@001A *, ,TSAD MA KUN LAS BTUS PA ZHES BYA BA'I MDO BZHUGS SO,,

@001B #, ,RGYA GAR SKAD DU, PRA M'A nA SA MU TZTSA YA N'A MA PRA KA
RA nA, BOD SKAD DU, TSAD MA KUN LAS BTUS PA ZHES BYA BA'I RAB TU
BYED PA, SANGS RGYAS LA PHYAG 'TSAL LO, ,

TSAD MAR GYUR PA 'GRO LA PHAN BZHED PA, ,STON PA BDE GSHEGS
SKYOB LA PHYAG 'TSAL NAS, ,TSAD MA BSGRUB PHYIR RANG GI GZHUNG
KUN LAS, ,BTUS TE SNA TSOGS 'THOR RNAMS 'DIR GCIG

BYA; ,MNGON SUM DANG NI RJES SU DPAG ,TSAD MA'O MTSAN NYID GNYIS
GZHAL BYA, ,DE LA RAB SBYOR PHYIR TSAD MA, ,GZHAN NI YOD PA MA YIN
NO, ,YANG YANG SHES PA'ANG MA YIN TE, ,THUG

PA MED 'GYUR DRAN SOGS BZHIN, ,MING DANG RUS SOGS SU SBYOR PA'I,
,RTOG PA DANG BRAL MNGON SUM MO, ,THUN MONG MIN PA'I RGYU YIN
PHYIR, ,DE YI THA SNYAD DBANG POS BYAS, ,DER DON DU MAS

BSKYED PA'I PHYIR, ,RANG DON SPYI YI SPYOD YUL CAN, ,DU MA'I NGO BO'I
CHOS CAN NI, ,DBANG PO LAS RTOGS SRID MA YIN, ,RANG RANG RIG BYA
THA SNYAD KYIS, ,BSTAN MIN NGO BO DBANG PO'I YUL, ,

@002A #, ,YID KYANG DON DANG CHAGS LA SOGS, ,RANG RIG RTOG PA MED
PA YIN, ,RNAL 'BYOR RNAMS KYI BLA MAS BSTAN, ,MA 'DRES PA YI DON
TZAM MTHONG, ,RTAG PA'ANG RANG RIG NYID DU 'DOD, ,DON LA MA YIN
DE RTOG

PHYIR, ,'KHRUL DANG KUN RDZOB SHES PA DANG, ,RJES DPAG RJES SU
DPAG LAS BYUNG, ,DRAN DANG MNGON 'DOD CES BYA BA'O, ,MNGON SUM
LTAR SNANG RAB RIB BCAS, ,BYA DANG BCAS PAR RTOGS PA'I PHYIR, ,'BRAS
BU NYID YIN

'JAL BYED LA, ,TSAD MA NYID DU 'DOGS PA STE, ,DBYE BA MED PA'ANG MA
YIN NO, ,YANG NA RANG RIG 'BRAS BU STE, ,DE YI NGO LAS DON NGES, ,YUL
GYI SNANG BA NYID DE 'DI'I, ,TSAD MA DE YIS 'JAL BAR BYED, ,SMRAS PA,

GANG TSE SNANG BA DE GZHAL BYA, ,TSAD MA DANG NI DE'I 'BRAS BU,
,'DZIN DANG RNAM RIG DE YI PHYIR, ,DE GSUM THA DAD DU MA BYAS, ,YUL
SHES PA DANG DE SHES PA'I, ,DBYE PAS BLO YI TSUL GNYIS NYID, ,DUS
PHYIS DRAN PA LAS KYANG

STE; ,TSUL GNYIS DANG NI RANG RIG GRUB, ,MA MYONG BAR 'DI MED
PHYIR RO, ,SHES PA GZHAN GYIS NYAMS MYONG NA, ,THUG MED DE LA
'ANG DRAN PA STE, ,DE BZHIN YUL GZHAN LA 'PHO BA, ,MED 'GYUR DE
YANG MTHONG PHYIR RO, ,

@002B RTZOD SGRUB SLOB DPON GYI MA YIN, ,NGES PAR SNYING PO MED
PAR DGONGS, ,GZHAN DU CHA SHAS SU GSUNG 'GYUR, ,DES NA KHO BOS
BRTAG PAR BYA, ,DON DE LAS SKYES RNAM PAR SHES, ,MNGON SUM YIN
ZHES BYA BA 'DIR, ,DON DE ZHES PAS KUN BRJOD NA, ,

GANG DE DE 'BA' ZHIG LAS MIN, ,DMIGS PA'O ZHE NA DRAN SOGS KYI, ,SHES
PA'ANG GZHAN LA LTOS MA YIN, ,YANG SMRAS PA, JI LTAR SNANG BA DE
YOD MIN, ,DE YI PHYIR NA DON DAM DU, ,LNGA PO BSAGS LA DMIGS PA'I
PHYIR, ,DE LA THA SNYAD DU MA BYAS, ,

BAR SKABS KYI TSIGS BCAD DO, ,DON GYI TSUL GYIS DBEN PA YANG, ,BRJOD
BYA MA YIN YUL 'DI'I YANG, ,SPYI YI TSUL GYIS BSTAN PAR BYA, ,DES NA
THA SNYAD DU MI BYA, ,RIGS PA CAN RNAMS DPANG PO DANG DON PHRAD
PA LAS SKYES PA'I SHES PA THA SNYAD DU BYA BA MA YIN

PA 'KHRUL PA MED PA ZHEN PA'I BDAG NYID NI MNGON SUM MO ZHES ZER
RO, ,DE YANG RIGS PA MA YIN TE, ,DBANG DON LAS BYUNG BLO LA NI, ,THA
SNYAD LA SOGS SRID MA YIN, ,BAR DANG BCAS PA 'DZIN PA DANG, ,SHES PA
LHAG PA'ANG THOB MI 'GYUR, ,DBANG PO RTEN

LAS PHYIR MI 'PHO, ,YUL LA 'DZIN PAR NUS MA YIN, ,BDE SOGS GZHAL BYA
MIN PA 'AM, ,DBANG PO GZHAN YOD YID DBANG PO, ,BKAG PA MED PHYIR
THOB CE NA, ,DBANG PO GZHAN GYI SGRA DON MED, ,NGES PA'I DON LA
'BRAS BU MED, ,SHES PA YANG MTSAN NYID

LAS, ,DON GZHAN 'BRAS BUR SMRA BAR 'GYUR, ,KHYAD PAR LA MIN THA
DAD PHYIR, ,DE LA YOD MIN GNYIS ZHE NA, ,MA YIN KHYAD PAR BYA LA
'ANG 'GYUR, ,MA RTOGS LA SOGS KUN LA MIN, ,LDOG PA MED PHYIR 'BRAS
BU MIN, ,BYE BRAG PA RNAMS NI BDAG DANG DBANG PO DANG

YID DANG DON DU PHRAD PA LAS GANG GRUB PA DE GZHAN YIN NO ZHES
SO, ,SPYI DANG KHYAD PAR LA LTOS PA DANG, RDZAS DANG YON TAN
DANG LAS LA LTOS PA NI MNGON SUM MO ZHES SBYAR BAR MI BYA STE,
,YUL LA LTA BA'I DON CAN PHYIR, ,KHYAD PAR RNAMS DANG SBYAR MI
BYA, ,GCIG MIN

@003A *, ,GZUGS SOGS KYANG GCIG 'GYUR, ,MTHONG NA DBANG PO LA DE
MIN, ,DBANG GZHAN DON MED 'GYUR PHYIR RO, ,RANG YUL THA DAD
KYANG 'DZIN NUB, ,DBANG PO KUN GYIS 'DZIN PAR 'GYUR, ,RDZAS SOGS LA
MIN DE LTA NA, ,MED PHYIR GZHAN GYI SPYOD

YUL MIN, ,YUL MTSUNGS NYID DU 'DOD CE NA, ,MI 'DOD PA LA 'ANG THAL
BAR 'GYUR, ,MA NGES DE NI GZHAN DU BRJOD, ,THAMS CAD BSGRUB BYAR
BRJOD MA YIN, ,DBANG PO THA DAD MED KYANG BLO, ,THA DAD PHYIR NI
THA DAD NA, ,GZHAN DU THA DAD MED GANG LAS, ,SER SKYA

PA RNAMS NI RNA BA LA SOGS PA'I 'JUG PA MNGON SUM DU 'DOD DO,
,THUG PA MED PA'AM DBANG GCIG 'GYUR, ,GNYIS BZUNG GSUM GYI YUL
MA YIN, ,YUL GCIG NYID THOB DBYER MED 'GYUR, ,DE LAS RANG BZHIN
'DZIN MA YIN, ,DON GYI BYE BRAG 'DZIN MI 'GYUR, ,

'DZIN NA'ANG YID BZHIN RNAM RTOG 'GYUR, ,GNAS SKABS DER 'GYUR
SNYING STOBS SOGS, ,MA YIN GZHAN MA YIN PA'I PHYIR, ,GZHAN MIN ZHE
NA 'BRAS MIN PA'AM, ,GZHAN NYID MIN NA GZUNG BYA MIN, ,SNA TSOGS
RNAM 'GYUR DON MTSUNGS 'GYUR, ,DU MAR 'DZIN PHYIR

GRANGS CAN GYI, ,BYE BRAG KHA CIG MI 'DOD DO, ,RE RE'I NGO BOR
THAMS CAD NA, ,GTZO BO RDUL PHRAN SO SOR YOD, ,RAB TU SBYOR BA'I
BYED BRAG LAS, ,'BRAS BU'I NGO BOR MTSON PAR BYED, ,RDUL PHRAN
RANG BZHIN GSUM NYID NA, ,'BRAS BU GCIG PAR GANG GIS RTOGS, ,RIGS

