[DD] ? @01A [DD] #, ,JI SKAD DU SPANGS PA NI YONGS SU SHES PA'I MING 'THOB BO ZHES BSHAD PA DE YANG, BDEN PA MTHONG DANG BSGOM PA LAS, ,NYON MONGS SPANGS PA ZHES BSHAD PA, ,NYON [DD] MONGS PA RNAMS MTHONG BAS SPANG BAR BYA BA DANG, BSGOM PAS SPANG BAR BYA BA YIN NO ZHES RGYAS PAR BSHAD PA, DE ? NI MTHONG BA DANG BSGOM PA'I LAM DE DAG CI ZAG PA MED PA'AM, ZAG PA DANG BCAS PA ZHES BRJOD PAR BYA ZHE NA, DE'I PHYIR 'DI DAG BRJOD DE, BSGOM PA'I LAM NI RNAM GNYIS TE, ,MTHONG BA ZHES BYA ZAG PA MED, ,BSGOM PA'I LAM NI RNAM GNYIS TE, ,'JIG RTEN PA DANG, 'JIG RTEN LAS 'DAS PA'O, ,MTHONG BA'I LAM NI KHAMS GSUM PA'I GNYEN PO YIN PA'I PHYIR DANG, MTHONG BAS SPANG BAR BYA BA RNAM PA DGU CIG CAR DU SPANG BA'I PHYIR 'JIG RTEN LAS 'DAS PA KHO NA YIN TE; 'JIG RTEN PA LA NI DE 'DRA BA'I MTHU MED DO, ,BDEN PA MTHONG BA LAS ZHES BSHAD PA, BDEN PA DE DAG KYANG GANG ZHIG CE NA, BDEN PA DAG NI BZHIR BSHAD DO, ,GANG DU BSHAD CE NA, CHOS @02A *, ,ZAG PA DANG BCAS PA DANG, ZAG PA MED PA BSTAN PAR ZAG MED LAM GYI BDEN PA DANG ZHES LAM GYI BDEN PA RANG GI MING GIS BSTAN TO, ,SO SOR BRTAGS PAS 'GOG PA GANG, ,BRAL BA'O ZHES 'GOG PA'I BDEN PA BSTAN TO, ,SDUG BSNGAL KUN 'BYUNG 'JIG RTEN DANG, ,ZHES BYA BA DER SDUG BSNGAL DANG KUN 'BYUNG GI BDEN PA DAG BSTAN TO, ,CI 'DI DAG GI RIM PA 'DI KHO NA YIN NAM ZHE NA, SMRAS PA, MA YIN NO, ,'O NA JI LTA BU YIN ZHE NA, SDUG BSNGAL KUN 'BYUNG DE BZHIN DU, ,'GOG DANG LAM STE DE LTAR NA, ,DE DAG GI RIM PA NI 'DI YIN NO, ,DE BZHIN ZHES BYA BA'I SGRA NI RANG GI NGO BO NI SNGAR JI SKAD BSHAD PA DE KHO NA BZHIN NO ZHES RAB TU BSTAN PAR BYA BA'I PHYIR RO, ,DE NI, DE DAG JI LTAR MNGON RTOGS RIM, ,BDEN PA GANG ZHIG SNGAR MNGON PAR RTOGS PA DE SNGAR BSTAN TO, ,DE LTA MA YIN NA RGYU NI SNGAR BSTAN LA 'BRAS BU NI PHYIS BSTAN PAR 'GYUR RO, ,KHA CIG NI SKYE BA DANG MTHUN PA BSTAN TE, DPER NA DRAN PA NYE BAR GZHAG PA DANG; BSAM GTAN LA SOGS PA LTA BU'O, ,KHA CIG NI RAB TU BRTAG PA DANG MTHUN PAR BSTAN TE, DPER NA YANG DAG PAR SPONG BA RNAMS LTA BU STE, GANG SNGAR NI SKYES PA RNAMS SPANG BAR BYA BA'I PHYIR 'DUN PA SKYED LA, PHYIS NI MA SKYES PA RNAMS @02B MI SKYE BAR BYA BA'I PHYIR 'DUN PA SKYED PA'I NGES PA 'DI NI MED DO, ,BDEN PA ? RNAMS NI MNGON PAR RTOGS PA DANG MTHUN PAR BSTAN PA YIN NO, ,CI'I PHYIR BDEN PA RNAMS DE LTAR MNGON PAR RTOGS SHE NA, GANG LA CHAGS PA DANG, GANG GIS GNOD PA BYED PA DANG, GANG LAS THAR PA DON DU GNYER BA'I SDUG BSNGAL GYI BDEN PA DE NYID LA DANG POR RNAM PAR DPYOD PA'I GNAS SKABS NA YONGS SU RTOG LA, PHYIS 'DI'I RGYU NI GANG ZHIG YIN ZHES KUN 'BYUNG GI BDEN PA LA YONGS SU RTOG GO , ,'DI'I 'GOG PA NI GANG ZHIG YIN ZHES 'GOG PA'I BDEN PA LA YONGS SU RTOG GO , ,'DI'I LAM NI GANG ZHIG YIN ZHES LAM GYI BDEN PA LA YONGS SU RTOG STE, NAD MTHONG BAS DE'I GZHI DANG ZAG PA DANG SMAN TSOL BA BZHIN NO, ,BDEN PA RNAMS KYI DPE 'DI NI MDO LAS KYANG BSHAD DO, ,MDO GANG LAS SHE NA, YAN LAG BZHI DANG LDAN PA'I SMAN PAS ZUG RNGU 'BYIN PA ZHES GSUNGS PA DE LAS BSTAN TO, ,SNGAR 'PHANGS PA'I PHYIR JI LTAR RNAM PAR DPYOD PA'I GDAS SKABS NA BDEN PA LA YONGS SU RTOG PA DE KHO NA BZHIN DU MNGON PAR RTOGS PA'I GNAS SKABS NA YANG BDEN PA MNGON BAR RTOGS TE, DKYUS SA BSTAN PA'I RTA THAGS THOGS MED PAR RGYUG PA BZHIN NO, ,MNGON PAR RTOGS PA ZHES BYA BA'I DON NI CI ZHE NA, MNGON PAR YANG DAG PAR RTOGS PA'O, ,CI'I PHYIR ZAG PA MED PA KHO NA YIN GYI BRAG PA DANG BCAS PA MA YIN ZHE NA, DE NI MYA NGAN LAS 'DAS PA LA MNGON DU PHYOGS PAR YANG DAG PAR RTOG PA STE, YANG DAG PA ZHES BYA BA NI DE KHO NA NYID DU'O, ,DE LA NYE BAR LEN PA'I PHUNG PO 'BRAS BUR GYUR PA RNAMS NI SDUG BSNGAL GYI BDEN PA YIN NO,, RGYUR GYUR PA RNAMS NI KUN 'BYUNG GI BDEN BA YIN TE, 'DI LAS KUN 'BYUNG BA'I PHYIR RO, ,DE NYID KYI PHYIR 'DI GNYIS NI RGYU DANG 'BRAS BUR GYUR BAS MING GI SGO NAS BYE BRAG YOD KYI RDZAS SU NI MA YIN NO, ,'GOG PA DANG LAM NI RDZAS SU YANG BYE BRAG YOD DO, ,MDO LAS 'PHAGS PA'I BDEN PA RNAMS ZHES 'BYUNG BA DE'I DON CI ZHE NA, 'DI DAG NI 'PHAGS PA RNAMS LA BDEN PAS, DE LTA BAS NA MDO KHO NA LAS, 'PHAGS PA'I BDEN PA RNAMS ZHES BSHAD DO, ,CI 'DI DAG GZHAN RNAMS LA BRDZUN NAM ZHE NA, 'DI DAG NI PHYIN CI MA LOG PA'I PHYIR THAMS CAD LA BDEN NA 'PHAGS PA RNAMS KYIS NI 'DI DAG JI LTA BA DE KHO NA BZHIN DU @03A *, ,GZIGS KYI GZHAN DAG GIS NI MA YIN PAS DE'I PHYIR 'DI DAG NI 'PHAGS PA RNAMS KYI BDEN PA ZHES BYA BA'I PHYIN CI LOG TU MTHONG BA'I PHYIR 'PHAGS PA MA YIN PA RNAMS KYI NI MA YIN TE, TSIGS SU BCAD PA LAS, 'PHAGS PAS BDE BAR GANG GSUNGS PA, ,DE NI GZHAN GYIS SDUG BSNGAL RIG ,GZHAN GYIS BDE BAR GANG SMRAS PA, ,DE NI 'PHAGS PAS SDUG BSNGAL RIG ,CES 'BYUNG NGO, ,GZHAN DAG NA RE GNYIS NI 'PHAGS PA RNAMS KYI BDEN PA YIN LA, GNYIS NI 'PHAGS PA YANG YIN 'PHAGS PA RNAMS KYI BDEN PA YANG YIN NO ZHES ZER RO, ,GANG GI TSE TSOR BA'I PHYOGS GCIG SDUG BSNGAL GYI RANG BZHIN YIN PA DE'I TSE JI LTAR NA 'DU BYED ZAG PA DANG BCAS PA THAMS CAD SDUG BSNGAL ZHES BRJOD CE NA, YID 'ONG YID DU MI 'ONG DANG, ,DE LAS GZHAN ZAG BCAS RNAMS NYID, ,SDUG BSNGAL NYID GSUM LDAN PA'I PHYIR, ,CI RIGS MA LUS SDUG BSNGAL LO, , SDUG BSNGAL NYID NI GSUM STE, SDUG BSNGAL GYI SDUG BSNGAL NYID DANG, 'DU BYED KYI SDUG SNGAL NYID DANG, 'GYUR BA'I SDUG BSNGAL NYID DO, ,DE DAG GIS CI RIGS PAR 'DU BYED ZAG PA DANG BCAS PA THAMS CAD MA LUS PAR SDUG BSNGAL BA YIN TE, DE LA YID DU 'ONG BA RNAMS NI 'GYUR BA'I SDUG BSNGAL GYIS SDUG BSNGAL BA NYID DO, ,YID DU MI 'ONG BA RNAMS NI SDUG BSNGAL GYIS SDUG BSNGAL BA NYID DO, ,DE DAG LAS GZHAN PA RNAMS NI 'DU BYED KYI SDUG BSNGAL GYIS SDUG BSNGAL BA NYID DO, ,YID DU 'ONG BA NI GANG DAG YIN, YID DU MI 'ONG BA NI GANG DAG YIN, GNYI GA MA YIN PA NI GANG DAG YIN ZHE NA, TSOR BA GSUM DANG GO RIMS BZHIN TE, DE'I DBANG GIS BDE BA MYONG BAR 'GYUR BA LA SOGS PA'I 'DU BYED RNAMS KYANG YID DU 'ONG BA LA SOGS PA'I MING 'THOB BO, ,BDE BA'I TSOR BA NI 'GYUR BA'I SDUG BSNGAL NYID DE, MDO LAS, BDE BA'I TSOR BA NI SKYE BA NA YANG BDE, GNAS PA NA YANG BDE LA, 'GYUR BA NA SDUG BSNGAL LO ZHES GSUNGS SO, ,SDUG BSNGAL NI SDUG BSNGAL GYI RANG GI NGO BO KHO NAS SDUG BSNGAL BA NYID DE, MDO LAS, SDUG BSNGAL GYI TSOR BA NI SKYE BA NA YANG SDUG BSNGAL LA, GNAS PA NA YANG SDUG BSNGAL LO ZHES GSUNGS SO, ,BDE BA YANG MA @03B YIN; SDUG BSNGAL BA YANG MA YIN PA'I TSOR BA NI RKYEN GYIS MNGON PAR 'DU BYED PA'I PHYIR 'DU BYED KHO NAS SDUG BSNGAL BA NYID DE, GANG MI RTAG PA DE NI SDUG BSNGAL BA YIN NO ZHES 'BYUNG NGO, ,DE MYONG BAR 'GYUR BA'I 'DU BYED RNAMS KYANG TSOR BA DANG 'DRA BA BRJOD DO, ,GZHAN DAG NA RE SDUG BSNGAL NYID SDUG BSNGAL NYID YIN PAS SDUG BSNGAL GYI SDUG BSNGAL NYID YIN LA, 'DU BYED NYID SDUG BSNGAL YIN PA'I BAR DU YANG DE DANG 'DRA 'O ZHES ZER RO, ,'GYUR BA YANG SDUG BSNGAL GYI SDUG BSNGAL DAG NI YID DU 'ONG BA DANG YID DU MI 'ONG BA RNAMS KYI THUN MONG MA YIN PA'I PHYIR BSHAD DO, ,'DU BYED THAMS CAD NI 'DU BYED GYI SDUG BSNGAL NYID KYIS SDUG BSNGAL BA NYID LA DE DAG KYANG 'PHAGS PA RNAMS KHO NAS GZIGS ? SO, ,'DIR SMRAS PA, LAG MTHIL SPU NYAG GCIG 'DUG PA, ,MI RNAMS KYIS NI MI RTOGS LA, ,DE NYID MIG TU SONG NA NI, ,MI BDE BA DANG GNOD SKYED LTAR, ,BYIS PA LAG MTHIL 'DRA BA YIS, ,'DU BYED SDUG BSNGAL SPU MI RTOGS, ,'PHAGS PA MIG DANG 'DRA BA NI, ,DE YIS SHIN TU YID KYANG 'BYUNG, ,JI LTAR 'PHAGS PA RNAMS SRID PA'I RTZE MO BA DAG LA YANG SDUG BSNGAL GYI BLO 'JUG PA LTAR BYIS PA RNAMS NI MNANG MED PA'I PHUNG PO RNAMS LA YANG DE LTAR SDUG BSNGAL GYI BLO MI 'JUG GO , , DE LTA NA 'O NA NI LAM YANG 'DUS BYAS YIN PA'I PHYIR 'DU BYED KYI SDUG BSNGAL NYID DU THAL BAR 'GYUR RO ZHE NA, SDUG BSNGAL ZHES BYA BA'I MTSAN NYID NI MI MTHUN PA YIN PA'I PHYIR LAM NI SDUG BSNGAL BA MA YIN TE, DE SKYE BA NI SDUG BSNGAL THAMS CAD ZAD PA 'DREN PA'I 'PHAGS PA RNAMS DANG MI MTHUN PA MED DO,, GANG GI TSE DE DAG MYA NGAN LAS 'DAS PA LA ZHI BAR LTA BA DE'I TSE YANG, SDUG BSNGAL DU MTHONG BA GANG YIN PA DE KHO NA'I 'GOG PA LA ZHI BAR LTA'O, ,GANG GI TSE 'DI DAG LA BDE BA YANG YOD PA DE'I TSE CI'I PHYIR SDUG BSNGAL KHO NA 'PHAGS PA'I BDEN PA ZHES BYA ZHE NA, KHA CIG NA RE BDE BA MYONG BA'I PHYIR TE, MON SRAN SDE'U LA SOGS PA YOD BZHIN DU MON SRAN GRE'U 'I PHUNG PO ZHES STON PA BZHIN TE, MKHAS PA SU ZHIG CHUS BTAB PA'I BDE BA CHUNG DUS 'BRAS BU BDE BA YIN NO SNYAM DU SEMS PAR 'GYUR, YANG SMRAS PA, SDUG BSNGAL GYI NI RGYU PHYIR DANG, SDUG BSNGAL MANG POS BSKYED PHYIR DANG, SDUG BSNGAL @04A *, ,YOD NA BDE 'DOD PHYIR, ,BDE BA SDUG BSNGAL ZHES RTOG GO , ,SRID PA THAMS CAD NI BDE BA DANG BCAS TE 'DU BYED KYI SDUG BSNGAL DU RO GCIG PA'I 'PHAGS PA RNAMS KYIS SDUG BSNGAL DU GZIGS TE, DE'I PHYIR SDUG BSNGAL KHO NA 'PHAGS PA'I BDEN BAR RNAM PAR GZHAG GI BDEN PA NI MA YIN NO, ,DE ? NI JI LTAR BDE BA'I RANG BZHIN GYI TSOR BA RNAMS LA SDUG BSNGAL DU LTA ZHE NA, MI RTAG PA'I MTSAN NYID KYIS MI MTHUN PA'I PHYIR TE, DPER NA GZUGS DANG 'DU SHES LA SOGS PA LA YANG SDUG BSNGAL DU LTA MOD KYI, DE DAG JI LTAR SDUG BSNGAL GYI TSOR BA BZHIN DU SDUG BSNGAL BA NI MA YIN PA BZHIN NO, ,GANG ZHIG SDUG BSNGAL GYI RGYU YIN PA'I PHYIR RO SNYAM DU SEMS PA DE'I DE NI KUN 'BYUNG GI RNAM PA YIN GYI SDUG BSNGAL GYI RNAM PA NI MA YIN NO, ,GZUGS DANG GZUGS MED PAR SKYES PA DAG GIS 'PHAGS PA RNAMS LA YANG JI LTAR SDUG BSNGAL GYI 'DU SHES 'JUG PAR 'GYUR TE, DE DAG GI PHUNG PO RNAMS NI SDUG BSNGAL GYI TSOR BA'I RGYU MA YIN NO, ,MDO LAS 'DU BYED KYI SDUG BSNGAL NYID KYANG CI'I PHYIR GSUNGS PAR GYUR, GAL TE MI RTAG PA'I PHYIR SDUG BSNGAL NYID DU LTA NA 'O NA MI RTAG PA DANG SDUG BSNGAL GYI RNAM PA DAG LA KHYAD PAR CI ZHIG YOD, SKYE ZHING 'JIG PA'I CHOS CAN YIN PA'I PHYIR MI RTAG PAR LTA LA, MI MTHUN PA YIN PA'I PHYIR SDUG BSNGAL DU LTA STE, MI RTAG PAR MTHONG NA MI MTHUN PAR 'GYUR BAS MI RTAG PA'I RNAM PAS SDUG BSNGAL GYI RNAM PA 'DREN PAR BYED DO, ,KHA CIG NA RE BDE BA'I TSOR BZHES BYA BA NI MED PA NYID DE, THAMS CAD SDUG BSNGAL KHO NA YIN NO, ,'DI JI LTAR KHONG DU CHUD CE NA, MDO DANG, RIGS PA LAS TE, RE ZHIG MDO LAS JI LTA BU ZHE NA BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES BYA BA DANG, BDE BA'I TSOR BA NI SDUG BSNGAL DU BLTA BAR BYA'O ZHES BYA BA DANG, SDUG BSNGAL LA BDE BA'O SNYAM DU 'DU SHES PHYIN CI LOG GO ZHES GSUNGS TE, RE ZHIG MDO LAS NI DE LTA BU'O, ,RIGS PA LAS JI LTA BU ZHE NA, BDE BA'I RGYU RNAM PAR MI GNAS PA'I PHYIR TE, KHA CIG BDE BA'I RGYU BTUNG BA DANG BZA' BA DANG GRANG BA DANG DRO BA LA SOGS PAR 'DOD PA GANG DAG YIN PA DE DAG KHO NA HA CANG SPYAD PA DANG, DUS MA YIN PAR SPYAD PA RNAMS KYANG SDUG BSNGAL GYI RGYU DAG TU 'GYUR RO, , @04B BDE BA'I RGYU 'PHEL BA'AM MNYAM PAS NI DUS GZHAN NA SDUG BSNGAL SKYED PAR RIGS PA MA YIN PAS DE DAG NI DANG PO KHO NA NAS SDUG BSNGAL GYI RGYU DAG YIN ZHING BDE BA'I RGYU NI MA YIN LA, MJUG TU NI SDUG BSNGAL DE 'PHEL BAR 'GYUR BAS BSAL BAR 'GYUR BAR ZAD DE, SPYOD LAM GYI BYE BRAG LA YANG DE BZHIN DU BRJOD PAR BYA'O, ,SDUG BSNGAL GYI GNYEN PO DANG SDUG BSNGAL GYI BYE BRAG LA BDE BA'I BLO SKYE BA'I YANG PHYIR TE, JI SRID DU BKRES PA DANG SKOM PA DANG GRANG BA DANG TSA BA DANG NGAL BA DANG 'DOD PA'I 'DOD CHAGS LAS SKYES PA'I SDUG BSNGAL GZHAN GYIS GTZES PAR MA GYUR PA DE SRID DU BDE BA'O SNYAM DU TSOR BCUNG ZAD KYANG MED DO, ,DE LTA BAS NA MI MKHAS PA RNAMS NI GNYEN PO KHO NA LA BDE BA'I BLO 'JUG GI BDE BA LA NI MA YIN NO, BYIS PA RNAMS NI SDUG BSNGAL GYI BYE BRAG LA YANG BDE BA'I BLO SKYED PAR BYED DE, DPER NA PHRAG PA NAS PHRAG PAR KHUR YOD PAR BYED PA LTA BU'O, ,DE LTA BAS NA BDE BA NI MED PA KHO NA'O ZHES ZER RO, ,CHOS MNGON PA BA RNAMS NA RE, YOD PA NYID DO ZHES ZER TE, 'DI NYID RIGS PA YIN NO, ,JI LTAR BYAS PAS SHE NA, RE ZHIG BDE BA LA SKUR BA 'DEBS PA DE LA 'DI DRI BAR BYA STE, SDUG BSNGAL ZHES BYA BA 'DI CI ZHIG YIN, GAL TE GNOD PA'I BDAG NYID GANG YIN PA'O ZHES ZER NA NI JI LTA BU YIN ZHES BRJOD PAR BYA'O, ,GAL TE GNOD PAR BYED PA YIN NO ZHES ZER NA NI PHAN PAR BYED PA BDE BA YIN NO ZHES BYA BAR GRUB BO, ,GAL TE MI 'DOD PA YIN NO ZHES ZER NA NI 'DOD PA BDE BA YIN NO ZHES BYA BAR GRUB BO, ,GAL TE 'DOD PA DE NYID 'PHAGS PA RNAMS 'DOD CHAGS DANG BRAL BA'I TSE MI BZHED PA YIN TE, DE LTA BAS NA 'DOD PA NYID YONGS SU MA GRUB PA YIN NO ZHES ZER NA NI MA YIN TE, MI 'DOD PA NI GZHAN DU YIN PA'I PHYIR RO, ,TSOR BA GANG ZHIG RANG ? GI MTSAN NYID KYIS 'DOD PA DE NI NAM YANG DE KHO NAS MI 'DOD PAR MI 'GYUR TE, 'DI LTAR 'PHAGS PA RNAMS NI 'DI GANG GIS NA MI BZHED PAR 'GYUR BA RNAM PA GZHAN GYIS RNAM PAR SUN 'BYIN PAR BYED CING, 'DI LA BAG MED PA'I GNAS DANG, MNGON PAR 'DU BYA BA CHEN POS BSGRUB PAR BYA BA DANG, RNAM PAR 'GYUR BA CAN DANG, MI RTAG PAR LTA'I RANG GI MTSAN NYID KYI RNAM PAS NI MA YIN NO, ,GAL TE 'DI RANG GI MTSAN NYID KYIS MI 'DOD PA @05A *, ,ZHIG YIN PAR GYUR NA NI DE LA SU YANG 'DOD CHAGS SKYE BAR MI 'GYUR BA ZHIG NA, ,NGA GI PHYIR 'DOD CHAGS DANG BRAL BA'I CHED DU RNAM PA GZHAN GYIS KYANG SKYON CAN DU LTA BAR 'GYUR TE, DE LTA BAS NA BDE BA'I TSOR BA NI RANG GI MTSAN NYID KYIS YOD PA KHO NA'O, ,BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES GSUNGS PA GANG YIN PA DE NI BCOM LDAN 'DAS KHO NAS KUN DGA' BO GANG CI TSOR YANG RUNG DE NI 'DIR SDUG BSNGAL LO ZHES BYA BA NI NGAS 'DU BYED MI RTAG PA NYID DANG, 'DU BYED RNAM PAR 'GYUR BA NYID LA DGONGS NAS GSUNGS SO ZHES DON NGES PAR MDZAD PA YIN NO, ,DE LTA BAS NA 'DI NI SDUG BSNGAL GYI SDUG BSNGAL NYID LAS DGONGS TE GSUNGS PA MA YIN PAR GRUB PA YIN NO, ,GAL TE TSOR BA THAMS CAD RANG BZHIN GYIS SDUG BSNGAL BA ZHIG YIN PAR GYUR NA NI CI'I PHYIR 'PHAGS PA KUN DGA' BOS BCOM LDAN 'DAS LA 'DI SKAD DU BCOM LDAN 'DAS KYIS BDE BA DANG, SDUG BSNGAL BA DANG, BDE BA YANG MA LAGS SDUG BSNGAL BA YANG MA LAGS PA DANG TSOR BA 'DI GSUM YANG GSUNGS LA, BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES KYANG GSUNGS NA, BCOM LDAN 'DAS KYIS CI LAS DGONGS NAS GANG CI TSOR YANG RUNG DE NI 'DIR SDUG BSNGAL LO ZHES BKA' STZAL ZHES ZHUS PAR GYUR TE, DES KYANG 'DI SKAD DU BCOM LDAN 'DAS KYIS CI LAS DGONGS NAS TSOR BA GSUM ZHES BKA' STZAL ZHES ZHUS PAR 'GYUR LA BCOM LDAN 'DAS KYIS KYANG 'DI SKAD DU TSOR BA GSUM ZHES BYA BA 'DI NI NGAS DGONGS NAS BSHAD PA YIN NO ZHES LUNG BSTAN PAR 'GYUR BA ZHIG NA DE SKAD KYANG BKA' STZAL TE, DE LTA BAS NA TSOR BA GSUM NI RANG GI NGO BOS YOD LA, GANG CI TSOR YANG RUNG DE NI 'DIR SDUG BSNGAL LO ZHES BYA BA 'DI NGAS DGONGS NAS BSHAD PA YIN NO ZHES TSIG 'DI NI DGONGS PA CAN DU STON PAR MDZAD PA YIN NO, ,GANG YANG BDE BA'I TSOR BA NI SDUG BSNGAL DU BLTA BAR BYA'O ZHES GSUNGS PA YANG DE LA GNYI GA YOD DO, ,RANG GI NGO BOS YID DU 'ONG BA'I PHYIR NI BDE BA NYID YIN LA RNAM PAR 'GYUR BA DANG MI RTAG PA'I CHOS CAN YIN PA'I PHYIR RNAM GRANGS KYIS NI SDUG BSNGAL NYID YIN NO, ,DE LA @05B BDE BAR MTHONG NA NI 'DOD CHAGS CAN RNAMS DE'I RO MYONG BAR BYED PA'I PHYIR 'CHING BAR 'GYUR LA, SDUG BSNGAL DU MTHONG NA NI DE LA 'DOD CHAGS DANG BRAL BA'I PHYIR THAR BAR 'GYUR BAS BCOM LDAN 'DAS KYIS 'DI JI LTAR MTHONG NA THAR BAR 'GYUR BA DE KHO NA BZHIN DU BLTA BAR BKA' STZAL PA YIN NO, ,DE RANG GI NGO BOS BDE ZHES BYA BA 'DI JI LTAR KHONG DU CHUD CE NA, 'DI LTAR, RDZOGS PA'I SANGS RGYAS RAB MKHYEN GYIS, ,'DU BYED MI RTAG NYID DANG NI, ,RNAM PAR 'GYUR BA NYID MKHYEN NAS, ,TSOR BA SDUG BSNGAL BAR GSUNGS SO, ,ZHES BYA BA SMOS SO, ,GANG YANG SDUG BSNGAL LA BDE BA'O SNYAM DU 'DU SHES PHYIN CI LOG GO ZHES GSUNGS PA YANG BSTAN PA 'DI NI DGONGS PA CAN YIN TE, 'JIG RTEN NI TSOR BA DANG, 'DOD PA'I YON TAN RNAMS DANG, SKYE BA LA BDE BAR 'DU SHES SO, ,DE LA BDE BA'I TSOR BA LA NI RNAM GRANGS KYIS SDUG BSNGAL YANG YOD NA GCIG TU BDE BAR LTA BA NI PHYIN CI LOG YIN LA, 'DOD PA'I YON TAN RNAMS LA YANG BDE BA NI CHUNG LA SDUG BSNGAL NI MANG BA YIN NA GCIG TU BDE BAR LTA BA NI PHYIN CI LOG PA YIN TE, SKYE BA LA DE DANG 'DRA'O, ,DE LTA BAS NA BDE BA'I TSOR BA MED PAR MI 'GRUB BO, ,GAL TE TSOR BA THAMS CAD RANG GI NGO BO KHO NAS SDUG BSNGAL BA YIN PAR 'GYUR NA TSOR BA GSUM ZHES GSUNGS PA LA YON TAN CI ZHIG YOD PAR 'GYUR, GAL TE 'JIG RTEN DANG MTHUN PAR GSUNGS PA YIN NO ZHE NA MA YIN TE, TSOR BA THAMS CAD SDUG BSNGAL BA NYID NI DAS DGONGS NAS GSUNGS SO ZHES BKA' STZAL PA'I PHYIR RO, ,YANG DAG PAR JI LTA BA BZHIN ZHES GSUNGS PA'I YANG PHYIR TE, BDE BA'I DBANG PO GANG YIN PA DANG, YID BDE BA'I DBANG PO GANG YIN PA 'DI NI BDE BA'I TSOR BA YIN PAR BLTA BAR BYA'O ZHES RGYAS PAR GSUNGS NAS GANG GIS DBANG PO LNGA PO 'DI DAG DE LTAR YANG DAG PA'I SHES RAB KYIS YANG DAG PA JI LTA BA BZHIN MTHONG ZHING, DE'I KUN DU SBYOR BA GSUM YANG SPANGS PA YIN ZHES BYA BA DE LTA BU LA SOGS PA GSUNGS SO, ,'JIG RTEN YANG JI LTAR NA SDUG BSNGAL GYI TSOR BA LA RNAM PA GSUM DU RTOG PAR 'GYUR GAL TE CHUNG NGU DANG CHEN PO DANG 'BRING DAG LA GO RIMS BZHIN DU BDE BA LA SOGS PA'I BLO SKYE'O ZHE NA NI BDE BA LA YANG RNAM PA GSUM YOD PAS SDUG BSNGAL CHUNG NGU @06A *, ,LA SOGS PA LA BDE BA CHEN PO LA SOGS PA'I BLO SKYE BAR 'GYUR RO, ,GANG GI TSED DI DANG RO DANG REG BYA'I KHYAD PAR LAS SKYES PA'I BDE BA SANG BDE'I TSE GANG LA 'DI BDE BA'I BLOR 'GYUR BA SDUG BSNGAL CHUNG NGUR GYUR PA YANG GANG ZHIG YIN, SDUG BSNGAL CHUNG DU DE MA SKYES PA DANG 'GAGS PA NA SDUG BSNGAL MA LUS PA DANG BRAL BA'I PHYIR BDE BA'I BLO SHIN TU CHES SKYE BAR 'GYUR TE, 'DOD PA'I BDE BA MNGON SUM DU GYUR PA LA YANG DE BZHIN DU BRJOD BAR BYA'O, ,TSOR BA CHUNG DU LA NI NYAMS SU MYONG BA SHIN TU GSAL BA DANG SHAS CHEN POR 'DZIN LA, 'BRING LA NI MI GSAL BAR 'DZIN ZHES BYA BA GANG YIN PA 'DI YANG JI LTAR RUNG, BSAM GTAN GSUM NA BDE BA YOD DO ZHES 'BYUNG BAS SDUG BSNGAL CHUNG NGUR YANG 'GYUR LA, GANG NA BDE BA YANG MA YIN SDUG BSNGAL BA YANG MA YIN PA YOD DO ZHES 'BYUNG BAS SDUG BSNGAL 'BRING DU YANG 'GYUR TE, DE LTA BAS NA SDUG BSNGAL CHUNG DU LA SOGS PA LA BDE BA LA SOGS PA'I TSOR BA RNAM PAR GZHAG TU MI RUNG NGO, BCOM LDAN 'DAS KYIS KYANG MING CHEN GAL TE GZUGS GCIG TU SDUG BSNGAL BZHIG YIN PAR GYUR NA NI BDE BA YANG MED, BDE BA DANG RJES SU 'BREL BA YANG MED CES BYA BA DE LTA BU LA SOGS PA GSUNGS PAS DE'I PHYIR YANG BDE BCUNG ZAD CIG YOD DE, RE ZHIG DE LTAN MDO LAS BDE BA'I TSOR BA MED PAR MI 'GRUB BO, ,GANG YANG BDE BA'I RGYU RNAM PAR MI GNAS PA'I PHYIR RO ZHES SMAS PA, DE YANG RGYU YONGS SU MA SHES PA'I PHYIR SMRA BAR ZAD DE, RTEN GYI KHYAD PAR LA LTOS PA'I YUL BDE BA'I RGYU 'AM, SDUG BSNGAL GYI RGYU YIN GYI YUL 'BA' ZHIG NI MA YIN NO, ,DE LUS KYI GNAS SKABS GANG ZHIG DANG PHRAD NA BDE BA'I RGYU YIN PA DE NI DE DANG PHRAD NA MA YIN PA NI NAM YANG MA YIN PAS BDE BA'I RGYU RNAM PAR GNAS PA KHON YIN TE, DPER NA BTZO BAR BYA BA'I 'BYUNG BA'I KHYAD PAR LA LTOS PA'I ME DE NYID ZHIM PAR TSOS PA'I RGYU YANG YIN ZHING, DE NYID MI ZHIM PAR TSOS PA'I RGYU YANG YIN LA BTZO BOR BYA BA'I 'BYUNG BA'I GNAS SKABS GANG DANG PHRAD NAS ZHIM PAR TSOS PA'I RGYU YIN BDE DANG PHRAN NAS RGYU MA YIN PA NI MA YIN PA BZHIN TE 'DI NI DPE YIN NO, BSAM GTAN DAG NA YANG BDE BA'I RGYU JI LTAR RNAM PAR MI GNAS PA YIN, GANG YANG @06B GNYEN PO LA BDE BA'I BLO SKYE ZHES SMRAS PA DE LA YANG GANG GI TSE DRIL SOGS PA'I KHYAD PAR LAS SKYES PA'I BDE BA MYONG BDE'I TSE GANG GIS GNYEN PO LA BDE BA'I BLOR 'GYUR, SDUG BSNGAL DE MA SKYES PA DANG 'GAGS NAS BDE BA'I BLO SHIN TU CHES SKYE BAR YANG 'GYUR RO, ,BSAM GTAN LAS SKYES PA'I BDE BA LA YANG GANG GI GNYEN PO YIN ZHES BYA BA DE LTA BU LA SOGS PA LAN BSHAD ZIN TO, ,KHUR SBED PA LA YANG JI SRID DU LUS KYI GNAS SKABS DE LTA BU MED PAR MA GYUR GYI BAR DU GNAS SKABS GZHAN LAS SKYES PA'I BDE BA KHON SKYE BAR 'GYUR RO, ,DE LTA MA YIN NA PHYIS BDE BA'I BLO JI MANG DU SKYE BAR 'GYUR TE, NGAL BA'I SPYOD LAM GYI RNAM PA DAG LA YANG DE BZHIN DU RIG PAR BYA'O, ,GAL TE DANG PO NAS RTZOM PA ZHIG MED NA MJUG TU SDUG BSNGAL GYI BLOR GAL 'GYUR ZHE NA, LUS YONGS SU 'GYUR PA'I KHYAD PAR LAS TE, CHANG LA SOGS PA MANG RAB LA MJUG TU SKYUR POR 'GYUR BA BZHIN NO, ,DE LTA BAS NA BDE BA'I TSOR BA YOD PA KHO NA'O ZHES BYA BA YANG GRUB LA, SDUG BSNGAL NYID GSUM DANG LDAN PA'I PHYIR ZAG PA DANG BCAS PA THAMS CAD SDUG BSNGAL LO ZHES BYA BA YANG GRUB PA YIN NO, ,KUN 'BYUNG GI BDEN PA GANG YIN PA DE NYID SDUG BSNGAL GYI BDEN PA YIN NO ZHES BYA BA DE NI MDO LAS THAL BA YIN TE, MDO LAS NI SRED PA KHO NA YIN PAR BSHAD DO, ,DE NI GTZO BO YIN PA'I PHYIR MDO LAS BSHAD KYI GZHAN DAG KYANG KUN 'BYUNG NI YIN NO, ,'DI JI LTAR KHONG DU CHUD PAR BYA ZHEN, GZHAN LAS GZHAN YANG YIN PAR GSUNGS PA'I PHYIR TE, BCOM LDAN 'DAS KYIS, LAS DANG SRID PA DANG NI MA RIG PA, ,PHYI MA'I TSE LA 'DU BYED RNAMS KYI RGYU, ,ZHES GSUNGS LA YANG SA BON GYI RNAM PA LNGA ZHES BYA BA, 'DI NI NYE BAR LEN PA DANG BCAS PA'I RNAM PAR SHES PA'I TSIG BLA DAGS YIN NO, ,SA'I KHAMS ZHES BYA BA 'DI NI RNAM PAR SHES PA GNAS PA BZHI'I TSIG BLA DAGS YIN NO ZHES KYANG GSUNGS TE, DE LTA BAS NA MDO LAS BSTAN PA NI DGONGS PA CAN YIN LA, CHOS MNGON PA LAS BSTAN PA NI MTSAN NYID PA YIN NO, ,GZHAN YANG MNGON PAR 'GRUB PA'I RGYU BKA' STZOL PA NA NI KUN 'BYUNG GI BDEN PA SRED PA KHO NA YIN PAR GSUNGS LA, SKYE BA DANG MNGON PAR 'GRUB PA'I RGYU, @07A *, ,RGYU DANG BCAS PAR BKA' STZOL PA NA NI TSIGS SU BCAD PA LAS, LAS DANG SRED PA DANG MA RIG PA YIN PAR GSUNGS TE, MDO LAS, LAS NI SKYE BA'I RGYU YIN LA, SRID PA NI MNGON PAR 'GRUB PA'I RGYU YIN NO ZHES 'BYUNG BA'I PHYIR RO, ,YANG NA MDO LAS RGYU DANG BCAS RKYEN DANG BCAS, GZHI DANG BCAS ZHES 'BYUNG BA'I RIM PAR BSTAN PA YIN NO, ,SA BON DANG ZHING GI DNGOS POR STON PAR MDZAD PAS RNAM PAR SHES PA LA SOGS PA LA YANG GSUNGS SO, ,SKYE BA NI GANG YIN, MNGON PAR 'GRUB PA NI GANG YIN ZHE NA, KHAMS DANG 'GRO BA DANG SKYE GNAS LA SOGS PA'I BYE BRAG GIS LUS SKYE BA NI SKYE BA YIN LA, BYE BRAG MED PAR YANG SRID PAR NYID MTSAMS SBYOR BA NI MNGON PAR 'GRUB PA YIN NO, ,DE GNYIS KYI RGYU NI GO RIMS BZHIN DU LAS DANG SRED PA YIN TE, DPER NA SA BON S'A LU DANG NAS LA SOGS PA'I RIGS KYI BYE BRAG GIS MYU GU SKYE PA'I RGYU YIN LA, CHU NI BYE BRAG MED PAR MYU GU THAMS CAD SKYE BA TZAM GYI RGYU YIN BA LTA BU STE 'DI NI DPE YIN NO, ,MNGON BAR GRUB PA'I RGYU SRED PA YIN NO ZHES BYA BA 'DI LA RIGS PA CI ZHIG YOD CE NA, SRED PA DANG BRAL BA SKYE BA MED PA'I PHYIR TE, SRED PA DANG BCAS PA DANG SRED PA DANG BRAL BA GNYI GA-YANG 'CHI BA LAS SRED PA DAG KHO NA SKYE PAR SNANG GI SRED PA DANG BRAL BA RNAMS NI MA YIN PAS SRED PA MED NA SKYE BA MED PA'I PHYIR SRED BA MNGON PAR 'GRUB PAR BYA BA LA SRED PA RGYU YIN PAR SHES SO, ,RGYUD GZHOL BA'I YANG PHYIR TE, GANG LA SRED PA DANG BCAS PA DER SEMS KYI RGYUD YANG DANG YANG DU GZHOL BAR MTHONG BAS, DE LTA BAS NA YANG SRED PA LA YANG DE DANG 'DRA'O ZHES BYA BAR SHES SO, ,JI LTAR SRID PAS 'DAG PA'I CHAL SRAN CHUNG GI PHYE MA'I LDE GU BSKAMS PAS LUS BZUNG BA BZHIN DU LUS, KUN DU BZUNG BA DE LTAR NI GANG GIS KYANG LUS KUN DU MA BZUNG STE, RGYU GZHAN NI JI LTAR BDAG LA CHAGS PA DE LTAR RJES SU 'BREL BA MA YIN TE, 'DI NI RIGS PA YIN NO, ,BCOM LDAN 'DAS KYIS BDEN PA BZHI ZHES KYANG GSUNGS, KUN RDZOB KYI BDEN PA DANG, DON DAM PA'I BDEN PA DANG BDEN PA GNYIS ZHES KYANG GSUNGS LA, DE GNYIS KYI MTSAN NYID CI ZHEN, ,GANG LA BCOM DANG BLO YIS GZHAN, , @07B BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, ,GANG LA CHA SHAS SU BCOM NA DE'I BLO MI 'JUG PA DE NI KUN RDZOB TU YOD PA STE, DPER NA BUM PA LTA BU'O, ,DE LA NI GYO MOR BCOM NA BUM PA'I BLO MI 'JUG GO , ,GANG LA BLOS CHOS GZHAN BSAL NA DE'I BLO MI 'JUG PA DE YANG KUN RDZOB TU YOD PA YIN PAR KHONG DU CHUD PAR BYA STE, DPER NA CHU LTA BU'O, ,DE LA NI BLOS GZUGS LA SOGS PA'I CHOS BSAL NA, CHU'I BLO MI 'JUG GO, ,DE DAG KHO NA LA KUN RDZOB TU DE'I MING DU BA TAGS PA YIN PAS KUN RDZOB KYI DBANG GIS BUM PA DANG CHU YOD DO ZHES BRJOD PA NI BDEN PA KHO NA SMRAS PA YIN GYI, BRDZUN PA NI MA YIN PAS DE NI KUN RDZOB KYI BDEN PA YIN NO, ,DE LAS GZHAN PA NI DON DAM PA'I BDEN PA STE, GANG LA BCOM YANG DE'I BLO 'JUG PA KHO NA YIN LA, BLOS CHOS GZHAN BSAL YANG DE'I BLO 'JUG PA DE NI DON DAM PAR YOD PA YIN TE, DPER NA GZUGS LTA BU'O, ,DE LA RDUL PHRA BAR TU BCOM YANG RUNG, BLOS ROL SOGS PA'I CHOS BSAL KYANG RUNG GZUGS KYI RANG BZHIN GYI BLO 'JUG PA NYID DE, TSOR BA LA SOGS PA YANG DE BZHIN DU BLTA BAR BYA'O, ,DE NI DON DAM PAR YOD PA'I PHYIR DON DAM PA'I BDEN PA ZHES BYA'O, ,SNGON GYI SLOB DPON RNAMS NA RE, JI LTAR 'JUG RTEN LAS 'DAS PA'I SHES PA'AM, DE'I RJES LA THOB PA 'JUG RTEN PAS 'DZIN PA DE LTAR NI DON DAM PA'I BDEN PA YIN NO, ,JI LTAR GZHAN GYIS 'DZIN PA DE LTAR NI KUN RDZOB KYI BDEN PA YIN NO ZHES ZER RO, ,BDEN PA RNAMS BSHAD ZIN TO, ,JI LTAR NA DE DAG MTHONG BAR 'GYUR BA BRJOD PAR BYA STE, DE'I PHYIR DANG PO 'JUG PA LAS BRTZAMS TE BRJOD PAR BYA'O, ,TSUL GNAS THOS DANG BSAM GTAN PA, ,BSGOM PA LA NI RAB TU SBYOR, ,BDEN PA RNAMS MTHONG BAR 'DOD PA NI DANG PO KHO NAR TSUL KHRIMS SRUNG BAR BYED DO, ,DE'I 'OG TU BDEN PA MTHONG BA DANG MTHUN PA'I THOS PA 'DZIN PA 'AM, DON NYAN PAR BYED DO, ,THOS NAS PHYIN CIM LOG PAR SEMS PAR BYED DO, ,BSAMS NAS TING NGE 'DZIN SGOM PA LA RAB TU SBYOR BAR BYED DO, ,DE THOS PA LAS BYUNG BA'I SHES RAB LA BRTEN NAS BSAM PA LAS BYUNG BA SKYE'O, ,BSAM PA LAS BYUNG BA LA @08A *, ,BRTEN NAS BSGOM PA LAS BYUNG BA SKYE'O, ,SHES RAB 'DI DAG GI MTSAN NYID CI ZHEN, THOS SOGS LAS BYUNG BLO RNAMS NI, ,MING DANG GNYIG DON YUL CAN, ,BYE BRAG TU SMRA BA RNAMS NA RE THOS PA LAS BYUNG BA'I SHES RAB NI MING LA DMIGS PA YIN LA, BSAM PA LAS BYUNG BA NI MING DANG DON LA DMIGS PA YIN TE, RES 'GA' NI YI GES DON 'DREN PAR BYED DO, ,BSGOM PA LAS BYUNG BA NI DON LA DMIGS PA KHO NA YIN TE, DE NI YI GE LA MI LTOS PAR DON LA 'JUG GO, ,DPER NA STONG RKYAL LEGS PAR MA LOBS PA CHU'I NANG DU 'JU BAR BYA BA MI GTONG BA KHO NA YIN LA, CUNG ZAD LOBS PA NI RES 'GA' NI GTONG RES 'GA' NI 'JU BAR BYED DO, ,LEGS PAR LOBS PA NI 'JU PAR BYA PA LA MI LTOS BAR RGAL BA LTA BU STE 'DI NI DPE YIN NO ZHES ZER RO ZHES GRAG GO, ,GZHAN DAG NA RE RTOG PA 'DI LA NI MING LA DMIGS PA GANG YIN PA DE NI THOS PA LAS BYUNG BA YIN PAR 'GYUR LA, DON LA DMIGS PA GANG YIN PA DE NI BSGOM PA LAS BYUNG BA YIN BAR 'GYUR BAS BSAM PA LAS BYUNG BA'I SHES RAB 'GRUB PAR MI 'GYUR GYI, THOS PA LAS BYUNG BA'I SHES RAB NI YID CHES PA'I LUNG TSAD MA NYID LAS SKYES PA'I NGES PA YIN NO, ,BSAM PA LAS BYUNG BA NI RIGS PAS NGES PAR BRTAGS PA LA SKYES PA YIN NO, ,BSGOM BA LAS BYUNG BA'I TING NGE 'DZIN LAS SKYES PA YIN NO ZHES BYA BA 'DI NI 'DI DAG GI MTSAN NYID KHA NA MA THO BA MED PAR SNANG NGO ZHES ZER RO, ,DE LTAR BSGOM PA LA RAB TU BRTZON PA DE JI LTAR NA SGOM PA RDZOGS PAR 'GYUR ZHEN, BSRINGS GNYIS LDAN ZHES BYA BA SMOS TE, GAL TE 'DU 'DZI DANG MI DGE PA'I RNAM PAR RTOG PA THAG BSRINGS PA'I PHYIR LUS DANG SEMS DAG GIS BSRINGS PA YIN NA RDZOGS PAR 'GYUR RO, ,'ON BSRINGS PA DE GNYIS SU LA SLA ZHEN, 'DOD PA CHUNG BA DANG, CHOG SHES PA LA SLA'I, CHOG MI SHES PA DANG, 'DOD CHEN CAN LA MA YIN NO, ,CHOG MI SHES PA 'DI NI GANG ZHIG YIN NO, ,'DOD CHEN CAN NI GANG ZHIG YIN ZHE NA, RNYED LA YANG SRED CHOG MI SHES, ,MA RNYED LA 'DOD 'DOD CHEN CAN, ,CHOS MNGON PA PA RNAMS NA RE CHOS GOS LA SOGS PA GYA NOM PA RNYED PA LA YANG DANG YANG DU 'DOD PA NI CHOG MI SHES PA @08B YIN LA, MA RNYED PA DAG LA DE 'DOD PA NI 'DOD CHEN CAN YIN NO ZHES ZER RO ZHES GRAG GO, ,YANG DANG YANG DU 'DOD PA DE YANG MA RNYED PA KHO NA LA YIN GYI RNYED PA LA NI MA YIN BA MA YIN NAM, 'DI GNYIS LA KHYAD PAR CI ZHIG YOD DE 'DI NI BRJOD PAR BYA DGOS SO, ,'DI LTAR NI RUNG STE, GYA NOM PA MA YIN PA DANG, MANG PO MA YIN PA RNYED PAS YID MI BDE BA NI CHOG MI SHES PA YIN NO, ,GYA NOM PA DANG MANG PO MA RNYED PAS 'DOD PA NI 'DOD CHEN CAN YIN NO, ,BZLOG PA DE YI GNYEN PO DAG ,CHOG MI SHES PA DANG, 'DOD CHEN CAN LAS BZLOG PA NI DE DAG GI GNYEN PO CHOG SHES PA DANG, 'DOD CHEN CHUNG BA YIN PAR RIG PAR BYA'O, ,DE GNYIS KHAMS GSUM GTOGS DRI MED, ,DE'I GNYEN PO ZHES BYA BAR SBYAR TE, KHAMS GSUM PA DAG DANG, MI LDAN PA DAG KYANG YIN NO, CHOG MI SHES PA DANG, 'DOD CHEN CAN NI 'DOD PA NA SPYOD PA DAG KHO NA YIN NO, ,'DOD CHEN CHUNG BA DANG CHOG SHES PA 'DI GNYIS KYI RANG BZHIN CI ZHEN, MA CHAGS ZHES BYA BA SMOS TE, 'DI DAG NI MA CHAGS PA'I RANG BZHIN DAG YIN NO, ,'PHAGS RIGS MA CHAGS PA ZHES BYA BAR SBYAR TE, 'DI DAG LAS 'PHAGS PA RNAMS SKYE BAS NA 'PHAGS PA'I RIGS BZHI STE, DE DAG KYANG MCHAGS PA'I RANG BZHIN NO, ,DE DAG LAS GSUM NI CHOG SHES BDAG NYID DO, ,DANG PO GSUM PO CHOS GOS DANG, BSONG SNYOMS DANG, MAL CHA DANG STAN GYIS CHOG SHES PA RNAMS NI CHOG SHES PA'I RANG BZHIN DAG YIN NO, ,'PHAGS PA'I RIGS BZHI PA NI SPONG BA DANG BSGOM PA DAG LA DGA' BA NYID YIN NO, ,JI LTAR NA MA CHAGS PA'I RANG BZHIN YIN ZHEN, SRID PA DANG 'DOD PA'I 'DOD CHAGS LA RGYAB KYIS PHYOGS PA'I PHYIR RO, ,YANG BCOM LDAN 'DAS KYIS 'PHAGS PA'I RIGS BZHIS CI ZHIG BSTAN CE NA, GSUM GYIS TSUL BSTAN THAMS CAD LAS, ,CHOS KYI RJE BCOM LDAN 'DAS KYIS, RANG GI TSUL DANG LAS KYI MTHA' YONGS SU SPANGS SHING THAR PA DON DU GNYER BAR KHAS 'CHE BA'I SLOB MA RNAMS LA TSUL DANG LAS GNYIS BCAS TE, 'PHAGS PA'I RIGS GSUM GYIS NI TSUL BCAS SO, ,BZHI PAS NI LAS BCAS TE, KHYED TSUL 'DIS LAS 'DI BYED NA RING BOR @09A *, ,MI THOGS PAR THAR PA THOB PAR 'GYUR RO ZHES GSUNGS SO, ,CI'I PHYIR TSUL 'DI LTA BU DANG, LAS 'DI LTA BU BCAS SHE NA, SRED PA SKYE BA'I GNYEN PO'I PHYIR, MDO LAS SRED PA SKYE BA BZHI GSUNGS TE, DGE SLONG SRED PA SKYE BA NA CHOS GOS KYI PHYIR DANG, BSOD SNYOMS KYI PHYIR DANG, MAL CHA DANG STAN GYI PHYIR SKYE'O, ,GNAS PA NA GNAS SO, ,MNGON PAR ZHEN PA NA MNGON PAR ZHEN TO, ,DGE SLONG SRED PA SKYE BA NA 'BYUNG BA DANG 'JIG PA DE LTA BU'I PHYIR SKYE'O ZHES RGYAS PAR GSUNGS TE, DE DAG GI GNYEN POR 'PHAGS PA'I RIGS BZHI BSTAN TO, ,BDAG GI BDAG 'DZIN DNGOS 'DOD PA, ,DE YI DUS DANG GTAN ZHI PHYIR, ,DON DE NYID RNAM GRANGS KYIS STON PA STE, BDAG GIR 'DZIN PA'I DNGOS PO NI CHOS GOS LA SOGS PA'O, ,BDAG TU 'DZIN PA'I DNGOS PO NI LUS SO, ,DE DAG LA 'DOD PA NI SRED PA'O, DE LA 'PHAGS PA'I RIGS GSUM NI BDAG GIR 'DZIN PA'I DNGOS PO 'DOD PA DE'I DUS SU ZHI BAR BYED PA YIN NO, ,BZHI PA NI GNYIG 'DOD PA GTAN DU ZHI BAR BYED PA YIN NO, ,JI LTA BU'I BSGOM PA YONGS SU RDZOGS PAR 'GYUR BA 'DI NI BSHAD ZIN TO, ,DE LTAR SNOD DU GYUR PA DE JI LTAR NA BSGOM PA DE LA 'JUG PA YIN ZHE NA, DE LA 'JUG PA MI SDUG DANG, ,DBUGS RDUB 'BYUNG BA DRAN PA YIS, ,DRAN PA NYID DRAN PA YIN NO, ,GANG DAG NI MI SDUG PAS 'JUG ,GANG DAG NI DBUGS RNGUB PA DANG 'BYUNG BA DRAN PAS 'JUG CE NA, GO RIMS BZHIN DU, 'DOD CHAGS RNAM RTOG LHAG RNAMS SO, ,'DI DAG LA 'DOD CHAGS DANG RNAM PAR RTOG PA LHAG PA YOD PAS, 'DI DAG NI 'DOD CHAGS DANG RNAM PAR RTOG PA LHAG PA DAG STE, GANG ZHIG 'DOD CHAGS NYE BA DANG SHIN TU SPYAD PA DE NI MI SDUG PAS 'JUG GO ,GANG ZHIG RNAM PAR RTAG PA SPYAD PA DE NI DBUGS RNGUB PA DANG 'BYUNG BA DRAN PAS 'JUG GO , , KHA CIG NA RE 'DI NI SNA TSOGS LA MI DMIGS PA'I PHYIR RNAM PAR RTOG PA GCOD BAR BYED PA YIN GYI, MI SDUG PA NI KHA DOG DANG DBYIBS KYI BYE BRAG LA DMIGS PA'I PHYIR RNAM PAR RTOG PA 'DREN PAR BYED DO ZHES ZER RO, ,GZHAN DAG NA RE KHA PHYIR MA BLTAS PA'I PHYIR TE, MI SDUG PA NI MIG GI RNAM @09B PAR SHES PA BZHIN DU KHA PHYIR BLTAS PA YIN TE, DE'I YUL LA NYE PAR RTOG PA'I PHYIR RO ZHES ZER RO, ,DE LA 'DOD CHAGS NI RNAM PA BZHI STE, KHA DOG GI 'DOD CHAGS DANG, DBYIBS KYI 'DOD CHAGS DANG, RIG PA'I 'DOD CHAGS DANG, BSNYEN BKUR GYI 'DOD CHAGS SO, ,DANG PO'I GNYEN POR NI RNAM PAR BSNGOS PA LA SOGS PA LA DMIGS PA'I MI SDUG PA RJOD PAR BYED DO, ,GNYIS PA'I NI RNAM PAR ZOS PA DANG, RNAM PAR 'THOR BA LA DMIGS PA'O, ,GSUM PA'I NI RNAM PAR 'BUS GZHIGS PA DANG, RGYUS PAS BRANG BRENG DU SBREL PA'I KENG RUS LA DMIGS PA'O, ,BZHI PA'I NI SHI BA'I RO GA-YO BA MED PA LA DMIGS PA'O, ,BYE BRAG MED PAR NI, KENG RUS CHAGS BCAS THAMS CAD LA, ,SHIS TE, RUS PA'I KENG RUS LA NI CHAGS PA'I GZHI RNAM BA BZHI PO 'DI DAG THAMS CAD MED DO, ,MOS PA DANG NYI TSE BA YID LA BYED PA YIN PA'I PHYIR MI SDUG PAS NYON MONGS PA SPONG BA NI MA YIN GYI RNAM PAR GNON PA NI YIN NO, ,MI SDUG PA BSGOM PA'I RNAL 'BYOR SPYOD PA DE NI RNAM PA GSUM DU BRJOD DE, LAS DANG PO PA DANG, YONGS SU SBYANG BA BYAS PA DANG, YID LA BYED PA RDZOGS PA'O, ,DE LA RUS PA RGYA MTSO'I BAR DU NI, ,SBRO ZHING SDUD PA LAS DANG PO, ,MI SDUG PA BSGOM PAR 'DOD PA'I RNAL 'BYOR SPYOD PA NI DANG PO NYID DU RANG GI LUS KYI YAN LAG RKANG PA'I MTHE BO'AM, DBRAL PA'I DBYES SAM, YANG NA DE GAR DGA' BAR SEMS GTOD PAR BYED CING, DES DER SHA MYAGS SHING ZAG PAR MOS PAS RIM GYIS RUS PA RNAM PAR SBYONG BAR BYED PA NA THAMS CAD RUS PA'I KENG RUS SU LTA ZHING, DE BZHIN DU MOS PA BSKYED PA'I PHYIR GNYIS PA LA MOS PAR BYED PA NAS GTZUG LAG KHANG DANG, KUN DGA'I RAB DANG, GRONG DANG, ZHING DANG RIM GYIS RGYA MTSO'I MTHAS KLAS PA'I PAR GYIS GZHI RUS PA'I KENG RUS KYIS GANG PAR MOS PAR BYED DO, ,YANG SDUD PA NA SEMS BSDU PA'I PHYIR BDAG GCIG PU KHO NA LA RUS PA'I KENG RUS SU MOS PA'I PAR DU SDUD DE, 'DI TZAM GYIS NA MI SDUG PA YONGS SU RDZOGS PA YIN NO ZHES GRAG STE, 'DI NI LAS DANG PO PA'I RNAL 'BYOR SPYOD PA YIN NO, ,RKANG RUS NAS NI THOD PHYED PAR, ,BTANG BAS SBYANG BA BYAS PAR BSHAD, ,DE @10A *, SEMS BSDU BA KHYAD PAR CAN DU BYA BA'I PHYIR RUS BA'I KENG RUS DE LAS RKANG PA'I RUS PA RNAMS POR NAS LHAG MA YID LA BYED CING, DE BZHIN DU THOD PA'I PHYED BOR NAS THOD PA PHYED KYI BAR YID LA BYED PA 'DI NI YONGS SU SBYANG BA BYAS PA YIN NO, SMIN MA'I BAR DU SEMS 'DZIN PAS, YID LA BYED PA RDZOGS PA YIN, DE THOD PA'I PHYED KYANG BOR NAS SMIN MA GNYIS KYI BAR DU SEMS 'DZIN PAR BYED PA 'DI NI MI SDUG PA YID LA BYED PA RDZOGS PA'I RNAL 'BYOR SPYOD PA YIN NO ZHES GRAG GO , ,DMIGS PA CHUNG BAS CHUNG LA DBANG CHUNG BAS MA YIN PAS YANG MI SDUG PA YANG YOD DE ZHES BYA BA MU BZHI STE, YID LA BYED PA SBYANG ? PA BYAS PA DANG, SBYANG BA MA BYAS PA DAG DANG, YID LA BYED PA SBYANG BA MA BYAS PA DANG, SBYANG ? BA BYAS PA DAG RANG GI LUS DANG RGYA MTSO'I MTHA' KLAS PA LA DMIGS PA'I PHYIR RO, ,YANG MI SDUG PA 'DI'I RANG BZHIN CI ZHIG YIN, SA NI DU ZHIG YIN, DMIGS PA NI CI ZHIG YIN, GANG DU SKYED PAR BYED CE NA, GO RIMS BZHIN DU, MI SDUG MA CHAGS SA BCU DANG, DMIGS PA 'DOD SNANG MIS SKYED DO, ,RANG BZHIN NI MA CHAGS PA'O, ,SA NI BCU PA STE, BSAM GTAN BZHI NYER BSDOGS DANG BSAM GTAN KHYAD PAR CAN DANG BCAS PA DANG, 'DOD PA'I KHAMS NA YOD DO, ,DMIGS PA NI 'DOD PA NA SPYOD PA'I SNANG BA YIN NO, ,SNANG BA ZHES BYA BA CI ZHE NA, KHA DOG DANG, DBYIBS TE, DE NYID KYI PHYIR DON LA DMIGS PA ZHES BYA BAR GRUB BO, ,MI RNAMS KYI NANG KHO NAR SKYED KYI 'GRO BA GZHAN DU YANG MA YIN NA KHAMS GZHAN DU LTA SMOS KYANG CI DGOS, DER YANG BYANG GI SGRA MI SNYAN DU NI MA YIN NO, ,MI NYID KYIS MI SDUG PA'I RNAM PA ZHES BYA BAR GRUB BO, DUS GANG YIN PA DE'I DUS LA DMIGS SO, ,MI SKYE BA'I CHOS CAN GYI YUL NI DUS GSUM YIN NO, ,MOS PA YID LA BYED PA YIN PA'I PHYIR ZAG PA DANG BCAS PA YIN NO, ,'DRIS PA DANG MA 'DRIS PA YIN PA'I PHYIR 'DOD CHAGS DANG BRAL BAS THOB PA DANG SBYOR BA LAS BYUNG BA YIN NO, ,MI SDUG PA'I MTSAN NYID RAB TU DBYE BA DANG BCAS TE BSHAD ZIN TO, ,DBUGS RDUB DBUGS 'BYUNG DRAN PA NI, ,SHES RABS LNGA SPYOD YUL RLUNG, 'DONG RTEN, DBUGS RDUB PA NI DBUGS RDUB BSTE RANG @10B 'JUG PA GANG YIN PA'O, ,DBUGS 'BYUNG BA NI DBUGS 'BYIN PA STE RLUNG 'BYUNG BA GANG YIN PA'O, ,DE GNYIS DRAN PA NI DBUGS RDUB PA DANG DBUGS 'BYUNG BA DRAN PA STE, DE NI SHES RAB KYI RANG BZHIN YIN NO, DRAN PA ZHES SMOS PA NI DRAN PA NYE BAR GZHAG PA BZHI STE, DE'I STOBS BSKYED PAS 'JUG PA'I PHYIR RO, ,SA LNGA PO NYER BSDOGS GSUM DANG, BSAM GTAN KHYAD PAR CAN DANG, 'DOD PA'I KHAMS NA YOD DO, ,BTANG SNYOMS DANG MTSUNGS PAR LDAN PA'I PHYIR RO, ,BDE BA DANG SDUG BSNGAL DAG NI RNAM PAR RTOG PA DANG MTHUN PA'I PHYIR DE'I GNYEN PO NI DE DAG DANG MTSUNGS PAR MI LDAN NO; BDE BA DANG YID BDE BA DAG KYANG GTOD PA LA BAR CHAD BYED PA'I PHYIR LA, DE YANG GTANG BAS BSGRUB PAR BYA BA YIN PA'I PHYIR RO ZHES GRAG GO, ,GANG DAG BSAM GTAN DNGOS GZHI DAG NA YANG SNYOMS PAR ZHUGS PA LA BTANG SNYOMS KYI DBANG PO YOD PAR 'DOD PA DE DAG GI LTAR NA SA BRGYAD PA YIN NO, ,YAN CHAD NI DBUGS RNGUB PA DANG DBUGS 'BYUNG BA'I SA MA YIN PA'I PHYIR RO, ,DE'I DMIGS PA NI RLUNG YIN NO, ,'DOD PA'I KHAMS KYI RTEN CAN YIN NO, ,LHA DANG MI DAG GI NANG NAS SKYED DO, ,SBYOR BA LAS BYUNG BA DANG, 'DOD CHAGS DANG BRAL BAS THOB PA YIN NO, ,'DI NI DE KHO NA YID LA BYED PA YIN NO, ,CHOS 'DI PA RNAMS KHO NA'I YIN GYI, PHYI PA'I MA YIN NO, ,LUNG MED PA'I PHYIR DANG, BDAG NYID KYIS CHOS ZAB MO MNGON PAR MI RTOGS PA'I PHYIR RO, ,DE YANG BGRANG BA LA SOGS PA RNAM PA DRUG ,DE NI BGRANG BA DANG RJES SU 'GRO BA DANG, 'JOG PA DANG, NYE BAR RTOGS PA DANG, BSGYUR BA DANG, YONGS SU DAG PA STE, RGYU DRUG DANG LDAN NA YONGS SU RDZOGS PA YIN NO, ,DE LA BGRANG BZHES BYA BA'I DBUGS RDUB PA DANG DBUGS 'BYUNG BA DAG LA SEMS GTAN NAS MNGON PAR 'DU BYA BA MED PAR LUS DANG SEMS RNAL DU GZHAG STE DRAN PA TZAM GYIS GCIG DANG GNYIS NAS BCU'I BAR DU BGRANG BAR BYED PA'O, ,SEMS MNGON PAR SDUD PA DANG RNAM PAR GA-YENG BAR DOGS PAS HA CHANG MANG BA DANG NYUNG GNUR NI MA YIN NO, ,DE LA SKYON NI GSUM YOD DE, GAL TE GNYIS LA GCIG TU 'DZIN NAM TSANG BAR BGRANG @11A *, ,BA'I SKYON NO, ,GAL TE GCIG LA GNYIS SU 'DZIN NA LHAG PAR BGRANG BA'I SKYON NO, ,GAL TE DBUGS RNGUB BA LA DBUGS 'BYIN PAR 'DZIN TAM, DBUGS 'BYIN PA LA DBUGS RNGUB PAR 'DZIN NA 'CHOL BAR BGRANG BA'I SKYON NO, ,DE LAS GZHAN PA NI YANG DAG PA'I BGRANG BA YIN NO, ,BAR SKABS SU SEMS RNAM PAR GA-YENG NA YANG MGO NAS JI SRID DU TING NGE 'DZIN MA THOB KYI BAR DU BGRANG BAR BYA'O, RJES SU 'GRO BA ZHES BYA BA NI 'DI DAG THAG NI JI SRID GCIG TU 'BYUNG ZHING 'JUG ,CI 'DI DAG LUS THAMS CAD LA KHYAB PA DAG CIG GAM, PHYOGS 'GA' ZHIG NA RGYU BA DAG YIN ZHES MNGON PAR 'DU BYA BA MED PAR DBUGS RNGUB PA DANG DBUGS 'BYUNG BA'I 'GROS KYIS RJES SU 'GRO BA STE, DE 'JUG PA NA LKOG MA DANG, SNYING GA DANG, LTE BA DANG, RKED PA DANG, BRLA DANG, BYIN PAR 'JUG PA'I RIM GYIS RKANG PA GNYIS KYI BAR DU RJES SU 'GRO LA, 'BYUNG BA NA MTHO GANG DANG 'DOM GANG GI BAR DU 'BYUNG NGO, ,GZHAN DAG NA RE RLUNG GI DKYIL 'KHOR DANG RNAM PAR 'THOR BYED KYI RLUNG GI BAR DU 'O ZHES ZER TE, 'DI NI KHO NA YID LA BYED PA YIN PA'I PHYIR RIGS PA MA YIN NO, ,'JOG PA ZHES BYA BA NI NOR BU'I THAG PA BZHIN DU SNA'I RTZE MO NAS RKANG PA'I MTHE BONG GI BAR DU GNAS PAR LTA ZHING, CI 'DI DAG PHAN 'DOGS PAR BYED PA ZHIG GAM, GNOD PAR BYED PA ZHIG GAM GRANG NGAM, DRO BA DAG CIG CES RTOG PA'O, ,NYE BAR RTOG PA NI 'DI DAG NI RLUNG 'BA' ZHIG MA YIN GYI 'BYUNG BA CHEN PO BZHI DAG DANG 'BYUNG BA DAG LAS MNGON PAR GRUB PA RGYUR BYAS PA'I GZUGS DANG, DE DAG LA BRTEN PA SEMS DANG SEMS LAS BYUNG BA RNAMS KYANG YOD DO ZHES PHUNG PO LNGA LA NYE BAR RTOG PAR BYED PA'O, ,BSGYUR BA ZHES BYA BA NI RLUNG LA DMIGS PA'I BLO BSGYUR TE CHOS KYI MCHOG GI BAR DU GONG NAS GONG DU DGE BA'I RTZA BA RNAMS LA YANG DAG PAR SBYOR BA'O, YONGS SU DAG PA NI MTHONG BA'I LAM LA SOGS PA LA 'JUG PA'O, ,GZHAN DAG NA RE BSGYUR BA NI DRAN PA NYE BAR GZHAG PA NAS RDO RJE LTA BU'I TING NGE 'DZIN GYI BAR YIN LA, RNAM PAR DAG PA NI ZAD PA SHES PA LA SOGS PA YIN NO ZHES ZER RO, ,DBUGS RNGUB DBUGS 'BYUNG DRAN PA NI, @11B BGRANG DANG RJES 'GRO 'JOG PA DANG, ,RTOG PA DANG NI BSGYUR PA DANG, ,YANG DAG RNAM PA DRUG TU 'DOD, ,CES BYA BA NI BSDU PA'I TSIGS SU BCAD PA YIN NO, ,DEL, DBUGS RNGUB DBUGS 'BYUNG GANG LAS LUS, ,'DI GNYIS NI LUS KYI PHYOGS GCIG YIN PA'I PHYIR LUS SA PA GANG YIN PA DE'I SA PA DAG YIN PAR RIG PAR BYA'O, ,DBUGS RNGUB PA DANG DBUGS 'BYUNG BA NI GZUGS MED PA DANG, NUR NUR PO LA SOGS PAR GYUR PA RNAMS DANG, SEMS MED PA DANG, BSAM GTAN BZHI PA LA SNYOMS PAR ZHUGS PA RNAMS LA MED PA'I PHYIR LUS DANG SEMS KHYAD PAR CAN LA BRTEN NAS 'JUG PA YIN TE, GAL TE LUS KYANG SBUBS YOD PA YIN LA DBUGS RNGUB PA DANG, DBUGS 'BYUNG PA'I SA PA'I SEMS KYANG MNGON SUM DU GYUR NA DE LTA NA 'JUG GO ,SKYE BA DANG, BSAM GTAN BZHI PA LAS LDANG BA LA NI 'JUG LA, 'CHI BA DANG, BSAM GTAN BZHI PA LA SNYOMS PAR 'JUG PA LA NI 'BYUNG NGO, ,DBUGS RNGUB PA DANG DBUGS 'BYUNG BA 'DI GNYIS NI, SEMS CAN ZHES BYA, SEMS CAN DU MI BGRANG BA DAG NI MA YIN NO, ,MA ZIN PA'O, ,DBANG BO DANG THA DAD PA'I PHYIR RO, ,RGYU MTHUN LAS BYUNG, LUS RGYAS PAS 'GRIB PAR 'GYUR PA'I PHYIR DANG, CHAD NAS YANG NYID MTSAMS SBYOR BA'I PHYIR RGYAS PA LAS BYUNG BA DANG, RNAM PAR SMIN PA LAS SKYES PA NI MA YIN TE, RNAM PAR SMIN PA'I GZUGS LA NI DE LTA BU MED DO, ,'OG MA YI, YID KYIS DE GNYIS MI RTOGS SO, ,DE GNYIS NI RANG GI SA PA DANG SA GONG MA PA'I SEMS KYIS RTOGS KYI, 'OG MA PA SPYOD LAM PA DANG SPRUL PA'I SEMS KYIS MI RTOGS SO, ,'JUG PA'I SGO GNYIS BSHAD ZIN TO, ,DE GNYIS KYI TING NGE 'DZIN THOB NAS, LHAG MTHONG BSGRUB PAR BYA BA'I PHYIR, ,ZHI GNAS GRUB PAR GYUR PA YIS, ,DRAN PA NYER GZHAG BSGOM PAR BYA, ,JI LTAR BYA ZHE NA, LUS TSOR SEMS DANG CHOS RNAMS LA, ,MTSAN NYID GNYIS SU YONGS BRTAGS PAS, ,LUS DANG, TSOR BA DANG, SEMS DANG CHOS RNAMS LA RANG DANG SPYI'I MTSAN NYID DAG TU YONGS SU BRTAGS PA STE, DE DAG GI RANG GI MTSAN NYID NI RANG GI NGO BO'O, ,SPYI'I MTSAN NYID NI 'DUS BYAS @12A *, ,RNAMS NI MI RTAG PA NYID DANG, ZAG PA DANG BCAS PA RNAMS SDUG BSNGAL BA NYID DANG, CHOS THAMS CAD STONG PA DANG, BDAG MED PA NYID DAG GRO, ,LUS KYI RANG GI NGO BO CI ZHE NA, 'BYUNG BA DANG 'BYUNG BA LAS GYUR BA NYID DO, ,GSUM LAS GZHAN PA DAG NI CHOS SO, , MNYAM PAR GZHAG PAS LUS LA RDUL PHRA RAB DANG SKAD CIG MAR MTHONG BAS LUS DRAN PA NYE BAR GZHAG PA GRUB PA YIN NO, ZHES GRAG GO ,YANG DRAN PA NYE BAR GZHAG PA RNAMS KYI RANG BZHIN CI ZHE NA, DRAN PA NYE BAR GZHAG PA NI RNAM PA GSUM STE, RANG BZHIN DANG, 'BREL PA DANG, DMIGS PA'I DRAN PA NYE BAR GZHAG PA'O, DE LA RANG BZHIN GYI DRAN PA NYE BAR GZHAG PA NI, SHES RAB BO, SHES RAB JI LTA BU ZHIG CE NA, THOS SOGS LAS BYUNG BA'O, ,THOS PA LAS BYUNG BA DANG, BSAM PA LAS BYUNG BA DANG, BSGOM PA LAS BYUNG BA'O, ,DRAN PA NYE BAR GZHAG PA DAG KYANG RNAM PA GSUM STE, THOS PA DANG, BSAM PA DANG, BSGOM PA LAS BYUNG BA DAG GO ,GZHAN NI 'BREL DANG DMIGS PA LAS, ,GZHAN DE DANG LHAN CIG 'BYUNG BA'I CHOS RNAMS NI 'BREL BA'I DRAN PA NYE BAR GZHAG PA YIN NO, ,DE DAG GI DMIGS PA NI DMIGS PA'I DRAN PA NYE BAR GZHAG PA'O, ,RANG BZHIN GYI DRAN PA NYE BAR GZHAG PA SHES RAB YIN NO ZHES BYA BA 'DI GA LAS SHE NA, LUS LA LUS KYI RJES SU LTA BA NI DRAN PA NYE BAR GZHAG PA'O ZHES 'BYUNG BA'I PHYIR RO, ,RJES SU LTA BA ZHES BYA BA CI ZHE NA, SHES RAB STE, DES DE DANG LDAN PA RJES SU LTA BAR BYED DO, 'DI LTAR NANG GI LUS LA LUS KYI RJES SU LTA ZHING GNAS SO ZHES KYANG GSUNGS TE, 'DI LA RJES SU LTA BA STE LTA BA YOD PAS NA RJES SU LTA BA'O, ,LUS LA RJES SU LTA BA NI LUS KYI RJES SU LTA BA'O, ,CI'I PHYIR SHES RAB LA DRAN PA NYE BAR GZHAG PA ZHES BSHAD CE NA, BYE BRAG TU SMRA BA RNAMS NA RE DRAN PA SHES CHE BA'I PHYIR TE, SHING GSHEGS PA'I KHYE'U NGAG GIS 'DZIN PA LTAR DRAN PA'I STOBS BSKYED PAS 'JUG PA NYID KYI PHYIR ZHES BYA BA'I THA TSIG GO ZHES ZER RO, ,'DI LTAR NI RUNG STE, 'DIS DRAN PA NYE BAR 'JOG PAS NA DRAN PA NYE BAR GZHAG PA NI SHES RAB YIN TE, JI LTAR MTHONG BA MNGON PAR BRJOD PA'I PHYIR RO, ,'DI LTAR @12B TSE DANG LDAN PA MA 'GAGS PAS KYANG, LUS LA LUS KYI RJES SU LTA ZHING GNAS PA DE'I LUS LA DMIGS PA'I DRAN PA GNAS PA YANG DAG PAR GNAS ZHES RGYAS PAR BSHAD DO, ,BCOM LDAN 'DAS KYIS KYANG LUS LA LUS KYI RJES SU LTA ZHING GNAS PA DE'I DRAN PA NYE BAR GNAS SHING KUN TU MI RMONGS PA YIN ZHES GSUNGS SO, ,GANG LAS DGE SLONG DAG JI LTAR NA DRAN PA NYE BAR GZHAG PA RNAMS KUN 'BYUNG BA DANG, NUB PA YIN ZHE NA, ZAS KUN 'BYUNG BAS NI LUS KUN 'BYUNG BA YIN LA, THAS 'GAGS PAS NI LUS NUB BA YIN NO ZHES GSUNGS PA DE LAS NI DMIGS PA KHON DRAN PA NYE BAR GZHAG PAR GSUNGS PA YIN TE, 'DI LA DRAN PA NYE BAR GNAS PA'I PHYIR RO, ,'DI DAG GI MING NI DMIGS PA JI LTA BA BZHIN NO, ,'DI DAG RANG DANG GZHAN DANG GNYI GA'I RGYUD LA DMIGS PA'I PHYIR RE RE ZHING RNAM PA GSUM GSUM YIN NO, ,RIM NI JI LTAR SKYE BA BZHIN CI'I PHYIR DE LTAR SKYE ZHE NA, BYE BRAG TU SMRA BA RNAMS NA RE, SNGAR RAGS PA MTHONG PA'I PHYIR RO, ,YANG NA 'DI LTAR 'DOD PA LA 'DOD CHAGS PA'I RTEN NI LUS YIN LA, DE YANG TSOR BA MNGON PAR 'DOD PA'I PHYIR RO, ,DE YANG SEMS MA ZHI BA'I PHYIR RO, ,DE YANG NYON MONGS PA MA SPANGS PA'I PHYIR RO ZHES ZER RO, ,PHYIN CI LOG GI GNYEN POR BZHI, ,GTZANG BA DANG BDE BA DANG RTAG PA DANG BDAG TU PHYIN CI LOG RNAM PA BZHI'I GNYEN POR DRAN PA NYE BAR GZHAG PA BZHI GO RIMS BZHIN DU BSTAN TE MI MANG MI NYUNG NGO, ,DE DAG LAS GSUM NI MA 'DRES PA LA DMIGS PA YIN NO, ,BZHI PA NI GNYI GA YIN TE, GAL TE CHOS KHON LA LTA NA MA 'DRES PA LA DMIGS PA YIN NO, ,'ON TE LUS LA SOGS PA GNYIS SAM GSUM MAM BZHI PO SPYIL LTAN 'DRES PA LA DMIGS PA YIN NO, ,DE LTAR LUS LA SOGS PA LA DMIGS PA'I DRAN PA NYE BAR GZHAG PA RNAMS GOMS PAR BYAS NAS, DE NI CHOS DRAN NYE GZHAG PA, ,SPYI LA DMIGS PA LA GNAS TE, ,DE DAG LA NI MI RTAG DANG, ,SDUG BSNGAL STONG BDAG MED PAR LTA, ,CHOS DRAN PA NYE BAR GZHAG PAR 'DRES PA LA DMIGS PA LA GNAS TE, LUS LA SOGS PA DE DAG THAMS CAD SBYIR BSDUS TE, MI RTAG PA DANG, SDUG BSNGAL @13A *, ,BA DANG, STONG PA DANG BDAG MED PA DANG, RNAM PA BZHIR LTA'O, ,DE LAS DRO BAR GYUR PA 'BYUNG, ,CHOS DRAN PA NYE BAR GZHAG PA LA DE LTAR GOMS PA LAS RIM GYIS DGE BA'I RTZA BA DRO BAR GYUR PA ZHES BYA BA SKYE'O, ,DRO BAR GYUR PA DANG 'DRA BAS NA DRO BAR GYUR PA STE, NYON MONGS PA'I BUD SHING SREG PAR BYED PA 'PHAGS PA'I LAM GYI ME'I SNGA LTAS YIN PA'I PHYIR RO, ,DE NI BDEN BZHI SPYOD YUL CAN, ,DRO BAR GYUR PA DE NI RGYUN CHAGS PA YIN PA'I PHYIR BDEN PA BZHIL DMIGS PA YIN NO, ,RNAM PA BCU DRUG ,SDUG BSNGAL LA MI RTAG PA DANG, SDUG BSNGAL BA DANG, STONG PA DANG, BDAG MED PA DANG, RNAM PA BZHIR LTA'O, ,KUN 'BYUNG LA RGYU DANG, KUN 'BYUNG BA DANG, RAB TU SKYE BA DANG, RKYEN DANG RNAM PA BZHIR LTA'O, ,'GOG PA LA 'GOG PA DANG, ZHI BA DANG, GYA NOM PA DANG, NGES PAR 'BYUNG BA DANG RNAM PA BZHIR LTA'O, ,LAM LA LAM DANG, RIGS PA DANG, SGRUB PA DANG, NGES PAR 'BYIN PA DANG RNAM PA BZHIR LTA STE 'DI DAG GI BYE BRAG NI, 'OG NAS BSHAD PAR BYA'O, ,DRO BA LAS, RTZE MO, ,DRO BA CHUNG DU DANG 'BRING DANG CHEN PO'I RIM GYIS MNGON PAR 'PHEL BA LAS RTZE MO DAG KYANG SKYE STE, DE YANG DE DANG 'DRA, JI LTAR DRO BAR GYUR PA RNAMS BDEN PA BZHI LA DMIGS PA DANG, RNAM PA BCU DRUG YIN PA BZHIN TE, CHES MCHOG TU GYUR PA'I PHYIR NA MING GZHAN DU BTAGS SO, ,DGE BA'I RTZA BA GYO BA'I RTZE MO YIN PA'I PHYIR RTZE MO RNAMS TE, DE DAG LAS LTUNG BA'AM 'DA' PAR 'GYUR BA'I PHYIR RO, ,GNYIG CHOS KYI RNAM PA GTOD, ,DRO BAR GYUR PA DANG RTZE MO GNYIS KA CHOS DRAN PA NYE BAR GZHAG PAS RNAM PA GTAD PAR BYED DO, ,RNAM PA GTOD CES BYA BA 'DI CI ZHE NA, DANG PO NYID DU BDEN PA RNAMS LA RNAM BDAG ? 