PA YANG YIN NO, ,GZHON NU MA'I GAN DU 'GRO BA NI GANG LA BYIN PA LAS SO, ,GAL TE SBYIN PA MED NA SRUNG BA GANG YIN PA DANG, THA NA RGYAL PO LAS SO, ,BRDZUN TSIG 'DU SHES GZHAN BSGYUR PA'I, ,TSIG DON MNGON PAR GO BA'O, ,DON SMRA BA GANG YIN PA DE LA 'DU SHES GZHAN DU BSGYUR LA DES GANG GI DBANG DU BYAS NAS SMRAS PA'I TSIG DE'I DON YANG GO NA TSIG DE NI BRDZUN DU SMRA BA'I YIN NO, ,MNGON PAR MA GO NA CIR 'GYUR ZHE NA, TSIG KYAL PAR 'GYUR RO, ,TSIG CES BYA BA NI RES 'GA' YI GI MANG PO ZHIG LAS TSIG TU 'GYUR NA DE LA LAS KYI LAM GANG ZHIG YIN ZHE NA, THA MA RNAM PAR RIG BYED MA YIN PA DANG BCAS PA'O, ,YANG NA GANG LAS DON GO BAR 'GYUR BA STE, YI GI SNGA MA RNAMS NI SBYOR BA YIN NO, ,DON MNGON PAR GO BA ZHES BYA BA CI RE ZHIG NYAN PA POS DON MNGON PAR GO BA YIN NAM, 'ON TE MNGON PAR GO BAR NUS PA ZHIG YIN, DE LAS CIR 'GYUR, GAL TE DON MNGON PAR GO BA YIN NA NI TSIG GI DON YID KYI RNAM PAR SHES PA'I YUL YIN PA'I @205A *, ,PHYIR DANG NGAG GI RNAM PAR RIG BYED RNA BA'I RNAM PAR SHES PA DANG LHAN CIG 'GAGS PA'I PHYIR, RNAM PAR RIG BYED MA YAN PA KHO NA LAS KYI LAM DU 'GYUR RO, ,'ON TE MNGON PAR GO BAR NUS PA MA YIN NA NI DE LTA NI NYES PAR MI 'GYUR TE, JI LTAR NA MNGON PAR GO BAR NUS PA YIN ZHE NA, SKAD BYANG BA DANG RNA BA'I RNAM PAR SHES PA SKYES PA'O, ,JI LTAR NYES PA MED PA DE LTA BU YIN NO, ,MDO LAS THA SNYAD BCU DRUG GSUNGS PA LA MA MTHONG BA LA MTHONG ZHES SMRAS PA DANG, MA THOS PA DANG, MA RTOGS PA DANG, RNAM PAR MA SHES PA LA RNAM PAR SHES SO ZHES SMRA BA DANG, MTHONG BA LA MA MTHONG NGO ZHES SMRA BA DANG, RNAM PAR SHES PA'I BAR LA RNAM PAR MA SHES SO ZHES SMRA BA DANG BRGYAD PO 'DI NI 'PHAGS PA MA YIN PA'I THA SNYAD DAG YIN NO, ,MTHONG BA LA MTHONG NGO ZHES SMRA BA NAS RNAM PAR SHES PA LA RNAM PAR SHES SO ZHES SMRA BA'I BAR DANG; MA MTHONG BA LA MA MTHONG NGO ZHES SMRA BA NAS RNAM PAR MA SHES SO ZHES SMRA BA'I BAR BRGYAD PO 'DI NI 'PHAGS PA'I THA SNYAD DAG YIN NO, ,DE LA MTHONG BA DANG THOS PA DANG, RTOGS PA DANG, RNAM PAR SHES PA DE DAG GI MTSAN NYID CI ZHE NA, MIG RNA YID KYI RNAM SHES DANG, ,GSUM GYIS NYAMS SU MYONG GANG DES, ,MTHONG THOS RNAM PAR SHES PA DANG, ,RTOGS PA YIN TE GO RIMS BSHAD, ,MIG GI RNAM PAR SHES PAS NYAMS SU MYONG BA GANG YIN PA DE NI MTHONG BA ZHES BSHAD DO, ,RNA BA'I RNAM PAR SHES PAS NYAMS SU MYONG BA GANG YIN PA DE NI THOS PA ZHES BSHAD DO, ,YID KYI RNAM PAR SHES PAS NYAMS SU MYONG BA GANG YIN PA DE NI RNAM PAR SHES PA ZHES BSHAD DO, ,SNA DANG LCE DANG LUS KYI RNAM PAR SHES PAS NYAMS SU MYONG BA GANG YIN PA DE NI RTOGS PA ZHES BSHAD DO, ,CI'I PHYIR ZHE NA, BYE BRAG TU SMRA BA RNAMS NA RE, DRI DANG RO DANG REG BYA RNAMS NI LUNG DU MA BSTAN PA'I PHYIR SHI BA DANG 'DRA STE, DE'I PHYIR DE DAG LA NI RTOGS PA ZHES ZER RO, ,DE'I PHYIR DE DAG LA NI RTOGS PA ZHES ZER RO, ,'DI LA KHUNGS CI ZHIG YOD CE NA, MDO DANG, RIGS PA YOD DE, RE ZHIG MDO NI MCHOD BYED KYI MA CAN 'DI JI SNYAM DU SEMS, GZUGS GANG DAG KHYOD KYI MIG GIS MA MTHONG STE SNGON MA MTHONG @205B ZHING MI LTA LA, KHYOD 'DI SNYAM DU BLTA BAR BYA'O SNYAM DU YANG MI SEMS NA, GZHI DE LAS KHYOD 'DUN PA'AM, 'DOD CHAGS SAM 'DOD PA'AM DGA' BA'AM, CHAGS PA'AM, 'CHUMS PA'AM, LHAG PAR CHAGS PA SKYE BA'AM, BTZUN PA MA LAGS SO, ,SGRA GANG DAG KHYOD KYI RNA BAS MTHOS TE, SNGON MA THOS ZHES BYA BA DANG, RGYAS PAR YID KYIS CHOS RNAMS RNAM PAR MA SHES TE ZHES BYA BA NAS RGYAS PAR BTZUN PA MA LAGS SO ZHES BYA BA'I PAR DU'O, ,MCHOD BYED KYI MA CAN KHYOD 'DI LA MTHONG NA YANG MTHONG BA TZAM DU 'GYUR LA, THOS PA DANG, RTOGS PA DANG; RNAM PAR SHES PA YANG RNAM PAR SHES PA TZAM DU 'GYUR RO ZHES GSUNGS BA YIN TE, DE'I PHYIR YUL GSUM LA MTHONG BA DANG, THOS PA DANG, RNAM PAR SHES PA'I SGRAS BSTAN PA'I PHYIR DRI LA SOGS PA LA RTOGS ZHES BYA BAR GO 'O, ,DE LTAR MI 'DOD NA MTHONG BA LA SOGS PA'I DNGOS PO'I NANG DU MA GTOGS PA'I PHYIR DRI LA SOGS PA LA THA SNYAD 'DOGS PAR YANG MI 'GYUR TE, 'DI NI RIGS PA YIN NO, ,RE ZHIG MDO 'DI DON GZHAN YIN PA'I PHYIR, KHUNGS MA YIN TE, BCOM LDAN 'DAS KYIS MDO 'DI LA THA SNYAD RNAMS KYI MTSAN NYID BSTAN PA DE NI MA YIN NO, ,'O NA JI LTA BU ZHE NA, 'DIR NI KHYOD YUL RNAM PA DRUG PO 'DI LA MTHONG BA LA SOGS PA'I THA SNYAD BZHI LA MTHONG BA LA SOGS PA'I THA SNYAD TZAM DU 'GYUR GYI SDUG PA DANG MI SDUG PA'I MTSAN MAR SGRO 'DOGS PA MA YIN NO ZHES BYA BA 'DI NI MDO'I DON YIN PAR SNANG NGO, ,YANG MTHONG BA NI CI ZHIG YIN, RNAM PAR SHES PA'I BAR DU YANG CI ZHIG YIN ZHE NA, RE ZHIG KHA CIG NA RE DBANG BO LNGAS MNGON SUM DU BYAS PA GANG YIN PA DE NI MTHONG BA'O, ,PHA ROL LAS 'ONGS PA GANG YIN PA DE NI THOS PA'O, ,BDAG NYID KYI RIGS PAS RJES SU DBAG PA'I SGO NAS 'DOD PA GANG YIN PA DE NI RTOGS PA'O, ,YID KYI MNGON SUM DU GYUR PA BSGOMS NA SA RTOGS PA SO SO RANG GIS RIG PAR BYA BA GANG YIN PA DE NI RNAM PAR SHES PA'O, ,YANG YUL LNGA PO 'DI DAG RE RE LA YANG MTHONG @206A *, ,BA'AM THOS PA'AM, RTOGS PA'AM, RNAM PAR SHES PA YIN NO ZHES THA SNYAD GDAGS LA, DRUG PA LA NI MTHONG BA MA GTOGS TE, DE LTAR NA DRI LA SOGS PA LA THA SNYAD 'DOGS PA MED PAR THAL BAR 'GYUR BA YANG MED DE, DE LTA BAS NA RIGS PA DE YANG RIGS PA MA YIN NO ZHES ZER RO, ,SNGON GYI SLOB DPON RNAMS NI 'DI SKAD DU, ,MIG GIS MNGON SUM DU BYAS PA GANG YIN PA DE NI MTHONG BA'O, ,RNA BAS THOS PA DANG, PHA ROL LAS 'ONGS PA GANG YIN PA DE NI THOS PA'O, ,BDAG NYID KYIS BSAM PA GANG YIN PA DE NI RTOGS PA'O, , BDAG NYID KYIS SO SOR YANG DAG PAR RIG PA DANG RTOGS PA GANG YIN PA DE NI RNAM PAR SHES PA'O ZHES ZER RO, ,ZHAR LA 'ONGS BA RDZOGS SO,, ,,BSTAN BCOS LA 'JUG PAR BYA STE, GANG ZHIG LUS KYI DON GZHAN GO PAR BYED NA BRDZUN DU SMRA PAR 'GYUR RAM ZHE NA, 'GYUR RO, ,DE NYID KYI PHYIR, LUS KYIS MI BYED NA SROG GCOD PA'I KHA NA MA THO PA'I REG PAR 'GYUR BA YOD DAM ZHE NA YOD DO, ,NGAG GIS BYED PAR 'GYUR NA'O, ,NGAG GIS MI BYED NA BRDZUN GYI KHA NA MA THO BAS REG PAR 'GYUR BA YOD DAM ZHE NA YOD DO, ,LUS KYIS BYED PAR 'GYUR NA'O, ,LUS KYIS KYANG MI BYED, NGAG GIS KYANG MI BYED NA, KHA NA MA THO BA GNYI GAS REG PAR 'GYUR BA YOD DAM ZHE NA, YOD DE, 'DIR DRANG SRONG RNAMS YID RAB TU KHROS PA DANG, GSO SBYONG DPER BYA'O ZHES GSUNGS SO, ,GNYI GAS YANG MI BYED NA 'DOD PA NA SPYOD PA'I RNAM PAR RIG BYED MA YIN PA RNAM PAR RIG BYED MED PA CAN YANG MED PAS JI LTAR NA DE GNYIS KYIS LAS KYI LAM DU 'GRUB STE, 'DI LA 'BAD PAR BYA'O, ,BRDZUN DU SMRA PA RDZOGS SO,, ,,PHRA MA PHA ROL DBYE BA'I PHYIR, ,NYON MONGS CAN GYI SEMS KYI TSIG ,PHA ROL PO DAG DBYE ZHING MI MDZA' BAR BYA BA'I PHYIR SEMS KYI NYON MONGS PA CAN GYI TSIG GANG YIN PA DE NI PHRA MA YIN TE, DON MNGON PAR GO BA DANG, MA NOR BA ZHES BYA BAR SBYAR RO, ,TSIG RTZUB PO NI MI SNYAN PA, ,SEMS NYON MONGS PA CAN GYI TSIG DANG, DON MNGON PAR GO BA DANG, MA NOR BA ZHES BYA BAR SBYAR TE, SEMS @206B NYON MONGS PA CAN GYIS CI'I TSIG MI SNYAN PA PHA ROL PO LA SMRAS SHING DON MNGON PAR GO LA GANG LA SMRA BAR 'DOD PA DE NYID LA SMRA BA GANG YIN PA DE NI TSIG RTZUB PO YIN NO, ,NYON MONGS CAN KUN KYAL PA NYID, ,TSIG CES BYA BA'I DBANG DU BYAS PAR SBYAR TE, NYON MONGS PA CAN GYI TSIG THAMS CAD NI TSIG KYAL PA YIN NO, ,DE NYID NA NI KYAL PA NYID YIN TE, DE DANG LDAN PA NI TSIG KYAL PA CAN YIN NO, ,GZHAN NI DE LAS GZHAN NYON MONGS, GZHAN DAG NA RE NGAG GI LAS BRDZUN DU SMRA BA LA SOGS PA DE DAG LAS GZHAN PA NYON MONGS PA CAN GYI TSIG GANG YIN PA DE NI TSIG KYAL PA YIN NO ZHES ZER TE, KHA GSAG GLU DANG ZLOS GAR BZHIN, ,BSTAN BCOS NGAN BZHIN, DPER NA DGE SLONG LOG PAS 'TSO BA CAN KHA GSAG BYED PA DANG, CHAGS PAS KHA CIG GLU LEN PA DANG, ZLOS GAR MKHAN RNAMS ZLOS GAR GYI TSE GZHAN DAG MGU BAR BYA BA'I PHYIR 'KHYAL PA DANG, DE'I LTA BAR GYUR NAS BSTAN BCOS NGAN PA DAG GDON PA DANG, DE BZHIN DU SMRE SNGAGS 'DON PA DANG, 'DU 'DZI'I GTAM LA SOGS PA BRDZUN DU SMRA BA LA SOGS PA LAS GZHAN PA NYON MONGS PA CAN GYI TSIG GANG YIN PA DE YANG TSIG KYAL PA YIN NO, ,JI LTAR NA 'KHOR LOS SGYUR BA'I TSE GLU YANG YOD LA TSIG KYAL PA YANG MA YIN ZHE NA, DE'I TSE NGES PAR 'BYUNG BA DANG LDAN PA'I GLU DAG BLANGS KYI STEGS SNGAGS DANG LDAN PA DAG NI MA YIN NO, ,GZHAN DAG NA RE DE'I TSE YANG BAG MA LEN PA DANG, ,BAG MA GTONG BA LA SOGS PA'I MNGON PAR BRJOD PA YOD PAS TSIG KYAL PA NI YOD MOD KYI LAS KYI LAM NI MA YIN NO ZHES ZER RO, ,BRNAB SEMS NI, LOG PAS GZHAN GYI NOR LA CHAGS, ,PHA ROL PO DAG GI GANG YIN PA DE BDAG GI YIN PAR GYUR KYANG CI MA RUNG SNYAM NAS GZHAN GYI NOR DAG LA MTHU'AM 'JAB BU 'ANG RUNG LOG PAR MI RIGS PAS BDAG GI RA BYED 'DOD PA GANG YIN PA DE NI BRNAB SEMS KYI LAS KYI LAM YIN NO, ,GZHAN DAG NA RE 'DOD PA NA SPYOD PA'I SRED PA THAMS CAD BRNAB SEMS YIN TE, 'DI LTAR SGRIB PA'I SKABS SU 'DOD PA LA 'DUN PA'I DBANG DU MDZAD NAS MDO LAS DE @207A *, ,'JIG RTEN NA BRNAB SEMS SPANGS TE ZHES BYA BA DE LA SOGS PA GSUNGS SO ZHES ZER RO, ,GZHAN DAG NA RE 'KHOR LOS SGYUR BA RNAMS DANG, BYANG GI SGRA MI SNYAN PA RNAMS LA YANG BRNAB SEMS KYI LAS KYI LAM YOD PAR 'GYUR DU 'ONG BAS, GAL TE THAMS CAD BRNAB SEMS YIN NA YANG THAMS CAD LAS KYI LAM NI MA YIN TE, NYES PAR SKYAD ? PA TSE ? LONG BSDUS PA'I PHYIR ZHES ZER RO, ,GNOD SEMS SEMS CAN LA SDANG BA, ,SEMS CAN DAG LA ZHE SDANG BA PHA ROL LA GNOD PA'I RNAM PAR ZHUGS PA NI GNOD SEMS YIN NO, ,DGE DANG MI DGE MED LTA BA, ,LOG PAR LTA BA YIN, LAS DGE BA DANG MI DGE BA MED DO ZHES LTA BA DE NI LOG PAR LTA BA YIN TE, 'DI LTA STE SBYIN PA MED DO, ,MCHOD SBYIN MED DO, ,SBYIN SREG MED DO, ,LEGS PAR SPYAD PA MED DO, ,NYES PAR SPYAD PA MED DO ZHES BYA BA DE LTA BU LA SOGS PA NAS 'JIG RTEN NA DGRA BCOM PA MED DO ZHES BYA BA'I BAR LAS DANG 'BRAS BU DANG 'PHAGS PA LA SKUR PA 'DEBS PA NI RIL GYIS LOG PAR LTA BA YIN NO, ,TSIGS SU BCAD PAR NI DANG PO TZAM ZHIG BSTAN PAR ZAD DO, ,LAS KYI LAM BCU PO DE DAG GI MTSAN NYID NI DE LTA BU YIN NO, ,LAS KYI LAM ZHES BYA BA'I DON CI ZHE NA, 'DI LA, GSUM MAM BDUN NI LAS KYANG YIN, ,BRNAB SEMS LA SOGS PA GSUM NI LAS KYI LAM YIN PAS LAS KYI LAM DAG YIN NO, ,DE DAG DANG MTSUNGS PAR LDAN PA CAN GYI SEMS PA NI DE DAG GI RGYU BAS RGYU STE, DE DAG GI DBANG GIS DE BZHIN DU MNGON PAR 'DU BYED PA'I PHYIR DE DAG GI 'GROS KYIS 'GRO'O, ,SROG GCOD PA LA SOGS PA BDUN NI LUS DANG NGAG GI LAS YIN PA'I PHYIR LAS KYANG YIN LA LAS KYI LAM YIN PAS LAS KYI LAM YANG YIN TE, DE DAG KUN NAS SLONG BA'I SEMS PA NI DE DAG LA BRTEN NAS 'JUG PA'I PHYIR RO, ,DE LTAR NA LAS KYI LAM DANG, LAS DANG LAS KYI LAM YIN PAS NA LAS KYI LAM STE, MI 'DRA BA RNAMS LA YANG GCIG BSDUS PAR 'GRUB PA'I PHYIR RO, ,BRNAB SEMS MED PA LA SOGS PA DANG, SROG GCOD PA SPONG BA LA SOGS PA YANG DE BZHIN DU SHES PAR BYA'O, ,CI'I PHYIR SBYOR @207B BA DANG MJUG DAG LAS KYI LAM MA YIN ZHE NA, 'DI LTAR DE DAG GI DE'I DON DANG, DE'I RTZA BA CAN DU 'JUG PA YIN NO, ,SNGAR YANG CHE LONG BSDUS PA'I PHYIR ZHES BSHAD PA YANG YIN NO, ,'JIG RTEN NA GANG DAG 'PHEL BA DANG 'GRIB PAS PHYI NANG GI DNGOS PA RNAMS 'PHEL BA DANG 'GRIB PA YANG YIN NO, ,'O NA MDO SDE PA GANG DAG BRNAB SEMS PA LA SOGS PA KHO NA YID KYI LAS SU 'DOD PA DE DAG GI LTAR NA DE DAG JI LTAR LAS KYI LAM YIN ZHE NA, DE DAG NYID LA DRIS SHIG ,DE LTA MOD KYI BRJOD PAR NUS TE, DE DAG NI BDE 'GRO DANG NGAN 'GRO RNAMS KYI LAS KYANG YIN LA LAM YANG YIN PAS LAS KYI LAM YIN PA'AM, YANG NA GCIG GIS GCIG 'DREN PAS NA LAS KYI LAM YIN NO, ,MI DGE BA'I LAS KYI LAM BCU PO GANG DAG YIN PA DE DAG THAMS CAD KYANG DGE PA'I CHOS RNAMS KUN TU SPYOD PA DANG 'GAL BA YIN LA, MED PAR LTA BAS RTZA BA GCOD, , DGE BA'I RTZA BA GCOD PA NI LOG PAR LTA BA CHEN PO YONGS SU RDZOGS PAR GCOD DO, ,'O NA CI'I PHYIR BSTAN BCOS LA MI DGE BA'I RTZA BA CHEN PO RNAMS GANG DAG YIN ZHE NA, MI DGE BA'I RTZA BA GANG DAG GIS DGE BA'I RTZA BA GCOD PAR BYED PA DANG, 'DOD PA LA 'DOD CHAGS DANG BRAL BA THOB PAR BYED PA NA DANG PO NYID DU SPONG BA DAG YIN PA'O ZHES BSHAD CE NA, LOG PAR LTA BA MI DGE BA'I RTZA BAS DRANGS PA'I PHYIR DE DAG KHO NA LA LAS KYI LAM DE BSTAN PAR MDZAD DE, DPER NA ME KHO NAS GRONG SREG PAR BYED NA RKUN PO RNAMS ME DE 'DREN PA BYED PA YIN PAS RKUN PO RNAMS KYIS GRONG BSREGS SO ZHES BYA BA BZHIN NO, ,DGE BA'I RTZA BA GANG DAG GCIG KUN DU 'CHAD PAR 'GYUR ZHE NA, 'DOD GTOGS SKYES NAS THOB PA RNAMS, ,'DOD PA NA SPYOD PA'I DGE BA'I RTZA BA RNAMS KUN DU 'CHAD PAR 'GYUR TE, GZUGS DANG GZUGS MED PA NA SPYOD PA DAG DANG MI LDAN PA'I PHYIR RO, ,'O NA BTAGS PA LAS 'DI TZAM GYIS NA GANG ZAG 'DIS KHAMS GSUM PA'I DGE BA'I RTZA BA RNAMS KUN DU GCAD PA YIN NO ZHES BA SHAD PA JI LTAR GRANGS DE NI DE'I THOB PA THAG SRING PAR BYED PA LAS DGONGS NAS GSUNGS PA YIN TE, RGYUD DE'I SNOD MA YIN PA NYID DU @208A *, ,BYED PA'I PHYIR RO, ,SKYES NAS THOB PA KHO NA DAG KUN DU CHAD PAR 'GYUR TE, SBYOR BA LAS BYUNG BA DAG LAS NI SNGAR YONGS SU NYAMS ZIN PA'I PHYIR RO, ,CI LA DMIGS PA'I LOG PAR LTA BAS KUN DU GCOD PAR BYED CE NA, RGYU DANG 'BRAS LA SKUR 'DEBS PA, ,LEGS PAR SPYAD PA MED DO, ,NYES PAR SPYAD PA MED DO ZHES RGYU LA SKUR PA 'DEBS PA GANG DAG YIN PA DANG, LEGS PAR SPYAD PA DANG NYES PAR SPYAD PA'I RNAM PAR SMIN PA MED DO ZHES 'BRAS BU LA SKUR PA 'DEBS PA GANG DAG YIN PA'O, ,GZHAN DAG NA RE DE DAG NI BAR CHAD MED PA'I LAM DANG, RNAM PAR GROL BA'I LAM LTA BU YIN NO ZHES ZER RO, ,KHA CIG NA RE ZAG PA DANG BCAS PA LA DMIGS PA KHO NAS YIN GYI ZAG PA MED PA LA DMIGS PAS NI MA YIN NO, ,SKAL BA MNYAM PA'I KHAMS LA DMIGS PA KHO NAS YIN GYI SKAL BA MI MNYAM PA'I KHAMS LA NI DMIGS PAS NI MA YIN TE, MTSUNGS PAR LDAN PA TZAM GYI SGO NAS RGYAS PAS NYAM CHUNG BA'I PHYIR RO ZHES ZER RO, ,'DI SKAD DU KUN GYIS KHA CIG NA RE DGE BA'I RTZA BA RNAM PA DGU CHAR YANG CIG CAR DU 'CHAD DE, MTHONG BAS SPANG BAR BYA BA DAG BZHIN NO ZHES ZER RO, ,'DI SKAD DU RIM GYIS ZHES BRJOD DE, BSGOM PAS SPANG BAR BYA BA'I NYON MONGS PA BZHIN DU CHEN PO'I CHEN POS CHUNG NGU'I CHUNG NGU GCOD PAR BYED PA'I BAR DU LOG PAR LTA BA RNAM PA DGUS DGE BA'I RTZA BA RNAM PA DGU GCOD PAR BYED DE, DE LTAR NA PHRA MO DANG LHAN CIG TU GYUR BA'I DGE BA'I RTZA BA RNAMS GANG ZHE NA, DGE BA'I RTZA BA RNAMS KUN DU GCOD PAR BYED PA NA THAMS CAD KYI THA MAR 'DOR BA GANG DAG YIN PA STE, GANG DAG MED PAS DGE BA'I RTZA BA RNAMS KUN DU 'CHAD PA ZHES BYA BA'I GRANG SU 'GRO BA YIN NO ZHES BYA BA'I GZHUNG 'DI BSKYAB PA YIN NO, ,'O NA MI DGE BA'I RTZA BA CHEN PO GANG DAG YIN ZHE NA, MI DGE BA'I RTZA BA GANG DAG GIS DGE BA'I RTZA BA RNAMS KUN DU GCOD PAR BYED PA'O ZHES BYA BA'I GZHUNG 'DI'I TSUL JI LTA BU YIN ZHE NA; DE DAG GIS MA LUS PAR GCOD PA'I PHYIR DE NI RDZOGS PA LAS DGONGS TE GSUNGS PA YIN TE, DE DAG LAS RNAM PA GCIG MA CHAD NA YANG THAMS CAD SKYE BA'I RGYUR 'GYUR RO, ,KHA CIG NA RE MTHONG BA'I LAM BZHIN DU MA LANGS PAR GCOD PAR BYED DO ZHES ZER RO, ,'DI SKAD DU GNYI GAR GCOD PAR BYED DO ZHES @208B BRJOD DO, ,KHA CIG NA RE SNGAR SDOM PA SPANGS LA PHYIS DGE BA'I RTZA BA RNAMS KUN DU GCOD DO ZHES ZER RO, ,'DI SKAD DU SDOM PA SEMS GANG GI 'BRAS BU YIN PA DE GTONG BA DE YANG GTONG NGO ZHES BRJOD DO, ,GANG DU DGE BA'I RTZA BA RNAMS KUN DU GCOD CE NA, MI'I NANG DU MI'I NANG KHO NA DAG TU GCOD KYI NGAN SONG DAG NA NI MA YIN TE; SHES RAB NYON MONGS PA CAN DANG NYON MONGS PA CAN MA YIN PA DAG MI BSTAN PA'I PHYIR RO, ,LHA DAG GI NANG NA YANG MED DE, LAS KYI 'BRAS BU MNGON SUM DU 'GYUR BA'I PHYIR RO, ,GLING GSUM DAG NA YOD KYI BYANG GI SGRA MI SNYAN DAG NA YANG MED DE, SDIG PA'I BSAM PA CAN MA YIN PA'I PHYIR RO, ,GZHAN DAG NA RE 'DZAM BU'I GLING KHO NA NA YOD DO ZHES ZER TE, 'DZAM BU'I GLING PA THAMS CAD PAS NYUNG NA DBANG PO BRGYAD DANG LDAN PA YIN TE, SHAR GYI LUS 'PHAGS PO DANG, NUB KYI BA LANG SPYOD PA YANG DE DANG 'DRA'O ZHES BYA BA'I GZHUNG 'DI DANG 'GAL BAR 'GYUR RO, ,DE DAG KYANG, SKYES PA BUD MED KYIS GCOD DO, ,SKYES PA DANG BUD MED KYIS KUN DU GCOD PAR BYED DE, GZHAN DAG NA RE 'DUN PA DANG BRTZON 'GRUS ZHEN PA'I PHYIR BUD MED KYIS NI MA YIN NO ZHES ZER TE, GONG MA'I DBANG PO DANG LDAN PA DE DAG GDON MI ZA BAR DBANG PO BRGYAD DANG LDAN NO ZHES BYA BA'I GZHUNG 'DI DANG 'GAL BAR 'GYUR RO, ,DE DAG LAS KYANG SRED PA SPYAD PAS NI KUN DU GCOD PAR MI BYED DE, BSAM PA GA-YO BA YIN PA'I PHYIR RO, ,'O NA CI ZHE NA, LTA SPYAD, SDIG PA'I BSAM PA BRTAN PA DANG, ,MKHYUD PA CAN YIN PA'I PHYIR RO, ,DE NYID KYI PHYIR MA NING LA SOGS PAS KYANG MA YIN TE, SRED PA'I SPYAD PA'I PHYOGS DANG MTHUN PA'I PHYIR DANG, NGAN SONG BZHIN NO DGE BA'I RTZA BA KUN DU 'CHAD PA'I RANG BZHIN JI LTA BU ZHIG YIN ZHE NA, DE NI MI LDAN PA'O, GANG GI TSE DGE BA'I RTZA BA RNAMS KYI THOB PA YANG MI SKYE LA MA THOB PA SKYE BA STE, MI LDAN PA DE SKYES NA DGE BA'I RTZA BA RNAMS KUN DU CHAD PA ZHES BYA'O, ,KUN DU CHAD PA DE DAG JI LTAR NA YANG NYID MTSAMS SBYOR ZHE NA, MTSAMS NI THE TSOM YOD LTA BAS, ,NAM ZHIG 'DI LA RGYU DANG 'BRAS BU LA THE TSOM SKYES PA'AM, YANG DAG PA'I LTA BA ZHES BYA BA'I DON TE, YOD PAR LTA BA SKYES PA DE'I TSE YANG DE'I THOB PA KUN DU SPYOD PA'I PHYIR DGE BA'I RTZA BA RNAMS NYING MTSAMS SBYOR ZHES BYA'O, ,NYING MTSAMS NI RNAM PA DGU CIG CAR DU SBYAR BA LA, MNGON SUM @209A *, ,DU NI RIM GYIS 'GYUR TE, NAD MED NAS STOBS RNYED PA BZHIN NO, ,YANG DE DAG GI NYING MTSAMS SBYOR BA NI, MTSAMS MED BYED PA 'DI LAS MIN, ,GZHAN GYIS NI 'DI NYID LA 'GYUR GYI MTSAMS MED PAR BYED PA NI MA YIN TE, DE NYID LA DGONGS NAS, GANG ZAG 'DI NI MTHONG PA'I CHOS KHO NA LA DGE BA'I RTZA BA RNAMS NYING MTSAMS SBYOR BA'I SKAL PA DANG LDAN PA MA YIN GYI 'DI NI NGES PAR DMYAL BA DAG NA 'CHI 'PHO BA 'AM SKYE BA NA DGE BA'I RTZA BA RNAMS NYING MTSAMS SBYOR BAR 'GYUR RO ZHES GSUNGS TE, SKYE BA NI SRID PA BAR MA LA GNAS PA'O, ,'CHI 'PHO BA NI 'CHI 'PHO BA LA MNGON DU PHYOGS PA'O, ,DE LA GANG ZHIG RGYU'I STOBS KYIS KUN DU GCOD PA DE NI 'CHI 'PHO BA NA NYING MTSAMS SBYOR BAR 'GYUR RO, ,GANG ZHIG RKYEN GYI STOBS KYIS KUN DU GCOD PA DE NI SKYE BA NA NYING MTSAMS SBYOR BAR 'GYUR TE, RANG GI STOBS KYIS GCOD PA GANG YIN PA DANG, GZHAN GYI STOBS KYIS GCOD PA GANG YIN PA DE DANG 'DRA'O, ,YANG SMRAS PA, GANG ZHIG BSAM PA NYAMS PAS KUN DU GCOD PAR BYED PA DE NI MTHONG BA'I CHOS KHO NA LA NYING MTSAMS SBYOR BAR 'GYUR RO, ,GANG ZHIG BSAM PA DANG SBYOR BA NYAMS PAS GCOD PAR BYED PA DE NI LUS ZHIG NAS NYING MTSAMS SBYOR BAR 'GYUR TE, LTA BA NYAMS PA GANG YIN PA DANG, LTA BA DANG TSUL KHRIMS NYAMS PA GANG YIN PA DE YANG DE DANG 'DRA'O, ,DGE BA'I RTZA BA KUN DU 'CHAD PA YIN LA LOG PA NYID DU NGES PA MA YIN PA YANG YOD CES BYA BA MU BZHI STE, MU DANG PO NI RDZOGS BYED LA SOGS PA'O, , GNYIS PA NI MA SKYES DGRA'O, ,GSUM PA NI LHA SBYIN NO, ,BZHI PA NI RNAM PA DE DAG MA GTOGS PA'O, ,DGE BA'I RTZA BA KUN DU GCOD PAR BYED PA'I LOG PAR LTA BA'I RNAM PAR SMIN PA NI MNAR MED PA YIN NO, ,MTSAMS MED PAR BYED PA RNAMS KYIS NI DER RAM GZHAN GYI NANG DU'O, ,'DI NI LAS KYI SKABS YIN PAS DE LA LAS KYI LAM DU ZHIG DANG SEMS PA LHAN CIG TU 'BYUNG BAR 'GYUR PAR BRJOD PAR BYA STE, MI DGE BRGYAD KYI BAR DAG DANG, ,SEMS PA CIG CAR LHAN CIG 'BYUNG, ,RE ZHIG SEMS PA GCIG DANG LHAN CIG 'BYUNG BA NI GZHAN MED PAR BRNAB SEMS LA @209B SOGS PAR MNGON DU 'GYUR BA'AM, SEMS PA NYON MONGS PA CAN, DE'I SBYOR BAS GZUGS CAN RNAMS LAS GANG YANG RUNG BA ZHIG MTHAR PHYIN PAR BYED NA'O, ,GNYIS DANG LHAN CIG TU 'BYUNG BA NI GNOD SEMS SU 'GYUR BA SROG GCOD PA DANG, BRNAB SEMS DANG LDAN PA MA BYIN PAR LEN PA'AM, 'DOD PAS LOG PAR GA-YEM PA'AM, TSIG KYAL PA SMRA NA'O, ,GSUM DANG LHAN CIG TU 'BYUNG BA NA BRNAB SEMS DANG LDAN PA CAG CAR DU GZHAN GYIS SROG CHAGS BSAD PAS 'PHROG NA'O, ,'O NA NI DE CHAGS PA KHO NAS MA BYIN PAR LEN PA MTHAR PHYIN PAR BYED PA MI 'GRUB PA MA YIN NAM ZHE NA, NGES PA DE NI SEMS GZHAN DANG MI LDAN PA'I DA RDZOGS PA LA SHES PAR BYA'O, ,BRNAB SEMS MNGON SUM DU GYUR PA DE'I SBYOR BAS GZUGS CAN GNYIS MTHAR PHYIN PAR BYED NA YANG GSUM KHO NA DANG LHAN CIG 'BYUNG NGO, ,BZHI DANG LHAN CIG 'BYUNG BA NI DBYE NA BYA BA'I BSAM PA DANG LDAN PA BRDZUN GYI TSIG GAM TSIG RTZUB PO SMRAN STE, DE LA NI YID KYI GCIG YIN LA NGAG GI GSUM YIN NO, ,YANG NA BRNAB SEMS LA SOGS PAR GYUR PA DE'I SBYOR BAS GZHAN GSUM MTHAR PHYIN PAR BYED NA STE, LNGA DANG DRUG DANG BDUN DANG YANG DE BZHIN DU SBYAR BAR BYA'O, ,BRGYAD DANG LHAN CIG 'BYUNG BA NI BRNAB SEMS LA SOGS PA MNGON DU GYUR PA KHO NA DRUG LA SBYOR BA BYAS NAS 'DOD PAS LOG PAR GA-YEM PA DAG NYID KYIS BYED LA MNYAM DU MTHAR PHYIN PAR 'GYUR NA'O, ,RE ZHIG MI DGE BA DAG DANG NI DE LTA BU YIN NO, ,DGE BA BCU YI BAR DAG DANG, ,DGE BA'I LAS KYI LAM DAG NI BCU'I BAR DANG SEMS PA LHAN CIG 'BYUNG NGO ZHES SPYIR BSTAN NAS DMIGS KYIS STON PAR BYED DE, GCIG DANG BRGYAD DANG LNGA DANG MIN, ,LAS KYI LAM GCIG DANG BRGYAD DANG LNGA DANG LHAN CIG TU MI 'BYUNG NGO, ,DE LA GNYIS DANG LHAN CIG 'BYUNG BA NI DE DAG RNAM PAR SHES PA LNGA LA GNAS PA NI, GZUGS MED PA'I SNYOMS PAR 'JUG PA'I ZAD PA DANG MI SKYE BA SHES PA'I GNAS PA'O, ,GSUM DANG LHAN CIG 'BYUNG BA NI YANG DAG PA'I LTA BA DANG MTSUNGS PAR LDAN PA'I YID KYI RNAM PAR SHES PA LA GNAS PA'O, ,BZHI DANG LHAN CIG 'BYUNG BA NI DGE BA DANG, MI DGE BA DANG LUNG DU MA BSTAN PA'I SEMS DANG LDAN PA DGE TSUL GYI SDOM PA YANG DAG PAR LEN PA NA'O, ,DRUG DANG LHAN CIG 'BYUNG BA NI DGE BA'I RNAM PAR SHES PA LNGA LA GNAS PA DE YANG DAG PAR LEN PA NA'O, ,BDUN DANG LHAN CIG 'BYUNG BA NI DGE BA'I YID KYI RNAM PAR @210A *, ,SHES PA LA GNAS TE DE KHO NA YANG DAG PAR LEN PA DANG, MI DGE BA DANG LUNG DU MA BSTAN PA'I SEMS DANG LDAN PA DGE SLONG GI SDOM PA YANG DAG PAR LAN ? PA NA'O, ,DGU DANG LHAN CIG 'BYUNG BA NI DGE BA'I RNAM PAR SHES PA LNGA LA GNAS PA DANG ZAD PA DANG MI SKYE BA SHES PA DANG, MTSUNGS PAR LDAN PA'I YID KYI RNAM PAR SHES PA LA GNAS PA DE YANG DAG PAR LEN PA DANG, DE NYID BSAM GTAN GYIS BSDUS PA LA GNAS PA BCU DANG LHAN CIG 'BYUNG BA NI DE LAS GZHAN PA'I DGE BA'I YID KYI RNAM PAR SHES PA GNAS PA DGE SLONG GI SDOM PA YANG DAG PAR LEN PA KHO NA DANG, ZAD PA DANG MI SKYE BA SHES PA DAG KHO NA MA GTOGS PA BSAM GTAN DANG ZAG PA MED PA'I SDOM PA DANG LHAN CIG 'JUG PA'I SEMS PA THAMS CAD YIN NO, ,SDOM PA MA GTOGS PAR NI GCIG DANG LHAN CIG 'BYUNG BA YANG YOD DE, SEMS GZHAN DANG LDAN PA SPONG BA'I YAN LAG GCIG YANG DAG PAR LEN PA NA'O, ,LNGA DANG BRGYAD DANG LHAN CIG 'BYUNG BA YANG YOD DE, DGE BA'I YID KYI RNAM PAR SHES PA DANG LDAN PA CIG CAR DU YAN LAG GNYIS DANG LNGA YANG DAG PAR LEN PA NA'O, ,'GRO BA GANG NA DGE BA'AM MI DGE BA'I LAS GYI LAM DU ZHIG MNGON SUM DU GYUR PA'AM LDAN PA'I SGO NAS YOD CE NA, DMYAL BA NA NI KYAL PA DANG, ,TSIG RTZUB GNOD SEMS RNAM GNYIS SO, ,DMYAL BA NA NI LAS KYI LAM 'DI GSUM MNGON SUM DU GYUR PA DANG LDAN PA DANG RNAM PA GNYI GA'I SGO NAS YOD DE, SMRE SNGAGS 'DON PA'I PHYIR TSIG KYAL PA YIN NO, ,PHAN TSUN BRGYAD GAGS BYED PA'I PHYIR TSIG RTZUB PO YIN NO,, GCIG LA GCIG SEMS KYI RGYUD RTZUB POS ZHE SDANG BA'I PHYIR GNOD SEMS YIN NO, ,BRNAB SEMS LOG LTA LDAN PAS SO, ,CHAGS PAR BYA BA'I DNGOS PO MED PA'I PHYIR DANG, LAS KYI 'BRAS BU MNGON SUM DU GYUR BA'I PHYIR MNGON SUM DU GYUR PA'I SGO NAS NI MED DO, ,LAS ZAD NAS 'CHI BA'I PHYIR DANG, RDZAS DANG BUD MED YONGS SU GZUNG BA MED PA'I PHYIR SSROG GCOD PA DANG, MA BYIN PAR LEN PA DANG, 'DOD PAS LOG PAR GA-YEM PA DAG MED DO, ,DGOS PA MED PA'I PHYIR BRDZUN DU SMRA BA MED DO, ,DE NYID KYI PHYIR DANG, RTAG TU BYED ZIN PA'I PHYIR PHRA MA MED DO, ,SGRA MI SNYAN @210B NA GSUM YOD DO, ,BRNAB SEMS DANG, GNOD SEMS DANG LOG PAR LTA BA DAG STE, LDAN PA'I SGO NAS YOD PAR SBYAR GYI NGA ? YIR 'DZIN PA MED PA'I PHYIR DANG, RGYUD 'JAM PA'I PHYIR DANG, KUN NAS MNAR SEMS KYI DNGOS PO MED PA'I PHYIR DANG, SDIG PA CAN GYI BSAM PA MA YIN PA'I PHYIR MNGON DU GYUR PA'I SGO NAS NI MED DO, ,DE NA BDUN PA DNGOS SU YANG, ,DE NA TSIG KYAL PA NI MNGON SUM DU GYUR PA'I SGO NAS YANG YOD DE, NYON MONGS PA CAN GYI SEMS SU GYUR PA DE DAG NI RES 'GA' GLU DAG LEN TO, ,SDIG PA CAN GYI BSAM PA MA YIN PA'I PHYIR DANG, TSE DES PA'I PHYIR DANG, RDZAS DANG BUD MED YONGS SU GZUNG BA MED PA'I PHYIR DANG, DGOS PA MED PA'I PHYIR SROG GCOD PA LA SOGS PA MED DO, ,JI LTAR 'DI DAG MI TSANGS PAR SPYOD PA YIN ZHE NA, DE DAG NI BUD MED GANG DAG LHAN CIG DGA' BAR 'DOD PA DE'I LAG NAS GZUNG NAS ZHING GI DRUNG DU 'GRO STE, GAL TE BGROD PAR BYA BA ZHIG YIN NA NI SHING GIS SGRIB PAR BYED PAS DE DAG DE LA NYAL PO BYED DO, ,CI STE BGROD PAR BYA BA MA YIN PA ZHIG YIN NA NI SGRIB PAR MI BYED PAS NI DE DAG DE LA NYAL PO MI BYED DO, ,'DOD PA GZHAN NA MI DGE BCU, ,DNGOS SU YANG YOD CES BYA BAR SBYAR TE, DMYAL BA DANG BYANG GI SGRA MI SNYAN DAG LAS GZHAN PA'I 'DOD PA'I KHAMS NA NI MI DGE BA'I LAS KYI LAM BCU MNGON SUM DU 'GYUR PA'I SGO NAS KYANG YOD DE, DUD 'GRO DANG YI DAGS DANG LHA DAG GI NANG NA NI SDOM PA MA YIN PA MA GTOGS SO, ,MI DGE GI NANG NA NI SDOM PA MA YIN PAS BSDUS PA YANG YOD DO, ,GAL TE YANG LHAS LHA MI GSOD KYANG 'GRO BA GZHAN NA GNAS NA NI GSOD PAR BYED DO, ,GZHAN DAG NA RE LHA YANG MGO DANG RKED PA BCAD NA 'CHI'O ZHES ZER RO, ,MI DGE BA RNAMS BSHAD ZIN TO, ,DGE BA GSUM NI THAMS CAD NA, ,RNYED DANG MNGON DU GYUR SGO NAS, ,BRNAB SEMS MED PA DANG, GNOD SEMS MED PA DANG, YANG DAG PA'I LTA BA RNAMS NI KHAMS GSUM PO THAMS CAD NA, 'GRO BA LNGA CHAR DU NI MNGON DU GYUR PA DANG LDAN PA'I SGO NAS YOD DO, ,GZUGS MED 'DU SHES MED SEMS CAN, ,RNYED PA BDUN YOD, @211A *, ,GZUGS MED PA DANG 'DU SHES MED PA'I SEMS CAN DAG NA NI LUS DANG NGAG GI DGE BA'I LAS KYI LAM BDUN LDAN PA'I SGO KHO NA NAS YOD DE, GZUGS MED PAR SKYES PA'I 'PHAGS PA RNAMS LA ZAG PA MED PA'I SDOM PA 'DAS PA DANG MA 'ONGS PA DAG DANG LDAN PA'I PHYIR DANG, 'DU SHES MED PA'I SEMS CAN RNAMS KYANG BSAM GTAN GYI SDOM PA DANG LDAN PA'I PHYIR RO, ,GZUGS MED PA DAG NA 'PHAGS PAS GANG LA BRTEN PA CAN GYI ZAG PA MED PA'I TSUL KHRIMS BSKYED DE 'GAG PA NI 'DAS PA DE DANG LDAN NO, ,SA LNGA CHAR LA BRTEN PA CAN DANG MA 'DAS PA DANG LDAN NO, ,LHAG PAR BYAS NA MNGON DU GYUR PA'I SGO NAS KYANG, ,DMYAL BCAS SGRA MI SNYAN MA GTOGS, ,LHAG MAR BYAS PAS NA LHAG BYAS TE