#, ,RGYA'I SKAD DU, GA-YIN MING GZHEE' CING LI'I LUN, BOD SKAD DU, TSAD MA'I BSTAN BCOS RIGS PA LA 'JUG PA ZHES BYA BA, 'JAM PA'I DBYANGS LA PHYAG 'TSAL LO, ,SGRUB NUS PA DANG SUN 'BYIN NUS, ,LTAR SNANG BCAS PAS GZHAN GO BYED, ,MNGON SUM DANG NI RJES SU DPAG ,LTAR SNANG BCAS PAS BDAG RIG BYED, ,'DIR 'DI SKAD CES PA BSTAN BCOS RNAMS KYI DON KUN LAS BTUS PA YIN LA, DE LA RNAM GZHAG LA SOGS PA TSIG RNAMS SGRUB PAR BYED DE, PHYOGS DANG, GTAN TSIGS DANG, DE RNAMS DU MANG DBYE YANG PHYIR RGOL RNAMS 'DRIS PA'I DON MA RTOGS PA'I PHYIR MNGON PAR STON TO, ,'DIR BSGRUB BYA'I MTSAN... @089A *, ,NYID NI SGRUB PA'I CHOS CAN LA CHOS KYI KHYAD PAR SGRUB PAR BYED PA STE, RANG GIS BSGRUB PAR BYA BAR 'DOD PA 'DI LA BUM PA LA SOGS PA'ANG MI BU'O, ,GTAN TSIGS KYI MTSAN NYID NI TSUL GSUM TSANG BA'O, ,TSUL GSUM GANG ZHE NA, PHYOGS KYI CHOS KYI LTOS BZHI LA YOD PA DANG, MTHUN PHYOGS LA YOD PA DANG, MI MTHUN PHYOGS LA MED PA'O, ,MTHUN PHYOGS MI MTHUN PHYOGS GANG ZHE NA, BSGRUB PAR BYA BA'I CHOS KYI SPYIS MTHUN PA NI MTHUN PHYOGS SU BRJOD DO, ,DPER NA MI RTAG PA SGRUB PA LA BUM PA LA SOGS PA'ANG MI RTAG PA YIN PAS MTHUN PHYOGS YIN NO, ,MI MTHUN PHYOGS NI BSGRUB PAR BYA BA'I CHOS KYI SPYIS DON MTHUN PA NI MA YIN NO, ,DPER NA GANG RTAG PA YIN PA DE BYAS PA MA YIN PAS KHYAB NAM MKHA' LA SOGS PA BZHIN NO, ,'DI DAG BYAS PA NYID DAM BRTZAL MA THAG TU BYUNG BA DANG, PHYOGS CHOS YIN LA MTHUN PHYOGS LA YOD PAR NGES PA YIN NO, ,MI MTHUN PHYOGS LA MED PA YIN TE, MI RTAG PA'I GTAN TSIGS YIN NO, ,DPE YANG GNYIS SU YOD DE, DANG PO CHOS MTHUN PA'I DPE DANG, GNYIS PA CHOS MI MTHUN PA'I DPE'O, ,CHOS MTHUN PA'I DPE NI DON GANG YIN PA DE LA GTAN TSIGS SU MTHUN PHYOGS LA YOD PA STE, DPER NA BYAS PA DE MI RTAG PAR MTHONG STE BUM PA LA SOGS PA BZHIN NO, ,CHOS MI MTHUN PA'I DPE NI BSGRUB BYA'I DON MED PA GANG YIN PA DE LA GTAN TSIGS YOD PA NI MA YIN TE ZHES BSTAN PA'O,, DPER NA GANG RTAG PA DE BYAS PA MA YIN PAR MTHONG STE NAM MKHA' LA SOGS PA BZHIN NO, ,'DIR THA SNYAD DU MI RTAG PA'I SGRA NI RTAG PA MA YIN PAR MTSON RUNG YIN PA DANG, BYAS PA'I SGRA NI MA BYAS PA MA YIN PAR MTSON RUNG YIN LA, MED PA ZHES BRJOD PA'I SGRAS YOD PA MA... YIN PAR BSTAN TO, ,'DI SKAD DU DU MAR BRJOD PA DE DAG PHYIR RGOL RNAMS GO BAR