'GOD PA'O, ,GZHAN DAG GIS KYANG 'PHEL BAR BYED, DRAN PA NYE BAR GZHAG PA BZHI CHAR GYIS KYANG DE DAG 'PHEL BAR BYED DO, ,RNAM PAR 'PHEL BAR BYED PA NA SDON THOB PA RNAMS MNGON SUM DU MI BYED DE, DGA' BA CHEN PO MED PA'I PHYIR RO, ,DE LAS BZOD PA YANG SKYE STE, DE CHUNG NGU DANG 'BRING DANG CHEN PO'I RIM GYIS MNGON PAR 'PHEL BA DAG LAS YANG, BZOD PA SKYE STE, YONGS SU MI NYAMS PA'I SGO @13B NAS BDEN PA LA CHER BZOD PA'I PHYIR RO, ,DE YANG RNAM PA GSUM SE, CHUNG DU DANG, 'BRING DANG, CHEN PO'O, ,DE LA RNAM PA GNYIS DE BZHIN, ,RTZE MO RNAMS JI SKAD BSHAD PA LTAR BZOD PA CHUNG NGU DANG 'BRING DAG KYANG DE DANG 'DRA STE, DE KHO NA BZHIN DU RNAM PA GTOD PA'I PHYIR RO, ,RNAM PAR 'PHEL PA LA NI KHYAD PAR 'DI YOD DE, BZOD PA NI, THAMS CAD CHAS KYIS 'PHEL BAR BYED CHOS DRAN PA NYE BAR GZHAG PA KHO NAS 'PHEL PAR BYED KYI GZHAN GYIS NI MA YIN NO, ,CHEN PO 'DOD GTOGS SDUG BSNGAL YUL, ,BZOD PA ZHES BYA BAR SBYAR TE, DE NI CHOS KYI MCHOG DANG NYE BA'I PHYIR 'DOD PAN SBYOD PA'I SDUG BSNGAL LA DMIGS PA KHO NA'O, ,DE NYID KYI PHYIR DRO BAR GYUR PA LA SOGS PA'I NGES PA MA SMOS PA'I PHYIR KHAMS GSUM PA'I SDUG BSNGAL LA SOGS PA LA DMIGS PA NYID DU GRUB PO, ,GANG GI TSE GZUGS DANG GZUGS MED PA'I GNYEN PO LA SOGS PA BDEN PA'I RNAM PA DMIGS PA RE RE NAS PHRI NAS 'DOD PA NA SPYOD PA'I SDUG BSNGAL KHO NA LA SKAD CIG MA GNYIS SU YID LA BYED PA'I PAR DE THAMS CAD NI BZOD PA 'BRING YIN LA, GANG GI TSE SKAD CIG MA GCIG KHO NA YIN PA DE'I TSE NI CHEN PO YIN NO ZHES GRAG GO ,DE NI SKAD CIG GCIG ,DE NI SKAD CIG MA GCIG YIN GYI RGYUN CHAGS PA NI MA YIN NO, ,DE BZHIN DU CHOS MCHOG, DE DAG KYANG BZOD PA CHEN PO JI LTA BA BZHIN DU 'DOD PA NA SBYOD PA'I SDUG BSNGAL DMIGS PA DANG SKAD CIG MA GCIG PA DAG YIN NO, DE DAG NI 'JIG RTEN PA YANG YIN LA CHOS KYI MCHOG KYANG YIN ZHING, 'JIG RTEN PA THAMS CAD KYI MCHOG TU GYUR PA'I PHYIR 'JIG RTEN PA'I CHOS KYI MCHOG RNAMS TE, SKAL PA MNYAM PA'I RGYU MED PAR DE'I RTZAL GYIS LAM 'DREN PAR BYED PA'I PHYIR RO, ,DRO BAR GYUR PA LA SOGS PA DE DAG NI DRAN PA NYE PAR GZHAG PA'I RANG BZHIN YIN PA'I PHYIR SHES RAB KYI BDAG NYID CES BYA BA'O, THAMS CAD PHUNG PO LNGA, 'KHOR DANG BCAS TE SMOS PA'I PHYIR RO, ,THOB PA MA GTOGS, THOB BA RNAMS NI DRO PAR GYUR PA LA SOGS PAS MA BSDUS TE, 'PHAGS PA LA DE MNGON SUM DU GYUR PAS DRO BAR GYUR PA LA SOGS PA YANG MNGON SUM DU 'GYUR DU 'ONGS PAS SO, ,DE LA BDEN PA GSUM @14A *, ,LA DMIGS PA'I DRO BAR GYUR PA RNAM PA GTOD PA LA NI CHOS DRAN PA NYE BAR GZHAG BA DA LTAR BYUNG BA YIN LA MA 'ONGS PA NI BZHI CHAR 'THOB BO, ,'GOG PA'I BDEN PA LA DMIGS PA LA NI DE KHO NA GNYI GA YIN NO, ,RNAM PA DAG NI THAMS CAD DU 'DRA BA YIN NO, ,RNAM PAR 'PHEL BA LA NI BZHI LAS GANG YANG RUNG BA ZHIG YIN LA MA 'ONGS PA NI BZHI CHAR RO, ,'GOG PA LA DMIGS PA DE KHO NA LA NI THA MA YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,RIGS RNAMS THOB ZIN PA'I PHYIR RO, RTZE MO BDEN PA BZHI LA DMIGS PA RNAM PA GTOD PA DANG, 'GOG PA LA DMIGS PA 'PHEL BA LA NI THA MA YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,BDEN PA GSUM LA DMIGS PA RNAM PAR 'PHEL BA LA NI BZHI LAS GANG YANG RUNG BA ZHIG YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,BZOD PA RNAMS LA NI THAMS CAD DU THA MA YIN LA MA 'ONGS PA NI BZHI CHAR RO, RNAM PA NI THAMS CAD DO, ,CHOS KYI MCHOG DAG LA NI THA MA YIN LA MA 'ONGS PA NI BZHI CHAR RO, ,RNAM PA NI BZHI KHON STE, GZHAN MED PA'I PHYIR DANG, MTHONG BA'I LAM DANG 'DRA BA'I PHYIR RO, ,DE LTA NA NGES 'BYED CHA MTHUN RNAM PA BZHI BZHI PO 'DI DAG NI NGES PAR 'BYED PA'I CHA DANG MTHUN PA'I DGE BA'I RTZA BA DAG YIN TE, 'DI LTA STE, DRO BAR GYUR PA DANG, RTZE MO RNAMS DANG, BZOD PA RNAMS DANG, CHOS KYI MCHOG RNAMS SO, ,DE DAG LAS GNYIS NI YONGS SU NYAMS PA'I SGO NAS GYO BA'I PHYIR CHUNG DU DAG YIN NO, ,BZOD PA RNAMS NI 'BRING YIN NO, ,CHOS KYI MCHOG RNAMS NI CHEN PO YIN NO, ,NGES PAR 'BYED PA'I CHA DANG MTHUN PA RNAMS ZHES BYA BA'I DON CI ZHE NA, NGES PAR 'BYED BAS NA NGES PAR 'BYED PA STE, 'PHAGS PA'I LAM MO, ,DES THE TSOM SPONG BA'I PHYIR DANG, BDEN PA RNAMS LA 'DI NI SDUG BSNGAL LO ZHES BYA BA NAS 'DI NI LAM MO ZHES BYA BA' BAR DU RNAM PAR 'BYED PA'I PHYIR RO, ,DE'I CHA NI MTHONG BA'I LAM GYI PHYOGS GCIG YIN TE, DE 'DREN PAR BYED PA NYID KYIS PHAN 'DOGS PA'I PHYIR NGES PAR 'BYED PA'I CHA DANG MTHUN PA RNAMS SO, ,NGES PAR 'BYED PA'I CHA DANG @14B MTHUN PA NI RNAM PA 'DI BZHI CHAR YANG, BSGOMS BYUNG, THOS PA DANG BSAMS PA LAS BYUNG BA NI MA YIN NO, ,MI LCOGS MED PA DANG, KHYAD PAR BSAM GTAN SA PA'O, ,'DE'I SA PA NI MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI YIN TE, DE DAG GIS BSDUS PA'I PHYIR RO, ,MTHONG BA'I LAM GYI 'KHOR YIN PA'I PHYIR GONG NA MED NGO, ,DE MED PA NI 'DOD PA'I KHAMS LA DMIGS PA YIN PA'I PHYIR RO, ,DE YANG SNGAR YONGS SU SHES PAR BYA ZHING SPANG BAR BYA BA YIN PA'I PHYIR RO, ,DE DAG GI RNAM PAR SMIN PA NI GZUGS KYI KHAMS KYI PHUNG PO LNGA YIN NO, ,YONGS SU RDZOGS PAR BYED PA DAG KHO NA YIN GYI 'PHEN PAR BYED PA DAG NI MA YIN TE, GRID PA'I GNYEN PO YIN PA'I PHYIR RO, ,GNYI GA NI 'OG NA 'NGA YOD PA'AM, 'AM ZHES BYA BA'I SGRA NI LUGS THA DAD PA'I DON TE, BTZUN PA DBYANGS SGROGS KYI LTAR NA NGES PAR 'BYED PA'I CHA DANG MTHUN PA DANG PO GNYIS SA BDUN PA YIN TE, 'DOD PA'I KHAMS NA YANG YOD DO, ,BZHI PO DE DAG THAMS CAD KYANG, 'DOD RTEN GSUM NI MI DAG GI NANG KHO NA DANG, GLING GSUM DU SKYED PAR BYED DO, ,SNGON BSKYED PA RNAMS NI LHA DAG GI NANG DU MNGON SUM DU BYED DO, ,BZHI PA NI LHA DAG GI NANG DU YANG SKYED PAR BYED DO, ,GSUM NI SKYES PA DANG BUD MED KYI GNYI GA'I RTEN CAN DAG 'THOB BO, ,CHOS MCHOG BUD MED KYIS GNYI GA'I RTEN CAN 'THOB PAR 'GYUR, CHOS KYI MCHOG NI BUD MED KHO NAS GNYI GA'I RTEN CAN 'THOB BO, ,SKYES PA NI SKYES PA'I RTEN CAN 'BA' ZHIG 'THOB STE, BUD MED NYID NI SO SOR BRTAGS PA MA YIN PAS 'GOG PA THOB PA'I PHYIR RO, ,NGES PAR 'BYED PA'I CHA DANG MTHUN PA RNAMS JI LTAR STONG ZHE NA, 'PHAGS PAS DE DAG SA BOR NAS, ,STONG NGO, ,'PHAGS PA NIS GANG DAG THOB PAR GYUR PA'I SA DE DAG 'DOR BA NA DE DAG KYANG GTONG GI GZHAN DU NI MA YIN NO, ,SA 'DOR BA NI SA 'PHOS PA'I PHYIR RO, ,'PHAGS MIN 'CHI BAS SO, ,SO SO'I SKYE BO NI SA 'PHO YANG RUNG MI 'PHO YANG RUNG STE RIS MTHUN PA BTANG PA KHO NAS GTONG NGO, ,DANG PO GNYIS YONGS NYAMS PAS KYANG, ,GTONG LA 'CHI BAS KYANG GTONG STE, ,SO SO'I SKYE BO KHO NA YIN GYI 'PHAGS PA NI DE GNYIS LAS YONGS @15A *, ,SU NYAMS PA MAD DO, ,BZOD PA DANG CHOS KYI MCHOG DAG LAS NI SO SO'I SKYE BO YANG YONGS SU NYAMS PA MED DO, ,DNGOS GZHIS DE NYID LA BDEN MTHONG, ,GANG ZHIG BSAM GTAN DNGOS GZHI'I SA PA'I NGES PAR 'BYED PA'I CHA DANG MTHUN PA RNAMS SKYED PAR BYED PA DES NI TSE 'DI NYID LA GDON MI ZA BAR BDEN PA RNAMS MTHONG BAR 'GYUR TE, YID 'BYUNG BA SHAS CHE BA'I PHYIR RO, ,RNAM PAR NYAMS NA DNGOS MED 'THOB, ,GANG GI TSE RNAM PAR NYAMS PA DAG GIS YANG THOB PA DE'I TSE SO SOR THAR PA'I SDOM PA BZHIN DU SNGON MED PA DAG KHO NA 'THOB KYI SNGON BTANG BA DAG NI MA YIN TE MA 'DRIS PA DAD 'BAD DE BSGRUB PAR BYA BA YIN PA'I PHYIR RO, ,MTSAMS STON PAR BYED PA ZHIG YOD NA NI GONG MA SKYED PAR BYED DO, ,MED NA NI GZHI KHO NAS SKYED PAR BYED DO, ,RNAM PAR NYAMS PA DANG YONGS SU NYAMS PA 'DI DAG GI RANG BZHIN CI ZHE NA, NYAMS PA GNYIS NI MI LDAN PA, ,NYAMS PA GNYI GA YANG MI LDAN PA'I RANG BZHIN YIN LA, YONGS SU NYAMS PA NI NYES PAS BYAS PA YIN GYI RNAM PAR NYAMS PA NI GDON MI ZA BA YIN NO, ,DRO BAR GYUR PA THOB PA NI YONGS SU NYAMS KYANG NGES PAR MYA NGAN LAS 'DAS PA'I CHOS CAN YIN NO, ,THAR PA'I CHA DANG MTHUN PA DANG KHYAD PAR CI YAD CE NA, BAR CHAD BYED PA MED NA BDEN BA MTHONG BA LA CHES NYE BA NYID YIN NO, ,RTZE MO THOB PA RTZA MI 'CHAD, ,RTZE MO THOB PA NI YONGS SU NYAMS KYANG DGE BA'I RTZA BA RNAMS KUN TU MI 'CHAD KYI NGAN SONG DU YANG 'GRO LA MTSAMS MED PA DAG KYANG BYED DO, ,BZOD THOB NGAN SONG MI 'GRO'O, ,BZOD PA LAS NI RNAM PAR NYAMS KYANG NGAN SONG DU MI 'GRO STE, DER 'GRO BA'I LAS DANG NYON MONGS PA THAG BSRINGS PA'I PHYIR RO, ,BZOD PA THOB PA KHO NAS 'GRO BA DANG, SKYE GNAS DANG, SKYE BA DANG, LUS DANG, SRID PA DANG, NYON MONGS PA RNAMS LAS KHA CIG GIS MI SKYE BA'I CHOS NYID THOB STE, NGAN SONG GI 'GRO BA RNAMS DANG, SGO NGA LAS SKYES PA DANG, DROD GSHER LAS SKYES PA'I SKYE GNAS DAG DANG, 'DU SHES MED PA'I SEMS CAN DAG DANG, BYANG GI SGRA MI SNYAN DANG, TSANGS PA CHEN POR SKYE BA RNAMS DANG, ZA MA DANG, MA NING DANG MTSAN GNYIS PA'I LUS RNAMS DANG BRGYAD PA LA SOGS PA'I SRID PA RNAMS DANG, MTHONG BAS SPANG BAR @15B BYA BA'I NYON MONGS PA RNAMS KYI MI SKYE BA'I CHOS NYID 'THOB BO, ,DE DAG NI CI RIGS PAR TE, CHUNG DUS NI NGAN SONG GI 'GRO BA RNAMS KYI MI SKYE BA 'THOB LA, CHEN POS NI GZHAN DAG GI'O, ,NYAN THOS LA SOGS PA'I RIGS THA DAD PA'I PHYIR NGES PAR 'BYED PA'I CHA DANG MTHUN PA RNAMS RIGS GSUM YIN TE; DE LA, GNYIS SLOB RIGS LAS BZLOG NAS NI, ,SANGS RGYAS SU 'GYUR, DRO BAR GYUR PA DANG, RTZE MOR SKYES PA NYAN THOS KYI RIGS LAS BZLOG NAS YANG SANGS RGYAS SU 'GYUR BA NI SRID KYI BZOD PA THOB PA LA NI DE LTA BU MI SRID DO, ,CI'I PHYIR ZHE NA, NGAN SONG BZLOG PA'I PHYIR TE, BYANG CHUB SEMS DPA' RNAMS NI GZHAN LA PHAN 'DOGS PA'I GGAN ? GYI DBANG GIS NGAN SONG DU YANG 'GRO'I ZHES GRAG GO ,RIGS DE NYID BZLOG TU MI RUNG BA'I PHYIR MI SRID DO, ,GZHAN GSUM YANG, BZLOG NAS 'GYUR ZHES BYA BAR SBYAR TE, NGES PAR 'BYED PA'I CHA DANG MTHUN PA GSUM YANG NYAN THOS KYI RIGS LAS LDOG NAS SANGS RGYAS LAS GZHAN PAR 'GYUR TE RANG SANGS RGYAS ZHES BYA BA'I THA CHIG GO ,RANG SANGS RGYAS KYI RIGS RNAMS NI BZLOG PAR MI NUS TE, 'DI LTAR, STON DANG BSE RU BYANG CHUB PAR, ,BSAM GTAN MTHA' RTEN GCIG LA KUN, ,STON PA NI SANGS RGYAS SO, ,BSE RU LTA BU NI RANG SANGS RGYAS TE, DE GNYIS NI TING NGE 'DZIN MI GA-YO BA DANG, GSAL BA'I PHYIR BSAM GTAN BZHI BA KHO NA LA BRTEN TE STAN GCIG KHO NA LA NGES PAR 'BYED PA'I CHA DANG MTHUN PA RNAMS NAS BZUNG STE, BYANG CHUB KYI BAR DU SKYED PAR BYED DO, ,BYANG CHUB NI ZAD PA DANG MI SKYE BA SHES PA'I YE SHES YIN NO ZHES 'OG NAS BSHAD PAR BYA'O; ,GZHAN DAG NA RE MI SDUG BA NAS BZUNG STE, BYANG CHUB KYI BAR DU'O ZHES ZER RO, ,GANG DAG BSE RU LTA BU LAS GZHAN PA'I RANG SANGS RGYAS YOD PAR 'DOD PA DE'I RIGS RNAMS NI BZLOG PAR DGAG PA MED DO, ,CI TSE DANG PO KHO NA LA SBYOR BA BYAS TE NGES PAR 'BYED PA'I CHA DANG MTHUN PA RNAMS SKYED PAR BYED DAM ZHE NA, DE LTA BU NI MED KYI NGES PAR DE'I SNGON DU THAR PA'I CHA MTHUN BSKYED PAR BYA DGOS SO, ,THAMS CAD PAS SHIN TU, MYUR BA'I SRID PA GSUM GYIS THAR, ,SA BON 'DEBS PA DANG, 'BRU SKYE BA DANG, 'BRAS BU CHAGS PA BZHIN DU TSE GCIG LA NI THAR PA'I CHA DANG @16A *, ,MTHUN PA'I DGE BA'I RTZA BA SKYED PAR BYED DO, ,GNYIS PA LA NI NGES PAR 'BYED PA'I CHA DANG MTHUN PA RNAMS SKYED PAR BYED DO, ,GSUM PA LA NI 'PHAGS PA'I LAM SKYED PAR BYED DE, CHOS NYID 'DI LA NI RGYUD RIM GYIS 'JUG PA DANG, YONGS SU SMIN PA DANG, RNAM PAR GROL BAR 'GYUR RO, ,THAR PA'I CHA DANG MTHUN PA DE YANG THOS BSAM LAS BYUNG BA YIN PAR BRJOD DE, BSGOM PA LAS BYUNG BA NI MA YIN NO, ,LAS DU DAG CIG CE NA, LAS GSUM MO, ,GTZO BOR NI YID KYI LAS YIN NO, ,DE'I SMON LAM GYIS YONGS SU BZUNG BA'I PHYIR LUS DANG NGAG GI LAS KYANG THAR PA'I CHA DANG MTHUN PA YIN TE, LA LA ZHIG GIS ZAS 'GA' TZAM BYIN NAS SAM BSLAB BA 'GA' TZAM YANG MNOS NAS THAR PA 'DOD PA'I STOBS BSKYED PAS THAR PA'I CHA DANG MTHUN PA'I 'PHEN PAR 'GYUR RO, ,DE YANG, MI YI NANG NAS 'PHEN PAR BYED, ,MI RNAMS KYI NANG KHO NA DANG, GLING GSUM NAS 'PHEN GYI GZHAN NAS NI MA YIN TE, CI RIGS PAR SHES RAB DANG SKYO BA MED PA'I PHYIR RO, ,THAR PA'I CHA DANG MTHUN PA ZHAR LAS 'ONGS PA BSHAD ZIN TO, ,MNGON PAR RTOGS PA'I RIM PA BSHAD PAR BRTZAMS PA DE LA CHOS KYI MCHOG GI BAR RNAMS NI BSHAD ZIN TO, , LHAG MA BRJOD PAR BYA STE, DE'I PHYIR, 'JIG RTEN PA YI CHOS MCHOG LAS, ,CHOS KYI BZOD PA ZAG PA MED, ,CES BYA BA 'DI SMOS TE, 'JIG RTEN PA'I CHOS KYI MCHOG GI MJUG THOGS SU CHOS SHES PA'I BZOD PA ZAG PA MED PA SKYE'O, ,DMIGS PA GANG LA ZHE NA, 'DOD SDUG BSNGAL LA, DE'I DMIGS PA NI 'DOD PA NA SPYOD PA'I SDUG BSNGAL YIN TE, DE NI SDUG BSNGAL LA CHOS SHES PA'I BZOD PA ZHES BYA'O, ,ZAG PA MED PA NYID YIN PAR SHES PAR BYA BA'I PHYIR RGYU MTHUN PAS BYE BRAG TU BYAS TE, CHOS SHES PA'I PHYIR BZOD PA NI CHOS SHES PA'I BZOD PA STE ME TOG DANG 'BRAS BU'I SHING BZHIN NO, ,DE NYID NGES PAR 'JUG PA ZHES BYA STE, YANG DAG PA NYID DU NGES PAR ZHUGS PA'I PHYIR RO, ,YANG DAG PA NYID NI MDO LAS MYA NGAN LAS 'DAS PA YIN PAR BSHAD DO, ,DER NGES PA NI NGES PA STE GCIG TU GYUR PA'O, ,DER 'JUG PA NI MNGON @16B PAR 'GRO BA STE, DE SKYES NA 'PHAGS PA'I GANG ZAG CES BYA'O, ,MA 'ONGS PAS NI SO SO'I SKYE BO NYID ZLOG PAR BYED DO, ,MA 'ONGS PA DE'I BYA BA NI DE KHO NA YIN PAR KHAS LEN GYI GZHAN NI MA YIN TE, MAR ME DANG SKYE BA BZHIN NO, ,GZHAN DAG NA RE 'JIG RTEN PA'I CHOS KYI MCHOG RNAMS KYIS BZLOG GO ZHES ZER RO, ,MA YIN TE, DE'I CHOS YIN PA'I PHYIR RO, ,DE DANG 'GAL BA YIN PA'I PHYIR NYES PA MED DE, DGRA BO'I PHRAG PA LA ZHON NAS DE LA 'TSOG PA BZHIN NO, ,GZHAN DAG NA RE GNYI GAS ? BZLOG STE, BAR CHAD MED PA DANG RNAM PAR GROL BA'I LAM DANG CHOS MTHUN PA'I PHYIR RO ZHES ZER RO, ,DE NAS NI DE NYID LA CHOS SHE NA, SDUG BSNGAL LA CHOS SHES PA'I BZOD PA'I MJUG THOGS SU 'DOD PA NA SPYOD PA'I SDUG BSNGAL BA DE KHO NA LA CHOS SHES PA SKYE STE, DE NI SDUG BSNGAL LA CHOS SHES PA ZHES BYA'O, ,THAMS CAD DU YANG ZAG PA MED PA'I GNAS SKABS YIN PAR RIG PAR BYA'O, ,JI LTAR 'DOD PA NA SPYOD PA'I SDUG BSNGAL LA CHOS SHES PA'I BZOD PA DANG CHOS SHES PA SKYE BA DE BZHIN DU, SDUG BSNGAL LHAG LA RJES BZOD SHES, ,SDUG BSNGAL LA CHOS SHES PA'I MJUG THOGS SU GZUGS DANG GZUGS MED PA NA SPYOD PA'I SDUG BSNGAL LA RJES SU SHES PA'I BZOD PA SPYI LA DMIGS PA SKYE STE, DE NI SDUG BSNGAL LA RJES SU SHES PA'I BZOD PA ZHES BYA'O, ,DE NAS NI RJES SU SHES PA SKYE STE, DE NI SDUG BSNGAL LA RJES SU SHES PA ZHES BYA'O, ,DANG PO NYID DU CHOS KYI DE KHO NA NYID SHES PA'I PHYIR CHOS SHES PA YIN NO, ,DE'I RGYU LAS BYUNG BA'I PHYIR GONG MA'I SDUG BSNGAL LA SOGS PA LA DMIGS PA NI RJES SU SHES PA STE, DE BZHIN DU RTOGS PA'I PHYIR RO, ,JI LTAR SDUG BSNGAL GYI BDEN PA LA BZOD PA DANG SHES PA BZHI PO DE DAG SKYE BA LTAR, BDEN PA GSUM LA DE BZHIN NO, ,SDUG BSNGAL LA RJES SU SHES PA'I MJUG THOGS SU 'DOD PA NI SPYOD PA'I KUN 'BYUNG LA CHOS SHES PA'I BZOD PA SKYE ZHING, DE NAS KUN 'BYUNG LA CHOS SHES PA SKYE LA, DE BZHIN DU MJUG THOGS SU SKYE BA'I RIM GYIS KUN 'BYUNG LHAG MA LA RJES SU SHES PA'I BZOD PA DANG, KUN 'BYUNG LA RJES SU SHES PA SKYE'O, ,'DOD PA @17A *, ,NA SPYOD PA'I SDUG BSNGAL 'GOG PA LA CHOS SHES PA'I BZOD PA DANG, 'GOG PA LA CHOS SHES PA SKYE'O, ,'GOG PA LHAG MA RNAMS LA RJES SU SHES PA'I BZOD PA DANG, 'GOG PA LA RJES SU SHES PA SKYE'O, ,'DOD PA NA SPYOD PA'I SDUG BSNGAL GYI GNYEN PO LAM LA CHOS SHES PA'I BZOD PA DANG, LAM LA CHOS SHES PA SKYE'O, ,LAM LHAG MA RNAMS LA RJES SU SHES PA'I BZOD PA DANG, LAM LA RJES SU SHES PA SKYE STE, DE LTAR BDEN PA MNGON RTOGS 'DI, ,SEMS BCU DRUG GO , ,DE LTAR NA RIM PA 'DIS NA BDEN PA MNGON PAR RTOGS PA 'DI NI SEMS BCU DRUG YIN NO, ,SDE BA GZHAN GANG DAG BDEN PA RNAMS MNGON PAR RTOGS PA 'DI NI GCIG GO ZHES BRJOD PA DE DAG GI BSAM PA LTAR BYA STE, BYE BRAG MED PAR NI MNGON PAR RTOGS PA ZHES BYA'O, ,DE NI RNAM GSUM STE, MTHONG DMIGS BYA BA ZHES BYA'O, ,MTHONG BA'I MNGON PAR RTOGS PA NI ZAG PA MED PA'I SHES RAB KYI BDEN PA RNAMS MNGON PAR RTOGS PA'O, ,DMIGS PA'I MNGON PAR RTOGS PA NI DE DANG MTSUNGS PAR LDAN PA RNAMS KYIS KYANG MNGON PAR RTOGS PA'O, ,BYA BA'I MNGON PAR RTOGS PA NI LDAN PA MA YIN PA TSUL KHRIMS DANG SKYE BA LA SOGS PAS KYANG MNGON PAR RTOGS PA'O, ,SDUG BSNGAL MTHONG NA DE'I MNGON PAR RTOGS PA NI GSUM MO, ,KUN 'BYUNG LA SOGS PA NI BYA BA'I MNGON PAR RTOGS PA YIN TE, SPONG BA DANG MNGON GSUM DU BYED PA DANG SGOM PA'I PHYIR RO, ,DE LTA BAS NA GAL TE BDEN PA RNAMS MTHONG BA'I MNGON PAR RTOGS PA'I MNGON PAR RTOGS PA GCIG GO ZHES SMRA NA NI RNAM PA THA DAD PA'I PHYIR MI RIGS PAR SMRA BA YIN NO, ,'ON TE THAMS CAD BDAG MED PA'I RNAM PAR MTHONG NGO ZHES ZER NA NI, 'O NA NI BDEN PA RNAMS LA SDUG BSNGAL LA SOGS PAR MTHONG BAR MI 'GYUR BAS DE LTA BAS NA, 'PHAGS PA NYAN THOS SDUG BSNGAL LA SDUG BSNGAL DU YID LA BYED PA'AM, KUN 'BYUNG LA KUN 'BYUNG DU YID LA BYED PA'AM, LAM LA LAM GYI BAR DU YID LA BYED PA'I ZAG PA MED PA'I YID LA BYED PA DANG MTSUNGS PAR LDAN PA'I CHOS RNAMS RNAM PAR 'BYED PA GANG YIN PA @17B ZHES GSUNGS PA'I MDO DANG 'GAL LO, ,GAL TE DE LTA BU NI BSGOM PA'I LAM MA YIN NO ZHE NA, MA YIN TE, JI LTAR MTHONG BA BZHIN BSGOM PA'I PHYIR RO, ,'ON TE GCIG MTHONG BAS LHAG MA RNAMS LNGA DBANG THOB PA'I PHYIR MNGON PAR RTOGS PA GCIG KHO NA ZHES ZER NA NI NYES PA MED DE BAR SKABS SU LDAN PA YOD DAM MED CES DPYAD PAR BYA BA YIN NO, ,'ON TE SDUG BSNGAL KHO NA YONGS SU SHES NA KUN 'BYUNG YANG SPONGS LA 'GOG PA YANG MNGON SUM DU BYED CING LAM YANG SGOM PAR BYED PAS DE'I PHYIR MNGON PAR RTOGS PA GCIG GO ZHES ZER NA DE LTA NA YANG NYES PA MED DE; GCIG MTHONG NA LHAG MA RNAMS KYANG BYA BA'I MNGON PAR RTOGS PA YIN NO ZHES 'BYUNG BA'I PHYIR RO, ,MDO LAS MTHONG BA'I MNGON PAR RTOGS PA'I PHYIR BDEN PA RNAMS RIM GYIS MNGON PAR RTOGS PAR GSUNGS PAR MNGON TE, KHYIM BDAG BDEN PA RNAMS MNGON PAR RTOGS PA GCIG PA NI MED PA NYID DE, 'ON KYANG MTHAR GYIS MNGON PAR RTOGS SO ZHES RGYAS PAR GSUNGS PA DPE DANG BCAS PA'I MDO GSUM KHUNGS SU YOD DO, ,GAL TE MDO LAS, GANG ZHIG SDUG BSNGAL LA NEM NUR MED CING THE TSOM MED PA DE NI SANGS RGYAS LA YANG ZHES GSUNGS PAS MNGON PAR RTOGS PA GCIG GO ZHES ZER NA, MA YIN TE, KUN DU MI 'BYUNG BA DANG, GDON MI ZA BAR SPONG BA LAS DGONGS TE GSUNGS PA'I PHYIR RO, ,MNGON PAR RTOGS PA SEMS BCU DRUG PAR BSHAD PA GANG YIN PA DE NI CHOS MCHOG DANG SA GCIG ,CHOS KYI MCHOG SA GANG YIN PA SEMS BCU DRUG PO 'DI DAG KYANG DE'I SA PA STE, DE DAG NI SA DRUG PA'O ZHES SNGAR BSHAD ZIN TO, ,CI'I PHYIR GDON MI ZA BAR BZOD PA DAG DANG, SHES PA DAG YIN ZHE NA, BZOD DANG SHES PA GO RIMS BZHIN, ,BAR CHAD MED DANG RNAM GROL LAM, ,BZOD PA RNAMS NI NYON MONGS PA'I THOB PA RNAM PAR GCOD PA LA BAR CHAD BYA BAR MI NUS PA'I PHYIR BAR CHAD MED PA'I LAM DAG YIN NO, ,SHES PA RNAMS NI NYON MONGS PA'I THOB PA LAS RNAM PAR GROL BA RNAMS LA BRAL BA'I THOB PA DANG LHAN CIG SKYE BA'I PHYIR RNAM PAR GROL BA'I LAM DAG YIN TE, DE'I PHYIR GNYI GA YANG @18A *, ,YIN PAR 'GYUR TE, GNYIS KYIS RKUN PO 'BYIN PA DANG SGO GCOD PA BZHIN NO, ,GAL TE BAR CHAD MED PA'I LAM GNYIS PA KHO NA BRAL BA'I THOB PA DANG LHAN CIG SKYE BAR GYUR NA NI DMIGS PA DE KHO NA LA THE TSOM SPANGS PA'I SHES PA SKYE BAR MI 'GYUR RO, ,GAL TE BZOD PA RNAMS KYIS NYON MONGS PA SPANGS PA'I PHYIR BSTAN BCOS LAS KUN DU SBYOR BA'I RIS DGU ZHES 'BYUNG BA DANG 'GAL LO ZHE NA, MA YIN TE, BZOD PA RNAMS NI SHES PA'I 'KHOR YIN PA'I PHYIR RGYAL PO'I 'KHOR GYIS BYAS PA LAS RGYAL POS BYAS SO ZHES THA SNYAD 'DOGS BA BZHIN NO, ,CI SEMS BCU DRUG PO THAMS CAD BDEN PA MA MTHONG BA MTHONG BA'I PHYIR MTHONG BA'I LAM YIN NAM ZHE NA, SMRAS PA, MA YIN NO, ,'O NA JI LTA BU ZHE NA, DE LAS SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,SDUG BSNGAL LA CHOS SHES PA'I BZOD PA NAS BZUNG STE LAM LA RJES SU SHES PA'I BZOD PA'I BAR GYI SKAD CIG MA BCO LNGA PO DE DAG NI MTHONG BA'I LAM YIN NO, ,CI'I PHYIR ZHE NA, BDEN PA MA MTHONG BA MTHONG BA'I PHYIR RO, ,BCU DRUG PA LA NI SNGON MA MTHONG BA BLTA BAR BYA BA MED KYI JI LTAR MTHONG BA NI GOMS PAR BYED PA'I PHYIR BSGOM PA'I LAM MKHO NA YIN NO, ,DES KYANG LAM LA RJES SU SHES PA'I BZOD PA MA MTHONG BA MTHONG BA MA YIN NAM ZHE NA, BDEN PA'I PHYIR BSAM GTAN GYI SKAD CIG MA LA NI MA YIN NO, ,SKAD CIG MA GCIG MA MTHONG BAS NI BDEN PA MA MTHONG BA MA YIN TE, DPER NA NYAG MA GCIG MA BRNGAS PAS ZHING MA BRNGAS PA MA YIN PA BZHIN NO, ,'DRAS BU YIN PA'I PHYIR DANG, SHES PA BRGYAD DANG RNAM PA BCU DRUG THOB PA'I PHYIR DANG, LAM SNGA MA RNAM PAR NYAMS PA'I PHYIR DANG, RGYUN CHAGS PA YIN PA'I PHYIR LAM LA RJES SU SHES PA NI BSGOM PA'I LAM YIN NO, ,YONGS SU MA NYAMS PA NI MTHONG BAS SPANG BAR BYA BA'I SPANGS PA YANG DAG PAR 'DZIN PA'I PHYIR RO, ,GAL TE DE NYID KYI PHYIR MTHONG BA'I LAM YIN ZHE NA, MA YIN TE, HA CANG THAL BAR 'GYUR PA'I PHYIR RO, ,CI'I PHYIR SHES PA BDUN MTHONG BA'I LAM YIN ZHE NA, MTHONG BA MA RDZOGS PA'I PHYIR TE, BDEN PA MTHONG BA THAMS CAD MA RDZOGS PAS DE'I BAR MAR GYUR @18B PA'I PHYIR DE DAG KYANG MTHONG BA'I LAM YIN NO, ,MTHONG BA'I LAM DANG BSGOM PA'I LAM JI LTAR SKYE BA BSHAD ZIN TO, ,DA NI JI LTAR NA 'PHAGS PA'I LAM SKYES PA'I GANG ZAG RNAMS RNAM PAR GZHAG PA DE BZHIN DU BSHAD PAR BYA STE, MTHONG BA'I LAM GYI RANG BZHIN GYI SKAD CIG MA BCO LNGAR BSHAD PA GANG DAG YIN PA, DBANG PO RNO RTUL DE DAG TU, ,DAD DANG CHOS KYIS RJES 'BRANG BA, ,YIN PAR RIG PAR BYA STE, DBANG PO RTUL PO DE DAG LA GNAS PA NI DAD PAS RJES SU 'BRANG BA ZHES BYA'O, ,DBANG PO RNON PO NI CHOS KYIS RJES SU 'BRANG BA ZHES BYA'O, ,DAD PAS RJES SU 'BRANG BAS NA DAD PAS RJES SU 'BRANG BA'O, ,DE 'DI LA YOD PAS SAM, 'DI DAD PAS RJES SU 'BRANG BA'I DANG TSUL CAN YIN PAS NA DANG PAS RJES SU 'BRANG BA STE, SNGON GZHAN GYI DRING GIS DON GYI RJES SU 'BRANG BA'I PHYIR RO, ,CHOS KYIS RJES SU 'BRANG BA YANG DE DANG 'DRA STE; SNGON BDAG NYID KHO NAS MDO LA SOGS PA'I CHOS KYI DON GYI RJES SU 'BRANG BA'I PHYIR RO, ,DE GNYIS NI, BSGOM PAS SPANG BYA MA SPANGS NA, ,'BRAS BU DANG PO LA ZHUGS PA, ,'BRAS BU RNAMS KYI DANG PO NI 'BRAS BU DANG PO STE, RGYUN DU ZHUGS PA'I 'BRAS BU'O, ,DE NI 'BRAS BU THOB PAR BYA BA THAMS CAD KYI DANG PO YIN PA'I PHYIR RO, ,DAD PA DANG CHOS KYIS RJES SU 'BRANG BA DE DAG NYID GAL TE SNGON 'JIG RTEN PA'I LAM GYIS BSGOM PAS SPANG BAR BYA BA MA SPANGS PA 'CHING BA MTHA' DAG DANG LDAN PA ZHIG YIN NA NI DE GNYIS RGYUN DU ZHUGS PA'I 'BRAS BU LA ZHUGS PA ZHES BYA'O, ,RNAM LNGA'I BAR BCOM, GAL TE SNGON 'JIG RTEN PA'I LAM GYIS BSGOMS TE SPANG BAR BYA BA 'DOD PA NA SPYOD PA RNAMS LAS RNAM PA LNGA'I BAR DU SPANGS PA ZHIG YIN NA YANG DE KHO NA BZHIN DU DANG PO'I 'BRAS BU LA ZHUGS PA DAG CES BYA'O, ,GNYIS PA LA, DGU PA TSUN CHAD ZAD PA YIN, ,GNYIS PA LA ZHES BYA BA NI GNYIS PA'I PHYIR TE, GAL TE DE GNYIS KYIS DE YAN CHAD RNAM PA DRUG GAM, BDUN NAM BRGYAD DAG CIG SNGON SPANGS PA YIN NA NI DE GNYIS 'BRAS BU GNYIS PA LA ZHUGS PA ZHES BYA STE, GNYIS PA GANG ZHE NA, LAN CIG PHYIR 'ONG BA'I 'BRAS BU'O, , @19A *, ,'DOD PA'AM YANG NA GONG MA LAS, ,CHAGS BRAL GSUM PA LA ZHUGS PA, ,GAL TE RNAM PA DGU PA YANG SPANGS PA'I PHYIR 'DOD PA'I KHAMS LAS 'DOD CHAGS DANG BRAL BA ZHIG YIN NAM, GONG MA CI YANG MED PA'I SKYED MCHED KYI BAR LAS 'DOD CHAGS DANG BRAL BA ZHIG YIN NA DE GNYIS 'BRAS BU GSUM PA LA ZHUGS PA ZHES BYA STE, GSUM GANG ZHE NA, PHYIR MI 'ONG BA'I 'BRAS BU'O, ,GANG ZHIG GANG LA ZHUGS PA NI, ,BCU DRUG PA LA DE 'BRAS GNAS, ,SEMS BCU DRUG PA SKYES NA DE GNYIS DAD PA DANG CHOS KYIS RJES SU 'BRANG BA ZHES KYANG MI BYA LA, ZHUGS PA ZHES KYANG MI BYA'O, ,'O NA CI ZHE NA, 'BRAS BU LA GNAS PA DAG YIN TE, GANG ZHIG RGYUN DU ZHUGS PA'I 'BRAS BU'AM, LAN CIG PHYIR 'ONG BA'I 'BRAS BU'AM, PHYIR MI 'ONG BA'I 'BRAS BU YANG RUNG 'BRAS BU GANG LA ZHUGS PAR GYUR BA DE NI DE'I TSE 'BRAS BU DE LA GNAS PA YIN NO,, DGRA BCOM PA NYID NI DANG PO NYID DU THOB PAR MI NUS TE, MTHONG BA'I LAM GYIS BSGOM PAS SPANG BAR BA BA MI SPONG BA'I PHYIR DANG, SNGAR YANG SRID PA'I RTZE MO LAS 'DOD CHAGS DANG BRAL BA MI SRID PA'I PHYIR RO, ,DE'I TSE DBANG PO RNO RTUL DAG ,DAD PAS MOS DANG MTHONG BAS THOB, , DE'I TSE DBANG PO RTUL BO SNGON DAD PAS RJES SU 'BRANG BA GANG YIN PA DE NI DAD PAS MOS PA ZHES BYA'O, ,DBANG PO RNON PO SNGON CHOS KYIS RJES SU 'BRANG BA GANG YIN PA DE NI MTHONG BAS THOB PA ZHES BYA STE, DAD PA DANG SHES RAB LHAG PAS MOS PA DANG MTHONG BAS RAB TU PHYE BA'I PHYIR RO, ,CI'I PHYIR RNAM PA LNGA SPANGS KYANG SEMS BCU DRUG PA LA RGYUN DU ZHUGS PA KHO NA ZHES BYA LA, LAN CIG PHYIR 'ONG BA'I 'BRAS BU LA ZHUGS PA ZHES MI BYA ZHE NA, GANG GI PHYIR, 'BRAS THOB 'BRAS BU'I KHYAD PAR GYIS, ,LAM THOB MED PAS DE YI PHYIR, ,'BRAS NAS KHYAD PAR BYA BA'I PHYIR, , MI BRTZON PA NI ZHUGS MA YIN, ,'BRAS BU THOB NA 'BRAS BU KHYAD PAR CAN GYI LAM MI 'THOB BO ZHES BYA BA 'DI NI NGES SO, ,DE LTA BAS NA 'BRAS BU LA GNAS PA JI SRID DU KHYAD PAR DU BYA BA'I PHYIR 'BRAS BU GZHAN THOB PAR BYA BA LA MI BRTZON PA DE SRID DU ZHUGS PA ZHES MI BYA STE, DE BZHIN DU 'BRAS @19B BU GZHAN LA YANG SBYAR BAR BYA'O, ,GANG ZHIG BSAM GTAN GSUM PA LAS 'DOD CHAGS DANG BRAL LA, SA 'OG MA LA BRTEN TE NGES PAR 'JUG PA DE NI GDON MI ZA BAR 'BRAS BU KHYAD PAR CAN GYI LAM MNGON DU BYED DO, ,DE LTA MA YIN NA DE'I GONG DU SKYES PA DE BDE BA'I DBANG PO DANG MI LDAN PAR 'GYUR RO, ,RE ZHIG PHAL CHER LAS DANG 'DOD PA LAS 'DOD CHAGS DANG BRAL BA RNAMS KYIS NGES PAR 'JUG PA'I GANG ZAG RNAM PAR GZHAG PA NI DE LTA BU YIN NO, ,MTHAR GYIS 'JUG PA BRJOD PAR BYA STE, DE'I PHYIR RE ZHIG 'DI RNAM PAR GZHAG PAR BYA'O, ,JI LTAR 'DOD PA'I KHAMS KYI NYON MONGS PA RNAM PA DGU PO DE DAG BSTAN PA DE BZHIN DU, SA DANG SA NA NYES RNAM DGU, ,SRID PA'I RTZE MO'I BAR DU'O, ,NYES PA RNAMS JI LTA BA DE BZHIN DU YANG YON TAN RNAMS SA DANG SA NA DE'I GNYEN PO BAR CHAD MED PA'I LAM DANG RNAM PAR GROL BA'I LAM ZHES BYA BA YON TAN YANG RNAM PA DGU DGU KHO NA YOD DO, ,JI LTAR BYAS PAS SHE NA, CHUNG DANG 'BRING DANG CHE RNAMS KYI, ,CHUNG NGU LA SOGS THA DAD PHYIR, ,RTZA BA'I RNAM PA GSUM STE, CHUNG NGU DANG 'BRING DANG CHEN PO'O, ,DE DAG RE RE ZHING YANG CHUNG NGU DANG 'BRING DANG CHEN PO NYID KYIS RNAM PA GSUM YIN PA'I PHYIR DGUR RNAM PAR GZHIG STE, CHUNG NGU'I CHUNG NGU'I RNAM PA DANG, CHUNG NGU'I 'BRING DANG, CHUNG NGU'I CHEN PO DANG, 'BRING GI CHUNG NGU DANG, 'BRING GI 'BRING DANG, 'BRING GI CHEN PO DANG, CHEN PO'I CHUNG NGU DANG, CHEN PO'I 'BRING DANG, CHEN PO'I CHEN PO'O, ,DE LA LAM CHUNG NGU'I CHUNG DUS NI NYON MONGS PA CHEN PO'I CHEN PO SPONG LA, DE BZHIN DU LAM CHEN PO'I CHEN POS NI NYON MONGS PA CHUNG NGU'I CHUNG NGU'I BAR DU SPONG STE, DANG PO KHO NAR LAM CHEN PO MI SRID PA'I PHYIR DANG, LAM CHEN PO SKYES PA LA NYON MONGS PA CHEN PO MI SRID PA'I PHYIR RO, ,GOS LA DRI MA CHE LONG NI SNGAR 'KHRUL PHRA MO NI PHYIS 'KHRU BA DANG, MUN PA CHE LONG NI SNANG BA CHUNG DUS 'JOMS LA PHRA MO NI CHEN POS SEL ZHES BYA BA 'DI NI DPE'I RNAM PA YIN NO, ,'PHAGS PA'I LAM SKAD CIG MA CHUNG DUS KYANG 'KHOR BA THOG MA MED PA NAS BRGYUD PAS SPEL BA'I NYON MONGS PA CHEN PO RNAMS @20A *, ,RTZA BA NAS MED PAR BYED PA'I PHYIR CHOS DKAR PO RNAMS NI STOBS DANG LDAN PA YIN LA, NAG PO RNAMS NI STOBS CHUNG BA YIN TE, YUN RING PO NAS BSAGS PA'I SKYON RNAMS SMAN TRI BYID THUN GCIG GIS 'BYIN PA LTA BU DANG, MAR ME SKAD CIG MA CHUNG DUS MUN PA CHEN PO 'JOMS PA BZHIN NO, ,DE LTAR NYON MONGS PA RNAMS PA DGU PO DE DAG THAMS CAD DU, 'BRAS GNAS BSGOM SPANG BYA MA ZAD, ,RE LTAR THOGS NA LAN BDUN PA, ,'BRAS BU LA GNAS PA GANG ZHIG GIS, BSGOM PAS SPANG BAR BYA BA'I NYON MONGS PA GCIG KYANG MA SPANGS PA DE NI RGYUN DU ZHUGS PA YIN LA, TSE BDUN GYI BAR DU SKYE BAS NA RE LTAR THOGS NA LAN BDUN PA'O, ,THAMS CAD DU NI LAN BDUN PA MA YIN PAS RE LTAR THOGS NA ZHES BYA BA NI THAMS CAD KYI THA SHAL BA'O, ,MDO LAS, MCHOG TU THOGS NA LAN BDUN PA ZHES 'BYUNG BA NI DE MCHOG TU THOGS NA SKYE BA LAN BDUN PA ZHES BYA BA'I THA TSIG STE, MCHOG CES BYA BA'I SGRA NI RAB TU'O, ,MYA NGAN LAS 'DAS PA'I RGYUN NI LAM STE, DES NA DER 'GRO BA'I PHYIR RO, ,'DI NI DER ZHUGS SHING PHYIN LA SON PAS NA RGYUN DU ZHUGS PA YIN NO, ,JI LTAR NA ZHUGS PA YIN, GAL TE LAM DANG PO THOB PA'I PHYIR RO ZHE NA NI BRGYAD PA YANG YIN PAR 'GYUR RO, ,GAL TE 'BRAS BU DANG PO THOB PA'I PHYIR RO ZHE NA NI PAL ? CHER LAS 'DOD CHAGS DANG BRAL BA YANG YIN PAR 'GYUR LA, 'DOD PA LAS 'DOD CHAGS DANG BRAL BA YANG YIN PAR 'GYUR RO, , 'BRAS BU THAMS CAD THOB PA'I DBANG DU BYAS NAS 'BRAS BU DANG PO THOB PA'I PHYIR RO, ,CI'I PHYIR DE KHO NA YIN LA BRGYAD PA NI MA YIN ZHE NA, LAM LA RJES SU SHES PA LA NI ZHUGS PA DANG 'BRAS BU NI LAM THOB PA'I PHYIR DANG, MTHONG BA DANG BSGOM PA'I LAM THOB PA'I PHYIR DANG, RGYUN THAMS CAD MNGON PAR RTOGS PA'I PHYIR RO, ,BYE BRAG TU SMRA BA RNAMS NA RE DE NI DE LAS GZHAN PA SKYE BA'I SRID PA BDUN DANG SRID PA BAR MA BDUN DU MI RNAMS KYI NAD DU NYID MTSAMS SBYOR BAR BYED LA DE BZHIN DU LHA DAG GI NANG DU YANG NYING MTSAMS SBYOR BAR BYED DO, ,DE LTAR NA SRID PA NYI SHU @20B RTZA BRGYAD KYI BAR DU NYING MTSAMS SBYOR BAR BYED DO, ,SRID PA BDUN TSAN DU 'DRA BA'I PHYIR MCHOG TU THOGS NA LAN BDUN PA ZHES BSHAD DE, GNAS BDUN LA MKHAS PA ZHES BYA BA DANG, 'DAB MA BDUN PA ZHES BYA BZHIN NO ZHES ZER RO, ,'O NA GANG MDO LAS, GANG ZAG LTA BA PHUN SUM TSOGS PA SRID PA BRGYAD PA MNGON PAR 'GRUB PA GANG YIN PA DE NI GNAS MA YIN ZHING GO SKABS MED DE 'DI NI GNAS MED DO ZHES GSUNGS PA JI LTA BU ZHE NA, 'GRO BA GCIG TU DGONGS PA YIN NO, ,'ON TE SGRA JI BZHIN DU BRTAGS NA NI SRID PA BAR MA YANG YOD PAR MI 'GYUR RO, ,DE LTA NA YANG SRID PA'I RTZE MO'I BAR DU GONG DU 'PHO BA 'GRO BA GCIG TU SKYE BA'I SRID PA BRGYAD PAR MI 'GYUR RO ZHE NA, 'DOD BA'I KHAMS LAS DGONGS TE GSUNGS PA'I PHYIR NYES PA MED DO, ,'DI LA SHES PAR BYED PA MDO'AM RIGS PA CI ZHIG YOD, LHA DANG MI DAG GI NANG NAS SOR LAN BDUN SKYE'I GNYI GA'I NANG DU LAN BDUN MA YIN PA NYID DO ZHES BYA BA 'DI LA YANG SHES PAR BYED PA CI ZHIG YOD DE, 'DI SKAD DU LHA RNAMS DANG MI RNAMS KYI NANG DU LAN BDUN ZHES 'BYUNG NGO ZHE NA, 'OD SRUNGS PA RNAMS LHA RNAMS SU LAN BDUN, MI RNAMS SU LAN BDUN ZHES SO SOR YANG 'DON PAS 'DI LA MNGON PAR ZHEN PAR MI BYA'O, ,GANG ZHIG MI DAG GI NANG DU RGYUN DU ZHUGS PAR GYUR PA DE NI DE KHO NAR 'ONGS NAS YONGS SU MYA NGAN LAS 'DAS LA, GANG ZHIG LHA DAG GI NANG DU RGYUN DU ZHUGS PAR GYUR PA DE NI DE KHO NAR 'ONGS NAS YONGS SU MYA NGAN LAS 'DA'O, ,CI'I PHYIR SRID PA BRGYAD PA MNGON PAR MI 'GRUB CE NA, DUS DE SRID KYIS GDON MI ZA BAR RGYUD YONGS SU SMIN PA'I PHYIR RO, ,LAM DE NI DE 'DRA STE, SBRUL GOM PA BDUN PAS ZIN PA LTA BU DANG, RIMS NYIN BZHI PA BZHIN NO, ,KUN TU SBYOR BA BDUN PO THA MA'I CHA DANG MTHUN PA GNYIS DANG, GONG MA'I CHA DANG MTHUN PA LNGA LUS PA'I YANG PHYIR RO, ,BAR SKABS SU YANG 'PHAGS PA'I LAM MNGON DU BYED CING YONGS SU MYA NGAN LAS MI 'DA' STE, DE SRID DU SRID PA MYONG BAR 'GYUR BA'I LAS KYI STOBS BSKYED PA'I PHYIR RO, ,SANGS RGYAS 'BYUNG BA MED NA KHYIM PA KHO NAR DGRA BCOM PA NYID 'THOB @21A *, ,NA KHYIM NA NI MI GNAS SO, ,CHOS NYID KYIS 'THOB PA'I DGE SLONG GI MTSAN MA YANG 'THOB BO, ,GZHAN DAG NA RE, ,DGE SBYONG GZHAN GYI MTSAN MAS SO ZHES ZER RO, ,CI'I PHYIR LOG PAR LTUNG PA'I CHOS CAN MA YIN ZHE NA, ,DER 'GRO BA'I LAS MI SOGS PA'I PHYIR DANG, BSAGS PA YANG SBYOR BA DANG BSAM PA DAG PA'I SGO NAS DGE BA'I RTZA BA STOBS DANG LDAN PAS BSGOS PA'I PHYIR RGYUD RNAM PAR SMIN PA DANG, MI MTHUN PA BYAS PA'I PHYIR RO, ,NGAN SONG DU NGES PA'I LAS YOD NA NI DES BZOD PA YANG BSKYED BAR MI 'GYUR RO, ,'DIR SMRAS PA, MI MKHAS PAS NI SDIG PA CHUNG DU BYAS KYANG 'OG TU 'GRO, ,MKHAS PAS CHEN PO BYAS KYANG GNOD PA RAB TU SPONG BAR 'GYUR, ,LCAGS KYI GONG BU CHUNG YANG CHU YI GTING DU 'BYING 'GYUR LA, ,DE NYID SNOD DU BYAS NA CHE YANG STENG DU 'PHYO BAR 'GYUR, ,SDUG BSNGAL GYI MTHAR BYED DO ZHES BYA BA SDUG BSNGAL GYI MTHA' GANG YIN ZHE NA, GANG PHAN CHAD SDUG BSNGAL MED PA STE, SDUG BSNGAL GYI NYING MTSAMS MI SBYOR BAR BYED CES BYA BA'I THA TSIG GO, ,YANG NA MTHA' NI MYA NGAN LAS 'DAS PA YIN NO, ,MYA NGAN LAS 'DAS PA JI LTAR BYED CE NA, DE 'THOB PA'I BGEGS BSAL BA'I PHYIR TE DPER NA SMRA BA PO 'DUN KHANG RDIB LA NAM MKHA' GYIS ZHES 'DZER BA LTA BU YIN NO, ,MCHOG TU THOGS NA LAN BDUN PA GZHAN YANG YOD MOD KYI MA NGES PAS MI BRJOD DO, ,RE ZHIG 'BRAS BU LA GNAS PA BSGOS PAS SPANG BAR BYA BA MA ZAD PA MCHOG TU THOGS NA LAN BDUN PA NI DE LTA BU YIN NO, ,RNAM GSUM RNAM BZHI LAS GROL BA, ,TSE GNYIS GSUM DU RIGS NAS RIGS, ,RGYUN DU ZHUGS PA DE NYID RGYU GSUM GYIS NA RIGS NAS RIGS SU SKYE BA YIN TE, NYON MONGS PA SPANG BA LAS NI NYON MONGS PA'I RNAM PA GSUM MAM BZHI SPANG BA'I PHYIR RO, ,DBANG PO LNGAS NI DE'I GNYEN PO ZAG PA MED PA'I DBANG PO THOB PA'I PHYIR RO, ,SKYE BA LAS NI TSE GNYIS SAM GSUM LUS PA'I PHYIR RO, ,TSIGS SU BCAD PA'I NANG DU GNYIS SHIG SMOS PA NI, RGYUN DU ZHUGS PA PHYIS NYON MONGS PA SPONG BAR BYED NA DE'I GNYEN PO ZAG PA MED PA'I DBANG PO THOB PA NI MA SMOS @21B KYANG GRUB PA'I PHYIR RO, ,SKYE BA NI GAL TE GONG MA'I SKAL BA DANG LDAN PA'I PHYIR CHES NYUNG DUR YANG 'GYUR BAS DE'I PHYIR 'DI SMOS SO, ,CI'I PHYIR RNAM PA LNGA SPANGS PA'I PHYIR MA YIN ZHE NA, DE SPANGS NA DRUG PA YANG GDON MI ZA BAR SPONG BA'I PHYIR TE, DE'I RNAM PA GCIG GIS NI BAR CHAD GCIG PA'I BZHIN DU 'BRAS BU LA BGEGS BYA BAR MI NUS TE, KHAMS LAS MI 'DA' BA'I PHYIR RO, ,RIGS NAS RIGS SU SKYE BA DE NI RNAM PA GNYIS TE, LHA'I RIGS NAS RIGS SU SKYE BA NI LHA DAG GI NANG DU RIGS GNYIS SAM GSUM DU 'KHOR NAS LHA'I RIGS DE'AM GZHAN DU YONGS SU MYA NGAN LAS 'DA' BA GANG YIN PA'O, ,MI'I RIGS NAS RIGS SU SKYE BA NI MI DAG GI NANG DU RIGS GNYIS SAM GSUM DU 'KHOR NAS GLING DE'AM GZHAN DU YONGS SU MYA NGAN LAS 'DA' BA GANG YIN PA'O, ,'BRAS BU LA GNAS PA DE NYID, ,RNAM PA LNGA YI BAR BCOM PA, ,GNYIS PA LA NI ZHUGS PA YIN, ,'BRAS BU LA GNAS PA GANG GIS RNAM PA GCIG NAS LNGA'I BAR DU SPANGS PA YIN NA DE'I 'BRAS BU GNYIS PA LA ZHUGS PA YIN PAR RIG PAR BYA'O, ,RNAM PA DRUG PA ZAD GYUR PA, ,DE NI LAN CIG PHYIR 'ONG BA, ,DE NI 'BRAS BU GNYIS PA THOB PA YIN TE, LHA DAG GI NANG DU SONG NAS MI'I 'JIG RTEN DU LAN CIG PHYIR 'ONG BA'I PHYIR 'ONG BA STE, PHAN CHAD SKYE BA MED PA'I PHYIR RO, ,'DOD CHAGS DANG ZHE SDANG DANG GTI MUG RNAMS BSRABS PA'I PHYIR ZHES 'BYUNG BA NI CHUNG NGU'I RNAM PA LUS PA'I PHYIR RO, ,'BRAS BU LA GNAS PA DE NYID, , NYIS CHA BDUN DANG BRGYAD ZAD PA, ,TSE GCIG BAR CHAD GCIG PA DANG, ,GSUM PA LA NI ZHUGS PA'ANG YIN, ,YANG LAN CIG PHYIR 'ONG BA DE NYID RGYU GSUM GYIS BAR CHAD GCIG PA YIN PAR RIG PAR BYA STE, NYON MONGS PA'I RNAM PA BDUN NAM BRGYAD SPANGS PA'I PHYIR DANG, DE'I GNYEN PO ZAG PA MED PA'I DBANG PO THOB PA'I PHYIR DANG, TSE GCIG LUS PA'I PHYIR RO, ,JI LTAR NA 'DI'I RNAM PA GCIG GIS 'BRAS BU LA BGEGS BYED PAR NUS SHE NA, KHAMS LAS 'DA' BA'I PHYIR TE, GONG DU LAS RNAMS NI GNAS SKABS GSUM DU BGEGS BYED PA'I @22A *, ,PHYIR NYE BAR GNAS SO ZHES BSHAD ZIN TO, ,LAS RNAMS JI LTA BAR NYON MONGS PA RNAMS KYANG DE DANG 'DRA BAR RIG PAR BYA STE, RNAM PAR SMIN PA DANG RGYU MTHUN PA'I 'BRAS BU'I SA LAS 'DA' BA'I PHYIR RO, ,BAR CHAD CES BYA BA NI BAR CHAD BYED PA'O, ,DE'I MYA NGAN LAS 'DA' BA LA TSE GCIG GIS CHOD PA'I PHYIR RAM, PHYIR MI 'ONG BA'I 'BRAS BU LA NYON MONGS PA'I RNAM PA GCIG GIS CHOD PA'I PHYIR 'DI LA BAR CHAD GCIG YOD PAS NA BAR CHAD GCIG PA YIN NO, ,RNAM PA BDUN DANG BRGYAD SPANGS PA DE NI 'BRAS BU GSUM PA LA ZHUGS PA YIN PAR RIG PAR BYA'O,, SNGON RNAM PA GSUM DANG BZHI SPANGS PA'AM, BDUN PA DANG BRGYAD PA SPANGS PA 'BRAS BU THOB PA NI JI SRID DU 'BRAS BU KHYAD PAR CAN GYI LAM MNGON DU MA BYAS PA DE SRID DU RIGS NAS RIGS SU SKYE BA'AM BAR CHAD GCIG PA MA YIN NO, ,DE DGU ZAD PAS PHYIR MI 'ONG, ,'BRAS BU LA GNAS PA DE NYID RNAM PA DGU SPANGS PAS PHYIR MI 'ONG BA YIN PAR RIG PAR BYA STE, 'DOD PA'I KHAMS SU MI 'ONG BA'I PHYIR RO, ,KUN TU SBYOR BA THA MA'I CHA DANG MTHUN PA RNAM PA LNGA SPANGS PA'I PHYIR ZHES 'BYUNG BA NI SPANGS PA SDOM PA'I PHYIR TE, GDON MI ZA BAR SNGON GNYIS SAM GSUM SPANGS PA YIN NO; ,DE NI BAR SKYES 'DU BYED DANG, ,'DU BYED MED SPANGS MYA NGAN 'DA', ,GONG DU 'PHO BA RNAMS 'DI BAR MA DOR YONGS SU MYA NGAN LAS 'DA' BAS NA BAR MDOR YONGS SU MYA NGAN LAS 'DA' BA STE, DE BZHIN DU SKYES NAS DANG, 'DU BYED PA DANG 'DU BYED PA MED PA LA YANG SBYAR BAR BYA'O, ,PHYIR MI 'ONG BA DE NYID RNAM PA LNGA YIN TE, BAR MA DOR YONGS SU MYA NGAN LAS 'DA' BA NI SRID PA BAR MA DOR YONGS SU MYA NGAN LAS 'DA' BA GANG YIN PA'O, ,SKYES NAS YONGS SU MYA NGAN LAS 'DA' BA NI SKYES PA TZAM LAS MI 'CHI BAR PHUNG PO'I LHAG MA DANG BCAS PA'I MYA NGAN LAS 'DA' BAS YONGS SU MYA NGAN LAS 'DA' BA STE, MNGON PAR BRTZON PA DANG, LAM DANG GIS 'BYUNG BA NYID KYI PHYIR RO, ,GZHAN DAG NA RE DE YANG PHUNG PO'I LHAG MA MED PAS SO ZHES ZER RO, ,MA YIN TE, TSE 'DOR BA LA DBANG MED PA'I PHYIR RO, ,MNGON PAR 'DU BYED PA DANG BCAS PAS YONGS SU @22B MYA NGAN LAS 'DA' BA NI SKYES NAS SBYOR BA MA BTANG ZHING MNGON PAR 'DU BYED PA DANG BCAS PAS YONGS SU MYA NGAN LAS 'DA' BA GANG YIN PA STE, MNGON PAR BRTZON PA DANG LAM NGANG GIS 'BYUNG BA MA YIN PA'I PHYIR RO, ,MNGON PAR 'DU BYED PA MED PAR YONGS SU MYA NGAN LAS 'DA' BA NI MNGON PAR 'DU BYED PA MED PAR YONGS SU MYA NGAN LAS 'DA' BA STE, MNGON PAR MI BRTZON PA DANG LAM NGANG GIS 'BYUNG BA MED PA'I PHYIR RO ZHES GRAG GO, ,GZHAN DAG NA RE 'DUS BYAS DANG 'DUS MA BYAS PA LA DMIGS PA'I LAM GYIS YONGS SU MYA NGAN LAS 'DA' BA'I PHYIR RO ZHES ZER RO, ,DE NI MI RUNG STE, HA CANG THAL BAR 'GYUR BA'I PHYIR RO, ,MDO LAS NI MNGON PAR 'DU BYED PA MED PAR YONGS SU MYA NGAN LAS 'DA' BA SNGAR 'BYUNG BAS DE KHO NA BZHIN DU RUNG STE, LAM NGANG GIS 'BYUNG BA DANG NGANG GIS 'BYUNG BA MA YIN PA DAG NI 'BAD PA MED PA DANG 'BAD PAS 'THOB BA'I SGO NAS MNGON PAR 'DU BYED PA MED PA DANG MNGON PAR 'DU BYED PAS BSGRUB PAR BYA BA YIN PA'I PHYIR RO, ,SKYES NAS YONGS SU MYA NGAN LAS 'DA' BA NI LAM CHES NGANG GIS 'BYUNG BA DANG, CHES CHE BA DANG, PHRA RGYAS CHES CHUNG BA YIN NO, ,GONG DU 'PHO BA NI GANG DU SKYES PA DE NYID DU YONGS SU MYA NGAN LAS MI 'DA' BAR GONG DU 'GRO BA GANG YIN PA STE, 'PHO BA DANG 'GRO BA ZHES BYA BA NI DON GCIG GO, ,DE NI BSAM GTAN SPEL NAS 'OG MIN 'GRO, ,GONG DU 'PHO BA DE NI RGYU DANG 'BRAS BU'I SGO NAS RNAM PA GNYIS TE, RGYU'I SGO NAS NI BSAM GTAN SPEL BA DANG, SPEL BA MA YIN PA'I PHYIR RO, ,'BRAS BU'I SGO NAS NI 'OG MIN DANG SRID PA'I RTZE MO LA THUG PA'I PHYIR RO, ,DE LA GANG GIS BSAM GTAN SPEL BA DE NI 'OG MIN DU SONG NAS YONGS SU MYA NGAN LAS 'DAS PA'O, ,DE 'PHAR BYED 'PHAR THAMS CAD DU, ,'CHI 'PHO GONG DU 'PHO BA 'OG MIN GYI MTHAR THUG PA DE YANG 'PHAR BA LA SOGS PA'I BYE BRAG GIS RNAM PA GSUM STE, DE LA 'PHAR BA ZHES BYA BA NI 'DIR BSAM GTAN RNAM PAR SPEL NAS BSAM GTAN DANG PO'I RO MYANGS TE BSAM GTAN GSUM LAS YONGS SU NYAMS PA TSANGS RIS PA DAG GI NANG DU SKYES NAS @23A *, ,SNGON GOMS PA'I DBANG GIS BSAM GTAN BZHI PA SPEL TE, DE NAS SHI 'PHOS NAS 'OG MIN PA DAG GI NANG DU SKYE BA GANG YIN PA STE, DE NI BAR DU MI 'GRO BAS NA 'PHAR BA ZHES BYA'O, ,PHYED DU 'PHAR BA ZHES BYA BA NI DE NAS GNAS GTZANG MA RNAMS SU SKYES LA BAR NAS GNAS GZHAN 'GA' TZAM YANG RGAL TE 'OG MIN DU 'PHOS NAS 'OG MIN DU 'JUG PA GANG YIN PA'O, ,'PHAGS PA NI TSANGS CHEN PA DAG GI NANG DU MI SKYE STE, CI'I PHYIR ZHE NA, LTA BA'I GNAS YIN PA'I PHYIR DANG, GTZO BO GCIG TU ZAD PA'I PHYIR DANG, GNAS THAMS CAD DU 'CHI 'PHO BA ZHES BYA BA NI GNAS GZHAN THAMS CAD DU 'PHOS NAS 'OG MIN DU 'JUG PA GANG YIN PA'O, ,PHYIR MI 'ONG BA NI NAM YANG SKYE BA'I SKYE MCHED DE NYID DU TSE GNYIS PA MNGON PAR 'GRUB PAR MI BYED DE, KHYAD PAR DU 'GRO BA YIN PA'I PHYIR RO, ,'DI LTAR NA 'DI'I PHYIR MI 'ONG BA NYID YONGS SU RDZOGS PA YIN TE, GANG DU SKYES PA DE 'OG DANG DER GTAN DU MI 'ONG BA'I PHYIR RO, ,RE ZHIG BSAM GTAN SPEL NAS 'OG MIN DU 'GRO BA NI DE LTA BU YIN PAR RIG PAR BYA'O, ,DE LAS GZHAN SRID RTZE MOR 'GRO, ,GONG DU 'PHO BA BSAM GTAN MA SPEL BA NI SRID PA'I RTZE MO'I MTHAR THUG PA YIN TE, DE NI SNYOMS PAR 'JUG PA GZHAN RNAMS RE MYONG BAR BYED CING GNAS GZHAN THAMS CAD DU SKYE LA, GNAS GTZANG MA RNAMS SU MI 'JUG PA KHO NAR GZUGS MED PAR SKYE BA'I RIM GYIS SRID PA'I RTZE MOR SONG STE, YONGS SU MYA NGAN LAS 'DA' BA'O, ,'DI NI ZHI GNAS SPYAD PA YIN NO, ,SNGA MA NI LHAG MTHONG SPYAD PA YIN NO, ,GONG DU 'PHO BA BAR SKABS SU YANG YONGS SU MYA NGAN LAS 'DA' BAR RUNG BAR BLTA'O, ,'OG MIN DANG SRID PA'I RTZE MO'I MTHAR THUG PA NYID NI PHAN CHAD DU 'GRO BA MED PA'I PHYIR TE, DPER NA RGYUN DU ZHUGS PA MCHOG TU THOGS NA LAN BDUN PA NYID BZHIN NO, ,RE ZHIG DE DAG NI GZUGS SU NYE BAR 'GRO BA'I PHYIR MI 'ONG BA LNGA YIN NO, ,GZHAN NI GZUGS MED 'GRO RNAM BZHI, ,PHYIR MI 'ONG BA GZHAN NI GZUGS MED PAR NYE BAR 'GRO BA STE, GZUGS KYI 'DOD CHAGS DANG BRAL BA 'DI NAS SHI 'PHOS NAS GZUGS MED @23B PA DAG GI NANG DU SKYE BA GANG YIN PA'O, ,DE YANG SKYES NAS YONGS SU MYA NGAN LAS 'DA' BA LA SOGS PA'I BYE BRAG GIS RNAM PA BZHI STE, DE DAG NI PHYIR MI 'ONG BA RNAM PA DRUG YIN NO, ,GZHAN NI 'DI LA MYA NGAN 'DA', ,GZHAN NI TSE 'DI KHO NA LA YONGS SU MYA NGAN LAS 'DA' STE, MTHONG BA'I CHOS LA YONGS SU MYA NGAN LAS 'DA' BA DE NI BDUN PA YIN NO, ,GSUM LA RNAM GSUM PHYI NAS SU, ,GZUGS SU NYER 'GRO DGUR BSHAD DO, ,PHYIR MI 'ONG BA GSUM LA YANG RNAM PA GSUM DU PHYE BAS GZUGS SU NYE BAR 'GRO BA'I PHYIR MI 'ONG BA DGU YIN NO, ,GSUM PO GANG DAG CE NA; BAR MDO DANG SKYES NAS YONGS SU MYA NGAN LAS 'DA' BA DAG DANG, GONG DU 'PHO BA'O, ,RNAM PA GSUM DU PHYE BAS JI LTA BU ZHE NA, RE ZHIG BAR MA DOR YONGS SU MYA NGAN LAS 'DA' BA NI DPE GSUM GYIS MYUR BA DANG, MYUR BA MA YIN PA DANG, YUN RING MO ZHIG NAS YONGS SU MYA NGAN LAS 'DA' BA'I PHYIR RO, ,SKYES NAS YONGS SU MYA NGAN LAS 'DA' BA NI SKYES NAS DANG, MNGON PAR 'DU BYED PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA'I PHYIR RO, ,DE DAG THAMS CAD KYANG SKYES NAS YONGS SU MYA NGAN LAS 'DA' BA'I PHYIR SKYES NAS YONGS SU MYA NGAN LAS 'DA' BA DAG YIN NO, ,GONG DU 'PHO BA NI 'PHAR BA LA SOGS PA'I BYE BRAG GIS SO, ,YANG NA GSUM PO THAMS CAD MYUR BA DANG MYUR BA MA YIN PA DANG, YUN RING MO ZHIG NAS YONGS SU MYA NGAN LAS 'DA' BA'I PHYIR RO, ,DE DAG GI NI KHYAD PAR RNAMS, ,LAS DBANG NYON MONGS BYE BRAG LAS, ,PHYIR MI 'ONG BA GSUM DANG DGU PO DE DAG GI KHYAD PAR NI LAS DANG, NYON MONGS PA DANG DBANG PO'I BYE BRAG LAS TE, RE ZHIG GSUM PO NI GO RIMS BZHIN DU MNGON PAR 'GRUB PA DANG, SKYES PA DANG, LAN GRANGS GZHAN LA MYONG BAR 'GYUR BA'I LAS BSAGS PA'I PHYIR DANG, NYON MONGS PA KUN DU SPYOD PA CHUNG BA DANG, 'BRING DANG, CHEN PO'I PHYIR DANG, DBANG PO CHEN PO DANG 'BRING DANG CHUNG NGU'I PHYIR RO, ,DE NYID KYI PHYIR DE DAG SO SO'I KHYAD PAR YANG CI RIGS PAR GSUM TSAN DANG PO GNYIS NI GONG MA BZHIN DU NYON MONGS PA DANG, DBANG PO'I @24A *, ,BYE BRAG LAS SO, ,GSUM TSAN THA MA NI LAN GRANGS GZHAN LA MYONG BAR 'GYUR BA'I LAS KYI BYE BRAG LAS KYANG KHYAD PAR DU BLTA STE, DE DAG NI NYON MONGS PA DANG DBANG PO'I RNAM PA DGU'I PHYIR PHYIR MI 'ONG BA DGU YIN NO, ,'O NA MDO LAS SKYES BU DAM PA'I 'GRO BA BDUN BSTAN PA JI LTA BU ZHE NA, GONG DU 'PHO BA MA PHYE BAR, ,DAM PA'I 'GRO BA BDUN DU 'DOD, ,GONG DU 'GRO BA'I CHOS NI GONG DU 'GRO BA'O, ,MDO LAS NI DE MA PHYE BAR BSTAN PA'I PHYIR MDO LAS SKYES BU DAM PA'I 'GRO BA BDUN ZHES GSUNGS SO, ,CI'I PHYIR 'DI DAG KHO NA SKYES BU DAM PA'I 'GRO BA YIN LA, SLOB PA'I 'GRO BA GZHAN DAG NI MA YIN ZHE NA, GANG DAG LA 'GRO BA 'DI DAG YOD PA DE DAG NI LAS DAM PA DGE BA KHO NA LA 'JUG CING DAM PA MA YIN PA MI DGE BA LA MI 'JUG PA DANG, 'GRO BA 'DI DAG TU SON PA RNAMS LA YANG PHYIR 'ONG BA MED PA YIN JE SKAD DU BSHAD PA 'DI DAG GZHAN LA NI MED PAS DE'I PHYIR, DAM PA DAM MIN 'JUG MI 'JUG ,SON PA PHYIR MI 'ONG PHYIR TE, ,SKYES BU DAM PA'I 'GRO BA DAG YIN GYI GZHAN DAG NI MA YIN NO, ,'O NA MDO KHO NA LAS SKYES BU DAM PA GANG ZHE NA, SLOB PA'I YANG DAG PA'I LTA BA DANG LDAN PA'O ZHES RGYAS PAR GSUNGS PA JI LTA BU ZHE NA, GZHAN DAG LA YANG SDIG PA RNAM PA LNGA GTAN MI BYED PA'I SDOM PA THOB PA'I PHYIR DANG, NYON MONGS PA MI DGE BA PHAL CHER SPANGS PA'I PHYIR RNAM GRANGS PA'I SKYES BU DAM PA NYID YOD MOD KYI, 'DIR NI GANG DAG LA RNAM GRANGS MED PAR YOD PA DE DAG GI SKABS YIN NO, ,CI PHYIR MI 'ONG BA TSE YONGS SU GYUR PA LA YANG DBYE BA 'DI YOD DAM ZHE NA, MED DE, 'DI LTAR, 'DOD PAR TSE YONGS GYUR PA'I'PHAGS, ,KHAMS GZHAN DU NI 'GRO BA MED, ,'DOD PA'I KHAMS SU TSE YONGS SU GYUR PA'I 'PHAGS PA NI KHAMS GZHAN DU MI 'GRO STE, TSE 'DI NYID LA PHYIR MI 'ONG BA'I 'BRAS BU THOB NAS YONGS SU MYA NGAN LAS 'DA' BA'I PHYIR RO, ,GZUGS KYI KHAMS SU TSE YONGS SU GYUR PA NI GAL TE NA GZUGS MED PA'I KHAMS DAG TU YANG 'JUG STE, GONG DU 'PHO BA SRID PA'I RTZE MO'I MTHAR THUG PAR 'GRO @24B BA GANG YIN PA'O, ,'O NA BRGYA BYIN GYIS, BDAG NI THA MA NYAMS NA LHA GANG 'OG MIN ZHES, ,RNAM PAR GRAGS PA DE NI SKYE BAR 'GYUR BAR SHOG ,CES GANG SMRAS PA JI LTA BU ZHE NA, BYE BRAG TU SMRA BA RNAMS NA RE CHOS MNGON PA MNGON PAR MI SHES PA'I PHYIR TE, YANG DAG PAR DGA' BAR BYA BA YIN PA'I PHYIR BCOM LDAN 'DAS KYIS KYANG MA BKAG GO ZHES ZER RO, ,DE DANG GONG MAR SKYES PA NI, ,YONGS NYAMS DBANG PO 'PHO MI BSTEN, ,'DOD PA'I KHAMS SU TSE YONGS SU GYUR PA'I 'PHAGS PA DE DANG, KHAMS GONG MAR SKYES PA'I 'PHAGS PA NI DBANG PO RNAMS KYANG MI 'PHO LA JI LTAR YANG YONGS SU NYAMS PAR MI 'GYUR RO, ,CI'I PHYIR 'PHAGS PA TSE GZHAN DU YONGS SU GYUR PA GZUGS DANG GZUGS MED PAR 'JUG PA DANG, DBANG PO 'PHO BA DANG, YONGS SU NYAMS PA DAG TU MI 'DOD CE NA, 'DI LTAR MED PA'I PHYIR RO, ,CI'I PHYIR MED CE NA, TSE RABS GZHAN NAS YONGS SU 'DRIS PAS DBANG PO RNAMS CHES YONGS SU SMIN PA'I PHYIR DANG, RTEN KHYAD PAR CAN THOB PA'I PHYIR RO, ,YANG CI'I PHYIR SLOB PA 'DOD CHAGS DANG MA BRAL BA BAR MA DOR YONGS SU MYA NGAN LAS 'DA' BAR MI 'GYUR ZHE NA, LAM MA 'DRIS PAS MNGON SUM DU MI 'GYUR BA'I PHYIR DANG, PHRA RGYAS RNAMS SHIN TU CHUNG BA MA YIN PA'I PHYIR RO, ,BYE BRAG TU SMRA BA RNAMS NA RE 'DOD PA'I KHAMS LAS 'DA' BAR DKA' BA'I PHYIR TE, 'DIS NYON MONGS PA MI DGE BA DANG LUNG DU MA BSTAN PA SPANGS PA DANG, DGE SBYONG GI TSUL GYI 'BRAS BU GNYIS SAM GSUM THOB PA DANG, KHAMS GSUM LAS YANG DAG PAR 'DA' BA DANG MANG PO ZHIG BYA DGOS LA, DE YANG SRID PA BAR MA LA GNAS PAS BYA BAR MI NUS ZHES ZER RO, ,DE NI BSAM GTAN SPEL NAS 'OG MIN 'GRO, ,ZHES BSHAD PA, YANG DANG PO NYID DU BSAM GTAN GANG SPEL BAR BYED CE NA, DANG POR BZHI PA SPEL BAR BYED, ,TING NGE 'DZIN DE NI THAMS CAD PAS LAS SU RUNG BA DANG, LAM SLA BA RNAMS KYI NANG NA MCHOG YIN PA'I PHYIR RO, ,'DI LTAR SPEL BAR BYED DE, DGRA BCOM PA'AM PHYIR MI 'ONG BA YANG RUNG STE ZAG PA MED PA'I BSAM GTAN @25A *, ,BZHI PA RGYUN DANG LDAN PA LA SNYOMS PAR 'JUG