#, ,RGYA GAR SKAD DU, TRI K'A LA PA R'I KshA N'A MA, BOD SKAD DU, DUS GSUM BRTAG PA ZHES BYA BA, DANG POR YOD DANG DE LAS YOD, ,DE NAS MED DANG RIM 'GAL TE, ,DUS GSUM DE NI DE LTAR DMIGS, ,DE NI DE LTAR RANG BZHIN MIN, ,JI LTAR DBANG PO BSLAD TZAM LAS, ,SGRO 'DOGS PA NI SKYE BA LTAR, ,DE BZHIN BSTAN PAS SKYE BA'I BLO, ,RKYEN DAG GIS NI DON RNAMS LA, ,THAMS CAD MIN PA'I YUL SNANG BA, ,RKYEN DANG SGRA LA BRTEN NAS NI, ,DON NI SPYI YI NGO BO DANG, ,RANG GI NGO BOS RTOGS PAR BYED, ,NGO BO LDOG PA THA DAD DAG ,'JIG RTEN LAM LA GNAS NAS NI, ,SHES PA'I DBANG DANG MNGON BRJOD PA, ,BYIS DANG MKHAS PA 'DRA BA YIN, ,DON GYI NGO BOS KUN MA DAG ,SHES PA'I RANG BZHIN MED BRTEN PA, ,DE NI SHIN TU DAG PA GZHAN, ,GCIG BRJOD RANG BZHIN MED PA'O, ,NYE BAR BSLAD PHYIR SHES PA NI, ,PHYI ROL RNAM PAR SNANG BA YIN, ,CHU RNYOG BZHIN DU DE DE YIN, ,TSOGS PA 'DRA BA THA DAD SKYES, ,JI LTAR DON GYI 'BRAS BYIN ZHES, ,DAG PA MIN PAR RNAM PAR GNAS, ,DE LTAR DON LA DER RTEN CAN, ,RANG GI NGO BOS BAR DU CHOD, ,'DI LTAR DON DANG SGRA DANG NI, ,SHES PA LAS NI PHYIN CI LOG ,DNGOS DANG DNGOS MED MA PHYE BAS, ,THA SNYAD LA NI 'JUG PA STE, ,JI LTAR DNGOS PO NYER BSTEN NAS, ,DE NI DNGOS MED RJES SU RTOGS, ,DE LTAR DNGOS MED NYER BSTAN NAS, ,DE NI DNGOS PO RJES SU RTOGS, ,DNGOS LAS DNGOS PO SKYE MIN NA, ,DNGOS PO RJES SU SNANG BYED MIN, ,GCIG LAS BDAG NYID GZHAN MIN LA, ,DNGOS DANG DNGOS MED RNAM PAR BRTAGS, ,DNGOS MED RJES SU SNANG MED PHYIR, ,RAB TU SGRUB BYED RGYU MA YIN, ,SNANG LDAN LA YANG DNGOS PO YI, ,RGYUS NI CI ZHIG BYED PAR @088A *, ,'GYUR; ,DE PHYIR THAMS CAD DNGOS MED DAM, ,YANG NA THAMS CAD DNGOS POR 'DOD, ,GNAS SKABS GZHAN DU CUD ZAD KYANG, ,GCIG LAS BDEN PAR GNAS MA YIN, ,GNYIS MED NYID KYANG THAMS CAD 'DIR, ,RANG GI NGO BOS MTSAN NYID GCIG , KUN TU BRTAGS KYI THA SNYAD KYIS, ,RNAM PA SNA TSOGS NYID DU DMIGS, ,GNAS SKABS BZHI YANG JI LTAR NI, ,RANG BZHIN MED LA RAB TU BRTAGS, ,DE LTAR GSUM DMIGS PA YANG DE, ,DNGOS DANG DNGOS MED LA BRTEN YIN, ,MI 'GAL BA DANG 'GAL BA'AM, ,YOD DANG MED BA'ANG DE NYID MIN, ,RIM DANG RIM PA MED PA YANG, ,DNGOS DANG DNGOS MED LA DMIGS MIN, ,MI 'GAL BA DANG 'GAL BA DANG, ,YOD DANG MED PA'ANG DE NYID MIN, ,RIM DANG RIM PA MED PA YANG, ,DES NI DNGOS PO MI DMIGS SO, ,DNGOS PO MED PAS DUS GSUM LA, ,THA DAD SRID PA MA YIN NO, ,DE