MI MTHUN PAR SBYAR NA YANG, ,YONGS SU 'GYUR BAR MI 'DOD DO, ,NGO
BO GNYIS NYID MI 'DOD NA, ,'BRAS BU NGO BO GCIG NYID THOB, ,DON GYI
RANG BZHIN DU MA LA, ,DBANG PO'I YUL NI KHYAD PAR CAN, ,DE'I PHYIR
GRANGS CAN LUGS DOR TE, ,RE RE'I NGO BO NYID MCHOG

YIN, ,YUL GCIG MA YIN 'JUG PA STE, ,TSAD MAR BRJOD PA MA YIN NO,
,DRAN PA MA YIN MA MYONG PHYIR, ,GNYIS KA CIG CAR 'BYUNG ZHE NA,
,DE NI TSAD MIN GZHAN LTA LA, ,NYAMS PA'AM YANG NA DRAN PA YIN,
,DRAN PA LHAG PAR BRJOD PHYIR NA, ,RNAM

@003B GSAL DBANG GZHAN DON MED 'GYUR, ,SPYOD PA PA RNAMS NI YOD
PA DANG YANG DAG PAR SBYAR NAS SKYES BU'I DBANG PO'I BLO SKYES PA
DE NI MNGON SUM MO ZHES ZER RO, ,DE LA, YOD BA'I GSAL BYA MED PA
STE, ,SBYOR ZHES BYA LAS DE RTOGS 'GYUR, ,YANG DAG SBYOR BA

NGES PAR NI, ,YOD NYID LA NI BSTAN CEN, ,CI STE ZLA BA BSTAN PHYIR YIN,
,DBANG PO'I KHYAD PAR CAN BRJOD KYIS, ,YOD TZAM LDAN PAS MI RTOGS
PA, ,MA YIN GANG ZHIG SGRUB PAR BYED, ,CI STE DBANG PO GANG ZHIG
LA, ,THIM DANG SHIS PAR 'DOD CE NA, ,DE THIM PA

DE GZHAN LAS KYANG, ,SHES PA MIG SMAN SOGS PA'ANG YOD, ,GRAGS LA
DE LTAR BRTAG GRANG NA, ,SGRA DE DBANG PO'I YUL LA MIN, ,KUN TU
DON DANG PHRAD GRANG NA, ,GZUGS SGRA BAR DU CHOD PA DANG,
,CHEN PO'ANG 'DZIN PAR MTHONG BAS NA, ,BAR MA CHAD LA DE GNOD

BYED; ,BLO YI RGYU YI TSOGS PA DAG, ,BRJOD PA BOR NAS TSAD MA GANG,
,MTSAD MA JI LTAR DON YIN PA 'AM, ,BLO YI SKYE BA ZHES CI BSNAN, ,DON
DANG DBANG PO YID SKYES BU, ,SBYOR DANG 'DU BYED PA LAS GZHAN,
,MNGON SUM GYI BLO SKYED PA YI, ,TSOGS PA BRJOD PA

DE CI LTAR, ,BA LANG NYID SOGS SBYOR LAS DON, ,BA LANG LA SOGS SU
'JAL BYED, ,DON DANG YANG DAG 'BREL PA LA, ,DBANG PO'I BLO NI NUS
YOD MIN, ,RIG BYAR RANG NYID BSTAN MED PAS, ,GZUGS DON DBANG PO'I
SPYOD YUL LO, ,DON MIN SHES PA'ANG

RNAM KUN TU, ,MNGON SUM BLO RUNG GNAS PAR 'GYUR, ,CI STE BLO YI
SKYE BA 'DOD, ,DON GZHAN 'BRAS BUR SMRA BA NA, ,DON GZHAN THOB
PAR 'GYUR MA YIN, ,DON GYI BLO SHAR 'BRAS MIN NA, ,DE LAS GZHAN
'BRAS MED PAS SO, ,BLO YI SKYE BA GZHAN YIN NA, ,

'PHRO 'DU RANG GI RGYU LAS TE, ,TSAD MA'I 'PHROD PA 'DU BA LAS, ,CI STE
GZHAN MIN DE DON MED, ,SKYES BU RNAM PAR 'GYUR NAS BLO, ,SKYED NA
MI RTAG PA RU 'GYUR, ,CI STE BDAG DE MI 'GYUR NA, ,DE LA TSAD MA
ZHES MI SBYAR, ,TSAD MA KUN LAS BTUS PA LAS MNGON SUM

@004A *, ,GYI LE'U STE DANG PO 'O,, ,,RJES DPAG RNAM GNYIS RANG DON
NI, ,TSUL GSUM RTAGS LAS DON MTHONG BA'O, ,'BRAS BU SNGAR BZHIN
YUL DANG NI, ,NGO BO MTSUNGS MIN DE GNYIS KYI, ,RANG GI MTSAN NYID
BSTAN BYA MIN, ,GZUNG

THA DAD PHYIR DE LAS GZHAN, ,MTHONG SOGS NYID SGO NAS BSTAN TO,
,RANG GI NGO BO BRJOD PA MIN, ,MING LAS SHES PHYIR RNAM PA GZHAN,
,BSTAN BYA YID KYI RNAM PA GNYIS, ,SPYI MA YIN LA'ANG MTHONG BA'I
PHYIR, ,DE MIN MTSON BYA SPYI YIN PHYIR, ,YID CHES

TSIG GI SGRUB BYED KYIS, ,DE LAS GZHAN LA 'GEGS PHAR BYED, ,THA MI
DAD DU GRUB CE NA, ,MA YIN THA DAD KYANG SRID PHYIR, ,YID CHES TSIG
KYANG MI SLU BAR, ,MTSUNGS PHYIR RJES SU DPAG PA NYID, ,RJES DPAG
BYA DANG DE MTHUN LA, ,YOD DANG MED NYID LA MED PA'O, ,

'DI RU SHES PA'ANG THOB PA NYID, ,SHES BYED SKABS KYI DBANG BYAS
PHYIR, ,TSUL RE RE DANG GNYIS GNYIS PA, ,RTAGS DON MIN PAR DON GYIS
BYAS, ,SGRA RTAG BYAS PA'I PHYIR LUS CAN, ,PHYIR DANG GZHAL BYA MIN
PHYIR RO, ,LUS CAN MIN PHYIR MNYAN BYA'I PHYIR, ,MIG

GIS GZUNG BYA PHYIR MI RTAG, ,KHA CIG GTAN TSIGS MI 'KHRUL BAS,
,CHOS GZHAN DPAG PAR BYA BAR 'DOD, ,CHOS DANG CHOS CAN DAG GRUB
PHYIR, ,'BREL PA DPAG BYAR KHA CIG 'DOD, ,CHOS LA GTAN TSIGS GRUB
NA NI, ,DE YIS DE LAS GZHAN CI DPAG, ,DE LTAR CHOS

CAN DE NYID LA, ,DPAG BYA CI YI PHYIR MI 'DOD, ,'BREL PA 'ANG GNYIS
YOD MA YIN NA, ,DE BZHIN DRUG PA'I SGRA RU 'GYUR, ,BRJOD PAR MI BYA
DON SMOS PHYIR, ,GTAN TSIGS 'DI DANG 'BREL PA YIN, ,RTAGS KYI 'KHRUL
PA MED PA NI, ,CHOS LA GZHAN DU STON PAR BYED, ,DER

GRUB DE DANG LDAN BA YI, ,CHOS CAN GO BAR BYED PA YIN, ,RTAGS KYI
RJES SU BSTAN BYA BA'I, ,CHOS LA DPYAD PA GZHAN YANG 'JUG ,CHOS DON
DU MA GTAN TSIGS KYIS, ,RNAM PA THAMS CAD DU RTOGS MIN, ,GANG
DANG 'BREL PA YONGS BCAD NAS, ,CHOS GZHAN DANG BRAL

@004B THOB PAR BYED, ,YON TAN DRI DANG DRI BSUNG SOGS, ,DE YI BYE
BRAG GI RIM PAS, ,RDZAS MIN LA SOGS RNAM BCAD NAS, ,AUTPAL LA SOGS
RE RE RTOGS, ,GAL TE MTHONG BA BZHIN GTAN TSIGS, ,SGRUB PA'I SGO
NAS 'JUG NA NI, ,THAMS CAD RTOGS PAR

MI 'GYUR BA'AM, ,YANG NA THAMS CAD RTOGS PAR 'GYUR, ,GAL TE SPYI
LAS YIN GRANG NA, ,DE NI DE LAS GZHAN DU 'GYUR, ,RTEN RNAMS MA
MTHONG BA YI PHYIR, ,THA DAD MIN GCIG MTHONG MI 'GYUR, ,CHA SHAS
'DI LTA BU'I TSUL NAS, ,RTAGS CAN LA NI MI

'GYUR ZHING, ,DE NYID KYI CHOS DU MA NA'ANG, ,CIG SHOS THOB PAR
BYED PA YIN, ,RTAGS CAN GANG DANG RJES 'BREL BA'I, ,RTAGS CAN DE 'DIR
RTOGS BYA YIN, ,BYE BRAG RTOGS BYA MA YIN TE, ,DE DAG NYID LA
'KHRUL PHYIR RO, ,RTAGS DANG RJES SU 'BREL PA'I DON, ,

RTOGS BYA RTAGS CAN BYA BRAG GI ,MA YIN DE LA RTOGS PA'O, ,RTOGS
PAR RAB TU 'KHRUL PA'I PHYIR, ,ZHES BYA BA NI BAR SKABS KYI TSIGS SU
BCAD PA DAG GO, ,'BREL PA GNYIS LA GNAS MOD KYANG, ,RTAGS DANG
RTAGS CAN LHAN CIG PA, ,RTEN DANG BRTEN PA NYID