STON LA SGRUB PAR BYED PA ZHES BRJOD DO, ,DPER NA SGRA MI RTAG PAR SGRUB PA NI DAM BCA' BA'I TSIG YIN NO, ,BYAS PA'I PHYIR NI GTAN TSIGS YIN NO, ,GANG BYAS PA DE MI RTAG PAR MTHONG STE @089B BUM PA LA SOGS PA BZHIN NO, ,MTHUN PHYOGS SU BRJOD LA YOD PA'I RJES 'GRO YIN NO, ,GANG RTAG PA DE BYAS PA MA YIN PAR MTHONG STE NAM MKHA' BZHIN NO, ,LDOG PAR BRJOD LA YA GYAL GSUM PO NI ZHES SGRUB PAR BYED PA YANG DAG GO, ,BSGRUB PAR BYA BAR 'DOD KYANG MNGON SUM LA SOGS PA BSAL BA'I PHYIR BSGRUB BYA LTAR SNANG NGO, ,MNGON SUM GYIS BSAL BA DANG, RJES DPAG GIS BSAL BA DANG, YID CHES PAS BSAL BA DANG, GRAGS PAS BSAL BA DANG, RANG TSIG GIS BSAL BA DANG, BSGRUB BYA'I CHOS MA GRUB PA DANG, BSGRUB BYA'I CHOS CAN MA GRUB PA DANG, GNYIS KA MA GRUB PA DANG, PHAN TSUN GRUB PA'O, ,DE LA MNGON SUM GYIS BSAL BA NI, DPER NA SGRA MNYAN BYA MA YIN PAR BRJOD PA LTA BU'O, ,RJES DPAG GIS BSAL BA NI DPER NA BUM PA LA SOGS PA RTAG PAR BRJOD LTA BU'O, , YID CHES PAS BSAL PA NI DPER NA BYE BRAG PA SGRA RTAG PAR BSGRUB PA LTA BU'O, ,GRAGS PAS BSAL BA NI DPER NA RI BONG CAN ZLA BA MA YIN TE YOD PA'I PHYIR ZHES PA'AM, GZHAN YANG MI'I PA GSHAM YIN NO ZHES BRJOD PA LTA BU'O, ,CHOS MA GRUB PA NI DPER CHOS BZHIN ZHES BRJOD PA LTA BU'O, ,RANG TSIG GIS BSAL BA NI DPER NA BDAG GI MA MO 3GSHAM YIN NO ZHES BRJOD PA LTA BU'O, ,CHOS MA GRUB PA NI DPER NA SANGS RGYAS PA RNAM GRANGS CAN PA LA SGRA 'JIG YOD SGRUB PA LTA BU'O, ,CHOS CAN MA GRUB PA NI DPER NA GRANGS CAN PAS SANGS RGYAS PA LA... BDAG NI SEMS PA YIN NO ZHES BRJOD PA LTA BU'O, ,GNYIS KA MA GRUB PA NI DPER NA BYE BRAG PAS SANGS RGYAS PA LAS BDAG NI RGYU RKYEN 'DUS SHING RTEN CING 'BREL PAR SBYOR BA'I BYED PA PO YIN NO ZHES BRJOD PA LTA BU'O, ,PHAN TSUN GRUB PA NI DPER NA SGRA NI MNYAM BYA YIN NO ZHES BRJOD PA LTA BU'O, ,'DI SKAD DU DU MAR BRJOD PA DAG NGO BO GSAL BA'I PHYIR DANG, BSGRUB MI DGOS PA'I PHYIR DANG, BSGRUB PAR NUS KYANG 'BRAS BU MED PA'I PHYIR BSGRUB BYA'I SKYON YIN PAS LTAR SNANG NGO, ,BSGRUB BYA LTAR SNANG BSTAN ZIN TO, ,DA NI GTAN TSIGS LTAR SNANG BSHAD PAR BYA'O,, @090A *, ,MA GRUB PA DANG, MA NGES PA DANG, 'GAL BA 'DI RNAMS GTAN TSIGS LTAR SNANG NGO, ,MA GRUB PA'ANG BZHI YOD DE, GNYIS KA LA MA GRUB PA DANG, GANG RUNG GCIG LA MA GRUB PA