LHAG MAR BYAS PAS NI KHAMS SAM 'GRO BA GZHAN GANG YIN PA'O, ,DMYAL PA DANG BYANG GI SGRA MI SNYAN PA DAG MA GTOGS PA DE NA NI DGE BA'I LAS KYI LAM BDUN PO 'DI DAG MNGON DU GYUR PA'I SGO NAS KYANG YOD DE, DE DAG KYANG DUD 'GRO DANG YI DAGS KYI NANG DAG NA NI SDOM PAS BSDUS PA MA GTOGS PA RNAMS SO, ,GZUGS KYI KHAMS NA NI SDOM PAS BSDUS PA RNAMS SO, ,GZHAN NA NI GNYIS GA YOD DO, ,DGE BA DANG MI DGE BA'I LAS KYI LAM BCU PO 'DI DAG NI, THAMS CAD BDAG PO RGYU MTHUN DANG, ,RNAM SMIN 'BRAS BU 'BYIN PAR 'DOD, ,RE ZHIG MI DGE BA KUN DU BSTAN PA DANG GOMS PAR BYAS PA DANG, LAN MANG DU BYAS PA THAMS CAD KYIS NI DMYAL BA DAG GI NANG DU SKYE BAR 'GYUR TE, 'DI NI DE DAG GI RNAM PAR SMIN PA'I 'BRAS BU YIN NO, ,BRGYA LA 'DI LTA BUR MI RNAMS DANG SKAL BA MNYAM PAR 'ONGS NA YANG SROG GCOD PAS NI TSE THUNG BAR 'GYUR RO, ,MA BYIN PAR LEN PAS NI LONGS SPYOD KYIS PHONGS PAR 'GYUR RO, ,'DOD PAS LOG PAR GA-YEM PAS NI DGRA DANG BCAS PA'I CHUNG MA CAN DU 'GYUR RO, ,BRDZUN DU SMRA BAS NI SKUR BA MANG POR 'GYUR RO, ,PHRA MAS NI DE MDZA' BO DANG 'BYED PAR 'GYUR RO, ,TSIG RTZUB POS NI YID DU MI 'ONG BA'I SGRA THOS PAR 'GYUR RO, ,TSIG KYAL PAS NI TSIG GZUNG BAR MI 'OS PAR 'GYUR RO, ,BRNAB SEMS KYIS NI 'DOD @211B CHAGS SHAS CHE BAR 'GYUR RO, ,GNOD SEMS KYAS NI ZHE SDANG SHAS CHE BAR 'GYUR RO, ,LOG PAR LTA BAS NI GTI MUG SHAS CHE BAR 'GYUR TE, DE LA NI GTI MUG MANG PO'I PHYIR RO, ,'DI NI DE DAG GI RGYU MTHUN PA'I 'BRAS BU YIN NO, ,MA DAG GI NANG NA TSE THUNG BA YANG MI DGE BA'I LAS KYI RNAM PAR SMIN PA YIN NA DE JI LTAR SROG GCOD PA'I RGYU MTHUN PA'I 'BRAS BU YIN ZHE NA, TSE DE NYID DE 'I 'BRAS BU YIN NO ZHES NI MI ZER RO, ,'O NA CI ZHE NA, DES TSE THUNG NGUR 'GYUR BAS DE'I PHYIR SROG GCOD PA NI TSE DE'I BAR CHAD BYED PA'I PHYIR RGYU YIN PAR RIG PAR BYA'O, ,SROG GCOD PA HA CANG KUN DU BSTEN PAS NI PHYI'I DNGOS PO RNAMS GZI MTHU CHUNG BAR 'GYUR RO, ,MA BYIN PAR LEN PAS NI SER BA DANG CHAR BA MANG BAR 'GYUR RO, ,'DOD PAS LOG PAR GA-YEM PAS NI RNGUL ? GYIS 'KHRIG PAR 'GYUR RO, ,BRDZUN DU SMRA BAS NI DRING BAR 'GYUR RO, ,PHRA MAS NI MTHON DMAN CAN DU 'GYUR RO, ,TSIG RTZUB POS NI SA TSVA SGO CAN DANG, DGON DUNG DANG, THA CHAD DANG, SDIG PA CAN GYI SAR 'GYUR RO, ,TSIG KYAL PAS NI DUS LOG PA CAN DU 'GYUR RO, ,BRNAB SEMS KYIS NI 'BRAS BU PHRA MOR 'GYUR RO, ,GNOD SEMS KYIS NI 'BRAS BU KHA BAR 'GYUR RO, ,LOG PAR LTA BAS NI 'BRAS BU CHUNG NGU'AM 'BRAS BU MED PAR 'GYUR TE, 'DI NI DE DAG GI BDAG PO'I 'BRAS BU YIN NO, ,CI LAS DE KHO NAS DE 'DIR TSE THUNG NGUR 'GYUR RAM, 'ON TE GZHAN ZHIG GIS SHE NA, KHA CIG NA RE DE KHO NAS TE, DE NI RNAM PAR SMIN PA'I 'BRAS BU YIN LA 'DI NI RGYU MTHUN PA'I 'BRAS BU YIN NO ZHES ZER RO, ,GZHAN DAG NA RE DER NI SBYOR BAS YIN LA, 'DIR NI DNGOS KYIS YIN TE, 'KHOR DANG BCAS PA SMOS PA'I PHYIR SROG GCOD PAS ZHES GSUNGS PAR ZAD DO ZHES ZER RO, ,RGYU MTHUN PA'I 'BRAS BUR BSHAD PA GANG YIN PA DE YANG RNAM PAR SMIN PA'I 'BRAS BU DANG BDAG PO'I 'BRAS BU DANG GNYIS PO 'DI LAS NI MI 'DA'I, 'DRA BA'I KHYAD PAR LAS DE SKAD DU BSHAD PAR ZAD DO, ,YANG CI'I PHYIR LAS KYI LAM 'DI DAG GIS 'BRAS BU RNAM PA GSUM MNGON PAR 'GRUB CE NA, RE ZHIG SROG GCOD PAR BYED PAS NI GSAD PAR BYA BA SDUG @212A *, ,BSNGAL BSKYED PA DANG, GSAD PA DANG GZI BYIN MED PAR BYA BAS YIN TE, DE NYID KYI PHYIR 'DI, SDUG BSNGAL PHYIR DANG GSAD PHYIR DANG, ,GZI BYIN MED PHYIR 'BRAS RNAM GSUM, ,PHA ROL PO SDUG BSNGAL BAR BYAS PA'I PHYIR RNAM PAR SMIN PA'I 'BRAS BUS DMYAL BA DAG TU SDUG BSNGAL MYONG BAR 'GYUR RO, ,GSAD PA'I PHYIR RGYU MTHUN PA'I 'BRAS BUS TSE THUNG NGUR 'GYUR RO, ,GZI BYIN MED PAR BYAS PA'I PHYIR BDAG PO'I 'BRAS BUS PHYI'I SMAN RNAMS GZI MTHU CHUNG BAR 'GYUR TE, GZHAN DAG LA YANG DE BZHIN DU SBYAR BAR BYA'O, ,DGE BA'I LAS KYI LAM RNAMS KYI 'BRAS BU GSUM YANG DE BZHIN DU RIG PAR BYA STE, SROG GCOD PA SPONG BA KUN TU BSTEN PA DANG, GOMS PAR BYAS PA DANG, LAN MANG DU BYAS PAS NI LHA DAG GI NANG DU SKYES PAR 'GYUR RO, ,BRGYA LA 'DI LTA BUR MI RNAMS DANG SKAL BA MNYAM PAR 'ONGS NA YANG TSE RING POR 'GYUR TE, THAMS CAD MI DGE BA LAS BZLOG STE SBYAR BAR BYA'O, ,BCOM LDAN 'DAS KYIS LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA ZHES GANG GSUNGS PA DE GNYIS LAS GZHAN PA'I LOG PA'I 'TSO BA GANG ZHIG YIN ZHE NA, 'DI GZHAN NI MED KYI DE NYID YIN TE, LUS DANG NGAG LAS CHAGS LAS SKYES, ,LOG 'TSO, ,LUS DANG NGAG GI LAS KYI MTHA' ZHE SDANG LAS SKYES PA DANG, GTI MUG LAS SKYES PA NI LOG PA'I NGAG DANG, LOG PA'I LAS KYI MTHA' YIN NO, ,DE NI SBYANG DKA'I PHYIR, DE GNYIS LAS LOGS SHIG TU BSTAN TO, ,CHAGS PA'I CHOS NI 'PHROG PAR BYED PA YIN PAS DES KUN NAS BSLANG BA'I LAS LAS SEMS BSRUNG BAR SLA BA MA YIN TE, DE'I PHYIR JI SRID 'TSO'I BAR DU SBYANG DKA' BAS BSGRIM PAR BYA BA'I PHYIR DE NI DER LOGS SHIG TU BSTAN TO, ,'DIR SMRAS PA, RTAG TU LTA BA SNA TSOGS KYIS, ,KHYIM PAS LTA BA SBYANG BAR DKA', ,GZHAN LA 'TSO BA RAG LUS PA'I, ,DGE SLONG GIS NI 'TSO BAR DKA', ,GAL TE YO BYAD LA, CHAGS BSLANG, GANG ZHIG 'TSO BA'I YO BYAD LA, ,CHAGS PAS BSLANG BA'I LUS DANG NGAG GI LAS KHO NA LOG PA'I 'TSO BA YIN GYI, GZHAN NI MA YIN TE, BDAG @212B DGA' BAR BYA BA'I CHED DU GAR DANG GLU LEN PA LA SOGS PA NI LOG PA'I 'TSO BA YIN PAR MI RIGS SO SNYAM DU SEMS PA DE NI, MDO DANG 'GAL PHYIR MIN, BCOM LDAN 'DAS KYIS TSUL KHRIMS KYI PHUNG PO'I MDO LAS GLANG PO CHE 'THAB PA LA LTA BA LA SOGS PA LA YANG LOG PA'I 'TSO BA GZHAG STE DE CI'I PHYIR ZHE NA, LOG PA'I YUL LA YONGS SU LONGS SPYOD PA'I PHYIR RO, ,'DI NI RDZOGS SO,, ,GONG DU 'BRAS BU LNGA BSHAD PA GANG DAG YIN PA DE DAG LAS LAS GANG ZHIG 'BRAS BU DU ZHIG 'BRAS BU DANG BCAS PA YIN ZHE NA, DRIR BCAS SPONG BA'I LAM DAG GIS, ,LAS NI LNGA YI 'BRAS BUR BCAS, ,SPONG PA'I PHYIR LAM YIN PA'AM, ,'DIS NYON MONGS PA SPONG BAR BYED PAS SPONG BA'I LAM STE, BAR CHAD MED PA'I LAM YIN NO, ,ZAG PA DANG BCAS PA DE'I LAS GANG YIN PA DE NI 'BRAS BU LNGAS 'BRAS BU DANG BCAS PA YIN TE, DE'I RNAM PAR SMIN PA'I 'BRAS BU NI RANG GI SAR GTOGS PA'I RNAM PAR SMIN PA YID DU MI 'ONG BA YIN NO, ,RGYU MTHUN PA'I 'BRAS BU NI TING NGE 'DZIN LAS SKYES PA'I CHOS 'DRA BA PHYI MA RNAMS SO, ,BRAL BA'I 'BRAS BU NI BRAL BA KHO NA YIN TE, SPANGS PA GANG YIN PA DE YIN NO, ,SKYES BU BYED PA'I 'BRAS BU NI DES DRANG PA'I CHOS 'DI LTA STE, RNAM PAR GROL BA'I LAM DANG DE DAG LHAN CIG 'BYUNG BA DANG, GANG YANG MA 'ONGS PA THOB PA DANG, SPANGS PA DE YANG YIN NO, ,BDAG PO'I 'BRAS BU NI SNGAR BYUNG BA RNAMS MA GTOGS PA RANG GI NGO BO LAS GZHAN PA'I 'DU BYED THAMS CAD DO, ,DRI MED BZHI YIS, SPONG BA'I LAM ZAG PA MED PA'I LAS GANG YIN PA DE NI 'BRAS BU BZHIS 'BRAS BU DANG BCAS PA YIN TE, RNAM PAR SMIN PA'I 'BRAS BU MA GTOGS SO, ,ZAG BCAS GZHAN, DGE DANG MI DGE GANG YIN PA'ANG, ,SPONG BA'I LAM LAS GZHAN PA'I LAS DGE BA ZAG PA DANG BCAS PA GANG YIN PA DANG, MI DGE BA GANG YIN PA DE YANG 'BRAS BU BZHIS 'BRAS BU DANG BCAS PA YIN TE, BRAL BA'I 'BRAS BU MA GTOGS SO, ,ZAG PA MED PA LHAG MA DANG, LUNG STAN MIN GANG GSUM GYIS SO, ,SPONG PA'I LAM LAS GZHAN PA'I LAS ZAG PA MED PA DANG LUNG DU MA @213A *, ,BSTAN PA'I LAS GANG YIN PA DE NI 'BRAS BU GSUM GYI 'BRAS BU DANG BCAS PA YIN TE, RNAM PAR SMIN PA DANG BRAL BA'I 'BRAS BU DAG MA GTOGS SO, ,DGE BA'I DGE LA SOGS PA NI, ,BZHI DANG GNYIS DANG DE BZHIN GSUM, ,RIM PA BZHIN NO ZHES 'OG NAS 'CHAD DO; ,LAS DGE BA'I 'BRAS BU CHOS DGE BA NI BZHI STE, RNAM PAR SMIN PA'I 'BRAS BU MA GTOGS SO, ,MI DGE BA GNYIS TE, SKYES BU BYED PA DANG, BDAG PO'I 'BRAS BU DANG, LUNG DU MA BSTAN PA GSUM STE, RGYU MTHUN PA'I 'BRAS BU MA GTOGS SO, ,MI DGE'I DGE SOGS GNYIS DANG NI, ,GSUM DANG BZHI STE RIM PA BZHIN, ,GO RIMS JI LTA BA BZHIN ZHES BYA BA'I THA TSEG STE, LAS MI DGE BA'I 'BRAS BU CHOS DGE BA GNYIS TE, SKYES BU BYED PA DANG BDAG PO'I 'BRAS BU DAG GO , ,MI DGE BA NI GSUM STE, RNAM PAR SMIN PA DANG BRAL BA'I 'BRAS BU MA GTOGS SO, ,LUNG DU MA BSTAN PA NI BZHI STE BRAL BA MA GTOGS SO, ,LUNG DU MA BSTAN PA 'JIG TSOGS DANG MTHAR 'DZIN PAR LTA BA DAG NI MI DGE BA KUN TU 'GRO BA RNAMS DANG, SDUG BSNGAL MTHONG BAS SPANG BAR BYA BA RNAMS KYI RGYU MTHUN PA'I 'BRAS BU YIN NO, ,LUNG BSTAN MIN GYI DGE LA SOGS, ,DE DAG GNYIS DANG GSUM DANG GSUM, ,LAS LUNG DU MA BSTAN PA'I 'BRAS BU CHOS DGE BA GNYIS TE, SKYES BU BYED PA DANG BDAG PO'I 'BRAS BU DAG GO , ,MI DGE BA NI GSUM STE, BRAL BA DANG RNAM PAR SMIN PA'I 'BRAS BUM GTOGS SO, ,SDUG BSNGAL LA SOGS PA MTHONG BAS SPANG BAR BYA BA'I MI DGE BA RNAMS NI LUNG DU MA BSTAN PA'I LTA BA GNYIS KYI RGYU MTHUN PA'I 'BRAS BU YIN NO, ,LUNG DU MA BSTAN PA'I CHOS NI GSUM STE, RGYU DE DAG KHO NA YIN NO, ,'DAS PA'I THAMS CAD BZHI YIN NO, ,THAMS CAD CES BYA BA NI DUS GSUM PA RNAMS TE, 'DAS PA'I LAS KYI 'BRAS BU DUS GSUM PA'I CHOS NI BZHI STE, BRAL BA'I 'BRAS BU MA GTOGS SO, ,BAR MA YI NI MA 'ONGS PA'ANG, ,DA LTAR BYUNG BA'I LAS KYI 'BRAS BU CHOS MA 'ONGS PA YANG BZHI STE, DE DAG NYID DO, ,BAR MA GNYIS SO, ,DA LTAR BYUNG BA'I 'BRAS BU DA LTAR BYUNG BA'I @213B CHOS NI GNYIS TE, SKYES BU BYED PA DANG BDAG PO'I 'BRAS BU DAG GO , ,MA SKYES PA'I, 'BRAS BU MA 'ONGS GSUM YIN NO, ,MA 'ONGS PA'I 'BRAS BU MA 'ONGS PA'I CHOS NI GSUM STE, RGYU MTHUN PA DANG BRAL BA'I 'BRAS BU DAG MA GTOGS SO, ,RANG GI SA PA YIN NO, ,RANG GI SA PA'I LAS KYI 'BRAS BU RANG GI SA BA'I CHOS NI BZHI STE, BRAL BA'I 'BRAS BU MA GTOGS SO, ,GZHAN GYI SA PA GSUM DANG GNYIS, ,GAL TE GZHAN GYI SA PA'I CHOS ZAG PA MED PA ZHIG YIN NA NI 'BRAS BU GSUM STE, RNAM PAR SMIN PA DANG BRAL BA'I 'BRAS BU DAG MA GTOGS SO, , KHAMS GSUM MA GTOGS PA'I PHYIR RO, ,GAL TE ZAG PA DANG BCAS PA ZHIG YIN NA NI GNYIS TE, SKYES BU BYED PA DANG, BDAG PO'I 'BRAS BU DAG GO , ,SLOB PA'I SLOB PA SOGS PA GSUM, ,SLOB PA'I LAS KYI 'BRAS BU SLOB PA'I CHOS NI GSUM STE, RNAM PAR SMIN PA DANG BRAL BA'I 'BRAS BU DAG MA GTOGS SO, ,MI SLOB PA YANG DE DANG 'DRA'O, ,SLOB PA YANG MA YIN MI SLOB PA YANG MA YIN PA YANG GSUM STE, RNAM PAR SMIN PA DANG RGYU MTHUN PA'I 'BRAS BU DAG MA GTOGS SO, ,MI SLOB LAS KYI 'BRAS BU NI, ,SLOB PA YI NI CHOS LA SOGS, ,GCIG DANG GSUM DANG GNYIS YIN NO, ,MI SLOB PA'I LAS KYI 'BRAS BU SLOB PA'I CHOS NI GCIG STE, BDAG PO'I 'BRAS BU'O, ,MI SLOB PA NI GSUM STE, RNAM PAR SMIN PA DANG BRAL BA'I 'BRAS BU DAG MA GTOGS SO, ,SLOB PA YANG MA YIN MI SLOB PA YANG MA YIN PA NI GNYIS TE, SKYES BU BYED PA DANG BDAG PO'I 'BRAS BU DAG GO , ,DE LAS GZHAN PA'I 'BRAS BU NI, ,SLOB SOGS GNYIS DANG GNYIS DANG LNGA, ,SLOB PA DANG MI SLOB PA DAG LAS GZHAN PA'I 'BRAS BU DAG MA GTOGS SO, ,SLOB PA YANG MA YIN MI SLOB PA YANG MA YIN PA'I LAS KYI 'BRAS BU SLOB PA'I CHOS NI GNYIS TE; SKYES BU BYED PA DANG, BDAG PO'I 'BRAS BU DAG GO , ,MI SLOB PA'ANG DE DANG 'DRA'O, ,SLOB PA YANG MA YIN MI SLOB PA YANG MA YIN PA NI 'BRAS BU LNGA CHAR YIN NO, ,MTHONG BAS SPANG BYA'I DE LA SOGS, ,GSUM DANG BZHI DANG GCIG YIN NO, ,MTHONG BAS SPANG BAR BYA BA'I LAS @214A *, ,KYI 'BRAS BU MTHONG BAS SPANG BAR BYA BA'I CHOS NI GSUM STE, RNAM PAR SMIN PA DANG BRAL BA'I 'BRAS BU DAG MA GTOGS SO, ,BSGOM PAS SPANG BAR BYA BA NI BZHI STE, BRAL BA'I 'BRAS BU MA GTOGS SO, ,SPANG BAR BYA BA MA YIN PA NI GCIG STE, BDAG PO'I 'BRAS BU'O, ,BSGOM PAS SPANG BAR BYA LAS KYI, ,DE DAG GNYIS DANG BZHI DANG GSUM, ,BSGOM PAS SPANG BAR BYA BA'I LAS KYI 'BRAS BU MTHONG BAS SPANG BAR BYA BA NI GNYIS TE, SKYES BU BYED PA DANG BDAG PO'I 'BRAS BU DAG GO , ,BSGOM PAS SPANG BAR BYA BA NI BZHI STE, BRAL BA'I 'BRAS BU DAG MA GTOGS SO, ,SPANG BAR BYA BA MA YIN PA NI GSUM STE, RNAM PAR SMIN PA DANG RGYU MTHUN PA'I 'BRAS BU DAG MA GTOGS SO, ,SPANG BYA MIN PA'I DE DAG GCIG , ,GNYIS DANG BZHI STE GO RIMS BZHIN, ,SPANG BAR BYA BA MA YIN PA'I LAS KYI 'BRAS BU MTHONG BAS SPANG BAR BYA BA NI GCIG STE BDAG PO'I 'BRAS BU'O, ,BSGOM PAS SPANG BAR BYA BA NI GNYIS TE, SKYES BU BYED PA DANG BDAG PO'I 'BRAS BU'O, ,SPANG BAR BYA BA MA YIN PA NI BZHI STE, RNAM PAR SMIN PA'I 'BRAS BU MA GTOGS SO, ,YANG GO RIMS BZHIN ZHES SMOS PA NI DBUS SU YANG THOG MA DANG THA MA BZHIN SHES PAR BYA BA'I PHYIR TE, DE NI MTHUN PAR SBYOR BA'I CHOS YIN NO, ,LAS BSTAN PA'I SKABS SU 'DI YANG YONGS SU BRI BAR BYA STE, BSTAN BCOS DAG LAS, RIGS PA MA YIN PAS BSKYED PA DANG, RIGS PAS BSKYED PA DANG, RIGS PAS BSKYED PA YANG MA YIN RIGS PA MA YIN PAS BSKYED PA YANG MA YIN PA'I LAS ZHES GSUNGS PA DE'I MTSAN NYID CI ZHE NA, RIGS MIN BSKYED PA NYON MONGS CAN, ,KHA CIG CHO GA NYAMS PA ZHE'O, ,KHA CIG NA RE RIGS PA MA YIN PAS BSKYED PA NI LAS NYON MONGS PA CAN YIN TE, TSUL BZHIN MA YIN PA YID LAS BYUNG BA LAS BYED PA NYID KYI PHYIR RO ZHES ZER RO, ,GZHAN DAG NA RE CHO GA NYAMS PA YANG YIN TE, GANG GIS JI LTAR 'GRO BAR BYA BA DANG, GNAS PAR BYA BA DANG, BZA' BAR BYA BA DANG, BGO BAR BYA BA DANG, DE LA SOGS PA DE GZHAN DU BYED NA DE NI RIGS PA MA YIN PAS BYED @214B PA'I PHYIR RIGS PA MA YIN PAS SKYES PA ZHES BYA'O, ,RIGS PAS BSKYED PA NI LAS DGE BA YIN NO, ,GZHAN DAG NA RE CHO GA MA NYAMS PA YANG YIN NO ZHES ZER RO, ,DE GNYIS LAS GZHAN PA NI GNYI GA MA YIN PA'O, ,CI LAS GCIG GIS SKYE BA GCIG KHO NA 'PHEN TAM 'ON TE DU MA YANG 'PHEN DE BZHIN DU LAS DU MAS KYANG SKYE BA GCIG 'PHEN TAM, 'ON TE DU MA KHO NA ZHIG 'PHEN ZHE NA, 'DI NI GRUB PA'I MTHA' YIN TE, GCIG GIS SKYE BA GCIG 'PHEN TO, ,LAS GCIG KHO NAS SKYE BA GCIG KHO NA 'PHEN GYI DU MA NI MA YIN NO, ,SKYE BA ZHES BYA BA NI RIS MTHUN PA LA BYA STE, DER PHYIN NAS SKYE BA ZHES BRJOD DO, ,'O NA GNAS BRTAN MA 'GAGS PAS BDAG NI BSOD SNYOMS GCIG PO DE'I RNAM PAR SMIN PAS LAN BDUN GYI BAR DU SUM CU RTZA GSUM PA'I LHA RNAMS KYI NANG DU SKYES PA NAS DA LTAR SH'AKYA PHYUG PO'I RIGS SU SKYES PA'I BAR DU YIN NO ZHES GANG SMRAS PA DE JI LTA BU ZHE NA, 'DI DES 'BYOR PA RNYED NAS TSE RABS DRAN PA DANG YANG BSOD NAMS GZHAN BYAS PAS DE'I PHYIR SLOB PA STON PAR BYED PA YIN TE, DPER NA MI ZHIG GIS DONG TZE GCIG GIS STONG DU BSGYUR TE BDAG NI DONG TZE GCIG GIS DBANG PHYUG 'DI THOB PAR GYUR TO ZHES SMRA BA LTA BU'O, ,YANG SMRAS PA, DE BSOD SNYOMS DE LA BRTEN TE SEMS PA RNAMS KYI RGYUN MANG PO BYUNG NAS 'GA' ZHIG GI 'BRAS BU 'GA' YONGS SU GZUNG BA YIN NO, ,RIS MTHUN PA DUM BUR 'PHEN PA 'GYUR DU 'ONGS BAS DU MAS KYANG GCIG 'PHEN PA MA YIN GYI LAS GCIG GIS 'PHANGS PA'I RIS MTHUN PA LA LAS YONGS RDZOGS BYED PA DU MA YIN PAR 'DOD DE, DPER NA RI MO MKHAN GYI RI LU GCIG GIS GZUGS KYI SA BCAD NAS YONGS SU RDZOGS PAR BYED PA DANG 'DRA STE, 'DI LTAR MIR MTSUNGS MOD KYI, KHA CIG DBANG PO DANG YAN LAG DANG NYING LAG THAMS CAD TSANG BAR 'GYUR ZHING, KHA DOG DANG SHA TSUGS DANG BONG TSOD DANG NYAMS STOBS PHUN SUM TSOGS PAS RNAM PAR MDZES PA YIN LA, KHA CIG NI DE DAG LAS LA LAM TSANG BA YIN NO, ,LAS 'BA' ZHIG TSE 'PHEN PAR BYED PA YANG MA YIN TE, 'O NA JI LTA BU ZHE NA RNAM PAR SMIN PA DANG BCAS PA GZHAN YANG YIN NO,, @215A *, ,RNAM PA THAMS CAD DU, SEMS MED SNYOMS PAR 'JUG PA DANG, ,'PHEN BYED MA YIN THOB PA'ANG YIN, ,RNAM PAR SMIN PA DANG BCAS PA SEMS MED PA'I SNYOMS PAR 'JUG PA DAG GIS KYANG RIS MTHUN PA 'PHEN PAR MI BYED DE, LAS DANG LHAN CIG MI 'BYUNG BA'I PHYIR RO; ,THOB PA RNAMS KYIS KYANG MA YIN TE, LAS DANG 'BRAS BU MA YIN PA'I PHYIR RO, ,BCOM LDAN 'DAS KYIS LAS KYI SGRIB PA DANG, NYON MONGS PA'I SGRIB PA DANG, RNAM PAR SMIN PA'I SGRIB PA DANG, SGRIB PA GSUM GSUNGS PA DE DAG GI RANG BZHIN CI ZHE NA, MTSAMS MED PA YI LAS RNAMS DANG, ,NYON MONGS SHAS CHEN NGAN 'GRO DANG, 'DU SHES MED PA'I SEMS CAN DANG, SGRA MI SNYAN SGRIB GSUM DU 'DOD, ,MTSAMS MED PA'I LAS RNAMS NI LAS KYI SGRIB PA YIN TE, 'DI LTA STE, MA GSOD PA DANG, PHA GSOD PA DANG, DGRA BCOM PA GSOD PA DANG, DGE 'DUN GYI DBYEN BYED PA DANG, DE BZHIN GSHEGS PA'I SKU LA NGAN SEMS KYIS KHRAG 'BYIN PA'O, ,NYON MONGS PA SHAS CHEN PO NI NYON MONGS PA'I SGRIB PA'O, ,NYON MONGS PA NI RNAM PA GNYIS TE, NYON MONGS PA SHAS CHE BA DANG RNO BA'O, ,DE LA SHAS CHE BA NI RGYUN DU 'BYUNG BA GANG YIN PA'O, ,RNO BA NI CHEN PO GANG YIN PA'O, ,DE LA SHAS CHE BA GANG YIN PA DE NI SGRIB PA YIN TE, DPER NA ZA MA LA SOGS PA RNAMS KYI LTA BU'O, ,NYON MONGS PA RES 'GA' 'BYUNG BA NI SHUGS DRAG KYANG GZHOM PAR NUS KYIS RGYUN DU 'BYUNG BA NI DPAL YANG MA YIN TE, NYON MONGS PA RGYUN DU 'BYUNG BA NI DE NGES PAR GZHOM PA'I PHYIR RTZOL BA'I DUS MI RNYED DO, ,DE NI CHUNG NGU LA BRTEN NAS 'BRING SKYE'O, ,'BRING LA BRTEN NAS CHEN PO SKYE STE, DE LTA BAS NA DE NYID SGRIB PA YIN NO, NGAN 'GRO RNAM PA GSUM DANG, BDE 'GRO'I PHYOGS BYANG GI SGRA MI SNYAN PA RNAMS DANG, 'DU SHES MED PA'I SEMS CAN RNAM PAR SMIN PA'I SGRIB PA YIN NO, ,'DI DAG GANG LA SGRIB CE NA, 'PHAGS PA'I LAM DANG, 'PHAGS PA'I LAM LA SBYOR BAR BYED PA'I DGE BA'I RTZA BA RNAMS LA SGRIB BO, ,NGAN SONG LA SOGS PAR NGES PAR 'GYUR BA DANG, SGO NGA LAS SKYE BAR 'GYUR BA DANG, @215B DROD GSHER LAS SKYE BAR 'GYUR BA DANG, BUD MED NYID DU 'GYUR BA DANG, SRID PA BRGYAD PAR NGES PAR 'GYUR BA'I LAS GZHAN DANG GZHAN DAG KYANG BRJOD PAR BYA BAR 'GYUR RO ZHE NA, GANG DAG GZHI DANG, 'BRAS BU DANG, 'GRO BA DANG, SKYE BA DANG, GANG ZAG DANG, RGYU LNGAS BSTAN PAR SLA ZHING GDAGS PAR BYA BA DE DAG KHO NA BSHAD KYIS GZHAN DAG NI MA YIN NO, ,DE DAG LAS NYON MONGS PA'I SGRIB PA NI THAMS CAD KYI THA SHAL YIN NO, ,DE'I 'OG TU NI LAS KYI SGRIB PA STE, DE GNYIS KYIS NI TSE PHYI MA LA YANG GSOR MI RUNG BAR 'GYUR RO, ,BYE BRAG TU SMRA BA RNAMS NA RE PHYI MA PHYI MA 'DREN PA'I PHYIR RO ZHES ZER RO, ,MTSAMS MED PA RNAMS ZHES BYA BA'I DON CI ZHE NA, TSE RABS GZHAN GYI 'BRAS BU CAN GYI LAS DAG GI RNAM PAR SMIN PAR 'GYUR BA'I BAR DU GCOD PAR MI NUS PAS MTSAMS MED PA RNAMS TE, ZIL GYIS MI GNON ZHES BYA PA'I THA TSIG GO , ,YANG NA DE BYED PA'I GANG ZAG 'DI NAS SHI 'PHOS PA DANG DMYAL BAR SKYE BAR 'GYUR BA LA BAR CHAD MED PAS DE NI BAR CHAD MED PA'O, ,DE'I DNGOS PO NI BAR CHAD MED PA NYID DE, CHOS GANG DANG LDAN PA'I PHYIR DE BAR CHAD MED PA YIN TE, DGE SBYONG GI TSUL BZHIN NO, ,YANG SGRIB PA 'DI DAG LAS GANG ZHIG KHAMS GANG NA YOD PAR RIG PAR BYA ZHE NA, RE ZHIG GCIG TU, MTSAMS MED GLING GSUM DAG NA YOD, ,BYANG GI SGRA MI SNYAN DANG, 'GRO BA GZHAN DAG NA YANG MED NA KHAMS GZHAN NA LTA SMOS KYANG CI DGOS, DE DAG NA YANG SKYES PA DANG BUD MED RNAMS KHO NA LA YOD KYI, ZAM LA SOGS PA MI 'DOD DO, ,CI'I PHYIR ZHE NA, SDOM PA MED PA'I GTAN TSIGS GANG YIN PA DE NYID KYI PHYIR RO, ,GZHAN YANG, PHAN DANG NGO TSA CHUNG PA'I PHYIR, ,PHA MA DANG DE DAG DANG GO RIMS BZHIN TE, PHA MA NI DE DAG GI LUS MA TSANGS BA'I BDAG POR 'GYUR BA'I PHYIR DANG, BYAMS PA CHUNG PA'I PHYIR PHAN PA CHUNG BA YIN NO, ,DE DAG KYANG PHA MA LA GANG DAG MED PAR BYAS PAS MTSAMS MED PA'I KHA NA MA THO BAS REG PAR 'GYUR BA NGO TSA SHES PA DANG KHREL YOD PA'I SHAS CHES PO NYE BAR MI GNAS TE, DE NYID KYI PHYIR YI DAGS DANG, DUD 'GRO RNAMS LA YANG MI 'DOD DO @216A *, ,ZHES GRAG GO , ,BTZUN PA NA RE BLO GSAL BA RNAMS LA 'GYUR TE RTA CANG SHES BZHIN NO ZHES ZER RO, ,MI'I YANG PHA MA MI MA YIN PA BSAD NA MTSAMS MED PAR MI 'GYUR RO, ,LAS KYI SGRIB PA BSHAD ZIN TO, ,LHAG MA 'GRO BA LNGA DAG NA, ,LHAG MA GANG DAG CI YIN ZHE NA, NYON MONGS PA DANG RNAM PAR SMIN PA'I SGRIB PA STE, MI DAG GI NANG NA NI SGRA MI SNYAN PA RNAM PAR SMAN PA'I SGRIB PA YIN NO, ,LHA DAG GI NANG NA NI 'DU SHES MED PA'I SEMS CAN RNAMS SO, ,MTSAMS MED PA RNAMS KYI RANG BZHIN CI ZHE NA, BZHI NI LUS KYI LAS YIN LA, ,GCIG NI NGAG GI LAS YIN TE, ,GSUM NI SROG GCOD PA YIN NO, ,GCIG NI BRDZUN DU SMRA BA YIN NO, ,GCIG NI SROG GCOD PA'I SBYOR BA STE, DE BZHIN GSHEGS PA RNAMS NI NYE BAR MI BRDZI BA'I CHOS CAN YIN NO, ,RGYU LA 'BRAS BU BTAGS PA'AM, 'DIS 'BYED PAR BYED PAS NA DGE 'DUN GYI DBYEN LA MTSAMS MED PA ZHES BSHAD KYI, DGE 'DUN DBYEN NI MI 'PHROD PA'I, ,RANG BZHIN LDAN PAS MA YIN CHOS, ,NYON MONGS CAN MIN LUNG BSTAN MIN, ,DGE 'DUN GYI DBYEN NI MI 'PHROD PA ZHES BYA BA SEMS DANG LDAN PA MA YIN PA'I 'DU BYED DE, MA BSGRIBS LA LUNG DU MA BSTAN PA YIN NA DE JI LTAR MTSAMS MED PAR 'GYUR, DE DANG BYED PA POR YANG MI LDAN PA KHO NA YIN NO, ,'O NA JI LTA BU ZHE NA, DE DANG DGE 'DUN YANG DAG LDAN, ,GANG BYE BA DE DBYEN DANG LDAN GYI, 'BYED PA PO LA NI MA YIN NO, ,'O NA 'BYED PA PO CI DANG LDAN ZHE NA, DE YI KHA NA MA THO BRDZUN, ,DE DANG BYED PO YANG DAG LDAN, ,'BYED PA PO NI DGE 'DUN GYI DBYEN GYI KHA NA MA THO BA DANG LDAN TE, DE NI BRDZUN YIN NO, ,DE YANG DGE 'DUN GYI DBYEN DANG LHAN CIG SKYES PA'I NGAG GI RNAM PAR RIG BYED DANG, RNAM PAR RIG BYED MA YIN PA DAG YIN NO, ,KHA NA MA THO BA DE DANG LDAN PA'I BYED PA PO DE NI, BSKAL PAR MNAR MED PAR SMIN 'GYUR, ,BAR GYI BSKAL PAR MNAR MED PA'I SEMS CAN DMYAL BA CHEN POR SMIN PAR 'GYUR RO, ,GZHAN GYIS NI MNAR MED PAR MA NGES SO, ,YANG GANG ZHIG GIS MTSAMS MED PA MANG PO BYAS PA YIN LA, DE DAG @216B BAR CHAD MED PA KHO NA SMIN PAR 'GYUR NA DE LA DE DAG GIS CI ZHIG TU 'GYUR ZHE NA, LHAG PAS GNOD PA LHAG PAR 'GYUR, ,DE MTSAMS MED PA MANG POS MNAR MED PA DER GANG GIS NA GNYIS DANG GSUM DANG BZHI DANG LNGAR 'GYUR GYI TSOR BA MYONG BAR 'GYUR BA'I LUS CHEN PO DANG, SHIN TU GZHON SHA CAN GYI LUS 'THOB CING, GNOD PA YANG RAB TU MANG BA DANG SHIN TU MI BZAD PAR 'GYUR RO, ,DGE 'DUN 'BYED PAR BYED PA DE SU ZHIG YIN ZHE NA, DGE SLONG DKA' SPYOD TSUL LDAN PAS, ,'BYED DO, ,DGE SLONG GIS 'BYED KYI KHYIM PA YANG MA YIN LA, DGE SLONG MA LA SOGS PA YANG MA YIN NO, ,DE YANG LTA BA SPYOD PA KHO NAS 'BYED KYI SRED PA SPYOD PAS NI MA YIN NO, ,TSUL DANG LDAN PAS 'BYED KYI TSUL NYAMS PAS NI MA YIN TE, DE'I TSIG MI BTZAN PA'I PHYIR RO, ,GANG DU 'BYED CE NA, GANG NA BCOM LDAN 'DAS MNGON SUM DU BZHUGS PA DE LAS, GZHAN DU'O, ,DE BZHIN GSHEGS PA RNAMS NI BZOD PAR DKA' PA'I PHYIR DANG, BKA' STZAL BA'I PHYIR STON PA MNGON SUM DU BZHUGS PA NYID DU DBYE PAR MI NUS SO, ,SU DAG CIG 'BYED CE NA, BYIS PA RNAMS, BYIS PA RNAMS KHO NA YIN GYI 'PHAGS PA RNAMS NI MA YIN TE, CHOS MNGON SUM DU GYUR PA'I PHYIR RO, ,KHA CIG NA RE DE DAG LAS KYANG BZOD PA THOB PA RNAMS NI MA YIN NO ZHES ZER RO, ,JI TZAM GYIS NA DGE 'DUN BYE BA YIN ZHE NA, STON DANG LAM GZHAN LA BZOD PA, ,BYE BA'O, ,GANG GI TSE DE DAG GIS DE BZHIN GSHEGS PA LAS GZHAN PA'I STON PA DANG DES BSTAN PA'I LAM LAS GZHAN PA'I LAM LA BZOD NA DE TZAM GYIS DGE 'DUN BYE BA ZHES BRJOD DO, ,BYE NAS DUS JI SRID DU CIG TU 'DUG CE NA, DE NYID KYI NUB GCIG TU DE NI MI GNAS SO, ,DGE 'DUN DBYE NA GDON MI ZA PAR NAM MA LANGS PA NYID DU DGE 'DUN SLAR 'DUM PAR 'GYUR RO, ,DGE 'DUN GYI DBYEN DU BSHAD PA GANG YIN PA, DE NI 'KHOR LO'I DBYEN DU 'DOD, ,DE'I TSE LAM DU 'JUG PA'I BGEGS SU GYUR PA'I PHYIR DE'I TSE BCOM LDAN 'DAS KYI CHOS KYI 'KHOR LO YANG PHYE BA YIN TE, DE NYID KYI PHYIR 'KHOR LO'I DBYEN ZHES KYANG BYA LA, DGE 'DUN @217A *, ,GYI DBYEN ZHES KYANG BYA'O, ,'KHOR LO'I DBYEN YANG GANG NA YOD CE NA, 'DZAM BU'I GLING NA'O, ,GLING GZHAN DAG NA NI MED DO, ,DGE SLONG DU ZHIG GIS SHE NA, DGU SOGS KYIS DGU LA SOGS PA SMOS PAS YAN CHAD NI MA NGES SO, ,DGE SLONG BRGYAD NI DGE 'DUN YIN NO, , DGU PA NI 'BYED PA PO YIN TE, GDON MI ZA BAR DGE 'DUN PHYOGS GNYIS SU GNAS PAR 'GYUR BA DE LTA BU NI BYE BA YIN NO, ,DGE 'DUN GYI DBYEN GZHAN NI LAS KYI DBYEN LAS 'GYUR TE, GAL TE MTSAMS GCIG GI NANG DU MI MTHUN PAS LAS DAG BYED NA'O, ,LAS KYI DBYEN NI GLING GSUM NA YOD DE, GANG DAG NA BSTAN PA YOD PA KHO NA NA'O, ,DGE SLONG DU ZHIG GIS SHE NA, DE NI BRGYA DA DAG YAN CHAD KYIS 'KHOR LO'I DBYE NA NI DUS DRUG DAG TU MI 'BYUNG STE, GANG DAG TU ZHE NA, DANG PO MTHA' SKYON ZUNG GCIG GI, ,SNGA ROL THUB PA NONGS PA DANG, ,MTSAMS MA BCAD PA DAG TU YANG, ,'KHOR LO'I DBYEN NI MI 'BYUNG NGO, ,DANG PO CHOS KYI 'KHOR LO BSKOR NAS RING PO MA LON PA DANG, THA MA BCOM LDAN 'DAS YONGS SU MYA NGAN LAS 'DA' BA'I TSE DANG, GNAS SKABS DE GNYIS SU NI DGE 'DUN SHA GCIG MA YIN NO, ,BAR DU YANG SKYON MA BYUNG BA'I SNGON ROL DU 'BYED PAR MI 'GYUR TE, JI SRID DU BSTAN PA LA TSUL KHRIMS KYI SKYON DANG, LTA BA'I SKYON MA BYUNG GI BAR DU'O, ,ZUNG GCIG MA BYUNG BA'I SNGON ROL DU YANG DBYE BAR MI 'GYUR TE, JI SRID DU NYAN THOS KYI MCHOG ZUNG GCIG MA BYUNG GI BAR DU STE, BYE BA YONGS SU MI GNAS PA'I PHYIR DANG, DES PHYIR SDUM ? PAR 'GYUR BA'I PHYIR RO, ,THUB PA NONGS NA YANG MI 'BYUNG STE, STON PA YONGS SU MYA NGAN LAS 'DAS NA 'GRAN ZLA MED PA'I PHYIR RO, ,MA TSAMS MA BCAD PA DAG TU YANG STE, JI SRID DU MTSAMS MA BCAD PAR MI 'BYUNG STE, MTSAMS GCIG GI NANG DU PHYOGS GNYIS SU GNAS PA'I PHYIR BYE BA ZHES BYA'O, ,DE LTAR NA DUS DRUG PO DE DAG TU 'KHOR LO'I DBYE NA ? MI 'BYUNG NGO, ,LAS LA RAG LUS PA'I PHYIR SANGS RGYAS THAMS CAD KYI 'KHOR LO LA YANG DBYEN MI 'BYUNG NGO, ,CI'I PHYIR MA BSAD PA LA SOGS PA MTSAMS MED PA YIN LA GZHAN NI MA YIN ZHE @217B NA; ,PHAN 'DOGS PA DANG YON TAN ZHING, ,SPANGS DANG MED PAR BYAS PHYIR RO, ,RE ZHIG PA MA GSAD PA NI PHAN 'DOGS PA MED PAR BYAS PA'I PHYIR RO, ,JI LTAR DE GNYIS PHAN 'DOGS PA YIN ZHE NA, DE DAG LAS LUS SKYES PA'I PHYIR RO, ,DE DAG SPANGS BA JI LTA BU ZHE NA, YONGS SU BOR BA'O, ,YON TAN GYI ZHING YIN PA'I PHYIR DGRA BCOM PA GSAD PA LA SOGS PA YANG MCHAMS MED PA YIN NO, ,GAL TE PHA' MA MA MTSAN GYUR PA NA YANG LUS GCIG PA DE LA NI, MTSAN NI GZHAN DU GYUR KYANG 'GYUR, ,DE NYID KYI PHYIR PHA YANG MA YIN DGRA BCOM PA YANG MA YIN PA'I SKYES PA ZHIG BSAD NA MTSAMS MAD PA'I KHA NA MA THO BAS REG PAR 'GYUR BA YOD DAM ZHE NA, YOD DE, MA MTSAN GYUR PAS BSAD NA MTSAMS MED PA'I KHA NA MA THO BAS REG PAR 'GYUR RO, ,MA YANG MA YIN DGRA BCOM PA YANG MA YIN PA'I BUD MED GCIG BSAD NA MTSAMS MED PA'I KHA NA MA THO BAS REG PAR 'GYUR BA YOD DAM ZHE NA, YOD DE, PHA MTSAN GYUR PAS BSAD NA MTSAMS MED PA'I KHA NA MA THO BAS REG PAR 'GYUR RO ZHES BSHAD DO, ,BUD MED GZHAN LAS NUR NUR PO ZAGS NAS BUD MED GZHAN GYI MANG LA DU BLUGS NA GANG ZHIG BSAD NA MTSAMS MED PAR 'GYUR BA DE'I MA GANG YIN ZHE NA, GANG GI ZLA MTSAN LAS BYUNG MA, ,SEMS CAN DE GANG GI ZLA MTSAN LAS BYUNG BA DE NI DE'I MA YIN NO, ,GNYIS PA YANG BYA BA THAMS CAD KHU PAR BYA BA YIN TE, DE NI NU ZHO LDUD PAR BYED PA DANG, GSO PAR BYED PA DANG, SKYED PAR