#, ,RGYA GAR SKAD DU, A'A RYA M'U LA SARBA STI BA DI SHRA MA nE RA
K'A RI K'A, BOD SKAD DU, 'PHAGS PA GZHI THAMS CAD YOD PAR SMRA
BA'I DGE TSUL GYI TSIG LE'UR

BYAS PA, THAMS CAD MKHYEN PA LA PHYAG 'TSAL LO, ,NGES PAR 'BYUNG
BA'I TSUL KHRIMS SDUG BSNGAL SPONG, ,'JIG TSOGS LTA BA GDON GYI
RTZA BA 'JOMS, DPAL 'BYOR SA DANG ME TOG MDA' CAN 'JOMS, ,SANGS
RGYAS LA NI MGOS GTUGS BSHAD PAR BYA, ,GANG ZHIG SROG

@063B GCOD GZHAN GYI NOR 'PHROG DANG, ,MI TSANGS SPYOD BRDZUN
BCOS PA'I CHANG LA SOGS, ,GAR SOGS PHRENG SOGS MAL CHEN MTHO BA
DANG, ,PHYI DRO'I KHA ZAS DNGUL NYID SPONG BA STE, ,NYON MONGS
DGRA G-YUL RGYAL BYED TSUL KHRIMS TE, ,DGE TSUL BRTUL ZHUGS CHU
LON BRTZIGS PA DANG, ,'CHI BA'I MCHE BA

'BYIN PAR BYED PA'I THABS, ,RDZOGS PA'I BYANG CHUB DPAL NOD
DBANG BSKUR YIN, ,'DU SHES GTZO LA DON NYID JI BZHIN NA, ,LTUNG
RDZOGS DON GNYIS JI BZHIN MIN NA CHUNG, ,YID NYID GYUR NA NGES
DANG 'DRA BAR GZHAG ,BLANGS PA'I PHYOGS MTHUN RNAMS LA YID KYIR
'GYUR, ,GANG ZHIG RANG BZHIN GNAS LA

BSLAB BCAS PAS, ,MI GZHAN YIN LA MIR NI 'DU SHES DANG, ,GSAD
PA'I BSAM PAS 'KHRUL MED GSOD BYED CING, ,MI SHI RMI LAM MA
GTOGS DE BRLAG 'GYUR, ,GANG GIS GSANG SNGAGS LA SOGS THABS RNAMS
SAM, ,GSOD PAR SBYOR LA YI RANG BAS GSOD NA, ,DE YANG MTHAR
'GYUR GSAD MTHAR 'GYUR GSAD

BAR SBYOR BA LA, ,YID KYIS YI RANG NA NI YID KYIR 'GYUR, ,DE
BZHIN BDAG NYID DUNG 'GROR MTHUN PA YIN, ,GZUGS SU BSGYUR NAS
SEMS CAN GSOD BYED LA, ,SDOM BRTZON SDOM BRTZON NYID DU 'DU SHES
NA, ,DNGOS GZHI'O MIN NA LTUNG BA CHUNG DANG LDAN, ,RMI LAM
BSLAB PA MED DAM GSAD PA YI,,

BSAM PA MED DAM SMYOS PAS GAL TE GSOD, ,DE NI LTUNG BAR MI 'GYUR
BSDAM BYA YIN, ,GSOD PA'I YAN LAG LHAG MA MA TSANG NA, ,LTUNG
CHUNG 'KHRUL MED SROG CHAGS GSAD BSAMS PAS, ,RIGS GZHAN BSAD PA
LAS NI NYES BYAS 'GYUR, ,MA BRTAGS PA YI CHU BUM BRNYAS PA LAS,
,BYIN

PAR GYUR KYANG NYES PA MED PA YIN, ,GANG GIS SROG CHAGS BCAS CHU
LA SOGS SPYOD, ,YANG NA CHU TSAN LA SOGS BLUGS BYED LA, ,BLTAR
YOD SKYE BO SHI NA DE LA NI, ,SROG CHAGS RE RE'I LTUNG BA LCI BA
'BYUNG, ,THA MAL PA YI MIG NI NAD MED PAS, ,CHU MI G-YO ZHING
RNYOG PA MED LA BRTAG ,BUM PA

GANG BA BRTAG BYA KE TA KA ,RNAMS KYIS CHU RDUL CAN DAG DANG BAR
BYA, ,JI SRID 'DI LA YID NI DAG GYUR BA, ,DE SRID BRTAGS BYA'I
RING MIN THUNG NGU MIN, ,STENG DU 'ANG DE BZHIN YANG DANG YANG
DU MIN, ,GLO BUR PA YIS SROG CHAGS BCAS TE MIN, ,DE BZHIN KHRO
NA BDAG DANG CHU RA'I CHU, ,LAN CIG

@064A *, ,BRTAGS PAS NYI MA SHAR BAR DU, ,THE TSOM MED PAR SPYAD
PAR RUNG BA YIN, ,DE YI NYE 'KHOR 'DOM GANG KHOR YUG GO, ,KHRON
PA SOGS GTZANG CHU TSAGS DAM LA SOGS, ,DGE SLONG DGE 'DUN DE
BZHIN YID CHES PA, ,LNGA CHAR RUNG BA'I CHU YIN BLANG BAR BYA,
,CHU TSAGS MED PA

DAG TU MI BYA'O, ,GANG ZHIG CHU TSAGS RIL TSAGS GRU GSUM TSAGS,
,SPYANG TSAGS RIL BZHABS TSAGS CAN DAG GAM, ,GSAL TSAGS DAG
KYANG BOR TE 'GRO BYED NA, ,DE LA YID KYIS BYA BA'I NYES BYAS
'GYUR, ,GAL TE SONG NA GSAL TSAGS LA SOGS YOD, ,DE TSE RGYANG
GRAGS LNGAR NI CHU

TSAGS DAG ,MED PAR 'GRO BYA GAL TE MED NA YANG, ,DE SLAR 'OD
'DOD DPAG TSAD PHYED 'GRO BYA, ,GCUGS PA RNAMS KYI TSIG GIS LAM
RINGS SU, ,SONG DU ZIN YANG NAM YANG NYES PA MED, ,CHU BO'I
'GRAM NAS 'GRO BAR BYED PA NA, ,MTHONG BAS DAG PA'I CHU 'THUNGS
NYES PA MED, ,RGYUN

GYIS 'BAB PA'I CHU RGYUN MA 'DRES PA, ,DE NI RGYANG GRAGS RE RER
LEGS PAR BRTAG ,GZHAN DU 'JUG NGOGS RE RE KHO NAR RO, ,'DI NI
CHU TSAGS MED 'GRO TSUL YIN NO, ,SDU BCAS GOS DANG NYIS RIM DAG
GIS NI, ,SROG CHAGS BCAS PA'I CHU KHRUS BYA BA BKAG ,GANG NA CHU
BAS SROG CHAGS

MANG BA DER, ,RIM PA GCIG PUS KHRUS NI MI BYA'O, ,KHRON PA'I CHU
DAG 'BRAS CHAN LA SOGS DANG, ,'DRES PA BTZAGS NA DE NI KHA ZAS
MED, ,GANG TSE KHYIM PA'I BSTI SA YOD PA'I CHU, ,GTZANG NA PHYI
DRO'ANG THE TSOM MED PAR BTUNG, ,DBYU GU GSUM LA GRU GSUM GRVA
SRAD BUS, ,BTAGS NAS CHU NI

LEGS PAR BTZAG PAR BYA, ,LCI BA GTZANG MA SKAM PO'I PHYE MA YIS,
,CHU TSAGS SHIN TU SRAB NA GDAB PAR BYA, ,CHU DAG 'DZAG PAR BYA
PHYIR YANG DANG YANG, ,SMIG MA'I TSAL BA DAG GIS BRDAB PAR BYA,
,SROG CHAGS BSRUNG PHYIR LCAGS KYI LU GU RGYUD, ,BTAGS PA'I SNOD
NI 'OG TU GZHAG PAR

BYA; ,DE YI SROG CHAGS GNOD PA SPANG BA'I PHYIR, ,SROG CHAGS YOD
CHU THAR BYED PA YI SNOD, ,KHA DANG ZHABS SU THAG PA GNYIS BTAGS
PAS, ,SNYING RJE'I NGOR NI KHRON PA'I NANG DU DBO, ,'PHAGS PAS
'JIG RTEN MDUN DU RIL BA DAG ,KHA LA BZLOG STE GTAD NAS CHU MI
BTUNG, ,LO MA LA

@064B SOGS MI RNYED DBEN SONG STE, ,SKOM PA'I PHYIR NI 'THUNG NA
NYES PA MED, ,DUS DANG DUS SU BUM PA SKAM PAR BYA, ,KHRU DA
SHING GIS RAB TU BKRU BAR BYA, ,BTUNG BA'I SNOD RNAMS DAG GI KHA
RNAMS LA, ,RTAG TU BSGRIMS NAS LO MA LA SOGS DGAB, ,SNYING NAS
LAN GNYIS LAN GSUM

BKRUS NAS NI, ,LAG PA SNUM PA YOD KYANG DAG PA YIN, ,RNYOG MA
CAN GYI CHU NI JI SRID DU, ,BZHIN GYI GZUGS SNANG BAR DU BSGRIMS
TE BTZAG ,KHRON PA LA SOGS RNAMS NAS CHU BLANGS NAS, ,KHRON PA
LA SOGS BYED DE CHU LHA LA, ,SBYIN PA'I RABS MTHUN TSIGS BCAD
GDON BAR BYA, ,

'THUNG DANG KHRUS BYED PA NA'ANG DE BZHIN BRJOD, ,MUD GA LA SOGS
'BRU LA SROG CHAGS YOD, ,DE NI BDE DANG BSIL BAR DGRAM PAR BYA,
,'ON KYANG DE NAS SROG CHAGS MI 'BRAL NA, ,'ON KYANG GNAS KHANG
NANG DU BCUG STE GZHAG ,SHIG RNAMS DAL GYIS RAS BAL GZHAG NAS
NI, ,RTZIG

PA LA SOGS BU GA RNAMS SU GZHUG ,MA GU NA DAG DE BZHIN BSIL BA'I
SA, ,RTZVA SNGON BCAS PA'I PHYOGS SU DOR BAR BYA, ,GDUG PA LA
SOGS NYON MONGS BYED PA GZHAN, ,RANG GI SPYOD YUL DAG TU GTANG
BAR 'OS, ,MTHAR GYUR DE NI NYES BYAS LHAN CIG BSTAN, ,DE NAS
SROG GCOD