CING, DE LAS LANGS NAS DE NYID ZAG PA DANG BCAS PA RGYUN DANG LDAN PA LA SNYOMS PAR 'JUG LA, YANG ZAG PA MED PA LA SNYOMS PAR 'JUG STE, DE BZHIN DU RGYUN PHRI NAS, GANG GI TSE SKAD CIG MA GNYIS ZAG PA MED PA LA SNYOMS PAR 'JUG CING SKAD CIG MA GNYIS ZAG PA DANG BCAS PA LA SNYOMS PAR 'JUG LA YANG ZAG PA MED PA LA SNYOMS PAR 'JUG GO ZHES GRAG STE, 'DI NI SPEL BA'I SBYOR BA YIN NI, ,SKAD CIG MA NI BSRES PAS 'GRUB, ,BYE BRAG TU SMRA BA RNAMS NA RE GANG GI TSE ZAG PA MED PA'I SKAD CIG MA'I MJUG THOGS SU ZAG PA DANG BCAS PA MNGON SUM DU BYED CING, ZAG PA DANG BCAS PA'I MJUG THOGS SU YANG ZAG PA MED PA MNGON SUM DU BYED LA, DE LTAR ZAG PA DANG BCAS PA'I SKAD CIG MA DANG ZAG PA MED PA DAG TU BSRES PAS SPEL BA 'GRUB PA YIN TE, SKAD CIG MA GNYIS NI BAR CHAD MED PA'I LAM LTA BU YIN LPA, GSUM PA NI RNAM PAR GROL BA'I LAM LTA BU YIN NO ZHES ZER RO, ,DE LTAR BSAM GTAN BZHI PA SPEL NAS, DE'I STOBS KYIS GZHAN DANG GZHAN DAG KYANG SPEL BAR BYED DE, DANG POR 'DOD PA'I KHAMS SU GLING GSUM DAG TU SPEL BAR BYED LA, PHYIS NI YONGS SU NYAMS PAS GZUGS KYI KHAMS SU SPEL BAR BYED DO, ,SANGS RGYAS MA GTOGS PAS SKAD CIG MA SPEL BAR MI NUS TE, DE'I PHYIR RGYUN CHAGS GSUM LA JI SRID DU 'DOD PAR SNYOMS PAR 'JUG PA'I SGO NAS RDZOGS PA YIN NO ZHES BYA BAR BLTA'O, ,CI'I PHYIR BSAM GTAN SPEL BAR BYED CE NA, SKYE DANG GNAS PAR BYA PHYIR DANG, ,NYON MONGS PAS NI 'JIG PHYIR YANG, ,RGYU GSUM GYIS NA BSAM GTAN SPEL BAR BYED DE, PHYIR MI 'ONG BA DBANG PO RNON PO RNAMS NI GNAS GTZANG MA RNAMS SU SKYE BAR BYA BA'I PHYIR DANG, MTHONG BA'I CHOS LA BDE BAR GNAS PAR BYA BA'I PHYIR RO, ,DBANG PO RTUL PO RNAMS NI NYON MONGS PAS 'JIGS PA'I YANG PHYIR TE, RO MYANG BA DANG MTSUNGS PAR LDAN PA'I TING NGE 'DZIN THAG BSRINGS PA'I SGO NAS YONGS SU MI NYAMS PAR BYA BA'I PHYIR RO, ,DGRA BCOM PA DBANG PO RNON PO RNAMS NI MTHONG BA'I CHOS LA BDE BAR GNAS @25B PAR BYA BA'I PHYIR RO, ,DBANG PO RTUL PO RNAMS NI NYON MONGS PAS 'JIGS PA'I YANG PHYIR TE, YONGS SU MI NYAMS PAR BYA BA'I PHYIR RO, ,YANG CI'I PHYIR GNAS GTZANG MAR SKYE BA LNGA KHO NA YIN ZHE NA, BSAM GTAN BZHI PA SPEL MAR BSGOMS PAR BSHAD PA GANG YIN PA DE NI RNAM PA LNGA'I PHYIR, GNAS GTZANG SKYE BA LNGA KHO NA, ,SPEL MAR BSGOM PA DE NI CHUNG NGU DANG 'BRING DANG CHEN PO DANG, SHIN TU CHE BA DANG, SHIN TU CHES CHE BA'I BYE BRAG GIS RNAM PA LNGA YIN TE, DANG PO LA NI ZAG PA MED PA DANG ZAG PA DANG BCAS PA DANG ZAG PA DANG BCAS PA DANG PO DANG SEMS GSUM MNGON SUM DU BYED DO, ,GNYIS PA LA NI DRUG GO, GSUM PA LA NI DGU'O, ,BZHI PA LA BCU GNYIS SO, ,LNGA PA LA NI BCO LNGA STE, DE DAG GI 'BRAS BU NI GRANGS BZHIN DU GNAS GTZANG MA LNGA YIN LA DE LA ZAG PA DANG BCAS PA GANG YIN PA DE'I DBANG GIS DE DAG TU SKYE'O, ,GZHAN DAG NA RE DAD PA'I DBANG PO LA SOGS PA LHAG PA'I PHYIR LNGA YIN NO ZHES ZER RO, ,'GOG PA THOB PA'I PHYIR MI 'ONG, ,LUS KYIS MNGON DU BYED PAR 'DOD, ,'DI LA 'GOG PA'I THOB PA YOD PAS NA 'GOG PA THOB PA STE, PHYIR MI 'ONG BA GANG LA LA 'GOG PA THOB PA DE NI MYA NGAN LAS 'DAS PA DANG 'DRA BA'I CHOS LUS KYIS MNGON SUM DU BYED PA'I PHYIR LUS KYIS MNGON SUM DU THOB PA ZHES BYA'O, ,JI LTAR NA LUS KYIS MNGON SUM DU BYED CE NA, SEMS MED PAS LUS LA BRTEN TE SKYE BA'I PHYIR RO, ,'DI LTA BU YIN PAR 'GYUR TE, DE 'GOG PA DE LAS LANGS NAS GANG LAS DE NI 'DI SNYAM DU KYE MA 'GOG PA'I SNYOMS PAR 'JUG PA NA MYA NGAN LAS 'DAS PA DANG 'DRA BAR ZHI BA YIN NO SNYAM DU SEMS PAR 'GYUR BA RNAM PAR SHES PA DANG BCAS PA'I LUS ZHI BA SNGON MA THOB PA THOB PAR 'GYUR TE, DE LTAR NA 'DIS DE'I ZHI BA NYID DU LUS KYIS MNGON DU BYAS PA YIN TE, THOB PA DANG SHES PAS MNGON SUM DU BYED PA DAG GIS MNGON SUM DU GYUR PA NI MNGON DU BYED PA YIN NO, ,MDO LAS SLOB PA BCO BRGYAD CES GSUNGS PA DER LUS KYIS MNGON DU BYED PA CI'I PHYIR MA GSUNGS SHE NA, RGYU MED PA'I PHYIR RO, ,RGYU GANG ZHIG YIN ZHE NA, ZAG PA MED PA'I SLOB PA GSUM DANG DE'I 'BRAS BU STE, DE'I @26A *, ,KHYAD PAR GYIS SLOB PA RNAMS RNAM PAR GZHAG GO , ,'GOG PA'I SNYOMS PAR 'JUG PA NI SLOB PA YANG MA YIN LA SLOB PA'I 'BRAS BU YANG MA YIN TE, DE'I PHYIR DE DANG LDAN PAS SLOB PA'I KHYAD PAR DU MA GSUNGS SO, ,'DI NI RE ZHIG PHYIR MI 'ONG BA RNAMS KYI DBYE BA CHE LONG YIN NO, ,ZHIB TU DBYE NA NI STONG PHRAG TU DBYE BA YOD DE, BAR MA DOR YONGS SU MYA NGAN LAS 'DA' BA LA DBANG PO RTUL PO DANG 'BRING PO DANG RNON PO'I BYE BRAG GIS GSUM MO, ,DE DAG NYID SA'I BYE BRAG GIS BZHI'O, ,YONGS SU NYAMS PA'I CHOS CAN LA SOGS PA'I RIGS KYI BYE BRAG GIS DRUG GO , ,GNAS GZHAN GYI BYE BRAG GIS BCU DRUG GO , ,SA DANG 'DOD CHAGS DANG BRAL BA'I BYE BRAG GIS SUM CU RTZA DRUG STE, GZUGS KYI KHAMS KYI 'CHING BA MTHA' DAG DANG LDAN PA NAS BSAM GTAN BZHI PA'I RNAM PA BRGYAD LAS 'DOD CHAGS DANG BRAL BA'I BAR RO, ,GNAS GZHAN DANG RIGS DANG 'DOD CHAGS DANG BRAL BA DANG DBANG PO'I BYE BRAG GIS NYIS STONG LNGA BRGYA DGU BCU RTZA GNYIS TE, JI LTAR BYAS PAS SHE NA, GNAS GCIG NA RIGS DRUG GO , ,RIGS RE RE LA 'CHING BA MTHA' DAG DANG LDAN PA NAS RANG GI GNAS KYI RNAM PA BRGYAD LAS 'DOD CHAGS DANG BRAL BA'I BAR GANG ZAG DGU DGU STE, DGU DRUG NI LNGA BCU BZHI'O, ,LNGA BCU RTZA BZHI PHRAG BCU DRUG NI BRGYAD BRGYA DRUG CU RTZA BZHI'O, ,YANG DBANG PO'I BYE BRAG GIS SUM 'GYUR TE, DE LTAR BYAS PAS SO, ,'DRA BAR RTZE BA'I PHYIR BSAM GTAN 'OG MA'I RNAM PA DGU LAS 'DOD CHAGS DANG BRAL BA GANG YIN PA DE NI GONG MA'I 'CHING BA MTHA' DAG DANG LDAN PAR BSHAD PA YIN NO, ,BAR MA DOR YONGS SU MYA NGAN LAS 'DA' BA JI LTA BAR GONG DU 'PHO BA'I BAR DU YANG DE DANG 'DRA BAS THAMS CAD BSDUS NA PHYIR MI 'ONG BA KHRI NYIS STONG DGU BRGYA DRUG CU YIN NO, ,SRID RTZE'I BAR CHA BRGYAD ZAD PA, ,DGRA BCOM NYID LA ZHUGS PA YIN, ,PHYIR MI 'ONG BA ZHES BYA BA'I DBANG DU BYAS PA STE, YANG PHYIR MI 'ONG BA DE BSAM GTAN DANG PO'I RNAM PA GCIG LAS 'DOD CHAGS DANG BRAL BA NAS BZUNG STE, SRID PA'I RTZE MO'I RNAM PA BRGYAD KYI BAR SPANGS PAS DGRA BCOM PA NYID LA ZHUGS PA YIN NO, ,DGU YI BAR CHAD MED LAM YANG, , @26B DE SRID PA'I RTZE MO'I RNAM PA DGU PA SPONG BAR BYED PA'I BAR CHAD MED PA'I LAM LA GNAS PA NA, YANG DGRA BCOM PA NYID LA ZHUGS PA KHO NA YIN NO, ,DE NI RDO RJE LTA BU YIN, ,BAR CHAD MED PA'I LAM DE NI PHRA RGYAS THAMS CAD 'JOMS PAR BYED PA YIN PA'I PHYIR RDO RJE LTA BU'I TING NGE 'DZIN ZHES BYA'O, BCOM ZIN PA'I PHYIR 'DIS THAMS CAD 'JOMS PA NI MA YIN GYI, BAR CHAD MED PA'I LAM THAMS CAD KYI NANG NAS SHIN TU CHE BA YIN PA'I PHYIR THAMS CAD 'JOMS PAR NUS PA YIN NO, ,RDO RJE LTA BU RNAMS KYI BYE BRAG NI RNAM PA MANG PO ZHIG TU BRJOD DE, MI LCOGS PA MED PAS BSDUS PA SRID PA'I RTZE MO'I SDUG BSNGAL DANG KUN 'BYUNG LA DMIGS PAS SDUG SNGAL DANG KUN 'BYUNG LA RJES SU SHES PA'I RNAM PA DAG DANG MTSUNGS PAR LDAN PA BRGYAD DANG, 'GOG PA DANG LAM LA CHOS SHES PA'I RNAM PA DAG DANG MTSUNGS PA LDAN PA BRGYAD DANG, 'GOG PA LA RJES SU SHES PA'I RNAM PA DAG DANG MTSUNGS PAR LDAN PA BSAM GTAN DANG PO'I 'GOG PA LA DMIGS PA BZHI NAS DE BZHIN DU SRID PA'I RTZE MO'I 'GOG PA LA DMIGS PA'I BAR DU BZHI DANG, LAM LA RJES SU SHES PA'I RNAM PA DAG DANG MTSUNGS PAR LDAN PA BZHI STE, RJES SU SHES PA'I PHYOGS DANG MTHUN PA ZAD PAR LA DMIGS PA'I PHYIR RO, , DE DAG NI SHES PA'I DMIGS PA DANG RNAM PA'I BYE BRAG GIS THA DAD PA'I PHYIR RDO RJE LTA BU LNGA BCU RTZA GNYIS YIN NO, ,MI LCOGS PA MED PAS BSDUS PA JI LTA BAR BSAM GTAN BZHI PAS BSDUS PA'I BAR DAG KYANG DE DANG 'DRA'O, ,NAM MKHA' DANG RNAM SHES MTHA' YAS DANG CI YANG MED PA'I SKYE MCHED KYIS BSDUS PA RNAMS NI GRANGS BZHIN DU NYI SHU RTZA BRGYAD DANG NYI SHU RTZA BZHI DANG NYI SHU YIN TE, DE DAG NI CHOS SHES PA DANG RJES SU SHES PAS SA 'OG MA'I 'GOG PA LA DMIGS PA MED PA'I PHYIR RO, ,SA 'OG MI'I GNYEN PO LA DMIGS PA NI YOD DE, DE NI PHAN TSUN DU RGYU BA'I PHYIR RO; ,GANG DAG LAM LA RJES SU SHES PA YANGS RE RE'I GNYEN PO LA DMIGS PA YIN PAR 'DOD PA DE DAG GI LTAR NA NYI SHU RTZA BRGYAD LHAG PAR BSNAN NAS MI LCOGS PA MED PAS BSDUS PA RDO RJE LTA BU NI BRGYAD CU YIN TE, BSAM GTAN BZHI PAS BSDUS PA'I BAR DU YANG DE DANG 'DRA'O, , @27A *, ,NAM MKHA' MTHA' YAS SKYE MCHED LA SOGS PA DAG NI GO RIMS BZHIN DU BZHI BCU DANG, SUM CU RTZA GNYIS DANG, NYI SHU RTZA BZHI YIN NO, ,YANG RIGS DANG DBANG PO'I BYE BRAG GIS NI CHES MANG BA YIN NO, ,GANG SRID PA'I RTZE MO'I RNAM PA DGU PAR BSHAD PA RDO RJE LTA BUS SPANGS PA GANG YIN PA, DE ZAD THOB DANG ZAD PA SHES, ,RNAM PA DGU PA DE ZAD PA'I THOB PA DANG LHAN CIG TU ZAD PA SHES PA SKYE STE, RDO RJE LTA BU'I TING NGE 'DZIN GYI MJUG THOGS SU RNAM PAR GROL BA'I LAM THA MA SKYE BA YIN NO, ,DE NYID KYI PHYIR DE NI DANG PO NYID DU ZAG PA THAMS CAD ZAD PA'I THOB PA DANG LHAN CIG SKYE BA'I PHYIR ZAD PA SHES PA YIN NO, ,DE TSE DE MI SLOB DGRA BCOM, ,YANG DGRA BCOM PA NYID LA ZHUGS PA DE ZAD PA SHES PA SKYE NAS MI SLOB PA DANG DGRA BCOM PA NYID KYI 'BRAS BU THOB PA YIN TE, 'BRAS BU GZHAN GYI PHYIR SLOB PAR BYA BA MED PA'I PHYIR MI SLOB PA YIN NO, ,DE NYID KYI PHYIR DE NI GZHAN GYI DON BYED PAR 'OS PA'I PHYIR DANG, 'DOD CHAGS DANG BCAS PA THAMS CAD KYIS MCHOD PAR 'OS PA'I PHYIR DGRA BCOM PA YIN NO, ,GANG ZAG SNGAR BSHAD PA GZHAN BDUN NI SLOB PA DAG YIN NO ZHES BYA BAR GRUB BO, ,CI'I PHYIR DE DAG SLOB PA YIN ZHE NA, ZAG PA ZAD PAR BYA BA'I PHYIR BSLAB PA GSUM PO LHAG PA'I TSUL KHRIMS DANG LHAG PA'I SEMS DANG LHAG PA'I SHES RAB LA RTAG TU SLOB PA'I DANG TSUL CAN YIN PA'I PHYIR TO, DE DAG NI TSUL KHRIMS DANG TING NGI 'DZIN DANG SHES RAB KYI RANG BZHIN DAG YIN NO, ,SO SO'I SKYE BO YANG SLOB PA YIN PAR 'GYUR RO ZHE NA, MA YIN TE, BDEN PA YANG DAG PA JI LTA BA BZHIN DU RAB TU MI SHES PA'I PHYIR DANG, YANG SLOB PA GTONG BA'I PHYIR RO, ,DE NYID KYI PHYIR CI NAS KYANG GANG ZHIG SLOB PA DE KHO NA SLOB PA YIN GYI SLOB PA 'DOR BA NI MA YIN NO ZHES DMIGS KYIS BSAL BA SHES PAR BYA BA'I PHYIR MDO LAS, ZHI BYED BSLAB PA LA SLOB CING, ,BSLAB PA LA SLOB PAS NI DE'I PHYIR SLOB PA ZHES BYA'O ZHES LAN GNYIS SU GSUNGS SO, ,'PHAGS PA RANG BZHIN DU GNAS PA JI LTAR SLOB PA'I DANG TSUL CAN YIN ZHE NA, BSAM PA'I SGO NAS TE, LAM DU 'GRO BA GNAS PA BZHIN NO, ,THOB PA DANG RJES SU 'BREL @27B BA'I YANG PHYIR RO, ,YANG SLOB PA'I CHOS RNAMS GANG ZHE NA, SLOB PA'I ZAG PA MED PA RNAMS SO, ,MI SLOB PA RNAMS GANG ZHE NA, MI SLOB PA'I ZAG PA MED PA RNAMS SO, ,CI'I PHYIR MYA NGAN LAS 'DAS PA SLOB PA MA YIN ZHE NA, MI SLOB PA DANG SO SO'I SKYE BO GNYI GA YANG DE DANG LDAN PA'I PHYIR RO, ,CI'I PHYIR MI SLOB PA MA YIN ZHE NA, SLOB PA DANG SO SO'I SKYE BO GNYI GA YANG DE DANG LDAN PA'I PHYIR RO, ,DE DAG THAMS CAD NI ZHUGS PA BZHI DANG 'BRAS BU LA GNAS PA BZHI DANG, 'PHAGS PA'I GANG ZAG BRGYAD KHO NA YIN TE, 'DI LTA STE RGYUN DU ZHUGS PA'I 'BRAS BU MNGON SUM DU BYA BA'I PHYIR ZHUGS PA DANG, RGYUN DU ZHUGS PA NAS DE BZHIN DU DGRA BCOM PA NYID KYI 'BRAS BU MNGON SUM DU BYA BA'I PHYIR ZHUGS PA DANG, DGRA BCOM PA'I BAR YIN NO, ,MING GI SGO NAS NI BRGYAD YIN NO, ,RDZAS SU NI LNGA YIN TE, ZHUGS PA DANG PO DANG 'BRAS BU LA GNAS PA BZHI'O,, ZHUGS PA LHAG MA RNAMS NI 'BRAS BU LA GNAS PA GSUM LAS THA MI DAD PA'I PHYIR RO, ,MTHAR GYIS 'THOB PA'I PHYIR DE SKAD CES BSHAD KYI, PHAL CHER DANG 'DOD PA LAS 'DOD CHAGS DANG BRAL BA DAG CIG YIN NA NI MTHONG BA'I LAM LA LAN CIG PHYIR 'ONG BA DANG, PHYIR MI 'ONG BA'I 'BRAS BU LA ZHUGS PA DAG YIN GYI, RGYUN DU ZHUGS PA DANG, LAN CIG PHYIR 'ONG BA DAG NI MA YIN NO, ,BSGOM PA'I LAM 'JIG RTEN PA DANG 'JIG RTEN LAS 'DAS PA RNAM PA GNYIS SU BSHAD PA LA, SLOB PA 'DI GANG GIS GANG LAS 'DOD CHAGS DANG BRAL BA 'THOB CE NA, 'JIG RTEN 'DAS KYIS SRID RTZE LAS, ,CHAGS BRAL 'JIG RTEN PAS NI MA YIN NO, ,CI'I PHYIR ZHE NA, DE'I GONG NA 'JIG RTEN PA MED PA'I PHYIR DANG, RANG GI SA PA'I GNYEN PO MA YIN PA'I PHYIR RO, ,CI'I PHYIR GNYEN PO MA YIN ZHE NA, DE'I NYON MONGS PA RGYAS PAR 'GYUR BA'I PHYIR TE, NYON MONGS PA GANG ZHIG DNGOS PO GANG LA RGYAS PAR 'GYUR BA DE NI DNGOS PO DES SPONG BAR BYED PA MA YIN LA, GANG GI GNYEN PO GANG YIN PA DE LA NI NYON MONGS PA DE RGYAS PAR YANG MI 'GYUR BA'I PHYIR RO, ,GZHAN LAS RNAM PA GNYIS, ,SRID PA'I RTZE MO LAS GZHAN PA'I SA THAMS CAD LAS @28A *, ,NI 'JIG RTEN PA'I LAM GYIS KYANG 'DOD CHAGS DANG BRAL LA, 'JIG RTEN LAS 'DAS PAS KYANG 'DOD CHAGS DANG BRAL LO, ,'JIG RTEN PA YIS CHAGS BRAL BA'I, ,'PHAGS LA BRAL BA'I THOB RNAM GNYIS, ,'PHAGS PA 'JIG RTEN PA'I LAM GYIS 'DOD CHAGS DANG BRAL BAR GYUR PA LA BRAL BA'I THOB PA 'JIG RTEN PA DANG 'JIG RTEN LAS 'DAS PA DANG RNAM PA GNYIS SKYE'O, ,KHA CIG 'JIG RTEN 'DAS KYIS KYANG, ,GZHAN DAG NA RE 'JIG RTEN LAS 'DAS PAS KYANG DE DANG 'DRA'O ZHES ZER RO, ,CI'I PHYIR ZHE NA, BTANG LA NYON MONGS MI LDAN PHYIR, ,GAL TE 'PHAGS PA'I LAM GYIS 'DOD CHAGS DANG BRAL BA 'THOB PA LA 'JIG RTEN PA'I BRAL BA'I THOB PA MI SKYE NA, DE LTA NA 'PHAGS PA'I LAM GYIS CI YANG MED PA'I SKYE MCHED LAS 'DOD CHAGS DANG BRAL BA BSAM GTAN LA BRTEN TE DBANG PO RNAMS 'PHO BAR BYED PA GANG YIN PA DE LAM SNGA MA ZAD PAR BTANG BA'I PHYIR DANG, 'BRAS BU'I LAM 'BA' ZHIG THOB PA'I PHYIR SA GONG MA BA'I NYON MONGS PA'I BRAL BA DANG MI LDAN PAR YANG 'GYUR LA, DE BTANG NA YANG NYON MONGS PA DE DAG DANG LDAN PAR YANG 'GYUR RO, ,SRID RTZE'I PHYED LAS RNAM GROL DANG, ,GONG DU SKYES PA BZHIN MI LDAN, ,DE LA 'JIG RTEN PA'I BRAL BA'I THOB PA MED DU ZIN KYANG DE DAG DANG LDAN PAR MI 'GYUR TE, DPER NA SRED PA'I RTZE MO'I RNAM PA PHYED LA RNAM PAR GROL BA LA DE'I BRAL BA'I 'THOB PA 'JIG RTEN PA YANG MED LA, DBANG PO 'PHO BAS 'JIG RTEN LAS 'DAS PA YANG BTANG BZHIN DU NYON MONGS PA DE DAG DANG LDAN PAR MI 'GYUR BA DANG, YANG DPER NA SO SO'I SKYE BO BSAM GTAN DANG PO YAN CHAD DU SKYES PA 'DOD PA NA SPYOD PA'I NYON MONGS PA'I BRAL BA'I THOB PA BTANG BAS YANG DE DAG DANG LDAN PAR MI 'GYUR BA BZHIN BAS 'DI NI SHES PAR BYED PA MA YIN NO, ,SA GANG ZHIG GIS GANG LAS 'DOD CHAGS DANG BRAL BAR 'GYUR ZHE NA, ZAG MED MI LCOGS MED PA YIS, ,THAMS CAD LAS NI 'DOD CHAGS BRAL, ,SRID PA'I RTZE MO'I BAR LAS SO, ,YANG GANG ZHIG NYER BLDOGS LA BRTEN TE SA 'OG MA LAS 'DOD CHAGS DANG BRAL BA 'THOB NA, CI'I PHYIR RNAM PAR GROL BA'I LAM @28B THAMS CAD BAR CHAD MED PA'I LAM BZHIN DU NYER BSDOGS LAS SKYE'AM ZHE NA, SMRAS PA, MA YIN NO, ,'O NA JI LTA BU ZHE NA, SA GSUM RGYAL LA BSAM GTAN NAM, ,NYER BSDOGS LAS MTHA'I RNAM GROL LAM, ,SKYE BA'I SA NI THAMS CAD DU DGU STE, 'DOD PA'I KHAMS DANG BSAM GTAN DANG GZUGS MED PA BRGYAD DO, ,DE LA BSAM GTAN GNYIS KYI BAR LAS 'DOD CHAGS DANG BRAL BAS GSUM LAS RGYAL BA DE LA NI RNAM PAR GROL BA'I LAM THA MA NYER BSDOGS SAM BSAM GTAN DNGOS GZHI LAS SKYE'O, ,GONG MA'I NYE BAR BSDOGS LAS MIN, ,SA GSUM LAS RGYAL BA YAN CHAD NI BTANG SNYOMS KYI DBANG PO THUN MONG MA YIN PA'I PHYIR DNGOS GZHI KHO NA LAS SKYE'I NYER BSDOGS LAS NI MA YIN NO, ,BSAM GTAN GSUM NA NI NYER BSDOGS DANG DNGOS GZHI GNYIS KYI DBANG PO THA DAD PA'I PHYIR LA LA BSAM GTAN DANG DNGOS GZHI LA 'JUG MI NUS TE, DBANG PO'I 'PHO BA NI DKA' BA'I PHYIR RO, ,DE LTA BAS NAS GSUM LAS 'DOD CHAGS DANG BRAL BA LA NI RNAM PAR GROL BA'I LAM THA MA NYER BSDOGS LAS KYANG SKYE'O, ,ZAG MED MI LCOGS MED PA YIS, ,THAMS CAD LAS NI 'DOD CHAGS BRAL, ,ZHE BSHAD KYI GZHAN DAG GIS NI MA BSHAD PAS DE'I PHYIR, 'PHAGS, BRGYAD KYIS RANG GONG SA LAS RGYAL, ,ZHES BYA BA SMOS TE, ZAG PA MED PA'I BSAM GTAN DANG BSAM GTAN KHYAD PAR CAN DANG GZUGS MED PA BRGYAD KYIS NI RANG GI SA DANG SA GONG MA LAS 'DOD CHAGS DANG BRAL BAR 'GYUR RO, ,'OG MA LAS NI MA YIN TE, 'DOD CHAGS DANG BRAL ZIN PA'I PHYIR RO, ,DE LA 'JIG RTEN LAS 'DAS PA'I BAR CHAD MED PA DANG RNAM PAR GROL BA'I LAM RNAMS NI BDEN PA LA DMIGS PA'I PHYIR BDEN PA'I RNAM PAR ZHUGS PA DAG YIN NO ZHES BYA BAR GRUB BO, ,'JIG RTEN PA YI RNAM GROL DANG, ,BAR CHAD MED LAM GO RIMS BZHIN, ,ZHI SOGS RAGS SOGS RNAM PA CAN, ,RNAM PAR GROL BA'I LAM RNAMS NI ZHI BA LA SOGS PA'I RNAM PA CAN DAG YIN LA, BAR CHAD MED PA'I LAM RNAMS NI RAGS PA LA SOGS PA'I RNAM PA CAN DAG YIN NO, ,DE DAG KYANG GO RIMS BZHIN DU, @29A *, ,GONG DANG 'OG MA'I SPYOD YUL CAN, ,RNAM PAR GROL BA'I LAM RNAMS NI CI RIGS PAR SA GONG MA LA ZHI BA DANG, GYA NOM PA DANG, NGES PAR 'BYUNG BA'I RNAM PAR BLTA'O, ,BAR CHAD MED PA'I LAM RNAMS NI SA 'OG MA LA RAGS PA DANG, THA MA NGAN PA DANG, RTZIG PA STUG PO LTA BUR BLTA STE, MNGON PAR 'DU BYED PA SHIN TU CHE BA NYID KYIS MA ZHI BA'I PHYIR RAGS PAR BLTA'O, ,GYA NOM PA MA YIN PA'I PHYIR THA BA NGAN PAR BLTA STE, GNAS NGAN LEN RAB TU MANG BA NYID KYIS MI MTHUN PAR GYUR PA'I PHYIR RO, ,RTZIG PA LAS NGES PAR MI 'BYUNG BA BZHIN DU DE NYID KYIS SA DE LAS NGES PAR MI 'BYUNG BA'I PHYIR RTZIG PA STUG PO LTA BUR BLTA'O, ,DE DAG LAS BZLOG PA NI ZHI BA DANG, GYA NOM PA DANG, NGES PAR 'BYUNG BA'I RNAM PA CAN DAG YIN NO, ,ZHAR LA 'ONGS PA RDZOGS SO,, ,,DKYUS MA KHO NA BRJOD PAR BYA STE; YANG ZAD PA SHES PA'I MJUG THOGS SU CI ZHIG SKYE ZHE NA, GAL TE MI GA-YO ZAD SHES LAS, ,MI SKYE'I BLO GROS, GAL TE DGRA BCOM PA MI GA-YO BA'I CHOS CAN ZHIG YIN NA DE LA ZAD PA SHES PA'I DE MA THAG TU MI SKYE BA'I SHES PA SKYE'O, ,GAL TE MIN, ZAD PA SHES SAM MI SLOB LTA, GAL TE MI GA-YO BA'I CHOS CAN MA YIN NA NI ZAD PA SHES PA LAS ZAD PA SHES PA KHO NA'AM, MI SLOB PA'I YANG DAG PA'I LTA BA SKYE'O, ,YONGS SU NYAMS PA SRID PA'I PHYIR MI SKYE BA SHES PA NI MA YIN NO, ,CI MI GA-YO BA'I CHOS CAN LA DE MI SKYE BA KHO NA YIN NAM ZHE NA, DE NI DGRA BCOM THAMS CAD LA, ,MI GA-YO BA'I CHOS CAN LA YANG RES 'GA' MI SKYE BA SHES PA LAS MI SKYE BA SHES PA KHO NA SKYE LA, RES 'GA' NI MI SLOB PA'I YANG DAG PA'I LTA BA SKYE'O, ,GANG DAG 'BRAS BU BZHIR BSHAD PA DE DAG GANG GI 'BRAS BU DAG YIN ZHE NA DGE SBYONG GI TSUL GYI 'BRAS BU YIN NO, ,DGE SBYONG GI TSUL ZHES BYA BA 'DI CI ZHIG CE NA, DGE SBYONG TSUL NI DRI MED LAM, ,DGE SBYONG GI TSUL NI ZAG PA MED PA'I LAM YIN NO, ,DES NYON MONGS PA YANG DAG PAR ZHI BAR BYED PA'I SGO NAS DGE SBYONG DU 'GYUR TE, MDO LAS, 'DIS SDIG PA MI DGE BA'I CHOS ZHES BYA BA NAS RGYAS PAR RGA SHIR 'GYUR PA'I BAR RNAM PA DU MA ZHI BAR @29B BYAS PA YIN PAS, DE'I PHYIR DGE SBYONG ZHES GSUNGS PA'I PHYIR RO, ,SO SO'I SKYE BO NI GTAN DU ZHI BAR MI BYED PA'I PHYIR DON DAM PA'I DGE SBYONG MA YIN NO, ,DGE SBYONG GI TSUL DE'I 'BRAS BU 'DUS BYAS 'DUS MA BYAS, DGE SBYONG GI TSUL GYI 'BRAS BU NI 'DUS BYAS DANG 'DUS MA BYAS RNAMS YIN NO,, DE DAG KYANG MDO LAS RNAM PA BZHIR GSUNGS SO, ,GZHAN YANG DE DAG BRGYAD CU RTZA DGU'O, ,DE DAG KYANG GANG ZHE NA, ,GROL LAM ZAD PA RNAMS DANG BCAS, ,MTHONG BAS SPANG BAR BYA BA SPONG BAR BYED PA'I BAR CHAD MED PA'I LAM BRGYAD DANG, RNAM PAR GROL BA'I LAM BRGYAD DANG, BSGOM PAS SPANG BAR BYA BA SPONG BAR BYED PAS DGU PO RE RE ZHING YANG NYON MONGS PA RNAM PA DGU DGU SPONG BAR BYED PA DE SNYED KHO NA'I BAR CHAD MED PA'I LAM DANG RNAM PAR GROL BA'I LAM DAG GO , ,DE LA BAR CHAD MED PA'I LAM RNAMS NI DGE SBYONG GI TSUL YIN NO, ,RNAM PAR GROL BA'I LAM RNAMS NI DGE SBYONG GI TSUL GYI 'BRAS BU 'DUS BYAS DAG YIN TE, DE'I RGYU MTHUN PA DANG, SKYES BU BYED PA'I 'BRAS BU YIN PA'I PHYIR RO, NYON MONGS PA DE DAG GI SPANGS PA NI DGE SBYONG GI TSUL GYI 'BRAS BU 'DUS MA BYAS DAG YIN TE, DE LTAR BRGYAD CU RTZA DGU YIN NO, ,DE LTAR NA 'O NA NI SANGS RGYAS KYIS GSUNGS PA KHA BSKANG BAR BYA DGOS PAR 'GYUR RO ZHE NA, BYA MI DGOS TE, GAL TE YANG 'BRAS BU RNAMS MANG MOD KYI, 'BRAS BU BZHI RNAM GZHAG PA NI, ,RGYU LNGA DAG NI SRID PHYIR RO, ,BCOM LDAN 'DAS KYI SPONG BA'I LAM GYI GNAS SKABS GANG LA RGYU LNGA SRID PA DE LA 'BRAS BU RNAM PAR GZHAG GO ZHES GRAG GO , ,LNGA GANG ZHE NA, ,'BRAS LA SNGON LAM BTANG BA DANG, ,GZHAN THOB PA DANG ZAD BSDOMS DANG, SHES PA BRGYAD TSAN THOB PA DANG, ,RNAM PA BCU DRUG THOB PA'O, LAM SNGA MA BTANG BA DANG SNGON MED PA'I LAM THOB PA NI ZHUGS PA DANG 'BRAS BU'I LAM BTANG BA DANG THOB PA'I PHYIR RO, ,SPANGS PA BSDOMS PA NI THAMS CAD KYIS THOB PA CIG RNYED PA'I PHYIR RO, ,SHES PA BRGYAD CIG CAR DU 'THOB PA NI CHOS DANG RJES SU SHES PA RNAM PA BZHI'O, ,RNAM PA BCU DRUG THOB PA NI MI RTAG PA'I RNAM PA LA SOGS PA STE, RGYU LNGA PO DE DAG NI 'BRAS BU RE RE LA YOD DO, ,GAL TE ZAG PA MED @30A *, ,PA'I LAM KHO NA DGE SBYONG GI TSUL YIN NA 'JIG RTEN PA'I LAM GYIS THOB PA'I 'BRAS BU GNYIS JI LTAR DGE SBYONG GI TSUL GYI 'BRAS BUR RUNG ZHE NA, 'JIG RTEN PA YIS THOB 'BRAS NI, ,BSRES DANG ZAG MED THOB 'DZIN PHYIR, ,DE LA NI LAN CIG PHYIR 'ONG BA'I 'BRAS BU'AM PHYIR MI 'ONG BA'I 'BRAS BU 'JIG RTEN PA'I LAM GYIS 'BRAS BU SPANGS PA KHO NA YANG MA YIN NO, ,'O NA CI ZHE NA, MTHONG BA'I LAM GYIS 'BRAS BU SPANGS PA YANG DER BSRE BAR BYA STE, THAMS CAD KYI THOB PA DE'I 'BRAS BUR BSDUS PA CIG RNYED PA'I PHYIR RO, ,DE NYID KYI PHYIR MDO LAS, LAN CIG PHYIR 'ONG BA'I 'BRAS BU GANG ZHE NA, KUN DU SBYOR BA GSUM SPANG PA DANG, 'DOD CHAGS DANG ZHE LDANG DANG GTI MUG RNAMS BSRABS PA GANG YIN PA DE YIN NA, ,PHYIR MI 'ONG BA'I 'BRAS BU GANG ZHE NA, KUN DU SBYOR BA THA MA'I CHA DANG MTHUN PA LNGA SPANGS PA GANG YIN PA DE YIN NO ZHES GSUNGS SO, ,DE'I STOBS KYIS YONGS SU NYAMS PA MI 'CHI BA'I PHYIR BRAL BA'I THOB PA ZAG PA MED PAS SPANGS PA DE 'DZIN PAR YANG BYED DE, 'DI'I PHYIR YANG 'DI DGE SBYONG GI 'BRAS BU NYID DU RIGS SO, ,DGE SBYONG GI TSUL DU BSHAD PA GANG YIN PA, DE NYID TSANGS TSUL TSANGS PA YI, ,'KHOR LO, ,NYON MONGS PA RNAMS SPONG BA'I PHYIR TSANGS PA'I TSUL LO, ,TSANGS PA'I 'KHOR LO NI, TSANGS PAS BSKOR PHYIR RO, ,BCOM LDAN 'DAS NI TSANGS PA'I TSUL BLA NA MED PA DANG LDAN PA'I PHYIR TSANGS PA YIN TE, MDO LAS, BCOM LDAN 'DAS DE NI TSANGS PA ZHES KYANG BYA, ZHI BA DANG BSIL BAR GYUR PA ZHES KYANG BYA ZHES GSUNGS PA'I PHYIR RO, ,'KHOR LO 'DI NI DE'I YIN PAS NA TSANGS PA'I 'KHOR LO STE, DES BSKOR BA'I PHYIR RO, ,CHOS KYI 'KHOR LO MTHONG BA'I LAM, RGYU BAS NA 'KHOR LO'O, ,DE DANG CHOS MTHUN PA'I PHYIR MTHONG BA'I LAM NI CHOS KYI 'KHOR LO YIN NO, ,'DI'I CHOS MTHUN PA JI LTA BU ZHE NA, MYUR BAR 'GRO SOGS RTZIBS SOGS KYIS, MYUR DU 'GRO BA'I PHYIR DANG, 'DOR BA DANG 'JUG PA'I PHYIR DANG, MA RGYAL BA RGYAL BAR BYED PA DANG RGYAL BA RNAL DU DGAD PA'I PHYIR DANG, 'PHAR BA DANG 'BAB PA'I PHYIR TE, MYUR BAR 'GRO BA LA SOGS PA NI DE LTA BU YIN NO, ,BTZUN PA @30B DBYANGS SGROGS NA RE 'PHAGS PA'I LAM YAN LAG BRGYAD PA NI RTZIBS LA SOGS PA DANG CHOS MTHUN PA'I PHYIR 'KHOR LO ZHES BYA STE, YANG DAG PA'I LTA BA DANG RTOG PA DANG RTZOL BA DANG DRAN PA RNAMS NI RTZIBS LTA BU YIN NO, ,YANG DAG PA'I NGAG DANG LAS KYI MTHA' DANG 'TSO BA RNAMS NI LTE BA LTA BU YIN NO, , TING NGE 'DZIN NI MU KHYUD LTA BU YIN NO ZHES ZER RO, ,MTHONG BA'I LAM CHOS KYI 'KHOR LO YIN NO ZHES BYA BA 'DI GA LAS SHE NA 'PHAGS PA KOndI NA-YA LA DE SKYES PA NA CHOS KYI 'KHOR LO BSKOR TO ZHES GSUNGS PA'I PHYIR RO, ,JI LTAR NA DE LAN GSUM DU BZLAS PA DANG RNAM PA BCU GNYIS YIN ZHE NA, BYE BRAG TU SMRA BA RNAMS NA RE, 'DI NI SDUG BSNGAL 'PHAGS PA'I BDEN PA'O, ,DE YONGS SU SHES PAR BYA'O, ,DE YONGS SU SHES SO ZHES BYA BA 'DI DAG NI LAN GSUM DU BZLAS PA YIN NO, ,BZLAS PA RE RE LA MIG SKYES SO, ,SHES PA DANG RIGS PA DANG BLO SKYES SO ZHES BYA BA 'DI DAG NI RNAM PA BCU GNYIS YIN TE, BDEN PA RE RE LA YANG DE DANG 'DRA'O, ,GSUM TSAN DANG BCU GNYIS SU CHOS MTHUN PA'I PHYIR LAN GSUM DU BZLAS TE, RNAM PA BCU GNYIS ZHES BSHAD DE, GNYIS DANG, GNAS BDUN LA MKHAS PA BSTAN PA BZHIN NO, ,BZLAS PA 'DI DAG GIS NI GRANGS BZHIN DU MTHONG BA DANG BSGOM PA DANG MI SLOB PA'I LAM RNAMS BSTAN TO ZHES ZER RO, ,GAL TE DE LTA NA 'O NA NI MTHONG BA'I LAM KHO NA LA LAN GSUM DU BZLAS PA YANG MA YIN LA RNAM PA BCU GNYIS KYANG MA YIN NA JI LTAR NA MTHONG BA'I LAM 'DI CHOS KYI 'KHOR LOR RNAM PAR GZHAG ,DE LTA BAS NA CHOS KYI RNAM GRANGS DE NYID CHOS KYI 'KHOR LO YANG YIN LAN GSUM DU BZLAS PA DANG RNAM PA BCU GNYIS KYANG YIN PAR RUNG NGO, ,JI LTAR NA LAN GSUM DU BZLAS PA YIN ZHE NA, BDEN PA RNAMS LAN GSUM DU BZLAS PA'I PHYIR RO, ,JI LTAR NA RNAM PA BCU GNYIS YIN ZHE NA, BDEN PA RNAMS LA SDUG BSAL DANG, KUN 'BYUNG, 'GOG PA, LAM ZHES BYA BA DANG, YONGS SU SHES PAR BYA, SDANG BAR BYA, MNGON SUM DU BYA, BSGOM PAR BYA ZHES BYA BA DANG, ,YONGS SU SHES ? SPANGS, MNGON SUM DU BYAS, BSGOMS ZHES BYA BA RNAM PA GSUM DU BYAS PA'I PHYIR RO, ,DE BSKOR BA NI GZHAN GYIS RGYUD LA @31A *, ,GO BAR BYED PA STE, DON SHES PAR BYED PA'I PHYIR RO, ,YANG NA 'PHAGS PA'I LAM THAMS CAD KYANG GDUL BYA'I RGYUD LA 'JUG PA'I PHYIR CHOS KYI 'KHOR LO YIN TE, DE NI GZHAN GYI RGYUD LA MTHONG BA'I LAM BSKYED PA'I PHYIR BSKOR BAR BRTZAMS PA YIN PAS DE'I PHYIR BSKOR BA ZHES BYA'O, ,YANG KHAMS GANG DU DGE SBYONG GI TSUL GYI 'BRAS BU DU DAG CIG 'THOB CE NA, 'DOD PAR GSUM THOB, GSUM NI 'DOD PA'I KHAMS KHO NAR 'THOB KYI GZHAN DU NI MA YIN NO, ,THA MA NI, GSUM DU, DGE SBYONG GI TSUL GYI 'BRAS BU THA MA NI DGRA BCOM PA NYID DE, DE NI KHAMS GSUM DU 'THOB PO, ,RE ZHIG 'BRAS BU GNYIS NI 'DOD CHAGS DANG MA BRAL BAS THOB PAR BYA BA YIN PA'I PHYIR GONG MAR MI 'THOB PAR YANG RIGS NA GSUM PA GO, ,CI'I PHYIR MI 'THOB CE NA, GONG NA MTHONG LAM MED, 'DOD PA'I KHAMS LAS GANG NA NI MTHONG BA'I LAM MED LA, DE MED PAR YANG 'DOD CHAGS DANG BRAL BA'I PHYIR MI 'ONG BA'I 'BRAS BU THOB PA MED PAS ZHES BYA BA 'DI NI GTAN TSIGS YIN NO, ,CI'I PHYIR DE NA MTHONG BA'I LAM MED CE NA, RE ZHIG GZUGS MED PA'I KHAMS NA NI NYAN PA MED PA DANG, KHAMS 'OG MA LA MI DMIGS PA'I PHYIR RO; ,GZUGS KYI KHAMS NA NI, MI SKYE LUNG LAS 'DIR RTZOM ZHING, ,DER MTHAR PHYIN ZHES 'BYUNG PHYIR RO, ,GZUGS NA SPYOD PA'I SO SO'I SKYE BO RNAMS NI SNYOMS PAR 'JUG PA'I BDE BA LA CHAGS PA'I PHYIR DANG, SDUG BSNGAL GYI TSOR BA MED PA'I PHYIR KUN DU SKYO BAR MI 'GYUR LA, SKYO BA MED PAR YANG 'PHAGS PA'I LAM THOB PAR MI 'GYUR TE, 'DI NI RE ZHIG RIGS PA YIN NO, ,LUNG YANG, BAR MA DOR YONGS SU MYA NGAN LAS 'DA' BAS NA GONG DU 'PHO BA'I BAR GANG ZAG LDA NI 'DIR RTZOM ZHING DER MTHAR PHYIN PAR 'GYUR RO ZHES GSUNGS PA 'DI YIN NO, ,RTZOM PA ZHES BYA BA NI LAM RTZOM PA YIN TE, MYA NGAN LAS 'DAS PA'I THABS YIN PA'I PHYIR RO, ,'DI SKAD DU, GAL TE MI GA-YO'I ZAD SHES LA, ,MI SKYE BLO GROS ZHES BSHAD DE, ,CI DGRA BCOM PA LA YANG DBYE BA YOD DAM ZHE NA SMRAS PA YOD DE, DGRA BCOM DRUG 'DOD, MDO LAS DGRA BCOM PA @31B DRUG GSUNGS TE, YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU SRUNG PA'I CHOS CAN DANG, GNAS PA LAS MI BSKYOD PA DANG, RTOGS PA'I SKAL BA CAN DANG, MI GA-YO BA'I CHOS CAN NO, ,DE DAG LAS, LNGA NI DAD PAS MOS LAS SKYES, ,MI GA-YO BA'I CHOS CAN MA GTOGS PA GZHAN LNGA NI DAD PAS MOS PA SNGON DU 'GRO BA DAG YIN NO, ,DE DAG RNAM GROL DUS DANG SBYOR, ,LNGA PO 'DI DAG GI SEMS KYI RNAM PAR GROL BA NI DUS DANG SBYOR BAS 'PHANGS PA YIN PAR RIG PAR BYA STE, RTAG TU RJES SU SRUNG BA'I PHYIR RO, , DE NYID KYI PHYIR 'DI DAG NI DUS KYI RNAM PAR GROL BA ZHES BYA'O, ,'DI DAG NI DUS LA LTOS PA YANG YIN LA RNAM PAR GROL BA YANG YIN PAS DUS KYI RNAM PAR GROL BDAG STE, BAR GYI TSIG MI MNGON PAR BYAS PA'I PHYIR MAR GYI BUM PA BZHIN NO, ,'DI DAG GI TING NGE 'DZIN MNGON SUM DU GYUR PA NI YO BYAD DANG NAD MED PA DANG YUL GYI BYE BRAG LA LTOS PA'I PHYIR DUS LA LTOS PA YIN NO, ,MI GA-YO'I CHOS CAN MI GA-YO BA, ,MI GA-YO BA'I CHOS CAN GYI RNAM PAR GROL BA NI YONGS SU MI NYAMS PA'I SGO NAS GA-YO PAR MI NUS PA'I PHYIR MI GA-YO BA YIN NO, ,DE'I PHYIR DE DUS MI SBYOR GRO LA, ,DE NYID KYI PHYIR DE NI DUS DANG MI SBYOR PAR RNAM PAR GROL BA ZHES BYA BA STE, DE NI 'DOD DGUR TING NGE 'DZIN MNGON SUM DU GYUR PA'I PHYIR DUS LA MI LTOS PAR RNAM PAR GROL BA YIN NO, ,YANG NA YONGS SU NYAMS PA SRID PA DANG, MI SRID PA'I SGO NAS DUS GZHAN GYI BAR DANG, GTAN DU RNAM PAR GROL BA'I PHYIR DUS KYI RNAM PAR GROL BA DANG, DUS DANG MI SBYOR BAR RNAM PAR GROL BA NYID YIN NO, ,DE NI MTHONG THOB RGYU LAS BYUNG, ,MI GA-YO PA'I CHOS CAN DE NI MTHONG BAS THOB PA SNGON DU 'GRO BA YIN PAR RIG PAR BYA'O, ,CI DGRA BCOM PA DRUG PO 'DI DAG DANG PO KHO NA NAS DE'I RIGS CAN KHO NA DAG CIG YIN NAM, 'ON TE PHYIS YIN ZHE NA, ,KHA CIG DANG PO NAS DE'I RIGS, ,KHA CIG SBYANGS PA LAS GYUR TO, ,KHA CIG NI DANG PO NYID NAS 'CHI BAR SEMS PA'I CHOS CAN GYI RIGS CAN YIN LA KHA CIG NI YONGS SU NYAMS PA'I CHOS CAN DU GYUR PA LAS DBANG @32A *, ,PO RNAMS SBYANGS PAS 'A CHI BAR SEMS PA'I CHOS CAN DU GYUR PA YIN TE, MI GA-YO BA'I CHOS CAN DU GYUR BA'I BAR DU YANG DE DANG 'DRA BAR RIG PAR BYA'O, ,DE LA YONGS SU NYAMS PA'I CHOS CAN NI YONGS SU NYAMS PAR 'GYUR BA'I SKAL BA DANG LDAN GYI 'CHI BAR SEMS PA LA SOGS PA'I CHOS CAN NI MA YIN PA GANG YIN PA'O, ,'CHI BAR SEMS PA'I CHOS CAN NI 'CHI BAR SEMS PAR 'GYUR BA'I SKAL BA CAN GANG YIN PA'O, ,RJES SU SRUNG BA'I CHOS CAN NI RJES SU SRUNG BAR 'GYUR BA'I SKAL BA CAN GANG YIN PA'O, ,GNAS PA LAS MI BSKYOD PA NI YONGS SU NYAMS PAR 'GYUR BA'I RKYEN STOBS DANG LDAN PA MED NA RJES SU MA BSRUNGS KYANG GNAS PAR 'GYUR BA'I SKAL BA CAN YIN ZHING NYAMS PAR MI 'GYUR BA DANG MNGON PAR BRTZON PA MED NA 'PHEL BAR YANG MI 'GYUR BA'I SKAL BA CAN GANG YIN PA'O, ,RTOGS PA'I SKAL PA CAN NI MI GA-YO BRTOGS PAR 'GYUR BA'I SKAL BA CAN GANG YIN PA'O, ,MI GA-YO BA'I CHOS CAN NI YONGS SU NYAMS PAR MI 'GYUR BA'I SKAL BA CAN GANG YIN PA DE KHO NA'O, ,DANG PO GNYIS NI SNGON SLOB PA'I GNAS SKABS KHON NA RGYUN DU SBYOR BA DANG GUS PAR SBYOR BA MED PA YIN NO, , GSUM PA NI RGYU NA DU SBYOR BA YIN NO, ,BZHI PA NI GUS PAR SBYOR BA YIN NO, ,LNGA PA NI GNYI GAR SBYOR BA PA NI YIN LA DBANG PO RTUL PO YIN NO, ,DRUG PA NI GNYI GAR SBYOR BA DANG DBANG PO RNON PO YIN NO, ,YONGS SU NYAMS PA'I CHOS CAN YANG GDON MI ZA BAR YONGS SU NYAMS PAR 'GYUR BA MA YIN LA, RTOGS PA'I SKAL BA CAN GYI BAR DU YANG RTOGS PAR 'GYUR BA MA YIN GYI SRID BA'I PHYIR DE SKAD CES BSHAD DO, ,DE LTAR BYAS NA KHAMS GSUM CHAR NA YANG DGRA BCOM PA DRUG YOD PAR RUNG NGO, ,GANG DAG GI GDON MI ZA BAR YONGS SU NYAMS PAR 'GYUR BA NAS MNGON PAR RTOGS PA'I BAR DU 'GYUR BA DE DAG GI LTAR NA 'DOD PA'I KHAMS NA NI DRUG GO, ,GZUGS DANG GZUGS MED PA'I KHAMS DAG NA NI GNAS PA LAS MI BSKYOD BA DANG, MI GA-YO BA'I CHOS CAN DANG GNYIS TE, DE GNYIS NA YONGS SU NYAMS PA DANG, 'CHI BAR @32B SEMS PA DANG, DBANG PO 'PHO BA MED PA'I PHYIR RO, ,'DI DAG LAS GANG ZHIG 'BRAS BU 'AM RIGS GANG LAS YONGS SU NYAMS PAR 'GYUR RE ZHE NA, BZHI NI RIGS LAS LNGA 'BRAS LAS, ,NYAMS 'GYUR, 'CHI BAR SEMS PA'I CHOS CAN LA SOGS PA BZHI NI RIGS LAS YONGS SU NYAMS PAR 'GYUR RO, ,YONGS SU NYAMS PA'I CHOS CAN NI RANG GI RIGS LAS YONGS SU NYAMS PAR MI 'GYUR RO, ,YONGS SU NYAMS PA'I CHOS CAN LA SOGS PA LNGA NI 'BRAS BU LAS KYANG YONGS SU NYAMS PAR 'GYUR RO, ,DE DAG KYANG, DANG PO LAS MA YIN, GANG GI RIGS DANG PO GANG YIN PA DE LAS NI DE YONGS SU NYAMS PAR MI 'GYUR TE, SLOB PA DANG MI SLOB PA'I LAM DAG GIS BRTAN POR BYAS PA'I PHYIR RO, ,SLOB PA NI 'JIG RTAN PA DANG 'JIG RTEN LAS 'DAS PA'I LAM DAG GIS BRTAN POR BYAS PA'I PHYIR RO, ,PHYIS SBYANGS PAS THOB PA GANG YIN PA DE LAS NI YONGS SU NYAMS PAR 'GYUR RO, ,GANG GI 'BRAS BU DANG PO GANG YIN PA DE LAS KYANG YONGS SU NYAMS PAR MI 'GYUR RO, ,LHAG MA LAS NI YONGS SU NYAMS PAR 'GYUR RO, ,DE NYID KYI PHYIR RGYUN DU ZHUGS PA'I 'BRAS BU LAS YONGS SU NYAMS PA MED DO, ,DE LTAR BYAS NA YONGS SU NYAMS PA'I CHOS CAN NI RNAM PA GSUM YIN TE, DE'I SO NA GNAS PA BZHIN DU YONGS SU MYA NGAN LAS 'DAS PA DANG, DBANG PO 'PHO BA'AM, YONGS SU NYAMS NAS SLOB PA NYID DU 'GYUR BA'O, ,'CHI BAR SEMS PA'I CHOS CAN NI BZHI STE, GSUM PO DE DAG NYID DANG, YONGS SU NYAMS PA'I CHOS CAN GYI RIGS SU SLAR 'ONG BA'O, ,DE BZHIN DU GSUM LA YANG RE RE BSKYED DE, GO RIMS BZHIN DU RNAM PA LNGA DANG DRUG DANG BDUN YIN PAR RIG PAR BYA'O, ,DE SLOB PAR GYUR NA GANG GI RIGS DANG PO GANG YIN PA DE KHO NA LA GNAS KYI GZHAN DAG LA NI MA YIN NO; ,DE LTA MA YIN NA RIGS KHYAD PAR CAN RNYED PA'I PHYIR DE 'PHEL BA KHO NAR 'GYUR GYI YONGS SU NYAMS PAR NI MI 'GYUR RA, ,CI'I PHYIR 'BRAS BU DANG PO LAS YONGS SU NYAMS PA MED CE NA, MTHONG BAS SPANG PAR BYA BA RNAMS GZHI MED PA'I PHYIR TE, DE DAG NI 'JIG TSOGS LA LTA BA'I @33A *, ,RTZA BA CAN YIN PA'I PHYIR BDAG GI GZHI LA 'JUG PA CAN YIN NA BDAG DE YANG MED DO, ,'O NA MED PA LA DMIGS PAR 'GYUR RO ZHE NA, BDEN PA LA DMIGS PA'I PHYIR MED PA LA DMIGS PA NI MA YIN GYA PHYIN CI LOG TE DMIGS PA DAG NI YIN NO, ,DE LTA MA YIN PA'I NYON MONGS PA GANG ZHIG YIN ZHE NA, KHYAD PAR YOD DE, BDAG TU LTA BA NI BDAG MED PA ZHIN DU GZUGS LA SOGS PA'I DNGOS PO LA BYED PA PO DANG TSOR BA PO DANG DBANG BSGYUR BA NYID DU BDAG YANG DAG PA MA YIN PA SGRO 'DOGS PAR BYED LA, MTHAR 'DZIN PA LA SOGS PA YANG DE'I GZHI LA ZHUGS PA YIN PAS GZHI MED PA DAG CES BYA'O, ,BSGOM PAS SPANG BAR BYA BA 'DOD CHAGS DANG, KHONG KHRO BA DANG, NGA RGYAL DANG, MA RIG PA RNAM PA NI GZUGS LA SOGS PA'I DNGOS PO LA CHAGS PA DANG, KUN NAS MNAR SEMS DANG, KHENGS PA DANG, MI GSAL PA'I NGO BOR ZHUGS PA 'BA' ZHIG TU ZAD PAS GZHI DANG BCAS PA DAG CES BYA STE, GANG LA DE DAG 'JUG PAR 'GYUR BA SDUG PA LA SOGS PA TZAM DE NI YOD GYI, BDAG LA SOGS PA NI BAG KYANG MED DO, ,GZHAN DAG NI 'DI SKAD CES ZER TE, 'DI LTAR BSGOM PAS SPANG BAR BYA BA RNAMS LA NI GZHI YID DU 'ONG BA DANG YID DU MI 'ONG PA'I MTSAN NYID SO SOR NGES PA YOD KYI, MTHONG BAS SPANG BAR BYA BA RNAMS LA NI BDAG LA SOGS PA'I MTSAN NYID MED DE, DE LTA BAS NA GZHI SO SOR NGES PA MED PA DAG CES BYA'O, ,GZHAN YANG 'PHAGS PA DES PAR MI RTOG PA LA DRAN PA NYAMS PAS NYON MONGS PA RNAMS SKYE BAR 'GYUR GYI NGES PAR RTOG PA LA NI MA YIN TE, THAG PA LA SBRUL GYI 'DU SHES BZHIN NO, ,NGES PAR MI RTOG PA LA NI BDAG TU LTA BAL SOGS PA 'BYUNG PAR MI RUNG STE, KUN DU RTOG PAR BYED PA YIN PA'I PHYIR RO, ,DE LTA BAS NA MTHONG BAS SPANG PAR BYA BA SPANGS PAS SA DANG PO LAS YONGS SU NYAMS PA MED DO, ,MDO SDE PA RNAMS NA RE DGRA BCOM PA NYID LAS KYANG YONGS SU NYAMS PA MED DO ZHES ZER TE, DE NYID RIGS PA YIN NO, 'DI JI LTAR KHOD DU CHUD CE NA, LUNG DANG RIGS PA LAS SO, ,LUNG LAS JI LTA BU ZHE NA, DGE SLONG DAG 'PHAGS PA'I SHES RAB KYIS @33B SPANGS PA GANG YIN PA DE NI SPANGS PA YIN NO ZHES GSUNGS PA DANG, SLOB PA LA BAG YOD PA LA BAG YOD PAR BYA'O ZHES DANG SMRA'O GSUNGS KYI DGRA BCOM PA LA NI MA YIN NO, ,KUN DGA' BO DGRA BCOM PA LA YANG RNYED PA DANG BKUR STIS BAR CHAD BYED PA YIN PAR NGA SMRA'O ZHES GSUNGS PA'I MDO DE LAS NI MTHONG BA'I CHOS LA BDE BAR GNAS PA TZAM KHO NA LAS YONGS SU NYAMS PAR 'GYUR BAR GSUNGS PAR ZAD DE, 'DIS SEMS RNAM PAR GROL BA MI GA-YO BA LUS KYIS MNGON SUM DU BYAS PA GANG YIN PA DE LAS NI RNAM GRANGS GANG GIS KYANG YONGS SU NYAMS PAR 'GYUR BAR NGA MI SMRA'O ZHES GSUNGS SO, ,GAL TE DUS DANG SBYOR BA LA YOD DO ZHE NA, KHO BO CAG KYANG DE SKAD CES NI ZER RO, ,CI DE DGRA BCOM PA NYID YIN NAM, 'ON TE BSAM GTAN PA RNAMS YIN ZHES BYA BA DPYAD PAR BYAS TE, BSAM GTAN DNGOS GZHI'I TING NGE 'DZIN NI DUS SU MNGON SUM DU 'GYUR BA'I PHYIR RNAM PAR GROL BA DUS DANG SBYOR BA ZHES KYANG BYA LA MTHONG BA'I CHOS LA BDE BAR GNAS PAR BYA BA'I PHYIR YANG DANG YANG DU BTZAL BAR BYA BA YIN PA'I PHYIR YID DU 'ONG BA ZHES KYANG BYA'O, ,GZHAN DAG NA RE RO MYANG BAR BYA BA YIN PA'I PHYIR RO ZHES ZER RO, ,DGRA BCOM PA NYID KYI RNAM PAR GROL BA NI RTAG TU RJES SU 'BREL BA'I PHYIR DUS DANG SBYOR BA YIN PAR YANG MI RUNG LA, YANG DON DU GNYER BAR BYA BA MA YIN PA'I PHYIR YID DU 'ONG BA YANG MA YIN NO, ,GAL TE YANG DGRA BCOM PA NYID LAS YONGS SU NYAMS PA SRID PA ZHIG TU GYUR NA, CI'I PHYIR BCOM LDAN 'DAS KYIS MTHONG BA'I CHOS LA BDE BAR GNAS PAR LHAG PA'I SEMS LAS BYUNG BA DAG KHO NA LAS YONGS SU NYAMS PAR 'GYUR BAR GSUNGS PAR GYUR TE, DE'I PHYIR DGRA BCOM PA THAMS CAD KYI RNAM PAR GROL BA NI MI GA-YO BA YIN PAR KHONG DU CHUD DO, ,MTHONG BA'I CHOS LA BDE BAR GNAS PA DAG LAS NI LA LA NI RNYED PA DANG BKUR STIS GA-YEN SPYO BA'I NYES PAS DBANG NYAMS PA'I PHYIR YONGS SU NYAMS PAR 'GYUR TE, DBANG BO RTUL PO GANG YIN PA'O, ,LA LA YONGS SU NYAMS PAR MI 'GYUR TE, DBANG PO RNON PO GANG YIN PA'O, ,DE LA GANG ZHIG @34A *, ,YONGS SU NYAMS PAR 'GYUR BA DE NI YONGS SU NYAMS PA'I CHOS CAN YIN LA, GANG ZHIG YONGS SU NYAMS PAR MI 'GYUR BA DE NI YONGS SU NYAMS PAR MI 'GYUR PA'I CHOS CAN YIN TE, DE BZHIN DU 'CHI BAR SEMS PA'I CHOS CAN LA SOGS PA LA YANG SBYAR BAR BYA'O,, YONGS SU MI NYAMS PA'I CHOS CAN DANG, GNAS PA LAS MI BSKYOD PA DANG, MI GA-YO PA'I CHOS CAN RNAMS LA KHYAD PAR CI YOD CE NA, YONGS SU MI NYAMS PA'I CHOS CAN NI SBYANGS PA LAS GYUR PA NI MA YIN LA, MI GA-YO BA'I CHOS CAN NI SBYANGS PA LAS GYUR PA YIN TE, DE GNYIS NI TING NGE 'DZIN GYI KHYAD PAR GANG KHO NA SKYED PAR BYED PA DE LAS YONGS SU NYAMS PAR MI 'GYUR RO, ,GNAS PA LAS MI BSKYOD PA NI YON TAN GANG KHO NA LA GNAS PA DE LAS YONGS SU NYAMS PAR MI 'GYUR BA 'BA' ZHIG TU ZAD KYI, GZHAN YANG SKYED PAR MI BYED PA'AM, SKYED PAR BYED NA YANG DE LAS GA-YO BAR 'GYUR BA YIN PAS 'DI NI KHYAD PAR YIN PAR MNGON NO, ,TSE DANG LDAN PA GNAG TSOGS CAN SLOB PAR GYUR PA HA CANG RO MYANG BA'I PHYIR DANG, DBANG PO RTUL PO YIN PA'I PHYIR SEMS RNAM PAR GROL BA DUS DANG SBYOR PA PA LAS YANG DANG YANG DU YONGS SU NYAMS PA DANG, YI CHAD NAS LUS DANG SROG LA MI LTA PAR MTSON GYIS 'DABS PAR BYED LA, 'CHI PA'I DUS KHO NAR DGRA BCOM PA NYID THOB CING YONGS SU MYA NGAN LAS 'DAS PAR YANG GYUR TE, DE LTA BAS NA DE YANG DGRA BCOM PA NYID LAS YONGS SU NYAMS BA MA YIN NO, ,BCU LAS 'PHROS PA LAS KYANG BSKYED PAR BYA BA'I CHOS NI GCIG STE, SEMS RNAM PAR GROL BA DUS DANG SBYOR BA PA YID DU 'ONG BA YIN NO, ,MNGON SUM DU BYA PA'I CHOS NI GCIG STE, SEMS RNAM PAR GROL THA MI GA-YO BA YIN NO ZHES GSUNGS TE, GAL TE SEMS RNAM PAR GOL BA DUS DANG SBYOR BA PA YID DU 'ONG BA DGRA BCOM PA NYID KHON YIN PAR GYUR NA; CI'I PHYIR BCU TSAN DE KHO NA LAS DGRA BCOM PA NYID LAN GNYIS SU SMOS PAR 'GYUR, DGRA BCOM PA NYID BSKYED PAR BYA BA YIN PAR NI GANG DU YANG MA GSUNGS SO, ,'O NA CI ZHE NA, MNGON SUM DU BYA BA YIN NO, ,DBANG PO RTUL POS BSDUS PA'I DGRA BCOM PA NYID BSKYED PAR @34B BYA BA YIN NO ZHE NA, YANG 'DIS CI ZHIG SHES PAR BYA BA YIN, RE ZHIG GAL TE BSKYED PAR BYA BAR NUS PA YIN NO ZHE NA NI, GZHAN YANG NUS SO, ,'ON TE BSKYED PAR 'OS PA YIN NO ZHE NA NI GZHAN CHES SHIN TU 'OS PA YIN TE, DE LTA BAS NA RNAM PAR GROL BA DUS DANG SBYOR BA PA NI DGRA BCOM PA NYID MA YIN NO, ,'O NA DUS KYIS RNAM PAR GROL BA'I DGRA BCOM PA ZHES JI SKAD CES BYA ZHE NA, GANG ZHIG DBANG PO RTUL PO'I PHYIR TING NGE 'DZIN MNGON SUM DU 'GYUR BA DUS LA LTOS PA YIN NO, ,BZLOG PA NI DUS DANG MI SBYOR BAR RNAM PAR GROL BA YIN NO, ,CHOS MNGON PA LAS KYANG, GNAS GSUM GYIS 'DOD PA'I 'DOD CHAGS KYI PHRA RGYAS SKYE BAR 'GYUR TE, 'DOD PA'I 'DOD CHAGS KYI PHRA RGYAS MA SPANGS SHING YONGS SU MA SHES PA YIN, 'DOD PA'I 'DOD CHAGS KYI KUN NAS DKRIS PAR GYUR PA'I CHOS RNAMS KYANG SNANG BAR GYUR PA YIN, DE LA YANG TSUL BZHIN MA YIN PA YID LA BYED PA YIN ZHES GSUNGS SO, ,GAL TE DE LTA BU NI RGYU YONGS SU TSANG BA LAS SKYES PA YIN NO ZHE NA, RGYU YONGS SU MA TSANG BAR GO GANG ZHIG SKYE ZHE NA, RE ZHIG LUNG LAS NI DE LTA BU YIN NO, ,RIGS PA LAS JI LTA BU ZHE NA, RE ZHIG GAL TE DGRA BCOM PA LA GANG GIS NA NYON MONGS PA RNAMS GTAN TU MI SKYE BA'I CHOS NYID DU GYUR PA DE LTA BU'I GNYEN PO ZHIG SKYES NA NI JI LTAR NA YANG YONGS SU NYAMS PAR 'GYUR, 'ON TE MA SKYES TE DE'I SA BON GYI CHOS NYID GTAN DU RTZA NAS MA BTON NA NI JI LTAR ZAG PA ZAD PA YIN, ZAG PA MA ZAD NA YANG JI LTAR DGRA BCOM PA NYID YIN TE, RIGS PA LAS NI DE LTA BU YIN NO, ,'O NA NI GANG LAS 'DI SKAD DU 'PHAGS PA NYAN ? THOS THOS PA DANG LDAN PA DE LTAR SPYOD PA DE LTAR GNAS PA DE BRGYA LA RES 'GA' ZHIG DRAN PA NYAMS PA LAS SDIG PA MI DGE BA'I RNAM PAR RTOG PA DAG SKYE BAR 'GYUR RO ZHES GSUNGS PA SOL BA'I PHUNG PO LTA BU'I MDO'I LAN GDAB DGOS SO, ,DE NI DE LAS DGRA BCOM PA KHO NA YIN PAR BSTAN TE, YUN RING PO NAS SEMS DBEN PA LA GZHOL BA YIN ZHES BYA BA NAS, MYA NGAN LAS 'DAS PA LA BAB PA YIN ZHES BYA BA'I @35A *, ,BAR DU GSUNGS PA'I PHYIR RO, ,GZHAN LAS DE NI DGRA BCOM PA'I STOBS YIN PAR YANG GSUNGS LA, ZAG PA'I GNAS LTA BU'I CHOS THAMS CAD LAS NI BSIL BAR GYUR CING BSIL BAR GYUR PA ZHES KYANG GSUNGS PA'I PHYIR RO, ,DE SKAD DU 'BYUNG BA YANG YOD MOD KYI JI SRID DU SPYOD PA LEGS PAR MA RTOGS PA DE SRID DU SLOB PA DE LTAR SPYOD PA LA YANG NYON MONGS PA 'BYUNG BA SRID PA YOD PAS SLOB PA'I GNAS SKABS KYI DBANG DU MDZAD NAS DE SKAD DU GSUNGS PA'I PHYIR NYES PA MED DO, ,BYE BRAG TU SMRA BA RNAMS NI DGRA BCOM PA NYID LAS KYANG YONGS SU NYAMS PAR 'GYUR BAR BRJOD DO, ,CI DGRA BCOM PA DE DAG KHO NA RIGS DRUG DANG LDAN NAM, 'ON TE GZHAN DAG KYANG RIGS DRUG DANG LDAN ZHE NA, SLOB DANG 'PHAGS MIN RIGS DRUG LDAN, ,SLOB PA DANG SO SO'I SKYE BO RNAMS KYANG DE BZHIN DU RIGS DRUG DANG LDAN TE, DAG BCOM PA'I RIGS RNAMS NI DE DAG SNGON DU 'GRO BA YIN NO, ,GZHAN YANG, MTHONG BA LA NI 'PHO BA MED, ,MTHONG BA'I LAM LAS GZHAN PA LA DBANG PO 'PHO BA YOD KYI SBYOR BA MI SRID PA'I PHYIR MTHONG BA'I LAM LA NI MA YIN NO, ,LA LA NI SO SO'I SKYE BO'I GNAS SKABS NA DBANG PO RNAMS 'PHO'O, ,LA LA NI DAD PAS MOS PA'I GNAS SKABS NA'O, ,MDO LAS 'DI SKAD DU, 'DIS MTHONG PA'I CHOS LA BDE BAR GNAS PA LHAG PA'I SEMS LAS BYUNG BA BZHI THOB PA GANG DAG YIN PA DE LAS GANG YANG RUNG BA ZHIG LAS 'DI YONGS SU NYAMS PAR 'GYUR BAR NING SMRA'I, 'DI GCIG PUS SEMS KYI RNAM PAR GROL BA MI GA-YO BA'I BAR DU LUS KYIS MNGON SUM DU BYAS PA GANG YIN PA DE LAS NI 'DI'I RNAM GRANGS GANG GIS KYANG YONGS SU NYAMS PAR 'GYUR BAR NA MI SMRA'O ZHES GANG GSUNGS PA YANG JI LTAR NA MA GA-YO BA'I CHOS CAN MTHONG BA'I CHOS LA BDE BAR GNAS PA DAG LAS YONGS SU NYAMS PAR 'GYUR ZHE NA, THOB DANG MA THOB NYER SPYAD LAS, ,YONGS NYAMS RNAM PA GSUM SHES BYA, ,GAL TE YON TAN THOB PA LAS YONGS SU NYAMS NA THOB BA LAS YONGS SU NYAMS PA YIN NO, ,GAL TE YON TAN THOB PAR BYA BA MA THOB NA MA THOB PA LAS YONGS SU @35B NYAMS PA YIN NO, ,GAL TE YON TAN THOB PA MNGON SUM DU MI BYED NA NYE BAR SPYOD PA LAS YONGS SU NYAMS PA YIN NO, ,YONGS SU NYAMS PA 'DI RNAMS LA, ,STON PA THA MA MI GA-YO LA, ,BAR MA 'ANG GZHAN LA RNAM GSUM MO, ,SANGS RGYAS LA NI NYE BAR SPYAD PA LAS YONGS SU NYAMS PA KHO NA MNGA'I GZHAN NI MI MNGA'O, ,MI GA-YO BA'I CHOS CAN LA NI DE DANG MA THOB PA LAS YONGS SU NYAMS PA YANG YOD DE, GANG ZAG KHYAD PAR CAN GYI CHOS MA THOB PA'I PHYIR RO, ,DGRA BCOM PA GZHAN LA NI THOB PA LAS YONGS SU NYAMS PA YANG YOD DO, ,DE'I PHYIR MI GA-YO BA'I CHOS CAN NYE BAR SBYAD PA LAS YONGS SU NYAMS PAR 'GYUR BA'I PHYIR MDO DANG MI 'GAL LO, ,YONGS SU MI NYAMS PAR SMRA BA NA RE THAMS CAD KYI RNAM PAR GROL BA ZAG PA MED PA NI MI GA-YO BA YIN LA, MI GA-YO BA'I CHOS CAN DU JI LTAR RNAM PAR GZHAG PA NI DE BZHIN DU BSHAD ZIN PA DE'I PHYIR 'DI NI KLA NA KAR MI RUNG NGO ZHES ZER RO, ,YANG GANG ZHIG DGRA BCOM PA'I 'BRAS BU LAS YONGS SU NYAMS NA CI DE YANG SKYE'AM ZHE NA, DE LTA BU NI MED DE, 'DI LTAR, 'BRAS LAS NYAMS PA 'CHI BA MED, ,'BRAS BU LAS YONGS SU NYAMS PA NI 'GA' YANG 'CHI BA MED DE, MDO LAS, DGE SLONG DAG 'PHAGS PA NYAN THOS THOS PA DANG LDAN PA LA DRAN PA NYAMS PA CHUNG DU 'BYUNG MOD KYI 'ON KYANG YAB MYUR BA KHO NAR NUB PA DANG YONGS SU ZAD PA DANG YONGS SU GTUGS PAR 'GYUR RO ZHES 'BYUNG BA'I PHYIR RO, ,DE LTA MA YIN NA TSANGS PAR SPYOD PA YID BRTAN DU MI RUNG BAR 'GYUR RO, ,'BRAS BU GANG ZHIG LAS YONGS SU NYAMS PA NI 'BRAS BU DE LA GNAS PAS BYA BA MA YIN PA GANG YIN PA'I, BYA BA MA YIN DE MI BYED, ,YONGS SU NYAMS KYANG 'BRAS BU DE DANG 'GAL BA'I BYA BA MI BYED DE, RTZAL PO CHE BRED PA RDEG MI 'CHA' BA BZHIN NO, ,YANG DBANG PO RNAMS 'PHO BA LA BAR CHAD MED PA DANG RNAM PAR GROL BA'I LAM DU DGE CIG SKYE ZHE NA, MI GA-YO RNAM GROL BAR CHAD MED, ,LAM DGU'O, ,RTOGS PA'I SKAL BCAN ZHIG MI GA-YO BA'I RIGS CAN RTOGS PAR BYED NA BAR CHAD MED PA'I LAM DGU DANG, RNAM PAR GROL BA'I LAM DGU SKYE STE, DPER NA DGRA BCOM PA NYID THOB PA BZHIN NO, ,CI'I PHYIR ZHE NA @36A *, ,DBANG PO RTUL PO'I RIGS DE SHIN TU BRTEN PHYIR RO, ,DES DBANG PO RTUL PO'I RIGS DE SHIN TU GOMS PAR BYAS PA YIN PAS 'BAD PA CHUNG NGUS BZLOG PAR MI NUS TE, SLOB PA DANG MI SLOB PA'I LAM DAG GIS BRTAN POR BYAS PA'I PHYIR RO, ,MTHONG BAS THOB LA RE RE'O, ,MTHONG BAS THOB PA RTOGS PAR BYED NA BAR CHAD MED PA'I LAM GCIG KHO NA DANG RNAM PAR GROL BA'I LAM GCIG KHO NA SKYE'O, ,SBYOR BA'I LAM NI THAMS CAD DU GCIG KHO NA YIN NO, ,BAR CHAD MED PA DANG RNAM PAR GROL BA'I LAM DE DAG THAMS CAD NI, ZAG MED, 'PHAGS PA RNAMS KYI DBANG PO NI ZAG PA DANG BCAS PA'I LAM GYIS 'PHO BA MED DO, ,DBANG PO RNAMS GANG DU 'PHO ZHE NA, MI YI NANG DU 'PHO, ,MI RNAMS KYI NANG KHO NAR DBANG PO 'PHO'I GZHAN DU NI MA YIN TE, YONGS SU NYAMS PA MI SRID PA'I PHYIR RO, ,GANG ZHIG SA GANG LA BRTEN NAS DBANG PO RNAMS 'PHO BAR BYED CE NA, MI SLOB PA DGU LA BRTEN TE, MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI DANG, GZUGS MED PA GSUM PA LA'O, ,SLOB PA DRUG LA, GZUGS MED PA RNAMS MA GTOGS SO, ,CI'I PHYIR ZHE NA, GANG GI PHYIR; 'PHEL BA 'BRAS BU KHYAD PAR CAN, ,BTANG STE 'BRAS BU THOB PAR 'GYUR, ,DBANG PO RNAMS 'PHO BA NA DBANG PO RTUL PO'I LAM GYI 'BRAS BU DANG 'BRAS BU KHYAD PAR CAN BTANG STE DBANG PO RNON PO'I RIGS KYI LAM GYI 'BRAS BU KHO NA 'THOB PAR 'GYUR NA, PHYIR MI 'ONG BA'I 'BRAS BU GZUGS MED PAS BSDUS PA NI MED DO ZHES BYA BA 'DI NI GTAN TSIGS YIN NO, ,DGRA BCOM PA 'DI DAG THAMS CAD NI DBANG PO'I BYE BRAG LAS DGU KHO NA YIN TE, JI LTAR BYAS PAS SHE NA, SANGS RGYAS GNYIS DANG NYAN THOS BDUN, ,DE DGU DBANG PO RNAM DGU CAN, NYAN THOS BDUN GANG ZHE NA, ,YONGS SU NYAMS PA'I CHOS CAN LA SOGS PA LDA DANG, MI GA-YO BA'I CHOS CAN RNAM PA GNYIS TE, SBYANGS PA LAS GYUR PA DANG, DANG PO NAS DE'I RIGS CAN NO, ,SANGS RGYAS GNYIS NI MI GA-YO BA'I BYE BRAG KHO NA YIN TE, RANG SANGS RGYAS DANG, SANGS RGYAS SO, ,DE @36B LTAR NA DE DAG NI CHUNG NGU'I CHUNG NGU LA SOGS PA DBANG PO RNAM PA DGU'I BYE BRAG GIS GANG ZAG DGU YIN NO, ,'PHAGS PA'I GANG ZAG RNAMS NI THAMS CAD DU BDUN YIN TE, DAD PAS RJES SU 'BRANG BA DANG, CHOS KYIS RJES SU 'BRANG BA DANG, DAD PAS MOS PA DANG, MTHONG BAS THOB PA DANG, LUS KYIS MNGON SUM DU BYED PA DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA'O, ,GANG ZAG BDUN PO DE DAG KYANG SBYOR BA DANG, DBANG PO SNYOMS 'JUG RNAM GROL DANG, ,GNYI GAS BYAS PA'O, ,SBYOR BA LAS NI DAD PAS RJES SU 'BRANG BA DANG, CHOS KYIS RJES SU 'BRANG BA DAG STE, DANG PO NYID NAS GZHAN GYI DRING 'JOG PA DANG, CHOS KYIS RJES SU 'BRANG BA DAG GIS DON RNAMS LA SBYOR BA'I PHYIR RO, ,DBANG PO LAS NI DAD PAS MOS PA DANG, MTHONG BAS THOB PA DAG STE, DAD PAS MOS PA DANG SHES RAB LHAG PA'I SGO NAS DBANG PO RTUL PO DANG RNON PO YIN PA'I PHYIR RO, ,SNYOMS PAR 'JUG PA LAS NI LUS KYIS MNGON SUM DU BYED PA STE, 'GOG PA'I SNYOMS PAR 'JUG PA MNGON SUM DU