*,? ,'DUL BA LUNG BLA MA'I BYE BRAG LUNG ZHU BA'I 'GREL PA BZHUGS, , #, ,GAL TE 'O NA JI LTAR BSNYEN PAR RDZOGS PA'I GNAS SKABS NA SBYOR BAR BYAS PA TZAM GYI DBANG GIS DGE TSUL GYI GNAS SKABS NA SBYOR BA MED PA LTUNG BAR 'GYUR ZHE NA, 'DI LA YANG SMRA BAR BYA STE, BSNYEN PAR RDZOGS PA'I GNAS SKABS NA SBYOR BA BYAS PA'I DBANG GIS DGE TSUL GYI GNAS SKABS NA BDAG GI NGO BOR GYUR PA KHO NAS, DE'I DUS PA'I SBYOR BA MED PA YANG DNGOS GZHI'I KHA NA MA THO BA NYES BYAS ZHES BYA BA 'GRUB PAR 'GYUR RO, ,GAL TE BSNYEN PAR RDZOGS PA'I GNAS SKABS SAM, DGE TSUL GYI GNAS SKABS NAS KHYIM PA NYID KYI GNAS SKABS PAR GYUR NA, CI DE NA YANG 'DI LA LTUNG BA 'BYUNG NGAM ZHE NA DE NI MED DE, 'DI LTAR GANG GI TSE DGE STUL GYI GNAS SKABS NAS, KHYIM PA @232B NYID KYI GNAS SKABS PAR GYUR PA'I TSE, 'DI'I SNGON GYI GNAS SKABS NYAMS PAS BDAG GI NGO BOR GYUR PA YIN NO, ,BDAG GI NGO BOR GYUR NA YANG 'DI LA KHYIM PA'I GNAS SKABS NA LTUNG BA MED PAR 'GYUR RO, ,DE NYID KYI PHYIR BDAG GI NGO BOR GYUR PAS DGE TSUL GYI GNAS SKABS NA LTUNG BA YANG NYES BYAS ZHES BYA BA LA DGE SLONG GI GNAS SKABS KYI SBYOR BA'I DBANG CAN GYI KHA NA MA THOB SLONG BAR SHES PAR BYA'O, ,DE LTAR MA YIN NA DGE SLONG GI GNAS SKABS KYI SBYOR BA'I DBANG CAN GYI KHA NA MA THO BA, DGE TSUL GYI GNAS SKABS NA LTUNG BA YANG NYES BYAS ZHES BYA BAR MI 'GYUR BA ZHIG NA, 'DI LTAR DE NI LTUNG BA LCI BA NYES PA SBOM PO ZHES BYA BA'I SBYOR BA YIN PAS SO, ,DA NI 'DI BRJOD PAR BYA STE, GAL TE KHYIM PA NYID KYI GNAS SKABS KYI SBYOR BA TZAM GYI DBANG GIS DGE TSUL GYI GNAS SKABS NA, DE'I DUS PA'I SBYOR BA MED PAR KHA NA MA THO BA NA SMAD PA NYES BYAS ZHES BYA BA SLONG BAR BRJOD NA DE KHYIM PA'I GNAS SKABS NA KHA NA MA THO BA CI ZHIG TU 'GYUR, DE BZHIN DU DGE TSUL GYI GNAS SKABS KYI SBYOR BA TZAM GYI DBANG GIS, DGE SLONG GI GNAS SKABS NA DE'I DUS PA'I SBYOR BA MED PAR KHA NA MA THO BA LCI BA NYES PA SBOM PO ZHES BYA BA SLONG BAR BRJOD NA, DE DGE TSUL GYI GNAS SKABS NA LTUNG BA CI ZHIG TU 'GYUR, DE BZHIN DU DGE SLONG GI GNAS SKABS NA DE'I DUS PA'I SBYOR BA MED PAR KHA NA MA THO BA LCI BA NYES BYAS ZHES BYA BA SLONG BAR BRJOD NA SBYOR BA NI LTUNG BA CIR 'GYUR ZHE NA, 'DI LA KHA CIG NA RE RE ZHIG KHYIM PA NYID KYI GNAS SKABS NA SBYOR BA BYED PA LA NI LTUNG BA SLONG BA MI SRID DE, 'DI LTAR KHYIM PA RNAMS LA LTUNG BA RNAM PAR GZHAG PA MED PA'I PHYIR DANG, KHYIM PA LA BSOD NAMS MA YIN PA MANG PO SKYEB 'BA' ZHIG TU ZAD DO ZHES GSUNGS PA'I PHYIR RO, ,DGE TSUL GYI GNAS SKABS NA SHIN TU SMAD PA NYES BYAS SU SHES PAR BYA STE, 'DI LTAR GANG LA NYES BYAS NA SMAD PA'I SBYOR BA YIN PA'I PHYIR RO,, DGE SLONG GI GNAS SKABS NA YANG SBYOR BA MED NA SBOM PO KHO NAR SHES PAR BYA STE, 'DI LTAR DNGOS GZHIR SBYOR BA YIN PA'I PHYIR RO ZHES ZER RO, ,'DI NI 'DUL BA 'DZIN PA GZHAN DAG MI 'DOD DE, 'DI LTAR GANG LA PHYIS DGE TSUL LA SOGS PA'I GNAS SKABS NA DNGOS GZHI'I KHA NA MA THO BA SNGON @233A *, ,KHYIM PA NYID LA SOGS PA'I GNAS SKABS KYI SBYOR BA'I RGYU CAN RNAM PAR GZHAG PA DANG, DE BZHIN DU PHYI MA DGE TSUL LA SOGS PA'I GNAS SKABS NA SNGA MA DGE SLONG LA SOGS PA'I GNAS SKABS KYI SBYOR BA'I RGYU CAN RNAM PAR GZHAG PA DE, DES SBYOR BA RGYUN CHAD PA'AM SBYOR BA RGYUN MA CHAD PA ZHIG LAS 'GYUR GANG NA, DE LA RE ZHIG GAL TE SBYOR BA CAN BCAD NA, DE LTA NA NI SBYOR BA MED PA'I PHYIR DNGOS GZHI MI SLONG BA KHO NA STE, MA BSAMS PAR BSAD PA LTA BU'O, ,DE SKAD DU YANG BDAG NYID 'CHIR BCUG PA BZLOG PA'I SKABS SU RNAM PAR 'BYED PA LAS, GAL TE DES 'DI SKAD DU TSE DANG LDAN PA KHYOD BDAG NYID GSOD PAR MA BYED CIG ,'CHI BAR MA BYED CIG ,'TSO BA DANG 'BRAL BAR MA BYED CIG CES SMRA BA LAS CI STE DE BDAG NYID GSOD PAR BYED 'CHI BAR BYED, BDAG NYID SROG DANG BRAL BAR BYED NA SNGON GYI SBYOR BA DE NYID KYIS 'CHIR 'JUG PA DE LA NYES PA SBOM POR 'GYUR RO ZHES GSUNGS SO, ,'ON TE SBYOR BA RGYUN MA BCAD NA DE LTA NA SBYOR BA YOD PA'I PHYIR DANG, BSAMS PA'I 'BRAS BU YONGS SU RDZOGS PA'I PHYIR DANG, DNGOS GZHI YONGS SU RDZOGS PA KHO NAR 'GYUR NA, JI LTAR NA SMAD PA ZHES BYA, GAL TE DE'I TSE SBYOR BA MED PA'I PHYIR RO ZHE NA, HA CANG THAL BAR 'GYUR TE, DGE SLONG GANG ZHIG GIS DGRA BSAD PA'I PHYIR SBYOR BA BYAS NAS KYANG LO BCU'AM NYI SHU 'DAS NAS DGRA DE SROG DANG BRAL NA, DGE SLONG DE LA DE'I TSE DA LTAR BYUNG BA'I SBYOR BA 'GA' YANG MED PAS DE YANG DNGOS GZHI MED PAR THAL BAR 'GYUR BA ZHIG NA, DE YANG RIGS PA MA YIN TE, SNGON GYI SBYOR BA RGYUN MA BCAD PA'I PHYIR RO, ,JI LTAR 'DI DE'I TSE SBYOR BA RGYUN MA BCAD PA YIN PAR 'DOD PA LTAR, DE'I SBYOR BA YANG DE'I TSE DE DANG 'DRA BAR 'DOD PAR BYA'O, ,DE BZHIN DU GAL TE GNAS SKABS GZHAN NA BYAS PA'I SBYOR BA GNAS SKABS GZHAN NA MED DO ZHE NA, DE LTA NA YANG, HA CANG THAL BAR 'GYUR TE, ,GANG ZHIG GIS DGE SLONG NYID KYI TSE PHAM PA'I LTUNG BA BYUNG NAS KHYIM PA NYID DU 'PHOS NA DE GNAS SKABS GZHAN DU BYAS PA'I PHAM PA'I LTUNG BA MED PAS YANG RAB TU 'BYUNG BA DANG SDOM PA'I ZHING NYID DU THAL BAR 'GYUR RO, ,DE YANG RIGS PA MA YIN TE, DE NI SDOM PA'I ZHING MA @233B YIN PA NYID DANG RJES SU 'BREL PA'I PHYIR RO, ,GZHAN YANG LAS GCIG GIS 'PHANGS PA NYID KYI RIGS MTHUN PA GCIG PA'I PHYIR GZHON NU DANG DAR LA BAB PA DANG RGAN PO NYID LA SOGS PA BZHIN DU GNAS SKABS RNAMS KYI RTEN THA DAD PAR BYED PA MA YIN NA, JI LTAR GNAS SKABS GZHAN NA BYAS PA'I SBYOR BA MED PAR 'GYUR TE, DE LTA BAS NA GNAS SKABS NI GNYIS TE RAB TU BYUNG BA BSNYEN PAR MA RDZOGS PA DANG BSNYEN PAR RDZOGS PA NYID DO, ,DES NA RAB TU BYUNG BA BSNYEN PAR MA RDZOGS PA DGE TSUL GANG ZHIG GIS RKU BA'I PHYIR PHO NYAS RKU BA'I SBYOR BA BYAS NAS BSNYEN PAR RDZOGS PAR BYED PA DE LA DGE SLONG GI DNGOS POR KHAS LEN PA'I DUS NA SBYOR BA RGYUN BCAD PA YIN NO, ,SBYOR BA LAS BYUNG PA'I NYES BYAS DANG MI LDAN PA'O, ,BSNYEN PAR RDZOGS PA DE NA SNGON BYED DU BCUG PA'I PHO NYAS BRKUS PA'I MTSAN NYID KYI BYA BA DE MTHAR PHYIN PAR BYED MOD KYI, 'ON KYANG RTZA BA'I KHA NA MA THO BA SLONG BAR BYED PA NI MI 'GYUR TE SBYOR BA MED PA'I PHYIR RO, ,SBYOR BA LAS BYUNG BA'I NYES BYAS GANG YIN PA DE NI 'DI'I NYES PA SBOM POR 'GYUR TE, PHAM PA'I SBYOR BA NI BSNYEN PAR RDZOGS PA DAG LA NYES PA SBOM POR BSTAN PA'I PHYIR RO, ,DE BZHIN DU BSNYEN PAR RDZOGS PA PHAM PA'I SBYOR BA BYAS NAS SBYOR BA RGYUN BCAD DE, GAL TE DGE TSUL NYID DU 'PHOS NA DE LTA NA DNGOS GZHI SLONG BAR BYED PA'I SBYOR BA LAS BYUNG BA'I NYES PA SBOM PO'O, ,'DI'I NYES BYAS SU 'GYUR TE, BSNYEN PAR MA RDZOGS PA RNAMS LA NI NYES BYAS TZAM DU BSTAN PA'I PHYIR RO, ,DE LTAR NA 'DUL BA 'DZIN PA'I GZHUNG LUGS 'DI GNYIS NI DGE SLONG MA DANG, DGE SLOB MA DANG, DGE TSUL DANG, DGE TSUL MA RNAMS KYIS SBYOR BA'I DBANG GIS GSOD PA LA SOGS PA BDUN TSAN 'CHAD PAR 'GYUR BA DAG LA YANG MTSAN NYID JI LTA BA BZHIN DU RJES SU DPAG PAR BYA'O, ,GZHUNG MANG PO NYID DU 'GYUR BAS BDAG GIS NI RNAM PAR MI BSHAD DO ,SHO GAM ZHES BYA BA NI GSER LA SOGS PA'I DBYIG LA RGYAL PO'I SKAL BA'O, ,NAM MKHA' LAS ZHES BYA BA NI NAM MKHA' LAS GSANG SNGAGS DANG SMAN DANG, MI MA YIN PA MNGAGS PA DANG, SHING LAS 'PHANGS PA LA SOGS PA'O, ,BZLAS NA ZHES BYA BA NI KHYER NA'O, ,DNGOS PO JI LTA BA BZHIN NO ZHES BYA BA LA, DNGOS PO NI MA @234A *, ,SHA KA LNGA LA SOGS PA'I RDZAS SO, ,DES NA MA SHA KA LNGA TSANG NA PHAM PAR 'GYUR BA LA DNGOS PO MA TSANG NA NYES PA SBOM POR ZHES BYA BA'I THA TSIG GO, ,CI STE RDZU 'PHRUL GYIS BZLAS NA ZHES BYA BA LA CI STE ZHES BYA BA'I SGRA NI RNAM PAR RTOG PA'O, ,GZHAN DAG NA RE DRI BA YIN NO ZHES ZER RO, , RDZU 'PHRUL NI NAM MKHA' LA 'GRO BA LA SOGS PA'O, ,DE YANG 'DIR MNGON PAR SHES PA'I RANG BZHIN 'BA' ZHIG TU MA ZAD KYI GSANG SNGAGS DANG SMAN GYIS BYAS PA DANG, LAS LAS SKYES PA YANG YIN PAR SHES PAR BYA'O, ,MNGON PAR SHES PA'I RANG BZHIN GYI RDZU 'PHRUL NI 'DOD CHAGS DANG BRAL BA'I RGYU LAS SKYES PA NYID KYIS RKU SEMS KYIS SNOD MA YIN PA'I PHYIR THAMS CAD LA LTUNG BA MED PA NYID DU GRUB PA KHO NA'O, ,GZHAN DAG NA RE RDZU 'PHRUL SMOS PAS NI 'DIR GTZO BO YIN PA'I PHYIR DANG, BCOS PA MA YIN PA'I PHYIR MNGON PAR SHES PA'I RANG BZHIN KHO NAR GSUNG GI GZHAN DU NI MA YIN NO, ,GSANG SNGAGS DANG, SMAN DANG LAS LAS SKYES PA NI SNGAR PHYIN PA NI KHYER LA YAN LAG GZHAN YOD NA PHAM PAR 'GYUR RO, ,SAR MA PHYIN PA NI YAN LAG GZHAN YOD NA SBOM POR 'GYUR RO, ,DE NYID KYI PHYIR ZHUS PA, GZHAN LAS 'DI SKAD DU, BTZUN PA RE ZHIG DGE SLONG GIS SHO GAM NAS NAM MKHA' LAS ZLO BAR BGYID NA CIR 'GYUR LAG SA, GAL TE RDZU 'PHRUL GYIS ZLO BAR BYED NA NYES PA MED DO, ,'ON TE RNAM PA GZHAN DAG GIS ZLO NA NYES PA SBOM POR 'GYUR RO ZHES 'BYUNG NGO, ,DE LA DON NI 'DI YIN TE GSANG SNGAGS DANG SMAN DANG MI MA YIN PA MNGAGS PA DANG, SHING LAS 'PHANGS PA LA SOGS PA RNAM PA GZHAN THAMS CAD KYIS NI SHO GAM SAR MA PHYIN PAR NAM MKHA' LAS SHO GAM LAS 'DA' BAR BYED PA LAS DGONGS TE GSUNGS PA YIN NO, ,DE LTA MA YIN TE, SAR PHYIN PA BZLAS NA YAN LAG THAMS CAD YOD PAS PHAM PAR THAL BAR 'GYUR BA'I PHYIR SBOM POR MI RUNG NGO, ,KHA CIG LEN PA PO MTSAMS KYIS NA 'DUG PA LA SBOM PO KHO NAR 'GYUR BAR BRJOD DE, 'DI LTAR KHYER PA PO MTSAMS KYI NANG DU GTOGS PA'I SA LA 'DUG PA LA NI SBOM PO KHO NA'O ZHES ZER BA MA YIN NAM DE JI LTA BU ZHE NA, DE NYID LA DRI BAR BYA'O, ,SHUL MA LAGS PA NAS ZHES BYA BAS NI LAM GOL BA NAS SO, 'DIR @234B NI SHO GAM GCAD PAR BYA BA'I RDZAS NI SHO GAM GYI GNAS SU PHYIN PA'I SHO GAM GYI GNAS LAS GLOR BZUNG STE, GLO GANG YIN PA DE LAM MA YIN PA NAS BZLA BA YIN PAR SHES PAR BYA STE, 'DI LTAR SHO GAM GYI GNAS BKOL NAS DE LAS 'DA' BA'I PHYIR RO, ,DE NYID KYI PHYIR GAL TE DE RNAMS KYI SA LAS 'DAS NAS MTHAR 'GYUR RO ZHES BYA BA GSUNGS TE, DE DAG NI SHO GAM PA RNAMS SO, ,SA NI SHO GAM GYI SA'O, ,SA LAS MA 'DAS NA NI NYES PA SBOM POR 'GYUR TE, RKU SEMS NI YOD LA MTSAMS GZHAN DU NI MA BZLAS NA SBOM PO 'DIR 'GYUR RO, ,MTSAMS GZHAN KYANG NGO ZHES 'BYUNG BA'I PHYIR SHO GAM GCAD PAR BYA BA MTSAMS GZHAN LAS MA 'DAS NA NYES PA MED PA NYID DU BSHAD PA MA YIN NAM ZHE NA, RKU SEMS MED PAR SHO GAM MTSAMS GZHAN LAS ZLO BAR MI BYED NA NYES PA MED PA NYID DU BSHAD PA YIN TE 'DIR SHO GAM GYI GNAS SU MA SONG YANG BLA'O SNYAM PA DE LTA BU'I BSAM PAS 'DRAL BA MA YIN PAR SHO GAM GYI GNAS SU PHYIN PA SPONG BA'I BDAG NYID GANG YIN PA NI DE'I RKU SEMS NYID MA YIN PAR SHES PAR BYA STE, RKU BA'I BSAM PA MED PA'I PHYIR RO, ,GANG LA RKU SEMS YOD PA DE LA NI SHO GAM GYI GNAS SU MA ZHUGS NA YAN LAG GCIG MTSANG BA'I PHYIR DANG, YAN LAG LHAG MA YOD PA'I PHYIR SBOM POR 'GYUR GYI MTHAR 'GYUR BA NI MED DO, ,'DIR SHO GAM SMOS PAS SHO GAM DU BCAD PAR BYA BA, RGYAL PO SKAL BAR BLANG BAR 'DOS PA RIN PO CHE LA SOGS PA'I RDZAS ZLO NA LTUNG PAR 'GYUR GYI THAMS CAD NI MA YIN NO ZHES BYA BA DE LTAR SHES PAR BYA'O, ,SHO GAM BCAD PA ZHES BYA BA LA SOGS PA LA SHO GAM BCAD PA NI SHO GAM BCAD PAR 'OS PA STE, JI LTAR GZHAN GYIS RKU NA MTHAR 'GYUR BA DE BZHIN DU RKU SEMS KYIS KHA DANG LKOG MA DAG NAS RKU NA YANG MTHAR 'GYUR BA KHO NA'O SNYAM DU DGONGS PA YIN NO, ,'DI NI KHAR BCUG PA GANG YIN PA DE NI LUS KYI KHONGS SU GTOGS LA TSEM BU'I GSEB TU BCUG PA GANG YIN PA NI GOS DANG 'DRA BA'I PHYIR LA LUS DANG GOS BZLAS PA YANG NYES PA 'GA' YANG MED PAS DE'I PHYIR NYES PA MED PA'AM YANG NAN SMAD PAR 'GYUR RO SNYAM PA BSAL BA'I PHYIR RO, ,KHA DANG LKOG MA DAG NI LTO BA DANG LHAG MA DAG @235A *, ,GI DPE YIN NO, ,TSONG PA NI NYO TSONG GIS 'TSE BA'O, ,TSUR SHOG 'DONG ZHES BYA BA NI SHEG CIG 'DONG NGO ZHES BYA BA YIN NO, ,NYES BYAS SO 'DI LA YANG, 'DI NI SBYOR BAR BYED PA KHO NA STE, 'DI LTAR 'DI NI GZHAN GYI DON TAM CHUD GZHAN PA'I DON DU SBYOR BA YIN GYI RANG GIR BYED PA NI MA YIN PA NYES PA SBOM PO'I SBYOR BAR GYUR PA YIN LA, NYES PA SBOM PO'I SBYOR BA YANG NYES BYAS YIN NO, ,'DIR YANG SHO GAM SAR PHYIN PA ZLO BAR SBYOR NA NI NYES PA YONGS SU RDZOGS PA YIN LA, SAR MA PHYIN NA NYES PA CHUNG NGU YIN NO ZHES BYA BA DE LTAR SHES PAR BYA STE, 'DIR SHO GAM SAR MA PHYIN PAR BRAL NA NI GZHAL BAR BYA BA MA YIN PA'I PHYIR DANG, SHO GAM GYIS LAS 'DAS PA'I YAN LAG MED PA'I PHYIR NYES BYAS SU GYUR LA, NYES BYAS KYI SBYOR BA NI NYES BYAS CHUNG NGUR 'GYUR TE, SBYOR BA LA NI THAMS CAD DU NYES BYAS SO ZHES 'BYUNG BA'I PHYIR RO, ,NYES BYAS SU 'GYUR BA NI TSIG DUR GYIS SO, ,DON NI 'DI YIN TE, GANG LA LA ZHIG MI MNGON PA'AM, LAM GZHAN 'DI NAS 'GRO BA DES NI SHO GAM GZHAL MI DGOS SO ZHES BYA BA LA SOGS PA LHANGS PO MA YIN PA MI GSAL BAR SMRA BA DE LA NI NA SMAD NYES BYAS SU 'GYUR RO, ,'DI LTAR ZUR GYIS SMRA BA LA ZHUGS PA'I BSAM PA NI HA CANG MI BZAD PA MA YIN PAS DE'I PHYIR DE LTA BU YIN NO, ,SHO GAM DU GTOGS PA NI SHO GAM GCAD PAR BYA BA STE, YIN PA ZHES BYA BA ZHIG KHO NAS DRANG NGO, ,SHO GAM GYI SAR MA PHYIR PAR ZHES BYA BA NI SHO GAM GYI SAR MA SON PAR RO, ,BZLAS NA ZHES BYA BA NI LAM GZHAN NAS SO, ,NYES BYAS SO ZHES BYA BA NI 'DI LA NYAS BYAS 'DI NI SHO GAM GYI GNAS SU MA SON PA'I PHYIR DANG, GZHAN GYI DON YIN PA'I PHYIR NYES PA SBOM PO'I SBYOR BAR 'GYUR BA YIN NA, ,NYES PA SBOM POR 'GYUR RO ZHES BYA BA 'DI LA NI RKU SEMS KYANG YOD LA SAR YANG MA PHYIN NA SBOM POR 'GYUR RO, ,'OG MA LA YANG DE DANG 'DRA BAR SHES PAR BYA STE, 'DI GNYIS KYIS YUL GYI BYE BRAG NI GONG MA LA NI PHYED SBYIN NO, ,'OG MA LA NI THAMS CAD SBYIN NO ZHES BYA BAR ZAD DO, ,LAM GZHAN ZHIG CES BYA BA LA SOGS PA LA NYES BYAS SO ZHES BYA BA 'DI LA NI NYES BYAS CHUNG NGUR SHES PAR BYA STE, SHO GAM DRAL BA'I BSAM PAS BZLOG PA'I @235B PHYIR RAM GZUR TE 'GROR GZHUG PA'I PHYIR LAM GZHAN STON PAS SO, ,RIN THANG BRTZI BAR BYA'O ZHES BYA BA 'DI LA NI RIN THANG BRTZIS TE, DNGOS PO TSANG NA SAR PHYIN PA'I PHYIR DANG, GZHAN GYI DON YIN PA'I PHYIR NYES PA SBOM POR 'GYUR BAR RIG PAR BYA'O, ZHUS PA LA LA LAS CIR 'GYUR LAGS TE NYES PA SBOM POR 'GYUR RO ZHES GSAL BAR 'BYUNG LA, GZHAN LAS KYANG DE DGE SLONG GIS ZLO BAR BYED CING, SHO GAM GYI RDZAS GZHAL BAR BYA BA YANG MA SHA KA LNGA RI BA YIN NA NYES PA SBOM POR 'GYUR RO ZHES GSAL RAB TU 'BYUNG NGO, ,DE'I PHYIR KHYOD LA DBUL LO ZHES BYA BA LA SOGS PA LA RIN THANG BRTZI BAR BYA'O ZHES BYA BA 'DI RIN THANG BRTZIS TE, DNGOS PO TSANG NA RKU SEMS YOD PA'I PHYIR DANG, SAR PHYIN PA'I PHYIR PHAM PAR 'GYUR RO, 'DIR YANG ZHUS PA GZHAN LAS CIR 'GYUR LAGS, SHO GAM GYI RIN THANG BRTZI BAR BYA STE, DNGOS PO TSANG NA PHAM PAR 'GYUR RO, ,DNGOS PO MA TSANG NA NI NYES PA SBOM POR 'GYUR RO ZHES GSAL BAR 'BYUNG STE, DE MA THAG PA GNYI GA YANG DE DANG 'DRA BAR SHES PAR BYA'O, ,CHOS GOS KYI GDANG NI CHOS GOS GZHAG PA'I GZHI'O, ,SNGA MA LA NYES PA SBOM POR 'GYUR RO ZHES BYA BA 'DIR NI, CHE GE MO ZHIG GI CHOS GOS KYI GDANG BRKU BAR BYA'O ZHES GZHAN GYI NOR RKU BA'I PHAM PA'I SBYOR BA LA SBOM PO 'DIR 'GYUR RO, ,PHYI MA LA NI LTUNG BA MED DO ZHES BYA BA NI RANG GI YIN PA'I 'DU SHES KYIS ZHUGS PA'I PHYIR RO, ,PHYI MA LA NYES PA SBOM POR 'GYUR RO ZHES BYA BA 'DI NI RANG GI YIN PA LA SDUS PHYIS CHE GE MO ZHIG GI CHOS GOS KYI GDANG BRKU BAR BYA'O SNYAM PA GZHAN GYI YIN PA'I BLO RKU SEMS NYE BAR GNAS PA'I PHYIR TE, 'DIR DNGOS GZHI BYED PA'I DNGOS PO RANG GI YIN PAS MA BYIN PA NYID KYI MTSAN NYID KYI YAN LAG GCIG MA TSANG BAR 'GYUR RO, ,DE'I PHYIR YAN LAG MA TSANG BAS NYES PA SBOM POR GSUNGS PA LEGS PA YIN NO, ,CHOS GOS KYI GDANG GI RIN THANG BRTZI BAR BYA'O ZHES BYA BA NI, CHOS GOS KYI GDANG SHING RKU BAR 'DOD KYI, CHOS GOS RNAMS NI MA YIN PAS DE'I PHYIR DE DAG BLANGS PA LA LTUNG BA MED DE MA BSAMS PA'I PHYIR RO, ,CHOS GOS KYI GDANG NI RIN THANG BRTZIS TE DNGOS PO TSANG NA PHAM PAR 'GYUR RO, ,GAL TE MA TSANG NA SBOM POR @236A *, ,'GYUR RO, ,SBOM POR 'GYUR RO ZHES BYA BA'I NYES PA SBOM PO 'DI NI SBYOR BAR 'GYUR BA YIN PAR SHES PAR BYA'O, ,GAL TE SO SOR BGOS PA LAS ZHES BYA BA LA SOGS PA NI DE DAG LA NOR MA THOB PA'I SNGON ROL DU 'DI LTAR DE DAG THAMS CAD GCIG LA RKUN MA YIN PAR SHES SEMS PAR GRUB PA'I BLO RNAM PAR MI GNAS PA'I PHYIR RO, ,DE'I PHYIR NOR THOB PA'I DUS NA BRKUS PA LDANG GI SNGON ROL DU NI MA YIN NO ZHES BYA BA'I THA TSIG GO, ,MI STER BAR RKU BA NI SBYIN DGOS PA'I NOR MI STER CID SBYIN PAR MI BYED PA ZHES BYA BA'I THA TSIG GO, ,MTHUS RKU BA NI BTZAN THABS SU 'PHROG PA'O; ,PHYIR SBYIN PA RKU BA NI DU SAR ZHIG PA NYID DU BLANGS NAS RKU BA'I PHYIR TE, 'DI LTAR YANG PHYIR SBYIN PAR BYA BA YIN PAS NA PHYIR SBYIN PA ZHES BYA'O, ,BRNYAN PO YANG PHYIR SBYIN PAR BYA BA YIN TE, DE BAS NA BRNYAN PO KHO NA LA PHYIR SBYIN PA ZHES BYA BA LA DE RKU NA YANG PHYIR RKU BA'O, ,GTAMS PA RKU BA NI BCOL BA RKU BA'I PHYIR RO, ,YONGS SU GTAMS PA RKU BA NI SANGS RGYAS DANG CHOS DANG DGE 'DUN DANG, SLOB DBON DANG, MKHAN PO LA SOGS PA LA YANG DAG PAR GTAMS SHING PHUL BA'I NOR RKU BA'I PHYIR RO, ,GZHAN DAG NA RE YONGS SU BTAGS PA RKU BA KHO NA YIN PAR SHES PAR BYA STE, DE NYID KYI PHYIR, ZHU BA LA LA LAS SLU BAS RKU BA KHO NA 'BYUNG NGO, ,DE BAS NA YONGS SU BTAGS PA RKU BA NI SLU BAS RKU BA KHO NA YIN PAR SHES PAR BYA'I, RKU BA YONGS SU RDZOGS PA NYID DER MI RUNG BA'I PHYIR BTAGS PA TZAM NI MA YIN TE, 'DI LTAR YANG DAG PAR BSAMS TE, MA BYIN NA NYES BYAS SO ZHES BSHAD DO ZHES ZER RO, , GZHAN DAG NI 'DI LA GZHAN DU BRJOD DE GANG GIS PHUL BA DE LA BDAG GI YIN PAR 'DZIN PA MI SKYE'O, ,BDAG GI 'DZIN PA MED PA'I PHYIR YONGS SU MA BZUNG BA NYID YIN NO, ,YONGS SU BZUNG BA NYID MED PA'I PHYIR YAN LAG GCIG MA TSANG NA SBOM POR SHES PAR BYA'I, MTHAR 'GYUR BA NI MA YIN NO ZHE'O, ,CHOS RKU BA NI MDO SDE DANG 'DUL BA DANG, CHOS MNGON PA LA SOGS PA'I CHOS BZUNG BA'I NGO BOR RKU BA'I PHYIR, GANG DAG YONGS SU BTAGS PA'I RKU BA SLU BAS RKU BA NYID DU 'DON PAR BYED PA DE LA DON NI 'DI YIN TE, NYUNG DU BYIN NA MANG PO RKU BA LA SOGS PA'AM, CHO LO RTZE BA LA @236B SOGS PAS SLU BA YIN NO, ,CHOS RKU BA MA GTOGS PA ZHES BYA BA NI BKAR BA STE, 'DI LA NI RKU SEMS MED PA'I PHYIR NYES PA MED PA NYID DO, ,'DI LTAR MDO SDE LA SOGS PA'I CHOS BRI BAR BYA BA'I GLEGS BAM MTHONG NAS 'DRI BA DANG, 'DZIN PA GANG YIN PA DES NI PHA ROL PO LAS CUNG ZAD KYANG GOD PAR MI 'GYUR TE, 'DIR LTAR BRI BAR BYA BA'I GZUGS BRNYAN SO NA 'DUG PA'I PHYIR RO, ,RKU BA NI GOD PA YIN TE DE LTA BAS NA 'DIR DE MA GTOGS SO, ,'O NA GLEGS BAM BRIM PA BRKUS PA LA TSUL JI LTA BU ZHE NA, DE BRKUS NA RIN THANG DANG MTHUN PAR NYES PA SBOM PO LA SOGS PA'I LTUNG BAR 'GYUR BAR SHES PAR BYA'O, ,K'ARsh'A PA nA NI ZONG GI KHYAD PAR TE, DNGUL LAS BYAS PA GZUGS DOD PA BTZONG DU RUNG BA YIN NO, ,MA SHA KA GSUM GYIS KHUGS PA NI BZHI CHA'I CHA BRTZIS NA MA SHA KA GSUM GYIS PHAM PAR 'GYUR NA K'ARsh'A PA nA GCIG LA MA SHA KA BCU GNYIS RI BA'I PHYIR RO, ,MA SHA KA BCUM KHUGS PA'I NI BZHI CHA'I CHA BRTZIS NA 'DI'I TSAD SHOG BU 'OG MA 'DI YIN NO ZHES BYA BA'I DON TE, 'DI NI BDAG GIR YONGS SU 'DZIN PA MED PA'I PHYIR RO, ,NI ZHES BYA BA'I SGRA NI YANG GI DON DAM KHYAD PAR YIN TE, RKU SEMS NI YAN LAG GI GTZO BO YIN PA'I PHYIR RO, ,NAN KA NI K'ARsh'A PA nA NYID DO, ,DE BAS NA MA SHA KA NYI SHU RI BA'I K'ARsh'A PA nA'I THA TSIG GO, ,LHAG MA NI SNGA MA NYID BZHIN NO, ,BOR BAR 'DU SHES PA NI YONGS SU BOR BAR 'DU SHES PA'O, ,YONGS SU MA BZUNG BAR 'DU SHES PA ZHES BYA BA'I THA TSIG GO, ,'DI NI RKU SEMS MED PA'I PHYIR RO, ,GAL TE RE RE NAS ZHES BYA BA LA SOGS PA NI SBYOR BA THA DAD PA'I PHYIR DNGOS GZHI MED PA'I SBYOR BA LA NI SBOM PO KHO NA'O ZHES BYA BA'I DON TO, ,'DI LAN GNYIS SU BRJOD PA NI ZLOS PA YIN NO, ,YO BYAD CHEN PO NI MA SHA KA LNGA LA SOGS PA RI BA'I TSAD KYI RDZAS TE, 'DIR 'TSO BA LEGS PAR BYED CING SKYONG BAR BYED PAS SO, ,SBED PA NI 'JOG PAR BYED PA'O, , NYES PA SBOM POR 'GYUR RO ZHES BYA BA 'DI LA NI RANG GI YIN PA LAS PHYIS RKU SEMS NYE BAR GNAS PA'I PHYIR DE YIN NO, ,RKU SEMS KYIS BLANGS LA ZHES BYA BA LA SOGS PAS SBOM POR BRJOD PA NOM PAR GTOGS PA YIN PAR SHES PAR BYA'I GNAS NAS SPAGS PA LAS NI MA YIN TE, GNAS NAS @237A *, ,SPAGS PAS NI MTHAR 'GYUR BA BSHAD PAS SBOM POR RJOD PA 'GAL BA DANG LDAN PAR 'GYUR RO, ,SOM NYI NI RANG GI NGO BO MA RTOGS PA'I PHYIR RO, ,THE TSOM NI KHYAD PAR MA RTOGS PA'I PHYIR RO, ,YANG NA SOM NYI NI BDAG GI RANG GI NGO BO'I SGO NAS SHES KYANG CI RUNG SNYAM PA DE LTA BU MA NGES PA'I YID KYIS MNGON PAR BRJOD PA 'BYUNG BA'I PHYI RO, ,THE TSOM NI JI YO BYAD 'DI KHO NA YIN NAM GZHAN ZHIG YIN NAM SNYAM PA'I THE TSOM SKYE BA'I PHYIR RO, ,JI LTAR SOM NYI ZA ZHE NA, DE 'DI 'DI YIN NAM ZHES BYA BA LA SOGS PA GSUNGS TE, MCHOD SBYIN LA SOGS PA DE'I 'O, ,'DI DA YIN NAM ZHES BYA BA NI YO BYAD DO, ,NUB KYI BA LANG SPYOD NI RI RAB LA LTOS NA NUB YIN PA'I PHYIR DANG, DE NA YANG NYO TSONG GI THA SNYAD RNAMS LA BA LANG DAG GIS SBYIN PA'I PHYIR DANG NGO, ,SHAR GYI LUS 'PHAG SA NI RI RAB LA LTOS NA SHAR YIN PA'I PHYIR DANG, MI LUS 'PHAGS PA DANG GNAS PA'I PHYIR RO, ,BYANG GI SGRA MI SNYAN NI RI RAB LA LTOS NA BYANG YIN PA'I PHYIR DANG, SGRA MI SNYAN PA DAG GNAS PA'I PHYIR RO, ,NYE BA 'KHOR DE NA NI ZHES BYA BA LA SOGS PA LA NI ZHES BYA BA'I SGRA NA GANG POR GSUNGS PA NI MI'I YIN PA'I PHYIR DANG, MI MA YIN PAR 'DU SHES PA ZHUGS PA'I PHYIR TE, SBYOR BAR GTOGS PA KHO NA YIN NO, ,MI'I LA MI'IR 'DU SHES PA LA MTHAR 'GYUR BAR BRJOD PA NI MI'I YIN PA'I PHYIR DANG, MI'I 'DU SHES KYIS KYANG ZHUGS PA'I PHYIR TE, 'DU SHES GZHAN GYI DON LA ZHUGS PA LA NI DNGOS GZHI'O, ,GZHAN NYID LA DE'I MA YIN ZHES 'BYUNG BA'I PHYIR RO, ,MCHOD RTEN DANG MCHOD RTEN GYI GNAS ZHES BYA BA LA SOGS PA LA, MCHOD RTEN GYI GNAS NI CHOS KYI SKU STE, DE BZHIN GSHEGS PA'I CHOS KYI SKU'I BDAG NYID DRAN PA NYE BAR GZHAG PA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, MKHYEN PA DANG, STOBS DANG, MA 'DRES PA'I NYE BAR GZHAG PA DANG, MI 'JIGS PA DANG THUGS RJE CHEN PO LA SOGS PA'I YON TAN RNAMS KYI GZUGS BRNYAN NYID DU BSLANG BA'I PHYIR RO, ,DE NYID GNAS YIN TE, BSOD NAMS MTHA' YAS PA 'DU PA'I SGO 'BYED CING RGYAS PAR BYED PA'I PHYIR RO, ,MCHOD RTEN GYI GNAS NI GZUGS KYI SKU STE, STOBS DANG MI 'JIGS PA LA SOGS PA'I YON TAN GYI GZHI'O ZHES BYA @237B BA'I THA TSIG GO, ,DE NGAG BSAGS SHING BSDU BAR BZANG BAS NA BSAGS PA'O, ,MCHOD RTEN 'DI NI BSAGS PA DE DAG GI GZUGS BRNYAN TE, CHOS KYI SKU'I GZUGS BRNYAN NO ZHES BYA BA'I THA TSIG GO, ,YANG NA GNAS ZHES BYA BA'I SGRA NI LOGS SHIG TU LHA GZHAN LA SOGS PA'I YIN PAR BYA STE, DES NA MCHOD RTEN DANG MCHOD RTEN GYI GNAS LAS ZHES DON DE LTA BU KHONG DU CHUD PAR BYA'O, ,GZHAN DAG NI MCHOD RTEN ZHES BYA BA'I SGRA MI 'DON TE, MCHOD RTEN NI MCHED RTEN DANG DON GCIG PA'I PHYIR RO, ,GNAS SMOS PAS NI LHA GZHAN DAG GIS BZUNG NGO, ,DES NA MCHOD RTEN DANG GNAS LAS ZHES BYA BA DON 'DIR 'GYUR RO, ,GZHAN DAG NA RE MCHOD RTEN NYID GNAS YIN TE, DE LAS SO ZHES ZER RO, ,GZHAN DAG NI MCHOD RTEN DANG MCHOD RTEN GYI 'KHOR SA LAS ZHES 'DON TE DE LA DON NI 'DI YIN TE, MCHOD RTEN DANG MCHOD RTEN DAG GI 'KHOR SA NYES SPYOD GANG YIN PA DE LAS SO ZHES BYA BA'I THA TSIG GO, ,RGYAN NI MGUL RGYAN DANG GDU BU RGYAN CAN DANG DPUNG RGYAN LA SOGS PA STE, 'DI NI BDAG PO YONGS SU GYUR PAR MI'I 'GRO BA PAS YONGS SU GZUNG BA MED PA'I PHYIR RO, ,SKU GDUNG DAG NI NUS PA DAG GO, ,MTHAR 'GYUR RO ZHES BYA BA 'DI NI, SANGS RGYAS KYI SKU GDUNG NI RUS PA'I RANG BZHIN YIN PA'I PHYIR RO, ,RIN CHUD STE DE BRKUS NA SGOM POR 'GYUR RO SNYAM DU SEMS PAR GYUR PA DE BZLOG PA'I PHYIR RO, ,BKUR STI BYA BA NI MCHOD PAR BYA BA STE, MCHOD PA'I PHYIR DON DU BRKUS PA'I PHYIR DE LA MCHOD PA'I DON DU GNYER BA LA BDAG GIR BYA BA'I BLO YANG MI 'BYUNG BA LA, STON PA GCIG PA NYID KYIS THUN MONG YIN PA'I PHYIR GZHAN GYI YIN PA'I BLO YANG MI 'BYUNG PAS 'DI GSUNGS SO, ,DE LA 'DI NI GNAS GANG DU DES STON PA'I SKU GDUNG BRKUS PA'I GNAS DE NA 'JIG RTEN THAMS CAD LA GRAGS PAS THANG BCAD PAR 'GYUR BA GANG YIN BA BRKUS PA'I DUS DE NA THANG DU BYAS PA GANG YIN PA'I RIN THANG CHAD PA DES 'DIR PHAM PA LA SOGS PA'I LTUNG BA SLONG BAR RIG PAR BYA'I GANG ZAG GCIG GAM MANG PA 'GA' ZHIG LA SLU BA POS SLU BA'I PHYIR RAM, GANG ZAG GCIG GIS DU MA LA MKHO BAR GYUR PAR SHES NAS SNGON CHAD KYI RIN THANG YONGS SU BOR TE CHUNG NGU DANG CHEN POR THANG CHOD PAR BYED PA GANG YIN PA DE NI KHYAD PAR BYED PA MA YIN PA NYID KYIS THA SNYAD DU BYA BA @238A *, ,MA YIN PA'I PHYIR RO ZHES BYA BA DE LTAR SHES PAR BYA'O, ,GLEGS BAM NI BSTAN BCOS KYI SNOD DO, ,RIN ZANG BRTZI BAR BYA'O ZHAS BYA BA LA RIN THANG BRTZI BA'I DNGOS PO NI MA SHA KA LNGAR TSANG NA NGES 'DIS PHAM PAR 'GYUR LA, CI STE MA TSANG NA NI SBOM POR 'GYUR RO SNYAM PA 'DI YIN NO, ,PHYOGS BZHI'I DGE 'DUN GYI ZHES BYA BA LA SOGS PA NI TSAD RNAM PAR 'CHAD PA'I DGE 'DUN NA MNGA' BA YANG DGE 'DUN GYI YIN PAS, DE'I PHYIR PHYOGS BZHI'I ZHES BYA BA SMOS TE PHYOGS BZHI'I DGE 'DUN DU GTOGS PA'I GANG ZAG 'DAS PA DANG MA 'ONGS PA DANG DA LTAR BYUNG BA MTHA' YAS PA RNAMS 'DI'I BDAG PO YIN LA; BDAG PO MTHA' YAS PA RNAMS KYI SO SO'I BGO SKAL YANG NAM YANG CHAD PA NYID DU MI RUNG BAS, MA SHA KA LNGA LA SOGS PA NYID DU YAN LAG GCIG MED PA'I PHYIR 'DIR SHES PAR BYA'O, ,GANG ZAG MANG PO NI GSUM LA SOGS PA'O, ,YONGS SU BRTAGS PA MA BRTZAL BAR ZHES BYA BA LA SOGS PA NI GANG DAG GI GZHUNG LUGS KYIS YONGS SU BRTAGS PA'I SLU BA KHO NA YIN PA DE DAG GI LTAR NA 'DI LA MTHAR 'GYUR RO, ,GANG DAG GI LTAR NA YONGS SU BRTAGS PA KUN DU RTOG PA TZAM KHO NA YIN PA DE DAG GI LTAR NA NYES BYAS SO, ,GANG DAG GI GZHUNG LUGS KUN DU BRTAGS PA ZHES BYA BA PHUL BA NYID YIN PA DE DAG GI LTAR NA YANG DE LA BDAG GIR BYED PA MED PA'I PHYIR SBOM POR 'GYUR RO, ,GZHAN DAG NA RE KUN DU BRTAGS PA RKU BA LA LTUNG BA GONG DU BSTAN ZIN PAS YANG SMOS PA DON MED DE, DE LTA BAS NA YONGS SU BRTAGS PA RKU BA LA NI NYES BYAS SU BRJOD PAR BYA'O ZHES ZER TE, 'DI NI YONGS SU BRTAGS PA TZAM PA YIN PA'I PHYIR DE LTAR SHES PAR BYA'O, ,BRGYUD PA NI GCIG NAS GCIG TU STE, PHO NYA DANG PHO NYA LA SOGS BA LONG LA BRTAGS PAR SHES PAR BYA BA'I THA TSIG GO, ,RIN THANG ZHES BYA BA LA SOGS PA NI DNGOS PO TSANG NA MTHAR 'GYUR LA, GAL TE MA TSANG NA SBOM PO ZHES BYA BA'I DON TO, , 'DI NI MNGON SUM KHO NAS BRKUS NA DNGOS GZHIR 'GYUR GYI BRGYUD PAS NI MA YIN NO SNYAM DU SEMS PA BZLOG PA'I PHYIR RO, ,GZHAN GYIR 'DU SHES PA NI MI'I NOR YIN PA LA MI'I MA YIN PAR 'DU SHES PA'O, ,YONGS SU GZUNG BA NI BDAG GIS BYAS PA'O, ,YONGS SU MI BZUNG BA NI BDAG GIR MA @238B BYAS BA'O, ,MIS YONGS SU BZUNG BA LA YONGS SU GZUNG BAR 'DU SHES PAS BRKUS PA NI MTHAR 'GYUR RO, ,YONGS SU BZUNG BA'I PHYIR DANG, DAR 'DU SHES PA'I PHYIR RO, ,YONGS SU BZUNG BA LA YONGS SU MA BZUNG BAR 'DU SHES PAS NI LTUNG BA MED DE, YONGS SU MA BZUNG BA'I 'DU SHES YOD PA'I PHYIR RO; ,LTUNG BA MED PA NI MTHA' LA SOGS PA'I LTUNG BAR MI 'GYUR RO ZHES BYA BA'I THA TSIG GO, ,YONGS SU BZUNG BA LA YONGS SU BZUNG BAR 'DU SHES PAS NI SBOM POR 'GYUR TE, YONGS SU BZUNG BA'I 'DU SHES YOD PA'I PHYIR RO, ,YONGS SU MA BZUNG BA LA YONGS SU MA BZUNG BAR 'DU SHES PAS NI LTUNG BA MED DE; YONGS SU MA BZUNG BA'I PHYIR DANG, DER 'DU SHES PA'I PHYIR RO ZHES BYA BA'I THA TSIG GO, ,GNAS GANG DU GZHAG PAR GYUR PA ZHES BYA BA LA SOGS PA LA, GAL TE 'DIR RDZAS GNAS LAS PHRAL BA MED NA JI LTAR RKU BA YIN ZHE NA, DE NI MA YIN TE, RE ZHIG RKU BA SLONG BA 'DI LA NI 'BRAL BAR 'GYUR BA RGYU'O, , GTZO BO YIN LA GNAS DANG BCAS TE BRKUS NA YANG NOR GYI BDAG PO RDZAS DANG BRAL BA NYID DU 'GYUR BA KHO NA STE, DE'I PHYIR 'DI GSUNGS SO, ,MI DBANG BA MI 'THOB PA'O, ,NYES PA SBOM POR 'GYUR BA'I NYES BYAS LA SOGS PA LA NI RKU SEMS NYE BAR GNAS PA TZAM GYI PHYIR RO, ,GRUB NAS NI ZHES BYA BA LA SOGS PA NI RNYED PA GRUB NAS NI MA BYIN PA ZHES BYA BA'I YAN LAG MED PA'I PHYIR DNGOS PO TSANG NA SBOM POR 'GYUR LA, GAL TE MA TSANG NA NYES BYAS SO ZHES BYA BA'I THA TSIG GO, ,SBYOR BA BYAS NAS ZHES BYA BA NI BYED DU BCUG NAS SO, ,ZHUGS NAS SBYOR BA BYED NA ZHES BYA BA NI KHANG PA'I NANG DU SONG NAS, PHO NYA PHYI ROL NA 'DUG PA LA SBYOR BA BYED PA STE, 'DIS NI SBYOR BA'I DBANG GIS KYANG MTHAR 'GYUR BA KHO NA'O ZHES BYA BA 'DI BSTAN PA YIN NO, ,MA BYIN PAR LEN BA'I RNAM PA GZHAN DAG KYANG ZHUS PA LAS 'BYUNG STE, DE DAG KYANG 'DUL BA 'DZIN PA THAMS CAD KYIS GOMS PAR BYAS PA DAG DANG MI 'GAL PA YANG YIN TE, YUN RINGS PA DANG, DGE SLONG RNAMS KYI BLO NYAM CHUNG BA DANG, MNGON PAR BRTZON PA MED PA DANG, 'DUL BA MA GUS PA DANG, 'PHRAL GYI BYA BAS G-YENGS PA DANG, LE LOR GYUR PA DANG, YI GE PA NGAN PA RNAMS KYIS RANG DGAR YI GE BRIS PA'I PHYIR NYAMS PA 'BA' ZHIG TU ZAD PAS DE DAG @239A *, ,'DIR NYAN PA PO RNAMS KYI BLO SKYED DU DBYUNG BA'I PHYIR DANG, GZHUNG SIL BU'I TSIG NYID DU 'DU BA'I PHYIR DANG, PHYOGS GZHAN NAS GZHUNG MTHONG NAS 'ON TE 'DI GZHUNG YIN NAM 'ON TE MA YIN ZHIG GU SNYAM DU TSANGS PA MTSUNGS PAR SPYOD PA RNAMS THE TSOM ZA BA ZLOG PA'I PHYIR DANG, SNGAR BSHAD PA'I DON DNGOS SU GSAL BAR BYA BA'I CHED DU BSTAN PAR BYA ZHING BSHAD PAR YANG BYA STE SKABS MA YIN PAR BRJOD PAR GTOGS PA'I NYES PAR NI BSAM PAR MI BYA'O, ,'OG NAS 'BYUNG BA'I GZHUNG LA YANG CI RIGS PAR BSDU BA LA LUGS NI 'DI KHO NA YIN NO, ,DGE SLONG GIS DGE SLONG ZHIG LA 'DI SKAD CES KHYOD KYIS DGE SLONG CHE GE MO ZHIG GI YO BYAD DE DANG DE SHES SAM ZHES SMRAS PA LAS, DES 'DI SKAD CES SHES SO ZHES SMRAS PA DANG, SONG LA DE 'ON CIG DE RKUS SHIG DE GNAS NAS SPOS SHIG CES BGYIS PA LAS GAL TE DES RKU SEMS KYIS LEN PAR BGYID, RKU BAR BGYID GNAS NAS SPAGS PAR BGYID NA CIR 'GYUR LAGS, RTZIS MGO 'DRA BAR 'GYUR RO, ,GAL TE 'DI SNYAM DU 'DI NI DE'I YIN NO SNYAM DU SEMS NA LEN PA LA LTUNG BA MED DO, ,RKUR 'JUG PA GANG YIN PA DE LA NI DNGOS PO JI LTA BA BZHIN DU 'GYUR RO, ,BTZUN PA MI RNAMS KYI CHOS GOS KYI GTUR BU DANG, CHOS GOS KYI SNOD DNAG, CHOS GOS KYI ZA MA TOG DANG, GDANG LA GZHAG PAR GYUR PA DE DGE SLONG GIS RKU SEMS KYS GANG 'DOD PA DE BRKU'O ZHES 'DAM PAR BGYID NA CIR 'GYUR LAGS, NYES PA SBOM POR 'GYUR RO, ,GANG 'DOD PA DE BRKUS NAS NI RIN THANG BRTZI BAR BYAS TE, DNGOS PO TSANG NA MTHAR 'GYUR RO, , DNGOS PO MA TSANG NA NI NYES BA SBOM POR 'GYUR RO, ,GDANG DANG BCAS TE BRKUS NA CIR 'GYUR, NYES PA SBOR BOR 'GYUR RO, ,GAD GI TSE MTHAR 'GYUR LAGS, GANG LAS PHOG PAR GYUR PA NA'O, ,GDANG LAS PHOG NAS RIN THANG BRTZI BAR BYA STE, DNGOS PO TSANG NA MTHAR 'GYUR RO, ,DNGOS PO MA TSANG NA NI NYES PA SBOM POR 'GYUR RO, ,BTZUN PA RE ZHIG DGE SLONG GIS BANG BA PHUG NAS 'BRU BRKUS NA CIR 'GYUR LAGS, GAL TE SBYOR BA GCIG GIS BRKUS NA DE'I RIN THANG BRTZI BAR BYA STE, DNGOS PO MA TSANG NA NYES PA SBOM POR 'GYUR RO, ,BTZUN PA DGE SLONG DAG GIS 'BRAS BU DAG SPRUGS SHING BRDABS NAS BRKUS NA CIR 'GYUR LAGS, @239B GAL TE SBYOR BA GCIG GIS MA SHA KA LNGAR TSANG NA MTHAR 'GYUR RO, ,MA TSANG NA NYES PA SBOM POR 'GYUR RO, ,BTZUN PA DGE SLONG DAG GIS CHAB BRKUS NA CIR 'GYUR LAGS, ,CHU'I MGO NAS BZUNG STE CHU'I MJUG GI BAR GYI RIN THANG BRTZI BAR BYA STE, DNGOS PO TSANG NA MTHAR 'GYUR RO, ,DNGOS PO MA TSANG NA NI NYES PO SBOM POR 'GYUR RO, ,BTZUN PA MI RNAMS KYI RIN PO CHE'AM, RIN PO CHER SMOS PA'AM, GSER BCOM NAS BRKUS NA CIR 'GYUR LAGS, RIN THANG BRTZI BAR BYA STE DNGOS PO TSANG NA MTHAR 'GYUR RO, ,DNGOS PO MA TSANG NA NI NYES PA SBOM POR 'GYUR RO, ,BTZUN PA GAL TE YI GE DANG LAG BRDA'I YI GE DAG DANG, LAG RTZIS KYIS BRKUS NA CIR 'GYUR LAGS, RIN THANG BRTZI BAR BYA STE, DNGOS PO TSANG NA MTHAR 'GYUR RO, ,DNGOS PO MA TSANG NA NYES PA SBOM POR 'GYUR RO, ,BTZUN PA BCOM LDAN 'DAS KYIS DGE SLONG GIS YO BYAD CHEN PO ZHIG GNAS NAS GNAS SU SPOS NA MTHAR 'GYUR RO ZHES GSUNGS PA GANG LAGS PA, DGE SLONG GIS RDZAS CHEN PO ZHIG RGYANG BCAD PAR 'TSAL YANG MTHAR MI 'GYUR BA LTA MCHIS LAGS SAM, YOD DE 'DI LTAR DGE SLONG GIS YO BYAD CHEN PO ZHIG GI PHYOGS GCIG NAS BZUNG STE RING MO ZHIG TU DRANGS KYANG MTHA' CIG SHOS GNAS DE NAS MA 'PHAGS NA NYES PA SBOM POR 'GYUR RO, ,BTZUN PA DGE SLONG KHYIM BDAG GI KHYIM DU NANG MIR 'GYUR LA DES BDAG DE'I GNYEN DAG GI DRUD DU MCHIS TE, KHYIM BDAG GI PHRIN PA SKAD DU 'DI SKAD CES DNGOS PO CHE GE MO ZHIG BYIN CIG CES MCHI NA CIR 'GYUR LAGS, NYES PA SBOM POR 'GYUR BA'I NYES BYAS SO, ,BTZUN PA DGE SLONG MI RNAMS KYI GLANG PO CHE RKU SEMS SKYED NA SBOM POR 'GYUR RO, ,MA SMRAS PAR GZHAN GYI DON DON DU ZHES BYA BA NI PHA ROL POS MA SMRAS PAR RANG NYID KYIS DE 'DI NI GZHAN GYI DON YIN PA'I PHYIR RO, ,MI MA LAGS PA ZHES BYA BA LA SOGS PA LA, NYES BYAS SU 'GYUR RO ZHES BYA BA 'DI LA MI MA YIN PA'I PHYIR DANG, MA YIN PA'I 'DU SHES KYIS 'JUG PA'I PHYIR DE YIN NO, ,KHA CIG NI 'DIR SHES PA SDOM POR 'GYUR RO ZHES 'DON PAR BYED CING 'CHAD PAR YANG BYED DO, ,'DUL 'DZIN PA KHA CIG DE MI 'DOD DE, 'DI LTAR MI MA YIN PA'I 'GRO BA LA MI'I 'GRO BAS YONGS SU BZUNG BA'I 'DU SHES KYIS BRKUS NA SBOM POR 'GYUR TE, MI'I 'GRO BA BAS YONGS @240A *, ,SU BZUNG BA MED PA'I PHYIR RO, ,DE NYID KYIS MI MA YIN PA'I 'GRO BA PAS YONGS SU BZUNG BA'I 'DU SHES KYIS BRKUS NA NYES BYAS TE, MI'I 'GRO BA PAS YONGS SU BZUNG BA'I 'DU SHES KYANG MED PA'I PHYIR RO, ,DE NYID TSAD DU MA TSANG NA NYES BYAS CHUNG NGU YIN TE, MA SHA KA LNGA LA SOGS PE NYID KYANG MED PA'I PHYIR RO, ,MIS YONGS SU MA BZUNG BA'I 'DU SHES KYI TSAD DU TSANG BAR BRKUS NA NYES BYAS TE, MI'I 'GRO BA BAS YONGS SU BZUNG BA DANG, DE'I 'DU SHES KYANG MED PA'I PHYIR RO, ,TSAD DU MA TSANG BA LA NI NYES BYAS TE, MA SHA KA LDA LA SOGS PA NYID MED PA'I PHYIR RO, ,DE'I PHYIR MI'I 'GRO BA BAS YONGS SU BZUNG BA PA DANG, DER 'DU SHES PA YANG MED PA NYID KYIS NYES BYAS SU GRUB PAR 'GYUR NA JI LTAR SBOM PO ZHES BRJOD PAR BYA BA'I MI NI MA YIN NO ZHES BYA BA LA SOGS PAS NYES PA SBOM POR BRJOD PA DANG 'GAL BA YANG MED DE, DE LA YANG MIS BDAG GIR BYA BA DANG MA BRAL BA'I PHYIR DANG, MIS YONGS SU BZUNG BA'I 'DU SHES MED PA'I PHYIR DE YIN NO, ,GANG DU DUD 'GRO'I SKAL BA BDAG GIR BYED NA ZHES BYA BA LA SOGS PAS NYES PA SBOM POR BRJOD PA DER YANG MI RNAMS KYIS BSAM PA THAG PA RNAMS BTANG BA'I PHYIR DANG, MIS YONGS SU BZUNG BA'I 'DU SHES YOD PA'I PHYIR DE YIN NO, ,MI MA YIN PAR MIR 'DU SHES PA LAS SBOM POR GSUNGS PA NI SBYOR BA LAS BYUNG BA STE, MI'I MA YIN PA'I PHYIR DANG, MI'I 'DU SHES KYIS ZHUGS PA'I PHYIR RO, ,DNGOS GZHI LA NI NYES PA MED DO, ,MI'I LA MI MA YIN PAR 'DU SHES PA LA SBOM NA MA SHA KA BCU RI BA STE, 'DIR MA SHA KA LNGAS PHAM PAR 'GYUR BA NI K'ARsh'A PA nA GCIG LA MA SHA KA BZHI BCU RI BA'I PHYIR RO, ,DE NYID KYI PHYIR GTAM GYI GZHI LAS, MA SHA KA GSUM BRKUS NA PHAM PAR MI 'GYUR BA LTA MA MCHIS SAM, BKA' STZAL PA YOD DE GANG NA MA SHA KA BCU GNYIS KYIS K'AR sh'A PA nA KHUGS PA NA'O, ,MA SHA KA LNGA BAS LHAG BA BRKUS NA, PHAM PAR MI 'GYUR BA MCHIS SAM, BKA' STZAL PA YOD DE GANG NA MA SHA KA BZHI BCUS K'AR sh'A PA nA KHUGS PA NA'O ZHES GSAL BAR RAB TU 'BYUNG NGO, ,DE BAS NA 'DIS NI K'ARsh'A PA nA'I BZHI CHA GANG YIN PA DE BRKUS NA PHAM PAR 'GYUR RO ZHES BSTAN PAR SHES PAR BYA'O, ,LNGA NYID NI K'ARsh'A PA nA'I DPE YIN NO, ,RNAM PAR 'BYED PA LNGA NYID DU SMOS PA NYID NI 'BRING GI @240B TSAD LA BRTEN PAR SHES PAR BYA STE, BSLAB PA 'CHA' BA'I DUS TZAM NA 'JIG RTEN NA PHAL CHER BZHI CHA LA MA SHA KA LNGAR 'DEBS PA'I PHYIR RO, ,NA NA KA LTA BU'I ZHES BYA BA NI K'AR sh'A PA nA TSOD JI TZAM GRANGS JI SNYED PA'I ZHES BYA BA'I THA TSIG GO, ,MA SHA KA NYI SHU SA NA NA KA KHUGS PA ZHES BYA BA NI, MA SHA KA NYI SHU RI BA NI K'AR sh'A PA nA'I'O, ,KA KA NI BZHIS KHUGS PAS SO ZHES BYA BA LA, KA KA NI ZHES BYA BA NI 'GRON BU NYI SHU RI BA'I TSAD DE, 'GRON BU NYI SHU RI BA'I TSAD KYI BON TI KAL, KA KA NI ZHES BYA BA'I THA TSIG GO, ,DES NA 'GRON BU NYI SHU RI BA'I TSAD KYI, KA KA NI DAG GIS MA SHA KA 'GRON BU BRGYAD DU RI BA'I TSAD DE DES SO ZHES BYA BA'I THA TSIG GO, ,KA'R sh'A PA nI JI LTA BU LAGS ZHES BYA BA NI SUS BYAS SHING SUS SBYOD DU BCUG PA LAGS ZHES BYA BA'I THA TSIG GO, ,RGYAL PO RMA BYA BAS BYAS SO ZHES BYA BA NI RGYAL PO'I MING RMA BYA BA ZHES BYA BAS BYAS PA STE, 'DI LTAR RGYAL PO DAS DANG POR K'AR sh'A PA nA SBYOD DU BCUG STE, DE'I PHYIR DANG POR SBYOD DU 'JUG PA'I MI YONGS SU SHES PAR BYA BA'I PHYIR RGYAL PO RMA BYA BAS BYAS PA'O ZHES BSTAN PA MDZAD PAR SHES PAR BYA STE, DPAL LEGS GTAM GYIS BYAS PA'I DONG TSE LTA BU'O, ,ZHUS PA LA LA'I GZHUNG LAS, NA NA KA JI LTA BU BRKUS NA MTHAR 'GYUR LAGS, NYE BA 'KHOR KA KA NI BZHI PA'I NYI SHU RI BA'I K'AR sh'A PA nA'I MA SHA KA LNGA BRKUS NA MTHAR 'GYUR RO ZHES 'BYUNG NGO, ,DE LA DON NI 'DI YIN TE NYI SHU RI BA'I K'AR sh'A PA nA'I ZHES BYA BA NI MA SHA KA NYI SHUS KHUGS SHING NYI SHU RI BA'I ZHES BYA BA'I THA TSIG GO, ,LHAG MA NI SNGA MA BZHIN DU BSHAD PAR BYA'O, ,GZHAN LAS KYANG, NA NA KA JI LTA BU'I MA SHA KA LNGA BAS PA NA MTHAR 'GYUR LAGS, KA KA NI BZHI PA'I MA SHA KA NYI SHU RI BA'I NA NA KA'I 'O ZHES 'BYUNG STE, PAR PA ZHES BYA BA'I SGRA NI MA SHA KA YIN PAR BSHAD DO, ,RTA DANG RNGA MO DANG, PA LANG DANG BONG BU DANG GZHAN YANG NYE BAR 'TSO BA GANG DAG LAGS PA DE DAG SROG DANG BRAL BAR BGYID NA CIR 'GYUR LAGS, GAL TE 'TSO BA'I DON DU SROG DANG BRAL BAR BYED NA DNGOS PO TSANG NA MTHAR 'GYUR RO, ,DNGOS PO MA TSANG NA NI NYES PA SBOM POR 'GYUR RO, ,CI STE CHUD GZAN PA'I SLAD DU NA CIR 'GYUR LAGS NYES PA SBOM POR 'GYUR RO, ,'ON TE CHUD GZAN PA'I PHYIR SGYID PA GCOD NA NYES PA SBOM POR 'GYUR RO, ,BTZUN PA RE ZHIG DGE SLONG GIS @241A *, ,KHYIM BDAG GI CHOS GSOL BRTAGS PA BGYIS NAS BRKUS NA CIR 'GYUR LAGS, NYES PA SBOM POR 'GYUR RO, ,CI STE KHYIM BDAG 'DI SKAD DU 'PHAGS PA BDAG GIS 'DI KHYOD LA 'DOMS PAS SO ZHES SMRAS PA LAS DE DGE SLONG GIS GTAN BYIN PA'I 'DU SHES KYIS SPYOD NA NYES PA SBOM POR 'GYUR RO, ,'ON TE 'DI GSANG SNGAGS SAM ME TOG GAM 'BRAS BU DAG GI NYE BAR 'GRO BA LAS KHYIM BDAG DE 'DI SKAD CES 'PHAGS PA BDAG GI 'DI KHYOD KYIR BAS SO ZHES SMRA BA LAS, DGE SLONG GIS DE GTAN BYIN PA'I 'DU SHES KYIS SPYAD NA NYES PA SBOM POR 'GYUR RO, ,BTZUN PA DGE SLONG GIS BRNYAN PO BRNYAN NAS BRKUS NA CIR 'GYUR LAGS, NYES PA SBOM POR 'GYUR RO, ,GANG GI TSE MTHAR 'GYUR LAGS, NAM ZHIG CHA GCOD PAR BYED PA NA STE, DE DNGOS PO TSANG NA MTHAR 'GYUR RO, ,DNGOS PO MA TSANG NA NI NYES PA SBOM POR 'GYUR RO, ,BTZUN PA DGE SLONG GIS BRNYAS PA BSNYON TE BRKUS NA CIR 'GYUR LAGS, ,SNGOM POR 'GYUR RO, ,GANG GI TSE MTHAR 'GYUR LAGS, NAM ZHIG CHA GCOD PAR BYED NA STE, DNGOS PO TSAD NA NI MTHAR 'GYUR RO, ,DNGOS PO MA TSANG NA NI NYES PA SBOM POR 'GYUR RO, ,BSKYIS PA BSNYON PAS BRKUS NA CIR 'GYUR LAGS, NYES PA SBOM POR 'GYUR RO, ,GANG GI TSE MTHAR 'GYUR LAGS, NAM ZHIG CHA BCAD PA NA STE, DNGOS PO TSANG NA MTHAR 'GYUR RO, ,MA TSANG NA NYES PA SBOM POR 'GYUR RO, ,BTZUN PA RE ZHIG DGE SLONG GIS GTAMS PA GZHAG PAR GYUR PA ZHIG DES BSLANGS PA NA BSNYON PAR BGYID NA CIR 'GYUR LAGS, NYES PA SBOM POR 'GYUR RO, ,GANG GI TSE MTHAR 'GYUR LAGS, NAM ZHIG CHA BCAD PA NA STE, DNGOS PO TSANG NA MTHAR 'GYUR RO, ,DNGOS PO MA TSANG NA NYES PA SBOM POR 'GYUR RO, ,CI STE SNGAR CHA CHOD PAR BYED LA PHYIS GNAS SPED NA, DNGOS PO TSANG NA NYES PA SBOM POR 'GYUR RO, ,'ON TE SNGAR GNAS NAS SPED LA PHYIS CHA GCOD NA, DNGOS PO TSANG NA MTHAR 'GYUR RO, ,DNGOS PO MA TSANG NA NI NYES PA SNGOM POR 'GYUR RO, ,BTZUN PA BCOM LDAN 'DAS DGE SLONG GIS MA SHA KA LNGA BRKUS NA MTHAR 'GYUR RO ZHES GSUNGS PA GANG LAGS, DGE SLONG GIS CHES SHIN TU MANG PO ZHIG BRKUS KYANG MTHAR MI 'GYUR BA LTA MCHIS LAGS SAM, YOD DE SKYE BO MANG PO'I @241B BRKUS PA'AM, SKYE BO MAD PO DANG LHAN CIG BRKUS NA NYES PA SBOM POR 'GYUR RO, ,BTZUN PA MUN KHUNG DU CHOS GOS GZHAG PAR GYUR PA LA, DGE SLONG BZHI SA BRKUS NA CIR 'GYUR LAGS, BKA' STZAL PA NYES PA SBOM POR 'GYUR RO, ,GANG GI TSE MTHAR 'GYUR LAGS, NAM ZHIG CHA BZHIR SO SOR BGOS PA NA STA, DE YANG SO SO'I BGOS SKAL GYIS DNGOS PO TSANG NA MTHAR 'GYUR RO, ,DNGOS PO MA TSANG NA NYES PA SBOM POR 'GYUR RO, ,'DI BSDU BA NI, SHES PAS GTUR BU 'ZU DANG NI, ,'BRAS BU CHUNG DANG 'JOMS PA DANG, ,YI GE RING PHRIN GLANG CHEN DANG, ,DE BZHIN BRTAGS DANG BRNYAS PA DANG, BSKYIS PA DANG NI GTAMS PA DANG; ,SKYE BO MANG PO DAG DANG NI, ,MUN DANG BCAS PA RKU BA YI, ,BSDU BA 'DI NI GZHAN YIN NO, ,DE LA CHE GE MO ZHIG GI YO BYAD DE DANG DE SHES SAM ZHES BYA BA LA SOGS PA LA CHE GE MO ZHIG GI ZHES BYA BA NI DMIGS KYIS MA BZUNG BA'O, ,YO BYAD DE DANG DE NI LHUNG BZED DANG CHOS GOS LA SOGS PA STE, LAN GNYIS SU BRJOD PA NI BZLAS PAR ZAD DO, ,'ON CIG CES BYA BA NI KHYER TE SHOG CIG PA'O, ,RKUS SHIG BA NI NOR GYI BDAG PO'I BDAG GI MA YIN PAR BYED PA'I PHYIR TE, DUS RE ZHIG PA TZAM MA YIN GYI THAMS CAD KYI THAMS CAD DU ZHES BYA BA'I THA TSIG GO, ,RTZIS MGO 'DRA BA NI RKU SEMS YOD NA SBYOR PAR BYED PA DANG, SBYOR PAR BYA BA DAG LA LTUNG BAR 'DRA BA NYID LAS RANG GI DON DU RKU BA DANG, RKUR 'JUG NA GNYI GA LA YANG PHAM PAR 'GYUR RO ZHES BYA BA'I DON TO, ,'DI NI DE'I MA YIN NO ZHES BYA BA LA SOGS PA LA LTUNG BA MED PAR GSUNGS PA'I DGONGS PA NI YANG DAG PAR RKU BAR BYED PA'I DGE SLONG DE'I BSAM PA NI 'DI NI DE'I YIN LA, BDAG NI DE'I CHED KHO NAR YUL GZHAN DU SBED PAR BYED PAR ZAD DO SNYAM PA 'DI YIN TE, DE'I PHYIR RKU SEMS MED PAS BRKUS PA LA LTUNG BA MED DO SNYAM PA YIN TE, DPER NA MKHAN PO LA SOGS PA'I NOR LHUNG BZED DANG CHOS GOS LA SOGS PA, SLOB DPON LA SOGS PAS RKU SEMS MED PAR YUL GZHAN DU SBED PAR BYED PA LTAR 'DIS KYANG DE DE DANG 'DRA'O ZHES BYA BA'I THA TSIG GO, ,DNGOS PO JI LTA BA BZHIN NI DNGOS PO NYID DNGOS PO STE, MA SHA KA LNGA LA SOGS PA RI BA'I RJAS ZHES BYA BA'I THA TSIG GO, ,CHOS GOS KYI GTUR BU NI CHOS GOS BZHAG PA'I CHANG THUR RO, , @242A *, ,CHOS GOS KYI SNOD NI CHOS GOS BZHAG PA'I RU BA SGYE'O, ,CHOS GOS KYI ZA MA TOG NI CHOS GOS KYI BZHAG TU RUNG BA'I SNOD KYI KHYAD PAR 'DAM BU'I RTZE MO'I SDONG BU PHRA ZHING MNYAN PA LA SOGS PA LAS BYAS PA ZLUM PO ZHIG GO, ,GDANG NI CHOS GOS LA SOGS PA GZER BAR BYA BA'I PHUR PA GLANG PO CHE'I SO LTA BU RTZIG PA LA BTZUGS PA ZHES BYA BA'I THA TSIG GO, ,'DAM PAR BYED PA NI SO SOR BYED PA'O, ,NYES PA SBOM POR 'GYUR RO ZHES BYA BA 'DI LA NI GNAS NAS SBED PAR BYED MOD KYI, 'ON KYANG 'DIR GNAS NAS SPOS PA TZAM KHO NAS PHAM PA NI MA YIN TE, 'DI LA 'DOD PA BA RKU BAR BYA BA'I BLOS 'BYUNG GI ,RKU BA'I BLO NI MA YIN TE, RKU BAR MI 'DOD PA'I ME TOG RNAMS 'BYED PA'I BZHIN NO, ,DE'I PHYIR 'DAM PA'I NOM PA THAMS CAD NI RTZOM PA GCIG TU GYUR PA NYID KYIS, GNAS NAS SBED PA'I CHES SDUN ROL PA YIN PA'I PHYIR LTA BA GCIG BYED PA YIN PAR SHES PAR BYA'O, ,BSAMS PA'I DON 'GRUB NAS NI GNAS NAS SPOS PA KHO NAS PHAM PA YIN NO, ,'DI SKAD DU 'DAM PA DE LA NI NYES PA SBOM PO GCIG GO, ,'DAMS PA RKU BA'I PHYIR NOM PA LA NI GZHAN NO ZHES ZER BA DAG YOD CES GRAG GO, ,DE NI 'DUL BA 'DZIN PA KHA CIG MI 'DOD DE, 'DI LTAR BTZO BLAG MKHAN GYI GOS RKU BA'I PHYIR NOM PA DANG, KUN DU NOM PA DANG SDUD PA DANG THUM POR SGRE BA NI JI SRID DU GNAS NAS GNAS SU SBED PAR MI BYED PA DE SRID DU NYES PA SBOM POR 'GYUR RO, ,GNAS NAS GNAS SU SPOS NA NI BTUS PA ZHES BRJOD PAR BYA'O ZHES BYA BA LA SOGS PA GSUNGS SO, ,DE LTA BAS NA 'DIS NI DANG PO REG PA NAS BZUNG STE, JI SRID DU GNAS NAS SPOS PAR MA GYUR PA DE SRID DU, REG PA THAMS CAD RTZOM PA GCIG TU GYUR PA'I PHYIR LTUNG BA GCIG BYED PA NYID DU BSTAN PA YIN NO, ,'DAS PA'I REG PA YANG GNAS NAS SBED PA'I SDUN ROL PA YIN PA'I PHYIR, 'DI YONGS SU 'DUS PAS SBYOR BAR GTOGS PA'I SBOM PO GCIG KHO NAR ZAD KYI GZHAN PA NI MA YIN NO, ,'DIR NI NOM PA'I RTZOL BA SBYOR BAR GYUR PA YONGS SU BTANG PAR GYUR PA'I LDOG PA GANG YIN PA DE'I DBANG GIS BYED PA GZHAN NYID DU RNAM PAR GZHAG GI NGAL GSO BAR GYUR BA TZAM NI MA YIN TE, DE LA NI YONGS SU BTANG @242B PA'I BSAM PA MED PAS GRUB PA'I NGO BO GCIG PA'I PHYIR RO, ,DE NYID KYI PHYIR RTZOL BA DE GTONG ZHING MJUG BRTUL BAR GYUR PA GANG YIN PA DE LAS