PHYOGS MTHUN BSHAD PAR BYA, ,DPER NA NAD PA DAG LA DUG MTSON
BYIN, ,SKOM LA SOGS PA MI 'PHROD SBYIN PA STE, ,RGAN PO MKHAS
DANG SMAN PA DAG LA YANG, ,DRIS NAS NANG PA LA NI SMAN DAG
SBYIN, ,DE YI RIM GRO PA NI GLAN MI BSKO, ,MED PAR GYUR NA LEGS
PAR BSGO STE BSKO, ,GANG GIS DE

YI SEMS NI 'CHIR GNAS PA, ,DE 'DRA'I CHOS RNAMS NAD PA LA MI
BSHAD, ,DE LA JI SRID YUN RINGS CHOS SPYOD 'TSO, ,DE SRID DU NI
DGE BA'I RGYUN 'PHEL BAS, ,SOS PAR SHOG SHIG YUN RINGS GSON PAR
SHOG ,NAD 'JIGS LAS THAR BDE BAR SHOG CES BRJOD, ,GAL TE NAD PA
NA RE SPO BYAS

NA; ,BDAG NI 'CHI 'GYUR ZER NA DE MI BYA, ,GDOL BA BZHIN DU
LHUNG BZED LA SOGS PHYIR, ,SNYING BRTZE MED PA'I CHAGS PA'I SEMS
MI BYA, ,GANG TSE NYES PA'I GZHI DAG BYED PA DANG, ,NAD KYIS
GZHAN GYI KHRI DANG KHRI'U LA 'DUG ,RDEG PAR BYED DAM YANG NA
GZAS PA DANG, ,RNAM PAR 'TSE DANG

@065A *, ,'JIGS PA LA SOGS BYED, ,KHROS PAS BRTUL ZHUGS CAN LA
ZAN MED BYED, ,NGAL BA PHUL LAM RGYAL LA CHOM RKUN 'BUL, ,BSAMS
BZHIN DU NI 'GYOD PA'I CHUL DAG BYED, ,'TSIR DANG G-YA' SGOG LA
SOGS NAGS MES GTONG, ,'BRAS NI MA SMIN PAR YANG

BRTOL BYED DANG, ,YAN LAG GCOD NGAM DE BZHIN 'BIGS KYANG RUNG,
,DE YI TSE YANG PHYOGS MTHUN DE LTAR 'DIR, ,THAMS CAD SROG GCOD
MTHUN PA PHYOGS TZAM YIN, ,SROG GCOD PA SPONG BA STE BSLAB PA'I
GZHI DANG PO'O,, ,,DGE TSUL GANG ZHIG RKU BA'I SEMS KYIS SU, ,MI

YI RDZAS SU 'DU SHES MI GZHAN NOR, ,MA BYIN RIN THANG TSANG MIS
BDAG GIR BYAS, ,DUR KHROD MI DBANG BSOD SNYOMS MA GTOGS PA,
,BSAM PA GANG DE NYID SBYOR GCIG PU YIS, ,BDAG GI DON DU RKU NA
DE'I GNAS DANG, ,DUS GYI RIN THANG DBANG GIS DE BSNYIL BYA, ,DAD
PAS RGYAL BA'I RING

BSREL RKU DE MIN, ,RKU BA LA NI RKU SEMS GTZO BO STE, ,DE BAS DE
DANG BRAL NA NYES PA MED, ,YAN LAG LHAG MA NYAMS PAS CHUNG BAR
'GYUR, ,RMI LAM LA SOGS DAG LA NYES PA MED, ,SEMS BSKYED PA NI
BSDAM BYA DANG PO YI, ,SBYOR BA LA NI NYES BYAS RIG PAR BYA,
,PHYI MA'I SBYOR BA LA

YANG NYES BYAS YIN, ,DNGOS GZHI KUN LA 'DI NI DNGOS GZHI YIN,
,CHUD GZAN PHYIR PHROGS GDOS DANG BCAS PA YI, ,RGYA SOGS MA
RUNGS BYED DANG MI DBANG BA'I, ,BSOD SNYOMS LEN PAR BYED NA'ANG
'JIG RTEN GYI, ,THA SNYAD TSUL GYIS CHUNG BA NYID DU 'GYUR,
,GZHAN GYI GOS LA BYIN

BZHIN SPYOD PA DANG, ,SMAN DANG SNGAGS KYIS SBYIN DU 'JUG PA
DANG, ,SDUG PA 'PHROG PHYIR 'DAM PAR BYED PA DANG, ,GZHAN PHYIR
BLANGS NAS 'GYED BYED NA YANG 'GYUR, ,PHYOGS BZHI 'PHAGS PA'I
TSOGS KYI NOR DAG LAS, ,PHYOGS BZHI PA YI DON DU RKU NA NYAMS,
,DUR KHROD PA NI YONGS 'DZIN

BCAS PA NAS, ,GOS LA SOGS PA RKU NA'ANG DE BZHIN NO, ,DA NI RKU
BA'I DBYE BA BSTAN PAR BYA, ,SA NI GAL TE BRTZAD PAS GRA PHROGS
NA, ,GANG TSE KHYIM PAS DE SBYOR BTANG TSE DE, ,GAL TE SLAR NI
RGYAL BA NYID NA BRKUS, ,YONGS SU SKOR BA'I DBANG GIS RKU BYED
NA, ,GANG TSE MTSAMS KYI SGO DANG 'BYOR

@065B NA BRKUS, ,BRDA YI SBYOR BAS MI LA RKU BYED NA, ,BRDA GRUB
PA YI DBANG GIS LTUNG BA YIN, ,DUD 'GROR GYUR PA BCINGS PAS RKU
NA NI, ,BCINGS BKROL TZAM GYIS BRKUS PAR SHES PAR BYA, ,KHYU LAS
BKAR DANG BCINGS PA RKU BA NA, ,KHYU LAS MI SNANG GYUR NA BRKUS
PA YIN, ,GAL TE BLA MA'I GOS

LA SOGS KHYER NAS, ,GOM PAR SKYED DAM YANG NA 'BRID BYED PAS,
,RE LDE LA SOGS PHAG TU MI SNANG SONG, ,DNGOS GZHI'O MNGON SUM
PHROG PA'ANG DE DANG 'DRA, ,GRU ZHIG CHU BDAL BA'AM THANG LAS
SAM, ,CHU BO'I RGYUN PHYOGS RKU NA'ANG DE BZHIN NO, ,KLUNG SOGS
'GRAM MI SNANG LA ZHENG DU NA, ,DE

BZHIN SNANG LA PHA ROL PHYIN 'DIR BRKUS, ,RGYUN LAS BZLOG PA GRU
NI 'DREN BYED NA, ,GRU TSUGS THAL BA LAS NI BRKUS PA YIN, ,GSANG
SNGAGS DAG GIS BRKU BYA RKU BYED NA, ,RANG GI MIG SNGAR SNANG NA
DE BRKUS YIN, ,RDZAS KYI STENG CHA BYING BAR BYED PA NI, ,GNAS
KYI STENG CHA LAS 'DAS BRKUS PA

YIN; ,LUS KYI RGYAN NI BKROL BA NYID NA YIN, ,SHOG MA DAG NI SA
NYID 'DAS NA'O, ,SKAL BA THOB PHYIR SDOM BRTZON RKUN PO LA, ,LAM
SOGS STON PAS GAL TE GROGS BYED NA, ,SKAL BA THOB NA BRTUL ZHUGS
NYAMS PAR 'DOD, ,TSUL MIN CHAD PAS GCOD PA CHOD NA YIN, ,LO TOG

BDAG LA SHOG SHIG GZHAN LA MIN, ,GZHAN GYI ZHING LA CHU 'DREN
GCOD BYED PA, ,RANG GI LO TOG DAG NI LEGS GYUR CING, ,GZHAN GYI
LO TOG 'GRIBS 'DIR DNGOS GZHIR 'GYUR, ,GAL TE RDZAS LAS BSHAL TE
RKU BYED NA, ,NGOS GZHAN GYIS NI NGOS GZHAN SA MTSAMS THAL, ,DE
TSE BRKUS YIN

BRTEG BRKUS SA 'PHAGS YIN, ,DBYUG PA LA SOGS BRGYAB PAS SHING
THOG RKU, ,'OG TU LTUNG NA BRKUS PA YIN PAR BSTAN, ,GROGS MANG
DAG DANG 'DUS TE DE BYED NA, ,SKAL BA THOB NA BRKUS YIN SNGAR
MIN NO, ,SKYE BO MANG PO'I RDZAS RKU GANG GI TSE, ,RE RE'I SKAL
BAS RIN THANG TSANG NA BRLAG,

SKYE BO MANG POS GANG TSE RKU BYED NA, ,DE TSE RANG SKAL RIN
GYIS RNAM PAR GZHAG ,DGE 'DUN DAG NI NOR GCIG SPUN 'DRA BAS,
,DGE 'DUN CHED BYAS SKAL BA MI BRTAG STE, ,ZHING BGO MANG PHYIR
SDOM BRTZON MANG PHYIR RO, ,GZHAN DU LUNG LAS RIN THANGS SPYAD
MI 'GYUR, ,GANG ZHIG BTUS SAM BSDUS SA

@066A *, ,NAGS TSAL LA, ,RKU NA SPAGS PA NYID NA BRKUS PA YIN,
,SHING NI BTON NAS RKU ZHES BSHAD PA LAS, ,KHA GDANGS NAS NI
NYAL BA JI BZHIN NO,,RGYAN PO DOR BYAS RGYAL NA NYES BAR 'GYUR,
,RGYAN PO LA SOGS GRANGS LA DOR BYED DANG, ,MTSAN MA BSKYED DAM
'BRID PAR BYED PA DANG, ,

GNAS GZHAN DAG TU 'JOG DANG DOR BYED DANG, ,TSOMS GZHAN DU NI
'GRANG DAM SNYON BYED DAM, ,MI RIGS PA YI THOB PA GRUB BYED
DANG, ,GZHAN LA SNYAD BTAGS LA SOGS TSUL GYIS BRKU, ,GRUB PA
NYID NA NYES PA YIN PAR DGONGS, ,SKYIS DANG BRNYAS DANG GTAMS PA
DAG LA NI, ,BSNYON PAS THAG BCAD