BYED PA'I PHYIR RO, ,RNAM PAR GROL BA LAS NI SHES RAB KYIS RNAM PAR GROL BA'O, ,SNYOMS PAR 'JUG PA DANG RNAM PAR GROL BA LAS NI GNYI GA'I CHA LAS RNAM PAR GROL BA'O, ,MING GI SGO NAS NI GANG ZAG DE BDUN YIN NO, ,DE DAG DRUG ,RDZAS SU NI DE DAG DRUG YIN TE, 'DI LTAR LAM GSUM LA GNYIS GNYIS, MTHONG BA'I LAM LA GANG ZAG GNYIS TE, DAD PAS RJES SU 'BRANG BA DANG, CHOS KYIS RJES SU 'BRANG BA DAG GO , ,DE DAG NYID BSGOM PA'I LAM LA GNYIS TE, DAD PAS MOS PA DANG, MTHONG BAS THOB PA DAG GO , ,DE GNYIS KYANG MI SLOB BA'I LAM LA GNYIS YIN TE, DUS KYIS RNAM PAR GROL BA DANG, ,DUS DANG MI SBYOR BAR RNAM PAR GROL PA DAG GO , ,DE LA DAD PAS RJES 'BRANG BA DBANG PO'I SGO NAS NI GSUM MO, ,RIGS KYI SGO NAS NI LNGA'O, ,LAM GYI SGO NAS BCO LDA STE, BZOD PA BRGYAD DANG SHES PA BDUN LA GNAS PA'O, ,'DOD CHAGS DANG BRAL BA'I SGO NAS NI BDUN CU RTZA GSUM STE, 'CHING BA @37A *, ,MTHA' DAG DANG LDAN PA DANG 'DOD PA LAS 'DOD CHAGS DANG BRAL BA'I PHYIR DGU NAS DE BZHIN DU CI YANG MED PA'I SKYE MCHED LAS 'DOD CHAGS DANG BRAL BA'I PHYIR GYI BAR DU'O, ,RTEN GYI SGO NAS NI DGU STE, GLING GSUM DANG LHA'I RIS DRUG TU SKYES PA'O, ,DBANG PO DANG RIGS DANG LAM DANG 'DOD CHAGS DANG BRAL BA DANG RTEN GYI SGO NAS BSDOMS NA NI, 'BUM BZHI KHRI BDUN STONG BRGYAD BRGYA NYI SHU RTZA LNGAR 'GYUR TE, GANG ZAG GZHAN DAG KYANG CI RIGS PAR DE BZHIN DU BRTZI BAR BYA'O, ,GNYI GA'I CHA LAS RNAM PAR GROL PA ZHES BYA BA 'DI NI GANG, SHES RAB KYIS RNAM PAR GROL BA NI GANG ZHE NA, 'GOG THOB GNYI GA LAS RNAM GROL, ,SHES RAB KYIS NI CIG SHOS SO, ,GANG 'GOG PA'I SNYOMS PAR 'JUG PA THOB PA DE NI GNYI GA'I CHA LAS RNAM PAR GROL BA YIN TE, SHES RAB DANG TING NGE 'DZIN GYI STOBS DAG GIS NYON MONGS PA DANG, SNYOMS PAR 'JUG PA'I SGRIB PA LAS RNAM PAR GROL BA'I PHYIR RO, ,CIG SHOS NI SHES RAB KYIS RNAM PAR GROL BA YIN TE, SHES RAB KYI STOBS KYIS NYON MONGS PA'I SGRIB PA 'BA' ZHIG LAS RNAM PAR GROL BA'I PHYIR RO, ,BCOM LDAN 'DAS KYIS, 'DI LA GANG ZHIG NYON MONGS LNGA SPANGS TE, ,MI 'PHROGS CHOS LDAN SLOB PA YONGS SU RDZOGS, ,ZHES GANG GSUNGS PA, JI TZAM GYIS NA SLOB PA YONGS SU RDZOGS PA YIN ZHE NA, SNYOMS 'JUG DBANG PO 'BRAS RNAMS KYIS, ,SLOB PA YONGS RDZOGS ZHES BYA'O, ,SLOB PA YONGS SU RDZOGS PA NI RNAM PA GSUM STE, 'BRAS BU DANG, DBANG PO DANG, SNYOMS PAR 'JUG PA LAS SO, ,PHYIR MI 'ONG BA DAD PAS MOS PA LUS KYIS MNGON SUM DU BYED PA MA YIN PA NI 'BRAS BU KHO NA LAS SO, ,MTHONG BAS THOB PA 'DOD CHAGS DANG MA BRAL BA NI DBANG PO KHO NA LAS SO, ,PHYIR MI 'ONG BA MTHONG BAS THOB PA LUS KYIS MNGON SUM DU BYED PA MA YIN PA NI 'BRAS BU DANG DBANG PO LAS SO, ,DAD PAS MOS PA LUS KYIS MNGON SUM DU BYED PA NI 'BRAS BU DANG SNYOMS PAR 'JUG PA KHO NA LAS SO, ,MTHONG BAS THOB PA LUS KYIS MNGON SUM DU BYED PA NI 'BRAS BU DANG, DBANG PO DANG, SNYOMS PAR 'JUG PA @37B LAS SO, ,SNYOMS PAR 'JUG PA KHO NA DANG, SNYOMS PAR 'JUG PA DANG, DBANG PO LAS YONGS SU RDZOGS PA NYID NI MED DO, ,GNYIS KYIS MI SLOB YONGS SU RDZOGS, ,DBANG PO DANG SNYOMS PAR 'JUG PA LAS SO, ,'BRAS BU YONGS SU MA RDZOGS PA LA NI MI SLOB PA NYID KYANG MED PA KHO NA YIN PAS 'DI'I 'BRAS BU RDZOGS PA NI YONGS SU RDZOGS PA NYID DU RNAM PAR MA BZHAG GO , ,SHES RAB KYIS RNAM PAR GROL BDUS DANG MI SBYOR BAR RNAM PAR GROL BA NI DBANG PO KHO NA LAS SO, ,GNYI GA'I CHA LAS RNAM PAR GROL BA DUS KYIS RNAM PAR GROL BA NI SNYOMS PAR 'JUG PA KHO NA LAS SO, ,GNYI GA'I CHA LAS RNAM PAR GROL BA DUS DANG MI SBYOR BAR RNAM PAR GROL BA NI DBANG PO DANG SNYOMS PAR 'JUG PA DAG LAS SO, ,'JIG RTEN PA DANG 'JIG RTEN LAS 'DAS PA DANG, MTHONG BA DANG BSGOM PA DANG MI SLOB PA'I LAM RNAM DANG, SBYOR BA DANG, BAR CHAD MED PA DANG RNAM PAR GROL BA'I LAM DANG KHYAD PA CAN GYI LAM RNAMS ZHES BYA BA LAM GYI BYE BRAG MANG PO ZHIG BSHAD PA DE DAG MDOR BSDUN LAM RNAM PA DU ZHIG YIN ZHE NA, MDOR NA LAM NI RNAM PA BZHI STE, KHYAD PAR CAN DANG RNAM GROL DANG, ,BAR CHAD MED DANG SBYOR ZHES BYA, ,SBYOR BA'I LAM NI GANG GI 'JUG THOGS SU BAR CHAD MED PA'I LAM SKYE BA'O, ,BAR CHAD MED PA'I LAM NI GANG GIS SGRIB PA RAB TU SPONG BA'O, ,RNAM PAR GROL BA'I LAM NI DES SPANG BAR BYA BA'I SGRIB PA LAS NGES PAR GROL BA DANG PO NYID DU SKYE BA GANG YIN PA'O, ,KHYAD PAR CAN GYI LAM NI DE DAG LAS GZHAN PA'I LAM GANG YIN PA'O, ,CI'I PHYIR LAM ZHES BYA ZHE NA, DE NAS DER 'GRO BA'I PHYIR RAM, 'DIS MYA NGAN LAS 'DAS PA TSOL BA'I PHYIR 'DI NI MYA NGAN LAS 'DAS PA'I LAM YIN NO, ,RNAM PAR GROL BA DANG KHYAD PAR CAN GYI LAM DAG JI LTAR NA LAM NYID YIN ZHE NA, DE DANG 'DRA BA DANG, CHES CHE BA YIN PA'I PHYIR TE, GONG NAS GONG DU PHYIN PAR BYED PA'I PHYIR RAM, PHUNG PO'I LHAG MA MA LUS PAR 'JUG PA'I PHYIR RO, ,YANG LAM NYID MYA NGAN LAS 'DAS PA SGRUB PAR BYED PA'I PHYIR SGRUB PA ZHES GSUNGS SO, ,LAM NI BZHI STE, MNGON PAR SHES PA BUL LA DKA' BA'I @38A *, ,LAM YANG YOD, MNGON PAR SHES PA MYUR LA DKA' BA'I LAM YANG YOD DE, DE BZHIN DU SLA BA YANG RNAM PA GNYIS SO, ,DE LA, BSAM GTAN DAG GI LAM RNAMS SLA, ,BSAM GTAN BZHI'I LAM NI SLA BA YIN TE, YAN LAG GIS YONGS SU ZIN PA DANG, ZHI GNAS DANG LHAG MTHONG MNYAM PA DAG GIS 'BAD MI DGOS PAR RANG GI DAD GIS 'BYUNG BA'I PHYIR RO, ,SA GZHAN DAG GI DKA' BA YIN, ,MI LCOGS PA MED PA DANG, BSAM GTAN KHYAD PAR CAN DANG, GZUGS MED PA RNAMS KYI LAM NI, YAN LAG GIS YONGS SU MA ZIN PA'I PHYIR DANG, ZHI GNAS DANG LHAG MTHONG CHUNG BA'I PHYIR LAM DKA' BA YIN TE, MI LCOGS PA MED PA DANG BSAM GTAN KHYAD PAR CAN NA NI ZHI GNAS CHUNG NGO, ,GZUGS MED PA DAG NA NI LHAG MTHONG CHUNG NGO, ,LAM DE YANG RNAM PA GNYIS TE, BLO RTUL MNGON SHES BUL BA STE, ,CIG SHOS KYI NI MNGON SHES MYUR, ,DBANG PO RTUL PO NI LAM SLA BA'AM DKA' BA YANG RUNG STE, MNGON PAR SHES PA BUL BA YIN NO, ,DBANG PO RNON PO NI MNGON PAR SHES PA MYUR BA YIN NO, ,LAM NYID LA MNGON PAR SHES PA BUL PA YOD PAS NA 'DI NI MNGON PAR SHES PA BUL BA STE, MNGON PAR SHES PA MYUR BA YANG DE DANG 'DRA'O, ,YANG NA 'DI GANG ZAG DBANG PO RTUL PO'I YIN PAS MNGON PAR SHES PA BUL BA YIN LA, YID RNON PO'I YIN PAS MNGON PAR SHES PA MYUR BA'O, ,LAM 'DI NI BYANG CHUB KYI PHYOGS DANG MTHUN PA ZHES BYA BA'I MING 'THOB STE, BYANG CHUB KYI PHYOGS DANG MTHUN PA SUM CU RTZA BDUN NI DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD DO, ,DE BZAD DANG MI SKYE SHES PA NI, ,BYANG CHUB ZAD PA DANG MI SKYE BA SHES PA NA GANG ZAG GI BYE BRAG GIS NYAN THOS KYI BYANG CHUB DANG, RANG SANGS RGYAS KYI BYANG CHUB DANG, BLA NA MED PA YANG DAG PAR RDZOGS PA'I BYANG CHUB DANG, BYANG CHUB GSUM ZHES BYA STE, DE GNYIS KYIS MA RIG PA MA LUS PAR SPANGS PA'I PHYIR DANG, RANG GI DON BYAS PA DANG, YANG @38B BYAR MED PA NYID YANG DAG PA JI LTA BA BZHIN DU RTOGS PA'I PHYIR RO, ,DE DANG MTHUN NYID PHYIR, SUM CU RTZA BDUN DE'I PHYOGS MTHUN, ,BYANG CHUB DANG MTHUN PA'I PHYIR RO, ,MING GI SGO NAS, BYANG CHUB KYI PHYOGS DANG MTHUN PA SUM CU RTZA BDUN ZHES BYA'O, ,RDZAS SU BCU, BYANG CHUB KYI PHYOGS DANG MTHUN PA THAMS CAD NI RDZAS SU BCU STE, BCU GANG ZHE NA, DAD DANG BRTZON 'GRUS DRAN PA DANG, ,SHES RAB TING 'DZIN BTANG SNYOMS DGA', ,RTOG DANG TSUL KHRIMS SHIN TU SBYANGS, ,DE LTAR BYAS NA DE DAG NI RDZAS SU BCU'O, ,JI LTAR BYAS PAS SHE NA, DRAN PA NYER GZHAG SHES RAB STE; ,BRTZON 'GRUS YANG DAG 'JOG CES BYA, ,RDZU 'PHRUL RKANG PA TING 'DZIN TO, ,DRAN PA NYE BAR GZHAG PA DANG YANG DAG PAR RAB TU 'JOG PA DANG, RDZU 'PHRUL GYI RKANG PA RNAMS NI SHES RAB DANG, BRTZON 'GRUS DANG, TING NGE 'DZIN GYI RANG BZHIN DAG YIN NO, ,DE'I PHYIR RE ZHIG DBANG PO DANG STOBS RNAMS NI MING GIS SMOS PA DAD PA DANG BRTZON 'GRUS DANG DRAN PA DANG TING NGE 'DZIN DANG SHES RAB KYI RDZAS LNGA YIN TE, DRAN PA NYE BAR GZHAG PA RNAMS DANG, CHOS RNAM PAR 'BYED PA YANG DAG BYANG CHUB KYI YAN LAG DANG, YANG DAG PA'I LTA BA NI SHES RAB KHO NA YIN NO, ,YANG DAG PAR RAB TU 'JOG PA RNAMS DANG, BRTZON 'GRUS YANG DAG BYANG CHUB KYI YAN LAG DANG, YANG DAG PA'I RTZOL BA NI BRTZON 'GRUS KHO NA YIN NO, ,RDZU 'PHRUL GYI RKANG PA RNAMS DANG, TING NGE 'DZIN YANG DAG BYANG CHUB KYI YAN LAG DANG, YANG DAG PA'I TING NGE 'DZIN NI TING NGE 'DZIN KHO NA YIN NO, ,DRAN PA YANG DAG BYANG CHUB KYI YAN LAG DANG, YANG DAG PA'I DRAN PA NI DRAN PA KHO NA YIN NO, ,CI ZHIG LUS SHE NA, DGA' BA DANG, SHIN TU SBYANGS PA DANG, BTANG SNYOMS YANG DAG BYANG CHUB KYI YAN LAG DANG, YANG DAG PA'I RTOG PA DANG, TSUL KHRIMS KYI YAN LAG RNAMS DANG RDZAS DE LNGA STE, DE LTAR NA BYANG CHUB KYI PHYOGS DANG MTHUN PA DE DAG NI RDZAS BCU YIN NO, ,BYE BRAG TU SMRA BA RNAMS KYI LTAR NA LUS DANG NGAG GI LAS DAG THA DAD CING RIGS MI MTHUN PA'I PHYIR TSUL KHRIMS KYI YAN LAG RNAMS RDZAS GNYIS YIN PAS RDZAS BCU GCIG YIN NO, ,'DI SKAD DU DRAN PA NYE BAR GZHAG PA @39A *, ,LA SOGS PA NI SHES RAB DANG BRTZON 'GRUS DANG, TING 'DZIN GYI RANG BZHIN DAG YIN NO ZHES BSHAD PA GANG YIN PA DER NI, GTZO BO SMOS PA YIN PAR RIG PAR BYA'O, ,DE DAG NI, SBYOR BYUNG YON TAN KUN KYANG YIN, ,GTZO BO SMOS PAS DE SKAD BSHAD KYI, DRAN PA NYE BAR GZHAG PA DANG, YANG DAG PAR RAB TU 'JOG PA DANG, RDZU 'PHRUL GYI RKANG PA RNAMS NI SBYOR BA LAS BYUNG BA'I YON TAN THAMS CAD KYANG YIN NO, ,CI'I PHYIR BRTZON 'GRUS LA YANG DAG PAR RAB TU 'JOG PA ZHES BSHAD CE NA, DES LUS DANG NGAG DANG YID YANG DAG PAR 'JOG PAS SO, ,CI'I PHYIR TING NGE 'DZIN LA RDZU 'PHRUL GYI RKANG PA ZHES BSHAD CE NA, DE NI YON TAN THAMS CAD SBYOR BA'I RTEN YIN PA'I PHYIR RO, ,GANG DAG RDZU 'PHRUL NI TING NGE 'DZIN KHO NA YIN LA, 'DUN PA LA SOGS PA NI RKANG PA YIN NO ZHES ZER BA DE DAG GI LTAR NA NI 'DUN PA DANG SEMS DAG LHAG PA'I PHYIR BYANG CHUB KYI PHYOGS DANG MTHUN PA RDZAS BCU GSUM DU 'GYUR LA, DGE SLONG DAG RDZU 'PHRUL YANG BSHAD LA RDZU 'PHRUL GYI RKANG PA RNAMS KYANG BSHAD DO ZHES BYA BA NAS, RDZU 'PHRUL GANG ZHE NA, 'DI NA DGE SLONG RDZU 'PHRUL GYI YUL RNAM PA DU MA NYAMS SU MYONG PAR BYED CING, GCIG TU GYUR NAS MANG POR 'GYUR ZHES BYA BA'I BAR RGYAS PAR GSUNGS PA'I MDO DANG YANG 'GAL LO, ,CI'I PHYIR DBANG PO RNAMS KHO NA YANG STOBS RNAMS SU BSHAD CE NA, CHUNG NGU DANG CHEN PO'I BYE BRAG GIS RDZI BA DANG RDZI BA MED PA'I PHYIR RO, ,DBANG PO RNAMS KYI GO RIMS CIS BYAS SHE NA, DAD PAR GYUR PA NI 'BRAS BU'I DON DU BRTZON 'GRUS RTZOM PAR BYED DO, ,BRTZON 'GRUS BRTZAMS NA DRAN PA NYE BAR GNAS PAR 'GYUR RO, ,DRAN PA NYE BAR GNAS NA RNAM PAR MI GA-YENG BA'I PHYIR SEMS MNYAM PAR 'JOG GO, ,SEMS MNYAM PAR GZHAG NA YANG DAG PA JI LTA BA BZHIN RAB TU SHES PAR 'GYUR RO, ,GNAS SKABS GANG DU BYANG CHUB KYI PHYOGS DANG MTHUN PA GANG ZHIG RAB TU 'BYED CE NA BYE BRAG TU SMRA BA RNAMS NA RE, SDE TSAN BDUN NI GO RIGS BZHIN, ,LAS NI DANG PO PA DAG DANG, ,NGES 'BYED CHA MTHUN RNAMS DANG NI, ,BSGOM DANG MTHONG LA RAB TU PHYE, ,LAS @39B DANG PO BA'I GNAS SKABS SU NI LUS LA SOGS PA LA NYE BAR BRTAG PA'I PHYIR DRAN PA NYE BAR GZHAG PA RNAMS SO, ,KHYAD PAR THOB PAS BRTZON 'GRUS YANG DAG PAR SPEL BA'I PHYIR DRO BAR GYUR PA DAG LA NI YANG DAG PAR RAB TU 'JOG PA RNAMS SO, ,YONGS SU NYAMS PAR MI 'GYUR BA'I DGE BA'I RTZA BA LA 'JUG PA'I PHYIR RTZE MO DAG NI RDZU 'PHRUL GYI RKANG PA RNAMS SO, ,YANG YONGS SU NYAMS PAR MI 'GYUR BA'I SGO NAS DBANG PO THOB PA'I PHYIR BZOD PA DAG LA NI DBANG PO RNAMS SO, ,NYON MONGS PA RNAMS KYIS MI BRDZI BA'I PHYIR RAM, 'JIG RTEN PA'I CHOS CAN GZHAN DAG GIS MI BRDZI BA'I PHYIR CHOS KYI MCHOG DAG LA NI STOBS RNAMS SO, ,BYANG CHUB DANG NYE BA'I PHYIR BSGOM PA'I LAM DAG LA NI BYANG CHUB KYI YAN LAG RNAMS SO, ,'GRO BAS RAB TU PHYE BA'I PHYIR MTHONG BA'I LAM LA NI LAM GYI YAN LAG RNAMS TE, DE NI MYUR BAR 'GRO BA YIN PA'I PHYIR RO, ,GRANGS KYI RIM PA BZHIN DU BYA BA'I PHYIR SNGAR BDUN BSHAD LA PHYIS BRGYAD BSHAD DO, ,DE LA CHOS RNAM PAR 'BYED PA YANG DAG BYANG CHUB KYI YAN LAG NI BYANG CHUB KYANG YIN LA BYANG CHUB KYI YAN LAG KYANG YIN NO, ,YANG DAG PA'I LTA BA NI LAM YANG YIN LA LAM GYI YAN LAG KYANG YIN NO ZHES ZER RO, ,GZHAN DAG NI GO RIMS MA NYAMS PA KHO NAR BYANG CHUB KYI PHYOGS DANG MTHUN PA RNAMS GO RIMS BZHIN DU BRJOD DO, ,RE ZHIG DANG PO KHO NAR YUL RNAM PA MANG PO LA GA-YENG ? PAR 'PHRO BA'I BLO RNAMS TSAR BCAD PA'I PHYIR DRAN PA NYE BAR GZHAG PA RNAMS SO, ,DRAN PA NYE BAR GZHAG PA BZHI PO 'DI DAG NI DE'I SEMS KYI NYE BAR 'DOGS PA YIN TE, MDO LAS 'DI LTA STE, ZHEN PA LA BRTEN PA'I DRAN PA'I KUN DU RTOG PA RNAMS BSAL BAR BYA BA'I PHYIR ZHES 'BYUNG BA'I PHYIR RO, ,DE'I STOBS KYIS BRTZON 'GRUS YANG DAG PAR 'PHEL BAS DGOS PA RNAM PA BZHI BSGRUB PA'I PHYIR SEMS YANG DAG PAR RAB TU 'JOG PAS NA YANG DAG PAR RAB TU 'JOG PA RNAMS SO, ,DE'I 'OG TU TING NGE 'DZIN RNAM PAR SBYONG BA'I PHYIR RDZU 'PHRUL GYI RKANG PA RNAMS SO, ,TING NGE 'DZIN LA YANG DAG PAR BRTEN NAS 'JIG RTEN LAS 'DAS PA'I CHOS RNAMS KYI BDAG @40A *, ,POR 'GYUR BA'I PHYIR DAD PA LA SOGS PA NI DBANG PO RNAMS SO, ,DE DAG NYID MI MTHUN PA'I PHYOGS KUN TU SPYOD PA LAS NGES PAR RGYAL BA NI STOBS RNAMS SO, ,MTHONG BA'I LAM LA NI BYANG CHUB KYI YAN LAG RNAMS TE, DANG PO NYID DU CHOS KYI DE KHO NA RTOGS PA'I PHYIR RO, ,GNYI GA LA NI LAM GYI YAN LAG RNAMS TE, 'DI LTAR 'PHAGS PA'I LAM YAN LAG BRGYAD PA BSGOM PA YONGS SU RDZOGS PAR GYUR NA, DRAN PA NYE BAR GZHAG PA BZHI BSGOM PA YONGS SU RDZOGS PAR 'GYUR BA RNAMS BYANG CHUB KYI YAN LAG BDUN GYI BAR DU BSGOM PA YONGS SU RDZOGS PAR 'GYUR RO ZHES GSUNGS SO, ,YANG DGE SLONG YANG DAG PA JI LTA BA BZHIN GYI TSIG BRJOD PA ZHES BYA BA 'DI NI 'PHAGS PA'I BDEN PA BZHI'I TSIG BLA DGAS YIN NO, ,DGE SLONG JI LTAR RTOGS PA'I LAM GYIS 'JUG CES BYA BA 'DI NI 'PHAGS PA'I LAM YAN LAG BRGYAD KYI TSIG BLA DGAS YIN NO ZHES GSUNGS SO, ,DE LTA BAS NA GNYI GA LA 'PHAGS PA'I LAM YAN LAG BRGYAD 'DOD PAR BYA DGOS PAS GO RIMS GRUB PA YIN NO, ,BYANG CHUB KYI PHYOGS DANG MTHUN PA DU ZHIG NI ZAG PA DANG BCAS PA DAG YIN, DU ZHIG NI ZAG PA MED PA DAG YIN ZHES BYA BA 'DI BRJOD PAR BYA STE, BYANG CHUB YAN LAG LAM YAN LAG ,ZAG PA MED, DE GNYIS NI BSGOM PA'I LAM DANG MTHONG BA'I LAM LA RNAM PAR GZHAG PA YIN PA'I PHYIR RO, ,'JIG RTEN PA'I YANG DAG PA'I LTA BA LA SOGS PA YANG YOD MOD KYI, DE DAG NI 'PHAGS PA'I LAM ZHES BYA BA'I SGRA MI 'THOB BO, ,GZHAN RNAM GNYIS SO, ,BYANG CHUB KYI PHYOGS DANG MTHUN PA GZHAN DAG NI ZAG PA DANG BCAS PA DANG ZAG PA MED PA YANG YIN NO, ,SA GANG NA BYANG CHUB KYI PHYOGS DANG MTHUN PA DU ZHIG YOD CE NA BSAM GTAN DANG PO NA THAMS CAD, BSAM GTAN DANG PO NA SUM CU RTZA BDUN PO THAMS CAD YOD DO, ,MI LCOGS MED NA DGA' MA GTOGS, ,CI'I PHYIR MI LCOGS PA MED PA NA DGA' BA MED CE NA, NYER BSDOGS RNAMS NI STOBS KYIS DRANG DGOS PA'I PHYIR DANG, SA 'OG MA'I DOGS PA DANG BCAS PA'I PHYIR RO, ,GNYIS PA NA NI RTOG MA GTOGS, ,BSAM GTAN GNYIS PA NA NI YANG DAG @40B PA'I RTOG PA MA GTOGS PA SUM CU RTZA DRUG KHO NA YOD DE, DE NA RTOG PA MED PA'I PHYIR RO, ,GNYIS NA DE GNYIS MA GTOGS PA, BSAM GTAN GSUM PA DANG BZHI PA DAG NA NI DGA' BA DANG RTOG PA DAG MA GTOGS PA SUM CU RTZA LNGA YOD DO, ,BSAM GTAN BAR NA'ANG, DE GNYIS NYID MA GTOGS PA SUM CU RTZA LNGA KHO NA YOD DO, ,GZUGS MED PA, GSUM NA'ANG DE DANG MTSUNGS YAN LAG ,MA GTOGS ZHES BYA BAR SBYAR TE, GZUGS MED PA DAG NA NI YANG DAG PA'I NGAG DANG, LAS KYI MTHA' DANG, 'TSO BA RNAMS DANG, DGA' BA DANG, RTOG PA DAG MA GTOGS PA SUM CU RTZA GNYIS YOD DO, ,BYANG CHUB DANG NI LAM YAN LAG ,MA GTOGS 'DOD KHAMS SRID RTZE NA, ,DE GNYIS NI ZAG PA MED PA'I LAM MED PA'I PHYIR BYANG CHUB KYI PHYOGS DANG MTHUN PA NYI SHU RTZA GNYIS YOD DO, ,BYANG CHUB KYI PHYOGS DANG MTHUN PA RNAMS LA GNAS PA GNAS SKABS GANG DU SHES NAS DAD PA 'THOB PAR RIG PAR BYA ZHE NA, BDEN GSUM MTHONG NA TSUL KHRIMS DANG, ,CHOS LA SHES NAS DAD PA 'THOB, ,LAM MNGON RTOGS NA SANGS RGYAS DANG, ,DE YI DGE 'DUN DAG LA YANG, ,SDUG BSNGAL DANG KUN 'BYUNG BA DANG 'GOG PA'I BDEN PA RNAMS MNGON PAR RTOGS NA CHOS LA SHES NAS DAD PA DANG, 'PHAGS PA DGYES PA'I TSUL KHRIMS RNAMS 'THOB BO, ,LAM GYI BDEN PA MNGON PAR RTOGS NA SANGS RGYAS DANG, DE'I NYAN THOS KYI DGE 'DUN LA SHES NAS DAD PA 'THOB STE, GANG ZHIG DE GNYIS LA DAD PA DE NI SANGS RGYAS SU BYED PA'I CHOS MI SLOB PA RNAMS DANG, DGE 'DUN DU BYED PA'I CHOS SLOB PA DANG, MI SLOB PA RNAMS LA DAD PA YIN NO, ,YANG ZHES BYA BA'I SGRAS NI TSUL KHRIMS DANG CHOS LA SHES NAS DANG PA DAG KYANG 'THOB PAR STON TO, ,'DIR GANG LA CHOS SU DGONGS PA YIN ZHE NA, CHOS BDEN GSUM DANG RANG SANGS RGYAS, ,BYANG CHUB SEMS DPA'I LAM YIN NO, ,DE'I PHYIR BDEN PA BZHI CHAR YANG MNGON PAR RTOGS NA CHOS LA SHES NAS DAD PA 'THOB BO, ,DE DAG NI DAD PA'I GZHI'I BYE BRAG LAS MING GI SGO NAS SHES NAS DAD PA BZHI ZHES BYA BA'O, ,RDZAS SU GNYIS @41A *, ,TE DAD PA DANG, TSUL KHRIMS, SANGS RGYAS DANG CHOS DANG DGE 'DUN LA SHES NAS DAD PA RNAMS NI DAD PA'I RANG BZHIN DAG YIN NO, ,'PHAGS PA DGYES PA'I TSUL KHRIMS RNAMS NI TSUL KHRIMS YIN PAS RDZAS GNYIS SO, ,CI 'DI DAG ZAG PA DANG BCAS PA DAG CIG GAM ZAG PA MED PA DAG CIG YIN ZHE NA, SHES NAS DAD PA RNAMS NI GCIG TU, DRI MA MED PA YIN, SHES NAS DAD PA ZHES BYA BA'I DON CI ZHE NA, BDEN PA RNAMS YANG DAG PA JI LTA BA BZHIN RTOGS NAS YID CHES PA NI SHES NAS DAD PA YIN NO, ,'DI DAG GI RIM PA NI LANGS NAS JI LTAR MNGON SUM DU BYED PA DE BZHIN DU BKOD DO, ,LANGS NAS JI LTAR MNGON SUM BYAD CE NA, KYE MA BCOM LDAN 'DAS NI YANG DAG PAR RDZOGS PA'I SANGS RGYAS YIN NO, ,DE'I CHOS 'DUL BA NI LEGS PAR GSUNGS PA YIN NO, ,DE'I NYAN THOS KYI DGE 'DUN NI LEGS PAR ZHUGS PA YIN NO ZHES BYA BAR MNGON SUM DU BYED DE, SMAN PA DANG SMAN DANG NAD GA-YOG LTA BUR GYUR PA'I PHYIR RO, ,SEMS RAB TU DANG BAS BYAS PA'I TSUL KHRIMS KYANG RAB TU DANG BA YIN PAS THA MAR BZHI PA BSHAD DE, 'DI NI DE LTAR RAB TU DANG BAR GYUR PA'I SGRUB PA YIN PA'I PHYIR RO, ,YANG NA NAD MED PA LTA BUR GYUR PA YIN PA'I PHYIR RO, ,YANG NA STON PAR BYED PA DANG, LAM DANG, LAM GROGS DANG, BZHON PA LTA BU YIN NO, ,MDO LAS SLOB PA NI YAN LAG BRGYAD DANG LDAN NO, ,MI SLOB PA NI YAN LAG BCU DANG LDAN NO, ZHES GSUNGS PA, CI'I PHYIR SLOB PA LA YANG DAG PA'I RNAM PAR GROL BA DANG, YANG DAG PA'I SHES PA MA BSHAD CE NA, BCINGS PHYIR SLOB PA'I YAN LAG TU, ,RNAM GROL MA BSHAD, SLOB PA NI DA DUNG NYON MONGS PA'I 'CHING BA RNAMS KYIS BCINGS PA YIN PAS BCINGS BZHIN DU JI LTAR RNAM PAR GROL BAR RNAM PAR GZHAG STE 'CHID BA'I PHYOGS GCIG LAS GROL BAS NI GROL ZHES MI BYA'O, ,RNAM PAR GROL BA MED PAR YANG JI LTAR RNAM PAR GROL BA'I SHES PA RNAM PAR GZHAG ,MI SLOB PA NI NYON MONGS PA'I 'CHING BA THAMS CAD LAS GTAN DU NGES PAR THAR PA'I PHYIR RNAM PAR GROL BA DANG, DE SO SO RANG GI SHES @41B PA DAG GIS RAB TU PHYE BA YIN PAS DE KHO NA LA DE SMOS PA RIG PA DANG LDAN PA YIN NO, ,RNAM PAR GROL ZHES BYA BA 'DI CI ZHE NA, DE RNAM GNYIS, 'DUS BYAS DANG 'DUS MA BYAS SO, ,DE LA, NYON MONGS BCOM PA 'DUS MA BYAS, ,MOS PA 'DUS BYAS NYON MONGS PA SPANGS PA NI RNAM PAR GROL BA 'DUS MA BYAS YIN NO, ,MI SLOB PA'I MOS PA NI RNAM PAR GROL BA 'DUS BYAS YIN NO, ,YAN LAG NI DE YIN, RNAM PAR GROL BA 'DUS BYAS DE NI MI SLOB PA'I YAN LAG TU BSHAD DE, YAN LAG RNAMS NI 'DUS BYAS YIN PA'I PHYIR RO, ,DE NYID RNAM GROL GNYIS, RNAM PAR GROL BA 'DUS BYAS DE NYID MDO LAS, SEMS RNAM PAR GROL BA DANG, SHES RAB RNAM PAR GROL BA DANG, RNAM PAR GROL BA GNYIS SU GSUNGS TE, DE NYID RNAM PAR GROL BA'I PHUNG PO YIN PAR YANG BLTA'O, ,GZHAN DAG NA RE MDO LAS, STAG GI BYANG CHUB KYI BU DAG RNAM PAR GROL BA YONGS SU DAG PA GTZO BO GANG YIN ZHE NA, 'DI NA DGE SLONG 'DOD CHAGS LAS SEMS 'DOD CHAGS DANG BRAL ZHING RNAM PAR GROL BA YIN, ZHE SDANG DANG GTI MUG LAS SEMS 'DOD CHAGS DANG BRAL ZHING RNAM PAR GROL BA YIN TE, 'DI LTAR RNAM PAR GROL BA'I PHUNG PO YONGS SU MA RDZOGS PA YONGS SU RDZOGS PAR BYED PA'AM, YONGS SU RDZOGS PA RJES SU 'DZIN PAR BYED PA 'DUN PA DANG BRTZON 'GRUS GANG YIN PA ZHES RGYAS PAR GANG GSUNGS PA JI LTA BU, DE'I PHYIR RNAM PAR GROL BA NI MOS PA KHO NA YIN PAR MA ZAD DO, ,'O NA CI ZHE NA, DE KHO NA SHES PAS 'DOD CHAGS LA SOGS PA SPANGS NAS SEMS DRI MA MED PA NYID RNAM PAR GROL BA YIN NO ZHES ZER RO, ,YANG DAG PA'I RNAM PAR GROL BA BSHAD ZIN TO, ,YANG DAG PA'I LTA BA LAS MA GTOGS PA YANG DAG PA'I SHES PA GANG ZHIG YIN ZHE NA, BYANG CHUB JI SKAD BSHAD SHES PA, SNGAR BYANG CHUB JI SKAD DU BSHAD PA GANG YIN PA DE NYID 'DIR YANG DAG PA'I SHES PA YIN PAR RIG PAR BYA STE, 'DI LTA STE, ZAD PA SHES PA DANG MI SKYE BA SHES PA'O, ,SEMS GANG ZHIG RNAM PAR GROL BAR 'GYUR, CI 'DAS PA 'AM MA 'ONGS PA 'AM DA LTA BYUNG BA YIN ZHE NA, MI SLOB SEMS NI SKYI 'GYUR BA, ,SGRIB PA LAS NI RNAM GROL 'GYUR,, @42A *, ,BSTAN BCOS LAS MI SLOB PA'I SEMS MA 'ONGS PA SGRIB PA RNAM LAS RNAM PAR GROL BAR 'GYUR RO ZHES 'BYUNG NGO, ,DE'I SGRIB PA YANG GANG ZHE NA, NYON MONGS PA'I THOB PA YIN TE, DE SKYE BA LA BGEGS BYED PA'I PHYIR RO, ,RDO RJE LTA BU'I TING NGE 'DZIN GYI TSE DE YANG SPONG BAR 'GYUR LA MI SLOB PA'I SEMS SKYE BAR 'GYUR BA DE YANG RNAM PAR GROL BAR 'GYUR RO, ,DE SPANGS NAS NI MI SLOB PA'I SEMS DE YANG SKYES PA DANG RNAM PAR GROL BA YIN NO, ,'O NA SKYE BAR 'GYUR BA MA YIN PA DANG, 'JIG RTEN PA GANG YIN PA JI LTA BU ZHE NA, DE DAG KYANG RNAM PAR GROL BAR 'GYUR MOD KYI SKYE BAR NGES PA GANG YIN PA DE KHO NA BSHAD DO, ,GANG LAS 'JIG RTEN PA RNAM PAR GROL BAR 'GYUR ZHE NA, SKYE BA'I SGRIB PA DE NYID LAS SO, ,MA GROL BA LA YANG 'JIG RTEN PA'I SKYE BAR 'GYUR BA MA YIN NAM ZHE NA, DE NI DE DANG MI 'DRA'O, ,DE CI 'DRA ZHE NA, NYON MONGS PA'I THOB PA DANG LHAN CIG PA YIN NO, ,GNAS SKABS GANG YIN PA'I LAM GYIS DE SKYE BA'I SGRIB PA SPONG ZHE NA, 'GAG PAR 'GYUR BA'I LAM GYIS NI, ,DE YI SGRIB PA RAB TU SPONG, ,DE LTAR GYI ZHES BYA BA'I THA TSIG GO , ,RNAM PAR GROL BA 'DUS MA BYAS SU BSHAD PA GANG YIN PA DANG, KHAMS GSUM PO SPANGS PA'I KHAMS DANG, 'DOD CHAGS DANG BRAL BA'I KHAMS DANG, 'GOG PA'I KHAMS ZHES 'BYUNG BA GANG YIN DE DAG LA KHYAD PAR CI YON CE NA, 'DUS MA BYAS NYID KHAMS ZHES BYA, ,RNAM PAR GROL BA 'DUS MA BYAS DE NYID KHAMS GSUM YIN NO, ,DE LA, 'DOD CHAGS KUN ZAD 'DOD CHAGS BRAL, ,'DOD CHAGS SPANGS PA NI 'DOD CHAGS DANG BRAL BA'I KHAMS YIN NO, ,SPANGS PA'I KHAMS NI GZHAN DAG GO , ,YANG DAG PAR ZAD PA ZHES BYA BAR SBYAR TE, 'DOD CHAGS LAS GZHAN PA'I NYON MONGS PA RNAMS SANGS PA NI SANGS BA'I KHAMS YIN NO, ,'GOG PA'I KHAMS ZHES BYA BA GZHI, ,YANG DAG PAR ZAD PA ZHES BYA BA KHO NAR SBYAR TE, NYON MONGS PA LAS MA GTOGS PA BZHI SPANGS PA NI 'GOG PA'I KHAMS YIN NO, ,DNGOS PO GANG GIS YID 'BYUNG BAR 'GYUR BA'I DNGOS PO @42B DES 'DOD CHAGS DANG BRAL BAR YANG 'GYUR RAM ZHE NA, MU BZHI'O, ,JI LTAR BYAS PAS SHE NA, SDUG BSNGAL RGYU BZOD SHES RNAMS KYIS, ,YID 'BYUNG SDUG BSNGAL DANG KUN 'BYUNG LA BZOD PA DANG SHES PA RNAMS KHO NAS YID 'BYUNG BAR 'GYUR GYI GZHAN DAG GIS NI MA YIN NO,, GANG GIS SPONG 'GYUR BA, KUN GYIS 'DOD CHAGS BRAL BAR 'GYUR, ,SDUG BSNGAL DANG KUN 'BYUNG BA DANG 'GOG PA DANG LAM LA BZOD PA DANG SHES PA GANG DAG GIS NYON MONGS PA SPONG BAR 'GYUR BA THAMS CAD KYIS KYANG 'DOD CHAGS DANG BRAL BAR 'GYUR RO, ,DE LTA NA NI MU BZHI GRID; DE LTA NA MU BZHIR GRUB STE, SDUG BSNGAL DANG KUN 'BYUNG LA BZOD PA DANG SHES PA RNAMS KYIS NYON MONGS PA DAG MI SPONG NA YID 'BYUNG BA KHO NA YIN TE, YID 'BYUNG BA'I DNGOS PO KHO NA LA DMIGS PA'I PHYIR RO, ,'GOG PA DANG LAM LA BZOD PA DANG SHES PA RNAMS KYIS NYON MONGS PA DAG SPONG NA 'DOD CHAGS DANG BRAL BA KHO NA YIN TE, MCHOG TU DGA' BA'I DNGOS PO LA DMIGS PA'I PHYIR RO, ,SNGA MA RNAMS KYIS NYON MONGS PA DAG SPONG NA GNYI GA YIN NO, ,PHYI MA RNAMS KYIS NYON MONGS PA DAG MI SPONG NA GNYI GA MA YIN NO, ,DE LA 'DOD CHAGS DANG BRAL BA ZHIG BDEN PA RNAMS LA LTA NA CHOS SHES PA DANG BZOD PA RNAMS KYIS NYON MONGS PA DAG MI SPONG NGO, ,SHES PA RNAMS KYIS NI SBYOR BA DANG RNAM PAR GROL BA DANG KHYAD PAR CAN GYI LAM GYIS BSDUS PA RNAMS KYIS MI SPONG NGO, ,CHOS MNGON PA MDZOD KYI BSHAD PA LAS LAM DANG GANG ZAG BSTAN PA ZHES BYA BA MDZOD KYI GNAS DRUG PA'O,, ,,BZOD PA RNAMS ZHES KYANG 'BYUNG, SHES PA RNAMS ZHES KYANG 'BYUNG, YANG DAG PA'I LTA BA ZHIS KYANG 'BYUNG, YANG DAG PA'I SHES PA ZHES KYANG 'BYUNG NA CI BZOD PA DAG YIN LA SHES PA MA YIN NAM, YANG DAG PA'I SHES PA YIN LA YANG DAG PA'I LTA BA MA YIN NAM ZHE NA, DRI MED BZOD RNAMS SHES PA YIN, ,DES SPANG BAR BYA BA'I PHRA RGYAS THE TSOM MA SPANGS PA'I PHYIR RO, ,DE DAG YANG DAG PAR RTOG PA'I BDAG NYID CAN YIN PA'I PHYIR LTA BA DAG YIN NO, ,JI LTAR BZOD PA RNAMS LTA BA YIN GYI SHES PA MA YIN @43A *, ,PA DE BZHIN DU, ZAD DANG MI SKYE'I BLO LTA MIN, ,ZAD PA SHES PA DANG MI SKYE BA SHES PA NI YANG DAG PA'I RTOG PA MED PA DANG, YONGS SU 'TSOL BA'I BSAM PA CAN MA YIN PA'I PHYIR LTA BA MA YIN NO, ,DE LAS GZHAN 'PHAGS BLO GNYI GA ,BZOD PA DANG ZAD PA DANG MI SKYE BA SHES PA DAG LAS GZHAN PA ZAG PA MED PA'I SHES RAB NI LTA BA DANG SHES PA YANG YIN NO, ,GZHAN SHES 'JIG RTEN PA'I SHES RAB THAMS CAD NI SHES PA KHO NA YIN NO, ,DRUG NI LTA BA'ANG YIN, ,LTA BA LNGA DANG, 'JIG RTEN PA'I LTA BA YANG DAG PA'I LTA BA STE, 'JIG RTEN PA'I SHES PA RNAM PA DRUG NI LTA BA YIN GYI GZHAN NI LTA BA MA YIN NO, ,'DI DAG DANG GZHAN DAG KYANG SHES PA NI MA YIN NO, ,JI SNYED CIG GIS SHES PA THAMS CAD BSDUS SHE NA, SHES PA BCUS BSDUS SO, ,MDOR BSDU NA NI GNYIS TE, SHES PA ZAG BCAS ZAG PA MED, ,DE GNYIS LAS KYANG, DANG PO KUN RDZOB CES BYA'O, ,ZAG PA DANG BCAS PA GANG YIN PA DE NI PHAL CHER BUM PA DANG SNAM BU DANG SKYES PA DANG BUD MED LA SOGS PA KUN RDZOB 'DZIN PA'I PHYIR KUN RDZOB SHES PA YIN NO, ,ZAG MED RNAM GNYIS CHOS DANG NI, RJES SU SHES PA KHO NA YIN, ,ZAG PA MED PA'I SHES PA LA RNAM PA GNYIS SU DBYE STE, CHOS SHES PA DANG, RJES SU SHES PA'O, ,DE LTAR NA SHES PA 'DI GNYIS NI GSUM YIN TE, KUN RDZOB SHES PA DANG, CHOS SHES PA DANG, RJES SU SHES PA'O, ,DE LA, KUN RDZOB YUL NI THAMS CAD DO, ,DUN RDZOB SHES PA'I DMIGS PA NI CI RIGS PAR 'DUS BYAS DANG 'DUS MA BYAS KYI CHOS THAMS CAD YIN NO, ,CHOS SHES BYA BA'I SPYOD YUL NI, ,'DOD PA'I SDUG BSNGAL LA SOGS PA, ,CHOS SHES PA'I DMIGS PA NI 'DOD PA NA SPYOD PA'I SDUG BSNGAL DANG, DE KUN 'BYUNG BA DANG, 'GOG PA DANG LAM RNAMS YIN NO, ,RJES SU SHES PA'I SPYOD YUL NI, ,GONG MA'I SDUG BSNGAL LA SOGS YIN, ,RJES SU SHES PA'I DMIGS PA NI GZUGS DANG GZUGS MED PA NA SPYOD PA'I SDUG BSNGAL DANG, DE KUN 'BYUNG BA DANG, 'GOG PA DANG LAM RNAMS SO, ,DE DAG NYID BDEN @43B BYE BRAG GIS, ,BZHI STE, CHOS SHES PHA DANG RJES SU SHES PA DE DAG NYID BDEN PA'I BYE BRAG GIS SDUG BSNGAL DANG, KUN 'BYUNG BA DANG, 'GOG PA DANG, LAM SHES PA RNAMS DANG SHES PA BZHI YIN TE, DE DAG LA DMIGS PA'I PHYIR RO, ,RNAM BZHI DE DAG NI, MI SKYE BA DANG THAD PA SHES, ,CHOS DANG RJES SU SHES PA LTA BA'I RANG BZHIN MA YIN PHA RNAM PA BZHI PO DE DAG KHO NAR ZAD PA SHES PA DANG MI SKYE BA SHES PA ZHES BYA'O, DE GNYIS DANG PO SKYES PA NI, ,SDUG BSNGAL RGYU RJES SHES PA YIN, ,ZAD PA DANG MI SKYE BA SHES PA DANG PO SKYAS PA NI SDUG BSNGAL DANG, KUN 'BYUNG LA RJES SU SHES PA YIN TE, SRID PA'I RTZE MO'I PHUNG PO LA SDUG BSNGAL DANG KUN 'BYUNG LA RJES SU SHES PA'I RNAM PAR DMIGS PA'I PHYIR RO, ,YANG CI RDO RJE LTA BU'I TING NGE 'DZIN KYANG DE GNYIS DANG DMIGS PA GCIG PA ZHIG YIN NAM ZHE NA, GAL TE SDUG BSNGAL DANG KUN 'BYUNG LA DMIGS NA NI YIN NO, ,'ON TE 'GOG PA DANG LAM LA DMIGS PA ZHIG YIN NA NI DMIGS PA GCIG PA MA YIN NO, ,BZHI LAS PHA ROL SEMS RIG PA, ,RIG PAR BYED PAS NA RIG PA STE SHES PA'O, ,PHA ROL GYI SEMS SHES PA NI SHES PA BZHI LAS SKYE BAR BLTA BAR BYA STE, CHOS SHES PA DANG RJES SU SHES PA DANG LAM SHES PA DANG, KUN RDZOB SHES PA RNAMS LAS SO, ,DE'I NGES PA NI 'DI YIN TE, ,DES NI SA DBANG GANG ZAG 'DAS, ,ZHIG DANG MA SKYES MI RIG GO , ,SA 'DAS PA MI SHES PA NI BSAM GTAN 'OG MA'I SA PAS BSAM GTAN GONG MA'I SA PA MI SHES PA'O, ,DBANG PO 'DAS PA MI SHES PA NI DAD PAS MOS PA DANG DUS KYIS RNAM PAR GROL BA'I LAM GYIS MTHONG GAS THOB PA DRANG DUS DANG MI SBYOR BAR RNAM PAR GROL BA'I LAM MI SHES PA'O, ,GANG ZAG 'DAS PA MI SHES PA NI PHYIR MI 'ONG BA DANG DGRA BCOM PA DANG, NYAN THOS DANG RANG SANGS RGYAS DANG SANGS RGYAS KYI LAM RNAMS 'OG MAS GONG MA MI SHES PA'O, ,ZHIG PA DANG MA SKYES PA MI SHES PA NI 'DAS PA DANG MA 'ONGS PA MI SHES PA STE DA LTAR GYI PHA ROL GYI SEMS YUL YIN PA'I PHYIR RO, ,GZHAN YANG CHOS RJES BLO PHYOGS PHAN TSUN MIN, , @44A *, ,PHA ROL GYI SEMS SHES PA CHOS SHES PA'I PHYOGS DANG MTHUN PAS KYANG RJES SU SHES PA'I PHYOGS DANG MTHUN PA'I SEMS MI SHES LA, RJES SU SHES PA'I PHYOGS DANG MTHUN PAS KYANG CHOS SHES PA'I PHYOGS DANG MTHUN PA'I SEMS MI SHES TE, DE GNYIS NI 'DOD PA'I KHAMS DANG KHAMS GONG MA 'I GNYEN PO LA DMIGS PA'I PHYIR RO, ,MTHONG PA'I LAM LA PHA ROL GYI SEMS SHES PA MED DO, ,DE'I DMIGS PA NI YOD DE, DE LA PHA ROL GYI SEMS SHES PAS MTHONG PA'I LAM SHES PAR 'DOD PAS SBYOR BA BYAS NA, NYAN THOS MTHONG BA'I SKAD CIG GNYIS, ,RIG STE BSE RU LTA BUS GSUM, ,SANGS RGYAS SBYOR BA MED PAR KUN, ,NYAN THOS KYIS NI PHA ROL GYI SEMS SHES PAS MTHONG BA'I LAM LAS SKAD CIG MA GNYIS SHES TE, SDUG BSNGAL LA CHOS SHES PA'I BZOD PA DANG, CHOS SHES PA'O, ,RJES SU SHES PA'I PHYOGS DANG MTHUN PA LA DMIGS BA NI SBYOR BA GZHAN GYIS BSGRUB PAR BYA BA YIN PA'I PHYIR DE JI SRID KYIS SBYOR BA RTZOM PA DE SRID GYIS DES SEMS BCU DRUG RJES SU 'THOB PAR 'GYUR BAS BAR DU NI MI SHES SO, ,RANG SANGS RGYAS KYIS NI DANG PO GNYIS DANG BRGYAD PA KUN 'BYUNG LA RJES SU SHES PA DANG, GSUM SHES TE, SBYOR BA CHUNG BA'I PHYIR RO, ,GZHAN DAG NA RE DANG PO DANG GNYIS PA DANG BCO LNGA PA RNAMS SHES SO ZHES ZER RO, ,SANGS RGYAS KYIS NI SBYOR BA MED PAR MTHONG BA'I LAM GYI SKAD CIG MA THAMS CAD MKHYEN TO, ,YANG ZAD PA SHES PA DANG MI SKYE BA SHES PA DAG LA KHYAD PAR CI YOD CE NA, ZAD PA SHES PA BDEN RNAMS LA, ,YONGS SHES LA SOGS NGES PA'O, ,YONGS SHES BYAR MED CES LA SOGS, ,MI SKYE BA YI BLOR 'DOD DO, ,BSTAN BCOS LAS, ZAD PA SHES PA GANG ZHE NA, BDAG GIS SDUG BSNGAL YONGS SU SHES SO ZHES BYA BAR SHES PA DANG, KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO ZHES BYA PAR SHES PA'I RGYU LAS BYUNG PA'I SHES PA DANG MTHONG BA DANG RIG PA DANG BLO DANG RTOGS PA DANG SHES RAB DANG SNANG BA DANG MNGON PAR RTOGS PA GANG YIN PA 'DI NI ZAD PA SHES PA ZHES BYA'O, ,MI SKYE BA SHES PA GANG ZHE NA, BDAG GIS @44B SDUG BSNGAL YONGS SU SHES TE, YANG YONGS SU SHES PAR BYAR MED DO ZHES BYA BAR SHES PA NAS BDAG GIS LAM BSGOMS TE YANG BSGOM DU MED DO ZHES BYA BA'I BAR DU SHES PA DE'I RGYU LAS BYUNG BA'I ZHES BYA BA RGYAS PAR 'BYUNG NGO, ,JI LTAR NA ZAG BA MED PA'I SHES PAS DE LTAR SHES SHE NA, KHA CHE BA RNAMS NA RE BSTAN BCOS LAS, DE'I RJES LA LANGS PAS DE LTAR SHES TE, DE'I PHYIR DE'I BYE BRAG GIS DE GNYIS KYI BYE BRAG BSTAN TO ZHES ZER RO, ,GZHAN DAG NA RE ZAG PA MED PAS KYANG DE LTAR SHES TE, MTHONG BA SMOS PA NI BSHAD PA 'PHANGS PA'I PHYIR RAM, YANG NA MNGON SUM DU 'JUG PA'I PHYIR RO, ,DE NYID KYI PHYIR RE ZHIG SHES PA GANG YIN PA DE NI MTHONG BA YANG YIN NO ZHES 'BYUNG NGO ZHES ZER RO, ,DE LTAR NA DE DAG NI SHES BA BCU YIN TE, 'DI LTA STE CHOS SHES PA DANG RJES SU SHES PA DANG, KUN RDZOB SHES PA DANG, PHA ROL GYI SEMS SHES PA DANG, SDUG BSNGAL SHES PA DANG, KUN 'BYUNG SHES PA DANG, 'GOG BA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O, ,DE LA KUN RDZOB SHES BA NI SHES BA GCIG YIN LA GCIG GI CHA YANG YIN NO, ,CHOS SHES BA NI SHES PA GCIG YIN LA BDUN GYI CHA YANG YIN TE, RJES SU SHES PA YANG DE DANG 'DRA'O, ,SDUG BSNGAL SHES BA NI SHES PA GCIG YIN LA BZHI'I CHA YANG YIN TE, KUN 'BYUNG BA DANG 'GOG PA SHES PA DE DANG 'DRA'O, ,LAM SHES PA NI SHES PA GCIG YIN LA LNGA'I CHA YANG YIN NO, ,PHA ROL GYI SEMS SHES PA NI SHES PA GCIG YIN LA BZHI'I CHA YANG YIN NO, ,ZAD PA NI SHES PA GCIG YIN LA, DRUG GI CHA YANG YIN TE, MI SKYE BA SHES PA YANG DE DANG 'DRA'O, ,CI'I PHYIR DE DAG GSUM YOD LA BCUR RNAM PAR GZHAG CE NA, RANG BZHIN DANG NI GNYEN PO DANG, ,RNAM PA RNAM PA SPYOD YUL DANG, ,SBYOR DANG BYA BA BYAS NYID DANG, RGYU RGYAS PA LAS BCU YIN NO, ,RGYU BDUN GYIS SHES PA BCUR RNAM PAR GZHAG GO ZHES GRAG STE, RANG BZHIN LAS NI KUN RDZOB SHES PA STE, DON DAM PA MI SHES PA'I PHYIR RO, ,GNYEN PO LAS NI CHOS DANG RJES SU SHES PA DAG STE, 'DOD PA'I KHAMS DANG KHAMS GONG MA'I @45A *, ,GNYEN PO YIN PA'I PHYIR RO, ,RNAM PA LAS NI SDUG BSNGAL DANG KUN 'BYUNG BA SHES PA DAG STE, DMIGS PA THA MI DAD PA'I PHYIR RO, ,RNAM PA DANG DMIGS PA LAS NI 'GOG PA DANG, LAM SHES PA DAG STE, RNAM PA DANG DMIGS PA THA DAD PA'I PHYIR RO, ,SBYOR LAS NI PHA ROL GYI SEMS SHES PA STE, DES NI SEMS LAS BYUNG BA RNAMS KYANG MI SHES PA MA YIN MOD KYI SEMS SHES PAR BYA BA'I PHYIR SBYOR BA BYAS PA LAS GRUB PA'I PHYIR PHA ROL GYI SEMS SHES PA ZHES BSHAD DO, ,BYA BA BYAS PA LAS NI ZAD PA SHES PA STE, BYA BA BYAS PA'I RGYUD LA DANG PO NYID DU SKYE BA'I PHYIR RO, ,RGYU RGYAS PA LAS NI MI SKYE BA SHES PA STE, ZAG PA MED PA'I SHES PA THAMS CAD KYI RGYU CAN YIN PA'I PHYIR RO, ,THAMS CAD KYI GNYEN PO THAMS CAD YIN PA'I PHYIR, CHOS SHES PA 'DOD PA'I 'DOD PA'I KHAMS KYI GNYEN PO ZHES BSHAD PAR ZAD KYI GZHAN YANG, BSBOM PA'I LAM LA 'GOG PA'AM, LAM LA CHOS SHES GANG YIN PA, ,KHAMS GSUM GYI NI GNYEN PO YIN, ,'GOG PA DANG LAM LA CHOS SHES PA BSGOM PA'I LAM GYIS BSDUS PA DAG NI KHAMS GSUM CHAR GYI GNYEN PO YIN NO, ,'DOD PA'I KHAMS KYI RJES MA YIN, ,'DOD PA'I KHAMS KYI GNYEN PO RJES SU SHES PA NI RNAM PA THAMS CAD DU MED DO, ,SHES PA BCU PO DE DAG LAS, ,CHOS SHES BA DANG RJES SU SHES, RNAM PA BCU DRUG ,DE DAG NI 'OG NAS BSHAD PAR BYA'O, ,KUN RDZOB NI, ,DE BZHIN GZHAN DU'ANG, KUN RDZOB SHES PA NI RNAM PA BCU DRUG CAN YANG YIN LA GZHAN GYI RNAM PHA CAN YANG YIN TE, CHOS THAMS CAD KYI RANG DANG SPYI'I MTSAN NYID LA SOGS PA 'DZIN PA'I PHYIR RO, ,RANG RANG GI BDEN PA'I RNAM PAS BZHI YIN NO, ,SDUG BSNGAL DANG KUN 'BYUNG DANG, 'GOG PA DANG LAM SHES PA RNAMS NI RANG RANG GI BDEN PA'I RNAM PA DAG TU 'JUG PAS RE RE ZHING RNAM PA BZHI BZHI YIN NO, ,PHA ROL YID SHES DRI MED KYANG, DE BZHIN PHA ROL GYI SEMS SHES PA ZAG PA MED PA YANG DE BZHIN KHO NAR RANG GI BDEN PA'I RNAM PA CAN YIN PA'I PHYIR RNAM BA BZHI CAN YIN TE, LAM SHES PA YIN PA'I PHYIR RO, ,DRI MA DANG BCAS NI, SHES BYA'I RANG GI MTSAN NYID RNAMS, @45B PHA ROL GYI SEMS SHES PA ZAG PA DANG BCAS PA NI SHES BYA SEMS DANG SEMS LAS BYUNG BA RNAMS KYI RANG GI MTSAN NYID GANG YIN PA DE'I RNAM PA 'DZIN TE, RANG GI MTSAN NYID 'DZIN PAR BYED PA YIN PA'I PHYIR RO, ,GNYI GA YANG, RDZAS RE RE ZHIG SPYOD YUL LO, ,GANG GI TSE SEMS 'DZIN PA DE'I TSE SEMS LAS BYUNG BA RNAMS MI 'DZIN LA, GANG GI TSE TSOR BA 'DZIN PA DE'I TSE 'DU SHES MI 'DZIN ZHES BYA BA DE LTA BU LA SOGS PA'O, ,'O NA BCOM LDAN 'DAS KYIS 'DOD CHAGS DANG BCAS PA'I SEMS LA YANG 'DOD CHAGS DANG BCAS PA'I SEMS ZHES BYA BAR YANG DAG PA JI LTA BA BZHIN DU RAB TU SHES SO ZHES BYA BA DE LTA BU LA SOGS PA GANG GSUNGS PA JI LTA BU ZHE NA, DE GNYIS CIG CAR DU 'DZIN PA NI MA YIN TE, GOS DANG DRI MA CIG CAR DU MI 'DZIN PA BZHIN NO, ,'DOD CHAGS DANG BCAS PA'I SEMS ZHES BYA BA NI 'DOD CHAGS DANG BCAS PA NYID RNAM PA GNYIS TE, 'DRIS PA'I 'DOD CHAGS DANG BCAS PA NYID DANG, LDAN PA'I 'DOD CHAGS DANG BCAS PA NYID DO, ,DE LA 'DOD CHAGS DANG MTSUNGS PAR LDAN PA'I SEMS NI GNYIS KYIS 'DOD CHAGS DANG BCAS PA YIN NO, ,DE LAS GZHAN PA ZAG PA DANG BCAS PA NI LDAN PA'O 'DOD CHAGS DANG BCAS PAS NA 'DOD CHAGS DANG BCAS PA YIN NO, ,KHA CIG NA RE MDO 'DIR NI 'DOD CHAGS DANG MTSUNGS PAR LDAN PA'I SEMS NI 'DOD CHAGS DANG BCAS PA YIN LA, 'DOD CHAGS KYI GNYEN POR NI 'DOD CHAGS DANG BRAL BAR BSHAD PA YIN TE, GAL TE 'DOD CHAGS DANG MTSUNGS PAR MI LDAN PA 'DOD CHAGS DANG BRAL BA YIN NA NI NYON MONGS PA GZHAN DANG MTSUNGS PAR LDAN PA YANG YIN PAR 'GYUR RO ZHES ZER RO, ,GZHAN DAG NA RE DE LTA NA NI 'O NA DE'I GNYEN PO MA YIN PA'I SEMS NYON MONGS PA CAN MA YIN PA 'DOD CHAGS DANG BCAS PA YANG MA YIN LA, 'DOD CHAGS DANG BRAL BA YANG MA YIN ZHES BYA BA DE LTA BU LA SOGS PAR 'GYUR BAS, DE LTA BAS NA MDO 'DIR 'DOD CHAGS DANG LDAN PAS KYANG 'DOD CHAGS DANG BCAS PA'I SEMS SU 'DOD PAR BYA STE, GTI MUG DANG BCAS PA DANG GTI MUG DANG BRAL BA'I BAR DU YANG DE DANG 'DRA BAR SHES @46A *, ,PAR BYA'O ZHES ZER RO, ,BYE BRAG TU SMRA BA RNAMS NA RE KUN DU BSDUS PA NI DMIGS PA LA MNGON PAR SDUD PA'I PHYIR DGE BA YIN NO, ,RNAM PAR GA-YENG BA NI RNAM PAR GA-YENG BA DANG MTSUNGS PAR LDAN PA'I PHYIR NYON MONGS PA CAN YIN NO ZHES ZER RO, ,NUB PHYOGS PA RNAMS NA RE KUN TU BSDUS PA NI GNYID DANG MTSUNGS PAR LDAN PA YIN NO, ,RNAM PAR GA-YENG BA NI NYON MONGS PA CAN GZHAN YIN NO ZHES ZER RO, ,DE SKAD DU MI BRJOD DE, NYON MONGS PA CAN GYI GNYID DANG MTSUNGS PAR LDAN PA'I PHYIR SEMS DE NYID BSDUS PA YANG YIN LA RNAM PAR GA-YENGS PA YANG YIN PAR 'GYUR RO, ,BSTAN BCOS LAS, SEMS KUN DU BSDUS PA YANG DAG PA JI LTA BA BZHIN DU RAB TU SHES SO, ,DE SHES PA'I SHES PA NI BZHI STE, CHOS SHES PA DANG, RJES SU SHES PA DANG, KUN RDZOB SHES PA DANG, LAM SHES PA'O ZHES 'BYUNG BA DANG YANG 'GAL BAR 'GYUR RO, ,SEMS ZHUM PA NI LE LO DANG MTSUNGS PAR LDAN PA'I PHYIR NYON MONGS PA YIN NO, ,RAB TU BZUNG BA NI BRTZON 'GRUS DANG MTSUNGS PAR LDAN PA'I PHYIR DGE BA YIN NO, ,CHUNG DU NI RNAM PAR BYANG BA CHUNG NGU DAG GIS BSTEN PA'I PHYIR NYON MONGS PA CAN YIN NO, ,CHEN POR GYUR PA NI DE LAS BZLOG PA YIN PA'I PHYIR DGE BA YIN NO, ,RTZA BA DANG, RIN DANG, 'KHOR DANG, RJES SU 'BRANG BA DANG, STOBS CHE CHUNG GI YANG PHYIR TE, NYON MONGS PA CAN NI MI DGE BA'I RTZA BA GNYIS KYIS RTZA BA DANG BCAS PA YIN NO, ,DGE BA NI DGE BA'I RTZA BA GSUM GYIS SO, ,NYON MONGS PA CAN NI 'BAD PAS BSGRUB PAR BYA BA MA YIN PA'I PHYIR RIN CHUNG BA YIN NO, ,DGE BA NI TSOGS CHEN POS BSGRUB PAR BYA BA YIN PA'I PHYIR RIN CHE BA YIN NO, ,NYON MONGS PA CAN NI DE DANG 'DRA BA MA 'ONGS PA 'THOB PA'I PHYIR 'KHOR MAD BA MA YIN LA PHUNG PO GSUM GYIS RJES SU 'BRANG BA DANG BCAS PA YIN NO, , DGE BA NI 'KHOR MANG BA YIN LA PHUNG PO BZHIS RJES SU 'BRANG BA DANG BCAS PA YIN NO, ,YANG NYON MONGS PA CAN NI STOBS CHUD BA YIN NO, ,DGE BA NI STOBS CHE BA YIN NO, ,SDUG BSNGAL LA CHOS SHES PA'I BZOD PA GCIG GIS KYANG PHRA RGYAS BCU GTAN DU 'JOMS PAR BYED PAS @46B DE'I PHYIR YANG NYON MONGS PA NI CHUNG BA YIN LA DGE BA NI CHEN POR GYUR PA YIN NO, ,RGOD PA NI RGOD PA DANG MTSUNGS PAR LDAN PA'I PHYIR NYON MONGS PA CAN YIN NO, RGOD PA MA YIN PA NI DE'I GNYEN PO YIN PA'I PHYIR DGE BA YIN NO, ,RNAM PAR MA ZHI BA DANG, RNAM PAR ZHI BA YANG DE DANG 'DRA'O, ,MNYAM PAR MA BZHAG BA NI RNAM PAR GA-YENG BA DANG MTSUNGS PAR LDAN PA'I PHYIR NYON MONGS PA CAN NO, ,MNYAM PAR BZHAG PA NI DE'I GNYEN PO YIN PA'I PHYIR DGE BA YIN NO, ,MA BSGOMS PA NI 'THOB PA DANG BSTEN PA'I BSGOM PA DAG GIS MA BSGOMS PA'I PHYIR NYON MONGS PA CAN NO; ,BSGOMS PA NI DE GNYIS KYIS BSGOMS PA'I PHYIR DGE BA YIN NO, ,RNAM PAR MA GROL BA NI RANG BZHIN DANG RGYUD RNAM PAR MA GROL BA DAG GIS RNAM PAR GROL PA'I PHYIR NYON MONGS PA CAN YIN NO, ,RNAM PAR GROL BA NI DE GNYIS KYIS RNAM PAR GROL BA'I PHYIR DGE BA YIN NO ZHES ZER RO, ,DE LTA NA NI MDO DANG MI MTHUN PAR BYAS PA YANG YIN LA, TSIG DE RNAMS KYI DON GYI KHYAD PAR YANG MA BSHAD PA YIN NO, ,JI LTAR NA MDO DANG MI MTHUN PAR BYAS PA YIN ZHE NA, MDO LAS JI LTAR NA SEMS NANG DU KUN DU BSDUS PA YIN ZHE NA, SEMS GANG RMUGS PA DANG GNYID DANG LHAN CIG PAR GYUR CING NANG DU KUN DU 'GOG PA DANG LHAN CIG PAR GYUR LA LHAG MTHONG DANG MTSUNGS PAR MI LDAN PA YIN NO, ,JI LTAR NA PHYI ROL DU RNAM PAR GA-YENGS PA YIN ZHE NA, SEMS GANG 'DOD PA'I YON TAN LNGA RNAMS LA RJES SU GA-YENGS PA YIN ZHING RNAM PAR 'PHROS PA YIN NO ZHES GSUNGS SO, ,SEMS DE NYID KUN DU BSDUS PA YIN LA RNAM PAR GA-YENGS PA YANG YIN PAR 'GYUR RO ZHES KYANG BSHAD PA YIN NAM ZHE NA, DE SKAD DU NI BSHAD MOD KYI RIGS PAR BSHAD PA NI MA YIN TE, NYON MONGS PA CAN GYI GNYID DANG LHAN CIG PAR GYUR BA RNAM PAR GA-YENGS PA NYID DU NGAM MA BCAS PA'I PHYIR RO, ,BSTAN BCOS DANG 'GAL BAR 'GYUR RO ZHES KYANG BSHAD PA MA YIN NAM, BSTAN BCOS DANG 'GAL BA NI BLA'I MDO DANG 'GAL BA NI MA YIN NO, ,JI LTAR NA TSIG DE RNAMS KYI DON GYI KHYAD PAR MA BSHAD PA YIN ZHE NA, SEMS RNAM @47A *, ,PAR GA-YENGS PA DANG, ZHUM PA DANG, GOD PA DANG RNAM PAR MA ZHI BA DANG, MNYAM PAR MA BZHAG PA DANG, MA BSGOMS PA DANG, RNAM PAR MA GROL BA RNAMS KYI MTSAN NYID KYANG THA MI DAD PAR BSHAD PA'I PHYIR LA, KUN DU BSDUS PA DANG, RAB TU BZUNG BA LA SOGS PA'I MTSAN NYID KYANG THA MI DAD PAR BSHAD PA'I PHYIR RO, ,TSIG RNAMS KYI DON GYI KHYAD PAR NI MA BSHAD PA MA YIN PA NYID DE, NYON MONGS PA CAN DU MTSUNGS KYANG 'DI LTAR SEMS NYON MONGS PA CAN 'DI NI RNAM PAR GA-YENGS PA YIN NO, ,'DI NI ZHUM PA YIN NO ZHES BYA BA RGYAS PAR DE'I NYES PA'I KHYAD PAR YANG DAG PAR BSTAN PA'I PHYIR LA, DE BZHIN DU DGE BA YANG YON TAN GYI KHYAD PAR YANG DAG PAR BSTAN PA'I PHYIR DON GYI KHYAD PAR BSHAD PA KHO NA YIN NO, ,MDO DANG 'GAL BA MA SPANGS PA'I PHYIR DE NI TSIG DE RNAMS KYI DON MA YIN NO, ,GAL TE MDO LAS SEMS DE NYID ZHUM PA YANG YIN LA DE NYID RGOD PA YANG YIN NO ZHES BYA BAR BSHAD NA NI GANG GI TSE SEMS ZHUM PA DANG ZHUM PAR DOGS PA DE'I TSE SHIN DU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG RNAMS BSGOM PA'I DUS MA YIN NO, ,GANG GI TSE SEMS RGOD PA DANG RGOD PAR DOGS PA DE'I TSE CHOS RAB TU RNAM PAR 'BYED PA DANG, BRTZON 'GRUS DANG, DGA' BA YANG DAG BYANG CHUB KYI YAN LAG RNAMS BSGOM PA'I DUS MA YIN NO ZHES PA 'DI DAG GSANGS PAR MI 'GYUR RO, ,CI 'DI LA BYANG CHUB KYI YAN LAG RNAMS SO SOR BSGOM MAM ZHE NA, 'DI DAG YID LA BYED PA BSGOM PA YIN PAR 'DOD KYI MNGON SUM DU GYAR PA NI MA YIN PAS NYES PA MED PA NYID DO, ,'DI LAS LA LO LHAG PA'I SEMS NI ZHUM PA ZHES BSHAD LA, RGOD PA LHAG PA NI RGOD PA ZHES BSHAD PAS 'GAL BA MED DE, DE GNYIS KYANG LHAN CIG PA YIN PA'I PHYIR SEMS DE NYID ZHUM PA YANG YIN LA DE NYID RGOD PA YANG YIN ZHES SMRA'O, ,BSAM PA CAN GYI TSIG LA NI BZLOG PA MED KYI MDO'I DGONGS PA NI 'DI MA YIN NO ZHES SMRA'O, ,'DOD CHAGS DANG LDAN PA'I SEMS THAMS CAD 'DOD CHAGS DAD BCAS PA YIN NO ZHES GANG BSHAD PA, 'DOD CHAGS DANG LDAN PA'I SEMS @47B GANG ZHIG YIN, GAL TE 'DOD CHAGS KYI THOB PA DANG LHAN CIG PA YIN NO ZHE NA NI SLOB PA'I SEMS ZAG PA MED PA YANG 'DOD CHAGS DANG BCAS PAR 'GYUR RO, ,GAL TE 'DOD CHAGS KYI DMIGS PA YIN NO ZHE NA NI DGRA BCOM PA'I SEMS ZAG PA DANG BCAS PA YANG 'DOD CHAGS DANG BCAS PA ZHES BYA BAR GZUNG BAR 'GYUR TE, 'DOD CHAGS KYI DMIGS PA YIN PA'I PHYIR RO, ,YANG NA JI LTAR DE ZAG PA DANG BCAS PA YIN, GAL TE NYON MONGS PA SPYI PA'I DMIGS PA YIN PA'I PHYIR RO ZHE NA NI, DE LTA NA YANG GTI MUG DANG BCAS PAR GZUD BAR 'GYUR TE, GTI MUG GI DMIGS PA YIN PA'I PHYIR RO, ,GZHAN GYI SEMS SHES PA NI THOB PA LA DMIGS PA YANG MA YIN LA, SEMS DE LA DMIGS PA'I 'DOD CHAGS LA DMIGS PA CAN YANG MA YIN NO, ,DE LTA BAS NA 'DIR 'DOD CHAGS DANG LDAN PAS 'DOD CHAGS DANG BCAS PA'I SEMS SU 'DOD PAR MI BYA'O; 'O NA JI LTA BU ZHE NA, MDO'I DGONGS PA NI 'DOD CHAGS DANG MTSUNGS PAR LDAN PA'I SEMS NI 'DOD CHAGS DANG BCAS PA YIN LA, 'DOD CHAGS DANG MTSUNGS PAR MI LDAN PA'I SEMS NI 'DOD CHAGS DANG BRAL BA YIN NO ZHES BYA BAR SNANG NGO, ,GANG LAS 'DI'I SEMS 'DOD CHAGS DANG BRAL BA YIN, ZHE SDANG DANG BRAL BA DANG, GTI MUG DANG BRAL BA YIN, 'DOD PA'I SRID PA DANG, GZUGS KYI SRID PA DANG, GZUGS MED PA'I SRID PAR PHYIR MI LDOG PA'I CHOS CAN YIN ZHES GSUNGS PA DER NI DE'I THOB PA DANG BRAL BA LAS DGONGS TE GSUNGS PA YIN NO, ,NYON MONGS PA GZHAN DANG MTSUNGS PAR LDAN PA'I SEMS KYANG 'DOD CHAGS DANG MTSUNGS PAR MI LDAN PA'I PHYIR 'DOD CHAGS DANG BRAL BA YIN PAR 'GYUR RO ZHAS BSHAD PA MA YIN NAM DGONGS PA 'DI NI NYES PA MED DE, DE NI 'DOD CHAGS DANG BRAL BA ZHES BYA BAR MI GZUNG NGO, ,'O NA CI LTA ZHE NA, ZHE SDANG DANG BCAS PA DANG, GTI MUG DANG BCAS PA ZHES BYA BA DE LTA BU LA SOGS PAR GZUNG NGO, ,ZHAR LA 'ONGS PAS CHOG GO , ,GRUB PA'I MTHA' BRJOD PAR BYA STE, CI PHA ROL GYI SEMS SHES PA PHA ROL GYI SEMS KYI RNAM PA 'AM DMIGS PA 'DZIN ZHE NA, MI 'DZIN TO, ,DE @48A *, ,NI RNAM PA DANG DMIGS PA LA MI LTOS PA YIN TE, SEMS 'DI CHAGS PA YIN NO ZHES BYA BAR SHES KYI GZUGS CHE GE MO ZHIG LA CHAGS SO ZHES BYA BAR NI MI SHES SO, ,DE LTA MA YIN NA, DE GZUGS LA DMIGS PAR YANG 'GYUR LA, DE LA DMIGS PA'I PHA ROL GYI SEMS 'DZIN PA NI RANG GI NGO BO NYID 'DZIN PAR YANG 'GYUR RO, ,GZHAN GYI SEMS SHES PA THAMS CAD NI SEMS DANG SEMS LAS BYUNG BA DANG, RDZAS KYI RANG GI MTSAN NYID DANG, DA LTAR BYUNG BA DANG, PHA ROL GYI RGYUD DANG 'DOD PA DANG, GZUGS DANG LDAN PA DANG, LDAN PA MA YIN PA'I YUL CAN MTHONG PA'I LA MA BKAG PA DANG, BSGOM PA'I LAM LA DMIGS PA DANG, STONG PA NYID DANG MTSAN MA MED PA DANG MI LDAN PA DANG, ZAD PA DANG MI SKYE BA SHES PAS MA BSDUS PA DANG, BAR CHAD MED PA'I LAM BKAG PA YIN PAR RIG PAR BYA'O, ,PHA ROL GYI SEMS SHES PA BSHAD ZIN TO, ,LHAG MA RNAM PA BCU BZHI CAN, ,STONG DANG BDAG MED MA GTOGS SO, ,LHAG MA NI ZAD PA DANG MI SKYE BA SHES PA DAG STE, DE GNYIS NI STONG PA DANG BDAG MED PA'I RNAM PA DAG MA GTOGS PA RNAM PA BCU BZHI CAN YIN NO, ,DON DAM PA DAG YIN YANG DE DAG GI STOBS KYI RJES SU THA SNYAD 'DOGS PA'I SGO NAS BDAG GI SKYE BA ZAD DO, ,'DI LAS SRID PA GZHAN RAB TU MI SHES SO ZHES ZHES KUN RDZOB LA STON PA'I PHYIR RO, ,CE ZAG PA MED PA LA RANG GI MTSAN NYID KYI RNAM PA YOD DAM, 'ON TE MED CE NA, RE ZHIG KHA CHE BA RNAMS KYI LTAR NA, DRI MED BCU DRUG GZHAN RNAMS MED, ,RNAM PA BCU DRUG LAS MA GTOGS PA ZAG PA MED PA'I RNAM PA MED DO, ,GZHAN YOD CES BYA BSTAN BCOS LAS, ,GZHAN GYI 'OG PA RNAMS NA RE YOD DO ZHES ZER RO, ,JI LTAR NA KHONG DU CHUD CE NA, BSTAN BCOS LAS ZHES BYA BA SMOS TE, BSTAN BCOS LAS 'DI SKAD DU MI LDAN PA'I SEMS KYIS 'DOD PA DANG LDAN PA'I CHOS RNAMS SHES PAR 'GYUR BA YOD DAM ZHE NA, SHES PAR 'GYUR TE, RIGS PAS BSKYED PA'I SGO NAS MI RTAG PA DANG, SDUG BSNGAL BA DANG, STONG PA DANG, BDAG MED PA DANG, RGYU DANG, KUN 'BYUNG BA DANG, RAB @48B TU SKYE BA DANG, RKYEN DANG, 'DI NI GNAS YOD DO, ,'DI NI GZHI YOD DO ZHES BYA BAR SHES PAR 'GYUR RO ZHES 'BYUNG NGO, ,GAL TE GANG LAS 'DI NI GNAS YOD DO, ,'DI NI GZHI YOD DO ZHES DE SNYAM DU SHES PAR 'GYUR RO ZHES BYA BA 'DI'I DON NI 'DI MA YIN TE, 'ON KYANG MI RTAG PA LA SOGS PA SHES PAR 'GYUR BA GANG YIN PA 'DI NI GNAS YOD DO, ,'DI NI GZHI YOD DO ZHES BYA BA YIN NO, ,ZHE NA, MA YIN TE, GZHAN NAS MI 'BYUNG BA'I PHYIR RO, ,GAL TE 'DI BSTAN BCOS KYI DON YIN PAR 'GYUR NA, 'DI SKAD DU MTHONG BAS SPANG BAR BYA BA'I SEMS KYIS 'DOD PA DANG LDAN PA'I CHOS RNAMS SHES PAR 'GYUR BA YOD DAM ZHE NA, SHES PAR 'GYUR TE, RIGS PA MA YIN PAS BSKYED PA'I SGO NAS BDAG DANG, BDAG GI DANG, RTAG PA DANG, CHAD PA DANG, RGYU MED PA DANG, BYED PA MED PA DANG, SKUR PA 'DEBS PA DANG, MCHOG DANG, GTZO BO DANG, KHYAD PAR DU 'PHAGS PA