BYED PA GZHAN NYID DU RNAM PAR GZHAG GI ,NGAL GSO BAR GYUR PA GANG YIN PA DPER NA MNAMS NAS PHYOGS SU BLTA BA LA SOGS PA'I DGOS PA 'GA' ZHIG GIS DUS RE ZHIG BSHOL NAS YANG NOM PA LTA BU NI MA YIN NO ZHES BSHAD DO, ,'DI NI DE LTA BUR SHES PAR BYA'O, ,DE LTA MA YIN NA SKAD CIG RE RE LA BSAM PA THA DAD PAS BYED PA THA DAD PAR THAL BAR 'GYUR RO, ,MA BYIN PAR LEN PA NI DPE STE, MI TSANGS PAR SPYOD PA LA SOGS PA'I SBYOR BA YANG TSUL DU NI DE YIN NO, ,GDANG DANG BCAS TE BRKUS NA ZHES BYA BA LA SOGS PA LA 'DIR NYES PA SBOM POR GSUNGS PA NI BDAMS PA RKU BAR 'DOD PA LA, BRKUS PA MED PA'I PHYIR SBYOR BA LA NOM PA KHO NA SBOM POR 'GYUR BA 'BA' ZHIG TU ZAD PA DANG 'DRA'O, ,GDANG LAS PHOG NA NI GNAS NAS SPAGS PA'I PHYIR DANG, DNGOS PO TSANG NA PHAM PAR 'GYUR RO, ,BANG BA NI 'BRU LA SOGS PA GZHAG PAR BYA BA'I GNAS BANG MDZED DANG, GZHAN DAG NA RE SBYANG YIN NO, ,GAL TE SBYOR BA GCIG GIS DNGOS PO TSANG NA, RDZAS DE THAMS CAD GCIG YIN NO SNYAM DU DGONGS PA YIN NO, ,'DIR YANG BU GA PHUG PA KHO NA SBYOR BA YIN PAR SHES PAR BYA STE, BYAD PA GZHAN MED PA'I PHYIR RO, ,DE'I PHYIR BU GA BTOD NAS JI SRID DU 'BRU RANG 'BRUL BA DE SRID DU, 'DIR SBYOR BA GCIG GIS BYAS PA'I RKU BAR BSHAD PAR RNAM PAR GZHAG GO ZHES BYA BAR DE LTAR SHES PAR BYA'O, ,ZHUS PA GZHAN LA 'DI SKAD DU BTZUN PA RE ZHIG DGE SLONG GIS 'BRU'I PHUNG PO LAS BCAD NAS 'BRU RKU BAR BGYID NA CIR 'GYUR LAGS, RIN THANG BRTZI BAR BYA STE, GAL TE SBYOR BA GCIG GIS DNGOS PO TSANG NA MTHAR 'GYUR RO, ,CI STE MA TSANG NA NYES PA SBOM POR 'GYUR RO ZHES 'BYUNG NGO, ,'DIR YANG GAL TE SBYOR BA GCIG GIS DNGOS PO TSANG NA ZHES BYA BA NI BYED PA RE RE ZHING SO SO BA NYID DU BSTAN TO ZHES BYA BA DE LTAR SHES PAR BYA'O, ,DE LTA BAS NA GZHUNG 'DI NYID KYI KHYAD PAR NI 'DI YIN TE, BU GA BTOD NAS BRKUS PA BRJOD PAR 'DOD NA NI RDZAS 'BRUL BA KHO NA BRKUS PA YIN NO, ,PHUNG PO LAS BRKUS PA BRJOD PAR 'DOD NA NI BLANGS PA DANG MA BLANGS PA LA SBYOR BA LAS BYUNG BA DANG, @243A *, ,DNGOS GZHI LTUNG BA RNAMS THA DAD DO, ,GAL TE GZHUNG THA MA LAS 'BYUNG BA LTA NA, CI'I PHYIR ME TOG SDUD PA GZHAN NI RTZOM PA GCIG TU GYUR PA NYID MA YIN ZHE NA, DE NI MA YIN TE, PHUNG PO LAS BRKUS PA ZHES BYA BA GANG YIN PA DE NI, SPUNGS PA LA RKU BA YIN PAS 'DI LA BSDU BA'I BLO MI 'BYUNG NGO, ,DE LTA BAS NA 'DI LA BSDU BA'I BLO MED PA'I PHYIR, SDUD PA BZHIN DU RTZOM PA GCIG TU GYUR PA NYID KYIS LTUNG BA RNAM PAR GZHAG PA MA YIN NO ZHES BYA BA LA DE LTAR SHES PAR BYA'O, ,SBRUGS SHING RIL GYIS BSGUL NAS SO, ,BRDABS NAS ZHES BYA BA NI BOD PA SOGS PAS BLANGS NAS SO, , 'DIR YANG DE NA 'OG GZHI NYID DU 'DUG PAS DANG GOS LA SOGS PAS GANG YIN PA DE'I STENG GI CHA GANG YIN PA DER PHYIN PA'I BDAG NYID KYIS SPRUGS SHING BSGUL NAS NI 'DIR BRKUS PA YIN PAR SHES PAR BYA'I, RTZA BA'I GNAS DANG BRAL BA TZAM NI MA YIN TE, DE TZAM GYIS GRUB PA'I BLO MED PA'I PHYIR RO ZHES BYA BA DE LTAR SHES PAR BYA'O, ,SBRUGS SHING BRDABS NAS BRKUS NA ZHES BYA BA NI SBRUGS PA'I THABS SAM, BRDABS PA'I THABS KYIS BRKUS PA BRJOD PAR BZHED PA LA, SBRUGS PA'AM BRDABS PA DE NYID BRKUS PA YIN PAR SHES PAR BYA'O ZHES BYA BA'I THA TSIG GO, ,CHAB BKUM NAS ZHES BYA BA NI CHU'I PHYOGS GCIG NAS DRANGS SO, ,CHU'I MGO NI CHU'I TSOGS SO, ,GZUNG STE ZHES BYA BA NI BRTZAMS NAS TE, YONGS SU BZUNG NAS ZHES BYA BA'I THA TSIG GO, ,'DIR YANG GANG ZHIG BRAL NAS CHU BKU MA PA LA 'JUG PAR 'GYUR BA S'A LU 'GRUB PA LA SOGS PA'I BRKOS PA 'BRAS BU NYID DU MI SEMS PA KHO NAR KHRUS DANG BTUNG BA LA SOGS PA'I DGOS PA LHUR LEN PA NYID KYIS DE SEMS PA LA LTUNG BA 'DI RNAM PAR GZHAG PAR SHES PAR BYA'O, ,S'A LU LA SOGS PA SGRUB PA'I DON DU CHU RKU BA LA NI RANG GI LAS KYI MTHA' 'GRUB PAR BYA BA DE'I CHED DU LHAG PA DANG, CIG SHOS SU 'DOD NA DER 'DUS PA GZHAN GYIS LAS KYI MTHA' DAG LA CHU GTONG PA'AM, ZLOG PA ZHES BYA BA'I TSUL DU SHES PAR BYA'O, ,RIN PO CHE NI NOR BU MU TIG LA SOGS PA'O, ,RIN PO CHER SMOS PA NI RAL GRI LA SOGS PA'O, ,G-YUL DOR SPYAD PA DANG, PI WANG LA SOGS PA ROL MO'I CHA BYAD DE DES KYANG RIN PO CHE BZHIN DU SHE ZA LA SOGS PA @243B THAG SRING PAR BYED DO, ,GZHAN NA RE RIN PO CHE BZHIN DU BDE BA BSGRUB PA'I PHYIR RO ZHES ZER RO, ,BCOM NAS RKU BA NI CHUD GZON NAS RKU BA'O, ,DE'I PHYIR NOR DE CHUD GZON PAR GYUR PA'I RIN THANG GANG YIN PA DES TSANG NGAM MI TSANG BA'I DBANG GIS BRKUS NA LTUNG BA SBOM PO LA SOGS PAR BLTA BAR BYA'O, ,SDUN ROL DU NI MA YIN TE DE'I TSE NI GZHOM PA TZAM DU SEMS PA'I PHYIR LA, BCOM PA TZAM GYIS NI SBOM PO KHO NAR ZAD DO, CHUD GZHAN PA'I BSAM PAS ZHUGS PA'I PHYIR RO ZHES BYA BA'I DON TO, ,YI GE NI YIG 'ZUR BKOD PA'O, ,LAG BRDA'I YI GE DAG NI LAG PA BSKYOD PA KHO NAS RKUS SHIG CES BYA BA DE LTA BU LA SOGS PA'I YI GE DAG NYE BAR STON PA'I PHYIR RO, ,LAG RTZIS NI SOR MO'I RIGS LAS REG PAS BRDA BYED PA'I PHYIR RO, ,DES NA YI GE LA SOGS PA'I RNAM PAS BRKUS NA LTUNG BA NA SMAD PA MED DE, RKU SEMS GTZO BO YIN PA'I PHYIR RO ZHES BYA BA'I DON TO, ,YO BYAD CHEN PO ZHIG GI PHYOGS GCIG NAS BZUNG STE ZHES BYA BA LA SOGS PA NI BRKU BAR BYA BA NYID DU 'DOD PA MU TIG GI CHUN PO LA SOGS PA'I PHYOGS GCIG GI GNAS MA SHOR BA'I MTSAN NYID KYI GNAS SKABS NI GNAS NAS MA SPAGS PA'I PHYIR DANG, GNAS NAS SPAGS PA MED NA YANG BRKUS PA DANG, RANG GIR BYED PA MED PA'I PHYIR BRKUS PA NYID DU MI 'GYUR GYI, PHYOGS THAMS CAD KYI GNAS SHOR NA NOR BRKUS PAR GYUR PA KHO NA YIN PAR DE LTAR SHES PAR BYA'O, ,NANG MI NI KHYIM DU CHUD PA STE, KHYIM DU RTAG TU 'GRO BA ZHES BYA BA'I THA TSIG GO, ,PHRIN PA SKAD DU ZHES BYA BA NI MING NAS PHYUNG STE, NYES PA SBOM POR 'GYUR BA'I NYES PA NI, 'DI SLONG BA NI SBYOR BA NYID DO SNYOM DU DGONGS PA YIN NO, ,BA LANG NI BA DANG GLANG NGO, ,NYE BAR 'TSO BA DAG NI NYE TSONG LA SOGS PA'I THA SNYAD GYIS 'TSO BAR BYED PA'I PHYIR RO, ,SROG DANG 'BRAL BAR BGYID PA NI SROG GCOD PAR BYED PA'O, ,'TSO BA'I DON NI BDAG NYID KYI 'TSO BA SGRUB PA'I PHYIR TE, 'DI BSAD NA BDAG ZAS DANG SKOM LA SOGS PAS PHONGS PAR MI 'GYUR ZHING BDE BAR 'GYUR RO SNYAM NAS SO ZHES BYA BA'I THA TSIG GO, ,DNGOS PO TSANG NA ZHES BYA BA NI 'DI GSOD PA DANG DUS MNYAM PA'AM, DUS PHYIS 'BYUNG BA YANG RUNG GNAS NAS SBED PA KHO NAS BRKUS PA YIN NO ZHES BYA BA DE LTAR SHES PAR BYA'O, ,CHUD GZAN PA ZHES BYA BA LAS CHUD MI ZA BA NI BDE BA LA BYA'O, ,BYED PA GANG LA CHUD GZAN PA YOD PA DE LA @244A *, ,DE SKAD CES BYA STE, 'DI BDAG LA MA PHAN YANG BLA'O SNYAM PA'O ZHES BYA BA'I THA TSIG GO, ,DE'I PHYIR CHUD GZAN PA'I PHYIR BSAD PA GANG YIN PA DE NI CHUD GZON PA YIN GYI PHROGS PA NI MA YIN NO, ,BRKUS PA NI PHROGS PA YIN TE, DE LTA BAS NA JI SRID DU MA PHROGS PA DE SRID DU BSAD PA TZAM 'BA' ZHIG GIS BRKUS PAR MI 'GYUR RO ZHES BYA BA DE LTAR SHES PAR BYA'O, ,SGYID PA NI GLANG PO CHE LA SOGS PA'I BRLA'I NANG GONG DANG RJE NGAR GYI NANG NA YOD PA'I CHA'O, ,'DIR YANG BDAG GIR BYED PA'I SEMS MED PAR 'BRAL BA'I BSAM PAS NI DNGOS PO TSANG NA YANG SBOM POR 'GYUR RO ZHES BYA BA'I THA TSIG GO, ,SBYID PA GCOD PA NI RTZI BA MA GCOG PA LA SOGS PA GNOD PA GZHAN GYI YANG DPE YIN PAR RIG PAR BYA'O, ,BRTAGS PA BGYIS NAS RKU NA ZHES BYA BA LA SOGS PA NI 'DI NI BDAG GI YIN NO SNYAM PA'AM, YONGS SU MA BZUNG BA YIN NO SNYAM PA'AM, LHAS BYIN LA SOGS PA BDAG PO DES BDAG LA SBYIN NO SNYAM PA DE LTA BU LA SOGS PA YANG DAG PA MA YIN PA'I 'DU SHES GANG DAG YIN PA DE DAG RNAM PAR RTOG PA'I DBANG GIS MNGON SUM DU BYED PA NYES PA'I RNAM PA DANG BCAS PAR DOGS PA DANG, RJES SU 'BREL BAS MA NGES PA NYID DU MI G-YO BA RKU BA'I DUS NA BYED PA GANG YIN PA DE NI RNAM PAR RTOG PA STE DE BYAS NAS SO, , 'DI NI DON MI GSAL BAS DMIGS MI PHYED DU SNYAM DU BSAMS NAS GZHAN DAG NI RTOG PA'I MTSAN NYID GZHAN KHO NAR 'CHAD PAR BYED DE, 'DI LTAR RKUN PO LA ZHUGS PA 'GA' ZHIG LA DON GYI DBANG GIS YANG DAG PA'I 'DU SHES 'DI LTA STE, GZHAN GYI YIN NO SNYAM PA'AM YONGS SU BSDU BA DANG BCAS SO SNYAM PA'AM, MI 'GRO BAS YONGS SU BZUNG BA'O SNYAM PA'AM, MA YIN PA'O SNYAM PA 'BYUNG LA DES DNGOS GZHI'I KHA NA MA THO BA YONGS SU SPANG BAR BYA BA'I PHYIR 'DI SNYAM DU RNAM PAR RTOG PAR BYED DO, CHOS THAMS CAD NI BDAG MED PA'O, ,CHOS THAMS CAD NI YONGS SU GZUNG BA MED PA'O, ,CHOS THAMS CAD NI 'BREL PAR YONGS SU GTONG BA STE, 'DI NI GZHAN GYI YIN PA DANG YONGS SU GZUNG BA DANG BCAS PA'AM, MI'I 'GRO BA LAS YONGS SU GZUNG BA MA YIN NO, ,SKAD CIG MA YIN PA'I PHYIR JI LTAR 'DI SKAD CIG MA GNYIS PA LA SOGS PA LA BYUNG BA GZHAN GYI RANG GI YIN ZHING BYIN PA YIN PA LTAR BDAG LA YANG DA DANG @244B 'DRA'O ZHES DE LTAR YANG DAG PA'I 'DU SHES RNAM PAR RTOG PA DAG GIS SBAS NAS YONGS SU GZUNG BA MED PA LA SOGS PA'I 'DU SHES NGES PA RGYUN CHAGS PA'I 'DU SHES GANG YIN PA SKYED PAR BYED DO, ,'DU SHES DE LTA BU DE NI BRTAGS PA YIN PAS BRTAGS PA ZHES BYA STE, BRTAGS PA DES NA YAN LAG GZHAN YOD NA NI SBOM POR 'GYUR RO ZHES BYA BA'I THA TSIG GO, ,'DIR SMRAS PA, YANG DAG 'DU SHES SPAGS NAS NI, ,NGES PAR SKYED PAR BYED PA GANG, ,DE NI RTOGS PAS SBYAR BAS NA, BRTAGS PA'I 'DU SHES ZHES BSHAD DO, ,'DI NI GANG ZHIG 'DU SHES GZHAN SGRO BTAGS PA'I PHYIR BTAGS PAS BRKUS PA LA PHAM PAR 'GYUR RO SNYAM DU SEMS PA'I GZHUNG LUGS DE BZLOG PA'I PHYIR RO, ,BDAG GI 'DI ZHES BYA BA LA SOGS PA NI 'DI NI BDAG GI YIN MOD KYI 'ON KYANG DUS RE ZHIG SBYIN GYI THAMS CAD DU NI MA YIN NO ZHES BYA BA'I THA TSIG GO, ,GTAN BYIN PA'I 'DU SHES KYIS SPYAD NA ZHES BYA BA LA SOGS PA LA GTAN BYIN PA'I 'DU SHES KYIS ZHES BYA BA NI GTAN BYIN PA LTAR SPYOD PA'I RNAM PA STE, BDAG MED PA NYID DU ZHES BYA BA'I THA TSIG GO, ,'DI LTAR SPYOD PAR BYED PA LA BDAG LA GTAN BYIN TE YONGS SU BTANG BA DANG BYIN PA'I YIN NO SNYAM DU PA'I 'DU SHES 'DI NYE BAR GNAS NA, RANG GI YIN PA'I 'DU SHES KYIS SPYOD PA'I PHYIR LTUNG BA MED PA NYID DU 'GYUR GYI, SBOM POR THAL BA LTA BA ZHIG GA LA 'GYUR SNYAM DU SEMS TE, DE LTA BAS NA 'DI SHES PAR BYA'O, ,DE'I PHYIR KHYIM BDAG DES CHOS GOS LA SOGS PA'I DNGOS PO BGO BA DANG GDING BA LA SOGS PA'I CHED DU BYIN GYI YE BYIN PA NI MA YIN PA GANG YIN PA DE LA JI LTAR GTAN BYIN PA NYID DU BYIN PA'I NOR LA RNAM PA THAMS CAD DU SPYOD PA DE BZHIN DU RKU SEMS KYIS SPYOD E[#DATA INCOMPLETE HERE] PAR BYED PA GANG YIN PA DE NI DNGOS PO DE TSA G NA NYES PA SBOM POR 'GYUR RO ZHES BYA BA'I DON TO, ,'DI LTAR SPYOD PAR BYED PA ZHES BYA BA NI 'TSO BAR BYED PA YIN TE 'DI NI GTZO BOR GYUR PA KHA DOG DANG REG PA LA SOGS PA SPYAD PA'I PHYIR BRKUS PA DANG 'DRA BA YIN NO, ,'ON TE 'DI GSANG SNGAGS SAM ZHES BYA BA LA SOGS PA LA NYE BAR 'GRO BA NI GSANG SNGAGS DANG ME TOG DANG 'BRAS BU DAG GIS YONGS SU MGU BAR BYA BA'I TSUL LAM DBANG DU BYA BA'I TSUL DU YANG DANG YANG DU DE'I DRUNG DU 'GRO BA'I PHYIR RO, ,DE BAS NA GSANG SNGAGS LA SOGS PAS DBANG DU BYED PA'AM, DBANG DU MI BYED PA DAG GIS BYIN PA LA GTAN BYIN PA NYID LTAR RKU SEMS KYIS SPYOD PA GANG YIN PA DE NI @245A *, ,DNGOS PO DE TSAD NA SBOM POR 'GYUR RO ZHES BYA BA'I THA TSIG GO, ,'DI SKAD DU ZER BA DAG KYANG YOD DE, YONGS SU MGU BAR BYA BA'I PHYIR GSANG SNGAGS LA SOGS PAS NYE BAR 'GRO BAR BYED PA GANG YIN PA DE NI RGYU MTSAN CAN GYI RNYED PA GRUB NA CHAGS PA'I DBANG GIS BSAM PA NYAMS PA YIN PAS LOG PA'I 'TSES SLONG BAR 'GYUR GYI BRKUS PAR GTOGS PA'I NYES BYA SA LA SOGS PA NI 'GA' YANG MA YIN TE, 'DI LTAR 'DI NI DE YONGS SU MGU NAS BYIN PA GANG YIN PA DE LEN TO, ,DBANG DU BYA BA'I TSUL DU GSANG SNGAGS LA SOGS PAS NYE BAR 'GRO BAS THOB PA'I NOR LA NOR RKU SEMS KYIS SPYOD NA BCINGS PA DANG BRDEG PA LA SOGS PA'I THABS KYIS DBANG MED PAR BYAS NAS SBYIN DU 'JUG PA JI LTA BAR GSANG SNGAGS LA SOGS PAS DBANG DU BYAS NAS SBYIN DU 'JUG PA 'DI YANG DE KHO NA DANG 'DRA STE, DE BAS NA 'DI GSUNGS SO ZHES ZER RO, ,KHA CIG NI 'DI MI 'DOD DE 'DI LTAR GSANG SNGAGS LA SOGS PA'I DBANG DU BYAS NAS, SBYIN DU 'JUG PAR GAL TE GNOD PA ZHIG TU GYUR NA NI BCINGS PA SBYIN DU 'JUG PA LAS THA DAD PA MA YIN NO, ,CI STE GNOD PAR MA GYUR PA ZHIG YIN NA NI SEMS G-YENGS PAR BYAS TE, SBYIN DU 'JUG PA LAS THA MI DAD PAS NYES PA SBOM PO'O ZHES SMOS PA MI 'THAD DE DNGOS PO TSANG NA MTSAN NYID DU GYUR PA'I PHAM PAR GYUR PA'I PHYIR RO, ,DE LTA BAS NA SPYAD NA ZHES 'BYUNG BA'I PHYIR NYES PA SBOM PO 'DI NI GTAN BYIN PA LTAR SPYOD PA'I PHYIR YIN GYI SBYIN DU 'JUG PA'I PHYIR NI MA YIN NO ZHES BYA BA DE LTAR KHONG DU CHUD PAR BYA'O, ,BRNYEN PO NI BRKUS PAS GRUB PA STE, 'DI DUS GZHAN NA RANG GI NGO BO PHYIR SBYIN NO ZHES DE LTAR BRNYAS PAS KHUGS PA'I PHYIR RO, , BSNYON PA NI NGA LA BLANGS PA MED DO ZHES DE SKAD DU SMRAS NAS SO, ,NYES PA SBOM PO ZHES BYA BA NI 'DIR SBOM PO 'DI NI SBYOR BA LAS BYUNG BA YIN TE, 'DI LTAR 'DI DNGOS GZHI'I PHYIR BSNYON PA LAS GZHAN PA'I BYED PA MED PAS NYE BA DE KHO NA SBYOR BA NYID DU ZAD DO, ,CHA GCOD PAR BYED PA TZAM NI MI SBYIN NO ZHES DE LTAR MI SBYIN PAR NGES PA SKYED PA'I PHYIR RO, ,'DIR YANG LUS DANG NGAG GI RIG BYED PA DANG, BCAS PA'I CHA GCOD PAR BYED PA LA LTUNG BA NYID DU MDZAD NAS GSUNGS PAR SHES PAR BYA'I, CHA GCOD PAR BYED PA TZAM NI MA YIN NO, 'DI LTAR LTUNG BA NI RNAM PAR RIG BYED DANG, @245B RNAM PAR RIG BYAD MA YIN PA GNAS SKABS DE NA SBYOR BA MED DO, ,SBYAR BA MED PA'I PHYIR NA SMAD PA NYES PA SBOM PO'O ZHES BYA BAR 'GYUR GYI RTZA BA MTHA' ZHES BYA BA NI MA YIN NO, ,'DIR CHA RKU BA NI SEMS KYI KUN DU RTOG PA SPYOD PA DAG STE, 'DI SHIN BDAG GI 'DOD PA GRONG LA SOGS PA 'THOB PAR 'GYUR RO SNYAM PAR YIN NO ZHES BYA BA'I THA TSIG GO, ,RNAM GRANGS DU MA NI RNAM PA MANG POS SO, ,DE NI GSAD PAR BYA'O, ,YANG ZHES BYA BA NI NGES PAR GZUNG BA'O, ,SBOM PO DE LTA BUS ZHES BYA BA NI SBYOR BA DE KHO NAS SO, ,DUS BYAS NA ZHES BYA BA NI SHI BAR GYUR NA'O, ,MI DUD 'GRO'I SKYE GNAS PAR 'GYUR TE ZHES BYA BA LA SOGS PA NI 'GRO BA GZHAN GYI RNAM PA NYID YIN YANG MIR 'DU SHES PA KHO NAS BSAD NA DNGOS GZHIR 'GYUR BAR SHES PAR BYA'O, ,'GRO BA GZHAN DU 'DU SHES PAS NI NA SMAD PAR BSHAD DE, DE SKAD DU MI LA MI MA YIN PAR 'DU SHES PAS BSAD NA NI SBOM POR 'CHAD PAR 'GYUR RO, ,MTSAMS MA MCHIS PA NYID KYI KHA NA MA THO BAS KYANG REG PAR MI 'GYUR BA NI MNAR MED PA'I SEMS CAN DMYAL BA SMIN PAR MI 'GYUR BA SNYAM DU DGONGS PA YIN NO, ,DE LA MTSAMS MED PA NYID CES BYA BA NI SKYES BU GANG ZHIG SEMS CAN DMYAL BAR SKYE BAR 'GYUR BA LA MTSAMS DANG BAR CHAD MED PA'I SKYES BU DE BNI MTSAMS MED PA'O, ,DE'I NGO GANG GIS NA 'DI BAR CHAD MED PAR SEMS CAN DMYAL BA RNAMS SU SKYE BAR 'GYUR BA'I SGRA 'JUG PA'I RGYU MTSAN NYID NI MTSAMS MED PA NYID DE, DES ZHES BYA BA'I THA TSIG GO, ,LAS KYI SRID PA NI LAS DGE BA DANG MI DGE BA RNAMS SO, ,BSAD PA NI RAB TU SPANGS PA'O, ,NI ZHES BYA BA'I SGRA NI GANG GI PHYIR ZHES BYA BA'I DON YIN NO, ,MNGON PAR SGRUB PA'I DON GYI ZHES BYA BA NI SKYED PA'I DON GYIS TE, DE SKAD DU YANG MDO LAS DGE SLONG DAG 'DI NA SEMS CAN DER SKYES PA RNAMS NI LAS DGE BA BSGOMS PA LAS 'BYUNG BA ZAG PA DANG BCAS PA BYAS PA'I RNAM PAR SMIN PA SO SOR MYONG BAR 'GYUR TE, DE LTA BAS NANG SEMS CAN RNAMS NI LAS JI LTA BA BZHIN NYE BAR 'GRO BA YIN NO ZHES GSUNGS SO ZHES 'BYUNG NGO, ,BSKYED PA'I DON GYIS ZHES BYA BA NI BSKRUN PA'I DON GYIS TE, TSIGS SU BCAD PA LAS, ,SRED PAS MI NI SKYED PAR BYED, ,'DI NI SEMS KYI RJES SU RGYU, ,SEMS CAN 'KHOR BAR GTOGS PA @246A *, ,'DI'I, ,SDUG BSNGAL 'JIGS PA CHEN PO YIN, ,ZHES 'BYUNG BA'I PHYIR RO, ,PHA DANG MA NI GSAD BYAS SHING, ,RGYAL PO GTZANG SBRA CAN GNYIS DANG, ,YUL 'KHOR 'KHOR DANG BCAS BCOM NAS, ,MI NI DAG PA NYID DU 'GYUR, ,ZHES GSUNGS SO, ,BTZUN PA RE ZHIG DGE SLONG GIS MA 'GUM PAR 'TSAL ZHES BYA BA LA SOGS PAS GNYI GA LA NYES PA SBOM POR GSUNGS PA NI MA BSAD PA'I BSAM PAS ZHUGS PA'I PHYIR RO, ,BUD MED GZHAN BSAD PA LA NI LTUNG BA MED DO, ,MA BSAD PA LA YANG MTSAMS MED PA NYID NI MA YIN TE, MA BSAD PA DE BSAD PA'I PHYIR RO, ,DNGOS GZHI NI BRJOD PAR 'DOD PA'I DON YONGS SU RDZOGS PA'I MTSAN NYID YIN PAR BSHAD PA'I BSAM PA'I SGO NAS NI 'JUG PA NYID KYI SBYOR PA YIN NO, ,DE NYID KYI PHYIR BYE BRAG TU BSHAD PA LAS, RGYU GNYIS KYIS SROG GCOD PA'I KHA NA MA THO BAS REG PAR 'GYUR TE, SBYOR BA DANG, 'BRAS BU YONGS SU RDZOGS PA'O ZHES GSAL BA KHO NAR 'BYUNG NGO, ,'DUL BA 'DZIN PA RNAMS NA RE SROG GCOD PA NI DPE STE, GZHAN LA YANG TSUL 'DI DANG ZHES ZER TE, DE BZHIN DU BSHAD KYANG ZIN LA 'CHAD PAR YANG 'GYUR RO, ,'DI'I 'OG MA DAG LA YANG CI RIGS SU SBYAR RO, ,BTZUN PA RE ZHIG DGE SLONG GIS MI'I BUD MED KYI MNGAL NA DUD 'GRO'I SKYE GNAS PAR SKYES PA BKUM NA ZHES BYA BA LA SOGS PAS LTUNG BYED DU GSUNGS PA NI BU DUD 'GRO'I SKYE GNAS SU GTOGS PA'I BSAD PA'I BSAM PAS ZHUGS PA'I PHYIR TE, 'DI LTAR DUD 'GRO BSAD NA LTUNG BYED DU BSTAN PA'I PHYIR RO, ,BU DUD 'GROR GTOGS PA YIN PAR YONGS SU SHES PA YANG GSANG SNGAGS LA SOGS PA'I MTHUS SHES PAR BYA STE, 'OG MA BU MIR GTOGS PA BSAD PA LA YANG DE DANG 'DRA'O, ,BTZUN PA RE ZHIG DGE SLONG GIS DUD 'GRO'I SKYE GNAS SU SKYES PA DUD 'GRO MO'I MNGAL DU MI'I BU BKUM NA ZHES BYA BA LA SOGS PAS MTHAR 'GYUR BAR GSUNGS PA NI MI'I BU BSAD PA'I SEMS YOD PA'I PHYIR TE MI BSAD NA YANG PHAM PAR BSTAN PA'I PHYIR RO, ,KHA CIG NI MI'I BUD MED KYI MNGAL DU DUD 'GRO'I SKYE GNAS PAR GTOGS PA BSAD NA YANG NYES BA SBOM POR 'GYUR LA, DUD 'GRO'I SKYE GNAS SU GTOGS PA'I MNGAL DU MI BSAD NA YANG NYES BYAS SU 'DON TO, ,DE NI 'DIS BU MA @246B YIN PAR YANG MA BSAMS LA, BU DE YANG MI MA YIN PAS NYES PA SBOM PO ZHES BYA BA THAL BAR CI ZHIG YOD, BU MI BSAD PAR YANG DUD 'GRO'I SKYE GNAS PAR GTOGS PA YIN PAR YANG MA BSAMS LA, DE YANG DUD 'GRO'I SKYE GNAS PAR SKYES PA YANG MA YIN NA NYES BYAS SU 'DON PA'I SKABS CI ZHIG YOD, DE LTA BAS NA 'DON PA SNGA MA NYID BZANG NGO, ,SKYED PA NI BSKRUN PAR BYED PA'O, ,GSO BAR BYED PA NI SRING BAR BYED PA'O, ,MI LA MI MA LAGS PAR 'DU SHES PAS ZHES BYA BA LA SOGS PAS MTHAR 'GYUR BAR GSUNGS PAS NI SBYOR BA YOD PA'I PHYIR DANG, BSAMS PA'I DON YANG GRUB PA'I PHYIR RO, ,MI LA MI MA LAGS PAR 'DU SHES PAS ZHES BYA BA LA SOGS PAS SBOM BOR GSUNGS PA NI SBYOR BA YOD PA'I PHYIR RO, ,DNGOS GZHI LA NI LTUNG BA MED DE, MI MA YIN PA LA MIR 'DU SHES PA YANG DE DANG 'DRA'O, ,MI MA LAGS PA LA MI MA LAGS PAR 'DU SHES PAS ZHES BYA BA LA SOGS PAS SBOM POR GSUNGS PA NI SBYOR BA YOD PA'I PHYIR DANG, BSAM PA'I DON YANG GRUB PA'I PHYIR RO, ,BDAG NYID SROG DANG BRAL NA ZHES BYA BA LA SOGS BAS SBOM BOR GSUNGS PA NI SBYOR BAR GYUR PA STE, GANG GI PHYIR BDAG NYID GSAD NA GSOD PAR GTOGS PA'I LAS KYI LAM NAM YANG SLONG BAR MI SRID PAS SO, ,'DI LTAR SKAD CIG MA GANG LA SROG 'GAG PA DE'I MJUG THOGS SU SKAD CIG MA GNYIS PA LA GSONG PA'I DNGOS GZHI 'BYUNG BAR 'GYUR GYI, SNGON ROL DU NI MA YIN TE, SBYOR BA'I 'BRAS BUR GYUR PA SROG GCOD PA MA GRUB PA'I PHYIR RO, ,SKAD CIG MA GNYIS PA LA YANG GSOD PA PO DE'I RTEN SRID BA BAR MAS BSDUS PAR LAS GZHAN GYIS 'PHANGS BA SKYES PA MA YIN BA'I NGO BO SHIN TU THA DAD PA GZHAN KHO NA ZHIG SKYE BAR 'GYUR RO, ,LAS GZHAN GYIS 'PHANGS PA'I RTEN GYIS SBYOR BA BYAS PA LAS GZHAN GYIS 'PHANGS PA LAS SDIG PA SKYE BA YANG MA YIN TE, GZHAN GYI SBYOR BA LAS GZHAN LA GSOD PAR THAL BAR 'GYUR DU 'ONG NGO, ,'DI LA NI 'PHEN PA THA DAD PAS RTEN THA DAD PA 'DRA BAS DE'I PHYIR 'DI LA LAS KYI LAM 'BYUNG NGO, ,'ON TE DE SNGAR DUS BYAS NA ZHES BYA BA LA SBOM POR GSUNGS PA NI SBYOR BA NI LTUNG BA STON PAR BYED PA YIN PAR SHES PAR BYA STE, 'DI LTAR GSOD PA BO DE SNGAR SHI NAS DNGOS GZHI SLONG BA'I DUS NA TSE RABS GZHAN DU RNAM PAR GNAS PAR 'GYUR RO, ,TSE RABS @247A *, ,GZHAN DU RNAM PAR GNAS PA LAS YANG SNGON GYI SBYOR BA RGYU CAN GYI GSOD PA LDANG BAR RIGS PA MA YIN TE, RANG GI NGO BO THA DAD PA'I PHYIR DANG, LAS GZHAN GYIS 'PHANGS PA'I PHYIR RO, ,'DIR YANG SNGAR DUS BYAS NA ZHES BYA BA'I SNGAR DUS BYED PA NYID NI DPER SHES PAR BYA STE, DES NA GANG ZHIG GIS BSAD PA LA SOGS PA'I SBYOR BA BYAS NAS MGO MNYAM DU SHI BA DE YANG SROG GCOD PA LA SOGS PA MI LDANG BA KHO NA STE, DNGOS GZHI SLONG BA'I DUS NA LTUNG BA 'BYIN PA PO DE TSE RABS GZHAN DU GNAS PA'I PHYIR LA, TSE RABS GZHAN DU GNAS PA LA YANG KHA NA MA THO BA LDANG BA MED PA'I PHYIR RO ZHES BYA BA'I DON TO, , DGRA BCOM PA BKUM PAR 'TSAL BA LAS SO SO'I SKYE BO BKUM NA ZHES BYA BA LA SOGS PAS SBOM POR GSUNGS PA NI BRJOD PAR 'DOD PA'I 'BRAS BU MA GRUB PA'I PHYIR RO, ,DE LA DGRA BCOM PA NI NYON MONGS PA'I DGRA BCOM PA'I PHYIR RAM, MI SKYE BA'I CHOS THOB PA'I PHYIR RO, ,SO SO'I SKYE BO NI 'PHAGS PA'I SKYE BO DANG THA DAD PAR 'GYUR BA 'DOD CHAGS DANG BCAS PA GZHAN NO ZHES BYA BA'I THA TSIG GO, ,DE LA DON NI 'DI YIN TE, RGYU THA DAD PA DGRA BCOM PA GSAD PAR 'DOD PA LAS SO SO SKYE BO BSAD NA MA BSAMS PA'I YUL LA BSAD PA BSGRUB PA'I PHYIR PHAM PA NI MED KYI, SBYOR BA LA NI SBOM POR 'GYUR LA MTSAMS MED PA'I SBYOR BAR YANG 'GYUR RO, ,'DIS NI SO SO SKYE BO GSAD PAR 'DOD PA LAS DGRA BCOM PA BSAD NA ZHES BYA BA LA SOGS PA LAS SBOM BOR BSHAD PAR SHES PAR BYA'O, ,DGRA BCOM PA BKUM PAR SBYOR BA BGYIS PA LAS ZHES BYA BA LA SOGS PAS SLOB PA BSAD NAS MTHAR 'GYUR BA DANG, MTSAMS MED PA DANG NYE BAR GSUNGS PA NI GNAS SKABS GZHAN LA MA BSAMS KYANG, 'DI GSAD DO SNYAM DU RTEN NGES PAR GZUNG BA'I PHYIR RIG PAR BYA'O, ,SLOB PA NI YONGS SU NYAMS PA'AM, MA NYAMS PA YANG RUNG PHYIR MI 'OD BA LA SOGS PA STE, DGRA BCOM PA NYID THOB PAR BYA BA'I PHYIR SLOB PA LA BRTZON PA'I PHYIR RO, ,'DI LTAR DGRA BCOM PA DBANG PO RTUL PO NYON MONGS PA'I DBANG GIS DGRA BCOM PA NYID LAS YONGS SU NYAMS NA PHYIR MI 'ONG BA'I 'BRAS BU LA GNAS PAR 'GYUR RO, ,SLOB PA MTHAR GYIS PA YANG RUNG PHAL CHER LAS 'DOD CHAGS DANG BRAL YANG RUNG, PHYIR MI 'OD @247B BA LA SOGS PA DE BSAD NA MTSAMS MED PA DANG NYE BAR BSHAD DE, MA DGRA BCOM MA SUN BYAS DANG, ,BYUNG CHUB SEMS DPA' NGES PA LA, ,GNAS DANG SLOB DANG GSAD PA DANG, ,DGE 'DU NA 'DU BA'I SGO 'PHROG PA, ,MTSAMS MED PA DANG 'DRA BA STE, ,LNGA PA MCHOD RTEN 'JIG PA YIN, ,ZHES 'BYUNG BA'I PHYIR RO; ,DE BAS NA JI LTAR RGYU THA DAD PA'I SEMS CAN GZHAN LA SBYOR BA BYAS NAS MA BSAMS PA'I YUL GZHAN LA BYA BA MTHAR PHYIN PAR BYAS PA BRJOD PAR 'DOD PA'I DON YONGS SU MA RDZOGS PA'I PHYIR, 'BRAS BU MA RDZOGS PA YIN PA LTAR, GNAS SKABS GZHAN DGRA BCOM PA NYID KYI GNAS SKABS SU GYUR PA LA SBYOR BA BYAS NAS GNAS SKABS GZHAN MA BSAMS PA'I SLOB PA'I GNAS SKABS SU GYUR PA'I PHYIR MI 'ONG BA NYID LA SOGS PA LA BYA BA MTHAR PHYIN PAR BYAS PA NI, DE LTA BUR GYUR PA MA YIN NO ZHES BYA BA'I DON TO, ,'DI LTAR SO SO'I SKYE BO GSAD PA SBYOR BA BYAS LA, DGRA BCOM PA SROG DANG BRAL NA ZHES BYA BA LA SOGS PAS MTHAR 'GYUR BA DANG, MTSAMS MED PAR 'GYUR BA YANG BSHAD PAR RIG PAR BYA STE, GNAS SKABS GZHAN DU GYUR PA NA GZHAN NYID MA YIN NO ZHES 'BYUNG BA'I PHYIR RO, ,DGUM PAR ZHES BYA BA NI GSAD PAR RO, ,BKRI BA NI BTANG BA'O, ,GRONG GI MI NI GRONG GI SKYES BU RNAMS SO, ,RGYAL PO'I MI NI RGYAL PO'I MI RNAMS SO, ,RJES BZHIN RJES BZHIN DU ZHES BYA BA NI PHYI BZHIN DU PHYI BZHIN DU STE LAN GNYIS SMOS PA NI BZLAS PAR ZAD DO, ,BRTAGS PAR GYUR PA NI 'JUG PA LA BRTAGS PA'O, ,MDUN ROL NI MDUN NA TSUR RO, ,MTHAR 'GYUR RO ZHES GSUNGS PA 'DI NI BSTAN NA YANG PHAM BAR 'GYUR BAR RAB TU BSTAN PA'I PHYIR RO, ,DES NA YANG GSAD PAR BYA BA DE GSHED MA PAS BSAD NA STON PAR BYED PA DES KYANG BSAD PAR 'GYUR TE, SBYOR BA'I DBANG GIS BSTAN PAS SHIN NA STON PA PO LA PHAM PAR 'GYUR RO ZHES BYA BA'I THA TSIG GO, ,NYES BYAS ZHES BYA BA 'DI LA NI GSAD SEMS MED PA'I PHYIR TE, 'DI NI LTUNG BA'I SGOR GYUR PA'I SKABS THAMS CAD DU DRAN PAS BSGRUB PAR BYA'O ZHES BYA BA 'DIR GTOGS PAR TE, BCAD PAS KHA NA MA THO BA YIN NO, ,'DI LTAR PHAN GDAGS PA'I BLOS ZAS BYIN PA LA MTSAMS MED PAR 'GYUR DU 'ONG BAS SROG GCOD PA'I SEMS NYE BAR MA BZHAG PA LA GSOD PA'I KHA NA MA THO @248A *, ,BA 'GA' YANG LTUNG BAR MI 'GYUR TE, DE LTA BAS NA 'DUL BA 'DZIN PA RNAMS NA RE NYES BYAS ZHES BYA BA NI RANG BZHIN GYI KHA NA MA THO BA GSOD PAR GTOGS PA YIN PAR SHES PAR BYA'O ZHES ZER RO, ,MA BKUM PAR BGYIS BA LAS ZHES BYA BA NI GSAD PAR BYA BA LAS SO, ,NYES PA SBOM POR 'GYUR RO ZHES BYA BA 'DI NI MA BSAMS PA BSAD PA'I PHYIR SBYOR BA LAS BYUNG BA YIN NO, ,SROG DANG BRAL BA'I RKYEN GYIS ZHES BYA BA'I NI GSAD PA'I RGYUS SO, ,GSOD PA'I PHAM PA GTAN LA DBAB PA'O,, ,,MNGON PAR MI SHES PA NI ZAG PA DANG BCAS PA'I SHES PAS SO, ,YONGS SU MI SHES PA NI ZAG PA MED PA'I SHES PAS SO, ,MI'I CHOS BLA MAR GYUR PA NI CHOS THAMS CAD KYI MCHOG MYA NGAN LAS 'DAS PA MI'I RGYUD LA SKYE PA'I PHYIR RO, ,DE JI LTA BU ZHIG CE NA, MTHA' ZHES BYA BA LA SOGS PA GSUNGS SO, ,MTHA' NI MYA NGAN LAS 'DAS PA STE, NYON MONGS PA DANG NYE BA'I NYON MODS PA THAMS CAD KYI MTHAR 'GYUR BA YIN PA'I PHYIR RO, ,'PHAGS PA NI SANGS RGYAS DANG RANG SANGS RGYAS DANG NYAN THOS RNAMS LAS 'PHAGS PA BLA MA ZHES BYA BA'I THA TSIG GO, ,DGRA BCOM PA RNAMS KYI BLA MA CHOS CHES 'BYUNG BA'I PHYIR RO, ,KHYAD PAR THOB PA NI KHYAD PAR RNYED PA STE, DGE SBYONG GI 'BRAS BU BZHI RNYED PA ZHES BYA BA'I THA TSIG GO, , GZHAN DAG NI 'PHAGS PA'I KHYAD PAR THOB PA ZHES 'PHAGS PA ZHES BYA BA'I SGRA'I KHYAD PAR THOB PA ZHES BYA BA'I SGRA DANG LHAN CIG SBYOR BAR BYED DE, DE LA NI 'PHAGS PA'I KHYAD PAR THOB PA'O ZHES ZAG PA MED PA THOB PA'O ZHES RNAM PAR BSHAD PAR BYA'O, ,SHES PA NI SDUG BSNGAL SHES PA LA SOGS PA BZHI'O, , MTHONG BA NI SDUG BSNGAL LA CHOS SHES PA'I BZOD PA LA SOGS PA BZHI'O, ,REG PAR GNAS PA NI BDE BAR GNAS PA STE, BSAM GTAN BZHI'I BDE BA'I MTSAN NYID DO, ,MED PA NI THOB BA'I SGO NAS SO, ,MI BDOG PA NI MNGON DU GYUR PA'I TSUL GYIS SO, ,'DI SHES SO ZHES BYA BA NI BDEN PA BZHI'O, , 'DI MTHONG NGO ZHES BYA BA NI LHA LA SOGS PA'O, ,DE LTAR ZHES BYA BA'I SGRA NI 'OG MA DAG LA YANG BDAG LA LTA'O THOS SO, ,NYAN TO ZHES BYA BA LA SOGS PA BSDU BA'I PHYIR RO, ,KHAS 'CHES PA LAS ZHES BYA BA NI KHAS LEN PAR BYED PA STE, BDAG NYID YIN PAR KHAS LEN PA LAS ZHES BYA BA'I THA TSIG GO, ,LTUNG BA BYUNG @248B BA NI PHAM PAR GYUR PA'O, ,RNAM PAR DAG PAR 'DOD PAS ZHES BYA BA NI LDANG BA'I BSAM PAS SO, ,DUS GZHAN ZHIG NA ZHES BYA BA NI DUS GZHAN NA'O, ,DRIS PA NI GZHAN DAG GIS GLENGS PA NA'O, ,'AM ZHES BYA BA'I SGRA NI RNAM PAR BRTAG PA'O, ,MA DRIS PA NI BDAG NYID KYIS RTOGS NAS SO, ,'DI SKAD CES BYA BA NI SMRAS PA'O, ,MA MTHONG BA ZHES BYA BA NI MIG GI RNAM PAR SHES PAS SO, ,GSO BA NI DON GYIS STONG BA'I PHYIR RO, ,GSOG NI DGOS PA SNYING PO MED PA'I PHYIR RO, ,BRDZUN DU SMRAS PA NI MI BDEN PA SMRAS PAR GYUR PA'O, ,DON NI 'DI YIN TE, YANG DAG PA JI LTA BA BZHIN SMRAS PA'I PHYIR BDAG LA LTUNG PAR MI 'GYUR RO SNYAM NAS LTUNG BA MED PAR 'DOD PAS DE SKAD DU SMRAS MOD KYI, 'ON KYANG DE LA LTUNG BAR 'GYUR BA KHO NA'O, ,'DI YAN LAG NI MA YIN TE, 'DI LTAR DANG PO NYID DU 'DU SHES SBA BA BYED PAS BRDZUN DU SMRAS PAR GYUR PA'I PHYIR RO, ,MNGON PA'I NGA RGYAL MA GTOGS SO ZHES BYA BA NI MNGON PA'I NGA RGYAL GZHAG PA STE, MA GTOGS ZHES BYA BA'I SGRA NI BKOL BA'I DON TO, ,MNGON PA'I NGA RGYAL NI BAG TZAM MTHONG BA'I SGO NAS YON TAN 'THOB PA SNGON DU 'GRO BA CAN GYI NGA RGYAL BYED PA STE, 'DI LTAR MNGON PA'I NGA RGYAL CAN NI BRDZUN DU SGRA BA'I PHYIR MA YIN PAR YANG DAG PA'I 'DU SHES RJES SU THA SNYAD 'DOGS PAS, DE'I PHYIR BRDZUN DU SMRA BA MED PAS DE LA LTUNG BA MED DO ZHES BYA BA'I THA TSIG GO, ,SDIG PA NI 'DOD CHAGS LA SOGS PA STE, DAM PA RNAMS KYIS SMAD PA'I PHYIR RO, ,MI DGE BA NI 'BRAS BU YID DU MI 'ONG BA'I PHYIR RO, ,CHOS RNAMS NI NYES PAR SPYOD PA'I RANG GI NGO BO 'DZIN PA'I PHYIR RO, ,KHONG DU CHUD PA NI BDAG NYID...KYIS SO, ,BRDA SPROD PA NYID NI GZHAN LA'O; ,BSAMS NAS ZHES BYA BA NI MNOS NAS SEMS LA GZHAG NAS ZHES BYA BA'I THA TSIG GO, ,LUNG STON PA NI GTZANG BAR BYED PA'AM NGES PAS STON PA'O, ,NYES PA SBOM POR 'GYUR RO ZHES BYA BA 'DI LA, SBOM PO 'DI NI MI'I CHOS LAS BLA MAR GYUR PA BRJOD PA'I 'DUN PAS MING MTHUN PA'I DON BRJOD PA YIN TE; 'DI LTAR 'DI LA NI BSAMS PA'I DON KHO NA BRJOD PAS 'DU SHES SBAS PA MED DE, DE LTA BAS NA BDAG NYID MI'I CHOS BLA MAR GYUR PA DANG LDAN PA NYID DU SMRAS SU ZIN KYANG PHAM PA SLONG BAR MI 'GYUR RO ZHES BYA BA'I THA TSIG GO, ,DE BZHIN DU DON MTHUN PAR STON PAR BYED PA'I TSIG 'OG MA DAG LA YANG RTOGS PAR @249A *, ,BYA STE, GZHAN GYIS KYANG THOS NA KHA NA MA THO BA 'DIR 'GYUR RO, ,MED PA NI MI BDOG PA'O, ,SANGS RGYAS BYED PA'I CHOS NI STOBS DANG, MI 'JIGS PA DANG, DRAN PA NYE BAR GZHAG PA DANG, THUGS RJE CHEN PO ZHES BYA BA DE BZHIN GSHEGS PA'I RGYUD LA MNGA' BA'I YON TAN RNAMS SO, ,STON PA NI PHAN PA DANG MI PHAN PA DAG GI THABS STON PAR BYED PA'I PHYIR RO, ,GDAMS NGAG STON PAR BYED PA ZHES BYA BA LA SOGS PA LA, CHOS STON PA'O ZHES BYA BA JI LTAR CHOS STON PA YIN ZHE NA, GDAMS NGAG STON BA ZHES BYA BA GSUNGS TE, MI PHAN PAR 'GOG PA'I PHYIR RO, ,RJES SU STON PA NI PHAN PA DANG SBYOR BA'I PHYIR RO, ,YANG NA GDAMS NGAG STON PA NI LAM SGOM PA'I LUNG 'BOGS BA'I PHYIR RO, ,RJES SU STON PA NI BYA BA DANG BYA BA MA YIN PA SLOB PA YIN NO, ,DE'I PHYIR JI LTAR 'DI CHOS STON PA YIN ZHE NA, 'DI LTAR GDAMS NGAG STON PA DANG, RJES SU STON PA YIN PAS SO ZHES BYA BA'I THA TSIG GO, ,DANG PO'I MTHA' CAN YANG RGYUR 'GYUR TE, DPER NA BU DGA' BA YUL 'KHOR SRUNG ZHES BYA BA LTA BU STE, BU DGA' BA'I PHYIR STON ZHES BYA BA'I THA TSIG GO, ,STON PA'I CHOS RNAMS NI STOBS DANG MI 'JIGS PA LA SOGS PA THUN MONG DANG THUN MONG MA YIN PA RNAMS SO, ,NYAN THOS NI GUS PAR NYAN PA'I SLOB MA ZHES BYA BA'I THA TSIG GO, ,SNGON GYI GNAS NI SNGON GYI TSE RABS DRAN PA STE, DE DANG DER SKYES PA ZHES BYA BA'I THA TSIG GO, ,YANG DAG PAR RDZOGS PA'I SANGS RGYAS NI, YANG DAG PA'I YE SHES PHYIN CI MA LOG PA MI SLU BAS YE SHES KYI MTHU THOGS PA MED PA RGYAS PA DANG LDAN PA'I PHYIR PAD MA BZHIN DU NYID KYIS RNAM PAR SANGS RGYAS PA'O, ,YANG NA NYON MONGS PA CAN DANG, NYON MONGS PA CAN MA YIN PA'I GTI MUG NYID DANG GTAN DU BRAL BA'I PHYIR SKYES BU GNYID SANGS PA LTA BUR SANGS RGYAS PA YIN NO, ,THAMS CAD NI 'DAS PA DANG MA 'ONGS PA RNAMS SO, ,SKYABS SU SONG BA NI SDUG BSNGAL LAS YONGS SU BSKYAB PA'I DON DU SKYABS NYID DU KHAS BLANGS PAR GYUR PA'O, ,MI SLOB BA NI DGRA BCOM PA STE, NYON MONGS PA SPANG BA'I PHYIR YANG SLOB PA MED PA'I PHYIR RO, ,NYON MONGS PA SPANGS PA NI 'DOD CHAGS LA SOGS PA'I NYON MONGS PA SEMS NYE BAR NYON MONGS PAR BYED BA'I MTSAN NYID RNAMS DANG BRAL BA'I PHYIR RO, ,BZO NI GSER 'GYUR LA SOGS PA'I LAS SO, ,SLOB PA'I @249B SPYOD PA NI NYON MONGS PA SPANG BA'I PHYIR LAM BSGOM PA'O, ,KUN DU SPYAD PA NI NYIN GCIG BZHIN DU 'PHRAL GYI BYA BA SGRUB PA'O, ,CI YANG SPANGS PA NI 'DOD CHAGS LA SOGS PA ZAD PA'O, ,DGE SPYONG GI ZHES BYA BA NI DGE SLONG LA DGONGS PA STE, BRTAGS PA ZHES BYA BA'I THA TSIG GO, ,'TSO BA'I YO BYAD NI 'TSO BSGRUB PAR BYED PA'I RDZAS SMAN LA SOGS PA STE, 'TSO BAR DGOS PA ZHES BYA BA'I THA TSIG GO, ,GANG YANG RUNG BA NI MA YIN GYI LHUNG BZED LA SOGS PA BSHAD MA THAG PA 'GA' YANG NGO, ,YANG GZHAN NA RE KHAB RAL LA SOGS PA GZHAN NO, ,DGE SPYONG GI TSUL GYI 'BRAS BU DAG NI RGYUN DU ZHUGS PA LA SOGS PA BZHI'O, , CHOS MNGON PA PA RNAMS NA RE BRGYAD CU RTZA DGU ZHES ZER RO, ,DGE SBYONG GI TSUL NI ZAG PA MED PA'I LAM MO, ,'DI DAG NI DE'I 'BRAS BU YIN PA'I PHYIR TE, DGE SBYONG TSUL NI DRI MED LAM, ,'BRAS BU 'DUS BYAS 'DUS MA BYAS, ,DE DAG BRGYAD CU RTZA DGU'O, ,ZHES BYA BA LA SOGS PA 'BYUNG BA'I PHYIR RO, ,LUNG LAS NYAMS PA NI MDO SDE DANG 'DUL BA DANG, MNGON PA 'DON PA LA SOGS PA NYAMS PA'O, ,KUN DU SBYOR BA NI RJES SU CHAGS PA DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, MCHOG TU 'DZIN PA DANG, THE TSOM DANG, PHRAG DOG DANG, SER SNA ZHES BYA BA'I 'CHING BAR BYED PA'I MTSAN NYID DGU'O, ,'CHING BA NI 'DOD CHAGS DANG, ZHE SDANG DANG, GTI MUG CES BYA BA GSUM MO, ,BAG LA NYAL BA NI 'DOD PA DANG, SRID PA'I 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, THE TSOM PHRA RGYAS ZHES BYA BA RJES SU 'BREL BA'I MTSAN NYID DAM, DMIGS PA DANG MTSUNGS PAR LDAN PA DAG GIS RGYAS PAR 'GYUR BA'I MTSAN NYID NI BDUN NO, ,NYE BA'I NYON MONGS PA NI G-YO DANG RGYAGS PA DANG, RNAM PAR 'TSE BA LA SOGS PA STE, NYON MONGS PA DANG NYE BA'I NYON MONGS PA YIN PAS NYON MONGS PA GTZO BO MA YIN PAS ZHES BYA BA'I THA TSIG GO, ,KUN NAS DA KRIS PA RNAMS NI NGO TSA MED PA DANG, KHREL MED PA DANG, PHRAG DOG DANG, SER SNA DANG, RGOD PA DANG, 'GYOD PA DANG, RMUGS PA DANG, GNYID DANG, KHRO BA DANG, 'CHAB PA ZHES BYA BA SEMS KUN NAS DKRI BAR BYED PA'I BDAG NYID BCU'O, ,ZAD PA NI BYED PA LOG PA'I PHYIR RO, ,'GAGS PA NI 'JUG KYANG 'GAGS PA'I PHYIR RO, ,BRAL BA NI DE KUN NAS @250A *, ,SLONG BAR BYED PA'I SEMS DANG BRAL BA'I PHYIR RO, ,RNAM BAR GYUR PA NI DE KUN NAS SLONG BA DANG 'GAL BA'I SEMS BSKYED PA'I PHYIR RO, ,GROL BA NI YANG MI SKYE BA'I CHOS CAN NYID DU SO SOR BRTAGS PA'I 'GOG PAS 'GAGS PA'I PHYIR RO, ,'JIGS PA SPANGS PA NI SKYE BA DANG, RGA BA DANG 'CHI BAL SOGS PA'I 'JIGS PA DANG BRAL BA'O, ,'JIG RTEN PA'I 'JIGS PA NI CHU DANG ME DANG RLUNG DANG RDO DANG RGYAL PO LA SOGS PA 'BYUNG NGO, ,THA MA NI MJUG MA'O, ,ZAD PA SHES PA NI NYON MONGS PA RNAMS ZAD PA LA, BDAG GI NYON MONGS PA RNAMS ZAD DO SNYAM PA DE LTA BU'I NGES PA SKYE BA'I PHYIR RO, ,GANG GI SKYE BA'I THA MA 'DI YIN PA ZHES BYA BA NI SKYE BA'I THA MA YIN PA'O, ,ZAD PA NI 'BRAS BU RDZOGS PA'I PHYIR RO, ,'GAGS PA NI DA LTAR BYUNG BA NYID LAS NYAMS PA'O, ,BRAL BA NI BYED PA LOG PA'O, ,RNAM PAR GYUR PA NI 'JUG KYANG 'GAGS PA'I PHYIR RO, ,THOB PA NI BSGRUBS PA'O, ,'JIG RTEN PA'I THOB PA NI BZA' BA DANG BTUNG BA DANG MAL CHA DANG STAN DANG GOS DANG GNAS MAL LA SOGS PA'I DNGOS PO'O, ,KYE MA ZHES BYA BA NI BRTZE BA'O, ,GYUR KYANG ZHES BYA BA NI GYUR NA YANG NGO, ,CI MA RUNG ZHES BYA BA NI SMON PA'O, ,RGYUN DU ZHUGS PA NI KHAMS GSUM PA'I MTHONG BAS SBANG BAR BYA BA'I NYON MONGS PA RNAMS SPANGS PA'I PHYIR RO, ,'PHAGS PA'I LAM NI MYA NGAN LAS 'DAS PA THOB PAR BYA BA'I RGYU YIN TE DES DE BSGRUBS PA'I PHYIR RO, ,DE DAG DER ZHUGS SHING THOB PAS NA RGYUN DU ZHUGS PA YIN NO ZHES BYA BA'I DON TO, ,LAN CIG PHYIR 'ONG BA NI BSGOM PAS SBANG BAR BYA BA'I NYON MONGS PA'I RNAM PA DRUG SPANGS PAS LHA RNAMS KYI NANG DU SKYES NAS LAN CIG STE, RES GCIG CIG MI'I 'JIG RTEN DU 'ONGS NAS SDUG BSNGAL GYI MTHAR BYED PA'I PHYIR RO, ,PHYIR MI 'ONG BA NI 'DOD PA NA SPYOD PA'I BSGOM PAS SPANG BAR BYA BA'I NYON MONGS PA'I RNAM PA DGU SPANGS PAS YANG SKYE BA'I DON DU 'DOD PA'I KHAMS SU MI 'ONG BA'I PHYIR RO, ,DGRA BCOM PA NI SRID PA'I RTZE MO PA'I BSGOM PAS SPANG BAR BYA BA'I NYON MONGS PA'I RNAM PA CHUNG DU SPANGS PAS 'GRO BA MTHA' DAG GIS MCHOD PAR 'OS PA'I PHYIR RO, ,NYES PA SBOM POR 'GYUR RO ZHES BYA BA LA 'DIR SBOM POR GSUNGS PA 'DI LA GZHAN DAG 'DI LTAR 'DI RANG NYID 'DI SKAD DU RGYUN DU ZHUGS @250B PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PAR 'GYUR NA ZHES SMRA BA DANG SBYAR NA GDON MI ZA BAR RGYUN DU ZHUGS PA LA SOGS PA YIN NO SNYAM DU SEMS PAR 'GYUR BAS SO, ,MI'I CHOS BLA MAR GYUR PA ZUR GYIS SMOS PA NYID YIN GYI DNGOS SU TSIG GI BDAG NYID MI'I CHOS BLA MAR GYUR PA DANG LDAN PA NYID DU SMRAS PA NI MA YIN PAS PHAM PA SLONG BA MED DO, ,ZHUS PA LA LA LAS NI 'DI SKAD CES, BTZUN PA DGE SLONG GIS 'DI SKAD CES DGE SLONG GANG ZHIG GI BSLANG BA'I KHYIM CHE GO MO ZHIG YIN PA DE NI RGYUN DU ZHUGS PA DANG DE NI LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA YIN NO ZHES SMRAS LA KHYIM DE SU'I BSLANG BA'I KHYIM YIN ZHES BGYIS PA DANG, DES KHO BO'I YIN TE, KHO BO NI RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA YANG MA YIN NO ZHES SMRAS NA CIR 'GYUR LAGS, NYES PA SBOM POR 'GYUR RO ZHES 'BYUNG NGO, ,DON NI 'DI YIN TE; NYES PA SPOM POR 'GYUR RO ZHES BYA BA 'DI LA ZUR GYIS SMOS PA KHO NAS SBOM POR 'GYUR RO, ,'DIR DGONGS PA NI 'DI YIN TE, GANG ZHIG GIS SNGAR MI'I CHOS BLA MAR GYUR PA YANG DAG PA MA YIN PA ZUR GYIS BRJOD NAS, PHYIS YANG DAG PA'I TSIG SBYAR DU ZIN KYANG, SNGAR ZUR GYIS BRJOD PA'I DBANG KHO NAS SBOM POR 'GYUR RO, ,'DI LTAR SKYES PA'I DON NI NAM YANG JI LTAR YANG MA SKYES PA NYID BSGRUB PAR MI NUS TE, NGO BO NYID NI GZHAN DU BSGYUR DU MI RUNG BA'I PHYIR SNGON PO LA SER PO LA SOGS PA NYID LTA BU'O, ,'DIR YANG DGE SLONG GANG ZHIG GIS BSLANG BA'I KHYIM CHE GE MO ZHIG YIN PA LA SOGS PA LA RANG GI DON NYID MED PA'I PHYIR PHAM PA NYID MA YIN NO, ,KHO BO NI YIN TE, KHO BO NI RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA YANG MA YIN NO ZHES BYA BA LA SOGS PA NI BDEN PA NYID YIN NO, ,ZAG PA ZAD PA NI NYON MONGS PA THAMS CAD SPANGS PA'I PHYIR RO, ,MA SMIN PA NI MA RGYAL BA'O, ,YIN NO ZHES BYA BA NI DE LTA YIN NO ZHES BYA BA'O, ,NYES PA SBOM POR 'GYUR RO ZHES BYA BA 'DI LA SBOM PO 'DI NI MING MA THUN PAR SMRAS PA YIN TE, SNGA MA BZHIN NO, ,BDAG NI RGYUN DU ZHUGS PA'I 'BRAS BU THO BA PO ZHES BYA BA LA SOGS PA LA RGYUN DU ZHUGS PA'I 'BRAS BU NI ZAG PA MED PA'I @251A *, ,LAM GYIS SEMS KYI SKAD CIG MA BCU DRUG THOB PAR BYA BA YIN NO, ,LAN CIG PHYIR 'ONG BA'I 'BRAS BU NI ZAG PA MED PA'I LAM GYIS THOB PAR BYA PA'I 'BRAS BU 'DUS BYAS DANG 'DUS MA BYAS SO, ,PHYIR MI 'ONG BA'I 'BRAS BU NI ZAG PA MED PA'I LAM GYIS THOB PAR BYA BA'I 'BRAS BU 'DUS BYAS DANG 'DUS MA BYAS KHO NA'O, ,MCHOG GI 'BRAS BU NI DGRA BCOM BA NYID DO, ,ZAG PA MED PA'I LAM GYIS THOB PAR BYA BA'I 'BRAS BU 'DUS BYAS DANG 'DUS MA BYAS TE, 'DI NI NYON MONGS PA DANG, NYE PA'I NYON MONGS PA MA LUS PA'I RTZA NAS BTON PAR BYA BA BYAS PA'I PHYIR 'BRAS BU THAMS CAD KYI GTZO BO NYID DO SNYAM DU DGONGS PA YIN NO, ,LA LA BDAG GIS RGYUN DU ZHUGS PA LA SOGS PA'I 'BRAS BU THOB PO ZHES BYA BA GZUGS POR SMRAS NA PHAM PAR 'GYUR GYI, RNAM PA GZHAN DU NI MA YIN NO SNYAM DU SEMS PAR 'GYUR BA DE'I PHYIR 'DI YIN NO, ,BDAG NYID KYIS DRIS LA ZHES BYA BA LA SOGS PAS NYES PA SBOM POR GSUNGS PA NI RNAM PAR RIG BYED YONGS SU RDZOGS PA MED PA'I PHYIR RO, ,RTOGS PA YONGS SU RDZOGS PAR BYA BA'I PHYIR GZHAN LA RNAM PAR RIG PAR BYED PA NA 'DI NI RTOGS PA YONGS SU RDZOGS PAR MI 'GYUR RO SNYAM DU DGONGS PA YIN NO, ,KHYOD KYIS THOB PA'AM ZHES BYA BA NI KHYOD ZAG PA DANG BRAL BA 'AM ZHES BYA BA YIN NO, ,YONGS SU NYAMS PA NI NYAMS PAR GYUR PA'O, ,THOB PA LAS YONGS SU NYAMS PA NI BDAG DGE SPYOD GI TSUL GYI 'BRAS BU BZHI DANG MNGON PAR SHES PA DRUG LAS NYAMS PA YIN NO ZHES BYA BA LA SOGS PAS MI'I CHOS BLA MAR GYUR PA THOB PA LAS NYAMS PA STON PAR BYED PA GANG YIN PA'O, ,THOB PA LAS YONGS SU NYAMS PA NI THOB PA LAS 'GYUR GYI MA THOB PA LAS NI MA YIN LA, 'DIS KYANG THOB PA LAS YONGS SU NYAMS PAR LUNG BSTAN PAS THOB PAR YANG SMRAS PAR 'GYUR TE, DE NI THOB PA SNGON DU 'GRO BA CAN YIN PA'I PHYIR RO, ,DE BAS NA 'DI LA PHAM PA KHO NAR 'GYUR RO ZHES BYA BA'I THA TSIG GO, ,MA THOB PA LAS YONGS SU NYAMS PA NI ZAG PA DANG BCAS PA'I DANG, ZAG PA MED BA'I YON TAN MA THOB PA DAG LAS NYAMS PA STE, ,THOB DANG MA THOB NYER SPYOD LAS, ,YONGS NYAMS RNAM PA GSUM ZHES BYA, ,ZHES BYA BA'I PHYIR RO, ,NYES PA @251B SBOM POR 'GYUR RO ZHES BYA BA 'DIR NI RE ZHIG GAL TE MI'I CHOS BLA MAR GYUR BA ZHES BYA BA'I KHYAD PAR 'GA' ZHIG BRJOD PAR 'DOD PA'I 'DUN PAS SKYON DANG BCAS PA YIN NA DE LTAR ZUR GYIS BRJOD PA NYID DU 'GYUR LA, DE ZUR GYIS BRJOD NA YANG SBOM POR 'GYUR BAR BSHAD MA THAG PA YIN NO, ,MI CHOS BLA MAR GYUR PA BRJOD PAR 'DOD PA DANG, 'BREL PA MED PA GANG YIN PA DE NI BRDZUN DU SMRA BA MED PA'I PHYIR NYES PA MED PA KHO NAR ZHES BYA'O ZHES BYA BA DE LTAR KHONG DU CHUD PAR BYA'O, ,RGYUN DU ZHUGS PA'I 'BRAS BUR LUNG BSTAN TO SNYAM PA LAS LAN CIG PHYIR 'ONG BA'I 'BRAS BUR LUNG STON PAR BGYID CES BYA BA LA SOGS PAS NYES PA SBOM POR 'GYUR BAR GSUNGS PA NI BSAMS PAR BRJOD PA SBYOR BAR GTOGS PA KHO NA YIN PAR KHONG DU CHUD PAR BYA'O, ,RGYU RI ZHES BYA BA NI BYA RGOD BUNG BO DANG NGOS YANGS KYI BAR DU RGYAL PO SHING RTA CHEN POS BYAS PA'I GRONG KHYER RO, ,BYA SKYIBS KYI NGOS NI BAR RIM MNGON DU NGOS PHYIR 'PHAGS PA YOD PA'I PHYIR RO, ,BYA RGOD KYI PHUNG PO NI RI'I RTZE MO BYA RGOD 'DRA BA DAG YOD PA'I PHYIR RO, ,GZHAN DAG NA RE BYA RGOD KYIS DUR KHROD BSIL BA'I TSAL NAS RGYU MA DAG KHYER TE RI DE'I KHAR ZA BAR BYED PAS SO ZHES ZER RO, ,'OD MA'I TSAL NI SMYUG MA SBOM BO'I NAGS SO, ,BSTAN BA NI LUNG 'BOGS PA DANG GZUNG BA'O, ,SNYOM LAS NI LE LO'O, ,MI MA LAGS PA LA MI MA LAGS PAR 'DU SHES TE ZHES BYA BA LA SOGS PAS NYES PA SBOM POR GSUNGS PA NI SBYOR BA YOD PA'I PHYIR DANG, BSAMS PA'I DON GRUB PA'I PHYIR RO, ,MI MA LAGS PA LA MIR 'DU SHES TE ZHES BYA BA LA SOGS PAS SBOM POR GSUNGS PA NI SBYOR BA YOD PA'I PHYIR TE; MI LA MI MA YIN PAR 'DU SHES PA LA YANG DE DANG 'DRA'O, ,MI LA MIR 'DU SHES TE ZHES BYA BA LA SOGS PAS MTHAR 'GYUR BAR GSUNGS PA NI SBYOR BA YOD PA'I PHYIR DANG, BSAMS PA'I DON GRUB PA'I PHYIR RO, ,GAL TE LUNG TSAL BAR BYA BA ZHES BYA BA NI MDO SDE DANG 'DUL BA DANG, CHOS MNGON PA RNAMS 'DON PA DANG, KHA THON DU BYA BA LA SOGS PAS BSGRAG PA'O, ,NYES PA SBOM POR 'GYUR RO ZHES BYA BA 'DIR NI MI MTHUN PA'I DON BRJOD PA YIN NO, ,NYAN THOS KYI CHOS RNAMS NI ZAD PA SHES PA LA SOGS PA'O, ,'JIG RTEN PA'I BSAM GTAN NI ZAG PA DANG BCAS PA'I SEMS RTZE GCIG PA'I MTSAN NYID DO, , @252A *, ,DGONGS KA NI MTSAN MO'I MGO DANG PO ZUG PA'O, ,NYES PA SBOM POR 'GYUR RO ZHES BYA BA NI 'DIR SBOM PO 'DI NI ZUR GYIS BRJOD PA YIN TE, 'DI LTAR GZHAN DAG 'JIG RTEN PA'I BSAM GTAN PA SNYOMS PAR MA ZHUGS SO ZHES ZER BA DANG SBYAR NA 'JIG RTEN LAS 'DAS PA'I BSAM GTAN LA SNYOMS PAR ZHUGS PA LTA CI ZHIG SNYAM DU SEMS PAR 'GYUR RO, ,DNGOS SU MA SMRAS PAS PHAM PAR NI MI 'GYUR RO, ,TSUR 'BRAS BU DAG LUNG BSTAN TO ZHES BYA BA LA SOGS PAS NYES PA SBOM POR GSUNGS PA NI ZUR GYIS BRJOD PA YIN NO, ,LUNG BSTAN TE ZHES BYA BA NI BSTAN PAR BYA BA STE, 'DIR NI GZHAN DAG 'BRAS BU MA THOB PAR LUNG STON PAR MI BYED PAS 'DI LTAR 'BRAS BU DAG TU BSTAN TO ZHES ZER BA DANG SBYAR NA, 'DIR GDON MI ZA BAR 'BRAS BU DAG THOB PA LTA SNYAM DU SEMS PAR 'GYUR RO, ,ZUR GYIS BRJOD PA'I PHYIR SBOM PO STE, DNGOS SU MA SMRAS PAS PHAM PA NI MED DO ZHES BYA BA'I THA TSIG GO, , PHO NYA LAS ZHES BYA BA 'DIR NI RANG GI TSIG MED PA'I PHYIR RO, ,BRJOD PA NI GO BAR BYED PA STE, DE BZHIN DU 'OG MA DAG LA YANG KHONG DU CHUD PAR BYA'O, ,YI GE ZHES BYA BA 'DI LA GONG DU BDAG NYID KYIS BRIS LA 'DI SKAD CES ZHES BYA BA BSHAD MOD KYI, 'ON KYANG DER DER NI GZHAN LA SNYAD 'DOGS PAR BSHAD DE, DE NYID KYI PHYIR 'DI SUS BRIS ZHES BYA BA LA SOGS PA GSUNGS SO, ,SMYON PA NI SMYOS PAS THA SNYAD KYI BLO NYAMS PA'O, ,NYES PA SBOM POR 'GYUR RO ZHES BYA BA 'DI NI RTOGS PAR YONGS SU MI GSAL BA'I NGO BO NYID KYI PHYIR TE, 'DI LTAR GZHAN GYIS RTOGS PAR BYA BA'I PHYIR LUS DANG NGAG GIS THA SNYAD DU BYED NA SMYON PA'I RTOGS PA GANG YIN PA DE'I BYA BA DANG BYA BA MA YIN PA'I BLO NYAMS PA'I PHYIR YONGS SU MI GSAL BA'I NGO BO NYID YIN NO ZHES BYA BA DE LTAR SHES PAR BYA BA STE, DE BZHIN DU 'OG MA DAG LA YANG SHES PAR BYA'O, ,SEMS G-YENGS PA NI GANG GI SEMS RLUNG LA SOGS BA'I RANG BZHIN LAS NYAMS PA'O, ,TSOR BAS NYEN PA NI SDUG BSNGAL GYI TSOR BA RNAMS KYIS SEMS NYAMS PA'O, ,'ON PA NI RNA BA NYAMS PA'O, ,NYES PA SBOM POR 'GYUR RO ZHES BYA BA 'DI NI RTOGS PA BO NYID MA YIN PA'I PHYIR RO, ,'DI LTAR RNAM PAR RIG BYED KYI 'BRAS BU NI RTOGS PA KHO NA STE, DE NI DE'I DON DU ZHUGS PA'I PHYIR RO, ,DE YANG @252B 'DI LA 'BRAS BU MED PA'I PHYIR TE, DE BZHIN DU 'OG MA DAG LA YANG SHES PAR BYA'O, ,GLEN PA NI RTOGS PAR MI NUS PA'O, ,RA RO BA NI 'BRU'I CHANG DANG, SBYAR BA'I CHANG LA SOGS PAS RA RO BAR GYUR PA'O, ,RAB TU MYOS PA NI GSANG SNGAGS DANG SMAN LA SOGS PAS SO, ,SNYOMS PAR ZHUGS PA NI SEMS MNYAM PAR GZHAG PA'AM, SEMS MED PA'O, ,'GRO BA GZHAN NA GNAS PA NI LHA LA SOGS PA'I 'GRO BAR SKYES PA'O, ,NYES