YIN GYI, ,YANG DAG 'PHROD PA BZHIN MA YIN, ,RTAGS LA RTAGS CAN YOD
PA NYID, ,CIG SHOS RTAGS CAN NYID LA YOD, ,RTAGS DANG RTAGS CAN
DAG 'BREL BA'I, ,NGES PA BZLOG NA GNAS PA YIN, ,RTAGS KYI KHYAB PAR
'DOD PA STE, ,DE YI CHA NAS RTAGS

CAN YIN, ,KHYAB BYED CHA NAS DE'I GO BYED, ,MA YIN RVA CAN LAS
GLANG BZHIN, ,DGAG BYA SO SOR MI 'KHRUL BA, ,GANG PHYIR 'BREL PA LA
LTOS YIN, ,DE PHYIR RTAGS NI RTAGS CAN LA, ,KHYAB PA BDEN YANG
BYED PO MIN, ,BYAS PA NYID KYIS 'JIG PA LA, ,

KHYAB KYI MA BYAS PA YI MIN, ,RTAG PA MIN LA KHYAB MIN PAR, ,MA
BYAS PA YI DON GYIS STON, ,RVA CAN NYID KYIS BA LANG LA, ,KHYAB PAS
RVA CAN MIN LAS LDOG ,GLANG LA RVA CAN GYIS KHYAB BZHIN, ,BA LANG
GI DON ZLOG BYED YIN, ,ZHES BYA BA BAR SKABS

@005A *, ,KYI TSIGS SU BCAD PA DAG GO, ,BRTZAD PA BSGRUB PA NAS NI
MED NA MI 'BYUNG BA'I DON MTHONG BA RIG PA RJES SU DPAG PA'O ZHES
BRJOD DO, ,MED NA MI 'BYUNG MTHONG BA YI, ,RANG GI RNAM PA TZAM
'DOD NA, ,DE RIG MI BRJOD GZHAN NYID DU, ,BRJOD

NA JI LTA BU GANG LA, ,DON 'DI BSGRUB BYA LA ZHE NA, ,MED NA MI
'BYUNG ZHE CI DGOS, ,DU SOGS ME SOGS LA MTHONG LAS, ,GZHAN PA'I
DPAG BYA DE RIG GANG, ,CHOS CAN DU MA YOD PA LAS, ,DE RIG PA ZHES
JI LTAR BRJOD, ,RIGS PA CAN RNAMS NA RE DE SNGON

DU SONG BA CAN GYI RJES SU DPAG PA NI RNAM PA GSUM STE, SNGA MA
DANG LDAN PA DANG, LHAG MA DANG LDAN PA DANG, SPYIR MTHONG BA
CAN NO ZHES ZER RO, ,'BREL PA DBANG PO'I GZUNG BYA MIN, ,SNGA MA
DANG LDAN ZHES 'DI LA, ,THAMS CAD SRID PHYIR LTA BUR MIN, ,'KHRUL

PA'I PHYIR NA LDAN PA MIN, ,LHAG LDAN LA YANG LTA BUR RAM, ,'BREL
GZHAN LAS KYANG RTOGS MI 'GYUR, ,LHAG MA DANG LDAN LAS 'GYUR
PHYIR, ,'BREL GZHAN LAS KYANG RTOGS MI 'GYUR, ,SPYIR MTHONG BA
YANG DE BZHIN NO, ,'BRAS BU GZHAN LA NYID MI

'THOB, ,RTAGS SHES TSAD MA YIN ZHE NA, ,RNAM PAR DBYE BA 'ANG GRUB
MI 'GYUR, ,BYE BRAG PA RNAMS NA RE, 'DI NI 'DI'I 'BRAS BU DANG RGYU
DANG 'BREL PA DANG, DON GCIG LA 'DU BA DANG 'GAL BA CAN YIN NO
ZHES BYA BA DE DAG NI RTAGS LAS BYUNG BA'O, ,ZHES ZER,

RO; ,RGYU LA 'BRAS BU BKAG PA MED, ,LDAN PA'I RTOGS PA GRUB PA MED,
,GNYIS DANG LDAN PHYIR THA DAD MIN, ,ME DANG DU BA'I LDAN PA NI,
,CHA 'GA' ZHIG LAS MA YIN PAS, ,DU BA THAMS CAD GO BYED DAM, ,ME YI
GSAL BA GO BYAR 'GYUR, ,DE BZHIN DU BA

LA SOGS PA 'ANG, ,'GAL PA LA YANG SRID PA'I PHYIR, ,RTAGS KYI SPYI
GZHAN RTAGS MIN ZHING, ,BYE BRAG RNAMS KYANG RTAGS CAN MIN,
,GZHAN GYI LTAR NA THAMS CAD NAS, ,GO BYA GO BYED DU THAL 'GYUR,
,ZHES BYA BA BSDU BA'I TSIGS SU BCAD PA'O, ,YUL

@005B DANG DUS LA LTOS SU CHUG ,RGYU NI KHONG DU CHUD MI 'GYUR,
,'BREL PA KHYAD PAR MED PA'I PHYIR, ,GZHAN YANG SRID PHYIR GNYIS MA
YIN, ,GANG ZHIG 'GAL BA DE RTAGS MIN, ,'BREL PA MED PHYIR RTAGS BLO
MIN, ,RTAGS LAS BYUNG BAR BSTAN PA'I PHYIR, ,THAMS

CAD RTAGS SU BRJOD MA YIN, ,DRAN PAS 'BREL CAN DU GRUB 'GYUR,
,'BRAS BU LA SOGS MDOR MA MTSON, ,THA MA GSAL BYED DU MI 'GYUR,
,DON MED GZHAN LAS KYANG DE GRUB, ,GRANGS CAN PA RNAMS NA RE,
'BREL PA MNGON SUM PA GCIG LAS LHAG PAR

GRUB PA'I RJES SU DPAG PA'O ZHES ZER RO, ,DE LA MNGON SUM PA GCIG
LAS ZHES PA RIGS PA MA YIN TE, RANG DON TZAM LA LTA BA'I PHYIR, ,DE
MA SHES PAR DE RTOGS PHYIR, ,KHYAD PAR MED PHYIR GNYIS NAS MIN,
,DE LA RTAGS DANG RTAGS CAN MED, ,SO SOR MA

SBYOR THA DAD LAS, ,RJES SU 'GRO BA GA ZHAN MIN PHYIR, ,GAL TE
GZHAN MIN RNAM LNGA MIN, ,GTZO BO'I CHA NAS BRGYA LAM NA'ANG,
,SKYED BYED NYID DU 'GYUR MA YIN, ,THA DAD NA YANG SKYED BYED
MIN, ,DE LAS KUN TU THOB 'GYUR PHYIR, ,GTZO BO LA SOGS KYI GCIG
SOGS, ,

THA DAD RNAMS KYI RJES 'GRO NYID, ,LA SOGS GANG LAS YONGS SU 'DZIN,
,DE YI PHYIR 'DI GSAL BYED MIN, ,DE BZHIN NOR DANG NOR CAN LA, ,SOGS
PA'ANG GSAL BYED MA YIN ZHING, ,'BREL GZHAN LAS KYANG DE MTSON
PHYIR, ,'BREL MED NYID DU YANG DAG BRJOD, ,

NOR DANG NOR CAN LA SOGS TZAM, ,RTAGS CAN 'DZIN PA YIN NA NI, ,'BREL
PA LA YANG GZHAN SHES PA, ,RNAM PA KUN TU 'DZIN PAR 'GYUR, ,GSAL
BYA GSAL BYED KYI DNGOS PO, ,GAL TE GCIG YIN RNAM BDUN MIN, ,RJES
DPAG MA YIN DRAN PAR 'DOD, ,

NGES PAR BZUNG PAR RIG PA MIN, ,YANG SMRAS PA, 'BREL PA BDUN DU
BSTAN PA DANG, ,RJES SU DPAG PA GNYIS NYID DANG, ,DE SNGON SONG
BA'I RJES DPAG NI, ,GSUM STE 'DI RNAMS GANG DU BSDU, ,'BRAS BU MED
PHYIR DE RTAGS MIN, ,'BREL PA GZHAN

@006A *, ,DAG 'OS MA YIN, ,DPYOD DANG BCAS PAR BRJOD PAR BYA, ,YOD
PA'ANG DPYOD PA DANG BCAS PHYIR, ,GZHAN PA LAS KYANG RAB TU GRUB,
,GTZUG PHUD CAN DON GCIG RTOGS DES, ,THA DAD THA SNYAD YOD MIN PA'AM,
,SKYES BU'I RNAM KUN

RTOGS PAR 'GYUR, ,DPYOD PA BAS BRJOD PA, MNGON SUM SNGON 'GRO
CAN YIN PHYIR, ,RJES DPAG LA SOGS MDOR MA MTSON, ,ZHE NA DRAN 'DOD
ZHE SDANG DANG, ,RTZOL BA LA SOGS TSAD MAR GYUR, ,'BREL PA MED
LAS GZHAN GZHUNG LAS, ,BTON TE GCIG

TU BSDUS NAS NI, ,RJES DPAG LA SOGS BSTAN PA STE, ,MNGON SUM SNGON
'GRO CAN MA YIN, ,LDAN SOGS YUL LA DBANG BLO MED, ,YUL LA'ANG DE
DAG YOD MA YIN, ,LDAN BRJES DPAG GI RTAGS MI NA, ,LDAN PA CAN NI
RANG NGO BOS, ,KHONG DU CHUD PAR