LTA BAS NA DNGOS PO YANG, ,DUS GSUM DU NI RIGS MA YIN, ,BDAG GI DE NYID DOR NAS NI, ,GZHAN LAS RIGS PA MA YIN NO, ,BDAG GI DE NYID GZHAN LAS DANG, ,RANG LAS KYANG NI MI RIGS SO, ,'GAL BA SNA TSOGS KYANG DE NI, ,PHAN PA 'GA' YANG YOD MA YIN, , DE NYID GZHAN NYID YONGS BOR BA'I, ,THA SNYAD LA NI 'JUG PA MED, ,DNGOS MED DNGOS POR YOD MIN TE, ,DNGOS PO BDAG NYID NYAMS PHYIR RO, ,PHRA MO'I YOD NYID GANG LA NI, ,NAG MOS GNOD DE TSE DNGOS PO YANG, ,YANG NI DPYAD PA 'DIR 'GYUR TE, ,DNGOS BRTAG BYA MIN, ,DNGOS MED GAL TE DNGOS YIN NA, ,DE LA DPYAD PA 'DIR 'GYUR TE, ,DE YANG DE TSE DNGOS PO YANG, ,YANG NI DPYAD PA 'DIR 'GYUR TE, ,DNGOS MED PHYIR NA 'DAS PA NI, ,GANG PHYIR THA SNYAD SPYOD YUL PHYIR, ,DE LA DNGOS DBANG THA DAD NI, ,MA LUS TSIG GIS RIGS PA MIN, ,RTEN MED DON GYIS BRTEN GNAS PA, ,RGYU NI DMIGS PA MA YIN NO, ,GAL TE DNGOS PO MED PA YANG, ,RGYU LAS MTHONG BA YIN ZHE NA, ,DE YI DANG PO'I GNAS SKABS GANG, ,DNGOS PO 'DI YI RTEN YIN YANG, ,DANG PO'I GNAS SKABS DNGOS MED LA, ,DE GNYIS YOD PA MA YIN NO, ,PHYI MA YOD DANG MED CES @088B PA'I; ,TSIG NI BRJOD PA DAG GI RGYU, ,RTEN MED DON GYI GNAS 'DI NAS MA PHYI LA CHAD, ,,'DI YIS TSIG NI RAB TU BRJOD, ,SHIN TU NGO MTSAR CHE BA SKYES, ,GANG PHYIR CHA MED GANG RIM MED, ,DNGOS RNAMS DANG POR GYUR PA YIS, ,BDAG GI DE NYID RAB TU BSTAN, ,RNAM RTOG GIS NI YONGS GZHAG PA'I,, SGO NAS RDZAS RNAMS KUN GYI NI, ,THA SNYAD RNAM PAR BRJOD PA YIN, ,DE PHYIR NUS PAR 'DOD SEMS PA, ,'DI YANG RTAG PAR SMRA BA NA, ,DNGOS NYID RIM PAR SMRAS PA YIN, ,DNGOS LAS RIM PA GZHAN MA YIN, ,JI LTAR DNGOS DANG DNGOS MED PA, ,GZHAN DU CUNG ZAD RTOG MED LTAR, , RIM DANG CIG CAR CUNG ZAD NI, ,DE NYID DU NI THA DAD MED, ,DE PHYIR NUS PA'I RNAM PA'I CHAS, ,RTAG PA YOD PA MED PA BDAG ,DON GCIG RJOD PAR BYED PA'I SGRA, ,RANG BZHIN DU MA RAB TU BSTAN, ,JI LTAR NAM MKHA' RNAM DAG LA, ,RAB RI BA KYIS NI BSLAD PA'I MIG ,SKRA SHAD KYIS NI KUN GANG LTAR, ,SNA TSOGS SU NI MNGON PAR RTOGS, ,DE LTAR 'DIR YANG RNAM SHES NI, ,RNAM PAR MI 'GYUR MA RIG PAS, ,CHU RNYOG BZHIN DU ZHUGS PA NI, ,THA DAD GZUGS SU RNAM PAR 'JUG, ,DUS GSUM BRTAG PA ZHES BYA BA, SLOB DPON CHEN PO PHYOGS KYI GLANG POS MDZAD PA RDZOGS SO,, ,,PAndI TA CHEN PO SH'AN T'A KA RA GU PA TA'I ZHAL SNGA NAS DANG, LO TZ'A BA DGE SLONG TSUL KHRIMS RGYAL MTSAN GYIS BSGYUR BA'O,,