PA SBOM POR 'GYUR RO ZHES BYA BA 'DI LA NI THA SNYAD LAS 'DAS PA'I PHYIR TE, 'DI LTAR MI'I YUL LA LHAG PAR SPYOD PA GANG YIN PA DE THA SNYAD THAMS CAD KYI ZHING YIN PA'I PHYIR DANG, RANG GI 'GRO BA YIN PA'I PHYIR TE, GZHAN LA NI MA YIN NO SNYAM DU DGONGS PA YIN NO, DBUS NI YUL DBUS SU SKYES PA'O, ,MTHA' 'KHOB PA'I SKAD NI YUL MTHA' 'KHOB PA'I SKAD DE, 'DI NI RTOGS PA MED PA'I PHYIR RO, ,MTHA' 'KHOB PA NI YUL MTHA' 'KHOB PA'O, ,LUS KYI RNAM PAR RIG BYED NI LUS KYI BYED PA'O, ,NYES PA SBOM POR 'GYUR RO ZHES BYA BA 'DI LA NI RNAM PAR RIG BYED YONGS SU GSAL BA MED PA'I PHYIR TE, ,TSIG MED PAS LUS KYI RNAM PAR RIG BYED KYIS RNAM PAR RIG PAR BYED PA NI DON RTOGS PA RDZOGS PAR MI 'GYUR RO ZHES BYA BA'I THA TSIG GO, ,DBEN PA ZHES BYA BA NI GNAS STONG BAR RO, ,DBEN PA'I 'DU SHES NI YUL STONG PA'I 'DU SHES SO, ,NYES PA SBOM POR 'GYUR RO ZHES BYA BA 'DI LA NI DBEN PA NA NYAN PA PO MED PA'I PHYIR DANG, DBEN PAR 'DU SHES NA YANG BSGRAGS PA'I BLO MED PA'I PHYIR RNAM PAR RIG BYED YONGS SU RDZOGS PA MED DO, ,DE'I PHYIR SBOM PO 'DI NI SBYOR BA LAS BYUNG BA YIN TE DNGOS GZHI LA NI LTUNG BA MED DO, ,DBEN PAR MI DBEN PA'I 'DU SHES KYIS ZHES BYA BA LA SOGS PAS NYES PA SBOM POR GSUNGS PA NI SBYOR BAR GTOGS PA STE, DBEN PA NA NYAN PA PO MED PA'I PHYIR RO, ,MI DBEN PAR DBEN PA'I 'DU SHES KYIS ZHES BYA BA LA SOGS PAS SBOM POR GSUNGS PA NI SBYOR BAR GTOGS PA KHO NA STE, MI DBEN PA NA NYAN PA PO YOD PA'I PHYIR DANG; DBEN PAR 'DU SHES NA YANG BSGRAGS PA'I BLO MED PA'I PHYIR RO, ,MI DBEN PAR MI DBEN PA'I 'DU SHES KYIS ZHES BYA BA LA SOGS PAS MTHAR 'GYUR PAR GSUNGS TE, MI DBEN PA NA NYAN PA PO YOD PA'I PHYIR DANG, MI DBEN PAR 'DU SHES NA YANG BSGRAGS PA'I BLO YOD PA'I PHYIR TE, DE BZHIN DU 'OG MA @253A *, ,DAG LA YANG CI RIGS PAR SHES PAR BYA'O, ,'DI SKAD DU MA BSAMS PA'I NYAN PA PO LA MI'I CHOS BLA MAR GYUR PA BSGRAGS PA GANG YIN PA DE LA YANG PHAM PAR 'GYUR BA KHON ZHES ZER BA DAG YOD CES GRAG GO, ,DE NI 'DUL BA 'DZIN PA GZHAN DAG MI 'DOD DE, 'DI LTAR RNAM PAR RIG BYED KYI DON NI BRJOD PAR 'DOD PA'I GANG ZAG GIS RTOGS PA YIN NA MA BSAMS PA LA BSGRAGS PA LA NI BRJOD PAR 'DOD PA'I GANG ZAG GIS RTOGS PA MED NA DE JI LTAR 'BRAS BU YONGS SU RDZOGS PA MED PAR PHAM PA ZHES BYA BA DE BAS NAM BSAMS PA LA BSGRAGS PA LA NI SBOM POR 'GYUR LA, BSAMS PA LA BSGRAGS PA LA NI PHAM PA'O ZHES BYA BA'I THA TSIG GO, ,GSANG SNGAGS SAM SMAN DAG GIS BDAG NYID MI GDA' BAR BGYIS NAS ZHES BYA BA LA SOGS PAS NYES BA SBOM POR 'GYUR BAR GSUNGS PA NI MI SNANG BAR SMRAS NAS THA SNYAD DU MI RUNG BA'I PHYIR TE, 'DI LTAR MI SNANG BAR SMRAS NA THA SNYAD DU MI RUNG BA NYID DANG, RNAM PAR RIG BYED NYID YONGS SU MA RDZOGS PAR SNANG BA'I PHYIR TE, GZHAN LAS MI'I CHOS BLA MAR GYUR PA SMRAS NA ZHES BYA BA LA SOGS PAS NYES PA SBOM POR 'GYUR BAR GSUNGS PA NI RANG GI TSIG MED PA'I PHYIR RO, ,GONG DU PHO NYA LAS ZHES BYA BA LA SOGS PA BSHAD MOD KYI, 'ON KYANG PHO NYA LAS ZHES SMOS PAS LKOG TU GYUR PA NYID DU SHES PAR BYA LA, GZHAN LAS ZHES SMOS PAS NI MNGON SUM DU SHES PAR BYA STE, 'DI GNYIS KYI KHYAD BAR NI DE YIN NO, ,GZHAN DAG GI SLAD DU ZHES BYA BA LA SOGS PAS NYES PA SBOM POR 'GYUR PAR GSUNGS PA 'DIR 'DI NI BDAG NYID KYI PHYED KYI YAN LAG MED PA'I PHYIR RO, ,'DI LTAR SLOB MA LA SOGS PA'I NOR 'GRUB PAR BYA BA'I CHED DU, BDAG NYID LA BSTOD PAR MI'I CHOS BLA MAR GYUR PA SMRA BAS GZHAN GYI 'DOD PA'I DON SGRUB PAR BYED DO, ,DE BZHIN DU 'DIR DANG 'DRA BA 'OG MA DAG YANG CI RIGS PAR SHES PAR BYA'O, ,RANG GI TSIG DANG BDAG NYID LA BSTOD PAS ZHES 'BYUNG BA'I PHYIR RO, ,PO NYA LAS DANG GZHAN LAS DANG GZHAN DAG GI PHYIR ZHES BYA BA BCAS PA'I KHA NA MTHO BA'I BSLAB BA'I GZHI DAG LA SMAD PAR 'BYUNG GI RANG BZHIN GYI KHA NA MA THO BA DAG LA MA YIN TE, GZHAN GYI GNOD BA BSAL BA'I CHED DU DGRA GSOD PA DANG, GZHAN GYI DON DU MI TSANGS PAR SPYOD PA BSTEN PA DANG SNGON CHUNG MAR GYUR BA'I @253B BUD MED LAS BU BSKYED PA'I PHYIR KHU BA 'BYIN PA DANG, DE NYID KYI YONGS SU GDUNG BA DANG BRAL BAR BYA BA'I PHYIR LUS DAG LA NOM PAR BYED PA LA DNGOS GZHI MED PAR 'GUR DU 'ONG NGO, ,DA LTABS NA PHO NYA LA SOGS PA LAS MA'I CHOS BLA MAR GYUR PA SMRAS NA DNGOS GZHIR 'GYUR BA KHO NA'O, ,DE BZHIN DU KUN DU SMRAS BA DANG BSNGAGS BA BRJOD PA LA SOGS PA LA YANG CI RIGS PAR SHES PAR BYA'O, ,ZHUS PA NI SO SOR THAR PA LA SOGS PA RNAM PAR 'BYED PA DANG, NGES PAR 'DZIN PA DANG, GTAN LA 'BEBS PA'O ZHES BYA BA'I THA TSIG GO, ,KHA CHE BA LAS ZHES BYA BA 'DI LA NI 'DI SKAD CES GRAG STE, STON PA 'DAS PA'I GSUNG RAB LA, BRAM ZE RGYAL PO RGYAL BSHES ZHES BYA BA BSTAN PA LA SDANG BA ZHIG BYUNG BAR GYUR NAS DES BSTAN PA LA GNOD PA MANG PO BYAS PAR GYUR TE, MCHOD RTEN DAG KYANG BSHIG ,DGE 'DUN GYI KUN DGA' RA BA DAG KYANG BSREGS, DGE SLONG RNAMS KYANG BSAD, SANGS RGYAS KYI BKA'I GLEGS BAM RNAMS KYANG PHUNG POR BCER NAS BSREGS SO, ,DE NAS RIM GYIS DGE SLONG RNAMS KYIS YUL DANG GNAS SNA CHOGS DAG NAS SDE SNONG GSUM GYI GLEGS BAM THAMS CAD BSDUS NAS BCOM BRLAG TU YANG DAG PAR BSDU BA BYAS TE GZHUNG BLA MA'I GLEGS BAM NI MA RNYED DO, ,DE DAG GIS 'DI LTAR KHA CHE'I YUL NA DGE SLONG ZHIG GZHUNG BLA MA 'DON TO ZHES THOS NAS, DE DAG GI PHYIR KHA CHE'I YUL DU DONG STE, DE'I DRUNG DU PHYIN NAS SMRAS PA KHO BO CAG GIS KHYOD GZHUNG BLA MA 'DON TO ZHES THOS PA GANG YIN PA DE JE KHA TON GYIS SHIG ,DES SMRAS PA, CUNG ZAD CIG NI DRAN, CUNG ZAD CIG NI MI DRAN NO, ,DE NAS DE DAG GIS JI LTA BU ZHIG DRAN PA DE KHO NA BZHIN DU SMROS SHIG CES SMRAS PA DANG, DES DE KHO NA BZHIN DU KHA TON BYAS SO, ,DGE SLONG RNAMS KYIS KYANG GZHUNG BSDU BAR BYAS TE, PHYIS TSIG DANG TSIG GI DON RNAM PAR DPYAD PA'I SGO NAS SBYAR BAR BYA'O SNYAM DU BSAMS PAR BRIS PA LAS PHYIS 'PHRAL GYI BYA BAS RNAM PAR G-YENGS NAS DUS RING MO ZHIG GI BAR DU JI LTA BA BZHIN DU MA SBYAR RO, ,DGE SLONG GZHAN DAG KYANG YUL GZHAN DAG NA GZHAN DU 'DON PAR GYUR TO, ,DE NYID KYI PHYIR YANG DAG PAR BSDUS PA'I GZHI NYAMS PAS GZHUNG BLA MA 'DI LA 'DON PA YANG RNAM PA DU MA LA, DON KYANG RNAM PA DU MA STE, DE'I PHYIR BTZUN PA YON TAN 'OD KYIS @254A *, ,'DUL BA BSHAD PA LAS YANG DANG YANG DU ZHUS PA LA LA LAS 'DI SKAD DU 'BYUNG NGO ZHES BSHAD DO, ,BDAG GIS KYANG 'DIR GZHUNG GI RNAM PAR RTOG PA DAG PHYOGS DANG PHYOGS RNAMS SU BSTAN PAR BYA STE SNGAR YANG BSHAD ZIN TO,, ,,SBYAR BA NI GZHUNG GZHAN DU BYAS PA'O, ,DE BAS 'PHAGS PA NYE BA 'KHOR GYIS ZHUS PA 'DI KHA CHE'I DGE SLONG LAS RNYED PA LAS NA NYE BA 'KHOR GYIS ZHUS PA KHA CHE BA ZHES BYA STE, KLOG PA NI TSIGS SU BCAD PA GCIG LAN GSUM BZLAS PAS SO ZHES BYA BA BCOM BRLAG PA LAS BYUNG BA'I LUNG RNYED PA BZHIN NO ZHES BRJOD DO, ,'PHAGS PA NYE BA 'KHOR GYIS ZHUS PA'I GZHUNG RGYA GAR YUL PA YANG SHLO KA NYIS STONG TZAM GYI TSAD GCIG LA LA NA SPYOD PA KHO NA'O, ,SMRA BA'I PHAM PA GTAN LA DBAB PA'O, ,GZHUNG BLA MA'I TSIG DKA' BA RNAM PAR BSHAD PA RIGS PA DANG LDAN PA SLOB DPON MDO SDE 'DZIN PA DGE BA'I BSHES GNYEN GYIS BKOD PA LAS PHAM PA RNAMS RDZOGS SO,, ,,CHED DU BSAMS NAS ZHES BYA BA NI DA BYUNG BAR BSAMS PAS SO, ,KHU BA PHYUNG NA ZHES BYA BA LA , KHU BA NI DGA' BYED DE 'DIS DGA' BAR NUS PA'I PHYIR RO, ,GZHAN DAG NA RE NYON MONGS PA CAN GYI YID BDE BA DANG LDAN PA'I PHYIR GDUNG BA DANG BRAL BAR 'GYUR BAS SO ZHES ZER RO, ,KHYAD PAR MA SMOS PA'I PHYIR SNGON PO DANG SER PO LA SOGS PA KHU BA RNAM PA LNGA CHAR GZUNG NGO, ,DE 'BYIN PA NI LUS KYI RTZOL BAS DBANG PO'I GNAS NAS SBED PA'O, ,DE BAS NA GANG GI TSE SEMS DANG, LUS KYI RTZOL BA DANG 'BYIN PA 'DI GSUM YOD NA DE'I TSE DGE 'DUN LHAG MAR 'GYUR RO ZHES BYA BA'I DON TO, ,CI'I DUS THAMS CAD DU'AM ZHE NA, SMRAS PA MA YIN TE, RMI LAM GYI MA GTOGS ZHES BYA BA 'BYUNG STE, RMI LAM NYID RMI LAM GYI'O, ,DE MA GTOGS PA NI GNYID MA LOG PA'I GNAS SKABS KYIS TE, 'DI LTAR RMI LAM GYI GNAS SKABS NA NI LUS DANG NGAG GI RNAM PAR RIG BYED DANG RNAM PAR RIG BYED MA YIN PA'I GZUGS RTAG PA 'JUG PAR MI NUS SO; ,RMI LAM GYI SEMS KYANG RNAM PAR SHES PA'I TSOGS LNGA LA SOGS PA DANG 'DRA BAR KHA NANG DU BLTAS PAR 'JUG PA YID KYI RNAM PAR SHES PA YIN LA, THA SNYAD NI KHA PHYIR LTA BA'I SEMS KYIS SLONG BAS DE'I PHYIR 'DI YIN NO, ,'DIR KHU BA 'BYIN PA LA RMI LAM GYI SMOS PA NI DPE STE, MI TSANGS PAR SPYOD PA @254B LA SOGS PA KHA NA MA THO BA GZHAN DAG LA YANG TSUL 'DI RUNG BA'I PHYIR RO, ,'DIR NI BYUNG BA'I DBANG GIS 'DI BYUNG BAR ZAD DO, ,'DIR TSUL NI KHUB 'BYIN PA'I RGYU CAN GYI DGE 'DUN LHAG MA NI KHU BA 'BYIN PA'I DGE 'DUN LHAG MA'O ZHES BYA BA DE LTAR SHES PAR BYA'O, ,'GYUR BA NI THAMS CAD DU SBYAR BA'I PHYIR 'GYUR RO ZHES BYA BA'I TSIG GONG NAS DRANG STE, DE BZHIN DU LTUNG BA 'OG MA DAG LA YANG CI RIGS PAR SBYAR RO ZHES BYA BA'I SGRA KHONG NAS DRANG NGO, ,BRTZAMS PA NI REG PA'I BYA BA CHUNG ZAD RNYED PA LA SOGS PA BYED PA'O, ,PHYUNG BA NI SNGON GYI SHUGS KYIS RANG GI GNAS NAS 'PHOS PA'O, ,NYES PA SBOM BOR 'GYUR RO ZHES BYA BA 'DIR NYES PA SBOM POR GSUNGS PA NI SBYOR BAR GTOGS PA YIN NO, ,GNYID LOG BA'I TSE ZHES BYA BA LA SOGS PA LA, BRTZAMS PA NI GNYID LOG BA'I GNAS SKABS NAS 'KHYUD PA DANG 'O BYED PA LA SOGS PA'I BYA BA BYED PA'O, ,PHYUNG BA NI RANG GI GNAS NAS 'BABS LA DA DUNG SBUBS SU NI MA PHYIN PA SKAD CIG MA GSUM PA LA SOGS PA LA GNAS PA'O, ,NYES BA SBOM POR 'GYUR RO ZHES BYA BA 'DIS, ,NYES PA SBOM POR GSUNGS PA NI REG PA DANG CUNG ZAD NOM PA LA SOGS PA'I BYA BA BYED PA LA DANG PO'I GNAS NAS SBOGS SO ZHES BYA BA YAN LAG MED PA'I PHYIR SBUBS SU PHYIN PA 'BYIN PA YIN NO, ,DE BAS NA 'DI NI GANG ZHIG SBUBS SU 'BYIN BA LA SBOM POR GSUNGS PA'I PHYIR DE PHAN CHAD SKAD CIG MA GSUM PA LA SOGS PA LA NA SMAD PA MED DO SNYAM DU SEMS PA DE'I GZHUNG LUGS BZLOG PA'I PHYIR RO, ,LTUNG BA MED PA NI GNYID LOG BA'I RTZOL BAS BYUNG BA'I PHYIR DANG, DA LTAR YANG RTZOL BA MED PA'I PHYIR LTUNG BA MED PAR GSUNGS PA YIN NO, ,ZHUS PA LA LA LAS NI 'DI SKAD DU, GNYID LOG PA'I RTZOL BAS BYUNG NA GAL TE RO MYONG BAR BYED NA NYES PA SBOM POR 'GYUR RO ZHES 'BYUNG NGO, ,DE LA DON NI 'DI YIN TE, GNYID LOG PA'I RTZOL BA LAS BYUNG BA'I KHU BA GNAS NAS 'PHOS PA'I PHYIS GNYID MA LOG PA'I GNAS SKABS NA CUNG ZAD BSTAN PA LA SOGS PA'I BYA BA DE NYID BYED PA LAS RO MYANG BA YOD NA DANG PO NYID KYI YAN LAG MED PA'I PHYIR, NYES PA SBOM BOR 'GYUR RO, ,SBUBS SU PHYIN PA 'BYIN PA DANG 'DRA'O, ,GZHAN DAG NI GZHAN DU BRJOD DE, GNYID LOG PA'I GNAS SKABS DANG, 'O BYED PA DANG 'KHYUD @255A *, ,PA LA SOGS PA'I RTZOL BAS BYUNG BA GANG YIN PA DE NYID KYIS RO MYANG BA BYED NA SBOM PO 'DIR 'GYUR RO ZHES, 'DI NI 'DUL PA 'DZIN PA GZHAN DAG MI 'DOD DE, RO MYANG BA TZAM GYIS NI LTUNG BAR RIGS PA DE MA YIN TE, LUS DANG NGAG GI BYED PA MED NA RNAM PAR RIG BYED MED PA'I PHYIR LA, DE MED NA YANG LTUNG BA MED PA'I PHYIR RO, ,GNYID LOG PA'I RTZOL BAS NI RMI LAM GYI NI MED PA DANG 'DRA BA'I PHYIR GNYID MA LOG PAR RTOGS PA'I RO MYANG BA KHO NA GZUNG NGO, ,BYED PA MED PA'I RO MYANG BA LA NI YID KYI KHA NA MTHO BAR RNAM PAR GNAS LA, BYED PA DANG BCAS PA LA NI NYES PA SBOM POR 'GYUR RO ZHES BYA BA DE LTAR SHES PAR BYA'O, ,DE LTA BAS NA RNAM PAR BSHAD PA SNGA MA NYID BZANG NGO, ,DE LA GZHUNG 'DI GNYIS LAS NI GO SKABS DANG BCAS PA YIN NO, ,SNGA MA NI GO SKABS MED PA YIN NO, ,SBUBS SU PHYIN PA NI SNGAR 'PHAGS BA BAR SKABS SU BU BA'I RGYU NAS ZHES BYA BA'I SBUBS NA 'DUG PA YIN NO, ,NYES PA SBOM POR 'GYUR RO ZHES BYA BA 'DIR SBOM POR GSUNGS BA NI DANG PO'I GNAS NAS 'BYIN PA MED PA'I PHYIR RO, ,GNAS NAS 'PHAGS MA THAG TU ZHES BYA BA NI DANG PO GNAS NAS 'PHOS PA'O, ,YANG CI KHU BA LA 'KHRIS PA BZHIN DU GNAS NGES PA 'GA' ZHIG YOD DAM, CI NA 'DI LTAR GNAS NAS 'PHAGS MA THAG TU BRJOD CE NA, KHU BA LA GNAS KYI KHYAD NGES PA NI 'GA' YANG MED KYI, 'ON KYANG 'DI NI KHU SHUGS BZHIN DU LUS RNAMS LAS 'BYUNG BAR 'GYUR TE, JI LTAR BU RAM SHING GI RANG GI YAN LAG DAG LAS KHU SHUGS DANG, 'BRU LAS 'BRU MAR DANG, ZHO LAS MAR 'BYUNG BA LTAR SEMS KYI KHYAD PAR DU BYAS PA'I LUS DAG LA SOGS PA'I DBANG GIS KHU BA 'PHAGS PA 'DI YANG DE DANG 'DRA PAR SHES PAR BYA'O, ,'PHAGS PA DE YANG DE DUS SHES PA RNAMS NA RE GANG GI TSE 'DOD CHAGS SHAS CHE BA NYID DANG NYAMS SU MYONG BA SHIN TU GSAL BA NYID DANG, SNYING 'DAR BA LA SOGS PA LUS KYI 'GYUR BA 'BYUNG BA DE'I TSE NA ZHES BRJOD NA, PHYIN PAR 'GYUR BA NI 'JUG PAR 'GYUR BA STE, 'DI LTAR KHU BA GNAS NAS 'PHAGS MA THAG TU SKAD CIG GCIG GIS KYANG RAB TU MI CHOD PAR RTZOL PA'I DPAR GIS SBUBS SU 'JUG PAR 'GYUR RO, ,BSKYOD DE BTANG BA LAS ZHES BYA BA NI BSKYOD PA STE, 'PHAGS SHIR SHUGS @255B PHYUNG LAM JUG THOGS SU 'PHAGS PAR BYAS NAS KHU BA 'BYIN LA, LUS DANG YID DANG GIS BZLOG PA LAS ZHES BYA BA'I THA TSIG GO, ,PHYUNG BA NI RTZOL BA BZLOG KYANG SNGON GYI SBYOR BA'I DBANG GIS DANG PO'I GNAS NAS 'PHAGS TE, SBUBS SU PHYIN CING DBANG POR SON PA SNANG BA'I NGO BOR 'GYUR RO, ,NYES PA SBOM POR 'GYUR RO ZHES BYA BA 'DIR SBOM POR GSUNGS PA 'DI NI SBYOR BA LAS BYUNG BA YIN GYI, DBANG PO MTHA' NAS 'BYIN PA LA NI MA YIN TE, DE NAS 'BYIN PA LA SOGS PA NI DANG PO LAS 'BYIN PA MED BA'I PHYIR DANG, SBUBS SU PHYIN PA LA 'BYIN PA MED PA'I PHYIR GCI BA DANG 'DRA BA NYID DU RNAM PAR GNAS SO, DANG PO MTHA' NAS BYUNG BA NA DGA' BA SHIN TU SHAS CHE BA NYID DU 'GYUR LA, 'BYIN PA'I DON GYIS BSGRUB PA YANG YONGS SU RDZOGS PA MA YIN NAM ZHE NA, DE LTA BU NI YONG MOD KYI 'ON KYANG 'DUL BA 'DZIN PA RNAMS NI DE JI LTAR 'BRAS BU'I GTZO BOR GYUR BA'I PHYIR REG PA BDAG GIR BYED PA DANG POR KHO NA LA MI TSANGS PAR SBYOD PA 'BYUNG GI GZHAN GANG DU YANG MA YIN PA LTAR 'DIR YANG DE DANG 'DRA'O ZHES ZER RO, ,GNAS NAS 'PHAGS PA NI GANG ZHIG SKAD CIG MA GNYIS PA LA DANG PO'I GNAS 'PHAGS PAR 'GYUR BDE LA DE SKAD CES BYA'O, ,MA BTZAL BAR ZHES BYA BA NI CHAGS PAR 'GYUR BA'I GZUGS MTHONG BA LA SOGS PA'I RGYUS RTZOL BA MED PAR GYI NAR 'BYUNG BA'I PHYIR RO, ,BYUNG BA NI DANG PO'I GNAS NYID NAS SO, ,BDAG GIR MI BYED PA NI RO MYONG BA MI BYED PA'O, ,BDAG GIR BYED NA ZHES BYA BA LA SOGS PAS NYES PA SNGOM POR GSUNGS PA 'DI NI RTZOL BA DANG BCAS PAR RO MYANGS BA'I PHYIR SBUBS SU PHYIN PA 'BYIN PA DANG 'DRA'O, ,RTZOL BA MED PAR BDAG GIR BYED PA LA NI YID KYI KHA NA MA THO BAR GNAS PAS DE'I PHYIR 'DIR SHES PAR BYA'O, ,BTZUN PA RE ZHIG DGE SLONG ZHES BYA BA LA SOGS PAS MTSAN GYUR NA LTUNG BYED DU 'GYUR BAR GSUNGS PA NI 'DI LTAR DGE SLONG MA RNAMS LA NI KHU BA BYUNG NA LTUNG BYED DU BSTAN PA'I PHYIR TE, JI LTAR SKYES PA RNAMS RANG GIS BRTZAL NA BSAM PA NYAMS PA STOBS DANG LDAN PAR 'GYUR BAR DGE SLONG MA RNAMS NI DE MA YIN PAS DE LA DGE 'DUN LHAG MAR RNAM PAR MI GZHAG GO, ,DGE SLONG MA ZHES BYA BA LA SOGS PAS MTSAN GYUR NA DGE 'DUN LHAG MAR GSUNGS PA NI, MTSAN GYUR PA NI DE'I ZHING NYID YIN NO, ,BYAS PA NI DE NYID @256A *, ,YIN NO ZHES BYA BA 'BYUNG BA'I PHYIR RO, ,ZAG BYED NI YAN LAG SKYES SO, ,NYES PA SBOM POR 'GYUR RO ZHES BYA BA 'DI LA KHA CIG NA RE GZHAN GYI YAN LAG SKYES LAS 'BYIN NA NGES PAR BDAG NYID LA 'BYIN PAR GTOGS PA'I RGYUR 'BYUNG BAS DE'I PHYIR 'DI GSUNGS SO ZHES ZER RO, ,'DI NI 'DUL BA 'DZIN PA GZHAN DAG MI 'DOD DE, 'DI LTAR 'DI LA 'BYUNG BA NI YAN LAG NYID MA YIN NO, ,'O NA CI ZHE NA, 'BYIN PAR 'DUN PA LA SOGS PA YIN NO, ,'DI LA YANG 'BYIN PAR 'DUN PA LA SOGS PA RTZA BAR BYED PAR GTOGS PA'I YAN LAG LHAG MA RNAMS NI YOD KYI, 'DIR RANG GI KHU BA NYID CES BYA BA'I YAN LAG GCIG CIG MED PA 'BA' ZHIG TU ZAD PAS DE MED PA'I PHYIR SBOM POR 'DIR 'GYUR GYI BDAG NYID 'GYUR BA'I PHYIR NI MA YIN NO, ,DGE SLONG MA LA NI GZHI JI LTA BA BZHIN NO ZHES BYA BAS NI 'BYIN PA'I 'DUN PAS NI LTUNG BA MED DO, ,DE MED NA NI NYES BYAS SO ZHES BYA BA'I THA TSIG GO, ,ZHUS PA LA LA LAS 'DI SKAD DU, BTZUN PA DGE SLONG GIS YAN LAG SKYES CHUNG ZAD MA NYED PA BDAG GIR BGYID NA CIR 'GYUR LAGS, NYES PA SBOM POR 'GYUR RO, ,KUN DU MA NYED PA BDAG GIR BGYID NA CIR 'GYUR LAGS, NYES PA SBOM POR 'GYUR RO, ,MNGON PAR 'TSIR BA BDAG GIR BGYIS NA CIR 'GYUR LAGS, NYES PA SBOM POR 'GYUR RO, ,YAN LAG SKYES LAS SU RUNG BA LA NYUG NA CIR 'GYUR LAGS, NYES PA SBOM POR 'GYUR RO, ,SMAN GYIS 'BYIN PAR BGYID NA CIR 'GYUR LAGS, NYES PA SBOM POR 'GYUR RO ZHES 'BYUNG NGO, ,NOM DANG KUN DU NOM PA DANG, 'TSIR BA DANG NI NYUG PA DANG, SMAN DAG THA MAR BYAS NAS NI, ,'BYIN PA'I BSDU BA GZHAN YIN NO, ,'DI DAG GI DON NI 'DI YIN TE, CHUNG ZAD MA NYED PA NI YAN LAG SKYES KYI PHYOGS GCIG CHANG CHUNG MA NYES PA'O, ,KUN DU MA NYED PA NI YAN LAG SKYES KYI PHYOGS THAMS CAD KHYAD PAR MA NYED PA'O, ,MJON PAR 'TSIR BA NI YAN LAG SKYES CHAD PAR BZUNG NAS 'TSIR BA'O, ,LAS SU RUNG BA NI 'DREN PA'O, ,DE'I PHYIR YAN LAG SKYES LAS SU RUNG BA LA DBYUNG BA'I 'DUN PAS NYUG NA LAG PA LA SOGS PA SEMS CAN DU MA NYED PAS NI NYES PA SBOM POR 'GYUR RO, ,SEMS CAN DU BGRANG BA MA YIN PAS NI NYES BYAS SO ZHES DE LTAR SHES PAR BYA'O, ,SMAN NI @256B KA TZAKA'I 'DAB MA LA SOGS PA KHU BA 'BYUNG BAR BYED PAS SO, ,SMAN GYIS 'BYIN PA 'DI LA NI YAN LAG SKYES PA LA REG PA'I YAN LAG GCIG KHO NA MED PAS DNGOS GZHI'I DUS NA 'DOD CHAGS KYIS 'GYUR BA YOD NA SBOM PO 'DIR 'GYUR BAR SHES PAR BYA'O, ,MED NA NI NAM YANG LTUNG BA MED DE; GCI BA DANG 'DRA BA'I PHYIR RO, ,'BYIN PA'I DGE 'DUN LHAG MA GTAN LA DBAB PA'O,, ,,DRAL BA NI 'DOD CHAGS KYIS SMRAS PA STE, DE LTA BAS NA 'DIS NI 'DOD CHAGS KYI DBANG GIS REG PA'I DGE 'DUN LHAG MA LA SOGS PA GSUM DU 'GYUR RO ZHES STON PAR BYED DO, , GYUR PA NI GYUR PAR SONG BA STE, YUL DE DANG 'BREL PAR 'DOD PAR GYUR PA ZHES BYA BA'I THA TSIG GO, ,'DIS NI REG PA LA SOGS PA'I BDE BA DON DU GNYER BA LA LTUNG BA 'DI GSUM DU 'GYUR RO ZHES STON PAR BYED DO, ,DE'I PHYIR TSIG GNYIS SMOS PA NI, MA LA SOGS PA GSAL BA'I CHED YIN NO; ,LUS KYI REG PA NI LUS DANG CHAD MED PAR PHRAD PA'O, ,LAG PA NAS GZUNG BA'AM ZHES BYA BA LA SOGS PAS NI LUS KYI REG PA'I NGO BO BSTAN TO, ,LAN BU NI SKRA LHAS PA'O, ,'AM ZHES BYA BA'I SGRA NI 'DIR SDUD PA YIN TE, DES NA LAG PA DANG RKANG PA DANG, LAN BU LA SOGS PA LA 'DZIN PA RTZOM PA GCIG TU GYUR PA MED PA LAS DGE 'DUN LHAG MA GCIG KHO NAR 'GYUR GYI RE RER NI MA YIN NO ZHES BYA BA'I THA TSIG GO, ,GANG DAG GAM ZHES BYA BA'I SGRA RNAMS NI RNAM PAR RTOG PA'I DON YIN PA NYID DU KHAS BLANGS NAS LAN BU LA REG PA LA YANG DNGOS GZHIR SMRA BA DE DAG GI LTAR NA RNAM PAR 'BYED PA'I LTUNG BA BSTAN PA LAS LAN BU MA SMOS PA DANG 'GAL LO ZHES BYA BAR SHES PAR BYA'O, ,YAN LAG NI LAG PA LA SOGS PA YAN LAG GI GTZO BO'O, ,NYING LAG NI SOR MO LA SOGS PA YAN LAG GI GTZO BO MA YIN PA'O, ,NOM PA NI CHUNG ZAD REG PA'O, ,NYUG PA NI BDAG NYID THAMS CAD KYIS SO, ,BDAG GIR BYED PA NI RO MYONG BAR BYED PA'O, ,LUS NI 'BYUNG BA DANG, 'BYUNG BA LAS GYUR PA 'DUS PA'O, ,DBANG PO NI REG PA LA DBANG BYED PA'I PHYIR RO, ,NYAMS PA NI 'BRAS LA SOGS PAS MA RUNG BA'O, ,NYES PA SBOM POR 'GYUR RO ZHES BYA BA 'DI NI REG PA'I BDE BA NYAMS SU MYONG @257A *, ,BA YONGS SU RDZOGS PA MED PA'I PHYIR RO, ,GNYIS NI DGE SLONG DANG BUD MED DAG GO, ,NYES BYAS SO ZHES BYA BA 'DI NI GNYI GA NYAMS PA NYID YIN NA SHIN TU YANG REG PA'I BDE BA NYAMS SU MYONG BA MED PA'I PHYIR RO, ,'DI LTAR 'DUL BA'I 'DZIN PA RNAMS NA RE REG PA'I BDE BA NYAMS SU MYONG BA MED NA DE TZAM GYIS LUS KYI CHA NYAMS PA NYID YIN PAR SHES PAR BYA STE, NYAMS PA DAG NYID LHAG MA DAG LA NI REG PA NYAMS SU MYONG BA RDZOGS PAR 'GYUR BA KHO NA'O ZHES ZER RO, ,DE 'DI LTAR YIN NAM ZHES BYA BA NI BDAG 'DOD PA'O, ,DE 'DI MA YIN PA ZHES BYA BA NI BDAG MI 'DOD PA'O, ,'DI BUD MED YIN NAM 'ON TE SKYES PA YIN SNYAM PA NI BUD MED YIN NAM 'ON TE SKYES PA YIN SNYAM DU SEMS PA'O, ,DNGOS PO JI LTA BA BZHIN NO ZHES BYA BA 'DI RE ZHIG GAL TE BUD MED YIN NA DE LA DGE 'DUN LHAG MAR 'GYUR RO, ,'ON TE SKYES PA YIN NA NI DE LAS SBOM PO STE, 'DI LTAR SKYES PA DANG LHAN CIG LUS KYI REG PA LA NYES PA SBOM POR 'CHAD PAR 'GYUR RO, ,SOS ZHES BYA BA NI BDAG NYID KYI'O, ,SO DAG LA ZHES BYA BA NI YUL DU GYUR PA DAG STE, DE BZHIN DU RMAL SOGS PA 'OG MA DAG LA YANG CI RIGS PAR SBYAR RO, ,DE LA SO SOR ZHES BYA BA LA SOGS PAS SBOM POR GSUNGS PA NI REG PA'I RO YONGS SU RDZOGS PA MED PA'I PHYIR TE, 'OG MA RMA DANG SPU DANG SEN MO DANG SHA MED PA RNAMS LA YANG GTAN TSIGS NI 'DI KHO NA YIN NO, ,RMA NI NAD LA SOGS PA LAS BYUNG BA'O, ,SPUS ZHES BYA BA NI MCHAN KHUNG DANG MDO MAS LA SOGS PA NA YOD PAS SO, ,NYES PA SBOM POR 'GYUR RO ZHES BYA BA NI 'DI LA LUS NYID MED PA'I PHYIR RO, ,GANG DAG LAN BU LA REG PA LA YANG DNGOS GZHIR SMRA BA DE DAG LA YANG GTAN TSIGS NI 'DI KHO NA 'BYUNG NGO, ,GAL TE LUS LA REG PA BZHIN DU 'DI LA REG NA RO NYE BAR GNAS PA'I PHYIR RO ZHE NA, DE NI SPU LA REG PA LA YANG MTSUNGS TE, 'DI LTAR MCHAN KHUNG DANG MDOMS NA YOD PA'I SPU LA REG NA DPUNG PA DANG BYIN PA LA SOGS PA'I LUS LA REG PA LAS KYANG RO LHAG PAR NYE BAR GNAS MOD KYI LUS NYID MED PA'I PHYIR DE LA DNGOS GZHI MED PA NYID DU NI MI 'DOD DO, ,RO NYE BAR GNAS PA LAS KYANG 'DIR YAN LAG NYID MA YIN TE, 'DOD CHAGS SHAS CHEN PO RTZOL BA MI BYED @257B BZHIN DU TSUL BZHIN MA YIN PA'I YID LA BYED PA'I DBANG GIS RO SHIN TU CHEN PO NYAMS SU MYONG BA LA YANG DNGOS GZHIR THAL BAR 'GYUR DU 'ONG BAS SO, ,GAL TE 'O NA JI LTAR SO SOR THAR PA'I MDO LAS LAN BU LAS BZUNG BA'AM ZHES GSUNGS SHE NA, DE NI BYUNG BA'I DBANG GIS GSUNGS KYI, DE YAN LAG NI MA YIN TE, RANG GIS BSLANGS PA'I SKUD PA 'THAG TU 'JUG PA DANG 'DRA'O, ,RNAM PAR 'BYED PA LAS LAN BU NAS BZUNG BA'AM ZHES BYA BA LA LAN BU ZHES BYA BA NI SKRA DANG, DE DANG 'BREL PA'I GOS SO ZHES GSUNGS PA MA YIN NAM ZHE NA, DE SKAD DU GSUNGS MOD KYI LAN BU NAS BZUNG BA LA DGE 'DUN GYI LHAG MAR NI MA GSUNGS SO, ,GAL TE 'O NA JI LTAR 'DI RNAM PAR 'BYED PA LAS SMOS SHE NA, BYUNG BA'I DBANG GIS 'ONGS PA'I MDO'I TSIG KHO NA DON RNAM PAR DBYE BA'I PHYIR YIN GYI, LTUNG BA BSTAN PA LAS MA GSUNGS PA'I PHYIR 'DIR YAN LAG TU GSUNGS PA NI MA YIN TE, 'DI LTAR DGE SLONG GANG DAG DRAL CING GYUR PA'I SEMS KYIS BUD MED DAM NA CHUNG MI TSANGS PAR SPYOD PA'I 'KHRIG PA LAS BYUNG BA'I CHOS BSTEN BZOD PA GANG YIN PA DE LA SPYI BO NAS NOM PAR BYED PA NA GOS KYIS BAR DU MA CHOD PA LA NOM NA DGE DGUN LHAG MAR 'GYUR RO, ,GOS KYIS BAR DU CHOD PA LA NOM NA NYES PA SBOM POR 'GYUR RO, ,SPYI BO LA JI LTA BA BZHIN DU DPRAL BA DANG, MCHU DANG, KOS KO DANG, RNA BA DANG, SNA DANG, MGRIN PA DANG, PHRAG PA DANG, MCHAN KHUNG DANG, RTZI BA LOGS DANG, RGYAB DANG, BRANG DANG, RKED PA DANG, BRLA DANG, BYIN PA DANG, RJE NGAR DANG, RKANG PA'I THOR TO DANG, THA NA RKANG PA'I MTHI BONG LA NOM PAR BYED NA GOS KYIS BAR DU MCHOD PA LA NOM NA DGE 'DUN LHAG MA'O, ,GOS KYIS BAR DU CHOD PA LA NOM NA NYES PA SBOM POR 'GYUR RO ZHES GSUNGS PA 'DIS NA LTUNG BA BSTAN PA THAMS CAD DU DBANG PO DANG BCAS PA'I LUS KHO NA LTUNG BYED DUG GSUNGS KYI, LAN BU LA SOGS PA DBANG PO MED NA LUS KYI MA YIN PA'I GZUGS RNAMS NI MA YIN NO, ,DE LTAR YANG THA NA RKANG PA'I MTHE BONG LA REG PAR BYED NA ZHES BYA BA LA 'DIR THAMS CAD NYE BAR BSDUS NAS, MTHA' RAB TU STON PAR MDZAD PA'O, ,BCOM LDAN 'DAS KYIS LA LA DBANG PO MED PA DAG LA YANG DNGOS @258A *, ,GZHI MED PA NYID DU SEMS PAR GYUR NA MI RUNG NGO SNYAM NAS RNAM PAR GCAD PA'I PHYIR LUS KHO NA RAB TU BSTAN TO, ,DE LTA MA YIN NA SEN MO DANG SKRA DAG MTHA' DAG YIN PA'I PHYIR BDE BAR GSHEGS PAS THA NA SEN MO 'AM, SKRA DAG LA REG PAR BYED NA ZHES DE SKAD DU MTHA' BSTAN PAR 'GYUR RO, ,DE'I PHYIR LUS MA YIN PA'I PHYIR LAN BU DANG, DE DANG 'BREL BA'I GOS LA REG PA NI SBOM PO BYED PA NYID KHO NAR 'DOD PAR BYA STE, SEN MO DANG SO DANG SPU LA REG PA BZHIN NO ZHES BYA BA'I THA TSIG GO, ,MI'I BUD MED LA MIR 'DU SHES PAS ZHES BYA BA LA SOGS PAS DGE 'DUN LHAG MAR GSUNGS PA LA NI SBYOR BA YOD PA'I PHYIR DANG, BSAMS PA'I DON GRUB PA'I PHYIR RO, ,MI LA MI MA LAGS PAR 'DU SHES PAS ZHES BYA BA LA SOGS PAS SBOM POR GSUNGS PA NI SBYOR BA YOD PA'I PHYIR RO, ,DNGOS GZHI LA NI LTUNG BA MED PA KHO NA STE, MI MA YIN PAS MIR 'DU SHES PA YANG DE DANG 'DRA'O, ,MI MA LAGS PA LA MI MA LAGS PAR 'DU SHES PAS ZHES BYA BA LA SOGS PAS SBOM POR GSUNGS PA NI SBYOR BA YOD PA'I PHYIR DANG, BSAMS PA'I DON GRUB PA'I PHYIR RO, ,MI MA YIN PA MO SMOS PAS NI KHYAD PAR MA BRJOD PA'I PHYIR RO, ,SEMS CAN DMYAL BA DANG, DUD 'GRO DANG, YI DAGS DANG, LHA'I 'GRO BAR SKYES PA RNAMS 'PHANGS TE, 'GRO BA GZHAN NA GZHAN PAR 'BYUNG BA YANG DE DANG 'DRA BA KHO NAR SHES PAR BYA'O, ,THA SNYAD DU RUNG BA'I 'GRO BA'I LUS LA REG PA LA DGA' BA KUN DU SKYE BA JI LTA BAR THA SNYAD DU MI RUNG BA'I 'GRO BA LA NI DE LTA MA YIN PAS DE'I PHYIR 'DI YIN TE, SMYON PA LA SOGS PA 'BYUNG BA YANG DE DANG 'DRA'O, ,BAR CHAD DANG BCAS PA LA BAR CHAD DANG BCAS PAR 'DU SHES PAS ZHES BYA BA LA SOGS PAS SBOM POR GSUNGS PA NI BAR DU CHOD PA'I PHYIR DANG, REG PA'I BDE BA RDZOGS PA MED PA'I PHYIR RO, ,BAR CHAD DANG BCAS PA LA BAR CHAD MED PAR 'DU SHES PA LA SBOM POR GSUNGS PA LA NI BAR DU CHOD PA'I PHYIR DANG, BSAMS PA'I DON MA GRUB PA'I PHYIR RO, ,BAR CHAD MED PA LA BAR CHAD DANG BCAS PAR 'DU SHES PA LA SBOM POR GSUNGS PA NI BSAMS PA'I DON MA GRUB PA'I PHYIR RO, ,BAR CHAD MED PA LA BAR CHAD MED PAR 'DU SHES PA LA DGE 'DUN LHAG MAR GSUNGS PA NI BAR DU CHOD PA @258B MED PA'I PHYIR DANG REG PA'I BDE BA YONGS SU RDZOGS PA YOD PA'I PHYIR RO, ,BUD MED GZHAN ZHIG DANG ZHES BYA BA LA SOGS PAS NYES PA SBOM POR GSUNGS PA NI BSAMS PA MA YIN PA'I PHYIR RO, ,BUD MED KYI RO DANG ZHES BYA BA LA SOGS PAS DGE 'DUN LHAG MAR GSUNGS PA 'DI NI LUS TSA BA LA REG PA'I BDE BA NYAMS SU MYONG BA YOD PA'I PHYIR TE, SNYOMS PAR ZHUGS PA DANG NYID LOG PA ZHES 'BYUNG BA LA YANG DE DANG 'DRA BA NYID DU SHES PAR BYA'O, ,SHAM MCHIS PA NI SHA DANG BRAL BA'O, ,RNAM PA JI LTA BU ZHE NA, RUS PA'I RUS GONG ZHES BYA BA GSUNGS TE, RUS PA'I KHOG PA'O, ,LA LA BAR NA SHA MED KYI THAMS CAD DU MA YIN PA YANG YOD PAS DE'I PHYIR RUS PA'I RUS GONG ZHES KHYAD PAR DU MDZAD DO, ,BUD MED DANG LHAN CIG CES BYA BA LA SOGS PAS NYES PA SBOM POR GSUNGS PA NI REG PA'I PHAM PAR GTOGS PA YIN TE, 'DI LTAR DGE SLONG MA RNAMS LA REG PA'I PHAM PAR GTOGS PA'I SBOM POR BSHAD DO, , DGE 'DUN LHAG MAR GTOGS PA'I NI MA YIN TE, DGE SLONG MA RNAMS LA DE MED PA'I PHYIR RO, ,GZHAN DAG NI GZHAN DU BRJOD DO, ,LTUNG BA'I RGYU MTSAN CHUNG DU LAS LTUNG BA CHUNG DU KHO NAR 'GYUR GYI, CHEN POR NI MA YIN NO ZHE'O, ,'DIR DPE BRJOD PA YANG BYED DE, KHRI GCIG LA REG PA DANG BCAS PAR NYAL BA'I DGE SLONG DAG GI NYES BYAS NI, DGE SLONG MA NYID DAG TU GYUR NA NYES BYAS KHO NA YIN GYI LTUNG BYED NI MA YIN NO ZHES ZER RO, ,'DI NI 'DUL BA 'DZIN PA GZHAN DAG GZHUNG 'DI KHO NA TSAD MAR BYAS NAS MI 'DOD DE, LTUNG BA'I RGYU MTSAN CHUNG NGU LAS KYANG LTUNG BA CHEN POR KUN NAS LDANG NGO, ,GAL TE SBYOR BA CHUNG NGU LAS LTUNG BA CHEN POR KUN NAS LTUNG BAR MI 'GYUR NA DE LTA NA NI DGE 'DUN GYI LHAG MAR GTOGS PA'I SBYOR BA LAS PHAM PA'I SBOM PO KUN NAS SLONG BA 'DIR YANG MI 'GYUR TE, 'DI LTAR DGE 'DUN LHAG MA'I RIS PAS NI PHAM PA'I RIS CHE BA'I PHYIR RO, ,GZHAN YANG GNAS GYUR PAR 'DRA BA'I PHYIR JI LTAR GNAS GYUR PA'I DBANG GIS SBYOR BA'I DON CHEN PO LAS LTUNG BA CHUNG DU KUN NAS LDANG BAR 'GYUR NA DE BZHIN DU SBYOR BA'I DON CHUNG DU LAS KYANG LTUNG BA CHEN PO KUN NAS LDANG BAR 'GYUR DGOS NA, DE LA SBYOR BA'I DON CHEN PO LAS LTUNG BA CHUNG NGU KUN NAS LDANG BAR 'DOD DE, , @259A *, ,DON CHUNG DU LAS CHEN PO NI MA YIN NO ZHES BYA BA'I KHYAD PAR GANG YIN PA 'DIS GA LA RNYED, 'DI LA NI LUNG YANG GANG LAS KYANG DE SKAD DU 'BYUNG BA MED DO, ,KHA CIG 'DI SKAD DU BTZUN PA RE ZHIG DGE SLONG SKYES PA DANG LHAN CIG LUS KYI RIG PAR BGYID LA DE YANG MTSAN GYUR NAS DGE SLONG MAR RED NA CIR 'GYUR LAGS, MTHAR 'GYUR RO ZHES GSAL BAR DU NI 'DON TO, ,'DIS NI SBYOR BA DON CHUNG NGU LAS LTUNG BA CHEN POR KUN NAS LDANG BAR 'GYUR BA GANG YIN PA BSGRUB PAR 'GYUR RO, ,DE'I PHYIR KHRI GCIG LA REG PA DANG BCAS PAR NYAL BA'I DGE SLONG DAG DGE SLONG MA NYID DU GYUR NA LTUNG BYED KHO NAR 'GRUB PAR SHES PAR BYA STE, KHA NA MA THO BA BYAS NAS MTSAN GYUR PA LA YANG LUGS NI 'DI KHO NA YIN NO, ,'DI NI DE KHO NA LTAR YIN NO, ,DE LTA MA YIN NA DGE SLONG MA KHU BA 'BYIN PA'I LTUNG BYED YOD PA LAS DGE SLONG NYID DU GYUR NA LTUNG BYED KHO NAR 'GYUR GYI, DGE 'DUN LHAG MA YIN NO, ,DE YANG MI 'DOD DE 'DI LTAR DGE SLONG LA NI KHU BA 'BYIN PA'I LTUNG BYED MA BSHAD PA NYID DO, ,DER 'DOD NA YANG LTUNG BYED DGU BCU RTZA GCIG NYID DU 'GYUR RO, ,DGE SLONG MA SKYES PA DANG LHAN CIG LUS KYI REG PA LAS MTSAN GYUR NA SBOM POR GSUNGS PA 'DI NI SKYES PA DANG LUS KYIS KUN DU REG PA LA GTOGS PA YIN NO, , DGE SLONG SKYES PA DANG ZHES BYA BA LA SOGS PAS NYES PA SBOM POR GSUNGS PA NI BUD MED NYID MED PA'I PHYIR RO, ,'JAM PA NI SHIN TU BYIL BA'I GOS SO, ,RNAM GRANGS GZHAN DU NI BYIL BYIL LO ZHES BYA BA YIN TE, DE NI SHIN TU 'JAM PAS SO, ,MNYEN PA NI SHING BAL LO, ,YANG NA 'JAM PA NI MI RTZUB PA'O, , MNYEN PA NI MI KHRO BA'O, ,DRO BA NI PAGS PA'I GOS KYI KHYAD PAR TE, DE NI SHIN TU DRO BAS SO, ,NYES PA SBOM POR 'GYUR RO ZHES BYA BA 'DIR SBOM PO GSUNGS PA NI YUL DU GYUR PA 'JAM PA DANG, MNYEN PA DANG DRO BA SHIN TU BYIL BA'I GOS DANG, SHING BA LA DANG, MI RTZUB PA DANG, MI KHRO BA DANG, PAGS PA DAG LA GO RIMS BZHIN DU 'JAM PA DANG, SNYI BA DANG DRO BA'I RNAM PA NYAMS SU MYONG BA CI 'DRA BA 'BYUNG BA, DE 'DRA BA'I NYAMS SU MYONG BA LHUR BYED PA YIN GYI, NYON MONGS PA CAN GYI REG PA'I BDE BA NYAMS SU MYONG BAR 'DOD PA NYID NI MA YIN NO, ,MA NING CHUNG MA LA ZHES BYA BA NI KUN DU CHAGS PA'I SEMS MED PAR @259B MDZA' BA KUN DU SPYOD PA NI GCUGS PAR BYA BA YIN TE, DE'I CHED DU REG PA NI NYES PA MED DO, ,DE BAS NA MA LA SOGS PA LA 'DU SHES PA LA KUN DU CHAGS PA DANG MTSUNGS PAR LDAN PA'I BDE BA NYAMS SU MYONG BAR 'DUN PA MED PA'I PHYIR DANG, GCUGS PAR BYA BA'I CHED YIN PA'I PHYIR LTUNG BA MED DO ZHES BYA BA DE LTAR SHES PAR BYA'O, ,GTUM PO NI SENG GE LA SOGS PA MI BZAD PA RNAMS SO, ,GNOD SBYIN NI SHA ZA RNAMS SO, ,MI MA YIN PA NI YI DAGS RNAMS SO, ,GZHAN YANG NYAM THAG PAR DE LTA BU DAG LAS ZHES BYA BA NI BSHAD PA LA MA GTOGS PA'I PHONGS PA G-YANGS DANG, DUG ZA BA DANG; ,MTSEN DANG, 'GEG PA LA SOGS PA'I SDUG BSNGAL DAG LAS TE, 'DI LUS KYI REG PA'I BDE BA KUN DU CHAGS PA DANG MTSUNGS PAR LDAN PA NYAMS SU MYONG BA'I 'DUN PA MED PA'I PHYIR DANG, ,SDUG BSNGAL LAS THAR PAR BYA BA'I PHYIR SHES PAR BYA'O, ,DGE SLONG MA SKYES PA DANG ZHES BYA BA LA SOGS PAS SKYES PA MTSAN GYUR NA NYES PA SBOM POR GSUNGS PA NI REG PA'I PHAM PAR GTOGS PAR SHES PAR BYA STE, 'DI LTAR DGE SLONG MA RNAMS LA REG PA'I PHAM PAR GTOGS PA'I NYES PA SBOM POR BSHAD DO, ,DGE 'DUN LHAG MAR GTOGS PA NI MA YIN TE, DGE SLONG MA LA DE MED PA'I PHYIR RO; ,LHAG MA NI RTOGS PAR BLA BAS RNAM PAR MA PHYE BA'O, ,LUS KYI REG PA'I DGE 'DUN LHAG MA GTAN LA DBAB PA'O,, ,,GNAS NGAN LEN NI NGAN PA'O, ,DE LA GNAS NGAN LEN ZHES BYA BA NI NYES PA'O, ,DE LEN CING KUN DU LEN PAS NA GNAS NGAN LEN TO, ,NYES PA SKYED PAR BYED PA STE, KUN NAS SLONG BA DANG RANG GI NGO BO'I SGO NAS SMAD PA'O ZHES BYA BA'I DON TO, ,SDIG PA CAN NI NGAN SONG DU LTUNG BA'I PHYIR TE, 'DIS NI 'BRAS BU'I SGO NAS SMOD PAR MDZAD PA YIN NO, ,TSOGS PAR MI 'BYUNG BA NI 'KHOR GYI NANG DU BRJOD DU MI RUNG BA STE, 'DIS NI 'JIG RTEN GYI SMAD PA BRJOD DO, ,DE LTA NA 'O NA NI BRDZUN GYI TSIG KYANG DE DANG 'DRA BAR 'GYUR RO ZHE NA, DE'I PHYIR 'KHRIG PA DANG LDAN PA ZHES BYA BA GSUNGS TE, ,MI TSANGS PAR SPYOD PA DANG LDAN PA RGYA ZHES BYA BA DANG, RNA RU ZHES BYA BA'I SGRA STEN PAR BYED PA'O, ,DE NYID BSTEN PA'I PHYIR 'DI LTAR ZHES GSUNGS TE DPER NA'O, ,SKYES BU NI SKYES BU LANG TSO LA BAB PA STE, KHYIM @260A *, ,PA 'PHYON MA PA ZHES BYA BA'I THA TSIG GO, ,NA CHUNG NI CHUNG MA LA SOGS PA'O, ,DES NA JI LTAR SKYES BU LANG TSO NA CHUNG LA RGYA LA SOGS PA'I DON DU SMRA BA DE BZHIN DU ZHES BYA BA'I THA TSIG GO, ,YANG NA ZHES BYA BA'I SKRA NI, DANG ZHES BYA BA'I SGRA'I DON YIN TE, DES NA DRAL CING GYUR PA DANG, RGYA LA SOGS PA'I DON GYIS LTUNG BA 'DIR 'GYUR GYI, GANG YANG RUNG BA CIG MA TSANG BA NI MA YIN NO ZHES BYA BA'I THA TSIG GO, ,YANG NA NGES PAR GZUNG BA YIN TE, DES NA RGYA LA SOGS PA'I DON KHO NAS LTUNG BA 'DIR 'GYUR GYI, SKYES BU 'PHYON MA PA MDZES SO ZHES BYA BA LA SOGS PAS SMRAS PA NI MA YIN NO ZHES BYA BA'I DON TO, ,SMRAS NA ZHES BYA BA NI BRJOD NA'O, ,DBEN PA LA DBEN PAR 'DU SHES PAS ZHES BYA BA LA SOGS PAS NYES PA SBOM POR GSUNGS PA NI SBYOR BAR GTOGS PA YIN TE, DE DANG 'DRA BA GZHAN DAG LA YANG DE DANG 'DRA BA KHO NAR SHES PAR BYA'O, ,SPRUL PA NI SEMS CAN DU BGRANG BA MA YIN PA SHING LA SOGS PA'I RGYU LAS GSANG SNGAGS DANG, SMAN LAS SOGS PAS BSGRUBS PA'O, ,NYES PA SBOM POR 'GYUR RO ZHES BYA BA 'DI KHO NA BUD MED DANG 'DRA BA'I PHYIR BUD MED DO SNYAM PA'I BLOS ZHUGS PA'I PHYIR 'DIR SBYOR BAR GTOGS PA YIN PAR SHES PAR BYA'O, ,DNGOS GZHI LA NI BSAMS PA MA YIN PA'I PHYIR LTUNG BA MED DO, ,DE LTA MA YIN NA SEMS CAN DU BGRANG BA MA YIN PA'I DON DAG LA YONGS SU SHES PA MED PA'I PHYIR 'KHRIG PA DANG LDAN PA SMRAN NI NYES PAR SMRAS PA DANG, LEGS PAR SMRAS PA DON YONGS SU SHES PAR 'DOD PA NYID KYANG MED LA BUD MED LA NYID KYANG MA YIN PAS YAN LAG GNYIS MA TSANG BA'I PHYIR 'DIR NYES BYAS SU 'GYUR GYI SBOM POR GO SKABS NYID NI THAG BSRINGS PA YIN NO, ,KHA CIG 'DIR BDUN TSAN 'DON TE, DE NI 'DI LA DON 'BREL PA MED PA YIN NO, ,'DI LTAR LTUNG BA 'DI NI BLA MAR GYUR PA'I CHOS SMRA BA LA SOGS PA BZHIN DU RANG GI TSIG LA RAG LAS PA YIN NO ZHES BYA BA DE LTAR KHONG DU CHUD PAR BYA STE, TSIG LA RAG LAS PA'I BSLAB PA'I GZHI 'OG MA DAG LA YANG DE DANG 'DRA BAR SHES PAR BYA'O, ,MDZES PA NI BZANG PO'O, ,SBOM POR GSUNGS PA NI 'DI DANG 'OG MA LA YANG DE LAS BDE BA NYAMS SU MYONG BA'I BDUN PA LA SOGS PA YOD LA RGYA LA SOGS PA'I @260B DON NI MED NA YIN PAR SHES PAR BYA'O, ,SDIG PA CAN NI MI BZANG BA'O, ,ZHUS PA LA LA LAS 'DI SKAD DU, DGE SLONG GIS BUD MED LA 'DI SKAD DU TSUR NGA DANG LHAN CIG TU 'DUG PAR GYIS SHIG ,TSUR NGA DANG LHAN CIG NYOL CIG, ,TSUR NGA LA BGO BSHA' GYIS SHIG CES SMRAS NA CIR 'GYUR LAGS, NYES PA SBOM POR 'GYUR RO ZHES KYANG 'BYUNG STE, 'DIR YANG NYES PA SBOM POR GSUNGS PA NI RGYA LA SOGS PA'I DON MED PA'I PHYIR DE LAS BDE BA NYAMS SU MYONG BA'I 'DUN PA LA SOGS PA YOD NA SHES PAR BYA'O, ,GZHAN DAG NI GNAS NGAN LEN GYI SEMS KYIS GNAS NGAN LAN GYI TSIG SMRAS PA NA THAN RGOD BAG TZAM GYIS KYANG RUNG, THAMS CAD DU SBOM POR 'DOD DO, ,'DI NI 'DUL BA 'DZIN PA GZHAN DAG NI MI 'DOD DE, 'DIR 'DI LTAR KUN DU CHAGS PA YAN LAG NYID DU BSHAD KYI GNAS NGAN LEN TZAM NI MA YIN NO, ,RGOD BAG TZAM GYIS SMRAS NA YANG SBOM POR RIGS PA MA YIN TE, RGOD BAG GI BSAM PAS LUS DANG NGAG 'GYUR BAR MI BYA'O ZHES BYA BAR 'DIR KHYAD PAR MED PAR NYES BYAS SU GSUNGS PA'I PHYIR RO, ,DE LTA BAS NA RNAM PAR BSHAD PA SNGA MA NYID BZANG NGO, ,BTZUN PA RE ZHIG DGE SLONG ZHES BYA BA LA SOGS PAS MTSAN GYUR NA NYES BYAS SU GSUNGS PA NI PHAM PAR GTOGS PA STE, 'DI LTAR DGE SLONG MA LA SMRA BA'I DGE 'DUN LHAG MA NI MED KYI 'ON KYANG CHAGS PAS CHAGS PA DANG LHAN CIG RGOD BAG MED NA SBOM PO'O ZHES BYA BA LA SOGS PA'I TSUL GYIS SKYES PA LA SMRAN NI PHAM PAR GTOGS PA'I SBOM POR RNAM PAR BZHAG GO, ,MTSAN MTHUN PA LA SMRAS NA NI SBOM PO'I SBYOR BA YIN PA'I PHYIR NYES BYAS SO; ,DGE SLONG MA ZHIG CES BYA BA LA SOGS PAS MTSAN GYUR NA SBOM PAR GSUNGS PA NI SKYES PA LA SMRA BAR GTOGS PA'O, ,DGE SLONG MA NI NYES PA SBOM POR 'GYUR RO ZHES BYA BA 'DIR NI PHAM PAR GTOGS PA STE, SNGA MA BZHIN NO, ,'KHRIG PA DANG LDAN PA SMRA BA'I DGE 'DUN LHAG MA GTAN LA DBAB PA'O,, ,,CHE ZHE ZHES BYA BA NI SRING MO LA BOD PA'I TSIG GO, ,GAL TE CHE ZHE ZHES SMRAS NAS JI LTAR DE DANG LHAN CIG 'DUR RUNG ZHE NA, TSIG 'BA' ZHIG GIS 'KHRIG PA LAS BYUNG BA'I DNGOS PO BDAG GIR BYED PAR SEMS PA'I PHYIR NYES PA MED DO, ,YANG NA 'DI LA MO MTSAN YOD PAS NA SRU STE, @261A *, ,DES NA 'DI MI TSANGS PAR SPYOD PA BYA BAR BZOD PA YIN GYI, MTSAN MA TZAM YOD PA NI MA YIN NO ZHES BYA BA'I THA TSIG GO, ,BSNYEN BKUR RNAMS KYI NANG NAS ZHES BYA BA NI DMIGS KYIS BSAL BA'I DRUG PA YIN NO, ,DES NA BSNYEN BKUR GZHAN DAG PAS 'DI YON TAN GYI MCHOG NYID DU NGES PAR 'DZIN TO ZHES BYA BA'I THA TSIG GO, ,'DI LTA STE ZHES BYA BA'I TSIG 'DI NI BSNYEN BKUR BA SMRAS PA RNAMS KYI RANG BZHIN GYI NGO BO BSHAD PA NYE BAR STON PA'I TSIG GO, ,DA LTA BU ZHES BYA BA NI BDAG 'DRA BA STE, 'DIS NI BDAG NYID RIGS DANG, GZUGS DANG, 'O BZE BAL SOGS PA'I YON TAN DANG LDAN PA NYID DU BSTAN TO, ,DGE SLONG ZHES BYA BA 'DIS NI GZHAN YONGS SU GZUNG BA MED PAR BSTAN TO, ,DGE SLONG DE JI LTA BU ZHIG CE NA, TSUL KHRIMS DANG LDAN PA ZHES BYA BA LA SOGS PA SMOS TE, ,TSUL KHRIMS DANG LDAN PA NI TSUL KHRIMS KYI PHUNG PO DANG LDAN PA'I PHYIR RO, ,BSIL BAR GYUR PA'I PHYIR TSUL KHRIMS TE, 'DI SKAD DU, TSUL KHRIMS YANG DAG BLANGS NA BDE, ,LUS LA YONGS SU GDUNG BA MED, ,CES GSUNGS PA LTA BU'O, ,DGE BA'I CHOS CAN NI TING NGE 'DZIN GYI PHUNG PO DANG LDAN PA'I PHYIR TE, YONGS SU DAG PA NYID KYI GSER BZANG PO DANG 'DRA'O, ,TSANGS PAR SBYOD PA NI SHES RAB KYI PHUNG PO DANG LDAN PA'I PHYIR TE, DES NI MYA NGAN LAS 'DAS PA ZHES BYA BA'I TSANGS PAR SPYOD CING 'GRO ZHES BYA BA'I DON TO, ,DE BAS NA 'DIS NI BDAG NYID ZHING NYID DU RAB TU BSGRAGS PAS 'BRAS BU CHE BA NYID DU RJOD PAR BYED DO, ,CHOS 'DIS ZHES BYA BA NI BSNYEN BKUR ZHES BYA BA'I DNGOS POS SO, ,CHOS JI LTA BU ZHIG GIS SHE NA, 'KHRIG PA DANG LDAN PA ZHES BYA BA GSUNGS TE, 'KHRIG PA LAS BYUNG BA'I DON BRJOD PA RGYA ZHES BYA BA DANG, RNA RU ZHES BYA BA'I SGRA DAN LDAN PAS ZHES BYA BA'I THA TSIG GO, ,BSNYEN BKUR BYED PA NI BKUR STE BYED PA'O, ,BSNGAGS PA BRJOD PA NI YON TAN SMRAS PA'O, ,DE NYID BSTAN PA'I PHYIR 'DI NI ZHES BYA BA LA SOGS PA SMOS TE, 'DI NI MCHOG YIN NO ZHES BYA BA NI BSNYEN BKUR 'DI KHO NA PHUL DU BYUNG BA'O ZHES BYA BA'I SGRA NI RNAM PA'O, ,BDAG NYID NI RANG GI'O, DE BDAG NI PHUNG PO'I RGYU NGA'O SNYAM DU DMIGS PA RGYU THA MI DAD PA YIN NO, DE @261B SMOS PA YANG GZHAN RNAM PAR BCAD PA'I PHYIR TE, GZHAN GYI DON DU SMRAS PA LAN SMOS PAR 'BYUNG BA'I PHYIR RO, ,LUS KYI BSNYEN BKUR ZHES BYA BA LA BSNYEN BKUR NI SKYES PA LA BUD MED KYI BYA BA'I RIM GRO STE, 'KHRIG PA LAS BYUNG BAS LUS LA RIM GRO BYED PA ZHES BYA BA'I THA TSIG GO, ,GZHUNG BLA MA NI; BTZUN PA RE ZHIG DBUS KYI DGE SLONG ZHIG GIS MTHA' 'KHOB PA LA DBUS KYI SKAD KYIS ZHES BYA BA LA SOGS PA YIN NO, ,DGE SLONG MAS BSNYEN BKUR BSNGAGS PA LA NI NYES BYAS SU BRJOD DO ZHES BYA BA NI 'DUL BA MDOR BSDUS PA LAS MA BRTAGS PA NYID YIN PAR GSUNGS PA'I PHYIR RO, ,'DI LTAR BUD MED NI 'KHRIG PA LAS BYUNG BA LA BSNYEN BKUR BYED PA YIN GYI, BSNYEN BKUR BA NI MA YIN TE, ,BSNYEN BKUR BYA BA YIN PA'I BDAG NYID KYI BSNYEN BKUR BSNGAGS PA BRJOD PA YANG 'THAD PA MA YIN NO, ,'DI LTAR YANG SKYES BA NI 'DIR MCHOD PAR BYA BA'I CHA LA RNAM PAR GNAS TE, DE'I SEMS BSRUNG BA'I CHED DU BYA BA LA 'JUG PA'I PHYIR RO, ,BUD MED NI BRAN GYI CHA LA RNAM PAR GNAS TE, 'DI LTAR DE NI GZHAN GYI DON DU SPYAD PA YIN PA'I PHYIR RO, ,BSNYEN BKUR BSNGAGS PA'I DGE 'DUN LHAG MA GTAN LA DBAB PA'O,, ,,'DAS PA YANG MA LAGS ZHES BYA BA LA SOGS PA NI 'DUS MA BYAS PA NYID KYIS DUS SU MA GTOGS PA'I PHYIR RO, ,'GRO BA DANG PHYIR 'ONG BA YANG MA MCHIS PA'I NI PHUNG PO'I LHAG MA MED PA'I MYA NGAN LAS 'DAS PA LA GNAS PA LA PHYIR 'ONG BA MED PA'I PHYIR RO, ,LAS KYI MTHA' MJUG GI MTHAR PHYIN PA NI 'PHAGS PA'I LAM BSGOMS PAS NYON MONGS PA DANG NYE BA'I NYON MONGS PA LA SOGS PA THAMS CAD KYI MTHAR PHYIN PA'I MCHOG BRNYES PA'I PHYIR TE, TSIGS SU BCAD PA LAS, ZHI BA'I GO 'PHANG BLA NA MED, ,MTSAN MA THAMS CAD ZAD PAR 'GYUR, ,RNAM BYANG GO 'PHANG MI G-YO BA, ,'DI NI MTHAR THUG MCHOG YIN NO, ,ZHES BYA BA'I PHYIR RO, ,MYA NGAN LAS 'DAS PA NI NYON MONGS PA ZHI BA'I PHYIR RO, ,GAL TE ZHU BA 'DI'I SKABS SU CI ZHIG 'BAB CE NA, LAS KYI MTHA'I MJUG GI MTHAR THUG PA 'DRA BAS TSIG ZUR GYIS ZHUS PA 'DI YIN NO, ,'DUL BA LAS NI ZHU BA DANG LAN 'DI LTA BU DAG 'BYUNG STE, SPRUL PA ZAD PA'I ZHUS PA DANG LAN LTA BU'O, , @262A *, ,DE LAS 'DI SKAD DU, GANG ZHIG 'GRO BA DAG TU MA GTOGS PA LA MYA NGAN LAS 'DAS PA LA YANG MA LAGS, BSTAN PA LA YANG MI 'JUG LA MYA NGAN LAS 'DAS PA YANG MA LAGS PA DE GANG ZHIG LAGS, BKA' STZAL PA, SPRUL PA PO ZHES BYA BA LA SOGS PA 'BYUNG STE, 'DI NI KHO NA LAS MA GO NAS 'CHAD PAR 'GYUR RO, ,'GRO BA DANG PHYIR 'ONG BA MCHIS PA NI LEN PA DANG, MIR SKYE BA RNAMS MED PA'I PHYIR RO, ,LAS KYI MTHA'I 'JUG PA'I MTHAR PHYIN PA'I SPYOD PAR BYED PA'I 'BRAS BU YONGS SU RDZOGS PAR BYED PA'I PHYIR RO, ,'DIS NI LEN PA DANG SKYEL BA RNAMS KYANG BYAS LA SPRAD PAR YANG 'GYUR NA, DGE 'DUN LHAG MAR 'GYUR GYI GZHAN NI ZHES BYA BAR BSTAN TO, ,SMYAN BYED PA NI PHO NYA'I NGO BO STE, SMYAN PHO NYA'I NGO BO'AM, LAS YIN PA'I PHYIR RO, ,BUD MED LA SKYES PA'I TSIG NI BUD MED KYI YUL LA SKYES PA'I TSIG GIS SO, ,SKYES PA LA BUD MED KYI TSIG GIS NI SKYES PA'I YUL LA BUD MED KYI TSIG GIS SO, ,DES NA SKYES PAS BCOL BAS DGE SLONG BUD MED KYI YUL LA PHRIN RTZOM NA ZHES BYA BA'I THA TSIG GO, ,KYANG RUNG ZHES BYA BA'I SGRA GNYIS SMOS PA NI SO SOR LTUNG BA NYID YIN PAR BSTAN PA'I PHYIR RO, ,JI LTAR BUD MED LA SKYES PA'I TSIG GIS SHE NA, CHUNG MA NYID DAM ZHES BYA BA LA SOGS PA SMOS TE, CHUNG MA NYID NI NGO MTHON GYI CHUNG MA NYID DO, ,MDZA' NA MO NYID NI 'KHYUD PA'I BUD MED DO, ,DES NA SKYES PAS BUD MED LA KHYOD KYIS NGA KHYOR ZUNG ZHIG CE'AM, NGA'I MDZA' NA MO GYIS SHIG CAS SPRING BA DE LTA BU'I NGO BO'I PHRIN LEN NA LTUNG BA 'DIR 'GYUR RO ZHES BYA BA'I THA TSIG GO, ,GZHAN DAG NA RE MDZA' NA MO ZHES SMOS PA NI SKYES PA DANG BUD MED GNYI GA LA YANG SBYAR BAR BYA STE, DES NA BUD MED LA SKYES PA'I TSIG GIS NI BUD MED KYI YUL LA SKYES PA'I TSIG GIS NGA KHO NA KHYOR ZUNG ZHES BYA BA DANG, DE BZHIN DU SKYES PA LA BUD MED KYI TSIG GIS NI SKYES PA'I YUL LA BUD MED KYI TSIG GIS NGA KHYOD KYI MDZA' NA MOR GYIS SHIG CES BYA BA'I DON 'DIR 'GYUR RO, ,DE LA MDZA' NA NI 'KHYUD DA 'KHRIG PA LAS BYUNG BA LHAG MAR SPYOD PA'I PHYIR GRAGS PAR ZAD DO, ,DE'I SKAD CIG NI BYED PA'I SKAD CIG DE NYID BSDUS PA DE DUS RE ZHIG PA ZHES BYA BA'I THA TSIG GO, ,KYANG ZHES BYA BA'I SGRA @262B NI SRID PA STE, DES NA RE ZHIG DUS THUNG NGU ZHIG BUD MED LA SKYES PA'I TSIG GIS SMYAN BYAS NA YANG LTUNG BA 'DIR 'GYUR NA DUS RING POR LTA SMOS KYANG CI DGOS ZHES BYA BA'I THA TSIG GO, ,PHRIN NI PHYIN PA'I LAS SO, ,SKYEL BA NI PHRIN SKYEL BA'O, ,PHYIR SKYEL BA NI PHRIN SLAR GO BAR BYED PA'O, ,NYES PA SBOM PO 'GYUR RO ZHES BYA BA NI 'DI LA GSUM PAR RANG BZHIN DU GNAS PA'I LEN PA DANG, SKYEL BA DANG PHYIR SKYEL BA DAG BYED NA DGE 'DUN LHAG MAR 'GYUR RO, ,GSUM CHAR SMYON PA'I BYED NA NI SBOM PO STE, 'DI LTAR DRAN PA NYAMS PA'I YUL LA ZHUGS PA'I NYAMS BA SHIN TU TSABS CHE BAS 'GYUR GYI, SPYIR SMRAS PA'I PHYIR KHYAD PAR LA MI BSTEN PAR BUD MED NYOS SHIG CES SMRAS PA LA NI MA YIN NO, ,GZHAN DAG NA RE 'DI LA BSAM PA NYAMS PA SHIN TU TSABS CHEN POR NI YAN LAG NYID MA YIN TE, BSAM PA CHUNG DUS DBYEN BYED PA YONGS SU RDZOGS NA YANG DGE 'DUN LHAG MAR SLONG BA'I PHYIR RO, ,DE LTA BAS NA NYES BYAS SU GSUNGS PA 'DI NI PHRAD PAR BYA BA'I CHED DU MA YIN PAR BSHAD PAR BYA'O, ,DE'I PHYIR BUD MED NYOS SHIG CES BYA BA LA SOGS PA LA NYES BYAS SU GSUNGS PA NI SPRAD PA'I BSAM PA MED NA YIN PAR SHES PAR BYA STE, 'DI LTAR 'DI LA MA GRUB PA BSGRUB PAR BYA BA'I DON NYID LA SOGS PA SBYOR BA'I YAN LAG THAMS CAD YOD PAR SPRAD PAR BYA BA'I CHED DU YIN NA SBOM POR 'GYUR DGOS PAS JI LTAR NYES BYAS ZHES BRJOD, BUD MED CHE GE MO ZHIG NYOS SHIG CES BYA BA LA SOGS PA LA NYES PA SBOM POR GSUNGS PA