BYED MA YIN, ,GZHAN MIN MNGON SUM YANG MA YIN, ,GANG DU RJES
DPAG LA SOGS 'DI, ,BKAG PAS DE BZHIN 'DI YANG 'GOG ,DON NI RNAM
GNYIS MTHA' GCIG TU, ,NGES TE RJES DPAG CIG SHOS BRDZUN, ,NAG PA
KHYIM NA MED PA LA, ,PHYI NA YOD PAR

MTSON PA MIN, ,KHYIM GYI SGRA YI DON LAS 'DI, ,PHYI NA YOD PAR RAB
TU RTOGS, ,TSAD MA KUN LAS BTUS PA LAS RANG DON GYI RJES SU DPAG
PA'I LE'U STE GNYIS PA'O,, ,,GZHAN DON RJES SU DPAG PA NI, ,RANG GIS
MTHONG DON RAB GSAL BYED, ,DE

LA DPAG BYA BSTAN PA NI, ,RTAGS KYI DON GYI YUL DU 'DOD, ,RANG GI
NGO BO NYID DANG BSTAN, ,RANG DANG 'DOD 'GYUR MA GSAL BA, ,MNGON
SUM DON DANG RJES DPAG DANG, ,YID CHES GRAGS PAS RANG BRTAN
LA'O, ,RIGS PA CAN RNAMS NA RE, BSGRUB BYA STON ZHES PA

'DI LA, ,SGRUB BYED TZAM DU DON GYIS BYAS, ,DE LTAR NA NI RTAGS
DANG DPE, ,MA GRUB PA YANG BSGRUB BYAR 'GYUR, ,SGRUB CHOS YIN NA
CHOS MTHUN MED, ,CHOS CAN BA SGRUB BYA RTAGS DON MED, ,GANG DU
NGES GZUNG DON MED 'GYUR, ,CIG SHOS LTAR NA 'DONG MIN 'GYUR, ,

@006B RTZOD PA BSGRUB PA LA BRJOD PA, ,DE BZHIN BSGRUB BYAR BRJOD
PA LA, ,PHYOGS NYID PHYIR NA SRID MA YIN, ,RNAM PAR DPYOD PA'I 'DOD
PA 'DI, ,MI 'DOD PA LAS LOG PA TZAM, ,RIGS PA CAN PA LA BRJOD PA, ,DAM
BCA' GTAN TSIGS DANG 'GAL BAS, ,DAM

BCA'I SKYON ZHES RIGS PA MIN, ,LEGS PAR MA BSLABS PA RNAMS KYI, ,DE
NI CHOS MI MTHUN DPER BRJOD, ,RTAGS NYE 'JAL GYIS 'DI BSGRUB BYA,
,MA YIN 'GAL BA DANG LDAN MIN, ,GANG ZHIG BSGRUB BYA'I CHOS KYI
RTAGS, ,DE LTAR SNANG BA PHAL CHE BAS, ,

DES NA GTAN TSIGS SOGS DON KYI, ,SNGON DU RGYAS PAR DE BSTAN BYA,
,MTHUN PHYOGS LA YOD MED RNAM GNYIS, ,PHYOGS KYI CHOS LA'ANG
RNAM PA GSUM, ,MI MTHUN PHYOGS LA'ANG SO SOR NI, ,YOD MED GNYIS
KA'I BYE BRAG PHYIR, ,BSGRUB PA BSGRUB BYA

YIN PA'I PHYIR, ,CHOS DANG CHOS CAN KHA YAR BA, ,DNGOS SU MIN YANG
DE'I PHYOGS GCIG ,YIN PHYIR BSGRUB BYAR BRTAGS BRJOD PA, ,GNYIS KA
LA GRUB CHOS DE LAS, ,THA SNYAD YIN PHYIR GNYIS KA LA 'AM, ,GANG
YANG RUNG LA BZLOG PA YI, ,THE TSOM CHOS GRUB 'DOD

MA YIN, ,MI 'DOD THAMS CAD SUN 'BYIN DU 'ANG, ,GNYIS KAR RAB TU
GRUB NA NI, ,SUN 'BYIN PA YANG SGRUB PAR BYED, ,GZHAN GYIS SLAR
YANG SGRUB NA 'DOD, ,CHOS CAN CHOS CAN GYIS BSGRUB MIN, ,CHOS DES
CHOS KYANG MA YIN GYI, ,'DI LTAR CHOS KYIS CHOS SGRUB

CING; ,SGRUB PHYIR CHOS CAN YANG DE BZHIN, ,DAM BCA' RTAGS KYI
NGAG GIS GANG, ,MI 'DOD PA LA THAL BA RTZOM, ,DE NI LEN ZHES SHES
BYA STE, ,DE YI SGO NAS SBYOR PHYIR RO, ,GTAN TSIGS BSGRUB BYA'I RJES
'GRO GANG, ,MED LAS MED PAR BRJOD PAR BYA, ,DER NI LNGA

PA'I MTHA' CAN DPE, ,RTAGS KYIS NYE BAR SBYAR LA 'DOD, ,GANG DU GSAL
'ONGS KYIS BRJOD PA, ,GTAN TSIGS MED PAR 'GYUR BA NI, ,DPE GNYIS LAS
NI GRUB PHYIR RO, ,DES NA RNAM LDAN GZHAN LAS MIN, ,THAL 'GYUR
PHYOGS CHOS CAN MIN PHYIR, ,KHAS BLANGS SNGON DU

@007A *, ,SONG BA LAS, ,DE BZHIN RTAGS DANG DAM BCA' YIS, ,SKYON
BRJOD SUN 'BYIN DU SHES BYA, ,THA DAD MED PA DE NYID CES, ,BYAS NAS
GZHAN LA STON PAR BYED, ,MTHUN PHYOGS ZHES PA PHYOGS LA STE, ,'DI
LA'ANG THA DAD CES MI 'DOD, ,DE GZHAN

DANG NI DE 'GAL TE, ,MI MTHUN PHYOGS RNAMS GNYIS LA YANG, ,RTAGS
MED PAS NA 'GAL BA MED, ,RNAM PA BCAD PA LAS GYUR YIN, ,MTHUN
PHYOGS LA YOD MIN PA NYID, ,MTSAN NYID GCIG NYID YIN MOD KYANG,
,DON DU MA LA 'JUG PA'I RIGS, ,SPYI LA NGES 'GRO

BLON PO YIN, ,GZHAL BYA BYAS DANG MI RTAG DANG, ,BYAS DANG MNYAN
BYA RTZOL LAS BYUNG, ,MI RTAG RTZOL BYUNG REG BYA MIN, ,DE DGU
RTAG PA LA SOGS PA'O, ,DE GANG MTHUN PHYOGS LA YOD GNYIS, ,DE MED
PA LA MED PA STE, ,DE RTAGS 'DI LAS BZLOG PA STE, ,'GAL

BA GZHAN RNAMS MA NGES PA'O, ,BRJOD PAR 'DOD PA'I GRANGS GCIG
NYID, ,'GAL BA DAG LA THE TSOM PHYIR, ,DE BZHIN THE TSOM RTAGS
GNYIS LAS, ,GCIG TU NGES PA MTHONG BA YIN, ,MTSAN NYID GNYIS DANG
LDAN PA NI, ,GNYIS GNYIS SU 'DOD RE RE MIN, ,DU MA YIN

YANG MI 'GAL NA, ,SHIN TU BAR YANG GCIG LA 'JUG ,GANG DAG THUN
MONG MIN PA DANG, ,SPYI DANG 'GAL BA MI 'KHRUL BA'I, ,CHOS RNAMS
THAMS CAD DU DE LA, ,THE TSOM SKYED PA'I RTAGS RNAMS YIN, ,PHYOGS
KYI CHOS DANG LDAN GANG LA, ,SHES 'DOD BZLOG PAS

GNOD PA DANG, ,THE TSOM NYID DU 'GYUR LAS GZHAN, ,GTAN TSIGS LTAR
SNANG YOD MA YIN, ,CHOS DANG CHOS CAN RANG NGO 'AM, ,DE YI BYE
BRAG YIN YANG RUNG, ,PHYIN CI LOG TU GRUB PA'I PHYIR, ,DE LA GNOD
PAS 'GAL BA YIN, ,THUN MONG DANG NI KHYAD PAR GYI, ,CHOS DANG

BSGRUB BYA LA GNYIS SO, ,DE LA DANG PO GNYIS THE TSOM, ,LHAG MA
LTOS NAS GSUM DU PHYE, ,RJES SU ZHUGS DANG MA ZHUGS LAS, ,LDOG
DANG RJES 'GRO GRUB MIN PHYIR, ,GCIG LA NGES PAR ZHUGS PA DANG,
,LOG PA MIN PA RTAGS SU 'GYUR, ,GNYIS KAR GYUR PA SRID

@007B PA YIN, ,YOD PA GNYIS KA MIN PA'ANG MIN, ,GANG DU MED DE RNAM
BCAD DU, ,GRUB DON DON GZHAN SGRUB PAR BYED, ,GCIG DE GZHAN LA
GNYIS SU GRUB, ,GAL TE ZHUGS BA BZHIN GRUB NA, ,DKAR GZUGS YON
TAN RTEN BA LAS, ,RIM PA RIM DU BZLOG RIM

LA; ,GSUM GNYIS GCIG TU RTOGS PAR 'GYUR, ,GCIG GI TSIG TU BSTAN PA'I
PHYIR, ,DE YI BSGRUB BYA BZLOG PA LAS, ,'GAL BA GANG DU ZHUGS PA NI,
,DE YI BYE BRAG LA RMONGS PA'O, ,RTZOD PA SGRUB BA LA BRJOD PA, ,DE
MTHUN MED LA MED PA YI, ,CHOS BSTAN