DANG, THE TSOM ZA NAS MA GRUB PA DANG, ,GZHI MA GRUB PA'O, ,GNYIS KA LA MA... GRUB PA NI DPER NA SGA MI RTAG PAR SGRUB PA LA MING GI GZUNG BYA NYID YIN PA'I PHYIR ZHES BKOD PA LTA BU'O, ,GANG RUNG GCIG LAM GRUB PA NI SGRA MNGON PAR GSAL BAR 'DOD PA'I BSTAN BCOS LA LTOS NAS BYAS PA'I PHYIR ZHES BRJOD PA LTA BU'O, ,THE TSOM ZA NAS MA GRUB PA NI THE TSOM ZA PA'I RLANGS PA LA SOGS PA SKYA BO'I RDZAS KYI RTAGS MTHONG BA'I TSE 'BYUNG BA CHEN PO 'DUS PA'I ME YOD CES SGRUB PA LTA BU'O, ,GZHI MA GRU BA PA NI NAM MKHA' DNGOS POR YOD DE YON TAN RTEN PA'I PHYIR ZHES BRJOD NA, ,NAM MKHA' MED PAR 'DOD PA'I BSTAN BCOS LA LTOS NAS GZHI MA GRUB PA'O, ,MA NGES PA LA DRUG YOD DE, THUN MONG BA DANG, THUN MONG MA YIN PA DANG, MTHUN PHYOGS KYI PHYOGS GCIG LA 'JUG LA MI MTHUN PHYOGS LA KHYAB PAR 'JUG PA DANG, MI MTHUN PHYOGS KYI PHYOGS GCIG LA 'JUG LA MTHUN PHYOGS LA KHYAB PAR 'JUG PA DANG, GNYIS KA'I PHYOGS RE LA 'JUG PA DANG, 'GAL BA LA MI 'KHRUL BA'O, ,DA NI THUN MONG BA NI DPER NA SGRA RTAG PA YIN TE GZHAL BYA YIN PA'I PHYIR RTAG MI RTAG GI PHYOGS DAG LA THUN MONG DU 'JUG PA'I PHYIR TE, MA NGES PA'I GTAN TSIGS YIN NO, ,'DI LTAR GZHAL BYA NYID YIN PA'I RTAGS NI BUM PA LA SOGS PA BZHIN NO, ,SGRA MI RTAG PA NYID DAM GZHAL BYA NYID YIN PA'I RTAGS NI NAM MKHA' LA SOGS PA BZHIN SGRA RTAG PA NYID DU DOGS PAS SO, ,THUN MONG MA YIN PAR BRJOD PA NI DPER NA SGRA RTAG STE MNYAN BYA YIN PA'I PHYIR TE ZHES BRJOD PA'I TSE RTAG MI RTAG PHYOGS DAG LA RTAG MI RTAG LAS GZHAN YOD PA MA YIN PA'I PHYIR GTAN TSIGS 'DIS THE TSOM ZA BAR 'GYUR RO, ,MTHUN PHYOGS KYI PHYOGS GCIG LA 'JUG LA MI MTHUN PHYOGS LA KHYAB PAR 'JUG PA NI DPER NA SGRA BTZAL MA THAG TU BYUNG BA NA MI YIN TE MI RTAG PA NYID YIN PA'I PHYIR TE, 'DIR BSGRUB BYA'I CHOS BRTZAL MA THAG TU 'BYUNG BA NI MA YIN TE, 'DI MTHUN PHYOGS GLOG DANG, NAM MKHA' LA SOGS PA YIN TE, MI RTAG PA DE NYID NI GLOG LA SOGS PA LA YOD LA RNAM MKHA' LA SOGS PA LA MED DO, ,BRTZAL MA THUG TU 'BYUNG BA MA... YIN PA BSGRUB BYA'I CHOS DE NI MI MTHUN PHYOGS BUM PA LA SOGS PA LA GTAN TSIGS KHYAB PAR YOD LA GLOG DANG BUM PA LA SOGS PA MTHUN CHOS BYAS NA NGES PA STE, MI RTAG PA NYID NI BUM PA LA SOGS PA BZHIN BRTZAL MA THAG TU 'BYUNG BA NYID DAM, MI RTAG PA NI GLOG LA... SOGS