BYED PA YIN NO, ,GAL TE MA LA SBYOR BA BYAS NAS GZHAN BSAD NA YANG MTSAMS MED PAR MI 'GYUR LA MA MA YIN PA LA SBYOR BA BYAS NAS MA BSAD NA YANG MTSAMS MED PAR 'GYUR TE, MA KHRI'U 'I 'OG NA 'DUG PA BSAD PA DANG, KHRUS PA'I BUS SBRANG BU LA SBYOR BA BYAS PAS PHA BSAD PA DPER BYA'O, ,MTSON THABS GCIG GIS MA DANG GZHAN ZHIG KYANG BSAD NA RNAM PAR RIG BYED MA YIN PA NI GNYIS YIN LA, RNAM PAR RIG BYED NI MTSAMS MED PA KHO NA YIN TE, LAS DE STOBS CHE BA'I PHYIR RO, ,BTZUN PA DBYANGS SGROGS NA RE RDUL PHRA RAB BSAGS PA YIN PA'I PHYIR RNAM PAR RIG BYED @218A *, ,KYANG RNAM PA GNYIS SO ZHES ZER RO, ,DAG BCOM PA MA YIN PA'I 'DU SHES KYIS DGRA BCOM PA BSAD NA YANG MTSAMS MED PAR 'GYUR TE, 'DI GSAD DO SNYAM DU RTEN NGES PAR GZUNG BA'I PHYIR RO, ,GANG ZHIG GIS PHA DGRA BCOM PA BSAD NA YANG DE LA MTSAMS MED PA NI GCIG KHO NAR 'GYUR TE, RTEN GCIG PA'I PHYIR RO, ,SONG LA SKRA CAN LA KHYOD KYIS NI MTSAMS MED PA GNYIS BYAS TE, PHA GSAD PA GANG YIN PA DANG, GANG YANG DGRA BCOM PA GSAD PA'O ZHES SMROS SHIG CES BYA BA'I RTOGS PA BRJOD PA 'DI JI LTA BU ZHE NA, RGYU GNYIS KYIS ZHES BRJOD PAR BYA'O, ,YANG NA SGO GNYIS NAS SPYOS PA YIN NO, ,DE BZHIN GSHEGS PA LA NGAN SEMS KYIS KHRAG PHYUD BAS GDON MI ZA BAR MTSAMS MED PAR 'GYUR RAM ZHE NA, BGROD PAR SEMS PA LA NI 'GYUR GYI, SANGS RGYAS BRDEG PAR SEMS PA LA'ANG MIN, ,GAL TE DGRA MA CHOMS PA'I TSE BSNUN ? LA BSNUN PA'I 'OG TU DGRA BCOM PAR GYUR NA, BSNUN 'OG DGRA BCOM PA LA MIN, ,MTSAMS MED PAR 'GYUR BZHES BYA BAR SBYAR TE, DES NI DE LA SBYOR BA MA BYAS SO, ,CI MTSAMS MED PA'I SPYOR BA BYAS TE, DE YANG MA BZLOG PAR 'DOD CHAGS DANG BRAL BA'I 'BRAS BU 'THOB PAR 'GYUR ZHE NA, MTSAMS MED SBYOR BA BYAS PA LA, ,'DOD CHAGS BRAL 'BRAS MI SRID DO, ,CI'I PHYIR ZHE NA, BSAM PA SHIN TU 'GAL BA'I PHYIR RO, ,LAS KYI LAM GZHAN GYI SBYOR BA BYAS NAS 'PHAGS PA'I LAM SKYES PA LA NI YANG LAS KYI LAM MI SKYE STE, RTEN DE DANG SHIN TU 'GAL BA'I PHYIR RO, ,MTSAMS MED PA'I LAS 'DI DAG LAS THAMS CAD KYI NANG NA KHA NA MA THOB DANG BCAS PA CHEN PO GANG YIN ZHE NA, DGE 'DUN DBYE PHYIR BRDZUN SMRA BA, ,KHA NA MA THO BAR CHER 'DOD, ,GANG ZHIG CHOS DANG CHOS MA YIN PA SHES BZHIN DU DGE 'DUN DBYE BA'I PHYIR BRDZUN DU SMRA NA LOG PAR STON PA'I PHYIR NYES PAR SPYOD PA THAMS CAD KYI NANG NA KHA NA MA THO BA DANG BCAS PA RAB TU CHE BA YIN NO, ,DE CI'I PHYIR ZHE NA, DE BZHIN GSHEGS PA RNAMS KYI CHOS KYI SKU LA BSNUN PA'I PHYIR DANG, 'JIG RTEN RNAMS KYI MTHO @218B RIS DANG BYANG GROL GYI LAM GYI BAR DU GCOD PAR BYED PA'I PHYIR TE, DGE 'DUN DBYE NA JI SRID DU SLAR MA DUM ? GYI BAR DU 'JIG RTEN NGES PA LA 'JUG PA DANG, 'BRAS BU 'THOB PA DANG, 'DOD CHAGS DANG BRAL BA DANG, BAG PA ZAD PAR BYA BA RNAMS LA BGEGS SU GYUR PA YIN ZHING, BSAM GTAN DANG KLOG PA DANG KHA TON DANG SEMS PA'I LAS RNAMS KYANG MI 'JUG CING, LHA DANG KLU DANG MIR BCAS PA'I 'GRO BA YANG 'KHRUGS PA DANG, YID MI BDE BA DANG, RANG DBANG MED PA DANG, DRAN PA NYAMS PAR 'GYUR LA, 'DI LTAR 'DI'I RNAM PAR SMIN PA YANG BSKAL PA GCIG TU MNAR MED PAR SKYE BA YIN NO, ,MTSAMS MED PA LHAG MA RNAMS LAS NI GO RIMS BZHIN DU LNGA PA ? DANG GSUM PA DANG DANG PO RNAMS CHES LCI BA YIN TE, PHA GSOD PA NI THAMS CAD KYI NANG NA YANG BA YIN NO, ,'O NA BCOM LDAN 'DAS KYIS NYES PA GSUM GYI NANG NA YID KYI NYES PA KHA NA MA THO BA DANG BCAS PA CHEN POR GSUNGS PA DANG, YANG LOG PAR LTA BA NI KHA NA MA THO BA DAM PA YIN NO ZHES GSUNGS PA JI LTA BU ZHE NA, MTSAMS MED PA RNAMS NGES PAR MDZAD NAS NI DGE 'DUN GYI DBYE NA KHA NA MA THO BA DANG BCAS PA CHEN POR GSUNGS LA, LAS GSUM NGES PAR MDZAD NAS NI YID KYI NYES PA GSUNGS, LTA BA RNAMS NGES PAR MDZAD NAS NI LOG PAR LTA BA GSUNGS PA'AM, YANG NA RNAM PAR SMIN PA RGYA CHE BA DANG, SKYE BO PHAL PO CHE 'CHI BA DANG, DGE BA'I RTZA BA KUN DU GCOD PA'I DBANG DU MDZAD NAS GO RIMS BZHIN DU GSUNGS PA YIN NO, , LEGS PAR SPYAD PA RNAMS LAS 'BRAS BU RAB TU CHE BA GANG YIN ZHE NA, 'JIG RTEN PA'I DGE BA LA, SRID RTZE'I SEMS PA 'BRAS RAB CHE, ,LAS DGE BA LA NI THAMS CAD KYI NANG NA SRID PA'I RTZE MO'I SEMS PA 'BRAS BU RAB TU CHE BA YIN TE, DE'I RNAM BAR ? SMIN PA NI BSKAL PA BRGYAD KHRIR RAB TU ZHI BA YIN NO, ,RNAM PAR SMIN PA'I 'BRAS BU'I DBANG DU BYAS NAS DE SKAD BSHAD KYI, BRAL BA'I 'BRAS BU'I DBANG DU BYAS NAS NI THAMS CAD KYI NANG NA RDO RJE LTA BU'I TING NGE 'DZIN GYI SEMS PA 'BRAS BU CHE BA YIN TE, KUN DU SBYOR BA THAMS CAD GTAN DU GTUGS PA 'BRAS BU YIN PA'I PHYIR RO, ,DE @219A *, ,NYID KYI PHYIR 'JIG RTEN PA'I ZHES BSHAD DO, ,CI MTSAMS MED PA RNAMS KHO NAS DMYAL BA DAG TU GDON MI ZA BAR SKYE BAR 'GYUR RAM, 'ON TE GZHAN DAG GIS KYANG SKYE BAR 'GYUR ZHE NA, MTSAMS MED PA DANG CHA 'DRA BA RNAMS KYIS KYANG GDON MI ZA BAR SKYE BAR 'GYUR RO, ,GZHAN DAG NA RE BAR CHAD MED PA KHO NAR NI MA YIN NO ZHES ZER RO, ,DE DAG GYANG GANG ZHE NA, SMRAS PA, MA DGRA BCOM MA SUN BYAS DANG, ,BYANG CHUB SEMS DPA' DES GNAS DANG, ,SLOB PA GSOD DANG DGE 'DUN GYI, ,'DU BA'I SGO NI 'PHROGS PA DAG ,MTSAMS MED PA DANG CHA 'DRA STE, ,LNGA PA MCHOD RTEN 'JIG PA YIN, ,LNGA PO 'DI DAG NI GO RIMS BZHIN DU MTSAMS MED PA LNGA DANG CHA 'DRA PA YIN TE, GAL TE MI TSANGS PAR SPYOD PAS MA DGRA BCOM MA SUN PAR BYED PA DANG, NGES PAR RTOGS PA'I BYANG CHUB SEMS DPA' GSOD PA DANG, SLOB PA GSOD PA DANG, DGE 'DUN GYI ZHAL DU 'DU PA'I SGO 'PHROGS PA DANG, MCHOD RTEN 'JIG PAR BYED PA'O, ,RNAM PAR SMIN PA DANG BCAS PA'I LAS GZHAN YANG DUS GSUM PO DAG TU SHIN TU BGEGS BYED DE, GSUM PO GANG DAG TU ZHE NA, BZOD DANG PHYIR MI 'ONG DGRA BCOM, ,'THOB PA LAS BGEGS SHIN TU BYED, ,RTZE MO LAS BZOD PA THOB PA LA NI DE'I RNAM PAR SMIN PA'I SA LAS 'DA' PA'I PHYIR NGAN SONG BA'I ? LAS RNAMS BGEGS BYA BA'I PHYIR NYE BAR GNAS TE, DPAR NA MI ZHIG YUL 'DOR BAR BYED PA LA BU LON PA DAG LDANG BA BZHIN NO, ,DE BZHIN DU PHYIR MI 'ONG PA'I 'BRAS BU 'THOB PA LA NI, 'DOD PA NA SPYOD PA'I LAS RNAMS BGEGS BYA BA'I PHYIR NYE BAR GNAS TE, MTHONG BA'I CHOS LA MYONG BAR 'GYUR BA'I LAS NI MA GTOGS SO, ,DE BZHIN DU DGRA BCOM PA NYID THOB PA LA NI GZUGS DANG GZUGS MED PA NA SBYOD PA'I LAS RNAMS BGEGS BYA BA'I PHYIR NYE BAR GNAS SO, ,BYANG CHUB SEMS DPA' GSAD PA ZHES BSHAD PA GANG YIN PA, GANG NAS BYANG CHUB SEMS DPA' YIN, ,GANG NA GZUNG STE BYANG CHUB SEMS DPA' ZHES BRJOD PAR BYA, GANG NAS MTSAN GYI LAS BYED PA GANG PHAN CHAD NAS MTSAN RNAM PAR SMIN PAR @219B 'GYUR BA'I LAS RNAMS BYED PAR RTZOM BA DE'I TSE NGES PAR RTOGS PA YIN NO, ,JI LTA ZHE NA, DE NI DUS DE PHAN CHAD RTAG TU YANG, ,BDE 'GROR RIGS MTHOR SKYE DBANG TSANG, ,PHOR 'GYUR TSE RABS ? DRAN MI LDOG ,PA YIN NO, ,'DI'I 'GRO BA RAB TU BSNGAGS PA YIN PAS NA BDE 'GRO STE, LHA DANG MI'I NANG DU SKYE BA'I PHYIR RO, ,'GRO BA DE DAG TU YANG RGYAL RIGS DANG BRAM ZE DANG KHYIM BDAG GI RIGS SHING S'A LA CHEN PO LTA BUR SKYE BA YIN GYI RIGS DMA' BAR NI MI SKYE'O, ,'DI'I DBANG PO RNAMS MA ? TSANG BAS NA DBANG PO MA TSANG BA'O, ,DBANG PO TSANG BAS NA DBANG PO TSANG BA STE, DBANG PO MA TSANG BA MED CES BYA BA'I THA TSIG GO, ,PO KHO NAR 'GYUR GYI MOR YANG MI 'GYUR NA ZA MA LA SOGS PAR LTA SMOS KYANG CI DGOS, SKYE BA THAMS CAD DU YANG TSE RABS DRAN PAR 'GYUR RO, ,NUR BAS NA LDOG PA'O, ,NUR BA MED PAS NA MI LDOG PA STE, LDOG PA MED CES BYA BA'I THA TSIG STE, SEMS CAN THAMS CAD LA PHAN PA'I DON DU SDUG BSNGAL GYI RNAM PA THAMS CAD DANG, LOG PAR SGRUB PA THAMS CAD KYIS SKYO BA MED PA'I PHYIR RO, ,'JIG RTEN NA ZOD GIS MA NYOS PA'I BRAN ZHES BRJOD PA GANG YIN PA DE NI BYANG CHUB SEMS DPA' DE DAG YIN TE, BDAG NYID CHEN PO DE DAG NI; ,'BYOR PA'I MCHOG KHYAD PAR CAN THAMS CAD BRNYAS KYANG THUGS RJE'I GZHAN GYI DBANG DU GYUR PA'I PHYIR BDAG NYID SEMS CAN THAMS CAD KYI DRUNG DU KHYI DANG 'DRA BAR NGA RGYAL MED PAR GNAS TE, SEMS CAN THAMS CAD KYIS BRNYAS GNOD BYAS PA THAMS CAD BZOD CING NGAL BA DANG MNAGS PA THAMS CAD KYANG NYAMS SU LEN PA YIN NO, ,MTSAN RNAM PAR SMIN PA CAN GYI LAS SU BSHAD PA GANG YIN PA, DE NI 'DZAM GLING PHOR GYUR NYID, ,MNGON SUM SANGS RGYAS LA SEMS PA, ,BSAMS PA LAS BYUNG BSKAL PA BRGYA, ,LUS PA DAG TU 'PHEN PAR BYED, ,BYANG CHUB SEMS DPA' NI 'DZAM BU GLING KHO NAR MTSAN RNAM PAR SMIN PA CAN GYI LAS 'PHEN PAR BYED KYI GZHAN DU NI MA YIN TE, 'DZAM BU'I GLING PA RNAMS BLO RNO BA'I PHYIR RO, ,PHO LO NAS 'PHEN GYI MOS NI MA YIN NO, ,STON PA MNGON SUM DU GYUR PA DANG, SANGS RGYAS LA DMIGS PA'I @220A *, ,SEMS PA KHO NAS BSKAL PA BRGYA LUS PA'I TSE 'PHEN GYI MANG PO LUS PA'I TSE NI MA YIN NO, ,LAS DE YANG BSAMS PA LAS BYUNG BA YIN GYI THOS PA LAS BYUNG BA YANG MA YIN LA BSGOMS PA LAS BYUNG BA YANG MA YIN NO, ,BCOM LDAN 'DAS SH'AKYA THUB PAS NI BRTZON 'GRUS SPYAD PAS BSKAL PA DGU BSDUMS TE, BSKAL PA DGU BCU RTZA GCIG LUS PA'I TSE 'PHANGS SO, ,DE NYID KYI PHYIR GRONG DPON NGAS 'DI NAS BZUNG STE, BSKAL PA DGU BCU RTZA GCIG GI BAR DU YANG DAG PAR RJES SU DRAN TE, ZAS SMIN PA STER BAR BYA BA'I PHYIR KHYIM 'GA' LA YANG MI 'DI BA 'AM, GNOD PAR GYUR PA GANG YIN PA DE NI MNGON PAR MI MKHYEN TO ZHES GSUNGS TE, DE TSUN CHAD RANG BZHIN GYIS TSE RABS DRAN PA'I PHYIR RO, ,SNGON GYI SLOB DPON RNAMS NA RE BSKAL PA DANG PO TSAR PHYIN PA'I BYANG CHUB SEMS DPA' KHO NAS SKYON BZHI PO 'DI DAG NI BZLOG PAR BYED PA, YON TAN GNYIS PO NI 'THAB BO ZHES ZER RO, ,MTSAN DE DAG KYANG RE RE 'ANG BSOD NAMS BRGYA LAS SKYES, BSOD NAMS KYI NI TSAD JI TZAM ZHE NA, KHA CIG NA RE BYANG CHUB SEMS DPA' NYE BA MA GTOGS PA SEMS CAN THAMS CAD KYI LONGS SPYOD KYI 'BRAS BU CAN JI SNYED PA DE TZAM MO ZHES ZER RO, ,GZHAN DAG NA RE SEMS CAN THAMS CAD KYI LAS KYI DBANG GIS STONG GSUM 'CHAGS PA JI SNYED TZAM MO ZHES ZER RO, ,GZHAN DAG NA RE DE'I TSAD NI SANGS RGYAS KHO NAS MKHYEN PAR ZAD DO ZHES ZER RO, ,YANG BCOM LDAN 'DAS BYANG CHUB SEMS DPAR GYUR PA NA SANGS RGYAS JI SNYED CIG LA BSNYEN BKUR BYAS SHE NA, BSKAL PA GRANGS MED PA DANG PO LA NI SANGS RGYAS BDUN KHRI LNGA STONG LA BSNYEN BKUR BYAS SO, ,GNYIS PA LA NI BDUN KHRI DRUG STONG LA BSNYEN BKUR BYAS SO, ,GSUM PA LA NI BDUN KHRI BDUN STONG LA BSNYEN BKUR BYAS SO, ,BSKAL PA GRANGS MED PA GANG GI THA MAR SANGS RGYAS GANG ZHIG BYUNG BAR GYUR ZHE NA, BZLOG PA'I GO RIMS KYIS GO RIMS PA ZHIN DU, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,YANG DAG PAR RDZOGS PA'I SANGS RGYAS RIN CHEN GTZUG TOR CAN GYI TSE NI BSKAL PA GRANGS MED @220B PA DANG PO RDZOGS SO, ,BCOM LDAN 'DAS MAR ME MDZAD KYI TSE NI GNYIS PA RDZOGS SO, ,DE BZHIN GSHEGS PA RNAM PAR GZIGS KYI TSE NI GSUM PA RDZOGS SO, ,DE DAG THAMS CAD KYI DANG PO SH'AKYA THUB PA YIN, SNGON SH'AKYA THUB PA ZHES BYA BA YANG DAG PAR RDZOGS PA'I SANGS RGYAS GANG LA BCOM LDAN 'DAS BYANG CHUB SEMS DPAR GYUR PA'I TSE BDAG KYANG 'DI 'DRA BA'I RNAM PA KHO NAR SANGS RGYAS PAR SHOG SHIG CES DANG POR SMON LAM BTAB PA BYUNG STA, DE YANG 'DI BZHIN DU RTZOD PA'I DUS KHO NA LA BYUNG LA, DE'I BSTAN PA YANG LA STONG GI MTHA'I BAR DU GNAS PAR GYUR TO, ,YANG BYANG CHUB SEMS DPA' GNAS SKABS GANG DAG TU PHA ROL TU PHYIN PA GANG YONGS SU RDZOGS PAR BYED CE NA, KUN LA THAMS CAD SNYING RJE YIS, ,SBYIN PAR BYED PAS SBYIN PA RDZOGS, ,GANG GI CHA GANG LA KUN LA NI MIG GI BAR DANG RKANG GI BAR THAMS CAD MNGON PAR MTHO BA'I KHYAD PAR LA MI RE BAR SNYING RJES SBYIN PAR BYED NA DE TZAM GYIS SBYIN PA'I PHA ROL TU PHYIN PA YONGS SU RDZOGS PA YIN NO, ,CHAGS BCAS YAN LAG BCAD ? KYANG NI, ,MI 'KHRUG BZOD DANG TSUL KHRIMS KYI, ,GANG GI TSE 'DOD CHAGS DANG MA BRAL BZHIN DU YAN LAG BCAD KYANG CUNG ZAD KYANG MI 'KHRUG PA DE'I TSE 'DI'I TSUL KHRIMS DANG BZOD PA'I PHA ROL TU PHYIN PA DAG YONGS SU RDZOGS PA YIN NO, ,SKAR RGYAL BSTOD PAS BRTZON 'GRUS KYI, ,BCOM LDAN 'DAS BYANG CHUB SEMS DPAR GYUR PA'I TSE DE BZHIN GSHEGS PA SKAR RGYAL RI'I PHUG CIG NA ME'I KHAMS LA SNYOMS PAR ZHUGS PA MTHONG NAS RKANG PA GCIG GIS 'GRENGS TE ZHAG BDUN GYI BAR DU, SKYES BU KHYU MCHOG KHYOD 'DRI'I DGE SBYONG CHEN PO GZHAN DAG LHA YUL PA LA MED, ,'JIG RTEN 'DI NA'ANG YOD PA MA YIN RNAM THOS BU YI GNAS NA'ANG YOD MA YIN, ,LHA YI PHO BRANG GNAS MCHOG DAG NA'ANG YOD MIN PHYOGS SAM PHYOG MTSAMS DAG NA'ANG MED, ,RI DANG NAGS SU BCAS PA'I SA STENG RGYAS PAR KUN TU YUL GCIG GA LA YOD, ,CES BYA BA'I TSIGS SU BCAD PA GCIG GIS BSTOD PA DE'I TSE BRTZON 'GRUS KYI PHA ROL TU PHYIN PA YANG YONGS SU RDZOGS LA, BSKAL PA DGU YANG BSDUMS SO ZHES GRAG GO @221A *, ,DE MA THAG LA TING NGE 'DZIN BLO'I BYANG CHUB PA'I SNGON ROL GYI DE MA THAG RDO RJE LTA BU'I TING NGE 'DZIN GYI TSE BSAM GTAN DANG SHES RAB KYI PHA ROL TU PHYIN BDAG YONGS SU RDZOGS TE, RANG RANG GI PHUN SUM TSOGS PA'I PHA ROL TU PHYIN PA'I PHYIR PHA ROL TU PHYIN PA DAG YIN NO, ,MDO LAS SBYIN PA LAS BYUNG BA'I BSOD NAMS BYA BA'I GZHI DANG, TSUL KHRIMS LAS BYUNG BA'I BSOD NAMS BYA BA'I GZHI DANG, BSGOM PA LAS BYUNG BA'I BSOD NAMS BYA BA'I GZHI DANG BSOD NAMS BYA BA'I GZHI GSUM GSUNGS PA, JI LTAR NA GSUM PO 'DI DAG BSOD NAMS BYA BA'I GZHI YIN ZHE NA, GSUM PO BSOD NAMS BYA BA DANG, ,DE'I GZHI DPER NA LAS LAM BZHIN, ,GSUM PO 'DI DAG NI CI RIGS PAR BSOD NAMS KYANG YIN, BYA BA YANG YIN, GZHI YANG YIN PAS BSOD NAMS BYA BA'I GZHI STE, DPER NA DE DAG NI LAS KYANG YIN LA LAS KYI LAM YANG YIN PA DANG, LAS KYI LAM KHO NA YIN PAS LAS KYI LAM MO ZHES BSHAD PA BZHIN NO, ,DE LA RE ZHIG SBYIN PA LAS BYUNG BA'I BSOD NAMS BYA BA'I GZHI LA LUS DANG NGAG GI LAS NI RNAM PA GSUM CHAR YIN NO, ,DE KUN NAS SLONG BAR BYED PA'I SEMS PA NI BSOD NAMS KYANG YIN LA BYA BA YANG YIN NO, ,DE DANG LHAN CIG 'BYUNG BA'I CHOS RNAMS NI BSOD NAMS KHO NA YIN NO, ,TSUL KHRIMS LAS BYUNG BA NI LUS DANG NGAG GI LAS KHO NA YIN PAS RNAM PA GSUM CHAR YIN NO, ,BSGOM PA LAS BYUNG BA LA BYAS PA NI BSOD NAMS KYANG YIN LA BSOD NAMS BYA BA'I GZHI YANG YIN TE, BYAMS PA'I SGO NAS DE DANG MTSUNGS PAR LDAN PA'I SEMS PA MNGON PAR 'DU BYED PA'I PHYIR RO, ,DE DANG LHAN CIG 'BYUNG BA'I SEMS PA DANG, TSUL KHRIMS NI BSOD NAMS KYANG YIN LA BYA BA YANG YIN NO, ,DE DANG LHAN CIG 'BYUNG BA GZHAN NI BSOD NAMS KHO NA YIN NO, ,YANG NA BSOD NAMS BYED PA NI BSOD NAMS BYA BA STE, SBYOR BA'O, ,'DI DAG SGRUB PA'I CHED DU BSOD NAMS KYI 'BYOR BA RTZOM PA'I PHYIR GSUM PO 'DI DAG NI DE'I GZHI YIN NO, ,GZHAN DAG NA RE BSOD NAMS BYA BA NI DON DAM PAR NA SEMS PA DGE BA YIN LA, 'DI DAG NI DE'I GZHI YIN NO ZHES @221B ZER RO, ,SBYIN PA ZHES BYA BA 'DI CI YIN ZHE NA, GANG SBYIN PAR BYA BA DE YANG SBYIN PA YIN MOD KYI 'DIR NI, GANG GIS SBYIN BYED DE SBYIN PA, ,'JIGS PA DANG, LAN LA RE BA DANG, 'DOD CHAGS PA LA SOGS PAS KYANG SBYIN PAR BYED MOD KYI, DE NI 'DIR MI 'DOD PAS DE'I PHYIR KHYAD PAR DU BYA BA'I PHYIR, MCHOD DANG PHAN GDAGS 'DOD PA YIS, ,ZHES BYA BA SMOS TE, GANG GIS GZHAN DAG LA MCHOD PA DANG, PHAN GDAGS PAR 'DOD PA DAG GIS SBYIN PAR BYED PA'O, ,GANG GIS SBYIN PAR BYED PA DE YANG GANG ZHIG CE NA, LUS DANG NGAG LA SLONG DANG BCAS, , SLONG BA YANG GANG ZHIG CE NA, TSOGS GANG GIS DE SLONG BAR BYED PA'O, ,'DIR SMRAS PA, GANG TSE SKYES BU DGE YID KYIS, ,RANG GI RDZAS NGAG SBYIN BYED PA, ,DE TSE DGE BA'I PHUNG PO RNAMS, ,SBYIN PA ZHES NI BRJOD PA YIN, ,ZHES BYA BA'O, ,DE 'BRAS LONGS SPYOD CHEN PO CAN, ,SBYIN PA LAS BYUNG BA'I BSOD NAMS BYA BA'I GZHI GANG YIN PA DE NI 'BRAS BU LONGS SPYOD CHEN PO YIN NO, ,'BYUNG BA ZHES BYA BA 'DI NI RANG BZHIN YIN PAR RIG PAR BYA STE, DPER NA RTZA LAS BYUNG BA'I KHYIM DANG, LO MA LAS BYUNG BA'I SNOD CES BYA BA BZHIN NO, ,YANG SBYIN PA DE NI, BDAG GZHAN DON PHYIR GNYIS DON PHYIR, ,GNYI GA'I DON DU MIN PHYIR SBYIN, ,DE LA 'DOD CHAGS DANG MA BRAL BA'AM, SO SO'I SKYE BO 'DOD CHAGS DANG MA BRAL BAS MCHOD RTEN LA SBYIN PA SBYIN PAR BYED PA GANG YIN PA DES PHA ROL PO DAG LA PHAN 'DOGS PA MED PA'I PHYIR DE'I BDAG NYID KHO NA'I DON GYI PHYIR SBYIN PA YIN NO, ,'PHAGS PA 'DOD CHAGS DANG BRAL BAS SEMS CAN PHA ROL PO DAG LA SBYIN PAR BYED PA'I SBYIN PA GANG YIN PA DE NI MTHONG BA'I CHOS LA MYONG BAR 'GYUR BA MA GTOGS PAR DES DE DAG LA PHAN BTAGS PA'I PHYIR GZHAN GYI DON GYI PHYIR YIN GYI BDAG GI DON GYI PHYIR NI MA YIN TE, DE'I RNAM PAR SMIN PA'I SA LAS SHIN TU YANG DAG PAR 'DAS PA'I PHYIR RO, ,'DOD CHAGS DANG MA BRAL BA'AM, SO SO'I SKYE BO'I 'DOD CHAGS DANG BRAL BAS SEMS CAN PHA ROL PO DAG LA SBYIN PAR BYED PA'I SBYIN PA GANG YIN PA DE NI GNYI GA'I DON GYI PHYIR YIN NO, ,'PHAGS PA 'DOD CHAGS @222A *, ,DANG BRAL BAS MCHOD RTEN LA 'BUL BAR BYED PA'I SBYIN PA GANG YIN PA DE NI MTHONG BA'I CHOS LA MYONG BAR 'GYUR BA MA GTOGS PAR GNYI GA'I DON GYI PHYIR YANG MA YIN TE DE NI BKUR STI DANG, BYAS PA GZO BA 'BA' ZHIG GIS 'BUL BAR ZAD DO, ,SBYIN PA'I 'BRAS BU LONGS SPYOD CHEN PO CAN ZHES SPYIR BSTAN PA, DE'I KHYAD PAR SBYIN BDAG DANG, ,DNGOS DANG ZHING GI KHYAD PAR LAS, ,DE LA RE ZHIG ,SBYIN BDAG KHYAD 'PHAGS DAD SOGS KYIS, ,DAD PA DANG TSUL KHRIMS DANG THOS PA LA SOGS PA'I YON TAN DANG LDAN PA'I SBYIN BDAG NI KHYAD PAR DU 'PHAGS PA YIN NO, ,SBYIN BDAG DE'I SBYIN PA DE NI SBYIN BDAG GI KHYAD PAR GYIS 'BRAS BU 'BYIN PA LA KHYAD PAR DU 'PHAGS PAR 'GYUR TE, SBYIN BDAG DE LTA BU DE NI, GUS PA LA SOGS PAS SBYIN PAR BYED, GUS PA DANG, RANG GI LAG DANG, DUS SU DANG, GZHAN LA MI GNOD PAR SBYIN PAR BYED DE, DE PHYIR BKUR STI RGYA CHEN DANG, ,DUS DANG BAR CHAD MED PAR RNYED, ,DE'I PHYIR SBYIN BDAG 'DI'I SBYIN PA DE LTA BUR BYIN PAS GO RIMS BZHIN DU KHYAD PAR BZHIR 'GYUR TE, BKUR STI RNYED PAR 'GYUR, LONGS SPYOD RGYA CHEN PO LA DAD PA RNYED PAR 'GYUR, LONGS SPYOD DUS LAS MI YOL BAR DUS SU RNYED PAR 'GYUR, LONGS SPYOD BAR CHAD MED PAR 'GYUR TE, 'DI'I LONGS SPYOD GZHAN DAG GIS BAR DU MI CHOD CING, ME LA SOGS PAS MED PAR MI 'GYUR RO, ,JI LTAR NA SBYIN BDAG KHYAD PAR DU 'PHAGS PA YIN PA DANG, DE'I KHYAD PAR GYIS SBYIN PA'I KHYAD PAR YANG BSHAD ZIN TO, ,JI LTAR NA DNGOS PO KHYAD PAR DU 'PHAGS PA YIN ZHE NA, KHA DOG LA SOGS PHUN SUM DNGOS, ,KHYAD PAR DU 'PHAGS PA ZHES BYA BAR SBYAR TE, GAL TE GANG SBYIN PAR BYA BA DE KHA DOG DANG DRI DANG RO DANG REG BYA RNAMS LAS GANG YANG RUNG BA ZHIG GIS PHUN SUM TSOGS PA YIN NA, DE LTA BU NI DNGOS PO KHYAD PAR DU 'PHAGS PA YIN NO, ,DNGOS PO DE LTA BU BYIN PAS CI LTAR 'GYUR ZHE NA, RIM PA BZHIN DU, DE LAS GZUGS BZANG GRAGS LDAN DANG, ,DGA' DANG SHIN TU GZHON SHA CAN, ,DUS SU REG NA BDE LUS 'GYUR, ,REG BYA PHUN SUM TSOGS @222B PA BYIN PAS NI GZUGS BZANG POR 'GYUR RO, ,DRI PHUN SUM TSOGS PA BYIN PAS NI DRI BZHIN DU GRAGS PAS PHYOGS SU RGYAS PAR 'GYUR RO, ,RO PHUN SUM TSOGS PA BYIN PAS NI RO ZHIM PO BZHIN DU DGA' BAR 'GYUR RO, ,REG BYA PHUN SUM TSOGS PA BYIN PAS NI LUS SHIN TU GZHON SHA CAN DANG; BUD MED RIN PO CHE JI LTA BA BZHIN DU 'DI'I DUS SU REG NA BDE BA'I LUS SU 'GYUR RO, ,YANG JI LTAR NA ZHING KHYAD DU 'PHAGS PA YIN ZHE NA, 'GRO DANG SDUG BSNGAL PHAN 'DOGS DANG, ,YON TAN RNAMS KYIS ZHING KHYAD 'PHAGS, ,RE ZHIG 'GRO BA'I KHYAD PAR GYIS KHYAD DU 'PHAGS PA 'DI LTAR BCOM LDAN 'DAS KYIS DUD 'GRO'I SKYE GNAS SU SONG BA LA SBYIN PA BYIN NA SLAR RNAM PAR SMIN PA BRGYA 'GYUR DU RE BAR BYA'O, ,TSUL KHRIMS 'CHAL BAR GYUR PA'I MI LA SBYIN PA BYIN NA STONG 'GYUR DU RE BAR BYA'O ZHES GSUNGS PA LTA BU'O, ,SDUG BSNGAL GYI KHYAD PAR DU 'PHAGS PA NI 'DI LTAR RDZAS LAS BYUNG BA'I BSOD NAMS BYA BA'I DNGOS PO DAG TU NAD PA LA SBYIN PA DANG, NAD GA-YOG LA SBYIN PA DANG, GRANG BA LA SOGS PA LA SBYIN PAR GSUNGS NAS, RDZAS LAS BYUNG BA'I BSOD NAMS BYA BA'I DNGOS PO 'DI BDUN DANG LDAN PA'I DAD PA'I RIGS KYI BU'AM, RIGS KYI BU MO'I BSOD NAMS KYI TSAD GZUNG BAR MI NUS SO ZHES GSUNGS PA LTA BU'O, ,PHAN 'DOGS PA'I KHYAD PAR LAS NI 'DI LTA STE PHA MA DANG, PHAN 'DOGS PA GZHAN RNAMS LA SBYIN PA BYIN PA STE, DOM DANG RI DVAGS LA SOGS PA'I SKYES PA'I RABS DBER BYA'O, ,YON TAN GYI KHYAD PAR LAS NI 'DI LTA STE, TSUL KHRIMS DANG LDAN PA LA BYIN NA RNAM PAR SMIN PA 'BUM 'GYUR ZHES BYA BA DE LTA BU LA SOGS PA'O, ,SBYIN PA THAMS CAD KYI NANG NA, ,MCHOG NI GROL BAS GROL BA LA'ANG, ,'DOD CHAGS DANG BRAL BAS 'DOD CHAGS DANG BRAL BA LA BYIN PA'I SBYIN PA GANG YIN PA DE NI BCOM LDAN 'DAS KYIS ZANG ZING GI SBYIN PA RNAMS KYI NANG NAS MCHOG YIN NO ZHES GSUNGS SO, ,BYANG CHUB SEMS DPA' YIS, YANG NA BYANG CHUB SEMS DPAS SEMS CAN THAMS CAD LA PHAN PAR BYA BA'I PHYIR SBYIN PA SBYIN PAR BYED PA'I SBYIN PA GANG YIN PA DE NI GROL BA MA YIN PAS MA GROL @223A *, ,BA RNAMS LA YANG BYIN NA MCHOG YIN NO, ,DE MA GTOGS PA BCOM LDAN 'DAS KYIS GANG DAG SBYIN PA BRGYAD GSUNGS PA DE DAG GI NANG NA NI BRGYAD PA MCHOG YIN NO ZHES BYA BAR SBYAR RO, ,BRGYAD GANG ZHE NA, NYE BA LA SBYIN PA DANG, 'JIGS PAS SBYIN PA DANG, BDAG LA BYIN PAS SBYIN PA DANG, BDAG LA SBYIN PAR 'GYUR BAS SBYIN PA DANG, SNGON BDAG GI PHA DANG MES PO DAG GIS SBYIN PA BYIN PAS SBYIN PA BYIN PA DANG, MTHO RIS KYI DON DU SBYIN PA DANG, GRAGS PA'I DON DU SBYIN PA DANG, SEMS KYI RGYAN GYI DON DANG, SEMS KYI YO BYAD KYI DON DANG, RNAL 'BYOR GYI TSOGS KYI DON DANG, DON GYI MCHOG THOB PAR BYA BA'I PHYIR SBYIN PA BYIN PA'O, ,DE LA NYE BA LA SBYIN PA NI SNGA MA DAG NA RE NAM NYE BAR GYUR CING NYE BAR LHAGS PA DAG LA SBYIN PAR BYED PA'O ZHES ZER RO, ,'JIGS PAS SBYIN PA NI MED PAR BYED PA MNGON SUM DU MTHONG NAS DAM PA SBYIN NO ZHES SBYIN PAR BYED PA GANG YIN PA'O, ,LHAG MA NI GO SLA BAS RNAM PAR MA PHYE'O, ,MDO LAS RGYUN DU ZHUGS PA'I 'BRAS BU LA ZHUGS PA LA SBYIN PA BYIN NA RNAM PAR SMIN PA GZHAL DU MED DO, ,RGYUN DU ZHUGS PA LA BYIN NA DE BAS KYANG CHES GZHAL DU MED DO ZHES BYA BA RGYAS PAR GSUNGS MOD KYI, GZHAN YANG; 'PHAGS PA MIN YANG PHA MA DANG, ,NAD PA DANG NI CHOS SMRA DANG, ,SKYE MTHA'I BYANG CHUB SEMS DPA' LA, ,YON NI GZHAL DU MED PA YIN, ,LNGA PO 'DI DAG LA NI SO SO'I SKYE BOR GYUR PA YIN YANG 'BRAS BU'I SGO NAS YON GZHAL DU MED PA YIN NO, ,DE LA SKYE BA THA MA PA'I BYANG CHUB SEMS DPA' NI SRID PA THA MA PA YIN NO, ,CHOS SMRA BA ZHING GI KHYAD PAR RNAM PA BZHI PO'I PHYOGS GANG DU GTOGS PAR BYA ZHE NA, PHAN 'DOGS PA'I PHYOGS SU GTOGS TE, DE NI SKYE DGU MA RIG PAS LDONGS PA RNAMS LA SHES RAB KYI MIG SBYIN PAR BYED PA DANG, MTHUN PA DANG MI MTHUN PA RAB TU STON PAR BYED PA DANG, CHOS KYI SKU ZAG PA MED PA MNGON PAR SGRUB PAR BYED PA DANG, MDOR NA SANGS RGYAS KYI MDZAD PA THAMS CAD BYED PA YIN PAS DGE BA'I BSHES GNYEN CHEN PO YIN NO, ,LAS RNAMS KYI LCI BA DANG, YANG BA NYID SHES PAR 'DOD PAS MDOR NA RGYU DRUG @223B SHES PAR BYA STE, 'DI LTA STE, MJUG DANG ZHING DANG GZHI DANG NI, ,SBYOR DANG SEMS PA BSAM PA STE, ,DE DAG CHUNG DANG CHE BA LAS, ,LAS KYANG CHUNG DANG CHE BA NYID, ,MJUG CES BYA BA NI BYAS PA'I RJES LA BYED PA GANG YIN PA'O, ,ZHING ZHES BYA BA NI GANG DU PHAN PA DANG GNOD PA DAG BYED PA'O GZHI NI LAS KYI LAM MO, ,SBYOR BA NI DE'I DON DU LUS DANG NGAG GIS LAS BYED PA'O, ,SEMS PA NI GANG GIS LAS KYI LAM MTHAR PHYIN PAR BYED PA'O, ,BSAM PA NI DE DAG LA DE DANG 'DI LTA BU ZHIG NI BYA'O, ,DE DANG 'DI LTA BU ZHIG NI PHYIS BYA'O SNYAM DU SEMS PA STE, LA LA'I MJUG YONGS SU BZUNG BA KHO NA LAS DE LCI BAR 'GYUR TE, RNAM PAR SMIN PAR NGES PAR GNAS PA'I PHYIR RO, ,LA LA'I NI ZHING GI DBANG KHO NAS SO, ,ZHING DE NYID LA GZHI'I DBANG GIS LCI BAR 'GYUR GYI GZHAN DU NI MA YIN TE, JI LTAR PHA DANG MA LA SROG GCAD PAS LCI BAR 'GYUR BA LTAR MA BYIN PAR BLANGS PA LA SOGS PAS NI DE LTA MA YIN NO, ,DE BZHIN DU GZHAN LA YANG SBYAR BAR BYA'O, ,GANG GI THAMS CAD CHE BA YIN PA DE NI LAS KYANG SHIN TU CHES LCI BA YIN PAR RIG PAR BYA'O, ,GANG GI CHUNG NGU YIN PA DE NI SHIN TU CHUNG BA YIN PAR RIG PAR BYA'O, ,LAS BYAS PA DANG BSAGS PA ZHES BYA BA JI LTAR NA LAS BSAGS PA YIN ZHE NA, BSAMS BZHIN PA DANG RDZOGS PA DANG, ,MI 'GYOD GNYEN PO MED PA DANG, ,'KHOR DANG RNAM PAR SMIN PA LAS, ,BSAGS PA'I LAS ZHES BYA BA BZHIN, ,BSAMS BZHIN PA LAS JI LTA BU ZHE NA, CHED DU BSAMS NAS BYAS PA YIN GYI BLO SNGON DU MA BTANG BA YANG MA YIN LA BAB COL DU BYAS PA YANG MA YIN PA'O, ,RDZOGS PAS JI LTA BU ZHE NA, KHA CIG NI NYES PAR SPYAD PA GCIG GIS NGAN SONG DU 'GRO LA, KHA CIG NI GSUM GYI BAR GYIS 'GRO BA DANG, KHA CIG NI LAS GYI LAM GCIG GIS NGAN SONG DU 'GRO LA, KHA CIG NI BCU'I BAR GYIS 'GRO BA DE GANG ZHIG GIS JI TZAM GYIS DER 'GRO BAR 'GYUR BA RDZOGS PAR MA BYAS NA YANG LAS DE BYAS PA YIN GYI BSAGS PA NI MA YIN NO, ,RDZOGS NA NI BSAGS PA YIN NO, ,MI 'GYOD PA DANG, GNYEN PO MED PAS JI LTA BU ZHE NA, LAS DE LA YID LA GCAGS @224A *, ,PA MED PA DANG, GNYEN PO MED PA YIN NO, ,'KHOR LAS JI LTA BU ZHE NA, MI DGE BA LA 'KHOR YANG MI DGE ? BA MA YIN NO, ,RNAM PAR SMIN PA LAS JI LTA BU ZHE NA, RNAM PAR SMIN PA 'BYIN PAR NGES PA YIN NO, ,DE BZHIN DU DGE BA LA YANG SBYAR BAR BYA'O, ,DE LAS GZHAN DU BYAS PA'I LAS NI MA BSAGS PA YIN NO, ,'DOD CHAGS DANG BCAS PAS MCHOD RTEN LA SBYIN PA BYIN PA NI BDAG GI DON DU'O ZHES BSHAD PA, DE LA LONGS SPYOD PAR BYED PA MED NA JI LTAR BSOD NAMS SU 'GYUR ZHE NA, BSOD NAMS NI RNAM PA GNYIS TE, BTANG BA'I RGYU LAS BYUNG BA NI BTANG BA KHO NA LAS BYUNG BA GANG YIN PA'O, ,YONGS SU LONGS SPYOD PA LAS BYUNG BA NI SBYIN PAR BYA BA'I CHOS YONGS SU LONGS SPYOD PA LAS BYUNG BA GANG YIN PA'O, ,DE LA MCHOD RTEN LA BTANG RGYUS BYUNG BA'I BSOD NAMS YONGS SU LONGS SPYOD PA'I RGYU LAS BYUNG BA NI MED DO, ,DE LA LEN PA SU YANG MED NA JI LTAR BSOD NAMS YIN ZHE NA, LEN PAR BYED PA YOD NA NI BSOD NAMS SU 'GYUR LA, MED NA NI MA YIN NO ZHES BYA BA LA YANG RGYU CI ZHIG YOD, SU LA YANG PHAN BTAGS PA MED PA'I PHYIR RO, ,'DI NI RGYU MA YIN TE, GAL TE PHAN BTAGS PA KHO NAS BSOD NAMS SU GYUR NA NI, BYAMS PA LA SOGS PA TSAD MED PA DANG, YANG DAG PA'I LTA BA BSGOMS PA RNAMS BSOD NAMS SU MI 'GYUR TE, DE LTA BAS NA MCHOD RTEN LA YANG BSOD NAMS SU 'DOD PAR BYA'O, ,LEN MED BYAMS SOGS BZHIN, JI LTAR BYAMS PA LA SOGS PA LA LEN PAR BYED PA 'AM, GZHAN LA PHAN 'DOGS PAR MED KYANG RANG GI SEMS KYI MTHUS BSOD NAMS SU 'GYUR BA DE BZHIN DU YON TAN DANG LDAN PA 'DAS KYANG DE LA DAD PA BYAS PA RANG GI SEMS LAS BSOD NAMS SU 'GYUR RO, ,'O NA NI SBYIN PA DANG MCHOD PAR BYA BA DON MED PAR 'GYUR RO ZHE NA, MA YIN TE, LAS DE KUN NAS SLONG BAR BYED PA'I DAD PA NI CHES MCHOG YIN PA'I PHYIR TE, JI LTAR DGRA