PA NA NYES PA YIN, ,BCOL TE GTAMS PA RKU BAR BYED PA LA, ,THAG
BCAD PA YI RAB DBYE RNAM GSUM STE, ,THAG BCAD PA DANG SPAGS
MNYAM SPAGS PA YI, 'OG TU THAG BCAD PA LA NYES PAR 'GYUR, ,SPAGS
PA'I SNGA ROL THAG BCAD DE BZHIN BSNYON, ,SBYOR BA'O SPAGS PA
'DIR NI DNGOS GZHI YIN, ,

DE LTAR BRKU BYA'I DBYE BAS RKU DBYE BA, ,'DI NI 'DUL BA'I RGYA
MTSO LAS BTUS BSTAN, ,RANG GZHAN BANG CHEN BRGYUD LA SOGS PA
YIS, ,GANG ZHIG RKU NA THAMS CAD RKUN MA YIN, ,GZHI NAS RGYUN
GYIS RKU BAR BYED PA NA, ,KUN DU 'BREL BAR 'BYUNG BA GCIG NYID
DO, ,DE BZHIN 'DIR NI KHA DOG GCIG

GYUR GNAS, ,RI MO LA SOGS MED PA STENG MNYAM GCIG ,GLANG CHEN LA
SOGS PHYOGS NI MI MNGON DANG, ,DONG NA YOD PA'I 'BRAS CAN KHA
DOG MTSUNGS, ,RTZVA RNAMS BKRAM PA 'BYAR BA MNYAM PA'AM, ,GZAN
RNAMS LA YANG 'OS PA NYID KYIS SPYAD, ,GSER DNGUL RNAM PA NYAMS
BYAS RKU BYED NA, ,

NYAMS BYAS NGO BO BRKU BAR BYA BAR 'DOD, ,BSAD PA NYID NI NAM
YANG BRKUS MIN TE, ,DE NI RKU BA'I SBYOR BA YIN PAR BSTAN, ,BRKU
BYA GCIG NYID DANG NI GZHIR GYUR GCIG ,RKU BA'I NGO BO JI LTAR
DE LTAR BSHAD, ,NOR GYI BDAG PO MI 'AM RI DGAS ZHES, ,NGES PA
MED NA DNGOS KYI DBANG GIS

GZHAG ,RKUN POS CHOS GOS RDZAS LA SOGS PHROGS NA, ,DE LA RE BA
MED NA BDAG GIR MIN, ,DE PHYIR NAN GYIS LEN NA DE LA MTHA',
,BSAM BSAM BTANG BA LA NYES PA MED, ,GZHAN GYI SLOB MA DBANG
BYAS DE BDAG MIN, ,GZHAN NYID RKU BA NAM YANG YOD MA YIN, ,DUD
'GRO'I NOR LA

@066B BDAG DANG DUD 'GRO DAG ,ZAS BTANG BA LA BDAG NI DUD 'GRO
YIN, ,THOB PAR BYA PHYIR ME SOGS SKROGS PA YIS, ,RI DGAS LA SOGS
BDAG PO BRTZON POR BSTAN, ,BSHAD PA LAS NI RI DGAS MTSON PHYIR
YIN, ,DE PHYIR SROG CHAGS GZHAN LA'ANG 'THAD PA YIN, ,RNGON PA
RNAMS KYIS RI DGAS

GCES PA ZHIG ,GTZUG LAG KHANG DU RGYUG CING PHYIN PA NA, ,SKYABS
SU 'ONGS PA DE LA BSRUNG BAR BYA, ,DE NI SHI NA DE DAG RNAMS LA
GTAD, ,SKYE BO NYE DUS BRTUL ZHUGS CAN GANG ZHIG ,MTHU YIS KHRID
NA 'BAD PAS GZUNG BAR BYA, ,GAL TE RTAGS KYIS DE BSAM SKYE BO
GNYEN, ,MTHUN PAR SHES NA GZUNG BAR

MI BYA'O, ,DBYAR GYI GNAS SU RNYED PA'I DNGOS PO RNAMS, ,DE BAS
MANG DU DBYAR GNAS PA YANG DBANG, ,GANG DAG DAM CHOS TSIGS BCAD
'GA' 'DON PA, ,DE YANG CHOS KYI RNYED PA DBANG BA YIN, ,GTZUG
LAG KHANG MANG GNAS PAR KHAS BLANGS KYANG, ,RNYED PA GCIG NAS
LEN PAR DBANG BA YIN, ,

GAL TE THAMS CAD DU NA GTZUG LAG KHANG, ,RNYED PA KUN LAS CHA
GCIG TZAM ZHIG BLANG, ,DGE SLONG GCIG GIS DE DANG 'DRA BA LAS,
,DGE TSUL SUM CHA TZAM ZHIG DBANG BAR 'GYUR, ,BSNYEN PAR RDZOGS
PAR 'DOD NA CHA GNYIS TE, ,ZAS LA SOGS GTOGS BGO BA MA GTOGS SO,
,GTZUG

LAG KHANG NI GANG NA GCIG GNAS KYANG, ,DE NYID GTZUG LAG KHANG
DE'I SKAL BA DBANG, ,SDOM BRTZON SHIN BKUR STI BYAS NAS NI, ,DE
SHI BA YI GOS LA SOGS PA BGO ,NAD PA'I NAD G-YOG GYUR PA GANG
YIN PA, ,SDOM BRTZON DE NI LHUNG BZED SOGS DRUG DBANG, ,GANG TSE
NAD G-YOG MANG BA NYID YIN

NA; ,DE DAG DRUG PO DE DAG SBYIN YIN NO, ,NAD PA'I DON DU GZHAN
DU SONG BA LAS, ,SDOM BRTZON NAD PA SHI YANG DRUG PO DBANG,
,SDOM BRTZON RNAMS KYIS GAL TE DE BGOS BSDUS, ,MYUR BAR NAD
G-YOG LA NI SBYIN PAR BYA, ,GAL TE NAD G-YOG BUD MED MTSAN
LDAN NAM, ,KHYIM PA YIN NA DE DRUG MI

DBANG NGO, ,GAL TE SDOM BRTZON BU LON BLANGS SHI NA, ,DE YI RDZA
RNAMS LA NI KHOR BAR BYA, ,LAG GI BLA YIS DGE 'DUN CHED BLANGS
NAS, ,YI GER BRIS BRTAGS DGE 'DUN DAG LAS GZHAL, ,GSOL DANG DANG
PO THA MAR GANG DAG YOD, ,DE DAG DE SHI BA YI GOS RNAMS DBANG,
,KHO BO 'DAS

@067A *, ,NAS SBYIN ZHES SMRAS NA NI, ,GAL TE SHI NA DE NI BGO
BYA STE, ,SDOM BRTZON BU LA SOGS PA LTOS BRAL PHYIR, ,LTOS DANG
BCAS PA'I SBYIN PA SBYIN PA MIN, ,DAD PAS SBYIN PAR BYA BA BSKUL
BA LAS, ,BYA BA ZHIG GIS SHOR NAS MA BYIN NA, ,DE SHI NA YANG
TSIG DANG MTHUN PAR NI, ,DE YI RDZAS

LA SDOM BRTZON RNAMS KYIS SBYIN, ,RANG GI SDE TSAN RDZAS NI 'GED
PA LAS, ,GAL TE SDOM BRTZON SKAL BA MA BLANGS SHING, ,SKAL BA DE
NI SDE TSAN DE'I YIN NO, ,SKAL BA THOB NA SHI BA'I SKAL BA YIN,
,GZHAN DU GOS LA SOGS PA BSKUR GYUR NA, ,DE NI GANG LA BSKUR BA
DE'I YIN NO, ,GAL TE MI 'DOD SKUR BAR

BYED DBANG STE, ,MI 'DOD KYANG DE DBANG BA KHO NA YIN, ,MTHUN PA
YOD NA SHI BA'I NOR RNAMS LA, ,MTSAN RNAMS THA DAD PA NI MI
DBANG NGO, ,SDOM BRTZON GZHAN GYIS MNGON SUM BSKRAD PA DAG
,BSKRAD PA'I RDZAS RNAMS LA YANG DBANG BA YIN, ,GTZUG LAG KHANG
GI MTSAMS GNYIS PAR SHI NA, ,DE YI LUS

'BREL RAS LA SOGS PA'I RDZAS, ,GANG DU MGO BO GZHAG PA DBANG BA
YIN, ,GNYIS KAR GZHAG NA DE BZHIN GNYI GA'I YIN, ,KHYIM GYI NANG
NA YOD PA'I SHI BA'I GOS, ,KHYIM PA DE NI DAD PAS SBYIN BYED
PA'O, ,GANG GI MTSAMS NA SHI BA'I GOS YOD PA, ,DE RNAMS DE DAG
BYIN GYIS RLOB PA DBANG, ,GNAS

GZHAN DAG NA GOS RNAMS YOD GYUR KYANG, ,RDZAS DANG 'DRA LA DE
BZHIN BYIN GYIS BRLABS, ,GANG LA DE YI RDZA RNAMS GTAMS GYUR
PA'I, ,MI DE RDZAS DANG 'DRA ZHES BYA BA YIN, ,GRUR ZHUGS LHUNG
BZED LA SOGS 'DI GZUNG NGAM, ,GTANG ZHES GO BAR BYAS NAS SBYIN
PAR BYA, ,DE LTAR DE SKAD SMRAS NAS DE

BOR NA, ,DE TSE RIN NI THE TSOM MED PAR GZHAL, ,SMAD RIM DAG LAS
GOS LA SOGS PA STE, ,BLANG BAR MI BYA DE NI SBYIN PA MIN,
,PHONGS NA NAD PAS BDAG GI RNAMS LAS BLANG, ,DE YANG SLAR SBYIN
'DOD PA NYID KYIS SO, ,NOR GYIS PHONGS PAS DE BZHIN GSHEGS PA
YI, ,DKOR GYIS KYANG NI

SMAN GYI BYA BA BYA, ,SOS PA NYID DU GYUR NA BSAB PAR BYA, ,DE
LA 'BYOR BA MED NA NYES PA MED, ,YUL CHOS CHAD PA SOGS CHOS LDAN
PAS BSTAN, ,RGYAL PO'I SKAL YIN RGYAL POS GNANG BA BLANG, ,DE LA
RTZOD PA DAG NI BYUNG GYUR NA, ,SDOM BRTZON BSGO BAR STON PA'I
BKA' LAS MIN, ,KHA BA LA SOGS