PA BZHIN BRTZAL MA THAG TU 'BYUNG BA MA YIN PA NYID DU DOGS PAS SO, ,MI MTHUN PHYOGS KYI PHYOGS GCIG LA 'JUG MA MTHUN PHYOGS LA KHYAB PAR 'JUG PA NI DPER NA SGRA BRTZAL MA THAG TU BYUNG BAR BSGRUB PA LA MI RTAG PA'I PHYIR TE BRJOD PA'I TSE BSGRUB BYA'I CHOS... BRTZAL MA THAG TU 'BYUNG BA 'DI MTHUN PHYOGS BUM PA LA SOGS PA LA MI RTAG PA NYID KHYAB PAR YOD LA GLOG DANG NAM MKAH' LA SOGS PA NI MI MTHUN PHYOGS YIN TE, PHYOGS GCIG GLOG LA SOGS PA LA YOD LA NAM MKHA' LA SOGS PA PHYOGS GCIG LA MED PAS DE YANG SNGAR... BZHIN MA NGES PA YIN NO, ,GNYIS KA'I PHYOGS RE LA 'JUG PA NI DPER NA SGRA RTAG STE THOGS PA MED PA'I PHYIR TE, 'DIR RTAG PAR SGRUB PA NA MTHUN PHYOGS NAM MKHA' DANG RDUL PHRAN LA SOGS PA YIN TE, GTAN TSIGS THOGS PA MED PA DE NAM MKHA' SOGS PA LA 'JUG LA RDUL PHRAN LA MI 'JUG GO, ,MI MTHUN PHYOGS BUM PA DANG BDE BA LA SOGS PA YIN TE, BDE BA LA SOGS PA LA YOD LA BUM PA LA SOGS PA LA YOD PA NI MA YIN NO, DE'I PHYIR BDE BA DANG NAM MKHA' LA DPE MTHUN PAR BYAS PA DE 'ANG MA NGES PA YIN NO, ,'GAL BA LA MI 'KHRUL BA NI DPER NA SGRA NI MI RTAG PA YIN TE BSGRUB BYA NI BYAS PA'I PHYIR TE DPER NA BUM PA LA SOGS PA BZHIN, SGRA SGRUB PA DE RTAG STE MNYAN BYA YIN PA'I PHYIR TE SGRA NYID BZHIN NO, ,DE GNYIS KA LA THE TSOM ZA BA YIN PA'I PHYIR MA NGES PA YIN NO, ,'GAL BA LA BZHI STE, CHOS KYI NGO BO DANG, @091A *, ,'GAL BA'I GTAN TSIGS DANG, CHOS KYI KHYAD PAR DANG 'GAL BA'I GTAN TSIGS DANG, CHOS CAN RANG LDOG DANG 'GAL BA'I GTAN TSIGS DANG, CHOS CAN GYI 'KHRUL PA DANG 'GAL BA'I GTAN TSIGS SO, ,'DIR CHOS KYI NGO BO DANG 'GAL BA'I GTAN TSIGS NI DPER NA SGRA NI RTAG PA YIN TE BYAS PA'I PHYIR DANG, YANG NA BRTZAL MA THAG TU 'BYUNG BA'I PHYIR ZHES BRJOD NA GTAN TSIGS 'DI MI MTHUN PHYOGS LA YOD PA'I PHYIR 'GAL BA YIN NO, ,CHOS KYI KHYAD PAR DANG 'GAL BA'I GTAN TSIGS NI DPER NA MIG LA SOGS PA GZHAN GYI DON BYED PA YIN TE, 'DUS SHING BSAGS PA'I PHYIR TE MAL TSA LA SOGS PA BZHIN ZHES BRJOD NA, GTAN TSIGS 'DIS MIG LA SOGS PA GZHAN GYI DON BYED PAR SGRUB PA'AM, GZHAN DU NA BSGRUB PAR BYA BA'I CHOS KYI KHYAD PAR DANG 'GAL BA SGRUB PAR BYED PAR 'GYUR TE, MAL CHA LA SOGS PA YANG 'DUS SHING BSAGS PA YIN TE GZHAN GYI LONGS SPYOD PA'I PHYIR RO, ,CHOS CAN GYI NGO BO DANG 'GAL BA'I