RTAGS SHES PA DE LA, ,DE MTHUN MED LA MED PA NYID, ,CES SBYOR THUN
MONG MI RTAG 'GYUR, ,MED PA NYID LA ZHES NGES GZUNG, ,KHYAB
MNYAM 'BA' ZHIG RTAGS SU 'GYUR, ,DE MTHUN NYID CES 'DOD MA YIN,
,GCIG LA RNAM PA DU MA MTHONG, ,DE'I BDAG NYID

CES STON CE NA, ,GTAN TSIGS BRJOD PAS NUS MA YIN, ,YANG DAG DON
BZHIN NA RNAM PA, ,GANG ZHIG GANG LA ZHES MA BRJOD, ,SHES PAR
BYED LAS 'DAS PA BZHIN, ,DON GYI SGRUB BYED MTHONG MA YIN, ,MIG GIS
GZUNG BYA NYID SOGS SGRA, ,MI RTAG RTAGS SU

THAL BAR 'GYUR, ,MA BSTAN PA ZHES BRJOD PAS DE, ,JI LTAR GANG LA
ZHES MA BRJOD, ,LHAN CIG RGYUD LAS BSGRUB BYA LA, ,DE MIN DPE
GNYIS LAS 'GYUR BAS, ,MI RTAG NYID SOGS MTHONG BA STE, ,BSGRUB
BYAR GZHAN DAG 'DOD DAM CI, ,RIGS PA CAN PA RNAMS

NA RE, CHOS MTHUN PA LAS DPER BRJOD PA DE BSGRUB BYA BSGRUB PA'I
GTAN TSIGS SO ZHES PA DE LA, GAL TE CHOS MTHUN SGRUB BYED NA, ,CHA
SHAS DAG MIN LNGA PA MIN, ,NGAG CES KHYAD PAR CAN DU 'GYUR,
,SGRUB BYED NYID DU MI RIGS PAS, ,GNYIS KA 'ANG GZHAN DU

THOB PAR 'GYUR, ,CHOS MTHUN GTAN TSIGS DE MA YIN, ,MA YIN DE YANG
SKYON GNYIS PHYIR, ,GNAS SKABS LA YANG GZHAN MI SRID, ,RANG RANG
MTSAN NYID KYIS GNOD PHYIR, ,RNAM PAR BRTAGS PA SRID MA YIN, ,DE
PHYIR DRUG PAR DE LA YANG, ,KHYAD PAR DON

@008A *, ,MED PAR 'GYUR RO, ,NGAG KUN MI 'DOD ZHE NA GANG, ,'DOD DE
KHYAD PAR CAN DU GYIS, ,DGOS PA MED PAR DNGOS KYI NI, ,SGRA LAS
BRGAL BAR 'DOD MA YIN, ,RNAM GRANGS TZAM SPYIR BTANG BA LA,
,DMIGS BSAL YOD PAR SRID MA YIN, ,DER

SNANG GIS STONG CHOS GZHAN DANG, ,MTSUNGS TE GTAN TSIGS NYID DU
'GYUR, ,BYE BRAG PA RNAMS NI DE DANG LDAN PA'I CHOS GTAN TSIGS SO,
,ZHES RJOD PAR BYED DO, ,DE LA YANG, SPYI NYID CHOS SU THAL BAR
'GYUR, ,CHOS DANG CHOS CAN BSGRUB BYA MIN, ,KHYAD PAR

BSGRUB BYA DANG LDAN PA'I, ,CHOS THOB GZHAN GYI MA NGES PA,
,MKHA' SOGS YOD NYID BSGRUB PA YI, ,SBYOR BA 'ANG DGOD PAR MI BYED
'GYUR, ,SER SKYA RNAMS NA RE DE'I SBYOR BA NYE BAR BTAGS PA'I BYE
BRAG GI RJES SU DPAG PA RNAM PA GNYIS TE, RNAM PA LDAN PA DANG
GSAL

TE 'ONGS PA'O ZHES PA 'DI LA, ,TSAD MA'I YUL MI SHES PA'I PHYIR, ,BSGRUB
BYA'I CHOS KYANG SGRUB BYED 'GYUR, ,RGYAS PA'I NGAG MIN BRJOD MA
YIN, ,GTZO BO RJES 'GRO DANG LDAN MIN, ,NGAG KYANG NYE BAR 'JAL MI
RIGS, ,DAM BCA'I DON DANG 'GAL BAR 'GYUR, ,RTZOD

PA MED PHYIR YOD TZAM MIN, ,THA DAD SHING SHUN LA SOGS BZHIN,
,RJES 'GRO THAMS CAD SGRUB CE NA, ,RIGS GCIG RJES SU 'GRO BA CAN,
,GZHAN DU 'BRAS BU GCIG PU NYID, ,NYE BAR LEN PA LA'ANG DER 'GYUR,
,PHYI MIN GNYIS KAR SKYON YOD PHYIR, ,KHAS BLANGS

NA YANG 'GAL BA NYID, ,MA NGES PAR YANG 'GYUR DPE NI, ,BSGRUB BYAS
PHONGS KYANG DE YOD MIN, ,DRUG MIN KHYAD PAR LAS YIN NO, ,'GEGS
PA'I GTAN TSIGS GNYIS MA YIN, ,SBYOR BA GNYIS KYANG RIGS MA YIN,
,RJES THOGS NA NI ZLOG PA LA, ,GCIG GSAL

BA LA DE MI RIGS, ,RNAM LDAN BZHIN DU LNGA NYID MIN, ,RGOL BA RE RE
BKAG PA LAS, ,GAL TE RJES THOGS MI 'DOD NA, ,RGOL BA'I LAN LA MTHA'
MED NYID, ,GSAL 'ONGS RNAMS SU THAL BAR 'GYUR, ,ZHES BYA BA BAR
SKABS KYI TSIGS SU BCANG PA DAG GO, ,RTZOD

@008B PA BSGRUB PA NAS NI MA GRUB DBYE BA BRJOD MA YIN, ,'KHRUL PA
LA YANG BRJOD MA YIN, ,DE NI THUN MONG MIN PA'ANG YIN, ,'GAL BA MI
'KHRUL PA CAN YANG, ,'GAL BA GCIG NI MTSUNGS PAR RO, ,GCIG NI MA
GRUB THUN MONG MIN, ,BZLOG PA YI NI RGYU MTSAN

DANG, ,'DOD LA GNOD BYED KYANG MA BRJOD, ,RIGS PA CAN RNAMS KYI
'KHRUL PA DANG BCAD PA NI MA NGES PA STE, KHYAD PAR YOD MIN,
,GRUB PA'I MTHA' KHAS BLANGS PA LAS 'GAL BA CAN 'GAL BA'O ZHES PA
LA, 'GAL BA GZHAN YANG DE BZHIN MIN, ,GANG LAS SKABS

SU BAB PA DE, ,GTAN LA DBAB PA'I PHYIR NYE BAR 'GOD PA'I SKABS DANG
MTSUNGS SO ZHES ZER BA 'DI LA, MA NGES PAR 'GYUR, BSGRUB BYA DANG
KHYAD PAR MED PA SGRUB PA'I PHYIR BSGRUB BYA DANG MTSUNGS PA'O,
,ZHES PA 'DI LA MA GRUB MIN, ,DUS LAS NUR NAS BRJOD PA...NI DUS LAS
'DAS

PA'O ZHES PA 'DI LA, MA TSANG BSGRUB BYA SGRUB PA'I PHYIR, ,BYE BRAG
PA'I LTAR NA, MED PA 'AM NI 'GAL BAR 'GYUR, ,BZLOG PA MA TSANG BRJOD
PA YIN, ,TSAD MA KUN LAS BTUS PA LAS GZHAN GYI DON GYI RJES SU DPAG
PA'I LE'U STE GSUM PA'O,, ,,TSUL

GSUM RTAGS SHES BRJOD PA LAS, ,PHYOGS KYI CHOS SU LEGS GNAS PA'I,
,LHAG MA TSUL GNYIS SU GRAGS PA, ,DPE YIS RAB TU STON BAR BYED,
,BSGRUB BYA'I RJES SU 'GRO BA'I RTAGS, ,BSGRUB BYA MED NA MED NYID
GANG, ,CHOS MTHUN CIG SHOS DANG BCAS NYID, ,

DPE LA RAB TU BSTAN PAR BYA, ,MA YIN DGAG NI DGAG PA DANG, ,DE
BZHIN MTSAN NYID MED PA YANG, ,MA BYAS PA LAS RTAG PA 'AM, ,'JIG PA
LAS 'DIR 'BRAS NYID DU, ,'DI NI RJES SU BRJOD BYAS NA, ,MA KHYAB 'DOD
MIN MTSUNGS ZHES 'GRO, ,THUN MONG DANG NI KHYAD

PAR NYID, ,'GAL BA'ANG SGRUB BYED NYID DU 'GYUR, ,RE RES GNYIS KA
MA BRJOD PA, ,DES NA DPE BRJOD GNYIS SU BRJOD, ,RANG GIS NGES PA
BZHIN GZHAN LA, ,NGES PA BSKYED PAR 'DOD PA YIS, ,PHYOGS CHOS NYID
DANG 'BREL PA DANG, ,BSGRUB BYA BRJOD BYA GZHAN

@009A *, ,RNAMS SPANG, ,DPE NI RTAGS LAS LOGS PA RU, ,BRJOD PAR BYA
BA MA YIN TE, ,GTAN TSIGS KYI DON STON PA'I PHYIR, ,NYER 'JAL BZHIN DU
DON MED MIN, ,RTAGS KYI 'BREL PA BSGRUB PA'I PHYIR, ,GAL TE DPER
BRJOD GNYIS YIN NA, ,DPE