NI SPRAD PAR BYA BA'I CHED DU MA GRUB PA BSGRUB PA'I PHYIR BUD MED CHE GE MO ZHIG NYOS SHIG CES BYA BA PHRIN SKYEL BA'I MTSAN NYID SPROD PA'I NGO BO 'DI SMRAS PA, DE YIN NO, ,ZHUS PA LA LA LAS 'DI SKAD DU, CHUNG MA 'DI NYOS SHIG CES MCHI NA CIR 'GYUR LAGS NYES PA SBOM POR 'GYUR RO ZHES 'BYUNG NGO, ,'DI LA YANG DON NI DE KHO NAR ZAD KYI 'ON KYANG TSIG TZAM THA DAD DE 'DI LTAR 'DI LA YANG SPRAD PAR BYA BA'I CHED NYID DANG MA GRUB PA BSGRUB PA'I DON NYID DANG, PHRIN SKYEL BA LA SOGS PA YOD PAS SBYOR BAR 'GYUR BA'I PHYIR NYES PA SBOM POR GSUNGS PA 'DI NYID YIN NO, ,BSNYEN PAR MA RDZOGS PAR SMYAN BGYID PAR SBYOR BA BGYID LA ZHES BYA BA LA @263A *, ,SOGS PA NI 'DIR PHO NYA NI RANG NYID YIN NO ZHES 'BYUNG BA'I BSNYEN PAR MA RDZOGS PA'I SMYAN BGYID PAR SBYOR BA BGYIS LA ZHES BYA BA LA SOGS PAS BSNYEN PAR RDZOGS TE PHYIR SKYEL BA TZAM LA NYES PA SBOM POR GSUNGS PA 'DI NI PHYIR SKYEL BA TZAM LA YANG NYES PA SBOM POR 'GYUR BA KHO NA'O ZHES BYA BA 'DIS BSTAN PA YIN TE, 'DI DAG BYED NA THA DAD PA NYID YIN NO ZHES 'BYUNG BA'I PHYIR RO, ,DE BZHIN DU 'OG MA DAG LA YANG SHES PAR BYA'O, ,SPO BA NI DGE 'DUN LHAG MA BYUNG BA BCABS PA'I RGYU MTSAN GYI CHAD PA'I LAS BYED PA'I PHYIR RO, ,SPO BA BGYIS PA LA NI SPO BA SPYAD NAS DA RUNG 'DI LA MGU BAR BYA BA MA YIN PA'I PHYIR RO, ,MGU BAR BGYID PA SPYOD PA NI SPO BA SPYAD NAS DGE 'DUN MGU BAR BYA BA'I PHYIR ZHAG DRUG TU CHAD PA'I LAS SPYOD PA'I PHYIR RO, ,MGU BAR BGYI BA SPYAD PA NI ZHAG DRUG TU MGU BAR BYA BA SPYAD NAS DA RUNG 'DI LA DBYUNG BA MA BYAS PA'I PHYIR RO, , MGU BAR BYA BA GSOL BA LAS ZHES BYA BA LA SOGS PA NI BCABS PA MED PA'I PHYIR RO, ,BCABS PA'I NYES PA SBOM PO GZHOM PA'I PHYIR SPO BA BYIN NA DE LA YANG BCABS PA MED DO, ,DES NA 'DI LA SPO BA MA BSTAN TO, ,MGU BAR BYA BA PHAL CHER SPYOD PA NI MGU BAR BYA BA MANG DU SPYAD PA'I PHYIR RO, ,LTUNG BA GCIG GIS NI SPO BA BYAS PA YIN NO ZHES BYA BA NI 'DI ZHAG GCIG BCABS PA GANG YIN PA STE, DGE 'DUN GYIS 'DI LA DE'I ZHAG GCIG SPO BA SBYIN PA'I PHYIR RO, ,GNYIS PAS NI SPO BA YIN NO ZHES BYA BA NI 'DI'I ZHAG GNYIS BCABS PA GANG YIN PA STE, DGE 'DUN GYIS 'DI LA DE'I ZHAG GNYIS SPO BA SBYIN PA'I PHYIR RO, ,GSUM PAS MGU BAR BYA BA SPYAD PA YIN NO ZHES BYA BA NI 'DIS MA BCABS PA GANG YIN PA STE, DGE 'DUN GYIS 'DI LA MGU BAR BYA BA KHO NA SBYIN PA'I PHYIR RO, ,BZHI PAS NI MGU BAR BYA BA SPYAD PA YIN NO ZHES BYA BA NI MGU BAR BYA BA SPYAD PA 'DIS LTUNG BA'I PHYIR RO, ,DE'I PHYIR 'OG MA DAG LA YANG GANG RUNG BA ZHIG MA TSANG NA YANG CI RIGS PA NYID DU SBOM PO NYID DU SHES PAR BYA'O, ,RANG BZHIN DU GNAS PA NI DRAN PA MA NYAMS PA STE, SEMS RNAM PAR GNAS PA ZHES BYA BA'I THA TSIG GO, ,GAL TE JI LTAR NA SMYON PA LAS PHRIN BLANGS NAS RANG BZHIN DU GNAS PA LA PHYIR SKYEL BAR RUNG ZHE NA, @263B SMYON PA'I GNAS SKABS PA LAS BLANGS NAS YANG DE NYID RANG BZHIN DU GNAS PA LA SKYEL BA'I PHYIR NYES PA'I SKABS MED DE, DE BZHIN DU 'OG MA DAG LA YANG CI RIGS PAR SHES PAR BYA'O, ,DE LA TSAR DANG PO LA NI THAMS CAD SMYON PA KHO NA YIN NO, ,GNYIS PA LA NI DANG PO DANG BAR MA DAG SMYON PA YIN...THA MA NE RANG BZHIN DU GNAS PA YIN NO, ,GSUM PA LA NI DANG PO DANG THA MA DAG SMYON PA YIN LA BAR MA RANG BZHIN DU GNAS PA YIN NO, ,BZHI PA LA NI DANG PO SMYON PA YIN LA BAR MA DANG THA MA DAG RANG BZHIN DU GNAS PA YIN NO, ,LNGA PA LA NI THAMS CAD RANG BZHIN DU GNAS PA KHO NA YIN NO, ,DRUG PA NI DANG PO DANG BAR MA DAG RANG BZHIN DU GNAS PA YIN LA THA MA SMYON PA YIN NO, ,BDUN PA LA NI DANG PO DANG THA MA DAG RANG BZHIN DU GNAS PA YIN LA BAR MA SMYON PA YIN NO, ,BRGYAD PA LA NI DANG PO RANG BZHIN DU GNAS PA YIN, BAR MA DANG THA MA DAG SMYON PA DAG YIN NO, ,DBANG BA NI KHYE'U LA 'JUG PA DANG, BZLOG PA DAG DANG, BU MO LA SBYIN PA DANG, 'PHROG PA DAG TU NUS PA'I DBANG PO STE, MA LA SOGS PA'O ZHES BYA BA'I THA TSIG GO, ,BZLOG PA NI MI'I DBANG PO'O, ,DE LA TSAR DANG PO LA NI THAMS CAD DBANG BA KHO NA YIN NO, ,GNYIS PA LA NI DANG PO DANG BAR MA DBANG BA YIN LA THA MA MI DBANG BA YIN NO, ,GSUM PA LA NI DANG PO DANG BAR MA DAG NI MI DBANG BA YIN LA THA MA DBANG BA YIN NO, ,BZHI PA LA NI DANG PO DBANG BA YIN LA, BAR MA DANG THA MA DAG MI DBANG BA YIN NO, ,LNGA PA LA NI THAMS CAD MI DBANG BA KHO NA YIN NO, ,DRUG PA LA NI DANG PO DANG BAR MA DAG MI DBANG BA YIN LA THA MA DBANG BA YIN NO, ,BDUN PA LA NI DANG PO DANG THA MA DAG DBANG BA YIN LA, BAR MA MI DBANG BA YIN NO, ,BRGYAD PA LA NI DANG PO MI DBANG BA YIN LA BAR MA DANG THA MA DAG DBANG BA YIN NO, ,DE'I PHYIR PHRAD PAR BYA BA KHE'U DANG BU MO DAG GIS DBANG PO LA SOGS PA LAS PHRIN LEN PAR BYED NA PHRAD PAR BYA BA KHO NA LAS DE BLANGS BA DANG, BSTAN PAR SHES PAR BYA STE; PHRIN PA BYE BRAG MED PA'I PHYIR RO, ,'DI LTAR 'DI NI SPRAD PA 'BRAS BU NYID YIN LA DE GANG LAS 'GRUB PA DE NI 'DIR YAN LAG NYID YIN NA, ,DE LA YANG DBANG BA LAS 'GRUB PAR 'GYUR RO, ,DBANG BA NYID KYANG RES 'GA' NI SPRAD PAR BYA BA'I RTEN CAN YIN LA RES 'GA' NE GZHAN GYI RTEN CAN @264A *, ,YIN PAS, DE'I PHYIR 'DI KHA NA MA THO BA YONGS SU RDZOGS PAR BYED PA NYID YIN NO, ,'BREL KYANG RUNG MA 'BREL KYANG RUNG SPRAD PAR BYA BA LAS MI DBANG BA GANG YIN PA DE LAS PHRIN LEN PA LA SOGS PA LA NI SBYOR BAR GTOGS PA'I NYES BYAS SU 'GYUR TE, 'DI LTAR 'DI LA NI SPRAD PA MED DE, MI DBANG BAS DE 'GRUB PA MED PA'I PHYIR RO, ,SPRAD PAR BYA BA LAS PHRIN YANG MA BLANGS PA GO BAR YANG MA BYAS PAS YAN LAG TU MA TSANG BA'I PHYIR SBYOR BA LAS BYUNG BA'I NYES BYAS KHO NA GSUNGS PA BZANG NGO, ,BUD MED NYOS SHIG CES SMRAS PA LAS NYES BYAS SU GSUNGS PA 'DI LA KHA CIG NI SPYIR SMRAS PA'I PHYIR KHYAD PAR LA NI MI BRTEN PAS 'DIR NYAMS PA'I SHIN TU TSABS CHE BA NYID MA YIN TE, DE'I PHYIR NYES BYAS SU 'DIR GSUNGS TE, 'DI LTAR 'OG NAS BUD MED CHE GE MO ZHIG NYOS SHIG CES SMRAS NAS SBOM POR 'CHAD PAR 'GYUR BA GANG YIN PA DE LA NI CHE GE MO ZHIG CES DE LTAR KHYAD PAR LA BRTEN PAS BSAM PA BYAS PA'I PHYIR RO, ,'DI LTAR GAL TE 'DI MGU BAR BYA BA'I SPYOD PA MA YIN PA ZHIG TU GYUR NA, DE SPYOD PA BAR SKABS SU LTUNG BA YOD LA, LTUNG BA MTHUN PAR YANG SPYOD NA GZHI NAS SPO BA KHO NAR GSUNGS PAR 'GYUR TE, 'DI DAG BYED PA LAS DE DGE 'DUN LHAG MA 'BYIN PA NI DE DAG NYAMS PAR BYAS PA YIN NO ZHES BYA BA LA SOGS PAS SBOM POR GSUNGS PA NI MA YIN LA GCIG NI MI MA YIN NO SNYAM DU DGONGS PA YIN NO, ,'DIS NI GNYI GA MA YIN NA LTUNG BA 'DIR 'GYUR RO ZHES BSTAN TO, ,DE'I PHYIR GANG YANG RUNG BA ZHIG MA TSANG NA SBOM POR 'GYUR RO, ,DE BZHIN DU 'OG MA DAG LA YANG CI RIGS PAR SHES PAR BYA'O, , GZHON NU MA LA ZHES BYA BA LA SOGS PAS SBOM POR GSUNGS PA NI GRUB PA LA RIG PAR BYA'O, ,'DI LTAR 'DI NI SNGAR PHA LA SOGS PAS BDAG PO LA BYIN PA KHO NA YIN TE, DE'I PHYIR SNGAR BYIN PA LEN PA DANG, SKYEL BA DANG, PHYIR SKYEL BA DAG BYED NA LTUNG BA 'DIR 'GYUR RO, ,GAL TE KHYAD PAR 'DI LA MI BRTEN NA DE'I TSE YAN LAG THAMS CAD YOD NA, JI LTAR SBOM POR BRJOD NA 'DI LTAR YAN LAG THAMS CAD YOD NA DGE 'DUN LHAG MAR BSTAN PA'I PHYIR RO, ,GZHAN DAG NA RE NYES PA SBOM POR 'DIR SPRAD PAR BYA BA'I CHED DU MA YIN TE, 'DI LTAR SPRAD PA'I CHED DU YAN LAG THAMS CAD YOD NA DGE 'DUN @264B LHAG MAR 'GYUR DGONGS NA, JI LTAR SBOM PO ZHES BYA, DE'I PHYIR 'DI NI SPRAD PAR BYA BA'I CHED MA YIN PAR SHES PAR BYA'O ZHES ZER RO, ,GZHAN DAG NA RE 'DI NI GLEGS BAM THAMS CAD LAS MI 'BYUNG BAS TSIG 'DI 'GA' ZHIG GIS SGRO BTAGS PA YIN TE, BRTZAD DU YANG MED LA LAN DU GDAB KYANG MI DGOS SO ZHES ZER RO, ,BU MA MCHIS PA ZHES BYA BA LA SOGS PA LA BU MED PA NI GANG DAG LA DA RUNG DE DAG GI CHUNG MA RNAMS KYI LTOR 'GA' YANG MA CHAGS PA YIN MOD KYI, 'ON KYANG MA 'ONGS PA NA 'BYUNG BAR 'GYUR BA DE DAG GI BDAG PO MA LA SOGS PA KHO NA LA MA SKYES PA DANG, 'BREL PA'I TSUL GYIS SMYAN BYED PA'I PHYIR RO, ,NYES PA SBOM POR 'GYUR RO ZHES BYA BA 'DI LA 'DUL BA 'DZIN PA KHA CIG NA RE THOB PA GRUB MOD KYI SBRAN PA GZHAN GYI DBANG GIS NAM MKHA' LA ZHAGS PA 'DEBS PA BZHIN DU MA GRUB PA NYID DU SEMS LA SNANG STE, NGES PAR SKYE BA NA YANG 'DI LA BU MO 'DI KHYOD KYIS NGA LA BYIN ZIN GYI, GZHAN LA MA BYIN CIG CES SBRAN DGOS PAS DE'I PHYIR 'DI SHES PAR BYA'O ZHES ZER RO, ,'DI NI 'DUL BA 'DZIN PA GZHAN DAG MI 'DOD DE, 'DI LTAR LTUNG BA BYIN PA PO'I YID LA MA GRUB PA NYID DU SNANG BA NI YAN LAG GANG YANG MA TSANG BA NYID DU MA BSHAD DO, ,'DI LTAR 'DI LA NI GRUB PA'I BLO YANG YAN LAG NYID MA YIN LA, YAN LAG MA TSANG BA MED PAR YANG SBOM POR MI 'THAD DE, YAN LAG TSANG NA DNGOS GZHIR THAL BAR 'GYUR BA'I PHYIR RO, ,DE LTA BAS NA MNGAL NA GNAS PA LA NI SBRAN PA LA GZHAN GYI DBANG NYID KYIS DE LAS SBYOR BA LAS BYUNG BA'I SPRAD PA MED PA'I PHYIR NGES PAR SKYES NAS YANG DE LA 'DI KHYOD KYIS NGA LA BYIN ZIN GYI GZHAN LA MA BYIN CIG CES SGRAN DAGS PAS SO ZHES BYA BA DE LTAR BRJOD PAR BYA'O, ,DE LTAR BYAS NA 'DI LA DNGOS GZHI MI SLONG BA'I RGYU NI SPRAD PA MED PA YIN NO ZHES BYA BAR BSHAD PAR 'GYUR RO, ,GANG GI TSE 'BREL PA'I KHYAD PAR GYI DBANG GIS SNGON GYI SBYOR BA DE KHO NAS PHRAD PAR 'GRUB KYI YANG SBRAN PA LA NI MI LTOS PA DE'I TSE NI YAN LAG RNAMS TSANG BA'I PHYIR DNGOS GZHIR 'GYUR BA KHO NA'O, ,YAN LAG TSANG YANG SBOM POR GSUNGS PA'I PHYIR MTSAN NYID DANG 'GAL BAR 'GYUR DU 'ONG BAS SBOM POR GSUNGS PA 'DI NI PHAL CHER 'JIG RTEN GRAGS PA'I DBANG GIS YANG SBRAN DGOS PA BSHAD PA YIN PAR BLTA BAR BYA STE, MNGAL NA @265A *, ,GNAS PA RNAMS KYI SMYAN BYED PA LA YANG TSUL NI 'DI NYID YIN NO, ,KHA CIG GIS ZHUS PA LAS 'DI SKAD DU, GCIG GI MNGAL NA NI KHYE'U MCHIS LA CIG SHOS LA NI BU MO MCHIS PA DE GNYIS SMYAN BGYID NA CIR 'GYUR LAGS, NYES PA SBOM POR 'GYUR RO ZHES 'BYUNG STE, 'DI LA YANG DON NI 'DI KHO NAR ZAD DE 'ON KYANG TSIG THA DAD DO, ,ZA MA ZHES BYA BA LA SOGS PA LA, 'DIR ZA MA NI PHO'I DBANG PO MED PA'I PHYIR RO, ,'DI NI LEN PA DANG, SKYEL BA DANG, PHYIR SKYEL BA DAG BYED NA SBOM POR SHES PAR BYA'O, ,JI LTAR ZA MA LA SPROD PAR 'GYUR BA MI SRID PA KHO NA STE, DE'I PHYIR 'DI SHES PAR BYA'O, ,MA NING MO ZHES BYA BA LA SOGS PA LA, MA NING MO NI 'DIR MO'I DBANG PO MED PA'I PHYIR RO, ,'DI LA YANG SPROD PAR 'GYUR BA MED PA'I PHYIR LEN PA LA SOGS PA GSUM PO 'BA' ZHIG LA SBOM POR SHES PAR BYA'O, ,ZHUS PA LA LA LAS NI MI GZHAN RNAM PAR MA NING LA SMYAN BGYID NA CIR 'GYUR LAGS, NYES PA SBOM POR 'GYUR RO, ,DES RNAM PAR MA NING ZHES BYA BA 'BYUNG STE, DE LAS NI MTSAN GNYI GA MED PA LA 'DIR RNAM PAR MA NING ZHES BYA STE, 'DI LA YANG MA NING BZHIN DU SBOM PO KHO NAR SHES PAR BYA'O, ,ZA MA DANG MA NING MO DANG, RNAM PAR MA NING LA SOGS PA 'DI DAG NI DBANG DU MA BYAS PAR KHA DANG BA SHANG BA'I LAM DAG LA SBOM PO 'DI GSUNGS TE, 'DI DAG LA SMYAN BYED NA NI SHIN TU SDIG PA'I PHYIR DANG, MA GRAGS PA'I PHYIR DNGOS GZHI KHO NAR 'GYUR RO ZHES BYA BA DE LTAR SHES PAR BYA'O, ,TSA MO NI BU MO'I BU MO'O, ,YANG TSA MO NI TSA MO'I BU MO'O, ,GZHAN DAG NA RE TSA MO'I BU MO'O, ,YANG TSA MO NI TSA MO'I BU MO'O ZHES ZER RO, ,GAL TE DGE 'DUN THAMS CAD KYIS ZHES BYA BA LA SOGS PAS DGE 'DUN LHAG MAR GSUNGS PA NI THAMS CAD KYIS RE RE ZHING SBYOR BA BYAS PA'I PHYIR TE, 'DI LTAR LTUNG BA 'BYIN PA MANG PO LHAN CIG TU LEN PA LA SOGS PA SGRUB PA THAMS CAD KYI 'BRAS BU PHRAD PA'I MTSAN NYID CES BYA BA KHO NAR 'GYUR RO, ,'DI NI 'BRAS BU GCIG PA'I PHYIR 'DI LA LTUNG BA 'DI DAG SO SOR SLONG BA MI SRID DO SNYAM DU YID LA SEMS PAR 'GYUR BAR SHES PAR BYA'O, ,'ON TE DGE 'DUN THAMS CAD KYI ZHES BYA BA LA SOGS PA NI 'DIR YANG DE DAG GI TSIG GIS GRUB PA'I PHYIR, DGE 'DUN LHAG @265B MAR 'GYUR BA KHO NA STE, DGE 'DUN GYI TSIG GIS DER ZHUGS PA'I PHYIR RO, ,DGE SLONG MA DANG ZHES BYA BA LA SOGS PA NI TSANGS PAR SPYOD PA RNAMS LA SPROD PA MED PA KHO NA STE, DE'I PHYIR LEN PA LA SOGS PA GSUM SGRUB NA SBOM POR GSUNGS SO, ,BTZUN PA RE ZHIG DGE SLONG ZHES BYA BA LA SOGS PAS DGE 'DUN LHAG MAR GSUNGS PA NI MTSAN GYUR KYANG 'BRAS BU SPRAD PA'I MTSAN NYID YOD NA KHYAD PAR MED PA'I PHYIR DNGOS GZHIR GSUNGS PAR SHES PAR BYA STE, MTSAN GYUR PA'I GSOD PA BZHIN NO, ,KHA CIG NI 'DI LA NYES PA SBOM POR 'CHAD DE, DE DAG GIS BSAMS PA NI MI SHES SO, , BRDA NI 'THAM PA STE MI TSANGS PAR SPYOD PAR BYA BA'I PHYIR SLONG BA ZHES BYA BA'I THA TSIG GO, ,LTA ZHES BYA BA NI CI ZHES BYA BA'O, ,GZIGS SAM ZHES BYA BA NI MTHONG BAR GYUR TAM ZHES BYA BA'I THA TSIG GO, ,RA BA'I DRUNG NI RA BA'I BGAB PO, ,NYES PA SBOM POR 'GYUR RO ZHES BYA BA 'DIR KHA NA MA THO BA 'DI NI GRUB PA LAS PHRAD PAR BYA BA'I CHED DU SMRA BA YIN NO, ,GZHAN DAG NA RE GRUB PA LAS ZHES BYA BA NI MA GRUB PA SGRUB PA SGRUB PA MED PA'I PHYIR, SBYOR BAR GYUR PA'I SMRA BA LA SBOM POR MI 'GYUR TE, SBYOR BAR GTOGS PA'I YAN LAG GCIG MED PA'I PHYIR RO, ,DE SKAD DU YANG, DGE SLONG GIS PHRIN BLANGS NAS LAN MANG DU BZLOG PA LA PHYIS PHYIR SKYEL BAR BGYID NA CIR 'GYUR LAGS, NYES PA SBOM POR 'GYUR RO ZHES 'BYUNG BA 'DI LA YAN LAG THAMS CAD YOD KYANG MA GRUB PA BSGRUB PA MED PA'I PHYIR DNGOS GZHI LA SBOM POR GSUNGS PA GRUB PA MED PA NI NA SMAD PAR BYED PA NYID YIN NO, ,DE LTA BAS NA SMRA BA 'DI LA MA GRUB PA LA SBOM POR BRJOD PAR BYA'O ZHES ZER RO, ,GAL TE DE LTA BAS NA 'O NA SKYES PAS BUD MED DANG LHAN CIG BRDA BGYIS PAR GYUR LA ZHES GSUNGS PA GANG YIN PA 'DI DANG 'GAL BAR 'GYUR TE, BRDA BYAS PAS GRUB PA'I PHYIR RO ZHE NA, DE NI MA YIN TE, GRUB PA NYID MED PAR YANG BUD MED DAG GIS MTHO BTZAMS PA LA SOGS PA'I DON DU DE PA BYED PA KHO NA'O, ,DE'I PHYIR SMRA BA NI 'DIR SKYEL BA NYID YIN PAS SBYOR BA LAS BYUNG BA'I YAN LAG YOD PA'I PHYIR 'DI SHES PAR BYA'O, ,'DI LA NI DNGOS GZHI LA YANG SBOM PO KHO NAR SHES PAR BYA STE, LEN PA DANG PHYIR SKYEL BA MED NI @266A *, ,SMYAN YONGS SU RDZOGS PA MED PA'I PHYIR RO ZHES BYA BA'I DON TO, ,ZHUS PA LA LAS RNAM PA GZHAN BUD MED MJAL BA'I SMYAN BGYIS NA CIR 'GYUR LAGS, NYES PA SBOM POR 'GYUR RO, ,BDAG NYID KYIS SMYAN BGYID NA CIR 'GYUR LAGS, NYES PA SBOM POR 'GYUR RO, ,'THAB MOS 'PHROG TU 'JUG NA CIR 'GYUR LAGS, NYES PA SBOM POR 'GYUR RO, ,DGE SLONG GIS PHRIN BLANGS NAS, LAN GNYIS BRNYOGS PA LA PHYIR SKYEL ZHING PHYIS SKYEL BAR BGYID NA CIR 'GYUR LAGS, DGE 'DUN LHAG MAR 'GYUR RO, ,DGE SLONG GIS PHRIN BLANGS NAS LAN GSUM BRNYOGS PA LA PHYIS SKYEL ZHING PHYIR 'GYEL BAR BGYID NA CIR 'GYUR LAGS, NYES PA SBOM POR 'GYUR RO, ,BTZUN PA RE ZHIG SKYES PAS BUD MED DANG LHAN CIG BRDA BGYIS PA LAS DE'I DRUNG DU DGE SLONG MCHIS NAS 'DI SKAD CES 'GA' ZHIG RNYED DAM ZHES SMRAS NA CIR 'GYUR LAGS, NYES BYAS SO, ,'DIR BSDU BA'I TSIGS BCAD PA NI, ,NYOS DANG BDAG NYID 'THAB DANG BRNYOGS, ,KHYOD KYIS BUD MED 'GA' RNYED PA, ,ZHUS PA 'GA' LAS SMYAN BYED PA, ,GZHUNG GZHAN 'BYUNG BAR BSHAD PA YIN, ,DE LA DON NI 'DI YIN TE, NYOS PA ZHES BYA BA LA SOGS PA LA, NYOS PA NI RDZAS KYIS NYOS PA'O, , NYES PA SBOM POR 'GYUR RO ZHES BYA BA NI 'DI LA LEN PA LA SOGS PA'I TSIG GSUM YOD LA, SPRAD PAR YANG GYUR NA SBOM PO YIN NO, ,'DI LTAR 'DI NI 'GRUB PA YIN PAS SO, NYOS PA'I SKYE BO NI DE'I DBANG DU GYUR PA'I PHYIR THAMS CAD DU GRUB PA YIN PAS DE'I PHYIR 'DI SHES PAR BYA'O, ,BDAG NYID KYIS SMYAN BYED PA ZHES BYA BA LA SOGS PAS SBOM POR GSUNGS PA NI SKYEL BA TZAM KHO NA'I PHYIR TE, 'DI LA LEN PA DANG PHYIR SKYEL BA DAG NI MED PA NYID DO, ,'DI LTAR BDAG NYID PHRAD PAR BYA BA YIN PA NI GZHAN GANG LAS KYANG PHRIN BLANG BAR BYA BA YANG MED, GZHAN LA PHYIR GO BAR BYA BA YANG MED KYI; SPRAD PAR BYA BA'I ZLA BO LA BDAG NYID KYI BSAM PAS RAB TU BSTAN PA'I PHYIR RANG GI PHRIN BSKYAL BAR BYA BA 'BA' ZHIG TU ZAD DO, ,'DI LA NI PHRAD PA YANG MED DE, 'DI LTAR PHRAD NA 'DI LA PHAM PAR 'GYUR RO, ,PHAM PA'I DUS NA YANG SMYAN BYED PA'O, ,DGE 'DUN LHAG MA'I GO SKABS MED PAS @266B DE'I PHYIR 'DI GSUNGS SO, ,'THAB MOS ZHES BYA BA LA SOGS PAS SBOM POR GSUNGS PA 'DI NI SMYAN BYED PA YONGS SU RDZOGS PA MED PA'I PHYIR RO, ,DNGOS GZHI NI MA YIN TE, 'DI LTAR KHYOD KYIS DER 'THAB MOS THUL KHYUG PHYUNG SHIG DANG, BDAG GIS DE 'PHROG GO ZHES BYA BA DE LTA BU'I PHRIN BLANGS NAS 'THAB MO'I THABS KYIS 'PHROG TU 'JUG PAS 'DIR LEN PA TZAM ZHIG SNYAM BYED PAR 'GYUR GYI, GZHAN NI MA YIN PAS 'DI YONGS SU MA RDZOGS PA'I NGO BO NYID YIN NO ZHES BYA BA'I THA TSIG GO, ,LAN GNYIS BRNYOGS PA ZHES BYA BA LA LAN NI RES SO, ,DES DE YANG YANG DU GOMS PA NI LAN LA BRNYOGS PA'O; ,BUD MED GANG LA LAN GNYIS BRNYOGS PA STE, RIS GNYIS PHRAD PAR GYUR PA YOD PA DE LA DE SKAD CES BYA'O, ,LAN MANG DU BRNYOGS PA NI GANG LA LEN MANG PO BRNYOGS PAR GYUR PA YOD PA DE LA DE SKAD CES BYA'O, ,DE'I PHYIR 'DIR LAN GNYIS BRNYOGS PA'I 'OG TU SMYAN BYAS NA, DNGOS GZHIR BSHAD DE MA GRUB PA YIN PA'I PHYIR RO, ,LAN MAD DU BRNYOGS PA LA NI SBOM POR BYED PA NYID DU BSHAD DE GRUB PA YIN PA'I PHYIR RO, ,'DIS NI MA GRUB PA SMYAN BYAS NA DNGOS GZHI'O, ,GRUB PA LA NI SBOM PO ZHES BSTAN PA YIN NO, ,'DI LTAR LAN GNYIS BRNYOGS PA GANG YIN PA DE LA NI, DE TZAM GYIS MA GRUB PA YIN TE, 'DI LTAR YANG MGU BA TZAM GYI DBANG GIS RIN MED PAR YANG DE DANG PHRAD PA'I DON GRUB PA'I 'BYUNG BA YOD PA'I PHYIR RO, ,LAN MANG DU BRNYOGS PA LA NI YANG DANG YANG DU GOMS PA'I PHYIR NGES PAR GYUR PA'I DNGOS PO GRUB PA YIN PAS DE'I PHYIR 'DI SHES PAR BYA'O, ,LAN MANG DU BRNYOGS PA ZHES 'DIR MANG PO'I SGRA PHYIR GRAGS PA MA YIN NAM, MANG PO NYID KYI MTSAMS GANG NAS SHES PAR BYA ZHE NA, ,SMRAS PA, GSUM PA LA SOGS PA LA 'DIR LAN MANG PO NYID GSUNGS PAR SHES PAR BYA'O, ,'DI LTAR LAN MANG DU BRNYOGS PA ZHES BYA BA 'DIR NI LAN GSUM PA LA MANG PO NYID DU GSUNGS PA NYID YIN TE, DE NI LAN GNYIS PA'I MJUG THOGS YIN PA'I PHYIR RO, ,LAN GNYIS BRNYOGS PA LA ZHES BYA BA 'DI LA YANG, PHYIS ZHES BYA BA NI LAN GSUM PA KHO NA YIN PAR GSUNGS PAR RNAM PAR GNAS TE, DE KHO NA MJUG THOGS LA GNYIS KYIS LAN GNYIS PA DANG NYE BA'I PHYIR RO, , @267A *, ,'GA' ZHIG RNYED DAM ZHES BYA BA LA NYES BYAS SU GSUNGS PA NI YAN LAG DU MA NYID MA TSANG BA'I PHYIR TE, 'DI LTAR 'GA' ZHIG RNYED DAM ZHES BYA BA'I SBYOR BA 'DIS NI GTOD PA YANG MA YIN TE, MA GRUB PA GRUB PAR BSGRUB PA'I DON GYI SPROD PA'I CHED STON PA YANG MA YIN LA, LEN PA DANG SKYEL BA DANG PHYIR SKYEL BA RNAMS KYANG MED PAS DE'I PHYIR GSUNGS SO, ,ZHUS PA GZHAN LAS 'DI SBOM PO BYED PA NYID DU BSHAD PA MA YIN NAM, 'DI LTAR BTZUN PA RE ZHIG SKYES PAS BUD MED DANG LHAN CIG BRDA BGYIS PA LAS DE'I DRUNG DU DGE SLONG MCHIS NAS 'DI SKAD CES 'GA' RNYED DAM ZHES MCHIS NA CIR 'GYUR LAGS, NYES PA SBOM POR 'GYUR RO ZHES 'BYUNG NA, DE LA SBOM PO 'DI GANG ZHIG GIS BSLANG BAR SHES PAR BYA ZHE NA, 'DUL BA 'DZIN PA RNAMS NA RE 'DI NI NYES BYAS LAS NOR BA YIN PAR RIG PAR BYA'O, ,YAN LAG GCIG MA TSANG NA SBOM POR BRJOD NA, 'DI LA NI YAN LAG DU MA MA TSANG NGO; ,YAN LAG DU MA MA TSANG NA YANG NYES BYAS SU BSHAD PA'I PHYIR TE, 'DI LTAR 'GA' RNYED DAM ZHES SMRAS PA NI 'DI 'DRA BA'I NGO BO YIN PAS 'DI MA GRUB PAR BSGRUB PA'I DON NYID KYANG MED LA, SPRAD PAR BYA BA CHED GNYIS KYANG MED, LEN PA LA SOGS PA YANG MED PAS SBOM PO'I GO SKABS LTA YOD DE SKAN ZHES ZER RO, ,SMYAN BYED PA'I DGE 'DUN LHAG MA GTAN LA DBAB PA'O,, ,,BDAG NI BDAG NYID DE BDAG CES SMOS PAS NI DE LA SBYAR BA GZHAN GYIS BLANGS NA YANG RANG GIS BLANGS PA NYID YIN NO, ,BSLANGS PA NI BSLANGS PA'I GZHIS BYA BAR 'DOD PA STE, MA BSLANGS PA LA NI NA SMAD PA YOD PA'I PHYIR RO, ,BDAG PO MED PA NI GANG GI BDAG PO MI SNANG BA'O, ,GZHAN DAG NA RE BDAG PO MED PA NI BDAG PO GZHAN MED PA'O ZHES ZER RO, ,BDAG GI PHYIR ZHES BYA BA NI BDAG NYID KYI CHED DU RTZIG TU BCUG PA YIN GYI GNYIS DANG GSUM DANG BZHI LA SOGS PA'I PHYIR NI MA YIN TE, GNYIS KYI SPYI LA NI SBOM POR GSUNGS PA'I PHYIR LA, DGE 'DUN GYI CHED LA YANG GTZUG LAG KHANG GI DGE 'DUN LHAG MAR GSUNGS PA'I PHYIR RO, ,BDAG CES SMOS PA NI DPE STE, SPYIR BSTAN PA'I PHYIR DGE SLONG NGAM KHYIM PA MI'I 'GRO BA GANG YANG RUNG GZHAN GCIG CIG GI DON DU KHANG PA RTZIG NA YANG @267B LTUNG BA 'DI NYID DU 'GYUR BAR SHES PAR BYA'O, ,RTZIG TU 'JUG PA NI GZHAN 'BA' ZHIG TU MA ZAD KYI BDAG NYID KYIS BYAS NA LCI BA'I PHYIR RANG GIS KYANG ZHES BYA BA'I THA TSIG GO, ,TSAD BZHIN ZHES BYA BA NI 'CHAD PAR 'GYUR BA'I TSAD DANG LDAN PA'O, ,TSAD GANG ZHE NA, DE LA KHANG PA'I TSAD NI 'DI YIN TE ZHES BYA BA LA SOGS PA SMOS TE, MTHAR NA ZHES BYA BA NI THA MAR NA'O, ,GZHAN DAG NI NANG GI ZHES 'DON TE, DE LA DON NI 'DI YIN TE, KHANG PA'I NANG RGYA'I TSAD 'DI YIN GYI, PHYI ROL GYI NI MA YIN NO, ,SRID DU ZHES BYA BA NI CHUR RO, ,BDE BAR GSHEGS PA'I MTHO BCU GNYIS ZHES BYA BA LA, BDE BAR GSHEGS PA NI SNGON GYI YANG DAG PAR RDZOGS PA'I SANGS RGYAS KYI LAM NAS RJES SU GSHEGS PA'I PHYIR RO, ,MTHO NI MTHE'U CHUNG GI'O, ,DES NA BCOM LDAN 'DAS KYI GZUGS KYI SKU'I YAN LAG NI SKYES BU GSUM GYI TSAD YIN PA'I PHYIR RO, ,BCOM LDAN 'DAS KYI MTHO BCU GNYIS PO GANG DAG YIN PA DE DAG NI SKYES BU TSAD DANG LDAN PA'I MTHO SUM CU RTZA DRUG YIN LA DE DAG KYANG MI PHAL PA'I KHRU BCO BRGYAD DU 'GYUR RO, ,ZHENG DU MTHO BDUN ZHES BYA BA NI ZHENG DU MI PHAL PA'I KHRU PHYED DANG BCU GCIG GO, ,BDE BAR GSHEGS PA'I TSAD LA BSTAN PA 'DI NI SOR NYI SHU RTZA BZHI'I TSAD KYI KHRU RTOGS PAR BYA BA'I PHYIR GSUNGS PA YIN PAR SHES PAR BYA'O, ,DE LTA MA YIN NA YANG RANG RANG GI KHRUS NI NGES PA MED PAR YANG THAL BAR 'GYUR RO, ,DE BZHIN DU DE DANG 'DRA BAR BSTAN PA'I 'OG MA DAG LA YANG RTOGS PAR BYA'O, ,KHANG PA TSAD DANG LDAN PA YANG BAB BAB TU MI BYA'I, 'OG KYANG DGE 'DUN LAS GNANG BA GSOL BAR BYA'O, ,DGE 'DUN GYIS KYANG BAB COL DU GNANG BA MI SBYIN GYI, 'ON KYANG GNAS DE RANG GI MIG GIS BLTAS NAS SKYON MED NA SNANG BA SBYIN PAR BYA'O, ,DE'I PHYIR GZHI BLANGS PA'I PHYIR DGE SLONG DES ZHES BYA BA LA SOGS PA GSUNGS TE, GZHI BLTA BAR BYA BA NI SA BRTAG PAR BYA'O; ,GZHI JI LTA BU ZHIG BLTA BAR BYA ZHE NA, RUNG BA ZHES BYA BA LA SOGS PA GSUNGS TE, RUNG BA NI SKYE BO PHRA MO MI GNAS PA'O, ,RTZOD PA MED PA NI 'JIG RTEN GYI GNAS KYI SHING DANG, RGYAL PO'I PHO BRANG DANG, MU STEGS CAN GYI GNAS DANG, 'THAB PA DANG, RTZOD PA'I SKYON DANG BRAL @268A *, ,BA'O, ,BRTZAM DU RUNG BA NI NYE 'KHOR 'DOM GANG TZAM GYI TSAD CHU LA SOGS PAS NON PA MED PA'I PHYIR RO, ,MI RUNG BA ZHES BYA BA LA SOGS PA NI DE LAS BZLOG PA NI MI RUNG BA NYID LA SOGS PA YIN PAR SHES PAR BYA'O, ,TSAD LAS 'DAS NA ZHES BYA BA NI JI SKAD BSHAD PA'I TSAD LAS 'DAS PA'O, ,MA GNANG BAR ZHES BYA BA NI DGE 'DUN LAS GNANG BA MA THOB PAS SO, ,NYES PA SBOM POR 'GYUR RO ZHES BYA BA 'DIR MI RUNG BA NYID LA SOGS PA'I YAN LAG GANG YANG RUNG BA ZHIG NI YOD LA, YAN LAG LHAG MA NI MED NA SBOM POR GSUNGS PA YIN TE, DE SKAD DU YANG BCOM LDAN 'DAS KYIS, DGE SLONG KHONG PA RTZIG TU 'JUG PA MI RUNG BAR RTZIG TU 'JUG NA NYES PA SBOM POR 'GYUR RO, ,RTZOD PA DANG BCAS PAR RTZIG TU 'JUG NA NYES PA SBOM POR 'GYUR RO, ,BRTZAM DU MI RUNG BAR RTZIG TU 'JUG NA NYES PA SBOM POR 'GYUR RO, ,MA GNANG BAR RTZIG TU 'JUG NA NYES BA SBOM POR 'GYUR RO, ,TSAD LAS 'DAS PA RTZIG TU 'JUG NA NYES PA SBOM POR 'GYUR RO, ,THAMS CAD LAS 'DAS PA RTZIG TU 'JUG NA DGE 'DUN LHAG MAR 'GYUR RO ZHES GSUNGS TE 'DIS NI 'DI LTA STE, MI RUNG BA NYID LA SOGS PA NI YAN LAG NYID YIN PAS YAN LAG GCIG YOD PA TZAM GYIS KYANG SBOM POR 'GYUR RO ZHES BYA BA'I DON RAB TU BSTAN PA'I PHYIR RO, ,GZHI BSLANGS NAS ZHES BYA BA LA SOGS PA 'DI GNYIS LA NI DON DU MI GNYER BA'I BSAM PAS 'DI RNAM PAR GZHAG GI ,BAR CHAD KYI DBANG GIS NI MA YIN NO, ,BDAG GIS BSAMS TE ZHES BYA BA LA SOGS PA NI BRTZAMS PA MA RDZOGS NA BYAS PA YONGS SU RDZOGS PA MA YIN PAS DE'I PHYIR 'DI SHES PAR BYA'O, ,GZHAN GYIS 'PHRO BOR BA LA ZHES BYA BA LA SOGS PA NI 'PHRO ZIN PA MED PA NI BYAS PA YONGS SU RDZOGS PA MA YIN PAS DE'I PHYIR 'DI YIN NO, ,MA G-YOGS PA ZHES BYA BA LA SOGS PA NI KHANG PA MA G-YOGS PA ZHIG RTZIG TU 'JUG GO SNYAM PA'I BSAM PA 'DIS KHANG PA ZIN PAR BYED NA KHA NA MA THO BA 'DI YIN TE, SNGON ROL DU NYES BYAS TE SBYOR BA LA NI THAMS CAD DU NYES BYAS SO ZHES BYA BA 'BYUNG BA'I PHYIR RO, ,BRTZAMS NAS ZHES BYA BA LA SOGS PA LA BABS PA NI RAB TU 'BYUNG @268B BA LAS BABS PA'O, ,NYES PA SBOM POR 'GYUR RO ZHES BYA BA 'DI LA KHA NA MA THO BA 'DI NI KHANG PA RTZOM PA SBYOR BA LAS BYUNG BA YIN NO, ,'DIR NYES PA SBOM POR STON PA'I TSIG 'DI DAG NI ZIN NA DNGOS GZHIR 'GYUR BA STE, TSAD LAS 'DAS PA NYID DANG MI RUNG BA NYID LA SOGS PA YAN LAG LHAG MA RNAMS 'DAS PA DANG, BSLANGS PA NYID GANG YIN PA DE'I SBYOR BA LA RTOGS PAR BYA BA'I MI RUNG BA NYID LA SOGS PA YAN LAG 'GA' ZHIG MED PA'I PHYIR ZIN NA SBOM POR 'GYUR BA GANG YIN PA DE LA NI SBOM PO NYID DU RUNG BA MA YIN TE, 'DI LTAR SPYOD PA'I SBYOR BA NYID LA NI NYES BYAS SU BSTAN PA'I PHYIR RO, , DBYAR GYI 'TSE BA KHAS 'CHE BA STE, KHAS LEN PA ZHES BYA BA'I THA TSIG GO, ,DGE SBYONG GI CHED NYID NI DGE TSUL NYID DE, BSLAB PA'I GZHI'I PHYOGS GCIG SRUNG BAS SDIG PA THAMS CAD SPANG BA'I MTSAN NYID DGE SLONG GI DNGOS PO'I RGYU MTSAN DU GYUR PA'I PHYIR RO, ,'DIR NYID CES BYA BA'I SGRA SMOS PA NI RDZAS LAS GZHAN MA YIN PA NYID DU BSTAN PA'I PHYIR RO, ,DE BZHIN DU 'OG MA DAG LA YANG DPAG PAR BYA'O, ,MA GSONG BA NI MI'I 'GRO BAR SKYES PA'I MA GSOD PA'I PHYIR TE, PHA GSOD PA YANG DE DANG 'DRA'O, ,DGE 'DUN GYI DBYEN BYED PA NI STON PA DANG LAM GZHAN LA DGA' BA BSKYED PAS DGE SLONG BRGYAD GNYIS SU 'BYED PA'I PHYIR RO, ,NGAN SEMS KYIS KHRAG 'BYIN PA'I ZHES BYA BA LA NGAN SEMS NI GRONGS PA'I CHED KYI SEMS DE, DES KHRAG 'BYIN PA'I PHYIR RO, ,MU STEGS CAN NI LTA BA GZHAN CAN NO, ,MU STEGS CAN ZHUGS PA NI MU STEGS PA'I LTA BA CAN BSTAN PA 'DI LA ZHUGS TE, DGE 'DUN DANG LHAN CIG GSOL BA LA SOGS PA'I LAS LAN GNYIS NYAMS SU MYONG BA GANG YIN PA'O, ,YANG NA DGE SLONG GI RTAGS BOR NAS MU STEGS CAN GYI RTAGS LEN CING MU STEGS CAN GYI GNAS SU MU STEGS CAN GYI LTA BAS GZHAN 'DA' BAR BYED PA STE, MU STEGS CAN KHO NA DGE SLONG GI NANG DU ZHUGS PA YIN NA MU STEGS CAN ZHUGS PA YIN NO ZHES BYA BA'I THA TSIG GO, ,THA DAD DU GNAS PA NI SPRAD PA'O, ,KHAS BLANGS PA NI 'DIR LHA SBYIN BZHIN DU CHOS MA YIN PA'I GZHUNG LUGS LA 'CHEL BAS PHYOGS GZHAN LA BRTEN PA'I PHYIR TE, PHYOGS GZHAN DU SONG BA ZHES @269A *, ,BYA BA'I THA TSIG GO, ,KHA CIG NA RE LAS KYI DBYEN GYI CHED DU CHOS MA YIN PA'I GZHUNG LUGS KHAS BLANGS PA YIN NO ZHES ZER RO, ,GZHAN DAG NA RE LTA BA GZHAN YIN NO ZHES ZER RO, ,DE LA JI LTAR KHYIM PA LA SDOM PA MED PA DE BZHIN DU BDAG LA YANG SDOM PA MED PAR KHONG DU CHUD PAR GYIS SHIG CES BYA BA DE LTAR KHAS LEN PA'I PHYIR DANG, JI LTAR DGE SPYOD LA LAS DAG LA 'JUG PA MED PA DE BZHIN DU BDAG LA YANG MED DO ZHES BYA BA DE LTAR KHAS LEN PA'I PHYIR DANG, JI LTAR ZA MA LA SOGS PA DANG PO MI MTHUN PA LA THUG PA'I BAR SDOM PA'I ZHING MA YIN PA LTAR BDAG KYANG DE DANG 'DRA'O ZHES DE LTAR KHAS LEN PA'I PHYIR DANG, JI LTAR THA DAD DU GNAS PA BZHIN DU RAB TU BYUNG BA THAMS CAD LAS GAR BAR GYUR PA DE BZHIN DU BDAG KYANG GAR BAR GYUR PA YIN PAR SHES PAR GYIS SHIG CES DE LTAR KHAS LEN PA'I PHYIR RO, ,KHAS LEN PA YANG DE DANG 'DRA BAR SHES PAR BYA'O, ,JI LTAR BSLAB PA BYIN PA BSNYEN PAR RDZOGS PA NYAMS SHING NYE BAR NYAMS PA LTAR BDAG KYANG DE DANG 'DRA BAR SHES PAR GYIS SHIG CES DE LTAR KHAS LEN PA'I PHYIR RO, ,BSNYEN PAR MA RDZOGS PAR SBYOR BA GYIS LA ZHES BYA BA LA SOGS PA'I BDUN TSAN NI MNGAGS PA NI BDAG NYID YIN NO ZHES 'BYUNG BA'I PHYIR SBYOR BA'I DBANG GIS KYANG LHUNG BAR 'GYUR BA KHO NA'O ZHES BYA BA DE LTAR SHES PAR BYA'O, ,BTZUN PA RE ZHIG DGE SLONG ZHES BYA BA LA SOGS PA MTSAN GYUR NA NYES BYAS SU GSUNGS PA NI DGE SLONG MA RNAMS LA KHANG PA'I DGE 'DUN LHAG MA MED PA'I PHYIR TE, 'DI LTAR BUD MED RNAMS LA NI KHANG PAR GTOGS PA'I SPYOD PA YANG MTSAR CIG MI SRID LA, BUD MED RNAMS NI KHYIM BYED PA'I SRED PA'I ZHING NYID KYANG CHEN PO MED DE, 'DI LTAR RANG DBANG GI BLO KUN DU MI 'BYUNG BA'I PHYIR DANG, KHYIM BYED PA'I 'DOD PA LA YANG RANG DBANG CAN LA KUN DU 'BYUNG BA'I PHYIR RO, ,KHA CIG LA SNANG BA GANG YIN PA DE NI RES 'GA' YIN PAS MI BSAM MO, ,DE'I PHYIR 'DI DAG GI NI MA BRTAGS PA'I PHYOGS LA BRTEN PA'I PHYIR NYES BYAS SU SHES PAR BYA'O, ,DGE SLONG MA MTSAN GYUR NA SGOM POR GSUNGS PA NI 'PHRO ZIN PAR BYED PA'I PHYIR TE, GAL TE 'DI 'PHRO LUS PA MA YIN NA NI DE'I TSE DGE 'DUN LHAG MA KHO NAR 'GYUR RO ZHES BYA BA @269B DE LTAR SHES PAR BYA'O, ,DGE SLONG GANG ZHIG GIS RTZIG TU STZAL NA ZHES BYA BA LA SOGS PAS NYES BYAS SU GSUNGS PA NI BSHAD MA THAG PA'I GTAN TSIGS KHO NA'I PHYIR RO, ,KHA CIG NI ZHUS PA LA LA LAS 'BYUNG BA'I RNAM PA GZHAN, JI TZAM GYIS NA RANG GIS BLANGS PA'I KHANG PA ZHES BRJOD PAR BGYI, GANG NA BYED PA DANG GZHI DANG GNYIS YONGS SU GRUB PAR GYUR NA'O, ,GNYIS KYI SPYI LA KHANG PA RTZIG TU GZHUG NA NYES PA SBOM POR 'GYUR RO, ,MA BYIN PA RTZIG TU 'JUG NA NYES PA SBOM POR 'GYUR RO, ,GANG ZAG GI GZHIR RTZIG TU 'GYUR NA NYES PA SBOM POR 'GYUR RO, ,'PHRO ZIN PAR BYED NA NYES PA SBOM POR 'GYUR RO ZHES BYA BA DE DAG 'DON TE, RDZAS DANG GNYIS KYI SPYI DANG NI, ,DE BZHIN MA SBYIN RANG GI 'PHVOR, ,ZHUS PA'I GZHUNG NI LA LA LAS, ,KHANG PA'I BSDUS PA 'DI BSHAD DO, ,DE LA DON NI 'DI YIN TE BYED PA NI LAS BYED PA'I SKYE BO RNAMS DANG, KHANG PA LA DGOS PA'I SHING DANG, SO PHAG LA SOGS PA'I RDZAS RNAMS DANG GNYI GA'I GLA RNGAN NO, ,GNYIS KYI SPYI LA ZHES BYA BA LA NI GNYI GA'I CHED DU BYED PA'I PHYIR RO, ,NYES PA SBOM POR 'GYUR RO ZHES BYA BA 'DI LA NI MI RUNG BA NYID LA SOGS PA'I YAN LAG THAMS CAD KYANG 'DAS PA DU MA'I DON DU KHANG PA BRTZIGS NA KHA NA MA THO BA 'DI YIN NO, ,'DI LTAR MANG PO'I DON GYI KHANG PA YIN NA RE ZHIG 'DI LA YANG NYES PA MED PA NYID DU BRJOD PAR MI NUS TE GANG GI PHYIR DGE 'DUN GYI DON NYID DU GTZUG LAG KHANG BYED PA LA GTZUG LAG KHANG GI DGE 'DUN LHAG MAR GSUNGS PA'I PHYIR RO, ,DNGOS GZHI YANG MA YIN TE, DU MA'I THUN MONG NYID KYIS 'DI LA 'DOD PA'I RNAM PA SHIN TU CHUNG NGUR RNAM PAR GNAS PA'I PHYIR RO, ,NYES BYAS KYANG MA YIN TE, LTUNG BA MED PA'I MI RUNG BA NYID LA SOGS PA YAN LAG THAMS CAD KYANG 'DAS LA SPYOD LAM BZHI SHONG BA YANG YOD PA'I PHYIR RO, ,MA BYIN PA NI MA BYIN PA'I KHANG PA RTZIG TU 'JUG NA ZHES DE SKAD DU GNYIS PAR BSTAN PA'I PHYIR SA DANG SHING DANG, SO PHAG LA SOGS PA'I NGO BO'I KHANG PA THAMS CAD KHYAD PAR DU BYED PA YIN GYI, SA TZAM GYI MA YIN NO, ,NYES PA SBOM POR 'GYUR RO ZHES BYA BA 'DI LA NI BSLANGS PA NYID KYI YAN LAG GCIG MED PA'I PHYIR TE, 'DI LTAR BDAG POS BYIN PA'I DNGOS PO NI BYIN PA YIN @270A *, ,NA 'DI NI MA YIN PAS DE'I PHYIR 'DI SHES PAR BYA'O, ,DE LTA BAS GNANG BA LA NI YAN LAG THAMS CAD TSANG NA, DNGOS GZHIR 'GYUR LA, MA GNANG BA LA NI SBOM PO'O, ,GAL TE SA GZHI MA BYIN PA DNGOS PO TSANG NA PHAM PAR 'GYUR BA MA YIN NAM, ,DE JI LTAR SBOM PO ZHES BYA ZHE NA, 'DI LA PHAM PA'I LTUNG BA'I GO SKABS NI MED PA KHO NA STE, 'DI LTAR GZHI DE GANG ZAG GANG GI YIN PA DE'I CHED DU KHANG PA RTZIG NA SKUS PA MED PA'I PHYIR PHAM PAR THAL BAR MI 'GYUR RO, ,GANG ZAG GI NI BDAG NYID KYI SHING DANG SO PHAG GI SGRUB PAS SO, ,NYES PA SBOM POR 'GYUR RO ZHES BYA BA 'DI LA NI BSLANGS PA'I YAN LAG GCIG MED PA'I PHYIR RO, ,'PHRO NI BYED BYAS PA'O, ,ZIN PAR BYE DPA NI RTZIG PAR BYED PA'O, ,NYES PA SBOM POR 'GYUR RO ZHES BYA BA 'DI LA BYED PA RDZOGS PA MED PA'I PHYIR RO, ,BRTZAMS PA ZIN PAR BYED PA LA NI BYED PA YONGS SU RDZOGS PA MED PAS DE'I PHYIR 'DI SHES PAR BYA'O, ,KHANG PA'I DGE 'DUN LHAG MA GTAN LA DBAB PA'O,, ,,BDAG PO YOD PA ZHES BYA BA LA BDAG PO YOD PA NI BDAG PO GZHAN ZHIG DANG BCAS PA STE, BDAG PO BDOG PA ZHES BYA BA'I THA TSIG GO, ,DGE 'DUN GYI CHED DU ZHES BYA BA LA, CHED DU ZHES BYA BA'I SGRA NI DGOS PAR STON PA YIN NO, ,DGE 'DUN ZHES BYA BA'I SGRA NI DE BZHIN GSHAGS PA'I NYAN THOS KYI DGE 'DUN LA BYA STE, DES NA 'DI LA NI DE BZHIN GSHEGS PA'I NYAN THOS KYI DGE 'DUN GYI CHED DU YOD PAS DGE 'DUN GYI CHED DU DE DER RO, ,'DI LA NI YAN LAG 'DI KHO NA LHAG GI BDAG PO YOD PA NYID NI MA YIN TE, BYUNG BA'I DBANG GIS DE SKAD GSUNGS PA'I PHYIR RO, ,CHEN PO NI KHA CIG NA RI TSAD KYI SGO NAS SO ZHES ZER RO, ,GZHAN DAG NA RE 'GOD SGO'I SGO NAS KYANG NGO ZHES ZER RO, ,DGE 'DUN GYI CHED KYI KHANG PA LA TSAD MA SMOS PA NI BSOD NAMS KYI TSAD CHEN PO LA SOGS PA GRUB PA'I PHYIR RO, ,TSAD LAS 'DAS PA DANG BSLANGS PA NYID MA GTOGS PA NI, DGE 'DUN GYI GTZUG LAG KHANG GI BDAG PO NI DU MA YIN PA'I PHYIR TSAD LAS LHAG PA NYID NYES PAR MI 'GYUR BAS DON MED PA MA YIN PA'I PHYIR, TSAD LAS LHAG PA GTZUG LAG KHANG MA DAG PA NYID KYI YAN LAG TU MA GSUNGS SO, ,BRGYA LA GAL TE BSLANGS PA NYID KYI YAN LAG KYANG MA GTOGS NA BDAG PO @270B YOD PA ZHES BYA BA 'DIR BDAG PO NYID KYANG BDAG PO GZHAN LAS BSLANGS PA NYID LAS GYUR TO ZHES BSHAD PA YIN ZHE NA, MA YIN TE, DER BDAG PO YOD PA SMOS PA MDZAD PA GANG YIN PA DE NI YAN LAG NYID DU SMOS PA MA YIN NO, ,'O NA CI STE ZHE NA, BYUNG BA'I DBANG GIS CHOS PHAL CHE BA BSGRAGS PA MDZAD PA YIN TE, 'DI LTAR LTUNG BA BSTAN PA GANG LAS KYANG BDAG PO YOD PA NYID MA SMOS SO, ,GAL TE BDAG PO MED PA NYID YIN NA DGE SLONG LAS GZHI JI LTAR SRID DE, 'DI LTAR DES NI GDON MI ZA BAR GZHAN LAS BSLANG DGOS SO ZHE NA, DE NI MA YIN TE, KHYIM DANG GZHI GZUNG BA BKAG PA LAS 'DAS NAS BDAG GANG ZAG GZHAN GYI DON DU 'DZIN PA'I PHYIR DANG, DGE 'DUN GYI CHED DU NYO BA'I SGO NAS 'DZIN PA'I PHYIR RO, ,YANG NA DGE 'DUN GYI GZHI DGE 'DUN GYI SNANG BAS 'DZIN PA'I PHYIR TE, DE LTAR NA BDAG PO NYID MED PAR DGE SLONG LAS GZHI SRID PAS DE LA BSLANGS PA NYID KYI YAN LAG MED PA KHO NA'O ZHES BYA BAR RNAM PAR GNAS SO, ,DGE 'DUN SMOS PAS NI 'DIR KHYIM PA LAS GANG ZAG GZHI LA SOGS PA'I PHYOGS LA BSNGOS PA YIN TE, DE LTAR KHYIM PA'I CHOS SDIG PA YIN PA'I PHYIR TE, 'PHAGS PA'I DGE 'DUN LA PHAN GDAGS PA'I BSAM PA SHIN TU DGE YANG KHA NA MA THO BA RNAM PAR GZHAG PA'I PHYIR RO, ,DGE 'DUN KYI CHED CES BYA BA NI DE BZHIN GSHEGS PA'I NYAN THOS KYI DGE 'DUN GYI'O ZHES GSUNGS PA DE NI GLENG GZHI'I DBANG GIS DPE YIN PAR RIG PAR BYA'O, ,'DUL BA 'DZIN PA RNAMS NI 'DI GTZUG LAG KHANG YIN PA'I PHYIR DANG, GTZO BO MA YIN PA'I PHYIR DANG; RANG GI DON NYID MED PA'I PHYIR NA MI 'DOD DO, ,'DUL BA 'DZIN PA RNAMS NA RE TSAD LAS 'DAS PA DANG, BSLANGS PA NYID KYI YAN LAG GNYIS MA GTOGS NA ZHUS PA GZHAN GYI GZHUNG LAS 'BYUNG BA GANG ZAG GI YIN PA DANG, MA BYUNG BA NYID KYI RGYUS KHA NA MA THO BA SBOM POR RIG PAR BYA STE, 'DIR GTZUG LAG KHANG GI DGE 'DUN LHAG MA BSLANGS PA NYID YAN LAG TU RNAM PAR MA BZHAG GO, ,BSLANGS PA NYID MA YIN PA'I PHYIR GANG ZAG GI GZHI MA YIN PA LA RTZIG TU SBOM PO KHO HNAR RNAM PAR GNAS TE, 'DI LTAR YIN PAR YANG KHANG PA'I DGE 'DUN LHAG MA'I @271A *, ,RJES SU 'BRANGS TE SHES PAR BYA'O ZHES ZER RO, ,GZHUNG LHAG MA ZHES BYA BA LA SOGS PA LA NI BTZUN PA RE ZHIG DGE SLONG GIS GZHI MA GNANG BAR ZHES BYA BA LA SOGS PA YIN NO, ,CHEN PO NI TSE BA'O, ,GTZUG LAG KHANG GI DGE 'DUN LHAG MA GTAN LA DBAB PA'O,, ,,KHROS PA NI ZHE SDANG DANG LDAN PA'I PHYIR RO, ,'DIS NI RGYU'I STOBS BSTAN TE, KHONG KHRO BA SPANGS PA'I PHYIR RO, ,ZHE SDANG BAS ZHES BYA BA NI RGYU'I LNGA PA YIN TE, SNGA MAS PHRA RGYAS KYI GNAS SKABS BSTAN NAS, 'DIS NI KUN NAS DKRIS PA'I GNAS SKABS BRJOD DO, ,MA MGU BA NI DES SPYAS PA'I GNOD PA RJES SU DRAN PA'I PHYIR MA RANGS PA STE, 'DIS NI RKYEN GYI STOBS BSHAD DO, ,'DIR NI ZHE SDANG SMOS PA NI GLENG GZHI'I DBANG GIS GSUNGS KYI 'DI'I YAN LAG NI MA YIN NO, ,'DI LTAR SU LA YANG RUNG NYAMS PAR BYA BA'I 'DUN PA CAN GYIS BRDZUN DU SMRA BAS RNAM PAR RIG PAR BYED NA LTUNG BA 'DIR 'GYUR RO ZHES BYA BA'I DON TO, ,DGE SLONG NI BSNYEN PAR RDZOGS PA'O, ,'DIR DGE SLONG SMOS PA NI NYE BAR MTSON PA STE, DGE SLONG MA LA SKUR PA BTAB NA YANG LTUNG BA DE NYID DU 'GYUR RO, ,DAG PA NI DRI MA MED PA STE, SMAD PA MI SPYOD PA'I PHYIR RO, ,'DIR DAG PA SMOS PA NI BYUNG BA'I DBANG GIS BSHAD PAR ZAD DE, MA DAG PAR GNAS BAR MI BYA BA LA SKUR PA BTAB NA YANG LTUNG BAR CHAD PAR 'GYUR TE, TSUL 'DI NI DGE SLONG GI RIGS SUN 'BYIN PA'I PHYIR RO, ,LTUNG BA MED PA LA ZHES YANG ZHES BYA BA'I SGRA MI MNGON PAR BSTAN PAR SHES PAR BYA'O, ,LTUNG BA MED PA NI MTHA'I LTUNG BA DANG MI LDAN PA'O, ,DES NA 'DI JI LTAR DAG CE NA, 'DI LTAR LTUNG BA MED PAS SO ZHES BYA BA'I THA TSIG GO, ,GZHI MED PAR ZHES BYA BA NI MTHOD BA DANG, THOS PA DANG, DOGS PA MED CING GZHI MED PAR TE, RGYU MED PAR BYA BA'I THA TSIG GO, ,MTHONG BA DANG, THOS PA DANG, DGOS PA GSUM NI GZHI STE, YANG DAG PAR SMRA BA LA 'JUG PA'I GZHIR GYUR PA'I PHYIR RO, ,SKUR PA BTAB PA NI KHA PHYIS PA'O, ,CI'I PHYIR ZHE NA, CI NAS KYANG ZHES BYA BA LA SOGS PA GSUNGS TE, CI NAS ZHES BYA BA NI CI MA RUNG SNYAM PA STE, 'DI NI SMON PA YIN NO, ,'DI NI 'GRAN ZLA'I DGE SLONG DE, ,TSANGS PAR SPYOD PA DANG ZHES @271B BYA BA NI DGE SLONG GI DNGOS PO DANG STE, PHAM PA MI SPYOD PA NI DON DAM PA'I DGE SLONG GI DNGOS PO YIN NO, ,DBRAL LO ZHES BYA BA NI NYAMS PAR BYA BA'O, ,DE LTA BAS NA 'DI NI DBRAL BA'I 'DUN PA 'DI KHO NAS LTUNG BA 'DIR 'GYUR GYI, GYI NAS NI MA YIN NO ZHES BSTAN PA YIN NO, ,RUNG ZHES BYA BA'I SGRA NI TSIG MI CHE BA STE; ZHE SDANG GI DUS DANG BRAL BA 'BA' ZHIG NA NI MA YIN NO ZHES BYA BA'I THA TSIG GO, ,RTZOD BA ZHES BYA BA NI LTUNG BA'I RTZOD PA STE, 'KHRUG PA 'DI'I RGYU NI LTUNG BA GLENG BA YIN PA'I PHYIR RO, ,ZHE SDANG LA GNAS PAS ZHES BYA BA NI KHO BOS ZHE SDANG GI DBANG GIS SMRAS SO ZHES DE SKAD DU SMRA BA YIN NO, ,'DI NYID KYI NGO BO BSTAN PA'I PHYIR, ZHE SDANG GIS SMRAS SO ZHES BYA BA GSUNGS TE, SMRAS PAR GYUR PA'O ZHES BYA BA'I SGRA NI TSIG YONGS SU RDZOGS PA'O, ,SEMS G-YENGS PA ZHES BYA BA LA SOGS PA LA KHA CIG NI LKUGS PAR SMOS PAR 'DON TO, ,'DI NI 'DUL BA 'DZIN PA GZHAN DAG MI 'DOD DE, 'DI LTAR GAL TE LKUGS PA LA NI SKUR BA BTAB NA SBOM POR 'DOD NA LONG BA DANG RGAS PA DANG, THENG PO LA SOGS PA LA YANG DE DANG 'DRA BAR THAL BAR 'GYUR BAS DE DAG LA SKUR PA BTAB NA YANG SBOM POR 'GYUR BA ZHIG NA, DE YANG MI 'DOD DE, DE NI DON RTOGS PA'I SNOD DU GYUR PA'I PHYIR RO, ,DE NYID DE LTA BAS NA 'DI NI GDON BAR MI BYA'O, ,DE BAS NA 'DI LA SKUR PA BTAB NA YANG KHA NA MA THO BA YONGS SU RDZOGS PAR SHES PAR BYA'O, ,'DI LAS PHYI ROL PA DE NI DE BZHIN GSHEGS PA'I BSTAN PA LAS PHYI ROL DU GYUR PA'I PHYIR RO, ,DE NYID BSTAN PA'I PHYIR, GZHAN MU STEGS CAN ZHES BYA BA LA SOGS PA SMOS TE, MU STEGS CAN NI GCER BU ZAD BYED DE SGREN MO'O ZHES BYA BA'I THA TSIG GO, ,MU STEGS NI THAR PA'I CHU BOR 'JUG PA'I LAM STE, 'DI DAG LA DE YOD PAS SO, ,DGE SBYONG NI SDOM CAN TE, KUN DU 'TSO BYED CES BYA BA'I THA TSIG GO, ,DPYOD PA PA NI MU STEGS CAN GYI RNAM PA RAB TU 'BYUNG BA DAG GO, ,KUN DU RGYU BA NI RAB TU BYUNG BA GOS KHA DOG SGYUR BA CAN DAG KHO NA'O, ,'DI LAS PHYI ROL PA RNAMS LA PHAM PA'I THA SNYAD MED MOD KYI, ,'ON KYANG CHOS 'DI LA LTOS NAS BAM PA'I THA SNYAD GDAGS TE, 'OG MA KHYIM PA LA SKUR BA BTAB PA LA SOGS PA LA YANG DE DANG 'DRA @272A *, ,BAR SHES PAR BYA'O, ,'DI LA NI MA BRTAGS PA YIN PA'I PHYIR NYES BYAS SO, ,ZA MA LA SOGS PA LA SKUR PA BTAB NA SBOM POR GSUNGS PA NI, DGE SLONG NYID MED PA'I PHYIR TE, 'DI LTAR JI LTAR MA NING SDOM PA'I ZHING MA YIN PA'I PHYIR DANG, BAR MA DO YIN PA'I PHYIR THA SNYAD DU MI RUNG BA DE DANG 'DRA BAR ZA MA YANG BCOM LDAN 'DAS KYIS DE DANG DE LAS THA SNYAD DU MI RUNG BA NYID DU GSUNGS SO, ,GANG GI PHYIR DE LTA YIN PA DE'I PHYIR DGE SLONG GIR GTOGS PA'I KHA NA MA THO BA RNAMS KYI NANG DU YANG 'DI'I TSUL NI DE KHO NA YIN NO, ,GZHAN DAG NA RE JI LTAR MA NING 'JIG RTEN GYI THA SNYAD LAS 'DAS PA'I PHYIR THA SNYAD DU MI RUNG BA LTAR ZA MA NI DE LTA MA YIN TE, DE LTA BAS NA 'DI LA NI THA SNYAD DU MI RUNG BA NYID KYI TSUL MED DO, ,GANG GI PHYIR DE LTA YIN PA DE'I PHYIR DGE SLONG GIR GTOGS PA'I KHA NA MA THO BA RNAMS KYI NANG DU YANG DE LAS GZHAN PA'I DGE SLONG BZHIN DU 'DI'I KHA NA MA THO BA YONGS SU RDZOGS PA NYID DU RNAM PAR GZHAG PA DE BZHIN DU KHYIM PA 'DIR GTOGS PA'I KHA NA MA THO BA RNAMS KYI NANG DU YANG, KHYIM PA YONGS SU RDZOGS PA DANG 'DRA'O ZHES ZER RO, ,DE LTA BAS NA BSHAD MA THAG PA'I TSUL GYIS NA 'DI 'DUL BA 'DZIN PA RIL GYI GZHUNG LUGS NI MA YIN PAR SHES PAR BYA'O, ,KHA CIG NI DE BZHIN GSHEGS PA LA NGAN SEMS KYIS KHRAG PHYUNG BA LA SKUR PA BTAB PA YANG SBOM POR 'DOD DE, DE NI RIGS PA MA YIN NO, ,'DI LTAR DE TZAM GYIS NI 'DI'I DGE SLONG NYID MED PA MA YIN GYI DGE 'DUN GYI DBYEN BYED PA'I DGE SLONG BZHIN NO, ,DE NYID KYI PHYIR NYE BA 'KHOR GANG GIS PHA DANG MA DANG, DGRA BCOM PA GSOD PAS SKUR PA BTAB PA DES NI PHAM PA'I CHOS KYIS SKUR PA BTAB PA YIN NO, ,GANG GIS DGE 'DUN GYI DBYEN BYED PA DANG, NGAN SEMS KYIS KHRAG 'BYIN PAS SKUR PA BTAB PA DES NI, NYES PA SBOM POR SKUR PA BTAB PA YIN TE, NYES PA SBOM POR NI DGE SLONG MA YIN PAR MI 'GYUR GYI, DE NI BSHAGS PAR 'OS PA YIN NO ZHES 'CHAD PAR 'GYUR TE, 'DIS NI DE BZHIN GSHEGS PA LA NGAN SEMS KYIS KHRAG 'BYIN PA DANG, DGE 'DUN GYI DBYEN BYED PA NI DGE SLONG DAG MA YIN TE, DE LAS GZHAN PA'I DGE SLONG BZHIN NO ZHES BSTAN PA YIN NO, , @272B DE'I PHYIR ZA MA LA SOGS PA'I TSAN LAS BKAR TE, DGE 'DUN GYI DBYEN BYED PA LA SOGS PA'I TSAN LA SKUR PA BTAB NA, DGE 'DUN LHAG MA KHO NAR 'GYUR BAR GDON PAR BYA'O, ,'DI MAN CHAD KYI PHYOGS DAG TU YANG 'DI DGE SLONG NYID YIN PAR SEMS LA BZHAG NAS LTUNG BA DAG CI RIGS PAR SHES PAR BYA'O, ,GZHAN DAG NA RE GANG GIS BSNYAN PAR RDZOGS PA'I SNGON ROL DU KHRAG PHYUNG BA DE 'DIR GZUNG BAR RIG PAR BYA'O, ,MTSAMS MED PA BYAS PAS, BSNYEN PAR RDZOGS PA CHAGS PA MED PA'I PHYIR MA GSOD PA LA SOGS PA LTA BU YIN NO, ,BSNYEN PAR RDZOGS PA'I GNAS SKABS NI MA YIN NO, , DE NI DE'I TSE DGE SLONG NYID MED PAR MA GYUR PA'I PHYIR, DGE 'DUN GYI DBYEN BYED PA YIN NO, ,DGE 'DUN GYI DBYEN BYED PAR YANG GANG GIS BSNYEN PAR RDZOGS PA'I GNAS SKABS NA DGE 'DUN GYI DBYEN BYAS LA PHYIS BSLAB PA PHUL NAS BSNYEN PAR RDZOGS PA DE LA YANG, SDOM PA MA CHAGS PA KHO NA YIN GYI, BSNYEN PAR RDZOGS PA'I GNAS SKABS KYI NI MA YIN TE, DE NI DE'I TSE DGE SLONG NYID YIN PAR BSHAD MI DGOS PAR 'GRUB PO, ,DE'I PHYIR 'DI GNYIS NI ZA MA LA SOGS PA BZHIN DU, SDOM PA MA SKYES PAS DGE SLONG NYID MA YIN PAR SHES PAR BYA LA, DGE SLONG NYID MA YIN PA LA NI SKOM PO KHO NAR 'GYUR RO ZHES ZER RO, ,GAL TE CI'I PHYIR GNAS PAR MI BYA BA DANG, THA DAD DU GNAS PA DANG, KHAS BLANGS PA DANG, BSLAB PA BYIN PA'I DGE SLONG RNAMS LA SKUR PA BTAB NA, LTUNG BA YONGS SU RDZOGS PA RNAM PAR BZHAG, 'DI LTAR 'DI DAG LA SKUR BA BTAB NA, LTUNG BA NI SMAD DGOS TE, DE LAS GZHAN PA'I LTUNG BA BZHIN NO ZHE NA, 'DUL BA 'DZIN PA RNAMS NA RE DE NI MA YIN TE, 'DI NI CHE THAD DU DGE SBYONG GI RIGS SU NA 'BYIN PA'I SGOR 'GYUR BA DANG, SHIN TU THA CAD YIN PAS 'DI DAG LA SKUR PA BTAB NA YANG LTUNG BA 'DRA BA NYID DU YANG RNAM PAR BZHAG GO ZHES ZER RO, ,NYES BYAS SO ZHES BYA BA 'DI LA NI PHAS PHAM PAS SKUR PA MED PA'I PHYIR TE, KHA NA MA THO BA CHUNG NGU DAG LA NI CHUNG NGU'I CHA NYID YIN NO ZHES BYA BA'I PHYIR RO, ,DE CI'I PHYIR ZHE NA ZHES BYA BA 'DI NI GZHI DE DAG GANG GI PHYIR YIN PA'O, ,GZHAN DAG NA RE RGYU GANG GI PHYIR ZHES BYA BA YIN NO ZHES ZER RO, ,DGE 'DUN GYI DBYEN BYAD @273A *, ,PA DANG ZHES BYA BA LA SOGS PA LA, SBOM PO 'DI GNYIS NI GO RIMS BZHIN DU, DGE 'DUN GYI DBYEN LA ZHUGS PA MI GTONG BA DANG, MI GSOD PA'I PHYOGS DANG MTHUN PA YIN PAR SHES PAR BYA'O, ,BDAG NYID KHAS LEN PAS BYA BA LA SOGS PAS, DGE 'DUN LHAG MAR GSUNGS PA 'DIS NI PHAM PA BYUNG BA LA SKUR NA YANG DGE 'DUN LHAG MAR GYUR PA KHO NA'O ZHES DE SKAD DU BSTAN PA YIN NO, ,BSHAGS PAR 'OS PAS DGE 'DUN GYI MDUN DU BSHAGS PAS LTUNG BA LDOG PA'I PHYIR RO, ,SO SOR BSHAGS PAR BGYI BA NI GNAS KYI NANG NA 'DUG PA'I DGE SLONG GI MDUN DU BSGRAGS PA NYID KYIS LTUNG BA LDOG PA'I PHYIR RO, ,ZHUS PA LA LA LAS GZHAN YANG 'DI SKAD DU, ,DGE 'DUN GYI DBUS