GSANG PA'I BSAM PA CAN DES KUN NAS BSLANG BA'I LUS DANG NGAG GI LAS DE SHI BZHIN DU DGRA'I 'DU SHES KYIS BYED NA BSOD NAMS MA YIN PA CHES MANG DU SKYE BAR 'GYUR GYI BSAMS PA @224B TZAM GYIS NI MA YIN PA DE BZHIN DU, STON PA 'DAS KYANG DE LA DAD PAS KUN NAS BSLANG BA'I SBYIN PA DANG MCHOD PA'I BYA BA BYED NA BSOD NAMS CHES MANG DU SKYE BAR 'GYUR GYI DAD PA TZAM GYIS NI MA YIN NO, ,GAL TE ZHING BZANG PO LA SBYIN PAR BYA BA'I SA BON 'BRAS BU YID DU 'ONG BA CAN YIN NO, ,'O NA ZHING NGAN PA LA BYIN NA 'BRAS BU YID DU 'ONG BAR 'GYUR RO ZHE NA, RGYU LAS 'BRAS BU MI 'KHRUL PHYIR, ,NGAN PA'I ZHING LA'ANG 'BRAS YID 'ONG, ,ZHING NGAN PA LA YANG SA BON LAS 'BRAS BU MI 'KHRUL BA MTHONG STE, RGUN 'BRUM GYI SA BON LAS NI RGUN 'BRUM GYI 'BRAS BU MNGAR BA KHO NA SKYE LA; NIM PA'I SA BON LAS NI NIM PA'I 'BRAS BU KHA BA KHO NA SKYE'O, ,DE BZHIN DU ZHING NGAN PA LA YANG GZHAN LA PHAN PA'I LHAG PA'I BSAM PA LA ZHUGS PA'I SBYIN PA'I SA BON GYI 'BRAS BU YANG YID DU 'ONG BA KHO NA 'GRUB KYI YID DU MI 'ONG BA NI MA YIN NO, ,ZHING GI SKYON GYIS NI SA BON DE'I 'BRAS BU CHUNG BA 'AM, 'BRAS BU MED PAR 'GYUR RO, ,SBYIN PA LAS BYUNG BA'I BSOD NAMS BYA BA'I GZHI ZHAR LA 'ONGS PA DANG BCAS TE RDZOGS SO,, ,,TSUL KHRIMS LAS BYUNG BA BRJOD PAR BYA STE, DES SMRAS PA, 'CHAL BA'I TSUL KHRIMS MI DGE'I GZUGS, ,DE SPANG TSUL KHRIMS, GZUGS MI DGE BA NI 'CHAL BA'I TSUL KHRIMS ZHES BYA'O, ,DE SPONG BA NI TSUL KHRIMS YIN NO, ,SPONG BA DE YANG RNAM PA GNYIS SO, ,RNAM PAR RIG BYED GANG GIS SPONG BAR BYED PA DANG, RNAM PAR RIG BYED MA YIN PA SPONG BA GANG YIN PA'O, ,TSUL KHRIMS NI 'CHAL BA'I TSUL KHRIMS LAS SPONG BA 'BA' ZHIG KYANG MA YIN NO, ,'O NA JI LTA BU ZHE NA, SANGS RGYAS KYIS NI BCAD PA YANG, ,RANG BZHIN GYIS 'CHAL BA'I TSUL KHRIMS MA YIN YANG SANGS RGYAS BCOM LDAN 'DAS KYIS BCAD PA DUS MA YIN PA'I ZAS LA SOGS PA GANG DAG YIN PA DE DAG SPONG BA RNAM PA GNYIS KYANG TSUL KHRIMS YIN TE, SLAB PA MNOS PAS DE DAG SPYAD NA 'CHAL BA'I TSUL KHRIMS SU 'GYUR RO, ,TSUL KHRIMS MDOR BSHAD ZIN TO, ,RNAM DAG YON TAN BZHI LDAN NO, ,YON TAN BZHI DANG LDAN PA'I TSUL KHRIMS DE NI RNAM PAR DAG PA YIN NO, , @225A *, ,BZLOG PA NI RNAM PAR MA DAG PA YIN NO, ,JI LTAR NA YON TAN BZHI DANG LDAN PA YIN ZHE NA, TSUL KHRIMS DE RGYUS 'PHEN MA BYUNG, ,DE YI GNYEN PO ZHI LA BRTEN, ,RE ZHIG 'CHAL BA'I TSUL KHRIMS KYIS 'PHEN MA BYUNG BA NI JI SKAD DU BSHAD PAS 'PHEN MA BYUNG BA YIN NO; ,'CHAL BA'I TSUL KHRIMS KYI RGYUS 'PHEN MA BYUNG BA NI CHAGS PA LA SOGS PA NYON MONGS PA DANG, NYE BA'I NYON MONGS PA RNAMS KYIS 'PHEN MA BYUNG BA'I PHYIR RO, ,'CHAL BA'I TSUL KHRIMS KYI GNYEN PO LA BRTEN PA NI DRAN PA NYE BAR GZHAG PA LA BRTEN PA'I PHYIR RO, ,ZHI BA LA BRTEN PA NI SKYE BA'I KHYAD PAR LA MI BRTEN GYI MYA NGAN LAS 'DAS PAR YONGS SU BSNGOS PA'I PHYIR RO, ,GZHAN DAG NA RE RGYU LNGA STE, LAS KYI LAM DNGOS KYIS RNAM PAR DAG PA YIN PA DANG, NYER BSDOGS DAG GIS RNAM PAR DAG PA DANG, RNAM PAR RTOG PA RNAMS KYIS 'PHEN MA BYUNG BA DANG; DRAN PAS YONGS SU BZUNG BA DANG, MYA NGAN LAS 'DAS PAR YONGS SU BSNGOS PA YIN NO ZHES ZER RO, ,GZHAN DAG NA RE TSUL KHRIMS NI RNAM PA BZHI STE, 'JIGS PA'I TSUL KHRIMS NI 'TSO BA MED PA DANG, TSIGS SU BCAD PA MED PA DANG CHAD PA DANG, NGAN 'GROS 'JIGS NAS SRUNG BA GANG YIN PA'O, ,LEGS SU SMON PA'I TSUL KHRIMS NI SRID PA DANG, LONGS SPYOD DANG, BKUR STI LA CHAGS NAS SRUNG BA GANG YIN PA'O, ,BYANG CHUB KYI YAN LAG GI RJES SU MTHUN PA'I TSUL KHRIMS NI YANG DAG PA'I LTA BA CAN RNAMS THAR PA'I DON DU SRUNG BA GANG YIN PA'O, ,YONGS SU DAG PA'I TSUL KHRIMS NI DRI MA MED PA'I PHYIR ZAG PA MED PA'I TSUL KHRIMS YIN NO ZHES ZER RO, ,TSUL KHRIMS RDZOGS SO,, ,,MNYAM PAR GZHAG PA'I DGE BA NI SGOM PA'O, ,MNYAM PAR GZHAG PA ZHES BYA BA 'DI CI ZHIG CE NA, TING NGE 'DZIN GYI RANG BZHIN DANG, DE DANG LHAN CIG 'BYUNG BA GANG YIN PA'O, ,'DI CI'I PHYIR BSGOM PA ZHES BYA ZHE NA, SEMS LA SGO PHYIR RO, ,MNYAM PAR MA BZHAG PA'I DGE BA DE NI RGYUD YON TAN RNAMS KYIS DE'I BDAG NYID DU BYED PA'I PHYIR SEMS LA SHIN TU SGO BAR BYED PA YIN TE, ME TOG RNAMS @225B KYIS TIL LA BSGOS PA BZHIN NO, ,RE ZHIG SBYIN PAS NI LONGS SPYOD CHEN POR 'GYUR RO ZHES BSHAD NA, YANG NA TSUL KHRIMS DANG BSGOM PAS CIR 'GYUR ZHE NA, MTHO RIS DON DU TSUL KHRIMS DANG, ,'BRAL BA'I DON DU BSGOM GTZO'I PHYIR, ,SBYIN PA YANG MTHO RIS KYI DON DU NI 'GYUR MOD KYI TSUL KHRIMS NI GTZO BO YIN PA'I PHYIR RO, ,TSUL KHRIMS KYIS KYANG 'BRAL BAR MI 'GYUR MOD KYI BSGOM PA NI GTZO BO YIN PA'I PHYIR RO, ,MDO LAS GANG ZAG BZHI NI TSANGS PA'I BSOD NAMS SKYED DO ZHES GSUNGS PA, TSANGS PA'I BSOD NAMS GANG ZHIG YIN ZHE NA, BYE BRAG TU SMRA BA RNAMS NA RE, MTSAN MA RNAM PAR SMIN PA CAN GYI LAS KYI TSAD SHES PAR BYA BA'I PHYIR BSHAD PA GANG YIN PA'O ZHES ZER RO, ,SNGON GYI SLOB DPON RNAMS NA RE, BSKAL PAR MTHO RIS DAG GNAS PHYIR, ,BZHI YI TSANGS PA'I BSOD NAMS YIN, ,ZHES ZER TE, BSOD NAMS JI TZAM GYIS NA BSKAL PAR MTHO RIS SU DGA' BAR GNAS PAR 'GYUR BA 'DI NI TSANGS PA'I BSOD NAMS YIN TE, TSANGS PA'I MDUN NA 'DON PA RNAMS KYI TSE BSKAL PAR THUB PA'I PHYIR RO, ,SDE PA GZHAN LAS KYANG, TSANGS PA'I BSOD NAMS BSKYED PA NI, ,BSKAL PAR MTHO RIS DGA' BAR GNAS, ,ZHES TSIGS SU BCAD DE 'BYUNG NGO, ,ZANG ZING GI SBYIN PA BSHAD ZIN TO, ,CHOS KYI SBYIN PA BRJOD PAR BYA STE, DES SMRAS PA, CHOS SBYIN NYON MONGS CAN MIN PAS, ,MDO SOGS YANG DAG JI BZHIN STON, ,CHOS KYI SBYIN PA NI MDO LA SOGS PA NYON MONGS PA CAN MA YIN PAS YANG DAG PA JI LTA BA BZHIN STON PA'O, ,DE'I PHYIR GANG DAG CHOS LOG PAR 'CHAD PAR BYED PA'AM, SEMS NYON MONGS PA CAN RNYED PA DANG BKUR STI DANG, GRAGS PA 'DOD PAS CHAD PA DE DAG NI BDAG NYID KYI BSOD NAMS CHEN PO NYAMS PAR BYED PA YIN NO, , BSOD NAMS BYA BA'I GZHIR BYE BRAG GIS DGE BA RNAM PA GSUM BSHAD ZIN TO, ,BSOD NAMS MYA NGAN 'DAS PA DANG, ,NGES 'BYED CHA MTHUN DGE RNAMS GSUM, ,BSOD NAMS KYI CHA DANG MTHUN PA NI RNAM PAR SMIN PA YID DU 'ONG BA CAN GANG YIN PA'O, ,THAR PA'I CHA DANG MTHUN PA @226A *, ,NI GANG SKYES NA YONGS SU MYA NGAN LAS 'DA' BA'I CHOS SU NAM 'GYUR BA STE, GANG LA 'KHOR BA'I NYES DMIGS DANG, BDAG MED PA DANG, DMYAL BA LAS 'DAS PA'I YON TAN BRJOD PA'I GTAM THOS NAS SGU ZING ZHES BYED PA DANG, MCHI MA 'KHRUG CES BYED PA DE LA NI THAR PA'I CHA DANG MTHUN PA'I DGE BA'I RTZA BA YOD PAR SHES PAR BYA STE, DBYAR MYU GU SKYE BA LAS NA GA-YUL GYI GSEB NA SA BON YOD PAR SHES PA BZHIN NO, ,DES PAR 'BYED PA'I CHA DANG MTHUN PA NI DRO BAR GYUR PA LA SOGS PA RNAM PA BZHI YIN TE, 'OG NAS BSHAD PAR BYA'O, ,'JIG RTEN YIG 'BRU DANG, RGYA DANG, BGRANG BA DANG, SNYAN NGAG DANG, GRANGS ZHES BYA BA GANG YIN PA 'DI DAG GI RANG BZHIN CI ZHE NA, RIGS PA'I RAB TU BCUG PA'I LAS ,RNAM GSUM KUN SLONG BCAS PA NI, ,YIG 'BRU RGYA DANG GRANGS BCAS PA'I, ,SNYAN NGAG GRANGS TE GO RIMS BZHIN; ,RIGS PAS BCUG PA ZHES BYA BA NI THABS KYI BYE BRAG GIS BCUG PA'O, ,LAS RNAM PA GSUM ZHES BYA BA NI LUS DANG NGAG DANG YID KYI LAS SO, ,DE LA RE ZHIG YIG 'BRU DANG RGYA NI LUS KYI LAS RIGS PAS RAB TU BCUG PA KUN NAS SLONG BA DANG BCAS PA YIN NO, ,BGRANG BA DANG, SNYAN NGAG NI NGAG GI LAS TE, DE LTAR NA DE DAG NI PHUNG PO LNGA'I RANG BZHIN YIN NO, ,GRANGS NI YID KYI LAS TE, YID KYI CHOS RNAMS SDOM PAR BYED PA GANG YIN PA'O, ,DA NI RNAM GRANGS KHA CIG BRJOD PAR BYA STE, SGRAB NGAN KHA NA MA THO BCAS, ,NYON MONGS CAN CHES, KHA NA MA THO BA DANG BCAS PA DANG, BSGRIBS PA DANG, NGAN PA ZHES BYA BA NI NYON MONGS PA CAN GYI CHOS RNAMS KYI RNAM GRANGS DAG YIN NO, ,DRI MED DGE ,GYA NOM, GYA NOM PA ZHES BYA BA NI DGE BA ZAG PA MED PA RNAMS KYI RNAM GRANGS YIN NO, ,NGAN PA DANG GYA NOM PA DAG LAS GZHAN PA NI BAR MA ZHES BYA BAR GRUB PA YIN NO, ,'DUS BYAS DGE BSTEN BYA, BSTEN PAR BYA ZHES BYA BA NI 'DUS BYAS KYI CHOS DGE BA RNAMS KYI RNAM GRANGS YIN NO, ,LHAG MA RNAMS NI BSTEN PAR BYA BA MA YIN NO ZHES BYA BAR GRUB PA YIN NO, ,CI'I PHYIR 'DUS MA BYAS BSTEN PAR BYA BA MA YIN ZHE NA, GOMS PAR BYAR @226B MI RUNG BA'I PHYIR DANG, 'BRAS BU'I DON DU BSTEN PAR BYA BA YIN NA 'BRAS BU YANG MED PA'I PHYIR RO, ,CHOS GZHAN THAMS CAD NI BLA MA DANG BCAS PA YIN GYI, THAR PA BLA NA MED PA YIN, ,MYA NGAN LAS 'DAS PA LAS CHES KHYAD PAR DU 'PHAGS PA NI MED KYI, DE NI DGE BA DANG RTAG PA ? YIN PA'I PHYIR THAMS CAD PAS KHYAD PAR DU 'PHAGS PA YIN NO, ,CHOS MNGON PA'I MDZOD ? KYI BSHAD PA LAS LAS BSTAN PA ZHES BYA BA MDZOD KYI GNAS BZHI PA'O,, ,,LAS LAS 'JIG RTEN SNA TSOGS SKYES, ,ZHES BSHAD PA, LAS DE DAG KYANG PHRA RGYAS KYI DBANG GIS BSAGS PAR 'GYUR GYI; PHRA RGYAS MED PAR NI SRID PA MNGON PAR 'GRUB PAR MI NUS PA DE'I PHYIR, SRID PA'I RTZA BA PHRA RGYAS YIN PAR RIG PAR BYA STE, NYON MONGS PA 'JUG PA NA BYA BA BCU BYED DE, RTZA BA BRTAN PAR BYED DO, ,RGYUD GNAS PAR BYED DO, ,ZHING DU SGRUB PAR BYED DO, ,RGYU MTHUN PAR SGRUB PAR BYED DO; ,LAS KYI SRID PA MNGON PAR SGRUB PAR BYED DO, ,RANG GI TSOGS YONGS SU 'DZIN PAR BYED DO, ,DMIGS PA LA KUN DU RMONGS PAR BYED DO, ,RNAM PAR SHES PA'I RGYUN 'KHRID PAR BYED DO, ,DGE BA'I PHYOGS LAS GA-YO BAR BYED DO, ,KHAMS LAS MI 'DA' BA'I TSUL GYIS 'CHING BA'I DON DU KHYAB PAR BYED DO, ,PHRA RGYAS DE DAG KYANG DU ZHIG CE NA, MDOR BSDUS NA, DRUG DRUG GANG ZHE NA, 'DOD CHAGS DE BZHIN KHONG KHRO DANG, ,NGA RGYAL MA RIG LTA BA DANG, ,THE TSOM YIN TE, DE BZHIN ZHES SMOS PA NI 'DOD CHAGS KYI DBANG GIS GZHAN DAG DMIGS PA LAS RGYAS PAR GYUR PA NYID SHES PAR BYA BA'I PHYIR TE, DE NI 'OG NAS BSHAD PAR BYA'O, ,DE DRUG KYANG, 'DOD CHAGS DBYE BAS ? BDUN DU BSHAD, ,PHRA RGYAS DRUG PO DE DAG KYANG MDO LAS 'DOD CHAGS PHYE NAS BDUN DU BSHAD DE, 'DOD PA'I 'DOD CHAGS KYI PHRA RGYAS DANG, KHONG KHRO BA'I PHRA RGYAS DANG, SRID PA'I 'DOD CHAGS KYI PHRA RGYAS DANG, NGA RGYAL GYI PHRA RGYAS DANG, MA RIG PA'I PHRA RGYAS DANG, LTA BA'I PHRA RGYAS DANG, THE TSOM GYI PHRA RGYAS SO, ,JI LTAR SHES PAR BYA, 'DOD PA'I 'DOD CHAGS NYID PHRA RGYAS YIN PAS 'DOD PA'I 'DOD CHAGS KYI PHRA RGYAS YIN NAM, 'ON TE 'DOD @227A *, ,PA'I 'DOD CHAGS KYI PHRA RGYAS YIN, DE LAS CIR 'GYUR, GAL TE 'DOD PA'I 'DOD CHAGS NYID PHRA RGYAS YAN NA NI, 'DI NA LA LAS 'DOD PA'I 'DOD CHAGS KYIS KUN NAS DKRIS PA'I SEMS KYI LAS MANG DU MI GNAS LA, 'DOD PA'I 'DOD CHAGS KYIS KUN NAS DKRIS PA BYUNG NA YANG PHYIS NGES PAR 'BYUNG BA YANG DAG PA JI LTA BA BZHIN RAB TU SHES SHING, DE'I 'DOD PA'I 'DOD CHAGS GYIS KUN NAS DKRIS PA DE'I MTHUS YANG DAG PAR SHIN TU KUN NAS 'JOMS SHING PHRA RGYAS DANG BCAS PAR SPONG BAR BYED DO ZHAS GSUNGS PA'I MDO DANG 'GAL LO; ,GAL TE DE 'DOD PA'I 'DOD CHAGS KYI PHRA RGYAS YIN NA NI PHRA RGYAS LDAN PAR MA YIN PAR THAL BAR 'GYUR BAS 'DOD PA'I 'DOD CHAGS KYI PHRA RGYAS NI DBANG PO GSUM DANG MTSUNGS PAR LDAN PA YIN NO ZHAS 'BYUNG BA'I CHOS MNGON PA DANG 'GAL LO, ,BYE BRAG TU SMRA BA RNAMS NA RE 'DOD PA'I 'DOD CHAGS NYID PHRA RGYAS YIN TE, THE TSOM NYID PHRA RGYAS YIN PA'I BAR DU YANG DE DANG 'DRA'O ZHES ZER RO, ,DE LTA NA MDO DANG 'GAL LO ZHES BSHAD PA MA YIN NAM, 'GAL BA MED DE, PHRA RGYAS DANG BCAS PA NI RJES SU 'BRAL BA DANG BCAS PA ZHES BYA BA'I DON YIN PA'I PHYIR RO; ,YANG NA MDO LAS PHRA RGYAS ZHES BYA BA'I SGRA 'BYUNG BA NI THOB PA LA NYE BAR BTAGS PA YIN TE, DPER NA ME SDUG BSNGAL ZHES BYA BA BZHIN NO, ,CHOS MNGON PA LAS PHRA RGYAS ZHES BYA BA'I SGRA 'BYUNG BA NI NYON MONGS PA KHO NA LA MTSAN NYID PA YIN TE, DE LTA BAS NA PHRA RGYAS RNAMS NI MTSUNGS PAR LDAN PA KHO NA YIN NO, ,'DI JI LTAR SHES SHE NA, PHRA RGYAS RNAMS NI, SEMS NI NYON MONGS BYED PHYIR DANG, ,SGRIB PHYIR DGE DANG 'GAL PHYIR DANG, ,GANG GI PHYIR PHRA RGYAS RNAMS KYI SEMS NYON MONGS PA CAN DU 'GYUR BA DANG, SNGON MED PA'I DGE BA MI SKYE BA DANG, SKYES PA LAS KYANG YONGS SU NYAMS PAR 'GYUR BA DE'I PHYIR LDAN PA MA YIN NO, ,'ON TE LDAN PA MA YIN PA RNAMS KYIS KYANG DE LTAR 'GYUR NA NI DE DAG RTAG TU NYE BA'I PHYIR DGE BA NAM YANG DMIGS PAR MI 'GYUR BA ZHIG NA DMIGS TE, DE LTA BAS NA DGE BA 'ANG DMIGS PA'I PHYIR NA 'DIR, PHRA @227B RGYAS LDAN PA MA YIN MIN, ,'DI NI GTAN TSIGS SU MI RUNG STE, 'DI LTAR GANG ZHIG PHRA RGYAS LDAN PA MA YIN PAR 'DOD PA DE YANG 'DI THAMS CAD PHRA RGYAS KYIS BYAS PAR NI MI 'DOD KYI NYON MONGS PAS BYAS PA KHO NAR 'DOD DO, ,MDO SDE PA RNAMS KYI JI LTA BA DE LTA BU NI LEGS PA YIN NO, ,MDO SDE PA RNAMS KYI JI LTA BU YIN ZHE NA, 'DOD PA'I 'DOD CHAGS KYI PHRA RGYAS NI 'DOD PA'I 'DOD CHAGS KYI PHRA RGYAS YIN LA, DE RDZAS GZHAN MA YIN PA'I PHYIR PHRA RGYAS NI MTSUNGS PAR LDAN PA YANG MA YIN LA, LDAN PA MA YIN PA YANG MA YIN GYI, NYON MONGS PA NYAL BA LA NI PHRA RGYAS ZHES BYA LA, SANG PA LA NI KUN NAS DKRIS PA ZHES BYA'O, ,DE LA ? NYAL BA GANG YIN ZHE NA, MNGON SUM DU MA GYUR PAR SA BON GYI DNGOS POS RJES SU 'BREL LO, ,SAD PA GANG YIN ZHE NA, MNGON SUM DU 'GYUR BA'O, ,SA BON GYI DNGOS PO ZHES BYA BA 'DI CI ZHE NA, LUS KYI NYON MONGS PA LAS SKYES PA NYON MONGS PA BSKYED PA'I MTHU YIN TE, DPER NA NYAMS SU MYONG BA'I SHES PA LAS SKYES PA DRAN PA BSKYED PA'I MTHU DANG, YANG DPER NA MYU GU LA SOGS PA S'A LU'I 'BRAS BU LAS BSKYED PA'I MTHU DANG 'DRA 'O, ,GANG ZHIG NYON MONGS PA RNAMS KYI SA ? BON GYI DON DU PHRA RGYAS LDAN PA MA YIN PA DON GZHAN DU RTOG PAR BYED PA DES NA DRAN PA'I SA BON ? YANG DON GZHAN DU BRTAG PAR BYA BAR 'GYUR RO, ,'O NA MDO LAS NYON MONGS PA NYID PHRA RGYAS SU GANG GSUNGS PA DE JI LTA BU STE, DRUG TSAN DRUG PA LAS 'DI 'I 'DOD PA'I 'DOD CHAGS DE BDE BA'I TSOR BA LA RGYAS PAR 'GYUR RO, ,RGYAS PAR GSUNGS SO SHE NA, 'GYUR RO ZHES GSUNGS PA'I PHYIR, DE KHO NA NI PHRA RGYAS MA YIN NO, ,'O NA NAM 'GYUR ZHE NA, GANG GI TSE NYAL BA NA 'GYUR RO, ,YANG NA 'DI NI RGYU LAS DE NYE BAR BTAGS PA YIN PAR BLTA BAR BYA'O, ,ZHAR LA 'ONGS PA BZHAG NAS BSTAN BCOS LA 'JUG PAR BYA STE, MDO LAS 'DOD PA'I 'DOD CHAGS DANG, SRID PA'I 'DOD CHAGS ZHES 'DOD CHAGS CHE BA GANG YIN PA, SRID PA'I 'DOD CHAGS ZHES BYA BA 'DI CI ZHE NA, KHAMS GNYIS LAS SKYES SRID 'DOD CHAGS, ,GZUGS DANG GZUGS MED PA'I KHAMS @228A *, ,LAS SKYES PA'I 'DOD CHAGS NI SRID PA'I 'DOD CHAGS ZHES BSHAD DO, ,CI'I PHYIR DE SKAD DU BSHAD CE NA, KHA NI NANG DU BLTAS PHYIR DER, ,THAR BA'I 'DU SHES BZLOG PHYIR BSHAD, ,DE DAG NI PHAL CHER SNYOMS PAR 'JUG PA LA SNYOMS PAR 'JUG PA'I 'DOD CHAGS PA YIN LA, DE YANG KHA NANG DU BLTAS PA YIN TE, DE LTA BAS NA KHA CIG KHAMS DE GNYIS LAS THAR PA YIN NO SNYAM PA'I 'DU SHES BZLOG PA'I PHYIR SRID PA'I 'DOD CHAGS ZHES BSHAD DO ZHES GRAG GO , ,LUS KHO NA SRID PA YIN LA SEMS CAN DE DAG KYANG SNYOMS PAR 'JUG PA RTEN DANG BCAS PA RO MYONG BAR BYED PA NA 'DOD PA'I 'DOD CHAGS DANG BRAL BA'I ? PHYIR LUS KHO NA RO MYONG BAR BYED PA YIN TE, DE'I PHYIR 'DOD CHAGS DE NI SRID PA'I 'DOD CHAGS ZHES BSHAD DO, ,YANG CHOS MNGON PA LAS PHRA RGYAS DRUG PO DE LAS BCUR YANG 'CHAD DE, JI LTAR BYAS PAS SHE NA, LTA BA LNGA STE 'JIG TSOGS DANG, ,LOG DANG MTHAR 'DZIN LTA BA DANG, ,LTA BA DANG NI TSUL KHRIMS DANG, BRTUL ZHUGS MCHOG TU 'DZIN DANG BCU, ,PHRA RGYAS DRUG LAS LTA BA RNAM PA LNGAR BYAS NA BCUR 'GYUR TE, LTA BA'I RANG BZHIN LNGA NI 'JIG TSOGS LA LTA BA DANG, LOG PAR LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,LTA BA'I RANG BZHIN MA YIN PA LNGA NI 'DOD CHAGS DANG, ,KHONG KHRO BA DANG, NGA RGYAL DANG, MA RIG PA DANG, THE TSOM MO, ,YANG CHOS MNGON PA LAS PHRA RGYAS BCU PO DE DAG LAS 'DOD PA NA SPYOD PA SUM CU RTZA DRUG DANG, GZUGS NA SPYOD PA SUM CU RTZA GCIG DANG, GZUGS MED PA NA SPYOD PA SUM CU RTZA GCIG STE, DGU BCU RTZA BRGYAD DU YANG 'CHAD DO, ,JI LTAR BYAS PAS SHE NA, PHRA RGYAS DE DAG NI MDOR BSDU NA KHAMS GSUM PA'I MTHONG BAS SPANG BAR BYA BA DANG, BSGOM PAS SPANG BAR BYA BA DAG YIN NO, ,DE LA RE ZHIG 'DOD PA'I KHAMS NA SPYOD PA MTHONG BAS SPANG BAR BYA BA NI SUM CU RTZA GNYIS SO, ,DE DAG GANG ZHE NA, DE DAG BCU DANG BDUN BDUN BRGYAD, ,LTA BA GSUM GNYIS MA GTOGS PAR, ,'DOD NA @228B SDUG BSNGAL LA SOGS PA, ,MTHONG BAS RIM BZHIN SPONG BAR BYED, ,ZHES BYA BA SMOS TE, PHRA RGYAS BCUR BSHAD PA GANG DAG YIN PA DE DAG 'DOD PA'I KHAMS NA SDUG BSNGAL MTHONG BAS SPANG BAR BYA BA NI BCU YOD DO, ,DE DAG NYID LA KUN 'BYUNG 'GOG PA MTHONG BAS SPANG BAR BYA BA BDUN DANG; 'GOG PA MTHONG BAS SPANG BAR BYA BA BDUN TE, 'JIG TSOGS LA LTA BA DANG, MTHAR 'DZIN PAR LTA BA DANG, TSUL KHRIMS DANG BRTUL ZHUGS MCHOG TU 'DZIN PA MA GTOGS SO, ,LAM MTHONG BAS SPANG BAR BYA BA NI BRGYAD DE, 'JIG TSOGS LA LTA BA DANG, MTHAR 'DZIN PAR LTA BA MA GTEGS SO, ,DE LTAR NA PHRA RGYAS SUM CU RTZA GNYIS SO, ,DE DAG NI MTHONG BAS SPANG BAR BYA BA DAG YIN TE, BDEN PA RNAMS MTHONG BA TZAM GYIS SPONG BA'I PHYIR RO, ,BZHI NI BSGOM PAS SPANG BYA YIN, ,'DI LTA STE, 'DOD CHAGS DANG, KHONG KHRO BA DANG, MA RIG PA DANG, NGA RGYAL DANG, ,DEN PA MTHONG BAS PHYIS LAM GOMS PAR BYAS PAS SPONG BA'I PHYIR RO, ,DE LTAR NA 'JIG TSOGS LA LTA BA NI RNAM PA GCIG STE, SDUG BSNGAL MTHONG BAS SPANG BAR BYA BA YIN LA, MTHAR 'DZIN PAR LTA BA YANG DE DANG 'DRA'O, ,LOG PAR LTA BA NI RNAM PA BZHI STE, SDUG BSNGAL BA DANG, KUN 'BYUNG BA DANG, 'GOG PA DANG, LAM MTHONG BAS SPANG BAR BYA BA YIN LA, LTA BA MCHOG TU 'DZIN PA DANG, THE TSOM YANG DE DANG 'DRA'O, ,TSUL KHRIMS DANG, BRTUL ZHUGS MTSOG TU 'DZIN PA NI RNAM PA GNYIS TE, SDUG BSNGAL DANG, LAM MTHONG BAS SPANG BAR BYA BA YIN NO, ,'DOD CHAGS DANG, KHONG KHRO BA DANG, NGA RGYAL DANG, MA RIG PA RNAMS NI RNAM PA LNGA STE, BDEN PA BZHI MTHONG BAS SPANG BAR BYA BA DANG, BSGOM PAS SPANG BAR BYA BA YIN NO, ,SDUG BSNGAL MTHONG BAS SPANG BAR BYA BA DE DAG NI CI LTA BU YIN, BSGOM PAS SPANG BAR BYA BA'I BAR DU NI JI LTA BU YIN ZHE NA, GANG DAG GANG ZHIG MTHONG BAS SPANG BAR BYA BA'I DMIGS PA CAN DE DAG NI DE MTHONG BAS SPANG BAR BYA BA YIN LA LHAG MA NI BSGOM PAS SPANG BAR BYA BA DAG YIN NO, ,DE DAG LA LTA BA NI BCU GNYIS YIN NO, ,THE TSOM NI @229A *, ,BZHI YIN NO, ,'DOD CHAGS NI LNGA YIN NO, ,KHONG KHRO BA NI LNGA YIN NO, ,NGA RGYAL NI LNGA YIN NO, ,MA RIG PA RNAMS NI LNGA YIN TE, DE LTAR NA PHRA RGYAS SUM CU RTZA DRUG PO DE DAG NI 'DOD PA NA SPYOD PA YIN NO, ,KHOD KHROM GTOGS DE DAG NYID, ,GZUGS KHAMS, KHONG KHRO BA LNGA POR ? NAS GZUGS NA SBYOD PA'I PHRA RGYAS SUM CU RTZA GCIG PO DE DAG NYID YIN NO, ,GZUGS KYI KHAMS NA JI LTA BAR GZUGS MED PA YANG DE DANG 'DRA, PHRA RGYAS SUM CU RTZA GCIG STE, ,DE LTAR DGU BCU RTZA BRGYAD 'DOD, ,DE LTAR NA CHOS MNGON ? PA DAG NA RE PHRA RGYAS DRUG PO DE DAG RNAM PA DANG, BYE BRAG DANG KHAMS KYI DBYE PAS DGU BCU RTZA BRGYAD DU 'DOD DO, CI MTHONG STE SPANG BAR BYA BA'I CHOS PHRA RGYAS SU BSHAD PA GANG DAG YIN PA DE DAG NGES ? PAR MTHONG BA KHO NAS SPONG NGAM ZHE NA, SMRAS PA, MA YIN NO, ,'O NA CI LTA BU ZHE NA, SRID RTZE LAS SKYES BZOD PA YIS, , GZHOM BYA MTHONG BAS SPANG BYA NYID, ,SRID PA'I RTZE MO'I SA LAS SKYES PA'I PHRA RGYAS GANG DAG RJES SU SHES PA'I BZOD PAS GZHOM PAR BYA BA DE DAG NI MTHONG BAS SPANG BAR BYA BA KHO NA YIN GYI BSGOM PAS SPANG BAR BYA BA DAG NI MA YIN NO, ,LHAG SKYES MTHONG DANG BSGOM GNYIS KYIS, ,BZOD PAS GZHOM PAR BYA BA ZHES BYA BAR SBYAR TE, SA LHAG MA DAG NA CHOS DANG RJES SU SHES PAS BZOD PA SPANG BAR BYA BA'I PHRA RGYAS YOD PA RNAMS NI CI RIGS PAR 'PHAGS PA RNAMS KYIS NI MTHONG BAS SPANG BAR BYA BA YIN LA, SO SO'I SKYE BO RNAMS KYIS NI BSGOM PAS SPANG BAR BYA BA DAG YIN NO; ,BZOD PAS GZHOM MIN BSGOM KHO NAS, ,SA THAMS CAD NA PHRA RGYAS GANG DAG SHES PAS GZHOM PAR BYA BA YOD PA DE DAG NI GNYI GA'I YANG RTAG TU BSGOM PAS SPANG BAR BYA BA YIN NO, ,GZHAN DAG NA RE PHYI ROL PA RNAMS KYIS NI MTHONG BAS SPANG BAR BYA BA RNAMS NI SPONG PA KHO NA STE, 'DI LTAR LAS RNAM PAR 'BYED PA CHEN PO'I MDO DANG SDON GYI MTHA' LAS RTOG PA SPONG BA RNAMS LAS RTAG PAR SMRA PA RNAMS DANG, LA LA RTAG PAR SMRA BA RNAMS DANG, RGYU MED PA LAS KUN DU 'BYUNG BAR SMRA BA 'DOD CHAGS DANG BRAL BA RNAMS LA 'DOD PA'I KHAMS LAS DMIGS PA'I @229B LTA BA KUN DU 'BYUNG BAR GSUNGS TE, GZUGS NA SPYOD PA'I NYON MONGS PA RNAMS 'DOD PA'I KHAMS LA DMIGS PA NI MA YIN TE, 'DOD CHAGS DANG BRAL BA'I PHYIR RO, ,DE LTA BAS NA 'DOD PA DANG LDAN PA DE DAG KHO NA MA SPANGS PE YIN NO ZHES ZER RO, ,BYE BRAG TU SMRA BA RNAMS NA RE DE DAG KYANG LTA BA BSKYED PA DANG DUS MNYAM DU YONGS SU NYAMS PA'I PHYIR TE, LHA SBYIN BZHIN NO ZHES ZER RO, ,LTA BA LNGA MING GI SGO NAS BSTAN GYI RANG GI NGO BO'I SGO NAS NI MA BSTAN PAS 'DI DAG GI RANG GI NGO BO CI ZHE NA, BDAG DANG BDAG GI RTAG CHAD DANG, ,ME DANG SMAN LA MCHOG LTA DANG, ,RGYU MIN LAM MIN DER LTA BA, ,DE DAG LTA BA LNGA YIN NO, ,BDAG GAM BDAG GIR LTA BA NI, ,'JIG TSOGS LA LTA BA'O, ,'JIG PAS NA 'JIG PA'O, ,BSAGS PAS NA TSOGS PA STE, MANG PO DANG PHUNG PO ZHES BYA BA'I THA TSIG GO , ,'DI NI 'JIG PA YANG YIN LA TSOGS KYANG YIN PAS 'JIG TSOGS TE, NYE BAR LEN PA'I PHUNG PO LNGA'O, ,RTAG PAR 'DU SHES PA DANG, RIL POR 'DU SHES PA SPANG BA'I PHYIR, DE SKAD DU BSHAD DE, DE DAG LA BDAG TU 'DZIN PA NI DE DAG SNGON DU 'GRO BA CAN YIN NO, ,'JIG TSOGS LA LTA BAS NA 'JIG TSOGS LA LTA BA'O, , ZAG PA DANG BCAS PA LA DMIGS PA THAMS CAD KYANG 'JIG TSOGS LA LTA BA YIN MOD KYI, CI NAS KYANG 'DI NI 'JIG TSOGS LA LTA BA YIN GYI, BDAG GAM BDAG GI LA NI MA YIN NO, ,ZHES RTOGS PAR BYA BA'I PHYIR BDAG DANG BDAG GIR LTA BA KHO NA 'JIG TSOGS JI LTA BAR BSHAD DE, JI SKAD DU DGE SLONG DAG DGE SBYONG NGAM, BRAM ZE GANG LA LA BDAG GO SNYAM DU YANG DAG PAR RJES SU LTA BA NA YANG DAG PAR RJES SU LTA BA DE DAG THAMS CAD NI NYE BAR LEN PA'I PHUNG PO LNGA PO 'DI DAG LA LTA BA KHO NAR ZAD DO ZHES GSUNGS PA LTA BU'O, ,BDAG TU MNGON PAR 'DOD PA'I DNGOS PO DE NYID LA RTAG PAR LTA BA'AM, CHAD PAR LTA BA NI MTHAR 'DZIN PAR LTA BA STE, RTAG PA DANG CHAD PA'I MTHAR 'DZIN PA'I PHYIR RO, ,SDUG BSNGAL BA LA SOGS PA'I BDEN PA YOD NA MED DO ZHES BYA BA NI LOG PAR LTA BA'O, ,LOG PAR ZHUGS PA'I LTA BA THAMS @230A *, ,CAD LOG PAR LTA BA YIN PA LAS MAR DRANG BA BZHIN DU HA CANG CHABS CHEN PO DANG LDAN PA'I PHYIR GCIG KHO NA BSHAD DE, 'DI NI SKUR PA 'DEBS PAR BYED PA YIN LA, GZHAN DAG NI SGRO 'DOGS PAR BYED PA YIN NO, ,DMAN PA LA MCHOG TU 'DZIN PAR LTA BA NI LTA BA MCHOG TU 'DZIN PA'O, ,DMAN PA ? YANG CI ZHIG YIN ZHE NA, ZAG PA DANG BCAS PA THAMS CAD DE, 'PHAGS PA RNAMS KYIS SPANG BA'I PHYIR RO, ,DE LA MCHOG TU 'DZIN PA NI LTA BA MCHOG TU 'DZIN PA YIN TE, LTA BA LA SOGS PA MCHOG TU 'DZIN PA ZHES BRJOD PAR BYA BA'I RIGS PA LA SOGS PA'I SGRA MI MNGON PAR BYED DO, ,RGYU MA YIN PA LA RGYUR LTA BA DANG, LAM MA YIN PA LA LAM DU LTA BA NI TSUL KHRIMS DANG BRDUL ZHUGS MCHOG TU 'DZIN PA YIN TE, 'DI LTA STE, DBANG PHYUG CHEN PO'AM, SKYE DGU'I BDAG PO'AM, GZHAN YANG RUNG STE, 'JIG RTEN RNAMS KYI RGYU MA YIN NA DE LA YANG RGYUR LTA BA DANG, ME DANG CHUR 'JUG PA LA SOGS PA MTHO RIS KYI RGYU MA YIN NA DE DAG LA YANG RGYUR LTA BA DANG, TSUL KHRIMS DANG BRTUL ZHUGS TZAM DANG, GRANGS CAN DANG RNAL 'BYOR GYI SHES PA LA SOGS PA THAR PA'I LAM MA YIN NA DE DAG LA YANG LAM DU LTA BA LTA BU STE, 'DIR YANG SOGS PA'I SGRA MI MNGON PAR BYAS SO ZHES GRAG GO , ,DE LTAR NA DE DAG NI LTA BA LNGA YIN PAR RIG PAR BYA'O, ,GAL TE RGYU YIN PA LAS RGYUR LTA BA TSUL KHRIMS DANG BRTUL ZHUGS MCHOG TU 'DZIN PA YIN NA, CI'I PHYIR KUN 'BYUNG BAS MTHONG BAS SPANG BAR BYA PA MA YIN ZHE NA, GANG LA LA DBANG PHYUG GAM, SKYE DGU'I BDAG PO LA RGYUR LTA BA DE NI DE LA RTAG PA GCIG PU DANG BDAG DANG BYED PA POR MNGON PAR ZHEN NAS LTA STE, DE LTA BAS NA 'DI LTAR, DBANG PHYUG SOGS RGYUR MNGON ZHEN PA, DE NI RTAG BDAG PHYIN CI LOG PA YIS, ,RAB TU 'JUG PAS DE PHYIR DE, ,SDUG BSNGAL MTHONG BAS SPANG BYA NYID, ,DE DAG LA RTAG PA DANG, BDAG TU 'DZIN PA DE GNYIS NI SDUG BSNGAL MTHONG BA KHO NAS SPONG BAR 'GYUR TE, DE LTA BAS NA DES BYAS PA ? RGYUR MNGON PAR ZHEN PA YANG DE NYID KYIS SPONG BAR 'GYUR RO, , @230B 'O NA GANG ME DANG CHUR 'JUG PA LA SOGS PAS MTHO RIS SU SKYE BA'AM, TSUL KHRIMS DANG BRTUL ZHUGS KYIS 'DAG PAR LTA BA JI LTA BU YIN, DE YANG SDUG BSNGAL MTHONG BAS SPANG BAR BYA BA YIN TE, BSTAN BCOS LAS 'DI SKAD DU, GANG DAG SKYES BU GANG ZAG GANG ZHIG BA LANG GI TSUL KHRIMS DANG, RID GAS KYI TSUL KHRIMS DANG BYA GAG GI TSUL KHRIMS YANG DAG PAR BLANGS TE GNAS PA STE, NGES DAG PAR 'GYUR, GROL BAR 'GYUR, NGES PAR 'BYUNG BAR 'GYUR, BDE BA DANG SDUG BSNGAL LAS RNAM PAR 'DA' BAR 'GYUR ZHING BDE BA DANG SDUG BSNGAL LAS RNAM PAR 'DAS PA YANG RJES SU 'THOB PAR 'GYUR RO ZHES DE LTAR LTA ZHING DE SKAD DU SMRA BA NI RGYU MA YIN PA LA RGYUR MNGON PAR YID CHES PAS TSUL KHRIMS DANG BRTUL ZHUGS MCHOG TU 'DZIN PA STE, SDUG BSNGAL MTHONG BAS SPANG BAR BYA BA NYID YIN NO ZHES BYA BA RGYAS PAR 'BYUNG NGO, ,DE CI'I PHYIR SDUG BSNGAL MTHONG BAS SPANG BAR BYA BA YIN, SDUG BSNGAL LA LOG PAR ZHUGS PA'I PHYIR RO, ,ZAG PA DANG BCAS PA LA DMIGS PA THAMS CAD SDUG BSNGAL LA LOG PAR ZHUGS PA'I PHYIR HA CANG THAL BAR 'GYUR RO, ,YANG NA TSUL KHRIMS DANG BRTUL ZHUGS MCHOG TU 'DZIN PA LA MTHONG BAS SPANG BAR BYA BA GZHAN DZI LTA BU ZHIG YONG, LAM MTHONG BAS SPANG BAR BYA BA LA DMIGS PA GANG YIN PA'O, DE YANG SDUG BSDAL LA LOGS PAR ZHUGS PA YIN NO, ,YANG GANG LA LAM LA DMIGS PA LOG PAR LTA BA'AM, THE TSOM YOD PA DE THAR PA'I LAM MED DO FZHES LTA BA'AM, THE TSOM ZA BA NA JI LTAR DPE DAG PAR YID CHES PAR 'GYUR, 'ON TE THAR PA'I LAM GZHAN MCHOG TU BZUNG NAS 'DI NI THAR PA YIN GYI LAM NI MED DO ZHES SMRA'O ZHE NA, DE YANG GZHAN DE KHO NAS DAG PAR YID CHES KYI LOG PAR LTA BA DE NI MA YIN PAS DE'I DE YANG LAM MTHONG BAS SPANG BAR BYA BA LA DMIGS PAR MI 'GRUB BO, ,YANG GANG ZHIG KUN 'BYUNG DANG 'GOG PA MTHONG PAS SPANG BAR BYA BA LA DMIGS PA'I LOG PAR LTA BAS YANG DAG PAR YING CHES PAR 'GYUR BA DE YANG, CI'I PHYIR DE DAG MTHONG BAS SPANG BAR BYA BA MA YIN, DE LTA BAS NA DON @231A *, ,'DI NI RTAG PAR BYA BA YIN NO, ,BDAG RTAG PHYIN CI LOG PA YIS, ,ZHES GANG BSHAD PA, CI PHYIN CI LOG DE GNYIS KHO NAR ZAD DAM ZHE NA, PHYIN CI LOG NI BZHI STE, MI RTAG PA LA RTAG PA DANG, SDUG BSNGAL BA LA BDE BA DANG, MI GCANG BA LA GTZANG BA DANG, BDAG MED PA LA BDAG TU PHYIN CI LOG PA'O, ,YANG PHYIN CI LOG BZHI CHAN 'DI'I