NI LOGS SHIG NYID DU NA, ,LOGS YIN 'JIG RTEN DANG MTSUNGS 'GYUR, ,DE
DAG GIS NI DPE BRJOD LA, ,CHOS MTHUN 'BA' ZHIG RJOD PAR BYED,
,BSGRUB BYA SGRUB BYED NYID SPANGS NAS, ,DE LTAR NYER 'JAL TZAM
POR 'GYUR, ,CHOS MI MTHUN PA DE LA YANG, ,

NYER 'JAL LDOG PA MIN CHED DU, ,CHOS MI MTHUN PA'I SBYOR BA DES, ,MI
MTHUN PHYOGS DANG STABS GCIG STON, ,LDOG PA RNAM PAR BRJOD PA
NA, ,BSGRUB BYE SGRUB PA'I GTAN TSIGS SAM, ,DE YI KHYAD PAR YIN
YANG RUNG, ,MTSUNGS STON THUG PA MED PAR 'GYUR, ,

PHYOGS KYI CHOS NYID TZAM GTAN TSIGS, ,YIN NA 'KHRUL PA CAN YANG
'GYUR, ,GNYIS KA BRJOD LA MI 'GYUR ZHE, ,DGU YI NANG NAS GNYIS SRID
DO, ,DPE BSTAN TO, ,GTAN TSIGS BSGRUB BYA GNYIS KA MED, ,MI MTHUN
PHYOGS LA MED MA BYAS, ,RJES 'GRO PHYIN

LOG RNAM PA GNYIS, ,LTAR SNANG RJES 'GRO MED PA MIN, ,RTAGS MED
SOGS DANG DPE MED DANG, ,RJES 'GRO PHYIN CI LOG LA SOGS, ,'BREL PAR
MA BSTAN PA YI PHYIR, ,NYER 'JAL 'BREL PA TZAM MA YIN, ,ZHES BYA BA
BAR SKABS KYI TSIGS SU BCAD PA DAG GO, ,RTZOD PA

BSGRUB PA NAS NI DE DAG GI 'BREL PA DES PAR BSTAN PA NI DPE'O ZHES
PA LA, DE DAG GI ZHES BRJOD MI BYA, ,PHAN TSUN BSGRUB BYA NYID MIN
PHYIR, ,CHOS MTHUN TZAM GYIS LHAN CIG TU, ,RGYU BAR STON PA YANG
MA YIN, ,DON GYIS GZHAN YANG BRJOD CE NA, ,MI MTHUN PHYOGS DE

BRJOD MI BYA, ,MED MI 'BYUNG GI 'BREL PA DE, ,MI MTHUN PHYOGS KYIS
BSTAN PA NA, ,BSGRUB BYA MA BZUNG 'GA' YOD MIN, ,GZHAN NI DE YIS
BSGRUB PA'I PHYIR, ,SGRUB PA BSTAN PA NYID KYIS KYANG, ,MI 'BOD PA YI
RTAG PA THOB, ,GCIG PA NYID NI DPE YI SKYON, ,

@009B MA YIN NO ZHES BSTAN ZIN TO, ,RIGS PA CAN RNAMS NA RE, BSGRUB
PAR BYA BA'I CHOS DANG MTHUN PA LAS CHOS DE RTOGS PA'I DPE DPER
BRJOD PA DANG, DE BZLOG PA LAS TE PHYIN CI LOG LAS SHES ZER RO, ,DE
LA, GO BYED DU DE MTHONG MA YIN, ,GNYIS KA SMOS PA DON MED

'GYUR, ,RNAM GRANGS PHYIR GZHAN LAS GRUB PHYIR, ,BSGRUB BYA'I
CHOS DANG SBYAR MI BYA, ,DPER BRJOD PA LA LTOS NA NI, ,DE BZHIN NOR
ZHES NYER SBYOR BA, ,BSGRUB BYA LA YANG DE BZHIN ZHES, ,NYE BAR
SBYOR BAR RIGS MA YIN, ,SPYI NYID GTAN TSIGS NYID DU BRJOD, ,

BYE BRAG RANG LA RTEN RJES 'BRANG, ,GNYEN PO'I PHYOGS DANG LDAN
PA YIN, ,KHYAD PAR SGO NAS KYANG DER 'GYUR, ,BYE BRAG PA RNAMS
GNYIS KA YI, ,RAB TU GRUB DPE'O ZHES ZER RO, ,DE LA YANG, MKHAS
DPER BRJOD PA'I SBYOR BA 'AM, ,NGAG NI PHYOGS GCIG NYID KYANG

MIN, ,RJES 'GRO RJOD PAR MI PHYED PA, ,DE NI DPE YI GZUGS BRNYAN YIN,
,SGRUB BYED NYE BAR SBYOR DON DU, ,RANG RGYUD YIN YANG DON MED
'GYUR, ,TSAD MA KUN LAS BTUS PA LAS DPE DANG DPE LTAR SNANG BA
BRTAG PA'I LE'U STE BZHI PA'O,, ,,SGRA LAS BYUNG BRJES DPAG

LAS, ,TSAD MA GZHAN MIN 'DI LTA STE, ,RANG GI DON LA BYAS SOGS BZHIN,
,GZHAN SEL SGO NAS STON PAR BYED, ,THA DAD RNAMS KYI RIGS SGRA
MED, ,MTHA' YOD PHYIR MIN 'KHRUL PA'I PHYIR, ,RIGS SAM LDAN SGRA
THA DAD KYI, ,DON LA SO SOR RJOD BYED MIN, ,YANG BRJOD PA, YON TAN
DANG NI

YON TAN CAN, ,YANG BRJOD PA'I RNAM DBYE THA DAD DU, ,NGES PHYIR
GZHI DANG MTHUN PA YI, ,RDZAS DANG SGRA DAG RAB TU GRUB, ,BSDU
BA'I TSIGS SU BCAD PA'O, ,'BREL PA NI 'DIR 'GREL CAN GYI, CHOS KYIS
'PHAGS PAR BRJOD BYA STE, ,DE LTAR DNGOS BYA NAS BRJOD KYI,,

DNGOS PO GZHAN GYIS SBYAR MI BYA, ,'DI YI RIGS KYI SGRA YIS NI, ,BRJOD
PAR BYA BA NYID MI 'THAD, ,RANG BZHIN MED PHYIR DE LDAN MA NI, ,NYE
BAR BTAGS PHYIR MI SRID PHYIR, ,'BANGS LA RGYAL PO BTAGS PA BZHIN,
,BLO'I TSUL LA THA DAD PHYIR RO, ,RIM GYIS RJOD PAR BYED

@010A *, ,PA NI, ,KUNDA DUNG SOGS DKAR PO BZHIN, ,YON TAN GYIS PHAN
BTAGS DNGOS LA, ,BLO MED PAR YANG 'JUG PAR 'GYUR, ,'DRES PA'I TSUL
NAS THAMS CAD DU, ,LOG PA'I SHES PAR THAL BAR 'GYUR, ,SPYI SOGS
MANG PO NYID DANG NI, ,

CIG CAR 'DZIN PA RNAMS LA YANG, ,PHAN 'DOGS PA NI 'GAL BAR 'GYUR,
,GZI YI KHRA BO THAMS CAD MTHONG, ,DE DAG THA DAD RNAMS LA YANG,
,DE DANG LDAN PA'I SKYON DE MTSUNGS, ,RIGS RANG NGO BO 'AM DE
LDAN GYI, ,NGO BOR GANG LAS SBYOR MI BYED, ,DE LDAN

THA DAD NYID BRJOD PA, ,DE YANG SNGAR NYID GSAL ZIN TO, ,DE LDAN
TZAM YANG 'BREL PA 'AM, ,YOD PA YIN ZHES RNAM PAR DPYAD, ,BUM PA
SOGS KYIS DE LDAN DON, ,SNAM BU SOGS LA 'JUG MIN NA, ,SPYI YI DON DE
JI LTA BU, ,SGRA DON 'BA' ZHIG PA DANG MTSUNGS, ,

DE YANG RGYU MTSAN MED PAR 'DOD, ,GAL TE GCIG LA SNGO SOGS BZHIN,
,DE LTA'ANG MA YIN KHAS BLANGS KYANG, ,RIGS LA RIGS MED PAS DE MIN,
,DON GYIS 'PHANGS PA MA NGES PA'O, ,DES NA SGRA LA'ANG GZHAN SEL
BYAS, ,YANG BRJOD PA, ,BRJOD PAR BYA BA MANG YOD

KYANG; ,SGRA YIS RNAM KUN RTOGS MA YIN, ,RANG DANG RJES SU 'BREL
PA'I DON, ,RNAM GCOD NGAG GI 'BRAS BU YIN, ,SGRAS KYANG CHOS GANG
DU MA YI, ,DON LA 'JUG PA MA YIN GYI, ,SBYAR BYA DE NYID LA STE
SGRA'I, ,YON TAN NYID SOGS KYIS MA YIN, ,ZHES BYA BSDU

BA'I TSIGS SU BCAD PA DAG GO, ,SEL BAS THA DAD DON CHA'I PHYIR, ,RANG
DON THA DAD RTOGS LA RMONGS, ,GCIG LA THA DAD 'BRAS MED PHYIR,
,KHYAD PAR BYED DANG KHYAD PAR BYA, ,DE NI SNGON PO RKYANG PA
YIN, ,AUTPA LA RKYANG MA YIN TE, ,BSDUS PA BRJOD BYA YIN PHYIR

NGO; ,KHA DOG BZHIN DU DON MED 'GYUR, ,KHA DOG GI DON CUNG ZAD
KYANG, MIN NA'ANG TSIG GNYIS LAS DE YI, ,BRJOD BYA RTOGS NA DE NLA
YANG, ,YAN GAR BA DE RTOGS PA YIN, ,PHAN TSUN GCIG PAR THAL 'GYUR
PHYIR, ,'DUS LA GCIG NYID YIN MA YIN, ,