SU MI TSANGS PAR SPYAD PA BYAS SO, ,MA SHA KA LNGA LAS LHAG PAR BRKUS SO, ,MI'I SROG DANG PHRAL LO, ,MI'I CHOS BLA MAR GYUR PA YANG DAG PA MA YIN PAR SMRAS SO ZHES MA NGES PAR SMRAS KYI CHE GE MO ZHIG GIS ZHES MA SMRAS NA NYES PA SBOM POR 'GYUR RO, ,DGE SLONG STAN LAS LONGS NA KHO BO LAS BSAMS TE SMRAS PA YOD DO ZHES ZER NA SKYE BO THAMS CAD PA'I NYES BYAS SO, ,MA NING DANG LHAN CIG SKUR PA 'DEBS NA NYES PA SBOM POR 'GYUR RO, ,MA NING MA DANG LHAN CIG SKUR PA 'DEBS NA NYES PA SBOM POR 'GYUR RO, ,RNAM PAR MA NING DANG LHAN CIG SKUR PA 'DEBS NA NYES PA SBOM POR 'GYUR RO ZHES 'BYUNG NGO, ,MA NGES LANGS DANG MA NING DANG, ,MA NING MO RNAMS MA NING STE, ,ZHUS PA 'GA' LAS SKUR PA YIN, ,BSDU BA GZHAN 'DI 'BYUNG BA YIN, , ZHES BYA BA ZHIG BSDU BA YIN NO, ,DE LA DON NI 'DI YIN TE, MA NGES PA NI MING SMOS PA MED PAR RO, ,NYES PA SBOM POR 'GYUR RO ZHES BYA BA 'DI LA NI MING MA SMOS PA'I PHYIR SKUR BA YONGS SU RDZOGS PA MA YIN PA NYID PAS DNGOS GZHI MED PA'I PHYIR 'DI YIN NO, ,BSAMS TE SMRAS PA NI DON GZHAN LAS BSAMS TE SMRAS PA'O, ,SKYE BO THAMS CAD PA NI SKYE BO THAMS CAD NI SKYE BO MANG PO'I DBANG DU BYAS NAS ZHUGS PA'I PHYIR RO, ,NYES BYAS SO ZHES BYA BA 'DI LA NI 'DIR SU LA SKUR PA 'DEBS PA MED KYI, 'DI NI SKUR BA BTAB PA'I DON DU ZHUGS PA 'BA' ZHIG TU ZAD BAS SBYOR BA'I SBYOR BAR @273B GYUR PA'I PHYIR 'DI YIN NO, ,MA NING DANG ZHES BYA BA LA SOGS PA NI MA NING SKUR BA BTAB PA'I DGE SLONG MA LA SRID DE, DE BAS NA DGE SLONG MA LA PHAM PA SPYOD PA'I ZLA BO PHO'I DBANG PO DANG BRAL BA BSTEN DU MI RUNG BA DANG SKUR PA 'DEBS PA NA KHA NA MA THO BA 'DI YIN NO, ,DGE SLONG LA NI MA NING MO DANG, RNAM PAR MA NING DAG DANG SKUR PA 'DEBS PA SRID DO, ,DGE SLONG DANG MA NING DANG RNAM PAR MA NING DANG SKUR PA 'DEBS PA LA SBOM POR GSUNGS PA YANG KHA DANG BSHAD PA'I LAM GYI DBANG DU MA BYAS PAR SHES PAR BYA STE, 'DI LTAR DE DAG DANG SKUR PA 'DEBS NA PHAM PA KHO NAS SKUR PA BTAB PAR 'GYUR LA, DES SKUR PA BTAB NA YANG DNGOS GZHIR 'GYUR BA'I PHYIR RO, ,GZHAN NA RE PHO DANG MO'I DBANG PO DANG BRAL BA DANG SKUR PA 'DEBS PA GANG YIN PA DE NI PHAM PAR GTOGS PA'I SBOM POS SKUR PA 'DEBS PA YIN TE, BSTEN DU RUNG BA MED NA PHAM PA MI SLONG BA'I PHYIR RO, ,SBOM POS SKUR PA BTAB PA LA SBOM POR 'GYUR PA YANG BRJOD PAR MI NUS TE, DGE 'DUN LHAG MAS SKUR PA BTAB PA LA YANG LTUNG BYED DU GSUNGS PA'I PHYIR RO, ,DE SKAD DU YANG GZHI MED PAR NYES PA SBOM POR SKUR PA BTAB NA NYES BYAS SO ZHES GSUNGS SO, ,DGE 'DUN LHAG MAR GTOGS PA'I SBOM PO 'DIR GSUNGS SO ZHES BRJOD PAR YANG MI NUS TE, SPYIR GSUNGS PA'I PHYIR DANG GZHAN GANG LAS KYANG PHAM PAR GTOGS PA'I NYES PA SBOM POR SKUR PA BTAB PA LA LTUNG BA GZHAN MA GSUNGS PA'I PHYIR RO, ,DE LTA BAS NA NYES PA SBOM POR SMOS PA NI 'GA' ZHIG GIS BSHAD PA'I DBANG GIS SGRO BTAGS PA YIN PAS 'DIR NYES BYAS SU GSUNGS PA NYID BZANG NGO ZHES ZER RO, ,GZHI MED PAR SKUR PA 'DEBS PA'I DGE 'DUN LHAG MA GTAN LA DBAB PA'O,, ,,GZHAN GYI CHA DANG MTHUN PA MA YIN PA ZHES BYA BA LA, GZHAN ZHES BYA BA NI MYA NGAN LAS 'DAS PA STE, 'KHOR BA LAS BZLOG PA YIN PA'I PHYIR RO, ,DE'I CHA DANG MTHUN PA MA YIN PA NI MI MTHUN PA'I PHYOGS NYON MONGS PA CAN GYI PHYOGS RNAMS SO, ,DE LA YOD PA NI GZHAN GYI CHA DANG MTHUN PA MA YIN TE, PHAM PA RNAM PA BZHI'O, ,YANG NA GZHAN DU BSTAN PA NI GZHAN GYI CHA'O, , @274A *, ,DE DANG MTHUN PA NI GZHAN GYI CHA DANG MTHUN PA STE, GZUGS POR SKUR PA 'DEBS PA'I RNAM PA LAS GZHAN PA GZUGS PO MA YIN PAR SKUR PA 'DEBS PA ZHES BYA BA'I THA TSIG GO, ,GZHAN DAG NA RE GZHAN GYI CHA DANG MTHUN PA MA YIN PA ZHES BYA BA LA GZHAN ZHES BYA BA NI MYA NGAN LAS 'DAS PA'O, ,DE'I CHA DANG MTHUN PA MA YIN PA NI PHAM PA'I CHOS BZHI'O ZHES BCOM LDAN 'DAS NYID KYIS RNAM PAR 'BYED PA LAS BSHAD PA'I PHYIR GZHUNG 'DI LA MA YIN PA ZHES BYA BA KHO NA YOD PAR SHES PAR BYA'O ZHES ZER RO, ,'DIR PHAM PA SMOS PA YOD BZHIN DU GZHAN GYI CHA DANG MTHUN PA MA YIN PA ZHES SMOS PA GANG YIN PA DE NI PHAM PA'I SKYON BRJOD PA'I PHYIR TE, PHAM PA'I CHOS NI MYA NGAN LAS 'DAS PA DANG, 'GAL BA YIN PA'I PHYIR RO, ,RTZOD PA GZHAN GYI CHA DANG MTHUN PA MA YIN PAS ZHES BYA BA NI PHAM PA'I LTUNG BA'I RGYU CAN LAS SO, ,BAG TZAM ZHES BYA BA LA SOGS PA LA BAG TZAM NI SHAN TZAM MO, ,DE LAS BSAMS PA NI MNOS PA STE, BAG TZAM LAS BSAMS PA'I THABS KYIS SMRAS PA ZHES BYA BA'I THA TSIG GO, ,'DI LA DE KHO NA TZAM GYI TSAD CIG YOD PAS NA BAG TZAM LAS BSAMS PA TZAM STE, DPER NA DGE SLONG BTZUN PA BSHES GNYEN DANG, SA PHA DAG GIS RI DAGS DAG 'JUG PA MTHONG NAS TZE DANG LDAN PA GYAD BU NOR YANG MTHONG NGO, ,DGE SLONG MA AUTPA LA'I MDOG KYANG MTHONG NGO, ,MI TSANGS PAR SPYOD PA 'KHRIG PA LAS BYUNG BA'I CHOS BSTEN PA YANG MTHONG NGO ZHES SMRAS PA LTA BU STE, BRJOD PAR 'DOD PA'I DON GO BAR BYED NA BYED PA PO DANG BYA BA 'BREL PA BKAR TE, MA SMOS PA'I PHYIR RO ZHES BYA BA'I THA TSIG GO, ,BLANGS PAR GYUR PA NI YONGS SU BZUNG BAR GYUR PA STE, DE YID LA BZHAG PAR GYUR PA ZHES BYA BA'I THA TSIG GO, ,GZHUNG LHAG MA NI BTZUN PA RE ZHIG DGE SLONG GIS PHO NYA LAS ZHES BYA BA LA SOGS PA YIN NO; ,GZHAN GYI CHA DANG MTHUN PA MA YIN PAS SKUR PA 'DEBS PA'I DGE 'DUN LHAG MA GTAN LA DBAB PA'O,, ,,DGE 'DUN NI DE BZHIN GSHEGS PA'I NYAN THOS KYI DGE 'DUN TE, GZHAN GYI TSOGS PHYE NA LTUNG BA GZHAN YOD PA'I PHYIR RO, ,MTHUN PA NI RTAGS DANG, LAS DANG, @274B TSUL KHRIMS DANG, LTA BA DANG, SPYOD PA DANG, 'TSO BA DAG GI RO GCIG PA STE, MI MTHUN PA PHYE BA LA NI LTUNG BA 'DI MED DO, ,DBYE BA'I PHYIR ZHES BYA BA LA, 'BYED PA NI STON PA DANG, LAM GZHAN LA BZOD NA GNYIS SU 'BYED PA STE, DE'I CHED DU'O, ,RTUL BAR BYED PA NI RTZOL BAR BYED PA STE, TSUL SHING 'DRIM PA'AM GSOL BA BYED PAS BRTZON PAR BYED PA ZHES BYA BA'I THA TSIG STE, YID KYIS NI LTUNG BA 'DIR MI 'GYUR BA'I PHYIR RO, ,CING ZHES BYA BA'I SGRA NI 'AM ZHES BYA BA'I SGRA'I DON TO, ,DBYEN BYED PAR 'GYUR BA NI, DBYEN BYED PA'I RGYU MTSAN ZAS SKOM LA SOGS PA SBYIN PA DANG, GROGS TSOL BA LA SOGS PA YIN NO, ,RTZOD PA NI 'GYED PA'I RTZOD PA'O, ,YANG DAG PAR BLANGS NAS ZHES BYA BA NI YANG DAG PA NYID DU 'CHEL NAS SO, ,RAB TU BZUNG STE ZHES BYA BA NI MNGON PAR ZHEN PAR BYAS PA STE, DAM DU 'DZIN PAS BZUNG STE ZHES BYA BA'I THA TSIG GO, ,'DUG NA ZHES BYA BA NI RTZOL BA'I NGO BOR 'DUG PAR BYED NA'O, ,DGE SLONG RNAMS KYIS ZHES BYA BA NI GCUGS PA RNAMS SO, ,MTHUN PAR GYIS SHIG CES BYA BA NI, GCIG TU GYIS SHIG PA'O, ,DE CI'I PHYIR ZHE NA, DGE 'DUN MTHUN PA ZHES BYA BA LA SOGS PA GSUNGS TE, GANG GI PHYIR DGE 'DUN MA PHYE NA 'THAB PA DANG, RTZOD PA DRI MA MI BDE BA'I 'DAM DANG BRAL BAS BDE BAR GNAS PA DE'I PHYIR, KHYOD DGE 'DUN DANG LHAN CIG MTHUN PAR GYIS SHIG CES BYA BA'I THA TSIG GO, ,MI PHYED PA NI CHOS DANG ZANG ZING GI LONGS SPYOD KYIS 'BREL PA'O, ,KUN DU DGA' BA NI GCIG LA GCIG YON TAN BRJOD PA'AM, DGE BA'I PHYOGS 'PHEL BA'I RAB TU DGA' BAS MGU BAR BYED PA'O, ,MI RTZOD PA NI PHAN TSUN LTA BA DANG 'DOD PA MI MTHUN PA'I RTZOD PA YONGS SU SPONGS PAS, MI RTZOD PAR GYUR PA'O, ,MCHOG GCIG NI 'BRAS BU MYA NGAN LAS 'DAS PA GCIG PA'I PHYIR RO, ,'DON PA GCIG PA NI SO SOR THAR PA'I MDO 'DON PA 'DRA BA'I PHYIR RO, ,CHU DANG 'O MA GCIG TU 'DRES PAR GYUR PA LTA BU NI, DGAG DBYE LA SOGS PA'I LAS 'DRA BA'I PHYIR RO, ,YANG NA GZHAN GYIS @275A *, ,BKRIR MI BTUB PA'I PHYIR RO, ,STON PA'I BSTAN PA NI BCOM LDAN 'DAS KYI BKA'O, ,GSAL BAR BYED PA NI RAB TU STON PA'O, ,BDE BA DANG, REG PA ZHES BYA BA LA BDE BA NI LUS KYI'O, ,REG PA NI SEMS KYI STE, MTHONG BA'I CHOS LA LUS DANG SEMS KYI BDE BA DANG LDAN ZHING, BDE BAR GNAS SO ZHES BYA BA'I THA TSIG GO, ,'BYED PAR BYED PA'I GZHI NI SPYOD BA DANG GROG TSOL BA'I NGO BO, THONG SHIG CES BYA BA NI 'OR CIG PA'O, ,BSGO BAR BYA BA NI BZLOG PAR BYA BA'O, ,BSGO BA NA ZHES BYA BA NI GCUGS PAS ZLOG PA NA'O, , LEGS PA NI BZANG PO'O, ,GTANG BAR BYA BA'I PHYIR ZHES BYA BA NI 'DOR DU GZHUG PA'I PHYIR RO, ,LAN GNYIS NI RES GNYIS SO, ,LAN GSUM NI RES GSUM STE, DES BSHES PA'I TSIG GIS MA LOG NA LAN GSUM GYI BAR DU 'DI LA GSOL BA DANG BZHI'I LAS BYA'O ZHES BYA BA'I DON TO, ,YANG DAG PAR BSGO BAR BYA BA NI, DGE 'DUN GYI DBYEN BYED PA'I NGO BO'I SDIG PA BZLOG PA'I PHYIR RO, ,YANG DAG PAR BSTAN PAR BYA BA NI MTHUN PA'I NGO BO'I DGE BA'I CHOS LA SBYOR BA'I PHYIR RO, ,BSHES PA'I TSIG GIS ZHES BYA BA NI MDZA' BA'I TSIG GIS SO, ,MA BSGO BAR ZHES BYA BA NI BRDA MA SPRAD PAR TE, MA BZLOG PAR ZHES BYA BA'I THA TSIG GO, ,GSOL BA DANG BZHI'I LAS ZHES BYA BA LA SOGS PA NI GO BAR BYED PA STE, LAS BYED PA SGROGS PA ZHES BYA BA'I DON TO, ,LAS NI BRJOD PA'O, ,DES NA LAS GANG LA BZHI PA GSOL BA YOD PA DE LA DE SKAD CES BYA STE, BKA' STZAL PA ZHES BYA BA NI, BCOM LDAN 'DAS KYIS SO, ,NYE BA 'KHOR MI 'CHAGS ZHES BYA BA NI, BSHES PA'I TSIG GIS BSGO BA NI CHO GA NYID YIN PAS DE MA BYAS NA LAS 'CHAGS PA MED DE, BSHES PA'I TSIG GIS BSGO BA NYID YAN LAG NYID YIN TE, CHOG LAS 'DAS NA LAS MI 'CHAGS SO ZHES 'BYUNG BA'I PHYIR RO, ,DGE 'DUN LA YANG DES 'GAL TSABS CAN DU 'GYUR RO ZHES BYA BA NI CHO GA LAS 'GAL BA'I LAS BYED PA DES NYES BYAS KYI LTUNG BA DANG LDAN PAR 'GYUR TE, CHOS MA YIN PAR MI BYA'O ZHES 'BYUNG BA'I PHYIR RO, ,CI BSGO BA BSHES PA'I TSIG KHO NAS BYA BA'AM, 'ON TE LAS KYIS KYANG BYA ZHE NA, 'DUL BA 'DZIN PA RNAMS NA RE @275B KHYAD PAR DU MA SMOS PA'I PHYIR, BSHES PA'I TSIG GIS BYA BA 'BA' ZHIG TU MA ZAD KYI LAS KYIS KYANG BYED DO ZHES ZER RO, ,DE LTA BAS NA 'DIS NI DGE 'DUN GYI DBYEN DANG, DE'I RJES SU PHYOGS PA'I DGE 'DUN LHAG MAR GTOGS PA'I ZHUS PA DANG LAN GDAB PA MDZAD PA ZHES BYAR BYA'O, ,BTZUN PA BSKRAD PA'I LAS MA BGYIS PAS ZHES BYA BA LA SOGS PA LA BSKRAD PA'I LAS NI BSKRAD PA DANG MTHUN PA GSOL BA DANG BZHI'I LAS TE, KHYIM SUN ' BYIN PAR BYED PA YOD PA LA DE DANG MTHUN PA'I LAS BYAS PAS GNAS DE NAS SKROD PA YIN NO, ,BSHES PA'I TSIG GIS BSGO BAR BGYID NA ZHES BYA BA LA SOGS PAS DGE 'DUN LA 'GAL TSABS CAN DU 'GYUR BAR GSUNGS PA 'DIS NI BSKRAD PA'I LAS MA BYAS PAR SHES PA'I TSIG GIS BSGO BA NI CI YANG MI PHAN NO ZHES BSTAN PAR SHES PAR BYA'O, ,TSAR GNYIS PA LA BSKRAD PA'I LAS BGYIS TE ZHES BYA BA LA SOGS PAS NI, BSHES PA'I TSIG GIS BSGO BA'I DGOS PA DANG BCAS PA YIN TE, DES NA DGE 'DUN LA YANG 'GAL TSABS CAN DU MI 'GYUR BAR GSUNGS SO, ,'DUN PAS 'GRO BA ZHES BYA BA LA, 'DUN PA NI RJES SU CHAGS PA'O, ,DES 'GRO BA NI 'JUG PA STE, DPER NA NYES PA 'DRA BA DMAR SER BA RNAMS LA SKROD PAR MI BYED PA'I RJES SU CHAGS PAS 'JUG PA ZHES BYA BA LTA BU'O, ,ZHE SDANG GIS 'GRO BA NI DPER NA RTA CAN DANG NAB SO DAG LA ZHES SDANG GIS KUN NAS DKRIS PA'I DBANG GIS 'JUG PA ZHES BYA BA LTA BU'O, ,GTI MUG GIS 'GRO BA NI BSKROD PAR 'OS PA RNAMS KYIS DE KHO NA NYID KHONG DU MA CHUD PA'I PHYIR RO, ,'JIGS PAS 'GRO BA NI LHAGS PA RNAMS KYIS BRED PAR SEMS PA'I PHYIR RO,, NYES BYAS SO ZHES BYA BA 'DI LA NI 'DUN PAS 'GRO BA LA SOGS PAS RNAM PAR RIG PAR BYED PA'I GNAS SKABS 'DI NA RGYU MTSAN DU GYUR PA LA BSKRAD PA'I LAS MED PA'I PHYIR MNGON PAR ZHEN PAS CHES CHUNG BAR GNAS TE, DE'I PHYIR 'DI SHES PAR BYA'O, ,BSGO BAR MI BYA ZHES BYA BA LA SOGS PA NI DON GANG ZHIG GZHOM PA'I PHYIR 'DI LA BSGO BAR BYA BA DANG DE'I TSE 'DI LA BSGO BAS MI 'GRUB STE, 'DI LTAR 'JUG PA 'DI NI GNAS SKABS DE NA TSUL 'CHOS KYI SPYOD PA TZAM DU ZAD PAS, DE'I PHYIR 'DI YIN NO, ,'DI NI BKA' BLO MI BDE BA LA YANG CI RIGS PAR BYA'O, ,DE LTA BAS NA 'DIS NI KHYIM SUN 'BYIN PA'I DGE 'DUN LHA @276A *, ,MA ZHUS PA DANG LAN BTAB PA MDZAD PAR SHES PAR BYA'O, ,NYES BYAS SO ZHES BYA BA 'DIR NI SBOM PO'I SBYOR BA YIN PA'I PHYIR RO, ,'DI NI BKA' BLO BDE BA LA YANG SHES PAR BYA'O, ,MA GLENGS BA LA NI NYES PA MA BSGRAGS PA'I PHYIR RO, ,DRAN PAR MA BGYIS PA NI YUL DANG DUS DANG GROGS MA BSGRAGS PA'I PHYIR TE, GLENGS PA NI PHYOGS GCIG PAR GYUR PA'O, ,DRAN PAR BYAS PA NI RDZOGS PAR GYUR PA'O ZHES BYA BA'I THA TSIG GO, ,BKA' BLO MI BDE BA NI TSIG MI BZOD PA NYID DE BDAG NYID KYI YUL LA PHAN PA DANG MI PHAN PA'I TSIG BZLOG PA'O ZHES BYA BA'I THA TSIG GO, ,GZHAN LAS NI BKA' BLO MI BDE BA CAN NYID CES 'BYUNG STE, DES NI GANG LA BKA' BLO MI BDE BA YOD PA DE NI BKA' BLO MI BDE BA CAN NO, ,DE'I NGO BO NI BKA' BLO MI BDE BA CAN NYID DE, BKA' BLO MI BDE BA ZHES BYA BA'I THA TSIG GO, ,GAL TE RE ZHIG GLENGS PA MED NA RGYU MTSAN MED PA'I PHYIR SDIG PA'I BSAM PA CHES CHUNG BA YOD PAR NI 'GYUR GRANG NA DRAN PAR BYAS PA MED PA LA GO JI LTAR, 'DI LA SDIG PA'I BSAM PA CHES CHUNG BA YOD CE NA SMRAS PA, GLENG BAR BYA BA'I GANG ZAG GIS DRAN PA MA RNYED NA YIN LA BDAG NYID KHA NA MA THO BA MED PA NYID DANG, GLENG BA YANG NYES PAR GLENG BA NYID DU SEMS TE, DES NA DRAN PA MED NA 'DI'I BKA' BLO MI BDE BA LA, SDIG PA'I BSAM PA CHES CHUNG BA YOD DO ZHES BYA BAR SHES PAR BYA'O, ,KHA CIG NI 'DI GNYIS LA NYES BA SBOM POR 'GYUR BAR BRJOD DE, BTZUN PA BSKRAD PA'I LAS BGYIS NAS 'DUN PAS 'GRO BA'O ZHES MCHI ZHING, ZHE SDANG GIS 'GRO BA DANG, GTI MUG GIS 'GRO BA DANG, 'JIGS PAS 'GRO BA'O ZHES MCHI NA CIR 'GYUR LAGS, NYAS PA SBOM POR 'GYUR RO, ,BSGO BAR BGYI BA'AM 'ON TE BSGO BAR MI BGYID LAGS, BSGO BAR BYA'O, ,BSGO BA 'CHAGS SAM 'ON TE MI 'CHAGS LAGS, NYE BA 'KHOR 'CHAGS SO, ,GLENGS SHING DRAN PAR BGYIS PA LAS BDAG NYID BKA' BLO MI BDE BA LA GNAS PAR BGYID NA CIR 'GYUR LAGS, NYES PA SBOM POR 'GYUR RO, ,BSGO BAR BGYI BA'AM 'ON TE BSGO BAR MI BGYI LAGS, BSGO BAR BYA'O, ,BSGO BA 'CHAGS LAGS SAM, NYE BA 'KHOR 'CHAGS SO ZHE 'O, ,'DIS NI BSKRAD PA'I LAS BYAS NAS 'DUN PAS 'GRO'O @276B ZHES BYA BA LA SOGS PA ZER NA NYES PA SBOM POR BYED PA NYID YIN LA, DE BZHIN DU GLENGS SHING DRAN PAR BYAS PA LAS BRJOD PAR BYA BA MA YIN PAR BYED NA YANG SBOM POR BYED PA KHO NA STE, KHYIM SUN 'BYIN PA DANG, BKA' BLO MI BDE BA'I DGE 'DUN LHAG MA DAG GI SBYOR BAR GYUR PA'I PHYIR RO ZHES BSTAN PA YIN NO, ,'DI NI 'DUL BA 'DZIN PA GZHAN DAG MI 'DOD DA, 'DI LAS 'GRO'O ZHES BYA BA LA SOGS PA SMRAS PA DANG, BRJOD PAR BYA BA MA YIN PAR BYED PA NI TSIG KYAL PA NYID KYIS NYES BYAS SLONG BA'I PHYIR 'DUN PAS 'GRO BA'O ZHES BYA BA LA SOGS PA SMRAS PA DANG, BRJOD PAR BYA BA MA YIN BAR BYED PA LA NI NYES BYAS PA'I SBYOR BA NYID YIN NO, ,SBOM PO LA NI NYES BYAS PA'I SBYOR BA LA SBOM PO NYID DU RUNG BA MA YIN TE, SBYOR BA NI CHUNG BA'I PHYIR RO, ,DE LTA BAS NA 'DIR NYES BYAS KHO NA BZANG GI SNGOM PO NI MA YIN NO, ,MTSAMS KYI NANG NA MCHIS BA DAG GIS ZHES BYA BA LA SOGS PAS BSGO BA MA YIN PAR GSUNGS PA NI, MTSAMS GZHAN NA GNAS PA'I PHYIR TE, MTSAMS GZHAN NA GNAS PA NI GANG GI YANG YAN LAG NYID MA YIN NO ZHES 'BYUNG BA'I PHYIR RO, ,LAS BGYID BA NI GSOL BA DANG BZHI'I LAS LA SOGS PA BYED PA'O, ,MTSAMS MNAN PA NI MTSAMS GYI BAR SHING LA SOGS PAS GCIG TU BYAS PA'O, ,NON PAR BGYIS PA NI GSOL BA DANG GNYIS KYI LAS KYIS MTSAMS BCAD PA STE, MNAN PA KUN LA 'DUG PA NI NON PA LA MA YIN NO ZHES 'BYUNG BA'I PHYIR RO, ,YANG NA GZHAN DAG NA RE MTSAMS MNAN PA NI RKANG PA GNYIS KYIS TE, LUGS LAS GCIG LA RKANG PA DANG, GZHAN LA CIG SHOS GZHAG PA NI GNYI GA NA 'DUG PA NYID YIN NO ZHES 'BYUNG BA'I PHYIR RO, ,NON PAR BYAS PA NI SHING LA SOGS PAS GCIG TU BYAS PA'O ZHES ZER RO, ,MA BSKOS PA NI BYED DU MA BCUG PA'O, ,BSKRAD PA NI LTUNG BA MA MTHONG BA LA SOGS PAS BSKRAD PA'I LAS BYED PA STE, DGE SLONG GI TSOGS LAS 'BYIN PA ZHES BYA BA'I THA TSIG GO, ,NYE BA 'KHOR MA YIN NO ZHES BYA BA 'DIS NI LAS NI DGE 'DUN LA RAG LAS PA'I PHYIR RO, ,MA BSKOS PA LAS BYED PA NI CHA MA YIN PA NYID DO ZHES BSTAN PAR SHES PAR BYA'O, ,GAL TE DES RE RE DANG ZHES BYA BA LA SOGS PA NI GCIG DANG GNYIS @277A *, ,DANG; GSUM PO DAG LA CIG CAR LAS BYED PA NI, TSOGS MED PA'I PHYIR NYES PAR MI 'GYUR RO, ,TSOGS LA LAS BYED PA NI DGAG PA NYID KYI 'OG NAS 'BYUNG BA'I GZHUNG LAS, TSOGS KYIS TSOGS KYI LAS DAG BYER MI RUNG BAS SO ZHES BYA BA 'DIR 'CHAD PAR 'GYUR RO, ,MTSUNGS PAR GNAS PA NI TSUL KHRIMS DANG LTA BA MTSUNGS PA DAG GO, ,MCHIS PA DAG GIS ZHES BYA BA NI 'KHOD PA DAG GIS SO, ,'OG MA DAG LA YANG DE DANG 'DRA BAR SHES PAR BYA STE, 'KHOD NAS LAS BYA'O ZHES 'BYUNG BA'I PHYIR RO, ,LTUNG BA YANG GANG DU YANG MI 'GYUR BA NI MTHUN PA'I LAS BYED PA LAS BYUNG BA'O, ,MTSAMS KYI NANG NA GNAS PA 'DUS PAR MA ZHUGS PA DAG GIS DE LAS GZHAN PA MI MTHUN PA NYID DU 'GYUR BAS DE'I PHYIR 'DI YIN TE, MTSAMS DE'I NANG NA 'DUG PA KHA SKONG BAR 'OS PA'I LUS SAM 'DUN PAR 'DUS PAR MA ZHUGS PA NYID NI ZHES BYA BA LA SOGS PAS MI MTHUN PA NYID DU BSHAD PA'I PHYIR RO, ,PHAN TSUN 'DUN PA BYIN PAS ZHES BYA BA NI DGE 'DUN GYIS PHRIN LAS CHOS DANG MTHUN PA DBUL LO ZHES PHAN TSUN DAD PA SBYIN PA STE, 'DUN PA BYIN NA DES MTHUN PA NYID DU 'GYUR RO ZHES 'BYUNG BA'I PHYIR RO, ,TSOGS KYIS ZHES BYA BA LA SOGS PA LA, TSOGS NI DGE 'DUN TE LAS RNAMS LA NI DGE 'DUN DBANG BA'I PHYIR 'DI GSUNGS SO, ,LAS THAMS CAD NI GSOL BA DANG BRJOD PA DANG SO SOR THAR PA'I MDO 'DON PA DANG, DGAG DBYE ZHES BYA BA RNAMS SO, ,KHRI NI KHRI CHEN PO'O, ,RE LDE NI SMYAG MA LA SOGS PA LAS LHAS PA GRU BZHI'O, ,'AM ZHES BYA BA'I SGRA NI SO SOR TSIG RKYA THUB PAR BSTAN PA'I PHYIR RO, ,RE LDE LJONGS RINGS NI DE NYID CHU RINGS SU 'DUG PA'I NGO BO'O, ,'DI LTA STE ZHES BYA BA NI NYE BAR STON PA'I TSIG YIN NO, ,BZHI'I TSOGS KYIS BYA BA NI PHAM PAR GYUR PA'I NYES PA SBOM PO YANG BA BSHAGS PA'AM, GSO SBYONG BYED PA'O, ,LNGA'I TSOGS KYIS BYA BA NI DGE 'DUN LHAG MAR 'GYUR BA'I NYES PO SBOM PO LCI BA BSHAGS PA'AM DGAG DBYE BYED PA'O, ,BCU'I TSOGS KYIS BYA BA NI BSNYEN PAR RDZOGS PA'I LAS SO, ,NYI SHU'I TSOGS KYIS BYA BA @277B NI DBYUNG BA'O, ,DE DE DAG KHA CIG GI ZHES BYA BA LA SOGS PA NI BDAG NYID LAS BYED PA'I PHYIR LAS BYED PA YIN NO, ,GZHAN DAG GIS LAS NYAMS SU MYONG BA'I PHYIR TSOGS SKONG BA YIN NO, ,NAM MKHA' LA MCHIS PA NI NAM MKHA' LA 'DUG PA'O, ,NYE BA 'KHOR MA YIN NO ZHES BYA BA NI NAM MKHA' MTSAMS GZHAN YIN PA'I PHYIR RO, ,DE LTA BAS NA 'DIS NI LAS THAMS CAD KYI SPYI'I CHO GA BSHAD DO ZHES BSTAN PAR SHES PAR BYA'O, ,BSLAB PA BYIN PA DANG DGE SLONG MA YANG DGE 'DUN LHAG MAR 'GYUR RO ZHES GSUNGS PA NI DGE 'DUN GYI DBYEN BYED PA'I RJES SU PHYOGS PA MA LOG NA LAS KYI MTHA' LA 'DI YIN NO, ,DGE SLONG MA LA SOGS PA LA YANG LAS KYI MTHA' KHO NA YIN MOD KYI, 'ON KYANG 'DI DAG GIS THOS PA DANG BCAS PAR LAS MI BYA'O ZHES 'BYUNG BA'I PHYIR 'DI DAG LAS CHUNG BA MED DO, ,SNGAR LTUNG BA BYUNG BA LA SOGS PA LA YANG TSUL 'DI NYID YIN TE, SOGS PA ZHES SMOS PA NI RKU THABS SU GNAS PA LA SOGS PA 'PHANGS SO, ,SNGA MA BZHIN NO ZHES BYA BA NI MDOR SDUD PAR BYED PA RNAMS KYIS BSGRE BAR BSHAD PA YIN NO, ,DE LTAR NA GZHUNG 'DI NI DGE 'DUN LHAG MA GSUM LA YANG ZHES BYA BA NI DGE 'DUN GYI DBYEN GYI GROGS BSGRUB PA NYID DANG, KHYIM SUN 'BYIN PA DANG, BKA' BLO MI BDE BA ZHES BYA BA DAG LA YANG BTZUN PA RE ZHIG DGE SLONG GIS BSHES PA'I TSIG GIS MA BSGO BA ZHES BYA BA LA SOGS PA THAMS CAD BRJOD PAR BYA BA NYID YIN NO, ,CI RIGS PA NI GANG LA GANG RIGS PA STE, 'DI LTA STE RJES SU PHYOGS PA LA NI BTZUN PA RE ZHIG DGE SLONG GIS BSHES PA'I TSIG GIS MA BSGO BAR ZHES BYA BA LA SOGS PA YIN NO, ,KHYIM SUN 'BYIN PA LA NI BTZUN PA BSKRAD PA'I LAS MA BGYIS PAR ZHES BYA BA LA SOGS PA YIN NO, ,BKA' BLO MI BDE BA LA NI BTZUN PA RE ZHIG MA GLENGS DRAN PA MA BGYIS PAR ZHES BYA BA LA SOGS PA YIN NO, ,MDOR SDUD PAR BYED PA RNAMS KYIS DGE 'DUN LHAG MA BZHI PO KHYAD PAR MED PAR BSDU BA BRJOD PA SMOS MOD KYI, 'ON KYANG DE DAG GI RANG GI NGO BO GDON MI ZA BAR BRJOD DGOS TE, RANG GI NGO BO YONGS SU SHES @278A *, ,NA LTUNG BA RNAM PAR DBYE BA GTAN LA DBAB PAR NUS SO, ,BDAG GIS KYANG DGE 'DUN 'BYED PA'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA SO SOR THAR PA'I MDO LAS SMOS PA GSUM PO 'DI DAG GI GZHUNG BLO LA BZHAG NAS TSIG RNAM PAR DBYE BA NYE BAR BSTAN PAR BYA STE, DE BAS NA 'DI LA SKABS SU MA BAB PAR SMRAS PA NYID DU MNGON PAR ZHEN PAR MI BYA'O, ,DE YANG DGE SLONG DE'I GROGS BYED PA'I DGE SLONG ZHES BYA BA LA SOGS PA LA YANG ZHES BYA BA'I SGRA NI TSIG GI RGYAN GYI DON TAM GAL TE ZHES BYA BA'I DON TO, , DE'I ZHES BYA BA NI DGE 'DUN GYI DBYEN LA ZHUGS PA'I 'O, ,GROGS BYED PA NI 'KHOR NGAN PA RNAMS SO, ,DE DAG JI LTA BU ZHIG CE NA, RJES SU PHYOGS PA ZHES BYA BA GSUNGS TE, MTHUN PAR BYA BA BYED PA STE, BSAMS PA'I DON YONGS SU RDZOGS KYI BAR DU RJES SU 'JUG PA'I ZHES BYA BA'I THA TSIG GO, ,CI'I CHED DU ZHE NA, MI MTHUN PAR SMRA BA NYID KYI ZHES BYA BA GSUNGS TE, STON PA DANG LAM GZHAN LA BZHAG PA'I 'O, ,'DI NI RGYU MTSAN GYI BDUN PA STE, MI MTHUN PAR SMRA BA CHED DU ZHES BYA BA'I THA TSIG GO, ,GCIG NYID LA SOGS PAS BYAS PA'I KHYAD PAR MED PAR BSTAN PA'I PHYIR; GCIG GAM ZHES BYA BA LA SOGS PAS GSUNGS TE, MANG PO NI GNYIS KYI GONG MA GSUM LA SOGS PA'O ZHES BYA BA'I THA TSIG GO, ,DGE BA NI PHAN PA'O, ,SDIG PA NI MI PHAN PA'O, ,MA SMRA CIG CES BYA BA NI MA BRJOD CIG PA'O, ,SMRAR MI STER PA'I RGYU CHOS SMRA BA ZHES BYA BA LA SOGS PA'O, ,CHOS NI LAM GYI YAN LAG LNGA'O, ,'DUL BA NI YANG DAG PA'I NGAG LA SOGS PA GSUM MO, ,YANG NA GZHAN DAG NA RE TSIG 'BRU BZAD PO DANG DON BZANG PO BRJOD PA'I PHYIR GO RIMS BZHIN NO ZHES ZER RO, ,LA LA GZHAN DAG LA SMRA BA'I BDAG NYID MI DPYOD PA LA YANG YOD PAS DE'I PHYIR 'DI NI CHOS DANG ZHES BYA BA LA SOGS PA GSUNGS SO, ,SHES BZHIN DU ZHES BYA BA NI DNGOS PO'I DE KHO NA NYID KHONG DU CHUD PA BZHIN DU'O, ,'DOD PA NI RTZOL BA'I DUS NA'O, ,BZOD PA NI YONGS SU GYUR PA NA BDE BA 'DREN PA'I PHYIR RO, ,YANG NA 'DOD PA NI YID DANG 'THAD PAS SO,, @278B BZOD PA NI RIGS PAS NGES PAR BRTAGS PAS SO, ,'DI NI CHOS SMRA BA YIN PA ZHES BYA BA NI 'DI NI MA YIN PA KHO NA'O, ,DGE SLONG RAB TU MANG PO DAG CES BYA BA LA SOGS PA LA DGE SLONG RAB TU MANG PO ZHES BYA BA 'DIR MANG PO'I TSIG SMRAS PA NI TSEGS MI CHE STE, BYUNG BA'I DBANG GIS RE LDE RI BA'I DGE SLONG RNAMS KYI DBANG DU MDZAD NAS GSUNGS PA'I PHYIR RO, ,GRONG NI SKYE BA'I TSOGS KYI GNAS PHYIR DANG, NYO TSONG LA SOGS PA DANG BRAL BA'O, ,GRONG RDAL NI NYO TSONG LA SOGS PA YOD PA'O, ,GCIG NAS ZHES BYA BA NI GZHAN DAG LAS CHES KHYAD PAR DU 'PHAGS PA'AM, MING MA BSTAN PA YIN NO; ,NYE BAR BRTEN PA NI DE LA BRTEN NAS CHOS DANG BSOD SNYOMS LA SOGS PA 'GRUB PA'I PHYIR RO, ,GNAS PAR GYUR PA'I NI MNGON PAR DGA' BAS GNAS PAR BYED PA'O, ,KHYIM SUN 'BYIN PA NI BRAM ZE DANG, KHYIM BDAG GI KHYIM BUD MED DANG BCAS PA RNAMS MA DAD PAR BYED PA DAG GO, , DE DAG TU NI RNAM PA GNYIS KYIS SUN 'BYIN PAR 'GYUR TE, BUD MED DANG LHAN CIG KHYIM GCIG DANG MAL CHA DANG STAN GCIG LA 'DUG PA'I PHYIR DANG, SNOD GCIG TU CHAR 'THUNG BA DANG ZAN ZA BA LA SOGS PAS LONGS SPYOD PAR BYED PA LAS SO, ,'BRAS BU'I SGO NAS BSTAN NAS RGYU'I SGO NAS BSTAN PA'I PHYIR, SDIG PA'I CHOS KUN DU SPYOD PA ZHES BYA BA GSUNGS SO, ,SDIG PA'I CHOS NI NYES PAR SPYOD PA SMAD PA'I CHOS TE, SDIG PA CAN GYI LAS ZHES BYA BA'I DON TO, ,GANG DAG DE KUN DU SPYOD CING BYED PA DE DAG LA DE SKAD CES BYA'O, ,GZHAN DAG NA RE KHYIM SUN 'BYIN PA'I GZHIS NYIN RE BZHIN KHA NA MA THO BA 'PHEN PA'I PHYIR RO ZHES ZER RO, ,DE DAG GIS NI BDAG NYID KYANG SDIG PA SPYOD PAS KHYIM BDAG SUN PHYUNG LA GZHAN DAG LA YANG MI SNYAN PA SMRAS PA'I PHYIR SPYOD PA NGAN PAS KHYIM BDAG SUN 'BYIN PA'I PHYIR RO, ,MTHONG PA NI MIG GI RNAM PAR SHES PAS SO, ,THOS PA NI RNA BA'I RNAM PAR SHES PAS SO, ,RAB TU SHES PA NI YID KYI RNAM PAR SHES PAS SO, ,'AM ZHES BYA BA'I SGRA NI TSIG KYAL PA'I PHYIR RAM, LAN CIG MA YIN PAR BYED PA BRJOD PA YIN NO, ,DE LTA BAS NA 'DIS NI MTHONG BA DANG, THOS PA DANG, DOGS PA NYID BSTAN PA YIN NO, ,DGE SLONG RNAMS KYIS ZHES @279A *, ,BYA BA NI SKROD PAR BSKOS PA RNAMS KYIS SO, ,DE SKAD CES BYA BA NI BLO LA GNAS PA'O, ,DE NYID BSTAN PA'I PHYIR, TSE DANG LDAN PA DAG CES BYA BA LA SOGS PA GSUNGS SO, ,KHYED KYIS ZHES BYA BA NI DE LTA BU KHYED KYIS SO, ,KHYED KYIS ZHES BYA BA NI KHYED CAG GIS TE, KHYIM GANG DAG NGAN PAR SPYAD PA MA YIN PA'I GNAS DE DAG KHYED KYIS SUN PHYUNG BAS DE'I PHYIR DENG SHIG CES BYA BA'I THA TSIG GO, ,GNAS PAR ZHES BYA BA NI 'DUG PA'O, ,GNAS 'DI NAS ZHES BYA BA NI GRONG NGAM GRONG RDAL NAS SO, ,DENG SHIG CES BYA BA NI SONG CIG PA STE, DE LTA BAS NA 'DIS NI BSKRAD PAR BYA BA'I LAS BSNYAD DO, , 'DI LTAR ZHES BYA BA NI GANG GI PHYIR RO, ,'DRA BA KHO NA LAS ZHES BYA BA NI DE DANG 'DRA BA LAS SO, ,TSIG GI LAM NI TSIG NYID LAM YIN TE, DE KUN NAS SLONG BAR BYED PA'I SEMS PA DE'I SGO NAS 'JUG PA'I PHYIR RO, ,YANG NA GZHAN DAG NA RE TSIG GI LAM YIN TE, 'DUN PAS 'GRO BA NYID LA SOGS PA'I BSAM PA DE'I SGO NAS TSIG 'JUG PA'I PHYIR RO ZHES ZER RO, ,YANG 'DI NA DGE SLONG ZHES BYA BA LA SOGS PA LA 'DI LA ZHES BYA BA NI BSTAN PA PA'O, ,'GA' ZHES BYA BA'I SGRA NI GROGS MED PA RJOD PAR BYED PA YIN NO, ,BKA' BLO MI BDE BA NYID KYIS RANG BZHIN CAN NI 'DI LA TSIG NGAN PA 'BRAS BU MED PA YOD PAS NA BKA' BLO MI BDE BA STE, NYAN DU MI BTUB PA'O, ,DE'I NGO BO NI BKA' BLO MI BDE BA NYID DO, ,DE LTA BU NI BKA' BLO MI BDE BA NYID KYI RANG BZHIN CAN TE, TSIG MI BZOD PA ZHES BYA BA'I DON TO, ,GDON PAR GTOGS PA NI SO SOR THAR PA'I MDO 'DON PA RNAM PA BZHIR GTOGS PA DAG GO, ,BDE BAR GSHEGS PA'I MDOR GTOGS PA RNAMS KYIS ZHES BYA BA NI SO SOR THAR PA'I MDO RIL DU GTOGS PA RNAMS KYIS SO, ,TSIG GNYIS SMOS PA NI 'DON PA'I DUS NA BKA' BLO MI BDE BAR BYED PA NA YANG NYES PAR 'GYUR LA, GZHAN NA BYED NA YANG 'GYUR RO ZHES BSTAN PA'I PHYIR RO, ,GZHAN DAG NA RE 'DON PAR GTOGS PA NI SO SOR THAR PA'I MDO 'DON PA RNAM PA LNGAR GTOGS PA DAG YIN NO, ,BDE BAR GSHEGS PA'I MDOR GTOGS PA RNAMS KYIS ZHES BYA BA NI BDE BAR GSHEGS PA SANGS RGYAS BCOM LDAN @279B 'DAS RNAMS KYIS MDOR GSUNGS PA MDO SDE'I SDE SNOD GANG YIN PA DER GTOGS PA RNAMS KYIS SO ZHES ZER RO, ,CHOS DANG MTHUN PA NI MTHONG BA DANG, THOS PA DANG, DOGS PAS SO, ,'DUL BA DANG MTHUN PA ZHES BYA BA NI DUS SU DANG, YANG DAG PAR DANG, DON DANG LDAN PAR DNAG, BSHES PA NYID DU STE, ZHE SDANG GI KHYAD PAR GYIS MA YIN NO, ,BRJOD PAR BYA BA MA YIN PAR ZHES BYA BA NI GDAMS NGAG LA SOGS PA'I SNOD MA YIN PAR TE, SMRA BAR BYA BA MA YIN PA NYID DU ZHES BYA BA'I THA TSIG GO, ,JI LTAR BDAG NYID BRJOD PAR BYA BA MA YIN PA NYID DU BYED CE NA, TSE DANG LDAN PA DAG CES BYA BA LA SOGS PA GSUNGS TE, CANG MA SMRA CIG CES BYA BA LA SOGS PAS NI DA LTAR 'DEMS PA 'GOG PAR SMRAS PA YIN NO, ,TSIG GI ZHES BYA BA NI SMRAS PA GANG YIN PA DES CHOG GI KHO BO LA LHAG PA CUNG ZAD KYANG MA SMRA CIG PA'O, ,THOG SHIG CES BYA BA 'DIS NI MA 'ONGS PA 'GOG PAR SMRAS PA YIN NO ZHES BYA BA'I SGRAS NI BKA' BLO MI BDE BA YONGS SU RDZOGS PAR STON TO, ,DE LA DGE SLONG RNAMS KYIS ZHES BYA BA LA SOGS PA LA BRJOD PAR BYA BA NYID LA PHAN YON CI ZHIG YOD CE NA, 'DI LTA STE GCIG LA GCIG CES BYA BA LA SOGS PA GSUNGS TE, 'DI LTA STE ZHES BYA BA 'DI NI 'DI LTAR ZHES BYA BA'AM NYE BAR STON PA'I TSIG YIN NA, ,GCIG LA GCIG BRJOD PA NYID DU BYED PA NI PHAN TSUN GLENG BA'I PHYIR RO, ,GCIG LA GCIG 'DOMS SHING RJES SU STON PA NI PHAN TSUN SLOB PA'I PHYIR RO, ,GCIG LA GCIG LTUNG BA LAS SLONG BA NYID NI PHAN TSUN LTUNG BA SBYONG BA'I PHYIR RO, ,'PHEL BAR GYUR GYI ZHES BYA BA NI DAR BA'AM YANG DAG PA'I 'PHEL BAS RGYAS PAR GYUR PA'O, ,BRJOD PAR BYA BA MA YIN PAR BYED PA'I LAS KYI MTHA' NI GLENG BAR BYA BA MA YIN PAR BYED PA'O, ,LTUNG BA RNAM PAR DBYE BA NI BSLAB PA'I GZHI SNGA MA'I RJES SU 'BRANGS TE CI RIGS PA RNAM PAR BSHAD PAR BYA'O, ,DGE 'DUN GYI DBYEN DANG RJES SU PHYOGS PA DANG, BKA' BLO MI BDE BA'I DGE 'DUN LHAG MA GTAN LA DBAB PA'O,, ,,GZHUNG BLA MA'I TSIG DKA' BA RNAM PAR BSHAD PA'I RIGS PA DANG LDAN PA SLOB DPON MDO SDE 'DZIN PA DGE BA'I BSHES GNYEN GYIS BKOD PA LAS LHAG MA RNAMS RDZOGS SO,, ,, @280A *, ,GCIG PU GCIG DANG ZHES BYA BA LA SOGS PA LA, GCIG DANG GCIG NI GCIG PU GCIG DANG NGO, ,BYA BA GANG LA DE DAG YOD PA DE LA DE SKAD CES BYA BA DE DANG STE, GZHAN MED PA NYID DU ZHES BYA BA'I THA TSIG GO, ,DPEN BA NI SKYE BO 'DU BA DANG PHRAL BA'I PHYOGS SO, , SKYABS YONG PA NA ZHES BYA BA RTZIG PA LA SOGS PAS BSKOR BA NA'O, ,MNGON PAR BYA ZHES BYA BA NI MI TSANGS PAR SPYOD DU'O, ,RUNG BAR BYA ZHES BYA BA NI BTUB PAR RO, ,STAN LAS ZHES BYA BA NI KHRI LA SOGS PA 'DOM GANG KHOR YUG GI NANG NA'O, ,'DUG PAR NI 'KHOD PAR RO, ,BYED CING ZHES BYA BA NI BYED PA LA'O, ,DAG BSNYEN MA NI THAR BA DANG NYE BAR BDE 'GRO 'THOB PA DANG NYE BAR GNAS SHING 'DUG PA'I PHYIR RO, YID CHES PA'I TSIG DANG LDAN PAS ZHES BYA BA NI BDEN PA MTHONG BA NYID KYIS MA 'KHRUL BA'O ZHES RAB TU GRAGS PAS ZHES BYA BA'I THA TSIG GO, ,DON NI 'DI YIN TE, LTUNG BA KHAS LAN PAS LTUNG BA RNAM PAR GZHAG PA NI MED DO, ,'O NA CI YIN ZHE NA, DGE BSNYEN MA'I TSIG LAS TE, DGE BSNYEN MA'I YANG BDEN BA MTHONG BA'I PHYIR BRDZUN MI SMRA'O, ,GANG DANG GANG GIS ZHES BYA BA NI NYES PA SPOM PO LA SOGS PA GZHAN GYIS SO, ,BYED DU GZHUG PA NI SGRUB TU GZHUG PA STE, BSHAGS PA LA SOGS PA BCOS PA BYED DU GZHUG CES BYA BA'I THA TSIG STE, LUNG LAS KHAS LEN PA BZHIN DU 'DI LAS NGES PAR 'GYUR RO ZHES BYA BA 'BYUNG BA'I PHYIR RO, ,MA NGES PA NI LTUNG BA NGES PA MED PAS CHE BZHIS PHYE BA'I SGO NAS PHAS PHAM PA LA SOGS PA RNAM PAR BZHAG PA'I PHYIR MA NGES PA'I NGO BO YIN NO ZHES BYA BA'I THA TSIG GO, ,'DOD PA BYAR MI RUNG NGO ZHES BYA BA NI MI TSANGS PAR SPYAD PA BYAR MI RUNG BA STE, YUL THAG RING PO NA GNAS PA'I PHYIR RO, ,DE'I PHYIR 'DI LA MI TSANGS PAR SPYOD PA'I PHAM PA'I DOGS PA MED PAS DGE 'DUN LHAG MA DANG LTUNG BYED CES BYA BA'I CHOS GNYIS KYIS GLENG BAR BSHAD DO, ,DE SKAD DU YANG CHOS GNYIS PO ZHES BYA BA LA SOGS PA GSUNGS SO, ,BTZUN PA DAG CES BYA BA MANG PO'I TSIG 'DI NI BOD PA YIN NO, ,MTHA' DANG PO NI MI TSANGS PAR SPYOD PA'I PHAM BA STE, DE NI BTZUN PA BZANG SBYIN GYIS BSTAN PA LA PHAM PA 'BYUNG @280B BA'I TSE DANG POR GYUR PAS SO, ,BGYID DU STZAL TAM ZHES BYA BA NI ZHU BA'O, ,BYED DU MI GZHUG GO ZHES BYA BA NI LAN TO, ,DE LA BYED DU GZHUG PA NI CI RIGS PAR BCOS PA BSGRUB TU GZHUG PA STE, DE BZHIN DU 'OG MA DAG LA YANG SHES PAR BYA'O, ,DE LA BYED DU MI GZHUG GO ZHES BYA BA NI ZLA LA RMA BA'I PHYIR RO, ,DE'I NGO BO NYID TSOL DU STZAL BA NI DRAN PA BRJED PA RNAM PAR GZHAG PA'I PHYIR LTUNG BA 'DI'I RIGS NI CI YIN PA LTUNG BA 'DI GANG YIN PA ZHES BYA BA LA SOGS PAS NGO BO NYID DU GZHUG PA'I PHYIR SPONG BA LAS RDZOGS PAR RTOGS PA'I CHAD PA'I LAS BYED DU GZHUG PA GANG YIN PA'O, , MI GZHUG STE ZHES BYA BA NI DA DUNG CHE BZHI RMA BA LA SOGS PA'I CHO GA MA BYAS PA'I PHYIR RO, ,'DI LA NI GANG GI TSE CHE BZHI RMA BA LA SOGS PAS NI NGES PA NYID YIN LA GLENG BAR BYA BA DE NI PHYIR NYES PA NI KHAS MI LEN GYI, BUD MED DANG LHAN CIG 'DUG PA LA SOGS PA NI KHAS LEN NA DE'I TSE 'DI GSUNGS TE; KHAS MI LEN NA 'DE LA DE'I NGO BO NYID TSOL DU GZHUG PA SBYIN PA BYA'O ZHES 'BYUNG BA'I PHYIR RO, ,YOD DAM ZHES BYA BA NI YOD PAR GYU TAM ZHES PA'O, ,MTHUN PA ZHES BYA BA LA NI MTHUN PAR GYUR NA STE, KHA MTHUN NA ZHES GAL TE CI'I PHYIR CIG SHOS LA 'DRI BAR BYA ZHES ZER NA, 'DUL BA 'DZIN PA RNAMS NA RE RMA BA 'DI NGES PA MI G-YO BA RNYED NA 'KHRUL PA MED PAR SHES PAR BYA BA'I PHYIR DANG, MI G-YO BA'I CHOS MA RNYED NA G-YO BA SRID PA SHES PAR BYA BA'I PHYIR TE, SNGAR SDIG PA LA MZHUGS PA MI 'JUG PAS SO ZHES ZER RO, ,GLENG BAR BYED PA DGE BSNYEN MA YID CHES PA'I TSIG DANG LDAN PA DANG, BUD MED CHE BZHIR GYUR PA NI YON TAN PHUL DU BYUNG BA'I DPE'O, ,DE NYID KYI PHYIR BDEN PA MTHONG BA NYID KYANG YIN LA, PHUL DU BYUNG BA NYID KYANG YIN NA SMRA BA PO 'DI KHYIM PA'ANG RUNG YON TAN GYI SGO NAS TSAD MAR BYA'O ZHES BSHAD DO, ,DE'I PHYIR 'DUL BA 'DZIN PA RNAMS NA RI 'DIR LUGS NI BDEN PA MA MTHONG BA RNAM PAS BDEN PA MTHONG BA DANG, YON TAN PHUL DU BYUNG BA MA YIN PAS YON TAN PHUL DU BYUNG BA DANG, GNYI GA BDEN PA MTHONG BA NYID YIN NA BDEN PA MTHONG BA'I YON TAN PHUL DU BYUNG BA TSAD MAR BYA'O ZHES BYA BA 'DI YIN PAR SHES PAR BYA'O ZHES @281A *, ,ZER RO, ,'ON TE ZHES BYA BA LA SOGS BA LA, DE ZHES BYA BA NI DGE BSNYEN MA'O, ,THE TSOM ZA BAR GYUR NA DON DE SHES PA MA YIN TE, 'DI LTAR NGES PA'I SHES PA MA SKYES BA'I PHYIR RO, ,DE BAS NA 'DIS NI DON 'DRA BA SMRA BA'I SGO NAS GLENG BAR BYED PA'AM CHE BZHI GANG LA YANG RUNG BA LA DGE 'DUN THE TSOM DU GYUR BA YIN NO, ,DE NAS DGE 'DUN LA SHES PAR BRJOD PA GANG YIN PA DE MED PA NYID DU SHES PAR BYA STE, DES SHES PA DE LA RTZONG PA RNAM PAR GZHAG PAR MI 'GYUR RO ZHES BYA BA DE BSTAN PAR SHES BAR BYA'O, ,'DI LTAR GANG GI TSE GLENG BAR BYED BA'AM CHE BZHIR DANG BOR 'DI SKAD CES BDAG GIS MTHA' DANG PO 'BYIN BA MTHONG NGO ZHES SMRAS LA, DES KYANG DGE 'DUN DE'I YUL LA 'DI NI PHAM PAR GYUR TO ZHES SNYAM PA'I NGES PA'I SHES PA LAS GANG GI TSE PHYIS BDAG GIS MTHA' GNYIS PA LA SOGS PA 'BYIN PAR MTHONG NGO ZHES SMRA NA, DE'I TSE 'DIS DRAN PA SMRA BA'I SGO NAS GNAS GZHAN DU SBED PAR DGE 'DUN LA THE TSOM SKUL BAR BYED DE, DES NI RTZONG PA LA RNAM PAR GZHAG PA MI 'GRUB BO ZHES BYA BA'I THA TSIG STE, LUGS LA THE TSOM ZAD PAR GYUR NA SHES PA NYID MA YIN NO ZHES 'BYUNG BA'I PHYIR RO, ,RMED DU GZHUG PA NI BDAG LTUNG BA 'BYUNG NGO ZHES SAM, 'O NA TE MA YIN NO ZHES DE LTAR KHAS LEN DU GZHUG PA'I LTUNG BA BCOS BYED DU GZHUG PA NI MA YIN NO, ,'DI LTAR GNAS GZHAN DU SBED BA DANG 'KHRUGS PAR GYUR PA LA NI GLENG BA MI 'CHAGS SO ZHES 'BYUNG BA'I PHYIR 'DRA BA SMRA BA NYID KYIS GNAS GZHAN DU SBED PAS GLENG BA MA CHAGS PA'I PHYIR RO, ,DE BAS NA GLENG BAR BYED PA'AM CHE BZHI LA THE TSOM ZA NA GLENG BAR BYA BA DE NYID NA CI 'DI KHYOD KYIS BYAS SAM 'ON TE MA YIN ZHES DRI BAR BYA'O, ,BDAG LTUNG BA 'BYUNG NGO ZHE 'AM, MA YIN NO ZHES ZER NA THOS PA DANG TSUL KHRIMS DANG TING NGE 'DZIN LA SOGS PA'I YON TAN PHUL DU BYUNG BAS TSANG MA NYID YOD DU ZIN KYANG RTZOD PA DE NYE BAR ZHI BAR BYA STE, 'DI LTAR RTZOD PA DE'I RGYU MTSAN CAN GYI THE TSOM DANG BRAL BA'I PHYIR RO ZHES BYA BA'I THA TSIG STE, GLENGS PAS KHAS BLANGS PA NI MTHAR THUG PA'O ZHES 'BYUNG BA'I PHYIR RO, ,GZHAN LAS NI KHAS @281B LEN PAS BYED DU GZHUG GO ZHES 'BYUNG NGO, ,DE LA DON NI 'DI YIN TE, BDAG NYID KYI KHAS LEN PAS LTUNG BA BCOS PA BYED DU GZHUG GO, ,GLENG BAR BYED PAR MA GTOGS PA'AM CHE BZHIR GTOGS BA'I TSIG GIS MA YIN TE, 'DI LTAR THE TSOM ZA BAR GYUR NA NGES PA MA GRUB BA'I PHYIR RO, , TSUL 'DI NYID NI 'CHAD PAR 'GYUR BA'I GZHUNG 'OG MA DAG LA NI CI RIGS PAR SHES PAR BYA'O, ,GNYIS BA NI MA BYIN PAR LEN BA'I PHAM PA'O, ,GSUM PA NI GSOD PA'I PHAM PA'O, ,BZHI PA NI SMRA BA'I PHAM BA'O, ,SNGO BSANGS MO NI PI YANG KU'I MDOG LTAR SNGO BSANGS SU 'DUG PA'O, ,SDU GU MA NI LUS MDZES BA'O, ,TSON MO NI LUS SBOM PO'O, ,RGYAS PAR BRJOD PAR BYA'O ZHES BYA BA 'DI NI MDOR BSDUS PA'I TSIG GO, ,MTHA' DANG PO'I PHUNG PO NI PHAM PA'I RIS SO, ,MTHUN NA ZHES BYA BA NI KHA MTHUN NA STE, 'DI LTAR GZHI BDEN PA'I PHYIR RO, ,GNYIS PA NI DGE 'DUN LHAG MA'I RIS SO, ,GSUM PA NI LTUNG BYED KYI RIS SO, ,BZHI PA NI SO SOR BSHAGS PA'I RIS SO, ,LNGA PA NI NYES BYAS KYI RIS SO, ,DGE 'DUN LHAG MA DANG PO NI KHU BA 'BYIN PA LAS BYUNG BA'O, ,GNYIS PA NI REG PA LAS BYUNG BA'O, ,GSUM PA NI 'KHRIG PA DANG LDAN PA SMRA BA LAS BYUNG BA'O, , BZHI PA NI BSNYEN BKUR BSNGAGS PA LAS BYUNG BA'O, ,LNGA PA NI SMYAN BYED PA LAS BYUNG BA'O, ,DRUG PA NI KHANG PA LAS BYUNG BA'O, ,BDUN PA NI GTZUG LAG KHANG LAS BYUNG BA'O, ,BRGYAD PA NI GZHI MED PA LAS BYUNG BA'O, ,DGU PA NI BAG TZAM LAS BYUNG BA'O, ,BCU PA NI DGE 'DUN GYI DBYEN LAS BYUNG BA'O, ,BCU GCIG PA NI DE'I RJES SU PHYOGS PA LAS BYUNG BA'O, ,BCU GNYIS PA NI KHYIM SUN 'BYIN PA LAS BYUNG BA'O, ,BCU GSUM PA NI BKA' BLO MI BDE BA LAS BYUNG BA'O, ,BAR LA ZHES BYA BA NI MDOR SDUD PAR BYED PA RNAMS KYIS GZHUNG BAR NA YOD PA 'PHEL BA BSTAN PA YIN NO, ,BRLA PHRAG NI BRLA DAG GI BAR RO, ,RKUB TSOS NI MJUG GI PHYOGS SO, ,SKYO MA NI PHYE DANG MAR DANG, SE'U DANG SHA KHA RA LA SOGS PA LAS BYAS PA'I BTUNG BA NGO, ,BU RAM CHANG NI CHANG GI RIGS SO, ,HVAGS NI BU RAM GYI SBU BAR GYUR PA'O, ,SHA NI SHA NYID DO, ,KHA ZAS NI 'BRAS CHAN LA SOGS PA'O, , @282A *, ,MAR NI ZHUN MAR RO, ,DE LTA BU ZHES BYA BA LA SOGS PA DE LTA BU ZHES BYA BA'I SGRA NI RNAM PA'O, ,MA NGES PA NI GTAN LA MA BAB PA STE THE TSOM ZA BA'I NGO BO ZHES BYA BA'I THA TSIG GO, ,BDEN PA MTHONG BAS NI ZAG PA MED PA'I SHES PAS SDUG BSNGAL DANG, KUN 'BYUNG...DANG, 'GOG PA DANG, LAM RNAMS SHES PA'I PHYIR RO, ,GAL TE NGES PAR GYUR NA, DE'I TSE DE'I TSIG GIS BYED DU GZHUG GO ZHES BYA BA 'PHANGS PAR NI SHUGS KYIS SHES PAR BYA'O, ,MA NGES PA GTAN LA DBAB PA'O, ,GZHUNG BLA MA'I TSIG DKA' BA RNAM PAR BSHANG PA RIGS PA DANG LDAN PA'I SLOB DPON MDO SDE 'DZIN PA DGE BA'I BSHES GNYEN GYIS BKOD PA LAS MA NGES PA DAG RDZOGS SO,, ,,DGE SLONG CHOS GOS ZIN PAS ZHES BYA BA LA SOGS PA NI GANG LA CHOS GOS RNAMS 'THAG PA DANG, BKRU BA DANG, KHA BSGYUR BA DANG, DRUB PA LA SOGS PAS RANG GIR BSGRUB BA'I SGO NAS ZIN CING GRUB PA YOD PA DE LA DE SKAD CES BYA STE, CHOS GOS MA ZIN PA LA NI ZLA BAR BRJOD PAR CHAD PAR 'GYUR BAS KHYAD PAR 'DI DPYAD DO, ,SRA BRKYANG PHYUNG NAS ZHES BYA BA LA, SRA BRKYANG NI RE ZHIG BAG 'KHRUMS PA MED PAR BYED PA NYID KYIS DGE SLONG RNAMS NYAMS BAG TU BYA BA'I PHYIR BSHAD PA YIN NO, ,SRA BRKYANG DAD 'DRA BAS NA SRA BRKYANG STE MTSUNGS PA'I PHYIR RO, ,'DI LTAR CHOS GOS 'GRUB PA LAS KHA KUM MED PAR BYA BA'I PHYIR SHING LAS BYAS PA 'AM, SMYUG MA LAS BYAS PA'I SRA BRKYANG GRU BZHI PA LA LEB LEB PO ZHIG DGOS SO, ,DE DANG 'DRA BAR GSOL BA DANG GNYIS KYIS SRA BRKYANG ZHES BYA BA'I CHOS GOS BTING BA NI DGE 'DUN BYA BA GCIG PA DANG, RO GCIG PA DANG RNYED PA MTSUNGS PA LA SOGS PA GRUB PA'I SGO NAS NYAMS PA THAG PA'I RGYU MTSAN YIN NO ZHES BSHAD DO, ,'DI LTAR SRA BRKYANG BTING BA LA BCOM LDAN 'DAS KYIS PHAN YON BCU BO ZHAG BCU PO'I BAR MED PA DANG, MTSAN MO 'BRAL BA MED PA DANG, ZLA BA'I BAR MED PA DANG, BLA GOS DAD MTHONG GOS DANG BCAS TE LJONGS RGYU ZHING 'GRO BA DANG, TSOGS SHING ZA BA MED PA DANG, YANG ZA BA MED PA DANG, KHYIM BDAG TU MA SBRAN PAR RGYU BA DANG, JI TZAM 'DOD PAS CHOS GOS RNAMS TSOL BA @282B BA DANG, JI TZAM 'DOD PAS MA RUNG BAR BYAS PA'I CHOS GOS 'CHANG BA DANG, DBYAR ZLA BA NAS STON ZLA'I BAR 'DI RNYED PAS SRA BRKYANG BTING BA RNAMS KYI YIN NO ZHES BYA BA GSUNGS SO, ,DE 'BYIN PA NI BDAG NYID DAM LAS KYIS 'GYUR TE, DE PHYUNG BA BYAS PA NI PHAN YON RNAMS KYANG LDOG GO, ,DE BAS NA 'DI NI GOS KYANG BDOG LA SRA BRKYANG YANG MA PHYUNG NA STON ZLA 'BRING PO NAS DBYID ZLA RA BA'I BAR DU ZLA BA SNGA MA BYAS PA'I CHOS GOS RNAMS 'CHANG BA LA LTUNG BA MED DO, ,SRA BRKYANG YANG BYUNG LA CHOS GOS RNAMS KYANG BDOG NA NI ZHAG BCU 'DAS NA LTUNG BA 'DIR 'GYUR RO ZHES BSTAN PAR SHES PAR BYA'O, ,ZHAG BCU'I BAR DU ZHES BYA BA LA, ZHAG BCU NI ZHAG BCU'I TSOGS SO, ,CHOS GOS GANG LA 'CHANG BA'I DUS DE'I BAR DE MTHAR THUG PA YOD PA DE LA DE SKAD CES BYA STE, ZHAG BCU NA ZHES BYA BA'I THA TSIG GO, ,GOS LHAG PA NI BYIN GYIS BRLABS PA'I CHOS GOS LAS LHAG PA'I GOS GANG YANG MED DO, ,RUNG BAR MA BYAS PA'I ZHES BYA BA LA RUNG BA'I MKHAN PO LA SOGS PA'I YID GCUGS PAS SNGAGS SNGON DU 'GRO BA CAN GYIS NGES PAR BYAS PA STE, GZHAN DBANG BA NYID DU RNAM PAR BSAMS PA ZHES BYA BA'I THA TSIG GO, ,GANG LA DE MA BYAS PA DE NI RUNG BAR MA BYAS PA ZHES SO; ,'DAS PAR ZHES BYA BA NI 'OG ROL ZHAG BCU GCIG LA SOGS PAR ZHES BYA BA'I THA TSIG GO, ,SPANG BA'I LTUNG BYED DO ZHES BYA BA LA SOGS PA LA, SPANG BA NI NOR GTANG BA STE, RANG GIR BYED PA STE YOD PA BSAM PA THAG PA NAS 'DOR BA'O, ,DES DAG PAR 'GYUR BAS NA SPANG BA STE, DES NA 'DI NI SPANG BA YANG YIN LA LTUNG BYED KYANG YIN PAS SPANG BA'I LTUNG BYED DE, SPANG BAS SBYANG BAR BYA BA'I LTUNG BYED CES BYA BA'I THA TSIG GO, ,GZHAN DAG NA RE SPANG DGOS PA NI SPANG BA STE, CHOS GOS LA SOGS PA SPANG BAR 'OS PA'I DNGOS PO'O, ,DE LAS BYUNG BA'I LTUNG BYED NI SPANG BA'I LTUNG BYED DA DNGOS PO GTANG BAS SBYANG BAR BYA BA LTUNG BA GANG YIN PA'O ZHES BYA BA'I THA TSIG GO, ,DGUNG BCU 'DAS PA ZHES BYA BA 'DIS NI ZHAG BCU'I SPANG BA BSHAD DO, ,DGUNG GCIG BRAL BA ZHES BYA BA 'DIS NI BRAL BA'I SPANG BA BSHAD DO, ,'DI LTAR ZHES BYA BA NI 'DI LTA STE ZHES BYA BA STE, @283A *, ,BYUNG BA MED PA 'DI YANG SRID DO ZHES BYA BA'I THA TSIG GO, ,SKYA RENGS 'CHAR BAR BYED CES BYA BA LA, GTZO BO YIN PA'I PHYIR SHAR PHYOGS NAS NYI MA'I MGO RTZOM PAR GYUR PA SKYA RENGS DANG PO GSAL BA'I NGO BO 'CHAR ZHING BYUNG GI BAR DU LDOG PA STE, DUS DE SRID 'DA' BAR BYED NA ZHES BYA BA'I DON TO, ,DE LTA BAS NA 'DIS NI ZHAG BCU 'DAS PA'I CHOS GOS KYIS 'BRAL BA'I SPANG BA SLONG BAR BSHAD DO, ,'DI LTAR BYIN GYIS MA BRLABS PA'I CHOS GOS NI 'BRAL BA'I LTUNG BA MI SLONG NGO, ,BYIN GYIS BRLABS PA NI DGOS PA LA RNAM PAR NGES PAR SBYOR BA YIN NA SPANG BA LA DGOS PA RNAM PAR NGES PAR SBYAR DU MI RUNG BA NI MED DE, ,NYAMS PAR GYUR PA NI BRJOD PA DANG LTUNG BA DANG, MI SNANG BA LA SOGS PAS MTHONG BA'I LAM LAS 'DAS PA'O, ,'BA' ZHIG PA NI SPANG BAR BYA BA'I NOR MED PA'I PHYIR TE, 'DI LTAR SPANG BA'I NOR DANG BRAL BA'I PHYIR SPONG BAR BYED NA NOR MED PA KHO NAS KYANG SPANG BA'I NOR DANG BRAL BA GRUB PA'I PHYIR RO, ,'DIR 'BA' ZHIG PA'I LTUNG BA BSHAGS PAR BYA'O ZHES GSUNGS PAS NI SPANG BA'I NOR MED PA NYID DU BSHAD PA YIN NO, ,DE LTA MA YIN NA SPANG BAR MA BYAS PA'I PHYIR JI LTAR LTUNG BA BSHAGS PA LEGS PAR BYAS PAR 'GYUR RO, , GAL TE LTUNG BA BSHAGS LAGS NAS SLAR RNYED NA SPANG BAR BGYI 'AM, NYE BA 'KHOR MA YIN NO ZHES BYA BA 'DIS NI NYAMS PA'I DUS NYID NA RANG NYID YIN PA DANG BRAL BAR 'GYUR BA LAS KYANG PHYIR RNYED PA NI SNGON MED PA'I GOS SHIG RNYED PA DANG 'DRA BAS SPANG BAR 'OS PA NYID MED DO SNYAM DU DGONGS PA YIN NO, ,ZHUS PA LA LA LAS NI, 'DI BTZUN PA DGE SLONG GIS CHOS GOS SPANG BA NYAMS PAR GYUR NA LTUNG BA BSHAGS PAR BGYI'AM, 'BA' ZHIG PA'I BSHAGS PAR BYA'O ZHES GZHAN DU 'BYUNG STE, DER DON NI 'DI KHO NAR ZAD DE 'ON KYANG TSIG 'BRU THA DAD PA NYID YIN NO, ,LHAG MA NI GAL TE LTUNG BA BSHAGS NAS SLAR RNYED NA ZHES BYA BA LA SOGS PA 'BYUNG BA YOD DO, ,DUM BU NI DAM DUM DAG GO, ,'BA' ZHIG PA'I LTUNG BA BSHAGS PAR BYA BA NI GOS YONGS SU RDZOGS PA MED PA'I PHYIR TE, 'DI LTAR GOS LA SPANG BA'I LTUNG BA BCAS NA CHOS GOS KYI TSAD MED PA'I @283B PHYIR DUM BU RNAMS LA NI GOS NYID MED DO, ,SPANG BA RNAMS KYI NANG NA KUN NAS MTHO GANG BA'I GOS GANG YIN PA NI PHYI MA MED PA YIN NO ZHES 'BYUNG BA'I PHYIR RO, ,'ON TE ZHES BYA BA NI RNAM PAR RTOG PA'O, ,KUN NAS KHRU GANG BA ZHES BYA BA LA KHRU NI LAG PA'O, ,DES NA GAL TE GOS KUN NAS KHRU GANG BA'I TSAD CIG YIN NA DE NI SPANG BAR 'OS PA'I PHYIR TE, SPANG BAR BYA'O, ,ZHUS PA'I GZHUNG LA LA LAS NI, BTZUN PA DGE SLONG GIS CHOS GOS SPANG BA TSIG GAM SROG CHAGS DAG GAM SRIL DAG GIS 'TSAL BAR GYUR NA DE LA LHAG ROL DAM DUM GANG DAG MCHIS PA DE DAG SPANG BAR BGYI 'AM, NYE BA 'KHOR MA YIN TE, 'BA' ZHIG PA'I LTUNG BA BSHAGS PAR BYA'O, ,BYIN GYIS BRLAB PAR BGYI 'AM, NYE BA 'KHOR MA YIN TE DE NYID DE DAG BYIN GYIS BRLABS PA YIN NO ZHES GZHAN DU 'BYUNG NGO, ,DE LA DON NI 'DI YIN TE 'TSAL BA ZHES BYA BA NI ZOS PA'O, ,GANG GIS ZOS SHE NA, SROG CHAGS DAG GAM ZHES BYA BA LA SOGS PA GSUNGS TE, SROG CHAGS NI GOS ZA BAR BYED PA BA DANG BE'U RNAMS SO, ,SRIL NI SRIN BU DAG GO, ,DAM DU MA NI CHUNG DU DAG PAS KYANG CHUNG BA STE, KUN NAS MTHO GANG DU MI CHOG PA RNAMS SO ZHES BYA BA'I THA TSIG GO, ,DE NYID DE BYIN GYIS RLOB PA YIN PA NI RANG GI YIN PA DANG MA BRAL BA'I PHYIR TE, 'DI LTAR DAM DUM DU GYUR PAS RANG GI YIN PAR MED PAR MI 'GYUR LA, BYIN GYIS RLOB PA YANG RANG GI YIN PA LA BRTEN PAS 'DI SHES PAR BYA'O, ,RNYED NAS DGUNG LNGA LON PA DANG ZHES BYA BA NI RNYED NAS ZHAG LNGA LON PA DANG NGO, ,SEMS 'KHRUGS PA NI LAS DANG, SKRAG PA