DANG, DAM PA DANG, DAG PA DANG, GROL BA DANG, NGES PAR 'DZIN PAR BYED PA DANG, NEM NUR DANG, YID GNYIS DANG, THE TSOM DU SHES PAR 'GYUR ZHING, CHAGS PA DANG, SDANG BA DANG, RLAM PA DANG, RMONGS PAR 'GYUR RO ZHES GANG GSUNGS PA DER YANG 'DI SKAD DU 'DI NI GNAS YOD DO, ,'DI NI GZHI YOD DO ZHES 'BYUNG BAR 'GYUR BZHIG NA, DE SKAD KYANG MI 'BYUNG STE, DE LTA BAS NA 'DI NI DE'I DON MA YIN NO, ,CI RNAM PA BCU DRUG PO 'DI DAG MING GI SGO NAS SAM, 'ON TE RDZAS SU ZHE NA, KHA CIG NA RE RDZAS SU NI BDUN YIN LA MING GI SGO NAS NI BCU DRUG YIN TE, KUN 'BYUNG DANG, 'GOG PA DANG, LAM RNAMS RJES SU RA RE YIN PA'I PHYIR RO ZHES ZER RO, ,'DI SKAD DU BRJOD DE RDZAS SU RNAM PA BCU DRUG GO, ,DE LA RKYEN LA RAG LUS PA'I PHYIR MA RTAG PA'O, ,GNOD PA'I BDAG NYID YIN PA'I PHYIR SDUG BSNGAL BA'O, ,BDAG GIR LTA BA'I MI MTHUN PA'I PHYOGS KYIS STONG PA'I, ,BDAG TU LTA BA'I MI MTHUN PA'I PHYOGS KYIS BDAG MED PA'O, ,SA BON GYI CHOS KYI TSUL GYIS RGYU'O, ,'BYUNG BA'I CHOS KYI TSUL GYIS KUN 'BYUNG BA'O, ,'BREL PA'I TSUL GYIS RAB TU SKYE BA'O, , @49A *, ,MNGON PAR SGRUB PA'I DON GYIS NI RKYEN TE, DPER NA 'JIM PA'I GONG BU DANG THAL ZHAR DANG 'KHOR LO DANG THAG GU DANG CHU RNAMS 'DUS PA LAS BUM PA MNGON PAR GRUB PA DE BZHIN NO, ,PHUNG PO ZHIG PA'I PHYIR 'GOG PA'O, ,ME GSUM ZHI BA'I PHYIR ZHI BA'O, ,TSE PA ? MED PA'I PHYIR GYA NOM PA'O, ,SKYON THAMS CAD DANG BRAL BA'I PHYIR NGES PAR 'BYUNG BA'O, ,BGROD PA'I DON GYIS LAM MO, ,RIGS PA DANG LDAN PA'I PHYIR RIGS PA'O, ,YANG DAG PAR BSGRUB PA'I DON GYIS SGRUB PA'O, ,SHIN TU YANG DAG PAR 'DA' PAR BYED PA'I PHYIR NGES PAR 'BYIN PAR BYED PA'O, ,YANG NA GTAN DU BA MA YIN PA'I PHYIR MI RTAG PA'O, ,KHUR LTA BUR GYUR PA'I PHYIR, SDUG BSNGAL BA'O, ,NANG GI SKYES BU DANG BRAL BA'I PHYIR STONG PA'O, ,'DOD DGUR BYED PA MED PA'I PHYIR BDAG MED PA'O, ,'ONG BA'I TSUL GYIS RGYU'O, ,'BYUNG BA'I TSUL GYIS KUN 'BYUNG BA'O, ,'PHEL PA'I TSUL GYIS RAB TU SKYE BA'O, ,SO SOR 'BRAD BA'I TSUL GYIS RKYEN NO, ,'BREL PA MED PAS 'BEL PA ZHIG PA'I PHYIR 'GOG PA'O, ,'DUS BYAS KYI MTSAN NYID GSUM DANG 'BRAL BA'I PHYIR ZHI BA'O, ,DGE BA'I PHYIR GYA NOM PA'O, ,YID BRTAN PA'I MCHOG YIN PA'I PHYIR NGES PAR 'BYUNG BA'O, , LAM NGAN PA'I MI MTHUN PA'I PHYOGS KYIS LAM MO, ,RIGS PA MA YIN PA'I MI MTHUN PA'I PHYOGS GYIS RIGS PA'O, ,MYA NGAN LAS 'DAS PA'I GRONG DANG, MI 'GAL BA'I DON GYIS SGRUB PA'O, ,SRID PA THAMS CAD KYI GNYEN PO YIN PA'I PHYIR NGES PAR 'BYIN PAR BYED PA'O, ,JI LTAR 'DOD PA BRJOD PAR BYA STE SKYE BA DANG 'JIG PA'I CHOS CAN YIN PA'I PHYIR MI RTAG PA'O, ,MI MTHUN PAR GYUR PA'I PHYIR SDUG BSNGAL BA'O, ,BDAG DANG BRAL BA'I PHYIR STONG BA'I, ,BDAG NYID KYIS BDAG MA YIN PA'I PHYIR BDAG MED PA'O, ,RGYU DANG, KUN 'BYUNG BA DANG, RAB TU SKYE BA DANG, RKYEN NYID NI GANG MDO LAS NYE BAR LEN PA'I PHUNG PO LNGA PO 'DI DAG NI 'DUN PA'I RTZA BA CAN, 'DUN PA LAS KUN 'BYUNG BA, 'DUN PA DANG 'DRA BA, 'DUN PA LAS RAB TU SKYE BA DAG YIN NO ZHES GSUNGS PA KHO NA YIN TE, RAB TU SKYE BA ZHES BYA BA'I SGRA THA MAR GDON PA 'BA' ZHIG TU @49B ZAD DO, YANG 'DI DAG LA KHYAD PAR CI YOD CE NA, 'DUN PA NI RNAM PA BZHI STE, NGA 'O SNYAM PA NI BYA BRAG MED PAR LUS PA 'DUN PA YIN NO, ,GYUR CIG SNYAM PA NI BYE BRAG TU MED PAR YANG SRID PA LA 'DUN PA YIN NO, ,'DI LTA BUR GYUR CIG SNYAM PA NI, BYE BRAG TU YANG SRID PA LA 'DUN PA YIN NO, ,BZHI PA NI NYID MTSAMS SBYOR BA'I 'CHING BA LA 'DUN PA YIN NO, ,YANG NA LAS MNGON PAR 'DU BYED PA LA 'DUN PA YIN NO, ,DE LA DANG PO NI SDUG BSNGAL GYI DANG PO'I RGYU YIN PA'I PHYIR RTZA BA'I RGYU YIN TE, 'BRAS BU'I SA BON BZHIN NO, ,GNYIS PA NI KUN 'BYUNG BA YIN TE, DES DE YANG DAG PAR 'GRUB PA'I PHYIR, 'BRAS BU'I MYU GU LA SOGS PA SKYE BA BZHIN NO, ,GSUM PA NI DE DANG 'DRA BA'I SDUG GNYEN POR GO RIMS BZHI BRAS BU'I ZHING DANG CHU DANG LUD LA SOGS PA BZHIN NO, ZHING LA SOGS PA'I DBANG GIS NI 'BRAS BU'I DRI DANG RO DANG, NUS PA DANG, SMIN PA DANG MTHU DANG LDAN PAR 'BYUR RO, ,BZHI PA NI RAB TU SKYE BA STE, DE KHO NA LAS DE SKYE BA'I PHYIR 'BRAS BU'I THA MA ME TOG BZHIN NO, ,YANG NA SRED PA RNAM PAR SPYAD PA RNAMS KYI 'DUN PA BZHI NI SRED PA'I BYE BRAG RNAMS LAS LNGA TSAN GNYIS DANG, BZHI TSAN GNYES YIN TE, DGE SLONG DAG NGA'O SNYAM PA YOD NA NGA 'DI LTA BU'O SNYAM PA 'BYUNG BAR 'GYUR ZHING, NGA NI 'DI 'DRA'O SNYAM PA DANG, NGA DE LTA MA YIN NO SNYAM PA DANG, NGA BZANG NGO SNYAM PA DANG, NGA NGAN NO SNYAM PA 'BYUNG BAR 'GYUR RO, ,DE LA 'BYUNG BAR 'GYUR BAR BYA'O SNYAM PAR 'GYUR ZHING, DE LA 'BYUNG BAR 'GYUR BAR MI BYA'O SNYAM PA DANG, 'DI LTA BUR 'BYUNG BAR 'GYUR BAR BYA'O SNYAM PA DANG, 'DI 'DRA BAR 'BYUNG BAR 'GYUR BAR BYA'O SNYAM PA DANG, DE LTA MA YIN PAR 'BYUNG BAR 'GYUR BAR BYA'O SNYAM PA 'BYUNG BAR 'GYUR RO, ,DE LA GYUR CIG SNYAM PA 'BYUNG BAR 'GYUR ZHING, DE LA 'DI LTA BUR GYUR CIG SNYAM PA DANG, DE 'DRA BAR GYUR CIG SNYAM PA DANG, DE LTA MA YIN PAR GYUR CIG SNYAM PA DANG, GYUR KYANG CI MA RUNG SNYAM PA DANG, 'DI LTA BUR GYUR KYANG CI MA RUNG SNYAM PA DANG, 'DI 'DRA BAR GYUR KYANG CI MA RUNG SNYAM PA DANG, DE LTA MA YIN PAR GYUR KYANG CI MA RUNG SNYAM PA 'BYUNG BAR 'GYUR @50A *, ,RO ZHES GSUNGS PA YIN NO, ,'JUG PA MED PA'I PHYIR 'GOG PA'O, ,SDUG BSNGAL MED PA'I PHYIR ZHI BA STE, DGE SLONG DAG DE LTAR NA 'DU BYED RNAMS NI SDUG BSNGAL BA'O, ,MYA NGAN LAS 'DAS PA NI ZHI BA'O ZHES GSUNGS PA'I PHYIR RO, ,GONG NA MED PA'I PHYIR GYA NOM PA'O, ,YANG PHYIR MI LDOG PA'I PHYIR NGES PAR 'BYUNG BA'O, ,LAM LTA BUR GYUR PA'I PHYIR LAM MO, ,YANG DAG PA JI LTA BA BZHIN DU ZHUGS PA'I PHYIR RIGS PA'O, ,SO SOR NGES PA'I PHYIR SGRUB PA STE, JI SKAD DU MTHONG BA RNAM PAR DAG PAR BYA BA'I PHYIR 'DI LAM YIN GYI GZHAN NI MED DO ZHES GSUNGS PA LTA BU'O, ,GTAN DU NGES PAR 'BYUNG BAR BYED PA'I PHYIR NGES PAR 'BYIN PA'O, ,YANG NA RTAG PA DANG, BDE BA DANG, BDAG GI DANG, BDAG TU LTA PA SPYAD PA RNAMS KYI GNYEN POR GO RIMS BZHIN DU MI RTAG PA DANG, SDUG BSNGAL BA DANG, STONG PA DANG, BDAG MED PA'I RNAM PA DAG YIN NO, ,RGYU MED PA DANG, RGYU GCIG PU DANG, 'GYUR BA DANG, BLO SNGAR BTANG BA DANG, LTA BA SPYAD PA RNAMS KYI GNYEN POR GO RIMS BZHIN DU RGYU DANG, KUN 'BYUNG BA DANG, RAB TU SKYE BA DANG, RKYEN GYI RNAM PA DAG YIN NO, ,THAR PA MED DO SNYAM DU LTA BA SPYAD PA RNAMS KYI GNYEN POR 'GOG PA'I RNAM PA YIN NO, ,SDUG BSNGAL LA THAR PA YIN NO SNYAM DU LTA BA SPYAD PA RNAMS KYI GNYEN POR ZHI BA'I RNAM PA YIN NO, ,BSAM GTAN GYI BDE BA GYA NOM PA YIN PAR LTA BA SPYAD PA RNAMS KYI GNYEN POR GYA NOM PA YIN NO, ,YANG DANG YANGS YONGS SU NYAMS PAR 'GYUR BA'I SGO NAS THAR BA NI GTAN DU MA YIN NO SNYAM DU LTA BA SPYAD PA RNAMS KYI GNYEN POR NGES PAR 'BYUNG BA'I RNAM PA YIN NO, ,LAM MED DO SNYAM PA DANG, LAM 'DI YIN NO SNYAM PA DANG, GZHAN YANG LAM YIN NO SNYAM PA DANG, LAM 'DI YANG LHAG GO SNYAM DU LTA BAR SPYAD PA RNAMS KYI GNYEN POR GO RIMS BZHIN DU LAM DANG, REGS PA DANG, SGRUB PA DANG, NGES PAR 'BYIN PA'I RNAM PA DAG YIN NO, ,RNAM PA ZHES BYA BA'I CHOS 'DI CI ZHE NA, RNAM PA SHES RAB, DE LTA NA NI 'O NA SHES RAB GZHAN DANG MTSUNGS PAR MI LDAN PA'I PHYIR, SHES RAB RNAM PA DANG BCAS @50B PAR MI 'GYUR GYI, 'DI LTAR RNAM PA NI SEMS DANG SEMS LAS BYUNG BA THAMS CAD KYI DMIGS PA 'DZIN PA'I BYE BRAG NI RNAM PA YIN NO ZHES BYA BA NI RIGS PAR 'GYUR RO, ,YANG CI SHES RAB KHO NAS 'DZIN PAR BYED DAM ZHE NA, SMRAS PA MA YIN NO, ,'O NA JI LTA BU ZHE NA, DE DANG BCAS PA'I DMIGS PA DANG BCAS PAS 'DZIN PAR BYED, SHES RAB DANG, DMIGS PA DANG BCAS PA'I CHOS GZHAN THAMS CAD KYIS KYANG 'DZIN PAR BYED DO, ,YOD PA THAMS CAD GZUNG BYA YIN, ,GANG CI YOD KYANG RUNG THAMS CAD GZUNG BAR BYA BA YIN NO, ,DE LTAR BYAS NA SHES RAB NI RNAM PA YANG YIN, 'DZIN PAR BYED PA YANG YIN, GZUNG BAR BYA BA YANG YIN NO, ,DMIGS PA DANG BCAS PA GZHAN NI 'DZIN PAR BYED PA DANG, GZUNG BAR BYA BA YIN NO, ,DMIGS PA MED PA RNAMS NI GZUNG BAR BYA BA KHO NA YIN NO, ,'DI MAN CHAD NI SHES PA BCU PO 'DI DAG GI DGE BA LA SOGS PA'I BYE BRAG BSTAN PAR BYA STE, DANG PO RNAM GSUM GZHAN RNAMS DGE ,KUN RDZOB SHES BA NI TSIGS SU BCAD PA'I DANG PO NI YOD PA'I PHYIR DANG PO STE, DE NI DGE BA DANG MI DGE BA DANG, LUNG DU MA BSTAN PA DANG RNAM PA GSUM YIN NO, ,SHES PA GZHAN DGU NI DGE BA KHO NA YIN NO, ,DANG PO SA RNAMS THAMS CAD NA, 'DOD PA'I KHAMS NAS SRID PA'I RTZE MO'I BAR NA YOD DO, ,DRUG NA CHOS SHES BYA, CHOS SHES PA NI BSAM GTAN BZHI DANG, MI LCOGS PA MED PA DANG, BSAM GTAN KHYAD PAR CAN NA YOD DO, ,DGU NA RJES SHES BYA BA, RJES SU SHES PA NI SA DRUG PO DE DAG NYID DANG GZUGS MED PA GSUM NA YOD DO, ,DE BZHIN DU DRUG ,SDUG BSNGAL DANG, KUN 'BYUNG DANG, 'GOG PA DANG, LAM DANG, ZAD PA DANG, MI SKYE BA SHES PA RNAMS KYANG BYE BRAG MED PHAR NI SA DGU PO DE DAG NYID NA YOD DO, ,DBYE BA NI CHOS SHES PAS BSDUS PA RNAMS NI SA DRUG NA YOD DO,, RJES SU SHES PAS BSDUS PA RNAMS NI SA DGU NA YOD DO, ,GZHAN YID SHES PA BSAM GTAN BZHI, ,PHA ROL GYI SEMS SHES PA NI BSAM GTAN BZHI KHO NA NA YOD KYI GZHAN NA MED DO, ,DE NA 'DOD DANG GZUGS RTEN CAN, ,PHA ROL GYI SEMS SHES PA DE NI 'DOD PA DANG GZUGS KYI @51A *, ,KHAMS DAG TU MNGON SUM DU BYED DO, ,CHOS SHES BYA BA 'DOD RTEN CAN, ,CHOS SHES PA NI 'DOD PA'I KHAMS KYI RTEN CAN KHO NA YIN GYI, GZUGS DANG GZUGS MED PA'I KHAMS DAG TU NI MNGON SUM DU MI BYED DO, ,KHAMS GSUM PA YI RTEN CAN GZHAN, ,GZHAN GANG ZHE NA; PHA ROL GYI SEMS SHES PA DANG, CHOS SHES PA MA GTOGS PA'O, ,SA DAG DANG RTEN BSHAD ZIN TO, ,DRAN PA NYE BAR GZHAG PA RNAMS KYIS BSDUS PA BRJOD PAR BYA STE, DE SMRAS PA, 'GOG BLO DRAN PA NYER GZHAG PA, ,GCIG STE BLO DANG SHES RAB DANG, ,SHES PA ZHES BYA BA NI RNAM GRANGS YIN NO, ,'GOG PA SHES PA NI GCIG STE, CHOS DRAN PA NYE BAR GZHAG PA YIN NO, ,PHA ROL GYI SEMS BLO NI GSUM MO, ,PHA ROL GYI SEMS SHES PA NI GSUM STE, TSOR BA DANG, SEMS DANG, CHOS DRAN PA NYE BAR GZHAG PA RNAMS YIN NO, ,LHAG MA BZHI YIN NO, 'GOG PA DANG, PHA ROL GYI SEMS SHES PA DAG LAS GZHAN PA'I SHES PA RNAMS NI DRAN PA NYE BAR GZHAG PA BZHI CHAR YIN NO, ,SHES PA GANG GIS DMIGS PA SHES PA DU ZHIG YIN ZHE NA, CHOS BLO'I SPYOD YUL DGU YIN NO, ,CHOS SHES PA'I DMIGS PA NI SHES PA DGU YIN TE; RJES SU SHES PA MA GTOGS SO, ,LAM RJES BLO YI DGU YIN NO, ,RJES SU SHES PA'I DMIGS PA YANG SHES PA DGU YIN TE, CHOS SHES PA MA GTOGS SO, ,LAM SHES PA'I DMIGS PA YANG DGU YIN TE, KUN RDZOB SHES PA MA GTOGS SO, ,SDUG BSNGAL RGYU BLO'I GNYIS YIN NO; SDUG BSNGAL DANG KUN 'BYUNG SHES PA DAG GI DMIGS PA DAG NI GNYIS TE, KUN RDZOB DANG GZHAN GYI SEMS SHES PA YIN NO, ,BZHI YI BCU YIN, KUN RDZOB SHES PA DANG, GZHAN GYI SEMS SHES PA DANG, ZAD PA SHES PA DANG, MI SKYE BA SHES PA RNAMS KYI DMIGS PA NI SHES PA BCU CHAR YANG YIN NO, ,GCIG GI MIN, 'GOG PA SHES PA NI GCIG PHU'I DMIGS PA NI SHES PA MA YIN PA NYID DO, ,CHOS BCU DAG NI SBYAR BAR BYA, BCU GANG DAG CE NA, KHAMS GSUM PA DANG DRI MED CHOS, ,'DUS MA BYAS RNAMS GNYIS GNYIS SO, ,CHOS 'DUS BYAS RNAMS LA @51B 'DOD PA DANG, GZUGS DANG GZUGS MED PA NA SPYOD PA DANG, ZAG PA MED PA RNAMS MTSUNGS PAR LDAN PA DANG LDAN PA MA YIN PA'I BYE BRAG GIS RNAM PA BRGYAD DU BYA'O, ,'DUS MA BYAS RNAMS LA DGE BA DANG, LUNG DU MA BSTAN PA'I BYE BRAG GIS RNAM PA GNYIS SU BYA'O, ,CHOS BCU PO 'DI DAG JI LTAR SBYAR BAR BYA ZHE NA, SHES PA GANG GIS DMIGS PA DU ZHIG YIN ZHES SBYAR BAR BYA STE, DE LA KUN RDZOB SHES PA'I DMIGS PA NI CHOS BCU PO THAMS CAD YIN NO, ,CHOS SHES PA NI LNGA STE, 'DOD PA NA SPYOD PA DANG, ZAG PA MED PA DANG, GZHI DANG, 'DUS MA BYAS DGE BA YIN NO, ,RJES SU SHES PA NA BDUN TE, GZUGS DANG GZUGS MED PA NA SPYOD PA DANG, ZAG PA MED PA DANG, DRUG DANG, 'DUS MA BYAS DGE BA YIN NO, ,SDUG BSNGAL DANG, KUN 'BYUNG SHES PA DAG GI NI DRUG STE, 'DOD PA DANG, GZUGS DANG, GZUGS MED PA NA SPYOD PA RNAMS YIN NO, ,'GOG PA SHES PA'I NI GCIG STE, 'DUS MA BYAS DGE BA KHO NA YIN NO, ,LAM SHES PA'I NI GNYIS TE, ZAG PA MED PA DAG YIN NO, ,GZHAN GYI SEMS SHES PA'I NI GSUM STE, 'DOD PA DANG, GZUGS NA SPYOD PA DANG, ZAG PA MED PA DANG MTSUNGS PAR LDAN PA RNAMS YIN NO, ,ZAD PA DANG MI SKYE BA SHES PA DAG GI DMIGS PA NI CHOS DGU YIN TE, 'DUS MA BYAS LUNG DU MA BSTAN PA MA GTOGS SO, ,SHES PA GCIG GIS CHOS THAMS CAD SHES PAR 'GYUR BA YOD DAM ZHE NA, MED DO, ,'ON KYANG, KUN RDZOB GCIG PUS RANG TSOGS LAS, ,GZHAN NI BDAG MED NYID RIGS 'GYUR, ,KUN RDZOB SHES PAS NI RANG GI TSOGS LAS GZHAN PA'I CHOS THAMS CAD NI BDAG MED PA'O ZHES BDAG MED PA NYID DU SHES PAR 'GYUR RO, ,DE'I RANG GI TSOGS NI RANG GI NGO BO DANG DE DANG LHAN CIG TU 'BYUNG BA'I CHOS RNAMS YIN TE, DE DAG NI YUL DANG YUL CAN THA DAD PA'I PHYIR DANG, DMIGS PA GCIG PA'I PHYIR DANG, HA CANG NYE BA'I PHYIR MI 'DZIN TO, ,DE YANG 'DOD PA NA SPYOD PA NI THOS PA DANG, BSAM PA LAS BYUNG BA YIN NO, ,GZUGS NA SPYOD PA NI THOS PA LAS BYUNG BA YIN NO, ,BSGOM PA LAS BYUNG BA NI MA YIN TE, DE NI SA RNAM PAR CHAD PA LAS @52A *, ,DMIGS PA'I PHYIR RO, ,DE LTA MA YIN NA THAMS CAD LAS CIG CAR 'DOD CHAGS DANG BRAL BAR 'GYUR RO, ,'DI NI RDZOGS SO,, ,GANG ZHIG SHES PA DU DANG LDAN, ,ZHES BYA BA 'DI BRJOD PAR BYA STE, RE ZHIG SO SO'I SKYE BO NI KUN RDZOB SHES PA GCIG PU DANG LDAN NO, ,'DOD CHAGS DANG BRAL BA ZHIG YIN NA NI PHA ROL GYI SEMS SHES PA DANG YANG LDAN NO, ,'PHAGS PA NI, ZAG MED SKAD CIG DANG PO LA, ,CHAGS CAN SHES PA GCIG DANG LDAN, ,'DOD PA LAS 'DOD CHAGS DANG MA BRAL BA ZHIG YIN NA, SDUG BSNGAL LA CHOS SHES PA'I BZOD PA LA KUN RDZOB SHES PA GCIG KHO NA DANG LDAN PA YIN NO, ,GNYIS PA LA GSUM, SDUG BSNGAL LA CHOS SHES PA LA NI KUN RDZOB SHES PA DANG, CHOS SHES PA DANG, SDUG BSNGAL SHES PA STE, GSUM DANG LDAN NO, ,YAN CHAD NI, BZHI LA RE RE 'PHEL DANG LDAN, ,DE YAN CHAD KYI SKAD CIG MA BZHI LA NI, DE LA SHES PA RE RE, 'PHEL BAR SHES PAR BYA STE, SDUG BSNGAL LA RJES SU SHES PA 'PHEL LA, KUN 'BYUNG DANG, 'GOG PA DANG, LAM LA CHOS SHES PA RNAMS LA NI KUN 'BYUNG DANG, 'GOG PA DANG, LAM SHES PA RNAMS 'PHEL BAS LAM LA CHOS SHES PA LA SHES PA BDUN DANG LDAN PA YIN NO, ,'DOD CHAGS DANG BRAL BA ZHIG YIN NA NI THAMS CAD DU GZHAN GYI SEMS SHES PA LHAG PAR LDAN PAR RIG PAR BYA'O, ,YANG NA GNAS SKABS GANG DU SHES PA DU DAG CIG 'THOB CE NA, MTHONG BA'I LAM LA BZOD PA DANG, ,SHES PA JI LTAR SKYES PA RNAMS, ,MA 'ONGS PA 'THOB, MTHONG BA'I LAM LA BZOD PA'AM, SHES PA GANG DANG GANG SKYES PA DE DANG 'DRA BA MA 'ONGS PA DE'I RNAM PA BZHI KHO NA 'THOB PAR 'GYUR RO, ,CI'I PHYIR, MTHONG BA'I LAM LA SHES PA DANG, , RNAM PAR 'DRA BA KHO NA 'THOB CE NA, RIGS RNAMS MTHOB PA'I PHYIR RO, ,DE NYID LAS, RJES GSUM LA NI KUN RDZOB KYANG, MTHONG BA'I LAM DE NYID LA SDUG BSNGAL DANG, KUN 'BYUNG DANG, 'GOG PA LA RJES SU SHES PA GSUM LA KUN RDZOB SHES PA YANG 'THOB BO, ,CHOS SHES PA @52B LA NI MA YIN TE, BDEN PA ZAD PAR MNGON PAR MA RTOGS PA'I PHYIR RO, ,DE NYID KYI PHYIR MNGON RTOGS MTHA' ZHES BYA, DE NYID KYI PHYIR KUN RDZOB SHES PA DE NI MNGON PAR RTOGS PA'I MTHA' LAS BYUNG BA ZHES BYA STE, BDEN PA RE RE MNGON PAR RTOGS PA'I RJES LA 'THOB PA'I PHYIR RO, ,CI'I PHYIR LAM LA RJES SU SHES PA NA 'THOB PAR MI 'GYUR ZHE NA, LAM GYI BDEN BA NI SNGON 'JIG RTEN PA'I LAM GYIS MNGON PAR MA RTOGS PA'I PHYIR DANG, ZAD PAR MNGON PAR MA RTOGS PA'I PHYIR RO, ,SDUG BSNGAL ZAD PAR YONGS SU SHES PAR BYA BA DANG, KUN 'BYUNG SPANG BAR BYA BA DANG, 'GOG PA MNGON DU BYA BAR NI NUS KYI, LAM NI ZAD PAR BSGOM PAR MI NUS PAS MNGON PAR RTOGS PA'I MTHA' MED PA'I PHYIR, DE NI MNGON PAR RTOGS PA'I MTHA' LAS BYUNG BA MI 'THOB BO, ,DE'I TSE KUN 'BYUNG BA LA YANG THAMS CAD SPANGS PA MA YIN PAS MNGON PAR RTOGS PA'I MTHA' LAS BYUNG BAR MI 'GYUR RO ZHE NA, DE'I BDEN PA MTHONG BAS SPANG BAR BYA BA THAMS CAD SPANGS PA YIN NO, ,LAM NI RIGS MANG BA'I PHYIR, MTHONG BAS SPANG BA'I GNYEN POR THAMS CAD BSGOM PAR MI NUS PAS KHYAD PAR CHER YOD DO, ,GZHAN DAG NA RE MTHONG BA'I LAM GYI 'KHOR YIN PA'I PHYIR RO ZHES ZER RO, ,'DI NI BSGRUB PAR BYA BA YIN PA'I PHYIR SHES PAR BYED PA MA YIN NO, ,CI KUN RDZOB SHES PA MNGON PAR RTOGS BA'I MTHA' LAS BYUNG BA DE RES 'GA' MNGON SUM DU BYED DAM ZHE NA, NAM YANG MI BYED DE, GCIG KHO NAR DE NI MI SKYE BA'I CHOS CAN YIN, JI LTAR NA DE THOB PA YIN TE, MA RNYED PA LAS RNYED PA'I PHYIR RO, ,DA NI GAL TE DE MNGON SUM DU BYA BA MI NUS PA KHO NA YIN NA JI LTAR NA DE RNYED PA YIN, THOB PA'I SGO NAS SO, ,GANG GI PHYIR RNYED PA DE'I PHYIR RNYED DO ZHES STON PA 'DI NI SNGON MA BYUNG BA'I RNAM PA YIN NO, ,DE LTA BAS NA DE LTA NA NI THOB PA MI 'GRUB PA NYID KYIS SNGON GYI SLOB DPON DAG JI SKAD ZER BA DE LTA NA 'GRUB PAR 'GYUR RO, ,SNGON GYI SLOB DPON DAG JI SKAD ZER ZHE NA, 'JIG RTEN LAS 'DAS PA'I LAM GYI MTHUS DE LAS LANGS NAS 'JIG RTEN PA'I SHES PA CHES KHYAD PAR DU 'PHAGS @53A *, ,PA BDEN PA LA DMIGS PA MNGON SUM DU BYED PAR 'GYUR BA KUN RDZOB SHES PA SKYE BAR 'GYUR RO, ,DE MNGON SUM DU 'GYUR BAR NUS PA'I RTEN RNYED PA GANG YIN PA DE NYID RNYED PA YIN TE, RIGS RNYED NA RIGS LAS BYUNG BA YANG RNYED PA YIN NO ZHES ZER RO, ,BYE BRAG TU SMRA BA RNAMS NI 'DI MI 'DOD DO, ,SA DU PA'I KUN RDZOB SHES PA DE 'THOB CE NA, MTHONG BA'I LAM GYIS NI, RANG DANG 'GOG PA MTHONG BA'I LAM LAS SA GANG PA YIN PA SA DE PA DANG, SA 'OG MA PA'I KUN RDZOB SHES PA 'THOB PA STE, GAL TE MTHONG BA'I LAM MI LCOGS PA MED PA'I SA PA ZHIG YIN NA NI, MI LCOGS PA MED PA'I SA PA DANG, 'DOD PA NA SPYOD PA DANG, SA GNYIS PA THOB LA, DE BZHIN DU MTHONG BA'I LAM, BSAM GTAN BZHI PA'I SA PA YIN NA SA BDUN PA'I KUN RDZOB SHES PA THOB BA'I BAR DU'O, ,DE YANG DRAN BA NYE BAR GZHAG PA DU DAG CIG YIN ZHE NA, 'GOG PA'I MTHA', 'GOG PA'I MNGON PAR RTOGS PA'I KUN RDZOB SHES PA GANG YIN PA DE NI DRAN PA NYE BAR GZHAG PA THA MA STE, CHOS DRAN PA NYE BAR GZHAG PA YIN NO, ,GCIG GRANGS BCAD PAS LHAG MA NI DRAN PA NYE BAR GZHAG PA BZHI CHAR YIN NO ZHES BYA BAR GRUB PA YIN NO, ,KUN RDZOB SHES PA MNGON PAR RTOGS PA'I MTHA' LAS BYUNG BA DE NI RANG BDEN RNAMS CAN, BDEN PA GANG ZHIG MNGON PAR RTOGS PA'I 'THOB PA BDEN PA DE'I RNAM PA CAN KHO NA YIN NO, ,DE'I RNAM PA CAN YIN NO, ,ZHES SMOS PAS 'DI'I DMIGS PA YANG BDEN PA DE NYID YIN NO ZHES BSHAD PA YIN NO, ,DE NI MTHONG BA'I LAM GYIS 'THOB PAR BYA BA YIN PA'I PHYIR 'BAD LAS BYUNG BA SBYOR BA LAS BYUNG BA YIN NO ZHES BYA BA'I THA TSIG GO ,'KHOR DANG BCAS PA LA SOGS PA SMOS PA'I PHYIR, 'DOD PA DANG GZUGS NA SPYOD PA NI PHUNG PO BZHI DANG LNGA'I RANG BZHIN YIN NO, ,CHAGS BCAS BCU DRUG PA LA DRUG ,'THOB CES BYA BA SBYAR TE, 'DOD CHAGS DANG MA BRAL BA NI BCU DRUG PA LAM LA RJES SU SHES PA LAS SHES PA GNYIS DA LTAR BYUNG BA YIN LA, MA 'ONGS PA DRUG 'THOB STE, CHOS SHES PA DANG, RJES SU SHES PA DANG, SDUG BSNGAL @53B DANG KUN 'BYUNG DANG 'GOG PA DANG, LAM SHES PA RNAMS SO, ,'DOD LA CHAGS DANG BRAL BAS BDUN, ,'DOD CHAGS DANG BRAL BAS NI BDUN PA PHA ROL GYI SEMS SHES PA 'THOB BO, ,DE YI GONG MCHAGS BCAS KYI, ,BSGOM PA'I LAM LA BDUN 'THOB BO, ,SKAD CIG MA BCU DRUG GI GONG MA'I BSGOM PA'I LAM LA NI JI SRID DU 'DOD PA LAS 'DOD CHAGS DANG BRAL BA MA YIN PA DE SRID DU SBYOR BA DANG, BAR CHAD MED PA DANG, RNAM PAR GROL BA DANG, KHYAD PAR CAN GYI LAM THAMS CAD LA SHES PA BDUN 'THOB STE, CHOS SHES PA DANG, RJES SU SHES PA DANG, SDUG BSNGAL DANG, KUN 'BYUNG BA DANG, 'GOG PA DANG, LAM DANG KUN RDZOB SHES PA RNAMS SO, ,GAL TE BSGOM PA'I LAM 'JIG RTEN PA ZHIG YIN NA NI KUN RDZOB SHES PA DA LTAR BYUNG BA YIN NO, ,GAL TE 'JIG RTEN LAS 'DAS PA ZHIG YIN NA NI, CHOS SHES PA BZHI LAS GANG YANG RUNG BZHIG DA LTAR BYUNG BA YIN NO; ,SA BDUN LAS RGYAL MNGON SHES DANG, ,MI GA-YO 'THOB DANG SPEL BSGOMS PA'I, ,BAR CHAD MED PA'I LAM DAG DANG, ,GONG MA'I GROL BA'I LAM BRGYAD LA'ANG, ,SHES PA BDUN 'THOB BO ZHES BYA BAR SBYAR TE, SA BDUN NI BSAM GTAN BZHI DANG, GZUGS MED PA GSUM MO, ,DE DAG LAS RGYAL BA NI 'DOD CHAGS DANG BRAL BA STE, SLOB PA SA BDUN PO DE DAG LAS 'DOD CHAGS DANG BRAL BA DANG, MNGON PAR SHES PA LNGA DANG, MI GA-YO BA RTOGS PAR BYED PA DANG, BSAM GTAN SPEL MAR BSGOM PA'I BAR CHAD MED PA'I LAM JI SNYED PA DE DAG THAMS CAD LA SHES PA BDUN 'THOB STE, DE DAG NYID DO, ,GAL TE BSGOM PA'I LAM 'JIG RTEN PA ZHIG YIN NA NI, KUN RDZOB SHES PA DA LTAR BYUNG BA YIN NO, ,'JIG RTEN LAS 'DAS PA ZHIG YIN NA NI RJES SU SHES PA BZHI DANG CHOS SHES PA GNYIS LAS GANG YANG RUNG BA ZHIG DA LTAR BYUNG BA YIN NO, ,MI GA-YO BA RTOGS PAR BYED PA LA NI KUN RDZOB SHES PA MI 'THOB STE; SRID PA'I RTZE MO'I GNYEN PO MA YIN PA'I PHYIR RO, ,DER NI ZAD PA SHES PA BDUN PA YIN PAR RIG PAR BYA'O, ,SA BDUN LAS 'DOD CHAGS DANG BRAL BA'I YANG GONG MA SRID PA'I RTZE MO LAS 'DOD CHAGS DANG BRAL PA'I RNAM PAR GROL BA'I LAM BRGYAD LA YANG SHES PA BDUN KHO NA 'THOB STE, CHOS @54A *, ,SHES PA DANG, RJES SU SHES PA DANG, SDUG BSNGAL DANG, KUN 'BYUNG DANG, 'GOG PA DANG, LAM DANG, PHA ROL GYI SEMS SHES PA RNAMS SO, ,KUN RDZOB SHES PA NI MI 'THOB STE, SRID PA'I RTZE MO'I GNYEN PO MA YIN PA'I PHYIR RO, ,RJES SU SHES PA RNAM PA BZHI DANG, CHOS SHES PA RNAM PA GNYIS LAS GANG YANG RUNG BA ZHIG DA LTAR BYUNG BA YIN NO, ,SLOB PA SBYONG BA'I GROL BA LA, ,SHES PA DRUG DANG BDUN 'THOB BAM, ,SLOB PA 'DOD CHAGS DANG BCAS PAS NI DBANG PO SBYONG BA'I RNAM PAR GROL BA'I LAM LA DRUG 'THOB STE, CHOS SHES PA DANG, RJES SU SHES PA DANG, SDUG BSNGAL BA DANG, KUN 'BYUNG BA DANG, 'GOG PA DANG, LAM SHES PA RNAMS SO, ,'DOD CHAGS DANG BRAL BAS NI PHA ROL GYI SEMS SHES PA BSNAN TE, BDUN 'THOB BO, ,'AM ZHES BYA BA'I SGRA NI KHA CIG NA RE GNYI GAS KUN RDZOB SHES PA YANG 'THOB BO ZHES ZER BA'I LUGS THA DAD PA SHES PAR BYA BA'I PHYIR RO, ,SBYOR BA'I LAM LA NI DE GNYIS KYIS KUN RDZOB SHES PA YANG 'THOB BO, ,BAR CHAD MED PA'I LAM LA DRUG ,SLOB PA 'DOD CHAGS DANG BRAL BA YANG RUNG, 'DOD CHAGS DANG MA BRAL BA YANG RUNG, DBANG PO SBYONG BA'I BAR CHAD MED PA'I LAM LA DRUG 'THOB STE, SNGA MA BZHIN NO, ,KUN RDZOB SHES PA NI MA YIN TE, MTHONG BA'I LAM DANG 'DRA BA'I PHYIR, PHA ROL GYI SEMS SHES PA YANG MA YIN TE, BAR CHAD MED PA'I LAM THAMS CAD LA BKAG PA'I PHYIR RO, ,CI'I PHYIR BKAG PA CI ZHE NA, GNYEN PO MA YIN PA'I PHYIR RO, ,DE BZHIN SRID RTZE'I RNAM RGYAL LA, , SRID PA'I RTZE MO LAS 'DOD CHAGS DANG BRAL BA'I BAR CHAD MED PA'I LAM RNAMS LA YANG DE BZHIN DU DRUG 'THOB BO, ,ZAD PA SHES PA LA DGU'O, ,SRID PA'I RTZE MO LAS 'DOD CHAGS DANG BRAL BA LA RNAM PAR GROL BA'I LAM DGU PA NI ZAD PA SHES PA YIN TE, DE LA MI SKYE BA SHES PA MA GTOGS PA SHES PA DGU 'THOB BO, ,MI GA-YO BAS NI BCU 'THOB BO, ,MI GA-YO BA'I CHOS CAN GANG YIN PA DES NI BCU 'THOB STE, MI SKYE BA SHES PA 'THOB PA'I PHYIR RO, ,DER 'PHO BA'I GROL BA THA MA LA'ANG, ,GANG ZHIG MI GA-YO BA NYID DU 'PHO BA DE'I RNAM PAR GROL BA'I LAM THA MA LA YANG BCU 'THOB @54B PO; ,BSHAD PA'I LHAG MA LA BRGYAD 'THOB BO, ,LHAG MA YANG GANG ZHIG CE NA, 'DOD PA'I KHAMS LAS 'DOD CHAGS DANG BRAL BA'I RNAM PAR GROL BA'I LAM DGU PA DANG, SA BDUN LAS 'DOD CHAGS DANG BRAL BA DANG, MNGON PAR SHES PA DANG SPEL MAR BSGOM PA DAG GIS RNAM PAR GROL BA'I LAM RNAMS DANG, MI GA-YO BA RTOGS PAR BYED PA'I RNAM PAR GROL BA'I LAM BRGYAD DANG, 'DOD CHAGS DANG BRAL BA'I SBYOR BA DANG, KHYAD PAR CAN GYI LAM THAMS CAD DE, DE DAG THAMS CAD LA NI ZAD PA DANG, MI SKYE BA SHES PA MA GTOGS PA SHES PA BRGYAD MA 'ONGS PA 'THOB PAS 'THOB PA STE, SLOB PA NI DE LTA BU YIN NO, ,MI SLOB PA'I MNGON PA SHES PA LA SOGS PA'I SBYOR BA DANG, RNAM PAR GROL BA DANG, KHYAD PAR CAN GYI LAM RNAMS LA SHES PA DGU 'AM BCU 'THOB PO, ,MNGON PAR SHES PA DANG SPEL MAR BSGOM PA'I BAR CHAD MED PA'I LAM RNAMS LA NI BRGYAD DAM DGU 'THOB BO, ,MNGON PAR SHES PA'I RNAM PAR GROL BA'I LAM GNYIS NI LUNG DU MA BSTAN PA'I PHYIR MA 'ONGS BA CUNG ZAD KYANG MI 'THOB BO, ,SO SO'I SKYE BO NI 'DOD PA DANG, BSAM GTAN GSUM LAS 'DOD CHAGS DANG BRAL BA'I RNAM PAR GROL BA'I LAM THA MA RNAMS DANG, BSAM GTAN GYIS PA DAG GI SBYOR BA RNAMS DANG, MNGON PAR SHES PA GSUM GYI RNAM PAR GROL BA'I LAM RNAMS DANG, TSAD MED PA LA SOGS PA'I YON TAN MNGON PAR SGRUB PA RNAMS LA KUN RDZOB SHES PA MA 'ONGS PA DANG, NGES PAR 'BYED PA'I CHA DANG MTHUN PA DAG GI SBYOR BA RNAMS DANG, MNGON BAR SHES PA GSUM GYI RNAM PAR GROL BA MA GTOGS PA PHA ROL GYI SEMS SHES PA YANG 'THOB BO, ,DE DAG LA NI GZHAN GYI SEMS SHES PA YANG MI 'THOB STE, MTHONG BA'I LAM GYI 'KHOR YIN PA'I PHYIR RO, ,SNGON MED PA'I LAM THOB PA GZHAN LA NI KUN RDZOB SHES PA KHO NA MA 'ONGS PA 'THOB PO, ,YANG LAM GANG LA SA DU PA'I SHES PA THOB CE NA, RE ZHIG KUN RDZOB SHES PA NI LAM SA GANG PA'I YIN PA DANG, DANG PO NYID DU SA GANG 'THOB BA SA DE PA'I MA 'ONGS PA 'THOB BO, ,ZAG PA MED PA'I LAM GANG YIN PA 'BA' ZHIG TU YANG MA ZAD DO, ,'O NA JI LTA BU ZHE NA, GANG LAS @55A *, ,CHAGS BRAL BYA PHYIR GANG, ,'THOB PA DER YANG 'OG MA'ANG 'THOB, ,SA GANG LAS 'DOD CHAGS DANG BRAL BA LA YANG LAM YANG SBYOR BA'I LAM LA SOGS PA RNAM PA GNYIS YIN LA, 'DOD CHAGS DANG BRAL BAS GANG ZHIG THOB PA DE'I SA PA DANG SA 'OG MA PA'I ZAG PA MED PA'I SHES PA RNAMS 'THOB PAR 'GYUR RO, ,ZAD PA SHES LA ZAG BCAS KYANG, ,SA KUN ZAD PA SHES PA LA NI ZAD PA SHES PAS 'THOB PA ZAG PA DANG BCAS PA'I YON TAN MI SDUG PA DANG, DBUGS 'BYUNG BA DANG, RDUB PA RJES SU DRAN PA DANG, DRAN PA NYE BAR GZHAG PA DANG, TSAD MED PA DANG, RNAM PAR THAR PA LA SOGS PAS THAMS CAD SBROG MA THAG PA BCAD DE, DBUGS PHYIN PA LTA BU DANG, CHOS MTHUN PA 'THOB STE, RGYAL SRID CHEN PO THOB NA, YUL GYI MI RNAMS KYIS DBUL BAR BYA BAS BSUB BZHINI ? DU RANG GI SEMS LA RGYAL SRID CHEN PO NYID 'THOB BA LA DGE BA'I CHOS THAMS CAD 'THOB PA RNAMS KYIS BSU BA'I PHYIR RO, ,GANG CI RNYED PA DE THAMS CAD 'THOB BAM ZHE NA, SMRAS PA, GANG SNGON MED PA LAS RNYED PA YIN PAS, DE THAMS CAD NI 'THOB KYI, SNGON RNYED ZIN PA NI MI 'THOB BO, ,GANG RNAM PAR NYAMS PA LAS YANG RNYED BDE YANG MI 'THOB STE, THOB PA BTANG BA'I PHYIR RO, ,CI 'THOB PA RNYED PA KHO NA YIN NAM ZHE NA, SMRAS PA MA YIN NO, ,'THOB PA NI RNAM PA BZHI STE, NYEN PA 'THOB PA DANG, BSTEN PA 'THOB PA DANG, GNYEN PO 'THOB PA DANG, THAG BSRING BA 'THOB BA'O, ,DE LA RNYED PA DANG BSTEN CES BYA BA NI, DGE BA 'DUS BYAS 'THOB BO, ,GNYEN PO DANG NI THAG BSRING BA'I, , 'THOB PA ZAG DANG BCAS PA'I YIN, ,RNYED PA DANG BSTEN PA 'THOB PA DAG NI DGE BA 'DUS BYAS RNAMS KYI YIN TE, MA 'ONGS PA RNAMS KYI NI GCIG GO ,DA LTAR BYUNG BA RNAMS KYI NI GNYI GA'O, ,GNYEN PO DANG THAG BSRING BA 'THOB PA DAG NI, ZAG PA DANG BCAS PA'I CHOS RNAMS KYI YIN TE, DE LTAR NA DGE BA ZAG PA DANG BCAS PA RNAMS KYI NI 'THOB PA BZHI YIN NO, ,ZAG PA MED PA RNAMS DANG, NYON MONGS PA THAMS CAD DANG, LUNG DU MA BSTAN PA RNAMS KYI NI GNYIS YIN NO, ,CHOS MNGON PA PA NYI 'OG PA RNAMS KYI LTAR NA 'THOB PA DRUG STE, BZHI PO DE DAG DANG, SDOM PA 'THOB PA @55B DANG, RNAM PAR 'JIG PA 'THOB PA'O, ,SNGA MA NI DBANG PO RNAMS KYI YIN LA, PHYI MA NI LUS KYI YIN TE, DBANG PO DRUG PO 'DI DAG SHIN TU DUL BA DANG, SHIN TU BSGOMS PA ZHES BYA BA'I BAR DANG, DE BZHIN DU LUS 'DI LA SKRA YANG YONG CES BYA BA RGYAS PAR GSUNGS PA YIN NO, ,GANG DAG KHA CHE BA RNAMS NA RE DE GNYIS NI GNYEN PO DANG THAG BSRING BA 'THOB PA'I KHONGS SU 'DUS SO ZHES ZER RO, ,GANG ZAG THAMS CAD KYIS ZAD PA SHES PA'I TSE, YON TAN 'THOB BA'I PHYIR BSHAD KYI, ,SANGS RGYAS CHOS NI MA 'DRES PA, ,STOBS LA SOGS PA BCO BRGYAD DO, ,GANG DAG SANGS RGYAS KHO NAS ZAD PA MKHYEN PA'I TSE BRNYES BAR 'GYUR GYI GZHAN GYIS NI MA YIN PA'O, ,BCO BRGYAD GANG ZHE NA, STOBS BCU DANG, MI 'JIGS BA BZHI DANG, DRAN PA NYE BAR GZHAG BA GSUM DANG, THUGS RJE CHEN BO'O, ,THUN MONG MA YIN BAS NA MA 'DRES PA ZHES BYA'O, ,DE LA, GNAS DANG GNAS MIN SHES PA BCU, ,GNAS DANG GNAS MA YIN PA MKHYEN PA'I STOBS NI SHES PA BCU YIN NO, ,LAS 'BRAS LA BRGYAD, LAS DANG RNAM BAR SMIN PA 'AM MKHYEN BA'I STOBS NI SHES PA BRGYAD DE, 'GOG PA DANG LAM SHES PA DAG MA GTOGS SO, ,BSAM GTAN SOGS, DBANG BO MOS DANG KHAMS LA NI, DGU'O, ,BSAM GTAN DANG, RNAM PAR THAR PA DANG, TING NGE 'DZIN DANG, SNYOMS BAR 'JUG PA MKHYEN PA'I STOBS NI SHES PA DGU YIN TE, 'GOG PA SHES PA MA GTOGS SO, ,DBANG PO MCHOG DANG MCHOG MA YIN PA MKHYEN PA'I STOBS DANG, MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS KYANG DE BZHIN DU RIG PAR BYA'O, ,LAM DAG LA BCU'AM, 'AM ZHES BYA BA'I SGRA NI DGU 'AM ZHES LUGS THA DAD PA'I DON TE, GAL TE LAM DE 'BRAS BU DANG BCAS PAR GZUNG NA NI THAMS CAD DU 'GRO BA'I LAM MKHYEN PA'I STOBS SHES PA BCU'O, ,GAL TE MA YIN NA NI DGU STE, 'GOG PA SHES PA MA GTOGS SA, ,GNYIS NI KUN RDZOB SHES PA YIN, ,SNGON GYI GNAS RJES SU DRAR PA MKHYEN PA'I STOBS DANG, SHI 'PHO BA DANG, SKYE BA MKHYEN PA'I STOBS NI KUN RDZOB SHES PA YIN NO, ,ZAD PA @56A *, ,DRUG GAM BCU YIN NO, ,GAL TE ZAG PA ZAD PA SHES PA 'GOG PA SHES PA KHO NA ZHIG YIN NA NI ZAG PA ZAD PA MKHYEN PA'I STOBS SHES PA DRUG YIN TE, CHOS SHES PA DANG, RJES SU SHES PA DANG, 'GOG PA SHES PA DANG, ZAD PA SHES PA DANG, MI SKYE BA SHES BA DANG, KUN RDZOB SHES PA RNAMS SO, ,'ON TE ZAD PA SHES PA ZAG PA ZANG PA'I RGYUD LA YOD PA'I SHES PA YIN NA NI, DES NA SHES PA BCU YIN NO, ,RANG BZHIN BSHAD ZIN TO, ,DA NI SA BRJOD PAR BYA STE, SNGON GNAS SHI 'PHO SKYE BA'I STOBS, ,BSAM GTAN DAG NA, 'CHI 'PHO BA NI 'CHI 'PHO BA KHO NA STE, SNGON GYI GNAS DANG, SHI 'PHO DANG SKYE BA MKHYEN PA'I STOBS NI BSAM GTAN BZHI'I SA PA YIN NO, ,LHAG MA NI SA RNAMS KUN NA, ,STOBS LHAG MA NI SA THAMS CAD KYIS BSDUS PA YIN TE, DE DAG KYANG 'DOD PA'I KHAMS DANG, MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG, GZUGS MED PA'O, ,THAMS CAD KYANG 'DZAM BU'I GLING GI SKYES PA'I RTEN CAN YIN TE, GZHAN DU SANGS RGYAS MI 'BYUNG BA'I PHYIR RO, ,SHES PA RNAM PA BCU PO 'DI NYID GZHAN GYI NI STOBS ZHES MI BYA'I, SANGS RGYAS KHO NA'I STOBS ZHES BYA'O, ,CI'I PHYIR, 'DI'I STOBS GANG PHYIR THOGS MI MNGA', ,GANG GI PHYIR 'DI'I MKHYEN PA SHES BYA THAMS CAD LA THOGS PA MI MNGA' BAR 'JUG PA DE'I PHYIR STOBS YIN NO, ,GZHAN DAG GI SHES PA NI LA LAR 'DOD KYANG MI 'JUG PA'I PHYIR, THOGS PA YIN PAS DE NI STOBS ZHES BYA BA'I MING THOB PAR 'OS PA MA YIN TE, 'DIR DPE NI GNAS BRTAN SH'A RI'I BUS RAB TU 'BYUNG BAR 'DOD PA'I MI PHYIR BTANG BA DANG, BYA ZHIG KHRAS GCES PA SKYE BA LA SOGS PA'I MTHA' MA SHES PA LTA BU YIN NO, ,RE ZHIG DE LTAR NA MKHYEN PA LA THOGS PA MI MNGA' BA'I PHYIR, SANGS RGYAS RNAMS KYI THUGS KYI STOBS NI SHES BZHIN DU MTHA' YAS PA YIN NO, ,SKU LA SRED MED BU YI STOBS, ,SANGS RGYAS KYI SKU LA NI SRED MED BU'I STOBS MNGA'O ZHES BRJOD DO, ,GZHAN DAG TSIGS NA, GZHAN DAG NA RE TSIGS DANG TSIGS NA SRAD MED KYI BU'I STOBS MNGA'O ZHES ZER RO, ,BTZUN PA NA RE @56B SKU'I STOBS KYANG THUGS KYI STOBS BZHIN DU MTHA' YAS PA YIN NO, ,DE LTAM YIN NA MKHYEN PA'I STOBS MTHA' YAS PAS BZOD PAR MI 'GYUR RO ZHES ZER RO, ,SANGS RGYAS DANG RANG SANGS RGYAS DANG 'KHOR LOS SGYUR BA RNAMS KYI TSIGS KYI MDUNG BA DANG, LU GU BRGYUD DANG, GZAR BUS BTAB PA LTA BU DAG YIN NO, ,SRED MED KYI BU'I STOBS KYI TSAD JI TZAM ZHEN, GLANG CHEN SOGS BDUN CUS GLAGS PA'I STOBS YIN NO, ,GLANG PO CHE PHAL PA BCU'I STOBS GANG YIN PA DE NI SPOS KYI GLANG PO CHE GCIG GI STOBS YIN NO, ,DE BZHIN DU TSAN PO CHE CHEN PO DANG, RAB GNON DANG, YAN LAG MCHOG DANG, STOBS MCHOG DANG, SRED MED KYI BU RNAMS GONG NAS GONG DU BCU 'GYUR DU BSKYED DE BRJOD PAR BYA'O, ,GZHAN DAG NA RE GLANG PO CHE BAL BA DANG, SPOS KYI GLANG PO CHE DANG, TSAN PO CHE CHEN PO DANG, RAB GNON DANG, YAN LAG MCHOG DANG, STOBS MCHOG RNAMS GONG NAS GONG DU BCU 'GYUR DU BSKYED PA NI SRED MED KYI BU'I STOBS KYI PHYED YIN LA, DE GNYIS SU BSGYUR PA NI SRED MED KYI BU'I STOBS YIN NO ZHES ZER TE, JI LTAR CHES CHE BA DE LTAR RUNG NGO, ,DE NI REG BYA'I SKYE MCHED DO, ,LUS KYI STOBS DE NI THAMS CAD KYANG REG BYA'I SKYE MCHED KYI RANG BZHIN 'BYUNG BA CHEN BO'I KHYAD PAR KHO NA YIN PAR RIG PAR BYA'O, ,GZHAN DAG NA RE BDUN LAS DON GZHAN DU GYUR PA RGYUR BYAS PA'I GZUGS YIN NO ZHES ZER RO, ,STOBS RNAMS BSHAD ZIN TO, ,MI 'JIGS PA NI RNAM PA BZHI, ,MDO LAS JI SKAD 'BYUNG BA BZHIN NO, ,MI 'JIGS PA BZHI PO DE DAG KYANG, JI LTAR STOBS NI DANG PO DANG BCU PA GNYIS PA BDUN PA BZHIN NO, ,GNAS DANG GNAS MA YIN PA MKHYEN PA'I STOBS JI LTA BAR, KYE MANG MNGON PAR RDZOGS PAR SANGS RGYAS PAR GYUR PA LA ZHES BYA BA'I MI 'JIGS PA 'DI YANG DE DANG 'DRA BAR RIG PAR BYA'O, ,ZAG PA ZAD PA MKHYEN PA'I STOBS JI LTA BAR KYE MANG ZAG PA ZAD BAR GYUR BA LA ZHES BYA BA'I MI 'JIGS PA 'DI YANG DE DANG 'DRA'O, ,LAS BDAG GIR BYA BA MKHYEN PA'I STOBS JI LTA BAR NGAS GANG DAG NYAN THOS RNAM LA BAR DU GCOD PA'I CHOS SU GSUNGS PA LA ZHES BYA BA'I MI 'JIGS PA 'DI YANG DE DANG 'DRA'O, ,KUN @57A *, ,DU 'GRO BA'I LAM MKHYEN PA'I STOBS JI LTA BAR NGAS GANG NYAN THOS RNAMS KYI NGES PAR 'BYUNG BA'I LAM DU GSUNGS PA LA ZHES BYA BA'I MI 'JIGS PA 'DI YANG DE DANG 'DRA BAR RIG PAR BYA'O, ,JI LTAR NA MKHYEN PA NYID MI 'JIGS PA YIN ZHE NA, MI 'JIGS PA NI MI SKRAG PA YIN LA, 'DI DAG GIS KYANG MI SKRAG PAR 'GYUR RO, ,SHES PAS BYAS PA NI MI 'JIGS PAR RUNG GI SHES PA NYID NI MA YIN NO, ,DRAN PA NYE BAR GZHAG PA NI 'KHOR GYI BYE BRAG LAS GSUM YIN TE, MDO LAS JI SKAD 'BYUNG BA BZHIN NO, ,DE YANG DRAN PA SHES RAB DAG NYID GSUM, , DRAN PA NYE BAR GZHAG PA GSUM PO 'DI DAG NI DRAN PA DANG, SHES BZHIN GYI RANG BZHIN DAG YIN NO, ,GANG GI TSE NYAN THOS DAG KYANG GUS PAR NYAN PA DANG, GUS PAR MI NYAN PA DANG, GNYIG LA KUN DU DGA' BA'AM, KUN NAS MNAR SEMS MI 'BYUNG BA NA, CI'I PHYIR, 'DI DAG SANGS RGYAS KYI CHOS MA 'DRES PA RNAMS ZHES BYA ZHE NA, BAG CHAGS DANG BCAS BAR SPANGS PA'I PHYIR RO, ,YANG NA NYAN THOS RNAMS GANG YIN PA DE LA NI GUS PAR NYAN PA DANG, GUS BAR MI NYAN BA DANG, GNYIS PO DE DAG LA SHIN TU YANG YID BDE BA LA SOGS PA'I GO SKABS SU MI 'GYUR GYI, GZHAN LA NI DE LTA MA YIN BAS DE KHO NA LA DE MI 'BYUNG BA YA MTSAN DU RNAM PAR GZHAG GI GZHAN LA NI MA YIN NO, ,NGA NI THUGS RJE CHEN PO BRJOD PAR BYA STE, DE SMRAS PA, THUGS RJE CHEN PO KUN RDZOB BLO, ,THUGS RJE CHEN PO NI KUN RDZOB SHES PA'I BDAG NYID YIN NO, ,DE LTA MA YIN NA SEMS CAN THAMS CAD LA DMIGS PAR YANG MI 'GRUB LA, SNYING RJE BZHIN DU SDUG BSNGAL GSUM GYI RNAM PA CAN DU YANG MI 'GRUB BO, ,'DI CI'I PHYIR THUGS RJE CHEN PO ZHAS BYA ZHE NA, TSOGS DANG RNAM PA SPYOD YUL DANG, ,MNYAM PA'I PHYIR DANG CHES CHE'I PHYIR, ,TSOGS NI BSOD NAMS DANG YE SHES KYI TSOGS CHEN POS YANG DAG PAR 'GRUB PA'I PHYIR RO, ,RNAM PA NI SDUG BSNGAL GSUM LA RTOGS PA'I PHYIR RO, ,DMIGS PA NI KHAMS GSUM PA'I SEMS CAN LA DMIGS PA'I PHYIR RO, ,MNYAM PA NYID NI SEMS CAN THAMS CAD LA 'DRA BAR 'JUG PA'I PHYIR @57B RO; ,CHES CHE BA NYID NI DE BAS CHA BA MED PA'I PHYIR RO, ,SNYING RJE DANG THUGS RJE CHEN PO GNYIS LA THA DAD DU BYA BA NI CI ZHIG YOD CE NA, THA DAD BYA BA RNAM PA BRGYAD, NGO BO NYID LAS NI ZHE SDANG MED PA DANG, GTI MUG MED PA'I NGO BO NYID YIN PA'I PHYIR RO, ,RNAM PA LAS NI SDUG BSNGAL GCIG DANG, GSUM GYI RNAM PA CAN YIN PA'I PHYIR RO, ,DMIGS PA LAS NI KHAMS GCIG DANG, GSUM GYI SEMS CAN LA DMIGS PA'I PHYIR RO, ,SA LAS NI BSAM GTAN BZHI DANG, BSAM GTAN BZHI PA'I SA PA YIN PA'I PHYIR RO, ,RGYUD LAS NI NYAN THOS LA SOGS PA DANG, SANGS RGYAS KYI RGYUD LAS SKYE BA YIN PA'I PHYIR RO, ,THOB PA LAS NI 'DOD PA'I KHAMS DANG, SRID PA'I RTZE MO LAS 'DOD CHAGS DANG BRAL BAS THOB PA'I PHYIR RO, ,YONGS SU MI SKYOB PA DANG, YONGS SU SKYOB PA DANG, MI 'DRA BA DANG 'BRA BAR THUGS RJE MDZAD PA'I PHYIR RO, ,CI SANGS RGYAS THAMS CAD RNAM PA THAMS CAD KYIS MNYAM PA YIN NAM ZHE NA, SANGS RGYAS THAMS CAD TSOGS DANG NI, ,CHOS SKU 'GRO BA'I DON SPYOD PAS, ,MNYAM PA NYID DE SKU TSE DANG, ,RIGS DANG SKU BONG TSOD KYIS MIN, ,SANGS RGYAS THAMS CAD NI RGYU GSUM PO SNGON GYI BSOD NAMS DANG, YE SHES KYI TSOGS KYIS YANG DAG PAR 'GRUB PA DANG, CHOS KYI SKU YONGS SU 'GRUB PA DANG, 'JIG RTEN GYI DON SPYOD PAS MNYAM PA NYID YIN NO, ,SKU TSE DANG, RIGS DANG, GDUNG DANG, SKU BONG TSOD DU MDZAD PA LA NI BYE BRAG YOD DE DUS JI LTA BA BZHIN DU YUN SHIN TU RENG BA DANG, THUNG NGUR 'TSO BA'I PHYIR DANG, RGYAL RIGS DANG, BRAM ZE'I RIGS THA DAD PA'I PHYIR DANG, 'OD SRUNGS DANG SH'AKYA LA SOGS PA GDUNG THA DAD PA'I PHYIR DANG, SKU BONG TSOD CHUNG BA DANG, CHUNG BA MA YIN PA THA DAD PA'I PHYIR RO, ,PHUN SUM TSOGS PA RNAM PA GSUM PO 'DI KHO NA YID LA BYED PA MKHAS PAS NI, SANGS RGYAS BCOM LDAN 'DAS RNAMS LA DGA' BA DANG, GUS PA CHEN PO SKYED PAR NUS TE, 'DI LTA STE, RGYU PHUN SUM TSOGS PA DANG, 'BRAS BU PHUN SUM TSOGS PA DANG, PHAN 'DOGS PA PHUN SUM TSOGS PA DANG, YE SHES PHUN SUM TSOGS PA'O, ,DE LA RGYU PHUN SUM TSOGS PA @58A *, ,NI; RNAM PA BZHI STE, BSOD NAMS DANG YE SHES KYI TSOGS THAMS CAD LA GOMS PA DANG, YUN RING PO NAS GOMS PA DANG, BAR CHAD MED PAR GOMS PA DANG, GUS PAR BYAS TE GOMS PA'O, ,'BRAS BU PHUN SUM TSOGS PA YANG RNAM PA BZHI STE, YE SHES PHUN SUM TSOGS PA DANG, SPANG BA PHUN SUM TSOGS PA DANG, MTHU PHUN SUM TSOGS PA DANG, GZUGS KYI SKU PHUN SUM TSOGS PA'O, ,PHAN 'DOGS PA PHUN SUM TSOGS PA YANG RNAM PA BZHI STE, NGAN SONG GSUM DANG 'KHOR BA'I SDUG BSNGAL LAS GTAN DU THAR BAR MDZAD PA PHUN SUM TSOGS PA'O,, YANG NA THEG PA GSUM DANG BDE 'GRO LA 'GOD PAR MDZAD PA PHUN SUM TSOGS PA'O, ,YE SHES PHUN SUM TSOGS PA YANG RNAM PA BZHI STE, MA BSTAN PAR MKHYEN PA DANG, THAMS CAD MKHYEN PA DANG, RNAM PA THAMS CAD MKHYEN PA DANG, MA 'BAD PAR MKHYEN PA'O, ,SPANGS PA PHUN SUM TSOGS PA YANG RNAM PA BZHI STE, NYON MONGS PA THAMS CAD SPANGS PA DANG, GTAN DU SPANGS PA DANG, BAG CHAGS DANG BCAS TE SPANGS PA DANG, TING NGE 'DZIN DANG SNYOMS PAR 'JUG PA'I SGRIB BA THAMS CAD SPANGS PA'O, ,MTHU PHUN SUM TSOGS PA YANG RNAM PA BZHI STE, PHYI'I YUL SPRUL PA DANG, YONGS SU BSGYUR PA DANG, SKU TSE GTONG BA DANG, BYIN GYIS RLOB PA'I MNGA' PHUN SUM TSOGS PA DANG, SGRIB PA DANG NAM MKHA' DANG SHIN TU RING BA LA MYUR DU GSHEGS PA DANG, CHUNG NGUR MANG PO 'JUG PAR MDZAD PA'I MNGA' PHUN SUM TSOGS PA DANG, YA MTSAN GYI CHOS NAR MA RNAM PA SNA TSOGS PHUN SUM TSOGS PA'O, ,GZUGS KYI SKU PHUN SUM TSOGS PA YANG RNAM PA BZHI STE, MTSAN PHUN SUM TSOGS PA DANG, DBE BYAD BZANG PO PHUN SUM TSOGS PA DANG, STOBS PHUN SUM TSOGS PA DANG, SKU GDUNG RDO RJE LTAR SRA BA NYID PHUN SUM TSOGS PA'O, ,DE LTAR NA DE DAG NI SANGS RGYAS RNAMS KYI CHE BA'I BDAG NYID MDOR BSDUS PA YIN NO, ,DE DBYEN NI MTHA' YAS PAR 'GYUR TE, DE YANG BCOM LDAN 'DAS RNAMS KHO NA NAS GAL TE SKU TSE BSKAL PA GRANGS MED PA DU MAR BYIN GYIS BRLABS PAR GYUR NA MTHA' DAG MKHYEN PA DANG BRJOD PAR SPYOD DO, ,RE ZHIG @58B DE LTAR NA DE BZHIN GSHEGS PA RNAMS NI YON TAN DANG YE SHES DANG MTHU DANG PHAN 'DOGS PA MTHA' YAS SHING RMAD DU BYUNG BA NI RIN PO CHE CHEN PO'I 'BYUNG GNAS YIN NO, ,'ON KYANG BYIS PA RANG NYID YON TAN DBUL BAS MOS PA BCOM PA RNAMS NI YON TAN 'BYOR PA DE LTA BU DE THOS SU ZIN KYANG SANGS RGYAS DANG DE'I CHOS LA GUS PAR MI BYED KYI, MKHAS PA RNAMS NI RKANG YAN CHAD NAS KYANG, BCOM LDAN 'DAS DE DANG DE'I CHOS LA MNGON PAR RAB TU DANG BAR 'GYUR TE, GCIG TU RAB TU DANG BA DE DAG NI DANG BTZAM GYIS KYANG RNAM PAR SMIN PAR MA NGES PA'I SDIG PA'I TSOGS RNAMS ZIL GYIS MNAN TE LHA DANG MI'I LEGS PA NYAMS SU MYONG NAS BGROD PAR BYA BA'I MCHOG MYA NGAN LAS 'DAS PAR 'GYUR RO, ,DE NYID KYI PHYIR DE BZHIN GSHEGS PA RNAMS NI BSOD NAMS KYI ZHING BLA NA MED PA ZHES BYA STE, 'BRAS BU MED PA MA YIN PA DANG, YID DU 'ONG BA DANG, MCHOG TU GYUR PA DANG, MYUR BA DANG, MTHA' BZANG BA'I PHYIR RO, ,BCOM LDAN 'DAS KYIS KYANG, GANG DAG RGYAL BA RNAM 'DREN LA, ,BYA BA CHUNG NGU BYED 'GYUR BA'ANG, ,DE DAG MTHO RIS SNA TSOGS DAG ,BGROD NAS BDUD RTZI'I GO 'PHANG 'THOB, ,CES GSUNGS SO, ,RE ZHIG DE DAG NI SANGS RGYAS KYI CHOS MA 'DRES PA BCO BRGYAD CES BYA'O, ,CHOS GZHAN SLOB DANG THUN MONG MIN, ,SANGS RGYAS RNAMS KYI YON TAN GZHAN DAG NI NYAN THOS DANG THUN MONG YIN NO, ,KHA CIG SO SO'I SKYE BO DANG, DE DAG KYANG GANG ZHE NA, CI RIGS PAR, NYON MONGS MED DANG SMON NAS SHES, ,SO SO YANG NGAG RIG SNGON SOGS, ,TON MONGS PA MED PA DANG, SMON NAS SHES PA DANG, SO SO YANG DAG PAR RIG PA DANG, MNGON PAR SHES PA DANG, BSAM GTAN DANG, GZUGS MED PA DANG, TSAD MED PA DANG, RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA'O, ,DE LA NYON MONGS PA MED PA ZHES BYA BA NI DGRA BCOM PA LA LA SEMS CAN RNAMS KYI SDUG BSNGAL NI NYON MONGS PA LAS RAB TU SKYE BA DANG, BDAG NYID KYANG YON GNAS GYI KHYAD PAR YIN PAR RIG NAS PHA ROL PO DAG DE LA DMIGS NAS, NYON MONGS PA SKYE BA YONGS SU SPANGS @59A *, ,PAR 'DOD DE, GANG GIS NA PHA ROL PO DAG RNAM PA THAMS CAD DU NYON MONGS PA SKYE BAR MI BYED CING 'GA' YANG DE LA DMIGS NAS 'DOD CHAGS SAM, ZHE SDANG NGAM, NGA RGYAL SKYE BAR MI 'GYUR BA DE LTA BU'I SHES PA SKYED PAR BYED PA STE, LAM DE NI 'GA' YANG NYON MONGS PA SKYED PAR MI BYED PAS NA NYON MONGS PA MED PA YIN NO, ,NYON MONGS PA MED PA DE NI, KUN RDZOB SHES, DE'I RANG BZHIN NI 'DI YIN NO, ,BSAM GTAN MTHA' NA BSAM GTAN BZHI PA'I SA PA YIN TE, LAM SLA BA RNAMS KYI MCHOG YIN PA'I PHYIR RO, ,MI GA-YO BA'I CHOS, DGRA BCOM PA GZHAN GYIS NI MA YIN TE, GZHAN NI RES 'GA' RANG GI RGYUD LAS KYANG NYON MONGS PA MTHA' DAG YONGS SU SPANG BAR MI NUS SO, ,MIS SKYED, GLING GSUM DU MI DAG GI NANG KHO NAR SKYED PAR BYED DO, ,NYON MONGS 'DOD GTOGS PA, MA SKYED GZHIR BCAS SPYOD YUL CAN, 'DI'I DMIGS PA NI NYON MONGS PA 'DOD PA NA SPYOD PA MA 'ONGS PA GZHI DANG BCAS PA RNAMS YIN TE, PHA ROL PO DAG NYON MONGS PA SKYE BAR MA GYUR CIG CES BYA BA DE LTAR ZHUGS PA'I PHYIR RO, ,NYON MONGS PA GZHI MED PA RNAMS NI YONGS SU SPANG BAR MI NUS TE, THAMS CAD DU 'GRO BA RNAMS NI RANG GI SA MTHA' DAG LA DMIGS PA'I PHYIR RO, ,NYON MONGS PA MED PA JI SKAD DU BSHAD PA, SMON NAS SHES PA'ANG DE BZHIN NO, ,DE YANG KUN RDZOB SHES PA DANG, ,BSAM GTAN MTHA' NA YOD PA DANG, ,MI GA-YO BA'I CHOS CAN GYI YIN PA DANG, MI'I RTEN CAN YIN NO, ,DE'I DMIGS PA THAMS CAD DO, ,SMON NAS SHES PA'I DMIGS PA NI CHOS THAMS CAD YIN PAS 'DI NI BYE BRAG YIN NO, ,BYE BRAG TU SMRA BA RNAMS NA RE SMON NAS SHES PA GZUGS MED PA RNAMS MNGON SUM DU MI SHES SO, ,'O NA JI LTA BU ZHE NA, RGYU MTHUN PA DANG SPYOD PA'I BYE BRAG LAS SHES TE, 'DIR DPE NI ZHING BA LTA BU'O ZHES ZER RO, ,SMON PA SNGAR BTANG BA'I SHES PA NI SMON NAS SHES PA STE, 'DI SHES PAR BYA'O SNYAM DU SMON NAS RAB KYI MTHA'I BSAM GTAN BZHI PA LA SNYOMS PAR 'JUG CING, TING NGE 'DZIN DE'I YUL DU JI TZAM ZHIG GYUR PA GANG YIN PA DE YANG DAG PA JI LTA BA BZHIN DU RAB TU SHES PA'O, , @59B DE BZHIN CHOS DON DES TSIG DANG, ,SPOBS PA SO SO YANG DAG RIG ,SO SO YANG DAG PAR RIG PA NI BZHI STE, CHOS SO SO YANG DAG PAR RIG PA DANG, DON SO SO YANG DAG PAR RIG PA DANG, DES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA'O, ,DE DAG KYANG NYON MONGS PA MED PA JI LTA BA DE DANG 'DRA'O, ,DE DAG GI DE DANG 'DRA BA CI ZHEN, MI GA-YO BA'I CHOS CAN GYI YIN PA DANG, MI'I RTEN CAN NYID YIN NO, ,'DI DAG GI DMIGS PA DANG, SA DANG, RANG GI NGO BO'I BYE BRAG NI THA DAD PAR BRJOD DE, GSUM NI GO RIMS BZHIN MING DANG, ,DON DANG NGAG LA THOGS MED SHES, ,CHOS DANG DON DANG NGES PA'I TSIG SO SO YANG DAG PAR RIG PA RNAMS NI GO RIMS BZHIN DU MING DANG TSIG DANG YI GE'I TSOGS RNAMS DANG, DON DANG NGAG LA THOGS PA MED PAR SHES PA YIN NO, ,BZHI PA RIGS PA THAGS THOGS MED, ,MNGON BRJOD LAM LA DBANG NYID DANG, THOGS PA MED PAR SHES PA ZHES BYA BAR SBYAR TE, SPOBS PA SO SO YANG DAG PAR RIG PA NI RIGS PA DANG, THAGS THOGS MED PAR MNGON PAR BRJOD PA NYID DANG, TING NGE 'DZIN LA DBANG GSAL BAR BYA BA LA THOGS PA MED PAR SHES PA YIN NO, ,DE YI DMIGS PA NGAG DANG LAM, ,DE'I DMIGS PA NI DAG KYANG YIN LA LAM YANG YIN NO, ,SHES PA DGU'O, ,SPOBS PA SO SO YANG DAG PAR RIG PA NI SHES PA DGU'I RANG BZHIN YIN TE, 'GOG PA SHES PA MA GTOGS SO, ,SA THAMS CAD, 'DI NI NGAG DANG LAM GNYIS LAS GANG YANG RUNG BA ZHIG LA DMIGS PA'I PHYIR 'DOD PA'I KHAMS NAS SRID BA'I RTZE MO'I BAR SA THAMS CAD PA YANG YIN NO, ,YANG DAG DON RIG BCU 'AM DRUG ,DON SO SO YANG DAG PAR RIG PA NI GAL TE DON CHOS THAMS CAD YIN NA NI SHES PA BCU YIN NO, ,GAL TE DON MYA NGAN LAS 'DAS PA YIN NA NI SHES PA DRUG STE, CHOS SHES PA DANG, RJES SU SHES PA DANG, 'GOG PA DANG ZAD PA DANG MI SKYE BA DANG, KUN RDZOB SHES PA RNAMS SO, ,DON NI KUN NA, DON SO SO YANG DAG PAR RIG PA DE NI SA THAMS CAD PA YIN NO, ,GZHAN KUN RDZOB, GZHAN CHOS DANG NGES PA'I TSIG SO SO YANG DAG PAR @60A *, ,RIG PA GNYIS NI KUN RDZOB SHES PA'I RANG BZHIN DAG YIN TE, MING GI TSOGS LA SOGS PA DANG, DAG LA DMIGS PA'I PHYIR RO, ,CHOS RIG 'DOD DANG BSAM GTAN NA, ,CHOS SO SO YANG DAG PAR RIG PA NIS LNGA PO 'DOD PA'I KHAMS DANG, BSAM GTAN BZHIS BSDUS PA YIN TE, YAN CHAD NA MING GI TSOGS MED PA'I PHYIR RO, ,NGAG NI 'DOD PA DANG PO NA, ,NGAG DANG NGES PA'I TSIG CES BYA BA NI DON GCIG GO, ,NGES PA'I TSIG SO SO YANG DAG PAR RIG PA NI 'DOD PA'I KHAMS DANG BSAM GTAN DANG PO'I SA PA DAG YIN TE, YAN CHAD NA RTOGS PA MED PA'I PHYIR RO, ,BTAGS PA NI SO SO YANG DAG PAR RIG PA RNAMS 'DI SKAD DU TSIG DANG YI GE DANG, DE NYID KYI DON DANG, DE NYID KYI GCIG DANG GNYIS DANG MANG PO DANG PHO DANG MO LA SOGS PA'I TSIG BLA DGAS DANG, DE LA THAGS THOGS MED PAR BYA BA LA THOGS PA MED PAR SHES PA NI CHOS SO SO YANG DAG PAR RIGS PA LA SOGS MA YIN NO ZHES STON TE, DE NYID KYIS 'DI DAG GI GO RIMS GRUB PA YIN NO, ,TSIG NGES PA NI NGES PA'I TSIG STE, DPER NA GZUGS SU RUNG BAS NI DE'I PHYIR, GZUGS ZHES BYA BA DE LTA BU LA SOGS PA YIN NO, ,GZHAN DAG NA RE LAN DANG LAN LA SPOBS PAS NA SPOBS PA YIN NO ZHES ZER RO, ,SO SO YANG DAG PAR RIG PA 'DI DAG GI SNGON GYI SBYOR BA NI GO RIMS BZHIN DU RTZIS DANG, SANGS RGYAS KYI BKA' DANG, SGRA RIG PA DANG, GTAN TSIGS RIG PA DAG YIN TE, 'DI DAG LA MKHAS PAR MA BYAS PAR DE DAG SKYED PAR MI NUS SO ZHES GRAG GO, ,THAMS CAD KYI SBYOR BA SANGS RGYAS KYI BKA' KHO NA YIN NO ZHES BRJOD DO, ,GANG LA GCIG YOD PA DE LA GDON MI ZA BAR SO SO YANG DAG PAR RIG PA BZHI CHAR YOD DO, ,MA TSANG BAR NI DE THOB MED, ,DE DAG MA TSANG BAR NI SO SO YANG DAG PAR RIG PA 'THOB PA MA YIN NO, ,NYON MONGS PA MED PA LA SOGS PA'I YON TAN BSTAN PA GANG DAG YIN PA, DRUG PO DE DAG RAB MTHA' BAS, ,DE DAG NI RAB KYI MTHA' PA'I BSAM GTAN GYI STOBS KYIS 'THOB PO, ,DE NI RNAM DRUG ,BSAM GTAN BZHI PA RAB KYI MTHA' PA DE YANG NYON MONGS PA MED PA DANG, SMON NAS SHES PA DANG, SO SO YANG DAG PAR @60B RIG PA GSUM DANG, RAB KYI MTHA' PA DE NYID DANG DRUG GI BDAG NYID YIN NO, ,NGES PA'I TSIG SO SO YANG DAG PAR RIG PA NI DE'I STOBS KYIS 'THOB PA YIN GYI DE BSAM GTAN BZHI PA'I SA PA NI MA YIN NO, ,RAB KYI MTHA' PA ZHES BYA BA NI CI ZHE NA, BSAM GTAN MTHA', BSAM GTAN BZHI PA YIN NO, ,DE NI SA KUN GYIS MTHUN PAS, ,'PHEL BA'I RAB TU PHYIN PA YIN, ,JI LTAR NA SA THAMS CAD KYIS MTHUN PAR BYAS PA YIN ZHE NA, 'DOD PA NA SPYOD PA'I SEMS LAS