@067B PA'I RDZAS DAG LTUNG MTHONG NA, ,DE DAG GTZUG LAG KHANG
SKYONG DAG LA GTAD, ,DES KYANG TSOGS RNAMS NANG DU BSTAN NAS NI,
,NYI MA GSUM DU DE 'ONG BSDAD BYAS NAS, ,GAL TE SHES PA MED NA
TSOGS LA DBUL, ,DNGUL LA SOGS PA NYI MA BRGYAD BSDAD NAS, ,PHYI
NAS ZLA BA DRUG TU MDZOD DU GZHAG,

PHYI NAS KYANG NI SNOD RNAMS RAB TU BYA, ,DE NAS GAL TE DE 'ONGS
SLONG BYED NA, ,'ON KYANG SBYIN PAR BYA STE SKYED NI MED, ,LAG
GI BLA LA MI MKHO'I SHING YOD LA, ,THOB NA DE YIS GNANG BAS DE
BLANG BYA, ,DE LTAR BDAG PO THA DAD DE 'OG TU, ,NYES BYAS DPER
NA MA BOS ZAS ZA DANG, ,RGYA SOGS ZIN PAS SDUG

BSNGAL GZIR PA YI, ,SROG CHAGS BSOD NAMS BSAM PAS GTONG BYED
DANG, ,SANGS RGYAS RING BSREL RING THANG MED GYUR KYANG, ,DE LA
DAD PAS MCHOD PHYIR RKU BA DANG, ,DE BZHIN SNYING RJE'I DBANG
GIS GDOS BTAGS PA, ,BKROL BA LA SOGS BYAS DANG BSHIG PA DANG,
,PHUG RON LA SOGS CHANG

'JIG LAS KYANG YIN, ,DE NAS LTUNG BA MED PA'ANG BSHAD PAR BYA,
,YID GCUGS BYAS NAS GZHAN LA GO BYAS TE, ,YID DGE BA YIS LEN NA
NYES PA MED, ,GROGS PO RAB 'BRING THA MAR GYUR BA LA, ,YID GCUGS
BYA BAR RIM PA BZHIN DU BSGRUB, ,THA MA LA NI 'BRING LA 'BRING,
,THA MA DAD STE DANG PO

MTHA' DAG NYID, SLOB MA LA SOGS RA LUG NOR GYI RGYUD, ,CHOM RKUN
GYIS PHROGS SNYING RJE'I RJES MTHUN PAS, ,RDZU 'PHRUL BSTAN NAS
SHOR BYED NYES MED DE, ,PI LING DBAD SA LA SOGS BZHIN NO, ,GANG
TSE GCUG LAG KHANG GI KHYAMS NA TSANG, ,SGO NGA MED NA SDOM
BRTZON BSAL BAR BYA, ,DPE TZAM

YIN PAS SDOM GYI TSANG YANG YIN, ,DA NI MA BYIN PHYOGS MTHUN
BSHAD PAR BYA, ,GANG GIS BA DAN MAL STAN SOGS BYIN NAS, ,YID LA
GCAGS PA'I ME NI 'BAR BYED NA, ,BSDAM BYA LAS THAR BYA PHYIR DE
LA NO, ,SLAR SBYIN BUM CHUS MA LUS ZHI BAR BYA, ,GNANG BA MED
PAR GZHAN GYI GOS SPYOD DANG, ,

KHYIM DU STEN LAS MA BSTABS 'DUG PA DANG, ,BRTUL ZHUGS CAN LA
GOS SOGS BYIN NAS KHROS, ,SDANG DANG LDAN PA'I BSAM PAS 'PHROG
PA DANG, ,LHUNG BZED LA SOGS BRKAM PAS NAN GYIS SLONG, ,BZHAD
GAD KYIS NI LHUNG BZED LA SOGS SBED, ,KHROS PAS SDOM BRTZON
GTZUG LAG KHANG

@068A *, ,'BYIN SOGS, ,RKUN BOS SKYE BO MED PAR BOR LEN DANG,
,SDOM BRTZON SNGA NAS 'KHOD LA PHYIS MNAN NAS, ,MAL DANG STEN LA
SPYOD PAR BYED PA DANG, ,RNYED PA DAG KYANG GZHAN DU SNGO BYED
PA, ,GZHAN GYI RDZAS PHYOGS MTHUN PA'I DPES YIN NO, ,MA BYIN PAR
LEN PA SPONG BA STE BSLAB

PA'I GZHI GNYIS PA'O,, ,,GANG ZHIG 'JIGS MED NGO TSA MED CHAGS
PHYIR, ,YAN LAG CHA KUN GZUNG BAR BZOD PA YI, ,LAM NI GZHUG TU
RUNG DANG MA NYAMS PA'I, ,PAGS PA SPU GU'I KHA DANG SO LAS PHAR,
,NOR BU NAD MED LAS RUNG DRUD NAS NI, ,CHAGS PAS RIG PA'I BDE

RNAMS MYONG DE NYAMS, ,'DIR YANG THA MAL RMI LAM MIN BSLAB BCAS,
,ZHES SBYAR PHYI MA LA YANG DE BZHIN NO, ,RANG GI RMAR YANG
GZHAN GYI 'AM RANG NYID KYI, ,SBU GUS NAN LA SOGS PA'I SBYOR BA
YIS, ,DRUD PA BDAG GIR BYED NA'ANG RNAM KUN DU, ,DNGOS GZHI RDO
RJES MNGON PAR BCOM PA

THOB; ,BUD MED LA SOGS RMA RNAMS 'GRO RIGS DBYE, ,SHI DANG
G-YOGS DANG RKED PHYED CHAD NA YANG, ,KHYAD PAR MED DE DUM BUR
SBYAR BA LAS, ,MTSAMS MNGON MIN PA'I BU GA'ANG DNGOS GZHIR
'GYUR, ,SBYAR BA'I MTSAMS NI MNGON PAR GYUR PA DANG, ,PHAG LA
SOGS PA BSREGS PA

SPU MAD RMA, ,DE BZHIN MGO BO BCAD PA'I KHA LA YANG, ,KUN DU
BSHAGS PAR BYA BA'I CHUNG PAR 'GYUR, ,GOS KYIS DKRIS DANG DGUG
PAR BYAS PA DANG, ,LAM LA MA REG PAR YANG CHUNG BAR 'GYUR, ,GOS
STUG DAG GIS YIN NA CHUNG BAR 'DOD, ,SRAB MOS DNGOS GZHI YIN NA
DE

'GAL MED, ,SEMS BYUNG YID KYIS BYA YIN SO LA SOGS, ,REG PA'I
GZHI YI BAR DU SBYOR BA YIN, ,SO SOGS MTSAMS LAS PHAR NI DNGOS
GZHI YIN, ,'KHRIG PA LA NI 'DU SHES GTZOR BYA MED, ,MI TSANGS
SPYOD PHYOGS NGO BO BSTAN PA NI, ,DPER NA BSAMS BZHIN KHU BA
'BYIN PA

DANG; ,'DOD CHAGS KYIS NI 'KHYUD DANG ZUR STEGS DANG, ,'KHRIG
PA'I TSIG RNAMS SGROG PAR BYED PA DANG, ,NYAL SHOM KHYIM DU LTAD
MO LTA PHYIR DANG, ,RGOD PAS GNAS PA NYID DANG SMYAN BYED DANG,
,KHYIM DAG TU NI MTSAN MO 'PHYAN CING RGYU, ,MIG ZUR G-YO BA
DANG STEG PAR BYED PA YIN, ,

@068B YANG DANG YANG DU BUD MED GDONG MI LTA, ,REG PA'I DUG LA
NAM YANG REG MI BYA, ,GAL TE CHU DANG MES 'CHI DE YI TSE, ,DE
SA'I 'DU SHES BYAS TE REG PAR BYA, ,MO YI BRTUL ZHUGS CAN LA'ANG
SDOM BRTZON GYIS, ,DE MTHONG CHAGS NA DER NI GNAS MI BYA, ,RDO
SOGS YAN LAG 'KHRI SHING MI BRDUNG STE, ,

'DOD CHAGS ME NI MI SDUG CHUS ZHIR 'GYUR, ,BUD MED GNAM BLTAS
'THUNG LA RANG GIS NI, ,CHU NI RGYUN MI 'CHAD PAR SBYIN MI BYA,
,RANG LAG GCER BU MO LA ZAS LA SOGS, ,MI SBYIN KHUR BA SBYIN
ZHING 'GYUR MI RUNG, ,MI CHAGS MIG GIS BUM MED CHOS BSTAN BYA'I,
,MIG TSUGS SU

NI BZHIN LA BLTA MI BYA, ,BUD MED RNAMS DANG NYAL 'DUG 'GRO LA
SOGS, ,SPANG BYA SKYES PA YOD NA NYES PA MED, ,MI TSANGS SPYOD
PA SPONG BA STE BSLAB PA'I GZHI GSUM PA'O,, ,,GANG ZHIG BLA MA
BRJOD BLOS MI CHOS LAS, ,BLA MA ZHES BYA DE BDAG LA YOD CES, ,MI
LA BRDZUN

ZER GZHAN GYIS GO NA NI, ,MNGON PA'I NGA RGYAL MA GTOGS DE
BSNYIL BYA, ,BSAM GTAN LA SOGS MNGON SHES 'BRAS BCAS PA'I, ,YON
TAN RNAMS 'DIR MI CHOS BLA MAR BSTAN, ,DE YI RJOD PAR BYED PA
RNAM MANG DAG ,DA NI BSHAD PAR BYA YIS MNYAN PAR GYIS, ,LHA LA
SOGS MTHONG

BDAG LA LHA LA SOGS, ,LTA BYED SDUG BSNGAL NYID LA SOGS SHES SO,
,ZAG PA ZAD PA'I KHYAD PAR NGES RNAMS DANG, ,BDAG NYID LDAN PAR
BYED PA BRJOD PA YIN, ,DER DGRA BA BCOM GANG STAN BKRA LA SOGS
DBANG, ,DER NI KHO BO YANG DBANG GZHAN MA YIN, ,KHYAD PAR THOB
LAS YANGS