DANG, GNOD PA DANG, MA SNYOMS PA DANG, MYA NGAN DAG GIS SO, ,GANG NAS BZUNG STE ZHES BYA BA LA SOGS PA NI RANG BZHIN LAS NYAMS NA SNGON GYI NGO BO DANG KHYAD PAR YOD PA'I NGO BO GZHAN LTA BU ZHIG 'BYUNG BAS 'DI SHES PAR BYA'O,, BYIN GYIS MA BRLABS PA NI RANG GI NYID YIN PAR RNAM PAR NGES PAR MA BYAS PA'O, ,NYIN RE ZHING ZHES BYA BA LA SOGS PA BYUNG STE ZHES BYA BA NI RANG GI YIN PAR BYIN GYIS BRLABS PAR BYAS PA SPANGS TE'O, ,'DI LA CHOS GOS BRGYAD DAM DGU'I NANG NAS RE ZHIG NYI MA GCIG LA GOS GSUM @284A *, ,ZHIG BYIN GYIS BRLABS NAS MTSAN MO 'DAS PAR BYAS TE YANG NYI MA GNYIS PA LA CHOS GOS DE GSUM LAS PHYUNG NA, DE'I CHOS GOS LHAG MA RNAMS RUNG BA MA BYAS PAR 'DUG PA NYID DO, ,'ON KYANG NYI MA GNYIS PA LA RUNG BAR MA BYAS PA'I CHOS GOS DE DAG GI NANG NAS CHOS GOS GSUM ZHIG BYIN GYIS BRLABS NA SNGAR BYIN GYIS BRLABS TE PHYUNG BA'I CHOS GOS GANG DAG YIN PA DANG, RUNG BAR MA BYAS PA GANG DAG YIN PA DE DAG THAMS CAD RUNG BAR MA BYAS PA NYID YIN NO, ,DE LTAR NA TSUL 'DIS 'DI'I CHOS GOS BYIN GYIS BRLABS PA'I CHOS GOS DAG GI LHAG MA RNAMS NI RUNG BAR MA BYAS PA YANG YIN LA RNAM GRANGS KYIS MA BRLABS PA YANG YIN NO, ,SPUN NI GANG GIS NA GOS 'THAG PAR BYED PA'O, ,RGYU NI SKUD PA CHUR BRES PA'I NGO BO ZHES BYA BA'I THA TSIG GO, ,THAGS SU MA BTAGS PA'I RGYU SPUN GYIS MA BTAGS PA GANG YIN PA STE, DPAG BSAM GYI GOS ZHES BYA BA'I THA TSIG GO, ,RIN PO CHE NI K'AR sh'A PA nA NYI SHU LA SOGS PA RI BA'O, ,LTUNG BA MED CES BYA BA'I CHOS GOS RIN PO CHE 'CHANG BA'I LTUNG BA MA BSTAN PA'I PHYIR TE, MYA NGAN LAS 'DAS PA'I BSAM PAS RAB TU BYUNG ZHING TSUL KHRIMS DANG LDAN PA LA NI GOS BRGYA STONG RI BA YANG 'OS SO ZHES 'BYUNG BAS KHYAD PAR DU GNANG BA'I PHYIR RO, ,LTUNG BAR 'GYUR RO ZHES BYA BA NI SPANG BA'I LTUNG BYED DU STE, 'DI LTAR DGE SLONG MA RNAMS LA GOS RIN PO CHE 'CHANG NA SPANG BA'I LTUNG BYED DU BSTA PA'I PHYIR RO, ,ZHAG BCU LA ZHAG BCUR 'DU SHES PA LA SPANG BA'I LTUNG BYED UD GSUNGS PA NI SBYOR BA YOD PA'I PHYIR DANG, BSAMS PA'I DON GRUB PA'I PHYIR RO, ,ZHAG BCU LA ZHAG BCU MA YIN PAR 'DU SHES PA LA LTUNG PA MED PAR GSUNGS PA NI SBYOR BA MED PA'I PHYIR TE, ZHAG BCUR 'DU SHES TE 'JUG PA NI SBYOR BA YIN LA ZHAG BCU MA YIN PA LA SHES PAS NI MA YIN TE, SBYAR BA LA NI 'DU SHES YAN LAG YIN NA DE YANG DE LA MED PA'I PHYIR RO, ,DNGOS GZHI LA NI LTUNG BA MED DE BSAMS PA'I DON MA GRUB PA'I PHYIR RO, ,ZHAG BCU MA YIN PA LA ZHAG BCUR 'DU SHES PA LA NYES BYAS SU GSUNGS PA NI SBYOR BA YOD PA'I PHYIR TE, ZHAG BCU MA YIN PA LA ZHAG BCUR 'DU @284B SHES PAS 'JUG PA NI SBYOR BA YIN LA DE YANG DE LA YOD PAS SO, ,DGUNG BCU MA LAGS PA LA DGUNG BCUR LAGS PAR 'DU SHES NA ZHES BYA BA LA SOGS PAS LTUNG BA MED PAR GSUNGS PA NI BSAMS PA'I DON MA GRUB PA'I PHYIR DANG, SBYOR BA MED PA'I PHYIR TE, DE BZHI TSAN 'OG MA DAG LA'ANG CI RIGS PAR SHES PAR BYA'O, ,'DI LA LTUNG BA MED PAR 'GYUR RO ZHES BYA BA'I TSIG LHAG MA YIN NO, ,SPANG PA NI LTUNG BA BSHAGS PA'I DUS MI LTA BAR BSAM PA THAG PA NAS RANG BZHIN DU GNAS PA'I DGE SLONG LA YONGS SU GTONG BA'O, ,BRAL BA LA NI BAR BAR DU CHAD PAR BYED PA STE, CHOS GOS DE MED PAR NUB GCIG 'DA' BA ZHES BYA BA'I THA TSIG GO, ,CHOS GOS GZHAN ZHIG RNYED NA'O ZHES BYA BA'I CHOS GOS SNGA MA SPANG BAS BSNGAGS PA'I DBANG GIS CHOS GOS PHI MA GZHAN YANG SPANG BAR 'GYUR RO SNYAM DU DGONGS PA YIN NO, ,DGE SLOB MA ZHES BYA BA LA SOGS PAS LTUNG BA MED BAR GSUNGS PA NI DGE SLOB MA LA SOGS PA LA 'CHANG BA'I BSLAB PA'I GZHI RNAM PAR MA BZHAG PA'I PHYIR RO, ,MDOR BSDUS PA NI 'DI YIN TE, CHOS GSO DANG LTUNG BZED LHAG PA 'CHANG PA DANG, 'BRAL BA DANG, ME LA REG PA DANG, BZLOG PA ZA BA DANG, SA BON 'JOMS PA DANG, RTZVA SNGON DANG BCAS PA'I PHYOGS SU MI GTZANG BA DOR BA DANG, SHING LA 'DZEG PA DANG ZHES BYA BA BSLAB PA'I GZHI 'DI BRGYAD NI DGE SLOB MA LA MA GSUNGS SO, ,DGE TSUL DANG DGE TSUL MA DAG LA NI DE RNAMS KYANG MA GSUNGS LA, DE BZHIN DU RIN PO CHE LA REG PA DANG, 'DUS SHING ZA BA DANG, BYIN LEN MA BYAS PAR ZA BA DANG, SA RKO BA DANG, SHING LA 'DZEG PA ZHES BYA BA YANG MA GSUNGS TE, DE LTAR NA 'DI LTAR BSLAB PA'I GZHI BCU GSUM PO 'DI RNAMS MA SMOS SO, ,LHAG MA RNAMS NI CI RIGS PAR SHES PAR BYA STE, TSIG MNGAS PAS YANG BSHAD PAR MI BYA'O, ,ZHUS PA LA LA LAS 'DI SKAD DU, DGE SLONG GI CHOS GOS 'DI NYID DGUNG BCU 'DAS PA YANG LAGS LA, DE NYID DGUNG GCIG BRAL BA YANG LAGS PA LTA MCHIS SAM, YOD DE 'DI LTAR CHOS GOS BDOG PA'I RGYUN MA CHAD PAS ZHAG BCU PA LA CHOS GOS SHIG RNYED LA, DE CHOS @285A *, ,GOS BYIN GYIS BRLABS NAS CHOS GOS DE MED PAR MTSAMS KYI PHYI ROL DU SKYA RENGS 'DA' BAR BYED NA CHOS GOS 'DI NYID ZHAG BCU 'DAS PA YANG YIN LA, DE NYID ZHAG BCU BRAL BA YANG YIN NO ZHES 'BYUNG NGO, ,DE LA DON NI 'DI YIN TE, CHOS GOS BDOG PA RGYUN MA CHAD PAR ZHES BYA BYA BA NI, CHOS GOS LA RANG GIR BYED PA RJES SU 'JUG PA GANG YIN PA STE, RANG GI YIN PA'I RGYUN DANG MA BRAL BA ZHES BYA BA'I THA TSIG GO, ,DE RGYUN MA CHAD CING MA BRAL BAR CHOS GOS SHIG RNYED NA STE, GZHAN ZHIG CES BYA BA'I THA TSIG KHO NAR DRANG NGO, ,DES BYIN GYIS BRLABS NAS ZHES BYA BA NI DE'I CHOS GOS PHYIS RNYED PA GANG YIN PA STE, STOD G-YOGS LA SOGS PA NYID DU YID KYIS SBYOR BA'I MTSAN NYID KYIS SLOB PAS BYIN GYIS BRLABS NAS SO, ,CHOS GOS 'DI NI ZHAG BCU 'DAS PA YIN LA ZHES BYA BA LA SOGS PA NI, 'DI'I CHOS GOS BYIN GYIS MA BRLABS PA'I GZHAN BYIN GYIS BRLABS PA'I SNGON ROL DU RANG GIS BYAS PA'I KHRI NI BYAS PA'I GANG YIN PA DE NAS BZUNG STE, ZHAG BCU RJES SU 'JUG PA'I RANG GI YIN PAR BYIN GYIS BRLABS PA'I CHOS GOS KYI YUL CAN YOD NA, ZHAG BCU GNYIS 'DAS PA YIN PAR SHES PAR BYA'I CHOS GOS BYIN GYIS BRLABS PA'I KHRI NAS BZUNG STE MA YIN NO, ,'DI LTAR 'DIR NI DE'I TSE RANG GIR BYED PA NYES PA BYED PA YIN GYI 'DI NI MA YIN GYI, DE NI BYIN GYIS BRLABS PA MED PA'I PHYIR RO, ,DE LTA BAS NA DE'I TSE RANG GIR BYED PA'I DUS NYID KYIS 'DIR LTUNG BA SLONG GI ,'DI'I TSE BAS NI MA YIN NO ZHES BYA BA'I DONTO, ,DE NYID ZHAG GCIG BRAL BA YANG YIN PA NI BLA GOS LA SOGS PA NYDI DU BYIN GYIS BRLABS NAS DE'I MTSAMS KYI NANG DU BZHAG STE, MTSAMS KYI PHYI ROL DU SKYA RENGS 'DA' BA'I PHYIR RO, ,ZHUS PA LA LA LAS NI GZHAN YANG, DGE SLONG GIS CHOS GOS GANG GI GDUGS KHO NA LA RNYED PA DE'I GDUGS KHO NA LA SPONG BAR 'GYUR BA LTA MCHIS LAGS SAM, DE LTA YIN TE RGYUN CHAGS PAR GYUR CING SPANG BA GZHAN YOD BZHIN DU RNYED PA DANG, LTUNG BA MA BSHAGS PA'AM, CHOS GOS BYIN GYIS BRLABS PA GSUM DANG ZHAG GCIG BRAL BA NA, RNYED PA NI SPANG BAR 'GYUR RO, ,DE LA DON NI 'DI YIN TE, DE LTAR @285B ZHES BYA BA 'DIS NI ZHUS PA'I LAN YIN NO, ,RGYUN CHAGS PA NI GYUR CING SPANG BA GZHAN GANG YIN PA STE, DE LTAR MA YIN NO, ,SPANG BA GZHAN PA YOD BZHIN DU RNYED PA NI SNGA MA'I BSNGAGS PA'I DBANG GIS 'DIR SPANG BAR BYA BA NYID YIN NO, ,LTUNG BA MA BSHAGS PAR ZHES BYA BA NI SPANG BA'I LTUNG BA BCOS PAR MA BYAS PA'O, ,CHOS GOS BYIN GYIS BRLABS BA GSUM DANG BRAL BA NA RNYED PA NI SNAM SBYAR DANG, BLA GOS DANG MTHANG GOS GSUM DANG BRAL BA'I SPANG BA BYUNG NA'O, ,'CHANG BA'I SPANG BA GTAN LA DBAB PA'O,, ,,NUB GCIG NI NYIN ZHAG GCIG GO, ,KYANG ZHES BYA BA NI GNYIS PA LA SOGS PA YANG NGO, ,GSUM LAS ZHES BYA BA NI SNAM SBYAR DANG BLA GOS DANG MTHANG GOS BYIN GYIS BRLABS PA RNAMS SO, ,GANG YANG RUNG BA DANG ZHES GANG YANG RUNG BA SMOS PA NI SPYI'I NGO BO DGAG PA'I PHYIR RO, ,MTSAMS KYI PHYI ROL DU 'BRAL BAR BYED NA ZHES BYA BA GNAS GANG LA CHOS GOS 'DUG PA DE NAS CHOS GOS BOR TE GZHAN DU SKYA RENGS 'CHA RA BAR BYED PA'I PHYIR RO, ,DGE 'DUN GYI GNANG BA MA GTOGS PAR NI DGE 'DUN GYI KHRIMS SU BCA' BA MA GTOGS PA GZHAN LA LTUNG BA 'DIR 'GYUR RO ZHES BYA BA'I THA TSIG GO, ,DPER NA 'PHAGS PA 'OD SRUNGS CHEN PO DANG, SH'A RI'I BU RGAS SHING NAD BU CAN DU GYUR PA DAG GI PHYIR DGE 'DUN GYI RNAM SBYAR LCI BA NYID DANG MI 'BRAL BA'I SBYOR BA 'BYIN PA LTA BU'O, ,DE LTA BU'I RKYEN NI TSEM RKUN PAS PHROGS PA LA SOGS PA'I RKYEN YOD NA BYIN GYIS BRLABS PA'I CHOS GOS DANG BRAL BA'I SKYA RENGS 'CHAR BA'I NYES PA YONGS SU SPONG BA'I BDAG NYID KYI RGYU'O, ,BTZUN PA RE ZHIG DGE SLONG GIS ZHES BYA BA LA SOGS PA 'DI'I DON NI 'DI YIN TE, DGE 'DUN NI GANG ZAG RNAM PAR CHAD PA'I BDAG NYID DANG GANG ZAG RNAM PAR MA CHAD PA'I BDAG NYID DANG RNAM PA GNYIS SO, ,DE LA RE ZHIG GANG ZAG RNAM PAR CHAD PA'I BDAG NYID KYI DGE 'DUN GYI NOR LA NI 'CHANG BA DANG, 'BRAL BA DANG, 'JOG PA'I RGYU CAN GYI SPANG BA'I LTUNG BA RNAMS KYANG SLONG BAR 'GYUR LA, LTUNG BYED 'BA' ZHIG PA RNAMS KYANG SLONG BAR 'GYUR RO, ,'DI LTAR GANG ZAG RNAM PAR MA CHAD PA'I BDAG NYID KYI DGE 'DUN DU @286A *, ,GTOGS PA'I GANG ZAG DE DAG THAMS CAD NOR DE LA GANG ZAG RE RE ZHIG BDAG GIR BYED PA'I GNAS SO, ,GANG ZAG RNAM PAR MA CHAD PA'I DGE 'DUN GYI LA NI 'GA' YANG RANG GIR BYED PA MED PA NYID DE DE'I PHYIR 'CHANG PA DANG, 'JOG PA'I RGYU MTSAN CAN GYI SPANG BA'I LTUNG BYED DAG DANG 'BRAL BA'I RGYU MTSAN CAN YANG MI SRID DO, ,GAL TE 'BRAL BA'I RGYU MTSAN CAN CI LTAR MI SRID CE NA, GANG ZAG RNAM PAR MA CHAD PA'I BDAG NYID KYI DGE 'DUN GYI DE LA BYIN GYIS RLOB PA MI SRID LA BYIN GYIS MA BRLABS PA DANG 'BRAL BA'I NYES PA DANG MI LDAN TE, GANG ZAG RNAM PAR MA CHAD PA'I BDAG NYID KYIS DGE 'DUN GYI CHOS GOS LA GANG ZAG GCIG CIG GIS BYIN GYIS BRLABS PA NYID YIN NA 'BRAL BAR 'GYUR NA 'BA' ZHIG TU ZAD KYI SPANG BA NI MA YIN NO, ,GAL TE YANG JI LTAR 'DIR SPANG BA NYID DU MI 'GYUR ZHE NA, 'BRAL BA NI RANG GIR BYED PA 'DOR BA LA BYA LA, DE YANG RANG GI YIN PA DAM PA NYID DU MNGON PAR ZHEN PA LAS BSKYOD PA'I DON DU BYED KYANG GANG LA RANG GE YIN PA DAM PO NYID DU MNGON BAR ZHEN PA MED PA DE LA NI SPANG BA'I NGO BO NYID KYI BRAL BA MI DGOS PA NYID BAS 'DI LA SPANG BA NYID MED DO, ,'DI NI 'DUL BA 'DZIN PA GZHAN DAG MI 'DOD DO, ,'DI LTAR RNAM PAR CHAD PA'I DGE 'DUN GYI YANG RUNG, RNAM PAR MA CHAD PA'I DGE 'DUN GYI YANG RUNG STE, SHAS TZAM ZHIG DBANG GI PHYIR LA, SHAS TZAM LA NI RANG GIR BYED PA 'BYUNG GI THAMS CAD LA NI MA YIN NO, ,SHAS TZAM LA RANG GIR BYED PA LA LHAG MA RNAMS KYANG LTUNG BA SLONG BAR RUNG BA MA YIN NO, ,DE LA RANG GIR BYED PA MED PA'I PHYIR RO, ,DE TZAM KHO NAS KYANG MA YIN TE, RNAM PAR MA CHAD PA NYID KYIS RANG GIR BYED PA KHYAD PAR MED PAR 'BYUNG BAS DGE 'DUN GYIS NI GNYI GA LAS KYANG SPANG BA NYID DU MI 'GYUR RO, ,DGE 'DUN GYIS BSKYIS PA 'AM GZHAN DU 'ANG RUNG BA CI ZHIG LTAR DUS RE ZHIG PA NYID DU BDAG GIR BYAS NAS 'CHANG NGAM, 'JOG PA 'AM, BYIN GYIS RLOB PA GANG YIN PA DE LA NI THAMS CAD DU DUS RE ZHIG PA'I RANG GER BYED PA'I PHYIR DE LAS NI LTUNG BA NI LDANG BAR 'GYUR RO, ,DE LTA BAS NA RNAM PAR CHAD PA'I DGE 'DUN GYI'ANG RUNG, ,RNAM PAR MA CHAD PA'I DGE @286B 'DUN GYI'ANG RUD, GCIG GIS RANG GIR BYAS NAS 'CHANG BA SPANG BAR GYUR NA YOD DO, ,'DIR NI DGE 'DUN GYI CHOS GOS BYIN GYIS BRLABS NAS MTSAMS KYI PHYI ROL DU 'GRO NA ZHES 'PHAGS PA NYE BA 'KHOR GYIS DGE 'DUN GYI CHOS GOS LA SPYIR RTEN PA YIN LA, BCOM LDAN 'DAS KYIS KYANG CHOS GOS DANG 'BRAL BA ZHES BYA'O ZHES SPYIR LAN GDAB PAR MDZAD PA YIN NO, ,DGE 'DUN GYI ZHES SMOS PA NI JI LTAR CHOS GOS DANG BRAL BA ZHES BYA'O ZHES CHOS GOS DANG BRAL BA SMOS PA 'CHANG BA LA SOGS PA'I DPE YIN BA LTAR GZHAN GYI GOS GZHAN DAG GI YANG DPE YANG YIN NO, ,DE LTAR GYI NI GZHAN GYI YIN PA'I PHYIR TE, DUS RE ZHIG PA NYID KYIS RANG GIR BYED PA MI DAM PA'I PHYIR DANG, SPANG BA YANG RANG GIR BYED PA DAM PO GCAD PA'I DON DU BYED PA'I PHYIR RO, ,'DI NI THAMS CAD DU 'DRA BAS DGE 'DUN GYI ZHES SMOS PA 'DI NI GZHAN GYI THAMS CAD SMOS PA NYID DU SHES PAR BYA'O, , MNAN PA NI RKANG PA GNYIS SO, ,GZUNG BA NI SHING LA SOGS PA'O, ,'GRENG BA NI LANGS PA'O, ,MCHIS PA NI 'GRO BA LA SOGS PA'O, ,MTSAMS KYI BAR NI MTSAMS DAG GI BAR RO, ,MTSAMS KYI NANG NA MCHIS LA ZHES BYA BA LA SOGS PA LA, MTSAMS GCAD PAR BYAS LA ZHES BYA BA NI DPAG TSAD PHYED DANG GSUM PA LA THUG PA'I MTSAMS GSOL BA DANG GNYIS KYI LAS KYIS RANG GIR BYAS PA'O, ,CHOS GOS DANG MI MTHUN PA'I SDOM PA MA PHYIN NA'O ZHES BYAS PA NI LOGS SHIG NA GNAS PA DANG CHOS GOS RNAMS DANG 'BRAL BA SPANG BAR BYED PA'I PHYIR, DE LA DGE 'DUN GYIS NGES PA MA BYIN NA'O, ,DE LA MTSAMS GCAD PA BYAS BA LA NI DPAG TSAD PHYED DANG GSUM PA'I MTHAR THUG PA'I MTSAMS KYI NANG DANG LDAN BA NYID DU 'GYUR RO, ,MTSAMS KYI NANG DANG LDAN PA NYID LA NI CHOS GOS RNAMS DANG MI 'BRAL BA'I SDOM PA SBYIN TE, 'DIR SDOM PA BYIN NA CHOS GOS RNAMS DANG MI 'BRAL LO ZHES 'BYUNG BA'I PHYIR RO, ,MI 'BRAL BA'I SDOM PA 'DI NI RGAS PA DANG NAD BU CAN GYI CHED DU SBYIN PA MA YIN GYI, 'ON KYANG SPYIR TE 'DI LTAR DGE SLONG DER KHYER BAS SKYO BAR GYUR PA DANG ZHES BYA BA NAS BCOM LDAN 'DAS KYIS BKA' STZAL PA, DE LTA BAS NA DGE SLONG RNAMS LA CHOS GOS @287A *, ,DAG DANG MI 'BRAL PA'I SDOM PA SBYIN PAS RJES SU GNANG NGO ZHES BYA BA'I BAR DU 'BYUNG BA'I PHYIR RO, ,DES NA MTSAMS GCAD PA BYAS NAS DPAG TSAD PHYED DANG GSUM PA'I MTHAR THUG PA'I MTSAMS NA DGE SLONG DE YANG MTSAMS KYI NANG NA 'DUG PA YIN LA, CHOS GOS KYANG MTSAMS KYI NANG NA 'DUG PA YIN NO, ,MTSAMS GCAD PA BYAS SU ZIN KYANG CHOS GOS RNAMS DANG MI 'BRAL BA'I SDOM PA MA BYIN PA GANG YIN PA DE'I 'DI DANG BRAL BAR 'GYUR TE, 'DI LTAR MTSAMS GCAD PA NI MI 'BRAL PA'I SDOM PA RTEN DU GYUR PA YIN TE, MI 'BRAL BA'I SDOM PA NI BRTEN PAR GYUR PA YIN NO, ,DE'I PHYIR MTSAMS GCAD PA MA BYAS PA GAL TE MI 'BRAL BA'I SDOM PA BYIN NA DE'I TSE MI 'CHAGS TE, SA GZHI MTSAMS MA BCAD PAR MI 'BRAL BA'I SDOM PA BYIN NA MI 'CHAGS TE ZHES 'BYUNG BA'I PHYIR RO, ,NYE 'KHOR NI 'KHOR TE, MTSAMS BCAD PA'I GTZUG LAG KHANG DU NI CHOS GOS GZHAG PA'I MTHA' NYE 'KHOR DANG BCAS PA'I MTSAMS KHO NA YIN TE, MTSAMS BYAS PA NI GZHAG PA'O, ,MTHA' MTSAMS YIN NO ZHES 'BYUNG BA'I PHYIR RO, ,SGO KHYAMS NI SGO'I BANG RIM MO, ,KHANG PHRAN NI KHANG PA CHUNG NGU'O, ,DGE SLONG GIS KUN DU SPYAD PAS NI DGE SLONG LA MKHO BA'O, ,RAB NI RTZIG PA'O, ,'GRENG RIB NI YAL GA LA SOGS PA LAS GZUGS PA BYAS PA'O, ,'OBS NI BRGOS PA'O, ,STENG G-YOGS NI SHING GLEGS LA SOGS PA'I G-YOGS TE, SHING LEB LA SOGS PAS THOG POR PA'I ZHES BYA BA'I THA TSIG GO, ,MU STEGS TZAM SNA TSOGS ZHES BYA BA LA SOGS PA NI LTA BA THA DAD PAS DE DAG THA DAD PA'I PHYIR GNAS THA DAD PA NYID DO, ,SPUN NOR BGOS PA RNAMS KYI ZHES BYA BA NI SGO BYE BA RNAMS TE, NOR THA DAD PA NYID KYIS DE DAG GI GNAS THA DAD PA NYID DO, ,DGE SLONG MA LA NI CHOS GOS LNGAS ZHES BYA BA NI SNAM SBYAR DANG, BLA GOS DANG, MTHANG GOS DANG, SHING DPUNG CHAD DANG, RDUL GZAN RNAMS ZHES BYA BA'O, ,ZHUS PA'I GZHUNG LA LA LAS NI D'I SKAD DU, DGE SLONG MU STEGS CAN GYI GZHIR CHOS GOS BZHAG LA, DGE 'DUN GYI GZHI NYE 'KHOR GCIG PAR GNAS BGYID LA LTUNG BAR MI 'GYUR PA LTA @287B 'GA' MCHIS LAGS SAM, DE LTA YIN TE 'DI LTAR MU STEGS CAN DANG LHAN CIG DBANG BA YIN NA'O, ,DE BZHIN DU SHING LA YANG BRJOD PAR BYA'O ZHES 'BYUNG NGO, ,DE LA DON NI 'DI YIN TE, MU STEGS CAN GYI GZHI NI MU STEGS CAN GYI GNAS SO, ,DGE 'DUN GYI GZHI NI DGE 'DUN GYI GTZUG LAG KHANG NGO, ,NYE 'KHOR GCIG PA NI NYE 'KHOR 'BREL PA STE, NYE 'KHOR THA MI DANG PA ZHES BYA BA'I THA TSIG GO, ,DBANG BAR GYUR NA ZHES BYA BA 'DIR DBANG BA NI DGE SLONG RNAMS DANG, MU STEGS CAN RNAMS THUN MONG PA NYID DU SEMS PA TZAM GANG YIN PA SHES PAR BYA'I, LAS KYI NGO BO NI MA YIN TE, DE NI DE DAG DBANG BA LHAN CIG THA DAD PA NYID KYIS MI RUNG BA'I PHYIR RO, ,DE BZHIN DU SHING LA YANG BRJOD PAR BYA'O ZHES BYA BA NI JI LTAR GZHI MU STEGS CAN DANG LHAN CIG DBANG BA LTAR SHING DBANG BA DANG DE DANG 'DRA'O ZHES BYA BA'I THA TSIG GO, ,'DI LTAR LTUNG BA MED PAR SMOS PA'I GZHI DE MU STEGS CAN GZHAN DAG GIS GZUNG MOD KYIS, 'ON KYANG DGE SLONG RNAMS KYI RANG GI YIN PA SKYES PA GANG YIN PA DE MED PAR MI 'GYUR RO ZHES BYA BA'I DON 'DI SPYAD PA YIN NO, ,GAL TE DE LA GCIG KHO NA ZHIG DBANG GIS GNYIS MA YIN NA NI DE'I TSE THA DAD PA NYID DU 'GYUR RO ZHES DE LTAR SHES PAR BYA'O, ,ZHUS PA'I GZHUNG LA LA LAS NI GZHAN YANG BTZUN PA RE ZHIG DANG GTZUG LAG KHANG NYE 'KHOR NYE BAR 'BREL PAR GYUR NA JI LTAR DES CHOS GOS DANG MI 'BRAL BAR 'TSAL BAR BGYI, NYE BA 'KHOR GRONG GI NYE 'KHOR MA GTOGS LHAG MA LAS CHOS GOS DANG MI 'BRAL BAR SHES PAR BYA'O ZHES 'BYUNG NGO,, DE LA DON NI 'DI YIN TE, NYE 'KHOR 'BREL PA NI NYE 'KHOR 'BREL MAR 'DUG PA'O, ,'TSAL BAR BGYI ZHES SHES PAR BYA'O, ,NYE BA 'KHOR GRONG GI NYE 'KHOR MA GTOGS PA ZHES BYA BA NI KHYIM PA MI SRUN PA RNAMS GNAS PA NYID KYIS THA DAD PA NYID DU GYUR PA'I PHYIR RO, ,GZHAN DGE SLONG GI GNAS NI RANG GIR BYED PA LA BRTEN PA'I PHYIR GRONG GI NYE 'KHOR LA JI TZAM RANG GIR BYED PA DE TZAM GNAS GCIG PA YIN TE, 'DZIN PAR BYED PA GCIG PA'I PHYIR RO, ,RANG GIR BYED PA MED NA NI GNAS THA DAD PA NYID YIN NO ZHES BYA BA DE LTAR SHES PAR BYA'O, ,'BRAL BA'I SPANG BA'I LTUNG BA GTAN LA DBAB @288A *, ,BA'O,, ,,DUS MA YIN PA'I GOS NI NYES PAR 'GYUR BA'I DUS SU RNYED PA'I PHYIR, DE BAS NA SRA BRKYANG BTING BA'I GNAS SU STON ZLA 'BRING PO NAS BZUNG STE, DGUN ZLA THA CHUNGS KYI BAR NI CHOS GOS BCANG BA'I DUS YIN TE, DE 'CHANG BA LA SOGS PA'I NYES PA MED PA'I PHYIR RO,, DE PHAN CHAD NI DUS MA YIN PA'O, ,SRA BRKYANG MA BTING BA'I GNAS SU THAMS CAD DUS MA YIN PA KHO NA STE, DES CHOS GOS LHAG BA RNYED PA'O, ,RNYED LA ZHES BYA BA NI GRUB PA'O, ,'DOD NA ZHES BYA BA'I CHOS GOS DON DU GNYER NA STE, DUS MA YIN PAR RNYED PA'I CHOS GOS DE BLANG BAR BYA'O ZHES BYA BA'I THA TSIG GO, ,CI STE GAL TE 'DI CHOS GOS GRUB PA YIN NA JI LTAR CHOS GOS DON DU GNYER PA YIN SNYAM NA DE NI MA YIN TE, 'DI LTAR 'GA' 'AM GNYIS ZIN PA NYID LA DE SKAD CES BSHAD KYI THAMS CAD NI MA YIN PAS 'DI LA NYES PA MED DO, ,GAL TE LANGS NA ZHES BYA BA NI GAL TE DES CHOS GOS KYI BYA BA BYED NA STE, GAL TE DES CHOS GOS GSUM TSANG BAR GRUB NA ZHES BYA BA'I THA TSIG GO, ,MYUR BA KHO NAR CHOS GOS SU BYAS TE BCANG BAR BYA'O ZHES BYA BA NI PHYI MA BSHOL BAR BYIN GYIS BRLAB PA CAN DU BYA'O, ,ZLA BA GCIG GI BAR NI GCIG KHO NAR RO, ,GZHAG PAR BYA'O ZHES BYA BA NI GZHAG PAR BYA BA YIN NO, ,DE'I PHYIR GANG GI BYIN GYIS BRLABS PA'I CHOS GOS GSUM MED PA DES DUS MA YIN PA'I CHOS GOS RNYED PA DE ZLA BA GCIG KHO NAR 'CHANG BAR BYA'I GZHAN GYI NI MA YIN NO ZHES BYA BA'I THA TSIG GO, ,CI DE YANG GYI NA 'CHANG BAR BYA BA'AM ZHE NA, GAL TE MI LANGS LA ZHES BYA BA LA SOGS PA SMOS TE, BDAG GIS SLOB DPON DANG MKHAN PO LA SOGS PA LAS GDON MI ZA BAR CHOS GOS SU LANGS PA RNYED PAR 'GYUR RO SNYAM PA'I BSAM PA 'DI YOD NA GZHAN GYI NA NI MA YIN TE, GZHAN DU ZHAG BCU NYID DU 'GYUR BA'I PHYIR RO, ,KHA MA LANGS PA'I KHA SKONG BA ZHES BYA BA'I SNAM SBYAR DANG, BLA GOS DANG, MTHANG GOS RNAMS KYI KHA MA LANGS PA KHA SKONGS PA'I CHED DU'O, ,YANG ZHES BYA BA'I SGRA NI 'DIR 'DUL BA 'DZIN PA KHA CIG NA RE SNON PA NYID DU SHES PAR BYA STE, 'DI LTAR RNAM PAR RTOG PA MED PA'I PHYIR 'DI LA DON NI 'GA' YANG MI RMONGS SO ZHES ZER RO, , @288B GZHAN DAG NI'AM ZHES BYA BA'I SGRA NGES PAR GZUNG BA'I DON NYID DU BRJOD DE, TSIG GI PHRAD NI DUS MA YIN PAS SO, ,DE BAS NA TSIG GI DON NI CHOS GOS GSUM KHA SKONG BA KHO NA'I PHYIR GOS RE BA DE GOS DE TSAD DU MI LDANG BA ZLA BA THAL BAR 'CHANG BA NYES BYAS SO ZHES BGYI BA CHOS GOS JI LTA BU ZHIG GZHAG PAR BGYI BA LAGS, 'KHOR PHYED KHEBS PA GANG YIN PA STE, 'DI NI CHOS GOS GZHAG PAR BYA BA'I PHYI MA MED PA YIN NO ZHES BYA BA DAG 'BYUNG NGO, ,DE LA DON NI 'DI YIN TE 'DUL BA 'DZIN PA KHA CIG NA RE GOS KYI TSAD DU MI LDANG BA NI KUN NAS KHRU GANG BAS CHUNG BA'O, ,NYES BYAS SO ZHES BYA BA 'DIR NYES BYAS 'DI ZHAG BCU 'DAS PA NYID KYI YIN PAR SHES PAR BYA'I, ZLA BA 'DAS PA NI MA YIN NO, ,'DI LTAR CHOS GOS KYI TSAD DU MI LDANG BA LA NI MTSAR GCIG KHA SKONG BA'I RE BA RDZOGS PA NYID DU MI GNAS TE, MCHOD SBYIN GYI DON DU DAL GYIS 'GRO BA'I YUL GZHAN DU PHYIN PA DANG 'DRA BAS DE'I PHYIR DE LTA BUR SHES PAR BYA'O, ,'KHOR PHYED KHEBS PA NI LTE BA'I MTSAMS NAS BZUNG STE, BUS MO'I LHA NGA GNYIS KYI BAR DU LAS KYI CHA NI 'DIR 'KHOR ZHES BYA STE, 'KHOR DE LTA BU'I DE ZHING DU BRKYANG BA DANG CHUR BRKYANG BAS MI KHEBS PA'I CHOS GOS GANG YIN PA DE LA DE SKAD CES BYA'O, ,'DI NI 'KHOR PHYED KHEBS PA GANG YIN PA DE ZLA BA GCIG GI BAR DU GZHAG PAR BYA'O, ,MI KHEBS PA GANG YIN PA DE NI GCIG TU ZHAG BCU PA NYID YIN PA DE LTAR SHES PAR BYA'I, ZLA BA NYID NI MA YIN NO ZHES BYA BAR RAB TU BSTAN PA YIN TE, KHA SKONGS SU RE BA MED PA'I PHYIR RO ZHES ZER RO,, 'DI NI 'DUL BA 'DZIN BA GZHAN NGAG MI 'DOD DO, ,KUN NAS KHRU GANG DU MI CHOG PA'I GOS THAMS CAD NI LTUNG BA MED PA NYID MA YIN TE, SPANG BA RNAMS KYI NANG DU KUN NAS KHRU GANG BA'I GOS NI PHYI MA MED PA'O ZHES 'BYUNG PA'I PHYIR RO, ,'DI NI PHYI MA MED PAS ZHES SMOS PAS NI KUN NAS KHRU GANG BA'I MAN CHAD KYI GOS GANG YIN PA DE NI SPANG BA RNAMS KYI NANG DU MA GTOGS PA NYID DU BSAM PAR BYA'O ZHES BSTAN PA YIN NO, ,GZHAN YANG GRUB NAS KHRU GANG DU MI CHOG PA LA GOS KYI BLO MI GNAS PA STE, RAS ROS NYID DU SNANG BA'I PHYIR RO, ,LTUNG BA MED PA NYID NI GOS 'CHANG BA DANG 'JOG @289A *, ,PA YIN TE, DE LTA BAS NA NYES BYAS SU BRJOD PA GANG YIN PA 'DI NI RIGS PA DANG LUNG GIS GNOD PA'I PHYIR 'DOD PAR MI BYA'O, ,ZHUS PA LA LA LAS GZHAN YANG YO BYAD KYI GOS BYIN GYIS MA BRLABS PA ZHAG BCU 'DAS PA NI SPANG BA'O, ,GDONG PHYIS DANG, CHU TSAGS DANG, GDING BA DANG PAR CANG DAG BYIN GYIS MA RLAB NA LTUNG BA MED DO ZHES 'BYUNG NGO, ,'DI LA DON NI 'DI YIN TE, YO BYAD KYI GOS NI PHONGS PA'I DUS SU MKHO BA'I GOS RIN PO CHE BYIN GYIS BRLABS PA NI JI LTAR GOS GSUM BYIN GYIS RLOB PA LTAR 'DI 'ANG DE DANG 'DRA STE, RANG RANG GI MING GIS BYIN GYIS BRLAB PAR BYA'O ZHES 'BYUNG BA'I PHYIR RO, ,GANG LA DE MA BYAS BA DE LA DE SKAD CES BYA'O, ,CHU TSAGS NI CHU BTZAGS PA'O, ,GDING BA NI GDING BAR BYA BA'O, ,BAR CANG GI GOS NI RIGS LNGA KHRA BOR 'DUG PA ZHIG GO, ,BYIN GYIS BRLAB PA NI BSHAD MA THAG PA'I GZHUNG LTA BUR RANG RANG GI MING GIS SO,, LTUNG BA MED PA NI ZHAG BCU 'DAS PA'I SPANG BA'I LTUNG BYED MED PA'I PHYIR RO, ,GDOD PHYIS DANG CHU TSAGS KUN NAS KHRU GANG GI TSAD DU SHES PAR BYA'O, ,BAR CANG YAD BYA BAR 'DOD PA'I CHOS GOS DANG, MTHUN PA'I NGO BO NYID YIN GYI RIGS MI MTHUN PA NI MA YIN TE, KHA DOG LA SOGS PA'I RIGS MI MTHUN PA NI ZLA BA GCIG GI BAR DU GHAG BAR BYA'O, ,DE SENG BA LA SOGS PA'I KHA SKONG PA'I PHYIR MA YIN LA, GZHAN GYI CHED DU YANG MA YIN NO ZHES BYA BA YIN NO, ,DE LAS 'DAS PAR ZHES BYA BA NI SUM CU RTZA GCIG LA SOGS PAR RO, ,DE LTA BAS NA 'DIS TSIG GI DON DU 'DI 'BYUNG STE, DGE SLONG GANG ZHIG DUS MA YIN PAR CHOS GOS KYI BYA BA BYED NUS PA RNYED LA BYIN GYIS BRLABS PA'I CHOS GOS KYANG MED NA, CHOS GOS KHA BSKANG BA'I RE BA YANG MED PA DE NI CHOS GOS DE'I MOD KHO NA LA BYIN GYIS BRLABS PA CAN DU BYAS NAS BCAD BAR BYA'I, ZLA BA GCIG GI BAR DU BCANG BAR MI BYA STE, GAL TE 'CHANG NA DE'I TSE SPANG BA'I LTUNG BYED DU 'GYUR RO, ,'ON TE DES CHOS GOS MI LDANG LA CHOS GOS KYI KHA SKONG BA RNYED PA'I BSAM PA'ANG YOD DE, ,CHOS GOS GSUM PA YANG MTSANG NA DE'I CHOS GOS GSUM GYI CHED DU DE ZLA BA GCIG GI BAR DU BCANG BAR BYA'O, ,ZLA BA LAS THAL BAR @289B 'CHANG NA NI ZLA BA'I SPANG BA NYE BAR GNAS SO, ,DE NYID KYI PHYIR ZHUS PA LAS, GANG LA CHOS GOS GSUM TSANG BAR GYUR PA DES NI CHOS GOS ZLA BA GCIG GI BAR DU GZHAG PAR MI BYA'O, ,CI STE 'JOG NA SPANG BA'I LTUNG BYED DU 'GYUR RO ZHES 'BYUNG NGO, ,BDUN PO DAG LAS BRTAGS PA GANG YANG RUNG BAR NI BAL GOS DANG, SHA NA'I RAS DANG, ZAR MA'I RAS DANG, DU GU LA'I RAS DANG, RAS GOS DANG, KO TAM PA'I RAS DANG, NYI 'OG PA'I GOS ZHES BYA BA RNAMS KYI NANG NAS SO, ,CHOS GOS GSUM DU MA TSANG NA ZHES BYA BA NI SNAM SBYAR DANG, BLA GOS DANG, MTHANG GOS RNAMS LAS GANG YANG RUNG BA ZHIG MA TSANG NA'O, ,CHOS GOS MI LANGS PA ZHIG RNYED NA ZHES BYA BA NI 'KHOR GSUM KHEBS PA'I MTHAR PHYIN PA'I TSAD DU MI CHOG PA STE, KUN NAS KHRU GANG PA'I TSAD DANG LDAN PA ZHES BYA BA'I THA TSIG GO, ,DE NYID KYI PHYIR ZHUS PA LA LAS NI BCOM LDAN 'DAS KYIS DGE SLONG GI CHOS GOS ZLA BA GCIG GI BAR DU GHAG PAR BYA'O ZHES GBSUNGS PA GANG LAGS PA CHOS GOS JI LTA BU ZHIG LAGS, 'KHOR GSUM MI KHEBS PA GANG YIN PA'O ZHES GSUNGS TE, 'KHOR GSUM KHEBS PA CHOS GOS KYI BYA BA BYED PA NYID LAS CHOS GOS NI DE CI STE GZHAG CING DE NYID CHOS GOS SU BYA BAR MI SBYAR, GAL TE BYIN PAS DE 'JOG PAR BYED NA YANG DE'I TSE ZHAG BCU PA NYID DU 'GYUR RO, ,DE NYID KYI GAL TE CHOS GOS SU LANGS PA ZHIG RNYED NA DE YANG ZHAG BCU BA NYID YIN NO ZHES 'CHAD PAR 'GYUR RO, ,KUN NAS KHRU GANG TZAM GYI TSAD DANG LDAN PA GANG YIN PA DE NI GZHAG PA DANG RIGS PA DANG LDAN PA YIN TE, DE TZAM GYIS CHOS GOS KYI BYA BA MI 'GRUB PA'I PHYIR RO, ,NYE BA 'KHOR CHOS GOS GSUM TSANG NA ZHES BYA BA LA SOGS PA NI CHOS GOS MA TSANG BA TSANG BAR BYA BA'I PHYIR GZHAG PAR GSUNGS NA DE YANG TSANG BAS DE'I PHYIR ZHAG BCUR GSUNGS TE, KHA MA LANGS PA KHA SKONG BA'I CHOS GOS LA RE BA ZHES BYA BA SOGS PA 'BYUNG BA'I PHYIR RO, ,LANGS PA NI 'KHOR GSUM KHEBS PA'I MTHAR THUG PA'I TSAD DE TZAM GYIS CHOS GOS KYI BYA BA 'GRUB BA'I PHYIR TE, GAL TE LANGS NA MYUR BA KHO NAR CHOS GUS SU BYAS TE BCANG PAR BYA'O ZHES @290A *, ,'BYUNG BA'I PHYIR RO, ,'ON TE MA LANGS PA ZHIG CES BYA BA NI KUN NAS KHRU GANG BA'O, ,DE TZAM 'DI'I CHOS GOS KYI BYA BA MI 'GRUB PA'I PHYIR TE, GAL TE DE LA MI LANGS NA ZLA BA GCIG GI BAR DU GZHAG PAR BYA'O ZHES 'BYUNG BA'I PHYIR RO, ,ZHUS PA LA LA'I GZHUNG GI NI RNAM PA GZHAN KHA SKONG BA NYID MA YIN NO ZHES 'BYUNG BA'I PHYIR RO, 'DI RNAMS BYIN GYIS RLOB PA NI DPE STE, RUNG BAR BYA BA LA YANG TSUL 'DI RNAM PAR GZHAG PA'I PHYIR RO, ,DE BAS NA YOD BYAD KYI GOS LA SOGS PA LA ZHAG BCU PA NYID DANG ZLA BA NYID YIN PAR SHES PAR BYA STE, DE LA RE BA NI MED LA BYIN GYIS BRLABS PA CAN NI YOD NA ZHAG BCU PA NYID YIN LA, RE BA NI YOD NA BYIN GYIS BRLABS PA CAN MED NA ZLA BA YIN NO ZHES BYA BA'I THA TSIG GO, ,ZLA BA SBYAR BA GTAN LA DBAB PA'O,, ,,NYE DU MA LAGS PA LA ZHES BYA BA NI GANG LA PHA DANG MA'I RIGS BDUN RGYUD TSUN CHAD LAS DE DAG KHO NA LAS MA YIN GYI, DE DAG GANG YANG RUNG BA SNGA MA 'GA' ZHIG SKYES PA LAS, MA LAS SKYES PA NYID DANG PHA LAS SKYES PA NYID GANG LA YOD PA DE NI NYE DU'O, ,DE LAS GZHAN PA NI NYE DU MA YIN PA'O, ,NYE DU MA YIN PA NYID NYE DU MA YIN PA STE, DE LA'O, ,YANG DANG YANG REG PA'I RKYEN GYIS 'DOD CHAGS SKYE BAR GYUR ,NA MI RUNG BAS NYE DU MA YIN PA SMOS PA'O, ,DE BAS NA KHYO SHUG DAG NI NYE DU MA YIN TE, NYE DU'I MTSAN NYID MED PA'I PHYIR RO, ,CHOS GOS NI BAL GOS LA SOGS PA RUNG BA'O, ,RNYINGS PA NI DUS TSIGS GSUM LAS DUS TSIGS GANG YANG RUNG BA ZHIG TU SPYAD PA'O, , 'KHRUR 'JUG PA NI CHU'I NANG DU STZOL BAR BYED PA'O, ,'TSED DU'JUG PA NI TSON GYI NANG DU BSGRE BA'O,,'CHAG TU 'JUG PA NI CHUNG DU NA THAL MOS KYANG NGO, ,DE BZHIN DU DGE SLONG MA NYE DU MA YIN PA SEMS 'KHRUGS PA ZHES BYA BA LA SOGS PAR KHA CIG LKUG MAR SMOS PAR 'DON TO, ,DE NI GZHAN DAG MI 'DOD DE, GAL TE LKUG MA LA 'KHRUR 'JUG PA LA YANG NYES BYAS SU 'DOD NA RGAS PA DANG 'THENG BA LA SOGS PA 'ANG DE DANG 'DRA BAR THAL BAR 'GYUR BAS DE DAG LA 'KHRUR BCUG NA YANG NYES BYAS SU THAL BAR 'GYUR RO, ,DE 'ANG MI 'DOD DE RNAM PAR RIG PAR BYA BA LA @290B [#LINE APPARENTLY MISSING THIS PAGE] RTOGS PA TZAM YAN LAG YIN PAA'I PHYIR RO, ,DE LTA BAS NA 'DI NI GDON PAR MI BYA'O, ,KHAS LEN PA LA 'KHRUR 'JUG NA NYES BYAS SU BSTAN PA NI MI MTHUN PA'I PHYOGS YIN PA'I PHYIR TE, 'DI LTAR GZHAN GYI PHYOGS LA LOG PAR GRUB PA NI RANG GI PHYOGS LA JI LTA BA DE BZHIN DU SMAD PA NYID MA YIN BAS DE'I PHYIR 'DI GSUNGS SO, ,BSGRUB PAR BGYI BA NI THUN MONG GI'O, ,BKRUS PA NI CUNG ZAD BKRUS PA'O, ,YONGS SU SPYAD DE DRI MA CAN DU GYUR PA ZHES BYA BA NI YONGS SU SPYAD PA NI GAL TE NA DE TZAM DU ZAD PAS DE'I PHYIR DRI MA CAN DU GYUR PAS KHYAD PAR CAN DU SMOS SO, ,GNAS MAL GYI DNGOS PO ZHES BYA BA NI DGE 'DUN GYI GNAS MAL DRI MA CAN DU GYUR BA 'DI BKRU'O SNYAM PA'I BSAM PAS SO, ,BTZUN PA RE ZHIG DGE SLONG GIS ZHES BYA BA LA SOGS PA MTSAN GYUR NA NYES BYAS SU GSUNGS PA NI 'KHRUR 'JUG PAR GTOGS PAR 'GYUR BA'I PHYIR RO, ,D'I LTAR LTUNG BA NI 'PHAGS PA 'CHAR KAS SBED MA LA SMAD G-YOGS SU KHU BAS GOS PA 'KHRUR BCUG LA DE LAS RNAM PAR BZHAG STE, KUN DU 'DOD CHAGS PA'I RGYU YIN PA'I PHYIR RO, ,DGE SLONG MA DE YANG NYE DU MA YIN PA MTSAN MTHUN PA LA 'KHRUR 'JUG NA MA BRTAGS PA'I PHYOGS LA BRTEN PA'I NYES BYAS SU GSUNGS PA NI RANG GI YOD PA YIN PA'I PHYIR RO, ,'ON TE SPANGS PA ZHIG 'KHRUR 'JUG NA ZHES BYA BA LA NYES BYAS SU GSUNGS PA NI SNGAR RANG GI YIN PA SKYES PA NYAMS PA'I PHYIR DANG, BYIN GYIS BRLABS PA NYID MED PA'I PHYIR RO, ,BSHANG BA NI PHYI SA'O, GCI BA NI GCI NA NO, ,'DAM RDZAB NI RDZAB BO, ,LJAN LJIN NI STOR KHUNG DU GTOGS PA MI GTZANG BA'O, ,GZHAN GYIS ZHES BYA BA NI KHRAG LA SOGS PAS SO, ,BSNYEN PAR MA RDZOGS PA 'KHRUR STZOL BA'I SBYOR BA BGYIS LA ZHES BYA BA LA SOGS PA'I BSNYEN PAR MA RDZOGS PA'I GNAS SKABS NA BDAG NYID KYIS 'KHRUR 'JUG PA'I SBYOR BA BYAS NAS DUS @291A *, ,PHYIS DE'I SBYOR BA'I DBANG KHO NAS CHUD PA YIN GYI, PHO NYA LA SOGS PA LA 'CHOL BA'I DBANG GIS NI MA YIN NO ZHES BYA BA'I THA TSIG GO, ,BSNYEN PAR MA RDZOGS PAR 'DU SHES NA ZHES BYA BA LA SOGS PAS NYES BYAS SU GSUNGS PA NI BSNYEN PAR MA RDZOGS PA NI 'KHRUR 'JUG PA NA YANG NYES BYAS SU GSUNGS PA'I PHYIR RO, ,NYE DUR 'DU SHES NA ZHES BYA BA LA SOGS PAS LTUNG BA MED PAR GSUNGS PA NI NYE DU LA LTUNG BA MED PAR BSTAN PA'I PHYIR RO, ,NYE DU MA YIN PA LA YIN PA NI SPEL BA DANG LHUNG BZED DAG MA YIN PA NYE DU LA NYES PA MED DO ZHES 'BYUNG BA'I PHYIR RO; ,DE LTA BAS NA 'DIR NYE DU MA YIN PA LA 'DU SHES PA LA SPANG BAR GSUNGS PA NI SBYOR BA YOD PA'I PHYIR DANG, BSAMS PA'I DON GRUB PA'I PHYIR TE, LUGS LAS SBYOR BA LA NI 'DU SHES YAN LAG NYID DO ZHES 'BYUNG BA'I PHYIR RO, ,NYE DU MA YIN PA LA NYE DUR SHES PA LA LTUNG BA MED PAR GSUNGS PA NI SBYOR BA MED PA'I PHYIR RO, ,DNGOS GZHI LA YANG LTUNG BA MED DE, BSAMS PA'I DON MA GRUB PA'I PHYIR RO, ,'DI LTAR NYE DU MA YIN PA'I 'DU SHES KYIS 'JUG PA NI SBYOR BA YIN GYI, NYE DU'I 'DU SHES KYIS NI MA YIN NO, ,DE LTA BAS NA NYE DU MA YIN PA LA NYE DUR 'DU SHES PAS 'KHUR 'JUG PA LA LTUNG BA MED PAR GSUNGS PA NI SBYOR BA LA 'DU SHES PA YAN LAG RNAM PAR GZHAG NA DE YANG DE LA MED PAS SO, ,NYE DU YIN PAR 'DU SHES PA LA NYES BYAS SU GSUNGS PA NI SBYOR BA YOD PA'I PHYIR TE, NYE DU LA NYE DU MA YIN PAR 'DU SHES PAR 'JUG PA SBYOR BA YIN GYI NYE DU'I 'DU SHES KYIS NI MA YIN NO, ,DE YANG DE LA YOD PAS LUNG LAS SBYOR BA LA NI 'DU SHES YAN LAG NYID DO ZHES 'BYUNG BA'I PHYIR RO, ,NYE DU LA NYE DUR 'DU SHES PA LA LTUNG BA MED PAR GSUNGS PA NI MA BSAMS PA'I PHYIR DANG SBYOR BA'ANG MED PA'I PHYIR TE, DE BZHIN DU 'OG MA DAG LA YANG CI RIGS PAR SHES PAR BYA'O, ,RNAM PAR 'BYED PA LAS DGE SLONG GIS DGE SLONG MA NYE DU MA YIN PAR 'DU SHES PAS CHOS GOS RING PA 'KHRUR 'JUG NA NYES BYAS SU 'GYUR RO ZHES GSUNGS PA MA YIN NAM, DE JI LTA BU ZHE NA, 'DUL BA 'DZIN PA RNAMS NA RE DER YANG SBYOR BA LAS BYUNG BA'I NYES @291B BYAS YIN PAR STON PAR SHES PAR BYA'I GZHAN NI MA YIN TE, 'DI PA'I DON MA GRUB PAS DNGOS GZHI MI SLONG PA'I PHYIR RO, ,'DI LTAR NYE DU MA YIN PAR 'DU SHES KYIS 'JUG PA NI SBYOR BA YIN GYI NYE DU'I 'DU SHES KYI SA NI MA YIN NO, ,'DI NI MI SHES PAR BYAS PA LAS LTUNG BA GANG YANG MI 'GYUR TE; 'DI LTAR CHED DU MA BSAMS PA'I PHYIR RO ZHES BYA BA'I DON 'DI BSTAN PA'I PHYIR 'DU SHES SMOS KYI LTUNG BA MED PA LA GTZO BO NYID DU SHES PAR BYA BA'I PHYIR NI MA YIN NO ZHES BYA BAR SHES PAR BYA'O, ,DE NYID KYI PHYIR DON DU 'DU SHES DANG LDAN PA LA NI DNGOS GZHI'O, ,GZHAN NYID LA NI SBYOR BA'O ZHES BSHAD DO ZHES ZER RO, ,DON 'DI NI BSHAD ZIN PA YIN MOD KYI YANG CHES GSAL BAR BYA BA'I PHYIR BSHAD DO, ,GZHAN MU STEGS CAN ZHES BYA BA LA SOGS PA BRAM ZE NI SDOM BRTZON CAN DU GYUR PA YIN PAR SHES PAR BYA'O, ,DE LTA MA YIN TE SDOM PA MED PA YIN NA KHYIM PA MO DANG ZHES 'BYUNG BA DANG ZLOS PAS KHYAD PAR YOD PAR MI 'GYUR RO, ,KHA CIG NI GZHAN MU STEGS CAN DANG, DGE SBYONG DANG, SBYOD PA DANG KUN DU RGYU RNAMS LA ZHES DE SKAD DU 'DON PAR BYED DO, ,DE LA NI LAN GANG YANG MED LA LAN GDAB KYANG MI DGOS TE, DE BZHIN DU GZHAN DAG LA YANG CI RIGS PAR SHES PAR BYA'O, ,DGE SLONG MAS DGE SLONG DANG ZHES BYA BA LA SOGS PAS NYES BYAS GSUNGS PA NI DER GTOGS PAR GYUR PA YIN PA'I PHYIR RO, ,'ON KHA CIG DGE SLONG GI CHOS GOS 'KHRUR 'JUG NA DGE SLONG MA RNAMS LA SPANG BAR 'GYUR BAR 'DOD PA DE JI LTA BU ZHE NA, DE NI RIGS PA MA YIN TE, DGE SLONG GI CHOS GOS KYIS DGE SLONG MA LA SPANG BA 'BYUNG BAR NI RUNG BA MA YIN NO, ,'DI LTAR SPANG BAR BYA BA'I NOR LAS SPANG BA BYUNG NA GZHAN GYI YANG RANG GIR MA BYAS PA KHO NAS SPANGS PA'I PHYIR RO, ,GZHAN YANG DGE SLONG MA RNAMS LA NI GANG LAS KYANG 'KHRU BA BSTAN PA MED PAS 'DI NI GYI NA'O, ,KHYIM PA MO'I KHYIM PA'I THAD DU 'GRO ZHING NYAN PA STE, GUS PAR NYAN PA MED DO ZHES BYA BA'I THA TSIG GO, ,ZHUS PA GZHUNG LA LA LAS NI 'DI SKAD DU, DGE 'DUN GYIS 'KHRUR 'JUG PA DANG, LTANG LTONG DU 'DUG PA 'KHRUR 'JUG NA THAMS CAD DU NYES BYAS SU 'GYUR RO ZHES 'BYUNG @292A *, ,NGO; ;DE LA DON NI 'DI YIN TE, DGE 'DUN GYI CHOS GOS 'KHRUR 'JUG NA NYES BYAS SU 'GYUR PA NI RANG GI YIN PA MED PA'I PHYIR RO, ,GZHAN DAG NA RE DGE 'DUN GYI LA NI THUN MONG BA NYID KYIS GZHAN GYI YIN PA'I PHYIR GYI RANG GI YIN PA MED PA'I PHYIR TE, MA YIN TE 'DI LTAR RES 'GA' GANG GI TSE BRNYAS NAS BYIN GYIS BRLABS PA CAN DU BYED NA DGE 'DUN GYI LA YANG RANG GI YIN PA NYID DU NI 'GYUR GYI, DE'I TSE YANG GZHAN GYI YIN PA NYID MED NA NI MA YIN NO ZER RO, ,RUNG BA 'KHRUR 'JUG PA NI SNGAR NAS RANG GI YIN BA LA MI BRTEN PA'I PHYIR RO, ,LTONG LTONG DU 'DUG PA NI BAR BAR NA SHOG SHIG TU 'DUG PA BRTAGS PA'I PHYIR RO, ,'TSED PA DANG 'CHAG PA DAG GI GZHUNG GZHAN CHOS GOS BAG TZAM KHA BSGYUR BA 'TSED DU 'JUG ,CHOS GOS BAG TZAM BCAGS PA 'CHAG TU 'JUG NA THAMS CAD DU NYES BYAS SU 'GYUR RO ZHES 'BYUNG NGO, ,DE LA DON NI 'DI YIN TE, BAG TZAM KHA BSGYUR BA NI CUNG ZAD KHA BSGYUR BA'O, ,BAG TZAM BCAGS PA NI CUNG ZAD BCAGS PA STE, PHYED BYAS PA BYED PA LA PHYED NYID YIN NO ZHES 'BYUNG PA'I PHYIR NYES BYAS SU GSUNGS SO, ,DUS MA GTOGS PA NI PHONGS PA'I DUS MA GTOGS PA'O, ,DE LA ZHES BYA BA NI NYE DUM YIN PA LA SLONG BA LA'O, ,DUS NI BSLANG DU RUNG PA'I DUS SO, ,YANG DUS NI TSUL TE NYES PA MI 'BYUNG BAR GYUR PA'I GNAS SKABS NI 'DI YIN NO ZHES BYA BA'I THA TSIG GO, ,YANG NA GZHAN DAG NA RE 'DU SHES 'BYUNG BA'I PHYIR NYES PA MI SLONG BA'I RGYU MTSAN DU GYUR PA'I DUS DANG GNAS SKABS GZHAN GANG YIN PA'O ZHES ZER RO, ,CHOS GOS PHROGS PA NI CHOM RKUN LA SOGS PAS SO, ,CHOS GOS NYAMS PA NI BRJED PA LA SOGS PAS SO, ,CHOS GOS TSIG PA NI MES SO, ,CHOS GOS DED PA NI RLUNG GIS SO, ,CHOS GOS KHYER BA NI CHUS SO, ,DE LA 'DI NI DUS YIN NO ZHES SMOS PA NI NGES PAR BZUNG BA STE, 'DI NI DUS YIN GYI GZHAN NI MA YIN NO ZHES BYA BA'I THA TSIG GO, ,GZHAN DAG NA RE MJUG BSDU BA'I NGO BOS BRTZAL PAR BYA BA'I PHYIR RO ZHES ZER RO, ,BSNYEN PAR MA RDZOGS PAR ZHES BYA BA LA SOGS PA NI BDAG NYID KYIS BSLANGS PA'I RGYU DUS PHYIS SNGON GYI SBYOR BA KHO NAS @292B GRUB NA ZHES BYA BA'I DON TO, ,DE BZHIN DU 'OG MA DAG LA YANG CI RIGS PAR SHES PAR BYA'O, ,ZA MA ZHES BYA BA LA SOGS PAS NYES BYAS SU GSUNGS PA NI 'JIG RTEN GYI THA SNYAD LAS 'DAS PA'I PHYIR RO, ,'DI LTAR 'DI'I LUS NI SEMS CAN GYI BLO NYAMS PA LTA BUR 'DUG GO, ,DE'I PHYIR GDON GYIS ZIN PA DANG 'DRA BAR MI MA YIN PA NYID DU SNANG STE, MA NING DANG MA NING MO DANG MTSAN GNYIS PA RNAMS LA YANG TSUL 'DI NYID YIN LA, KHYIM PAR GTOGS PA'I KHA NA MA THO BA 'OG MA DAG LA YANG DE KHO NA BZHIN DU SHES PAR BYA'O, ,DE BZHIN DU MA NING DANG MA NING MO NAS DGE SLONG ZHES BYA BA 'DIS DGE SLONG LA SOGS PA LA SLONG PA LA NYES BYAS SU GSUNGS PA NI SLONG BAR GTOGS PAR GYUR PA STE, 'DI LTAR CHOS GOS KYIS BGOS PA MA GTOGS PAR TSANGS PA MTSUNGS PAR SPYOD PA RNAMS LA SLONG NA YANG MI MDZES SO, ,SLONG BA'I SPANG BA GTAN LA DBAB PA'O,, ,,DUS KYI ZHES BYA BA NI MNGON PAR ZHEN PA BSTAN BAS SO, ,STOBS PA NI MGRON DU BYED PA'O, ,STOD G-YOGS SMAD G-YOGS BCAS PA ZHES BYA BA LA STOD G-YOGS NI STOD DU BGO BA'O, ,SMAD G-YOGS NI SHAM THABS SO, ,MTHAR THUG PA ZHES BYA BA'I SGRA NI MCHOG TU BRJOD PA YIN TE, DES NA DGE SLONG SLONG MO PA DES PO ZOS NA STOD G-YOGS SMAD G-YOGS DANG BCAS PA DE KHO NA BSLANG PAR BYA'I LHAG PAR NI MA YIN NO ZHES BYA BA'I THA TSIG GO, ,THA DAD DU BYA BA CI YOD CES BYA BA NI KHYAD PAR CI YOD PA'O, ,KHYIM PA'I STOD G-YOGS SMAD G-YOGS DANG BCAS PA NI STOD G-YOGS KHRU BCU GNYIS PA DANG, SMAD G-YOGS KHRU BDUN DANG GNYIS PA'O, ,DE TZAM GYI CHA LUGS 'GRUB PA'I PHYIR TE 'OG MA LA YANG DE DANG 'DRA'O, ,DGE SLONG GI STOD G-YOGS SMAD G-YOGS DANG BCAS PA NI DUS SU MA SPYAD PA'I GOS LA NI SNAM SBYAR NI NYIS RIM DU BYA'O, ,SMAD G-YOGS NI KHRU LNGA DANG GNYIS PAR BYA'O, ,DUS SU SPYAD PA LAS NI SNAM SBYAR DANG SMAD G-YOGS DAG DE'I NYIS 'GYUR DU BYA'O, ,DGE SLONG GIS KHYIM PA'I STOD G-YOGS SMAD G-YOGS DANG BCAS PA ZHES BYA BA LA SOGS PAS GAL TE MI LDAD BAR GYUR NA YANG BSLANG BAR MI BYA @293A *, ,BA NI SBYIN PA POS KHAS BLANGS LA THOB PAS MI CHOG NA LHAG PAR BLANG BAR MI BYA STE, KHYIM PA'I STOD G-YOGS SMAD G-YOGS DANG BCAS PA NI BYIN ZIN PA'I PHYIR RO, ,GAL TE LHAG NA YANG SBYIN PAR MI BYA STE, SNGAR LAS BLANGS PA KHYIM PA'I STOD G-YOGS SMAD G-YOGS DANG BCAS PA TZAM NYID YIN PA'I PHYIR RO, ,DGE SLONG GI STOD G-YOGS DANG SMAD G-YOGS DANG BCAS PA ZHES BYA BA LA SOGS PAS GAL TE MI LDANG BAR GYUR NA BSLANG BAR BYA BA NI DGE SLONG GI STOD G-YOGS SMAD G-YOGS DANG BCAS PA LA TSAD NGES PA YOD DO, DE BAS NA DGE SLONG GI STOD G-YOGS SMAD G-YOGS DANG BCAS PA KHAS BLANGS LA THOB PAS NI MI LDANG NA BLANG BAR BYA STE, DGE SLONG GI STOD G-YOGS SMAD G-YOGS DANG BCAS PA MA BYIN PA'I PHYIR RO, ,GAL TE LHAG PAR GYUR NA SBYIN PAR BYA BA NI LHAG PAR THOB NA SBYIN PAR BYA STE, KHAS BLANGS PA LAS LHAG PA'I PHYIR RO;; 'DUL BA 'DZIN PA KHA CIG NI 'DI GNYIS LA SPANG BA'I LTUNG BYED DU 'DOD DE, DGE SLONG KHYIM PA'I STOD G-YOGS SMAD G-YOGS DANG BCAS PA LAS LHAG PAR SLONG BA DANG, DGE SLONG GI STOD G-YOGS SMAD G-YOGS DANG BCAS PA LAS LHAG PA'I SBYIN PA MI BYED NA THAMS CAD DU SPANG BA'I LTUNG BYED DU 'GYUR RO ZHES PA'O, ,'DI NI 'DUL BA 'DZIN PA GZHAN DAG MI 'DOD DE, DGE SLONG GI STOD G-YOGS SMAD G-YOGS DANG BCAS PA LHAG PAR SLONG NA ZHES BYA BA 'DI LA 'ANG THAL BAR 'GYUR BA'I PHYIR RO, ,'DI LTAR KHYIM PA'I STOD G-YOGS SMAD G-YOGS DANG BCAS PA LAS LHAG PAR SLONG BA NI SPANG BA'I SBYOR BA YIN NA SPANG BA'I SBYOR BA LA SPANG BAR 'GYUR BA MI 'THAD DE, 'DI LTAR DE'I SBYOR BA LA NI NYES BYAS SU BSTAN PA'I PHYIR RO, ,DE LTA BAS NA GNYI GA LA NYES BYAS SU 'DON PA BZANG STE LHAG PAR SLONG BA'I PHYIR DANG LHAG PAR 'CHANG PA'I PHYIR RO ZHES BYA PA'I THA TSIG GO, ,LHAG MA NI PHO NYA'I YI GE LAG BRDA DANG ZHES BYA BA LA SOGS PA'O, ,BSLAB PA'I GZHI SNGA MA ZHES BYA BA LA SLONG BA'I BSLAB PA'I GZHI'O, ,'DI LA ZHES BYA BA NI STOD G-YOGS SMAD G-YOGS DANG BCAS PA LA'O, ,STOD G-YOGS SMAD G-YOGS DANG BCAS PA SLONG BA'I @293B SPANG BA GTAN LA DBAB PA'O,, ,,YANG ZHES BYA BA'I SGRA NI NGES PAR GZUNG BA STE, GANG KHO NA DE LAS GRUB PAR BYA BA'I DGE SLONG DE KHO NA'I ZHES BYA BA'I DON TO, ,YANG NA GAL TE ZHES BYA BA'I DON TO, ,PHYIR ZHES BYA BAS NI CHED DU BYAS NAS SO, ,CHOS GOS KYI RIN DAG NI CHOS GOS KYI ZONG DBYIG DANG GSER LA SOGS PA STE, 'DI DAG GIS CHOS GOS GRUB CING NYO BAR BYED PA'I PHYIR RO, ,SPAGS PA NI SO SOR NGES PA'I NGO BOR GZHAG PA ZHES BYA BA'I THA TSIG GO, ,'DI DANG 'DI LTA BU NI RNAM PA 'DI LTA BU STE TSAD DANG KHA DOG CES BYA BA'I THA TSIG GO, ,DANG ZHES BYA BA'I SGRA NI GNYI GA'I CHOS GOS SHIG DANG SBYAR BAR BSTAN PA'I PHYIR RO, ,NYOS LA ZHES BYA BA NI NYOS NAS SO, ,RUNG BA NI DGE SLONG DANG MTHUN BA RNGA BAL GYI SNAM BU LA SOGS PA MA YIN PA'O, ,DUS SU ZHES BYA BA NI MKHO BA'I DUS SO, ,SNGAR MA BSTABS PAR ZHES BYA BA NI SNGAR MGRON DU MA BYAS PAS SO, ,RNAM PAR RTOG PA 'GA' ZHIG RIG STE ZHES BYA BA'I RGYU MTSAN 'GA' ZHIG RIG NAS TE, MTHONG BA DANG THOS PA DANG, DOGS PA NYID KYI BSAM PA KHONG DU CHUD NAS ZHES BYA BA'I DON TO, ,BZANG PO 'DOD PA'I PHYIR ZHES BYA BA'I CHES KHYAD PAR DU 'PHAGS PA 'DOD PA RGYUR BYAS NAS SO, ,THA GAS NI BZANG PO'O,, GRUB NA ZHES BYA BA NI LAG TU THOB NA'O, ,DE LAS GZHAN PA'I YO BYAD RNAMS NI LTUNG BZED LA SOGS PA'O, ,NYES BYAS 'DI NI SPAGS PA LAS LHAG PAR SLONG BA'I BSLANG BAR GTOGS PAR GYUR PA YIN NO, ,DGE SLONG GI SLAD CES BYA BA LA SOGS PA LA NYES BYAS SU GSUNGS PA 'DI NI GZHAN GYI CHED YIN PA'I PHYIR RO, ,SPAGS PA LAS LHAG PAR SLONG BA'I SPANG BA GTAN LA DBAB PA'O,, ,,GNYI GA 'DUS TE ZHES BYA BA NI CHOS GOS KHYAD PAR DU 'PHAGS PA BYA BAR SEMS TE'O, ,LHAG MA NI PHO NYA LA SOGS PA'O, ,'DAS MA THAG PA NAS ZHES BYA BA NI SPAGS PA LAS LHAG PAR SLONG PA BA'O, ,'DI LA ZHES BYA BA NI SO SO NAS SPAGS PA LAS LHAG PAR SLONG BA'O, ,DE LTA BAS NA YANG 'DIR SMOS PA NI SBYIN PAR BYED PA'I DUS MA YIN PA'I PHYIR TE, 'DI GNYIS KYI THA DAD PA NYID NI DE LTA BU YIN NO, ,SO SO NAS SPAGS PA LAS LHAG PAR SLONG BA'I SPANG BA GTAN LA DBAB @294A *, ,PA'O,, ,,YANG ZHES BYA BA'I SGRA NI GAL TE ZHES BYA BA'I DON TO, ,BRAM ZE NI YON GNAS SU BKUR BAR STON PA YIN NO, ,KHYIM BDAG NI RJE RIGS DANG DMANGS RIGS KYIS MTSON PA'I SBYIN PA BSTEN PA'O, ,RIGS DANG MTHUN PA'I KHYAD PAR BSTAN NAS BSAM PA'I KHYAD PAR BSTAN PA GRONG RDAL GYI MI NI GRONG SNA'O, ,YUL MI NI YUL DPON NO, ,RDZAS DANG MCHOD PA'I KHYAD PAR BSTAN PA, NOR CAN NI BYED PA'I BDAG PO STE, RDZAS BSAGS PA DANG LDAN PA'I PHYIR RO, ,TSONG DPON NI MGO RGYAN THOB PA STE, ,RGYAL POS BKUR BA'I PHYIR RO, ,ZHO SHA BSTAN PA'I DED DPON NI LAN GNYIS GSUM 'GRON PO'I 'DAS PA'I PHYIR TE, 'GRON PO'I KHANG DPON ZHES BYA BA'I THA TSIG GO, ,YANG 'PHAGS PA MKHYEN PAR MDZOD CIG CES BYA BA YANG ZHES BYA BA'I SGRA NI TSIG GI RGYAN GYI DON TO, ,MKHYEN PAR MDZOD CIG CES BYA BA NI KHONG DU CHUD PAR GYIS SHIG PA'O, ,THUGS BRTZE BA'I SLAD DU ZHES BYA BA NI SNYING BRTZE PA RGYUR BYAS NAS TE, LAN SBYIN PA'I BLOS MA SBYIN PAR ZHES BYA BA'I DON TO, ,MI RUNG BA NI BCOM LDAN 'DAS KYIS RANG GIR BYED PA BKAG PA'I PHYIR RO, ,NI ZHES BYA BA NI YANG ZHES BYA BA'I SGRA'I DON TO, ,ZHAL TA BGYID PA NI ZHAL TA PA'O, ,ZHAL TA NI LAS SO, , NYAMS SU LEN PA NI BYED PA'O, ,CHOS GOS 'DOD PA NI CHOS GOS RE BA'O, ,KUN DGA'I RAB PA NI GSUM LA SKYABS SU SONG ZHING RUNG BA BYED PA'O, ,DGE BSNYEN NI BSLAB PA'I GZHI LNGA BA CAN NO, ,BSTAN PAR BYA BA NI NGO BSTAN PAR BYA BA'O, ,LEGS PAR ZHES BYA BA LA SOGS PA LA, JI LTAR YANG DAG PAR BSGON LEGS PAR ZHES BYA BA GSUNGS SO, ,JI SKAD BSTAN PA BZHIN BYED DU 'JUG PA'I PHYIR TE, KHYOD KYIS 'DI'I TSAD 'DI TZAM DU GYIS SHIG CES BYA BA'I THA TSIG GO, ,JI LTAR YANG DAG PAR BSTAN CE NA, SHIN TU ZHES BYA BA GSUNGS SO, ,'DI SKAD SMRAS PA BZHIN BRJOD PA'I PHYIR TE, 'DIR RUNG BAR GYIS SHIG ,NYO TSONG DAG LA TE POR MKHAS PAR GYIS SHIG CES BYA BA'I THA TSIG GO, ,BSTAN PA NI NGO BSTAN PA'O, ,YANG DAG PAR BSTAN PA NI PHAN PA LA SBYAR BA DANG MI PHAN PA BZLOG PAS SO, ,LAN GSUM DU ZHES BYA BA NI LAN GNYIS LAN GSUM DU @294B ZHES BYA BA'I THA TSIG GO, ,BSKUL BAR BYA BA NI CHOS GOS KYI CHED DU GZHAN GDAB PAR BYA'O, ,DRAN PAR BYA'O ZHES BYA BA LA, DRAN PA NI BSKUL BA'I 'KHOR DU GYUR PA KHO NA STE, DES NA LAN GNYIS LAN GSUM DU BSKUL BAR BYA, LAN GNYIS LAN GSUM DU DRAN PAR BYA'O ZHES BYA BA'I THA TSIG GO, , DE NYID BSTAN PA'I PHYIR BDAG CHOS GOS 'DOD DO ZHES BYA BA LA SOGS BA SMOS TE, BZLAS PA'I DON DU GNYER BA NYID DU BSTAN PA'I