RANG BZHIN CI ZHE NA, LTA BA GSUM LAS PHYIN CI LOG ,BZHI TSAN, MTHAR 'DZIN PAR LTA BA LAS RTAG PAR LTA BA NI, RTAG PAR NI PHYIN CI LOG GO , ,LTA BA MCHOG TU 'DZIN PA LAS NI BDE BA DANG GTZANG BAR PHYIN CI LOG GO , ,'JIG TSOGS SU LTA BA LAS NI BDAG TU LTA BA PHYIN CI LOG GO , ,GZHAN DAG NA RE THAMS CAD YIN NO ZHES ZER RO, ,CI LTAR NA BDAG GIR LTA BA PHYIN CI LOG MA YIN, CI LTAR NA PHYIN CI LOG MA YIN, PHYIN CI LOG GI MDO LAS MI 'BYUNG BA'I PHYIR RO, ,DE LAS NI BDAG KHO NA DBANG BYED PAR LTA BA NA, BDAG GIR LTA BAR 'GYUR BAR BSHAD PA YIN PAS, BDAG TU LTA BA 'DI NYID SGO GNYIS PA CAN YIN NO, ,'O NA TE BDAG CES BYA BA 'DI LAS BDAG GI ZHES BYA BA LTA PA GZHAN ZHIG YIN NA NI BDAG GIS ZHES BYA BA DANG, BDAG GI PHYIR ZHES BYA BA 'DIR YANG 'GYUR RO, ,CI'I PHYIR NYON MONGS PA GZHAN DAG PHYIN CI LOG MA YIN ZHE NA, 'DI LTAR RGYU GSUM GYIS RTEN PHYIN CI LOG RNAM PAR BZHAG STE, GSUM GANG ZHE NA, PHYIN CI LOG PHYIR DANG, DES RTOG PHYIR DANG SGRO 'DOGS PHYIR, ,DMIGS PA LA GCIG TU PHYIN CI LOG PA'I PHYIR DANG, NGES PAR RTOG PA'I PHYIR DANG, SGRO 'DOGS PA'I PHYIR TE, CHAD PAR LTA BA DANG, LOG PAR LTA BA NI MED PA'I SGOR ZHUGS PA'I PHYIR DANG SGRO 'DOGS PAR BYED PA MA YIN NO, ,TSUL KHRIMS DANG BRTUL ZHUGS MCHOG TU 'DZIN PA NI DE TZAM ZHIG GIS, 'DAG PAR DMIGS PA'I PHYIR GCIG TU PHYIN CI LOG PA MA YIN NO, ,NYON MONGS PA GZHAN DAG NI DES PAR RTOG PAR BYED PA MA YIN PAS DE'I PHYIR PHYIN CI LOG DAG MA YIN NO, ,'O NA MDO LAS MI RTAG PA LA RTAG GO SNYAM DU 'DU SHES PHYIN CI LOG PA DANG, SEMS PHYIN CI LOG PA @231B DANG; LTA BA PHYIN CI LOG PA ZHES GANG GSUNGS PA JI LTA BU ZHE NA, 'DIR NI LTA BA KHO NA PHYIN CI LOG YIN LA, SEMS DANG 'DU SHES DE'I DBANG GIS LTA BA PHYIN CI LOG GI DBANG GIS DE DANG MTSUNGS PAR LDAN PA 'DU SHES DANG, SEMS PHYIN CI LOG TU BSHAD DO, ,TSOR BA LA SOGS PA YANG CI'I PHYIR MA BSHAD CE NA, 'JIG RTEN NA GRAGS PA'I PHYIR TE, 'JIG RTEN NA NI 'DU SHES PHYIN CI LOG ,SEMS PHYIN CI LOG CES GRAGS KYI TSOR BA PHYIN CI LOG CES NI MA GRAGS SO, ,PHYIN CI LOG DE DAG THAMS CAD KYANG, RGYUN DU ZHUGS PAS SPANG BA YIN TE, LTA BA MTSUNGS PAR LDAN PA DANG BCAS PA RNAMS NI MTHONG BAS SPANG BAR BYA BA YIN PA'I PHYIR RO, ,SDE PA GZHAN DAG NA RE MI RTAG PA LA RTAG GO SNYAM PA'I 'DU SHES DANG, SEMS DANG, LTA BA PHYIN CI LOG GSUM NAS DE BZHIN DU BDAG MED PA LA BDAG GO SNYAM PA'I BAR GSUM STE, PHYIN CI LOG NI BCU GNYIS YIN NO, ,DE LA BRGYAD NI MTHONG BAS SPANG BAR BYA BA YIN NO, ,SDUG BSNGAL BA DANG, MI GTZANG BA LA 'DU SHES DANG, SEMS PHYIN CI LOG PA BZHI NI BSGOM PAS SPANG BAR BYA BA DAG YIN NO, ,DE LTA MA YIN NA BDE BA DANG, GTZANG BA'I 'DU SHES DAG MID PAR JI LTAR NA, 'PHAGS PA 'DOD CHAGS DANG MA BRAL BA LA 'DOD PA'I 'DOD CHAGS SKYES PAR 'GYUR ZHES ZER RO, ,BYE BRAG TU SMRA BA RNAMS NI 'DI MI 'DOD DE GAL TE 'PHAGS PA LA BDE BA DANG GTZANG BA'I 'DU SHES DANG, SEMS KUN DU 'BYUNG BA DANG, DE DAG GI PHYIN CI LOG DAG TU 'DOD NA NI, SEMS CAN GYI 'DU SHES DANG, SEMS KUN DU 'BYUNG BAS DE DAG GI PHYIN CI LOG DAG TU YANG CI'I PHYIR MI 'DOD, BUD MED DANG BDAG LA SEMS CAN DU 'DU SHES PA MED PAR MI 'DOD PA'I 'DOD CHAGS SKYE BAR RIGS PA MA YIN NO, ,MDO LAS KYANG 'DI LTAR 'PHAGS PA'I NYAN THOS THOS PA DANG LDAN PA 'DI NI SDUG BSNGAL 'PHAGS PA'I BDEN PA'O ZHES BYA BAR YANG DAG PA JI LTA BA BZHIN DU RAB TU SHES SO ZHES BYA BA NAS, DE'I TSE DE'I MI RTAG PA LA RTAG GO SNYAM DU 'DU SHES PHYIN CI LOG PA DANG, SEMS PHYIN CI LOG PA DANG, LTA BA PHYIN CI LOG PA GANG YIN PA DE @232A *, ,SPONG BAR BYED DO ZHES BYA BA RGYAS PAR GSUNGS SO, ,DE LTA BAS NA LTA BAS KUN NAS BSLANG BA'I 'DU SHES DANG, SEMS KHO NA PHYIN CI LOG YIN GYI GZHAN DAG NI MA YIN TE, DE'I DUS SU 'KHRUL PA TZAM YIN PA'I PHYIR MGAL ME'I 'KHOR LO DANG, RI MO'I GNOD SBYIN LA 'KHRUL BA BZHIN NO ZHES ZER RO, ,GZHAN DAG NA RE 'O NA GNAS BRTAN KUN DGA' POS, 'PHAGS PA NGAG GI DBANG PHYUG GI DBANG DU BYAS NAS, 'DU SHES PHYIN CI LOG PA YIS, ,KHYOD KYI SEMS NI YONGS SU GDUNG, ,ZHES GANG SMRAS PA JI LTA BU, DE'I PHYIR SLOB PAS 'DU SHES DANG, SEMS PHYIN CI LOG BRGYAD PO THAMS CAD MA SPANGS PA KHO NA'O, ,DE DAG KYANG 'PHAGS PA'I BDEN PA RNAMS YANG DAG PA JI LTA BA BZHIN SHES PAS SPANG BAR 'GYUR GYI, DE MED PAR NI MA YIN NO ZHES THABS YANG DAG PAR BSTAN PA YIN PA'I PHYIR MDO DANG 'GAL BA MED DO ZHES ZER RO, ,YANG JI LTA BA'I PHRA RGYAS KHO NA LA DBYE BA YOD KYI GZHAN LA MED DAM ZHE NA, NGA RGYAL LA YANG YOD DE, JI LTA ZHE NA, NGA RGYAL BDUN, ZHES BYA BA SMOS TE, NGA RGYAL DANG, LHAG PA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, CUNG ZAD SNYAM PA'I NGA RGYAL DANG, LOG PA'I NGA RGYAL LO, ,BYE BRAG MED PAR SEMS KHENGS PA LA NGA RGYAL ZHES BSHAD DO, ,DE LA 'JUG PA'I BYE BRAG LAS NI RNAM PA BDUN YIN TE, CHUNG DU BAS BDAG KHYAD PAR DU 'PHAGS PA'AM, MNYAM PA DANG MNYAM MO SNYAM DU SEMS PA NGAS ? PA NI NGA RGYAL LO, ,MNYAM PA BAS BDAG KHYAD PAR DU 'PHAGS SO SNYAM PA NI LHAG PA'I NGA RGYAL LO, ,KHYAD PAR DU 'PHAGS PA BAS KYANG BDAG KHYAD PAR DU 'PHAGS SO SNYAM PA NI NGA RGYAL LAS KYANG NGA RGYAL LO, ,NYE BAR LEN PA'I PHUNG PO LNGA LA BDAG GAM BDAG GIS SEMS PA NI NGA'O SNYAM PA'I NGA RGYAL LO, ,KHYAD PAR THOB PAR BYA BA MA THOB PAR BDAG GIS THOB PO SNYAM PA NI MNGON PA'I NGA RGYAL LO, ,CHES KHYAD PAR DU 'PHAGS PA BAS BDAG CUNG ZAD CIG GIS DMAN NO SNYAM PA NI CUNG ZAD SNYAM PA'I NGA RGYAL LO, ,YON TAN MA YIN PA DANG LDAN PA LA BDAG YON TAN DANG LDAN NO @232B SNYAM PA NI LOG PA'I NGA RGYAL LO, ,'O NA BSTAN BCOS LAS NGA RGYAL RNAM PA DGU STE, BDAG MCHOG YIN NO SNYAM PA NGA RGYAL GYI RNAM PA DANG, BDAG DANG 'DRA'O SNYAM PA'I NGA RGYAL GYI RNAM PA DANG, BDAG DMAN NO SNYAM PA'I NGA RGYAL GYI RNAM PA DANG BDAG PAS MCHOG YOD DO, ,BDAG DANG MNYAM PA YOD DO, ,BDAG PAS DMAN PA YOD DO, ,BDAG PAS MCHOG MED DO, ,BDAG DANG ? MNYAM PA MED DO, ,BDAG PAS DMAN PA MED DO SNYAM PA NGA RGYAL GYI RNAM PA ZHES GANG BSHAD PA JI LTA BU ZHE NA, RNAM PA DGU PA DE DAG NI GSUM PO 'DI DAG NYID LAS BYUNG BA STE, GSUM GANG LAS SHE NA, NGA RGYAL DANG, LHAG PA'I NGA RGYAL DANG, CUNG ZAD SNYAM PA'I NGA RGYAL DAG LAS SO, ,DE LA DANG PO'I GSUM NI LTA BA LA BRTEN PA'I NGA RGYAL GSUM STE, LHAG PA'I NGA RGYAL DANG, NGA RGYAL DANG, CUNG ZAD SNYAM PA'I NGA RGYAL RNAMS SO, ,GNYIS PA'I GSUM NI CUNG ZAD SNYAM PA'I NGA RGYAL DANG, NGA RGYAL DANG, LHAG PA'I NGA RGYAL RNAMS SO, ,GSUM PA'I GSUM NI NGA RGYAL DANG, LHAG PA'I NGA ? RGYAL DANG, CUNG ZAD SNYAM PA'I NGA RGYAL RNAMS SO, ,RE ZHIG CHES KHYAD PAR DU 'PHAGS PA BAS BDAG CUNG ZAD CIG GIS DMAN NO SNYAM PA NI SEMS KHENGS PA'I GNAS YIN PA'I PHYIR CUNG ZAD SNYAM PA'I NGA RGYAL DU RIGS NA, BDAG PAS DMAN PA MED DO SNYAM PA 'DI LA GO KHENGS PA'I GNAS CI ZHIG YOD CE NA, GANG ZHIG MNGON PAR 'DOD PA'I SEMS CAN GYI TSOGS DAM PA'I NANG NA BDAG NYID DMAN YANG THA GI 'O SNYAM DU SEMS PA DE LTA BU DE YOD DO, ,GZHAN YANG 'DI NI YE SHES LA 'JUG PA LAS BSHAD PA'I LUGS YIN GYI RAB TU BYED PA LAS BSTAN PA YONGS SU BZUNG STE, BDAG MCHOG YIN NO SNYAM PA 'DI NI DMAN PA DANG, MNYAM PA DANG, KHYAD PAR DU 'PHAGS PA LA LTOS NAS NGA RGYAL YANG YIN LA, LHAG PA'I NGA RGYAL YANG YIN, NGA RGYAL LAS KYANG NGA RGYAL YANG YIN NO, ,YANG NA NGA RGYAL BDUN PO 'DI DAG CI ZHIG GIS SPANG BAR BYA BA YIN ZHE NA, SMRAS PA, MTHONG DANG BSGOM PAS ZAD BYA BA, ,DE DAG NI MTHONG BA DANG BSGOM PA DAG GIS ZAD PAR BYA BA STE, DE NAS 'DI SKAD DU THAMS CAD @233A *, ,MTHONG BA DANG BSGOM PAS SPANG BAR BYA BA DAG YIN NO ZHES BSHAD PAR 'GYUR RO, ,CI 'PHAGS PA RNAMS BSGOM PAS SPANG BAR BYA BA MA SPANGS PA GANG YIN PA DE KUN DU SBYOD DAM ZHE NA, NGES PA MED DE 'DI LTAR BSGOM PAS SPANG BAR BYA BA NI, GSOD SOGS KUN NAS DKRIS PA'O, ,NYON MONGS PA KUN NAS DGRIS PA GANG GI CHED DU BSAMS TE, SROG CHAGS KYI SROG GCOD PAR BYED PHA NAS BRDZUN DU SMRA BAR BYED PA'I BAR DE NI BSGOS PAS SPANG BAR BYA BA YIN TE BSGOM PAS SPANG BAR BYA BA'I CHOS LA DMIGS PA'I PHYIR RO, ,DE BZHIN 'JIG SRED, 'JIG PA'I SRED PA YANG BSGOM PAS SPANG BAR BYA BA YIN NO, ,'JIG PA'I SRED PA ZHES BYA BA'I CHOS 'DI CI ZHIG YIN ZHE NA, KHAMS GSUM PA'I MI RTAG PA STE, DE LA DON DU GNYER BA NI 'JIG PA'I SRED PA'O, ,DE BZHIN ZHES BYA BA'I SGRAS NI SKYE BA'I SRED PA'I PHYOGS BDAG NI GLANG PO CHE'I RGYAL PO SA SRUNG GI BUR GYUR KYANG CI MA RUNG ZHES BYA BA DE LTA BU LA SOGS PA BZUNG NGO, ,BSGOM PAS SPANG BAR BYA BA NI NGA RGYAL GYI RNAM PA RNAMS KYANG YOD DO ZHES BSHAD LA, NGA'O SNYAM PA'I NGA ? RGYAL YANG YOD MOD KYI, 'PHAGS PA LA, RNAM SOGS PA'O SNYAM MI 'BYUNG, ,SOGS PA SMOS PAS NI 'JIG PA'I SRED PA'I BAR DU BZUNG NGO, ,CI'I PHYIR DE DAG MA SPANGS KYANG MI 'BYUNG ZHE NA, LTA BAS RGYAS PAR 'GYUR PHYIR RO, ,NGA RGYAL GYI RNAM PA RNAMS DANG, NGA'O SNYAM PA'I NGA RGYAL NI 'JIG TSOGS LA LTA BAS RGYAS PAR 'GYUR BA YIN NO, ,DE'I PHYIR RKED PA BCAG PA'I PHYIR YANG LDAN PAR MI NUS SO, ,GSOD PA LA SOGS PA'I KUN NAS DKRIS PA NI LOG PAR LTA BAS RGYAS PAR 'GYUR BA'I PHYIR RO, ,'JIG PA'I SRED PA NI CHAD PAR LTA BAS RGYAS PAR 'GYUR BA'I PHYIR RO, ,SKYE BA'I SRID PA'I PHYOGS NI RTAG PAR LTA BAS RGYAS PAR 'GYUR BA'I PHYIR RO, ,MI DGE BA'I 'GYOD PA'AM MA YIN NO, ,'GYOD PA MI DGE BA YANG BSGOM PAS SPANG BAR BYA BA YIN NA 'PHAGS PA LA NI MI 'BYUNG STE, DE THE TSOM GYIS KUN NAS BSLANG BA YIN PA'I PHYIR RO, ,YANG PHRA RGYAS DGU BCU RTZA BRGYAD PO DE DAG LAS DU NI KUN DU 'GRO BA DAG YIN, ,DU NI KUN DU 'GRO BA MA YIN ZHE NA, SDUG BSNGAL RGYU MTHONG SPANG BYA BA, ,LTA DANG DE @233B BZHIN THE TSOM DANG, GANG DE LHAN CIG MA 'DRES PA'I, ,MA RIG GANG YIN KUN DU 'GRO, ,SDUG BSNGAL DANG KUN 'BYUNG MTHONG BAS SPANG BAR BYA BA'I LTA BA RNAMS DANG, THE TSOM DANG, DE DAG DANG MTSUNGS PAR LDAN PA'I MA RIG PA DANG, SDUG BSNGAL PA DANG KUN 'BYUNG MTHONG BAS SPANG BAR BYA BA'I MA RIG PA MA 'DRES PA KHO NA STE, DE LTAR NA LTA BA BDUN DANG, THE TSOM GNYIS DANG, MA RIG PA GNYIS DANG, PHRA RGYAS BCU GCIG PO DE DAG NI RANG GI KHAMS MTHA' DAG LA DMIGS PA'I PHYIR, SKAL BA MNYAM PA'I KHAMS KUN DU 'GRO BA YIN NO, ,CI RE ZHIG RIM GYIS SAM 'ON TE CIG CAR YANG DMIGS GAL TE RIM GYIS NA NI GZHAN DAG LA YANG THAL BAR 'GYUR RO, ,'ON TE CIG CAR RO ZHE NA NI, SU ZHIG 'DOD PA'I KHAMS MTHA' DAG GIS 'DAG PAR YID CHES PAR 'GYUR BA'AM, MTHA' DAG RGYU MA YIN PA LAS RGYUR YID CHES PAR 'GYUR, MTHA' DAG LA NI CIG CAR DU DMIGS SO ZHES NI MI ZER RO, ,'ON KYANG RNAM PA LNGA PO THAMS CAD KYANG CIG CAR DU DMIGS SO, ,DE LTA NA YANG GANG LA BDAG TU LTA BA YOD PA DE LA BDAG LA SRED PA YOD LA, GANG LA MCHOG DANG DAG PAR LTA BA YOD PA DE LA DE'I DON DU GNYER BA YOD CING, DES KYANG NGA RGYAL DU 'GYUR BAS SRED PA DANG NGA RGYAL DAG KYANG RUNG KUN DU 'GRO BA YIN PAR 'GYUR RO, ,DE LTA YIN NA DE GNYIG MTHONG BA DANG BSGOM PAS SPANG BAR BYA BA LA DMIGS PA'I PHYIR CI ZHIG GIS SPANG BAR BYA BA YIN ZHE NA, 'DREN MA LA DMIGS PA'I PHYIR BSGOM PAS SPANG BAR BYA BA DAG YIN NO, ,YANG NA LTA BA'I STOBS BSKYED PAS BCU PA CAN NYID YIN PA'I PHYIR MTHONG BAS SPANG BAR BYA BA YIN NO, ,BYE BRAG TU SMRA BA RNAMS NA RE NYON MONGS PA 'DI GNYIS RANG GI MTSAN NYID PA YIN GYI NYON MONGS PA SPYI PA 'DI NI MA YIN TE, DE LTA BAS NA KUN TU 'GRO BA DAG MA YIN NO ZHES ZER RO, ,YANG SKAL BA MNYAM PA'I KHAMS KUN DU 'GRO BA DAG TU PHRA RGYAS BCU GCIG BSHAD PA GANG DAG YIN PA ? DE DAG LAS DGU GANG DU DMIGS, LTA BA GNYIS PO MA GTOGS SO, ,'JIG TSOGS LA LTA BA DANG, MTHAR 'DZIN PAR LTA BA LAS MA GTOGS PA PHRA RGYAS GZHAN DGU NI SKAL BA MI MNYAM PA'I KHAMS KUN DU 'GRO BA DAG YIN NO, ,RES @234A *, ,'GA' NI SKAL BA MI MNYAM PA'I KHAMS GCIG LA DMIGS SO, ,RES 'GA' NI GNYIS LA DMIGS TE, 'DOD PA DANG LDAN PA GZUGS DANG LDAN PA LA DMIGS PA RNAMS LA, GZUGS MED PA DANG LDAN PA LA DMIGS PA RNAMS DANG, 'DOD PA DANG LDAN PA GZUGS MED PA DANG LDAN PA LA DMIGS PA'I PHRA RGYAS GANG DAG YIN PA ZHES 'BYUNG BA'I PHYIR RO, ,GANG GI TSE 'DOD PA'I KHAMS NA GNAS PA TSANGS PA LA SEMS CAN DU LTA BA DANG, RTAG PAR LTA BA SKYED PAR BYED PA DE'I TSE JI LTAR 'JIG CHOGS DANG, MTHAR 'DZIN PAR LTA BSKAL PA MI MNYAM PA'I KHAMS LA DMIGS PA DAG MA YIN ZHE NA, BDAG DANG BDAG GIR MI 'DZIN PA'I PHYIR DANG, MTHAR 'DZIN PAR LTA PA YANG DES KUN NAS BSLANG BA'I PHYIR RO, ,'O NA 'DI LTA BA GANG ZHIG YIN ZHE NA, CHOS MNGON PA PA RNAMS NA RE 'DI NI LTA BA MA YIN GYI 'DI NI LOG PA'I SHES PA YIN NO ZHES ZER RO, ,YANG DE LA DMIGS PA GZHAN DAG NI LTA BA YIN GYI 'DI NI LTA BA MA YIN NO ZHES BYA BA 'DI GA LAS SHE NA, GRUB PA'I MTHA' NI TSAD MAR BYA DGOS SO, ,YANG CI PHRA RGYAS KHO NA KUN DU 'GRO BA DAG YIN NAM ZHE NA, SMRAS PA, MA YIN TE, DE DAG DANG NI LHAN CIG GANG, , 'BYUNG DE 'ANG KUN 'GRO THOB MA GTOGS, ,CHOS GZHAN PHRA RGYAS KUN DU 'GRO BA RNAMS DANG, LHAN CIG 'BYUNG BA GANG DAG YIN PA DE DAG KYANG KUN DU 'GRO BA YIN NO, ,THOB PA RNAMS NI 'BRAS BU DU MA'I PHYIR DE LTA MA YIN NO, ,DE NYID KYI PHYIR PHRA RGYAS KUN DU 'GRO BA DAG YIN LA PHRA RGYAS KUN DU 'GRO BA'I RGYUS RGYU MA YIN PA DAG KYANG YOD CES BYA BA MU BZHIR BYA STE, MU DANG PO 'DI MA 'ONGS PA'I PHRA RGYAS KUN DU 'GRO BA RNAMS SO, ,GNYIS PA NI 'DAS PA DANG DA LTAR BYUNG BA'I LHAN CIG 'BYUNG BA RNAMS SO, ,GSUM PA DANG, BZHI PA DAG NI SBYAR BAR BYA'O, ,PHRA RGYAS DGU BCU RTZA BRGYAD PO DE DAG LAS DU NI ZAG PA DANG BCAS PA LA DMIGS PA DAG YIN NO, ,DU NI ZAG PA MED PA LA DMIGS PA DAG YIN ZHE NA, 'GOG DANG LAM MTHONG SPANG BYA BA, ,LOG LTA THE TSOM DE DAG DANG, ,LDAN DANG 'BA' ZHIG MA RIG PA, ,DRUG NI ZAG MED SPYOD YUL @234B CAN; ,'GOG PA MTHONG BAS SPANG BAR BYA BA'I PHRA RGYAS GSUM PO LOG PAR LTA BA DANG, THE TSOM DANG, DE DAG DANG, MTSUNGS PAR LDAN PA DANG MA 'DRES PA'I MA RIG PA DANG, LAM MTHONG BAS SPANG BAR BYA BA YANG GSUM PO DE DAG NYID DE, DE LTAR NA DRUG PO DE DAG NI ZAG PA MED PA LA DMIGS PA DAG YIN NO, ,LHAG MA RNAMS NI ZAG PA DANG BCAS PA DAG LA DMIGS PA YIN NO ZHES BYA BAR GRUB PO, ,DE LA YANG, RANG GI SA PA'I 'GOG PA DANG, ,LAM NI PHAN TSUN RGYU YIN PAS, ,SA DRUG SA DGU'I LAM NI DE'O, ,SPYOD YUL CAN GYI YUL YIN NO, ,'GOG PA LA DMIGS PA LOG PAR LTA BA LA SOGS PA'I DMIGS PA NI RANG GI SA PA'I 'GOG PA KHO NA YIN TE, 'DOD PA NA SPYOD PA RNAMS KYI YANG 'DOD PA'I KHAMS KYI KHO NA YIN LA, SRID PA'I RTZE MO'I PA RNAMS KYI BAR DU YANG SRID PA'I RTZE MO'I KHO NA YIN NO, ,LAM LA DMIGS PA 'DOD PA NA SPYOD PA RNAMS KYI DMIGS PA NI SA DRUG GI CHOS SHES PA'I PHYOGS DANG MTHUN PA'I LAM THAMS CAD YIN TE, GANG YANG GZUGS DANG GZUGS MED PA'I GNYEN PO YANG YIN NO, ,GZUGS DANG GZUGS MED PA NA SPYOD PAS BRGYAD PO RNAMS KYI DMIGS PA YANGS DGU PA'I RJES SU SHES PA'I PHYOGS DANG MTHUN PA'I LAM THAMS CAD YIN TE, LAM NI PHAN TSUN RGYU YIN PA'I PHYIR RO, ,GAL TE CHOS SHES PA DANG, RJES SU SHES PA DAG KYANG PHAN TSUN RGYU YIN MOD KYI RJES SU SHES PA 'DOD PA'I KHAMS KYI GNYEN PO NI MA YIN PAS LAM LA DMIGS PAS 'DOD PA NA SPYOD PA RNAMS RJES SU SHES PA'I PHYOGS DANG MTHUN PA'I LAM LA NI MI DMIGS SO, ,'O NA NI CHOS SHES PA GZUGS DANG GZUGS MED PA'I GNYEN PO YIN PA NYID KYI PHYIR LAM LA DMIGS PA DE'I SA PA RNAMS KYI DMIGS PAR 'GYUR RO ZHE NA, SDUG BSNGAL DANG KUN 'BYUNG BA LA CHOS SHES PA DAG DE DAG GI GNYEN PO MA YIN PA'I PHYIR DANG MTHA' DAG KYANG GNYEN PO MA YIN LA, MTHONG BAS SPANG BAR BYA BA RNAMS KYI GNYEN PO MA YIN PA'I PHYIR GZUGS DANG GZUGS MED PA MTHA' DAG GI YANG MA YIN TE, DE LTA BAS NA DANG PO MED PA'I PHYIR DANG, DANG PO RNAMS KYI MA YIN PA'I PHYIR DMIGS PA MA YIN NO, ,YANG @235A *, ,CI'I PHYIR 'DOD CHAGS DANG, KHONG KHRO BA DANG, NGA RGYAL DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DAG ZAG PA MED PA LA DMIGS PA DAG TU MI 'DOD CE NA, 'DOD CHAGS MIN TE SPANG BYA'I PHYIR, ,'DOD CHAGS NI SPANG BAR BYA BA YIN NA GAL TE ZAG PA MED PA LA DMIGS PA YIN NA GO SPANG BAR BYA BA MA YIN PAR 'GYUR TE, DGE BA'I CHOS LA 'DUN PA BZHIN NO, ,GNOD MI BYED PHYIR ZHE SDANG MIN, ,GNOD PAR BYED PA'I DNGOS PO LA NI KHONG KHRO BA SKYE NA 'GOG PA DANG LAM DANG NI DE LTA MA YIN NO, ,ZHI DANG DAG DANG MCHOG GYUR PHYIR, ,NGA RGYAL MA YIN MCHOG 'DZIN MIN, ,'GOG PA DANG LAM DAG NI ZHI BA YIN PA'I PHYIR DE DAG GIS KHENGS PAR 'GYUR BA 'ONGS BA YANG MA YIN LA, YANG DAG PA'I DON DU DAG PA YIN PA'I PHYIR DE GNYIS LA DAG PAR 'DZIN PA NI TSUL KHRIMS DANG BRTUL ZHUGS MCHOG TU 'DZIN PA YANG MA YIN NO, ,DMAN PA LA MCHOG TU 'DZIN PA NI LTA BA MCHOG TU 'DZIN PA YIN NA DE GNYIS NI MCHOG KYANG YIN TE, DE LTA BAS NA DE DAG GI DMIGS PA ZAG PA MED PA YIN PAR RIGS PA MA YIN NO, ,PHRA RGYAS DGU BCU RTZA BRGYAD PO DE DAG LAS DU NI DMIGS PA'I SGO NAS RGYAS PAR 'GYUR; DU NI MTSUNGS PAR LDAN PA KHO NA'I SGO NAS RGYAS PAR 'GYUR ZHE NA, PHRA RGYAS KUN DU 'GRO RNAMS NI, ,DMIGS PA'I SGO NAS RANG GIS, ,THAMS CAD DU NI RGYAS PAR 'GYUR, ,KUN 'GRO MA YIN RANG RIS SO, ,PHRA RGYAS GANG DAG KUN DU 'GRO BA DE DAG NI DMIGS PA'I SGO NAS RANG GI SA PA'I RNAM PA LNGA PO THAMS CAD LA YANG RGYAS PAR 'GYUR RO, ,THAMS CAD DU NI 'GRO BA MA YIN PA RNAMS NI DMIGS PA'I SGO NAS RANG GI SAR RANG GI RIS KHO NA LA RGYAS PAR 'GYUR GYI GZHAN DU NI MA YIN TE, 'DI LTA STE, SDUG BSNGAL MTHONG BAS SPANG BAR BYA BA RNAMS KYANG SDUG BSNGAL MTHONG BAS SPANG BAR BYA BA'I RIS KHO NA LA RGYAS PAR 'GYUR LA, DE BZHIN DU BSGOM PAS SPANG BAR BYA BA RNAMS KYANG BSGOM PAS SPANG BAR BYA BA KHO NA LA ? RGYAS BA'I BAR DU 'GYUR GYI, GZHAN DU NI MA YIN NO, ,SPYIR BTANG BAR BYAS NAS DMIGS KYIS STON PAR BYED DE, ZAG MED GONG MA'I YUL @235B CAN MIN, ,ZAG PA MED PA LA DMIGS PA'I PHRA RGYAS RNAMS NI DMIGS PA'I SGO NAS RGYAS PAR MI 'GYUR BA KHO NA YIN LA, SA GONG MA LA DMIGS PA RNAMS KYANG MA YIN NO, ,CI'I PHYIR ZHE NA, DE DAG GI DMIGS PA'I DNGOS PO NI, BDAG GIR MA BYAS GNYEN PO'I PHYIR, ,DNGOS PO GANG ZHIG BDAG TU LTA BA DANG SRED PA DAG GIS BDAG GIR BYAS PA DE LA PHRA RGYAS GZHAN DAG KYANG RGYAS PAR 'GYUR BAR NUS TE, SNAM BU GSHER BA LA RDUL CHAGS PA BZHIN NO, ,ZAG PA MED PA YANG DE LTA MA YIN LA, SA 'OG MA LA YANG MA YIN PAS DE'I PHYIR DE DAG LA DMIGS PA RNAMS NI DE DAG LA RGYAS PAR MI 'GYUR RO, ,GANG ZHIG 'DI NA GNAS PA LAS DE DON DU GNYER BAR BYED PA DE NI MI DGE BA'I CHOS LA 'DUN PA YIN NO, ,MYA NGAN LAS 'DAS PA DANG LAM NI DE DAG LA DMIGS PA'I NYON MONGS PA RNAMS KYI GNYEN POR GYUR PA YIN LA, SA GONG MA YANG 'OG MA RNAMS KYI GNYEN PO YIN PAS DE'I PHYIR YANG DE DAG TU GNAS MI MTHONG STE, RDO BSREG PA LA RKANG MTHIL DAG GI GNAS MI MTHONG BA BZHIN NO, ,GZHAN DAG NA RE PHRA RGYAS KYI DON NI RJES SU MTHUN PA'I DON YIN DE DAG NI DE RNAMS KYI RJES SU MTHUN PA MA YIN TE, RLUNG NAD CAN LA KHA ZAS RTZUB PO RGYAS PAR MI 'GYUR BA BZHIN NO ZHES ZER RO, ,DMIGS PA'I SGO NAS RGYAS PAR 'GYUR BA GANG YIN PA DE NI BSHAD ZIN TO, ,GANG ZHIG GANG DANG MTSUNGS LDAN PA, ,DE NI DER MTSUNGS LDAN SGO NAS, ,RGYAS PAR 'GYUR ZHES BYA BAR SBYAR ? TE, PHRA RGYAS GANG ZHIG CHOS GANG DANG MTSUNGS PAR LDAN PA DE NI DER MTSUNGS PAR LDAN PA'I SGO NAS RGYAS PAR 'GYUR RO, ,NI ZHES BYA BA'I SGRA NI JI SRID DU MA SPANGS BA ZHES BYA BA KHYAD ? PAR DU BYA BA'I PHYIR RO, ,ZAG PA MED PA LA DMIGS PA DE DAG KYANG MA YIN SKAL BA MI MNYAM PA'I KHAMS KUN TU 'GRO BA DAG KYANG MA YIN LA, PHRA RGYAS DE DAG KYANG MTSUNGS PAR LDAN PA'I SGO NAS RGYAS PAR 'GYUR GYI DMIGS PA'I SGO NAS NI MA YIN PA'I PHRA RGYAS DAG LTA YOD DAM ZHE NA, YOD DE, SKAL PA MI MNYAM PA'I SA LA KUN DU 'GRO BA'I PHRA RGYAS RNAMS SO, PHRA RGYAS DGU BCU RTZA BRGYAD PO DE DAG LAS DU NI MI DGE BA YIN, DU NI LUNG DU MA BSTAN PA YIN ZHE NA, @236A *, ,GONG MA THAMS CAD LUNG MA BSTAN, ,RE ZHIG GZUGS DANG GZUGS MED PA NA SPYOD PA THAMS CAD NI LUNG DU MA BSTAN PA KHO NA YIN NO, ,CHOS NYON MONGS PA CAN RNAMS KYI RNAM PAR SMIN PA NI SDUG BSNGAL YIN NA DE YANG DE GNYIS NA MED DE, PHA ROL PO LA YANG GNOD PA'I RGYU MED PA'I PHYIR RO, ,'DOD NA 'JIG TSOGS LTA BA DANG, ,MTHAR 'DZIN LHAN CIG MA RIG PA, ,'DOD PA'I KHAMS NA NI 'JIG TSOGS LA LTA BA DANG, MTHAR 'DZIN PAR LTA BA DANG, DE DAG DANG MTSUNGS PAR LDAN PA'I MA RIG PA LUNG DU MA BSTAN PA YIN NO, ,CI'I PHYIR ZHE NA, SBYIN PA LA SOGS PA DANG MI 'GAL BA'I PHYIR DANG, BDAG 'JIG RTEN PHA ROL DU BDE BAR 'GYUR BAR BYA'O ZHES SBYIN PAR BYED, ,TSUL KHRIMS SRUNG BAR BYED DO, ,CHAD PAR LTA BA YANG THAR BA'I RJES SU MTHUN PA DAG YIN TE, DE NYID KYI PHYIR BCOM LDAN 'DAS KYIS, PHYI ROL PA'I LTA BAR GYUR PA RNAMS KYI NANG NA NI 'DI LTA STE, BDAG MED PAR GYUR CIG ,BDAG GI MED PAR GYUR CIG ,BDAG 'BYUNG BAR MA GYUR CIG ,BDAG GI 'BYUNG BAR MA GYUR CIG CES BYA BA'I LTA BA 'DI MCHOG YIN NO ZHES GSUNGS SO, ,GZHAN YANG LTA BA 'DI GNYIS NI RANG GI RDZAS LA KUN DU RMONGS PA'I PHYIR DANG, PHA ROL PO LA GNOD PA'I RNAM PAR ZHUGS PA MA YIN PA'I PHYIR RO, ,MTHO RIS LA SRED PA DANG, NGA'O SNYAM PA'I NGA RGYAL DAG KYANG DE LTAR THAL BAR 'GYUR RO, ,SNGON GYI SLOB DPON RNAMS NA RE, LHAN CIG SKYES PA'I 'JIG TSOGS LA LTA BA RI DAGS DANG BYA RNAMS LA YANG YOD PA GANG YIN PA NI LUNG DU MA BSTAN PA YIN NO, ,RNAM PAR BRTAG PA NI MI DGE BA YIN NO ZHES ZER RO, ,LHAG MA RNAMS 'DIR MI DGE BA'O, ,PHRA RGYAS LHAG MA RNAMS NI 'DOD PA'I KHAMS NA MI DGE BA DAG YIN NO, ,DU NI MI DGE BA'I RTZA BA DAG YIN, ,DU NI MA YIN ZHE NA, 'DOD NA 'DOD CHAGS KHONG KHRO DANG, , RMONGS RNAMS MI DGE'I RTZA BA YIN, ,'DOD PA'I KHAMS NA 'DOD CHAGS THAMS CAD DANG, KHONG KHRO BA THAMS CAD DANG, 'JIG TSOGS DANG, MTHAR 'DZIN PAR LTA BA DANG, MTSUNGS PAR LDAN PA MA GTOGS PA'I RMONGS PA THAMS CAD NI GO RIMS BZHIN DU MI DGE BA'I RTZA BA GSUM PA CHAGS @236B PA MI DGE BA'I RTZA BA DANG, ZHE SDANG MI DGE BA'I RTZA BA DANG, GTI MUG MI DGE BA'I RTZA BA YIN TE, GANG ZHIG MI DGE BA YANG YIN LA MI DGE BA'I RTZA BA YANG YIN PA DE KHO NA MI DGE BA'I RTZA BA YIN PAR 'DOD DO, ,PHRA RGYAS LHAG MA RNAMS NI MI DGE BA'I RTZA BA DAG MA YIN NO ZHES BYA BAR GRUB BO, ,DU NI LUNG DU MA BSTAN PA'I RTZA BA DAG YIN, DU NI MA YIN ZHE NA, LUNG MA BSTAN PA'I RTZA BA GSUM, ,GSUM PO GANG DAG CE NA, DE NI SRED DANG MA RIG BLO, ,DE ZHES BYA BA NI LUNG DU MA BSTAN PA YIN PAR STON TE, KHA CHE BA RNAMS NA RE SRED PA DANG MA RIG PA DANG SHES RAB THA NA RNAM PAR SMIN PA LAS SKYES PA YANG RUNG STE, GANG CUNG ZAD LUNG DU MA BSTAN PA DE THAMS CAD NI LUNG DU MA BSTAN PA DE RTZA BA DAG KYANG YIN NO ZHES ZER RO, ,RNAM GNYIS MTHOR 'JUG PHYIR DE LAS, ,GZHAN MIN, THE TSOM NI RNAM PA GNYIS NYID DU 'JUG PA'I PHYIR RTZA BAR 'ONG BA MA YIN TE, GA-YO BA'I PHYIR RO, ,NGA RGYAL NI KHENGS PA'I MTSAN NYID KYIS MTHON POR 'JUG PA'I PHYIR MA YIN TE, RTZA BA DANG CHOS MI MTHUN PA'I PHYIR RO, ,'JIG RTEN NA RTZA BA RNAMS NI BRTAN PA DANG, 'OG NA GNAS PA DAG YIN PAR MTHONG NGO ZHES GRAG GO , ,BZHI ZHES NYI 'OG PA, NYI 'OG PA RNAMS NI LUNG DU MA BSTAN PA'I RTZA BA BZHIR 'DOD DE, DE DAG SRED LTA NGA RGYAL RMONGS, ,DE DAG CES BYA BA NI LUNG DU MA BSTAN PA DAG CES BYA BAR STON TE, LUNG DU MA BSTAN PA'I SRED PA DANG, LTA BA DANG, NGA RGYAL DANG, MA RIG PA'O, ,CI'I PHYIR DE DAG KHO NA LUNG DU MA BSTAN PA'I RTZA BA RNAMS SU 'DOD CE NA, BSAM GTAN PA GSUM MA RIG LAS, ,'DI LTAR BSAM GTAN PA NI GSUM STE, SRED PA DANG, LTA BA DANG, NGA RGYAL SHAS CHE BA'I BSAM GTAN PA DAG YIN LA, DE DAG KYANG MA RIG PA'I DBANG GIS 'GYUR RO, ,MDO LAS LUNG DU MA BSTAN PA'I DNGOS PO BCU BZHI GSUNGS PA CI DE DAG LUNG DU MA BSTAN PA'I PHYIR YIN NAM, SMRAS PA MA YIN NO, ,'O NA JI LTA BU YIN ZHE NA, GZHAG PAR BYA BA'I DRI BA LA LUNG DU MA BSTAN PA ZHES BSHAD DO, ,'DRI BA NI RNAM PA BZHI STE, MGO GCIG TU LUNG BSTAN PAR BYA BA DANG, RNAM PAR PHYE NAS LUNG BSTAN PAR BYA BA @237A *, ,DANG; DRIS NAS LUNG BSTAN PAR BYA BA DANG GZHAG PAR BYA BA'O, ,DE LA GO RIMS BZHIN DU, MGO GCIG DANG NI RNAM PHYE DANG, ,DRI DANG GZHAG PAR LUNG BSTAN PA, ,'CHI DANG SKYE DANG KHYAD PAR 'PHAGS, ,BDAG GZHAN LA SOGS LTA BU YIN, ,BAR RIG PAR BYA STE; CI SEMS CAN THAMS CAD 'CHI BAR 'GYUR RAM ZHES 'DRI NA, 'CHI BAR 'GYUR RO ZHES MGO GCIG TU LUNG BSTAN PAR BYA'O, ,CI SEMS CAN THAMS CAD SKYE BAR 'GYUR RAM ZHES 'DRI NA, NYON MONGS PA DANG BCAS PA RNAMS NI SKYE BAR 'GYUR GYI NYON MONGS PA MED PA RNAMS NI MA YIN NO ZHES RNAM PAR PHYE STE LUNG BSTAN PAR BYA'O, ,CI MI 'DI KHYAD PAR DU 'PHAGS PA YIN NAM DMAN PA YIN ZHES 'DRI NA, GANG LAS LTOS TE 'DRI ZHES DRIS NAS LUNG BSTAN PAR BYA STE, GAL TE LHA RNAMS LA LTOS TE'O ZHES ZER NA NI DMAN NO ZHES LUNG BSTAN PAR BYA'O, ,'ON TE NGAN SONG RNAMS LAS LTOS TE'O ZHES ZER NA NI KHYAD PAR DU 'PHAGS SO ZHES LUNG BSTAN PAR BYA'O, ,CI PHUNG PO RNAMS LAS SEMS CAN GZHAN NAM GZHAN MA YIN ZHES 'DRI NA, SEMS CAN GYI RDZAS MED PA'I PHYIR GZHAG PAR BYA STE, MO GSHAM GYI BU SNGO BSANGS SAM DKAR SHAM ZHES BYA BA BZHIN NO, ,'DI JI LTAR NA LUNG MA BSTAN PA YIN ZHE NA, DE NI LUNG MA BSTAN NO ZHES DE LTA BUR LUNG DU BSTAN PA'I PHYIR RO, ,GZHAN DAG NA RE THAMS CAD SKYE BAR MI 'GYUR RO ZHES BYA BA 'DI YANG MGO GCIG TU LUNG BSTAN PAR BYA BA YIN NO ZHES ZER RO, ,GANG ZHIG CI GANG DAG 'CHI BAR 'GYUR BA DE DAG SKYE BAR 'GYUR RAM ZHES 'DRI BA DE LA NI RNAM PAR PHYE STE LUNG BSTAN PAR BYA BA YIN NO, ,MI LA YANG DMAN PA DANG KHYAD PAR DU 'PHAGS PA GNYI GA YOD DE, LTOS PA YIN PAS MGO GCIG TU GNYIS KAR LUNG BSTAN PAR BYA DGOS TE, DPER NA RNAM PAR SHES PA NI RGYU YANG YIN LA 'BRAS BU YANG YIN PA BZHIN NO, ,GCIG TU 'DRI BA LA GCIG TU LUNG BSTAN DU MI RUNG BAS RNAM PAR PHYE STE LUNG BSTAN PAR RIGS SO, ,PHUNG PO DAG LAS SEMS CAN GZHAN NAM ZHES 'DRI BA 'DI NI LUNG DU MA BSTAN PA KHO NA YIN TE, LUNG DU MA @237B BSTAN PA KHO NA NI LUNG BSTAN PAR MI RUNG BA'O, ,GZHAG PAR BYA BA'I 'DRI BA GANG YIN PA GZHAG PAR BYA BA NYID DU LUNG STON PA DE JI LTAR NA LUNG DU MA BSTAN PA YIN, CHOS MNGON PA RNAMS NA RE BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DANG; DE'I LEGS PAR BSHAD PA'I CHOS DANG, NYAN THOS KYI DGE 'DUN LEGS PAR ZHUGS PA DANG, GZUGS MI RTAG PA NAS RNAM PAR SHES PA'I BAR MI RTAG PA DANG, SDUG BSNGAL GDAGS PA NAS LAM GDAGS PA'I BAR NI DON DANG LDAN PA YIN PA'I PHYIR, MGO GCIG TU LUNG BSTAN PAR BYA'O, ,RNAM PAR PHYE STE LUNG BSTAN PA ZHES BYA BA NI GAL TE 'GA' ZHIG CHOS DAG SMROS SHIG CES