GTAN TSIGS NI DPER NA YOD PA NYID NI RDZAS DANG YON TAN LAS MA YIN TE, RDZAS GCIG YOD PA'I PHYIR DANG, YON TAN DANG LAS YOD PA'I PHYIR BYE BRAG BZHIN ZHES BRJOD NA, GTAN TSIGS 'DI RDZAS MA YIN PA SGRUB PAR BYED PA'AM, GZHAN DU NA YOD PA MA YIN PA SGRUB PAR BYED PAR 'GYUR TE, DE GNYIS KA NGES PA'I PHYIR RO, ,CHOS CAN GYI KHYAD PAR DANG 'GAL BA'I GTAN TSIGS NI DPER NA SNGAR GYI GTAN TSIGS DE NYID BSGRUB BYA'I CHOS CAN KHYAD PAR YOD PA NYID SGRUB PAR BYED PA DANG, GZHAN DU NA 'DI DANG 'GAL BA'I SGRUB PAR BYED PA YOD PA NYID MA YIN PAR SGRUB PAR BYED PAR 'GYUR TE, RDZAS LA SOGS PA 'GOG BZHIN DU GNYIS KA NGES PA'I PHYIR RO, ,GTAN TSIGS LTAR SNANG BSHAD ZIN TO, ,DA NI DPE LTAR SNANG BRJOD PAR BYA STE, CHOS MTHUN PA'I DPE LTAR SNANG LA 'ANG YOD DE, SGRUB BYED CHOS MA GRUB PA DANG, BSGRUB BYA CHOS MA GRUB PA DANG, GNYIS KA MA GRUB PA DANG, MA SBYAR BA DANG, PHYIN CI LOG TU SBYOR BA'O, ,CHOS MI @091B MTHUN PA'I DPE LTAR SNANG LA YANG LNGA YOD DE, BSGRUB PAR BYA BA LDOG PA MED PA DANG, SGRUB PAR BYED PA LDOG PA MED PA DANG, GNYIS KA LDOG PA MED PA DANG, LDOG PA MA BSTAN PA DANG, LDOG PA PHYIN CI LOG TU SBYAR BA'O, ,SGRUB BYED CHOS MA GRUB PA NI DPER NA SGRA RTAG STE THOGS PA MED PA'I PHYIR, GANG THOGS PA MED PA STE RTAG PAR MTHONG STE, RDUL PHRA RAB BZHIN ZHES BRJOD NA, CI'I PHYIR RDUL PHRA RAB LA BSGRUB PAR BYA BA RTAG PA NYID YIN LA SGRUB BYED KYI CHOS THOGS PA MED PA MA GRUB PA STE, RDUL PHRA RAB RNAMS THOGS PA NYID YIN PA'I PHYIR RO; ,BSGRUB BYA'I CHOS MA GRUB PA NI DPER NA TSOR BA BZHIN ZHES BRJOD NA, SGRUB PAR BYED PA'I CHOS THOGS PA MED PA YOD KYANG BSGRUB BYA'I CHOS RTAG PA NYID MED DE, TSOR BA THAMS CAD MI RTAG PA NYID KYI PHYIR RO, ,GNYIS KA MA GRUB PA NI DE LA 'ANG GNYIS YOD DE, YOD PA DANG, MED PA'O, ,GAL TE BUM PA BZHIN ZHES BRJOD NA, YOD PA LA GNYIS KA MA GRUB PA'O, ,GAL TE NAM MKHA' BZHIN ZHES BRJOD NA, NAM MKHA' MED PAR 'DOD PA'I BSTAN BCOS LA LTOS NAS MED PA LA GNYIS KA MA GRUB PA'O, ,MA SBYAR BA NI DON DE LA DPE SBYOR BA GTAN MED PAS BUM PA LA SOGS PA LA SGRUB BYED DANG BSGRUB BYA'I CHOS GNYIS 'BA' ZHIG KHO NA STON PA STE DPER NA BUM PA LA BYAS PA NYID DANG MI RTAG PA NYID BRJOD PA LTA BU'O, ,PHYIN CI LOG TU SBYAR BA NI GANG BYAS PA THAMS CAD MI RTAG PA