BSAM GTAN DANG PO LA SNYOMS PAR 'JUG LA, DE LAS NI BSAM GTAN GNYIS PA STE, DE BZHIN DU RIM GYIS 'DU SHES MED 'DU SHES MED MIN GYI SKYE MCHED KYI BAR LA SNYOMS PAR 'JUG GO, ,MI MTHUN PA NI YANG 'DOD PA NA SPYOD PA'I SEMS KYI BAR LA'O, ,DE LAS YANG BSAM GTAN BZHI PA'I BAR DU MTHUN PA YIN TE, DE LTAR NA SA THAMS CAD KYIS MTHUN PAR BYAS PA YIN NO, ,JI LTAR NA 'PHEL BA'I RAB TU PHYIN PA'I BAR DU YIN ZHE NA, DE LTAR BSGOMS PA CHUNG NGU LAS 'BRING, 'BRING LAS CHEN PO LA SNYOMS PAR 'JUG PA STE, 'PHEL BA'I MCHOG NI 'PHEL BA'I RAB YIN NO, ,BSAM GTAN 'DI LTA BU 'DI NI RAB KYI MTHA' PA YIN TE, 'DI LA MTHAR RAB TU PHYIN PA YOD PA'I PHYIR RO, ,'DIR MTHA' NI 'PHEL BA'AM RNAM PA YIN TE, MU BZHI PA BZHIN NO, ,YON TAN DRUG PO DE DAG KYANG, ,SANGS RGYAS LAS GZHAN SBYOR LAS SKYES, ,SANGS RGYAS LAS GZHAN PA NI SBYOR BA LAS BYUNG BA YIN GYI 'DOD CHAGS DANG BRAL BAS THOB PA NI MA YIN NO, ,SANGS RGYAS KYI NI SBYOR BA LAS BYUNG BA CUNG ZAD KYANG MED DE, 'DOD CHAGS CAN GYI DBANG PHYUG YIN PA'I PHYIR, DE'I YON TAN PHUN SUM TSOGS PA THAMS CAD MNGON DU GYUR PA NI BZHED PA TZAM LA RAG LAS PA YIN NO, ,RE ZHIG DE DAG NI NYAN THOS DANG, THUN MONG BA'I YON TAN DAG YIN NO, ,MNGON PAR SHES PA LA SOGS PA NI SO SO'I SKYE BO DAG DANG YANG THUN MONG YIN NO, ,MNGON PAR SHES PA ZHES BYA BA 'DI CI ZHE NA, RDZU 'PHRUL RNA BA YID DANG NI, ,SNGON TSE 'CHI 'PHO SKYE BA DANG, ,ZAD SHES MNGON DU BYA BA YI, ,MNGON SHES RNAM PA DRUG ,RDZU 'PHRUL GYI YUL SHES PA MNGON DU BYA BA'I MNGON PAR SHE @61A *, ,DANG, LHA'I RNA BA DANG, SEMS KYI RNAM GRANGS DANG, SNGON GYI GNAS RJES SU DRAN PA DANG, 'CHI 'PHO DANG, SKYE BA DANG, ZAG PA ZAD PA SHES PA MNGON SUM DU BYA BA'I MNGON PAR SHES PA STE, DE DAG NI MNGON PAR SHES PA DRUG YIN NO, ,DE DAG LAS LNGA NI SO SO'I SKYE BO RNAMS DANG THUN MONG PA YIN NO, ,DE DAG THAMS CAD NI, RNAM GROL BLO, ,DGE SBYONG GI TSUL GYI 'BRAS BU BZHIN DU, RNAM PAR GROL BA'I LAM GYI SHES RAB KYI RANG BZHIN YIN NO, ,BZHI NI KUN RDZOB SHES PA STE, ,SEMS KYI RNAM GRANGS DANG, ZAG PA ZAD PA SHES PA'I MNGON PAR SHES PA MA GTOGS SO, ,SEMS LA SHES PA LNGA YIN NO, ,SEMS KYI RNAM GRANGS MNGON PAR SHES PA NI LNGA YIN TE, CHOS SHES PA DANG, RJES SU SHES PA DANG, LAM DANG KUN RDZOB DANG, PHA ROL GYI SEMS SHES PA RNAMS SO, ,ZAG PA MNGON SHES STOBS BZHIN NO, ,'DI NI ZAG PA ZAD PA MKHYEN PA'I STOBS JI SKAD DU BSHAD PA DE BZHIN DU SHES PA DRUG GAM BCU YIN PA DE YANG RIG PAR BYAL, DE BZHIN DU 'DI NI SA THAMS CAD PA YIN PAR YANG SHES PAR BYA'O, ,LHAG MA, LNGA NI BSAM GTAN BZHI DAG NA, ,MNGON PAR SHES PA LDA NI BSAM GTAN BZHI'I SA PA DAG YIN NO, ,CI'I PHYIR GZUGS MED PA'I SA PA DAG MED CEN, RE ZHIG GSUM NI MED DE, GZUGS LA DMIGS PA YIN PA'I PHYIR RO, ,SEMS KYI RNAM GRANGS MNGON PAR SHES PA YANG MED DE GZUGS LA STEGS BCAS NAS MNGON PAR BSGRUB PAR BYA BA YIN PA'I PHYIR RO, ,SNGON GYI GNAS RJES SU DRAN PA YANG MED DE MTHAR GYIS SNGON GYI GNAS GZHAN RJES SU DRAN PAS MNGON PAR 'GRUB PA'I PHYIR DANG, GNAS DANG RUS LA SOGS PA LA DMIGS PA YIN PA'I PHYIR TE, GZHAN GYI SEMS SHES PAR 'DOD PA NI BDAG GI LUS 'DI 'DRA BA ZHIG LAS SEMS NI 'DI 'DRA BA ZHIG YIN NO ZHES LUS DANG SEMS KYI MTSAN MA 'DZIN CING DE BZHIN DU PHA ROL PO DAG LA YANG GTOD DE, SEMS SHES PA LAS MNGON PAR 'GRUB PAR 'GYUR RO, ,MNGON PAR SHES PA MNGON PAR GRUB NA NI GZUGS LA MI LTOS PAR MNGON PAR SHES SO, ,SNGON GYI GNAS RJES SU DRAN PAR 'DOD PA NI YID KYI @61B RNAM PAR SHES PA 'GAGS MA THAG PA'I MTSAN MA BZUNG NAS DE'I LUGS LAS BZLOG STE, MTSAMS SBYOR BA'I SEMS KYI BAR DU DE MA THAG PA'I GNAS SKABS GZHAN RNAMS YID LA BYED DO, ,DE NAS SRID PA BAR MA'I SKAD CIG MA GCIG DRAN NA YANG GRUB PA YIN NO, ,DE BZHIN DU GZHAN GYA YANG DRAN NO, ,MNGON PAR GRUB NAS NI THOD RGAL DU YANG DRAN NO, ,SNGON NYAMS SU MYONG PA KHO NA DRAN NO, ,GNAS GTZANG MA RNAMS JI LTAR DRAN ZHE NA, THOS PAS NYAMS SU MYONG BA'I PHYIR RO, ,GZUGS MED PA NAS SHI 'PHOS NAS 'DIR SKYES PA NA PHA ROL PA'I RGYUD LA BRTEN NAS SKYED DO, ,GZHAN DAG NI RANG GI [*LINE BREAK?] RGYUD LA BRTEN NAS SO, ,RDZU 'PHRUL LA SOGS PA'I SBYOR BA NI YANG PA DANG, SGRA DANG, SNANG BA YID LA BYED PA YIN NO, ,MNGON PAR SHES PA LNGA PO 'DI DAG NI, RANG DANG 'OG SA'I YUL CAN YIN, ,RDZU 'PHRUL GYI MNGON PAR SHES PA GANG YIN PA DES SA DE'AM 'OG MAR 'GRO BA'AM SPRUL PAR BYED KYI GONG DU NI MA YIN NO, ,DE BZHIN DU LHA'I RNA BA'I MNGON PAR SHES PAS KYANG RANG GIS KHO NA 'AMS 'OG MA PA'I SGRA THOS KYI SA GONG MA NI MA YIN NO, ,SEMS KYI RNAM GRANGS MNGON PAR SHES PAS KYANG SA GONG MA PA'I SEMS NI MI SHES SO, ,SNGON GYI GNAS RJES SU DRAN PAS KYANG MI DRAN NO, ,'CHI 'PHO BA DANG, SKYE BA MNGON PAR SHES PAS KYANG MI MTHONG NGO, ,DE NYID KYI PHYIR GZUGS MED PA'I SA PA'I SEMS NI SA GONG MA PA YIN PA'I PHYIR, SEMS KYI RNAM GRANGS DANG, SNGON GYI GNAS MNGON PAR SHES PA GNYIS KYIS MI 'DZIN TO, ,'DI DAG JI LTAR 'THOB CE NA, MA 'DRES PA RNAMS KYI SPYOR BAS, ,THOB BYA 'DRIS PA CHAGS BRAL BAS, ,MNGON PAR SHES PA TSE RABS GZHAN NA GOMS PA RNAMS NI 'DOD CHAGS DANG BRAL BAS 'THOB BO, ,BYE BRAG CAN RNAMS NI SBYOR BAS SO, ,THAMS CAD KYANG SBYOR BAS BSKYED PA YIN NO, ,GSUM PA DRAN PA NYER GZHAG GSUM, ,SEMS KYI RNAM GRANGS MNGON PAR SHES PA NI SEMS DANG SEMS LAS BYUNG BA LA DMIGS PA YIN PA'I PHYIR, TSOR BA DANG, SEMS DANG, CHOS DANG DRAN PA NYE BAR GZHAG PA GSUM GYI RANG BZHIN NO, ,DANG PO RDZU 'PHRUL RNA BA MIG ,MNGON PAR SHES PA ZHES BYA BAR SBYAR TE, @62A *, ,RDZU 'PHRUL DANG LHA'I RNA BA DANG LHA'I MIG GI MNGON PAR SHES PA NI GZUGS LA DMIGS PA YIN PA'I PHYIR DRAN PA NYE BAR GZHAG PA DANG PO YIN TE, LUS DRAN PA NYE BAR GZHAG PA ZHES BYA BA'I THA TSIG GO, ,RDZU 'PHRUL GYI DMIGS PA NI PHYI'I SKYE MCHED BZHI YIN TE, SGRA MA GTOGS SO, ,LHA'I RNA BA DANG MIG GI MNGON PAR SHES PA'I DMIGS PA NI SGRA DANG GZUGS KYI SKYE MCHED YIN NO, ,'DI JI LTAR NA, 'CHI 'PHO DANG SKYE BA SHES PAS 'DI LTAR SEMS CAN 'DI DAG NI LUS KYI NYES PAR SPYAD PA DANG LDAN NO ZHES BYA BA DE LTA BU LA SOGS PAR SHES SHEN, DE NI DES MI SHES KYI 'PHAGS PA RNAMS LA DE LAS GZHAN PA GANG GIS NA DE LTA BUR SHES PAR 'GYUR BA MNGON PAR SHES PA'I 'KHOR DU GYUR PA'I SHES PA SKYE'O, ,LHAG MA NI DMIGS KYIS MA PHYE BA'I PHYIR DRAN PA NYE BAR GZHAG PA BZHI CHAR GYI RANG BZHIN YIN NO ZHES BYA BAR GRUB BO, ,MIG DANG RNA BA'I MNGON SHES NI, ,LUNG DUM BSTAN LHAG RNAMS DGE ,LHA'I MIG DANG RNA PA'I MNGON PAR SHES PA NI LUNG DU MA BSTAN PA YIN NO, ,DE DAG KYANG MIG DANG RNA BA'I RNAM PAR SHES PA DANG MTSUNGS PAR LDAN PA'I SHES RAB YIN NO, ,'O NA DE DAG JI LTAR BSAM GTAN BZHI'I SA PAR GRUB CE NA; RTEN GYI DBANG GIS DE'I SA BSTAN PA'I PHYIR TE, DE'I RTEN MIG DANG RNA BA NI BSAM GTAN BZHI'I SA PA YIN NO, ,YANG NA BAR CHAD MED PA'I LAM GYI DBANG GIS SO, ,GZHAN BZHI NI DGE BA DAG YIN NO, ,'O NA RAB TU BYED PA LAS MNGON PAR SHES PA GANG ZHE NA, SHES PA DGE BA YIN NO ZHES GANG BSHAD PA JI LTA BU ZHE NA, DE NI GTZO BO'AM PHAL CHE BA BSTAN PA YIN NO, ,MNGON PAR SHES PA 'DI RNAMS LAS, ,GSUM NI RIG PA, SNGON GYI GNAS DANG, 'CHI 'PHO BA DANG SKYE BA DANG, ZAG PA ZAD PA SHES BA MNGON SUM DU BYA BA RNAMS NI MI SLOB PA'I RIG PA GSUM ZHES BYA'O, ,CI'I PHYIR DE DAG KHO NA YIN GYI GZHAN DAG MA YIN ZHE NA, SNGON MTHA' SOGS, MA RIG PA NI BZLOG PHYIR RO, ,'DI DAG GIS NI GO RIMS BZHIN DU SNGON GYI MTHA' DANG, PHYI MA'I MTHA' DANG, BAR LA KUN DU RMONGS PA ZLOG PAR BYED DO, ,DE DAG LAS KYANG DON DAM PAR @62B MI SLOB THA MA, ZAG PA ZAD PA MNGON DU BYA BA KHO NA MI SLOB PA'I RIG PA YIN NO, ,GNYIS NI DE'I, RGYUD LAS SKYES PHYIR DE ZHES BYA, ,GZHAN GNYIS NI MI SLOB PA'I RGYUD LAS SKYES PA'I PHYIR MI SLOB PA ZHES BYA'I DE GNYIS NI SLOB PA YANG MA YIN LA MI SLOB PA YANG MA YIN NO, ,MNGON PAR SHES PA 'DI DAG SLOB PA'I YIN PAR MI 'DOD DAM ZHEN GANG GI PHYIR SLOB PA'I RIG PA DAG CES MI BYA ZHEN, SLOB LA 'DOD DE MA RIG DANG, ,BCAS RGYUD PHYIR NA RIG MA BSHAD, ,RGYUD MA RIG PA DANG BCAS BZHIN DU RIG PA RNAM PAR GZHAG TU NI MI RUNG STE, YANG MA RIG PAS ZIL GYIS GNON PA'I PHYIR RO, ,MNGON PAR SHES PA 'DI DAG LAS, ,DANG PO GSUM PA DRUG PA NI, ,CHO 'PHRUL RNAMS YIN RDZU 'PHRUL DANG, ,SEMS KYI RNAM GRANGS DANG, ZAG PA ZAD PA'I MNGON PAR SHES PA RNAMS NI GO RIMS BZHIN DU CHO 'PHRUL GSUM YIN TE, RDZU 'PHRUL DANG KUN RDZOB PA DANG RJES SU BSTAN PA'I CHO 'PHRUL RNAMS YIN NO, ,DANG PO NYID DU GDUL BYA'I YID SHIN TU 'PHROG PAR BYED PA'I PHYIR CHO 'PHRUL DAG YIN PA'AM, 'DI DAG GIS ZHE 'GRAS PA DANG, BAR MAR GNAS PA RNAMS KYI YID 'PHROG PAR BYED PAS NA CHO 'PHRUL DAG YIN NO, ,'DI DAG GI NANG NA, BSTAN PA MCHOG , RJES SU BSTAN PA'I CHO 'PHRUL NI, ,MI 'KHRUL PHYIR DANG PHAN PA DANG, ,YID 'ONG 'BRAS LA SBYOR BYED PHYIR, ,MCHOG YIN NO, ,RDZU 'PHRUL DANG KUN BRJOD PA DAG NI RIG SNGAGS KYIS KYANG, BYED DE, GHAN DHA RI ZHES BYA BA'I RIG SNGAGS GANG GIS NA NAM MKHA' LA 'GRO BA DANG, RTOG BYED CES BYA BA'I RIG SNGAGS GANG GIS NA PHA ROL GYI SEMS SHES PA YANG YOD MOD KYI YANG DAG PA JI LTA BA BZHIN DU RJES SU BSTAN PA NI GZHAN GYIS BYA BAR MI NUS PAS MI 'KHRUL PA'I PHYIR 'DI NI GTZO BO YIN NO, ,DE GNYIS KYIS NI GTOD PA TZAM DU ZAD KYI RJES SU BSTAN PA'I CHO 'PHRUL GYIS NI THABS NYE BAR BSTAN PA'I SGO NAS PHAN PA DANG, YID DU 'ONG BA'I 'BRAS BU LA SBYOR BAS 'DI NYID MCHOG YIN NO, ,RDZU 'PHRUL ZHES BYA BA 'DI CI YIN ZHE NA, BYE BRAG TU SMRA BA RNAMS KYIS NI, RDZU 'PHRUL TING NGE 'DZIN, 'DIS 'BYOR PAR BYED PAS NA ZHES BYA BAR SPYAR RO, ,DES CI ZHIG YANG @63A *, ,DAG PAR 'BYOR PAR 'GYUR ZHE NA, DE LAS NI, SPRUL DANG 'GRO STE, DE LA 'GRO BA NI RNAM PA GSUM STE, LUS KYIS PHYIN BYED DANG, MOS PA LAS BYUNG BA DANG, YID MGYOGS PA'O, ,STON PA LA, YID MGYOGS 'GRO BA DANG, YID BZHIN DU MGYOGS PAS NI YID MGYOGS KYI 'GRO BA STE, DE NI SANGS RGYAS BCOM LDAN 'DAS KHO NA YIN GYI GZHAN GYI NI MA YIN NO, ,YUL THAG SHIN TU RING POR YANG THUGS BSKYED PA'I DUS KYI BYON PA'I PHYIR RO, ,DE NYID KYI PHYIR BCOM LDAN 'DAS KYIS SANGS RGYAS KYI YUL NI BSAM GYIS MI KHYAB PO ZHES BYA BA GSUNGS SO, ,'GRO BA GZHAN DAG NI MA BSHAD KYANG SANGS RGYAS LA MNGA' BAR GRUB PO, ,GZHAN DAG LA, PHYIN BYED MOS BA LAS BYUNG YANG, ,NYAN THOS DANG RANG SANGS RGYAS RNAMS LA NI LUS PHYIN BYED KYI 'GRO BA YANG YOD DE, BYA BZHIN DU RIM GYIS LUS PHYIN PAR BYED PA'I PHYIR RO,, MOS PA LAS BYUNG BA YANG YOD DE, THAG RING PO LA NYE BAR MOS NAS MYUR DU 'GRO BA'I PHYIR RO, ,SPRUL PA NI RNAM PA GNYIS TE, 'DOD PA NA SPYOD PA DANG, GZUGS NA SPYOD PA'O, ,DE LA RE ZHIG ,'DOD PAR GTOGS PA'I SPRUL PA NI, PHYI'I SKYE MCHED BZHI, 'DOD PA NA SPYOD PA'I SPRUL PA NI GZUGS DANG DRI DANG RO DANG REG BYA'I SKYE MCHED KYI RANG BZHIN YIN NO, ,DE YANG RNAM GNYIS, BDAG DANG GZHAN GYI LUS DANG SPRUL PA'O, ,GZUGS GTOGS GNYIS, GZUGS NA SPYOD PA'I SPRUL PA NI, DE NA DRI DANG RO MED PA'I PHYIR GZUGS DANG REG BYA'I SKYE MCHED GNYIS YIN NO, ,DE YANG 'DOD PA'I KHAMS KYI JI LTA BA DE KHO NA BZHIN DU RNAM PA GNYIS YIN TE, 'DI NI SPRUL PA RNAM PA BZHI YIN NO, ,GZUGS KYI KHAMS NA YANG DE DANG 'DRA BAS MDOR BSDUN SPRUL PA NI RNAM PA BRGYAD YIN NO, ,GZUGS KYI KHAMS SU SKYES PA 'DOD PA NA SPYOD PA SPRUL PA NA JI LTAR NA DRI DANG RO DAG DANG MI LDAN PA YANG YIN ZHE NA, GOS DANG, RGYAN BZHIN DU MI LDAN NO, ,GZHAN DAG NA RE SKYE MCHED GNYIS SPRUL PAR BYED DO ZHES ZER RO, ,YANG CI MNGON PAR SHES PA KHO NAS SPRUL PA SPRUL PAR BYED DAM ZHE NA, SMRAS PA, MA YIN NO, ,'O NA JI LTA BU ZHE NA, MNGON PAR SHES PA'I 'BRAS BU, SBRUL SEMS DAG GIS DE @63B DAG KYANG NI BCU BZHI'O, ,SPRUL PA'I SEMS BCU BZHI PO DE DAG NI, BSAM GTAN 'BRAS GNYIS NAS LNGA'I BAR RIM BZHIN, BSAM GTAN DANG PO'I 'BRAS BU SBRUL PA'I SEMS NI GNYIS TE, 'DOD PA'I KHAMS DANG BSAM GTAN DANG PO'I SA PA DAG GO, ,BSAM GTAN GNYIS PA'I 'BRAS BU NI GSUM STE, 'DOD PA'I KHAMS DANG, BSAM GTAN DANG PO DANG, GNYIS PA'I SA PA DAG GO, ,DA BZHIN DU BSAM GTAN GSUM PA DANG, BZHI PA'I SA PA DAG KYANG BZHI DANG LNGAR SBYOR BAR BYA'O ,BSAM GTAN GYI 'BRAS BU SPRUL PA'I SEMS NI RANG GI SA PA DANG SA 'OG MA YIN PAR RIG PAR BYA'O, ,GONG MA LAS SKYES MIN, BSAM GTAN 'OG MA'I 'BRAS BUS GONG MA'I SPRUL PA'I SEMS NI MED DO, ,'DOD PA NA SPYOD PA'I SPRUL PA BSAM GTAN GNYIS PA LA SOGS PA'I 'BRAS BU NI, BSAM GTAN DANG PO'I SA PA DE'I 'BRAS BU LAS 'GROS KYI SGO NAS KHYAD PAR DU 'PHAGS SO, ,DE RNYED BSAM GTAN BZHIN, SPRUL PA'I SEMS DE DAG RNYED PA NI BSAM GTAN BZHIN NO, ,YANG CI SPRUL PA'I SEMS KHO NA LAS LDANG BAR 'GYUR RAM ZHE NA, DE LTA BU NI MED DE, 'DI LTAR, DE NI, DAG DANG RANG LAS SKYE BAR 'GYUR TE, SPRUL PA'I SEMS NI BSAM GTAN DAG PA PA'AM SPRUL PA'I SEMS KYI 'JUG THOGS SU SKYE'I GZHAN DU NI MA YIN NO, ,DE LAS GNYIS, SPRUL PA'I SEMS LAS KYANG BSAM GTAN DAG PA PA DANG SPRUL PA'I SEMS SKYE STE, GZHAN DU NI MA YIN NO, ,TING NGE 'DZIN GYI 'BRAS BU LA GNAS PA NI YANG TING NGE 'DZIN LA MA ZHUGS PAR TING NGE 'DZIN DE LAS LDANG BA MED DO, ,SPRUL PA THAMS CAD KYANG, RANG GI SA PAS SPRUL PAR BYED, SA GZHAN PA'I SPRUL PA'I SEMS KYIS SA GZHAN PA'I SPRUL PAR NI MI BYED DO, ,SMRAR 'JUG PA NI 'OG MAS KYANG, KYANG ZHES BYA BA'I SPRA NI RANG GI SA PAS KYANG SMRAR 'JUG GO ZHES BYA BA YIN TE, 'DOD PA'I KHAMS DANG, BSAM GTAN DANG PO'I SA PA'I SPRUL PA NI RANG GIS PA'I SEMS KHO NAS SMRAR 'JUG GO, ,SA GONG MA PA NI BSAM GTAN DANG PO'I SA PA STE, YAN CHAD NA RNAM PAR JUG BYED KUN NAS SLONG BAR BYED PA MED PA'I PHYIR RO, ,SPRUL PA MANG PO RNAMS SMRA BA NI STON MIN SPRUL PA DANG BCAS, SANGS RGYAS LAS GZHAN @64A *, ,PA'I SPRUL PA NI SPRUL PA DANG BCAS TE, SMRA BAS GANG GI TSE SPRUL PA MANG PO ZHIG YIN PA DE'I TSE CIG CAR SMRA STE, GCIG CIG SMRA BAR BYED PA NA, ,SPRUL PA THAMS CAD SMRA BAR BYED, ,GCIG MI SMRA BAR GYUR PA DANG, ,DE DAG THAMS CAD SMRAR MI 'GYUR, ,ZHES TSIGS SU BCAD DE 'BYUNG BA'I PHYIR RO, ,SANGS RGYAS KYI SPRUL PA NI SNGA PHYI JI LTAR BZHED PAR SMRA'O, ,GANG GI TSE SMRAR 'JUG PA'I SEMS YOD PA DE'I TSE SPRUL PA'I SEMS MED PA'I PHYIR SPRUL PA MED NA JI LTAR SMRAR 'JUG CE NA, BYIN GYIS BRLABS NAS GZHAN 'JUG PHYIR, ,GNAS PAR 'DOD PAS SPRUL PA BYIN GYIS BRLABS NAS YID GZHAN RNAM PAR RIG BYED KUN NAS SLONG BAR BYED PAS NGAG 'JUG PAR BYED DO, ,CI GSON PO KHO NA LA BYIN GYI RLABS YOD DAM, 'ON TE SHI BA LA YOD CE NA, SHI BA LA YANG BYIN GYI RLABS YOD, 'PHAGS PA 'OD SRUNGS CHEN PO'I BYIN GYI RLABS KYIS DE'I NUS PA'I KENG RUS GNAS PA'I PHYIR RO, ,DE YANG MI BRTAN LA MED, MI BRTAN PA'I DNGOS PO LA NI BYIN GYI RLABS MED DE, 'PHAGS PA 'OD SRUNGS CHEN POS SHA LA SOGS PA BYIN GYIS MA BRLABS PA'I PHYIR RO, ,GZHAN DAG MIN GZHAN DAG NA RE, SHI BA LA BYIN GYI RLABS MED KYI, RUS PA'I KENG RUS GNAS PA NI LHA'I MTHUS SO ZHES ZER RO, ,CI SEMS GCIG GIS SPRUL PA GCIG KHO NA SPRUL PAR BYED DAM ZHEN, DANG POR DU MAS GCIG YIN TE, ,BYA BAR GYUR NAS BZLOG PA'O, ,DANG PO NYID DU NI SPRUL PA'I SEMS DU MAS SPRUL PA GCIG SPRUL PAR BYED DO, ,MNGON PAR SHES PA BYANG NAS NI SEMS GCIG GIS SPRUL PA PO JI SNYED 'DOD PA DU MA SPRUL PAR BYED DO, ,YANG SPRUL PA'I SEMS THAMS CAD LUNG DU MA BSTAN PA YIN NAM ZHE NA, BSGOMS LAS SKYES PA LUNG MA BSTAN, ,BSGOMS PA'I 'BRAS BU GANG YIN PA DE NI NGES PAR LUNG DUM BSTAN PA YIN NO, ,SKYE BA LAS SKYES RNAM GSUM MO, ,LHA DANG, KLU DANG, SHA ZA LA SOGS PA'I SKYE BAS THOB PA'I SPRUL PA'I SEMS NI DGE BA DANG, MI DGE BA DANG, LUNG DU MA BSTAN PA YIN NO, ,DE DAG GIS BYAS PA'I SPRUL PA RANG DANG GZHAN GYI LUS DANG 'BREL BA NI SGRA MED PA'I GZUGS CAN GYI SKYE MCHED YIN PA'I PHYIR, @64B SKYE MCHED DGU PA YIN TE, DBANG PO DANG THA MI DAD PA'I PHYIR RO, ,DBANG PO NI SPRUL PAR MI BYED DO, ,CI BSGOMS PA LAS BYUNG BA DANG, SKYE BAS THOB PA'I RDZU 'PHRUL RNAM PA 'DI GNYIS KHO NAR ZAD DAM ZHE NA, RDZU 'PHRUL RNAM PA GNYIS PA DE DANG, GSANG SNGAGS SMAN DAG DANG, LAS LAS SKYES DANG RNAM PA LNGA, ,RDZU 'PHRUL NI MDOR BSDUN RNAM PA LNGA'O ZHES BRJOD DE, BSGOMS PA'I 'BRAS BU DANG, SKYE BAS THOB PA DANG, GSANG SNGAGS LAS SKYES PA DANG, SMAN LAS SKYES PA DANG, LAS LAS SKYES PA STE, DPER NA NGA LAS NU DANG, SRID PA BAR MA BA RNAMS KYI LTA BU'O, ,LHA'I RNA BA DANG MIG TU BSHAD PA GANG YIN PA DE DAG CI LHA'I KHO NA YIN NAM, 'ON TE BYANG CHUB SEMS DPA' DANG, 'KHOR LOS SGYUR BA DANG, KHYIM BDAG RIN PO CHE RNAMS KYI LTA BUR LHA'I DANG 'DRA BAS LHA'I YIN ZHE NA, LHA YI MIG DANG RNA BA YIN, ,'DI LTAR DE GNYIS NI, BSAM GTAN SA PA'I GZUGS DANG BA, BSAM GTAN LA SNYOMS PAR ZHUGS PA'I MIG DANG RNA BA'I THOD KOR DU SGRA DANG, SNANG BA LA GTOD PA'I SBYOR BAS BSAM GTAN GYIS PA'I 'BYUNG BA RNAMS RGYUR BYAS PA'I GZUGS DANG, SGRA DAG MTHONG BA DANG, THOS PA'I RGYU MNGON PAR 'GRUB PAS BSAM GTAN GYIS PA YIN PA'I PHYIR MIG DANG, RNA BA DE DAG NI LHA'I KHO NA YIN NO, ,DE GNYIS KYANG RTAG TU BRTEN BCAS MA TSANG MED, THAG RING PHRA SOGS SPYOD YUL CAN, ,LHA'I MIG DANG RNA BA NI RTAG TU RNAM PAR SHES PA DANG BCAS PA YIN PA'I PHYIR DE DANG MTSUNGS PA MED DO, ZHAR BA DANG 'ON PA MED PA'I PHYIR MA TSANG BA YANG MA YIN TE, GZUGS NA SPYOD PA'I SEMS CAN BZHIN NO, ,DE GNYIS KYI YUL NI GZUGS DANG, SGRA THAG RING BA DANG, PHRA BA DANG, BSGRIBS PA DAG KYANG YIN NO, ,'DIR SMRAS PA, GANG PHYIR SHA YI MIG GIS GZUGS, ,THAG RING GNAS DANG BSGRIBS PA DANG, ,PHRA RGYAS THAMS CAD MI MTHONG BA, ,DE PHYIR LHA YIS MTHONG BAR 'DOD, ,LHA'I MIG GIS THAG JI SRID CIG MTHONG ZHEN, GANG GI MIG JI LTA BU YIN BA'O, ,NYAN THOS DANG RANG SANGS RGYAS DANG SANGS RGYAS RNAMS NI MNGON PAR 'DU BYED PA MED PAR STONG DANG STONG GNYIS PA @65A *, ,DANG STONG GSUM PA'I 'JIG RTEN GYI KHAMS MTHONG NGO, ,MNGON PAR 'DU BYED PAS NI, DGRA BCOM BSE RU STON RNAMS KYIS, ,STONG GNYIS GSUM DANG GRANGS MED MTHONG, ,NYAN THOS CHEN POS KYANG MNGON PAR 'DU BYED PA THAMS CAD KYIS LHA'I MIG GIS STONG GNYIS PA'I 'JIG RTEN GYI KHAMS MTHONG NGO, ,BSE RU LTA BUS NI STONG GSUM PA MTHONG NGO, ,SANGS RGYAS BCOM LDAN 'DAS KYIS NI JI TZAM BZHED PAR 'JIG RTEN GYI KHAMS GRANGS MED PA GZIGS SO, ,CI RDZU 'PHRUL KHO NA SKYE BAS 'THOB PA YIN NAM, 'ON TE GZHAN YANG YIN ZHE NA, GZHAN YANG SKYE BAS KYANG 'THOB, LHA'I RNA BA LA SOGS PA BZHI YANG SKYE BAS 'THOB BAR BYA BA YOD MOD KYI, SKYE BAS THOB PA NI CUNG ZAD KYANG MNGON PAR SHES PA'I MING MI 'THOB BO, ,SKYE BAS 'THOB PA'I LHA'I MIG GANG YIN, DES NI, SRID PA BAR MA MI MTHONG NGO, ,SRID PA BAR MA NI MNGON PAR SHES PA'I MIG KHO NAS MTHONG GI, ,SKYE BAS THOB PA NI MA YIN NO, ,SEMS SHES DE NI RNAM PA GSUM, SKYE BAS 'THOB PA ZHES BYA BAR SBYAR TE, PHA ROL GYI SEMS SHES PA SKYE BAS 'THOB PA DE NI DGE BA DANG, MI DGE BA DANG,, LUNG DU MA BSTAN PA DANG RNAM PA GSUM YIN PAR RIG PAR BYA'O, ,GANG RTOGS DANG RIG SNGAGS KYIS BGYAS PA'ANG, GANG YANG MTSAN MA PA RNAMS KYIS PAH ROL GYI SEMS SHES PA DANG RTOG GE BA DANG, GANG YANG RIG SNGAGS KYIS BYAS PA DE YANG RNAM PA GSUM YIN PAR RIG PAR BYA STE, JI LTAR BSGOMS PA'I 'BRAS BU DGE BA KHO NA YIN PA LTA BU NI MA YIN NO, ,PHA ROL GYI SEMS SHES PA DANG, SNGON GYI GNAS RJES SU DRAN PA SKYE BAS THOB PA DAG GIS NI DMYAL BA PAS NI DANG PO SHES, JI SRID DU SDUG BSNGAL GYI TSOR BAS MA NYEN PA DE SRID DU SHES SO, ,'GRO BA GZHAN NA GNAS PAS NI RTAG TU SHES SO, ,MI LA SKYE BAS THOB PA MED, ,MI RNAMS LA NI RDZU 'PHRUL LA SOGS PA JI SKAD BSHAD PA DE SKYE BAS THOB PA MED DO, ,'O NA RANG BZHIN GYIS TSE RABS DRAN PA GANG YIN PA JI LTA BU ZHE NA, DE DAG GI DE NI LAS KYI KHYAD PAR LAS SKYES PA YIN TE, SNGON GYI GNAS RJES SU DRAN PA NI RNAM PA GSUM STE, BSGOMS PA'I @65B 'BRAS BU DANG, SKYE BAS THOB PA DANG, LAS LAS SKYES PA'O, ,CHOS MNGON PA MDZOD KYI RNAM PAR BSHAD PA LAS YE SHES BSTAN PA ZHES BYA BA MDZOD KYI GNAS BDUN PA'O, ,SHES PA'I SKABS KYIS SHES PA'I RANG BZHIN GYI YON TAN RNAMS NI BSHAD ZIN TO,, ,,RNAG BZHIN GZHAN RNAMS BRJOD PAR BYA STE, DE LA TA BAS NA YON TAN THAMS CAD KYI RTEN YIN PA'I PHYIR DANG PO KHO NAR BSAM GTAN RNAMS BRTZAMS TE, BSAMM GTAN DAG NI RNAMM PA GNYIS, ,BSAM GTAN RNAMS NI MDOR BSDU NA SKYE BA DANG SNYOMS PAR 'JUG PA'I BSAM GTAN GYI BYE BRAG GIS RNAM PA GNYIS SO, ,DE DAG KYANG BZHI, BSAM GTAN DANG PO NAS BZHI PA'I BAR RO, ,DE LA BSAM GTAN DU SKYE BA RNAM SNI YANG MI BRJOD DE, 'JIG RTEN BSTAN PA'I MDZOD KYI GNAS SU, DER SKYE BA DAG RAB TU BSHAD, JI SKAD DU BSHAD CE NA, DER SO SO'I, BSAM GTAN SA NI GSUM PA YIN, ,BZHI BA SA NI BRGYAD PA YIN, ,ZHES BYA BA YIN NO, ,SNYOMS PAR 'JUG PA'I BSAM GTAN BRJOD PAR BYA STE, DE'I PHYIR SMRAS PA, SNYOMS 'JUG DGE BA RTZE GCIG PA, BYE BRAG MED PAR DGE BA'I SEMS RTZE GCIG PA NI BSAM GTAN YIN TE, TING NGE 'DZIN GYI RANG BZHIN YIN PA'I PHYIR RO, ,RJES 'BRANG BCAS NA PHUNG PO LNGA, ,'KHOR DANG BCAS NA NI PHUNG PO LNGA'I RANG BZHIN YIN PAR RIG PAR BYA'O, ,RTZE GCIG PA ZHES BYA BA 'DI CI ZHE NA, DMIGS PA GCIG PA NYID DO, ,DE LTA NA NI 'O NA SEMS DMIGS PA GCIG PA DAG KHO NA TING NGE 'DZIN YIN GYI CHOS GZHAN SEMS LAS BYUNG BA NI MA YIN NO ZHES BYA BAR 'GYUR RO ZHE NA, SEMS RNAMS KHO NA TING NGE 'DZIN MA YIN GYI GANG GIS DE DAG RTZE GCIG PAR BYED PA'I CHOS DE TING NGE 'DZIN YIN LA DE NYID RTZE GCIG PA NYID YIN NO, ,SKAD CIG MA YIN PA'I PHYIR SEMS THAMS CAD RTZE GCIG PA MA YIN NAM, GAL TE GNYIS PA DE LAS RNAM PAR MI GA-YENG BA YIN NO ZHE NA NI, MTSUNGS PAR LDAN PA LA TING NGE 'DZIN DON MED PA YIN NO, ,GANG KHO NA LAS TING NGE 'DZIN YIN PA DE KHO NA LAS SEMS RNAMS KYI DMIGS PA GCIG PA NYID DU YANG CI'I PHYIR MI 'DOD, TING NGE 'DZIN NAS @66A *, ,MANG PO PA YIN PA'I PHYIR SEMS THAMS CAD RTZE GCIG PA NYID DU YANG THAL BAR 'GYUR RO, ,MA YIN TE, TING NGE 'DZIN STOBS CHUNG BA'I PHYIR RO, ,GZHAN DAG NA RE SEMS RTZE GCIG PA DAG KHO NA TING NGE 'DZIN YIN TE, 'DI LTAR MDO LAS, LHAG PA'I SEMS KYI BSLAB PA DANG, SEMS YONGS SU DAG PA'I GTZO BO NI BSAM GTAN BZHI YIN NO ZHES GSUNGS SO ZHES ZER RO, ,BSAM GTAN ZHES BYA BA'I DON CI ZHE NA, 'DIS SEMS PAR BYED PAS NA BSAM GTAN TE, SEMS MNYAM PAR BZHAG NA YANG DAG PA JI LTA BA BZHIN RAB TU SHES PA'I PHYIR RAB TU SHES PAR BYED CES BYA BA'I THA TSIG STE, SKAD KYI BYINGS 'DI NI SEMS PA'I DON YIN LA, SEMS PA YANG SHES RAB YIN NO ZHES GRUB PA'I MTHA' LAS 'BYUNG NGO, ,DE LTA NA NI 'O NA TING NGE 'DZIN THAMS CAD BSAM GTAN DU THAL BAR 'GYUR RO ZHE NA, MA YIN TE, PHUL DU PHYIN PA DANG LDAN BA LA DE'I MING DU BTAGS PA'I PHYIR NYI MA BZHIN NO, ,PHUL DU PHYIN PA DANG LDAN PA YANG GANG ZHE NA, TING NGE 'DZIN GANG YAN LAG DANG LDAN PA YIN TE, DE NI ZHI GNAS DANG LHAG MTHONG ZUNG DU 'BREL PAR NGANG GIS 'BYUNG BA'I PHYIR MTHONG BA'I CHOS LA BDE BAR GNAS PA DANG, LAM SLA BA ZHES GSUNGS PAS DE NI SHIN TU YANG SEMS PAR BYED DO, ,NYON MONGS PA CAN JI LTAR BSAM GTAN YIN ZHE NA, LOG PAR NGES PA SEMS PA'I PHYIR RO, ,HA CANG THAL BAR 'GYUR RO ZHE NA, MA YIN TE, DE DANG MTHUN PA KHO NA LA DE'I MING DU BTAGS PA'I PHYIR TE, SA BON RUL PA BZHIN NO, ,BCOM LDAN 'DAS KYIS KYANG BSAM GTAN MI DGE BA DAG KYANG GSUNGS SO, ,YANG DGE BA RTZE GCIG PA BSAM GTAN DANG PO NI JI LTA BU, BZHI PA'I BAR NI JI LTA BU ZHE NA, RE ZHIG DANG PO NI, DPYOD DANG DGA' DANG BDE DANG LDAN, ,DGE BA RTZE GCIG PA BSAM GTAN DANG PO NI DPYOD PA DANG DGA' BA DANG BDE BA DANG MTSUNGS PAR LDAN PA YIN NO, DPYOD PA SMOS PAS RTOG PA YANG BSHAD PA YIN TE, LHAN CIG SPYOD PA'I PHYIR DU BA DANG ME BZHIN DU, RTOG PA MED PAR NI DGA' BA DANG BDE BA DANG LDAN PA'I DPYOD PA MED DO, ,BSAM GTAN LHAG MA GSUM NI, @66B YAN LAG LNGA LNGA SPANGS PA YIN, ,DGE BA RTZE GCIG PA ZHES BYA BAR SBYAR TE, BSAM GTAN GNYIS PA NI DPYOD PA SPANGS LA, DGA' BA DANG BDE BA DANG LDAN PA YIN NO, ,GSUM PA NI DPYOD PA DANG DGA' BA SPANGS LA BDE BA DANG LDAN PA YIN NO, ,BZHI PA NI DPYOD PA DANG, DGA' BA DANG BDE BA SPANGS PA YIN NO, ,BSAM GTAN RNAMS JI LTA BA DE BZHIN DU GZUGS MED, RNAM PA GANGS GIS SHE NA, DE DAG KYANG SKYE BA DANG SNYOMS PAR 'JUG PA'I SGO NAS RNAM PA GNYIS KYANG YIN LA BZHI YANG YIN NO, ,DE DAG GI YANG SKYE BA RNAMS NI BSHAD ZIN TO, ,SNYOMS PAR 'JUG PA'I GZUGS MED PA RNAMS NI BYE BRAG MED PAR DGE BA'I SEMS RTZE GCIG PA'I RANG BZHIN YIN NO ZHES BYA BA'I RNAM PA DES BSHAD ZIN TO, ,'KHOR DANG BCAS NA NI, PHUNG PO BZHI RJES SU 'BRANG BA'I GZUGS MED PA'I PHYIR RO, ,'OG MA'I SA DBEN LAS SKYES PA, ,BSAM GTAN BZHI PA LAS DBEN PA LAS SKYES PA NI NAM MKHA' MTHA' YAS SKYE MCHED YIN NO, ,DE LAS DBEN BA LAS SKYES PA NI RNAM SHES MTHA' YAS SKYE MCHED YIN NO, ,DE LAS DBEN PA LAS SKYES PA NI CI YANG MED PA'I SKYE MCHED YIN NO, ,DE LAS DBEN PA LAS SKYES PA NI 'DU SHES MED 'DU SHES MED MIN GYI SKYE MCHED YIN TE, DE LTAR NA GZUGS MED PA BZHI YIN NO, ,DBEN PA ZHES BYA BA 'DI CI ZHE NA, LAM GANG GIS NI 'OG MA LAS RNAM PAR 'BYED PA STE, 'DOD CHAGS DANG BRAL BAR GYUR PA'I PHYIR RO, ,GZUGS MED PA DE DAG KYANG, NYER BSDOGS GSUM DANG BCAS PAR NI, ,GZUGS KYI 'DU SHES BSHIG CES BYA, ,NAM MKHA' MTHA' YAS SKYE MCHED KYI NYER BSDOGS NI BSAM GTAN BZHI PA LA DMIGS PA'I PHYIR GZUGS KYI 'DU SHES BSHIG CES BYA BA'I MING MI 'THOB BO, ,DE LA NI GZUGS KYI 'DU SHES BSHIG PA MA YIN TE, MA BRAL ZHES BYA BA'I THA TSIG GO, ,PHUNG PO BZHI ZHES GANG BSHAD PA RE ZHIG GZUGS MED PA DAG NA GZUGS MED DO ZHES BYA BA 'DI BSGRUB PAR BYA BA YIN NO, ,GAL TE YOD NA JI LTAR NA GZUGS MED PA RNAMS BRJOD PAR 'GYUR, GZUGS CUNG ZAD CIG YOD PA'I PHYIR TE, CUNG ZAD ZER BA BZHIN NO, ,RE ZHIG DE NI GZUGS JI @67A *, ,LTA BU ZHIG YOD PAR 'DOD, GAL TE LUS DANG DAG GI SDOM PA TZAM ZHIG GO ZHE NA, DE DAG MED NA JI LTAR DE DAG GI SDOM PAR 'GYUR, 'BYUNG BA MED PAR NI 'BYUNG BA LAS GYUR PA MI RUNG NGO, ,GAL TE ZAG PA MED PA'I SDOM PA BZHIN NO ZHE NA, MA YIN TE ZAG PA DANG BCAS PA'I 'BYUNG BA YOD PA'I PHYIR RO, ,SNYOMS PAR 'JUG PA LA YANG DE DGAG PAR BSHAD DO, ,'ON TE LUS KYANG YOD LA DBANG PO GZUGS CAN RNAMS KYANG YOD DO ZHE NA NI, JI LTAR NA DE DAG GZUGS CUNG ZAD YOD PAR 'DOD, GAL TE BONG TSOD CHUNG BA'I PHYIR RO ZHE NA NI CHUNG NGU'I SKYE BO GZUGS BLTAR MI SNANG BA DAG LA YANG THAL BAR 'GYUR RO, ,GAL TE DANG BA'I PHYIR RO ZHE NA NI, SRID PA BAR MA DAG DANG, GZUGS NA SPYOD PA RNAMS LA YANG THAL BAR 'GYUR RO, ,GAL TE GANG LAS CHES DANG BA MED PA YIN NO ZHE NA NI, SRID PA'I RTZE MO KHO NA GZUGS MED PA YIN PAR 'GYUR TE, SNYOMS PAR 'JUG PA BZHIN DU SKYE BA KHYAD PAR DU 'PHAGS PA'I PHYIR RO, ,BSAM GTAN DU SKYE BA'I GZUGS KYANG SA 'OG MA'I DBANG POS MI ZIN PA'I PHYIR DE DANG YANG KHYAD PAR CI ZHIG YOD, GAL TE GNYIS KYI MING NI DON DANG MTHUN PA YIN GYI GZUGS MED PA'I KHAMS KYI NI MA YIN NO ZHE NA, DE LA RIGS PA CI ZHIG YOD, GAL TE TSE DANG DROD GNYIS 'DRES PAR GSUNGS PA'I PHYIR DANG, 'DAM BU'I SHOG GNYIS BZHIN DU MING DANG GZUGS DAG PHAN TSUN BRTEN TO ZHES GSUNGS PA'I PHYIR DANG, ,RNAM PAR SHES PA'I RKYEN KYIS MING DANG GZUGS ZHES GSUNGS PA'I PHYIR DANG, GZUGS NAS 'DU BYED RNAMS KYI BAR LAS GZHAN DU RNAM PAR SHES PA 'ONG BA'AM 'GRO BA BKAG PA'I PHYIR GZUGS MED PA DAG NA GZUGS YOD PA NYID DU GRUB BO ZHE NA, MA YIN TE, DPYAD PAR BYA BA YIN PA'I PHYIR RO, ,RE ZHIG TSE DANG DROD GNYIS 'DRES PA NYID DU GANG GSUNGS PA 'DI CI 'DOD PA DANG GZUGS NA SPYOD PA'I TSE LAS DGONGS TE GSUNGS SAM, 'ON TE THAMS CAD LAS ZHES BYA BA DANG, GANG YANG MING DANG GZUGS DAG PHAN TSUN BRTEN PA NYID DU GSUNGS PA 'DI CI 'DOD PA DANG GZUGS NA SPYOD PA LAS DGONGS TE GSUNGS SAM, 'ON TE @67B THAMS CAD LAS ZHES BYA BA DANG, GANG YANG RNAM PAR SHES PA'I RKYEN GYIS MING DANG GZUGS ZHES GSUNGS PA 'DI CI RNAM PAR SHES PA THAMS CAD MING DANG GZUGS KYI RKYEN DU GSUNGS SAM, 'ON TE MING DANG GZUGS THAMS CAD RNAM PAR SHES PA'I RKYEN DU GSUNGS ZHES BYA BA DANG, GANG YANG GZUGS LA SOGS PA LAS GZHAN DU RNAM PAR SHES PA 'ONG BA DANG 'GRO BA BKAG PAR GSUNGS PA 'DI CI DE DAG THAMS CAD MED NA DE BKAG GAM, 'ON TE 'GA' ZHIG KYANG ZHES BYA BA 'DI DPYAD PAR BYA DGOS SO, ,GAL TE BYE BRAG MED PAR GSUNGS PA'I PHYIR DPYAD PAR MI BYA'O ZHE NA NI HA CANG THAL BAR 'GYUR TE, TSE MED BAR PHYI'I DRO BA YANG YOD PAR MI 'GYUR LA, PHYI'I GZUGS KYANG RNAM PAR SHES PA LA BRTEN PA NYID DU 'GYUR TE, KHYAD PAR MED PAR 'BYUNG BA'I PHYIR RO, ,RNAM PAR SHES PA GNAS BZHIN DU ZAS BZHI GSUNGS PA'I PHYIR GZUGS DANG GZUGS MED PA'I KHAMS DAG NA YANG KHAM DU BYED PA'I ZAS YOD PAR THAL BAR YANG 'GYUR RO, ,GAL TE KHAM DU BYED PA'I ZAS ZA BA'I LHA RNAMS LAS 'DAS TE ZHES GSUNGS PA'I PHYIR DANG, DGA' BA'I ZAS ZHES GSUNGS PA'I PHYIR THAL BAR MI 'GYUR RO ZHE NA NI GZUGS MED PA DAG NA YANG GZUGS YOD PAR THAL BAR MI 'GYUR TE, GZUGS MED PA RNAMS NI GZUGS RNAMS LAS NGES PAR 'BYUNG BA YIN NO ZHES BYA BA DANG, GZUGS MED PA'I RNAM PAR THAR PA ZHI BA GANG DAG GZUGS RNAMS LAS 'DAS NAS ZHES BYA BA DANG, GZUGS CAN MA YIN PA'I SEMS CAN DAG YOD CES BYA BA DANG, RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS NAS ZHES GSUNGS PA'I PHYIR RO, ,GZUGS SHIG YOD NA NI RANG GI GZUGS GDON MI ZA BAR 'DU SHES PAR BYED PAR 'GYUR RO, ,GAL TE SA 'OG MA PA'I GZUGS RAGS PA LAS DGONGS TE GSUNGS PA YIN NO ZHE NA NI, KHAM GYI ZAS LA YANG MTSUNGS SO, ,BSAM GTAN RNAMS KYANG SA 'OG MA PA LAS NGES PAR 'BYUNG BA YIN PA'I PHYIR GZUGS MED PAR THAL BAR 'GYUR RO, ,SA 'OG MA PA'I TSOR BA LA SOGS PA LAS NGES PAR 'BYUNG BA'I PHYIR TSOR BA LA SOGS PA @68A *, ,LAS KYANG NGES PAR 'BYUNG BA YIN BAR CI'I PHYIR MA BSHAD DE, GZUGS KYI RNAM PA ZAD PAR LAS 'DAS LA TSOR BA LA SOGS PA'I RNAM PA LAS NI MA YIN PAS DE'I PHYIR GZUGS RNAMS LAS NGES PAR 'BYUNG BA ZHES GSUNGS SO, ,SRID PAS SRID PA LAS NGES BAR MI 'BYUNG BAR GSUNGS PA NI DE NYID KYIS DE LAS NGES PAR MI 'BYUNG BA'I PHYIR DANG, THAMS CAD DANG GTAN DU NGES PAR 'BYUNG BA MA YIN PA'I PHYIR RO, ,BCOM LDAN 'DAS KYIS KYANG BSAM GTAN DAG LA NI GANG DE NA GZUGS KYI RNAM PA YOD PA'ANG RUNG RNAM PAR SHES PA'I RNAM PA'I BAR YOD PA'ANG RUNG ZHES GSUNGS LA, GZUGS MED PA DAG LA NI GANG DE NA TSOR BA'I RNAM PA YOD PA'ANG RUNG RNAM PAR SHES PA'I RNAM PA'I BAR YOD PA'ANG RUNG ZHES GSUNGS TE, DE DAG NA GZUGS KYI RNAM PA ZHIG YOD NA CI'I PHYIR GZUGS KYI RNAM PA YOD PA'ANG RUNG ZHES GSUNGS PAR MI 'GYUR TE DE LTA BAS NA GZUGS MED PA NA GZUGS MED DO, ,DE NI JI LTAR NA DE NAS SHI 'PHOS PA RNAMS KYI GZUGS BSKAL PA MI NYUNG BA ZHIG TU GZUGS RGYUN CHAD PA LAS YANG SKYE BAR 'GYUR ZHE NA, GZUGS NI SEMS LAS SKYE BAR 'GYUR, ,GZUGS NI DE'I RNAM PAR SMIN PA'I RGYUS YONGS SU BSGOS PA'I SEMS 'JUG PA RNYED PA LAS SKYE BAR 'GYUR RO, ,JI LTAR NA SEMS GZUGS LA MA BRTEN PAR GNAS SHE NA, CI'I PHYIR GNAS PAR MI 'GYUR, 'DI NA DE LTA BU MA MTHONG BA'I PHYIR RO, ,KHAM GYI ZAS MED PAR YANG GZUGS KYI KHAMS NA GNAS PAR MI 'GYUR RO, ,CI'I PHYIR ZHE NA, 'DI NA DE LTA BU MA MTHONG BA'I PHYIR RO, ,JI LTAR GNAS BA NI SDANG BSHAD ZIN TO, ,'DI NI RDZOGS SO,, ,,'DI BRJOD PAR BYA STE, CI NAM MKHA' MTHA' YAS SKYE MCHED LA SOGS PA DE DAG NAM MKHA' LA SOGS PA KHO NA LA DMIGS PA YIN BAS DE'I PHYIR DE SKAD CES BYA'AM ZHE NA, MA YIN NO, ,'O NA JI LTA BU ZHE NA, RE ZHIG GSUM MO, ,RNAM SHES MTHA' YAS MKHA' MTHA' YAS, ,CI YANG MED CES BYA DE LTAR, ,SBYOR PHYIR GRANGS BZHIN DU NAM MKHA' MTHA' YAS SO, ,RNAM PAR SHES PA MTHA' YAS SO, , @68B CI YANG MED DO ZHES DE LTAR YID LA BYED CING DE DAG LA RAB TU SBYOR BAS DE'I PHYIR DE DAG GI MING DE DAG YIN NO, ,DMAN PHYIR 'DU SHES MED, 'DU SHES MED PA YANG MA YIN PA'O, ,'DU SHES CHUNG BA'I PHYIR 'DU SHES MED 'DU SHES MIN ZHES BSHAD DE, DE NI 'DU SHES GSAL PA YANG MA YIN LA 'DU SHES MED PA KHO NA YANG MA YIN PA'I PHYIR RO, ,GAL TE DE LA YANG 'DI LTAR 'DU SHES NI NAD DO, ,'DU SHES NI 'BRAS SO, ,'DU SHES NI ZUG RNGU'O, ,'DU SHES MED PA NI KUN DU RMONGS PA'O, ,'DI LTAR 'DU SHES MED, 'DU SHES MED MIN SKYE MCHED 'DI NI ZHI BA'O, ,'DI NI GYA NOM PA'O ZHES BYA BAR SBYOR BA YOD MOD KYI CI'I PHYIR DE DAG GIS DE LA DE LTAR 'DZIN ZHES BYAS PA DANG, 'DU SHES RNAMS CHUNG BA'I PHYIR RO ZHES BYA BA 'DI GDON MI ZA BAR BRJOD DGOS PAR 'GYUR BAS DE NYID BSHAD DO, ,DE LTAR SNYOMS 'JUG DNGOS GZHI'I RDZAS, ,RNAM PA BRGYAD, DE LTAR NA 'DI DAG NI SNYOMS PAR 'JUG PA'I DNGOS GZHI'I RDZAS BRGYAD YIN TE, 'DI LTA STE, BSAM GTAN BZHI DANG, GZUGS MED PA BZHI'O, ,DE DAG LAS BDUN RNAM PA GSUM, ,SRID PA'I RTZE MO LAS GZHAN PA BDUN NI RNAM PA GSUM YIN TE, RO MYANG LDAN DANG DAG PA DANG, ,ZAG MED, RO MYANG BA DANG MTSUNGS PAR LDAN BA RNAMS DANG, DAG PA PA RNAMS DANG, ZAG PA MED PA RNAMS SO, ,BRGYAD PA RNAM PA GNYIS, SRID PA'I RTZE MO NI RO MYANG BA DANG MTSUNGS PAR LDAN PA DANG, DAG PA PA YIN GYI ZAG PA MED PA NI MED DO, ,DE LA, RO MYANG MTSUNGS LDAN SRED BCAS SO, ,RO MYANG BA NI SRID PA YIN NO, ,'JIG RTEN PA YI DGE BA NI, ,DAG PA, 'JIG RTEN PA'I DGE BA SNYOMS PAR 'JUG PA'I RDZAS NI DAG PA ZHES BYA STE, MA CHAGS PA LA SOGS PA CHOS DKAR PO DANG LDAN PA'I PHYIR RO, ,RO MYANG BA DANG MTSUNGS PAR LDAN PA DES CI ZHIG RO MYONG BAR BYED CE NA, DE NI DES MYANG BYA, SNYOMS PAR 'JUG PA'I RDZAS GANG 'DAS MA THAG PA DE NI DES RO MYONG BAR BYED DE, RO MYANG BAR BYA BA GANG YIN PA DE LAS NI LANGS PA YIN NO, ,GANG GIS RO MYONG BAR @69A *, ,BYED PA DE LA NI SNYOMS PAR ZHUGS PA YIN NO, ,ZAG MED 'JIG RTEN 'DAS PA'O, ,'JIG RTEN LAS 'DAS PA'I SNYOMS PAR 'JUG PA'I RDZAS GANG YIN PA DE NI THAG PA MED PA YIN NO SNYOMS PAR 'JUG PA'I RDZAS DE DAG LAS BSAM GTAN RNAMS KHO NA YAN LAG DANG LDAN PA YIN GYI GZUGS MED PA RNAMS NI MA YIN NO, ,DE LA DANG PO LA LNGA, BSAM GTAN PO LA YAN LAG LNGA STE, RTOG DPYOD DANG, DGA' BAS BDE DANG TING 'DZIN RNAMS, ,RTOG PA DANG, DPYOD PA DANG, DGA' BA DANG, BDE BA DANG, SEMS RTZE GCIG PA NYID DE, DE LTAR NA DE DAG NI LAN LAG LNGA YIN NO, ,TING NGE 'DZIN NI YAN LAG KYANG YIN LA BSAM GTAN YANG YIN NO, ,LHAG MA RNAMS NI YAN LAG DAG YIN NO ZHES GRAG GO, ,YAN LAG BZHI PA'I DMAG JI LTA BAR YAN LAG LNGA'I BSAM GTAN YANG DE DANG 'DRA'O, ,GNYIS PA LA NI YAN LAG BZHI, RAB DANG DAD NI DGA' LA SOGS, ,BSAM GTAN GNYIS BA LA YAN LAG BZHI STE, NAD RAB TU DANG BA DANG, DGA' BA DANG, BDE BA DANG, SEMS RTZE GCIG PA NYID DO, ,GSUM PA LA LNGA BTANG SNYOMS DANG, ,DRAN DANG SHES RAB BDE DANG GNAS, ,BSAM GTAN GSUM PA LA YANG YAN LAG LNGA STE, BTANG SNYOMS DANG, DRAN PA DANG, SHES BZHIN DANG BDEN PA DANG, TING NGE 'DZIN TO, ,GNAS PA NI TING NGE 'DZIN GYI RNAM GRANGS YIN TE, MDO LAS, YANG DAG PA'I TING NGE 'DZIN GANG ZHE NA, GANG SEMS GNAS PA DANG, YANG DAG PAR GNAS PA'O ZHES 'BYUNG BA'I PHYIR RO, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ,MTHA' MA NI BSAM GTAN BZHI PA'O, ,DE LA YAN LAG BZHI STE, BDE BA YANG MA YIN SDUG BSNGAL YANG MA YIN PA'I TSOR BA DANG, BTANG SNYOMS YONGS SU DAG PA DANG, DRAN PA YONGS SU DAG PA DANG, TING 'DZIN YONGS SU DAG PA'O, ,DE DAG NI BSAM GTAN GYI YAN LAG BCO BRGYAD YIN TE, DANG PO DANG GSUM PA DAG LA NI YAN LAG LNGA YIN PA'I PHYIR DANG, GNYIS PA DANG BZHI PA DAG LA NI YAN LAG BZHI YIN PA'I PHYIR RO, ,MING GI SGO NAS NI DE LTA'O, ,RDZAS SU BCU GCIG ,RDZAS @69B SU NI DE DAG BCU GCIG YIN TE, BSAM GTAN DANG PO LA LNGA'O, ,GNYIS PA LA NI NANG RAB TU DANG BA LHAG GO ,GSUM PA LA NI BTANG SNYOMS DANG, BRAN PA DANG, SHES BZHIN DANG, BDE BA RNAMS SO, ,BZHI PA LA BDE BA YANG MA YIN SDUG BSNGAL YANG MA YIN PA'I TSOR BA'O, DE NYID KYI PHYIR SMRAS PA, YAN LAG GANG DAG BSAM GTAN DANG PO NA YOD PA DE DAG GNYIS PA NA YANG YOD DAM ZHE NA, MU BZHI STE, MU DANG PO NI RTOG PA DANG, DPYOD PA DAG GO ,GNYIS PA NI NANG RAB TU DANG BA'O, ,GSUM PA NI DGA' BA DANG BDE BA DANG SEMS RTZE GCIG PA NYID DO, ,MU BZHI PA NI BSHAD PA LAS MA GTOGS PA'I CHOS RNAMS SO ZHES BYA'O, ,DE BZHIN DU BSAM GTAN GYI YAN LAG THAMS CAD PHAN TSUN DU SBYAR BAR BYA'O, ,CI'I PHYIR BSAM GTAN GSUM PA NA YOD PA'I BDE BA RDZAS GZHAN DU BRJOD CE NA, 'DI LTAR DE'I BDE BA NI TSOR BA YIN LA, BSAM GTAN DANG PO NA; SHIN TU SBYANGS PA BDE BA YIN, BSAM GTAN DANG PO DAG NA NI SHIN TU SBYANGS PA LA BDE BA ZHES BSHAD DO, ,'DI LA NI SHIN TU SBYANGS PA BDE BA YIN LA, DE LA NI TSOR BA BDE BA YIN NO ZHES BYA BA 'DI GA LAS SHES SHE NA, SNYOMS PAR 'JUG PA'I BSAM GTAN GNYIS NA BDE BA'I DBANG PO DANG MI LDAN PA'I PHYIR TE, DE GNYIS NA DE LUS GYI YIN PAR NI MI RUNG STE, SNYOMS PAR ZHUGS PA LA RNAM PAR SHES PA'I TSOGS LNGA MED PA'I PHYIR RO, ,SEMS LAS BYUNG BA YANG MA YIN TE, DGA' BA ZHES 'BYUNG BA'I PHYIR RO, ,DGA' BA NI YID BDE BA YIN NA, BDE BA DANG, YID BDE BA GNYIS CIG CAR 'BYUNG BA MED DO, ,DE GNYIS RNAM GRANGS KYIS BSAM GTAN NA YOD PAR YANG RIGS PA MA YIN TE, YAN LAG LNGA ZHES 'BYUNG BA'I PHYIR RO, ,GZHAN DAG NA RE SEMS LAS BYUNG BA'I BDE BA'I DBANG PO NI KHO NA STE, BSAM GTAN GSUM CHAR NA YANG LUS KYI BDE BA KHO NA YAN LAG TU RNAM PAR GZHAG GO ZHES ZER RO, ,'O NA MDO LAS, BDE BA'I DBANG PO GANG ZHE NA BDE BA MYONG BAR 'GYUR BA'I REG PAS REG PA NA LUS KYI DANG SEMS LAS BYUNG BA'I TSOR BA'I RNAM PA BDE BA SIM PA SKYE BA GANG YIN PA DE NI BDE BA'I DBANG PO ZHES BYA'O @70A *, ,ZHES GANG GSUNGS PA JI LTA BU ZHE NA, TSIG DE NI 'GA' ZHIG GIS SGRO BTAGS PA YIN TE, SDE PA GZHAN THAMS CAD LAS LUS KYI ZHES BYA BA KHO NA 'BYUNG BA'I PHYIR DANG, BDE BA LUS KYIS MYONG LA ZHES RANG GI SGRAS GSUNGS PA'I PHYIR RO, ,GAL TE YID KYI LUS KYIS SO ZHE NA NI; DE SKAD BSHAD PA LA YON TAN CI ZHIG YOD, BSAM GTAN BZHI PA LA SHIN TU SBYANGS PA MANG BZHIN DU BDE BA MA SMOS PA'I YANG PHYIR RO, ,GAL TE BDE BA'I TSOR BA DANG MTHUN PA'I SHIN TU SBYANGS PA BDE BA YIN NO ZHE NA NI, GSUM PA NA YOD PA'I SHIN TU SBYANGS PA BDE BAR MA GSUNGS PA YANG CI'I PHYIR, GAL TE BTANG SNYOMS KYIS BCOM PA'I PHYIR RO ZHE NA, MA YIN TE, SNGA MA GNYIS PAS DE KHYAD PAR DU 'PHAGS PAS BTANG SNYOMS KHO NAS DE 'PHEL BA'I PHYIR RO, ,GANG GI TSE 'PHAGS PA NYAN THOS RAB TU DBEN PA'I BDE BA LUS KYIS MNGON SUM DU BYAS NAS RDZOGS PAR BYAS TE GNAS PA ZHES 'BYUNG BA'I MDO 'DI LAS KYANG SHIN TU SBYANGS PA DANG BDE BA GNYIS THA DAD PAR 'BYUNG BA'I PHYIR SHIN TU SBYANGS PA KHO NA BDE BA MA YIN NO, ,GAL TE SNYOMS PAR ZHUGS PA LA JI LTAR LUS KYI RNAM PAR SHES PA 'BYUNG ZHE NA, TING NGE 'DZIN GYI KHYAD PAR LAS SKYES PA SHIN TU SBYANGS PA ZHES BYA BA BDE BA MYONG BAR 'GYUR BA'I RLUNG GIS LUS LA RGYAS PA'I PHYIR RO, ,GAL TE PHYI ROL DU RNAM PAR GA-YENGS PA'I PHYIR TING NGE 'DZIN LAS NYAMS PAR 'GYUR RO ZHE NA, MA YIN TE, TING NGE 'DZIN LAS SKYES PA LUS KYI BDE BA NAD DU 'BYUNG BA'I LUS KYI BDE BA NI TING NGE 'DZIN DANG MTHUN PA'I PHYIR RO, ,GAL TE LUS KYI RNAM PAR SHES PA SKYES PA'I TSE LANGS PAR 'GYUR RO ZHE NA, MA YIN TE, DE NYID KYI PHYIR RO, ,GAL TE 'DOD PA NA SPYOD PA'I LUS KYI DBANG POS GZUGS NA SPYOD PA'I REG BYA LA RNAM PAR SHES PA MI SKYE'O ZHE NA, MA YIN TE, SHIN TU SBYANGS PA'I RNAM PAR SHES PA SKYE BA'I PHYIR RO, ,GAL TE YAN LAG CUNG ZAD CIG NI ZAG PA DANG BCAS PA CUNG ZAD CIG NI ZAG PA MED PA YIN NA MI RUNG BAS REG BYA DANG LUS KYI RNAM PAR SHES PA ZAG PA MED PA DAG TU YANG 'GYUR RO ZHE NA, LUS SHIN TU SBYANGS PA YANG DAG BYANG CHUB KYI YAN LAG TU GSUNGS @70B PAS 'DOD PA'I PHYIR RO, ,GAL TE BYANG CHUB KYI YAN LAG DANG MTHUN PA'I PHYIR RO ZHE NA NI ZAG PA MED PA NYID KYANG DE DANG 'DRA'O, ,GAL TE ZAG PA DANG BCAS PA'I CHOS RNAMS GANG ZHE NA, MIG JI SNYED PA ZHES 'BYUNG BA'I MDO 'DI DANG 'GAL LO ZHE NA, MA YIN TE, REG BYA DANG LUS KYI RNAM PAR SHES PA GZHAN LAS DGONGS TE GSUNGS PA'I PHYIR RO, ,GAL TE ZAG PA MED PA LA YAN LAG CUNG ZAD CIG NI ZAG PA DANG BCAS PA CUNG ZAD CIG NI ZAG PA MED PAR 'GYUR BA MA YIN NAM ZHE NA, CIG CAR MA YIN PA'I PHYIR NYES PA CI ZHIG YOD, GAL TE BDE BA DANG DGA' BA PHRAD PA MED PA'I PHYIR YAN LAG LNGA PAR MI 'GYUR RO ZHE NA, MA YIN TE, SRID PA'I PHYIR BSTAN PAS RTOG PA DANG DPYOD PA BZHIN NO, ,GAL TE BSGRUB PAR BYA BA YIN NO ZHE NA, SEMS RTZING BA DANG ZHIB PA GNYIS 'GAL BA'I PHYIR DANG, NYES PA SMOS PA'I PHYIR GRUB PA YIN NO, ,DE LTA BAS NA BSAM GTAN DANG PO LA YOD PA'I YAN LAG LNGA PO GANG DAG YIN PA DE DAG KHO NA LAS YAN LAG GNYIS DANG GSUM DANG BZHI BOR NAS BSAM GTAN GNYIS PA LA SOGS PA RNAM PAR GZHAG GO ,DE NYID KYI PHYIR BSAM GTAN DANG PO LA NI YAN LAG LNGA NYID DU BSHAD LA, DE DAG LAS BOR BAS NI BSAM GTAN PHYI MA RNAM PAR GZHAG PA'I PHYIR 'DU SHES LA SOGS PA NI MA YIN NO, ,YANG NA CI'I PHYIR LNGA KHO NA YAN LAG NYID YIN, GAL TE PHAN PA'I PHYIR RO ZHE NA, MA YIN TE, RTOG PA DANG DPYOD PA GNYIS PAS DREN PA DANG SHES RAB DAG CHES PHAN PA'I PHYIR RO, ,KHA CIG DE SKAD DU RGOL BA YOD MOD KYI SNGON GYI SLOB DPON RNAMS NI JI SNYED MNGON PA DE LTAR MI STON TE, DE LTA BAS NA 'DI NI DPYAD PAR BYA BA YIN NO, ,NANG RAB TU DANG BA ZHES BYA BA'I CHOS 'DI CI ZHE NA, RTOG PA DANG DPYOD PA'I 'KHRUG PA DANG BRAL BAS RGYUD RAB TU ZHI BAR GYUR PA NI NANG RAB TU DANG BA YIN TE, RTOG PA DANG DPYOD PAS DKRUGS PA'I RGYUD NI CHU BO DBA' RLABS DANG BCAS PA BZHIN DU RAB TU MA DANG BA YIN NO, ,'O NA NI DE RDZAS GZHAN MA YIN PAS JI LTAR NA RDZAS SU YAN LAG BCU GCIG YIN, DE LTA BAS NA, RAB TU DANG BA DAD PA YIN, ,DE NI BSAM GTAN GNYIS PA THOB PA'I PHYIR MNYAM PAR GZHAG @71A *, ,PA'I SA LAS NGES PAR 'BYUNG BA LA YID CHES PA SKYE STE, DE NI 'DIR NAD RAB TU DANG BA ZHES BYA'O, ,GZHAN DAG NA RE RTOG PA DANG DPYOD PA DANG, TING NGE 'DZIN RNAMS KYANG RDZAS GZHAN MA YIN LA NAD RAB TU DANG BA YANG RDZAS GZHAN MA YIN NO, ,RDZAS GZHAN MED NA JI LTAR SEMS LAS BYUNG PA NYID DU 'GRUB CE NA, SEMS CAN GYI GNAS SKABS KYI BYE BRAG KYANG SEMS LAS BYUNG BA YIN NO ZHES ZER TE, 'DI NI BSTAN BCOS KYI GRUB PA'I MTHA' MA YIN NO, ,DGA' BA NI YID BDE BA YIN NO ZHES GANG BSHAD PA 'DI JI LTAR KHONG DU CHUD, GZHAN CI ZHIG YIN, JI LTAR SDE PA GZHAN DAG 'DOD PA LTA BU YIN NO, ,SDE PA GZHAN DAG JI LTAR 'DOD CE NA, DGA' BA NI SEMS LAS BYUNG BA'I CHOS GZHAN DAG KHO NA YIN LA YID BDE BA NI BSAM GTAN GSUM CHAR GYI YANG BDE BA YIN PAR 'DOD DO, ,BSAM GTAN DAG NA YOD PA'I BDE BA NI YID BDE BA YIN PAR MI RUNG BA NYID KYI, LUS RNAMS GNYIS PHYIR DGA' YID BDE, ,BCOM LDAN 'DAS KYIS RNAM PAR SGYUR BA'I MDO LAS BSAM GTAN GSUM PA BKA' STZAL NAS 'DIR 'DI'I YID BDE BA'I DBANG PO SKYES PA MA LUS PAR 'GAG PAR 'GYUR RO ZHES BKA' STZAL LA, BSAM GTAN BZHI PA LA NI BDE BA'I DBANG PO 'GAG PAR 'GYUR RO ZHES BKA' STZAL TO, ,YANG BDE BA YANG SPANGS TE SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS ZHES GSUNGS PAS DE'I PHYIR YANG BSAM GTAN GSUM PA NA YID BDE BA'I DBANG PO MED DE, DE LTAR BAS NA DGA' BA KHO NA YID BDE BA YIN GYI BDE BA NI MA YIN NO, ,CI NYON MONGS PA CAN GYI BSAM GTAN DAG LA YANG JI SKAD DU BSHAD PA LTAR YAN LAG DE DAG YOD DAM ZHE NA, MED DO, ,DE DAG NA CI ZHIG MED CE NA, NYON MONGS CAN LA DGA' BDE DANG, ,DRAN DANG SHES BZHIN DRAN PA DANG, ,BTANG SNYOMS DRAN PA DAG PA MED, ,BSAM GTAN DANG PO LA NI BDE BA LAS SKYES PA'I DGA' BA DANG BDE BA MED DE, NYON MONGS PA LAS DBEN BA MA YIN PA'I PHYIR RO, ,GNYIS PA LA NI NAD RAB TU DANG BA MED DE, NYON MONGS PAS RNYOG PA'I PHYIR RO, ,GSUM PA LA NI DRAN PA DANG SHES BZHIN MED DE, NYON MONGS PA CAN GYI BDE BAS KUN DU RMONGS PAR BYA BA'I PHYIR RO, , @71B BZHI PA LA NI BTANG SNYOMS DANG DRAN PA YONGS SU DAG PA MED DE, NYON MONGS PAS DRI MA CAN DU BYAS PA'I PHYIR RO, ,RE ZHIG KHA CIG DE SKAD ZER RO, ,KHA CIG SHIN TU SBYANGS BTANG SNYOMS, ,KHA CIG NA RE NYON MONGS PA CAN DANG PO DANG GNYIS PA DAG NA NI SHIN TU SBYANGS PA MED LA GSUM PA DANG BZHI PA DAG NA NI BTANG SNYOMS MED DE, ,DE GNYIS NI DGE BA'I SA MANG PO PA YIN PA'I PHYIR RO ZHES ZER RO, ,BCOM LDAN 'DAS KYIS BSAM GTAN GSUM NI SKYON DANG BCAS PA'I PHYIR GA-YO BA DANG BCAS PA DAG YIN NO ZHES BKA' STZAL TE, ,SKYON BRGYAD LAS NI GROL BA'I PHYIR, BZHI PA GA-YO BA MED PA YIN, ,SKYON DE DAG KYANG GANG ZHE NA, ,RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ,RTOG PA DANG, DPYOD PA DANG, BDE BA DANG, SDUG BSNGAL BA DANG, YID BDE BA DANG, YID MI BDE BA DANG, DBUGS RDUB PA DANG DBUGS 'BYUNG BA STE, BSAM GTAN BZHI PA NA NI SKYON BRGYAD PO DE DAG GCIG KYANG MED PAS DE'I PHYIR DE NI MI GA-YO BA ZHES BSHAD DO, ,GZHAN DAG NA RE BZHI PA NI RTOG PA DANG, DPYOD PA DANG, DGA' BA DANG, BDE BA DAG GIS GA-YO BAR MI 'GYUR BA'I PHYIR MI GA-YO BA YIN TE, MDO LAS RLUNG MED PA'I MAR ME DPER MDZAD PA'I PHYIR ZHES ZER RO, ,BSAM GTAN GNYIS PA NA NI DGA' BA ZHES SMOS PA'I PHYIR YID BDE BA YOD PAR BSHAD, GSUM PA NA NI BDE BA, BZHI PA NA NI BTANG SNYOMS YOD PAR BSHAD NA, DE CI, SNYOMS PAR 'JUG PA'I BSAM GTAN DAG NA YOD PA'I TSOR BA GANG NGAG YIN PA DE DAG NYID SKYE BA'I BSAM GTAN DAG NA YOD DAM ZHE NA, SMRAS PA MA YIN NO, 'O NA JI LTA BU ZHE NA, SKYE BA'I BSAM GTAN DAG NA NI, ,YID BDE BA DANG BTANG SNYOMS DANG, ,BTANG SNYOMS YID BDE BDE BA DANG, ,BTANG SNYOMS BTANG SNYOMS TSOR BA YOD, ,SKYE BA'I BSAM GTAN DANG PO NA NI, TSOR BA GSUM YOD DE, RNAM PAR SHES PA'I CHOGS GSUM PA'I BDE BA DANG, YID KYIS PA'I YID BDE BA DANG, RNAM PAR SHES PA'I TSOGS BZHI PA'I BTANG SNYOMS SO, ,SKYE BA'I BSAM GTAN GNYIS PA NA NI TSOR BA GNYIS TE, YID KYIS PA'I YID BDE BA DANG BTANG SNYOMS SO, ,RNAM PAR SHES PA'I TSOGS @72A *, ,GZHAN MED PA'I PHYIR BDE BA DANG, YID KYIS PA'I YID BDE BA DANG, RNAM PAR SHES PA'I TSOGS BZHI PA'I BTANG SNYOMS SO, ,SKYE BA'I BSAM GTAN GNYIS PA NA NI TSOR BA GNYIS TE, YID KYI SA PA'I YID BDE BA DANG BTANG SNYOMS SO, ,RNAM PAR SHES PA'I TSOGS GZHAN MED PA'I PHYIR BDE BA MED DO, ,SKYE BA'I BSAM GTAN GSUM PA NA NI TSOR BA GNYIS TE, YID KYI SA PA'I BDE BA DANG, BTANG SNYOMS SKYE BA'I BSAM GTAN BZHI PA NA NI BTANG SNYOMS KHO NA YOD DO, ,GAL TE BSAM GTAN GSUM PA LA SOGS PA DAG NA RNAM PAR SHES PA'I TSOGS GSUM MED PA LA RTOG PA DANG DPYOD PA DAG KYANG MED NA JI LTAR NA DE DAG GIS MTHONG BA NAS REG PA'I BAR DU 'GYUR, JI LTAR NA RNAM PAR RIG BYED KUN NAS SLONG BAR BYED CE NA, DE DAG TU SKYES PA RNAMS LA MIG GI RNAM PAR SHES PA LA SOGS PA MED PA NYID KYANG MA YIN LA RANG GI SA PA YANG MA YIN NO, ,'O NA JI LTA BU ZHE NA, GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,BSAM GTAN GNYIS PA LA SOGS PA DAG NA NI SPRUL PA'I SEMS BZHIN DU GANG GIS NA DE DAG GIS MTHONG BAS NA RNAM PAR RIG BYED KUN NAS SLONG BAR BYED PA'I BAR BSAM GTAN DANG PO'I SA PA'I MIG DANG, RNA BA DANG, LUS KYI RNAM PAR SHES PA DANG RNAM PAR RIG BYED KUN NAS SLONG BAR BYED PA MNGON SUM DU BYED DO, ,DE LUNG MA BSTAN NYON MONGS MIN, ,DE DAG MNGON SUM DU BYED PA BSAM GTAN DANG PO'I SA PA'I RNAM PAR SHES PA GANG YIN PA DE NI MA BSGRIBS LA LUNG DU MA BSTAN PA YIN GYI, 'DOD CHAGS DANG BRAL BA'I PHYIR NYON MONGS PA CAN YANG MA YIN LA, DMAN PA'I PHYIR DGE BA YANG MA YIN NO, ,BSAM GTAN GYI BYA BA RDZOGS SO,, ,,YANG DAG PA SA LA SOGS PA'I BSAM GTAN DANG GZUGS MED PA RNAMS JI LTAR 'THOB CE NA, DE DANG MI LDAN 'DOD CHAGS BRAL, ,SKYE BA LAS NI DAG PA 'THOB, ,DE DANG MI LDAN PA NI BSAM GTAN NAM GZUGS MED PA DAG SA 'OG MA LAS 'DOD CHAGS DANG BRAL BA'AM, SRID PA'I RTZE MO MA @72B GTOGS PAS 'OG MAR SKYE BA LAS 'THOB STE, DE NI SKYE BAS 'THOB PA MED DO, ,CI'I PHYIR DE DANG MI LDAN PA ZHES BRJOD CE NA, DAG PA