SU NYAMS SMRA YIN, ,BDAG NI DGE SBYONG TSUL GYI LAM NYAMS YIN,
,DE LTAR BLA MA BRJOD TSIG SBYOR BA LAS, ,DNGOS GZHIS BCOM ZHING
SEMS CAN DMYAL MYONG 'GYUR, ,PHYAG DAR KHROD KYI 'DRE DANG RGYU
MTSAN NI, ,RANG GI MTSAN NYID 'DZIN LA LTUNG BA CHUNG, ,DPER NA
BRTUL ZHUGS CAN GANG

LHA'I SKRA THOS, ,YOD CES GZHAN LA SNYAD BTAGS ZER BA'ANG YIN,
,NGA YIN TSIG MA TSANG PAS DE CHUNG LA, ,NGA YIN TSIG 'BYUNG BAS
NI DNGOS GZHIR 'GYUR, ,SGRA MTHUN BRJOD PA LAS KYANG YIN TE
DPER, ,KUN DU SPYOD LAS BSAMS NAS BDAG SLOB PA 'AM, ,LAM DU 'DUG
NAS BDAG

@069A *, ,NI LAM GNAS ZHES, ,ZER BA LA SOGS DAG LA 'ANG DE DANG
'DRA, ,MA LA KYE MA KHYOD KYANG NGA 'DRA NA, ,'O NA PHYIR 'ONG
BA YI 'BRAS LDAN YIN, ,DA LTAR NGA NI DE LTAR 'PHAGS MIN ZHES,
,ZUR GYIS GLENG BA BRJOD PA LAS NI CHUNG, ,KHO BOS DENG 'DIR
BSAM GTAN SNYOMS MA

ZHUGS; ,DE BZHIN KHAR TSANG MIN TE LAS PHAR MIN, ,KHYIM DE GANG
GI YIN PA DE CHAGS BRAL, ,DE NYID NGA'I YIN NGA NYID CHAGS BRAL
MIN, ,BTZUN PA GAL TE DGRA BCOM BDAG GI ZAS, ,BZHES SHIG ZER TE
DE BZHIN MI SMRA LEN, ,GZHAN GYIS ZAG PA ZAD DAM ZHES DRIS NA,
,MI SMRA'I RNAM PAS

DANG DU LEN BYED YIN, ,DE LTAR BLA MA BRJOD BLOS BRDZUN PA
BSTAN, ,DA NI BRDZUN DU SMRA BA GZHAN NYON CIG ,GANG LAS GZHAN
PA'I 'DU SHES NYID SGRA'I DON, ,GO BA'I MI LA SMRAS PA DE BRDZUN
YIN, ,BRDZUN ZHES BYA BA'I TSUL DE TSIG YIN YANG, ,NGAG GIS GO
'GYUR GAL TE LUS KYIS KYANG, ,GO BYED NYES

BYAS NYID DE 'ON KYANG CHUNG, ,'DI LTAR 'DIR NI TSIG 'JUG MED
PAS SO, ,RANG GIS RIG PA GANG YIN MTHONG BA YIN, ,YID CHES LAS
THOS GANG YIN THOS PA YIN, ,RTAGS MA NGES PA 'DZIN PAR DGOS PA
YIN, ,GZHI 'DI DAG GIS SMRAS NA NYES PA MED, ,GZHAN GYIS GANG
DRIS DE NYID BRJOD

PAR BYA'I, ,BRTZE BAR 'DOD PAS GZHAN DANG GZHAN MA YIN, ,GAL TE
GSHED MAS GSAD BYA BROS PA NA, ,'DRI NA DE TSE DE LA 'DI SKAD
BRJOD, ,TSUR SHOG SEN MO 'AM GNAM MTHONG YANG DAG TU, ,KHYOD KYI
LUS CAN DAG TU MA MTHONG NGO, ,GNOD PAR GYUR PA RNAMS LAS YONGS
BSRUNG PHYIR, ,DE

SOGS BRNAG PAS SMRA NA NYES PA MED, ,BRDZUN SMRAR GTOGS PA'I RAB
TU DBYE BSTAN NAS, ,DA NI BRDZUN SMRA'I PHYOGS DANG MTHUN PA
BRJOD, ,DRUS NA CHOS DANG MTHUN PA'I LAN GDAB BYA'I, ,BRTZE
PHYIR MI SMRA BAR NI 'DUG MI BYA, ,BLA MA MKHAN PO MI YI DBANG
PHYUG DANG, ,SANGS RGYAS DGE 'DUN

GNAS BRTAN DAG GI BKA', ,BRTAGS NAS RIGS PA NYID LA TSIG BZHIN
BYA, ,GAL TE CHOS BZHIN MIN NA BRDA SPRAD BYA, ,RANG NGAM GZHAN
NAM GNYI GAS SKYE BO LA, ,'DRE SKAD MI SNYAN PA DAG MI BYA'O,
,MI SDUG MCHE BA GTZIGS PA'I SKAD DAG GIS, ,GAL TE PHAN PHYIR
BYED NA NYES PA MED, ,

@069B YAL GZUGS BCA' DANG MNA' DANG MI SMRAR BCAS, ,DE BKAG YIN
PAS LAM DU 'GRO BA NA, ,MI SMRA NYID DAM CHOS KYI GTAM BYA YI,
,BUD MED LA SOGS GTAM TSUL MTHUN MI BYA, ,NGAL SOS GUS PAS SANGS
RGYAS TSIGS BCAD GDON, ,MTSAN MO 'DUG NA RGYUD GSUM PA YIN NO,
,'ON TE

GZHAN GYI LHA YI GNAS DAG MTHONG, ,DER NI SE GOL GTOGS TE TSIGS
BCAD GDON, ,MDZA' BO 'BYED DANG RTZUB PA'I TSI DAG NI, ,SKYON
NAS SMRA BA LA SOGS SPANG BAR BYA, ,'DUL BAR DBYEN 'DI NYES BYAS
GSUNGS GYUR PA, ,DE NI YID KYI NYES BYAS YIN GZHAN MIN, ,BRDZUN
DU SMRA BA SPONG BA

STE BSLAB PA'I GZHI BZHI PA'O,, ,,'BRAS BU LA SOGS KHU BA BCOS
PA NI, ,BCOS CHANG RGUN CHANG BU RAM CHANG 'DRAR BSTAN, ,CHAN
BTAGS MNAN PA BYA BA SBYAR BA'I CHANG, ,MYOS 'GYUR RTZVA MCHOG
GIS KYANG BTUNG MI BYA, ,SBYAR BA'I CHANG DANG BCOS CHANG GNYIS
'DIR BSTAN, ,

DE KO TRA BA LA SOGS BZLOG PHYIR RO, ,MYOS 'GYUR SMOS PAS MA RED
NYAMS PA YIN, ,BAG MED SMOS PAS SPONG BA'I RGYU YIN NO, ,GANG
ZHIG MYOS 'DU SHES PAS MYOS 'THUNG BA, ,'THUNGS LA MYOS NA NYES
BYAS NYID YIN NO, ,NU RTZI DANG NI SPANG MA ZA BA LAS, ,DE DANG
'DRA BAR NYES BYAS RDO RJES

'JOMS, ,PHABS KYI RDO GU 'AM RTZVA SOGS MYOS SKYED GANG, ,GAL TE
ZA NA CHUNG BA NYID DU 'GYUR, ,GANG LA MYOS 'GYUR KHU BA'I RO
DRI YOD, ,MYOS 'GYUR KHU BA MIN YANG BTUNG MI BYA, ,LUS LA BSKU
DANG MKHUR BAR BLUGS PA NI, ,NA BA MA GTOGS MYOS KHUS MI BYA'O,
,GAL TE SKOL DANG DE YI

KHA DOG TZAM, ,MTHUN PA 'AM MYOS PAR 'GYUR BA'I KHU BA YI,
,DNGOS POR MA RED NYAMS 'THUNG NYES MED DE, ,'DI LTAR 'DIR NI
MYOS 'GYUR SPANG BYA YIN, ,MYOS PAR 'GYUR PA'I PHYOGS MTHUN DPER
BYAS NAS, ,DREG BCONG KE'U DANG SGOG SKYA YIN PAR BSHAD, ,DE
YANG NAD LA MKHAS PAS LUNG PHOG

PAS; ,GNANG NGO DAD MED MI YI MNGON SUM MIN, ,GTZUG LAG KHANG GI
PHYI ROL DBEN PHYOGS SU, ,KHANG PA BYAS NAS BYA BA'I CHED DU
'JUG ,DE YANG DGE 'DUN MAL STAN RNAMS LA NI, ,NAM YANG LONGS MI
SPYAD PAR BKA' STZAL TO, ,LUS LA DRING NYID DANG BRAL 'OG TU,
,RANG BZHIN GNAS PHYIS

@070A *, ,GTZUG LAG KHANG 'JUG BYA, ,MYOS PAR 'GYUR BA SPONG BA
STE BSLAB PA'I GZHI LNGA BA'O,, ,,BRO GAR GLU DANG ROL MO'I SGRA
YANG RUNG, ,BRTUL ZHUGS CAN GYIS RANG NGAM GZHAN BYA MIN, ,'DI
'DIR 'KHOR BA LA CHAGS RGYU YIN NO, ,'ON KYANG GAL TE BYED NA
NYES

BYAS 'GYUR, ,MCHOD PA'I CHED DU'ANG ROL MO'I SGRA DANG NI, ,GLU
BYOS ZHES NI MI BRJOD 'ON KYANG NI, ,LHA DANG LHA MIN DBANG POS
ZHABS RDUL GTUGS, ,SANGS RGYAS LA NI MCHOD PA BYOS ZHES BRJOD,
,CHOS SGROGS BYED PA'I GLU NI NYES PA MED, ,STON PA'I YON TAN
SGROGS PA 'ANG DE BZHIN

NO; ,DAM CHOS CHED DU GLU NI MI SHES NA, ,DBEN PAR SONG STE RAB
TU BSLAB PAR BYA, ,MCHU 'BUD LA SOGS GAR SOGS PHYOGS MTHUN YIN,
,BYI'U ZUL DANG NI RING DU 'GRO BYED DANG, ,STENG DU 'BYUNG DANG
MCHOD DANG RGYUG LA SOGS, ,RTZED MO'I RGYU YIN PAS NA DE BKAG
GO, ,'PHAGS PA RNAMS KYIS

DGOD NA SO PHYUNG STE, ,DE BZHIN SBRA DAG CHEN POR MI BYA'O,
,LAG PA'AM CHOS GOS KYI NI MTHA' MA YIS, ,KHA DAG RAB TU BKAB
STE GLAL BAR BYA, ,SMAN PAS LUNG PHOG PAS SAM BSLAB PA'I PHYIR,
,DBEN PA'I PHYOGS SU RKYAL NA 'ANG NYES MED DO, ,GANG DU BUS MED
DMAG MI KHRUS