NYID YIN TE ZHES BRJOD PAR BYA BA LAS MI RTAG PA THAMS CAD BYAS PA YIN ZHES BRJOD PA'O, ,DE RNAMS NI MTHUN DPE LTAR SNANG NGO, ,CHOS MI MTHUN PA'I DPE LTAR SNANG NI BSGRUB PAR BYA BA'I CHOS LDOG PA MED PA YIN TE, RE ZHIG DPER NA MI RTAG PA RNAMS NI THOGS BCAS MTHONG BA MIN TE RDUL PHRA RAB BZHIN NO, ,RDUL PHRA RAB NI BSGRUB BYA'I CHOS RTAG PA NYID MI LDOG PA YIN TE, DE MA YIN PA'I RDUL PHRA RAB RTAG PA NYID YIN PA'I PHYIR, SGRUB BYED DE'I CHOS NI THOGS PA MED DO, ,DPER NA GZHAN GYI LAS BZHIN ZHES BSGRUB BYA LDOG PA LA SGRUB BYED MI LDOG PA @092A *, ,STE; PHA ROL KYI LAS RNAMS NI THOGS PA MED PA'I PHYIR RO, ,GNYIS KA LDOG PA MED PA NI YOD PA'I BSTAN BCOS LA LTOS NAS NAM MKHA' BZHIN ZHES BRJOD NA, NAM MKHA' NI RTAG PA NYID DANG, THOGS PA MED PA NYID MI LDOG PA STE ZHES NAM MKHA' RTAG PA NYID YIN PA'I PHYIR TE, THOGS PA MED PA'I PHYIR RO, ,LDOG PA BSTAN PA NI DPER NA BUM PA BZHIN ZHES BRJOD NA, MI RTAG PA MTHONG BA NYID DANG, THOGS BCAS SU MTHONG BA'I PHYIR RO, ,LDOG PA PHYIN CI LOG TU SBYAR BA NI THOGS BCAS THAMS CAD MI RTAG... PA YIN NO ZHES BRJOD PA LTA BU'O, ,DE LTAR BSGRUB BYA DANG, GTAN TSIGS DANG DPER BRJOD PA RNAMS NI LTAR SNANG BA YIN TE, SGRUB BYED YANG DAG PA NI MA YIN NO, ,DES NA RANG GIS MNGON PAR RIG PAR BYA STE, MNGON SUM DANG, RJES SU DPAG PA'I TSAD MA GNYIS KHO NAR RIG PAR BYA'O, ,'DIR MNGON SUM TSAD MA NI RTOG PA DANG BRAL ZHING MA 'KHRUL BA STE, GZUGS LA SOGS PA'I DON LA THA SNYAD LA SOGS PA'I RTOG PA DANG BRAL BA SO SOR MNGON GYUR MTHONG BAS MNGON SUM TSAD MAR BRJOD DO, ,RJES SU DPAG PA'I TSAD MA NI RTAGS RNAMS LA LTOS NAS DON MTHONG BA YIN TE, GTAN TSIGS NI TSUL GSUM PA'I SNGAR BSTAN ZIN TO, ,DE DAG RTAGS LA BRTEN NAS DON RNAMS DPOG PA YIN LA, YANG DAG PA'I NGES PA'I SHES PA DANG LDAN PA DANG, ME YOD SHES PA'AM MI RTAG PAR SHES PA LA SOGS PA STE RJES SU DPAG PA'I TSAD MAR BRJOD DO, ,TSAD MA GNYIS PO DE LA YANG DAG PA'I SHES PA TSAD MA'I 'BRAS BU YIN TE, RANG GI MTSAN NYID RTOGS PA'I PHYIR RO, ,DON BYED NUS PA'I DNGOS SU GZHAL BA'I PHYIR TE TSAD MA'ANG YIN NO, ,RTOG PAR SHES PA'ANG MNGON SUM LTAR SNANG NGO, ,SHES PA RNAMS KYI BUM PA LA SOGS PA RTOG PA SKYES PA DE MNGON SUM LTAR SNANG YIN TE, SHES PA DE LA DON RANG GI MTSAN NYID MI SNANG BA'I PHYIR