BA DANG LDAN PA NI SBYOR BA LAS KYANG NGES PAR 'BYED PA'I CHA DANG MTHUN PA'I DAG PA PA 'THOB LA, YONGS SU NYAMS PA LAS KYANG NYAMS PA'I CHA DANG MTHUN PA 'THOB BO, ,DE NYID KYI PHYIR BSAM GTAN DAG PA PA 'DOD CHAGS DANG BRAL BAS 'THOB PAR 'GYUR LA 'DOD CHAGS DANG BRAL BAS 'DOR BAR 'GYUR BA DANG DE BZHIN DU YONGS SU NYAMS PA DANG SKYE BAS 'THOB PA DANG, 'DOR BAR 'GYUR BA YOD DAM ZHE NA YOD DE, BSAM GTAN DANG PO NYAMS PA'I CHA DANG MTHUN PAR RO, ,DE NI 'DOD PA LAS 'DOD CHAGS DANG BRAL BAS 'THOB LA, TSANGS PA'I 'JIG RTEN LAS 'DOD CHAGS DANG BRAL BAS 'DOR RO, ,TSANGS PA'I 'JIG RTEN LAS 'DOD CHAGS DANG BRAL BA LAS YONGS SU NYAMS PA LAS 'THOB LA, 'DOD PA LA 'DOD CHAGS DANG BRAL BA LAS YONGS SU NYAMS PA LAS 'DOR RO, ,GANG NAS TSANGS PA'I 'JIG RTEN DU SKYE BA NA 'THOB LA, DES NA 'DOD PA'I KHAMS SU SKYE BA NA 'DOR RO ZHES 'BYUNG NGO, ,ZAG MED 'DOD CHAGS BRAL BA YIS, ,DE DANG MI LDAN PA LAS 'THOB, ,CES BYA BAR SBYOR RO, ,DE DANG LDAN PA NI ZAD PA SHES PA LAS KYANG MI SLOB PA 'THOB LA, DBANG PO 'PHO BA LAS KYANG SLOB PA DANG MI SLOB PA 'THOB BO, ,NGES PAR 'JUG PA LAS KYANG DANG PO NYID DU ZAG PA MED PA 'THOB PA MA YIN NAM ZHE NA, MTHAR GYIS PAS MI 'THOB PA'I PHYIR GDON MI ZAB YIN TE, JI LTAR GDON MI ZA BAR 'THOB PA DE LTAR BSHAD DO, ,NYON MONGS CAN NYAMS SKYE BA YIS, ,DE DANG MI LDAN PA LAS 'THOB, ,CES BYA BA KHO NAR SBYAR TE, GAL TE DE LAS 'DOD CHAGS DANG BRAL BA LAS YONGS SU NYAMS NA YONGS SU NYAMS PA LAS 'THOB BO, ,GAL TES GO SAM ? LAS NAS 'OG MAR SKYES NA SKYE BAS 'THOB PO, ,SNYOMS PAR 'JUG PA'I RDZAS GANG GI MJUG THOGS SU DU ZHIG SKYE ZHE NA, ZAG PA MED PA'I BSAM GTAN DANG PO'I MJUG THOGS SU DRUG SKYE STE, RANG GI SA PA DANG BSAM GTAN GNYIS PA DANG GSUM PA'I SA PA'I @73A *, ,DAG PA PA DANG ZAG PA MED PA GZHAN DAG GO , ,CI YANG MED PA'I SKYE MCHED KYI MJUG THOGS SU BDUN TE RANG GI SA PA DANG RNAM SHES DANG NAM MKHA' MTHA' YAS SKYE MCHED KYI SA PA'I DAG PA PA DANG ZAG PA MED PA DANG, SRID PA'I RTZE MO'I DAG PA KHO NA STE, ZAG PA MED PA MED PA'I PHYIR RO, ,BSAM GTAN GNYIS PA'I MJUG THOGS SU BRGYAD DE, RANG GI SA PA DANG BSAM GTAN GSUM PA DANG, BZHI PA DANG, DANG PO'I SA PA'I DAG PA PA DANG ZAG PA MED PA DAG GO , ,RNAM SHES MTHA' YAS SKYE MCHED KYI MJUG THOGS SU DGU STE, RANG GIS PA GNYIS DANG, NAM MKHA' MTHA' YAS SKYE MCHED DANG BSAM GTAN BZHI PA'I SA PA BZHI DANG, CI YANG MED PA DANG SRID PA'I RTZE MO'I SA PA GSUM MO, ,DE BZHIN DU BSAM GTAN DANG GZUGS MED PA GZHAN GYI MJUG THOGS SU YANG RDZAS BCU SBYAR BAR BYA'O, ,'DI NI MDOR BSDU BA YIN TE, ZAG PA MED PA'I MJUG THOGS SU, LTAG 'OG GSUM PA'I BAR DGE BA SKYE BA'O, ,DGE BA SMOS PA NI DAG PA BA DANG, ZAG PA MED PA GZUNG STE, DGE BA YIN PA'I PHYIR RO, ,ZAG PA MED PA'I SNYOMS PAR 'JUG PA'I RDZAS KYI MJUG THOGS SU RANG GI SA PA DANG SA GONG MA DANG, 'OG MA SA GSUM PA'I BAR GYI DAG PA BA DANG ZAG PA MED PA SKYE STE, THOD RGAL DU SNYOMS PAR 'JUG PAR BYED PAS GSUM PA LAS PHAN CHAD DU NI RGAL BAR MI NUS SO, ,RJES SU SHES PA'I MJUG THOGS SU GZUGS MED PA LA SNYOMS PAR 'JUG GI CHOS SHES PA'I MJUG THOGS SU NI MA YIN TE, DE'I RTEN DANG DMIGS PA 'OG MA YIN PA'I PHYIR RO, ,JI LTAR ZAG PA MED PA'I MJUG THOGS SU BSHAD PA LTAR DAG PA LAS DE BZHIN, RIG PAR BYA LA, RANG GI SA PA'I NYON MONGS KYANG, ,DAG PA PA'I MJUG THOGS SU LHAG PAR RANG GIS PA'I NYON MONGS PA CAN SKYE'O, ,LHAG MA NI ZAG PA MED PA LAS BSHAD PA JI LTA BA BZHIN NO, ,ZAG PA MED PA'I MJUG THOGS SU NI NYON MONGS PA CAN SKYE BA MED DO, ,NYON MONGS CAN LAS RANG DAG DANG, ,NYON MONGS PA CAN GYI SNYOMS PAR 'JUG PA'I RDZAS KYI MJUG THOGS SU NI RANG GI SA PA'I DAG PA PA DANG NYON MONGS @73B PA CAN DAG SKYE'O, ,'OG MA'I DAG CIG KYANG, NYON MONGS PAS GZIN PA NI 'OG MA'I SNYOMS PAR 'JUG PA'I DAG PA PA LA YANG DGA' BAR 'GYUR RO, ,GAL TE NYON MONGS PA CAN YONGS SU BCAD NAS 'OG MAR 'PHO NA NI DGE BA LAS 'PHOS PA YIN GYI NYON MONGS PA CAN LAS NI MA YIN NO,, 'ON TE YONGS SU MA BCAD NA NI JI LTAR 'PHO ZHE NA, SNGON 'PHANGS PA'I PHYIR TE, SNGON 'DI SNYAM DU 'OG MA'I DAG PA PA NI BLA'I GONG MA'I NYON MONGS PA CAN NI MA YIN NO SNYAM DU 'DOD PAR 'GYUR LA, SNGON GYI BSAM PA YANG SEMS CAN RNAMS KYI RGYUN GYI RJES SU 'BRANGS TE, BSAMS NAS GNYID LOG PAR 'DOD PA'I DUS SU SAD PA BZHIN NO, ,ZAG PA MED PA NI NYON MONGS PA CAN GYI MJUG THOGS SU RNAM PA THAMS CAD DU MI SKYE'O, ,SNYOMS PAR 'JUG PA'I DUS KYI PHYIR DAG PA PA DANG, NYON MONGS PA CAN GYI MJUG THOGS SU RANG GI SA PA'I NYON MONGS PA CAN KHO NA SKYE'I GZHAN GYI SA PA NI MA YIN NO ZHES DE SKAD DU BSHAD KYI, 'CHI 'PHO DAG LAS NYON MONGS KUN, ,'CHI 'PHO BA'I TSE SKYE BAS THOB PA'I DAG PA PA'I MJUG THOGS SU SA THAMS CAD PA'I NYON MONGS PA CAN SKYE'O, ,NYON MONGS CAN LAS GONG MA MIN, ,'CHI 'PHO BA'I TSE NYON MONGS PA CAN GYI BSAM GTAN DANG GZUGS MED PA'I MJUG THOGS SU RANG GI SA PA DANG SA 'OG MA PA'I NYON MONGS PA CAN SKYE'I SA GONG MA PA NI MA YIN NO, ,DAG PA PA THAMS CAD LAS ZAG PA MED PA'I SNYOMS PAR 'JUG PA'I RDZAS SKYE BA YANG MA YIN NO, ,'O NA JI LTA BU ZHE NA, DAG PA NYAMS PA'I CHA MTHUN SOGS, ,RNAM BZHI, DAG PA PA NI NYAMS PA'I CHA DANG MTHUN PA DANG, GNAS PA'I CHA DANG MTHUN PA DANG, KHYAD PAR GYI CHA DANG MTHUN PA DANG, NGES PAR 'BYED PA'I CHA DANG MTHUN PA DANG, RNAM PA BZHI'O, ,SRID PA'I RTZE MO NAN RNAM PA GSUM YIN TE, KHYAD PAR GYI CHA DANG MTHUN PAS GTOGS SO, ,'DI'I MTSAN NYID CI ZHE NA, DE NI GO RIMS BZHIN DU, NYON MONGS SKYE DANG RANG SA DANG, ,GONG DANG ZAG MED RJES MTHUN PA'O, ,NYAMS PA'I CHA DANG MTHUN PA NI NYON MONGS PA SKYE BA DANG RJES SU MTHUN PA'O, ,GNAS PA'I CHA DANG MTHUN PA NI RANG GI SA @74A *, ,DANG RJES SU MTHUN PA'O, ,KHYAD PAR CAN GYI CHA DANG RJES SU MTHUN PA NI SA GONG MA DANG RJES SU MTHUN PA'O, ,NGES PAR 'BYED PA'I CHA DANG MTHUN PA NI ZAG PA MED PA'I RJES SU MTHUN PA STE, ZAG PA MED PA NI DE LAS SKYE'O, ,YANG BZHI PO DE DAG LAS GANG GI MJUG THOGS SU DU ZHIG SKYE ZHE NA, NYAMS CHA MTHUN SOGS MJUG THOGS SU, ,GNYIS DANG GSUM DANG GSUM DANG GCIG ,NYAMS PA'I CHA DANG MTHUN PA NI NYAMS PA DANG BRTEN PA'O, ,DE'I MJUG THOGS SU NI GNYIS SKYE STE, NYAMS PA DANG GNAS PA'I CHA DANG MTHUN PA DAG GO , ,GNAS PA'I CHA DANG MTHUN PA'I MJUG THOGS SU NI GSUM STE, NGES PAR 'BYED PA'I CHA DANG MTHUN PA MA GTOGS SO, ,KHYAD PAR CAN GYI CHA DANG MTHUN PA'I MJUG THOGS SU NI GSUM STE, NYAMS PA'I CHA DANG MTHUN PA MA GTOGS SO, ,NGES PAR 'BYED PA'I CHA DANG MTHUN PA'I MJUG THOGS SU NI GCIG STE, DE GCIG PU SKYE'O, ,THOD RGAL GYI SNYOMS PAR 'JUG PA JI LTAR SKYE ZHE NA, SA BRGYAD RNAM GNYIS 'BREL PA DANG, ,GCIG RGAL SONG ZHING 'ONGS NAS NI, ,RIS MI MTHUN PA GSUM PAR 'GRO, ,THOD RGAL GYI NI SNYOMS 'JUG YIN, ,SA BRGYAD CES BYA BA NI BSAM GTAN DANG, GZUGS MED PA'I SNYOMS PAR 'JUG PA RNAMS SO, ,RNAM GNYIS ZHES BYA BA NI ZAG PA DANG BCAS PA DANG ZAG PA MED PA'O, ,'BREL PA DANG ZHES BYA BA NI GO RIMS BZHIN DU'O, ,GCIG RGAL ZHES BYA BA NI RE RE RGAL NAS SO, ,SONG ZHING ZHES BYA BA NI LUGS DANG MTHUN PAR SNYOMS PAR ZHUGS NAS SO, ,'ONGS NAS ZHES BYA BA NI LUGS DANG MI MTHUN PAR SNYOMS PAR ZHUGS NAS SO, ,ZAG PA DANG BCAS PA'I SA BRGYAD DANG ZAG PA MED PA'I SA BDUN LUGS DANG MTHUN PA DANG LUGS DANG MI MTHUN PA'I SNYOMS PAR 'JUG PA'I SGO NAS BYANG BAR BYAS NAS, PHYIS ZAG PA DANG BCAS PA'I BSAM GTAN DANG PO NAS ZAG PA DANG BCAS PA'I GSUM PA LA SNYOMS PAR 'JUG CING, DE NAS NI NAM MKHA' MTHA' YAS SKYE MCHED LA, DE NAS NI CI YANG MED PA'I SKYE MCHED LA SNYOMS PAR 'JUG GO , ,DE BZHIN DU LUGS DANG MI MTHUN PA YANG BYANG BAR BYAS @74B NAS ZAG PA MED PA RNAMS KYANG RE RE RGAL ZHING LUGS DANG MTHUN PA DANG LUGS DANG MI MTHUN PAR SNYOMS PAR 'JUG PA NI THOD RGAL DU SNYOMS PAR 'JUG PA'I SBYOR BA YIN NO, ,GANG GI TSE ZAG PA DANG BCAS PA DANG PO NAS ZAG PA MED PA'I BSAM GTAN GSUM PA LA SNYOMS PAR 'JUG CING, DE NAS NI ZAG PA DANG BCAS PA'I NAM MKHA' MTHA' YAS SKYE MCHED LA, DE NAS NI ZAG PA MED PA'I CI YANG MED PA'I SKYE MCHED LA SNYOMS PAR 'JUG CING, DE BZHIN DU LUGS DANG MI MTHUN PAR YANG SNYOMS PAR 'JUG PA DE'I TSE RIS MI MTHUN PA'I RDZAS GSUM PAR 'GRO BA'I PHYIR MNGON PAR GRUB PA YIN NO, ,SHIN TU RING BA'I PHYIR BZHI PA LA NI SNYOMS PAR MI 'JUG GO , ,DE YANG GLING GSUM DU DUS DANG MI SBYOR BAR RNAM PAR GROL BA'I DGRA BCOM PA KHO NAS SKYED PAR BYED DE, NYON MONGS PA MED PA'I PHYIR DANG, TING NGE 'DZIN LA DBANG BA'I PHYIR RO, , MTHONG BAS 'THOB PA NI GAL TE DBANG PO RNON PO YIN PA'I PHYIR TING NGE 'DZIN LA DBANG BA YIN YANG NYON MONGS PA MED PA NI MA YIN NO, ,DUS KYIS RNAM PAR GROL BA NI GAL TE NYON MONGS PA MED PA YIN YANG, TING NGE 'DZIN LA DBANG BA NI MA YIN NO, ,RTEN GANG GIS BSAM GTAN DANG GZUGS MED PA DU ZHIG MNGON SUM DU BYED CE NA, BSAM GTAN GZUGS MED RANG DANG NI, ,'OG SA'I RTEN CAN SRID PA'I RTZE MOR YANG MNGON SUM DU BYED LA 'OG MA 'DOD PA'I KHAMS KYI BAR DU YANG MNGON SUM DU BYED DO, ,DE BZHIN DU LHAG MA RNAMS KYANG RANG GI SA DANG SA 'OG MAR MNGON SUM DU BYED DO, ,CI'I PHYIR GONG DU SKYES PA SNYOMS PAR 'JUG PA 'OG MA MNGON SUM DU MI BYED CE NA, 'DI LTAR DE LA 'OG DGOS MED, ,DE LA NI SNYOMS PAR 'JUG PA 'OG MA'I RDZAS KYI SA CUNG ZAD KYANG DGOS PAR MI BYED DE DMAN PA'I PHYIR RO, ,SPYIR BSTAN PA BYAS NAS DMIGS KYIS STON PAR BYED DE, SRID RTZER 'PHAGS PA CI YANG MED, ,MNGON SUM BYAS NAS ZAG PA ZAD, ,'PHAGS PA SRID PA'I RTZE MOR SKYES PA NI ZAG PA MED PA'I CI YANG MED PA'I SKYE MCHED MNGON SUM DU BYAS NAS ZAG PA ZAD PAR 'GYUR RO, ,JI LTAR NA DER SKYES PA DE MNGON SUM DU BYED CE NA, @75A *, ,RANG GI MED PA'I PHYIR DANG, DE YANG NYE BA'I PHYIR RO, ,YANG BSAM GTAN DANG GZUGS MED PA 'DI DAG GI DMIGS PA CI ZHIG YIN ZHE NA, SRED BCAS RANG GI SRID LA DMIGS, ,RO MYANG BA DANG MTSUNGS PAR LDAN PA RNAMS NI RANG GI SA PA'I SRID PA LA DMIGS SO, , SRID PA SMOS PA NI ZAG PA DANG BCAS PA'I DNGOS PO GZUNG NGO, ,'DOD CHAGS DANG BRAL BA'I PHYIR 'OG MA LA YANG MI DMIGS SO, ,SA RNAMS NI SRID PAS YONGS SU BCAD PA'I PHYIR GONG MA LA YANG MA YIN NO, ,DGE BA NYID DU THAL BAR 'GYUR BA'I PHYIR ZAG PA MED PA LA YANG MA YIN NO, , BSAM GTAN DGE YUL YOD DGU YIN, ,DGE BA'I BSAM GTAN DAG PA DANG, ,ZAG PA MED PA'I BSAM GTAN DE'I DMIGS PA NI 'DUS BYAS SAM 'DUS MA BYAS GANG CI YOD KYANG RUNG BA THAMS CAD YIN NO, ,GZUGS MED DNGOS BZHI DGE RNAMS KYI, ,SPYOD YUL ZAG BCAS 'OG MA MIN, ,GZUGS MED PA'I DNGOS GZHI DGE BA RNAMS KYI DMIGS PA NI SA 'OG MA PA'I ZAG PA DANG BCAS PA'I DNGOS PO MA YIN TE, RANG GI SA PA DANG, SA GONG MA LA DMIGS PA'I PHYIR RO, ,DMIGS PA ZAG PA MED PA NI RJES SU SHES PA'I PHYOGS DANG MTHUN PA THAMS CAD YIN GYI CHOS SHES PA'I PHYOGS DANG MTHUN PA YANG MA YIN LA SA 'OG MA'I 'GOG PA YANG MA YIN NO, ,NYER BSDOGS KYI BAR CHAD MED PA'I LAM RNAMS KYI DMIGS PA NI SA 'OG MA YIN NO, ,BSAM GTAN DANG GZUGS MED PA RNAM PA GSUM PO 'DI DAG LAS, ZAG PA MED PAS NYON MONGS PA RNAMS SPONG NGO, ,DAG PA PAS KYANG MI SPONG NA, ,NYON MONGS PA CAN GYIS LTA SMOS KYANG CI DGOS TE, 'DOD CHAGS DANG BRAL BA'I PHYIR 'OG MA LA YANG MA YIN LA, DE NYID DE'I GNYEN PO MA YIN PA NYID KYI PHYIR RANG GI SA NA YOD PA YANG MA YIN NO, ,CHES KHYAD PAR DU 'PHAGS PA'I PHYIR GONG MA YANG MA YIN NO, ,NYER BSDOGS DAG PAS KYANG, GZUGS DANG GZUGS MED PA'I NYER BSDOGS NI DAG PA PAS KYANG NYON MONGS PA RNAMS SPONG STE, SA 'OG MA PA'I GNYER PO YIN PA'I PHYIR RO, ,NYER BSDOGS DU ZHIG YOD CE NA, ,DE DAG LA NI NYER @75B BSDOGS BRGYAD, ,RE RE LA GANG GIS DE LA 'JUG PA RE RE YOD DO, ,CI DE DAG KYANG RNAM PA GSUM YIN LA DE DAG LA TSOR BA YANG DE DANG 'GRA BAR YOD DAM ZHE NA, SMRAS PA, MA YIN TE, DAG PA BDE MIN SDUG BSNGAL MIN, ,DE DAG NI DAG PA BA YANG YIN LA BTANG SNYOMS KYI DBANG PO DANG MTSUNGS PAR LDAN PA DAG KYANG YIN TE, 'BAD DE DRANG BAR BYA BA YIN PA'I PHYIR DANG, SA 'OG MA PA LAS YID 'BYUNG BA DANG MA BRAL BA'I PHYIR DANG, 'DOD CHAGS DANG BRAL BA'I LAM YIN PA'I PHYIR RO MYANG BA DANG MTSUNGS PAR LDAN PA MA YIN NO, ,DANG PO 'PHAGS PA'ANG, NYER BSDOGS KYI DANG PO NI MI LCOGS PA MED PA STE, DE NI DAG PA PA YANG YIN LA ZAG PA MED PA YANG YIN NO, ,NYER BSDOGS KYI SEMS KYIS NYID MTSAMS SBYOR BA NYON MONGS PA CAN YIN MOD KYI MNYAM PAR GZHAG PA LA NI NYON MONGS PA CAN NYID DGAG GO , ,KHA CIG GSUM, KHA CIG NI MI LCOGS PA MED PA RO MYANG BA DANG MTSUNGS PAR LDAN PA YANG 'DOD DO, ,NYER BSDOGS ZHES KYANG 'BYUNG, BSAM GTAN KHYAD PAR CAN ZHES KYANG 'BYUNG NA, CI 'DI'I DON GCIG PA ZHIG GAM, 'ON TE DON THA DAD PA ZHIG YIN ZHE NA, DON THA DAD PA YIN TE, NYER BSDOGS NI 'DOD CHAGS DANG BRAL BA'I LAM YIN LA, RTOG MED BSAM GTAN KHYAD PAR CAN, ,BSAM GTAN DANG PO KHO NA RTOG PA DANG, ,MTSUNGS PAR MI LDAN PA NI BSAM GTAN KHYAD PAR CAN YIN TE, BSAM GTAN GYI KHYAD PAR YIN PA'I PHYIR RO, ,DE NYID KYI PHYIR BSAM GTAN GNYIS PA LA SOGS PA NA RNAM BAR MI GZHAG PA STE, KHYAD PAR MED PA'I PHYIR RO, ,BSAM GTAN KHYAD PAR CAN DE NI, ,RNAM GSUM, RO MYANG BA DANG MTSUNGS PAR LDAN PA DANG DAG PA PA DANG ZAG PA MED PA YIN NO, ,DE BDE MIN SDUG MIN, 'DI LA BDE BA YANG MED PAS NA BDE BA YANG MA YIN PA SDUG BSNGAL YANG MA YIN PA STE, BTANG SNYOMS KYI DBANG PO DANG MTSUNGS PAR LDAN PA ZHES BYA BA'I THA TSIG GO , ,MNGON PAR 'DU BYA BA DANG BCAS PAS DRANG BA YIN PA'I PHYIR, DGA' BA DANG MTSUNGS PAR LDAN PA YANG MA YIN TE, DE NYID KYI PHYIR LAM DKA' BA YIN NO, ,'O NA BSAM GTAN KHYAD PAR CAN DE' @76A *, ,'BRAS BU KHYAD PAR CAN GANG ZHIG YIN ZHI NA, DE NI TSANGS CHEN 'BRAS BU CAN, ,BSAM GTAN KHYAD PAR CAN DE BSGOMS NAS TSANGS PA CHEN POR 'GYUR RO, ,YANG TING NGE 'DZIN THAMS CAD MDOR BSDUS TE, MDO LAS RTOG PA DANG BCAS SHING DPYOD PA DANG BCAS PA'I TING NGE 'DZIN DANG, RTOG PA MED LA DPYOD PA TZAM DANG, RTOG PA YANG MED LA DPYOD PA YANG MED PA'I TING NGE 'DZIN DANG TING NGE 'DZIN GSUM DU BKA' STZAL TE, DE LA RE ZHIG BSAM GTAN KHYAD PAR CAN NA NI, RTOG PA TZAM ZHIG BKAG PA'I PHYIR RTOG PA MED LA DPYOD PA TZAM GYI TING NGE 'DZIN TO ZHES SHES PAR BYAS ZIN TO, ,DE MAN CHAD RTOG DPYOD BCAS PA'I, ,TING NGE 'DZIN, BSAM GTAN KHYAD PAR CAN DE MAN CHAD KYI TING NGE 'DZIN BSAM GTAN DANG PO DANG, MI LCOGS PA MED PA NI RTOG PA DANG BCAS SHING DPYOD PA DANG BCAS PA YIN NO, ,YAN CHAD GNYI GA MED PAS NA, ,'DI NA GNYI GA MED PA STE, ,BSAM GTAN KHYAD PAR CAN YAN CHAD KYI TING NGE 'DZIN BSAM GTAN GNYIS PA'I NYER BA SDOGS NAS SRID PA'I RTZE MO'I BAR NI RTOG PA YANG MED LA DPYOD PA YANG MED PA'O, ,YANG STONG PA NYID KYI TING 'DZIN DANG, SMON PA MED PA'I TING NGE 'DZIN DANG, MTSAN MA MED PA'I TING NGE 'DZIN DANG, TING NGE 'DZIN GSUM GSUNGS TE, DE LA, MTSAN MED ZHI BA'I RNAM PA DANG, ,'GOG PA'I RNAM PA DAG DANG MTSUNGS PAR LDAN PA'I TING NGE 'DZIN NI MTSAN MA MED PA STE, RNAM PA BZHI PA YIN NO, ,MYA NGAN LAS 'DAS PA NI MTSAN MA BCU DANG BRAL PA'I PHYIR MTSAN MA MED PA YIN LA, DE LA DMIGS PA'I TING NGE 'DZIN NI MTSAN MA MED PA'I TING NGE 'DZIN YIN TE, MTSAN MA BCU NI YUL LNGA DANG PHO DANG MO DANG 'DUS BYAS KYI MTSAN NYID RNAMS SO, ,STONG NYID BDAG MED STONG NYID DU, 'JUG PA'O, ,BDAG MED PA DANG STONG PA NYID KYI RNAM PA DAG DANG MTSUNGS PAR LDAN PA'I TING NGE 'DZIN NI STONG PA NYID DE, RNAM PA GNYIS PA YIN NO, ,SMON PA MED PA NI, DE LAS GZHAN BDEN RNAM PA DANG, ,BDEN PA LHAG MA'I RNAM PA DAG DANG MTSUNGS PAR LDAN PA'I TING NGE 'DZIN NI SMON PA MED PA STE, @76B RNAM PA BCU YIN NO, ,MI RTAG PA DANG SDUG BSNGAL BA DANG DE'I RGYU DAG GIS YID 'BYUNG BA'I PHYIR DANG, LAM YANG GDON MI ZA BAR GZINGS LTA BUR DOR BAR BYA BA YIN PA NYID KYI PHYIR DE'I RNAM PA CAN GYI TING NGE 'DZIN NI SMON PA MED PA YIN TE, DE LAS 'DA' BAR MNGON SUM DU PHYOGS PA'I PHYIR RO, ,MYA NGAN LAS 'DAS PA DANG 'DRA BA'I PHYIR STONG PA DANG BDAG MED PA DAG GIS NI YID MI 'BYUNG NGO, ,TING NGE 'DZIN RNAM PA GSUM PO 'DI DAG NI RNAM PA GNYIS TE, DAG DANG DRIM MED, 'JIG RTEN PA DANG 'JIG RTEN LAS 'DAS PA YIN PA'I PHYIR RO, ,DAG PA PA YANG YIN LA ZAG PA MED PA DAG KYANG YIN TE, 'JIG RTEN PA RNAMS NI SA BCU GCIG NA YOD DO, ,'JIG RTEN LAS 'DAS PA RNAMS NI GANG NA LAM YOD PA NA YOD DO, ,DE DAG ,DRI MED RNAM THAR SGO GSUM MO, ,TING NGE 'DZIN GSUM PO DE DAG DRI MA MED PA NI THAR PA'I SGO YIN PA'I PHYIR RNAM PAR THAR PA'I SGO STONG PA NYID DANG, RNAM PAR PA'I SGO SMON PA MED PA DANG, RNAM PAR THAR PA'I SGO MTSAN MA MED PA STE, RNAM PAR THAR PA'I SGO GSUM ZHES BYA'O, ,YANG, STONG NYID STONG NYID CES LA SOGS, ,GZHAN YANG TING NGE 'DZIN GSUM MO, ,ZHES BYA BA STE, STONG PA NYID STONG PA NYID DANG, SMON PA MED PA SMON PA MED PA DANG, MTSAN MA MED PA MTSAN MA MED PA'O, ,STONG PA NYID LA SOGS PA LA DMIGS PA'I PHYIR MING DE SKAD CES BYA'O, ,DE DAG LAS, GNYIS NI STONG DANG MI RTAG PAR, ,MI SLOB PA LA DMIGS PA YIN, ,TING NGE 'DZIN GZHAN GNYIS NI MI SLOB PA'I TING NGE 'DZIN LA DMIGS PA YIN TE, STONG PA NYID STONG BA NYID NI MI SLOB PA'I STONG PA NYID KYI TING NGE 'DZIN LA STONG PA'I RNAM PAR DMIGS SO, ,SMON PA MED PA SMON PA MED PA YANG MI SLOB PA'I SMON PA MED PA LA MI RTAG PA'I RNAM PAR DMIGS SO, ,SDUG BSNGAL BAR YANG MA YIN LA RGYU LA SOGS PAR YANG MA YIN TE, ZAG PA MED PA NI DE'I MTSAN NYID MA YIN PA'I PHYIR RO, ,LAM GYI RNAM PA RNAMS SU YANG MA YIN TE, SUN DBYUNG BAR BYA BA YIN PA'I PHYIR RO, ,MTSAN MA MED PA MTSAN MED NI, ,ZHI BAR MA BRTAGS ZAD PA LA,, @77A *, ,MTSAN MA MED PA MTSAN MA MED PA'I TING NGE 'DZIN NI MI SLOB PA'I MTSAN MA MED PA'I SO SOR MA BRTAGS PAS, 'GOG PA LA ZHI BA'I RNAM PAR DMIGS TE, ZAG PA MED PA LA SO SOR BRTAGS PAS, 'GOG PA MED PA'I PHYIR RO, ,'GOG PA DANG, GYA NOM PA DANG, NGES PAR 'BYUNG BA'I RNAM PAR NI MA YIN TE, MI RTAG PA NYID KYI 'GOG PA DANG, THUN MONG YIN PA NYID KYI PHYIR DANG, LUNG DU MA BSTAN PA'I PHYIR DANG, BRAL BA MA YIN PA'I PHYIR RO, ,TING DE 'DZIN GZHAN 'DI DAG NI GCIG TU ZAG BCAS, 'PHAGS PA'I LAM LA SDANG PA'I PHYIR TE, ZAG PA MED PA DAG NI DE LTA MA YIN NO, ,GANG DU SKYED PAR BYED CE NA, MI'I NANG, MI RNAMS KYI NANG KHO NAR SKYED KYI LHA DAG GI NANG DU NI MA YIN NO, ,SU LA SKYE ZHE NA, MI GA-YO LA DGRA BCOM PA GZHAN LA NI MA YIN NO, ,SA DU PA ZHIG LA NI MA YIN ZHE NA, NYER BSDOGS BDUN NI MA GTOGS SO, ,NYER BSDOGS BDUN MA GTOGS PAS GZHAN BCU GCIG PO 'DOD PA'I KHAMS DANG, MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG, GZUGS MED PA RNAMS NA YOD DO, ,YANG TING NGE 'DZIN BSGOM PA BZHI STE, TING NGE 'DZIN BSGOM PA KUN TU BRTEN BSGOMS PAR BYAS LAN MANG DU BYAS NA, MTHONG BA'I CHOS LA BDE BAR GNAS PAR 'GYUR BA YANG YOD CES BYA BA RGYAS PAR 'BYUNG BA DE LA, DGE BA'I BSAM GTAN DANG PO NI, BDE 'GYUR TING 'DZIN BSGOM PA YIN, ,DGE BA'I BSAM GTAN DANG PO STE, DAG PA PA 'AM, ZAG PA MED PA NI, MTHONG BA'I CHOS LA BDE BAR GNAS PAR 'GYUR BA'I TING NGE 'DZIN BSGOM PA YIN NO, ,DE DANG PO YIN PA'I PHYIR GZHAN DANG GZHAN DAG KYANG YIN PAR SHES PAR BYA'O, ,TSE PHYI MA LA BDE BAR GNAS PAR 'GYUR BA NI NGES PA MED DE, YONGS SU NYAMS PA DANG, GONG DU SKYES PA DANG, YONGS SU MYA NGAN LAS 'DAS PA RNAMS LA DE MED PA'I PHYIR RO, ,MIG GI MNGON SHES MTHONG 'GYUR 'DOD, ,LHA'I MIG GI MNGON PAR SHES PA NI SHES PA MTHONG BAR 'GYUR BA'I TING NGE 'DZIN PA SGOM PA YIN NO, ,SBYOR BA LAS BYUD BLO DBYER @77B 'GYUR, ,SBYOR BA LAS BYUNG BA'I YON TAN KHAMS GSUM PA DANG, ZAG PA MED PA THAMS CAD NI SHES RAB RAB TU RNAM PAR DBYE BAR 'GYUR BA'I TING NGE 'DZIN BSGOM PA YIN NO, ,RDO RJE LTA BU'I BSAM GTAN MTHA'I, ,GANG YIN DE ZAG ZAD 'GYUR BSGOM, ,BSAM GTAN BZHI PA'I RDO RJE LTA BU'I TING NGE 'DZIN GANG YIN PA DE NI ZAG PA ZAD PAR 'GYUR BA'I TING NGE 'DZIN BSGOM PA YIN NO, ,BCOM LDAN 'DAS KYIS CHOS STON PA 'DI NI BDAG NYID LA NYE BAR GTOD PA YIN TE, DE'I PHYIR BSAM GTAN BZHI KHO NAR GSUNGS SO ZHES GRAG GO, ,TING NGE 'DZIN RNAMS KYI SKABS NAS 'ONGS PA BSHAD ZIN TO, ,DA NI TING NGE 'DZIN LA BRTEN PA'I YON TAN RNAMS BSTAN PA'I SKABS YIN PAS BSHAD PAR BYA STE, TSAD MED PA NI BZHI YIN NO, ,BYAMS PA DANG, SNYING RJE DANG, DGA' BA DANG, BTANG SNYOMS TE, SEMS CAN TSAD MED PA LA DMIGS PA'I PHYIR RO, ,CI'I PHYIR BZHI KHO NA YIN ZHE NA, GNOD SEMS LA SOGS GNYEN PO'I PHYIR, ,GNOD SEMS DANG RNAM PAR 'TSE BA DANG, MI DGA' BA DANG, 'DOD PA'I 'DOD CHAGS DANG GNOD SEMS MANG BA RNAMS KYIS DE DAG SPANG BAR BYA BA'I PHYIR BZHI STE GRANGS BZHIN NO, ,MI SDUG PA DANG BTANG SNYOMS GNYIS 'DOD PA'I 'DOD CHAGS KYI GNYEN PO NYID DU KHYAD PAR CI ZHIG YOD CE NA, BYE BRAG TU SMRA BA RNAMS NA RE, KHA DOG GI 'DOD CHAGS KYI GNYEN PO NI MI SDUG PA'O, ,'KHRIG PA'I 'DOD CHAGS KYI GNYEN PO NI BTANG SNYOMS SO ZHES ZER RO, ,'DI SKAD DU 'KHRIG PA'I 'DOD CHAGS KYI GNYEN PO NI MI SDUG PA'O, ,PHA DANG MA DANG BU DANG NYI DU'I 'DOD CHAGS KYI GNYEN PO NI BTANG SNYOMS SO ZHES BYA BA NI RUNG NGO, ,NGA ? LA, ZHE SDANG MED BYAMS, BYAMS PA NI ZHE SDANG MED PA'I RANG BZHIN NO, ,SNYING RJE YANG, SNYING RJE YANG DE DANG 'DRA'O, ,YID BDE BA NI DGA' BA YIN, ,DGA' BA NI YID BDE BA'I RANG BZHIN NO, ,BTANG SNYOMS MA CHAGS, BTANG SNYOMS NI MA CHAGS PA'I BDAG NYID YIN NO, ,JI LTAR NA GNOD SEMS KYI GNYEN PO YIN ZHE NA, DE NI CHAGS PAS DRANGS PA YIN PA'I PHYIR RO, ,'DI NI GNYI GA'I RANG BZHIN YIN NA RUNG NGO, ,BYAMS PA LA SOGS PA 'DI DAG GI RNAM PA NI, KYE MA BDER GYUR @78A *, ,SDUG BSNGAL DANG, ,DGAR GYUR SEMS CAN RNAMS SNYOMS PA, ,KYE MA SEMS CAN RNAMS BDE BAR GYUR CIG SNYAM DU YID LA BYED CING BYAMS PA LA SNYOMS PAR 'JUG GO, ,KYE MA SEMS CAN RNAMS NI SDUG BSNGAL LO SNYAM DU YID LA BYED CING SNYING RJE LA SNYOMS PAR 'JUG GO, ,KYE MA SEMS CAN RNAMS YID BDE BAR GYUR CIG SNYAM DU YID LA BYED CING DGA' BA LA SNYOMS PAR 'JUG GO, ,SEMS CAN RNAMS MNYAM MO SNYAM DU DE LTAR YID LA BYED CING BTANG SNYOMS LA SNYOMS PAR 'JUG STE, BAR MAR GNAS PA'I PHYIR RO, ,DE DANG MI LDAN PA RNAMS LA BDE BAR MOS PA'I PHYIR JI LTAR NA PHYIN CI LOG NYID DU MI 'GYUR ZHE NA, GYUR CIG SNYAM DU SEMS PA'I PHYIR RO, ,YANG NA BSAM PA PHYIN CI MA LOG PA'I PHYIR TE, MOS PAR 'DU SHES PA'I PHYIR RO, ,YANG NA DE LTAR PHYIN CI LOG PA NYID YIN NA YANG NYES PA CI ZHIG YOD, GAL TE MI DGE BA NYID YIN NO ZHE NA NI, MA YIN TE, GNOD SEMS LA SOGS PA'I GNYEN PO YIN BAS DGE BA'I RTZA BA YIN PA'I PHYIR RO, ,'DI DAG GE RNAM PA NI BSHAD ZIN TO, ,SPYOD YUL 'DOD PA'I SEMS CAN RNAMS, ,'DI DAG GI DMIGS PA NI 'DOD PA NA SPYOD PA'I SEMS CAN RNAMS YIN TE, DE LA DMIGS PA'I GNOD SEMS LA SOGS PA'I GNYEN PO YIN PA'I PHYIR RO, ,PHYOGS GCIG TU MOS NAS ZHES GSUNGS PA GANG YIN PA DE NI SNOD KYI SNOD NA GNAS PA BSTAN PA YIN NO, ,DE DAG SA DU PA ZHIG YIN ZHE NA, DGA' BA BSAM GTAN GNYIS NA YOD, ,DGA' BA NI BSAM GTAN DANG PO DANG GNYIS PA NA YOD DE, YID BDE BA YIN PA'I PHYIR RO, ,GZHAN NI DRUG NA, TSAD MED PA GZHAN GSUM NI SA DRUG PO MI LCOGS PA MED PA DANG, ,BSAM GTAN KHYAD PAR CAN DANG, BSAM GTAN RNAMS NA YOD DO, ,KHA CIG LNGA, KHA CIG NI 'DI DAG MI LCOGS PA MED PA MA GTOGS PA LNGA NA YOD BAR 'DOD DO, ,GZHAN DAG NA RE 'DOD PA'I KHAMS DANG NYER BSDOGS RNAMS BSNAN NAS BCU NA YOD DO ZHES ZER TE, ,MNYAM PAR BZHAG PA DANG MNYAM PAR BZHAG PA MA YIN PA DANG, DNGOS GZHI DANG, SBYOR BA SMOS PA'I PHYIR RO, ,GNOD SEMS LA @78B SOGS GNYEN PO'I PHYIR, ,ZHES GANG BSHAD PA, CI TSAD MED PA RNAMS KYIS KYANG NYON MONGS PA SPONG BA YIN NAM ZHE NA, DE YIS MI SPONG, BSAM GTAN DNGOS GZHI'I SA PA YIN PA'I PHYIR DANG, MOS PA YIN LA BYED PA'I PHYIR DANG, SEMS CAN LA DMIGS PA YIN PA'I PHYIR TE, DE DAG GI SBYOR BAS GNOD SEMS LA SOGS PA RNAM PAR GNON PA'I PHYIR DANG, SPANGS PA THAG SRING BAR BYED PA'I PHYIR DE DAG GI GNYEN PO NYID DU BSHAD DO, ,BYAMS PA LA SOGS PA 'DOD PHA'I KHAMS DANG MI LCOGS PA MED PA'I SA PA RNAMS NI DNGOS GZHI'I TSAD MED PA DANG 'DRA BA DAG YOD DO, ,DE DAG GIS DE RNAMS RNAM PAR MNAN NAS SPONG BA'I LAM RNAMS KYIS RAB TU SPONG BAR BYED DO, ,DE NAS 'DOD CHAGS DANG BRAL BA'I GNAS SKABS NA NI DNGOS GZHI'I TSAD MED PA RNYED PA'I PHYIR RKYEN STOBS DANG LDAN PA RNYED KYANG DE DAG GIS MI BRDZI BA YIN NO, ,YANG LAS DANG PO PA BYAMS PA LA JI LTAR SBYOR ZHE NA, JI LTAR BDAG NYID KYI BDE BA NYAMS PA YOD PA'AM, GZHAN SANGS RGYAS DANG BYANG CHUB SEMS DPA' DANG 'PHAGS PA DGRA BCOM PA'I THOS PA DE BZHIN DU KYE MA SEMS CAN RNAMS NI DE LTAR BDE BAR GYUR CIG CES SEMS CAN RNAMS LA BDE BAR MOS PAR BYED DO, ,GAL TE NYON MONGS PA'I 'JUG PA SHAS CHE BA'I PHYIR MI NUS NA DES MDZA' PO'I PHYOGS LA RNAM PA GSUM DU PHYE NAS CHEN PO LA BDE BA DE MOS PAR BYED DO, ,DE NAS 'BRING DANG CHUNG DU LA BDE BA DE MOS PAR BYED DO, ,GAL TE DE DAG LA BYAMS PA MNYAM PA THOB NA DE'I 'OG TU THA MA LA PA'I PHYOGS LA MOS PAR BYED DO, ,DE'I 'OG TU DGRA BO'I PHYOGS LA RNAM PA GSUM DU PHYE NAS CHUNG NGU LA BDE BA DE MOS PAR BYED DO, ,DE NAS 'BRING DANG CHEN PO LA MOS PAR BYED DO, ,GAL TE DE LA MDZA' BO CHEN PO'I PHYOGS BZHIN DU BDE BAR MOS PA MI LDOG BAR GYUR NA DE'I 'OG TU RIM GYIS KHYIM DANG GRONG DANG YUL 'KHOR GYI BAR DU BDE BAR MOS PAR BYAS NAS PHYOGS GCIG NAS 'JIG RTEN THAMS CAD KYI BAR DU BYAMS PA RGYAS PAR BYED DO, ,GANG ZHIG THAMS CAD DU YON TAN 'DZIN PA DE NI BYAMS PA MYUR DU SKYED PAR BYED DO, ,SNGON GYI BSOD NAMS @79A *, ,DANG BSOD NAMS MA YIN PA'I 'BRAS BU SNANG BA'I SGO NAS DGE BA'I RTZA BA KUN DU CHAD PA LA YANG YON TAN GZUNG BAR NUS LA, RANG SANGS RGYAS LA YANG SKYON GZUNG BAR NUS SO, ,SNYING RJE DANG DGA' BA LA YANG DE BZHIN DU SEMS CAN SDUG BSAL BA RNAM PA MANG PO'I CHU BOR BYING BA 'DI DAG SDUG BSNGAL LAS MYUR DU THAR KYANG CI MA RUNG, MNGON PAR DGA' BAR GYUR KYANG CI MA RUNG SNYAM DU MOS SHING DGA' BA LA SBYOR BAR BYED DO, ,BTANG SNYOMS NI THA MAL PA'I PHYOGS LAS RTZOM MO, ,TSAD MED PA BZHI PO 'DI DAG NI MI DAG GI NANG DU SKYED DO, ,MI RNAMS KYI NANG DU SKYED KYI GZHAN DU NI MA YIN NO, ,CI TSAD MED PA GCIG DANG LDAN PA GANG YIN PA DE NI GDON MI ZA BAR THAMS CAD DANG LDAN NAM ZHE NA, THAMS CAD DANG LDAN PA NI NGES PA MED DO, ,'ON KYANG NGES GSUM LDAN, BSAM GTAN GSUM BA DANG BZHI PAR SKYES PA DAG DGA' BA DANG MI LDAN NO, ,TSAD MED PA GSUM DANG NI RTAG TU LDAN PA YIN NO, ,RNAM BAR THAR PA BRGYAD, GZUGS CAN GZUGS RNAMS LA LTA BA ZHES BYA BA NI RNAM PAR THAR PA DANG PO YIN NO, ,NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA ZHES BYA BA NI GNYIS PA YIN NO, ,SDUG PA'I RNAM PAR THAR PA LUS KYIS MNGON SUM DU BYAS TE RDZOGS PAR BYAS NAS GNAS ZHES BYA BA NI GSUM PA YIN NO, ,GZUGS MED PA BZHI DANG, BRGYAD PA 'DU SHES DANG TSOR BA 'GOG PA'O, ,DE RNAMS LAS, DANG PO GNYIS, MI SDUG ,RNAM BAR THAR PA DANG PO GNYIS NI RNAM PAR BSDOS PA LA SOGS PA'I RNAM PA CAN YIN PA'I PHYIR MI SDUG PA'I RANG BZHIN DAG YIN TE, DE NYID KYI PHYIR DE GNYIS KYI TSUL NI MI SDUG PA BZHIN DU RIG PAR BYA'O, ,DE GNYIS KYANG BSAM GTAN GNYIS NA YOD, BSAM GTAN DANG PO DANG GNYIS PA DAG NA YOD KYI SA GZHAN NA NI MED DO, ,'DOD PA NA SPYOD PA DANG BSAM GTAN DANG PO'I SA PA'I KHA DOG GI 'DOD CHAGS KYI GNYEN POR GRANGS BZHIN NO, ,GSUM PA MTHA' NA, SDUG PA'I RNAM PAR THAR PA NI BSAM GTAN BZHI PA NA YOD DO, ,DE MA CHAGS, DE YANG @79B MA CHAGS PA'I RANG BZHIN YIN GYI SDUG PA'I RNAM PA CAN YIN PA'I PHYIR MI SDUG PA'I RANG BZHIN NI MA YIN NO, ,DE DAG 'KHOR DANG BCAS NA NI PHUNG PO LNGA'I RANG BZHIN YIN NO, ,GZUGS MED PA'I RNAM PAR THAR PA RNAMS NI, GZUGS MED MNYAM GZHAG DGE RNAMS SO, , GZUGS MED PA'I MNYAM PAR BZHAG PA DGE BA RNAMS KHON RNAM PAR THAR PA ZHES BYA BA'I MING 'THOB KYI, NYON MONGS PA CAN RNAMS KYANG MA YIN LA, MNYAM BAR MA BZHAG PA RNAMS KYANG MA YIN NO, ,'DI LTA STE 'CHI BA'I SID PA'I TSE LTA BU'O, ,GZHAN DAG NA RE GZHAN NA YANG MNYAM BAR MA BZHAG PA YOD DO ZHES ZER RO, ,NYER BSDOGS KYI RNAM PAR GROL BA'I LAM DAG KYANG RNAM PAR THAR PA ZHES BYA BA'I MING 'THOB BO, ,'OG MA LA DMIGS PA'I PHYIR BAR CHAD MED PA'I LAM RNAMS NI MA YIN TE, RNAM PAR THAR PA'I DON NI RGYAB KYIS PHYOGS PA'I DON YIN NO, ,'GOG PA'I SNYOMS PAR 'JUG PA'O, ,RNAM PAR THAR PA BRGYAD PA 'DU SHES DANG TSOR BA 'GOG PA NI 'GOG PA'I SNYOMS PAR 'JUG PA YIN TE, DE NI SNGAR BSHAD ZIN TO, ,'DU SHES DANG TSOR BA 'AM, 'DU BYED THAMS CAD LA RGYAB KYIS PHYOGS PA'I PHYIR RO, , GZHAN DAG NA RE SNYOMS PAR 'JUG PA'I SGRIB PA LAS RNAM PAR THAR PA'I PHYIR RNAM PAR THAR PA ZHES BYA'O ZHES ZER RO, ,DE LA NI, PHRA BA PHRA BA'I MJUG THOGS SU, ,SNYOMS PAR 'JUG STE, SRID PA'I RTZE MO'I 'DU SHES NI PHRA BA YIN TE, DE BAS KYANG CHES PHRA BAR BYAS NAS 'GOG PA'I SNYOMS PAR 'JUG GO, ,SNYOMS PAR ZHUGS PA RNAMS NI, RANG GI DAG DANG 'OG MA YIN, ,'PHAGS PA'I SEMS KYIS DE LAS LDANG, ,SRID PA'I RTZE MO'I SEMS DAG BA'AM, CI YANG MED PA'I SKYE MCHED KYI SA BA'I SEMS ZAG PA MED PAS DE LAS LDANG STE, DE LTAR NA DE'I SNYOMS PAR 'JUG PA'I SEMS NI ZAG PA DANG BCAS PA YIN LA, LDANG BA'I SEMS NI ZAG PA DANG BCAS PA DANG, ZAG PA MED PA YANG YIN NO, ,RNAM PAR THAR PA 'DI DAG LAS, ,DANG PO 'DOD GTOGS SNANG YUL CAN, ,'DI DAG GI DMIGS PA NI CI RIGS PAR 'DOD PA @80A *, ,NA SPYOD PA'I GZUGS KYI SKYE MCHED YID DU MI 'ONG BA DANG YID DU 'ONG BA YIN NO, ,GANG DAG GZUGS CAN MIN DE DAG ,SPYOD YUL GONG DANG RANG GI SA'I, ,SDUG BSNGAL SOGS DANG RJES SHES PHYOGS, ,GZUGS MED PA'I RNAM PAR THAR PA RNAMS KYI DMIGS PA NI RANG GI SA PA DANG SA GONG MA PA'I SDUG BSNGAL DANG DE'I RGYU DANG 'GOG BA DAG RJES SU SHES PA'I PHYOGS DANG MTHUN PA'I LAM THAMS CAD YIN NO, ,SO SOR MA BRTAGS PAS 'GOG BA YANG YIN NO ZHES BRJOD BAR BYA'O, ,NAM MKHA' YANG GCIG GIS YIN NO ZHES BRJOD PAR BYA STE, CI'I PHYIR BSAM GTAN GSUM PA LA RNAM PAR THAR BA MA BZHAG CE NA, BSAM GTAN GNYIS PA'I SA PA'I KHA DOG GI 'DOD CHAGS MED PA'I PHYIR DANG, BDE BA'I SNYING BOS SKYED PA'I PHYIR RO, ,CI'I PHYIR SDUG PA'I RNAM PAR THAR PA SKYED PAR BYED CE NA, MI SDUG PAS RGYUD ZHUM PAR RAB TU DGA' BAR BYA BA'AM, CI MI SDUG PA'I RNAM PAR THAR PA DAG GRUB BA YIN NAM MA YIN ZHES BRTAG PA'I PHYIR TE, GAL TE SDUG BAR YID LA BYAS KYANG NYON MONGS PA MI SKYEN DE LTA NA DE GNYIS GRUB PA YIN NO, ,RNAL 'BYOR PA RNAMS NI RGYU GNYIS KYIS RNAM PAR THAR PA LA SOGS PA SKYED PAR BYED DO, NYON MONGS PA MED PA LA SOGS PA'I YON TAN MNGON PAR BSGRUB PA'I CHED DANG, 'PHAGS PA'I RDZU 'PHRUL MNGON PAR GRUB PA'I CHED DU, NYON MONGS PA THAG BSRID BAR BYA BA'I PHYIR DANG, SNYOMS PAR 'JUG PA LA DBANG BAR BYA BA'I PHYIR RO, ,DE YANG GANG GIS DNGOS PO YONGS SU BSBYUR BA DANG, BYIN GYIS RLOB PA DANG, TSE GTONG BA LA SOGS PAR BYED PA'O, ,CI'I PHYIR GSUM PA DANG BRGYAD BDAG KHO NA MNGON SUM DU BYA BAR BSHAD LA GZHAN DAG NI MA YIN ZHE NA, GTZO BO YIN PA'I PHYIR DANG, KHAMS DANG, SA'I MTHA' NA GNAS PA'I PHYIR RO, ,ZIL GYIS GNON PA'I SKYE MCHED BRGYAD, ,NANG GZUGS SU 'DU SHES PAS PHYI ROL GYI GZUGS CHUNG NGU KHA DOG BZANG PO DANG KHA DOG NGAN BA RNAMS LA LTA ZHING GZUGS DE DAG ZIL GYIS MNAN NAS SHES, ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS @80B GNON PA'I SKYE MCHED DANG PO YIN NO, ,DE BZHIN DU CHEN PO RNAMS DANG, DE KHO NA BZHIN DU NANG GZUGS MED PAR 'DU SHES PA STE, DE LTAR BZHI PO DE DAG DANG, GZUGS MED PAR 'DU SHES PA KHO NA SNGON PO DANG SER PO DANG DMAR PO DANG DKAR PO RNAMS LA LTA BA STE, DE LTAR NA BRGYAD YIN NO, , DE DAG LAS GNYIS NI RNAM PAR THAR PA DANG PO BZHIN NO, ,RNAM PAR THAR PA DANG PO JI LTA BAR ZIL GYIS GNON PA'I SKYE MCHED GNYIS PO DANG GNYIS PA YANG DE DANG 'DRA'O, ,GNYIS NI GNYIS BA BZHIN NO, ,RNAM BAR THAR PA GNYIS PA JI LTA BAR ZIL GYIS GNON PO'I SKYE MCHED GNYIS PO GSUM PA DANG BZHI PA YANG DE DANG 'DRA'O, ,GZHAN SDUG PA'I RNAM PAR THAR PA BZHIN, SDUG PA'I RNAM PAR THAR PA JI LTA BAR GZHAN BZHI YANG DE DANG 'DRA'O, ,'DI NI KHYAD PAR YIN TE, DE DAG GIS NI RGYAB KYIS PHYOGS PA TZAM DU ZAD LA, 'DI DAG GIS NI DMIGS PA ZIL GYIS GNON TE, JI LTAR 'DOD PA BZHIN DU MOS PA'I PHYIR DANG, NYON MONGS PA MI SKYE BA'I PHYIR RO, ,ZAD PAR BCU'O, ,BAR CHAD MED PAR ZAD PAR RGYAS PAR BYED PA'I PHYIR ZAD PAR GYI SKYE MCHED NI BCU STE, ZAD PAR SA DANG, CHU DANG, ME DANG, RLU DANG, SNGON PO DANG SER PO DANG, DMAR PO DANG DKAR PO DANG, ZAD PAR NAM MKHA' DANG, RNAM SHES MTHA' YAS SKYE MCHED DO, ,DE RNAMS LAS, BRGYAD MA CHAGS, DANG PO BRGYAD NI MA CHAGS PA'I RANG BZHIN DAG YIN NO, ,BSAM GTAN MTHA' NA, BSAM GTAN BZHI PA KHO NA NA YOD DO, ,SPYOD YUL NI, 'DOD BA, 'DOD PA NA SPYOD PA'I GZUGS KYI SKYE MCHED YIN NO, ,KHA CIG NA RE RLUNG GI NI REG BYA'I SKYE MCHED YIN NO ZHES ZER RO, ,DE GNYIS NI GZUGS MED DAG ,ZAD PAR GYI SKYE MCHED THA MA GNYIS NI GZUGS MED PA DAG PA PA'I RANG BZHIN DAG YIN NO, ,SPYOD YUL RANG GI PHUNG PO BZHI, ,'DI GNYIS KYI DMIGS PA NI RANG GIS BA'I PHUNG PO BZHI YIN NO, ,ZIL GYIS GNON PA'I SKYE MCHED RNAMS NI RNAM PAR THAR PA 'JUG PA LAS BYUNG BA CAN YIN LA, ZAD PAR GYI SKYE MCHED RNAMS NI ZIL GYIS GNON PA'I SKYE MCHED 'JUG PA LAS BYUNG BA CAN YIN TE, GONG NAS GONG DU @81A *, ,KHYAD PAR DU 'PHAGS PA'I PHYIR RO, ,'GOG PA'I RNAM PAR THAR PA MA GTOGS PA RNAM PAR THAR PA LA SOGS PA DE DAG THAMS CAD NI SO SO'I SKYE BO DANG 'PHAGS PA'I RGYUD LA YOD PA DAG YIN NO, ,CI RNAM PAR THAR PA LA SOGS PA DE DAG SBYOR BA LAS BYUNG BA YIN NAM 'DOD CHAGS DANG BRAL BAS THOB PA YIN ZHES BYA BA'I 'DRI BA 'DI LA 'GOG PA BSHAD ZIN, 'GOG PA'I RNAM PAR THAR PA NI SNGAR RNAM PA THAMS CAD DU BSHAD ZIN TO, ,LHAG MA NI, 'DOD CHAGS BRAL DANG SBYOR BAS 'THOB, ,'GOG PA LAS GZHAN PA'I RNAM PAR THAR PA LA SOGS PA NI 'DOD CHAGS DANG BRAL BAS THOB PA YANG YIN LA SBYOR BA LAS BYUNG BA DAG KYANG YIN TE, 'DRIS PA DANG MA 'DRIS PA'I PHYIR RO, ,GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ,GZUGS MED PA'I RNAM PAR THAR PA DANG, GZUGS MED PA'I ZAD PAR NI KHAMS GSUM PA'I RTEN CAN DAG YIN NO, ,LHAG MA NI MI'I RTEN CAN KHO NA YIN TE, LUNG GI MTHUS SKYED PA'I PHYIR RO, ,JI LTAR NA GZUGS DANG GZUGS MED PA'I KHAMS DAG TU GZUGS MED PA DANG BSAM GTAN GYI KHYAD PAR SKYE ZHE NA, RGYU DANG LAS DANG CHOS NYID DANG, ,RGYU GSUM GYIS BSAM GTAN DANG GZUGS MED PA'I SNYOMS PAR 'JUG PA RNAMS SKYE STE, DE LA, KHAMS GNYIS DAG TU GZUGS MED PA, ,RGYU DANG LAS KYI STOBS KYIS TE, ,GZUGS DANG GZUGS MED PA'I KHAMS DAG TU GZUGS MED PA'I SNYOMS PAR 'JUG PA SKYE BA RGYU'I STOBS KYIS NI NYE BA DANG YANG DANG YANG DU GOMS PA LAS SO, ,LAS KYI STOBS KYIS NI SA GONG MA'I LAN GRANGS GZHAN LA MYONG BAR 'GYUR BA'I LAS KYI RNAM PAR SMIN PA NYI BAR GNAS PA'I PHYIR TE, 'OG MA LAS 'DOD CHAGS DANG MA BRAL BAS NI GONG DU SKYE BAR MI NUS SO, ,GZUGS KYI KHAMS SU BSAM GTAN RNAMS, ,DE DAG DANG CHOS NYID KYIS KYANG, GZUGS KYI KHAMS SU NI BSAM GTAN GZHAN RGYU DANG LAS KYI STOBS DE DAG DANG CHOS NYID KYIS KYANG SKYE STE, 'JIG PA'I TSE LTA BU'O, ,DE'I TSE NI SA 'OG MA PA'I SEMS CAN THAMS CAD DGE BA'I CHOS RNAMS KYI 'JUG PA @81B SHAS CHE BA NYID KYI PHYIR BSAM GTAN DE SKYED PAR BYED DO, ,GANG LA CHOS RNAMS KYI RNAM PA NI DU YOD, 'DI LTA BU'I MNGON PA'I CHOS 'DI JI SRID DU GNAS SHE NA, STON PA'I DAM CHOS RNAM GNYIS TE, LUNG DANG RTOGS PA'I BDAG NYID DO, ,DE LA LUNG NI MDO SDE DANG 'DUL BA DANG CHOS MNGON PA RNAMS SO, ,RTOGS PA NI BYANG CHUB KYI PHYOGS DANG MTHUN PA RNAMS TE, DE LTAR NA DAM PA'I CHOS 'DI NI RNAM PA GNYIS YIN NO, ,DE 'DZIN BYED PA SMRA BYED DANG, ,SGRUB PAR BYED PA KHO NA YIN, ,LUNG 'DZIN PAR BYED PA NI SMRA BAR BYED PA YIN NO, ,RTOGS PA 'DZIN PAR BYED PA NI SGRUB PAR BYED PA YIN TE, DE'I PHYIR DE NYID JI SRID DU GNAS PA DE SRID DU DAM PA'I CHOS GNAS PAR RIG PAR BYA'O, ,DE DAG KYANG LO STONG DU GNAS SO ZHES BSHAD DO, ,GZHAN DAG NA RE RTOGS PA NI DE LTA BU YIN GYI, LUNG NI YUN RING DU GNAS SO ZHES ZER RO, ,CI BSTAN BCOS 'DIR CHOS MNGON PA BSHAD PA GANG YIN PA'I CHOS MNGON PA 'DI NYID STON PAS BSHAD DAM ZHE NA, BDAG GIS MNGON PA'I CHOS 'DI PHAL CHER NI, ,KHA CHE BYE BRAG SMRA BA'I TSUL GRUB BSHAD, ,NYES PAR ZIN GANG DE 'DIR BDAG GIS NYIS, ,DAM CHOS TSUL LA TSAD MA THUB RNAMS YIN, ,BDAG GIS CHOS MNGON PA 'DI PHAL CHER KHA CHE BYE BRAG TU SMRA BA RNAMS KYI TSUL DU GRUB PAR BSHAD PA YIN NO, ,'DI LA BDAG GIS NYES PAR ZIN PA GANG YIN PA DE NI BDAG GIS NYES PA YIN TE, DAM PA'I CHOS KYI TSUL LA NI SANGS RGYAS RNAMS KHO NA DANG, SANGS RGYAS KYI SRAS RNAMS TSAD MA YIN NO, ,STON PA 'JIG RTEN MIG NI ZUM GYUR CING, ,DBANG GYUR SKYE BO PHAL CHER ZAD PA NA, ,DE NYID MA MTHONG RANG DGAR GYUR PA YI, ,NGAN RTOG RNAMS KYIS BSTAN PA 'DI DKRUGS SO, ,RANG BYUNG RANG BYUNG BSTAN PA GCES 'DZIN RNAMS, ,MCHOG TU ZHER GSHEGS 'GRO MGON MED PA NA, ,'DOMS MED YON TAN 'JOMS PAR BYED PA YI, ,DRI MAS DGA' MGUR DENG SANG 'DI NA SPYOD, ,DE LTAR THUB PA DAG GI BSTAN PA NI, ,LKOG MAR SROG PHYIN 'DRA DANG DRI MA RNAMS, ,STOBS DANG LDAN PA'I DUS SU RIG NAS NI, ,THAR PA 'DOD PA DAG GIS BAG YOD GYIS, CHOS MNGON PA'I MDZOD KYI BSHAD PA @82A *, ,LAS SNYOMS PAR 'JUG PA BSTAN PA ZHES BYA BA MDZOD KYI GNAS BRGYAD PA'O,, ,,YANG CI 'DI LAS GZHAN LA THAR PA YOD DAM ZHE NA, MED DO, ,CI'I PHYIR ZHE NA, BDAG TU LTA BA PHYIN CI LOG LA ZHEN PA NYID KYI PHYIR TE, PHUNG PO'I RGYUD KHO NA LA BDAG TU 'DOGS PA NI NGES PAR MI 'DZIN TO, ,'O NA CI ZHE NA, RDZAS GZHAN KHO NA LA BDAG TU YONGS SU RTOGS PAR BYED LA, NYON MONGS PA RNAMS NI BDAG TU 'DZIN PA LAS RAB TU SKYE BA YIN NO, ,BDAG TU MNGON PAR BRJOD PA 'DI NI PHUNG PO'I RGYUD KHO NA LA 'JUG GI ,BRJOD PAR BYA BA GZHAN LA NI MA YIN NO ZHES BYA BA 'DI JI LTAR KHONG DU CHUD CE NA, MNGON SUM DANG, RJES SU DPAG PA MED PA'I PHYIR TE, CHOS GANG DAG YOD PA DE DAG NI BAR CHAD BYED PA MED NA MNGON SUM DU DMIGS PA YIN TE, DPER NA YUL DRUG DANG YID LTA BU'O, ,YANG NA RJES SU DPAG PAS DMIGS PA YIN TE; DPER NA DBANG PO LTA BU'O, ,DE LA 'DI NI RJES SU DPAG PA YIN TE, RGYU YOD KYANG RGYU GZHAN MED NA 'BRAS BU MED PAR MTHONG LA YOD NA NI YANG YOD PAR MTHONG BA STE, DPER NA MYU GU LTA BU'O, ,YUL SNANG BAR GYUR PA DANG RGYU YID LA BYED PA YOD KYANG YUL 'DZIN PA MED PAR MTHONG LA, YANG YOD PAR MTHONG BA STE, LONG BA DANG 'ON PA LA SOGS PA DANG, MA LONG BA DANG MA 'ON PA LA SOGS PA LTA BU'O, ,DE'I PHYIR DE LA YANG RGYU GZHAN MED PA DANG, YOD PAR NGES LA, RGYU GZHAN GANG YIN PA DE NI DBANG PO YIN NO ZHES BYA BA 'DI NI RJES SU DPAG PA YIN NO, ,BDAG NI DE LTAR YOD PA MA YIN PAS BDAG MED DO, ,'O NA GANG GNAS MA'I BU RNAMS GANG ZAG YOD PAR 'DOD PA JI LTA BU, 'DI NI RE ZHIG DPYAD PAR BYA BA YIN TE, CI DE DAG RDZAS SU 'DOD DAM, 'ON TE BTAGS PAR 'DOD, RDZAS SU ZHES BYA BA 'DI YANG CI YANG CI ZHIG ,BTAGS PAR ZHES BYA BA 'DI YANG CI ZHIG YIN, GAL TE GZUGS LA SOGS PA BZHIN DU DNGOS PO GZHAN ZHIG YIN NO ZHE NA NI RDZAS SU YOD PA YIN NO, ,GAL TE 'O MA LA SOGS PA BZHIN DU SPYI YIN NO ZHE NA NI BTAGS PAR YOD PA YIN NO, ,DE LAS CIR 'GYUR, RE ZHIG GAL TE RDZAS SU YOD NA @82B NI DE RANG BZHIN THA DAD PA'I PHYIR PHUNG PO RNAMS LAS GZHAN NO ZHES BRJOD PAR BYA STE, PHAN TSUN GYI PHUNG PO BZHIN NO, ,'DI'I RGYU YANG BRJOD DGOS SO, ,'ON TE 'DUS MA BYAS YIN NA NI DE'I PHYIR MU STEGS CAN GYI LTA BAR YANG THAL BAR 'GYUR LA, DGOS PA MED PA NYID DU YANG 'GYUR RO, , 'ON TE BTAGS PAR YOD DO ZHE NA NI KHO BO CAG KYANG DE SKAD CES SMRAS SO, ,DE NI RDZAS SU YOD PA KHO NA YANG MA YIN LA BTAGS PAR YOD PA YANG MA YIN NO, ,'O NA CI ZHE NA, DA LTAR GYI NANG GI ZIN PA'I PHUNG PO RNAMS RGYUR BYAS NAS GANG ZAG TU 'DOGS SO, ,LONG BA LTA BU'I TSIG DON MI GSAL BA 'DI NI MI GO'O, ,RGYUR BYAS NAS ZHES BYA BA 'DI CI, GAL TE 'DI'I DON PHUNG PO RNAMS LA DMIGS NAS ZHES BYA BA 'DI YIN NO ZHE NA NI, DE DAG KHO NA LA GANG ZAG TU 'DOGS PAR ZAD DO, ,DPER NA GZUGS LA SOGS PA LA DMIGS NAS, DE DAG KHO NA LA 'O MA 'DOGS PA BZHIN NO, , 'ON TE 'DI'I DON PHUNG PO RNAMS LA BRTEN NAS ZHES BYA BA 'DI YIN NO ZHE NA NI PHUNG PO RNAMS GANG ZAG GDAGS PA'I RGYU YIN PA'I PHYIR SKYON DE NYID DU 'GYUR RO, ,DE NI DE LTAR MI 'DOGS SO, ,'O NA JI LTA BU ZHE NA, JI LTAR BUD SHING RGYUR BYAS NAS ME 'DOGS PA BZHIN NO, ,JI LTAR NA BUD SHING RGYUR BYAS NAS ME 'DOGS SHE NA, BUD SHING MED PAR ME MI 'DOGS MOD KYI, BUD SHING LAS ME GZHAN YIN PAR DAM BCA' BAR YANG MI NUS LA, GZHAN MA YIN PAR DAM BCA' BAR YANG MI NUS TE, GAL TE GZHAN YIN NA NI BUD SHING DRO BA NYID MA YIN PAR 'GYUR RO, ,'ON TE GZHAN MA YIN NA NI BSREG BYA NYID SREG BYED YIN PAR 'GYUR RO, ,DE LTAR PHUNG PO RNAMS MED PAR YANG GANG ZAG MI 'DOGS LA, PHUNG PO RNAMS LAS GZHAN YIN PAR DAM BCA' BAR YANG MI NUS TE RTAG PAR THAL BAR 'GYUR RO, ,GZHAN MA YIN PAR YANG DAM BCA' BAR MI NUS TE CHAD PAR THAL BAR 'GYUR RO, ,RE ZHIG KYI BUD SHING NI CI, ME NI CI YIN PA SMROS SHIG DANG, DE LAS JI LTAR NA BUD SHING RGYUR BYAS NAS MI 'DOGS PAR SHES PAR BYA'O, ,'DI LA CI ZHIG BRJOD PAR BYA, BSREG BYA NI BUD SHING YIN LA SREG BYED NI ME YIN PAR ZAD MOD, 'DIR @83A *, ,BSREG PAR BYA BA NI CI, SREG PAR BYED PA NI CI YIN PA DE NYID BRJOD PAR BYA'O, ,RE ZHIG 'JIG RTEN NA NI SHING LA SOGS PA ME 'BAR BA LA BUD SHING ZHES KYANG BYA LA BSREG BYA ZHES KYANG BYA'O, ,'BAR BA LA NI ME ZHES KYANG BYA LA SREG BYED CES KYANG BYA STE, 'BAR BA DANG SHIN TU TSA BA GANG YIN PA DES DE TSIG PA DANG SREG PAR BYED DE, RGYUD 'GYUR BAR BYED PA'I PHYIR RO, ,DE GNYI GA YANG RDZAS BRGYAD PA YIN NO, ,BUD SHING LA BRTEN NAS ME 'BYUNG BA DE YANG DPER NA 'O MA LA BRTEN NAS ZHO 'BYUNG BA DANG, MNGAR PO LA BRTEN NAS TSA BA 'BYUNG BA LTA BU YIN TE, DE LTA BAS NA BUD SHING RGYUR BYAS NAS ZHES BYA BA LA DE NI DE DANG DUS THA DAD PA'I PHYIR GZHAN PA YANG YIN NO, ,GAL TE DE LTAR PHUNG PO RNAMS LA BRTEN NAS GANG ZAG SKYE NA NI DE DAG LAS GZHAN PA DANG MI RTAG PAR YANG 'GYUR RO, ,'ON TE SHING LA SOGS PA 'BAR BA DE NYID LA DRO BA NYID YOD PA GANG YIN PA DE NI ME YIN LA, DE DANG LHAN CIG SKYES PA'I 'BYUNG BA GSUM NI BUD SHING YIN PAR 'DOD NA NI DE GNYIS KYANG MTSAN NYID THA DAD PA'I PHYIR GZHAN NYID YIN PAR GRUB BO, ,JI LTAR NA BUD SHING DE RGYUR BYAS NAS ME 'DOGS PAR BYED PA RGYUR BYAS PA'I DON YANG BRJOD DGOS TE, DE NI DE'I RGYU YANG MA YIN LA DE GDAGS PA'I RGYU YANG MA YIN GYI ME NYID DE GDAGS PA'I RGYU YIN NO, ,GAL TE RGYUR BYAS PA'I DON RTEN GYI DON NAM LHAN CIG 'BYUNG BA'I DON YIN NO ZHE NA NI, PHUNG PO RNAMS KYANG DE DANG 'DRA BAR GANG ZAG GI RTEN NAM LHAN CIG 'BYUNG BA DAG YIN PAR 'GYUR BAS GZHAN NYID DU GSAL BAR DAM 'CHA' BA YIN NO, ,DE MED NA GANG ZAG MED PAR YANG 'GYUR TE, BUD SHING MED NA ME MED PA BZHIN NO, ,GANG YANG BUD SHING LAS ME GZHAN YIN NA NI BUD SHING DRO BA NYID MA YIN PAR 'GYUR RO ZHES SMRAS PA DE DRO BA ZHES BYA BA 'DI CI, RE ZHIG GAL TE DRO BA NYID YIN NO ZHE NA NI BUD SHING DRO BA NYID MA YIN PA KHO NAR 'GYUR TE, 'BYUNG BA GZHAN GYI RANG BZHIN YIN PA'I PHYIR RO, ,'ON TE DRO BA NYID DANG LDAN PA YIN NO ZHE NA NI DRO BA NYID KYI RANG BZHIN GYI ME LAS GZHAN PA DE YANG DRO BA YIN PAR 'GRUB STE, DRO BA NYID DANG LDAN PA'I PHYIR RO, ,DE LTA BAS NA DON THA DAD @83B PA NYID YIN NA NYES PA MED DO, ,'ON TE SHING LA SOGS PA 'BAR BA DE DAG THAMS CAD BUD SHING YANG YIN LA ME YANG YIN PAR 'DOD NA NI DES NA RGYUR BYAS PA'I DON YANG BRJOD PAR BYA'O, ,PHUNG PO RNAMS KHO NA YANG GANG ZAG YIN PAS GZHAN PA MA YIN PA NYID MI LDOG PAR 'GYUR RO, DE LTA BAS NA JI LTAR BUD SHING RGYUR BYAS NAS ME 'DOGS PA DE LTAR PHUNG PO RNAMS RGYUR BYAS NAS GANG ZAG 'DOGS SO ZHES BYA BA 'DI MI 'GRUB BO, ,GAL TE YANG 'DI PHUNG PO RNAMS LAS GZHAN DU BRJOD PAR BYA BA MA YIN NA, SHES BYA NI RNAM PA LNGA STE, 'DAS PA DANG, MA 'ONGS PA DANG, DA LTAR BYUNG BA DANG, 'DUS MA BYAS DANG, BRJOD PAR BYA BA MA YIN PA'O ZHES BRJOD PAR MI BYA BAR 'GYUR TE, DE NI 'DAS PA LA SOGS PA LAS LNGA PA YANG MA YIN LA LNGA PA MA YIN PA YANG MA YIN PAR BRJOD PAR BYA'O, ,GANG GI TSE GANG ZAG 'DOGS PA NA CI RE ZHIG PHUNG PO RNAMS DMIGS NAS 'DOGS SAM, 'ON TE GANG ZAG DMIGS NAS 'DOGS, RE ZHIG GAL TE PHUNG PO RNAMS NA NI DE DAG KHO NA LA GANG ZAG 'DOGS PAR 'GYUR TE, GANG ZAG MI DMIGS PA'I PHYIR RO, ,'ON TE GANG ZAG NA NI 'DI JI LTAR NA PHUNG PO RNAMS RGYUR BYAS NAS 'DOGS PA YIN TE, GANG ZAG KHO NA DE'I RGYU YIN PAR 'GYUR RO, ,'ON TE PHUNG PO RNAMS YOD NA GANG ZAG DMIGS TE, DE'I PHYIR PHUNG PO RNAMS RGYUR BYAS NAS 'DI 'DOGS SO ZHES BYA BAR 'DOD DO ZHE NA NI, DE LTA NA GZUGS KYANG DMIGS PA DANG YID LA BYED PA DANG SNANG BA RNAMS YOD NA DMIGS PAS DE DAG RGYUR BYAS NAS BTAGS PA YIN PAR BRJOD PAR BYA'O, ,RE ZHIG 'DI YANG BRJOD PAR BYA STE, RNAM PAR SHES PA DRUG RNAMS LAS GANG ZAG RNAM PAR SHES PA GANG GIS RNAM PAR SHES PAR BYA BA YIN, DRUG CAR GYIS KYANG SHES PAR BYA BA YIN NO ZHES BYA'O, ,JI LTAR BYAS PAS SHE NA, GAL TE MIG GIS RNAM PAR SHES PAR BYA BA'I GZUGS RNAMS LA BRTEN NAS, GANG ZAG DMIGS PAR BYED NA NI GANG ZAG MIG GIS RNAM PAR SHES PAR BYA BA YIN NO ZHES BRJOD PAR BYA LA, GZUGS RNAMS ZHES KYANG BRJOD PAR MI BYA, GZUGS RNAMS MA YIN NO ZHES KYANG BRJOD PAR MI @84A *, ,BYA'O, ,DE BZHIN DU YID KYIS RNAM PAR SHES PAR BYA BA'I CHOS RNAMS KYI BAR LA BRTEN NAS, GANG ZAG DMIGS PAR BYED NA NI, GANG ZAG YID KYIS RNAM PAR SHES PAR BYA BA YIN NO ZHES BRJOD PAR BYA LA, CHOS RNAMS ZHES KYANG BRJOD PAR MI BYA LA, CHOS RNAMS MA YIN NO ZHES KYANG BRJOD PAR MI BYA'O, ,DE LTAN NI 'O NA 'O MA LA SOGS PA DANG 'DRA BAR 'GYUR TE, GAL TE MIG GIS RNAM PAR SHES PAR BYA BA'I GZUGS RNAMS LA BRTEN NAS 'O MA 'AM, CHU DMIGS PAR BYED NA NI 'O MA 'AM CHU MIG GI RNAM PAR SHES PAR BYA BA YIN NO ZHES BRJOD PAR BYA LA GZUGS RNAMS ZHES KYANG BRJOD PAR MI BYA, GZUGS RNAMS MA YIN NO ZHES KYANG BRJOD PAR MI BYA'O, ,DE BZHIN DU GAL TE SNA DANG, LCE DANG, LUS KYIS RNAM PAR SHES PAR BYA BA MA YIN PAR BRJOD PAR BYA LA, REG BYA RNAMS ZHES KYANG BRJOD PAR MI BYA, REG BYA RNAMS MA YIN NO ZHES KYANG BRJOD PAR MI BYA STE, 'O MA DANG CHU GNYIS BZHI NYID DU THAL BAR 'GYUR DU 'ONG BAS SO, ,DE'I PHYIR JI LTAR GZUGS LA SOGS PA'I SPYI KHO NA LA, 'O MA 'AM, CHU ZHES 'DOGS PA DE BZHIN DU PHUNG PO RNAMS LA GANG ZAG 'DOGS SO ZHES BYA BAR GRUB BO, ,GANG YANG MIG GIS RNAM PAR SHES PAR BYA BA'I GZUGS RNAMS LA BRTEN NAS GANG ZAG DMIGS PAR BYED CES SMRAS PA'I TSIG DE'I DON CI ZHIG YIN, CI RE ZHIG GZUGS RNAMS GANG ZAG DMIGS PA'I RGYU ZHIG YIN NAM, 'ON TE GZUGS RNAMS DMIGS NA GANG ZAG DMIGS SO ZHES BYA BA YIN NO, ,GAL TE GZUGS RNAMS GANG ZAG DMIGS PA'I RGYU YIN LA DE YANG DE DAG LAS GZHAN DU BRJOD PAR MI BYA'O ZHE NA NI, DE LTA NA NI 'O NA GZUGS KYANG SNANG BA DANG MIG DANG YID LA BYED PA DAG LAS GZHAN DU BRJOD PAR MI BYA STE, DE DAG NI DE DMIGS PA'I RGYU YIN PA'I PHYIR RO, ,'ON TE GZUGS RNAMS DMIGS NA GANG ZAG DMIGS SO ZHE NA NI CI DMIGS PA DE KHO NAS DMIGS SAM, 'ON TE GZHAN GYIS GAL TE DE KHO NAS SO ZHE NA NI GANG ZAG GZUGS LAS RANG BZHIN THA MI DAD PA 'AM GZUGS KHO NA LA DE 'DOGS @84B PAR 'GYUR NA, 'DI NI GZUGS SO, ,'DI NI GANG ZAG GO ZHES BYA BA 'DI YANG JI LTAR YONGS SU GCOD, 'ON TE DE LTAR YONGS SU MI GCOD NA NI GZUGS KYANG YOD DO, ,GANG ZAG KYANG YOD DO ZHES BYA BA 'DI YANG JI LTAR DAM 'CHA' STE, DMIGS PA'I DBANG GIS DE YOD PAR DAM 'CHA' BAR ZAD DO, ,DE BZHIN DU CHOS KYI BAR DAG LA YANG BRJOD PAR BYA'O, ,'ON TE GZHAN GYIS SO ZHE