@010B 'DUS PA DU MAR THAL BAR 'GYUR, ,SGRA DAG RANG DON SPONG MA
YIN, ,THE TSOM ZA PHYIR GZHAN SEL MIN, ,GCIG LAS RNAM GRANGS SU
'GYUR RO, ,THA DAD NA YANG GNYIS KAR MIN, ,DON GYI RDZAS DANG YON
TAN DAG ,GAL TE DON GCIG LA 'JUG NA, ,SPYI DANG BYE

BRAG GNYIS YOD MIN, ,DE LDAN GNYIS KYANG YOD MA YIN, ,DE BZHIN DU
SGRA RIGS DANG NI, ,YON TAN TZAM ZHIG BRJOD PAR 'GYUR, ,DE LDAN
BRJOD PA NYID LA NI, ,MTSUNGS MI MTSUNGS SU THAL BAR 'GYUR,
,MTSUNGS PHYIR BRJOD PAR MI 'DOD CE, ,

BA LANG RTA LA SOGS LA'ANG MA TSUNGS, ,DER BYE BRAG TU MA BYAS
ZHE, DU MAR BYAS PA 'DUS PAR 'GYUR, ,GZHAN YANG 'DOD PA LA YANG
MED, ,YON TAN RDZAS DAG GSAL MIN 'GYUR, ,THA DAD RJOD BYED THA
DAD LAS, ,ZHE NA RANG LAS KHYAD MED SGRA, ,

GSAL BYED GSAL BA THA DAD LAS, ,PHAN TSUN RTEN PA THOB PAR 'GYUR,
,RANG BZHIN DU MA DANG GCIG GI, ,PHAN TSUN GSAL BA MANG POR
'GYUR, ,YANG BRJOD PA, ,YON TAN NUS PA RJOD BYED KYI, ,DBYE BAS THA
DAD RAB TU BTAGS, ,GCIG MANG

PO DANG 'BREL PA'I PHYIR, ,DU MA NYID DU THAL BAR 'GYUR, ,ZHES BYA
BA BAR SKABS KYI TSIGS SU BCAD PA'O, ,KHYAD PAR BYED DANG KHYAD
PAR DU, ,BYA NYID RANG DBANG MIN SNGAR BRJOD, ,GZHAN NYID DU MIN
SPYI DANG NI, ,THA DAD RNAM GRANGS BRJOD BSKUL YIN, ,'GAL

MED PHYIR NA TSOGS PA YANG, ,DE BZHIN DON GZHAN RJOD PAR BYED,
,YANG BRJOD PA, DE TZAM 'DOD PA'I PHYIR THA DAD, ,RANG DANG SPYI YI
DOR MA YIN, ,MA BZUNG NA NI DON GCIG LA, ,'DI DAG THE TSOM BSKYED
PAR MTSUNGS, ,DU MA YIN DU ZIN KYANG SPYI, ,

KHAS LAN THA DAD KYI SA MI 'KHRUL, ,KHYAD PAR BYED DANG KHYAD
PAR DU, ,BYA BA DE DAG NYID MTSUNGS MIN, ,ZHES BYA BA BSDU BA'I
TSIGS SU BCAD PA DAG GO, ,THA DAD THA DAD GZHAN RNAMS DANG, ,'GAL
BA'I PHYIR NA SEL BAR BYED, ,SPYI GZHAN THA DAD DON RNAMS KYI, ,

@011A *, ,RANG DAG SPYI DAG 'GAL BA YIN, ,DE DE'I DNGOS SU GSAL BYA
MIN, ,SPYI NI MTSUNGS PA NYID MA YIN, ,DE GZHAN KHYAD PAR GZHAN
RNAMS DANG, ,DE YI SEL BAR 'GYUR MA YIN, ,GANG ZHIG GZHI MTHUN
'GYUR PA DE, ,YON TAN DANG

NI YON TAN GZHAN, ,DE RDZAS GCIG LA 'JUG PA'I PHYIR, ,GZHI YIS MI 'GAL
BAR BYAS NYID, ,MA MTHONG PHYIR YANG SEL BA YIN, ,RANG THA DAD LA
SPYI SEL 'GYUR, ,GZHAN MI RIGS PAS MTHONG BA'I PHYIR, ,DE LTA DE
SNANG LA THE TSOM, ,THE TSOM ZA

PAR RIGS SHE NA, ,NGES PAR YAN GAR BA LA DE, ,YAN GAR THA DAD LA
MED CE, ,NYAN PA PO LA LTOS PA MTHONG, ,SGRA GZHAN RNAM PAR BCAD
NAS NI, ,SGRA YIS SPYI RJOD BYED PA YIN, ,DON GANG LA GCIG THE TSOM
ZA, ,DU MAR THE TSOM ZA

NA YANG, ,SGRA YI DON GZHAN MA MTHONG YANG, ,RANG DON CHA SHAS
STON PA'I PHYIR, ,SGRA YI 'BREL PA NYID DU SLA, ,'KHRUL PA NYID KYANG
BRJOD MA YIN, ,YANG BRJOD PA, SHING DANG SA LAS 'BYUNG DANG RDZAS,
,YOD DANG GZHAL BYA RIM BZLOG LAS, ,BZHI

GSUM GNYIS GCIG THE TSOM DU, ,'GYUR GZHAN NGES PA'I RGYU MTSAN
YIN, ,ZHES BYA BA BAR SKABS KYI TSIGS SU BCAD PA DAG GO, ,GZHAN LA
KHYAB BA BKAG PA'I PHYIR, ,THA DAD DON DES THA DAD MIN, ,DNGOS 'JUG
THA DAD MIN PHYIR YANG, ,THA DAD THUG

PA MED PHYIR DANG, ,RIGS KYI CHOS RNAMS RNAM PAR GNAS, ,GANG LAS
GZHAN SEL NGES SHE NA, ,'JIG RTEN GRAGS PA'I RJES MI BTZAL, ,DE LTAR
GZUGS NYID LA MTSUNGS 'GYUR, ,MIG GZUNG BYA NYID BYA BAR BYAS,
,RDZAS LA SOGS LA'ANG THAL BAR

'GYUR, ,DKAR MIN SOGS LA KHYAD MED 'GYUR, ,RJES 'GRO 'BA' ZHIG LAS
'GRUB 'GYUR, ,KHYAB PA DNGOS SU 'DOD MA YIN, ,THAMS CAD MED PA
DANG 'BREL ZHES, ,GANG ZHIG KHAS LEN DU 'GRO NA, ,YOD DE DU MA'I
BDAG NYID LAS, ,YIN ZHES

@011B CI ZHIG GANG GIS SBYOR, ,'JIM PA'I THA DAD LAS KHAM PHOR, ,LA
SOGS THA DAD BLOR 'DOD NA, ,MED THA DAD LAS GZHAN MIN YANG, ,THA
DAD CI BLO CI STE DGAG ,YON TAN RNAMS KYI RANG BZHIN MCHOG
,SNANG BA'I LAM DU 'ANG GANG MA GYUR, ,SNANG

BA'I LAM DU GANG GYUR PA, ,DE SGYU MA BZHIN SHIN TU STONG, ,PHAN
TSUN THA DAD DAG YOD KYANG, ,NOG LA SOGS PA MTHONG BA LAS, ,DE
BLO DPER BRJOD 'GAL BA DE, ,KHYOD KYI LUGS LA RTEN PA YIN, ,DE MI
LTOS ZHES PA 'DI NI, ,RANG GI RNAM

RTOG SPROS PAR ZAD, ,SEL BA MIN PA'I SGRA YIS NI, ,RANG BZHIN 'GAL
YANG BRJOD MI BYA, ,THOG MA MED PHYIR 'DOD PA GRUB, ,SPYI YI SGO
NAS SEL BAR BYED, ,BDAG GZHAN YOD PAR KHAS LEN NA, ,GCIG NYID DU
NYID KYIS BTAGS PA, ,DE

DAG DNGOS PO LA MI RIGS, ,KHYOD KYI 'ANG GSAL BA NUS PAR 'GYUR,
,SGRA YI BRJOD DON LA SPYOD PA, ,'DI YANG DBANG PO'I SPYOD YUL MIN,
,GANG ZHIG SGRA LA SOGS PA 'DI'I, ,'JUG PA'I DBANG PO SO SOR MIN, ,GANG
ZHIG TSIG GI BRJOD PA

'DI; ,NGAG LAS DON DU RNAM PAR BRTAGS, ,NGAG DON SO SOR SNANG
BRJOD GANG, ,DE YIS DANG PO NYE BAR SKYED, ,JI LTAR GOMS PA'I NGAG
DAG LAS, ,DON LA MED DU ZIN YANG SKYE, ,RANG GI RKYEN DANG RJES
'BREL BAS, ,RNAM PA DU MA SO SOR RTOGS,,

DE YANG NGAG GI DON GZHAN LAS, ,RNAM PAR BCAD PA'I DON DU 'DOD,
,'GREL PAR SHES PA'I NGAG GI DON, ,'DI YANG RJES DPAG LAS GZHAN MIN,
,GANG ZHIG GANG LAS SKYES PA YI, ,RNAM RTOG SNA TSOGS SHES PA NI,
,DE YANG RANG RIG YIN PAS

NA; ,MNGON SUM NYID LAS GZHAN MA YIN, ,'DOD RGYAL LA YANG DON
DBYE BAS, ,LA LAR DNGOS SU RJOD PAR BYED, ,DE DPER NA, GRANGS DANG
TSAD NYID KYI NI DBYIBS, ,LTOS PA MED PAR RAB TU 'JUG ,CHU LA SOGS
PA'I THIGS PA DANG, ,'DUS