RO, ,GAL TE GTAN TSIGS LTAR SNANG SNGON DU SONG BA LA SOGS PA DE'I RJES SU DON LTA BUR SNANG BA'I SHES PA SKYES PA DE RJES DPAG TSAD MA'I @092B LTAR SNANG STE, SNGAR BSHAD PA BZHIN DU GTAN TSIGS LTAR SNANG DU MA RTAGS SU BZUNG NAS DON LTA BUR SNANG BA DPAG PA LAS SKYES PA'I SHES PA DE RNAMS RJES DPAG TSAD MA'I LTAR SNANG STE, YANG DAG PAR RTOGS PA'I PHYIR RO, ,DE NAS GAL TE SGRUB PAR BYED PA PO'I SKYON RNAMS YANG DAG RJOD PAR BYED PA NI SUN 'BYIN YANG DAG PA'O, ,SGRUB PAR BYED PA'I YAN LAG MA TSANG BA NYID DANG, BSGRUB BYA'I SKYON NYID DANG, MA GRUB PA'I GTAN TSIGS DANG, MA NGES PA'I GTAN TSIGS DANG, 'GAL BA'I GTAN TSIGS DANG, DPE RNAMS KYI GTAN TSIGS GSAL BAR BSTAN TE, PHYIR RGOL GYI 'DRI BA RNAMS LA LEGS PAR KHONG DU CHUD PAR BYED PAS SUN 'BYIN YANG DAG GO, ,GAL TE SGRUB BYED KYI SKYON RNAMS GSAL BAR MI BRJOD PA'AM, SKYON MA YIN PA NI SUN 'BYIN LTAR SNANG STE, SGRUB BYED YAN LAG TSANG BA LA MA TSANG BAR BRJOD PA NYID DANG, BSGRUB BYA SKYON MED PA LA SKYON CAN YIN PAR BRJOD PA DANG, GTAN TSIGS SGRUB PA LA DPE GRUB PA NI MA YIN PAR BRJOD PA DANG, GTAN TSIGS NGES PA LA NGES PAR BRJOD PA DANG, GTAN TSIGS MA 'GAL BA LA 'GAL BAR BRJOD PA DANG, DPE SKYON CAN MA YIN PA LA DPE SKYON CAN YIN PAR BRJOD PA DANG, 'DI LTAR THAMS CAD SUN 'BYIN LTAR SNANG NGO, ,DE DAG GZHAN GYI GRUB MTHA' LA SKYON RNAMS GSAL BAR BSTAN MI NUS PA'I PHYIR SKYON MA YIN PAR BRJOD PA NYID DO, ,DON 'DI RE ZHIG GZHAG GO, ,TSIG DON CUNG ZAD BSHAD PA 'DI, ,THOG MAR SGRUB PA'I PHYOGS TZAM YIN, ,DE DAG TSUL DANG TSUL MIN YANG, , MCHOG GI GZHAN DU SHES PAR BYA, ,TSAD MA'I BSTAN BCOS RIG PA LA 'JUG PA ZHES BYA BA SLOB DPON CHEN PO PHYOGS KYI GLANG POS MDZAD PA RDZOGS SO,, ,,RGYA GAR LAS RGYA'I LO TZ'A BA THANG SAm TZANG GIS BSGYUR CING SLAD KYIS RGYA'I DGE BSHES SING GYANG JUS DANG, BOD KYI DGE BA'I BSHES GNYEN STON GZHON GYIS BOD SKAD DU BSGYUR ZHING, PHYIS GZHI THAMS CAD YOD PAR SMRA BA'I SDE PA LAS RAB TU BYUNG BA RGYA NAG CHEN PO'I LTA'I BTZUN PA CHOS KYI RIN CHEN GYIS, DPAL LDAN SA SKYA'I GTZUG LAG KHANG DU RGYA'I DPE DANG BOD KYI DPE GNYIS PO LEGS PAR GTUGS SHING BCOS TE DAG PAR BSGYUR BA'O,, ,, @093A *, ,RGYA'I DPE LA RIGS PA LA 'JUG PA ZHES SNANG, DENG SANG BOD RNAMS RIGS PA'I SGO ZHES GRAGS SO,,