ZER NA, DE LA 'DAS PA DAG DANG, MA 'ONGS PA DAG DANG, DA LTAR BYUNG BA DAG DANG, CHOS MANG PO ZHIG YOD NA GANG DAG SMRA BAR BYA ZHES BRJOD PAR BYA'O, ,GAL TE 'DAS PA DAG SMROS SHIG CES ZER NA, DE LA 'DAS PA RNAMS LA YANG GZUGS NAS RNAM PAR SHES PA'I BAR DU MANG DU YOD NA ZHES BRJOD PAR BYA'O, 'ON TE GZUGS SMROS SHIG CES ZER NA, GZUGS LA YANG DGE BA DANG, MI DGE BA DANG, LUNG DU MA BSTAN PA RNAM PA GSUM YOD NA ZHES BRJOD PAR BYA'O, ,GAL TE DGE BA SMROS SHIG CES ZER NA, DE LA YANG SROG GCOD PA SPONG BA NAS TSIG KYAL PA LAS SPONG BA'I BAR DU RNAM PA BDUN YOD DO ZHES BRJOD PAR BYA'O, ,GAL TE SROG GCOD PA LAS SPONG BA SMROS SHIG ZER NA, DE LA YANG MA CHAGS PA DANG, ZHE SDANG MED PA DANG, GTI MUG MED PA LAS SKYES PA DANG RNAM PA GSUM YOD LA MA CHAGS PA LAS SKYES PA LA YANG RNAM PAR RIG BYED DANG, RNAM PAR RIG BYED MA YIN PA'I BYE BRAG GIS RNAM PA GNYIS YOD NA ZHES BYA BA DE LTA BU LA SOGS PA RNAM PAR PHYE STE BRJOD PAR BYA BA YIN NO, , GA-YON CAN GYI 'DRI BA LA LUNG BSTAN PA YANG DE NYID YIN TE, DE LA NI CHOS MANG PO ZHIG YOD NA ZHES BRJOD PAR BYA'I RNAM PAR DBYE BAR NI MI BYA STE, CANG MI SMRA BA'AM, BDAG NYID LUNG STON DU GZHUG CES BYA BA'I THA TSIG GO ZHES ZER RO, ,GANG GI TSE DE GNYIS CUNG ZAD KYANG MI 'DRA BA'I @238A *, ,GSOL BA 'DEBS PA 'BA' ZHIG TU ZAD LA, DE GNYIS LA YANG CUNG ZAD KYANG LUNG MI STON GYI 'DRI BA 'BA' ZHIG ZAD NA DE JI LTAR NA DE GNYIS KYI 'DRI BA YIN, JI LTAR NA LUNG DU STON PA YIN, GANG ZHIG LAM SMROS SHIG CES ZER NA, CI DES LAM MA DRIS PA YIN NAM, DRI BA NYID KYIS DE LUNG BSTAN PA'I PHYIR JI LTAR DRIS NAS LUNG BSTAN PA MA YIN, GZHAG PAR BYA BA NI DPER NA 'JIG RTEN MTHA' YOD PA ZHIG GAM, MTHA' MED PA ZHIG CES BYA BA DE LTA BU LA SOGS PA'O, ,DRI BA LUNG BSTAN PA RNAMS KYI MTSAN 'DI NI MDO KHO NA LAS BLTA BAR BYA STE, BTZUN PA DGE , 'DUN PHAL CHEN SDE PA RNAMS DGE SLONG DAG BZHI PO 'DI DAG NI, DRI BA LUNG DU BSTAN PA DAG YIN TE, BZHI GANG ZHE NA, DGE SLONG DAG MGO GCIG TU LUNG DU BSTAN PAR BYA BA'I DRI BA YANG YOD, GZHAG PAR BYA BA'I BAR DU YANG YOD DO, DGE SLONG DAG MGO GCIG TU LUNG BSTAN PAR BYA BA'I 'DRI BA GANG ZHE NA, 'DU BYED THAMS CAD MI RTAG PA YIN NAM ZHES 'DRI BA 'DI NI, DGE SLONG DAG MGO GCIG TU LUNG BSTAN PAR BYA BA'I DRI BA YIN NO, ,DGE SLONG DAG RNAM PAR PHYE STE, LUNG BSTAN PAR BYA BA'I 'DRI BA GANG ZHE NA, CHED DU BSAM PAR BYA BA'I LAS BYAS NAS CI ZHIG SO SOR YANG DAG PAR MYONG BAR 'GYUR ZHE NA, 'DRI BA 'DI NI DGE SLONG DAG MGO RNAM PAR PHYE STE, LUNG BSTAN PAR BYA BA'I 'DRI BA YIN NO, ,DGE SLONG DAG DRIS NAS LUNG BSTAN PAR BYA BA'I DRI BA GANG ZHE NA, 'DU SHES SKYES BU BDAG NYID YIN NAM, 'ON TE 'DU SHES KYANG GZHAN ZHIG LA, BDAG KYANG GZHAN ZHIG YIN ZHES DRIS NA, TSE DANG LDAN PA BDAG GANG YIN PAR YID CHES ZHES 'DRI BAR BYA'O, ,GAL TE 'DI SKAD DU TSE DANG LDAN PA BDAG GIS NI RIG PA BDAG YIN PAR SHES SO ZHES ZER NA, DE LTA YIN NA 'DI SKAD DU 'DU SHES KYANG GZHAN LA BDAG KYANG GZHAN YIN NO ZHES BRJOD PAR BYA STE, 'DI NI DGE SLONG DAG DRIS NAS LUNG BSTAN PAR BYA BA'I DRI BA 'DI YIN NO, ,DGE SLONG DAG GZHAG PAR BYA BA'I 'DRI BA GANG ZHE NA, DPER NA 'JIG RTEN RTAG PA ZHIG GAM, MI RTAG PA ZHIG GAM, RTAG KYANG RTAG LA MI RTAG KYANG MI RTAG PA ZHIG GAM, RTAG PA YANG MA YIN MI RTAG @238B PA YANG MA YIN PA ZHIG GAM, MTHA' YOD PA ZHIG GAM, MTHA' YOD PA MA YIN PA ZHIG GAM, MTHA' YOD KYANG YOD LA MTHA' MED KYANG MED PA ZHIG GAM, MTHA' YOD PA YANG MA YIN MTHA' MED PA YANG MA YIN PA ZHIG GAM, DE BZHIN 'ONGS PA SHI NAS YOD PA ZHIG GAM ZHES BYA BA NAS SROG KYANG GZHAN LA LUS KYANG GZHAN ZHIG GAM ZHES BYA BA'I BAR DU 'DRI BA LTA BU STE, 'DI NI DGE SLONG DAG GZHAG PAR BYA BA'I 'DRI BA YIN NO ZHES 'DON TO, GANG ZAG GANG GI PHRA RGYAS GANG ZHIG DMIGS PA GANG LA RGYAS PAR 'GYUR BA 'DI NI DES DE DANG LDAN PA YIN NO, 'DAS PAS NI GANG DANG LDAN PA ZHES BYA BA NAS DA LTAR BYUNG BAS NI GANG DANG LDAN ZHES BYA BA'I BAR 'DI BRJOD PAR BYA STE, MDOR BSDU NA NYON MONGS PA NI RNAM PA 'DI GNYIS TE, RANG GI MTSAN NYID PA'I NYON MONGS PA NI 'DOD CHAGS DANG, KHONG KHRO BA DANG NGA RGYAL RNAMS SO, ,NYON MONGS PA SPYI PA NI LTA BA DANG, THE TSOM DANG MA RIG PA RNAMS SO, ,DE LA RE ZHIG ,'DAS DANG NYER GNAS 'DOD CHAGS DANG, ,KHONG KHRO NGA RGYAL DAG GIS NI, ,GANG LA DE SKYES MA SPANGS PA'I, ,DNGOS PO DA DANG LDAN PA YIN, ,DNGOS PO GANG LA 'DAS PA DANG DA LTAR BYUNG BA'I 'DOD CHAGS DANG, KHONG KHRO BA DANG, NGA RGYAL RNAMS SKYES LA MA SPANGS PA DE DAG GI DNGOS PO DE DANG LDAN TE, DE DAG NI RANG GI MTSAN NYID PA'I NYON MONGS PA YIN PA'I PHYIR GDON MI ZA BAR THAMS CAD LA THAMS CAD DU 'BYUNG BA MA YIN NO, ,NYID KYIS DE DAG MA 'ONGS PAS, ,KUN DANG, GANG LA MA SPANGS PA DE DAG CES BYA BAR SBYAR TE, YID KYI SA PA'I 'DOD CHAGS DANG, KHONG KHRO BA DANG, NGA RGYAL MA 'ONGS PA DE DAG NYID KYIS DUS GSUM PA'I DNGOS PO THAMS CAD DANG LDAN TE, YID DAG GI YUL NI DUS GSUM PA YIN PA'I PHYIR RO, ,GZHAN GYIS RANG DUS PA, 'DOD CHAGS DANG KHONG KHRO BA GZHAN DAG GIS NI MA 'ONGS PA'I DNGOS PO KHO NA DANG LDAN NO, ,GZHAN YANG GANG DAG YIN ZHE NA, GANG GI RNAM PAR SHES PA'I TSOGS LNGA PO'I 'DOD CHAGS DANG, KHONG KHRO BA STE, SKYE BA'I CHOS CAN RNAMS KYI NI DE LTA BU YIN NO, ,DE DAG NYID, MI SKYE RNAMS KYIS THAMS CAD DANG, ,MI SKYE BA'I CHOS CAN RNAMS KYIS RNAM PAR SHES PA'I TSOGS @239A *, ,LNGA PO DAG GIS KYANG DUS GSUM PA'I DNGOS PO THAMS CAD DANG LDAN NO, ,LHAG MA KUN GYI KUN DANG LDAN, ,LHAG MA YANG GANG DAG CIG YIN ZHE NA, LTA BA DANG, THE TSOM DANG, MA RIG PA RNAMS TE, NYON MONGS PA SPYI DANG LDAN PA YIN PA'I PHYIR DUS GSUM PA'I DNGOS PO MED PA'I DNGOS PO THAMS CAD LDAN NO, JI SRID DU MA SPANGS PA ZHES BYA BA'I DBANG DU BYAS PA KHO NA YIN NO, ,CI 'DAS PA DANG, MA 'ONGS PA'I DNGOS PO RDZAS SU YOD DAM, 'ON TE MED, GAL TE YOD NA NI DUS THAMS CAD DU YOD PA'I PHYIR 'DU BYED RNAMS RTAG PA NYID DU 'GYUR RO, ,'ON TE MED NA NI JI LTAR NA DE DANG DAM, DES LDAN PA'AM BRAL BA YIN ZHE NA, BYE BRAG TU SMRA BA RNAMS NI 'DUS BYAS KYI MTSAN NYID DANG LDAN PA'I PHYIR 'DUS BYAS RNAMS RTAG PA NYID DU DAM MI 'CHA'O, ,DUS RNAMS KUN DU YOD PAR NI GSAL BAR DAM 'CHA'O, ,CI'I PHYIR ZHE NA, GSUNGS PHYIR BCOM LDAN 'DAS KYIS DGE SLONG DAG GAL TE 'DAS PA'I GZUGS SHIG YOD PAR MA GYUR NA 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BAR YANG MI 'GYUR BA ZHIG NA, GANG GI PHYIR 'DAS PA'I GZUGS YOD PA DE'I PHYIR 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BA YIN NO, ,GAL TE MA 'ONGS PA'I GZUGS SHIG YOD PAR MA GYUR NA 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR DGA' BA MED PAR YANG MI 'GYUR BA ZHIG NA, GANG GI PHYIR MA 'ONGS PA'I GZUGS YOD PA ZHES RGYAS PAR GSUNGS SO, ,GNYIS PHYIR, RNAM PAR SHES PA NI GNYIS LA BRTEN NAS SKYE'O ZHES GSUNGS PA, GNYIS GANG ZHE NA, MIG DANG GZUGS RNAMS NAS YID DANG CHOS RNAMS KYI BAR YIN TE, 'DAS PA DANG MA 'ONGS PA DAG MED NA DE LA DMIGS PA'I RNAM PAR SHES PA GNYIS LA BRTEN PAR MI 'GYUR RO, ,RE ZHIG LUNG LAS 'DAS PA DANG MA 'ONGS PA YOD PA NI DE LTA BU YIN NO, RIGS PAS KYANG, YUL YOD PHYIR, YUL YOD NA RNAM PAR SHES PA SKYE BAR 'GYUR GYI MED PAR NI MA YIN NO, ,GAL TE 'DAS PA DANG MA 'ONGS PA MED NA NI DMIGS PA MED PA'I RNAM @239B PAR 'GYUR TE, DE BAS NA DMIGS PA MED PA'I PHYIR RNAM PAR SHES PA NYID DU YANG MI 'GYUR RO, ,'BRAS PHYIR, GAL TE 'DAS PA ZHAG MED NA TSE PHYI MA LA LAS DGE BA DANG MI DGE BA'I 'BRAS BUR YANG JI LTAR 'GYUR TE, 'BRAS BU BSKYED PA'I TSE NI DA LTAR GYI RNAM PAR SMIN PA'I RGYU NI MED DO; ,DE LTA BAS NA BYE BRAG TU SMRA BA RNAMS NI 'DAS PA DANG MA 'ONGS PA YOD PA KHO NA'O ZHES ZER RO, ,THAMS CAD YOD PAR SMRA BA YIN PHAN CHAD GDON MI ZA BAR 'DI KHAS BLANG BAR BYA DGOS SO ZHES GRAGS TE, 'DI LTAR, DE YOD SMRA BA'I PHYIR THAMS CAD, ,YOD PAR SMRA BAR 'DOD, GANG DAG 'DAS PA DANG MA 'ONGS PA DANG DA LTAR BYUNG BA THAMS CAD YOD PAR SMRA BA DE DAG GI THAMS CAD YOD PAR SMRA BA YIN GYI, GANG DAG DA LTAR BYUNG BA DANG 'BRAS BU MA BSKYED PA'I LAS 'DAS PA GANG YIN PA CUNG ZAD CIG NI YOD, MA 'ONGS PA DANG 'BRAS BU BSKYED ZIN PA'I 'DAS PA GANG YIN PA CUNG ZAD CIG NI MED DO ZHES RNAM PAR PHYE STE SMRA BA DE DAG NI RNAM PAR PHYE STE SMRA BA DAG YIN NO, ,THAMS CAD YOD PAR SMRA BA DE DAG KYANG DU ZHIG CE NA, SMRAS PA, DE DAG ,RNAM BZHI DNGOS DANG MTSAN NYID DANG, ,GNAS SKABS GZHAN GZHAN 'GYUR ZHES BYA, ,DNGOS PO GZHAN DU 'GYUR BA PA NI, BTZUN PA CHOS SKYOB YIN TE, DE NA RE CHOS ? DUS RNAMS SU 'JUG PA NA DNGOS PO GZHAN DU 'GYUR GYI RDZAS GZHAN DU 'GYUR BA NI MA YIN TE, DPER NA GSER GYI SNOD BCOM NAS GZHAN DU BYED PA NA, DBYIBS GZHAN DU 'GYUR GYI KHA DOG GZHAN DU 'GYUR BA NI MA YIN PA DANG, YANG DPER NA 'O MA ZHO NYID DU 'GYUR BA NA RO DANG MTHU DANG SMIN PAR BYED PA DAG ,YONGS SU 'DOR GYI KHA DOG NI MA YIN PA DE BZHIN DU CHOS KYANG MA 'ONGS PA'I DUS NAS DA LTAR BYUNG BA'I DUS SU 'ONGS PA NA MA 'ONGS PA'I DNGOS PO 'DOR GYI RDZAS KYI DNGOS PO NI MA YIN NO, ,DE BZHIN DU DA LTAR BYUNG BA NAS 'DAS PA'I DUS SU 'GRO BA NA DA LTAR BYUNG BA'I DNGOS PO 'DOR GYI, RDZAS KYI DNGOS PO NI MA YIN NO ZHES ZER RO ZHES GRAG GO , ,MTSAN NYID GZHAN DU 'GYUR BA PA NI BTZUN PA DBYANGS SGROGS YIN TE, DE NA RE CHOS DUS RNAMS SU 'JUG PA NA 'DAS PA NA @240A *, ,'DAS PA'I MTSAN NYID DANG LDAN LA MA 'ONGS PA DANG DA LTAR BYUNG BA'I MTSAN NYID DAG NI MI LDAN PA MA YIN NO, ,MA 'ONGS PA NI MA 'ONGS PA'I MTSAN NYID DANG LDAN PA LA 'DAS PA DA LTAR BYUNG BA DAG NI MI LDAN PA MA YIN NO, ,DE BZHIN DU DA LTAR BYUNG BA YANG 'DAS PA DANG MA 'ONGS PA DAG DANG MI LDAN PA MA YIN TE, DPER NA SKYES BU BUD MED DAG CIG LA CHAGS PA LHAG MA RNAMS LA 'DOD CHAGS DANG BRAL BA MA YIN PA BZHIN NO ZHES ZER RO ZHES GRAG GO , ,GNAS SKABS GZHAN DU 'GYUR BA PA NI BTZUN PA DBYIG BSHES YIN TE, DE NA RE CHOS DUS RNAMS SU 'JUG PA NA GNAS SKABS DANG GNAS SKABS SU PHYIN NAS GNAS SKABS GZHAN GYI SGO NAS GZHAN DANG GZHAN ZHES STON GYI RDZAS GZHAN GYI SGO NAS NI MA YIN TE, DPER NA RI LU GCIG GCIG GI SHAD MIG TU GZHAG NA GCIG CES BYA, BRGYA'I SHOD MIG TU GZHAG NA BRGYA, STONG GI SHOD MIG TU GZHAG NA STONG ZHES BYA BA BZHIN NO ZHES ZER RO ZHES GRAG GO , ,GZHAN DANG GZHAN DU 'GYUR BA NI BTZUN PA SANGS RGYAS LHA YIN TE, DE NA RE CHOS DUS RNAMS SU 'DRUG PA NA SNGA MA DANG PHYI MA LA LTOS NAS GZHAN DANG GZHAN ZHES BRJAD DE, DPER NA BUD MED GCIG LA MA ZHES KYANG BYA; BU MO ZHES KYANG BYA BA BZHIN NO ZHES ZER RO ZHES GRAG STE, DE LTAR NA BZHI PO DE DAG NI THAMS CAD YOD PAR SMRA BA DAG YIN NO, ,DE DAG LAS DANG PO NI YONGS SU 'GYUR BAR SMRA BA'I PHYIR GRANGS CAN GYI PHYOGS LA BSLAN PAR BYA'O, ,GNYIS PA'I YANG THAMS CAD LA MTSAN NYID THAMS CAD DANG LDAN PA'I PHYIR DUS 'CHOL BAR 'GYUR TE, SKYES BU ZHIG BUD MED LA LA LA NI 'DOD CHAGS KUN DU 'BYUNG LA, LA LA LA NI LDAN PA 'BA' ZHIG GO ZHES BYA BA 'DIR CI ZHIG MTSUNGS, BZHI PA'I YANG DUS GCIG LA DUS GSUM CHAR DU 'GYUR TE, 'DAS PA'I DUS LA SNGA MA DANG PHYI MA'I SKAD CIG MA DAG NI 'DAS PA DANG MA 'ONGS PA YIN LA, DBUS KYI SKAD CIG MA NI DA LTAR BYUNG BAR 'GYUR RO, ,DE LTA BAS NA DE DAG THAMS CAD KYI NANG NA, GSUM PA BZANG STE, GNAS SKABS GZHAN DU 'GYUR BA GANG YIN PA'O, ,DE YIS NI, BYA BA YIS, DUS @240B RNAMS RNAM GZHAG GANG GI TSE CHOS DE BYA BA MI BYED PA DE'I TSE MA 'ONGS PA YIN LA, GANG GI TSE BYED PA DE'I TSE NI DA LTAR BYUNG BA YIN, GANG GI TSE BYAS NAS 'GAGS PA DE'I TSE NI 'DAS PA YIN NO ZHES GRAG GO , ,DE DAG THAMS CAD NI YONGS SU GO NA GAL TE 'DAS PA YANG RDZAS SU YOD ? LA MA 'ONGS PA YANG RDZAS SU YONG ? NA, CI'I PHYIR 'DAS PA'AM MA 'ONGS PA ZHES BYA BA BRJOD PAR BYA DGOS SO, ,BYA BA YIS, DUS RNAMS RNAM GZHAG CES BSHAD PA MA YIN NAM, GAL TE KHYIM DE LTA NA DA LTAR BYUNG BA'I MIG DE DANG 'DRA BA'I BYA BA GANG ZHIG YIN, 'BRAS BU 'PHYIN PA DANG 'DZIN PA YIN NO, ,'O NA NI SKAL BA MNYAM PA'I RGYU LA SOGS PA 'DAS PA RNAMS KYANG 'BRAS BU 'BYIN PA'I PHYIR BYA BA'AM BYA BA BYED DU THAL BAR 'GYUR BAS MTSAN NYID 'CHOL BAR 'GYUR RO, ,'DI YANG BRJOD PAR BYA DGOS TE, GAL TE CHOS DE'I BDAG NYID KHO NAR YOD NA RTAG TU BYA BA BYED PA LA, BGEGS SU BYED, GANG GIS NA RES 'GA' NI BYA BA BYED LA RES 'GA' NI MA YIN ZHES BYA, GAL TE RKYEN RNAMS MA TSOGS PA YIN NO ZHE NA, MI RUNG STE, RTAG TU YOD PA NYID DU KHAS BLANGS PA'I PHYIR RO, ,BYA BA 'DAS PA DANG MA 'ONGS PA DANG DA LTAR BYUNG BA ZHES BYA BA GANG YIN PA, DE YANG JI LTAR, BYA BA LA YANG BYA BA GZHAN ZHIG YOD DAM CI, 'ON TE DE 'DAS PA YANG MA YIN, MA 'ONGS PA YANG MA YIN DA LTAR BYUNG BA YANG MA YIN LA, YOD PA YANG YIN NA NI DES NA 'DUS MA BYAS YIN PAS RTAG TU YOD DO ZHES BYA BAR 'GYUR TE, DE'I PHYIR GANG GI TSE CHOS BYA BA MI BYED PA DE'I TSE MA 'ONGS PA YIN NO ZHES BRJOD PAR MI BYA'O, GAL TE CHOS LAS BYA BA GZHAN ZHIG YIN NA NI SKYON DER YANG 'GYUR BA ZHIG NA DE NI GZHAN MA YIN TE, DE'I PHYIR SKYON DER MI 'GYUR RO, ,DE LTA NA NI 'O NA DE NYID DUS SU MI RUNG STE, GAL TE CHOS KHO NA BYA BA YIN NA CHOS DE DE'I BDAG NYID KHO NAR YOD BZHIN DU CI'I PHYIR RES 'GA' NI 'DAS PA ZHES BYA, RES 'GA' NI MA 'ONGS PA ZHES BYA STE, DUS RNAM PAR GZHAG PA MI 'GRUB BO, ,CHOS GANG MA SKYES PA DE NI MA 'ONGS PA YIN NO, ,GANG SKYES LA MA ZHIG PA DE NI DA LTAR @241A *, ,BYUNG BA YIN NO, ,GANG ZHIG PA DE NI 'DAS PA YIN NO ZHES BYA BA 'DI LA MI 'GRUB PA CI ZHIG YOD, 'DIR DE NYID BRJOD PAR BYA DGOS TE, GAL TE JI LTAR DA LTAR GYI RDZAS SU YOD PA DE BZHIN DU, 'DAS PA DANG MA 'ONGS PA LA YANG YOD NA NI, DE BZHIN DU, YOD NA CI'I PHYIR MA SKYES SHIG ,CHOS DE'I RANG GI NGO BO KHO NAR YOD NA NI JI LTAR NA MA SKYES PA ZHES BYA BA'AM, ZHIG PA ZHES BYA BA 'DI 'GRUB PAR 'GYUR, GANG ZHIG MED PAS MA SKYES PA ZHES BYA BA NI SNGON CI ZHIG MA BYUNG BAR 'GYUR, GANG ZHIG MED PAS ZHIG PA ZHES BYA BA YANG PHYIS CI ZHIG MED DE, DE LTA BAS NA GAL TE MA BYUNG BA LAS BYUNG BA DANG, BYUNG NAS KYANG YANG MI 'BYUNG BAR MI 'DOD PHAN CHAD DUS GSUM RNAM PA THAMS CAD DU MI 'GRUB BO, ,GANG YANG 'DU BYED KYI MTSAN NYID DANG LDAN PA'I PHYIR RTAG PA NYID DU THAL BAR MI 'GYUR RO ZHES SMRAS PA DE YANG SKYE BA DANG, 'JIG PA DAG MI RUNG BA'I PHYIR TSIG TZAM STE, CHOS DE RTAG PA YANG YOD LA MI RTAG PA YANG YIN NO ZHES BYA BA'I TSIG GI LUGS 'DI NI SNGON MA BYUNG BA YIN NO, ,YANG SMRAS PA, RANG BZHIN YANG NI RTAG TU YOD, ,DNGOS PO YANG NI RTAG MI 'DOD, ,RANG BZHIN LAS KYANG DNGOS MI GZHAN, ,DBANG PHYUG THA SNYAD YIN PAR GSAL, ,GANG YANG GSUNGS PHYIR ZHES SMRAS PA, ,KHO BO CAG KYANG 'DAS PA DANG MA 'ONGS PA YOD DO ZHES SMRAS TE, SNGON BYUNG BA GANG YIN PA DE NI 'DAS PA YIN LA, RKYEN YOD NA 'BYUNG BAR 'GYUR BA GANG YIN PA DE NI MA 'ONGS PA YIN NO ZHES DE LTAR BYAS NAS YOD DE ZHES BYA'I, RDZAS SU NI MA YIN NO, DA LTAR BZHIN DU YOD DO ZHES DE SKAD DU ZER, GZHAN DU NA JI LTAR YOD, 'DAS PA DANG MA 'ONGS PA'I BDAG NYID DU YOD MOD, GAL TE RTAG TU YOD NA DE JI LTAR 'DAS PA DANG MA 'ONGS PA ZHES BYA BA DE NYID NYE BAR GNAS SO, DE LTA BAS NA BCOM LDAN 'DAS KYIS RGYU DANG 'BRAS BU LA SKUR PA 'DEBS PA'I LTA BA DGAG PA'I PHYIR SNGON BYUNG BA'I RGYU DANG, PHYIS 'BYUNG BAR 'GYUR BA'I 'BRAS BU SNGON BYUNG BA NYID DANG 'BYUNG BAR 'GYUR BA NYID DU SHES PAR BYA BAR 'DAS PA YOD DO, ,MA 'ONGS @241B PA YOD DO ZHES GSUNGS PAR ZAD DO, ,YOD CES BYA BA'I SGRA NI TSIG GI SGRA YIN PA'I PHYIR TE, DPER NA SMRA BA PO MAR ME SNGA MA MED PA YOD DO, ,PHYIS MED PA YOD DO ZHES SMRAS PA DANG, YANG DPER NA MAR ME DE SHI BA NI YOD MOD KYI KHO BOS NI MA BSAD DO ZHES 'DZER BA DE BZHIN DU 'DAS PA DANG, MA 'ONGS PA YANG YOD DO ZHES GSUNGS KYI, DE LTA MA YIN NA 'DAS PA DANG MA 'ONGS PA MI 'GRUB PA KHO NAR 'GYUR RO, ,'O NA BCOM LDAN 'DAS KYIS KUN DU RGYU ? DBYUG THOGS THOR TSUGS CAN RNAMS KYI DBANG DU MDZAD NAS, LAS 'DAS PA DANG, ZAD PA DANG, 'GOG PA DANG; BRAL BA DANG, RNAM PAR GYUR PA GANG YIN PA DE NI YOD DO ZHES GANG GSUNGS PA JI LTA BU, CI DE DAG LAS DE SNGON BYUNG BA NYID DU MI 'DOD PAR GYUR TAM, DE LAS NI RGYUD DE LAS DES KUN DU DRANGS PAR 'BRAS BU BSKYED PA'I MTHU YOD PA LAS DGONGS TE GSUNGS PA YIN NO, ,DE LTA MA YIN TE, RANG GI NGO BO KHO NAR YOD NA 'DAS PA 'GRUB PAR MI 'GYUR RO, ,DE NI GDON MI ZA BAR DE LTA BU YIN PAR SHES PAR BYA STE, 'DI LTAR BCOM LDAN 'DAS KYIS DON DAM PA STONG PA NYID KYI MDO LAS, MIG NI SKYE BA NA YANG GANG NAS KYANG MI 'ONG LA, 'GAG PA NA YANG GANG DU YANG SOGS PAR MI 'GYUR RO, ,DE LTA BAS NA DGE SLONG DAG MIG NI MA BYUNG BA LAS 'BYUNG ZHING BYUNG NAS KYANG SLAR 'JIG PAR 'GYUR RO ZHES GSUNGS TE, GAL TE MA 'ONGS PA'I MIG CIG YOD PAR GYUR NA MA BYUNG BA LAS 'BYUNG NGO ZHES GSUNGS PAR MI 'GYUR RO, , GAL TE DA LTAR GYI DUS SU MA BYUNG BA LAS 'BYUNG NGO ZHE NA MI RUNG STE, DUS NI DNGOS PO LAS DON GZHAN MA YIN PA'I PHYIR RO, ,'ON TE RANG GI MTSAN NYID DU MA BYUNG BA LAS 'BYUNG NGO ZHE NA NI MA 'ONGS PA'I MIG MED DO ZHES BYA BA 'DI GRUB PA YIN NO, ,GANG YANG RNAM PAR SHES PA NI GNYIS LA BRTEN NAS SKYE BA'I PHYIR RO ZHES SMRAS PA NI RE ZHIG 'DIR YID DANG CHOS RNAMS LA BRTEN NAS YID KYI RNAM PAR SHES PA SKYE BA GANG YIN PA DE JI LTAR YID SKYES PAR BYED PA'I RKYEN YIN PA DE LTAR CHOS RNAMS KYANG DE DANG 'DRA 'AM, 'ON TE CHOS RNAMS DMIGS PA TZAM @242A *, ,ZHIG YIN ZHES BYA BA 'DI DPYAD PAR BYA STE, RE ZHIG GAL TE CHOS RNAMS SKYED PAR BYED PA'I RKYEN YIN NO ZHE NA NI JI LTAR NA MA 'ONGS PA BSKAL PA STONG NA 'BYUNG BAR 'GYUR BA'AM, YANG NA MI 'BYUNG BA GANG YIN PA DE DA LTAR GYI RNAM PAR SHES PA BSKYED PAR 'GYUR, MYA NGAN LAS 'DAS PA YANG 'JUG PA THAMS CAD DANG 'GAL BA'I PHYIR SKYED PAR BYED PA YIN PAR MI 'THAD DO, ,'ON TE CHOS RNAMS DMIGS PA TZAM ZHIG YIN NO ZHE NA NI 'DAS PA DANG MA 'DAS PA YANG DMIGS PA YIN NO ZHES SMRA'O, ,GAL TE MED PA JI LTAR DMIGS PA YIN NA ZHE, ,DA NI 'DIR DE JI LTAR NA DMIGS PA YIN PA DE LTAR YOD DO ZHES SMRA'O, ,DE'I JI LTAR NA DMIGS PA YIN ZHE NA, BYUNG BAR GYUR PA DANG, 'BYUNG BAR 'GYUR RO ZHES BYA BA STE, 'DAS PA'I GZUGS SAM, TSOR BA DRAN PA NA YOD DO ZHES BYA BAR NI SU YANG MI LTA'O, ,'O NA CI ZHE NA, BYUNG BAR GYUR TO ZHES BYA BAR LTA'O, ,YANG JI LTAR DA LTAR GYI GZUGS NYAMS SU MYONG BA DE LTAR 'DAS PA YANG DRAN NO, ,MA 'ONGS PA JI LTAR DA LTAR DU 'GYUR BA DE LTA BU NI SANGS RGYAS RNAMS KYIS MKHYEN TO, ,GAL TE YANG DE DE BZHIN DU YOD DO ZHE NA NI DA LTAR DU 'GYUR RO, ,'ON TE MED DO ZHE NA NI MED PA YANG DMIGS PA YIN NO ZHES BYA BAR GRUB PA YIN NO, ,GAL TE DE NYID SIL BU YIN NO ZHE NA MA ? YIN TE, SIL BU LA MI 'DZIN PA'I PHYIR RO, ,GAL TE YANG DE NI GZUGS DE KHO NA YIN TE, RDUL PHRA RAB TU GYES PA 'BA' ZHIG TU ZAD DO ZHE NA, DE LTA NA NI RDUL PHRA RAB RNAMS RTAG PAR 'GYUR TE; DE LTA NA RDUL PHRA RAB BSAGS PA DANG GYES PA TZAM DU 'GYUR GYI CUNG ZAD KYANG SKYE BA YANG MED LA 'GAG PA YANG MED PAS 'TSO BYED KYI RTZOD PA BLANGS PA YIN NO, ,MIG NI NAM SKYE BA NA YANG GANG NAS KYANG MI 'ONG ZHES RGYAS PAR GSUNGS PA'I MDO YANG BOR BAR 'GYUR RO, ,TSOR BA LA SOGS PA RDUL PHRA RAB BSAGS PA MA YIN PA RNAMS KYANG JI LTAR NA SIL BU NYID YIN, DE DAG KYANG JI LTAR BYUNG ZHING NYAMS SU MYONG BA DRAN TE, GAL TE YANG DE DAG DE BZHIN DU YOD DO ZHE NA NI RTAG PAR 'GYUR RO, ,'ON TE MED DO ZHE NA NI, MED PA YANG DMIGS PA YIN NO ZHES BYA @242B BAR GRUB PA YIN NO, ,GAL TE MED PA YANG DMIGS PA YIN NA SKYE MCHED BCU GSUM PA YANG DMIGS PA YIN PAR 'GYUR RO, ,'O NA SKYE MCHED BCU GSUM PA MED DO SNYAM PA'I RNAM PAR SHES PA 'DI'I DMIGS PA CI ZHIG YIN, MING DE NYID DMIGS PA YIN NO, ,DE LTA NI 'O NA MING DE NYID MED DO ZHES BYA BAR RTOGS PAR 'GYUR RO, ,GANG ZHIG SGRA'I SNGA NA MED PA LA DMIGS PA DE'I DMIGS PA YANG CI ZHIG YIN, SGRA KHO NA YIN NO, ,DE LTA NA NI 'O NA GANG ZHIG SGRA MED PA DON DU GNYER BA DE LA SGRA DBYUNG DGOS PA KHO NAR 'GYUR RO, ,GAL TE MA 'ONGS PA'I GNAS SKABS YIN NO ZHE NA NI YOD NA JI LTAR NA MED PA'I BLOR 'GYUR, GAL TE DA LTAR MED PA YIN NO ZHE NA NI MA YIN TE, GCIG PA'I PHYIR RO, ,YANG NA DE'I BYE BRAG GANG YIN PA DE MA BYUNG BA LAS 'BYUNG BAR 'GRUB STE, DE LTA BAS NA RNAM PAR SHES PA'I DMIGS PA NI YOD PA DANG MED PA DE GNYIG YIN NO, 'O NA BYANG CHUB SEMS DPA' 'JIG RTEN NA MED PA GANG YIN PA DE DAG GIS SHES PA'AM MTHONG BA 'DI NI GNAS MED DO ZHES GANG SMRAS PA DE JI LTA BU, 'DIR BSAM PA NI MNGON PA'I NGA RGYAL CAN GZHAN DAG SNANG BA MED BZHIN DU YOD PAR LTA'I BDAG NI YOD PA KHO NA LA YOD DO ZHES BYA BAR LTA'O ZHES BYA BA 'DI YIN NO, ,DE LTA MA YIN TE, BLO THAMS CAD KYI DMIGS PA YOD PA NYID YIN NA 'DI RTOG PAR YANG GA LA 'GYUR, YANG NA KHYAD PAR YANG CI ZHIG YOD, DE NI GDON MI ZA BAR DE LTA BU YIN PAR SHES PAR BYA STE, 'DI LTAR BCOM LDAN 'DAS KYIS GZHAN DU NGA'I NYAN THOS KYI DGE SLONG TSUR SHOG CES BYA BA NAS DE NGAS NANG GTAMS NA NUB KHYAD PAR DU 'GRO, ,NUB GTAMS NA NANG KHYAD PAR DU 'GRO STE, YOD PA LA YOD PAR SHES LA, MED PA LA YANG MED PAR SHES SO, ,BLA NA YOD PA LA YANG BLA NA YOD PAR SHES LA, BLA NA MED PA LA YANG BLA NA MED PAR SHES SO ZHES BYA BA'I BAR DU GSUNGS TE, DE LTA BAS NA RNAM PAR SHES PA NI YOD PA LA DMIGS PA'I PHYIR RO ZHES BYA BA DE YANG GTAN TSIGS SU MI RUNG NGO, ,GANG YANG 'BRAS PHYIR ZHES SMRAS PA, MDO SDE PA RNAMS NI LAS DANG 'DAS PA LAS @243A *, ,'BRAS BU 'BYUNG BAR MI BRJOD PA KHO NA'O, ,'O NA JI LTA BU ZHE NA, DE SNGON DU 'GRO BA'I RGYUD KYI KHYAD PAR LAS TE, BDAG TU SMRA BA DGAG PA NAS BSHAD PAR BYA'O, ,GANG GI 'DAS PA DANG MA 'ONGS PA RDZAS SU YOD PA DE'I 'BRAS BU RTAG TU YOD PA KHO NA BAS DE LA LAS KYI NUS PA CI ZHIG YOD, BSKYED PAR NUS SO, ,'O NA NI SKYE BA MA BYUNG BA LAS DANG 'BYUNG BA ZHES BYA BAR GRUB PA YIN NO, ,YANG THAMS CAD YOD PA KHO NA YIN NA DA NI GANG LA GANG ZHIG 'DUS TE, DE LTA NA LO RTZIS PA RNAMS KYI RTZOD PA SKAD DU GANG YOD PA DI NI YOD PA KHO NA'O, ,GANG MED PA DE NI MED PA KHO NA'O, ,MED PA LA NI SKYE BA YANG MED DO, ,YOD PA LA NI 'JIG PA YANG MED DO ZHES BRJOD PA YIN NO, ,'O NA DA LTAR DU BYED PA NUS PA YIN NO, ,DA LTAR DU BYED PA ZHES BYA BA 'DI CI YIN, GAL TE YUL GZHAN DU 'DREN PA YIN NO ZHE NA NI RTAG PAR THAL BAR 'GYUR RO, , GZUGS CAN MA YIN PA RNAMS LA YANG DE JI LTA BU, DE 'DREN PA GANG YIN PA DE YANG MA BYUNG BA LAS BYUNG BA YIN NO, ,GAL TE RANG GI NGO BO'I KHYAD PAR ZHIG YIN NO ZHE NA NI MA BYUNG BA LAS 'BYUNG BA GRUB PA YIN NO, ,DE LTA BAS NA 'DI SKAD DU, GANG 'DAS PA DANG MA 'ONGS PA'I RDZAS SU YOD PAR SMRA BA'I THAMS CAD YOD PAR SMRA BA NI BSTAN PA LA LEGS PA MA YIN GYI, JI SKAD DU MDO LAS THAMS CAD YOD DO ZHES GSUNGS PA DE BZHIN DU SMRA BA DE DAG NI LEGS PA YIN NO, ,MDO LAS JI LTA BU THAMS CAD YOD CES GSUNG SHE NA, THAMS CAD YOD CES BYA BA NI BRAM ZE SKYE MCHED BCU GNYIS KHO NA'O ZHES BYA BA'I THA TSIG GO ZHES GSUNGS SO, ,YANG NA DUS GSUM STE, DE JI LTAR YOD PA DE BZHIN DU NI BSHAD ZIN TO, ,YANG 'DAS PA DANG MA 'ONGS PA DANG MED NA JI LTAR NA DES SAM, DER LNGAN PA YIN ZHE NA, DE LAS SKYES PA, DE'I RGYU'I PHRA RGYAS YOD PA'I PHYIR NYON MONGS PA DES LDAN LA, DE LA DMIGS PA'I NYON MONGS PA'I PHRA RGYAS YOD PAS DNGOS PO DANG LDAN PA YIN NO, ,BYE BRAG TU SMRA BA RNAMS NA RE 'DAS PA DANG MA 'ONGS PA NI YOD PA KHO NA YIN NO, ,GANG ZHIG DRANG BAR MI NUS PA DE LA NI 'DI LTAR, CHOS NYID DAG NI ZAB PA YIN,, @243B DE GDON MI ZA BAR RTOGS PAS SGRUB PA MA YIN NO ZHES BYA BAR RIG PAR BYA'O ZHES ZER RO, ,GANG SKYES PA DE 'GAG PA'I RNAM GRANGS KYANG YOD DE, GZUGS SKYE LA GZUGS 'GAG GO , ,GZHAN SKYE LA GZHAN 'GAG PA'I RNAM GRANGS KYANG YOD DE, MA 'ONGS PA SKYE LA DA LTAR 'GAG GO; ,DUS KYANG SKYE STE, SKYE BA DUS KYIS BSDUS PA'I PHYIR RO, ,DUS LAS KYANG SKYE STE, MA 'ONGS PA'I DUS SKAD CIG MA DU MA YIN PA'I PHYIR RO, ,ZHAR LA 'ONGS PA 'DI RDZOGS SO,, ,,DA NI DNGOS PO GANG ZHIG SPANGS NA DE DNGOS PO DE DANG BRAL BA YIN NAM, GANG DANG BRAL NA DES DNGOS PO DE SPANGS PA YIN ZHES BYA BA 'DI DPYAD PAR BYA STE, RE ZHIG GANG DANG BRAL NA DES DNGOS PO DE SPANGS PA YIN NO, ,SPANGS LA DE DANG MA BRAL BA YANG YOD DE, 'DI LTA STE, SDUG BSNGAL MTHONG SPANG BYA SPANGS KYANG, ,KUN 'GRO LHAG MA RNAMS KYIS LDAN, ,DANG PO'I RNAM PA SPANGS KYANG DE'I; ,YUL CAN DRI MA LHAG RNAMS KYIS, ,SDUG BSNGAL SHES PA NI SKYES LA, ,KUN 'BYUNG SHES PA NI MA SKYES PA'I TSE SDUG BSNGAL MTHONG BAS SPANG BAR BYA BA'I RIS SPANGS PA YIN NO, ,DE SPANGS KYANG DE LA DMIGS PA KUN DU 'GRO BA KUN 'BYUNG MTHONG BAS SPANG BAR BYA BA RNAMS KYIS LDAN NO, ,BSGOM PAS SPANG BAR BYA BA'I RIS LA YANG RNAM PA DGU LAS DANG PO'I RNAM PA SPANGS NA DE SPANGS KYANG DE LA DMIGS PA'I NYON MONGS PA LHAG MA RNAMS KYIS LHAG PAR RIG PAR BYA'O, ,DNGOS PO GANG LA PHRA RGYAS DU ZHIG RGYAS PAR 'GYUR ZHES BYA BA'I TSIG 'DI RE RE NAS BSHAD NA NI BRJOD PAR BYA BA MANG POR 'GYUR TE, DE LTA BAS NA CI NAS KYANG 'BAD PA CHUNG DU CHUNG DUS 'DRI BA'I TSOGS MANG PO GO BAR 'GYUR BAR BSDUS TE RNAM PAR 'CHAD PAR BYED DO, ,MDOR BSDU NA CHOS NI BCU DRUG PO 'DI LTA STE, 'DOD PA DANG, GZUGS DANG GZUGS MED PA NA SPYOD PA RNAM PA LNGA LNGA DANG, ZAG PA MED PA'O, ,SEMS KYANG BCU DRUG STE, DE DAG NYID DO, ,DE LA CHOS GANG ZHIG SEMS GANG GI DMIGS PA YIN PA SHES PAR BYAS NAS 'DI LA NI PHRA RGYAS 'DI DE SNYED CIG RGYAS PAR 'GYUR RO ZHES BYA BA 'DI NI RTAG PAR BYA'O, ,DE LA RE ZHIG ,SDUG BSNGAL RGYU MTHONG GOMS PA YIS, ,SPANG BYA @244A *, ,'DOD KHAMS LAS SKYES PA, ,RANG GI GSUM DANG GZUGS GTOGS GCIG ,DRI MED RNAM SHES SPYOD YUL LO, ,DE DAG NI RANG GI YANG YIN LA GSUM YANG YIN PAS RANG GI GSUM MO, ,DE NI GCIG KYANG YIN LA GZUGS SU GTOGS PA YANG YIN PAS GZUGS GTOGS GCIG STE, DE NI TSIG RNAM PAR SBYAR BA'I RNAM PA YIN NO, ,RE ZHIG SDUG BSNGAL DANG KUN 'BYUNG BA MTHONG BAS SPANG BAR BYA BA DANG, BSGOM PAS SPANG BAR BYA BA'I CHOS 'DOD PA NA SPYOD PA RNAMS NI SEMS LNGA'I DMIGS PA YIN TE, RANG GI KHAMS PA GSUM STE, DE DAG NYID DANG; GZUGS NA SPYOD PA GCIG STE, BSGOM PAS SPANG BAR BYA BA KHO NA DANG, ZAG PA MED PA'I DMIGS PA YIN NO, ,GZUGS KHAMS LAS SKYES RANG GI DANG, ,'OG GSUM GONG GCIG DRI MED KYI, ,CHOS RNAM PA GSUM PO DE DAG NYID GZUGS NA SPYOD PA NI SEMS BRGYAD KYI DMIGS PA YIN TE, RANG GI KHAMS PA GSUM STE, DE DAG NYID DANG, KHAMS 'OG MA PA GSUM STE, DE DAG NYID DANG, KHAMS GONG