PHYIR RO, ,GAL TE ZHES BYA BA NI CI STE'O, ,GRUB NA ZHES BYA BA NI GRUB PAR GYUR NA'O, ,LAN BZHI LAN LNGA LAN DRUG GI BAR DU ZHES BYA NI SNGAR BSKUL BA GTOGS PAR LAN BZHI DANG LAN LNGA DANG LAN DRUG GI PAR DU STE, DES NA RE ZHIG LAN GSUM GYI BAR DU BSKUL BAR BYA'O, ,DES MA GRUB NA LAN GSUM GYI BAR DU PHYOGS SU BSDAD PAR BYA'O, ,DE LAS THAL NA LTUNG BAR 'GYUR RO ZHES BYA BA'I THA TSIG GO, ,GNAS NI GNAS SO, ,DE'I DUS DANG, KHANG PA DANG, LAS KYI MTHA' PA DANG, LAS LA NGAG GI BYE BRAG GIS RNAM PA BZHI STE, 'JIG RTEN NI PHAL CHER 'DI DAG TU GNAS PAR 'GYUR RO SNYAM DU DGONGS PA YIN NO, ,DE'I 'OG TU ZHES BYA BA NI BSKUL BA DANG BCAS PAR PHYOGS SU BSDAD PA STE, BSLANG BA LAN DRUG PA'I 'OG ROL DU ZHES BYA BA'I DON TO, ,'DI LA 'DUL BA 'DZIN PA RNAMS KYI BLO THA DAD PAR 'GYUR TE, 'DUL BA 'DZIN PA KHA CIG NA RE BSKUL BA LAN GSUM PA'I BSKUL BA BZHI PA'I DNGOS GZHI BYED PA NYID DO ZHES ZER RO, ,'DI NI 'DUL BA 'DZIN PA GZHAN DAG MI 'DOD DE, 'DI LTAR MJUG THOGS KHO NAR, BTZUN PA RE ZHIG DGE SLONG GI CHOS GOS BSGRUB PA'I SLAD DU LAN BZHI LAN LNGA LAN DRUG GI BAR DU SLONG BAR BGYID CING ZHES SLONG BA LA LAN DRUG PA'I 'OG MA LTUNG BA BYED PA NYID DU GSUNGS SO, ,GAL TE BZHI PA YANG DNGOS GZHI BYED PA NYID YIN NA DE LTA NA BTZUN PA RE ZHIG DGE SLONG GI CHOS GOS BSGRUB PA'I SLAD DU LAN GNYIS LAN GSUM BSKUL BA'I 'OG TU SLONG BAR BGYID CING ZHES DE NI 'DI SKAD DU BRJOD DGOS PAR 'GYUR TE, GNYI YANG RANG GI NGO BO YIN PA'I PHYIR RO, ,GANG YANG LAN GNYIS LAN GSUM DU BSKUL ZHING DRAN PAR BYAS PA NA GAL TE CHOS GOS @295A *, ,DE GRUB NA DE LTA NA LEGS, GAL TE MA GRUB NA LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PAR BYA'O ZHES BSKUL BA GSUM PA'I 'GO TU CANG MI SMRA BAR SDOD DU GNANG GI ,BSKUL BAR LHAG PAR MA GSUNGS BA DE NI YANG DANG YANG DU BSKUL BAR SMRAS NA SKYO BA SKYES NAS MI RUNG BA YIN GYI, BSKUL BA BZHI PA SPONG BAR BYED PA NYID KYI LAN NI MA YIN NO, ,DE LTA BAS NA 'DI NI BSKUL BA LAN GSUM LAS THAL BA NI NYES BYAS BYED PA NYID YIN LA, PHYOGS SU BSDAD PA LA LAN GSUM GYI 'OG TU NI SPONG BAR BYED PA NYID YIN NO ZHES BYA BA DE LTAR SHES PAR BYA'O, ,YID BRTAN PA NA YID CHOS PA STE, SLOB MA LA SOGS PA'O, ,DON CIR YANG MA GRUB PA NI DGOS PA CI YANG MI BYED PA'O, ,SHES PAR GYIS SHIG CES BYA BA NI LTOS SHIG PA'O, ,RANG GI NOR NI BDAG NYID KYI RDZAS SO, ,BTZUN PA RE ZHIG DGE SLONG CHOS GOS LAS MA GTOGS PA ZHES BYA BA LA SOGS PAS NYES BYAS SU GSUNGS PA NI SKUR BA'I SPANG BAR GTOGS PAR GYUR PA YIN NO, ,SKUR BA'I SPANG BA GTAN LA DBAB PA'O,, ,,SRIN BAL NI DAR GYI SRIN BU LAS BYUNG BA'O, ,STAN NI NANG TSANGS CAN DANG, BLINGS PA'O, ,KHA CIG NA RE STAN RNAM PA GNYIS YIN MOD KYIS, 'ON KYANG RE ZHIG 'DIR NI NANG TSANGS CAN LA DGONGS PA YIN NO, ,BLINGS PA NI MA YIN TE, DE NI PHYID PA'I NGO BO YIN PA'I PHYIR LA, SRIN BAL KYANG PHYID PA'I NGO BO NYID DU BLING DU MI RUNG BA'I PHYIR RO ZHES ZER RO, ,'DUL BA 'DZIN PA RNAMS NA RE DE NI RIGS PA MA YIN TE, 'DI LTAR BCOM LDAN 'DAS NYID KYIS STAN NI GNYIS TE, NANG TSANG DANG, BLINGS PA'O, ,DAN 'DI LA NI GNYI GA YIN PAR DGONGS SO ZHES GSUNGS PA'I PHYIR RO, ,BYED NA ZHES BYA BA NI RANG NGAM GZHAN LA MNGON SUM DU BYA'O, ,'DIR NANG TSANGS CAN SMOS PAS NI G-YOGS MA'I GOS DE LTA BU NYID DU 'CHANG BA NI SPANG PAR MI 'GYUR TE, GOS NYID YIN BA MED PA'I PHYIR RO, , STAN GANG ZHIG 'DIR STAN NYID YIN DU ZIN KYANG GOS NYID YIN PA YOD PA DE NI 'CHANG NA 'CHANG BA'I SPANG BAR 'GYUR BA KHO NA STE, GOS SU GYUR PA'I PHYIR GDING BA BZHIN NO ZER RO, ,BTZUN PA RE ZHIG DGE SLONG GIS GZHAN LAS SRIN BAL GYI STAN SAR BA BGYID DU STZAL NA ZHES BYA BA LA SOGS PAS NYES @295B BYAS SU GSUNGS PA NI RANG GI MIG SNGAR MA BYAS PA'I PHYIR TE, RANG GI MIG SNGAR MA BYAS PAS NI RANG GI MIG SNGAR BYAS, DE 'DRA BA'I MNGON PAR ZHEN PA DAM PO'I 'DOD PA YANG MI 'BYUNG LA, DE 'DRA BA'I LUS NI MI 'BYUNG BAS DE'I PHYIR 'DI SHES PAR BYA'O, ,KHA CIG MDUN DU KHYIM PA LA BGYID DU STZAL NA ZHES BYA BA LA SOGS PAS NYES BYAS SU BRJOD DO, ,'DI NI RIGS PA MA YIN TE, 'DI LTAR BYED PA DANG BYED PA NYID YIN GYI KHYIM PA NYID LA SOGS PA'I KHYAD PAR NI MA YIN TE, DE NI 'DIR 'BREL PA NYID MED PA'I PHYIR RO, ,DE LTA BAS NA 'DI LA LHUNG BZED KHO NA BZANG STE, LOGS SHIG TU SMOS PA NI GSAL PA NYID DU BSTAN PA'I PHYIR GCOD PA LA SOGS PA YANG TSUL NI 'DI YIN NO, ,SBUN ZHES BYA BA LA SOGS PAS SPANG BA'I LTUNG BYED DU SMRAS TE, DKON PA'I PHYIR DANG, RIN CHE BA'I PHYIR TE DE SKAD DU GSUNGS SO ZHES ZER RO, ,BAL LAM ZHES BYA BA LA SOGS PAS 'DRES PA LAS BYAS NA NYES BYAS SU GSUNGS PA NI RDZAS ZUNG DANG 'BREL BA LA 'DI SHES PAR BYA'O, ,KHA CIG NI SRIN PAL NI DUL MA DANG ZHES BYA BA LA SOGS PA LAS 'DIR KHYAD PAR RNAMS NI YAN LAG DBYE BA NYID KYIS RGYU DANG SPUN DAG TU RIG PAR BYA'O, ,GZHAN DAG NI DE LTAR MI 'DOD DE, 'DI LTAR GAL TE GANG DAG CHES DKON ZHING CHES RIN CHE BA DE SPONG BAR BYED PA NYID DU 'GYUR TE, 'DOD NA DE LTA NA NI DPAG BSAM GYI GOS LA SOGS PA'I SPONG BA BYED PA NYID DU SHIN TU DKON PA DANG, SHIN TU RIN CHE BA'I PHYIR RO, ,DE BAS NA MJUG THOGS KHO NAR MA BRTAGS PA LAS BGYID DU STZAL NA CIR 'GYUR LAGS, NYES BYAS SO ZHES KHYAD MED PAR MA BRTAGS PA THAMS CAD NYES BYAS BYED PA NYID DU 'CHAD PAR 'GYUR RO, ,DE LTA BAS NA STON PAS BCAS PA'I DBANG KHO NAS LTUNG BA RNAM PAR GZHAG PA YIN NO, ,'DI LTA SPANG BA'I LTUNG BYED DU RNAM PAR GZHAG PAR BRJOD PAR YANG RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA 'DRES PA 'DI THAMS CAD LA NI NYES BYAS KHO NAR RIG PAR BYA'O, ,MA BRTAGS PA NI DPAG BSAM GYI GOS LA SOGS PA'O, ,KHA CIG NI DGE SLONG MA RNAMS LA SRIN BAL GYI SPANG BA MI 'DOD DO, ,DE NI RIGS PA MA YIN TE, YANG DGE @296A *, ,SLONG MA GANG ZHIG SRIN BA LA GYI STAN SAR PA BYED NA SPANG BA'I LTUNG BYED DO ZHES 'BYUNG BAS DGE SLONG MA'I RNAM PAR 'BYED PA DAG LAS DE RNAMS LAS NI RNAM PAR GZHAG PA'I PHYIR RO, ,BDE BAR GSHEGS PA'I ZHES BYA BA LA SOGS PA NI CHOS GOS GANG LA CHU DANG ZHENG DAG TU TSAD DANG LDAN PA'I KHRU BCO LNGA DANG DGU'I TSAD YOD PA DE LA DE SKAD CES BYA'O, ,TSAD DE LA LDAN PA ZHES BYA BA'I DON TO, ,BCOM LDAN 'DAS KYI YAN LAG NI SKYES BU GSUM GYI TSAD YIN PA'I PHYIR RO, ,'DI NI TSAD LAS LHAG NAM BRTAGS PA YIN PA'I PHYIR RO, ,ZHUS PA LA LA LAS NI GZHUNG 'DI SKAD DU, BDE BAR GSHEGS PA'I TSAD KYIS BGYID NA CIR 'GYUR LAGS, SPANG BA'I LTUNG BYED DO ZHES 'BYUNG STE, DE LTA BAS NA 'DIS NI CHUNG BA NI NA SMAD PAR BYED PA NYID YIN GYI, LHAG PA NI MA YIN NO ZHES BSTAN PA YIN NO, ,KHA CIG NI SPANG BAR SMOS PA MI 'DOD DE, JI LTA JI LTAR BCOS PAS TSAD CHUNG NGU RAB TU BYUNG BA'I RDZAS MA YIN PA'I PHYIR LTUNG BA CHUNG NGU BYED PA NYID YIN PA LTAR TSAD CHEN PO YANG DE DANG 'DRA'O, ,DE NYID KYI PHYIR 'OG NAS BTZUN PA DGE SLONG GIS DGE 'DUN GYI KHRI'AM KHRI 'U BKRAM STE MA BYUNG BAR MCHIS LA, LTUNG BYED DU'ANG MI 'GYUR BA LTA MCHIS LAGS SAM, NYE BA 'KHOR YOD DE, BDE BAR GSHEGS PA'I SOR BRGYAD PAS CHUNG PA'AM CHE BAR 'GYUR NA NYES BYAS SU 'GYUR RO ZHES 'CHAD PAR 'GYUR BAS, TSAD LAS LHAG PA YANG NYES BYAS SU GSUNGS SO, ,DE BZHIN DU TSAD LAS LHAG PA'I LHUNG BZED 'CHANG PA LA YANG NYES BYAS SU GSUNGS TE, DE LTA BAS NA 'DI LA NI NYES BYAS KHO NAR BZANG NGO, ,CHEN PO ZHES BYA BA LA SOGS PA LA DE'I ZHENG GI TSAD NI 'DUL BA 'DZIN PA RNAMS GDING BA DANG 'DRA BAR BRJOD DO, ,DE LA GDING PA'I TSAD NI 'DI YIN TE, SRID DU BDE BAR GSHEGS PA'I MTHO'I MTHO DO'O, ,ZHENG DU PHYED DANG DO'O ZHES 'BYUNG BA'I PHYIR RO, ,BSNYEN PAR MA RDZOGS PAR ZHES BYA BA LA SOGS PA LA, STAN BGYI BAR SBYOR BA BGYIS LA ZHES BYA BA NI MNGON SUM KHO NAR SBYOR BA BYED KYI PHO NYA LA SOGS PA'I MA YIN NO ZHES BYA BA'I DON TE, 'DI LA SBYOR BA'I DBANG GIS KYANG LTUNG BA 'DRA BA NYID DO SNYAM DU DGONGS PA YIN NO, ,ZHUS PA @296B LA LA LAS NI 'DI SKAD DU BTZUN PA RE ZHIG DGE SLONG SRIN BAL NYAMS PA LAS STAN BGYID NA CIR 'GYUR LAGS NYES BYAS SO ZHES 'BYUNG NGO, ,DE LA DON NI 'DI YIN TE, NYAMS PA NI SROG CHAGS KYIS ZOS PA LA SOGS PA MA RUNG BAR GYUR PA'O, ,NYAMS PA NYID LA NI RDZAS YONGS SU RDZOGS PA MED PAS DE'I PHYIR TSUL 'DI YIN NO, ,SRIN BAL GYI SPANG BA GTAN LA DBAB PA'O,, ,,LUG BAL NI LUG GI BAL LO, ,NAG PO 'BA' ZHIG NI NAG PO NYI TSE STE, LDING NAG CES BYA BA'I THA TSIG GO, ,'DI NI SHIN TU 'JAM PA'I PHYIR DANG, DKON PA'I PHYIR RAB TU BYUNG BA DANG MTHUN PA NYID MA YIN TE, DE'I PHYIR 'DI YIN NO, ,RGYAS PAR BRJOD PA ZHES BYA BA NI GZHAN LAS BGYID DU STZAL NA ZHES BYA BA LA SOGS PA'O, ,BZHI TSAN DU ZHES BYA BA NI LUG BAL NAG PO 'BA' ZHIG PAR 'DU SHES PAS STAN SAR PA BGYID DU STZAL NA CIR 'GYUR LAGS, SPANG BA'I LTUNG BYED DO, ,NAG PO 'BA' ZHIG LA NAG PO 'BA' ZHIG MA LAGS PAR 'DU SHES NA CIR 'GYUR LAGS, LTUNG BA MED DO, ,NAG PO 'BA' ZHIG MA LAGS PA LA NAG PO 'BA' ZHIG TU 'DU SHES NA CIR 'GYUR LAGS, NYES BYAS SO, ,NAG PO 'BA' ZHIG LAGS PA LA NAG PO 'BA' ZHIG MA LAGS PAR 'DU SHES NA CIR 'GYUR LAGS LTUNG BA MED DO, ,NAG PO 'BA' ZHIG PA'I SPANG BA GTAN LA DBAB PA'O,, ,,CHA NI SHAS SO, ,GSUM PA NI DKAR PO LAS ZHES BYA BA NI GNYA' BA DANG SGANG DANG GLO NAS SKYES PA DKAR PO DAG LAGS SO, ,BZHI NI 'KHOB BAL LAS ZHES BYA BA NI MGO DANG RKANG LAG DANG LTO LAS SKYES PA DAG LAS TE, PHAL CHER SA LA 'DRUD PA'I PHYIR RO, ,GZHUG PAR BYA BA NI GTANG BAR BYA BA'O, ,CHA GNYIS LAS ZHES BYA BA LA SOGS PA'I DON NI 'DI YIN TE, LUG BAL NAG PO DAG GI CHA GNYIS PO 'DI LAS LHAG PA NYID YIN NA LTUNG BA 'DIR 'GYUR RO, ,GANG GI TSE DKAR PO DANG 'KHOB BAL DAG LHAG PAR BCUG PAS NAG PO NYUNG BA'AM MNYAM PAR GYUR PA DE'I TSE NI LTUNG BA MED DO ZHES BYA BA'I THA TSIG GO, ,MA BCUG PAR ZHES BYA BA NI MA BTAB PAR TE, GZHAN LA BGYID DU STZOL NA ZHES BYA BA LA SOGS PA THAMS CAD BRJOD PAR @297A *, ,BYA'O; ;BZHI TSAD DU BRJOD PAR BYA'O ZHES BYA BA NI, LUG BAL DKAR PO DANG 'KHOB BAL NYUNG BA LA NYUNG BAR 'DU SHES, LUG BAL NAG PO 'BA' ZHIG MANG BA LA YANG MANG BAR 'DU SHES PAS, STAN SAR PA BGYID DU STZAL NA CIR 'GYUR LAGS; SPANG BA'I LTUNG BYED DO, ,DKAR PO DANG 'KHOB BAL NI NYUNG, DKAR PO 'BA' ZHIG NI MANG BA LA MI MANG BAR 'DU SHES NA CIR 'GYUR LAGS, LTUNG BA MED DO, ,GNYI GAR YANG DGE SLONG MA LA NI, DKAR PO DANG 'KHOB BAL NI NYUNG, DKAR PO 'BA' ZHIG NI MANG BA LA MANG BAR 'DU SHES NA CIR 'GYUR LAGS, NYES BYAS SO, ,DKAR PO DANG 'KHOB BAL NI NYUNG, DKAR PO 'BA' ZHIG MI NYUNG BAL NI MI NYUNG BAR 'DU SHES NA CIR 'GYUR LAGS, LTUNG BA MED DO, ,GNYIS KAR YANG DGE SLONG MA LA YANG NYES BYAS SU BRJOD PAR BYA'O ZHES BYA BA NI, DGE SLONG MA RNAMS LA NAG PO 'BA' ZHIG DANG CHA GNYIS KYIS SPANG BA DAG MED KYI, RANG GIR SHES PAR GYUR PA NI NYES BYAS SU 'GYUR BA 'BA' ZHIG TU ZAD DO ZHES BYA BA'I DON TO, ,CHA GNYIS KYI SPANG BA GTAN LA DBAB PA'O,, ,,STAN ZHES BYA BA NI 'DIR BLINGS PA YIN PAR GZUNG STE, DE SKAD DU BSTAN PA ZHES BYA BA NI STAN GNYIS TE, NANG TSANGS CAN DANG BLINGS PA'I DON 'DI LA NI BLINGS PA YIN PAR DGONGS SO, ,MI 'DOD BZHIN DU ZHES BYA BA NI 'DOD PA MED BZHIN DU'O, ,LO DRUG NI LO DRUG GI BAR TE, 'DI NI LO LNGA PO DAG LA DGAG PA YIN GYI DRUG PA LA NI MA YIN NO, ,DE NYID KYI PHYIR TSUN CHAD CES BYA BA LA SOGS PA GSUNGS TE, MTSAMS SU GYUR PA DRUG PA'I SNGON ROL LNGA PO DAG LA ZHES BYA BA'I THA TSIG GO, ,DE SKAD DU RNAM PAR 'BYED PA LAS, DGE SLONG GANG LA STAN BYED PA'I BLO DE KHO NA DAG LA YANG GNYIS PA MI BYED CING GNYIS PA LA MA YIN, GSUM PA LA YANG MA YIN; BZHI PA LA YANG MA YIN, LNGA PA LA YANG MA YIN, 'ON KYANG LO DRUG PA LA BYED NA LTUNG BA MED DO ZHES DRUG PA LTUNG BA MED PA NYID YIN PAR GSUNGS SO, ,'DI LA TSIG GI DON NI 'DIR 'GYUR TE, BRGYA LA DGE SLONG GIS DANG PO KHO NAR STAN BLINGS PA ZHIG BYAS BAR GYUR PA LA DE YANG DE MI 'DOD @297B NA DE'I TSE 'DI LA GAL TE LAS GSAR PA BYED PA 'BA' ZHIG YOD NA DES DE DGE 'DUN LA STAN GZHAN BYA BA'I PHYIR GNANG BA THOB NAS STAN BYA'O, ,CI STE LAS GSAR BYED BA MED NA DE'I TSE STAN DE BOR YANG RUNG, LO DRUG GI SNGON ROL DU STAN GZHAN MI BYA'O, ,LO DRUG PA LA NI NYES PA MED DO, ,DGE SLONG ZHES BYA BA LA SOGS BAS MTSAN GYUR NA NYES BYAS SU GSUNGS PA 'DI NI MA BRTAGS PA'I PHYOGS LA BRTEN PA'I PHYIR RO, ,LON PA LA ZHES BYA BA LA SOGS PA NI LO DRUG LA SOGS PAR LON PA LA LO DRUG LA SOGS PAR 'DU SHES PA STE, DE LA NI LTUNG BA MED PAR BSHAD DO, ,MA LON PAR 'DU SHES PA NI LO LNGA DANG BZHI LA SOGS PAR 'DU SHES PA STE, DE LA NI LTUNG BAR GSUNGS SO, ,ZHUS PA LA LA LAS NI 'DI SKAD DU, DGE SLONG LO DRUG LON TSUN CHAD DU STAN BGYID LA LTUNG BAR YANG MI 'GYUR BA 'GA' LTA MCHIS LAGS SAM, YOD DE LO DRUG TSUN CHAD DU BABS TE YANG BSNYEN PAR RDZOGS NAS STAN ZHIG BYED NA LTUNG BA MED DO, ,'PHRO BOR TE BABS NA YANG DE DANG 'DRA'O ZHES 'BYUNG STE, BAR SKABS SU GNAS SKABS MI 'DRA BAS CHOD PA'I PHYIR LTUNG BA MED PAR GSUNGS SO, ,LO DRUG PA'I SPANG BA GTAN LA DBAB PA'O,, ,,GDING BA NI 'DI DANG LHUNG BYED DAG LA YANG GDING BA DRAS PAR SHES PAR BYA'O, ,SAR PHA NI RDZAS GSAR PA'I PHYIR TE, 'DI LTAR SAR PA ZHES BYA BA NI SAR PA GNYIS TE, GSAR PAS GSAR PA DANG, THOB PAS GSAR PA'O, ,DON 'DI LA NI GSAR PAS GSAR PA YIN PAR DGONGS SO ZHES RANG GI SGRAS BSTAN PA'I PHYIR RO, ,BYED PA'I BDAG NYID DAM RANG GI MIG SNGAR GZHAN LAS SO, ,GDING BA RNYING PA ZHES BYA BA LA SOGS PA NI GAL TE 'DI LA NI GDING BA RNYING PA BDOG NA DE LAS KUN NAS KHRU PHYED DANG DO PA'I TSAD TZAM ZHIG BLANGS NAS DE LA GLAN PAR BYA'O, ,GAL TE RNYING PAR GDENGS PAR GYUR NA DE'I TSE MA GLAN KYANG NYES PA MED DE, DE SKAD DU YAN GDING BA RNYING PA THAMS CAD KYI THAMS CAD DU MI RUNG BA'AM, DNGAS PA'AM, BCOM LEGS DER BYAR MED PA ZHIG TU GYUR NA LTUNG BA MED DO ZHES GSUNGS SO, ,'O NA CI'I PHYIR BDE BAR GSHEGS PA'I MTHO GANG BAS GLAN PAR BYA ZHE NA, SAR PA DAG CES BYA BA LA SOGS PAS SMOS TE, 'DUL BA SHES PA RNAMS NA RE GDTIN BA SAR BA SRA BAR BYA BA'I PHYIR RO, , @298A *, ,DE NI GDING BA'I DKYIL DU GLAN PAR BYA STE, GLAN PAS DE YANG SRA BAR GYUR NA, GDING PA RNYINGS PA LAS BRNYAS PAR BYAS PAR MI 'GYUR RO ZHES ZER RO, ,SPYOD NA ZHES BYA BA NI LUS KYIS NYE BAR SPYOD NA ZHES BYA BA'I THA TSIG GO, ,DGE SLONG ZHES BYA BA LA SOGS PAS MTSAN GYUR NA NYES BYAS SU GSUNGS PA NI MA BRTAGS PA'I PHYOGS SU GTOGS PA YIN NO, ,CHUNG BA ZHES BYA BA LA SOGS PA'I MI 'TSAL BA NI BDE BAR GSHEGS PA'I MTHO GANG DU'O, ,LHAG PA NI BDE BAR GSHEGS PA'I MTHO GANG GI TSAD LAS TE, DES NI MI CHOG PAR GLAN NA LTUNG BAR GYUR NA, LHAG PAR GLAN NA LTUNG BA MED DO ZHES BYA BA'I THA TSIG GO, ,GDING BA'I GTAN LA DBAB PA'O,, ,,BLANG BAR BYA BA NI KUN DU BLANG BAR BYA BA'O, ,KHYER BA MED NA ZHES BYA BA NI KHUR TZA BA MED NA'O, ,DPAG TSAD GSUM GYI MTHA'I BAR DU ZHES BYA BA LA BAR ZHES BYA BA NI NGES PAR GZUNG BA STE, DES NA DPAG TSAD GSUM, GYI MTHA' KHO NAR ZHES BYA BA'I THA TSIG GO, ,BSKUR BAR BYA BA NI KHYER PAR BYA BA'O, ,DE LAS 'DAS PAR ZHES BYA BA NI DPAG TSAD GSUM PO DE LAS 'DAS PAR RO, ,DE LA DON NI 'DI YIN NO, ,KHUR TZA BA YOD KYANG RUNG MED KYANG RUNG DPAG TSAD GSUM LAS 'DAS PAR LUG BAL KHYER TE RGYAD GRAGS LAS 'DAS NA SPANG BAR 'GYUR RO, ,KHUR TZA BA YOD NA NI DANG PO NYID NAS BZUNG STE, BDAG NYID KHYER PA LAS NYES BYAS GZHAN DU 'GYUR RO, ,RDZU 'PHRUL GYIS KHYER NA ZHES BYA BA LA RDZU 'PHRUL SMOS PA NI 'DIR GTZO BO YIN PA'I PHYIR MNGON PAR SHES PA'I RANG BZHIN YIN PA'I PHYIR RO, ,DES KHYER BA NI DGE BA'I SEMS YIN PA'I PHYIR LTUNG BA MED PAS DE'I PHYIR 'DI GSUNGS SO, ,'ON TE RNAM PA GZHAN GYI ZHES BYA BA NI GSANG SNGAGS LA SOGS PA'I RNAM PAS TE, KHUR KHYER BA MED PA'I PHYIR NYES BYAS YIN NO, ,RUNG BAR BGYID PAS SPRUL PAS ZHES BYA BA LA SOGS PA LA RUNG BAR BYED NA NI NYE GNAS LA SOGS PA'I KHUR TZA'O;; SBRUL PAS ZHES SMOS PAS 'DI NI RUNG BA BYED PA'I KHYAD PAR YIN NO, ,RDZU 'PHRUL GYIS KHYER NA LTUNG BA MED DO ZHES GSUNGS PAS 'DIR SMOS PA DON MED PA MA YIN NAM ZHE NA, DE NI MA YIN TE, MNGON PAR SHES PA'I RANG BZHIN GYI SEMS MNYAM PAR GZHAG PA DGE BA KHO NAS DE KHYER BA'I PHYIR DANG, @298B DGE BA'I SEMS KYIS KYANG LTUNG BA MI SLONG BA'I PHYIR RO, ,'DI LA NI 'DOD PA NA SPYOD PA'I SEMS MNYAM PAR GZHAG PA MA YIN PA LA LUNG DU MA BSTAN PAR SKABS SU LUS KYI LAS KUN NAS BSLANG BA'I PHYIR MNGON DU BYED PAS KYANG KHYER BA BSGRUB PA'I PHYIR DANG, LUNG DU MA BSTAN PA'I SEMS LA YANG LTUNG BA 'BYUNG BAS KHYAD PAR SHIN TU CHEN PO YOD DO, ,'DI LA YANG SPRUL PA'I PHYIR PHYIR SPRUL PA PO'I LUS KYI RNAM PAR RIG BYED KUN NAS SLONG BAR BYED PA'I MNGON PAR BRTZON PA RGYUN CHAGS PA YANG YOD NA SKAD CIG PA YANG YOD DO, ,DES NA YID KYIS YIN PA'I PHYIR, 'DIR BSNGAM PAR BYA BA'I NYES BYAS SU 'GYUR RO ZHES BYA BA DE LTAR SHES PAR BYA STE, PHO NYA LA SOGS PA LAS BSKUR BA LA YANG TSUL 'DI KHO NA YIN NO, ,DES YANG LUG BAL GZHAN CIG CES BYA BA LA SOGS PA NI RTZOM PA THA DAD PA'I PHYIR SPANG BA'I LTUNG BYED MI SLONG GI SBYOR BAR GTOGS PA'I NYES BYAS SU NI 'GYUR RO ZHES BYA BA'I THA TSIG GO,, DGE SLONG MAR RED NAS ZHES BYA BA LA SOGS PA LA MTSAMS NI DPAG CHAD GSUM GYI BAR RO, ,MTSAN GYUR PA 'DI LA NYES BYAS SU GSUNGS PA NI MA BRTAGS PA'I PHYOGS LA BRTEN PA'I PHYIR RO, ,RGYANG GRAGS ZHES BYA BA LA SOGS PA NI RGYANG GRAGS LAS SPANG BAR GSUNGS PA'I PHYIR RO, ,RGYANG GRAGS MA LAGS PA NI RGYANG GRAGS PHYED LA SOGS PA STE, DE LA NI NYES BYAS SU GSUNGS PA'I PHYIR RO, ,LUG BAL KHYER BA'I SPANG BA GTAN LA DBAB PA'O,, ,,RMEL DU 'JUG PA NI BYED DU 'JUG PA STE, LCIG PAR BYED DU 'JUG PA ZHES BYA BA'I THA TSIG GO, ,BAL RMEL BA'I SPANG BA GTAN LA DBAB PA'O,, ,,RANG GI LAG GIS ZHES BYA BA NI RANG GI LAG PA STE, 'DI NI LAN BYED KYI BYA BA 'DI DANG SBYAR BAR BYA'O, ,GSER NI GSER NYID DO, ,DNGUL NI DNGUL NYID DE, 'DI GNYIS KYANG NOR BU LA SOGS PA RIN PO CHE GZHAN GYI DPE YIN NO, ,LEN PA NI RANG GIS SO, ,'AM ZHES BYA BYA BA NI RNAM PAR RTOG PA'O, ,YANG NA KHYAD PAR STON PA YIN TE, DES NA RANG GI LA REG PA DANG REG TU 'JUG PA DAG LA SPANG BA NYID 'DIR GSUNGS KYI GZHAN GYI LA NI MA YIN TE, DE LA NI LTUNG BYED 'BA' ZHIG TU 'CHAD PAR 'GYUR RO, ,'DI LTAR GZHAN GYI RIN PO CHE NI SPANG BAR 'OS PA NYID DU 'GYUR BA'I @299A *, ,ZHING MA YIN TE, GZHAN GYI YIN PA NYID KYIS SNGON NYID NAS SPANG BA'I NGO BO YIN PA'I PHYIR RO, ,DE'I PHYIR GZHAN GYI LA SPANG PAR BYED PA NYID MED PAR SHUGS KYIS NA 'DI LTUNG BA 'BA' ZHIG BYED PAR RNAM PAR GZHAG GO ZHES BYA BA'I THA TSIG GO, ,LEN DU 'JUG PA NI RANG GI MIG SNGAR GZHAN LA'O, ,LKOG GI PHYOGS NI SMRA BA PO LKOG TU GYUR PA STE, DE LA NI RANG GI MIG SNGAR BAB BA NYID MED PAS NYES BYAS KHO NAR RNAM PAR GZHAG PA'O, ,'AM ZHES BYA BA'I SGRA NI RNAM PAR RTOG PA'I DON TE, DES NA YO BYAD GZHAN YIN PAR 'DU SHES PA LA NI LTUNG BA MED LA, LKOG GI PHYOGS NAS LEN DU 'JUG PA LA NI NYES BYAS SO ZHES BYA BA'I DON 'DIR 'GYUR BAR SHES PAR BYA'O, ,YO BYAD GZHAN DU 'DU SHES NA LTUNG BA MED PA KHO NA 'DI LA BSAM PA NYAMS PA MED PA'I PHYIR RO, ,GSER GYI MA SHA NI MNGON MTSAN BTAB BA NYID KYIS NYO BA LA SOGS PA LAS 'JIG RTEN GYI THA SNYAD KYI RGYU MTSAN DU GYUR PA'O; ;KHAR BA'I MA SHA YANG DE DANG 'DRA MOD KYI 'ON KYANG RIN PO CHE BAS NGAN PA'I PHYIR NYES BYAS SU GSUNGS SO, ,BSNYEN PAR MA RDZOGS PAR ZHES BYA BA NI 'DI LA BSNYEN PAR MA RDZOGS PA DGE SBYONG LA REG PA DANG REG TU 'JUG PA DAG GI LTUNG BA 'GA' YANG MED MOD KYI 'ON KYANG RANG GIR BYED PA SNGON DU 'GRO BA'I REG PA LA NYES BYAS SU 'GYUR BA KHO NA STE, NYE BA 'KHOR NGAS LEN PA LAS DGONGS TE GSUNGS KYI, RANG GIR BYED PA LAS NI MA YIN NO ZHES GSUNGS PA'I PHYIR RO, ,YANG NA GZHAN DAG NA RE 'DI NI DGE SLOB MA'I DBANG DU MDZAD DE GSUNGS PA YIN NO ZHES ZER RO, ,DBEN PA LA DBEN PAR 'DU SHES PAS ZHES BYA BA LA SOGS PAS NYES BYAS SU GSUNGS PA NI SBYOR BAR GTOGS PA STE, DE BZHIN DU 'DI DANG 'DRA BA GZHAN DAG LA'ANG SHES PAR BYA'O, ,LUS KYI RNAM PAR RIG BYED KYIS ZHES BYA BA LA SOGS PA LA 'DI DAG LA RAG LUS PA'I PHYIR 'DIR NA SMAD PA NYID YIN NO, ,RANG GIR BYED PA'I SEMS KYANG MI SKYED CING ZHES BYA BA LA SOGS PA 'DIS NI BYIN GYIS BRLAB PA'I DUS NA RANG GIR BYA BA BSKYED PAR MI BYA'O ZHES BSTAN PA YIN NO, ,TSIG TU SMRA NA'O ZHES BYA BA NI BYIN GYIS BRLAB PA'I DON DU'O, ,DE NYID KYI PHYIR MI RUNG BA'I DNGOS PO LAS ZHES BYA BA LA SOGS PA SMOS TE, DE LTAR YANG BRAM ZE'I @299B BU PA'I GZHUNG LAS, BDAG DGE SLONG MING 'DI ZHES BYA BA'I DNGOS PO RUNG BA MA YIN PA 'DI GRUB STE, DNGOS PO RUNG BA MA YIN PA 'DI LAS RUNG BA GRUB PA GANG YIN PA DE RANG GIR BYA'O ZHES BYIN GYIS BRLAB PAR GTOGS PA'I GZHUNG 'GA' ZHIG GSAL RAB TU 'BYUNG NGO, ,RANG GIR MA BYAS NA YANG GZHAN GYI YIN PA'I PHYIR JI LAR BYIN GYIS BRLAB TU RUNG, 'ON TE RANG GIR BYAS NA YANG RUNG BA MA BYAS PA'I PHYIR JI LTAR BYIN GYIS BRLAB TU RUNG ZHE NA, 'DI NI 'OG NAS BRAM ZE'I BU BA LAS RGYAS PAR BSHAD PAR BYA'O, ,LHUNG BYED DO ZHES BYA BA 'DI LA NI GZHAN GYI RIN PO CHE LA REG NA LTUNG BYED DU BSTAN PA'I PHYIR RO, ,DGE SLOB MA GSER DANG DNGUL 'DZIN PA LA NYES BYAS SU GSUNGS PA NI, GSER DANG DNGUL LA GZUNG MI BYA, ,ZHES 'BYUNG BAS REG PA BKAG PA'I PHYIR RO, ,ZHUS PA LA LAS 'DI SKAD DU NOR GSER DANG DNGUL RKANG PA'I DRUNG DU 'JOG PA NYAMS SU MYONG BAR BYED PA DANG, LKOG GI GNAS NA YOD PA RANG GIR BYED NA SPANG BA'I LTUNG BYED DU 'GYUR RO ZHES 'BYUNG NGO, ,DE LA DON NI 'DI YIN TE, RKANG PA'I DRUNG NI RKANG PA'I PHYOGS SO, ,'DIR NI LAG TU THOB PA NYID STON PAR BYED DO, ,NYAMS SU MYONG BAR BYED PA NI RANG GIR BYED PA SKYED PA'I PHYIR RO, ,DE CI ZHIG CE NA NOR ZHES BYA BA GSUNGS OS, ,NOR YANG RNAM PA DU MA YOD PAS GSER DANG DNGUL ZHES BYA BA GSUNGS TE, DE'I PHYIR GSER DANG DNGUL GYI NGO BO NYID KYI NOR GANG DE ZHES BYA BA'I THA TSIG GO, ,RANG GIR BYED PA NI 'DUL BA 'DZIN PA RNAMS NA RE LAG PA LA SOGS PAS RANG GIR SGRUB PA YIN GYI, YID LA RANG GIR BYED PAS SBYIN PAR BYED PA NI MA YIN TE, 'GAL BAR THAL BAR 'GYUR BA'I PHYIR RO, ,'DI LTAR GAL TE RANG GIR BYED PA LAS KYANG SPANG BAR 'GYUR NA DE LTA NA NI LHUNG BZED 'CHANG BA DANG, LHUNG BZED TSOL BAR BYED BA DAG YUL LHUNG BZED MTSUNGS PA NYID YIN YANG SPYOD PA'I BYE BRAG GIS LTUNG BA THA DAD PA BYED PA NYID YIN PA DE BZHIN DU, RIN PO CHE RANG GIR BYED PA DANG, RIN PO CHE LA REG PAR BYED PA YANG, YUL RIN PO CHE MTSUNGS PA NYID YIN YANG SPYOD PA'I BYE BRAG GIS LTUNG BA THA DAD PA BYED PA NYID DU 'GYUR DGOS SO, ,DE'I PHYIR SPYOD PA'I LTUNG BYED KYI LTUNG BA SUM CU RTZA GCIG TU THAL BAR 'GYUR TE, SUM CU NYID NI NYAMS PA @300A *, ,KHO NAR 'GYUR RO, ,THUB PAS NI SO SOR THAR PA DANG, RNAM PAR 'BYED PA DANG, NYE BA 'KHOR GYIS ZHUS PA THAMS CAD LAS REG PA DANG, REG TU 'JUG PA DAG KHO NA SPANG BA'I LTUNG BA BYED PA NYID DU GSUNGS KYI, RANG GIR BYED PA LAS KYANG 'GYUR BAR NI MA GSUNGS SO, ,DON 'DI NI LKOG GI PHYOGS SMOS PAS DNGOS SU KHONG DU CHUD PAR ZAD DO ZHES ZER RO, ,GAL TE SPANG BA'I LTUNG BA DANG, GSER DANG DNGUL GYI SPANG BA DAG LA NI KHYAD PAR CI YOD CE NA, CHOS GOS KYI CHED DU GSER LA SOGS PA RNYED PA GANG YIN PA DE LEN NA DER GTOGS PA'I KHA NA MA THO BA YIN NO, ,DE LAS GZHAN PA GANG YIN PA DE NI 'DIR GTOGS PA YIN NO, ,DE LA YANG CHOS GOS KYI RIN GSER LA SOGS PA RUNG BAR BYAS PA LA MI SPONG BAR LEN PA LA NI LTUNG BA 'GAR YANG MI 'GYUR RO ZHES BYA BAR SHES PAR BYA STE, 'DI SKAD DU YANG, BCOM LDAN 'DAS 'DI SNYAM DU DGONGS TE, KYE MA BRAM ZE DANG KHYIM BDAG DAD PA CAN RNAMS KYANG CHOS GOS KYI ZONG DAG KYANG STER LA, NGA'I NYAN THOS RNAMS KYANG CHOS GOS KYI ZONG DAG 'DOD PAS MA LANGS DGE SLONG RNAMS LA RUNG BA 'GA' ZHIG GNANG BAR BYA'O SNYAM NAS, BCOM LDAN 'DAS KYIS BKA' STZAL PA, BLANG BAR BYA ZHING BLANGS NAS KYANG SBYIN BDAG DE NYID LA YID BRTAN PAS BCANG BAR BYA'O ZHES CHOS GOS KYI ZONG GSER LA SOGS PA MI RUNG BAR BYAS PA RNAMS BLANG BAR BCOM LDAN 'DAS KYIS GSUNGS PAS 'DI NYID KYI KHYAD PAR NI 'DI YIN NO, ,GSER DANG DNGUL GYI SPANG BA GTAN LA DBAB PA'O,, ,,MNGON MTSAN CAN ZHES BYA BA NI 'DI MNGON MTSAN CAN TE, MTSAN NYID RTAGS YOD PAS NA MNGON MTSAN CAN TE, K'AR sh'A PA nA LA SOGS PA'O, ,'DI YANG NAS DANG 'DRAS LA SOGS PA'I DPE STE, 'DI LTAR RNAM PAR 'BYED PA LAS DGE SLONG RNYED PA 'DOD PA NAS 'BRAS SKYED 'GYED CING DE DE NA BRE BO CHE TSOL BAR BYED, BRE'U CHUNG DANG, PHUL DANG, DBANG PO DANG, SHOG SHOG DANG, RAM PHYIS DANG, SMYU GU TSOL BAR BYED NA, JI SRID DU RNYED PA RANG GIR MI BYED PA DE SRID DU NYES BYAS SO, ,RNYED PA BDAG GIR BYED NA SPANG BA'I LTUNG BYED DU 'GYUR RO ZHES 'BYUNG BAS 'BRAS BU SPYOD NA YANG SPANG BA'I LTUNG BYED DU GSUNGS PA'I PHYIR RO, ,SPYOD PA @300B NI 'PHEL BAR SBYOR BA STE, BRGYAD DAM PHYED LA SOGS PA'I BDE KYIS RNYED PA GRUB PA ZHES BYA BA'I THA TSIG GO, ,RNAM PA SNA TSOGS NI KUN DU SBYOR BA DANG, RAB TU SBYOR BA DANG, SPEL BA BSKYED PA'I BYE BRAG GI RNAM PA SNA TSOGS PA'O, ,DE BYED NA ZHES BYA BA NI LHAG PAR SPYOD NA STE, BYED PAR 'GYUR NA ZHES BYA BA'I THA TSIG GO, ,DE BAS NA RIN PO CHE LA SOGS PA'I ZONG KUN DU SBYOR BA LA SOGS PA'I BYE BRAG GIS RAB TU SBYOR NAS, RNYED PA GRUB NA NI MNGON MTSAN CAN GYI SPYOD PA'I SPANG PAR 'GYUR RO ZHES BYA BA'I DON TO, ,'DI LA NI GANG GI TSE DRUNG BAS SNGAR RAM PHYIS BDE THOB PA DE'I BDE DU GYUR PA'I NOR DE SPANG BAR BYA BA NYID YIN NO, ,GANG GI TSE BDE DANG DRUNG CIG CAR DU THOB PA DE'I TSE NI NOR DE THAMS CAD SPANG BAR BYA BA KHO NA YIN GYI, 'DI LTAR RNAM PAR MA PHYE BA NYID KYIS NGO BO GCIG PA'I PHYIR RO, ,'DI NI STOD G-YOGS SMAD G-YOGS DANG BCAS PA LAS LHAG PAR SLONG NA CHOS GOS DE THAMS CAD RNAM PAR MA PHYE BA NYID KYIS NGO BO GCIG PA'I PHYIR SPANG BAR BYA BA NYID YIN PA DANG 'DRA'O ZHES BYA BA DE LTAR SHES PAR BYA'O, ,MNGON MTSAN CAN GYI SPYOD PA RNAM PA SNA TSOGS KYI SBYOR PA BGYIS LA ZHES BYA BA NI KUN DU SBYOR BA DANG, RAB TU SBYOR BA DANG, SPEL BA LA SOGS BA'O, ,NYE DU DANG ZHES BYA BA LA SOGS PA 'DI NI MNGON MTSAN CAN GYI SPYOD PA LA GNAS PA'I PHYIR GAL TE ZLA BO NYE DU MA YIN PAR GYUR NA NI DE LAS DNGOS GZHI'I LTUNG BAR 'GYUR RO, ,GAL TE YIN NA NI NYES BYAS SO ZHES BYA BA'I DON TO ZHES BSTAN PA YIN NO, ,'DRA BAS 'DRA BA ZHES BYA BA NI MNYAM PAS MNYAM PA STE, SKYED MI 'DOD NA NI BRJE PA LA LTUNG BA MED PAR GSUNGS SO, ,SKYED 'DOD NA NI BRJEN YANG LTUNG BAR 'GYUR BA KHO NA STE, 'DI LTAR RNAM PAR 'BYED PA LAS, RNYED PA BSGRUB PA'I PHYIR SKYED PA ZHES BYA BA'I SBYOR BA RNAM GRANGS GZHAN DU NA BRJE ZHES BYA BA GSUNGS PA DE LA SBYOR BA YANG SPANG PAR BSHAD DO, , MNGON MTSAN CAN GYI SPYOD PA'I SPANG BA GTAN LA DBAB PA'O,, ,,NYE TSONG NI NYO NAS 'TSONG NGO, ,DES NA DON NI RNYED PA 'DOD PAS ZONG RIN PO CHE DANG S'A LU DANG GOS LA SOGS PA'I NOR NYOS NAS PHYIS KHYIM PA NYE DU MA YIN PA DANG LHAN CIG 'TSONG ZHING SKYED PHYIN NA NYO TSONG GI SPANG BAR 'GYUR @301A *, ,RO ZHES BYA BA 'DI YIN NO, ,JI LTA BA BZHIN DU BSLAB PA'I GZHI 'DI LA YANG ZHES BYA BA LA SOGS PA NI GANG ZHIG RIN PO CHE LA SOGS PA'I ZONG RAB TU SBYAR NAS, RNYED PA GRUB PAR BYED PA DE LA NI MNGON MTSAN CAN GYI NYO TSONG GI ZHING SKYED PHYIN NA NYO TSONG GI SPANG BAR 'GYUR RO ZHES BYA BA 'DI YIN NO, ,JI LTA BA DE BZHIN DU BSLAB PA'I GZHI 'DI LA YANG ZHES BYA BA LA SOGS PA NI GANG ZHIG RIN PO CHE LA SOGS PA'I ZONG RAB TU SBYAR NAS RNYED PA SGRUB PAR BYED PA DE LA NI MNGON MTSAN CAN GYI SPANG BAR 'GYUR RO, ,GANG ZHIG NYOS NAS 'TSONG BAR BYED PA RNYED BSGRUB PA DE LA NI NYO TSONG GI SPANG BAR 'GYUR TE, 'DI GNYIS KYI YUL GYI KHYAD PAR NI 'DI YIN NO, ,GZHUNG LHAG MA RGYAS PAR BRJOD PAR BYA BA NI, PHO NYA YI GE LAG BRDA DANG ZHES BYA BA LA SOGS PA'O, ,NYO TSONG GI SPANG BA GTAN LA DBAB PA'O,, ,,LHUNG BZED LHAG PA NI BYIN GYIS BRLABS PA CAN LAS LHAG PA'O, ,LTUNG BAR YANG MI 'GYUR RO ZHES LTUNG BA MED PAR GSUNGS PA 'DI NI SPANG BA'I YUL CAN YIN NO, ,DE LTA MA YIN NA NYES BYAS SU GSUNGS PA 'CHAD PAR 'GYUR BA DANG 'GAL BAR 'GYUR RO, ,LHUNG BZED CHEN PO NI GANG DU 'BRAS THUG PO CHE'I CHAN YUL MA GA DH'A'I BRE'O, ,SPANG BA TSOD MA DANG BCAS PAR BLUGS NA MTHE BO'I SOR GCIG GI BAR GYIS LHUNG BZED KYI KHAR MA SLEB PA'O, ,DGE SLONG MAR RED NAS ZHES BYA BA LA SOGS PA NI DGE SLONG MAS DGE SLONG GI CHUNG DU LAS LHAG PA MI 'CHANG NGO ZHES 'BYUNG BAS DE LAS LHUNG BZED CHUNG NGU RJES SU GNANG BA'I PHYIR RO, ,DE BAS NA LHUNG BZED CHEN PO NI DE LAS NI 'CHANG NA YANG NYES BYAS SU GSUNGS SO, ,DES LHUNG BZED DE YUN SHIN TU RING POR BCANGS NAS KYANG ZHES BYA BA NI DE YIN NO SNYAM NAS 'CHANG BA STE, BDAG NYID KYIS RANG GIR BYED PA NI MA YIN NO, ,SPANG BA LA NI RANG GI YIN PA GTZO BO YIN TE, DE LA NGE YANG MED PAS DE'I PHYIR 'DI'I YIN NO, ,ZHUS PA LA LA LAS NI, GZHAN 'DI LTAR DGE SLONG GIS DGE SLONG LA PHO NYA LAS BSKUR NA ZHES BYA BA LA SOGS PA 'BYUNG NGO, ,GZHAN LAS KYANG 'DI SKAD DU 'DI LTAR DGE SLONG GIS DGE SLONG ZHIG LA LHUNG BZED KYI PHYIR PHO NYA BTANG NAS ZHES BYA BA LA SOGS PA 'BYUNG STE, GNYI GA LA DON 'DI 'BYUNG STE, 'DI LA PHO NYA @301B ZHES SMOS PA LHAG PA KHO NAR ZAD DO, ,MU STEGS CAN GYI SNOD NI THOD PA LA SOGS PA'I SNOD DO, ,LHUNG BZED SO MA BTANG BA NI MA BSREGS PA'I PHYIR RO, ,LHAG PA NI JI SKAD BSHAD PA'I TSAD LAS LHAG PA'I PHYIR RO, ,TSAD LAS LHAG PA'ANG MI RUNG PA'I PHYIR RO SNYAM DU DGONGS PA YIN NO, , DE LTAR YANG STAN LAS LHAG PAR BYED NA NYES BYAS SU BSHAD DO, ,LHUNG BZED SKYA BO NI KHA MA BSGYUR BA'I PHYIR RO, ,GAL TE RNAM PAR 'BYED PA LAS LHUNG BZED CHUNG BA LA SOGS PA LA LTUNG BA MED PAR GSUNGS PA MA YIN NAM, DE JI LTAR 'DIR NYES BYAS SU BSHAD CE NA, DE NI NYES PA MED DO,, DE NI SMAN PHOR DU SPYAD PAR 'CHANG BA'I DBANG DU MDZAD NAS LTUNG BA MED PAR GSUNGS LA, 'DIR NI LHUNG BZED DU SPYAD PAS NYES BYAS TE, 'DI GNYIS KYI BYE BRAG NI 'DI YIN NO, ,DGE SLONG MAR RED NAS 'CHANG NA'O ZHES BYA BA NI DGE SLONG MA LA NI LHUNG BZED ZHAG GCIG LAS 'DAS PAR 'CHANG NA SPANG BA'I LTUNG BYED DU BSTAN PA'I PHYIR LA, 'DIS ZHAG GCIG KYANG DA RUNG MA YIN PAS SO, ,DGUN GCIG ZHES BYA BA LA SOGS PA NI DGE SLONG 'CHANG BA LA 'DI'I ZHAG BCUR DA DUNG MA LON PAS DE'I PHYIR 'DI MA YIN NO, ,ZHUS PA LAS NI 'DI SKAD DU, BTZUN PA RE ZHIG DGE SLONG GIS LHUNG BZED RNYED PA LAS MTSAN GYUR TE DGE SLONG MAR RED NAS DGUD GCIG LAS 'DAS PAR 'CHANG NA CIR 'GYUR LAGS, SPANG BA'I LTUNG BYED DU 'GYUR RO, ,BTZUN PA DGE SLONG GIS LHUNG BZED LHAG PA DGUNG GCIG LAS 'DAS PAR BCANGS NA SPANG PA'I LTUNG BYED DU 'GYUR BA LTA MCHIS LAGS SAM; YOD DE 'DI LTAR DGE SLONG GIS LHUNG BZED RNYED MA THAG TU MTSAN GYUR TE, DGE SLONG MAR RENG NAS ZHAG GCIG LAS 'DAS PAR 'CHANG BA SPANG BA'I LTUNG BYED DU 'GYUR RO ZHES GZHAN DU 'BYUNG NGO, ,DON NI 'DI YIN TE, RNYED MA THAG TU ZHES BYA BA NI RNYED PA'I MJUG THOGS SU'O, , DE LAS MTSAN GZHAN NYID KYI TSE DNGOS GZHI'I DUS MA GTOGS PA'I LHUNG BZED 'CHANG BA DE MTSAN GYUR NA NYAMS PAR SHES PAR BYA STE, 'DI LTAR RTEN GNYIS NYAMS PA'I PHYIR RO, ,'DI LTAR DGE SLONG ZHAG DGU'I BAR DU 'CHANG BA LAS DGE SLONG MA NYID DU GYUR NA ZHAG BCU PA NYID LAS @302A *, ,SPANG BA RNAM PAR GZHAG PA'O, ,'DI DANG SBYAR NA 'DI LTA BUR YANG 'GYUR TE, DGE SLONG MA LHUNG BZED ZHAG GCIG 'CHANG BA LAS SKYA RENGS 'CHAR BA'I SKAD CIG MA LA DGE SLONG NYID DU GYUR NA DGE SLONG NYID DU GYUR BA'I ZHAG BCU PAS LTUNG BA SLONG BAR 'GYUR RO ZHES BYA BA DE LTAR SHES, PAR BYA'O, ,YUN SHIN TU RING MI ZHIG TU ZHES BYA BA LA SOGS PAS SNGAR NI ZHAG BCU'I BAR DU ZHES SMOS PAS DUS NGES PAR GSUNGS SO, ,'DI LA NI NGES PA MED DE 'DI GNYIS KYI BYE BRAG NI 'DI YIN NO, ,BDOG PA NI BDOG PA TZAM DU YOD PA'O, ,MCHIS PA NI BYA BA BYED NUS PA'O, ,BYIN GYIS MA BRLABS PAR 'CHANG BA'O ZHES BYA BA 'DIS NI JI LTAR CHOS GOS BYIN GYIS MA BRLABS PA ZHAG BCU 'DAS NA YANG SPONG BAR BYED PA NYID YIN PA DE BZHIN DU LHUNG BZED GCIG PO BYIN GYIS MA BRLABS PA YANG ZHAG BCU 'DAS NA SPANG BA NYID DU 'GYUR RO ZHES BSTAN PA YIN NO, ,SO SOR THAR PA DANG DE'I RNAM PAR 'BYED PA DANG ZHUS PA LAS BCOM LDAN 'DAS KYIS LHUNG BZED LHAG PA KHO NA BYIN GYIS BRLABS PA NI SOGS PAR 'CHANG NA LTUNG BYED NYID DU GSUNGS PA MA YIN NAM, 'DI LTAR BCOM LDAN 'DAS NYID KYIS RNAM PAR 'BYED PA LAS LHUNG BZED LHAG PA ZHES BYA BA NI BYIN GYIS BRLABS PA CAN LAS LHAG PA'O ZHES GSUNGS KYI, LHUNG BZED GCIG KHO NA BYIN GYIS MA BRLABS PA SPANG BA NYID DU NI MA GSUNGS NA DE JI LTAR 'DIR LHUNG BZED GCIG KHO NA BYIN GYIS MA BRLABS PA ZHAG BCU 'DAS NA SPANG BAR BSHAD CE NA, 'DI NI NGES PA MED DE, 'DI LTAR GANG LA LHUNG BZED BYIN GYIS BRLABS PA CAN YOD BZHIN DU LHUNG BZED LHAG PA 'CHANG BA DE LA NI ZHAG BCU 'DAS NAS SPANG BA YIN NO, ,GANG LA BYIN GYIS BRLABS PA CAN MED PA DE LA NI LHUNG BZED GRUB KYI BYIN GYIS MA BRLABS PA YIN NA ZHAG BCU 'DAS NAS SPANG BA'I LTUNG BAR 'GYUR TE, CHOS GOS BYIN GYIS BRLABS PA CAN GSUM YOD KYANG RUNG MED KYANG RUNG ZHAG BCU 'DAS PA'I SPANG BAR 'GYUR BA DANG 'DRA'O, ,DE LTA BAS NA 'DIR YUL GYI KHYAD PAR NI 'DI YIN NO, ,LHUNG BZED LHAG PA 'CHANG BA'I SPANG BA GTAN LA DBAB PA'O,, ,,LHAN PA LNGA MED PA NI GANG LA LHAN RINGS DANG, THAM PHRAN DANG, LHAN PA DANG, CHU @302B SRIN GYI SO LTA BU DANG, PHYE MA LAS BYAS PA ZHES BYA BA'I LHAN PA LNGAR MA TSANG BA YOD PA DE LA DE SKAD CES BYA'O, ,SPYAD BZOD PA NI SPYAD DU BZOD PA STE, 'DIS NI GAL TE LTUNG BZED DE LHAN PA BZHIS GLAN LA SPYAD BZOD PA YANG YIN NA DE'I TSE LTUNG BZED GZHAN BTZAL BAR MI BYA'O, ,GANG GI TSE LHAN PA LNGA GLAN PAR GYUR PA DE'I TSE NI LHUNG BZED GZHAN TSOL BA LA NYES PA MED DE, DE'I TSE LHUNG BZED DE SHIN TU MI RUNG BA'I PHYIR RO, ,YOD BZHIN DU ZHES BYA BA NI BDOG BZHIN DU'O, ,BZANG PO 'DOD PA NI TSAD DANG KHA DOG DANG RGYU LA SOGS PAS PHUL DU 'BYUNG BA 'DOD PA'O, ,PHYIR ZHES BYA BA NI RGYUR BYAS NAS TE LONGS SPYOD PA'I SEMS KYIS ZHES BYA BA'I THA TSIG GO, ,DGE SLONG GI 'KHOR LA ZHES BYA BA NI DGE SLONG GI DGE 'DUN LA'O, ,DBUL BAR BYA BA NI YONGS SU BTANG BA'O, ,LHUNG BZED THA MAR GYUR PA NI LHUNG BZED KYI THA CHAD DU GYUR PA STE, LHUNG BZED NGAN BA ZHES BYA BA'I THA TSIG GO, , DE LA ZHES BYA BA LTUNG BA 'BYIN PA'I DGE SLONG LA'O, ,PHYIS ZHES BYA BA'I SGRA NI MJUG GI DON TE, DES NA BRIMS PA'I DUS SU MJUG TU SBYIN BAR BYA BA YIN NO, ,CHAG PA'I MTHAR THUG PA'I BAR DU ZHES BYA BA NI GANG LA CHAG PA'I MTHAR THUG PA YOD PA DE LA DE SKAD CES BYA STE, CHAG NAS NI MI MKHO BAR 'GYUR RO ZHES BYA BA'I THA TSIG GO, ,CHAG PA'I MTHAR THUG PA KHO NA MTSAM NYID DU KHAS BLANGS NAS LHUNG BZED DE BCANG BAR BYA STE, CHO GA 'DI KHO NAS 'DI LHUNG BZED LHAG PA 'CHANG BAR GTOGS PA'I NYES PA SLONG BAR BYED BAR SHES PAR BYA'O, ,DE SKAD DU YANG ZHUS PA LA LA'I GZHUNG LAS, DGE SLONG 'GA' ZHIG JI SRID 'TSO'I BAR DU LTUNG BZED LHAG PA 'CHANG BAR BGYID LA LTUNG BAR YANG MI 'GYUR BA LTA MCHIS LAGS SAM, BKA' STZAL BA DE LTA YIN TE, DGE SLONG GI 'KHOR LA PHUL NA'O ZHES 'BYUNG NGO, ,KHAD KYIS NES BYE BA NI MI DRAG PAR RO, ,SPYAD PA'I TSE DGA' MGUR DUS THAMS CAD DU YIN NAM ZHE NA, DAL BU DAL BUS ZHES BYA BA GSUNGS TE, SKABS SKABS SU YIN GYI DUS THAMS CAD DU MA YIN NO ZHES BYA BA'I THA TSIG GO, ,YO BYAD DAG GAM RIM GYIS ZHES BYA BA LA SOGS PAS LTUNG BA MED PAR GSUNGS PA NI SLONG BA LTA BU'I TSOL BA MED PA'I @303A *, ,PHYIR DNGOS GZHI LAS SHES BAR BYA STE, GTZO BO NYID KYIS DE'I DBANG DU MDZAD PA'I PHYIR RO, ,SBYOR BA LA NI MA YIN TE, LHUNG BZED LHAG MA RNYED PA'I CHED DU ZHUGS PA LAS GDON MI ZA BAR SBYOR BA'I KHA NA MA THO BAR GYUR PA'I PHYIR RO, ,DE BAS NA 'DI LA NYES BYAS KHO NAR 'GYUR ZHES BYA BA'I THA TSIG GO, ,DE NYID KYI PHYIR ZHUS PA LA LA LAS 'DI KHO NA SKAD DU, RANG GI YO BYAD KYIS LHUNG BZED GZHAN 'TSOL NA NYES BYAS SO, ,RANG GI YO BYAD YOD BZHIN DU LHUNG BZED SLONG NA NYES BYAS SO ZHES 'BYUNG NGO, ,'DI GNYIS KYI DON NI GO RIMS BZHIN DU 'DI YIN TE, BDAG NYID KYI ZONG DU GYUR PA'I YO BYAD DAG GIS TSOL NA NA SMAD PA YIN NO, ,BDAG NYID KYI YANG RUNG GZHAN THOB KYANG RUNG, LHUNG BZED KYI ZONG DU GYUR PA RUNG BA BDOG LA LHUNG BZED NI MED NA NA SMAD PA YIN NO, ,ZHUS PA GZHAN DAG LAS GZHAN YANG DGE SLONG 'GA' ZHIG LTUNG BZED MCHIS BZHIN DU LTUNG BZED GZHAN SLONG BAR BGYID LA LTUNG BAR MI 'GYUR BA LTA MCHIS LAGS SMA, BKA' STZAL PA DE LTA YIN TE, GAL TE SLONG BA NA SNGA MA YANG MED PHYI MA YANG MED PA'I LHUNG BZED CHAG NA LTUNG BA MED DO ZHES 'BYUNG NGO, ,DE LA DON NI 'DI YIN TE, SNGA MA YANG MED PHYI MA YANG MED PA NI 'DI'I LHUNG BZED SNGA MA GZHAN YANG MED, PHYIS PHYI MA GZHAN YANG MED PA GCIG KHO NAR ZAD PA ZHES BYA BA'I THA TSIG GO, ,'DIR YANG LTUNG BA MED PAR GSUNGS BA NI SPANG BA'I LTUNG BA MED PA LAS DGONGS TE GSUNGS PAR SHES PAR BYA STE, DE NI GTZO BO YIN PAS DE'I DBANG DU MDZAD PA'I PHYIR RO, ,SBYOR BA'I LTUNG BA LAS NI MA YIN TE, DE NI YOD PA'I BLOS ZHUGS PA LA GDON MI ZA BAR YOD PA'I PHYIR RO, ,DE BAS NA LHUNG BZED MED PAS NA BRTZAL BA BYAS PAR GYUR BAS DE'I PHYIR LHUNG BZED LHAG PA NYID MED PAS TSIG 'OG MAR SHES PAR BYA'O, ,ZHUS BA LA LA LAS GZHAN GYI PHYIR SLONG NA NYES BYAS SO ZHES 'BYUNG STE, DER NA SMAD PA GSUNGS BA 'DI NI GZHAN GYI DON YIN BA'I PHYIR RO, ,ZHUS PA LA LA LAS GZHAN YANG DGE SLONG GANG ZHIG GIS LHUNG BZED RAB TU MANG PO ZHIG BTZAL LA CI LAGS PA DE THAMS CAD DGE SLONG GI 'KHOR LA DBUL BAR BGYI 'AM, NYE BA 'KHOR MA YIN TE, 'ON KYANG GCIG CIG DBUL BAR @303B BYA STE, LHAG MA RNAMS NI GROGS DANG MDZA' BA RNAMS LA BGO BAR BYA'O, ,CI LAGS LHUNG BZED RNYED PA THAMS CAD DGE 'DUN LA BRIM PAR BGYI 'AM, NYE BA 'KHOR MA YIN TE, 'ON KYANG GCIG CIG BRIM PAR BYA'O, ,JI LTA BA ZHIG BRIM PAR BGYI LAGS, GANG BDAG GI YID LA BAB PA'O ZHES 'BYUNG NGO, ,DE LA DON NI 'DI YIN TE, GROGS NI CUNG ZAD MDZA' BA'O, ,MDZA' BA NI TE POR MDZA' BA'O, ,GROGS ZHES SMOS PAS NI ZHUS PA GZHAN LAS 'BYUNG BA MTHONG BA'I PHYIR RAB TU BYUNG BA 'DI PA RNAMS GZUNG BAR SHES PAR BYA STE, LHUNG BZED LHAG MA RNAMS NI DGE SLONG RNAMS LA BGO BAR BYA'O ZHES 'BYUNG BA'I PHYIR RO, ,'DIR YANG DGE SLONG SMOS PA NI DGE SLONG DGE SLONG MA LA SOGS PA RAB TU 'BYUNG BA 'DI PA RNAMS KYI DPE'O, ,DGE 'DUN LA BRIM PAR BGYI 'AM ZHES BYA BA NI LTUNG BZED NGAN PA BSNYIGS PA'I PHYIR RO, ,LTUNG BZED YID LA BAB PA NI SHIN TU 'DOD PA'O, ,LHUNG BZED TSOL BA'I SPANG BA GTAN LA DBAB PA'O,, ,,ZHE NGA CHE BA NI RGYAR CHE BA NYID DU MDZES PAR BTAGS PA'O, ,KHRUN RING BA NI SRID DU RING BA NYID DU BSRINGS PA'O, ,THAR GYIS ZHAG PA ZHES BYA BA NI 'JUR MDUD MED PA'O, ,DANG ZHES BYA BA'I SGRA NI BSDU BA'O, ,THAG RAN BZANG BA NI LEGS PAR BTAGS PA'O, ,TSE DANG LDAN PA ZHES BYA BA NI SHIS PAR BRJOD PA SMRA BAS MNGON PAR SPRO BAR BYED PA YIN NO, ,'DI LTAR ZHES BYA BA NI CI NAS KYANG NGO, ,GLA RNGAN NI RNGAN PA STE, GSUG CES BYA BA'I THA TSIG GO, ,'DI LTA STE ZHES BYA BA NI NYE BAR STON PA'I TSIG GO, ,YANG NA KHYAD PAR STON PA YIN NO, ,BZA' BA NI BZA' BA LNGA'O, ,BCA' BA NI BCA' BA LNGA STE, BZA' BA DANG 'DRA BA'I PHYIR BLON PO LTA BU'O, ,BZA' RGYU NI STE 'BRAS THUG PO CHE DANG ZONG LA SOGS PA'O, ,BZA' BA LA SOGS PA SBYIN PA SMOS PA NI BYUNG BA'I DBANG GIS GSUNGS KYI, 'DI'I YAN LAG NI MA YIN NO, ,'ON KYANG TSE DANG LDAN PA THA GA PA CHOS GOS 'DI ZHENG CHE BA DANG, KHRUN RING BAR GYIS SHIG CES BYA BA LA SOGS PA CHU ZHENG GAB PA DANG BZANG PO'I BDAG NYID DU SBYOR BA YIN NO, ,LHAG PA 'THAG TU 'JUG PA NI CHOS GOS 'THAG PA PHUL DU BYUNG BAR SGRUB PA'O, ,BRJOD PAR BYA BA NI PHO NYA DANG YI GE LA SOGS PA'O, ,KHA CIG NI PHO NYA LA SOGS PA LAS 'THAG TU 'JUG NA DNGOS GZHI'I LTUNG BAR @304A *, ,BRJOD DE 'DI NI GLENG GZHI LAS SHES PA'I PHYIR RO ZHES ZER RO, ,'DI NI 'DUL BA 'DZIN PA GZHAN DAG MI 'DOD DE, ZHUS PA'I GZHUNG 'DI NYID NI TSAD MAR BYAS PA'I PHYIR RO, GANG YANG 'DI NI GLENG GZHI LAS SHES SO ZHES BRJOD PA DE YANG 'DIR YAN LAG MA YIN PA NYID DO, ,GLENG GZHI'I DBANG GIS RANG GIS BLANGS PA'I DOG PA YANG YAN LAG NYID DU THAL BAR 'GYUR BA'I PHYIR RO, ,DE YAN LAG NYID YIN PAR MI 'DOD DE, DE LTA BAS NA PHO NYA LA SOGS PA'I 'THAG TU 'JUG PA LA NYES BYAS KHO NA BZANG NGO ZHES BYA BAR SHES PAR BYA'O, ,ZHUS PA LA LA LAS NI GZHUNG 'DI SKAD DU, DGE SLONG GI PHYIR KHYIM PA DAG GI CHOS GOS 'THAG TU BCUG PA LA DGE SLONG DE 'ANG NYE BAR 'GRO ZHING BYE BRAG TU 'BYED PAR BYED NA NYES BYAS SU 'GYUR RO ZHES 'BYUNG NGO, ,DE LA DON NI 'DI YIN TE, BDAG NYID KYIR SGRUB PA'I CHED DU MA YIN PAR MDZA' BA TZAM GYIS NYE BAR 'GRO BA GANG YIN PA DE LAS 'DIR NYES BYAS SU GSUNGS SO ZHES BYA BA'I THA TSIG GO, ,GZHAN DAG NA RE 'DI NI RIGS PA MA YIN TE, 'DI LTAR YANG BSAMS PA'I PHYIR LA, MA BSAMS PA'I PHYIR YANG LTUNG BA MI SLONG BA'I PHYIR RO ZHES ZER RO, ,'DIR YANG BYE BRAG TU 'BYED PA ZHES BYA BA'I SGRAS NI KHYAD PAR TE, CHOS GOS KYIS THA DAD PA YIN PAR SHES PAR BYA BA'I BDAG GI PHYIR CHOS GOS 'THAG GO SNYAM PA'I KUN DU RTOG PA NI MA YIN TE, DE MED NA BSAMS PA'I PHYIR NYES BYAS SU SMOS PA MI RUNG BA'I PHYIR RO, ,DE BAS NA BYE BRAG TU 'BYED PA MI BYED PA ZHES BYA BA 'DIR BDAG GI PHYIR CHOS GOS 'THAG GI KYE MA BDAG DER SON DANG CHOS GOS DE SHIN TU BZANG POR 'GRUB PAR 'GYUR RO SNYAM NAS, DE'I DON DU SONG LA BYE BRAG TU 'BYED PAR MI BYED DE, CHOS GOS KHYAD PAR DU BYA BA'I PHYIR MI 'JUG CING CHOS GOS THA DAD PA NYID DU BYA BA DANG, CHOS GOS PHUL DU DBYUNG BAR BYA BA'I PHYIR MI SLONG NGO ZHES BYA BA'I DON 'DI NI RNAM PAR GNAS PAS NYES BYAS 'DI NI SBYOR BA LAS BYUNG BAR BSHAD PA YIN NO, ,'DI NI DE KHO NA LTAR YIN NO, ,DE LTA MA YIN NA LEN PA LTUNG BA SLONG BAR YANG THAL BAR 'GYUR LA BSOD SNYOMS LA RGYU BA LA SOGS PA LA LTUNG BAR THAL BAR 'GYUR RO, ,LHAG PAR SLONG BA'I SPANG BA GTAN LA DBAB PA'O,, ,,CHOS GOS BYIN NAS BYA BA LA @304B SOGS BA 'DI LA RANG GIS BYIN PA NYID NI YAN LAG MA YIN TE, 'DIR GAL TE RANG GIS BYIN BA YAN LAG NYID YIN PAR GYUR NA DE'I TSE RANG GIS MA BYIN PA 'PHROG NA SHIN TU YANG NYES PA 'DIR 'GYUR DGOS SO, ,DE LTA BAS NA 'DI LA RANG GI BYIN PA NYID NI YAN LAG MA YIN NO, ,'ON KYANG GLENG GZHI'I DBANG GIS GSUNGS TE ZHAG BDUN PA 'BRAL BA'I SPANG BA LA DBYAR GNAS PAR DAM BCA' BA PHYI MA NYID LTA BU'O, ,KHROS PA NI 'KHRUGS PA CHUNG NGUS SO, ,'KHRUGS PA NI 'BRING BOS SO, ,RNGAM PAR GYUR PA NI CHEN POS SO, ,YANG NA GO RIMS BZHIN DU KHROS PA LAS BYUNG BA'I LUS DANG YID DANG NGAG GI 'GYUR BA YIN PAR SHES PAR BYA'O, ,YI MA RANGS PA NI GNOD BA BYA BAR ZHUGS PA'O, ,'PHROG GAM ZHES BYA BA LA SOGS PA 'DIS NI RANG GI YIN PA'I 'DU SHES KYIS 'PHROG NA LTUNG BA 'DIR GSUNGS SO, ,DE LTA MA YIN NA PHAM PAR THAL BAR 'GYUR RO, ,KHROS ZHES SMOS BA NI 'DIR 'BYUNG BA'I DBANG GIS GSUNGS PA YIN GYI YAN LAG NI MA YIN TE, GZHI MED PAR SKUR BA 'DEBS PA DANG 'DRA'O, ,'ON KYANG RLUNG SEMS MED PAR RANG GIR BYED PA DANG 'BRAL BAR BYED PA LA LTUNG BA 'DI YIN NO, ,'AM ZHES BYA BA NI RNAM PAR RTOG BA'O, ,LUS KYI LAS BYAS NAS, NGAG GI LAS DGE SLONG KHYOD LA ZHES BYA BA LA SOGS PA GSUNGS TE, PHYIR BYIN CIG CES BYA BA NI KHYER TE SHOG SHIG PA STE, 'ON CIG CES BYA BA'I THA TSIG GO, ,BRGYA ZHIG LA 'PHROG PAR BYED PA'I DGE SLONG DE'I CHOS GOS DE SPYAD DE ZAD NA SPANG BA'I DUS SU JI LTAR SPANG BAR BYA ZHE NA, LHAG MA YOD NA ZHES BYA BA LA SOGS PA SMOS TE, YOD CES BYA BA'I SGRA NI BDOG PA BRJOD PA YIN NO, ,NA ZHES BYA BA'I SGRA NI YANG ZHES BYA BA BRJOD PA YIN TE, DE NI SRIN LA SOGS PAS ZOS PA DANG SPYAD DE RNYINGS PA'I LHAG ROL DUM BUR GYUR PA YOD PA GANG YIN PA DE'ANG SLAR SBYIN PAR BYA STE, MA BYIN NA NYES BYAS SO, ,DON NI 'DI YIN TE, DE LA CHOS GOS SPYAD PA'I LHAG ROL YOD PA GANG YIN PA DE YANG DGE SLONG DE LA PHYIR SBYIN PAR BYA BA STE, DE LTA BU'I TSUL DU 'DIR SPANG BAR BYA'I, SPYAD DE ZAD PA DANG 'DRA BAR SBYIN BAR BYA BA NYID NI MA YIN NO ZHES BYA BA'I THA TSIG GO, ,GANG GI TSE SPANG BAR 'GYUR ZHE NA, BTANG NA ZHES BYA BA LA SOGS BA SMOS TE, GANG GI TSE CHOS GOS DE LUS LAS @305A *, ,BTANG ZHING BRAL BAR GYUR PA DE'I TSE SPANG BAR 'GYUR RO ZHES BYA BA'I THA TSIG GO, ,'DIR 'BRAL BA NI 'DI LTAR BYA STE, GANG GI TSE 'PHROG PAR BYED