@012A *, ,PA LA YANG RJOD PAR BYED, ,LA LAR NI YAN LAG 'BA' ZHIG LA
'JUG PA MA YIN TE, DPER NA, DBYIBS DANG KHA DOG CHA SHAS KYIS,
,KHYAD PAR BYAS NAS 'JUG PA MIN, ,SGRA YIS DE YI CHA SHAS LA, ,RAB TU
'JUG PA DMIGS MA

YIN, ,RTOGS PA'I DON NI BSTAN PHYIR RO, ,'BREL PA MA YIN BRTAGS PA'I
PHYIR, ,PHYOGS 'DIS LHAG MA RNAMS LA'ANG BRJOD, ,TSAD MA KUN LAS
BTUS PA LAS GZHAN SEL BRTAG PA'I LE'U STE LNGA PA'O,, ,,TSAD SNANG
BRJOD PAR

'DOD RNAMS LA, ,RIGS PA'I CHA SHAS SMRA PO BZHIN, ,PHYOGS GRUB
MTSUNGS PA MA YIN ZHES, ,BSTAN PHYIR MA TSANG LA SOGS BRJOD, ,DE
NYID RAB TU BSTAN PHYIR DANG, ,DE LTAR SNANG BA BRJOD PA'I PHYIR,
,LAN 'DI BRJOD PAR RIGS MA YIN, ,LHAG

CHOD LA NI RJES MTHUN LAN, ,PHRAD DANG MA PHRAD DAG DANG DUS,
,GSUM LA'ANG RTAGS SU BRJOD 'DOD MIN, ,PHRAD DANG MA PHRAD RTAGS
BRJOD DE, ,MA TSANG GTAN TSIGS RJES MTHUN YIN, ,DON RTAGS MA GRUB
LTAR SNANG YIN, ,RTAGS BRJOD MI RTAG PA'I

RJES 'GRO, ,DE DAG MI RTAG PAR NUS MIN, ,PHYOGS KYI SKYON DANG RJES
MTHUN BRJOD, ,SNGAR BRJOD GTAN TSIGS MED PA YIS, ,BSGRUB BYA MED
PAR THAL BAR 'GYUR, ,MA BRJOD PAR MTSUNGS SGRO BTAGS NAS, ,SMRA
PO'I NGAG GIS SGRUB PAR BYED, ,

MA GRUB LTAR SNANG NYUNG LTAR SNANG, ,BRJOD PA LAS SNGAR SGRUB
BYED NA'O, ,BRJOD PA LAS SNGAR RTAGS MIN PHYIR, ,MA GRUB PA DANG
'GAL BA'I NGAG ,MA SKYES PA MTSUNGS RNAM PA GNYIS, ,GNYIS SU SGRO
BTAGS PA LAS 'DOD, ,'BRAS BU GZHAN NYID KYI

CHA NA, ,BSGRUB BYA MI BSGRUB PAR STON PA, ,DE NI 'BRAS MTSUNGS DE
LTA BU, ,SMRA PO'I 'DOD PAS RNAM PA GSUM, ,NGES BSTEN MI MTHUN
PHYOGS DAG LAS, ,CHOS MTHUN DPE YIS GZHAN SGRUB PA, ,CHOS MTHUN
PAR MTSUNGS BZHIN DAG NI, ,CHOS MI

@012B MTHUN PAS MTSUNGS PA NYID, ,GZHAN LAS MA GRUB BSTAN PA'I
PHYIR, ,THUN MONG LTAR SNANG RNAM PA GNYIS, ,GRUB PAR 'DOD PA
MTSUNGS PA'I PHYIR, ,'GAL BA MI 'KHRUL PA CAN BZHIN, ,'DI YANG RJES
'GRO MED PA'I PHYIR, ,DPE LTAR SNANG BA'I SKYON

BRJOD YIN, ,RJES 'GRO PHYIN CI LOG NYID LAS, ,DPE DANG BSGRUB BYA
'DRES PA NYID, ,RTAGS DE'I BDAG NYID KYI DBYE BAS, ,'KHRUL PA LTAR
SNANG RNAM PA GNYIS, ,GTAN TSIGS PHYOGS GCIG TU NGES PA, ,SBYOR BA
SNGA MA LA YOD MIN, ,BYE BRAG

BRJOD PAS CHOS MTHUN LA 'ANG, ,RNAM RTOG MTSUNGS PA 'DI LA YANG,
,'KHRUL PA CAN GYI BYE BRAG GIS, ,RTAG PAR 'GYUR BA DE LTAR SNANG,
,SPYI MIN GYIS KYANG GCIG NYID DU, ,THAL BAR 'GYUR PHYIR BYE BRAG
MED, ,BSGRUB BYA RTAGS KHYAD MED PHYIR YANG,,

MA GRUB PA'I LTAR SNANG BAR 'DOD, ,YANG BRJOD PA, BSGRUB BYA LA NI
GNOD CHOS KYANG, ,MTSUNGS PA NYID KYIS BYE BRAG MED, ,GTAN TSIGS
SKYON LA 'GAL LTAR SNANG, ,SKYON YOD MIN TE PHYOGS PHYI MA,
,BSGRUB BYA LA GNOD SGRUB PA'I PHYIR, ,GNOD MI

BYED PA 'GAL NYID YIN, ,BSGRUB BYA LA GZHAN GTAN TSIGS KYIS, ,BSTAN
NA DMIGS PA MTSUNGS PA'O, ,BSGRUB BYA DU MA BKOD PA LA, ,GTAN
TSIGS DE DANG RJES MTHUN NYID, ,GTAN TSIGS KYIS NI MA KHYAB KYANG,
,BSGRUB BYA'I DNGOS PO RTOGS PA'I

PHYIR; ,MA GRUB LTAR SNANG SGRA GNAS KYI, ,THAMS CAD RAB TU SGRUB
MA YIN, ,THE TSOM BRJOD DON THA DAD LAS, ,GTAN TSIGS THE TSOM
RTZOM PAR BYED, ,BSGRUB BYA SGRO BTAGS MA NGES PA, ,LTAR SNANG
RTAGS MA GRUB LTAR SNANG, ,DON GYIS 'DON MIN

MI MTHUN PHYOGS, ,BSGRUB BRJOD DON GO MTSUNGS 'DIR NI, ,'KHRUL PA
GZHAN GYIS BSGRUB BYA LA, ,DE YIS SGRUB PA DE LTAR SNANG, ,THAL
'GYUR MTSUNGS PAR 'DOD PA YANG, ,GANG YANG GNYIS KA GTAN TSIGS
LAM, ,DE NI DPE LTAR SNANG BA BZHIN, ,

@013A *, ,LTAG CHOD KUN LAS PHYOGS TZAM MO, ,LTAG CHOD RNAMS LA
RTZOD SGRUB TU, ,PHYIN CI LOG DANG BRDZUN NYID DANG, ,'GAL BA NYID
DE SKYON GSUM STE, ,GSUM PO THA DAD DUS MTSON MIN, ,LTAG CHOD
RNAMS KYI MTSAN NYID LAN, ,

DKA' BAR RIGS PA PHRA MOR YANG, ,SHES BYA RIGS PA RTAG PAR YANG,
,LTAG CHOD GZHAN LA DE PHYOGS TZAM, ,YANG BRJOD PA, RTOG GE'I
PHYOGS TZAM MU STEGS KYI, ,DE YANG MTSAN NYID MA BSTAN CING,
,RANG GI SBYOR BA DANG YANG 'GAL, ,'DOD DON SGRUB

PAR BYED PA MIN, ,GANG ZHIG RTOG GE'I LAM NAS CHOS NYID LA KHRID
NA, ,THUB PA'I BSTAN LAS CHER BSRINGS NYAMS PAR BYAS MA YIN, ,DE
LTA'ANG DE BZHIN GSHEGS PA'I CHOS RNAMS KYI MTSAN NYID, ,GAL TE
GZHAN DU 'GRO NA DPYAD PAR BYA BA'I RIGS, ,

TSAD MA'I PHUNG PO SKYON DANG YON TAN RGYAS PA RU, ,RAB GSAL
BYAS LA 'DI RU DGE BA CI BSAGS DES, ,SKYE BA SKYE BAR YON TAN YOD
MIN SHES PA YI, ,GRUB MTHA' ZHI ZHING 'GRO LA RNAM THAR STER BAR
SHOG ,TSAD MA KUN LAS BTUS PA LAS LTAG CHOD BRTAG

PA'I LE'U STE DRUG PA'O,, ,,TSAD MA KUN LAS BTUS PA ZHES BYA BA'I RAB
TU BYED PA SLOB DPON PHYOGS KYI GLANG POS MDZAD PA RDZOGS SO,,
,,RGYA GAR GYI MKHAN PO SU DHA NA RAKshI TA DANG, ,BOD KYI LO
TZTSA BA DGE BSNYEN SENG... RGYAL

GYIS BSGYUR CING ZHUS PA'O,, ,,'JAM PA'I MGON PO'I BKAS BSKUL PHYOGS
KYI GLANG PO'I BSTAN BCOS RGYA MTSO LTAR ZAB 'DI, ,RIGS LDAN RGYAL
PO'I BKAS BSKUL NOR BZANGS SRUNG MDZAD CES BYE SDE BDUN BSHAD
MKHAN DANG, ,GZUS

CHUNG STON PA'I BKAS BSKUL DGE BSNYEN SENG RGYAL ZHES BYA ZHA
MA LO TZCHAS BSGYUR, ,DGE GANG BSOD NAMS BKAS BSKUL 'GRO KUN
RIGS LAM LA GNAS BYANG CHUB MYUR THOB SHOG, ,,