MA PA GCIG STE, BSGOM PAS SPANG BAR BYA BA KHO NA DANG, ZAG PA MED PA'I DMIGS PA YIN NO, ,GZUGS MED LAS SKYES KHAMS GSUM GTOGS; ,GSUM DANG ZAG MED SPYOD YUL LO, ,CHOS RNAM PA GSUM PO DE DAG NYID GZUGS MED PA NA SPYOD PA'I SEMS BCU'I DMIGS PA YIN TE, KHAMS GSUM PA RNAM PA GSUM GSUM STE, DE DAG NYID DANG, ZAG PA MED PA'I DMIGS PA YIN NO, SDUG BSNGAL DANG KUN 'BYUNG MTHONG BAS SPANG BAR BYA BA DANG, BSGOM PAS SPANG BAR BYA BA'I CHOS KHAMS GSUM PA DAG BSHAD ZIN TO, ,'GOG DANG LAM MTHONG SPANG BYA KUN, ,RANG GIS GLANGS PA'I SPYOD YUL LO, ,'GAG PA DANG LAM MTHONG BAS SPANG BAR BYA BA'I CHOS RNAMS KYI RANG GI SEMS NI 'GOG PA DANG LAM MTHONG BAS SPANG BAR BYA BA KHO NA YIN TE, ,CHOS DE DAG NI DES GLAGS PA'I SPYOD YUL YIN PAR SHES PAR BYA STE, JI LTAR BYAS PAS SHE NA, 'GOG PA MTHONG BAS SPANG BAR BYA BA'I CHOS 'DOD PA NA SPYOD PA RNAMS NI RNAM PAR SHES PA DRUG GI DMIGS PA YIN TE, SNGAR BSHAD PA @244B LNGA DANG, 'GOG PA MTHONG BAS SPANG BAR BYA BA GLAGS PA DE NYID KYI DMIGS PA YIN NO, ,LAM MTHONG BAS SPANG BAR BYA BA RNAMS KYANG DE DANG 'DRA STE, SNGAR BSHAD PA LNGA DANG, LAM MTHONG BAS SPANG BAR BYA BA GAGS PA DE NYID KYI DMIGS PA YIN TE, DE BZHIN DU 'GOG PA DANG, LAM MTHONG BAS SPANG BAR BYA BA GZUGS DANG GZUGS MED PA NA SPYOD PA RNAMS KYANG 'GOG PA DANG LAM MTHONG BAS SPANG BAR BYA BA'I SEMS GLAGS PA DE'I DMIGS PA YIN PAS SEMS DGU DANG, BCU GCIG GI DMIGS PA YIN NO, ,KHAMS GSUM PA'I CHOS RNAM PA LNGA BSHAD ZIN TO; ,ZAG MED KHAMS GSUM MTHA' GSUM DANG, ,ZAG PA MED PA'I SPYOD YUL LO, ,CHOS ZAG PA MED PA RNAMS NI SEMS BCU'I DMIGS PA YIN TE, KHAMS GSUM PA'I THA MA GSUM STE, 'GOG PA DANG LAM MTHONG BAS SPANG BAR BYA BA DANG, ZAG PA MED PA'I DMIGS PA YIN NO, ,YANG DON DE NYID TSIGS SU BCAD PA PHYED PA DANG GNYIS KYIS BSDUS PA YIN TE, KHAMS GSUM SDUG BSNGAL RGYU MTHONG DANG, ,BSGOM PAS SPANG BYA ZAG PA MED, ,RNAM SHES LNGA BRGYAD BCU DANG NI, ,RNAM SHES BCU YI SPYOD YUL TE, ,'GOG DANG LAM MTHONG SPANG BYA KUN, ,RANG GIS GLAGS PA'I SPYOD YUL LO, ,DE LTAR SEMS BCU DRUG PO DE DAG GI DMIGS PAR CHOS BCU DRUG PO RNAM PAR GZHAG PAR RIG NAS, JI LTAR NA PHRA RGYAS KYI DGOS PA YIN PA SBYAR BAR BYA STE, PHYOGS TZAM ZHIG BSTAN PAR BYA STE, BDE BA'I DBANG PO LA DMIGS PA'I RNAM PAR SHES PA LA PHRA RGYAS DU ZHIG RGYAS PAR 'GYUR ZHES BYA BA'I DRI BA 'ONGS PA LA DPYAD PAR BYA STE, BDE BA'I DBANG PO NI RNAM PA BDUN TE, 'DOD PA NA SPYOD PA BSGOM PAS SPANG BAR BYA BA DANG, GZUGS NA SPYOD PA RNAM PA LNGA DANG, ZAG PA MED PA'O, ,DE DAG KYANG MDOR BSDU NA RNAM PAR SHES PA RNAM PA GCU GNYIS KYI DMIGS PA YIN TE, 'GOG PA MTHONG BAS SPANG BAR BYA BA MA GTOGS PA 'DOD PA NA SPYOD PA RNAM PA BZHI DANG, GZUGS NA SPYOD PA RNAM PA LNGA DANG, GZUGS MED PA NA SPYOD PA RNAM PA GNYIS TE, @245A *, ,LAM MTHONG BA DANG BSGOM PAS SPANG BAR BYA BA DANG, ZAG PA MED PA'I DMIGS PA YIN TE, RNAM PA BCU GNYIS PO 'DI NI BDE BA'I DBANG PO LA DMIGS PA'I RNAM PAR SHES PA YIN NO, ,DE LA CI RIGS PAR PHRA RGYAS 'DOD PA NA SPYOD PA RIS BZHI DANG, GZUGS NA SPYOD PA 'DUS BYAS LA DMIGS PA RNAMS DANG, GZUGS MED PA NA SPYOD PA RIS GNYIS DANG, KUN DU 'GRO BA RNAMS RGYAS PAR 'GYUR BAR SHES PAR BYA'O, ,BDE BA'I DBANG PO LA DMIGS PA'I RNAM PAR SHES PA LA PHRA RGYAS DU ZHIG RGYAS PAR 'GYUR ZHE NA, BDE BA'I DBANG PO LA DMIGS PA'I RNAM PAR SHES PA RNAMS PA BCU GNYIS PO DE NI RNAM PAR SHES PA GANG GI DMIGS PA YIN ZHE NA, RNAM PA BCU GNYIS PO DE NYID DANG, YANG GZUGS MED PA NA SPYOD PA RNAM PA GNYIS TE, SDUG BSNGAL DANG KUN 'BYUNG BA MTHONG BAS SPANG BAR BYA BA'I DMIGS PA YIN TE, RNAM PA BCU BZHI PO 'DI NI BDE BA'I DBANG PO LA DMIGS PA LA DMIGS PA'I RNAM PAR SHES PA YIN NO, ,DE LA GZUGS MED PA NA SPYOD PA SDUG BSNGAL DANG KUN 'BYUNG MTHONG BAS SPANG BAR BYA BA DAG BSKYED NAS 'DOD PA NA SPYOD PA DANG GZUGS MED PA NA SPYOD PA RIS BZHI BZHI DANG, GZUGS NA SPYOD PA 'DUS BYAS LA DMIGS PA RNAMS RGYAS PAR 'GYUR RO ZHES BYA BAR SHES PAR BYA STE, LAM 'DIS GZHAN YANG KHONG DU CHUD PAR BYA STE, PHRA RGYAS DANG BCAS PA'I PHRA RGYAS DE DAG SEMS DE LA RGYAS PAR 'GYUR RAM ZHE NA, RGYAS PAR 'GYUR BA DAG KYANG YOD DE, SEMS DE DANG MTSUNGS PAR LDAN PA YANG MA SPANGS LA DE LA DMIGS PA YANG MA SPANGS PA'I PHRA RGYAS GANG DAG YIN PA'O, ,RGYAS PAR MI 'GYUR BA DAG KYANG YOD DE, SEMS DE DANG MTSUNGS PAR LDAN PA SPANGS PA'I PHRA RGYAS GANG DAG YIN PA'O, ,DE LTAR BYAS NA, NYON MONGS PHRA RGYAS BCAS RNAM GNYIS, ,YIN LA, NYON MONGS CAN MIN RGYAS 'GYUR GYI, ,SEMS NYON MONGS PA CAN NI DE DANG MTSUNGS PAR LDAN PA DANG, DE LA DMIGS PA MA SPANGS PAR BYA BA'I PHRA RGYAS RGYAS PAR 'GYUR BA RNAMS DANG, DE DANG MTSUNGS PAR LDAN PA SPANGS PA @245B RGYAS PAR MI 'GYUR BA RNAMS KYI PHRA RGYAS DANG BCAS PA YIN TE, DE DANG LHAN CIG PA'I PHYIR RO, ,SEMS NYON MONGS PA CAN MA YIN PA NI DE LA DMIGS PA MA SPANGS PA RGYAS PAR 'GYUR BA DAG KHO NAS PHRA RGYAS DANG BCAS PA YIN NO, ,YANG PHRA RGYAS BCU PO 'DI DAG JI LTAR 'JUG PAR 'GYUR ZHE NA, RE ZHIG DANG PO KHO NAR MA RIG PA DANG LDAN PA LAS BDEN PA RNAMS LA KUN DU RMONGS PAR 'GYUR TE, DE SDUG BSNGAL NAS LAM GYI BAR DU MI 'DOD DO, ,DE'I 'OG TU, RMONGS LAS THE TSOM, THE TSOM RMONGS PAR GYUR PA PHYOGS GNYIS THOS NAS 'DI SDUG BSNGAL YIN NAM, 'DI SDUG BSNGAL MA YIN SNYAM PA DE LTA BU LA SOGS PA'I THE TSOM SKYE BAR 'GYUR RO, ,DE NAS NI LOG LTA, THE TSOM LAS LOG PA'I LTA BA 'JUG STE, THE TSOM SKYES PA LOG PAR THOS PA DANG, BSAMS PA LAS SDUG BSNGAL MED DO ZHES BYA BA DE LTA BU LA SOGS PA LOG PAR NGES PA SKYE BA'I PHYIR RO, ,DE NAS 'JIG TSOGS LTA, LOG PAR LTA BA LA 'JIG TSOGS LA LTA BA 'JUG STE, SDUG BSNGAL LAS PHUNG PO BSAL NAS BDAG TU MNGON PAR ZHEN PA'I PHYIR RO ZHES GRAG GO, ,DE NAS MTHAR 'DZIN 'JIG TSOGS LA LTA BA LAS MTHAR 'DZIN PAR LTA BA 'JUG STE, BDAG RTAG PA DANG CHAD PA'I MTHAR 'DZIN PA'I PHYIR RO, ,DE NAS NI, TSUL KHRIMS MCHOG 'DZIN, MTHAR 'DZIN PA LAS TSUL KHRIMS DANG, BRTUL ZHUGS MCHOG TU 'DZIN PA 'JUG STE, GANG KHO NA LA MTHAR 'DZIN PA DES DAG PAR YID CHES PA'I PHYIR RO, ,DE NAS LTE, MCHOG TU 'DZIN CES BYA BAR SBYAR TE, TSUL KHRIMS DANG BRTUL ZHUGS MCHOG TU 'DZIN PA LAS LTA BA MCHOG TU 'DZIN PA 'JUG STE, GANG GIS DAG PAR YID CHES PA DE LAS MCHOG TU 'DZIN PA'I PHYIR RO, ,DE NAS NI, RANG GI LTA LA NGA RGYAL CHAGS, ,DE LA CHAGS PA'I PHYIR DANG, DES KHENGS PAR 'GYUR BA'I PHYIR RO, ,GZHAN LA ZHE SDANG, RANG GI LTA BA LA LHAG PAR ZHEN PAR GYUR PA DE'I DGRA BOR GYUR PA GZHAN GYI LTA BA LA ZHE SDANG 'JUG GO, ,GZHAN DAG NI RANG GI LTA BA BLANGS NAS BOR BA GZHAN LA ZHE SDANG BAR 'DOD DO, ,'DOD CHAGS LA SOGS PA MTHONG BAS SPANG BAR BYA BA @246A *, ,RNAMS KYI DMIGS PA NI RANG GI RGYUD LA YOD PA'I LTA BA YIN PA'I PHYIR RO, ,DE LTAR RIM, 'DI NI PHRA RGYAS BCU PO DE DAG GI 'JUG PA'I RIM PA YIN NO, ,SKYE BA NI RGYU GSUM GYIS SKYE STE, PHRA RGYAS SPANG BA MA YIN DANG, ,YUL NI NYE BAR GNAS PA DANG, ,TSUL BZHIN MA YIN YID BYED LAS, ,NYON MONGS SKYE STE, 'DI LTA STE 'DOD PA'I 'DOD CHAGS KYI PHRA RGYAS MA SPANGS SHING YONGS SU MA SHES PA YIN, 'DOD PA'I 'DOD CHAGS KYI KUN NAS DKRIS PA DANG, MTHUN PA'I CHOS RNAMS KYANG SNANG BAR 'GYUR BA YIN, DE LA YANG TSUL BZHIN MA YIN PA YID LA BYED PA YIN TE, DE LTAR NA 'DOD PA'I 'DOD CHAGS SKYE BAR 'GYUR RO, ,DE DAG NI GO RIMS BZHIN DU RGYU DANG YUL DANG SBYOR BA'I STOBS DAG YIN TE, NYON MONGS PA GZHAN YANG DE BZHIN DU SKYE BAR RIG PAR BYA'O, ,GANG ZHIG RGYU NI TSANGS PA YIN, RES 'GA' YUL GYI STOBS KHO NA, ,SKYE'I RGYU'I STOBS KYIS MA YIN TE, DPER NA DGRA BCOM PA YONGS SU NYAMS PA'I CHOS CAN GYI LTA BU'O ZHES GRAG GO ,YANG PHRA RGYAS DE DAG NYID BCOM LDAN 'DAS KYIS ZAG PA GSUM DU GSUNGS TE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O, ,CHU BO BZHI STE, 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO'O, ,SBYOR BA BZHI STE, DE DAG NYID DO, ,NYE BAR LEN PA BZHI STE, 'DOD PA NYE BAR LEN PA DANG, LTA BA NYE BAR LEN PA DANG, TSUL KHRIMS DANG BRTUL ZHUGS NYE BAR LEN PA DANG, BDAG TU SMRA BA NYE BAR LEN PA'O, ,DE LA RE ZHIG ,'DOD NA GTI MUG MA GTOGS PA'I, ,NYON MONGS KUN NAS DKRIS BCAS ZAG ,MA RIG PA RNAMS MA GTOGS PA 'DOD PA NA SPYOD PA'I NYON MONGS PA'I KUN NAS DKRIS PA DANG BCAS PA DANG ZAG PA MED PA RDZAS BZHI BCU RTZA GCIG NI 'DOD PA'I ZAG PA YIN PAR RIG PAR BYA STE, MA RIG PA RNAM PA LNGA MA GTOGS PA PHRA RGYAS SUM CU RTZA GCIG DANG KUN NAS DKRIS PA BCU'O, ,GZUGS DANG GZUGS NI MED PA NA, ,PHRA RGYAS KHO NA SRID PA'I ZAG ,MA RIG PA MA GTOGS PA ZHES BYA BAR SBYAR TE, MA RIG @246B PA RNAMS MA GTOGS PAR GZUGS DANG GZUGS MED PA NA SPYOD PA'I PHRA RGYAS RDZAS LNGA BCU RTZA GNYIS NI SRID PA'I ZAG PA YIN TE, MA RIG PA RNAM PA LNGA MA GTOGS PA GZUGS NA SPYOD PA'I PHRA RGYAS NYI SHU RTZA DRUG DANG, GZUGS MED PA NA SPYOD PA'I NYI SHU RTZA DRUG GO ,DE NA YANG RMUGS PA DANG RGOD PA DANG KUN NAS DKRIS PA GNYIS YOD PA MA YIN NAM, RAB TU BYED PA DAG LAS KYANG, SRID PA'I ZAG PA GANG ZHE NA, MA RIG PA RNAMS MA GTOGS PA DE LAS GZHAN PA GZUGS DANG GZUGS MED PA DANG LDAN PA'I KUN DU SBYOR BA DANG, 'CHING BA DANG, PHRA RGYAS DANG, NYE BA'I NYON MONGS PA DANG, KUN NAS DKRIS PA GANG DAG YIN PA'O ZHES BSHAD NA CI'I PHYIR 'DIR DE MA SMOS SHE NA, KHA CHE BA RNAMS NA RE RANG DBANG CAN MA YIN PA'I PHYIR RO ZHES ZER RO, ,CI'I PHYIR GZUGS DANG GZUGS MED PA NA SPYOD PA'I PHRA RGYAS RNAMS GCIG TU BSDUS NAS SRID PA'I ZAG PAR BSHAD CE NA, DE LUNG MA BSTAN KHA NANG BLTAS, ,MNYAM GZHAG PA YI PHYIR GCIG BYAS, ,DE GNYIG YANG LUNG DU MA BSTAN PA DANG, KHA NANG DU BLTAS TE 'JUG PA DANG, MNYAM PAR GZHAG PA'I SA PA DAG YIN PA'I PHYIR CHOS MTHUN PA RNAM PA GSUM GYIS GCIG TU BYAS TE; RGYU GANG GIS SRID PA'I 'DOD CHAGS ZHES BSHAD PA DE NYID KYI SRID PA'I ZAG PA ZHES BYA'O, ,DA NI MA RIG PA'I KHAMS GSUM PA RDZAS BCO LNGA NI MA RIG PA'I ZAG PA ZHES BYA BAR GRUB BO, ,CI'I PHYIR 'DI LOGS SHIG TU RNAM PAR GZHAG CE NA, DE DAG THAMS CAD KYI, RTZA BA MA RIG YIN PAS NA, ,LOGS SHIG TU NI ZAG PAR BSTAN, ,ZAG PA DE DAG JI SKAD DU BSHAD PA LTAR, CHU BO SBYOR BA'ANG DE BZHIN DU RIG PAR BYA'O, ,LHA RNAMS GSAL PHYIR LOGS SHIG BSTAN, ,LTA BA RNAMS MA GTOGS PA 'DOD PA'I ZAG PA KHO NAR 'DOD BA'I CHU BO DANG, 'DOD PA'I SBYOR BA YIN LA, DE BZHIN DU SRID PA'I ZAG PA KHO NA SRID PA'I CHU BO DANG, SRID PA'I SBYOR BA YIN NO, ,DE DAG NI BSAL BA'I PHYIR CHU BO DANG SBYOR BA DAG NI NANG DU LOGS SHIG TU BSAL BA'I RNAM PAR GZHAG GO ZHES GRAG GO ,ZAG PA MA YIN GROGS MED RNAMS, ,'JOG PA'I RJES @247A *, ,SU MI MTHUN LO, ,ZAG PA RNAMS KYI NGES PA'I TSIG NI 'JOG PAR BYED PAS NA ZHES 'OG NAS 'CHAD NA, LTA BA RNAMS 'BA' ZHIG NI BSAL BA'I PHYIR 'JOG PA'I RJES SU MTHUN PA MA YIN PAS DE'I PHYIR ZAG PA DAG TU LOGS SHIG TU MA BZHAG GI BSRES TE NI BZHAG GO ZHES ZER RO ZHES GRAG GO ,DE LTAR NA 'DOD PA'I CHU BO NI RDZAS NYI SHU RTZA DGU STE, 'DOD CHAGS DANG, KHONG KHRO BA DANG, NGA RGYAL BCO LNGA DANG, THE TSOM BZHI DANG, KUN NAS DKRIS PA BCU'O, ,SRID PA'I CHU BO NI SNGAS NYI SHU RTZA BRGYAD DE, 'DOD CHAGS DANG NGA RGYAL NYI SHU DANG, THE TSOM BRGYAD DO, ,LTA BA'I CHU BO NI RDZAS SUM CU RTZA DRUG GO ,MA RIG PA'I CHU BO NI RDZAS BCO LNGA STE, SBYOR BA YANG CHU BO BZHIN DU RIG PAR BYA'O, ,JI SKAD BSHAD NYID MA RIG BCAS, ,NYER LEN RNAMS TE LTA RNAM GNYIS, ,BYE BA'I PHYIR RO, ,'DOD PA'I SBYOR BA MA RIG PA DANG BCAS PA RDZAS SUM CU RTZA BZHI KHO NA 'DOD PA NYE BAR LEN PA YIN TE, 'DOD CHAGS DANG, KHONG KHRO BA DANG, NGA RGYAL DANG, MA RIG PA NYI SHU DANG, THE TSOM BZHI DANG, KUN NAS DKRIS PA BCU'O, ,SRID PA'I SBYOR BNYE BAR MA RIG PA DANG BCAS PA RDZAS SUM CU RTZA BRGYAD KHO NA BDAG TU SMRA BA NYE BAR LEN PA YIN TE, 'DOD CHAGS DANG, NGA RGYAL DANG, MA RIG PA SUM CU DANG, THE TSOM BRGYAD DO, ,LTA BA'I SBYOR BA LAS TSUL KHRIMS DANG BRTUL ZHUGS PHYUNG STE, LTA BA LA NYE BAR LEN PA RDZAS SUM CU YIN NO, ,TSUL KHRIMS DANG BRTUL ZHUGS NYE BAR LEN PA NI RDZAS DRUG GO ,CI'I PHYIR LTA BA RNAMS LAS PHYUNG ZHE NA, LAM GYI DGRAR 'GYUR BA'I PHYIR DANG, PHYOGS GNYIG BSLU BA'I PHYIR TE, 'DIS KHYIM PA RNAMS KYANG LAM MA YIN PA LA LAM DU 'DU SHES PAS ZAS MI ZA BA LA SOGS PAS BSLUS LA, RAB TU BYUNG BA RNAMS KYANG YUL YID DU 'ONG BA YONGS SU SPANGS PAS DAG PAR YID CHES PAS BSLUS SO, ,CI'I PHYIR MA RIG PA BSRES TE NYE BAR LEN PAR BSHAD LA LOGS SHIG TU MA BSHAD CEN, SRID PA 'DZIN PA'I PHYIR NYE BAR LEN PA DAG YIN NO, ,MA RIG PA, 'DZIN PAR BYED PA MIN PHYIR BSRES, ,MA RIG PA NI MI SHES PA'I MTSAN @247B NYID KYIS MI GSAL BA'I PHYIR 'DZIN PAR BYED PA MA YIN TE, DE'I PHYIR BSRES SO ZHES GRAG GO ,BCOM LDAN 'DAS KYIS MDO LAS NI 'DOD PA'I SBYOR BA GANG ZHE NA ZHES BYA BA NAS RGYAS PAR 'DI'I 'DOD PA RNAMS LA 'DOD PA LA 'DOD CHAGS PA DANG, 'DOD PA LA 'DUN PA DANG, 'DOD PA LA SRED PA DANG, 'DOD PA LA DAD CHE BA DANG, 'DOD PA LA 'DOD PAS BRGYAL BA DANG, 'DOD PA LA ZHEN PA DANG, 'DOD PA LA DGA' BA DANG, 'DOD PA LA 'CHUMS PA DANG, 'DOD PA LA LHAG PAR CHAGS PA YOD PA GANG YIN PA DES 'DI'I SEMS YONGS SU GTUGS TE GNAS PA 'DI NI 'DOD PA'I SBYOR BA ZHES BYA'O ZHES BYA BA'I BAR DANG, LTA BA'I SBYOR BA YANG DE DANG 'DRA BA'I BAR GSUNGS SO, ,MDO GZHAN DAG LAS 'DUN PA'I 'DOD CHAGS KYANG NYE BAR LEN PA YIN PAR GSUNGS TE, DE'I PHYIR 'DOD PA LA SOGS PA LA 'DUN PA'I 'DOD CHAGS GANG YIN PA NI 'DOD PA NYE BAR LEN PA LA SOGS PA YANG YIN PAR SHES SO, ,MDO DAG LAS PHRA RGYAS RNAMS KHO NA ZAG PA DANG, CHU BO DANG, SBYOR BA DANG, NYE BAR LEN PA'I MING DU GSUNGS PA 'DI NI BSHAD ZIN TO, ,YANG PHRA RGYAS KYI DON NI CI YIN, NYE BAR LEN PA'I BAR GYI DON NI CI YIN ZHE NA, GANG PHYIR DE DAG PHRA BA DANG, RJES 'BREL RNAM GNYIS RGYAS 'GYUR DANG, ,RJES SU 'BRANG BA DE YI PHYIR, ,PHRA RGYAS RTAG TU BSHAD PA YIN, ,DE LA PHRA BA RNAMS NI RTOGS PAR DKA' BAS RGYU BA PHRA BA'I PHYIR RO, ,RJES SU 'BREL PA NI THOB PA DANG RJES SU 'GREL PAS SO, ,RGYAS PAR 'GYUR BA NI RNAM PA GNYIS TE, DMIGS PA DANG, MTSUNGS PAR LDAN PA'I SGO NAS SO, ,RJES SU 'BRANG BAS NI SBYOR BA MED PAR TE, BZLOG BZHIN DU YANG DANG YANG DU MNGON PAR 'GYUR BA'I PHYIR RO, ,RGYU DE DAG GIS NA PHRA RGYAS RNAMS ZHES BYA'O, ,DE DAG 'JOG BYED ZAG BYED DANG, ,KHYER BAR BYED DANG 'BYAR BYED DANG, ,NYE BAR 'DZIN PHYIR ZAG LA SOGS, ,DE DAG GI NI NGES TSIG YIN, ,'KHOR BAR 'JOG PAR BYED PA DANG, ,SRID PA'I RTZE MO NAS MNAR MED PA'I BAR DU SKYE MCHED DRUG GI RMA NAS 'DZAG PAS NA ZAG PA DAG YIN NO, ,KHYER BAR BYED PAS NA CHU BO DAG YIN @248A *, ,NO; ,'BYAR BAR BYED PAS NA SBYOR BA DAG YIN NO, ,NYE BAR 'DZIN PAS NA NYE BAR LEN PA DAG YIN NO, ,'DI SKAD DU 'DI DAG GIS, RGYUD YUL RNAMS LA 'DZAG PAR BYED PAS NA ZAG PA RNAMS YIN TE, TSE DANG LDAN PAS DPER NA GRU MNGON PAR 'DU BYA BA CHEN POS CHU'I BZLOG PHYOGS SU BKRI BA DE MNGON PAR 'DU BYA BA DE DAG NYID MED PAR TSEGS CHUNG DUS CHU'I 'BAB PHYOGS SU 'KHYER BAR 'GYUR BA BZHIN NO ZHES GSUNGS PA'I MDO'I TSIG DANG MTHUN PA'I PHYIR RO, ,SHUGS CHEN PO DANG LDAN PA'I PHYIR CHU BO DAG STE, DE'I RJES SU 'BYED PA'I PHYIR DE DAG GIS DE DAG DANG LDAN PA 'KHYER BAR 'GYUR RO, ,CHE BA DANG KUN DU MI 'BYUNG BA RNAMS NI SBYOR BA DAG STE, SDUG BSNGAL SNA TSOGS DANG SBYOR BA'I PHYIR RAM, YANG NA YANG DANG YANG DU RJES SU 'BREL BA'I SGO NAS SO, ,'DOD PA LA SOGS PA NYE BAR LEN PA'I PHYIR NYE BAR LEN PA RNAMS NI YIN NO ZHES BYA BA NI CHES LEGS PA YIN NO, ,DE DAG KUN DU SBYOR SOGS KYI, ,DBYE BAS YANG RNAM LDAR BSHAD DO, ,PHRA RGYAS DE DAG NYID KUN DU SBYOR BA DANG, 'CHING BA DANG, PHRA RGYAS DANG, NYE BA'I NYON MONGS PA DANG, KUN NAS DKRIS PA'I DBYEBS YANG RNAM PA LNGAR PHYE NAS BSHAD DE, DE LA KUN DU SBYOR BA NI DGU STE, RJES SU CHAGS PA DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, MCHOG TU 'DZIN PA DANG, THE TSOM DANG, PHRAG DOG DANG, SER SNA'I KUN DU SGYOR BA RNAMS SO, ,DE LA RJES SU CHAGS PA'I KUN DU SBYOR BA NI KHAMS GSUM PA'I 'DOD CHAGS TE, DE BZHIN DU GZHAN DANG GZHAN DAG KYANG CI RIGS PAR SBYOR BAR BYA'O, ,LTA BA'I KUN DU SBYOR BA NI LTA BA GSUM MO, ,MCHOG TU 'DZIN PA'I KUN DU SBYOR BA NI LTA BA GNYIS SO, ,DE NYID KYI PHYIR LTA BA DANG MTSUNGS PAR LDAN PA'I CHOS RNAMS LA RJES SU CHAGS PA'I KUN DU SBYOR BAS LDAN ZHING LTA BA'I KUN DU SBYOR BA MA YIN PA, DE LA LTA BA'I PHRA RGYAS RGYAS PAR MI 'GYUR BA YANG MA YIN PA LTA YOD DAM ZHE NA, SMRAS PA YOD DE, KUN 'BYUNG SHES PA SKYES PA LA 'GOG PA SHES PA MA SKYES PA'I TSE 'GOG PA DANG LAM MTHONG @248B BAS SPANG BAR BYA BA LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN BA DANG MTSUNGS PAR LDAN PA'I CHOS RNAMS TE, DE DAG NI RJES SU CHAGS PA'I KUN DU SBYOR BA DE LA DMIGS PAR LDAN LA LTA BA'I KUN DU SBYOR BAS NI MI LDAN TE, KUN DU 'GRO BA NI SPANGS PA'I PHYIR LA KUN DU 'GRO BA MA YIN PA DE LA DMIGS PA DANG MTSUNGS PAR LDAN PA CAN LTA BA'I KUN DU SBYOR BA NI MED PA'I PHYIR RO, ,DE DAG LA LTA BA'I PHRA RGYAS DAG NI RGYAS PAR 'GYUR TE, MCHOG TU 'DZIN PA'I LTA BA DE DAG KHO NA MTSUNGS PAR LDAN PA'I SGO NAS RGYAS PAR 'GYUR RO ZHES BYA BA NAS, YANG CI'I PHYIR KUN DU SBYOR BA DAG GI NANG DU LTA BA GSUM NI LOGS SHIG TU LTA BA'I KUN DU SBYOR BAR BSHAD LA, GNYIS NI LOGS SHIG TU MCHOG TU 'DZIN PA'I KUN DU SBYOR BA'I NANG DU BSHAD CE NA, RDZAS DANG MCHOG 'DZIN 'DRA BA'I PHYIR, ,LTA GNYIS KUN DU SBYOR GZHAN NO, ,LTA BA MCHOG GSUM YANG RDZAS BCO BRGYAD YIN LA, MCHOG TU 'DZIN PA'I LTA BA GNYIS KYANG RDZAS BCO BRGYAD KHO NA YIN TE, DE'I PHYIR RDZAS MNYAM PAS 'DI GNYIS KUN TU SBYOR BAS GZHAN DU BYAS SO ZHES GRAG GO ,'DI GNYIS NI MCHOG TU 'DZIN PA'I RANG BZHIN YIN LA, LHAG MA RNAMS NI MA YIN PAS MCHOG TU 'DZIN PAR 'DRA BA'I PHYIR YANG 'DI GNYIS LOGS SHIG TU BSHAD DE, GZUNG BA DANG 'DZIN PA THA DAD PA'I PHYIR RO, ,YANG CI'I PHYIR KUN TU SBYOR BA DAG TU PHRAG DOG DANG, SER SNA NI LOGS SHIG TU KUN DU SBYOR BA GNYIS SU BSHAD LA, KUN NAS DKRIS PA GZHAN NI MA YIN ZHE NA, GANG PHYIR GNYI GA GCIG TU NI, ,MI DGE RANG DBANG DE YI PHYIR, ,PHRAG DOG SER SNA DE DAG LAS, ,LOGS SHIG KUN SBYOR GNYIS SU BSHAD, ,GANG LA GCIG TU MI DGE BA DANG RANG DBANG CAN 'DI GNYIS KA YOD PA DE LTA BU'I KUN NAS DKRIS PA GZHAN NI MED DO, ,GZHAN DAG NA RE GANG GI KUN NAS DKRIS PA BRGYAD YIN PA DE'I PHYIR NI DE LTAR 'GYUR GYI, GANG GI BCU YIN PA DE NI KHRO BA DANG 'CHAB PA YANG RNAM PA GNYIG YIN PAS DE'I PHYIR 'DI LA LAN MA YIN NO ZHES ZER RO, ,YANG BCOM LDAN 'DAS KYIS @249A *, ,GZHAN DU KUN DU SBYOR BA, THA MA'I CHA DANG MTHUN RNAM LNGA, ,GSUNGS TE, 'DI LTA STE, 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG, 'DOD PA LA 'DUN PA DANG, GNOD SEMS SO, ,CI'I PHYIR 'DI DAG THA MA'I CHA DANG MTHUN PA RNAMS ZHES BYA ZHE NA, THA MA'I CHA DANG LDAN PA'I PHYIR TE, THA MA'I CHA NI 'DOD PA'I KHAMS YIN LA, 'DI DAG KYANG DE'I RJES SU MTHUN PA YIN TE, 'DI LTA GNYIS KYIS 'DOD PA LAS MI 'DA' LA, GSUM PO YIS NI PHYIR ZLOG BYED, ,'DOD PA LA 'DUN PA DANG, GNOD SEMS DAG GIS NI 'DOD PA'I KHAMS LAS MI 'DA'O, ,'JIG TSOGS LA LTA BA LA SOGS PA DAG GIS NI 'DAS KYANG PHYIR ZLOG PAR BYED DE, SGO BA DANG, RJES SU 'BRANG BA DANG CHOS MTHUN PA'I PHYIR RO, ,GZHAN DAG NA RE GSUM GYIS NI SEMS CAN GYI THA MA SO SO'I SKYE BO NYID LAS MI 'DA' LA, GNYIS KYIS NI KHAMS KYI THA MA 'DOD PA'I KHAMS LAS MI 'DA' STE, DE'I PHYIR 'DI DAG THA MA'I CHA DANG MTHUN PA RNAMS ZHES BYA'O ZHES ZER RO, ,GANG GI TSE RGYUN DU ZHUGS PAS KUN DU SBYOR BA GSUM YONGS SU GTUGS TE SPANG BA'I PHYIR NYON MONGS PA DRUG SPANGS PA YIN NA, CI'I PHYIR LTA BA GSUM BOR LA, 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM GSUM KHO NA GSUNGS SHE NA, DE DAG THAMS CAD BRJOD PAR BYA BA NI YIN MOD KYI 'ON KYANG, SKO DANG RTZA BA BSDUS PHYIR GSUM, ,DU BSHAD DE, NYON MONGS PA RNAMS NI RNAM PA GSUM STE, RNAM PA GCIG DANG, RNAM PA GNYIS DANG, RNAM PA BZHI DAG YIN LA, DE DAG GI SGO NI 'DI GSUM GYIS BSDUS SO, ,GZHAN YANG MTHAR 'DZIN PAR LTA BA NI 'JIG TSOGS LA LTA LTA BAS RAB TU BCUG LA, LTA BA MCHOG TU 'DZIN PA NI TSUL KHRIMS DANG BRTUL ZHUGS MCHOG TU 'DZIN PAS RAB TU BCUG ,LOG PAR LTA BA NI THE TSOM GYIS RAB TU BCUG STE, DE'I PHYIR RTZA BA BSDUS SO ZHES ZER RO ZHES GRAG GO ,GZHAN DAG NA RE, 'GRO MI 'DOD DANG LAM @249B NOR DANG, ,LAM LA THE TSOM DE SNYED CIG ,THAR PA BGROD PA BGEGS BYED PA, ,DE YI PHYIR NA GSUM BSTAN TO, ,YUL GZHAN DU BGROD PAR BYA BA LA BAR CHAD BYED PA NI GSUM YOD DO, ,'GRO MI 'DOD PA DANG, LAM GZHAN LA BRTEN PA'I PHYIR LAM NOR BA DANG, LAM LA THE TSOM ZA BA'O, ,DE BZHIN DU THAR BA BGROD PAR BYA BA LA YANG GSUM PO DE DAG NYID BAR CHAD BYED DE, DE LA 'JIG TSOGS LA LTA BAS NI THAR PAS SKRAG PAR 'GYUR BAS 'GRO MI 'DOD PAR 'GYUR RO, ,TSUL KHRIMS DANG BRTUL ZHUGS MCHOG TU 'DZIN BAS NI LAM GZHAN LA YANG DAG PAR BRTEN PA'I PHYIR LAM NOR BAR 'GYUR RO, ,THE TSOM GYIS NI LAM LA THE TSOM ZA BAR 'GYUR TE, BCOM LDAN 'DAS KYIS RGYUN DU ZHUGS PAS THAR PAR BGROD PA'I BAR CHAD BYED PA DE DAG SPANG BAR STON PA NA NYON MONGS PA GSUM KHO NA SPANG BAR BSTAN TO ZHES ZER RO, ,BCOM LDAN 'DAS KYIS JI LTAR KUN DU SBYOR BA THA MA'I CHA DANG MTHUN PA LNGA BSHAD PA DE BZHIN DU YANG, GONG MA'I CHA DANG MTHUN LNGA NYID, ,JI LTA ZHE NA, GZUGS DANG GZUGS MED LAS SKYES PA'I, ,'DOD CHAGS GNYIS RGOD NGA RGYAL RMONGS, ,ZHES TE, 'DI DAG GI KUN DU SBYOR BA GONG MA'I CA DANG MTHUN PA LNGA YIN TE, 'DI LTA STE GZUGS KYI 'DOD CHAGS DANG, GZUGS MED PA'I 'DOD CHAGS DANG, RGOD PA DANG, NGA RGYAL DANG, MA RIG PA STE, DE DAG MA SPANGS PAR KHAMS GONG MA LAS MI 'DA' BA'I PHYIR RO, ,KUN DU SBYOR BA'I SKABS RDZOGS SO,, ,, 'CHING BA RNAMS GANG ZHE NA, 'CHING BA NI GSUM STE, 'CHING BA 'DOD CHAGS THAMS CAD DANG, 'CHING BA ZHE SDANG DANG, GTI MUG THAMS CAD DO, ,CI'I PHYIR GSUM PO NI 'CHING BAR BSHAD CE NA, TSOR BA'I DBANG GIS 'CHING BA GSUM, ,CHOR BA GSUM GYI DBANG GIS 'CHING BA GSUM STE, BDE BA'I TSOR BA LA NI 'DOD CHAGS DMIGS PA DANG MTSUNGS PAR LDAN PA'I SGO NAS RGYAS PAR 'GYUR LA, SDUG BSNGAL LA NI ZHE SDANG NGO, ,BDE BA YANG MA YIN SDUG BSNGAL YANG MA YIN PA LA NI GTI MUG STE, 'DOD CHAGS DANG, ZHE SDANG DAG NI DE LTA MA YIN @250A *, ,NO; ,YANG NA RANG GI RGYUD LA YOD PA'I DMIGS PA'I SGO NAS NGES PA YIN NO, ,PHRA RGYAS RNAMS NI SNGAR BSHAD PA KHO NAR ZAD DO, ,NYE BA'I NYON MONGS PA RNAMS BRJOD PAR BYA STE, DE LA RE ZHIG GANG DAG NYON MONGS PA YIN PA DE DAG NI NYE BA'I NYON MONGS PA YANG YIN TE, SEMS NYE BAR NYON MONGS PAR BYED PA'I PHYIR RO, ,NYON MONGS LAS GZHAN NYON MONGS CAN, ,SEMS BYUNG 'DU BYED PHUNG ZHES BYA, ,GANG DE'ANG NYE BA'I NYON MONGS TE, ,DE DAG NYON MONGS ZHES MI BYA, ,NYON MONGS PA RNAMS LAS GZHAN PA CHOS NYON MONGS PA CAN SEMS LAS BYUNG BA 'DU BYED KYI PHUNG POS BSDUS PA GANG DAG YIN PA DE DAG NI NYE BA'I NYON MONGS PA KHO NA YIN GYI, NYON MONGS PA DAG NI MA YIN TE, DE DAG KYANG GZHI PHRAN TSEGS LAS BYUNG BA GANG DAG YIN BA'O, ,'DIR NI KUN NAS DKRIS PA DANG, NYON MONGS PA'I DRI MAS BSDUS PA KHO NA BSTAN PAR BYA STE, KUN NAS DKRIS PA RNAMS GANG ZHE NA, SMRAS PA NYON MONGS PA YANG KUN NAS DKRIS PA YIN TE, MDO LAS, 'DOD PA'I 'DOD CHAGS KYI KUN NAS DKRIS PA SDUG BSNGAL GYI RKYEN ZHES 'BYUNG BA'I PHYIR RO, ,BSTAN BCOS RAB TU BYED PA LAS NI, NGO TSA MED DANG KHREL MED DANG, ,PHRAG DOG SER SNA RGOD PA DANG, ,'GYOD DANG RMUGS DANG GNYID DANG NI, ,KUN NAS DKRIS PA RNAM PA BRGYAD, ,'BYUNG NGO, ,BYE BRAG TU SMRA BA'I LUGS KYIS NI KUN NAS DKRIS PA BCU STE, BRGYAD PO DE DAG DANG, KHRO DANG 'CHAB PA'O, ,DE LA NGO TSA MED PA DANG KHRIL MED PA NI BSHAD ZIN TO, ,PHRAG DOG NI GZHAN GYI DON PHUN SUM TSOGS PA LA SEMS KHONG NAS 'KHRUG PA'O, ,SER SNA NI CHOS DANG ZANG ZING DANG MKHAS PA RAB TU SBYIN PA DANG 'GAL BA CAN SEMS KYIS KUN NAS 'DZIN PA'O, ,RGOD PA NI SEMS RNAM PAR MA ZHI BA'O, ,'GYOD PA DANG RMUGS PA NI BSHAD ZIN TO, ,GNYID NI LUS YANG DAG PAR 'DZIN PAR MI NUS PA SEMS MNGON PAR SDUD PA'O, ,DE DANG 'GYOD PA NI NYON MONGS PA CAN KHO NA KUN NAS DKRIS PA YIN NO, ,KHRO BA NI GNOD SEMS DANG, RNAM PAR @250B 'TSE BA MA GTOGS PA SEMS CAN DANG SEMS CAN MA YIN PA LA KUN NAS MNAR SEMS PA GANG YIN PA'O, ,'CHAB PA NI KHA NA MA THO BA MKHYUD PA'O, ,KUN NAS DKRIS PA DE RNAMS LAS, ,'DOD CHAGS DANG, NGO TSA MED RGOD SER SNA BSLANG, ,NYE BA'I NYON MONGS PA GSUM PO 'DI DAG NI 'DOD CHAGS KYI RGYU MTHUN PA YIN NO, ,'CHAB PA RTZOD DO, ,KHA CIG NA RE, SRED PA'I RGYU MTHUN PA'O ZHES ZER RO, ,GZHAN DAG NA RE MA RIG PA'I RGYU MTHUN PA'O ZHES ZER RO, ,GZHAN DAG NA RE DE GNYI GA'I YIN TE, GO RIMS BZHIN DU SHES PA DANG MI SHES PA RNAMS KYI YIN NO ZHES ZER RO, ,MA RIG PA LAS, RMUGS DANG GNYID DANG KHREL MED DO, ,GSUM PO 'DI DAG NI MA RIG PA'I RGYU MTHUN PA YIN NO, ,THE TSOM LAS 'GYOD KHRO BA DANG, PHRAG DOG KHONG KHRO'I RGYU LAS BYUNG, ,KHONG KHRO BAS KUN NAS BSLANG BA DAG YIN TE, DE LTAR NA NYE BA'I NYON MONGS PA BCU PO DE DAG NI NYON MONGS PA'I RGYU MTHUN PA DAG YIN NO, ,GZHAN YANG NYON MONGS DRI MA DRUG ,'DI LTA STE, SGYU DANG GA-YO DANG RGYAGS PA DANG, ,DE BZHIN 'TSIG DANG KHON 'DZIN DANG, ,RNAM 'TSE, DE LA SGYU NI GZHAN 'DRID PA'O, ,GA-YO NI SEMS GYA GYU BA STE, GANG GIS YANG DAG PA JI LTA BA BZHIN MI 'CHAGS GYI GTAM RLUNG BSKUR BA 'AM MI GSAL BAR BYED PA'O, ,RGYAGS PA NI SNGAR BSHAD ZIN TO, ,'TSIG PA NI KHA NA MTHO BA DANG BCAS PA'I DNGOS PO DAM DU 'DZIN PA STE, GANG GIS RIG PAR GTAMS PA MI 'DZIN PA'O, ,KHON DU 'DZIN PA NI KUN NAS MNAR SEMS KYI DNGOS PO LAN MANG DU BYED PA'O, ,RNAM PAR 'TSE BA NI RNAM PAR THO 'TSAMS PA STE, GANG GIS MTSON CHA DANG TSIG RTZUB PO DAG GIS PHA ROL PO RNAM PAR THO 'TSAMS PAR BYED PA'I NYON MONGS PA'I DRI MA DRUG PO DE DAG LAS, SGYU DANG RRGYAGS PA NI, 'DOD CHAGS LAS SKYES KHON 'DZIN DANG, ,RNAM 'TSE KHONG KHRO LAS SKYES SO, ,'TSIG PA LTA BA MCHOG 'DZIN LAS, ,GA-YO NI LTA BAS KUN NAS BSLANG, ,GYA GYU CI YIN SDIG CAN LTA, ,ZHES @251A *, ,TSIGS SU BCAD DE 'BYUNG BA'I PHYIR GA-YO NI LTA BA'I RGYU MTHUN PA YIN PAR RUNG NGO, ,'DI DAG CI ZHIG GIS SPANG BAR BYA BA YIN ZHE NA, RE ZHIG KUN NAS DKRIS PA BCUR BSHAD PA GANG DAG YIN PA, DE LAS NGO TSA MED PA DANG, ,KHREL MED RMUGS GNYID RGOD RNAM GNYIS, ,CHOS LNGA PO 'DI DAG NI NYON MONGS PA RNAM PA GNYIS KA DANG MTSUNGS PAR LDAN PA'I