PA'I DGE SLONG GIS CHOS GOS DE DGE SLONG GI LUS LAS PHRAL BAR GYUR CING LOGS SHIG TU BYAS PA DE'I TSE 'DI LA 'PHROG PA'I LTUNG BA 'BYUNG NGO, ,SPONG BA BYED PA NI CHOS GOS SPYAD PA'I LHAG ROL JI TZAM ZHIG LUS PA DE KHO NA SLAR BYIN NAS SPANG PA'I LTUNG BA SPYAD PAR BYA'I, SPANG BA GZHAN SBYANG BA LTA BU NI MA YIN NO, ,BTZUN PA RE ZHIG DGE SLONG GIS ZHES BYA A LA SOGS PAS MTSAN GYUR NA NYES BYAS SU GSUNGS PA 'DI NI MTSAN THA DAD PAR BYAS PA'I PHYIR TE, DE BZHIN DU DGE SLONG MA MTSAN GYUR NA YANG DE NYID DU SHES PAR BYA'O, ,'PHROG PA'I SPANG BA GAN LA DBAB PA'O,, ,,DGE SLONG GIS ZHES BYA BA NI CHOS GOS SBED PA STE, DGE 'DUN RNAMS KYIS BTAD PA LAS BYUNG BA'I CHOS GOS GRUB PA LA CHOS GOS SBED PA LA BSKOS NA DE KHO NA LTUNG BAR BYED PA BSTAN PA'I PHYIR CHOS GOS SBED PA'I DGE SLONG BSKOS NAS LTUNG BA MED PAR 'GYUR RO, ,GANG LA CHOS GOS SBED PA MA BSKOS PA DE NI DGE 'DUN KHO NA LA LTUNG BAR BRJOD PA'I PHYIR DE DAG GI NANG NAS DMIGS KYIS GCIG KHO NA LTUNG BAR 'GYUR BA NI MA YIN TE, RNYED PA DGE 'DUN THAMS CAD KYI THUN MONG YIN PA'I PHYIR RO, ,GZHAN DAG NA RE BRTAD PA LAS BYUNG BA'I CHOS GOS GRUB PA LA DGE SLONG GIS ZHES SMOS PA NI GNAS GCIG NA DGE SLONG 'GA' ZHIG GNAS PA'I DBANG DU MDZAD PA YIN NO ZHES ZER RO, ,STON ZLA THA CHUNGS NYER BZHI ZHES BYA BA NI STON ZLA 'BRING PO'I TSES BCU DRUG DANG NYE BAR 'DUG BA STON ZLA 'BRIR PO'I TSES BCO LNGAR ZHES BYA BA'I THA TSIG GO, ,ZHAG BCU MA TSANG BA ZHES BYA BA NI ZHAG BCU MA LON PA DE ZHAG BCUS BAR DU CHOD PA ZHES BYA BA'I DON TO, ,STON ZLA THA CHUNGS NYA NI DBYAR PHYI MAR GNAS PAR DAM BCAS PA RNAMS KYI DGUN ZLA RA BA NYA'I DPE STE, DE SKAD DU YANG NYEL 'KHOR JI LTAR GNAS BAR DAM BCAS PA YIN NO ZHES BYA BA LA SOGS BA 'CHAD BAR 'GYUR RO, ,BRTAD PA LAS BYUNG BA'I GOS NI PHONGS PA'I DUS KYI GOS TE NAD BA DANG DE'I CHED DANG 'CHI PA DANG DE'I CHED DANG, 'GRO BA'I SBYIN PA'I BYE BRAG GIS RNAM PA LNGA PO ZHES BYA BA'I @305B THA TSIG GO, ,BLANG BAR BYA BA NI BDAG GIR BYA BA YIN GYI BGO BA NI MA YIN NO, ,DE NYID KYI PHYIR BLANGS NAS CHOS GOS SBYIN PA DUS KYI TSE'I BAR DU 'CHANG NGO ZHES BYA BA GSUNGS SO, ,GAL TE DE BGO BAR BYA BA YIN NA CI STE CHOS GOS SBYIN PA'I DUS KYI TSE'I BAR DU BCANG BAR GSUNGS TE, BCANG BA CUNG ZAD KYANG MI DGOS PA'I PHYIR RO, ,DE LA CHOS GOS SBYIN PA'I DUS KYI TSE NI DBYAR GYI DUS ZLA BA GSUM GYI TSAD KYI DGAG DBYE'I RJES STON ZLA 'BRING PO'I MAR GYI NYI MA DANG PO TSES SU GYUR PA'AM, STON ZLA THA CHUNGS MAR GYI NYI MA DANG PO'I TSES SU GYUR PA'I TSES GCIG NI BGO BA'I DUS SO, , DE RANG GI NGO BO'I TSE'O, ,DE NI CHOS GOS BYIN PA'I DUS TE DE PHYIN CHAD NI DUS MA YIN NO, ,DE NYID KYI PHYIR DGE SLONG GI CHOS GOS BTZAL BA'I DUS GANG LAGS, SRA BRKYANG MA BTING BA'I GNAS SU STON ZLA 'BRING PO'I BAR DANG, SRA BRKYANG BTING BA'I GNAS SU STON ZLA 'BRING PO NAS BZUNG STE, DGUN ZLA THA CHUNGS KYI BAR 'DI NI DGE SLONG GI CHOS GOS SBYIN PA'I DUS MA YIN NO, ,LHAG MA NI DUS YIN NO ZHES GSUNGS SO, ,'DIR NI GNAS PAR KHAS LEN PA PHYI MA NGES PAR MDZAD NAS STON ZLA 'BRING PO'I BAR DUS MA YIN PAR GSUNGS SO, ,'DIR GNAS PAR KHAS LEN PA DANG PO RNAMS KYI DUS NI STON ZLA RA BA'I BAR YIN NO ZHES BYA BA DE LTAR SHES PAR BYA STE, 'DIR NI RNAM PAR DBYE BAR MDZAD PA'I PHYIR RO, ,'DAS PAR 'CHANG NA ZHES BYA BA NI THAMS CAD DU DUS MA YIN PA KHO NA'O ZHES BYA BA NI DGAG DBYE MA BYAS PA DANG, DNGOS GZHI'I DGAG DBYE TSUN CHAD DBYAR GYI NANG LOGS SU BRTAD PA LAS BYUNG BA'I CHOS GOS BGO BAR MI BYA'O ZHES GSUNGS PA'I PHYIR, BRTAD PA LAS BYUNG BA'I CHOS GOS KYI SPANG BA GTAN LA DBAB PA'O,, ,,GNAS MAL DGON PA NI DGON PA'I GTZUG LAG KHANG NGO, ,DOGS PA GDANG BCAS PAR GRAGS PA NI GANG DAG TU CHOM RKUN LA SOGS PA'I 'JIGS PA NI MA BYUNG LA DOGS NI DOGS PA STE, DOGS PA YOD PA NI DOGS PA DANG BCAS PA'O, ,DE LTA BU NYID DU GRAGS PA NI DOGS PA DANG BCAS PAR GRAGS PA'O, ,DE DAG DUS TE DE BZHIN DU 'OG MA DAG LA YANG SHES PAR BYA'O, ,'JIGS PA DANG BCAS PAR @306A *, ,GRAGS BA NI GANG DAG TU SENG GE LA SOGS PA'I 'JIGS PA LAN CIG BYUNG BA'O, ,'JIGS PA THA DAD PAS 'JIGS SU RUNG BA DANG BCAS PAR GRAGS PA DAG TU ZHES BYA BA LA, 'JIGS PA THA DAD PA NI GANG DAG TU 'CHI BA'I RGYU MTSAN SPRUL DANG SDIG PA LA SOGS PA LAN CIG MA YIN PAR 'BYUNG BA'O, ,'JIGS SU RUNG BA NI KUN DU 'KHRUG PA'I RGYU MTSAN SHA SBRANG DANG SBRANG BU MCHU RINGS LA SOGS PA STE, SNGA MA RNAMS SKRAG PAR BYED PA'I PHYIR RO, ,GANG DAG LA 'JIGS PA THA DAD PA DANG 'JIGS SU RUNG BA YOD PA DE DAG LA DE SKAD CES BYA'O, ,DBYAR PHYI MAR GYUR PA ZHES BYA BA NI DBYAR GNAS PAR KHAS LEN PA'I DBYAR PHYI MAR GYUR PA LA GSUNGS MOD KYI 'ON KYANG LTUNG BA BSTAN BA LAS 'DI YAN LAG NYID DU RTEN PA MED PA'I PHYIR 'DI YAN LAG NYID NI MA YIN NO, ,DE SKAD DU'ANG JI TZAM DU DGE SLONG DGON BA PA ZHAG DRUG LAS 'DAS PAR CHOS GOS GSUM PO DAG LAS CHOS GOS GANG YANG RUNG BA ZHIG DANG MTSAMS KYI PHYI ROL DU 'BRAL BAR BYED NA THAMS CAD DU SPANG BA'I LTUNG BYED DU 'GYUR RO ZHES GSUNGS PA'I PHYIR TE, 'DI NI 'DI'I YAN LAG NYID YIN PA MED DO ZHES BSTAN TO, ,CI STE GAL TE LTUNG BA BSTAN PA LAS 'DI LA BRTEN PA MED NA CI'I PHYIR MDO DANG RNAM PAR 'BYED PA DAG LAS ZHE NA GLENG GZHI'I DBANG GI PHYIR RO, ,GLENG GZHI'I DBANG GIS NI YAN LAG TU MA GYUR PA'I DON RNAMS SMOS PAR GYUR PA YANG YOD DE, DPER NA BLA MAR GYUR PA SMRA BA LA DE DUS GZHAN ZHIG NA DRIS KYANG RUNG MA DRIS KYANG RUNG ZHES BYA BA LA SOGS PA 'BYUNG BA LTA BU'O, , DBYAR PHYI MAR GNAS PAR KHAS BLANGS PA RNAMS GNAS BZHIN DU 'GROR MI RUNG GI GZHAN DAG NI YIN PAS DE'I PHYIR 'DI DAG KHO NA LA ZHAG DRUG GI 'BRAL BAR RJES SU GNANG GI GZHAN DAG DBYAR PHYI MAR GYUR PA NYID YAN LAG KHO NA MA YIN NAM ZHEN MA YIN TE, RGYU GZHAN PA YOD PA'I PHYIR RO, ,'DI LTAR 'JIGS PA DANG BCAS PA'I GNAS YONGS SU MI BTANG PA LA NI RGYU DBYAR PHYI MAR GYUR PA NYID 'BA' ZHIG TU MA ZAD DO, ,'O NA CI ZHE NA, LUS SHIN TU SBYANGS PA DANG, SEMS SHIN TU SBYANGS PA DANG, LUS GZI MDANGS NYID DANG, CHOS KYI LONGS SPYOD DANG ZANG ZING GI LONGS SPYOD DANG @306B GTZUG LAG KHANG BSKYANG BA DANG, GTZUG LAG KHANG STONG PA NYID YONGS SU SPANG BA DANG, SBYIN BDAG GI DAD PA NYAMS PA YONGS SU SPANG BA YIN NO, ,'DOD NA ZHES BYA BA 'DIS NI CI DGAR ZAD PA STON PAR BYED DO, ,CHOS GOS GSUM LAS ZHES BYA BA NI SNAM SBYAR DANG, BLA GOS DANG MTHANG GOS RNAMS LAS SO, ,KHYIM GYI NANG DU GZHAG PAR BYA'O ZHES BYA BA NI DGON PA'I GTZUG LAG KHANG GI NYE SPYOD DU GYUR PA'I GRONG NYE BAR GZHAG PAR BYA BA'I THA TSIG GO, ,DE DANG ZHES BYA BA'I KHYIM GYI NANG DU GZHAG PA'I CHOS GOS DE DANG NGO, ,MTSAMS KYI PHYI ROL NI DGON PA'I GNAS DANG CHOS GOS KYI RTEN GYI GNAS DE'I NYE SPYOD 'DOM GANG LA SOGS PA GANG YIN PA DE'I PHYI ROL DU GYUR PA'I MTSAMS GANG YIN PA STE DER RO, ,DE LTA BU'I RKYEN NI DGE 'DUN GYI 'AM SANGS RGYAS KYI CHED DO, ,ZHAG DRUG GI MTHA' TSUN CHAD NI ZHAG DRUG KHO NA STE, ZHAG BDUN BAR MA YIN NO ZHES BYA BA'I THA TSIG GO; ;BAR CHAD BRGYAD LAS ZHES BYA BA NI BGEGS BRGYAD LAS TE, DE DAG KYANG RGYAL PO DANG, ME DANG, CHU DANG, CHOM RKUN DANG, SENG GE DANG, MI MA YIN PA DANG, MI DANG, SDIG SBRUL ZHES BYA BA'I BAR CHAD RNAMS SO, ,'DI DAG KYANG SROG DANG, TSANGS PAR SPYOD PA'I BAR CHAD DU GYUR PA'I NAD LA SOGS PA GZHAN DAG GI DPE YIN NO, ,KHA CIG NI BDUN PA RE ZHIG BSNYEN PAR MA RDZOGS PAR BYA BA LA SOGS PAS BDUN PA 'DON TO, ,DE NI RIGS PA MA YIN TE, 'DI LTAR BSLAB PA'I GZHI 'DI NI BSNYEN PAR RDZOGS PA KHO NA DANG 'BREL PA YIN GYI BSNYEN PAR MA RDZOGS PA RNAMS NI BAG CAM YANG KHONGS SU GTOGS PA MED DO, ,DE LTA PAS NA 'DON PA 'DI NI NOR BA BSHAD PAS 'PHEN PA'I DBANG GIS SGRO BTAGS PA YIN TE, ZHAG BDUN PA'I SPANG BA LA YANG DE KHO NA BZHIN DU SHES PAR BYA'O, ,RE ZHIG DGE SLONG GIS ZHES BYA BA LA SOGS PAS MTSAN GYUR NA NYES BYAS SU GSUNGS PA'I 'DUL BA MDOR BSDUS PAR GTOGS PA YIN NO, ,DNGOS KYI TSUL DU NI DGE SLONG MA RNAMS LA ZHAG DRUG 'BRAL BA'I SPANG BA NYID RNAM PAR MA BZHAG PA'I PHYIR RO, ,'DI LTAR DGE SLONG MA RNAMS LA NI DGON PAR GNAS PA BCOM LDAN 'DAS KYIS BKAG STE, 'DI LTAR BUD MED @307A *, ,RNAMS KYI LUS NI ZAS DANG SKOM GRUB PA BZHIN DU SKYES BU 'PHYON MA RNAMS KYIS DON DU GNYER BAR BYA BA YIN PA'I PHYIR DANG, NYAM CHUNG BA'I PHYIR DGON PAR GNAS NA SKYES PAS GNAS PA DANG, MNGON BAR 'GRO BA LA SOGS BA NYES DMIGS YANG DANG YANG DU 'BYUNG BA KHO NAR 'GYUR BA GANG YIN PA DE 'DRA BA YIN NO, ,DE MED NA YANG DER GTOGS PA'I SPANG BA YANG RNAM PAR MI GZHAG GO, ,GAL TE NA DGE SLONG MAS 'DAS TE SPYOD PAR NI MI BYED PAS DE'I PHYIR 'DIR GTOGS PA'I NYES BYAS SU GSUNGS TE, MI RUNG BA'I PHYOGS LA BRTEN PA'I PHYIR RO, ,ZHAG BDUN DU 'BRAL BA'I SPANG BA GTAN LA DBAB PA'O,, ,,SO GA RNAMS KYI ZLA BA GCIG LUS BA NA ZHES BYA BA NI DBYAR ZLA RA BA'O, ,DBYAR GYI GOS RAS CHEN NI DBYAR RNAMS SU DGOS PA NI DBYAR GYI RAS CHEN TE, DBYAR BGO BA'I GOS SO, ,GOS DE NYID DU RUNG BA DANG, KHA TSAR GCAD BA DANG, KHA DOG NGAN PAR BYAS PA NI DBYAR GYI GOS ZHES BYA BA'I THA TSIG GO, ,BTZAL BAR BYA BA NI KHYIM BDAG GAM KHYIM BDAG GI CHUNG MA DAG LAS BSLANG BA 'AM DE'I YIN SBYIN DU 'JUG PA'AM, DBYAR GYI RAS CHEN SBED PA LA BSLANG BA LA SOGS PAS BTZAL BAR BYA'O, ,DBYAR DAG ZLA BA PHYED LUS BAR BYAS NAS BCAD BAR BYA'O ZHES BYA BA NI ZLA BA BZHI'I TSAD GANG DAG LA LHAG MA ZLA BA PHYED DANG STON ZLA THA CHUNGS YAR GYI NGO YOD PA DE DAG NI DBYAR GYI ZLA BA PHYED LUS PA STE, DE DAG BYAS NA BCANG BAR BYA'O, ,DE LA DON NI 'DI YIN TE, DBYAR GYI GOS RAS CHEN NI BTZAL NAS DBYAR ZLA BA BZHI'I TSAD LAS ZLA BA PHYED LUS PAR BYAS PAR GYUR PA JI SRID PA DE SRID DU BCANG BAR BYA'O, ,GZHAN DAG NA RE DBYAR GYI GOS RAS CHEN BTZAL BA'I PHYIR PHYI MA ZLA BA BZHI'I TSAD DE DAG ZLA BA PHYED LUS NAS BCANG BAR BYA BA YIN BAR DBYAR GYI ZLA BA BZHI'I TSAD ZLA BA PHYED LUS PAR BYAS SHING ZLA BA PHYED MA TSANG BAR BYAS PAR GYUR PA JI SRID PA DE SRID DU BCANG BAR BYA STE, ZLA BA PHYED 'BA' ZHIG LUS PAR GYUR GYI, GZHAN NI ZAD PAR 'GYUR BA ZHES BYA BA'I THA TSIG GO, ,DE NYID KYI PHYIR RNAM PAR 'BYED PA LAS DGAG DBYE BYAS NAS ZLA BA PHYED DO ZHES GSUNGS SO, ,GAL TE DGE SLONG GIS SO GA RNAMS KYI ZLA BA GCIG LUS PA DE'I @307B SNGON ROL DU ZHES BYA BA NI DBYAR ZLA RA BA'I SNGON ROL DBYID ZLA THA CHUNGS LA SOGS PA LA'O, ,DBYAR GYI ZLA BA DAG ZLA BA PHYED LUS PAR BYA BA'I 'OG TU 'CHANG NA ZHES BYA BA NI 'JIG RTEN NA GRAGS PA'I DBYAR GYI ZLA BA BZHI PO'I TSAD DE DAG LAS STON ZLA THA CHUNGS YAR GYI NGOS MA TSANG BA PHYED DANG BZHI PA'I TSAD BZLAS TE, GAL TE DUS PHYI MA ZLA BA BZHI PA STON ZLA THA CHUNGS YAR GYI NGO DANG BCAS TE 'DA' BAR BYED NA DE'I TSE 'DI LAS SPANG BA'I LTUNG BYED DU 'GYUR RO ZHES BYA BA'I THA TSIG GO, ,PHO NYA LAS ZHES BYA BA NI BTZAL NA NYES BYAS CHUNG DUR SHES PAR BYA'O, ,TSOL BA SNGON DU 'GRO BA'I RNYED PA 'CHAD NA NI SPANG BA KHO NA STE, 'DI 'CHAD BA GTZO CHE'I TSOL BA NI MA YIN NO, ,DE'I 'OG TU 'CHANG NA SPANG BA'I LTUNG BYED DU 'GYUR RO, ,JI TZAM DU DGE SLONG CUNG ZAD SHIN TU RINGS PAR TSOL ZHING SHIN TU RING DU 'CHANG NA THAMS CAD DU SPANG BA'I LTUNG BYED DU 'GYUR RO ZHES BYA BA NI 'DUL BA 'DZIN PA RNAMS NA RE TSOL BA DANG BCAS PA'I 'CHANG BA LTUNG BA BYED BA NYID YIN BAR BCOM LDAN 'DAS KYIS GSUNGS SO ZHES ZER RO, ,BTZUN BA RE ZHIG DGE SLONG GIS ZHES BYA BA LA SOGS PAS MTSAN GYUR NAS, NYES BYAS SU GSUNGS PA NI BAG TZAM 'DRA BA LA BRTEN BA'I PHYIR DE'I KHONGS SU GTOGS PAR GYUR BA STE, 'DUL BA MDOR BSDUS PA LAS GSUNGS PA YIN NO, ,'DI LTAR DGE SLONG MA RNAMS LA NI RNYED BA CHUNG BA'I PHYIR DBYAR GYI RAS CHEN GYI BSLAB PA MA BCAS PA MA TSANG BA NI TSAD DU MI LDANG BA STE, DBYAR GYI RAS NI SRID DU KHRUR DGU'O, ,ZHENG DU KHRU GSUM DANG SOR BRGYAD KYI TSAD YIN PAS DE'I PHYIR 'DI YIN NO, ,ZHUS PA LA LA LAS NI 'DI SKAD DU BTZUN PA RE ZHIG DGE SLONG GIS DBYAR GYI RAS CHEN RUNG BAM LAGS BA ZHIG ZLA BA PHYED DANG LNGA'I 'OG TU 'CHANG NA NI CIR 'GYUR LAGS, NYES BYAS SO ZHES 'BYUNG NGO, ,DE LA DON NI 'DI YIN TE, RUNG BA MA LAGS PA ZHES BYA BA NI MA GTOGS PA LA SOGS PA'O, ,ZLA BA PHYED DANG LNGA'I 'OG CES BYA BA NI ZLA BA GANG DAG LA SNGA MA ZLA BA BYED YOD PA DE DAG LA DE SKAD CES BYA STE, ZLA BA BZHI PO PHYED DANG BCAS PA ZHES BYA BA'I THA TSIG GO, ,DES TSOL BA'I DUS DANG BCAS PA'I ZLA BA BZHI PO PHYED DANG BCAS PA'I 'OG ROL @308A *, ,GYI DUS SU 'CHANG NA RUNG BA MA YIN PA'I PHYIR NYES BYAS SU 'GYUR RO ZHES BYA BA'I THA TSIG GO, ,GZHAN LAS KYANG 'DI SKAD DU DBYAR GYI RAS CHEN DENGS PA ZHIG ZLA BA PHYED DANG LNGA'I 'OG ROL DU 'CHANG NA NYES BYAS SO, ,DE BZHIN DU DBYAR GYI RAS CHEN SENG RAS SHIG SHIN TU RINGS BAR TSOL NA NYES BYAS SO ZHES 'BYUNG NGO, ,DE LA DON NI 'DI YIN TE, DENGS PA NI MI SRI BA STE ZAD LA THUG BA ZHES BYA BA'I THA TSIG GO, ,SENG RAS NI SRAB MOR BTAGS PA'O, ,DBYAR GYI RAS CHEN GYI SPANG BA GTAN LA DBAB PA'O,, ,,BSDOS PA NI DGE 'DUN LA DBUL BA'O ZHES DE LTAR NGES PAR BYAS PAS SO, ,RNYED PA NI GOS KYI RNYED PA'O, ,SHES BZHIN DU BYA BA NI BDAG NYID KYIS RIG PA'AM, GZHAN DAG GIS BSTAN PA'O, ,GANG ZAG LA BSGYUR DU 'JUG NA ZHES PA NI SGRUB PAR BYED NA'O, ,GANG LA ZHE NA BDAG LA ZHES BYA BA GSUNGS TE, BDAG NYID LA BSGYUR DU 'JUG PA YIN GYI GZHAN LA NI MA YIN NO, ,DE LA NI NYES BYAS SU GSUNGS PA'I PHYIR RO, ,BSGYUR DU 'JUG PA NI NYES BYAS YIN LA THOB NAS NI SPANG BA'I LTUNG BYED DO ZHES BYA BA DE LTAR SHES PAR BYA'O, ,BTZUN PA RE ZHIG DGE SLONG GIS ZHES BYA BA LA SOGS PAS MTSAN GYUR NA NYES BYAS SU GSUNGS PA NI MTSAN THA DAD PA'I DGE 'DUN GYI RNYED PA YIN PA'I PHYIR 'DI YIN TE, DE BZHIN DU DGE SLONG MA MTSAN GYUR BA LA'ANG DE DANG 'DRA BA KHO NAR SHES PAR BYA'O, ,GNYI GA'I DGE 'DUN ZHES BYA BA NI DGE SLONG GI DGE 'DUN DANG DGE SLONG MA'I DGE 'DUN NO, ,DE LA 'DIR GNYIS SU GSUNGS PA NI MTSAN THA DAD PA'I PHYIR DANG, THUN MONG YIN PA'I PHYIR RO, ,GZHAN DAG NA RE MDO DANG RNAM PAR 'BYED PA DANG ZHUS PA DAG LAS DGE 'DUN NYID KYIS KHYAD PAR MA SMOS PA'I PHYIR BDAG NYID LA YONGS SU BSGYUR NA SPANG BA KHO NAR GSUNGS TE, DE'I PHYIR 'DI DANG SNGA MA BTZUN BA RE ZHIG DGE SLONG GIS ZHES BYA BA LA SOGS PAS MTSAN THA DAD PA LA YANG SPANG BA KHO NAS BRJOD PAR BYA'O ZHES ZER RO, ,BSGYUR DU 'JUG PA'I SPANG BA GTAN LA DBAB PA'O,, ,,PHAN PA NI MTHUN PA DAG STE, NAD KYI @308B GNYEN POR GYUR PA ZHES BYA BA'I THA TSIG STE, DPER NA RLUNG GI GNYEN POR GYUR BA NI TIL MAR RO, ,MKHRIS PA NI ZHUN MAR RO, ,BAD KAN NI SBRANG RTZI'O ZHES BYA BA DE LTA BU LA SOGS PA'O, ,GANG DAG CES BYA BA 'DIS NI SMAN RNAMS LAS GANG GI KHONGS SU GTOGS PA NYID STON PAR BYED DE, DES NA SMAN GANG DAG BCOM LDAN 'DAS KYIS 'DUL BA LAS GSUNGS PA DE DAG CES BYA BA'I THA TSIG GO, ,BKA' STZAL PA NI RAB TU BSTAN PA'O, ,SBRANG RTZI NI SBRANG MA'I SBRANG RTZI'O, ,BU RAM GYI LBU BA NI BU RAM DANG, HVAGS DANG, SHA KHA RA LA SOGS PA'O, ,RANG GIS BYIN GYIS BRLABS TE ZHES BYA BA NI, LAG PA BKRUS TE BYIN LEN BYAS NAS LAG PA G-YON PAR BZHAG LA LAG PA G-YAS PAS BKAB STE, DGE SLONG ZHIG GI MDUN DU 'DUG LA SNGA DRO BYIN GYIS BRLAB PA'I SNGAGS KYIS SO, ,ZHAG BDUN PAR ZHES BYA BA NI ZHAG BDUN PA KHO NAR RO, ,GSOG 'JOG GIS YONGS SU LONGS SPYAD PAS ZHES BYA BA LA SOGS PAS GSOG 'JOG NI GSOG PAR BYED PA STE, 'DI LTA STE, SBYIN PA DANG, LEN PA DANG, SBED PA DANG, ZA BA DANG, 'JOG PA DANG BYI DOR BYED PA'O, , 'DIS YONGS SU SPYOD PAR BYED PA'I PHYIR DE NYID YONGS SU SPYOD PA YIN NO, ,GSOG 'JOG GIS YONGS SU SPYOD PA STE, RANG GIS BYAS PA ZHES BYA BA'I THA TSIG GO, ,DES NA YONGS SU LONGS SPYAD BAR BYA BA NI RANG GIR BYAS NAS BCANG BAR BYA'O ZHES BYA BA'I THA TSIG GO, ,DE LAS 'DAS PAR YONGS SU LONGS SPYOD PAR BYED NA ZHES BYA BA 'DI'I DON NI 'CHANG NA ZHES BYA BA NI YIN GYI, ZA NA ZHES BYA BA NI MA YIN TE, SPANG BA MI SRID PAR THAL BAR 'GYUR BA'I PHYIR RO, ,BTZUN PA SMAN DGUNG BDUN LAS ZHES BYA BA LA SOGS PA LA SMAN MI RUNG BA NI MI TSIL LA SOGS PA'O, ,MI RUNG BA DANG 'DRES PA NI MI TSIL LA SOGS PA DANG 'DRES PA'O, ,RUNG BA LA NI BYIN GYIS BRLABS PA DANG, SPANG BA NYID YIN NA DE LA YANG RUNG BA NYID MED PA'I PHYIR SPANG BA MI SLONG NGO, ,'O NA JI LTAR ZHAG BDUN 'DAS PA ZHES BYA ZHE NA, LA LA MI SHES PA'AM 'DAS NAS @309A *, ,KYANG BYIN GYIS RLOB PAR BYED BAS DE'I PHYIR DE'I DBANG DU MDZAD NAS 'DI GSUNGS PAR RNAM PAR GNAS SO, ,SPANG BAR BGYI'AM, NYE BA 'KHOR MA YIN NO ZHES BYA BA NI MA SHES PAS SMRAS PAR RIG PAR BYA'O, ,'DI LTAR MI LTA BAR SPANGS PA YANG PHYIR LEN PA'I DUS NA LTA BA DANG BCAS NAS NYES BYAS SU BSHAD DE, MI LTA BAR LTA BA LA LTA BA DANG BCAS NA PHYED NYID DO, ,SHES BZHIN DU MI BLANG NGO ZHES 'BYUNG BA'I PHYIR RO, ,SOG 'JOG BGYIS PA NI GSOG 'JOG BYAS PA'I LTUNG BYED DU GTOGS SO, ,DUS LAS 'DA' BAR BYED NA ZHES BYA BA NI NYI MA'I GUNG LA SOGS PA LAS SO, ,DUS SU RUNG BA'I 'BRAS CHAN LA SOGS PA STE, NYI MA PHYED KYI BAR DUS SU SPYAD PAR BYA BA DAG GO, ,THUN TSOD DU RUNG BA NI RGUN CHU LA SOGS PA STE, THUN TSOD KYI DUS SU SPANG BAR BYA BA DAG GO, ,DGUNG BDUN PA NI ZHUN MAR LA SOGS PA STE, ZHAG BDUN GYI BAR GYI DUS SU SPYAD PAR BYA BA DAG GO, ,JI SRID 'TSO'I BAR DU BCANG BA NI AA RU RA LA SOGS PA STE, JI SRID 'TSO'I BAR GYI DUS SU SPYAD PAR BYA BA DAG GO, ,BDAG GIR BGYID PA BYIN GYIS BRLAB PA'I SNGAGS MED PAR RANG GIR BYED PA'O, ,GSOG 'JOG GIS YONGS SU LONGS SPYAD PAS ZHES BYA BA LA SOGS PA NI BYIN GYIS BRLABS PA MED PA'I PHYIR GSOG 'JOG MED DE, 'DI LTAR 'DI DAG BYIN GYIS BRLABS PA LA GSOG 'JOG GIS YONGS SU LONGS SPYOD PA RJES SU GNANG GI GZHAN DAG NI MA YIN PAS DE'I PHYIR MI RUNG NGO ZHES DE SKAD DU GSUNGS SO, ,DE LA BYIN GYIS BRLABS PA 'BRAS BU MED PA'I PHYIR DUS SU RUNG BA LA BYIN GYIS BRLABS PA MED MOD KYIS, 'ON KYANG GSOG 'JOG GIS YONGS SU LONGS SPYOD PA'I ZHAR LA 'DI DAG GI NANG DU 'DUS SO, ,RE ZHIG DGE SLONG GIS ZHES BYA BA LA SOGS PA SPANGS PA'I BYIN GYIS RLOB NA NYES BYAS SU GSUNGS PA NI MI RUNG BA BYIN GYIS BRLAB PA'I PHYIR RO, ,BYIN GYIS BRLABS NAS 'DAS PAR ZHES BYA BA NI GANG DANG GANG GIR RANG GI DUS SU THUN TSOD KYI BAR GANG YIN PA DE LAS 'DAS PAR RO, ,'DI NYID BSTAN PA'I PHYIR DUS SU RUNG BA YANG ZHES BYA BA LA SOGS PA GSUNGS SO, ,GAL TE YONGS SU SPYAD NA ZHES @309B BYA BA LA SOGS PAS LTUNG BYED DU GSUNGS PA NI SPYAD PA'I DUS LAS 'DAS PA'I PHYIR RO, ,'DIR YANG BYIN GYIS BRLABS PA LAS 'DAS PAR ZHES GSUNGS PA NI, JI SRID 'TSO'I BAR DU BCAD PA MA GTOGS PA RNAMS LA SHES PAR BYA STE, DE DAG LA BYIN GYIS BRLABS PA LAS 'DAS PA MI SRID PA'I PHYIR RO, ,GAL TE YONGS SU SPYAD NA ZHES BYA BA NI JI SRID 'TSO'I BAR DU BCANG BA MA GTOGS PA RNAMS KHO NA LA SHES PAR BYA'O, ,GAL TE BYIN GYIS RLOB NA ZHES BYA BA LA SOGS PAS NYES BYAS SU GSUNGS PA NI MI RUNG BAR BYIN GYIS RLOB PAR GTOGS PA YIN NO, ,DGE SLOD MA LA NYES BYAS SU GSUNGS PA NI, GSOG 'JOG BYAS PA SPYOD PAR GTOGS PA YIN TE, BYIN LEN MA BYAS BZA' MI BYA, ,DE BZHIN GSOG 'JOG BZA' MI BYA, ,ZHES 'BYUNG BA'I PHYIR RO, ,ZHAG BDUN PA'I SPANG BA GTAN LA DBAB PA'O, ,GZHUNG BLA MA'I TSIG DKA' BA RNAM PAR BSHAD PA RIGS PA DANG, SLOB DPON MDO SDE 'DZIN PA DGE BA'I BSHES GNYEN GYIS BKOD PA LAS SPANG BA'I LTUNG BYED RNAMS RDZOGS SO,, ,,SHES BZHIN DU BRDZUN SMRA NA ZHES BYA BA LA, SHES BZHIN NI MA RIG PA'I 'DU SHES NYAMS SU MYONG BA YIN NO, ,BRDZUN NI DON PHYIN CI LOG NYE BAR STON PA'O, ,SMRA BA NI BRJOD PA STE, SHES BZHIN DU DON GZHAN DU RNAM PAR GSANG BA LA SLU BA LA SOGS PA'I CHED DU GZHAN DU BRJOD PA ZHES BYA BA 'I THA TSIG GO, ,DE'I PHYIR BRDZUN GYI NGO BO SMRA BA NI BRDZUN SMRA BA'O, ,SHES BZHIN GYI BRDZUN SMRA BA NI SHES BZHIN DU BRDZUN SMRA BA STE DRUG PAR TSIG BSDU BA'O, ,DE'I PHYIR ZHES GTAN GYI LNGA PA YIN NO, ,GZHAN LA YANG LTUNG BYED DU GYUR PAS DE'I PHYIR BRDZUN SMRA NA ZHES KHYAD PAR DU BYAS TE 'OG MA DAG LA YANG CI RIGS PAR DE KHO NA BZHIN DU SHES PAR BYA'O, ,BSLAB PA PHUL BA ZHES BRJOD PAR BGYI'AM, NYE BA 'KHOR MA YIN NO ZHES BYA BA NI, BSLAB PA 'BUL BA'I BSAM PA MED PA'I PHYIR 'DIR GSUNGS TE, 'DI LA NYAMS PAR RJOD PAR BYED PA DGOS KYI TSIG GI KHYAD PAR NI MA YIN NO ZHES 'BYUNG BA'I PHYIR RO, ,MI SMRA BA NI CANG MI SMRA BA'O, ,KHAS LEN NA ZHES BYA BA NI KHAS LEN PAR @310A *, ,BYED NA'O, ,BRDZUN SMRA BA'I LTUNG BYED GTAN LA DBAB PA'O,, ,,MI'I SKYON NAS SMRA BA NI MI'I YON TAN RIGS DANG GZUGS LA SOGS PA BRJOD PAR 'DOD PAS DMAN PA NYID BRJOD PAR BGYID NA ZHES BYA BA NI THA SNYAD 'DOGS PA'O, ,RE ZHIG DGE SLONG ZHES BYA BA LA SOGS PAS MTSAN GYUR NA NYES BYAS SU GSUNGS PA NI MTSAN THA DAD PA'I SKYON NAS SMRA BAR GTOGS PA YIN NO, ,ZA MA DANG ZHES BYA BA LA SOGS PA LA KHA CIG NI DGE SLONG MA'I MI'I SKYON NAS SMRA NA LTUNG BYED DU 'DOD DO, ,DE DAG GI BSAM PA 'DI YIN TE, ZA MA DBANG PO MED PA YIN LA, DE'I YAN LAG SKYES NI BCAD PA LA SOGS PAS NYAMS PA BZHIN NO, ,DE YANG BCOM LDAN 'DAS KYIS 'DI JI SRID CIG TU 'GYUR BA MI BSTEN PA 'DI SRID DU BSKRAD PAR MI BYA'O, ,NAM ZHIG 'GYUR BA DE'I TSE NI BSKRAD PAR BYA'O ZHES GSUNGS SO, ,'DIS NI JI SRID DU 'GYUR BA MI BSTEN PA DE SRID DU DGE SLONG YIN LA DGE SLONG NYID YIN NA YANG NGA 'DI LA DGE SLONG GZHAN BZHIN DU RIGS PAR LTUNG BA RNAMS 'BYUNG NGO ZHES BYA BA YIN NO, ,GZHAN DAG NI KHYAD PAR KHAS MA BLANGS PAR SPYIR JI LTAR MA NING DANG MTSAN GNYIS PA DAG SDOM PA DANG SDOM PA MA YIN PA'I ZHING NYID MA YIN PA LTAR 'DI DANG 'DRA BAR KHYIM PA LTA BUR 'DOD DO, ,DE BAS NA JI LTAR 'DI DAG ZHING NYID MA YIN ZHING THA SNYAD DU RUNG BA MA YIN PA LTAR ZA MA YANG DE DANG 'DRA'O, ,DE'I PHYIR 'DI SDOM PA MA SKYES PA DANG 'DRA BAR RNAM PAR GZHAG PA SHES PAR BYA STE, JI LTAR DGE SLONG MA SUN 'BYIN PA LA SOGS PA'I MI'I SKYON NAS SMRA NA LTUNG BA CHUNG DU BYED PA NYID YIN PA LTAR 'DI YANG DE DANG 'DRA'O SNYAM DU BSAMS PA YIN NO, ,MI'I SKYON NAS SMRA BA'I LTUNG BYED GTAN LA DBAB PA'O,, ,,DGE SLONG PHRA MA BYED PA NI DBYE BA'I BSAM PAS DGE SLONG GI YUL LA KHYOD LA DGE SLONG CHE GE MO 'DI ZHES BYA BAS 'DI DANG 'DI SMRAS SO ZHES ZER RO, ,GZHUNG RGYAS PAR NI PHO NYA LAS ZHES BYA BA LA SOGS BA'O, ,PHRA MA'I LTUNG BYED GTAN LA DBAB PA'O,, ,,CHOS BZHIN DU ZHES BYA BA NI CHOS DANG MTHUN PAR RO, ,RTZOD PAR NI 'GYED PA DANG, MI GDAMS PA DANG, LTUNG BA DANG BYA BA'I RTZOD PA ZHES BYA BA BZHI PO @310B 'THAB PA'I BYED RGYU DAG GO, ,SBYANGS BA NI NYE BAR ZHI BAR BYAS SO, ,YANG LAS KYI SKYO SNGOGS BYED PA NI YANG LAS BYED BAS SNGAR BYAS PA'I LAS SPONG BAR BYED PA'O, ,GZHAN DAG NA RE LEGS PAR MA BYAS PAR BRJOD PA'O ZER RO, ,GZHAN DAG NA RE 'DI LTAR YANG LAS KYI SKYO SNGOGS BYED PA ZHES BYA BA NI YANG LAS BYED DU 'JUG PA'O ZHES BCOM LDAN 'DAS KYIS MNGON SUM DU MDO'I RNAM PAR BSHAD PA'I PHYIR RANG GI BLO GROS KYI DBUGS KYIS BSHAD PA NI DON MED DO ZHES ZER RO, ,RE ZHIG DGE SLONG GIS ZHES BYA BA LA SOGS PAS MTSAN GYUR NA NYES BYAS SU GSUNGS PA NI MCHAN GYUR PA'I RTZOD PA LA SKYO SNGOGS BYED PA'I PHYIR RO, ,DGE SLONG MA MTSAN GYUR PA LA YANG DE DANG 'DRA BAR SHES PAR BYA'O, ,RTZOD PA CHOS BZHIN DU SBYANGS PA NI LAS MA NYAMS PA DANG, DGE SLONG DAG LAS DE'I TSAD DU TSANG BA NYID DANG LAS BYED PA TSUL KHRIMS DANG LDAN PA ZHES BYA BA LA SOGS PA CHOS BZHIN NO, ,BZLOG PA NI CHOS BZHIN MA YIN PA'O, ,RTZOD PA'I CHOS BZHIN DU MA SBYANGS PA YIN LA NYES BYAS SU GSUNGS PA NI CHOS BZHIN MA YIN PAS NYE BAR ZHI BAR BYAS BA YANG NYE BAR ZHI BA NYID YIN PAS YANG DE LA SKYO SNGOGS BYED PA BKAG PA'I PHYIR TE CHOS BZHIN MA YIN PAS NYE BAR ZHI BA LA YANG SKYO SNGOGS MI BYA'O ZHES 'BYUNG BA'I PHYIR RO, ,KHYIM PA RNAMS KYI ZHES BYA BA LA SOGS PA 'DI LA NI RTZOD BA NI SBYIR 'THAB PA TZAM YIN NO, ,SKYO SNGOGS BYED PA'I LTUNG BYED GTAN LA DBAB PA'O,, ,,TSIG LNGA 'AM DRUG LAS LHAG PA NI TSIG DRUG BA'I CHED KYI TSIG DANG, TSIG LNGA PA'I TSAD KYI TSIG LAS LHAG PA STE, DE LA TSIG DRUG PA NI DPER NA MIG MI RTAG PA'O, ,RNA BA DANG, SNA DANG, LCE DANG, LUS DANG, YID MI RTAG PA'O ZHES BYA BA LTA BU'O, ,TSIG LNGA PA NI GZUGS MI RTAG PA'O, ,TSOR BA DANG, 'DU SHES DANG, 'DU BYED DANG, RNAM PAR SHES PA MI RTAG PA'O ZHES BYA BA LTA BU'O, ,RIG PA'I SKYES PA NI KHONG DU CHUD CING SKAD BRDA PHRAD PA'I SKYES PA STE, DE DANG NYE BAS BAG 'KHUMS PA NYID KYIS GNAS NGAN LEN SMRA BA'I GO SKABS MED PA'I PHYIR RO, ,PHO NYA LAS ZHES BYA BA NI BLO MA BYANG BA'AM RUNG BA MA YIN PA LAS SO, ,GZHAN DAG NA RE BUD MED LAS SO ZHES ZER RO, ,DE LTA YIN TE PHO NYA SKYES BU @311A *, ,NYID DU GRUB NA YANG RIG PA'I SKYES BU ZHAS SMOS PA DON MED PAR 'GYUR RO, ,GZHAN DAG NA RE PHO NYA SMOS PA NI BSHAD PA 'PHANGS PA GSUNGS PAR ZAD DE, 'DI YAN LAG MA YIN NO ZHES ZER RO, ,RUNG BA BGYI BA NI RIG PA'I SKYES PA'O, ,DBEN PA LA DBEN PAR 'DU SHES PA NI RIG PA'I SKYES PA MED NA BUD MED YOD DU ZIN KYANG DBEN PA YIN PAR SHES PAR BYA STE, BUD MED DANG LHAN CIG TU DBEN PA'I SKYABS YOD PA NA ZHES GSUNGS PA'I PHYIR RO, ,RE ZHIG DGE SLONG GIS ZHES BYA BA LA SOGS PAS MTSAN GYUR NA LTUNG BA MED PAR GSUNGS PA NI NYES PA MED PA'I PHYIR RO, ,'DI LTAR GAL TE DGE SLONG MA BUD MED LA CHOS STON PAR BYED NA MI MTHUN PA MED PA'I PHYIR RO, ,DGE SLONG MA RNAMS RIG PA'I SKYES PA MED PAR BUD MED LA CHOS STON PAR BYED PA NI LTUNG BA 'GA' YANG MA MCHIS KYI, 'DI RNAMS DGE SLONG MA ZLA MED PAR SKYES PA LA CHOS STON NA MI'I CHOS BLA MAR GYUR PA BRJOD PA DANG, LHAN CIG NYAL BA LA SOGS PA'I LTUNG BA RNAMS KYANG BSNYEN PAR MA RDZOGS PA'I GANG ZAG BZHIN DU 'DI LA LTA BAR SHES PAR BYA'O, ,'DI NYID KYI RJES SU 'BRANGS TE 'DI'I GSOG 'JOG BYAS PA DANG BLANGS PA DANG, PHYIS BLANGS PA LA SOGS PA GANG YIN PA DE GZHAN RANG BZHIN DU GNAS PA LA MI 'BYUNG NGO ZHES BYA BAR KHONG DU CHUD PAR BYA'O, ,GANG ZAG BSNYEN PAR MA RDZOGS PA ZA MA ZHES BYA BA LA SOGS PAS NYES BYAS SU GSUNGS PA NI 'JIG RTEN GYI THA SNYAD LAS 'DAS PA'I PHYIR TE, MA NING LA SOGS PA LA YANG DE DANG 'DRA BAR SHES PAR BYA'O, ,DGE SLONG MA SUN PHYUNG BA ZHES BYA BA LA SOGS PAS LTUNG BYED DU GSUNGS PA NI BSNYEN PAR MA RDZOGS PA KHO NA'I PHYIR RO, ,DGE 'DUN GYI DBYEN BA GYID BA ZHES BGYI BA LA SOGS PAS NYES BYAS SU GSUNGS PAS CHOS LA MA GUS PA YONGS SU SPANG BA'I PHYIR RO, ,DE NYID DU DGE SLONG DGE SLONG MA DANG 'DON NA NYES BYAS SU 'CHAD PAR 'GYUR RO, ,BTZUN PA RE ZHIG DGE SLONG GIS DGE SLONG MA DANG MGRIN GCIG TU CHOS 'DON PAR BGYID NA ZHES BYA BA LA SOGS PAS NYES BYAS SU GSUNGS BA NI BSNYEN PAR RDZOGS PA'I PHYIR MGRIN PA SNYOMS TE TSIG 'DON PAR BYED NA LTUNG BYED DE, 'DI LTAR 'DON DU GZHUG PA DANG, 'DON DU 'BYUNG BA MA GUS PA'I PHYIR RO, ,GUS PA NYAMS PA YONGS SU SPANG BA'I BSNYAMS NA BSNYEN PAR MA RDZOGS @311B PAS MA GUS PA BYAS PA YANG MA GUS PA KHO NA YIN NO, ,DE BZHIN DU DGE SLONG MA LA DGE SLONG DANG ZHES BYA BA LA SOGS PA LA YANG TSUL 'DI NYID YIN NO ZHUS PA LAS 'DI SKAD DU DGE SLONG GIS DGE SLONG LAS TSIG RE RE NAS CHOS 'DON DU STZAL NA CIR 'GYUR LAGS, NYES BYAS SO ZHES 'BYUNG STE 'DIR YANG TSUL NI BSHAD MA THAG PA 'DI NYID YIN PAR SHES PAR BYA'O, ,DGE SLOB MA LA SOGS PAS BSNYEN PAR MA RDZOGS PA DANG MGRIN PA SNYOMS TE CHOS 'DON PA KHYIM PA DANG YIN PAR SHES PAR BYA STE, 'OG MA GNAS NGAN LEN RJOD PA LA YANG DE DANG 'DRA BAR SHES PAR BYA'O, ,'DON PA'I LTUNG BYED GTAN LA DBAB PA'O,, ,,BSNYEN PAR MA RDZOGS PA LA ZHES BYA BA LA SOGS PA LA GNAS NGAN LEN NI NGO BO NYID DANG KUN NAS SLONG BA DANG GI NYON MONGS PA CAN TE, PHAM PA DANG DGE 'DUN LHAG MA'O ZHES BYA BA'I THA TSIG GO, ,DGE 'DUN GYIS GNANG BA NI DGE 'DUN GYIS RJES SU GNANG BA STE, DGE 'DUN GYIS GNANG BA THOB NAS PHAM PA DANG DGE 'DUN LHAG MA DAG SHES PA'I KHYIM DU BRJOD PA LA LTUNG BA MED DO ZHES BYA BA'I THA TSIG GO, ,'DIR NI DGE SLONG GIS BYAS PA'I GNAS NGAN LEN GYI LTUNG BA BRJOD NA LTUNG BYED DU 'GYUR RO ZHES BYA BA DE LTAR SHES PAR BYA'O; ,DE LTA MA YIN NA YANG BSTAN PA KHO NAR LTUNG BAR 'GYUR TE, DE YANG RIGS PA MA YIN NO, ,'DI SKAD DU'ANG LTUNG BA BSTAN PA LAS SHES PAR BYED NA LTUNG BYED DU 'GYUR RO ZHES DGE SLONG LA BRTEN PA MDZAD DO, ,MI LA MI YIN PAR 'DU SHES PA LA NYES BYAS SU GSUNGS PA NI MI MA YIN PA LA BRJOD NA YANG NYES BYAS SU BSTAN PA'I PHYIR RO, ,LTUNG BA'I MTHA' NI LTUNG BA'I TSAD DO, ,BSGO BAR BYA BA NI KHYOD KYIS LTUNG BA 'DI SNYED CIG BRJOD PAR BYA'O, ,ZHES DE LTAR KHONG DU CHAD PAR BYA'O, ,YANG ZHES BYA BA'I SGRAS NI KHYIM GYI MTHA' STE, KHYIM 'DI SNYED CIG TU BRJOD PAR BYA'O ZHES DE LTAR 'DI LA KHYIM GYI MTHA' BSGO BAR BYA BA YIN NO, ,KHYIM GYI MTHA' MA YIN PA NI KHYIM 'DI SNYED DU BRJOD PAR MI BYA'O, ,GANG ZHIG CES BYA BA NI LTUNG BA 'BYIN PAR BYED PA STE, DE DANG ZHES BYA BAR TSIG KHONG NAS DRANG NGO, ,LTUNG BA 'BYIN PA PO GANG ZHIG LTUNG BA RNGAMS MI CHE BA DAG GIS KHYIM TSAD YOD PA DAG SUN @312A *, ,'BYIN PA DE DANG 'BREL PA'I LTUNG BA GANG DAG YIN PA DANG, KHYIM GANG DAG YIN PA DE DAG GIS RJOD PAR BYED PA LA LTUNG BA 'DI SNYED KHYIM 'DI SNYED CIG TU BRJOD PAR BYA'O ZHES YONGS SU CHAD PAR BYA BA YIN TE, DE BZHIN DU 'OG MA DAG LA YANG CI RIGS PAR SHES PAR BYA'O, ,RDAMS MI CHE BA NI TSAD DANG LDAN PA'O, ,TSAD MED PA'I TSAD NI YONGS SU CHAD PA MED PA'I PHYIR RO, ,SUN 'BYIN PA NI GNAS PA DANG LONGS SPYOD PA DAG GIS MA DAD PA SKYED PA'I PHYIR RO, ,TSAD YOD PA NI TSAD YONGS SU CHAD PA'I PHYIR RO, ,RNGAMS PO CHE NI TSAD MED PA DANG LDAN PA'O, ,DES NI ZHES BYA BA NI RJOD PAR BYED PA DGE SLONG GIS SO, ,LTUNG BA DE TZAM KHO NA ZHES BYA BA NI DGE 'DUN GYI LTUNG BA RNAMS KYI TSAD CI TZAM ZHIG BRJOD PAR BYA BA'I PHYIR BSTAN PA'O, ,SHES PA'I KHYIM DE TZAM KHO NA DAG TU ZHES BYA BA NI KHYIM GANG DAG TU DES BYAS PA 'DI GNAS NDAN LEN GYI LTUNG BA SHES PA DE DANG LDAN PA DE DAG TU'O; ,DE LAS LHAG PAR BRJOD NA ZHES BYA BA NI KHYIM GANG DAG TU DES BYAS PA'I GNAS NGAN LEN GYI LTUNG BA MI SHES PAR RO, ,LTUNG BYED DU 'GYUR BA ZHES BYA BA NI MI SHES PA'I KHYIM DU BRJOD PA'I PHYIR RO, ,SHES PA'I KHYIM THAMS CAD DU ZHES BYA BA NI DES BYAS PA'I LTUNG BA SHES PA DANG LDAN PA DAG TU'O; ,KHA CIG NI LTUNG BA 'BYIN PAR BYED PA'I DGE SLONG KHON LA LTUNG BA'I MTHA' YANG BSGO BAR BYA'O ZHES BYA BA LA KHYIM GYI MTHA' YANG BSGO BAR BYA'O ZHES BYA BA LA SOGS PAS BRJOD CING 'OG MA DAG LA YANG GANG ZAG GANG LA LTUNG BA'I MTHA' YANG BSGO BAR BYA LA KHYIM GYI MTHA' BSGO BAR BYA BA DE LA NI LTUNG BA DE TZAM KHO NA TZAM ZHES BYA BA LA SOGS PAS DRUG PA'I MTHA' CAN DU LTUNG BA 'BYIN PAR BYED PA KHO NA YIN PAR 'DON CING 'CHAD PAR YANG BYED DO, ,DON 'DI NI 'BREL PA MA YIN TE 'DI LTAR GNAS NGAN LEN BRJOD PAR GTOGS PA'I LAS NI GANG GIS NA MNGON SUM DU BYED PAR 'GYUR BA MNGON SUM DU BYA BA NI MA YIN NO, ,'ON KYANG 'DIR GRAGS PA YAN LAG YIN TE, GRAGS PA TZAM GYIS NI 'DI BRJOD PAR BYA'O, ,'DI LA NI LTUNG BA 'BYIN PAR BYED PAR SPRO BA BZHIN DU DON DU GNYER BA NYID GYIS 'JUG PA YANG MA YIN GYI, NYES NA 'DI PHYIR GNOD PAR BYA BA'I PHYIR 'JUG GO, ,DE NYID KYI PHYIR DGE SLONG 'PHRAL BA CAN @312B GYIS RJOD PAR BYED PA LA GAL TE 'DI KHO BO LA RUNG NA KHYOD KYI MGO RGYAL BYED KYI TSAL GYI SGOR 'BRU MAR GYI SNOD BZHIN DU SPYAD PA GANG YIN PA DE CI'I PHYIR MI RUNG ZHES BYA BA LA SOGS PA SMRAS SO, ,DE LTA BAS NA 'DON PA DANG BSHAD PA SNGA MA BZHIN BZANG STE, BSTAN PA LA KHA ZER BA THAMS CAD DU YONGS SU SPANG BA'I PHYIR NI KHYIM DAG TU SHES PAR BYA'O, ,BDAG NYID KYI ZHES BYA BA LA SOGS PAS NYES BYAS SU GSUNGS PA NI GZHAN GYI YIN PA MED PA'I PHYIR TE, BDAG NYID KYI GNAS NGAN LEN GYI LTUNG BA 'CHAB PA BZHIN NO, ,LA LA LAS DGE SLONG GIS GNAS NGAN LEN GYI LTUNG BA NI MA NING LA ZHES BYA BA LA SOGS PAS DGE SBYONG LA THUG PA'I BAR LA NYES BYAS SA 'DON, LA LAS NI LTUNG BYED DU 'DON TO, ,DE NI RIGS PA MA YIN TE, 'DI LA NI BSNYEN PAR MA RDZOGS PA YAN LAG NYID DU RNAM PAR GZHAG PA'I PHYIR DANG, 'DI YANG DGE SLONG GI RGYU MTSAN CAN GYI LTUNG BA RNAMS KYI SKABS YIN PA'I PHYIR RO, ,GZHAN YANG BSNYEN PAR RDZOGS PA LAS BRJOD PA'I PHYIR KHA NA MA THO BA 'DIR 'GYUR NA DGE SLONG MA LA SOGS PA BSNYEN PAR MA RDZOGS PA MA YIN NAM CI NA YANG BRJOD, DE BAS NA 'DI THAMS CAD 'OR LA 'DI LTAR 'DON PAR BYA STE, BTZUN PA RE ZHIG DGE SLONG GIS DGE SLONG ZA MA'I GNAS NGAN LEN GYI LTUNG BA GANG ZAG BSNYEN PAR MA RDZOGS PA LA RJOD PAR BGYID NA CIR 'GYUR LAGS NYES BYAS SO, ,DE BZHIN DU DGE SLONG MA NING DANG MTSAN GNYIS PA DANG, KHAS BLANGS PA DANG, BSLAB BA BYIN PA DANG, DGE SLONG MA SUN PHYUNG BA DANG, MA 'GUMS PA DANG, PHA 'GUMS PA DANG, DGRA BCOM PA 'GUMS PA DANG, MU STEGS CAN DANG, MU STEGS CAN ZHUGS PA DANG, RKU THABS SU GNAS PA DANG, SNGAR LTUNG BA BYUNG BA DANG, DANG PO MI MTHUN PA CAN GYIS GNAS NGAN LEN GYI LTUNG BA GANG ZAG BSNYEN PAR MA RDZOGS PA LA RJOD PAR BGYID NA CIR 'GYUR LAGS NYES BYAS SO, , BTZUN PA RE ZHIG DGE SLONG GIS DGE SLONG GI DGE 'DUN GYI DBYEN BGYID PA'I GNAS NGAN LEN GYI LTUNG BA SNYEN GANG ZAG BSNYEN PAR MA RDZOGS PA LA RJOD PAR BGYID NA CIR 'GYUR LAGS LTUNG BYED DO, ,DE BZHIN DU DE BZHIN GSHEGS PA LNGAN SEMS GYIS KHRAG 'BYIN PA DANG, THA DAD DU GNAS PA'I DGE SLONG GI @313A *, ,GNAS NGAN LEN GYI LTUNG BA GANG ZAG BSNYEN PAR MA RDZOGS PA LA RJOD PAR BGYID NA CIR 'GYUR LAGS LTUNG BA MED DO, ,DE LA DON NI 'DI YIN TE, DGE SLONG MA ZA MA'I GNAS NGAN LEN GYI LTUNG BA ZHES BYA BA NI ZA MA BYAS PA'I LTUNG BA ZA MA DANG 'BREL PA STE DE ZHES BYA BA'I THA TSIG GO, , DE'I LTUNG BA 'DI PHAM PA DANG, DGE 'DUN LHAG MA ZHES BYA BA MING DU RNAM PAR NYON MONGS PA CAN YIN PA'I PHYIR GNAS NGAN LEN CES THA SNYAD DU GDAGS SO, ,MA NING LA SOGS PA YANG DE DANG 'DRA BAR SHES PAR BYA STE, 'DI NI SNGOM PA MA SKYES PA'I PHYIR SHES PAR BYA'O, ,DGE 'DUN GYI DBYEN BYED PA LA SOGS PA DANG 'BREL PA'I LTUNG BA DAG BSNYEN PAR MA RDZOGS PA LA YANG LTUNG BYED DU GSUNGS PA 'DI DGE 'DUN GYI DBYEN BYED PA LA SOGS PA NYID KYIS DGE SLONG NYID MED PA MA YIN PA'I PHYIR SHES PAR BYA'O, ,BTZUN PA RE ZHIG DGE SLONG GIS DGE SLONG MA'I GNAS NGAN LEN GYI LTUNG BA ZHES BYA BA LA SOGS PAS NYES BYAS SU GSUNGS PA NI MI MTHUN PA'I PHYOGS YIN PA'I PHYIR RO, ,GNAS NGAN LEN BRJOD PA'I LTUNG BYED GTAN LA DBAB PA'O,, ,,MI'I CHOS BLA MAR GYUR PA'I ZHES BYA BA LA SOGS PA LA JI LTAR DER PHAM PAR BRJOD LA, DE NI LTUNG BYED DU STON ZHE NA, BDEN NA ZHES BYA BA SMOS TE BDEN NA'O, ,DES NA BDEN PA'I RGYUS PHYIN CI MA LOG PA'I PHYIR ZHES BYA BA'I THA TSIG STE, BDEN DU ZIN KYANG GDUL BA MA YIN PA'I SEMS CAN RNAMS LA MI SRID PA 'DZIN PA LA SOGS PA NYES PA 'BYUNG BAS BKAG GO, ,BDEN PA ZHES BYA BA LA SOGS PA NI PHAM PA BSTAN PAR NI MI BDEN PA YIN LA 'DIR NI BDEN PA YIN PAS 'DI DAG GI KHYAD PAR NI DE YIN NO, ,SANGS RGYAS DANG STON PA ZHES BYA BA MA GTOGS PA ZHES BYA BA NI BDAG NI SANGS RGYAS SO, ,STON PA ZHES BYA BA DE MA GTOGS PA LHAG MA BRJOD PAR BYA BA YIN NO, ,DE DAG YIN PA SMRAS NAS NI 'DIS MI BDEN PAR NI MI BDEN PA KHO NAR SMRA BAR GYUR TE, 'DI LTAR 'DI LA SKYES BU CHEN PO'I MTSAN SUM CU RTZA GNYIS KYIS BRGYAN PA'I GZUGS KYI SKU DANG SANGS RGYAS BYED PA DANG, STON PA BYED PA'I CHOS RNAMS KYI BDAG KYANG MED PA'I YANG DAG PA'I 'DU SHES NYE BAR MI GNAS PA'I PHYIR @313B RO; ,DE BAS NA MI'I CHOS BLA MAR GYUR PA BRJOD PA'I LTUNG BYED LA SANGS RGYAS DANG STEN PA ZHES BYA BA POR NAS LHAG MA SLOB PA DANG MI SLOB PA DANG, CI YANG BA ZHES BYA BA LA SOGS PAS THAMS CAD BDEN PA KHO NAR BRJOD PAR BYA'O ZHES BYA BA'I THA TSIG GO, ,ZHUS PA LA LAS 'DI SKAD DU, BDEN PA MTHONG PA DANG LTA BA PHUN SUM TSOGS PA LA BRJOD NA LTUNG BA MED DO ZHES 'BYUNG NGO, ,DE LA DON NI 'DI YIN TE, BDEN PA MTHONG BA NI 'PHAGS PA'I BDEN PA BZHI YANG DAG PA JI LTA BA BZHIN MTHONG BA'I PHYIR RO, ,LTA BA PHUN SUM TSOGS PA NI YANG DAG PA'I LTA BA PHUN SUM TSOGS PA'I PHYIR RO, ,LTUNG BA 'DI NI MA GUS PA YONGS SU SPANG BA'I PHYIR GSUNGS TE, 'DI LTAR MI'I CHOS BLA MAR GYUR PA DANG LDAN PA NYID DU YID MI CHES PA'I PHYIR RO, ,GANG ZAG BDEN PA MTHONG BA LA NI NYES PA 'DI'I GO SKABS SU YANG MI 'GYUR TE, 'DI LTAR MI'I CHOS BLA MAR GYUR PA'I YUL CAN GYI LOG PAR LTA BA DANG THE TSOM RNAMS GTAN DU SPANGS PAS DE DANG LDAN PA'I GANG ZAG SRID PAR 'DZIN PA'I PHYIR RO, ,DE BAS NA BCOM LDAN 'DAS KYIS DGONGS PA NI BDEN PA MTHONG BA BSNYEN PAR MA RDZOGS PA'I MI'I CHOS BLA MAR GYUR PA BRJOD NA LTUNG BA MED DO ZHES BYA BAR SNANG NGO, ,MI'I CHOS BLA MAR GYUR PA BRJOD PA'I LTUNG BYED GTAN LA DBAB PA'O,, ,, LEGS PAR RUNG BAR BYAS NAS ZHES BYA BA NI RJES SU GNANG BA BYIN PA STE DAD PA PHUL NAS ZHES BYA BA'I THA TSIG GO, ,BSHES DER BYAS TE ZHES BYA BA NI BSHES PA NI BSHES PA STE, BSHES SHING 'DRIS PA ZHES BYA BA'I THA TSIG GO, ,GANG DANG GANG DAG GANG LA BSHES PA NI BSHES NGO'O, ,DER JI LTAR BSHES BZHIN ZHES BYA BA'I THA TSIG GO, ,RNYED PA NI GOS KYI RNYED PA'O, ,GANG ZAG LA ZHES BYA BA NI YUL GCIG PA'O, ,DNGOS PO ZHES BYA BA NI BSGRUBS PA NI DES NA GANG RNAMS GANG DAG DANG BSHES SHING NGO, ,SHES PA DE RNAMS KYI DE DAG GIS GANG ZAG LA BSGRUBS SO ZHES BYA BA'I THA TSIG STE 'DI NI BLA BA'I PHYIR RO, ,RE ZHIG DGE SLONG GIS ZHES BYA BA LA SOGS PAS MTSAN GYUR NA NYES BYAS SU GSUNGS PA NI RNYED PA'I MTSAN THA DAD PA'I DGE 'DUN GYI YIN PA'I PHYIR TE, DGE SLONG MA LA DE DANG 'DRA BAR SHES PAR BYA'O, ,DE LAS GZHAN PA NI ZAS KYI RNYED PA LA SOGS PA'O, ,MNGON SUM DU MA BAB PAR ZHES BYA BA LA SOGS PAS NYES BYAS SU GSUNGS PA NI, @314A *, ,SNGAR DAD PA PHUL BA MED PA'I PHYIR RO, ,SKUR BA 'DEBS PA'I LTUNG BYED GTAN LA DBAB PA'O,, ,,ZLA BA PHYED CING ZHES BYA BA LA SOGS PA LA, ZLA BA PHYED CING ZHES BYA BA NI ZLA BA PHYED CING NGO, ,SO SOR THAR PA NI SDIG PA LAS DANG POR THAR BA'I PHYIR RO, ,DE NYID MDO YIN TE DON SMOS PA'I PHYIR RO, ,DE GDON PA NI SMRA BA'O, ,DE GDON PA NA ZHES BYA BA NI DGE 'DUN GYI NANG DU SMRA BA STE, BRJOD PA NI ZHES BYA BA'I THA TSIG GO, ,YANG ZHES BYA BA NI RIGS GZHAN BSTAN PA'I PHYIR RO, ,'GYOD PA'I PHYIR GDUNG BA STE 'DI NI 'GYOD PA'I RNAM BA CHUNG DU BSTAN PA YIN NO, ,MA DGA' BA NI MTSON CHA'I SO BZHIN DU SEMS LA GNOD PAR BYED PA STE, 'DI NI 'GYOD PA 'BRING BSTAN PA YIN NO, ,GNOD PA NI KHYAD PAR DU SEMS LA GNOD PA BYED PA STE, 'DI NI 'GYOD PA CHEN PO BSTAN PA'I PHYIR RO, ,RNAM PAR THO 'TSAMS PA NI RNAM PAR 'TSE BA CHES KHYAD PAR DU 'PHAGS PA SKYED PAR BYED PA STE, 'DI NI 'GYED PA'I RNAM PA CHES CHEN PO BSNYAD PA YIN NO, ,YID LA GCAGS PA NI MCHOG TU SEMS ZHUM PAR BYED PA STE, 'DI NI 'GYOD PA'I RNAM PA CHES SHIN TU CHEN PO BSTAN PA YIN NO, ,DE LTAR 'DI DAG NI CHUNG NGU DANG 'BRING DANG CHEN PO DANG CHES CHEN PO DANG CHES SHIN TU CHEN PO'I BYE BRAG GIS SEMS KYIS 'GYOD PA'I RGYU DAG BSHAD PA YIN NO, , 'GYUR BA NI RGYU'I DNGOS POR 'GYUR BA'O, ,BSLAB PA'I GZHIS ZHES BYA BA LA BSLAB PA NI NYON MONGS PA SPONG BA'O, ,DE'I GZHI NI RTEN TO, ,TSUL KHRIMS LA BRTEN TE NYON MONGS PA SPONG BA BSGRUB STE, 'DUL BA LAS NYE BAR BSTAN PA DAG CES BYA BA'I THA TSIG GO, ,PHRAN TSEGS NI SO SOR BSHAGS PAR BYA BAR 'GYUR BA'I LTUNG BYED RNAMS SO, ,RAB TU PHRA BA NI NYES BYAS SU GYUR PA DAG GO, ,YANG NA PHRAN TSEGS ZHES BYA BA'I SGRA NI PHRA MO RNAM GRANGS YIN TE, DES NA JI TZAM DU PHRAN TSEGS RAB TU PHRA BA ZHES BSHAD PA DE TZAM DU PHRA BA ZHES BSHAD PA YIN NO ZHES BSHAD PA'I THA TSIG GO, ,'DON PA DAG GIS ZHES BYA BA NI BSNYAD PA DAG GIS SO, ,DE SKAD CES BYA BA'I SGRA NI MA SMOS PA BSDUS PA'I PHYIR RO, ,BSLAB PA KHYAD DU GSOD NA ZHES BYA BA NI BSLAB PA RNAMS DANG MI MTHUN PAR BYED NA STE, 'GAL BAR BYED NA ZHES BYA BA'I THA TSIG GO, ,DGE SLONG ZHES BYA BA LA SOGS PAS MTSAN GYUR NA NYES BYAS SU GSUNGS PA NI MTSAN @314B THA DAD PA'I PHYIR TE DGE SLONG MA LA YANG DE DANG 'DRA BAR SHES PAR BYA'O, ,SPRUL PA NI LHA LA SOGS PA STE 'DI NI THA SNYAD DU MI RUNG BA'I PHYIR RO, ,BSLAB PA KHYAD DU GSOD PA'I LTUNG BYED GTAN LA DBAB PA'O,, ,,SA BON GYI TSOGS NI RTZA BA'I SA BON LA SOGS PA'I YO BYAD DO, ,'BYUNG PO'I GNAS NI 'BYUNG PO SBUR BA DANG PHYE MA LEB DANG BYA LA SOGS PA'I GNAS SHING LA SOGS PA LA SKYE BA STE, SKYE BA YANG SA BON NYID DANG THA MI DAD PAS LHUNG BA GCIG TU BCAS SO, ,'JIG GAM 'JIG TU 'JUG PA NI GO RIMS BZHIN DU RANG BZHIN GYI LAG PA DAG GIS 'BYIN PA DANG SKYEL PA DANG, GCOD PA DANG 'JOMS PA LA SOGS PAS MA RUNG BAR BYED PA'O, ,RDZU 'PHRUL GYIS SHING ZHES BYA BA LA SOGS PA LA MOS NA ZHES BYA BA NI 'DON STE, RDZU 'PHRUL NI DGE BA'I PHYIR LTUNG BA RNAMS KYI ZHING MA YIN PA DE'I PHYIR DE SHES PAR BYA'O, ,KHA CIG NI 'DI SKAD DU, ,BTZUN PA RE ZHIG DGE SLONG GIS RDZU 'PHRUL GYIS SHING 'GUMS NA CIR 'GYUR LAGS NYES BYAS ZHES 'DON TO, ,'DUL BA 'DZIN PA RNAMS NA RE 'DON PA 'DI NI RUNG BA MA YIN TE, 'DI LTAR GNOD SEMS KYI RNAM PA NYID YOD NA NI DNGOS GZHI KHO NAR RNAM PAR GZHAG GO, ,MED NA NI LTUNG BA YANG MED NA JI LTAR 'DI LA NYES BYAS SU 'GYUR RO ZHES ZER RO, , LUS GYI RNAM PAR RIG BYED KYIS ZHES BYA BA 'DI NI NGAG MED PA'I PHYIR YIN NO, ,RDO'I DRAG PA NI 'DI RDO DREG YIN GYI RDO GCOG PA NI MA YIN NO, ,SA BON RTZA BA MA ZUG PA NI MYU GU 'PHANGS PA TZAM STE, 'DI NI RTZA BA MA ZUG PA'I PHYIR YIN NO, ,LNGA MA SNGO BA NI SA LNGA MA SNGON POR 'DUG PA STE, SA ZHAG SNGON PO ZHES BYA BA'I THA TSIG GO, ,LDAM SKYA BA NI BUM PA DANG GOS LA SOGS PA LAS BYUNG BA'O, ,'DI NI PHYED SKYES PA'I PHYIR YIN PAR RIG PAR BYA STE, PHA BA DGO DGO DANG, SHA MO LA YANG DE DANG 'DRA BAR RIG PAR BYA'O, ,CHU RTZA NI RTZVA NYA LCIBS DANG 'DRA BA ZHIG STE, NYA LCIBS DANG CHU RTZA DAG GI SROG NI CHU YIN BAS DE BAS NA DE DAG PHYUNG BA NYID MA RUNG BAR BYAS PA YIN PAS DE'I PHYIR LTUNG BYED 'DIR GSUNGS SO, ,SROG CHAGS RNAMS NI BYA BA GTOGS PA RNAMS TE, DE DAG MING GIS 'CHANG PAR 'GYUR RO, ,GNAS NI 'DUG GNAS SO, ,'BYIN PA NI DRUNGS NAS 'BYIN PA'O, ,MA RUNG BAR BGYID PA NI THAMS CAD DU 'JOMS @315A *, ,PA'O, ,TSANG NI GNAS SO, ,'JUG PA NI PHYIR GLOG PA'O, ,MA RUNG BAR BGYID PA NI MES SREG PA'O, ,SGO NGA DAG MA LHAGS NA DE'I TSE GZHIG PAR BYA'O ZHES GSUNGS PA'I SGO NGA MED PA RNAMS GZHIG PAR BCOM LDAN 'DAS KYIS GNANG BA MA YIN NA, ZHE NA, 'DI LA 'GAL BA MED DE, 'DI LTAR DGE 'DUN GYI GNAS DAG LA NI DGE SLONG RNAMS LA RANG GI YIN PA'I BLO YOD PAS DE NAS TSANG 'JIG PA LA BCOS LEGS PA'I BLO YOD NA RJES SU GNANG NGO, ,GANG LA RANG GI YIN PA'I BLO MED PA DE NAS 'JIG PA LA 'DI GZHAG GO, ,PHA BA DGO DGO NI 'BRUG GRAG PA'I TSE 'BYUNG BA 'PHRUM 'DRA PA'I RNGAD CIG GO, ,SHA MO NI SHA MO ZHES BYA BA'I RNGAD CIG STE, SHA MO KHO LU ZHES BYA BA'I THA TSIG GO, ,RNYIS PA ZHES BYA BA LA SOGS PAS NYES BYAS SU GSUNGS PA NI SHUN PA MI RNYIS PA 'CHU NA LTUNG BYED DU 'GYUR RO ZHES BYA BA DE LTAR SHES PAR BYA'O, ,'DI SKAD DU YANG SHUN PA SNYING PO DANG BCAS TE 'CHU NA LTUNG BYED DU 'GYUR RO ZHES GSUNGS TE, ME TOG LA SOGS PA YANG DE DANG 'DRA BAR SHES PAR BYA'O, ,BSNYEN PAR MA RDZOGS PAR ZHES BYA BA LA SOGS PAS NYES BYAS SU GSUNGS PA NI DGE SLOB MA'I YUL CAN DU RIG PAR BYA'O, ,DGE SBYONG GI YUL CAN NI MA YIN TE, DE LA RTZVA GCOD PA NI NYES PA RNAM PAR GZHAG PAS SO, ,DGE SLOB MA LA NI RNAM PAR GZHAG PAS DES NI DE LTAR SHES PAR BYA STE, RTZVA SNGON GCAD PAR MI BYA'O ZHES 'BYUNG BA'I PHYIR RO, ,SHING NI LJON PA'O, ,LEGS PA NI BZANG BA'O, ,MA NYES PA NI NYEN MED PA'O, ,NYES BYAS SO ZHES BYA BA 'DI NI 'DIR LHANGS POR MA SMRAS BA'I PHYIR SHES PAR BYA'O, ,TSI GU NI RGYA SHUG GI TSI GU'O, ,MA BCOM PAR BYA BA NI MA LDAD PAR RO, ,RIL MID BGYID PA NI KHYUR MID DU GTONG BA'O, ,NYES BYAS SU ZHES BYA BA NI 'DIR SBYOR BA LAS BYUNG BA'O, ,RUNG BAR MA BGYIS PA NI ME LA SOGS PAS SO, ,SA BON DU MA RED PA NI GANG DAG GIS TSI GU SA BON DU MA RED PA STE, SA BON DU MA GYUR PA RNAMS ZHES BYA BA'I THA TSIG GO, ,'DIS NI JI LTAR ME DANG MTSON DANG, SEN MO DANG, RNYIS PA DANG, NE TZO DANG, GNOD PA DANG, GSHEGS PA DANG, BCAD PA DANG GZHIG PA'I RUNG BAR BYA BA DANG, DE DAG GIS RUNG BAR BYAS BA'I 'BRAS BU RNAMS BZAR RUNG BA DE BZHIN DU 'BRAS BU'I SA BON RDZOGS SO,, ,,