NA NI, DUS THA DAD DMIGS PA'I PHYIR GZUGS LAS GZHAN YIN PAR 'GYUR TE, SNGON PO LAS SER PO LTA BU DANG, SKAD CIG MA LAS SKAD CIG MA GZHAN BZHIN NO, ,DE BZHIN DU CHOS KYI BAR DAG LA YANG BRJOD PAR BYA'O, ,'ON TE GZUGS DANG GANG ZAG BZHIN DU DE DAG DMIGS PA DAG KYANG GZHAN DANG GZHAN MA YIN PA NYID DU BRJOD PAR MI BYA'O ZHE NA, 'O NA NI DES NA 'DUS MA BYAS KYANG BRJOD PAR BYA BA MA YIN PAR GYUR PAS, GRUB PA'I MTHA' NYAMS PA YIN NO, ,GAL TE YANG 'DI YOD LA GZUGS RNAMS ZHES KYANG BRJOD PAR MI BYA, GZUGS RNAMS MA YIN NO ZHES KYANG BRJOD PAR MI BYA NA, 'O NA CI'I PHYIR BCOM LDAN 'DAS KYIS GZUGS BDAG MA YIN PA NAS, RNAM PAR SHES PA BDAG MA YIN ZHES BYA BA'I BAR GSUNGS, MIG GI RNAM PAR SHES PA GANG GIS GANG ZAG 'DI DMIGS PA DE CI GZUGS LA BRTEN NAS SKYE 'AM, 'ON TE GANG ZAG GAM, GNYI GA LA BRTEN NAS SKYE, GAL TE GZUGS RNAMS LA BRTEN NAS SKYE NA NI SGRA LA SOGS PA BZHIN DU GANG ZAG DAM PAR SHES PAR MI NUS TE, YUL GANG KHO NA NA LA BRTEN NAS RNAM PAR SHES PA SKYE BA DE NYID DE'I DMIGS PA'I RKYEN YIN NO, ,'ON TE GANG ZAG GAM, GNYI GA LA BRTEN NAS SKYE'O ZHE NA, 'DI NI MDO LAS THAL BA YIN TE, MDO LAS NI, GNYIS LA BRTEN NAS RNAM PAR SHES PA SKYE BA YIN NO ZHES NGES PAR GZUNG NGO, ,DE BZHIN DU DGE SLONG MIG GI RNAM PAR SHES PA SKYED PA LA, RGYU NI MIG YIN NO, ,RKYEN NI GZUGS RNAMS YIN NO, ,DE CI'I PHYIR ZHE NA, MIG GI RNAM PAR SHES PA GANG CI YANG RUNG BDE THAMS CAD NI MIG DANG GZUGS RNAMS LA BRTEN NAS SKYE'O ZHES GSUNGS SO, ,DE LTA NA NI GANG ZAG MI RTAG PAR 'GYUR @85A *, ,TE; MDO LAS, MIG GI RNAM PAR SHES PA SKYED PA LA RGYU GANG DAG YIN PA DANG, RKYEN GANG YIN PA DE DAG KYANG MI RTAG PA YIN NO ZHES GSUNGS PA'I PHYIR RO, ,'ON TE DE'I DMIGS PA GANG ZAG MA YIN NA 'O NA NI DES RNAM PAR SHES PAR BYA BA MA YIN PAR 'GYUR RO, ,GAL TE YANG GANG ZAG RNAM PAR SHES PA DRUG GIS RNAM PAR SHES PAR BYA BA YIN PAR DAM 'CHA' NA NI DE RNA BA'I RNAM PAR SHES PAS RNAM PAR SHES PAR BYA BA YIN PA'I PHYIR GZUGS LAS GZHAN YIN PAR 'GYUR TE, SGRA BZHIN NO, ,MIG GI RNAM PAR SHES PAS RNAM PAR SHES PAR BYA BA YIN PA'I PHYIR SGRA LAS GZHAN YIN PAR 'GYUR TE GZUGS BZHIN NO, ,DE BZHIN DU GZHAN DAG LA YANG SBYAR BAR BYA'O, ,BRAM ZE DBANG PO LNGA PO 'DI DAG NI SPYOD YUL THA DAD PA CAN YIN ZHING YUL THA DAD PA CAN YIN TE, RANG RANG GI SPYOD YUL DANG YUL SO SOR NYAMS SU MYONG BA YIN GYI GZHAN GYI SPYOD YUL DANG YUL NYAMS SU MYONG BA NI MA YIN PA DAG STE, 'DI LTA STE, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO LNGA'O, ,YID KYI DBANG PO NI DBANG PO LNGA PO 'DI DAG GI SPYOD YUL DANG YUL NYAMS SU MYONG BA YIN ZHING, YID KYI DBANG PO NI 'DI DAG GI RTEN YIN NO ZHES GSUNGS PA'I MDO'I TSIG 'DI DANG YANG 'GAL BAR 'GYUR RO, ,YANG NA GANG ZAG YUL MA YIN PAR 'GYUR RO, ,GAL TE YUL MA YIN NO ZHE NA, 'O NA NI RNAM PAR SHES PAR BYA BA MA YIN PAR 'GYUR RO, ,GAL TE DE LTA NA YID KYI DBANG PO YANG 'KHRUL PA MED BAR 'GYUR TE, SROG CHAGS DRUG PA LTA BU'I MDO LAS, DBANG PO DRUG PO 'DI DAG NI SPYOD YUL THA DAD PA CAN YIN ZHING YUL THA DAD PA CAN YIN TE, RANG RANG GI SPYOD YUL DANG YUL 'DOD PA DAG YIN NO ZHES GSUNGS SO, ,DER NI DBANG PO KHO NA LA DBANG PO YIN PAR MA GSUNGS KYI LNGA PO DANG DE DAG GI RNAM PAR SHES PA RNAMS NI MTHONG BA LA SOGS PAR 'DOD MI SRID PA'I PHYIR DE DAG GI DBANG GIS DRANGS PA'I YID KYI RNAM PAR SHES PA NI DBANG PO YIN PAR GSUNGS SO, ,YID KYI DBANG PO 'BA' ZHIG GIS DRANGS PA'I YID KYI RNAM PAR SHES PA GANG YIN PA DE NI DE LAS @85B GZHAN PA DAG GI SPYOD YUL LA MI 'DOD PA NYID PAS DE'I PHYIR DE NYES PA MED DO, ,BCOM LDAN 'DAS KYIS KYANG DGE SLONG DAG MNGON PAR SHES PAR BYA BA DANG, YONGS SU SHES PAR BYA BA'I CHOS KYI RNAM GRANGS THAMS CAD BSHAD PAR BYA'O ZHES GSUNGS NAS, MNGON PAR SHES PAR BYA BA DANG, YONGS SU SHES PAR BYA BA NI MIG DANG, GZUGS RNAMS DANG, MIG GI RNAM PAR SHES PA DANG, MIG GI 'DUS TE REG PA DANG, GANG YANG MIG GI 'DUS TE REG PA'I RKYEN GYIS NANG GI TSOR BA BDE BA 'AM, SDUG BSNGAL BA DANG, BDE BA YANG MA YIN SDUG BSNGAL BA YANG MA YIN PA SKYE BA DE DANG ZHES BYA BA NAS YID KYI 'DUS TE REG PA'I RKYEN GYIS NANG GI ZHES BYA BA'I BAR DU RGYAS PAR GSUNGS TE, 'DI NI MNGON PAR SHES PAR BYA BA DANG, YONGS SU SHES PAR BYA BA'I CHOS KYI RNAM GRANGS THAMS CAD YIN NO ZHES GSUNGS SO, ,DE'I PHYIR MNGON PAR SHES PAR BYA BA DANG, YONGS SU SHES PAR BYA BA NI DE SNYED CIG YIN PAR NGES PAR GZUNG GI, GANG ZAG NI MA YIN PAS, DE LTA BAS NA 'DI RNAM PAR SHES PAR BYA BA YANG MA YIN TE, SHES RAB DANG RNAM PAR SHES PA GNYIS NI YUL 'DRA BA'I PHYIR RO, ,GANG ZAG PA RNAMS MIG GIS GANG ZAG BLTA'O ZHES GANG ZAG LTA BA NI BDAG MED PAS BDAG BLTA'O ZHES BYA BA YIN PAS BDAG TU LTA BA'I GNAS SU GYUR PA YANG YIN NO, ,BCOM LDAN 'DAS KYIS KYANG MDO LAS, PHUNG PO RNAMS KHO NA LA GANG ZAG CES BYA'O ZHES 'DI NGES PAR MDZAD DO, ,NGES PA'I DON GYI MDO LAS KYANG, MIG DANG GZUGS RNAMS LA BRTEN NAS MIG GI RNAM PAR SHES PA SKYE'O, ,GSUM 'DUS PAS NI REG PA'O, ,LHAN CIG SKYES PAS NI TSOR BA DANG 'DU SHES DANG SEMS PA DAG STE, DE LTAR NA GZUGS CAN MA YIN PA'I PHUNG PO DE BZHIN DANG, GZUGS CAN MIG GI DBANG PO DANG DE SNYED CIG LA MI NYID CES BYA'O, ,'DI LA SEMS CAN DANG, MING DANG SHED LAS SKYES DANG, SHED BU DANG, GSO BA DANG, GANG ZAG DANG, SROG DANG, SKYE BO ZHES BYA BA 'DI NI MING YIN NO, ,'DI LA BDAG GIS MIG GI GZUGS RNAMS BLTA'O ZHES BYA BA 'DI NI KHAS 'CHE BA YIN NO, ,'DI LA NI 'DI LTAR TSE DANG LDAN PA DE'I MING NI @86A *, ,'DI ZHES BYA, RIGS NI 'DI ZHES BYA, RUS NI 'DI ZHES BYA, KHA ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG MYONG, TSE NI 'DI TZAM ZHIG THUB, YUN NI JI SRID CIG GNAS, TSE'I MTHA' NI 'DI TZAM ZHIG GO ZHES BYA BA 'DI NI THA SNYANG YIN NO, ,DGE SLONG DAG DE LTAR NA 'DI DAG NI MING TZAM, 'DI DAG KHAS 'CHE BA TZAM, 'DI DAG NI THA SNYAD TZAM STE, CHOS 'DI DAG THAMS CAD NI MI RTAG PA, 'DUS BYAS PA, SEMS PAS 'PHANGS PA, RTEN CING 'BREL PAR 'BYUNG BA DAG YIN NO ZHES GSUNGS SO, , BCOM LDAN 'DAS KYIS KYANG NGES PA'I DON GYI MDO LA BRTEN PAR GSUNGS TE, DE LTA BAS NA 'DI NI YANG DANG YANG DU BRTAG PAR BYA BA YIN NO, ,DE BZHIN DU BRAM ZE THAMS CAD YOD DO ZHES BYA BA NI 'DI LTA STE, SKYE MCHED BCU GNYIS DAG TU ZAD DO ZHES KYANG GSUNGS SO, ,GAL TE GANG ZAG 'DI SKYE MCHED MA YIN NA NI DE YOD PA MA YIN NO ZHES BYA BAR GRUB BO, ,'ON TE SKYE MCHED YIN NO ZHE NA, 'O NA NI BRJOD PAR BYA BA MA YIN NO, ,DE DAG GI LTAR NA YANG 'DI SKAD DU DGE SLONG MI JI SNYED PA DANG, GZUGS JI SNYED PA ZHES BYA BA RGYAS PAR GSUNGS NAS, DGE SLONG 'DI JI SNYED CIG NI DE BZHIN GSHEGS PA THAMS CAD 'DOGS PAR MDZAD DO, ,THAMS CAD BRTAGS SO ZHES GSUNGS SO ZHES 'DON TO, ,GZUGS CAN SNYING PO'I MDO LAS KYANG, ,DGE SLONG DAG BDAG DANG BDAG GI ZHES BYA BA NI BYIS PA SO SO'I SKYE BO THOS PA DANG MI LDAN PAS BRTAGS PA LA LHUNG BAR ZAD DE, 'DI LA BDAG GAM BDAG GI NI MED KYI SDUG BSNGAL 'DI SKYE BA NA SKYE BAR ZAD DO ZHES BYA BA RGYAS PAR GSUNGS SO, ,DGRA BCOM PA DRUG GIS KYANG BDUD LAS BA RTZAMS NAS, SEMS CAN ZHES BYA BDUD CI SEMS, ,KHYOD NI LTA BAR GYUR PA YIN, ,'DU BYED PHUNG PO 'DI STONG STE; ,'DI LA SEMS CAN YOD MA YIN, ,JI LTAR YAN LAG TSOGS RNAMS LA, ,SHING RTA'I MING DU BSHAD PA LTAR, ,DE BZHIN PHUNG PO RNAMS BRTEN NAS, KUN RDZOB SEMS CAN ZHES BYA'O, ,ZHES BSHAD DO, ,LUNG PHRAN TSIGS LAS KYANG, BRAM ZE RGYA SHUG GI BU'I DBANG DU BYAS NAS, @86B JI LTAR SEMS NI KUN NYON MONGS, ,JI LTAR SEMS NI RNAM BYANG DANG, ,MDUD PA THAMS CAD 'JIG BYED PA'I, ,CHOS NI RGYA SHUG BU KHYOD NYON, ,BDAG NYID KYIS NI BDAG MED DE, ,PHYIN CI LOG GIS RTOGS PAR BYED, ,'DI LA BDAG GAM SEMS CAN MED, ,CHOS 'DI DAG NI RGYU DANG BCAS, ,SRID PA'I YAN LAG BCU GNYIS DANG, ,PHUNG PO SKYE MCHED KHAMS RNAMS TE, ,RNAM PAR BSAMS NA 'DI KUN LA, ,GANG ZAG DMIGS PA MA YIN NO, ,NANG GI STONG PA YIN PAR LTOS, ,PHYI ROL GNAS PA STONG PAR LTOS, ,RANG BZHIN STONG PA NYID BSGOM PA, ,DE YANG 'GA' YANG MI DMIGS SO, ,ZHES GSUNGS SO, ,DE BZHIN DU BDAG TU DMIGS PA LA NYES DMIGS LNGA YOD DO, ,BDAG TU LTA BA DANG SEMS CAN DU LTA BA DANG, SROG TU LTA BAR 'GYUR, ,MU STEGS CAN RNAMS DANG KHYAD PAR MED PAR 'GYUR, ,LAM GOL BAR ZHUGS PAR 'GYUR, 'DI'I SEMS STONG PA NYID LA MI 'JUG CING RAB TU DANG BAR MI 'GYUR LA YANG DAG PAR MI GNAS PAS RNAM PAR GROL BAR MI 'GYUR, 'DI'I 'PHAGS PA'I CHOS RNAMS RNAM PAR BYANG BAR MI 'GYUR RO ZHES GSUNGS SO, ,DE DAG NI GZHUNG 'DI TSAD MAR MI BYED PA NYID DO, , CI'I PHYIR ZHE NA, 'DI KHO BO CAG GI SDE PA MI 'DON TO ZHES ZER RO, ,CI DE DAG LA SDE PA KHO NA TSAD MA YIN NAM, 'ON TE SANGS RGYAS KYI BKA' TSAD MA YIN, GAL TE SDE PA KHO NA TSAD MA YIN NA 'O NA NI DE DAG GI STON PA YANG SANGS RGYAS MA YIN LA, SH'AKYA'I BU YANG MA YIN PAR 'GYUR, ,'ON TE SANGS RGYAS KYI BKA' TSAD MA YIN NO ZHE NA NI GZHUNG 'DI CI'I PHYIR TSAD MA MA YIN, ,'DI NI SANGS RGYAS KYI BKA' MA YIN NO, ,DE CI'I PHYIR ZHE NA NI, ,KHO BO CAG GI SDE PA MI 'DON PA'I PHYIR RO ZHES ZER RO ZHES GRAG GO , ,'DI NI MI RIGS PAR ZHUGS PA YIN NO, ,'DIR MI RIGS PA GANG ZHIG YIN ZHE NA, GZHUNG GANG ZHIG SDE PA GZHAN THAMS CAD LAS 'BYUNG LA MDO DANG, CHOS NYID DANG YANG MI 'GAL BA DE KHO BO CAG MI 'DON PA'I PHYIR SANGS RGYAS KYI BKA' MA YIN NO ZHES SMRA BA STE, GZU LUMS TZAM 'BA' ZHIG TU ZAD DO, ,GZHAN YANG DE DAG LA CHOS @87A *, ,THAMS CAD NI BDAG MED PA'O ZHES BYA BA'I MDO 'DI YANG MED DAM, GANG ZAG NI CHOS ZHES KYANG MI BYA LA CHOS LAS GZHAN ZHES KYANG MI BYA'O ZHES BYA BAR 'DOD PAR GYUR NA, DE LTAN NI YID KYI RNAM PAR SHES PAR BYA BAR MI 'GRUB STE, GNYIS LA BRTEN NAS RNAM PAR SHES PA SKYE'O ZHES NGES PAR GSUNGS PA'I PHYIR RO, ,BDAG MED PA LA BDAG GO SNYAM DU 'DU SHES PHYIN CI LOG PA DANG, SEMS PHYIN CI LOG PA DANG, LTA BA PHYIN CI LOG PA ZHES BYA BA 'DI KHO NA LA YANG JI LTAR RTOG ,BDAG MED PA LA BDAG GO SNYAM PA PHYIN CI LOG YIN GYI BDAG LA NI MA YIN NO, ,BDAG MED PA YANG GANG ZHIG YIN, PHUNG PO DANG SKYE MCHED DANG, KHAMS RNAMS YIN NO, ,RE ZHIG SNGAR GZUGS RNAMS ZHES KYANG BRJOD PAR MI BYA'O, ,GZUGS RNAMS MA YIN ZHES KYANG BRJOD PAR MI BYA'O ZHES SMRAS PA GANG YIN PA NI BSAL TO, ,MDO GZHAN LAS, DGE SLONG DAG DGE SBYONG NGAM BRAM ZE GANG LA LA BDAG GO SNYAM DU RJES SU LTA BA DE DAG THAMS CAD NI NYE BAR LEN PA'I PHUNG PO LNGA PO 'DI DAG KHO NA LA ZHES GSUNGS TE, DE LTA BAS NA BDAG TU 'DZIN PA THAMS CAD NI BDAG MED PA KHO NA LA YIN NO, ,DE BZHIN DU GANG LA SNGON GYI GNAS RNAM PA DU MA RJES SU DRAN PAR GYUR TAM, ,RJES SU DRAN NAM, RJES SU DRAN PAR 'GYUR BA DE DAG THAMS CAD NI NYE BAR LEN PA'I PHUNG PO LNGA PO 'DI DAG KHO NA LA ZHES GSUNGS SO, ,GAL TE DE LTA NA NI CI'I PHYIR BDAG NI 'DAS PA'I DUS NA GZUGS 'DI LTA BU DANG LDAN PAR GYUR TO ZHES GSUNGS, GANG DAG DE LTAR RNAM PA DU MA RJES SU DRAN PA ZHES BYA BA RAB TU STON PAR BYED DO, ,GAL TE GANG ZAG GZUGS DANG LDAN PAR LTA BAR GYUR NA 'JIG TSOGS LA LTA BAR THAL BAR 'GYUR BAS 'DI LA NI MA BTON PA KHO NA SKYABS YIN NO, ,DE LTA BAS NA GANG ZAG NI BTAGS PA'I YOD PA YIN TE, PHUNG PO DANG RGYUN LA SOGS PA BZHIN NO, ,GAL TE DE LTAR NA 'O NA NI SANGS RGYAS THAMS CAD MKHYEN PA MA YIN PAR 'GYUR TE, THAMS CAD SHES PAR 'GYUR BA'I SEMS SAM SEMS LAS BYUNG BA GANG YIN PA DE NI CUNG ZAD KYANG MED DE, SKAD CIG MA YIN PA'I PHYIR GANG ZAG GIS NI SHES PAR 'GYUR RO, ,DE LTA NA NI 'ON SEMS @87B 'JIG PA NA GANG ZAG MI 'JIG PAR KHAS BLANGS PA'I PHYIR 'DI RTAG PA NYID DU KHAS BLANGS PA YIN NO, ,KHO BO CAG NI THAMS CAD MKHYEN PA MNGON SUM DU GYUR PA'I PHYIR SANGS RGYAS THAMS CAD MKHYEN PA YIN PAR NI MI SMRA'O, ,'O NA JI LTA BU ZHE NA, MTHU YOD PA'I PHYIR TE, SANGS RGYAS ZHES BYA BA'I RGYUD GANG YIN PA DE LA GANG DU BZHED PAR GTANG BA TZAM GYIS PHYIN CI MA LOG PA'I MKHYEN PA SKYE BA GANG YIN PA'I MTHU 'DI YOD DO, ,'DIR SMRAS PA, RGYUN GYIS SPYOD PA'I PHYIR NA DPER, ,ME YIS THAMS CAD SREG 'DOD LTA, ,DE BZHIN THAMS CAD MKHYEN 'DOD BYA'I, ,CIG CAR THAMS CAD MKHYEN PHYIR MIN, , 'DI JI LTAR KHONG DU CHUD CE NA, 'DAS PA LA SOGS PA GSUNGS PA'I PHYIR TE, RDZOGS SANGS RGYAS 'DAS GANG DAG DANG, ,SANGS RGYAS MA BYON GANG DAG DANG, ,DA LTA'I RDZOGS SANGS RGYAS GANG YIN, ,MANG PO RNAMS NI MYA NGAN SEL, ,ZHES GSUNGS SO, ,KHYED CAG KYANG PHUNG PO RNAMS KHO NA DUS GSUM BA YIN PAR 'DOD KYI GANG ZAG NI MA YIN NO, ,GAL TE PHUNG PO RNAMS KHO NA GANG ZAG YIN NA CI'I PHYIR DGE SLONG DAG KHYED LA KHUR YANG BSTAN TO, ,KHUR LEN PA DANG, KHUR 'DOR BA DANG, KHUR KHYER BA YANG BSTAN GYI ZHES GSUNGS, CI'I PHYIR GSUNGS PAR MI BYA, KHUR NYID KHUR KHYER BA YIN PAR NI RIGS PA MA YIN TE, CI'I PHYIR ZHE NA, DE LTA BU MI SNANG BA'I PHYIR RO, ,BRJOD PAR BYA BA MA YIN BA YANG RIGS PA MA YIN TE, CI'I PHYIR ZHE NA, DE LTA BU MI SNANG BA'I PHYIR RO, ,BUR LEN PA YANG PHUNG POS MA BSDUS PAR YANG THAL BAR 'GYUR RO, ,KHUR KHYER BA NI BCOM LDAN 'DAS KYIS CI NAS TSE DANG LDAN PA MING 'DI ZHES BYA BA NAS YUN NI 'DI SRID CIG GNAS NAS TSE'I MTHA' NI 'DI TZAM ZHIG GO ZHES BYA BA'I BAR GANG YIN BA DE NYID SHES PAR 'GYUR ZHING, RTAG PA'AM GANG ZAG CES BYA BA GZHAN DU SHES PAR MI 'GYUR BA DON DE KHO NA'I PHYIR BSTAN TE PHUNG PO SNGAM RNAMS KHO NA PHUNG PO PHYI MA RNAMS LA GNOD PAR BYED PA YIN PAS KHUR DANG KHUR KHYER BA ZHES BSHAD PA YIN NO, ,GANG ZAG NI YOD PA NYID DE, 'DI LTAR SEMS CAN SKYE BA BA MED DO ZHES ZER BA NI LOG PAR LTA BA YIN NO ZHES GSUNGS SO, ,SEMS CAN SKYE BA BA MED DO ZHES SU ZER, JI LTAR BCOM LDAN 'DAS KYIS RNAM PAR PHYE BA LTAR YOD DO, , @88A *, ,ZHES ZER RO, ,DE LTA BAS NA 'DI NI GANG ZHIG PHA ROL DU SKYE BA PA SEMS CAN ZHES BYA BA PHUNG PO'I RGYUN LA SEMS CAN SKYE BA PA MED DO ZHES SKUR PA 'DEBS PA DE'I LOG PAR LTA BA YIN TE, PHUNG PO RNAMS NI SKYE BA PA YIN PA'I PHYIR RO, ,GANG ZAG LA SKUR PA 'DEBS PA 'DI LOG PAR LTA BA YIN NA YANG CI ZHIG GIS SPANG BAR BYA BAR 'GYUR, 'DI BDEN PA MTHONG BAS SPANG BAR BYA BA YIN PAR YANG MI RUNG LA BSGOM PAS SPANG BAR BYA BA YIN PAR YANG MI RUNG STE, GANG ZAG BDEN PA RNAMS KYI KHONGS SU MA GTOGS PA'I PHYIR RO, ,GAL TE 'JIG RTEN NA YANG GANG ZAG GCIG PU SKYE BA NA SKYE'O ZHES GSUNGS PA'I PHYIR PHUNG PO RNAMS MA YIN NO ZHEN MA YIN TE, SPYI LA YANG GCIG NYE BAR 'DOGS PA'I PHYIR TIL GCIG DANG, 'BRAS THUG PO CHE GCIG CES BYA BA LTA BU DANG, PHUNG PO GCIG DANG, TSIG GCIG CES BYA BA BZHIN NO, ,YANG NA GANG ZAG 'DUS BYAS YIN NO ZHES BYA BAR BRJOD PAR BYA STE, SKYE BA DANG LDAN PA NYID DU KHAS BLANGS PA'I PHYIR RO, ,DE NI JI LTAR PHUNG PO RNAMS SNGON MED PA LAS BYUNG BA DE LTAR SKYE BA NI MA YIN NO, ,'O NA JI LTA BU ZHE NA, PHUNG PO GZHAN LEN PA'I PHYIR TE, DPER NA RIG PA BLANGS PA'I PHYIR MCHOD SBYIN PA SKYES SO, ,BRDA SPROD PA PA SKYES ZHES BYA BA DANG, RTAGS BLANGS PA'I PHYIR DGE SLONG SKYES SO, ,KUN DU RGYU SKYES SO ZHES BYA BA DANG, GNAS SKYABS GZHAN BLANGS BA'I PHYIR RGA BA SKYES SO, ,NA BA SKYES SO ZHES BYA BA BZHIN NO, ,MA YIN TE, BKAG PA'I PHYIR RO, ,BCOM LDAN 'DAS KYIS DON DAM PA STONG PA NYID KYI MDO KHO NA LAS, DGE SLONG DAG LAS NI YOD DO, ,RNAM PAR SMIN PA NI YONG DO, ,CHOS SU BRDAR BRTAGS PA MA GTOGS PA GANG ZHIG PHUNG PO 'DI RNAMS 'DOR BAR BYED CING PHUNG PO GZHAN DAG NYING MTSAMS SBYOR BAR BYED PA'I BYED PA PO NI MI DMIGS SO ZHES GSUNGS SO, ,DBO LAS SKYES KYI MDO LAS KYANG, DBO LAS SKYES LEN CES MI SMRA'O ZHES GSUNGS TE, DE LTABS NA PHUNG PO RNAMS LEN PAR BYED PA YANG 'GA' YANG MED LA, 'DOR BAR BYED PA YANG MED DO, ,RE ZHIG KHYOD MCHOD SBYIN PA NAS RGA BA'I BAR GANG GI DBANG DU BYAS NAS DPER BYED, GAL TE GANG ZAG YIN NO ZHE NA NI DE MA GRUB BO, ,'O NA TE SEMS DANG SEMS LAS BYUNG BA RNAMS YIN NO ZHE NA NI DE @88B DAG SKAD CIG RE RE LA SNGON MED PA LAS SKYE BA KHON YIN NO, ,'ON TE LUS YIN NO ZHE NA, DE YANG DE DANG 'DRA LA, LUS DANG, RIG PA DANG, RTAGS BZHIN DU PHUNG PO DANG GANG ZAG GNYIS GZHAN NYID DU YANG 'GYUR RO, ,RGA BA DANG NA BA YANG LUS GZHAN KHO NA YIN NO, ,GRANGS CAN PA'I 'GYUR BAR SMRA BA NI BKAG ZIN TO, , DE LTA BAS NA 'DI DAG NI DPE NGAN PA YIN NO, ,GAL TE YANG PHUNG PO RNAMS NI SNGON MED PA LAS SKYES PA YIN LA, GANG ZAG NI MA YIN PAR 'DOD NA NI DE DE DAG LAS GZHAN PA DANG, RTAG PAR GSAL BAR YONGS SU BSTAN PA YIN NO, ,PHUNG PO NI LNGA'O, ,GANG ZAG NI GCIG GO ZHES SMRA BAS JI LTAR NA GZHAN NYID DU MI BRJOD, RE ZHIG JI LTAR NA 'BYUNG BA DAG NI BZHI YIN, GZUGS NI GCIG YIN LA 'BYUNG BA RNAMS LAS GZUGS GZHAN YANG MA YIN, SMRA BA 'DI NI PHYOGS LA YOD PA YIN NO, ,PHYOGS GANG LA ZHE NA, 'BYUNG BA TZAM PA'I PHYOGS LA'O, ,DE LTA NA YANG JI LTAR 'BYUNG BA TZAM GZUGS YIN PA DE BZHIN DU PHUNG PO TZAM GANG ZAG YIN PAR KHAS BLANGS PA YIN NO, ,GAL TE PHUNG PO TZAM GANG ZAG YIN NA CI'I PHYIR BCOM LDAN 'DAS KYIS SROG DE NYID LUS YIN PA'AM, GZHAN YIN NO ZHES LUNG MA BSTAN ZHE NA, 'DRI BA PO'I BSAM PA LA LTOS PA'I PHYIR TE, DES NA NI NANG GI BYED PA'I SKYES BU SROG GI RDZAS GCIG PO DRIS SO, ,DE YANG 'GA' YANG MED NA 'DI JI LTAR GZHAN NYID DAM GZHAN MA YIN PA NYID LUNG BSTAN PAR BYA STE, RUS SBAL GYI YUL BSHOR RAM 'JAM ZHES BYA BA BZHIN NO, ,MDUD PA 'DI NI SNGA MA DAG KHO NAS KYANG BKROL ZIN TE, RGYAL PO DES 'DU SBYIN GNAS BRTAN KLU SDE'I THAD DU 'ONGS NAS BTZUN BA DGE SBYONG RNAMS NI SMRA BA MANG BA MA LAGS SO, ,GAL TE GANG DRIS BA DE NYID LAN 'DEBS NA BDAG 'DRI BAR 'TSAL LO ZHES SMRAS SO, ,DRIR GSOL ZHES SMRAS PA DAG CI LAGS, SROG DE NYID LUS LAGS SAM, SROG KYANG GZHAN LAGS LA LUS KYANG GZHAN LAGS ZHES DRIS SO, ,GNAS BRTAN GYIS 'DI NI LAN MI GDAGS PA YIN NO ZHES SMRAS PA DANG, DES SMRAS PA, BDAG GIS SNGA NAS BTZUN PA GZHAN LUNG BSTAN PAR MI BYA'O ZHES DAM 'CHAR GSOL BA MA LAGS SAM, CI'I SLAD DU 'DI SKAD DU 'DI NI LAN MI GDAB PA YIN NO ZHES GZHAN KHO NA GSUNGS, GNAS BRTAN GYIS @89A *, ,SMRAS PA, RGYAL PO CHEN PO RGYAL PO RNAMS NI SMRA BA MANG BA LAGS SO, ,GAL TE GANG DRIS PA DE NYID LAN 'DEBS NA BDAG KYANG 'DRI BAR 'TSAL LAGS SO, ,DRIR GSOL ZHES SMRAS PA DANG, KHYOD KYI SLAS LA SHING LJON PA AA MRA 'BRAS BU YOD PA GANG YIN PA DE'I 'BRAS BU RNAMS CI SKYUR RAM 'ON TE MNGAR LAGS ZHES DRIS SO, ,BDAG GI SLAS LA SHING LJON PA AA MRA NYID 'GA' YANG MED DO ZHES SMRAS SO, ,BDAG GIS SNGA NAS RGYAL PO CHEN PO GZHAN LUNG BSTAN PAR MI BYA'O ZHES DAM 'CHAR GSOL BA MA LAGS SAM, CI'I SLAD DU 'DI SKAD DU SHING LJON PA AA MRA NYID MED DO ZHES GZHAN KHO NA GSUNGS, DES SMRAS PA, JI LTAR NA SHING LJON PA MED PA'I 'BRAS BU RNAMS SKYUR BA'AM MNGAR BA NYID DU LUNG BSTAN PAR BYA, RGYAL PO CHEN PO DE BZHIN DU SROG DE NYID MED NA CI'I SLAD DU 'DI LUS LAS GZHAN PA NYID DAM GZHAN MA YIN PA NYID DU LUNG BSTAN PAR BGYI ZHES BYA BA LTA BU'O, ,CI'I PHYIR BCOM LDAN 'DAS KYIS KYANG MED PA KHO NA'O ZHES MA GSUNGS SHE NA, DRI BA PO'I BSAM PA LA LTOS PA'I PHYIR TE, DES SROG CES BYA BA PHUNG PO'I RGYUN GANG YIN PA DE YANG MED PAR GO BAR GYUR NA LOG PAR LTA BAR LTUNG BAR 'GYUR TE, RTEN CING 'BREL PAR 'BYUNG BA MI SHES PA'I PHYIR RO, ,DE NI DE BSTAN PA YANG MI BZOD DO, ,'DI NI BCOM LDAN 'DAS KYIS KUN DGA' BO KUN DU RGYU GNAS PA DANG, RUS MTHUN PAS DRI BA DRIS PA DAG YOD DO ZHES LUNG BSTAN NA NI CHOS THAMS CAD BDAG MED PAS TSIG MA LEGS PA MA YIN NAM, KUN DGA' BO KUN DU RGYU GNAS PA DANG RUS MTHUN PA'I DRI BA DRIS BA BDAG MED DO ZHES LUNG BSTAN NA NI KUN TU RGYU GNAS PA DANG RUS MTHUN PA'I SNGA NAS KUN DU RMONGS PA YOD PA DAG GIS BDAG SNGON YOD PAR GYUR PA LAS DA NI BDAG GI DE YANG MED DO ZHES KUN DU RMONGS PA PHYIR ZHING CHES RGYAS PAR 'GYUR BA MA YIN NAM, KUN DGA' BO BDAG YOD CES BYA BA NI RTAG PA'I MTHAR 'GYUR RO, , KUN DGA' BO BDAG MED CES BYA BA NI CHAD PA'I MTHAR 'GYUR RO ZHES RGYAS PAR GSUNGS PA GANG YIN PA 'DI LAS KYANG DE BZHIN DU NGES PAR ZUNG SHIG ,'DIR SMRAS PA, LTA BA'I MCHE BAS SMAS PA DANG, ,LAS RNAMS 'JIG PA LA LTOS NAS, ,STAG MOS PHRU GU KHYER BA LTAR, ,RGYAL BAS CHOS NI STON PAR @89B MDZAD, ,BDAG YOD NYID DU KHAS BLANGS NAS, ,LTA BA'I MCHE BAS SMRAS PAR GYUR, ,KUN RDZOB RTOG PAR MA GYUR NAS, ,DGE BA PHRU GU NYAMS BYED 'GYUR, ,YANG SMRAS PA, MED PHYIR BCOM LDAN 'DAS KYIS SROG ,DE NYID GZHAN DU MA GSUNGS SO, ,BRTAGS PA'ANG MED DU 'GYUR 'ONG BAS, ,MED DO ZHES KYANG MA GSUNGS SO, ,PHUNG PO'I RGYU NI GANG LA DGE ,MI DGE'I 'BRAS BU YOD PA NYID, ,DE LA SROG CES BYA STE DE, ,SROG MING BSTAN PAS MED PAR 'GYUR, ,GROG CES BYA BA PHUNG PO LA, ,BTAGS TZAM ZHES KYANG MA GSUNGS TE, ,DE TSE'I SKYE BO DE 'DRA STE, ,STONG NYID RTOGS PA'I SKAL LDAN MIN, ,'DI LTAR GNAS PAS BDAG YOD DAM, ,MED CES DRI BA 'DRI BA YI, ,BSAM PA LA LTOS MA GSUNGS TE, ,YOD NA CI PHYIR YOD MI GSUNGS, ,'JIG RTEN RTAG CES BYA BA LA SOGS PA YANG 'DRI BA PO'I BSAM PA LA LTOS NAS LUNG MA BSTAN TE, RE ZHIG GAL TE 'JIG RTEN BDAG YIN PAR 'DOD PAR GYUR NA NI DE MED BA'I PHYIR LUNG MA BSTAN PA RNAM PA BZHI CHAR MI RIGS SO, ,'ON TE 'JIG RTEN 'KHOR BA THAMS CAD YIN NO ZHE NA NI DE YANG RIGS PA MA YIN TE, 'JIG RTEN RTAG NA 'GA' YANG YONGS SU MYA NGAN LAS 'DA' BAR MI 'GYUR RO, ,MI RTAG NA NI THAMS CAD CHAD PAR 'GYUR RO, ,GNYI GA LTAR YIN NA NI KHA CIG NI NGES PAR YONGS SU MYA NGAN LAS 'DA' BAR 'GYUR LA KHA CIG NI MI 'GYUR RO, ,GNYI GA LTAR MA YIN NA NI YONGS SU MYA NGAN LAS 'DA' BA YANG MA YIN, YONGS SU MYA NGAN LAS MI 'DA' BA YANG MA YIN PA KHO NAR 'GYUR RO, ,DE'I PHYIR YONGS SU MYA NGAN LAS 'DA' BA NI LAM LA RAG LUS PA'I PHYIR RNAM PA BZHI CHAR YANG NGAS PAR LUNG MI STON TE, GCER BU PA'I NYAN THOS KYIS BYI'U BZUNG BA BZHIN NO, ,DE NYID KYI PHYIR 'JIG RTEN MTHA' DANG LDAN ZHES BYA BA LA SOGS PA RNAM PA BZHI YANG LUNG MA BSTAN TE, BZHI TSAN 'DI NI DON MTHUN NO, ,'DI LTAR KUN DU RGYU SMRA BYED KYIS BZHI TSAN 'DI ZHUS NAS YANG CI LAGS, 'JIG RTEN THAMS CAD LAM 'DI NGES PAR 'BYUNG NGAM, 'ON TE 'JIG RTEN PHYOGS GCIG LAGS ZHES ZHUS PA DANG, GNAS BRTAN KUN DGA' BOS SMRA BYED KHYOD KYIS BCOM LDAN 'DAS LA DANG PO NYID DU ZHU BA ZHUS PA GANG YIN PA DE NYID DE RNAM GRANGS GZHAN GYIS 'DRI'AM ZHES SMRA'O, ,DE BZHIN 'ONGS PA SHI PHAN CHAD YOD DAM ZHES BYA BA @90A *, ,BZHI TSAN 'DI YANG DRI BA PO'I BSAM PA LA LTOS NAS LUNG MA BSTAN TE, DES NI BDAG GROL BA DE BZHIN 'ONGS PA YIN PAR BSAMS NAS ZHU BA ZHUS SO, ,GANG ZAG PA RNAMS LA BRGAL ZHING BRTAG PAR BYA STE, BCOM LDAN 'DAS KYIS CI'I PHYIR GANG ZAG GSON PO NI YOD DO ZHES LUNG STON LA SHI PHAN CHAD NI LUNG MI STON, RTAG PA'I NYES PAR THAL BAR 'GYUR BA'I PHYIR RO, ,'O NA NI CI'I PHYIR BYAMS PA KHYOD MA 'ONGS PA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES LUNG STON, CI'I PHYIR CHE GE MO ZHIG TU SKYES SO ZHES NYAN THOS 'DAS PA DUS 'DAS PA SKYE BA LA LUNG STON, DE LTA YIN NA NI RTAG PA NYID DU THAL BAR 'GYUR RO, ,GAL TE YANG BCOM LDAN 'DAS KYIS GANG ZAG SNGAR GZIGS LA YONGS SU MYA NGAN LAS 'DAS NAS KYANG MI GZIGS TE, MI MKHYEN PA'I PHYIR LUNG MI STON TO ZHE NA NI, STON PA'I THAMS CAD MKHYEN PA NYID BSAL BA YIN NO, ,YANG NA NI DE MED DO ZHES KHAS BLANG BAR BYA DGOS SO, ,'O NA TE GZIGS NA NI MA GSUNGS BZHIN DU YANG DE YOD PA DANG RTAG PA ZHES BYA BAR GRUB PA YIN NO, ,'ON TE GZIGS SAM MI GZIGS ZHES BYA BA 'DI YANG BRJOD PAR MI BYA BA YIN NA, DE LTA NA NI 'O NA BCOM LDAN 'DAS THAMS CAD MKHYEN PA YIN NAM MA YIN ZHES BYA BA 'DI YANG RIM GYIS MI BRJOD PAR GYIS SHIG ,GANG ZAG NI YOD PA NYID DE, 'DI LTAR BDEN PA DANG, GNAS PAR BDAG GI BDAG MED DO SNYAM PA NI LTA BA'I GNAS SU GSUNGS SO, ,YOD DO SNYAM PA YANG LTA BA'I GNAS SU GSUNGS TE, DE LTA BAS NA 'DI NI KHUNGS SU MI RUNG NGO, ,CHOS MNGON PA BA RNAMS NA RE 'DI GNYI GA YANG MTHAR 'DZIN PA YIN TE, RTAG PA DANG CHAD PAR LTA BAS BSDUS PA DAG YIN NO ZHES ZER RO, ,DE KHO NA BZHIN DU RIGS TE GNAS MA BU'I MNGO LAS, KUN DGA' BO BDAG YOD CES BYA BA NI RTAG PAR 'GYUR RO, ,KUN DGA' BO BDAG MED CES BYA BA NI CHAD PAR 'GYUR RO ZHES GSUNGS PA'I PHYIR RO, ,GAL TE YANG GANG ZAG MED NA 'KHOR BA 'DI SU'I YIN, 'KHOR BA NYID 'KHOR BAR RIG PA MA YIN NO, ,BCOM LDAN 'DAS KYIS KYANG SEMS CAN MA RIG PA'I SGRIB PA CAN KUN DU RGYU BA RNAMS 'KHOR RO ZHES GSUNGS SO, ,YANG GANG ZAG JI LTAR 'KHOR PHUNG PO GZHAN 'DOR BA DANG, @90B LEN PA'I PHYIR RO, ,PHYOGS 'DI NI LAN BTAB ZIN TO, ,JI LTAR ME SKAD CIG MA YIN YANG RGYUN GYIS DRO DE BZHIN DU SRED PA NYE BAR LEN PA CAN SEMS CAN ZHES BYA BA PHUNG PO'I TSOGS 'KHOR RO, ,GAL TE 'DI PHUNG PO TZAM YIN NA CI'I PHYIR BCOM LDAN 'DAS KYIS NGA NYID DE'I TSE DE'I DUS NA MIG BZANGS ZHES BYA BA'I STON PAR GYUR TO ZHES GSUNGS SO, ,CI'I PHYIR GSUNGS BAR MI 'GYUR, PHUNG PO RNAMS GZHAN YIN PA'I PHYIR RO, ,'O NA CI DE NYID GANG ZAG YIN NA NI RTAG PAR 'GYUR RO, ,DE LTA BAS NA NGA NYID DE YIN NO ZHES BYA BA NI RGYUD GCIG PA NYID DU STON PAR MDZAD PA YIN TE, DPER NA ME DE NYID SREG CING 'ONGS SO ZHES BYA BA BZHIN NO, ,GAL TE YANG BDAG DE YOD PAR GYUR NA DE BZHIN GSHEGS PA RNAMS KYIS SHIN TU GSAL BA KHO NAR GZIGS PAR 'GYUR RO, ,GZIGS NA YANG BDAG TU 'DZIN PA SHIN TU DAM POR 'GYUR RO, ,BDAG YOD NA BDAG GIR YANG 'GYUR RO ZHES MDO LAS 'BYUNG BA'I PHYIR DE DAG PHUNG PO RNAMS LA BDAG GIR 'DZIN PA LHAG PAR 'BYUNG BAS DE NI DE DAG GI 'JIG TSOGS LA LTA BAR 'GYUR RO, ,BDAG GIR LTA BA YOD NA YANG BDAG GIR CHAGS PAR 'GYUR TE, DE LTA BAS NA BDAG DANG BDAG GIR CHAGS PA'I 'CHING BA SHIN TU DAM POS GLAGS PA DE DAG LA THAR BA THAG RING BAR 'GYUR RO, ,'ON TE BDAG LA CHAGS PA MI 'BYUNG BA KHO NA'O ZHES BYA BAR 'DOD NA, DE NI BDAG MED PA LA NI BDAG TU RMONGS PAS CHAGS PA SKYE'I BDAG NYID LA MI SKYE'O ZHES BYA BA GA LA RUNG STE, DE LTA BAS NA KHA CIG NI GANG ZAG TU 'DZIN KHA CIG NI THAMS CAD MED PA NYED DU 'DZIN PA GANG YIN PA DE NI BSTAN PA 'DI LA SKYON BYUNG BA YIN NO, ,MU STEGS BYED GANG DAG BDAG RDZAS GZHAN KHO NA YIN PAR SEMS PA DE DAG GI LTAR NA YANG THAR PA MED PA'I NYES PA 'DI GA-YO BA MED PA YIN NO, ,'O NA GAL TE BDAG RNAM PA THAMS CAD DU MED NA SEMS SKAD CIG MA RNAMS LA NYAMS SU MYONG NAS RING MO ZHIG LON PA'I DON JI LTAR BRAN PA'AM NGO SHES PAR 'GYUR, DRAN PA'I YUL LA 'DU SHES PA'I RGYU LAS BYUNG BA'I SEMS KYI KHYAD PAR LAS SO, ,SEMS KYI KHYAD PAR JI LTA BU LAS SHE NA, GANG GI MJUG THOGS SU DRAN PA SKYE BA STE, DE DAG LA RTAG PA DANG 'DRA BA DANG 'BREL PA CAN GYI 'DU SHES LA SOGS PA DANG LDAN PA JI LTAR BRAN PA'AM NGO SHES PAR 'GYUR, DRAN PA'I YUL LA 'DU GSHES PA'I RGYU LAS BYUNG BA'I SEMS KYI KHYAD PAR LAS SO, ,SEMS KYI KHAD PAR JI LTA BU LAS SHE NA, GANG GI MJUG THOGS SU DRAN PA SKYE BA STE, DE DAG LA RTAG PA DANG 'DRA BA DANG 'BREL BA CAN GYI 'DU SHES LA SOGS PA DANG LDAN PA @91A *, ,DANG RTEN GYI KHYAD PAR DANG, MYA NGAN DANG RNAM PAR GA-YENGS PA LA SOGS PAS MTHUM NYAMS PA CAN LAS SO, ,DE LTA BU YIN YANG DE'I RGYU LAS BYUNG BA MA YIN PA'I SEMS KYI KHYAD PAR GYIS NI DRAN PA DE BSKYED PAR MI NUS SO, ,DE'I RGYU LAS BYUNG BA YIN YANG GZHAN LTA BU NI DRAN PA DE SKYED PAR MI NUS KYI GNYI GA LTAR NA NUS PAS DE LTAR NA DRAN PAR 'GYUR TE, GZHAN LA NI DE'I MTHU MA MTHONG PA'I PHYIR RO, ,DA NI JI LTAR NA SEMS GZHAN GYIS MTHONG LA GZHAN GYIS DRAN DE LTAR NA NI LHA SBYIN GYIS SEMS KYIS MTHONG LA MCHOD SBYIN GYIS SEMS KYIS DRAN PAR 'GYUR RO, ,MA YIN TE 'BREL PA MED PA'I PHYIR RO, ,DE GNYIS NI RGYU DANG 'BRAS BUR MA GYUR PA'I PHYIR JI LTAR NA RGYUD GCIG LA YOD PA'I RGYU DANG 'BRAS BUR 'BREL BA NI MED DO, ,SEMS GZHAN GYIS MTHONG LA GZHAN GYIS DRAN NO ZHES KYANG MI ZER RO, ,'ON KYANG JI SKAD BSHAD PA LTAR RGYUD YONGS SU 'GYUR BA'I TSUL GYIS MTHONG BA'I SEMS LA DRAN PA'I SEMS GZHAN SKYE'O ZHES BYA BA DE LTA BU LA NYES PA CI ZHIG YOD, DRAN PA KHO NA LAS NGO SHES PA YANG YIN NO, ,BDAG MED NA SU ZHIG GIS DE LTAR DRAN, DRAN ZHES BYA BA'I DON CI YIN, DRAN PAS YUL 'DZIN PA'O, ,CI DI 'DZIN PA DRAN PA LAS GZHAN ZHIG YIN NAM, 'ON NI DRAN PA BYED PA YIN NO, ,GANG GIS DE BYED BA DE NI BSHAD ZIN TE, DRAN PA'I RGYU NI SEMS KYI KHYAD PAR YIN NO, ,'O NA GANG NAG PAS DRAN NO ZHES BYA BA JI LTA BU ZHE NA, NAG PA ZHES BYA BA'I RGYUD DE LAS DE SKYE BAR MTHONG NAS SMRA BAR ZAD DO, ,BDAG MED PA NA DRAN PA 'DI SU'I YIN, DRUG PA 'DI'I DON JI LTA BU YIN, RJE BO'I DON YIN NO, ,DPER NA GANG GI RJE BO GANG LTA BU YIN, DPER NA BA'I NAG PA LTA BU YIN NO, ,'DI JI LTAR DE'I RJE BO YIN, DE RMO BA DANG BZHO BA LA SOGS PA LA SBYOR BA DE LA RAG LUS PA YIN NO, ,DRAN PA GANG DU SBYAR BAR BYA NA, 'DI LTAR DE'I RJE BO BTZAL, DRAN PAR BYA PA'I DON LA'O, ,CI'I PHYIR SBYAR BAR BYA, DRAN PAR BYA BA'I PHYIR RO, ,KYE MA DE NYID DE'I DON DU SBYOR RO ZHES BYA BA NI BSOD NAMS KYIS BSKYED PA RNAMS KYIS LEGS PAR SMRAS SO, ,JI LTAR SBYAR BAR BYA, CI DE BSKYED PA'I SGO NAS SAM, 'ON TE MNGAG PA'I SGO NAS, DRAN PA LA 'GRO BA MI RUNG BAS BSKYED PA'I SGO NAS SO, ,DE LTA NA NI RGYU KHO NA LA RJE BO YIN LA 'BRAS BU KHON BRAN @91B YIN BAR 'GYUR TE, 'DI LTAR RGYU NI 'BRAS BU LA DBANG BYED LA 'BRAS BU YANG DE DANG LDAN NA RGYU YIN PAS DE NI DRAN PA'I RGYU GANG YIN PA DE KHO NA YIN NO, ,GANG YANG NAG PA ZHES BYA BA 'DU BYED KYI TSOGS KYI RGYUN LA GCIG TU BZUNG NAS BA ZHES BYA BA'I RJE BO BRJOD PA DE YANG DE YUL GZHAN DU DANG, 'GYUR BA 'BYUNG BA LA RGYU'I DNGOS PO YID LA BSAMS NAS RJE BO ZHES BRJOD PAR ZAD KYI NAG PA ZHES BYA BA GCIG PA NI 'GA' YANG MED LA BA ZHES BYA BA YANG MED DO, ,DE LTA BAS NA DE LA YANG RGYU'I DNGOS PO MA GTOGS PA'I RJE BO'I DNGOS PO MED DO, ,DE BZHIN DU SU ZHIG GIS RNAM PAR SHES, SU'I RNAM PAR SHES PA YIN ZHES BYA BA DE LTA BU LA SOGS PA YANG BRJOD PAR BYA STE, DE'I RGYU NI CI RIGS PAR DBANG PO DANG DON DANG YID LA BYED BDAG YIN NO ZHES BYA BA 'DI NI KHYAD PAR YIN NO, ,GANG YANG BYA BA NI BYED PA PO LA LTOS PA'I PHYIR TE, BYA BA THAMS CAD NI BYED PA PO LA LTOS TE, JI LTAR LHA SBYIN 'GRO'O ZHES BYA BA 'DI LA 'GRO BAR BYA BA NI 'GRO BA PO LHAS BYIN LA LTOS PA DE BZHIN DU RNAM PAR SHES PA NI BYA BA YIN NO, ,DE LTA BAS NA GANG ZHIG GIS RNAM PAR SHES PA DE YANG BRJOD DGOS SO ZHES ZER BA DE LA LHAS BYIN ZHES BYA BA 'DI CI YIN ZHES BRJOD PAR BYA'O, ,GAL TE BDAG YIN NO ZHE NA, DE NYID BSGRUB PAR BYA BA YIN NO, ,'ON TE SKYES BUR THA SNYAD GDAGS PA YIN NO ZHE NA, DE YANG GCIG PU NI 'GA' YANG MED KYI 'DU BYED DE DAG LA YANG MING DE SKAD CES BYA'O, ,DE LA JI LTAR LHAS BYIN 'GRO BA DE BZHIN DU RNAM PAR SHES SO, ,LHA SBYIN JI LTAR 'GRO ZHEN, 'DU BYED SKAD CIG BA RGYUN THA MI DAD PA RNAMS LA BYIS PA RNAMS KYIS GCIG PA NYID DU BZUNG NAS LHAS BYIN ZHES MOS PA RNAMS RANG GI RGYUN YUL GZHAN DU 'BYUNG BA LA RGYUR GYUR NA LHAS BYIN 'GRO'O ZHES BYA'O, ,YUL GZHAN DU 'BYUNG BA DE NI 'GRO BA YIN TE, ME DANG SGRA'I RGYUN DAG LA 'GRO'O ZHES BRJOD BA YIN NO, ,DE DAG NYID RNAM PAR SHES PA'I RGYUR GYUR NA LHAS BYIN GYIS RNAM PAR SHES SO ZHES KYANG BYA'O, ,'PHAGS PA RNAMS KYIS KYANG THA SNYAD GDAGS PA'I DON DU DE DAG LA MING DU DE SKAD CES GSUNGS SO, ,'ON GANG MDO LAS RNAM PAR SHES PAS RNAM PAR SHES SO ZHES GSUNGS PA DE LA RNAM PAR SHES PA CI ZHIG BYED, CUNG ZAD KYANG MI BYED DE, JI LTAR 'BRAS BU NI CUNG ZAD KYANG MI BYED MOD @92A *, ,KYI 'DRA BAR BDAG NYID THOB PA'I PHYIR RGYU DANG MTHUN PAR BYED DO ZHES BYA BA DE BZHIN DU RNAM PAR SHES PA YANG CUNG ZAD KYANG MI BYED MOD KYI 'DRA BAR BDAG NYID THOB PA'I PHYIR YUL RNAM PAR SHES SO ZHES BYA'O, ,'DI'I 'DRA BA CI ZHE NA, DE'I RNAM PA NYID DO, ,DE NYID KYI PHYIR DE NI DBANG PO LAS KYANG SKYES MOD KYI YUL RNAM PAR SHES SO ZHES BYA BA'I DBANG PO NI MA YIN NO, ,YANG NA NI DER YANG RNAM PAR SHES PA'I RGYUN RNAM PAR SHES PA'I RGYUR GYUR PA'I PHYIR RNAM PAR SHES PAS RNAM PAR SHES SO ZHES GSUNGS PAS NYES PA MED DE, RGYU LA BYED PA PO'I SGRAR BSTAN PA'I PHYIR DRIL BU SGROGS SO ZHES BYA BA BZHIN NO, , GZHAN YANG JI LTAR SGRON MA 'GRO BA LTAR RNAM PAR SHES PAS RNAM PAR SHES SO ZHES BYA BA YANG DE DANG 'DRA'O, ,SGRON MA JI LTAR 'GRO ZHE NA, SGRON MA ZHES BYA BA NI ME LCE RNAMS KYI RGYUN LA NYE BAR 'DOGS PAR BYED LA, DE YUL GZHAN DAG TU 'BYUNG BA LAS YUL DE DANG DER 'GRO'O ZHES BYA'O, ,DE BZHIN DU RNAM PAR SHES PA ZHES BYA BA NI SEMS RNAMS KYI RGYUN LA NYE BAR 'DOGS PAR BYED LA DE YUL GZHAN DAG LA SKYE BA LA YUL DE DANG DE RNAM PAR SHES SO ZHES BYA'O, ,YANG NA JI LTAR GZUGS 'GYUR RO, ,SKYE'O GNAS SO ZHES BYA BA 'DI LA 'GYUR BA PO DANG 'GYUR BA DON GZHAN MA YIN PA LTAR RNAM PAR SHES PA LA DE DANG 'DRA BAR 'GYUR RO, ,GAL TE RNAM PAR SHES PA LAS RNAM PAR SHES PA SKYE'I BDAG LAS MA YIN NA CI'I PHYIR RTAG TU DE DAG 'DRA BA KHO NAR SKYE BAR MI 'GYUR ZHING MYU GU DANG SDONG PO DANG 'DAB MA LA SOGS PA BZHIN DU RIM PA NGES PAR SKYE BAR MI 'GYUR ZHE NA, GNAS PA GZHAN DU 'GYUR BA NI 'DUS BYAS KYI MTSAN NYID YIN PA'I PHYIR TE, RGYUN GDON MI ZA BAR GZHAN DU 'GYUR BA GANG YIN PA 'DI NI 'DUS BYAS KYI RANG BZHIN NO, ,DE LTA MA YIN NA BSAM GTAN RDZOGS PAS MNYAM PAR GZHAG PA RNAMS LAS LUS DANG SEMS 'DRA BSKYEN SKAD CIG MA DANG PO DANG KYAD PAR MED PA'I PHYIR PHYIS KYANG BDAG NYID LDANG BAR MI 'GYUR RO, ,GANG LAS GANG ZHIG SKYE BAR 'GYUR BDE KHO NA LAS DE SKYE BA'I PHYIR SEMS CAN RNAMS KYI RIM PA YANG NGES PA KHO NA STE, RIGS KYI BYE BRAG LAS SEMS RNAM PA 'DRA YANG 'GA' ZHIG SEMS 'GA' BSKYED PA LA NUS PA YIN TE, DPER NA BUD MED KYI MJUG THOGS SU GAL TE DE'I LUS SUN 'BYIN PA'I SEMS SAM, DE'I KHYO 'AM BU LA SOGS @92B PA'I SEMS SKYE BAR 'GYUR LA, YANG PHIS RGYUD YONGS SU 'GYUR PAS BUD MED KYI SEMS SKYE NA DE NI, DE'I LUS SUN 'BYIN PA'I SEMS BSKYED PA'AM, DE'I KHYO 'AM, BU LA SOGS PA'I SEMS BSKYED PAR NUS PA YIN TE, DE'I RIGS CAN YIN PA NYID KYI PHYIR RO, ,GZHAN DU NI MI NUS SO, ,YANG BUD MED KYI SEMS LAS RNAM GRANGS KYI SEMS RNAM PA MANG PO ZHIG SKYES PAR GYUR NA DE LAS CHES MANG BA DANG, CHES GSAL BA DANG, CHES NYE PAR SKYES PA GANG YIN PA DE KHO NA SKYE BAR 'GYUR TE, DE'I BSGOS PA STOBS DANG LDAN PA'I PHYIR RO, ,DE'I 'DUS PA'I LUS DANG PHYI ROL GYI RKYEN GYI KHYAD PAR NI MA GTOGS SO, ,BSGOS PA DE NYID CHES STOBS DANG LDAN NA CI'I PHYIR RTAG TU 'BRAS BU MI 'BYIN ZHE NA, GNAS PA GZHAN DU 'GYUR PA NYID NI 'DUS BYAS KYI MTSAN NYID YIN PA'I PHYIR LA, GZHAN DU 'GYUR BA DE YANG BSGOS PA GZHAN GYI 'BRAS BU SKYE BA'I RJAS SU MTHUN PA'I PHYIR RO, ,'DI NI SEMS KYI RNAM PA THAMS CAD LA PHYOGS TZAM DU ZAD KYI MJUG THOGS KYI RGYU SHES PA LA NI SANGS RGYAS RNAMS MNGA' BDAG YIN TE, 'DI SKAD DU RMA BYA'I MDONGS NI GCIG LA YANG, ,RGYU YI RNAM PA THAMS CAD NI, ,KUN MKHYEN MIN PAS SHES BYA MIN, ,DE SHES KUN MKHYEN STOBS YIN NO, ,ZHES BSHAD NA, GZUGS CAN MA YIN PA SEMS KYI BYE BRAG RNAMS LTA SMOS KYANG CI DGOS, CI'I PHYIR DE DANG 'DRA BA KHO NAR SKYE BAR MI 'GYUR ZHING MYU GU DANG SDONG BU DANG 'DAB MA LA SOGS PA BZHIN DU RIM PA NGES PAR SKYE BAR MI 'GYUR ZHES BYA BA 'DI NI MU STEGS CAN GANG LA LA SEMS NI BDAG LAS SKYE'O SNYAM DU SEMS PA DE KHO NA LA GSAL BAR KLAN KAR 'GYUR RO, ,GAL TE YID DANG PHRAD PA'I BYE BRAG LA LTOS PA'I PHYIR RO ZHE NA MA YIN TE, 'BREL PA GZHAN MA YIN PA'I PHYIR RO, ,'BREL PA CAN DAG YONGS SU CHAD PA'I PHYIR DANG, PHRAD PA ZHES BYA PA'I MTSAN NYID NI MA PHRAD PA SNGON DU 'GRO BA CAN GYI PHRAD PA YIN NO ZHES RNAM PAR BSHAD PA'I PHYIR BDAG YONGS SU CHAD PAR THAL BAR 'GYUR RO; ,DE'I PHYIR YID 'PHROS PA LA BDAG 'PHO BA'AM, NYAMS PAR THAL BAR 'GYUR RO, ,GAL TE PHYOGS GCIG PHRAD DO ZHEN, MA YIN TE, PHYOGS DE DE NYID KYI YIN PA NYID DU MI DUNG PA'I PHYIR RO, ,PHRAD PA YOD DU CHUG NA YANG 'ON KYANG YID RTAG TU KHYAD PAR MED PA LA JI LTAR PHRAD PA KHYAD PAR DU 'GYUR, GAL TE @93A *, ,BLO'I KHYAD PAR LA LTOS PA YIN NO ZHE NA, JI LTAR BLO'I KHYAD PAR YIN ZHES DE NYID LA KLAN KA TSOL BAR BYED DO, ,GAL TE 'DU BYED KYI KHYAD PAR LA LTOS PA'I BDAG DANG YID PHRAD PA LAS SO ZHE NA, 'DU BYED KYI KHYAD PAR LA LTOS PA'I SEMS KHO NA LAS YIN PAR ZAD KYI BDAG GIS NUS PA NI CUNG ZAD KYANG MI DMIGS TE, SMAN GYI 'BRAS BU GRUB PA LA SMAN PA NGAN GA-YO CAN GYIS PHU SV'A H'A ZHES SMRAS PA DAG BZHIN NO, ,GAL TE BDAG YOD NA DE GNYIS SRID DO ZHE NA NI, TSIG TZAM DU ZAD DO, ,GAL TE DE NI RTEN YIN NO ZHE NA, DPER NA GANG GI RTEN GANG YIN PA LTA BU DE DAG KYANG RI MO DANG RGYA SHUG LA SOGS PA LTAR BRTEN PA MA YIN LA, DE YANG RTZIG PA DANG GZHONG BU LA SOGS PA LTAR RTEN DU RIGS PA MA YIN TE, THOGS PA DANG THA DAD PA NYID KYIS NYES PAR 'GYUR PA'I PHYIR RO, ,GAL TE DE NI DE LTA BUR RTEN MA YIN NO, ,'O NA JI LTA BU ZHE NA, DPER NA DRI LA SOGS PA'I SA LTA BU'O ZHEN, 'DI NYID KHO BO'I BDAG MED DO ZHES BYA BA YID CHES PAR BYED PA YIN PAS KHO BO YONGS SU TSIM PAR BYAS TE, DPER NA DRIL SOGS PA LAS SA GZHAN MA YIN PA BZHIN NO, ,DRI LA SOGS PA LAS SA GZHAN YIN BAR NGES PAR 'DZIN PAR BYED PA DE SU ZHIG YIN, SA'I DRI LA SOGS PA ZHES BYA BA'I THA SNYAD NI CI NAS DRI LA SOGS PA DE DAG NYID DE ZHES BYA'I, GZHAN NI MA YIN NO ZHES BYA BAR SHES PAR 'GYUR BA KHYAD PAR DU BYA BA'I PHYIR TE, SHING GI GZUGS KYI LUS ZHES BYA BA BZHIN NO, ,'DU BYED KYI KHYAD PAR LA LTOS PA YIN DU ZIN KYANG CI'I PHYIR SHES PA THAMS CAD DUS GCIG TU SKYE BAR MI 'GYUR, GANG ZHIG STOBS CHE BA DES GZHAN DAG LA GEGS BYED DO, ,STOBS CHE BA DE NYID CI'I PHYIR RTAG PAR 'BRAS BU MI 'BYIN TE, 'DI'I TSUL GANG YIN PA DE BSGOS PA YIN NA BDAG TU RTOG PA NI DON MED PA YIN NO, ,GAL TE BDAG NI GDON MI ZA BAR KHAS BLANG BAR BYA STE, DRAN PA LA SOGS PA NI YON TAN GYI DNGOS PO YIN PA'I PHYIR LA DE YANG GDON MI ZA BAR RDZAS LA BRTEN PA YIN PA'I PHYIR RO, ,DE DAG GI RTEN GZHAN YIN PAR YANG MI RUNG BA'I PHYIR RO ZHE NA, MA YIN TE, MA GRUB PA'I PHYIR RO, ,'DI DAG NI YON TAN GYI DNGOS PO NYID YIN PAR MA GRUB BO, ,KHO BO CAG GI LTAR NA YOD PA THAMS CAD NI RDZAS YIN TE, DGE SBYONG GI TSUL GYI 'BRAS BU NI RDZAS DRUG GO ZHES 'BYUNG BA'I PHYIR RO, ,DE DAG RDZAS LA BRTEN PA NYID DU YANG MA GRUB STE, RTEN GYI DON NI BRTAGS ZIN TO, ,DE LTA @93B BAS NA 'DI NI GYI NA'O, ,BDAG MED NA CI'I PHYIR LAS TZOM, BDAG BDE BAR GYUR CIG ,BDAG SDUG BSNGAL BAR MA GYUR CIG CES BYA BA DE'I PHYIR RO, ,YANG BDAG CES BYA BA YANG GANG ZHIG YIN, BDAG TU 'DZIN PA 'DI'I YUL GANG YIN PA'O, ,BDAG TU 'DZIN PA 'DI'I YUL GANG ZHIG YIN, YUL NI PHUNG PO YIN NI, ,JI LTAR SHES, DE DAG LA CHAGS PA'I PHYIR DANG, DKAR SHAM LA SOGS PA'I BLOS GZHI MTHUN PAR BYED PA'I PHYIR TE, BDAG DKAR SHAM MO, ,BDAG SNGO BSANGS SO, ,BDAG SBOM MO, ,BDAG SKE MA MO, ,BDAG RGAS SO, ,BDAG DAR LA BAB PO ZHES DKAR SHAM LA SOGS BA'I BLOS BDAG TU 'DZIN PA 'DI GZHI MTHUN PAR BYED PAR SNANG NGO, RNAM PA DE DAG BDAG GI YIN PAR NI MI 'DOD DE, DE LTA BAS NA 'DI NI PHUNG BO RNAMS LA 'DZIN PAR SHES SO, ,BDAG LA PHAN 'DOGS PA'I LUS LA YANG BDAG NYE BAR 'DOGS TE, DPER NA BDAG GANG YIN PA DE NYID BDAG GI BRAN 'DI YIN NO ZHES BYA BA BZHIN NO PHAN 'DOGS PA LA BDAG NYE BAR 'DOGS PA YIN YANG BDAG TU 'DZIN PA NI MA YIN NO, ,LUS LA DMIGS PA YIN NA CI'I PHYIR PHA ROL GYI LUS LA DMIGS PA YANG MA YIN, 'BREL PA MED PA'I PHYIR TE, 'DI NI LUS SAM SEMS GANG DANG LHAN CIG 'BREL PA DE KHO NA LA BDAG TU 'DZIN PA 'DI 'BYUNG GI GZHAN LA NI MA YIN TE, 'KHOR BA THOG MA MED PA NAS DE LTAR GOMS PA'I PHYIR RO, , 'BREL PA YANG GANG ZHIG YIN, RGYU DANG 'BRAS BU'I DNGOS PO'I 'BRAS BU YIN NO, ,GAL TE BDAG MED PA NA BDAG TU 'DZIN PA NI SU'I YIN, 'DI NI DRUG PA 'DI'I DON JI LTA BU YIN ZHES BYA BA NAS DE NI DRAN PA'I RGYU GANG YIN PA DE KHO NA YIN NO ZHES BYA BA'I BAR DE NYID 'ONGS PA YIN NO, ,'DI'I RGYU GANG ZHIG YIN ZHEN, SNGON BDAG TU 'DZIN PAS YONGS SU BSGOS BA RANG GI RGYUD KYI YUL CAN MA RIG PA DANG BCAS PA'I SEMS YIN NO, ,BDAG MED NA BDE BA'AM SDUG BSNGAL BA SU ZHIG YIN, RTEN GANG BDE BA'AM SDUG BSNGAL BA 'BYUNG BA STE, DPER NA SHING LJON BA ME TOG CHAGS SO, ,NAGS TSAL 'BRAS BU CHAGS SO ZHES BYA BA LTA BU'O, ,'DI GNYIS KYI RTEN GANG ZHE NA, SKYE MCHED DRUG YIN TE, JI LTAR YIN PA DE LTAR NI BSHAD ZIN TO, ,BDAG MED NA LAS RNAMS KYI BYED PA PO NI GANG YIN, 'BRAS BU RNAMS KYI ZA BA PO GANG YIN, BYED PA PO ZHES BYA BA'AM, ZA BA PO ZHES BYA BA'I TSIG GI DON JI LTA BU BYED PAS NA BYED PA PO YIN LA, ZA BAS NA ZA BA PO YIN NO, ,RNAM GRANGS SMRAS SU ZIN @94A *, ,GYI DON NI MA YIN NO, ,MTSAN NYID RNAMS NI BYED PA PO'I MTSAN NYID RANG DBANG CAN NI BYED PA PO YIN NO ZHES ZER NA, 'JIG RTEN NA 'BRAS BU 'GA' LA YANG LA LA ZHIG RANG DBANG YOD PA LTA BU MTHONG DAM, MTHONG STE KHRUS DANG ZA BA DANG 'GRO BA LA SOGS PA LA LHAS BYIN LTA BU'O, ,KHYOD LHAS BYIN GANG ZHIG DPER BRJOD, GAL TE BDAG YIN NO ZHE NA NI DE NYID BSGRUB PAR BYA BA YIN NO, ,'O NA TE PHUNG PO LDA YIN NO ZHE NA NI DE NYID BYED PA PO YIN TE, LAS 'DI NI RNAM PA GSUM STE, LUS DANG NAG DANG YID KYI LAS SO ,DE LA RE ZHIG LUS DANG NGAG GI LAS LA SEMS KYI GZHAN GYI DBANG GIS 'JUG GO , ,SEMS KYANG LUS DANG NGAG LA RANG GI RGYU'I GZHAN GYI DBANG GIS 'JUG GO , ,DE YANG DE DANG 'DRA BAS GANG LA YANG RANG DBANG MED DE, DNGOS PO THAMS CAD NI RKYEN GYI GZHAN GYI DBANG GIS 'JUG GO , ,BDAG KYANG LTOS PA MED PAR RGYU NYID DU KHAS MI LEN PA'I PHYIR RO, ,RANG DBANG CAN DU MI 'GRUB BO, ,DE LTA BAS NA DE LTA BU'I MTSAN NYID KYI BYED PA PO NI 'GA' YANG MI DMIGS SO, ,GANG ZHIG GANG GI RGYU'I GTZO BO YIN BA DE NI DE'I BYED PA PO ZHES BYA NA BDAG NI GANG LA YANG RGYU YIN PAR MI SNANG STE, DE LTA BAS NA DE NI DE LTA BUR YANG BYED PA POR MI RUNG NGO, ,DRAN PA LAS NI 'DUN PA SKYE'O, ,'DUN PA LAS NI RTOG PA SKYE'O, ,RNAM PAR RTOG PA LAS NI RAB TU 'BAD PA'O, ,RAB TU 'BAD BA LAS NI RLUNG NGO, ,DE LAS NI LAS 'BYUNG NA 'DI LA BDAG CI ZHIG BYED, 'BRAS BU LA YANG GANG LA BDAG MED NA BA BA POR BRTAGS PA'I NYE BAR SPYOD PA DE GANG ZHIG YIN, GAL TE DMIGS PA YIN NO ZHE NA, DMIGS PA LA BDAG GI NUS PA MED DE, RNAM PAR SHES PA LA NUS PA BKAG PA'I PHYIR RO, ,BDAG MED NA CI'I PHYIR SEMS CAN GYI RTEN MA YIN PA LA YANG SDIG PA DANG BSOD RNAMS NYE BAR STZOGS PAR MI 'GYUR, TSOR PA'I RTEN MA YIN PA'I PHYIR TE, DE'I RTEN NI SKYE MCHED DRUG YIN GYI BDAG MA YIN NO, ,JI LTAR YIN PA DE LTAR NI BSHAD ZIN TO, ,BDAG MED NA JI LTAR NA LAS ZHIG ZIN PA LAS TSE PHYIM LA 'BRAS BU 'BYUNG, BDAG YOD NA YANG JI LTAR NA LAS ZHIG ZIN PA LAS TSO PHYI MA LA 'BRAS BU 'BYUNG, DE LA BRTEN PA'I CHOS DANG CHOS MA YIN PA LAS 'BYUNG NGO, ,TSIG GI LUGS 'DI NI DPER NA GANG GI RTEN GANG YIN PA LTA BU ZHES LAN BTAB ZIN TO, ,DE LTA BAS NA CHOS DANG CHOS MA YIN BA RTEN MED PA KHO NA LAS 'BYUNG NGO, ,KHO BO CAG KYANG LAS ZHIG ZIN PA LA TSE PHYI MA LA 'BRAS BU 'BYUNG BAR MI SMRA'O, ,'O NA JI LTA BU ZHE NA, DE'I RGYUD @94B YONGS SU 'GYUR BA'I KHYAD PAR LAS TE, SA BON DANG 'BRAS BU BZHIN NO, ,DPER NA SA BON LAS 'BRAS BU 'BYUNG BA ZHES BYA BA DE NI ZHIG PA LAS 'BYUNG BA YANG MA YIN LA MJUG THOGS KHO NAR 'BYUNG BA YANG MA YIN NO, ,'O NA CI ZHE NA, RGYUD YONGS SU 'GYUR BA'I KHYAD PAR LAS TE, MYU GU DANG SDONG BU DANG, 'DAB MA LA SOGS PA ME TOG LA THUG PA RIM PA RDZOGS PA LAS 'BYUNG BA BZHIN NO, ,DE NI ME TOG LAS GRUB PA YIN NA CI'I PHYIR SA BON DE'I 'BRAS BU ZHES BYA ZHE NA, DES BRGYUD PAS ME TOG LA DE'I NUS PA BSKYED PAS SO, ,GAL TE SA BON DE SNGON DU 'GRO BAR MA GYUR NA 'BRAS BU DE 'DRA BA SKYED PA LA DE'I NUS PA YOD PAR MI 'GYUR RO, ,DE BZHIN DU LAS LAS 'BRAS BU 'BYUNG NGO, , ZHES BYA BA DE YANG LAS ZHIG PA LAS KYANG MI 'BYUNG LA, MJUG THOGS SU YANG MA YIN NO, ,'ON JI LTA BU ZHE NA, RGYUD YONGS SU 'GYUR BA'I KHYAD PAR LAS SO, ,RGYUD NI CI YIN, YONGS SU 'GYUR BA NI CI YIN, KHYAD PAR NI CI YIN ZHE NA, LAS SNGON DU 'GRO BA'I SEMS PHYIR ZHING 'BYUNG BA GANG YIN BA DE NI RGYUD YIN NO, ,DE GZHAN DANG GZHAN DU SKYE BA NI YONGS SU 'GYUR BA YIN NO, ,DE'I MJUG THOGS SU 'BRAS BU SKYED NUS PA GANG YIN PA DE NI YONGS SU 'GYUR BA GZHAN LAS KHYAD PAR DU 'PHAGS PA'I PHYIR YONGS SU 'GYUR BA'I KHYAD PAR YIN TE, DPER NA YANG SRID PA'I NYE BAR LEN PA DANG BCAS PA'I 'CHI BA'I SEMS LTA BU'O, ,LAS RNAM PA SNA TSOGS PA SNGON DU 'GRO BA NYID YIN YANG LAS GANG LCI BA 'AM, NYE BA 'AM, GOMS PA YIN PA DES BYAS PA'I NUS PA BSAL BAR BYED KYI GZHAN GYIS NI MA YIN TE, JI SKAD DU, LAS KYI 'KHOR BA LCI GANG DANG, NYE BA GAANG DANG GOMS PA GANG, ,SNGON BYAS GANG YIN DE LAS NI, ,SNGA MA SNGA MA RNAM SMIN 'GYUR, ,ZHES BSHAD PA LTA BU'O, ,DE LA RNAM PAR SMIN PA'I RGYUS BSKYED PA RNAM PAR SMIN PA'I 'BRAS BU BSKYED PA'I NUS PA NI RNAM PAR SMIN PA BSKYED NAS LDOG GO , ,SKAL PA MNYAM PA'I RGYUS BSKYED PA RGYU MTHUN PA'I 'BRAS BU BSKYED PA'I NUS PA NI NYON MONGS PA CAN RNAMS KYI NI GNYEN PO SKYES NAS LDOG GO , ,NYON MONGS PA CAN MA YIN PA RNAMS KYI NI SEMS KYI RGYUN GTAN DU LOG PA STE, GANG GI TSE YONGS SU MYA NGAN LAS 'DAS PA NA'O, ,YANG CI'I PHYIR SA BON GYI 'BRAS BU BZHIN DU RNAM PAR SMIN PA GZHAN MI SKYE NA, RE ZHIG THAMS CAD DPE DANG 'DRA BA NI MA YIN NO, ,DE LA YANG 'BRAS BU KHO NA LAS 'BRAS BU GZHAN SKYE BA MA YIN NO, ,'O NA CI ZHE NA, RNAM PAR 'DRUL BA'I KHYAD PAR LAS SKYES PA RNAM PAR 'GYUR @95A *, ,BA'I KHYAD PAR LAS SKYE STE, DE LA 'BYUNG BA'I RNAM PA MYU GU 'GRUB PAR BYED PA YOD PA GANG YIN PA DE NI DE'I SA BON YIN GYI GZHAN NI MA YIN NO, ,'GYUR BA'I MING GIS SAM, 'DRA BA'I PHYIR RGYUN SNGA MA YANG SA BON ZHES BYA'O, ,DE BZHIN DU 'DI LA YANG RNAM PAR SMIN PA DE LAS GAL TE DAM PA DANG DAM PA MA YIN BA'I CHOS NYAN PA LA SOGS PA'I RKYEN LAS SKYES PA DGE BA ZAG PA DANG BCAS PA'AM, MI DGE BA'I SEMS KYI 'GYUR BA SKYE NA DE LAS NI RNAM PAR SMIN PA GZHAN SKYE'I GZHAN DU NI MA YIN PAS 'DI NI MTSUNGS SO, ,YANG NA DE NI 'DI LTAR SHES PAR BYA STE, JI STAR MA DU LUNG GA'I ME TOG RGYA SKYEGS KYI KHU BAS KHA DOG BSGYUR BA LAS 'BRAS BU'I NANG DU RGYUD YONGS SU 'GYUR BA'I KHYAD PAR LAS SKYES PA GE SAR DMAR PO SKYE BAR 'GYUR ZHID DE LAS NI GZHAN MI SKYE BA DE BZHIN DU LAS LAS SKYES PA'I RNAM PAR SMIN PA LAS YANG RNAM PAR SMIN PA GZHAN MI SKYE'O, ,CHE LONG TZAM 'DI NI BDAG GI BLOS RTOGS PAR BYA BA RAB TU BSTAN PA YIN TE, MTHU RNAM PA SNA TSOGS PAS THA DAD PA'I LAS RNAMS KYIS BSGOS PA'I RGYU RNAMS GNAS SKABS 'DIR PHYIN NA 'BRAS BU 'DI LTA BU MNGON PAR 'GRUB PAR 'GYUR RO ZHES BYA BA NI SANGS RGYAS RNAMS KHO NA'I YUL YIN NO, ,YANG SMRAS PA, LAS DANG DE'I BSGOS DE'I 'JUG RNYED, ,DE LAS 'BRAS BU SANGS RGYAS LAS, ,GZHAN GYI RNAM PA THAMS CAD NI, ,NGES PAR RAB TU MI SHES SO, DE LTAR SANGS RGYAS RNAMS KYI GSUNG RAB RIGS PA'I LAM, ,LEGS PAR GSUNGS PA'I DAG PA CHOS NYID 'DI MTHONG NAS, ,MU STEGS LONG BA LTAS NGAN SNA TSOGS GA-YO RNAMS KYI, ,GZHUNG LUGS SPANGS TE LONG BA MA YIN RNAMS 'GRO'O, ,DE BZHIN GA SHEGS PA NYI MA'I GSUNG 'OD KYIS, ,SNANG LDAN MYA NGAN 'DAS GRONG LAM GCIG PA, ,BDAG MOD 'PHAGS PA STONG GIS BGROD PA 'DI, ,PHYE YANG DMAN PA'I MIG GIS MI MTHONG NGO, ,DE LTAR 'DI NI PHYOGS TZAM ZHIG ,RANG GI MTHU YIS RNAM 'PHEL BA'I, ,DUG LA RMA YI PHYOGS BZHIN DU, ,SHIN TU MKHAS PA RNAMS LA BSTAN, ,CHOS MNGON PA'I MDZOD LAS GANG ZAG DGAG PA BSTAN PA ZHES BYA BA MDZOD KYI GNAS DGU PA STE, CHOS MNGON PA'I MDZOD KYI BSHAD PA SLOB DPON SH'AKYA'I DGE SLONG DBYIG GNYEN GYIS MDZAD PA 'DI RDZOGS SO,, ,,RGYA GAR GYI MKHAN PO DZI NA MI TRA DANG, ZHU CHEN GYI LO TZ'A BA BAN DE DPAL BTZEGS KYIS BSGYUR ZHING ZHUS TE GTAN LA PHAB PA,, ,,