BYED PA'I, ,'JUG DOGS DE NI RING POR SPANG BAR BYA, ,GLU GAR LA
SOGS PA SPONG BA STE BSLAB PA'I GZHI DRUG PA'O,, ,,GANG ZHIG
SPOS BYUG ME TOG PHRENG BA DANG, ,DE BZHIN LUS MDOG KHA DOG BYA
BA DAG ,MI GTZANG SNOD KYI LUS LA 'CHANG BYED NA, ,RMONGS PA DE
NI NYES BYAS NYID KYIS

GZIR; ,'DAB CHAL GSUM DANG GOS LA 'DUG BYED DANG, ,SEN MO BYI
DOR MIG SMAN MCHU BSGYUR DANG, ,G-YAN PA MA GTOGS SO PHAG LONG
BU LAS, ,YAN LAG 'DRUD LA SOGS PA NYES BYAS YIN, ,NAD PAS DPEN
PAR 'DUG NAS BSKU BYA STE, ,'JIG RTEN MA DAD 'GYUR BA BZLOG
PHYIR RO, ,

DANG LDAN DAG GIS RKANG PA SPOS BYUGS NA, ,SBYIN BDAG GI NI LKOG
TU BKRU BAR BYA, ,'PHAGS PAS ME TOG DRI NI ZHIM PO DAG ,MIG PHAN
SNYAM BSNAM 'DOD CHAGS BLOS MA YIN, ,DA NI SPOS SOGS PHYOGS
MTHUN SKABS YIN PAS, ,CHU LA SOGS PAR BZHIN LA BLTA MI BYA, ,DES
NI LUS

@70B KYI SNGA PHYI'I GNAS SKABS DANG, ,RMA LA LTA NA LTUNG BA
MED PAR 'GYUR, ,MCHOD PHYIR THOGS BYUG RIS SHIG SKUD LA SOGS,
,LHUB LHUB DAG NI THAMS CAD SPANG BAR BYA, ,RIMS SOGS ZHI BAR
BYA PHYIR DPUNG G-YON LA, ,SNGAGS LA SOGS PA'I SKUD PA LA SOGS
BCANG, ,RIMS DANG BRAL NAS SKUD PA

BKROL NAS NI, ,BU GA GTZANG MA'I PHYOGS SU GZHAG PAR BYA, ,SDOM
BRTZON DAG GIS GDUGS BKRA BCANG MI BYA, ,GRONG DU DE BSGRENG BA
'ANG BKAG PA YIN, ,LO MA LAS NI BYAS PA'ANG SMYAG MA'I GDUGS,
,YU BA'ANG GDUGS KYI TSAD DU BSHAD PA YIN, ,SPOS LA SOGS PA
SPONG BA STE BSLAB PA'I

GZHI BDUN PA'O,, ,,MAL CHEN MTHON PO DAG LA NYAL BYED PA, ,NYES
BYAS BKRA MI SHIS PAS NGES PAR GZIR, ,KHRU GANG LAS LHAG TSAD NI
MTHON PO YIN, ,RIN CHEN LA SOGS RKANG PA SPRAS CHEN YIN, ,STAN
MTHON RIN CHEN 'OD KYIS MDZES PA LA, ,'DU BYED 'JIG PA'I DANG
CAN 'DIR

BSAMS TE, ,'DZEGS NAS CHOS BSGRAGS PA NI SBYIN BYA STE, ,BDE
GSHEGS CHOS KYI MCHOD BYA YIN PAS SO, ,KHYIM PAS RIN CHEN 'OD
'BAR BYAS BYIN NA'ANG, ,MI RTAG NYID DU BSGOM PAS 'DUG PAR BYA,
,GNOD SBYIN GNAS DANG LHA KHYIM KLU GNAS SU, ,SDOM BRTZON 'DUG
NA'ANG NYES PA MED PA

YIN, ,MTHON PO LA SOGS PHYOGS MTHUN NYIN NYAL YIN, ,GNYID KYI
NAD DU GYUR NA YUD TZAM GNANG, ,NA DANG DE YIN DA G-YOG MA
GTOGS PA, ,BRTUL ZHUGS CAN NI MAR MES NYAL BA BKAG ,GDING BA MED
PAR NYAL BA RIGS MA YIN, ,YUL GYI DBUS SU MAL STAN KO LPAGS MIN,
,

KHYIM DAG TU NI STAN TZAM KHO NA DBANG, ,YUL GYI MTHA' 'KHOB DAG
TU GNYI GA DBANG, ,GLANG CHEN RTA DANG STAG DANG SENG GE DANG,
,SBRE'U BYI LA'I PHAGS PA'ANG RUNG MA YIN, ,MCHIL LHAM BAL BA
DZA DANG MUN DZA'I 'JAG, ,RTZVA LA SOGS LAS BYAS PA'ANG BCANG MI
BYA, ,GTZUG LAG KHANG SDENG GNAS

KHANG KHYAMS RNAMS SU, ,SHING LAS BYAS LHAM RTAG TU MI GNANG
NGO, ,BSHAD DANG GCI PA'I KHANG PA'I PHYOGS DANG NI, ,KHYIM NANG
BCAS MA BSTAR BAR NYES PA MED, ,MDZE CAN GYIS NI DGE 'DUN KHRI
SOGS SPANG, ,DGE 'DUN RNAMS DANG 'DU SOGS DE BZHIN NO, ,DGE 'DUN
SKYE BO MED PAR

@71A *, ,DE BZHAG STE, ,SMAN GYI SBYOR BA DAG GIS BSKYANG BAR
BYA, ,NAD G-YOG GIS KYANG NAD PA THAMS CAD LA, ,GSON PA RNYED
PAR DKA' BA RTOGS BYAS TE, ,RANG BZHIN KHA NA MA THO MA GTOGS
BSGRIM, ,BCAS PA'I KHA NA MA THO BAS KYANG BSKYANG, ,MAL MTHON
PO LA

SOGS PA SPONG BA STE BSLAB PA'I GZHI BRGYAD PA'O,, ,,RANG GLING
SKYA RENGS DANG PO SOGS BZUNG NAS, ,NYI MA PHYED PAR 'DIR NI DUS
YIN TE, ,DE YOL GANG ZHIG DUS RUNG ZA BYED DE, ,NYES BYAS LCAGS
KYI GONG BU'I ZAS RNAMS ZA, ,SGEGS PA ZAS BCAS BYUNG NA BOR BYAS
NAS, ,'BAD PA

DAG GIS KHA NI BKRU BAR BYA, ,LAS KYI DBANG GIS MID PA GNYIS YOD
NA, ,BA GLANG BDAG BZHIN CI DGAR MED PAR BYA, ,GAL TE 'DI LA
BRTUL ZHUGS GNAS PA'I TSE, ,NYI MA GCIG KYANG 'DOD YIN DE YI
TSE, ,NAD PA LA NI MKHAS PA'I LUNG NYID DUS, ,THONGS PA LA NI
DUS MIN MED PA YIN, ,

YA RABS RNAMS KYIS SHA DANG NYA GNANG GANG, ,GNOD DANG BRTZE MED
RO SOGS LA CHAGS DANG, ,YONGS SU BTZAL BA'I SEMS DAG SPANGS NAS
NI, ,LHUNG BZED 'ONGS PA DE LA BRTAGS TE BZA', ,NAS CHAN SNUM
KHUR 'BRAS CHAN NYA DANG SHA, ,'DI DAG SROG GNAS BYA PHYIR BZA'
BAR

GSUNGS, ,SDONG BU 'BRAS BU AUTPAL LA SOGS RTZA, ,DE DAG BCA' BA
DUS SU RUNG BA YIN, ,DUS MI RUNG BA CHU SHING 'BRAS BU LAS,
,SOGS PA'I BTUNG BA'I TSAGS BTZAGS RUNG CHUS BSLAD, ,DAR BA DANG
RTZABS CHUR KHU SBYAR BA'I TSE, ,BUR MA SHING KHU DANG BA 'BRU
TSA YIN, ,BU RAM DANG NI

'BRU MAR SBRANG RTZI MAR, ,HVAGS DANG ZHAG DANG KHA RAR BCAS
NYID YIN, ,YUNG DANG SGE'U GSHER GLA SGANG LA SOGS RTZA, ,SLE
TRES TZAN DAN DMAR PO SOGS SDONG BU, ,NIM PA PA TO LA SOGS LO
MAR BSHAD, ,ME TOG DA TA KI DANG BSHA KA ,'BRAS BU SKYU RU NA LE
SHAM PA RU, ,AA RU KA

KO LA SUG SMEL PI PI LING, ,TIL SOGS 'GYUR BYED DANG NI TSA LNGA
DANG, ,THANG CHU RGYA SKYEGS SRA RTZI SHING KUN DANG, ,SPRA TSIL
BKRES PA BSAL PHYIR BZA' MIN GANG, ,DE DAG MA SHI BAR BCANGS
SMAN DU GSUNGS, ,DUS MIN RUNG DANG DUS SU RUNG BSRES GANG, ,DE
NI DUS SU RUNG BA'I DBANG GIS

@71B SKYAD, ,DUS MIN PHYOGS MTHUN SNOD GZHAN YOD PA DANG, ,'JIGS
MED PHYOGS SU SNOD GCIG NAS ZA YIN, ,PHA MA DANG NI GCIG TU ZA
BA LA, ,NGO PHYIR SKYE BO MED PAR NYES PA MED, ,DGA' BO LA SOGS
MDO LAS GSUNGS TSUL DANG, ,LEGS DANG TSOD DANG LDAN PAS ZAS BZA'
BYA, ,

KHAM CHUD BA'AM CHE BAR RIGS MIN LA, ,KHA KHAM BCAS PAS NAM YANG
SMRA MI BYA, ,MI SNYAN MI BYA GTOR BAR BYA MA YIN, ,MCHOD RTEN
'DRA BYAS BCOM STE ZAS MI BZA', ,STAG GIS ZOS PA'I GOD KYI SHA
RNAMS DANG, ,CHED DU BYAS PA DAG NI BZA' MI BYA, ,KHVA RNAMS
KYIS NI LHAG MAR