PHYIR MTHONG BA DANG BSGOM PAS SPANG BAR BYA BA RNAM PA GNYIS YIN TE, GANG ZHIG GANG MTHONG BAS SPANG BAR BYA BA DANG MTSUNGS PAR LDAN PA DE NI DE MTHONG BAS SPANG BAR BYA BA YIN NO, ,DE LAS GZHAN NI BSGOM SPANG BYA, ,DE DAG LAS GZHAN PA'I NYE BA'I NYON MONGS PA KUN NAS DKRIS PAS BSDUS PA PHRAG DOG DANG, SER SNA DANG, 'GYOD PA DANG, KHRO BA DANG, 'CHAB PA NI BSGOM PAS SPANG BAR BYA BA KHO NA DANG; NYE BA'I NYON MONGS PA LNGA PO DE DAG NI, RANG DBANG CAN YIN TE, MA RIG PA TZAM DANG MTSUNGS PAR LDAN PA'I PHYIR RO, ,JI LTAR PHRAG DOG LA SOGS PA NYE BA'I NYON MONGS PA LNGA PO DE DAG BSGOM PAS SPANG BAR BYA BA DANG, RANG DBANG CAN YIN PA, DE BZHIN DRI MA RNAMS, NYON MONGS PA'I DRI MA DRUG KYANG DE DANG 'DRA'O, ,NYE BA'I NYON MONGS PA JI SKAD DU BSHAD PA DE DAG NI, 'DOD NA MI DGE ,'DOD PA'I KHAMS NA NI MI DGE BA DAG YIN NO, ,DE DAG LAS KYANG, GSUM RNAM GNYIS, RMUGS PA DANG, RGOD PA DANG, GNYID RNAMS NI MI DGE BA DANG, LUNG DU MA BSTAN PA DAG YIN NO, ,DE YAN CHAD NI LUNG MA BSTAN, ,'DOD PA'I KHAMS YAN CHAD KYI NYE BA'I NYON MONGS PA RNAMS NI CI RIGS PAR LUNG DU MA BSTAN PA DAG YIN NO, ,DE DAG LAS DU ZHIG GANG NA YOD PAR RIG PAR BYA ZHE NA; 'DOD DANG BSAM GTAN DANG PO NA, GA-YO SGYU, 'DI GNYIS NI 'DOD PA'I KHAMS DANG, BSAM GTAN DANG PO NA YOD DO, ,TSANGS PA'I 'JIG RTEN NA SGYU JI LTAR YOD CE NA, TSANGS PAS 'DRID PHYIR RO, ,TSANGS PA CHEN PO DE NI BDAG NYID LOG PAR KUN @251B STON PAS TSE DANG LDAN PA RTA THUL LA 'DRED PAR ZHUGS SO, ,GA-YO NI BSHAD ZIN MOD KYI ZHAR LA 'ONGS PAS SMOS SO, ,RMUGS RGOD RGYAGS PA KHAMS GSUM NA, ,GSUM PO 'DI DAG NI KHAMS GSUM PO DAG YIN NO, GZHAN DAG NA 'DOD KHAMS LAS SKYES PA; BCU DRUG LAS LNGA BOR TE, NYE BA'I NYON MONGS PA BCU GCIG NI 'DOD PA NA SPYOD PA KHO NA YIN NO, ,NYON MONGS PA DANG NYE BA'I NYON MONGS PA RNAMS BSHAD ZIN TO, ,YANG DE RNAMS LAS YID KYIS PA NI DU ZHIG YIN, RNAM PAR SHES PA DRUG GI SA PA NI DU ZHIG YIN ZHE NA, MDOR BSDU NA, MTHONG SPANG BYA NYID NGA RGYAL BCAS, ,YID RNAM SHES KYI SA PA YIN, ,MTHONG BAS SPANG BAR BYA BA THAMS CAD NI YID KYI SA PA DAG YIN TE, GNYID DANG NGA RGYAL BSGOM PAS SPANG BAR BYA BA DANG YANG BCAS PA THAMS CAD NI YID KYI SA PA DAG YIN TE, DE DAG NI THAMS CAD YID KYI SA PA DAG YIN NO ,NYE BA'I NYON MONGS RANG DBANG YANG, ,NYON MONGS PA RANG DBANG CAN GANG DAG YIN PA DE DAG NI BSGOM PAS SPANG BAR BYA BA YIN YANG YID KYI SA PA KHO NA YIN PAR BLTA BAR BYA'O, GZHAN NI RNAM SHES DRUG RTEN CAN, ,NYON MONGS PA DANG NYE BA'I NYON MONGS PA GZHAN DAG NI RNAM PAR SHES PA DRUG GIS PA DAG YIN PAR RIG PAR BYA'O, ,GZHAN YANG GANG DAG CIG YIN ZHE NA, BSGOM PAS SPANG BAR BYA BA'I 'DOD CHAGS DANG, KHONG KHRO BA DANG, MA RIG PA RNAMS DANG, DE DAG DANG MTSUNGS PAR LDAN PA NYE BA'I NYON MONGS PA NGO TSA MED PA DANG, KHREL MED PA DANG, RMUGS PA DANG, RGOD PA RNAMS DANG, NYON MONGS PA'I SA PA MANG PO BA DAG GI NANG DU BSHAD PA GANG DAG YIN PA'O, ,BDE BA LA SOGS PA'I DBANG PO LNGA PO GANG DAG YIN PA, DE DAG LAS DBANG PO GANG ZHIG NYON MONGS PA 'AM, NYE BA'I NYON MONGS PA GANG DANG MTSUNGS PAR LDAN ZHE NA, BDE BA DAG DANG 'DOD CHAGS SU, ,MTSUNGS LDAN, 'DOD CHAGS NI BDE BA DANG YID BDE BA DAG DANG MTSUNGS PAR @252A *, ,LDAN NO; ,ZHE SDANG BZLOG PA'O, ,SDUG BSNGAL DAG DANG ZHES BYA BA'I THA TSIG STE, SDUG BSNGAL DANG YID MI BDE BA DANG MTSUNGS PAR LDAN TE, 'DOD CHAGS DANG ZHE SDANG DAG NI DGA' BA DANG SKYO BA'I RNAM PAR 'JUG PA'I PHYIR DANG, RNAM PAR SHES PA DRUG GI SA PA YIN PA'I PHYIR RO, ,MA RIG PA DAG THAMS CAD DANG, ,MA RIG PA RNAMS NI NYON MONGS PA THAMS CAD DANG MTSUNGS PAR LDAN PA'I PHYIR DBANG PO LNGA CHAR DANG YANG MTSUNGS PAR LDAN NO, ,MED LTA YID BDE SDUG BSNGAL DANG, ,YID SDUG BSNGAL BA NI YID MI BDE BA'O, ,YID BDE BA NI YID BDE BA STE, LOG PAR LTA BA NI DE DAG DE DANG MTSUNGS PAR LDAN TE, BSOD NAMS KYI LAS CAN RNAMS DANG, SDIG PA'I LAS CAN RNAMS KYI DANG GO RIMS BZHIN NO, ,YID MI BDE BA DANG THE TSOM MO, ,THE TSOM ZOS PA NGES PA DON DU GNYER BA NA, YID MI BDE BAR 'GYUR RO, ,GZHAN YID BDE DANG, PHRA RGYAS GZHAN DAG NI YID BDE BA KHO NA DANG MTSUNGS PAR LDAN NO, ,GZHAN YANG GANG DAG GCIG YIN ZHE NA, LTA BA BZHI DANG, NGA RGYAL TE, DGA' BA'I RNAM PAR 'JUG PA'I PHYIR RO, ,PHRA RGYAS SU BSHAD PA DE DAG CI ZHIG DANG LDAN ZHE NA, 'DOD LAS SKYES, DE LTAR NA MTSUNGS PAR LDAN PA SO SOR NGES PA BSHAD NAS SPYIR SMRAS PA, BTANG SNYOMS DANG KUN, ,PHRA RGYAS 'DI DAG THAMS CAD NI BTANG SNYOMS KYI DBANG PO DANG MTSUNGS PAR LDAN TE, NYON MONGS PA RNAMS KYI RGYUN 'CHAD PA'I DUS NA GDON MI ZA BAR BTANG SNYOMS KUN DU GNAS SO ZHES GRAG GO, ,YANG SA GONG MA PA RNAMS JI LTA BUR ZHE NA, SA GONG MA RNAMS, SA JI BZHIN DU RANG RANG DANG, SA GONG MA'I PHRA RGYAS RNAMS NI SA GANG NA DBANG PO JI SNYED CIG YOD PA RANG RANG GI DBANG PO RNAMS DANG MTSUNGS PAR LDAN TE, DE NA YANG CI RIGS PAR RNAM PAR SHES PA'I TSOGS BZHIN PA RNAMS NI RNAM PAR SHES PA'I TSOGS BZHI PA RNAMS DANG MTSUNGS PAR LDAN LA YID KYI SA PA RNAMS NI YID KYI SA PA RNAMS KHO NA DANG @252B MTSUNGS PAR LDAN NO, ,NYON MONGS PA RNAMS DBANG PO DANG MTSUNGS PAR LDAN PA BSHAD ZIN TO, ,NYE BA'I NYON MONGS PA RNAMS LAS, 'GYOD DANG PHRAG DOG KHONG ? KHRO DANG, ,RNAM 'TSE KHON DU 'DZIN PA DANG, ,'CHAB PA YID MI BDE BA DANG, ,MTSUNGS PAR LDAN PA ZHES BYA BAR SBYAR TE, 'DI DAG NI SKYO BA'I RNAM PAR 'JUG PA'I PHYIR DANG YID KYI SA PA YIN PA'I PHYIR DANG, SER SNA DAG GI BZLOG PA YIN, ,YID BDE BA DANG MTSUNGS PAR LDAN PA ZHES BYA BA'I THA TSIG GO , ,CHAGS PA'I RGYU LAS BYUNG BA DGA' BA'I RNAM PAR 'JUG PA'I PHYIR RO, ,GA-YO DANG SGYU DANG RGYAGS 'CHAB GNYID, ,GNYI GA DANG LDAN, YID BDE BA DANG YID MI BDE BA DAG DANG MTSUNGS PAR LDAN TE, RES 'GA' NI YID BDE BA DAG GIS PHA ROL PO 'DRID PAR BYED LA, RES 'GA' NI YID MI BDE BA DAG GIS TE, GNYID KYI BAR DU YANG DE DANG 'DRA'O, , BDE DAG DANG, RGYAGS PA, BSAM GTAN GSUM PA NA NI BDE BA DANG MTSUNGS PAR LDAN NO, ,MAN CHAD NA NI YID BDE BA DANG MTSUNGS PAR LDAN NO, ,YAN CHAD NA NI BTANG SNYOMS DANG MTSUNGS PAR LDAN NO, ,'DI LTAR BTANG SNYOMS KUN DU 'GRO, ,THAM CAD BTANG SNYOMS DANG MTSUNGS PAR LDAN TE, DE NI MA RIG PA BZHIN DU GANG LA YANG 'GAG PA MED DO, ,BZHI PO GZHAN NI LNGA DAG DANG, ,NGO TSA MED PA DANG, KHREL MED PA DANG, RMUGS PA DANG, RGOD PA DANG, KUN NAS DKRIS PA BZHI PO 'DI DAG NI DBANG PO LNGA CHAR DANG MTSUNGS PAR LDAN TE, MI DGE BA'I SA MANG PO BA YIN PA'I PHYIR DANG, NYON MONGS PA'I SA MANG PO BA YIN PA'I PHYIR RO, ,MDO LAS, 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM DANG SGRIB PA LNGA GSUNGS PA GANG DAG YIN PA DE LA CI RMUGS PA DANG, RGOD PA DANG, THE TSOM KHAMS GSUM PA DAG BZUNG NGAM, 'ON TE 'DOD PA DANG MTSUNGS PAR LDAN PA DAG KHO NA GZUNG ZHE NA, MDO LAS, 'DI NI MI DGE BA'I PHUNG PO MA 'DRES PA YONGS SU @253A *, ,RDZOGS PA YIN TE, 'DI LTA STE, SGRIB PA LNGA'O ZHES GCIG TU MI DGE BAR GSUNGS PA'I PHYIR DANG, 'DOD NA SGRIB RNAMS, YOD NA KHAMS GZHAN NA NI MED DO, ,CI'I PHYIR RMUGS PA DANG GNYID GNYIS KYANG SGRIB PA GCIG TU BSHAD PA, RGOD PA DANG 'GYOD PA GNYIS KYANG GCIG TU BSHAD CE NA, MI MTHUN DANG, ZAS DANG BYA BA GCIG PA'I PHYIR, ,GNYIS GCIG ,GNYIS GCIG TU BYAS PA NI GNYIS GCIG GO , ,MI MTHUN PA DAG DANG, GNYEN PO DANG, ZAS MA YIN PA ZHES BYA BA NI DON GCIG GO , , MDO LAS RMUGS PA DANG, GNYID DAG GI ZAS KYANG GCIG ,ZAS MA YIN PA YANG GCIG TU GSUNGS TE, RMUGS PA DANG GNYID KYI SGRIB PA'I ZAS GANG ZHE NA, CHOS LNGA STE, RMYA BA DANG, MI DGA' BA DANG, BYA RMYANG DANG, KHA ZAS KYI DROD MI ZIN PA DANG, SEMS ZHUM PA NYID DO, ,RMUGS PA DANG GNYID KYI SGRIB PA'I ZAS MA YIN PA GANG ZHE NA, SNANG BA'I 'DU SHES SO, ,'DI GNYIS KYI BYA BA YANG GCIG STE, 'DI GNYI GAS KYANG SEMS ZHUM PAR BYED DO, ,RGOD PA DANG 'GYOD PA DAG GIS KYANG ZAS KYANG GCIG ,ZAS MA YIN PA YANG GCIG TU GSUNGS TE, RGOD PA DANG 'GYOD PA'I ZAS GANG ZHE NA, CHOS BZHI STE, NYE DU'I RNAM PAR RTOG PA DANG, YUL GYI RNAM PAR RTOG PA DANG, MI 'CHI BA'I RNAM PAR RTOG PA DANG, SNGON DGOD PA DANG, RTZES PA DANG, DGA' BA DANG, DGA' MGUR YONGS SU SPYAD PA RNAMS RJES SU DRAN PA YIN NO, ,RGOD PA DANG 'GYOD PA'I SGRIB PA'I ZAS MA YIN PA GANG ZHE NA, ZHI GNAS SO, ,'DI GNYIS KYI BYA BA YANG GCIG STE, 'DI GNYI GAS KYANG SEMS RNAM PAR MA ZHI BAR BYED DO, ,DE LTA BAS NA MI MTHUN PA DANG, ZAS DANG BYA BA GCIG PA'I PHYIR GNYIS GCIG TU BSHAD DO, ,GANG GI TSE NYON MONGS PA THAMS CAD KYANG SGRIB PA YIN NA CI'I PHYIR LNGA KHO NAR BSHAD CE NA, PHUNG PO GNOD BYED DANG, THE TSOM PHYIR NA LNGA NYID DO, ,'DOD PA LA 'DUN PA DANG, GNOD SEMS DAG GIS NI TSUL KHRIMS @253B KYI PHUNG PO LA GNOD PAR BYED DO, ,RMUGS PA DANG GNYID KYIS NI SHES RAB KYI PHUNG PO LA GNOD PAR BYED DO, ,RGOD PA DANG 'GYOD PAS NI TING NGE 'DZIN GYI PHUNG PO LA GNOD PAR BYED DO, ,TING NGE 'DZIN DANG SHES RAB DAG MED NA, BDEN PA DAG LA THE TSOM ZA BAR 'GYUR TE, DE'I PHYIR LNGAR BSHAD DO, ,GZHAN DAG NA RE RTOG PA 'DI LA NI TING NGE 'DZIN GYI PHUNG PO DANG 'GAL BA RGOD PA DANG 'GYOD PA'I SGRIB PA SNGAR SMOS PAR 'GYUR TE, DE'I PHYIR GRANGS BZHIN DU 'DI GNYIS KYI TING NGE 'DZIN DANG SHES RAB KYI PHUNG PO LA GNOD PAR BYED PA YIN TE, TING NGE 'DZIN LA BRTZON PA NI RMUGS PA DANG GNYID KYIS 'JIGS LA, CHOS RAB TU RNAM PAR 'BYED PA LA BRTZON PA NI RGOD PA DANG, 'GYOD PAS 'JIGS SO ZHES ZER RO, ,GZHAN DAG NI GZHAN DU BRJOD DO, ,JI SKAD DU BRJOD CE NA, RGYU BAR GYUR PAS GZUGS SDUG PA DANG MI SDUG PA'I YUL DAG LA MTSAN MAR GZUNG BA'I PHYIR GNAS PAR GYUR PA'I TING NGE 'DZIN DU 'JUG PA LA, DE SNGON DU 'GRO BA'I 'DOD PA LA 'DUN PA DANG, GNOD SEMS DAG DANG PO NYID DU BAR CHAD BYED DO, ,DE'I 'OG TU TING NGE 'DZIN DU ZHUGS PAS RIGS PA MA YIN PAR ZHI GNAS LHAG MTHONG BSTAN PA'I PHYIR GO RIMS BZHIN DU RMUGS PA DANG, GNYID DANG, RGOD PA DANG, 'GYOD PA DANG, THE TSOM NI ZHI GNAS DANG LHAG MTHONG DGE LA BAR CHAD BYED LA, LANGS PA LA YANG CHOS LA 'OS PAR RTOG PA'I TSE THE TSOM GYI BAR CHAD BYED DE, DE'I PHYIR SGRIB PA LNGAR BSHAD DO ZHES BRJOD DO, ,'DI ? DPYAD PAR BYA STE, SKAL BA MI MNYAM PA'I KHAMS KUN DU 'GRO BA RNAMS DANG, 'GOG PA DANG LAM MTHONG BAS SPANG BAR BYA BA ZAG PA DANG BCAS PA LA DMIGS PA LA RNAMS GANG GI TSE DMIGS PA YONGS SU SHES PA DE'I TSE NI SPONG BAR MI 'GYUR LA, GANG GI TSE SPONG BAR 'GYUR LA DE'I TSE NI DMIGS PA YONGS SU MI SHES NA JI LTAR DE DAG STONG ZHE NA, NYON MONGS PA RNAMS NI DMIGS PA YONGS SU SHES PAS ZAD PAR NGES PA MA YIN NO, ,'O NA JI LTA BU ZHE NA, RNAM PA @254A *, ,BZHIS SO, ,RNAM PA BZHI PO GANG DAG GIS SHE NA, RE ZHIG MTHONG BAS SPANG BAR BYA BA RNAMS NI, DMIGS PA YONGS SU SHES PA DANG, DE LA DMIGS PA YANG DAG PAR, ,ZAD DANG DMI SHAS PA SPANGS PAS SO, ,DE LA DMIGS PA YONGS SU SHES PAS NI SDUG BSNGAL DANG KUN 'BYUNG BA MTHONG BAS SPANG BAR BYA BA RANG GI SA LA DMIGS PA RNAMS DANG, 'GOG PA DANG LAM MTHONG BAS SPANG PAR BYA BA ZAG PA MED PA LA DMIGS PA RNAMS ZAD PAR 'GYUR RO, ,DE LA DMIGS PA YANG DAG PAR ZAD PAS NI SKAL BA MI MNYAM PA'I KHAMS KUN DU 'GRO BA RNAMS ZAD PAR 'GYUR TE, DE LA DMIGS PA NI SKAL BA MNYAM PA'I KHAMS KUN DU 'GRO BA DAG YIN PAS DE DAG SPANGS NA DE DAG KYANG SPANG BA YIN NO, ,DMIGS PA SPANGS PAS NI 'GOG PA DANG LAM MTHONG BAS SPANG BAR BYA BA ZAG PA DANG BCAS PA LA DMIGS PA RNAMS ZAD PAR 'GYUR TE, ZAG PA MED PA LA DMIGS PA RNAMS NI DE DAG GI DMIGS PA YIN PAS DE DAG SPANGS NA DE DAG KYANG SPANG BA YIN NO, ,BSGOM PAS SPANG BAR BYA BA RNAMS NI GNYEN PO SKYES PAS ZAD PAR 'GYUR, NYON MONGS PA'I RNAM PA GANG DAG GI GNYEN PO LAM GANG YIN PA SKYES PA DE SPONG BAR BYED DO, ,GANG GI GNYEN PO GANG ZHIG YIN ZHE NA, CHEN PO'I CHEN PO NI CHUNG NGU'I CHUNG NGU ZHES BYA BA STE, RGYAS PAR NI 'OG NAS BSHAD PAR BYA'O, ,GNYEN PO YANG RNAM PA DU MA ? ZHIG YOD CE NA ? SMRAS PA, GNYEN PO RNAM BZHI SPONG BA DANG, ,GZHI DANG SRID NYID RNAM PAR NI, ,SUN 'BYIN ZHES BYA SPONG BA GNYEN PO NI BAR CHAD MED PA'I LAM MO, ,GZHI GNYEN PO NI DE YAN CHAD KYI LAM GANG YIN PA STE, GANG GIS DES THOB PA'I SPONG BA KUN DU 'DZIN PAR BYED PA'O, ,THAG BSRING BA'I NGO BO'I GNYEN PO NI RNAM PAR GROL BA'I LAM YAN CHAD KYI LAM GANG YIN PA STE, RNYED PA CHAD PA THAG BSRING BA'I PHYIR RO, ,GZHAN DAG NA RE RNAM PAR GROL BA'I LAM YANG YIN TE, DES KYANG THOB PA DE THAG SRID PAR BYED DO ZHES ZER RO, ,RNAM PAR SUN 'BYIN @254B PA'I GNYEN PO NI LAM GANG GIS KHAMS DE LA SKYON DU MTHONG NAS RNAM PAR SUN 'BYIN PAR BYED DO, ,GZHAN YANG 'DI DAG GI GO RIMS RNAM PAR SUN 'BYIN PA'I GNYEN PO NI SDUG BSNGAL DANG KUN 'BYUNG BA LA DMIGS PA SBYOR BA'I LAM MO, ,SPONG BA GNYEN PO NI BAR CHAD MED PA'I LAM THAMS CAD DO, ,GZHI GNYEN PO NI RNAM PAR GROL BA'I LAM MO, ,THAG BSRING BA'I NGO BO'I GNYEN PO NI KHYAD PAR GYI LAM MO ZHES BYA BA 'DI NI CHES LIGS PAR 'GYUR RO, ,NYON MONGS PA SPONG BA NA GANG LAS SPANG BAR BYA ZHE NA, DMIGS PA LAS NYON MONGS PA NI SPANG BAR BYAR 'DOD, MTSUNGS PAR LDAN PA LAS NI NYON MONGS PAR RNAM PAR DBYE BAR MI NUS SO, ,DMIGS PA LAS NI NUS TE, 'DI LTAR YANG DE LA DMIGS NAS MI SKYI'O ,RE ZHIG MA 'ONGS PA NI DMIGS PA LAS RNAM PAR DA BYE BAR YANG NUS GRANG NA 'DAS PA GO JI LTAR NUS, 'ON TE 'DI'I DON NI DMIGS PA YONGS SU SHES PAS SPANG BAR BYA BA 'DI YIN NO ZHE NA DE YANG MA NGES TE, DE LTA BAS NA 'DI BRJOD PAR BYA DGOS SO, ,JI TZAM GYIS NA NYON MONGS PA SPANGS PA ZHES BRJOD CE NA RANG GI RGYUD LA YOD PA NI THOB PA CHAD PAS SO; ,GZHAN GYI RGYUD LA YOD PA NI NYON MONGS PA DANG, GZUGS MED PA THAMS CAD DANG, NYON MONGS PA CAN MA YIN PA'I CHOS NI DE DAG LA DMIGS PA'I NYON MONGS PA RANG GI RGYUD LA YOD PA SPANGS PA'O, ,THAG BSRING BA'I NGO BO ZHES BYA BA THAG BSRING BA'I NGO BO RNAM PA DU YOD CE NA, THAG BSRING BA'I NGO BO NI RNAM PA BZHI YOD DO ZHES GRAG STE, MTSAN NYID MI MTHUN MI MTHUN PHYOGS, ,YUL RNAMS CHAD DANG DUS KYIS TE, ,'BYUNG DANG TSUL KHRIMS PHYOGS DANG NI, ,DUS GNYIS RING BA NYID LTA BU'O, ,MTSAN NYID KYIS RING BA NYID NI DPER NA 'BYUNG BA CHEN PO RNAMS LHAN CIG SKYES PA YIN YANG MTSAN NYID MI MTHUN PAS RING BA NYID LTA BU'O, ,GNYEN POS RING BA NYID NI DPER NA 'CHAL PA'I TSUL KHRIMS LAS TSUL KHRIMS LTA BU'O, ,YUL GYIS RING BA NYID NI DPER NA BSKAL PA'I YUL RNAM PAR @255A *, ,CHAD PAS TE, SHAR DANG NUB KYI RGYA MTSO BZHIN NO, ,DUS KYIS RING BA NYID NI DPER NA 'DAS PA DANG MA 'ONGS PA LTA BU'O, ,RING BA ZHES BYA BA DE GANG LAS RING BA YIN, DE LTAR LAS SO, ,'DAS MA THAG PA DANG, SKYE BAR 'GYUR BA GANG YIN PA DE JI LTAR NA RING BA YIN, DE NI DUS THA DAD PA NYID KYIS RING BA YIN GYI YUN RING MO ZHIG NA BYUNG BA DANG, 'BYUNG BA NYID KYIS NI MA YIN NO, ,DE LTAR YANG DE BZHIN DU RING BAR 'GYUR RO, ,'O NA NI BYED PAS RING BA NYID YIN NO, ,'DUS MA BYAS JI LTAR NA NYE BA NYID DU 'GRUB, DE THAMS CAD DU THOB PA'I PHYIR RO, ,'DAS PA DANG MA 'ONGS PA DAG LA YANG THAL BAR 'GYUR RO, ,NAM MKHA' YANG JI LTAR NYE BA YIN, DE LTA NA 'O NA NI 'DAS PA DANG MA 'ONGS PA NI DA LTAR GYIS CHOD PA'I PHYIR PHAN TSUN DU RING BA NYID YIN NO, ,DE LTAR NI GNYI GA DANG NYI BA'I PHYIR NYE BA YIN LA, 'DUS MA BYAS KYANG CHOD PA MED PA'I PHYIR NYE BA YIN NO, ,DE LTA NA YANG 'DAS PA DANG MA 'ONGS PA DANG DA LTAR BYUNG BA DANG NYE BA'I PHYIR GNYI GAR 'GYUR RO, ,'DI SKAD DU MA 'ONGS PA NI MA THOB PA'I PHYIR CHOS KYI RANG GI MTSAN NYID LAS RING BA YIN LA, 'DAS PA NI ZHIG PA'I PHYIR RING BA YIN NO ZHES BYA BA NI RIGS PAR 'GYUR RO, ,CI LAM KHYAD PAR DU 'GRO BA'I PHYIR NYON MONGS PA RNAMS KYI SPANGS PA YANG DANG YANG DU KHYAD PAR DU 'GYUR RAM ZHE NA, DE NI MED DE NYON MONGS PA THAMS CAD NI LAN CIG TU ZAD, GANG GI SPONG BA'I LAM GANG YIN PA DE KHO NAS DE ZAD PA YIN NO, ,DE DAG GI DRAL BA'I THOB PA YANG DANG YANG, DUS DU ZHIG TU ZHE NA, SMRAS PA, DUS DRUG TU STE, GNYEN PO SKYES DANG 'BRAS THOB DANG, DBANG PO RNAM PAR 'PHEL RNAMS SU, ,'DI NI GNYEN PO'I RNAM PAR GROL BA'I LAM MIN PAR BSAMS PA'O, ,'BRAS BU DAG NI DGE SBYONG GI TSUL GYI 'BRAS BU BZHI'O, ,DBANG PO RNAM PAR 'PHEL BA NI DBANG PO LNGA PO 'PHO BA'O, ,DUS DE DAG TU NYON MONGS PA'I BRAL BA 'THOB BO, ,DE YANG CI RIGS PAR KHA CIG @255B GIS DUS DRUG TU 'THOB PA NAS KHA CIG GIS NI DUS GNYIS KYI BAR DU 'THOB PAR BLTA BAR BYA'O, ,BRAL BA DE NYID ? GNAS SKABS DE DANG DE DAG TU YONGS SU SHES PA ZHES BYA BA'I MING 'THOB BO, ,YONGS SU SHES PA NI GNYIS TE, YE SHES KYI YONGS SU SHES PA DANG, SPANGS PA'I YONGS SU SHES PA'O, ,DE LA ? YE SHES KYI YONGS SU SHES PA NI ZAG PA MED PA'I SHES PA'O, ,SPANGS PA'I YONGS SU SHES PA NI SPANG BA KHO NA STE, 'BRAS BU LA RGYU BTAGS PA'I PHYIR RO, ,CI SPANGS PA THAMS CAD YONGS SU SHES PA GCIG KHO NA YIN NAM ZHE NA; SMRAS PA, MA YIN NO, ,'O NA JI LTA BU ZHE NA, YONGS SU SHES DGU, DE LA RE ZHIG 'DOD PA NA, ,DANG PO'I RNAM GNYIS ZAD LA GCIG ,'DOD PA'I KHAMS NA DANG PO'I RNAM PA GNYIS TE, SDUG BSNGAL DANG KUN 'BYUNG MTHONG BAS SPANG BAR BYA BA SPANGS PA NI YONGS SU SHES PA GCIG YIN NO, ,GNYIS ZAD PA NI DE GNYIS SO, ,'DOD PA'I KHAMS KHO NA NA 'GOG PA MTHONG BAS SPANG BAR BYA BA'I RNAM PA SPANGS BA NI YONGS SU SHES PA GCIG YIN LA, LAM MTHONG BAS SPANG BAR BYA BA'I RNAM PA SPANGS PA YANG GCIG YIN NO,, JI LTAR 'DOD PA NA SPYOD PA'I MTHONG BAS SPANG BAR BYA BA RNAMS SPANGS BA YONGS SU SHES PA GSUM YIN PA LTAR, DE BZHIN GONG MA'I DE GSUM NYID, DE BZHIN DU GZUGS DANG GZUGS MED PA NA SPYOD PA'I MTHONG BAS SPANG BAR BYA BA'I RNAM PA SPANGS PA YANG YONGS SU SHES PA GSUM YIN TE, SDUG BSNGAL DANG, KUN 'BYUNG MTHONG BAS SPANG BAR BYA BA RNAMS SPANGS PA NI GCIG YIN NO, ,'GOG PA MTHONG BAS SPANG BAR BYA BA RNAMS SPANGS PA NI GNYIS YIN NO, ,LAM MTHONG BAS SPANG BAR BYA BA RNAMS SPANGS PA NI GSUM YIN NO, ,DE LTAR NA KHAMS GSUM PA'I PHYIR MTHONG BAS SPANG BAR BYA BA RNAMS SPANGS PA NI YONGS SU SHES PA DRUG YIN NO, ,YONGS SU SHES PA GZHAN GSUM STE THA MA'I CHA DANG MTHUN GZUGS DANG, ZAG PA KUN ZAD, THA MA'I CHA DANG MTHUN PA SPANGS PA YANG, YONGS SU SHES PA GCIG @256A *, ,YIN NO; ,GZUGS KYI ZAG PA SPANGS PA YANG GCIG YIN TE, GZUGS KYI 'DOD CHAGS ZAD PA'I YONGS SU SHES PA'O, ,ZAG PA THAMS CAD SPANGS PA YANG GCIG YIN TE, KUN DU SBYOR BA THAMS CAD YONGS SU GTUGS PA'I YONGS SU SHES PA'O, ,CI'I PHYIR GZUGS DANG GZUGS MED PA NA SPYOD PA BSGOM PAS SPANG BAR BYA BA RNAMS SPANGS PA'I YONGS SU SHES PA NI THA DAD PAR BSTAN LA MTHONG BAS SPANG BAR BYA BA RNAMS KYI NI MA YIN ZHE NA, BSGEM PAS SPONG BAR BYA BA RNAMS KYI GNYEN PO MI 'DRA PA'I PHYIR RO; ,DE LTAR NA YONGS SU SHES PA NI DE DGU YIN NO, ,DE DAG LAS, SNGA MA DRUG BZOD 'BRAS, MTHONG BAS SPANG BAR BYA BA SPANGS PA'I RANG BZHIN GANG DAG YIN PA'O, ,LHAG MA RNAMS NI SHES PA YIS, ,THA MA'I CHA DANG MTHUN PA SPANGS PA LA SOGS PA'I YONGS SU SHES PA STE, BSGOM PA'I LAM GYI 'BRAS BU YIN PA'I PHYIR RO, ,JI LTAR YONGS SU SHES PA BZOD PA'I 'BRAS BU YIN ZHE NA, BZOD PA RNAMS NI SHES PA'I 'KHOR CAN YIN PA'I PHYIR TE, RGYAL PO'I 'KHOR LA RGYAL PO NYE BAR BTAGS PA BZHIN PA DANG, SHES PA DANG 'BRAS BU GCIG PA'I PHYIR RO, ,MI LCOGS MED 'BRAS THAMS CAD DO, ,BSAM GTAN RNAMS KYI LNGA'AM BRGYAD, ,BYE BRAG TU SMRA BA'I LUGS KYIS NI BSAM GTAN KYI DNGOS GZHI'I 'BRAS BU YONGS SU SHES PA LNGA STE, GZUGS DANG, GZUGS MED PA LA SPYOD PA'I NYON MONGS PA SPONGS PA'I RANG BZHIN GANG DAG YIN PA'O, ,'DOD PA NA SPYOD PA'I NYON MONGS PA SPANGS PA RNAMS NI MI LCOGS PA MED PA'I 'BRAS BU YIN PA'I PHYIR RO, ,BTZUN PA DBYANGS SGROGS KYI LUGS KYIS NI BRGYAD DE, DE NI 'DOD CHAGS DANG BRAL BAS 'DOD PA NA SBYOD PA'I MTHONG BAS SPANG BAR BYA BA RNAMS SPANGS PA YANG BRAL BA'I THOB PA ZAD PA MED PA RNYED PA'I PHYIR MTHONG BA'I LAM GYI 'BRAS BUR 'DOD DO, ,THA MA'I CHA DANG MTHUN PA SPANGS PA'I YONGS SU SHES PA NI MI LCOGS PA MED PA'I 'BRAS BU KHO NA YIN NO, ,BSAM @256B GTAN KHYAD PAR CAN YANG BSAM GTAN BZHIN DU BLTA BAR BYA'O, ,GZUGS MED PA RNAMS KYIS NI NYE BAR BSDOGS PA GCIG YIN TE, NAM MKHA' MTHA' YAS SKYE MCHED KYI NYER BSDOGS KYI 'BRAS BU NI GCIG YIN TE, GZUGS KYI 'DOD CHAGS ZAD PA'I YONGS SU SHES PA'O, ,GZUGS MED DNGOS GZHI GSUM GYI YANG, ,GZUGS MED PA'I DNGOS GZHI GSUM GYI 'BRAS BU YANG GCIG KHO NA STE, KUN DU SBYOR BA THAMS CAD YONGS SU GTUGS PA'I YONGS SU SHES PA YIN NO, ,YONGS SU SHES PA DGU PO THAMS CAD 'PHAGS PA'I LAM GYI 'BRAS BU YIN NO, ,GNYIS, 'JIG RTEN PA YI, LAM GYI 'BRAS BU NI GNYIS TE, THA MA'I CHA DANG MTHUN PA DANG, GZUGS KYI 'DOD CHAGS ZAD PA'I YONGS SU SHES PA DAG GO, ,RJES SU YANG, RJES SU SHES PA'I 'BRAS BU YANG YONGS SU SHES PA GNYIS TE THA MA DAG GO , ,CHOS SHES PA NI GSUM YIN NO, ,THA MA DAG KHO NA STE, KHAMS GSUM PA'I BSGOM PAS SPANG BAR BYA BA'I GNYEN PO YID PA'I PHYIR RO, ,DE'I PHYOGS MTHUN GYI DRUG DANG LNGA, CHOS SHES PA'I PHYOGS DANG MTHUN PA'I 'BRAS BU NI YONGS SU SHES PA DRUG STE, CHOS KYI BZOD PA DANG SHES PA RNAMS KYI 'BRAS BU GANG DAG YIN PA KHO NA'O, ,RJES SU SHES PA'I PHYOGS DANG MTHUN PA NI LNGA YIN TE, RJES KYI BZOD PA DANG SHES PA RNAMS KYI 'BRAS BU GANG DAG YIN PA KHO NA'O, ,PHYOGS DANG MTHUN PA SMOS PAS NI BZOD PA DANG SHES PA RNAMS BZUNG NGO, ,CI'I PHYIR SPANGS PA RE RE YONGS SU SHES PAR RNAM PAR MI GZHAG CE NA, 'DI LTAR RE ZHIG BZOD PA'I 'BRAS BU BRAL BA NI, BRAL BA'I THOB PA ZAG MED DANG, ,SRID RTZE NYAMS PAR BYAS PA DANG, , RGYU GNYIS KUN DU BCOM PA'I PHYIR, ,YONGS SHES SU RNAM PAR GZHAG GO, ,GANG LA RGYU 'DI GSUM YOD PA DE SPANGS PA'I YONGS SU SHES PA ZHES BYA ZHE NA, RE ZHIG SO SO'I SKYE BO LA NI BRAL BA'I THOB PA ZAG PA MED PA DANG, SRID PA'I RTZE MO NYAMS PAR BYED @257A *, ,PA MED PAS 'DI'I SPANGS PA YONGS SU SHES PA ZHES BYA BA'I MING MI THOB BO, ? ,'PHAGS PA LA YANG BZOD PA'I 'BRAS BU SPANGS PA GANG YIN PA DE NI, DE LA JI SRID DU SDUG BSNGAL LA RJES SU SHES PA'I BZOD PA LA GNAS PA, DE SRID DU BRAL BA'I THOB PA ZAG PA MED PA YOD MOD KYI, SRID PA'I RTZE MO MNYAM PAR BYAS PA NI MA YIN NO, ,SDUG BSNGAL LA RJES SU SHES PA LA NI GNYIS YOD MOD KYI, RGYU GNYIS KUN DU BCOM PA NI MA YIN TE, RGYU KUN 'BYUNG MTHONG BAS SPANG BAR BYA BA KUN DU 'GRO BA MA SPANGS PA'I PHYIR RO, ,CHOS DANG RJES SU SHES PA GZHAN DAG LA NI GSUM PO THAMS CAD YOD PAS, DE'I PHYIR GNAS SKABS DE DANG DE DAG TU DE SPANGS PA'I YONGS SU SHES PA'I MING 'THOB PO, ,SHES PA'I 'BRAS BU SPANGS PA NI RGYU GSUM PO DE DANG, BZHI PA KHAMS LAS 'DAS PA LAS, ,YONGS SU SHES PA'I MING 'THOB STE, ,KHAMS MTHA' DAG LAS 'DOD CHAGS DANG BRAL BA'I PHYIR, GANG GI TSE KHAMS LAS YANG DAG PAR 'DA' BA NA'O, ,GNYIS PA KUN DU SBYOR BA DANG BRAL BA RGYU LNGA PA DE SMRAS PA, RNAM PA GANG ZHIG SPANGS LA GAL TE DE LA DMIGS PA'I NYON MONGS PA GZHAN DANG BRAL BAR GYUR NA'O ZHES BYA BA NI, DE NI RGYU GNYI GA YANG DAG PAR BCOM PA DANG, KHAMS LAS YANG DAG PAR 'DAS PA LAS GZHAN MA YIN PAR MI BRJOD DO, ,GANG ZHIG YONGS SU SHES PA DU ZHIG DANG LDAN ZHE NA, GCIG LA GNAS MIN MTHONG LA GNAS PA NI, ,LNGA PA'I BAR DANG YANG DAG LDAN, ,RE ZHIG SO SO'I SKYE BO MI LDAN PA KHO NA'O, ,'PHAGS PA MTHONG BA'I LAM LA GNAS PA YANG, KUN 'BYUNG BA LA CHOS SHES PA'I BZOD PA LA GNAS PA'I BAR DU MI LDAN PA NYID DO, ,KUN 'BYUNG BA LA CHOS SHES PA NI GCIG DANG LDAN NO, ,KUN 'BYUNG BA LA RJES SU SHES PA NI GNYIS DANG LDAN NO, ,'GOG @257B PA LA CHOS SHES PA NI GSUM DANG LDAN NO, ,'GOG PA LA RJES SU SHES PA NI BZHI DANG LDAN NO, LAM LA CHOS SHES PA NI LNGA DANG LDAN NO, ,BSGOM PA LA GNAS PA DRUG GAM NI, GCIG GAM YANG NA GNYIS DANG NGO, ,'PHAGS PA'I GANG ZAG BSGOM PA'I LAM LA GNAS PA LAM LA RJES SU SHES PA LA GNAS PA JI SRID DU, 'DOD PA LA 'DOD CHAGS DANG BRAL BA MA 'THOB PA'AM, DE LAS YONGS SU NYAMS PA NI YONGS SU SHES PA DRUG DANG LDAN NO, ,SNGON NAM PHYIS 'DOD PA LA 'DOD CHAGS DANG BRAL BA THOB PA NI, THA MA'I CHA DANG MTHUN PAS SPANGS PA'I YONGS SU SHES PA GCIG PU DANG LDAN NO, ,DGRA BCOM PA NYID THOB PA NI, KUN DU SBYOR BA THAMS CAD YONGS SU GTUGS PA'I YONGS SU SHES PA GCIG KHO NA DANG LDAN NO, ,GZUGS KYI SBYOD PAS KUN NAS DKRIS PAS YONGS SU NYAMS NAS, YANG THA MA'I CHA DANG MTHUN PA SPANGS PA'I YONGS SU SHES PA GCIG DANG LDAN NO, ,GZUGS KYI 'DOD CHAGS DANG BRAL BA THOB PA NI; THA MA'I CHA DANG MTHUN PA SPANGS PA DANG, GZUGS KYI 'DOD CHAGS ZAD PA'I YONGS SU SHES PA GNYIS DANG LDAN NO, ,GZUGS MED PA NA SPYOD PA'I KUN NAS DKRIS PAS YONGS SU NYAMS PA YANG GNYIS PO DE DAG DANG LDAN NO; ,CI'I PHYIR, PHYIR MI 'ONG BA DANG, DGRA BCOM PA DAG GI YONGS SU SHES PA GCIG KHO NAR RNAM PAR GZHAG GI ,MANG DU NI MA YIN ZHE NA, 'DI LTAR KHAMS LAS 'DOD CHAGS DANG BRAL BA DANG, 'BRAS BU THOB PHYIR DE DAG BSDOMS, ,YONGS SU SHES PA RNAMS SDOM ZHING, ,GCIG TU RNAM PAR 'JOG PA NI, ,KHAMS LAS 'DOD CHAGS DANG BRAL BA DANG, 'BRAS BU THOB PA DANG RGYU GNYIS KYIS YIN LA, DE GNYI GA YANG GNAS SKABS DE @258A *, ,GNYIS NA SRID PAS, DE'I PHYIR SPANG PA THAMS CAD BSDOMS TE YONGS SU SHES PA GCIG SHES BYA'O, ,YANG GANG ZHIG GIS YONGS SU SHES PA DU ZHIG YONGS SU GTONG NGAM, 'THOB CE NA, LA LA GCIG GNYIS LNGA DANG DRUG ,GTONG STE THOB PA LNGA MIN NO, ,DGRA BCOM PA NYID DAM, 'DOD PA LA 'DOD CHAGS DANG BRAL BA LAS, YONGS SU NYAMS NA GCIG GTONG NGO, ,PHYIR MI 'ONG BA GZUGS KYI 'DOD CHAGS DANG BRAL BA ZHIG , 'DOD PA LA 'DOD CHAGS DANG BRAL BA LAS YONGS SU NYAMS NA, YONGS SU SHES PA NYID GTONG NGO, ,'DOD CHAGS DANG BRAL BA SNGON DU 'GRO BA, LAM LA RJES SU SHES PA LA GNAS PA LA NI LNGA STONG STE, DE NI THA MA'I CHA DANG MTHUN PA SPANGS PA'I YONGS SU SHES PA 'THOB PA NA, YONGS SU SHES PA SNGA MA LNGA GTONG NGO, ,MTHAR GYIS PA LA 'DOD PA LAS 'DOD CHAGS DANG BRAL BAR BYED PAS NI, YONGS SU SHES PA DRUG GTONG NGO, ,DE BZHIN DU THOB PA YANG LA LAS NI YONGS SU SHES PA GCIG KHO NA 'THOB STE, GANG LA LA ZHIG GIS SNGON MED PA 'THOB PO, ,LA LAS NI GNYIS TE, GANG ZHIG GZUGS MED PA'I KHAMS LAS, 'DOD CHAGS DANG BRAL BA 'BA' ZHIG LAS YONGS SU NYAMS PAS SO, ,KHA CIG GIS NI DRUG STE, GANG ZHIG PHYIR MI 'ONG BA'I 'BRAS BU LAS YONGS SU NYAMS PA'O, ,LNGA 'THOB PA NI 'GA' YANG MED PA NYID DO, ,YONGS SU SHES PA'I SKABS RDZOGS SO,, ,,CHOS MNGON PA'I MDZOD KYI BSHAD PA LAS; PHRA RGYAS BSTAN PA ZHES BYA BA MDZOD KYI GNAS LNGA PA'O,, ,, SARBA MANGG'A LAm,, ,,