BYAS PA'I ZAS, ,GANG YIN DE MCHU'I THAN 'KHOR BOR TE BZA',
,LHUNG BZED GZHI LA RKANG PHYOGS MNAN NAS MIN, ,MCHIL LHAM GYON
BZHIN MIN GOS GCIG PAS MIN, ,SMAN PAS BSGO NA NAD PAS MCHIL LHAM
STENG, ,RKANG PA BZHAG STE JI LTAR 'DOD PAR BZA', ,DE YI BDAG

PO 'AM 'DRIM PAR BYED PA LA, ,'DI 'AM 'DI LAS BYIN ZHES BRJOD MI
BYA, ,'PHAGS PA RNAMS KYIS RIM GYIS THOB BA BZA', ,'DIR NI NAD
PA RNAMS LA BKAG PA MIN, ,ZOS PA'I LHAG MA LAS NI CHANG GCIG
GZHAG ,CHED DU MI BYA DGAG PA'I RGYU 'DIR KHA, ,'DAG PA'I RDZAS
SAM

RUNG BA'I CHU RNAMS KYIS, ,ZOS NAS KHA YANG KHA ZAS MED PAR BYA,
,DUS MA YIN PA'I KHA ZAS SPONG BA STE, ,BSLAB PA'I GZHI DGU
PA'O,, ,,DNGUL DANG GSER GYI RNAM PA LEN BYED NA, ,NYAS BYAS
'GYUR RO GOS DANG RGYAGS PHYIR DANG, ,LUS KYI PHYIR DANG DE
BZHIN SMAN PHYIR RAM, ,CHOS DANG

LDAN PA'I PHYIR NI LTUNG BA MED, ,LEN PA'I RJES SU MTHUN PA'I
DPER BYA NA, ,CHOS GOS LA SOGS YOD BZHIN GOS SOGS SLONG, ,KHAB
RAL BA SO RUS LA SOGS PA'AM, ,GSER GYIS SPRAS PA BYA BA MA YIN
NO, ,RNYED 'DOD NYO DANG BTZONGS LA SOGS MI BYA, ,DGOS PA'I
'BREL BA YOD NA NYES PA MED, ,

GAL TE GOS DAG NYO BAR 'DOD NA NI, ,KHYIM PA LA BCOL NYO BYA
RANG GIS MIN, ,GAL TE NYO BYED SGRA NI PO 'GA' MED NA, ,TSIG NI
GSUM GYI BAR DU BRJOD PAR BYA, ,RGAS PAS 'KHOGS DANG NAD PA MA
GTOGS PA, ,SDOM BRTZON GZHAN GYIS PUS 'KHYUD BCANG MI BYA,
,RNYED PHYIR SPYOD LAM TSUL 'CHOS

@72A *, ,YIN PAR BSTAN, ,CHAGS PAS GZHAN LA SMOD PA THOB KYIS
'JAL, ,CHUNG DU BYIN NAS MANG PO TSOL BYED DANG, ,GZHAN GYI
BSNGAGS PA BYED PA GZHOGS SLONG YIN, ,RNYED PA'I PHYIR NI GTZANG
DANG SNYAN PAR SMRA, ,THAMS CAD KHA GSAG YIN PAR 'PHAGS PAS
BSHAD, ,

DE DAG DPE TZAM GZHAN YANG LOG SGRUB PA, ,'TSO BAR BYED PA DAG
NI RTAG TU SPANG, ,GSER DNGUL LA REG PA SPONG BA STE BSLAB PA'I
GZHI BCU PA'O,, ,,KHYIM PA'I RTAGS NI SPANG BA SMRA BAS NA, ,DE
NYAMS PHYOGS MTHUN YONGS SU SPANG BAR BYA, ,KHYIM PA 'DRA BAR
SHAM THABS MI BGO ZHING, ,

KHA DOG GCIG PA'AM KHA TSAR CAN DKAR MIN, ,PHYI ROL DAG TU TSON
CAN GOS G-YOGS NA, ,DKAR PO'ANG NYIN PAR BGO BAR GNANG BA YIN,
,DGE 'DUN KHRI DANG KHRI'U BE'U RAS LA, ,GDING BA BTING NAS
SPYOD NA'ANG DE BZHIN NO, ,GOS RNAMS KHA DOG BSGYUR PHYIR TSON
RTZI GSUM, ,NGUR SMRIG RTZI DANG SNGON PO'I

MDOG DANG BTZAG ,MTSAL DANG DE BZHIN RGYA SKYEGS BTZOD RNAMS
DANG, ,GUR GUM DANG NI MTHING SHING LI KHRI DANG, ,RMA SHING LE
BRGAN RTZI RNAMS MI RUNG STE, ,BRGYAD PO TSON CHEN YIN PAS DE
BKAG PHYIR, ,SEN MO STE'U DANG SPU GRI'I SO 'DRA BAR, ,BREG BYA
DE LAS GZHAN GYI RNAM PAR MIN, ,DGON PAR

GNAS PA'I SKRA DANG KHA SPU DAG ,SOR GNYIS LAS NI LHAG PAR GZHAG
MI BYA, ,GRONG MTHA' DE BAS CHUNG LHAG DE BZHIN NO, ,SPA NI BA
LANG SPU 'DRA'I BYI BYAD SPANG, ,BYIN PA MIG DANG MCHAN KHUNG
RKED SMIN MA, ,BREG PAR BYA BA SHIN TU THAG RING SPANG, ,SKRA
RNAMS BREG PAR BYAS NAS KHRUS DAG BYA, ,

YANG NA YAN LAG LNGA PO BKRU BAR BYA, ,DANG PO KHA 'AM MGO NI CI
'DOD BREG ,DE YI 'OG TU SNA YI NANG BYA ZHING, ,LAG PA RKANG PA
SEN MO'I RIM BAS BYA, ,'DI LTAR 'DI NI 'BREG MKHAN LAS YIN NO,
,SKAS LA 'DZEG DANG DE BZHIN NYIN NYAL NA, ,SHAM THABS MTHA' MA
MDUD PA DOR BAR BYA, ,SDOM BRTZON

GYIS NI KHUR LCI BSKUR MI BYA, ,YANG YANG MGO BO PHRAG PA RKED
PAS MIN, ,BKUG DANG PHRAL DANG 'DOMS SNANG BYAS PA DANG, ,DE
BZHIN TZOG TZOG POR YANG 'DUG MI BYA, ,BSTAN BCOS LAS GSUNGS
SPYOD LAM LTA BUR NI, ,BYA YIN 'DIR NI DE DAG DPE TZAM YIN,
,KHYIM PA'I RTAGS SPONG BA'I

@72B PHYOGS DANG MTHUN PA STE BSLAB PA'I GZHI BCU GCIG PA'O,,
,,SDOM BRTZON RTAGS NI KHAS BLANGS BRJOD PAS NA, ,DER GTOGS
NYAMS PA'I PHYOGS MTHUN SPANG BYA STE, ,DPER NA MU STEGS RTAGS
NI THOGS PA DANG, ,GCER BUR SKRA 'BAL LAG PAR ZAS ZA DANG, ,RI
LA MCHONG DANG NYI ZLA LTA

BYED DANG, ,ME LNGA BSTEN PA LA SOGS SPANG BAR BYA, ,MCHIL MA LA
SOGS SE GOL GTOGS BYAS TE, ,DE NAS SNANG BA'I PHYOGS DAG TU NI
DOR, ,BSHAD BA'I SA DANG GCI BA'I NYE 'KHOR DU, ,SNA TSOGS GTAM
GYIS YUN RINGS GNAS MI BYA, ,KHA TON BTZO BLAG LA SOGS DER MI
BYA, ,SKAD DAG BYUNG

STE BRTAGS NAS 'JUG PAR BYA, ,BSHAD PA'I SA DANG GCI BA'I SA DAG
KYANG, ,SO SO THA DAD YIN TE DER MI BRJOD, ,GCI DANG BSHAD DANG
DE BZHIN RLUNG DAG NI, ,BYUNG BAR GYUR NA DAL BUS GTANG BAR BYA,
,'BYUNG BA BKAG PA NAM YANG 'DOD MA YIN, ,RMA LA SNGAR NI 'JAM
POS PHYIS NAS KYANG, ,CHU MANG DAG DANG

SA YIS KHRUS BYAS TE, ,LAG PA G-YON PAR SA NI LAN BDUN BLUGS,
,DE YI 'OG TU LAG PA GNYI GAR BDUN, ,SA DE DAG KYANG SO SOR RIM
PAR GZHAG ,DE BZHIN CHU MANG LAG PA GNYIS BKRUS NAS, ,DE 'BAD
LAG NGAR BYIN PA LEGS PHYIS TE, ,PHYIS KYANG LAG PA GNYI GA BKRU
BYA ZHING, ,PHYI NAS

RI LA BRKANG BA GNYI GA YIN, ,SEMS NI DAG NA GTZANG BA YIN PAR
BSHAD, ,DRI DANG GOS PA DAG DANG BRAL TZAM YIN, ,BCOM LDAN NANG
GI GTZANG SBRAR GSUNGS PA NI, ,LUS LA SOGS PA'I SDIG SPANG GANG
YIN PA'O, ,BRTUL ZHUGS CAN GYIS BSHAD DANG GCI BA DANG, ,SO YI
DRI BSAL PHYOGS NI

DBEN PAR BYA, ,SO SHING DAG NI CHU YIS BKRUS BYAS NAS, ,DOR BAR
BYA'O CHU DAG MED NA YANG, ,LCE YI DRI MAS SHI BZHIN 'DIR GYUR
NA, ,MI RUNG BSGRIMS TE SA LA PHYIS NAS SO, ,LHUNG BZED GNYIS TE
SA BYAS LCAGS LAS BYAS, ,LHUNG BZED GZHAN MIN CHUNG CHE SKYA BA
MIN, ,KHAR GSIL SGRA DANG

LDAN PA BCANG BYA STE, ,DE NI GO BYED KHYI SKROD YIN PAS SO,
,RAB TU BYUNG BA NYAMS PA'I PHYOGS DANG MTHUN PA SPONG BA STE
BSLAB PA'I GZHI BCU GNYIS PA'O,, ,,BLA MAR GSOL BTAB BLA MA
NYAMS PHYOGS MTHUN, ,RANG GI BLA MA MA GUS DE YIN PAS, ,BDAG
NYID 'DOD PAS PHA LTAR RAB SDUG

@73A *, ,DANG, ,GUS PA BYAS NAS BLA MAR RIM GRO BYA, ,BSHAD DANG
GCI DANG SO NI DAG BYA DANG, ,MTSAMS KYI NANG DU RGYAL LA PHYAG
BYA DANG, ,CHU DAG BTUNG BAR BYA BA MA GTOGS PA, ,THAMS CAD DRIS
NAS BYA BA YIN PAR GSUNGS, ,BLA MA BAS SNGAR NANG BAR LANGS NAS
NI, ,GDONG DAG

BKRUS NAS BDE GSHEGS PHYAG 'TSAL TE, ,DE NAS BLA MAR GUS BCAS
PHYAG BYAS NAS, ,BTUD DE SKU LA MA NYAMS ZHES 'DRI NAS, ,BYA BA
NYID KYIS LUNG MNOS DE 'OG TU, ,DE YI GNAS KHANG NYE 'KHOR PHYAG
DAR BYA, ,DE NAS RGYAL LA DKYIL 'KHOR BYAS NAS NI, ,DAD PAS 'DUD
BZHIN DU NI BSKOR BYA ZHING, ,

NYE BA'I SDOM BRTZON RGAN LA PHYAG BYAS NAS, ,DGE BAS LUS LA
SNYING PO BLANG BAR BYA, ,BLA MA DAG LA BSNYEN BKUR BYED PA NA,
,ZAS SKOM LA SOGS ZHIM PO KUN KYANG DBUL, ,PHYAG BYA'I LAM DU
PHYIN NA'ANG PHYAG BYA STE, ,BRTUL ZHUGS CAN DANG MI MTHUN BKOL
MI BYA, ,'JIG RTEN GSUM GYI STON PA'I MI

DBANG GIS, ,DES KYANG AA ROG GYA ZHES BRJOD PAR BYA, ,RGAN ZHUGS
SHIN TU RGAN PO SBRID BYUNG DANG, ,KHYIM PA SBRID PA BYUNG
NA'ANG SOS ZHES BRJOD, ,GZHON NU'I SPRID BYUNG AA ROG GYA ZHES
BYA, ,RGAN LA SBRID BYUNG TSIG GIS PHYAG BYA'O, ,'DI LA BKUR
STIS PHYAG BYA RNAM GNYIS TE, ,YAN LAG LNGA DANG SGYID 

BZUNG RANG BZHIN NO, ,MUN KHUNG BLA MA'I SPYI BOS SAR GTUGS
PA'I, ,PHYAG DAG MI BYA TSIG GIS PHYAG BYA'O, ,SDOM BRTZON BCA'
BA 'GA' ZHIG 'CHA' BYED NA, ,PHYAG DAG MI BYA DES KYANG PHYAG MI
BYA, ,MI GTZANG LAM GYI PHYOGS MA BKRUS BA'ANG MIN, ,GOS GCIG MA
YIN ZAS DANG BCAS MA YIN, ,MDUN

DU ZAS DRANGS SPOB SPYOD PA DANG, ,KHYIM NAS TSUL KHRIMS 'CHAL
DANG GCER BU DANG, ,GZHAN YANG PHYAG BYA MIN YANG BRTAG PA NI,
,PHYAG BYA GNYIS TE BDE GSHEGS RGAN PO YIN, ,GANG PHYIR DE DAG
SNGOM PAS RGAN MIN PAS, ,GSANG SNGAGS LA'ANG LHA GZHAN PHYAG MI
BYA, ,DKON MCHOG GSUM LA 'DUD PAS

PHYAG BYAS NAS, ,GZHAN GYIS BYAS PA'I GSANG SNGAGS BRJOD PAR
BYA, ,GANG ZHIG SANGS RGYAS SKYABS 'OS DAG LA SKYABS, ,SONG NAS
GUS PAR GZHAN LA PHYAG BYED PA, ,DE NI SH'A KYA'I RIGS KYI RTAGS
DAG LA, ,CO 'DRI YUL 'KHOR ZAS NI 'BAR BA ZA, ,BLA MAR GSOL BA
BTAB PA NYAMS PA'I PHYOGS DANG MTHUN

@73B PA STE BSLAB PA'I GZHI BCU GSUM PA'O,, ,,DE NAS SNGOM PA
NYAMS PHYOGS MTHUN 'BYUNG STE, ,DKON MCHOG GSUM LA MA GUS DE
BZHIN DU, ,NYI MA LNGA LAS LHAG PAR MI GNAS PA 'AM, ,DGAG DBYE
DANG NI GSO SBYONG NYAMS PA STE, ,GAL TE MNGON SUM GSUNGS PA MED
GYUR KYANG, ,DGAG DBYE

GSUNGS PHYIR 'DIR NI GSO SBYONG YOD, ,DGAG DBYE DAG PAR GO BAR
BYA PHYIR TE, ,DE LAS GSO SBYONG DON NI THA DAD MIN, ,KYE TSIG
BDAG LA BTZUN PA DGONGS SU GSOL, ,DENG 'DIR 'PHAGS PA'I DGE 'DUN
GSO SBYONG LAGS, ,DENG 'DIR DGE TSUL BDAG GI 'ANG LAGS TE BDAG
,YANG DAG PAR

MCHI ZHES BYA SNGAGS YIN NO, ,MCHOD RTEN KHYAMS DAG CI NUS BYI
DOR BYA, ,BDUG PA ME TOG BKRAM PAS DGRAM BYAS TE, ,RANG GI RGYUD
BRTAGS THOG MAR SNGOM BRTZON GYI, ,MDUN DU LTUNG BA DAG NI
BSHAGS PAR BYA, ,TSUL KHRIMS LDAN DANG 'DUL BA'I CHO GA SHES,
,NAD PA SNYING RJE 'KHOR NI DAG PA

DANG, ,CHOS DANG ZANG ZING PHAN 'DOGS BRTZON PA DANG, ,DUS SU
'DOMS PA DE LTAR BLA MAR BSNGAGS, ,SLOB DPON LA GUS TSUL KHRIMS
YONGS DAG DANG, ,BSAM GTAN DANG NI 'DON LA RTAG BRTZON DANG,
,GRIMS SHING DUL LA BZOD DANG LDAN PA NI, ,SNGOM BRTZON GNAS
PA'I CHOS LDAN SHES PAR BYA, ,GRONG

LA SOGS PA'I MING SMOS RIM PA YI, ,DBYAR DU DBYAR GNAS DAM NI
BCA' BAR BYA, ,GAL TE DE NI GZHAN DU 'GRO GYUR NA, ,ZHAG BDUN
BYIN GYIS BRLABS TE 'GRO BAR BYA, ,TSUL KHRIMS NYAMS LA BKUR STI
MI BYA ZHING, ,DE DANG 'GROGS DANG LONGS SPYOD MI BYA'O, ,PHA MA
BLA MA DAG DANG NAD PA DAG ,TSUL

KHRIMS NYAMS SU ZIN KYANG BKUR STI BYA, ,NYES RTZOM BYED DANG
KHYIM SUN 'BYIN PA DANG, ,'DIR NI GSUM PA TSUL KHRIMS NYAMS PA
DAG ,'THAB MO SPANGS TE GAnd'I BRDUNGS BYAS NAS, ,SHI ZHING RUL
BA BZHIN DU NGES BSKRAD BYA, ,KA BAR GYUR PA MDO SDE 'DZIN GANG
DANG, ,DE BZHIN GZHAN YANG CHO GA BZHIN

DPYAD BSKRAD, ,DPUNG BYED BTANG NA SLAR YANG GZHUG BYA STE, ,GAL
TE MIN NA DE SKAL RIN GYIS LTUNG, ,GANG DAG GRANGS CAN LA SOGS
BDEN BLOS 'DON, ,DE DAG LA NI KHA ZAS DUG TU 'GYUR, ,SANGS RGYAS
GSUNG NI JI SKAD BSTAN BTON NAS, ,NGES PAR DPYAD PAR BYA PHYIR
GZHAN DAG BKLAG ,SANGS

@74A *, ,RGYAS DE YI YON TAN SMOS PAS BRJOD, ,SLOB DPON SLOB
DPON TSIG DANG LDAN PAS SO, ,DON SOGS SMOS PAS NYE BA'I TSIG BYA
STE, ,'DUD BCAS MKHAN POR GYUR PA'I MING DAG BRJOD, ,RGAN LA
BTZUN PA NYE BA'I TSIG GIS BRJOD, ,GZHON LA 'ANG TSE DANG LDAN
PA'I NYE TSIG GIS, ,DE

BZHIN GNAS BRTAN ZHES BYA'I NYE TSIG BRJOD, ,DE LTAR 'DIR NI
MING SMOS RIM PAS YIN, ,SDOM PA MTHA' DAG NYAMS PA'I PHYOGS DANG
MTHUN PA STE BSLAB PA'I GZHI BCU BZHI PA'O,, ,,GANG ZHIG GNANG
MED DE BZHIN BKAG MED PA, ,DE NI GSUNGS PA'I RJES MTHUN BRTAGS
TE GZUNG, ,'DUL

BA MDOR BSDUS ZHES BYA'I SGRON MA DANG, ,'DRA BAR GZHAN 'DI BDE
BAR GSHEGS PAS GSUNGS, ,DGE TSUL RNAMS KYI CHOS LUGS BSDUS
'BYUNG BA'I, ,BSOD NAMS BDAG LA SKYES DES 'JIG RTEN 'DI'I,
,SH'AKYA'I 'OD BSTAN LAM NAS RDZOGS PA YI, ,BYANG CHUB DPAL LDAN
GNAS SU 'GRO BAR SHOG, ,

SH'AKYI'I BSHES GNYEN DOR NI BDE BAR GSHEGS PAS GSUNGS PA'I
BSLAB PA YI, ,RIN CHEN 'BAR BDAG NI 'DUL BA RGYA MTSO'I NANG NAS
RAB BTUS TE, ,DBANG PO'I RDO RJES PHU GA NAS DE GZHI THAMS CAD
YOD PAR SMRA BA YI, ,SO SOR NGES PA'I DBYE BA DAG GIS PHRENG BAR
MTHUN PAR BSDEBS PA YIN, ,'DUL

BA MDOR BSDUS TE BCO LNGA PA'O,, ,,THAMS CAD YOD PAR SMRA BA'I
DGE TSUL GYI TSIG LE'UR BYAS PA, MANG DU THOS PA'I SLOB DPON
SH'AKYA 'ONG KYIS MDZAD PA RDZOGS SO,, ,,